# unfoldingWord Open Bible Stories — Bondo

- Language code: `bfw`
- Canonical page: https://openbiblestories.org/l/bfw/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bondo translation; it is not a translation of the whole Bible.

## 1. ୧. ଦର୍‌ତନି ଅରେଙ୍ଗ କୁନ୍ ଉସାରାମ୍

https://openbiblestories.org/l/bfw/story-1/

![](https://cdn.door43.org/obs/jpg/360px/obs-en-01-01.jpg)

ସିସେନୁଗ୍ ଈଶ୍‌ପର୍ କନ୍ ରକମ୍ ଗୁଲାଇ ବିଷୟଲେ ଅରେଙ୍ଗ। ଦର୍‌ତନି ମାରି ଗୁଲାଇ୍ ଦର୍‌ତନି ବ ଡିକୁନ୍ ଗୁଲାଇ ଜିନିଷଲେ ଚଅ ଦିନ୍‌ବ ମାଇ ଅରେଙ୍ଗ। ଉଣ୍ଡୋଇଲ ଈଶ୍‌ପର୍ ଆଦର୍‌ତନି ଅରେଙ୍ଗ, କନ ଦର୍‌ତନି ବ ମିଣ୍ଡି ମାରି ମାସା ଆଡିତା ଗିତିନ୍ ବେଲାଜାକ ଈଶ୍‌ପର୍ ମାସା ଅରେଙ୍ଗ ଆଡିତା। ଈଶ୍‌ପର୍‌ନା ଜୀବନ ଡ଼ାଗ୍ ବାଗ୍‌ବ ଡିଗା।

![](https://cdn.door43.org/obs/jpg/360px/obs-en-01-02.jpg)

ମାରି ଈଶ୍‌ପର୍ ସୁନ, “ତାରା ଡ଼େ” ମାରି ଆର ତାରାଗା। ଈଶ୍‌ପର୍ ଆତାରାଗ୍‌ ଯୁଲସା ଗିତିନ୍ ବାନି ଡିଗା,ମାରି ମାଇ ଆତିନ୍ ସିମିଇ ଡୋ ସୁନ।” ଆତିନେ ଈଶ୍‌ପର୍ ଆଇୟୁଁର୍ ତାରାଗ୍ ନାନେ ପାଲ୍ଡ଼େମ, ମାରି ଆଗିତିନ୍ ୟୁଁର୍‌ “ମିଣ୍ଡି” ଡୁଗ।” ଈଶ୍‌ପର୍ ଡ଼େମକୁନ୍ ପର୍‌ତୁମ ଦିନ୍ ଆତାରାଗ୍ ଅରେଙ୍ଗ।

![](https://cdn.door43.org/obs/jpg/360px/obs-en-01-03.jpg)

ତିଆର୍‌ ଡ଼େମକୁନ୍ ଦୁଇ ଦିନ୍‌ବ ଈଶ୍‌ପର୍ ସୁନ, “ଡ଼ାଗ୍ ପାଲ୍‌ ପାଲ୍‌ ଡେମେ,ମାରି ଡ଼ିତିନ୍‌ସୁଗ ଡେଙ୍ଗା। ଈଶ୍‌ପର୍ ଡାଗ୍‌ନା ବାଗ୍‌ବନା ଆବାଗ୍ “ବାଦଲ୍” ଡୋ ସୁନ।

![](https://cdn.door43.org/obs/jpg/360px/obs-en-01-04.jpg)

ତିନ୍ ଦିନ୍‌ବ ଈଶ୍‌ପର୍ ସୁନ, “ଗୁଲାଇ ଡ଼ାଗ୍ ସାଗ୍‌ମୁଇ ବ ଡେମେ, ମାରି ଉଁସର୍‌କୁନ୍ ତୁବୁଗ୍ ତିନାଲେ ମାରି ଗିତିନ୍ ଉସର୍‌କୁନ୍ ଆତୁବୁଗ୍ “ଦର୍‌ତନି” ମାରି ଆଡାଗ୍ “କିଣ୍ଡାଗ୍” ଡସେ ସୁନ। ଈଶ୍‌ପର୍ ମା ଅରେଙ୍ଗ ଡିଗା ଗିତିନ୍ ବାନି ଡିଗା।

![](https://cdn.door43.org/obs/jpg/360px/obs-en-01-05.jpg)

ମାରି ଈଶ୍‌ପର୍ ସୁନ, “ଦର୍‌ତନି ବ ଗୁଲାଇ ସେମୁଗ୍ ମାରି ଲାଟାବୁଟାଲେ ତୁରେ।” ମାରି ତିଡ଼ିନ୍‌ ସୁଗ ଡେଙ୍ଗା। ମାରି ଈଶ୍‌ପର୍ ଯୁଲ ଜେ ଗିତିନ୍ ବାନି ଡିଗା।

![](https://cdn.door43.org/obs/jpg/360px/obs-en-01-06.jpg)

ତିଆର୍ ଡେଙ୍ଗ୍‌କୁନ୍‌ ଚାର୍ ଦିନ୍‌ବ ଈଶ୍‌ପର୍ ସୁନ, “ବାଦଲ୍ ବ ତାରାଗ୍‌ ଡେମେ।”ମାରି ସିଙ୍ଗ୍ ମାରି ଆର୍‌କେ ତାରାଲେ। ଈଶ୍‌ପର୍ ଆମାଏ ଦର୍‌ତନି ବାଗବ ତାରାଗ୍‌ ବେବେ ପାଲାଇ ସିମିହି ମାରି ମିଣ୍ଡି ମାସ୍ ମାରି ବରଷ୍ ନା ଚିନାସୁଗ ମାମାଗ୍ ପାଲାଇ ତିଆର୍ ଡ଼େମ। ମାରି ଈଶ୍‌ପର୍ ଯୁଲ ଜେ ଗିତିନ୍ ବାନି ଡିଗା।

![](https://cdn.door43.org/obs/jpg/360px/obs-en-01-07.jpg)

ତିଆର୍ ଡେଙ୍ଗ୍‌କୁନ୍‌ ପାଞ୍ଚ୍‌ ଦିନ୍‌ବ ଈଶ୍‌ପର୍ ସୁନ, “ଗୁଲାଇ ଜୀବନ୍ ଡିକୁନ୍ ଜିବ୍ ଡାଗ୍‌ବ ବର୍‌ତି ଡେମେ, ମାରି ପିରିଗ୍ ଲେ ବାଦଲ୍ ବୋ ଉଡ଼ଲେ”। ଡିକନ୍ ସୁଗ ମାଈ ଡ଼ାଗ୍‌ବ ଡିକୁନ୍ ଗୁଲାଇ୍ ଜିବ୍‌ଲେ ମାରି ବାଦଲ୍ ବୋ ଉଡ଼ବାର୍‌ନା ଆପିରିଗ୍‌ଲେ ତିଆର୍‌ଡ଼େମ। ଈଶ୍‌ପର୍ ଯୁଲସା ଗିତିନ୍ ବାନି ମାରି ଆମାଏଲେ ଆଶିର୍‌ବାଦ୍‌ ବେଡ଼।

![](https://cdn.door43.org/obs/jpg/360px/obs-en-01-08.jpg)

ତିଆର୍ ଡ଼େମକୁନ୍ ଚଅ ଦିନ୍‌ବ, ଈଶ୍‌ପର୍ ସୁନ, “ଦର୍‌ତନି ବାଗ୍‌ବ ଗୁଲାଇ ରକମ୍ ଜିବ୍ ଜନ୍ତୁଲେ ଡେମେ।” ମାରି ସୁନକୁନ୍ ସୁଗ ଡେଙ୍ଗା। ମାରି ଅଇଜା ଉଙ୍ଗମ୍ ବ ଡିକୁନ୍ ଜିବ୍‌ଜନ୍ତୁଲେ, ଅଇଜା ତୁବୁବ ରାଙ୍ଗ୍‌ଲ ବୁଲବାର୍‌ନା ଜନ୍ତୁଲେ ମାରି ଏନ୍‌ତୁଗ୍ କୁଣ୍ଡାବ ଡିକୁନ୍ ଜିବ୍‌ଜନ୍ତୁଲେ ଡିଗା। ମାରି ଈଶ୍‌ପର୍ ଯୁଲ ଜେ ଗିତିନ୍ ବାନି ଡିଗା।

![](https://cdn.door43.org/obs/jpg/360px/obs-en-01-09.jpg)

ମାରି ଈଶ୍‌ପର୍ ସୁନ, “ନାଇ ତରୋଇନା ମୁର୍‌ତି ସୁଗ ମୁଇ ରେମ ଆରେଙ୍ଗ୍‌ନାଇ, ମିରକି ମାଏ ନାଇନ୍ ସୁଗ ଡ଼େନ୍‌ତା। ମାଏ ଦର୍‌ତନି ବ ଗୁଲାଇ ଜିବ୍‌ଜନ୍ତୁ ବାଗ୍‌ବ ଅଧିକାର ଡେମ୍‌ତ।”

![](https://cdn.door43.org/obs/jpg/360px/obs-en-01-10.jpg)

ଆତିନେ ଈଶ୍‌ପର୍ ଇତି ତୁବୁଗ୍ ରୁଙ୍ଗ୍‌ସେ ମୁଇ ଇଙ୍ଗେରେ ଅରେଙ୍ଗ, ମାରି ମାଇନା ଇନ୍‌ସେମିବ ଉମ୍ପାରସେ ଜୀବନ ବେଡ଼। କନ୍ ରେମନା ଅମି ଆଦମ୍‌ ଡିଗା। ଆଦମ୍‌ ଡିକୁ ପାଲାଇ ଈଶ୍‌ପର୍ ମୁଇୟଙ୍ଗ୍ ଦିଙ୍ଗାବୁର୍ ଅରେଙ୍ଗ, ମାରି ଗିତିନ୍‌ ଦିଙ୍ଗାବୁର୍‌ନା ଜତନ୍ ରୁରୁଙ୍ଗ୍ ପାଲାଇ ଆମାଇ ଆର ବୁଙ୍ଗ।

![](https://cdn.door43.org/obs/jpg/360px/obs-en-01-11.jpg)

ଡିଙ୍ଗାବୁର୍ ନା ମୋଜାଇ ଈଶ୍‌ପର୍ ପାଲ୍ ରୋକମ୍ ଉମ୍‌ବାର୍ ସେମୁଗ୍ ଉନଡିଗା, କନ୍‌ଲେ ଜୀବନ୍ ବାବଙ୍ଗ୍‌ନା ସେମୁ ଗ୍ ବାନ ମାରି କାରାପ୍‌ ବୁଦି ବେବେନା ସେମୁଗ୍‌। ଈଶ୍‌ପର୍ ଆ ଆଦମ ସୁନ, ବାନି ମାରି କାରାପ୍‌ ବୁଦି ବେବେନା ସେମୁଗ୍‌ନା ପଲ୍ ଅନ୍‌ତୁର ସେ ଗୁଲାଇ ସେମୁଗ୍ ନା ପଲ୍ ସୁସୁମ୍ ଗନ୍ତ୍‌ପେ, ମାତର୍ ଉଣ୍ଡୋଇଲ ଗିତିନ୍‌ ସେମୁଗ୍ ନା ପଲ ସୁମ୍‌ତପେ ଡନା, ସତୋଇସେ ଗଇତ୍ ପେ।

![](https://cdn.door43.org/obs/jpg/360px/obs-en-01-12.jpg)

ମାରି ଈଶ୍‌ପର୍ ସୁନ, “ଇଙ୍ଗେରେ ମିଣ୍ଡା ଡିକୁନ୍ ବାନି ଆଣ୍ଡା।” ଆର୍‌ନା ସା ଜିବ୍‌ଜନ୍ତୁଲେ ଆଦମ୍‌ ବେରଙ୍ଗ୍ ସଙ୍ଗ୍ ଡେଡେମ୍ ଆଡ଼େନ୍‌ତା।

![](https://cdn.door43.org/obs/jpg/360px/obs-en-01-13.jpg)

ଗିତିନ୍‌ସା ଈଶ୍‌ପର୍ ଆ ଆଦମ୍‌ ଜବର୍ ଅଲେମଡ଼। ମାରି ଈଶ୍‌ପର୍ ଆଦମ୍‌ ନାନେ ସିଗ୍‌ସାଙ୍ଗ୍‌ ରୁଙ୍ଗା ମାରି, ମୁୟଙ୍ଗ୍ ଆସେଲାନେ ଅରେଙ୍ଗ, ମାରି ଆତିନ୍ ସେଲାନେ ମାଇନ୍ କଣ୍ଡେ ରୁଙ୍ଗ।

![](https://cdn.door43.org/obs/jpg/360px/obs-en-01-14.jpg)

ଆଦମ୍‌ ଆତିନ୍ ସେଲାନେ ଯୁଲ, ମାରି ମାଇ ସୁନ, ବାପ୍ ରେ! କନ୍‌ତ ନିଙ୍ଗ୍‌ସୁଗ, ଗିତିନ୍‌ସା ଆମାଇ ‘ସେଲାନେ’ ଡ ସେ ସୁନ, ମାସାଡନା ମାଇ ଇଙ୍ଗେର୍ ନାନେ ଅରେଙ୍ଗ୍‌ ଗିତା।” ଗିତିନ୍‌ସା ଇଙ୍ଗେର୍ ତରୋଇନା ଆବା ମାରି ଆୟଙ୍ଗ୍‌ ଅନ୍ତୁର୍‌ସେ ମାଇନ୍ କୁନି ବେରଙ୍ଗ୍ ସାଗ୍‌ମୁଇ ଡ଼େନ୍‌ତା।

![](https://cdn.door43.org/obs/jpg/360px/obs-en-01-15.jpg)

ମାରି ଈଶ୍‌ପର୍ ଆଇଙ୍ଗେର୍ ମାରି ଆସେଲାନେ ମାଇନା ମୁର୍‌ତି ସୁଗ ଅରେଙ୍ଗ। ଈଶ୍‌ପର୍ ଆମାଏ ଆଶିର୍‌ବାଦ୍ ଡ଼େମସେ ସୁନ, “ଜବର୍ ଗୁ ଲେ ମାରି ଡାକୁଇଲେ ଇଗ୍‌ଲେ ଅଁଲେ ଡେଙ୍ଗ୍‌ସେ ଦର୍‌ତନି ବ ବେଗଲ ଇଗେ! ଈଶ୍‌ପର୍ ଯୁଲ, ମା ମାଲେ ଗୁଲାଇ ତିଆର ଡ଼େମଡିଗା ଗିତିନ୍ ଗୁଲାଇ ବାନି, ମାରି ମାଈ ମାଏ ଗୁଲାଇ ବ ସାର୍‌ଦାଗ୍‌ସେ କିଲେ। ଅରେଙ୍ଗ କୁନ୍ ଚଅ ଦିନ୍‌ବ କନ୍ ଗୁଲାଇ ତିଆର୍ ଡେଙ୍ଗା।

![](https://cdn.door43.org/obs/jpg/360px/obs-en-01-16.jpg)

ଉଣ୍ଡୋଇଲ ସାତ୍ ଦିନ୍ ଡେଙ୍ଗା, ଈଶ୍‌ପର୍ ମାରି ମା ମା କାମ୍‌ଲେ ଡ଼େମଡିଗା, ଗିତିନ୍ ଅଡମ ଡିଗା। ମାଈ କନ୍ ଆସାତ୍ ଦିନ୍ ଆଶିର୍‌ବାଦ୍ ଡ଼େମ ମାରି ପବିତ୍‌ର ଡ଼େମ। ମାସାଡନା ଆକନ୍ ଦିନ୍ ମାଇ ଡ଼େମକୁନ୍ ଗୁଲାଇ କାମ୍ ବନ୍ଦ ଡ଼େମ। ଡିକନ ସୁଗ ଈଶ୍‌ପର୍ ଗୁଲାଇ ବାଦଲ୍ ବୋ, ଦର୍‌ତନି ବୋ ମାରି ଆରନା ଗୁଲାଇ ଜାକ ତିଆର୍ ଡ଼େମ।

*ବାଇବଲ୍ ନା ମୁଇ ଉସାରାମ୍ : ଆଦିପୁସ୍ତକ ୧-୨*

Audio: https://git.door43.org/OBS-TLF/bfw_obs/releases/download/v1/bfw_obs_v1_01_128kbps.m4a

## 2. ୨. ଦର୍‌ତନି ବ ପାପ୍ ଗାଇଗା

https://openbiblestories.org/l/bfw/story-2/

![](https://cdn.door43.org/obs/jpg/360px/obs-en-02-01.jpg)

ଆଦମ୍‌ ମାରି ଆମାଇନା କୁନି ଈଶ୍‌ପର୍ ମାଏନ୍ ପାଲାଇ ଅରେଙ୍ଗ କୁନ୍ ବଲ୍‌ଟାବାଇ ଦିଙ୍ଗାବୁର୍ ବ ସାରଦାଗ୍‌ସେ ଡିକୁଡେଙ୍ଗା୍। ମାତର୍ ମାଏ ଡୁମ୍ଡ଼ା ଡିଗା, ମାତର୍ ଆମାଏ ଲାଜ୍ ଆଡିତା, ମାସାଡନା ଦର୍‌ତନି ବ ପାପ୍‌ ଆଡିତା। ମାଏଲେ ଦିନ୍‌କେ ଡିଙ୍ଗାବୁର୍ ବ ବୁଲବାର୍ ଡେଙ୍ଗା, ମାରି ଈଶ୍‌ପର୍ ବେରଙ୍ଗ୍ ଅଁୟ ଡେଙ୍ଗା।

![](https://cdn.door43.org/obs/jpg/360px/obs-en-02-02.jpg)

ମାତର୍‌ ଗିତିନ୍ ଡିଙ୍ଗାବୁର୍ ବ ମୁଇଁ ବୁବୁ ଡିଗା। ଗିତିନ୍‌ ବୁବୁଗ୍ ଜବର୍ ଚାଲାକି। ମାଇ ଆସେଲାନ୍ ପାଚାର୍ ଲୋ, ଈଶ୍‌ପର୍ ସତେଇସେ କନ୍ ଡିଙ୍ଗାବୁର୍ ନା ଆର୍‌ନାସା ସେମୁଗ୍ ନା ଫଲ୍ ସୁସୁମ୍ ପାଲାଇ ମନା ଡ଼େମତା କି?

![](https://cdn.door43.org/obs/jpg/360px/obs-en-02-03.jpg)

ଗିତିନ୍ ସେଲାନେ ସୁନ ଈଶ୍‌ପର୍ ଆନେ ସୁନତା, ବାନି ମାରି ଖାରାପ୍ ବୁଦ୍ଧି ବେବେନା ସେମୁଗ୍‌ବନା ପଲ୍ ଅନ୍‌ତୁରସେ ଆର୍‌ନାସା ସେମୁଗ୍‌ବନା ପଲ୍, ସୁସୁମ୍ ଗନ୍ତ୍‌ପେ ଡସେ ଈଶ୍‌ପର୍ ଆନେ ସୁନତା, ପେ ଯଦି ଗିତିନ୍ ସେମୁଗ୍‌ନା ପଲ୍ ସୁମନା କି ତାରାମନା ପେ ଗଇତ୍ ପେ।

![](https://cdn.door43.org/obs/jpg/360px/obs-en-02-04.jpg)

ବୁବୁ ଆସେଲାନେ ସୁନ,“ଗିତିନ୍‌ ସତ୍ ଆଣ୍ଡା! ପେ ଆଗଇତ୍ ପେ। ଈଶ୍‌ପର୍ ଗିତିନ୍ ମାଗତା ଜେ ପେ ସୁମକୁନ୍ ଦାପ୍‌ରେ, ପେ ଈଶ୍‌ପର୍ ସୁଗ ଡେଙ୍ଗ୍ଇତ୍‌ପେ ମାରି, ମାଇନ୍ ସୁଗ ବାନି ମାରି କାରାପ୍ ମାମାଗ୍‌ ଗନ୍ତ୍‌ପେ।”

![](https://cdn.door43.org/obs/jpg/360px/obs-en-02-05.jpg)

ସେଲନେ ଆତିନ୍ ପଲ୍ ଯୁଲ ଜେ ଗିତିନ୍ ଫଲ୍‌ ବାନି ସୁବୁସୁଗ ତିନାଡେଙ୍ଗା। ମାଇ ବୁଦ୍ଧି ରେମ୍‌ ଡେଡେମ୍‌ସା ମନ୍ ଡ଼େମ, ମାଈ ଇତି ପଲ୍ ମଈସସେ ସୁମ। ମାଇନ୍ ତୁର୍‌ଗୁ ମାଈ ଆମାଇନା ଉମ୍ପର ଇତି ବେଡ଼, ଜା ମାଈ ବେରଙ୍ଗ୍ ଡିଗା, ମାରି ମାଇସା ସୁମ।

![](https://cdn.door43.org/obs/jpg/360px/obs-en-02-06.jpg)

ଆତିନେ ମାଏନା ମ ରୁଗ୍‌ଇଗା ମାରି ମାଏ ଡୁମ୍ଡ଼ା ଡିକୁନ୍ ମାମାଗ୍ ଗଙ୍ଗା। ମାଏନ୍ ଗାଗଡ୍‌ବ ଡାଲୁ ପାଲାଇ ଉଲାଗ୍ ପଡ଼ସେ ଉମ୍‌ପ ତିଆର୍ ଡ଼େମ।

![](https://cdn.door43.org/obs/jpg/360px/obs-en-02-07.jpg)

ଆତିନେ ଆଦମ୍‌ ମାରି ମାଇନ୍ କୁନି ଅବା ଦିଙ୍ଗାବୁର୍‌ ବ ଈଶ୍‌ପର୍ ଉରିଙ୍ଗ୍‌ବାର୍‌ନା ଅଙ୍ଗ। ମାଏ ଉମ୍ବାଇନୁ ଈଶ୍‌ପର୍ ନାନେ ତିପାଗା। ଅଇତିନ୍‌ଲ ଈଶ୍‌ପର୍ ଆ ଆଦମ୍‌ ୱାୟସେ ସୁନ “ନ ଆର୍ ଡିତ୍ ନ?” ଆଦମ୍‌ ଉତ୍ତର୍‌ ବେଡ଼, “ ନ ଦିଙ୍ଗାବୁର୍ ବୋ ଉରିଙ୍ଗ୍‌ବାର୍ ନା ଅଙ୍ଗନିଙ୍ଗ୍, ମାରି ବୁତୁଙ୍ଗ୍‌ସେ ତିପାଗ୍‌ନିଙ୍ଗ୍, ମାସାଡୋନା ନିଙ୍ଗ୍ ଡୁମ୍‌ଡା ଡିଗ୍‌ନିଙ୍ଗ୍।”

![](https://cdn.door43.org/obs/jpg/360px/obs-en-02-08.jpg)

ଆତିନେ ଈଶ୍‌ପର୍ ପାଚାର୍ ଲୋ, “ ଆପେ ଜା ସୁନସା ପେ ଡୁମ୍‌ଡାଗ୍‌ ପେ? ଗିତିନ୍ ପଲ୍ ସୁମପେ କି ଆର୍ ନା ନିଙ୍ଗ୍‌ ସୁସୁମ୍ ପାଲାଇ ମନା ଡ଼େମ ଡିଗ୍‌ନିଙ୍ଗ୍?” ଆଦମ ସୁନ, “ଆନିଙ୍ଗ୍ ଆର୍ ନା ସେଲାନେ ବେଡ଼ନ ଗିତିନ୍ ସେଲାନ୍ ଆନିଙ୍ଗ୍ ଗିତିନ୍ ପଲ୍ ସୁସୁମ୍ ପାଲାଇ ବେଡ଼।” ଆତିନେ ଈଶ୍‌ପର୍ ଆସେଲାନେ ପାଚାର୍ ଲ, “ କନ୍ ମା ଡ଼େମନ?” ସେଲାନେ ସୁନ,“ ବୁବୁ ଆନିଙ୍ଗ ବୁଲ୍‌କାୟ।”

![](https://cdn.door43.org/obs/jpg/360px/obs-en-02-09.jpg)

ଈଶ୍‌ପର୍ ଆତିନ୍‌ ବୁବୁ ସୁନ, “ ନ ଅବିଶାପ୍ ବାଙ୍ଗା! ସୁଲଇ ବେରଙ୍ଗ୍ ଉରିଙ୍ଗ୍‌ତନ ମାରି ବାଲି ସୁମ୍‌ତନ। ନ ମାରି ଗିତିନ୍ ସେଲାନ୍ ବେରଙ୍ଗ୍ ଗୁର୍‌ନା ଡେମ୍‌ତନ, ମାରି ନନ ଗୁ ମାରି ମାଇନ୍ ଗୁଲେ ବେରଙ୍ଗ୍ ମାଏନ୍ ମାଏନ୍‌ବ ଗୁର୍‌ନା ଡେମ୍‌ତ। ସେଲାନେ ନନ୍‌ କୁଲ୍‌ରେମ୍ ଆନନ୍ ବବ୍ ବିଲ୍‌ବିଲା ଡେମ୍‌ତ, ମାରି ନ ମାଇନା ପାଦ୍ ଗଠିବ ଟକ୍‌ତନ।“

![](https://cdn.door43.org/obs/jpg/360px/obs-en-02-10.jpg)

ଈଶ୍‌ପର୍ ଆତିନ୍‌ ସେଲାନେ ସୁନ, “ନ ବାନି ଡେଡେମ୍‌ଲ ଜବର୍ କଷ୍ଟ ବାଙ୍ଗ୍‌ତନ। ନନା ଉମ୍‌ଫର୍‌ ବାଗ୍‌ବ ନନ୍ ମନ୍ ଡିତା, ମାରି ମାଈ ନନ୍‌ ବାଗ୍‌ବ ଶାସନ୍ ଡେମ୍‌ତ।”

![](https://cdn.door43.org/obs/jpg/360px/obs-en-02-11.jpg)

ଈଶ୍‌ପର୍ ଆଇଙ୍ଗେର୍ ସା ସୁନ, “ନ ନନା କୁନି ନା କାତା ଅଙ୍ଗନ, ମାରି ଆନିଙ୍ଗ୍ ଆମାନ୍‌ ତନ। ଗିତିନ୍‌ସା ତୁବୁଗ୍ ଅବିଶାପ୍ ବାଙ୍ଗା, ପେ କାଦି ବାବାଙ୍ଗ୍‌ ପାଲାଇ ଜବର୍ ପାଇଟି ଡେମ୍‌ତ ପେ। ମାରି ପେ ଗଇତ୍‌ ପେ, ମାରି ପେନ୍ ଗାଗଡ୍‌ ତୁବୁଗ୍‌ ବ ମିସ୍‌ତା।“ ଗିତିନ୍ ଇଙ୍ଗେର୍‌ନା କୁନିନା ଅମି ଅବା, ଅବା ନା ଅରତ୍ ଡେଙ୍ଗାନି “ଜୀବନ୍ ବେବେରେମ୍, ” ମାଈ ଗୁଲାଇ ରେମନା ୟଙ୍ଗ୍‌ ଡ଼େନ୍‌ତା। ଈଶ୍‌ପର୍ ଆ ଆଦମ୍‌ ମାରି ଆ ଅବା ଚାମ୍‌ନା ସକା ଅରେଙ୍ଗ ସେ ଅତୁଙ୍ଗ।

![](https://cdn.door43.org/obs/jpg/360px/obs-en-02-12.jpg)

ଆତିନେ ଈଶ୍‌ପର୍ ସୁନ,“ ରେମ ବାନି ମାରି କାରାପ ବୁଦ୍ଧି ମାଗ ମାଏ ନିଙ୍ଗ୍‌ନା ସୁଗ ଡେଙ୍ଗ୍ ଗିତା। ଜୀବନ୍ ସେମୁଗ୍‌ନା ପଲ୍ ସୁମସେ ମାଏ ମୋ ଗଗଇନା ଜୀବନ୍ ବାବାଙ୍ଗ୍ ପାଲାଇ ଆମାଏ ଆଦେଶ୍ ମ ବେବେନା ବାନି।“ ଗିତିନ୍ ସା ଈଶ୍‌ପର୍ ଆ ଆଦମ ମାରି ଆ ଅବା ଡିଙ୍ଗାବୁର୍ ନାନେ ୟନ ଶୁଙ୍ଗ। ଜାସା ରେମ ମିରିକି ଜୀବନ୍ ସେମୁନା ପଲ୍‌ ମୋ ସୁସୁମ୍ ପାଲାଇ ଗିତିନ୍‌ସା ଈଶ୍‌ପର୍ ବପୁବାଇ ଆ ଦୁତ୍‌ଲେ ଦିଙ୍ଗାବୁର୍ ନା ଗାଗାଇ ଗାରି ବ ଟାନ୍‌ୟ।

*ବାଇବଲ୍‌ନା ମୁଇ ଉସାରାମ୍ : ଆଦିପୁସ୍ତକ ୩*

Audio: https://git.door43.org/OBS-TLF/bfw_obs/releases/download/v1/bfw_obs_v1_02_128kbps.m4a

## 3. ୩. ପୁର୍ ଡାଗ୍

https://openbiblestories.org/l/bfw/story-3/

![](https://cdn.door43.org/obs/jpg/360px/obs-en-03-01.jpg)

