# unfoldingWord Open Bible Stories — عربی-خوزستان (Khuzestani Arabic)

- Language code: `ar-xzn`
- Canonical page: https://openbiblestories.org/l/ar-xzn/
- Stories in this file: 50 of 50
- Published by: fa_gl
- Last release: 2023-10-15
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the عربی-خوزستان translation; it is not a translation of the whole Bible.

## 1. ۱- إلخِلْقِة

https://openbiblestories.org/l/ar-xzn/story-1/

![](https://cdn.door43.org/obs/jpg/360px/obs-en-01-01.jpg)

بِالْبِدايِة، اللّٰه خَلَقْ کِلْ شیْ اِبْهَلْشِکِلْ: هُوَ خِلِقْ الْدِنْیِهْ اُو كِلِّ إلْمَخْلوقاتْ اِبْسِتْ أَيّام. مِنْ بَعَدْ خِلْقَةِ الْأَرْضْ، چهِ الله ما چان مِنْطي شِكِل للأشيا، كِل بكان چان ظَلْمَه و خالي، بس روح الله چان يِرَفْرُف علي الماي.

![](https://cdn.door43.org/obs/jpg/360px/obs-en-01-02.jpg)

بعدين الله گالْ: «إيصِير ضُوّاْ» وَ صَارْ ضُوّاْ. الله شَاف الْضُوّاْ زِينْ اُو سَمَّا "نَهار" الله فُصَلِ الظلام مِنَ الْضُوّا اُو سَمَّا "لِیَلْ" الله خَلَقْ إلضُوّاْ اِبيُومِ الْأَوَّل.

![](https://cdn.door43.org/obs/jpg/360px/obs-en-01-03.jpg)

اِبْیَوْمِ الْثانیْ مِنَ الْخِلْقِهْ، اللّٰه گالْ: «إیصیرْ غُطأ عَلَیٰ الْمَاي» اُو هِچْ صارْ. الله سَمِّأ ذَاكِ الغُطَا سِمَا.

![](https://cdn.door43.org/obs/jpg/360px/obs-en-01-04.jpg)

اِبْیَوْمِ الْثالِثْ اللّٰه گالْ: «اِلْمایِ الْحَدْرِ السِمَا یِنْجِمِعْ اِبْفِرِدْ بِچانْ حَتِیْ تِظْهَرْ گاع الْيابْسِه.» وَ سَمِّأ الگاع الْيابْسه « أَرِضْ » و الْمایْ «بَحَرْ» اللّٰه شَاف شِيء إللي خِلِقِه زِينْ.

![](https://cdn.door43.org/obs/jpg/360px/obs-en-01-05.jpg)

بَعْدِيِّنْ الله گَال: «ايِخَضَركل نوع شِجَر و خَضَار علي الگاع» اُو هِچْ صَارْ. الله شَاف شِيء إللي خِلِقِه زِينْ.

![](https://cdn.door43.org/obs/jpg/360px/obs-en-01-06.jpg)

اِبْیَوْمِ الْرابِعْ مِنَ الْخِلْقَهْ،، اللّٰه گالْ: « یِظْهَرْ الْضُوّا بِلْسِّمِهْ .» و اِبْهَلْشِکِلْ اللّٰه خَلَقِ الْشَمِسْ، اِلْگُمٰرْ و اِلْنیومْ حَتِی الگاع تِضْوَ. اِلْهَایِهِ إنْفِصَل اليل من النهار،ونْفِصْلَن الفصول من السنين. الله شاف شِيء اِلْلی خَلَقَه زِينْ.

![](https://cdn.door43.org/obs/jpg/360px/obs-en-01-07.jpg)

اِبْیَوْمِ الْخامِسْ، اللّٰه گالْ: البحَر ينْتِرِس من السمَچ و الطيور اتطير بِسِما. هِچْ هوِ خَلَقْ إلسِمِچوِ الْطِیورْ . الله شاف شِيء اللي خَلَقَه زِينْ و بَارَكْه.

![](https://cdn.door43.org/obs/jpg/360px/obs-en-01-08.jpg)

اِبْیَوْمِ إلْساتْ مِنَ الْخِلْقِهْ، اللّٰهْ گالْ: «تِنْتِرِس الگاع من كل نوع حيوان وَ شِيء إللي الله گَالْ، صَارْ. چَانَنْ الْحِیْواناتْ، إلْوُحوشْ، زَواحِفْ وُ الْحَشَراتْ. الله شَافْ شِيء إللي خِلِقِه زِينْ و فَرَحْ.

![](https://cdn.door43.org/obs/jpg/360px/obs-en-01-09.jpg)

بَعْدِيِّنْ الله گَال: «نِخْلِقِ الإنسان بشبِهْنَه حَتَّيْ یِحْکُمْ عَلَیٰ الْأَرُضْ وِ الْحِیْواناتْ.»

![](https://cdn.door43.org/obs/jpg/360px/obs-en-01-10.jpg)

بَعْديّن الله خَذِهْ إشوي من التراب وسوا بشكل إنسان و نُفَخ من روحِ الْحَیاةْ بی. الله سمّا آدِمْ وَسواله بِسْتانْ چِبیرْ حَتِیْ ایعیشْ بيه ويدير باله عليه.

![](https://cdn.door43.org/obs/jpg/360px/obs-en-01-11.jpg)

الله حَط إبوسطت البستان شجرتين خاصه، وُحْدِهْ مِنْهِنْ شِجْرَةِ إلْحَیاةْ وَ إلْثانیِهْ شِجْرَةِ إلْمَعْرَفَةِ الْخَیرِ وَ الْشَّرْ، الله گَل لِآدِمْ يِگْدَرْ يَاكِلْ مِنْ ثُمَر كِل هاي الشجر، إلَّا ثُمَر شِجْرَةِ الْخِيرْ وُالْشَّرْ. لُو يَاكِل مِنْ ثَمَرْها، رَاحْ إیمُوت.

![](https://cdn.door43.org/obs/jpg/360px/obs-en-01-12.jpg)

بَعْدِيِّنْ الله گال: «مُو زِينْ آدِمْ إیْضِل وَحْدِه.» لَإِنِ الحيوان ما چان يناسب آدم، حَتِّي ايعَاوْنِّه.

![](https://cdn.door43.org/obs/jpg/360px/obs-en-01-13.jpg)

اِلْهایهِ اللّٰه نَوَمْ آدِمْ اِبْنَوْمْ ثِجيلْ. بَعْدِیِّنْ خِذِه وِحْدِه مِنِ إضْلوعا و خِلِقْ مِنْهِهْ المَرَاْ و یابْهِهْ یِمْ آدِمْ.

![](https://cdn.door43.org/obs/jpg/360px/obs-en-01-14.jpg)

مِنْ آدِمْ شافْهِهْ، گالْ: «هَایِه تِشْبِهْني. إسِمِّيهِ المَرَاْ، لِأَنْ مأخُوذِهْ مِن إلْزِلْمِهْ.» إبْخَاطِرْ هاي إلْزِلْمِهْ يِتْرِكْ أُمَا و أُبو وَ ایروح لِمَرْتِهْ و تالي، إثْنِينْهُمْ، إیصیرونْ فرد روح.

![](https://cdn.door43.org/obs/jpg/360px/obs-en-01-15.jpg)

اللّٰه خِلِقْ إلْزِلْمِهْ و الْمَرَاْ اِبْشِباهْتِهْ. هُوَ بارَكْهُمْ او گَال: « خَلفُوا و يِيبُو أوْلادْ و تِرْسُوا الْأَرضْ.» الله شَافْ كِلشي إللي خِلِقِة زِينْ اُو فَرَحْ. کِل هِذِا صَارِ إبیوم إلسَاتْ.

![](https://cdn.door43.org/obs/jpg/360px/obs-en-01-16.jpg)

مِنْ صَارْ يُومِ السابِعْ، أَلله خَلَّصْ الْخِلْقَهْ و بَارَكْ يومِ السابِعْ وَ قَدَّسَه؛ لَأَنْ چان یَوْمْ إلْلي الله إرْتاحَ مِنْ بَعَدِ الْخِلْقِهْ. إبْهَشِكِلْ أَلله خَلَقْ إلعَالَمْ و كِلْ إلْمَخْلوقَاتْ.

*قُصَهْ مَأخوذِهْ مِنْ کِتاب إلْمُقَدِّسْ (کِتابْ إلْتّکْوِینْ فَصل ١وَ۲)*

## 2. ۲- يدخَل الذَنِب بدنيا

https://openbiblestories.org/l/ar-xzn/story-2/

![](https://cdn.door43.org/obs/jpg/360px/obs-en-02-01.jpg)

آدِمْ وَ مَرْتِه چَانواْ إیعیشونْ اِبْراحَه إبِسْتان جِمیلْ إللي الله چانْ اِمْسَویْ إِلْهُمْ. رَغَمْ إللي چانواْ عَرَایِه، ما چانَواْ يِسْتِحُونْ، لِإنِ الْذَنِبْ بَعدِه ما چان دَاشْ بِلْدِنْیِة. هُما اکثر ألأَوْکاتْ چَانواْ یِمَشونْ بِلْبِسْتانْ وَ ایْحاچُونْ ربهم.

![](https://cdn.door43.org/obs/jpg/360px/obs-en-02-02.jpg)

بس چانَتْ فرد حَیِّهْ اِمْحَیِلِهْ اِبْذاکِ الْبِسْتانْ. إلْحَیِّهْ سِئْلَتْ المَرَاْ: «صِدِگْ الله مِنَعْکَمْ تاكْلُونْ مِنْ ثمر الشجر؟»

![](https://cdn.door43.org/obs/jpg/360px/obs-en-02-03.jpg)

اِلْمَراْ جاوُبَتْ: «إحْنِه نِگْدَرْ ناکِلْ مِنْ کِلِ الثمر إلَّا ثمر شِجْرَةِ الْمَعْرِفَةِ إلْخِیْرِ وِ الْشَر. الله گَلالْنِهْ: « لَوْ تاکْلونْ مِن ثمر ذیچِ الْشِجْرَةْ لَوْ حَتِی ، اِتْلِمسونها راحْ إتمُوتونْ.»

![](https://cdn.door43.org/obs/jpg/360px/obs-en-02-04.jpg)

اِلْحَیِه گَلَتْ لِلْمَرا : «هَٰذِه مو صَحْ! اِنْتَمْ ما إتْموتونْ، الله یِدْريْ وَکِتْ اِلْلی إنْتَمْ تَأکْلونْ مِنْ ثمر ذیچِ الْشِجْرا مِثِلْ الله اِتْمِيْزون الْزیَنْ مِن شِیِنْ.»

![](https://cdn.door43.org/obs/jpg/360px/obs-en-02-05.jpg)

وِ الْمَرَاْ شافَتْ ثمر الْشِجْرَة حِلْوَا وِتبيّين لِذیذِةْ. هِیّه چِهِ رادت تفتِهِم کِلْ شیٔ، شِلْعَتْ مِنِ الْشِجْرَةْ وَ کَلَتْ. بَعْدِیِّنْ اِطَتِ لِرِیِّلْهِ وَ هوَ هَمْ کَلِهْ.

![](https://cdn.door43.org/obs/jpg/360px/obs-en-02-06.jpg)

فرد نوب، اِفْتَکَنِ اِعْیُونْهُم وَ اِفْتِهْمَوْ عريانين. آدِمْ وَ مَرتِه سَعَوا إیغَطونْ جِسِمْهُمْ اِبْوَرَگِ الشِجَر.

![](https://cdn.door43.org/obs/jpg/360px/obs-en-02-07.jpg)

بَعدِیِّنْ آدِمْ وَ مَرتِه سِمْعَواْ حِسْ الله إللي چَانْ یِمَشِی بِلْبِسْتانْ. هُمّا ضَمَو إرواحهم مِنَ الرب. الله گالْ: « آدِمْ وِیْنَکْ؟» آدِمْ جاوَبْ: «سِمَعِتْ حِسَکْ بِلْبِسْتانْ بس چهِ چِنِتْ عَریانْ، خِفِتْ وَ ضَمِیْتْ روحي.»

![](https://cdn.door43.org/obs/jpg/360px/obs-en-02-08.jpg)

بَعْدِیِّنْ الله سِئلْ: «یاهُو گَلالَکْ إنْتِ عَریَانْ؟ کِلِیتْ مِنْ ثمرذِیچِ الشِجْرِة إللي مِنَعْتِکْ مِنْهِه؟» آدِمْ جاوَبْ: «هایِ الْمَرا اِلْلی اِطِتْنیاها، هیِ اِطَتْنیْ مِنْ ذاک ثمر.» بَعْدِیِّنْ الله سِئل مِن المَرَاْ: «های شِنْهی مِنِ اِسْوایِه سَوِّتیهِه؟» المَرَاْ گالَتْ: «اِلْحَیِهْ غَشَّتْنیْ.»

![](https://cdn.door43.org/obs/jpg/360px/obs-en-02-09.jpg)

الله گِلْ لِلْحَیِهْ: «إِنْتیْ مَلْعُونِهْ. إتظلين اتسحفين عَلِیْ بَطْنِچْ وَ تَأکْلینْ اِتْرابْ. إنتي وَ المَرَاْ اِتْكُرْهَنْ بَعضْچَنْ وَ اَخَلیْ عِداواْ بیناتْچَن. وَاحِدْ مِن نَسْلِ الْمَرَا، إیدُوسْ راسِچْ و إنتي إتْگُرْسینْ چازِهْ.»

![](https://cdn.door43.org/obs/jpg/360px/obs-en-02-10.jpg)

بَعْدِیِّنْ الله گَلْ لِلْمَرا: «أَزَوِّد وِیِعْ اِطْلُوگِچْ. تِنْتَچْلینْ عَلی زِوْجِیچْ اوهَوْ یِتسَلَطْ عَلِچْ.»

![](https://cdn.door43.org/obs/jpg/360px/obs-en-02-11.jpg)

الله گَلْ لِلْزِلْمِه: «لَإِنْ خِذیتْ حَچي مَرْتِکْ وَما طِعِتني، راحْ إلْعَنْ إلگاعْ وَ إنتِ تِتْعَبْ وایِدْ الخاطرعيشْتَكْ. بِنَهَایِةْ إتمُوتْ وَ تِرْجَعْ لِتَرابْ.» آدِم سَمِّهْ مَرْتِهْ حَوّا و معناتهاالحَیَاة؛ لَإنْ هِیِهْ لَإزِمْ اِتْصیرْ اُمِّ الْبَشَّرْ. الله لَبَسْهُم إهدوم من يلدالحيوان.

![](https://cdn.door43.org/obs/jpg/360px/obs-en-02-12.jpg)

بَعْدِیْنْ اللّٰه گالْ: «هَسِهْ إللي صارِ الْإِنْسانْ مِثِلْنِه و یگِدَرْ ایشَخُصْ اِلْزِیْنْ مِنِ شِيِنْ، لازِمْ مانْخَلیْ یاکِلْ مِنْ ثمر شِجْرَةِ الْحَیاةْ و إیعیش لِلأَبَدْ.» الخاطرهاي اللّٰه طَرَدْهُّم مِنْ ذاکِ الْبِسْتانِ و خَلِّهْ مَلائِکِهْ اتحافظ باب البستان و ايمِنْعونْ آدم و حوا مٍنْ أكِلْ ثمر شِجْرَةِ الْحَياة.

*قُصَة مَأخُوذِه مِن کِتاب المُقِدِّس: (کِتاب التّکْوِین فَصل ۳)*

## 3. ۳- السِيِل

https://openbiblestories.org/l/ar-xzn/story-3/

![](https://cdn.door43.org/obs/jpg/360px/obs-en-03-01.jpg)

مِنْ بَعَد إسْنين، كِثْرَت الوادم علي الأرض وزادت حتي الله صمم يدمر الدنيا بسيل عظيم.

![](https://cdn.door43.org/obs/jpg/360px/obs-en-03-02.jpg)

بِسْ الله چَانْ راضِي مِنْ نوح. هُوَ چَانْ زلمه عَادِل و چان عَايِشْ بِين إلأشرار. الله نِبِّهْ نوح من إلسِيل و گِل لِنوح: سَوّي مَرْكَبْ چيبير.

![](https://cdn.door43.org/obs/jpg/360px/obs-en-03-03.jpg)

الله گِلْ لِنوح إللي إيسِوّي مَرْكَبْ بِه طول ۱۴۰، عَرِضْ ۲۳ و إرتِفاع ۱۳/۵ مِتِر. نوح چَان لازِمْ إيسِوّي المَرْكَبْ ثِلِثْ طَبَقات مِنْ شِجْرَةِ السَروْ. هذا اِلْمَرْكَبْ چان يِلِزْمِه سِگُفْ وغُرَفْ وَ شِباچ. المَركَبْ إنصَنَع خاطر نوح و إهله و الحِیوانات يِنْحَفْظُونْ مِن إلسِيل إلعَظيم.

![](https://cdn.door43.org/obs/jpg/360px/obs-en-03-04.jpg)

نوح طَاعْ الله. هو و ثلث أولاده سووا المركب مثل ما الله أمَرهُم، چهِ المركب وايد چان چبير.طَوَلْ إسنِینْ لمان ما انْصِنِعْ المرکب. نوح نَبَه إلنَاس بان یِجي سِیلْ وَلازِم إيتوُبون. بِس هُما ما أجِّنَو كَلامْ نوح.

![](https://cdn.door43.org/obs/jpg/360px/obs-en-03-05.jpg)

الله أمَر نوح و إهلِه إيْلِمون إکِّلْ کافِي إلْهُمْ وَ للبهايم . وَکتْ إللي کِل شِي جِهَز، الله گِلْ لِنوح وُصَلْ وَکْتهِ حَتی إنتم الثِماِنْیه يعني إنتِ و مَرتَك، ثِلِث أولادك و چِنَاینِکْ اترکبون الْمَركَب.

![](https://cdn.door43.org/obs/jpg/360px/obs-en-03-06.jpg)

الله هدي من كل حيوان و طير، ذِكر و نثيه صوب نوح، خاطر يحُطهن بلمركب بوِکتْ السِیل یِظِلِنْ ابأمان . و الله، وده سِبِعْ یُوزْ من البهايم ذِکَرْ و نِثْیِه إللي چَانِنْ إیْنَاسْبِنْ لِلْضَحِیهِ صوب المرکب، الله سَکْ بَاب المَرکَب وَکتْ إللي کِلْها دِخلَت.

![](https://cdn.door43.org/obs/jpg/360px/obs-en-03-07.jpg)

بَعَدین مُطرت أربَعین يوم بدون وگفه وفرد شكل چان الماي ينبع من الأرض الي حتي الايبال اتغطن.

![](https://cdn.door43.org/obs/jpg/360px/obs-en-03-08.jpg)

کِلْ المَخْلوقاتْ إللي چَانِن إیعیشِنْ عَلی الأرض إنْهِلْکِنْ، إلا إلناس وَ الحِیواناتْ إللی دِشِّو المَركَب و المَركَب سیّس علي الماي و ظَلْ إبْأمان.

![](https://cdn.door43.org/obs/jpg/360px/obs-en-03-09.jpg)

مِنْ بَعدْ مَا بِنِدْ المُطَر، ظل المَركَب خِمِس تِشْر امسیّس علی إلمایْ. إبْهَای المُدّه گام إلمَاي یِنزِلْ و المَركَب وُگُفْ علی فرد یِبِلْ. أمَّانْ الگاع چَانِتْ بَعَدْهِي حَدْرِ المَایْ. مِن بَعَد ثِلِثْ تِشْر بَیْنَنِ الْایْبالْ

![](https://cdn.door43.org/obs/jpg/360px/obs-en-03-10.jpg)

مِنْ بَعَدْ أرْبِعینْ یُومْ، نوح وَدِّ غْراب بَاراْ المَركَب، حتِی ایدَوُرْ و یلگه گاع ناشفه. اِلِغْراب طَارِ بِس مَا لِگِه شي.

![](https://cdn.door43.org/obs/jpg/360px/obs-en-03-11.jpg)

مِنْ بَعَدهِ، نوح وُدِّ حَمامِه و الحَمامِه هِمْ ما لِگِتْ گاع يابسه، او رِدِّت يِمه. نوح مِنْ بَعَدْ إسْبوعْ اردود ودّالحمامه و هاي المره رجعت الحمامه ويايبِه وياها ورگت زيتون! الماي نِزِلْ و الخُضَارْ خَضَّرَ.

![](https://cdn.door43.org/obs/jpg/360px/obs-en-03-12.jpg)

نوح نُطَر بَعَدْ إسبوعْ، وَ وَدِّ الحَمامِه لِمَرَّه الثالْثِه. هِلْمَرَّاْ مَارِجْعَتْ الحَمامِه. المَایْ چَانْ نازِلْ وَ الحَمامِه لِگِتْ الهه بچان علی گاع.

![](https://cdn.door43.org/obs/jpg/360px/obs-en-03-13.jpg)

مَنْ بَعَدْ شَهْرینْ الله گِلْ لِنوح: «إنْتِ و إهْلِك و البهايم طُلْعو بَارَّا المَركَب، خَلفُوا و يِيبُو أوْلادْ و تِرْسُوا الْأَرضْ.» و هِچْ صار نوح او إهْلِه طُلْعوا مِن المَركَب.

![](https://cdn.door43.org/obs/jpg/360px/obs-en-03-14.jpg)

نوح مِن بَعَدْ ما ترک المَرکَب، سوا مَذْبَحْ و ذِبح الذِبايح الي چان يايبهن أویَا. الله فَرَحْ مِن هَٰذِه العَمِلْ وَ بارِکْ إهْلِهْ.

![](https://cdn.door43.org/obs/jpg/360px/obs-en-03-15.jpg)

بَعْدِيِّنْ الله هِچْ وَاعَدْ: «بَعَدْ مَا راحْ إدِمِرْ اُوْ إلعَنْ الأرضْ الخاطر بلاوي الناس بِل سِيلْ ؛ رَغَم إللي گلْبِ الإنسانْ خْاطِي مِنْ زِغْره.»

![](https://cdn.door43.org/obs/jpg/360px/obs-en-03-16.jpg)

بَعْدِيَّنْ الله الخاطر یِثبِت وَعْدِه، ظَهرأوَّلْ قُوس و قَزَحْ بلسمه. كل وكت من چان قوس و قزح يبين بلسما، الله و شعبه، چانو يتذكرون وعد الي بيناتهم.

*قُصَة مَأخُوذِه مِن کِتاب المُقِدِّس: (کِتاب التّکْوِین فَصل ۶ الی ۸)*

## 4. ۴- عَهد الله وَیِّه  إبراهیم

https://openbiblestories.org/l/ar-xzn/story-4/

![](https://cdn.door43.org/obs/jpg/360px/obs-en-04-01.jpg)

اِسْنِينْ مِنْ بَعَدْ طوفانْ نوحْ، إرْدُودْ زادِتْ الْناسْ. هُمّا بعد نوبه چانوا إیذِنبون إبْحَگهُم وَبْحَگْ الله، چِهْ کِلْهُمْ چانوا یِحْچونْ اِبْفَرِدِ إلْسَانْ. الْناسْ بِدالْ مَایْطیعونْ الله وَ یِنْتَشْرونْ و إیزیدون بالأرض، إلتِمَواْ اِبْفَرِدْ بُکان اُو گاموا یِبنولْهُم دیرِه.

![](https://cdn.door43.org/obs/jpg/360px/obs-en-04-02.jpg)

هُمَّا چانَواْ ناسْ مِتْكَبّرين وَ ما چانَواْ یِریدون إیعیشون مثل ما الله امرهم و گاموا یِبنونْ بُنْيان عالي يوصل لِلْسِمِه. الله شافْ لو إیداوْمونِ إبْشِرارَتْهُمْ، راحْ إیذنبون أکثَر.

![](https://cdn.door43.org/obs/jpg/360px/obs-en-04-03.jpg)

الخاطر هاي اللّه غَیَرْ اِلْسانْهُمْ و خلاهم يحچون ابچم السان وَ طَشَّرهُم اِبْکِلِ الْدِنْیِهْ, دیرِت الي گاموْ يبْنًون بيها، سِمَّوها بَابِل إللي مَعْناتِه « إمُشَوَشْ ».

![](https://cdn.door43.org/obs/jpg/360px/obs-en-04-04.jpg)

الله مِنْ بَعَدْ مِیاتْ إسْنِینْ حِچِهْ وَیَّاْ فِرِدْ رَیَّالْ بِسِمْ اِبْرامْ. الله گِلالِهْ: «عوفْ أرضَك و بِیتْ إهلِك و رُوحْ بِچان إلْلي أَنِا اَهْدیکْ. أَنا اَبارْکَکْ و إجْعَل مِنِکْ اُمَّة عَظیمِه. أَنِا أعَظِمْ اِسْمَکْ. وکِل مِن ایبارکک، إبارْکِنِه و کِل مِن إیلِعْنِکْ، ألِعْنَنّه اُو الخاطرك أبارك کِلِ الناسْ.»

![](https://cdn.door43.org/obs/jpg/360px/obs-en-04-05.jpg)

إبْرامْ طاعَ اللًه. خَذَه مَرتِهْ سارایْ و خِدامِهْ و حَلالِه و راح صُوبْ أرض کَنْعَانْ، بكان إلْلي الله چانْ اِمْراوِيْ.

![](https://cdn.door43.org/obs/jpg/360px/obs-en-04-06.jpg)

مِن إبْرامْ دِخِلْ کِنعَان، الله گالْ: «عَاینْ حَوالِکْ. کِلْ هایِ الْأَرُضْ إلْلي إتْشوفْها، أنْطیهِه إلِك و لِاولادِك.» وتالي سِکَنْ إبْرامْ إبْذیچِ الْأَرُضْ.

![](https://cdn.door43.org/obs/jpg/360px/obs-en-04-07.jpg)

إهْناکْ چانْ زِلْمِهْ إِسْمِهْ مَلْکِي صَادِقْ إلْلي چانْ کاهِنْ الرَّبْ. إبْرامْ اتلاگه وياه إبْنَهایَة حَرَبْ مِن حروبِه. مَلْکِي صَادِقْ، بارَکْ إبْرامْ و گالْ: «رَبِ المالِکِ السَماواتِ و اِلأَرضْ، إیبارِکْ إبْرامْ.» بَعْدِینْ إبرامْ إنْطا مَلْکِي صَادِقْ عُشریه مِن غَنایِمْ الحَرُبْ.

![](https://cdn.door43.org/obs/jpg/360px/obs-en-04-08.jpg)

اِتْعَدَتْ إسْنینْ، بس إبْرامْ و سارایْ، ما چان عِدْهُمْ خَلْفا. الله حاچِهْ إبْرامْ، وَ مَرَهْ ثانْیِهْ واعَدَه، إلْلي یِنْطیهُمْ وَلَدْ و ایزَوِّد نسله ابگَد نِیومِ الْسِمهِ. اللّه حِسَب إبْرامْ عادِلْ لَأِنْ هُوَ صَدَگْ وَعْدَ اللّه.

![](https://cdn.door43.org/obs/jpg/360px/obs-en-04-09.jpg)

بَعْدِینْ الله عاهَدْ إبْرامْ، إلْعَهِدْ یعْنی: مُوافِقِه بِیْنِ الْطَرَفینْ إلْلي یِتْعاهِدونْ حَتِیٰ إیْسُوون شِیء بِناتْهُم. أمَّان لِإبرامْ، الله عاهِدا وَکت إللي چان إبْنومْ ثِجیلْ. رَغَمْ نوم ثِجیلْ، إبرامْ چان یِگْدِر یِسمَعْ صُوتْ رَبَّه. الله گال: «أَنِا إنطیکْ وَلَدْ وَ إنطِي أرض إلکَنعَان اِلْخَلُفْتَك.» بس إبرامْ بَعْدِه ما چانْ عِندِه وَلَدْ.

*قُصَةْ مَأخوذِهْ مِنْ کِتابِ الْمُقِدِّسْ:(کتابِ الْتَّکْوِینْ فَصل ۱۱_۱۵ )*

## 5. ۵- إبْنِ إلْوَعَدْ

https://openbiblestories.org/l/ar-xzn/story-5/

![](https://cdn.door43.org/obs/jpg/360px/obs-en-05-01.jpg)

عَشْرِ اِسْنینْ مِنْ بَعَد هِجْرَتْ ابرام و ساراي لِأرض کَنْعَانْ، بعدهم ما چانْ عِدْهُمْ خَلْفَا. بَعْدِین سارایْ مَرَت اِبْرامْ گِلِّتْلِه: «هِسِهْ إللي الله ما فَضّل عليه أَخَلُف و أنا هم شٍيّبِتْ و بَعَدْ ما أگْدِرْ أحْبِلْ، أحسِن إتعَرِسْ وَیِّهْ خَادمْتیْ هاجَرْ، حَتِی إتْییبْلي خَلْفا.»

![](https://cdn.door43.org/obs/jpg/360px/obs-en-05-02.jpg)

هيچي إبْرامْ عَرَسْ وَیِّهْ هاجَرْ.هاجَرْ یابِتْ وِلَدْ وَ إبْرامْ سَمّا إسْماعیلْ. بِسْ سَارا چَانِتْ تِحْسِّدْ هاجَرْ. مِنْ صارْ إسْماعیلْ عُمْراْ ثَلِثْطعَشْ سِنِهْ، بَعَدْ مَرَه الله حِچِهْ ويا إبْراهيمْ.

![](https://cdn.door43.org/obs/jpg/360px/obs-en-05-03.jpg)

الله گالْ: «أنا الْقادِرِ عَلیٰ كِلْشِي و اواعدك، وعد.» بَعدِین اِبْرامْ سِجِدْ وَ الله گِلِه: «أنا أوَرْثِكْ إنْتِ و نَسْلِكْ أرُضْ كَنْعَان و إتْصیرْ اُبو طُوایِفْ چِثیرِه و أنا رَبْكُمْ لِلْأبَدْ و لازِمْ إتْطَهْرونْ أولادْكُمْ.»

![](https://cdn.door43.org/obs/jpg/360px/obs-en-05-04.jpg)

«مَرْتِکْ سارای، إتییبْ وَلِدْ و هو إیصیرْ إبْنِ الْوَعَدْ الي واعدتك بي و سِمِّي إسْحاقْ. أنا اشد وعد ويا ابنك واتصير مِنِّه ذِرِيَّة عَظیمِه و راحْ إيصيرْ مِنْ إسمَاعيلْ هَمْ طايِفِه چِبيرِه. بَسْ وَعْدِي يتحقق اويَا إسْحَاقْ.» مِنْ بَعْدِه، الله غَيَّرْ إسِمْ إبْرامْ لِإبْراهيمْ، و معناته أُبو طُوایِفْ چِثيرِه و غَیَّرْ إسِمْ سارایْ لِسارِه يعني «أمیرة.»

![](https://cdn.door43.org/obs/jpg/360px/obs-en-05-05.jpg)

إبْذِك اليوم إبْراهیمْ طَهَّرْ کِلْ أوْلادْ طایِفْتِهْ. مِنْ بَعَدْ حَوالیْ سِنِهْ، وَكْتْ إللي چانْ إبْرَاهيمْ مِيَّة سِنِه عمره و سَارِه تِسْعين، سَارِه يَابَتْ وَلَدْ. مِثِلْ ما الله چانْ گایل، سِمُّو إسْحَاقْ.

![](https://cdn.door43.org/obs/jpg/360px/obs-en-05-06.jpg)

وَكْتْ إللي إسْحَاقْ صَارْ شَاب، الله إمْتَحَنْ إيمَانْ إبْراهيمْ و گال: «ضَحِيلي إبْنَكْ اِلْوَحيدْ إسْحَاقْ.» إبْراهيمْ بَعَدْ مَرَه طَاعْ رَبَّه وَ حَضَّرْ حاله حَتی إيْضَحِي إبْنِه.

![](https://cdn.door43.org/obs/jpg/360px/obs-en-05-07.jpg)

وَكْتْ إللي إبراهيمْ وَ إسْحَاقْ چَانواْ إیروحونْ صُوبْ إلْمَذْبَحْ، إسْحَاقْ سَئَلْ: «بویِه، الحُطُبْ جاهز؛ بس وين الذبيحه ؟» إبْراهيمْ رِدْ عَلِیه: «یِا إولدي، الله يجهز الذبيحه.»

![](https://cdn.door43.org/obs/jpg/360px/obs-en-05-08.jpg)

مِن وُصْلَو لِلْمَذْبَحْ، إبْرَاهيمْ شِدْ إسْحَاقْ بِلْحَبِلْ و حَطا عَلیٰ الْمَذْبَحْ. لَمٰنْ إبْراهيمْ راد إيضَحِي إبْنِه، الله گالْ: «إصْبُرْ، لاتِضر إبْنَكْ! هِسِّه شِفِت إنْتَ مِنْ کِل گَلْبَكْ إتْخافْ مِنّي، لِأَنْ ماقصرت بإبْنَکِ الْوَحیدْ مني.»

![](https://cdn.door43.org/obs/jpg/360px/obs-en-05-09.jpg)

إبْراهیمْ جِریبْ للمذبح شافْ خُروفْ مگیّر ابعشبه. الله چان إمْحَضُر الْخُروفْ ضَحِيه بِدالْ إسْحاقْ. إبْراهيمْ فَرَحْ و ذبح الْخُروفْ إلويه الله.

![](https://cdn.door43.org/obs/jpg/360px/obs-en-05-10.jpg)

بَعْدِین الله گِلْ لِإبْراهيمْ: «لِأنْ إنْتَ چِنِتْ حاضِرْ تِطینیْ كِلْشِي لعندك حَتِیْ إبْنَکِ إلْوَحیدْ، أنا هِمْ إواعْدَكْ إللي إبارْكِكْ و نَسْلِکْ ايِزود، أکثَرمِن نِیومِ السِمِهْ. لِأَنْ طِعِتْنِي، و کِل الناس البدنيه ، يِتْبارَكونْ مِن طَريقْ أهْلِكْ.»

*قُصَةْ مَأخوذِهْ مِنْ کِتابِ الْمُقِدِّسْ:(کتابِ الْتَّکْوِینْ فَصل ۱۶ إلیٰ ۲۲)*

## 6. ۶- اللّه إیْجَهِزْ لِإسْحَاقْ

https://openbiblestories.org/l/ar-xzn/story-6/

![](https://cdn.door43.org/obs/jpg/360px/obs-en-06-01.jpg)

إبراهِیمْ مِن شِیِبْ و إبنِه، إسْحَاقْ صارْ شَابْ، وَدِّ واحِدْ مِن خِدامِهْ الدیرِتْ أَهْلَه خاطر إییِبْ مَرَا لِإسْحَاقْ.

![](https://cdn.door43.org/obs/jpg/360px/obs-en-06-02.jpg)

الخَادِم مِنْ بَعَدْ سَفْرَهْ طُویلِهْ وصَلْ لِأرض أهالي إبراهیم، الله هِدِهْ الخادِم صوب رِفْقَه إللي چَانِت حَفیدِةْ اُخوْ إبراهیم.

![](https://cdn.door43.org/obs/jpg/360px/obs-en-06-03.jpg)

رِفْقَهْ قِبْلَتْ تِتْرِکْ إهِلْهِهْ وِتْروحْ وَیِّهْ الْخَادِمْ لِبِیِتْ إسْحَاق. وبَعَد ما وُصْلِت رفقه، إسْحَاقْ عَرَّسْ اُویَاهَا.

![](https://cdn.door43.org/obs/jpg/360px/obs-en-06-04.jpg)

مِن بَعَدْ مُدِةْ طُویلِهْ، إبراهیم مَاتْ وَ الله إبسبب وَعدَه وَیِّهْ إبراهیم، بَارَک إسحَاق. واحِدْ مِنْ وُعُوْدَ الله إبْذَاکِ العَهدْ، چانْ بأن يِكثَر نِسِلْ إبراهیم، بِسْ رِفْقَهْ مَرَتْ إسْحاقْ مَا چانَتْ تِگْدَرْ إتْخَلِفْ.

![](https://cdn.door43.org/obs/jpg/360px/obs-en-06-05.jpg)

الله استجاب دعا إسحاق و خِلِه رِفْقَهْ تِحْبَلْ ابتُوْمْ. بس التوم گبل لايصيرونً چانو يتكامشون اِبَطِنْ اُمْهُم، اِلْهَایِه رِفْقَه سِئلِتْ إلسِبِبْ مِن الله.

![](https://cdn.door43.org/obs/jpg/360px/obs-en-06-06.jpg)

الله گِلْ الْرِفْقَه: «إنتِي إیتْیِبِین إثْنِیِن اُولاد و مِن کِل وَلَدِ یِطلَع شَعَب اُو كل وكت بِیناتْهُم عَرکِه، بِسْ نِسِل وَلَدِ اِلْچِبِیرْ إیطِیْع نِسِل اُخُوْ الْزِغِیر.»

![](https://cdn.door43.org/obs/jpg/360px/obs-en-06-07.jpg)

وَکْتِ إللي ولْدَت رِفْقَهْ، إبِنْها الْبچر، چَانْ ويهه حَمَر وَ جِسُمَه مِشْعِر،علي مود هاي سِمُّواْ عِیسو. مِن صار ابنها الثاني، چَان کاضْ چازْ اُخو الچبير . وَالخاطر هاي سَمُّواْ یَعْقُوب.

