# unfoldingWord Open Bible Stories — Bench

- Language code: `bcq`
- Canonical page: https://openbiblestories.org/l/bcq/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bench translation; it is not a translation of the whole Bible.

## 1. ድያድ

https://openbiblestories.org/l/bcq/story-1/

![](https://cdn.door43.org/obs/jpg/360px/obs-en-01-01.jpg)

ሀⶣጋ ዱንጋም ኒኒ ቤቅንሱⶢ ዬሮሥንዲ ካንጉⶣጋ ጋሂስ ጋዲ ድያዱⶣጋ ጋሀ ጊዝዎ። ኡⶥ ይሲንድ ዬሮሥንዲ ዶዳ፥ ው ጎብቃን ይስኬንዳይስ ካንግ ሳፕም አቅ ጎብቃን ድያዱዌ። ዬሪ ዶዲስ ባ ድያዱ ጌሽን ዶዳ ኡርዳ ቡፓ፥ው ዴብም ኤርንባት ቃይጺ ሺዳን ካሣሙⶥ ድያዲ ካይጉⶣን ይስቴኔ። ይ ናቢንድ ው ጎብቃን ድያዳ ማጣጎን ድያስታርጉⶣን ይስቱዌ። ይ ፔታስን ዬራጋ ማⶢ ሶአጋ ዴብም ሲሞጥን ባ ታክንሲ ይስቱዌ።

![](https://cdn.door43.org/obs/jpg/360px/obs-en-01-02.jpg)

ኡⶣም ዬሮሥንዲ «ጮብት ፔትማኬ!»ማክን ጮብትንድ ፔቱዌ። ዬሮሥንዲ ጮብቲ ሶይ ፔቱⶢስ ቤቅንሲ «ፓዥ» (ፓዥ ዴንት) ማኪ ጼጉዌ። ዬሮሥንዲ ጮብቲስ ኡርድቃን ባድ አሥንሲ ኡርዲስ ጡማስን ማኪ ጼጉዌ። ዬሮሥንዲ ይ ጋድኑⶥ ጎቅን ጮብትስ ድያዱዌ።

![](https://cdn.door43.org/obs/jpg/360px/obs-en-01-03.jpg)

ይ ናም አቅ ጎቅን ዬሮሥንዲ ዶዳጋ ዴብም ሀይቅን ይስኩⶢስ ድያዱ። ኡⶣም ዬሮሥንዲ ሶእስ ዶዳም ፓሺ ቤⶥኪ ባድ አሡዌ።

![](https://cdn.door43.org/obs/jpg/360px/obs-en-01-04.jpg)

ይ ካዝ አቅ ጎቅን ዬሮሥንዲ ሶኢ ዶዳ ኮላም ፓሺ ባድ አሡዌ። ዬሪ ኮሉባቢስ «ዶድ» ማኪ፣ ሶእንድ «ባሀር» ማኪ ጼጉ። ዬሮሥንዲንድ ባና ድያዱⶥ ቃይጺ ሶይ ፔቱⶢስ ቤቁዌ።

![](https://cdn.door43.org/obs/jpg/360px/obs-en-01-05.jpg)

ኡⶥ ጌሽን ዬሮሥንዲ ዶዳ ካንጌንድ ቃይጽንዲስ ይ ዛራም ዛራም እንችንዳ፥ ኮችንዳ ጶርስንሱዌሽን ሀይጡ። ይሲ ሀይጡⶢዎጥን ፔቱዌ። ዬሮሥንዲንድ ባና ድያዱⶥ ቃይጺ ሶይ ፔቱⶢስ ቤቁዌ።

![](https://cdn.door43.org/obs/jpg/360px/obs-en-01-06.jpg)

ይ ኦድ አቅ ጎቅን ዬሮሥንዲ ኦባርን አፓ፥ እያርፓ፥ ሻይትንዳይስ (ዣትንዳይስ) ድያዱዌ። ዬሮሥንዲ ፓዥ ዴንታ፥ ጡማስና፥ ያርም ኤንታ፥ ቤርግንዳይስ ባድ ባድ አሢ ይሡዌ። ዬሮሥንዲንድ ባና ድያዱⶥ ቃይጺ ሶይ ፔቱⶢስ ቤቁዌ።

![](https://cdn.door43.org/obs/jpg/360px/obs-en-01-07.jpg)

ይ ኡⶭ አቅ ጎቅን ዬሮሥንዲ ሶእ ጎብቃን ይስኬንዳ፥ ካፕምንዳይስ ካንግ ድያዱዌ። ዬሮሥንዲንድ ባና ድያዱⶥ ቃይጺ ሶይ ፔቱⶢስ ቤቁዌ። ዬሪ ባና ድያዴንዲንድ ካንግ ዲሩዌ።

![](https://cdn.door43.org/obs/jpg/360px/obs-en-01-08.jpg)

ይ ሳፕም አቅ ጎቅን ዬሮሥንዲ «ዶድ ዴብም ጊዝንዲ ባ ካንግ ባዛራም ዛራም ፔትማኬ!» ማኩ። ዬሪ ሀይጡⶢዎጥን ፔቴንዴ። ኢሣይቅንቃን ማጥማጥንዲ ድያንታ፥ባ ቄራም ቄራሜንድ ጊዝንዳ ፔታ፥ ማጥማጥንዲ ባ ⶢላም ክያክኒና ባዝቂ ሀማጌንድ ፔታ፥ ማጥማጥንዲ ጾጣ ኮችካኔንድ ፔቴንዴ። ዬሮሥንዲንድ ኤንዲ ባ ካንግ ሶይ ፔቱⶢስ ቤቁዌ።

![](https://cdn.door43.org/obs/jpg/360px/obs-en-01-09.jpg)

ዬሮሥንዲ «አሢስ ኒሕ ⶣብም ኒሕ አምሦጥን ኒኒ ድያዴ፤ ኢሣይቅኒንድ ዶድ ቶሕን ካንጋ ጊዝንዳ ጾጥንዳ ቶሕን ካንግ ሀኪ ኢሥያቅኔሽን ይስትማኬ!» ማኩ።

![](https://cdn.door43.org/obs/jpg/360px/obs-en-01-10.jpg)

ኡⶣም ዬሮሥንዲ ዶድን ቡይጢስ ኤቲ አሥ አሢ ቦሺ ድያድንሲ ባ ካሢስ ይስን ⶦኪ ኡሡዌ። ናሳ ኡⶣጋ ሱሚስ አዳም ማኪ ሱምሡዌ። ዬሮሥንዲ አዳሚ ይስን ይስትንሱⶥ ኩሥን እንቻ አፕም ኡጣጌንዲስ ቶክንሲ ኡⶢስ ይሲ ባቂ ቃይጽንሱዌሽን ይ ዴንትካን ይ ዎጋሱዌ።

![](https://cdn.door43.org/obs/jpg/360px/obs-en-01-11.jpg)

ዬሮሥንዲ እንቻ አፕ ኡጣጌንዳ ባ ቶኬንድ ዴንትካን ናም እንቻ ባ ቄራሜንዲስ ቶኩ። ኤንድ ይሲንድ ካሣጋ እንቻ፥ ሶያ ኢታይስ ኤርሳሳጌንድ ኤርታጋ እንቻጊ ይስቴንዴ። ዬሮሥንዲ አዳሚስ እንቻ አፕ ኡጣጌንዲ ይስን ይስኩⶥ ኩሥን ይስኬንድ እንች ዴንትካን ሶያ፥ ኢታ ኤርሳሳጉ ኤርት እንች ዬቻም ዱማርዲንድ ካንግ ይሲ ሙእንሱዌሽን ይስን ሀይጡ። ሀማጊ ሶያ ኢታ ኤርሳሳጌን እንች አፒስ ባ ሙአን ይሲ ሀይብምሱ ፔቱⶢስ ይስን ሀይጥንሲ ይስቱዌ።

![](https://cdn.door43.org/obs/jpg/360px/obs-en-01-12.jpg)

ዬሮሥንዲ ባ ድያዱⶥ አሢ ባ ካይ ይስትንሱⶢ ሶይ ፔታርጉⶢስ ሀይጡ። አዳሜሽን ጊዝንድቃ ማጥናሳጎን ይስን ይ ሀርኩⶥ ጋሥ ፔትንሱⶢ ያፕስታርጉዌ።

![](https://cdn.door43.org/obs/jpg/360px/obs-en-01-13.jpg)

ዬሮሥንዲ አዳማጋ ዴብም ኤዛጋ ሱዲስ (ጊሲስ) ቦኩ። ይሲንድ ሱርቅንሲ ይስታጉⶥን ይ ናባልቃን ማጣጋ ሜርትስ ጋዚ ኤቲ ሀንቂ ማይን አሢ ድያድንሲ አዳም ዳድን ካርሲ ኤቲ ዬኡዌ።

![](https://cdn.door43.org/obs/jpg/360px/obs-en-01-14.jpg)

አዳሚንድ ውይስ ባና ቤቁⶣም «ሀና ታ ሀርኬና ጊዛዎ፤ ውሳ እያን ዳድን ይስታ ያፕስቴናጋ ማይን ማስትማካ!» ማኩ። ኡⶤሽናን አሢ ባ ባባ፥ ባ ባያይስ ሺችንሲ ባ ማሽታ ባና ማጥ አⶭ ፔቲ ይስኩዌ።

![](https://cdn.door43.org/obs/jpg/360px/obs-en-01-15.jpg)

ዬሮሥንዲ እይና፥ ማይናይስ ባ ⶣብም ድያዱዌ። ዬሪንድ ኢሣይቅኒስ «ⶦዳጋ ንያእንዳ፥ ንያእ ንያእንዳይ ይንታይቅኔሽን ይስትማኬ። ዶዳ ሀናም ቤሺ ጌቢ ⶾንዴ!» ማኪ ዲሩዌ። ዬሮሥንዲ ባ ቃይጹⶥ ቃይጽንዲ ባ ካንግ ቃጽ ሶይ ፔቱⶢስ ቤቁዌ። ካንግ ባና ድያዱⶣም ካዥቁዌ፣ ኤንዲ ባ ካንጊ ሳፕም አቅ ጎብቃን ፔቱዌ።

![](https://cdn.door43.org/obs/jpg/360px/obs-en-01-16.jpg)

ይ ናፕም አቅ ጎቅንዬሮሥንዲ ባና ድያዳ ይስኩⶥ ቃይጺስ ውርሱዌ። ኡⶤሽን ዬሮሥንዲ ቃይጻ ባና ይስቱ ቃይጽቃን ካሹዌ። ኡⶣም ናፕም አቅስ ዲሪ ሶይሱዌ። ይ ናቢንድ ዬሪ ይያም ጎቅን ቃይጻ ካንጌንድቃን ባ ካሹዌሽና ጊዝዎ። ዬሮሥንዲ ሀይቅን ጫራ፥ ዶዳ ኢሣይቅን ጎብቃን ይስኬንዳይስ ባና ድያዱⶣም ይሲንድ ይ ካንጊ ቃይጺ ድያዲ ውርሱⶢ ኡⶢዎጥኑⶥ ቦዳማ ጊዝዎ።

*ጋሀሀንዲድያድማጻፕይይርⶣ 11-15 ሀክይስኩⶥካናጊዝዎ።*

## 2. ጩቡይ ዶድ ቶሕን ዬኡ

https://openbiblestories.org/l/bcq/story-2/

![](https://cdn.door43.org/obs/jpg/360px/obs-en-02-01.jpg)

አዳማ፥ ይ ማሽታ ሄዋናይ ዬሪ ኢሣይቅኔሽን ቶክንሲ ይቃን ኢሥ ይሡ እንቻ አፕ ኡጣጌንድ ጎብቃን ባ ይስታጉⶥን ቃጽ ካዥቂ ይስቴንዴ። ኢሣይቅኒ ጋናትካን ባ ይስታጉⶥን ጉዝካያን ይስቴንዴ፤ ጉዝ ካይንድ ባ ይስኩዌሽን ዬላርጌንዴ። ይ ናቢንድ ጩቡይ ዶድ ዴብም ካይጉዌሽና ጊዝዎ። ኢሣይቅኒ እንቻ ኤንድ ጎብቃን ጉድኒ ዎብቲ ዬራ ባና ጋርትኒ ይስቴንዴ።

![](https://cdn.door43.org/obs/jpg/360px/obs-en-02-02.jpg)

ኡⶣጎን ይ ፔታስን አጻስ ፔቱⶥ ጾጥባቢ እንቻ ኡⶥ ዴንትካን ይስቱ።ይሲንድ አሥኒስ፣ «ዬሮሥንዲ ኢባሪያን እንቻ ሀንድ ዴንትካን ይስኩⶥ እንች ካንጌንድ አፒስ ሙአሽድንዴ ማኪ ይንታይቅኔሽን ሀይጣሴ?» ማኪ ው ኦጩ።

![](https://cdn.door43.org/obs/jpg/360px/obs-en-02-03.jpg)

አሥን ውሳ፣ «ዬሮሥንዲ ኢንቻ ሶያ ኢታ ኤርሳሳ ይስኬን ዬቻም እንቻ ካንጌንድ አፒስ ኑና ሙእምሱዌሽን ኑም ሀይጡዌ። ሀማጊ እንቻ ኤን አፒስ ሙአጊንታን ሺዳን ይንታይቅን ኩቻማጎጥን ውስን ኡጣጊንታን ሀይብምሲንቱዌ ማኪ ኑም ሀይጡዌ» ማኬን።

![](https://cdn.door43.org/obs/jpg/360px/obs-en-02-04.jpg)

ጾጥባብንድ አሥኔሽን፡- «ኡⶢ ኢባር ኤሳርጉዌ፤ ጪር ሀይብምሳርጊንቱዌ፤ እንች አፓ ሀኒስ ሙአጊንታጉⶥን ይንታይቅን አፒ ፒርስትንሱዌ፤ ኡⶣም ኢታ፥ ሶያይስ ባድ አሢ ኤሪ ዬሮጥን ይንታይቅኒ አትንሱⶢስ ኤራ ባ ይስኩሽን ሙአሺድንዴ ማኩዌ» ማኩ።

![](https://cdn.door43.org/obs/jpg/360px/obs-en-02-05.jpg)

ኡⶣም አሥና እንቹ አፒስ ባ ሙእምሱዌሽን ኡልናንቃ ውሳ ኖታ ቤቃጉⶥን ው ሶይጡ፤ ኤርትስ ውሳ ያፕምሱⶢ ውይስ ቃጽ ኡላሱዌሽን እንቹ አፕካን ኤታ ሙኤኔ። ባ ባና ይስቱ ባ ቤሴሽን ኤታ ሀንቃ ኡሤን። ይሲንድ እንቹ አፒስ ኤቲ ሙኡዌ።

![](https://cdn.door43.org/obs/jpg/360px/obs-en-02-06.jpg)

ግያርን ኢሣይቅን አፒ ባ ፒርቁ፤ ኢሣይቅኒንድ ጉዝ ካይ ባና ይስኩⶢስ ኤሬንዴ። ኡⶣም ኮች ሀይስ ሲኪ ባ ቡይኒስ ታፕሚ ካፕኔንዴ።

![](https://cdn.door43.org/obs/jpg/360px/obs-en-02-07.jpg)

ናሳ አዳማ፥ ይ ማሽታ ኤንዲ ዬሮሥንዳጋ ካሢ እንቻጋ ጎብቃን ጉድኒ ዎብቲ ይስትን ሲስክንሲ ባ ሻይ ዬራጋ አፕም አሽቴንድ። ዬሮሥንዲ አዳሚስ ጼጊ «ዎ አዳሞ! ሀርቃናን ይስታጋዎ?» ማኩ። አዳምንድ «እንቻ አፕ ኡጢ ይስኬንድ ጎብቃን ጉድና ዎብታ ኔ ይስትን ኒ ካሥ ታ ሲስኩዌ። ጉዝካይ ታ ይስቱዌሽን ሼርቃንቃ ታና አሽቱዌ!» ማኪ ሀይጡ።

![](https://cdn.door43.org/obs/jpg/360px/obs-en-02-08.jpg)

ዬሮሥንዲ፣ «ጉዝካይ ኔ ይስኩⶢስ ኦናጊ ኒም ሀይጣዴዎ? እንቻ ው አፒስ ሙአሺድንዴ ማካ ታ ሀይጤን አፒስ ሙእምሳኔ?» ማኪ ይ ኦጩ። አዳሚ «አሥና ታ ባና ይስትማካ ማካ ኔና ታም ኡሤና እንቹ አፒስ ታም ኡሥን ታና ሙኡዌ!» ማኩ። ኡⶣም ዬሮሥንዲ አሥኒስ፣ «ሀሬሽና ኡⶥ ቃይጻዳዎ?» ማኪ ው ኦጩ። ውሲንድ « ጾጥንባባጊ ታ ብያታስናን ታ ሙኡዌ» ማኬን።

![](https://cdn.door43.org/obs/jpg/360px/obs-en-02-09.jpg)

ኡⶣም ዬሮሥንዲ ጾጥንባቢስ፣ «ኔና ዱርታስናንቃ ይስኩⶣ ጊዛዎ፤ ኒ ⶢላም ክያክና ኔ ዎብትንሱዌ፤ ኒ ካሣጋ ቤርጋም ካንግ ቡይጢስ ሙእምኔኑዌ፤ ኔና አሥን ሀና ኔና ጋግናስንድ ፔትንሲንቱዌ፤ ኒ ንያእንዳ፥ ው ንያእንዳይ ጋግናስንድ ፔትንሴንዴ። አሥኑ ዛሪ ኒ ዴቢስ ጣንጭንሱዌ፤ ኔኒንድ ይ ዡንጊስ ሳአ አዳስኔኑዌ!» ማኩ።

![](https://cdn.door43.org/obs/jpg/360px/obs-en-02-10.jpg)

ካሲ ዬሮሥንዲ አሥኑዌሽን፣ «ንያእስ ዬልና ኔ ሳስታጉⶥን ቃጽ ኔ ኢራትንሱዌሽን ይሥንታኑዌ። ኒ ማይ ታሢ ኒ ቤስ ዳድናን ፔትንሱዌ፤ ይሲንድ ኒ ጎቲ አሂ ይስኩ ኒ ⶣጥ ፔትንሱዌ» ማኩ።

![](https://cdn.door43.org/obs/jpg/360px/obs-en-02-11.jpg)

ካሲ ዬሮሥንዲ አዳሚስ፣ «ኒ ማሽት ጋሂስ ኔና ሲስካ ሙአሺዶ ማካ ታና ኒም ኡሡⶥ ቲዛዝስ ሲስካ ይስታ እንቹ አፒስ ሙእኔኑዌ። ኡⶤሽን ዶዳ ንያም ዶንቱⶣም ዱርታስናንቃ ይስኬን ፔትንሴኔ። ኒ ካሣጋ ቤርጋም ኔና ይስኩⶥ አባም ካንግ ኒ ሙእስ ኢራታና ጋይድና ቃይጻ ኒ ኤርክኒስ ው ዴብም ባርሳ ኔ ሙእንሱዌ። (ኔ ያፕምሱዌ።) ሀይቃይንድ ቡይጣጋ ቡይጥቃን ኔ ካርትንሱዌ» ማኩዌ። ኡⶥ ጌሽን አዳሚ ባ ማሽትስ ውሳ ካሣሜንድ ካንግ ባይ ው ፔቱዌሽን ሄዋን ማኪ ው ሱምሡዌ። ይ ፖርሽንድ ካሥ ኡሣጉ ማክያን ይስኩዌ። ዬሮሥንዲ ጊዝንዳጋ ቤትስ ዬሻሲ አዳማ፥ ሄዋናይስ ማይሱዌ።

![](https://cdn.door43.org/obs/jpg/360px/obs-en-02-12.jpg)

ኡⶣጋ ጌሽን ዬሮሥንዲ አሢ ኢታ፥ ሶያይስ ባድ አሢ ኤሪ ሀⶥ ኤስን ኒሕዎጥን አታንቄንዴ። ካሲ ዶንቲ ሀንቂ ካሥ ኡሣጌን እንች አፒስ ይሲ ጮጊ ኤቲ ሙኢ ካንግዎይናም ሀክ ሀይባርጉ ይሲ ይስትንሳርጉዌሽን አዳማ ሄዋናይስ እንቻ አፕ ኡጣጌንድ ባ ቶኬንቃን ይሢ ኬሱዌ። ኡⶣም ካሣጋ እንች ዳድን ኤቲ ሀንቂ ይስኩ ቦዲስ ባቅንሴንድ፣ ኦናጎን ፔቲ ካሣጋ እንች ዳድን አቲ ጮጊ ኤቲ ሙእምሳርጉዌሽንሀካሜንድ ዎሳስንዳ ኩሩቤል ማስቲ ይስኬንዲስ ኩሣ ኡⶥን ይሡዌ።

*ጋሀሀንዲድያድማጻፕይይርⶣ 11-15 ሀክይስኩⶥካናጊዝዎ።*

## 3. ዎጢ ውርሲ ባይሳጉ ሶእ

https://openbiblestories.org/l/bcq/story-3/

![](https://cdn.door43.org/obs/jpg/360px/obs-en-03-01.jpg)

ጳዳጋ ቤርግንድ ጌሽን ⶦዳስ አሥንዲ ዬይስኪ ጌቢ ዶድ ቶሕን ይስቴንዴ። አሥንዳ ኤንዲ ሀካሜንዳ ኢትናስንዳ ፔቴንዴ። ኢት ቃይጺ ቤሺ ዬኡዌሽን ዬሮሥንዲ ዶድ ቶሕን ይስኩ ድያዲስ ይ ካንጊ ቆጢ ባይሳጉ ሶእ ኤቲ ዬኢ ባይስኒ ታሢ ዶንቱዌ።

![](https://cdn.door43.org/obs/jpg/360px/obs-en-03-02.jpg)

ኖሂ ዬራጋ አፕም ናⶢስ ያኩዌ፤ ኖሂ ባ አባም ይስቴንድ አሥንድ ካንድ ዴንትካ ሶይናሳ ኢት ቃይጽቃን ሀካንቂ ይስኩ አሣጊ ይስቱዌ። ዬሮሥንዲ ሶአም ዶዲስ ባና ባይስና ታሡⶢስ ኖሄሽን ሀይጡ። ኖሂ ኤዛጋ ማርካቢስ ቃይጽንሱዌሽኒንድ ሀይጡዌ።

![](https://cdn.door43.org/obs/jpg/360px/obs-en-03-03.jpg)

ዬሮሥንዲ ኖሄሽን ማርካቢስ ይሲ ምያሲ ቃይጽንሱዌሽን ሀይጡ። ይሲንድ «ማርካባ ኡⶣጋ ጳዲ 140 ሜትር፣ ይ አኪ 23 ሜትር፣ ይ ዝያጻስኒ 13 ሜትራ ⶦጳ ይስኩⶥ ፔትማኬ» ማኩዌ። ኖሂ ቃይጽንሱⶥ ማርካቢ እንቻም ቃይጽንሱⶣጊ ካዝ ፖቂ ይስን ይስኩⶥ ፔታንቂ ⶦዳጋ ኩሢ ይ ጎብቃን ይስኩⶣ ፑዳልንዲ ይስን ይስኩⶣን ይስቱዌ። ማርካባ ኡⶢኖሀ፥ ይ ንያእንዳ፥ ዶድ ዴብም ይስኬንድ ድያዳ ካንጌድ ዛርቃን አኪ ይቃን እያርሲ ይሲ ጊዝንዲስ ፕያሥንሱዌሽን ዬሪ ይስን ሀይጡዌ።

![](https://cdn.door43.org/obs/jpg/360px/obs-en-03-04.jpg)

ኡⶣም ዬሪ ኡሡⶥ ቲዛዛም ዬሪ ይስን ሀይጡⶢዎጥን ኖሀ፥ ይ ንያእንዳ ካዛስንዳይ ማርካቡይስ ቃይጼንዴ። ማርካባ ኡⶢ ቃጽ ኤዝ ይሲ ፔቱዌሽን ⶦድ ቤርግ ቃይጼንዴ። ኖሂ ውንሱⶥ ቆጢ ባይስንሱⶥ ሶኤሽን አሢስ ኬንዛሲ ዬርጋ ዳድን ኢሣይቅኒ ካርትንሱዌሽኒንድ ሀይጢ ይስቱዌ። ይ ፔታስን አሥንዲ ጊባትናርጌንዴ።

![](https://cdn.door43.org/obs/jpg/360px/obs-en-03-05.jpg)

ዬሮሥንዲ ኖሀ፥ ይ ኬት አሥንዳይ ባ ቄሬሽና ጊዝንዴሽና ቤድንሱⶥ ሙእስ ዱብዳስንሱዌሽን ቲዛዝ ኡሡ። ካንጉⶥ ቃይጺ ዬሺ ውሩ ጌሽን ዬሮሥንዲ ማርካቡቃን ኢሣይቅኒ እያርድንሱዌሽን ኖሀ ይ ማሽቴሽና፥ ይ ንያእንዴሽና፥ ኢሣይቅን ማይንዴሽና አቢ አትኒ ሺኩⶢስ ሀይጡ። ንያርትን አሥንዲ ማርካቡቃን እያርዴንዴ።

![](https://cdn.door43.org/obs/jpg/360px/obs-en-03-06.jpg)

ዬሪ ቆጢ ባይሳጉ ሶአም ኢሣይቅኒ ባእንሳርጉዌሽን ጊዝንዳ፥ ጾጥንዳ ካንጌንድቃን ካፕምንዳም ፓሺእያና ማይና ናማስ ናማስ ይሥንሲ ኖህ ዳድን ቲሡዌ። ኡዳስንሴንድ ጊዝንድቃን ናፕም እያና፥ ናፕም ማይናይስ ቃዝቂ ኖህ ማርካብቃን ቲሡ። ካንጌዲ ዬኢ ማርካብቃን እያርዱ ጌሽን ዬሮሥንዲ ባ ባሪ ማርካቡ ሜጊስ ይንጹዌ።

![](https://cdn.door43.org/obs/jpg/360px/obs-en-03-07.jpg)

ኡⶣጋ ጌሽን ዎሊ ቡኪ ጋዱዌ። ዎላ ኡⶢቡኩዌ!ቡኩዌ! ባ ዶማርጉ 40 ፓዣ፥ 40 ጡማ ቡኩዌ። ዶድቃኒንድ ይስቲ ሺቺ ቱቃልኒ ኬስኪ ይስቱዌ። ዶድ ቶሕን ይስኩ ቃይጺ ባ ካንግ ሶአም ቆስቱዌ። ዶድ ጉድንዳ ጳድ ጳድንዲ ቦርታርጉ ሶአም ቆስቱዌ።

![](https://cdn.door43.org/obs/jpg/360px/obs-en-03-08.jpg)

ማርካቡቃን እያርዴንድ አሥንዳ፥ ጊዝንዳ ዬቻም ዶድ ቶሕን ይስኬንድ ድያድንዲ ባ ካንግ ሀይቄንዴ። ማርካባ ሀይቅን ሶእ ዴብም ቆስታርጉ ሀንቃ ባ ጎብቃን ይስኬንድ ካሣም ፕያጺ ይስኬንዲስ ካንግ ዎጥቃን ፕያሤኔ።

![](https://cdn.door43.org/obs/jpg/360px/obs-en-03-09.jpg)

ዎላ ኡⶢ ቡካ ባ ይስኩⶢስ ⶣንቂ ይጡ ጌሽን ማርካባ ኡⶭ እያርፕ ሶእ ዴብም ዎብታ ይስቴኔ። ኡⶣጋ ጌሽን ሶኢ ኮብⶢ ኮብⶢ ሀንቁ። ማጥን ጎቅን ማርካብ ውሳ ጉዳጋ ዴብም ዎጌን። ይ ፔታስን ዶድ ቶሕን ሶኢ ጋብታንቂ ይስቱዌ። ካዝ እያርፕ ጌሽን ዶድ ጉድንዳጋ ባሲ ቤስቲ ጋዱዌ።

![](https://cdn.door43.org/obs/jpg/360px/obs-en-03-10.jpg)

40 አቅ ጌሽን ኖሂ ዶድ ቶሕን ሶኢ ኮሉⶢስ ይሲ ቤቅንሲ ውዌ ማኪ ክሪስ ዎሲ ቲሡ። ክራ ኡⶢ ኤካ ሀካ ፑኪ ዎብቲ ዶዳ ኮሊስ ያፕምባኑ ሀካርጉ ሺዱዌ።

![](https://cdn.door43.org/obs/jpg/360px/obs-en-03-11.jpg)

ኡⶥ ጌሽን ኖሂ ጉጊስካሲ ዎሲ ቲሡ። ውሲንድ ይስን ባና ዎግንሱⶥ ዶዲስ ባይስንሳ ካርታ ኖህ ዳድን ዬኤኔ። ማጥ ⶥምባት ቤስንሲ ኖሂ ጉጉይስ ካርሲ ቲሡዌ። ውሲንድ ዎይራ ማስቲ ይስኩⶥ እንች ሀዪይስ ባ ኖናም ጮጋ ኤታ ዬኤኔ። ሶኢ ዶድ ቶሕን ኮሊ ይስኩⶥ ፔቱዌሽን እንቻ ኮቻይ ጋዲ ጶቂ ይስቱዌ።

![](https://cdn.door43.org/obs/jpg/360px/obs-en-03-12.jpg)

ኖሂ ካሲ ማጥ ⶣምባት ቤስንሲ ጉጉይስ ካርሲ ቲሡዌ። ውሲንድ ይስን ባ ዎግንሱⶥ ኩሥ ባ ያኩዌሽን ካርታ ውዋርጉⶥ ሺዴኔ። ሶእንድ ኮሊ ባኢ ይስቱዌ።

![](https://cdn.door43.org/obs/jpg/360px/obs-en-03-13.jpg)

ናም እያርፕ ጌሽን ዬሮሥንዲ ኖሂስ «ኔና ኒ ኬት አሥንዳ፥ ጊዝንዳያ ይንታይቅን ካንግ ማርካቡቃን ይስቲ ኬስንዴ» ማኪ ሀይጡ። ኢሣይቅኒንድ ባ ካንግ ኬስኬንዴ። ኡⶣም ዬሪ «ⶦድ ንያእንድ ዬሊ ዬይስኪ ጌቢ ዶዱዋም ⶾንዴ» ማኪ ኢሣይቅን ዲሩዌ።

![](https://cdn.door43.org/obs/jpg/360px/obs-en-03-14.jpg)

ኖሂ ማርካቡቃን ይስታ ባ ኬስጉ ጌሽን ኡድ ኩሥ ቃይጺ ጊዝንዳጋ ማጥማጥቃን ኡዳስኒ ዬርን ኤስትኒ ሀክንሴንዲስ ኡድ አሢ ሺርⶡዌ። ዬሮሥንዲ ኡዳ ኡⶣም ካዥቂ ኖሀ ይ ኬት አሥንዳይስ ዲሩዌ።

![](https://cdn.door43.org/obs/jpg/360px/obs-en-03-15.jpg)

ዬሮሥንዲ፣ «አሥንያኢቃይጺይስኩኢትቃይጼሽንዶዲስካርሳታባይስንሳርጉዌሽንዎግኒሀይጥንታኑዌ፤አሥንያኢባንያአምጋድንሲጩቡዋስፔቱዌሽንዶዲስሀⶥጌሽንቆጢባይሳጉሶአምባይስንሳርታኑዌ!» ማኩ።

![](https://cdn.door43.org/obs/jpg/360px/obs-en-03-16.jpg)

ዬሪ ዎግና ባ ሀይጡⶥ ዎጌሽን ማላት ፔትንሱⶥⶦርኪስ ይ ጋድን ቃይጹዌ። ካንግዎይን ⶦርኪ ሀይቅን ጫርን ቤስቲ ይስኩዌ። ዬሮሥንዲ ⶦርካ ኡⶣም ባ አሥንዴሽን ዎግና ባ ሀይጡⶥ ጋሂስ ታሢ ይስኩዌ።

*ጋሀሀንዲድያድማጻፕይይርⶣ 11-15 ሀክይስኩⶥካናጊዝዎ።*

## 4. ዬሪ አብራማ ባና ዎግ ይሡ

https://openbiblestories.org/l/bcq/story-4/

![](https://cdn.door43.org/obs/jpg/360px/obs-en-04-01.jpg)

ቆጢ ባይሳጉ ሶኢ ኖሀጋ አባም አቲ ዶዳ፥ አሣይስ ባይሱ ⶦዳጋ ቤርግ ጌሽን አሢ ዶድ ቶሕን ዬስኪ ጌቡዌ። ኡⶣጋ አባም አሣ ዶድ ቶሕኑⶢ ማጥፕ ኖን ጋህ ካያማን ጋሂ ይስቴንዴ። ዬሪ ኢሣይቅኔሽን ቲዛዝ ኡሢ ሀይጡⶥ ጋሀም ዶዱዋም ባና ጮንሱ ሺችንሲ ማጥ ካሥ አቲ ዱብድናንቂ ካታሚስ ቃይጼንዴ።

![](https://cdn.door43.org/obs/jpg/360px/obs-en-04-02.jpg)

ኢሣይቅኒ ቃጽ ጌጻስንዳ ዬሪ ሀይጡⶥ ሀይጢስ ጢሻም ይሣርጌንዳ ይስቴንዴ። ኢሣይቅኒንድ ሀይቅን ጫርን አትንሱⶥ ጳዳጋ ፖቅ ኬትስ ጊጺ ጋዴንዴ። ኡⶣም ዬሮሥንዲ አሥንዳ ኤንዲ ኢታጋ ቃይጺስ ቃይጺ ሀንቂ ይስኩⶢስ ቤቁ። ኢሣይቅኒንድ ኡⶥ ቤሽ ይስኩ ጩቡ ቃይጽኒ ሀክንሴንድ ፔቱⶢስ ኤሩዌ።

![](https://cdn.door43.org/obs/jpg/360px/obs-en-04-03.jpg)

ኡⶣጋ ናባም ዬሮሥንዲ ኢሣይቅን ኖን ጋሂስ ⶦድ ኖን ጋሀ ባቄራም ቄራሙⶥካን ሻዲ አሥንዳ ኤንዲ ዶድ ቶሕን ካሽካሲ ቲሡዌ። ኢሣይቅኒ ጊጺ ጋዱ ካታም ሱሚ ባብሎን ማስቲ ይስኩዌ። ይ ሱም ፖርሽን ባ ሳቁⶥ ሺዳን ጉድኒ አዳርኑⶥ ማክያን ይስኩዌ።

![](https://cdn.door43.org/obs/jpg/360px/obs-en-04-04.jpg)

ኡⶢ ኤስ ፔቱⶥⶦድ ባል ቤርግንድ ጌሽንዬሮሥንዲአብራም ማስቲ ይስኩⶥ አሢስ ጼጊ ይያ ባና ጋርትኑ። ዬሪ አብርሃሚስ «ኒ ዶዳ ኒ ኬት አሥንዳይስ ሺችንሳ ታና ኒም ቤሳ ይስኩⶥ ዶድን ሀሞ። ዶዳ ኡⶥን ኒ ዲርንታኑዌ፤ ኤዛጋ አሥንድ (ኤዛጋ አሣ አክ) ኒ አሥንታኑዌ፤ ኒ ሱሚንድ ኤዝ አሣ ዎብሳ ጼስንታኑዌ፤ ኒ ዲሬንድስ ዲርንታኑዌ፤ ኒ ዱርትኔንዲስ ዱርትንታኑዌ፤ ኒ ቦዳም ዶድ ቶሕኑⶥ አሢ ባ ካንግ ዲርስንሱዌ።

![](https://cdn.door43.org/obs/jpg/360px/obs-en-04-05.jpg)

አብራሚንድ ዬሪ ይስን ሀይጢ ኡሡⶥ ትዛዛም ባ ማሽታ ሶራ፥ ባ ቃይጻስንዳ፥ ባ ጊዝንዳ ካንግ ኤቲ ዬሪ ይስን ቤሱⶥ ካናአን ዶድን ሀንቁዌ።

![](https://cdn.door43.org/obs/jpg/360px/obs-en-04-06.jpg)

አብራሚ ካናአን ዶድን ይሲ አቱⶣም ካሲ ዬሪ፣ «ኒ ⶦራም ይስኩⶢስ ይ ካንግ ኖታ ቤቆ። ኔና ቤቃ ይስኩⶥ ዶዲስ ካንግ ኒዬሽና፥ ኒ ዛርንዴሽን ይንታይቅን ግያስ አሣ ኡሥንታኑዌ፤» ማኪ ሀይጡ። አብራሚንድ ዶዳ ኡⶥንቶኩዌ (ዎጉዌ።)

![](https://cdn.door43.org/obs/jpg/360px/obs-en-04-07.jpg)

ማጥን ጎቅን አብራሚ ማልካ ጼዴቅ ማስቲ ይስኩⶥ ዬራጋ ቆምባ ጉዳ ኤዝ አሣ ባና ድያምሙ። ማልካ ጼዴቅንድ አብራሚስ ዲሩ። ይሲንድ «ሀይቅን ጫራ፥ ዶዳ ትያታ ዬሮሥንዲ አብራሚስ ዲርማኬ!» ማኩ። ኡⶣም አብራሚ ማልካ ጼዴቄሽን ባምም ይስኩⶥካን ካንግ ባ ጊዝ ባሪስ ታሕምቃን ማጥ ኩች ኡሡዌ።

![](https://cdn.door43.org/obs/jpg/360px/obs-en-04-08.jpg)

አብራማ፥ ሶራ ⶦዳጋ ቤርግ ፓሽትኒ ይስታሲ ንያእ ዬላርጌንዴ። ካሲ ዬሪ አራሃሜሽን ካርሲ ታሥ ኡሡ። ንያእስ ይሲ ዬልንሱⶣ፥ ይ ዛርንዲ ሀይቅን ጫርኑⶥ ሻይቶጥን ጌቢ አትንሱⶣይስ ይስን ሀይጡዌ። አራሚንድ ዬሪ ኡሡⶥ ታሥ ጋሀም ጊባትኑዌ። አብራሚ ዬሪ ኡሡⶥ ሀይጣም ባ ጊባትኑዌሽን ሶይናሴ ማስቲ ፕያሡዌ።

![](https://cdn.door43.org/obs/jpg/360px/obs-en-04-09.jpg)

ዬሪ አብራማ ባና ዎግ ይሡ። ዎጊ ናማስ አሥንድ ዴንትካን ይሢ ይስኩⶥⶡና ጊዝዎ። ካሲ ዬሮሥንዲ «ኒ ጉራትካን ይሣ ኒም ንያእ ኡሥንታኑዌ፤ ኒ ዛርንዴሽኒንድ ካናአን ዶዲስን ኡሥንታኑዌ» ማኩ። ኡⶣጎን ይ ፔታስን አብራሚ ኡⶣጋ አባም ንያኤትኩⶣን ይስቱዌ።

*ጋሀሀንዲድያድማጻፕይይርⶣ 11-15ሀክይስኩⶥካናጊዝዎ።*

## 5. ታሥ ይሣንቂ ባርስቲ ይስኩⶥ ንያእ

https://openbiblestories.org/l/bcq/story-5/

![](https://cdn.door43.org/obs/jpg/360px/obs-en-05-01.jpg)

ታሕም ቤርግ ጌሽን አብራማ፥ ሶራ ሀንቂ ካናአን አቴንድ። አባ ኡⶥ ሀክ ኢሣይቅኔሽን ናያኢ ካይጉዌ። ኡⶤሽን አብራም ማሽታ ሶራ «ዬሪ ንያእ ታ ዬልንሳርጉዌሽን ታም ንያእ ናጋም ሀⶥ ታና ኤርጋንቁዌ፤ ኤስን ታ ቃይጽና አጋራ ሀⶥ ይስኬናዳ ው እያርሴን ንያእስ ታም ዬልማካ» ማካ ሀይጤን።

![](https://cdn.door43.org/obs/jpg/360px/obs-en-05-02.jpg)

ኡⶣም አብራሚ አጋሪስ እያርሱ። አጋር ውሲንድ አብራሜሽን እያን ናይእ ዬሌኔ። አብራሚ ባ ናንሣ ኡⶢስ «ኢስማኤል» ማኪ ሱምሡ። ይ ፔታስን ሶራ አጋሪስ ኢታም አይና ⶻንቄኔ። ኢስማኤሊ 13 ቤርግ ንያእ አታጉⶥ ዬሪ አብራሜሽን ካሲ ጋህ ሀይጡ።

![](https://cdn.door43.org/obs/jpg/360px/obs-en-05-03.jpg)

ዬሮሥንዲ አብራሚስ «ታና ኤልሻዳያ ጊዛዎ። (ታና ካንጉⶥ ሀካ ይስኩⶥ ካሐ ጊዛዎ።) ኒያ ታና ዎግ ይሥንታኑዌ፤» ማኩ። ኡⶣም አብራሚ ዶድን ፕሽካር ይቲ ጉራትኑ። ካሲ ዬሮሥንዲ አብራሜሽን «ኔና ⶦዳጋ አሥንድ ባብ ኔ ፔትንሱዌ። ካናአን ዶዲስ ኒዬሽና ኒ ዛርንዴሽን ግያስ አሣ ኡሥንታኑዌ፤ ታኒንድ ካንግዎይናም ሀክ ይንታይቅን ካሕ ታ ፔትንሱዌ። ኤስን ሀⶥ ኔና ኒ ኬትን ይስኬንድ እያኒስ ካንግ ሲትን ኬሶ» ማኪ ይስን ሀይጡ።

![](https://cdn.door43.org/obs/jpg/360px/obs-en-05-04.jpg)

ካሲ ዬሮሥንዲ አብራሜሽን «ኒ ማሽታ ሶራ እያን ናይእ ዬልንሴኔ። ይሲንድ ታሥ ታና ኡሡⶥ ንያአ ጊዝዎ፤ ይ ሱሚስ ይስሀቅ ማካ ኔ ሱምሥንሱዌ። ታ ዎግስ ይያ ታና ይሥንታኑዌ። ይሲ ኤዛጋ አሥንድ ፔትንሱዌ። ኢስማኤሊንድ ኤዛጋ አሥንድ አሥንታኑዌ። ይ ፔታስን ዎጊስ ሂስሀቃ ታና ታ ይሥንሱዌ።» ማኪ ሀይጡ። ኡⶥ ጌሽን ዬሮሥንዲ አብራም ሱሚስ ሻዲ «አብርሃም» ማኪ ይ ዎዙ። ይ ፖርሽንድ «ⶦዳስንድ ባባ ጊዝዎ» ማክያን ይስኩዌ። ካሲ ዬሮሥንዲ ሶራ ሱሚስ ሻዲ «ሳራ»ማኪ ዎዙ። ይ ፖርሽንድ «ⶦዳስንድ ባያ ጊዛዎ» ማክያን ይስኩዌ።

![](https://cdn.door43.org/obs/jpg/360px/obs-en-05-05.jpg)

አባ ኡⶣም ጎቅን አብርሃሚ ባ ኬትን ይስኩⶥ እያኒ ካንግ ሲትን ጌሱ። ማጥ ቤርግ ጌሽን አርሃም ቤርጊ 100 አታ ሳራ ቤርጊ 99 አታጉⶥን አርሃሜሽን እያን ንያእ ዬሌኔ። ዬሪ ኢሣይቅኔሽን ሀይጡⶢዎጥን ይሱሚስ ሂሳቅ ማኪ ሱምሤንዴ።

![](https://cdn.door43.org/obs/jpg/360px/obs-en-05-06.jpg)

ይስሀቂ ኢቂ ሀይቅን ዣንጋር አታጉⶥን ዬሪ አብርሃም ጊባትስ ውⶢ (ዎንሳሲ) ቤቅኒ ይ ኦጩ፤ ዬሪ «ዎ አብርሃሞ! ኒ ናንሣ ማጣፓ ሀⶢስ ታም ኡዳ አሣ ሺርሾ» ማኩ። ኡⶣም አብርሃሚ ዬሪ ሀይጡⶢስ ይሥኒ ባ ናንሢስ ኡድ አሣ ባ ሺርሽንሱዌሽን ዬሻሱዌ።

![](https://cdn.door43.org/obs/jpg/360px/obs-en-05-07.jpg)

አብርሃሚ ባናሣ ይስሀቂስ ይስን ባና ኡድንሱⶥን እንቻ ቂጻ ኤቲ ሀንቂ ይስታጉⶥን ይስሀቂ ባ ባቢስ «ዎ ባቦ! ኡዲ ይስን ኡዳስኑⶥ እንቻ ታማ ሀⶥ ይስኮዳ ኡዳስንሱⶥ ዶሪ ሀናጌዎ?» ማኪ ኦጩ። አብርሃሚ ባ ናንሤሽን «ዎ ታ ናንሦ! ኡዳስንሱⶥ ዶሪስ ዬሮሥንዲ ዬሻስንሱዌ!» ማኪ ይስን ሀይጡ።

![](https://cdn.door43.org/obs/jpg/360px/obs-en-05-08.jpg)

ኡዲ ይስን ኡዳስንሱⶥ ኩሥን ኢሣይቅኒ አታጉⶥን አብርሃሚ ባ ናንሣ ይስሀቂስ ጽያጺ ኡዳጋ ኩሥን ሱሣሱ። ይሲንድ ባ ናንሢስ ⶡፕምሚ ዱሊስ ዶንሡ፤ ኡⶣም ዬሮሥንዲ «ዎአብርሃሞ! ኒ ናንሢስ ሺቾ፤ ሀይቃ ይ ዴብም ኤር ይሣሺዶ! ኔና ኢባሪ ታ ሼርቃ ይስኩⶣ፥ ኒ ናንሣ ማጣፒስ ሳሳታ ታም ኔና ናባርጉⶣይስ ሀⶥ ኤርታኑዌ» ማኩ።

![](https://cdn.door43.org/obs/jpg/360px/obs-en-05-09.jpg)

አብርሃሚ ባ ዳድን ሺክ ዶራ ማጢ ጉርብም ጎብቃን ቱስታንቂ ይስት ቤቁዌ። ዬሮሥንዲ ይስሀቃጋ ቆድን ኡዳስንሱⶥ ዶሪስ ዬሻስንሲ ይስቱ። አብርሃሚ ካዥቂ ይስቲ ዶራ ኡⶢስ ኡድ አሢ ዬርን ሺርሹዌ።

![](https://cdn.door43.org/obs/jpg/360px/obs-en-05-10.jpg)

ኡⶣጋ ጌሽን ዬሮሥንዲ አብራሜሽን፣ «ኒ ናንሣ ማጣፓጎን ናባርጉ ኒም ይስኩⶢስ ይ ካንግ ታም ኔ ኡሥንሱዌሽን ⶡና ኔ ይስኩዌ፤ ታኒንድ ኒ ዲርንታኑዌሽን ኒም ዎግቃን እያርንታኑዌ። ኒ ዛርንዲ ሀይቅን ጫርኑⶥ ሻይትንድ ቤሽ ጌብምሴንዴ። ኔና ታም ጎስታ ታ ትዛዚስ ይሡዌሽን ዶድ ቶሕን ይስኬንድ አሥንዲ ባ ካንግ ንያም ዲርስንሴንዴ!» ማኩ።

*ጋሀሀንዲድያድማጻፕይይርⶣ 11-15 ሀክይስኩⶥካናጊዝዎ።*

## 6. ዬሪ ይስሀቄሽን ማሽት ዬሻሹ

https://openbiblestories.org/l/bcq/story-6/

![](https://cdn.door43.org/obs/jpg/360px/obs-en-06-01.jpg)

አብርሃሚ ቃጽ ኤርጉⶣም ይስሀቂⶤትኒ ማሽት እያርስንሱⶦጥን አቱ። ኡⶣም አብርሃሚ ባ ቃይጻንስድቃን ማጥናሲ ባ አሥንድ ዶድን ሀንቂ ባ ናንሣ ይስሀቄሽን ይሲ ማሽት ጋሂ ኤቲ ውንሱዌሽንዎሲ ቲሡ።

![](https://cdn.door43.org/obs/jpg/360px/obs-en-06-02.jpg)

ናሳ ኡⶢ ጳዳጋ ቦድ ሀንቂ ይ ኢንግንዲ ይስን ቶክንሲ ይስኩⶥ ዶድን አቱ። ዬሮሥንዲ ዎስኪ ሀንቁⶥ አብርሃማጋ ቃይጻሲስ ሪብቃ ዳድን ቤሲ ቲሡዌ። ሪብቃ አብርሃማጋ ኢቻጋ ናማ ጊዛዎ።

![](https://cdn.door43.org/obs/jpg/360px/obs-en-06-03.jpg)

ሪብቃ ባ ኬት አሥንዲስ ሺችንሳ አብርሃም ቃይጻሳ ባና ይስሀቅ ዳድን ሀምማ ⶡኔን። ውሲንድ ሀንቃ ይ ዳድን አቱⶣም ሂሳቂ ው እያርሱዌ።

![](https://cdn.door43.org/obs/jpg/360px/obs-en-06-04.jpg)

ጳዳጋ አብ ጌሽን አብርሃሚ ሀይቁ፤ ዬሪ አብርሃማ ባና ዎግና ታሥ ባ ኡሤንድ ጋህንዲስ ካንግ ይስሀቄሽን ይሡዌ። ዬሮሥንዲ አብርሃሜሽን ፕያሢ ውርንሳርጉⶥ ዛሪስ ኡሥኒ ሀይጥንሲ ይስቱዌ። ይ ፔታስን ካሲ ይስሀቅ ማሽታ ሪብቃ ንያእስ ዬልንባኑ ሀካራጋ ዝያጳ ሺዴኔ።

![](https://cdn.door43.org/obs/jpg/360px/obs-en-06-05.jpg)

ይስሀቂ ባ ማሽታ ሪብቃዬሽን ዬር ዳድን ጾኩ፤ ዬርንድ ምያንት ንያእስ ውሳ ቃንቅንሱዌሽን ውስን ኡሡዌ። ንያእንዳ ኤንዲ ጋሥ ባ ባያ ሪብቃ ⶢልቃን ቃን ይስቲ ባ ባርቅን ዴንሥኒ ቅያፕሚ ባ ባርቅን ጡርትኒ ው ኢራትሲ ይስቴንዴ። ሪብቃ ው ⶢልቃን ይስኩⶥ ው ቃኒ ዎሳሳን ባ ቃይጺ ይስታን ዬሪስ ኦጬን።

![](https://cdn.door43.org/obs/jpg/360px/obs-en-06-06.jpg)

ዬሪ ሪብቃዬሽን፣ «ኒ ⶢልቃን ይስኬንድ ንያእንዲ ናማጋ አሥንዳ አክ አትንሴንዴ። ኢሣይቅኒ ኒ ⶢልቃን ይስቲ ዴንሥኒ ቃያፕሚ ይስኩⶢ ኤዛ ኡዚ ጉሣሴሽን ጎስትንሱዌሽና ጊዝዎ» ማኪ ውስን ሀይጡ።

![](https://cdn.door43.org/obs/jpg/360px/obs-en-06-07.jpg)

ሪብቃ ንያእንዲ ባና ዬይስኩⶣም ው ናንሣ ኡዚ አራ ታሀጊ ይ ጉዚ ኩስት ካይ ይስቲ ዬይስኩ። ይሱሚንድ «ኤሳው» ማኪ ሱምሤንዴ። ጉሣሲ ባ ኤዝን ቶእ ድርንድችካን ኡጥንሲ ዬይስኩ። ይ ሱሚስ «ያይቆብ» ማኪ ሱምሤንዴ።

*ጋሀሀንዲድያድማጻፕይይርⶣ 24፥1-25፤26።ሀክይስኩⶥካናጊዝዎ።*

## 7. ዬሪ ያይቆቢስ ዲሩ

https://openbiblestories.org/l/bcq/story-7/

![](https://cdn.door43.org/obs/jpg/360px/obs-en-07-01.jpg)

ንያእንዳ ኤንዲ ባና ኢቁⶣም ያይቆቢ ባ ባያ ባና ኬትን ባ ይስትንሱⶢስ ⶡኒ ይስቱዌ። ካሲ ኤሳውይ ዣግናስ አቲ ዣጊ ዎብቲ ይስቱዌ። ሪብቃ ያይቆቢስ ⶡና ይስቴን። ካሲ ይስሀቂ ኤሳው ⶡኒ ይስቱዌ።

![](https://cdn.door43.org/obs/jpg/360px/obs-en-07-02.jpg)

ማጥን ጎቅን ኤሳውይ ዣግቃን ፔሽኪ አትናጉⶥን ቤሊ ቃጽ ይ ቤይሱ። ኤሳውይ ያይቆቢስ «ዬሪ ኒ ማሬ ኔና ካሣሱⶥ ሙእምቃን ታም ኮት ኡሦ!» ማኪ ቆሉ።ያይቆቢ «ዎስ አፓርቅን ኒ ኡዚስ ታም ኡሦ!» ማኩ። ኤሳውይ ባ ኡዚስ ይስን ኡሡ፤ ኡⶣም ያይቆቢ ሙኢስ ይስን ኡሡዌ።

![](https://cdn.door43.org/obs/jpg/360px/obs-en-07-03.jpg)

