# unfoldingWord Open Bible Stories — Pauri Bareli (Bareli, Pauri)

- Language code: `bfb`
- Canonical page: https://openbiblestories.org/l/bfb/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Pauri Bareli translation; it is not a translation of the whole Bible.

## 1. कोव

https://openbiblestories.org/l/bfb/story-1/

![](https://cdn.door43.org/obs/jpg/360px/obs-en-01-01.jpg)

इना रीतीसी सुरुवातमा परमेश्वर आखी चीजोक बोनाव्यू. चू छोव दाहडामा संसारोन एने जो काय तेरेमा छे तीनु आखा काजे बोनाव्यु. परमेश्वरोन लारे धोरतिक बोनावनेन बादमा ची आनदारलाम एने ठारली होती, काहाकी हिमी तोक परमेश्वर तीनामा कानली बी चीजोक नि बोनावलू होतु. बाकीन परमेश्वरोन आत्मा पाणी पोर फिरती होती.

![](https://cdn.door43.org/obs/jpg/360px/obs-en-01-02.jpg)

ओवतेन परमेश्वर कोयु, “विजावो होय” एने विजावो होय गोयो. देव देख्यु की विजावो वारू से चु तीनाक “दाहडु” कोयु. परमेश्वर तीनाक आंदारलानचा गोथु ओलोग कोऱ्यू एने आंदारलाक “रात” कोयु. परमेश्वर कोव बोनावनेन पेहले दाहडे विजावो बोनाव्यु.

![](https://cdn.door43.org/obs/jpg/360px/obs-en-01-03.jpg)

कोव बोनावनेन दिसरे दाहडे, परमेश्वर कोयु “पाणीन उपोर एन अंतर होये” एने एक अंतर होय गोयू. परमेश्वर तिना अंतर काजे “वादवो कोयू.”

![](https://cdn.door43.org/obs/jpg/360px/obs-en-01-04.jpg)

तीसरे दाहडे, परमेश्वर कोयु “पाणी एक जागे एकठो होय जाय एने सुकली धोरती देखाये.” चू सुकला जागा काजे “कोव” कोयू एने पाणी काजे “दोरियु” कोयू. परमेश्वर देख्यू कि जो चू बोनावलू होतु चो वारू होतो.

![](https://cdn.door43.org/obs/jpg/360px/obs-en-01-05.jpg)

ओवतेन परमेश्वर कोयु, "धोरतीपोर ओलोग ओलोग भातीन झाडे तीयार होये " एने तोसोत होयो. परमेश्वर देख्यु की चु जो बी तीयार कोरलु से चो आखो वारू से.

![](https://cdn.door43.org/obs/jpg/360px/obs-en-01-06.jpg)

कोव बोनावनेन चोवथे दाहडे, परमेश्वर कोयू “आपसा बुलोन लारे सूर्य, चांद एने तारा बोनाव्यु. परमेश्वर तीनुकाजे धोरतीपोर विजावो आपने कोरता दाहडु एने रात, मुसुम ने साल देखाडने कोरता बोनाव्यु.

![](https://cdn.door43.org/obs/jpg/360px/obs-en-01-07.jpg)

पाचवे दाहडे., परमेश्वर कोयू, “जीवतला जोनावरे पाणी काजे बोर दे एने वादवामा चिल्ला उळे.” इना रीतीसी चू पाणीमा झेपने वावा आखा जंतू काजे एने चिल्ला काजे बोनाव्यू. परमेश्वर देक्यू कि यो वारू छे एने तीनुक आशिष आप्यू.

![](https://cdn.door43.org/obs/jpg/360px/obs-en-01-08.jpg)

कोवोन साहवे दाहडे, परमेश्वर कोयु, “धोरतीपोर रोयण्या जोनवरे तीयार होये,” एने परमेश्वरोन कोयलान तोसु आखो होय गोयो. इना रितीसी थुलाक पावन्या जोनवरे, धोरतीपोर रेंगनायन्या ने थुलाक बोयडाम रोयण्या जोनवरे तीयार होये. एने परमेश्वर देख्यु की यो वारू छे.

![](https://cdn.door43.org/obs/jpg/360px/obs-en-01-09.jpg)

ओवतेन परमेश्वर कोयु, “आवू आपनु मानुस काजे आपने सारखू बोनावसु. तीनुक धोरतीपोर एने आखा जोनवरो पोर हुकुम चालाडता आवडसे."

![](https://cdn.door43.org/obs/jpg/360px/obs-en-01-10.jpg)

ओवतेन परमेश्वर धुवू लीन तिनासी मानुस काजे बोनाव्यू नेए तेरा नाकोम जीवाय आपन्यु दोम फुक्यु. इना मानसोन नाव आदाम मेक्यू. परमेश्वर आदम काजे रोयनेवाटु एक बगीचो तीयार कोऱ्यू एने तेरी राखवावी कोरनेन कोरता तीनाक चा सारीक मेक्यु.

![](https://cdn.door43.org/obs/jpg/360px/obs-en-01-11.jpg)

तिना बगीचान ईचमा, परमेश्वर दुय खास झाडे लागाड्यु. जीवायीन झाडे एने वारुभुंडो ग्यान आपने वावो झाड. परमेश्वर आदम काजे कोयु की चु बगीचा माइन कानलाबी झाडोन फोव खाय सोकतेलु, बाकीन वारुभुंडान ग्यान आपन्या झाडोन फोव झुन खातु. ओगोर तु तीना झाडोन फोव खाश ती तु साचलीन मोर जाईश.

![](https://cdn.door43.org/obs/jpg/360px/obs-en-01-12.jpg)

ओवतेन परमेश्वर कोयु,“मानसोन एखलो रोयनो वारुभुंडान नी होय. बाकीन जोनवोरोमा आदाम वाटु वारु जुडीदार नी जोड्यो.

![](https://cdn.door43.org/obs/jpg/360px/obs-en-01-13.jpg)

एरेन कोरता परमेश्वर आदम काजे वारुत ओसी नींद आप्यु. ओवतेन परमेश्वर आदमोन चा गोथी एक फासवी निकावीन एक बायोर तीयार कोरीन तीनीक आदाम ओगोव लाव्यु.

![](https://cdn.door43.org/obs/jpg/360px/obs-en-01-14.jpg)

आदाम तिनीक देख्यू एने कोयु, “कोम से कोम यी मारेन तोसी छे. यी बायोर कोवायसे काहाकी यी मानसोन चा गोथी बोनावली से.” एरेन कोरीन मानुस तिन्दरा आसीबासाक सुडीन आपना बायोर सी भेसकाईन रोहसे.

![](https://cdn.door43.org/obs/jpg/360px/obs-en-01-15.jpg)

परमेश्वर माणूस काजे एने बायोर काजे तेरा रूपमा बोनाव्यू. परमेश्वर तीनुकाजे बोरकत आप्यु, एने तीनुक कोयू "तुमूकाजे रेट पुरयापुरायटा होये ने धोरती भोर नाखु,” एने परमेश्वर देख्यु की आखो वारु से, एने तीनु आखान बारामा खुश होयुयो आखो कोवोन सहावे दाहडे होयो.

![](https://cdn.door43.org/obs/jpg/360px/obs-en-01-16.jpg)

सातवे दाहडे कोव घोडनेन काम पुरो होयो. ओवतेन आपना कामोम गोथु तीने दाहडे देव आराम कोऱ्यू. परमेश्वर सातवे दाहडा काजे बोरकत आपीन चुखलो ठेराव्यु काहाकी तीने दाहडे चुखलो आपसा कामोम गोथु आराम कोऱ्यू . ईना रीतीसी कोव ने तेरेम माईन आखो परमेश्वर तीयार कोऱ्यू.

*बायबल काहनी उत्पत्ति 1-2 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_01_128kbps.m4a

## 2. पाप संसार मा आवे

https://openbiblestories.org/l/bfb/story-2/

![](https://cdn.door43.org/obs/jpg/360px/obs-en-02-01.jpg)

आदम एने तेरी लाडी, परमेश्वरोन लारे बोनावला घाटवा बोगीचा मा घोना खुश रोयता होता. तिंदरे माईन कुदू छींदरा नी पेहेरता होता, तेबी चे लाजवायता नी होता, काहा की संसार मा पाप नी होतो. चे हमेशा बोगीचामा फिरता होता एने परमेश्वरसी वात कोऱ्या कोरता होता.

![](https://cdn.door43.org/obs/jpg/360px/obs-en-02-02.jpg)

बाकीन तीना बोगीचामा एक घऴसु होतु. चु घनू चालाक होतू. चू तीनी बायर काजे पूछु, “काय छाचलीन परमेश्वर तुमू काजे इना बोगीचान फोव खानेन कोरीन मना कोरलु छे.”

![](https://cdn.door43.org/obs/jpg/360px/obs-en-02-03.jpg)

ची बायर पोछि जवाब आपी, “परमेश्वर आमु काजे कोयलु छे की यो वारलान ने मुंडलान ग्यान आपने वावा झाडोन फोवोक छुडीन कानला भी झाडोन फोव तुमू खाएं सोकतला, परमेश्वर आमुक कोयलु की अगर तुमू इना फोव काजे खादा निती छीम्या बि ती तुमू मोर जसु.”

![](https://cdn.door43.org/obs/jpg/360px/obs-en-02-04.jpg)

चु घोळसु तिनी बायर काजे ज़वाब आप्यु, "यो छाचलीन नि होय, तुमू नि मोरे, परमेश्वरोक मालुम छे की जोर तुमू इना फोव काजे खासु ती परमेश्वरोन तोसा बोन जासु एने तेरे सारका वारलो एने भुंडलो समजने बाज जाय.

![](https://cdn.door43.org/obs/jpg/360px/obs-en-02-05.jpg)

ची बायर देखि कि फोन मोन काजे वारु लागे होसो छे एने सोवादो बि देखाये. ची बि समझदार बोनने हीनडती होती एरेन कोरीन ची फोव तुडिन खाय लेदी. ओवतेन ची तेरा घर वावा काजे जू हेरे साते होतु फोव आपी एने चू बि खाय लेदु.

![](https://cdn.door43.org/obs/jpg/360px/obs-en-02-06.jpg)

अचानक तिंदरा डूवा उगडी गोया. एने तीनुक मालुम होयो की चे नांगेरला छे. ओवते चे पांटा सीविन, तिंदरा डोगला बोनाविन चे तिंदरा डीलो काजे ढाकनेन कोशिश कोरिया.

![](https://cdn.door43.org/obs/jpg/360px/obs-en-02-07.jpg)

तेतार आदम एने हव्वा बगीचामा परमेश्वरोन आवाज काजे सोमव्या, एने चे दुयू डूकाय गोया, तेतार परमेश्वर तीनुक आयड्यू, "तू का छे?" आदम जवाब आप्यु, "में या छे, तारु आवाज सोमविन बिही गोयु काहा की में नांगेरलू होतू, एरेन कोरता में डूकाय गोयलू."

![](https://cdn.door43.org/obs/jpg/360px/obs-en-02-08.jpg)

ओवतेन परमेश्वर तिनुक पुछू, "तुसेक कुन कोयो की तू नागरलू छे? काय तू चो फोव खाय लेदलु जॉन मना कोरलू". आदम जवाब आप्यू, "तु जीनी बायोर काजे मेसेके आपलु चीत मेसेक फोव आपी". तेतार परमेश्वर बयोर काजे पुछूं, "तु यो के कोरी?" ची बायोर कोयि, "घोडसू मेसेक धोकू आपलु छे."

![](https://cdn.door43.org/obs/jpg/360px/obs-en-02-09.jpg)

परमेश्वर घोडसाक कोयु, “तू शापीत से, तू तार पेटन लारे चालीस एने धुवु चाटीस, तु एने यी बायोर एक दिसरान रिस कोरसे, एने तारा पूर्या एने हेरा पुऱ्या बि एकदीरापोर रिस कोरसे एने इनी बायोरोन पीढी तारा मुनकाक कुचरसे, एने तू तेरी एड़ी काजे चावसे.

![](https://cdn.door43.org/obs/jpg/360px/obs-en-02-10.jpg)

तेतार परमेश्वर बायोर काजे कोयू, "में तारा जन्म अपनेन पीळाक बोडाविस, तू तारा घरवावान लालसा कोरिस, एने चू तार पोर राज कोरसे.

![](https://cdn.door43.org/obs/jpg/360px/obs-en-02-11.jpg)

परमेश्वर आदम काजे कोयू, "तू तारी लाडीन सोमोवलू छे एने मारी आग्या नी मान्यु, ऐरन करता धोरती शापित होयली से एने बीज उगाड़नेन कोरता जादा मेहनत कोरनेने गरज पोडसे. हिमी तू मोर जाश एने तारो डील धुवामा भेस्काय जासे." आदम हेरी लाड़ीन नाव हव्वा मेक्यु, जेरो मतलब छे "जीवन आपने वावी", काहाकी ची आखा जातिन आश होयसे. परमेश्वर आदम एने हव्वा काजे जानवरोन खालळो पेराव्यु.

![](https://cdn.door43.org/obs/jpg/360px/obs-en-02-12.jpg)

अवतेन परमेश्वर कियू, "हिमी वारलो एने भुंडलो जाननेसी मानूस आपने सारकु हाय गयलू से, एरेन कोरता तीनुक तीना जिवनोन झाड़ोन फोव खाने नी देनो जुवे की चे हमेशा जीवतला रोहे." एरेन कोरता परमेश्वर आदम एने हव्वा काजे बगीचाम गोथा निकाव देदू. एने परमेश्वर कुदू बि तिना फोव काजे नी खानो जुवे कोरीन बोगिचान झोपला पोर ताकत वावा स्वर्ग दूत काजे बोठाळ देदू.

*उत्पत्ति अध्याय 3 सी बाईबोलोन काहानी*

Audio: https://git.door43.org/OBS-TLF/bfb_obs/releases/download/v1/bfb_obs_v1_02_128kbps.m4a

## 3. बाढ

https://openbiblestories.org/l/bfb/story-3/

![](https://cdn.door43.org/obs/jpg/360px/obs-en-03-01.jpg)

घना दाहळा बाद मा संसारमा घना सोवटा माणसे रोय्ता होता. चे घना भुंडा एने पागेल होय गोयला होता. यो जुदो काठो होतो कि परमेश्वर संसार काजे पाणिन लारे नाश कोरनेन निर्णय लेदू.

![](https://cdn.door43.org/obs/jpg/360px/obs-en-03-02.jpg)

बाकून परमेश्वर नूह सी खुश होतु, होयू पापी मानसोमा रोयनेवावु धोरमी माणूस होतु. परमेश्वर नूह काजे कोयू कि होयू एक मोटी विपत्ती लावणेवावु छे, एरेनकोरता परमेश्वर नूह काजे एक मोटलो धोंढ्यो बोनावने कोयू.

![](https://cdn.door43.org/obs/jpg/360px/obs-en-03-03.jpg)

परमेश्वर नूहा काजे 140मीटर नाम्बी, 23 मीटर चौडी एने 13.5 मीटर उची एक मोटीत जाहाज बोनावने कोयू. नूह काजे यी जहाज लाकळान बोनावनो होतो एने ची जाहाज तीन तालोन एने घाना सोवटा खुल्या एने एक छत एने खिळकी बोनावनो होतो, एने यी जाहाज नूह काजे एने हेर परिवार काजे एने अखं भातीन जनावरोक पाणिन बाढसी सामावीन राखसे.

![](https://cdn.door43.org/obs/jpg/360px/obs-en-03-04.jpg)

नुहा परमेश्वरोन वात मान्यु एने जोसू परमेश्वर कोयलु तोसा होयू एने हेरा पुऱ्या जाहाज बोनाव्या. जाहाज बोनाने घाना सोवटा दाहळा लाग गोय्ला काहाकी जाहाज मोटी होती. नुहा मांसोकाजे आवने वावी बाढन बारामा कोयू बाकीन चे भुरसू नि कोऱ्या.

![](https://cdn.door43.org/obs/jpg/360px/obs-en-03-05.jpg)

ओवतेन परमेश्वर नूह काजे कोयू कि तुमरेण कोरता एने जनवारोन कोरता खानो टुवू कोर लेयु. जेतार आखो तीयार होय गयो ती परमेश्वर नूह काजे कोयू कि यु टेम जाहाजमा जानेन से ती नूह, हेर लाडी एने हेरा पुऱ्या, आखा मेवीन आठ जोन होता जीणूक जाहाज मा जाणो होतो.

![](https://cdn.door43.org/obs/jpg/360px/obs-en-03-06.jpg)

परमेश्वर हर जानवर एने चिल्लान नर एने मादा काजे नुहान चा मुकल्यू कि चे जाहाजमा जाय सके एने पाणिन बाढ सी वाच सके परमेश्वर ओसला हर भातीन जनावारोन सात नर एने सात मादा काजे मुकल्यू जीणूक बली चोळावानेन वापरमा आवे. जेतार आखा जाहाज मा जात रोया ती परमेश्वर जाहाजोन झोपलू बोंद कर देदू.

![](https://cdn.door43.org/obs/jpg/360px/obs-en-03-07.jpg)

तेतार आणि पोडनो चालू होय गयो, एने पाणी पोळतू गोयू, ४० दाहळा एने रात तक पाणी पोळतू गोयू.आखी कोवोन हर एक चीजे एने मोटला मोट्ला बोयळा बी पाणिमाडूब गया.

![](https://cdn.door43.org/obs/jpg/360px/obs-en-03-08.jpg)

जाहाज मा होता तीनुक छुडीन सुकला जागामा रोयने वावा हेर चीजे मोर गया. ची जाहाज पानिपोर तरंगती रोयी एने माहायला डूबनेसी वाच गया.

![](https://cdn.door43.org/obs/jpg/360px/obs-en-03-09.jpg)

पाणी रुकनेने बादमा, पाच मोयना तोक जाहाज पाणी पोर तरंगती होती, एने तिने टेमे पाणी काम होयतो होतो. एने एक दाहळे जाहाज एक बोयळान टेकळापोर जात रोय बाकून संसार पाणीमात दुबलो होतो. तीन मोयना बादमा बोयळान छेंडी देखाय पोडी.

![](https://cdn.door43.org/obs/jpg/360px/obs-en-03-10.jpg)

ओवते चावीस दाहळा बादमा नुहा एक हाळगावाक काजे छुड्यू, यो जाननेन कोरीन कि पाणी उसट्यो कि नि, चो हाळगावो या वा जातो रोयो बाकून असू जागू नि जुड्यू.

![](https://cdn.door43.org/obs/jpg/360px/obs-en-03-11.jpg)

अवतेन नुहा एक पेरवा काजे सुड्यू, बाकून तीनिक बी जागू नि जोड्यू, एरेन कोरता चो नुहानचा पोछी आव लागी. एक हाप्तान बादमा तिनी पेरवी काजे पोछू मुकल्यु, एने ची तेरा चाचेवळामा एक जेतुनोन डाव लीन पोछी आव लागी. पाणी आटतो होतो एने झाडे उगणे बाज गोया.

![](https://cdn.door43.org/obs/jpg/360px/obs-en-03-12.jpg)

नुह एक हाप्तु ओवी वाट जुव्यू एने तिसरी कावा तिनी पेरवी काजे बारथे मुकल्यू इनी टेमे तिनी काजे रोयनेन जागू जूळ गोयलू कोरीन ची पोछी नि आवी, पाणी सुकतो होतो.

![](https://cdn.door43.org/obs/jpg/360px/obs-en-03-13.jpg)

दुय मोयना बादमा परमेश्वर नूह काजे कोयू, “हिमी तू एने तारो घरानो एने आखा जानवोर जाहाजमा गोथा निकवी जावू. घना सोवटा पुऱ्या एने पुऱ्यान पुऱ्या पोयदा कोरु एने जोगोमा सोमाय जावू.” एने नुहान परिवार बारथे निकवी गया.

![](https://cdn.door43.org/obs/jpg/360px/obs-en-03-14.jpg)

नुहान जाहाजन बारथे आवनेन बादमा, नुहा एक वेदी बोनाव्यू एने बली चोडावनेन लायक हर भातीन जानवरो माईन थूलाक काजे लीन बली चोडाव्यू. परमेश्वर तिनी बली सी खुश होयू एने नूह काजे एने हेरा परिवार काजे आशिष आप्यू.

![](https://cdn.door43.org/obs/jpg/360px/obs-en-03-15.jpg)

परमेश्वर कोयू, “मे वायदू कोरो कि मानसोन लारे होयला भुंडला कामोन कोरता मे ओवी असू कोदी धोरती काजे श्राप नि आपो एने पाणिन लारे संसार काजे नाश नि कोरो, चाहे माणूस नानलूतने पापी छे.”

![](https://cdn.door43.org/obs/jpg/360px/obs-en-03-16.jpg)

ओवतेन परमेश्वर वायदान चीन्नान रूपमा पेहेल इंद्र धनुष्य ( सात रंग ) बोनाव्यू. जेतार केतार बी वादवामा सात रोंगे देखाय ती परमेश्वरोन फोम कोरसे कि चू काय वायदू कोरलु छे, एने तिना रीतीसी माणसे बी फोम कोरसे.

*उत्पत्ति अध्याय 6-8 मा एक बायबलोन काहानी*

Audio: https://git.door43.org/OBS-TLF/bfb_obs/releases/download/v1/bfb_obs_v1_03_128kbps.m4a

## 4. अब्राहम साते देवोन वायदू

https://openbiblestories.org/l/bfb/story-4/

![](https://cdn.door43.org/obs/jpg/360px/obs-en-04-01.jpg)

बाढोन घोणा सोवटा सालोन बादमा, सांसारमा माणसे रोयता होता, एने चे ओवी परमेश्वरोन विरुद्धमा पाप कोऱ्या. चे आखा एकुत भाषा बुलता होता एने चे आखा एकठा रोयने बाज गोया, संसार काजे भोरनेन जोसी देवोन आग्याहोती तोसी चे नि मानता जाईन चे अलग गाव बोसाडने बाज गोया.

![](https://cdn.door43.org/obs/jpg/360px/obs-en-04-02.jpg)

चे घोणा घमंडी होता, तीनु काजे कोसो जीवन जीवनो से एरेन कोरता देवोन आग्यान पालन कोरने नि चाहता होता. ओवते चे एक बाबेलोन टावर बोनावने चालू कोऱ्या जो सोरगेतोक पुगे. परमेश्वर देख्यू कि अगर ये ओसात भुंडलो कोरता रोयसे ती चे जादा पाप कोर लेसे.

![](https://cdn.door43.org/obs/jpg/360px/obs-en-04-03.jpg)

एरेन कोरता परमेश्वर तिंदरी भाषा काजे बोदलाव देदू एने तीनु काजे आखी संसारमा पसराव देदू. एने जिना टावोर काजे चे बोनावता होता चो बाबेल कोवायतो होतो जेरो मतलब होयतलो “गळबळ”.

![](https://cdn.door43.org/obs/jpg/360px/obs-en-04-04.jpg)

घोणा साल बादमा, परमेश्वर अब्राम नावोन मानसोसी वात कोऱ्यू. परमेश्वर तीनाक कोयू, “तारा देस काजे एने तारा परिवार काजे छुडीन मे देखाडो तिना देसमा जा, मे तुसेक आशिष आपीस एने तारेसी एक मोटीत जाती बोनावीस,मे तारो नावो उचो कोरिस, एने जो तुसेक आशिष आपसे तीनुक मे आशिष आपीस, एने जो तुसेक श्राप आपसे तीनुक मे श्राप आपीस एने तारे वोजेहसी संसारोन आखा माणसे आशिष लेसे”.

![](https://cdn.door43.org/obs/jpg/360px/obs-en-04-05.jpg)

आखिर अब्राम परमेश्वरोन वात काजे मान्यु एने तेरे जूव होतो तोतारो आखो लीन तेरी लाडी सारा साते चू कनान देसमा जात रोयू जो परमेश्वर हिनाक देखाळलु.

![](https://cdn.door43.org/obs/jpg/360px/obs-en-04-06.jpg)

जेतार अब्राम कनान पुग्यू ती परमेश्वर तीनाक कोयू, “तारेनचा गोथू चारू छीम्कीर देख, मे तुसेक यो आखो आपीस एने तारी पिढी हमेशा कोरता इनापोर होकदार रोयसे”. एने अब्राम तिना देसमा रोयने बाज गोयू.

![](https://cdn.door43.org/obs/jpg/360px/obs-en-04-07.jpg)

मलिकिसिदक एक माणूस होतु जो देवोन एक मोटलु पुजारू होतु. एक दाहळू जेतार अब्राम लोळाय कोरणेन बादमा पोछू आवतू होतु तेतार मलिकिसिदक एने अब्राम भेटाया. मलिकिसिदक अब्राम काजे आशिष आप्यू एने कोयू, “आखान मोटलु परमेश्वर जू सोरोग एने धोरतीन मालिक छे चू तुसेक आशिष आपे”. तेरे बादमा अब्रामोन जीकलो आखो चीजे चू मलिकिसिदककाजे आप देदू.

![](https://cdn.door43.org/obs/jpg/360px/obs-en-04-08.jpg)

घोणा सोवटा साल जात रोया, बाकून अब्राम एने सारान पुऱ्या नि होता. तेरे बादमा परमेश्वर अब्राम साते वात कोऱ्यू एने ओवी वायदू कोऱ्यू कि हेरो एक पुऱ्यू होयसे एने वाढवामाईन चांदण्यान तोतरा तारा पुऱ्या काजे वाळावीस. अब्राम परमेश्वरन वायदापोर भुरसू कोऱ्यू. परमेश्वर घोषणा कोऱ्यू कि अब्राम धोरमी से, काहाकी होयू परमेश्वरोन वायदापोर भुरसू कोऱ्यू.

![](https://cdn.door43.org/obs/jpg/360px/obs-en-04-09.jpg)

तेतार परमेश्वर अब्राम साते एक ओवी वायदा कोऱ्यू. साधारण रूप मा देखे ती वायदू यु दुय दोलोन इचामा काम कोरनेन सोमजोता होये. परमेश्वर अब्राम सी वायदू कोरतू होतु तेतार अब्राम सुवतू होतु. बाकून तेतार बी चू परमेश्वरोन सोमोवतू होतु. परमेश्वर कोयू, “मे तारा डीलोसी एक पुऱ्यू आपीस. मे तारी पिढीकाजे यो कनान देस आपीस”. बकुन हिमीबी अब्रामोन पुऱ्या नि होय.

*उत्पत्ति अध्याय 11-15 सी एक बाईबोलोन काहानी*

Audio: https://git.door43.org/OBS-TLF/bfb_obs/releases/download/v1/bfb_obs_v1_04_128kbps.m4a

## 5. वायदान पुऱ्यू

https://openbiblestories.org/l/bfb/story-5/

![](https://cdn.door43.org/obs/jpg/360px/obs-en-05-01.jpg)

अब्रामोन एने सारा कनान देसमा पुगनेन दस साल बादमा बी तिंदरा पुऱ्या नि होता, एरेन कोरता अब्रामोन लाडी सारा कोई कि “परमेश्वर हिमितोक मेसेक पुऱ्यू नि आप्यू एने हिमी मे पुऱ्याकाजे जन्मो आपने कोरता लायक नि होय काहाकि मे हिमी डायी होय गोय, एने मारी दासी हाजिरा या छे हेरे साते वियाव कोरले काहाकी होयी मारेन कोरीन पुऱ्यो आप सके”.

![](https://cdn.door43.org/obs/jpg/360px/obs-en-05-02.jpg)

आखिर अब्राहाम हाजिरा साते वियाव कोर लेदू, हाजिरा काजे एक पुऱ्यू पोयदा होयू एने अब्राम तेरो नाव इस्माईल मेक्यू. बाकीन सारा हाजिरासी रीस कोरणे बाज गोय. जेतार इस्माईल तेरा सालोन होतू, परमेश्वर अब्राम साते वात कोऱ्यू.

![](https://cdn.door43.org/obs/jpg/360px/obs-en-05-03.jpg)

परमेश्वर कोयू, “मे ताकतवावु परमेश्वर से, मे तार साते एक वायदू बांदिस”. तेतार अब्राम धोरतीपोर पोडीन देवो ओगोव झुक्यू. परमेश्वर अब्राम काजे यो बी कोयु, “तू घोणा सोवटा जातीन बास होयीस, मे तुसेक एने तारा पुऱ्या पारिक काजे तिंदरी खुदोन जागू होये कोरीन कनान देस आपीस एने मे कायोमोन कोरता तुमरु परमेश्वर होय जाश. एने तुसेक हर घरोन मानसोकाजे सुंता कोरनो से”.

![](https://cdn.door43.org/obs/jpg/360px/obs-en-05-04.jpg)

परमेश्वर कोयू, “तारी लाडी सारा एक पुऱ्या काजे जन्मो आपसे एने चू वाय्दान पुऱ्यू गीनायसे, तेरो नाव इसहाक राखजू. मे तेरे साते मारी वायदा काजे बोनावीन राखिस एने चू एक मोटली जाती बन जासे. मे इस्माईल काजे बी मोटली जाती बोनावीस बाकीन मारु वायदू इसहाक साते रोयसे.” तेतार परमेश्वर अब्रामोन नाव बद्लावीन अब्राहम मेक्यू जेरो मतलब से “घोणा सोवटान बास”.परमेश्वर सारै गोथो सारा मेक्यू जेरो मतलब “मुलमाता” होये”.

![](https://cdn.door43.org/obs/jpg/360px/obs-en-05-05.jpg)

तिने दाहळे अब्राहम हेरा घोरोमाईन आखा मानसोन सुंता कोऱ्यू. लागभग एक साल बादमा, जेतार अब्राहम 100 सालोन होतु एने सारा 90 सालोन होती. तेतार सारा एक पुऱ्याक जन्मो आपी एने जोसू परमेश्वर कोयलु तोसु तेरो नाव इसहाक मेक्या.

![](https://cdn.door43.org/obs/jpg/360px/obs-en-05-06.jpg)

जेतार इसहाक जुवान होयू ती परमेश्वर कोयीन अब्राहमोन भूरसान पारख कोऱ्यू, “तारा एकलौतू पुऱ्याकाजे ले, एने तीनाक मारेन कोरीन बली चोडाव.” ओवी अब्राहम परमेश्वरोन वात काजे मान्यु एने तेरा पुऱ्या काजे बली चोडावने तीयार होय गोयू.

![](https://cdn.door43.org/obs/jpg/360px/obs-en-05-07.jpg)

जेतार अब्राहम एने इसहाक बली चोडावनेन जागे जाणे बाज गोया तेतार इसहाक पुछु, “हे बास, आपने जूव बली चोळानेन कोरता लाकळाते छे बाकून बली चोडावनेन कोरता गाडरो का से?” अब्राहम जवाब आप्यू, “हे मेरे पुऱ्यू, परमेश्वर बलीन कोरता गाडरान पुरती कोरसे.”

![](https://cdn.door43.org/obs/jpg/360px/obs-en-05-08.jpg)

जेतार चे बली चोडावनेन जागापोर पुग गोया, तेतार अब्राहम इसहाक काजे बांदीन वेदिपोर लुटाळ देदू. चू तेरा पुऱ्याक मारनेत वावु होतु कि परमेश्वर कोयू, “रुक जा, पुऱ्याकाजे नुकसान मा पुगाळे, हिमी जान गोयू कि तू मारू बिक मानतलु काहाकी तू तारा एकलौता पुऱ्याकाजे मारसी वाचाडीन नि राख्यू.”

![](https://cdn.door43.org/obs/jpg/360px/obs-en-05-09.jpg)

हिंदरे धोळेत साते अब्राहम एक गाडराक झाडोमा ओटेकलो देखायो. इसहाकोन बोदले बलीन कोरता परमेश्वर एक गाडरा काजे आप देदू, एने अब्राहम ख़ुशी ख़ुशी बली चोडाव देदा.

![](https://cdn.door43.org/obs/jpg/360px/obs-en-05-10.jpg)

तेतार परमेश्वर अब्राहम काजे कोयू, “काहाकी तू मारेन कोरीन आखो आपनेन कोरीन तीयार होय गोयू, या तोक कि तू तारा एकलौता पुऱ्याक बी आप देदू एरेन कोरता मे तुसेक आशिष आपनेन वायदू कोरो. तारी पिढी काजे वाढवामायला चांदण्यान गोठा बी सोवटा होयसे, काहाकी तू मारी आग्या काजे मानलू से एरेन कोरता मे तारा परिवारोन लारे संसारोन आखा कुल काजे आशिष आपीस.”

*उत्पत्ति अध्याय 16-22 सी बायबोलोन काहानी.*

Audio: https://git.door43.org/OBS-TLF/bfb_obs/releases/download/v1/bfb_obs_v1_05_128kbps.m4a

## 6. परमेश्वर इसहाकोन कोरता प्रबंध (जुगाळ) कोरे

https://openbiblestories.org/l/bfb/story-6/

![](https://cdn.door43.org/obs/jpg/360px/obs-en-06-01.jpg)

जेतार अब्राहम घोणु डायु होय गोयलू तेतार हेर पुऱ्यू इसहाक, एक मानसोन उमोरोन होत्रूक होय गोयलु होतु. एरेन कोरता अब्राहम हेरा एक सेवोक काजे हेरा पुऱ्यान कोरता एक लाडी लावनेन कोरता मुकल्यू जा सारीक हेरा रीस्तेदार रोयता होता.

![](https://cdn.door43.org/obs/jpg/360px/obs-en-06-02.jpg)

जा अब्राहमोन रीस्तेदार रोयता होता तिना देसमा जाणेन एक नाम्बी यात्रान बादमा परमेश्वर अब्राहमोन सेवकोण एने रेबिका नावोन पुराय साते भेट कोराव्यू, ची अब्राहमोन भाशोन पुऱ्यान पुराय होती.

![](https://cdn.door43.org/obs/jpg/360px/obs-en-06-03.jpg)

रेबिका हेरा परिवार काजे छुडीन सेवोक साते जाणे तीयार होय गोयी. जोसा चे पोछा पुग्या इसहाक तेरेसाते वियाव कोर लेदू.

![](https://cdn.door43.org/obs/jpg/360px/obs-en-06-04.jpg)

लोक्के दाहळा बाद, अब्राहम मोर गोयू, तेतार परमेश्वर अब्राहमोन पुऱ्यू इसहाक काजे आशिष आप्यू जू अब्राहम काजे परमेश्वर वायदू आपलु होतु. तिना वायदामा परमेश्वरोन एक वायदू होतु कि अब्राहम गीनाये नि आत्रा तेरा पुऱ्या रोयसे, बाकून एशाकोन लादिन जी रेबिका होती तेरा पुऱ्या नि होया.

![](https://cdn.door43.org/obs/jpg/360px/obs-en-06-05.jpg)

इसहाक रेबिकान कोरता प्रार्थना कोऱ्यू एने परमेश्वर हीनु काजे जूळवा पुऱ्यान गर्भ धारण होयो. जिने टेमे चे पुऱ्या रेबिकान पेटोमा होता तेतार चे दुयू जोना पेटोमा लोळायता होता एरेन कोरता जो काय हिओय्तो होतो चो परमेश्वर काजे कोयती होती.

![](https://cdn.door43.org/obs/jpg/360px/obs-en-06-06.jpg)

परमेश्वर रेबिका काजे कोयू, “तू दुय पुऱ्याक जन्मो आपीस एने तिंदरा दुय अलग- अलग जाती बोनसे, एने चे एक दिसरा साते लोळायसे. बाकून मोटला पुऱ्यासी होयने वावा जाती काजे नानला पुऱ्यासी होयनेवावा जातीन आग्या काजे मानोनो पोळसे.”

![](https://cdn.door43.org/obs/jpg/360px/obs-en-06-07.jpg)

जेतार रेबिका काजे पुऱ्या होया, ती मोटलु पुऱ्यू रातलु एने नोरोमो होतु, एने तेरो नाव एसाव राख्या. तेतार नानलु पुऱ्यू एसावोन घोटनि काजे धोरीन जन्मो लेदू, एने तेरो नाव याकुब मेक्या.

*बायबोलीन काहानि उत्पत्ति अध्याय 24:1-25:26 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_06_128kbps.m4a

## 7. परमेश्वर याकुब काजे आपतलु

https://openbiblestories.org/l/bfb/story-7/

![](https://cdn.door43.org/obs/jpg/360px/obs-en-07-01.jpg)

जेतार चे मोटा होया याकुब काजे घर रोयनो वारू लाग्यो, बाकून बाकून एसाव काजे जानवोरोन शिकार कोरनो वारू लाग्यो. रेबिका याकुब सी मोंग कोरी एने इसहाक एसाव सी मोंग कोऱ्यू.

![](https://cdn.door43.org/obs/jpg/360px/obs-en-07-02.jpg)

एक दाहळे, जेतार एसाव शिकार कोरीन पोछू आव्यू ती चू घोणु भुकलु होतु. एसाव याकुब काजे कोयू, “जो तू रांदलु से तेरेमाईन थुलोक मेसेक बी आप दे.” याकुब जवाब आप्यू, “पेहेल तू मेसेक यु वायदू कोर कि पहलौठा होयनेन वाजहसी हर एक जीज जी तुसेक जूळतली ची मेसेक आपजी.” आखिर एसाव आखा जिचे याकुब काजे आपनेन वायदू कोऱ्यू, तेतार याकुब तीनाक खाणे आप्यू.

![](https://cdn.door43.org/obs/jpg/360px/obs-en-07-03.jpg)

इसहाक एसाव काजे आशिष आपने हिंडतू होतु, बाकून एरेन पेहेल कि इसहाक एसाव काजे आपतू, रेबिका एने याकुब एसाव होय्नेन नाटक कोरीन तेरे साते धोकू कोऱ्यू. इसहाक डायु होय गोयलु होतु एने तीनाक देखायतो नि होतो. एरेन कोरता याकुब एसावोन छीन्दारा पेऱ्यू एने बुकळा खालळो तेरा गोवामा एने हातोमा वेटाव लेदू.

![](https://cdn.door43.org/obs/jpg/360px/obs-en-07-04.jpg)

याकुब इसहाकोनचा आव्यू एने कोयू, “मे एसाव से, मे एरेन कोरता आव्यू कि तू मेसेक आशिष आपे.” जेतार इसहाक बुकळा बुकळान झोटाकाजे पारख्यु एने छीन्दाराआजे गोंद्यू, ती चू सुचू कि यो एसाव से ती चू तीनाक आशिष आप्यू.

![](https://cdn.door43.org/obs/jpg/360px/obs-en-07-05.jpg)

एसाव याकुब पोर रीस कोऱ्यू काहाकी याकुब एसावोन मोटलु पुऱ्यू अधिकार कीजे एने तेरा आशिष काजे बी चुरी कोर लेदलु. आखिर चु तिन्दारू बासोन मोरनेन बादमा याकुब काजे मार नाखनेन योजना बोनाव्यू.

![](https://cdn.door43.org/obs/jpg/360px/obs-en-07-06.jpg)

बाकून रेबिका एसावोन वाते सोमवी लेदली. एरेन कोरता रेबिका एने इसहाक याकुब काजे तिंदरा सोगासाईमा घोणे नाम्बे मुकली देदा.

![](https://cdn.door43.org/obs/jpg/360px/obs-en-07-07.jpg)

याकुब घोणा साल तोक रेबिकान रीस्तेदारमा रोयू. टेमे चू वियाव कोर देदू एने हेरे लारे बारा पुऱ्या एने एक पुराय होई एने परमेश्वर तीनाक घनु मालदार बोनाव देदू .

![](https://cdn.door43.org/obs/jpg/360px/obs-en-07-08.jpg)

कनान देस जा हेरो घोर होतो चा गोथू वीस साल नाम्बे रोयनेन बादमा, याकुब तेरा परिवार काजे एने तेरा दासोकाजे एने जानवरोकाजे लीन होयू चा पोछू आव्यू.

![](https://cdn.door43.org/obs/jpg/360px/obs-en-07-09.jpg)

याकुब बिह्तु होतु काहाकी चू विचार कोरतू होतु कि एसाव हिमिबी कोदामाईन मेसेक मार देसे, एरेन कोरता याकुब भेटोन रूपमा जानवोरोन टूवा काजे एसावोनचा लीन मुकल्यू. जा सेवोके तिना तुवा काजे लीन गोयला होता चे कोया, “तारू दास याकुब, इनू जानवोरो काजे तुसेक आपे, एने चू साटू आवने बाज रोयू.”