*قُصَةْ مَأخوذِهْ مِنْ کِتابِ الْمُقِدِّسْ:(کتابِ الْتَّکْوِینْ فَصل ۲۴ آیاٰت ۱إلیٰ ۲۵ وَ فَصْل ۲۶)*

## 7. ۷- الله ایبارِکْ یَعْقوبْ

https://openbiblestories.org/l/ar-xzn/story-7/

![](https://cdn.door43.org/obs/jpg/360px/obs-en-07-01.jpg)

إلخُوان كبرَو. عِیسُو چَان إیِحِب الصِیِد بِسْ یَعْقوبْ چَان ایرید گعدَتِ البيت. رِفقَه چَانِت إتحِب یَعْقوب أمَّانْ عِیسُو چان عِزِیز إسحَاق.

![](https://cdn.door43.org/obs/jpg/360px/obs-en-07-02.jpg)

فرد يوم عِیسُو رِجَع مِن الصِیِد اُو چَان وَایِد یُوعَان. عِیسُو گِلْ لِیَعْقوب: «دَخیلِکْ إطِینِي إشْوِیِه مِن زادِک.» یَعْقوب رِدْ عَلیه: «بِلْ الأوَّل واعِدْني تِنْطِیني مَقامك و کِل شِیء إللي متعلق بيك.» الخَاطِرهَای، عِیسُو وَاعَد یِنْطِي مَقامه لِیَعْقوب. بَعْدِیِّن یَعْقوب إنْطِا إشْوِیِه مِنْ إکْلِه لِعیسُو.

![](https://cdn.door43.org/obs/jpg/360px/obs-en-07-03.jpg)

وَکْت إللي إسحَاق رَادْ إیبَارِک عِیسُو، رِفقَه إبْحیلِه وَدِّتْ یَعْقوب بِچَان عِیسُو اِبْدَار إسحَاق. إسحَاق چان مشيّب اُو بَعَد ما چان یِگْدِر إیْشُوف زِیِن. یَعقوب لِبِسْ إهْدُومْ عِیسُو وَ غَطَا رِگُبْتِه وَ إیديه إبْیِلِیِدْ السَخل.

![](https://cdn.door43.org/obs/jpg/360px/obs-en-07-04.jpg)

یَعقوبْ إیْیِه یِمْ اُبو و گالْ: «أنا عِیسُو و یَایْ حتي اِتْبارِکْنیْ.» وَکت إللي اِسْحاقْ جَاسْ شَعَرِإللي چان علیٰ إید یَعقوب اُو شَمِ إهْدوما، فَکَرْ عِیسُو یَایْ یَمِهْ و الخاطر هاي، باركه.

![](https://cdn.door43.org/obs/jpg/360px/obs-en-07-05.jpg)

عِیسُو چانْ یِکْرَهْ یَعقوبْ ،لَأِنْ چانْ مَاخِذْ منه مقام الْبِچِرْ وَ البَرَکِهْ. إلهاَیِه فَکَرْمِنْ بَعَدْ مُوْت أبو، یِکْتِلْ یَعقوبْ.

![](https://cdn.door43.org/obs/jpg/360px/obs-en-07-06.jpg)

بِسْ رِفقَه إفِتهْمِت بِلْسَالْفِهْ. إلخاطِرهَای هِیِه وَ إسحَاق، وَدَّوْا یَعْقوب إلبِچَان بِعِید یِمْ گَرایْبِه.

![](https://cdn.door43.org/obs/jpg/360px/obs-en-07-07.jpg)

یَعْقوب عَاشْ إسِنِین إویِه خَوَالا. إبْذاک الوُکِتْ، عَرَس وَ صار عِدِهْ إثْنَعَش وِلِد اُو إبْنِیِه اُو الله إنْطیٰ مَالْ و حَلالْ چِثِیرِه.

![](https://cdn.door43.org/obs/jpg/360px/obs-en-07-08.jpg)

مِنْ بَعَدْ عِشْرينْ سِنِه إللي یَعقوب چَانْ اِبكَنْعَانْ و بِعِيدْ مِنْ إهْلِه، رِجَعْ إویِه إعْیَالِه و خِدّامِه و كِلْ أحْشَامِه.

![](https://cdn.door43.org/obs/jpg/360px/obs-en-07-09.jpg)

وَ کِلْ هایِهْ یَعقوبْ چانْ وایِدْ خایِفْ، لَأَنْ چان إیْفَکِر عِیسُو بَعَدْهُو إیْرِیدْ إیکِتْلِهْ. إلخاطر هاي وَدِّ هِدیِه لِعیسُو قِسِمْ چبير مِن بهايمه. خادِمْ إللي چانْ مَاخِذِ الهِدیِه لِعیسُو، گِلالِهْ: «خَادْمِک یَعْقوب قَدّملَك هاي البهايم هُوَ ابهلگُرُب یُوصَلْ.»

![](https://cdn.door43.org/obs/jpg/360px/obs-en-07-10.jpg)

بِس عِیسُو بَعَد مَا چَان إیرید إیِإذِي یَعْقوب وَ وَایِد فَرَحْ مِن شُوفْتِه. یَعْقوب چان يعيش بِصُلْح وَ سَلامْ إبْکنعَان. بَعْدِیِّن إسحَاق مَات وَ یَعْقوب وَ عِیسُو دِفْنُوا. وَعْدِ إللي الله چان إمْعَاهِد إبراهیم، مِنْ بَعَدْ اِسْحاقْ وُصَلْ الْیَعقوبْ.

*قُصَهْ ماخوذِهْ مِنْ کِتابِ الْمُقَدَسْ:(کِتابِ الْتَکْوینٔ فَصل ۲۵ آیات  ۲۷ إلی ۳۵ و فَصل ۲۹)*

## 8. ۸- الله إینِجي يُوسِف و إهْلِه

https://openbiblestories.org/l/ar-xzn/story-8/

![](https://cdn.door43.org/obs/jpg/360px/obs-en-08-01.jpg)

بَعْدِ إسْنِینْ مِنْ شَیَّبْ یَعْقوبْ، وَدِّهْ إبْنِ الْعِزیزْ إللي إسْمِهْ یُوسِفْ حَتِیْ إییبْلِه خَبَرْ منْ صُحَّةْ إخوانِهْ إللي چانَوْا إیسَرْحونْ بِلْغَنَمْ.

![](https://cdn.door43.org/obs/jpg/360px/obs-en-08-02.jpg)

خوان يُوسِف چانوا إيكرهونِه، چهِ ابوهم يَعقوب چان إيحِبه أزید و يُوسِف چان شایِف بِلحِلم یِحْکُم علي اهله. من يُوسِف راح يِمْ خُوّانِه، باگو و باعو لِتِجَّارالعِبيد.

![](https://cdn.door43.org/obs/jpg/360px/obs-en-08-03.jpg)

گِبل لا إخوان يُوسِف يوصْلون لِلبِيت، شِگو قِمِيصِه و رِشوا دِمْ سَخْلَه عَليه اُو راوو القَميص لِبُوهُم حتىٰ إيفَكِر حِيوان وَحشي كاتِله، إلهَايه يَعقوب وايِد حِزِن علیٰ إبنه.

![](https://cdn.door43.org/obs/jpg/360px/obs-en-08-04.jpg)

تِجَّار العَبيد خِذوا يُوسِف المَصر. مَصر چانت دولة چیبیره و قویة إللي چانت يِم شطّ النيل. هُما باعوا يُوسِف الواحِد غَنِي إللي يِشتِغُل بِلحُكُومة. يُوسِف چان یخْدِم راعیه و الله بارِكَه.

![](https://cdn.door43.org/obs/jpg/360px/obs-en-08-05.jpg)

فرد نوبه مَرَت ذاک المَسئول الْحُکومی، چانَتْ تِسْعِي إللي إتْنامْ وَیِّهْ یُوسِف، بَسْ یُوسِف ماقِبَلْ إللي یِذْنِبْ إبحَگ الله. اِلْمَرا عَصُبَّتْ اُو تِهْمِتْ یوسف. و الخاطر هاي كُضَّو يوسف و حِبسو، بس هو حتی بِسِجِنْ ضَلْ وَفی الرَبَه و الله بارکَه.

![](https://cdn.door43.org/obs/jpg/360px/obs-en-08-06.jpg)

مِن بَعَد سِنْتينْ، يُوسِف بَعْدِه چان بِسِجِن، بس بدون دَنِب. فِرِد لِيلِه فِرعون (المصریه چانوا ایسَمونْ الملکهم، فرعون). حلم حِلمِين إللي وايِد شَوِشَنِه و ولا واحِد مِن المُفسِرین الأحلام، گِدر إیفسیر حلمه.

![](https://cdn.door43.org/obs/jpg/360px/obs-en-08-07.jpg)

چهِ الله چان مِنْطِي اليُوسِف عِلِم تَفسیر الأحِلِام، فرعون أمَر إييبون يُوسِف مِن السِجِن حتىٰ إيعَبِر حِلِمه. يُوسِف گِلِه: «الله سِبِع إسنین یِنْعَمْ عَلیکم و مِن بَعدِهه، سَبْعْ إسْنین إیصیر گَحَطْ.»

![](https://cdn.door43.org/obs/jpg/360px/obs-en-08-08.jpg)

فرعون فِرد شِکل إتْأثر مِن شَخصِية يُوسِف إللي نَصَبَه ثانی شَخُصْ مهم إبمَصر.

![](https://cdn.door43.org/obs/jpg/360px/obs-en-08-09.jpg)

یُوسِف گلْ لِناس إبْهایِ إلْسَبْع إسْنینِ إللي تِکْثَر النِعمِة، خِزِنوا المَحْصول. بَعدِین من اِيّن سَبَعْ إسْنینِ الْگَحَطْ، گام یُوسِف إیبیعْ محصول الذخرعليٰ الناس خاطر کِلهِه إتحوش أکل کافي.

![](https://cdn.door43.org/obs/jpg/360px/obs-en-08-10.jpg)

الْگَحَطْ مو بَسْ چان إبمَصُرْ، حَتِی وصل إبأراضي کنعان. بچان إللي يَعقوب و إهله چانوا عایشین.

![](https://cdn.door43.org/obs/jpg/360px/obs-en-08-11.jpg)

إلهَايه يَعقوب وُدِّه اولاد لِكبار صوب مصر خاطر إییبونْ حنطا. من وصلوا خُوّانِهْ حتىٰ يشتِرون مِنه، ماعُرفوا. بِس هُو عَرفْهُم.

![](https://cdn.door43.org/obs/jpg/360px/obs-en-08-12.jpg)

يُوسِف إمتِحِن إخوانِه حتىٰ إيشوف مِتغِيرين لو لا. بَعدِين گال: «لاتْخافون، أنا يُوسِف أخوكُم.» إنتم ظَلَمْتونِي، بس الله بَدِل شَرْكُم بِلخِير. تعالوا عيشوا إبمَصر إنتم و أهِلكُم و أنا إگدِر إجِهِز إلكُم كِل شِي.

![](https://cdn.door43.org/obs/jpg/360px/obs-en-08-13.jpg)

اخوان یوسف رِجْعَوْا لِدیرتْهُم و ( أبلغوا والدهم ، خبرو والدهم) گَلّو لبوهم یعقوب بأن یُوسِف عَدِل، هو هِم وایِدْ فُرَحْ.

![](https://cdn.door43.org/obs/jpg/360px/obs-en-08-14.jpg)

يَعقوب چان إمشيِب، بس هاجر ويِه إهْلِه لِلمَصر، وَ عاشوا إهناك سویه. يَعقوب گَبِل لا إيموت بَارَك أولاده.

![](https://cdn.door43.org/obs/jpg/360px/obs-en-08-15.jpg)

وَعد إللي چان بین الله و إبراهيم، مِن بَعَد إسحَاق وصَلْ لِیعقوب و بعدین وصل لِثْنَعَش اولاده و أهِلْهُم. مِن اولاد يَعقوب، طلعت إثْنَعَشْ طایفه بِسم بنی اسرائیل.

*قُصَةْ مَأخوذِهْ مِنْ کِتابِ الْمُقِدِّسْ:(کتابِ التکوین فَصل ۳۷ الیٰ ۵۰)*

## 9. ۹- الله یِدْعي موسی

https://openbiblestories.org/l/ar-xzn/story-9/

![](https://cdn.door43.org/obs/jpg/360px/obs-en-09-01.jpg)

مِنْ بَعَدْ موتِتْ یُوسِف، کِلْ إهْلِهْ ضَلَوْا إبْمَصُرْ، و إسْنین طُویلِهْ عاشوا إهْناک و کِثرت خلفتهم، إلْمَصْریِهْ چانَوْا إیسمونهُمْ إسرائیلیه.

![](https://cdn.door43.org/obs/jpg/360px/obs-en-09-02.jpg)

مِنْ بَعَدْ میاتْ سِنِین، کثروا إلاسرائیلیه. إلمصریین نسوا یُوسِف إشگِد چانَ إمساعدهم، هُما چانَوْا إیخافون مِنِ الاسرائیلیه، چِهْ عِدَّتْهُمْ زایده، إلْهایِهْ فرعون إلچانْ إبْذاکِ الْزَمانْ یِحْکُمْ عَلِیْ مَصُرْ، خِله إلاسرائیلیه عبید ِللْمَصْریِه.

![](https://cdn.door43.org/obs/jpg/360px/obs-en-09-03.jpg)

إلمَصريين جُبروا إلاسرائیلیه یِبنون بِنایات و دِیّر چِثیره، صُعوبْة الشُغُل سِووت عِیشِتْهُم مُرَّا، أمَّانْ الله بَارَکهُم و إنطاهُم خَلفا چِثیرِه.

![](https://cdn.door43.org/obs/jpg/360px/obs-en-09-04.jpg)

فرعون مِن شَافْ إلاسرائیلیه خَلْفَتهُم زادِت، أمَرْ کِل وِلِد الذِکر إللي یصیر إیْضِبونِه إبْشَط النِیل و إیْکِتلونِه.

![](https://cdn.door43.org/obs/jpg/360px/obs-en-09-05.jpg)

لَمانْ ما مَرَهْ من إسرائیل یابَتْ وَلَدْ، هیه و رَیِلْهِهْ حَدْ ماگِدْرَوْا، ضَمَّوْا الْوَلَدْ.

![](https://cdn.door43.org/obs/jpg/360px/obs-en-09-06.jpg)

من اُم و أبو الولد بعد ماگِدروا إیْضُمونه، الخاطر لاینکتل حَطُوا إبْسِلِه بِینِ الگُصَبْ إبْراگ شَط النِیل، أمَّانْ إخْتِه الچِبیرِه چانت إتْعایِنْ مِن بعیدْ حتیٰ إتْشوف شیصِیر لِه.

![](https://cdn.door43.org/obs/jpg/360px/obs-en-09-07.jpg)

بِتْ فرعون شافِتْ إلسِلِه و عَایِنِتْ بِیهِ، مِن شافِتْ الولد، تِبِنِتِه او یابِتْ مَرَا مَن إسرائیل حَتی تِرضْعَه، و رَغَم إللي المَرَا، چانِت اُمِّ الولِد، من اُمه فُطْمِتِه، خِذِته البِتْ فرعون او هیِّه سِمِتِه موسی.

![](https://cdn.door43.org/obs/jpg/360px/obs-en-09-08.jpg)

مِن موسی کُبَر، شَافْ مَصری یِکتِلّه عَبِد إسرائیلی او هُو حَاولْ إینجي.

![](https://cdn.door43.org/obs/jpg/360px/obs-en-09-09.jpg)

موسی فَکَر مَحَد إیشوفِا، کِتِل المَصری او دِفِنه، بِس واحِد شافِه إشسِویٰ.

![](https://cdn.door43.org/obs/jpg/360px/obs-en-09-10.jpg)

فرعون إفْتِهِم بِسْوایْتِه او راد إیکِتلِه، أمَّانْ موسی شَرَد لِصحراء و جیش فرعون مَاگِدر یلْگا.

![](https://cdn.door43.org/obs/jpg/360px/obs-en-09-11.jpg)

موسی چان یسرَحْ بِلْغَنَم إبصحراء بعیده من مصر او خَذِهْ مَرَهْ مِن ذاکِ البچان و صارْ عِدِّهْ إثنین إولاد.

![](https://cdn.door43.org/obs/jpg/360px/obs-en-09-12.jpg)

یُوم مِن إلایام، من چان موسی إیراعي غِنِم اُبو مَرتِه، شاف إشْجِرِه مِشتعِله بِسْ ماتحتِرِگْ. خاطر های راح جِدامْ، حَتی یِفتِهم السِبِبْ. من إتْدِنِه لِشجرا، الله کِلِم موسی مِن بِین نار او گال: «إنْزَعْ حِذائِک، لإن مکان إللي واگُفْ عَلِیْه مُقِدِسْ.»

![](https://cdn.door43.org/obs/jpg/360px/obs-en-09-13.jpg)

بَعدِین الله گال: «أنِا شایِف ضِمْ و الظِلایِم شعبي إبمَصر، أنِا إوَدیکْ یِمْ فرعون حَتی إتْنجیهُم مِنْ العُبودیِة او إنْطیهُم أرض کِنعَان، أرض إللي واعِدِتْ إبراهیم، إسحاق و یعقوب بیه.»

![](https://cdn.door43.org/obs/jpg/360px/obs-en-09-14.jpg)

موسی گال: لِوْ الشَعَبْ سِئل یاهو إمودیکْ، شِگِلْهُم؟ الله گِلِه: «أنِا اکون» (إبمَعني أنا موجود) گِلْهُم وِدانِي یِمکم او گِلْهُم أنِا یَهُوَه رَبْ إیدادْکُم إبراهیم، إسحاق و یعقوب، هذه إسمِي لِلأبِدْ.»

![](https://cdn.door43.org/obs/jpg/360px/obs-en-09-15.jpg)

موسی چان خایِف إیروح یِم فرعون، لان مایِگدِر یِحْچي زِیِنْ، الخاطر هَایِ الله ود هارون، اُخو حتیٰ یساعْدِه.

*قُصَةْ مَأخوذِهْ مِنْ کِتابِ الْمُقِدِّسْ:(کتابِ الخُروجْ فَصل ۱ الیٰ ۴)*

## 10. ۱۰- عَشْر بِلاوي

https://openbiblestories.org/l/ar-xzn/story-10/

![](https://cdn.door43.org/obs/jpg/360px/obs-en-10-01.jpg)

أَلله نَبَّه موسي وهارون بأن فرعون شخص عنيد. موسي وهارون راحو عِد فرعون و گالو: «هذه الخبرإلِک إنتِه من رب إسرائيل: عُوفْ شعبي حتي إيرحون.» بس فرعون ما إهتم لِحچيهم و بدال مایِفرجِلهم، جُبرهم أکثر من گبُل يشتغلون.

![](https://cdn.door43.org/obs/jpg/360px/obs-en-10-02.jpg)

فرعون بَعْدَه چان يعاند و مايفك بني إسرائيل. إلهَايِه الله نِزِّلْ عَشِر بِلاوي علیٰ مَصر. ومن الطِريقْ هِل بلاوي الله راوا فرعون بإن قوتِه أکثر من فرعون و کل آلاهات مصر.

![](https://cdn.door43.org/obs/jpg/360px/obs-en-10-03.jpg)

الله بِدِلْ مَاي شط النِيلْ بِدِّم. أمَّانْ فرعون مَا فَکْ بني إسرائيل.

![](https://cdn.door43.org/obs/jpg/360px/obs-en-10-04.jpg)

الله خِله كل أرض مَصر تِنْتِرسْ من عَگْروگ. فرعون طَلَبْ مِن موسى إيْخِلي مصر من بلوَت العروگ. من مصر خَلَت من هاي البلوه، گَلَب فرعون عصیٰ و مَاخِلِه بني إسرائيل إيطِلعُون مِن المَصر.

![](https://cdn.door43.org/obs/jpg/360px/obs-en-10-05.jpg)

بعدين أَلله نزَّل عليهم بِلوِة البُگ والذِبان. فرعون گِل لِموسي و هارون لو يرفعون هذا البلا، يخليهم إیطلعون من المصر. من بعد ما موسي إندعا، الله دفع البَلاوي، بس فرعون اردود عصیٰ و ماخلاهم إيطلعون.

![](https://cdn.door43.org/obs/jpg/360px/obs-en-10-06.jpg)

مِن بَعَدهِه، الله خِله كِل إلبَهایِم تُمْرَضْ او إتموت. أمان فرعون من قساوت گلبه هِل مره هِم ماخلاهم إيطلعون.

![](https://cdn.door43.org/obs/jpg/360px/obs-en-10-07.jpg)

الله گِلِلْ موسی إتْرِسْ إیدِکْ رَمِل و رشها جِدامْ فرعون. من موسى سَوّا هِچْ، غیر بني إسرائیل كِل أهل مصر صابْهُم الفالول. أمان فرعون بعد نوب عصي و ماخلاهم إيطلعون.

![](https://cdn.door43.org/obs/jpg/360px/obs-en-10-08.jpg)

بَعدِين الله نَزِّلْ عَلِیْهُم بلوة الحالوب و دَمِرْاكثر محصولهم و الحِيوانات. بَعدِين فرعون طَلَب موسى و هارون و گلهم: «أنَا هِل مَرّه خِطَت، إنتُم أحرار و إتْگِدرون تِرحون.» بَعدِين موسى دَعاء و وُگُفْ الحَالوب.

![](https://cdn.door43.org/obs/jpg/360px/obs-en-10-09.jpg)

أمَّانْ فرعون بعد مره ذِنِبْ و گَلْبه عصي و ماخِلِه بني إسرائيل إيْطِلعون.

![](https://cdn.door43.org/obs/jpg/360px/obs-en-10-10.jpg)

إلهَايِه الله نِزِلْ كومِة يِرادْ علیٰ المَصر، و اليِراد كِلَه کل شي البَقيٰ مِن بَعد بلوة الحَالوب.

![](https://cdn.door43.org/obs/jpg/360px/obs-en-10-11.jpg)

بعدين الله نزّل ثلث تيام بِلوتِه الظلام. او فردشكل ظلمت الدنيا، إلمَصریه ماگدروا إيطلعون من إبيوتهم. بس مَكان إللي بني اسراييل عايش چان ضاوي.

![](https://cdn.door43.org/obs/jpg/360px/obs-en-10-12.jpg)

حتىٰ مِن بَعَد هل تِسعَ بِلاوي ، فرعون ماخِلِه بني إسرائيل يِرحون. او چه فرعون مَاچان يِسْمَع كِلام موسى، الله نِزِل آخِر بِلاء علیهم. هذا البِلاء خِله فرعون إيْغَير رَإیِه.

*قُصَةْ مَأخوذِهْ مِنْ کِتابِ الْمُقِدِّسْ:(کِتابِ الخُروجْ فَصل ۵ إلیٰ ۱۰)*

## 11. ۱۱- عِيد الفُصَحْ

https://openbiblestories.org/l/ar-xzn/story-11/

![](https://cdn.door43.org/obs/jpg/360px/obs-en-11-01.jpg)

الله وُدِّه موسى و هارون الفرعون، خاطر يگلوله يفك الإسراييليه. هُمَّا نِبِهُو لِو مَاتْفرج علي بني اسراييل الله إیْدِمِر کِل أولاد البِچِرْهم و حتیٰ البهایم. وكت إللي فرعون سِمِعْ مَاأجِّنْ، إرْدود هِم مَاطَاعْ الله.

![](https://cdn.door43.org/obs/jpg/360px/obs-en-11-02.jpg)

الله فتح بَاب لِلمؤمنین ، حتي إينِجون أولادهم مِن هِل بِلاء. كِل عَايِلِة لازِم يِنْتِخْبون نعیه بِدون عِيبْ لِذبيحه و إيْضَحونِه.

![](https://cdn.door43.org/obs/jpg/360px/obs-en-11-03.jpg)

الله گَل بني إسرائيل إيْرشون دِمْ الذبیحه إطراف بيبان بِيوتْهُم، او يِشْوونِ لَحَمْ الذِبِيحِة و يَأكلونه إبسرَعه ابْخُبز فُطير. و الله گِلالْهُم ايحَضرون إرواحهم و مِن بَعَد أكْلِ الذِبِيحِة ، بدون تأجیل إيطِلعون مِن مَصر.

![](https://cdn.door43.org/obs/jpg/360px/obs-en-11-04.jpg)

بني إسرائيل طاعوا كِل أوامِر الله. إبْنِصْ اللِيل، الله مَرْ مِن مصر و هِلِک كِل اولادهم البِچِر.

![](https://cdn.door43.org/obs/jpg/360px/obs-en-11-05.jpg)

الله إتْعَدِه مِن يِمْ بيوت بنی اسراییل إللي علیهن علامة الدم. كِل من چان بِلبيت الخاطر ذبيحته ضَل بِأمَانْ.

![](https://cdn.door43.org/obs/jpg/360px/obs-en-11-06.jpg)

بس الله ما چان یِمُر من یِم بِیوت المَصريين إللي ماعدهم ايمان بیه و موطايعينه و چان يهلك اولادهم البِچِر.

![](https://cdn.door43.org/obs/jpg/360px/obs-en-11-07.jpg)

كِل أولاد البِچِرالمَصريين إنْكِتْلوا، مِن بچر فرعون حَد بِچر خادِم إللي چان بِسِجِن. أكْثَر المَصريين ابسبب مصيبتهم، حزنو و بچو.

![](https://cdn.door43.org/obs/jpg/360px/obs-en-11-08.jpg)

إبْنِفسِ الليلِه، فرعون گِلِلْ موسى و هارون: «إخْذوا بني إسرائيل و بْسُرعَة طَلعوا مِن مَصر.» و المّصريه هم رادوا مِنْهُم إيْتِركون البلد إبْسُرعَة.

*قُصَةْ مَأخوذِهْ مِنْ کِتابِ الْمُقِدِّسْ: کِتابِ الخُروجْ، فَصل ۱۱ آيِة ۱ الیٰ ١٢*

## 12. ۱۲- الخُروج

https://openbiblestories.org/l/ar-xzn/story-12/

![](https://cdn.door43.org/obs/jpg/360px/obs-en-12-01.jpg)

اِسِرائيليه چَانُوا فَرحَانِینْ ایتِرْكَوْن مَصْر. هُما بَعَد مو عِبیدْ و چَانُوا إیروحون صُوبْ أرض المُوعُودْ. المَصْرِیین إنطُو بني اسراييل كِلْ شيء إللي طُلبو منهم، مِثِلْ ذَهَبْ و فُضَة و أشيإِ الغالِیه. بَعَضِ الطُوایِف ْ إللي چَانُوا آمِنینْ بِالله، ترکو مصر او راحوا اُوياهم.

![](https://cdn.door43.org/obs/jpg/360px/obs-en-12-02.jpg)

وصلة غيم، بِالنَهار و وصلة نَار بِالِیل چَانت تمشي جِدَامْهُم. حضورالله چان اوياهُم بلغيم وبلناٰرْ و كل لحظه يهديهم. بَسْ هما چان لازم يتبعون الله.

![](https://cdn.door43.org/obs/jpg/360px/obs-en-12-03.jpg)

مِنْ بَعَدْ مُدِه قَلِیله، فِرْعُون و شَعبِه، إتنِدْمُواْ و تِبْعُوا بني اسراييل، حَتی بعد نوبه إیسُونْهُمْ عِبیِدْ. الله غَيَر فِکِرهُمْ حَتی يراويهم هُوَ إلٰه الحَقيقي، و النٰاسٰ تِفتهم يَهْوَه، أَقوا مِنْ فِرعُون و أصْنامِه و کل الاهات مَصِرْ.

![](https://cdn.door43.org/obs/jpg/360px/obs-en-12-04.jpg)

الاسْرائیِلیه مِنْ شٰافُوا جِیشِ مصر، افتهمو محصورين بِين بَحْرِ الأَحْمَرْ و جِيش فِرْعُونْ. هُما چٰا نُوا خايفين و صٰاحُواْ: «لِيش تَرِکْنِه المَصِر؟» «هسه كلنا إنْمُوتْ!»

![](https://cdn.door43.org/obs/jpg/360px/obs-en-12-05.jpg)

موسى گِل البنی اسراییل: لاتخافون! اليوم الله إيحارب اببچانكم و إينِجيكُم و الله گل لِلموسی: «گِلْهُم یِروحون صُوب بَحر الأحمر.»

![](https://cdn.door43.org/obs/jpg/360px/obs-en-12-06.jpg)

الله حَرَّك وصلة الغِمْ وَ خلَها بين بني إسرائيل و جِيشْ فِرعون، خاطر جِيش المَصر لايگْدرون إيشوفونْهُم.

![](https://cdn.door43.org/obs/jpg/360px/obs-en-12-07.jpg)

الله أمَرْ موسى إيمِدْ إيدِه فوگِ البَحَرْ. الله وُدِّ هَوا عالي و الماي ظل يروح يمين و يسارحتى يِفتك درب بِلبَحَرْ .

![](https://cdn.door43.org/obs/jpg/360px/obs-en-12-08.jpg)

بني اسراييل الي صارلهم الماي مثل الطوفه من صوبين، ظلو يتعدون من بين الماي.

![](https://cdn.door43.org/obs/jpg/360px/obs-en-12-09.jpg)

بَعدین، الله شَال وصلة الغِیمْ حَتي المَصِرييِن إیِشُوفون بني اسراييل یشردون. بس المَصِرييِن صَمِمُوا إيتبْعونْهُم.

![](https://cdn.door43.org/obs/jpg/360px/obs-en-12-10.jpg)

الهَایه دَشُوا وَراْ الإسْرائيليه بِالبَحَر، بِسْ الله خَوَفْهُمْ و خَلِه عَرابَاتْهُمْ ایگیّرن بِطّيِن. المصريه صَاحَوا: «شِرْدُو! لِأنْ هاذ الرب إیِحَارِبْنه بدالهم.»

![](https://cdn.door43.org/obs/jpg/360px/obs-en-12-11.jpg)

بَعد ما بنی إسرائيل وَصْلَوا سالْمِين ذيچ صفحة البَحَر، الله گِل الموسی: «بعد نوبه مِدْ إيدك فوگ البَحَر.» موسى مِن مِدْ إيدِه، نزل المَاي علیٰ العسكر و غرگو هما و عَراباتْهُم .

![](https://cdn.door43.org/obs/jpg/360px/obs-en-12-12.jpg)

بني إسرائيل مِن شافوا المَصْريين کلِش هلكوا، إعتِمْدوا بِلرب و قِبْلوا موسی نِبّي من الله.

![](https://cdn.door43.org/obs/jpg/360px/obs-en-12-13.jpg)

بنی إسرائيل چانوا فَرْحَانين؛ لِإن الله خَلَصْهُم مِن العُبُودِيِة و الموت و هِسه چانوا أحرار حتى إيعِبْدونه و إيتبعونه. بني إسرائيل گامو يغنون أغاني و يمدحون الله چه افتكو من جيش مصر.

![](https://cdn.door43.org/obs/jpg/360px/obs-en-12-14.jpg)

او اللّه امَر بنی اسراییل، كِلْ سِنه بِهَل اليوم يحتفلون و يتذكرون إشْلُون الله هِلِکْ جِيش مصر و نجاهم من العبودیه. سِمِّو هَاي الحَفْلِه، الفُصَح. هُمّا كِلْ سِنه چَانوا يِحْتِفلِون بِهل الیوم و یِشْوون الذبيحه وياكلونه بخبز الفطير.

*قُصه مأخوذة من كتاب المُقدس:(كتاب الخروج فصل  ١٢ آية ٣٣ الي فصل ۱۵  آية ٢١)*

## 13. ۱۳- عهد الله ویه بني إسرائیل

https://openbiblestories.org/l/ar-xzn/story-13/

![](https://cdn.door43.org/obs/jpg/360px/obs-en-13-01.jpg)

بَعَدْ مَا عُبْرُوا بني إسْرائيلْ مِنْ بَحْرِالْأحْمَرْ، ألله هِداهُمْ صُوبْ يِبَلْ سيناء. الْيِبَلْ إللي نبی مُوسِي چانْ شَايِفْ علیه عاگول مِشْتَعل. شعب خَيِّمُو یِم الْيِبَلْ.

![](https://cdn.door43.org/obs/jpg/360px/obs-en-13-02.jpg)

اللّٰه گَلِ الْموسِی و بَني إسْرائیلْ: «إنْتَمْ لازِمْ دوم إتطیعونیْ و تُوفون إبْعَهَدْ إللي إکتب إویاکَمْ. لوتعمْلونْ هِشي، تنجعلون إلي شعب خاصْ، بلد من الكهنه و اُمّه مُقدسه.»

![](https://cdn.door43.org/obs/jpg/360px/obs-en-13-03.jpg)

الشعب جَهَز نَفِسْه إبمُدِّة ثِلِثْ تيام خاطر ایصیرون بحضورالله. الله حِضَر علی یِبَلْ سیناء، اِبْرعيد و دَخانْ و حِسْ بوقْ عالي. موسِی الوحده صَعَد فُوگِ الْیِبَلْ.

![](https://cdn.door43.org/obs/jpg/360px/obs-en-13-04.jpg)

بَعْدِیْنْ الله عاهَدْهُمْ و گالْ: «أنَا یَهُوَّهْ رَبَکْ، إللي فَکَّمْ مِنْ إسارَتْ مَصُرْ، لاتِعْبِدْ رب غيري انا.»

![](https://cdn.door43.org/obs/jpg/360px/obs-en-13-05.jpg)

لاتِصْنَعْ صنم و تعبده، چه بس أنَا یَهُوَّهْ لازِمْ أَکونْ رَبَکْ، لاتْهِینْ إسْمیْ و إحْتِرِمْ یَوْمِ الْسَبْتْ، سَویْ کِلْ أعْمالَکْ إبْسِتْ أیامْ، لَإنْ إنْتَ إبْیَوْمِ الْسابِعْ لازِمْ تِرتاح و تِذْکُرْنیْ.

![](https://cdn.door43.org/obs/jpg/360px/obs-en-13-06.jpg)

إحْتِرِمْ اُمَکْ و اُبوکْ ،لا تِکْتِلْ،لا تِزْني، لاتْبوگْ و لا تْچَذِبْ ولا تُطْمَعْ إبْمالْ و مرت يارك.

![](https://cdn.door43.org/obs/jpg/360px/obs-en-13-07.jpg)

شعب إسرائیل قِبْلَ إيطيع أوامِرْ الله و قِبْلَوْا إیصیرونْ لِألله و إیعِبْدونِهْ.

![](https://cdn.door43.org/obs/jpg/360px/obs-en-13-08.jpg)

الله همْ گَلِ الْبَنیْ إسْرائیلْ یبنون خَیْمِهْ چِبیرا (خَیْمِهْ الاجتماع) او گَلِّلْهُمْ إشْلونْ يِبْنونْ إلْخيمة إبْكِلْ تَفاصيلهِه و كِلْشي إللي لازِمْ إيكُونْ مُوجود بيهِه. الله اَمَرْ يخيطون ستار چبير يقسّم الْخَیْمِهْ إبقِسِمْتیَنْ. و حضورالله چان إبدار الْوَرَه الستار. بَسْ الكاهِنْ چبیر چان يگدر إيديشْ الْدارْ، و یروحْ إبْحُضورْ الله.

![](https://cdn.door43.org/obs/jpg/360px/obs-en-13-09.jpg)

شعب إسرائیل چانْ لازِمْ يبني مَذْبَحْ جِدّامْ الخِيمةِ . كِلْمَنْ چان إيخالِفْ شَريعَة الله، إييبْله ذِبيحَة لِلْمَذْبَحْ و الکاهن يِذْبَحِ الْذِبيحَة لويه الله و يِحرِگه، عَلیٰ الْمَذْبَحْ. الله گالْ دَمْ الْذِبيحَة تستر علي خطية الْمُذنب. إلْهایِهْ الله یِعْفِي عَنِهْ و یِنْحِسِبْ عند الله شَخُصْ إمنزه. الله إختارْ هارون أُخو نبي موسي، و نَسْلِه حَتّي إيصیرون كَهَنَه .

![](https://cdn.door43.org/obs/jpg/360px/obs-en-13-10.jpg)

بَعْدِينْ الله كِتَبْ الْعَشِرْ وَصايا عَلي لوحِتين مِنْ صَخَرْ وإنْطاهْا الْموسِی. الله إنْطَاهم بعد قوانين، خاطر إيطيعُونْهن. الله واعَدْهُمْ، لُو يطيعون الْقَوانينْ إيبارِكْهُمْ و يحفظهم و لُو يعاندون، إيجازيهُمْ.

![](https://cdn.door43.org/obs/jpg/360px/obs-en-13-11.jpg)

موسِی ظلْ چم يوم فُوگِ يبل سیناء و حاچِهْ الله. اِلْوادِمْ عيزِت اِشْگَدْ ما تانت، یاباوْا ذَهَبِ الْهارونْ و رادَوْ مِنْه إیسویلهُمْ صَنَمْ و إیعِبْدونِهْ بچانْ الله، إلْهایِهْ ذِنْبوا إبْحَگ الله.

![](https://cdn.door43.org/obs/jpg/360px/obs-en-13-12.jpg)

هارونْ سوی صَنَمْ من ذَهَب إبْشِکِلْ عیلْ. اِلْوادِمْ عِبْدَتِ الْصَنَمْ و سَووله ذِبیحِهْ! الله اِلْخاطُرْ ذَنِبْهُمْ غضب عليهم و گَلِ الْموسِی، ناوي إیدَمُرْهُمْ اَما موسِی رادْ مِن الله لا یِسوي هذا اِلْشی، الله إستجاب دَعَا موسِی و مادَمَرْهُمْ.

![](https://cdn.door43.org/obs/jpg/360px/obs-en-13-13.jpg)

مِنْ نِزَلْ موسِی مِنِ یبَلْ سیناء، چانْ بیدِهْ اِلْلَوْحَتیْنْ إللي الله چانْ کاتِبْ عَلیهِنْ عشر وصايا. مِنْ شافِ الْصَنَمْ، عَصّب و طَگِ الْلَوْحَتینْ بِلْگاعْ و کَسَّرْهِنْ.