ይስሀቂ ባ ናንሣ ኤሳውይስ ዲርኒ ኮዩ። ይ ፔታስን ጋሥ ይሲ ዲርሳርጉ ይስትንሪብቃ፥ ያይቆባ ይስሀቅስ ግያዴንዴ። ኡⶥ ይሲንድ ያይቆቢ ኤሳውዎጥን ሀርካንቂ ይስሀቅ ዳድን አቱ። ይስሀቅንድ ቃጽ ኤርጋንቂ ይ አፒ ያፓርጉⶣን ይስቱ። ኡⶤሽን ያይቆቢ ኤሳው ሲማር ማእንሲ ኬሥ ቤታ ቃⶻሽኑ ኤቲ ባ ኩቻ ባ ባራይስ ይያም ካብንሲ ይስሀቅ ዳድን ሺኪ ባ ዲሬሴ ማኪ ይ ግያዱዌ።

![](https://cdn.door43.org/obs/jpg/360px/obs-en-07-04.jpg)

ያይቆቢባባባይስሀቅዳድንዬኢአታንቂ «ታናኤሳውዋጊዛዎ! ሀⶥታአቱዌ፤ኤስንታዲሮ!» ማኩ።ይስሀቂይጉዝኑⶥኬሥኩስትስታብቲቤቂይሲማርንድኪንቂቤቅንሲሀⶢኤሳውፔትንሱዌማኪታሥንሲይዲሩዌ።

![](https://cdn.door43.org/obs/jpg/360px/obs-en-07-05.jpg)

ያይቆቢ ይ ኡዝ ⶣጣ፥ ዲርታይስ ግያዲ ኤቱዌሽን ኤሳውይ ያይቆቢስ ቃጽ ኩርቂ ኢቹ። ይሲንድ ኢሣይቅን ባቢ ሀይቁ ጌሽን ይ ዎጥኒ ታሡዌ።

![](https://cdn.door43.org/obs/jpg/360px/obs-en-07-06.jpg)

ይ ፔታስን ሪብቃ ኤሳውይ ባ ኢች ዎጥኒ ታሢ ይስኩⶢስ ሲስኬን። ኡⶣም ይ ባባ ባና ኦሽትና ባ አሥንድ ዳድን ያይቆቢ ሀንቂ ይስትንሱዌሽን ሀካጋ ዶድን ይ ቲሤኔ።

![](https://cdn.door43.org/obs/jpg/360px/obs-en-07-07.jpg)

ያያቆቢ ጳዳጋ ቤርግ ሪብቃ አሥንድ ዳድን ይስቱ። ኩሣ ኡⶥን ይስቲ ማይን እያርሲ 12 እያን ንያእንዳ፥ ማጥ ማይን ንያአ ዬይሱ። ዬርንድ ቃጽ ኬሕትናስ ይ አሡዌ።

![](https://cdn.door43.org/obs/jpg/360px/obs-en-07-08.jpg)

ያይቆቢ ካናአን ዶድን 20 ቤርግ ባ ቤሱ ጌሽን ባ ማይና ባ ንያእንዳ፥ ባ ጊዝናዳ ባ ቃይጻስንዳ ካንግ አኪ ኤቲ ካናአንቃን ካርቲ ውንኒ ታሢ ዶንቱ።

![](https://cdn.door43.org/obs/jpg/360px/obs-en-07-09.jpg)

ያይቆቢ ጋሢ ካይ ኤሳውይ ታ ዎጥንሱዌ ማኪ ባ ማይቱዋም ታሢ ሼርቁ። ይሲንድ ⶦዳጋ ጊዝንዲስ ይስን ኡሥ አሢ ቲሡዌ። ጊዝንዳ ኤንዲስ ኤሳውዌሽን ኤቲ ዬኤንድ ያይቆብ ቃይጻስንዲ ይያ ባና ቦድን ድያምሚ «ኒ ቃማ ያይቆቢ ጊዝንዳ ሀንዲስ ኒም ቲሡዌ፤ ይሲ ባ ቄር ኑ ጌሽካን ሀⶥ ሺክ ዬኢ ይስኩዌ!» ማኬንድ።

![](https://cdn.door43.org/obs/jpg/360px/obs-en-07-10.jpg)

ኤሳውይ ይዝቅን ግያርን ባ ኢቻ ያይቆቤሽን ማር ይሥንሲ ይስቱ፤ ይያ ባና ባ ድይምምሱዌሽም ኮዪይ ካዥቂ ይስቱዌ። ኡⶣም ያይቆቢ ካናአን ዶድን ሶያም ቶኪ ይስቱ። ኡⶥ ጌሽን ኢሣይቅን ባባ ይስሀቂ ሀይቁ፤ ይሲንድ ባ ኢቻ ኤሳውዋ ባና ይ ዬኪ ዱኬንዴ። ኡⶣጋ ጌሽን ዬሮሥንዲ አብርሃማ ባና ባ ይሡⶥ ታሥ ጋሀ፥ ዎጋይስ ይስሀቅ ዳድን ይሢ ያይቆቤሽን ኤጋም አሢ ኡሡዌ።

*ጋሀ ሀንዲ ድያድ ማጻፕ ይ ይርⶣ 25-27፤33፥20 ሀክ ይስኩⶥካና ጊዝዎ።*

## 8. ዬሮሥንዲ ዮሴፓ፥ ይ ኬት አሥንዳይስ ፕያሡ

https://openbiblestories.org/l/bcq/story-8/

![](https://cdn.door43.org/obs/jpg/360px/obs-en-08-01.jpg)

ዮሴፓጋ ባቢ ይ ኢችንድ ካንግ ቤሽ ይ ⶡኒ ይስቱ። ይሲንድ ኢሣይቅን ኡካር ባ ፔትንሱⶥ አጵሚስ አጵሙ። ጋሀ ኤንጋ ናባም ዮሴፕ ኢችንዲ ይ ኩርቂ ኢቼንድ። ⶦድ ቤርግ ጌሽን ያይቆቢ ቃጽ ኤርጋንቂ ይስቲ ማጥን ጎቅን ባ ጊዝንዲስ ኪንቂ ይስኬንድ ባ ኢችንዲስ ይሲ ሀንቂ ቤቄ ማኪ ይ ⶡና ባ ይስኩ ባ ናሢስ ዎሲ ቲሡ።

![](https://cdn.door43.org/obs/jpg/360px/obs-en-08-02.jpg)

ዮሴፒ ባ ኢችንድ ዳድን ዬኢ አታጉⶥን ይ ኡጢ ይዎጥኒ ኦሽትኔድ፤ ካሲ ባምቃን ይ ቦኪ ይ ኢራታሲ ዡላሲ ፔሽኪ ግጥናስንዴሽን ይ ጎቴንዴ።

![](https://cdn.door43.org/obs/jpg/360px/obs-en-08-03.jpg)

ይ ኢችንዲ ፑርቅን ባና ይ ቲሥንሱⶥ ሺችንሲ ይ ሲማሪስ ኬሥ ሱታም ቦጢ ውርሴንድ። ዮሴፕ ሲማራ ኡⶢስ ይባቢቤቂኤሬማኪይባቤሽንቲሤንዴ።ያይቆቢባናሢስጾጣቂኡጢዎጡዌማኪሶይሲአይኒቃጽዬኩዌ።

![](https://cdn.door43.org/obs/jpg/360px/obs-en-08-04.jpg)

ኡⶣጋ አባም አሥ ጊጥናጌንዲ ዮሴፒስ ጎቲ ኤቲ ጊብጽቃን ሀንቄንድ። ኡⶣጋ አባም ጊብጻ አባይ ሲእ ጌⶭን ጊጻንቃ ይስኬናጋ ኤዛጋ ካታማ ሀካሜናን ይስቴኔ። ጊጥናስንዲ ዮሴፒስ ጊብጽ ዶድ ኡካራ ኬሔትናሳ ማጤሽን ቃም አሢ ጎቴንድ። ዮሴፒ ኡካራ ኡⶤሽን ሶይ ማኪ ዎስኪ ቃይጺ ይስቱ፤ ዬርንድ ዮሴፓ ባን ፔታንቂ ይ ዲሩዌ።

![](https://cdn.door43.org/obs/jpg/360px/obs-en-08-05.jpg)

ናሳ ኡካራ ኡⶥ ማሽታ ዮሴፓ ባና ሱርና ይ ቆላ ኢራታሴን። ይ ፔታስን ዮሴፒ ዬራጋ አፕም ጩቡ ቃይጻሽድኒ ኢቹዌ። ውሲንድ ቃጽ ያንቃ ዶንታ አጣጣም ይ ሱም ባይሳ ኬአ ይ ኡጣሴን። ኡⶣም ኡስቲ ጽያጽ ኬትካን ቦስቱ። ይሲንድ ጽያጽ ኬትካን ይስታሲ ዬራም ጊባትኒ ሶይ ቃይጺ ይስቱዌሽን ዬሪ ይያባና ፔቲ ይ ዲሩዌ።

![](https://cdn.door43.org/obs/jpg/360px/obs-en-08-06.jpg)

ዮሴፒ ኢት ቃይፋርጉⶥ ሶይናስ ፔታሲ ናም ቤርግ ዴብም ጽያጽ ኬትካን ይስቱ። ኡⶣጋ አባም ማጥን ጎቅን ጡማስን ጊብጽ ትያታ ፓሮኒ ቃጽ ይ ኢራታሲ ይ ማይ ቆጤንድ ናም አጵሚስ አጵሙ። ይ ኪታጌንድቃን ማጥናሳጎን ይ አጵምማ ኡⶥ ፖርሺስ ይስን ሀይጥኒ ሀካርጌንዴ።

![](https://cdn.door43.org/obs/jpg/360px/obs-en-08-07.jpg)

ዬሮሥንዲ ዬሴፔሽን አጵሚስ ይሲ ፖርሽንሱⶥ ኡሢስ ኡሥንሲ ይስቱዌ። ፓሮኒ ባ አጵሚስ ይሲ ፖርሼ ማኪ ጽያጽ ኬትካን ይ ኬሲ ባ ዳድን ይ ኤቲ ዬኡ። ዮሴፒ ይ አጵማ ኡⶢስ ይስን ፖርሽኪ ሀይጡዌ። ይሲንድ «ዬሪ ዶድ ቶሕን ናፕም ቤርግ ሀክ ክያጳጋ አብ አሥንሱዌ። ካሲ ኡⶥ ጌሽን ናፕም ቤርግ ቤሊስ ዶሥንሱዌ፤ (ቲሥንሱዌ)» ማኪ ሀይጡ።

![](https://cdn.door43.org/obs/jpg/360px/obs-en-08-08.jpg)

ኡⶣም ፓሮኒ ቃጽ ታሢ ፔሽኪ ዮሴፒስ ጊብጽ ዶድ ቶሕን ካንግ ኡካርሱዌ፤ ዮሴፒ ጊብጽ ዶድን ፖሮን ዱንጋም ናምናስኑⶥ ኤዛጋ ኡካር ፔቱዌ።

![](https://cdn.door43.org/obs/jpg/360px/obs-en-08-09.jpg)

ዮሴፒ ናፕም ክያጳጋ ቤርግንዳም አሢ ባ ሙአ ባ ቃይጹⶢስ ጎታርቃን አኪ ዱብዳስንሱዌሽን ሀይጡ። ምያታጋ ሙእ አፒስ ጎታራም ታቁዌ። ኡⶣጋ ጌሽን ቤሊ ዶንቲ አሥ ኢራታሳጉⶥን አሤሽን ሙአ ኡⶢስ ኬሲ ጎቴንዴ። ኡⶣም አሢ ባም ቤድንሱ ሙእ ያኪ ቤይስታርጉ ሺዴንዴ።

![](https://cdn.door43.org/obs/jpg/360px/obs-en-08-10.jpg)

ቤላ ዶንቱⶢ ጊብጽ ዶድን ካይ ኤሳራጊ ያይቆባ ይ ንያእንዳይ ይስን ቶክንሲ ይስኩ ካናአን ዶድኒንድ ይስቱዌ።

![](https://cdn.door43.org/obs/jpg/360px/obs-en-08-11.jpg)

ያይቆቢ ጊብጽቃን ሙኢ ይስኩⶥ ባና ሲስኩⶣም ባ ንያእንዲስ ዎሲ ቲሡ፤ ዮሴፒ ይ ኢችንዲ ሙእ ጎትኒ ዬኢ ይ አፕም አቲ ይጣጉⶥን ኢሣይቅኒስ ኤሩ፤ ኢሣይቅኒ ዮሴፕ ይሲ ፔቱⶢስ ይ ኤራርጌንዴ።

![](https://cdn.door43.org/obs/jpg/360px/obs-en-08-12.jpg)

ዮሴፒ ባ ኢችንዲስ ውⶣ ባ ቤቁ ጌሽን ኢሣይቅኒስ «ሼራሺድንዴ፣ ታና ይንታይቅን ኢቻ ዮሴፓ ጊዛዎ፣ ይንታይቅኒ ቃም አሢ ታ ጎቱዎዳ ዬሮሥንዲ ኡⶢስ ሶይ አሢ ሻዲ ሀⶥን ታ አሡዌ፤ ኤስን ሀⶥ ጊብጽቃን ዬኢ ዶዳሀⶥንቶኪይስትንዴ፤ይንታይቅኔሽናይንትኬትአሥንዴሽናኮይስቲይስኩⶢስታናካንግይሥንሱዌ!» ማኩ።

![](https://cdn.door43.org/obs/jpg/360px/obs-en-08-13.jpg)

ዮሴፓጋ ኢችንዲ ባ ዶድን ካርቲ ሀንቂ ዮሴፒ ካሣም ፕያጺ ይስኩⶢስ ይ ባባ ያይቆቤሽን ሀይጤንድ፤ ያይቆቢ ዮሴፒ ፕያጺ ይስኩⶢስ ባ ሲስኩⶣም ሶይሲ ካዥቁዌ።

![](https://cdn.door43.org/obs/jpg/360px/obs-en-08-14.jpg)

ያይቆቢ ቃጽ ኤርጋንቂ ይስታሲ ባ ኬት አሥንዳ ባና ጊብጽቃን ሀንቂ ቶኪ ይስቱ። ያይቆቢ ጋሥ ሀይባርጉ ይስቲ ባ ንያእንዲስ ኢሣይቅን ማጥማጣም ዲሩዌ።

![](https://cdn.door43.org/obs/jpg/360px/obs-en-08-15.jpg)

ዬሪ አብርሃሜሽን ዎግኒ ታሥ ኡሤንድ ጋህንዲ ይሲሀቄሽኒንድ ኤስቱዌ። ኡⶥ ጌሽን ያይቆቤሽን ኤስቱዌ። ካሲ ያይቆብ ንያእንዳ ታሕማ ናማዬሽኒንድ ኤስቱዌ። ያይቆብ ንያእንዳ 12 ኤንዲ 12 ኢስራኤል አሥንዳጋ ዛርንድ ፔቴንዴ።

*ጋሀሀንዲድያድማጻፕይይርⶣ 37-50 ሀክይስኩⶥካናጊዝዎ።*

## 9. ዬሪ ሙሴይስ ጼጉ

https://openbiblestories.org/l/bcq/story-9/

![](https://cdn.door43.org/obs/jpg/360px/obs-en-09-01.jpg)

ዮሴፒ ሀይቁ ጌሽን ይ አሥንዲ ባ ካንጊ ጊብጽቃን ቶክሲ ይስቴንድ። ኢሣይቅኒንድ ⶦዳጋ ቤርግ ይቃን ይስቴንዴ። ⶦዳጋ ንያእንዲንድ ዬይሲ ኢስራኤል አሥንድ ማስቲ ጼስቲ ይስቴንዴ።

![](https://cdn.door43.org/obs/jpg/360px/obs-en-09-02.jpg)

ⶦድ ባል ቤርግንድ ይስቲ ኢሣይቅን ፕያዲ ቃጽ ቤሹ፤ ጊብጽ አሥንዲ ዮሴፒ ኢሣይቅኔሽን ኡካርኒ ጋሥኑⶢስ ካንግ ብያቴንዴ። ኢስራኤል አሥንድ ፕያዲ ጌቢ ቤሺ ሀንቂ ይስኩⶢስ ቤቅንሲ ጊብጽ አሥንዲ ቃጽ ሼርቄንዴ። አባ ኡⶣም ጊብጽ ዶድ ቶሕን ትያትንሲ ይስቱ ፓሮኒ ኢስራኤል አሥንዲስ ቃም አሢ ጎቱ።

![](https://cdn.door43.org/obs/jpg/360px/obs-en-09-03.jpg)

ጊብጽ አሥንዲ ኢስራኤል አሥንዲስ ንያላም ኬት ጊጻሲ ካታምንድ ኢሣይቅኒ ቃይጽንሱዌሽን ጊዳም ኢሥ ጋባራሴንዴ። ኢስራኤል አሥንዲ ኤዝ ኤዝ ቃይጽንዲስ ቃይጺ ሶይሲ ኢራትኔንድ። ይ ፔታስን ዬሮሥንዲ ኢሣይቅን ዲሪ ⶦዳጋ ንያእንዲስ ኢሣይቅኔሽን ኡሡዌ።

![](https://cdn.door43.org/obs/jpg/360px/obs-en-09-04.jpg)

ፓሮኒ ኢስራኤል አሥንዴሽን ⶦዳጋ ንያእንዲ ይስኩⶢስ ቤቁ። ኡⶣም ፓሮኒ ኢስራኤል እያን ንያኢ ዬይሳባን አባይ ሶእቃን ቦስቲ ሀይብምሱዌሽን ቲዛዝ ኡሡዌ።

![](https://cdn.door43.org/obs/jpg/360px/obs-en-09-05.jpg)

ኡⶢ ኤስ ፔታንቂ ይስታጉⶥ ኢስራኤል ማይና ማጣ እያን ንያኢስ ዬሌን። ውሲንድ ባ ኬት ባባ ባና ባ ንያአ ኡⶢስ ካዝ እያፕ አቼንድ።

![](https://cdn.door43.org/obs/jpg/360px/obs-en-09-06.jpg)

ኢሣይቅኒንድ ኡⶣጋ ዴብም ባ አችንሱ ሀካርጉ ሺዳንቂ ሶእ እያርስንሳርጉ ሳንት ሀይሲ ይቃን አርⶣ ኡⶥ ይሥንሲ አባይ ሶእ ጌⶭን ይስኩ ሳንቃን ይሥንሲ ሶእ ዴብም ቲሤንድ። ይ ሚቻ ይ አፓርቅኔና ሀራጊ አርⶣ ኡⶥ ዴብም አትንሳን ቤቅና ይ ቢራ ጉድና ዎብታ ይስቴኔ።

![](https://cdn.door43.org/obs/jpg/360px/obs-en-09-07.jpg)

ፓሮናጋ ናማ ሳንታ ኡⶢስ ቤቅንሳ ይ ጎብቃን ሀራጊ ይስታን ቤቅና ኖታጉⶥን ንያአ አርሺ ይቃን ይስትን ቤቄን። ውሲንድ ኤታ ሀንቃ ባ ንያእ አሤን። አርⶣ ኡⶢስ ባምም ቃምሴን ኢስራኤል ማይና ማጤሽን ጊዝ ቆጻ ቃምሤኔ። ውሳ ውስን ጊዝ ቃጻ ቃምሣ ይስቴና ናንሣ ኡⶢስ ዬሌን ይ ባይ ፔቱⶢስ ኤራርጉⶣን ይስቴኔ። አርⶣ ኡⶥ ባያ ይ ቃንቃ ይስቴና ኢቂ ጥያም ይሲ ሺቻጉⶥንኤታ ሀንቃ ፓሮን ናሜሽን ካርሳ ኡሤን። ኡⶣም ፓሮን ናማ ይሱሚስ «ሙሴ» ማካ ሱምሤኔ።

![](https://cdn.door43.org/obs/jpg/360px/obs-en-09-08.jpg)

ማጥን ጎቅን ሙሴይ ባ እጉ ጌሽን ጊብጽ አሣ ማጢ ኢስራኤል አሢስ ዴክኒ ይስትን ቤቁ። ይሲንድ ባ አሥ ፔቱⶥ ኢስራኤል አሢስ ፕያሥኒ ካፕሙ።

![](https://cdn.door43.org/obs/jpg/360px/obs-en-09-09.jpg)

ሙሴይ ኤራሲ ባ ቤቃርጉዌ ማኪ ታሥንሲ ጊብጽ አሣ ኡⶢስ ዎጢ ዱኩዌ። ይ ፔታስን ሙሴይ ቃይጹⶢስ ማጣጋ አሢ ቤቅንሲ ይስቱዌ።

![](https://cdn.door43.org/obs/jpg/360px/obs-en-09-10.jpg)

ሙሴይ ቃይጹⶢስ ፓሮኒ ሲስክንሲ ይ ዎጥኒ ኩዩ። ኡⶣም ሙሴይ ፓሮን ዎታዴርንድ ኩችካን ባ ካሥ ፕያሥንባኑዌሽን ዶንቲ ጊብጽቃን ይስቲ ዶዳ አሢ ይስን ቶካርጉⶥን ኮልን ባኢ ሀንቁዌ።

![](https://cdn.door43.org/obs/jpg/360px/obs-en-09-11.jpg)

ሀካጋ ዶዳ ምድያም ማስቲ ይስኩⶥን አቲ ሙሴይ ዶር ኪምናስ ፔቱ። ዶዳ ኡⶥን ማይን እያርሲ ናም እያን ንያእ ዬይሱዌ።

![](https://cdn.door43.org/obs/jpg/360px/obs-en-09-12.jpg)

ማጥን ጎቅን ሙሴይ ባ ማች ባህ ዶር ኪንቂ ይስታጉⶥን ጉዳጋ ባስን ኩእቃን ታማ ሳንቂ ይስኩⶢስ ቤቁ። ይ ፔታስን ጉአ ኡⶢ ቡንቃርጉⶣን ይስቱዌ። ሙሴይ ፒካሲ ቤቅኒ ኩአ ኡⶥ ዳድን ዬኢ ሺኩ። ሳንቂ ይስኩ ታም ዳድን ይሲ ሺካጉⶥን ዬሮሥንድ ካሢ «ዎ ሙሴዎ! ኔና ይስን ይጥንሳ ይስኩⶥ ኩሢ ሀናስ ፔቱኡዌሽን ኒ ቶእቃኑⶥ ጫማ ጋዞ!» ማኩ።

![](https://cdn.door43.org/obs/jpg/360px/obs-en-09-13.jpg)

ካሲ ዬሮሥንዲ፣ «ታ አሥንዳጋ ኢራትስ ታ ቤቁዌ። ኒይስ ፓሮን ዳድን ዎሳ ታ ቲሥንሱዌ፤ ኔኒንድ ኢስራኤል አሥንዲስ ጊብጽ ቃም ኬትካን ይሣ ኔ ኬስንሱዌ። አብርሃሜሽና፥ ይስሀቄሽና፥ ያይቆቤሽና ታሥ ኡሣ ታ ሀይጤን ካናአን ዶዲስ ኢሣይቅኔሽን ኡሥንታኑዌ« ማኪ ይስን ሀይጡ።

![](https://cdn.door43.org/obs/jpg/360px/obs-en-09-14.jpg)

ሀማጊ ኢስራኤል አሥንዲ «ኦናጊ ኒ ዎሲ ቲሣዴዎ? ማኪ ታ ኦጫን ኦናጊ ታ ዎሱዌ፣ ማካ ኢሣይቅኔሽን ታ ሀይጥንሱዌዎ?» ማኪ ዬር ኦጩ። ዬሪ ሙሴን «ታና ይስኩⶣ ይስትንሱⶣ ጊዛዎ! ይስኩⶣ ይስትንሱⶣጊ ታ ዎሲ ቲሡዌ ማካ ሀይጦ» ማኩ።

![](https://cdn.door43.org/obs/jpg/360px/obs-en-09-15.jpg)

ሙሴይ ባ ሼርቁዌሽን ፓሮን ዳድን ሀምሚ ኮያርጉዌ። ይሲንድ ጋሂስ ጋሀ ታና ሀካርጉⶣ ጊዛዎ ማኪ ታሢ ይስቱ። ኡⶤሽን ዬሪ ሙሴ ኢቻ አሮኒ ይስን ጋሥኒ ይያ ባና ሀምምሱዌሽን ሀይጢ ቲሡ። ዬሮሥንዲ ሙሴያ፥ አሮናዬሽን ፓሮን ማይስ ባ ዱጻስንሱⶥ ፔቱⶢስ ኬንዛሲ ሀይጥንሲ ባ አሥንዲስ ይሲ ፖንሥንሱዌሽን ዎሲ ቲሡዌ።

*ጋሀሀንዲዜጻአትማጻፕይይርⶣ 1-4 ሀክይስኩⶥካናጊዝዎ።*

## 10. ታሕማጋ ዬማትንድ

https://openbiblestories.org/l/bcq/story-10/

![](https://cdn.door43.org/obs/jpg/360px/obs-en-10-01.jpg)

ሙሴያ አሮና ዶንቲ ፓሮን ዳድን ሀንቄንድ። ፓሮኔሽን «ኢስራኤል ካሐ ዬሮሥንዲ ታ አሥንዲስ ፖንሦ! ማኪ ይስኩዌ፣» ማኪ ሀይጤንድ። ይ ፓቴስን ፓሮኒ ሲሳርጉዌ። ኢስራኤል አሥንዲስ ባና ፖንሥንሱ ቆድን ካርሲ ኤዝ ኤዝ ቃይጽ ኢሣይቅኒ ቃይጽንሱዌሽን ይሢ ጊዳም ኢሥ ቃይጻሱዌ።

![](https://cdn.door43.org/obs/jpg/360px/obs-en-10-02.jpg)

ፓሮኒ ኢስራኤል አሥንዲስ ፖንሣሽድኒ ኢቹ። ኡⶣጋ ናባም ዬሮሥንዲ ጊብጻጋ ዶድ ቶሕን ታሕሕግሕሕሕሕሕሕህ \ህሁይሕማጋ ዬማትንዲስ ቲሡ። ዬሮሥንዲ ዬማትንዳ ኤንዳም ጊብጽ አሥንድ ካሕንድ ካንግ ዴብም ካማም ሀካሙⶥ ባና ፔቱⶢስ ፓሮኔሽን ቤሱዌ።

![](https://cdn.door43.org/obs/jpg/360px/obs-en-10-03.jpg)

ህግግፍ ዬሪ አባያጋ ሶኢስ ሻዲ ሱት አሡ፤ ይ ፔታስን ፓሮኒ ኢስራኤል አሥንዲስ ፖንሳርጉዌ።

![](https://cdn.door43.org/obs/jpg/360px/obs-en-10-04.jpg)

ክካሲ ይዬሮሥንዲ ግጊብጽ ድዶድይዩዝዝፍስዱው ዬሮሥንዲ ካሲ ጊብጽ ዶድ ቶሕን ካንግ ምያግንዶⶭንዲስ ቲሡ፤ ፓሮኒ ሙሴይ ዬር ዳድን ጾኪ ምያግንዶⶭንዲስ ባይስንሱዌሽን ቆሉ፤ ሙሴይ ጾክን ምያግንዶⶭንዲ ባ ካንግ ሀይቄንዴ። ኡⶥ ጌሽን ፓሮኒ ኢስራኤል አሥንዲ ጊብጽቃን ይስቲ ኬስንሱⶢስ ናጊ ሺቹዌ።

![](https://cdn.door43.org/obs/jpg/360px/obs-en-10-05.jpg)

ክካሲካኣትክክክክክክክካሲ ዬሮሥንዲ ውይትውይቲስ ቲሡ፤ ኡⶥ ጌሽን ውጽውጻ ዛላ ሳአጌንዲስ ቲሡ። ፓሮኒ ሙሴያ አሮናይስ ጼጊ አሥንሲ ዬማታ ሀንዲ ይጢ ባአማን ኢስራኤል አሥንዲስ ፖንሣ ባ ቲሥንሱዌ ማኩ። ኡⶣም ሙሴይ ጾክን ውጽውጺ ባ ካንግ ዶድ ቶሕን ባኡ። ይ ፔታስን ባ ማይ ዱጻስንሲ ኢስራኤል አሥንዲስ ፖንሢ ቲሣርጉዌ።

![](https://cdn.door43.org/obs/jpg/360px/obs-en-10-06.jpg)

ኡⶡ ` ኡስድኡኡህድብስበኡⶣጋ ጌሽን ዬሮሥንዲ ጊብጻጋ ጊዝንዲ ባ ካንግ ፑርስቲ ሀይብምሱዌሽን ይሡ። ኡⶣጎን ኤስ ፔታስን ፓሮን ማዪይ ዱጽናንቂ ኢስራኤል አሥንዲስ ፖንሣርጉዌ።

![](https://cdn.door43.org/obs/jpg/360px/obs-en-10-07.jpg)

ይዬርፅህድኡኡውዬትዬሮሥንዲ ሙሴይ ፓሮን አፕም ጽያክኒስ ሀይቅን ጫርቃን ካርሲ ፓካስንሱዌሽን ሀይጡ። ጽያክኒስ ሙሴይ ፓካሳጉⶥን ጊብጽ አሥንድ ጉዝን አዲ (ኩርሲ) ካንግ ኬስኩ። ኡⶢ ኢስራኤል አሥንድ ጉዝን ካሳርጉዌ፤ ፓሮን ማይ ዱጽኑዌሽን ኢስራኤል አሥንዲስ ፖንሳርጉዌ።

![](https://cdn.door43.org/obs/jpg/360px/obs-en-10-08.jpg)

ኡኡኡ ኡⶣጋ ጌሽን ዬሮሥንዲ ጊብጽ ዶድ ቶሕን ኤዛጋ ዎላ፥ ኡርግናይስ ቲሥን ሙአ ካሙⶣ፥ አሣ ቡሕድን ይስኩⶣይ ዎጢ ውርሱ። ኡⶣም ፓሮኒ ሙሴያ አሮና ጼጊ አሥንሲ «ታና ዬርን ባይሳ ኢት ቃይጻንቁዌ፥ ኤስን ሀምሚ ሀክንሲንቱዌ» ማኪ ሀይጡ። ሙሴይ ጾክን ዎላ፥ ኡርግናይ ሀይቅን ጫርቃን ይስታ ቡካ ባ ይስኩⶢስ ይጡዌ።

![](https://cdn.door43.org/obs/jpg/360px/obs-en-10-09.jpg)

ህኡⶣጎን ፔታስን ፓሮኒ ካሲ ባ ማዪስ ዱጻስንሲ ኢስራኤል አሥንዲስ ፖንሣሽድኒ ኢቹዌ።

![](https://cdn.door43.org/obs/jpg/360px/obs-en-10-10.jpg)

ህካሲ ዬሮሥንዲ ጊብጻጋ ዶድ ቶሕን እያውዋጋ ቦምቢስ ኤቲ ዬኡ፤ እያውይ ኡርግኒ ባይሲ ቦርሱⶥ ሙኢስ ካንግ ሙኢ ታሽ ባይሱዌ።

![](https://cdn.door43.org/obs/jpg/360px/obs-en-10-11.jpg)

ኡⶣጋ ጌሽን ዬሪ ካዝ አቅ ጊብጽ ዶድ ቶሕን ኡርዲስ ቲሡ። ጊብጽ አሥንዲ ኬትን ይስታ ባ ኬስንሱⶥ ሀካራጊ ሺዳጉ ሀክ ዶዲ ኡርዲ ⶢፕ ጡጱ። ኢስራኤል አሥንዲ ይስን ይስኩⶥ ዶዲ ጡሚ ኡርዳርጉዌ።

![](https://cdn.door43.org/obs/jpg/360px/obs-en-10-12.jpg)

ኡኡዬማታ እርስትን ኤንዲ ይሢ ቤስታስን ፓሮኒ ኢስራኤል አሥንዲስ ፖሣሽድኒ ኢቹ። ፓሮኒ ባ ማይዱጻስንሲ ኢቹዌሽን ዬሪ ይ ውርን ማጣጋ ዬማቲስ ቲሥኒ ታሡዌ። ኤስን ኡⶣጊ ፓሮን ማዪይስ ሻድኒ ሀክንሱዌ።

*ጋሀሀንዲዜጻአትማጻፕይይርⶣ 5-10 ሀክይስኩⶥካናጊዝዎ።*

## 11. ማዳካም ባር

https://openbiblestories.org/l/bcq/story-11/

![](https://cdn.door43.org/obs/jpg/360px/obs-en-11-01.jpg)

ዬሮሥንዲ ፓሮኒ ሀማጊ ኢስራኤል አሥንዲስ ፖንሣሽድኒ ኢቻን ጊዛ አሣጋ ኡዝ እያን ንያእንዲ ዎጣ ባ ውርስንሱⶢስ ኬንዛሲ ሀይጡ። ፓሮኒ ኡⶢስ ሲስክንሲ ዬራም ጊባትና ኢስራኤል አሥንዲስ ባ ፖሥንሱⶢስ ኢቹዌ።

![](https://cdn.door43.org/obs/jpg/360px/obs-en-11-02.jpg)

ዬሪ ይያም ጊባትኒ ይስኩ አሣ ኦናጎን ይፔታን ይ ኡዝ ንያኢስ ባ ፕያሥንሱⶥ ቦዲስ ዬሻሱዌ። ኡⶥ ይሲንድ አሢ ባ ማጥማጣም ባ ኬትን ዶራማጢስ ዬሻሲ ⶡፕምሱዌሽን ሀይጡ።

![](https://cdn.door43.org/obs/jpg/360px/obs-en-11-03.jpg)

ዬሪ ኢስራኤል አሥንዲ ዶር ⶡኪ ይ ሱትስ ባ ⶣንቅ ሜግን ቦጢ ይ አⶪስ ቃራ ቡዳም ብታሲ ሙእንሱዌሽን ሀይጡ። ካሲ ቃዝቂ ኡⶢስ ባ ሙኡ ጌሽን ጊብጽቃን ባ ኬስንሱዌሽን ኢሣይቅኒ ዬሽንሱዌሽን ሀይጡዌ።

![](https://cdn.door43.org/obs/jpg/360px/obs-en-11-04.jpg)

ኢስራኤል አሥንዲ ዬሪ ቲዛዝ ኡሢ ሀይጡⶢዎጥን ካንጉⶥ ቃይጺስ ይሢ ዬሼንድ። ዶዲ ዴንት ጾጽ አታጉⶥን ዬሪ ጊብጽ ዶድ ቶሕን ካንግ ጉድኒ ዎብቲ ኡዝ ንያእስ ይ ካንግ ዎጡ።

![](https://cdn.door43.org/obs/jpg/360px/obs-en-11-05.jpg)

ኢስራኤልአሥንድኬቲባካንግሱታምቦጣንቂይስቱዌ።ዬሪሱትቦጣንቂይስኩⶥኬትንኤጋምአቲሀንቁ፤ኬታኡⶥጎብቃንይስኩⶥአሢስካንግፕያሡ፤ኢስራኤልአሥንዲዶራⶾባልሱታምባሜግⶣንቅቦጢፕያጼንዴ።

![](https://cdn.door43.org/obs/jpg/360px/obs-en-11-06.jpg)

ይ ፔታስን ጊብጽ አሥንዲ ዬራም ጊባትናርጌንዴ። ይ ቲዛዝንድ ይሣርጌንዴ። ኡⶤሽን ዬሪ ኢሣይቅን ኬት ዴብም ጻልቂ ኤጋም አታርጉ ኢሣይቅን ኡዝ ንያኢስ ካንግ ዎጢ ውርሱዌ።

![](https://cdn.door43.org/obs/jpg/360px/obs-en-11-07.jpg)

ጊብጽ ዶድ ቶሕን ጽያጽ ኬትካን ይስኩⶥ ኡዝ ንያእን ጋድንሲ ፓሮናጋ ኡዝ ንያእ ሀክ ጊብጽ አሥንዳጋ ኡዝ ንያአ እያኒ ባ ካንግ ሀይቁ።አሢ ባ ካንግ ኤዛጋ አይናም ዶድ ቶሕን ካንግ ኬኢ ዬኩዌ።

![](https://cdn.door43.org/obs/jpg/360px/obs-en-11-08.jpg)

ጡማኡⶣምፓሮኒሙሴያአሮናጼጊአሥንሲ «ኢስራኤልአሥንዲስኤቲክያምሀⶥዶንቲሀምምንዴ፣» ማኪሀይጡዌ።

*ጋሀሀንዲዜጻአትማጻፕይይርⶣ 11፥1-12፤32 ሀክይስኩⶥካናጊዝዎ።*

## 12. ኢስራኤል አሥንዲ ጊብጽቃን ይስቲ ኬስኬንድ

https://openbiblestories.org/l/bcq/story-12/

![](https://cdn.door43.org/obs/jpg/360px/obs-en-12-01.jpg)

ኢስራኤል አሥንዲ ጊብጽቃን ይስታ ባ ኬስኩዌሽን ሶይሲ ካዥቄንድ። ኢሣይቅኒ ኤስን ሀⶥ ጌሽን ቃም ኤሳርጌንዴ። ዬሪ ታሥ ኡሤንድ ዶድን ኤስን ሀንቅያን ይስኬንዴ። ጊንጽ አሥንዲ ኢሣይቅኒ ኦጩⶥ አንሣ፥ ቢሪያ፥ ቂጻይስ ካንግ ኢሣይቅኔሽን ኡሢ ቲሤንዴ። ዱማርንድ አሥንዳ ዬራም ጊባትኔንዲንድ ኢስራኤል አሥንዳ ባና ኬስኪ ሀንቄንዴ።

![](https://cdn.door43.org/obs/jpg/360px/obs-en-12-02.jpg)

ዬሮሥንዲ ኢሣይቅን አፓርቅን አታንቂ ፓዥዴንት ጳዳጋ ዱልዱል (ⶾም) ቡታም፣ ጡማስን ጳዳጋ ታም ሳም ቡታም ቤሲ ኤቲ ሀንቂ ይስቱዌ። ዬሪ ካንግዎይን ኢሣይቅኒ ሀማጉⶥን ኢሥ ቤሲ ይስቱዌ። ኢሣይቅኒ ይ ዳቢ ሀምሱዌሽን ሀይጡዌ።

![](https://cdn.door43.org/obs/jpg/360px/obs-en-12-03.jpg)

ኮት አብ ጌሽን ፓሮና ጊብጽ አሥንዳይ ባ ታሥ ሻዲ ኢስራኤል አሥንዲ ካርቲ ዬኢ ባ ቃም አትንሱⶢስ ኮዬንድ። ዬሪ ባ ካይ ኢክ ካሕ ፔቱⶢስ ኢሣይቅኒ ቤቅንሱዌሽና፥ ይሲ ይስቱⶣ ይስትንሱⶥ (ያህዌ)፣ ካሲ ፓሮናጋካሕንድዴብምካምሀካሙⶥይሲፔቱⶢስኢሣይቅኒኤርንሱዌሽንፓሮኒካሲሀይጣስኒሲሳርጉአሡዌ።

![](https://cdn.door43.org/obs/jpg/360px/obs-en-12-04.jpg)

ኡⶣም ፓሮኒ ባ ማይትናስንድ ዶንሢ ኤቲ ኢስራኤል አሥንዲስ ካርስኒ ኢሣይቅን ያፓርን ብያርትኒ ሀንቁ። ኢስራኤል አሥንዲ ጊብጽ ማይትናስንዲ ዬኢ ይስኩⶢስ ባ ቤቁⶣም ባሀራማ ፓሮን ማይትናስንዳማ ቆራስና ኡስታ ባ ይስኩⶢስ ኤሬንድ። ቃጽ ሼርቃንቂ «ሀር ጎዥቃንቆ ጊብጽቃን ይስታ ኬስካኖ? ኤስን ሀይቃ ውራን ኑ ይስኩዌ!» ማኪ ኬኤንዴ።

![](https://cdn.door43.org/obs/jpg/360px/obs-en-12-05.jpg)

ኡⶣም ሙሴይ ዶንቲ ኢስራኤል አሥንዲስ «ሀይቂ ጪር ሼራሺድንዴ! ዎይንቴን ዬሮሥንዲ ይንታይቅኔሽን ጫድኒ ይንት ፕያሥንሱዌ!» ማኪ ሀይጡ። ካሲ ዬሪ ሙሴሽን፣«ኢስራኤል አሥንዲ ዞቅ ባሀርን ቦዳምሀምምሱዌሽን ሀይጦ» ማኩ። ኡⶥ ጌሽን ዬሪ ጊብጽ አሥንዲ ኢስራኤል አሥንዲስ ቤቅንሳርጉዌሽን ዱልዱል ቡቲስ ኢሣይቅን ዴንት ጾጽቃን ይሡዌ።

![](https://cdn.door43.org/obs/jpg/360px/obs-en-12-06.jpg)

ዬሪ ሙሴሽን ባሀራጋ ዴብም ባ ኩች ፓራሲ ሶእስ ይሲ ቤⶥክንሱዌሽን ሀይጡ። ኡⶣም ባሀር ሶኢስ ዴጎጥን ይሥንሲ ይ ጎባማም ቦዲ ይስትንሱዌሽን ናርሳም ሶኢስ አዳርና ኡⶫርና ኤካ ሀካ ቤⶥኩዌ።

![](https://cdn.door43.org/obs/jpg/360px/obs-en-12-07.jpg)

ኢስራኤል አሥንዴሽን ሶኢ ኤጋማ ሀጋማ ዴግ አታም ይ ጾጻም ዶዳ ኮልን ሀንቂ ሴጋም ኬስኬንዴ።

![](https://cdn.door43.org/obs/jpg/360px/obs-en-12-08.jpg)

ኡⶥ ጌሽን ዬሮሥንዲ ጊብጽ አሥንዲ ኢስራኤል አሥንዲ ፖትኒ ሀንቂ ይስኩⶢስ ቤቅማኮ ማኪ ዱልዱሊስ ዶንሡ። ጊብጽ አሥንዲ ኢሣይቅን ያፓርን ዳቢ እያርደንዴ።

![](https://cdn.door43.org/obs/jpg/360px/obs-en-12-09.jpg)

ጊብጽ አሥንዲ ባሀርቃን እያርዳጉⶥን ዬሪ ኢሣይቅኒስ ቃጽ ኢራታሲ ኢሥ ፓር ጋርንዲስ ጌሻም ካርሲ ቱኩ። ኡⶣም ጊብጽ አሥንዲ «ጌሽ ካርትንዴ! ዬሮሥንዲ ኢስራኤል አሥንዴሽን ጫድኒ ይስኩዌ!» ማኪ ኬኤንዴ።

![](https://cdn.door43.org/obs/jpg/360px/obs-en-12-10.jpg)

ኢስራኤል አሥንዲ ሶያም ሴጋም ኬስኩ ጌሽን ዬሪ ሙሴን «ኒ ኩቺስ ባሀር ዴብም ካርሳ ፓራሶ!» ማኪ ሀይጡ። ይሲንድ ካርሲ ባ ኩቺስ ፓራሳጉⶥን ባሀር ሶኢ ጊብጽ አሥንድ ዴብም ካርቲ ኮⶥኩዌ። ኡⶣም ጊብጽ አሥንዲ ባሀር ሶአም ቆስቴንዴ።

![](https://cdn.door43.org/obs/jpg/360px/obs-en-12-11.jpg)

ኢስራኤል አሥንዲ ጊብጽ አሥንዲ ሀይቂ ውሩⶢስ ባ ቤቁⶣም ዬራም ጊባትኔንዴ። ካሲ ሙሴይ ዬራጋ ኮናስ ፔቱⶢንድ ጊባትኔንዴ።

![](https://cdn.door43.org/obs/jpg/360px/obs-en-12-12.jpg)

ካሲ ኢስራኤል አሥንዲ ዬሪ ዎጥቃና ቃም ጎስትካና ኢሣይቅን ኬሱዌሽን ቃጽ ካዥቄንዴ። ሀⶥ ዬርን ጎይና ባ ዎስካ ቃይጽንሱዌሽን ቃም ጎትካን ኬስኬንዴ። ኢስራኤል አሥንዲ ዬሪ ጊብጽ ማይትናስንድ ኩችካ ኢሥ ፕያሡዌሽና ዎጥቃና ቃም ጎትካና ባ ኬስኩዌሽን ዬሪስ ዎብሲ ይያም ባ ይ ጋላትንሱⶥⶦዳጋ ሻሊስ ሻሌንዴ።

![](https://cdn.door43.org/obs/jpg/360px/obs-en-12-13.jpg)

ዬሪ ዎሳሳማን ጊብጽ አሥንዲስ ጋምሢ ቦክንሲ ቃም ኬትካን ኢሣይቅን ኬሲ ፕያሣሳን ኢሣይቅኒስ ታሣስንሱⶥ ማዳካም ባሪስ ቤርጋም ቤርጋም ይሢ ኢሣይቅኒ ዎብስንሱዌሽን ኢስራኤል አሥንዴሽን ቲዛዝ ኡሡ። ኢሣይቅኒንድ ዶር እያጉላ ⶾባሊስ ⶡኪ ጻይድናርጉⶥ ቃራ ቡዳም ፓሺ ሙኢ ይያም ካዥቄንዴ።

*ጋሀሀንዲዜጻአትማጻፕይይርⶣ 12፥33-15፡21 ሀክይስኩⶥካናጊዝዎ።*

## 13. ዬሪ ኢስራኤል አሥንዳ ባና ዎግ ይሡ

https://openbiblestories.org/l/bcq/story-13/

![](https://cdn.door43.org/obs/jpg/360px/obs-en-13-01.jpg)

ዬሮሥንዲ ኢስራኤል አሥንዲስ ዞቅ ባሀር ቦዳም ቤሲ ኤቲ ባ ሀንቁ ጌሽን ዶዳ ኮልን ቦዳም ሲና ጉድ ማስቲ ይስኩⶥን ኤቲ ሀንቁዌ። ጉዳ ኡⶢ ሙሴይ ሀይቅን ይ ባስን ኩእቃን ታሚ ሳንቂ ይስትን ቤቁⶣ ጊዝዎ። ኢስራኤል አሥንዲ ጉዳ ኡⶣጋ ቶእቃን ባ ዱካም ኬትስ ቶኬንዴ።

![](https://cdn.door43.org/obs/jpg/360px/obs-en-13-02.jpg)

ዬሮሥንዲ፣ «ታ ሀይጢስ ሲስኪ ታ ትዛዛ ታ ዎጋይስ ባቃጊንታን፣ዎብሳካንቂ ይስኬንድ ዶዲስ ይንታይቅኔሽን ኡሣ፣ ትያትንድ ቆብምንዳ፣ ሀናስ አሥንዳይንት አሥንታኑዌ» ማኪ ሙሴሽና ኢስራኤል አሥንዴሽ ሀይጡ።

![](https://cdn.door43.org/obs/jpg/360px/obs-en-13-03.jpg)

ኢስራኤል አሥንዲ ካዞይን ዬምⶽ ኡጢ ጣልኒ ዬሹ ጌሽን ዬሮሥንዲ ዙያማ ድያድ ጊራማ፥ ⶹባማ ኤዛጋ ⶣሚት ፔይስኪ ይስኩⶥካሣማ ሀይቅን ሲና ዴብም ዎርትኑ። ሙሴ ኢካናናጊ ጉድ ባስን ኬስንሱዌሽን ሀይጣስኑዌ።

![](https://cdn.door43.org/obs/jpg/360px/obs-en-13-04.jpg)

ኡⶣም ዬሮሥንዲ ኢሣይቅኔሽን ዎጊ ሀይጢስ፣ «ይንታይቅኒስን ጊብጽ ቃም ኬትካን ኬሳ ፕያሡⶥ ይንት ካሐ ዬሮሥንዳ ያህዌሂ ታና ጊዛዎ! ዱማርንድ ካሕንዲስ ጎይናሺድንዴ» ማኪ ሀይጡ።

![](https://cdn.door43.org/obs/jpg/360px/obs-en-13-05.jpg)

ካሲ «ካሕንዳጋ አምሥንዲስ ቃይጻ ኢሣይቅኔሽን ጎይናሺዶ፣ ታና አይና ⶻንቃ ይስኩⶥ ካሐ ጊዛዎ፣ ታ ሱሚንድ ሀሪ ኒ ብያታም ጼጋሺዶ (ታ ሱሚስ ጋጽንሳርጉⶥ ጋህን ጼጋሺዶ፣) ⶣምባታጋ አቢስ ሶይሳ ጣላሳ ኔ ዎብስንሱዌሽን ታሦ፤ ኒ ቃይጺስ ይ ካንግ ሳፕምዎይን ቃይጾ፤ ይ ናፕም አቂ ኔና ካሽንሱⶣ፥ ታይስ ኔና ይያም ታሥንሱⶣ አባ ጊዝዎ» ማኩ።

![](https://cdn.door43.org/obs/jpg/360px/obs-en-13-06.jpg)

ካሲ ቃዝቂ «ኒ ባባ ኒ ባያይስ ዎብሶ።ዎጣሺዶ። ቤስ ዴብም ቤስ፣ ማሽት ዴብም ማሽት ኮያ ቢሣሺዶ።ዙካሺዶ። አጣጥ ጋሀሺዶ። ኒ ማጥናስ ማሽትስ ይ ኬትስ፣ ይ ሀስ ፔቱⶥ ቃይጺ ኤትና ኡልናሺዶ» ማኩ።

![](https://cdn.door43.org/obs/jpg/360px/obs-en-13-07.jpg)

ታሕም ቲዛዝንዳኤንዲስ ዬሮሥንዲ ንያላ ሚያሳስኑⶥ ናምጭን ጻፕምሲ ሙሴን ኡሡዌ። ካሲ ዬሪ ዱማርንድ ⶦዳጋ ሂጋ፥ ዳምባይስ ኡሡዌ። አሢ ሂግንዳ ኤንዲስ ባና ይሣን ዬሪ ኢሣይቅኒስ ባ ዲርንሱⶣ ኢሥ ባ ባቅንሱዌሽና ታሥ ኡሡ። ሂጋ፥ ቲዛዛ ኤንዳይስ ኢሣይቅኒ ባቃሺዳን ኢሥ ዴብም ማጋጭ ቦክንሱዌ።

![](https://cdn.door43.org/obs/jpg/360px/obs-en-13-08.jpg)

ካሲ ዬሮሥንዲ ዱካም ኬት ቃይጽኒ ኮዪይ ይስኬንዴሽን ቃይጻጋ ዶሲስ ኤርሳሱ። ዱካም ኬታ ኡⶥ ይስንድ ድያም ዱካም ኬት ማስቲ ይስኩዌ። ማንጻላታ ናማ ኤዛም ቆዳንቂ ይስኩⶥ ናም ዴጊ ይዬሽን ይስኩዌ። ዬሪ ይቃን ይስኩ ፔቱዌሽን ማንጻላታ ኡⶥ ጎብቃን ይስኩⶥ ኩሥካን እያርድኒ ሀክንሱⶢ ቆምባ ጉድ ኢካ ጊዝዎ።

![](https://cdn.door43.org/obs/jpg/360px/obs-en-13-09.jpg)

ዬራጋ ሂግ ይሣርጉⶥ አሣ ኦናጎን ባ ፔታን ዱካም ኬት ፑርን ይስኩⶥ ኡድ ኩሥን ዬርን ኡድ ፔትንሱⶥ ጊዚስ ኤቲ ዬኢ ኡሥኒ ሀክንሱዌ። ቆምቢ ጊዛ ኡⶡስ ⶡኪ ኡድ ኩሥ ዴብም ቡንሢ ይስቱዌ። ኡዳስኑⶥ ጊዝ ሱቲ ናሳ ኡⶥ ጩቡ ማራሲ ዬራጋ አፕም ይ ሶይሲ ጣላሲ ይስቱዌ። ዬራጋ ቆምቢንድ ኢሣይቅኒ ፔትንሱዌሽን ዬሮሥንዲ ሙሴ ኢቻ አሮና፥ ይ ዛርንዳይስ ኩርሱዌ።

![](https://cdn.door43.org/obs/jpg/360px/obs-en-13-10.jpg)

ኢስራኤል አሥንዲ ባ ካንግ ዬሪ ኡሡⶥ ትዛዚስ ባ ይሥንሱዌሽና ዬር ኢክ ባ ጎይንሱዌሽና፥ ዬርን ባድ አኣትንቃ ይስኩ አሥ ባ ፔትንሱዌሽን ⶡኔንዴ። ኡⶣጎን ይ ፔታስን ዬርን ባ ጎስትንሱዌሽን ዎግቃን ባ እያርዱ ኮት አብ ጌሽን ኢታጋ ጩቡ ቃይጼንዴ።

![](https://cdn.door43.org/obs/jpg/360px/obs-en-13-11.jpg)

ሙሴይ ⶦዳጋ አብ ሀይቅን ሲና ጉድ ባስን ዬራ ባና ጋርትኒ ይስቱ። አሥንዲ ይሲ ካርቲ አታጉ ሀክ ባቃ ባ ይስትንሱⶢስ ኩርቄንዴ። ኡⶥጋ ናባም አሮን ዳድን ባ አንሥ ⶣⶭአኪ ኤቲ ዬኢ ካሕ አምሥ ይሲ ቃይጽንሱዌሽን ይ ኦጬንዴ።

![](https://cdn.door43.org/obs/jpg/360px/obs-en-13-12.jpg)