![](https://cdn.door43.org/obs/jpg/360px/obs-en-07-10.jpg)

बाकून एसाव हिमी याकुब काजे नुकसान नि पुगाळने चाह्तु होतु, बाकीन चू तीनाकाजे पोछु देखीन घोणु खुश होतु. तेरे बादमा याकुब कनान देसमा वारू शांतीसी रोयू, ओवतेन इसहाक मोर गोयू एने याकुब एसाव तीनाक गाळ्या. वायदान कोसमे जा परमेश्वर अब्राहमसी कोरलु होतु हिमी इसहाक सी याकुब पोर आव लागली होती.

*बायबोलोन काहानी उत्पत्ति अध्याय 25:27-35:29.*

Audio: https://git.door43.org/OBS-TLF/bfb_obs/releases/download/v1/bfb_obs_v1_07_128kbps.m4a

## 8. परमेश्वर युसूफ एने हेरा परिवार वाचाळे

https://openbiblestories.org/l/bfb/story-8/

![](https://cdn.door43.org/obs/jpg/360px/obs-en-08-01.jpg)

गोणा सालन बादमा, जेतार याकुब डायु होय गोयू, ती चू तेरा मोंगावा पुऱ्या युसूफ काजे तेरा भाशोन पारख कोरनेन कोरता मुकल्यू जे जानवोरोन टूवान राखवावी कोरता होता.

![](https://cdn.door43.org/obs/jpg/360px/obs-en-08-02.jpg)

यूसुफोन भाशे तेरेपोर रीस कोरता होता, काहाकी हिंदरू बास युसूफ पोर घोणु मोंग कोरतू होतु एने एरेन कोरता बी कि युसूफ सोपनो देखलु होतु कि तिंदरु मालोक होय जासे. जेतार युसूफ तेरा भाशोनचा आव्यू ती चे तीनाक बंदी बोनाव लेदा एने तिना काजे दासोन व्यापार कोरनेवावाक वेच देदा.

![](https://cdn.door43.org/obs/jpg/360px/obs-en-08-03.jpg)

घर आवनेन पेहेल तेरा भाशे युसूफोन डोगलाक फाळीन बुकळान लुहीसी भिगाळ देदा ओवतेन चे तीन डोगलाकाजे तेरा बासोनचा लावीन देखाळ्या काहाकी हुयू देखीन यो जान जाय कि युसूफ काजे बोयळा माईन जानवोरे खाय गोया, याकुब घोणु दुखी होयू.

![](https://cdn.door43.org/obs/jpg/360px/obs-en-08-04.jpg)

चू दासोन व्यापार कोरनेवावा युसूफ काजे मिस्र देसमा लीन जात रोया. नील नदीन धोळे बोठलो मिस्र देस एक मोटो घोनो ताकतवावो देस होतो. चे दासोन व्यापार कोरणे वावा युसूफ काजे दासोन रूपमा एक मालदार सरकारी पुढारी काजे वेच देदा. युसूफ तेरा मालीकोन वारू रीतीसी सेवा कोऱ्यू एने परमेश्वर युसूफ काजे आशिष आप्यू.

![](https://cdn.door43.org/obs/jpg/360px/obs-en-08-05.jpg)

युसूफोन मालीकोन लाडी युसूफ साते सुवनेन कोशिष कोरती होती, बाकून युसूफ परमेश्वरोन विरुद्ध पाप कोरणेसी मना कोर देदू. ची रीस्वाय गोयी एने युसूफ पोर झुटू गुणु लागाडी, एरेन कोरता तिनाकाजे धोर लेदा एने जेलमा नाख देदा. बाकीन परमेश्वर युसूफ साते जेलमा बी विस्वास योग्य रोयू एने परमेश्वर युसूफ काजे आशिष आप्यू .

![](https://cdn.door43.org/obs/jpg/360px/obs-en-08-06.jpg)

दुय साल जात रोया, युसूफ निरदोष होयने बावजुद जेलमा होतु. एक राती, फिरोन जू मिस्रोन राजा होतु, सोपनो देख्यू जो तीनाक घोनो चिंताम पाळ देद्लो होतो. हेरा जा सोला आपने वावा काजे बी नि मालूम होतो कि सोपनान मतलब काय से.

![](https://cdn.door43.org/obs/jpg/360px/obs-en-08-07.jpg)

परमेश्वर युसूफ काजे सोपनान मतलब कोयनेन ताकत आप्यू, एरेन कोरता फोरोन युसूफ काजे जेलमा गोथू हेरेनचा बुलाव्यू. युसूफ तीना सोपनान मतलब कोयू, “परमेश्वर सात साल वारू पाकसे एने तेरे बादमा सात साल काव पोळसे.”

![](https://cdn.door43.org/obs/jpg/360px/obs-en-08-08.jpg)

फिरोन युसूफसी अतरू खुशु होयू कि चू तिना मिस्र देसोन ताकतवावु माणूस कोरीन नेवाळ देदू.

![](https://cdn.door43.org/obs/jpg/360px/obs-en-08-09.jpg)

युसूफ मानसोसी वारला फोवोन सात सालोमा घोणा सोवटा खानेन चिचे जमा कोरने कोरीन कोयू. जेतार सात साल बादमा सात सालोन काव पोड्यू तेतार युसूफ चो खानेन चेजे मानसोकाजे वेच्यू काहाकी तिंदरे जुव खानेन कोरता पुरती होये.

![](https://cdn.door43.org/obs/jpg/360px/obs-en-08-10.jpg)

चू काव निस्तू मिस्रमा नि होतु बाकीन कनानमा बी घनु होतु जा याकुब एने तेरो परिवार रोयता होता.

![](https://cdn.door43.org/obs/jpg/360px/obs-en-08-11.jpg)

एरेन कोरता याकुब तेरा मोटला पुऱ्या काजे खानो लेने मिस्रमा मुकाल्यु. जेतार चे खानो लेनेन कोरता युसूफ ओगोव आवीन उबरोया ती चे तेरा भाष युसूफ काजे नि उवख्या. बाकून युसूफ तीनुक यवखी लेदू.

![](https://cdn.door43.org/obs/jpg/360px/obs-en-08-12.jpg)

यो पारोख कोरनेन बादमा कि चे सुदरी गोया कि तोसात छे यो मालूम कोरीन युसूफ तीनु काजे कोयू कि, “ मे तुमरू भाश युसूफ छे, बिहूमा. जेतार तुमु मेसेक दासोन रूपमा वेच देदला तेतार तुमु भुंडलो कोरनेन ठेराव लेदाला, बाकून परमेश्वर तिनी बुराई काजे भलाईन कोरता वापर कोऱ्यू, आवू एने मिस्रमा रोयू काहाकी मे तुमरे एने तुमरा परिवार जुगु खानेन पुरती कोर सको.”

![](https://cdn.door43.org/obs/jpg/360px/obs-en-08-13.jpg)

जेतार चे पोछा तिंदरे घोर कनानमा आया एने तिंदरा बास काजे कोया कि युसूफ हिमी बी जीवतलु से ती चू घोणु खुश होयू.

![](https://cdn.door43.org/obs/jpg/360px/obs-en-08-14.jpg)

याकुब डायु होय रोयू होतु बाकीन तीबी चू मिस्र देसमा तेरा परिवार साते जात रोयू, एने चे चा रोय्ने बाज गोया. याकुबोन मोरनेन पेहेल, चू हेर पुऱ्या काजे आशिष आप्यू.

![](https://cdn.door43.org/obs/jpg/360px/obs-en-08-15.jpg)

जू वायदू अब्राहम काजे परमेश्वर कोऱ्यू चू इसहाक पोर ओवतेन तेरे बादमा याकुब पोर एने तेरे बादमा याकुबोन बारा पुऱ्यापोर एने तिंदरे परिवारपोर आव लागी. एने चे बारा पुऱ्या इस्राइलोन बारा गोत्र बन गोया.

*बायबोलोन काहानी उत्पत्ति अध्याय 37-50 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_08_128kbps.m4a

## 9. परमेश्वरोन मुसा काजे बुलावनो

https://openbiblestories.org/l/bfb/story-9/

![](https://cdn.door43.org/obs/jpg/360px/obs-en-09-01.jpg)

युसूफोन मोरनेन बादमा, हेरो आखो परिवार मिस्रमा रोयता होता. होया एने हेरे पुऱ्या घोणा साल मिस्रमा रोया, एने घोणा सोवटा पुऱ्या होया एने चे इस्राइल कोवाया.

![](https://cdn.door43.org/obs/jpg/360px/obs-en-09-02.jpg)

गोणा सोवटा साल बादमा इस्राईली माणसे वाळ गोया एने युसेफ कोरलु चे कामे मिस्री माणसे विसरी गोयला एने हिमी तीनुक इस्राईल मानसोन बिक लागणे बाज गोयली काहाकी चे वाळने बाज गोयला. तिने टेमे मिस्र पो राज कोरणे वावु फिरोन इस्राईल मानसोकाजे गुलाम बोनाव लेदुलू.

![](https://cdn.door43.org/obs/jpg/360px/obs-en-09-03.jpg)

मिस्री माणसे इस्राईली मानसोक मोटला-मोटला बोंगला बांदने एने गाव बोसाडणे कोरीन काम कोराव्या, एने इना कामोसी तीनुकाजे घोनी तकलिप होई, बाकून परमेश्वर तीनुकाजे आशिषित कोऱ्यू एने ओवी पुऱ्या आप्यू.

![](https://cdn.door43.org/obs/jpg/360px/obs-en-09-04.jpg)

फिरोन देख्यू कि इस्राईल काजे घोणा पुऱ्या होयने बाज रोया कोरीन चू इस्राईलोन पुऱ्याक मारीन नील नोदिमा नाखनेन आग्या आप्यू.

![](https://cdn.door43.org/obs/jpg/360px/obs-en-09-05.jpg)

एक इस्राईल बायोर एक पुऱ्याक जन्मो आपी एने ठुलाक दाहळा हेर आसी बासा डूकाळीन राख्या.

![](https://cdn.door43.org/obs/jpg/360px/obs-en-09-06.jpg)

जेतार हेरा आसी बासा जादा दाहळा डूकाळ नि सोक्या तेतार चे तिना काजे वाचाळने कोरीन नील नोंदीमा एक तोरेंगन्या टूपला मेकीन नील नोंदिमा वोयाळ देदा, एने हेरी बोहनिस हिनाक देखती होती कि हेरो काय होयसे.

![](https://cdn.door43.org/obs/jpg/360px/obs-en-09-07.jpg)

फिरोनोन पुराय ची टूपली उगाडीन देखी, एने जेतार ची पुऱ्याक देखी ती ची तेरो पुऱ्यू बोनाव लेदी. ची तिना पुऱ्याक दुध पिवाळने कोरीन एक इस्राईली बायोर काजे बुलावी, एने ची तिना पुऱ्यान आश होती, बाकीन कुदाकाजे मालूम नि होतो कि होई हेरी आश छे. जेतार चो पुऱ्यो मोटो होयो ती ची फिरोनोन पुराय काजे आप देदी एने ची तेरो नाव मुसा मेकी.

![](https://cdn.door43.org/obs/jpg/360px/obs-en-09-08.jpg)

एक दाहळू मुसा मोटू होय गोयू तेतार एक मिस्री माणूस यहुदी माणूस काजे देतलू देख्यू, एने मुसा तिना यहुदी इस्राइली काजे वाचाड्नेन कोशीस कोरतू होतु.

![](https://cdn.door43.org/obs/jpg/360px/obs-en-09-09.jpg)

मुसा तिना मिस्री काजे मार देदू यो सोमजीन कि हिनाक कुदू नि देखतो एने तिनाक धुवामा गाळ देदू, बाकीन मुसा काजे कुदू तोरी देख लेडलो होतो.

![](https://cdn.door43.org/obs/jpg/360px/obs-en-09-10.jpg)

जीन टेमे फिरोन यो सोम्व्यू कि मुसा मिस्री माणूस काजे मार देदू ती फिरोन मुसाकाजे मारनेन कोशिष कोऱ्यू, एने तिंदरे सी वाचनेन कोरीन मुसा बोयळा ढास गोयू.

![](https://cdn.door43.org/obs/jpg/360px/obs-en-09-11.jpg)

ओवतेन मुसा मिस्र देसमा गोथू घोणु नाम्बे होतु एने चा सारीक चू बुकळा चारतू होतु. एने चा सारीक मुसा एक पुराय साते वियाव कोऱ्यू.

![](https://cdn.door43.org/obs/jpg/360px/obs-en-09-12.jpg)

एक दाहळू गाडरा चारतू होतु, तेतार मुसा एक झाड काजे धोपतेलु देख्यू बाकून धोपीन रुखळू होयतलु नि देख्यू, धोपतेलो देखने कोरीन मुसा साते गोयू एने एक आवाज काजे सोमव्यू, “तू तारा पायोन चाट्या काड काहाकी तू चुखला जागापोर उबरोय रोयू.”

![](https://cdn.door43.org/obs/jpg/360px/obs-en-09-13.jpg)

परमेश्वर कोयू, “मे मारा मानसोन दुख काजे देखलु से, एने मे तुसेकाजे मिस्र देसमा जा मारा माणसे फिरोनोन गुलामिमा से तीनुक सुळोवने कोरीन मुकेलन्यू छे, एने मे तीनुक कनान देस आपन्यू छे, जो मे अब्राहम, इसहाक, एने याकुब काजे वायदू कोरलूसे.”

![](https://cdn.door43.org/obs/jpg/360px/obs-en-09-14.jpg)

मुसा कोयू, “अगर माणसे मेसेक पुछ्से कि तुसेक कुन मुकेललो से ती मे काय कोयीश?” परमेश्वर कोयू, “मे से चू से, तीनुकाजे कोय कि मे छे चू मुकली रोयू, तीनुकाजे यो बी कोय कि मे तुमरा डाह-डाहान मतलब अब्राहम, इसहाक, एने याकुबोन परमेश्वर से, एने योत मारो कायमोन नाव छे.

![](https://cdn.door43.org/obs/jpg/360px/obs-en-09-15.jpg)

मुसा गोनू बीह गोयू एने फिरोनोनचा जाणे मोना कोरणे बाज गोयू, काहाकी तीनाक वारूस बुल्ता नि आवोळतो होतो, एरेन कोरता मुसा हेरा भाश हारून काजे मोदत कोरणे कोरता मुकल्यू. मुसाक एने हारून काजे परमेश्वर पेह्लुत कोय देद्ळू कि फिरोन डाहवाय कोरसे.

*बायबोलोन काहानी :निर्गमोन 1-4*

Audio: https://git.door43.org/OBS-TLF/bfb_obs/releases/download/v1/bfb_obs_v1_09_128kbps.m4a

## 10. पिळा

https://openbiblestories.org/l/bfb/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर मुसा एने हारून काजे चेतावनी आप्यू कि फिरोन एक हेट्यु होय जासे. जेतार चे फिरोनोनचा गोया ती चे कोया, “इस्राइलोन परमेश्वर ओसू कोये कि, ‘मारा मानसोकाजे जाणे दे,’” बाकून फिरोन तिंदरी नि सोमव्यु एने इस्राईली काजे आजाद कोरनेन जागे चू तीनुक ओवी बी जादा कठीन काम कोरनेन कोरता मजबूर कोऱ्यू.

![](https://cdn.door43.org/obs/jpg/360px/obs-en-10-02.jpg)

फिरोन तीनुकाजे मुकलनेन कोरता लगातार मना कोरतू रोयू, एरे वजहसी परमेश्वर मिस्रपोर दस घोणा मोटा पिळा मुकल्यू. इना पिळाम गोथू परमेश्वर फिरोन काजे देखाड्यू कि फिरोनोन एने मिस्रन देवो गोठा जादा ताकतवावु से.

![](https://cdn.door43.org/obs/jpg/360px/obs-en-10-03.jpg)

परमेश्वर नील नदी काजे लुय बोनाव देदू, तेबी फिरोन इस्राईल मानसोकाजे नि जाणे देदू.

![](https://cdn.door43.org/obs/jpg/360px/obs-en-10-04.jpg)

परमेश्वर मिस्रमा डेटका मुकल्यू. फिरोन मुसासी विनंती कोऱ्यू कि डेटका छेटा कोर देय. एने मुसा तीनुक छेटा कोऱ्यू बाकून तेबी फिरोन तेरा मोन काजे कोठोर कोर लेदू एने इस्राईल जाणे नि देदू.

![](https://cdn.door43.org/obs/jpg/360px/obs-en-10-05.jpg)

एरेन कोरता परमेश्वर मोखळान पिळा काजे मुकल्यू, तेरे बादमा डाँसों पिळाक मुकल्यू. ओवते फिरोन मुसा काजे एने हारून काजे बुलाव्यो एने कोयू कि अगर यी पिळा काजे रुक देसू ती इस्राईली मिस्रकाजे छुडीन जाय सोकतला. तेरे बादमा मुसा प्रार्थना कोऱ्यू कि मिस्रमा गोथू यी पिळा रुक जाय एने ची रुक गयी, बाकून फिरोन पोछू तेरा मोनोकाजे कोठोर कोर लेदू एने मानसोकाजे जाणे नि देदू.

![](https://cdn.door43.org/obs/jpg/360px/obs-en-10-06.jpg)

तेरे बादमा मिस्र मायला आखा पावणे वावा जानवोरो काजे बिमार पाडीन मोरने देदू, बाकून तेबी फिरोनोन मोन कोठोर होय गोय्लो होतो एने चू इस्राइल काजे जाणे नि देदू.

![](https://cdn.door43.org/obs/jpg/360px/obs-en-10-07.jpg)

तेतार परमेश्वर मुसा काजे फिरोनोन सामने रुखळू नाखने कोयू, एने जेतार चू तोसु कोऱ्यू तेतार मिस्र मायला मानसोपोर मोटला फुळा निकव्या, बाकून इस्राईल मानसोकाजे काय नि होयो. परमेश्वर फिरोनोन मोन काजे ओवी वातळू कोर देदू एने फिरोन इस्राईल काजे जाणे नी देदू.

![](https://cdn.door43.org/obs/jpg/360px/obs-en-10-08.jpg)

तेरे बादमा, परमेश्वर बोरफो पाड्यू एने मिस्र मायला जादात खेतो मायला बीज काजे नाश कोऱ्यू एने जू कुदू बारथे निकव्या तीनुक मार नाख्यू. फिरोन ओवी हारून काजे एने मुसा काजे बुलाव्यू एने कोयू, “मे पाप कोरलु से, तुमु जाय सोकतला.” आखिर मुसा प्रार्थना कोऱ्यू, एने वादवाम गोठा बोरफो पोडणे बंद होय गोयो.

![](https://cdn.door43.org/obs/jpg/360px/obs-en-10-09.jpg)

बाकून फिरोन पोछू पाप कोऱ्यू एने तेरा मोन काजे कोठोर कोऱ्यू, एने चू इस्राईली काजे जाणे सी रुक देदू.

![](https://cdn.door43.org/obs/jpg/360px/obs-en-10-10.jpg)

एने ओवते ओवी परमेश्वर मिस्र पोर टिड्यान तुवा काजे आवने देदू, एने या टिड्या रोयला बीज काजे खाय गोया जीणूक बोरफो नाश नि कोर सोक्यो.

![](https://cdn.door43.org/obs/jpg/360px/obs-en-10-11.jpg)

ओवतेन परमेश्वर मिस्रमा तीन दाहळा तोक आन्दारो कोर देदू, यो ओत्रो आन्दारो होतो कि मिस्री माणसे तिंदरा घोरोमा गोथा नि निकव सोक्या. बाकून जा इस्राईली माणसे रोयता होता चा विजावो होतो.

![](https://cdn.door43.org/obs/jpg/360px/obs-en-10-12.jpg)

इना नोव पिळान बादमा बी फिरोन इस्राईलोन मानसोकाजे जाणे नि देदू, काहाकी फिरोन नि सोमव्यु एरेन कोरता परमेश्वर एक आखरी पिळा मुकलनेन योजना बोनाव्यू. एने यो फिरोनोन मोन काजे बोदल देसे

*बायबोलोन काहानी निर्गमन अध्याय 5-10*

Audio: https://git.door43.org/OBS-TLF/bfb_obs/releases/download/v1/bfb_obs_v1_10_128kbps.m4a

## 11. तिहीवार

https://openbiblestories.org/l/bfb/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर मुसा काजे एने हारून काजे फिरोनोनचा यो कोयने कोरीन मुकल्यू कि इस्राईलोन मानसोकाजे जाने दे. चे तीनाकाजे चेतावनी आप्या कि अगर चू तीनुकाजे नि जाने देय, ती परमेश्वर मिस्र देस मायला मानसोन एने जानवोरोन पेहेला पुऱ्या मोर जासे. फिरोन यो सोमविन बी परमेश्वर पोर भूरसू नि कोऱ्यू एने तेरी वात माननेसी मोना कोर देदू.

![](https://cdn.door43.org/obs/jpg/360px/obs-en-11-02.jpg)

परमेश्वरपोर भूरसू कोरनेवावान पेहला पुऱ्या वाचाळनेन उपाय कोऱ्यू. हेर परिवार काजे चुखला गाडराक मारनो होतो.

![](https://cdn.door43.org/obs/jpg/360px/obs-en-11-03.jpg)

परमेश्वर इस्राईली काजे तिना गाडरान लुय काजे गोरोन झोपले लागाडणे कोयू. एने तीनुकाजे तेरो मास काजे भुंजनो होतो एने एने ओवतेन बिना खामिरोन रुटा साते खानो होतो. चू तिना खाना काजे खानेन बादमा तीनुकाजे मिस्र काजे छुळनेन कोरता तीयार रोयने कोयू.

![](https://cdn.door43.org/obs/jpg/360px/obs-en-11-04.jpg)

जोसू परमेश्वर इस्राईलोन मानसोकाजे कोरणे कोयलु तोसा चे आखो कोरला, एने आरदी राती परमेश्वर हेर एक मिस्रीन पेहेला पुऱ्याक मारतू जाईन मिस्र देसोमाईन गोयू.

![](https://cdn.door43.org/obs/jpg/360px/obs-en-11-05.jpg)

इस्राईलोन हर एक घोरोन झोपला पोर लुय लागाळला होता, एरेन कोरता परमेश्वर चे घोरे छुळ देदू. तिना गाडरान लुयसी इस्राईली माणसे आखा वाच गोया.

![](https://cdn.door43.org/obs/jpg/360px/obs-en-11-06.jpg)

बाकून इस्राईली माणसे भुरसू नि कोऱ्या एने परमेश्वरोन वात नि सोमव्या. एरेन कोरता परमेश्वर तिंदरा घोरो काजे नि छुड्यू परमेश्वर मिस्र मायला हर एकोण पेहला पुऱ्या काजे मार देदू.

![](https://cdn.door43.org/obs/jpg/360px/obs-en-11-07.jpg)

जेल मायलान पेहला पुऱ्या सी लागाडीन ती फिरोनोन पेहेला पुऱ्या तोक हर एकोण पेहला पुऱ्याक मोर गोया. इना दुखमा मिस्री माणसे घोणा रोळता होता, एने दुखी होयता होता.

![](https://cdn.door43.org/obs/jpg/360px/obs-en-11-08.jpg)

तिने राती फिरोन मुसाक एने हारून काजे बुलावीन कोयू, “इस्राईलोन मानसोकाजे लीन हिंताव निकविन जात रोय.” मिस्री माणसे बी इस्राईलोन मानसो काजे जाणेन विनंती कोऱ्या.

*बायबोलोन काहानी, निर्गमोन 11: 1-12 सी.*

Audio: https://git.door43.org/OBS-TLF/bfb_obs/releases/download/v1/bfb_obs_v1_11_128kbps.m4a

## 12. निर्गमोन

https://openbiblestories.org/l/bfb/story-12/

![](https://cdn.door43.org/obs/jpg/360px/obs-en-12-01.jpg)

इस्राईली माणसे मिस्रमा गोथा निकविन घोणा खुश होता. चे हिमी गुलामीमा नि होता, एने चे वायदान देसमा जाता होता. जो काय इस्राईलोन माणसे मिस्री मानसो जु मांग्या चो चे आप देदा, या तोक कि चे सोनो, चांदी एने मोहोंगला चीजे बी मांग लेदा. दिसरा देसोन काही माणसे परमेश्वर पोर भुरसू कोऱ्या एने जीन टेमे इस्राईलीन मानसो साते चे बी निकविन आवती रोया.

![](https://cdn.door43.org/obs/jpg/360px/obs-en-12-02.jpg)

दिसू दिसू चू वादवो बोनीन मोटलु खांबू बोनीन तिंदरे ओगोव ओगोव चालतु होतु. एने रातीन टेमे चू आगठान विजावो बोन जातलु. जू परमेश्वर वादवामा एने आग्ठ्ठामा होतु. होमेशा तिंदरे साते होतु, एने जाणेन टेमे तिंदरी अगवाई कोऱ्यू, एने तीनुक ओतरो कोरनो होतो कि तिंदरे पोछोव चाले.

![](https://cdn.door43.org/obs/jpg/360px/obs-en-12-03.jpg)

थूलाक टेमोन बादमा फिरोन एने तेरा माणसे हेरा मोन काजे बोदलाव लेदू एने चू पोछु इस्राईल काजे गुलाम बोनावने कोर लेदू. एरेन कोरता चे इस्राईलोन पीछ्या कोऱ्या. परमेश्वर तिंदरा मोन काजे बोदलावलू होतु. यो एरेन कोरता कोऱ्यू कि परमेश्वर देखाडनी चाह्तु होतु कि फिरोन एने मिस्रीन भोगवानो गोथू योहोवा परमेश्वर मोटू एने ताकत वावु छे.

![](https://cdn.door43.org/obs/jpg/360px/obs-en-12-04.jpg)

जेतार इस्राईल माणसे मिस्र देसोन सेना काजे आवतला देख्या ती मालूम होयो कि चे फिरोनोन सेना से एने होया लाल दोरीयान इचमा फोस गोयला छे. चे गोणा बिह गोयला एने रोडने बाज गोया एने कोयने बाज गोया, “आपणु मिस्र काजे काहा छूळ देदला? आपु मोरन्या छे.”

![](https://cdn.door43.org/obs/jpg/360px/obs-en-12-05.jpg)

मुसा इस्राईली काजे कोयू, “बिहने बोंद कोरु, परमेश्वर आज तुमेरेन कोरता लोळासे एने तुमुक वाचाळ से.” तेतार परमेश्वर मुसा क्काजे कोयू, “इनू मानसो काजे लाल दोरीया वोखे जाणे कोरीन कोय.”

![](https://cdn.door43.org/obs/jpg/360px/obs-en-12-06.jpg)

तेतार परमेश्वर वादवान खांबा काजे इस्राईलोन एने मिस्रीन इचमा उबराक देदू, काहाकि मिस्री माणसे इस्राईल काजे देखनो नि जुवे.

![](https://cdn.door43.org/obs/jpg/360px/obs-en-12-07.jpg)

ओवतेन परमेश्वर मुसा काजे दोरीया वोखे हात ओगु कोरणे कोरीन कोयू. ओवतेन परमेश्वर पाणी काजे ओलोग कोऱ्यू एने पानिमा एक वाट बोनाव देदू.

![](https://cdn.door43.org/obs/jpg/360px/obs-en-12-08.jpg)

ओवतेन इस्राईलोन माणसे तिने वाटे गोथा ओग बोळ्या.

![](https://cdn.door43.org/obs/jpg/360px/obs-en-12-09.jpg)

ओवतेन परमेश्वर तिना वादावान खांबा काजे चूट लेदू काहाकी मिस्री माणसे इस्राईल काजे जातला देख लेये. एने मिस्री माणसे तीनुक धोरणे कोरीन फेसलू कोऱ्या.

![](https://cdn.door43.org/obs/jpg/360px/obs-en-12-10.jpg)

आखिर चे दोरीयान लारे इस्राईलोन पीछा कोऱ्या बाकून परमेश्वर मिस्री काजे बिहाळ देदू एने तिंदरा रथो काजे आटकाळ देदू, एने चे आयोळने बाज गोया, “ढासू काहाकी इस्राईलोन कोरता परमेश्वर लोळायने बाज रोयू.”

![](https://cdn.door43.org/obs/jpg/360px/obs-en-12-11.jpg)

आखा इस्राईली माणसे दोरीयान पोल धोळे पुग गोया तेतार परमेश्वर मुसा काजे कोयू कि पोछू पाणी वोखे हाथ ओगु कोरे. जेतार मुसा तोसु कोऱ्यू, ती दोरोयान पाणी मिस्री सेनापोर आव लाग्या एने चो पाणी पेहेलेन तोसो होय गोयो एने आखा मिस्री माणसे डूब गोया.

![](https://cdn.door43.org/obs/jpg/360px/obs-en-12-12.jpg)

जेतार इस्राईली माणसे देख्या कि मिस्री माणसे मोर गोया ती चे परमेश्वर पोर भुरसू कोऱ्या एने भूरसू कोऱ्या कि मुसा परमेश्वरोनचा गोथू भविष्य कोरता से.

![](https://cdn.door43.org/obs/jpg/360px/obs-en-12-13.jpg)

इस्राईली माणसे घोणा खुश होता काहाकी परमेश्वर तीनुकाजे मोरने सी एने गुलाम होयनेसी वाचाळ लेदलु होतु. हिमी चे परमेश्वरोन आराधना कोरणे एने तेरी आग्या मानने कोरीन आजाद होता. एने इनी आजादोन तिहीवार मोनावने एने परमेश्वरोन बोढाई कोरणे कोरता चे गीते गावणे बाजे गोया काहाकी परमेश्वर तीनुकाजे मिस्रीन हातोम गोटू वाचाळ लेद्लू होतु.

![](https://cdn.door43.org/obs/jpg/360px/obs-en-12-14.jpg)

परमेश्वर इस्राईल काजे एक तीवार मोनावने कोरीन कोयू काहाकी चे तिहीवार मोनावे ती फोम कोरे कि परमेश्वर कोसू मिस्री काजे हाराव्यू एने गीलाम होयनेसी वाचाळ्या एने आजाद कोऱ्यू. एने यो तिहीवार वोलांडोनोन तिहीवार कोवायतू होतु. एने इनामा तिहीवार मोनावने कोरता एक चुखलो गाडरान बोली चोळावने होता, एने भुंजनो होतो, एने तीनाक बिना खमिरोन रुटा साते खानो होतो.

*बायबोलोन काहाणी 12:33-15:21 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_12_128kbps.m4a

## 13. इस्राईल साते परमेश्वरो वायदू

https://openbiblestories.org/l/bfb/story-13/

![](https://cdn.door43.org/obs/jpg/360px/obs-en-13-01.jpg)

लाल दोरीयू पार कोरनेन बादमा परमेश्वर इस्राईल काजे बोयळामाईन सिनाई बोयळानचा लीन गोयू, एने यु बोयळू चू होतु जू मुसा काजे धोपतलु झाड देखायलु होतु. ओवतेन चे तिना बोयळान नेचा तोम्बा काजे उबराख्या.

![](https://cdn.door43.org/obs/jpg/360px/obs-en-13-02.jpg)

परमेश्वर मुसा काजे एने इस्राईलोन मानसो काजे कोयू, “तुमुकाजे हमेशा मारी वात काजे माननो पोळसे एने जू वायदू मे तुमरे साते बांधो चू बोनावला राखजू, अगोर तुमु ओसा कोर्सू ती तुमु मारा पुरस्कार मोहेंगलो धोन, याजकोन राज एने एक पवित्र जाती ठेरावीस.”

![](https://cdn.door43.org/obs/jpg/360px/obs-en-13-03.jpg)

परमेश्वरोन लारे माणसे परमेश्वरोनचा आवनेन कोरता चे तीन दाहळा तीयारी कोरता होता. तेतार परमेश्वर सिनाई बोयळान छेंडी नेचू उतऱ्यू, जेतार चू आव्यू ती भूकंप होयू, विजवी पोळी, धुवाळू निकव्यू, फेपाऱ्यान मोटूत आवाज आव्यू, तेतार मुसा बोयळा उपर चोळ गोयू.

![](https://cdn.door43.org/obs/jpg/360px/obs-en-13-04.jpg)

तेतार परमेश्वर मानसोन साते वायदू कोऱ्यू. चू कोयू, “मे तुमरु परमेश्वर, योहोवा छे, मे छे जू तुमुक मिस्रीन गुलामी मा गोथू छुळाविन लावलू. ती दिसरा देवोन आराधना घोन कोरता.”

![](https://cdn.door43.org/obs/jpg/360px/obs-en-13-05.jpg)

मुर्त्या घोन बोनावता एने तेरी पूजा घोन कोरता, काहाकी मे योहोवा तुमरुत एकमात्र परमेश्वर छे. अनुचित रीतीसी मारो नावोन वापोर घोन कोरता, दितवारोन दाहळू पवित्र माननेन फोम राकजू. छोव दाहळा आखो काम कोरु बाकून सातवे दाहळे आराम कोरणे एने मारी फोम कोरनेन दाहळू छे.”

![](https://cdn.door43.org/obs/jpg/360px/obs-en-13-06.jpg)

तुमरा आसी बासान आदर कोरजू, खून घोन कोरता, व्यभिचार घोन कोरता, एने सातेवावान लाडी, नि ते तिंदरा घोरोन नि ते सोमानोन लालुच घोन कोरता.

![](https://cdn.door43.org/obs/jpg/360px/obs-en-13-07.jpg)

तेतार परमेश्वर मुसा काजे दस आग्या काजे दोगळान पाटीपोर लीखीन आप देदू. परमेश्वर मानसो जुगु ओसला ओवी घोणा सोवटा नियोमे आप्यू परमेश्वर वायदू कोऱ्यू कि अगोर चे परमेश्वरोन आग्या काजे मानसु तेतार तीनु काजे आशिष आपसे एने तीनुक सोमावसे. एने अगोर चे नियोम नि पाळे तेतार तीनुकाजे दोंड आपसे.

![](https://cdn.door43.org/obs/jpg/360px/obs-en-13-08.jpg)

परमेश्वर इस्राईल काजे एक मोटीत तंबू बोनावने कोरीन कोयू, (भेट कोरनेन तंबू ). एने चू वारू रीतीसी कोयू कि इना तंबू काजे कोसा बोनावनो से, एने तेरे माहीमा काय मेकनो से यो बी कोयू. एने चू तीनुकाजे तंबू काजे दुय भाग कोरनेन कोरता एक मोटलु पोरदा काजे बोनावने कोरीन कोयू. काहाकी परमेश्वर पोछला भागमा आवीन रोये. जा परमेश्वर रोयतू होतु चा निस्ता पुढारी माणसे जाय सोकता होता.

![](https://cdn.door43.org/obs/jpg/360px/obs-en-13-09.jpg)

तीनु मानसोनुक एक भेटाळनेन तंबू ओगोव एक वेदी बोनावनो पोळसे. कुदू बी परमेश्वरोन नियोमोन अवज्ञा कोरे तीनाक तिनी वेदी पोर एक जानवोरोन बोली कोरसे एने तिनी वेदी काजे परमेश्वर कोरता बोलीन रूपमा धोपाळसे. परमेश्वर कोयू कि इना जानवोरोन लुय मानसोन पापो काजे डूकाळ लेसे. इना रीतीसी, हिमी परमेश्वर तिना पाप काजे नि देखे. चू माणूस देवोन नोजोरमा चुखलू गीनायसे. परमेश्वर मुसान भाश हारून एने हारुनोन पिढी काजे याजोक होयनेन कोरता नेवाळयु.

![](https://cdn.door43.org/obs/jpg/360px/obs-en-13-10.jpg)

चे माणसे परमेश्वरन आपला नियोमोन पालोन कोरनेन कोरता तीयार होया, एने चे परमेश्वरोन माणसे होयने कोरता एने तेरी आराधना कोरणे कोरता राजी होया.

![](https://cdn.door43.org/obs/jpg/360px/obs-en-13-11.jpg)

घोणा दाहळा तोक, मुसा सिनाई बोयळान चोटीपोर रोयू. चू परमेश्वरसी वाते कोरतू होतु. बाकून माणसे मुसान पोछो आवणेन वाट जुवता- जुवता थाक गोयला होता. एरेन कोरता चे हारुनोनचा सोनो लीन आव्या एने एक मूर्ती बोनावने कोरीन कोया काहाकी चे परमेश्वरोन जागे तिनी मूर्तीन पूजा कोर सोके. इना रीतीसी घोणा भयंकोर रीतीसी चे परमेश्वरोन विरुद्ध पाप कोऱ्या.

![](https://cdn.door43.org/obs/jpg/360px/obs-en-13-12.jpg)

हारून तिना सोनान एक वाछोळान आकारमा सोनान मूर्ती बोनाव्यू. चे माणसे तिनी मूर्तीन पूजा कोरणे चालू कोर देदा एने बोली बी चोळाव्या. एने इना पापोन वोजोहसी परमेश्वर घोनु रीसवायू. चू तीनुक नाश कोरने कोरतू होतु, बाकून मुसा तीनुक नि मारनेन विनंती कोऱ्यू. परमेश्वर मुसान विनंती काजे सोम्व्यू एने तीनुक नि माऱ्यू.

![](https://cdn.door43.org/obs/jpg/360px/obs-en-13-13.jpg)

तेरेबादमा मुसा सिनाई बोयळा पोर गोथू नेचू उतऱ्यू, चू दोगळान दुय पाट्या पोर दस आग्या लीन आव्यू जे परमेश्वर आपलू होतु. ओवतेन चू तिनी मूर्ती काजे देख्यू, एने घोणु रीसवायू कि चू तीनु दोगळान पाट्याक चूर-

![](https://cdn.door43.org/obs/jpg/360px/obs-en-13-14.jpg)

ओवतेन मुसा तिनी मूर्ती काजे पिसीन तेरो भूरदो बोनाव देदू एने तिना भूरदा काजे पाणी घुवीन तीनु मानसो काजे पीवाळ देदू. परमेश्वर तीनु मानसोपोर एक पिळा मुकल्यू जिनासी घोणा सोवटा माणसे मोर गोया.

![](https://cdn.door43.org/obs/jpg/360px/obs-en-13-15.jpg)

जिना दोगळान पाट्या काजे मुसा तुळ देदलु तिंदरु जागू लेणे कोरीन मुसा दस आग्यान दोगळा सार्कू नोवला पाट्या बोनाव्यू. ओवते ओवी मुसा सिनाई बोयळापोर चोळ गोयू एने प्रार्थना कोऱ्यू कि, परमेश्वर तीनु मानसो काजे माफ कोर, एने परमेश्वर मुसान सोमव्यू एने तीनुक माफ कोर देदू. एने नोवली पाट्यापोर दस आग्या काजे लीन मुसा बोयळा पोर गोथू नेचू उतऱ्यू. एने चा दोखू परमेश्वर वायदानदेस तोक इस्राईलोन अगवाई कोऱ्यू.

*बायबोलोन काहानी निरगोमोन 19-34 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_13_128kbps.m4a

## 14. बोयळामा भोटेकनो

https://openbiblestories.org/l/bfb/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर इस्राईल मानसोकाजे नियोम कोयने बोंद कोऱ्यू, जीणूक हिंदरेसी बांधला परमेश्वरोन वायदान वोजेसी नियोमोन पालोन कोरनो होतो. ओवते चू सिनाई बोयळानचा गोथू ओगु अगवाई कोऱ्यू. चू तीनुकाजे वायदान देसमा लीजाने चाहतू होतु. यो देस कोनान देस बी कोवायतो होतो. परमेश्वर वादवान खांबू बोनीन तिंदरे ओगोव ओगोव चाल्यू एने चे तेरे पोछोव पोछोव चालता रोया.

![](https://cdn.door43.org/obs/jpg/360px/obs-en-14-02.jpg)

परमेश्वर अब्राहम, इसहाक एने याकुब काजे वायदू आपलु कि वायदान चू देस तिंदरे पिढी काजे आपीस, बाकून तिने टेमे चा सारीक घोणा सोवटा जाती माणसे रोयता होता, एने चे कनान कोवायता होता. ये कोनानी माणसे परमेश्वरोन आराधना नि कोरता होता एने तेरी आग्या काजे नि मानता होता. चे झुटा देवोन आराधना कोरता होताएने घोणा भुंडला कामे कोरता होता.