ଜବର୍ ବେଲା ତୁର୍‌ଗୁ, ଦର୍‌ତନି ବ ଜବର୍ ରେମ ଡିକୁ ଡେଙ୍ଗା। ଗିତିନ୍ ରେମାଲେ ଜବର୍ ଟେମ୍ପରବାଇ ମାରି ଗିସେଗ୍‌ବାର୍‌ନା ରେମ୍ ଡିଗା। କନ୍ ଗୁଲାଇ ରେମଲେ ଅକନ୍ କାରାପ୍ ଡିତା ଈଶ୍‌ପର୍ ମୁଇ ମୁନାଡ଼ାଗ୍‌ ଅଗୁର୍‌ତ ମାରି ପୁର୍‌ଡାଗ୍‌ ବେରଙ୍ଗ୍‌ ଆଗୁଲାଇ ଦର୍‌ତନି ବୁଡାୟ ସୁଙ୍ଗ୍‌ତିଙ୍ଗ୍ ଡ଼ସେ ଜଜ୍‌ନା ଡ଼େମ।

![](https://cdn.door43.org/obs/jpg/360px/obs-en-03-02.jpg)

ମାତର୍ ନୋହନ୍‌ ବାଗ୍‌ବ ଈଶ୍‌ପର୍ ସାର୍‌ଦା ଡିଗା। ମାଈ ମିଣ୍ଡା ଦରମ୍ ବାଇ ରେମ ଡିଗା ଜାକି ଟେମ୍ପର ବାଇ ରେମଲେନ୍‌ ବେରଙ୍ଗ୍‌ ଡିକୁ ଡେଙ୍ଗା। ଈଶ୍‌ପର୍ ଆନୋହ ସୁନ, ଜେ ମାଇ ମୁୟଙ୍ଗ୍‌ ମୁନା ପୁର୍‌ଡାଗ୍ ଅଡେମ୍‌ତ। ଗିତିନ୍‌ସା, ମାଇ ଆନୋହ ମୁୟଙ୍ଗ୍‌ ମୁନାବାଇ ଡ଼ଙ୍ଗା ଅରେଙ୍ଗବାର୍‌ ପାଲାଇ ସୁନ।

![](https://cdn.door43.org/obs/jpg/360px/obs-en-03-03.jpg)

ଈଶ୍‌ପର୍ ଆନୋହ ଡ଼ଙ୍ଗା ଅରେଙ୍ଗ୍‌ବାର୍‌ ପାଲାଇ ସୁନ, ଆର୍‌ନାକି ୧୪୦ ମିଟର୍ ଲମ୍ ଓସାର୍ ୨୩ ମିଟର୍‌, ମାରି ଡେଙ୍ଗ୍ ୧୩.୫ ମିଟର୍‌। ନୋହ ଆଗିତିନ୍ ଡ଼ଙ୍ଗା ସେମୁଗ୍‌ନା ପାଟା ବେରଙ୍ଗ୍ ଅରେଙ୍ଗ ଡ଼ିଗା, ମାରି ୩ଟା ବାକ୍‌ରା ଜବର୍ କୁଡିଆ, ମୁୟଙ୍ଗ୍ ସୁଲପ୍, ମାରି ଜର୍‌କା ଅରେଙ୍ଗ୍‌ବାର୍ ଡିଗା। ପୁର୍‌ଡାଗ୍ ବେଲା ନୋହ, ମାରି ମାଇନା ଡିୟନ୍ ରେମ, ମାରି ଗୁଲାଇ ରକମ୍‌ନା ଜିବ୍‌ଜନ୍ତୁଲେ ଈଶ୍‌ପର୍ ଡ଼ଙ୍ଗାବ ଆମାଏ ରକିଆ ଡ଼େମସେ ବୁଙ୍ଗ୍‌ତ ।

![](https://cdn.door43.org/obs/jpg/360px/obs-en-03-04.jpg)

ନୋହ ଈଶ୍‌ପର୍‌ନା କାତା ମାନ୍‌ଗା। ମାଇ ମାରି ମାଇନା ତିନ୍‌ଟା ଗୁଲେ ଈଶ୍‌ପର୍ ମିରି ସୁନ ଡିଗା ଆମାଏ ଡ଼ିତିନ୍ ଡ଼ଙ୍ଗା ଅରେଙ୍ଗ୍ ବାର୍ ପାଲାଇ ଜବର୍ ବରଷ୍ ଲାଗ୍‌ଗା ମାସାଡୋନା କନ୍ ଡ଼ଙ୍ଗାଜବର୍ ମୁନାବାଇ ଡିଗା। ନୋହ ଆରେମଲେ ପୁର୍‌ଡାଗ୍‌ ସାସାଗ୍‌ନା ତରକ୍ ଡ଼େମ ମାରି ଈଶ୍‌ପର୍ ଗାରି ସାସାପାଲାଇ ଆମାଏ ସୁନ, ମାତର୍ ମାଏଲେ ଆମାଇ ବିସ୍‌ବାସ୍‌ ଆଡେମ୍‌ତ।

![](https://cdn.door43.org/obs/jpg/360px/obs-en-03-05.jpg)

ଈଶ୍‌ପର୍ ଆନୋହ ମାରି ମାଏନ୍ ଆଡିଅନ୍‌ରେମ୍ ତରୋଇ ପାଲାଇ ମାରି ଗୁଲାଇ ଜୀବଜନ୍ତୁଲେ ପାଲାଇ, ଜବର୍ ସୁସୁମ୍ ନାଲେ ରୁଣ୍ଡାଇବାର୍ ପାଲାଇ ଆଦେଶ ବେଡ଼। ଅଇଜାବେଲା ଗୁଲାଇ ତିଆର୍ ଡେଙ୍ଗା, ଈଶ୍‌ପର୍ ଆନୋହ ସୁନ କନା ମାଏନ୍ ପାଲାଇ, ମାଏନ୍ କୁନି ପାଲାଇ,ମାଇନା ତିନ୍‌ଟା ଗୁଲେ ମାରି ମାଏନ୍ କୁନିଲେ ପାଲାଇ,ମାଏଲେ ଡ଼ଙ୍ଗାବ ଇବେଲା ମାଏଲେ ଗୁଲାଇ ରେମ ୮ ଲୋକ ଡିଗା।

![](https://cdn.door43.org/obs/jpg/360px/obs-en-03-06.jpg)

ଈଶ୍‌ପର୍ ଗୁଲାଇ ରକମ୍‌ବାୟ୍‌ ମାଇବାଇ ମାରି ଆଣ୍ଡ୍ରାବାଇ ଜିବ୍‌ଜନ୍ତୁଲେ ମାରି ଆପିରିଲେ ନୋହ ବ ବେଟାୟ, ମିରିକି ମାଏଲେ ଡ଼ଙ୍ଗାବ ଇଗ୍‌ସେ ପୁର୍‌ଡାଗ୍‌ ବେଲା ନିମାନ୍ ଡିତା। ଈଶ୍‌ପର୍ ଗୁଲାଇ ରକମ୍ ସାତ୍‌ଟା ଆଣ୍ଡ୍ରାବାଇ ମାରି ମାଇବାଇ ଜିବ୍‌ଜନ୍ତୁଲେ ବେଟାୟ, ଆର୍‌ନାକି ସେସେବ୍ ପାଲାଇ ଦରକାର୍ ଡ଼େନ୍‌ତା। ଉଣ୍ଡୋଇଲ ମାଏଗୁଲାଇ ଡ଼ଙ୍ଗା ଭିତରେ ଡିଗା, ଈଶ୍‌ପର୍ ଆକା ଆଙ୍ଗ୍‌ତେ କାପାଟ୍‌ ଅନ୍ତୁଡ଼ ବେଡ଼।

![](https://cdn.door43.org/obs/jpg/360px/obs-en-03-07.jpg)

ଆତିନେ ପୁର୍‌ଡାଗ୍ ସାସା ଆରାମ୍ ଡେଙ୍ଗା, ଡାଗ୍‌ ଗୁଗୁର୍‌ ଡେଙ୍ଗା, ମାରି ଗୁଗୁର୍‌ଅ ଡେଙ୍ଗା। ଆଅନ୍‌ତୁରସେ ଚାଲିଶ୍‌ ଦିନ୍ ମାରି ଚାଲିଷଶ୍‌ ମିଣ୍ଡିବ୍‌ ଡାଗ୍ ଲାଗ୍‌ସେ ଡିଗା! ଦର୍‌ତନି ନାନେସା ଡାଗ୍ ତୁତୁର୍ ଡେଙ୍ଗା। ଦର୍‌ତନିବ ଡାଗ୍ ବର୍‌ତି ଡେଙ୍ଗା, ଡିକନା ମୁନାନାନେ ମୁନା କୁଣ୍ଡାସା ଡାଗ୍ ବ ବୁଡ଼୍‌ଡିଗା।.

![](https://cdn.door43.org/obs/jpg/360px/obs-en-03-08.jpg)

ଡ଼ଙ୍ଗାବ ଡିକୁନ୍‌ରେମଲେ ମାରି ଜିବ୍‌ଜନ୍ତୁ ମାରି ପିରିଲେ ବୁରୋଗା, ମାତର୍ ଉନ୍‌ସର୍ କୁନ୍ ତୁବୁ ବୋ ଡିକୁନ୍ ଅଇଜା ଜନ୍ତୁଲେ ଗୁଲାଇ ଗଇଗା। ଡ଼ଙ୍ଗା ଡାଗ୍ ବାଗ୍‌ବ ପଙ୍ଗର୍‌ସେ ଡିଗା ମାରି ଡ଼ଙ୍ଗା ବ ଡିକୁନ୍ ଆଗୁଲାଇ ବୁଡ୍ଉଇ ନାନେ ବାନି ବୁଙ୍ଗ ଡିଗା।

![](https://cdn.door43.org/obs/jpg/360px/obs-en-03-09.jpg)

ଡାଗ୍‌ ଅନ୍‌ତୁର କୁନ୍ ତୁର୍‌ଗୁ, ଡ଼ଙ୍ଗା ପାଞ୍ଚ୍‌ମାସ୍ ଜାକ ଡାଗ୍ ବାଗ୍‌ବ ଉପକ୍‌ସେ ଡିଗା, ମାରି ଅକନ୍ ବେଲା ଡାଗ୍‌ ଉନାବାର୍ ଲାଗ୍‌ଗା। ମାଇନା ତୁର୍‌ଗୁ ମିସିଙ୍ଗ୍‌ ଡ଼ଙ୍ଗା ମୁଇ କୁଣ୍ଡାନା ବାଗ୍‌ବ ଇଗ୍‌ସେ ଡିଗା, ମାତର୍ ଦର୍‌ତନି ଡାଗ୍‌ବ ବୁଡ଼୍‌ସେ ଡିଗା। ତିନ୍ ମାସ୍ ତୁର୍‌ଗୁ, କୁଣ୍ଡାବ ଡିକୁନ୍ ଦାମୁଲ୍ ଗୁଲାଇ ତିନାଗା।

![](https://cdn.door43.org/obs/jpg/360px/obs-en-03-10.jpg)

ଚାଲିସ୍ ଦିନ୍ ତୁର୍‌ଗୁ, ନୋହ ଡାଗ୍ ଉନାଗା କି ଆଣ୍ଡା ଡସେ ଜୁଜୁପାଲାଇ ଗାଗାଗ୍‌ ଅମିନା ଆପିରି ମୁଇ ବାଇରି ବେଟାୟ।, ଗିତିନ୍ ଗାଗାଗ୍‌ ଉଡ୍‌ସେ ଇଗା ଉନ୍‌ସର୍‌କୁନ୍ ତୁବୁ ଜୁଜୁପାଲାଇ ଉଡ଼ବୁଲ୍‌ଲ, ମାତର୍ ମାଇ ମାସା ଆବାଙ୍ଗ୍‌ତା।

![](https://cdn.door43.org/obs/jpg/360px/obs-en-03-11.jpg)

ତୁର୍‌ଗୁ ନୋହ ପାରା ଅମିନା ଆମୁଇ ପିରି ବାଇରି ବେଟାୟ। ମାରି ଗିତିନ୍ ପିର ଆର୍‌ନାସା ଉନ୍‌ସର୍ କୁନ୍ ତୁବୁଗ୍‌ ଆବାଙ୍ଗ୍‌ତା, ଗିନ୍‌ସା ମାଇ ନୋହ ବୋ ଲେଉଟ୍‌ସେ ସାଗା। ଆଟେକ୍ ତୁର୍‌ଗୁ ମାଇ ମାରିମୁସ ଆପାରା ବେଟାୟ, ମାରି ଗିତିନ୍‌ ପିରି ଜିତ୍ ସେମୁଗ୍‌ନା ଉଲା ଚଣ୍ଡି ବେରଙ୍ଗ୍ ରୁଙ୍ଗସାଗା! ଡାଗ୍ ଉନା ଡେଡେମ୍ ଡେଙ୍ଗା, ସେମୁଗ୍‌ଲେ ମାରିମୁସ ମୁନାବାର୍ ଲାଗ୍‌ଗା।

![](https://cdn.door43.org/obs/jpg/360px/obs-en-03-12.jpg)

ନୋହ ମାରି ଆଟେକ୍ ଜାଗ୍‌ଲୋ ମାରି, ମାଇ ତିନ୍ ମୁଠି ବେଟାୟ। ଅକନ୍‌ବେଲା ଗିତିନ୍‌ ପାରା ମୁଇ ଟାନ୍ ବାଙ୍ଗ୍‌ସେ ମାରି ଆସାତା। ଡାଗ୍ ଗୁଲାଇ ଉନ୍‌ସର୍ ଇ ଡେଙ୍ଗା!

![](https://cdn.door43.org/obs/jpg/360px/obs-en-03-13.jpg)

ଦୁଇମାସ୍ ତୁର୍‌ଗୁ, ଈଶ୍‌ପର୍ ଆନୋହ ସୁନ, “ନ ମାରି ନନା ଡିଅନ୍ ରେମ୍ ଗୁଲାଇ ଜୀବ୍ ଜନ୍ତୁଲେ ଅଇକା ଡ଼ଙ୍ଗା ନାନେ ଜଜର୍ ଗନ୍ତ୍‌ପେ। ଜବର୍ ଗୁ ଡାକୁଇ ମାରି ଇଗ୍‌ଲେ ଅଁ ଜନମ୍ ଡ଼େମସେ ଆଦର୍‌ତନି ବେଗ୍‌ଲାୟବେ।” ତୁର୍‌ଗୁ ନୋହ ମାରି ମାଏନା ଡିଅନ୍ ରେମ୍ ଡ଼ଙ୍ଗା ନାନେ ଜର୍‌ସାଗା।

![](https://cdn.door43.org/obs/jpg/360px/obs-en-03-14.jpg)

ନୋହ ଡ଼ଙ୍ଗା ନାନେ ଜରକୁନ୍ ତୁର୍‌ଗୁ, ମାଇ ମୁଇ ପୁଜାବେଦି ତିଆର୍ ଡ଼େମ, ମାରି ଆର୍‌ନା ସେସେବ୍ ପାଲାଇ ଦର୍‌କାର୍ ଡ଼େନ୍‌ତା ଗିତିନ୍ ସୁଗ ଗୁଲାଇ ରକମ୍ ବାୟ୍ ଆଜୀବଜନ୍ତୁ ଲେ ସେବ। ଈଶ୍‌ପର୍ ସେବକୁନ୍ ସା ସାର୍‌ଦା ଡେଙ୍ଗା ନୋହ ମାରି ଆମାଏନ୍ ଡିଅନ୍ ରେମ୍ ଈଶ୍‌ପର୍ ଆଶିର୍‌ବାଦ୍‌ ଡ଼େମ।

![](https://cdn.door43.org/obs/jpg/360px/obs-en-03-15.jpg)

ଈଶ୍‌ପର୍ ପରମାନ୍ ଡ଼େମସେ ସୁନ, “ରେମଲେନ୍ କାରାପ୍ କାମ୍ ପାଲାଇ ଆଦର୍‌ତନି ଅବିଶପ୍‌ ଆବେତିଙ୍ଗ୍, ଆନ୍‌ଲ ଉଡିଆଗ୍ ଡାଗ୍ ବେରଙ୍ଗ୍ ଆଦର୍‌ତିନ୍‌ ଆବୁଡାଇତିଙ୍ଗ୍, ଡିତିନ୍‌ଲ ରେମଲେ ଡାଉଲ ବାନ୍‌ସା ପାପ୍ ବ ଡିତା।“

![](https://cdn.door43.org/obs/jpg/360px/obs-en-03-16.jpg)

ଉଣ୍ଡୋଇ ଉଣ୍ଡୋଇ ବିଙ୍ଗ୍‌ଲାଟି ବାଦଲ୍‌ବ ତିନାଗ୍‌ନା, ଈଶ୍‌ପର୍ ମା ପର୍‌ମାନ୍ ଡ଼େମତା ଗିତିନ୍ ଏତାଇତ ମାରି ମାଏନା ରେମଲେସା ଏତାଇତ। ଗିତିନ୍‌’ ତୁର୍‌ଗୁ ଈଶ୍‌ପର୍ ଆଗ୍‌ତୁ ଆବିଙ୍ଗ୍‌ଲାଟି ମାଏନା ପର୍‌ମାନ୍ ନା ଚିନା ସୁଗ ଅରେଙ୍ଗ।

*ବାଇବଲ୍ ନା ମୁଇ ଉସାରାମ୍ : ଆଦିପୁସ୍ତକ ୬-୮*

Audio: https://git.door43.org/OBS-TLF/bfw_obs/releases/download/v1/bfw_obs_v1_03_128kbps.m4a

## 4. ୪. ଈଶ୍‌ପର୍ ଆବ୍ରାହମ୍‌ ବେରଙ୍ଗ୍ ନିୟମ୍ ଡ଼େମ

https://openbiblestories.org/l/bfw/story-4/

![](https://cdn.door43.org/obs/jpg/360px/obs-en-04-01.jpg)

ପୁର୍‌ଡାଗ୍‌ ଡେଙ୍କୁନ୍ ଜବର୍ ବରଷ୍ ତୁର୍‌ଗୁ, ଅଇତିନ୍ ବେଲା ଦର୍‌ତନିବ ଜବର୍‌ ରେମ ଡିଗା, ମାରି ମାଏ ଅଇତିନ୍ ବେଲା ଈଶ୍‌ପର୍ ବିରୋଧ୍‌ ମାରି ମାଏନ୍ ମାଏନ୍ ଭିତରେ୍ ଜବର୍ ପାପ୍ ଡେଡେମ୍ ଡେଙ୍ଗା। ମାସାଡନା ମାଏଲେ ଗୁଲାଇ ରେମ ସାଗ୍‌ମୁଇ କାତା ଡେଡେମ୍ ଡେଙ୍ଗା, ମିରିକି ଈଶ୍‌ପର୍ ଆମାଏ ଦର୍‌ତନି ବ ଗୁଲଇଗାରି ଡେଡେମ୍‌ ପାଲାଇ ଆଦେଶ୍ ବେଡ଼ଡିଗା ମାତର୍ ମାଇନ୍ ବାଦୁଲ୍ ମାଏ ଗୁଲାଇ ରେମ୍ ସାଗ୍‌ମୁଇବ ଡେଙ୍ଗ୍‌ସେ ମାରି ମୁଇ ସହର୍ ଅରେଙ୍ଗ୍‌ବାର୍ ମୁଲାୟ।

![](https://cdn.door43.org/obs/jpg/360px/obs-en-04-02.jpg)

ମାଏ ଜବର୍ ବଡ଼ପୁନ୍ ବାଇ ଡିଗା, ମାରି ମାଏ ମିରି ବୁରତା ଗିତିନ୍‌ସା ମାପୁର୍‌ନା ଆଦେଶ୍ ମାନ୍‌ବାର୍ ଆଡ଼େନ୍‌ତା। ମାଏଲେ ସରଗ୍‌ବ କେଟ୍‌କୁନ୍ ସୁଗ ମୁଇ ଡେଙ୍ଗ୍‌ବାଇ ଡିଅ ଆରେଙ୍ଗ୍‌ବାର୍ ମୁଲାୟ। ଈଶ୍‌ପର୍ ଆମାଏ ଜୁଲ, ଆନ୍‌ଲ ମାଏ ଗୁଲାଇ ରେମ ମିଶ୍‌ସେ ଖାରାପ୍‌କାମ୍ ଡେଡେମ୍‌ସା କାମ୍ ଡେମ୍‌ତ, ଡ଼ିତିନ୍‌ଲ ମାଏଲେ ମାରି ଜବର୍ ପାପ୍‌ନାକାମ୍ ଡେଡେମ୍ ଗଙ୍ଗ୍‌ତା।

![](https://cdn.door43.org/obs/jpg/360px/obs-en-04-03.jpg)

ଗିତିନ୍‌ସା, ଈଶ୍‌ପର୍ ମାଏନା ବାଷାଲେ ପାଲ ପାଲ ଡ଼େମ ମାରି ଆ ରେମଲେ ଦର୍‌ତନି ନା ଗୁଲାଇ ଗାରି ଡ଼େମ ସୁଙ୍ଗ। ଆର୍‌ନା ମାଏ ଦେଶ ଅରେଙ୍ଗ ବାର୍ ମୁଲାୟ ଡିଗା, ଆତିନା ବବିଲ ଡସେ ସୁସୁଡେଙ୍ଗା, ଜାନା ଅରତ୍ ଡେଙ୍ଗାନି “ଗୁଲ୍‌ମାଲ୍।“

![](https://cdn.door43.org/obs/jpg/360px/obs-en-04-04.jpg)

ଜବର୍ ବରଷ୍ ତୁର୍‌ଗୁ, ଅବ୍ରାହମ୍ ଅମିନା ମିଣ୍ଡା ଆରେମ ସୁନ। ଈଶ୍‌ପର୍ ଆମାଇ ସୁନ, “ନନ୍ ଦେଶ୍ ମାରି ଆ ଡିଅନ୍ ରେମ୍ ଅନ୍‌ତୁର ମାରି ନିଙ୍ଗ୍ ଆନ ଆରନା ଦେଶ୍ ଅଜୁତିଙ୍ଗ୍ ନ ଗିତିନ୍ ଦେଶ୍‌ବ ୟା। ନିଙ୍ଗ୍ ଆନ ଆଶିର୍‌ବାଦ୍‌ ଡ଼େମତିଙ୍ଗ୍, ମାରି ମୁଇ ମୁନା ଦେଶ୍ ଅରେଙ୍ଗ୍ ତିଙ୍ଗ୍। ମାରି ନନ୍ ଅମି ମୁନା ଡ଼େମତିଙ୍ଗ୍। ନିଙ୍ଗ ଆମାଏ ଆଶିର୍‌ବାଦ୍‌ ଡ଼େମତିଙ୍ଗ୍ ଜା ଜାଲେ ଆନ ଆଶିର୍‌ବାଦ୍‌ ଡେମ୍‌ତ। ମାରି ଜା ଆନ ଅବିଶାପ୍‌ ବେଡ଼ତା ନିଙ୍ଗ ଆମାଇ ଅବିଶାପ୍ ବେତିଙ୍ଗ୍। ନନ୍ ବେଡ଼ସେ ଦର୍‌ତନି ବ ଡିକୁନ୍‌ ଗୁଲାଇ ଡିଅନ୍‌ରେମ୍‌ ଆଶିର୍‌ବାଦ୍‌ ବାଙ୍ଗେ।“

![](https://cdn.door43.org/obs/jpg/360px/obs-en-04-05.jpg)

ଅବ୍ରାହମ୍‌ ଈଶ୍‌ପର୍ ନା କାତା ମାନ୍‌ଲ। ମାଇ ଆମାଇ ନା କୁନି ସାରା, ମାରି ଗୁଲାଇ ଗତିରେମ୍‌ଲେ ମାରି ଅରଜ୍‌ଲ କୁନ୍ ଧନ୍ ଦଲତ୍ ଗୁଲାଇ ରୁଙ୍ଗ ଇଗା, ମାରି ଈଶ୍‌ପର୍ ଅଶିସକୁନ୍, କିଣାନ୍ ଦେଶ୍‌ବ ଇଗା।

![](https://cdn.door43.org/obs/jpg/360px/obs-en-04-06.jpg)

ଉଣ୍ଡୋଇଲ ଅବ୍ରାହମ୍‌ କିଣାନ୍‌ ଦେଶ୍‌ବ କେଟ୍‌ଗା, ଈଶ୍‌ପର୍ ସୁନ, “ନନ୍ ଗୁଲାଇ ଗାରି ଜୁ। ନିଙ୍ଗ୍ କନ୍ ଗୁଲାଇ ଦେଶ୍ ଆନ ବେତିଙ୍ଗ୍, ମାରି ନନ୍ କୁଲ୍ ରେମଲେ ଗୁଲାଇ ବେଲା ପାଲାଇ ତୋରଇନା ଡେମ୍‌ତ।“ ଆତିନେ ଅବ୍ରାହମ୍‌ ଗିତିନ୍ ଦେଶ୍‌ବ ବାସାଗା।

![](https://cdn.door43.org/obs/jpg/360px/obs-en-04-07.jpg)

ମଲ୍‌କିଷେଦକ୍‌ ଅମିନା ମିଣ୍ଡା ରେମ ଡିଗା, ଜାକି ଗୁଲାଇ ନାନେ ମୁନା ଈଶ୍‌ପର୍ ନା ପୁଜାରୀ ଡିଗା। ଆବ୍ରାହମ୍‌ ଜୁଜ୍‌ ନାନେ ଲେଉଟ୍‌ସେ ସାକୁନ୍ ତୁର୍‌ଗୁ, ମାଇ ମାରି ଆବ୍ରାହମ୍‌ ମିସ୍ ଗା। ମଲ୍‌କିଷେଦକ ଆ ଆବ୍ରାହମ୍‌ ଆଶିର୍‌ବାଦ୍‌ ଡ଼େମ ମାରି ସୁନ,“ ଗୁଲାଇନାନେ ମୁନା ଈଶ୍‌ପର୍, ଜା କି ସରଗ୍ ମାରି ଦର୍‌ତନି ନା ସାଉକାର୍ ଆଆବ୍ରାହମ୍‌ ଆଶିର୍‌ବାଦ୍‌ ଡେମ୍।“ ମାରି ଆବ୍ରାହମ୍‌ ଯୁଜ୍‌ବ ଜିତ୍‌କୁନ୍ ଗୁଲାଇ୍ ଜିନିଷ୍‌ନା ଦଶ୍ ବାଟା ନାନେ ବାଟେକ୍ ଆମଲ୍‌କିଷେଦକ ବେଡ଼।

![](https://cdn.door43.org/obs/jpg/360px/obs-en-04-08.jpg)

ଜବର୍ ବରଷ୍‌ ଡେଙ୍ଗଇଗା, ମାତର୍ ଅଇଜାକ ଆବ୍ରାହମ୍‌ ମାରି ସାରାନା ମୁଇସା ଗୁ ଡେଙ୍ଗ୍‌ ଆଡିତା। ମାରି ଈଶ୍‌ପର୍ ପର୍‌ମାନ୍ ଡ଼େମସେ ଆ ଆବ୍ରାହମ୍‌ ସୁନ, ଜେ ମାଇନା ମୁଇ ଗୁ ଜନମ୍ ଡ଼େନ୍‌ତା, ମାରି ବାଦଲ୍ ବ ଡିକୁନ୍ ତାରାଲେ ସୁଗ ମାଇନା କୁଲ୍‌ ଡ଼େନ୍‌ତା। ଆବ୍ରାହମ୍‌ ଈଶ୍‌ପର୍‌ନା ପରମାନ୍ ବ ବିସ୍‌ବାସ୍‌ ଡ଼େମ। ମାସାଡନା ଆବ୍ରାହମ୍‌ ଈଶ୍‌ପର୍‌ନା ପର୍‌ମାନ୍ ବ ବିସ୍‌ବାସ୍ ଡେଡ଼େମ୍ ଡ଼େଙ୍ଗା, ଡିକନ୍‌ସା ଈଶ୍‌ପର୍ ଆମାଇ ଦରମ୍ ଡସେ ଏଜ୍‌ଲ।

![](https://cdn.door43.org/obs/jpg/360px/obs-en-04-09.jpg)

ଆତିନେ ଈଶ୍‌ପର୍ ଆବ୍ରାହମ୍‌ ବେରଙ୍ଗ୍‌ ନିୟମ୍ ଡ଼େମ। ମୁୟଙ୍ଗ୍ ନିୟମ୍ ଡେଙ୍ଗାନି ଉମ୍ବାଇନୁ ନା ଦଲ୍‌ବ ତରୋଇ ତରୋଇନା ପାଲାଇ ମାସା କାମ୍ ଡେଡେମ୍‌ନା ବୁଜାମାନା। ମାତର୍ କନ୍ ଗଟ୍‌କୁନ୍ ବ, ଉଣ୍ଡୋଇଲ ଆବ୍ରାହମ୍‌ ଲେମ ଡିଗା ମାତର୍ ଈଶ୍‌ପର୍‌ନା କାତା ଅଁଙ୍ଗ୍ ଗଗଙ୍ଗ୍ ଡେଙ୍ଗା, ଅଇତିନ୍‌ବେଲା ଈଶ୍‌ପର୍ ପରମାନ୍ ଡ଼େମ। ଈଶ୍‌ପର୍ ସୁନ, “ନିଙ୍ଗ୍ ନନ୍ ବନି ନାନେ ମୁଇ ଗୁ ବେତିଙ୍ଗ୍।” ନିଙ୍ଗ୍‌ ଆନନ୍ କୁଲ୍ ଗିତିନ୍‌ କିଣାନ୍‌ ଦେଶ୍ ବେତିଙ୍ଗ୍‌।” ମାତର୍ ଅଇଜାକ ଆବ୍ରାହମ୍‌ନା ମୁଇସା ଗୁ ଆଡିତା।