አሮኒ ኦይዝ ንያእ አምሣም አንሣጋ ካሕ ቃይጹ። ኢስራኤል አሥንዲ ባም ኮይስታርጉⶥ ቦዳም ካሕንዳጋ አምሤሽን ጎይኒ ጋዴንዴ። ኡዲንድ ይስን ኡዴንድ፤ ኢሣይቅን ጩቡዋ ኡⶥ ናባም ዬሪ ቃጽ ኢሣይቅን ዴብም ያንቂ ባጪ ኢሣይቅን ባይስኒ ታሡዌ። ይ ፔታስን ሙሴይ ኢሣይቅኔሽን ጾኩ። ዬሪ ሙሴ ጾክ ሲስኪ ኢሣይቅን ባይሳርጉ ሺዱዌ።

![](https://cdn.door43.org/obs/jpg/360px/obs-en-13-13.jpg)

ሙሴይ ሀይቅን ጉድቃን ይስቲ ዎርትኒ ካሕ አምሣ ቃይጹⶥ ባ ቤቁⶣም ቃጽ ያንቂ ታሕም ቲዛዝንዲ ይስን ጻፑⶥ ንያላ ኤታ ዬአ ባይስኩⶢስ ፕያዚ ባሡዌ።

![](https://cdn.door43.org/obs/jpg/360px/obs-en-13-14.jpg)

ኡⶣም ሙሴይ ኢሣይቅኒ ቃይጹⶥ ካሕ አምሢስ ዎጢ ቡሕኒ ሚቃስንሲ ሶእ ዴብም ፓካሱ። ኡⶢስ አሥንዲስ ኡⶣሹዌ። ዬሮሥንዲ ኡⶣጋ ናባም ባ ዬማት ኤቲ ዬኢ ⶦዳስንዲስ ዎጡዌ።

![](https://cdn.door43.org/obs/jpg/360px/obs-en-13-15.jpg)

ሙሴይ ካርቲ ሀይቅን ጉድ ባስን ኬስኪ ዬሪ አሥንዲስ ማርንሱዌሽን ጾኩ። ዬሪንድ ሙሴ ጾክ ሲስኪ ኢሣይቅኔሽንማርይሡዌ።ሙሴይካሲባናባሤንድንያልቆድንዱማርስንያልኤቲዬኢታሕምቲዛዝንዲስጻፓሱ።

![](https://cdn.door43.org/obs/jpg/360px/obs-en-13-16.jpg)

ኡⶣጋ ጌሽን ዬሮሥንዲ ሲና ጉድን ይሢ ኢስራኤል አሥንዲስ ታሥ ባ ኡሤስን ዶድቃ ቤሲ ኤቲ ሀንቁዌ።

*ጋሀሀንዲዜጻአትማጻፕይይርⶣ 19፥34 ሀክይስኩⶥካናጊዝዎ።*

## 14. ዶዳ ኮልን ዡሊ ኢራትኔንድ

https://openbiblestories.org/l/bcq/story-14/

![](https://cdn.door43.org/obs/jpg/360px/obs-en-14-01.jpg)

ዬሮሥንዲ ኢስራኤል አሥንዳ ባና ዎግ ይሢ ይሲ ኡሡⶥ ቲዛዛ ሂጋይስኢሣይቅኔሽን ባ ሀይጡ ጌሽን ሲና ጉድን ይስቲ ዶንቲ ሀንቄንዴ። ዬሪ ባ አሥንዲስ ሲና ጉድን ይሢ ካናአን ዶዳ ኢሣይቅኔሽን ኡሥና ባ ሀይጤን ኤቲ ሀንቁ። ዱልዱላጋ ቡቲ ኢሣይቅን አፓርቅን አቲ ካናአንቃን ሀንቁዌ። ኢሣይቅኒንድ ይ ያፓርን ዳቤንዴ።

![](https://cdn.door43.org/obs/jpg/360px/obs-en-14-02.jpg)

ዬሮሥንዲ ዶዳ ኤኒስ ኢሣይቅን ዛርንዴሽን ኡሥባኑዌ ማኪ አብርሃማ፥ ይስሀቃ፥ ያይቆባዬሽን ሀይጥንሲ ይስቱዌ። ኡሻጎን ይ ፔታስን ዶዳ ኤንን ⶦዳጋ አሥ ዛርንዲ ቶክንሲ ይስቱ። አሥንዳ ኤንዲ ካናአን አሥንድ ማስቲ ይስቴንዴ። ኢሣይቅኒንድ ዬራም ጊባትኒ ጎይናርጌንድ አሥንዳ ጊዝዎ። አጣጥ ካሕንዴሽን ጎይኒ ⶦዳጋ ኢት ቃይጽ ቃይጺ ይስቴንዴ።

![](https://cdn.door43.org/obs/jpg/360px/obs-en-14-03.jpg)

ዬሮሥንዲ ኢስራኤል አሥንዴሽን፣ «ካናአን ዶድን ይስኬንድ አሥንዲስ ይ ካንግ ባይስንዴ። ኢሣይቅና ይንታ ⶡን ይሢ ኢሣይቅን ንያእንዲስ እያርሳሺድንዴ። ኢሣይቅን ካሕንዲንድ ካንግ ታሽ ባይስንዴ። ታና ሀይጣ ይስኩⶢስ ሲስኪ ይሣሺዳጊንታን ታ ቆድን ኢሣይቅናጋ ካሕንዴሽን ጎይንሲንቱዌ» ማኪ ሀይጡ።

![](https://cdn.door43.org/obs/jpg/360px/obs-en-14-04.jpg)

ኢስራኤል አሥንዲ ካናአን ዶድ ኬምም አቱⶣም ሙሴይ ኢሣይቅን ዛርቃን ማጥ ማጥ አሥ አኪ 12 አሥንድ ኩርሱ። ሀንቂ ኢሣይቅኒ ዶዱሳ ሀርኬሶጥን ሀርካ ይስታን ውⶢ ዝምሢ ቤቅንሲ ውዌ ማኪ ሀይጢ ቲሡዌ። ካናአንቃን ይስኬንድ አሥንዲ ዞላሳጎ? ጋምናሳጊሳን ኢሣይቅን ይሢስ ባ ኤርንሱዌሽን ሀንቂ ኢሣይቅኒ ዶዱ ቃⶢ ቤቅንሱⶢ ኮይስቲ ይስኩዌ።

![](https://cdn.door43.org/obs/jpg/360px/obs-en-14-05.jpg)

አሥንዳ 12 ኤንዲ ካናአን ዶድን ሀንቂ 40 አቅ ጉድኒ ዎብቲ ቤቂ ውርስንሲ ካርቲ ዬኤንዴ። ኢሣይቅኒንድ ባ ዎሲ ቲሤንድ ሙሴሽና ኢስራኤል አሥንዴሽና «ዶዱሳ ቃጽ ጪማ ሶያ ጊዛዎ! ሙኢ ውቃን ⶾንቂ ቦርታንቅያን ይስኩዌ፤» ማኬንድ። ይ ፔታስን ኢሣይቅንቃን ታሕማስንዲ «ውቃን ይስኬንድ ካታምንዲ ዞላጋ ንያል ማጋም ጊጺ ይንጻንቅያን ይስኩዌ። ውቃን ይስኬንድ አሥንዲ ዶርጋ ኤዛ ጣጣር ካያን ይስኬንዴ። ኢሣይቅን ዴብም ጫድ ኒኒ ፒርቃን ኢባሪ ኒሕ ዎጢ ውርስንሴንዳ ጊዝዎ!» ማኬንድ።

![](https://cdn.door43.org/obs/jpg/360px/obs-en-14-06.jpg)

ካሲ ኢሣይቅንቃን ናማስንዳ ያሱዋ፥ ካሌባይ «ካናአንቃን ይስኬንድ አሥንዲ ጳድ ካያ ዞላስንዳ ፔቱⶢ ኢባራ ጊዝዎ። ይ ፔታስን ዬሮሥንዲ ኒሕም ጫድንሱዌ፤ ኒኒንድ ኢሣይቅን ጋምሢ ዶዱቃን እያርድኒኑዌ፣» ማኬንድ።

![](https://cdn.door43.org/obs/jpg/360px/obs-en-14-07.jpg)

ኢስራኤል አሥንዲ ካሌባ፥ ያሱዋይ ሀይጡⶢስ ሲሳሽድኒ ኢቼንዴ። ሙሴያ፥ አሮና ዴብም ያንቂ ባጪ ይስቲ «ሀሬሽናን ኢታጋ ዶዳ ሀⶥን ኑ ኤቲ ዬአዴዎ? ማይት ጫዳም ሀይቃ ኑ ውርን ኑ ማይና ኑ ንያእንዳይ ቃም አቲ ጎስቴሽን ጊብጽቃን ኑና ይስታሳን ኑም ሶያ ጊዝዎ!» ማኬንድ። ኡⶣም አሥንዲ ዶንቲ ጊብጽቃን ባ ካርሲ ኤቲ ሀምሱⶥ ኡካሪስ ኩርስኒ ኮዬንዴ።

![](https://cdn.door43.org/obs/jpg/360px/obs-en-14-08.jpg)

ጋሀ ኡⶥ ናባም ዬሪ ቃጽ ያንቂ ድያም ዱካም ኬትን ዬኡ። ይሲንድ «ይንታይቅኒ ታ ዴብም ጌጺ ጊባትናሺድኒ ኢቼንዳጊ ዶዳ ኮላ ሀⶥን ኢራትኒ ዡልንሴንዴ። ያሱዋ፥ ካሌባ ዬቻም 20 ቤርግ ቤሴብዳ፥ ኡⶣም ዝያጽ ኢሣይቅን ቤርጊ ይስኬንዳይ ባ ካንግ ሀⶥን ሀይቂ ውርንሴዴ፤ ታሥ ታ ኡሤን ዶዱቃኒንድ እያርድንሳርጌንዴ» ማኪ ሀይጡ።

![](https://cdn.door43.org/obs/jpg/360px/obs-en-14-09.jpg)

ኢስራኤል አሥንዲ ጋሀ ኡⶢስ ባ ሲስኩⶣም ጩቡ ባ ቃይጹⶢስ ኤርንሲ አይኔንዴ። ባ ማይት ቂጽ ኤቲ ካናአን አሥንዳ ባና ጫድኒ ዶንቲ ሀንቄንድ። ሙሴይ ዬሪ ኢሣይቅና ባና ሀማርጉዌሽን ጫድቃን ሀማሺድንንዴ ማኪ ኢሣይቅን ኬንዛሱ። ኢሣይቅኒንድ ሙሴ ሀይጢስ ሲሳሽድኒ ኢችንሲ ሀንቄንዴ።

![](https://cdn.door43.org/obs/jpg/360px/obs-en-14-10.jpg)

ዬሪ ኢሣይቅና ባና ጫድቃን ሀማርጉዌ፤ ኡⶤሽን ጋምጢ ብያርስኪ ኢሣይቅንቃን ⶦዳስንዲ ሀይቄንዴ። ኡⶣም ኢስራኤል አሥንዲ ካርቲ ዶዳ ኮልን ዬኢ 40 ቤርግ ኢራትኒ ዡሌንዴ።

![](https://cdn.door43.org/obs/jpg/360px/obs-en-14-11.jpg)

ኢስራኤል አሥንዲ ዶዳ ኮልን ይስቱⶣም ዬሪ 40 ቤርግ ኢሣይቅን ሙሱ። ሀይቅን ጫርቃን ይሢ «ማና» ማስቲ ይስኩⶥ ቡዲስ ኢሣይቅኔሽን ኡሡዌ። ካሲ አⶪስ ኢሣይቅኒ ሙእንሱዌሽን ድርጭት ማስቲ ይስኬንድ አኩባይንዲስ ኢሣይቅን ጋፕካን ቲሡዌ። ኡⶣጋ አባሚንድ ዬሮሥንዲ ኢሣይቅን ሲማራ፥ ጫማይ ባህኒ ሀርጭንሳርጉዌሽን ይሡዌ።

![](https://cdn.door43.org/obs/jpg/360px/obs-en-14-12.jpg)

ካሲ ዬሮሥንዲ አሥ ዲሢ ይስኩⶥ ቦዳም ንያልቃን ይሢ ሶእስ ኬሲ ኢሣይቅን ኡⶣሹዌ። ኡⶢ ካንግ ኤስ ይሢ ይስትን ኢስራኤል አሥንዲ ሙሴያ፥ ዬራጋ ዴብም ዚሚ ባጪ ይስቴንዴ። ይ ፔታስን ዬሪ አብርሃማ፥ ይስሀቃ፥ ያይቆባዬሽና ባ ታሥ ኡሡ ጋሄሽን ጊባታስናንቂ ይስኩⶥ ካሐ ጊዝዎ።

![](https://cdn.door43.org/obs/jpg/360px/obs-en-14-13.jpg)

ዱማርሳጋ አባም ሶኢ ካሲ ባኡዌ። ዬሪ ሙሴሽን፣ «ንያል ጫሬሽን ሀይጣኔን ሶኢ ይቃን ይስቲ ኬስንሱዌ» ማኪ ሀይጡ። ኡⶣም ሙሴይ ንያል ጫሬሽን ኖናም ባ ሀይጥንሱ ሺችንሲ ቤዣም ናም ካርሲ ዴክኒ አሣጋ አፕም ዬራጋ ሀይጢስ ቃላሱዌ። አሣ ኢሣይቅን ጊዝንዳይ ሶአ ኡⶢስ ኡⶥኮዳ፣ ዬሪ ሙሴ ዴብም ያንቂ ባጪ «ኔኒንድታሥ ታ ኡሤን ዶድቃን እያርድንሳርኔኑዌ!» ማኩዌ።

![](https://cdn.door43.org/obs/jpg/360px/obs-en-14-14.jpg)

ኢስራኤል አሥንዲ 40 ቤርግ ዶዳ ኮልን ባ ኢራትና ዡሉ ጌሽን ዬራጋ ዴብም ጌጼንዲ ባ ካንግ ሀይቄንዴ። ኡⶥ ጌሽን ዬሪ አሢስ ዶዱ ኬምም ኤቲ ዬኡ። ኡⶣጋ አባም ሙሴይ ቃጽ ኤርጋንቂ ይስቱዌ። ይስን ጋሥኒ ኢስራኤል አሥንዲስ ይሲ ቤስንሱዌሽን ያሱይስ ዬሪ ኩርሱ። ካሲ ዬሮሥንዲ ማጥን ጎቅን ሙሴ ሀርኩⶥ ኮናሲ ቲሥንባኑⶢስ ሙሴሽን ታሥ ኡሢ ሀይጡዌ።

![](https://cdn.door43.org/obs/jpg/360px/obs-en-14-15.jpg)

ኡⶣጋ ጌሽን ዬሮሥንዲ ሙሴይ ዶዱ ካንግ ትያፓሲ ይ ቤቅንሱዌሽን ሀይቅን ጉዳጋ ባስን ኬሶ ማኪ ይስን ሀይጡ። ኡⶣም ሙሴይ ዶዱይስ ቤቁ፤ ይሲ ውቃን እያርድንሱⶢስ ዬሪ ⶡናርጉ ይ ናጉዌ። ኩሣ ኡⶥን ሙሴይ ሀይቁ። ኢስራኤል አሥንዲ ካስታሞይን (ማት እያርፕ) ይ ዬኬንዴ። ያሱይ ኢስራኤል አሥንድ ኡካራ ቤሳጉⶥ አቱ። ያሱይ ዬራም ጊባትና ዬራጋ ቲዛዝ ባቃ ባ ይስቱዌሽን ሶያጋ ኡካር ፔቱዌ።

*ጋሀሀንዲዜጻአትማጻፕይይርⶣ 16-17፤ዜሁ.10-14፤ 20፤27፤ዜዳ. 34።ሀክይስኩⶥካናጊዝዎ።*

## 15. ታሥ ውዬሽን ኤስቴን ዶድ

https://openbiblestories.org/l/bcq/story-15/

![](https://cdn.door43.org/obs/jpg/360px/obs-en-15-01.jpg)

ኢስራኤልአሥንዲጊብጽቃንይስቲኬስኩስⶢ 40ቤርግቤስኒሺካጉⶥንዬሪኢሣይቅኔሽንታሥኡሤንዶዳካናአንቃንኢሣይቅኒእያርድንሱⶠአቢአቱዌ።ያሱይዞላጋማጋምባⶦርጊጻይንጻባርስታይስኬንካታማኢያርኮንናማስአሢስዎሲቲሡ።ካታምኤንቃንአሥንዳዎስኪሀንቄንዲስአቻፕያሤንራአብማስታይስኬንማያንማጣቤስኤትኬናይስቴኔ።ውሳዬራምጊባትናኡⶢስይሤኔ።አሥንዳኢያርኮካታሚስውⶢቤቅኒዎስኪሀንቄንዲኢስራኤልአሥንዲካታሙኡጣጉⶣምአሥኑይስባፕያሥንሱዌሽንውስንዎግኒሀይጥንሲይስቴንዴ።

![](https://cdn.door43.org/obs/jpg/360px/obs-en-15-02.jpg)

ኢስራኤል አሥንዲ ባ ዶድቃን ባ እያርድንሱዌሽን ዮርዳኖስ ሶእ ቡኪ ሴጋም ኬስንሱⶢ ኮይስቲ ይስኩዌ። ዮርዳኖስን ኢሣይቅኒ አታጉⶥን ዬሮሥንዲ ያሱዌሽን፣ «ቆምብንዲ አፓርቅን አቲ ኬስንሱዌሽን ይሦ» ማኪ ሀይጡ። ቆምብንዲ ዬርዳኖስ ሶእቃን እያርዲ ጋዳጉⶥን ሶአ ኮⶥኪ ይስኩⶢ ይጡ። ኡⶣም ኢሣይቅኒ ዶዳ ኮልን ሴጋም ኬስኬንዴ።

![](https://cdn.door43.org/obs/jpg/360px/obs-en-15-03.jpg)

አሥንዲ ዮርዳኖስ ሶእን ሴጋም ኬስኩ ጌሽን ዬሪ ኢያርኮ ካታሚስ ዎሳሳም ይሲ ኡጥንሱ ፔታን ያሱዌሽን ሀይጡ። ኡⶣም ኢስራኤል አሥንዲ ዬሪ ሀይጡⶢስ ይሤንዴ። ኢስራኤል ማይትናስንዳ፥ ቆምብንዳይ ዬሪ ኢሣይቅኔሽን ሀይጡⶦጥን ይሢ ዎይንቴን ማጥ ካል፣ ዎንሣን ማጥ ካል ማኪ ሳፕምዎይን ኢያርኮ ካታም ⶦር ጉድኔንዴ።

![](https://cdn.door43.org/obs/jpg/360px/obs-en-15-04.jpg)

ይ ናፕም አቅ ጎቅን ካታሙይስ ናፕም ካል ካርሲ ጉድኔንድ። ይ ውርን ካታሙ ⶦር ኢሣይቅኒ ጉድኒ ይስታጉⶥን ማይትናስንዲ ኬኤንድ፤ ቆምብንዲንድ ⶣሚቲስ ፔሌንዴ።

![](https://cdn.door43.org/obs/jpg/360px/obs-en-15-05.jpg)

ኡⶣም ኢያርኮ ⶦራም ጊጻንቂ ይስኩ ማጊ ባ ኮሢ ዎጡዌ። ዬሪ ኢሣይቅኔሽን ሀይጡⶢዎጥን ኢስራኤል አሥንዲ ካታሙ ጎብቃን ይስኩⶥ ቃይጺስ ካንግ ባይሲ ውርሴንድ። ኢሣይቅን ዴንትካን አሥና ራአባ፥ ው ኬት አሥንዳ ኢካን ፕያሤንዴ።ካናአንቃን ይስኬንድ ዱማርንድ አሥንዲ ኢስራኤል አሥንዲ ያርኮ ካታማ፥ ውአሥንዳ ዴብም ይሢ ኢሥ ባይሱⶢስ ባ ሲስኩⶣ ቃጽ ሼርቄንዴ።

![](https://cdn.door43.org/obs/jpg/360px/obs-en-15-06.jpg)

ዬሪ ካናአን ዶድቃን ይስኬንድ አሥንዳ ባና ኢስራኤል አሥንዲ ጪር ⶡን ይሢ ማጥ ካሥ አትንሳርጉዌሽን ቲዛዝ ኡሢ ሀይጥንሲ ይስቱ። ይ ፔታስን ካናአንቃን ይስኬንድ ጌባኦን አሥንዲ ሀክ ዶድን ይስታ ባ ዬአ ይስኩዌ ማኪ ያሱ ግያዴንድ።ኢሣይቅኒ ያሱዋ ባና ⶡን ይሥኒ ኦጬንዴ። ጌባኦን አሥንዲ ሀርቃን ይስትያን ዬኡ ፔታን ያሱዋ፥ ኢስራኤል አሥንዳይ ዬሪስ ኦጫርጉ ይስቲ ኢሣይቅና ባና ዎግ ይሢ ⶡኔንዴ።

![](https://cdn.door43.org/obs/jpg/360px/obs-en-15-07.jpg)

ኢስራኤል አሥንዲ ጌባኦን አሥንዲ ባ ግያዱ ፔቱⶢስ ባ ኤሩⶣም ቃጽ ያንቄንድ። ይ ፔታስን ዬራጋ አፕም ኢሣይቅና ባና ዎግቃን ባ እያርዱዌሽን ኡⶢስ ባቄንዴ። ካሲ ኮት አብ ጌሽን ካናአንቃን ይስኬንድ አሥንዳ ዱማርንዳ ኢሣይንቅን ትያትንዳ፥ አሞራ አሥንዳይጌባኦን አሥንዲ ኢስራኤል አሥንዳ ባና ⶡን ይሢ ⶡንኑⶢስ ሲስኬንድ። ኡⶥ ናቤሽን ባ ማይትናስንዲስ ዱብዳሲ ጎጊ ዬኢ ጌባኦን አሥንድ ዴብም ጫድ ፒርቄንድ። ኡⶣም ጌባኦን አሥንዲ ኢስራኤል አሥንዲ ዬኢ ባም ጋሥኔ ማኪ ያሱ ዳድን ዎስ ቲሤንዴ።

![](https://cdn.door43.org/obs/jpg/360px/obs-en-15-08.jpg)

ኢያሱይ ኢስራኤል ማይትናስንዲስ ዱብዳሲ ኤቲ ጡማም ሀማጊ ሀማጊ አቁ። ዱታ ኤንታም ኢሣይቅኒ ታሣራጊ ይስትን አቲ አሞራ አሥንድ ማይትናስንድ ዴብም ጫድ ፒርቄንዴ።

![](https://cdn.door43.org/obs/jpg/360px/obs-en-15-09.jpg)

ኡⶣም ጎቅን ዬሪ ኢስራኤል አሥንዴሽን ጫድኑ። አሞራ አሥንድ ማይ ቆጢ ይስቲ ኤዛጋ ኡርግናም ⶦዳጋ አሥንዲስ ኢሣይቅናቃን ዎጡዌ።

![](https://cdn.door43.org/obs/jpg/360px/obs-en-15-10.jpg)

ካሲ አሞራ አሥንዲስ ኢሣይቅኒ ጫዲ ዎሣጉ ሀክ ኦባርን አፓ እያርዳርጉ ማጥ ኩሥን ይጥንሳ ይስትንሱዌሽን ይሡ። ኡⶣም ጎቅን ዬሪ ኢስራኤል አሥንዴሽን ኤዛጋ ሀክ ኡሢ ኢሣይቅኒ ጫዲ ዎሥንሱዌሽን አሡዌ።

![](https://cdn.door43.org/obs/jpg/360px/obs-en-15-11.jpg)

ዬሪ ማይትናስንዳ ኤንዲስጋምሢ ቦኩ ጌሽን ካሲ ⶦዳስንድ ካናአን አሥንዲ ማጥን ዱብድኒ ኢስራኤል አሥንዳ ባና ጫድኒ ዬኤንድ። ያሱዋ፥ ኢሣራኤል አሥንዳ ኢሣይቅና ባና ጫድኒ ኢሥ ዎሡዌ።

![](https://cdn.door43.org/obs/jpg/360px/obs-en-15-12.jpg)

ጫዳ ኡⶥ ጌሽን ዬሪ ኢስራኤል አሥንዳጋ ዛር ማጥማጤሽን ዶዱይስ ቆዲ ኡሡ። ኡⶣም ዬሪ ኢሣይቅኔሽን ዶዱ ⶦራም ካንግ ዲጋ ሶያይስ ኡሡዌ።

![](https://cdn.door43.org/obs/jpg/360px/obs-en-15-13.jpg)

ያሱይ ኤርጋ ባ ጋምጡⶣም ኢስራኤል አሥንዲስ ማጥን ጼጉ። ኢሣይቅኔሽኒንድ ዬሪ ሲና ጉድ ባስን ሀይጢ ትዛዝ ኡሡⶣ፥ ዎግ ጋሀይስ ካርሲ ታሣሲ ሀይጡ።ኡⶣም ኢስራኤል አሥንዲ ዬራም ጊባትና ይ ሂጋ ሀይጣይስ ባቃ ባ ይስትንሱዌ ማኪ ዎግቃን እያርዴንዴ።

*ጋሀሀንዲያሱማጻፕይይርⶣ 1-24።ሀክይስኩⶥካናጊዝዎ።*

## 16. ዳንዳ ኡካርንዳ (ቃም ጎትካና ጋባርቃና ኬሳጌንድ)

https://openbiblestories.org/l/bcq/story-16/

![](https://cdn.door43.org/obs/jpg/360px/obs-en-16-01.jpg)

ያሱይ ሀይቁ ጌሽን ኢስራኤል አሥንዲ ዬርን ጎስቲ ይ ትዛዝ ባቃርጉ ሺዴንድ፤ ኡⶣም ዬሪ ኢሣይቅን ዴንትካን ቦርቲ ሺዴንድ ካናአን አሥንዲ ብያርትኒ ኬሲ ዬር ትዛዚስ ይሣርጌንዴ።ኢስራኤል አሥንዲ ይስኩⶣ ይስትንሱⶣ ባ ካሐ ያሂዌይስ ጎይና ባና ይስኩⶢስ ሺችንሲ ካናአን አሥንድ ካሕይስ ጎይኒ ጋዴንድ። ኡⶣጋ አባም ኢስራኤል አሥንዴሽን ትያቲ ካይጉዌ። ኡⶣጋ ናባም አሢ ባ ማጥማጣም ባ አፕም ሶይጢ ባ ቤስቱⶢስ ይሢ ይስቴንዴ።

![](https://cdn.door43.org/obs/jpg/360px/obs-en-16-02.jpg)

ኢስራኤል አሥንዲ ዬራም ጊባትና ባይስኩⶢስ ሺቼንድ። ኡⶣጋ ናባም ዬሪ ኢሣይቅን ጋግናስንዲ ኢሥ ጡርቂ ሺቃሲ ጫዲ ጋምሥንሱዌሽን ይሡ። ኢሣይቅን ጋግናንስዲ ኢሥ ቂጺስ ካንግ ዙኪ ቦጊ ኤቴንድ። ኢሣይቅን ጊዝንዲንድ ካንግ ባይሲ ውርሴንድ። ኢሣይቅንቃን ⶦዳስንዲስ ዎጤንዴ። ኢስራኤል አሥንዲ ዬር ሀይጢስ ሺችንሲ ኢት ባ ቃይጹⶥ ናባም ሾዳጋ ቤርጊስ ባ ጋግናስንዴሽን ቃም ጎስቲ ጋባርኔንዴ። ቃጽ ባ ኢራትኑⶣም ሶይቃን እያርዲ ዬር ዳድን ካርቴንድ። ኡⶣም ዬሮሥንዲ ኢሣይቅን ጋግናስንድ ኩችካን ኢሥ ፕያሡዌ።

![](https://cdn.door43.org/obs/jpg/360px/obs-en-16-03.jpg)

ኡⶤሽን ዬሪ ኢሣይቅኒስ ኢሥ ጋግናስንድ ኩችካን ኬስንሴንድ ዳንዳ ኡካርንዳይስ ቲሢ ዶዱ ዴብም ሶያ ዲጋይስ ኤቲ ዬኡዌ። ይ ፔታስን ኢስራኤል አሥንድ ካርቲ ዬሪስ ብያቴንዴ። ካሕንዳ ዱማርዲስ ጎይኒ ጋዴንድ። ካሲ ዬሮሥንዲ ኢሣይቅን ሺሽን ይስኬንድ ኢሥ ጋግናስንዳ ሚድያም አሥንዲስ ዶንሢ ኤቲ ዬኢ ኢሣይቅን ዴብም ጫድ ፒርቃሲ ኤጋም አሢ ኢሥ ጋግናስንዴሽን ኡሡዌ።

![](https://cdn.door43.org/obs/jpg/360px/obs-en-16-04.jpg)

ሚድያም አሥንዲ ናፕም ቤርግ ኢሣይቅኒስ ቃም ጎቲ ኢሥ ሙኢስ ካንግ ቦጊ ኤቴንድ። ኢስራኤል አሥንዲ ቃጽ ሼርቃንቂ ኮⶥካና ንያል ቆባልቃና አሽቴንድ። ኢራትኒ ቃያንቂ ካሲ ዬርዳድን ካርሲ ኬኤንዴ።

![](https://cdn.door43.org/obs/jpg/360px/obs-en-16-05.jpg)

ማጥን ጎቅን ጌድዮን ማስቲ ይስኩⶥ ኢስራኤል አሢ ሚድያም አሥንዴሽን አሽታንቂ ባ ጎሲስ ዴክኒ ይስቱ። ዬራጋ ዎሳሲ ጌድዮን ዳድን ዬኢ አታንቂ፣ «ዎናሳ ዞላስ ማይታንሶ! ዬሪ ኒያባና ይስኩዌ፤ ኤስን ሀⶥ ሀንቃ ኢስራኤል አሥንዲስ ሚድያም ኩችካን ፕያሦ!» ማኪ ይስን ሀይጡዌ።

![](https://cdn.door43.org/obs/jpg/360px/obs-en-16-06.jpg)

ጌድዮን ባብም ካሕንዳጋ ኡድ ኩሣ ዬሽንቂ ይስቱⶢ ይስቱ። ዬሪ ጌድዮኒ ኡድ ኩሣ ኡⶢስ ይሲ ኮሢ ቦክንሱዌሽን ይስን ሀይጡ። ይ ፔታስን ጌድዮኒ አሥንዲስ ባ ሼርቁዌሽን ዶዲ ጡማጉ ሀክ ንያክ ባቂ ይስቱ። ኡⶣም ጡማስን ኡድ ኩሣ ኡⶢስ ኮሢ ባሢ ቁⶻⶢ ውርሱ። ኡድ ኩሣ ኡⶥሺሽን ቃያጋ ኡድ ኩሢስ ዬርን ቃይጹ። ይ ዴብም ዬርን ኡዲስ ኡዱዌ።

![](https://cdn.door43.org/obs/jpg/360px/obs-en-16-07.jpg)

ይ ዎንሣን ዱታ ኤንታም ጋፕካን ይስኬንድ አሥንዲ ማጣጋ አሢ ኢሣይቅን ኡድ ኩሢስ ኮሢ ውርሱⶢስ ባ ቤቁⶣም ቃጽ ያንቂ ባጬንድ። ጌድዮኒስ ኡጢ ዎጥኒ ይ ኬትን ሀንቄንድ። ይ ፔታስን ጌድዮን ባቢ፣ «ይንታይቅኒ ሀሬሽናን ካሐጋ ጉዝን ጋሥኒ ይ ቤር ኡጥኒ ካፕሚ ይስታጌዎ? ይሲ ካሕ ባ ፔታን ዎስ ባ ቄሬሽን ጫድማኬ!» ማኪ ኢሣይቅኔሽን ሀይጡ። ኡⶢስ ይ ባቢ ሀይጡⶣም ጌድዮኒስ ዎጣርጉ ሺዴንዴ።

![](https://cdn.door43.org/obs/jpg/360px/obs-en-16-08.jpg)

ሚድያም አሥንዲ ኢስራኤል አሥንድ ጊዚስ ቦጊ ካቲ ኤትኒ ካርቲ ዬኤንድ። ኢሣይቅኒ ⶦዳስንድ ፔቱዌሽን ኤራሲ ኢሥ ኡጢ ካርስኒ ሀካርጉዌ። ኡⶣም ጌድዮኒ ሚድያም አሥንዳ ባና ጫድኒ ኢስራኤል አሥንዲስ ካንግ ጼጉ። ጌድዮኒ ጫድቃን ባ ሀማርጉ አፓርቅን ዬሪ ይያ ባና ይስኩⶢስ ባ ኤርንሱዌሽን ናም ካል ካርሲ ዬሪስ ውⶢ ማላት ኦጩዌ።

![](https://cdn.door43.org/obs/jpg/360px/obs-en-16-09.jpg)

ይ ጋድኑⶥ ማላት ቤቅኒ ሲማሪስ ዶድን ፓራስንሲ ዱታ ኤንታሙⶥ ቤዚ (ዎድጲ) ሲማር ዴብ ካይን ይስትንሱዌሽን ዬሪስ ኦጩ። ዬሪ ይሲ ሀይጡⶢዎጥን ይሡ። ካሲ ይ ዎንሣን ጡማስን ዎድጲ ሲማርን ኤሳራጊ ዶድን ዎጥን ሲማሪ ኮል ይስትንሱዌሽን ኦጩ። ዬሪ ካሲ ኡⶢዎጥን ይሡዌ። ማላታ ናም ኤንዲ ዬሮሥንዲ ጌድዮናም ፔታንቂ ኢስራኤል አሥንዲስ ሚድያም ኩችካን ፕያሥንሱⶢ ጌድዮኔሽን ሶያጋ ሚጥ ፔቱዌ።

![](https://cdn.door43.org/obs/jpg/360px/obs-en-16-10.jpg)

32,000 ኢስራኤል አሥንዲ ጌድዮን ዳድን ዬኤንድ። ይ ፔታስን ዬሪ አሥንዳ ሀንድ ፕያዲ ቤሻንቁዌ ማኩ። ኡⶤሽን ጌድዮኒ ጫዴሽን ሼርቂ ይስኬንድ 22,000 ማይትናስንዲስ ጌሽ ካርሲ ኢሣይቅን ኬትን ቲሡ። ካሲ ዬሮሥንዲ ሀⶢንድ ይ ፔታስን አሥንዳ ንያባና ይስኬንድ ፕያዲ ቤሻንቁዌ ማኩ። ካሲ ጌድዮኒ 300 አሥ ኢክ ሺችንሲ ቦርቴንዲስጌሽ ካርሱዌ።

![](https://cdn.door43.org/obs/jpg/360px/obs-en-16-11.jpg)

ኡⶣም ጎቅን ጡማስን ዬሮሥንዲ ጌድዮኔሽን፣ «ሚድያም አሥንድ ማይትናስንድ ጋፕካን ዶንታ ሀሞ! ኢሣይቅኒ ጋሂ ይስኩⶢስ ሲስክንሳ ጪር ሼራሺዶ፣» ማኩ። ጡማ ኤናም ጎቅን ጌድዮኒ ሚድያም ማይትናስንድ ጋፕካን ሀንቁ። ሚድያም ማይትናሳ ማጢ ባ ማጥናሴሽን፣ «ጌድዮን ማይቲ ሚድያም ማይቲስ ጫዲ ዎሢ ይስትን አጵማም ታ ቤቁዌ» ማኪ ሀይጥን ሲስኩ። ጌድዮኒ ኡⶢስ ባ ሲስኩⶣም ዬርን ጉራትኒ ጎይኑዌ።

![](https://cdn.door43.org/obs/jpg/360px/obs-en-16-12.jpg)

ኡⶣጋ ጌሽን ጌድዮኒ ባ ማይትናስንዴሽንⶣሚታ፥ ኮንዳ፥ ቆብጻይስ ኡሡ። ጡማስን ሀንቂ ሚድያም ማይትናስንዲ ሱርቅንሲ ይስትን ኢሣይቅን ⶦር ቆሬንድ። 300 ጌድዮን ማይትናስንዲ ኮንዳቃን ባ ቆብጽ ይሥንሲ ሳምሢ ኡጥንሲ ይስቴንድ። ሚድያም ማይትናስንዲ ቆብጻጋ ጮብቲስ ቤቅኒ ሀካርጌንዴ።

![](https://cdn.door43.org/obs/jpg/360px/obs-en-16-13.jpg)

ጌድዮን ማይታንስዲ ባ ካንግ ማጥን ባ ኮንዳይስ ባሢ ባ ቆብጽ ሳምሤንድ። ባ ⶣሚትስ ፔሊ ይስቲ፣ «ዬሮሥንዳ፥ ጌድዮና ማይትናስንዴ!» ማኪ ኬኤንዴ።

![](https://cdn.door43.org/obs/jpg/360px/obs-en-16-14.jpg)

ዬሮሥንዲ ሚድያም አሥንድ ማይ ቆጢ ⶻራሱ፤ ኡⶣም ባ ባርቅን ማጥናሲ ባ ማጥናሲስ ዎጥን ባ ባርቅን ሀይቄንድ። ግያርን ባ ኬትን ይስቴንድ ኢስራኤል አሥንዲ ጼትኒ ዬኢ ቦርቴንድ ሚድያም አሥንዲስ ብያርትኔንድ። ሚድያም ማይትናስንድቃን ⶦዳስንድ 120,000 ዎጤንዴ። ኡⶣጋ ቦዳም ዬሮሥንዲ ኢስራኤል አሥንዲስ ፕያሡዌ።

![](https://cdn.door43.org/obs/jpg/360px/obs-en-16-15.jpg)

ኢስራኤል አሥንዲ ጌድዮኒስ ባ ትያት አሥኒ ኮዬንድ። ይ ፔታስን ጌድዮኒ ትያት ባአትንሱⶢስ ኮያርጉዌ። ኡⶣጋ ቆድን አሢ ባ ማጥማጣም ካታ ባ ኤታ ዬኡⶥ አንሥ ⶣⶭንዲስ ካንግ ባም ኡሤ ማኪ ኦጩ። ኢስራኤል አሥንዲ ቃጽ ⶦዳጋ አንሥ ⶣችንዲስ ጌድዮኔሽን አኪ ኡሤንዴ።

![](https://cdn.door43.org/obs/jpg/360px/obs-en-16-16.jpg)

ጌድዮኒ አንሣ ኡⶢስ ኮⶣሲ ቆምባ ጉዲ ማኢ ይስኩⶥ ሲማሮጥን አሢ ቃይጹዌ። ኢስራኤል አሥንዲ ሲማራ ኡⶢስ ካሕ አምሥ አሢ ይስን ጎይኒጋዴንዴ። ኡⶣጋ ናባም ካሲ ዬሮሥንዲ ኢሣይቅን ጋግናስንዲ ኢሣይቅን ጋምሢ ጎትንሱዌሽን ኢሥ ዴብም ማጋጭ ቦኩ። ካሲ ኢራትኒ ቃያንቂ ዬር ዳድን ካርሲ ኬኤንዴ። ዬሪ ኢሣይቅን ፕያሥንሱⶢስ ኢሣይቅኔሽን ቲሡዌ።

![](https://cdn.door43.org/obs/jpg/360px/obs-en-16-17.jpg)

ኡⶦጥኑⶥ ይሢስ ኢስራኤል አሥንዲ ⶦዳጋ አብ ካርሲ ካርሲ ይሤንዴ። ኢስራኤል አሥንዲ ጩቡ ቃይጻጉⶥ ፕያድ ዬሪ ኢሣይቅን ዴብም ማጋጭ ቦኪ ይስቱ። ካሲ ዬር ዳድን ካርቲ ኢሣይቅኒ ሶይቃን እያርዳጉⶥን ኢሥ ፕያሥንሱⶥ አሢስ ቲሢ ይስቱዌ። ⶦዳጋ ቤርግ ኢስራኤል አሥንዲስ ኢሥ ጋግናስንድ ኩችካን ፕያሥንሴንድ ኡካርንዲስ ቲሢ ይስቱዌ።

![](https://cdn.door43.org/obs/jpg/360px/obs-en-16-18.jpg)

ይ ውርን ኢስራኤል አሥንዲ ዱማርንድ አሥንዶጥን ትያትስ ዬሪ ባምም ኡሥንሱዌሽን ኦጬንድ። ማይት ጫድ አባም ጫድቃን ባ ኤቲ ሀምምሱⶥ ዞላስ ትያቲ ባ ዴብም ትያትንሱዌሽን ኮዬንድ። ዬሪ ኢሣይቅን ኦጫ ኡⶢስ ⶡናርጉዌ። ይ ፔታስን ኢሣይቅኒ ኦጩⶥ ትያትስ ኢሣይቅኔሽን ኡሡዌ።

*ጋሀሀንዲኡካርንድማጻፕይይርⶣ 1-5፤ 6-8።ሀክይስኩⶥካናጊዝዎ።*

## 17. ዬሪ ዳዊታ ባና ይሡ ዎግ

https://openbiblestories.org/l/bcq/story-17/

![](https://cdn.door43.org/obs/jpg/360px/obs-en-17-01.jpg)

ሳኦሊ ይ ጋድኑⶥ ኢስራኤል አሥንድ ትያታ ጊዝዎ። ይሲ አሥንዲ ኮዩⶢዎጥን ጳዳ፥ ባ ⶣባም ቃጽ ሶይጢ ይስኩዌ። ሳኦሊ ይጋድን ኢስራኤል አሥንድ ዴብም ባ ትያታጉⶥን ሶይ ትያት ይስቱዌ። ጌሽን ዬርን ጎስታርጉ ሺዲ ኢታጋ አሥ ፔቱዌ። ኡⶣጋ ናባም ዬሪ ማጥን ጎቅን ይ ኩሥን ትያት ፔትንሱⶥ ማጣጋ አሥ ኩርሱዌ።

![](https://cdn.door43.org/obs/jpg/360px/obs-en-17-02.jpg)

ዬሮሥንዲ ሳኦል ኩሥን ትያትንሱⶢስ ኢስራኤል ⶤት ንያእንድቃን ማጢስ ኩርሱዌ። ዳዊቲ ቤቴሌም ካታም ዬይስኩⶥ ዶር ኪምናሳጊ ይስቱ። ዳዊቲ ባ ባብ ዶርንዲስ ኪንቂ ይስታጉⶥን ⶦዳጋ አብ ዶድባሀ፥ ጌራይ ዶር ኡጥኒ አትናጉⶥን ዎጢ ይስቱዌ። ዳዊቲ ዬራም ጊባትኒ ይስኩⶥ ሶይናሳ ማይ ጋላሙⶣጊ ይስቱዌ።

![](https://cdn.door43.org/obs/jpg/360px/obs-en-17-03.jpg)

ዳዊቲ ኤዛጋ ማይትናስንዳጋኡካር ፔታንቂ ይስቱ፤ ይሲንድ ጋሥ ⶤት ንያእ ይስቲ ጎልያድ ማስቲ ይስኩⶥ ኤዛ ጳዳጋ አሣ ባና ጫድኑ። ጎልያዲ ማይት ጫዴሽን ኤርትናሳ ዞላሳ ኤርታንቂ ይስኩⶣጊ ይስቱዌ። ይ ጳዲንድ ሳፕም ይር ሺዳን ካዝ ሜትር ይስቱ። ይ ፔታስን ዬሪ ዳዊቲ ይ ዎጥንሲ ኢስራኤል አሥንዲስ ፕያሥማኬ ማኪ ዳዊትን ጋሥኑዌ። ኡⶣጋ ጌሽን ዳዊቲ ⶣዳጋ ጫድ ጫድኒ አሢ ባ ካንግ ይ ጋላትኒ ይስቱⶥ ቃይጺስ ቃይጹዌ።

![](https://cdn.door43.org/obs/jpg/360px/obs-en-17-04.jpg)

ሳኦሊኢስራኤልአሥንዲዳዊትስⶡኒናⶥኪይስኩⶢስቤቅንሲአይኒⶻንቁ።ኡⶣጋናባምⶦድካርቲሳኦሊዳዊትዎጥኒኮዩዌ።ኡⶥናባምሳኦሌሽንዳዊቲአሽቱ።ማጥንጎቅንሳኦሊዳዊትዎጥኒኮዪይይስቱ።ሳኦሊዳዊቲይቃንአሽታንቂይስኩንያልቆባልቃንሀንቂአቱ።ይሲንድዳዊቲስቤቃርጉይስቲይዳድንቃጽሺኩ።ኡⶣምሀራንዳዊቲሳኦልዎጥኒሀክንሱዌ።ይፔታስንይዎጣርጉሺችንሲይሲኤርንሱዌሽንይሲማርጻሊስጋዥቂኤቱ።

![](https://cdn.door43.org/obs/jpg/360px/obs-en-17-05.jpg)

ይ ውርን ሳኦሊ ማይት ጫድቃን ሀይቁ፤ ኡⶣም ዳዊቲ ዬሪ ይስን ሀይጡⶢዎጥን ኢስራኤል ዴብም ይ ኩሥን ትያቱዌ።ዳዊቲ ሶይ ትያት ፔቱዌሽን ኢስራኤል አሥንዲ ይ ⶡኔንዴ። ዬሪ ዳዊትስ ዲሪ ይ ቃይጽንድ ካንግ ይስን ፒካሱ።ይሲንድ ⶦዳጋ ጫዲስ ጫድኒ ኢስራኤል አሥንዲስ ኢሣይቅን ጋግናስንድ ኩችካን ኬሲ ካሻሱንሱዌሽን ዬሪ ይስን ጋሥኑ። ዳዊቲ ዬሩሳላሚስ ጋምሢ ኡጢ ባ ካታም ው አሢ ውስን ዎጉዌ። ዳዊቲ ትያቱⶣም ኢስራኤላ ኬሔትኒና፥ ሀካሜና ዶድ ፔቴኔ።

![](https://cdn.door43.org/obs/jpg/360px/obs-en-17-06.jpg)

ዳዊቲ ኢስራኤል አሥንዲ ይስን ጎይንሱⶣ፥ ዬርን ኡዲ ይስን ኡዳስኑⶥ ጎይን ኬቲስ ጊጽኒ ኮዩ። ኢስራኤል አሥንዲ 400 ቤርግ ሙሴይ ቃይጹⶥ ድያም ዱካም ኬትካናን ዬሪስ ጎይኒ ኡዲስ ይስን ኡዲ ይስቴንዴ።

![](https://cdn.door43.org/obs/jpg/360px/obs-en-17-07.jpg)

ጋሀ ኡⶤሽን ዬሪ ኮናሳ ናታኒስ ዳዊት ዳድን ዎሲ ቲሡ። ኮናስ ናታኒ ዳዊቴሽን፣ «ኔና ⶦዳጋ ጫድ ጫድኑⶣጋ ታም ኬት ጊጽንሳርጉዌ፤ ይ ፔታስን ኒ ናንሣጊ ታምም ጎይን ኬትስ ጊጽንሱዌ፤ ኒ ናሢስ ቃጽ ዲርንታኑዌ፤ ኒ ዛርንድቃን ማጢ ካንግዎይናም ሀክ ዶድ ቶሕን ትያቲ ጎትንሱዌ፤» ማኪ ይስን ሀይጡ። ዳዊት ዛርቃን ካንግዎይናም ሀክ ትያትንሱⶢማስህ ማስቱⶥ ዬሱሳ ጊዝዎ፤ ማስህይ ዶድ ቶሕኑⶥ አሢስ ካንግ ኢሣይቅን ጩቡቃን ፕያሥንሱⶥ ዬራም ኩርስኩⶣ ጊዝዎ።

![](https://cdn.door43.org/obs/jpg/360px/obs-en-17-08.jpg)

ዳዊቲ ጋሀ ኡⶢስ ባ ሲስኩⶣም ኤዛጋ ዎብሳ ዲርታይስ ባም ኡሡⶥ ዎግቃኒንድ ባም እያርዲ ታሥ ኡሡⶥ ባ ካሐ ዬሪስ ቃጽ ጋላትኑዌ። ዳዊቲ ጋሀ ባ ሀይጡⶢስ ዎስኬናን ይሥንሱ ፔታን ኤራርጉዌ። ይ ፔታስን ማሲህይ አትንሱⶢስ ኢስራኤል አሥንዲ 1000 ቤርግ ባቅንሱⶢ ኮይስቲ ይስቱዌ።

![](https://cdn.door43.org/obs/jpg/360px/obs-en-17-09.jpg)

ዳዊቲ ኢስራኤል ቶሕን ኢባር ባሥ ባሢ ጊባታስናንቂ ይስኩ ፔታንቂ ⶦድ ቤርግ ትያቱ፤ ዬሪንድ ይ ዲሩዌ። ይ ፔታስን ባ ካሣጋ ውር አብም ዬራጋ ዴብም ኢታጋ ጩቡ ቃይጹ፤

![](https://cdn.door43.org/obs/jpg/360px/obs-en-17-10.jpg)

ማጥን ጎቅን ዳዊት ማይትናስንዲ ባ ካንግ ጫድቃን ሀቅንሲ ይስታጉⶥን ይሲ ጫድቃን ሀማርጉ ባ ኬትን ይስቱ። ይሲንድ ሀይቅን ፖቅ ኬት ባንዝን ጉድኒ ዎብቲ ይስቲ ማይና ማጣ ሶይ ⶣባሜና ባ ጉዝ ማስካ ይስትን ቤቁ። ው ሱሚንድ ቤርሳቤህ ማሳቲ ይስኩዌ።

![](https://cdn.door43.org/obs/jpg/360px/obs-en-17-11.jpg)

ዳዊቲ ው ቤቅንሳ ባ ንያክ ሺድንሱⶥ ቆድ ግያርን ው ጼሲ ኤቲ ዬኡ፤ ይሲንድ ውዋባና ባ ሱርቁ ጌሽን ካርሲ ው ኬትን ው ቲሡዌ። ኮት አብ ጌሽን ቤርሳቤሀ ታ ⶢልቃን ቃኑ አታንቁዌ ማካ ዳዊቴሽን ዎስ ቲሤኔ።

![](https://cdn.door43.org/obs/jpg/360px/obs-en-17-12.jpg)

ኦሪዮን ማስቲ ይስኩⶢ ዳዊት ማይትናስንድቃን ቃጽ ዞላሳጊ ይስቱ፤ ኦሪዮኒ ቤርሳቤህ ቤሳ ጊዝዎ። ዳዊቲ ባ ቃይጺ ኤርስትንሳርጉዌሽን አችኒ ታሥንሲኦሪዮኒስ ጫድ ኩሥን ይስሢ ጼሲ ኤቲ ዬኡ፤ ኦሪዮኒ ይ ዳድን አቱⶣም ሀንቃ ኒ ማሽታ ኔና ይስቶ ማኪ ይ ኬትን ቲሡ። ይ ፔታስን ኦሪዮኒ ባ ኬትን ሀማርጉ ኢቼዌ። ኡⶣም ዳዊቲ ኢራትናንቂ ካርሲ ማይት ጫድድቃን ይ ቲሢ ዎጣሱዌ።

![](https://cdn.door43.org/obs/jpg/360px/obs-en-17-13.jpg)

ኦሪዮኒ ሀይቁ ጌሽን ዳዊቲ ቤርሳቤሂስ ኤቲ ዬኢ ው እያርሱ፤ ውሲንድ ዳዊቴሽን እያን ንያእ ዬሌኔ። ዬሪ ዳዊቲ ቃይጹ ኢት ቃይጼሽን ቃጽ ያንቁ፤ ይ ኢት ቃይጻ ኡⶢ ቃጽ ኤዝ ፔቱⶢስ ኮናስ ናታኒ ይስን ሀይጤ ማኪ ዳዊት ዳድን ዎሱ። ዳዊቲንድ ባ ጩቡ ሀስትኒ ሶይቃን እያርዱⶣም ዬሪ ይ ማሩዌ። ዳዊቲ ሺዱⶥ ባቤርጋም ቃጽ ኢራታሲ ይስኩⶥ ኢራትካን እያርዳሲ ዬርን ጎስቲ ይ ዳቢ ይስቱዌ።

![](https://cdn.door43.org/obs/jpg/360px/obs-en-17-14.jpg)

ዳዊቲ ቃይጹ ጩቡ ናባም ይ ናንሣ አሥና ቤርሳቤህካን ይሲ ዬይሱⶢ ሀይቁ። ኡⶥ ጌሽኒንድ ይ ፔታን ይ ኬት ጎብቃን ⶦድ ኢራታ ጫዳ ይስቱዌ። ይዝቅኑⶥ ዳዊታጋ ጊዳ ዞላይ ቃጽ ጋምጡ፤ ይሲ ጋምጡⶣም ዬሪ ታሥ ባና ይስን ኡሡ ጋሄሽን ጊባታስናቂ ይስቱዌ። ቤርሳቤሀ ባ ናንሣ ሀይቁ ጌሽን ዳዊትካን እያን ንያእ ዬሌን፤ ይ ሱሚንድ ሳላሞን ማስቲ ጼስቱዌ።

*ጋሀሀንዲ 1ሳሙ. ማጻፕይይርⶣ 10-15-19፤24፤ 31፤ 2ሳሙ. 5፤7፤11-12።ሀክይስኩⶥካናጊዝዎ።*

## 18. ኢስራኤል ትያቲ ባ ቆዱ

https://openbiblestories.org/l/bcq/story-18/

![](https://cdn.door43.org/obs/jpg/360px/obs-en-18-01.jpg)