![](https://cdn.door43.org/obs/jpg/360px/obs-en-14-03.jpg)

परमेश्वर इस्राईल मानसो काजे कोयू, “जेतार तुमु वायदान देसमा जासू ती आखा कनानीसी छुटकारू ली लेजू. तेंदरे साते सोंगती घोन कोरता एने वियाव बी घोन कोरता. तुमु हिंदरा आखा मुर्त्या काजे नाश कोर देजू, ओगोर तुमु मारी आग्या काजे नि माने ती तुमु बी तिंदरा देवोन आराधना कोरणे बाज जासू.”

![](https://cdn.door43.org/obs/jpg/360px/obs-en-14-04.jpg)

जेतार इस्राईल कनान देसोन सीमापोर पुग्या, मुसा इस्राईलमा गोथा होर एक जातीन एक-एक कोरीन बारा मानसोकाजे नेवाड्यू. चू तीनुकाजे तिना देसोन भेद जाननेन आदेश आप्यू कि चो देस कोसलो छे. तीनुकाजे कनानीन बी खोबोर लेनो होतो कि चे ताकतवावा छे कि नि होय.

![](https://cdn.door43.org/obs/jpg/360px/obs-en-14-05.jpg)

चे बारा माणसे चावीस दाहळा तोक फीऱ्या एने चे पोछा आवती रोया. चे मानसो काजे कोया, “कानान दस उपजावू छे एने बियारू रेट से,” बाकून दस भेद कोरनेवावा कोया, “तिंदरा गावे घोणा वातळा छे एने चे माणसे उचला एने जाडा छे. अगोर आपणु तिंदरे पोर हमलू कोरजे, ती साचलीन चे आपणूक हाराव देसे एने आपणूक मार देसे.”

![](https://cdn.door43.org/obs/jpg/360px/obs-en-14-06.jpg)

कालेब एने योहोशू एने दिसरा दुय भाशे साटात कोया, “यो साचलीन छे कि कनानोन माणसे उचला एने ताकतवावा छे, बाकून छाचलीन आपणु तीनुक हाराव सोकतला, परमेश्वर आपनेन कोरता लोळायसे.”

![](https://cdn.door43.org/obs/jpg/360px/obs-en-14-07.jpg)

बाकून माणसे कालेबोन एने योहोशून नि सोमव्या. चे मुसा एने हारून पोर रीसवाय गोया एने कोया, “ तु आमुक इना भयानक जागामा काहा लाव रोयू? आमुक मिस्रमात रोयनो होतो. अगोर आपणु हीना देसमा जासू ती लोळायमा मोर जासू, एने कणांनी माणसे आपणा बायराकएने पुऱ्याक गुलाम बोनाव लेसे.” चे माणसे तीनुकाजे पोछा मिस्रमा लीजानेन कोरता एक नोवला ओगवाक नेवाळने चाहता होता.

![](https://cdn.door43.org/obs/jpg/360px/obs-en-14-08.jpg)

जेतार चे माणसे ओसा कोऱ्या ती परमेश्वर घोणु रीसवायू. एने चू मेवावनेन तंबूमा आव्यू एने कोयू, “तुमु मार विरुद्ध पाप कोरला छे, एरेन कोरता तुमु आखा काजे इना बोयळामा भोटेकनो पोळसे. हर एक जोन्जे वीस सालोन एने तेरे गोथा जादा से चे मोर जासे एने चे कोबी नि तिना देसमा नि जाय सोके जो मे तुमुक आपलु छे. निस्ता काळेब एने योहोशू जाय सोकसे.”

![](https://cdn.door43.org/obs/jpg/360px/obs-en-14-09.jpg)

जेतार चे माणसे परमेश्वरोन यी वात सोमव्या ती चे घोणा दुखी होया काहाकी चे पाप कोरला होता. एरेन कोरता चे कनान देस पोर होमलू कोरनेन फेसलू लेदा. मुसा तीनुकाजे नि जाणे कोरीन चेतावनी आप्यू काहाकी परमेश्वर तिंदरे साते नि जाय, बाकून चे नि सोमव्या.

![](https://cdn.door43.org/obs/jpg/360px/obs-en-14-10.jpg)

परमेश्वर तिनी लोळायमा तिंदरे साते नि गोयू, एरेन कोरता चे हार गोया एने तिंदरे माईन घोणा सोवटा मोर गोयला होता. तेतार इस्राईल माणसे कनान गोथा पोछा आवती रोया एने ओवतेन चावीस साल तोक चे बोयळामा भोटोकता रोया.

![](https://cdn.door43.org/obs/jpg/360px/obs-en-14-11.jpg)

जीन टेमे इस्राईल माणसे बोयळामा भोटोकता होता तिने टेमे परमेश्वर चावीस साल तोक तिंदरी गोरजा काजे पुरा कोरतू होतु. तीनुक सोरगोम गोथू “मन्ना” कोवायने वावा रुटा आप्यू. ढीक कोरने वावन भीळ काजे बी तिनी छावनीमा मुकल्या ताकि तिंदरेन कोरता खाणे कोरीन मास रोये. तिना पुरा टेमोमा, परमेश्वर तिंदरा डोगला एने चाट्या फाटने नि देदू.

![](https://cdn.door43.org/obs/jpg/360px/obs-en-14-12.jpg)

या तोक कि परमेश्वर तिंदरेन कोरता दोगळाम गोथू पाणी निकाव्यू. बाकून ओतरो कोरनेन बादमा बी इस्राईलोन माणसे परमेश्वरोन विरुद्ध एने मुसान विरुद्ध सिकायत कोऱ्या एने कुळकुळ कोऱ्या. तीबी, परमेश्वर विस्वास योग्य रोयू. चू जो वायदू कोरलू होतु कि चू अब्राहम, इसहाक, एने याकुबोन पिढीन कोरता कोरसे एने चू चो कोऱ्यू.

![](https://cdn.door43.org/obs/jpg/360px/obs-en-14-13.jpg)

एक ओवी ओसी टेम आवी कि तिंदरे जू पाणी नि होतो, परमेश्वर मुसा काजे कोयू, “चाफऱ्या साते वात कोर, एने तेरेमा गोथो पाणी निकोवसे.” बाकून मुसा चाफऱ्या साते वात नि कोऱ्यू. बाकून चू हेरी लाकळी दुय कावा चाफऱ्या पोर देदू. एना रीतीसी चे परमेश्वर आदोर नि कोऱ्या. चाफऱ्याम गोथा पाणी ते निकवी आव्य, बाकून परमेश्वर मुसासी रीसवाय गोयू. चू कोयू, “तू मारी नि सोमव्यु कोरीन, तू वाय्दान देसमा नि जाय सोके.”

![](https://cdn.door43.org/obs/jpg/360px/obs-en-14-14.jpg)

जेतार इस्राईल माणसे चावीस साल तोक बोयळामा भोटकि गोयला, तेतार जे परमेश्वरोन विरुद्ध आवाज उठावला चे आखा मोर गोयला होता. तेतार परमेश्वर तीनुकाजे वायदान देसोन धोळे लीन गोयू. मुसा घोणु डायू होय गोयलू होतु. एरेन कोरता परमेश्वर योहोशू काजे नेवाळयु काहाकी चू तिंदरी अगवाई कोरनेमा मदत कोरे. परमेश्वर मुसासी वायदू कोऱ्यू कि एक दाहळू परमेश्वर मुसान तोसु एक भविष्य कोरता काजे मुकलसे.

![](https://cdn.door43.org/obs/jpg/360px/obs-en-14-15.jpg)

तेतार परमेश्वर मुसा काजे एक बोयळा चोटीपोर जाणे कोरीन कोयू ताकि चू तिना वायदान देस काजे देख सोके. मुसा तिना वायदान देस काजे देख्यू बाकून परमेश्वर मुसा काजे तिना देसमा जाणेन कोरता अनुमती नि आप्यू. ओवतेन मुसा मोर गोयू. एने इस्राईल माणसे तीस दाहळा तोक दुख मोनाव्या. ओवतेन योहोशू तिंदरु अगवू बोन्यू, योहोशु एक वारलू अगवू होतु काहाकी चू परमेश्वरपोर भुरसू मेक्तू होतु, तेरी वातो काजे मान्यु.

*बायबोलोन काहानी निर्गमोन 16-17 ; गिनती 10-14 ; 20; 27 ; व्यवस्ताविवरण 34 सी.*

Audio: https://git.door43.org/OBS-TLF/bfb_obs/releases/download/v1/bfb_obs_v1_14_128kbps.m4a

## 15. वायदान देस

https://openbiblestories.org/l/bfb/story-15/

![](https://cdn.door43.org/obs/jpg/360px/obs-en-15-01.jpg)

आखिरमा, हिमी चू टेम आव लागलू छे कि वायदान देस, कनान मा जाय सोके. तिना देसमा येरीहो नावोन एक गाव होतो. तेरी सुरक्षान कोरता चारू धोळे वातळा भीतळा होता. योहोशू दुय भेदी काजे मुकल्यु. तिना गावमा राहाब नावोन एक वैश्या रोरती होती. ची तीनु भेदी काजे दुकाळली, एने ओवतेन ची तीनुकाजे बारथे निकोवनेन कोरता मदत कोरी. ची ओसो एरेन कोरता कोरी काहाकी ची परमेश्वर पोर भुरसू कोरती होती. जीन टेमे इस्राईल माणसे यरीहो काजे नाश कोरसे तेतार चे राहाब एने तेरा परिवारोन राखवावी कोरनेन वायदू कोरलू होतु.

![](https://cdn.door43.org/obs/jpg/360px/obs-en-15-02.jpg)

इस्राईल मानसोकाजे वायदान देसमा जाणेन कोरता यरदन नदीक छेकनो होतो. परमेश्वर योहोशू काजे कोयू, “याजक काजे पेहेल जाणे देवू.” जेतार याजक यरदन नदीमा पाय मेकतात पाणी वोयने बोंद होय गोयो, जेरेसी इस्राईल माणसे नोदीन पोल धोळे सुकली जमीन पोर जाय सोके.

![](https://cdn.door43.org/obs/jpg/360px/obs-en-15-03.jpg)

चे माणसोन नदीक छेक गोया ती परमेश्वर योहोशू काजे कोयू कि यरीहो पोर हमलू कोरणे कोरीन तीयार रोयू, अगोर चे घोणा ताकद वावो गाव होतो. परमेश्वर तीनु मानसोकाजे कोयू कि तिंदरा याजक काजे एने सैनिक काजे छोव दाहळा तोक तीना गावोन चारू छिमकुर फिरनो से. आखिर चे तोसात कोऱ्या.

![](https://cdn.door43.org/obs/jpg/360px/obs-en-15-04.jpg)

तेतार सातवे दाहळे, इस्राईल माणसे तिना गावोन चारू छीमकुर सात कावा ओवी फिऱ्या. तेरेबादमा याजक तिंदरा फेपाऱ्या फुक्या एने सैनिक दुरेत आवाज कोऱ्या.

![](https://cdn.door43.org/obs/jpg/360px/obs-en-15-05.jpg)

तेतार यरीहोन चारू धोळेन भितळा पोळ गोया. जोसी परमेश्वर आग्या आप्यू कि इस्राईल माणसे गाव मायली हर एक चीजोन नाश कोर देदला. चे निस्ता राहाबोन एने तेरा परिवार काजे छुळ देदला जे इस्राईल मानसोन भाग बोन गोयला होता. जीन टेमे कनानमा रोयने वावा दिसरा माणसे सोमव्या कि इस्राईल माणसे यरीहो काजे नाश कोर देदा, ती चे बिह गोया कि इस्राईल माणसे तिंदरे पोर बी हमलू कोरसे.

![](https://cdn.door43.org/obs/jpg/360px/obs-en-15-06.jpg)

परमेश्वर इस्राईल काजे आग्या आपलु होतु कि कनानमा रोयने वावान कानलीबी जाती साते शान्तिसंधी नि कोरनो होय, बाकून गिबोनियो नावोन एक कनानी जाती माणूस योहोशूसी झूट मेक्यू कि चे कनान वावा नी होय, बाकीन कनान गोथा नाम्बे रोयतला. चे योहोशू काजे विनंती कोऱ्या कि तिंदरे साते शान्तिसंधी कोरे. योहोशू एने दिसरा इस्राईली अगवा परमेश्वरसी नि पुछा कि तीनुकाजे काय कोरनो से, बाकून चे गिबोनिया साते शान्तीसंधी कोर लेदा.

![](https://cdn.door43.org/obs/jpg/360px/obs-en-15-07.jpg)

तीन दाहळा बाद इस्राईल काजे मालूम होयो कि गिबोनी माणसे कनान मा रोयता होता. चे घोणा रीसवाय गोया काहाकी गिबोनिया तीनुकाजे धोकू आपला होता. बाकून चे तिंदरे साते जी शान्तिसंधी बोनावला होता ची बोन्ली रोयने देदा काहाकी ची परमेश्वरोन सामने कोरली होती. तेतार थुलिक टेमोबाद कनानमा रोयनेवावा दिसरा जाती, एमोरियोन राजा सोमव्या कि इस्राईल माणसे गिबोनिया साते शान्तिसंधी कोर लेदलासे, एरेन कोरता चे एक एक कोरीन, तिंदरी सेना काजे वाळाव लेदा एने गिबोन पोर हमलू कोर देदा. गीबोनिन माणसे तिंदरी मदतोन कोरता योहोशूनचा एक संदेश मुकल्यू

![](https://cdn.door43.org/obs/jpg/360px/obs-en-15-08.jpg)

आखिर योहोशू इस्राईलोन सेनाक एकठा कोऱ्यू एने गिबोनी मानसोनचा पुगनेन कोरीन पुरी रात चाल्या. सोन्दारे वेगात चे एमोरिन सेना काजे चकित कोर देदा एने तिंदरे पोर हमलू कोर देदा.

![](https://cdn.door43.org/obs/jpg/360px/obs-en-15-09.jpg)

तिने दाहळे परमेश्वर इस्राईलोन कोरता लोळायु. चू एमोरिया काजे बिहाळ देदू एने चू मोटा मोटा बोरफोन ढेकवा पाड्यू.

![](https://cdn.door43.org/obs/jpg/360px/obs-en-15-10.jpg)

परमेश्वर सुरर्या काजे बी एक जागे कोर देदू ताकी इस्राईल काजे पुरतू टेम जूळ जाय कि एमोरि काजे पुरा रीतीसी हाराव देय. तिने दाहळे परमेश्वर इस्राईलोन कोरता घोनी मोटी विजय हासील कोऱ्यू.

![](https://cdn.door43.org/obs/jpg/360px/obs-en-15-11.jpg)

जेतार पेमेश्व्र तिनी सेना काजे हारावनेन बादमा, घोणा सोवटा कणांनी जातीन माणसे इस्राईल पोर हमलू कोरणे कोरीन एकठा होया. योहोशू एने इस्राईल तिंदरे पोर होमलू कोरीन तीनुक बी नाश कोर देदा.

![](https://cdn.door43.org/obs/jpg/360px/obs-en-15-12.jpg)

इनी लोळाय बाद, परमेश्वर इस्राईलोन हर पुऱ्या काजे तिना वायदान देसमा तीनुकाजे जाणे देदू. तेतार परमेश्वर इस्राईल काजे तिंदरी आखी सीमा पोर शांती आप्यू.

![](https://cdn.door43.org/obs/jpg/360px/obs-en-15-13.jpg)

जेतार योहोशु डायु होय गोयू ती चू इस्राईलोन आखा मानसोकाजे एकठू बुलाव्यू. तेतार योहोशू तीनु मानसो काजे फोम कोराव्यू कि चू तिना वायदान पालन कोरनेन कोरता कोयलू होतु जो परमेश्वर सिनाई बोयळा वायदू कोरलु होतु. चे माणसे परमेश्वरोन कोरता विस्वास योग्य रोयने एने तेरा नियोमोपोर चालनेन वायदू कोऱ्या.

*बायबोलोन काहानी योहोशू अध्याय 1-24 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_15_128kbps.m4a

## 16. छुळावने वावु

https://openbiblestories.org/l/bfb/story-16/

![](https://cdn.door43.org/obs/jpg/360px/obs-en-16-01.jpg)

योहोशून मोरनेन बादमा, इस्राईल माणसे परमेश्वरोन आग्या नि मान्या, रोयला कनानी माणसे देवोन नियम इ पाव्या. खोरला एने जीवतला देवोन आराधना नि कोरता इस्राईल माणसे कनानि देवोन पूजा कोरणे बाज गोया. इस्राईल मानसोन राजा नि होतु कोरीन तीनुक जोसो वारू लागे तोसो चे कोऱ्या.

![](https://cdn.door43.org/obs/jpg/360px/obs-en-16-02.jpg)

इस्राईल माणसे हमेशा देवोन आग्या तुळ्या कोरीन, परमेश्वर तीनुलाजे तिंदरा दुश्मन साते हारावीन तीनुकाजे दोंड आप्यू. या इस्राईलोन दुश्मने इस्राईल मानसोन आखो चीजे चूर लेदला, एने तिंदरी धोनोन नाश कोऱ्या एने ठुलाक काजे मार देदा. घोणा सोवटा साल बादमा आग्यान पालोन नि कोरीन एने दुश्मनोन लारे दुख झेलीन बादमा तीनुकाजे पोछतावू होयू एने चे छुटकारान कोरता परमेश्वरोनचा आव्या.

![](https://cdn.door43.org/obs/jpg/360px/obs-en-16-03.jpg)

ओवतेन परमेश्वर एक छुळावने वावाक मुकल्यू. जू तीनुकाजे दुश्मनोनचा गोथू छुळावलु एने तीनुकाजे शांती जुळी, बाकून ओवतेन इस्राईल माणसे विसरी गोया एने पोछा मूर्ती पूजा कोरणे बाज गोया. ओवतेन परमेश्वर साते वावा मिद्यानी मानसोन लारे तीनुक हाराव देदू.

![](https://cdn.door43.org/obs/jpg/360px/obs-en-16-04.jpg)

मिद्यानी माणसे इस्राईल मानसो जू सात साल तिंदरो दाणा दुनि हापकता होता. चे घोणा बिह गोयाला होता एने चे मिद्यानीन हातोमा नि सापळे कोरीन गुफामा रोय्ने बाज गोया. आखरी चे वाचनेने कोरता परमेश्वरोनचा विनंती कोरणे बाज गोया.

![](https://cdn.door43.org/obs/jpg/360px/obs-en-16-05.jpg)

एक दाहळू गीदोन नावोन एक इस्राईल माणूस मिद्यानी माणसे तिंदरा धोण काजे चुरनो नि जुवे कोरीन चू राखवावी कोरतू होतु. योहोवा परमेश्वरोन एक दूत आवीन कोयू, “हे बलवान वीर, परमेश्वर तार साते छे, जा एने इस्राईल मानसो काजे मिद्यानीन हातोम गोथू सुळाव लाव.”

![](https://cdn.door43.org/obs/jpg/360px/obs-en-16-06.jpg)

गीदियोनोन बाबू एक मूर्ती वाटू वेदी बोनावलू होतु. गीदियोन काजे ची मूर्ती तुळने कोरीन कोयू. बाकून चू मांसोकाजे बिह्तु होतु कोरीन वू रात होयनेन वाट जुवतू होतु. ओवतेन चू राती तिनी मूर्ती काजे फुळ देदू मूर्ती वाटू बांदली वेदी साते चू जीवतला देवो वाटू एक नोवली वेदी बोनाव्या एने तेरे पोर जानवोरोन बली कोऱ्या.

![](https://cdn.door43.org/obs/jpg/360px/obs-en-16-07.jpg)

दिसरे दाहळे तिना वेदिन नाश कोरदेदला देखीन घोणा रीसवाय गोया. ओवतेन चे गीदियोन काजे मारनेन कोरीन तेरे घोर गोया, बाकून गीदियोनोन बाबू तीनुक काजे कोयू, “तुमु तुमरा देवोन मतद कोरनेन कोरता काहा कोशिष कोरतेला. अगोर चू देव छे तेतार हेरो राखवावी हिनाक कोरणे देवू,” तेरो आसो कोयनेन बादमा चे गीदियोन काजे नि माऱ्या.

![](https://cdn.door43.org/obs/jpg/360px/obs-en-16-08.jpg)

ओवतेन ओवी मिद्यानी माणसे इस्राईलोन दाणा चूरनेन कोरता आव्या. चे जुडा सोवटा, गीनाये नि होतराक होता. गीदियोन इस्राईल मांसोकाजे एकठा कोऱ्यू एने लोळायने कोरीन तीयार कोऱ्यू. गीदियोन परमेश्वरोनचा गोथू दुय चिन्ना मांग्यू ताकि मांसोकाजे मालूम होय जाय कि परमेश्वर छुटकारु आपने कोरता वापर कोरन्यू छे.

![](https://cdn.door43.org/obs/jpg/360px/obs-en-16-09.jpg)

पेहलो चिन्न कोरीन, गीदियोन एक कापळा काजे धोरतीपोर मेक्यू एने परमेश्वर काजे कोयू कि वाहने सोन्दारे धोरती पोर नि बाकून निसतो कापळा पोरुत पोळनो जुवे. परमेश्वर तोसुत कोऱ्यू दिसरे राती, चू कोयू कि धोरती आखी भिगनो जुवे बाकीन कापळो भिगनो नि जुवे, परमेश्वर तोसोत कोऱ्यू. इना दुयू चिन्नान लारे पाको होय गोयो कि परमेश्वर तिंदरु इस्राईल काजे सुळावनेन कोरीन वापोर कोरसे.

![](https://cdn.door43.org/obs/jpg/360px/obs-en-16-10.jpg)

32,000 इस्राईल सैनिक तीयार होया बाकून देव कोयू कि या घोणा सोवटा से कोरीन, लोळायनेन कोरता बिहवावा 22,000 काजे पोछू मुकली देदू. देव गीदियोन काजे कोयू कि या बी सोवटा छे, कोरीन 300 सैनिक काजे राखिन दिसराक आखा काजे मुकली देद्दा.

![](https://cdn.door43.org/obs/jpg/360px/obs-en-16-11.jpg)

तिने राती परमेश्वर गीदियोन काजे कोयू, “तू मिद्यानीन घोरोवोखे जा एने चे काय कोयतला चे काय कोयतला चो सोमविन बिहतू घोणु.” कोरीन तिने राती चू तिंदरा घोरोवोखे गोयू एने एक जोन तेरो देखलो सोपनो एक मिद्यानी तेरा दोस्त काजे कोयतु होतु एने चो गीदियोन सोमवी लेदू. तिना सैनिकोन दोस्त कोयू, “इना सोपनान मतलब यो कि गीदियोनोन सैनिक मिद्यानीन सैनिक काजे हारावसे ओसो होयतलो.” गीदियोन यो सोमवीन देवोन आराधना कोऱ्यू.

![](https://cdn.door43.org/obs/jpg/360px/obs-en-16-12.jpg)

ओवतेन गीदियोन तेरा सैनिकोनचा पोछू आव लाग्यू एने होर एक सिंगळो, एने एक दिवू आप्यू. मिद्यानी माणसे सुवता होता तिना खोपळा काजे घेरवी लेदा. गीदियोनोन 300 सैनिक तिंदरा मशालोम डूचराम मेक्या तेर मुळे तीनुकाजे विजावो देखायो नि.

![](https://cdn.door43.org/obs/jpg/360px/obs-en-16-13.jpg)

एने ओवतेन गीदियोनोन सैनिक एकठा एकठा डूचरा फुळ्या एने माशालोन धोपतला काजे देखायने देदा. चे तिंदरी तिंदरी फेफऱ्या फुक्या एने आवाज कोऱ्या, “योहोवा परमेश्वरोन तलवार एने गीदियोनोन तलवार.”

![](https://cdn.door43.org/obs/jpg/360px/obs-en-16-14.jpg)

परमेश्वर मिद्यानी काजे भोंगलाळ देदू एने चे तिंदरेमात झोगळू कोरणे बाज गोया एने मारणे बाज गोया, मिद्यानी काजे वाहलेन कोरता मदत कोरनेन कोरता रोयला इस्राईल मानसोकाजे तिंदरे घोर बुलावनेन कोरता घोर मुकल्या. चे गोणा सोवटा काजे मार देदा एने रोयला इस्राईलोन जागामा गाळ देदा, एने तीनेत दाहळे 120000 मिद्यानी सैनिक मोर गोया. देव इस्राईल मानसोन इना रीतीसी छुटकारु आप्यू.

![](https://cdn.door43.org/obs/jpg/360px/obs-en-16-15.jpg)

माणसे गीदियोन काजे राजा बोनावनेन कोरता होता, बाकून गीदियोन मना कोर देदू, बाकून होर मिद्यानी मानसोजुव सोनान मुंद्या होता जो होया हापकी लेदला तिंदरे माईन लोकेत गीदियोन काजे आप देदा, एने थुलोक थोलोक चे राख लेदा.

![](https://cdn.door43.org/obs/jpg/360px/obs-en-16-16.jpg)

ओवतेन गीदिययोन तिना सोनान एक माहायाजोक पेरतलु होसलो डोगला सारखो एक भारी माईन डोगलो बोनाव्यू, बाकून माणसे तिना डोगलाक एक मूर्ती कोरीन पूजा कोरणे बाज गोया ओवतेन परमेश्वर इस्राईल पोर ओवी रीसवायू काहाकी चे ओवी मूर्ती पूजा कोरणे बाज गोयला. परमेश्वर हिंदरा दुश्मन काजे हीनु कारावने देदू आखरीमा चे देवोन मदत मांग्या एने देव तिंदरेन कोरता दिसरू छुळावने वावु मुकल्यू

![](https://cdn.door43.org/obs/jpg/360px/obs-en-16-17.jpg)

या वाटे घोणा कावा होयता रोया, इस्राईल माणसे पाप कोरता रोयसे एने परमेश्वर तीनुक दोंड आपतू रोयसे, चे पाछ्तावू कोरता रोयसे, एने परमेश्वर तीनुकाजे छुळावने कोरीन कुदा काजे मूकलतु रोयसे. घोणा सोवटा साल तोक परमेश्वर सुळावने वावाक मुकल्यू जे इस्राईल मानसो काजे, तिंदरा दुश्मनसी वाचाळ लेदू.

![](https://cdn.door43.org/obs/jpg/360px/obs-en-16-18.jpg)

आखिर, चे माणसे दिसरा देशोन तोसा, एक राजान मांग कोरणे बाज रोया. चे ओसलु राजान मांग कोरता होता जू उचुत एने ताकद वावु जू लोळायमा तिंदरी अगवाई कोर सोके. परमेश्वर काजे हिंदरी मांग नो गोवी, बाकून तेबी परमेश्वर तिंदरी मांगोन अन्सारे आप्यू.

*बायबोलोन काहानी न्यायीयो 1-3; 6-8; 1-10 अध्याय सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_16_128kbps.m4a

## 17. दाऊद साते परमेश्वरोन वायदू

https://openbiblestories.org/l/bfb/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राईलोन पेहलू राजा होतु. चू उचुत एने घाटावू होतु, जोसो तीनुक लागतो होतो तोसुत होतु. इस्राईल पोर तेरो शासनोन पेहेल काही सालोमा शाऊल एक वारू राजा होतु. बाकून बादमा होयू एक दूष्ट माणूस बोन गोयलू एने चू परमेश्वरोन वातोक नि मान्यु, एरेन कोरता परमेश्वर दिसरा एक माणूस काजे नेवाळयु जू तेरे जागे राजा बोनसे.

![](https://cdn.door43.org/obs/jpg/360px/obs-en-17-02.jpg)

परमेश्वर एक दाऊद नावोन एक इस्राईल पुऱ्या काजे एक दाहळू शाऊलोन जागे राजा होयनेन कोरता तीयार कोरणे बाज गोयू. दाऊद बेथलेहेम गावोन एक गुवाव्यू होतु. दाऊद सिह काजे एने भालू काजे मार देदलु काहाकी हेरा बासोन गाडरा पोर चे हमलू कोरला होता. दाऊद नम्ब्र एने धोरमी होतु. चू परमेश्वर पोर भुरसू कोऱ्यू एने तेरी वातो काजे मान्यु.

![](https://cdn.door43.org/obs/jpg/360px/obs-en-17-03.jpg)

दाऊद जुवान्यू पूऱ्यू होतु, तेतार चू एक गोलियत नावोन मोटात मानसो साते लोळाइ होई. गोलियत एक वारू सैनिक होतु. चू घोणु ताकत वावु एने तीन मीटर नांबू होतु, बाकून परमेश्वर गोलियत काजे मारणे एने इस्राईल काजे वाचाळने कोरीन दाऊदन मदत कोऱ्यू. तेरे बादमा दाऊद इस्राईलोन घोणा सोवटा दुश्मन काजे हारावीन जीकलू से. दाऊद एक मोटलु सैनिक बोन गोयू, एने चू घोणा सोवटा लोळायमा इस्राईल सेनान अगवाई कोऱ्यू. माणसे तेरी घोणा वाह वाह कोऱ्या.

![](https://cdn.door43.org/obs/jpg/360px/obs-en-17-04.jpg)

माणसे दाऊदसी घोणा मोंग कोऱ्या कोरीन शाऊल दाऊदसी जलन कोरणे बाज गोयू. आखिर शाऊल दाऊदकाजे मारनेन कोऱ्यू एरेन कोरता दाऊद तेरेसी एने तेरे सैनिकसी वाचनेन कोरता बोयळामा जात रोयलू. एक दाहळे शाऊल एने हेरा माणसे दाऊदोन हेर कोरता होता ती शाऊल एक गुफामा गोयू. यी ची गुफा होती जा दाऊद डुकाय रोयू होतु, बाकून शऊल दाऊद काजे नि देख्यू. दाऊद शाऊलोन घोने साते गोयू एने तेरा डोगलान नानोस तुकळो काट लेदू. तेरे बादमा, शाऊल तिना गुफाम गोथू निकव्यू ती दाऊद तिना काटला तुकळा काजे देखाळयु. इना रीतीसी शाऊल जान गोयू कि दाऊद राजा बोननेन कोरता तीनाक मारणेसी मना कोर देदू.

![](https://cdn.door43.org/obs/jpg/360px/obs-en-17-05.jpg)

थुलाक दाहळा बाद, शाऊल लोळायमा मोर गोयू, एने दाऊद इस्राईलोन राजा बोन गोयू. चू एक वारलू राजा होतु एने माणसे तेरेसी मोंग राखता होता. परमेश्वर दाऊद काजे आशिषित कोऱ्यू एने सफल बोनाव्यू. दाऊद घोणा सोवटा लोळाय लोळायु एने परमेश्वर इस्राईलोन दुश्मोन काजे हारावने कोरीन मदत कोरलु. दाऊद यरुशलेम गाव काजे जीकीन तिनी काजे तेरी राजधानी बोनाव्यू, जा होयू रोयू एने राज कोऱ्यू. दाऊद चावीस साल तोक राजा रोयू, तिना तेमोमा इस्राईल माणसे घोणा ताकत वावा एने मालदार बोन गोयला होता.

![](https://cdn.door43.org/obs/jpg/360px/obs-en-17-06.jpg)

दाऊद एक मंदिर बोनाव्ने कोरतू होतु जा आखा माणसे परमेश्वरो आराधना कोर सोकतला एने तेरेन कोरता बोलीदान चोळाव सोके. लगभग 400 साल सी मुसान बोनावला मेवावनेन तंबूमा आराधना कोरता होता एने तेरेन कोरता बलिदान चोळावता होता.

![](https://cdn.door43.org/obs/jpg/360px/obs-en-17-07.jpg)

बाकून चा सारीक एक नातं नावोन भोविष्य कोरने वावू होतु. परमेश्वर तीनाकाजे दाऊदोनचा यो कोयने मूकल्यु कि, “ तू घोणा सोवटा लोळाया लोळायलु छे, एरेन कोरता तू मारेन कोरता मंदिर घोण बोनावे. तार पुऱ्यू इनाक बोनावसे. तीबी मे तुसेक घोनी सोवटी आशिष आपीस. तारो वंश कायमोन कोरता मारा मानसोपोर राज कोरसे.” कायमोन कोरता राज कोरणे वावु दाऊदोन पीढीन येसू मसिह होतु. येसू मसिह परमेश्वरोन निवाळलु होतू. जू संसारन मानसोकाजे तिंदरा पापोसी वाचाळसे.

![](https://cdn.door43.org/obs/jpg/360px/obs-en-17-08.jpg)

जेतार दाऊद नातानोन संदेश काजे सोमव्यू ती चू परमेश्वरोन धन्यवाद कोऱ्यू एने तेरी बोढाई कोऱ्यू. परमेश्वर तेरी इच्छा काजे वाळावतू होतु एने तिना काजे घोणु आशिष आपतू होतु, दाऊद नि जानतु होतु कि परमेश्वर इन वातो काजे केतार कोरसे. इन टेमोमा आपणु जानजे कि नाम्बा टेमतोक, लगभग 1000 साल तोक येसू मसिहन आवनेन वाट जुवनो पोळसे.

![](https://cdn.door43.org/obs/jpg/360px/obs-en-17-09.jpg)

दाऊद घोणा साल तोक वारू रीतीसी राज कोरलु, एने परमेश्वरोन वातो काजे मान्यु एने परमेश्वर तीनाकाजे आशिषित कोऱ्यू. बाकून चू तेरा जीवनमा परमेश्वरोन विरुद्धमा मोटूत पाप कोर लेदू.

![](https://cdn.door43.org/obs/jpg/360px/obs-en-17-10.jpg)

एक दाह्ळू दाऊद महलमा गोथू बारथे आव्यू देख्यू कि एक घाटावी बायोर उंगवने बाजरोय, चू तीनिक नि जंतू होतु बाकीन चू मामुमात कोऱ्यू एने जान्यू कि तेरो नाव बेतशेबा होतो.

![](https://cdn.door43.org/obs/jpg/360px/obs-en-17-11.jpg)

तेरा देखणाकाजे बोद्लाव्ने रोयनेदिन दाऊद हेरेनचा लावणे कोरीन कोय देदू एने लेणे मुकली देदू. चू तेरे साते सुव्यू एने पोछू तेरे घोर मुकली देदू, एने थूलाक दाहळा बादमा बेतशेबा यो कोयीन मुकली कि होई भारीस (गर्भवती) छे.

![](https://cdn.door43.org/obs/jpg/360px/obs-en-17-12.jpg)

बेतशेबान घोरवावू जेरो नाव उरीय्याह होतो, चू दाऊदोन वारला सैनिक माईक एक होतु. तिने टेमे चू लोळायने कोरीन जाय रोयू होतु. दाऊद युद्धमा गोथू बुलावीन लाडी साते रोयने कोरीन कोयू, बाकून दिसरा सैनिक लोळायमा होता कोरीन उरीय्याह जाणेसी मना कोर देदू. आखिर दाऊद उरीय्याह काजे पोछू जाणेन कोरता कोय देदू एने सेनान सेनापती काजे कोयू कि उरीय्याह काजे ओसला जागापोर मेक्जी जा दुस्मोन जादा ताकद वावा होसे टाकी चे तीनाक मार देय एने तोसोत होयो कि उरीय्याह मोर गोयू.

![](https://cdn.door43.org/obs/jpg/360px/obs-en-17-13.jpg)

उरीय्याहन मोरनेन बादमा दाऊद बेतशेबा साते वियाव कोर लेदू. तेरे बादमा ची दाऊदोन एक पुऱ्या काजे जन्म आपी. दाऊद जो कोऱ्यू तेरेसी परमेश्वर घोणु रीसवाय रोयू होतु. एरेन कोरता नातान भविष्य कोरता काजे दाऊदोनचा यो कोयने मुकल्यु कि हेरु पाप कोतरू भुंडू छे. दाऊद हेरा पापोन पोछ्तावू कोऱ्यू एने परमेश्वर तीनाकाजे माफ कोऱ्यू. हेरा जीवोनमा एने कठीन टेमोमा बी दाऊद परमेश्वरोन पोछोव चालतू रोयू एने तेरी वातोकाजे मान्यु.

![](https://cdn.door43.org/obs/jpg/360px/obs-en-17-14.jpg)

तेरे बदमा दाऊदोन पूऱ्यू मोर गोयू, इना रीतीसी परमेश्वर दाऊद काजे दोंड आप्यू, एरगोथा ओवी दाऊदोन मोरने तोक, हेरा परिवार मायला हेर विरुद्ध लोळाय कोऱ्या एने तिने टेमे दाऊदोन ताकत कम होय गोयली होती. बाकुन परमेश्वर विश्वास योग्य होतु एने हिमी बी चोत कोरु जो दाऊद साते कोरनेन वायदू कोरलु होतु कि चू कोरसे. भोले दाऊद पाप कोरलु ती बी तेरे बादमां दाऊद एने बेतशेबान दिसरू पुऱ्यू होयू एने तेरो नाव सुलेमान मेक्या.

*बायबोलोन काहानी 1 शमूएल अध्याय 10; 15-19; 24; 31; 2 शमूएल 5; 7; 11-12 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_17_128kbps.m4a

## 18. दुय भाग होयलो राज्य

https://openbiblestories.org/l/bfb/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा चावीस साल तोक राज कोरलू, ओवतेन चू मोर गोयू एने तेरेबादमा हेर पुऱ्यू सुलेमान इस्राईल पोर राज कोरणे चालू कोऱ्यू. परमेश्वर सुलेमान साते वात कोऱ्यू एने पुछु कि सबसे जादा तू काय चाहतलु कि परमेश्वर हेरेन कोरता कोरे. सुलेमान परमेश्वर जू मांग्यू कि होयू घोणु बुद्धिमान बोनाव देय. जी वात परमेश्वर काजे खुश कोर देदू, एरेन कोरता परमेश्वर सुलेमान काजे दुनीयामा आखान मोटलु बुद्धिमान माणूस बोन गोयलू.

![](https://cdn.door43.org/obs/jpg/360px/obs-en-18-02.jpg)

सुलेमान यरुशलेममा एक मंदिर बोनाव्यू जो हेर बाबू बोनावनेन कोरता योजना बोनावलू होतु एने सामान काजे एकठा कोरलू होतु. हिमी मेवावनेन तंबूमा नि बाकून मंदिरमा परमेश्वरोन आराधना कोरणे बाज गोया एने तेरेन कोरता बली चोळावने बाज गोया. तेरे बादमा परमेश्वर चा आवीन रोया कोरतू होतु एने चा चू तेरा मानसो साते रोयतू होतु.

![](https://cdn.door43.org/obs/jpg/360px/obs-en-18-03.jpg)

ओवतेन, बादमा सुलेमान दिसरा देसोन पुरायटा साते प्यार कोऱ्यू. एने चू 1000 पुरायटा सी वियाव कोऱ्यू. एरेमा घोणा सोवटा बायरा पारका देसोन होता, एने चे तिंदरे साते तिंदरा देवे बी लाव्या एने आराधना कोरणे चालू राख्या. जेतार सुलेमान डायू होय गोयू ती चू बी तिंदरा देवोन आराधना कोरणे बाज गोयू.

![](https://cdn.door43.org/obs/jpg/360px/obs-en-18-04.jpg)

इनान वजेसी परमेश्वर सुलेमानसी रीसवाय गोयू. चू कोये कि होयू इस्राईल देस काजे दुय भाग कोरीन हिनाक दोंड आपसे. चू सुलेमानोन मोरनेन बादमा कोरसे.

![](https://cdn.door43.org/obs/jpg/360px/obs-en-18-05.jpg)

सुलेमानोन मोरनेन बादमा रहबाम राजा बोन गोयू. इस्राईल आखा माणसे हिनाकाजे राजा बोनावने एकठा होया. चे रहबाम काजे कोया कि सुलेमान आमुकाजे घोणु मेहनत कोरावलु एने घोणा सोवटा फावू वसूल कोरलू होतु. चे रहबाम काजे कोया कि कोम काम कोरावे.

![](https://cdn.door43.org/obs/jpg/360px/obs-en-18-06.jpg)

बाकून रहबाम तीनुकाजे घोणु मूर्खतासी कोयू, “तुमु मोये कि मारू बास सुलेमान तुमुकाजे कठीन काम कोरावलु, बाकून मे तुमुकाजे तेरेसेबी जादा कठीन काम कोरावीस, एने मे तुमुकाजे तेरेसे बी जादा वेला पाळावीस.”

![](https://cdn.door43.org/obs/jpg/360px/obs-en-18-07.jpg)

जेता माणसे यो सोमव्या ती तिंदरे माईन घोणा सोवटा जोना तेरे विरुद्धमा बुल्या. दस गोत्र तीनाकाजे छुळ देदा, एने तेरे साते दुय गोत्र वाचला होता. एने या दुय गोत्र खुदो काजे योहुदान राज्य कोया.