*ବାଇବଲ୍ ନା ମୁଇ ଉସାରାମ୍ :ଆଦିପୁସ୍ତକ ୧୧-୧୫*

Audio: https://git.door43.org/OBS-TLF/bfw_obs/releases/download/v1/bfw_obs_v1_04_128kbps.m4a

## 5. ୫. ପର୍‌ମାନ୍ ନା ଗୁ

https://openbiblestories.org/l/bfw/story-5/

![](https://cdn.door43.org/obs/jpg/360px/obs-en-05-01.jpg)

ଦଶ ବରଷ ତୁର୍‌ଗୁ, ଆବ୍ରାହମ୍‌ ମାରି ସାରି ଗିତିନ୍‌ ଦେଶ୍‌ବ କେଟ୍‌ଗା ଆଜାକି କିଣାନ ଦେଶ୍‌ ସୁନ୍‌ତ, ଅଇଜାକ ମାଏନା ମୁଇ ସା ଗୁ ଆଡିତା। ଆତିନେ ଆବ୍ରାହମ୍‌ନା କୁନି, ସାରି ଆମାଇ ସୁନ, “ଅଇପନ୍ତେକ୍ ଈଶ୍‌ପର୍ ଆନିଙ୍ଗ୍ ଗୁ ଆବେତ, ମାରି ଆଇକା ନିଙ୍ଗ୍ ଗୁ ଅଗ୍‌ସା ଜବର୍ ଡକ୍‌ରି ଡ଼େଙ୍ଗ୍ ଗିତିଙ୍ଗ୍, କନ୍ ନିଙ୍ଗ୍‌ନା ଦାସି, ମାଇନା ଅମି ହାଗାର୍, ଆମାଇସା ବିବା ଡେମା, ମିରିକି ମାଈ ନିଙ୍ଗ ପାଲାଇ ମୁଇ ଅହଁ ଜନମ୍ ଡେମ୍‌।“

![](https://cdn.door43.org/obs/jpg/360px/obs-en-05-02.jpg)

ଆତିନେ ଆବ୍ରାହମ୍‌ ଆ ହାଗାର ବିବା ଡେଙ୍ଗା। ମାଈ ମୁଇ ଗୁ ଜନମ ବେଡ଼ଡିଗା, ମାରି ଆବ୍ରାହମ୍‌ ମାଈନା ଅମି ଇସ୍‌ମାଏଲ୍‌ ଡସେ ଅମିଲ। ଆତିନେ ସାରା ଗିତିନ୍‌ ଜୁଲସେ ଆହାଗାର୍ ଆକାର୍ ଡ଼େମ। ଉଣ୍ଡୋଇଲ ଆଇସ୍‌ମାଏଲ୍ ତେର ବରଷ୍ ଡେଙ୍ଗ ଦିଗା, ଈଶ୍‌ପର୍ ମାରିମୁସ ଅବ୍ରାହମ୍‌ ବେରଙ୍ଗ୍ କାତା ଡେଙ୍ଗା।

![](https://cdn.door43.org/obs/jpg/360px/obs-en-05-03.jpg)

ଈଶ୍‌ପର୍ ସୁନ, “ସରଗ୍ ବନା ଜବର୍ ବପୁ ଡିକୁନ୍ ଈଶ୍‌ପର୍ ନିଙ୍ଗ୍‌। ନନ୍ ବେରଙ୍ଗ୍ ମୁୟଙ୍ଗ୍ ନିୟମ୍ ଡେମ୍‌ତିଙ୍ଗ୍।” ଆତିନେ ଅବ୍ରାହାମ୍ ତୁବୁଗ୍‌ବ ଲଗ୍‌ସେ ମୁଣ୍ଡିଆ ମାର୍‌ଲ। ଈଶ୍‌ପର୍ ଆଅବ୍ରାମ୍ ସୁନ, “ନ ଗୁଲାଇ ଜାତିନା ବା ଡେନ୍ତନ। ନିଙ୍ଗ୍‌ ଆନ ମାରି ଆନନ୍ କୁଲ୍‌ରେମଲେ କିଣାନ୍‌ଦେଶ୍‌ନା ଦନ୍ ସମ୍ପତି ସୁଗ ବେତିଙ୍ଗ୍,ନିଙ୍ଗ୍‌ ଗୁଲାଇ ବେଲା ପାଲାଇ ମାଏନା ଈଶ୍‌ପର୍ ଡେନ୍‌ତିଙ୍ଗ୍। ନନ୍ ଡିଅନ୍‌ରେମ୍ ଗୁଲାଇ ଇଙ୍ଗେର୍ ଗୁନା ସୁନତ୍(ଚାମ୍‌ଡ଼ା ଗଡ଼)ଡେମ୍‌ତ।“

![](https://cdn.door43.org/obs/jpg/360px/obs-en-05-04.jpg)

“ନନ୍ କୁନି ସାରି, ମୁଇ ଗୁ ଜନମ୍ ଡେମ୍‌ତ ମାଇ ପରମାନ୍‌ନା ଗୁ ଡ଼େନ୍‌ତା। ମାଇନା ଅମି ଈଶାକ୍ ବେତନ। ନିଙ୍ଗ୍‌ ମାଈ ବେରଙ୍ଗ୍ ମୁଇ ନିୟମ୍ ଡେମ୍‌ତିଙ୍ଗ୍, ମାରି ମାଇ ମୁୟଙ୍ଗ୍ ମୁନାବାଇ ଦେଶ୍‌ ଡ଼େନ୍‌ତା। ନିଙ୍ଗ୍‌ ଆଇସ୍‌ମାଏଲ୍‌ ଲନା ମୁୟଙ୍ଗ୍ ମୁନାବାଇ ଦେଶ୍ ଡେମ୍‌ତିଙ୍ଗ୍, ମାତର୍ ନିଙ୍ଗ୍‌ନା ନିୟମ୍ ଈଶାକ୍ ବେରଙ୍ଗ୍ ଡିତା।” ଆତିନେ ଈଶ୍‌ପର୍ ଅବ୍ରାହମ୍ ନା ଅମି ଆବ୍ରାହାମ୍‌ ଡସେ ଅମିଲ, ଗିତିନ୍‌ ଅମିନା ଅରତ୍ ”ଗୁଲାଇ ରେମଲେନା ବା”। ଈଶ୍‌ପର୍ ସାରିନା ଅମି ସା ସାରା ବେଡ଼, ଗିତିନ ଅମିନା ଅରତ୍ “ରାନୀ।”

![](https://cdn.door43.org/obs/jpg/360px/obs-en-05-05.jpg)

ଗିତିନ୍ ଦିନ୍‌ବ ଆବ୍ରାହାମ୍‌ ମାଏନ୍ ଗୁଲାଇ ଗୁ ଲେନା ସାମ୍‌ଲେ ଗଡ଼ ସୁଙ୍ଗ। ମୁଇ ବରଷ୍ ତୁର୍‌ଗୁ, ଉଣ୍ଡୋଇଲୋ ଆ ଅବ୍ରାହାମ ୧୦୦ ବରଷ୍ ମାରି ଆସାରା ୯୦ ବରଷ୍ ଡେଙ୍ଗ୍ ଡିଗା, ଅଇତିନ୍ ବେଲା ସାରା ଆବ୍ରାହମ୍‌ ପାଲାଇ ମୁଇ ଗୁ ଜନମ୍ ଡ଼େମ। ଈଶ୍‌ପର୍ ମିରି ସୁନ ଡିଗା, ଡିତିନ୍ ମାଇନା ଅମି ଈଶାକ୍ ବୁଙ୍ଗ।

![](https://cdn.door43.org/obs/jpg/360px/obs-en-05-06.jpg)

ଉଣ୍ଡୋଇଲ ଈଶାକ୍ ଇଙ୍ଗେର୍ ଗୁ ଡେଙ୍ଗା, ଆବ୍ରାହାମ୍‌ ନା ଆବିସ୍‌ବାସ୍ ପରିକ୍ଷା ଡେଡେମ୍‌ସା ଈଶ୍‌ପର୍ ସୁନ, “ ନନା ମୁୟଙ୍ଗ୍ ଆକା ଗୁ ଆଈଶାକ୍‌ ରୁଙ୍ଗା ମାରି ନିଙ୍ଗ୍ ପାଲାଇ ଆମାଇ ଅଡାବ ସୁଙ୍ଗ୍।“ ମାରିମୁସ, ଆବ୍ରାହାମ୍‌ ଈଶ୍‌ପର୍ ନା କାତା ମାନ୍‌ଲ। ମାରି ମାଇ ମାଇନା ଆଗୁ ଅଡାବ ସୁସୁଙ୍ଗ୍ ପାଲାଇ ତିଆର୍ ଡେଙ୍ଗା।

![](https://cdn.door43.org/obs/jpg/360px/obs-en-05-07.jpg)

ଆବ୍ରାହାମ୍‌ ମାରି ଈଶାକ୍ ସେସେବ୍‌ନା ଟାନବ ଇକୁନ୍ ବେଲା, ଈଶାକ୍ ପାଚାର୍ ଲ, “ବା, ସୁସୁର ପାଲାଇ ଶୁଙ୍ଗ ଡିତା, ମାତର୍ ମେଣ୍ଢା ଆର୍ କଣ୍ଡେ ?” ଆବ୍ରାହାମ୍‌ ଆ ଈଶାକ୍ ସୁନ,“ନିଙ୍ଗ୍‌ନା ଗୁ, ଈଶ୍‌ପର୍ ଅଡ଼ାବ ପାଲାଇ ମେଣ୍ଢା ବେତ।

![](https://cdn.door43.org/obs/jpg/360px/obs-en-05-08.jpg)

ଉଣ୍ଡୋଇଲ ମାଏ ଅଡ଼ାବ୍‌ ବାର୍‌ନା ଟାନ୍‌ବ କେଟ୍‌ଲ, ଆବ୍ରାହାମ୍‌ ଆଈଶାକ୍ ତୁଲ ବେଡ଼ ମାରି ମୁୟଙ୍ଗ୍ ବେଦୀ ବାଗ୍ ବ ଅଡ୍ରିସ। ଉଣ୍ଡୋଇଲ ଆବ୍ରାହାମ୍‌ ଆ ମାଇନା ଗୁ ଅଡାବାର୍‌ସା ଇଡେଙ୍ଗା, ଈଶ୍‌ପର୍ ସୁନ, “ଡିକିଲା! ଆତିନ୍ ଗୁ ଆ ଅଡାବ! ଅଇକା ନିଙ୍ଗ୍‌ ମାଗନିଙ୍ଗ୍ ଜେ ନ ଆନିଙ୍ଗ୍ ବତୁଙ୍ଗ୍ ନନ, ମାସାଡନା ନନା ସାଗ୍ ମୁଇ ଗୁ ନିଙ୍ଗ୍‌ ପାଲାଇ ଅଡାବ୍‌ସା ଆ ଇଁସାଙ୍ଗ୍‌ତ୍‌ନ।

![](https://cdn.door43.org/obs/jpg/360px/obs-en-05-09.jpg)

ଲଗେ ଡିକୁନ୍ ଟାନ୍‌ବ, ଆବ୍ରାହାମ ଯୁଲ ମୁୟଙ୍ଗ୍ ମେଣ୍ଢା ମୁୟଙ୍ଗ୍ ଲାଟାବ ଆଲଜ୍ ଡିଗା। ଈଶ୍‌ପର୍ ଈଶାକ ନା ବାଦୁଲ୍ ସେସେବ୍ ପାଲାଇ ମୁୟଙ୍ଗ୍ ମେଣ୍ଢା ବେଡ଼। ଆବ୍ରାହାମ୍‌ ସାର୍‌ଦା ଡେଙ୍ଗସେ ଆଗିତିନ୍ ମେଣ୍ଢା ସେବ। ମାରି ଈଶ୍‌ପର୍ ଆ ଆବ୍ରାହାମ୍‌ ସୁନ, “ମାସାଡନା ନ ଆନିଙ୍ଗ୍ ଗୁଲାଇ ଜାକ ଦେବେ ପାଲାଇ ମନ୍ ଡ଼େମନ, ନନା ସା ଆମୁଇ ଗୁସା ଅଡ଼ାବାର୍ ପାଲାଇ ମନ୍ ଡ଼େମନ, ଆତିନେ ନିଙ୍ଗ୍‌ ଆନ ଆଶିର୍‌ବାଦ୍ ଡେଡେମ୍ ପାଲାଇ୍ ପରମାନ୍ ଡ଼େମ ନିନିଙ୍ଗ୍। ନନା କୁଲ୍‌ ବାଦଲ୍‌ ବନା ମମର୍‌ତ ନାନେ ଲସା ଜବର୍ ଡ଼େନ୍‌ତା। ମାସାଡନା ନ ନିଙ୍ଗ୍‌ନା କାତା ମାନ୍‌ଲନ, ଗିତିନ୍‌ସା ନିଙ୍ଗ୍‌ ଦର୍‌ତନିନା ଆଗୁଲାଇ ଆଡିୟନ୍ ରେମଲେ ନନ୍ ଡିଅନ୍ ରେମ୍ ବେରଙ୍ଗ୍ ଆଶିର୍‌ବାଦ୍ ଡେମ୍‌ତିଙ୍ଗ୍।“

![](https://cdn.door43.org/obs/jpg/360px/obs-en-05-10.jpg)

ମାରି ଈଶ୍‌ପର୍ ଆ ଆବ୍ରାହାମ୍‌ ସୁନ, “ମାସାଡନା ନ ଆନିଙ୍ଗ୍ ଗୁଲାଇ ଜାକ ଦେବେ ପାଲାଇ ମନ୍ ଡ଼େମନ, ନନା ସା ଆମୁଇ ଗୁସା ଅଡ଼ାବାର୍ ପାଲାଇ ମନ୍ ଡ଼େମନ, ଆତିନେ ନିଙ୍ଗ୍‌ ଆନ ଆଶିର୍‌ବାଦ୍ ଡେଡେମ୍ ପାଲାଇ୍ ପରମାନ୍ ଡ଼େମ ନିନିଙ୍ଗ୍। ନନା କୁଲ୍‌ ବାଦଲ୍‌ ବନା ମମର୍‌ତ ନାନେ ଲସା ଜବର୍ ଡ଼େନ୍‌ତା। ମାସାଡନା ନ ନିଙ୍ଗ୍‌ନା କାତା ମାନ୍‌ଲନ, ଗିତିନ୍‌ସା ନିଙ୍ଗ୍‌ ଦର୍‌ତନିନା ଆଗୁଲାଇ ଆଡିୟନ୍ ରେମଲେ ନନ୍ ଡିଅନ୍ ରେମ୍ ବେରଙ୍ଗ୍ ଆଶିର୍‌ବାଦ୍ ଡେମ୍‌ତିଙ୍ଗ୍।“

*ବାଇବଲ୍ ନା ମୁଇ ଉସାରାମ୍ : ଆଦିପୁସ୍ତକ ୧୬-୨୨*

Audio: https://git.door43.org/OBS-TLF/bfw_obs/releases/download/v1/bfw_obs_v1_05_128kbps.m4a

## 6. ୬. ଈଶ୍‌ପର୍ ଈଶାକ୍ ପାଲାଇ ଟାନ୍‌ଇତ

https://openbiblestories.org/l/bfw/story-6/

![](https://cdn.door43.org/obs/jpg/360px/obs-en-06-01.jpg)

ଉଣ୍ଡୋଇଲ ଆବ୍ରାହାମ୍‌ ଜବର୍ ଡକରା ଡେଙ୍ଗ୍ ଇଗା, ମାଇନା ଗୁ ଈଶାକ୍ ଇଙ୍ଗେର୍‌ଗା। ଆତିନେ ଆବ୍ରାହାମ୍‌ ମାଇନା ମିଣ୍ଡା ଆଗତିରେମ୍ ଆରାମ୍ ଦେଶ୍‌ବ ବେଟାୟ, ଆର୍‌କି ମାଇନା ରେମଗନ୍ ଡିକୁ ଡେଙ୍ଗା। ଗିତିନ୍ ଦେଶ୍ ନାନେ ମୁୟଙ୍ଗ୍ ସେଲାନେ ମାଇନା ଗୁ, ଈଶାକ୍ ପାଲାଇ ରୁରୁଙ୍ଗ୍ ସା ସୁନ।

![](https://cdn.door43.org/obs/jpg/360px/obs-en-06-02.jpg)

ଜବର୍ ସୁଲୁଙ୍ଗ୍ ଉରିଙ୍ଗ କୁନ୍ ତୁର୍‌ଗୁ, ଆବ୍ରାହାମ୍‌ନା ଗତିରେମ୍‌ ଗିତିନ୍‌ ଆରାମ୍ ଦେଶ୍‌ବ ଇଗା, ଆର ମାଏନା ରେମାଲେ ଡିକୁଡେଙ୍ଗା। ଈଶ୍‌ପର୍ ଆତିନ୍ ଗତିରେମ୍ ସାଇଜ ଡ଼େମ ମିରିକି ମାଈ ରିବିକା ବେରଙ୍ଗ୍ ମିଶିବାର୍ ଗଙ୍ଗ୍‌ତା। ଗିତିନ୍ ରିବିକା ଆବ୍ରାହାମ୍‌ନା ବିଆଙ୍ଗ୍‌ନା ଇଗ୍‌ଲେ ଅହଁ ଡିଗା।

![](https://cdn.door43.org/obs/jpg/360px/obs-en-06-03.jpg)

ରିବିକା ମାଇନା ଆଡିଅନ୍‌ରେମ୍ ଅନ୍‌ତୁର ମାରି ଗିତିନ୍‌ ଗତିରେମ୍ ବେରଙ୍ଗ୍ ଈଶାକ୍‌ନା ଡିଅବ ଈପାଲାଇ ମନ୍ ଡ଼େମ। ଉଣ୍ତୋଇଲ ରିବିକା କେଟ୍‌ଗା ଅଇତିନ୍‌ଲ ଈଶାକ୍ ଆରିବିକା ବିବା ଡେଙ୍ଗା।

![](https://cdn.door43.org/obs/jpg/360px/obs-en-06-04.jpg)

ଜବର୍ ବେଲା ତୁର୍‌ଗୁ, ଆବ୍ରାହାମ୍‌ ଗୋଇଗା। ଆତିନେ ଈଶ୍‌ପର୍ ଆବ୍ରାହାମ୍‌ ନା ଗୁ ଆଈଶାକ୍ ଆଶିର୍‌ବାଦ୍ ବେଡ଼, ମାସାଡନା ଈଶ୍‌ପର୍ ଆବ୍ରାହାମ୍‌ ବେରଙ୍ଗ୍ ମୁଇ ନିୟମ୍‌ ଡ଼େମ ଡିଗା। ଗିତିନ୍ ନାନେ ମୁଇ ପର୍‌ମାନ୍ ଡେଙ୍ଗା ଅବ୍ରାହାମ ନା କୁଲ ରେମଲେ ଏଜ୍‌ବାର୍ ମ ଗଗଙ୍ଗ୍ ସୁଗ ଡ଼େନ୍‌ତା। ମାତର୍ ଈଶାକ୍ ନା କୁନି, ଆ ରିବିକା, ମାସା ଗୁ ଆଡିତା।

![](https://cdn.door43.org/obs/jpg/360px/obs-en-06-05.jpg)

ଈଶାକ୍ ରିବିକା ପାଲାଇ ପାର୍‌ତନା ଡ଼େମ, ମାରି ଈଶ୍‌ପର୍ ଆରିବିକା ଜଙ୍ଗ୍‌ଲା ଅଁହ ନା ଗାଗ୍‌ଡେ ଡେଡେମ୍‌ସା ଆଶିର୍‌ବାଦ୍ ଡ଼େମ। ଗିତିନ୍ ଜଙ୍ଗ୍‌ଲା ଅଁ ଅଁ ମାଏନ୍ ମାଏନ୍ ଭିତ୍‌ରେ ରିମ ଉଣ୍ଡୋଇଲ ମାଏ ରିବିକାନା ସୁଲଇବ ଡିଗା। ଆତିନେ ରିବିକା “କନ୍ ମା ଡେଙ୍ଗାନି ” ଡସେ ଆଈଶ୍‌ପର୍ ପାଚାର୍‌ଲ।

![](https://cdn.door43.org/obs/jpg/360px/obs-en-06-06.jpg)

ଈଶ୍‌ପର୍ ଆ ରିବିକା ସୁନ, “ନ ଉମ୍ବାର୍ ଗୁ ଜନମ୍ ବେତନ। ମାଏନା କୁଲ ରେମଲେ ଉମ୍ବାର୍ ମୁନା ଦେଶ୍ ତିଆର୍ ଡ଼େମ୍‌ତ। ମାଏ ତରୋଇ ତରୋଇ ନା ଭିତ୍‌ରେ ରିମ୍‌ତ, ମାତର୍ ନନା ମୁନା ଗୁନା ଦେଶ୍‌ନା ରେମ୍‌ଲେ ଡାଉ ଗୁ ଦେଶ୍‌ନା ରେମଲେନ୍ ଆଦେଶ୍ ମାନ୍‌ତ।“

![](https://cdn.door43.org/obs/jpg/360px/obs-en-06-07.jpg)

ଉଣ୍ଡୋଇଲ ରିବିକା ନା ଗୁଲେ ଜନମ୍ ଡେଙ୍ଗା, ମାଇନା ମୁନା ଗୁ ନା ଅମି ଏଷୌ ବେଡ଼, ଗିତିନ୍‌ ଏଷୌ ଯୁଜୁସା ରଙ୍ଗ୍ ସୁଗ ମାରି ଗାଗଡ୍ ବ ସେଣ୍ଡିଲେ ତୁର୍ ଡିଗା। ମାଇନା ତୁର୍‌ଗୁ ଡାଉ ଗୁ ଜାକି ଏଷୌନା ପାଦ୍ ତେଗ୍‌ଶୁଙ୍ଗ୍ ସବ ସେ ଜନମ୍ ଡେଙ୍ଗା,ମାରି ମାଏ ଆମାଇ ଜାକୁବ ଅମି ବେଡ଼।

*ବାଇବଲ୍ ନା ମୁଇ ଉସାରାମ୍ : ଆଦିପୁସ୍ତକ ୨୪:୧-୨୫:୨୬*

Audio: https://git.door43.org/OBS-TLF/bfw_obs/releases/download/v1/bfw_obs_v1_06_128kbps.m4a

## 7. ୭. ଈଶ୍‌ପର୍ ଆଜାକୁବ ଆଶିର୍‌ବାଦ୍ ଡେମ୍‌ତ

https://openbiblestories.org/l/bfw/story-7/

![](https://cdn.door43.org/obs/jpg/360px/obs-en-07-01.jpg)

ମାରି ଗୁଲେ ମୁନା ଡେଙ୍ଗା, ଜାକୁବନା ଡିଅ ଭିତରେ ଡିକୁନ୍‌ସା ମନ୍ ଡ଼େମ, ମାରି ଏଷୌ ଗୁଉଙ୍ଗ୍‌ ଇପାଲାଇ ମନ୍ ଡ଼େମ। ମାରି ରିବିକା ଆ ମୁନା ଗୁ ଜାକୁବ ଆଲାଦ୍ ଡେଡେମ୍ ଡେଙ୍ଗା ମାରି ଇଶାକ୍ ଆଡାଉ ଗୁ ଆଏଷୌ ଆଲାଦ୍ ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-07-02.jpg)

ମିସିଙ୍ଗ୍, ଉଣ୍ଡୋଇଲ ଏଷୌ ଗୁଉଙ୍ଗ୍ ଇସେ ସାଗା, ଆମାଇ ଜବର କୁଡୁକ୍ ଡେଙ୍ଗା। ଏଷୌ ଆଜାକୁବ୍ ସୁନ, “ଆନିଙ୍ଗ୍ ମାଲନା ସୁସୁଙ୍ଗ୍ ପାଲାଇ ବେ ମା କିୟାଙ୍ଗ୍‌ ପେ ରାଙ୍ଗତ୍ ପେ।“ ଜାକୁବ ସୁନ, “ସେସେନୁ, ପରମାନ୍ ଡେମ୍ ନ ମାଗୁଲାଇ ବାଙ୍ଗ୍‌ଗିତ୍‌ନ ମାସାଡୋନା ନ ସେସେନୁ ଜନମ୍ ଡେଙ୍ଗ୍‌ଗିତ୍‌ନ, ଗିତିନ୍ ଗୁଲାଇ ଆନିଙ୍ଗ୍‌ବେ।” ଗିତିନ୍‌ସା ଏଷୌ ଆଜାକୁବ ଗିତିନ୍‌ଗୁଲାଇ ବେବେ ପାଲାଇ ପରମାନ୍ ଡ଼େମ। ଆତିନେ ଜାକୁବ ଆଏଷୌ ଇତି ସୁସୁମ୍ ପାଲାଇ ବେଡ।

![](https://cdn.door43.org/obs/jpg/360px/obs-en-07-03.jpg)

ଇଶାକ୍ ମାଇନା ଆଶିର୍‌ବାଦ୍‌ ଆଏଷୌ ବେବେପାଲାଇ ମନ୍‌ଡ଼େମ। ମାତର୍ ଇଶାକ କନ୍ ଡେଡେମ୍‌ନା ତୁର୍‌ଗୁ, ରିବିକା ମାରି ଜାକୁବ ଆଇଶାକ୍ ଚାଲାକି ଡ଼େମ ମାରି ଜାକୁବ ଏଷୌ ସୁଗ ନାକ୍‌ରା ଡ଼େମ। ଅଇତିନ୍‌ଲ ଇସାକ୍ ଡକ୍‌ରା ଡିଗା ମାରି ଜୁଜୁ ଆଗଙ୍ଗ୍‌ ଡେଙ୍ଗା। ଅଇତିନ୍‌ଲ ଜାକୁବ ମାଇନ୍‌ ବିୟାଙ୍ଗ୍ ଏଷୌନା ସକା ମାରି ଗିମେନା ଚାମ୍ ମାଇନ୍ ତିତିବ ମାରି ଚକ୍‌ବ ତୁଲ।

![](https://cdn.door43.org/obs/jpg/360px/obs-en-07-04.jpg)

ଜାକୁବ ଇସାକ୍ କନେ ଇଗ୍‌ସେ ସୁନ, “ନିଙ୍ଗ୍ ଏଷୌ। ନିଙ୍ଗ୍ ଗିତିନ୍‌ସା ସାଗିତିଙ୍ଗ୍ ମାରି ନ ଆନିଙ୍ଗ୍ ଆଶିର୍‌ବାଦ୍‌ ଡେମ୍‌।”ଉଣ୍ଡୋଇଲ ଇସାକ୍ ଗିମେନା ଚେଣ୍ଡି ମାରି ସକାନା ବାସ୍‌ନା ସୁଁଙ୍ଗ୍‌ଲସେ ମାଗ, ଇସାକ୍ ମନ୍‌ବ ଏତୁଗା କନା ଏଷୌ ମାରି ଆମାଇ ଆଶିର୍‌ବାଦ୍‌ ବେଡ।

![](https://cdn.door43.org/obs/jpg/360px/obs-en-07-05.jpg)

ଏଷୌ ଆଜାକୁବ୍ ଗୁର୍‌ନା ଡ଼େମ ମାସାଡନା ଜାକୁବ ମାଇନା ମୁନାଗୁ ଡେଡେଙ୍ଗ୍‌ନା ଅଦିକାର୍ ମାରି ଆଶିର୍‌ବାଦ୍‌ ରୁଙ୍ଗଡୁଙ୍ଗା। ଆତିନେ ଏଷୌ ମାଇନ୍ ବା ଗୋଇକୁନ୍ ତୁର୍‌ଗୁ ଆଜାକୁବ ଜିବନ୍ ନାନେ ଅଡାବ ସୁସୁଙ୍ଗ୍ ପାଲାଇ ଯଜ୍‌ନା ଡ଼େମ।

![](https://cdn.door43.org/obs/jpg/360px/obs-en-07-06.jpg)

ମାତର୍ ରିବିକା ଆଏଷୌ ଯଜ୍‌ନା ଡ଼େମକୁନ୍ ମାଗ। ଆତିନେ ରିବିକା ମାରି ଇଶାକ୍ ଆଜାକୁବ ମାଏନ୍ ରେମଲେନ୍‌ବ ଇସେ ଡିକୁ ପାଲାଇ ପାଟାୟ।