ዳዊቲ ⶦድ ቤርግ ቤስንሲ ሀይቁ። ይ ናንሣ ሳላሞኒ ይ ኩሥን ትያቱዌ። ዬሪ ሳላሞኒ ሀራን ኮዪይ ይስታን ይ ኦጩ። ሳላሞኒ ኤርትስ ታም ኡሦ ማኪ ኦጩⶣም ዶድ ቶሕን ቃጽ ኤርትናስ ይ አሡዌ። ሳላሞኒ ⶦድ ጋሂስ ኤሪ ኤዛጋ ኤርታም ባሣጉⶥ ትያት ፔቱ። ዬሪ ቃዝቂ ቃጽ ኬሔትናስ ይ አሡዌ።

![](https://cdn.door43.org/obs/jpg/360px/obs-en-18-02.jpg)

ሳላሞኒ ይ ባባ ዳዊቲ ታሢ ዬሻሲ ይያም ይሲ ጊጽንሱⶥ ቃይጽንዲ ዱብዳሲ ይሡⶥ ዬርን ጎይን ኬትስ ጊጹ። ኢስራኤል አሥንዲ ዱካም ኬትካን ዬሪስ ጎይና ባ ይስቱⶥ ሺዳንቂ ጎይን ኬትካን ዬርን ኡድሺርሺ ጎይኔንዴ። ኡⶣም ዬሮሥንዲ ዬኢ ጎይን ኬታ ኡⶥካን ያፕስቲ ይቃን ይስቱዌ።

![](https://cdn.door43.org/obs/jpg/360px/obs-en-18-03.jpg)

ይ ፔታስን ሳላሞኒ ዶዳ ዱማርንድ አሥ ዎር ንያእንዲስ ⶡኑዌ። ኢሣይቅንቃን 300 አትንሴንድ ማይንዲስ እያርሲ ዬርን ጎስታርጉ ሺዱዌ። ማይንዳ ኤንድቃንⶦዳስንዲ ባ ዶድን ይሢ ባ አሥንድ ካሕንድ አምሥ ኤቲ ዬኢ ጎይኔንድ። ሳላሞኒ ባ ኤርግን ካሕንድ አምሣ ኤንዴሽን ጎይኑዌ።

![](https://cdn.door43.org/obs/jpg/360px/obs-en-18-04.jpg)

ዬሪ ሳላሞኒስ ባጩ።ዬራም ጊባትናርጉ ይሲ ሺዱዌሽን ሳላሞኒ ሀይቁ ጌሽን ይ ትያቲ ናም ባ ቆድንሱⶢስ ሀይጡዌ።

![](https://cdn.door43.org/obs/jpg/360px/obs-en-18-05.jpg)

ሳላሞኒ ሀይቁ ጌሽን ይ ናንሣ ሮቢአሚ ይ ኩሥን ትያቱ። ሮቢአሚ ኤር ኤራርጉⶥማይ ግራሳ ጊዝዎ። ኢስራኤል አሥንዲ ይ ትያቲስ ዞይስኒይ ይ ዳድን ባ ካንግ ዱብድኒ ዬኤንድ፤ ይ ባባ ሳላሞኒ ⶣዳጋ ቃጽ ኢሣይቅን ቃይጻሲ ግቢርንድ ቅጽ ቆጻሲ ኢሣይቅን ኢራትሲ ይስቱⶢስ ኑም ኮብⶣⶦ ማኪ ይስን ሀይጤንድ።

![](https://cdn.door43.org/obs/jpg/360px/obs-en-18-06.jpg)

ሮቢአሚ ባ ናይንዳም ኪሣንቂ ኢሣይቅኔሽን «ታ ባቢ ኤዛጋ ቃይጽ ይንታይቅን ቃይጻሱዌ ማኪ ሀይጥንቱዌ። ታና ኡⶥ ቤሽ ይንት ቃይጻስንታኑዌ፤ ኢቻጊንታን ጡር ግያዳ ሱይስክኖጥን ጫዲ ይስኩⶣም ይንታይቅን ዴክና ማጋጭንድ ቦካ ይንት ጎትንታኑዌ» ማኪ ሀይጡ።

![](https://cdn.door43.org/obs/jpg/360px/obs-en-18-07.jpg)

ኡⶢስ ባ ሲስኩⶣም ኢስራኤል አሥንድ ዛራ ታሕማስንዲ ሮቢአም ዴብም ጌጺ ዶንቲ ባ ቆዴንድ። ናማስ ዛራናን ይያ ባና ሺዴንዴ። ናማስ ዛርንዳ ኤንዲ ይሁዳ ትያትስ ትያሤንዴ።

![](https://cdn.door43.org/obs/jpg/360px/obs-en-18-08.jpg)

ባ ቄራም ባ ቤⶥኪ ኬስኬንድ ኢስራኤል አሥንዲ ኢዮሪቢአም ማስቲ ይስኩⶥ ናሲስ ባ ዴብም ትያሤንዴ። ዝያጻ ሴሜን ኮብ ይስኩ ኢስራኤል ዶድን ይስኬንዳጊኡⶢስ ይሤንዴ፤ ኢሣይቅኒንድ ኢስራኤል ትያት ማኪ ባ ዴብም ትያቲስ ኡካርሴንዴ።

![](https://cdn.door43.org/obs/jpg/360px/obs-en-18-09.jpg)

ኢዮቢአሚ ዬር ዴብ ጌጺ ኢስራኤል አሥንዲ ጩቡ ቃይጽንሱዌሽን አሡ። ይሲንድ ዬሩሳላምም ይስኩ ጎይን ኬትን አሢ ሀንቂ ዬርን ጎይንሱⶢስ ናስንሲ ናም ካሕንድ አምሢ ቃይጺ ኤንዴሽን ኢስራኤል አሥንድ ጎይናሱዌ።

![](https://cdn.door43.org/obs/jpg/360px/obs-en-18-10.jpg)

ኡⶣጋ ጌሽን ይሁዳ ኢስራኤላ ትያትንዲ ጋግናስንድ ፔቲ ባ ባርቅን ⶦዳጋ ቤርግ ጫድኔንዴ።

![](https://cdn.door43.org/obs/jpg/360px/obs-en-18-11.jpg)

ኢስራኤል አሥንድ ትያት ፔቴንዲ ባ ካንግ ኢትናስንድ ካያን ይስቴንዴ። ኢሣይቅንቃን ሾዳስንዲ ባ ኩሥን ትያትንሱⶣ፥ አሥንዳ ዱማርንዳይስ ዎጢ ኢራትሲ ይስኬንዳን ይስቴንዴ።

![](https://cdn.door43.org/obs/jpg/360px/obs-en-18-12.jpg)

ትያትንዳ ኤንዲ ባ ካንግ ኢስራኤል አሥንዲስ ካሕንዳ ዱማርንዴሽን ጎይናሲ ባ ንያእንዲንድ ካሕንዳ ኤንዴሽን ኡዲ ይስቴንዴ። ኡⶣጋ ዴብም ቃጽ ኢት ቃይጻ አሥ ሚዛሳጉⶥንድ ቃይጺ ይስቴንዴ።

![](https://cdn.door43.org/obs/jpg/360px/obs-en-18-13.jpg)

ይሁዳ ዶድ ትያትንዲ ዳዊት ዛርንዳ ጊዝዎ። ኢሣይቅንቃን ማጥማጥንዲ ዬርን ጎስታጌንድ ሶይ ትያትንዳጊ ይስቴንዴ። ካሲ ማጥማጥንዲ ዬርን ጎስታርጌንድ ኢትናስንዳ ጊዝዎ። ኢሣይቅን ቃይጺ ሶይጣርጌንድ ዱማርንድ ካሕንዴሽኒንድ ጎይኒ ዬቴንዴ። ትያትንዳ ማጥማጥንዲ ባ ንያእስ ዱማርንድ ካሔዴሽን ኡዲ ጎይኒ ዬር ዴብም ጌጺ ይስቴንዴ።

*ጋሀሀንዲ 1ትያ. ማጻፕይይርⶣ 1-6፤11-12።ሀክይስኩⶥካናጊዝዎ።*

## 19. ኮናስንድ

https://openbiblestories.org/l/bcq/story-19/

![](https://cdn.door43.org/obs/jpg/360px/obs-en-19-01.jpg)

ዬሮሥንዲ ኢስራኤል አሥንድ ዳድን ሀኑⶠ አባማጎን ይፔታን ኮናስንዲስ ኢሣይቅን ዳድን ዎሲ ቲሢ ይስቱ። ኮናስንዲ ዬርጋ ዎሳ ባ ሲስኩⶣ፥ ዬርጋ ሀይጣይስ ኢስራኤል አሥንዴሽን ኮኒ ሀይጢ ይስቴንዴ።

![](https://cdn.door43.org/obs/jpg/360px/obs-en-19-02.jpg)

አካቢ ኢስራኤል አሥንድ ዴብም ትያታጉⶥን ኤልያሲ ኮናስ ይስቱ። አካቢ ኢስራኤል አሥንዲስ ባአል ማስቲ ይስኩⶥ ካሕይስ ጎይናሲ ኢሱⶥ ኢታጋ ትያታ ጊዝዎ። ኡⶣጋ አባም ኤልያሲ አካቤሽን፣ «ታና ሀይጣ ቡሳጉ ሀክ ኢስርኤል ዶድ ቶሕን ዎሊ ጪር ቡክንሳርጉዌ!» ማኪ ሀይጡ። ጋሀ ኡⶢ አካቢስ ቃጽ ያንቃሱዌ።

![](https://cdn.door43.org/obs/jpg/360px/obs-en-19-03.jpg)

አካቢ ኤልያሲስ ዎጥኒ ኮያጉⶥን ዬሪ ዶዳ ኮልን ሀንቂ ይሲ አሽቴ ማኪ ኤልያስን ሀይጡ። ኤልያሴሽን ዱታማ፥ ሶካማ ካንግዎይን አⶫ፥ ቡዳይስ ክሪ ኤቲ ዬኢ ይ ሙሲ ይስቱ። አካባ ይ ማይትናስንዳይ ኤልያሲስ ዣጊ ካዪይ ይስቴንዴ። ይ ፔታስን ይ ያፕምሚ ሀካርጉ ይስቴንድ። ዎሊ ቡካርጉ ቃጽ ሀካጉⶥን ሶኢ ኮሊ ውሩዌ።

![](https://cdn.door43.org/obs/jpg/360px/obs-en-19-04.jpg)

ኡⶣም ኤልያሲ ዬርጋ ሀይጣም ዱማርስ ዶድን ሀንቁ። ዶዳ ኡⶥካን አሥና ማጣ ቤስ ኤትኬና ባ ናንሣ ማጣባና ይስቴን። ኢሣይቅን ሙኢ ውራም ቃጽ ኢራትኒ ይስታጉⶥን ኤልያሲ ው ዳድን አቱ። ኡⶣም ኤልያሲ ው ቡድ ፑሕካ ኮታቤቅና ው ዛይታይ ውርንሳርጉዌሽን ይሢ ዎሊ ዶድ ቶሕን ቡካጉ ሀክ ኢሣይቅና ባና ሙኡዌ። ኤልያሲ ሾዳጋ ቤርግ አሥና ኤና ባና ው ኬትን ይስቱዌ።

![](https://cdn.door43.org/obs/jpg/360px/obs-en-19-05.jpg)

ካዝቤርጋⶦጳጌሽንዬሪዎሊስባቡስንሱፔቱዌሽንሀንቃኢስራኤልትያታአካባኔናድያምሞማኪይስንሀይጡ።አካቢኤልያሲስባቤቁⶣም «ዎናሳአሢስኢራትቤሳቦንጣርሳይስኩⶥኔናአታኔ?» ማኩ።ኤልያሲካርሲይዬሽን «አሥኢራትሳይስኩⶢኔናጊዛዎ! ኢባራሙⶥካሐያህዌሂስሺችንሳባአሌሽንጎይናይስኩⶢኔናኒአሥንዳጊዝዎ፤ኤስንክያምሀⶥኢስራኤልአሥንዲስካንግታምቄርሜሎስንጉድንባስንዱብዳሶ!» ማኩ።

![](https://cdn.door43.org/obs/jpg/360px/obs-en-19-06.jpg)

450 ካሐ ባአላጋ ኮናስዳ፥ ኢስራኤል አሣ ካንጋ ቄርሜሎስ ጉድ ባስን ዱብድኔንዴ። ኤልያሲ አቲ ኢስራኤል አሥንዴሽን «ይንታይቅኒ ዎስኬን ሀካንይንት ታሥ ሻዲ አሣ ቶእ ሴጋላሙⶦጥን ዶጊ ዎብቲ ናም ታሢ ካይ ይስትንሳጌዎ? ኤስን ሀⶥ ዬሪ ካሕ ፔታን ይስን ጎይንዴ! ሺዳን ባአላጊ ካሕ ፔታን ይስን ጎይንዴ! ሲስክንሲ ታምም ካርሱⶢ ኢባሪ ካሕ ፔትማኬ!» ማኩ።

![](https://cdn.door43.org/obs/jpg/360px/obs-en-19-07.jpg)

ኡⶣጋ ጌሽን ናም ማንታ ዴሉሲ ኤስቲ ውንን ይ ማጢስ ካሐ ባአል ኮናስንዲ ⶡኪ ኡድ አሢ ሺርሼንድ። ኤልያሲ «ታማም ካርሱⶢ ካሕ ፔትማኬ!» ማኪ ሀይጥንሲ ይስቱዌሽን ታሚ ኡድ ቶእቃን ሶሣርጉዌ። ኡⶤሽን ታም ሶካርጉ ኡዳናን ኡዲ ይሤንዴ።

![](https://cdn.door43.org/obs/jpg/360px/obs-en-19-08.jpg)

ኡⶢስ ኤስ ይሥንሲ ባአል ኮናስንዲ «ዎኑ ካሐ ባአላዎ! ኑም ሲስካ ካርሶ!» ማኪ ሀሆ ዱጊ ጾኪ ይስቴንድ። ዱታም ኡጥንሲ ሶክ ፓዥ ሀክ ኬኢ ጾኪ ይስቲ ባ ዶሶጥን ባጉዚስ ዶጊ ሱሢ ኮኒንድ ሀይጢ ይስቲ ኢሣይቅኒ ባ ካሕይስ ቆሎዳ ኤር ካርሳርጉዌ።

![](https://cdn.door43.org/obs/jpg/360px/obs-en-19-09.jpg)

አባ ኡⶣም ጎቅን ሶክ ፓዥን ኤልያሲ ዬርን ኡዲስ ዬሻሱ። ማንታ ማጢስ ⶡኪ እንች ይሢ ይ ዴብም ኡዳ ኡⶢስ ይሡ፤ ኡድ ኩሥ ⶦራም ባም ይሻስንሲ 12 ኮንዳ ሶእስ ዎሀሲ ባማ ኡⶣም ⶾንⶫሱ።

![](https://cdn.door43.org/obs/jpg/360px/obs-en-19-10.jpg)

ኡⶥ ጌሽን ኤልያሲ «ዎ ብርሃማ፥ ይስሀቃ፥ ያይቆባ ካሐ ያህዌዎ! ኔናጋ ኢስራኤል ካሕ ኔ ፔቱⶣ፥ ታና ኒ ቃይጻስ ፔቱⶣይስ ዎይንቴን ሀⶥን ኑ ቤሶ! ኢባሪ ኔናጋ ኢባር ካሕ ፔቱⶢስ አሥንዳ ሀንዲ ኤርንሱዌሽን ኒ ሱሜሽን ማካ ይሦ!» ማኪ ጾኩ።

![](https://cdn.door43.org/obs/jpg/360px/obs-en-19-11.jpg)

ኡⶣም ግያርን ሀይቅን ጫርቃን ይስቲ ታሚ ዎርትኒ ኡዳ ኡⶣ፥ ቡይጣ፥ ንያላ፥ ባምቃኑⶥ ሶአ ይ ⶦራም ይስኩⶣይስ ካንግ ቡንሢ ሙኡዌ። ኢስራኤል አሥንዲ ኡⶢስ ባ ቤቁⶣን ባ አፓም ካርቲ ዶድ ዎጥ ጉራትንሲ «ኢባሪ ዬሮሥንዳ ያህዌሀጊ ካሔ! ያህዌሂ ካሐ ጊዝዎ!»ማኬንድ።

![](https://cdn.door43.org/obs/jpg/360px/obs-en-19-12.jpg)

ኤልያሲ አሢስ «ባአል ኮናስንዲስ ማጣፓስ ፖንሣሽዲ ታም ኡጥንዴ» ማኩ። ኡⶣም አሥንዲ ካሐ ባአል ኮናስዲስ ካንግ ኡጢ ኤቲ ሀንቂ ዎጤንዴ።

![](https://cdn.door43.org/obs/jpg/360px/obs-en-19-13.jpg)

ኡⶣጋ ጌሽን ኤልያሲ ትያታ አካቤሽን «ዎሊ ኤስን ሀⶥ ቡክንሱⶣጊስን ክያም ብትና ኒ ኬትን ሀሞ!» ማኩ። ግያርን ሀይቅን ጫሪ ጽድን ኤዛጋ ዎሊ ቡኩዌ። ኡⶣም ዬሮሥንዲ ታማም ካርሲ ዎልንድ ቡሲ ኢባራሙⶥ ካሕ ባ ፔቱⶢስ ቤሱዌ።

![](https://cdn.door43.org/obs/jpg/360px/obs-en-19-14.jpg)

ኤልያሳጋ ጌሽን ዬሪ ኤልሳ ማስቲ ይስኩⶢስ ኮናስ አሢ ኩርሱ። ዬሮሥንዲ ኤልሳም ⶦድ አሥ ዲሢ ይስኩ ቃይጽ ይሢ ይስቱዌ። ቃጽ አሥ ዲሢ ይስኩⶥ ቃይጽቃን ማጢ ዬሪ ኢስራኤል አሥንድ ጋግናስንዳጋ ማይትናስንድ ኡካሪስ ፕያሡⶣ ጊዝዎ። ናሳ ኡⶢ ኑአሚን ማስቲ ይስኩⶣጊ ዶርⶥ ፑጋም ፑርስቲ ቃጽ ኩምሥናንቂ ይስቱ። ይሲንድ ባ ዶድን ይስቲ ኤልሳይ አሥ ፕያሢ ይስኩⶢስ ሲስክንሲ ኢስራኤል ዶድን ኤልሳ ዳድን ዬኡ። ኤልሳይ «ዮርዳኖስ ሶእቃን ሀንቃ ናፕም ካርሳ ኒ ማሶ!» ማኪ ይስን ሀይጡዌ።

![](https://cdn.door43.org/obs/jpg/360px/obs-en-19-15.jpg)

ይ ጋድን ኒአሚኒ ያንቂ ባና ሀንቃ ማስንሳርጉዌ ማኩ። ይ አሥንዲ ይ ባጭን ይሲንድ ሀንቂ ዮርዳኖስ ሶእቃን እያርዲ ኬስኪ ናፕም ካል ባ ማስኩ፤ ይ ናፕምናስን ይሲ ሶእቃን እያርዲ ኬሳጉⶥን ዬሪ ይ ፕያሥን ይ ጉዚ ፕያጺ ሶይ አቱዌ።

![](https://cdn.door43.org/obs/jpg/360px/obs-en-19-16.jpg)

ኡⶥ ጌሽኒንድ ዬሮሥንዲ ⶦዳስ ኮናስንዲስ ቲሡ። ኮናስንዳ ኤንዲ ኢስራኤል አሥንዳ ኢሣይቅን ትያትንዳዬሽን ዱማርስ ካሕንዴሽንጎይናርጉ ኢባር ባሥንድ ባሢ ማር ይሣጌንድ ሶይናስ ኢሣይቅኒ ፔትንሱዌሽን ኪቲ ሀይጤንዴ። ዬሮሥንዲ አሥንዲ ይስን ጎስቲ ሶይ ቃይጽ ቃይጺ ይ ሀይጣ ይ ትዛዛ ባቃርጉ ሺዳን ኢሣይቅን ዴብም ማጋጭ ባ ቦክንሱ ፔቱⶢስ ኬንዛሲ ሀይጢ ይስቱዌ።

![](https://cdn.door43.org/obs/jpg/360px/obs-en-19-17.jpg)

ኢስራኤል አሥንዲ ⶦድ አብ ዬርን ጎስቲ ይ ትዛዝ ባቃርጌንዴ፤ ኮናስዳ ኢባር ኮን ሀይጢ ይስኬንዴሽኒንድ ሶይጣርጌንድ ኢሥ ኢራታስያን ይስቴንዴ። ማጥማጥ አባም ኮናስንዲስ ብያርትኒ ዎጢ ይስቴንዴ። ማጣጋ አባም ኮናሳ ኤርምያሲስ ሶእ ባምቃን ኡጢ ቦኪ ይ ዎጥንሳስባን ማኪ ቦክንሲ ሀንቄንዴ። ኤርምያሲ ባማ ኡⶥካን ቶግቃንእያርዲ ቆስታንቂ ይስቱ፤ ዬሪ አሣ ማጣም ባማ ኡⶥካን ይ ኬሳስን ፕያጹዌ።

![](https://cdn.door43.org/obs/jpg/360px/obs-en-19-18.jpg)

ኢስራኤል አሥንዲ ኮናስንዲስ ⶦድ ካርቲ ኩርቂ ኢቻስን ኢሣይቅኒ ዬራጋ ዎሲስ ሀይጣ ባ ይስኩⶢስ ሺቻርጌንዴ። ሶይቃን ባ እያርዳሺዳን ኢሣይቅኒ ባእንሱ ፔቱⶢስ ኬንዛሲ ሀይጢ ይስቴንዴ። ካሲ ቃዝቂ ዬሪ ማስያ (ኪርስቶሳ) ፕያሥንሱⶢ ኤታ ባ ውንሱዌ ማኪ ሀይጡ ጋሂስ ኢሣይቅን ታሣሲ ይስቴንዴ።

*ጋሀሀንዲ 1ትያ. ማጻፕይይርⶣ 16-18፤ 2ትያ. ማ. 5፤ኤርምያስ 38።ሀክይስኩⶥካናጊዝዎ።*

## 20. ካታ፥ ካትካን ይስቲ ካርታ

https://openbiblestories.org/l/bcq/story-20/

![](https://cdn.door43.org/obs/jpg/360px/obs-en-20-01.jpg)

ኢስራኤላ፥ ይሁዳ ዶድ ትያትንዲ ባ ሻይ ዬራጋ ዴብም ጩቡ ቃይጼንዴ። ዬሮሥንዲ ሀይቅን ሲና ጉድ ባስን ኢሣይቅና ባና ይሡⶥ ዎግስ ኮሢ ቦኬንድ። ዬሪ ሶይቃን ኢሣይቅኒ እያርዲ ባ ጎይንሱዌሽን ካርሲ ካርሲ ኢሣይቅን ኬንዛሲ ኮናንስዲስ ዎሲ ቲሡ። ኢሣይቅኒ ዬርን ጎስታሺድኒ ኢቼንዴ።

![](https://cdn.door43.org/obs/jpg/360px/obs-en-20-02.jpg)

ኡⶣጋ ናባም ዬሪ ኢስራኤላ፥ ይሁዳ አሥንዲስ ኢሣይቅን ጋግናስንዴሽን ኤጋም አሢ ኡሡ። ⶢል ጩምጫራ ሀካሜንድ አሶር ትያትስ ዶንሢ ኤቲ ዬኢ ኢስራኤል ትያትስ ባይሱዌ። ኢሣይቅን ጊዛ አሥንዳ ቆፒ ይስን ይስኩⶥ ቂጽንዲስ ካንግ ቦርሳርጉ ካቲ ኤቲ ባ ዶድን ሀንቄንዴ። ው ካታምንዳ ⶦዲንድ ታማም ክያቢ ቡንሤንዴ።

![](https://cdn.door43.org/obs/jpg/360px/obs-en-20-03.jpg)

አሶር ዶድ ኡካርንዲ ኢስራኤል አሥንድ ኬሔትናስንዳ፥ ኩች ቃይጻም ኤርትናስንዳይስ ካንግ አኪ ኤቲ አሶርቃን ሀንቄንድ።ግራስንዳናን ዎጣርጉ ቦርሲ ሺቼንዴ።

![](https://cdn.door43.org/obs/jpg/360px/obs-en-20-04.jpg)

ኡⶣጋ ጌሽን ዶዳ ዱምርንድ አሥንዲ ኢስራኤል ዶድን ቶክንሱዌሽን ኤቲ ዬኤንዴ። አሥንዳ ኤንዲ ዬኢ ካታምንዲስ ካርሲ ጊጺ ይስን ቦርቴንድ ኢስራኤል አሥንዲስ እያርሲ ዎጌንዴ። አሥንዳ ኤንድቃን ዬይስኬንዲ ሳማራ አሥንድ ማስቲ ጼስቲ ይስቴንዴ።

![](https://cdn.door43.org/obs/jpg/360px/obs-en-20-05.jpg)

ኢስራኤል አሥንዳ ኢሣይቅን ትያትንዳይ ዬራም ጊባትናርጉ ሺዲ ይ ትዛዝንድ ይሣርጉ ሺድንሲ ዎሳሳን ኢራትኒ ማጋጭ ባ ዴብም ቦስታሳን ይሁዳ አሥንዲ ቤቄንድ። ኡⶢስ ቤቂ ይስቲ ይሁዳ አሥንዳ ኢሥ ትያትንዳይ ካናአን አሥንድ ካሕንዴሽን ባሚ ጎይኔንዴ። ዬሪ ኢሣይቅን ኬንዛሲ ኮናስንዲስ ዎሲ ቲሡ፤ ኮናስንዳ ኤንዳጋ ሀይጢስ ሲሳሺድኒ ኢቼንዴ።

![](https://cdn.door43.org/obs/jpg/360px/obs-en-20-06.jpg)

አሶር ትያትንዲ ኢስራኤል አሥንዲስ ጫዲ ዎሢ ባይሱ ጌሽን ካሲ ባብሎን ትያቲ ይሁዳ ዶድ ጫድንሱዌሽን ዬሪ ቲሡ። ባብሎን ትያቲ ቃጽ ሀካሙⶥ ትያታ ጊዝዎ። ይሁዳ ትያቲ ባብሎን ትያቴሽን ጋባር አቲ ቤርጋ ቤርጋም ጊብር ባ ቃጽንሱዌሽን ⶡን ይሡ።

![](https://cdn.door43.org/obs/jpg/360px/obs-en-20-07.jpg)

ይ ፔታስን ኮት ቤርግንድ ጌሽን ይሁዳ ትያቲ ጌጹዌ። ኡⶣም ባብሎን ማይትናስንዲ ካርቲ ዬኢ ይህዳ ዴብም ጫድ ፒርቄንድ። ዬሩሳላም ካታሚንድ ኡጢ ዬርን ጎይን ኬትስ ታማም ቡንሢ ኮሢ ባይስኔዴ። ዬርን ጎይን ኬትካኑⶥ ቃጽንዳ ካታምቃኑⶥ ጊዛ ቂጻይስ ካንግ አኪ ካቲ ኤቲ ሀንቄንዴ።

![](https://cdn.door43.org/obs/jpg/360px/obs-en-20-08.jpg)

ይሁዳ ትያት እያን ንያእንዲስ ባብሎን ማይትናስዲ ይ አፕም ዎጤንድ። ይ አፒንድ ቡርቂ ባይሴንድ። ኡⶥ ጌሽን ባብሎንቃን ይሁዳ ትያትስጽያጺ ኤቲ ሀንቄንዴ። ይሲንድ ባብሎን ጽያጽ ኬትካን ይስቲ ሀይቁዌ።

![](https://cdn.door43.org/obs/jpg/360px/obs-en-20-09.jpg)

ናባካዳናጾራ፥ ይ ማይትናስዳይ ዶድ ካⶪ ቃይጽ ኢሣይቅኒ ቃይጽንሱዌሽን ቃጽ ግራስንዲስ ሺችንሲ ይሁዳ ትያታ ይሁዳ አሥንዳይስ ካንግ ካቲ ኤቲ ባብሎንቃን ሀንቁዌ። ዬራጋ አሥንዲ ይዝቅኔንድ ኢሣይቅን ባብምዴሽን ታሥ ኤስታንቃ ይስታ ኢሣይቅኔሽን ኤስቴን ዶድቃን ይስቲ ጊዳም ኤስቲ ሀንቁⶥ አቢ ካታጋ አብ ማስቲ ይስኩዌ።

![](https://cdn.door43.org/obs/jpg/360px/obs-en-20-10.jpg)

ዬሪ ኢሣይቅን ጩቡ ናባም ኢሣይቅን ዴብም ማጋጭ ቦካሲ ኢሣይቅና ታሥ ባ ኡሡⶥ ሀይጣ ባ ዎጋይስ ብያታርጉዌ። ዬሪ ባ አሥንዲስ ባቃ ባ ይስኩⶣ ኮናስንዳም ኢሣይቅና ባና ጋርትና ባ ይስኩⶣይስ ሺቻርጉዌ። 70 ቤርግ ጌሽንኢሣይቅን ካርሲ ኢሥ ዶድን ባ ኤታ ውንሱዌሽን ታሥ ኡሡ።

![](https://cdn.door43.org/obs/jpg/360px/obs-en-20-11.jpg)

70 ቤርግ ጌሽን ፓርስ ዶድ ትያቲ ባብሎን ትያቲስ ጫዲ ዎሡ። ኡⶣም ፓርስ ዶድ ትያትንዳጋ ትያቲ ባብሎን ዶዲስ ኡጢ ባ ቶእቃን ባኪ ጎቱ። ኡⶣጋ አባም ኢስራኤል አሥንዲ አይሁድ አሥንድ ማስቲ ጼስቴንዴ። ⶦዳስንዲ ባብሎንቃን ⶦድ ቤርግ ባ ዎጉዌሽን ባብሎን ዶድ አሥ አታንቂ ይስቴንድ። ኢሣይቅንቃን ቃጽ ኤርጋንቂ ይስቴንድ አሥንዳናጊ ይሁዳ ዶዲስ ታሢ ይስቴንዴ።

![](https://cdn.door43.org/obs/jpg/360px/obs-en-20-12.jpg)

ፓርስ ዶድ ትያትንዳጋ ትያቲ ባ ኡጣ ጋባርሳ ይስኬንድ አሥንዴሽን ማር ይሢ ይስቱ። ቂሮሲ ፓርሳጋ ዶድ ትያት ባፔቱⶥ ኮት አብ ጌሽን ባ ዶድን ካርትኒ ኮዩይ ይስኩⶥ አይሁድ አሣ ኦናጎን ባ ፔታን ፓርስ ዶዲስ ፖንሥንሲ ባ ዶድን ሀምሚ ሀክንሱዌ ማኪ ትዛዝ ኡሡ። ዬርን ጎይን ኬትንድ ኢሣይቅኒ ይያም ጊጽንሱⶥ ጊዝንድ ኢሣይቅኔሽን ጋሥኒ ኡሡ። ኡⶣም አይሁድ አሥንዲ ካታስና ሀንቃ 70 ቤርግ ባ ቤሱ ጌሽን ኮታቤቅንድ አይሁድ አሥንዳጋ ቦምቢ ዬሩሳላም ካርቲ ዬኤንዴ።

![](https://cdn.door43.org/obs/jpg/360px/obs-en-20-13.jpg)

ይሁዳ አሥንዲ ዬአ ዬሩሳላም ባ አቱⶣም ዬርን ጎይን ኬታ፥ ዬሩሳላም ካታም ⶦራም ይስቱ ማጋ ካርሲ ጊጼንዴ። ኢሣይቅኒንድ ዱማርንድ አሥንዳም ጎስታንቂ ይስቲ ዬኤንድ ፔታሲ ካርቲ ዬኢ ዬርን ጎይን ኬት ጊጺ ይቃን ጎይኔንዴ።

*ጋሀሀንዲ 2ትያ. ማጻፕይይርⶣ 17፤24-25፤ 2ዜና. ማ. 36፤እዝራ 1-10፤ኔህምያ 1-13።ሀክይስኩⶥካናጊዝዎ።*

## 21. ዬሪ ማስህ ማስቱⶥኪርስቶሲስ ባ ቲሥንሱዌሽን ታሥ ኡሡ

https://openbiblestories.org/l/bcq/story-21/

![](https://cdn.door43.org/obs/jpg/360px/obs-en-21-01.jpg)

ዬሮሥንዲ ጋሥ ይጋድን ማስሂስ ባ ቲሥንሱዌሽን ታሡዌ። ይ ጋድን ይሲ ውንሱⶥ ታሢ አዳማ፥ ሄዋና ዳድን ዬኡ።ዬሪ ሄዋን ዛርቃን ዬይስንሱⶢ ጾጥንባብ ዴቢስ ጣንጭንሱዌ ማኪ ታሥ ኡሡ። ሄዋኒስ ግያዱⶥ ጾጥባቢ ሼጣናንይስቱዌ። ሄዋኔሽን ኤስቱⶥ ታሥ ሀይጢ ማስሂይ ሼጣኒስ ውርስንሲ ጋምሢ ቦክንሱⶣን ሀይጢ ይስኩዌ።

![](https://cdn.door43.org/obs/jpg/360px/obs-en-21-02.jpg)

ዬሮሥንዲ ይዝቅን ብርሃሜሽኒንድ ይ ቦዳም ዶድ ቶሕን ይስኩⶥ አሥ ዛሪ ባ ካንግ ዲርስንሱⶢስ ታሥ ኡሢ ሀይጥንሲ ይስቱዌ። ዲርታ ኡⶢማስህይ አትናጉⶥን ፔትንሱⶣ ጊዝዎ። ይሲ ዶድ ቶሕን ይስኩⶥ አሢ ባ ካንግ ፕያጽንሱⶢስ ኮዪይ ይስኩዌ።

![](https://cdn.door43.org/obs/jpg/360px/obs-en-21-03.jpg)

ዬሪ ሙሴሽኒንድ ግያር አፕም ይ ሀርኩⶥ ኮናሲስ ባ ዶንሥንሱዌ ማኪ ታሥ ኡሥንሲ ይስቱዌ። ኡⶢⶦድ ቤርግ ጌሽን አትንሱ ይ ፔቱዌሽን ማስሄሽናን ሀይጢ ይስኩⶣ ጊዝዎ።

![](https://cdn.door43.org/obs/jpg/360px/obs-en-21-04.jpg)

ካሲ ዬሮሥንዲ ትያታ ዳዊቴሽን ይ ዛርቃን ማጢ ካንግዎይናም ሀኬሽን ትያትንሱⶢስ ይስን ታሥ ኡሢ ሀይጥንሲ ይስቱዌ። ኡⶢ ማስሂይ ዳዊት ዛርቃን ማጥናስ ፔቱⶣን ቤሲ ይስኩዌ።

![](https://cdn.door43.org/obs/jpg/360px/obs-en-21-05.jpg)

ዬሪ ቃያጋ ዎጊስ ባ ይሥንሱⶥ ሀይጢ ኮናሳ ኤርምያሳም ታሥ ኡሢ ሀይጡ። ዎጋ ኡⶢ ዬሪ ሲና ጉድንባ አሥንዳ ባና ይሡⶦጥን ኤሳርጉዌ። ቃያጋ ዎጋም ዬሪ ባ አሥንድ ማይቃን ባ ሂጊስ ጻፕምሱዌ። አሢ ባ ማጥማጣም ዬሪስ ኤርንሴንዴ። ዬራጋ አሥንድ ፔትንሴንዴ። ዬሪንድ ኢሣይቅን ጩቡይስ ማሪ ሺችንሱዌ። ማስሂይ ቃያጋ ዎጋ ኡⶢስ ጋድንሱዌ።

![](https://cdn.door43.org/obs/jpg/360px/obs-en-21-06.jpg)

ካሲ ኮናስንዲ ማስሂይ «ኮናሳ፥ ቆምባ፥ ትያታ ፔትንሱዌ» ማኪ ሀይጤንዴ። ኮንናሲ ዬራጋ ሀይጢስ ሲስኪ አሤሽኒንድ ኤይሲ ሀይጢ ይስኩⶥ አሣ ጊዝዎ። ዬሪ ይ ቲሥንታኑዌ ማኩⶥ ማስሂይ ኮናሳ ጊዝዎ።

![](https://cdn.door43.org/obs/jpg/360px/obs-en-21-07.jpg)

ኢስራኤል አሥንድ ቆምብንዲ አሥ ጩቡ ናባም ማጋጬሽን ኤስቲ ይስኩⶥ ኡዲስ ኤቲ አሣጋ ቆድን ሺርሺ ይስቴንዴ። ካሲ ቆምብንዲ አሣጋ ቆድን ጾኪይንድ ይስቴንዴ። ማስህይ ባ ቄሪስ ኡድ አሢ ዬርን ኡሡⶥ ቆምባ ጉዳ ጊዝዎ።

![](https://cdn.door43.org/obs/jpg/360px/obs-en-21-08.jpg)

ትያቲ ዶድ ጎቲ አሂ አሣጋ ዴብምንድ ባሢ ይስኩⶣ ጊዝዎ። ማስህይ ዳዊታጋ ዳፕም ዎግንሱⶥ ትያታ ጊዝዎ። ዶድ ቶሕን ካንግ ትያቲ ካንግዎይናም ሀክ ጎትንሱዌ። ካሲ ኢባር ባሢስ ባሢ ይስኩⶣ ጊዝዎ።

![](https://cdn.door43.org/obs/jpg/360px/obs-en-21-09.jpg)

ይዝቅኔንድ ኮናስንዲ ማስሄሽን ⶦድ ጋሂስ ኮኒ ሀይጤንዴ። ኮናስ ሚልክያሲ ማስህይ አፓርቅን ኤዛጋ ኮናሳ ማጢ ውንሱⶢስ ኮኑዌ። ማስህይ ዎር ንያአ ሙምኒንቃን ዬይስንሱⶢ ኮናስ ኢሳይያሲኮኑዌ። ካሲ ኮናሳ ሚክያሲ ማስህይ ቤቴሌምቃን ዬይስንሱⶢስ ኮኑዌ።

![](https://cdn.door43.org/obs/jpg/360px/obs-en-21-10.jpg)

ኮናስ ኢሳይያሲ «ማስህይ ጋሊላን ይስትንሱዌ፤ ኢሣይቅን ማዪይ ባሣንቂ ይስኬንድ አሥንዲስ ዞይስንሱዌ፤ ካታስኔንዲስ ሀሪ ኬሲ ጽያሣስናንቂ ይስኬንዴሽን ሀርስቲ ኢሣይቅኒ ኬስንሱⶢስ ኤይሲ ሀይጥንሱዌ። ካሲ ፑርስቴንዲስ፣ አፓ ባልንዲስ፣ ቶእ ሴጋላሜንዲስ፣ ሀያዱዳ፥ ዲቅንዳይስ ፕያሥንሱዌ» ማኪ ኮኒ ሀይጡዌ።

![](https://cdn.door43.org/obs/jpg/360px/obs-en-21-11.jpg)

ካሲ ኮናስ ኢሳይያሲ ማስህይ ኤር ባይሳራጊ ይስቲ ኢቻስንሱⶢስ፣ ይ ዴብም ጋሂ ኮይስቲ ኢራት ይ ቤቅንሱⶢስ ኮኒ ሀይጡ። ካሲ ዱማርንድ ኮናስንዲ ማስህይ ኡስቲ ሀይብምሱⶡስ፣ ይ ሲማሪስ ኢጣ ቦኪ ቆድንሱⶢስ፣ ይ ኢንጊ ካርሲ ይ ጎትንሱⶢስ ካንግ አፓርቅን ዴሣሲ ኮኔንዴ። ካሲ ኮናስ ዛካሪያሲ ይ ኢንጊ 30 ቢሪያ ይ ጎትንሱⶢስ ኮኑዌ።

![](https://cdn.door43.org/obs/jpg/360px/obs-en-21-12.jpg)

ቃዝቂ ኮናሳ ኡⶢማስሀይ ዎሳሳማን ሀይብምሱ ፔታን ሀይጡዌ። ኢሳይያሲ ካሲ ማስህይ ባ አፕካን ⶾⶫስኒ ጾናስኒ ዴካስኑⶢስ ኮኒ ሀይጡዌ። ይሲንድ ኢት ቃይጻራጊ ይስቲ ኡስቲ ኤጋም አቲ ኤስቲ ኤዛጋ ኢራት ቤቂ ጫሽቲ ሀይብምሱዌ።

![](https://cdn.door43.org/obs/jpg/360px/obs-en-21-13.jpg)

ካሲ ኮናስንዳ ኤንዲ ማስህይ ጪር ጩቡ ቃይጻርጉⶥ ሶይናስ አሥ ፔታንቂ ይስቲ አሣጋ ጩቡ ማጋጭ ኤቲ አሥ ቆድን ሀይቁዌ። ይሲ ኢራት ቤቂ ሀይብምሱⶢስ አሣ፥ ዬራጋ ዴንትካን ዲጊስ አሥንሱዌ፤ ኡⶣጋ ቦዳም ማስህይ ኢራት ቤቂ ሀይብምሱⶢ ዬርጋ ⶡን ፔቱዌ።

![](https://cdn.door43.org/obs/jpg/360px/obs-en-21-14.jpg)

ማስህይ ሀይብምሱⶣ፥ ዎጥቃኒንድ ይሲ ዶንትንሱⶣይስ ኮናስንዲ ኮኒ ሀይጤንድ። ዬሪ ማስህይ ዎጣ፥ ዎጥቃን ዶንታጋ ቦዳም ጩቡዋስንዲስ ባ ፕያሥንሱዌሽን ባ ⶡን ይሢ ቃያጋ ዎግ ይሢስ ጋድንሱዌ።

![](https://cdn.door43.org/obs/jpg/360px/obs-en-21-15.jpg)

ዬሮሥንዲ ማስህያጋ ቃይጼሽን ኮናስንዴሽን ⶦድ ጋሂስ ሀይጥንሲ ይስቱዌ። ይ ፔታስን ማስህይ ኮናስንዳ ኤንዳ አባም ውዋርጉዌ። ኮናስንዳ ኤንዲቃን ይ ውርን ኮኑⶢ400 ቤርግ ቤሱ ጌሽናን ዬሪ ዶድ ቶሕን ማስህይስ ቲሡዌ።

*ጋሀሀንዲድያድ. ማጻፕይይርⶣ 3፥15፤12፥1-3፤ዜዳ. 18፥15፤2ሳሙ.7፤ኤር.31፤ኢሳ.59፥16፤ዳን.7፤ሚል.4፥5፤ኢሳ. 9፥1-7፤ 35፥3-5፤ 61፥53፤ሻል.ማ. 22፥18፤ 35፥19፤69፥4፤41፥9፤ዛካ፥11፥12-13፤ኢሳ.50፥6፤ሻል.ማ. 16፥11።ሀክይስኩⶥካናጊዝዎ።*

## 22. ጣማቅናጉ ዮሀኒሲ ዬይስኩ

https://openbiblestories.org/l/bcq/story-22/

![](https://cdn.door43.org/obs/jpg/360px/obs-en-22-01.jpg)

ዬሪሥንዲአፓርቅንዴሣሲባዎሳስንዳማ፥ኮናስንዳማባአሥንዴሽንሀይጥንሲይስቱ።ኢሣይቅኔሽንባሀይጣስኑⶢስ 400 ቤርግዴብምቤሱዌ።ማጥንጎቅንቱታልዬርጋዎሳሲቆምባዛካሪያስዳድንማጣጋዎሲስኤቲዬኡ።ይሲንድኤርግአሣጊይስቱ።ዛካሪያሳይማሽታኤልሳቤጣኤንዲዬሪስሼርቂይስኬንዳጊይስቴንዴ።ይፔታስንኤልሳቤጣንያእዬላርጌንዝያጳንይስቴኔ።

![](https://cdn.door43.org/obs/jpg/360px/obs-en-22-02.jpg)

ዎሳሲዛካሪያሴሽን፣ «ኒማሽታእያንንያእዬልንሴኔ፤ይሱሚንድዬሀኒስማካጼግኔኑዌ፤ይሲማⶣሀናሳምⶾንሱዌ።አሢስማስሲዬሽንዬሻስንሱዌ!» ማኪሀይጡ።ዛካሪያሲ «ታና፥ታማሽታቃጽኑኤርጋንቁዌ፤ኡⶢፔትንሱⶢስዎሳሳምታኤርንሱⶣጌዎ?» ማኪኦጩ።

![](https://cdn.door43.org/obs/jpg/360px/obs-en-22-03.jpg)

ዎሳሲካርሲይዬሽን፣ «ካዥሀይጣሀⶢስይንታይቅኔሽንታሀይጤማኪዬሪታዎሲቲሡዌ፤ኔናታናሀይጣይስኩⶢስኔጊባትናርጉዌሽንናንሣኡⶢዬይሳጉሀክዲቅአታንቃኔይስትንሱዌ» ማኩ።ኡⶣምጋድንሲዛካሪያሲጋህጋህኒሀካርጉሺዱዌ።ኡⶥጌሽንዎሳሲይዳድንባድአቲሀንቁ፤ዛካሪያስንድባኬትንካርቱⶣምይማሽታቃንቄኔ።

![](https://cdn.door43.org/obs/jpg/360px/obs-en-22-04.jpg)

ኤልሳቤጣሳፕምእያርፕቃናምይስታጉⶥንዎሳሳኡⶢካሲማሪያምማስታይስኬንዎርንያአሙምኒንዳድንአቲቤስቱ፤ናማኤናናንሣዮሴፕማስቲይስኩⶢውቃንማታፕቦክንሲይስቴኔ።ዎሳሳኡⶢውዌሽን «ቃቅኔኑዌ፤እያንንያእንድዬልኔኑዌ፤ይሱሚንድኢዬሱስማካኔጼግንሱዌ።ይሲትያታዬራጋናንሥማስትንሱዌ፤ካንግዎይናምሀክትያትንሱዌ» ማኪውስንሀይጡ።

![](https://cdn.door43.org/obs/jpg/360px/obs-en-22-05.jpg)

ማሪያማ፣ «ታናዎርንያአሙምኒናጊዛዎ፤ኡⶢዎሳሳማንፔትኒሀክንሳጌዎ?» ማካኦጬን።ዎሳሲውዌሽንካርሲ፣ «ማⶣሀናሲኒዴብምዎርትንሱዌ፤ትያታዬራጋጊዲንድኒምጋሥንሱዌ።ኡⶤሽንናንሣኡⶢሀናሳዬርናንሥማስትንሱዌ» ማኩ።ኡⶣምማሪያማዎሳሳጋሀይጢስጊባትኔኔ።

![](https://cdn.door43.org/obs/jpg/360px/obs-en-22-06.jpg)

ማሪያማዎሳሲውስንሀይጡጌሽንግያርንኤልሳቤጥዳድንሀንቄን።ኤልሳቤጣማሪያምዲግሲስክንሳውዳድንውዋጉⶥንውቃናውⶢልቃኑⶢጦልቂካስኩ።ማይንዲዬሮሥንዲኢሣይቅኔሽንይሡቃይጼሽንኢሣይቅናባናካዥቂይስቴንዴ።ማሪያማኤልሳቤጥዳድንካዝእያርፕባቤሱጌሽንባኬትንካርታሀንቄኔ።

![](https://cdn.door43.org/obs/jpg/360px/obs-en-22-07.jpg)

ኤልሳቤጣእያንንያእዬሌን፤ይሱሚንድዎሳሲኢሣይቅኔሽንሀይጡⶢዎጥንናንሢሱሚስዮሀኒስማኪሱምሤንድ።ኡⶣጋጌሽንዛካሪያሳጋኖኒባፖግንጋሁዌ።ዛካሪያሲዶንቲ «ባአሢንዲስብያታርጉታሢይስኩዬሪጋላታስንማኬ! ናንሣሀⶥኔናአሢባኢትቃይጻቃንዎሳሳማንካርትንሳንጩቡማርቦዲስኔሀይጥንሱፔቱዌሽንትያታዬሮሥንድኮናስኔማስትንሱዌ!» ማኪሀይጡዌ።

*ጋሀሀንዲሉቃስ. ማጻፕይይርⶣ 1 ጊዝዎ።*

## 23. ዬሱሲ ዬይስኩ

https://openbiblestories.org/l/bcq/story-23/

![](https://cdn.door43.org/obs/jpg/360px/obs-en-23-01.jpg)

ማሪያማ ናሳ ሶይናስ ፔቱⶥ ዮሴፒ ውቃን ማታፕ ቦክንሲ ይስቴና ጊዛዎ። ይሲንድ ማሪያማ ቃንቁⶢስ ባ ሲስኩⶣም ቃና ኡⶢ ባ ንያእ ፔታርጉⶢስ ኤሩ፤ ይሲንድ ውይስ ዬላሳርጉ ንያክ ው ሺችኒ ኮዩዌ። ኡⶢስ ይሲ ታሢ ይስታጉⶥን ዎሳሲ ካሲ ዬኢ ይስን ሀይጡዌ።

![](https://cdn.door43.org/obs/jpg/360px/obs-en-23-02.jpg)

ዎሳሳ ኡⶢ ዮሴፔሽን፣ «ኒ ማሽታ ማሪያሚስ ኔ ኤታ ሀምሱዌሽን ሀይቃ ሼራሺዶ! ውሳ ቃንቁⶢ ማⶣ ሀናሳማ ጊዝዎ። ውሲንድ እያን ንያእ ዬልንሴኔ፤ ይሱሚንድ ኢዬሱስ ማካ ሱምሦ። ይ ፖርሺ (ያህዌሂ ፓያሥንሱዌ) ማክያን ይስኩዌ። ይ ናቢንድ ይሲ አሢስ ይ ጩቡቃን ፕያሥንሱዌ።

![](https://cdn.door43.org/obs/jpg/360px/obs-en-23-03.jpg)

ኡⶣም ዮሴፒ ማሪያሚስ ባ ኬትን ኤቲ ሀንቁዌ። ይ ፔታስን ባ ናንሣ ኡዛ ኡⶢስ ውሳ ዬላጉ ሀክ ውዋ ባና ቤሳ ማሽታ አቲ አቃርጉዌ።

![](https://cdn.door43.org/obs/jpg/360px/obs-en-23-04.jpg)

ማሪያማ ዬልና ው እያርፒ ውራጉⶥን ሮም አሥንድ ትያቲአሢ ባካንግ ይዝቅኔንድ ባ ባብምንድ ዶድን ሀንቂ ባ ሱም ጻፕማኬ ማኪ ቲዛዝ ኡሡ። ዮሴፒ ማሪያማ ባና ናዝሬትን ይስቲ ቤትልሄምም ጳዳጋ ቦድ ዎብቲ ሀንቄንድ ይ ናቢንድ ይዝቅኑⶥ ኢሣይቅን ባባ ዳዊቲ ቤትልሄም ካታም ዬይስኩዌሽና ጊዝዎ።

![](https://cdn.door43.org/obs/jpg/360px/obs-en-23-05.jpg)

ቤትልሄም ኢሣይቅኒ አትናጉⶥን ካሽ ኩሥ ያፓርጌንዴ። ኢሣይቅኒ ኬት ኮይ ባይስንሲ ይ ውርን ድያንት አቅ ኬት ያኬንዴ። ኩሣ ኡⶥን ማሪያማ ባ ናንሣ ኡዚስ ዬሌን፤ ይስን ባ ይ ሱሥንሱⶥ ኩሥ ባይስንሳ ድያንት አፕም ጎⶽ ዴብም ይ ሱሤሴኔ። ይሱሚንድ ዬሱስ ማኪ ጼጌንዴ።

![](https://cdn.door43.org/obs/jpg/360px/obs-en-23-06.jpg)

ጡማ ኡⶣም ባ ጊዝንድ ኪንቂ ቡድን አቂ ይስቴንድ ኪምናንስዲ ይስቴንድ። ቱታል ሳንቂ ይስኩ ዎሳሲ ኢሣይቅን አፕካን ቤስቱዌ። ኢሣይቅኒንድ ቃጽ ሼርቄንድ፤ ኡⶣም ዎሳሲ፣ «ሼራሺድንዴ! ይንታይቅኔሽን ታ ሀይጥንሱⶥ ካዥ ሀይጢ ይስኩዌ! ማስህ ማስቱⶥ ትያታ ኪርስቶሲ ዎይንቴን ቤትልሄም ካታም ዬይስካንቁዌ!» ማኪ ኢሣይቅኔሽን ሀይጡ።

![](https://cdn.door43.org/obs/jpg/360px/obs-en-23-07.jpg)

ካሲ ቃዝቂ «ሀንቂ አርⶣ ኡⶢስ ቤቅንዴ፤ ጫርቃም ካባስኒ ድያንት አፕም ሱርቅንሲ ይሲ ይስትን ቤቅንሲንቱዌ!» ማኩ። ቱታል ዎሳሳ ኡⶣ ባና ⶦዳስንድ ሀይቅን ጫርቃኔንድ ዎሳስንዲ ይስቴንዴ። ኢሣይቅኒንድ ዬሪስ ጋላትኒ ዎብሲ ይስቲ «ዎብሲ ዬሮሥንዴሽን ሀይቅን ጫርቃን ፔትማኬ! ሶያ ዲጋ ዶድን አሤሽኒንድ ፔትማኬ!» ማኬንዴ።

![](https://cdn.door43.org/obs/jpg/360px/obs-en-23-08.jpg)