![](https://cdn.door43.org/obs/jpg/360px/obs-en-13-14.jpg)

بَعْدِینْ حِرَگِ الْصَنَمْ و کِسَّرا و سَوا إتراب، چَبْ الْتراب بِلْمای و جُبَرْهم يشُربون مْنِ الْمایْ. الله نَزَّلْ بَلَاْ عَلَیهم و اکثرهم ماتو.

![](https://cdn.door43.org/obs/jpg/360px/obs-en-13-15.jpg)

موسِی بُکانِ الَوحَتینْ إللي چان امکسِرْهِنْ، بعد نوبه صِنَعْ لَوْحتیَنْ و خَرَطهن. اردود صِعَدْ فوگْ الْيِبَلْ و دَعا الله يغفر ذِنوبِ الناسْ. الله إستجاب دعا موسِی و غُفَرْلهم. موسِی نِزَلْ مِنِ الْیبَلْ وَیاب الصَخرْتِینْ إللي الله اردود كِتَب عَلیهِنِ العشر وصايا، وتالي الله هِداهُمْ مِنْ یِبَلْ سیناءْ صوب أرض الموعود.

*قصَّه مَأخوذِه مِنْ كتابِ الْمُقدسْ:(کتابْ خُروجْ فَصل ١٩ إلیٰ ٣٤)*

## 14. ۱۴- تایهین بِصَحْراء

https://openbiblestories.org/l/ar-xzn/story-14/

![](https://cdn.door43.org/obs/jpg/360px/obs-en-14-01.jpg)

بعد ما الله إنطیٰ بِني إسرائيل الشَريعة، هداهُم صوب يِبِلْ سينا. هما چان لازم إيطيعون الشَريعَة عَلْشَان عهد إللي چان بینهم و بین الله. أرادة الله چان هيچي الي بني اسراييل يرحون الأرض الموعود يعني أرض كنعان. حضور الله شِبْهِ الغِمْ چان جِدامْهُم و الوادِم چانوا إتِبعونِه.

![](https://cdn.door43.org/obs/jpg/360px/obs-en-14-02.jpg)

الله چانْ اِمْواعِدْ إبراهیم و إسحاق و يعقوب يِنطي أرض الموعود لِخَلفَتْهُم. أمَّان بذاك الوكت، چانت اتعيش طوايف چثیره بِسِم كنعان. هُما ما چان عِدهم إیمان بالله و إيعبدونه، و چانت أعمالهم شر و إيعبدون الأصْنَام.

![](https://cdn.door43.org/obs/jpg/360px/obs-en-14-03.jpg)

الله گِلِل بِني إسرائيل: «بس توصْلُون الأرُض الموعود لآزم إتْفکون أرواحکم مِن إهل كنعان و إتْدَمرون كِلْ أصْنَامْهُم ولاتعاشرونهم و لاتْناسبونْهُم. لو ماتبعون أوامری هذه إیراوي، بِدالي تعبدون الأصنام.»

![](https://cdn.door43.org/obs/jpg/360px/obs-en-14-04.jpg)

من وصلوا بِني إسرائيل علیٰ حُدود أراضي كنعان، نبی موسى إنْتِخَب إثنَعَشْ شَخْص، مِن كِل طايفه نَفَر واحد. هو عَلَّمْهُم شلون يِتْجِسِسون مِن إهل كنعان خاطر يحَسِّب هما قویْیِن لو إضعَاف.

![](https://cdn.door43.org/obs/jpg/360px/obs-en-14-05.jpg)

إلثنَعَش نَفَر، إربعین يوم سافروا کل أرض كنعان و بَعدين رِدَّوا. هما گالو: «الگاع خضرا و الثمر زاید.» بس عَشر نفرات مِن الجُواسيس گالوا: «الدِیِّرْ آمْنِه و إلوادم قویین لو نِهْجِم عليهُم إيغلبونه و نِتكِتِل.»

![](https://cdn.door43.org/obs/jpg/360px/obs-en-14-06.jpg)

بعدين إثنين مِن الجُواسيس بِسِم كاليب و يوشع گالوا: «صِدِگ إهل كنعان قویین و هیکل، بس إحْنِه نگدر نُغلِبْهُم! لأن الله إيحارِب إلنِه.»

![](https://cdn.door43.org/obs/jpg/360px/obs-en-14-07.jpg)

بس بني الاسرائیل ماخذوا حَچي يوشع و كاليب و عَصِبوا و گِلوا لموسى و هارون: «ليش يِبِتونِه هِل بکان الیِرعِبْ؟ إحنا لازِمْ ظالّينْ اِبْمَصُرْ. لو نِهجِم عليهُم إنموت، و کل نِسوانّه و إولادْنِه إيصيرون عبيدْهُم.» هُما رادوا يِنتِخبون غِير زَعيم حتي إيرَجِّعْهُمْ المَصر.

![](https://cdn.door43.org/obs/jpg/360px/obs-en-14-08.jpg)

الله غَضَب علیهُم و حِضَر خِيمِة الإجتماع و گال: «إنتُم عَصِتوني، الخاطر هاي كِلكُم إتيهون بِصحراء وکل الزِلْمِه فوگ العشرين سنة غیر کالیب و یوشَع إيموت بصحراء، و ما یشوف أرض الموعود.»

![](https://cdn.door43.org/obs/jpg/360px/obs-en-14-09.jpg)

لمِّا إلوادم سِمْعَوا كلام الله إتنِدِموا مِن ذِنِبْهُم و رادوا إيهِجْمون علىٰ إهل كنعان. موسى نِبِهْهُمْ لایرحون، لأن الله ماچان إمرافِجهم. بس هُمَّا ماسِمْعَوا كِلام نبي موسى.

![](https://cdn.door43.org/obs/jpg/360px/obs-en-14-10.jpg)

هُمَّا إنْهِزْموا بِلحَرُب و وايد مِنهُم إنكِتِلُوا لان الله ما چان إمرافجهُم. من بَعدِه بني إسرائیل رِجعوا من أرض كنعان و تاهوا إربعین سِنِه بصحراء.

![](https://cdn.door43.org/obs/jpg/360px/obs-en-14-11.jpg)

إبهِل إربعین سِنِه إللي بِني إسرائيل چانوا تايهين بصحراء، الله چان يِطْعَمْهُم. نَعَم عليهم خُبُز بِسِم «مِنّا». چان إيوديلهم الطِيور حتى يأكلون لَحَمْهِن. إبذاك الوكت بِقُدرِة الله مِلابِسهم و نِعِلْهُم أکثر داوُمِن.

![](https://cdn.door43.org/obs/jpg/360px/obs-en-14-12.jpg)

بِقُدرِة الله، نِبَع المَاي مِن بین الصَخَر الشِرِبهم. او کل الهایه، بِني إسرائيل چانوا يعِاتْبون الله و نبي موسى و إیدِردِمون. بس الله چان وِفِي بِعَهدِه وِيِّه إبراهیم و إسحاق و يعقوب.

![](https://cdn.door43.org/obs/jpg/360px/obs-en-14-13.jpg)

فِرد مرّه اللي ناس ماچان عِدْهُم ماي لِشِرِب، الله گِلِلْ موسى: «گِل إلصَخْرَة یجْري مِنهِه المَاي.» بس نبي موسی بچان ما یُأمِر الصَخرَة، ضَرَبْها مَرْتِين بِلْعَصا و هِچ هَانْ الله و نِبَع الماي إبگِد الکِل، بس الله غَضَب علی نبي موسى و گال: «إنتِ ما إتدش أرض الموعود.»

![](https://cdn.door43.org/obs/jpg/360px/obs-en-14-14.jpg)

إبهِل إربعین سِنِه البِني إسرائيل چانوا تايهين بصحراء، كِلْمَن چان أمعاند الله، مات. الله إردود هِداهُم جریب الأرض الموعود. من نبي موسى شِيّب، الله إختار يوشع زعیم بني اسرايیل و وَعَد موسى یوم من الایام، إيودِي لِلناس نبي مِثلِه.

![](https://cdn.door43.org/obs/jpg/360px/obs-en-14-15.jpg)

الله أمر موسى يِصعَد فوگ يِبِل عالي حتى إيشوف أرض الموعود او هو شاف الأرُض، بس الله ماسِمَحْلِه يِدخِل بیها. بعدین نبي موسى إتوفِه و بِني إسرائيل ثلاثين يوم حِزنولِه. يوشع صار زعیمهم او هو چان طیب، لأن چان مِعتِمد بِالله و إيطيعِه.

*قصه ماخوذه من كتاب المقدس:(كتاب الخروج فصل ١٦ و ١٧، كتاب اعداد فصل فصل ١٠ إلى ١٤، كتاب تثنيه فصل ٣٤)*

## 15. ۱۵- أَرْضِ الْمُوعود

https://openbiblestories.org/l/ar-xzn/story-15/

![](https://cdn.door43.org/obs/jpg/360px/obs-en-15-01.jpg)

وُصَلْ وَكِتْ خاطر بَني إِسرائيل إیدِشون الکنعان إللي هیه الأرض الْموعود. إهناك چانَت ديرَهْ بِسِمْ أريحا إللي محوطه إبطیفانْ عاليِه اتحافظ عليها. يوشَعْ وَدَّ إثْنِين جِواسيسْ لأریحا. چانَت إتْعيش إهناک مَرَا زانیه بِسِمْ راحابْ. إهیه ضَمَّت الجِواسيسْ عِدْها و ساعِدِتْهُمْ إیشِرْدون مِنِ الْديرَه. الجِواسيسْ واعدوها مِنْ بَعَدْ تصرف أریحا، إیحافْظون مِنْهِه و مِنْ اَهَلْهِه.

![](https://cdn.door43.org/obs/jpg/360px/obs-en-15-02.jpg)

بني إسرائيل چان لازم إيعُبرون من شط اُردُن حتیٰ يُوصْلون لأرض المَوعود. الله گِلْ لِيوشع: «ودي الكِهِنِه گبلِ الکِل.» من حَطّو ريلٍهُم بلماي، إلماي بَعَد ما جَره و گِدرو يعبرون من گاع اليابسة إذاكِ صوب.

![](https://cdn.door43.org/obs/jpg/360px/obs-en-15-03.jpg)

بعد ما بني إسرائيل عِبروا الشط، الله گِل لِيوشع حَضِّر حالکٰ حتی تِهْجِم علیٰ أریحا. الله گِل شعب: لازم إبسِت أيام الكِهِنِه و الحُراس، كِل يُوم مَرَّه إيطوفون الديرِه. هُمَّا هِمْ طاعوا الله.

![](https://cdn.door43.org/obs/jpg/360px/obs-en-15-04.jpg)

إبيوم السابِع، چان لازم بني إسرائيل سِبِع مرات إیطوفون الديرِه، و تالي الكِهِنِه إينِفْخُون بلبوق و الوادِم إتگوم إتْصَيِّح. هُمَّا هم هِچ سِواو.

![](https://cdn.door43.org/obs/jpg/360px/obs-en-15-05.jpg)

فجأتاً إنْهِدمِن طیفانْ الدیره. بني إسرائيل مثل ما الله أمَرهُم دَمِروا كِل شي الچان بالدیره. چهِ راحاب و إهِلهِه چانو ویا بنی إسرائیل ظلوا بِأمان. من باقي الطوائف بأرض كنعان سِمْعَو بني إسرائيل هَدَّم أريحا، خافو هم إيحَملون عليهم.

![](https://cdn.door43.org/obs/jpg/360px/obs-en-15-06.jpg)

الله چان أَمِر بني إسرائيل لا یِتْصَالحون وُيِه إِي طايفه مِن كَنعَان. بس طائفة من كنعان بإسم آل جبعون چذِبو علي يوشع و گلولِه إحنا مو اويا هِذولي و يايين من بكان بعيد. هم رادو ايذِبون إقرانهُمْ اويا يوشع. يوشع و شیوخ بني إسرائيل بِدون ما يِسْتيشيرون الله، إتصالحَو وُيِه آل جِبْعون.

![](https://cdn.door43.org/obs/jpg/360px/obs-en-15-07.jpg)

مِن بَعَد ثِلِثْ تِيام، بني إسرائيل إفتِهْموا طايفة جِبْعون مِن إهل كَنعَان. ِعَصُبَوْا مِنْ حيلتَهْم. بِس ما كِسْرو العصّه ویاهم، لأن چانوا كاتبين عَهدهم بِحضور الله. بعد ما شيوخ قبايل من كنعان بإسم آل موريان سمعو آل جبعون و بني إسراييل مِتْصَالْحين، إتِّحدو و لِمّو جيش و هِجمو علی آل جبعون. الخاطر هاي طُلبو من يوشع إيساعدهم.

![](https://cdn.door43.org/obs/jpg/360px/obs-en-15-08.jpg)

يوشع و جِيش إسرائيل، لَمان مايوصلون اِلجِبْعونْ كلّ اليل چانو بدَرُب و من غُبْشه بس وصلو، غافِلو آل اموريان وهِجموعليهم.

![](https://cdn.door43.org/obs/jpg/360px/obs-en-15-09.jpg)

إبیوم الحرب الله ساعد جیش إسرائيل و حیّرهم و نِزِّل علیهُم حالوب و أکثرهم إتکِتِلو.

![](https://cdn.door43.org/obs/jpg/360px/obs-en-15-10.jpg)

إبقدرة الله الشمس بعد ماتْحَرِكِت بِسِمه، حتی جيش إسراييل إيصير عِدهم وكت إيغلبون جيش آل إموريان. الله خلِه بني إسراييل إبذاك اليوم إيفوزون.

![](https://cdn.door43.org/obs/jpg/360px/obs-en-15-11.jpg)

بعد ما الله خلِه العَسكر يِنكِسُر، أكثر طوايف كنعان إتِحدو ضد بني إسراييل حتي إيحاربونهُم. يوشع و بني إسراييل هجْمِو عليهم و دِمَروهم.

![](https://cdn.door43.org/obs/jpg/360px/obs-en-15-12.jpg)

مِن بَعد هذه الحروب، الله إنْطی كِل طايفه مِن بني إسرائيل سِهِمهِ مِن أرض المَوعود. بَعدِين الله سِكَن الرحمة وسِلوان إبكل حدود إسرائيل.

![](https://cdn.door43.org/obs/jpg/360px/obs-en-15-13.jpg)

من شِیِب يوشع، جمع بني إسرائيل. هو ذَكَرْهُم إيطيعون وَعد إللي چانو إمواعدين الله علی يبل سيناء. و شعب إنطو وعد إیضُلونْ وَفيينْ بَالله و إيطيعونْ شَريعْتِهْ.

*قُصَهْ ماخوذِهْ مِنْ كِتابِ الْمُقَدَّسْ: (كِتابْ يوشَعْ فَصْل ١ إلى ٢۴)*

## 16. ۱۶- الِمنَجِّینْ

https://openbiblestories.org/l/ar-xzn/story-16/

![](https://cdn.door43.org/obs/jpg/360px/obs-en-16-01.jpg)

بَعَد مُوت يوشع، بنی إسراييل گامو يِعَانْدون الله و ماطُردواْ أهل كنعان مِن أراضيهم و بِدال ما يعبدون الله گامو يعبدون أصنام آل كنعان. بِذاك الزمان بني اسراييل ما چان عِدهم ملك، علی مود هذا كِلمن چان يفكر شِنْهي الصَحْ، چان يسوي.

![](https://cdn.door43.org/obs/jpg/360px/obs-en-16-02.jpg)

عِناد بنی إسراييل خِله چَم مَرَّه يِكررون غَلطَتْهم و هيچي چانَت الدوره: بِلأول عَانِدواْ الله لِسنين طويلِه و الله چان هيچي يجازيهم؛ يخلي عِدوانهُم بِلحَرب يغلبوُنهم و ينِهْبون حَلالْهم و تالي يِكتِلونهم. بعد سنين من إتعَذِّبو، تابو و طِلْبو مِن الله يِفرِجِلْهم.

![](https://cdn.door43.org/obs/jpg/360px/obs-en-16-03.jpg)

كِل ما بني إسرائيل يتوبون، الله يوِديلْهم واحد حتی إینِجیْهم و يحارب عِدوانْهم و يِنتِصِرعليهم. هيچي الله چان يِنزِل عليهم لِسِلوَه و سلام و ذاک الشخص يِحْكُم عليهم بِلعِدالِه. الله ودّ وايد أشخاص الخاطر إينِجّي بني إسراييل. و بَعد نوبه الله خِلّه بني إسرائيل بوِحْدَه مِن لحروب ينْكسرون من آل مديان، و بعد مرّه هَم وُدالْهم واحد إینِجیْهم.

![](https://cdn.door43.org/obs/jpg/360px/obs-en-16-04.jpg)

حَد سَبع إسنين چانو لمِديان ينِهْبون بني إسرائيل و يشردون مِنهم ابيِحرحتّي قوم مديان لايلگونهم. بلآخر دَعَوا الله حتي ينجيهُم.

![](https://cdn.door43.org/obs/jpg/360px/obs-en-16-05.jpg)

فِديوم زلْمَه مِن بني إسراييل بإسِم جَدعون، چان بِلْبوگه يِدِگ الْحِنْطَه خاطر جَماعت آل مديان لايشوفونه و نهبونه. بِلبُكان ظَهَرعليه المَلك يَهُوَه و گِله: «هاك يا لمْحارِب لشِجاع، الله وياك، گوم و روح نجي قوم اسراييل من آل مديان.»

![](https://cdn.door43.org/obs/jpg/360px/obs-en-16-06.jpg)

أبو جدعون، چان هادي لمَذبح مالته الفرد صَنَم. أول ما طلب لرب من جدعون يهدم لمذبح. بَس چِه جدعون چان يخاف مِن الناس نِطَر حد نِص ليل و بَعدين هَدّم لمذبح. جريب من مكان لي هدّم لمَذْبح، بناله مَذبَح يديد و خلّه عليه ذِبايِح.

![](https://cdn.door43.org/obs/jpg/360px/obs-en-16-07.jpg)

يوم لثاني الصبح، عصُبَت لناس مِن شافو واحد محَدّم لمَذبَح. هجموا علي بيت جدعون خاطر يموتونه. بَس ابو جدعون گللهُم ؛ ليش إنتُم تِردون تساعدون الله؟ اذا الله يدّعي انا الله، خلو يحافظ علي نفسه! هيچي لناس يازو منِ قتل جدعون.

![](https://cdn.door43.org/obs/jpg/360px/obs-en-16-08.jpg)

مِن بَعَد مُده اِردود، آل مديان العدّتهم چانت زايده و ماينحَسبون، ايوو حتي يِنهبُون بنی اسراييل. جدعون فِزَع كِل قُومه خاطر يحارْبون آل مديان. طُلَبْ جدعون مِن الله يراوي عَلامتين خاطر يطْمًئن، الرَب حقيقتاً رايد منه ينجّي بنی إسراييل.

![](https://cdn.door43.org/obs/jpg/360px/obs-en-16-09.jpg)

أول نِشان الطلبه جدعون، إن الله يحِطْ گِطعَه مِن يلْد لخَروف علی لگاع و يِرِش عليها نِديٰ بدون ما تتْبَلّل لگاع. الله سَوا مِثِل ما گال جدعون. يوم لثاني طَلَب جدعون مِن الله، إن لگاع تتبلّل بس ليلده تظِل ناشفه، هَمْ الله سَوَه مثِل ما طَلَب منه جدعون. بِهَل علامتين إقْتَنَع جدعون، الله يريد مِنَه ينِجي بنی إسرائيل من آل مديان.

![](https://cdn.door43.org/obs/jpg/360px/obs-en-16-10.jpg)

إثنين و ثلاثين ألف حارس مِن بني إسرائيل إيَو يِم جدعون، بس الله گِلاله؛ هِذولِه وايدين. الخاطرهای جدعون رِجَّع إثنين و عشرين ألف جندي إلچانو يِخافُون مِن لحرب، إردود الله گل الجدعون؛ هِذول هم زايدین. بعدین رَجّع مِنهم و بَس خلّي ثلث ميّت نَفر.

![](https://cdn.door43.org/obs/jpg/360px/obs-en-16-11.jpg)

بْذيچ ليله الله گِل لجدعون: «روح بِلبوگه لِمْعَسكَر المديان، وسْمَعْ شي گولون، بَس تِسمَع حَچيهُم يروح لخوف مِنَك وتِهْجِم عليهم.» راح جدعون للْمًعَسكر سِمَع فَدْ واحد يسولِف حِلْمَه لصاحبه و الزلمه يرد عليه و يگلّه: «تدري تري تَفسير حِلمِك معناته آل جدعون ينْتَصرون علينا بهلحرب.» وجدعون بس سمع السالفه حمد الله و شِكَرَه.

![](https://cdn.door43.org/obs/jpg/360px/obs-en-16-12.jpg)

مِن رِجَع جدعون للمعسكر، إنْطيٰ كل جندي بوق و خُمره مِن طين و بيها مَشعل. بَسْ چَل ليل و عَسْكَر لمديان قفو، جدعون حاصَرهُم. عسكر جدعون لچانو ٣٠٠ نفر، قَطو لمَشاعل بِلْخُمرات خاطر لايِنْشافون.

![](https://cdn.door43.org/obs/jpg/360px/obs-en-16-13.jpg)

و العسكر كَسِرو الخُمرات و كل بكان ضُوا. و مِن چانو ينفخون بِلبوق يشعرون و يگولون: «السِيف لألله و جدعون، السِيف لألله و جدعون.»

![](https://cdn.door43.org/obs/jpg/360px/obs-en-16-14.jpg)

الله حَيَّر آل مديان و خلاهم يِتْكاتِلون. جدعون فِزَع باجي بني إسرائيل من إبيوتْهم خاطر إيطاردون آل مديان. هما كتلو عده زايده منهم و طردو الباقي مِن أراضي إسرائيل. إبذاك اليوم ١٢٠ ألف نفر من آل مديان إنكِتلو. هيچي الله نجّي بني إسرائيل.

![](https://cdn.door43.org/obs/jpg/360px/obs-en-16-15.jpg)

الشعب رَاد يِنْتَخب جدعون ملك. بَس هُوَ ما رِضيٰ و طلب مِن النّاس ينْطونِه مَفاتیل مِن ذهب الحَصِلو غِنيمِه، و لنّاس هم إنطو ذهب وايِد.

![](https://cdn.door43.org/obs/jpg/360px/obs-en-16-16.jpg)

بلذهب لي حَصَّله جدعون، صَنَعْلِه ثُوب، مثل ثُوب الكَهَنه. بَس للأسَف گامت لناس تعبد الثوب الصَنَعَه جدعون. و چِهِ بَعد مَرّه لِنّاس نسو ربهم، الله خلّه عدوانهم ينتصرون عليهم. الوادم اردود تابت عند الله و بَعد مرّه الله ودالهم مُنجی و تكررت القضيه.

![](https://cdn.door43.org/obs/jpg/360px/obs-en-16-17.jpg)

و بَعَد مرّه تكررت القضيه: بني إسرائيل یذنبون و يتوبون و إردود الله يوديلهم منجی. لسنينِ الله چَان يودي أشخاص خاطرينَجّون بني إسرائيل.

![](https://cdn.door43.org/obs/jpg/360px/obs-en-16-18.jpg)

بِنَهایه بني إسرائيل طلبوا مِن الله مثل باجي الطوایف يوديلهم ملك قوي و شجاع خاطر يگدَر يحميهم بلحروب. الله هِم إنْطاهم مَلک مثل ما رادو، بَس الرَب ماچان راضي مِن طلبهم.

*قصة مأخوذه من کتاب المقدس: (کتاب القضاة فصل ۱ آیه ۳ و ۶ إلی ۸؛ کتاب صموئیل الأول فصل ۱ آیه ۱۰)*

## 17. ۱۷- عَهْد الله إوْيِه دَاوُد

https://openbiblestories.org/l/ar-xzn/story-17/

![](https://cdn.door43.org/obs/jpg/360px/obs-en-17-01.jpg)

شَاوُلْ چان أوَّل مَلِك إسرائيل و مِثِل ما الناس طِلبوا من الله قوي و شجاع و حلو. أوَّل مِن حِكَم شَاوُل چان خُوشْ مَلِك. بَس إشوي إشوي تِبَدّل و صار وايد شَرور و گام يِعاند و ما يطيع الله. علیٰ مود هاي الله نِصَب غير مَلِك بِدالِه و چان إسمه دَاوُد.

![](https://cdn.door43.org/obs/jpg/360px/obs-en-17-02.jpg)

الله إنْتَخَب شَاب مِن بني إسرائيل خاطر يجَهْزَه بچان مَلِك شَاوُل. دَاوُد، چان رَاعي غَنَم مِن أهَل بيت لَحْم. و چَم مره نَجّه لغَنَم من حَمْلات السَبِع و لخِرِس و كِتِلهِن. هو چان زِلمِه مُتِواضع و يِعتِمد علیٰ الله و يطيع رَبِه.

![](https://cdn.door43.org/obs/jpg/360px/obs-en-17-03.jpg)

بِذاك زمان إللي دَاوُد چان شاب، حارِب واحِد إسمِه جُلْيَاتْ إللي چان طولِه ثلاث إمتار و قوي و غَلَبَه، الله ساعد دَاوُد و كِتِل جُلْيَاتْ و نِجِه بنی إسرائيل. مِن بَعَدها چَم مره دَاوُد غَلَب عِدوانِه و صار جُندي بَطَل و شِجاع و چان یقود أكثَر لِحُروب. ولناس چانو وايد يِحِمْدونِه.

![](https://cdn.door43.org/obs/jpg/360px/obs-en-17-04.jpg)

مَحَبَة ناس لِدَاوُد خَلّه شَاوُل يِحِسدِه وبِهلْحَاله صَمَم شَاوُل، يكتِل دَاوُد. بِس دَاوُد چان شَارِد بِلدَوَّه و ضَم روحه. يوم مِن الأيام إللي شَاوُل و لعَسكر مالته، چانو يدَورون علیٰ دَاوُد، فَجأتاً شَاوُل دِخل ليِحِر إللي دَاوُد ضَمْ روحه بي. شَاوُل مَاشَاف دَاوُد، بِس دَاوُد هَلْگَد إتدِنّا شَاوُل إللي گَصْ گِطْعَا من إهدومه. مِن شَاوُل طَلَع من ليحر، دَاوُد صَاحْلَه و رَاوَا گطعَه من ملابس شَاوُل إللي خِذاها منه. هِچِي دَاوُد ثَبِّت لِشَاوُل هو مايريد يِكِتْلِه ويصير مَلِك بِچانِه.

![](https://cdn.door43.org/obs/jpg/360px/obs-en-17-05.jpg)

بَعدِين شَاوُل إنكِتَل بِوحْدِه مِنِ لحُروب و دَاوُد صار مَلِك. هو چان خُوشْ مَلِك و لنَاس تريده. الله هِم بَارَك دَاوُد و خِلّا يِتوَفَق بِكِل أعمَالِه. دَاوُد إشتِرِك بِوايِد مِنِ لحُروب و بِعُون الله غَلَب كل عِدوَان بني إسرائيل. هو فِتَح أُورُشَلِيم و سواها عاصِمة بني إسرائيل. دَاوُد عَاشْ و مَاتْ بأُورُشَلِيم. حَدْ أربعین سِنه چان مَلِك لِسرائيل و بهاي لمُدَه إسرائيل چَانِت قَويِه و غَنيِه.

![](https://cdn.door43.org/obs/jpg/360px/obs-en-17-06.jpg)

دَاوُد رَاد يِبْنيلِه مَعبَد خاطر بني إسرائيل يعِبدون الله، و یقِدْمُون ذِبايِحْهُم بيهِ. حَدْ أربَعِ مية سِنِه لناس چانو يِعبدون الله و يِذبْحون ذِبايِحْهُم بِمكان يسِمُونِه خيمَة الاجتماع إللي نبي مُوسَی چان بَانيهِه.

![](https://cdn.door43.org/obs/jpg/360px/obs-en-17-07.jpg)

بِس الله وَدّه نبي بِسِم نَاثَانْ لِدَاوُد و گِلِّه: «لِأن چِنِت بِحُروب وَايدِه، إنت ما تِبْنيلِي لمَعبد، أمَّان إبنِك يِبْنِي و انا أبَارْكَنِك. واحد من ذُرِيتِك حَدْ لأبِد يِتْسَلَط علیٰ لشعب. و ذاك لشخص لي من ذُرِيِّة دَاوُد، و حَدْ الأبد يظِل مَلِك، چان المَسيح. المَسِيح چان هو إللي الله إختارَه خاطر يِنَجي لعالم مِن لذُنُوب.»

![](https://cdn.door43.org/obs/jpg/360px/obs-en-17-08.jpg)

وَكت إللي ملک دَاوُد سِمَعِ لكلام، حِمَد الله و شِكَرَه. الله هِمْ عَلّه شَأنِه و بارَكَه. بِس دَاوُد ماچان عِنْدَه عِلِم، الله يَمْتَه يحَقِق وُعُودِه. بِس هِسِه دَرِنا بني إسرائيل مِن زِمان مَلِک دَاوُد حَدْ ظهور المَسِيح لازم ينتَظرون ألف سنه.

![](https://cdn.door43.org/obs/jpg/360px/obs-en-17-09.jpg)

إسنين طويله مَلِک دَاوُد حِكَم بِلْعِدالَه. هو چان مُطيع لِرَّب و الله هَم چان يبَاركَه. بِس ابْهَلْحالَه آخرعُمره إرتِكَب ذَنِب چيبير.

![](https://cdn.door43.org/obs/jpg/360px/obs-en-17-10.jpg)

يوم من الأيام مِن چان طَالِع كِل لعَسكر لِلحَرُب، دَاوُد باوع مِن فوگِ لقَصر و شَافلَه مَرَه حِلوَه چانَت تِسبَح. هُوَ ماچان يعَرِفها بس إفتَهَم إسِمها بَتْشَبَع.

![](https://cdn.door43.org/obs/jpg/360px/obs-en-17-11.jpg)

و بِدال مايُوز مِنِ لوُسوَاس لصار بي، وَدَّالِه شخص إيیِبلِه للمَره. دَاوُد گَظَه لِيله ويالمره و بَعدين وَدَاها لبيتْهَه. بَعَد مُدّه بِتْشَبَع وَدَت لِدَاوُد رِسالِه و گَلّتله أنا حِبلِه.

![](https://cdn.door43.org/obs/jpg/360px/obs-en-17-12.jpg)

زوج بِتْشَبَع، چانوا يسَمونَه إُورِيَّا و چان واحَد من أحْسَن جُنُود دَاوُد. بذاكِ لوَكِت أُورِيَّا چان بِلحَرب و بعيد علیٰ لبيت. دَاوُد وَدِّه علیٰ أُورِیَّا و گِلّه روح لِبِتَك و ظِل يِم مَرتِک. بِس أُورِيَّا مَا قِبَل يِرجَع لِلبِيت.عَلَمُود هاي، بعد مَره دَاوُد دَزْ أُورِيَّا لحَرُب و وَصَیٰ قَائِد لمِيدَان إنو يخَلون أُورِيَّا بِأوَّل الخَطْ، خاطِر يِنْكِتِل. وهِچِي أُورِيَّا إنكِتِل بِلحَرُب.

![](https://cdn.door43.org/obs/jpg/360px/obs-en-17-13.jpg)

بَعَد مَا إنْكِتَل أُورِيَّا، دَاوُد تِزَوَج مَرْتَه. و جابَتْلَه وَلَد. بِس الله چان مِعَصِب من عَمْلَت دَاوُد. هِچِي الله وَدِّه نَبي نَاثَان خاطِر إينَبِه دِاوُد مِن خَطيّه لِرتِكَبْها. دَاوُد إعْتِرَف إبذَنْبَه و الله غُفَرْلَه. دَاوُد حَدْ آخِرعُمْرَه حتیٰ بأصْعَب مَراحِل حَياتِه ظَلْ يطيع الله.

![](https://cdn.door43.org/obs/jpg/360px/obs-en-17-14.jpg)

إبِن دَاوُد صَار فِدوَه لِخَطيتَه و مَاتْ. و وَايِد من أهالي دَاوُد عانِدو و نِزَل من شَإنَه. بِس الله حتیٰ مِن دَاوُد چان يعَانِد، وُفیٰ بِوَعْدَه وِيّا، بَعدين دَاوُد إتْزَوَج بَتْشَبَع و الله رِزَقْهُم إبوَلد سَمو سُلَيْمَان.

*قُصَةْ مَأخوذِهْ مِنْ کِتابِ الْمُقِدِّسْ: (كتاب صَموئيل الأول فَصل ١٠؛ و فَصل ١۵ إلىٰ ١٩ و فصل ٢۴ و ٣١؛ كتاب صَموئيل الثاني فُصول ۵ و ٧ و ١١ و ١٢)*

## 18. ۱۸- مُلُوكِيِة إسرائيل تَتَقَسِّمْ

https://openbiblestories.org/l/ar-xzn/story-18/

![](https://cdn.door43.org/obs/jpg/360px/obs-en-18-01.jpg)

مَلِک دَاوُد حِكَم ۴۰ سِنِه. مِن بَعَد مُوتِه، إبنِه سُلَیْمَان صار مَلِک بني إسرائیل. الله حِچِه وَیِّه سُلَیْمَان و سِئِله: «شتْريد إنْطِیک؟» و سُلَیْمَان طَلَب الحِکمِة من الله. الله فَرَح مِن حَایِة سُلَیْمَان اُو سِوَّا أفْهَم زِلمِه بَلدِنيِه. سُلَیْمَان إتعَلِّم إشیاء وَایدِه اُو چان مَلِک حَکیم. اُو الله إنْطیٰ ثِروَه زايدِه.

![](https://cdn.door43.org/obs/jpg/360px/obs-en-18-02.jpg)

بِدیرِة أُورُشَلِیم سليمان بَنَا مَعبَد إللي دَاوُد چان رَاسِم بِنیانْهِ و إمْحَضِر مَصَالِحه والوادِم بِچان ما يِلتِمون بخِیمِة الاجتماع، إهناك چانوا إیعبدون الله ويِذِبحون ذِبَايِحْهُم. حُضورالله چان نازِل علیٰ المَعبَد، و إهناک حاضِر و إیعیش وَیا شَعبِه.

![](https://cdn.door43.org/obs/jpg/360px/obs-en-18-03.jpg)

بِس سُلَیْمَان حَبْ نِسوَان مِن غِیْر طُوایِف و عَرَّس وُيَاهِن. سُلَیْمَان خَذَه أکثَر مِن ۱۰۰۰ مَرَا و هِچْ عَانِد رَبَّه. أکثَر النِسوَان، چانِن یَایَات مِن دِيَرغُربا و چان إویاهِن أصنَام خاطِر يِعِبْدِنهِن. سُلَیْمَان مِن شِیِبْ، هُو هِمْ گام یِعبِد إصنَام نِسوَانِه.

![](https://cdn.door43.org/obs/jpg/360px/obs-en-18-04.jpg)

إلهَایِه الله عَصَب مِن سُلَیْمَان و گِلالِه الخاطِر هاذ إعنَادِك، مِن بَعَد مُوتِک أقَسِّم مُلُوکِیة بني إسرائیل قِسِمْتِين.

![](https://cdn.door43.org/obs/jpg/360px/obs-en-18-05.jpg)

مِن بَعَد مُوتِة سُلَیْمَان، بني إسرائیل کِلهُم التِمَّوا خاطِر يِنِصبُون إبنِه رِحُبْعَامْ مَلِك. هُمَّا إشْتِکوا مِن سُلَيْمَان لإبْنِه و گِلولِه أُبوك يِجبُرنِه حِيل نِشتِغُل و يأخذ مِن عِدنِا وَايِد ضَرايِب. الوادِم رَادِت مِن رِحُبْعَامْ لایصیر ظَالِم مِثل اُبو.

![](https://cdn.door43.org/obs/jpg/360px/obs-en-18-06.jpg)

أمَّانْ رِحُبْعَام جَاوبْهُم جَواب گوُتْرَه و گال: «إنتُم إتفَکرون اُبوی چان عاصِي، بِس أنا أَخَليكُم تِشْتّغلون أكثَر و إعَذِبکُم أکثَر مِن اُبوی.»

![](https://cdn.door43.org/obs/jpg/360px/obs-en-18-07.jpg)

أکثَر النَّاس مِن بَعَد ما سِمْعَو حَچْيه عَصوا عَلِیه. عَشِر طَایِفه مِن طُوایِف بني إسرائیل إتْجَزَوْ مِنْهُم. بِس طایِفتِین ظَلوا وُفیِین و هِلْ طایِفتِین سِمِّوا نِفِسهُم إمْلوك یَهُوذَا.

![](https://cdn.door43.org/obs/jpg/360px/obs-en-18-08.jpg)

هَلْ عَشِر طُوایِف، واحد بِسَم یَرُبْعَامْ صار مَلِكْهُم. هُمَّا چانوا سَاکْنِین بَطرافِ شِمال و سِمِّوا نِفِسهُم اِمْلوك إسرائیل.

![](https://cdn.door43.org/obs/jpg/360px/obs-en-18-09.jpg)

یَرُبْعَامْ ما چان إيطیع الله و خّلَّه الوادِم إیذِنبون. هو سَوه إثنِین أصنَام اُو رَاد مِن الوادِم إیعِبدون الأصنَام. هُمَّا بَعَد ما چانوا لِلعِبَادِه یِمشون صوبْ أُورُشَلِیم إللي چان بِمُلُوکِیة یَهُوذَا.