![](https://cdn.door43.org/obs/jpg/360px/obs-en-07-07.jpg)

ତୁର୍‌ଗୁ ଜାକୁବ ରିବିକାଲେନ୍ ରେମଲେନ୍‌ବ ଜବର୍ ବରଷ୍ ଡିଗା। ବେଲା ଡେଙ୍ଗ୍ ଇକୁନ୍ ତୁର୍‌ଗୁ ଜାକୁବ ବିବା ଡେଙ୍ଗା ମାରି ମାଇନା ୧୨ଟା ଗୁ ମାରି ମୁୟଙ୍ଗ୍ ଡାକୁଇ ଜନମ୍ ଡ଼େମ । ଈଶ୍‌ପର୍ ଆମାଇ ଜବର୍ ସାକାର୍ ରେମ୍ ଡ଼େମ।

![](https://cdn.door43.org/obs/jpg/360px/obs-en-07-08.jpg)

ତରୋଇନା ଡିଅ କିଣାନ୍‌ନାନେ ୨୦ ବରଷ୍ ଜାକ ସୁଲୁଙ୍ଗ୍‌ସେ ଡିକୁନ୍ ତୁର୍‌ଗୁ, ଜାକୁବ ମାଇନ୍ ଡିଅନ୍‌ରେମ୍, ମାରି ମାଏନା ଗିତିରେମ୍, ମାରି ଗୁଲାଇ୍ ଗୋଇତାଙ୍ଗ୍ ଗିମେ ବେରଙ୍ଗ୍ ଲେଉଟ୍‌ସେ ସାଗା।

![](https://cdn.door43.org/obs/jpg/360px/obs-en-07-09.jpg)

ଜାକୁବ ଜବର୍ ବୁତୁଙ୍ଗ୍ ଡେଙ୍ଗା ମାସାଡନା ମାଇ ଏତୁଗ୍‌ବାର୍‌ ଡେଙ୍ଗା ଜେ ଏଷୌ ଅଇଜାକ ଆମାଇ ଅଡ଼ାବାର୍‌ସା ମନ୍ ଡ଼େମତା। ଆତିନେ ମାଇ ଜବର୍ ଗିମେ ଗୋଇତାଙ୍ଗ୍‌ଲେ ଅସାବକୁନ୍ ସୁଗ ଏଷୌ ବ ପାଟାୟ ବେଡ଼। ଗିତିନ୍‌ ଗତିରେମ ଜାଜାଲେ ଅସାବକୁନ୍ ରୁଙ୍ଗ୍‌ସେ ଇଡିଗା ଆଏଷୌ ସୁନ,“ନନ୍ ଗତିରେମ୍“ ଜାକୁବ କନ୍ ଗୁଲାଇ ଗିମେ ଗୋଇତାଙ୍ଗ୍‌ଲେ ବେଡ଼ତା। ମାଇ ସୁରିଗ୍ ସାଗାନି।

![](https://cdn.door43.org/obs/jpg/360px/obs-en-07-10.jpg)

ମାତର୍ ଏଷୌ ଆଜାକୁବ ବୁବୁଗ୍‌ସା ମନ୍‌ଡ଼େମ ଆଡ଼ିତା। ଗିନ୍‌ବାଦୁଲ୍ ମାଇ ଆମାଇ, ମାରିମୁସ ଜୁଜୁ ପାଲାଇ ଜବର୍ ମନ୍ ଡେଡେମ୍ ଡେଙ୍ଗା, ଗିତିନ୍‌ ତୁର୍‌ଗୁ ଗୁଲାଇ ବିୟାଙ୍ଗ୍‌ଲେ ଶାନ୍ତିଗ୍‌ ସେ କିଣାନ୍‌ବ ବାସା ଡେଙ୍ଗା। ଗିତିନ୍ ତୁର୍‌ଗୁ ଇଶାକ୍ ଗଇଗା, ଆତିନେ ଜାକୁବ ମାରି ଏଷୌ ଆମାଇ ଆତିଲ ବେଡ। ଆର୍‌ନା ପର୍‌ମାନ୍‌ ଈଶ୍‌ପର୍ ଅବ୍ରାହମ୍ ବେରଙ୍ଗ୍ ଡ଼େମଡିଗା, ଅଇ ଗିତିନ୍ ପରମାନ୍ ଇଶାକ୍ ବ ମାରି ଜାକୁବ୍ ବ ସାଗା।

*ବାଇବଲ୍ ନା ମୁଇ ଉସାରାମ୍ :ଆଦି ପୁସ୍ତକ ୨୫:୨୭-୩୫:୨୯*

Audio: https://git.door43.org/OBS-TLF/bfw_obs/releases/download/v1/bfw_obs_v1_07_128kbps.m4a

## 8. ୮. ଈଶ୍‌ପର୍ ଆଯୋଷେଫ୍ ମାରି ଆମାଏନ୍ ଡିଅନ୍‌ରେନ୍ ରକିଆ ଡ଼େମ

https://openbiblestories.org/l/bfw/story-8/

![](https://cdn.door43.org/obs/jpg/360px/obs-en-08-01.jpg)

ଜାକୁବ କିଣାନ୍ ଦେଶ୍‌ବ ଜବର୍ ବରଷ୍ ସଗ୍‌ସେ ଡିକୁଡେଙ୍ଗା, ଉଣ୍ଡୋଇଲ ମାଇ ଡକ୍‌ରା ଡେଙ୍ଗ୍‌ଇଗା, ମାଇ ମାଇନା ଲାଡ୍‌ଲା ଗୁ, ଆଯୋଷେଫ,ମାଇନ୍ ଆର୍‌ନା ବିଆଙ୍ଗ୍‌ଲେ ଗୋଇତାଙ୍ଗ୍ ଗିମେଲେ ଚରାଇବାର୍ ଡେଙ୍ଗା ଗିତିନ୍ ମାମାଗ୍ ପାଲାଇ ପାଟାୟ।

![](https://cdn.door43.org/obs/jpg/360px/obs-en-08-02.jpg)

ଯୋଷେଫ୍ ନା ବିଆଙ୍ଗ୍‌ଲେ ଜବର୍ ଆକାର୍ ଡ଼େମ ମାସାଡନା ମାଇନା ବା ଆମାଇ ଜବର୍ ଆଲାଦ୍ ଡେଡେମ୍ ଡେଙ୍ଗା, ମାଇ ଯୋଷେଫ୍ ମୁଇ ମୁସୁଡିଙ୍ଗ୍ ଜୁଲ ମାଇ ମାଏନ୍ ବାଗ୍‌ବ ଶାସନ୍ ଡେମ୍‌ତ। ଉଣ୍ଡୋଇଲ ଯୋଷେଫ୍ ମାଇନ୍ ବିୟାଙ୍ଗ୍‌ ଲେନ୍‌ବ ସାଗା, ମାଏଲେ ଆମାଇ ସବସୁଙ୍ଗ୍ ମାରି ଗତି ବେପାରିନ୍‌ବ ସୁଙ୍ଗ ବେଡ଼।

![](https://cdn.door43.org/obs/jpg/360px/obs-en-08-03.jpg)

ଯୋଷେଫ୍ ନା ବିୟାଙ୍ଗ୍‌ଲେ ଡିଅବ ସାକୁନ୍ ଆକ୍‌ତୁ,ମାଏଲେ ଯୋସେପ୍ ନା ଷକା ଚିର୍‌ଲ ସୁଙ୍ଗ। ମାରି ଗିମେନା ବନି ବ ଡାଗ୍‌ଡାଗ ଡିଗା। ତୁର୍‌ଗୁ ମାଏଲେ ଯୋଷେଫ୍ ନା ବନି ଡାଗ୍‌ଡାଗ କୁନ୍ ସକା ଆମାଇନା ବା ଅଜୁଲ,ମାଇନ୍ ବା ଡିକନ୍ ଏତୁଗା ଜେ, ଆର୍‌ନାଲନ୍ ବନ୍ ଜନ୍ତୁ ଆଯୋଷେଫ୍ ସୁମସୁଙ୍ଗତା। ଉଣ୍ଡୋଇଲ ଜାକୁବ ଗିତିନ୍ ଅଙ୍ଗ ମାଇ ଜବର୍ ଦୁଃକ୍ ଡେଙ୍ଗା।

![](https://cdn.door43.org/obs/jpg/360px/obs-en-08-04.jpg)

ବେପାରିଲେ ଆଯୋଷେଫ୍ ମିସର୍‌ଦେଶ୍‌ବ ରୁଙ୍ଗଇଗା। ମାରି ମିସର୍ ମୁଇ ମୁନାଗ୍ ବାଇ,ଜବର ବପୁବାଇ ଦେଶ୍ ଆର୍‌ନାକି ନିଲି କିଣ୍ଡାଗ୍ ପାଲି ଡିଗା। ବେପାରିଲେ ଆଯୋଷେଫ୍ ମୁୟଙ୍ଗ୍ ସର୍‌କାର୍ ପାଇଟି ଡେଡେମ୍ ରେମ ବ ସୁଙ୍ଗ ବେଡ଼। କାଆମୁଇ ସାକାର୍ ବାଇ ରେମବ ଆଯୋଷେପ୍ ମୁଇ ଗତିରେମ ବ ସୁଅଁ ବେଡ। ଯୋଷେଫ୍ ମାଇନା ସାକାର୍‌ନା ବାନିସୁଗ ସେବା ଡ଼େମ ମାରି ଈଶ୍‌ପର୍ ଆଯୋଷେଫ୍ ଆଶିର୍‌ବାଦ୍ ଡ଼େମ।

![](https://cdn.door43.org/obs/jpg/360px/obs-en-08-05.jpg)

ସାକାର୍ ନା କୁନି ଆଯୋଷେଫ୍ ଖାରାପ୍ କାମ୍ ଡେଡେମ୍ ପାଲାଇ ସୁନ, ମାତର୍ ଯୋଷେଫ୍ ଈଶ୍‌ପର୍‌ବ ପାପ୍ ମ ଡେଡେମ୍ ପାଲାଇ ମନା ଡ଼େମ। ଗିତିନ୍‌ ସାକାର୍‌ନା କୁନି କିଜ୍ରାଇଗା ମାରି ମିଛ୍ କାତା ସୁନ ସେ ଆଯୋଷେଫ୍ ନିନ୍ଦା ଡ଼େମ। ଆତିନେ ଆଯୋଷେଫ୍ ସବସେ ବନ୍ଦିଶାଲ୍ ବ ଅଗାୟ। ବନ୍ଦିଶାଲ୍‌ ବ ଲନା ଯୋଷେଫ୍ ଆଈଶ୍‌ପର୍ ବିସ୍‌ବାସ୍ ଡ଼େମ ସେ ଡିଗା, ଗିନ୍‌ସା ଈଶ୍‌ପର୍ ଆମାଇ ଆଶିର୍‌ବାଦ୍ ଡ଼େମ।.

![](https://cdn.door43.org/obs/jpg/360px/obs-en-08-06.jpg)

ଦସ୍‌ ଆଡିଗ୍‌ନା ସା ଯୋଷେଫ୍ ବନ୍ଦିଶାଲାବ ୨ ବରଷ୍ ଜାକ ଡିକୁନ୍ ବେଲା। ମିସିଙ୍ଗ୍ ମିଣ୍ଡି ଫାରୋ,ଆଜାକି ମିସର୍‌ନା ରାଜା ସୁସୁଡେଙ୍ଗା,ଉମ୍ୱାର୍ ମୁସୁଡିଙ୍ଗ୍ ଜୁଲ, ଜାନ୍‌ ପାଲାଇ ମାଇ ଜବର୍ ଅଶାନ୍ତି ଡେଙ୍ଗା। ମାଇନା ମାସା ଶିକାୟ କୁନ୍‌ଲେ ଗିତିନ୍‌ ମୁସୁଡିଙ୍ଗ୍‌ନା ଅରତ୍ ସୁଁସୁ ଆଗଙ୍ଗା।

![](https://cdn.door43.org/obs/jpg/360px/obs-en-08-07.jpg)

ମାତର୍ ଈଶ୍‌ପର୍ ଆଯୋଷେଫ୍ ମୁସୁଡିଙ୍ଗ୍ ନା ଅରତ୍ ଅମାଗ୍‌ସେ ସୁଁସୁ ପାଲାଇ ଜ୍ଞାନ୍ ବେଡ଼ଡିଗା, ଫାରୋ ରାଜା ଆଯୋଷେଫ୍ ବନ୍ଦିଶାଲ୍ ନାନେ ୱାରୁରୁଙ୍ଗ୍ ପାଲାଇ ଆଦେଶ୍ ବେଡ଼। ଯୋଷେଫ୍ ଗିତିନ୍‌ ମୁସୁ ଡିଙ୍ଗ୍‌ନା ଅରତ୍ ବୁଜାୟସେ ସୁନ, “ଈଶ୍‌ପର୍ ସାତ୍ ବରଷ୍ ସୁସୁମ୍‌ନା ଡ଼େନ୍‌ତା ମାରି ତୁର୍‌ଗୁ ପାଲାଇ ମାରି ସାତ୍ ବରଷ୍ ମର୍‌ଡ଼ି ପାଟାଇବାର୍ ଇଗାନି।

![](https://cdn.door43.org/obs/jpg/360px/obs-en-08-08.jpg)

ଫାରୋରାଜା ଯୋଷେଫ୍‌ନା କାତା ଅଙ୍ଗସେ ଜବର୍ ସାରଦା ଡେଙ୍ଗା, ମାରିମାଇ ଆଯୋଷେଫ୍ ମିଶର୍ ଦେଶ୍‌ନା ମାର୍‌ମୁଇ ଗୁଲାଇ ନାନେ ମୁନାରେମ୍ ସୁଗ ଡ଼େମ!

![](https://cdn.door43.org/obs/jpg/360px/obs-en-08-09.jpg)

ଯୋଷେଫ୍ ଆରେମଲେ ସାତ୍ ବରଷ୍ ଜାକ ବାନି କେରଙ୍ଗ୍ ନାନେ ଜବର୍ ସୁଗ ମୁଇ ରୁଣ୍ଡାଇବାର୍‌ସା ସୁନ। ଉଣ୍ଡୋଇଲ ସାତ୍ ବରସ୍‌ନା ମର୍‌ଡି ସାଗା, ଗିତିନ୍‌ କେରଙ୍ଗ୍‌ଲେ ରେମଲେନ୍‌ବ ସୁଙ୍ଗ୍‌ସୁଙ୍ଗ୍ ପାଲାଇ ଆଯୋଷେଫ୍ ସୁନ,ମାରି ମାଏନା ଜବର୍ କାଦି ଡିଗା।

![](https://cdn.door43.org/obs/jpg/360px/obs-en-08-10.jpg)

ମର୍‌ଡି ମିସର୍‌ବ ଆକା ଆଡିତା,ମାତର୍ କିଣାନ୍‌ବ ଲନା ଆରିକି ଯୋଷେଫ ମାରି ମାଇନା ଡିଅନ୍‌ରେମ୍ ଡିକୁ ଡେଙ୍ଗା।

![](https://cdn.door43.org/obs/jpg/360px/obs-en-08-11.jpg)

ଆତିନେ ଜାକୁବ ମାଇନା ଆଗୁଲେ କେରଙ୍ଗ୍‌ ସସବ ପାଲାଇ ମିଶର ଦେଶବ ପାଟାୟ, ଯୋଷେଫ୍‌ନା ବିୟାଙ୍ଗ୍‌ଲେ ଆଯୋଷେଫ୍ ସମବାର୍ ଆଗଙ୍ଗା, ଉଣ୍ଡୋୟଲ ମାଏ କେରଙ୍ଗ୍ ସସବ ପାଲାଇ ମାଇନା ଆଗତୁ ତଙ୍ଗା। ମାତର୍ ଯୋଷେଫ୍ ଆମାଏ ସମଡ଼।

![](https://cdn.door43.org/obs/jpg/360px/obs-en-08-12.jpg)

ଆରନି ମାଇ ମାଏନା ବିୟାଙ୍ଗ୍‌ଲେ ବଦଲ୍ ଗା କି ଆଣ୍ଡା ଗିତିନ୍ ମାମାଗ୍ ପାଲାଇ ପରିକ୍‌ୟା ଡ଼େମ ମାରି ଯୋଷେଫ୍ ଆମାଲେ ସୁନ,“ନିଙ୍ଗ୍ ପେନ୍‌ ବିୟାଙ୍ଗ୍ ”ଆବୁତୁଙ୍ଗା। ପେଲେ ଆନିଙ୍ଗ୍ ଗତିରେମ୍ ବ ସୁଙ୍ଗ ସେ ଖାରାପ୍ କାମ୍ ଡ଼େମପେ, ମାତର୍ ଈଶ୍‌ପର୍ ଆଗିତିନ୍‌ ଆକାରାପ୍ କାମ୍ ବାନି କାମ୍ ବ ଲାଗାୟ! ମିସର୍ ଦେଶ୍‌ବ ସାଗ୍‌ସେ ଡିଗ୍‌ଲା ମିରିକି ନିଙ୍ଗ୍ ପେ ପାଲାଇ ମାରି ପେନ୍ ଡିଅନ୍ ରେମ୍ ପାଲାଇ କାଦି ଟାନ୍‌ଇବାର୍ ଗନ୍‌ତିଙ୍ଗ୍।

![](https://cdn.door43.org/obs/jpg/360px/obs-en-08-13.jpg)

ଉଣ୍ଡୋଇଲ ଯୋଷେଫ୍‌ନା ବିୟାଙ୍ଗ୍‌ଲେ ଡିଅବ ସାଗା, ମାରି ଆମାଏନ୍ ବା ଜାକୁବ ସୁନ। ଯୋଷେଫ ଅଇଜାକ ବୁରଗିତା ଆତିନେ ଜାକୁବ କନ୍ ଅଁଗ୍‌ସେ ଜବର୍ ସାର୍‌ଦା ଡେଙ୍ଗା।

![](https://cdn.door43.org/obs/jpg/360px/obs-en-08-14.jpg)

ଜାକୁବ ଅଇ ଡକ୍‌ରା ଡେଙ୍ଗ୍‌ଡିଗା। ମାଇ ମାଇନା ଡିଅନ୍‌ରେମ୍ ବେରଙ୍ଗ୍ ମିସରଦେଶ୍ ବ ଇଗା ମାରି ଗୁଲାଇରେମ ଆର ବାସାଗ୍ ଡିଗା,ମାରି ଜାକୁବ ଗଇକୁନ୍ ଆଗ୍‌ତୁ ମାଇନା ଆଗୁଲାଇ ଗୁଲେ ଆଶିର୍‌ବାଦ୍ ଡ଼େମ।

![](https://cdn.door43.org/obs/jpg/360px/obs-en-08-15.jpg)

ଆର୍‌ନା ନିୟମ୍ ଈଶ୍‌ପର୍ ଅବ୍ରାହମ୍ ବେରଙ୍ଗ୍ ଡ଼େମଡିଗା ଗିତିନ୍ ଇସାକ୍ ବେରଙ୍ଗ୍ ଡେଙ୍ଗା ତର୍‌ଗୁ ଜାକୁବ୍‌ନା ବାଗ୍‌ବ, ତୁର୍‌ଗୁ ଜାକୁବନା ୧୨ ଟା ଗୁ ମାରି ମାଏନ୍ ଡିଅନ୍ ରେନ୍ ବେରଙ୍ଗ୍ ଡେଙ୍ଗା।ମାଏନା ୧୨ ଗୁଲେନ୍ କୁଲ୍ ରେମଲେ ନା ଇସ୍ରାଏଲ୍ ନା ୧୨ କୁଟୁମ୍ ଡ଼େଙ୍ଗା।

*ବାଇବଲ୍ ନା ମୁଇ ଉସାରାମ୍ : ଆଦିପୁସ୍ତକ ୩୭-୫୦*

Audio: https://git.door43.org/OBS-TLF/bfw_obs/releases/download/v1/bfw_obs_v1_08_128kbps.m4a

## 9. ୯. ଈଶ୍‌ପର୍ ଆମୋଶା ୱାୟ

https://openbiblestories.org/l/bfw/story-9/

![](https://cdn.door43.org/obs/jpg/360px/obs-en-09-01.jpg)

ଯୋଷେଫନା ଗଇକୁନ୍ ତୁର୍‌ଗୁ,ମାଇନ୍ ଗୁଲାଇରେମ ମିସର୍‌ଦେଶ୍‌ବ ଡିଗା। ମାଏଲେ ମାରି ମାଇନା କୁଲ୍‌ରେମ୍‌ଲେ ଜବର୍ ବରଷ୍ ଆତା ଡିଗା, ମାରି ଜବର୍‌ଗୁଲେ ଡାକୁଇଲେ ଜନମ୍ ବେଡ଼,ଆମାଏ ଇସ୍‌ରାଏଲ୍‌ୟ ଡସେ ସୁନ।

![](https://cdn.door43.org/obs/jpg/360px/obs-en-09-02.jpg)

ଜବର୍ ବରଷ୍ ତୁର୍‌ଗୁ,ଇସ୍‌ରାଏଲ୍‌ନା ରେମଲେ ଜବର୍ ଡେଙ୍ଗ୍ଇଡିଗା, ଯୋଷେଫ ଆର୍‌ନା କାମ୍ ମିସରିୟ ରେମଲେନ୍ ସାଇଜ ପାଲାଇ ଡ଼େମଡିଗା, ଆତିନ୍ ସାଇଜ ମିସରିୟଲେ ମାରି ଆଏତାଇତ । ମିସରିୟଲେ ଇସ୍‌ରାଏଲ୍‌ନା ଆରେମଲେ ଜୁଲସେ ବୁତୁଙ୍ଗା, ମାସାଡନା ମାଏଲେ ଇସାବ୍ ଡ଼େମନା ଜବର୍‌ରେମ ଡିଗା। ଆତିନେ ଗିନ୍‌ବେଲା ମିସର୍‌ଦେଶ୍ ଶାସନ୍ ଡେଡେମ୍‌ନା ରାଜା ପାରୋ ଆଇସ୍‌ରାଏଲିୟଲେ ମିସରିୟରେମନା ଗତିରେମ୍ ଡ଼େମଡିଗା।

![](https://cdn.door43.org/obs/jpg/360px/obs-en-09-03.jpg)

ମିସରିୟଲେ ଆଇସ୍‌ରାଏଲ୍ ନା ରେମଲେ ଜବର୍ ମୁନା ଡିଅଲେ ମାରି ଗୁଲାଇ ସହର୍‌ବଲେ ତିଆର୍ ଡେଡେମ୍ ଲାପାଇ ବାଦ୍ୟ ଡେଡେମ୍‌ଡେଙ୍ଗା। ଜବର୍ କଷ୍ଟ ବାଇ ପାଇଟି ମାଏନା ଆଜୀବନ ଜବର୍ ଦୁକ୍ଃ ଡ଼େମ, ମାତର୍ ଈଶ୍‌ପର୍ ଆମାଏ ଆଶିର୍‌ବାଦ୍ ଡ଼େମ, ମାରି ମାଏନା ଜବର୍ ଗୁଲେ ଡାକୁଲେ ଡେଙ୍ଗା।

![](https://cdn.door43.org/obs/jpg/360px/obs-en-09-04.jpg)

ଫାରୋ ଜୁଲଜେ, ଇସ୍‌ରାଏଲ୍‌ନା ରେମଲେନ୍ ଜବର୍ ଗୁଲେ ଜନମ୍ ଡେଡେମ୍ ଡେଙ୍ଗା,ଆତିନେ ମାଇ ଇସ୍‌ରାଏଲ୍‌ନା ଆଗୁଲାଇ ଡାଉଗୁଲେ ନିଲି ବାଇ କୁଣ୍ଡାବ ରାପୁଡ଼ସେ ଅଡ଼ାବ ସୁସୁଙ୍ଗ୍ ପାଲାଇ ଆଦେଶ୍ ବେଡ।

![](https://cdn.door43.org/obs/jpg/360px/obs-en-09-05.jpg)

ଇସ୍‌ରାଏଲ୍ ନା ସେଲାନେ ମୁୟଙ୍ଗ୍ ଅଁ ଅଁଗୁ ଜନମ୍ ଡ଼େମ,ମାରି ମାଇ ଆତିନ୍ ଅଁଗୁ ଗଙ୍ଗ୍‌କୁନ୍ ଜାକ ତିପାଡ଼ସେ ବୁଙ୍ଗ।

![](https://cdn.door43.org/obs/jpg/360px/obs-en-09-06.jpg)

ଉଣ୍ଡୋୟଲ ଗିତିନ୍‌ ଗୁ ନା ୟଙ୍ଗ୍ ଜବର ଦିନ୍ ତିପାଗ୍‌ବାର୍ ଆଗଙ୍ଗ୍‌ସେ, ମାଇ ମୁଇ ବଙ୍ଗଲ୍ ବାର୍‌ନା ମୁଇ ଟାକ୍‌ଲାବ ଆତିନ୍ ଗୁ ବୁଅଁ ମାରି ଆମାଇ ନିଲି କିଣ୍ଡାବ ବଙ୍ଗ୍‌ଲା ବେଡ଼ ମିରିକି ମାଇ ଗୋଇକୁନ୍ ନାନେ ରକିଆ ଡେଡେମ୍ ଗଙ୍ଗ୍‌ତା। ମାଇନା ମୁନାଗ୍ ବୁନ୍‌ଲୁ ମାଇବେରଙ୍ଗ୍ ମା ଡ଼େନ୍‌ତା ଗିତିନ୍ ମାଇ ଜୁଜୁ ଡେଙ୍ଗା।

![](https://cdn.door43.org/obs/jpg/360px/obs-en-09-07.jpg)

ପାରୋରାଜା ନା ମୁଇ ଡାକୁଇ,ଆତିନ୍ ବଙ୍ଗଲ୍ ବାର୍‌ନା ଟାକ୍‌ଲା ଜୁଲ ମାରି ଇଗ୍‌ସେ ଗିତିନ ଟାକ୍‌ଲା ବିତ୍‌ରେ ମା ଡିତା ଡସେ ଏରୁଙ୍ଗ। ଉଣ୍ଡୋଇଲ ମାଇ ଆତିନ୍ ଗୁ ଜୁଲ,ମାଇ ତରୋଇନା ଗୁ ଡେଡ଼ମ୍‌ସା ରୁଙ୍ଗା। ଗୁନା ଜତନ୍ ରୁରୁଙ୍ଗ୍ ସା ମାଇ ଆମାଗସେ ମୁଇ ଆଇସ୍‌ରାଏଲ୍‌ନା ଆସେଲାନେ ବାଚ୍‌ଲ,ଜାକି ଗିତିନ୍‌ ଗୁନା ତରୋଇନା ୟଙ୍ଗ୍ ଡିଗା। ଉଣ୍ଡୋଇଲ ଗିତିନ୍‌ ଗୁ ମୁନାଗା ମାରି ୟଙ୍ଗ୍ ନା ଦାତୁକୁଇ ଦର୍‌କାର୍ ଆଡ଼େନ୍‌ତା,ଗିତିନ୍ ବେଲା ମାଇ ଫାରୋନା ଆଡାକୁଇ ଲେଟାବେଡ଼, ମାରି ମାଇ ଗିତିନ୍ ଗୁ ନା ଅମି ମୋଶା ବେଡ଼।

![](https://cdn.door43.org/obs/jpg/360px/obs-en-09-08.jpg)

ମିସିଙ୍ଗ୍ ଅଇଜବେଲା ମୋଶା ମୁନାଡେଙ୍ଗ୍ ଇଡିଗା,ମିଣ୍ଡା ଇସ୍ରାଏଲିୟ ଆଗୋତିରେମ୍ ମିଣ୍ଡା ମିସରିୟ ରେମ ବୁବୁଗ୍‌ନା ଜୁଲ। ମୋଶା ଆତିନ୍ ଇସ୍ରାଏଲିୟ ଆଗୋତିରେ ବୁରବାର୍ ପାଲାଇ ଚେସ୍‌ଟା ଡ଼େମ।

![](https://cdn.door43.org/obs/jpg/360px/obs-en-09-09.jpg)

ଉଣ୍ଡୋଇଲ ମୋଶା ଏତାୟ ଜେ ଆମାଇ ଜା ଆଜୁତ, ଗିତିନ୍‌ସା ମାଇ ଆମିସରିୟ ଅଡ଼ାବ ମାରି ମାଇନା ଆମଡ୍ ତୁବୁଗ୍‌ବ ଆତିଲୋ ବେଡ। ମାତର୍ ଜାକି ମିଣ୍ଡା ଆମୋଶା କନ୍ ଡ଼େମକୁନ୍ ଜୁଲ ଡିଗା।

![](https://cdn.door43.org/obs/jpg/360px/obs-en-09-10.jpg)

ମୋଶା ମାଡ଼େମ ଡିଗା ଗିତିନ୍ ଫାରୋ ଅଙ୍ଗ। ମାଇ ଆମାଏ ଅଡ଼ ବାର୍‌ସା ଚେଷ୍ଟା ଡ଼େମ, ମାତର୍ ମୋଶା ମିସର୍‌ନାନେ ମରୁବୁମିବ ଡୁଙ୍ଗା।ଫାରୋ ସୈନିକ୍‌ଲେ ଆମାଇ କଜ୍ ବାର୍ ଆଗଙ୍ଗା।