ኪምሳንዳ ኤንዲ ብታሲ ዶንቲ ዬሱሲ ይስን ይስኩዌ ማስቱⶥን ሀንቂ አቴንድ፤ ዎሳሲ ኢሣይቅኔሽን ሀይጡⶢዎጥን ድያት አፕም ሱርቅንሲ ይሲ ይስትን ይ ያኬንዴ። ሶይሲ ካዥቄንድ፤ ማሪያምንድ ኡⶢስ ቤቅንሳ ቃጽ ካዥቄኔ። ኪምናስንዲ ባ ሲስኩⶣ፥ ባ ቤቁⶥ ጋሀም ካንግ ዬሪስ ዎብሲ ይስቲ ባ ጊዝ ዳድን ካርቲ ሀንቄንዴ።

![](https://cdn.door43.org/obs/jpg/360px/obs-en-23-09.jpg)

ኮታጋ አብ ጌሽን ኦባርን አፕ ኬስኬትን ኮብ ይስቴንድ አሥንዳ ኤርትናንስዲ ሀይቅን ጫርን ቤስቲ ኤርስታጉⶥ ማጥ ሻይቲስ ቤቄንድ። ኢሣይቅኒንድ ሻይታ (ዣታ) ኡⶣም ቃያጋ ትያቲ አይሁድ አሥንድ ዴንትካን ዬይስኩⶢስ ኤሬንዴ።ኡⶣም ትያታ ኡⶢስ ቤቅኒ ጳዳጋ ቦድ ዬኤንዴ። ቤቴልሄም ካታምም ዬኢ አቲ ዬሱሳ፥ ይ ባያይ ይስን ይስኩ ኬት ያኬንዴ።

![](https://cdn.door43.org/obs/jpg/360px/obs-en-23-10.jpg)

አሥንዳ ሻይታም ጋህ ኤራጌንዳ ኤንዲ ዬሱሲስ ባ ቤቁⶣም ዎጣንቂ ይስን ጎይኔንድ። አጣጋ ኡሥንድ ይስን ኡሤንድ። ኡⶥ ጌሽን ባ ዶድን ካርቲ ሀንቄንዴ።

*ጋሀሀንዲማቴ. ማጻፕይይርⶣ 1፤ሉቃስ 2።ሀክይስኩⶥካናጊዝዎ።*

## 24. ዮሀኒሲ ዬሱሲስ ጣምቅኑ

https://openbiblestories.org/l/bcq/story-24/

![](https://cdn.door43.org/obs/jpg/360px/obs-en-24-01.jpg)

ዛካሪያስ ናንሣ ዮሀኒሲ ኮናስ ፔቱ። ይሲንድ ዶዳ አሢ ይስን ቶካርጉ ኮልን ይስቱዌ። ኤሳ፥ እውዋይስ ሙኢ ይስቱ። ጊማል ኩስታም ቃይጹⶥ ሲማርንድ ማእንሲ ይስቱዌ።

![](https://cdn.door43.org/obs/jpg/360px/obs-en-24-02.jpg)

ⶦዳጋ አሢ ዮሀኒሲ ሀይጢ ይስኩⶢስ ሲስኒ ዶዳ ኮልን ይ ዳድን ዬኢ ይስቴንድ፤ ይሲንድ «ዬሪ አሥ ዴብም ትያትንሱⶥ አቢ ሺካንቁዌ! ሶይቃን እያርድንዴ!» ማኪ ኤይሲ ሀይጢ ይስቱዌ።

![](https://cdn.door43.org/obs/jpg/360px/obs-en-24-03.jpg)

አሥንድቃን ⶦዳስንዲ ዮሀኒስ ሀይጢስ ባ ሲስኩⶣም ባ ጩቡ ሀስትኒ ሶይቃን እያርዴንዴ። ዮሀኒሲ ኢሣይቅኒስ ጣማቅኑዌ። ⶦዳስብድ አይሁድ ጊባት ባምንዲንድ ዮሀንሲ ሀይጡⶥ ጋሀም ጊባትኒ ጣማቃስኒ ዬኤንድ። ይ ፔታስን ባ ጩቡ ሀስትኒ ሶይቃን እያርዳርጌንዴ።

![](https://cdn.door43.org/obs/jpg/360px/obs-en-24-04.jpg)

ዮሀኒሲ ኢሣይቅኔሽን፣ «ዎ ሀንዳ ጾጥንባባ ዲንጉር ንያእንዶ! ሶይቃን እያርዲ ይንት ኢት ቃይጺስ ሺችንዴ። ሶይ አፕ ኡጣርጉⶥ እንቺ ባ ካንግ ዶስቲ ታምቃን ቦስትንሱዌ። ዮሀንሲ ይዝቅን ኮናስንዲ «ኤስ ሀⶥ ኒ ቦዲስ ዬሻስንሱⶥ ዎሳሲስ ኒ አፓርቅን ቲሥንታኑዌ» ማኪ ሀይጡⶥ ኮኒ አቲ ይያም ይሢ ቤቱዌ።

![](https://cdn.door43.org/obs/jpg/360px/obs-en-24-05.jpg)

ማጥማጥ አይሁድ አሥንዲ ዮሀንሲስ ኔና ማስሀኔ? ማኪ ኦጪ ይስቴንዴ። ይሲንድ ኢሣይቅኔሽን፣ «ታና ማስህ ኤሳርታኑዌ። ይ ፔታስን ታ ጌሽን ውንሱⶥ ማጥ አሢ ይስኩዌ። ይ ጫማ ግያዲስ ታ ሀትንሱዌሽን ታም ሀካስናርጉⶥ ይሲ ኤዛ ጊዝዎ» ማኪ ሀይጡ።

![](https://cdn.door43.org/obs/jpg/360px/obs-en-24-06.jpg)

ይ ዎንሣን ዱታም ዬሱሲ ዮሀንሳም ጣማቃስኒ ይ ዳድን ዬኡ። ዮሀንሲ ባ ይ ቤቁⶣም «ሀⶥ ቤቅንዴ! ዶዳ ሀⶥ ጩቡይስ ጤጵምሱⶥ (ባይስንሱⶥ) ዬራጋ ዶሬ!» ማኩ።

![](https://cdn.door43.org/obs/jpg/360px/obs-en-24-07.jpg)

ዮሀንሲ ዬሱሲ፣ «ታና ኒ ጣማቅንታኑዌሽን ፔትንሱⶥ አሥ ኤሳርጉዌ። ሀራን ኔናጋ ታ ጣማቅንሱዌ!» ማኩ። ኡⶣም ዬሱሲ ይስን ካርሲ፣ «ይሥንሱⶥ ኮይስቲ ይስኩ ቃይጽ ይ ፔቱዌሽን ኔና ታ ጣማቅኑⶢ ኮይስቲ ይስኩዌ!» ማኩ። ዬሱሲ ጪር ጩቡ ቃይጻርጉⶥ ሶይናሳጎን ፔታሲ ዮሀንሳም ጣማቃስኑዌ።

![](https://cdn.door43.org/obs/jpg/360px/obs-en-24-08.jpg)

ዬሱሲ ጣማቃስኒ ግያርን ሶእቃን ይስቲ ኬሳጉⶥን ዬራጋ ማⶢ ጉጎጥን ቤስቲ ይስቲ ይ ዴብም ዎርትኑዌ። ኡⶥ ጌሽን ዬራጋ ካሢ ሀይቅን ጫርቃን « ኔና ታና ኒⶡና ይስኩⶥ ታ ናንሣ ጊዛዎ! ኒያም ታ ካዣሺ ይስኩዌ!» ማኪ ይስቲ ሲስቱዌ።

![](https://cdn.door43.org/obs/jpg/360px/obs-en-24-09.jpg)

ዬሪ ዮሀንሴሽን፣ «ማⶣ ሀናሲ ኔና ይ ጣማቅና ይስኩⶥ አሥ ዴብም ዎርትንሱዌ፤ ይሲንድ ዬራጋ ናንሣ ጊዝዎ!» ማኪ ሀይጥንሲ ይስቱዌ። ማጣፓጋ ካሕይ ይስኩዌ። ይ ፔታስን ዮሀንሲ ዬሱሲስ ጣማቅኑⶣም ዬራ ባቢ ሀይጢ ይስትን ሲስቱዌ። ዬራ ናንሢ ቤስቱዌ፤ ካሲ ኡⶢዎጥን ማⶣ ሀናሲ ቤስቱዌ።

*ጋሀ ሀንዲ ማቴ. ማጻፕ ይ ይርⶣ 3፤ማር. 1፥1-9፤ ሉቃስ 3፥1-23። ሀክ ይስኩⶥካና ጊዝዎ።*

## 25. ሼጣኒ ዬሱሲስ ዎንሣሱ

https://openbiblestories.org/l/bcq/story-25/

![](https://cdn.door43.org/obs/jpg/360px/obs-en-25-01.jpg)

ይሱሲጣማቃስኑጌሽንማⶣሀናሲግያርንዶዳአሢይስንቶካርጉኮልንይኤቲሀንቁ።ይሲንድኩሣኡⶥን 40 ፓዣ፥ 40 ጡማጾሙዌ።ኡⶣጋጌሽንሼጣኒዬሱስዳድንዬኢአታንቂጩቡይቃይጻስኒይዎንሳሱ።

![](https://cdn.door43.org/obs/jpg/360px/obs-en-25-02.jpg)

ሼጣኒ፣ «ዎስሀⶥዬራጋናንሥኔፔታንንያላሀⶢስቡድአሣሙአራዎ?» ማኩ።

![](https://cdn.door43.org/obs/jpg/360px/obs-en-25-03.jpg)

ዬሱሲይስንካርሲ፣ «አሢካሣምፕያጻባይስትንሱዌሽንቡድካይኢኪይስንኮይስታርጉዌ።‘ዬራጋሀይጣምታማንቡድካያምይስትንሳርጉዌ’ማስቲዬርጋሀይጥቃንጻፓንቂይስኩዌ!» ማኩ።

![](https://cdn.door43.org/obs/jpg/360px/obs-en-25-04.jpg)

ኡⶥጌሽንሼጣኒዬሱሲስሀንቅንዬርንጎይንኬትባስንኬስንሲ «ዎስዬርጋናንሣኔፔታንቶርካርታጦላራዎ? ይናቢንድ ‘ኒቶአጎንንያላምቂጭንሳርጉዌሽንዎሳስንዲኒምጋሥንሱዌ’ማስቲጻፓንቂይስኩዌ» ማኩ።

![](https://cdn.door43.org/obs/jpg/360px/obs-en-25-05.jpg)

ካሲዬሱሲዬርሀይጥቃንጻፑⶢስይስንካርሲ «ዬራኒካሕይስዎንሳሺዶማስቲጻፓንቂይስኩዌ» ማኩ።

![](https://cdn.door43.org/obs/jpg/360px/obs-en-25-06.jpg)

ካሲሼጣኒዶድቶሕንይስኬንድትያትንዳኢሣይቅንዎብሳይካንግይቤስንሲ «ዎጣንቃታምኔጎይናንሀⶢስይክስንግኒምኡሥንታኑዌ» ማኩ።

![](https://cdn.door43.org/obs/jpg/360px/obs-en-25-07.jpg)

ኡⶣምዬሱሲ «ዶንታኬስ! ዎሼጣናሀሾ! ዬራጋሀይጥቃን ‘ኒትያታኒካሔሽንጎስቶ፣ይዬሽናንኢክጎይኖ’ማስቲጻፓንቂይስኩዌ» ማኩ።

![](https://cdn.door43.org/obs/jpg/360px/obs-en-25-08.jpg)

ይሱሲሼጣናጋዎንሳሳግያዳኡⶢስካንግጋምሢቦኩዌ።ኡⶣምሼጣንኮትአቤሽንይሺችንሲዶንቲሀንቁ።ኡⶥጌሽንዎሳስንዲአቲዬሱሴሽንጋሥኒይስቴንዴ።

*ጋሀሀንዲማቴ. ማጻፕይይርⶣ 4፥ 1-11፤ማር. 1፥12-13፤ሉቃስ 4፥1-13።ሀክይስኩⶥካናጊዝዎ።*

## 26. ዬሱሲ ባ ዎስ ቃይጺስ ጋዱ

https://openbiblestories.org/l/bcq/story-26/

![](https://cdn.door43.org/obs/jpg/360px/obs-en-26-01.jpg)

ዬሱሲ ሼጣናጋ ዎንሳሲስ ባ ጋምሣ ቦኩ ጌሽን ማⶣ ሀናሳጋ ጊዳም ይስን ባ ይስቱ ጌሊላ ዶድን ካርቲ ሀንቁዌ። ይሲንድ ባ ቄራም ቄራሙⶥ ጋፕካና ካታምንድቃን ጉድኒ ዎብቲ አሥ ኤርሳሱ። አሢ ባ ካንግ ይሲ ሶይ አሣ ጊዝዎ ማኪ ሀይጢ ሚጥኒ ይስቴንዴ።

![](https://cdn.door43.org/obs/jpg/360px/obs-en-26-02.jpg)

ዬሱሲ ባ ንያአም ይስን ባ ይስቱ ናዝሬት ካታምም ካርቲ ሀንቁ። ይሲንድ ⶣምባታም ጎቅን ጎይን ኩሥንድ ሀንቁ። ይሲ ናባብሚ ኤርሳስማኬ ማኪ ኮናስ ኢሳይያስ ማጻፒስ ይስን ኡሤንድ። ይሲንድ ማጻፓ ኡⶢስ ፒርቂ አሤሽን ናባብሙዌ።

![](https://cdn.door43.org/obs/jpg/360px/obs-en-26-03.jpg)

ዬሱሲ ናባብሙ ኩሢ «ግራስንዴሽን ካዥ ሀይጥ ታ ሀይጥንሱዌሽን፣ ካታስናንቂ ይስኬንዲስ ታ ካርስንሱዌሽን፣ አፓ ባልንዲስ ታ ኖታስንሱዌሽን፣ጽያሣስናቂ ይስኬንዲስ ታ ኬስንሱዌሽን ካዥ ሀይጢስ ሀይጥና ታ ዬኡዌ። ካሲ ⶡናስናንቃ ይስኬን ትያታጋ አባ ሀና ጊዛዎ!» ማኪ ይስኩ ኩሢስ ናባባሙ።

![](https://cdn.door43.org/obs/jpg/360px/obs-en-26-04.jpg)

ኡⶣም ዬሱሲ ካርቲ ባ ኩሥን ዎጉ። አሢ ባ ካንግ ዶንቲ ይ ኖቴንድ። ይሲ ናባብሙ ማጻፒ ማስሄሽን ሀይጢ ይስኩⶥ ኮና ሀይጥናስኑⶣ ጊዝዎ። ዬሱሲ፣ «ሀⶥ ታ ናባብሙ ማጻፕ ሀይጢ ዎይንቴን አቲ ቤስታንቁዌ!» ማኩ። አሢ ባ ካንግ ዲታንቂ፣ «ናሳ ሀⶢ ዮሴፕ ናንሣታማን ይሲ ኦናጌዎ?» ማኪ ባ ባርቅን ኦጬንዴ።

![](https://cdn.door43.org/obs/jpg/360px/obs-en-26-05.jpg)

ኡⶣም ዬሱሲ «ኮናሲ ባ ዶድን ዎብሳቃይጉⶢ ኢባራ ጊዝዎ! ኮናሳ ኤልያስ አባም ኢስራኤል ዶድን ማይና ቤስ ኤትኬና ⶦዳስንድ ይስቴንዴ፤ ካዝ ቤርጋ ሳፕም እያርፓ ዎሊ ቡካርጉⶥ ይስቱⶣም ኤልያሴሽን ውሳ ጋሥንሱዌሽን ዶዳ ዱማርስ አሥ ዳድናታማን ኢስራኤል ዶድን ይስኬንድ ማይንድ ዳድን ኤልያሲ ሀማርጉዌ» ማኩ።

![](https://cdn.door43.org/obs/jpg/360px/obs-en-26-06.jpg)

ዬሱሲ ቃዝቂ «ኮናሳ ኤልሳ አባም ኢስራኤል ዶድን ዶርⶣ ኩምሣ ፑጋም ⶦዳስ አሥንዲ ፑርስቲ ይስቴንዴ። ይ ፔታስን ኤልሳይ ኢሣይቅንቃን ማጥናሳጎን ፕያሣርጉዌ። ኢስራኤል አሥንዳጋ ጋግናስንድ ማይት ኡካራ ኒእማን ኩምሥ ፑጋናን ኢካን ፕያሡዌ» ማኪ ሀይጡ። ጋሀ ኡⶢስ ሲስኪ ይስቴንዲ አይሁድ አሥንዳጊ ያንቄንዴ።

![](https://cdn.door43.org/obs/jpg/360px/obs-en-26-07.jpg)

ናዝሬት ካታም አሥንዲ ዬሱሲስ ጎይን ኩሥን ይሢ ኬሲ ሳካን ጋርስኒ ኤቲ ሳክ ዴብም አሤንድ። ይ ፔታስን ዬሱሲ አሣጋ ዴንታም ፑይቲ ኤራሲ ይ ጉዝን ያፓራጊ ይስትን ካታምቃን ሀንቁዌ።

![](https://cdn.door43.org/obs/jpg/360px/obs-en-26-08.jpg)

ኡⶥ ጌሽን ዬሱሲ ጌሊላ ዶድ ጎብቃን ካንግ ጉድኒ ዎብቲ ዬርጋ ሀይጢስ ኤርሳሲ ይስቱዌ። ⶦዳጋ አሥንዲ ይ ዳድን ዬኤንድ። አፓ ባልንዳ፥ ዎብትኒ ሀካርጌንዳ፥ ሀያ ዱድንዳ፥ ጋህኒ ሀካርጌንድ ዲቅንዳ፥ ⶦዳስንድ ፑግናስንዳ፥ ቶእ ሴጋላሜንዳ፥ ኢንትንዳ ፔቴንዲስ ይ ዳድን ኤቲ ዬኤንዴ።

![](https://cdn.door43.org/obs/jpg/360px/obs-en-26-09.jpg)

ካሲ ሼጣን ማⶥንዳ፥ ሶቴታም ኡስታንቂ ይስኬንዲንድ ይ ዳድን ኤቲ ዬኤንዴ። ዬሱሲ ኢትናስ ማⶥንዳ ኤንዲስ አሥ ጉዝቃን ኬሲ አሢስ ፕያሢ ይስቱ። ሼጣን ማⶥንዲ፣ «ኔና ዬራጋ ናንሣ ጊዛዎ!» ማኪ ኬኢ ኬስኪ ይስቱዌ። ኡⶣም አሢ ሶይሲ ዲታንቂ ዬራም ጊባትኔንዴ።

![](https://cdn.door43.org/obs/jpg/360px/obs-en-26-10.jpg)

ኡⶣም ዬሱሲ ይ ማⶥ ንያእንድ ማስቴንድ ባ ዳብምሴንዲስ 12 አሥንድ ኩርሱ። ኢሣይቅኒስ ሀዋሪያት (ዎስኪ ቲሤንድ) ማኪ ሱምሡ ኢሣይቅኒንድ ይያ ባና ዎብቲ ይ ዳድን ታማርኒ ይስቴንዴ።

*ጋሀሀንዲማቴ. ማጻፕይይርⶣ 412-25፤ማር. 1፥14-15፣ 35-39፤ሉቃስ 4፥14-30፣ 38-44።ሀክይስኩⶥካናጊዝዎ።*

## 27. ሶይናስ ሳማር አሥ

https://openbiblestories.org/l/bcq/story-27/

![](https://cdn.door43.org/obs/jpg/360px/obs-en-27-01.jpg)

ማጥን ጎቅን አይሁድ ኡካርንድቃን ማጥናስ ፔቱⶥ ሂግ ኤርትናሲ ዬሱሲስ ውⶢ ዎንሳሲ ቤቅኒ ይዳድን ዬኡ። ይሲንድ «ዎ ኤርሳሳጉⶦ! ካንግዎን ካሥ ፕያጽ ታ ያፕምሱዌሽን ሀራን ታ ቃይጽንሱⶣጌዎ?» ማኩ። ዬሱሲ ካርሲ «ዬርጋ ሂግ ማጻፕካን ሀር ማስትያን ጻፓዴዎ?» ማኪ ይ ኦጩ።

![](https://cdn.door43.org/obs/jpg/360px/obs-en-27-02.jpg)

ናስ ይሲንድ ዬራጋ ሂግቃን፣ «ኒ ትያታ ኒ ካሐይስ ⶾናጋ ኒ ማያም፣ⶾናጋ ኒ ካሣም፣ⶾናጋ ኒ ታሣም ⶡኖ! ኒ ማጥናስንድ ኒ ካሦጥን ⶡኒ!» ማኪ ይስኩⶣ ጊዝዎ። ኡⶣም ዬሱሲ «ኢባር ኔ ሀይጣንቁዌ፤ ኤንዲስ ኔና ይሣን ካሣም ፕያጻ ይስትኔኑዌ» ማኪ ይስን ሀይጡ።

![](https://cdn.door43.org/obs/jpg/360px/obs-en-27-03.jpg)

ይ ፔታስን ናስ ይሲ ቃዝቂ ቃጽ ሶይናስ ባ ፔትንሱⶢስ ኤርኒ ኮይንሲ፣ «ታ ማጥናሲ ኦኔዎ?» ማኪ ኦጩ።

![](https://cdn.door43.org/obs/jpg/360px/obs-en-27-04.jpg)

ኡⶣም ዬሱሲ ናስዬሽን፣ «ዬሩሳላምም ይስቲ ኢያርኮ ካታምም ማጣጋ አይሁድ አሢ ሀንቂ ይስቱዌ።

![](https://cdn.door43.org/obs/jpg/360px/obs-en-27-05.jpg)

«ናሲ ቦዳም ሀንቂ ይስታጉⶥን ቦክንዲ ይ ኡጤንዴ። ይ ጊዚስ ካንግ ቦጊ ኤትንሲ ይ ዴክኒ ዎጣ ፕያጻ ዴንትካን ይ ቦክንሲ ሀንቄንዴ።»

![](https://cdn.door43.org/obs/jpg/360px/obs-en-27-06.jpg)

ኡⶣጋ ጌሽን ቆምባ ማጢ ቦዳ ኡⶣም ሀንቂ ይስቲ ይ ቤቁ። ቆምባ ኡⶢ ጎⶪቦጋስኒ ዴካስኒ ቦስታንቂ ይስኩⶥ ናሲስ ቤቂ ይስቲ ይ ሺሻም ኩሥ ባሢ ሀንቁ። ናሳ ኡⶥን ኤር ጋሥናርጉ ባ ቦዳም ሀንቁዌ።

![](https://cdn.door43.org/obs/jpg/360px/obs-en-27-07.jpg)

«ኡⶣጋ ጌሽን ቃጽ ሀካርጉ ሌዊ አሣ ማጢ አቱ። ሌዊ አሣ ኡⶥ ይሲንድ ናሲስ ቤቂ ይስቲ ኩሥ ባሢ ሀንቁዌ።

![](https://cdn.door43.org/obs/jpg/360px/obs-en-27-08.jpg)

«ካሲ ሳማር አሣ ማጢ ቦዳ ኡⶣም ዬኢ አቱ። ሳማር አሥንዳ አይሁድ አሥንዳይ ፓሽትኒ ⶡንናቃይጌንዳጊ ማጥናሲ ማጥናሲስ ሚዝኒ ይስቴንዴ።ይ ፔታስን አይሁድ አሣ ዴካስኒ ቦስታንቂ ይስኩⶢስ ባቤቁⶣም ሶይሲ አይኑ፤ ይ ዶንሢ ይ አዲስ ማስኪ ጽያጹዌ።

![](https://cdn.door43.org/obs/jpg/360px/obs-en-27-09.jpg)

«ኡⶣጋ ጌሽን ሳማር አሣ ኡⶢ ባ ኩር ዴብም ይ ዎጋሲ ኤቲ ዎፒ ይስን አቂ ይስኩⶥ ኬትን አሢ ይ ቦኩ።

![](https://cdn.door43.org/obs/jpg/360px/obs-en-27-10.jpg)

«ሳምር አሣ ኡⶢ ዱታ ኤንታም ባ ቦዳም ሀምሚ ዶንቱ፤ ይሲንድ ኬት ባቢስ ጼጊ አሢ ይስን ጊዝ ኡሥንሲ ‘ናሳ ሀⶢስ ታም ሺማ ባቃ ይስቶ፤ ሀማጋ ጊዛ ሀⶥ ዴብም ቃዝቃ ኔ ኬስንሳ ይስታን ታና ካርታ ታ አታጉⶣም ኒም ቆጽንታኑዌ’ ማኪ ሀይጡዌ» ማኩ።

![](https://cdn.door43.org/obs/jpg/360px/obs-en-27-11.jpg)

ኡⶣጋ ጌሽን ዬሱሲ ናሳ ሂግ ኤርትናሴሽን፣ «ኤስን ሀⶥ ሀራን ታሣ ይስታጋዎ? ናሳ ቦጋስኒ ዴካስኑዌሽን ኢንግ ሺዳን ይ ማጥናስ ፔቱⶢ ሀኑⶣጌዎ?» ማኩ። ይሲንድ «ይስን ማር ይሢ ጋሥኑⶣ ጊዝዎ» ማኩ። ኡⶣም ዬሱሲ «ኔኒንድ ሀንቃ ኡⶢዎጥን ይሦ!» ማኩዌ።

*ጋሀ ሀንዲ ሉቃስ ማጻፕ ይ ይርⶣ 10፥25-37። ሀክ ይስኩⶥካና ጊዝዎ።*

## 28. ⶤት ንያአ ኬሔትናስ (ኬሔትናስ ፔቱⶥⶤት ንያእ)

https://openbiblestories.org/l/bcq/story-28/

![](https://cdn.door43.org/obs/jpg/360px/obs-en-28-01.jpg)

ማጥን ጎቅን ኬሔትናስ ፔቱⶥⶤት ንያአ ማጢ ዬሱስ ዳድን ዬኢ አታንቂ፣ «ዎ ሶይናሳ ኤርሳሳጉⶦ! ካንግዎይን ይስትንሱ ካሥ ታ ባርዝንሱዌሽን ሀራን ታ ይሥንሱⶣጌዎ?» ማኪ ኦጩ። ዬሱሲ ይዬሽን ካርሲ «ሀሬሽናን ዎ ሶይናሶ! ታ ማካ ይስታጋዎ? ሶይናሲ ዬር ኢካ ጊዝዎ፤ ይ ፔታስን ኔና ካንግዎይን ይስትንሱ ካሥ ፕያጽ ኔ ያፕማ ኔ ማካን ዬራጋ ሂጊስ ባቃ ይሦ» ማኩ።

![](https://cdn.door43.org/obs/jpg/360px/obs-en-28-02.jpg)

ናስ ይሲ «ሂጋ ሀኔንዴዎ?» ማኪ ዬሱስ ኦጩ። ዬሱሲ ናሲዬሽን፣ «ዎጣሺዶ። ዙካሺዶ። አጣጥ ጋሀሺዶ። ኒ ባባ፥ ኒ ባያይስ ዎብሶ። ኒ ማጥናሲስ ኒ ካሦጥን ⶡኖ» ማኪ ይስን ሀይጡ።

![](https://cdn.door43.org/obs/jpg/360px/obs-en-28-03.jpg)

ይ ፔታስን ናሳ ኬሔትናሲ «ታ ንያአም ጋድንሳ ሂጋ ኤንዲስ ካንግ ይሣ ባቃ ታ ይስኩዌ! ኤስን ዱማርስ ሀራን ታ ይሥንሱⶣጊ ታም ኮይስቲ ይስታጌዎ?» ማኩ። ኡⶣም ዬሱሲ ናሲስ ⶡኑዌ።

![](https://cdn.door43.org/obs/jpg/360px/obs-en-28-04.jpg)

ካሲ ዬሱሲ ይስን ካርሲ፣ «ኤስን ሀⶥ ኔና ውርስንሲ ይስኩ ሶስናስ አትና ኔ ኮያን ኒምም ይስኩⶥ ጊዝስ ካንግ ጎታ ግራስንዴሽን ኡሦ፤ ሀይቅን ጫርቃን ኤዛጋ ኬሔትስ (ቆፒስ) ያፕምኔኑዌ። ኤስን ኡⶢስ ይሥንሳ ዬአ ታ ዳቦ!» ማኪ ይስን ሀይጡ።

![](https://cdn.door43.org/obs/jpg/360px/obs-en-28-05.jpg)

ኬሔትናሳ ኡⶢ ዬሱሲ ሀይጡⶢስ ባ ሲስኩⶣም አሣ ዱማርሴሽኒንድ ባ ጊዝ ኡሥና ባ ኮያርጉዌሽን ቃጽ አይኑ። ይሲንድ ዬሱስ ዳድን ይስቲ ባ አፒስ ዳድን ካርስንሲ ዶንቲ ሀንቁዌ።

![](https://cdn.door43.org/obs/jpg/360px/obs-en-28-06.jpg)

ኡⶣጋ ጌሽን ዬሱሲ ባ ማⶥ ንያእንዴሽን፣ «ኬሔትናስንዲ ዬራጋ ጫር ባስካን ኢሣይቅኒ እያርድንሱⶢ ቃጽ ኢራታ ጊዝዎ። ኢባሪ ኬሔትናሲ ዬራጋ ጫር ባስካን እያርዳጉዌሽን ጊማላ ናፓጋ ፔላም እያርዳን ኡⶢ ሀካስንሱዌ» ማኪ ሀይጡዌ።

![](https://cdn.door43.org/obs/jpg/360px/obs-en-28-07.jpg)

ዬሱስ ማⶥ ንያእንዲ ኡⶢስ ባ ሲስኩⶣም ዲታንቂ «ኤስ ይ ፔታን ኦናጊ ፕያጽኒ ሀክንሳጌዎ?» ማኬንድ።

![](https://cdn.door43.org/obs/jpg/360px/obs-en-28-08.jpg)

ዬሱሲ ኢሣይቅኒስ ቤቅንሲ፣ «ኡⶢ አሣም ሀካስንሳርጉዌ፤ ዬራማን ካንጉⶢ ሀካስንሱዌ» ማኩ።

![](https://cdn.door43.org/obs/jpg/360px/obs-en-28-09.jpg)

ጴጥሮሲ ዬሱሲስ፣ «ካንጉⶢስ ሺችንሳ ኒ ዳቡⶥ ኑና ኑ ቆፒ ሀራን ፔትንሳጌዎ?» ማኪ ኦጩ።

![](https://cdn.door43.org/obs/jpg/360px/obs-en-28-10.jpg)

ዬሱሲ ይዬሽን ካርሲ፣ «ታዬሽን ማኪ ባ ኬትስ፣ ባ ኢችንዲስ፣ ባ ሚችንዲስ፣ ባ ባቢስ፣ ባ ባይስ፣ ባ ጊዝንድ ይ ካንጊ ሺቹⶢ ማጥ ባል ካርትንሲ ማጥ ባል ኩቺስ ዎምሣም ኤትንሱዌ። ካሲ ካንግዎይናሙⶥ ካሥ ፕያጽንድ ባርዝንሱዌ። ይ ፔታስን ⶦዳስንድቃን አፓርኔንዲ ጌሻር አታ፣ ጌሻርንዲ አፓርቅን አትንሱዌ» ማኪ ሀይጡ።

*ጋሀሀንዲማቴ. ማጻፕይይርⶣ 1916-30፤ማር. 10፥17-31፤ሉቃስ 18፥18-30።ሀክይስኩⶥካናጊዝዎ።*

## 29. ማር ይሢ ኤራርጉ ቃይጻስ ጋህ

https://openbiblestories.org/l/bcq/story-29/

![](https://cdn.door43.org/obs/jpg/360px/obs-en-29-01.jpg)

ማጥን ጎቅን ጴጥሮሲ ዬሱሲስ፣ «ዎ ኤርሳሳጉⶦ! ታ ኢቺ ታም ባይስንሳን አም ካርሳን ታና ይስን ማር ይሥንሱዋጊዎ? ናፕም ካርሳ ታና ይ ማራን ቤዳራጌ?» ማኪ ኦጩ። ዬሱሲ ይስን ካርሲ፣ «ናሕፕታም ካርሲ ናፕማታማን ናፕም ካይ ኤሳርጉዌ፤» ማኩ። ዬሱሲ ኡⶢስ ኤስ ማኩⶢ ካንግዎይን ሺድማኬ ማኪ ማር ኒ ይሥንሱⶣን ሀይጡዌ። ኡⶣጋ ጌሽን ማጥ ቶሲስ ዬሱሲ ሀይጡ።

![](https://cdn.door43.org/obs/jpg/360px/obs-en-29-02.jpg)

ዬሱሲ፣ ዬሪ አሥ ቶሕን ትያቲ ይስኩⶥን ናሳ ማጢ ባ ቃይጻስንዲስ ውⶢ ቤቅኒ ኮዩⶢጥናን ሀርኪ ይስኩዌ። ይ ቃይጻስንድቃን ማጣንሴሽን 10,000 አሺ ይ ዴብም ይስቱዌ።

![](https://cdn.door43.org/obs/jpg/360px/obs-en-29-03.jpg)

ቃይጻሳ ኡⶢ ባ ትያት አሺስ ቆጽኒ ሀካርጉ ሺድን ይ ትያቲ «ናሳ ሀⶢ ታ አሽ ቆጽንባኑ ሀካርጉⶥ ሺዱዌሽን ናሳ ኡⶣ፥ ይ ኬት አሥንዳይስ ኤቲ ሀንቂ ጎትንዴ» ማኩ።

![](https://cdn.door43.org/obs/jpg/360px/obs-en-29-04.jpg)

ቃይጻሳ ኡⶢ ባ ትያት አፕም ዶድን ዎጢ ጉራትንሲ «ዎ ታ ትያቶ! ኮት አብ ታም ኡሦ! ኒ አሺስ ይ ካንጊ ቆጽንታኑዌ» ማኩ። ትያታ ኡⶢ ባ ቃይጻሳ ኡⶤሽን አይንሲ ይ ዴብም ይስኩ አሺስ ካንግ ማሪ ሺችንሲ ይ ፖንሢ ቲሡ።

![](https://cdn.door43.org/obs/jpg/360px/obs-en-29-05.jpg)

ይ ፔታስንቃይጻሳ ኡⶢ ኬስኪ ቦድን ይሲ አትንሳጉⶥን ይ አሺ ይ ዴብም ይስኩⶥ አሣ ማጢስ ያኩ። ይሲንድ ናሳ ኡⶢስ «ታ አሺስ ክያም ቆጾ!» ማኪ ይ ኡልቃን ኡጡ።

![](https://cdn.door43.org/obs/jpg/360px/obs-en-29-06.jpg)

ይ ማጥናሳ ኡⶢ ዶድን ዎጢ ጉራትንሲ «ዬሪ ኒ ማሬ! ኮት አብ ታም ኡሦ! ኒ አሺስ ይ ካንግ ቆጽንታኑዌ!» ማኪ ይ ቆሉ። ቆሊ ይሲ ይስትን ኢችንሲ ጽያጽ ኬትካን ይ ቦኩዌ።

![](https://cdn.door43.org/obs/jpg/360px/obs-en-29-07.jpg)

ቃይጻስንዳ ዱማርንዲ ኡⶥ ቤቅንሲ ሶይሲ አይኔንድ፤ ባ ትያት ዳድን ሀንቂ ይሲ ይሡⶢስ ይ ካንግ ሀይጤንዴ።

![](https://cdn.door43.org/obs/jpg/360px/obs-en-29-08.jpg)

ኡⶣም ትያቲ ባ ቃይጻሳ ኡⶢስ ጼሲ አሥንሲ «ዎናሳ ኢትናስ ፔቱⶥቃይጻሳ ሀⶦ! ኔና ታ ቆልን ኒ አሺስ ካንግ ታ ማሩዌ። ኔኒንድ ኡⶢዎጥን ማራ ኔ ሺችንሱⶢ ኮይስቲ ይስኩዌ» ማኩ። ትያታ ኡⶢ ያንቂ ባጪ ባ አሺስ ካንግ ይሲ ቆጺ ውርሳጉ ሀክ ቃይጻሳ ኢትናሳ ኡⶢስ ጽያጽ ኬትካን ቦኩዌ።

![](https://cdn.door43.org/obs/jpg/360px/obs-en-29-09.jpg)

ኡⶣጋ ጌሽን ዬሱሲ፣ «ይንታይቅኒ ይንት ካንግ ይንታይቅን ኢቺስ ማራሺዳን ኡⶢዎጥን ጫርቃኑⶥ ታ ባቢ ይንታይቅን ዴብም ይሥንሱዌ» ማኩ።

*ጋሀ ሀⶢ ማቴ. 18፥21-35። ይስኩⶥካና ጊዝዎ።*

## 30. ዬሱሲ ኡⶭ ውም አሥንዲስ ሙሱ

https://openbiblestories.org/l/bcq/story-30/

![](https://cdn.door43.org/obs/jpg/360px/obs-en-30-01.jpg)

ዬሱሲ ባ ቄራም ቄራሜንድ ጋፕካን ዎብቲ ኢሣይቅኒ ሀንቂ ኤርሳስንሱዌሽን ባ ማⶥ ንያእንዲስ ዎሲ ቲሡ።ዎስኪ ቲሤንዲ ሀንቃ ባ ቃይጹⶢስ ካርቲ ዬኢ ዬሱሴሽን ይ ካንግ ሀይጤንድ። ኡⶣጋ ጌሽን ዬሱሲ ሶአ ባሀርን ሴጋም ኬስኪ ኢሣይቅኒ ኮት ካሽንሱዌሽን ሀይጡ። ኡⶣም ኢሣይቅኒ ጃልባቃን እያርዲ ሴጋም ኬስኬንዴ።

![](https://cdn.door43.org/obs/jpg/360px/obs-en-30-02.jpg)

ዬሱሳ፥ ይ ማⶥ ማያእንዳይ ጃልባም ሀማጉⶥን አሣ ⶦዳስንዲ ቤቄንዴ። አሥንዳ ኤንዲ ኢሣይቅን አፓርቅን አትኒ ባሀር ጌⶫም ቶአም ዎጼንዴ። ዬሱሳ ይ ማⶥ ንያእንዳይ ሴጋም አትናጉⶥን አሣ ⶦዳሲ አፓርቅን አቲ ዪሣይቅን ባቂ ይስቴንዴ።

![](https://cdn.door43.org/obs/jpg/360px/obs-en-30-03.jpg)

አሣ ዱብድኔንዲ ማይና፥ ንያአ ፕያሣርጉ እያን ኢኪ 5,000 ዴብም ይስቴንዴ። ኡⶣም ዬሱሲ አሥንዳ ኤንዴሽን ቃጽ አይኑ። ይሲ ኖታጉⶥን ኪምናሲ ኢሣይቅኔሽን ካይጌንድ ዶሮጥን ፔታንቂ ይስቴንዴ። ይሲንድ ኢሣይቅን ኤርሳሲ (ታማርሲ) አሥ ዴንትካን ይስቴንድ ፑግናስንዲንድ ፕያሡዌ።

![](https://cdn.door43.org/obs/jpg/360px/obs-en-30-04.jpg)

ዶዲ ሶክ ፓዥ ካርታጉⶥን ይ ማⶥ ንያእንዲ ዬሱሴሽን፣ «ዶዲ ጡምያን ይስኩዌ፤ ካታሚንድ ሺክን ካይጉዌ፤ ኩሣ ሀⶥን ሙስትንሱⶢ ካይጉⶣጊንስን አሢስ ቲሤን ሀንቂ ሙኢስ ኮዪይ ጎትማኮ» ማኬንድ።

![](https://cdn.door43.org/obs/jpg/360px/obs-en-30-05.jpg)

ይ ፔታስን ዬሱሲ ባ ማⶥ ንያእንዲስ፣ «ይንታይቅኒ ኢሣይቅኒ ሙእምሱⶢስ ኡሥንዴ!» ማኩ። ኢሣይቅኒ «ኡⶢስ ዎሳሳማን ኑና ይሥና ሀክንሳጋዎ? ኑ ዳድን ይስኩⶢ ኡⶭ ጤስ ቡዳ፥ ናም ኦሩዋ ኢካ ጊዝዎ!» ማኬንድ።

![](https://cdn.door43.org/obs/jpg/360px/obs-en-30-06.jpg)

ኡⶥ ጌሽን ዬሱሲ አሢስ 50፣ 50 ፕያዲ ዝራሲ ኢሣይቅኒ ማትን ዎጋስንሱዌሽን ባ ማⶥ ንያኤሽን ሀይጡ።

![](https://cdn.door43.org/obs/jpg/360px/obs-en-30-07.jpg)

ኡⶣም ዬሱሲ ኡⶭ ቡዳ፥ ናም ኡሩዋይስ ኤቲ ሀይቅን ጫርቃን ካርሲ ኖትንሲ ዬሪስ ጋላትኑ።

![](https://cdn.door43.org/obs/jpg/360px/obs-en-30-08.jpg)

ዬሱሲ ቡዳ ኦሩዋ ኡⶣይስ አሤሽን ኢሣይቅኒ ቆዲ ኡሥማኬ ማኪ ባ ማⶥ ንያእንዴሽን ኡሡዌ። ኢሣይቅኒንድ አሤሽን ቆዴንድ። ሙአ ኡⶢ ቆዲ ውራርጉⶥ ሺዱ፤ አሢ ባ ካንግ ሙኢ ክያቁዌ።

![](https://cdn.door43.org/obs/jpg/360px/obs-en-30-09.jpg)

ኡⶥ ጌሽን ማⶥ ንያእንዲ ሙስቲ ቦርቱⶥ ሙኢስ ዱብዳሴንድ፤ አርስቲ ዱብድኑⶥ ሙኢ 12 ሶንዳራ ⶾን አቱ። ሙአ ኡⶢ ባ ካንግ ኡⶭ ቡዳ ናም ኦሩቃን ይስትያን ኬስኩዌ።

*ጋሀ ሀⶢ ማቴ. 14፥13-21፤ ማር. 6፥31-44፤ ሉቃስ 9፥10-17፤ ዮሀ. 6፥5-15። ይስኩⶥካና ጊዝዎ።*

## 31. ዬሱሲ ሶአ ባሀር ዴብም ዎብቲ ሀንቁ

https://openbiblestories.org/l/bcq/story-31/

![](https://cdn.door43.org/obs/jpg/360px/obs-en-31-01.jpg)

ኡⶣም ዬሱሲ አሢስ ካርሲ ፑርቅን ቲሢ ይስቲ ባ ማⶥ ንያእንዲስ ዎምቃን (ጃልባቃን) እያርዲ ኢሣይቅኒ ሴጋም ኬስንሱዌሽን ሀይጡ። ኡⶣጋ ጌሽን ጾክኒ ሀይቅን ጉድ ባስን ኬስኩዌ። ይሲንድ ባ ካይ ኢክ ጾኪ ይስቱ፤ ዶዲ ዴንት ጾጽ አታጉ ሀክ ጾኪ ካይ ይስቱዌ።

![](https://cdn.door43.org/obs/jpg/360px/obs-en-31-02.jpg)

ኡⶣጋ አብም ይ ማⶥ ንያእንዲ ባ ዎሚስ ጡርቂ ኤቲ ሀንቂ ይስቴንድ። ዶዲ ዴንት ጾጽ አታጉⶥን ኢሣይቅኒ ጋሥ ባሀራጋ ጾጽናን ይስቴንዴ። ናርሲንድ ቃጽ ናርሲ ኢሣይቅን ኢራታሱ።

![](https://cdn.door43.org/obs/jpg/360px/obs-en-31-03.jpg)

አባ ኡⶥን ዬሱሲ ጻካ ባ ይስቱⶢስ ውርስንሲ ዶንቲ ባ ማⶥ ንያእንድ ዳድን ሀንቁ። ይሲንድ ሶአ ባሀር ዴብም ዎብቲ ዬኢ ኢሣይቅን ዎም ዳድን አቱ።

![](https://cdn.door43.org/obs/jpg/360px/obs-en-31-04.jpg)

ይማⶥንያእንዲዬሱሲስቤቅንሲቃጽሼርቄንድ።ኢሣይቅኒንድአሥኤሳራጊሶቴታንባቤቁዌማኪታሥንሲቃጽዲቴንዴ።ኡⶣምዬሱሲኢሣይቅኒቃጽሼርቁⶢስኤርንሲ «ሼራሺድንዴ!ታናጊዛዎ!» ማኩዌ።

![](https://cdn.door43.org/obs/jpg/360px/obs-en-31-05.jpg)

ኡⶣም ጴጥሮሲ ዬሱሲስ፣ «ዎ ኤርሳሳጉⶦ! ኢባሪ ኔን ኔ ፔታን ኒዮጥን ሶእ ዴብም ዎብታ ታ ሀምምሱዌሽን ሀይጦ!» ማኩ። ዬሱሲ ጴጥሮሲስ፣ «ውዎ!» ማኩ።

![](https://cdn.door43.org/obs/jpg/360px/obs-en-31-06.jpg)

ጴጥሮሲንድ ዎምቃን ይስቲ ዎርትኒ ሶእ ዴብም ዎብቲ ሀንቂ ጋዱ። ይ ፔታስን ኮታቤቁ ባ ሀንቁ ጌሽን ባ አፒስ ዬሱስ ዳድን ይሢ ዳድን ካርሲ ዙያ፥ ናርሳ ባሀሪስ ቃጽ ⶡኪ ጎቂ ይስኩⶢስ ሲስክንሲ ሼርቁዌ።

![](https://cdn.door43.org/obs/jpg/360px/obs-en-31-07.jpg)

ኡⶣም ጴጥሮሲ ሼርቅባኑዌሽን ሶአም ቆስቲ ጋዱ። ይሲንድ «ዎ ኤርሳሳጉⶦ! ታ ፕያሦ!» ማኪ ኬኡዌ። ዬሱሲ ግያርን ባ ኩች ይስን ቲሢ ይ ኩችካን ኡጡ። ኡⶣም «ዎ ሀⶣ ኒ ጊባቲ ዲርቃንቂ ይስኩⶦ! ሀሬሽናን ናም ታሣዳዎ?» ማኪ ሀይጡዌ።

![](https://cdn.door43.org/obs/jpg/360px/obs-en-31-08.jpg)

ጴጥሮሳ ዬሱሳይ ዎሙቃን እያርዳጉⶥን ናርሳ ዙያይ ግያርን ንያክ ሀሱዌ።ኡⶣም ይ ማⶥ ንያእንዲ ፔቱⶥ ጋሀም ዲቴንዴ። ኢሣይቅኒንድ «ኢባሪ ኔና ዬራጋ ናንሣ ጊዛዎ!» ማኪ ይስን ጉራትኒ ጎይኔንዴ።

*ጋሀሀⶢማቴ. 14፥22-23፤ማር. 6፥45-52፤ዮሀ. 6፥45-52።ይስኩⶥካናጊዝዎ።*

## 32. ዬሱሲ ዎናጋ ማⶢ ይ ጉዝቃን ይስኩⶣ፥ አሥና ፑግኒናይስ ፕያሡ

https://openbiblestories.org/l/bcq/story-32/

![](https://cdn.door43.org/obs/jpg/360px/obs-en-32-01.jpg)

ማጥን ጎቅን ዬሱሳ፥ ይ ማⶥንያእንዳ ጃልባቃን እያርዲ ሶእ ዴብም ኤጋም አቲ ጌርጌሳ አሥንዲ ይስን ቶክንሲ ይስኩⶥ ጋፕም አቴንድ።

![](https://cdn.door43.org/obs/jpg/360px/obs-en-32-02.jpg)

ኢሣይቅኒ ሴጋም አትናጉⶥን ጎዥቂ ይስኩ አሣ ማጢ ዎጺ አቱ።

![](https://cdn.door43.org/obs/jpg/360px/obs-en-32-03.jpg)

ናሳ ኡⶢ ኤራሲ ይ ኡጢ ካርስኒ ሀካርጉ ዞላሳጊ ይስቱዌ። ይ አሥንዲ ይ ቶአ፥ ይ ኩቻይስ ጡር ግያዳም ጽያጻስን ባሢ ውርስንስያን ይስቱዌ።

![](https://cdn.door43.org/obs/jpg/360px/obs-en-32-04.jpg)

ናሳ ኡⶥ አቅ ኩሢ ንያል ቆባልቃና ማንካርቃናን ይስቱ። ይሲንድ ጡማማ፥ ፓዣማ ኤስ ካይ ኬኢ ይስቱ። ሲማሪስ ማአርጉ ጉዝ ካይ ይስቲ ባ ጉዚስ ንያላም ቃⶺ ሱሢ አዳሲ ውርስንሲ ይስቱዌ።

![](https://cdn.door43.org/obs/jpg/360px/obs-en-32-05.jpg)

ናሳ ኡⶢ ዬሱስ ዳድን ዬአ ባ አቱⶣም ይ አፕም ዶድን ዎጢ ጉራትንሲ ይስን ጎይኑ፤ ኡⶣም ዬሱሲ ዎናጋ ማⶥንዳ ይጉዝቃኔንዲስ «ናሳ ሀⶥ ጉዝቃን ኬስንዴ!» ማኪ ሾርሺ ኬንዛሱ።

![](https://cdn.door43.org/obs/jpg/360px/obs-en-32-06.jpg)

ናሲ «ዎ ትያታ ዬሮሥንድ ናንሣ ዬሱሶ! ታ ዳድን ሀራን ኮያ ይስታጋዎ? ዬሪ ኒ ማሬ! ታ ኢራታሳ ዡላሳሺዶ!» ማኪ ባ ካሢስ ጋልን ማስንሲ ኬኢ ሀይጡ። ኡⶣም ዬሱሲ ዎናጋ ማⶣ ኡⶢስ «ኒ ሱሚ ኦኔዎ?» ማኪ ኦጩ። ይሲንድ «ኑና ⶦዳስንዳ ጊዛዎ! ኑ ሱሚ ሌጌዎን ማስቲ ይስኩዌ!» ማኩ። (ሌጌዎን ማስቲ ይስኩⶢ ሮም ማይትናስዳ ⶦዳስንዲስ (4,500 አትንሴንዲስ) ማጥን ኡጥንሲ ይስኩ ማይትናስንድ ቦምባ ጊዝዎ።

![](https://cdn.door43.org/obs/jpg/360px/obs-en-32-07.jpg)

ዎናጋ ማⶥንዳ ኤንዲ «ኩሣ ሀⶥን ይሣ ሀክን ኑ ቲሣሺዶ!» ማኪ ዬሱሲ ቆሌንድ። ኢሣይቅን ሺሽን ሺክን ይስኩ ጋግቃን ⶦባ ⶦዳንስዲ ኪምሢ ይስቱዌ። ዎን ማⶥንዲ «ⶦብንድ ዳድን ኑ ቲሦ!» ማኪ ቆሌንድ። ኡⶣም ዬሱሲ «ሀምምንዴ!» ማኩ።

![](https://cdn.door43.org/obs/jpg/360px/obs-en-32-08.jpg)

ኡⶣም ዎን ማⶥንዳ ኤንዲ ናስ ጉዝቃን ኬስኪ ⶦብንድ ጉዝቃን እራዴንድ። ⶦብንዳ ኤንዲ ቶር ካርቲሳካን ዱዲ ዎጺ ሀንቂ ባሀርቃን እያርዲ ቆስቴንድ። ኢሣይቅን ፕያዲንድ 2,000 አትንሱⶣን ይስቱዌ።

![](https://cdn.door43.org/obs/jpg/360px/obs-en-32-09.jpg)

ⶦብ ኪምናስንዲ ኡⶢስ ባ ቤቁⶣም ካትምቃን ዎጽካያም ሀንቂ ዬሱሲ ኡሡⶥ ቃይጺስ ይ ካንግ አሤሽን ሀይጤንድ። ካታም አሥንዲ ዬኢ ናሳ ጎዣሲ ፕያጻንቂ ዬሱሳ ባና ይስትን ቤቄንድ። ይሲንድ ሲማር ማኢ ፕያጺ ሶይ አታንቂ ይስቱዌ።

![](https://cdn.door43.org/obs/jpg/360px/obs-en-32-10.jpg)

አሢ ፔቱⶥ ጋሀም ቃጽ ሼርቃንቂ ዬሱሲ ባ ዶድን ኬስኪ ሀምሱዌሽን ቆሌንድ። ኡⶣም ዬሱሲ ጃልባቃን እያርዲ ሀምሚ ዬሹ። ናሳ ጉዣሳ ፕያጹⶢ ኤሱሳ ባና ሀምሚ ይ ቆሉ።

![](https://cdn.door43.org/obs/jpg/360px/obs-en-32-11.jpg)

ይ ፔታስን ዬሱሲ «ኡⶢ ፔትንሳርጉዌ! ኒ ኬትን ሀንቅንሳ ዬሪ ኒ ማሪ ኒም ይሡⶢስ ኒ ኬት አሥንዴሽና ኒ ኢግንዴሽና ሀይጦ!» ማኪ ይስን ሀይጡዌ።

![](https://cdn.door43.org/obs/jpg/360px/obs-en-32-12.jpg)

ኡⶣም ናሳ ኡⶢ ሀንቂ ዬሱሲ ባም ይሡⶢ አሥን ካንግ ሀይጡዌ። ጋሀ ኡⶢስ ሲስኩⶥ አሢ ባ ካንግ ዲቲ ታሥካን ዎጢ ይስቱዌ።

![](https://cdn.door43.org/obs/jpg/360px/obs-en-32-13.jpg)