![](https://cdn.door43.org/obs/jpg/360px/obs-en-18-10.jpg)

مُلُوکِیة یَهُوذَا اُو مُلُوکِیة إسرائیل صارِوا عِدْوَان و كِل وَكِت چان بِينَاتهْم حَرُب.

![](https://cdn.door43.org/obs/jpg/360px/obs-en-18-11.jpg)

کِل مُلُوک إسرائيل إبهِل المُلُوكِيِه چانوا إشْرَار. أکثَرهُم إتْکِتِلُوا ابِإيدْ أشخَاص إللي رادوا یِتْسَلِطون علیٰ المَمْلِکة.

![](https://cdn.door43.org/obs/jpg/360px/obs-en-18-12.jpg)

کِلْ المُلُوک و أکثَر شَعَب إسرائیل چانوا إیعِبدون الأصنَام. مِن چانو يعبدون الأصنَام، ينامون وَیِّه نِسوَان زانیَات اُو حتیٰ چانوا إيذِبحُون اليِهَال لِأصنَام.

![](https://cdn.door43.org/obs/jpg/360px/obs-en-18-13.jpg)

مُلُوک الیَهُوذَا چانوا مِن نِسِل دَاوُد. بَعَضْهُم چانوا ناس طِیبین، اُو إیحِکمون بِلعِدالِة وچانوا إیطیعون الله. أمَّان أکثَرهم، چانوا إشرار. بَعَضهُم چانوا حتیٰ إیذبحون لِيهَال لِأصنَام. أکثَر إهِل یَهُوذَا عانِدَوْ الله و چانوا إیعبدون غير أصنَام.

*قُصَةْ مَأخوذِهْ مِنْ کِتابِ الْمُقِدِّسْ: (کِتاب مُلُوک الأول فَصل ۱ إلیٰ ۶ و ۱۱ و۱۲)*

## 19. ۱۹- الأنْبِياء

https://openbiblestories.org/l/ar-xzn/story-19/

![](https://cdn.door43.org/obs/jpg/360px/obs-en-19-01.jpg)

الله إبْطُول التَاريخ وَدَّه أنبياء لإسرائيل. الأنبياء شِغْلَتهُم چانت، يَاخْذون رِسائِل مِن الله و إینِقلونهِ لِلنَاس.

![](https://cdn.door43.org/obs/jpg/360px/obs-en-19-02.jpg)

نبي إِيلِيَّا چان عایِش إبْزِمان مَلِك أَخْآبْ. أَخْآبْ چان واحِد شَر، و إیْشَجِع النَاس خاطِر يِعبدون صَنَم چان اِسْمَه البَعْل. إِيلِيَّا گَلِلْ أَخْآب الله إیعَاقبِه علیٰ هاي عَمِلْتَه. اُو گِلالِه: «بِدون أمْرِي بِسرائيل لا تِمطِر ولا یِگعِد نِدِه علیٰ الگاع.» أَخْآبْ عَصَب مِن إِيلِيَّا و صَمَم یِکِتْلَه.

![](https://cdn.door43.org/obs/jpg/360px/obs-en-19-03.jpg)

الله گِلْ نبي إِيلِيَّا يرُوحْ لِلصَحراء و يِضُم رُوحَه مِن أَخْآب. إيلِيَّا رَاح لِلبِر و سِكَن یِمْ النَهَر إللي الله چان امْراوي. كِل يوم الصُبُح و العَصِر الطِيور چانن إییبِنْلِه خُبُز ولَحَم. إبْهاذَ الوکت، أَخْآب و جِيشه چانوا إیدِورون وَراء إِيلِيَّا بِس مَاگِدرَو یِلْگُونِه.

![](https://cdn.door43.org/obs/jpg/360px/obs-en-19-04.jpg)

و چِه مَا چانِت تُمطُر، مِن بَعَد مُدّه یبِس النَهر. إِيلِيَّا راح غیر بِچان اِبْذيچ الحَوالي. إهنَاک چانت إتْعیش مَرَّأ فَقيرِة وَیِّه إبِنهِا و الخاطر الگَحَطْ چان إمْخَلَص إکِلهُم. أمَّان المَرَّأ، چانت إتباهي إِيلِيَّا، والله هم رِزِقِها هیه و إبِنهِا. و بهاي لمُدِّه دِبِة الطِحين والدِهِن عند المَرَأ مَاخَلْصَن و بطُول الگَحَطْ چان عِدْهَا زَاد لِلإکِل. إِیلِیَّا ثِلِث سنین ظَل إهناک.

![](https://cdn.door43.org/obs/jpg/360px/obs-en-19-05.jpg)

بَعد ثِلِث سنین ونُصْ، الله گِلْ الإيلِيَّا إردود دنيا تِمُطِر. الله طَلَب مِن إِيلِيَّا یِرجَع لإسرائيل و إیحَاچِي أَخْآب. أَخْآب مِن شاف إِيلِيَّا گِلِه: «أنتِ سِبب كِل های المَشاكِل!» إِيلِيَّا جاوب: «كِل های المَشاكِل مِنِك.» إنت تَركِت يَهوَه. هو رَبّ الحقيقي بس انت عِبَدِتْ البَعَل. «یِیبْ كِل بني إسرائيل یم یِبِل كَرمِل.»

![](https://cdn.door43.org/obs/jpg/360px/obs-en-19-06.jpg)

كل بني إسرائيل حتیٰ أنبياء البَعْل إلچانو ٤٥٠ نفر اييو یِم يِبِل الكَرْمَل. إِيلِيَّا گال: «الياوكت اتريدون إتْشِكّون؟ لو تدْرون يهوة الله، إعبدو الله، و لو تِدْرون البَعْل الله طيعو البَعْل.»

![](https://cdn.door43.org/obs/jpg/360px/obs-en-19-07.jpg)

إِيلِيَّا إلتِفِت لَأنْبياء البَعْل و گِلهُم: «إذِبْحُوا ثُور، و گُطعَوا لَحْمِه وِصْلَه وِصْلَه و حُطوا علىٰ المَذبَح بِس لا تشِوُنَه. أنا هِم إسوي مِثِلْكُم علىٰ غیر مَذبَح. إلله اليوَدّي نار لِلمَذْبَح، هو رَب الحَقيقي.» الهَایِه الكَهَنَة حَضروا الضَحِیه بِس ما شِعلَوا نَار.

![](https://cdn.door43.org/obs/jpg/360px/obs-en-19-08.jpg)

بَعدين گامو يِندِعون لِصنَم البَعْل: «يا البَعْل، إسْمَع حِسْنِا!» هُمَّا طُولِ نَهٰار چانو يِندِعون، إيصِرخون و إيجِرحون بَدِنهُم بِسِچينِه. أمَّان الصنَم ما جَاوَبهم و مانزلَتِ النَار علیٰ ذَبيحِه.

![](https://cdn.door43.org/obs/jpg/360px/obs-en-19-09.jpg)

أنبياء البَعْل مِن بَعَد ما چانو يِندِعون طُولِ النَهٰار عِيزَو و يَازَو مِن الدعا. إِيلِيَّا خِلهِ غير ثُور علیٰ المَذبَح و گِل النَاس صُبّو إثنَعَش خُمْرَات إكبَار ماي علیٰ المَذبَح، خاطِر لَحمِ ثُور و الحُطَبْ و حتیٰ گاع الحَوالِي المَذبَح تِتْبَلَل.

![](https://cdn.door43.org/obs/jpg/360px/obs-en-19-10.jpg)

بَعدِین إِیلِیَّا هِچْ إنْدَعا: «یَا یَهُوَه، یا رَب إبراهِيم، إسحَاق و‌ یعقوب ، الیوم راوِینِّا أنت رَب إسرائيل و أنا خَادمِك. إستِجِب دعاي خاطِر هذا الشَعَب إيعرفون إنت رَب الحَقيقي.»

![](https://cdn.door43.org/obs/jpg/360px/obs-en-19-11.jpg)

فَرِد نُوبَا نِزِل مِن سِمِه نار و حَرَگْ اللَحَم، الحُطَب، الصَخَر، التُراب و حتیٰ الماي الدور مَا دَوار المَذبَح. مِن النَاس شافو هِشِي ، سِجدو علیٰ الگاع و گالو: «يَهُوَه الله! يَهُوَه الله!»

![](https://cdn.door43.org/obs/jpg/360px/obs-en-19-12.jpg)

بَعدِين إِيلِيَّا گال: «لاتْخِلون حتیٰ وَاحِد مِن أنبياء صَنَم بَعْل يِشرِد مِنْكَم !» الناس گظو الأنبياء البَعْل و خِذوهُم حتیٰ إيكِتلونهُم.

![](https://cdn.door43.org/obs/jpg/360px/obs-en-19-13.jpg)

بَعدِين إِيلِيَّا گِل المَلِك أخْآب: «إبسِرعَه إرجَع البِيتك چِهْ هَسِه تِمْطر.» بِلْبُكان، إنْتَرَس السِمِه مِن قِيُوم سُودِه و مُطرِت مَطرَه شِديدِه. يَهُوَه الرَب خَلّه الگَحَطْ يخَلِص و بِهِلشِي ثَبِت هو الرَب الحَقيقِي.

![](https://cdn.door43.org/obs/jpg/360px/obs-en-19-14.jpg)

مِن بَعَد ما إِيلِيَّا خَلَص شُغلِه، الله إختَار نبي بِسِم أَلِيشَعْ. الله رَاوَا مُعجِزات چثيرِه مِن أَلِيشَعْ. وُحدِه مِن هاي المُعجِزات صَارِت الواحِد إسمِه نُعْمَانْ الچان واحِد مِن كُبار جيش العِدوَ. هو چان إمصَاب إبمَرَض مو زِين إبيِلدِه. هو چان سَامِع ابأَلِيشَعْ، الهَايِه طَلَب مِنِه الشِفاء. أَلِيشَع گِل النُعْمَانْ يِغسِل روحه سَبِع نوبات إبماي شَط اُرْدُن.

![](https://cdn.door43.org/obs/jpg/360px/obs-en-19-15.jpg)

بِلأوَّل نُعْمَانْ عَصَب مِن حَچيِه، چِه فَكَّر هذه شِي بعید، ما چان راضي إيدِش بِلماي. بِس تالي بَدِّل رَايِه و غَسَل روحه سَبِع مَرات إبشَطْ اُرْدُن. مِن مره السَابعِه طَلَع مِن الماي، چان شَافي مِن المَرَض و الله مِشافِي.

![](https://cdn.door43.org/obs/jpg/360px/obs-en-19-16.jpg)

الله وَدِّه البني إسرائيل أنبياء چثيره. كِلهُم نَبِهَو الناس إيتوبون و بَعَد لايعبدون الأصنَام. إيصيرون عادِلين و إيرِحمون بَعَضهُم . هُمَّا چانو إينِبهُون الناس لايتدَنون الشَر و إيطيعون الله. لو مايسوون هِشي يِنحِسبون عند الله خاطين و هو إيجَازيهم.

![](https://cdn.door43.org/obs/jpg/360px/obs-en-19-17.jpg)

أكثَر الاوكات، الناس ماچانو إيطيعون الله. هُمَّا چانو إيأذون الأنبياء و حتیٰ اوكات إيكِتلُونهُم! فِرد مرة، ذِبُّو نبي إِرْمِيَا إبدَاخِل البِير و خِلو لِمٰان ما إيمُوت. إِرْمِيَا بَرَک بِطين. بِس مِن بَعدِه، رَحَم عَلِه المَلِك و أمَر خِدامِه إيطِلعُونِه مِن العِگلَه گِبُل لايمُوتْ.

![](https://cdn.door43.org/obs/jpg/360px/obs-en-19-18.jpg)

رَغم إللي الناس چانو إيكِرهون الانبياء، هُمَا چانو يِحچُون مِن الله و چانو يِنِبهون الناس لو مَايْتوبُو، يِنهِلكون و يِذكّرون الناس وَعد الله إللي يِوَديلهُم المَسِيح.

*قُصَةْ مَأخوذِهْ مِنْ کِتابِ الْمُقِدِّسْ: (الملوك الأول  فَصل ۱۶ إلیٰ ۱۸؛ الكتاب المُلُوك الثاني فَصل ۵؛  کتاب إِرمِيَا فَصل ۳۸)*

## 20. ۲۰- التَبعیدْ و الرِجْعَة

https://openbiblestories.org/l/ar-xzn/story-20/

![](https://cdn.door43.org/obs/jpg/360px/obs-en-20-01.jpg)

مُلُوکِیِة إسرائيل و اليَهُوذَا إثنِينهُم ذِنبُوا بِحَگ الله. هُمَّا كِسرَو العَهَد إللي چانوا شَادينِه وَيِّا رَبهُم إبيِبل سِينَاء. الله چان إبوَاسِطَة الأنبياء إمْنَبْئهُم خاطِر يِتوبُون و إردُود يِعبدُونِه، بِس هُمَّا ما طَاعوا رَبهُم.

![](https://cdn.door43.org/obs/jpg/360px/obs-en-20-02.jpg)

الخاطِر هاي الله جَازَاهُم و خَلَه عِدوَانهُم إيدِمرُونهُم. إبذَاك الزِمان چانت طَايِفه بِسِم أَشُورْ و إبنِفسِ الوكت چانت ظَالمِه أكثَر مِن باقي الطُوايِف. شَعَب أَشُورْ دَمِروا مُلُوكِيِة إسرائيل و كِتلَو ناس وَايدِه مِنهُم، و نِهْبُوهُم و حِرگُوا قِسِم چبير مِن گيعَانهُم.

![](https://cdn.door43.org/obs/jpg/360px/obs-en-20-03.jpg)

الأَشُورِيِه خَذِوا الشِيوخ و كِلمِن غَنِي و كِل شَخص چان عِنْدَه مِهْاره و فَن. بِس الفُقرَ والمَساكِين ظَلوا بِسرائيل.

![](https://cdn.door43.org/obs/jpg/360px/obs-en-20-04.jpg)

و بَعَدْهِ الأَشُورِيِه يَابوا الأجَانِب و سِكْنُوهُم بِسرائيل خاطِر يِعيشُون إهناك. الأجَانِب رَمِمَوْا الخَرايِب و تَناسِبو وَيِّا الناس الچانوا ظَالِين بِسرائيل. نَسِل الصّار مِن هِل نِسْبَه سِمُوهُم السَّامِرَيِه.

![](https://cdn.door43.org/obs/jpg/360px/obs-en-20-05.jpg)

الناس الچانت تحت مُلُوكِيِة اليَهُوذَا، شافو الله إشلون جَازِه مُلوك إسرائيل المَاچان عِدهُم إيمَان بِالله و عَانِدوا، بِهِلحَالِه هِمْ ظَلوا يِعبُدون أصنَام بني كَنْعَانْ. الله وُدالْهُم أنبياء خاطِر ينَبْهُونْهُم، بِس هُما ظَلَّو يتَابعون عَمَايِلهُم.

![](https://cdn.door43.org/obs/jpg/360px/obs-en-20-06.jpg)

حدود مِيِّة سنه بَعد ما لأَشُوريِه دَمَروا مُلُوكيِة إسرائيل، الله وَدِّه شَخُص بِسِم نَبُوخَذْنَصَّر الچان مَلِك بَابِل خاطِر يِحّمِل و يِهجِم علیٰ مُلُوكيِة اليَهُوذَا. أهَل بَابِل چانوا مِن طَايِفه قَويِه. مَلِك اليَهُوذَا سَلَّم روحَا و رِضیٰ يَخدِم نَبُوخَذْنَصَّر و يِنْطِي كِل سنه فلوس زَایدِه.

![](https://cdn.door43.org/obs/jpg/360px/obs-en-20-07.jpg)

بِس مِن بَعد چِم سنه، مَلِك يَهُوذَا عَصَیٰ علیٰ بِلاد بَابِل. علیٰ مود هاي البَابِليِه رِجْعَوا و ردود حَمِلوُا علیٰ مُلُوكيِة اليَهُوذَا. البَابِليِه تِصَرِفَوْ دِیرِه إسِمهِ أُورُشَلِيم، و دَمَروا بيها المَعبَد إللي چانوا الناس يِعبدون بِيهِ و خِذَوا كِلشِي الچان بِلمَعْبَد و بِدیرِه.

![](https://cdn.door43.org/obs/jpg/360px/obs-en-20-08.jpg)

جنود نَبُوخَذْنَصَّر الخاطِر يِجازُون مَلِك يَهُوذَا، كِتلَوا أُولادِه جِدّامِه و عِمَوْ إعيونِه. و تالي خِذَو المَلِك وَيَّاهُم البَابِل و حِبْسوا حَد ما يموتْ بِلسِجِن.

![](https://cdn.door43.org/obs/jpg/360px/obs-en-20-09.jpg)

نَبُوخَذْنَصَّر و جِيشِه تَقريباً خِذَوا كِل أهالي مُلُوكيِة يَهُوذَا وَيَّاهُم البَابِل، و بس خَلّو ناس الفُقْر خاطِر يِشتِغلون بِلزِراعه. هاي الفَتْرَه الشَعَب الرَب إنْجُبْرَو یترْكَون أرُض المَوعُود، يِسَمونْها التَبعيد.

![](https://cdn.door43.org/obs/jpg/360px/obs-en-20-10.jpg)

صِدِگْ الله بَعّد القوم، و هذا التَبعيد چان الخاطِر ذُنوبهُم، بِس الله مانِساهُم ولا نِسَه الوَعَد إللي چان إمْواعِدْهُم. الله چان يِراقِب قومَه و بواسِطَة الأنبياء يِحاچيهُم. الله وَعَد من بعد سبعين سنه إردود يرَجّع بني إسرائيل لِديارهُم بأرُض المَوعُود.

![](https://cdn.door43.org/obs/jpg/360px/obs-en-20-11.jpg)

مِن بَعَد سبعين سَنَه كوروش، مَلِك الفُرُس، غَلَب البَابِليِه بِلْحَرُب، و هِچِي إمْبراطُورِيَة الفُرُس إتْسِیطَرَت علیٰ امبراطورِيَة بَابِل. إبذَاك زِمان چانو يِسَمون بني إسرائيل، اليَهُود. هُما چانو عايشين أكثَرعُمُرهُم إبْبَابِل. بِس لِشيَاب چانو يِذِكرُون أرُض يَهُوذَا.

![](https://cdn.door43.org/obs/jpg/360px/obs-en-20-12.jpg)

صِدِگْ الفُرُس چانو قويين، بس چانو إيعَامْلون باقي شُعُوب إللي چانوا إمسِیطِرین علیهُم بِجُود و كَرَم. بعد مُدَه قليلهِ من كوروش صار مَلِك، صِدَر حُكُم، و أمر كِل ايَهُودي اليريد يِرجَع البَلِده، يِگدِر يِتْرِك إبلاد الفُرُس و يِرجَع. هو حتیٰ إنْطاهُم إفلوس خاطر إردود يِبنون المَعبَد إبْأُورُشَلِيم. و من بعد سبعين سنه، عِدّه قليله منهم رِجعَوا البَلِدهُم أُورُشَلِيم.

![](https://cdn.door43.org/obs/jpg/360px/obs-en-20-13.jpg)

مِن الجِمَاعه وصلوا أُورُشَلِيم، عَمَّرَوْ طِيفَان المَعبَد و الدِيرِه. الفُرُس بَعَدْهُم چانو إمْسِطَرين عليهُم بس هُمَّا إردود گِدْرَو يِرجعون البَلِدهُم و يعبدون رَبهُم بِلمَعبَد.

*قُصَةْ مَأخوذِهْ مِنْ کِتابِ الْمُقِدِّسْ: (کتاب ملوک الثاني فَصل ۱۷ و ۲۴ و ۲۵؛ کتاب أخبار الأیام الثاني فَصل ۳۶؛ کتاب عِزْرَا فَصل ۱ تا ۱۰؛ کتاب نَحَمْیَا فَصل ۱ تا ۱۳)*

## 21. ۲۱- الله يِنطِي وَعَد جيِتْ المَسِيح

https://openbiblestories.org/l/ar-xzn/story-21/

![](https://cdn.door43.org/obs/jpg/360px/obs-en-21-01.jpg)

مِن أوَّل مَا الله خَلَقِ الكُونْ چان يدري بعد مُدِه مَديدِه يودي المَسِيح المَوعُود. الله چان إموَاعِد آدَمْ و حَوَّاء يسوي هِل شي بدون تَأجيل. الله چان مَنْطِي وَعَد، يجي وَاحِد مِن نَسِل حَوَّاء إللي یِضرب رَاس الحَيِّه. شِيطَان هو الچان بِشِكل حَيِّه و غَشْ حَوَّاء. هذا چان الوَعَد، المَسِيح يِغلِب و یِهزِم الشِيطَان.

![](https://cdn.door43.org/obs/jpg/360px/obs-en-21-02.jpg)

الله وَعَد ابواسِطَة إبراهِيم يِبارِك کِل شُعُوب الدِنيِه. الله وَفَیٰ إبوَعدِه بعد مُدِه بِجِيِتْ المَسِيح. المَسِيح المَوعُود چان لازِم إبكِل بچان العالم يِنِجي الناس مِن إذْنُوبْهُم.

![](https://cdn.door43.org/obs/jpg/360px/obs-en-21-03.jpg)

الله وَعَد نبي مِوسِی يِظهَر واحَد مِثله و يِنِجي العالم. هذا الشخص هو مَسِيح المَوعُود. إبهِصُورَة الله إنطِي وَعْدِة جِيِت المَسِيح.

![](https://cdn.door43.org/obs/jpg/360px/obs-en-21-04.jpg)

الله وَعَد مَلِك دَاوُد، واحِد مِن نِسلِه يصير مَلِك و يِحكُم علیٰ شَعبِ الله لِلأبد. هذا يعني إنو المَسِيح مِن نِسِل دَاوُد.

![](https://cdn.door43.org/obs/jpg/360px/obs-en-21-05.jpg)

االله گال إبوَاسِطَة نبي إرمِيَا يِشِد وَعَد یِديِد، بس هذا الوَعَد ما يِشبِه وَعَد إللي شِدِّه وَيِّا بني إسرائيل إبيِبِل سِينَاء. بهذا الوَعَد الله يِكتِب قَوانينِه بِگلُوب ناس، و هِچ الناس يِعرفون الله و يِحبونِه و يطيعون قَوانينِه. المَسِيح هو إبذَاتِه يِشِد هذا الوَعَد اليِديِد. والناس يطيعونِه و الله يِغفِر إذنُوبهُم.

![](https://cdn.door43.org/obs/jpg/360px/obs-en-21-06.jpg)

الأنبياء گالو المَسِيح هو المَوعُود و الكَاهِن و المَلِك. النبي هو شخص إللي يِسمِع كلام الله و ينِقلِه لِلناس. و المَسِيح المَوعُود هو بِذاتِه نبي كامِل و مكمَل، چِه هو يِسمَع و يِنقِل كلام الله أحسَن من الأنبياء.

![](https://cdn.door43.org/obs/jpg/360px/obs-en-21-07.jpg)

الكَهَنَه چانو نيابِتاً يِندِعون لِلناس عند الله و إيذِبحون إلهُم ذِبَايِح الكَفَارِه. بس المَسِيح المَوعُود چان لازم بِصورَة كَاهِن يِقَدِّم روحا ضِحيِه لِلرَب. هو أصلاً مايِرتِكب ذَنِب أو خَطيِه و من يِقْدِم روحا بِعنوَان ضَحيِه، بعد العالم مایِحتَاز غير ضَحيِه لِذُنُوبِه.

![](https://cdn.door43.org/obs/jpg/360px/obs-en-21-08.jpg)

الإمْلُوك و رُوَساء اليحُكْمُون علیٰ الناس اوكات هِم چانو يِشتِبهون. مَلِك دَاوُد بس حِكَم علیٰ بني إسرائيل، أمَّا المَسِيح المَوعُود، الچان من ذُرِيِّت دَاوُد و يِحْكُم علیٰ العالم لِلأبِد. المَسِيح راح يِحكُم و يِقَرِر بِلعِدالِه.

![](https://cdn.door43.org/obs/jpg/360px/obs-en-21-09.jpg)

الأنبياء إللي الله وَدَّاهُم چانو مِنطين نَبُوَة علیٰ مود المَسِيح. نبي مَلَاخِي چان مِنطِي نَبُوَة بِأن گبلِ المَسِيح، يِجي نبي عظيم. و نبي إِشَعْيَاء هِم هِچ چان مِنطِي نَبُوَة بِأن المَسِيح يِنوُلِد من بَیْتَ لَحْم. نبي مِيخَا هِم چان إمِنطي نَبُوَة، المَسِيح يصير بِديرِة بَيْتَ لَحْم.

![](https://cdn.door43.org/obs/jpg/360px/obs-en-21-10.jpg)

نبي إِشَعْيَاء گال المَسِيح يعيش بِديار جَلِيل. و يِشَافِي گلوب الناس المَكسُورَه و يِسلیهم. و يِفْرج علیٰ الاُسَراء و يشفي المَرَضاء و كل عَمَیٰ و مِشلول و خَرَس و أطْرَش.

![](https://cdn.door43.org/obs/jpg/360px/obs-en-21-11.jpg)

نبي إِشَعْيَاء چان گايِل أَكو ناس هِم يِكُرهون المَسِيح و مايقِبلُونِه. بعض الأنبياء هِم چانو گايلين وَاحِد من صِدقان المَسِيح يدير ظَهرِا عليه و نبي زَكَرِيَّا گال صديق المَسِيح الخاطر ثلاثين سِكَّة فُظَه إيخُونِه و أّكو أنبياء هِم چانو گايلين يِكتِلون المَسِيح و يِلعِبون اُقْمَار علیٰ إهدومَه.

![](https://cdn.door43.org/obs/jpg/360px/obs-en-21-12.jpg)

الأنبياء حتي چانو منطين نَبُوَة علیٰ مود موت المَسِيح. نبي إِشَعْيَاء گال الناس يِتِفلُون عليه المَسِيح و يِكتِلونِه و يِمَسخُرونِه. و يمِزگون بَدِنِه خاطِر يموت بِعَذاب. كل هاي و هو حتیٰ ماچان إمسِويلِه ذِنِب ولاخَاطِي.

![](https://cdn.door43.org/obs/jpg/360px/obs-en-21-13.jpg)

بَعَض أنبياء هِم گايلين بِأن المَسِيح المَوعُود لازم يكون إنسَان كَامِل و بدون أي ذَنِب و خَطيِه. هو لازم يموت چِه الله يِقَدِّم المَسِيح بچان إذْنُوب كِل البَشَر. هاي الضَحيِه چانت إتْسِوي صُلْح و سَلاَم بين الناس و رَبهُم. الخاطر هاي إِرَادِة الرَب چان إنو المَسِيح يِنضِرب و يِنكِتِل.

![](https://cdn.door43.org/obs/jpg/360px/obs-en-21-14.jpg)

بعض الأنبياء هِم چانو گايلين بِنَبُوَتهْم بِأن المَسِيح بعد مُوتِه يِحيِه. بِهَشِكِل الله رَادْ من المَسِيح يِمُوت و يِحییٰ و يِنَجِّي كل الناس من إِذْنُوبهُم و يِشِد عَهْد يِديد وَيَّاهُم.

![](https://cdn.door43.org/obs/jpg/360px/obs-en-21-15.jpg)

الله بِيِّن وَايِد إشياء و قَضايَا الأنبياء إبجِيِت المَسِيح. بس المَسِيح ما چان ياي إبْزِمان ولا وَاحِد من هِذول الانبياء. أكثَر مِن أّربع مِية سنه مِن آخِر نَبُوَة من وُصَل الوكت المُنَاسِب، الله وَدِّه المَسِيح بِلدنيِه.

*قُصَةْ مَأخوذِهْ مِنْ کِتابِ الْمُقِدِّسْ: (کتاب التَّکْوِین فَصل ۳ و فَصل ۱۲، کتاب التَّثْنِیَة فَصل ۱۸ آیة ۱۵، کتاب صموئیل الثاني فَصل ۷، کتاب المَزَامِیر رقم ۱۶، ۲۲، ۳۵، ۴۱، ۶۹، کتاب إشعیاء فَصل ۷ آیة ۱۴ و فَصل ۹ آیة ۱ تا ۷ و فَصل ۵۰ آیة ۶ و فَصل ۵۹ آیة ۱۶ و فَصل ۵۳ و ۶۱ ، کتاب إِرْمِیَا فَصل ۳۱، کتاب دَانِیال فَصل ۷، کتاب مِیخَا فصل ۵ آیة ۲، کتاب زَکَرِیَّا فَصل ۱۱ و فَصل ۱۲ آیة ۱۲ و ۱۳، کتاب مَلَاخي فَصل ۴ آیة ۵)*

## 22. ۲۲- وُلَادِة يُوحَنَّا المَعْمَدَان

https://openbiblestories.org/l/ar-xzn/story-22/

![](https://cdn.door43.org/obs/jpg/360px/obs-en-22-01.jpg)

مِن زِمان الله چان يِحچِي من طَريق الأنبياء أويَا الناس. بس مِن بعد ٤٠٠ سنه إللي الله ماچان حَاچِي أويَا شَعبِ بني إسرائیل فِرد نُوبا ظَهَر مَلَاك الله علیٰ كَاهِن شَايِب بِسِم زَکَرِیَّا. هو و مَرتِه أَلِیصَابَات چانو ناس خايفين رَبهُم و هُمَّا چانو شِيّاب و أَلِیصَابَات ماچانت إتخَلُفْ.

![](https://cdn.door43.org/obs/jpg/360px/obs-en-22-02.jpg)

مَلَك الله گِل الزَکَرِیَّا: «مَرتِك إتيِب وُلِد و إنتِ تسِمي يوحنا و إبنِك يِنتِرس مِن روح الله و هو يگوم يِبِشر و يحَضِّر الناس الجِيِتْ المَسِيح.» زَکَرِیَّا جاوب المَلَك: «أنا و مَرتِي بعد وَايِد إمْشِيبِين! إشلون إصدِگ حَچيِك؟»

![](https://cdn.door43.org/obs/jpg/360px/obs-en-22-03.jpg)

مَلاَك الله گِل الزَکَرِیَّا: «أنا جَاي من صوب الله خاطر إبشرِك الإبشَاره. هِسِه إللي إنت ما أجِنِت حَچيِي يِنْسِد السَانِك و تصير خَرَسْ لِمَّان ما لِوُلِد يصير.» مِنَّا و بعد زَکَرِیَّا مَاگِدر يِحچِي. راح المَلَك من يِمِه و زَکَرِیَّا رِجِع البيته و ما طَوِلِت السَالفِه و مَرتِه حِبلِت.

![](https://cdn.door43.org/obs/jpg/360px/obs-en-22-04.jpg)

مِن چانت أَلِیصَابَات إبْشَهر السَات، ظَهَر إردود ذاك المَلَك علیٰ مَرْيَم وُحدِه من گِرايِب أَلِیصَابَات. هي چانت بعدهي بِتْ و مَخطُوبَه لِواحِد إسمِه يُوسُف. المَلك گِلالِهه: «إنتِي إتحِبلِين وإتْيِبِين وُلِد وَتسِمينِه الیَسُوع. هو إبن الله وسَلْطَنْتَه إتدوم لِلأبد.»

![](https://cdn.door43.org/obs/jpg/360px/obs-en-22-05.jpg)

مَرْيَم جاوبت: «إشلون يصير هِچ شِي و إنِي بَعَدنِي بِتْ؟» المَلك گال: «الرُّوحِ القُدُوسْ يِنَزِل من السِمِّه عليچ و قُوَة الله مثل إذْلال يصير فوگ رَاسِچ و هِچِي ذَاك الوُلِد يِتْقَدَّس و يِنجِعِل إبن الرَب.» مَرْيَم أمِنَت بِكلام ذاك المَلَك و قِبلِت حَچْيَه.

![](https://cdn.door43.org/obs/jpg/360px/obs-en-22-06.jpg)

بعد مِدِه گُصيرِه، مَرْيَم راحِت البيت أَلِیصَابَات. بس أَلیِصَابَات من سِمعَت مَرْيَم سَلِّمَت عليها، حَاصِ الفرخ إبَطِنهِ. هِنَّ الخاطر مُعجِزَات الرَب وَايِد فُرْحَن. مَرْيَم حدود ثلث تِشِر ظَلَت يِم أَلِیصَابَات و تَالي رِجعَت البيتهِ.

![](https://cdn.door43.org/obs/jpg/360px/obs-en-22-07.jpg)

مِن بَعَدها أَلِیصَابَات يَابِت وُلِد. هي و زَکَرِیَّا سَمّو الوُلِد يُوحَنَّا مثل ما الملك چان گايللهم. و الله إردود فَك عَجدِة الِسَان زَکَرِیَّا و زَکَرِیَّا گال: «الحمدلله چِه هو ياي يِسَاعِد شَعبِه! و إنت يا وليدي تصير نبي و تعَلِم الناس إشلون يِلگون دَرْب الكَفَاراة إذْنُوبهُم!»

*قُصَةْ مَأخوذِهْ مِنْ کِتابِ الْمُقِدِّسْ: (کتاب التَّکْوِین فَصل ۳ آیة ۱۵، فَصل ۱۲ آیة ۱ تا ۳، کتاب التَّثْنِیَة فَصل ۱۸ آیة ۱۵، کتاب صموئیل الثاني فَصل ۷، کتاب إِرْمِیَا فَصل ۳۱، کتاب إشعیاء فَصل ۵۹ آیة ۱۶، کتاب دَانِیال فَصل ۷، کتاب مَلَاخِي فَصل ۴ آیة ۵، کتاب إشعیاء فَصل ۷ آیة ۱۴، کتاب مِیخَا فصل ۵ آیة ۲، کتاب إشعیاء فَصل ۹ آیة ۱ تا ۷ و فَصل ۳۵ آیة ۳ تا ۵ و فَصل۶۱ فَصل ۵۳، کتاب المَزَامِیر فَصل ۲۲ آیة ۱۸ و فَصل ۳۵ آیة ۱۹ و فَصل ۶۹ آیة ۴ و فَصل ۴۱ آیة ۹، کتاب زَکَرِیَّا فَصل ۱۱ آیة ۱۲ و ۱۳،  کتاب إشعیاء فَصل۵۰ آیة ۶، کتاب المَزَامِیر فَصل ۱۶ آیة ۱۰ و ۱۱)*

## 23. ۲۳- وُلَادِة  الیَسُوع

https://openbiblestories.org/l/ar-xzn/story-23/

![](https://cdn.door43.org/obs/jpg/360px/obs-en-23-01.jpg)

مِریِم چانت مَخطُوبِه مِن رِیَّال إسمِه يُوسِف وهو چان زِلمِه خَيِّر و طِیب. هو مِن إفتِهِم مَريَم حِبلهِ دِرَ الوُلِد مو مِنّه. يُوسِف ماچان عِنْدَه نِيَّه يِشهَر مَريَم، إلهايه صَمَم إبلِیِه صَيْحَه یِترِکهِه. أمَّان گَبُل لايتْرِكها ظِهَرعليه مَلَك بِلحِلِم.

![](https://cdn.door43.org/obs/jpg/360px/obs-en-23-02.jpg)

إلمِلَک گِل لِیُوسِف: «لاتْخَاف و عَرِس إويه مَريَم. وَلْدِ إللي إبّطِنههِ مِن روح إلقُدُس. مَريَم إتییب وِلِد و سِمّي يِسُوع (يَهُوَه یِخَلِّصْ)، لأن إينِجي إلناس مِن ذِنوبهُم.»

![](https://cdn.door43.org/obs/jpg/360px/obs-en-23-03.jpg)

يُوسِف عَرِس إويِه مَريَم و خِذاهَا إلبِيتِه. بِس حَد ولادِتها ماچان یتْدنّاها.

![](https://cdn.door43.org/obs/jpg/360px/obs-en-23-04.jpg)

إب آخِر أیام إحْبَالِت مَريَم، امبراطور الروم أمَر يِحِسبون الجِمعيِّه و کِل شَخْص چان لازم يِرجَع الدِيرة إهلِه. يُوسِف و مَريَم عِبْرَو مِسافِة طویلٍه مِن إلنَّاصِرَة لِبِيت لَحْم، لأن یِدْهُم چان مَلِک دَاوُد و دِیرِتْهُم چانت بِیت لَحْم.

![](https://cdn.door43.org/obs/jpg/360px/obs-en-23-05.jpg)

مِن وصلوا مَريَم و يُوسف إلبِیت لَحْم، مَالِگواْ بِچَان حتیٰ إیبَاتون بیِه. بِس لِگُلْهُم مربط غَنَم إيبَاتون بيها. مَریَم وُلْدَت بِلمربط الغَنَم و نِوُمِت الوُلِد إهنَاك لأن ماچَان عِدهُم بِچَان لِنُوم. هُمَّا سِمّو اليِسُوع.

![](https://cdn.door43.org/obs/jpg/360px/obs-en-23-06.jpg)

ذِیچ إلليلِه، رَاعِين الغَنَم چانوا صَارحِين إبغِنِمهُم بِصحراء. دِفعَتاً مَلَك ظَهَرعَليهُم، هُمَّا هِم خافوا. إلمَلَك گِلهُم: «لاتخافون، إريد إبِشِركُم. مَسِيح إلمَوعُود إلهُوَ الله وِلَد إبِيت لَحْم.»

![](https://cdn.door43.org/obs/jpg/360px/obs-en-23-07.jpg)

«روحَوا اُو دَوِرَوا علیٰ اليَاهِل، تِلْگونِه إمگَمَطْ اُو نَایِم بِلمربط.» فِجأةً إنْجِمعَن غير إلمِلَائِكه وَيَّا ذاك المَلَك و جميعَاً حِمْدَو الله و گالو: «إلمَجد لِالله بِسِمِّهِ، و صَلْوَه و السَلَام علیٰ لأرض لِنأس إللي الله یِرحَم عَلِيهُم!»