![](https://cdn.door43.org/obs/jpg/360px/obs-en-09-11.jpg)

ମୋଶା ଉଣ୍ଡୋଇଲ ମିସର୍ ନାନେ ଡୁଙ୍ଗା, ମାଇ ମରୁବୁମିବ ମୁଇ ମେଣ୍ଡା ସାରାଇବାର୍ ରେମ୍ ଡେଙ୍ଗା। ମୋଶା ମୁଇ ଆସେଲାନେ ବିବା ଡେମୋ ମାରି ମାଏନ୍ ଜୋଡେକ୍ ଗୁ ଜନମ୍‌ଡେଙ୍ଗା।

![](https://cdn.door43.org/obs/jpg/360px/obs-en-09-12.jpg)

ମୋଶା ମାଇନ୍ ମାମାଡ଼େଙ୍ଗନା ମେଣ୍ଡା ଲେନା ଜତନ୍ ରୁରୁଙ୍ଗ୍ ଡେଙ୍ଗା, ମିଶିଙ୍ଗ୍ ମୁଇ ଲାଟାବ ସୁଙ୍ଗ ଡକୁନ୍ ମାଇ ଜୁଲ, ଗିତିନ୍ ଡ଼ଡେଙ୍ଗା ମାତର୍ ଗେବୋଆଇତା। ମାଇ ଆତିନ୍ ଲାଟାବ ଜୁଯୁ ପାଲାଇ ଲଗେ ଇଗା।ଉଣ୍ଡୋଇଲ ମାଇ ଜବର୍ ଲଗେ ଇଗା,ଈଶ୍‌ପର୍ ଆମାଇ ସୁନ,“ମୋଶା ନନା ପାଣ୍ଡୋଇଲେ ଜୁଗ ସୁଙ୍ଗ୍। ନ ମୁଇ ପବିତ୍‌ରଟାନ୍‌ବ ତଙ୍ଗ୍‌ଗିତ୍‌ନ।

![](https://cdn.door43.org/obs/jpg/360px/obs-en-09-13.jpg)

ତୁର୍‌ଗୁ ଈଶ୍‌ପର୍ ସୁନ, “ନିଙ୍ଗ୍ ଇସ୍ରାଏଲ୍ ରେମୋଲେନା ଦୁଖ୍ ଜୁଲୋତିଙ୍ଗ୍। ନିଙ୍ଗ୍ ଆନ ଇଶ୍ରାଏଲ୍‌ନା ଆରେମୋଲେ ମିସର ଦେଶ୍‌ନା ଗତିନାନେ ରକିଆ ଡେଡେମ୍ ପାଲାଇ ପାରୋବ ବେଟାୟତିଙ୍ଗ୍। ନିଙ୍ଗ୍ ଆମହେ କିଣାଣ୍‌ଦେଶ୍‌ ବେତିଙ୍ଗ୍, ଆର୍‌ନାକି ନିଙ୍ଗ ଆବ୍ରାହମ୍ ଇସାକ୍ ମାରି ଜାକୁବ ବେରଙ୍ଗ୍ ପର୍‌ମାନ୍ ଡ଼େମତିଙ୍ଗ୍।”

![](https://cdn.door43.org/obs/jpg/360px/obs-en-09-14.jpg)

ମୋଶା ପାଚାର୍‌ଲ, ଜଦି ରେମଲେ ଆନିଙ୍ଗ୍ ଜା ବେଟାୟତା ଗିତିନ୍ ମାମାଗ୍‌ସା,ଦିତିନ୍‌ଲ ନିଙ୍ଗ୍ ମା ସୁନ୍‌ତିଙ୍ଗ୍‌ ? ଈଶ୍‌ପର୍ ସୁନ, “ ନିଙ୍ଗ୍ ଜା ନିଙ୍ଗ୍ ମାଇ। ଆମାଏସୁଁ ଈଶ୍‌ପର୍ ଆନି ବେଟାୟତା। ମାରି ଆମାଏ ସୁ, ଆବ୍ରାହମ୍, ‘ଈଶାକ୍ ଜାକୁବ୍ ପେନା ଆନିଦାଦିଲେନ୍‌ନା ବା ନିଙ୍ଗ୍ ଈଶ୍‌ପର୍ ଜିହୋବା’। ମଡ଼ୋଡଙ୍ଗ୍ ଦିନ୍ ଜାକ କନ୍ ନାଏନା ଅମି।”

![](https://cdn.door43.org/obs/jpg/360px/obs-en-09-15.jpg)

ମୋଶା ବୁତୁଙ୍ଗ୍ ଡିଗା ମାରି ମାଇ ଫାରୋନ୍‌ବ ଇପାଲାଇ ମନ୍ ଆଡେମ୍‌ତ। ମାସାଡନା ମାଇ ହେତୁଗା ଜେ ମାଇ ନିମାନ୍ କାତା ସୁନ୍‌ସୁ ଆଗଙ୍ଗ୍‌ତା,ଆତିନେ ଈଶ୍‌ପର୍ ମୋଶା ନା ବିୟାଙ୍ଗ୍ ଆଆରନ୍ ଆମାଇ ସାଇଜ ଡେଡେମ୍‌ସା ବେଟାୟ।

*ବାଇବଲ୍ ନା ମୁଇ ଉସାରାମ୍ :୧-୪*

Audio: https://git.door43.org/OBS-TLF/bfw_obs/releases/download/v1/bfw_obs_v1_09_128kbps.m4a

## 10. ୧୦. ଦଶ୍‌ଟା ମହାମାରି

https://openbiblestories.org/l/bfw/story-10/

![](https://cdn.door43.org/obs/jpg/360px/obs-en-10-01.jpg)

ଈଶ୍‌ପର୍ ଆମୋଶା ମାରି ଆହାରୋଣ ଚେତାୟ ବେଡତା,ଜେ ଫାରୋନା ମନ୍ ଜବର୍ ଆଟୁଆ ଡ଼େନ୍‌ତା, ଉଣ୍ଡୋଇଲ ମାଏ ଫାରୋନ୍ ବ ଇଗ୍‌ସେ ସୁନ,“ଇସ୍ରାଏଲ୍‌ନା ଈଶ୍‌ପର୍ କନ୍‌ସୁନ ନି, ନିଙ୍ଗନା ଆରେମଲେ ଅନ୍‌ତୁର ବେ!” ମାତର୍ ଫାରୋ ମାଏନା କାତା ଆଅଙ୍ଗ୍‌ତ। ମାରି ଇଶ୍ରାଏଲ୍ ନା ଆରେମଲେ ଆଅନ୍‌ତୁରସେ ମାଇ ଆମାଏ ସେସେନୁ ନାନେ ଜବର୍ ପାଇଟି ଅଡେମ୍ ପାଲାଇ ଜବର୍‌ଜସ୍‌ତି ଡ଼େମ।

![](https://cdn.door43.org/obs/jpg/360px/obs-en-10-02.jpg)

ଫାରୋ ଇସ୍ରାଏଲ୍‌ନା ଆରେମଲେ ଇପାଲାଇ ପରେକ୍ ପରେକ୍‌ ମନା ଡେଡ଼େମଡେଙ୍ଗା,ଗିତିନ୍‌ସା ଈଶ୍‌ପର୍ ମିଶର ବାଗ୍‌ବ ୧୦ଟା ବୟଙ୍କାର୍ ମୁନାରୋଗ ବେଟାୟ, କନ୍ ମୁନା ରୋଗ ବେରଙ୍ଗ୍, ଈଶ୍‌ପର୍ ଆଫାରୋ ଅଜୁଲ ଜେ, ମାଇ ଫାରୋ ମାରି ମିସର୍‌ନା ଗୁଲାଇ ଦେପ୍‌ତା ଲେନ୍‌ନାନେ ଜବର୍ ବପୁବାଇ ।

![](https://cdn.door43.org/obs/jpg/360px/obs-en-10-03.jpg)

ଈଶ୍‌ପର୍ ନିଲି କିଣ୍ଡାଗ୍ ନା ଆଡାଗ୍ ବନିବେରଙ୍ଗ୍‌ ମିସା ବେଡ,। ଡେଙ୍ଗ୍‌ନାସା ଫାରୋ ଇସ୍ରାଏଲ୍‌ନା ଆରେମଲେ ଇ ପାଲାଇ ଆବେତ।

![](https://cdn.door43.org/obs/jpg/360px/obs-en-10-04.jpg)

ଈଶ୍‌ପର୍ ଆଗୁଲାଇ ମିସର୍ ଦେଶ୍‌ବ ଆଗିଡେବ୍‌ଲେ ବେଟାୟ। ଫାରୋ ଆମୋଶା ଆଗିଡେଲେ ୟଁୟଁପାଲାଇ ଗୁଆର୍‌ଲୋ। ମାତର୍ ଗୁଲାଇ ଗିଡେବ୍‌ଲେ ଗୋଇକୁନ୍ ତୁର୍‌ଗୁ, ଫାରୋ ମାଇନା ମନ୍ ଆଟ୍‌ଆ ଡ଼େମ ମାରି ଇସ୍‌ରାଏଲ୍‌ନା ଆରେମଲେ ମିସରଦେଶ୍ ନାନେ ଇପାଲାଇ ଆବେତ।

![](https://cdn.door43.org/obs/jpg/360px/obs-en-10-05.jpg)

ଆତିନେ ଈଶ୍‌ପର୍ ବନି ଜିକ୍‌ବାର୍‌ନା କିଡା ବେଟାୟ,ଗିତିନ୍‌ ତୁର୍‌ଗୁ ଆୟୁଙ୍ଗ୍ କିଡା ନା ମୁଇ ରୋଗ୍‌ ବେଟାୟ। ଫାରୋ ଆମୋଶା ମାରି ଆହାରଣ ୱାୟ,ମାରି ଆମାଏ ସୁନ,ନ ଯଦି କନ୍ ମୁନା ରୋଗ୍‌ ନାନେ ରକିୟା ଡ଼େମନା ଗିତିନ୍‌ଲ ଇଶ୍ରାଏଲନା ଆରେମଲେ ମିସର୍ ଅନ୍‌ତୁର ସେ ଇଗଙ୍ଗ୍‌ତା। ଗିତିନ୍‌ଲ ମୋଶା ପାର୍‌ତନା ଡ଼େମ,ଈଶ୍‌ପର୍ ମିସର୍ ଦେଶ୍‌ନାନେ ଗୁଲାଇ ଆୟୁଙ୍ଗ୍ କିଡ଼ା ନେୟସୁଙ୍ଗ। ମାତର୍ ଫାରୋ ମାଇନା ମନ୍‌ବାଦ୍‌ଲାୟ ମାରି ଇସ୍ରାଏଲିୟ ଆରେମଲେ ଇପାଲାଇ ଆବେତ।

![](https://cdn.door43.org/obs/jpg/360px/obs-en-10-06.jpg)

ଗିତିନ୍ ତୁର୍‌ଗୁ, ଈଶ୍‌ପର୍ ମିସର୍‌ନା ଗୁଲାଇ ଡିଅବ ଅବୁରବାର୍‌ନା ପଶୁଲେନ୍ ବାଗ୍‌ବ ମୁଇ ମୁନାରୋଗ୍‌ ବେଟାୟ, ଆତିନେ ଗୁଲାଇ ଡିଅବ ଅବୁରବାର୍‌ନା ପଶୁଲେ ବେମାର୍ ଡେଙ୍ଗ୍‌ସେ ଗୋଇଗା।ମାତର୍ ଫାରୋନା ମନ୍ ଆଟ୍‌ୱା ଡେଙ୍ଗା ମାରି ଇସ୍ରାଏଲ୍ ନା ଆରେମଲେ ଇପାଲାଇ ଆବେତ।

![](https://cdn.door43.org/obs/jpg/360px/obs-en-10-07.jpg)

ଆତିନେ, ଫାରୋ ନା ଆକ୍‌ତୁ ଉଁସଙ୍ଗ୍ ଉଡ଼ିଆଗ୍‌ବ ଅଡସୁସୁଙ୍ଗ୍‌ ପାଲାଇ ଈଶ୍‌ପର୍ ଆମୋଶା ସୁନ।ଉଣ୍ଡୋଇଲ ମାଇ ଗିତିନ୍ ଡ଼େମ,ମିସର ନା ଆରେଲେ ଗାଗଢ ନା ଚାମ୍‌ବ କସ୍‌ଟ ବାବାଙ୍ଗ୍‌ନା ବିଟକ୍‌ଲେ ତୁର୍‌ଗା ମାତର୍ ଇସ୍ରାଏଲ୍ ନା ଆରେମଲେ ମାସା ଆଡ଼େନ୍‌ତା। ମାତର୍ ଈଶ୍‌ପର୍ ଫାରୋ ନା ମନ୍ ସୁଁଢଙ୍ଗ୍ ଡ଼େମ, ମାରି ଫାରୋ ଇସ୍ରାଏଲ୍ ନା ଆରେମଲେ ଇ ପାଲାଇ ଆବେତ।

![](https://cdn.door43.org/obs/jpg/360px/obs-en-10-08.jpg)

ଗିତିନ୍ ତୁର୍‌ଗୁ, ଈଶ୍‌ପର୍ ଆରେଡାଗ୍ ବେଟାୟସେ ମିସର ଦେଶ୍‌ବ ଗୁଲାଇ୍ ତାଷ୍ ମାରି ଜାଜାଲେ ଡିଅନାନେ ବାଇରି ତୁର୍‌ଡିଗା ଅମାଏ ବୁଡ଼ାୟ ସୁଙ୍ଗ।ଆତିନେ ଫାରୋ ଆମୋଶା ମାରି ହାରୋଣ ୱାୟସେ ସୁନ, “ନିଙ୍ଗ୍ ପାପ୍ ଡ଼େମତିଙ୍ଗ୍। ପେଲେ ଇଗଙ୍ଗ୍‌ତପେ।” ଗିତିନ୍‌ସା ମୋଶା ବାଦଲ୍ ନାନେ ଆରେଡାଗ୍ ଆନ୍‌ତୁର୍ ବାର୍ ପାଲାଇ ପାର୍‌ତନା ଡ଼େମ।

![](https://cdn.door43.org/obs/jpg/360px/obs-en-10-09.jpg)

ମାଇନା ତୁର୍‌ଗୁ, ମାରିମୁସ ଫାରୋ ପାପ୍ ଡ଼େମ ମାରି ମାଇନା ମନ୍ ଆଟ୍‌ୱା ଡ଼େମ। ମାଇ ଇସ୍ରାଏଲ୍ ନା ଆରେମଲେ ମୁକୁଲ୍‌ସେ ଇପାଲାଇ ଆବେତ।

![](https://cdn.door43.org/obs/jpg/360px/obs-en-10-10.jpg)

ଆତିନେ ଈଶ୍‌ପର୍ ମିସର୍ ଦେଶ୍ ବାଗ୍‌ବ ଚିଟ୍‌କା ବେଟାୟ। ଗିତିନ୍‌ ଚିଟ୍‌କାଲେ ତାଷ୍‌ଲେ ଗୁଲାଇ ସୁଁମସୁଁଅ ଆର୍‌ନା ଲେକି ଆରାଡାଗ୍ ଅଗୁରସେ ଆବୁଡ଼ାଇତ ।

![](https://cdn.door43.org/obs/jpg/360px/obs-en-10-11.jpg)

ମାଇନ୍ ତୁର୍‌ଗୁ ଈଶ୍‌ପର୍ ମିସର୍‌ବ ମିଣ୍ଡିଲ ଆର୍‌ନା କି ତିନ୍‌ଦିନ୍ ଜାକ ଡିଗା । କନ୍ ଡିକନ୍ ଉୟୁର୍ ଡିଗା ଜେ ମିସରିୟଲେ ଡିଅ ନାନେ ବାଇରି ତୁତୁର୍ ଆଗଙ୍ଗ୍‌ତା। ମାତର୍ ଇସ୍ରାଏଲ୍‌ନା ରେମଲେ ଆର୍ ଡିଗା ଆର ଉଜଲ୍ ଡିଗା।

![](https://cdn.door43.org/obs/jpg/360px/obs-en-10-12.jpg)

ନୋଟା ମର୍‌ଡି ଡେଙ୍ଗ୍‌କୁନ୍‌ ତୁର୍‌ଗୁ ଫାରୋ ଇସ୍ରାଏଲ୍ ନା ଆରେମଲେ ଇପାଲାଇ ମନା ଡ଼େମ। କନ୍ ଜାକ ଫାରୋ ଆମୋଶା ଈଶ୍‌ପର୍ ଡୋଡମ୍‌ଲ ପାଲ୍‌ମୁଇ ମୁନା ରୋଗ୍‌ ବେଟାୟ। କନା ଫାରୋନା ଆମନ୍ ବଦ୍‌ଲାୟ୍‌ତ ।

*ବାଇବଲ୍ ନା ମୁଇ ଉସାରାମ୍ :ଜାତ୍ରା ପୁସ୍ତକ ୫-୧୦*

Audio: https://git.door43.org/OBS-TLF/bfw_obs/releases/download/v1/bfw_obs_v1_10_128kbps.m4a

## 11. ୧୧. ନିସ୍ତାର୍ ପରବ୍‌

https://openbiblestories.org/l/bfw/story-11/

![](https://cdn.door43.org/obs/jpg/360px/obs-en-11-01.jpg)

ଈଶ୍‌ପର୍ ଆମୋଶା ମାରି ଆହାରଣ ଇସ୍ରାଏଲନା ଆରେମଲେ ଅନ୍‌ତୁର ବେଡସେ ଫାରୋନ୍‌ କଣ୍ଡେ ସୁସୁପାଲାଇ ବେଟାୟ। ମାଏଲେ ଆମାଇ ଚେତାୟ ବେଡ, ଆମାଏଲେ ଇପାଲାଇ ଆଅନ୍‌ତୁରନା,ଗିନ୍‌ଲୋ ଈଶ୍‌ପର୍ ମିସର୍ ନା ଆରେମଲେ ମାରି ସେସେନୁଗ୍‌ ଜନମ୍ ଡ଼େମକୁନ୍ ଆଗୁଇନେଲେ ମାରି ବନ୍‌ଜନ୍ତୁଲେ ଅଡାବ୍‌ତ। ଫାରୋ କନ୍ ଅଙ୍ଗସେ ଲନା ଆଈଶ୍‌ପର୍ ବିସ୍‌ବାସ୍ ଆଡେମ୍‌ତ ମାରି ଗିତିନ୍ ଆମାନ୍‌ତା।

![](https://cdn.door43.org/obs/jpg/360px/obs-en-11-02.jpg)

ଈଶ୍‌ପର୍ ବ ବିସ୍‌ବାସ୍‌ ଡ଼େମକୁନ୍ ଗୁଲାଇରେମ ଆଗ୍‌ତୁ ଜନମ୍ ଡେଙ୍ଗକୁନ୍ ଆଗୁଲାନେଲେ ରକିୟା ଡେଡେମ୍ ପାଲାଇ ମୁଇ ଗାରି ବେଡ। ଗୁଲାଇ ଡିଅନ୍‌ରେନ୍ ଚିନା ମଡିକୁନ୍‌ ମେଣ୍ଡା ରୁଙ୍ଗ୍‌ସେ ଅଡାବ୍‌ବାର୍ ଡିଗା।

![](https://cdn.door43.org/obs/jpg/360px/obs-en-11-03.jpg)

ଈଶ୍‌ପର୍ ଆଇଶ୍ରାଏଲିୟରେମଲେ ଗିତିନ୍‌ ମେଣ୍ଡାନା ବନି ରୁଙ୍ଗ୍‌ସେ ମାଏନ୍ ଡିଅବନା କାବାଟ୍‌ବ ଲଗାଇବାର୍ ସା ସୁନ। ମାଏଲେ ଆତିନ୍ ସେଲି ସୁରସେ ଗିତିନ୍‌ ସଡ଼ା ରୁଟି ବେରଙ୍ଗ୍ ସୁରିକ୍ ସୁସୁମ୍ ସା ଡିଗା। ଗିତିନ୍ ରୁଟି ସୁମକୁନ୍ ତୁର୍‌ଗୁ ଚଟ୍‌ନା ମିଶର୍ ଅନ୍ତୁର୍ ପାଲାଇ ତିଆର୍ ଡେଡେମ୍ ସା ମାଇ ଆମାଏ ସୁନ।

![](https://cdn.door43.org/obs/jpg/360px/obs-en-11-04.jpg)

ଈଶ୍‌ପର୍ ମିରିଡେଡେମ୍ ପାଲାଇ ଆଇସ୍ରାଏଲିୟରେମଲେ ଆଦେଶ୍ ବେଡ ଡିଗା, ମାଏଲେ ଡିତିନ୍‌ ସୁନ ଗୁଲାଇ ଡ଼େମ। ମଜାମିଣ୍ଡିଲୋ, ଈଶ୍‌ପର୍ ମିସର୍‌ନା ଗୁଲାଇରେମନ୍ ଅଗ୍‌ତୁନ୍‌ ଆଗୁଇନେ ଅଡାବ ଅଡାବସେ ମିସର୍‌ନା ମଜାଇନାନେ ଇଗା ।

![](https://cdn.door43.org/obs/jpg/360px/obs-en-11-05.jpg)

ଇଶ୍ରାଏଲ୍‌ନା ଗୁଲାଇ ଡିଅନନା କାବାଟ୍‌ବ ବନି ଲାଗାୟ ଡିଗା, କନ୍‌ପାଲାଇ ଈଶ୍‌ପର୍ ଗିତିନ୍ ଡିଅଲେ ଅନ୍‌ତୁର ବେଡ। ଗିତିନ୍‌ ଭିତ୍‌ରେ ଡିକୁନ୍ ରେମଲେ ବାନିଡିଗା। ମେଣ୍ଡାନା ବୋନି ପାଲାଇ ବୁରଗ୍ ଇଡିଗା।

![](https://cdn.door43.org/obs/jpg/360px/obs-en-11-06.jpg)

ମାତର୍ ମିସରିୟଲେ ଈଶ୍‌ପର୍‌ବ ବିସ୍‌ବାସ୍ ଡେଡେମ୍ ଆଡ଼େନ୍‌ତା, ମାରି ମାଇନା କାତା ଆମାନ୍‌ବାର୍ ଆଡ଼େନ୍‌ତା। ଗିତିନ୍ ସା ଈଶ୍‌ପର୍ ମାଏନା ଆଡିଅଲେ ଅନ୍‌ତୁର ବେଡ଼। ଈଶ୍‌ପର୍ ମିସରିୟନା ଆଗ୍‌ତୁ ଜନମ୍ ଡେଙ୍ଗ୍‌କୁନ୍ ଆଗୁଲେ ଅଡାବସୁଁଅ।

![](https://cdn.door43.org/obs/jpg/360px/obs-en-11-07.jpg)

ମିସର୍‌ନା ଗୁଲାଇ ଆଗ୍‌ତୁ ଜନମ୍ ଡେମ୍‌କୁନ୍, ବନ୍ଦିଶାଲ୍‌ ଡିକୁନ୍ ବନ୍‌ଦିରେମ୍‌ନା ଆଗ୍‌ତୁ ଜନମ୍ ଡ଼େମକୁନ୍ ନାନେ ଫାରୋନା ଆଗ୍‌ତୁ ଜନମ୍ ଡ଼େମକୁନ୍ ଜାକ ଅଡ଼ାବ୍‌ଗା। ଜବର୍ ମିସିରିୟ ରେମଲେ ମାଏନା ଜବର୍ କସ୍‌ଟ ପାଲାଇ ଉଗ୍‌ଡେଙ୍ଗା।

![](https://cdn.door43.org/obs/jpg/360px/obs-en-11-08.jpg)

ଗିତିନ୍ ଦିନ୍‌ ମିଣ୍ଡି,ଫାରୋ ଆମୋଶା ମାରି ଆହାରୋଣ ୱାୟ ସେସୁନ, “ଆଇଶ୍ରାଏଲିୟରେମଲେ ରୁଙ୍ଗ୍‌ସେ ଚଟ୍‌ନା ମିସର୍ ନାନେ ତୁର୍ ସେ ୟା।ମିସରିୟ ରେମଲେ ଲନା ଆଇସ୍ରାଏଲ୍ ରେମଲେ ଚଟ୍‌ନା ତୁର୍‌ଇ ପାଲାଇ ଗୁଆର୍‌ଲ।

*ବାଇବଲ୍ ମୁଇ ଉସାରାମ୍ :ଜାତ୍ରା ପୁସ୍ତକ ୧୧:୧୧୨:୩୨*

Audio: https://git.door43.org/OBS-TLF/bfw_obs/releases/download/v1/bfw_obs_v1_11_128kbps.m4a

## 12. ୧୨. ତୁର୍‌ସେ ଇନା

https://openbiblestories.org/l/bfw/story-12/

![](https://cdn.door43.org/obs/jpg/360px/obs-en-12-01.jpg)

ଇସ୍ରାଏଲ୍‌ନା ରେମଲେ ମିସର୍‌ଦେଶ୍ ଅନ୍‌ତୁରସେ ଜବର୍ ସାର୍‌ଦା ଡିଗା। ମାଏଲେ ମାରି ଗତିରେମ ଆଡିତା,ମାରି ମାଏଲେ ପର୍‌ମାନ୍ ଡ଼େମକୁନ୍ ଦେଶ୍‌ବ ଇଡେଙ୍ଗା!

![](https://cdn.door43.org/obs/jpg/360px/obs-en-12-02.jpg)

ସିମିହି ବେଲା, ମୁଇ ମୁନାବାଇ ବାଦଲ୍ ମାରି ମିଣ୍ଡିବ୍ ବେଲା ମୁୟଙ୍ଗ୍ ସୁଅଁଗୁଲା ଡେଙ୍ଗ୍‌ସେ ମାଏନା ଆଗ୍‌ତୁ ଆଗ୍‌ତୁ ଇଡ଼େଙ୍ଗା। ଗିତିନ୍ ବାଦଲ୍ ସୁଁଅବାଦଲ୍ ବ ଡିକୁନ୍ ଈଶ୍‌ପର୍ ଗୁଲାଇ ବେଲା ମାଏନ୍‌ ବେରଙ୍ଗ୍ ଡିଗା,ମାରି ଇବେଲା ଆମାଏ ଆଗ୍‌ତୁ ୱାରୁଙ୍ଗା। ଆମାଏ ମାଇନା ତେଙ୍ଗୁ ତେଙ୍ଗୁ ଇଡେଙ୍ଗା।

![](https://cdn.door43.org/obs/jpg/360px/obs-en-12-03.jpg)

ଇତି ବେଲା ତୁର୍‌ଗୁ, ଫାରୋ ମାରି ମାଇନା ରେମଲେ ମାଏନା ମନ୍ ବଦ୍‌ଲାୟ।ମାଏଲେ ଆଇସ୍ରାଏଲିୟଲେ ମାର୍‌ମୁସ ମାଏନା ଗତିରେମ୍ ଡେଡେମ୍ ପାଲାଇ ମନ୍ ଡେଡେମ୍ ଡେଙ୍ଗା। ଗିତିନ୍‌ସା ମାଏଲେ ଇସ୍ରାଏଲ୍‌ ଗାରି ଇଗା।ଈଶ୍‌ପର୍ ଆକା ମାଏନା ମନ୍ ବଦ୍‌ଲାୟ ଡିଗା। ମାଇ କନ୍ ଡିକନ୍ ପାଲାଇ ଡ଼େମ, ମାସାଡନା ମାଇ ମନ୍ ଡ଼େଡେମ୍‌ ଡେଙ୍ଗା ଜେ ଗୁଲାଇ ରେମ ମାଗେ। ମାଇ, ଯିହୋବା, ଫାରୋ ମାରି ମିସର୍‌ନା ଗୁଲାଇ ଦେବ୍‌ତା ନାନେ ଜବର୍‌ବପୁ ବାଇନା।

![](https://cdn.door43.org/obs/jpg/360px/obs-en-12-04.jpg)

ଉଣ୍ଡୋଇଲ ଇସ୍ରାଏଲିୟଲେ ମିସର୍ ନା ଆସୈନିକ୍‌ଲେ ସାସା ନା ଜୁଲ, ମାଏଲେ ଫାରୋନା ସୈନିକ୍‌ଲେ ଲନା ରଙ୍ଗ୍ କିଣ୍ଡାଗ୍ ମଜାଇ ଗାଇଗିତ୍‌ନେ ଡସେ ମାମାଗ୍ ଗଙ୍ଗା। ମାଏଲେ ଜବର୍ ବୁତୁଙ୍ଗ୍ ସେ ଉଗ୍ ମୁଲାୟ, “ନେ ମାପାଲାଇ ମିସର୍ ଅନ୍‌ତୁର ନେ? ନେ ଗଗୋଇ ପାଲାଇ ଇଗ୍‌ନେନେ!”