ዬሱሲ ኡⶥን ይስቲ ባሀርን ሴጋም ካርቲ ሀንቁ። ይሲን ባ አቱⶣም ⶦዳጋ አሢ ይ ጉዝን ሱኪ ይ ኢራታሴንዴ። አሥንዳ ኤንድ ዴንትካን አሥና ማጣ 12 ቤርግ ይ ጉዝን ሱቲ ኮⶥን ኢራትናቃ ይስኬና ይስቴን። ውሲንድ ሀⶥት ባብ ኬታ ⶦድን ዎብታ ባ ጊዝ ውርሳ ፕያጻርጉⶣን ይስቴኔ።

![](https://cdn.door43.org/obs/jpg/360px/obs-en-32-14.jpg)

ውሲንድ ዬሱሲ ፑግናሳ ⶦዳስንዲስ ፕያሡⶢስ ሲስክንሳ ይስቴን። አሥን ውሳ ባ ማይቱዋም «ይ ሲማርን ኢክ ታ ኡጣን ፕያጽንታኑዌ» ማካ ታሥንሳ ዬሱስ ያፓርቃን ዬአ ይ ሲማርን ኡጤን። ዬሱስ ሲማርን ውሳ ኡጣጉⶥን ግያርን ሱታ ኮⶥኪ ይስኩⶢ ይጥን ባ ፑግቃን ፕያጼኔ።

![](https://cdn.door43.org/obs/jpg/360px/obs-en-32-15.jpg)

ኡⶣም ዬሱሲ ባ ዳድን ይስቲ ጊዲ ኬስኪ ሀንቁ ኤርንሲ ባ ጌሽ ካርሲ ኖትንሲ «ኦናጊ ታ ጉዝን ያካዴ?» ማኪ ኦጩ። ይ ማⶥ ንያእንዲ «አሣ ኒ ⶦራም ⶾንቃንቂ ጡርስትኒ ቅያርስትኒ ይስካⶥ ቤቃ ይስታ «ኦናጊ ታ ጉዝን ያኬዴ! ማካ ይስታኔ?» ማኬንድ።

![](https://cdn.door43.org/obs/jpg/360px/obs-en-32-16.jpg)

አሥና ሼርቃ ጉርጣ ይስታ ዬሱስ አፕም አታ ዶድን ዎጤን። ውሲንድ ባና ይሡⶣ፥ ባና ፕያጹⶣይስ ሀይጤን። ኡⶣም ዬሱሲ «ሀ ታናሜ! ኒ ጊባቲ ኒ ፕያሣንቁዌ፤ ኤስን ሶያም ሀሞ!» ማኩዌ።

*ጋሀሀⶢማቴ. 8፥28-34፤ 9፥20-22፤ማር. 5፥1-20፤ሉቃስ. 8፥42-48።ይስኩⶥካናጊዝዎ።*

## 33. ናሳ ዶድ ካⶫጉⶥ ጋህ

https://openbiblestories.org/l/bcq/story-33/

![](https://cdn.door43.org/obs/jpg/360px/obs-en-33-01.jpg)

ማጥን ጎቅን ዬሱሲ ሶአ ባሀር ጌⶭን ⶦድ አሥንዲስ ኤርሳሲ ይስቱ። ይሲንድ ጃልባቃን ዎግንሲ ኤሳሲ ይስታጉⶥን ⶦዳጋ አሢ ይሲ ሀይጢ ይስኩⶢስ ሲስኒ ይ ዳድን ዬኤንድ። ይሲንድ ጃልባቃን ዎግንሲ ኢሣይቅን ኤርሳሱዌ።

![](https://cdn.door43.org/obs/jpg/360px/obs-en-33-02.jpg)

ኡⶣም ዬሱሲ ጋሀ ሀⶢስ ሀይጡ፤ ይሲንድ «ናሳ ማጣ ዶድ ካⶫጉⶢ ባ ሙእ ዛር ቦክኒ ኬስኩዌ። ቦኪ ይሲ ይስታጉⶥን ዛራ ማጥማጥንዲ ቦድ ጋሽን ዎጡ፤ ካፕምንዲ አቲ ዛራ ኡⶢስ አኪ ሙኤንዴ።

![](https://cdn.door43.org/obs/jpg/360px/obs-en-33-03.jpg)

«ዛራ ዱማርንዲ ቡይጢ ይስን ምያት ካይጉⶥ ዶዳ ጋልን ዎጡ፤ ዶድቃን እያርድኒ ባ ሀካርጉዌሽን ኦባሪ ዎብታጉⶥን ⶡሊ ኮሉዌ።

![](https://cdn.door43.org/obs/jpg/360px/obs-en-33-04.jpg)

«ካሲ ይሲ ቦካጉⶥን ዛራ ዱማርሲ ፒርኒ ሀንቂ አሙዋ ጎርም ዴንትካን ዎጡ፤ ዛራ ኡⶢ ጶቁ፤ ይፔታስን ይሲ ኢቃጉⶥን አሙይ ይ ኡልቃን ኡጡዌ። ኡⶤሽን አፕ ኡጥኒ ሀካርጉ ሺዱዌ።

![](https://cdn.door43.org/obs/jpg/360px/obs-en-33-05.jpg)

ካሲ «ዛራ ዱማርሲ ዶዳ ሶይን ዎጡዌ፤ ዛራ ኡⶢ ጶቂ ኬስኪ ማጢ 30 አፕ፣ ማጢ 60 አፕ፣ ማጢ 100 አፕ፣ ኡጡዌ። ኡⶢስ ሀዪይ ይስን ይስኩⶢ ሲስማኬ» ማኪ ሀይጡ።

![](https://cdn.door43.org/obs/jpg/360px/obs-en-33-06.jpg)

ጋሃ ኡሺ ማⶥ ንያእንድ ማይ ቆጡ፤ ኡⶣም ዬሱሲ ኢሣይቅኔሽን፣ «ዛራ ኡⶢ ዬራጋ ሀይጣ ጊዝዎ፤ ቦድ ጋሽን ዎጡⶥዛርአምሢዬርሀጢስሲስክንሲግያርንብያቲይስኬንድአሥንዳጊዝዎ፤ሼጣኒኢሣይቅንማይቃንአኪኤቲይስኩዌ።

![](https://cdn.door43.org/obs/jpg/360px/obs-en-33-07.jpg)

«ንያላጫርዴብምዎቱⶥዛርአምሢዬርሀይጢስባሲሳጉⶥንካዣምኢሣይቅኒኤትንሴንዴ፤ይፔታስንኢራቲሺዳንብያርቲኢሥዴብምአታጉⶥንባጊባትስሺችንሴንዴ።

![](https://cdn.door43.org/obs/jpg/360px/obs-en-33-08.jpg)

«አሙዴንትካንዎጡⶥዛርአምሢዬራጋሀይጢስሲስኪጊባትኒይስትንሴንዴ፤ይፔታስንዶዳሀⶥዴብምይስኩⶥታሣ፥ኬሔታካዣኡⶢዬርዴብምይስንይስኩⶥⶡኒስኡጢናብምሱዌ፤ኡⶣጋናባምኡፕኡጣርጉሺድንሱዌ።

![](https://cdn.door43.org/obs/jpg/360px/obs-en-33-09.jpg)

«ዶዳሶይንዎጡⶢዬራጋሀይጢስሲስኪጊባትኒይሢይስኩⶣጊአፒስኡጥንሱዌ» ማኪኢሣይቅኔሽንሀይጡዌ።

*ጋሀ ሀⶢ ማቴ. 13፥2-8፣ 18-23፤ ማር. 4፥1-8፣ 13-20፤ ሉቃስ 8፥4-15። ይስኩⶥካና ጊዝዎ።*

## 34. ዬሱሲ ዱማርንድ ጋሂስ ኤርሳሱ

https://openbiblestories.org/l/bcq/story-34/

![](https://cdn.door43.org/obs/jpg/360px/obs-en-34-01.jpg)

ዬሱሲ ዬራጋ ጫር ባሴሽና ዬሪ አሥ ዴብም ትያትንሱዌሽን ⶦድ ጋሂስ አምሣም ኤርሳሱ። ይሲንድ፣ «ዬራጋ ጫር ባስ ጋሂ አሢ ኤቲ ሀንቂ ባ ሙእ ካም ውዱቄን ዻጥ አፕ ዛር ሀርኬና ጊዛዎ። ዛራ ኤና ሙእ ዛራ ካንጉⶤሽንኮብⶣን ይስኬኔ።

![](https://cdn.door43.org/obs/jpg/360px/obs-en-34-02.jpg)

«ኡⶣጎን ይ ፔታስን ዳጥ ዛራ ኤና ጶቃ ባ ኢቃጉⶥን ሀይቅን ጫርኔንድ ካፕምንዲ ው ሀርጽቃን ዎጊ ካሻጉⶥ ሀክ ካምም ይስኩⶥእንች ካንግ ቤሽ ኤዛጋ እንች አትንሴኔ» ማኩ።

![](https://cdn.door43.org/obs/jpg/360px/obs-en-34-03.jpg)

ዬሱሲ ካሲ ዱማርስ አምሢስ ሀይጡ፤ ይሲንድ «ዬራጋ ጫር ባስ ጋሂ ማይና ኤታ ሀንቃ ይሲ ጻይድናጉ ሀክ ቡድ ፑሕካም ፓሻ እርኩⶥ ቡድ ዳክ ሀርኩⶣ ጊዝዎ!» ማኩ።

![](https://cdn.door43.org/obs/jpg/360px/obs-en-34-04.jpg)

ካሲ «ዬራጋ ጫር ባሳ አሢ ኤቲ ሀንቂ ባ ሙእ ካምቃን አቹⶥ ጊዞጥን ሀርካ ይስኬኔ። አሣ ዱማርሲ ጊዛ ኡⶢስ ያክንሲ ካርሲ ዱኩዌ። ይሲንድ ሶይሲ ካዥቂ ይስቲ ሀንቂ ባም ይስኩⶥባ ጊዚስ ካንግ ጎቲ ይያም ሙእ ካማ ኡⶢስ ጎቱዌ።» ማኩ።

![](https://cdn.door43.org/obs/jpg/360px/obs-en-34-05.jpg)

ካሲ ዱማርስ አምሢስ፣ «ዬር ጫር ባስ ጋሂ ይ ቆፒ ቃጽ አጥ ፔቱⶥ አንሥ ንያል ሀርኩⶣ ጊዝዎ። አንሥ ጊጣናስንዲ ኡⶢስ ባ ያኩⶣም ባም ይስኩⶢስ ካንግ ጎቲ ይያም አንሥ ንያላ ኡⶢስ ጎቴንዴ» ማኩ።

![](https://cdn.door43.org/obs/jpg/360px/obs-en-34-06.jpg)

ኡⶣጋ ጌሽን ዬሱሲ ባ ሶይ ቃይጻም ጊባትኒ ባ ናⶥጊ ዱማርንድ አሥንዲስ ቃላሲ ሚዝኒ ይስኬንድ አሥንድ ጋሂስ ሀይጡ። ይሲንድ፣ «ናማስ አሢ ጾክኒ ዬርን ጎይን ኬት ሀንቄንዴ፤ ማጥናሲ ቃራጥ ጊዝ አካጉⶥ፣ ዱማርሲ ጊባት ባብ ይስቱዌ።»

![](https://cdn.door43.org/obs/jpg/360px/obs-en-34-07.jpg)

«ናሳ ጊባት ባቢ ባ ጾካጉⶥን፣ ‘ዎ ዬሮሥንዶ! ታይስ ዱማርዶጥን ጩቡዋሳ፥ ጎⶪ ሙአጌንዳ፥ ጌጻሳ፥ ቢሣጌንዶጥን ኔ ታ አሣርጉዌሽን፣ ካሲ ናሳ ዳⶣ ቃራጥ ጊዝ አካጋⶦጥኒንድ ታ ፔታርጉዌሽን ኒ ጋላትና ታ ይስኩዌ’ ማኪ ጾኩ።»

![](https://cdn.door43.org/obs/jpg/360px/obs-en-34-08.jpg)

ይሲንድ ቃዝቂ «ታና ማጥ ⶣምባትካን ናምዎይን ጾማ ታ ይስኩዌ፤ታና ያካ ታ ይስኩⶥ ጊዝቃን ካንግ ይ ባር ኬሳ ታሕምቃን ማጥ ኩቺስ ኡሣ ታ ይስኩዌ» ማኩ።

![](https://cdn.door43.org/obs/jpg/360px/obs-en-34-09.jpg)

ናሳ ቃራጥ ጊዝ አካጉⶢ ዎታም ሀክን ይጥንሲ ሀይቅን ጫራን ካርሳ ባ ኖትንሱⶥ ሀካርጉዌ፤ ይሲንድ ባ ዱጽ ቂጪ ይስቲ «ዎ ዬሮሥንዶ! ታና ጩቡዋሳ ጊዛዎ!ታ ማሮ!» ማኪ ጾኩዌ።

![](https://cdn.door43.org/obs/jpg/360px/obs-en-34-10.jpg)

ኡⶣጋ ጌሽን ዬሱሲ፣ «ኢባር ኢባር ማካ ታይስኩዌ፣ ዬሮሥንዲ ናሳ ጩቡዋስ ጾኪስ ሲስኪ ይዬሽን ኔና ሶይናሳ ጊዛዎ ማኩዌ። ናሳ ጊባት ባብ ጾኪስ ⶡናርጉዌ። ዬሪ ባ ዴብስ ኮንቅ ኮንቅ ማኪ ይስኬንዲስካንግ ይርⶥ ይርⶥ ማስንሱዌ። ባ ዴብ ዎሢ ይርⶥ ማሲ ይስኬንዲስ ኮንቅ ኮንቅ ማስንሱዌ» ማኩዌ።

*ጋሀሀⶢማቴ. 13፥31-33፣ 44-46፤ማር. 4፥30-32፤ሉቃስ 13፥18-21፤ 18፥9-14።ይስኩⶥካናጊዝዎ።*

## 35. ሳስትናሳ ማይ ጋላሙⶥ ባብ ጋህ

https://openbiblestories.org/l/bcq/story-35/

![](https://cdn.door43.org/obs/jpg/360px/obs-en-35-01.jpg)

ማጥን ጎቅን ⶦዳስንድ ቃራጥ ጊዝ አካንጌንዳ፥ ጩቡዋስንዳ ዱብድናንቂ ይ ዳድን ጋህ ሲስኒ ውንን ኢሣይቅን ኤርሳሲ ይስቱ።

![](https://cdn.door43.org/obs/jpg/360px/obs-en-35-02.jpg)

ካሲ ኩሣ ኡⶥን ይስቴንድ ጊባት ባብምንዳ ኡካርንዳይ ዬሱሲ ጩቡዋስንድ ኢንግ ፔቲኢሣይቅና ባና ይስኩⶢስ ቤቅንሲ ባ ባርቅን ይ ኩርቂ ሚጻትኒ ጋሂ ይስቴንድ፤ ኡⶣም ዬሱሲ ጋሀ ሀⶢስ ሀይጡዌ።

![](https://cdn.door43.org/obs/jpg/360px/obs-en-35-03.jpg)

ይሲንድ«ናሳ ማጥን ናማስ ንያእንዲ ይስቴንዴ። ይ ናንሣ ጉሣሲ ባ ባቢስ፣ ‘ዎ ባቦ! ኒ ጊዝቃን ታ ቆድ ፔትንሱⶥ ጊዚስ ሀⶥ ታም ኡሦ!’ ማኪ ኦጩ። ኡⶣም ይ ባቢ ባ ጊዚስ ባ ንያእንዳ ናማስንዴሽን ጾጽን ቆዱዌ።

![](https://cdn.door43.org/obs/jpg/360px/obs-en-35-04.jpg)

ኡⶣም ናሲ ናንሣ ጉሣሲ ግያርን ባ ጊዚስ ካንግ ዱብዳሲ ሀካጋ ዶድን ሀንቂ ጩቡ ይያም ቃይጺ ባይሲ ውርሱዌ።

![](https://cdn.door43.org/obs/jpg/360px/obs-en-35-05.jpg)

ኡⶣጋ ጌሽን ናንሣ ኡⶢ ይስን ይስኩⶥ ዶድን ኤዛጋ ቤሊ ዶንቱ። ይሲንድ ይያም ሙእስ ጎቲ ሙእምሱⶥ ጊዚ ይ ዳድን ባአም ኢራትካን ዎጡዌ። ኡⶤሽን ሀንቂ ⶦብ ኪም ቃይጽቃን እያርዱ። ይሲንድ ቃጽ ቤይስቲ ቴፒ ኢራትናንቂ ⶦቢ ሙኢ ይስኩⶣጎን ባ ሙእምሱዌሽን ኡልኒ ይስቱዌ።

![](https://cdn.door43.org/obs/jpg/360px/obs-en-35-06.jpg)

ናንሣ ኡⶢ፣ «ታና ሀⶥ ዎሳስን ታ ቃይጻ ይስታጋዎ? ታ ባብ ኬትን ይ ቃይጻስንዲ ሙኢ ቦርሲ ፓካሲ ይስኩⶥ ሙኢ ⶾንቂ ቦርታንቅያን ይስኩዌ። ኤስን ሀⶥ ታ ባብ ኬትን ካርታ ሀምምታኑዌ። ሀንቃ ይ ዳድን አታንቃ «ዎ ባቦ! ኒ ቃይጻስንድቃን ማጥናስ ታ አሦ! ማካ ቆልንታኑዌ» ማኪ ታሡ።

![](https://cdn.door43.org/obs/jpg/360px/obs-en-35-07.jpg)

ኡⶣም ዶንቲ ናንሥ ይሲ ባ ባብ ኬትን ሀምሚ ዶንቱ። ዬኢ ጋሥ ሀክን ይሲ ይስትን ይ ባቢ ይ ቤቅንሲ አይኑ። ባ ናንሥ ዳድን ዎጺ ሀንቂ ይ ድያሲ ሱንቁዌ።

![](https://cdn.door43.org/obs/jpg/360px/obs-en-35-08.jpg)

ናሥ ይሲንድ ባ ባቤሽን፣ «ዎ ታ ባቦ! ዬርና፥ ኒምማ ታ ባይሳንቁዌ።ኤስን ሀⶥ ጌሽን ኒ ናንሥ ማስትንሱⶢ ታም ኮይስታርጉዌ፤ ኒ ቃይጻስንድቃን ማጥናስ ታ አሦ!» ማኩ።

![](https://cdn.door43.org/obs/jpg/360px/obs-en-35-09.jpg)

ይ ፔታስን ይ ባቢ ባ ቃይጻስንድቃን ማጥናሲስ ጼጊ አሥንሲ፣ «ብታሳ ሀንቃ ሲማር ታም ኤታ ዬአ ታ ናንሥ ማይሶ! ይ ኩችካን ይሥንሱ አንሥ ቃጥያ፥ ይ ቶእቃን ይሥንሱ ጫማ ኤታ ዬአ ይሦ! ካሲ ሙኢ ኡⶥኪ ኒኒ ካዥንሱⶥ ማንታ ዝያጲስ ኤታ ዬአ ⶡⶤን ሙኢ ኡⶥኪ ኒኒ ካዤ። ይ ናቢንድ ታ ናንሢ ሀይቃንቂ ይስቲ ሀⶥ ፕያጻንቁዌ! ባአንቂ ይስቲ ሀⶥ ያብስታንቁዌ!» ማኩ።

![](https://cdn.door43.org/obs/jpg/360px/obs-en-35-10.jpg)

ኡⶣም አሢ ባ ካንግ ካዥቂ ጋዴንድ። ኡⶢ ኤስ ይሢ ይስታጉⶥን ናንሢ ኢቻ ይ ኤዝኒ ይስን ቃይጻ ባ ይስኩⶥ ቃይጽ ካምም ይስቲ አቱ። ይሲንድ ጋሥ ፑርን ይስቲ ሻላ፥ ዱባ፥ ⶤማ ስያሳ ካሥ ሲስክንሲ «ሀⶢ ሀራጋ ጋራ፥ ካዣጌዎ?» ማኪ ኦጩ።

![](https://cdn.door43.org/obs/jpg/360px/obs-en-35-11.jpg)

አሢ ይዬሽን፣ «ኒ ኢቻጊ አትን ኒ ባቢ ጋር ይሥን ካዥቃ ኑ ይስኩዌ» ማኪ ሀይጥን ባ ሲስኩⶣም ቃጽ ያንቂ ኬትን እያርዳሽኒ ኢቹ። ይ ባቢ ኬትን ይስቲ ፑርን ኬስኪ ይ ቆልን ይሲንድ ኢቹ።

![](https://cdn.door43.org/obs/jpg/360px/obs-en-35-12.jpg)

ናንሣ ኤዚ ባ ባቤሽን «ታና ⶦዳጋ ቤርግ ካንግ ጊባታስናንቃ ኒም ቃሞጥን ቃይጻ ታ ይስኩዌ። ጪር ኒ ቲዛዚስ ኮሣርታኑዌ፤ ዎይንቴን ሀⶥ ሀክ ታ ኢችንዳ ታና ታ ካዥንሱዌሽን ማጣጋ ኬሥ ⶾባላጎን ታም ኡሣርኔኑዌ። ኒናንሣ ሀንቂ ጩቡ ቃይጺ ኒ ጊዚስ ካሽካሲ ባይሲ ውርሱⶤሽን ይሲ ባ ⶡን ቃይጺ ፔሽኪ አትናጉⶥን ይስን ማንታ ዝያጲስ ይስን ⶡካ ካዥቃ ኔ ይስታጋሳ!» ማኩ።

![](https://cdn.door43.org/obs/jpg/360px/obs-en-35-13.jpg)

ኡⶣም ይ ባቢ፣ «ዎ ታ ናንሦ! ኔና ካንግዎይን ታ ኔና ኔ ይስኩዌ፤ ታም ይስኩⶢ ባ ካንጊ ኒያሳ ጊዝዎ፤ ኑና ካዥቃ ይስኩⶢ ኢባራ ጊዝዎ፤ ይ ናቢንድ ኒ ኢቺ ሀይቃንቂ ይስቲያን ሀⶥ ፕያጺ ዶንቱዌ። ባአንቅያን ይስቱዌ፣ ሀⶥ ያብስታንቁዌ!» ማኪ ይስን ሀይጡዌ።

*ጋሀ ሀⶢ ሉቃስ 15፥15-32። ይስኩⶥካና ጊዝዎ።*

## 36. ዬሱስ ⶣቢ ባ ሻዱ

https://openbiblestories.org/l/bcq/story-36/

![](https://cdn.door43.org/obs/jpg/360px/obs-en-36-01.jpg)

ማጥን ጎቅን ዬሱሲ ባ ማⶥ ንያእንዳ ካዛስንድ ጴጥሮሳ፥ ዮሀኒሳ፥ ያይቆባይስ ኤቲ ኢሣይቅና ባና ጾክኒ ሀይቅን ጉዳ ጳዳጋ ባስን ኬስኩ።

![](https://cdn.door43.org/obs/jpg/360px/obs-en-36-02.jpg)

ዬሱሲ ጾኪ ይስታጉⶥን ይ አፒ ኦባር ሻምቶጥን ሳንቁ። ይ ሲማርንድ ሳንቂ ጮብቱ፤ ዬሱስ ሲምር ማቂ ዶድ ዴብም ይስኩⶥ አሣ ኦናጎን ይ ማስኪ ማቃሲ አሥንሳርጉⶦጥናን ዳልቂ ይስቱዌ።

![](https://cdn.door43.org/obs/jpg/360px/obs-en-36-03.jpg)

ኡⶢ ኤስ ይስታጉⶥን ሙሴያ፥ ኮናስ ኤልያሳይ አቲ ቤስቴንድ። አሥንዳ ኤንዲ ⶦዳጋ ባል ቤርግ አፓርቅን ዶድ ዴብም ይስቴንድ። ሀⶥ ዲሢ ይስኩ ቦዳም ዬኢ ሺክ አብ ጎብቃን ዬሩሳላምም ዬሱስ ዴብም አትንሱⶥ ኢራቴሽና ይ ዎጣ ዎጥቃን ዶንታዬሽን ይያ ባና ጋርትኒ ይስቴንዴ።

![](https://cdn.door43.org/obs/jpg/360px/obs-en-36-04.jpg)

ሙሴያ ኤልያሳ ኤንዲ ዬሱሳ ባና ጋርትኒ ይስታጉⶥን ጴጥሮሲ፣ «ሀⶥን ኒኒ ይስታን ኒሕም ሶያ ጊዝዎ! ኤስን ማጥ ባⶢስ ኒም፣ ማጢስ ሙሴን፣ ማጢስ ኤልያሴሽን ካዝ ባⶢስ ኑና ጊጼ!» ማኪ ዬሱስን ሀይጡ። ጴጥሮሲ ኡⶣ ሀይጣ ባ ይስኩⶢስ ኤራርጉⶣን ይስቱዌ።

![](https://cdn.door43.org/obs/jpg/360px/obs-en-36-05.jpg)

ጴጥሮሲ ኡⶢስ ሀይጢ ይስታጉⶥን ዳላ ፓግ ዱልዱሊ አቲ ኢሣይቅን ⶦር ቆሩ፤ ዱልዱል ጎብቃን፣ «ይያም ታ ካዣሲ ይስኩⶥ ታናንሢ ሀⶣ ጊዝዎ!» ማኪ ይስኩ ካሢ ሲስቱ። ኡⶣም ማⶥ ንያእንዳ ካዛስንዲ ሼርቃንቂ ዶድን ዎጤንዴ።

![](https://cdn.door43.org/obs/jpg/360px/obs-en-36-06.jpg)

ዬሱሲ ኢሣይቅን ዳድን አቲ ኢሥ ጉዝን ታብቲ ይስቲ «ሼራሺዲ ዶንትንዴ!» ማኪ ኢሣይቅን ዞይሳሱዌ። ኢሣይቅኒንድ ዶንቲ ኖታጉⶥ ዬሱሳጊ ባ ካይ ይስትን ቤቄንዴ።

![](https://cdn.door43.org/obs/jpg/360px/obs-en-36-07.jpg)

ዬሱሳ፥ ይ ማⶥ ንያእንዳ ካዛስንዳ ሀይቅን ጉድ ባስን ይስቲ ዎርትኔንድ። ኡⶣም ዬሱሲ ኢሣይቅኔሽን፣ «ኩሣ ሀⶥን ይንታይቅኒ ቤቁⶥ ጋሂስ ኤራሴሽን ሀይጣሺድንዴ፤ ታና ሀⶥ ሺክ ሀይብምሱዌ፤ ካሲ ዎጥቃኒንድ ዶንታ ታ ፕያጽን ይስኩ ታ ፔትንሱዌ። ኡⶣጋ ጌሽናን ይንታይቅኒ አሥን ሀይጥንሱዌ!» ማኪ ሀይጡዌ።

*ጋሀሀⶢማቴ. 17፥1-9፤ማር. 9፥2-8፤ሉቃስ 9፥28-36።ይስኩⶥካናጊዝዎ።*

## 37. ዬሱሲ አላዛሪስ ዎጥቃን ዶንሡ

https://openbiblestories.org/l/bcq/story-37/

![](https://cdn.door43.org/obs/jpg/360px/obs-en-37-01.jpg)

ማጥን ጎቅን ዬሱሲ አላዛሪ ቃጽ ፑርስቱⶢ ይ ዳድን ዎስኪ ዬኡ። አላዜሬሽን ናማስ ሚችንዳ ማሪያማ፥ ማርታ ማስቲ ይስኬንዲ ይስቴንድ። ዬሱሲ አላዛር ፑጊስ ባ ሲስኩⶣም «ፑጋ ኡⶢ ዬራጋ ዎብሲ ይ ዴብም ቤስትንሱዌሽና ታማን ዎጤሽን ኤሳርጉዌ!» ማኩ። ዬሱሲ ባ ኢንግንዲስ ቃጽ ⶡኒ ይስቱ። ይ ፔታስን ውዋርጉ ናም አቁዌ።

![](https://cdn.door43.org/obs/jpg/360px/obs-en-37-02.jpg)

ናም አቅ ጌሽን ዬሱሲ ባ ማⶥ ንያእንዴሽን፣ «ዶንቲ ይሁዳን ኒኒ ሀሜ!» ማኩ። ይ ፔታስን ይ ማⶥ ንያእንዲ «ዎ ኤርሳሳጉⶦ! ኮት አብ አፓርቅን አሥንዳ ይሁዳቃን ይስኬንዲ ኩሣ ኡⶥን ኒ ዎጥኒ ኮዪይ ይስቴንዳታማን ሀሬዎ?» ማኪ ሀይጤንድ። ዬሱሲ ኢሣይቅኔሽን፣ «ኒሕ ኢንጋ አላዛሪ ጊሳንቁዌ! ሀንቃ ታና ይ ጼጋ ዶንሥንሱⶢ ኮይስቲ ይስኩዌ!» ማኩ።

![](https://cdn.door43.org/obs/jpg/360px/obs-en-37-03.jpg)

ዬሱስ ማⶥ ንያእንዲ፣ «ዎ ትያቶ! አላዛሪ ሱራን ባ ሱርቃሳን ፕያጽንሱዌ!» ማኬንድ። ኡⶣም ይሱሲ ኢሣይቅኔሽን፣ «አላዛሪ ሀይቃንቁዌ፤ ይንታይቅኒ ታሐም ጊባትንሱዌሽን ኩሣ ኡⶥን ታ ይስታርጉⶢ ሶያ ጊዝዎ!» ማኩ።

![](https://cdn.door43.org/obs/jpg/360px/obs-en-37-04.jpg)

ዬሱሲ አላዛሪ ይስን ይስኩⶥ ካታምም ዬኢ አቱ። አላዛሪ ሀይቁⶢ ኦድ አቃንቂ ይስቱዌ። ማርታ ዬሱሲ ዬኢ ይስኩⶥ ሲስክንሳ ፑርን ኬስካ ይያ ባና ድያማንቃ፣ «ዎ ትያቶ! ኔና ሀⶥን ይስታሳን ታ ኢቺ ሀይብምሳርጉዌ! ይ ፔታስን ኔና ቆላ ይስኩⶢስ ካንግ ዬሪ ይሥንሱⶢስ ጊባታና ታ ይስኩዌ!» ማኬን።

![](https://cdn.door43.org/obs/jpg/360px/obs-en-37-05.jpg)

ኡⶣምዬሱሲውውሽን፣ «ታናዎጥቃንዶንታ፥ካሥፕያጻጊዛዎ! ታሐምምጊባትንሲይስኩⶥኦናጎንባፔታንካሣምፕያጽንሱዌ! ታሐምጊባትኒይስኩⶢጪርሀይብምሳርጉዌ! ሀማርታዬ! ኡⶢስጊባትናይስታኔ!» ማኩ።ማርታይንድ፣ «ይዎ! ዎታትያቶ! ኔናማሲሀዬራጋናንሥፔቱⶢስጊባትናታይስኩዌ!» ማኬን።

![](https://cdn.door43.org/obs/jpg/360px/obs-en-37-06.jpg)

ካሲ ማሪያማ አቴን፤ ዬሱስ ቶእቃን ዎጣንቃ ዬካ ይስታ፣ «ዎ ትያቶ! ኔና ኩሣ ሀⶥን ይስታሳን ሀራን ታ ኢቺ ሀይብምሳርጉዌ!» ማኬን። ኡⶣም ዬሱሲ፣ «አላዛሪስ ሀርቃናን ይሣዴዎ!? ማኪ ኦጩ። ኢሣይቅኒንድ፣ «ዱካንቂ ማንካርቃናን ይስኩዌ ዬአ ቤቆ!» ማኬንድ። ዬሱሲንድ አላዜሬሽን ዬኩዌ።

![](https://cdn.door43.org/obs/jpg/360px/obs-en-37-07.jpg)

ማንካራ ኡⶢ ንያል ቆባልቃናን ይስቱዌ። ንያልንድ ይ ባም ኖን ይሢ ይንጻንቂ ይስቱ። ዬሱሲ አላዛር ባምም ባ አቱⶣም፣ «ንያላ ሀⶢስ ዶንሢ ጋርስንዴ!» ማኩ። ኡⶣም ማርታ፣ «ይሲ ሀይቁⶢ ኦድ አቃንቁⶣጊ ሀⶥ ሶይትንሱዌ!» ማኬን።

![](https://cdn.door43.org/obs/jpg/360px/obs-en-37-08.jpg)

ዬሱሲ ውዌሽን፣ «ታሐም ጊባትና ኔ ይስኩ ፔታን ዬራጋ ዎብሲስ ቤቅኔኑዌ! ማካ ታና ኒም ሀይጣራዳ?» ማኪ ሀይጡ። ኡⶣም ንያሊስ ዶንሢ ጋርሴንዴ።

![](https://cdn.door43.org/obs/jpg/360px/obs-en-37-09.jpg)

ኡⶥ ጌሽን ዬሱሲ ሀይቅን ጫርቃን ካርሲ ኖትንሲ፣ «ዎ ታ ባቦ! ኔና ታ ቆይንትስ ሲስካ ይስኩዌሽን ኒ ጋላትና ታ ይስኩዌ! ኔና ካንግዎይን ሲስንሱዌሽን ኤራ ታ ይስኩዌ። ይ ፔታስን ኔና ታ ዎሱⶢስ ኢሣይቅኒ ጊባትንሱዌሽን ሀⶥን ይጥንሲ ይስኬንዴሽን ካንግ ሀⶢስ ሀይጣ ታ ይስኩዌ!» ማኩ። ኡⶣም ዬሱሲ፣ «ዎ አላዛሮ! ክያም ኬስካ ውዎ!» ማኪ ባ ካሢስ ጋልን ማስንሲ ኬኢ ይስቲ ጼጉ።

![](https://cdn.door43.org/obs/jpg/360px/obs-en-37-10.jpg)

ኡⶣም አላዛሪ ጋልን ኬስኩዌ። ይሲንድ ጋባስና ጽያሥና ባ ዱኩⶦጥን ይስቲ ኬስኩዌ። ዬሱሲ፣ «ይ ሀቲ ፖሥንን ሀምማዴ!» ማኩ። አይሁድ አሥንድቃን ⶦዳስንዲ ዲሢ ይስኩⶥ ቃይጻ ኡⶢስ ቤቅንሲ ዬሱሳም ጊባትኔንዴ።

![](https://cdn.door43.org/obs/jpg/360px/obs-en-37-11.jpg)

ይ ፔታስን አይሁድ ጊባት ኡካርንዲ አላዛሪ ዎጥቃን ፕያጺ ዶንቱዌሽን ቃጽ አይኔንድ። ኡⶤሽን አላዛራ፥ ዬሱሳይስ ዎሳስ ቃይጻን ባ ዎጥንሳን ማጥን ዱብድኒ ኦሽትኔንዴ።

*ጋሀሀⶢዮሀ. 11፥1-46።ይስኩⶥካናጊዝዎ።*

## 38. ዬሱሲ ኤጋም አቲ ባ ጋግናስንዴሽን ኤስቱ

https://openbiblestories.org/l/bcq/story-38/

![](https://cdn.door43.org/obs/jpg/360px/obs-en-38-01.jpg)

አይሁድ አሥንዲ ቤርጋም ቤርጋም ማዳካም ባሪስ ዎብሲ ባሪ ይስቴንዴ። ባራ ኡⶢⶦዳጋ ባልንድ ቤርግ አፓርቅን ዬሮሥንዲ ኢሣይቅን አሥንዳጋ ባብምንዳ ይዝቅኔንዲስ ጊብጽ ቃም ኬትካን ኬሱⶥ አቢስ ኢሣይቅኒ ይያም ታሢ ዎብሲ ይስኩⶣ ጊዎ። ዬሱሲ ጋልን ኤርስቲ ኤርሳሲ ጋዱⶢ ካዝ ቤርጋ ⶦጳ ቤሱዌ። ይሲንድ ባራ ኡⶢስ ዬሩሳላም ሀንቃ ባ ባርንሱⶣ፥ ይስን ኡስታ ባና ሀይብምሱⶣይስ ባ ማⶥ ንያእንዴሽን ሀይጡ።

![](https://cdn.door43.org/obs/jpg/360px/obs-en-38-02.jpg)

ዬሱሳጋ ማⶥ ንያእንድቃን ማጥናሲ ይሁዳ ማስቲ ይስኩዌ። ይሁዳይ ዎስኪ ቲሤንድ ጊዝ ኦⶣⶢስ (ኮጂስ) ኡጥንሲ ይስቱⶣ ጊዝዎ። ይሲንድ ጊዚስ ቃጽ ⶡና ባ ይስቱዌሽን ⶦድ ካርሲ ኮጅቃን ጊዝ ጋዚ ዙኪ ኤቲ ይስቱዌ። ዬሱሳ ይ ማⶥ ንያእንዳ ዬሩሳላም ሀንቂ አቱ ጌሽን ይሁዳይ አይሁድ ኡካርንድ ዳድን ሀንቂ ዬሱሲስ ኢሣይቅኒ ጊዝ ይስን ኡሣን ኤጋም አሣ ባ ኡሥንሱⶢስ ኢሣይቅና ባና ⶡን ይሡ። ዬሱሲ ማስህ ፔቱⶢስ አይሁድ ኡካርንዲ ጊባትናርጌንዳጊ ይ ዎጥኒ ኮዪይ ይስኩⶢስ ይሁዳይ ኤሩዌ።

![](https://cdn.door43.org/obs/jpg/360px/obs-en-38-03.jpg)

አይሁድ ኡካርንዲ ቆምባ ጉዳ ባና ፔታንቂ ዬሱሲስ ኤጋም አሢ ይሲ ኡሥንሱዌሽን ይሁዳን 30 ቢሪ ኡሤንዴ። ኮናስንዲ ይዝቅን ኮኒ ሀይጡⶦጥን ይሁዳይ ባም ኤስቱ ጊዝ ኤቲ ሀንቁ። ኡⶣጋ ጌሽን ዬሱሲስ ይያም ባ ኡጣ ኡሥንሱⶥ አቢስ ኮዪይ ይስቱዌ።

![](https://cdn.door43.org/obs/jpg/360px/obs-en-38-04.jpg)

ዬሩሳላምም ዬሱሲ ባ ማⶥ ንያእንዳ ባና ማዳካም ባሪስ ባሩዌ። ባራጋ ሙእስ ኢሣይቅኒ ሙኢ ይስታጉⶥን ዬሱሲ ቡዲስ ዶንሢ ዱርሺ ኡጥንሲ፣ «ሀⶥ ኤቲ ሙእንዴ! ሀⶢ ይንታይቅኔሽን ኤስቱⶥ ታ አⶫ ጊዝዎ። ሀⶣም ታ ታሢ ይስቲ ሙእምዴ!» ማኩ። ይሲንድ ባ አⶪአሥ ንያእ ጩቡዌሽን ማስቲ ኡዳስንሱⶢስ ሀይጡዌ።

![](https://cdn.door43.org/obs/jpg/360px/obs-en-38-05.jpg)

ካሲ ኡⶣጋ ጌሽንዬሱሲ ዋንጭቃን ይስኩⶥ ኡⶢስ ዶንሢ ኡጥንሲ፣ «ሀⶢስ ኡⶥንዴ! ጩቡ ማሬሽን ባርትንሱⶥ ቃይ ዎጋጋ ታ ሱታ ጊዝዎ። ሀⶢስ ይንታይቅኒ ኡⶣጉⶥ አባም ካንግ ይያም ታ ታሥንዴ!» ማኩ።

![](https://cdn.door43.org/obs/jpg/360px/obs-en-38-06.jpg)

ኡⶣም ዬሱሲ ባ ማⶥ ንያእንዴሽን፣ «ይንታይቅንቃን ማጥናሲ ታይስ ኡጢ ኡሥንሱዌ» ማኪ ሀይጡ። ይ ማⶥ ንያእንዲንድ ኡⶢስ ባ ሲስኩⶣም ዲቴንዴ። ኡⶢስ ኦናጊ ይሥንሳጌዎ? ማኪ ባ ባርቅን ኦጬንድ። ዬሱሲ፣ «ሀⶥ ታና ይስን ቡዲ ዱርሻ ኡሣ ይስኩⶣጊ ታ ኡጢ ኡሥንሱዌ!» ማኩ። ኤስ ማክንሲ ቡዲስ ዱርሺ ይሁዳን ኡሡዌ።

![](https://cdn.door43.org/obs/jpg/360px/obs-en-38-07.jpg)

ይሁዳይ ቡዳ ኡⶢስ ባ ኤቱⶣም ሼጣኒ ይ ማይቃንእያርዱዌ። ይሁዳይ ዬሱሲስ አይሁድ ኡካርንዴሽን ኡጢ ኡሥኒ ሶካም ኢሣይቅን ዳድን ሀንቁ።

![](https://cdn.door43.org/obs/jpg/360px/obs-en-38-08.jpg)

ዬሱሳ ይ ማⶥ ንያእንዳ ሶክ ሙኢስ ባ ሙኡ ጌሽን ዳብራ ዛይት ጉድን ሀንቄንድ። ኡⶣም ዬሱሲ፣ «ዎይንቴን ሶካም ይንት ካንግ ታ ሺችንሲ ሀምምሲንቱዌ። ‘ኪምናሲስ ዴክንታኑዌ፤ ዶርንዲንድ ካሽክንሴንዴ’ ማስቲ ጻፓንቂ ይስኩዌ» ማኩዌ።

![](https://cdn.door43.org/obs/jpg/360px/obs-en-38-09.jpg)

ጴጥሮሲ፣ «ዱማርንዲ ባ ካንግ ኒ ሺችንሲ ሀንቃስን ታና ጪር ኒ ሺችንሳ ሀምምሳርጉዌ!» ማኪ ሀይጡ። ኡⶣም ዬሱሲ ይስን ካርሲ፣ «ሼጣኒ ይንታይቅን ካንጊ ኤቲ ሀምሚ ኮዪይ ይስኩዌ፣ ዎ ጴጥሮሶ! ኒ ጊባቲ ጋምጢ ባእንሳርጉዌሽን ኒም ታ ጾክንሱዌ። ይ ፔታስን ዎይንቴን ሶካም ግያምባሂ ካዝ ካል ኦላራጊ ይስትን ካዝ ካል ካርሳ ‘ታና ይ ኤራርጉዌ!’ ማክኔኑዌ» ማኩ።

![](https://cdn.door43.org/obs/jpg/360px/obs-en-38-10.jpg)

ካሲጴጥሮሲካርሲ፣ «ሀይባጎንታሀይብምሱፔታንታናጪርኒኢቻሺችንሳርታኑዌ!» ማኩ።ዱማርንዲንድባካንግኡⶢዎጥንማኬንዴ።

![](https://cdn.door43.org/obs/jpg/360px/obs-en-38-11.jpg)

ኡⶣጋጌሽንዬሱሲባማⶥንያእንዳባናጌቴሴማኒማስቲይስኩⶥኩሥንሀንቁ።ዬሱሲኢሣይቅኔሽን «ኢራትካንይንታይቅኒእያርድንሳርጉዌሽንዞልቃንቂጾክንዴ!» ማኪሀይጥንሲዬሱሲባካይጾክኒኤኮችሀንቁ።

![](https://cdn.door43.org/obs/jpg/360px/obs-en-38-12.jpg)

ዬሱሲካዝካልካርሲጾኩ፤ይሲንድ፣ «ዎታባቦ! ኒምይሲሀካስንሱፔታንኢራታጋኡⶣሀኒስታኡⶥንሳርጉዌሽንታምይሦ! ይፔታስንአሣጋጩቡይይያምማራስንሱⶥዱማርስቦዲካይጉፔታንኒⶡንፔትማኬ!» ማኪጾኩ።ዬሱሲቃጽባⶡኪሀስኬስኪኢራትኑጌሽንይኤርክኒይጉዝቃንሱቶጥንኮⶥኪባርቲይስቱ።ኡⶣምዬሪንድይስንጋሥንሱⶥዎሳሲስቲሡዌ።

![](https://cdn.door43.org/obs/jpg/360px/obs-en-38-13.jpg)

ዬሱሲ ጾኪ ፔሽኪ ባ ማⶥ ንያእንድ ዳድን ካርቲ ካርቲ ዬኢ ኢሥያቅን ጼጊ ቆሽቃሺ ይስቱ። ይ ፔታስን ኢሣይቅኒንድ ሱርቅንሲ ይስቴንዴ። ይ ካዝናስን ካርታ ኢሣይቅን ዳድን ባ አቱⶣም «ኤስን ዶንትንዴ! ታ ኡጢ ኡሥንሱⶢ ሀⶥ አታንቁዌ!» ማኩ።

![](https://cdn.door43.org/obs/jpg/360px/obs-en-38-14.jpg)

ይሁⶣም ይሁዳይ አይሁድ ኡካርንዳ፥ ዎታዴርንዳ፥ አሣ ⶦዳስንዳ ባናአቱ። ኢሣይቅኒንድ ሼፓ፥ ዜላ ኡጥንሲ ይስቴንዴ። ይሁዳይ ዬሱስ ዳድን አታንቂ፣ «ዎ ኤርሳሳጉⶦ! ዲጊ ኒም ፔትትማኬ!» ማኪ ይ ሱንቁ። ይሲ ኡⶢስ ኤስ ይሡⶢ ዬሱሲ ኦን ፔታን አይሁድ ኡካርንዲ ኡጥንሱዌሽን ማላታን ይስቱዌ። ኡⶣም ዬሱሲ፣ «ዎ ይሁዳዎ! ኔና ኢባሪ ታ ሱንቃን ታ ኡጣ ኡሣ ይስታኔ?» ማኩዌ።

![](https://cdn.door43.org/obs/jpg/360px/obs-en-38-15.jpg)

ዎታዴርንዲ ዬሱሲስ ኡጣጉⶥን ጴጥሮሲ ⶤፕ ካዚ ቆምባ ጉድ ቃይጻሳጋ ሀይስ ዶጊ ቦኩ። ኡⶣም ዬሱሲ «ኒ ሼፒስ ይ ኮⶥክንቃን ካርሳ እያርሶ! ታም ጫድንሱⶢ ኮይስቲ ይስኩ ፔታሳን ታ ባቢ ⶦዳጋ ዎሳስንዳ ጫድንሴንዲስ ታም ቲሥንሱዌሽን ሀራን ዛይ ቆልና ታ ሀክንሱዌ!» ማኩ። ኤስ ማክንሲ ናሳጋ ሀያ ዶስቱⶢስ ካርሲ ይ ኩሥን ቶኪ ፕያሡዌ። ዬሱሲ ኡስታጉⶥን ይ ማⶥ ንያእንዲ ባ ካንግ አሽቲ ሀንቄንዴ።

*ጋሀሀⶢማቴ. 26፥14-56፤ማር. 14፥10-50፤ሉቃስ 22፥1-53፤ዮሀ. 12፥1-11።ይስኩⶥካናጊዝዎ።*

## 39. ዬሱሲ ኡስቲ ባጋጬሽን ሺኩ

https://openbiblestories.org/l/bcq/story-39/

![](https://cdn.door43.org/obs/jpg/360px/obs-en-39-01.jpg)

ዶዲ ጋሥ ዶንት ጾጽ ጣማስናን ይስቱዌ። ቆምባ ጉዲ ዬሱሲስ ኦጪ ውⶥንሱዌሽን ቆምባ ጉድ ኬትን ዎታዳርንዲ ይ ኤቲ ሀንቄንድ። ጴጥሮሲ ዎታም ⶦት ባ ጎⶭንሲ ይያፓርን ዳቢ ሀንቂ ይስቱ። ዬሱሲስ ኢሣይቅኒ ኬትን እያርሱⶣም ይሲ ቡሕድን አሥንዳ ታም ሶኪ ካⶥኪ ይስኬንዳባና ታም ካⶥኪ ይጥንሲ ይስቱዌ።

![](https://cdn.door43.org/obs/jpg/360px/obs-en-39-02.jpg)

ኬትን ይቃን ኡካርንዲዬሱስ ዴብም ባሢ ኤስትንሱዌሽን ዳን አፕም ይ ሺርሼንድ። ይ ዴብም አጣጣጋ ሚጥ ሚጥንሴድ ⶦድ ሚጢስ ኤቲ ዬኤንዴ። ይ ፔታስን ኢሣይቅን ጋሂ ባርቅን ማጥ አቲ ሀምጵማርጉⶣን ይስቱ። ኡⶤሽን አይሁድ አሥንድ ኡካርንዲ ዬሱስ ዴብም ባና ያፕምማ ኮዩⶥ ኢት ጋሂስ ያፕምባኑ ሀካርጌንዴ።

![](https://cdn.door43.org/obs/jpg/360px/obs-en-39-03.jpg)

ይ ውርንስ ቆምባ ጉዲ ዬሱሲስ ዳች ኖትንሲ፣ «ዎስ ኑም ሀይጦ! ኔና ኢባሪ ማስህያ ባ ፕያጽን ይስኩⶥ ዬር ናንሣኔ?» ማኪ ኦጩ።

![](https://cdn.door43.org/obs/jpg/360px/obs-en-39-04.jpg)

ዬሱሲ ይስን ካርሲ፣«ይዎ! ታና ጊዛዎ! ሀይቅን ጫርቃን ዬራ ታና ይስታ ካርታ ውታን ቤቅኔኑዌ» ማኩ። ቆምባ ጉዲ ያንቅንሲ ባ ሲማር ሀርጫሲ ቦክንሲ ዱማርንድ ቆምብንዳ ኡካርንዳ ዳድን ካርታንቂ፣ «ኤስን ሀⶥ ዴብም ሚጢ ኮይስታርጉዌ! ታና ዬርጋ ናንሣ ጊዛዎ! ማኪ ይሲ ሀይጥን ይንታይቅኒ ሲስኩዌ። ኤስን ሀራን ይ ዴብም ባሥንሳጌዎ?» ማኪ ኬኡ።

![](https://cdn.door43.org/obs/jpg/360px/obs-en-39-05.jpg)

አይሁድ አሥንድ ኡካርንዲ፣ «ኢባሪ ሀይባቱዋጊዜ! ማኪ ቆምባ ጉዴሽን ሀይጡ። ኡⶣጋ ጌሽን ዬሱሳጋ አፒስ ሲማራም ካቤንድ። ይ አፕካኒንድ ጩዴንድ። ይ ዴክኒ ይ ጾኒ ይ ዴብም ካስኬንዴ።

![](https://cdn.door43.org/obs/jpg/360px/obs-en-39-06.jpg)

ጴጥሮሲ ፑርን ሀራጊ ዬሱስ ዴብም ይሢ ይስታን ቤቅኒ ባቂ ይስታጉⶥን ማይና ማጣ ይ ቤቅንሳ፣ «ሀⶥ ኔና ዬሱሳ ኔና ይስቱⶣታን ሀራጋዎ?» ማኬን። ይሲንድ፣ «ታና ይ ኤራርጉዌ!» ማኩ። ካሲ ማያን ዱማራ፣ «ኔና ይያ ኔና ይስቱዌ!» ማኬን። ካሲ ጴጥሮሲ፣ «ይሲ ኦናጊሳን ታና ይ ኤራርጉዌ!» ማኩ። ኡⶥ ጌሽን አሣ ዶይስን ይስቴንዲ፣ «ኔና፥ ይሳይ ጌሊላቃን ይስቴንዳጊ ኔና ዬሱሳ ኔና ይስቱⶢስ ኑና ኤራ ይስኩዌ!» ማኬንድ።

![](https://cdn.door43.org/obs/jpg/360px/obs-en-39-07.jpg)

ኡⶣም ጴጥሮሲ፣ «ታ ይ ኤራርጉዌ!» ማኪ ዎግኒ ሀይጣጉⶥን ግያርን ግያምባሂ ኦልቁ። ዬሱሲንድ ባ ጌሽ ካርሲ ጴጥሮሲ ኖቱዌ።

![](https://cdn.door43.org/obs/jpg/360px/obs-en-39-08.jpg)

ኡⶣም ጴጥሮሲ ሀንቂ ትቅኒ ዬኩ። ኡⶢ ኤስ ፔታጉⶥን ዬሱሲስ ኡጢ ኤጋም አሢ ኡሡⶥ ይሁዳይ አይሁድ ኡካርንዲ ዬሱስ ዴብም ዎጥ ማጋጭ ቦክን ባ ቤቁⶣም ሶይሲ አይኒ ግያርን ሀንቂ ባ ሶቲ ሀይቁዌ።

![](https://cdn.door43.org/obs/jpg/360px/obs-en-39-09.jpg)

ዶዲዎንታጉⶥንአይሁድኡካርንዲዬሱሲሮምዶድትያታጲላጦስዳድንኤቲዬኤንድ።ጳላጦሲይዴብምዎጥማጋጭቦክንሱዌማኪታሤንዴ።ጲላጦሲዬሱሲስባቤቁⶣም፣ «ኔናኢባሪአይሁድትያታኔ?» ማኪኦጩ።

![](https://cdn.door43.org/obs/jpg/360px/obs-en-39-10.jpg)

ዬሱሲይዬሽን፣ «ኔናሀይጡⶢዎጥናጊዝዎ።ይፔታስንታናትያትንሱⶢዶዳሀⶥዴብምይስኩⶥትያቶጥንኤሳርጉዌ።ኤስይፔታሳንታቃይጻስንዲታምሀራንጫድንሴንዴ።ታናዬራጋኢባሪስሀይጥናዶድቶሕንታዬኡዌ።ኢባሪስⶥኒይስኩⶢታናሀይጣይስኩⶢስሲስንሱዌ» ማኩ።ጲላጦሲ፣ «ኢባሪሀሬዎ?» ማኪይኦጩ።