![](https://cdn.door43.org/obs/jpg/360px/obs-en-18-08.jpg)

जा दस गोत्र होता चे यारोबाम नावोन एक माणूस काजे तिंदरु राजा बोनाव लेदा. ये गोत्र उत्तरी एने पूर्वी भागमा होता. एने चे खुदो काजे इस्राईलोन राज्य कोया.

![](https://cdn.door43.org/obs/jpg/360px/obs-en-18-09.jpg)

बाकून यारोबाम बी परमेश्वरोन विरुद्ध बलवा कोऱ्यू एने मानसोक पाप कोराव्यू. चू हेरा मानसोन लारे आराधना कोरनेन कोरता दुय मुर्त्या बोनाव मांग्यू. हिमी चे यरूशलेममा याहुदान राज्य परमेश्वरोन मंदिरमा तेरी आराधना कोरनेन कोरता नि गोया.

![](https://cdn.door43.org/obs/jpg/360px/obs-en-18-10.jpg)

इस्राईल एने योहुदा दुय दुश्मन बोन गोया एने हमेशा एक दिसरा साते लोळायने बाज गोया.

![](https://cdn.door43.org/obs/jpg/360px/obs-en-18-11.jpg)

इस्राईलोन नोवला राज्यमा आखा दुष्ट माणसे होता. इंदरे माईन घोणा सोवटा राजा तिना जागा पोर राजा बोननेन इच्छा राखणे वावा दिसरा इस्राईलोन लारे माराय गोया.

![](https://cdn.door43.org/obs/jpg/360px/obs-en-18-12.jpg)

इस्राईलोन आखा राजा एने जादातर माणसे मूर्तीन पूजा कोऱ्या. जेतार चे ओसा कोऱ्या तेतार चे वैश्या साते सुव्या एने या तोक घोणा कावा मूर्तीन ओगोव पुऱ्या काजे बली कोऱ्या.

![](https://cdn.door43.org/obs/jpg/360px/obs-en-18-13.jpg)

योहुदा राज्यन राजा, दाऊदोन वंशमा गोथो होतो. तीनु राजा माईन थुलाक वारला माणसे बी होता जा वारू रीतीसी राज कोऱ्या एने परमेश्वरोन आराधना कोऱ्या. बाकून योहुदा मायला लोकेत राजा दुष्ट होता. चे दुष्टतासी राज कोऱ्या, एने मूर्तीन पूजा कोऱ्या. या तोक कि थुलाक राजा झुटा देवो ओगोव तिंदरा पुऱ्याकाजे बली कोर देदा. योहुदा मायला जादातोर माणसे परमेश्वरोन विरुद्ध बलवा कोऱ्या एने दिसरा देवोन पूजा कोऱ्या.

*बायबोलोन काहानी 1 राजा अध्याय 1-6; 11-12 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_18_128kbps.m4a

## 19. भविष्य कोरता

https://openbiblestories.org/l/bfb/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इस्राईलोन मानसोनचा भविष्य कोरता काजे मूकलतु होतु. भविष्य कोरता परमेश्वरोनचा गोथू संदेश काजे सोमोवतला एने ओवतेन चू मानसो काजे कोयतू होतु.

![](https://cdn.door43.org/obs/jpg/360px/obs-en-19-02.jpg)

जेतार अहाब इस्राईलोन राजा होतु ती तिने टेमे एलिया भविष्य कोरता होतु. अहाब एक भुंडळा विचार वावु माणूस होतु. चू झुटा बाल देवोन पूजा कोरावने कोरता मजबूर कोऱ्यू. एरेन कोरता एलिया अहाब काजे कोयू कि परमेश्वर तीनु मानसोकाजे दोंड आपसे. एने ओवी चू तीनाकाजे कोयू, “जेतार तोक मे पोछू पाणी पोळने नि कोयो तेतार तोक इस्राईलोन राज्यमा पाणी नि पोळे एने नि धुवरो पोळे.” यी वात अहाब काजे घोणी रीस लागी एने चू एलिया काजे मारनेन कोर पोळयु.

![](https://cdn.door43.org/obs/jpg/360px/obs-en-19-03.jpg)

कोरीन परमेश्वर एलिया काजे कोयू कि तू बोयळाम जाईन डूकाय जा. एलिया बोयळामा गोयू जा परमेश्वर जाणे कोरीन कोयलु. चा सारीक परमेश्वर एलीयान कोरीन हाळगावा रुटू एने मास लावता होता. इना आखी टेमोमा अहाब एने तेरी सेना एलियान हेर कोरता रोया, बाकून चे तीनाक हेर नि सोक्या.

![](https://cdn.door43.org/obs/jpg/360px/obs-en-19-04.jpg)

पाणी नि आवनेसी आखो सुख गोयलो. एरेन कोरता एलिया साते वावा देसमा जात रोयलू. तिना देसमा एक गोरीब रोंडायली बायोर होती तेरु एक पुऱ्यू होतु. तिंदरे जुव बी खानो सोर गोयलो होतो, काहाकी चा बी दाणा-दुनि सोर गोयलो होतो. बाकून तीबी ची बायोर एलिया काजे खानो खावाळी. हिंदरे जुव हिदरे पुरतो होतो ते बी चे तीनाक आप देदा. एरेन कोरता परमेश्वर तिंदरी जरुरत नुसार पुराव्यू. एरे वोजसी तिंदरी पीठान दोब्बो एने तेलोन बोरणी नि सोऱ्यो. इना पुरा कावोमा तिंदरे जु खानो नि सोऱ्यो. एलिया ठुलाक दाहळा चा रोयू.

![](https://cdn.door43.org/obs/jpg/360px/obs-en-19-05.jpg)

साडे तीन साल बादमा परमेश्वर एलिया काजे कोयू कि चू पोछू पाणी पाळसे एने एलिया काजे पोछू इस्राईलोन राज्यमा जाईन अहाबसी वात कोरणे कोरीन कोयू. एरेन कोरता एलिया अहाबोनचा गोयू. जेतार अहाब तीनाक देख्यू ती चू कोयू, “वारलू तू छे, मुसिबत काजे पोयदा कोरणे वावु,” एलिया जवाब आप्यू, मुसिबत पोयदा कोरणे वावु ते तू छे, तू योहोवा काजे छुळ देद्लू छे, चूत खोरलु परमेश्वर छे, बाकून तू बालोन आराधना कोरणे बाज रोयू. हिमी तुसेक इस्राईलोन आखा मानसोक कोर्मेल बोयळा पोर लावनो छे.”

![](https://cdn.door43.org/obs/jpg/360px/obs-en-19-06.jpg)

आखिर कोर्मेल बोयळा पोर गोया. चे माणसे बी आव्या जे कोयता होता कि आमु बालोन बारामा कोयतला. या बालोन भोविष्य कोरता होता. चे आखा 450 होता. एलिया मानसोकाजे कोयू, “केतार तोक तुमू तुमरा मोनोकाजे होसला राखसू? अगोर योहोवा परमेश्वर छे ती तेरी आराधना कोरु, अगोर बाल परमेश्वर छे ती तेरी आराधना.”

![](https://cdn.door43.org/obs/jpg/360px/obs-en-19-07.jpg)

तेतार एलिया बालोन भविष्य कोरता काजे कोयू, “एक बुल काजे मारीन तेरा मास काजे बलिदान कोरणे कोरता एक वेदी पोर मेकू, बाकून आठो घोन लागाळता. तेरे बाद मे बी असोत कोरिस एने एक अलग वेदी पोर मास मेकीस, तेतार अगोर परमेश्वर वेदी पोर आगठो आवे ती तुमु जान लेसू कि चू खोरलु परमेश्वर छे.” तेतार बालोन भविष्य कोरता एक बली काजे तीयार कोऱ्यू बाकून आगठो नि आव्यो.

![](https://cdn.door43.org/obs/jpg/360px/obs-en-19-08.jpg)

तेतार बालोन भविष्य कोरता बाल सी प्रार्थना कोऱ्या, “हे बाल आमरी सोमोव,” पुरू दाहळू चे प्रार्थना कोऱ्या एने आयळ्या एने या तोक कि चे खुद काजे चोक्के कोरीन काट लेदा, बाकून बाल जवाब नि आप्यू, एने आगठो बी नि आव्यो.

![](https://cdn.door43.org/obs/jpg/360px/obs-en-19-09.jpg)

बालोन भविष्य कोरता प्रार्थना कोरणेमा लगभग पुरू दाहळू लाग गोयलू. आखिर चे प्रार्थना कोरणे बंद कोर देदा. ओवतेन एलिया बुल काजे माऱ्यू एने वेदी पोर मेक्यू. तेरे बादमा मानसोकाजे पाणिन मोटला टाहराकाजे तिना बलीदान पोर जेतार तोक रेचोवने कोरीन कोयू जेतार तोक कि मास, लाकडा एने या तोक कि वेदिन आसपासोन जागू पुरी रीतीसी भिग जाय.

![](https://cdn.door43.org/obs/jpg/360px/obs-en-19-10.jpg)

तेतार एलिया प्रार्थना कोऱ्यू, “हे योहोवा, अब्राहम, इसहाक, एने याकुबोन परमेश्वर आमुक देखाळ कि तू इस्राईलोन परमेश्वर छे एने यो कि मे तारू दास छे. मेसेक उत्तर आप जेरेसी कि ये माणसे जान जाय कि तू खोरलु परमेश्वर छे.”

![](https://cdn.door43.org/obs/jpg/360px/obs-en-19-11.jpg)

तेतारुत उपोर गोथी आगठो आव्यो एने मास,लाकडा, दोगळा, धुवू एने या तोक कि वेदिन आस्पासोन पाणी काजे बी धोपाळ देदू. जेतार माणसे यो देख्या, एने चे भीमा पोळग्या एने कोया, “योहोवात परमेश्वर छे, योहोवात परमेश्वर छे.”

![](https://cdn.door43.org/obs/jpg/360px/obs-en-19-12.jpg)

तेतार एलिया कोयू, “बालोन एक बी भविष्य कोरता वाचीन नि जाय”एरेन कोरता माणसे बालोन भविष्य कोरता काजे धोर लेदा एने तीनुकाजे चा दोखा अलोग लीन जात रोया एने तीनुक मार देदा.

![](https://cdn.door43.org/obs/jpg/360px/obs-en-19-13.jpg)

तेतार अहाब राजा काजे कोयू कि, “छाटूस तारे घोर जात रोय काहाकी पाणी पोळन्यू छे.”छाटास वादवो एकठो होय जासे एने पाणी पोडनो चालू होय गोयू. योहोवा टीका सुकला काजे सारेतू होतु इनासी मालूम होयो कि योहोवा खोरलु परमेश्वर छे.

![](https://cdn.door43.org/obs/jpg/360px/obs-en-19-14.jpg)

जेतार एलिया तेरा काम काजे सार देदू, तेतार पेमेश्व्र एलिशा नावोन माणूस काजे तेरु भविष्य कोरता कोरीन नेवाळयु. परमेश्वर एलीशान लारे घोणा सोवटा चमत्कार कोऱ्यू. एक चमत्कार नामान साते होयू. चू एक दुश्मनोन सेनान सोरदार होतु. बाकून तेरे चामळान एन घोनी भुंडी बिमारी लागली होती. नामान एलीशान बारामा सोमवलु होतु, एरेन कोरता चू एलिशानचा गोयू एने वारू होयनेन कोरता विनंती कोरणे बाज गोयू. एलिशा नामान काजे कोयू कि यरदन नोदीन पाणीमा सात कावा डुबकी लागाड ले.

![](https://cdn.door43.org/obs/jpg/360px/obs-en-19-15.jpg)

नामान रीसवाय गोयू, चू तोसु कोरणे सी मना कोर देदू, काहाकी तिना काजे उद्ळूत लोये लागलो. बाकून ओवतेन चू तेरो मोन बोदलाव लेदू एने यरदोन नदीमा जाईन सात कावा डुबकी लागाळयु. जेतार आखरी कावा चू पानीमा गोथू बारथे आव्यू ती परमेश्वर तीनाक वारू कोर देदू.

![](https://cdn.door43.org/obs/jpg/360px/obs-en-19-16.jpg)

परमेश्वर इस्राईल मानसोनचा लोके सोवटा भविष्य कोरता काजे मूकल्यु. चे आखा माणसो काजे मूर्तीन पूजा बंद कोरणे कोरीन कोया. एर वेतीन तीनुकाजे एक दिसरा साते वारू वागनो एने एक दिसरा पोर मोंग कोरनो जुवे. भविष्य कोरता तीनु काजे चेतावनी आप्या कि चे भुंडलो काम कोरणे छुळ देय एने एर वेतीन परमेश्वरोन आग्यान पालोन कोरनो छे. अगोर चे माणसे ओसा नि कोऱ्या ती परमेश्वर तीनुकाजे दोषी मानीन तिंदरु न्याय कोरसे. एने तीनुकाजे दोंड आपसे.

![](https://cdn.door43.org/obs/jpg/360px/obs-en-19-17.jpg)

जादा तोर माणसे परमेश्वरोन आग्यान पालोन नि कोऱ्या, हमेशा चे भविष्य कोरता साते भुंडो व्योवहार कोऱ्या एने या तोक कि चे तीनुकाजे मार बी देदा. एक कावा यीर्मयाकाजे सुकला कुवामा नाख देदा एने तिना काजे मोरने कोरीन चा छुळ देदा. चू कुवान कीचळमा धस गोयू. बाकून तेतार राजा काजे तर पोर दया कोऱ्यू एने तेरा सैनिक काजे कोयू कि यीर्मया काजे मोरनेन पेहेल कुवाम गोथा इकाव लेवू.

![](https://cdn.door43.org/obs/jpg/360px/obs-en-19-18.jpg)

भविष्य कोरता परमेश्वरोनचा गोथा बुलनो चालू राख्या भोले माणसे तिंदरे सी नोफरोत कोऱ्या. चे तीनुकाजे चेतावनी आप्या कि अगोर चे पश्चाताप नि कोरे ती परमेश्वर तीनुकाजे नाश कोर देसे. चे मानसो काजे यो बी फोम कोराव्या कि परमेश्वर तिंदरेनचा मसिह काजे मुकलनेन वायदू कोऱ्यू.

*बायबोलोन काहानी 1 राजा अध्याय 16-18; 2 राजा 5; यिर्मयाह 38 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_19_128kbps.m4a

## 20. गुलामी एने छुटकारु

https://openbiblestories.org/l/bfb/story-20/

![](https://cdn.door43.org/obs/jpg/360px/obs-en-20-01.jpg)

इस्राईलोन राज्य एने योहुदान राज्य परमेश्वरोन विरुद्ध पाप कोऱ्या. चे तिनी वायदाकाजे तुळ्या जी परमेश्वर तिंदरे साते सिनाई बोयळापोर कोरलू होतु. परमेश्वर तेरा भविष्य कोरता काजे मुकल्यू ताकि चे कोय सोके कि पश्चाताप कोरु एने परमेश्वरोन आराधना कोरु. बाकू चे हिंदरी नि सोमव्या.

![](https://cdn.door43.org/obs/jpg/360px/obs-en-20-02.jpg)

आखिर परमेश्वर तिंदरा दुश्मनोन लारे तीनुकाजे नाश कोऱ्यू एने दुयू राज्य काजे दोंड आप्यू. अश्शूर एक दिसरू देस होतो जो घोनो ताकत वावो बोन गोयलो होतो. अश्शूरोन माणसे इस्राईल राज्यमा आवीन घोणा सोवटा मानसोकाजे मार देदा. हिणूक लाग्यो तोसो हापकीलेदा एने देसोन घोणा सोवटा भाग काजे धोपाळ देदा.

![](https://cdn.door43.org/obs/jpg/360px/obs-en-20-03.jpg)

अश्शूर देसोन माणसे आखा अगवा काजे, मालदार मानसोक, एने ओसला मानसोक जे मोहोंगला चीजे बोनावतला तीनुक एकठा कोऱ्या एने चे तीनुक तिंदरा देसमा लीग्या. इस्राईल देसमा थोलाक गरीब इस्राईलोन पुऱ्या वाचला होता.

![](https://cdn.door43.org/obs/jpg/360px/obs-en-20-04.jpg)

ओवतेन अश्शुरीन माणसे हिंदरा देसमा रोयनेन कोरता बाहार देसोन मानसोक लाव्या, एने चे विदेशी माणसे तिना गाव काजे बोनाव्या . जे इस्राईल चा वाचला होता तिंदरे साते चे वियाव कोऱ्या, एने इंदरी पिढी सामरी कोवायी.

![](https://cdn.door43.org/obs/jpg/360px/obs-en-20-05.jpg)

योहुदा राज्यान माणसे देख्या कि परमेश्वरोन आग्या नि माननेसी एने भुरसू नि कोरणेसी इस्राईल राज्यांन मानसोकाजे कोसू दोंड आपलु होतु. बाकून तीबी चे कणांनी देवोन पूजा कोरता रोया. परमेश्वर तीनुकाजे चेतावनी आपनेन कोरता भविष्य कोरता काजे मुकल्यू, बाकून चे सोमोवनेसी मना कोर देदा.

![](https://cdn.door43.org/obs/jpg/360px/obs-en-20-06.jpg)

लगभग 100 साल बाद अश्शूरोन माणसे इस्राईलोन राज्य काजे नाश कोर देदा. परमेश्वर बेबिलोनोन राजा, नबूकदनेस्सर काजे योहुदा राज्य पोर हमलू कोरणे मुकल्यू. बेबिलोन एक ताकतवावो देस होतो. योहुदान राजा नबूकदनेस्सरन दास बोननेएने होर साल तिना काजे घोनो सोवटो धोन आपने कोरता मान गोयू.

![](https://cdn.door43.org/obs/jpg/360px/obs-en-20-07.jpg)

बाकून काही साल बाद, यहूदान राजा बेबिलोनोन विरुद्ध बलवा कोऱ्या. आखिर बेबिलोनिया पोछा आवीन योहुदान राज्य पोर हमलु कोर देदा. चे यरुशलेम गावपोर ताबू कोर लेदा. मंदिर काजे नाश कोर देदा एने गाव, एने मंदिर काजे लुट लेदा.

![](https://cdn.door43.org/obs/jpg/360px/obs-en-20-08.jpg)

बलवा कोरनेन वजहसी योहुदा राजा काजे दोंड आपने कोरीन, नबूकदनेस्सरोन सैनिक राजान पुऱ्या काजे तेरे सामने मार देदा एने ओवतेन तिना काजे आंदवू कोर देदू एरेबाद, चे राजा काजे लीन गोया ताकि होयू बेबिलोनोन जेलमा मोर जाय.

![](https://cdn.door43.org/obs/jpg/360px/obs-en-20-09.jpg)

नबूकदनेस्सरोन एने तेरा माणसे योहुदा राज्यन लगभग गरीब काजे छुळीन आखा माणसोकाजे बेबिलोन लीन जात रोया, ताकी चे आखा खेतमा धोन उगाळ सोके. इना टेमोकाजे गुलामीन टेम कोवायलो होतो जेरोमा परमेश्वरोन माणसे वायदान देसमा होथा निकोवने कोरीन मजबूर कोरलू होतु.

![](https://cdn.door43.org/obs/jpg/360px/obs-en-20-10.jpg)

भोले परमेश्वर तिंदरा पापोन कोरता गुलामीमा लीजाईन तीनुक दोंड आप्यू, तीबी चू तीनुक एने तेरा वायदा काजे नि वीसऱ्यू. परमेश्वर हेरा मानसे हेर निगरानिमा होता एने भविष्य कोरतान लारे परमेश्वर तिंदरे साते वात कोरतू होतु. चू वायदान सत्तर साल बाद चे पोछा वायदान देसमा आवसे.

![](https://cdn.door43.org/obs/jpg/360px/obs-en-20-11.jpg)

लगभग सत्तर साल बादमा फारोसोन राजा कुस्रू बेबिलोन काजे हाराव देदा, एरेन कोरता बेबिलोनोन राज्यन बजाय फारोसोन राज्य घोणा देसोपोर राज कोरणे बाज गोयू. इस्राईल माणसे योहुदी कोवायनेबाज गोया. तिंदरे माईन घोणा सोवटा बेबिलोनमा तिंदरो जीवन बिताव देदला होता. घोणा ठुलाक योहुदी काजे योहुदा देस फोम होतो.

![](https://cdn.door43.org/obs/jpg/360px/obs-en-20-12.jpg)

फरीसी माणसे घोणा ताकतवावा होता. बाकून चे जिकला मानसोपोर दोया कोरला होता कि फारसी माणसोन राजा बोननेन थुलाक टेमोबाद बादमा, क्रुसू एक आदेश आप्यू कि कुदू बी योहुदी जू योहुदा जाणे हिंडे, चा फारसमा गोथा जाय सोकतल. या तोक कि चू तीनुक मंदिर बोनावने पोयशा बी आप्यू. आखीरमा गुलामीन सत्तर साल बाद, योहुदीन एक नानुस टुवू योहुदामा यारुशलेम गावमा आव लाग्या.

![](https://cdn.door43.org/obs/jpg/360px/obs-en-20-13.jpg)

जेतार चे यरुशलेम पुग गोया ती मंदिर काजे एने गावोन चारू धोळे एक भीतळो बोनाव्या. फारसी माणसे तेतार बी तिंदरे पोर राज बाकून एक कावा पोछा एक कावा पोछा चे वायदान देसमा जाता होता एने मंदिरमा आराधना कोरता होता.

*बायबोलोन काहानी 2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13*

Audio: https://git.door43.org/OBS-TLF/bfb_obs/releases/download/v1/bfb_obs_v1_20_128kbps.m4a

## 21. परमेश्वर मासिहीन वायदू कोरे.

https://openbiblestories.org/l/bfb/story-21/

![](https://cdn.door43.org/obs/jpg/360px/obs-en-21-01.jpg)

जेतार परमेश्वर संसार काजे बोनाव्यू, चू जंतू होतु कि तीनाक काहने दाहळे मसिह काजे मुकलनो पोळसे. चू आदम एने हव्वा काजे वायदू कोऱ्यू कि ओसू कोरसे. चू कोयू कि हव्वासी एक वारीस जन्म लेसे जो घोळसान मुनकाक कुचरसे. जू घोळसू हव्वा काजे धोकू आप्ळू चू छाचलीन भुतडू होतु. परमेश्वरोन मतलब होतो कि मसिह पुरी रीतीसी भुतडा काजे हाराव देसे.

![](https://cdn.door43.org/obs/jpg/360px/obs-en-21-02.jpg)

परमेश्वर अब्राहमसी वायदू कोरलू होतु कि तेरे लारे संसारोन आखी जाती आशिष लेसे. परमेश्वर तेरे बादमा काहना टेमोमा मसिह काजे मुकलनेन लारे इना वायदाक पुरू कोरसे. चू मसिह संसारोन होर एक जातीमासी मानसो काजे तिंदरा पापोसी छुळावसे.

![](https://cdn.door43.org/obs/jpg/360px/obs-en-21-03.jpg)

परमेश्वर मुसासी वायदू कोरलू होतु कि भविष्यमा चू मुसा सारखू एक दिसरा भविष्य कोरता काजे मुकलसे. यो भविष्य कोरता मसिह होय्से. इना रीतीसी परमेश्वर पोछू वायदू कोऱ्यू कि चू मसिह काजे मुकलसे.

![](https://cdn.door43.org/obs/jpg/360px/obs-en-21-04.jpg)

परमेश्वर राजा दाऊदसी वायदू कोरलू होतु कि तेरु एक वारीस मसिह होयसे. चू राजा होयसे एने परमेश्वर मानसोपोर कायोम राज कोरसे.

![](https://cdn.door43.org/obs/jpg/360px/obs-en-21-05.jpg)

परमेश्वर यिर्मयाह भविष्य कोरता साते वात कोऱ्यू एने कोयू कि एक दाहळे चू एक वायदू बांदसे. ची नोवलु वायदू इस्राईल साते सिनाई बोयळा पोर बांदलु ची जुनळा वायदान तोसी नि रोये. जेतार चू मानसो साते नोवलु वायदू कोरसे ती चू तिंदरे पोर एखलातमा प्रकट कोरसे. होर एक जोन तेरेसी मोंग कोरसे एने तेरी नियोम पोर चालनेन मोरजी कोरसे. परमेश्वर कोयू कि यो तिंदरा दिल पोर लिख देनेन सारखो होयसे. चे तेरा माणसे होयसे एने परमेश्वर तिंदरा पाप काजे माफ कोरसे चू मसिह होयसे जो तेरे साते चू नोवलु वायदू कोरसे.

![](https://cdn.door43.org/obs/jpg/360px/obs-en-21-06.jpg)

परमेश्वरोन भविष्य कोरता यो बी कोया कि मसिह एक भविष्य कोरता होयसे. एक भविष्य कोरता चू माणूस छे जू परमेश्वरोन वचन काजे सोमवे एने ओवतेन मानसो पोर परमेश्वरोन प्रचारोन घोषणा कोरे. जीनाक मुकल्नेन कोरता परमेश्वर वायदू कोरलू होतु चू मसिह चुखलू भविष्य कोरता होयसे. मतलब चू मसिह परमेश्वरोन प्रचार काजे वारू रीतीसी सोमवाळसे. एने चू मानसो काजे तिना प्रचार काजे वारू रीतीसी सोमजाळसे.

![](https://cdn.door43.org/obs/jpg/360px/obs-en-21-07.jpg)

इस्राईली याजक मानसोन कोरता परमेश्वरोन ओगोव बलिदान चोडावनो चालू राख्या. यो बलिदान मानसोन पाप कोरता तीनुक परमेश्वरोन लारे दोंड आपनेन जागे चोळावला होता. याजक मानसोन कोरता प्रार्थना कोऱ्या. बाकीन चू मसिह चुखलू महायाजक होयसे जू परमेश्वर काजे आपनेन कोरता चुखलो बलीन रूपमा खुदो काजे चोळाव देसे. मतलब चू कोबी पाप नि कोरे, एने जेतार चू खुद काजे बली होयनेन कोरता आपसे, ती संसारोन दिस्रो कानलात बलीन गरज नि रोये.

![](https://cdn.door43.org/obs/jpg/360px/obs-en-21-08.jpg)

मानसोन पोर राजा एने प्रधान याजक राज कोरता होता. एने कोबी कोबी चे गलती कोरता होता. राजा दाऊद निस्तु इस्राईल पोर राज कोरलू बाकीन राजा दाऊदोन पीढीन मसिह पुरा संसार पोर राज कोरसे, एने चू कायोमोन कोरता राज कोरसे. ओवी चू हमेशा नियोमोन अन्सारे राज कोर्से, एने सही फैसला लेसे.

![](https://cdn.door43.org/obs/jpg/360px/obs-en-21-09.jpg)

परमेश्वरोन भविष्य कोरता मसिहन बारामा घोणा सोवटा वातो काजे कोया. उदाहरोनोन कोरता, मलाकी कोयू कि मसिहन आवनेन पेहेल एक दिसरू भविष्य कोरता आवसे. चू भविष्य कोरता घोणु महोत्वान रोयसे. इरे अलावा यशयाह भविष्य कोरता बी लिखलु कि मसिह एक कुवारीसी जन्म लेसे. एने मिका भविष्य कोरता नि कोयू कि मसिह बैथलेहेमगावमा पोयदा होयसे.

![](https://cdn.door43.org/obs/jpg/360px/obs-en-21-10.jpg)

यशयाह भविष्य कोरता कोयू कि मसिह गलीलोन जागामा आवसे. जे माणसे घोणा दुखी छे मसिह तीनुक शांती आपसे. चू कैदी काजे आजाद कोरसे. मसिह मांदळा काजे एने जे नो सोमोव सोकतला, नि देखतला, एने नि बुल सोकतला एने नि चाल सोकतला तीनुक बी वारू कोरसे.

![](https://cdn.door43.org/obs/jpg/360px/obs-en-21-11.jpg)

यशयाह भविष्य कोरता यो बी कोयू कि माणसे मसिह सी नफरत कोरसे एने तीनाक स्वीकार कोरणे सी मना कोरसे. दिसरा भविष्य कोरता बी कोया कि मसिहीन एक साथी तेरे विरुद्ध उबरोयसे. जखर्या भविष्य कोरता बी कोयू कि तेरु यु साथी ओसो कोरनेन कोरता दिसरा मानसोनचा गोथू चांदीन थिस सिक्का लेसे. इरे अलावा, काहनास भविष्य कोरता बी कोया कि माणसे मसिह काजे मार देसे, एने यो बी कि तेरा छिंदरान कोरता छोटू खेलसे.

![](https://cdn.door43.org/obs/jpg/360px/obs-en-21-12.jpg)

भविष्य कोरता यो बी कोयला कि मसिह कोसू मोरसे. यशयाह भविष्य वाणी कोऱ्यू कि माणसे मसिह पोर थूपसे, तेरो मजाक उळावसे एने तीनाक ठूकसे. चे तीनाक छेद देसे एने चू मोटली पिळा एने दुखमा मोर जासे, जबकी चू काय बी गलत नि कोऱ्यू.

![](https://cdn.door43.org/obs/jpg/360px/obs-en-21-13.jpg)

भविष्य कोरता बी कोया कि मसिह पाप नि कोरे. चू सिद्ध होयसे. बाकीन चू एरेन कोरता मोरसे कि परमेश्वर तीनाक दिसरा मानसोन पापोन वोजेसी दोंड आपसे. तेरे मोरने सी माणसे परमेश्वर साते मेल कोरणेमा योग्य होयसे. एरेन कोरता परमेश्वर चाहतलु कि मसिह मोरे.

![](https://cdn.door43.org/obs/jpg/360px/obs-en-21-14.jpg)

भविष्य कोरता यो बी कोयला कि परमेश्वर मसिह काजे मोरलाम गोथू जीवाळसे. यो देखाळे कि यो आखो नोवला वायदा काजे बांदनेन परमेश्वरोन योजना होती, टाकी चू तीनु मानसो काजे वाचाळ सोके जे तेरे विरुद्ध पाप कोरला छे.

![](https://cdn.door43.org/obs/jpg/360px/obs-en-21-15.jpg)

परमेश्वर भविष्य कोरता पोर मसिहन बारामा घोणा सोवटा वाते प्रकट कोऱ्या बाकीन मसिह तीनु भविष्य कोरतान काहनात जीवन कालमा नि आव्यू. इनू भविष्यवाणी आपनेन 400 साल बादमा सही टेम पोर, परमेश्वर मसिह काजे एनी संसारमा मुकलसे.

*बायबोलोन काहानी, उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_21_128kbps.m4a

## 22. योहानोन जन्म

https://openbiblestories.org/l/bfb/story-22/

![](https://cdn.door43.org/obs/jpg/360px/obs-en-22-01.jpg)

अतीतमा परमेश्वर तेरा भविष्य कोरता साते वात कोरलू होतु एरेन कोरता चे मानसो साते वात कोर सोकता होता. बाकीन तिने टेमे गोथू लीन ओवतेन 400 साल जाणे तोक चू तीनु साते वात नि कोऱ्यू. तेतार परमेश्वर जखर्या नावोन एक भविष्य कोरतानचा एक सोरग दूत काजे मुकल्यू. जखर्या एने तेरी लाळी एलीशिबा परमेश्वरोन आदोर कोरता होता. चे घोणा डाया होय गोयला होता, एने तिंदरा पुऱ्या नि होता.

![](https://cdn.door43.org/obs/jpg/360px/obs-en-22-02.jpg)

चू सोरग दूत जखर्या काजे कोयू, “तारी लाळी एक पुर्या काजे पोयदा कोरसे. तू तेरो नाव योहान मेकजी. परमेश्वर तीनाक पवित्र आत्मा सी पुरो कोरसे. एने योहान मसिह काजे ग्रहण कोरनेन कोरता तीयार कोरसे.” जखर्या जवाब आप्यू, “मे एने मारी लाळी पुऱ्या पोयदा कोरनेन कोरता घोणा डाया छे, मे कोसू जाणो कि तू मेसेक छाचलीन कोय रोयू?”

![](https://cdn.door43.org/obs/jpg/360px/obs-en-22-03.jpg)

चू सोरग दूत जखर्या काजे जवाब आप्यू, “तारे जुव इनि वारली खोबर काजे लावनेन कोरता मे परमेश्वरोनचा गोथू मुकलू छे. काहाकी तू मारे पोर भूरसू नि कोऱ्यू ए रेन कोरता इना पुऱ्याक जन्म लेन तोक तू नि बुल सोके.” तेतारुत जखर्यान बुलनो बोंद होय गोयो. तेतार चू सोरग दूत जखर्यानचा गोथू जात रोयू. तेरे बादमा जखर्या घोर जात रोयू एने तेरी लाळी गर्भवती होयी.

![](https://cdn.door43.org/obs/jpg/360px/obs-en-22-04.jpg)

जेतार एलीशिबा छोव मोयनान गर्भवती होती, ती चूत सोरग दूत अचानक एलीसिबान रीस्तेदार पोर आव्यू जेरो नाव मरियम होतो. मरियम छोल्ली होती एने वियाव होयनेन कोरता युसूफ नावोन मानसो साते सोगाय होय गोय्ली होती. सोरग दूत कोयू, “तू गर्भवती होयीश एने एक पुऱ्याक पोयदा कोरिस. तुसेक तेरो नाव येसू मेक्नो छे. चू सर्व शक्तिमान परमेश्वरोन पुऱ्यू होयसे एने कायोमोन कोरता चू राज कोरसे.”

![](https://cdn.door43.org/obs/jpg/360px/obs-en-22-05.jpg)

मरियम जवाब आपी, “यो कोसो होयसे, काहाकी मे ते कुवारी छे?” चू सोरग दूत सोमजाळ्यु, “पवित्र आत्मा तार पोर आवसे एने परमेश्वरन ताकत तारपोर आव्या कोरसे. एरेन कोरता चो पुऱ्यो चुखलो रोयसे, एने चो परमेश्वरोन पुऱ्यू होयसे.” जो चू सोरग दूत कोयलू तर पोर मरियम भूरसू कोरी.

![](https://cdn.door43.org/obs/jpg/360px/obs-en-22-06.jpg)

यो होयनेन तेतारुत मरियम एलीशीबा सी भेट कोरी. जोसी मरियम तीनि काजे नमस्कार कोरी एलीशिबान पुऱ्यो पेटोमा उछव्यो. तिंदरेन कोरता परमेश्वर जो कोरलू होतु तेरे बारामा चे बायरा एकठा खुश होया. एलीशिबा साते तीन मोय्ना रोयनेन बाद मरियम घोर जात रोयी.

![](https://cdn.door43.org/obs/jpg/360px/obs-en-22-07.jpg)

तेरे बाद, एलीशिबा तेरा पुऱ्या काजे जन्म आपी. जखर्या एने एलीशिबा तिना पुऱ्यान नाव योहान मेक्या जोसो कि चू सोरग दूत कोयलू होतु. तेतार परमेश्वर जखर्या काजे बुलने कोरता मूय उगाळ देदू. जखर्या कोयू, “परमेश्वरोन बोढाई होये, काहाकी चू तेरा मानसोन मदत कोरनेन कोरता फोम राख्यू. हे मारा पुऱ्या तू सर्व शक्तिमान परमेश्वरोन भविष्य कोरता होयीस, तू मानसो काजे कोयीस कि कोसा तिंदरा पापे माफ होय सोकतला.

*बायबोलोन काहानी, लुका अध्याय 1 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_22_128kbps.m4a

## 23. येसून जन्म

https://openbiblestories.org/l/bfb/story-23/

![](https://cdn.door43.org/obs/jpg/360px/obs-en-23-01.jpg)

युसूफ नावोन एक धोरमी माणूस साते मरियमोन मंगनी होय गोयली होती. जेतार चू सोमव्यु कि मरियम गर्भवती छे ती चू जानतू होतु कि होयो हेरो पूऱ्यो नि होय. बाकीन चू मरियम काजे बदनाम नि कोरणे हिंडतू होतु. एरेन कोरता चू तेरे पोर दोया कोरने एने चुपचाप छुळ देनेन विचार कोऱ्यू. बाकीन एर गोथा पेहेल कि चू ओसू कोरतू, एक सोरग दूत तेरा सोपनाम आवीन तेरे साते वात कोऱ्यू.

![](https://cdn.door43.org/obs/jpg/360px/obs-en-23-02.jpg)

चू सोरग दूत कोयू, “हे युसूफ, मरियम काजे तारी लाळीन रूपमा लावणे मा बिहे. तेरेमा जो पुऱ्यो छे चो पवित्र आत्मानचा गोथो छे. होई एक पुऱ्याक जन्म आपसे. तेरो नाव येसू मेकजी (जेरो मतलब होयतलो, ‘योहोवा वाचाळे’), काहाकी चू मानसो काजे तिंदरा पापोसी वाचाळसे.”

![](https://cdn.door43.org/obs/jpg/360px/obs-en-23-03.jpg)

आखरी, युसूफ मरियम साते वियाव कोऱ्यू एने तिनी काजे लाळीन रूपमा घोर लीन गोयू, बाकीन तिना पुऱ्या काजे जन्म आपने तोक चू तेरे साते नि सुव्यू.

![](https://cdn.door43.org/obs/jpg/360px/obs-en-23-04.jpg)

जेतार मरियमोन जन्म आपनेन पिळा आव लाग्या ती ची एने युसूफ बैतलहम जाणेन बाज गोया. तीनु काजे चा जाणोत होतो काहाकी रोमी अधिकारी इस्राईलमा रोयनेवावान आखा मानसोन गिनती कोरणे हिंडता होता. चे चाहता होता कि आखा चा जाय जा तिंदरा डाय डाया रोय्ता होता. राजा दाऊदन जन्म बैतलहम होयलो होतो, एने चू मरियम एने युसूफ दुयोन दायलू होतु.

![](https://cdn.door43.org/obs/jpg/360px/obs-en-23-05.jpg)

मरियम एने युसूफ बैतलहम गोया, बाकीन चा जानवोरो काजे मेकनेन जागा सीवाय दिसरू जागू नि होतु. चूत जागू होतु जा मरियम पुऱ्या काजे जन्म आपी. ची तिना काजे चरणीमा लुटाळ देदी काहाकि चा तेरेन कोरता खाटलो नि होतो. चे तेरो नाव येसू मेक्या.

![](https://cdn.door43.org/obs/jpg/360px/obs-en-23-06.jpg)

तिने राती, चा साते वावा खेतोमा थुलाक गुवाव्या तिंदरा गाडरा काजे चारता होता. अचानक एक चमकदार सोरग दूत तिंदरे पोर आव लाग्यू एने चू कोयू, “बिहू मा, काहाकी मारे जुव तुमरेण कोरता एक वारली खोबोर से, बैतलहममा मसिहन जन्म होय्लो छे.”

![](https://cdn.door43.org/obs/jpg/360px/obs-en-23-07.jpg)

जाईन तिना पुऱ्यान हेर कोरु, एने तुमु तिना काजे कापळामा गुंडवायलो एने चरणीमा लुटलो देखसू.” अचानक सी आकाश सोरग दूतसी भोराय गोयो. चे परमेश्वरोन स्तुती कोरता होता. चे कोया, “आखी महिमा सोरगोम रोयन्यापरमेश्वर काजे जुळे. धोरती पोर तीन मानसोमा शांती रोये जिंदरी चू चिंता कोरे.”

![](https://cdn.door43.org/obs/jpg/360px/obs-en-23-08.jpg)

तेतार सोरग दूत जात रोया. गुवाव्या बी तिंदरा गाडराक छुळीन तिना पुऱ्या काजे देखणे जात रोया. मामार चे तिना जागा पोर पुग्या जा येसू होतु एने चे तीनात चरणीमा लुटलु देख्या जोसो कि चू सोरोग दूत कोयलू होतु. चे घोणा खुश होता. तेतार चे गुवाव्या पोछा जात रोया जा तिंदरा गाडरा होता. चे जो काय सोमोवला होता एने देख्या तिना अखान कोरता चे परमेश्वरोन बोढाई कोरता होता.

![](https://cdn.door43.org/obs/jpg/360px/obs-en-23-09.jpg)

पुरोबमा नांबेत एक देशमा थुलाक माणसे होता. चे चांदण्यान अभ्यास कोरला होता एने चे घोणा बुद्धिमान होता. चे एक असामन्य तारा काजे आकाशमा देख्या. चे कोया कि एरो मतलब छे कि योहुदीन एक राजा जन्म लेदलू छे. एरेन कोरता तिना पुऱ्या काजे देखनेन कोरता तिंदरा देसमा गोथा जाणे फेसलू कोऱ्या. एक नांबी यात्रान बादमा चे बैतलहममा आव्या एने तिना घोरनचा आव्या जा येसू एने तेरा आसी बासा रोय्ता होता.