![](https://cdn.door43.org/obs/jpg/360px/obs-en-12-05.jpg)

ଗିତିନ୍‌ସା ମୋଶା ଆଇସ୍ରାଏଲିୟରେମଲେ ସୁନ, ଆବୁତୁଙ୍ଗ୍‌ଗା!ଅଇ ଈଶ୍‌ପର୍ ପେନ୍ ପାଲାଇ ଜୁଜ୍ ଡେମ୍‌ତ ମାରି ଆପେ ରକିୟା ଡେମ୍‌ତ”ଗିତିନ୍ ତୁର୍‌ଗୁ ଈଶ୍‌ପର୍ ଆମୋଶା ସୁନ,“ଆକନ୍ ରେମଲେ ରଙ୍ଗ୍ କିଣ୍ଡାଗ୍‌ ଗାରି ଇପାଲାଇ ସୁଁ।”

![](https://cdn.door43.org/obs/jpg/360px/obs-en-12-06.jpg)

କନ୍ ତୁର୍‌ଗୁ ଇସ୍ରାଏଲିୟରେମଲେନ୍ ବ ମାରି ମିସରିୟରେମଲେନ୍ ବ ସାଗା ମାରି ମିଣ୍ଡିନା ସୁଁଅ ଗୁଲା ଡେଙ୍ଗ୍‌ଇଗା। ମିସରିୟରେମଲେ ଗୁଲାଇ ମିଣ୍ଡି ଇସ୍ରାଏଲ୍‌ରେମଲେନ୍ ବ ସାସା ଆଗଙ୍ଗା।

![](https://cdn.door43.org/obs/jpg/360px/obs-en-12-07.jpg)

ଈଶ୍‌ପର୍ ଆମୋଶା କିଣ୍ଡାଗ୍ ବାଗ୍‌ବ ତିତି ଲମାଇବାର୍ ପାଲାଇ ସୁନ। ଆତିନେ ଈଶ୍‌ପର୍ ଉଡିୟାଗ୍ ବେରଙ୍ଗ୍ ଆଡାଗ୍ ଦୁଇ ବାଗ୍ ଡ଼େମବେଡ ମିରିକି କିଣ୍ଡାଗ୍ ବେଡସେ ମୁୟଙ୍ଗ୍ ଗାରି ତିଆର୍ ଡେଡେମ୍ ଗଙ୍ଗ୍ ଡିଗା।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲିୟଲେ ମାଏନା ଉମ୍ବାର୍ ଗାରି ଡାଗ୍ ନା କତି ବେରଙ୍ଗ୍ ଉନ୍‌ସର୍ କୁନ୍ ତୁବୁଗ ବେଡ଼ ସେ କିଣ୍ଡାଗ୍‌ବ ଆକ୍‌ତୁ ଇଗା।

![](https://cdn.door43.org/obs/jpg/360px/obs-en-12-09.jpg)

ଉଣ୍ଡୋଇଲ ମିସରୟରେମଲେ ଇସ୍ରାଏଲିୟନା ଆରେମଲେ ଫିସଲ୍‌ସେ ଇନା ଜୁଲ, ମାଏଲେ ମାରିମୁସ ଇସ୍ରାଏଲିୟ ରେମଲେନା ତୁର୍ ଗୁ ୟଁ ୟଁ ଆରମ୍ ଡ଼େମ।

![](https://cdn.door43.org/obs/jpg/360px/obs-en-12-10.jpg)

ଆତିନେ ମାଏଲେ କିଣ୍ଡାଗ୍ ବେଡସେ ଇସ୍ରାଏଲିୟରେମଲେନା ତେଙ୍ଗୁ ତେଙ୍ଗୁ ଇଗା, ମାତର୍ ଆମିସରିୟଲେ ଅବୁତୁଙ୍ଗ ମାରି ମାଏନା ରଥ ଗୁଲାଇ ଗାଇଗା। ମାଏଲେ ଆଉଲି ଡେଙ୍ଗ୍‌ସେ ସୁନ,” ଉର୍! ଈଶ୍‌ପର୍ ଇସ୍ରାଏଲିୟଲେ ପାଲାଇ ଜୁଜ୍ ଡ଼େମନି।”

![](https://cdn.door43.org/obs/jpg/360px/obs-en-12-11.jpg)

ଗୁଲାଇ ଇସ୍ରାଏଲିୟରେମଲେ କିଣ୍ଡାନା ତଙ୍ଗ୍‌ରେ ପାଟ୍ କେଟ୍‌ଗା। ଗିନ୍‌ ତୁର୍‌ଗୁ ଈଶ୍‌ପର୍ ଆମୋଶା ମାର୍‌ମୁସ ଡାଗ୍ ବାଗ୍‌ବ ତିତି ଲମାଇବାର୍ ସା ସୁନ। ଉଣ୍ଡୋଇଲ ମୋଶା ଗିତିନ୍ ଡ଼େମ, ମିସରିୟନା ସୈନିକ୍‌ଲେନ୍ ବାଗ୍‌ବ ଡାଗ୍ ଲୋଗା ମାରି ଆଗ୍‌ତୁନ୍ ସୁଗ ଡେଙ୍ଗ୍‌ଇଗା। ଗୁଲାଇ ମିସରନା ସୈନିକ୍‌ଲେ ବୁଡସେ ଗୋଇଗା।

![](https://cdn.door43.org/obs/jpg/360px/obs-en-12-12.jpg)

ଉଣ୍ଡୋଇଲ ଇସ୍ରାଏଲିୟରେମଲେ ଜୁଲ ଜେ ମିସରିୟଲେ କିଣ୍ଡାଗ୍ ବ ବୁଡ଼୍‌ସେ ଗୋଇଗିତା, ମାଏଲେ ଈଶ୍‌ପର୍ ବ ବିସ୍‌ବାସ୍‌ ଡ଼େମ। ମାଏଲେ ବିସ୍‌ବାସ୍ ଡେଡେମ୍ ଡେଙ୍ଗା ଜେ ମୋଶା ଈଶ୍‌ପର୍ ନା ମିଣ୍ଡା ବାବବାଦି ଡିଗା।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲିୟରେମଲେ ଲନା ଜବର ସାର୍‌ଦା ଡେଙ୍ଗା ମାସାଡନା ଈଶ୍‌ପର୍ ଆମାଏ ଗଗୋଇ ନାନେ ମାରି ଗତି ପାଇଟି ନାନେ ରକିୟା ଡ଼େମ। ଅଇକା ମାଏଲେ ଈଶ୍‌ପର୍‌ନା ପୁଜା ଡେଡେମ୍ ସା ମାରି ଆମାଇ ମାନ୍‌ବାର୍ ସା ମୁକଲ୍ ସେ ଡିଗା। ଇସ୍ରାଏଲିୟଲେ ମାଏନା ମୁକଲ୍‌କୁନ୍ ଦିନ୍ ମୁକ୍ତିନା ସୁଗ ମାନ୍‌ବାର୍ ପାଲଇ ମାରି ଆଈଶ୍‌ପର୍ ସାର୍‌ଦା ଡେଡେମ୍ ପାଲାଇ ଜବର୍ ସିନେର୍ ସେର ମାସାଡନା ମାଇ ଆମାଏ ମିସର୍‌ନା ସୈନିକ୍‌ଲେ ନାନେ ରକିୟା ଡ଼େମଡିଗା।

![](https://cdn.door43.org/obs/jpg/360px/obs-en-12-14.jpg)

ଈଶ୍‌ପର୍ ଆଇସ୍ରାଏଲିୟଲେ ଗୁଲାଇ ବରସ୍‌ ମୁଇ ପରବ୍ ପାଲ୍‌ବାର୍ ସା ଆଦେଶ୍‌ ବେଡ। ଈଶ୍‌ପର୍ ମିରି ଆମାଏଲେ ମାଏନ୍ ଶତ୍‌ରୁ ମିସରିୟଲେନ୍ ଆରାୟ ମାରି ଗତିନାନେ ମୁକ୍‌ଲାୟ। ଆକନ୍ ପରବ୍ ନିସ୍ତାର୍ ପରବ୍ ଡସେ ସୁନ୍‌ତ। ଆକନ୍ ପରବ୍ ପାଲ୍‌ବାର୍ ପାଲାଇ ମୁଇ ବାନିବାଇ ମେଣ୍ଡା ସେବସେ,ଆକନ୍ ସୁରସେ,ମାରି ସଡ଼ା ମପାକାକୁନ୍ ରୁଟି ବେରଙ୍ଗ ସୁସୁମ୍ ଡିଗା।

*ବାଇବଲ୍‌ନା ମୁଇ ଉସାରାମ୍ :ଜାତ୍ରା ପୁସ୍ତକ :୧୨:୩୩-୨୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_12_128kbps.m4a

## 13. ୧୩. ଈଶ୍‌ପର୍ ଇଶ୍ରାଏଲ୍ ବେରଙ୍ଗ୍ ନିୟମ୍ ଡ଼େମ

https://openbiblestories.org/l/bfw/story-13/

![](https://cdn.door43.org/obs/jpg/360px/obs-en-13-01.jpg)

ଆଇସ୍ରାଏଲିୟ ରେମଲେ ରଙ୍ଗ୍ କିଣ୍ଡାଗ୍‌ ବେଡସେ ଇକୁନ୍‌ ତୁର୍‌ଗୁ, ଈଶ୍‌ପର୍ ଆମାଏଲେ ମରୁଭୁମି ବେଡସେ ସିନୟ କୁଣ୍ଡା ବ ୱାରୁଙ୍ଗା। କନ୍ ଗିତିନ୍ କୁଣ୍ଡାଡିଗା ଆରିକି ମୋଶା ସୁଁଙ୍ଗ ଡକୁନ୍ ସେମୁ ଜୁଲଡିଗା। ମାଏଲେ ଗିତିନ୍‌ କୁଣ୍ଡା ଜଗ୍‌ତ ମାଏନା ଚାମ୍‌ଡ଼ା ଅରେଙ୍ଗ।

![](https://cdn.door43.org/obs/jpg/360px/obs-en-13-02.jpg)

ଈଶ୍‌ପର୍ ଆମୋଶା ମାରି ଇସ୍ରାଏଲ୍‌ନା ଆଗୁଲାଇରେମ ସୁନ, ପେ ଗୁଲାଇ୍ ବେଲା ନିଙ୍ଗ୍‌ନା କାତା ମାନ୍‌ତପେ, ମାରି ଆର୍‌ନା ନିୟମ୍ ପେନ୍‌ ବେରଙ୍ଗ୍ ଡେମୋ ନିନିଙ୍ଗ୍ ଗିତିନ ମାନ୍‌ତପେ। ଜଦି ପେ କନା ଡେମ୍‌ତ ପେ, ଗୁଲାଇରେମ ନାନେ ପେ ନିଙ୍ଗ୍ ନା ତରୋଇନା ଦନ୍ ଦଲତ୍‌ ଡେନ୍‌ତ୍‌ପେ, ପୁଜାରିଲେନା କୁଲ୍, ମାରି ମୁୟଙ୍ଗ୍ ପବିତର୍ ଜାତି ଡ଼େନ୍‌ତା।

![](https://cdn.door43.org/obs/jpg/360px/obs-en-13-03.jpg)

ତିନ୍ ଦିନ୍ ଜାକ ରେମଲେ ଈଶ୍‌ପର୍ ବ ସାସା ପାଲାଇ ଆତରୋଇ ତିଆର୍ ଡ଼େମ। ଗିତିନ୍ ତୁର୍‌ଗୁ ଈଶ୍‌ପର୍ ସିନୟ କୁଣ୍ଡାନାଟିପେ ନାନେ ଜରସାଗା। ଉଣ୍ଡୋଇଲ ମାଇ ସାଗା, ଆର ଗଡ଼୍‌ଗଡ଼ି, ବିଜ୍‌ଲି, ମଗ୍‌ସିଙ୍ଗ୍ ମାରି ପିନେନା ଶବଦ୍ ଡେଙ୍ଗା। ତୁର୍‌ଗୁ ମୋଶା ନିଜେ କୁଣ୍ଡା ବାଗ୍‌ବ ଇଗା।

![](https://cdn.door43.org/obs/jpg/360px/obs-en-13-04.jpg)

ମାଇନା ତୁର୍‌ଗୁ ଈଶ୍‌ପର୍ ରେମଲେ ବେରଙ୍ଗ୍ ମୁୟଙ୍ଗ୍ ନିୟମ୍ ଡ଼େମ। ମାଇ ସୁନ,“ ନିଙ୍ଗ୍ ପେନା ଈଶ୍‌ପର୍ ଜିହୋବା। କନା ନିଙ୍ଗ୍ ଜା ଆପେ ମିସର୍‌ନା ଗତିଦାଙ୍ଗ୍‌ଡା ନାନେ ରକିୟ ଡ଼େମନିଙ୍ଗ୍। ପାଲ୍ ଆଜାସା ଆଦେବ୍‌ତାଲେ ପୁଜା ଆଡ଼େମ।”

![](https://cdn.door43.org/obs/jpg/360px/obs-en-13-05.jpg)

“ ମାସା ମୁର୍‌ତି ତିଆର୍ ଆଡେମ୍ ତପେ ମାରି ମାଏନା ପୁଜା ଆଡେମ୍ ତପେ, ମାସାଡନା ନିଙ୍ଗ୍, ପେନା ମୁୟଙ୍ଗ୍ ଆକା ଈଶ୍‌ପର୍ ଯିହୋବା। ନିଙ୍ଗ୍ ନା ଅମି ମିସ୍‌ସା ଆସବ। ପୁଣ୍ଡ୍‌ବାର୍‌ନା ଦିନ୍ ବାନି ସୁଗ ପାଲନ୍ ଡେମ୍, ପାଲ୍ ଶବଦ୍ ନାନେ ସୁନ, ପେନ୍ ଗୁଲାଇ୍ ପାଇଟି ଛଦିନ୍ ବ ଡେମ୍, ମାସାଡନା ସାତ୍ ଦିନ୍‌ବ ପୁଣ୍ଡ୍ ବାର୍‌ନା ଦିନ୍ ମାରି ଆନିଙ୍ଗ୍ ଏତାଇବାର୍‌ନା ଦିନ୍।

![](https://cdn.door43.org/obs/jpg/360px/obs-en-13-06.jpg)

ଆନନ୍ ବା, ୟଙ୍ଗ ଆଲାଦ୍‌ ଡେମ୍। ରେମ ଆଅଡାବ। ଦାରେଲା ପାଇଟି ଆଡ଼େମ। ଚର୍ ଆଡ଼େମ। ପେ ପେନ୍ କଣ୍ଡେ ଡିକୁନ୍ ରେମଲେନା ଆକୁନି,କି ଡିଅ ମାରି ମାସା ଆଜିନିଷ୍ ଲବ୍ ଲାଲାଇ ଆଡେଙ୍ଗା।

![](https://cdn.door43.org/obs/jpg/360px/obs-en-13-07.jpg)

ଇଶ୍‌ପର୍‌ ବେଡ଼ କୁନ୍ ଗୁଲାଇ ନିୟମ୍ ରେମଲେ ମାନ୍‌ବାର୍ ପାଲାଇ ରାଜି ଡେଙ୍ଗା। ମାଏଲେ ଈଶ୍‌ପର୍ ନା ଆକା ପୁଜା ଡେଡେମ୍ ପାଲାଇ ମନ୍‌ ଡ଼େମ।

![](https://cdn.door43.org/obs/jpg/360px/obs-en-13-08.jpg)

ଈଶ୍‌ପର୍ ଆଇସ୍ରାଏଲ ନା ରେମଲେ ମୁୟଙ୍ଗ୍ ମୁନାବାଈ କୁଡିୟା ତିଆର୍ ଡେଡେମ୍ ପାଲାଇ ସୁନ, କନା ମିଶ୍ ବାର୍ କୁଡ଼ିଆ। କନ୍ କୁଡିୟା ମିରି ତିଆର୍ ଡ଼େନ୍‌ତା, ଆର ମିର୍ ବାଇ ଜିନିସ୍‌ଲେ ବୁଙ୍ଗ୍‌ତ ମାଇ ଆମାଏ ବାନି ଡ଼େମ ସୁନଡିଗା। ଆକୁଡିୟା ଉମ୍ବାର୍ ଆବାକ୍‌ରା ବାଗ୍ ଡେଡେମ୍ ପାଲାଇ ମାଇ ମୁଇ ମୁନାବାଇ ପାର୍‌ଦା ତିଆର୍ ଡେଡେମ୍ ପାଲାଇ ସୁନଡିଗା। ଈଶ୍‌ପର୍ ଗିତିନ୍ ପାର୍‌ଦାନା ଗୁଡାଙ୍ଗ୍ ଗାରି ଡିକୁନ୍ ବାକ୍‌ରାବ ସାଗ୍‌ସେ ଆର ଡିଗା। ଆରିକି ଈଶ୍‌ପର୍ ଡିଗା ଗିତିନ୍ ବାକ୍‌ରାବ ଇଇନା ଆଦେଶ୍ ଆମୁନା ପୁଜାରିବ ଡିଗା।

![](https://cdn.door43.org/obs/jpg/360px/obs-en-13-09.jpg)

ରେମଲେ ମିସ୍‌ବାର୍‌ନା କୁଡିୟା ଆକ୍‌ତୁ ମୁଇ ବେଦି ଅରେଙ୍ଗ୍‌ବାର ଡିଗା। ଯଦି ଆର୍‌ନା ରେମ ଈଶ୍‌ପର୍ ନା ନିୟମ୍ ଆମାନ୍‌ତ ମାଇ ଗିତିନ୍‌ ବେଦିବ ମୁଇ ଜନ୍ତୁ ରୁଙ୍ଗ୍‌ତ। ଗିତିନ୍‌ ତୁର୍‌ଗୁ ପୁଜାରି ଅଡାବ୍‌ତ ମାରି ବେଦି ବାଗ୍‌ବ ଈଶ୍‌ପର୍ ପାଲାଇ ସେବକୁନ୍ ସୁଗ ଆମାଇ ଅଗେପ୍‌ତ। ଈଶ୍‌ପର୍ ସୁନ କି, ଗିତିନ୍ ଜନ୍ତୁନା ବନି ଗିତିନ୍‌ ରେମନା ପାପ୍ ଗୁଡ୍‌ୟାଗ୍‌ତ। ଡ଼ିକନ୍ ସୁଗ, ଈଶ୍‌ପର୍ ଆଗିତିନ୍‌ ପାପ୍ ମାରି ମନେ ଆବୁଙ୍ଗ୍‌ତ। ଗିତିନ୍ ରେମ ଈଶ୍‌ପର୍‌ନା ସାର୍‌ମବ ଗୁଡିୟାଗ୍‌ତା, ଈଶ୍‌ପର୍ ମୋଶାନା ବିୟାଙ୍ଗ୍ ଆହାରଣ ମାରି ହାରଣନା ଆକୁଲ୍‌ରେମଲେ ମାଏନା ପୁଜାରି ସୁଗ ବାଚ୍‌ଲ।

![](https://cdn.door43.org/obs/jpg/360px/obs-en-13-10.jpg)

ମାଇନା ତୁର୍‌ଗୁ ଈଶ୍‌ପର୍ କନ୍ ଦଶ୍‌ଟା ଆଦେଶ୍‌ ଉମ୍ବାର୍ ପାଟା ବାଇ ବିରେବ ଲେକ୍‌ଲସେ ଆମୋଶା ବେଡ଼। ଈଶ୍‌ପର୍ ଆରେମଲେ ମାନ୍‌ବାର୍ ପାଲାଇ ଜବର୍ ଆଦେଶ୍ ମାରି ନିୟମ୍‌ଲେ ବେଡ଼। ଯଦି ରେମଲେ ଈଶ୍‌ପର୍ ବେଡ଼ କୁନ୍ ଆଦେଶ୍‌ଲେ ମାନ୍‌ତା ଡନା ଈଶ୍‌ପର୍ ଆମାଏଲେ ଆଶିରବାଦ୍ ମାରି ରକିଆ ଡ଼େଡ଼େମ୍‌ନା ପର୍‌ମାନ୍ ଡ଼େମ। ମାତର୍ ମାଇ ସୁନତା ଜେ ମାଏ ଜଦି କନ୍ ଆମାନ୍‌ତ ଗିତିନ୍ ଲୋ ମାଇ ଆମାଏ ଡଣ୍ଡ୍ ବେତ।

![](https://cdn.door43.org/obs/jpg/360px/obs-en-13-11.jpg)

ଜବର୍ ଦିନ୍ ଜାକ ମୋଶା ଚାଇନା କୁଣ୍ଡା ବାଗ୍‌ବ ଡିଗା। ମାଇ ଈଶ୍‌ପର୍ ବେରଙ୍ଗ୍ ଅଁଅୟ ଡେଙ୍ଗା। ମାତର୍ ରେମଲେ ମାଇ ଲେଉଟ୍ ସାସାଗ୍‌ନା ଜାଗ୍‌ଲ ଜାଗ୍‌ଲସେ ଲାକାର୍ ଇଗା। ଆତିନେ ମାଏ ସୁନାଲେ ହାରୋଣବ ରୁଙ୍ଗସେ ମୁୟଙ୍ଗ୍ ମୁର୍‌ତି ଅରେଙ୍ଗ୍ ବାର୍ ପାଲାଇ ସୁନ, ମୁୟଙ୍ଗ ମୁର୍‌ତି ତିଆର୍ ଡେମ୍ ମିରିକି ମାଏଲେ ଆମାଇ ଈଶ୍‌ପର୍ ବାଦୁଲ୍ ପୁଜା ଡେମ୍‌ତ। ଡିକନ ସୁଗ ମାଏଲେ ଈଶ୍‌ପର୍ ବିରଦ୍‌ବ ମୁନା ପାପ୍ ଡ଼େମ।

![](https://cdn.door43.org/obs/jpg/360px/obs-en-13-12.jpg)

ହାରୋଣ ଡାଉବାୟ୍‌ ଅଁଅ ଗୋଇନା ମୁଇ ମୁର୍‌ତି ତିଆର୍ ଡ଼େମ। ମାଏଲେ ଆତିନ୍ ମୁର୍‌ତି ପୁଜା ଡେଡେମ୍ ପାଲାଇ ମୁଲାୟ, ମାରି ସେବସେ ବେଡ଼! ମାଏନ୍ ପାପ୍ ପାଲାଇ ଈଶ୍‌ପର୍ ମାଏନ୍ ବାଗ୍‌ବ ଜବର୍ କିଜ୍‌ରା ଡେଙ୍ଗା। ଈଶ୍‌ପର୍ ଆମାଏ ବୁଡାଇବାର୍ ସା ମନ୍ ଡ଼େମ। ମାତର୍ ମୋଶା ଆଈଶ୍‌ପର୍ ପାର୍‌ତନା ଡ଼େମ ମାରି ଗୁଆର୍‌ଲ ଜେ ଆମାଏ ଆଅଡାବ। ଈଶ୍‌ପର୍ ମାଇନା ପାର୍‌ତନା ଅଁଙ୍ଗ ମାରି ଆମାଏ ଆ ଅଡାବ୍‌ତ।

![](https://cdn.door43.org/obs/jpg/360px/obs-en-13-13.jpg)

ଉଣ୍ଡୋଇଲ ମୋଶା ଚାଇନା କୁଣ୍ଡା ନାନେ ଜର୍‌ଗା, ମାଇ ଉମ୍ବାର୍ ପାଟାବିରେ ସଗ୍‌ଡିଗା ଆରିକି ଈଶ୍‌ପର୍‌ନା ଦଶ୍‌ଟା ଆଦେଶ୍‌ ଲେକ୍‌ଲ ଡିଗା। କନ୍ ତୁର୍‌ଗୁ ମୋଶା ଆତିନ୍ ମୁର୍‌ତି ଜୁଲସେ ଅକନ୍ କିଜ୍‌ରା ଡେଙ୍ଗା ଜେ ମାଇ ଆତିନ୍ ପାଟାବିରେଲେ ପୁରୁଗ ସୁଁଙ୍ଗ।

![](https://cdn.door43.org/obs/jpg/360px/obs-en-13-14.jpg)

ଗିତିନ୍‌ ତୁର୍‌ଗୁ ମୋଶା ଆମୁର୍‌ତି ଅଗେବ ମାରି ଗୁଣ୍ଡ୍ ଗୁଣ୍ଡା ଡ଼େମ। ମାଇ ଡାଗ୍ ବେରଙ୍ଗ୍ ମିସାୟସେ ଆତିନ୍‌ ଡ଼ାଗ୍ ଆମାଏ ଅଉଡ଼। ଈଶ୍‌ପର୍ ଗିତିନ୍ ରେମଲେନ୍‌ ବାଗ୍‌ବ ରୋଗ୍‌ ବେଟାୟ ମାରି ମାଏଲେନ୍‌ ନାନେ ଜବର୍ ରେମ ଗୋଇଗା।

![](https://cdn.door43.org/obs/jpg/360px/obs-en-13-15.jpg)

ମୋଶା ପୁରୁଗ କୁନ୍‌ ପାଟାବିରେଲେ ବାଦ୍‌ଲାଇ ବାର୍‌ସା ମାଇ ଦଶ୍‌ଟା ଆଦେସ୍‌ନା ତିମେ ବିରେ ପାଟା ତିଆର୍ ଡ଼େମ। ମାଇନା ତୁର୍‌ଗୁ ମାଇ ମାର୍‌ମୁସ କୁଣ୍ଡା ବାଗ୍‌ବ ଡାଇଗା, ମାରି ରେମଲେନ୍ ପାପ୍ କେମା ପାଲାଇ ପାର୍‌ତନା ଡ଼େମ। ଈଶ୍‌ପର୍ ମୋଶାନା ପାର୍‌ତନା ଅଙ୍ଗ ମାରି ଆମାଏ କେମା ଡ଼େମ। ମୋଶା ତିମେବାଇ ପାଟା ବିରେବ ଦଶ୍‌ଟା ଆଦେଶ୍ ରୁଙ୍ଗ୍‌ସେ କୁଣ୍ଡା ନାନେ ଜର୍‌ଗା।ଗିତିନ୍ ତୁର୍‌ଗୁ ଈଶ୍‌ପର୍ ଆଇସ୍ରାଏଲିୟ ରେମଲେ ସିନୟ କୁଣ୍ଡା ନାନେ ପର୍‌ମାନ୍ ଡ଼େମକୁନ୍ ଦେଶ୍‌ବ ରୁଙ୍ଗୋଇଗା।

*ବାଇବଲ୍‌ନା ଉସାରାମ୍ :ଜାତ୍ରା ପୁସ୍ତକ ୧୯-୩୪*

Audio: https://git.door43.org/OBS-TLF/bfw_obs/releases/download/v1/bfw_obs_v1_13_128kbps.m4a

## 14. ୧୪. ମରୁଭୁମି ବ ବୁଲ୍‌ଲନି

https://openbiblestories.org/l/bfw/story-14/

![](https://cdn.door43.org/obs/jpg/360px/obs-en-14-01.jpg)

ଈଶ୍‌ପର୍ ଆଇସ୍ରାଏଲି ରେମଲେ ଗୁଲାଇ ଆଦେଶ୍ ଆର୍‌ନା କି ମାଏଲେ ମାନ୍‌ବାର୍ ଡ଼େଙ୍ଗା, ଗିତିନ୍ ଆଦେଶ୍ ବେଡ଼ସେ ଅଡ଼ମ, ମାସାଡନା ମାଇ ମାଏଲେ ବେରଙ୍ଗ୍ ନିୟମ୍ ଡ଼େମ। ମାଇନା ତୁର୍‌ଗୁ ମାଇ ଆମାଏଲେ ସିନୟ କୁଣ୍ଡାନାନେ ଆଗ୍‌ତୁ ୱାରୁଙ୍ଗା। ମାଇ ଅମାଏଲେ ପର୍‌ମାନ୍ ଡ଼େମକୁନ୍ ଦେଶ୍‌ବ ରୁରୁଙ୍ଗ୍ ପାଲାଇ ମନ୍ ଡେଡେମ୍ ଡେଙ୍ଗା। ଈଶ୍‌ପର୍ ବାଦଲଗୁଲା ନାନେ ମାଏନ୍ ଆଗ୍‌ତୁ ଆଗ୍‌ତୁ ଇଗା, ମାରି ମାଏଲେ ମାଏନା ତେଙ୍ଗୁ ତେଙ୍ଗୁ ଇଗା।

![](https://cdn.door43.org/obs/jpg/360px/obs-en-14-02.jpg)

ଈଶ୍‌ପର୍ ଆଅବ୍ରାହାମ୍, ଇସାକ୍ ମାରି ଆଜାକୁବ ପର୍‌ମାନ୍ ଡ଼େମଡିଗା ଜେ ମାଇ ଆମାଏନ୍ କୁଲ୍‌ରେମ୍‌ଲେ ପର୍‌ମାନ୍ ଡ଼େମକୁନ୍ ଦେଶ୍ ବେତ। ମାତର୍ ଅଇକା ଆର ଜବର୍ ରେମଲେନ୍ କୁଲ୍‌ ବାସା ଡିକୁ ଡେଙ୍ଗା। ଆମାଏଲେ କିଣାନିୟ ଡ଼ସେ ସୁଁସୁ ଡେଙ୍ଗା। କିଣାନିୟ ରେମଲେ ଈଶ୍‌ପର୍‌ନା ପୁଜା ଡେଡେମ୍ ଆଡ଼େନ୍‌ତା ମାରି ମାନ୍‌ବାର୍ ଆଡ଼େନ୍‌ତା। ମାଏ ଆମିଚ୍‌ ଦେବ୍‌ତାଲେ ପୁଜା ଡ଼େମ ମାରି ଜବର୍ କାରାପ୍ କାମ୍ ଲେ ଡ଼େମ।