![](https://cdn.door43.org/obs/jpg/360px/obs-en-23-08.jpg)

إلمَلَائِكه تِرکوا إلمَکان و رَاعين الغنم تِرکوا الغَنَمهم، وصلوا البِچان إللي يَسُوع چان بيهِ و شَافوا طفِل نَایِم، مِثل ما گِلهُم إلمَلَك. هُمَّا وايد فُرحَوا. رِجعَوا إلغِنِمهُم و حِمدوا إلرَب عَلِیٰ شي الشَافوا و سِمعوا.

![](https://cdn.door43.org/obs/jpg/360px/obs-en-23-09.jpg)

مِن بَعدِه، عِدّت زِلِم مِن صوب إلمِشرِق الچانوا فَاهْمِين و يعَرفون عِلمِ إلنِیوم، شَافوا بِسِّمِه نِیمِه موطبيعيه. هُمَّا إفتِهمِوا وِلَد مِلِک یدید إليَهُود. إلهايِه، عُبروا مِسَافِة طویلِه مِن دیِّرهُم خاطر إيشُوفون إلطفِل. وصلوا إلبِیت لَحْم و لِگوا بِیت إللي چَان يِعيش اليَسُوع ويّا اُما و اُبو.

![](https://cdn.door43.org/obs/jpg/360px/obs-en-23-10.jpg)

وَکت إللي جِمَاعَه شَافوا يَسُوع و اُمَا، سِجْدولِه و حِمدوا. هُمَّا قَدِّمو لِليَسُوع هِدايَا غَالیِه و تالي رِجعَوا إلبِیوتهُم.

*قُصَةْ مَأخوذِهْ مِنْ کِتابِ الْمُقِدِّسْ: (إنْجِیل مَتَّى فَصل ١ و إنْجِیل لُوقَا فَصل ٢)*

## 24. ۲۴- يُوحَنَّا يِعَمِّدْ اليَسُوع

https://openbiblestories.org/l/ar-xzn/story-24/

![](https://cdn.door43.org/obs/jpg/360px/obs-en-24-01.jpg)

يُوحَنَّا چان إبِن زَكَرِيَّا و أَلِیصَابَات و مِن كُبَر، صار نبي. هو چان يِعيش بِلْدّوه، و أكْلَه چان العَسَل واليِرَّاد، و مَلَابسِه چانن مِن صوف ليِمِل.

![](https://cdn.door43.org/obs/jpg/360px/obs-en-24-02.jpg)

وَایدِین مِن لنَاس چانو إيُون لِلدوّه مكان لچان بي يُوحَنَّا خاطِر يِشوفُونِه و يِسمِعون كلامه. هو چان يِحچِيلهُم مِن كلام الله و يِگِلهُم: «يَا نَاسْ تُوبوا، تریٰ مَلَکُوت الله جِريب.»

![](https://cdn.door43.org/obs/jpg/360px/obs-en-24-03.jpg)

أكثَر لناس إللي چانو يِسمعون كلام يُوحَنَّا تَابُو، و هو عَمِدْهُم بِلماي. بس أكثَر لشيوخ لدينيه إللي رَاحوا لِيُوحَنَّا مَاعتَرَفوا بِذُنُوبهُم و مَاتَابُو.

![](https://cdn.door43.org/obs/jpg/360px/obs-en-24-04.jpg)

يُوحَنَّا إللي يِعَمِّدْ لنَاس بِلماي چان يگول لِشِيوخ لدينيه: «يَا حَيَايِه بِسمُومها إنتم! تُوبُو و غَيرَو أعمَالكُم. تریٰ كِل شِجرِه إللي ماتِنطِي ثَمَر زِين، الله يِگُصْهَا و یعَگُطْهَا بِلنَار.» يُوحَنَّا كِمِل قُصَص لِأنبياء إللي چانو گايلين: «شوف، أني أوَدي شخص لِذي يِحمِل كلامي گَبْلِك إنتَ، خاطر يِفُك طِريجِك و يِسِهِلهِ.»

![](https://cdn.door43.org/obs/jpg/360px/obs-en-24-05.jpg)

بَعضَ إشيوخ لدينيه سِئلوا يُوحَنَّا: «أنتِ لمَسيِح؟» يُوحَنَّا جَاوبهُم: «أنا مو لمَسِيح، بس يِجِي واحِد مِن بَعدِي إللي مَقَامِه وايد أعلیٰ مني. هِلگِد مَقَامِه عَالي إللي أنا حتیٰ مو كِفو أشِد حَبِل قَندَرتِه.»

![](https://cdn.door43.org/obs/jpg/360px/obs-en-24-06.jpg)

يوم لثَاني، اليَسُوع إيَّه يِم يُوحَنَّا المَعْمَدَانْ خاطر يِتْعَمَّدْ بِلمَاي. يُوحَنَّا بس شاف اليَسُوع گال: «هذا هو شخص لذي شبه لخُروف الضَحيِه و يِشيل ذِنُوب لِدنيِه كلها.»

![](https://cdn.door43.org/obs/jpg/360px/obs-en-24-07.jpg)

يُوحَنَّا المَعْمَدَانْ گِل اليَسُوع: «أنا مو گِدهِا إللي أعَمْدِك. أنت لذي لازم تِعَمِّدنِي.» بس اليَسُوع گال: «يَا يُوحَنَّا أنت عَمِدنِي و هذا هُو لِصَح.» و هِچَي صَار الي يُوحَنَّا عَمَّدْ اليَسُوع رغم إنو اليَسُوع ما چان مِرتِكِب أي ذَنِب و خَطيِه.

![](https://cdn.door43.org/obs/jpg/360px/obs-en-24-08.jpg)

اليَسُوع بعد ماتْعَمَّد و طَلَع مِن لمَاي، روح الله نِزِل عليه شِبِه لحَمَامِه و گِعَد علیٰ چِتفِه و بلبكان وصل صوت الرَب مِن لسِمِّه يگول: «هذا هو أبني إللي أحِبِه و فَرحَان بِوجُودِه.»

![](https://cdn.door43.org/obs/jpg/360px/obs-en-24-09.jpg)

الله چان گايِل لِيُوحَنَّا: «الرُّوحِ القُدُس يِنزِل علیٰ شخص إللي إنت إتْعَمْدِه و ذاك لشخص يكون إبنِ الرَب.» الله وَاحِد. مِن يُوحَنَّا عَمَّدْ اليَسُوع، هم سِمَع صوت الرَب، و هم شَاف إبنِ الرَب وهم شاف إشلون رُّوحِ القُدُس إبشِکِل لحَمَامِه نِزِل من لسِمِّه.

*قُصَةْ مَأخوذِهْ مِنْ کِتابِ الْمُقِدِّسْ: (إنْجِیل مَتَّى فَصل ۳، إنْجِیل مَرقُس فَصل ۱ آیات ۹ إلیٰ ۱۱، إنْجِیل لُوقَا فَصل ۳ آیات ۱ إلیٰ ۲۳)*

## 25. ۲۵- الشِيْطَان يِوَسْوُس اليَسُوع

https://openbiblestories.org/l/ar-xzn/story-25/

![](https://cdn.door43.org/obs/jpg/360px/obs-en-25-01.jpg)

بَعَد مَاتْعَمَّد اليَسُوع، رُّوحِ الله بِدون تَأجِيل هَدیٰ صوب لِدوّه. بكان إللي أربعين لِيله و نَهِار یَسُوع صَام بيهِ. إهناك لِشِيطَان إيّالَه و وُسوَس بِراسِه خاطِر يِذنِب.

![](https://cdn.door43.org/obs/jpg/360px/obs-en-25-02.jpg)

الشِيطَان وَسوُس الیَسُوع و گِلِه: «لو إنتِ صِدِگ إبنِ الله گِل هِلحِيَاره تصير خُبزِه خاطِر تِگدِر تَاكِلهَا!»

![](https://cdn.door43.org/obs/jpg/360px/obs-en-25-03.jpg)

یَسُوع جاوب: «بِكلام الله مَكتُوب: «الإنسَان علیٰ مود يِظِل عَدِل مو بس مِحتَاز لِخُبُز، مِحتَاز كِل كلمه لِتَطلَع مِن الله!»

![](https://cdn.door43.org/obs/jpg/360px/obs-en-25-04.jpg)

و بَعدِين لِشِيطَان خَذا یَسُوع بِأعلیٰ بكان المَعبَد و گِله: «إذا إنتِ صدگ إبنِ الله، ذَب روحَك مِن إهنا لِحَدِر. چِه بکلام الله مَكتُوب: الله يَأمُر لِمَلَائِک خاطر يِحَملنِك و حتیٰ رِیلِك لاتْلُوح صًخره.»

![](https://cdn.door43.org/obs/jpg/360px/obs-en-25-05.jpg)

بس یَسُوع ما عِمِل مثل مَاشِيطَان چان گايِلِه و جَوابَه: الله بكلامه هِچِي أمَر لِشعبِ: «لاتِمتِحْنُون الله إللي رَبكُم.»

![](https://cdn.door43.org/obs/jpg/360px/obs-en-25-06.jpg)

و تَالي لِشِيطَان خَذا یَسُوع علیٰ رَاس يِبِل عَالي و رَاوَا كِل إبلَاد لدِنيِه و قُدرتِه و ثَرُوتِه و گِله: «لو تَسجِدْلِي و تَعبُدنِي إنْطِيك كِل هِذِول.»

![](https://cdn.door43.org/obs/jpg/360px/obs-en-25-07.jpg)

یَسُوع رِدْ علیه: «إبْعَد عَني يَا شِيطَان!» لإن الله بكلامه أمَر شَعبِ: «بس عِبْدو و خِدْمو الله إللي هو رَبكُم.»

![](https://cdn.door43.org/obs/jpg/360px/obs-en-25-08.jpg)

الیَسُوع مَابْتِله بِحِيِّل لشِيطَان و هِچِي، شِيطَان تَرَكَه و لِمَلَائِکه إجُو خاطر يِخدِمون الیَسُوع.

*قُصَةْ مَأخوذِهْ مِنْ کِتابِ الْمُقِدِّسْ: (إنْجِیل مَتَّى فَصل ۴ آيات ١ إلىٰ ١١، إنْجِیل مَرْقُس فَصل ١ آيات ١٢ و ١٣، إنْجِیل لُوقَا فَصل۴ آيات ١ إلىٰ۱۳)*

## 26. ۲۶- بِدَایِة خِدمِة يَسُوع

https://openbiblestories.org/l/ar-xzn/story-26/

![](https://cdn.door43.org/obs/jpg/360px/obs-en-26-01.jpg)

بَعدمَا ليَسُوع غَلَب علیٰ وُسوَاس الشِيطَان، رِجَع البِيته إبْجَلِيل، بكان لِچان يعيش بي. رُّوحِ القُدُس چان يِنطِي ليَسُوع قُوه عظيمه و هو خاطر يعَلِم الناس چان يِروح مِن مكان لِي مكان و لكل چانو يِبُون طَارِيِه بِزِنِیِه.

![](https://cdn.door43.org/obs/jpg/360px/obs-en-26-02.jpg)

اليَسُوع رَاح النَّاصِرة، قَريِه الچان عَايش بِيهِ إبْزِغْرَه. بيوم لِشَبَّات رَاح لِلمَعبِد. شيوخ لدينيه إنطُو نُسخِه مِن كتاب نبي إِشَعْيَاء حتیٰ يِقرَا، اليَسُوع هِم فِتَح الكتاب و قَرَا قِسِم مِنِه لِلناس.

![](https://cdn.door43.org/obs/jpg/360px/obs-en-26-03.jpg)

هو قَرَا: «الله إنطَاني من رُوحَه خاطر أبِشِر لِمَسَاكِين. هو وَدَاني خاطر أفُك لِمَحْبوسين و إشَافِي لِعُميَان و أفْرِج علیٰ لمَظلُومِين. چِه وصل وكت رَحمة الله علیٰ لإنسَان.»

![](https://cdn.door43.org/obs/jpg/360px/obs-en-26-04.jpg)

گَعَد اليَسُوع و كلها چانت إتْبَاوُعلِه. الكل چانو يِدرُون هذا لِقِسِم إللي إنْقَرا مِن لكتاب المقدس، عَلَامِة لِلمَسِيح لمَوعُود. اليَسُوع گال: «كلام إللي قَرَتِه إلكم، يِتَحَقَق.» الناس كلها إتْعَجِبِت و سِئلوا: «هذا مو إبنِ يُوسف؟»

![](https://cdn.door43.org/obs/jpg/360px/obs-en-26-05.jpg)

بَعدِين اليَسُوع گال: «حَقيقَتاً النبي مو مَقبُول إبْدِيرْتِه. بوكت إللي بِديرِة نبي إِيلِيَّا ثلث إسنين و نُص مَامُطرِت، و بإسرائيل چانن نِسوَان إعزَبْ، الله وَدِّه نبي إِيلِيَّا حتي يِسَاعد مَرَه عِزْبَه و وَحيدِه الچانت تعيش بِغير دِيرِه.»

![](https://cdn.door43.org/obs/jpg/360px/obs-en-26-06.jpg)

و تالي گال: «إبزمان نبي ألِيْشَعْ ، ناس چيثيره بإسرائيل صَابَهُم مَرَض بِيِلدهُم. بس نبي ألِيْشَعْ ما شِافِه ولا وَاحِد مِنهُم. بس شِافِه شخص بِسِم نَعَمان لسُوري، الچان رئيس عَسكَرعِدوَان إسرائيل.» جمعيِّة اليَهُود السِمعُو الخَبَر وايِد عَصِبُو.

![](https://cdn.door43.org/obs/jpg/360px/obs-en-26-07.jpg)

أهلِ النَّاصِرَة طِلعُو اليَسُوع من المَعبَد، و خَذو علیٰ صَخره عَاليِه خاطر يِذِبُونِه حَدِر و يِكتِلونِه. بس اليَسُوع إتْعَدِه مِن بِينَاتهُم و تَرَك دِيرِة النَّاصِرَة و رَاح.

![](https://cdn.door43.org/obs/jpg/360px/obs-en-26-08.jpg)

و تالي اليَسُوع رَاح لكل بکان بِمَنطقه جَلِيل. عِدِّه مِن الأوَادِم چانو إيُون صوب اليَسُوع و چان وَيَّاهُم ناس مَرَضِه و بِينَاتهُم ناس عَلِيلِه، عِميَان، طِرشَان، و بَعِضهُم موگَادرِين يِمشُون و حتیٰ يِحچُون و اليَسُوع چان يِشافِيهُم.

![](https://cdn.door43.org/obs/jpg/360px/obs-en-26-09.jpg)

اُو چانو يِبُون وَايِد ناس مِسكُونِين و اليَسُوع يِشَافيهُم و بأمره، چان يِطلَع مِنهُم هِل شي. أكثَرهُم صَاحوا: «أنتِ إبنِ الله!» و ناس چانت إبوكته مِتحَيرِه و تِحمِد الله.

![](https://cdn.door43.org/obs/jpg/360px/obs-en-26-10.jpg)

وَ بَعدِين اليَسُوع إنْتَخَب إثنعش شخص و سَمَاهُم المُرسِلين. هُمَّا چانو يِسافرُون وَيِه اليَسُوع و يِتعَلِمون مِنِه.

*قُصَةْ مَأخوذِهْ مِنْ کِتابِ الْمُقِدِّسْ: (إنْجِیل مَتَّى فَصل ۴ آیات ۱۲ ألیٰ ۲۵، إنْجِیل مَرقُس فصول ۱ ألیٰ ۳، إنْجِیل لُوقَا فَصل ۴)*

## 27. ۲۷- قُصَة السَامِرِي الصَالِحْ

https://openbiblestories.org/l/ar-xzn/story-27/

![](https://cdn.door43.org/obs/jpg/360px/obs-en-27-01.jpg)

يوم مِن الأيام إيِه وَاحِد مِن عُلَماء الدین يَهُودي يِم اليَسُوع. هو رَاد يِثبِت إنو تَعَالیم اليَسُوع غَلط. هو سَأل اليَسِوع: «شِنهُو البَشَرلازم يِسوي خاطر يِگدر يِعيش لِلأبِد؟» اليَسُوع رِد علیه: « شِنهُو مكتوب بِکتاب التُوراة علیٰ مُود هِلمَوضُوع؟»

![](https://cdn.door43.org/obs/jpg/360px/obs-en-27-02.jpg)

ذَاك الرِيَّال گال: «حِب رَبّك و إلأهْلِك، مِن كِل گَلبَك، مِن كل حَيَاتِك و بكل قُوتِك و بكل عَقلِك. و حِب يَارِك مثل مَاتْحِب نَفسِك.» و تالي اليَسُوع گال: «إنتِ گِلِت الصَحْ! علیٰ مُود هاي إنتِ هِم سوي هِچ مثل مَا گِلِت خاطر إیصير عِندِك عيشِه أبديِه.»

![](https://cdn.door43.org/obs/jpg/360px/obs-en-27-03.jpg)

بس ذَاك الشِيخ الديني، رَاد يِراوِي رُوحه وايِد مُتَقِي، بعد نُوبا سِئل: «ياهفو يَارِي؟»

![](https://cdn.door43.org/obs/jpg/360px/obs-en-27-04.jpg)

اليَسُوع جاوب الشِيخ بِفرد قُصَة و گِله: «فِرد رِيَّال يَهُودي چان إمسَافِر مِن أُورُشَلِيم صوب دِيَار أَرِيْحَا.»

![](https://cdn.door43.org/obs/jpg/360px/obs-en-27-05.jpg)

بِدَرُب، هِجْمُو عليه النِهَابِه و نِهْبُوه و خذو كِلشي لِعِندِه، و كِتلُو حَدالمُوت و ذَبوُعلیٰ صَفحَه.

![](https://cdn.door43.org/obs/jpg/360px/obs-en-27-06.jpg)

بَعد هاي السَالفِه، مَرْ كَاهِن يَهُودي مِنِاك، مِن شَاف الزِلمِه طَايِح إهنَاك بِدِل طِريجِه و سِوَه روحه چَن مُو شَايفِه.»

![](https://cdn.door43.org/obs/jpg/360px/obs-en-27-07.jpg)

مِن بَعد شوي وِصَل فِرد وَاحِد مِن أهل لاَوِي. (اللاَوِيِه چانت طَايفِه من إسرائيل الچانو يِساعِدون الكَهَنَه). هوهم بَدَّل دَربَه و ماإهتِم لِلزِلمِه لِطَايِح.

![](https://cdn.door43.org/obs/jpg/360px/obs-en-27-08.jpg)

مِن بَعَدهِ إييِه رِيَّال مَن أهِل سَامِرِة. (السَامِرِيِه و ليَهُود چانو يِكِرهُون بَعَض). هو شَاف الزِلمِه اليَهُودي و عَرَفِه، بس علیٰ كل حال گِلبَا إحتِرِگ عليه و غِسل إجرُوحَا و حَطَالهِن مَرهَم و شِدَهِن.»

![](https://cdn.door43.org/obs/jpg/360px/obs-en-27-09.jpg)

و تالي الرِيَّال لسَامِرِي رَكَّب ليَهُودي علیٰ احْمَارِه، و خذا لفِرد مُضيف و إهنَاك گام يِبَارِي.»

![](https://cdn.door43.org/obs/jpg/360px/obs-en-27-10.jpg)

بَاچِرهِه، زِلمِه السَامِرِي چان لازم يِكمِل سفرته. هو إنطِه رَاعي لمُضيف مِقدَار فِلوس و گِله: «إتبَاهَه علیٰ هذا لرِيَّال و لو كِلِفِك أكثر مِن هاي، بس إرجِع مِن السَفَر إحَاسبِك.»

![](https://cdn.door43.org/obs/jpg/360px/obs-en-27-11.jpg)

بَعدَين اليَسُوع سِئل ذَاك لشِيخ الدين: «هِسِه إنتِ تفَكَر ياهُو من ذِكُولِي لثِلَاثه، چان يَار الزِلمِه إللي إنكِتِل و انِهِب؟» الشِيخ جاوب: «ذَاك إللي إحتِرِگ گَلبَه عليه.» اليَسُوع جاوب: «چا أنتِ هم رُوح و سَوي هِچ.»

*قُصَةْ مَأخوذِهْ مِنْ کِتابِ الْمُقِدِّسْ: (إنْجِیل لُوقَا فَصل ۱۰ آیات ۲۵ إلیٰ ۳۷)*

## 28. ۲۸- شاب إلغني

https://openbiblestories.org/l/ar-xzn/story-28/

![](https://cdn.door43.org/obs/jpg/360px/obs-en-28-01.jpg)

فرد يوم وَاحد غني ايه يم اليسُوع وَ سئله: «يَا استاذي الطيب ، شسوي خاطر احصل حَيَاة أَلأبَدِيه؟» اليسُوع گله: «ليش اتگلي أَنا طيب؟ غير الله ماكو طيب. لوتريد تصير عندك عيشه أَبَدِيه، اتبع أوامر الله.»

![](https://cdn.door43.org/obs/jpg/360px/obs-en-28-02.jpg)

هُو سئله: «يَا أوامر اتْبَعْهِن؟» اليَسُوع جاوب: «لاتكتل نفس، لاتزني، لاتبوگ، لاتچذب، احترم وَالديك، وَ حب يارك مثل ماتحب نفسك.»

![](https://cdn.door43.org/obs/jpg/360px/obs-en-28-03.jpg)

بِس الشاب گال: «أَنا مِن زغري چنت حافظ هلقوانين، هسه لازم شسوي خاطر احصل عيشه أَلأبديه؟» اليسُوع إبْكل مَحَبْته ظل يباوعله.

![](https://cdn.door43.org/obs/jpg/360px/obs-en-28-04.jpg)

وَ جاوبه: «أحسن شي، رَوح وَ بيع كلشي العندك وَ انطي افلوسك للمحتازين خاطر ثروتك تنجمع بلملكوت مو علي الگاع! تالي تعال و اتبعني!»

![](https://cdn.door43.org/obs/jpg/360px/obs-en-28-05.jpg)

الشاب مِن سمع حچي اليسُوع، وَايد إنْعِكَر، چه هُو چان عنده ثروه زايده وَ ماراد ينطي ثروته المجَمِعها وَ دار ويهه مِن اليسُوع وَ رَاح.

![](https://cdn.door43.org/obs/jpg/360px/obs-en-28-06.jpg)

اليسُوع گل لصحابه: «لازم تدرون وَايد صعبه الغني يدخل ملكوت الله. بَعَد مرّه اگول، اليمل لو يتعده مِن مَزِگ الأبره اسهل مِن دشت الغني بملكوت الله!»

![](https://cdn.door43.org/obs/jpg/360px/obs-en-28-07.jpg)

أصحاب اليَسُوع اتعجبو مِن حچيه وَ سئلو، «يَاهُو اليگدر ينجي حاله؟»

![](https://cdn.door43.org/obs/jpg/360px/obs-en-28-08.jpg)

اليسُوع بَاوع لصحابه وَ گال: «البشر مايگدر ينجي حاله، بِس عند الله مو بعيده.»

![](https://cdn.door43.org/obs/jpg/360px/obs-en-28-09.jpg)

بُطرُس گِل اليسُوع: «شنهو أجرنا احنا اليزنه مِن كلشي وَتبعناك؟»

![](https://cdn.door43.org/obs/jpg/360px/obs-en-28-10.jpg)

اليسُوع جاوب: «كلمن الخاطري يغمض عينه مِن إختَه و اخو، اُمه و أبو، وَأولاده وَ بيته وَ حلاله، ميّت نوبه يحوُش ازياده وَ اكثر و يحَصّل العيشه أَلأبدِيه. بِس وَايد مِن النّاس البلأول ایصیرون بلآخر وَ وَايد منهُم الچانو بلآخر ایصیرون بلأول.»

*قُصَةْ مَأخوذِهْ مِنْ کِتابِ الْمُقِدِّسْ: إنجیل متی فصل ۱۹ آیات ۱۶ إلیٰ ۳۰، إنجیل مرقس فصل ۱۰ آیات ۱۷ إلیٰ ۳۱، إنجیل لوقا فصل ۱۸ آیات ۱۸ إلیٰ ۳۰*

## 29. ۲۹- قِصة العَبِد الچان گَلبه عاصي

https://openbiblestories.org/l/ar-xzn/story-29/

![](https://cdn.door43.org/obs/jpg/360px/obs-en-29-01.jpg)

فرد يوم بُطرُس سئل اليَسُوع: «استاذي، اخوي لو يغلط بحگي، چم نوبه اگدر اعفي عنه؟ سَبع نُوبات؟» اليسُوع گِال: «موبِس سَبع مرّات، سَبعين نوبه وَ کِل نوبه سَبع مرّات!» اليسُوع راد يفهمنا كل وَكت انسامح النّاس.بَعَدين اليَسُوع سولف هاي القصه.

![](https://cdn.door43.org/obs/jpg/360px/obs-en-29-02.jpg)

هُو گال: «ملکوت الرب مِثل وَاحد ملك الراد يصفي احسابه وَيا خِدّامه. دين وَاحد مِن الخدام چان إیعادل ميتن الف سنه شغل.

![](https://cdn.door43.org/obs/jpg/360px/obs-en-29-03.jpg)

وَ چهِ الخادم ما چَان يگدريدفع هاذ المبلغ، الملك أمر ابدال الدين، يبيعون الخادم و مرته وَ اولاده وَ العنده وَالماعنده.

![](https://cdn.door43.org/obs/jpg/360px/obs-en-29-04.jpg)

بِس الزلمه طَاح علي ریلین الملك وَ ستلمسه وَ گال: «دخيلك يَا لملك، انطيني فرصه لمان ما اوفي اديوني.» وَ الملك احترگ گلبه عليه وَ سامح دینه و خلاّ ايرَوح.

![](https://cdn.door43.org/obs/jpg/360px/obs-en-29-05.jpg)

الخادم بس طلع مِن القصر، شاف وَاحد مِن صدقانه الچَان هُو يطلبه گد اربع تِشِرإنْعام شاغول. الخادم چِفَت المطلوب وَ گله: «اوفي دينك الي.»

![](https://cdn.door43.org/obs/jpg/360px/obs-en-29-06.jpg)

صاحبه المديون طَاح علي ریله وُ گال: «دخيلك انطيني وَكت خاطر اوفي اديوني.» بِس الخادم ما رضي وَ زت صاحبه بلحبس لمان ما يصفي احسابه وَيا.

![](https://cdn.door43.org/obs/jpg/360px/obs-en-29-07.jpg)

مِن صدقان المديون سِمعو بلموضوع، انقهرو وَ رَاحو للمك و گلوله السالفه.

![](https://cdn.door43.org/obs/jpg/360px/obs-en-29-08.jpg)

الملك رَاد الخادم وَ گاله: «أيا الخادم الشرّاني! أَنا بذلت عليك و عفيتك مِن ديونك، أنت هم چان لازم اتسوي نفس الشي وَيا رفيجك.» المك عصّب و أمريذبونه بلحبس وَ لو ما يوفي اديونه لايفكونه.

![](https://cdn.door43.org/obs/jpg/360px/obs-en-29-09.jpg)

بَعَدين اليسُوع گال: «لو انتُم ماتسامحون خوانكم مِن كِل گلب والسان، ابوي سِماوي هم هچ ايسوي وَياكم.»

*قُصَةْ مَأخوذِهْ مِنْ کِتابِ الْمُقِدِّسْ:(إنجیل متى فصل ١٨ آيات ٢١ إلى ۳۵ )*

## 30. ۳۰- يِسُوع إلمِسيح یِطَعِم خِمِس تالاف نَفر

https://openbiblestories.org/l/ar-xzn/story-30/

![](https://cdn.door43.org/obs/jpg/360px/obs-en-30-01.jpg)

اليسُوع ودّه مندوبين مِن صوبه، الچم قريه خاطر يبشرون النّاس وَ يعلمونهم. وَ مِن رجعو گلو اليسُوع مِن اشيا السُوُهن. بَعَدين اليسُوع خذاهم بكان ساكت علي راگ شط خاطر يِستريحون. كلهُم ركبو بَلَم وَ رَاحو ذيچ صفحة شط.

![](https://cdn.door43.org/obs/jpg/360px/obs-en-30-02.jpg)

الوادم مِن شافو اليسُوع وَأصحابه ركبوالبلم خاطر يرحون، گامو يركضون صوب الماي خاطر گبلهم يوصلون ذاك الصوب. وَ مِن اليسُوع وَ أصحابه وصلو إهناك، وَایدین مِن الوادم چانو امتانينهم وَ حيّو بيهم.

![](https://cdn.door43.org/obs/jpg/360px/obs-en-30-03.jpg)

عدّتهم چانت بدون النسوان و اليهال، جريب الخمس تالاف زلمه. اليسُوع مِن شاف چنهم غنم ابليه رَاعي وَايد حزن عليهم. وَ گام يعلّم بيهم وَ يشافي المرضه.

![](https://cdn.door43.org/obs/jpg/360px/obs-en-30-04.jpg)

مِن عِشيات، ايو أصحاب اليسُوع وَ گلّوله: «يَا استاذنا! ودّي النّاس خاطر ایبون رَوحهم اَکل، چهِ ابهل هِمِه مانحَوش زاد للأكل.

![](https://cdn.door43.org/obs/jpg/360px/obs-en-30-05.jpg)

بَس اليسُوع گلِ لصحابه: «انَتم انطوهم اکل.» هُما جابو: «اشلون نگدر إنْشَبّع هلجمعيه؟! احنا عدنا بِس خمس خبزات وَ سمچتين ازغار.»

![](https://cdn.door43.org/obs/jpg/360px/obs-en-30-06.jpg)

اليسُوع گلِ لصحابه كِل خمس نفرات يلتمون إبكان وَ ايگعدون علي الخضَار.

![](https://cdn.door43.org/obs/jpg/360px/obs-en-30-07.jpg)

وبَعَدين اليسُوع كض الخبز وَ الإسمِچات بيده وَ رفعهن للسما وَ شكر الله وَ حِمَده علي النعمه وَ بارك الزاد.

![](https://cdn.door43.org/obs/jpg/360px/obs-en-30-08.jpg)

اليسُوع قسّم الخبر وَ سمچ أوصل أوصل وَانطاهن لصحابه خاطر يوزعون الأكل بين النّاس. الأصحاب طعمو النّاس و كلها كلت وَ شبعت، بَس ماچان ينگص مِن حجم الأكل.

![](https://cdn.door43.org/obs/jpg/360px/obs-en-30-09.jpg)

بَعَدين الأصحاب المسیح جِمِعَّوا الزَاد الظال، و انترسن اثنعش سَلّه مِن باقي الخبز والسمچ .

*قُصَةْ مَأخوذِهْ مِنْ کِتابِ الْمُقِدِّسْ:(إنجیل متى فصل ۱۴ آيات ١٣ إلى ٢١، إنجیل مرقس فصل ۶ آيات ٣١ إلى ۴۴، إنجیل لوقا فصل ٩ آيات ١٠ إلى ١٧، إنجیل يوحنا فصل ۶ آيات ۵إلى ۱۵)*

## 31. ۳۱- اليسُوع يِمشّي على إلمای

https://openbiblestories.org/l/ar-xzn/story-31/

![](https://cdn.door43.org/obs/jpg/360px/obs-en-31-01.jpg)

بَعَد مَا اليسُوع طَعَم الوَادم گل الأصحابه رُکبوا البِلم و رُوحو ذيچ صفحة الماي، بَس هُو ماظل المدّه طویله. الأصحاب رَاحوا و اليسُوع بَعَد ما مَشّة النّاس، صعد فوگ اليبل خَاطر يِندعي. هُو چَان لِوحده إهناك، و حَد نِص اليل دعا و صلّیٰ.

![](https://cdn.door43.org/obs/jpg/360px/obs-en-31-02.jpg)

مِن الأصحاب چَانوا يِمشّون البِلم، صَار هواء عالي و هُما حَد نِص الیل چَانوا عابرینْ بَس نِص الشَط.

![](https://cdn.door43.org/obs/jpg/360px/obs-en-31-03.jpg)

اليسُوع مَن خلّص دَعا رَاح صوب أصحابه. هَو گام يِمشّي على سَطح المای، صوب البِلِمهُم.

![](https://cdn.door43.org/obs/jpg/360px/obs-en-31-04.jpg)

الأصحاب مِن شافوا اليسُوع، وَاید خافوا، هُما فُکْرِوا شَبَح يايلهم. اليسُوع دَرَ هُما خایِفین، و گِلْهم: «أنا، لاتخافون!»

![](https://cdn.door43.org/obs/jpg/360px/obs-en-31-05.jpg)

بَعَدین بُطرُس گِلِ الِيسُوع: «سَیدي، لوهَذا إنته إبروحك، أمِر حتی إمشي على المَای و إیّی یِمِک.» يسُوع گِلِ البُطرُس: «تَعال!»

![](https://cdn.door43.org/obs/jpg/360px/obs-en-31-06.jpg)

بُطرُس نِزَل مِن البَلَم، و مِشِه علي المای صوب اليسُوع . أمان مِن بَعَد مَسافِة گُصيرِة، دار وُیهِه وشَاف الهوا هَب و الموج صَار إشْعِلواتهِ.

![](https://cdn.door43.org/obs/jpg/360px/obs-en-31-07.jpg)

بُطرُس غَط بلماي مِن خوفه و صَرَخْ: «سیدي نِجنِي!» اليسُوع مِد إيدِه و طِلَّعَه. بَعَدین يسُوع گِل البُطرُس: «ليش مِن قِلَّت إيمانك، ما إعْتِمَدت بيه خَاطر إتظل بِالأمَان؟»

![](https://cdn.door43.org/obs/jpg/360px/obs-en-31-08.jpg)

مِن اليسُوع و بُطرُس رِکبُوا البِلِم، فَرد نوب وُگف الهَوا و المای هَوْاد.أصحاب اليسُوع إتحيّرَو، عِبْدَوا اليسُوع و گِلولِه: «حقيقتاً أنتِ إبنِ الله.»

*قُصَهْ ماخوذِهْ مِنْ کِتابِ الْمُقَدَسْ: (إنجیل متی فصل ۱۴ آیات ۲۲ إلیٰ ۳۳؛ إنجیل مرقس فصل ۶ آیات ۴۵ إلیٰ ۵۲؛ إنجیل یوحنا فصل ۶ آیات ۱۶ إلیٰ ۲۱)*

## 32. ۳۲- يسُوعْ یِشفِي زِلمِه مِسكون  و مَرا مَريضِة

https://openbiblestories.org/l/ar-xzn/story-32/

![](https://cdn.door43.org/obs/jpg/360px/obs-en-32-01.jpg)

يَوم مِن الایام اليسُوع و أصحابه عُبَرو الشَط بِل بَلَم و رَاحو صوب أرض جَدَریان. مِن وصْلوا رَاگ البحر نِزْلَو مِن البِلِم.

![](https://cdn.door43.org/obs/jpg/360px/obs-en-32-02.jpg)

چَان إهناك زِلمِه مَسْكون بِأرواح شِریرة.

![](https://cdn.door43.org/obs/jpg/360px/obs-en-32-03.jpg)

وهَلگد چَان قوي، مَاحَد یِگدِرعلیه . چِمْ مَرَّاْ چَانوا يشدونه بِالزناجير، بِس هُو چَان إیِبُطهِن.

![](https://cdn.door43.org/obs/jpg/360px/obs-en-32-04.jpg)

الزِلمِه چَان سَاكن الِگبور. هُو ليل و نهار چَان يگْعَر و چَان عَریَان و إيزَلِق بَدْنَه بلصَخْرَ الباشط.

![](https://cdn.door43.org/obs/jpg/360px/obs-en-32-05.jpg)

الزِلمِه مِن وُصَل يم اليسُوع، سِجَدله و اليسُوع أمر رَوح المسكونه بيه: «إطلَع مِن هَاذ الزِلمِه!»

![](https://cdn.door43.org/obs/jpg/360px/obs-en-32-06.jpg)

رَوح المسكونه نِعْرَت و گالت، «يا اليسُوع، إبن الله، شِتْريد مِني؟ دَخيلك لاتْعَذِبْنِي!» سأل اليسُوع مِن رَوح الخبیثه: «شِسمِک؟» والرَوح گالت: «إسمِي فِيْلِقْ، چه إحنا چثيرین.» (فِيْلِق چان يشمل آلاف مِن جنود الجيش الروماني.)

![](https://cdn.door43.org/obs/jpg/360px/obs-en-32-07.jpg)

أرواح الشریرة گِلَن الیسُوع: «لاتِطْرِدْنَه من های الگاع» چَانن إهناك کومِة خَنازير إیسِرحِن على العَلْوَه. الأرواح المسكونه إستِلْمِسِن اليسُوع و گالَن: «وُدِینِه بینِ الخنازير» اليسُوع خِلاهن، و گَلْهِن: «روحَن»

![](https://cdn.door43.org/obs/jpg/360px/obs-en-32-08.jpg)

أرواح الشریرة طِلْعِن مِن الزِلمِه، و رَاحن بینِ الخنازير. الخنَازير الچَانِنْ جِریب إلألفين، طَاحِن مِن العَلْوَه بِالشط و غِرگَن.

![](https://cdn.door43.org/obs/jpg/360px/obs-en-32-09.jpg)

رَاعي الخنازیر، مِن شَافوا إشصَار رِکْضُوا لِديره و گلّو للوادم الیسُوع إشسوه. إییت النّاس و شافت الزِلمِه مسكون چَان إمْهَود، و لابِس إهْدومه و گاعِد عاجل.