![](https://cdn.door43.org/obs/jpg/360px/obs-en-23-10.jpg)

जेतार चे माणसे येसू काजे तेरी आश साते देख्या ती चे घुटना टेकिन तेरी आराधना कोऱ्या. चे येसू काजे मोहेंगळा भेट चोळाव्या. ओवतेन चे घोर पोछा जात रोया.

*बायबोलोन काहानी मत्ती अध्याय 1; लूका 2 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_23_128kbps.m4a

## 24. योहानोन येसुक बाप्तिस्मा आपनो

https://openbiblestories.org/l/bfb/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा एने जकर्याहन पुऱ्यू योहान, मोटू होयीन एक भविष्य कोरता बोन गोयू. चू बोयळामा रोया कोरतू होतु, एने जंगली माहाव एने टीड्या खाया कोरतू होतु, एने उटळान रोमसी बोनला डोगला परतू होतु.

![](https://cdn.door43.org/obs/jpg/360px/obs-en-24-02.jpg)

घोनान सोवटा माणसे योहानोन वाते सोमोवने कोरीन बोयळामा जाता होता. चू यो कोयीन प्रचार कोरणे बाज गोयू कि, पश्चाताप कोरु, काहाकी सोरगोन राज साते छे.”

![](https://cdn.door43.org/obs/jpg/360px/obs-en-24-03.jpg)

जेतार माणसे योहानोन प्रचार सोमव्या, ती तिन्दरेमा गोथा घोणा सोवटा माणसे तिन्दरा पापोन पश्चाताप कोऱ्या, एने योहान तीनुक बाप्तिस्मा आप्यू. योहान काजे देखणे धोरमी अगवा बी आव्या, बाकून चे तिन्दारा पापोन पश्चाताप या अंगीकार नि कोऱ्या.

![](https://cdn.door43.org/obs/jpg/360px/obs-en-24-04.jpg)

योहान धोरमी अगवा काजे कोयू, “हे जेहेर वावा सापे, पश्चाताप कोरु एने तुमरा चाल चलन काजे बोद्लावू . देव हेर एक तिना झाड काजे काट नाखसे जो वारलो फोव नि आपे, एने चू तीनाक आगठामा नाख देसे.” जो भविष्य कोरता कोयला होता चो योहान पुरो कोऱ्यू, “देख छाटूस मे तारे ओगोव मारा वाते कोयने वावाक मुकलीस जू तारेन कोरता वाट काजे तीयार कोरसे.”

![](https://cdn.door43.org/obs/jpg/360px/obs-en-24-05.jpg)

काहीन धोरमी अगवा याहान काजे पुच्छ कि काय तू मसिह छे? योहान जवाब आप्यू, “ मे मसिह नि होय, बाकीन चू मार बाद आवसे. चू ओतरू मोटू छे कि मे तेरा चाट्यान बोंद निकावनेन लायक नि होय.”

![](https://cdn.door43.org/obs/jpg/360px/obs-en-24-06.jpg)

ओगले दाहळे, येसू बाप्तिस्मा लेनेन कोरता योहानोनचा आव्यू. जेतार योहान तीनाक देख्यू ती चू कोयू, देखू देवोन गाडरू जू संसारोन पाप काजे हाकलसे.”

![](https://cdn.door43.org/obs/jpg/360px/obs-en-24-07.jpg)

योहान य्व्सू काजे कोयू, “मे तुसेक बाप्तिस्मा आपनेन लायक नि होय, बाकीन उलटो मेसेक तार हातसी बाप्तिस्मा लेनेन गोरोज छे” बाकीन येसू कोयू, “तु मेसेक बाप्तिस्मा आपनो जुवे, काहाकी कोरनेन कोरता यी वारली टेम से.” आखरी योहान येसू काजे बाप्तिस्मा आप्यू, जबकी येसू कोबी पाप नि कोऱ्यू.

![](https://cdn.door43.org/obs/jpg/360px/obs-en-24-08.jpg)

बाप्तिस्मा आपनेन बाद जेतार येशू पानीम गोथू बारथे निकव्यू ती देवोन आत्मा परवान तोसो देखाय पोळ्यो एने नेचो आवीन तेरेपोर बोस गोयो. तिनेत टेमे, देवो सोरगोम गोथू वात कोऱ्यू. चू कोयू कि, “तू मारू पुऱ्यू छे, मे तारसी मोंग कोरो, एने मे तारेसी घोणु खुश छे.

![](https://cdn.door43.org/obs/jpg/360px/obs-en-24-09.jpg)

देव योहान काजे कोयलु होतु, “पवित्र आत्मा नेळी आवीन कुदा पोर बोठसे जीनाक तू बाप्तिस्मा आपीस.” चू देवोन पुऱ्यू छे, देव एकुत छे. बाकीन जेतार योहान येसू काजे बाप्तिस्मा आप्यू ती चू देवो बास साते वात कोरतलु सोमव्यु, पुऱ्यू देवोकाजे देख्यू, जू कि येसू छे, एने चू पवित्र आत्मा काजे देख्यू.

*बायबोलोन काहानी मत्ती अध्याय 3; मरकुस 1:9-11; लूका 3:1 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_24_128kbps.m4a

## 25. भुतडू येसून पारख कोरे

https://openbiblestories.org/l/bfb/story-25/

![](https://cdn.door43.org/obs/jpg/360px/obs-en-25-01.jpg)

येसून बाप्तिस्मा होयनेने बादमा, पवित्र आत्मा येसू काजे बोयळामा लीन गोयू. येसू चा चावीस दाहळा एने रात रोयू. तिने टेमे चू उपास राख्यू एने भुतडू येसुनचा आवीन पाप कोराव्नेन कोरता तेरी पारोक कोऱ्यू.

![](https://cdn.door43.org/obs/jpg/360px/obs-en-25-02.jpg)

पेहेल भुतडू येसू काजे कोयू, ओगोर तू देवोन पुऱ्यू होय ती इना दोगळा काजे रुटू बोनाव दे टाकी तू खाय सोके.“

![](https://cdn.door43.org/obs/jpg/360px/obs-en-25-03.jpg)

बाकीन येसू भुतडा काजे कोयू, “देवोन वचनमा लिखलो छे, “जीवतला रोय्नेन कोरता मानसो काजे निसतो रुटासी नि बाकीन देवोन मुखसी निकोवली वातोन गोरोज छे जो देव तीनुक कोये.”

![](https://cdn.door43.org/obs/jpg/360px/obs-en-25-04.jpg)

तेतार भुतडू येसू काजे मंदिरोन उपोर लीन गोयू एने कोयू कि, “ओगोर तू देवोन पुर्यू छे ती न्या घोठू कुड जा, काहाकी लीखलो छे, ‘देव तुसेक हाकलनेन कोरता तेरा दुतो काजे आग्या आपसे कि तारा पायो काजे दोगळा सी काय ठेस नि लागे.’”

![](https://cdn.door43.org/obs/jpg/360px/obs-en-25-05.jpg)

बाकीन येसू तोसो नि कोऱ्यू जो भुतडू तीनाक कोरणे कोयल. बाकीन चू उलटू कोयू, “देव होर एक काजे कोये कि, ‘तू प्रभू तारा देवोन पारख मा कोरे.”

![](https://cdn.door43.org/obs/jpg/360px/obs-en-25-06.jpg)

ओवतेन भुतडू संसारोन आखा राज्य देखाड्यू. चू देखाड्यू कि चे कोतरा ताकत वावा होता, एने चे कोतरा पुरा छे. चू येसू काजे कोयू, “मे तुसेक यो आखो आपीस ओगोर तू मार ओगोव मांडा तेकीस एने मारी आराधना कोरिस.”

![](https://cdn.door43.org/obs/jpg/360px/obs-en-25-07.jpg)

येसू जावाब आप्यू, “हे भुतडा, मार ओगोव गोथू जात रोय. देवोन वोचनोमा चू आग्या आपे कि, ‘निस्तू तू तारा देवोन आराधना कोर एने देवोन रूपमा तिनान आदोर कोर.”

![](https://cdn.door43.org/obs/jpg/360px/obs-en-25-08.jpg)

येसू भुतडान पारखसी हार नि मान्यु, एरेन कोरता भुतडू तेरेनचा गोथू जात रोयू, तेतार सोरोग दूत आव्वीन येसुन सेवा कोरणे बाज गोया.

*मत्ती अध्याय 4:1-11; मरकुस 1:12-13; लूका 4:1-13*

Audio: https://git.door43.org/OBS-TLF/bfb_obs/releases/download/v1/bfb_obs_v1_25_128kbps.m4a

## 26. येसू तेरी सेवान चालू कोरे

https://openbiblestories.org/l/bfb/story-26/

![](https://cdn.door43.org/obs/jpg/360px/obs-en-26-01.jpg)

भूत्दान पारख वात जुवनेन बादमा, येसू पोछू गलीलोन जागामा आव्यू. यो चू जागू छे जा होयू रोयतू होतु. पवित्र आत्मा तीनाक घोनी ताकद आपटू होतु, एने येसू एक जागे गोथू दिसरे जागे गोयू एने मानसो काजे सिकाड्यू. आखा जोना तेरे बारामा वारली वात कोया.

![](https://cdn.door43.org/obs/jpg/360px/obs-en-26-02.jpg)

येसू नासरत गावमा गोयू. यो चो गाव छे जा येसू हेरो बचपोनमा रोयतू होतु. सब्बातोन दाहळे, चू आराधना कोरनेन जागे गोयू. जे अगवा होता चे तिना काजे याशयाहन किताब काजे भोनने कोरता आप्या. चे चाहता होता कि होयू चा दोखू भोणे. आखिर येसू तिनी किताब काजे उगाडीन तेरा एक भाग काजे मानसोन कोरता भोन्यु.

![](https://cdn.door43.org/obs/jpg/360px/obs-en-26-03.jpg)

येसू भोन्यु, “परमेश्वर मेसेक तेरी आत्मा आपलु छे ताकि मे कंगाल मानसोमा वारली खोबोरोन प्रचार कोर सोको. चू मेसेक एरेन कोरता मुकललु छे कि बंदी काजे आझाद कोरो, आंदवा काजे पोछू देखाडो, एने तीनुक छुटकारु आपो जीणूक दिसरा माणसे कुचरी रोया. यो चू टेम छे जेतार परमेश्वर आपने उपोर दोयावू होयसे एने आपने मोदोत कोरसे.”

![](https://cdn.door43.org/obs/jpg/360px/obs-en-26-04.jpg)

ओवतेन येसू बोठ गोयू. आखा माणसे ध्यानसी येसू काजे देखता होता. चे जाणता होता कि पवित्रशास्त्रन जू भाग चू हिमी भोन्यु चो मसिहन बारामा होतो. येसू कोयू, “जे वाटे मे हिमी तुमरेन कोरता भोनलु छे, चे इने टेमे घाटीत होयने बाज रोया.” आखा माणसे चकित होय गोया. चे कोया, “ काय यु युसुपोन पुऱ्यू नि होय?”

![](https://cdn.door43.org/obs/jpg/360px/obs-en-26-05.jpg)

तेतार येसू कोयू यो छाचलीन छे कि माणसे ओसला भविष्य कोरता काजे कोबी स्वीकार नि कोरतला जे तिन्दरा गावमा मोटा होयला छे. एलिया भविष्य कोरतान टेमे, इस्राईलमा घोणा सोवटा रोंडायला होता. बाकीन जेतार साडे तीन साल तक पाणी नि आव्यू ती परमेश्वर एलिया काजे इस्राईलमा कानी रोंडालीन मदत कोरणे नि मुकल्यु. बाकीन चू एलिया काजे काहनास दिसरा देसोन रोंडायलीनचा मुकल्यू.”

![](https://cdn.door43.org/obs/jpg/360px/obs-en-26-06.jpg)

येसू कोयने चालू राख्यू, “एने एलिशा भविष्य कोरतान टेमोमा, इस्राईलमा घोणा सोवटा माणसे चामडान बिमारीसी बिमार होता. बाकीन एलिशा तिन्दरे माईन कुदाक वारू नि कोऱ्यू. चू निस्तु इस्राईलोन दुश्मोन सेनापती नामान काजे वारू कोऱ्यू.” बाकीन जे माणसे येशू काजे सोमोव्ता होता चे योहुदी होता. एरेन कोरता जेतार चे तीनाक यो कोयतलु सोमव्या ती चे तेरेपोर रीसवाय गोया.

![](https://cdn.door43.org/obs/jpg/360px/obs-en-26-07.jpg)

नासरतोन माणसे येसू काजे धोर लेदा एने तीनाक आराधनान जागापोर गोठा घीसळीन बारथे लीन गोया. चे तीनाक मार नाखनेन कोरता नेचा नाखानेन कोरता बोयळा पोर लीन गोया. बाकीन येशू भिळमा निकवी गोयू एने नासरत गाव काजे छुडीन जात रोयू.

![](https://cdn.door43.org/obs/jpg/360px/obs-en-26-08.jpg)

ओवतेन येसू आखी गलीलोन जागामा गोयू, एने मोटली भिळ तेरेंचा आवी. चे ओसला घोणा सोवटा मानसो काजे लीन आव्या जे बिमार होता एने विकलांग होता. तिन्दरे माईन काहनास देख, चाल नीती बुल नि सोक्ता होता, एने येसू तीनुक वारू कोऱ्यू.

![](https://cdn.door43.org/obs/jpg/360px/obs-en-26-09.jpg)

एरे अलावा, घोणा सोवटा ओसला माणसे येसूनचा लाव्या जिंदरेमा दुष्टात्मा होता. येशू दुष्टात्मा काजे तिन्दरेमा गोथू निकवनेन आदेश आप्यू. चे दुष्टात्मा आयळ्या, “तू परमेश्वरोन पूऱ्यू छे,” भिळ मायला माणसे चकित होता, एने चे परमेश्वरोन स्तुती कोऱ्या.

![](https://cdn.door43.org/obs/jpg/360px/obs-en-26-10.jpg)

ओवतेन येसु बारा मानसो काजे नेवाड्यू जीणूक चू प्रेरित कोयू. चे प्रेरित तिन्दरे साते गोया एने तेरेंचा गोथा शिक्षा लेदा.

*बायबोलोन काहानी, मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 स*

Audio: https://git.door43.org/OBS-TLF/bfb_obs/releases/download/v1/bfb_obs_v1_26_128kbps.m4a

## 27. मोंगावा सामरीन काहानी

https://openbiblestories.org/l/bfb/story-27/

![](https://cdn.door43.org/obs/jpg/360px/obs-en-27-01.jpg)

एक दाहळे, यहुदी नियोम शास्त्रा काजे जानने वावू एक माणूस येसूनचा आव्यू. चू आखा काजे यो देखाळणे चाह्तु होतु कि येसू गलत रीतीसी सिकाळने बाज रोयू, इनान कोरता चू कोयू, “हे गुरु, ओमोरर्काइन जीवनोन कोरता मे काय कोरो?” येसू तीनाक कोयू, “ देवोन नियोम शास्त्रामा काय लीखलो से?”

![](https://cdn.door43.org/obs/jpg/360px/obs-en-27-02.jpg)

चू माणूस कोयू, “नियोम शास्त्र कोये कि तारा देवोसी तारा पुरा मोनोसी, जीवोसी, ताकतसी एने बुद्धीसी मोंग कोर. एने तुमरा सातेवावा साते बी तुमरे तोसुत मोंग कोरु.” येसू जवाब आप्यू, “तू छाचलीन कोय रोयू, अगोर तू ओसुत कोरिस ती तुसेक ओमोरर्काइन जीवन जूळ जासे.”

![](https://cdn.door43.org/obs/jpg/360px/obs-en-27-03.jpg)

बाकीन चू नियोम शास्त्र जानने वावू मानसो काजे देखाळने हिंडतू होतु कि तेरो जीवनेन तरीकू वारू होतो. इनान कोरता चू येसू काजे पुछु, “ठीक से, ती मारू सातेवावू कुन छे?”

![](https://cdn.door43.org/obs/jpg/360px/obs-en-27-04.jpg)

येसू तिना नियोम शास्त्र जानने वावाक एक काहानी कोयू. “कि एक योहुदी माणूस होतु जू एक वाटे-वाटे यरूशलेम गोथू यरीहो गावमा जातु होतु,”

![](https://cdn.door43.org/obs/jpg/360px/obs-en-27-05.jpg)

बाकीन वाटे तीनाकाजे गुंडा माणसे रुक्या एने तेरपोर हमलु कोर देदा. चे तेरे जुव जो काय होतो चू आखो हापकी लेदा एने तीनाकाजे मोर्ने तोक देदा. एने ओवतेन चे जात रोया.”

![](https://cdn.door43.org/obs/jpg/360px/obs-en-27-06.jpg)

इना घोटनान लोगेच, एक योहुदी पुजारू तिने वाटे माईन जातु होतु, चू तिना माणूस काजे वाटीपोर पोळ रोयलू देख्यू, जेतार चू देख्यू ती चू चा दोखू टोवीन जात रोयू. चू तिना माणसो काजे नि देख्यू ओसू कोवाळयु.”

![](https://cdn.door43.org/obs/jpg/360px/obs-en-27-07.jpg)

तेरे बादमा थुलिक वारमा, एक लेवी माणूस तीनेत वाटे गोथू जातु होतु (लेवी एक योहुदिन जात होती जे मंदिरमा पुजारान मदत कोरला होता) चू लेवी बी चा दोखू टोवीन जात रोयू. चू बी तिना माणूस काजे नि देख्यू ओसू कोवाळयु.”

![](https://cdn.door43.org/obs/jpg/360px/obs-en-27-08.jpg)

एने तेरे बादमा एक ओवी माणूस आव्यू एने चू एक सामरी जातीन होतु. (सामरी एने योहुदी एकदिसरा पोर रीस कोरता होता) चू सामरी माणूस बी तिना माणसो काजे देख्यू. चू देख्यू कि यु माणूस ते योहुदी से, बाकीन तेबी चू तेर पोर घोणु मोंग देखाळयु. आखरी चू तेरे साते गोयू एने लागला पोर पोट्टी बांद्यू.”

![](https://cdn.door43.org/obs/jpg/360px/obs-en-27-09.jpg)

“ओवतेन चू सामरी माणूस तिना माणसोकाजे गोदळा पोर मेक्यू एने तीना काजे एक डाक्टरोनचा लीन गोयू, जा चू तेरी देख रेख कोऱ्यू.”

![](https://cdn.door43.org/obs/jpg/360px/obs-en-27-10.jpg)

दिसरे दाहळे, तिना सामरी माणूस काजे ओगो जाणो होतो. चू तिना डाक्टर काजे थुलाक पोयशा आप्यू कि चू तिना योहुदी माणूस काजे वारू कोरे. चू तीनाक कोयू, “इना मानसोन देखरेख कोरजी. ओगोर एर गोठा जादा खोरचू लागे ती कोय देजी मे पोछू आवीन चो आप दिस.”

![](https://cdn.door43.org/obs/jpg/360px/obs-en-27-11.jpg)

ओवतेन येसु तिना नियोम शास्त्राक जानने वावाक पुछू, “ तू काय सोचे? इनू तीनु माईन कानलु माणूस तेरु सातेवावू होसे जिना देदला एने तेरे जुव होतु चो आखो हापकी लेदला?” चू जवाब आप्यू, “चू जू तेरे पोर मोंग कोऱ्यू.” येसु तीनाक कोयू, जा तूबी ओसुत कोर.”

*बायबोलोन काहानी लूका अध्याय 10:25-37 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_27_128kbps.m4a

## 28. मालदार जुवान पुढारी

https://openbiblestories.org/l/bfb/story-28/

![](https://cdn.door43.org/obs/jpg/360px/obs-en-28-01.jpg)

एक दाहळे, एक मालदार जुवान पुढारी येसूनचा आव्यू एने तीनाक पुछ्ने बाज गोयू, “हे मोटला गुरु, ओमोरर्काइन जीवनोन कोरता मेसेक काय कोरनो जुवे?” येसू तीनाक कोयू, “तू मेसेक मोटला गुरु काहा कोये? निसटू एकुत मोटलु छे एने चू से परमेश्वर. बाकीन ओगोर तू ओमोरकाईन जीवोन लेणे चाहतलु ती देवोन नियोम शास्त्रान पालन कोर.”

![](https://cdn.door43.org/obs/jpg/360px/obs-en-28-02.jpg)

चू पुछु कि, “मेसेक कानली कानली आग्यान पालन कोरनो पोळसे?” येसू जावाब आप्यू, “ हत्या नि कोरनो, व्यभिचार नि कोरनो, झूट नि कोयनो, आसी बासान आदर कोरनो, एने आपणा सातेवावासी आपने सारखा मोंग कोरु.”

![](https://cdn.door43.org/obs/jpg/360px/obs-en-28-03.jpg)

बाकीन चू जुवान माणूस कोयू, मे ते नानला पासून इनू आखा आग्यान पालन कोरतू आव रोयू. मेसेक कायमोन कोरता जीवतेलु रोयनेन कोरता काय कोरनो पोळसे?” येसू तेर वोखे भाव्यु एने मोंग कोऱ्यू.”

![](https://cdn.door43.org/obs/jpg/360px/obs-en-28-04.jpg)

येसु जोवाब आप्यू, “ओगोर पाकु होणे हिंडे ती जाईन तारजू जो काय से चो आखो वेच दे एने पोयशा गरीब काजे आप दे ती तुसेक सोरगोमा धोन जुळसे, तेतार तू मार पोछोव आव लाग.”

![](https://cdn.door43.org/obs/jpg/360px/obs-en-28-05.jpg)

यो सोमवीन चू मालदार जुवान माणूस घोणु दुखी होय गोयू, काहाकी चू घोणु मालदार होतु एने चू तेरी आखी धोन संपती आपने नि चाहतू होतु. चू येसुनचा गोथू जात रोयू.

![](https://cdn.door43.org/obs/jpg/360px/obs-en-28-06.jpg)

तेतार येसु तेरा चेला काजे कोयू कि, “ देवोन राजमा मालदार मानसोन जाणो जुदो काठो छे. हाव, एक मालदार मानुसोन देवोन राजमा जाणो एक उटळान, सुयीन नाकमा गोथो जाणो सोपो रोयसे.”

![](https://cdn.door43.org/obs/jpg/360px/obs-en-28-07.jpg)

जो येसु कोयू चो सोमवीन चेला नेवलाय कोरणे बाज गोया. चे कोया, “ओगोर ओसो होय्से ती देव कुणीक वाचाळसे?”

![](https://cdn.door43.org/obs/jpg/360px/obs-en-28-08.jpg)

येसु तेरा चेला वोखे भाव्यु एने कोयू, “माणसोन कोरता खुदोन कोरता छुटकारु कोरनो असंभव छे. बाकीन देवोन कोरता काय बी असंभव नि होय.”

![](https://cdn.door43.org/obs/jpg/360px/obs-en-28-09.jpg)

पतरस येसुकाजे कोयू, “आमु आखो छुळीन तार पोछोव आवला छे, ती आमरो इनाम काय छे?”

![](https://cdn.door43.org/obs/jpg/360px/obs-en-28-10.jpg)

येसु जवाब आप्यू, “होर एक जोन जे मार वोजहसी घोर, भाश, बास, आश, पुऱ्या एने आखो धोन काजे छुळला से, चू तिंदरेसी 100 गुना जादा हासील कोरसे एने ओमोरकाईन जीवन काजे बी ली लेसे. बाकीन घोणा सोवटा से जा पेहेला छे चे पोछ्ला होयसे, एने जे घोणा सोवटा से जे पोछ्ला से चे पेहला होयसे.

*बायबोलोन काहानी मत्ती अध्याय 19:16-30; मरकुस 10:17-31; लूका 18:18-30 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_28_128kbps.m4a

## 29. दोया नि कोरने वावा दासोन काहानी

https://openbiblestories.org/l/bfb/story-29/

![](https://cdn.door43.org/obs/jpg/360px/obs-en-29-01.jpg)

एक दाहळे, पतरस येसु काजे पुछु, “हे मालक, म्सेक मारा भाष काजे कोतरा कावा माफ कोरनो जुवे, जेतार चू मार विरुद्ध पाप कोरे? काय सात कावा तोक?” येसु कोयू, “बाकीन सातोन सत्तर कावा.” एरे लारे, येसुन कोयनेन मतलब छे कि आपणूक हमेशा माफ कोरनो जुवे. तेतार येसु यी काहानी कोयू.

![](https://cdn.door43.org/obs/jpg/360px/obs-en-29-02.jpg)

येसु कोयू, “ देवोन राज एक राजा सारको छे जो तेरा दाससी लेखो लेणे हिंडतू होतु. तेरु एक दास 2,00,000 सालोन दाळकीन एक मोटात कोर्जान कोरोजदार होतु.

![](https://cdn.door43.org/obs/jpg/360px/obs-en-29-03.jpg)

बाकून चू दास तेरा कोरजा नि भोर सोक्यू इरेन कोरता राजा कोयू, “एरु कोरजू भोरणेन कोरता एना माणूस काजे एने एरा परिवार काजे दासोन रूपमा वेच देवू.”

![](https://cdn.door43.org/obs/jpg/360px/obs-en-29-04.jpg)

चू दास राजान सामने तेरा घुटना टेकाळीन कोयू, “मार साते धीर धोर, एने मे मारा कोरजा काजे चुकता कोर दिस. राजा तिना दास पोर दोया कोऱ्यू. एरेन कोरता चू तेरा आखा कोरजा काजे माफ कोर देदू एने तीनाक जाणे देदू.

![](https://cdn.door43.org/obs/jpg/360px/obs-en-29-05.jpg)

बाकीन जेतार चू दास राजानचा गोथू बारथे जात रोयू, ती तीनाक तेरु एक साथी दास जूळ्यु जू तेरा चार मोयनान दाहाळकिन कोरजेदार होतु. चू दास तेरा साथी दास काजे धोर लेदू एने कोयू, “ जू तार पोर होतु चू कोरजू साटू मेसे आप दे.”

![](https://cdn.door43.org/obs/jpg/360px/obs-en-29-06.jpg)

चू साथी दास तेरा घुटनापोर आवीन कोयू, कि मार साते धीर धोर, एने मे मारा कोरजा काजे आप दिस. बाकीन बाकीन कोरजू आपता तोक चू दास तेरा साथी दास काजे जेल खानामा नाख देदू.

![](https://cdn.door43.org/obs/jpg/360px/obs-en-29-07.jpg)

जो काय होयलो होतो तीनाक दिसरा दासे बी देखला होता एने चे घोणा परेशान होया. चे राजानचा गोया एने आखो कोय देदा.

![](https://cdn.door43.org/obs/jpg/360px/obs-en-29-08.jpg)

राजा तिना दास काजे बुलावीन कोयू, “हे दुष्ट दास, मे तारा कोरजा काजे इनान कोरता माफ कोरलू काहाकि तू मारेसी विनता कोरलू होतु. तुसेक बी तोसोत कोरनो होतो. राजा घोणु रीसवाय गोयू कि चू तिना दास काजे जेल खानामा नाख देदू जेतार तोक चू तेरु कोरजू आपी नि देय.

![](https://cdn.door43.org/obs/jpg/360px/obs-en-29-09.jpg)

तेतार येसु कोयू, “मारू सोरगोम रोयन्यू बास तुमरे माईन होर एक साते ओसुत कोरसे ओगोर तुमु तूमरा भाश काजे माफ नि कोरता होसे.

*बायबोलोन काहानी मत्ती अध्याय 18:21-35 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_29_128kbps.m4a

## 30. येसुन पाच हजार माणसोक खावाळनो

https://openbiblestories.org/l/bfb/story-30/

![](https://cdn.door43.org/obs/jpg/360px/obs-en-30-01.jpg)

येसु तेरा चेला काजे प्रचार कोरणे एने माणसो काजे भोनावने कोरी ओलोग-ओलोग गावमा मुकल्यू. जेतार चे चा गोया जा येसु होतु ती चे तिना कोया कि चे काय कोरला होता. तेतार येसु तीनु काजे नोदीन पोहोरले धोळे तेरे साते शांत जागामा जाईन थुलिक टेम तोक आराम कोरनेन कोरता बुलाव्या. आखिर चे ढोंड्या पोर चोळ गोया एने नोदीन पोरले धोळे जात रोया.

![](https://cdn.door43.org/obs/jpg/360px/obs-en-30-02.jpg)

बाकीन चा घोणा सोवटा ओसला माणसे होता जे येसु काजे एने तेरा चेला काजे ढोंड्या पोर जातला देखला होता. ये माणसे तिन्दरे गोथा ओगोव जाणेन कोरता नोदीन धोळे-धोळे दोवळ्या. आखरी जेतार येसु एने तेरा चेला पुग गोया ती माणसोन एक मोटलु टुवू तिन्दारी वाट जुव रोया होता.

![](https://cdn.door43.org/obs/jpg/360px/obs-en-30-03.jpg)

तिना टूवामा बायरा एने पुऱ्याक छुळीन 5000 गोथा सोवटा माणसे होता. येसु तीनु माणसो पोर दोया कोऱ्यू. येसुन कोरता चे माणसे बिना गुवाव्यान गाडरा तोसा होता. एरेन कोरता चू तीनुक शिक्षा आप्यू एने तिन्दरे इचमा जे बिमार होता तीनुक वारू कोऱ्यू.

![](https://cdn.door43.org/obs/jpg/360px/obs-en-30-04.jpg)

दाहळू बुडनेन टेमे, चेला येसुक कोया, “हिमी टेम होय गोयी एने आसपास गावे बी नि होय. इनू मानसो काजे जानेडे टाकी चे टेमो पोर घोर पुग सोके एने खानो खाय सोके.”

![](https://cdn.door43.org/obs/jpg/360px/obs-en-30-05.jpg)

बाकीन येसु चेला काजे कोयू, “तुमु तीनुक खाणे कोरता काहीन आपु” चे जवाब आप्या, “आपणु ओसा कोसा कोर साकतला? आमरे जू निस्ता पाच रुटा एने दुय माछा छे.

![](https://cdn.door43.org/obs/jpg/360px/obs-en-30-06.jpg)

येसु चेला काजे कोयू कि माणसोकाजे खोळा पोर पोचास-पोचास जोना बोसने कोय देवू.

![](https://cdn.door43.org/obs/jpg/360px/obs-en-30-07.jpg)

तेतार येसु पाच रुटा एने दुय माछा लेदू एने सोरगो वोखे देख्यू एने तिना खाना कोरता देवोकाजे धन्यवाद आप्यू.

![](https://cdn.door43.org/obs/jpg/360px/obs-en-30-08.jpg)

ओवतेन येसु रुटा एने माछान तुकळा कोऱ्यू. एने माणसो काजे आपने कोरीन चे तुकळा चेला काजे आप्यू. चेला तिना खाना काजे वाटता रोया, एने चो कोदी नि सोऱ्यो, एने चे खाईन आफरी गोया.

![](https://cdn.door43.org/obs/jpg/360px/obs-en-30-09.jpg)

तेरे बाद, चेला तिना खाना काजे एकठो कोऱ्या जा खाईन रोय गोयला चे बारा टूपला रोय गोयला, चो आखो खानो पाच रुटा एने दुय माछा सी आवलो होतो.

*बायबोलोन काहानी मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_30_128kbps.m4a

## 31. येसुन पाणी पोर चालणो

https://openbiblestories.org/l/bfb/story-31/

![](https://cdn.door43.org/obs/jpg/360px/obs-en-31-01.jpg)

पाच हजार माणसोकाजे कावाळनेन बादमा, येसू तेरा चेला काजे ढोंड्याम जाणे कोरीन कोयू. चू तीनु काजे नोदीन पोरले धोळे जाणे कोरीन कोयू हालाकी चू थुलिक वार तोक चात रुकाय गोयू. आखरी चेला जात रोया एने येसु भिळ खाजे मुकली देदू कि चे तिन्दरे घोर जाय सोके. तेरे बादमा, येसु प्रार्थना कोरनेन कोरता एक बोयळा पोर जात रोयू. चा चू एखलू होतु एने चू आदी रात तोक प्रार्थना कोऱ्यू.

![](https://cdn.door43.org/obs/jpg/360px/obs-en-31-02.jpg)

तिने टेमे, चेला तिंदरी ढोंड्या काजे हालेवता जाईन जाता होता, बाकीन वाहवू तिन्दरे सामने गोथू जुरेत आवतू होतु. आदी रात होय गोयी बाकीन चे नोदीन इचमात होता.

![](https://cdn.door43.org/obs/jpg/360px/obs-en-31-03.jpg)

तिने टेमे येसु प्रार्थना कोरीन नोवरायू एने तेरा चेलानचा पोछू जाणे बाज गोयू. चू ढोंड्या वोखे जाणेन कोरता येसु पाणी पोर चालणे बाज गोयू.

![](https://cdn.door43.org/obs/jpg/360px/obs-en-31-04.jpg)

तेतार चेला तीनाक देख्या. चे घोणा बिह गोया काहाकि चे येसुक भुतडू जानता होता. येसु जानतू होतु कि चे बिह गोया, इनान कचू तीनुक आयळीन कोयू, बिहू मा, मे छे.”

![](https://cdn.door43.org/obs/jpg/360px/obs-en-31-05.jpg)

तेतार पतरस येसू काजे कोयू, “ हे पराभू ओगोर तू छे ती मेसेक पाणी पोर गोथू चालीन तारेनचा आवनेन आग्या आप.” येसू पतारस काजे कोयू, “आव.”

![](https://cdn.door43.org/obs/jpg/360px/obs-en-31-06.jpg)

आखरी पतरस ढोंड्याम गोथू उतऱ्यू एने येसुनचा जाणेन कोरता पाणीपोर चालने चालू कोऱ्यू. बाकीन चू थुलेक जाईन तेरा नोजोर काजे येसूनचा गोथू छेटू कोर लेदू एने झेलक काजे देखने बाज गोयू एने वाहवाक महसूस कोरणे बाज गोयू.

![](https://cdn.door43.org/obs/jpg/360px/obs-en-31-07.jpg)

तेतार पतरस बिह गोयू एने पाणीमा दुबने बाज गोयू. चू आयळ्यु, “हे प्रभू, मेसेक वाचाळ” येसू तीनेत टेमे हात ओगु कोरीन तीनाक धोर लेदू. तेतार येसू पतरस काजे कोयू, “तारू भूरसू घोणु कोम छे. तुसेक वारलू रोयनेन कोरता तू मार्पोर काहा नि भूरसू कोऱ्यू.”

![](https://cdn.door43.org/obs/jpg/360px/obs-en-31-08.jpg)

तेतार येसू एने पतरस ढोंड्या पोर चोळ गोयू एने वाहवान जाणो बी बोंद होय गोयो. पाणी हुगो होय गोयो. चेला नोवलईन येसू ओगोव घुटना टेक देदू. चे तेरी आराधना कोऱ्या एने तीनाक कोया, “छाचलीन तू देवोन पूऱ्यू छे.”

*बायबोलोन काहानी मत्ती अध्याय 14:22-33; मरकुस 6:45-52; यूहन्ना 6:16-21 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_31_128kbps.m4a

## 32. येसु दुष्टात्मासी भोराला माणसो काजे एने मांदली बायोर काजे वारू कोरनो.

https://openbiblestories.org/l/bfb/story-32/

![](https://cdn.door43.org/obs/jpg/360px/obs-en-32-01.jpg)

येसु एने तेरा चेला तिन्दरा ढोंड्यामा तिने जागे गोया जा गिरासनी माणसे रोयता होता. तिनां जागापोर पुगीण ढोंड्याम गोथा उतरी गोया.

![](https://cdn.door43.org/obs/jpg/360px/obs-en-32-02.jpg)

चा एक माणूस होतु जू दुष्टामा सी भोरायलू होतु.

![](https://cdn.door43.org/obs/jpg/360px/obs-en-32-03.jpg)

यु माणूस ओतरू ताकत वावु होतु कि कुदू बी तीनाक सोमाव नि सोकतो होतो. घोणा कावा माणसे तीनाक साकवे कोरीन बांद देतला बाकीन चू तीनाक तुळ देतलू.

![](https://cdn.door43.org/obs/jpg/360px/obs-en-32-04.jpg)

चू माणूस तिना गागान मोळवाट्यामा रोयतू होतु. यु माणूस पुरू दाहळू एने रात आयळ्या कोरता होता. चू डोगला नि परतू होतु, एने हमेशा खुदो काजे जोखमी कोरतू होतु.

![](https://cdn.door43.org/obs/jpg/360px/obs-en-32-05.jpg)

चू माणूस दौळीन येसुनचा आव्यू एने तेरे सामने मांडा टेक देदू. तेतार येसू तिना माणसो मायला दुष्टामा साते वात कोऱ्यू एने कोयू, “इना मानसोमा गोथू बारथे निकोव.”

![](https://cdn.door43.org/obs/jpg/360px/obs-en-32-06.jpg)

ची दुष्टात्मा मोटेत आवाजे आयळ्यु, “हे येसु, परम प्रधान देवोन पुऱ्या, तारू मारसी काय काम? दोया कोरीन मेसेक मा विताळे,” तेतार येसु तिना दुष्टामा काजे पुछु, “तारो नाव काय छे?” चू जावब आप्यू, “मारो नाव सेना छे, काहाकी आमु लोकेत छे.” (रोमी सेनामा लगभग एक हजारोन एक टुवू “सेना” रोयती होती.)

![](https://cdn.door43.org/obs/jpg/360px/obs-en-32-07.jpg)

चे दुष्टात्मा येसु सी विनता कोऱ्या कि, “दोया कोरीन आमु काजे इना जागाम गोथू बारथे मा मुकले.” चात साते वावा बोयळा पोर सुवऱ्यान एक टुवू चोरतू होतु. इनान कोरता चे दुष्टात्मा येसूसी विनता कोऱ्या कि, “दोया कोरीन आमु काजे पोला सुवऱ्यामा मुकली दे.” येसू कोयू, “ठीक छे तिन्दरेमा जात रोय.”

![](https://cdn.door43.org/obs/jpg/360px/obs-en-32-08.jpg)

आखरी चे दुष्टात्मा तिना माणसोम गोथा निकवीन तिनु सुवऱ्यामा जात रोया. चे सुवऱ्या दौवळीन नोदिमा कुड गोया एने डुबीन मोर गोया. तिना टूवामा लगभग 2000 सुवऱ्या होता.

![](https://cdn.door43.org/obs/jpg/360px/obs-en-32-09.jpg)

चा सारीक तीनु सुवऱ्यान देखरेख कोरणे वावा होता. जो काय होयलो होतो चो देखीन चे गावमा दौळी पोळ्या. येसू जो कोरलू होतु चे आखो आखाक जाईन कोय देदा. तिना गावो मायला माणसे निकवीन आव्या एने तिना माणसो काजे देख्या जेरेमा दुष्टात्मा होती. चू शांती सी डोगला पेरलु एने एक सादा मानसोन तोसु कोरतू जाईन बोस रोयू होतु.

![](https://cdn.door43.org/obs/jpg/360px/obs-en-32-10.jpg)

चे माणसे घोना बिही गोया एने चे येसू काजे जाणे कोरीन कोया. आखरी येसू ढोंड्या पोर चोळ गोयू. चू माणूस जेरेमा दुष्टात्मा होता चू येसू साते जाणे क्प्र्ता विनता कोरणे बाज गोयू.

![](https://cdn.door43.org/obs/jpg/360px/obs-en-32-11.jpg)

बाकीन येसू तीनाक कोयू, “नि, मे चाहतलु कि तू घोर जाईन आखाक कोये कि देव तारेन कोरता काय कोरलू छे. तीनु कोय कि देव तारपोर दोया कोरलू छे.”

![](https://cdn.door43.org/obs/jpg/360px/obs-en-32-12.jpg)

एरेन कोरता चू माणूस जात रोयू एने आखा काजे इना बारमा कोय देदू जो येसू तेरेन कोरता कोरलू होतु. तेरी काहानी सोमवीन एक जोन नोवलाय कोरणे बाज गुयू.