![](https://cdn.door43.org/obs/jpg/360px/obs-en-14-03.jpg)

ଈଶ୍‌ପର୍ ଆଇସ୍ରାଏଲିୟ ରେମଲେ ସୁନ, “ପେ ପର୍‌ମାନ୍ ଡ଼େମକୁନ୍ ଦେଶ୍‌ବ ଇକୁନ୍ ତୁର୍‌ଗୁ, ପେଲେ ଗୁଲାଇ ଆକିଣାନୀୟ ରେମଲେ ଗିତିନ୍ ଦେଶ୍ ନାନେ ୟନ ଅତୁର ବେତପେ। ମାଏଲେ ବେରଙ୍ଗ୍ ଶାନ୍ତି ଆଅରେଙ୍ଗ ମାରି ଆମାଏଲେ ବିବା ଆଡେଙ୍ଗା। ପେ ମାଏନା ଗୁଲାଇ ମୁର୍‌ତି ପୁରାପୁରି ନସାସୁଙ୍ଗ୍। ପେ ଯଦି ନିଙ୍ଗ୍‌ନା କାତା ଆମାନ୍ ଲନା, ପେ ନିଙ୍ଗ୍‌ନା ବାଦୁଲ୍ ମାଏନ୍ ମୁର୍‌ତି ପୁଜା ଡ଼େମସେ ବୁଡ଼୍ ଇତ୍‌ପେ।”

![](https://cdn.door43.org/obs/jpg/360px/obs-en-14-04.jpg)

ଉଣ୍ଡୋୟଲ ଇସ୍ରାଏଲ୍‌ନା ରେମଲେ କିଣାନ୍ ଦେଶ୍‌ନା ପାଟ୍‌ବ କେଟ୍‌ଗା, ମୋଶା ଇସ୍ରାଏଲନା ଗୁଲାଇ କୁଲ୍ ନାନେ ମୁଇ ମୁଇ ଡ଼େମସେ ବାର୍‌ଟା ଆ ଇଁଙ୍ଗେର୍‌ ରେମ୍‌ ବାଚ୍‌ଲ। ମାଏ ଆଗିତିନ୍ ରେମଲେ ଗିତିନ୍ ଦେଶ୍‌ବ ଇପାଲାଇ ମାରି ଗିତିନ୍ ଦେଶ୍ ମିରି ସୁଗ ତିପାଗ୍ ସେ ଜୁତ ଗଙ୍ଗ୍‌ତା ଗିତିନ୍‌ ପାଲାଇ ଆଦେଶ୍ ବେଡ଼। କିଣାନୀୟ ରେମଲେ ଦୁର୍‌ବଲ୍ କି ବପୁବାୟ୍ ରେମ ଗିତିନ୍ ଲନା ମାଏ ତିପାଗ୍ ସେ ଜୁଜୁ ଡ଼େଙ୍ଗା।

![](https://cdn.door43.org/obs/jpg/360px/obs-en-14-05.jpg)

ଗିତିନ୍ ବାର୍‌ଟା ରେମ କିଣାନ୍ ବ ଚାଲିଶ୍ ଦିନ୍‌ନା ଗାରି ଉରିଙ୍ଗ ମାରି ମାଏ ଲେଉଟ୍‌ସେ ସାଗା, ମାଏ ଆରେମଲେ ସୁନ, “ଲିଙ୍ଗ୍ ଜବର୍ କତ୍ ବାଇ ମାରି ଜବର୍ ତାସ୍ !” ମାତର୍ ଦଶ୍‌ଟା ତିପାକୁନ୍ ଚର୍‌ଲେ ସାସେ ସୁନ,“ ଗିତିନ୍ ସହର୍ ନା ରେମଲେ ଜବର୍ ବପୁବାଇ ମାରି ରାକସ୍‌ଲେ ସୁଗ! ନାଇ ଜଦି ମାଏନ୍ ବାଗ୍‌ବ ଜୁଦ୍ ଡେମ୍‌ନାଇ ଡ଼ିତିନ୍‌ଲ ମାଏ ସତେସା ଆନାଇ ଆରାଇତ ମାରି ଅଡାବ ସୁଙ୍ଗ୍‌ତ।”

![](https://cdn.door43.org/obs/jpg/360px/obs-en-14-06.jpg)

ଚଟ୍‌ନା, କାଲେବ୍ ମାରି ଯିହୋଶୁୟ ପାଲ୍ ତିପାକୁନ୍ ଆଚର୍‌ଲେ, ସୁନ, “କନ୍ ସତ୍ ଜେ କିଣାନ୍ ନା ରେମଲେ ଡେଙ୍ଗ୍ ମାରି ଜବର୍ ବପୁ,ମାତର୍ ସତୟ ନେ ଆମାଏ ଆରାଇ ତନେ! ଈଶ୍‌ପର୍‌ନାଇନ୍‌ ପାଲାଇ ଜୁଜ୍ ଡେମ୍‌ତ!”

![](https://cdn.door43.org/obs/jpg/360px/obs-en-14-07.jpg)

ମାତର୍ ରେମଲେ କାଲେବ୍ ମାରି ଯିହୋଶୁୟ ନା କାତା ଆଅଁଙ୍ଗ୍‌ତ। ମାଏଲେ ମୋଶା ମାରି ହାରୋଣ ବାଗ୍‌ବ କିଜ୍‌ରା ଡେଙ୍ଗ୍‌ସେ ସୁନ, “ପେ ମାପାଲାଇ ଆନେ ଅକନ୍ ମୁନା କସ୍‌ଟବାଇ ଟାନ୍‌ବ ରୁଁଅପେ? ନେଲେ ମିସର୍‌ବ ଡିକୁନା ବାନି ଡିଗା। ନେଲେ ଜଦି ଗିତିନ୍ ଦେଶ୍‌ବ ଇତ୍‌ନାଇ ଗିତିନ୍‌ଲ ନାଇଲେ ଯୁଜ୍‌ବ ଗୋଇତ୍‌ନାଇ, ମାରି କିଣାନିୟନା ରେମଲେ ଆନାଇନ୍ କୁନିଲେ ମାରି ଆଗୁଲାଇନ ଗତିରେମ୍ ଡେମ୍‌ତ।”ଗିତିନ୍‌ସା ରେମଲେ ମିସର୍‌ନାନେ ୱାରୁରୁଙ୍ଗ୍ ପାଲାଇ ପାଲ୍‌ମୁଇ ନେତା ବାଚ୍‌ବାର୍‌ସା ମନ୍‌ଡେଡେମ୍ ଡ଼େଙ୍ଗା। ଉଣ୍ଡୋଇଲୋ ଗିତିନ୍ ରେମଲେ କନା ସୁନ, ଈଶ୍‌ପର୍ ଜବର୍ କିଜ୍‌ରା ଡେଙ୍ଗା। ମାଇ ଅଅଁୟ୍‌ନା କୁଡିଆବ ସାଗ୍‌ସେ ସୁନ, “ ପେ ନିଙ୍ଗ୍‌ନା ବିରୁଦ୍‌ବ କିର ଡ଼େଙ୍ଗ୍‌ ପେନି, ଗିନ୍‌ସା ଆପେ ଗୁଲାଇରେମ ମୁରୁଭୁମିବ ଗାରି ବାନାଗ୍‌ସେ ଡିତ୍‌ପେ। ୨୦ ବରଷ୍‌ ଆନ୍‌ଲ ମାଇ ନାନେ ଜବର୍ ବରଷ୍ ଗୁଲାଇରେମ ଆର ଗଇତ୍‌ପେ, ମାରି ନିଙ୍ଗ୍ ବେବେନା ପର୍‌ମାନ୍ ନା ଦେଶ୍‌ବ ଉଣ୍ଡୋଇସା ଆଗାଇତ୍‌ପେ। କାଲେବ୍ ମାରି ଯିହୋଶୁୟ ଆର ଗାଇତା।

![](https://cdn.door43.org/obs/jpg/360px/obs-en-14-08.jpg)

ଉଣ୍ଡୋଇଲୋ ଗିତିନ୍ ରେମଲେ କନା ସୁନ, ଈଶ୍‌ପର୍ ଜବର୍ କିଜ୍‌ରା ଡେଙ୍ଗା। ମାଇ ଅଅଁୟ୍‌ନା କୁଡିଆବ ସାଗ୍‌ସେ ସୁନ, “ ପେ ନିଙ୍ଗ୍‌ନା ବିରୁଦ୍‌ବ କିର ଡ଼େଙ୍ଗ୍‌ ପେନି, ଗିନ୍‌ସା ଆପେ ଗୁଲାଇରେମ ମୁରୁଭୁମିବ ଗାରି ବାନାଗ୍‌ସେ ଡିତ୍‌ପେ। ୨୦ ବରଷ୍‌ ଆନ୍‌ଲ ମାଇ ନାନେ ଜବର୍ ବରଷ୍ ଗୁଲାଇରେମ ଆର ଗଇତ୍‌ପେ, ମାରି ନିଙ୍ଗ୍ ବେବେନା ପର୍‌ମାନ୍ ନା ଦେଶ୍‌ବ ଉଣ୍ଡୋଇସା ଆଗାଇତ୍‌ପେ। କାଲେବ୍ ମାରି ଯିହୋଶୁୟ ଆର ଗାଇତା।

![](https://cdn.door43.org/obs/jpg/360px/obs-en-14-09.jpg)

ଉଣ୍ଡୋଇଲ ରେମଲେ ଈଶ୍‌ପର୍‌ନା କାତା ଅଁଙ୍ଗ, ମାଏଲେ ଦୁକ୍ ଡେଙ୍ଗା ମାସାଡନା ମାଏଲେ ପାପ୍ ଡ଼େମଡିଗା। ଗିତିନ୍‌ସା ମାଏଲେ କିଣାନିୟନା ଆରେମଲେ ବୁନୁଗ୍‌ବାର୍ ପାଲାଇ ମନ୍ ଡ଼େମ, ମାତର୍ ମୋଶା ଆମାଏ ଆଇସା ଚେତାୟ ବେଡ଼, ମାସାଡନା ଈଶ୍‌ପର୍ ମାଏନ୍ ବେରଙ୍ଗ୍ ଆଇତା, ମାତର୍‌ ମାଏଲେ ମାଇନା କାତା ଆଅଁଙ୍ଗ୍‌ତ।

![](https://cdn.door43.org/obs/jpg/360px/obs-en-14-10.jpg)

କନ୍ ଜୁଜ୍‌ବ ଈଶ୍‌ପର୍ ମାଏ ବେରଙ୍ଗ୍ ଆଇତା, ଗିତିନ୍‌ସା କିଣାନିୟଲେ ଆମାଏ ଆରାୟସେ ମାଏଲେନ୍‌ ନାନେ ଆଜବର୍ ରେମ ଅଡାବ ସୁଙ୍ଗ। ମାଇନା ତୁର୍‌ଗୁ ଇସ୍ରାଏଲିୟ ରେମଲେ କିଣାନ୍‌ନାନେ ଲେଉଟ୍‌ସାଗା। ସାସାନ୍ ଚାଲିଶ୍ ବରଷ୍ ଜାକ ମାଏଲେ ମରୁଭୁମିବ ଅତକ୍ ତଙ୍ଗ୍‌ରେ ବୁଲ୍‌ଲ।

![](https://cdn.door43.org/obs/jpg/360px/obs-en-14-11.jpg)

ଇସ୍ରାଏଲିୟ ରେମଲେ ଚାଲିଶ୍ ବରଶ୍ ମରୁଭୁମିବ ବୁଲ୍‌ବାର୍ ବେଲା, ଈଶ୍‌ପର୍ ଆମାଏ ଦରକାର୍ ବେବେନା ଟାନ୍‌ୟବେଡ଼। ମାଇ ଆମାଏ ସରଗ୍ ନାନେ ‘ରୁଟି ବେଡ଼ “ଜାନା ଅମି ମାନ୍ନା। ମାଇଲନା ମାଏନ୍ ଚାମ୍‌ଡାବ ଆଗୁଣ୍ଡ୍‌ରି ପିଲେ ବେଟାୟ, ମିରିକି ମାଏଲେ ସେଲି ସୁସୁଙ୍ଗ୍ ଗଙ୍ଗ୍‌ତା। ଗିତିନ୍ ଗୁଲାଇ ବେଲା, ଈଶ୍‌ପର୍ ମାଏନା ସକା ମାରି ପାଣ୍ଡୋଇ ପାଟ୍‌ବାର୍ ସା ଆବେତ।

![](https://cdn.door43.org/obs/jpg/360px/obs-en-14-12.jpg)

ଈଶ୍‌ପର୍ ମାଏନା ଉ ପାଲାଇ ଡାଗ୍ ରାଗ୍‌ତିକ୍ କୁନ୍ ସୁଗ ବିରେନାନେ ଅତୁର। କନ୍ ଗୁଲାଇ ଡ଼େମକୁନ୍ ତୁର୍‌ଗୁ ଲନ ଇସ୍ରାଏଲନା ରେମଲେ ଈଶ୍‌ପର୍ ନା ବିରୋଦ ମାରି ମୋଶାନା ବିରୋଦ୍‌ ସୁନ, ମାରି ରିପଟ୍ ଡ଼େମ। ଅଇତିନ୍ ବେଲା ଈଶ୍‌ପର୍ ବିସ୍‌ବାସ୍ ବ ଡିଗା, ମାରି ମାଇ ଆର୍‌ନା ଅବ୍ରାହମ୍, ଈଶାକ ମାରି ଜାକୁବ୍‌ନା ଆକୁଲ ରେମଲେ ପାଲାଇ ପର୍‌ମାନ୍ ଡ଼େମଡ଼ିଗା ଗିତିନ୍ ଡ଼େମ।

![](https://cdn.door43.org/obs/jpg/360px/obs-en-14-13.jpg)

ପାଲ୍‌ ବେଲା ଉଣ୍ଡୋୟଲ ରେମଲେ ପାଲାଇ ଡାଗ୍ ଆଡିତା। ଈଶ୍‌ପର୍ ଆମୋଶା ସୁନ,“ଆବିରେ ସୁଁ ମାରି ଆତିନେ ଡାଗ୍ ତୁର୍‌ସାତା।” ମାଇନା ବାଦୁଲ୍ ମୋଶା ଆବିରେ ଦୁଇତର୍ ଡାଙ୍ଗ୍ ବେରଙ୍ଗ୍ ବୁଗ। ଡ଼ିକନ୍ ସୁଗ, ଆଈଶ୍‌ପର୍ ଆମାନ୍‌ତ। ଗୁଲାଇ ରେମ ଉଉ ପାଲାଇ ବିରେ ନାନେ ଡାଗ୍ ତୁର୍‌ଗା, ମାତର୍ ଈଶ୍‌ପର୍ ମୋଶାନା ବାଗ୍‌ବ କିଜ୍‌ରା ଡେଙ୍ଗା। ମାଇ ସୁନ,“ମାସାଡନା ନ କନ୍ ଡ଼େମତ୍ ନ ପର୍‌ମାନ୍ ଡ଼େମକୁନ୍‌ ଦେଶ୍‌ବ ଗାଗାଇ ଆଗଙ୍ଗ୍‌ତନ। ଇସ୍ରାଏଲ୍‌ନା ରେମଲେ ଚାଲିଶ୍ ବରଷ୍‌ ମରୁଭୁମି ବ ଡିକୁନ୍ ତୁର୍‌ଗୁ, ଜାଜାଲେ ଈଶ୍‌ପର୍‌ନା ବିରୁଦ୍ ବ ରିମ ଡିଗା ମାଏଲେ ଗୁଲାଇ ରେମ ଗଇଗା। ଗିତିନ୍ ତୁର୍‌ଗୁ ଈଶ୍‌ପର୍ ଅଗଲ୍ କୁନ୍ ଆରେମ ମାର୍‌ମୁସ ଗିତିନ୍‌ ପର୍‌ମାନ୍ ଡ଼େମକୁନ୍ ଦେସ୍‌ବନ୍ ପାଟ୍‌ବ ୱାରୁଙ୍ଗା। ମୋଶା ଅଇକା ଜବର୍ ଡକ୍‌ରା ଡିଗା, ଆତିନେ ଈଶ୍‌ପର୍ ଆରେମଲେ ୱାରୁରୁଙ୍ଗ୍ ପାଲାଇ ଆଯିହୋଶୁୟ ବାଚ୍‌ଲ। ଈଶ୍‌ପର୍ ଲନା ଆମୋଶା ପର୍ ମାନ୍ ଡ଼େମଡିଗା ଜେ ମିସିଙ୍ଗ୍ ଗିତିନ୍ ରେମଲେନ୍‌ବ ମୋଶା ସୁଗ ମିଣ୍ଡା ମୁଇ ମୁନା ବାବବାଦି ବେଟାୟତ।

![](https://cdn.door43.org/obs/jpg/360px/obs-en-14-14.jpg)

ଇସ୍ରାଏଲ୍‌ନା ରେମଲେ ଚାଲିଶ୍ ବରଷ୍‌ ମରୁଭୁମି ବ ଡିକୁନ୍ ତୁର୍‌ଗୁ, ଜାଜାଲେ ଈଶ୍‌ପର୍‌ନା ବିରୁଦ୍ ବ ରିମ ଡିଗା ମାଏଲେ ଗୁଲାଇ ରେମ ଗଇଗା। ଗିତିନ୍ ତୁର୍‌ଗୁ ଈଶ୍‌ପର୍ ଅଗଲ୍ କୁନ୍ ଆରେମ ମାର୍‌ମୁସ ଗିତିନ୍‌ ପର୍‌ମାନ୍ ଡ଼େମକୁନ୍ ଦେସ୍‌ବନ୍ ପାଟ୍‌ବ ୱାରୁଙ୍ଗା। ମୋଶା ଅଇକା ଜବର୍ ଡକ୍‌ରା ଡିଗା, ଆତିନେ ଈଶ୍‌ପର୍ ଆରେମଲେ ୱାରୁରୁଙ୍ଗ୍ ପାଲାଇ ଆଯିହୋଶୁୟ ବାଚ୍‌ଲ। ଈଶ୍‌ପର୍ ଲନା ଆମୋଶା ପର୍ ମାନ୍ ଡ଼େମଡିଗା ଜେ ମିସିଙ୍ଗ୍ ଗିତିନ୍ ରେମଲେନ୍‌ବ ମୋଶା ସୁଗ ମିଣ୍ଡା ମୁଇ ମୁନା ବାବବାଦି ବେଟାୟତ।

![](https://cdn.door43.org/obs/jpg/360px/obs-en-14-15.jpg)

ମାଇନା ତୁର୍‌ଗୁ ଈଶ୍‌ପର୍ ଆମୋଶା ମୁୟଙ୍ଗ୍ କୁଣ୍ଡା ବାଗ୍‌ବ ଇପାଲାଇ ସୁନ, ମିରିକି ମାଇ ପର୍‌ମାନ୍ ଡ଼େମକୁନ୍ ଦେଶ୍ ଜୁଜୁ ଗଙ୍ଗ୍‌ତା। ମୋଶା ପର୍‌ମାନ୍ ଡ଼େମକୁନ୍ ଦେଶ୍ ଜୁଲ, ମାତର୍ ଈଶ୍‌ପର୍ ଆର ଆମାଏ ଗାଗାଇ ପାଲାଇ ଆବେତ। ଗିତିନ୍ ତୁର୍‌ଗୁ ମୋଶା ଗଇଗା,ମାରି ଇସ୍‌ରାଏଲ୍‌ନା ରେମଲେ ୩୦ ଦିନ୍ ଜାକ ଦୁକ୍ ଡ଼େମ। ଯିହୋଶୂହ ମାଏନା ତିମେବାଇ ନେତା ଡେଙ୍ଗା। ଯିହୋଶୂହ ମିଣ୍ଡା ବାନିବାୟ୍ ନେତା ଡିଗା, ମାସାଡନା ମାଇ ଆଈଶ୍‌ପର୍ ବିସ୍‌ବାସ୍ ଡେଡେମ୍ ଡେଙ୍ଗା ମାରି ମାଇନା କାତା ମାନ୍‌ବାର୍‌ଡେଙ୍ଗା।

*ବାଇବଲ୍‌ନା ଉସାରାମ୍ :ଜାତ୍ରା ପୁସ୍ତକ ୧୬-୧୭;ଗଣନା ପୁସ୍ତକ ୧୦-୧୪;୨୭ ଲେବିୟ ପୁସ୍ତକ ୩୪*

Audio: https://git.door43.org/OBS-TLF/bfw_obs/releases/download/v1/bfw_obs_v1_14_128kbps.m4a

## 15. ୧୫. ପର୍ ମାଣ ଦେଶ୍

https://openbiblestories.org/l/bfw/story-15/

![](https://cdn.door43.org/obs/jpg/360px/obs-en-15-01.jpg)

ତୁର୍‌ଗୁ ଇସ୍‌ରାଏଲ୍ ନା ରେମଲେ କିଣାନ୍ ବ ପର୍‌ମାନ୍ ଡ଼େମକୁନ୍, ଦେଶ୍‌ବ ଗାଗାଇନା ଦିନ୍ ସାଗା। ଗିତିନ୍‌ ଦେଶ୍ ନା ଯିରିୟ ଅମିନା ମୁୟଙ୍ଗ୍ ଉଙ୍ଗମ୍‌ ଡିଗା। କନଙ୍ଗ୍‌ନା ଜତନ୍ ପାଲାଇ କନଙ୍ଗ୍‌ନା ଗୁଲାଇଗାରି ଆଟୁଆ ବାଇନା କତିଡିଗା। ଯିହୋଶୂହ ଗିନ୍ସହର୍‌ବ ଆଉମ୍ବାୟଙ୍ଗ୍ ଚର୍ ମୋ ମାମାଗ୍ ସୁଗବେଟାୟ। ଗିତିନ୍‌ ସହର୍‌ବ ରାହାବ୍ ଅମିନା ମୁୟଙ୍ଗ୍ ବେଶିୟା ଡିକୁଡେଙ୍ଗା, ମାଇ ଆକନ୍ ଚର୍‌ଲେ ଅତିପାଡ ବୁଁଅ। ମାରି ତୁର୍‌ଗୁ ମାଇ ଆମଏ ଆରେମଲେ ସହର୍ ନାନେ ଡୁଡୁଙ୍ଗ୍‌ସା ସାଇଜ ଡ଼େମ। ମାଇ ଆଈଶ୍‌ପର୍ ବିଷ୍‌ବାସ୍ ଡେଡେମ୍‌ଡେଙ୍ଗା ସା। ମାଏ କନ୍ ଡ଼େମ ଅଇଜା ବେଲା ଗିତିନ୍‌ ଚର୍‌ଲେ ରାହାବ୍ ମାରି ମାଇନା ଆଡିୟନ୍‌ରେମ୍ ରକିୟା ଡେମ୍‌ତିଙ୍ଗ୍ ଡସେ ପର୍‌ମାନ୍ ଡ଼େମଡିଗା ଉଣ୍ଡୋଇଲ ଇସ୍‌ରାଏଲ୍‌ନା ରେମଲେ ଆଯିରିୟ ସହର୍ ବୁଡାସୁଙ୍ଗ୍‌ତ।

![](https://cdn.door43.org/obs/jpg/360px/obs-en-15-02.jpg)

ପର୍‌ମାନ୍ ଡ଼େମକୁନ୍‌ ଦେଶ୍‌ବ ଗାଗାଇସା ଆଇସ୍‌ରାଏଲ୍ ରେମଲେ ଜର୍‌ଦନ୍ କିଣ୍ଡାଗ୍ ଲାଙ୍ଗ୍‌ବାର ଡିଗା। ଈଶ୍‌ପର୍ ଆଯିହୋଶୂହ ସୁନ, “ପୁଜାରିଲେ ସେସସେନୁଗ୍”ଇଗେ, ଉଣ୍ତୋଇଲ ପୁଜାରିଲେ ଜର୍‌ଦନ୍ କିଣ୍ଡାବ ତେସୁଙ୍ଗ୍ ଜଜଗ୍ ମୁଲାୟ, ବାଗ୍‌ବ ସାସା ଡ଼େଙ୍ଗ୍‌କୁନ୍ ଡାଗ୍ ତେବ୍‌ଇଗା ଗିତିନ୍‌ଲ ଇସ୍‌ରାଏଲିୟଲେ ଉଁସର୍‌କୁନ୍ ତୁବୁଗ୍‌ବ ଉରିଙ୍ଗସେ ତଙ୍ଗ୍‌ରେପାଟ୍ ଇଗଙ୍ଗା।

![](https://cdn.door43.org/obs/jpg/360px/obs-en-15-03.jpg)

ରେମଲେ ଜର୍‌ଦନ୍ କିଣ୍ଡା ଲାଙ୍ଗ୍‌ଲକୁନ୍‌ ତୁର୍‌ଗୁ, ଈଶ୍‌ପର୍ ଆଯିହୋଶୂହ ସୁନ ନ ଯିରିୟ ସହର୍‌ ବାଗ୍‌ବ ଜୁଜ୍‌ ଡେଡେମ୍ ପାଲାଇ ତିଆର୍ ଡେମା, ଗିତିନ୍‌ ସହର୍‌ ଜବର୍‌ ବପୁ ଡେଙ୍ଗ୍‌ନାସା। ଈଶ୍‌ପର୍ ଆରେମଲେ ସୁନଡିଗା, ମାଏନ୍ ଆପୁଜାରିଲେ ମାରି ଆଜାଗୁଆଲ୍‌ଲେ ଦିନ୍‌କେ ମୁସ ଡ଼ିକନ୍‌ସୁଗ ଛଅଦିନ୍ ଜାକ ସହର୍‌ ଚାର୍ ବେର୍‌ତି କିନ୍‌ଦର୍ ବାର୍‌ଡିତା। ପୁଜାରି ମାରି ଜାଗୁଆଲ୍‌ଲେ କନ୍‌ଡ଼େମ।

![](https://cdn.door43.org/obs/jpg/360px/obs-en-15-04.jpg)

ଈଶ୍‌ପର୍ କନ୍‌ସା ସୁନଡିଗା ଜେ ସାତ୍‌ଦିନ୍ ବ ଇସ୍‌ରାଏଲ୍‌ନା ରେମଲେ ସହର୍‌ ନା ଗୁଲାଇ୍ ଗାରି କିନ୍ଦର୍‌ଲେ। ମାଏନା ପିନେ ପେପେନା ଡିତା ମାରି ଗୁଲାଇ ରେମ ଜବର୍ ଆଉଲି ଡେଡେମ୍‌ନା ଡିତା। ଗିତିନ୍‌ସା ମାଏ ଡିକନ୍ ଡ଼େମ। ଆତିନେ ଯିରିୟ ସହର୍‌ନା କତିଲେ ଗୁଲାଇ ବସଲ୍ ଇଗା ! ଈଶ୍‌ପର୍ ମିରି ସୁନ ଡିଗା, ଇସ୍‌ରାଏଲ୍‌ନା ରେମଲେ ସହର୍‌ ବଲେ ଗୁଲାଇ ଜିନିସଲେ ନସା ସୁଅଁ। ମାଏଲେ ସା ରାହାବ୍ ମାରି ଆମାଏନ୍ ଆଡିଅନ୍ ରେମ ରକ୍ଷା ଡ଼େମ, ଜାଜା ଲେ ଇସ୍‌ରାଏଲ୍ ବେରଙ୍ଗ୍ ପାଲ୍ ଡେଙ୍ଗା। ଉଣ୍ଡୟଲ କିଣାନ୍ ବ ବାସା ଡିକୁଡେଙ୍ଗା ପାଲ୍ ରେମଲେ ଅଁଗ, ଜେ ଇସ୍‌ରାଏଲ୍‌ନା ରେମଲେ ଆଯିରିୟ ସହର୍ ବୁଡ଼ାୟ ସୁଅଁ। ମାରି ଇସ୍‌ରାଏଲିୟଲେସା ନାଇନ୍ ବାଗ୍‌ବ ଜୁଜ୍‌ ଡେମ୍‌ତ ଡସେ ମାଏଲେ ବୁତୁଙ୍ଗ୍ ଇଗା।

![](https://cdn.door43.org/obs/jpg/360px/obs-en-15-05.jpg)