![](https://cdn.door43.org/obs/jpg/360px/obs-en-32-10.jpg)

النّاس الچَانوا خایفین، رادو مِن اليسُوع يرَوح مِن يمهم. اليسُوع هِم رُکَب البِلِم. بِس الزلمه الچَان مسكون راد مِن اليسُوع حتی يرَوح وَيا.

![](https://cdn.door43.org/obs/jpg/360px/obs-en-32-11.jpg)

بَس اليسُوع گلّه: «إرْجَع إلبيتك وگِل الكل، الله إیشسوالِک و إشْلُون رَحَم بحالك.

![](https://cdn.door43.org/obs/jpg/360px/obs-en-32-12.jpg)

إلهایه، إیزِلمِه مِن چَان يجابل كل وَاحد، يگلّه اليسُوع إشسواله. كل مِن سِمِع قُصتِه، إتْحَيّر.

![](https://cdn.door43.org/obs/jpg/360px/obs-en-32-13.jpg)

يسْوع رِجَع الذاک صوب. بَعَد ما وُصَل، إلتِمِتْ عليه جِمعیة، و بينهم چانت مَرأ إثنعش سِنة تِنْزِف. و هِیِه چَانت ناطیِه كِل إفلوسهِه لِلدَکاترِه خاطر إتْعَالِج نَفِسْها، بِس حالِتهِ چِانت صایرهِ أخَص.

![](https://cdn.door43.org/obs/jpg/360px/obs-en-32-14.jpg)

هَیِه چَانت سِمعَانَه اليسُوع إمَشافي وايد مَرَضیٰ، گِلّت لِروحها، «إدري لو بَس إجیس إهدوم اليسُوع ، أنا هِم إشفِه.» المَرأ مِن بين الوادم وصلت وَرَ اليسُوع و جاسِت إهدومه.و بِس جاسِت إهدومه، إنْگطَعْ نزيفها.

![](https://cdn.door43.org/obs/jpg/360px/obs-en-32-15.jpg)

إبذيچ الِحظه اليسُوع حَس قُوَّه طلعت منه. إلْتِفَت و سَئَل: «یاهُو الجاس إهْدومِي؟»أصحابه جاوبو: «الوادم چانوا إمحوطينك مِن كلِ صوب، لیش تِسأل «یاهُو جاس إهدومي؟»

![](https://cdn.door43.org/obs/jpg/360px/obs-en-32-16.jpg)

مِن چَانت المَرأ تِريف مِن الخُوف، سِجْدِت جِدام ریلین اليسُوع و گلتله إشْسويت و إشلون أنا شيفِت. اليسُوع گلها: «إيمانِچ شِفاچ! روحي بِسّلامه.»

*قُصَهْ ماخوذِهْ مِنْ کِتابِ الْمُقَدَسْ: (إنجیل متی فصل ۸ آیات ۲۸  إلیٰ ۳۴؛ فصل ۹: آیات ۲۰ إلیٰ ۲۲؛ إنجیل مرقس فصل ۵؛ إنجیل لوقا فصل ۸ آیات ۲۶ إلیٰ ۴۸)*

## 33. ۳۳- قِصة الفَلاح

https://openbiblestories.org/l/ar-xzn/story-33/

![](https://cdn.door43.org/obs/jpg/360px/obs-en-33-01.jpg)

فرد یوم الیسُوع علي راگ بحر چَان إیعلم جمعیة چيبيره مِن الْناسْ. هِلْگَد چَانو وايدين، الیسُوع ما چانْ عنده بُکان يُگَف وإيِحاچيهُم. وَ إلهایه، رَکب اِبْفَرِدْ بَلَم، و مِنّاك ظل إيعَلِم بلناس.

![](https://cdn.door43.org/obs/jpg/360px/obs-en-33-02.jpg)

اليسُوع سولَف قصّه لشَعب وگال: «فرد فَلاح طَلَع يزرع بَزِر. مِن چانْ إیریش البَزر، بَعَضْهِن طاحن بَرّه مِن الزرع و إیین الْطِیورْ و کِلَنْهِن.»

![](https://cdn.door43.org/obs/jpg/360px/obs-en-33-03.jpg)

بَعَضْهِن طاحِن بين الصَخَر و الإتْراب. البَزِر اليچان طايح علي التراب الموقَميجْ، إبْسَع خَضَّر. بِس إعْروگْهِن ما چان يِنْبِت بالإتراب. وطَلعت الشمس، إحْتِرْگَن.

![](https://cdn.door43.org/obs/jpg/360px/obs-en-33-04.jpg)

«بَعْضِ البَزِر هم طاحِن بين الشُوك. الشوك وَ البزر خَضَر سوا، وإنْمَرَد الگصَب بين الشوك، وَ المَحصول ما ثَمَر.»

![](https://cdn.door43.org/obs/jpg/360px/obs-en-33-05.jpg)

«وَ بَعْض البَزِر طاحِ على تراب الزين و مِن کِل البَزر، ثلاثين أَو ستين أَو حتى میة نوبه خَضَر ثُمَر. کِل مِن إيريد يِتبَع الرَب يِسمَع كلامي.

![](https://cdn.door43.org/obs/jpg/360px/obs-en-33-06.jpg)

الأصحاب دَاخو مِن سَمعوا های القصة . يسُوع هِچ شَرَح إلهم: «البَزِر، هُو كلام الله. الدَرب، شخص إللي يِسمَع كلام الله، بِس مايدركه وَ الشيطان إیبوگه منه. يعني الشيطان مايخلي أحّد يِعرف كلام الله.»

![](https://cdn.door43.org/obs/jpg/360px/obs-en-33-07.jpg)

«الگاع البیها صَخَر، مِثل وَاحد إللي بِس یِسمَع كلام الله يِفرح بيه، أما بلمُصايب وَ مِن یِتلَوع، يدير ويه مِن الله. يعني مايِعتمد علیٰ الله.»

![](https://cdn.door43.org/obs/jpg/360px/obs-en-33-08.jpg)

«الگاع المِتغَطيِه بشُوك، مِثل الشخص إللي يِسمَع كلام الله، أمان هَم وَ غَمْ العيشه و الطُمَع و الولع بلإفلوس، مِن بَعَد مُدّه إيخَلِنّه إيوز مِن مَحَبِة الله. و ما یِگدر يرضي الرب حَسَب تعاليم كلامهِ. هُو مثل گِصَب الحُنْطا إلماينطي ثُمَر.»

![](https://cdn.door43.org/obs/jpg/360px/obs-en-33-09.jpg)

«بِس گاع الزِینه، مِثل وَاحد الیِسمَع الكلام زين و یُؤمِن بیه وَ إيِبشر كلام الله.»

*قُصَهْ ماخوذِهْ مِنْ کِتابِ الْمُقَدَسْ: (إنجیل متی فصل ۱۳ آیات ۱ إلیٰ ۸؛ فصل ۱۳ آیات ۱۸ إلیٰ ۲۳؛ إنجیل مرقس فصل ۴ آیات ۱ إلیٰ ۸؛ فصل ۴: آیات ۱۳ إلیٰ ۲۰؛ إنجیل لوقا فصل ۸ آیات ۴ إلیٰ ۱۵)*

## 34. اليسُوع يِعلم النّاس بَعَد أمثال

https://openbiblestories.org/l/ar-xzn/story-34/

![](https://cdn.door43.org/obs/jpg/360px/obs-en-34-01.jpg)

اليَسُوع سُولف وَايد قِصص علي مود ملکوت الرَب. مثلاً گال: «ملکوت رَب العالمين مثل حَبّة الخَردل الشخص زارِعْها إبگاعه. وَ إنتم تدرون حَبّة الخَردل أزْغَر حَبّه بين الحبوب.»

![](https://cdn.door43.org/obs/jpg/360px/obs-en-34-02.jpg)

«بِس مِن تكبر حَبّة الخَردل تصير أكبر مِن كل زرع بلبِستان. حتی الطیور إتسوي بینها إعشُوش.»

![](https://cdn.door43.org/obs/jpg/360px/obs-en-34-03.jpg)

اليسُوع مثّل بَعَد شِي و گال: «ملکوت الرَب مِثل الخُمْرَا إللي الخبَازه إتخبضه بل العيين وَ تشِبشَ بيه.»

![](https://cdn.door43.org/obs/jpg/360px/obs-en-34-04.jpg)

«ملکوت الرَب، مِثل كَنِز أللي وَاحد دَافِنهِ بمزرعته و وَاحد ثاني يلگا و ردود يِدفِنه وَ مِن فَرِحتِه يبيع العِندِ وَ الماعنده خاطر يشتري المزرعه كلها.»

![](https://cdn.door43.org/obs/jpg/360px/obs-en-34-05.jpg)

«ملكوت الرَب، مثل الدُر الغالي و التاجر اليعَرِف الدُر مِن يِلگا، يبيع كلشي العِندِه خاطر يِشتري.»

![](https://cdn.door43.org/obs/jpg/360px/obs-en-34-06.jpg)

چانَو إهْناکْ أشخاص يِفكرون الخاطر أعمالهُم الزينه الله قابلهم، و يِحگرُون الوَادم إللي ماچانَوا إمسوين خير. و اليسُوع سولفلهم هِسَالفِه: «نفرين رَاحو للمعبد خاطر يِندعون. وَاحد منهُم چَان رِيَّال ديني و ثاني چان يحْسِب أموال الخِزانِه.»

![](https://cdn.door43.org/obs/jpg/360px/obs-en-34-07.jpg)

«رِيَّال الديني وگف وَهِچ إندِعیٰ و گال: «يا ربي أشكرك الخاطر أَنا مو مِثل بعض الناسْ، مُذنِب وَ حرامي وَ ظَالم و مِزني و لو حتي ماخذ منهُم اِفلوس بلگوه.»

![](https://cdn.door43.org/obs/jpg/360px/obs-en-34-08.jpg)

بلسبوع يومِين اِصوم، وَ مِن كِل الإفلوس الأطْلَعهِن إنطي وَاحد مِن العشره الويه الله.»

![](https://cdn.door43.org/obs/jpg/360px/obs-en-34-09.jpg)

«بِس الرِيَّال الثاني يأخذ اِفلوس زور مِن الأوادم چان واگُف إشويه أبَعد مِن هذه الرِيَّال الديني و مِن چان يندعي حتي ما إيشيل راسَه لِلسِمه بِس دِگ علیٰ صدِره و گال: «يا ربي إرحمني، تریٰ أنا مُذنِب.»

![](https://cdn.door43.org/obs/jpg/360px/obs-en-34-10.jpg)

بَعَدين اليسُوع گال: «إگِلكُم الصِدِگ الله إستجاب دعا ذاك الزِلمه الچان يأخذ افلوس غصب وُ حِسَبه مِن العادلين. كلمن الشايف نفسه، عند الله يِنحسب زغير، وَ كلمن متواضع، راسِه مرفوع وَ عالي.»

*قُصَةْ مَأخوذِهْ مِنْ کِتابِ الْمُقِدِّسْ: (إنجیل متی فصل ۱۳ آیات ۳۱ إلیٰ  ۴۶؛ إنجیل مرقس فصل ۴ آیات ۲۶ إلیٰ ۳۴؛ إنجیل لوقا فصل ۱۳ آیات ۱۸ إلیٰ ۲۱؛ فصل ۱۸ آیات ۹ إلیٰ ۱۴)*

## 35. ۳۵- قصة أبو الحَنُون

https://openbiblestories.org/l/ar-xzn/story-35/

![](https://cdn.door43.org/obs/jpg/360px/obs-en-35-01.jpg)

يوم من الأيام اليسُوع چان يِعلّم بجمعيه چانو حواليه. أكثرهُم چَانو ناس ياخذون مِن الوَادم إفلوس بلغصب وَ مايقبلون شريعة نبي موسَي.

![](https://cdn.door43.org/obs/jpg/360px/obs-en-35-02.jpg)

وَ إرَجال الدين الچانو إهناکْ شافوا أشلون اليسُوع يحسب المذنبين هِم مِثل صدقانه. هُما چَانو يگولون اليسُوع يشتبه. مِن سِمعهم اليسُوع روالهُم هلقصه:

![](https://cdn.door43.org/obs/jpg/360px/obs-en-35-03.jpg)

«فرد زلمه چان عنده اثنين أولاد. فرد يوم الإبن الزغير گل لِبو: «بویه، أَنا هِسه إريد وِرْثي مِنك!» والأبو جِسَم حلاله بين أولاده.»

![](https://cdn.door43.org/obs/jpg/360px/obs-en-35-04.jpg)

مَا طَوَلِت وَ الولد الزغير جِمَع كِلشي العنده وَ رَاح الديرة بعيده وَ حرّم افلوسِه كلهن إبدربُ الحرام.

![](https://cdn.door43.org/obs/jpg/360px/obs-en-35-05.jpg)

ماتعَدت مُده و صَار گحط ببديرة اللي ولد الزغير چانْ عایش بيها و بَعَد ما چانْ عنده شي خاطر يشتري أكِل. وَ گام يرعي الخنازير چهَ بِس چان يعرف هِلشُغله. و هلگد چان نهلان و يوعان، يشبع روحه أبأكل الخنازير.

![](https://cdn.door43.org/obs/jpg/360px/obs-en-35-06.jpg)

فرد يوم وَلد زغير گِل إروحه وَ گال: «أَنا شسوي إهنا؟ خَدّام اُبوي عندهم زاد للأكل و أَنا إهنا مِيت مِن اليوع. إروح لبوي وَ إرَيد مِنه خاطر إصير وَاحد مِن خِدّامه.»

![](https://cdn.door43.org/obs/jpg/360px/obs-en-35-07.jpg)

وَ رَاح صوب بيت اُبوه. بَعده چان بعيد مِن البيت وَ أبو شافه و گُلبه إحترگ عليه وَ رَاحله وَ حِضِنه و حَبَه.

![](https://cdn.door43.org/obs/jpg/360px/obs-en-35-08.jpg)

الإبن گِل لِبو: «بويه، أَنا خطيت إبحَگك و بحَگ الله وَ بَعد ماني مستحق أظل إبنک.»

![](https://cdn.door43.org/obs/jpg/360px/obs-en-35-09.jpg)

بِس أبو گِل الوَاحد مِن الخدم: «رَوحو يبوا مِن البيت أحسَن إهدوم وَ لبسو إبني. حطو مَحبَس بيده وَ لبسو نِعِل. و يبولكم عيل إمْرَبّه وضبحو وَ خاطر نحتفل. چِه هذا إبني چَان مِيت وَ هسه إردود حِيَه و لِگيتِه.»

![](https://cdn.door43.org/obs/jpg/360px/obs-en-35-10.jpg)

وَ الكل إحتفلو سويه. ما طولت وَ الولد الچبير الچان يرجع مِن الزرع سمع حس الطبل و رَگُص وَ الغِنا و راد إيشوف شنهي السالفه.

![](https://cdn.door43.org/obs/jpg/360px/obs-en-35-11.jpg)

مِن وَلد الچبير إفتهم هاي الحفله الرجعت اُخو للبيت، عصب وَ ماراد يدش البيت. اُبو رَاحله وَ إستِلمِسه خاطر ايَي وَ ایشارک بلحفله، بِس هُو ماقِبِل.

![](https://cdn.door43.org/obs/jpg/360px/obs-en-35-12.jpg)

الوَلِد چِبير گل اُبوه: «إبهاي سنین كلها خِدِمتِك وَ أَنا وفي، وَ ما نهيت أوامرك وَ كِلْ هاي المده حتي ما إنطني صخله خاطر إذبحه وَ حتفل ويا صدقاني. بِسْ هذا إبنك إللي خرج ثروتك إبدرُب الحَرام هسه إللي رجع للبيت تضبَحلِه عيل إمرِبه وَ تسويله حفله.»

![](https://cdn.door43.org/obs/jpg/360px/obs-en-35-13.jpg)

الآُبو جاوب: «اولِيدي، أنت كِل وكتك يمي وَ كِلشي العندي إلك. بِس أحَسن هسه نحتفل و نتوَنِس، چهِ إخوك چان مِيت وَ هسه حيا، چَان ضايع وَ هسه بَيّن.»

*قُصَةْ مَأخوذِهْ مِنْ کِتابِ الْمُقِدِّسْ:(إنجیل لوقا فصل ۱۵ آیات ۱۱ إلیٰ ۳۲)*

## 36. ۳۶- وجه اليسُوع يتغيير

https://openbiblestories.org/l/ar-xzn/story-36/

![](https://cdn.door43.org/obs/jpg/360px/obs-en-36-01.jpg)

يوم من الأيام، اليسُوع خذه ثلث نفرات مِن أصحابه، بُطرُس وَ يَعقُوب و يُوحَنَّا وَ رَاح علي يبل عالي خاطر يندعون سويه. (يُوحَنَّا العمد الیسُوع بلماي، چان شخص اخر)

![](https://cdn.door43.org/obs/jpg/360px/obs-en-36-02.jpg)

ابوكت الدعا، وَيِه اليسُوع گام يبرج مِثل الشمَس وَ إهدوما ظووَن مِثل نُورالأبيض المايتهيه علي الگاع.

![](https://cdn.door43.org/obs/jpg/360px/obs-en-36-03.jpg)

وَ ظهرُو نبي موسی و نبي إيليا. هُما چَانو عايِشين ميات اِسْنینْ گبُل هاي. هُما گامو يسولفون وَيا اليسُوع علي مود موته بإوُرشليم.

![](https://cdn.door43.org/obs/jpg/360px/obs-en-36-04.jpg)

مَن نبي موسي و نبي إيليا چَانو يِحچون وَيا اليسُوع بُطرُس گل اليسُوع: «وَايد هم زين إحنا موجودين إهنا، إسمحنّا نبني إهنا ثلث صوباط، وَحده إلك، وَحده النبي موسي وَ وَحده النبي إيليا.»

![](https://cdn.door43.org/obs/jpg/360px/obs-en-36-05.jpg)

بَعَد بُطرُس مو إمخلص حچيه، نزلت مِن السما غيمه تبرج و قطتهم و طلع منها صوت إيگول: «هذا هَو إبني العزيز الي أَنا فرحَان بي. سمعو كلامه.» أصحاب اليسُوع مِن خوفهُم طاحو علی لگاع.

![](https://cdn.door43.org/obs/jpg/360px/obs-en-36-06.jpg)

اليسُوع حَط إيده عليهُم و گال: «گومو وَ لاتخافون». مِن گامو يباوعون مِن هان و منّاك، غير اليسُوع ما شافو اَحد.

![](https://cdn.door43.org/obs/jpg/360px/obs-en-36-07.jpg)

اليسُوع وَ ثلث أصحابه رِجعو حدر اليبل. وِاليسُوع گللهم: «هسه لاتسولفون الأحد شي الشفتو. أَنا إبهلگرُب إموت وَ ردود أحيا تالي تگدرون تسولفون لِلنّاس إشّفتو.»

*قُصَةْ مَأخوذِهْ مِنْ کِتابِ الْمُقِدِّسْ:( إنجیل  متی فصل ۱۷ آیات ۱ إلیٰ  ۹ ، إنجیل مرقس فصل ۹ آیات ۲ إلیٰ ۸، إنجیل لوقا فصل ۹ آیات ۲۸ إلیٰ  ۳۶)*

## 37. ۳۷- اليسُوع يحي إيليعازَر

https://openbiblestories.org/l/ar-xzn/story-37/

![](https://cdn.door43.org/obs/jpg/360px/obs-en-37-01.jpg)

رِيَّال چَان إبإسم إيليعازَر، هُو وَ اثنين خواته چانو مِن صدقان اليسُوع. فرد يوم اليسُوع سمع إيليعازَر حيل مرضان. مِن اليسُوع سمع هلخبر، گال: «هذا المرض ما يِكتله بِس تشوفون عظَمة االله بيه.»

![](https://cdn.door43.org/obs/jpg/360px/obs-en-37-02.jpg)

اليسُوع وَايد چان يِحب إیليعازَر و خواته بِس بَعَد يومين هم ظَل بمكِان الچان بي. مِن بَعَد ماتعدن اليومين اليسُوع گل لصحابه: «تَعالو نرجع لليَهُوديه.» بِس الأصحاب گالو: «إستاذنه، بَعدهي ماتعدت چم يوم أهل اليَهُوديه رَادو يكتلونك!» اليسُوع جاوبهم: «صديقنا إيليعازَر نايم ولازم إفِزِّه.»

![](https://cdn.door43.org/obs/jpg/360px/obs-en-37-03.jpg)

أصحاب اليسُوع جاوبو: «يا ربي، لو هُو مريض وَ نايم، الحاله يشفا.» بَعدِین اليسُوع وَضَحِلهم: «إيليعازَر مِيّت. بِس أَنا فرحَان إللي ماچنت إهناك يمه خاطر إتيبون ايمان بيه.»

![](https://cdn.door43.org/obs/jpg/360px/obs-en-37-04.jpg)

مِن اليسُوع وصل الديرة الايليعازَر يعيش بيه، أربع تيام چان متعدي مِن موتهِ. مِرتا إخت إيليعازَر رَاحت، إستقبلت اليسُوع وَ گالت: «يا تاج راسي، لو چنت إهنا چان إخوي ما مات. بِس أَنا عندي إيمان، أَنَت كِلشي إللي إتريد مِن الله ينطيك.»

![](https://cdn.door43.org/obs/jpg/360px/obs-en-37-05.jpg)

اليسُوع جاوب: «أَنا الحَياة وَ القيامة. كِلمن يؤمن بيه، حتي لويِموت، يحيا. و اليؤمن بيه مايِموت. عندچ إيمان إبهاذ الكلام؟» مِرتا جاوبت: «أي أستاذ، أَنا عندي إيمان أَنت المَسِيح، إبن الله.»

![](https://cdn.door43.org/obs/jpg/360px/obs-en-37-06.jpg)

بَعْدِین مريم رَاحت لليسُوع و طاحت علي ریليه وَ گالت: «يا تاج راسي، لو چنت إهنا، چا إخوي ما مات.» اليسُوع سئلهم: «وَين دِفِنتو؟» هُما جاوبو: «إبفرد مَگبَره. تعال و شوف.» بَعْدِین اليسُوع بِچَه.

![](https://cdn.door43.org/obs/jpg/360px/obs-en-37-07.jpg)

گبُر إيليعازَر چان إبفرد يحِر و چانو حاطين صخره چِبيِره جدّام باب اليحر. مِن وصل اليسُوع للمگبره گال: «وَخرو الصخره!» بَس مرتا گالت: «أربع تيام متعدي مِن مِوته. هسه بَعَد الجسد مِتعَفن.»

![](https://cdn.door43.org/obs/jpg/360px/obs-en-37-08.jpg)

اليسُوع جاوب: «مُو گلت لو عندكم إيمان بيهِ إتشوفون عظَمة الرب؟» وَ هُما وخرو الصخره.

![](https://cdn.door43.org/obs/jpg/360px/obs-en-37-09.jpg)

وَ بَعْدِین اليسُوع باوَع لِلسِمه وَ گال: «يا أبي، أشكرك إللي تسمعني. وَ إدري كِل وكت تسمعني، بِس گلت هِچ، الخاطر الِناس الحاظره إهنا، إييبون إيمان إللي أَنت إمِوديني.» وَ ابصوت عالي گال: «إيليعازَر، تعَال بَارّا!»

![](https://cdn.door43.org/obs/jpg/360px/obs-en-37-10.jpg)

إيليعازَر، وَ هُو بَعَده بلچِفن، طَلَع مِن الگبُر. اليسُوع گللهم: «فكّو مِن چِفن خاطر يگدر يِمشي.» أكثر اليَهُود الشاف هاي المعجزه وَ يابو إيمان بليسُوع.

![](https://cdn.door43.org/obs/jpg/360px/obs-en-37-11.jpg)

بِس شیوخ الدين اليَهُوديه گامو یِتحسدون، وَ التمو خاطر يِسون ديسيسه ويكتلون اليسُوع و إيليعازَر.

*قُصَةْ مَأخوذِهْ مِنْ کِتابِ الْمُقِدِّسْ:(إنجیل یوحنا فصل ۱۱آیات ۱ إلیٰ ۴۶ )*

## 38. ۳۸- الخِيانِة بِيَسُوعْ

https://openbiblestories.org/l/ar-xzn/story-38/

![](https://cdn.door43.org/obs/jpg/360px/obs-en-38-01.jpg)

اليَهُود كِل سِنه يحتفلون إبعِيدِ الفِصح. إبهاذ العِيد اليَهُود يِذكروُن إشلون الله ميات السِنين گبُل نَجاهُم مِن عُبُودِية مَصر. جريب ثلث إسنين گبُل ما الیَسُوع يَبْدَأ بِلإبشارة و تعِليم، گِل لِصْحَابه إيريد يِحتِفل بهاذ العِيد وَياهُم. وَ هِم گال إهناك هُو ينكِتِل.

![](https://cdn.door43.org/obs/jpg/360px/obs-en-38-02.jpg)

يَهُوذَا چان وَاحد مِن أصحاب اليَسُوع وَ إيدِير الخَزانِه وَ أكثر اُوكات چان يِبوگ منها. مِن بَعَد ما اليَسُوع وَ أصحابه وصلو لأورُشَلِيم، يَهُوذَا رَاح الكَهَنَة اليهُود وَ گِلِلهْم لو يِنطونهِ إفلوس يِسلم اليَسُوع الهُم. هُو چان يدري رؤساء اليَهُود، مو قابلين بإن المَسِيح هُو چان اليَسُوع، وَ ناوين يِكتِلونِه.

![](https://cdn.door43.org/obs/jpg/360px/obs-en-38-03.jpg)

شیوخ الدين اليَهُود برياسِة كاهِن الأعْظَم، إنطو ثلاثين سِكة فُظَه، خاطر يسلم اليَسُوع الهُم. نفس الکلام الأنبياء چانو گايلن بكُتُبْهم. يَهُو‌ذَا قِبَلْ وَ خِذِه الفلوس وَ رَاح. مِن ذاك الزمان چان يدَوّر علي فُرصَه خاطر يِسَلم اليَسُوع الهُم.

![](https://cdn.door43.org/obs/jpg/360px/obs-en-38-04.jpg)

اليَسُوع وَ أصحَابه، إحتِفْلو إبعِيد الفِصح بأُورُشَلِيم. إبوكت عِشا العِيد، اليَسُوع خِذِه إرْقيفْ الخُبُز و جِسَمَه وَ گال: «كُضو وَ إكْلو، هذا جِسَمَي وَ بَدَني اليِنْفِدي إلكُم. سِوَّاو هذا الشِي ذكریٰ الي.» وَ هِچِي الیَسُوع گال، يِفدِي إبروحا وَ يِضحِي إبجِسَمه الهُم.

![](https://cdn.door43.org/obs/jpg/360px/obs-en-38-05.jpg)

بَعَدين اليَسُوع كِضْ الكَاس وَ گِل لِصحَابه: «هذا هُو دمي بِعَهد الجَدِيد إنطیکم لِخاطِر غُفران إذنُوبكم، إشربو مِنِّه. وَ سِوَّاو هِچْ وَ ذِكروني.»

![](https://cdn.door43.org/obs/jpg/360px/obs-en-38-06.jpg)

بَعَدين اليَسُوع گِل لِصحَابه: «وَاحد مِنكم يِخُون بيِه.» لأصحَاب إتعَجِبو وَ سِئلو ياهو يِسَوي هِشي. اليَسُوع گال: «كِلْ مِنْ يِكِض مني هِلُگْمَه، هُو الخايِن.» بَعَدين إنْطا اللُگْمَه اليَهُو‌ذَا.

![](https://cdn.door43.org/obs/jpg/360px/obs-en-38-07.jpg)

بَعَد ما يَهُوذَا خِذِه الُگْمَه، الشَّيطَان دِشْ إبعَگلَه وَ رَاح یِم شیوخ اليَهُود خاطر يِساعدهُم يِکِضون اليَسُوع.

![](https://cdn.door43.org/obs/jpg/360px/obs-en-38-08.jpg)

مِن بَعَد الأكل، اليَسُوع وَ أصحَابه رَاحو صُوب يِبِل زَيتُون. اليَسُوع گال: «اللِيله كِلكُم تِتركوني. لأن مِكتوب: «الراعي يِنضِرِبْ وَ الغنِم تِشرِد.»

![](https://cdn.door43.org/obs/jpg/360px/obs-en-38-09.jpg)

بُطرُس گال: «لو لِكُل یِتركونِك، أَنا ما إتِركِك.» اليَسُوع گله: «الشَّيطَان يريد كِلكُم إتبعونه، بِس أَنا إنْدِعيلك لاتِفْگد إيمانك. بِس علیٰ كِل حال اليله قَبِل لا ديچ يِعُوعي، إنتِ ثلث مرّات تِنكِرني.»

![](https://cdn.door43.org/obs/jpg/360px/obs-en-38-10.jpg)

بُطرُس گِل اليَسُوع: «حتي لو إمِوت، ما إنِكرِك.» باقي الأصحاب هِم هِچْ گالو.

![](https://cdn.door43.org/obs/jpg/360px/obs-en-38-11.jpg)

اليَسُوع وَأصحابه رَاحو البستان جَثسَتيمِاني. اليَسُوع گِلِلْهُم يِنْدِعون خاطر الشَّيطَان لايِگدِر يِوَسْوِسهُم وَ تَرَكهُم وَ رَاح بكان خَلوَه وَ گام يندعي.

![](https://cdn.door43.org/obs/jpg/360px/obs-en-38-12.jpg)

اليَسُوع ثلث مرّات هِچْ إندِعیٰ: «يَا أبي، لو تِسمَحلي، لاتْخَلي إشرب مِن هذا كَاس. بِس لو بَعَد ماكو درب تِغفَر الذنُوب، يجري وَ يِصير بِما إنت تگول.» فرد شكل اليَسُوع إتْشَوّش الچان يِنزِل العَرَگ مِنِّه مِثل القطْراتِ الدم. الله وَدّه مِلِك خاطر يقوي اليَسُوع .

![](https://cdn.door43.org/obs/jpg/360px/obs-en-38-13.jpg)

كِل نُوبَه مِن بَعَد الدعاء، اليَسُوع يِرجَع لِصحَابه، چان يشوفهُم نایمین. مَرة الثالثه مِن رِجَع، گال: «گوموا، ذاك الخاين إهنَا.»

![](https://cdn.door43.org/obs/jpg/360px/obs-en-38-14.jpg)

يَهُو‌ذَا إيِه وَ شیوخ اليَهُود وَ حُرَّاس وَ جمعية زايده چانت وَيا و بيدْهُم سيوف وَ جِناوي. يَهُوذَا إيِه صوب اليَسُوع وَ گال: «سلام إستاذي» وَ حَبَّه. وَ هاي چانت النِشان وَ العَلامِه خاطر يعَرّف اليَسُوع لليَهُود. اليَسُوع گله: «يَهُوذَا، هِچي إبفِرد حَبِّه إتخون بيِه؟»

![](https://cdn.door43.org/obs/jpg/360px/obs-en-38-15.jpg)

مِن الحَرَس كِضو اليَسُوع، بُطرُس يَر سيِفه و گَص إذِن خادم كاهِن الأعظَم. اليَسُوع گِلِه: «نِزِلْ سيِفك. أَنا أگدِر إطلب مِن اُبوي يودي موجِ مِن الملائِكه يِساعدنّي. أمَّان لازم إطيع اُبوي.» وَ بَعَدين اليَسُوع شافِه إذِن الرِيَّال وَ مِن بَعَدها كِل أصحابه شِردو.

*قُصَهْ مَأخوذِهْ مِنْ کِتاب إلْمُقَدِّسْ: (إنجیل مَتَّی فَصل ۲۶ آیات ۱۴ الیٰ ۵۶، إنجیل لُوقَا فَصل ۲۲ آیات ۱ الیٰ ۵۳، إنجیل یُوحَنَّا فَصل ۱۸ آیات ۱ الیٰ ۱۱)*

## 39. ۳۹- يِحاكِمونْ اليَسُوعْ

https://openbiblestories.org/l/ar-xzn/story-39/

![](https://cdn.door43.org/obs/jpg/360px/obs-en-39-01.jpg)

إبنِصْ اليل، الحُرَّاس خَذوْ اليَسُوع البيت كاهِن الأعظَم خاطر يِحَاكمونِه. بُطرُس هِم چان يباوِع مِن بعيد. مِن خَذوْ اليَسُوع داخل لِلبيت، بُطرُس وُگَف بَرَّا البيت يِمِه النَّار خاطر يدفي رَوحَه.

![](https://cdn.door43.org/obs/jpg/360px/obs-en-39-02.jpg)

رُوَسَاء اليَهُود گامو يِحاكمون اليَسُوع داخل البِيت. يابو وَايده شهود خاطر يشَهدو بِلچِذِبْ عليه اليَسُوع وَ تِهمُو تِهايِم. بِس أقاويلهم ماچانت وَحدِه، لهاي رُوَسَاء اليَهُود ما گِدرِو يثَبّتون عليه ذِنِب. اليَسُوع هِم مافُك السَانِه إبچِلمِه.

![](https://cdn.door43.org/obs/jpg/360px/obs-en-39-03.jpg)

وَ مِن تالي، كاهِن الأعظَم بَاوِع اليَسُوع وَ گال: «گِلِلنِه، إنت هُو المَسِيح إبن الله الحي؟»

![](https://cdn.door43.org/obs/jpg/360px/obs-en-39-04.jpg)

یَسُوع گال: «أي أَنا المَسِيح إبن الله، وَ فرد يوم إتشوفوني گاعِد يَمِين اُبوي وَ إرَجع مِن السمَّه لِلگاع.» كاهِن الأعظَم الچان إمْعَصِب مِن کلام اليَسُوع، شَگْ إهدومَه وَ ظَل يصيّح علیٰ باجي الكَهَنَه: «إحنا مانِحتاز بَعَد شواهيد. كِلكُم سِمَعْتو هُو گال أَنا إبن الله. شنو رَأيكم؟»

![](https://cdn.door43.org/obs/jpg/360px/obs-en-39-05.jpg)

رُوَسَاء اليَهُود رَدّو علیٰ الكاهِن وَ گِلولِه: «هُو يِستَاهِل الموت.» تالي صَكَّو إعيون اليَسُوع ، وَ ظَلو يتِفلون عليه وَ يِكتِلونِه وَ يِمسخرونِه.

![](https://cdn.door43.org/obs/jpg/360px/obs-en-39-06.jpg)

بُطرُس چان واگُف بَرَّه مِن البيت. شافِته وَحده خَدامِه و گِلِتْلِه: «إنت هِم چنِت وَيا اليَسُوع.» بُطرُس نِكَر. بَعَد إشوي شافِته فِرد خَدمِه وَ هِم گِلِّه إنت چنِت وَيا اليَسُوع وَ إردود هِم نِكَر. بَعَدين الناس إللي چانو واگفين إهناك گِلولِه: «إحنَا ندري إنت وَاحد مِن أصحاب اليَسُوع، چِه إنت هِم مِن أهل ديرة جَلِيل.»

![](https://cdn.door43.org/obs/jpg/360px/obs-en-39-07.jpg)

بُطرُس حِلَف و گال: «الله يلعَني لو أعرف هذا الزِلمِه.» إبضيچ الَحظه الديچ گام يعُوعي وَ اليَسُوع دار وُیهِ وَ گام يباوِع البُطرُس.

![](https://cdn.door43.org/obs/jpg/360px/obs-en-39-08.jpg)

بُطرُس رَاح وَ ظَل إيؤِن مِن البِچي. بذاك الوكت، يَهُو‌ذَا الخاين شاف رُوَسَاء اليَهُود حكمو علیٰ اليَسُوع بِلموت. إبْگِد ما حَس بِلذِنِب رَاح و كِتَل نَفسِه.

![](https://cdn.door43.org/obs/jpg/360px/obs-en-39-09.jpg)

إبضيچ الأيام شَخُص مِن أهل الروم بِسِم بِيلاَطُوس چان يحكم علیٰ اليَهُود. باجي رُوَسَاء اليَهُود خِذوا اليَسُوع إلِه و رادو مِنِّه يِحُكم بلموت عليه. بِيلاَطُوس سأل اليَسُوع: «إنت مَلك اليَهُود؟»

![](https://cdn.door43.org/obs/jpg/360px/obs-en-39-10.jpg)

اليَسُوع جاوب: «تَمام گِلِت. بِس أَنا مُلُوكيتِي مو بلأرض. لو چان هِچي، چان أصحابي حاربو علیٰ مودي. بِس أَنا إيت الهاي الدِنيِه خاطر إگِلْ لِلكِل علیٰ مود حقيقة الله وِ كل مِن يحِب الحَقيقه يسمعني.» بِيلاَطُوس سئل: «شنو هي الحَقيقه؟»

![](https://cdn.door43.org/obs/jpg/360px/obs-en-39-11.jpg)

بِيلاَطُوس بعد ما حِچِه وَيا اليَسُوع طَلَع بَرَّه لِلجمعيّه و گال: «أَنا ما شِفِت ذِنِب بِهلْزِلمِه خاطر يستِحق الموت.» بِس رُوَسَاء و جمعيّه صاحو: «لازم إتصُلبونِه» و بِيلاَطُوس گال:«هُو مو مِذنِب.» بِس هِنوبا الجمعيّه صاحت إبصوت أَعْلَیٰ. وَ بعدين بِيلاَطُوس لِلمرة الثالثه گال: «هُو مو مِذنِب.»