![](https://cdn.door43.org/obs/jpg/360px/obs-en-32-13.jpg)

येसू नोदीन पोल धोळे आवती रोयू. तेरो चा पुगनेन बाद, एक मोटी भिळ तेरे आसपास एकठी होई एने तीनाक दाबणे बाज गोया. तिनि भिळमा एक बायोर होती जी बारा साल सी लुय वोयनेन तकलिप होती. ची तेरो आखो धोन दोवाखानामा भोर देदली होती टाकी चे तीनिक वारू कोर सोके, बाकीन तेरी बिमारी ओवी बी जादा होयती गोयी.

![](https://cdn.door43.org/obs/jpg/360px/obs-en-32-14.jpg)

चू सोमेव्ळू होतु कि येसू घोणा सोवटा मानदाला काजे वारू कोरलू होतू एने ची सोची कि, ओगोर मे निस्ती एरा डोगला काजेबी छीम लीस ती मे वारू होय जाश.” इनान कोरा ची येसू पोछोव आवी एने तेरा डोगला काजे छीम लेदी. जोसी ची छिमी, लुय वोयनो बोंद होय गोयो.

![](https://cdn.door43.org/obs/jpg/360px/obs-en-32-15.jpg)

चालुत, येसू जान लेदू कि तेरेमा गोथू ताकत निकवलो छे. एने चू पोछू फिरीन पुछू, “मेसेक कुन छीम्यो?” चेला जवाब आप्या, “याओतरा माणसे तारे चारू छीमकुर गोर्दी छे एने तुसेक धोकलने बाज रोया ती तू काहा पुछ रोयू कि मेसेक कुन छिम्यो.”

![](https://cdn.door43.org/obs/jpg/360px/obs-en-32-16.jpg)

ची बायोर येसून सामने कापती जाईन एने बिहती जाईन धोटन्या पोर बोस गोयी. तेतार ची कोय देदी कि ची काय कोरली छे, एने यो बी कि ची वारू होय गोयली. येसू तीनिक कोयू, तारू भूरसू तुसेक वारू कोर देदू. शांती सी जा.”

*बायबोलोन काहानी, मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_32_128kbps.m4a

## 33. खेती कोरनेवावान काहानी

https://openbiblestories.org/l/bfb/story-33/

![](https://cdn.door43.org/obs/jpg/360px/obs-en-33-01.jpg)

एक दाहळे, येसू नोदीन काठान साते होतु, चू माणसोन एक घोनी मोटी भिळ काजे शिक्षा आपतू होतु. तीनाक सोमोवनेन कोरता ओतरा सोवटा आव्या कि येसू काजे वात कोरनेन कोरता जागू नि वाच्यू. एरेन कोरता चू पाणीमा उबरोयली ढोंड्या पोर चोळ गोयू. चू चा बोठ गोयू, एने माणसोकाजे शिक्षा आप्यू.

![](https://cdn.door43.org/obs/jpg/360px/obs-en-33-02.jpg)

येसू तीनुक यी काहानी सोमवाळ्यु, “एक खेती कोरणे वावु बीज वेरणे कोरीन निकव्यु. जेतार चू हाते कोरीन बीज वेरतू होतु ती थूलाक वाटीपोर पोळ्या, बाकीन चिल्ला आवीन चूट खाय गोया.”

![](https://cdn.door43.org/obs/jpg/360px/obs-en-33-03.jpg)

थूलाक बीज चाफऱ्या वावी जागामा पोळ्या जा धुवू कोम होतु. तिना जागा मायला बीज छाटास उग गोया, बाकीन तिन्दारा मुवे जादा उंडे जाणे जागू नि होतु, ती जेतार दाहळू निकव्यू एने तोप्यू एने झाडे चीमाय गोया एने मोर गोया.

![](https://cdn.door43.org/obs/jpg/360px/obs-en-33-04.jpg)

थुलाक बीज झळकामा पोळ्या. चा बीजे वोद्या बाकीन काटा तीनुक वोदने नि देदा. ती नि वोदनेन वोजहसी चे वारू फोव नि लाव सोक्या.

![](https://cdn.door43.org/obs/jpg/360px/obs-en-33-05.jpg)

थुलाक बीज वारली जागे पोळ्या, चे मोटा होया एने जोतरा बीज वेरला तिंदरे गोथा 30, 60 एने या तोक कि 100 गुना फोव पाक्यो. जू कुदू परमेश्वर पोछोव चालने हिंडे, चू तिनी वात पोर ध्यान देये जो मे कोयने बाज रोयू.

![](https://cdn.door43.org/obs/jpg/360px/obs-en-33-06.jpg)

जी काहानी चेला काजे भोंगलाळ देदी. एरेन कोरता येसू काहानीन फोळ कोऱ्यू, “चो बीज देवोन वचन छे. ची वाट एक ओसलू माणूस छे जू देवोन वचन सोमोवतलु छे. बाकून तीनाक सोमोजतला नि. तेतार भुतडू तेरे जीव गोटू चो वचन चूर लेतलू. मतलब भुतडू तिना वचन काजे सोमोजने सी नाम्बे राखतलू.

![](https://cdn.door43.org/obs/jpg/360px/obs-en-33-07.jpg)

“ची दोगळाट्या वावी जागा ओसलू माणूस छे जू परमेश्वरन वचन काजे सोमवे एने खुशी-खुशी तीनाक मान लेतलू छे. बाकीन खातही टेम आवे एने दिसरा माणसे तीनाक विताळे ती चू परमेश्वर सी नांबे जात रोयलु छे. मतलब चू परमेश्वर पोर भूरसू कोरनो बोंद कोर देय.

![](https://cdn.door43.org/obs/jpg/360px/obs-en-33-08.jpg)

चू काटा वावु जागू ओसलू माणूस छे जू परमेश्वरन वचन काजे सोमोवतलु छे. बाकीन चू लोके सोवटा वातोन बारामा चिंता कोरणे चालू कोर देय, एने चू घोणा सोवटा पोयशा कोमायने कोशीस कोरे, एने चू घोणा सोटा चीजो काजे हासील कोरणे कोरता कोशीस कोरे .थुलिक टेम बाद हिमी चू परमेश्वर काजे मोग करणे मा योग्य नि होय .एरेन करता जो चू परमेश्वर म वचन सिकलु होतु चू तीनाक देवो काजे खुश कारनेमा योग्य नि होय. चू गोहून चुखा सारखू छे चू फोव नि लावतलो.”

![](https://cdn.door43.org/obs/jpg/360px/obs-en-33-09.jpg)

बाकीन वारलू जागू चू माणूस जू परमेश्वरोन वचन काजे सोमोवतला एने तीनापोर भूरसू कोरतला एने फोव लावतला छे.”

*बायबोलोन काहानी मत्ती अध्याय 13:1-8, 18-23; मरकुस 4:1-8, 13-20; लूका 8:4-15 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_33_128kbps.m4a

## 34. येसू दिसरी काहानीन शिक्षा आपे

https://openbiblestories.org/l/bfb/story-34/

![](https://cdn.door43.org/obs/jpg/360px/obs-en-34-01.jpg)

येसू परमेश्वरो राज्यन बारामा दिसरा घोणा सोवटा काहान्या सोमवाळ्यु. उदाहरनोन कोरता, चू कोयू, “परमेश्वरोन राज्य एक राईन दाणा सारखो छे जीनाक कुदू तोरी तेरा खेतोमा वेर देदू. तुमु जानतला कि राईन दानू आखा दाणा माईन नानलु दानू रोयतलू.”

![](https://cdn.door43.org/obs/jpg/360px/obs-en-34-02.jpg)

“बाकीन जेतार राईन दानू मोटू होय जाय ती चू आखा बगीचान झाडो गोथा आखान मोटू होय जातलू ओतरू मोटू कि चिला आवीन तेरा डाव्या पोर आराम कोरे.”

![](https://cdn.door43.org/obs/jpg/360px/obs-en-34-03.jpg)

येसू एक ओवी दिसरी काहानी कोयू, “परमेश्वरोन राज्य खमिरोन सारखो छे जीनाक लीन एक बायोर पीठान टाहारामा भेसकी देय तेतार चो आखा टाहारामा पोसरी जाय.”

![](https://cdn.door43.org/obs/jpg/360px/obs-en-34-04.jpg)

“ सोरगोन राज तिना खोजानान सारखो से जीनाक कुदू तोरी खेतोमा लीजाईन डूकाळ देदू. काहना दिसरा माणसो काजे चो खोजानो जूळ गोयो एने चू तीनाक हासील कोरणे कोरता घोनी मोर्जी कोऱ्यू. एरेन कोरता चू तीनाकाजे पोछू गाळ देदू. चू खूशी सी ओतरू भोराय गोयू कि चू जाईन तेरो आखो वेच देदू ताकि चू तिना खेतो काजे वेचातो ली लेये जा चो खोजानो होतो.”

![](https://cdn.door43.org/obs/jpg/360px/obs-en-34-05.jpg)

“सोरगोन राज एक गोनी मोहंगीचुखला हिरा सारखो बी छे. जेतार कुदू हिरान व्यापारी तीनाक ली लेय ती चू तीनाक लेनेन कोरता तेरो आखो काहीन वेच देये.”

![](https://cdn.door43.org/obs/jpg/360px/obs-en-34-06.jpg)

चा गोणा सोवटा माणसे होता जे सोचता होता कि परमेश्वर तीनुक इनान कोरता मान लेसे काहाकी चे वारला कोर रोया. ये माणसे ओसला माणसो काजे वीटरावा मानता होता जे वारलो काम नि कोरता होता. एरेन कोरता येसू तीनु काजे यी काहानी कोयू, “दुय माणसे होता एने दुयू बी प्रार्थना कोरनेन कोरता मंदिरमा गोया, तिंदरे माईन एक फावू लेणे वावु होतु, एने दिसरू एक धोरमी अगवू होतु.”

![](https://cdn.door43.org/obs/jpg/360px/obs-en-34-07.jpg)

“चू धार्मी अगवू एना रीतीसी प्रार्थना कोऱ्यू कि, ‘हे परमेश्वर, तारो धोन्यवाद होये कि मे दिसरा माणसोन तोसु जोसा डाखू, दोया नि कोरणे वावु माणूस, व्यभिचारी एने या तोक कि या सारीक आवलु फावू लेणे वावा सारखू एक पापी नि होय.”

![](https://cdn.door43.org/obs/jpg/360px/obs-en-34-08.jpg)

उदाहरनोन कोरता, मे होर हाप्ता उपास राखतलु एने मे मेसेक जूळने वावा पोयशा एने सामानोन दासवू भाग बी तुसेक आपतलु.”

![](https://cdn.door43.org/obs/jpg/360px/obs-en-34-09.jpg)

“बाकीन चू फावू लेणे वावु तिना धोर्मी अगवासी नाम्बेत उबरोय गोयू. चू सोरोगो वोखे तेरा डूवा बी उचा नि कोऱ्यू. बाकीन चू तेरी मुठसी तेरी छाती काजे ठुक्यू एने प्रार्थना कोऱ्यू, ‘हे परमेश्वर, दोया कोरीन मार पोर गिन कोर काहाकी मे पापी.’”

![](https://cdn.door43.org/obs/jpg/360px/obs-en-34-10.jpg)

ओवतेन येसू कोयू, “मे तुमु काजे छाचलीन कोयो, परमेश्वर तिना फावू लेणे वावान प्रार्थना काजे सोमव्यु एने तीनाक धोर्मी ठेराव्यू. बाकीन परमेश्वर तिना धोर्मी अगवान प्रार्थना पोसोन नि कोऱ्यू. परमेश्वर होर एक घोमोंडीन मुनको नेचो कोरसे, बाकीन चू होर एक काजे आदोर आपसे जो खुदो काजे नम्र कोरे.”

*बायबलोन काहानी, मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14*

Audio: https://git.door43.org/OBS-TLF/bfb_obs/releases/download/v1/bfb_obs_v1_34_128kbps.m4a

## 35. दोयावा बासोन काहानी

https://openbiblestories.org/l/bfb/story-35/

![](https://cdn.door43.org/obs/jpg/360px/obs-en-35-01.jpg)

एक दाहळू, येसू तीनु घोणा सोवटा मानसो काजे शिक्षा आपतू होतु जे येसुक सोमोवनेन कोरता एकठा होयला होता. ये माणसे फावू मांगने वावा एने दिसरा माणसे बी जे मुसान नियोम शास्त्रान पालन कोरनेन कोसिस नि कोऱ्या.

![](https://cdn.door43.org/obs/jpg/360px/obs-en-35-02.jpg)

थुलाक धार्मिक अगवा देख्या कि येसू इनू माणसो साते एक दोस्तोन तोसु वात कोरतू होतु. एरेन कोरता चे एक दिसरा काजे यो कोयने चालू कोर देदा कि चू गलत कोयने बाज रोयू. येसू तीनुक वाटे कोरतला सोमव्यू, एरेन कोरता येसू तीनुक ये काहानी सोमवाळ्यु.

![](https://cdn.door43.org/obs/jpg/360px/obs-en-35-03.jpg)

“एक माणूस होतु जेरा दुय पुऱ्या होता. नानलू पुऱ्यू तेरा बास काजे कोयू, हे बास, मेसेक हिमी मारा हिस्सू जुवे, आखरी बास तेरा पुऱ्या काजे संपतीन तिंदरु वाटू पाळ देदू.”

![](https://cdn.door43.org/obs/jpg/360px/obs-en-35-04.jpg)

“सातुत नानलु पुऱ्यू तेरा वाटा मायला आखो एकठो कोरीन नाबेत देसोमा जात रोयू एने पापी जीवन जीवनेमा तेरो आखो पोयशा टोका खोरची देदू.”

![](https://cdn.door43.org/obs/jpg/360px/obs-en-35-05.jpg)

इरे बाद, जा नानलू पऱ्यू होतु तिना देसमा घोणु मोटू काव पोळ्यु, एने तेरे जुव खानो लेनेन कोरता पोयशा बी नि होता . एरेन कोरता तिना काजे जो काम जूळलो होतो चू सुवऱ्याक चारणेन होतो. चू ओतरू दुखी एने भुकलु होतु कि चू सुवऱ्यान खोनो खाणे हिंडतू होतु.”

![](https://cdn.door43.org/obs/jpg/360px/obs-en-35-06.jpg)

“आखिरकार, तिना नानलु पुऱ्यू खुदो काजे कोयू, मे काय कोर रोयू? मारा बासोन सेवको जुव कानेने कोरता घोनो सोवटो छे, ती बी मे न्या भुकलु मोर्ने बाज रोयू. मे मारा बासोनचा पोछू जाईश एने मारा बासोन एक सेवक बोनेन कोरता तिनान विनता कोरिस.’”

![](https://cdn.door43.org/obs/jpg/360px/obs-en-35-07.jpg)

आखरी, चू नानलु पुऱ्यू पोछू तेरा बासोन घोरो वोखे जाणे चालू कोऱ्यू. जेतार चू नाम्बेत होतून तेरु बास तीनाक देख्यू एने तेर पोर गिन कोऱ्यू. चू दोवळीन तेरा पुऱ्यानचा गोयू एने तीनाक गोवे लागाळ लेदू एने गुवा देदू.”

![](https://cdn.door43.org/obs/jpg/360px/obs-en-35-08.jpg)

“चू पुऱ्यू कोयू, हे बास,मे परमेश्वरो विरुद्ध एने तार विरुध पाप कोरलु छे. मे तारू पुऱ्यू कोवायनेन लायक बी नि होय.”

![](https://cdn.door43.org/obs/jpg/360px/obs-en-35-09.jpg)

“बाकीन बास तेरा एक सेवोकसी कोयू कि मामार जाईन आखा गोथा वारू डोगला लावू एने मारा पुऱ्या काजे पेरावू. हेरी आंगवीमा मुंदी एने तेरा पायोमा खासळा पेरावू. ओवतेन आखान वारू गाडरो मारू टाकी आमु खाजे एने ख़ुशी मोनावजे, काहाकी मारू पुऱ्यू मोर गोयलू होतू, बाकीन पोछू जीवतलु छे, चू खुवाय गोयलू बाकीन हिमी जूळ गोयलू छे.

![](https://cdn.door43.org/obs/jpg/360px/obs-en-35-10.jpg)

“ए रेन कोरता माणसे ख़ुशी मोनावने चालू कोऱ्या. थुलिक टेम जाणे बादमा, मोटलु पूऱ्यू खेतोम गोथू काम कोरीन घोर आव्यू. चू संगती एने नाचनेन आवाज काजे सोमव्यु एन नोवलाय कोऱ्यू कि यो काय होणे बाज रोयो.”

![](https://cdn.door43.org/obs/jpg/360px/obs-en-35-11.jpg)

“जेतार मोटला पुऱ्या काजे मालूम होयो कि चे एरेन कोरता ख़ुशी मोनाव राया होता कि तेरु भाश घोर आव लागलू होतु, ती चू घोणु रीसवाय गोयू एने घोरमा नि गोयू. तरू बास बारथे आवीन तिना काजे तिंदरे साते ख़ुशी मोनावनेन कोरता विनता कोऱ्यू, बाकीन चू मोना कोर देदू.”

![](https://cdn.door43.org/obs/jpg/360px/obs-en-35-12.jpg)

“चू मोटलु पुऱ्यू तेरा बास काजे कोयू, ‘इना आखा सालोमा मे तारोन कोरता इमानदारीसी काम कोऱ्यू, कोबी बी मे तारा वातो काजे नि ताव्यू, बाकीन तू मेसेक एक नाणीस बुकळी बी नि आप्यू ताकी मे मारा दोस्त साते खानो खाय सोको. बाकीन तारू यु पुऱ्यू तेरो आखा पोयशा पापी काम कोरणेमा बोरबाद कोर देदू, एने हिमी चू पोछू आव लाग्यू ती तेरेन कोरता ख़ुशी मोनावनेन कोरता वारलो गाडरो मार देदू.’”

![](https://cdn.door43.org/obs/jpg/360px/obs-en-35-13.jpg)

बास जवाब आप्यू, “हे मार पुऱ्या, तू हमेशा मार पुठी से, एने जो काय मारो छे चो आखो तारो छे. बाकीन आपनेन कोरता खुशी मोनावनो वारू छे काहाकी तारू भाश मोर गोयलू होतु बाकीन हिमी जीवतलु छे. चू खुवाय गोयलू बाकीन हिमी जूळ गोयलू छे.’”

*बायबोलोन काहानी लूका अध्याय 15:11-32 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_35_128kbps.m4a

## 36. बोदेलनो

https://openbiblestories.org/l/bfb/story-36/

![](https://cdn.door43.org/obs/jpg/360px/obs-en-36-01.jpg)

एक दाहळू, येसू तेरा तीन चेला काजे जे पतरस, याकुब एने योहान होता, तेरे साते लीन गोयू. (यु योहान नावोन माणूस नि होय जू येसू काजे बाप्तिस्मा आपलू होतु.) चे प्रार्थना कोरनेन कोरता उचात बोयळा पोर गोया.

![](https://cdn.door43.org/obs/jpg/360px/obs-en-36-02.jpg)

जेतार येसू प्रार्थना कोरतू होतु ती तेरो मूय सूर्यान तोसो विजावो होय गोयो. तेरा डोगला विजावान तोसा धोवा होय गोया, जोसा कोवी पोर कुदू कोर सोके तर गोथा बी बोढीन धोव्वो.

![](https://cdn.door43.org/obs/jpg/360px/obs-en-36-03.jpg)

तेतार मुसा एने एलिया भविष्य कोरता देखाय पोळ्या. ये माणसे इन धोरती इना टेमोसी सेकळो साल पेहेल रोया कोरता होता. चे येसू साते तेरी मोरने बारामा वात कोरता होता, काहाकी चू छाटूस यरूशलेममा मोर जान्यू छे.

![](https://cdn.door43.org/obs/jpg/360px/obs-en-36-04.jpg)

जेतार मुसा एने एलिया येसू साते वात कोरता होता तेतार पतरस येसू काजे कोयू, “आमरेन कोरता न्या रोयनो वारू छे, आमु तीन मंडप बोनावजे, रक तार जुगु, एक मुसा जुगु एने एक एलिया जुगु.” बाकीन पतरस नि जानतू होतु कि ह्यु काय बुल रोयू.

![](https://cdn.door43.org/obs/jpg/360px/obs-en-36-05.jpg)

जेतार पतरस वात कोरतू होतु, ती चमकदार वादवो नेचो आवीन तिंदरे पोर आव लाग्यो. ओवतेन चे वादवाम गोथो एक आवाज काजे सोमव्या. चू कोयू, “यु मारू पूऱ्यू छे जेरेसी मे मोंग कोरो. मे हेरोमा खुश छे हेरी सोमवु.” चे तीन चेला बिह गोया एने धोरती पोर लुट गोया.

![](https://cdn.door43.org/obs/jpg/360px/obs-en-36-06.jpg)

तेतार येसू तीनुक छीम्यू एने कोयू, “बिहू मा, उठ जावू.” जेतार चे चारू धोळे देख्या, ती जो बी चा होतो चू येसू होतु .

![](https://cdn.door43.org/obs/jpg/360px/obs-en-36-07.jpg)

येसू एने चे तीन चेला तिना बोयळा पोर गोथा उतरी गोया. तेतार येसू तीनुक कोयू, “हिमी जो न्या होयलो तेरी चर्चा कुदा काजे घोन कोयता. मे छाटूस मोर जाश एने जीवतु होय जाश. तेरे बाद तुमु कोय सोकतला.”

*बायबोलोन काहानी मत्ती अध्याय 17:1-9; मरकुस 9:2-8; लूका 9:28-36 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_36_128kbps.m4a

## 37. येसून लाजर काजे जीवाळनो.

https://openbiblestories.org/l/bfb/story-37/

![](https://cdn.door43.org/obs/jpg/360px/obs-en-37-01.jpg)

लाजर नावोन एक माणूस होतु. तेरा दुय बोहनिशा होता जिंदरा नाव मरियम एने मार्था होता. चे आखा येसून दोस्त होता. एक दाहळे कुदू तोरी येसू काजे कोयो कि लाजर घोणु मान्दलु होतु. जेतार येसू यो सोमव्यू ती चू कोयू, “यी बिमारी लाजरोन मोरनेन साते यी बिमारी खोतोम नि होयी. बाकीन यी माणसो काजे परमेश्वरोन आदर कोरणे कोरता अगवाई कोरसे.”

![](https://cdn.door43.org/obs/jpg/360px/obs-en-37-02.jpg)

येसू तेरा दोस्तसी मोंग कोरतू होतु. बाकीन जा चू होतु चा चू दुय दाहळा तोक वाट जुव्यू. तीनु दुय दाहळा बाद, येसू तेरा चेआ काजे कोयू, “आवू, पोछा यहुदीया जाता. चेला जवाब आप्या, “बाकीन हे गुरु, हिमी थुलिक टेमो पेहेल यहुदी तुसेक मार नाखने हिंडता होता.” येसू कोयू, “आपणु दोस्त लाजर सुव गोयलू छे, एने मेसेक तिना काजे उठाळ छे.”

![](https://cdn.door43.org/obs/jpg/360px/obs-en-37-03.jpg)

येसून चेला जवाब आप्यू, “हे प्रभू, अगोर लाजर सुव रोयू, ती चू वारू होय जासे.” तेतार येसू तीनुक साफ कोय देदू, “लाजर मोर गोयलू छे. मे खुश छे कि मे चा नि होतु, ताकी तुमु मार पोर भूरसू कोर सोके.”

![](https://cdn.door43.org/obs/jpg/360px/obs-en-37-04.jpg)

जेतार येसू लाजरन गावमा पुग्या ती लाजर काजे मोरला चार दाहळा होय गोयला होता. मार्था येसुक भेटनेन कोरता बारथे आवी एने कोई, “ हे प्रभू, ओगोर तू या रोयतू ती मारू भाश नि मोरतू. बाकीन मे भूरसू कोरो कि जो काय तू परमेश्वरसी मांगीस ती चू तुसेक आपसे.”

![](https://cdn.door43.org/obs/jpg/360px/obs-en-37-05.jpg)

येसू जवाब आप्यू, “पुनरुथान एने जीवन मे छे. जू कुदू मार पोर भूरसू कोरे अगोर चू मोर बी जाय ती बी जीवसे. जू कुदू मार पोर भूरसू कोरे चू कोबी नि मोरे. काय तू एरेपोर भूरसू कोरे?” मार्था जवाब आपी, “हे प्रभू, मे भूरसू कोरो कि तू परमेश्वरोन पुऱ्यू मसिह छे.”

![](https://cdn.door43.org/obs/jpg/360px/obs-en-37-06.jpg)

तेतार मरियम आवी. ची येसून पायो पोर पोळीन कोई, “हे प्रभू, ओगोर तू न्या रोयतू ती मारू भाश नि मोरतू.” येसू तीनुक पुछू, “तुमु लाजर काजे का मेक रोया?” चे तीनाक कोया, “मोळवाट्यामा, आव एने देख ले.” तेतार येसू रोळने बाज गोयू.

![](https://cdn.door43.org/obs/jpg/360px/obs-en-37-07.jpg)

चो मोळवाट्यो एक गुफा होती, जेरे झोपला पोर एक दोगळा काजे ढोबवाव्या. जेतार येसू मोळवाट्यापोर पुग्यू ती चू तीनुक कोयू, “दोगळाक ओथा कोरु, तिना मोरलू चार दाहळा होय गोयला होता एने चो गोंदायतो होसे.”

![](https://cdn.door43.org/obs/jpg/360px/obs-en-37-08.jpg)

येसू जवाब आप्यू, “काय मे तुमुक नि कोयु कि ओगोर तुमु मार पोर भूरसू कोरसू ती परमेश्वरोन ताकत काजे देखसे?” एरेन कोरता चे दोगळा काजे छेटा कोर देदा.

![](https://cdn.door43.org/obs/jpg/360px/obs-en-37-09.jpg)

तेतार येसू उपर सोरगो वोखे देखीन कोयू, “हे बास, मारी सोमवनेन कोरता धन्यावाद कोरो. मे जाणो कि तू मारी हमेशा सोमवे बाकीन मे या उबरोयला अखं मानसोन मदत कोरनेन कोरता कोयू ताकी ये भूरसू कोरे कि तू मेसेक मूकललु छे.” तेतार येसू आयळ्यु, हे लाजर, बारथे निकोव.”

![](https://cdn.door43.org/obs/jpg/360px/obs-en-37-10.jpg)

अखरी लाजर बारथे निकविन आव लाग्यू. चू हिमी बी छिंदरामा गुंडवायलु होतु. इना कापळाक निकावे कोरीन मदत कोरु. एने तीनाक आजाद कोरु.” इना चमत्कारोन वजहसी घोणा सोवटा योहुदी माणसे येसू पोर भूरसू कोऱ्या.

![](https://cdn.door43.org/obs/jpg/360px/obs-en-37-11.jpg)

बाकीन योहुदिन धोरमी अगवा येसूसी रीस कोरणे बाज गोया, एरेन कोरता चे योजना बोनावनेन कोरता एकठा होया कि कोसा येसू काजे एने लाजर काजे मार देजे.

*बायबोलोन काहानी योहान 11:1-46 सी.*

Audio: https://git.door43.org/OBS-TLF/bfb_obs/releases/download/v1/bfb_obs_v1_37_128kbps.m4a

## 38. येसू काजे धोरावनो

https://openbiblestories.org/l/bfb/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहुदी माणसे वलांडनोन तिहीवार मनावता होता. यो एरे बारामा एक तिहीवार होतु कि घोणा साल पेहेल परमेश्वर तिंदरा डाह डाहा काजे मिस्रीन गुलामीमा गोथू छुळावलु होतु. लगभग तीन साल बाद येसू आखा काजे प्रचार कोरनो एने शिक्षा आपनो चालू कोऱ्यू. येसू तेरा चेला काजे कोयू कि चू तिंदरे साते यरूशलेममा वलांडनोन तिहीवार काजे मानने चाहतू होतु, एने यो बी कि तिना चा मार देसे.

![](https://cdn.door43.org/obs/jpg/360px/obs-en-38-02.jpg)

येसून चेला माईन एक योहुदा नावोन एक माणूस होतु. योहुदा प्रेरीतोन पोयशान थोयली राखनेन होतु, बाकीन हमेशा चू तिनी थोयली मा गोथू पोयशा निकाव लेतू होतु. येसू एने चेलान येरुशलेममा पुगणेन बादमा योहुदा योहुदी अगवानचा गोयु. चू पोयशान बोदले मे येसू काजे धोरावने प्रस्ताव मेक्यू. तीनाक मालोम होतो कि योहुदी अगवा स्वीकार नि कोरता होता कि येसू मसिह छे. चू जानतू होतु कि चे तीनाक मारणे हिंडता होता.

![](https://cdn.door43.org/obs/jpg/360px/obs-en-38-03.jpg)

मोटला पुजारान कोयनने पोर योहुदी अगवा येसू काजे धोरावने कोरता योहुदा काजे तीस चांदीन सिक्का आप्या. यो इना रीतीसी होयो जोसो कि भविष्य कोरता कोयला होता कि होयसे. योहुदा मान गोयू एने पोयशा लीन जात रोयू. चू येसू काजे धोरनेमा तिंदरी मदत कोरनेन कोरता एक टेम हेरेने बाज गोयू.

![](https://cdn.door43.org/obs/jpg/360px/obs-en-38-04.jpg)

यरुशलेममा, येसू चेला साते वलांडनोन तिहीवार मोनाव्या. वलांडनोन खानो खानेन टेमे, येसू रुटू लीन तूळ्यु. चू कोयू, “इनाक लेवू एने खावू. यो मारो डील छे जो तुमरेण कोरता आपो. इनाक मारा फोममा राखजू.” इना रीतीसी, येसू कोयू कि चू तेरेन कोरता मोर जासे. मतलब तिंदरेन कोरता चू तेरा डीलो काजे बली चोळाव देसे.

![](https://cdn.door43.org/obs/jpg/360px/obs-en-38-05.jpg)

ओवतेन येसू एक आंगुरोन रोस गिलासमा लेदू एने कोयू, “इनाक पी लेवू. यो नोवला वायदान मारो लुय छे जो कि मे आपीस टाकी परमेश्वर तुमरा पापो काजे माफ कोरे. होर कावा इनाक पिनेन टेमे मारी फोम कोरनेन कोरता इनाक कोऱ्या कोरजू.”

![](https://cdn.door43.org/obs/jpg/360px/obs-en-38-06.jpg)

तेतार येसू तेरा चेला काजे कोयू, “तुमरे माईन एक जन मेसेक धोरावसे.” चेला वाहराय गोया एने पुछने बाज गोया कि कुन ओसलो काम कोरसे. येसू कोयू, “मेसेक धोरव्ने वावु माणूस चू से जीनाक मे रुटान भुकरू आपो.” तेतार चू योहुदा काजे रुटू आप्यू.

![](https://cdn.door43.org/obs/jpg/360px/obs-en-38-07.jpg)

तिना रुटा काजे लेनेन बादमा योहुदामा भुतडू भोराय गोयू. योहुदा निकविन येसू काजे धोरावने कोरीन योहुदी अगवान मदत कोरनेन कोरीन जात रोयू, यो रातीन टेम होतु.

![](https://cdn.door43.org/obs/jpg/360px/obs-en-38-08.jpg)

खानो खानेन बादमा येसू एने तेरा चेला जेतून बोयळा पोर जात रोया. येसू कोयू, “तुमु आखा आज राती मेसेक छुळ देसे. यो लीखलो छे, ‘मे गुवाव्याक मारिस एने आखा गाडरा वेरा-वेर होय जासे.”

![](https://cdn.door43.org/obs/jpg/360px/obs-en-38-09.jpg)

पतरस जवाब आप्यू, “भोले दिसरा तुसेक छुळ देसे बाकीन मे तुसेक कोबी नि छुळो.” तेतार येसू पतरस काजे कोयू, “भुतडू तुमु आखाक ली जाणे हिंडे बाकीन हे पतरस मे तार जुगु प्रार्थना कोरलू छे कि तू भूरसासी चूक नि जाय तेबी, आजून रात, कुकळू वासनेन पेहेल तू मेसेक तीन कावा इंकार कोरिस कि तू मेसेक नि जानतलु.”

![](https://cdn.door43.org/obs/jpg/360px/obs-en-38-10.jpg)

तेतार पतरस येसू काजे कोयू, “भोले मे मोर जाश, बाकीन मे कोबी बी तारू इंकार नि कोरो.” दिसरा आखा चेला बी योत कोया.

![](https://cdn.door43.org/obs/jpg/360px/obs-en-38-11.jpg)

तेतार येसू तेरा चेला साते गतसमनी नावोन एक जागापोर गोया. येसू तेरा चेला काजे प्रार्थना कोरनेन कोरीन कोय देदू, टाकी भुतडू तिंदरी परीक्षा नि लेये. तेतार येसू खुद प्रार्थना कोरणे जात रोयू.

![](https://cdn.door43.org/obs/jpg/360px/obs-en-38-12.jpg)

येसू तीन कावा प्रार्थाना कोऱ्यू, “हे मारा बास, ओगोर होय सोके ती दोया कोरीन यो दुखोन प्यालू पिनेन कोरता मेसेक मा आपे. बाकीन ओगोर मानसोन पाप माफ कोरणे कोरता दिसरी वाट नि होसे ती तारी मोर्जी पुरी होये.” येसू घोणु उदास होतु एने तेरो घाम लुयोन टिपका सारको होतो. तीनाक ताकत आपनेन कोरता परमेश्वर एक सोरगो दूत काजे मुकल्यू.

![](https://cdn.door43.org/obs/jpg/360px/obs-en-38-13.jpg)

होर कावा प्रार्थानान बादमा, येसू तेरा चेलानचा पोछू आव्यू, बाकीन चे सुव गोयला होता. जेतार येसू तिसरी कावा पोछू आव्यू ती येसू कोयू, “जाग जावू, मेसेक धोरावने वावु आव लाग्यू.”

![](https://cdn.door43.org/obs/jpg/360px/obs-en-38-14.jpg)

योहुदी अगवा, सिपायळा एने एक मोटली भिळ साते योहुदा आव्यू. चे तलवारे एने डेंगा ली रोया होता. योहुदा येसूनचा आवीन तीनाक कोयू, “हे गुरु नमस्कार,” एने तेरे गुवू देदू. चू येसू काजे योहुदी अगवा काजे देखाळनेन कोरता ओसू कोरलू होतु. तेतार येसू कोयू, “हे योहुदा, काय तू एक गुवासी मेसेक धोरावने बाज रोयू?”

![](https://cdn.door43.org/obs/jpg/360px/obs-en-38-15.jpg)

जेतार सिपायळा येसू काजे धोरता होता, ती पतरस तेरी तलवार निकाव्यू एने माहायाजकोन एक सेवकोन कानटो काट देदू. येसू कोयू, “तलवार काजे छेटू कोर, मे मारा बास सी मारा बचाओं कोरता सोरगो दुतोन एक सेना कोरता विनता कोर सोकतलु. बाकीन मेसेक मारा बासोन वात माननो छे.”तेतार येसू तिना मानसोन कानटो वार कोर देदू. तेतार आखा चेला ढास गोया.

*बायबोलोन काहानी, मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से*

Audio: https://git.door43.org/OBS-TLF/bfb_obs/releases/download/v1/bfb_obs_v1_38_128kbps.m4a

## 39. येसुपोर मुकदमा चाले

https://openbiblestories.org/l/bfb/story-39/

![](https://cdn.door43.org/obs/jpg/360px/obs-en-39-01.jpg)

हिमी यो आदी रातोन टेम होती. येसू काजे माहायाजकोन घर लीन गोया, काहाकी चू येसुसी सवाल पुछ्ने हिंडतू होतु. पतरस नांबे गोथू तिंदरी पिछा कोरतू होतु. जेतार सिपायळा येसू काजे घरमा लीन गोया, ती पतरस बारथे उबरोय गोयू एने तापायने बाज गोयू.

![](https://cdn.door43.org/obs/jpg/360px/obs-en-39-02.jpg)

घोरोन माहीम, योहुदी अगवा येसूपोर मुकदमा चालाळ्या. चे येसून विरुधमा बुलनेन कोरता घोणा सोवटा झुटा गोवा लीन आव्या. हालाकी, तिंदरा वाटे एक दिसरा साथे मेव नि खाता होता, एरेन कोरता योहुदी अगवा यो साबित नि कोर सक्या कि चू काहणी वातोमा गुणावू छे. येसू काय नि कोयू.

![](https://cdn.door43.org/obs/jpg/360px/obs-en-39-03.jpg)

आखरीमा, माहायाजक सुदू येसु वोखे भावीन कोयू, “आमुक कोय कि तू जीवतला देवोन पुऱ्यू मसिह छे?”

![](https://cdn.door43.org/obs/jpg/360px/obs-en-39-04.jpg)

येसू कोयू, “हव मे छे एने तुमु मेसेक परमेश्वर साथे बोठलु एने सोरगोम गोथू आवतलु बी देखसू.” माहायाजक तेरा छिंदरा फाळ लेदू काहाकी जो येसू कोयू तिनी वात पोर घोणु रीसवाय गोयू. चू दिसरा अगवा काजे लोळ्यु, “मेसेक यो कोयनेन कोरता ओवी दिसरा गवान गरज नि होय कि यु माणूस काय कोरलू छे, तुमु खुद यो कोयतलू सोमवला छे कि होयू परमेश्वरोन पुऱ्यू छे. एरे बारामा तुमरु काय फेसलू छे?”

![](https://cdn.door43.org/obs/jpg/360px/obs-en-39-05.jpg)

आखा योहुदी अगवा माहायाजक काजे जवाब आप्या, “होयू मोरनेन योग्य छे.” तेतार चे येसून डूवापोर पोट्टी बांद देदा, तेरे पोर थुप्या, तीनाक देदा एने तेरो मजाक उळाव्या.

![](https://cdn.door43.org/obs/jpg/360px/obs-en-39-06.jpg)

एने जेतार पतरस घरोन बरथे वाट जुव रोयू होतु, तेतार एक दासी पुराय तीनाक देखी. ची तीनाक कोयी, “तू बी येसू साते होतु,” पतरस मना कोर देदू. ओवतेन दिसरी पुराय बी यित वात कोई, एने पतरस पोछू मना कोर देदू. आखरी थुलाक माणसे कोया, आमुक मालूम छे कि तू येसू साते होतु काहाकी तुमु दुयू गलीलसी छे.”

![](https://cdn.door43.org/obs/jpg/360px/obs-en-39-07.jpg)

तेतार पतरस कोयू, “अगर मे एना माणूस काजे जाणो ती परमेश्वर मेसेक श्राप आपे.” एने तेतारुत पतरस इना रीतीसी शपत खानेन बादमा, कुकळू वाषु, येसू पोछू फिरीन पतरस वोखे भाव्यु.

![](https://cdn.door43.org/obs/jpg/360px/obs-en-39-08.jpg)

”तरस चा दोखू जात रोयू. तीनेत टेमे, येसू काजे धोरावने वावु योहुदा देख्यू कि योहुदी अगवा येसू काजे मोतोन दोंड आपला छे. योहुदा घोणु दुखी होय गोयू एने जाईन खुदो काजे मार नाख्यू.

![](https://cdn.door43.org/obs/jpg/360px/obs-en-39-09.jpg)

तिने टेमे देसोन राज्यपाल पिलातूस होतु. चू रोमोन कोरता काम कोरतू होतु. योहुदी अगवा येसू काजे तेरेनचा लाव्या, चे चाहता होता कि पिलातूस तीनाक मोतोन दोंड आपे एने तीनाक मार नाखे. तेतार पिआतूस तीनाक पुछू, “काय तू योहुदियान राजा छे?”

![](https://cdn.door43.org/obs/jpg/360px/obs-en-39-10.jpg)

येसू जवाब आप्यू, “तू छाचलीन कोयलू छे, बाकीन मारू राज न्या धोरतीपोर नि होय. अगर रोय्तो ती मारा दास मारोन कोरता लोळायता. मे धोरती पोर परमेश्वरोन बारामा छाचाय काजे कोयने आव रोयू. होर एक जोन जे छाचाय साते मोंग कोरे चे मारी सोमवे.” पिलातूस कोयू, “ ती छाचाय काय छे?”

![](https://cdn.door43.org/obs/jpg/360px/obs-en-39-11.jpg)

येसू साते वात कोरनेन बादमा, पिलातूस बारथे गोर्दिन ओगोव जाईन कोयू, मे काह्नुस ओसलू गुणु नि देख्यू कि इनाक मोतोन दोंड आपे.” बाकीन योहुदी अगवा एने गोर्दी आयळीन कोया, “हीना ख्रूस पोर चोळाव दे.” पिलातूस जवाब आप्यू, होयू काय बी गालात कोरनेन गुणावू नि होय.” बाकीन चे ओवी बी जादा मोटे आयळने कोयने बाज गोया. तेतार पिलातु तिसरी कावा कोयू, “होयू गुणावू नि होय.”