![](https://cdn.door43.org/obs/jpg/360px/obs-en-39-11.jpg)

ጲላጦሲ ዬሱሳ ባና ጋርትኒ ፔሽኪ አሥ ዳድን ኬስኪ አታንቂ፣ «ናሳ ሀⶥ ጉዝን ታና ማጣጋ ኢት ጋሂስ ያፓርጉዌ» ማኩ። አይሁድ ኡካርንዳ አሣይ ባ ካንግ ዶንቲ «ይሶቶ!» ማኪ ኬኤንዴ። ካሲ ጲላጦሲካርሲ፣ «ይሲ ባይሱⶥ ጋሂ ካይጉዌ!» ማኪ ሀይጡ። ኢሣይቅኒ ቃዝቂ ቤሽ ኬኤንዴ፥ ካሲ ጲላጦስ ይ ካዝናስን፣ ይሲ ባይናስ ኤሳርጉዌ!» ማኩ።

![](https://cdn.door43.org/obs/jpg/360px/obs-en-39-12.jpg)

ኡⶣም ጲላጦሲ አሢ ባ ⶡኪ ቡክ ዶንሥንሱዌ ማኪ ሼርቁ። ይሲንድ ዬሱሲስ ኢሣይቅኒ ኤቲ ሀንቂ ሶቴ ማኪ ባ ዎታዴርንዴሽን ቲዛዝ ኡሡዌ ። ሮም ትያት ዎታዴርንዲ ዬሱሲስ ዴክኒ ዞቃጋ ሲማሪስ ይ ማይሴንድ። አሙ ኡክንድ ሀይሲ ይ ዴብቃን ይሥንሲ፣ «አይሁድ ትያቲ ሀⶦ!» ማኪ ይ ጾኒ ጋራትኔንዴ።

*ጋሀሀⶢማቴ. 26፥57-27፥26፤ማር. 14፥53-15፥15፤ሉቃስ 22፥54-23፥25፤ዮሀ. 18፥12-19፥16።ይስኩⶥካናጊዝዎ።*

## 40. ዬሱሲ ሶሡ

https://openbiblestories.org/l/bcq/story-40/

![](https://cdn.door43.org/obs/jpg/360px/obs-en-40-01.jpg)

ዎታዴርንዲ ዬሱሲስ ዴክኒ ባ ይ ጾና ሶይሳ ኢራታሳ ፔሽኩ ጌሽን ይ ሶትኒ ኤቲ ሀንቄንድ። ይስን ይሲ ሶሥንሱⶥ ማስቃሊንድ ይ ጤብሴንዴ።

![](https://cdn.door43.org/obs/jpg/360px/obs-en-40-02.jpg)

ዎታዳርንዲ ዬሱሲስ «ራስ ቅል» (ዴብ ቆር) ማስቲ ይስኩⶥ ኩሥን ኤቲ ሀንቂ አሥንሲ ይ ኩቻ፥ ይ ቶአይስ ማስቃልን ጦጌንድ። ኢሣይቅኒ ኡⶢስ ካንግ ይ ዴብም ይሡⶣም ዬሱሲ «ዎ ታ ባቦ! ኢሣይቅኒ ባ ይሣ ይስኩⶢስ ኤራርጌንዳጊስን ኢሥ ማሮ!» ማኪ ጾኩ። ጲላጦሲ «አይሁድ ትያት» ማኪ ይስኩⶥ ጻፒስ ጻፓሲ ሀይቅን ይ ዴብም ጦጋሱዌ።

![](https://cdn.door43.org/obs/jpg/360px/obs-en-40-03.jpg)

ኡⶥ ጌሽን ዎታዳርንዲ ዬሱስ ሲማርን ኢጣ ቦኪ ቆድኔንድ። ኡⶢስ ኢሣይቅኒ ይሡⶢ «ታ ሲማሪስ ኢጣ ቦኪ ቆድኔንዴ» ማስቲ ኮናስናቂ ይስኩⶥ ኮኒ ኢባር ፔትንሱዌሽና ጊዝዎ።

![](https://cdn.door43.org/obs/jpg/360px/obs-en-40-04.jpg)

ይሱሲ ናማስንድ አሣ ቦክንዳ አሥ ካሥ ዎጤንድ ዴንትካን ሶሡ። ማጥናሲ ዬሱስ ዴብም ሚጻትኒ ጋሁ፤ ማጥናሲ «ኔና ዬሪስ ሼራራኔ? ኒናጎጥን ኒ ቃይጹⶥ ኢት ቃይጻማን ሶሡዌ፤ ናሳ ሀⶢ ጪር ኢት ቃይጻርጉዌ።» ማኩ። ኡⶥ ጌሽን ዬሱስ ዳድን ካርቲ «ኔና ይስን ትያታ ይስኩⶥካን ታምም ታሦ!» ማኪ ቆሉ። ዬሱሲንድ፣ «ኢባር ታ ሀይጣ ይስኩዌ፣ዎይንቴን ታኔና ጋናትካን ኔ እያርድንሱዌ!» ማኩ።

![](https://cdn.door43.org/obs/jpg/360px/obs-en-40-05.jpg)

አይሁዳጋ ኡካርንዳ፥ አሥንዳ ማጥማጥንዳይ ዬሱስ ዴብም ሚጻትኒ ጋራትኒ ጋሄንዴ። ኢሣይቅኒንድ፣ «ዎስ ዬር ናንሥ ኔ ፔታን ማስቃልን ይስታ ዎርትና ኔ ቄር ፕያሦዎ!ኡⶣም ኑኒንድ ኒያም ጊባትንሱዌ!» ማኬንዴ።

![](https://cdn.door43.org/obs/jpg/360px/obs-en-40-06.jpg)

ኡⶣም ጎቅን ዶዲ ሳፕም ሳት ፓዥ ዴንት ይስቱ፤ ሳፕም ሳትን ጋድንሲ ዶድ ጡሚ ኡርዲ ⶢፕ ጥጱ። እርስትን ሳት ሀክ ኡርዳንቂ ይስቱዌ።

![](https://cdn.door43.org/obs/jpg/360px/obs-en-40-07.jpg)

ኡⶣጋ ጌሽን ዬሱሲ «ኤስን ባ ካንጊ ይሢ ውራንቁዌ! ዎ ታ ባቦ! ታ ካሢስ ኒም ኤጋ አሣ ኡሣ ታይስኩዌ!» ማኪ ኤዛም ኬኡ። ኡⶣም ባ ዴቢስ ቶር ካርሲ ይርⶥ ማሳንቂ ባ ካሥ ኡሡዌ። ይሲ ግያርን ሀይባጉⶥን ዶዲ ጉርጡ። ዬርን ጎይን ኬትካን ይስቱⶥ ማንጻላቲ ባ ዴንት ጾጽን ታካሽ ባ ማሂ ሀርጭኑዌ።

![](https://cdn.door43.org/obs/jpg/360px/obs-en-40-08.jpg)

ዬሱሲ ባ ሀይቁⶣም አሢ ዬር ዳድን ውንሱⶥ ቦዲስ ፒርቁዌ። ዬሱሲስ ባቂ ይስቱⶥ ዎታዴርንዳጋ ኡካሪ ይሡⶣ ፔቱⶣ ቃይጺስ ካንግ ቤቅንሲ፣ «ናሳ ሀⶢ ኢባሪ ዬር ናንሣ ሶይናሳ ጊዝዎ!» ማኩዌ።

![](https://cdn.door43.org/obs/jpg/360px/obs-en-40-09.jpg)

ካሲ ዬሱሲ ማስህ ፔቱⶢስ ጊባትኒ ይስቴንድ አይሁድ ኡካርንዳ ዮሴፓ፥ ኒቆዶሞሳ ማስቲ ይስኬንዲ ዬሱስ አⶪስ ጲላጦስ ዳድን ሀንቂ ቆሌንድ። ኢሣይቅኒንድ ኤቲ ሀንቂ ሲማራም ካቢ ንያል ቦምባርቃን ይሻስኑⶥ ዎጥ ባምቃን ይሥንሲ ንያላ ኤዝ ጋርሲ ኤቲ ዬኢ ባማጋ ሜጊስ ይያም ይንጼንዴ።

*ጋሀሀⶢማቴ. 27፥27-61፥26፤ማር. 15፥16-27፤15፤ሉቃስ 23፥56፤ዮሀ. 19፥17-42።ይስኩⶥካናጊዝዎ።*

## 41. ዬሮሥንዲ ዬሱሲስ ዎጥቃን ዶንሡዌ

https://openbiblestories.org/l/bcq/story-41/

![](https://cdn.door43.org/obs/jpg/360px/obs-en-41-01.jpg)

ዎታዳርንዲ ዬሱሲስ ባ ሶቱ ጌሽን ጊባትናርጌንድ አይሁድ ኡካርንዲ ጲላጦስ ዳድን ሀንቂ «ናሳ አጣጣሳ ኡⶢ ጋሥ ሀይባርጉ ይስቲ ካዝ አቅ ጎቅን ዎጥቃን ታ ዶንትንሡዌ! ማኪ ሀይጥንሲ ይስቱዌ። ይ ማⶥ ንያእንዲ ይ ዱባኒስ ዙኪ ኤቲ ሀንቅንሲ ዎጥቃን ዶንታንቁዌ! ማኪ ሀይጥንሳርጉዌሽን ዎታዳርንዲ ይ ፖⶥን ባቅንሱⶢ ኮይስቲ ይስኩዌ፣» ማኪ ሀይጤንድ።

![](https://cdn.door43.org/obs/jpg/360px/obs-en-41-02.jpg)

ኡⶣም ጲላጦሲ፣ «ዎታዳርንዲስ ኤቲ ሀንቂ ይንታይቅኒ ሀኩⶦጥን ዞልቃንቂ ባርስንዴ!» ማኪ ትዛዝ ኡሡ። ኡⶤሽን ኢሣይቅኒ ሀንቂ ይ ባምም ኖን ይሡⶥ ንያል ዴብም ማታም ዴክኒ ኦናጎን አቲ ዙክኒ ሀክንሳርጉዌሽን ዎታዳርንዲስ ዞይሲ ጢሻም ባርሴንዴ።

![](https://cdn.door43.org/obs/jpg/360px/obs-en-41-03.jpg)

ዬሱሲ ይያም ሶሡⶥ አቢ አይሁድ አሥንድ ⶣምባታን ይስቱ። ኡⶣም ጎቅን አሢ ዳይንን ሀምሱⶢ ናስካንቅያን ይስቱዌ። ኡⶤሽን ⶣምባት አብ ጌሽን ይ ዎንሣን ዱታ ኤንታም ማይና ⶦዳስንዲ ዬሱስ ጉዝን ሺቱይስ ቃዝቃ ባ ዎህንሱዌሽን ማኪ ፖⶥን ሀምሚ ዬሼንድ።

![](https://cdn.door43.org/obs/jpg/360px/obs-en-41-04.jpg)

ኡⶢ ኤስ ፔታንቂ ይስታጉⶥን ቱታል ዶዲ ጉርጡ፤ ኢሣይቅን ጉዚ ሻምቶጥን ሳንቂ ይስኬንድ ናማስ ዎሳስንዲ ዬኢ ንያላ ባም ኖኑⶢስ ጋርሲ ቦክንሲ ይ ዴብም ዎግንሲ ይስቴንድ። ዬሱስ ፖⶥ ባቂ ይስቴንድ ዛባንዲ ሼርታም ሀይቁⶦጥን ⶦርቂ ቆንግ አታንቂ ዶድን ዎጤንዴ።

![](https://cdn.door43.org/obs/jpg/360px/obs-en-41-05.jpg)

ማይንዲ ዬኢ ዬሱስ ፖⶥን አቴንድ፤ ንያል ዴብም ዎግንሲ ይስቱ ዎሳሲ ኢሣይቅኔሽን «ሼራሺድንዴ! ዬሱሲ ሀⶥካን ካይጉዌ፤ ይሲ ባና ሀይጦⶢዎጥን ዎጥቃን ዶንታንቁዌ! ዬኢ ይ ባሚስ ቤቅንዴ!» ማኪ ሀይጡ። ማይንዲ ዬኢ ባምቃን ኢሣይቅኒ ኖታጉⶥን ባማጊ ባ ካይ ይስቱዌ። ዬሱሳጋ ዱባኒ ይቃን ካይጉⶢስ ቤቄንዴ።

![](https://cdn.door43.org/obs/jpg/360px/obs-en-41-06.jpg)

ኡⶣም ዎሳሲ ማይንዴሽን፣ «ኤስን ሀⶥ ሀንቅንሲ፣ ‘ዬሱሲ ዎጥቃን ዲንታንቁዌ! ይንታይቅን አፓርቅን ጌሊላቃን ሀምምሱዌ!’ ማኪ ይ ማⶥ ንያእንዴሽን ሀይጥንዴ» ማኪ ሀይጡ።

![](https://cdn.door43.org/obs/jpg/360px/obs-en-41-07.jpg)

ማይንዳ ኤንዲ ኤዛጋ ካዣም ካዥቂ ይስቲ ካዥ ሀይጣ ኡⶢስ ይ ማⶥ ንያእንዴሽን ሀይጥኒ ዎጽካያም ሀንቄንዴ።

![](https://cdn.door43.org/obs/jpg/360px/obs-en-41-08.jpg)

ማይንዲ ጋሥ ቦድን ሀንቂ ይስታጉⶥን ዬሱሲ ኢሣይቅኔሽን ቤስቱ። ኢሣይቅኒንድ ይዬሽን ይቲ ይ ቶቃን ጉራትኔንዴ። ይሲንድ፣ «ሼራሺድንዴ! ታ ማⶥ ንያእንዲ ጌሊላቃን ሀምሱዌሽን ሀይጥንዴ፤ ኢሣይቅኒ ጌሊላን ታ ቤቅንሴንዴ!» ማኪ ኢሣይቅኔሽን ሀይጡ።

*ጋሀሀⶢማቴ. 27፥62-28፥15፤ማር. 16፥1-11፤ሉቃስ 24፥1-12፤ዮሀ. 20፥1-18።ይስኩⶥካናጊዝዎ።*

## 42. ዬሱሲ ሀይቅን ጫርቃን ካርቲ ሀንቁ

https://openbiblestories.org/l/bcq/story-42/

![](https://cdn.door43.org/obs/jpg/360px/obs-en-42-01.jpg)

ዬሱሲ ዎጥቃን ዶንቱ ጎቅን ይ ማⶥ ንያእንድቃን ናማሲ ዬሩሳላም ካታም ሺክን ይስኬን ካታምቃን ሀንቂ ይስቴንድ። ኢሣይቅኒ ቦድን ሀንቂ ይስቲ ዬሱስ ዴብም ይሡⶥ ኢራታ፥ ዎጣ ጋሂስ ጋሂ ይስቴንድ። ይሲ «ማስሄ ማኪ አሢ ታሥ ይሥንሲ ይስቴንዳዳ፣ይሲ ሀⶥ ኤስን ሀይቃንቁዌ። ካስ ማይንዲ ዎጥቃን ፕያጺ ዶንታንቁዌ ማኪ ሀይጢ ይስኬንዴ» ማኪ ጋሂ ይስታሲ ባ ሲስኩⶥ ጋሂስ ጊባትናርጉⶣን ይስቴንዴ።

![](https://cdn.door43.org/obs/jpg/360px/obs-en-42-02.jpg)

ኡⶣም ዬሱሲ ዬኢ ኢሣይቅን ዴንትካን አታንቂ ኢሣይቅና ባና ሀንቂ ይስቱ። ኢሣይቅኒ ይ ኤራርጌንዴ። ሀሬሽናን ኢሣይቅኒ ጋሂ ይስታሳን ኦጩ። ኢሣይቅኒ ኮት አብ አፓርቅን ዬሱስ ዴብም ይሡⶢስ ካንግ አኪ ይስን ሀይጤንድ። ካሲ ዲሢ ይስኩⶥ ቃይጻ ባ ሲስኩⶢንድ ሀይጤንዴ። ኢሣይቅኒንድ ዬሩሳላምቃን ይሡⶥ ጋሀ ኡⶢስ ጪር ኤራርጉⶥ አሤሽናን ሀይጣ ባ ይስኩዌ ማኪ ታሤንዴ።

![](https://cdn.door43.org/obs/jpg/360px/obs-en-42-03.jpg)

ኡⶥ ጌሽን ዬሱሲ ማስሄሽን ጻፑⶥ ዬራጋ ሀይጢስ ካንግ ኢሣይቅኔሽን ሀይጡ። ኪርስቶሲ ኢራት ቤቂ ሀይቂ ይ ካዝ አቅ ጎቅን ዎጥቃን ዶትንሱⶢስ ኮናስንዲ ሀይጡⶢስ ኢሣይቅን ታሣሱ። ኢሣይቅኒ ይስን አቅና ባ ታሡⶥ ካታም አቴንድ። ዶዲንድ ሶኪ ጡሚ ይስቱ።

![](https://cdn.door43.org/obs/jpg/360px/obs-en-42-04.jpg)

አሥንዳ ኤንዲ ኢሣይቅና ባና ይሲ አቅንሱዌሽን ይ ቆሌንድ፤ ይሲንድ ሶዬ ማኪ ኬትን እያርዱ። ሶክ ሙኢስ ሙእኒ ኢሣይቅኒ ኤቲ አሣጉⶥን ዬሱሲ ቡዲስ ዶንሢ ኡጥንሲ ዬሪስ ጋላትኑ። ኡⶥ ጌሽን ዲርሺ ኢሣይቅኔሽን ይሲ ኡሣጉⶥን ቱታል ዬሱስ ይሲ ፔቱⶢስ ኤሬንድ። ይ ፔታስን ይሲ ኢሣይቅን አፕካን ባኡዌ።

![](https://cdn.door43.org/obs/jpg/360px/obs-en-42-05.jpg)

ኡⶣም አሥንዳ ናማስንዲ «ሀንቻን ቦድን ይሲ ዬር ሀይጢስ ሀይጣጉⶥን ኒሕ ማይቃን ሳንቂ ይስቱⶢ ባም ዬሱሳ ጊዝዎ!» ማኬንድ። ግያርን ዬሩሳላም ካርቲ ሀንቄንዴ። ኢሣይቅኒ ሀንቃ ዬሩሳላምም ባ አቱⶣም «ዬሱሲ ዎጥቃን ፕያጺ ዶንታንቁዌ! ኑኒንድ ይ ቤቅኑኑዌ!» ማኪ ሀይጤንድ።

![](https://cdn.door43.org/obs/jpg/360px/obs-en-42-06.jpg)

ይ ማⶥ ንያእንዲ ኡⶢስ ባ ባርቅን ጋርትኒ ይስታጉⶥን ዬሱሲ ቱታል ኢሣይቅን ዴንትካን አቲ ቤስታንቂ፣ «ዲጊ ይንታይቅኔሽን ፔትማኬ!» ማኩ። ኡⶣም ማⶥ ንያእንዲ ማⶢስ ቤቁⶦጥን ኢሣይቅኔሽን ሀርኩ። ዬሱሲ ኢሣይቅኔሽን፣ «ሀሬሽን ሼርቂ ናም ታሢ ይስታጌዎ? ታ ኩቻ፥ ታ ቶአይስሀⶥ ቤቅንዴ። ማⶢ ታዎጥን አⶫ ሜርታይ ይ ጉዝን ካይጉዌ» ማኩ። ይሲ ማⶥ ፔታርጉⶢስ ኢሣይቅኒ ጊባትንሱዌሽን ሙስትንሱⶢስ ኦጩ። ኢሣይቅኒንድ ሚቻስኑⶥ ኦሩ ይስን ኡሥን ኢሣይቅን አፕም ሙኡዌ።

![](https://cdn.door43.org/obs/jpg/360px/obs-en-42-07.jpg)

ኡⶣም ዬሱሲ፣ «ዬራጋ ሀይጣ ታዬሽን ካንግ ጻፑⶢ ይሢ ቤስትንሱዌ! ማካ ሀይጥንሳ ታ ይስቱዌ!» ማኩ። ኡⶥ ጌሽን ዬራጋ ሀይጢስ ኢሣይቅኒ ኤርንሱዌሽን ኢሥ ማይ ታሢስ ፒርቁ። ካሲ «ማስሂ ኢራት ቤቂ ሀይብሱዌ፣ ይ ካዝ አቅ ጎቅን ዎጥቃን ዶንትንሱዌ፤ ማስቱⶥ ሀይጢ ጳዳጋ ቤርግንድ አፓርቅን ኮናስኒ ሀይጣስናንቂ ይስኩዌ» ማኩ።

![](https://cdn.door43.org/obs/jpg/360px/obs-en-42-08.jpg)

ካሲ «ማጻፕካን ባ ጩቡ ማር ባ ያፕምሱዌሽን አሢ ባ ካንግ ሶይቃን እያርድንሱዌሽን ማⶥ ንያእንዲ (ዎስኪ ቲሤንዲ) ኤይሲ ሚጥኒ ሀይጥንሱዌሽን ጻፓንቂ ይስኩዌ። ኢሣይቅኒንድ ዬሩሳላምም ጋድንሲ ኡⶢስ ይሥንሴንዴ። ኡⶣሚንድ ዶድ ቶሕን ይስኬንድ አሥ ዛርንድ ዳድን ካንግ ሀምምሴንዴ። ይንታይቅኒንድ ጋሀ ኤንዴሽን ሚጥንዳ ጊዝዎ!» ማኪ ሀይጡ።

![](https://cdn.door43.org/obs/jpg/360px/obs-en-42-09.jpg)

ኡⶣጋ ጌሽን ዬሱሲ 40 አቅ ⶦድ አብ ባ ማⶥ ንያእንዴሽን ቤስቲ ይስቱ። ካሲ ማጥ ካል 500 ዴብም አትንሴንድ አሥንዴሽን ቤስቱ። ዎጥቃን ዶንታ ባ ፕያጽን ባ ይስኩⶢስ ⶦዳጋ ቦዳም ኤርሳሱዌ። ዬራጋ ጫር ባሴሽና ዬሪ አሥ ቶሕን ትያትንሱዌሽን ኤርሳሱዌ።

![](https://cdn.door43.org/obs/jpg/360px/obs-en-42-10.jpg)

ዬሱሲ ባ ማⶥ ንያእንዴሽን፣ «ሀኪ ሀይቅን ጫርና፥ ዶድና ታም ኤስታንቁዌ፤ ኤስን ሀⶥ ሀንቅንሲ አሢስ ይ ካንግ ዬራ ባባ፣ ዬራ ናንሣ ዬራ ማⶣ ሀናሳ ሱማም ጣምቅኒ፣ ታና ኡሡⶥ ትዛዚስ ካንግ ኢሣይቅኒ ይሥንሱዌሽን ኤርሳሲ ይስቲ ታ ማⶥ ንያእንድ አሥንዴ። ታና ካንግዎይናም ሀክ ይንታይቅና ታና ጊዛዎ! ማካ ታ ሀይጡⶢስ ታሥንዴ!» ማኪ ሀይጡዌ።

![](https://cdn.door43.org/obs/jpg/360px/obs-en-42-11.jpg)

ዬሱሲ ዎጥቃን ባ ዶንቱ 40 አቅ ጌሽን፣ «ማⶣ ሀናሲ ይንታይቅን ዴብም ዎርትናጉⶥ ሀካ፥ ታ ባቢ ይንታይቅኔሽን ጊዲስ ኡሣጉⶥ ሀክ ዬሩሳላምም ይስቴንዴ» ማኩ። ኡⶣጋ ጌሽን ዬሱሲ ሀይቅን ጫርቃን ኬስኩ፤ ዱልዱልንድ ኢሣይቅን አፕካን ይ አቹዌ። ዬሱሲ ድያድንድ ካንግ ዴብም ባ ትያትንሱዌሽን ዬራጋ ኡⶫርን ዎጉዌ።

*ጋሀሀⶢማቴ. 28፥16-20፤ማር. 16፥12-20፤ሉቃስ 24፥13-53፤ዮሀ. 20፥19-23፤ዎ.ቲ.ማ. 1፥1-11።ይስኩⶥካናጊዝዎ።*

## 43. ቤታክርስትያና ጋዳስና ጊጼኔ

https://openbiblestories.org/l/bcq/story-43/

![](https://cdn.door43.org/obs/jpg/360px/obs-en-43-01.jpg)

ዬሱሲ ጫርቃን ካርቲ ሀንቁ ጌሽን ይ ማⶥ ንያእንዲ ዬሩሳላምም ይስቴንድ። ኡⶣጋ አባም ይስቴንድ አሥንዳ ጊባትንሲ ይስኬንዲ ዶባርጉ ዱብድናንቂ ጾኪ ይስቴንዴ።

![](https://cdn.door43.org/obs/jpg/360px/obs-en-43-02.jpg)

አይሁድ አሥንዲ ቤርጋም ቤርጋም ማዳካም ባር ጌሽን 50 አቅ ጎቅን ጴንጤቆስጤ ማስቲ ይስኩⶥ አብስ ዎብሲ ይስቴንዴ። ጴንጤቆስጤ አቢ አይሁድ አሥንዲ ሙእ ጋክ ባሪስ ይሢ ባሪ ይስቱ አባ ጊዝዎ። አይሁድ አሥንዲ ጴንጤቆስጤ ባሪስ ማጥን ባ ዎብስንሱዌሽን ዶድ ቶሕን ካንግ ይስቲ ዬሩሳላም ዬኢ ይስቴንዴ። ቤርጋ ኡⶣም ዬሱሲ ሀይቅን ጫርቃን ሀንቁ ማጥ ⶣምባት ጌሽን ጴንጤቆስጤ አቢ አቱ።

![](https://cdn.door43.org/obs/jpg/360px/obs-en-43-03.jpg)

ዬሱሳም ዬር ጊባትንሲ ይስኬንድ አሥንዲ ባ ካንግ ማጥን ዱብድናንቂ ይስታጉⶥን ቱታል ኢሣይቅኒ ይስን ዱብድናንቂ ይስኩ ኬቲ ኤዛጋ ናርሳማ፥ ታም ሳማማⶾንቁ። ኡⶥጌሽን ጊባትንሲ ይስኬንድ ዴብም ካንግ ታም ሳሚ ዎጉዌ። ኢሣይቅኒ ባ ካንግ ማⶣ ሀናሳም ⶾንቃንቂ ቃያጋ ኖናም ጋሂ ጋዴንድ።

![](https://cdn.door43.org/obs/jpg/360px/obs-en-43-04.jpg)

ዬሩሳላምም ይስኬንድ አሥንዲ ጋሀኡⶣⶦብታይስ ባ ሲስኩⶣም ሀራጊ ፔቲ ይስታን ቤቅኒ ባ ካንግ ዬኤንድ። ጊባትኒ ይስኬንዲ ዬር ቃይጻ ዲሢ ይስኩⶢስ ኤይሲ ሚጥኒ ሀይጣጉⶥን ባ ዶድ ኖን ጋሀም ሲስክንሲ ቃዝቂ ቃጽ ዲቴንድ።

![](https://cdn.door43.org/obs/jpg/360px/obs-en-43-05.jpg)

ማጥማጥ አሥንዲ አሥንዳ ሀንዲ ኤንታም ጎⶵቅያን ይስኬንዴ ማኬንድ። ኢሣይቅን ዴንትካን ይስቲ ጴጥሮሲ ዶንቲ ይጥንሲ፣ «ዎ አሥንዳ ዱብድኔንዶ! ሲስንዴ! አሥንዳ ሀንዲ ጎⶳርጌንዴ። ዬሮሥንዲ ኮናሳ ኢዩኤላም፣ ‘ይ ውርኑⶥ አባም ታ ማⶢስ ዎሎጥን ቡስንታኑዌ!»ማኪ ሀይጡⶥ ኮኒ አቲ ቤስትንሱዌሽና ጊዝዎ።

![](https://cdn.door43.org/obs/jpg/360px/obs-en-43-06.jpg)

«ዎ ዬሩሳላም አሥንዶ! ሀⶥ ይንታይቅኒ ቤቂ ይስኩⶦጥና፥ አፓርቅን ዴሣሲ ይንታይቅኒ ኤሪ ይስኩⶦጥና ዬሱሲ ዬራጋ ጊዳም ኤዝ ኤዝ ቃይጻ ዲሢ ይስኬንዳ፥ ማላትንዳይስ ይሢቃይጺ ቤሱ አሣ ጊዝዎ። ይ ፔታስን ይንታይቅኒ ይ ሶቲ ዎጡዌ።

![](https://cdn.door43.org/obs/jpg/360px/obs-en-43-07.jpg)

«ዬሱሲ ሀይባጎን ይሲ ሀይቃስን ዬሪ ዎጥቃን ይ ዶንሡዌ። ኡⶢ ፔቱⶢ፣ «ሀናሲ ዎጥ ባምቃን ስያፕምሱዌሽን ይ ሺችንሳርኔኑዌ!» ማስቲ ጻፓንቂ ይስኩⶥ ኮኒ ቤስትንሱዌሽና ጊዝዎ። ዬሮሥንዲ ዬሱሲስ ዎጥቃን ፕያሢ ዶንሡዌሽን ኑና ሚጣ ጊዛዎ!»

![](https://cdn.door43.org/obs/jpg/360px/obs-en-43-08.jpg)

«ዬሱሲ ሀⶥ ዬራ ባብ ኡⶫርን ኮንቅ ማኪ ዎግንስያን ይስኩዌ። ካሲ ዬሱሲ ታሥ ባና ኡሡⶢዎጥን ማⶣ ሀናሲስ ሀⶥ ቲሡዌ። ሀⶥ ይንታይቅኒ ቤቂ ይስኩⶣ፥ ሲስኪ ይስኩⶣይስ ማⶣ ሀናሲ ይሢ ይስኩዌ።

![](https://cdn.door43.org/obs/jpg/360px/obs-en-43-09.jpg)

«ዬሱሳ ኡⶣን ይንታይቅኒ ሶቱዌ። ይ ፔታስን ኢባራም ዬሮሥንዲ ዬሱሲስ ትያታ ማስህ አሡⶢስ ኤርንዴ!» ማኪ ሀይጡ።

![](https://cdn.door43.org/obs/jpg/360px/obs-en-43-10.jpg)

ጴጥሮሲ ሀይጡⶢስ ሲስኪ ይስቴንድ አሥንዲ ቃጽ ያብስታንቂ አይኔንድ። ኡⶣም ጴጥሮሳ ማⶥ ንያእንዳይስ፣ «ዎ ኑ ኢችንዶ! ኤስን ሀራን ኑ ይሥንሱዌዎ?» ማኪ ኦጬንድ።

![](https://cdn.door43.org/obs/jpg/360px/obs-en-43-11.jpg)

ጴጥሮሲ ካሲ፣ «ዬሪ ይንታይቅን ጩቡ ማርንሱዌሽን ይንታይቅን ማጥማጣም ሶይቃን እያርዲ ዬሱስ ኪርስቶሳ ሱማም ጣማቃስንዴ! ኡⶣጋ ጌሽን ማⶣ ሀናሳጋ ኡሢስ ይንታይቅኔሽን ይሲ ኡሥንሱዌ!» ማኩ።

![](https://cdn.door43.org/obs/jpg/360px/obs-en-43-12.jpg)

3000 አትንሴንድ አሥንዲ ጴጥሮሲ ሀይጡⶥ ጋሀም ጊባትኒ ዬሱስ ዳባጌንድ ፔቴንዴ። ኢሣይቅኒንድ ጣማቃስኒ ዬሩሳላምም ይስኬን ቤታክርስትያን አሥንዳ ዬሱሳም ዬር ጊባትናጌንድ ፔቴንዴ።

![](https://cdn.door43.org/obs/jpg/360px/obs-en-43-13.jpg)

ዎስኪ ቲሤንዲ ዶባርጉ ኤርሳሲ ሀይጢ ይስኩⶥ ጋሂስ ጊባትኔንዲ ሲስኪ ይስቴንዴ። ኢሣይቅና ባና ማጥን ይስቲ ሙኢ ኡⶥኬንዴ። ማጥናሲ ባ ማጥናሴሽን ጾኪ ይስቴንዴ። ጎሕ ፕያድ ጊባትኒ ይስኬንዲ ኢሣይቅን ዴብም ቃስቲ ጊባት አሥ አቲ ይስቴንዴ።

*ጋሀሀⶢዎ.ቲ.ማ. ይርⶥ 2 ይስኩⶥካናጊዝዎ።*

## 44. ጴጥሮሳ፥ ዮሀንሳ ቆሊ ሙኢ ይስቱ ናሲስ ፕያሤንዴ

https://openbiblestories.org/l/bcq/story-44/

![](https://cdn.door43.org/obs/jpg/360px/obs-en-44-01.jpg)

ማጥን ጎቅን ጴጥሮሳ፥ ዮሀንሳ ዬርን ጎይን ኬትን ሀንቂ ይስቴንድ። ጎይን ኬታጋ ሜግን ኢሣይቅኒ ሺካጉⶥን ጊዝ ቆሊ ይስቱ ናሳ ኢንታ ማጢስ ቤቄንድ።

![](https://cdn.door43.org/obs/jpg/360px/obs-en-44-02.jpg)

ጴጥሮሲ ናሳ ኢንታ ኡⶢስ ፒካሲ ኖትንሲ፣ «ታና ኒም ኡሥንሱⶥ ጊዚ ታ ዳድን ካይጉዌ! ይ ፔታስን ታም ይስኩⶢስ ኒም ኡሥንታኑዌ! ዬሱሳጋ ሱማም ዶንታ ዎብቶ!»ማኩ።

![](https://cdn.door43.org/obs/jpg/360px/obs-en-44-03.jpg)

ግያርን ዬሪ ኢንታ ኡⶢስ ፕያሡዌ። ይሲንድ ግያርን ዶንቲ ጦልቂ ዎብቲ። ዬሪንድ ጋላትኒ ይስቲ ጎይን ኬትካን እያርዱዌ። ኩሣ ኡⶥን ይስቴንድ አሥንዲ ዬሪስ ጋላትኔንዴ።

![](https://cdn.door43.org/obs/jpg/360px/obs-en-44-04.jpg)

አሢ ናሳ ፕያጹⶢስ ቤቅኒ ዱብድኔንድ። ኡⶣም ጴጥሮሲ፣ «ናሳ ሀⶢ ፕያጹዌሽን ይንታይቅኒ ሀሬሽን ዲቲ ይስታጌዎ? ኑና ኑ ጊዳማ፥ ኑ ሀካማ ይ ፕያሣርጉዌ።ናሳ ሀⶢ ፕያጹⶢ ዬሱስ ጊዳማ ይሲ ኡሡⶥ ጊባታማ ጊዝዎ!» ማኩ።

![](https://cdn.door43.org/obs/jpg/360px/obs-en-44-05.jpg)

«ዬሱሲ ኡስቲ ሀይብምሱዌሽን ሮም ትያቴሽን ሀይጢ ዎጣሱⶢ ይንታይቅና ጊዝዎ። ካሣጋ ጋዳ፥ ቱናይስ ዎጥንቱዌ። ይ ፔታስን ዬሮሥንዲ ዎጥቃን ይ ዶንሡዌ። ይንታይቅኒ ቃይጹⶢ ሶይ ኤሳርጎዳ፣ ማስህ ፔቱⶥ ኪርስቶሲ ኢራት ቤቂ ሀይብምሱዌሽን ኮናስኑⶥ ኮኒ አቲ ቤስቱዌ። ኤስን ሀⶥ ይንታይቅን ጩቡይ ማስንሱዌሽን ብታሲ ሶይቃን እያርዲ ዬር ዳድን ካርትንዴ!» ማኩ።

![](https://cdn.door43.org/obs/jpg/360px/obs-en-44-06.jpg)

ዬርን ጎይን ኬት ኡካርንዲ ጴጥሮሳ፥ ዮሀንሳ ሀይጢ ይስኩⶥ ጋሀም ቃጽ ያንቄንዴ። ኡⶣም ኢሣይቅን ኡጢ ጽያጽ ኬትካን እያርሴንዴ። ይ ፔታስን ⶦድ አሥንዲ ጴጥሮሲ ሀይጡⶥ ጋሀም ጊባትኔንዴ። ዬሱሳም ጊባትኔንድ አሥንድ ፕያዲ 5000 ዴብም አቱዌ።

![](https://cdn.door43.org/obs/jpg/360px/obs-en-44-07.jpg)

ይ ዎንሣን ዱታም አይሁድ ኡካርንዲ ጴጥሮሳ ዮሀንሳይስ ቆምባ ጉዳ፥ ዱማርንድ ኡካርንዳ ዳድን ኤቲ ዬኢ አሤንድ።ኢሣይቅኒንድ ጴጥሮሳ፥ ዮሀንሳይስ፣ «ናሳ ኢንታ ሀⶢስ ኦናጋ ጊዳማን ፕያሣዴዎ?» ማኪ ኦጬንድ።

![](https://cdn.door43.org/obs/jpg/360px/obs-en-44-08.jpg)

ኡⶣም ጴጥሮሲ፣ «ናሳ ሀⶢ ማስህያ ዬሱስ ጊዳ፥ ይ ሱማማን ፕያጺ ይንታይቅን አፕም ይጡዌ። ይንታይቅናንጊ ዬሱሲስ ሶቱዌ። ይ ፔታስን ዬሪ ዎጥቃን ይ ዶንሡዌ! ይንታይቅኒ ይያም ጊባትናርጊንቱዌ። ፕያጺ ይሱሳጋ ጊድማ፥ ይ ሱማማ ባ ፔታሺዳንፕያጻጋ ቦዲ ዱማርስ ሀኑⶣማጎን ካይጉዌ!» ማኪ ኢሣይቅኔሽን ሀይጡ።

![](https://cdn.door43.org/obs/jpg/360px/obs-en-44-09.jpg)

ጴጥሮሳ፥ ዮሀንሳይ ሼራርጉ ሀይጢ ይስኩⶥ ጋሀም ኡካርንዲ ዲቴንድ። ይ ናቢንድ አሥንዳ ኤንዲ ታማርናርጌንድ አሥንድ ፔቱⶢስ ባና ቤቁⶣማ ጊዝዎ። ኢሣይቅኒንድ ዬሱሳ ባና ይስቴንድ አሥንድ ፔቱⶢስ ኤሬንድ። ኡⶣም ጴጥሮሳ ዮሀንሳይስ ቃጽ ሼርሻሲ ዬሱስ ሱማም ኢሣይቅኒ ሀⶥ ጌሽን ሀይጥንሳርጉዌሽን ኢሣይቅን ኬንዛስንሲ ፖንሤንዴ።

*ጋሀሀⶢዎ.ቲ.ማ. 3፥1-4፣22 ይስኩⶥካናጊዝዎ።*

## 45. ፒልጶሳ ቶጲ ትያት ኡካራ ማጣ

https://openbiblestories.org/l/bcq/story-45/

![](https://cdn.door43.org/obs/jpg/360px/obs-en-45-01.jpg)

ይዝቅን ይስቴንድ ቤታክርስትያን ኤርግንድቃን ኢስጢፓኖስ ማስቲ ይስኩ ናሳ ማጢ ይስቱዌ። ይሲ ሶያጋ ሱሚ ይስን ይስቱⶣጊ ማⶣ ሀናሳማ፥ ኤርታማ ⶾንቃንቂ ይስኩ አሣ ጊዝዎ። ኢስጢፓኖሲ ዲሢ ይስኬንድ ቃይጽ ይሢ አሢ ዬሱሳም ጊባትንሱዌሽን ይሢ ጊባታሲ ይስቱዌ።

![](https://cdn.door43.org/obs/jpg/360px/obs-en-45-02.jpg)

ማጥን ጎቅን ኢስጢፓኖሲ ዬሱሴሽን ኤርሳሲ ይስታጉⶥን ዬሱሳም ጊባትናርጌንድ ማጥማጥ አይሁድ አሥንዲ ኢስጢፓኖሳባና ሞርስትኒ ጋዴንድ። ኢሣይቅኒንድ ቃጽ ያንቃንቂ ሀንቂ ኡካርንዴሽን አጣጥ ጋህ ሀይጤንዴ። ኢሣይቅኒንድ፣ «ሙሴያ፥ ዬራጋ ዴብም ኢት ጋሂስ ይሲ ሀይጢ ይስትን ኑና ሲስኩዌ!» ማኪ ይ ታግኔንዴ። ጋሀ ኡⶥ ናባም ጊባት ባብምንዲ ኢስጢፓኖሲስ ኡጢ ኤቲ ዱማርንድ አጣጣም ሚጥንሴድ አሥንዲስ ዬሻሲ ኤቲ ቆምባ ጉዳ፥ ዱማርንድ ኡካርንዳ ዳድን አሤንዴ።

![](https://cdn.door43.org/obs/jpg/360px/obs-en-45-03.jpg)

ቆምባጉዲኢስጢፓኖሲስ፣ «ጋሀሀንዲኢባራጌ?» ማኪይኦጬንድ።ኢስጢፓኖስንድይዝቅንአብርሃምአብምጋድንሲዬሱስአብሀክይስኩⶥዬሪይሡⶥኤዝኤዝጋሂስሀይጡ።ካሲዬራጋአሥንዲይዴብምጌጺይስቱጋሂስኢሣይቅንታሣሲሀይጡ።ካሲቃዝቂ፣ «ይንታይቅኒማይዱጻሜንዳጌጻስንዳጊዝዎ፤ይዝቅኔንድይንታይቅንባብምንዲዬሪስሺጢኮናስንዲንድዎጤንዴ፤ካንግዎይንማⶣሀናሲስሺጢⶡናርጌንዴ።ይንታይቅኒኢሣይቅንቤሽኢትቃይጺይስኬንዳጊዝዎ! ማስህንድኤጋምአሢኡሢዎጥንቱዌ!» ማኩ።

![](https://cdn.door43.org/obs/jpg/360px/obs-en-45-04.jpg)

ጊባት ባብምንዳ ኡካርንዳይ ኡⶢስ ባ ሲስኩⶣም አሥ ሀይስ ዱሥንሱⶦጥንባ ካሥ ጋልን ማስንሲ ኬኢ ይስቲ ያንቂ ባጬንድ። ኢስጢፓኖሲስ ኡጢ ጎⶪ ኤቲካታም ቡሕድን ኬስንሲ ንያላም ይ ዱኪ ዎጤንዴ።

![](https://cdn.door43.org/obs/jpg/360px/obs-en-45-05.jpg)

ኢስጢፓኖሲ ሀይብምሚ ባ አፕ ቦኪ ይስቲ፣ «ዎ ትያታ ዬሱሶ! ታ ካሢስ ኒም ኡሣስታኔ!« ማኪ ኬኡ። ካሲ ቃዝቂ ጉራትንሲ፣ «ዎ ትያቶ! ሀⶢስኢሣይቅን ዴብም ጩቡ አሣ ፕያዳሺዶ!» ማኪ ጾኪ ይስቲ ሀይቁዌ።

![](https://cdn.door43.org/obs/jpg/360px/obs-en-45-06.jpg)

ሳውል ማስቲ ይስኩⶥⶤት ንያእይ ኢስጢፓኖሲስ ዎጤንድ አሥንዳ ባና ኦሽትኒ ንያላም ይሲ ዱስታጉⶥን አሥዳ ይ ዎጢ ይስኬንድ ሲማሪስ ባቂ ይስቱዌ። ኡⶣም ጎቅን ዬሩሳላምም ይስቴንድ አሥንዲ ዬሱሳም ዬር ጊባትኒ ይስኬንዲስ ብያርትኒ ጋዴንድ። ኡⶣም ጊባትንሲ ይስኬንዲ ዶንቲ ዱማርንድ ኩሥን አሽቲ ሀንቄንድ። ኢሣይቅኒንድ ብያርስኪ ሀንቃሲ ይስን ባ አቱⶥ ኩሥን ካንግ ዬሱሲ ፕያሢ ይስኩⶢስ ሚጥኒ ይስቴንዴ።

![](https://cdn.door43.org/obs/jpg/360px/obs-en-45-07.jpg)

ፒልጶስ ማስቲ ይስኩ ዬሱስ ማⶥ ንያአ ማጢ ዬሩሳላምቃን ይስቲ ብያርስኪ ሀንቅንሲ ይስቱ። ይሲንድ ሳማሪያቃን ሀንቂ አሢ ዬሱሳም ጊባትንሱዌሽን ሚጥኒ ሀይጡ፤ ⶦዳስ አሢንድ ዬሱሳም ጊባትኒ ፕያጼንዴ። ኡⶥ ጌሽን ማጥን ጎቅን ዬር ዎሳሲ ዶዳ ኮልን ቦዳም ይሲ ሀምምሱዌሽን ይስን ሀይጡ። ይሲንድ ቦዳ ኡⶣም ሀንቂ ይስታጉⶥን ቶጲ አሣ ኤርስታንቂ ይስኩ ኡካሪ ባ ጋሪ ፓራም ዬኢ ይስትን ቤቁ። ማⶣ ሀናሲ ሀንቃ ናሳ ይንካⶣ ኔና ጋርትኖ ማኪ ፒሊጶስን ሀይጡዌ።

![](https://cdn.door43.org/obs/jpg/360px/obs-en-45-08.jpg)

ፒሊጶሲ ጋሪ ፓር ዳድን ሺካጉⶥን ቶጲ አሥ ናሲ ኢሳይያሲ ጻፑⶥ ኮኒስ ናባብሚ ይስትን ሲስኩ። ይሲ ናባብሚ ይስኩⶥ ኩሢ፣ «ⶡⶥትንሱⶥ ዶሮጥን ኤስቲ ሀንቁዌ፤ ዶሪ ንያክ ሀይስንሲ ይስቱⶢዎጥን ማጥ ጋሂ ሀይጣርጉዌ፤ ይ ዴብም ማጋጪ ቦስቴ ማስቲ ኤስቲ ሀንቁዌ፤ ይ ዎብሳርጌንዴ፤ ዶዳ ሀⶥ ቶሕኒንድ ይ ባይሴንዴ!» ማኪ ይስኩⶣ ጊዝዎ።

![](https://cdn.door43.org/obs/jpg/360px/obs-en-45-09.jpg)

ፒሊጶሲ ቶጲ አሥ ናሲስ፣ «ሀⶥ ኔ ናባብምማ ይስኩⶥ ጋሂስ ታሣ ኤራ ይስታኔ? ማኪ ይ ኦጩ። ይሲንድ «ኤሲሳርጉዌ፣ ታ ኤርሳስንሱⶢ ካያጊይስትን ኤርና ሀክንሳርታኑዌ፤ ዎስ ሀይቅን ጋርቃን ኬስካ ዎግንሳ ኢስይያሲ ባቄሬሽናጌ? አሣ ዱማርሴሽናን ጻፓሳን ታም ሀይጦ!» ማኩ።

![](https://cdn.door43.org/obs/jpg/360px/obs-en-45-10.jpg)

ኡⶣም ፒሊጶሲ ኢሳይያሲ ጻፑⶢ ዬሱሴሽን ፔቱⶢስ ይስን ሀይጡ፤ ካሲ ቃዝቂ ዱማርንድ ጋሀ ዬሱሴሽን ጻፔንዳ፥ ካዥ ሀይጣይስ ይስን ሚጥኒ ሀይጡዌ።

![](https://cdn.door43.org/obs/jpg/360px/obs-en-45-11.jpg)

ፒሊጶሳ፥ ቶጲ አሥ ናሳይ ሀንቂ ይስቲ ሶእን አቴንድ፤ ቶጲ አሢ «ሶኢ ሀⶥ ይስኩዌ ኤስን ጣማቃስንታኔ?» ማኩ። ኡⶣም ፓር ጋሪ ብያሪ ኤቲ ሀንቂ ይስኩⶥ ባ ቃይጻሲ ይሥንሱዌሽን ቲዛዝ ኡሡ።

![](https://cdn.door43.org/obs/jpg/360px/obs-en-45-12.jpg)

ፒልሊጶሳ ናስ ይሳ ፓሽትኒ ሶእቃን እያርዴንድ፤ ፒሊጶሲ ቶጲ አሥናሲስ ሶአ ኡⶣም ጣማቅኑዌ። ሶእቃን ይስቲ ኢሣይቅኒ ኬሳጉⶥን ማⶣሀናሲ ቱታል አቲ ፒሊጶሲስ ዱማርስ ኩሥን ዶንሢ ኤቲ ሀንቁ። ይሲንድ ይስን ባ አቱⶥን ዬሱሳም አሢ ጊባትንሱዌሽን ሀይጢ ይስቱዌ።

![](https://cdn.door43.org/obs/jpg/360px/obs-en-45-13.jpg)

ቶጲ አሥ ናሲ ዬሱሳም ጊባትና ባ ጣማቃስኑዌሽን ሶይሲ ካዥፒ እያጢ ይስቲ ባ ዶድን ካርቲ ሀንቁዌ።

*ጋሀሀⶢዎ.ቲ.ማ. 6፥8-8፣5፤ 8፥26-40 ይስኩⶥካናጊዝዎ።*

## 46. ጳውሎስ ማስቱⶥ ሳውሊ ክርስትያን አቱ

https://openbiblestories.org/l/bcq/story-46/

![](https://cdn.door43.org/obs/jpg/360px/obs-en-46-01.jpg)

ሳውሊ ኢስጢፓኖሲስ ዎጤንድ አሥንዳጋ ሲማር ባቂ ይስቱⶥⶤት ንያአ ጊዝዎ። ይሲንድ ዬሱሳም ጊባትናርጉⶣን ይስቱዌ። ኡⶤሽን ጊባትኔንዲስ ብያርትኒ ኢራታሲ ይስቱ። እያና ማይናይስ ኡጣሲ ጽያጽ ኬንትካን እያርሳሲ ዬሩሳላም ካታምቃን አሥ ኬት ፕያድ እያርዲ አሥ ኡጢ ይስቱ። ቆምባ ጉዲ ዴማስቆቃን ዬሱሳም ዬር ጊባትንሲ ይስኬንዲስ ኡጢ ዬሩሳላም ይሲ ኤቲ ውንሱዌሽን ሳውሊስ ዎሲ ቲሡዌ።

![](https://cdn.door43.org/obs/jpg/360px/obs-en-46-02.jpg)

ሳውሊ ዴማስቆቃን ሀንቂ ይስታጉⶥን ሀይቅን ጫርቃን ይስቲ ይ ⶦራም ጮብቲ ጮብቱ። ይሲንድ ዶድን ዎጣንቂ ይስታጉⶥን ማጣጋ አሢ፣ «ዎ ሳውሎ! ዎ ሳውሎ! ሀሬሽናን ታ ብያርትና ይስታጋዎ?» ማኪ ይስኩⶥካሢስ ሲስኩ። ይሲንድ «ዎ ትያቶ! ኔና ኦናጋዎ?» ማኪ ኦጩ። ኡⶣም ዬሱሲ፣ «ታና ዬሱሳ ጊዛዎ! ኔና ታሐን ብያርትና ይስኩዌ!» ማኩ።

![](https://cdn.door43.org/obs/jpg/360px/obs-en-46-03.jpg)

ሳውሊ ዶድን ይስቲ ዶንታጉⶥን ይ አፒ ያፓርጉ ሺዱ። ይያ ባና ይስኬንድ ይ አሥንዲ ይ ኩችካን ኡጢ ይ ጎⶭ ኤቲ ዴማስቆን ሀንቁ። ሳውሊ ካዝዎይን ኤር ሙአርጉ ኡⶣርጉ ይስቱዌ።

![](https://cdn.door43.org/obs/jpg/360px/obs-en-46-04.jpg)

ኡⶢ ኤስ ይስታጉⶥን ሀናንያ ማስቲ ይስኩⶥ ማⶥ ንያኢ ይስቱ። ዬሪ ሀናንያዬሽን፣ «ዶንታ ሳውሊ ይስን ይስኩ ኬትን ሀሞ! ይ አፒ ኖትንሱዌሽን ኒ ኩቺስ ይ ዴብም ይሥንሳ ጾኮ!» ማኩ። ይ ፔታስን ሀናንያይ፣ «ዎ ትያቶ! ናሳ ኡⶢ ጊባትኔንዲስ ዎሳሳን ብያርትኒ ኢራታሲ ይስታሳን ሲስክታኑዌ» ማኩ። ዬሪ ይዬሽን «ዶንታ ሀሞ! አይሁዴሽና፥ዱማርንድ አሥንዴሽና ታ ሱሚስ ይሲ ኤይሲ ሀይጥንሱዌሽን ታ ኩርሱዌ። ታ ሱሜሽኒንድ ⶦድ ኢራቲስ ይሲ ቤቅንሱዌ፣» ማኩ።

![](https://cdn.door43.org/obs/jpg/360px/obs-en-46-05.jpg)

ኡⶣምሀናንያይዶንቲሳውልዳድንሀንቁዌ።ባኩቺስይዴብምይሥንሲ፣ «ዎታኢቻሳውሎ! ዬአኔይስትንኒያባናቦድንድያምሚኒምቤስቱⶢዬሱሳጊዝዎ፤ይሲሀⶥኒአፒኖትንማⶣሀናሳምኔⶾንሱዌሽንኒዳድንታዎሱዌ፣» ማኩ።ሳውልአፒግያርንኖቱ።ሀናንያይንድይጣማቅኑ።ኡⶥጌሽንሳውሊሙእሙኢዞልቁዌ።

![](https://cdn.door43.org/obs/jpg/360px/obs-en-46-06.jpg)