![](https://cdn.door43.org/obs/jpg/360px/obs-en-39-12.jpg)

بِيلاَطُوس مِن خوف إللي ناس لاتگوم، قِبَلْ بأن اليَسُوع مِذْنِب وَ سِلّمَه لِلحَرَس خاطر يصلبونِه. حَرَس الروم كتلو اليَسُوع وَ لِبسو هِدوم مَلك وَ گامو يِمسخرونِه وَ يگلولِه: «عاش مَلك اليَهُود.»

*قُصَهْ مَأخوذِهْ مِنْ کِتاب إلْمُقَدِّسْ: (إنجیل مَتَّی فصل ۲۶ آیة ۵۷ و فَصل ۲۷ آیة ۲۶، إنجیل مَرقُس فَصل ۱۴ آیة ۵۳ و فَصل ۱۵، إنجیل لُوقَا فَصل ۲۲ آیة ۵۴ و فَصل ۲۳ آیة ۲۵، إنجیل یُوحَنَّا فَصل ۱۸ آیة ۱۲ و فَصل ۱۹ آیة ۱۶)*

## 40. ۴۰- إنصَلَب يَسُوع

https://openbiblestories.org/l/ar-xzn/story-40/

![](https://cdn.door43.org/obs/jpg/360px/obs-en-40-01.jpg)

بَعَد ما الحَرَسْ مَسخَرو اليَسُوع، خذو خاطر يِصِلْبُونه. هُمَّا جِبرُو خاطر هُو يحَمِّل صَلِيبِه.

![](https://cdn.door43.org/obs/jpg/360px/obs-en-40-02.jpg)

الحُرَاس، خذو اليَسُوع بِمكان إسمِه جُلْجُثَة (یعني جُمْجُمَة رَاس)، وَ دگو إيدِه وَ رِيلِه علیٰ الصَليب بِلمِسَامير. بِس اليَسُوع گال: «يَا أبِي، إعفِي علیٰ هِذُول النَّاس، چِه مَايِدرون شِي سِوون.» إبأمر بِيلاَطُس حَطُو علیٰ رَاس يَسُوع عَلَامه الچان مكتوب عليه: هذا هُو مَلِك اليَهُود.

![](https://cdn.door43.org/obs/jpg/360px/obs-en-40-03.jpg)

الحُرَاس گامو يِتشَارِطون علیٰ إهدُوم يَسُوع. هِچِي تَتَحَقَق الچان مكتوب بكتاب المُقدَّس وَ يگول: «يقسمون مَلَابسي بِيناتهُم وَ يلعبون إِقمَار عليهن.»

![](https://cdn.door43.org/obs/jpg/360px/obs-en-40-04.jpg)

الحُرَاس صَلَبو إثنين حَرَاميِه هم، وَ خلو صَليب اليَسُوع بيناتهُم. وَاحد مِن الحَرَاميِه چان يِمَسخِر اليَسُوع وَ الثاني گِله: «إنتِ ماتخَاف مِن الله؟ إحنا مذِنبين بِس هذا الزِلمِه لا.» تالي گِل اليَسُوع: «يا اليَسُوع إذكرني بلملکوت.» اليَسُوع گِله: «إنتِ اليوم تدخل وَياي بِالجِنِّه.»

![](https://cdn.door43.org/obs/jpg/360px/obs-en-40-05.jpg)

رُوَسَاء الیَهُود و النَّاس الچانو مِلتِمين إهناك مَسخرو اليَسُوع وَ گالو: «لو إنتِ إبن الله إنزل مِن الصَليب وَ نِجي روحَك! وَ تالي إحنا كِلنا نأمِن بيك.»

![](https://cdn.door43.org/obs/jpg/360px/obs-en-40-06.jpg)

الوكت چان الظُهر، بِس فِرد نُوبا السِمِه إبذيچ المنطقه إنگلَب إسْوِد.

![](https://cdn.door43.org/obs/jpg/360px/obs-en-40-07.jpg)

و اليَسُوع صَاح: «كِلشي خَلَص، يَا أبي، إسلِّم رَوحي بيدِك.» وَ دِنِگ رَاسِه وَ سِلِم روحه. مِن طِلْعَت الرُوح مِن اليَسُوع، الگاع إهتِزِت وَ السِتَار الچبير الچان بِلمَعبَد ( قُدْسَ الأَقْدَاسْ) وَ يجزي الناس مِن حُضور الله، مِن فوق لِحَدر إنشِگ وَ إنجِسِم.

![](https://cdn.door43.org/obs/jpg/360px/obs-en-40-08.jpg)

اليَسُوع إبمُوتِه فَتَح دَرُب لِلنَّاس، خاطر إبنِفِسهُم إيون الحُضور الله. مِن حَارِس الرومي شَاف بِعيُونِه إشصَار، گال: «صِدِگ هذا الزِلمِه ماچان مِذنِب، هُو چان إبن الله.»

![](https://cdn.door43.org/obs/jpg/360px/obs-en-40-09.jpg)

بَعدِين نَفَرين مِن رُوَسَاء اليَهُود إبِسِم نِيقُودِيمُوس و يُوسف، إللي چان عِدهُم إيمَان بِاليَسُوع إللی هُو المَسِيح المَوعُود، رَاحو البِيلاطُس وَ رَادو مِنِه يِنطِيهُم جِسِد اليَسُوع. هُما لِفُو الجِثمَان بِگمَاش الكَتَان وَ حَطَّو إبگبُر مِن صَخَر، وَ حَطَّو صَخرَه چبيره جِدَّام بَاب الگبُر خاطر يِنسِد.

*قُصَةْ مَأخوذِهْ مِنْ کِتابِ الْمُقِدِّسْ: (إنجِیل مَتَّی فَصل ۲۷ آیات ۲۷ إلیٰ ۶۱، إنجِیل مَرقُس فَصل ۱۵ آیات ۱۶ إلیٰ ۴۷، إنجِیل لُوقَا فَصل ۲۳ آیات ۲۶ إلیٰ ۵۶، إنجِیل یُوحَنَّا فَصل ۱۹ آیات ۱۷ إلیٰ ۴۲ )*

## 41. ۴۱- الله گوَّمِ الیَسُوع مِن بِينِ المُوتِه

https://openbiblestories.org/l/ar-xzn/story-41/

![](https://cdn.door43.org/obs/jpg/360px/obs-en-41-01.jpg)

بَعَد مَا الحَرَس صَلَبو یَسُوع المَسِیح، إکبار الیَهُود رَاحو البِيلاطُس وَ گِلولِه: «الیَسُوع چِذِب وَ گال بَعد ثِلث تِيام يَحيِه. حَطو وَاحد يِنطِر الگبُر خاطر جِماعتِه لايبُوگون جَسَدَه.»

![](https://cdn.door43.org/obs/jpg/360px/obs-en-41-02.jpg)

بِيلاطُس گال: «إخذولْكُم حَرَس وَ خِل يِتبَاهون علیر الگبُر.» هُما طِگولْهُم خَتِم علیٰ الصَخرَه وَ حَطو حَرَس خاطر لَاحَد يبوگ الجِسِد.

![](https://cdn.door43.org/obs/jpg/360px/obs-en-41-03.jpg)

يوم مِن بَعَد دِفنِتْ الیَسُوع چان يوم شَبَّات وَ الشُغُل چان ممنوع وَ مَحَّد مِن صدِقان الیَسُوع گِدر يِروح علیٰ گبُره بَس يوم الثاني وَيا الفير، چم مَرَه جِهْزَن خاطر يِرحَن يِدِهنِن جِثِة الیَسُوع وَ إيعِطرِنِه.

![](https://cdn.door43.org/obs/jpg/360px/obs-en-41-04.jpg)

قِبل لا يُوصلِن النِسوَان لِلگبُر، إهتِزِت الگاع. نزل مَلَاك مِن السِمه، زَح الصَخره الچانت علیٰ باب الگبُر وَ گعد عليها. المَلَاك چان يجْدَح مِن الضُوا. الحَرَس مِن شافو المَلَك هِچ، مِن خوفهُم طَاحو بِلگاع مثل المِوتِه.

![](https://cdn.door43.org/obs/jpg/360px/obs-en-41-05.jpg)

النِسوَان مِن وَصلن لِلگبُر، المَلَك گِلِلهِن: «لاتْخَافِن! اليَسُوع موهنَا. شُوفِن الگبر! هُو مثل ما وَعد، گام مِن بين المُوتِه.» النِسوَان شَافِن الگبر بِليه جِسِد.

![](https://cdn.door43.org/obs/jpg/360px/obs-en-41-06.jpg)

المَلَك گِل لِلنِسوَان: «رَوحَن وَ بَشرِنِ الأصْحَاب، یَسُوع گام مِن المُوتَه وِ گبِلكُم يُوصَل الدِيرِة جَلِيل.»

![](https://cdn.door43.org/obs/jpg/360px/obs-en-41-07.jpg)

النِسوَان مِن فَرحَتهِن و حِيرِتهِن، وَصَّلَن الإبْشَاره لِصْحَاب المَسِيح.

![](https://cdn.door43.org/obs/jpg/360px/obs-en-41-08.jpg)

مِن چَانِن النِسوَان يَاخذِن إبشَارِة الخِير، فَجأَتاً اليِسُوع ظَهَر جِدامهِن وَ هِنِّ سِجدِنلَه. یَسُوع گِلِلهِن: «لاتْخَافِن! رَوحَن وَ گِلِّن لِصحَابي يِمشُون صوب جَلِيل وَ هُما هناك يِتلَاگون وَيَاي.»

*قُصَةْ مَأخوذِهْ مِنْ کِتابِ الْمُقِدِّسْ: (إنجِیل مَتَّی فَصل ۲۷ آیة ۶۲ إلیٰ فَصل ۲۸ آیة ۱۵؛ إنجِیل مَرقُس فَصل ۱۶ آیات ۱ إلیٰ ۱۱؛ إنجِیل لُوقَا فَصل ۲۴ آیات ۱ إلیٰ ۱۲؛ إنجِیل یُوحَنَّا فَصل ۲۰ آیات ۱ إلیٰ ۱۸)*

## 42. ۴۲- رَجعَة الیَسُوع لِلسِمِه

https://openbiblestories.org/l/ar-xzn/story-42/

![](https://cdn.door43.org/obs/jpg/360px/obs-en-42-01.jpg)

بِيوم إللي الله گوَّم اليَسُوع مِن بين المُوتَه، نَفَرِين مِن أصحَابِه الچانو يِتعَدون مِن فِرد دِيرِه، ظلو يِسُولْفُون، إشصَار لِليَسُوع. هُما چان عِدهُم إيمَان، الیَسُوع هُو المَسِيح المَوعُود. بَس هُو چان مِكتُول، وَ النِسوَان يِگولِن هُو حِيا مِن بين المِوتَه وَ أصحَابه ما چانو يِدرون يأجنُون يَا سَالفِه.

![](https://cdn.door43.org/obs/jpg/360px/obs-en-42-02.jpg)

الیَسُوع إيِه يِمْهُم وَ سُولِف وَيَاهُم، بِس مَاعَرَفو. هُو سِئِلهُم علیٰ مود شِنو يِسولفُون. وَ هُما گالو، علیٰ مود سَالفِت اليَسُوع الصَارِت چِم يوم گبُل. وَ فكرو هُو وَاحد غریب وَ مَاعَندِ خَبَر إشصَايِر إبأُورُشَلِيم.

![](https://cdn.door43.org/obs/jpg/360px/obs-en-42-03.jpg)

وَاليَسُوع وَضَّحِلهم كلام الله إشْگايِل علیٰ مود المَسِیح. گَبُل مُدَّه مَديدِه الأنبياء چانو گايلِين الأشرَار يِعَذبُون المَسِیح وَ يِكتلونِه، بِس هُو إبيوم الثالث يِحيَا مِن بين المُوتِه.

![](https://cdn.door43.org/obs/jpg/360px/obs-en-42-04.jpg)

وکت الزِلِمْتِين وُصلَو، چَلْ اليل. هُما رَادو مِن اليَسُوع إيگَزِر اليل اويَاهُم وَ هُو هِم ظَل. مِن گعدو علیٰ اسماط العِشِه، اليَسُوع كَظْ الخُبُز بِيدِه وَ شَكَر الله وَ حِمَدَ وَ تالي جِسِمْهِ. فِرد نوب بدگوله وَ عِرفو. بِس اليَسُوع بِلبُكان غَابْ مِن جِدَام إِعيُونهُم.

![](https://cdn.door43.org/obs/jpg/360px/obs-en-42-05.jpg)

وَاحد گِل لِثاني: «هُو چان اليَسُوع، چِه مِن چان يِحچِيلنِا مِن كلام الله، گُلُوبنِا چانت تِرِيف.» وَ ابسُرعَه رِجَع لأُورُشَلِيم وَ مِن وَصلو گِلو لأصحَاب؛ «اليَسُوع عَدِل! إحنِا شِفْنَا.»

![](https://cdn.door43.org/obs/jpg/360px/obs-en-42-06.jpg)

مِن چانو يِسُولفُون سِويِه، فِرد نوب اليَسُوع ظِهَر بِينَاتهُم و گال: «صحة الله عَليكُم!» هُما فَكِرَو شَايفِين شَبَح، بِس اليَسُوع گال: «لِيِش هِچ مِرتعبين! عِندكُم شِك أَنَا اليَسُوع؟ شوفو رِیلِیِه وَ إِيدِيِه، الأَروَاح مَاعندها جِسِم مِثلِي أَنَا.» وَ خاطر يِرَاويهُم هُو مو رُوح، رَاد مِنهُم يِنطُونِه شي يَاكلِه وَ هُما إنطُو وَصلِت سِمچِه وَ اليَسُوع كِلَاهَا.

![](https://cdn.door43.org/obs/jpg/360px/obs-en-42-07.jpg)

اليَسُوع گال: «أَنَا گِلِتلكُم كِلشِي المَكتوب علیٰ مودي إبكلام الله يِصير.» وَ اليَسُوع سَاعِدهُم خاطر أحسَن يِفتِهمُون كلام الله. هُو گال: «مِن مُدِّه مَديدِه چان مكتوب إبكُتُب الأنبياء، مَسِيح المَوعُود وَايد يِتعَذَب وَ يموت وَ يوم الثالث يِحيا مِن بين المُوتِه.»

![](https://cdn.door43.org/obs/jpg/360px/obs-en-42-08.jpg)

«وَبَعد هِم الأنبياء كَاتبِين، أصحَابي يِبشرون كلام الله وَ يگولون النَّاس يِتوبُون مِن ذُنُوبهُم. وَ اليِتُوب الله يِغفَرلِه. أصحَابي يِبدُون بِلإبشَاره مِن أُورُشَلِيم وَ يِروحون بين الطُوايِف وَ كل بُكان. إنتُم شَاهدِين علیٰ أعمَالي وَ كِلشي اليِصِرلي.»

![](https://cdn.door43.org/obs/jpg/360px/obs-en-42-09.jpg)

اليَسُوع حَد أربعين يوم بَعَد مَا گام مِن بين المُوتِه، چِم نوبه ظِهَر علیٰ أصحَابه. و حتیٰ فِرد نوبه إبفِرد لحظه ظِهَر علیٰ ٥٠٠ نفر. اليَسُوع إبچِم طريقه ثَبِّت لِصحَابِه الهو حَي وَ عَلِمهُم علیٰ مود مَلَكُوت الله.

![](https://cdn.door43.org/obs/jpg/360px/obs-en-42-10.jpg)

اليَسُوع گِل لِصحَابه: «الله خَلَاني أسَيطِر علیٰ السِمِه وَ الأرُض. رَوحو و عَمِدو النَّاس بِسِم الأَب وَ الإبن وَ رُّوح القُدُس وَ خَلوهُم يِتعَلمون وَ يتبعون كِلشي الاَمَرِتكُم بِيهِ. ولا تِنسُون أنَا كِل وكت إويَاكُم.»

![](https://cdn.door43.org/obs/jpg/360px/obs-en-42-11.jpg)

أربعين يوم بَعَد مَا اليَسُوع گام مِن بين الأموَات گِل لِصحَابِه: «ظلو بِأُورُشَلِيم حتیٰ إبُوي یِرسِللکُم رُّوحِ القُدُس و تِستِقوون.» فِرد نوب جِدَام إعيُونهُم، اليَسُوع صَعَد لِلسِمِه و غَابْ بين الغِيُوم. مَكانِت اليَسُوع بِلسِمِه عِند الله علیٰ اليَمِين و حُكُومةِ دَايمِه لِلأبِد.

*قُصَةْ مَأخوذِهْ مِنْ کِتابِ الْمُقِدِّسْ: (إنجِیل مَتَّی فَصل ۲۸ آیات ۱۶ إلیٰ ۲۰؛ إنجِیل مَرقُس فَصل ۱۶ آیات ۱۲ إلیٰ ۲۰؛ إنجِیل لُوقَا فَصل ۲۴ آیات ۱۳ إلیٰ ۵۳؛ إنجِیل یُوحَنَّا فَصل ۲۰ آیات ۱۹ إلیٰ ۲۳؛ کِتاب أعمَال الرُّسُل فَصل ۱ آیات ۱ إلیٰ ۱۱)*

## 43. ۴۳- بِدَایِة الكَنِيسَة

https://openbiblestories.org/l/ar-xzn/story-43/

![](https://cdn.door43.org/obs/jpg/360px/obs-en-43-01.jpg)

مِن رِجَع اليَسُوع لِلسِمِّه، أصحَابِه ظَلو بِأُورُشَلِيم مثل مَا أمَرهُم و چانو كِل وكت يِجتَمعُون سُوَه و يِندِعُون.

![](https://cdn.door43.org/obs/jpg/360px/obs-en-43-02.jpg)

اليَهُود كِل سَنِه، خَمسين يوم مِن بَعَد عيد الفِصْح، بيوم مُهم بِسِم بِنطِيكَاسْت چانو يِحتِفلون و هاي الحَفلَه چانت وكت حِصَاد الحُنطَه و اليَهُود چانو يِتجمَعون مِن كِل بُكان الدِنيِه بِأُورُشَلِيم خاطر يِحتِفلون سُويِه. إبذِيچ السَنِه، العيد صَار حُدود أسبوع مِن بِعِد صُعُود المَسِيح لِلسِمِّه.

![](https://cdn.door43.org/obs/jpg/360px/obs-en-43-03.jpg)

كِل المُؤمِنين بِليَسُوع مِن چانو مِجتَمعِين سُوا، سِمعَوا حِس، مثل نَفْخَةِ الهُوا. وَ شَافو شِي مثل الشَرَار مِشتَعِل فُوگ رَاسهُم. بَعدِين كِل المِجتَمعِين إِنتَرسُو مِن رُّوحِ القُدُس وَ ظَلو يِحِمدُون رَبهُم إبلُغَه حتیٰ هُما مِايعَرْفونها. الرُّوح چانت مِطيَتهُم قُدرَة الكَلام.

![](https://cdn.door43.org/obs/jpg/360px/obs-en-43-04.jpg)

النَّاس الچانو يَايِين لِأُورُشَلِيم، مِن سِمعَو هذا الحِس، إجتَمعُوا خاطر يِشوفُون إشصَايِر اُو سِمعَو المُؤمِنين يِبِشرون أَعمَال الله. الأصحَاب، إتعَجَبو مِن شافو النَّاس يِفتِهمُونِّلهُم شِي گولون. چِه بِبلَادهُم چانت النَّاس تِحچِي إبغیر لسان. هُما چانو مِن إسرَائيل و يِحچون بِلُغَةِ أّرَامِيَّةِ و العِبرِانيَّةِ و اليُونَانِيَّة. بِس النَّاس سِمعَت أصحَاب اليَسُوع يِبشرونهُم بِلُغَتهُم.

![](https://cdn.door43.org/obs/jpg/360px/obs-en-43-05.jpg)

بَعَض النَّاس چانت إتگُول، أصحَاب اليَسُوع سَكرَانِين. بِس بُطرُس گِلِلهُم: «إسِمعُوا! هِذول الجِمَاعَه مو سِكَارا! بِس هُما يِحچون بِبشَارَة نَبي يُوئِيل إللي گال: «إبآخِر أيام، أَنَا إِرسِل رُوحي علیٰ کِلّ البَشَر.»

![](https://cdn.door43.org/obs/jpg/360px/obs-en-43-06.jpg)

«يَا بَني إسرائيل، اليَسُوع چان شَخُص إللي بِقِدرَة الله يِسَوي أّشغَال عَجيبِه و غَريبه خاطر يعَرِف نَفسِه عَلينِه. إِنتُم هِم تِدرون بِلهِشِي و چِنتو شَاهدِين عَليه، بِس صَلَبتُو علیٰ الصَلِیب.»

![](https://cdn.door43.org/obs/jpg/360px/obs-en-43-07.jpg)

«اليَسُوع مَات و الله گوُّمَه مِن بين المُوتِه و هاذي شَهَادِة علیٰ كلام نبي إللي گال: يَا رَبي، إِنتِ مَاتخَلي جِسِد إِبنَك الوَحِيد يِفسِد بِلگَبُر و إحنِا شَاهدِين إِنتِ إتشِيلِه مِن بين الأمْوَات.»

![](https://cdn.door43.org/obs/jpg/360px/obs-en-43-08.jpg)

وَ هِسِه الله الأَبْ، إمگَعِد اليَسُوع إبأعلیٰ بُکان بِسِمِه یعني علیٰ يَمِينِه. اليَسُوع مثل ما چان إموَاعِدنِا، مِن بَعَد صُعُودِه، وَدِه رُّوح القُدُس و كِل هَايه النشُوفها و نِسمَعها مِن رُّوح القُدُس.

![](https://cdn.door43.org/obs/jpg/360px/obs-en-43-09.jpg)

إِنتُم صَلِبتُو الیَسُوع، بِس إِجِنّو، الله جَعَل اليَسُوع رَبَنَّا و المَسِيح المَوعُود.»

![](https://cdn.door43.org/obs/jpg/360px/obs-en-43-10.jpg)

النَّاس وّايِد إتأَثَرَت مِن حَچِي و كلام بُطرُس. لِهَايه سِئلو مِنِه و مِن بَاقي الأصحَاب: «يَا إخوَانِّه، هِسِه شِنسُوي؟»

![](https://cdn.door43.org/obs/jpg/360px/obs-en-43-11.jpg)

بُطرُس جَاوب: «كِلكُم مِحتَاجين تِنغُفر إذنُوبكُم. تُوبُوا و بِسِم اليَسُوع المَسِیح إتعَمِدُو و بَعدِين الله يِهدِيلكُم رُّوح القُدُس.»

![](https://cdn.door43.org/obs/jpg/360px/obs-en-43-12.jpg)

جریب ثلث تَالَاف نَفَر آمِنَو إبكلام بُطرُس و صَارو مِن أصحَاب المَسِيح. هُما إتعَمِدو بِلمَاي و جتَمعَو ويا المُؤمِنين إبكَنِيسِة أُورُشَلِيم.

![](https://cdn.door43.org/obs/jpg/360px/obs-en-43-13.jpg)

المُؤمِنين چانوا كِل وكت يِسِمعون تَعَالیم المُرسِلين و يِجتَمعون و يَاكلون سُوا و يِندعون سُوا. هُما چانو بِلجَمِع يِعبدون الله، و يِتشَاركون إبكِلشِي الچان عِدهُم. النَّاس چانت تِحچي إبزِنيتهُم و كِل يوم چانو نَاس أكثَر، يِبُون إيمَان ابالله.

*قُصَةْ مَأخوذِهْ مِنْ کِتابِ الْمُقِدِّسْ: (کِتاب أعمَال الرُّسُل فَصل ۱ آیات ۱۲ إلیٰ  ۱۴و فَصل ۲)*

## 44. ۴۴- بُطرُس و يُوحَنَّا يِشَافُون المْجَدّي

https://openbiblestories.org/l/ar-xzn/story-44/

![](https://cdn.door43.org/obs/jpg/360px/obs-en-44-01.jpg)

يوم مِن الأيَام بُطرُس و يُوحَنَّا چانو يِرحون بُكان لِلعِبَاده. جِريب الدَخْلَةِ الدِيرِه، شَافولهُم وَاحِد إمگَرَم يِجَدِّي.

![](https://cdn.door43.org/obs/jpg/360px/obs-en-44-02.jpg)

بُطرُس عَاينَلِه و گال: «أَنَا مَاعِندِي إنطِيك إفلُوس، بِس كِلشِي إللي عِندي إنطِيك إياه و گِلِه إبقُدرَة إِسِم اليَسُوع گُوم وَ إمشِي!»

![](https://cdn.door43.org/obs/jpg/360px/obs-en-44-03.jpg)

الله إبنَفسِ لَحظه شَافَا و هو مِيشِه و مِن فَرَحةِ گام يِحمِد الله. الوَادم الچانو بِلمَعبَد إتعَجِبِت مِن هَلشِي.

![](https://cdn.door43.org/obs/jpg/360px/obs-en-44-04.jpg)

جَمعيِّه زَايدِه إجتِمعَت خاطر يِشوفون المْگَرَم المِتشَافِي. بُطرُس گِل لِجِمَاعَه: «لا تعَجِبون مِن شَفِه هذا الزِلمِه! إحنا ما شَافِينَا إبدِیَانِتنِه. هاي چانت قُوَة اليَسُوع إللي شَافته، چِه إحنا مُؤمنين بِي.»

![](https://cdn.door43.org/obs/jpg/360px/obs-en-44-05.jpg)

«إنتُم الوَادم طَلَبتو مَن مُحَافظ حَاکم الرُومِي يِكتِل اليَسُوع. اليَسُوع إللي چان يِحي المَيِت، إنتُم کِتِلتو، بِس الله حِيَّا مِن بين المُوتِه. صِدِگ ماچِنتو تِدرون شِتسَوون، بِس بيَّنْتَو عُلوم الأنبياء و صَار مثل ما چانو گاييلين المَسِیح لازم يِتعَذَب و يِمُوت. الله رَاد هِچي إيصير. تُوبُوا و رِجعُو لِاَلله، خاطر يَغفُّر عَن إذنُوبكُم.»

![](https://cdn.door43.org/obs/jpg/360px/obs-en-44-06.jpg)

مِن اكبَار المَعبَد سِمعَو حَچِي بُطرُس و يُوحَنَّا، وَايِد عَصِبُو و كَضُوهُم و حِبسُوهُم. بِس أكثَر الوَادم إللي سَمعَو كلام بُطرُس و يُوحَنَّا، آمِنُو وعِدِّة المُؤمِنين وُصَل الخَمِس تَالَاف نَفَر.

![](https://cdn.door43.org/obs/jpg/360px/obs-en-44-07.jpg)

يوم الثاني، رؤسَاء اليَهُود، يَابو بُطرُس و يُوحَنَّا ويا المگَرَم، يِم كَاهِن الچبير و رِجَّال الدين. هُما سِئلُو مِن بُطرُس و يُوحَنَّا: «إبيَا قُدرَة شَافيتو هذا المگَرَم؟»

![](https://cdn.door43.org/obs/jpg/360px/obs-en-44-08.jpg)

بُطرُس جاوب: «هذا الزِلمِه الوَاگُف جِدَامكُم، شِفِه إبقُدرَة اليَسُوع المَسِيح. إنتُم صَلَبتُو اليَسُوع علیٰ الصَلِيب، بِس الله إردود حَيَّا مِن بين المُوتِه! و إنتُم رَفَضتُو، بِس مَاكو أي دَرُب خاطر تِنجون، الّا قُوَة اليَسُوع!»

![](https://cdn.door43.org/obs/jpg/360px/obs-en-44-09.jpg)

رِجَّال الدين تعَجِبو مِن شِجَاعَة بُطرُس و يُوحَنَّا چِه هُما چانو عَامِّيِن و مَاعِدهُم سواد. فِرد نُوبَا رِجَّال الدین إتذَكَرو، بُطرُس و يُوحَنَّا چانو وَيِّا اليَسُوع و گِللوهُم: «لو بَعَد نُوبَا يِبتُو طَارِي اليَسُوع، إنعَاگِبكُم.» هُما مِن بَعَد ما هَدِدَوْ بُطرُس و يُوحَنَّا، فِكُوهُم.

*قُصَةْ مَأخوذِهْ مِنْ کِتابِ الْمُقِدِّسْ: (کِتاب أعمَال الرُّسُل فَصل ۳ و فَصل ۴)*

## 45. ۴۵- استِیفَان وَ فِیلِبُّسْ

https://openbiblestories.org/l/ar-xzn/story-45/

![](https://cdn.door43.org/obs/jpg/360px/obs-en-45-01.jpg)

استِیفَان چان وَاحِد مِن شیُوخ كَنَایِس القديمه و النَّاس وَايِد چانو يِحتِرمُونه. الله چان إمفَضَل عليه وَ مَاخِذ قُوَتِه مِن رُّوحِ القُدُس. النَّاس چانت وَايِد شَايفِه مِنِه مُعجِزات وَلخاطر هاي إجِنُّو حَچيِه علیٰ مود اليَسُوع.

![](https://cdn.door43.org/obs/jpg/360px/obs-en-45-02.jpg)

يوم مِن الأيام إللي استِیفَان چان يِحچِي وَيا النَّاس علیٰ مود اليَسُوع، بَعَض اليَهُود إللي ماچانو يِقبِلون اليَسُوع گامو يِجادلونه. هُما چِذِبو استِیفَان و گِلو لِلناس: «إحنا سِمِعنا هُو يِغلَط علیٰ الله و نبي مُوسی.» الخاطر هاي کِضو استِیفَان وَ خِذو يِم كَاهِنهُم الچبير وَ بَعَض كبار اليَهُود.

![](https://cdn.door43.org/obs/jpg/360px/obs-en-45-03.jpg)

الكَاهِن الچبير سَئل استِیفَان: «حِچي النَّاس صِدِگ؟» استِیفَان إبجواب الكَاهِن وضَحْلَه وَايِد أشياء. هُو گال، الله مِن زمان إِبراهِيم حتیٰ زمان اليَسُوع سَوَّه أشياء چيبيره و عظيمه البني إِسرَائيل، بِس هُما چِم مَرّه تِمردو علیٰ رَبهُم. هُو گِللهُم: «إنتُم شَعَب طَاغين وعَنيدِين و مَاتقِبلون رُّوح القُدُس، مثل اُبَهَاتنِه إللي ماچانو يقبلون الله و يكتلون الانبياء. بَس إنتُم سويتو اَخَص مِن هاي و كِتِلتَو المَسِيح!»

![](https://cdn.door43.org/obs/jpg/360px/obs-en-45-04.jpg)

رِجَّال الدين مِن سِمعَو هِل حَچِي وَايِد عَصِبَو و صَكّو إذَانهُم و ظَلو يبَغْجُون. هُما خِذو استِیفَان بَرَّ البِلد و گامو يِرمون إحيَار عليه خاطر يِمُوتُونِه.

![](https://cdn.door43.org/obs/jpg/360px/obs-en-45-05.jpg)

استِیفَان مِن چان یِجَالِع گال: «يَا يَسُوع تِقَبّل هاي الرُوح.» و إردود رِكَع و گال: «لَا تِحْسِب عليهم هذا الذِنِب» و تَالي سِلِّم رُوحا و مَات.

![](https://cdn.door43.org/obs/jpg/360px/obs-en-45-06.jpg)

ذَاك اليوم وَايِد مِن أهل أُورُشَلِيم گامو يِلَوعُون بِجِمَاعَةِ المُؤمِنين بِليَسُوع و هُما شِردَو الغير مَناطِق. بِس بأی مكان إللي چانو يِرحون يِبشرون علی مود اليَسُوع.

![](https://cdn.door43.org/obs/jpg/360px/obs-en-45-07.jpg)

وَاحِد مِن إمتَابعين اليَسُوع بِسِم فِیلِبُّس ويا عِدّه چبيره، إبذاك الزمان چانو شَاردِين مِن أُورُشَلِيم. هو رَاح صوب سَّامِرَة و هناك گام يِبَشِر النَّاس بِيَسُوع و نَجِّه وَايِد ناس مِذِنبِين. فِرد يوم نزل عليه مَلَك و گِله يِرُوح صوب الدَوّه. بِلطِريج شَاف شَخُص مُهِم يَاي مِن صوب حَبَشَة. رُّوح القُدُس هدي و گِله؛ روح الهاذ زِلمِه و حَاچِي.

![](https://cdn.door43.org/obs/jpg/360px/obs-en-45-08.jpg)

مِن فِیلِبُّس إتدِنِه عَرَابِة الزِلمِه خاطر يِحَاچِي، سِمَعه و هو يِقرَه صَفحة مِن إكتَاب نبي إشَعيَاء. بُكان إللي يِگول: «مثل الخَروفِي إللي مَاخذِينِه يِنذِبِح و هو سَاكِت و مِن يِحِشّون صُوفَه مَايِحچِي و لَا كِلْمَه. هُما مَا مِشَوْ وَيَّا بِلعَدَالَه و لَا إحتِرمو و بِتَالي خِذو روحا.»

![](https://cdn.door43.org/obs/jpg/360px/obs-en-45-09.jpg)

فِیلِبُّس سِئل ذَاك الحَبَشِي: «تِگدِر تِدْرِك شِي إللي قِرَتِه؟» الحَبَشِي جاوب: «لَا. إلَّا وَاحِد يِوَضِحلِي . تَعال و إگعِد يِمي و گِلي نبي إشَعيَاء يِحچي علیٰ مود روحا، لو علیٰ مود غير شَخُص؟»

![](https://cdn.door43.org/obs/jpg/360px/obs-en-45-10.jpg)

فِیلِبُّس دَخَل عليه و گَعَد يِمه و گِله نبي إشَعيَاء كاتِب هذا علی مود اليَسُوع. فِیلِبُّس قرا لِلحَبَشي وَايِد مِن كِتَاب نبي إشَعيَاء و بَشِّرَه بِشَارَة كلام الله.

![](https://cdn.door43.org/obs/jpg/360px/obs-en-45-11.jpg)

مِن الحَبَشي و فِیلِبُّس چانو بِلطَريج وُصلَو لِلمَاي. الحَبَشي گال: «شُوف إهنا مَاي! تِگدِر إتعَمَدنِي بيه؟» و أمر خَادمِه يُوگُف.

![](https://cdn.door43.org/obs/jpg/360px/obs-en-45-12.jpg)

و هِچِي دِشو بِلمَاي و فِیلِبُّس عَمِّد الحَبَشي. مِن طِلعَو مِن المَاي رُّوح القُدُس هدي فِیلِبُّس الغير مكان. هو هِم ظَل يِبَشِر بِيَسُوع.

![](https://cdn.door43.org/obs/jpg/360px/obs-en-45-13.jpg)

الحَبَشي مِشِه صوب بِيتِه. و وَايِد چان فَرحَان چِه إتعَرَف علیٰ اليَسُوع.

*قُصَةْ مَأخوذِهْ مِنْ کِتابِ الْمُقِدِّسْ: (کِتاب أعمَال الرُّسُل فَصل ۶ إلیٰ ۸)*

## 46. ۴۶- بُولُسْ يِصير مَسيحِي

https://openbiblestories.org/l/ar-xzn/story-46/

![](https://cdn.door43.org/obs/jpg/360px/obs-en-46-01.jpg)

مِن كِتلَو استِیفَان چان فِرد زِلمِه شَباب إبِسِم شَاؤلْ و شُغُلْةِ يِحَافِظ علیٰ مَلَابِس اليَهُود و ماچان عِندِه إيمَان بِليَسُوع. و يلَوع المَسيحين بِأُورُشَلِيم و يروح مِن بيت لِبيت يِدَور عليهم و يَأخِذهُم لِلسِجِن. چبير الكَهَنِه گِل الشَاؤل يروح الشَام و يِكُض المَسيحيه و يِرجَعهُم الأُورُشَلِيم.

![](https://cdn.door43.org/obs/jpg/360px/obs-en-46-02.jpg)

شَاؤلْ رَاح الشَام. گِبُل لَايُوصَل هناك، بِلدَرُب نزل ضُوَ ضَاوِي مِن السِمِّه عليه و غَطَا، و هو فِرد نُوب طَاح. سِمَعلِه حِس يِگِلِه: «شَاؤل،شَاؤل، لِيش قِدَرِت بيه؟» شَاؤل سِئَل: «مُولَاي، إنتِ يَاهُو؟» اليَسُوع جاوبه: «أنَا اليَسُوع. ذاك الشخص الچنت إتلَوعَه وتْأذي!»

![](https://cdn.door43.org/obs/jpg/360px/obs-en-46-03.jpg)

مِن گام شَاؤلْ علیٰ حِيلِه، ماچان يِشُوف بِعيُونِه. صِدقَانِه خِذو صوب الشَام. شَاؤل حَد ثلث تِيام مَاكِلِه و لَاشَرُب شِي.

![](https://cdn.door43.org/obs/jpg/360px/obs-en-46-04.jpg)

وَاحِد بِسِم حَنَانِيَّا چان يعيش بِالشَام. الله گِلِه: «روح المكان إللي يعيش بي شَاؤل و حَط إيدِك علیٰ إعيُونِه خاطر إردود يِگوم يِشُوف.» بِس حَنَانِيَّا گال: «يَا رَبِّي! أنَا چنت سَامِع هذا الزِلمِه شلون چان يِقْدِر بِلمُؤمِنين.» الله جاوبه: «روحلِه! أنَا إنتِخِبتِه خاطر يِعلِن إسمي لِليَهُود و باجي الطُوايِف. هو الخاطر إسمِي يِتحَمِل أذيِه و مُصَايِب وَايدِه.»

![](https://cdn.door43.org/obs/jpg/360px/obs-en-46-05.jpg)

حَنَانِيَّا رَاح لِشَاؤل وَ حَط إيدِه عليه و گِلِه: «اليَسُوع بِذَاتِه إللي ظَهَر عليِه وَدانِي إيیلِك خاطر إردود تِشوف بِعيُونِك و تِنتِرِس مِن رُّوح القُدُس.» شَاؤل بِلبُكان گِدِر يِشوف و حَنَانِيَّا عَمَّده. و تَالي شَاؤل گِدِر يَاكِل و رَد علیٰ حِيلِه.