![](https://cdn.door43.org/obs/jpg/360px/obs-en-39-12.jpg)

पिलातूस बिह गोयू कि या माणसे दोन्गु चालू कोर देसे, एरेन कोरता चू सिपायळान लारे येसू काजे ख्रूस पोर चोळावने मान गोयू. रोमी सिपायळा येसू काजे चाबका देदा, एने तीनाक राजसी छिंदरा पेराव्या एने तेरा मुनका पोर काटान मुकुट मेक्या. तेतार चे यो कोयीन मजाक उळावने बाज गोया कि, “देखू योहुदिन राजा.”

*बायबलोन काहानी, मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_39_128kbps.m4a

## 40. येसू काजे ख्रूस पोर चोळावनो

https://openbiblestories.org/l/bfb/story-40/

![](https://cdn.door43.org/obs/jpg/360px/obs-en-40-01.jpg)

येसून मजाक उळावनेन बादमा, सिपायळा तिना काजे ख्रूस पोर चोळावनेन कोरता लीन गोया. चे येसू काजे ख्रूस काजे हाकलाळ्या जेरेपोर चू मोरसे.

![](https://cdn.door43.org/obs/jpg/360px/obs-en-40-02.jpg)

चे सिपायळा येसू काजे तिना जागापोर लाव्या जो “खोपळी” कोवायतली छे एने तेरा हात एने पायो काजे ख्रूस पोर ठूक देदा. बाकीन येसू कोयू कि, “हे बास, इनू काजे माफ कर, काहाकी ये नि जाणता कि ये काय कोर रोया.” चे एक पाटी तेरा मुनका उपोर टांग देदा. तेरेपोर लिखलो होतो कि, “योहुदिन राजा.” पिलातूस तीनुकाजे योत लिखने कोरीन कोयलू.

![](https://cdn.door43.org/obs/jpg/360px/obs-en-40-03.jpg)

तेतार सिपायळा येसून छिंदरान कोरता चिठ्या नाख्या. जेतार चे ओसा कोऱ्या ती चे तिनी भविष्य वाणी काजे पुरा कोऱ्या जो कोयती होती, “चे मारा छिंदरा काजे वाट लेदा एने मारा छिंदरान कोरता चिठ्या नाख्या.”

![](https://cdn.door43.org/obs/jpg/360px/obs-en-40-04.jpg)

चा सारीक दुय चूटा बी होता, जीनुकाजे सिपायळा तीनेत टेमे ख्रुसपोर चोळावला होता. चे तीनुकाजे येसून दुयू धोळे मेक्या. तिंदरे माईन एक चुटू येसून मजाक उळाव्यू, बाकीन दुसरू कोयू, “काय तू नि बिहतू कि परमेश्वर तुसेक दोंड आपसे? आपणु घोणा सोवटा भून्डला काम कोरनेन गुणावा छे, बाकीन यु माणूस निरदोष छे.” ओवतेन चू येसू काजे कोयू, “जेतार तू तारा राजमा आविस ती विनता कोरो कि मारी फोम राखजी. येसू जवाब आप्यू आजूत तू मार साते सोरगोलोकमा रोयीस.”

![](https://cdn.door43.org/obs/jpg/360px/obs-en-40-05.jpg)

योहुदी अगवा एने भिळ मायला माणसे येसून माजक उळाव्या. चे तीनाक कोया, “अगर तू परमेश्वरोन पुऱ्यू छे, ती ख्रूस पोर घोथू उतरी जा एने खुदो काजे वाचाळले. तेतार आमु तारपोर भूरसू कोरसू.”

![](https://cdn.door43.org/obs/jpg/360px/obs-en-40-06.jpg)

तेतार आखा देसोन वादवो कावो होय गोयो, भोले चू टेम दिसून टेम होतु. यो दिसून टेमे कावो होयो एने तीन घोनटा तोक ओसोत रोयो.

![](https://cdn.door43.org/obs/jpg/360px/obs-en-40-07.jpg)

तेतार येसू आयळीन कोयू, “पुरो होयो, हे बास, मे मारी आत्मा तारा हातोमा सोपो.” तेतार चू तेरा मुनका नेळो कोऱ्यू एने तेरा जीव काजे छुळ देदू. जेतार चू ओर्यू ती एक भूकंप होयो. चो मोटलो पोरदू जो परमेश्वर के उपस्तीतीसी मानसो काजे अलग कोरता होतू, उपर गोथू चू नेचो तक ओवी फाटीन दुय भाग होय गोयो.

![](https://cdn.door43.org/obs/jpg/360px/obs-en-40-08.jpg)

तेरी मोतोन लारे, येसू माणसोन कोरता परमेश्वरनचा आवनेन वाट उगाळ देदू. जेतार येसून राखवावी कोरणे वावा एक सिपायळू जो काय होयलो होतो चो आखो देख्यू ती चू कोयू, “छाचलीन यु माणूस निरदोष होतु. यु परमेश्वरोन पुऱ्यू छे.”

![](https://cdn.door43.org/obs/jpg/360px/obs-en-40-09.jpg)

तेतार युसुफ एने निकुदेमुस नावोन दुय योहुदी अगवा आव्या. चे भूरसू कोरता होता कि येसू मसिह होतु. चे पिलातूस जुव येसून धोळ काजे मांग्या. चे तेरा धोळ काजे कापळामा गुंडाव्या. तेतार चे तीनाक एक दोगळान बोनावली एक मोळवाट्यामा लीन गोया एने तेरे माही मेक देदा. तेतार चे तिना मोळवाट्यान झोपलू बोंद कोरनेन कोरता एक मोटला दोगळा काजे ढोबवाव देदा.

*बायबलोन काहानी, मत्ती 27:27-61; मरकुस 15:16-47; लूका 23:26-56; यूहन्ना 19:17-42 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_40_128kbps.m4a

## 41. परमेश्वर येसू काजे मोरलाम गोथू जीवाळे

https://openbiblestories.org/l/bfb/story-41/

![](https://cdn.door43.org/obs/jpg/360px/obs-en-41-01.jpg)

सिपायळान लारे येसू काजे ख्रूस पोर चोळावनेन बादमा, योहुदी अगवा पिलातूस काजे कोया कि, “होयू झुटू येसू कोयलू होतु कि होयू तीन दाहळामा मोरलाम गोथू जीवतु होय जासे. कुदा काजे यो छाच्लीन छे कि नि होय तोपास लागाळनेन कोरता मोळवाट्यान राखवावी कोरनो पोळसे कि तेरो डील कुदू चुरीन नि लीजाय सोके. अगर चे ओसा कोरे ती चे कोयसे कि चू मोरलाम गोथू जीवतु होय गोयू.”

![](https://cdn.door43.org/obs/jpg/360px/obs-en-41-02.jpg)

पिलातूस कोयू, “थुलाक सिपायळाक लीन जावू, एने जोसा तुमु कोर सोकतला तोसा मोळवाट्यान राखावावी कोरु.” एरेन कोरता चे तिना मोळवाट्यान झोपलान दोगळा पोर एक सिक्कू लागाळ देदा. चे यो छाचलीन मालूम कोरनेन कोरता चा सिपायळा काजे बोठाळ देदा कि कुदू तेरा डील काजे चुरी नि सोके.

![](https://cdn.door43.org/obs/jpg/360px/obs-en-41-03.jpg)

येसून मोरनेन बाद मायलू दाहळू शब्बातोन दाहळू होतु. कुदूबी शब्बातोन दाहळे काम नि कोर सकतो होतो, एरेन कोरता येसून काहनुत दोस्त मोळवात्यापोर नि आव्यू. बाकीन शब्बातोन दिसरे दाहळे सोन्दारे वेगात थुलाक बायरा येसून मोळवाट्या पोर जाणे तीयार होय गोया. चे तेरा डील पोर ओवी बी मसालु लागाडने चाहता होता.

![](https://cdn.door43.org/obs/jpg/360px/obs-en-41-04.jpg)

तीनु बायराण पुगनेन पेहेल, मोळवाट्या पोर एक मोटलु भूकंप होयो. सोरगोम गोथू एक सोरग दूत आविन तिना दोगळाक ढोबवाव देदू जो मोळवाट्यान झोपला काजे ढाकलो होतो एने तेरे पोर बोठ गोयू. यु सोरग दूत विजावान तोसु चोमकतू होतु. मोळवाट्यापोर जे सिपायळा होता चे तीनाक देख्या. चे ओतरा बिह गोया कि मोरलान तोसा भीमा पोळ गोया.

![](https://cdn.door43.org/obs/jpg/360px/obs-en-41-05.jpg)

जेतार चे बायरा मोळवाट्या पोर पुग्या ती चू सोरग दूत तीनुक कोयू, “बिहू मा. येसू न्या नि होय. चू मोरलाम गोयू जीव उठलू छे. जोसो कि चू कोयलू होतु कि चू जीव जासे. मोळवाट्यामा हेरु एने देखू.” चे बायरा मोळवाट्यामा गोया एने जा येसून धोळ मेक्लो होतो चा हेर कोऱ्या एने देख्या कि हेरो डील न्या नि होय.

![](https://cdn.door43.org/obs/jpg/360px/obs-en-41-06.jpg)

तेतार सोरग दूत बायरा काजे कोयू, “जाईन तेरा चेला काजे कोयू, ‘येसू मोरलाम गोथू जीवतू होय गोयलू छे एने चू तुमरे ओगोव ओगोव गलील काजे जासे.’”

![](https://cdn.door43.org/obs/jpg/360px/obs-en-41-07.jpg)

चा बायरा वाहराय होया एने घोणा खुश होय गोया. चे चेला काजे वारली खोबर सोमवाळने कोरीन दौवळीन गोया.

![](https://cdn.door43.org/obs/jpg/360px/obs-en-41-08.jpg)

जेतार चे बायरा चेला काजे यो वारली खोबोर सोमवाळनेन कोरता वाटेत होता, ती येसू तिंदरे ओगोव देखाय पोड्यू. चे तेरे पोयो पोर पोळ गोया. तेतार येसू कोयू, “बिहू मा, जाईन मारा चेला काजे गलील जाणे कोरीन कोयू. चे मेसेक चा देखसे.”

*बायबोलोन काहानी, मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_41_128kbps.m4a

## 42. येसून सोरगोम जाणो

https://openbiblestories.org/l/bfb/story-42/

![](https://cdn.door43.org/obs/jpg/360px/obs-en-42-01.jpg)

जीन दाहळे परमेश्वर येसू काजे मोतोम गोथू जीवतू कोरलू होतु, तेरा दुय चेला साते वावा गावमा जाता होता. चालता जाईन चे येसू साते होयलो होतो, तेरे बारामा वात कोरता होता, तीनुक आस होती कि चू मसिह होतु, बाकीन तेबी तीनाक मार देदला. हिमी चे बायरा कोयता होता कि चू पोछू जीवतु होय गोयलू छे. चे नि जाणता होता कि कुणी भूरसू कोरनो छे.

![](https://cdn.door43.org/obs/jpg/360px/obs-en-42-02.jpg)

येसू तिंदरेनचा आवीन तिंदरे साते चालणे सुरु कोर देदू, बाकीन चे तीनाक उवखी नि सोक्या. चू पुछू कि चे काहना बारामा वात कोरता होता. चे पोछला दाहळामा येसू साते होयली आखी घटनान बारामा कोया. चे सोच्या कि होया काह्नास दिसरा देसोवावा साते वात कोरता होता जू नि जानतलु कि येरुशलेममा काय होय होतो.

![](https://cdn.door43.org/obs/jpg/360px/obs-en-42-03.jpg)

तेतार येसू तीनुक सोमजाड्यू कि परमेश्वरोन वचन मसिहन बारामा काय कोये. घोन पेहेल, भविष्य कोरता कोयला होता कि भुंडला माणसे मसिह काजे पीळीत कोरसे एने मार नाकसे. बाकीन भविष्य कोरता यो बी कोयलू होतु कि तिसरे दहळे जीव उठसे.

![](https://cdn.door43.org/obs/jpg/360px/obs-en-42-04.jpg)

जेतार चे तिना गावमा पुग्या जा चे दुय जन रोयनेन कोरता होता, तेतार तक सांतो होय गोयलो होतो. चे येसू काजे तिंदरे साते रोयनेन कोरता नेवतो आप्या, आखरी चू तिंदरे साते एक घोरमा गोया. तिंदरा सांतान खानो खाणे बोठ गोया. येसू एक रुटा काजे लीन तेरेन कोरता परमेश्वरोन धोन्यवाद आप्यू, एने ओवतेन तीनाक तूळ्यु. अचानकसी, चे जान लेदा कि चू येसू छे. बाकीन तिने टेमे चू तिंदरा डूवासी ओझल होय ओया.

![](https://cdn.door43.org/obs/jpg/360px/obs-en-42-05.jpg)

तीनु दुय जोना एक दिसरा काजे कोयू, “होयू येसू होतु,” एरेन कोरता जेतार चू आपणूक परमेश्वरोन वचन काजे सोमजाळला होता ती आमु घोणा खुश होता. मामार चे निकविन पोछा येरुशलेम काजे जात रोया. जेतार चे पुग्या ती चे चेला काजे कोया, “येसू जीवतलु छे, आमु तीनाक देखला से.”

![](https://cdn.door43.org/obs/jpg/360px/obs-en-42-06.jpg)

जेतार चेला वात कोरता होता, येसू अचानकसी तिना खुलीमा तिंदरे साते देखाय पोड्यू. चू कोयू, “तुमुक शांती जूळती रोये.” चेला सोच्या कि कुदू भुतडू होतू, बाकीन येसू कोयू, “तुमु काहा बिहतला? तुमु यो काहा नि सोचतला कि यो छाचलीनमा मे, येसू छे? मारा हातो काजे एने पायो काजे देखू. भुतडा जुव ओसलो डील नि रोयतलो जोसो मारे जुव छे.” यो देखाडनेन कोरता कि चू भुतडू नि होतु, चू खानेन कोरता काहीन मांग्यू. चे तीनाक एक माछान तुकळो आप्या एने चू तीनाक खाय लेदू.

![](https://cdn.door43.org/obs/jpg/360px/obs-en-42-07.jpg)

येसू कोयू, “मारा बारामा परमेश्वरोन वचन जो काय बी कोये चो घोटसे. मे तुमुकाजे कोय देदलु कि यो होय्नो जरुरी छे.” तेतार येसू तीनुक परमेश्वरोन वचन वारू रीतीसी सोमजाड्यू. चू कोयू, “घोन पेहेल भविष्य कोरता लिखला होता कि मेसेक, मसिह काजे दुख झेलनो पोळसे, मोरनो पोळसे एने ओवतेन तिसरे दाहळे मोतोम गोथू जीव उठनो होयसे.”

![](https://cdn.door43.org/obs/jpg/360px/obs-en-42-08.jpg)

“चे भविष्य कोरता यो बी लिखला होता कि मारा चेला परमेश्वरोन वचनोन घोषणा कोरसे. चे होर एक काजे पश्चाताप कोरनेन कोरता कोयसे. अगर चे ओसा कोरे ती परमेश्वर तिंदरा पापो काजे माफ कोर्से. मारा चेला इना संदेशन प्रचार कोरनो येरुशलेम गोथो चालू कोरसे. तेतार चे आखा जातीमा जासे. तुमु मारी होर एक वात एने कामोन गोवा होये जो मे कोयलू एने कोरलू होतु, एने तिना आखा जो मार साते होयलो होतो.”

![](https://cdn.door43.org/obs/jpg/360px/obs-en-42-09.jpg)

ओगला चावीस दाहळामा, येसू तेरा चेला पोर घोणा कावा प्रगट होयू. एक कावा ते एकुत टेमे 500 सी जादा माणसो पोर प्रगट हुवा. चू तेरा चेलापोर घीना सोवटा तरीका सी साबित कोऱ्यू कि होयू जीवतलु होतु. एने चू तीनुकाजे परमेश्वरोन राजोन बारामा शिक्षा आपने बाज गोयू.

![](https://cdn.door43.org/obs/jpg/360px/obs-en-42-10.jpg)

येसू तेरा चेला काजे कोयू, “परमेश्वर मेसेक सोरगोन एने धोरतीन होर एक जोन पोर राज कोरनेन होक आप्ळू छे. एरेन कोरता हिमी मे तुमुक कोयो कि, जाईन आखा जातीन माणसो काजे चेला बोनावू. ओसो कोरनेन कोरता तुमुक बास, पुऱ्यान एने पवित्र आत्मान नावसी बाप्तिस्मा आपनो छे. जो काय मे तुसेक आग्या आप्ळू छे तीनु आखा वातो काजे माननो बी तुमु तीनुकाजे सिकाळू. फोम राखू, मे हमेशा तुमरे साते रोयीस.”

![](https://cdn.door43.org/obs/jpg/360px/obs-en-42-11.jpg)

येसून मोतोम गोथो जीव उठनेन चावीस दाहळा बाद, चे तेरा चेला काजे कोयू, “जेतार तोक कि मारू बास तुमुक ताकत नि आपे तेतार तोक यरुशलेममा रोय रोयू. चू तुम्रेपोर पवित्र आत्मा मूकलने लारे ओसू कोरसे.” तेतार येसू सोरगोम जात रोयू, एने वादवो तीनाकाजे तिंदरी नोजोरसी डूकाळ लेदू. सोरगोमा येसू आखा चीजोपोर राज कोरणे परमेश्वरोन जेवळे धोळे बोठ गोयू.

*बायबोलोन काहानी, मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_42_128kbps.m4a

## 43. मंडव्यान चालू होयनो

https://openbiblestories.org/l/bfb/story-43/

![](https://cdn.door43.org/obs/jpg/360px/obs-en-43-01.jpg)

येसून सोरगोमा जानेन बादमा, चेला यरुशलेममात रुकाय गोया जोसो येसू तीनुकाजे कोरनेन कोरता कोयलू होतु. चान विस्वास्या माणसे लगातार एकठा होयीन प्रार्थना कोरनेन कोरता भेवा होया.

![](https://cdn.door43.org/obs/jpg/360px/obs-en-43-02.jpg)

होर साल फसह तिहीवारोन 50 दाहळा बादमा योहुदी माणसे पेन्तेकुस्त नावोन एक खास दाहळाक मोनाव्या कोरता होता. पेन्तेकुस्त चू टेम होतु जेतार योहुदी माणसे गोहून काटनि काजे मोनावतला. आखी सांसारोन योहुदी माणसे पेन्तेकुस्तन दाहळे एकठा होयीन यरुशलेममा आवळा होता. इने साल पेन्तेकुस्त मोनावनेन टेम येसून सोरगोम जात रोयनेन एक हाप्ता बादमा आवलु होतु.

![](https://cdn.door43.org/obs/jpg/360px/obs-en-43-03.jpg)

जीन टेमे आखा विस्वासी माणसे एक एकठा होया, ती जिना घोरमा चे होता अचानकसी चो घोर वागवासी भोराय गोयो. तेतार आगठान तिनगा सारखो देखायने वावो थूलाक विस्वास्यान मुनका उपोर देखाय पोड्यो. चे आखा पवित्र आत्मासी भोराय गोया एने चे दिसरी भाषामा परमेश्वरोन बोढाई कोरणे बाज गोया. ये चे भाषा होती जीनाक बुलनेन कोरता पवित्र आत्मा बुलनेन कोरता नेवाळलु होतु.

![](https://cdn.door43.org/obs/jpg/360px/obs-en-43-04.jpg)

जेतार यरुशलेममा रोय्ने वावा माणसे तिना आवा काजे सोमव्या ती चे एकठा होयीन यो देखने आव्या कि काय होयने बाज रोयो. चे विस्वास्या काजे परमेश्वरोन लारे कोरला मोटला मोटला कामोन घोषणा कोरतळा सोमव्या. चे वाहराय गोया काहाकी चे तीनु कामो काजे तिंदरी भाषामा बुलता होता.

![](https://cdn.door43.org/obs/jpg/360px/obs-en-43-05.jpg)

इंदरे माईन थुलाक माणसे कोया कि चे चेला नशामा होता. बाकीन पतरस उबरोयू एने कोयू, “मारी वात सोमवु, ये माणसे नशामा नि होय, बाकीन जो तुमु देखतला चो चोत से जो योएल भविष्य कोरतान लारे कोवायलो होतो कि होयसे; परमेश्वर कोयू, ‘आक्री दाहळामा, मे मारी आत्मा आपीस.’”

![](https://cdn.door43.org/obs/jpg/360px/obs-en-43-06.jpg)

“हे इस्राईल माणूस, येसू एक ओसलू माणूस होतु जू यो देखाळनेन कोरता कोऱ्यू कि चू कुन छे, घोणा सोवटा मोटा काम कोरलू होतु. चू परमेश्वरोन ताकतसी घोणा अतभूत कामो काजे कोरलू होतु. यो जाणे काहाकी तुमु इनू कामो काजे देखला छे. बाकीन तुमु तिना काजे ख्रूस पोर चोळाव देदा.”

![](https://cdn.door43.org/obs/jpg/360px/obs-en-43-07.jpg)

“येसू मोर गोयू बाकीन परमेश्वर तीनाक मोरलाम गोथू जीवतु कोर देद्लू. यु तिनी वात काजे पुरू कोर देदू जीनाक एक भविष्य कोरता लिखलु होतु. ‘तारा चूखला माणसे काजे मोळवाट्यामा सोळने नि देये.’ आमु गावा छे कि परमेश्वर येसू काजे पोछू जीवतु कोर देदू.”

![](https://cdn.door43.org/obs/jpg/360px/obs-en-43-08.jpg)

“परमेश्वर बास हिमी येसू काजे तेरे जेवळे धोळे बोठाळीन तीनाक आदर आप्यू. एने येसू आपनेन कोरता पवित्र आत्मा मुकललु छे जोसा कि चू वायदू कोऱ्यू कि चू मुकलसे. पवित्र आत्मात यो काम होयने डी रोयू जीनाक तुमु देख रोया.”

![](https://cdn.door43.org/obs/jpg/360px/obs-en-43-09.jpg)

“तुमु तिना मानसो काजे, येसू काजे ख्रूसपोर चोळाव देदा. बाकीन छाचलीन जान लेवू कि परमेश्वर येसू काजे आखा चीजो पोर प्रभू एने मसिह दुयू ठेरावलु छे. “

![](https://cdn.door43.org/obs/jpg/360px/obs-en-43-10.jpg)

पतरसन सोमोवने वावा माणसे तेरे लारे कोयली वाते माही तोक हाल गोयला होता. एरेन कोरता चे पतरस एने चेला काजे पुछा, “हे भाशो, अआमुक काय कोरनो जुवे?”

![](https://cdn.door43.org/obs/jpg/360px/obs-en-43-11.jpg)

पतरस तीनुक जवाब आप्यू, “तुमेरे माईन होर एक पापोन कोरता पश्चाताप कोरु ताकी परमेश्वर तुमरा पापो काजे माफ कोरे, एने येसू मसिहन नाव सी बाप्तिस्मा लेवू. तेतार चू तुमुक वरदानोन रूपमा पवित्र आत्मा बी आपसे.

![](https://cdn.door43.org/obs/jpg/360px/obs-en-43-12.jpg)

पतरस जो कोयू तेरेपोर लगभग 3000 माणसे भुरसू कोऱ्या एने येसून चेला बोन गोया. चे बाप्तिस्मा लेदा एने यरूशलेमोन मंडवीन हिस्सू बोन गोया.

![](https://cdn.door43.org/obs/jpg/360px/obs-en-43-13.jpg)

जेतार प्रेरित तीनुक शिक्षा आप्या ती विस्वासी लगातार सोमव्या. चे हमेशा मेवायता होता एने एकठा खानो खाता होता, एने चे हमेशा एक दिसरान कोरता प्रार्थना कोऱ्या. चे एकठा होयीन परमेश्वरोन स्तुती कोऱ्या एने जो काय तिंदरे जू होतो ची एक दिसरा साते एकठा कोऱ्या. नगरन होर एक माणूस तिंद रेन कोरता वारलू विचार कोरता होता. होर दाहळे, जादासी जादा माणसे विस्वासी बोन्ता होता.

*बायबोलोन काहानी, प्रेरीतोन काम 2 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_43_128kbps.m4a

## 44. पतरस एने योहान एक भिकारी काजे वारू कोरे

https://openbiblestories.org/l/bfb/story-44/

![](https://cdn.door43.org/obs/jpg/360px/obs-en-44-01.jpg)

एक दाहळे, पतरस एने योहान मंदिरमा गोया. एक अपंग माणूस भीक मांगनेन कोरता झोपला पोर बोठलु होतु.

![](https://cdn.door43.org/obs/jpg/360px/obs-en-44-02.jpg)

पतरस तिना लेंगळा माणसो वोखे देख्यू एने कोयू, “मार पा तुसेक आपने कोरीन पोयशा ते नि होय, बाकीन जो मारे जुव छे चो मे तुसेक आपो. येसून नावसी उठ एने चाल फिर.

![](https://cdn.door43.org/obs/jpg/360px/obs-en-44-03.jpg)

मामार, परमेश्वर तिना लेंगळा माणसो काजे वारू कोर देदू. चू इंखुर तिन्खुर चालणो एने कुदणे एने परमेश्वरोन बोढाई कोरणे चालू कोर देदू. मंदिरोन आंगनामा आवला माणसे चाकीत होय गोया.

![](https://cdn.door43.org/obs/jpg/360px/obs-en-44-04.jpg)

मामार माणसोन एक भिळ तीना मानसोक देखणेन कोरता आव्या जू वारू होय गोयलू होतु. पतरस तीनुकाजे कोयू, “यु माणूस वारलू छे, बाकीन इनी वात पोर अचंबित घोन होयता. इना काजे आमु आमरा ताकतसी वारू नि कोऱ्या नीती एरेन कोरता कि आमु परमेश्वरोन आदर कोरतला. बाकीन, चू येसू छे जू इना मानसो काजे तेरी ताकतसी वारू कोरलू छे, काहाकी आमु येसूपोर भूरसू कोरतला छे.”

![](https://cdn.door43.org/obs/jpg/360px/obs-en-44-05.jpg)

“चा तुमुत छे जे तिना रोमी राज्यपाल काजे येसुक मार नाखनेन कोरीन कोयला होता. तुमु तीनाक मार देदला जू आखाकाजे जीवन आपतलु छे. बाकीन परमेश्वर तीनाकाजे मोतोम गोथू जीवाळ देदुलू छे. तुमु नि सोमज्या कि तुमु काय कोरला होता, बाकीन जेतार तुमु तिना काम काजे कोरता होता, ती जो भविष्य कोरता कोयला होता चो पुरो होयो. चे कोयला होता कि मसिह दुख उठावसे रनर मोर जासे. परमेश्वर इनाकाजे इना रीतीसी होयने देदू. एरेन कोरता हिमी पश्चाताप कोरु एने परमेश्वर वोखे फिरू, टाकी चू तुमरा पापो काजे धुवीन साफ कोर देय.”

![](https://cdn.door43.org/obs/jpg/360px/obs-en-44-06.jpg)

जेतार मंदिरोन अगवा पतरस एने योहान काजे सोमव्या, ती चे घोणा बिह गोया. एरेन कोरता चे तीनुकाजे धोर लेदा एने जेलमा नाख देदा. बाकीन जो पतरस कोयलू होतु तीनापोर घोणा सोवटा माणसे भुरसू कोऱ्या. येसू पोर भूरसू कोरणे वावान आकळू लगभग 5000 होय होई.

![](https://cdn.door43.org/obs/jpg/360px/obs-en-44-07.jpg)

ओगले दाहळे चे योहुदी अगवा पतरस एने योहान काजे माहायाजक एने दिसरा धोर्मोन अगवान सामने लीन आव्या. चे तिना मानसो काजे बी लाव्या जू अपंग होतु. चे पतरस एने योहान काजे पुछा, “काहना होकसी तुमु इना अपंग माणूस काजे वारू कोऱ्या?”

![](https://cdn.door43.org/obs/jpg/360px/obs-en-44-08.jpg)

पतरस जवाब आप्यू, “यु माणूस जू तुमरे सामने उबरोय रोयु, तीनाक येसू मसिहन ताकतन लारे वारू होय गोयू. तुमु येसू काजे ख्रूस पोर चोळाव देदला, बाकीन परमेश्वर तिना काजे जीवतु कोर देद्लू, तुमु तिना काजे मना कोर देदला, बाकीन येसून ताकतोन तोसु उद्धार लेनेन दिसरू वाट नि होय.”

![](https://cdn.door43.org/obs/jpg/360px/obs-en-44-09.jpg)

चे अगवा पेरेशान होय रोया होता कि पतरस एने योहान घोनो धीर आपनेवावी वात कोयला होता. चे देख्या कि ये साधारण माणसे होता जे अनपोळ होता. बाकीन पोछो तीनुक फोम आवी कि ये माणसे येसू साते रोयता होता. एरेन कोरता चे तीनुक कोया, “आमु तुमुक मोटीत दोंड आपसू अगर तुमु इनू मानसोन येसून बारामा मानसोकाजे दिसरू ओवी प्रचार कोऱ्या.” ओसा घोणा सोवटा वाटे कोयनेन बादमा चे पतरस एने योहान काजे जाणे देदा.

*बायबोलोन काहानी, प्रेरीतोन काम 3:1-4:22 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_44_128kbps.m4a

## 45. स्तिफनुस एने फिलिप्पुस

https://openbiblestories.org/l/bfb/story-45/

![](https://cdn.door43.org/obs/jpg/360px/obs-en-45-01.jpg)

पेहला मसिह अगवान बिचमा स्तिफनुस नावोन एक माणूस होतु. आखा माणसे तेरो आदर कोरता होता. पेवित्र आत्मा तिना काजे घोनि सोवटी ताकत एने बुद्धी आप्यू. स्तिफनुस घोणा सोवटा चमत्कार कोरलू होतु. जेतार चू येसू पोर भुरसू कोरणे शिक्षा आप्यू ती घोणा सोवटा माणसे तेरे पोर भुरसू कोऱ्या.

![](https://cdn.door43.org/obs/jpg/360px/obs-en-45-02.jpg)

एक दाहळे, स्तिफनुस येसून बारामा शिक्षा आपतू होतु, एने थुलाक योहुदी माणसे आव्या जे येसुपोर भुरसू नि कोऱ्या एने तेरे साते झोगळायने बाज गोया. चे घोणा रीसवाय गोया, एरेन कोरता चे धोर्मोन अगवानचा गोया एने तेरे बारामा झूट मेक्या. चे कोया, “आमु स्तिफनुस काजे मुसा एने परमेश्वरोन बारामा भुन्डला वाटे कोरतला सोमव्या,” एरेन कोरता एरेन कोरता धार्मिक अगवा स्तिफनुस काजे धोर लेदा एने तीनाकाजे माहायाजक एने योहुदीन दिसरा अगवान सामने लाव्या. ओविबी झुटा गोवा आव्या एने चे स्तिफनुसोन बारामा झूट मेक्या.

![](https://cdn.door43.org/obs/jpg/360px/obs-en-45-03.jpg)

माहायाजक स्तिफनुस काजे पुछू, “काय या माणसे तार बारामा छाचलीन कोयने बाज रोया?” स्तिफनुस माहायाजक काजे जवाब आपनेन कोरता घोणा सोवटा वाटे कोय्नेन कोरता चालू कोऱ्यू. चू कोयू कि अब्राहामन टेमोसी, येसून टेमो तोक परमेश्वर इस्राईलोन मानसोन कोरता घोणा मोटा मोटा काम कोरलू होतु. बाकीन माणसे हमेशा परमेश्वरोन आग्या नि मान्या. स्तिफनुस कोयू, “तुमु परमेश्वरोन विरुध एक हेट्या एने लोळाय कोरणे वावा छे. तुमु हमेशा पवित्र आत्मा काजे मना कोऱ्या. जोसा कि आमरा जूनला माणसे हमेशा पवित्र आत्मा काजे मान लेदला होता एने हमेशा तेरा भविष्य कोरता काजे मार देदला होता. बाकीन जो चे कोरला होता तेरी मापोमा तुमु ओवीबी भुंडलो कोरला छे. तुमु मसिह काजे काजे मार देदला.”

![](https://cdn.door43.org/obs/jpg/360px/obs-en-45-04.jpg)

जेतार चे धार्मिक अगवा यो सोमव्या, ती चे ओतरा रीसवाय गोया कि चे तीनदारा कांटा काजे बोंद कोर लेदा एने मोटेत आयळ्या. चे स्तिफनुस काजे घोसळीन गावोन बारथे लीन गोया एने तीनाक मार नाखने कोरीन दोगळा देदा.

![](https://cdn.door43.org/obs/jpg/360px/obs-en-45-05.jpg)

जेतार स्तिफनुस मोरतू होतु चू आयळ्यु, “हे येसू मारी आत्मा काजे लीले,” तेतार चू तेरा घुटना पोर पोळ्यु एने पोछू कोयू, “हे प्रभू यो पाप इंदरे पोर घोन लागाळे.” तेतार चू मोर गोयू..

![](https://cdn.door43.org/obs/jpg/360px/obs-en-45-06.jpg)

तिने दाहळे, यरूशलेममा रोयने वावा घोणा सोवटा माणसे येसू पोछोव चालण्यानुक सतावणे चालू कोऱ्या, एरेन कोरता विस्वासी माणसे दिसरे जागे ढास गोया. बाकीन तेबी, जा का चे गोया चे येसून बारामा प्रचार कोरता गोया.

![](https://cdn.door43.org/obs/jpg/360px/obs-en-45-07.jpg)

फिलिप्पुस नावोन एक येसून विस्वासी होतु. जोसा दिसरा विस्वास्या कोरला तोसुत चू बी यरूशलेममा ढास गयलू. चू सामरीन जागामा जात रोयलू. चा चू मानसोमा येसून बारामा प्रचार कोऱ्यू. घोणा सोवटा माणसे येसू पोर भुरसू कोऱ्या एने उद्धार ली लेदा. एक दाहळे, फिलिप्पुसनचा परमेश्वरोनचा गोथू एक सोरगोन दूत आव्यू एने तिना काजे बोयळामा जाणे कोरीन, एने एक सोयळोक पोर चालणे कोरीन कोयू. फिलिप्पुस चा जात रोयू. जेतार चू सोयळोक पोर चालतु होतु, ती चू एक माणूस काजे तेरा रथ पोर जातलू देख्यू. यु माणूस कुश देसोन खास अधिकारी होतु. पवित्र आत्मा फिलिप्पुस काजे कोयू कि जाईन तिना माणसो साते साते चाले.

![](https://cdn.door43.org/obs/jpg/360px/obs-en-45-08.jpg)

एरेन कोरता फिलिप्पुस रथनचा गोयू. चू सोमव्यू कि चू कुशी परमेश्वरोन वचन वाचतू होतु, जो यशाया भविष्य कोरतान लारे लीखायलो होतो तीनाक वाचतू होतु. चू वाचतू होतु, “चे तिना मोरने वावा गाडरा सारखा लीन गोया एने जोसो एक गाडरो हुगो होय रोये, चू बी एक बुल बी नि कोयू. चे तेरे साते नि कोरणे जुवे तोसो व्यवहार कोऱ्या एने तेरो आदोर नि कोऱ्या. चे तेरु जीव ली लेदा.”

![](https://cdn.door43.org/obs/jpg/360px/obs-en-45-09.jpg)

फिलिप्पुस तिना कुशी काजे पुछू, “जो तू वाच रोयू काय तू तीनाक सोमजे बी?” चू कुशी जवाब आप्यू, “नि. जेतार तोक कुदू मेसेक नि सोमजाळे, तेतार तोक सोमज नि सोकतेलू. दोया कोरीन मारेनचा आवीन बोठ, यशाया हेरे बारामा लिखलु कि दिसरान बारामा?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ पोर चोळीन बोठ गोयू. तेतार चू तिना कुशी माणूस काजे कोयू, जो यशायाह येसून बारामा लिखातु होतु. फिलिप्पुस परमेश्वरोन वचनोन घोणा सोवटा दिसरा भागोन चर्चा कोऱ्या. इना रीतीसी, चू तिना माणसो काजे येसून बारामा वारली खोबोर सोमवाड्यू.

![](https://cdn.door43.org/obs/jpg/360px/obs-en-45-11.jpg)

फिलिप्पुस एने चू कुशी चालता जाईन पाणिनचा आव्या. चू कुशी कोयू. “देख न्या पाणी छे, काय मे बाप्तीस्मा ली सोकतेलु?” एने चू सारथी काजे रथ उबराखने कोयू.

![](https://cdn.door43.org/obs/jpg/360px/obs-en-45-12.jpg)

आखरी, चे पाणीमा जात रोया, एने फिलिप्पुस तिना कुशी काजे बाप्तिस्मा आप्यू. जेतार चे पानीम गोठा बारथे आव्या ती पवित्र आत्मा अचानक सी फिलिप्पुस काजे चुटीन दिसरे जागे लीन जात रोयू. चा फिलिप्पुस माणसो काजे येसून बारामा कोयनो चालू राख्यू.

![](https://cdn.door43.org/obs/jpg/360px/obs-en-45-13.jpg)

चू कुशी तेरा घोरोन वाटे जाणे बाज गोयू. चू खुश होतु कि चू हिमी येसू काजे जंतू होतु.

*बायबोलोन काहानी, प्रेरितोन काम 6:8-8:5; 8:26-40 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_45_128kbps.m4a

## 46. पौलूस, मसीही विस्वासी बोन जाय

https://openbiblestories.org/l/bfb/story-46/

![](https://cdn.door43.org/obs/jpg/360px/obs-en-46-01.jpg)

शाउल नावोन एक माणूस होतू जू येसू पोर भूरसू नि कोरतू होतु. जेतार चू जुवान होतु, तेतार चू स्तिफनुस काजे मारणे वावान डोगलान निगराणी कोरलू होतु. बादमा चू विस्वासी काजे वेला पाळावलु होतु. चू यरुशलेममा घर-घर जाईन माणसोक एने बायरा काजे धोरीन जेलमा नाख देदा. तेतार माहायाजक शाउल काजे दमिश्क गावमा जाणेन अनुमती आप्यू. चू चान मसिही काजे धोरने एने तीनुक पोछू यरुशलेममा लावनेन कोरता शूल काजे कोयू.

![](https://cdn.door43.org/obs/jpg/360px/obs-en-46-02.jpg)

आखरी, शाउल दमिश्क जाणे चालू कोऱ्यू. तिना गावमा पुगनेन थुलोक पेहेल, तेरा चारू ढोळे वादवाम गोथा एक धोव्वो विजावो चोमक्यो, एने चू धोरती पोर पोळ गोयू. शाउल कुदा काजे कोयतलु सोमव्यु, “हे शाउल, हे शाउल तू मेसेक काहा विताळे?” शाउल पुछू, “हे प्रभू तू कुन छे?” येसू जवाब आप्यू, “मे येसू छे, तू मेसेक वेला पाळाव रोयू.”

![](https://cdn.door43.org/obs/jpg/360px/obs-en-46-03.jpg)

जेतार शाउल उठ्यू ती देख नि सोकतु होतु. तेरा दोस्तो तीनाकाजे दमिश्कमा लीन गोया. शाउल तीन दाहळा तोक नि काडू एने नि पाणी पीदू.

![](https://cdn.door43.org/obs/jpg/360px/obs-en-46-04.jpg)

दमिश्कमा हनन्याह नावोन एक चेळू होतु. परमेश्वर तिना काके कोयू, “पोला घोरमा जा, जा सारीक शाउल रोय रोयू. तीरा हातो काजे तेरेपोये मेक टाकी चू पोछू देख सोके.” बाकीन हनन्या कोयू, “हे प्रभू, मे सोमोवलू छे कि यु माणूस विस्वासी काजे घोणु वेला पाळावलु छे.” परमेश्वर तीनाकाजे जवाब आप्यू, “जा, मे तिना काजे याहुदिमा एने दिसरा जातीन माणसोमा मारा नावोन प्रचार कोरणेन कोरता नेवाळ लेदलू छे. चू मारा नावोन कोरता घोणु दुख झेलसे.”