ሳውሊ ዬሱሳም ባ ጊባትኑⶣም ዴማስቆን ይስኬንድ አይሁድ አሥንዴሽን «ዬሱሲ ዬራጋ ናንሣ ጊዝዎ!» ማኪ ሚጥኒ ጋዱ። ዬሱሳም ጊባትኔንዲስ ታሽ ባይስኒ ዶንቱⶥ ናሲ ካርቲ ዬሱሲ ዬር ናንሤ ማኪ ይስታጌ! ማኪ ዲቴንዴ።ሳውሊ ዬሱሲ ማስህ ፔቱⶢስ ሀይጢ አይሁድንዲስ ጊባታሲ ይስቱዌ።

![](https://cdn.door43.org/obs/jpg/360px/obs-en-46-07.jpg)

ⶦዳጋ ጌሽን አይሁድንዲ ሳውሊስ ዎጥኒ ታሤንዴ። ቦድን ባቂ ይስቲ ይ ዎጥንሴንድ አሥንዲስ ካታም ሜግን ቲሤንዴ። ኢሣይቅንጋሀ ኡⶢስ ሳውሊ ሲስኩ። ይ ኢንግንዲ ይስን ጋሥኒ ይ ፖታስንዴ። ማጥን ጎቅን ጡማስን ሳንታም ካታም ማግ ዴባም ይ ዎርሳሲ ቲሤንድ። ሳውሊ ዴማስቆን ኬስኪ ፖትና ባ ሀንቁⶣም ዬሱሲስ ሚጥኒ ሀይጢ ይስቱዌ።

![](https://cdn.door43.org/obs/jpg/360px/obs-en-46-08.jpg)

ሳውሊ ማⶥ ንያእንዳ ባና ድያምሚ ዬሩሳላምም ሀንቁ፤ ይ ፔታስን ኢሣይቅኒ ይ ሼርቄንዴ። ኡⶣም ባርናባስ ማስቲ ይስኩ ማⶥ ንያኢ ሳውሊስ ዎስኪ ቲሤንድ ዳድን ኤቲ ሀንቂ አሥንሲ ዬሱሲ ዎሳሳማን ዴማስቆ ቦድን ይያ ባና ድያምሚ ይ ካርሳሳን ኢሣይቅኔሽን ሀይጡ። ኡⶥ ጌሽን ዎስኪ ቲሤንዲ ሳውሊስ ባ ዳድን አሤንዴ።

![](https://cdn.door43.org/obs/jpg/360px/obs-en-46-09.jpg)

ዬሩሳላምም ይስቱ ብያርቴሽን አሽቲ ሀንቄንድ ማጥማጥ ጊባትኒ ይስኬንዲ አንጾክያን ሀንቂ ዬሱሴሽን ሚጥኒ ይስቴንዴ። አንጾክያን ይስቴንድ ⶦድ አሥንዲ አይሁድ አሥንድ ኤሳርጌንዴ። ኢሣይቅንቃን ⶦዳስንዲ ጊባትኔንድ። ኡⶢስ ባ ሲስኩⶣም ባርናባሳ፥ ሳውላይ ኢሣይቅኒስ ባ ኤርሳስንሱዌሽና ቤታክርስትያኒስ ባ ዞይስንሱዌሽን አንጾክያን ሀንቄንዴ። ዬሱሳም ጊባትኔንዲ ይ ጋድን አንጾክያን «ኪርስትያንድ» ማስቴንዴ።

![](https://cdn.door43.org/obs/jpg/360px/obs-en-46-10.jpg)

ማጥን ጎቅን አንጾክያን ይስቴንድ ክርስትያንዲ ጾሚ ጾኪ ይስታጉⶥን ማⶣ ሀናሲ፣ «ታ ቃይጽ ኢሣይቅኒ ቃይጽንሱዌሽን ባርናባሳ፥ ሳውላይስ ታም ባድ አሥንዴ!» ማኪ ሀይጡ። ኡⶣም አንጾክያ ቤታኪርስትያን ኤርግንዲ ባርናባሳ፥ ሳውላዬሽን ባኩች ኢሣይቅን ዴብም ይሥንሲ ጾኬንድ። ኢሣይቅኒስ ዱማርንድ ኩሥን ዬሱሳም አሢ ጊባትንሱዌሽን ሚጥኒ ኢሣይቅኒ ኤርሳስንሱዌሽን ዎሲ ቲሤንዴ። ኢሣይቅኒንድ ኬስኪ ሀንቂ አሣጋ ዛርንዴሽን ካንግ ካዥ ሀይጥ ሚጥኒ ኤርሳሴንዴ። ኡⶣም ⶦዳስንድ አሢ ዬሱሳም ጊባትንኔንዴ።

*ጋሀሀⶢዎ.ቲ.ማ. 8፥3፣9 1-31፤ 11፥19-26፤ 13፥1-3።ይስኩⶥካናጊዝዎ።*

## 47. ጳውሎሳ፥ ሲላሳ ፊልጵስዩስን ሀንቄንድ

https://openbiblestories.org/l/bcq/story-47/

![](https://cdn.door43.org/obs/jpg/360px/obs-en-47-01.jpg)

ሳውሊ ሮም አሥንድ ዶድ ጎብቃን ዎብታ ባ ይኩⶣም ካንግ ሮም አሥንድ ሱም ፔቱⶥ ባ ሱማ ጳውሎሳም ጼስቲ ጋዱዌ። ማጥን ጎቅን ጳውሎሳ ሲላሳይ ዬሱስ ጋሂስ ሀይጥኒ ፍልጵስዩስ ካታምም ሀንቄንድ። አሢ ይስን ጾኬሽን ዱብድናንቂ ይስቱ ሶእ ጌⶭን ይስኩ ኩሥን ሀንቄንዴ። ኩሣ ኡⶥን ጊጥኒን ፔቴን ሊድያ ማስታ ይስኬን ማይና ማጣ ይስቴን። ውሲንድ ዬሪስ ቃጽ ⶡና ጎይና ይስቴኔ።

![](https://cdn.door43.org/obs/jpg/360px/obs-en-47-02.jpg)

ዬሱሴሽን ሀይጣስኒ ይስኩⶥ ጋሂስ ውሳ ጊባትንሱዌሽን ዬሪ ልድያ ማይስ ፒርቁ። ውሳ ው ኬት አሥንዳይ ጊባትኒ ጣማቃስኔንዴ። ጳውሎሳ፥ ሲላሳይ ባ ኬትን ሀንቂ ይስትንሱዌሽን ኢሣይቅን አታልና ቆሌን። ኡⶣም ኢሣይቅኒንድ ው ኬትን ሀንቂ ይስቴንዴ።

![](https://cdn.door43.org/obs/jpg/360px/obs-en-47-03.jpg)

ጳውሎሳ፥ ሲላሳይ ⶦድ አብ አሥንዳ ባና ጾክ ኩሣ ኡⶥን ድያምሚ ይስቴንድ። ጎሕ ፕያድ ኢትናስ ማⶣም ⶾንቃንቃ ይስኬንዎር ንያአ ማጣ ኢሣይቅን ያፓርቃን ዎብታ ኬአ ይስቴን። ውሲንድ ኢትናስ ማⶣ ኡⶣም ኮን ሀይጣ ባ ትያትንዴሽን ጾምሣ ⶦድ ጊዝ ያብሳ ይስቴኔ።

![](https://cdn.door43.org/obs/jpg/360px/obs-en-47-04.jpg)

ዎር ናማ ኤና ጳውሎሳሜንድ ያፓርቃን ጉድና ዎብታ «አሥንዳ ሀንዲ ትያታ ዬሮሥንድ ቃይጻስንዳ ጊዝዎ! ፕያጻጋ ቦዲስ ሀይጢ ቤሲ ይስኬንዴ!» ማካ ኬአ ሀይጣ ይስቴን።ውስንድ ኡⶢስ ⶦድ አብ ሀይጣ ይስቴኔ።

![](https://cdn.door43.org/obs/jpg/360px/obs-en-47-05.jpg)

ማጥን ጎቅን ናሙሳ ኬአ ሀይጣጉⶥን ጳውሎሲ ው ዳድን ካርታንቂ ው ጉዝቃኑⶥ ማⶢስ፣ «ዬሱስ ሱማም ው ጉዝቃን ይስታ ኬሶ!» ማኩ። ኡⶣም ግያርን ኢትናስ ማⶣ ኡⶢ ው ፖንሢ ኬስኩዌ።

![](https://cdn.door43.org/obs/jpg/360px/obs-en-47-06.jpg)

ዎር ናማ ኤናጋ ትያትንዲ ቃጽ ያንቂ ባጬንድ። ውሲንድ ሀⶥ ጌሽን ኮን ኮና ኢሣይቅኔሽን ጾምሥንሳርጉⶢስ ኤሬንድ። አሢ ኤስን ሀⶥ ጌሽን ው ዳድን ዬኢ ጾምሢ ኢሣይቅኔሽን ጊዝ ቆጽንሳርጉⶥ ፔቱⶥንድ ኤሬንዴ።

![](https://cdn.door43.org/obs/jpg/360px/obs-en-47-07.jpg)

ኡⶣጋ ናባም ናሙ ትያትንዲ ጳውሎሳ፥ ሲላሳይስ ሮም አሥንድ ኡካርንድ ዳድን ኡጢ ኤቲ ሀንቄንድ። ኢሣይቅኒስ ዴክኒ ጽያጽ ኬትካን ቦኬንዴ።

![](https://cdn.door43.org/obs/jpg/360px/obs-en-47-08.jpg)

ኢሣይቅኒንድ ጳውሎሳ፥ ሲላሳይስ ጽያጽ ኬትካን ዴቃን ኤቲ ሀንቂ አሥንሲ ኢሣይቅን ቶእስ ማንታላም ጽያጼንድ። ኢሣይቅኒንድ ኤሲ ጽያሥናንቂ ይስቲ ዶዲ ዴንት ጾጽ አታጉⶥን ዬሪስ ጋላትኒ ይስቲ ሻሌንዴ።

![](https://cdn.door43.org/obs/jpg/360px/obs-en-47-09.jpg)

ኡⶢ ኤስ ፔታንቂ ይስታጉⶥን ቱታል ዶዲ ጉርጡ። ጽያጽ ኬታጋ ሜግንዲ ካባል ባ ፒርቂ ጋል አቱ። ጽያጻስንዲ ይያም ጽያሣስናንቂ ይስኩ ጡር ግያዳ፥ ማንታላይ ባ ካንግ ባ ሀቱዌ።

![](https://cdn.door43.org/obs/jpg/360px/obs-en-47-10.jpg)

ጽያጽ ኬት ባቂ ይስኬንድ ኡካሪ ጊስካን ይስቲ ቡባጭኒ (ዱዲ ጡንጋልኒ) ዶንቱ። ጽያጽ ኬት ሜጊ ባ ካንግ ጋል ይስትን ባ ቤቁⶣም ቃጽ ሼርቁ። ይሲንድ ጽያጻስንዲ ባ ካንግ ኬስኪ ፖትኒ ሺቻንቄንዴ ማኪ ታሡ። ኡⶣም ባ ኩቻም ባ ዎጥኒ ታሡዌ። ይሲንድ ኤስ ታሢ ይስታጉⶥን ጳውሎሲ ቤቅንሲ፣ «ሀይቃ ኒ ዴብም ኢት ቃይጽ ይሣሺዶ!ኑና ኑ ካንግ ሀⶥ ይስኩዌ!» ማኪ ባ ካሥ ጋልን ማስንሲ ሀይጡ።

![](https://cdn.door43.org/obs/jpg/360px/obs-en-47-11.jpg)

ጽያጽ ኬት ኡካር ይስንድ ጳውሎሳ ሲላሳ ዳድን ጉርጢ ይስቲ ዬኢ አታንቂ፣ «ዎ ታ ትያትንዶ! ታ ፕያጽንሱዌሽን ኤስን ሀራን ታ ይሥንሱⶣጌዎ?» ማኪ ኦጩ። ጳውሎሲ፣ «ትያታ ዬሱሳም ጊባትኖ! ኔና ኒ ኬት አሥንዳይ ፕያጽንሲንቱዌ» ማኪ ይስን ሀይጡ። ኡⶣም ጽያጽ ኬት ኡካሪ ጳውሎሳ ሲላሳይስ ባ ኬትን ኤቲ ሀንቅንሲ ኢሣይቅን አዲስ ማስኩ።ጳውሎስንድ ዶንቲ ይ ኬትን ይስኬንድ አሥንዴሽን ካንግ ትያታ ዬሱስ ጋሂስ ሀይጢ ካዥ ሀይጢስ ሚጥኑዌ።

![](https://cdn.door43.org/obs/jpg/360px/obs-en-47-12.jpg)

ኡⶣም ኡካራ ኡⶣ ይ ኬት አሥንዳይ ባ ካንግ ዬሱሳም ጊባትኒ ጣማቃስኔንዴ። ኡⶥ ጌሽን ናስ ይሲ ሙእ ዳግ ይሢ ኢሣይቅና ባና ማጥን ሙኢ ካዥቄንዴ።

![](https://cdn.door43.org/obs/jpg/360px/obs-en-47-13.jpg)

ይ ዱታም ፒልጵስዩስ ካታም ኡካርንዲ ጳውሎሳ ሲላሳይስ ጻያጽ ኬትካን ሀቲ ኬስንሲ ፒልጵስዩስካን ይስቲ ኢሣይቅኒ ኬስኪ ሀምምዱዌሽን ሀይጤንድ። ኡⶣም ጳውሎሳሜንዲ ካታሙቃን ይስኬንድ ሊድያ፥ ዱማርድ ጊባትኔንድ ባ ኢንግንዲስ ባና ጉድና ቤቃ ዞይሱ ጌሽን ካታሙ ፖንሢ ኬስኪ ሀንቄንዴ። ዬሱሴሽን ሀይጣስኒ ይስኩⶣ ካዥ ሀይጣይ አኪ ሀንቁ። ቤታክርስትያኒንድ ኢቃ ባ ቶሕን ቃስታ ሀንቃ ይስቴኔ።

![](https://cdn.door43.org/obs/jpg/360px/obs-en-47-14.jpg)

ጳውሎሳ ዱማርንድ ክርስትያንዳይ ዬሱስ ጋሀ ካዥ ሀይጣይስ አሤሽን ካንግ ሚጥኒ ኤርሳሲ ይስቲ ⶦዳጋ ካታምም ጉድኒ ዎብቴንዴ። ካሲ ቃዝቂ ቤታክርስትያንቃንይስኬንድ ክርስትያንዲስ ዞይሳሲ ኢሣይቅኒስ ኤርሳሲ ይስቲ ⶦድ ዎሲስ ጻፔንዴ። ኢሣይቅን ዎሳ ጻፔንድቃን ማጥማጥንዲ ሀናስ ማጻፕካን ጻፓንቂ ይስኬንዳ ጊዝዎ።

*ጋሀሀⶢዎ.ቲ.ማ. 16፥ 11-40።ይስኩⶥካናጊዝዎ።*

## 48. ዬሱሲ ታሥ ጋሂ ኤስቱ ማስሀ ኪርስቶሳ ጊዝዎ

https://openbiblestories.org/l/bcq/story-48/

![](https://cdn.door43.org/obs/jpg/360px/obs-en-48-01.jpg)

ዬሪ ዶዳ ጫራ ድያዱⶥ አባም ካንጉⶥ ቃይጺ ባ ካንግ ሶያን ይስቱዌ። ጩቡይንድ ካይጉዌ። አዳማ ሄዋናይ ባ ባርቅን ⶡናም ሶይ ይሢ ይስቴንዴ። ኢሣይቅኒ ዬሪ ይሡⶥ ኩሥካን ይስቴንዴ። ፑጋ፥ ዎጣይ ካይጉዋን ይስቱዌ። ዬሪ ዶዳ ኡⶦጥናን ይስትንሱⶢስ ኮዪይ ይስቱዌ።

![](https://cdn.door43.org/obs/jpg/360px/obs-en-48-02.jpg)

ሼጣኒ ጋናትካን ሄዋኒስ ባ ብያሥንሱዌሽን ጾጥንባብ ሀርካንቂ ው ዳድን ዬኡ። ኡⶣም ሄዋና አዳማ ኤንዲ ዬርጋ ዴብም ጩቡ ቃይጼንዴ። ኢሣይቅኒ ጩቡ ቃይጹ ናባም አሥ ዶድ ቶሕኑⶢ ካንግ ፑርስቲ ይስኩዌ፤ ሀይቅንድ ሀይቂ ይስኩዌ።

![](https://cdn.door43.org/obs/jpg/360px/obs-en-48-03.jpg)

አዳማ ሄዋና ጩቡ ቃይጹ ናባም ኤንዳጋ ቤሽን ኢት ቃይጽንዲ ዶድ ዴብም ፔቱዌ። ኢሣይቅኒ ዬራጋ ጋግናስንድ ፔቴንዴ። ኡⶣም ዶንቱⶥ አባ ኡⶥን ኡጥንሲ አሥ ካንግ ጎብቃን ሺዳን ማይቃን ጩቡ ቃይጽ ዶሲ ይስኩዌ። ዬራጋ ጋግናንሲንድ አሢ ፔቱዌ። ዬራ፥ አሣ ዴንትካን ይስቱ ሶያጋ ዲያሚ ጩቡ ናባም ባ ዶጉዌ። ይ ፔታስን ዬሪ ድያማ ኡⶢስ ካርሳ ባ አሥንሱዌሽን ታሢ ይስቱዌ።

![](https://cdn.door43.org/obs/jpg/360px/obs-en-48-04.jpg)

ሄዋናጋ ዛርቃን ማጢ ሼጣናጋ ዴቢስ ይሲ ጣንጭን ሼጣኒንድ ይ ቶእ ዡንግቃን ሳኢ አዳስንሱዌ ማኪ ዬሪ ታሥ ኡሥንሲ ይስቱⶣ ጊዝዎ። ኡⶥ ይሲንድ ሼጣኒ ማስሂስ ዎጣስንሱዌ፤ ይ ፔታስን ዬሪ ዎጥቃን ካርሲ ይ ዶሥንሱዌ ማስቱⶣ ጊዝዎ። ኡⶣጋ ጌሽን ማስሂ ሼጣናጋ ጊዲስ ካንግዎይናም ሀክ ዴክኒ ቁምⶻⶢ ቦክንሱዌ። ⶦዳ ቤርግንድ ጌሽን ዬሪ ማስሂ ዬሱስ ኪርስቶስ ፔቱⶢስ አሢስ ካንግ ቤሱዌ።

![](https://cdn.door43.org/obs/jpg/360px/obs-en-48-05.jpg)

ዬሪ ዶዲስ ካንግ ባይሳጉⶥ ሶአም ባ ባይሳጉⶥን ይያም ጊባትኒ ይስኬንድ አሥንዴሽን ማርካብ ቃይጻሲ ይያም ኢሣይቅን ፕያሡዌ። ኡⶢዎጥኑⶥ ቦዳም አሢ ባ ካንግ ባ ጩቡ ናባም ሀራን ሀይቂ ባእንሱⶣጊስን፣ ዬሪ ይያም ጊባትኒ ይስኬንዲስ ካንግ ባ ፕያሥንሱዌሽን ዬሱሲስ ኡሡዌ።

![](https://cdn.door43.org/obs/jpg/360px/obs-en-48-06.jpg)

ⶦዳጋ ባል ቤርግንዳም ጋድንሲ ዬር ኬት ቆምብንዲ አሣጋ ጩቡ ማጋጪስ ባ ኤርሳስንሱዌሽን ዶብ ኤትኩ አሥ ቆድን ኡዲስ ዬርን ኡዲ ይስቴንዴ። ይ ፔታስን ኡዳ ኤንዲ አሥ ጩቡ ባ ባይስንሱዌሽን ሀካርጌንዴ። ዬሱሲ ኤዛጋ ቆምባ ጉዳ ጊዝዎ። ዱማርንዳጋ ቆምብንዴሽን ባድ አታንቂ ይስኩ ቦዳም ዶድ ቶሕን ይስኩ አሥንድ ካንግ ጩቡ ባይስኒ ሀክንሱⶥ ኡድ አሢ ባ ዴቢስ ዬርን ሺርሹዌ። ዬሱሲ አሣ ኦናጎን ቃይጹ ጩቡዋጋ ማቃጪስ ይ ማጥማጣም ባ ኤቱዌሽን ይሲ ኢባራሙⶥ ቆምባ ጉዳ ጊዝዎ።

![](https://cdn.door43.org/obs/jpg/360px/obs-en-48-07.jpg)

ዬሮሥንዲ አብርሃሜሽን፣ «ዶድ ቶሕን ይስኩ አሢ ባ ካንግ ኒያም ዲርስንሱዌ» ማኪ ሀይጡ። ዬሱሲ ዬይስኩⶢ አብርሃም ዛርቃና ጊዝዎ። ይ ቦዳም አሣ ዶድ ቶሕን ይስኩ ዛሪ ባ ካንግ ዲርስካንቁዌ። ይ ናቢንድ ዬሱሳም ጊባትኒ ይስኩ አሢ ባ ማጥማጣም ባ ጩቡቃን ፕያጻንቁዌ። ኡⶣሚንድ ማⶣሙⶥ አብርሃማጋ ዬይንት ሺዳን ይ ዛር ፔትንሴንዴ።

![](https://cdn.door43.org/obs/jpg/360px/obs-en-48-08.jpg)

ዬሪ አብርሃሚ ባናሣ ይስሀቂ ኡድ አሢ ኡሥንሱዌሽን ባ ይ ኦጩⶣም፣ ይስሀቅ ቆድን ዶሪስ ዬሪ ዬሻሱዌ። ኒኒ ኒሕ ካንጊ ኒ ጩቡ ናባም ሀራን ዎጥ ማጋጪ ኒሕ ዴብም ቦስትንሱዌ። ይ ፔታስን ዬሪ ኒሕ ቆድን ኡድ አቲ ይሲ ሀይብምሱዌሽን ዬራጋ ዶር ፔቱⶥ ዬሱሲስ ኡሡዌ።

![](https://cdn.door43.org/obs/jpg/360px/obs-en-48-09.jpg)

ዬሪ ጊብጻጋ ዴብም ይ ውርኑⶥ ዬማትስ ባ ትሡⶣም ይ ጉዝቃን ኢቲ ካይጉ ዶር ⶾባሊስ ⶡኪ ይ ሱታም ባ ሜግ ቆንጻላታ ሀይቅናርሳ ዶድናርሳን ኢሣይቅኒ ቦጥንሱዌሽን ኢስራኤል አሥንዴሽን ካንግ ሀይጣስኑዌ። ዬሪ ሱታ ኡⶥ ቤቅንሲ ኬታ ኡⶥን ኤጋም አቲ ሀንቁዌ። ይሲንድ ኢሣይቅን ንያአ ኡዚስ ዎጣርጉዌ። ይሣ ዲሢ ይስኩⶥ ኡⶢ ማዳካም ባር ማስቱዌ።

![](https://cdn.door43.org/obs/jpg/360px/obs-en-48-10.jpg)

ዬሱሲ ኒሕ ማዳካም ዶራ ጊዝዎ። ይሲ ማዳካም ባራም ጎቅን ኤር ጩቡ ቃይጻራጊ ይስቲ ሀይቁዌ። አሣ ኦናጎን ፔቲ ዬሱሳም ጊባትንሲ ይስታን ዬሱሳጋ ሱቲ ናሳ ኡⶣጋ ጩቡ አሺስ ቆጹⶣ ጊዚዎ። ዬራጋ ባጭ ማጋጪ ናሳ ኡⶥ ዴብም አትንሳርጉዌ።

![](https://cdn.door43.org/obs/jpg/360px/obs-en-48-11.jpg)

ዬሪ ኩርስኬንድኢስራኤል አሥንዳ ባና ዎግ ይሡዌ። ይ ፔታስን ሀⶥ ዬሪ አሣ ካንጉⶥን ፔትንሱⶥ ቃያጋ ቃይ ዎግ ይሣንቁዌ። ቃያጋ ዎጋ ኡⶣም አሣ ሀኑⶣጋ ዛራጎን ባ ፔታን ዬሱሳም ጊባትኒ ዬራጋ አሥ ፔትኒ ሀክንሱዌ።

![](https://cdn.door43.org/obs/jpg/360px/obs-en-48-12.jpg)

ሙሴይ ዬራጋ ሀይጢስ ኤይሲ ሀይጡ ኤዛጋ ኮናሳ ጊዝዎ። ይ ፔታስን ዬሱሲ ካንጉዌሽን ቤሺ ይስኩ ኮናስ ፔቱዌ። ይሲ ካሐ ጊዝዎ። ይሲ ይሤንዳ፥ ይሲ ሀይጤንድ ጋሂ ባ ካንግ ዬራጋ ቃይጻ ዬራጋ ሀይጥንዳ ጊዝዎ። ኡⶤሽን ዬሱሲ ዬራጋ ሀይጣ ጊዝዎ ማስቲ ጼስቲ ይስኩዌ።

![](https://cdn.door43.org/obs/jpg/360px/obs-en-48-13.jpg)

ይ ዛርንድቃን ማጢ ትያት ፔቲ ዬራጋ አሥንድ ዴብም ካንግዎይን ትያትንሱⶢስ ዬሪ ትያታ ዳዊቴሽን ታሥ ኡሢ ሀይጥንሲ ይስቱዌ። ዬሱሲ ዬራጋ ናንሥ ማስሂ ባ ፔቱዌሽን ካንግዎይን ዳዊት ዳፕም ትያትንሱⶥ ይ ዛራ ጊዝዎ።

![](https://cdn.door43.org/obs/jpg/360px/obs-en-48-14.jpg)

ዳዊቲ ኢስራኤል ትያታ ጊዝዎ። ይ ፔታስን ዬሱሲ ድያድንዳ ዶድ ቶሕን ይስኬንድ ካንግ ትያታ ጊዚዎ! ይሲ ካርቲ ዬኢ ኢባር ባሣማ፥ ሶያ ዲጋማ ዶድ ቶሕን ትያትንሱዌ።

*ጋሀሀⶢድያድማ. 1-3፤ 6፤ 14፤-22፤ዜጻ. 12፥20፤ 2ሳሙ. 7፤ኢብርማ.3፥1-6፤4፥14-5፥10፤ 7፥1-8፥13፤ 9፥11-10፥18፤ያእ 21።ይስኩⶥካናጊዝዎ።*

## 49. ቃያጋ ዬር ዎግ

https://openbiblestories.org/l/bcq/story-49/

![](https://cdn.door43.org/obs/jpg/360px/obs-en-49-01.jpg)

ማጣጋ ዬር ዎሳሲ ማርያም ማስታ ይስኬን ዎር ንያአ ሙምኒን ዳድን ዎስኪ ዬኡ። ይሲንድ ዬር ንያእ ማስትንሱⶥ ንያኢስ ውሳ ዬልንሱⶢስ ሀይጡዌ። ውሲንድ ጋሥ ዎር ንያአ ሙም ይስታ እያናስ ንያእ ዬላ ይ ሱሚስ ዬሱስ ማካ ሱምሤኔ። ኡⶤሽን ዬሱሲ ካሕንድ አሥንዳ ጊዝዎ።

![](https://cdn.door43.org/obs/jpg/360px/obs-en-49-02.jpg)

ዬሱሲ ካሕ ባ ፔቱⶢስ ኢባር አሢ ሚጣሱⶥⶦዳጋ ዲሢ ይስኩ ቃይጽንዲስ ይሡዌ። ይሲንድ ሶእ ዴብም ዎብቲ ሀይቁ። ዙያ፥ ናርሳይስ ንያክ ሀይሳሱ። ፑግናስንዲስ ፕያሡ። ሶቴት ማⶥንዲስ አሥ ጉዝቃን ኬሱ። ዎጥንድ ዶንሡ። ኡⶫጋ ቡዳ ናም ኡሩዋም 5000 ዴብም ይስኬንድ አሥንዲስ ሙሱዌ።

![](https://cdn.door43.org/obs/jpg/360px/obs-en-49-03.jpg)

ካሲ ዬሱሲ ኤዝጋ አስታማሪያ ጊዝዎ። ይሲንድ ዬራጋ ንያእ ባ ፔቱዌሽን ካንጉⶢስ ባ ሀካም ኤርሳሱዌ። ይንታቅን ቄር ⶡኒ ይንቲ ይስኩⶢዎጥን ዱማርንድ አሥንዲስ ⶡንዴ ማኪ ኤርሳሲ ሀይጡዌ።

![](https://cdn.door43.org/obs/jpg/360px/obs-en-49-04.jpg)

ካሲ ይንታይቅን ጊዛ፥ ኬሔታ ካንጉⶣጋ ቤሽ ዬሪስ ⶡንንዴ፤ ይንታይቅን ማጥናሲንድ ይንት ካሦጥን ⶡንዴ ማኪ ኤርሳሱዌ።

![](https://cdn.door43.org/obs/jpg/360px/obs-en-49-05.jpg)

ዬሱሲ ዬራጋ ጫር ባሳ ዶድ ቶሕን ይስኩⶥሀራጋ ቃይጼሽን ቤሽ ዎብስካንቃ ይስኬኔ ማኩ። አሣ ኦኔሽናጎን ይ ፔታን ዬራጋ ጫር ባስ ጋሂስ ኤሪ ዬር ኢንግ አቲ ቃጽ ኮይስቲ ይስኩዌ። አሢ ዬራጋ ፕያጽቃን ባ እያርድንሱዌሽን ይሲ ሶይቃን እያርዲ ፕያጽንሱⶢ ኮይስቲ ይስኩዌ።

![](https://cdn.door43.org/obs/jpg/360px/obs-en-49-06.jpg)

ዬሱሲ ማጥማጥ አሥንዲ ይያም ጊባትኒ ፕያጽንሱⶣ ማጥማጥንዲ ጊባትንሳርጉⶣይስ ሀይጢ ኤርሳሱ። ማጥማጥ አሥንዲ ካⶭ ካማ ሶይ ሀርኬንዳ ጊዝዎ፤ ካዣጋ ሀይጢስ ሲስኪ ጊባትኒ ፕያጽንሴንዴ። ዱማርንዲ ዛራ ቦድ ጋሽና ንያላ ጫር ዴብማ ዎጡⶥ ሀርኬንዳ ጊዚዎ፤ አሥንዳ ኤንዲ አፕ ኡጥንሳርጌንድ ዬራጋ ጫር ባስካኒንድ እያርድንሳርጌንዳ ጊዝዎ! ማኪ ኤርሳሲ ይስቱዌ።

![](https://cdn.door43.org/obs/jpg/360px/obs-en-49-07.jpg)

ካሲ ዬሱሲ ዬሪ ጩቡዋስንዲስ ቃጽ ⶡኒ ይስኩⶢስ ኤርሳሱ። ዬሪ አሣ ጩቡዋስንዴሽን ማር ይሢ ባ ንያእ ኢሣይቅን አሥኒ ኮዩይ ይስኩዌ ማኩ።

![](https://cdn.door43.org/obs/jpg/360px/obs-en-49-08.jpg)

ካሲ ዬሱሲ ዬሪ ጩቡይስ ኩርቂ ሚዝኒ ይስኩⶢስ ሀይጡ። አዳማ፥ ሄዋና ጩቡ ቃይጹⶣም ኢሣይቅን ጩቡይ ኢሥ ዛርንዲስ ካንግ ኢራትካን ቦኩዌ። ኡⶣጋ ናባም ዶንቱⶥ አሣ ዶድ ቶሕን ይስኩⶢ ባ ካንግ ጩቡ ቃይጺ ዬር ዳድን ባድ አቲ ይስኩዌ። ኡⶣማን አሢ ባ ካንግ ዬራጋ ጋግናስንድ ፔቱዌ።

![](https://cdn.door43.org/obs/jpg/360px/obs-en-49-09.jpg)

ይ ፔታስን ይያም ጊባትኒ ይስኬንዲ ካንግዎይናሙⶥ ካሥ ፕያጺ ኢሣይቅኔሽን ይስትንሳታማን ኢሣይቅኒ ባእንሳርጉዌሽን ዬሪ ባ ናንሣ ማጣፒስ ኤጋም አሢ ኡሢ ይያም ዶዲስ ካንግ ሀሪ ⶡኑዌ።

![](https://cdn.door43.org/obs/jpg/360px/obs-en-49-10.jpg)

ይንታይቅኒ ይንት ጩቡ ናባም ዎጥ ማጋጪ ይንታይቅን ዴብም ቦስትንሱⶥ አሣ ጊዝዎ። ዬሪ ይንታይቅን ዴብም ያንቂ ሀራን ባ ባጭ ዎርሳስንሱዌ። ይ ፔታስን ባ ባጪስ ይንታይቅን ዴብም ባ ዎርሳስንሱⶥ ሺችንሲ ዬሱስ ዴብም ዎርሳሱዌ። ዬሱሲ ማስቃል ዴብም ባ ሀይቁⶣም ይንታይቅን ማጋጪስ ይ ካንግ ኤቱዌ።

![](https://cdn.door43.org/obs/jpg/360px/obs-en-49-11.jpg)

ዬሱሲ ጪር ጩቡ ቃይጻርጉዌ። ይሲ ይንታይቅና ዶድ ቶሕን ይስኩⶥ አሥ ካንግ ጩቡይስ ባ ማራስንሱዌሽን ዬራጋ ማጋጭ ኤቲ ኡድ ፔታ ባ ሀይብምሱⶢስ ኩርሱዌ። ዬሱሲ ባ ቄሪስ ባ ኡድ አሡዌሽን ዬሪ ዎሳስ ይስኩⶥ ኢታጋ ጩቡዋጎን ካንግ ማሪ ሺችንሱዌ።

![](https://cdn.door43.org/obs/jpg/360px/obs-en-49-12.jpg)

አሢ ሶይ ቃይጺስ ባ ቃይጻን ባ ፕያሥንሱዌ ማካስን ሶይ ቃይጺ አሥ ፕያሥንሳርጉዌ። ይንታይቅኒስ ዬራም ፓሺ ድያማስኒ ሀክንሱⶥ ማጥ ቃይጺ ካይጉዌ። ዬሱሲ ይንታይቅን ጩቡ ማስኪ ይንት ማርኒ ሀክንሱዌ። ይንታይቅኔሽን ኮይስቲ ይስኩⶢ ዬሱሲ ዬር ናንሥ ፔቱⶢስ ጊባትኒ፣ ይንታይቅን ቆድን ይሲ ማስቃል ዴብም ሀይቁⶣ፥ ዬሮሥንዲ ዎጥቃን ይ ዶንሡⶣን ይንታይቅኒ ጊባትንሱⶣጊ ኮይስቲ ይስኩዌ።

![](https://cdn.door43.org/obs/jpg/360px/obs-en-49-13.jpg)

ዬሪዬሱሳምጊባትኒዬሱሲትያቴማኪይስኩⶥአሣኦናጎጥንፕያሥንሱዌ።ኬሔትናሲንድፔትማክግራሲንድ፣እያኒንድማይኒንድ፣አሣኤርግንድናይትንድኩሣሀኑⶥናጎንይሲይስታንይናብምሱⶢካይጉዌ።ዬሪይንታይቅናባናሺካጋድያምይሢይንታይቅንⶡንሡዌ።ይሲንድዬሱሳምይንታይቅኒጊባትንሱⶢስኮዩይይስኩዌ።

![](https://cdn.door43.org/obs/jpg/360px/obs-en-49-14.jpg)

ዬሱሲ ጊባትኒ ጣማቃንስኒ ይንታይቅኒ ፕያጽንሱዌሽን ይንት ጼጊ ይስኩዌ። ዬሱሲ ፕያሣጉ ዬር ናንሥ ፔቱⶢስ ጊባትኒ ይስታዴ? ጩቡዋስ ይንታይቅኒ ፔቱⶣ፥ ዬሪ ይንታይቅን ዴብም ማጋጭ ቦክንሱⶥ ፔቱⶣይስ ጊባትኒ ይስታዴ? ዬሱሲ ጩቡ ማር ባ አሥንሱዌሽና ጩቡይስ ባ ማራ ባይስንሱዌሽን ማስቃል ዴብም ሀይቁⶢስ ጊባትኒ ይስታዴ?

![](https://cdn.door43.org/obs/jpg/360px/obs-en-49-15.jpg)

ዬሱሳማ፥ይሲይንታይቅኔሽንቃይጹⶥቃይጻምይንታይቅኒጊባትናንኤስንይንታይቅኒክርስትያናጊዝዎ።ዬሪሼጣናኡርዳይሥካንይንታይቅንኬሲዬርጋጮብትንይስኬንድይንትአሥንሱዌ።ዬሪይዝቅናርሳኤርጋጩቡቦዳይስሺችንሲጋሀካንጉⶢስይያምይንታይቅኒይሥንሱⶥቃያ፥ፕያጻቦዲስይንታይቅኔሽንኡሥንሱዌ።

![](https://cdn.door43.org/obs/jpg/360px/obs-en-49-16.jpg)

ይንታይቅኒ ኤስን ሀⶥ ጊባትኔንድ ክርስትያንዳ ጊዝዎ። ዬሱሲ ቃይጹⶥ ቃይጻም ዬሪ ይንታይቅን ጩቡይስ ሺድማኬ ማኪ ሺቻንቁዌ። ሀⶥ ኤስን ዬር ጋግናስ ኤሳራጊ ይ ኢንግ ይንታይቅኒ ፔታንቁዌ።

![](https://cdn.door43.org/obs/jpg/360px/obs-en-49-17.jpg)

ዬራጋ ኢንጋትያታ ዬሱስ ቃይጻሳ ይንታይቅኒ ፔታማን፣ ዬሱሲ ይንታይቅን ኤርሳሱ ቦዳም ይስን ጎስትንሲንቱዌ። ክርስትያናጎን ይንታይቅኒ ፔታስን ሼጣኒ ጩቡ ይንታይቅን ቃይጻስኒ ማክንሱዌ። ይ ፔታስን ዬሪ ጊባታስናንቂ ይስኩⶣጊ ይንታይቅን ጩቡ ሀስትኒ ሶይቃን እያርዳጊንታን ይንት ጩቡይስ ማርንሱዌ። ጩቡይ ይያም ይንታይቅኒ ጋምሥንሱⶣ ይንታይቅን ዳድን ሀካስንሱⶣ ጊዲስ ይንትን ኡሥንሱዌ።

![](https://cdn.door43.org/obs/jpg/360px/obs-en-49-18.jpg)

ዬር ዳድን ጾኪ ይ ሀይጢስ ሲስኪ ጊባትኒ ዱማርንድ ክርስትያንዳ ይንታ ጎይንሲንቱዌሽን ይንትን ጋሥንሱዌ። ካሲ ዱማርንዴሽኒንድ ሀይጥንስንቱዌሽን ኮዪይ ይስኩዌ። ጋሀ ኤንዲ ዬራይንታቅና ዴንትካን ሶያጋ ⶡና ድያማይ ይስትንሱዌሽን ጋሥንሱዌ።

*ጋሀሀⶢሮሜ 3፥21-26፤ 5፥1-11፤ዮሀ. 3፥16፤ማር. 16-16፤ቆላ. 1፥13-14፤ 2ቆር. 5፥17-21፤ 1ዮሀ. 1፥5-10።ይስኩⶥካናጊዝዎ።*

## 50. ዬሱሲ ካርቲ አትንሱዌ

https://openbiblestories.org/l/bcq/story-50/

![](https://cdn.door43.org/obs/jpg/360px/obs-en-50-01.jpg)

2000 ቤርግ አትንሱⶥ ዶድ ቶሕኑⶥ አሢ ዬሱሲ ዬር ናንሥ ፔቱⶣ ይሲ ፕያሣጉⶣይስ ሲስኪ ይስቱዌ። ኡⶢ ጊባትኔንዳ፥ ቤታክርስትያናይ አኪ ኢቂ ይስቲ ዎይንቴን ሀⶥን አቱዌ። ዬሱሲ ዶዳጋ አብ ውርን ካርታ ባ አትንሱⶥ ጋሂስ ታሥ ኡሢ ሀይጥንሲ ይስቱዌ። ይሲ ባ አታጉ ሀክ ታሥ ኡሣ ባ ሀይጡⶥ ጋሂስ ባቅንሡዌ።

![](https://cdn.door43.org/obs/jpg/360px/obs-en-50-02.jpg)

ዬሱሲ ካርቲ አትንሱⶢስ ባቂ ኒኒ ይስትን ዬሪ ሀናስ ፔቱⶣ፥ ይሲ ይያም ዎብስንሱ ቦዳም ኒኒ ይስትንሱዌሽን ኮዪይ ይስኩዌ። ካሲ ይ ካዥ ሀይጢ አሥንዳ ዱማርንዴሽን ኒኒ ሀይጥንሱⶢንድ ኮዪይ ይስኩዌ። ዬሱሲ ዶድ ዴብም ባና ይስቱ አባም «ካዥ ሀይጣ ሀⶢ ዶድ ቶሕን ካንግ ሀይጣስንሱዌ፣ ኡⶥ ጌሽናን አባጋ ውሪ አትንሱዌ!» ማኪ ሀይጡዌ።

![](https://cdn.door43.org/obs/jpg/360px/obs-en-50-03.jpg)

ⶦዳጋ አሥንዳ ባ ዛራም ዛራሜንዲ ጋሥ ዬሱሲ ፕያሢ ይስኩⶢስ ሲሳርጌንዴ። ዬሱሲ ጋሥ ሀይቅን ጫርቃን ካርታ ባ ሀማርጉ አፓርቅን ካዥ ሀይጣ ሀⶢስ ሲስርጌንዴሽን ኢሣይቅኒ ሀይጥንሱዌሽን ባ ማⶥ ንያእንዴሽን ሀይጡዌ። ይሲንድ፣ «ኤስን ሀⶥ ሀንቂ ዶድ ቶሕን ይስኬንዴሽን ካንግ ታ ሀይጣ ሀⶢስ ሀይጢ ታ ዳባጌንድ ኢሣይቅን አሥንዴ!» ማኩ። ካሲ «ሙእ አፓ አርስትንሱⶢ (ትስንሱⶢ) ⶦዳ ጊዝዎ!» ማኩ።

![](https://cdn.door43.org/obs/jpg/360px/obs-en-50-04.jpg)

ካሲ ዬሱሲ «ቃሚ ባ ትያቴሽን ቤሽንሳርጉዌ፤ ዶዳ ሀⶥ ዴብም ይስኬንድ ኡካርንዲ ታ ኩርቃ ባ ኢቹⶦጥን ታ ናባም ይንታይቅን ኢራታስንሴንዴ፣ ይንታይቅን ዎጥንሴንዴ፤ ዎሳሳጎን ይንታይቅን ዴብም ኢራቲ ቤሻስን ሼራሺዲ ዞልንዴ! ታና ዶዳ ሀⶥ ጎቲ አሂ ይስኩⶥ ሼጣኒስ ጋምሥታኑዌ። ይንታይቅኒ ታሐም ጊባትኒ ይ ውር ሀክ ዞላጊንታን ኡⶣም ዬሪ ይንታይቅን ፕያሥንሱዌ።

![](https://cdn.door43.org/obs/jpg/360px/obs-en-50-05.jpg)

ዬሱሲ ዶዳጋ አብ ውሪ አትናጉⶥን አሣጋ ዴብም አትንሱⶥ ጋህ አምሢስ ባ ማⶥ ንያእንዴሽን ሀይጡዌ። ኡⶥ ይሲንድ፣ «ማጣጋ አሢ ባ ካምም ሶያጋ ዛሪስ ቦኩዌ። ይሲንድ ሱርቅንሲ ይስታጉⶥን ይ ጋግናሲ አቲ ቴንጳ ይሲ ቦኩⶥ ዴብም ዬሻን ማስቲ ይስኩ ኢታጋ ዛሪስ ቦክንሲ ሀንቁዌ።

![](https://cdn.door43.org/obs/jpg/360px/obs-en-50-06.jpg)

«ቦስቱⶥ ቴንጵ ዛሪ ጶቃጉⶥን፣ ናሲ ቃይጻስንዲ ይ ዳድን አቲ፣ ‘ዎ ትያቶ! ሶይ ዛራን ኒኒ ቦኩዎዳ፣ ሀⶥ ይ ጎብቃን ዬሻኒ ጶቂ ይ ቆጣንቁዌ! ሀርቃን ይስትያን አታዴዎ?’ ማኪ ኦጬንዴ። ይስንድ፣ «ጋግናሳጊ ኤቲ ዬኢ ቦኩዌ» ማኪ ኢሣይቅኔሽን ሀይጡ።

![](https://cdn.door43.org/obs/jpg/360px/obs-en-50-07.jpg)

ካሲ ይ ቃይጻስንዲ ባ ትያቴሽን፣ «ዎስ ኢታጋ ዛራ ኡⶢስ ኑና ጎⶤ!» ማኬንድ። ትያት ይሲንድ፣ «ኡⶢ ፔትንሳርጉዌ፣ ሀማጊ ዬሻኒስ አጣጊንታን ቴምጲንድ ይያም ፓሺአጥንሲንቱዌ፤ ቴምጲ ኮሊ ቲሳጉ ሀክ ፓሽትኒ ኤሲ ይስትማኬ፤ ትንታጋ አቢ አትናጉⶥን አፓርቅን ዴሣሲ ዬሻኒስ አጢ ዱብዳሲ ታማም ክያብምሲንቱዌ፤ቴምጲስ አኪ ይ ጎትንቃን ይሥንሲንቱዌ» ማኪ ሀይጡዌ።

![](https://cdn.door43.org/obs/jpg/360px/obs-en-50-08.jpg)

ይ ማⶥ ንያእንዲ ጋሀ ኡⶢስ ዬሱሲ ሀይጥን ባ ሲስኩⶣም ይ ፖርሺ ኢሣይቅኔሽን እያርዳርጉዌ፤ ኢሣይቅኒንድ ይሲ ይ ፖርሺስ ሀይጥንሱዌሽን ይ ኦጬንድ። ኡⶣም ዬሱሲ፣ «ሶይጋ ዛሪስ ቦኩⶢ ማስሀ ጊዝዎ። ዶዳ ይስን ይ ቦስቱⶥንድ ዶዳ ሀⶣጊዚዎ። ሶያጋ ዛራ ኡⶢ ዬራጋ ሀይጣ ዬሪ አሥ ቶሕን ትያትንሱⶣ ጊዝዎ» ማኩ።

![](https://cdn.door43.org/obs/jpg/360px/obs-en-50-09.jpg)

ቃዝቂ «ኢታጋ ዛራ ዬሻኔ ማስቱⶢ ዶዳ ሀⶥ ቶሕን ይስኬንድ አሥንዳ ጊዚዎ። ዛራ ኡⶢስ ቦኩⶢ ጋግናሳ ሼጣና ጊዝዎ። ሙእ ዛራ ኡⶢ ይያም ቲስንሱⶢ ዶዳጋአብ ውርና ጊዝዎ። ቲሲ አክንሴንዴ ዬርጋ ዎሳስንዳ ጊዝዎ» ማኩ።

![](https://cdn.door43.org/obs/jpg/360px/obs-en-50-10.jpg)

ካሲ ቃዝቂ፣ «ዶዳጋ አብ ውርን ዬር ዎሳስንዲ ሼጣናጋ ሀስ ፔትንዳ፥ ይ ኢንግንዳይስ ካንግ አፓርቅን ዴሣሲ አኪ ማጥን ዱብዳሲ ኢሣይቅኒ ይቃን ቡቅንሱⶥሺውር ታምቃን ቦክንሱዌ። ኢሣይቅኒንድ ኬኢ፣ ባ ካሽ ትያኢ፣ ኢዛጋ ኢራታም ኢራትንሴንዴ። ኡⶣጋ አባም ጊባትንሲ ይስኬንድ ሶይናስንዲ ባ ባባ ዬራጋ ጫር ባስካን ኦባርን አፖጥን ሳምሴንዴ!» ማኩ።

![](https://cdn.door43.org/obs/jpg/360px/obs-en-50-11.jpg)

ካሲ ቃዝቂ፣ «ዬሱሲ አባጋ ውሪ ጋሥ አታርጉⶥ አፓርቅን ካርታ ባ ውንሱⶢስ ሀይጡዌ። ሀይቅን ጫርቃን ባ ሀንቁⶢዎጥን አትንሱዌ። አሦጥን አⶭ ማእንሲ ይስትንሱዌ።? ሀይቅን ጫርን ዱልዱላም አትንሱዌ። ዬሱሲ አትናጉⶥን አሣ ሀይቁⶢ ባ ማጥማጣም ዎጥቃን ዶንትንሡዌ። ክርስትያኒንድ ዬራጋ ኡⶫርን ድያምሱዌ።

![](https://cdn.door43.org/obs/jpg/360px/obs-en-50-12.jpg)

ኡⶣም ጎቅንሀይባርጌንድ ካሣም ፕያጺ ይስኬንዲ አፓርቅን ዴሣሲ ቂምጪ ኖትካን (ⶹድ ቆጥቃን) ባ ቦሚ ኤስቲ ሀምም ካሲ ዎጥቃን ዶንቴንድ ኪርስትያንዲ ኢሣይቅና ባና ባ ሳቅንሴንዴ። ኡⶣም ባ ካንጊ ዬሱሳ ባና ፔትንሴንዴ። ኡⶣጋ ጌሽን ዬሱሲ ኪርስትያንድ ፔቴንድ አሥንዳ ባና ሶያማ ማጥ አታማ ካንግዎይን ይስትንሱዌ።

![](https://cdn.door43.org/obs/jpg/360px/obs-en-50-13.jpg)

ዬሱሲ ይያም ጊባትኒ ይሴክንዴሽን ካንግ ፕያጻጋ ኡኪስ ባ ኡሥንሱዌሽን ታሥ ኡሡዌ። ኢሣይቅኒንድ ውርስንሲ ይስኩⶥ ሶያማ፥ ዲጋማ ዬራ ባና ካንግዎይናም ሀክ ይስትንሴንዴ።

![](https://cdn.door43.org/obs/jpg/360px/obs-en-50-14.jpg)

ይ ፔታስን ዬሪ ዬሱሳም ጊባትናርጌንድ ዴብም ካንግ ባሥንሱዌ። ኢሣይቅኒንድ ካንግዎይናም ሀክ ኢራት ቤቂ ባ ጋሽ ታኢ ይስቲ ሺውር ታምቃን ቦስትንሴንዴ። ጪር ቶኢ ኤራርጉⶥ ሺውር ታሚ ኢሣይቅን ቡሥንሱዌ። ዳጫ ሀይባቃይጌንዲ ኢሣይቅን ሳአ ኢራታሳ ባ ይስኩⶢስ ጪር ይጥንሳርጉዌ።

![](https://cdn.door43.org/obs/jpg/360px/obs-en-50-15.jpg)

ዬሱሲ ካርታጉⶣም ሼጣና ይሲ ይስን ትያትንሲ ይስኩⶣይ ባ ካንግ ባእንሱዌ። ሼጣኒ ዬርን ባ ጎስትንሱ ቆድን ይያም ጊባትኒ ይስኬንድ ካንጋ ባና ካንግዎይናም ሀክ ይቃን ኢሣይቅኒ ቡቅንሱⶥ ሺውር ታምቃን ቦስትንሴንዴ።

![](https://cdn.door43.org/obs/jpg/360px/obs-en-50-16.jpg)

አዳማ፥ ሄዋና ዬር ሀይጣ፥ ይ ትዛዛይስ ባቃርጉ ሺድባኑⶥ ናባም ብያርስኪ ዶድ ቶሕንዬኤንዴ። ኡⶣም ዬሪ ዶዲስ ዱርትኒ ው ባይስንባኑⶢስ ሀይጡዌ። ይ ፔታስን ዬሪ ማጥን ጎቅን ቃያጋ ጫራ፥ ቃያጋ ዶዳይስ ድያድንሱዌ።

![](https://cdn.door43.org/obs/jpg/360px/obs-en-50-17.jpg)

ዬሱሳ ይያ ባና ይስኬንድ አሥንዳይ ቃያጋ ዶዳ ኤንቃን ካንግዎይን ይስትንሴንዴ። ው ዴብም ይስኩⶥ ካንግ ዴብም ትያትንሴንዴ። ይሲንድ አሥ ዬፒስ ካንግ ሲያህንሱዌ። ኤስን ኡⶣጋ ጌሽን ኢራታ፥ ጋይዳ፥ አይና፥ ዬፓ፥ ኢት ቃይጻ፥ ፑጋ፥ ሺዳን ዎጣይ ጪርይስትንሳርጉዌ። ዬሱሲ ይስን ትያታ ባይስኩⶢስ ሶያማ፥ ኢባር ባሣማ ጎቲ አሂ ካንግዎይናም ሀክ ባ አሥንዳ ባና ይስትንሱዌ። ጋላታ ዎብሳ፥ ጎይና ሻላ፥ ይላሻ ካሢ ይቃን ካንግዎይን ሲስትንሱዌ። አሜና!!!

*ጋሀሀⶢማቴ. 24፥14፤ 28-18፤ዮሀ. 15፥20፤16፥33፤ያእ 2፥10፤ማቴ. 13፥24-30፤ 36-42፤ 1ቴሴ. 4፥13-5፡11፤ያይቆብ 1፥12፤ማቴ. 22፥13፤ያእ 20፥10፤ 21፥1-22፡21።ይስኩⶥካናጊዝዎ።*