![](https://cdn.door43.org/obs/jpg/360px/obs-en-46-06.jpg)

شَاؤل بِدون تَأجِيل ظَل يِبَشِر اليَهُود و يگِلِلهُم: «اليَسُوع هو إبنِ الله!» اليَهُود إتعَجِبَو، چِه الزِلمِه لچان إيريد يِكتِل المُؤمِنين هِسِه هو إبنِفسِه يَاب إيمَان بِليَسُوع! شَاؤل گام يِتجَادِل وَيا اليَهُود و ثَبَتِلهُم اليَسُوع، هو المَسِيح.

![](https://cdn.door43.org/obs/jpg/360px/obs-en-46-07.jpg)

مِن بَعَد چِم يوم اليَهُود صَمِمَوْ يِكِتلون شَاؤل. و وُدولهُم نَفَرات حتیٰ يِكتِلونِه. بِس شَاؤل إفتِهِم بِسَالفِه و صِدقَانِه عَاونُو خاطر يِشرِد. فِرد ليله صِدقَانِه حَطُو إبسَلِّه و نِزِلو مِن ذيچ صَفحَة الطُوفه. مِن شَاؤل شَرِد مِن الشَام ظَل يِبَشِر عَن يَسُوع المَسِيح.

![](https://cdn.door43.org/obs/jpg/360px/obs-en-46-08.jpg)

شَاؤل رَاح الأُورُشَلِيم خاطر يِتلَاگِه ويا جمَاعِة المُبَشِرين، بِس هُما خافو مِنِه. ايّه وَاحِد بِسِم بَرنَابَا و خِذَ شَاؤل يِمهُم و گِلَالهُم إشلون هو إبكِل شِجَاعَه و شِهَامِه چان إبشَام يِبَشِر عَن المَسِيح. و بَعدِين هُما قِبلو بِجَمِعهُم.

![](https://cdn.door43.org/obs/jpg/360px/obs-en-46-09.jpg)

بَعَض المُؤمِنين إللي چانو مِتأَذين و شَاردِين مِن أُورُشَلِيم، رَاحو الدِيرِه إسِمهِ أَنْطَاكِيّة و گامو يبشرون المَسِيح. أكثَر سِكَان أَنْطَاكِيّة ما چانو ايَهُود بِس الأَوَّل نُوبا آمنو بِليَسُوع. بَرنَابَا و شَاؤل راحو لِهنَاك خاطر أكثَر يعلمون جماعَة إللي تَوْهُم آمْنِين بِليَسُوع و يقَووُن الكَنيسِة. أوّل مَره بِديرِة أّنْطَاكِيّة، كِل مُؤمِن إللي صَار عِندِه إيمَان بِيَسِوع سِمُو «المَسيحِي.»

![](https://cdn.door43.org/obs/jpg/360px/obs-en-46-10.jpg)

فِرد يوم المَسيحيين بِأَنْطَاكِيّة چانو يِصَلون و يِصُومون، و نِزل عليهم رُّوح القُدُس و گِلِلهُم: «طِلعَوْ بَرنَابَا و شَاؤل مِن بينَاتكُم. عِندي وَياهُم شُغلَه ثَانيه.» بَعدِين الكَنيسِة إنْدَعَتِلهُم و ودّعَتهُم خاطر يِرحون الغير أمَاكِن و يِبَشرون المَسِيح و هُما عَلِمو النَّاس مِن طُوايِف چثيره و خِلوهُم يصير عِدهُم إيمَان بِليَسُوع.

*قُصَةْ مَأخوذِهْ مِنْ کِتابِ الْمُقِدِّسْ: (کِتاب أعمَال الرُّسُل فَصل ۸ آیة ۳؛ فَصل ۹ آیات ۱إلیٰ ۱۳؛ فَصل ۱۱ آیات ۱۹ إلیٰ ۲۶ فَصل ۱۳ آیات ۱)*

## 47. ۴۷- بُولُسْ و سِيلاْس إبدِيرِة فِيلِبّي

https://openbiblestories.org/l/ar-xzn/story-47/

![](https://cdn.door43.org/obs/jpg/360px/obs-en-47-01.jpg)

شَاؤل مِن چان يِسَافِر بإمبراطورِية رُومَا، گال خَله إستِفَاد مِن إسمِي بِلُغَة الرُومِيِّه و چان إسمِه بِلرومِي، بُولُس. فِرد يوم بُولُس و صَاحبِه سِيلاْس راحو الدِيرِه إسِمهِ فِيلِبّي خاطر يِبَشِرون النَّاس بِلمَسِيح. هُما راحو بَرَه مِن الدِيرِه يِم فِرد نَهَر إللي چانو النَّاس يِلتِمون يِمِه خاطر يِندِعون. إهناك تِلاگو وَيه فِرد مَرَه تَاجرِة إسِمهِا لِيدِيَّة و هي چانت تِعبِد الله و تحِبِه.

![](https://cdn.door43.org/obs/jpg/360px/obs-en-47-02.jpg)

الله خَله لِيدِيَّة يصير عِدهاِ إيمَان بِليَسُوع. بُولُس و سِيلاْس، عَمّدَو لِيدِيَّة وأهِلهِ. و تَالي هيِه عِزمِتهُم و هُما ظَلو عِدها.

![](https://cdn.door43.org/obs/jpg/360px/obs-en-47-03.jpg)

بُولُس و سِيلاْس أكثَر چانو إبمكان إللي اليَهِود يِنجِمعُون لِدَعَاء و يِتلَاگون وَيا النَّاس. هناك چانت عَبدِه مَسكُونِه و كِل يوم چانت تيي وَراهُم. و چانت إتگِل لِلناَّس شي صيرِلكُم و تِحچي مِن الغِيب و هِچي تِطلَع إفلوس و تِطي الرَاعيها.

![](https://cdn.door43.org/obs/jpg/360px/obs-en-47-04.jpg)

هُما مِن چانو يِمشون ذِيچ العَبدِه المِسكُونِه چانت تِصِيّح وَراهُم: «هِذول خِدَّام الله، و يِرَاوونكُم دَرُبِ الزِيِّن!» العَبدِه ظَلِت مُدِّه تسوي هِچي لَمَّان مَا صَبُر بُولُس خَلَص.

![](https://cdn.door43.org/obs/jpg/360px/obs-en-47-05.jpg)

فِرد يوم مِن چانت العَبدِه إتْبَغِج، بُولُس دَار عليها و گِلِل الرُّوح المَسكُونِه بيها: «بِسِم المَسِيح طِلعِي مِن جِسِم هاي البِت.» و الرُّوح المَسكُونِه بِلمكان تِركِت الِبنِيِه.

![](https://cdn.door43.org/obs/jpg/360px/obs-en-47-06.jpg)

مِن رَاعي العَبدِه شَاف إشصَار، وَايِد عَصَب. النَّاس بَعَد مَا چانت تِدفَع إفلوس. چِه إفتِهمُو العَبدِه بِدون روح المَسكُونِه مَا تِگدِر إتشَوفِلهُم.

![](https://cdn.door43.org/obs/jpg/360px/obs-en-47-07.jpg)

و هِچي صَار إللي خِذو بُولُس و سِيلاْس السُلُطَات روم و كِتلُوهُم و حِبسُوهُم.

![](https://cdn.door43.org/obs/jpg/360px/obs-en-47-08.jpg)

هُما حِبْسَو بُولُس و سِيلاْس إبقِسِم مِن الحَبِس الچان بي أكثَر نُوَاطِير و سِكُو رِيلِهُم إبچِم لُوحَه چبيره. إبهِل حَالِه و چانو نِص اليل يِغِننون أغَاني بِمَقَام الله و يحِمدون رَبهُم.

![](https://cdn.door43.org/obs/jpg/360px/obs-en-47-09.jpg)

فِرد نُوبا الگاع إهتِزِت! و نفِتحِن كِل بِيبَان السِجِن و إنگُطعَن السِنَاسِل.

![](https://cdn.door43.org/obs/jpg/360px/obs-en-47-10.jpg)

گَعَد السِجَّان و شَاف بِيبَان السِجِن مَفتُوحِه. هو فَكَر كِلمِن چان بِلسِجِن شَارِد، و مِن خُوفَه خاطر الحُكُومَه لَاتجَازِي رَاد يِكتِل روحه. بِس بُولُس شَافَه و گِلِه: «لَاتِكتِل روحك، إحنا إهنَا.»

![](https://cdn.door43.org/obs/jpg/360px/obs-en-47-11.jpg)

السِجَّان الچان مِيِت مِن اخُوف إيِه البُولُس و سِيلاْس و سِئل: «شِسَوي و نِجي روحي؟» بُولُس جَاوبه: «آمِن إبرَبِّنَا اليَسُوع. هو يِنَجيك و ينَجي أهلِك.» و تالي السِجَّان خِذَ بُولُس و سِيلاس البِيتِه و دَاوَه إجروحهُم. و بَعدِين بُولُس سُولُف إبشَارِة المَسِيح لِهَل البيت.

![](https://cdn.door43.org/obs/jpg/360px/obs-en-47-12.jpg)

ذَاك السِجَّان و أهِل بيتِه كِلهُم آمِنَو بِليَسُوع و بُولُس و سِيلاْس عَمِدَوهُم و السِجَّان طَعَمهُم و كِلهُم چانو فَرحَانين.

![](https://cdn.door43.org/obs/jpg/360px/obs-en-47-13.jpg)

يوم الثاني حُكَام الدِيرِه طِلعَو بُولُس و سِيلاس مِن الحَبِس و رَادو مِنهُم يتركون الدِيرِه. بُولُس و سِيلاس گَبُل لَا يرحون زَارو لِيدِيَّة التَاجرِة و بَعَض صِدقَانهِم. أخبَار البِشَارَه چانت تِنتِشِر إبكِل مكان و الكَنيسِة چانت تِكبَر.

![](https://cdn.door43.org/obs/jpg/360px/obs-en-47-14.jpg)

بُولُس و بَعَض إرجَّال المَسيحيِه سَافِرو لِوَايد إدِيَر و چانو يِبَشِرون إبشَارِة الخِير عَن المَسِيح. و كِتبو رَسَايِل وَايدِه خاطر يِعَلمون المُؤمِنين بِلكَنَايِس و أكثَرهِن صَارِن كُتُب مِن کِتَابِ الْمُقِدِّسْ.

*داستانی برگرفته از کتاب مقدس: (کتاب اعمال رسولان فصل ۱۶ آیه های ۱۱ تا ۴۰)*

## 48. ۴۸- اليَسُوعْ هو مَسِيحِ المَوعُودْ

https://openbiblestories.org/l/ar-xzn/story-48/

![](https://cdn.door43.org/obs/jpg/360px/obs-en-48-01.jpg)

مِن الله خِلَقِ الدِنيِه كِلشِي چان كامِل و مُكَمِل و ماچان ذَنِب. آدَمْ و حَوَّاء چانو يِحِبون الله و بَعَضهُم. ما چان لامَرَض و لا موت. هاي چانت الدِنيِه إللي الله يِريدها.

![](https://cdn.door43.org/obs/jpg/360px/obs-en-48-02.jpg)

الشِيطَان مِن طَريق الحَيِّه الچانت بِلبِستَان حِچِي وَيِّا حَوَّاء ، چِه رَاد يِغِشهه. بَعدِين هيِه و آدَمْ إرتكبو ذَنِب، و هُما و كِل البَشَر إنحَکَم عليهم بِلموت الخاطر ذَنِبهُم.

![](https://cdn.door43.org/obs/jpg/360px/obs-en-48-03.jpg)

و الخاطر ذَنِب آدَمْ و حَوَّاء صَارت سَالفِه إتخَوَّف. هُما صَارو عِدوان الله، وَ مِن ذَاك الزمان حَد هِسِه، البشر يِرتِكب ذَنِب. و البَشَر مِن إيّیِه بِدنيِه، يِنحِسب عَدو الله. بين الله و البشر ما چان صُلح، بِس الله رَايِد هذا الشِي يصير.

![](https://cdn.door43.org/obs/jpg/360px/obs-en-48-04.jpg)

الله چان مِنطي وَعَد، شَخص مِن نِسِل حَوَّاء يِضرِب الشِيطَان إبرَاسِه و الشِيطَان يِگرِس چَازِه. يعني الشِيطَان يِكتِل المَسِيح و الله إردود يِحيِ المَسِيح مِن بين المُوتیٰ. و مَسِيح المَوعُود يِمحِي الشِيطَان لِلأبِد. مِن بعد إسنين الدَهَر، الله بَيِّن إنو اليَسُوع هو المَسِيح المَوعُود.

![](https://cdn.door43.org/obs/jpg/360px/obs-en-48-05.jpg)

الله آمَر نُوح يِصنَع مَركَب و يِنِجي أهلِه مِن طُوفَان الچان إيِّي. و هِچ الله نِجِه النَّاس إللي چانوا مُؤمِنين بيه. البَشَر الخاطر إذنُوبِه مُستَحَق المُوت مِن الله. بِس الله وَدِّه اليَسُوع و نِجِه المُؤمِنين.

![](https://cdn.door43.org/obs/jpg/360px/obs-en-48-06.jpg)

حَد مِيِة سنه و أكثَر، الكَهَنِه چانو يِقَدمون ذِبَايِح الوِيهِ الله الخاطر إذنُوبِ البَشَر. و هذا چان يِرَاوِي البَشَر مِرتِكِب ذَنِب و لازم الله يِعَاقبِه. بِس الضَحَايَا ما چانت تَكفُّر علیٰ ذُنُوب نَاس. اليَسُوع هو كَاهِن الأعظَم و هو سَوَه شي إللي الكَهَنِه ما چانو يِگدرون يِسَوُنِه. هو فِدِه روحا و صَار ضَحِيِة إذنُوب النَّاس. هو قِبَل يِعَاقبُونِه الخاطر إذنُوبهُم. و لِهاذه سَبَب اليَسُوع هو كَاهِن الأعظَم.

![](https://cdn.door43.org/obs/jpg/360px/obs-en-48-07.jpg)

الله چان گايِل لِبرَاهِيم: «إبَارِك كِل طُوايِف الدِنيِه مِن صوبَك.» اليَسُوع چان مِن نسل إبرَاهِيم. و الله بَارَك كِل الطُوايِف الچانِن مِن نسل إبراهيم. چِه كِلمِن چان إيّیب إيمَان بِليَسُوع، يِنِجي مِن الذَنِب. و الچان يُؤمِن بِليَسُوع يِنجِعِل مِن نسل إبراهيم.

![](https://cdn.door43.org/obs/jpg/360px/obs-en-48-08.jpg)

الله أمَر إبراهيم يِقَدِم إبنِه ضَحيِه. بس الله هِيَالِه غير ضَحيِه. إحنا الخاطر إذنُوبنا مُستَحَقين الموت. بس الله يَابْ اليَسُوع بِهِلدِنيِه خاطر يِذحِي بِروحا إبمَكانِّه و يموت. الخاطر هاي تَعلُوگِتْ اليَسُوع «طِلي الضَحِيِه».

![](https://cdn.door43.org/obs/jpg/360px/obs-en-48-09.jpg)

مِن الله نزل آخِر بَلَا علیٰ مَصِر، أمَر كِل عَائِله إسرَائيليه تِذبَحِلهِ طِلي سَالِم و بِليِّه عيب. و تالي يِرِشُون دَم الذَبيحِه علیٰ عِتبِة الباب و أطرافها. الله من چان يِشوف الدَم، يِمُر مِن إبيُوتهُم و چانو إیظِلون إبأمَان و أولادهُم مَایِنکِتلون. مِن صَارِت هاي القضيه، الله سَمَّا هاذ اليوم الفِصْح.

![](https://cdn.door43.org/obs/jpg/360px/obs-en-48-10.jpg)

اليَسُوع چان مثل ضَحِيِّةِ العيد. هو ماچان غَلطَان إبشِي و مُومْسَوِي ذَنِب. اُو بِأيام الفَصْح مَاتْ. مِن وَاحِد إييب إيمَان بِليَسُوع، دَم اليَسُوع إيصِير دَفعَة بَلَا مِنِه، مثل وَاحِد يسوي ذَنِب و الله يِعَديها عليه.

![](https://cdn.door43.org/obs/jpg/360px/obs-en-48-11.jpg)

الله عَاهَد بني إسرائيل لأن چان مِنتِخِبهُم قوم الخَاص إلِه. بس هِسِه الله وَاعِدهُم من جديد و هاذِ الوُعُود چان بين كِل النَّاس. و کل مَن، مِن كِل طَايفِه يِقبِلِ الوَعَد يِصير مِن شَعَب الله. و هاذِ الشي يصير بِوَاسِطَة الإيمَان بِلمَسِيح.

![](https://cdn.door43.org/obs/jpg/360px/obs-en-48-12.jpg)

نبي موسی چان يِبَشِر كلام الله بِكل قُوتِه. بس اليَسُوع چان أعظَم من نبي موسی. اليَسُوع چان الرَب بِذَاتِه، و كِل شي الچان گايِل و إمسِوي، چان نَفسِ كلام و أوَامِر االله.

![](https://cdn.door43.org/obs/jpg/360px/obs-en-48-13.jpg)

الله وَعَد مَلِک دَاوُد واحد مِن نسله بِمَقام مَلِك يَحكُم علیٰ قوم الله لِلأبِد. اليَسُوع إبن الله و المَسِيح المَوعُود و مِن نسل دَاوُد و إیصیر مَلِک و یَحکُم لِلأبِد.

![](https://cdn.door43.org/obs/jpg/360px/obs-en-48-14.jpg)

نبي دَاوُد چان مَلِك قوم إسرائيل، بس اليَسُوع مَلِك كِلِ العَالم. هو بعد نُوبه يِرجَع و يَحكُم علیٰ العَالم إبعَدَالِه.

*قُصَةْ مَأخوذِهْ مِنْ کِتابِ الْمُقِدِّسْ: (کِتاب التَّکوِین فَصل ۱؛ فَصل ۳؛ فَصل ۶؛ فَصل ۱۴؛ فَصل ۲۲؛ کِتاب الخُرُوج فَصل ۱۲؛ فَصل ۲۰؛ کِتاب صَمُوئِیل الثاني فَصل ۷؛ کِتاب العِبرَانِیَّین فَصل ۳ آیات ۱ إلیٰ ۶؛ فَصل ۴ آیة ۱۴؛ فَصل ۵ آیة ۱۰؛ فَصل ۷ آیة ۱؛ فَصل ۸ آیة ۱۳؛ فَصل ۹ آیة ۱۱؛ فَصل؛ کِتاب الرُّؤیَا فَصل ۲۱)*

## 49. ۴۹- عَهَد الله اليِدِيد

https://openbiblestories.org/l/ar-xzn/story-49/

![](https://cdn.door43.org/obs/jpg/360px/obs-en-49-01.jpg)

مَلَك گِلِل البِت شَابِّه بِسِم مريم؛ يِصير مِنِچ وَلِد و هو إبن الله. مِن مريم چانت بَعَدهِي بِت، الله نَفَخ من رُّوح القُدُس عليها و حِبلِت. و بعدها يَابِت وَلِد و سِمِتِّه اليَسُوع. الخاطر هاي اليَسُوع هِم يِنجعل الرَب و هِم يِنجعل إنسَان.

![](https://cdn.door43.org/obs/jpg/360px/obs-en-49-02.jpg)

اليَسُوع سَوه مُعجِزات وَايدِه و هِلمُعجِزات ثَبَتِة هو الرَب بِذَاتِه. هو مشي علیٰ المَاي، هَوَّد الطُوفَان، شافِ المَرَضَه، فَك وَايِد ناس چانت إروَاحِه مِسكُونه، حَيَ المُوتِه، و بَارَك خمس إرقِيف الخُبُز و السِمِچتِين و من چِثِر هِل بَرَكِه أكثَر مَن خمس تَالَاف نَفَر يُوَاعَه، شِبْعَت.

![](https://cdn.door43.org/obs/jpg/360px/obs-en-49-03.jpg)

اليَسُوع حتی چان مُعَلِّم عظیم. و كِل تَعَاليمِه چانن صدگ. و الناس چانو يِسوون مثل ما يِعَلِّمهُم. لِأن هو چان إبن الله. مثلاً هو چان يِعَلِّم الناس و يِگِلهُم: لازم إتحِبُون بَعَضكُم ما بَعَض.

![](https://cdn.door43.org/obs/jpg/360px/obs-en-49-04.jpg)

و گِلهُم؛ حِبُّو الله حتیٰ أكثَر مِن أموَالكُم.

![](https://cdn.door43.org/obs/jpg/360px/obs-en-49-05.jpg)

اليَسُوع چان گايِل؛ مكانكم عِندِ الرَب تِسوَه أكثَر مَن عِيشِة هاي الدِنيِه. لو تريد تِدخِل بِمَلَكُوت الله، لازم الله يِفُكِك مِن إذنُوبَك.

![](https://cdn.door43.org/obs/jpg/360px/obs-en-49-06.jpg)

اليَسُوع گال إكو ناس تِقبِلنِي و الله إينِجيهُم و أوَادِم هِم مَاتِقبِلنِي. هو گال؛ بَعَض النَّاس مثل إترَاب زِيِن، يِسمعون الإبشَارَه و الله يِنَجيهُم. و بَعَضهُم مِن إتگِلهُم الإبشَارَه، إشلون إترِش البَذِر علیٰ إترَاب الصَلِبْ و مَاينطِي مَحصُول، ما يِقِبلون الكلام و مَايِردون يِدخلون مَلَكُوت الله.

![](https://cdn.door43.org/obs/jpg/360px/obs-en-49-07.jpg)

اليَسُوع عَلَّمهُم؛ الله هم إيحِبِ المِذَنبِين. الله إيريد يِغفِرلَهُم و يَجعِلهُم مِن أولادِه الصَالِحين.

![](https://cdn.door43.org/obs/jpg/360px/obs-en-49-08.jpg)

اليَسُوع گِلِلهُم الله مَايحِب الذُنُوب. الخاطر ذَنِب آدَمْ و حَوَّاء، كل نسل البَشَر صَارو مَذِنبِين و الله يتْبَرَّه مِن كل شخص مِذنِب و يِحسبِه مِن عِدوَانِه.

![](https://cdn.door43.org/obs/jpg/360px/obs-en-49-09.jpg)

بس الله مِن چِثر مَحَبْتَه لِلبَشَر قَدَّم إبنِ الوَحِيد، خاطر كِلمن إيَأمِن بيِه، يِنغِفر لِذنُوبِه و يعيش لِلأبِد وَيِّا الله.

![](https://cdn.door43.org/obs/jpg/360px/obs-en-49-10.jpg)

إنتُم الخاطر إذنُوبكُم مُستَحقين الموت. الحَگْ وَيِّا الله يِغضَب عليكُم، بس اليَسُوع من ضَحَیٰ إبروحا علیٰ الصَلِيب، دَفَع كَفَّارِة إذنُوبنِه.

![](https://cdn.door43.org/obs/jpg/360px/obs-en-49-11.jpg)

اليَسُوع ما إرتَكَب أي ذَنِب، بس رِضیٰ يِدفَع كَفَّارِة إذنُوبِ البَشَر. هو حتیٰ قِبَل يموت و هو چان ضَحيِه كَاملِه خاطر يِرفَع الذُنُوب من لِكل. اليَسُوع من قَدِّم روحا ضَحيِه، الله حتیٰ غَفَر لِلناس إللي چانت إذنُوبهُم عَودَه.

![](https://cdn.door43.org/obs/jpg/360px/obs-en-49-12.jpg)

حتیٰ أعمَالكُم الطَيبِه ماتِگدِر إتنِجيكُم، مَا إكو دَرُبْ خاطر نِگدِر نِصَالِح الله. إببِدَالِه لازم تُؤمِنون بِأن اليَسُوع إبنِ الرَب و الخاطركُم إنصَلَبْ و مَاتْ و الله إردود شَالَه من بين المُوتِه. لو إتصَدِگُون هاي الحَقيقِه الله يِغفَر كِل إذنُوبكُم.

![](https://cdn.door43.org/obs/jpg/360px/obs-en-49-13.jpg)

كِلمِن يُؤمِن بِاليَسُوع و يِقِبلِه بِعُنوَان الرَب، الله يِنِجّي، بس إلْمَا يِإمنُون بي مَايرِبحُون. مَايِفرَق يِصير غَني لو فَقير، زِلمِه لو مَرَا، شایب لو شَابْ، مِن يَا دِيرَه. الله يِحِبكُم و يريدكم تأمنون بِليَسُوع خاطر هو يِگدِر يِصَادِقكُم.

![](https://cdn.door43.org/obs/jpg/360px/obs-en-49-14.jpg)

اليَسُوع يِدعِيكُم لِلإيمَان و التَعمِيد. يَا نَاس عِدكُم إيمَان اليَسُوع هو المَسِيح المَوعُود و إبنِ الله الوَحِيد؟ عِندِكُم إيمَان، إنتُم مذنبين و مُستَحقين الموت و لازم الله يِعَابِيكُم؟ عِدكُم إيمَان اليَسُوع الخاطركُم رَاح علیٰ الصَلِيب و مَاتْ و صَار كَفَارِة إذنُوبكُم؟

![](https://cdn.door43.org/obs/jpg/360px/obs-en-49-15.jpg)

لوعِدكُم إيمَان بِل اليَسُوع و إبكِل شِي السَوَاه إلكُم، تِنجعلون مَسيحيِه. مِن هِسِه و بعد مَلِك الظِلَام إللي هو الشِيطَان مَا يُحكُم عليكُم لَاكِن الله يُحكُم عليكم إبنُورِه. الله إنطَاكُم القُوَه خاطر مثل گَبُل لَاتذِنبُون و إتعَلمون إشلون إتعِيشُون.

![](https://cdn.door43.org/obs/jpg/360px/obs-en-49-16.jpg)

لو إنتُم مَسيحيِه، الله غَافِرلَكُم الخاطر تَضحِيِة اليَسُوع. و الله يَحسِبكُم أگرَبْ صَدیق و لا عَدو.

![](https://cdn.door43.org/obs/jpg/360px/obs-en-49-17.jpg)

لو إنتُم صِدقَان الرَب و خِدَام اليَسُوع ، تِشتَاقُون إتعَلمون مِنِه. صدگ إنتُم مَسيحيِه بس الشِيطَان بَعَدهُو يُوَسوس بيكُم خاطر تِرتَكبُون ذَنِب، بس الله كِل وَكِت يُوَفِي إبوَعدِه. الله إيگُول لو تِعتِرفُون بِذنُوبكُم، يِغفِرلَكُم و يِنطِيكُم قُدرَه إتحَاربون الذَنِب و الخَطِيِه.

![](https://cdn.door43.org/obs/jpg/360px/obs-en-49-18.jpg)

الله يِگِلِلكم إندِعُو و إقرُو الكلام. و يِگول وَيِّا جَمعِ المَسيحيِه تعبدونه و إنطُو البِشَارَه البَعَضكُم المَسِيح شِمسَوِيلكُم. لو إتسِون هِچ، صِدَاقَاتكِم تِقْوَه وَيِّا رَّب العَالِمين.

*قُصَةْ مَأخوذِهْ مِنْ کِتابِ الْمُقِدِّسْ: (الرَّسَالَة بُولُس إلیٰ رُومَا فَصل ۳ آیة ۲۱ إلیٰ ۲۶؛ فَصل ۵ آیة ۱ إلیٰ ۱۱؛ إنجیل یُوحَنَّا فَصل ۳ آیة ۱۶؛ إنجیل مَتَّی فَصل ۱۶ آیة ۱۶؛ الرَّسَالَة بُولُس إلیٰ کُولُوسِّي فَصل ۱ آیة ۱۳ إلیٰ ۱۴؛ الرَّسَالَة الثاني بُولُس إلیٰ تَسَالُونِیکِي فَصل ۵ آیة ۱۷ إلیٰ ۲۱؛ الرَّسَالَة یُوحَنَّا الأولیٰ فَصل ۱ آیة ۵ إلیٰ ۱۰)*

## 50. ۵۰- اليَسُوعْ  يِرجَعْ

https://openbiblestories.org/l/ar-xzn/story-50/

![](https://cdn.door43.org/obs/jpg/360px/obs-en-50-01.jpg)

جِريب إلفِين سنه ألنَّاس إبكِل مكان الدِنيِه سِمعَو إبشَارِة جِيِّتِ اليَسُوع. کُبرَن الكَنَايِس و اليَسُوع وَعَد يِرجَع لِدِنيِه. صدگ اليَسُوع بَعدِه مُويَاي، بس حَتمِاً يُوَفِي إبوَعدِه.

![](https://cdn.door43.org/obs/jpg/360px/obs-en-50-02.jpg)

الله إيريد مِن عِدنِا إبهَاي الفَترَه النِنتِظر جِيِّتِ المَسِيح، إنعِيش مُقَدِسين و نِحتِرم جِيِّتِه و نِفتِخِر بيِه و نِبَشِر بَعَضنِا إبمُلُوكيتِه. من چان المَسِيح يِعيش بِلدِنيِه گال: «أصحَابي يِبَشْرون الناس بِمَلَكُوتِ الرَّب إبكِل الدِنيِه و بَعدِين يوصَل وكت الوَعَد.»

![](https://cdn.door43.org/obs/jpg/360px/obs-en-50-03.jpg)

إكو وَايد طُوايِف هم بَعَدهي مُو سَامعِه شِي عَلمُود اليَسُوع و هو گَبُل صُعُودِه ، گِل المَسيحيِن، بَشْرَو الناس إللي مَايِدرون إبشَارِة الخِير. الیَسُوع گال: «رُوحو و سَوّو كِل الشُعُوب تِلَاميذِي، چِه إگلُوبهُم متهَيِّه مثل گيعَان الزَرَع لِلحِصَاد.»

![](https://cdn.door43.org/obs/jpg/360px/obs-en-50-04.jpg)

اليَسِوع گال: «الخَادِم مُو أعلیٰ مِن رَاعيِه. رُؤسَاء العاَلم المِتعَلگِه إبهَاي الدِنيِه او چانو إیکُرهُوني، إبسبِبي أنَا يِعَذِبُونكُم و يِكتُلونكُم. و إنتُم هم إبهَاي الدِنيِه إتعَذِبون بِس ظَلو مثل مَا إنتُم إگلُوبكُم مُؤمِنِه. چِه أنَا غِلبِت الشِيطَان اليَحكُم علیٰ هاي الدِنيِه. لو إتظُلون وَفييِن الله هم يِنجيكُم!»

![](https://cdn.door43.org/obs/jpg/360px/obs-en-50-05.jpg)

اليَسُوع سُولِف لِصحَابِه فِرد قُصه، خاطر يِفتَهمون شِي صیر علیٰ الناس إبهَدِنيِه. هو گال: «فِرد وَاحِد زَرَع بِذِر زِيِن إبگاعِه و من چان نَايِم، إيِه وَاحِد مِن عِدوَانِه و رَشْ علیٰ گَاعِه بَذِر مَسمُومِه و رَاح.

![](https://cdn.door43.org/obs/jpg/360px/obs-en-50-06.jpg)

مِن فجع البَذِر شُوَاغيلِه گِلولِه: «إنتِ زَرَعِت أحسَن بِذِر أبگَاعِك، چَا ليش إمْخَضِر بِينَاتِه عِشِب تلفان؟» الزِلمِه گال: «هذا شُغُل عِدوَانِي و واحد مِنهُم سَوَه هِچ وُيَاي.»

![](https://cdn.door43.org/obs/jpg/360px/obs-en-50-07.jpg)

إشُوَاغيل گالو: «لازم نِحصِد عِشِب المَسمُوم.» الزِلمِه گال: «لا، لو تِحصِدون عِشِب المَسمُوم، يِمكِن حُنطَه السَالمِه هم تِحرَم وُيَاهِن. نُصبُر حَد وكت الحصد، و نِحِشْ عِشِب المُو زِين و نِحرِگهِ، بس یِيبُو الحُنطَه بِأنَابيرِي.»

![](https://cdn.door43.org/obs/jpg/360px/obs-en-50-08.jpg)

أصحَاب اليَسُوع مَافتِهمُو القُصَه و رَادو مِن المَسِیح یِشرَحِلهُم سَالفِه: الیَسُوع گال: «الزِلمِه إللي زَرَع بَذِر الزِیِن إبگَاعَه، یِأشِر لِلمَسِیح. و الگَاعِ الزَرَع هيِه الدِنيِه، و بَذِر الزِيِن مثل الناس إللي يِعيشُون إبمُلُوکیِة الله.»

![](https://cdn.door43.org/obs/jpg/360px/obs-en-50-09.jpg)

اُو عِشِب التلفان و المَسمُوم مثل الناسِ المِتعَلگِه بِشِيطَان و بس بيهُم شَر. و عَدو الزِلمِه إللي زَرَع إبگَاعِه عِشِب المَسمُوم، هو الإبلِيس إبذَاتِه. اُو وكت الحِصَاد يعني مِن توصَل نِهَايِةِ الدِنيِه و الحَاصُود هُما المَلَایْکِه.

![](https://cdn.door43.org/obs/jpg/360px/obs-en-50-10.jpg)

مِن إتخَلَص الدِنيِه، المَلَایْکِه إتجِمَع كِلمِن مِتعَلِگ بِلشِيطَان مِن كِل بُكان الدِنيِه و تِگطَهُم إبشَط كِلِه نَار. و هُما مِن چثر الوُيَعْ و العَذَاب، يِسنُّون بِضِروسهُم. بس المِتَابعِين اليَسُوع و أصحَابه ضَاوِين مثل الشمس إبمُلُوكيِة رَّب العَالمين.

![](https://cdn.door43.org/obs/jpg/360px/obs-en-50-11.jpg)

اليَسُوع گال گَبُل لَاتْخَلَص الدِنيِه يِرجَعِلْهِ مثل مَا تَرَكهِا. و مِلبِس إبجِسِم إنسَان، هو بِلسِمِه علیٰ الغِيُوم و بِالأَرُض حَالِه حَالنِهْ مثل البَشِر. و وكت اليِرجَع، كِل مَسيحِي المِيِت يِحيیٰ وُيَا و يِتلَاگِه وُيَاليَسُوع هِم بِسِمِه.

![](https://cdn.door43.org/obs/jpg/360px/obs-en-50-12.jpg)

المَسيحيِه البَعَدهُم عَدلِين، يِصَعدُون لِلسِمِه و أروَاحهُم تِتلاَگِه إخوَانهُم المَسيحيِه و اليَسُوع هم وَيَّاهُم و عِيشُون إبصُلْح و سَلَام .

![](https://cdn.door43.org/obs/jpg/360px/obs-en-50-13.jpg)

اليَسِوع وَعَد كِلمِن يُؤمِن بِي يِنطِي تَاجْ، و صَاحِب التَاجْ يِعيش و يَحكُم إبمَلَكُوت الله لِلأبِد.

![](https://cdn.door43.org/obs/jpg/360px/obs-en-50-14.jpg)

بِس إلمَا يَابُو إيمَان بِلمَسِيح الله يِحَاكِمهُم. بُكانهُم الجَهَنَّم و يِعيشُون بِي لِلأبِد و عَاقِبِتهُم بس يِبچُون و من چِثرِةْ عَذَابهُم يِسنُون بِضْرُوسهُم. النَّار مُلتَهْبِه و تِحرِگهُم و دُود يَاكِلهُم.

![](https://cdn.door43.org/obs/jpg/360px/obs-en-50-15.jpg)

مِن يِرجَع اليَسُوع يِغلِب الشِيطَان و حُكُومْتِه. الشِيطَان و كِل مِن چان يِطيعِه يِحتَرگون سِويِه.

![](https://cdn.door43.org/obs/jpg/360px/obs-en-50-16.jpg)

إبسِبِب خَطِيِّة آدَمْ و حَوَّاء و ذَنِبهُم، الله لَعَنِ الدِنيِه و رَاد يِمْحِيهِ. بس الله فِرد يوم اردود من یِدید یخلق سِمِا و أرض کامل و مکمل.

![](https://cdn.door43.org/obs/jpg/360px/obs-en-50-17.jpg)

و اليَسُوع و أصحَابه يِعيشون بيهِ و اليَسُوع يِحكُم عليه لِلأبِد. هو يِمسَحْ دُمُوعِ المَسَاكِين و بَعَد مَحَد يِتْعَذَّبْ، و مَحَد يِبْچِي، مَحَد يِتْمَرَضْ و لا أحَدْ يِموت. و مَايْضِل شِي مَكرُوه و غَبَر بِلدِنيِه، و يِحكُم إبعَدَالْتِه علیٰ قُومَه لِلأبِد.

*قُصَةْ مَأخوذِهْ مِنْ کِتابِ الْمُقِدِّسْ: (إنجیل مَتَّی فَصل ۲۴ آیة ۱۴؛ فَصل ۲۸ آیة ۱۸؛ إنجیل یُوحَنَّا فَصل  ۱۵آیة ۲۰؛ فَصل ۱۶ آیة ۳۳؛ کِتاب الرُّؤیَا فَصل ۲ آیة ۱۰؛ إنجیل مَتَّی فَصل ۱۳آیة ۲۴ إلیٰ ۳۰؛ فَصل ۱۳ آیة ۳۶ إلیٰ ۴۲؛ الرَّسَالَة الأوَّل بُولُس إلیٰ تَسَالُونِیکِي فَصل ۴ آیة ۱۳ و فَصل ۵)*