![](https://cdn.door43.org/obs/jpg/360px/obs-en-46-05.jpg)

आखरी, हनन्या शाउलोनचा गोयू, तेरा हात काजे तेरे उपोर मेक्यू एने कोयू, “येसू, जू या आवनेन तारे वाटे तुसेक भेटलु, मेसेक तारेनचा मुकल्यू टाकी तू पोछू देखणे बाज जाय एने पवित्र आत्मा तुसेक भोर देय.” तेतरूत शाउल देखने बाज गोयू, एने हनन्या तीनाक बाप्तिस्मा आप्यू. तेतार शाउल खानो खादू एने पोछू ताकतवावु होय गोयू.

![](https://cdn.door43.org/obs/jpg/360px/obs-en-46-06.jpg)

तेतार गोथू शाउल दमिश्कमा रोयने वावा योहुदिमा प्रचार कोरणे चालू कोर देदू. चू कोयू, “येसुत परमेश्वरोन पुऱ्यू छे,” योहुदी माणसे अचंबित होय गोया, काहाकी शाउल ते विस्वास्या काजे मारनेन कोरतू होतु, बाकीन हिमी चू येसू पोर भूरसू कोरलू होतु. शाउल योहुदी साते जोखळायने बाज गोयू. चू देखाळ्यु कि येसुत मसिह होतु.

![](https://cdn.door43.org/obs/jpg/360px/obs-en-46-07.jpg)

घोणा सोवटा दाहळा बादमा, योहुदी माणसे शाउल काजे मारनेन योजना बोनाव्या. चे तीनाक मारणे कोरता गावोन झोपला पोर माणसो काजे मुकल्या, कि तेरी निगराणी कोरे, बाकीन शाउल तिनी वातो काजे सोमवी लेदू एने तेरा दोस्त तिना काजे वाचाळ कोरता मदत कोऱ्या. एक रात चे तिना काजे एक टूपलीमा बोसाळीन गावोन भीतळा पोर गोथा नेचा उतार देदा. दमिश्कमा गोथू वाचीन जाणेन बादमा शाउल येसून बारामा प्रचार कोरणे चालू राख्यू.

![](https://cdn.door43.org/obs/jpg/360px/obs-en-46-08.jpg)

शाउल प्रेरितो काजे भेटनेन कोरता यरुशलेम गोयू, बाकीन चे तेरेसी बिहता होता. तेतार बारनाबास नावोन एक विस्वासी शाउल काजे प्रेरितोनचा लीन गोयू. चू तीनुकाजे कोयू कि शाउल कोसू साहसी होयीन दमिश्कमा प्रचार कोऱ्यू. तेरे बादमा प्रेरित माणसे शाउल काजे स्वीकार कोर लेदा.

![](https://cdn.door43.org/obs/jpg/360px/obs-en-46-09.jpg)

थुलाक विस्वासी जे यरुशलेमोन सतावसी ढास गोयला चे नांबे अंताकिया गावमा जात रोयला होता एने एने येसून बारामा प्रचार कोरता होता. अंताकियामा रोय्ने वावा माणसे जादातर योहुदी नि होता बाकीन पेहली बार तिंदरेम गोथा घोणा सोवटा माणसे विस्वासी बोन गोयला. बरनाबास एने शाउल इनू नोवला विस्वस्या काजे येसून बारामा ओवी जादा सिकनेन कोरता चा गोया एने मंडव्या काजे वातळा कोऱ्या. येसुपोर भुरसू कोरणे वावा पेहली कावा अंताकियामात मसीही कोवाया.

![](https://cdn.door43.org/obs/jpg/360px/obs-en-46-10.jpg)

एक दाहळू अंताकियान मसिह माणसे उपवास मेकीन प्रार्थना कोरता होता. पवित्र आत्मा तीनुक कोयू, “मारेन कोरता बरनाबास एने शाउल काजे तिना कामो काजे कोरणे कोरता मे तीनुक बुलावलु छे.” एरेन कोटा अंताकियान मंडवी बरनाबास एने शाउलोन कोरता प्रार्थनान कोऱ्या. एने तिंदरे पोर हात मेक्या. तेतार चे तीनुकाजे घोणा सोवटा दिसरे जागे येसून बारामा वारली खोबोरन प्रचार कोरनेन कोरता मुकल्या. बरनाबास एने शाउल ओलोग ओलोग जातीन माणसो काजे शिक्षा आप्या. एने घोणा सोवटा माणसे येसुपोर भुरसू कोऱ्या.

*बायबोलोन काहानी, प्रेरितोन काम 8:3; 9:1-31; 11:19-26; 13:1-3 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_46_128kbps.m4a

## 47. फिलीप्पीमा पौलूस एने सिलास

https://openbiblestories.org/l/bfb/story-47/

![](https://cdn.door43.org/obs/jpg/360px/obs-en-47-01.jpg)

जेतार शाउल आखी रोमी साम्राज्यमा फिऱ्यू ती चू तेरो रोमी नाव “पौलूस” कोरीन वापर कोरणे चालू कोर देदू. एक दाहळू, पौलूस एने तेरु दोस्त सिलास फिलीप्पी गावमा येसून बारामा वारली खोबोर सोमवाळने कोरता गोया. चे गावोन बारथे नदीन काठे एक जागापोर गोया जा माणसे प्रार्थना कोरनेन कोरता एकठा होयला होता. चा एक लुदिया नावोन बायोरसी मेव्या जी एक व्यापारी होती. ची परमेश्वर सी मोंग कोरती होती एने तेरी आराधना कोरती होती.

![](https://cdn.door43.org/obs/jpg/360px/obs-en-47-02.jpg)

परमेश्वर लुदिया काजे येसून बारामा प्रचारपोर भूरसू कोरनेन कोरता योग्य ठेराव्यू. पौलूस एने सिलास तीनाक एने तेरा परिवार काजे बाप्तिस्मा आप्यू. चू पौलूस एने सिलास काजे तेरे घोर रोयनेन कोरता बुलाव्यू, एरेन कोरता चे चा रोय गोया.

![](https://cdn.door43.org/obs/jpg/360px/obs-en-47-03.jpg)

पौलूस एने सिलास मानसो सी हमेशा तिने जागे भेटायता होता जा योहुदी माणसे प्रार्थना कोरता होता. होर दाहळे जेतार चे चा जाता होता ती एक दासी पुराय जी भून्डली आत्मा लारे नियंत्रित होती, चू तिंदरी पीछा कोरती होती. तिनी भुंडली आत्मान लारे ची मानसोन भविष्य कोया कोरती होती, एरेन कोरता ची भविष्य कोयनेवावीन रूपमा तेरा मालीकोन कोरता घोनो सोवटो धोन कोमाया कोरती होती.

![](https://cdn.door43.org/obs/jpg/360px/obs-en-47-04.jpg)

तिंदरे जाणेन टेमे यी दासी पुराय आयळ्या कोरती होती. “ये माणसे परम प्रधान परमेश्वरोन सेवोक छे. ये तुमुकाजे उद्धारोन वाते कोयसे.” ची होर दाहळे ओसित कोऱ्या कोरती होती जीनासी पौलोस नाराज होय गोयू.

![](https://cdn.door43.org/obs/jpg/360px/obs-en-47-05.jpg)

आखरीमा एक दाहळे जेतार ची दासी पुराय आयोळने चालू कोऱ्यू, ती पौलूस तेरे वोखे फिरीन तेरे मायली भुंडली आत्मा काजे कोयू, “येसून नावसी एरेम गोथी निकवी जा” तीनेत टेमे भुंडली आत्मा तीनिक छुळ देदी.

![](https://cdn.door43.org/obs/jpg/360px/obs-en-47-06.jpg)

ची दासी पुरायन मालक रीसवाय गोयू. तीनुक मालूम होय गोयो की बिना भुंडली आत्मा लारे ची दासी पुराय भविष्य नि कोय सोकती होती. तेरो मतलब होतो कि माणसे हिमी तेरा मालक काजे पोयशा नि आपे कि ची तीनुकाजे भविष्य नि कोय सोके कि तिंदरे साती कोय होयन्यो छे.

![](https://cdn.door43.org/obs/jpg/360px/obs-en-47-07.jpg)

एरेन कोरता तिनी दासीन मालक पौलूस एने सिलास काजे रोमी अधिकारीनचा लीन गोया. चे पौलूस एने सिलास काजे ठुक्या, एने तीनुकाजे जेल खानामा नाख देदा.

![](https://cdn.door43.org/obs/jpg/360px/obs-en-47-08.jpg)

चे पौलूस एने सिलास काजे जेलोन ओसला जागामा मेक्या जा जादा सिपायळा होता. या तोक कि चे तिंदरा पाय काजे लाकडामा फोसाळ देदा. बाकीन पौलूस एने सिलास आदी रातोन टेमे, परमेश्वरोन बोढाईन गीते गावता होता.

![](https://cdn.door43.org/obs/jpg/360px/obs-en-47-09.jpg)

अचानक सी एक मोटूत भूकंप होयू. जेलोमायला आखा झोपला उगळी गोया एने आखा कैदीन साकव्या उगळी गोया.

![](https://cdn.door43.org/obs/jpg/360px/obs-en-47-10.jpg)

तेतार दोरेगु जाग गोयू, चू देख्यू कि जेलोन झोपलू उगेळलु छे. चू सोचू कि आखा कैदी ढास गोया होसे, चू बिह गोयलू होतु कि तिंदरा ढास जानने वजहसी रोमी अधिकारी तीनाक मार देसे, एरेन कोरता चू खुदो काजे मारनेन कोरता तीयार होय गोयू. बाकीन पौलूस तीनाक देखीन आयळ्यु, “थाम जा, खुदो काजे मा नुकसान आपे, आमु आखा ण्यात छे.”

![](https://cdn.door43.org/obs/jpg/360px/obs-en-47-11.jpg)

चू दोरोगा कापतू जाईन पौलूस एने सिलासोनचा गोयू एने पुछू, “उद्धार लेनेन कोरता मे काय कोरो?” पौलूस जवाब आप्यू, “प्रभू येसू पोर भूरसू कोर, ती तू एने तारो घोरानो उद्धार ली लेसे.”तेतार चू दोरोगा पौलूस एने सिलास काजे तेरे घोर लीन गोयू एने तिंदरा घाव काजे धुव्यू. पौलूस तेरा घोरोन आखा मानसो काजे येसून बारामा वारली खोबर सोमवाळ्यु.

![](https://cdn.door43.org/obs/jpg/360px/obs-en-47-12.jpg)

दोरोगा एने तेरा पुरा परिवार येसू पोर भुरसू कोऱ्या, एरेन कोरता पौलूस एने सिलास तीनुकाजे बाप्तिस्मा आप्या. तेतार दोरोगा पौलूस एने सिलास काजे खानो खावाळ्यु एने चे आखा खुश होया.

![](https://cdn.door43.org/obs/jpg/360px/obs-en-47-13.jpg)

ओगले दाहळे गावोन अगवा पौलूस एने सिलास काजे जेलमा गोथा आझाद कोर देदू एने फिलीप्पीमा गोथा जाणे कोरता कोय देदा. पौलूस एने सिलास लुदिया एने थुलाक दिसरा दोस्त जुळ्या एने तेरे बाद चे गावमा निकवी गोया. येसून बारामा वारली खोबर फेलती गोयी, एने मंडव्या बोढता गोया.

![](https://cdn.door43.org/obs/jpg/360px/obs-en-47-14.jpg)

पौलूस एने दिसरा मसिह अगवा घोणा सोवटा गावोमा फिऱ्या. चे माणसो काजे येसून बारामा वारली खोबर सोमवाळ्या. चे मंडविन विस्वासी काजे उत्साहित कोरणे एने शिक्षा आपनेन कोरता घोणा सोवटा चिठ्या बी लीख्या. इंदरे माईन थुलाक चिठ्या बायबोलोन किताब बोन गोया.

*बायबोलोन काहानी, प्रेरीतोन काम 16:11-40 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_47_128kbps.m4a

## 48. येसुत वायदू कोरलू मसिह छे.

https://openbiblestories.org/l/bfb/story-48/

![](https://cdn.door43.org/obs/jpg/360px/obs-en-48-01.jpg)

जेतार परमेश्वर संसार काजे बोनाव्यू ती आखो काहीन वारू होतो, कानलोत पाप नि होतो. आडाम एने हव्वा एक दिसरा साते मोंग कोरता होता, एने चे परमेश्वर सी मोंग कोरता होता. काही बिमारी या मोट नि होतो. परमेश्वर ओस्लोट संसार चाह्तु होतु.

![](https://cdn.door43.org/obs/jpg/360px/obs-en-48-02.jpg)

भुतडू सापोन लारे इचमात बोगीचामा गोथू हव्वा साते वात कोऱ्यू, काहाकी चू तीनिकाजे फोसाळने चाह्तु होतु. तेतार हव्वा एने आदम परमेश्वरोन विरुद्ध पाप कोऱ्या. काहाकी चे पाप कोऱ्या एरेन कोरता धोरती पोर रोय्ने वावा आखात मोरे.

![](https://cdn.door43.org/obs/jpg/360px/obs-en-48-03.jpg)

काहाकी आदम एने हवा पाप कोरला होता, एरेन कोरता काहीन ओविबी भून्डो होयो. चे परमेश्वरोन दुश्मोन बोन गोया. जेरो परिणामन रूपमा, तेतार गोथू होर एक जोन पाप कोरला छे. होर एक जोन पोयदायीस परमेश्वरोन दुश्मन छे. परमेश्वर एने माणसोन बीचमा शांती नि होती. बाकीन परमेश्वर शांती लावनेन कोरतू होतु.

![](https://cdn.door43.org/obs/jpg/360px/obs-en-48-04.jpg)

परमेश्वर एक वायदू कोऱ्यू कि हव्वान एक पिढी भुतडान मुनका काजे कुचरसे. चू यो बी कोयू कि भुतडू तेरी एडी काजे चावसे. दिसरा शब्दामा भुतडू मसिह काजे मार देसे. बाकीन परमेश्वर पोछू जीवतु कोर देसे. तेरे बादमा मसिह भुतडान ताकत काजे हमेशा खोतोम कोर देसे. घोणा सोवटा साल बाद परमेश्वर प्रकट कोऱ्यू कि चू मसिह छे.

![](https://cdn.door43.org/obs/jpg/360px/obs-en-48-05.jpg)

परमेश्वर तिना बाढ सी तेरा परिवार काजे वाचाळ्यु जीआक चू लावणे वावु होतु. तेरे बादमा नूह सी एक ढोंड्यो बोनावनेन कोरता कोयू कि चू इना रीतीसी परमेश्वर माणसो काजे वाचळ्यु जे तेरेपोर भूरसू कोरता होता. इना रीतीसी, चे आखण आखा परमेश्वरोन लारे मार नाखनेन योग्य होता काहाकी चे पाप कोरला होता बाकीन परमेश्वर तीनु आखा काजे वाचाळनेन कोरता येसू काजे मुकल्यू जे तेरे पोर भूरसू कोरे.

![](https://cdn.door43.org/obs/jpg/360px/obs-en-48-06.jpg)

घोणा सोवटा साल तोक, पुजारा परमेश्वरोन कोरता बलिदान चोळावता रोया. यो दर्शावतो होतो कि माणसे पाप कोरता होता., एने यो कि चे परमेश्वरोन लारे तीनु काजे दोंड आपनेन योग्य होता. बाकीन बलिदान तिंदरा पापोकाजे क्षमा नि कोर सोकतो होतो. येसू आखान मोटलु माहायाजक छे. चू चो कोऱ्यू जो कुदू पुजारू नि कोर सोकतु होतु. चू एकुत बलिदान होयनेन कोरता खुद काजे आप देदू जू होर एकोण पापो काजे धुव देदू. चू स्वीकार कोऱ्यू कि परमेश्वर तिंदरा आखान पापोन कोरता तीनुक दोंड आपे. इनान कोरता, येसू सिद्ध माहायाजक होतु.

![](https://cdn.door43.org/obs/jpg/360px/obs-en-48-07.jpg)

परमेश्वर अब्राहम काजे कोयू, “मे तारे लारे संसारोन आखी जाती काजे आशिष आपीस.” येसू इनी अब्राहमन पीढीन होतु. परमेश्वर अब्राहमन लारे आखा जाती काजे आशिष आपे काहाकी जे येसू पोर भूरसू कोरे परमेश्वर तीनु आखा काजे पापोसी वाचाळे. जेतार ये माणसे येसुपोर भूरसू कोरे, ती परमेश्वर तीनुकाजे अब्राहमन पीढीक मानतला छे.

![](https://cdn.door43.org/obs/jpg/360px/obs-en-48-08.jpg)

परमेश्वर अब्राहम काजे कोयू कि चू तेरु लाळकु पुऱ्यू, तेरेन कोरता बलिदान कोर देय. बाकीन ओवतेन परमेश्वर इसाहकोन बोदले बोली कोरनेन कोरता एक गाडरो आप देदू. आपनू आखा आपणा पओन कोरता मोरनेन योग्य होता, बाकीन परमेश्वर आपने जागे मोरनेन कोरता येसू काजे बलिदानोन रूपमा आप्यु. एरे वोजेहसी आपणु येसू काजे परमेश्वरोन गाडरू कोयतला छे.

![](https://cdn.door43.org/obs/jpg/360px/obs-en-48-09.jpg)

जेतार परमेश्वर मिस्र पोर आखरी पिळा मुकल्यू ती चू होरे एक इस्राईलोन परिवार काजे कोयू कि चे एक गाडरान बली कोरे. तीना गाडरामा काहीन गुणु नि रोयनो जुवे. तेतार चू तेरा झोपलान चौखोट उपोर एने धोळे लुय काजे लागाळनो होतो. जेतार परमेश्वर तिना लुय काजे देख्यू, ती चू तिंदरा घोरो काजे देखीन ओगु जात रोयू, एने तिंदरा पेहला पुऱ्या काजे नि माऱ्यू. जेतार यो होयो ती परमेश्वर इना काजे फसहन तिहीवार कोयू.

![](https://cdn.door43.org/obs/jpg/360px/obs-en-48-10.jpg)

येसू फसहन तिहीवारोन एक गाडरान सारखो छे. चू कोबी पाप नि कोऱ्यू, एरेन कोरता तेरेमा कानलो बी गलत नि होतो. चू फसहन तिहीवारोन तेमोपोर मोऱ्यू. जो कुदू येसुपोर भूरसू कोरे, तेतार येसून लुय तिना मानसोन पापोन किंमत चुकाळे. यो ओसो छे जोसो कि परमेश्वर तिना मानसोनचा गोथू ओगु जात रोयू, काहाकी चू तीनाक दोंड नि आपे.

![](https://cdn.door43.org/obs/jpg/360px/obs-en-48-11.jpg)

परमेश्वर इस्राईल मानसो साते एक वायदू कोऱ्यू, काहाकी चे ओसला माणसे होता जीणूक परमेश्वर हेरा होयनेन करता नेवाळ लेदलू होतु. बाकीन हिमी परमेश्वर एक ओसी वायदू कोऱ्यू जो कि आखान कोरता छे. अगर कानली बी जातीन कुदू बी इनी वायदा काजे मान लेय ती चू परमेश्वरोन माणसोमा भेसकाय जाय. चू ओसू एरेन कोरता कोरे काहाकी चू येसू पोर भूरसू कोरे.

![](https://cdn.door43.org/obs/jpg/360px/obs-en-48-12.jpg)

मुसा एक ओसू भविष्य कोरता होतु जीनाक परमेश्वरन वचन काजे मोटली ताकत साते प्रचार कोरलू होतु. बाकीन येसू आखा भविष्य कोरतामा गोथू आखान मोटलु होतु. चू परमेश्वर छे, एरेन कोरता जो काय बी चू कोऱ्यू एने कोयू चो परमेश्वरोन काम एने वचन होतो. एरेन कोरता पवित्र शास्त्र येसू काजे परमेश्वरोन वचन कोये.

![](https://cdn.door43.org/obs/jpg/360px/obs-en-48-13.jpg)

परमेश्वर राजा दाउद साते वायदू कोरलू होतु कि राजान रूपमा तेरु एक पिढी परमेश्वरोन माणसो पोर हमेशान कोरता राज कोरसे. येसू परमेश्वरन पुऱ्यू, एने मसिह छे, एरेन कोरता चू राजा दाऊदन पिढी छे जो कायमोन कोरता राज कोर सोकसे.

![](https://cdn.door43.org/obs/jpg/360px/obs-en-48-14.jpg)

दाऊद ते इस्राईलोन राजा होतु, बाकीन येसू आखा जोगोन राजा छे, चू पोछू आवसे एने हमेशान कोरता नियाव एने शांतीन साते तेरो राज्य पोर राज कोरसे.

*बायबोलोन काहानी, उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_48_128kbps.m4a

## 49. रमेश्वरोन नोवलू वायदू

https://openbiblestories.org/l/bfb/story-49/

![](https://cdn.door43.org/obs/jpg/360px/obs-en-49-01.jpg)

एक सोरगो दूत एक जुवान बायोर मोरीयोम काजे कोयू कि ची परमेश्वरोन पुऱ्याक जन्मो आपीस. ची तेतार छोल्ली होती, बाकीन पवित्र आत्मा तेरेनचा आव्यू एने ची भारीस होई. ची एक पुऱ्या काजे जन्म आपी जेरो नाव ची येसू मेकी. एरेन कोरता, येसू परमेश्वर एने माणूस दुय छे.

![](https://cdn.door43.org/obs/jpg/360px/obs-en-49-02.jpg)

येसू घोणा सोवटा चमत्कार कोऱ्यू जो देखाळे कि चू परमेश्वर छे. चू पाणी पोर चाल्यू एने आंजी काजे शांत कोर देदू. चू घोणा सोवटा मांदळा काजे वारू कोऱ्यू एने घोणा सोवटा मानसोमा गोथू दुष्टात्मा काजे निकाव्यू. चू मोरला मानसो काजे जीवता कोऱ्यू एने चू पाच रुटा एने दुय माछा काजे 5000 मानसो काजे खावाळनेन कोरता खानामा पुरती कोऱ्यू.

![](https://cdn.door43.org/obs/jpg/360px/obs-en-49-03.jpg)

येसू एक माहान मास्तोर होतु. जो काय बी चू सिकाळ्यु, तिना काजे दाखला आपीन सिकाळ्यु. जो चू माणसो काजे कोरनेन कोरता कोये चो तीनुक कोरनो जुवे काहाकी चू परमेश्वरोन पुऱ्यू छे. उदाहरनोन कोरता, चू सिकाळ्यु कि तुमुक दिसरा माणसोसी तीनात रीतीसी मोंग कोरनेन गोरोज छे जोसा तुमु खुद पोर मोंग कोरतला.

![](https://cdn.door43.org/obs/jpg/360px/obs-en-49-04.jpg)

चू यो बी सिकाळ्यु कि तुमुक आखा चीजोसी जादा एने तुमरा पोयशा सी जादा परमेश्वरसी मोंग कोरनो जुवे.

![](https://cdn.door43.org/obs/jpg/360px/obs-en-49-05.jpg)

येसू कोयू कि संसारमा काहणी बी चीजो काजे हासील कोरणे सी जादा वारू छे परमेश्वरोन राजमा रोयनो. तेरा राजमा तुमरो जानो गोरजोन छे कि परमेश्वर तुमुक पापोन गोथू वाचाळे.

![](https://cdn.door43.org/obs/jpg/360px/obs-en-49-06.jpg)

येसू कोयू कि थुलाक माणसे तीनाक ग्रहण कोरसे. परमेश्वर तीनु मानसो काजे वाचाळ्यु. बाकीन दिसरा माणसे तीनाक ग्रहण नि कोरे. चू यो बी कोयू कि काहानास माणसे वारली जागा सारखा छे, काहाकी चे येसून बारामा वारली खोबर काजे स्वीकार कोर लेतला छे. एने परमेश्वर तीनुक वाचाळे. बाकीन काहणास माणसे वातळा जागा सारखा छे, जे परमेश्वरोन वचन बीज सारखो वाटीपोर पोळे, बाकीन चा काय बी नि उगतलो. ये माणसे येसून बारामा प्राचार अस्वीकार कोर देतला छे. चे तेरा राजमा जाणेसी मना कोर देतला छे.

![](https://cdn.door43.org/obs/jpg/360px/obs-en-49-07.jpg)

येसू सिकाळ्यु कि परमेश्वर पापीसी घोणु मोंग कोरे. चू तीनुक माफ कोरणे चाहे एने तीनुक तेरा पुऱ्या बोनावने हिंडे.

![](https://cdn.door43.org/obs/jpg/360px/obs-en-49-08.jpg)

येसू यो बी कोयू कि परमेश्वर पापसी घृणा कोरे. काहाकी आदम एने हव्वा पाप कोऱ्या, एरेन कोरता चू आखी पिढी बी पाप कोऱ्या. इनी संसारमा रोयनेवावा होर एक जोन पाप कोरतला एने परमेश्वरसी नांबे छे. होर एक जोन परमेश्वरोन दुश्मोन छे.

![](https://cdn.door43.org/obs/jpg/360px/obs-en-49-09.jpg)

बाकीन परमेश्वर इना संसारमा रोयने वावा होर एक जोना साते इना रीतीसी मोंग कोऱ्यू, चू तेरा लाळका पुऱ्या काजे आप देदू ताकी परमेश्वर तीनुक दोंड नि आपे जे तेर्पोर भूरसू कोरे. एरे बोजाय, चे तेरे साते हमेशा कोरता रोयसे.

![](https://cdn.door43.org/obs/jpg/360px/obs-en-49-10.jpg)

तुमु मोरनेन योग्य छे, काहाकी पाप कोरला छे. तुमरेसी परमेश्वर रीसवायनो सही छे. एरी मोरजी, चू येसू पोर येसुपोर रीसवाय गोयू. चू येसू काजे ख्रुसोन मोत आपीन दोंड आप्यू.

![](https://cdn.door43.org/obs/jpg/360px/obs-en-49-11.jpg)

येसू कोबी पाप नि कोऱ्यू, बाकीन चू परमेश्वर काजे तिनाक दोंड आपने देदू. चू मोर जाणो स्वीकार कोऱ्यू. इना रीतीसी तुमरा पापोकाजे एने इना संसारमा रोयने वावा होर एक जोनोन पाप हाकलणेन कोरता चू एक खोरलू बलिदान होतु. येसू खुदोकाजे परमेश्वरोन कोरता बलिदान होय गोयू. एरेन कोरता परमेश्वर काहाना बी पापोक, या तोक कि मोटला पापो काजे बी माफ कोऱ्यू.

![](https://cdn.door43.org/obs/jpg/360px/obs-en-49-12.jpg)

भोले तुमु वारला काम कोरता होसे, ती एरे लारे परमेश्वर तुमुकाजे नि वाचाळे. तेरु दोस्त बोननेन कोरता ओसलो काय बी नि होय जो तुमु कोर सोकतला. एरी अपेक्षा, तुमुक भूरसू कोरनो छे. कि येसू परमेश्वरोन पुऱ्यू छे, एने चू तुमरे बोदले ख्रूस पोर मोर गोयू, यो बी कि परमेश्वर तीनाक पोछू जीवतु कोर देदू. अगर तुमु एरेपोर भूरसू कोरे ती परमेश्वर तुमरा पापोकाजे माफ कोर देसे.

![](https://cdn.door43.org/obs/jpg/360px/obs-en-49-13.jpg)

परमेश्वर तीनु होर एक जोन काजे वाचाळसे जू येसू पोर भूरसू कोरे एने तीनाक आपणु प्रभू स्वीकार कोरे. बाकीन चू तीनुक नि वाचाळे जे तेरेपोर भूरसू नि कोरे. यो काय मायने नि राखतलो कि तुमु मालदार छे या नि गरीब, माणूस या बायोर, डायलु या जुवान नीती तुमु का रोये. परमेश्वर तुमरेसी मोंग कोरे एने चाहतलु कि तुमु येसू पोर भूरसू कोरे कि तुमरू दोस्त बोन सोके.

![](https://cdn.door43.org/obs/jpg/360px/obs-en-49-14.jpg)

येसू तुमुक बुलाव रोयू कि तेरे पोर भूरसू कोरे एने बाप्तिस्मा लिये. काय तुमु भूरसू कोरे कि परमेश्वरोन एकलौतू पुऱ्यू, येसुत मसिह छे? काय तुमु बरसू कोरे कि तुमु एक पापी छे एने यो कि तुमु परमेश्वरोन्लारे तुमुक दोंड जुळतो? काय तुमु भूरसू कोरे कि तुमरा पापो काजे धुवणे कोरता येसू ख्रूस पोर मोऱ्यू?

![](https://cdn.door43.org/obs/jpg/360px/obs-en-49-15.jpg)

अगर तुमु येसू पोर जो चू तुमरेण कोरता कोरलू तिना पोर भूरसू कोरे, ती तुमु एक मसिही छे, भुतडू तेरो आंदारलान राज्यमा तुमरे पोर राज नि कोरे. हिमी परमेश्वर तेरा विजावान राज्याम तुमरेपोर राज कोरे. चू तुमुकाजे पाप कोरणे सी रुक देद्लू छे जीनाक तुमु कोऱ्या कोरता होता. चू तुमुक एक नोवलो योग्य जीवन आपलू छे.

![](https://cdn.door43.org/obs/jpg/360px/obs-en-49-16.jpg)

अगर तुमु एक मसीही छे ती जो येसू कोऱ्यू तेरे कारण परमेश्वर तुमरा पापो काजे माफ कोर देदू. हिमी परमेश्वर एक दुष्मोनोन आस तुमुक एक वातळू दोस्त बोनावे.

![](https://cdn.door43.org/obs/jpg/360px/obs-en-49-17.jpg)

अगर तुमु परमेश्वरोन दोस्त छे एने प्रभू येसून सेवक छे ती तुमु तीन वातोन पालोन कोरनेन मोरजी कोरसू जो येसू तुमुक सिकाळे. भोले तुमु एक मसीही होय, भुतडू हिमिबी पाप कोरनेन कोरता तुमरी पारख कोरे, बाकीन परमेश्वर हमेशा चो कोरे जो चू कोये कि चू कोर्से. चू कोये कि अगर तुमु तुमरा पापो काजे मान लेये ती चू तुमुकाजे माफ कोर देसे. चू तुमुक पापोन विरुद्ध लोळायनेन ताकत आपे.

![](https://cdn.door43.org/obs/jpg/360px/obs-en-49-18.jpg)

परमेश्वर तुमु काजे प्रार्थना कोरणे एने तेरा वचन भोनने कोरता कोये. चू तुमु काजे दिसरा विस्वास्या साते भेवा होयीन आराधना कोरनेन कोरता बी कोये. तुमुकाजे दिसरा माणसे काजे बी कोयनो छे कि चू तुमरेण कोरता काय कोऱ्यू. अगर तुमु इनू आखा कामो काजे कोरे ती तुमु तेरा एक पाक्का दोस्त बोन जासू.

*बायबोलोन काहानी, रोमियों 3:21-26, 5:1-11; योहान 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 योहान 1:5-10 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_49_128kbps.m4a

## 50. येसू पोछू आवे

https://openbiblestories.org/l/bfb/story-50/

![](https://cdn.door43.org/obs/jpg/360px/obs-en-50-01.jpg)

लगभग 2000 सालो सी सांसारमा आखा जागा पोर जादा सी जादा माणसे मसिह येसून बारा वारली खोबर काजे सोमविरोया. मंडव्या उन्नती कोर रोया. येसू वायदू कोऱ्यू कि चू सांसारोन आखरी तोक पोछू आवसे. अगर चू पोछू नि आव्यू, तेबी चू तेरा वायदा काजे पुरू कोरसे.

![](https://cdn.door43.org/obs/jpg/360px/obs-en-50-02.jpg)

आपणु ते येसून पोछो आवनेन वाट जुव रोया, परमेश्वर आपनेसी ओसली रीतीसी जीवन जीवनेन मोरजी कोरे जू पवित्र छे एने जू तेरो आदोर कोरे. जेतार येसू धोरती पोर रोयतू होतु तेतार चू कोयू, “मारा चेला संसार भोरमा आखा जागांन मानसो काजे परमेश्वरन राज्यन बारामा वारली खोबरोन प्रचार कोरसे, एने तेतार आखरी आव लागसे.”

![](https://cdn.door43.org/obs/jpg/360px/obs-en-50-03.jpg)

घना सोवटा जाती हिमी तोक येशून बारामा नि सोमव्या. सोरगोन पोछु जाणेन पेहेल येसू मासीही मानसोसी तीनु मानसो काजे वारली खोबर सोमवावनेन कोरता कोयू. जा इना काजे कोबी नि सोमव्या. चू कोयू, “जाऊ एने आखा जातीन मानसो काजे चेला बोनावू,” एने “काटनि कोरनेन कोरता खेत पाक गोयलो छे.”

![](https://cdn.door43.org/obs/jpg/360px/obs-en-50-04.jpg)

येसू यो बी कोयू, “काहना मानसोन सेवोक तेरा मालिक गोथू मोटू नि रोयतलू इनी संसारोन महत्वान माणसे मारेसी नफरत कोऱ्या, एने मारे वोजहसी चे तुमुकाजे वेला पाळावसे एने मार बी देसे. इनी संसारमा तुमुक विताळसे बाकीन वातळा बोणु, काहाकी मे भुतडा काजे हाराव देदलू छे. जो इनी संसार पोर राज कोरे. अगर तुमु आखरी तोक मारा भूरसान योग्य बोनला रोयू, ती तुमुकाजे वाचाळसे.”

![](https://cdn.door43.org/obs/jpg/360px/obs-en-50-05.jpg)

येसू तेरा चेला काजे सोमजाळने कोरता एक काहानी सोमवाळ्यु कि जेतार संसारोन आखरी होयसे ती मानसो साते काय होयसे. चू कोयू, “काहनुस माणूस तेरा खेतमा वारलो बीज वेऱ्यू. जेतार चू सुवतू होतु ती तेरु दुस्मोन आव्यू एने गोहून बीजन इचमा जंगली झाडोन बीज वर देदू, एने ओवतेन चू जात रोयू.”

![](https://cdn.door43.org/obs/jpg/360px/obs-en-50-06.jpg)

“जेतार झाडे पाक गोया ती सेवक माणसे तिना मानसो काजे कोयू, “हे मालक, तू तार खेतोम वारलो बीज वेरलू, ती एरोमा जंगली झाडे काहा छे? चू माणूस जवाब आप्यू, ‘निस्ता मारा दुस्मोनु वेऱ्या होसे. या मारा दुस्मोन छे जू ओसो कोऱ्यू.”

![](https://cdn.door43.org/obs/jpg/360px/obs-en-50-07.jpg)

“चे सेवके तिंदरा मालिक काजे जवाब आप्या, ‘काय आमु जंगली झाडे उखाव देजे?’ चू मालक कोयू, ‘नि. अगर तुमु ओसा कोरसू ती तुमु गोहुक बी उखाव देसू. काटनीन टेमे तोक वाट जुवू. तेतार जंगली झाड काजे खाडामा एकठा कोर लेवू ताकी तुमु तीनाक धोपाळ सोके. बाकीन गोहू काजे पुतामा लीन आवू.”

![](https://cdn.door43.org/obs/jpg/360px/obs-en-50-08.jpg)

चेला इनी काहानीन मतलब नि सोमज्या, एरेन कोरता चे येसू सी तीनुक सोमजाळनेन कोरता विनता कोऱ्या. येसू कोयू, “वारलो बीज वेरणे वावु येसून प्रतिनिधित्व कोरे. खेत संसार प्रतिनिधित्व कोरे, वारलो बीज परमेश्वरोन राज्यन मानसोन प्रतिनिधित्व.”

![](https://cdn.door43.org/obs/jpg/360px/obs-en-50-09.jpg)

जंगली झाडे तिना दुष्ट जन, भुतडान प्रतिनिधित्व चाले, तिना मानसोन दुस्मोन भुतडान प्रतिनिधित्व चाले, जू जंगली झाडो काजे वेर देदलू होतु. काटनि इनी संसारोन आखरीन प्रतिनिधित्व कोरे, एने काटनि कोरणे वावा परमेश्वरन सोरगो दूतन प्रतिनिधित्व कोरे.”

![](https://cdn.door43.org/obs/jpg/360px/obs-en-50-10.jpg)

जेतार संसारोन आखरी होयसे तेतार सोरगो दूत तीनु आखा मानसो काजे एकठा कोरसे जे भुतडान छे. चे सोरग दूत तीनु काजे एक घोना तातला आगठामा नाख देसे. चा चे माणसे मोटला वेलामा रोळसे एने तिंदरा दाते कोकळावसे. बाकीन जे माणसे धोरमी छे, जे येसून पोछोव चाले, चे तिंदरा बासोन राजमा सूर्य सारखा चोमोकसे.”

![](https://cdn.door43.org/obs/jpg/360px/obs-en-50-11.jpg)

येसू यो बी कोयू कि चू संसारोन नाश होयनेन पेहेल धोरती पोर आव लागसे. चू तिना रीतीसी पोछू आवसे. मतलब तेरे जुव एक डील रोयसे एने चू आकाशमा वादवा पोर बोठीन आवसे. जेतार येसू आवे तेतार ती होर एक मासीही जे मोरलाम गोथा जीव उठसे एने तेरे साते आकाशमा भेटायसे.

![](https://cdn.door43.org/obs/jpg/360px/obs-en-50-12.jpg)

तेतार जे मसीही हिमी जीवतला छे चे आकाशमा चुटाय जासे एने तीनु दिसरा मसीही साते भेसकाय जासे जे मोरलाम गोथा जीव जासे. चे आखा चा येसूनचा रोयसे तेरे बादमा येसू तेरा मानसो साते रोयसे. जेतार चे एकठा रोये ती तिंदरे जुव कायोम पुरी शांती रोयसे.

![](https://cdn.door43.org/obs/jpg/360px/obs-en-50-13.jpg)

येसू पोर भूरसू कोरणे वावाक होर एक जोन काजे एक मुकुट आपनेन वायदू कोरलू छे. चे कायोमोन कोरता परमेश्वर साते होर एक जीजो पोर राज कोरसे. तिंदरे जुव सिद्ध शांती रोयसे.

![](https://cdn.door43.org/obs/jpg/360px/obs-en-50-14.jpg)

बाकीन परमेश्वर तिंदरु आखान नियाव कोरसे जे येसू पोर भूरसू नि कोरे चू तीनुक नोरगमा नाख देसे. चा चे रोळसे एने दात कोकळावसे, एने चे वेला कोरसे. कोबी नि उलवायने वावी आगठ लगातार धोपती रोयसे, एने किळा तीनुक खाणेसी कोबी नि रुके.

![](https://cdn.door43.org/obs/jpg/360px/obs-en-50-15.jpg)

जेतार येसू पोछू आवे, ती चू पुरी रीतीसी भुतडा काजे एने तिंदरा राज्य काजे नाश कोर देसे. चू भुतडा काजे नोरोग नाख देसे. चू भुतडू होमेशान कोरता धोपतू रोयसे, तीनु आखा साते जे परमेश्वर वातो काजे मानने बजाय भुतडा पोछोव चालनेन चुनाव कोर लेदा.

![](https://cdn.door43.org/obs/jpg/360px/obs-en-50-16.jpg)

काहाकी आदम एने हव्वा परमेश्वरोन आग्या नि मान्या एने पाप काजे इनी संसारमा लीन आव्या, परमेश्वर तीनुकाजे श्राप आप्यू एने तीनाक नाश कोरनेन फेसलू कोऱ्यू. बाकीन काहने दाहळे परमेश्वर एक नोवलो सोरोग एने एक नोवली धोरती बोनावसे जो सिद्ध होयसे.

![](https://cdn.door43.org/obs/jpg/360px/obs-en-50-17.jpg)

येसू एने तेरा माणसे तिनी धोरती पोर रोयसे, एने चे कायमोन कोरता आखा चीजोपोर राज कोरसे. चे माणसोन आसवा काजे पूस देसे. हिमी कानली बी वेला नीती दुख नि रोये. चे रोळे नि. चे मांदा नि पोळे या नि मोरे. एने चा कानलीत बुराई नि रोये. येसू तेरा राज्य पोर नियावसी एने शांती साते राज कोरसे, चू होमेशान कोरता तेरा मानसो साते रोयसे.

*बायबोलोन काहाणी, मत्ती 24:14; 28:18; योहान 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 सी*

Audio: https://git.door43.org/OBS-TLF/bfb_obs/releases/download/v1/bfb_obs_v1_50_128kbps.m4a