ଆତିନେ ଯିରିୟ ସହର୍‌ନା କତିଲେ ଗୁଲାଇ ବସଲ୍ ଇଗା ! ଈଶ୍‌ପର୍ ମିରି ସୁନ ଡିଗା, ଇସ୍‌ରାଏଲ୍‌ନା ରେମଲେ ସହର୍‌ ବଲେ ଗୁଲାଇ ଜିନିସଲେ ନସା ସୁଅଁ। ମାଏଲେ ସା ରାହାବ୍ ମାରି ଆମାଏନ୍ ଆଡିଅନ୍ ରେମ ରକ୍ଷା ଡ଼େମ, ଜାଜା ଲେ ଇସ୍‌ରାଏଲ୍ ବେରଙ୍ଗ୍ ପାଲ୍ ଡେଙ୍ଗା। ଉଣ୍ଡୟଲ କିଣାନ୍ ବ ବାସା ଡିକୁଡେଙ୍ଗା ପାଲ୍ ରେମଲେ ଅଁଗ, ଜେ ଇସ୍‌ରାଏଲ୍‌ନା ରେମଲେ ଆଯିରିୟ ସହର୍ ବୁଡ଼ାୟ ସୁଅଁ। ମାରି ଇସ୍‌ରାଏଲିୟଲେସା ନାଇନ୍ ବାଗ୍‌ବ

![](https://cdn.door43.org/obs/jpg/360px/obs-en-15-06.jpg)

ଈଶ୍‌ପର୍ ଆଇସ୍ରାଏଲିୟ ରେମଲେ କିଣାନ୍ ଦେଶ୍‌ନା ଆର୍‌ନା ସା କୁଲ୍ ବେରଙ୍ଗ୍ ଶାନ୍ତି ନା ନିୟମ୍ ମଡେଡେମ୍ ପାଲାଇ ଆଦେଶ୍ ବେଡ ଡିଗା। ମାତର୍ କିଣାନିୟନା ମୁଇ କୁଲ୍, ଆଜାକି ଗିବିୟୋନିୟ ଡସେ ସୁନ୍‌ତ, ନେ କିଣାନ୍ ଦେଶ୍ ନାନେ ଜବର୍ ସୁଲୁଙ୍ଗ୍ ଡିକୁନ୍ ଟାନ୍ ଡ଼ସେ ଆଯିହୋଶୂହ ମିଚ୍ କାତା ସୁନ। ମାଏ ଆଯିହୋଶୂହ ମାଏଲେ ବେରଙ୍ଗ୍ ଶାନ୍‌ତି ନା ନିୟମ୍ ଡ଼େଡ଼େମ୍‌ସା। ମା ଡେଡେମ୍‌ନା ଦର୍‌କାର୍ ଯିହୋଶୂହ ମାରି ଇସ୍ ରାଏଲ୍ ନା ପାଲ୍ ମନ୍‌ତିରି ଲେ ଆଈଶ୍‌ପର୍ ଆପାଚାର୍‌ତ। କନଙ୍ଗ୍‌ନା ବଦୁଲ୍, ମାଏଲେ ଗିବିୟୋନିୟଲେ ବେରଙ୍ଗ୍ ମୁଇ ଶାନ୍ତି ନା ନିୟମ୍ ଡ଼େମ। ତିନ୍ ଦିନ୍ ତୁର୍‌ଗୁ, ଇସ୍ରାଏଲିୟନା ରେମଲେ ମାମାଗ୍ ଗଙ୍ଗା ଜେ, ସତୋଇସା ଗିବିୟୋନିୟଲେ କିଣାନ୍ ଦେଶ୍ ବ ଡିକୁଡେଙ୍ଗା। ମାଏଲେ କିଜ୍‌ରା ଡେଙ୍ଗ୍ଇଗା ମାସାଡନା ଗିବିୟୋନିୟଲେ ଆମାଏ ଦକା ବେଡ଼ଡିଗା। ମାତର୍ ମାଏ ମାଏଲେ ବେରଙ୍ଗ୍ ଶାନ୍ତି ନା ନିୟମ୍ ବୁଅଁ ମାସାଡନା କନା ଈଶ୍‌ପର୍‌ନା ଆଗ୍‌ତୁ ମୁଇ ନିୟମ୍ ଡିଗା। ଆତିନେ, ଇତି ବେଲା ତୁର୍‌ଗୁ,କିଣାନବ ପାଲ୍ ମୁଇ କୁଲ ନା ରାଜାଲେ ଗିତିନ୍‌ ଇମୋରିୟଲେ, ମାରି ଗିବିୟୋନିୟ ଲେ ଅଙ୍ଗଜେ ଇସ୍ରାଏଲ୍ ରେମଲେ ବେରଙ୍ଗ୍ ଶାନ୍ତି ନା ନିୟମ୍ ଡ଼େମତା। ଗିତିନ୍‌ସା ମାଏଲେ ମାଏନା ଆଜାଗୁଆଲ୍ ଲେ ସାମୁଇ ଡ଼େମସେ ମୁଇ ମୁନାଗ୍ ଜାଗୁଆଲ୍ ଅଡ଼େମସେ ଗିବିୟନ୍ ବାଗ୍‌ବ ଆଟାକ୍ ଡ଼େମ। ଗିବିୟୋନିୟ ରେମଲେ ଆଯିହୋଶୂହ ସାଇଜ ଲୁଲୁ ପାଲାଇ ମୁଇ କବର୍ ବେଟାୟ।

![](https://cdn.door43.org/obs/jpg/360px/obs-en-15-07.jpg)

ତିନ୍ ଦିନ୍ ତୁର୍‌ଗୁ, ଇସ୍ରାଏଲିୟନା ରେମଲେ ମାମାଗ୍ ଗଙ୍ଗା ଜେ, ସତୋଇସା ଗିବିୟୋନିୟଲେ କିଣାନ୍ ଦେଶ୍ ବ ଡିକୁଡେଙ୍ଗା। ମାଏଲେ କିଜ୍‌ରା ଡେଙ୍ଗ୍ଇଗା ମାସାଡନା ଗିବିୟୋନିୟଲେ ଆମାଏ ଦକା ବେଡ଼ଡିଗା। ମାତର୍ ମାଏ ମାଏଲେ ବେରଙ୍ଗ୍ ଶାନ୍ତି ନା ନିୟମ୍ ବୁଅଁ ମାସାଡନା କନା ଈଶ୍‌ପର୍‌ନା ଆଗ୍‌ତୁ ମୁଇ ନିୟମ୍ ଡିଗା। ଆତିନେ, ଇତି ବେଲା ତୁର୍‌ଗୁ,କିଣାନବ ପାଲ୍ ମୁଇ କୁଲ ନା ରାଜାଲେ ଗିତିନ୍‌ ଇମୋରିୟଲେ, ମାରି ଗିବିୟୋନିୟ ଲେ ଅଙ୍ଗଜେ ଇସ୍ରାଏଲ୍ ରେମଲେ ବେରଙ୍ଗ୍ ଶାନ୍ତି ନା ନିୟମ୍ ଡ଼େମତା। ଗିତିନ୍‌ସା ମାଏଲେ ମାଏନା ଆଜାଗୁଆଲ୍ ଲେ ସାମୁଇ ଡ଼େମସେ ମୁଇ ମୁନାଗ୍ ଜାଗୁଆଲ୍ ଅଡ଼େମସେ ଗିବିୟନ୍ ବାଗ୍‌ବ ଆଟାକ୍ ଡ଼େମ। ଗିବିୟୋନିୟ ରେମଲେ ଆଯିହୋଶୂହ ସାଇଜ ଲୁଲୁ ପାଲାଇ ମୁଇ କବର୍ ବେଟାୟ।

![](https://cdn.door43.org/obs/jpg/360px/obs-en-15-08.jpg)

ଆତିନେ ଯିହୋଶୁୟ ଇସ୍ରାଏଲ୍ ନା ଆଜାଗୁଆଲ୍‌ଲେ ସାମୁଇବ ଡ଼େମ। ଗିବିୟୋନ ବ କେଟ୍ ବାର୍ ପାଲାଇ ମାଏ ଗୁଲାଇ ମିଣ୍ଡି ଉରିଙ୍ଗ। ଉନ୍ ଜୁର୍, ମାଏ ଇମୋରିୟନା ଆଜାଗୁଆଲ୍ ଲେ କାବାଲ ବେଡ଼ ମାରି ବିରଦ୍ ଡ଼େମ।

![](https://cdn.door43.org/obs/jpg/360px/obs-en-15-09.jpg)

ଈଶ୍‌ପର୍ ଗିତିନ୍ ଦିନ୍ ଇସ୍ରାଏଲ୍ ପାଲାଇ ଜୁଜ୍‌ ଡ଼େମ। ମାଇ ଆଇମୋରିୟ ଲେ ଡଣ୍ଡ୍‌ବ ପାକାବେଡ ମାରିମାଇ କାରାପାକନ୍ ବେଟାୟ ଜାପାଲାଇ ଇମୋରିୟ ଜବର୍ ରେମଲେ ‘ଗ’ ଇଗା।

![](https://cdn.door43.org/obs/jpg/360px/obs-en-15-10.jpg)

ଈଶ୍‌ପର୍ କେତୁଙ୍ଗ୍ ବ ଆବେଲ୍ ମୁଇ ଟାନ୍‌ବ ବୁବୁଙ୍ଗ୍ ପାଲାଇ କୁସାମୁତି ଡ଼େମଡିଗା, ମିରିକି ଇସ୍ରାଏଲ୍ ଆଇମୋରିୟଲେ ଗୁଲାଇ ଆରାଇବାର୍ ସା ବେଲା ବାବାଙ୍ଗ୍ ଗଙ୍ଗ୍‌ତା। ଗିତିନ୍ ଦିନ୍,ଈଶ୍‌ପର୍ ଇସ୍ରାଏଲ୍ ପାଲାଇ ମୁଇ ମୁନାଗ୍‌ଜିତ୍ ରୁମ।

![](https://cdn.door43.org/obs/jpg/360px/obs-en-15-11.jpg)

ଈଶ୍‌ପର୍ ଆତିନ୍ ଜୁଦ୍ ଡେଡେମ୍ ନା ଆସଇନିକ୍‌ଲେ ଆରାକୁନ୍ ତୁର୍‌ଗୁ,କିଣାନ ଦେଶ୍ ନା ଅଇଜା ପାଲ୍ ପାଲ୍ କୁଲ୍ ରେମ ଇସ୍ରାଏଲ୍ ବାଗ୍‌ବ ଜୁଦ୍ ଡେଡେମ୍ ପାଲାଇ ସାଗ୍‌ମୁଇ ବ ଡେଙ୍ଗ୍ ଡିଗା। ଯିହୋଶୁହ ମାରି ଇସ୍ରାଏଲିୟଲେ ଆମାଏ ଜୁଜ୍‌ ଡ଼େମସେ ବୁଡ଼ାୟ ସୁଙ୍ଗ।

![](https://cdn.door43.org/obs/jpg/360px/obs-en-15-12.jpg)

କନ୍ ଜୁଜ୍‌ ତୁର୍‌ଗୁ, ଈଶ୍‌ପର୍ ଇସ୍ରାଏଲ୍‌ନା ଆଗୁଲାଇ ଜାତିନ୍‌ରେମ ପର୍ ମାନ୍ ଡ଼େମକୁନ୍ ଦେଶ୍ ବ ବେଟାୟ ବେଡ଼। ଆତିନେ ଈଶ୍‌ପର୍ ଆଇସ୍ରାଏଲନା ଗୁଲାଇ ଗାରି ଶାନ୍ତି ବେଡ।

![](https://cdn.door43.org/obs/jpg/360px/obs-en-15-13.jpg)

ଉଣ୍ଡୋୟଲ ଯିହୋଶୁହ ମିଣ୍ଡା ଡକ୍‌ରା ଡିଗା,ମାଇ ଇସ୍ରାଏଲ୍ ନା ଆଗୁଲାଇ ରେମ ସାମୁଇବ ୱାୟ। ଆତିନେ ମାଏଲେ ସିୟନ କୁଣ୍ଡାବ ଇସ୍ରାଏଲ୍ ବେରଙ୍ଗ୍ ଡେନକୁନ୍ ନିୟମ୍, ଗୁଲାଇ ପାଲ୍‌ବାର୍ ସା ବେଡ଼ ଡିକୁନ୍ ଯିହୋଶୁହ ଆରେମଲେ ଏତାୟ ବେଡ଼। ରେମଲେ ଈଶ୍‌ପର୍ ବ ବିସ୍‌ବାସ୍ ଡେଡେମ୍‌ ସା ମାରି ମାଇନା ନିୟମ୍ ମାନ୍ ବାର୍ ସା ପର୍ ମାନ୍ ଡ଼େମ।

*ବାଇବଲ୍‌ନା ମୁଈ ଉସାରାମ୍: ଯିହୋଶୁୟ ୧-୨୪*

Audio: https://git.door43.org/OBS-TLF/bfw_obs/releases/download/v1/bfw_obs_v1_15_128kbps.m4a

## 16. ୧୬. ରକ୍ଷା ଡେଡେମ୍ ରେମ୍‌ଲେ

https://openbiblestories.org/l/bfw/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶୁୟ ଗଇକୁନ୍ ତୁର୍‌ଗୁ ଇସ୍ରାଏଲ୍ ନା ରେମଲେ ଆଈଶ୍‌ପର୍ ଆମାନ୍‌ତ। ମାଏଲେ ଈଶ୍‌ପର୍‌ନା ଆକାତାଲେ ଆମାନ୍ତା, ମାରି ଏନ୍‌ତୁଗ୍ କିଣାନିୟଲେ ପର୍ ମାନ୍ ଡ଼େମକୁନ୍ ଦେଶ୍ ନାନେ ୟନ ଆସୁଙ୍ଗ୍‌ତ। ଇସ୍ରାଏଲ୍ ନା ଆରେମଲେ ସତ୍ ଈଶ୍‌ପର୍ ଜିହୋବା, ବାଦୁଲ୍ ସେ ମାଏଲେ କିଣାନନା ଆଦେପ୍ ତା ଇସ୍ରାଏଲ୍ ନା ରେମଲେ ପୁଜା ଡେଡେମ୍ ପାଲାଇ ଆରାମ୍ ଡ଼େମ। ଇସ୍ରାଏଲ୍ ରେମଲେନା ଜାସା ରାଜା ଆଡିତା, ଗିତିନ୍‌ସା ଗୁଲାଇରେମ ତରଇ ପାଲାଇ ମା ବାନିଲାଗ୍‌ଗା ଗିତିନ୍‌ଡ଼େମ।

![](https://cdn.door43.org/obs/jpg/360px/obs-en-16-02.jpg)

ଈଶ୍‌ପର୍‌ନା କାତା ଆମାନ୍‌ଲସେ, କନ୍‌ ଏସ୍ରାଏଲ୍‌ନା ରେମଲେ ଜବର୍ ବେଲା ଚନେକ୍-ଚନେକ୍ ଡ଼େମ। କନ୍ କାମ୍ କନ୍ ସୁଗ ଡେଙ୍ଗା, ଏସ୍ରାଏଲିୟଲେ ଜବର୍ ବରଷ୍ ସଗ୍ ଶେ ଈଶ୍‌ପର୍‌ନା କାତା ମାନ୍ ବାର୍ ଆଡ଼େନ୍ତା,ଗିତିନ୍ ସା ଈଶ୍‌ପର୍ ଆମାଏଲେ ମାଏନ୍ ଗୁଲେନେନ୍‌ ବେରଙ୍ଗ୍ ଆରାୟସେ ଡଣ୍ଡ୍ ବେଡ଼ ଡିଗା। ଗିତିନ୍‌ ଶତ୍‌ରୁଲେ ଇସ୍ରାଏଲିୟଲେନ୍ ସାମାନ୍ ଗୁଲାଇ୍ ଜିଗ୍ଟାନ୍ ଡ଼େମସେ ଚର୍ ବାର୍ ଡେଙ୍ଗା,ମାଏନା ଦନ୍ ଦୌଲତ୍ ଲେ ବୁଡ଼ା ସୁସୁଙ୍ଗ୍ ଡେଙ୍ଗା, ମାରି ମାଏନା ଅଇଜା ଆ ରେମଲେ ଅଡ଼ାବ ସୁଙ୍ଗ। ଉଣ୍ଡୋଇ ଇସ୍ରାଏଲ୍ ନା ଶତ୍ରୁଲେ ଆମାଏ ଜବର୍ ବରଷ୍ ଜାକ ଦୁଃକ୍ କଷ୍ଟ ବେବେ ଡେଙ୍ଗା। ଗିତିନ୍‌ ସା ଇସ୍ରାଏଲିୟ ରେମଲେ ତରଇନା ଆ ପାପ୍ ମାନ୍ ଲସେ ମନ୍ ବଦ୍ ଲାଇ୍ ବାର ଡେଙ୍ଗା ମାରି ମାଏ ରକ୍ଷା ଡେଡେମ୍ ପାଲାଇ୍ ପାର୍‌ତନା ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-16-03.jpg)

ଗୁଲାଇ ବେଲା ଇସ୍ରାଏଲିୟ ରେମଲେ ମନ୍ ବାଦ୍‌ଲାଇବାର୍ ଡ଼େଙ୍ଗା ଗିତିନ୍ ବେଲା ଇଶ୍‌ପର୍ ଆମାଏଲେ ରକ୍‌ୟା ଡ଼େଡ଼େମ୍ ଡ଼େଙ୍ଗା। ଇଶ୍‌ପର୍ ମୁଇ ରକିୟା ଡ଼େଡ଼େମ୍ ରେମ୍ ବେଟାୟସେ କନ୍ ଡ଼େଡ଼େମ୍ ଡେଙ୍ଗା! ମିଣ୍ତା ରେମ ଆଜାକି ମାଏଲେନ୍ ସତ୍‌ରୁନା ବିରୁଦ୍‌ବ ଜୁଜ୍ ଡ଼େମ୍‌ତ ମାରି ଆମାଏଲେ ଆରାୟ୍‌ତ। ମାଇନ ତୁର୍‌ଗୁ ଗିତିନ୍ ଦେଶ୍‌ବ ସାନ୍‌ତି ଡ଼ିତା ମାରି, ରକ୍‌ୟା ଡ଼େଡ଼େମ୍ ରେମ୍ ମାଏନ୍ ବାଗ୍‌ବ ବାନି ଶାସନ୍ ଡ଼େମ୍‌ତ। ଆରେମଲେ ଉଦାର୍ ଡ଼େଡ଼େମ୍ ପାଲାଇ ଇଶ୍‌ପର୍ ଜବର୍ ଆରକ୍‌ୟା ଡ଼େଡ଼େମ୍ ରେମ୍ ବେଟାୟ,ଆଇସ୍ରାଏଲିୟଲେ ଆରାଇ ବାର୍‌ସା ଲଗେ ଡ଼ିକୁନ୍ ସତ୍‌ରୁ ମନ୍ଦାଲେନ୍ ଦେଶ୍ ଆମିଦିୟନୀୟଲେ ଆଦେଶ୍ ବେଡ଼କୁନ୍ ତୁର୍‌ଗୁ ଇଶ୍‌ପର୍ କନା ମାର୍‌ମୁସ ରକ୍‌ୟା ଡ଼େମ।

![](https://cdn.door43.org/obs/jpg/360px/obs-en-16-04.jpg)

ମିଦିୟନିୟନା ରେମଲେ ସାତ୍ ବରଷ୍ ଜାକ ଗୁଲାଇ ଇସ୍ରାଏଲ ନାନେ କେରଙ୍ଗ୍ ରୁଙ୍ଗ ଇଗା। ଇସ୍ରାଏଲ୍ ନା ରେମ ବତୁଙ୍ଗା,ମାଏ ପାଟନା ବ ତିପାଗ୍‌ ଡିଗା ମିରିକି ମିଦିଅନିଅ ଲେ ଆମାଏ ଆବାମ୍‌ତା। ଆମାଏ ରକ୍ଷା ଡେଡେମ୍ ସା ଈଶ୍‌ପର୍‌ବ ଉଗା।

![](https://cdn.door43.org/obs/jpg/360px/obs-en-16-05.jpg)

ଗିଦିୟନ୍ ଅମିନା ମିଣ୍ଡା ଇସ୍ରାଏଲ୍ ରେମ ଡିଗା। ମିସିଙ୍ଗ୍ ମାଏ ମୁୟଙ୍ଗ୍ ତିପାକୁନ୍ ଟାନ୍‌ବ ୱାତାଙ୍ଗ୍ ବାର ଡେଙ୍ଗା ଗିନ୍‌ସା ମିଦିୟନିୟ ଲେ ଆକନା ଆଚର୍‌ତ। ଈଶ୍‌ପର୍‌ନା ମୁଇ ଦୁତ୍ ଗିଦିୟନ୍ ବ ସାଗ୍‌ସେ ସୁନ, “ଈଶ୍‌ପର୍ ପେ ବେରଙ୍ଗ୍ ଡିତା, ମୁନାଗ୍ ଲାଗ୍‌ବାର୍ ରେମ୍। ଇଗ୍‌ସେ ମିଦିୟନିଅ ଲେନ୍ ନାନେ ଆ ଇସ୍ରାଏଲ୍ ନା ଆରେମଲେ ରକ୍ଷା ଡେମ୍।

![](https://cdn.door43.org/obs/jpg/360px/obs-en-16-06.jpg)

ଗିଦିୟନା ବାନା ମୁୟଙ୍ଗ୍ ମୁର୍‌ତି ନାମାସ୍ ବାର୍ ନା ମୁୟଙ୍ଗ୍ ପୁଜା ବେଦି ଡିଗା। ଈଶ୍‌ପର୍ ଆକ୍ ତୁନ୍ କାତା ମା ଆଗିୟନ୍ ସୁନ ଡିଗା ଆଗିତିନ୍‌ ବେଦି ବସ୍ ଲାସେ ନଷ୍ଟ ଡେମ୍। ମାତର୍ ଗିଦିୟନ୍ ଆ ରେମଲେ ବତୁଙ୍ଗ୍‌ ଡେଙ୍ଗା, ଗିତିନ୍‌ ସା ମାଇ ମିଣ୍ଡିଜାକ ଜାଗ୍‌ଲ। ମାଇନ୍ ତୁର୍‌ଗୁ ମାଇ ଆ ପୁଜା ପୁରୁଗ ମାରି ପାଲ୍ ପାଲ୍ ଡ଼େମ ବେଡ଼। ଗିତିନ୍‌ ମିସ୍ତେ ଈଶ୍‌ପର୍ ମୁୟଙ୍ଗ୍ ତିମେ ବାଇନା ପୁଜା ବେଦି ତିଆର୍ ଡ଼େମ, ମାରି କନଙ୍ଗ୍ ନା ବାଗ୍‌ବ ଆ ଇଶ୍‌ପର୍‌ ପାଲାଇ୍ ଡ଼େମ।

![](https://cdn.door43.org/obs/jpg/360px/obs-en-16-07.jpg)

ମାର୍‌ତ ଉନ୍‌ଜୁର୍ ରେମଲେ ଜୁଲ, ଜାକି ଆତିନ୍ ପୁଜା ବେଦି ଅପୁରୁଗ ସେ ନଷ୍ଟ ଡ଼େମ ସୁଁଅତା, ମାରି ମାଏ ଜବର୍ କିଜ୍ ରା ଡେଙ୍ଗା। ଆମାଇ ବୁବୁସା ଗିଦିୟନ୍ ନା ଡିଅବ ଇଗା, ମାତର୍ ଗିଦିୟନ୍ ନା ବା ସୁନ,“ ନ ମାସା ଆନନ୍ ଆଦେବ୍ ତା ସାଇଜ ଡେଡେମ୍ ପାଲାଇ ଚେସ୍‌ଟା ଡ଼େମତ୍ ନ? ଯଦି ମାଇ ଈଶ୍‌ପର୍, ଡ଼ିତିନ୍‌ ଲ ମାଇ୍ ଆତରେ ରକ୍ଷା ଡେମେ!” ରେମଲେ କନ୍ ଅଙ୍ଗସେ ଆଗିଦିୟନ୍ ଆ ଅଡାବ୍‌ତ।

![](https://cdn.door43.org/obs/jpg/360px/obs-en-16-08.jpg)

ମିଦିୟନିୟଲେ ମାର୍ ମୁସ ଇସ୍ରାଏଲିୟ ଲେନ୍ ବ ଚର୍ ବାର୍ ସାଗା। ମାଏନ୍ ବିତ୍ ରେ ଅକନ୍ ରେମ ଡିଗାଜେ ଆମାଏ ଏଜ୍ ବାର୍ ଆଲାଗ୍ ତା।ଗିଦିୟନ୍ ଆଇସ୍ରାଏଲିୟ ନ୍ ରେମଲେ ଜୁଦ୍ ଡେଡେମ୍ ପାଲାଇ ସାମୁଇ ବ ଡ଼େମ। ଗିଦିୟନ୍ ଆଈଶ୍‌ପର୍ ଉମ୍ବାର୍ ଚିନା ଲୁଡଗ୍, ଗିତିନ୍‌ ସା ମାଇ ସତଏ ଡେଡେଙ୍ଗ୍ ଗଙ୍ଗା ଗିତିନ୍‌ ଈଶ୍‌ପର୍ ସତେଇସା ଇସ୍ରାଏଲ୍ ନା ଆରେମଲେ ରକ୍‌ୟା ଡେଡେମ୍ ପାଲାଇ ସୁନ ନି।

![](https://cdn.door43.org/obs/jpg/360px/obs-en-16-09.jpg)

ପର୍‌ତୁମ୍ ଚିନ୍, ପାଲାଇ ଗିଦିୟନ୍ ମୁଇ ମେଣ୍ଡା ନା ସାମ୍ ତୁବୁଗ୍ ବ ବୁଙ୍ଗ, ଆ ଈଶ୍‌ପର୍ ସୁନ ଉଞ୍ଜୁର୍ ଅସ୍ ନା ଡାଗ୍ ମେଣ୍ଡାନା ସାମ୍ ବାଗ୍‌ବ ଲଗେ ମାରି ତୁବୁଗ୍‌ବ ଆଣ୍ଡା, ଈଶ୍‌ପର୍ ଗିତିନ୍ ଡ଼େମ। ମାର୍‌ତଗ୍ ମିଣ୍ଡିବ, ସୁନ ଡିଗା ଜେ ତୁବୁଗ୍ ଡାଗ୍‌ଡ଼ା ଗେ ମାତର୍ ମେଣ୍ଡାନା ଚାମ୍ ଉଁସର୍ ଡିଗେ। ଈଶ୍‌ପର୍‌ସା ଗିତିନ୍ ଡ଼େମ। କନ୍ ଉମ୍‌ବାର ଚିନ୍ ପାଲାଇ, ଗିଦିୟନ୍ ବିସ୍‌ବାସ୍ ଡ଼େମ ଜେ ଈଶ୍‌ପର୍ ସତୟ୍ ସାଇସ୍ରାଏଲ୍ ନା ଆରେମଲେ ମିଦିଅନିୟ ଲେନ୍ ନାନେ ରକ୍ଷା ଡେଡେମ୍ ପାଲାଇ୍ ମନ୍ ଡ଼େମ।

![](https://cdn.door43.org/obs/jpg/360px/obs-en-16-10.jpg)

କନଙ୍ଗ୍‌ନା ତୁର୍‌ଗୁ ଗିଦିୟନ୍ ଆସୈନିକ୍‌ଲେ ନାଇକନେ ସାଶା ପାଲାଇ୍ ୱାୟ,ମାରି ୩୦୦୦୦ ରେମଲେ ସାଗା। ମାତର୍ ଈଶ୍‌ପର୍ ଆମାଇ ସୁନ, କନା ଜବର୍ ରେମ ଡେଙ୍ଗା। ଆତିନେ ଗିଦିୟନ ୨୨୦୦୦ ଆରେମ ଜାଜା ଜୁଦ୍ ଡ଼େଡ଼େମ୍ ପାଲାଇ ବୁତୁଙ୍ଗ୍ ଡେଙ୍ଗା ଆମାଏ ଡିଅବ ବେଟାୟ ବେଡ଼। ଈଶ୍‌ପର୍ ଆଗିଦିୟନ୍ ସୁନ ଜେ, ଅଇଲନା ମାଏନ୍ ବ ଜବର୍ ରେମ ଡିତା। ଆତିନେ ଗିଦିୟନ ୩୦୦ ଆସୈନିକ୍ ଅନ୍‌ତୁରସେ ଆଗୁଲରେମ ଡିଅବ ବେଟାୟ ବେଡ଼।

![](https://cdn.door43.org/obs/jpg/360px/obs-en-16-11.jpg)

ଗିତିନ୍ ମିଣ୍ଡି ଆଗିଡିଅନ୍ ଈଶ୍‌ପର୍ ସୁନ, ମିଦିୟନିୟଲନ୍‌ ଚାମ୍‌ଡା ବ ୟା ମାରି ମାଏନ୍ କାତା ଅଁ। ଉଣ୍ଡୋଇଲ ପେ ମାଏନ୍ କାତା ଅଙ୍ଗ୍‌ତପେ, ଆମାଏ ଜାଗ୍ ଲସେ ବୁନୁ ବାର୍ ପାଲାଇ୍ ମାରି ଆବୁତୁଙ୍ଗ୍‌ତ୍‌ ପେ। ଗିତିନ ମିଣ୍ଡି, ଗିଦିୟନ ମିଦୀୟନୀୟଲେନ୍ ଚାମ୍‌ଡ଼ା ବ ଈଗା, ମାରି ମୁୟଙ୍ଗ୍ ମିଦିୟନ୍ ସୈନିକନା ମାଏନା ସାଙ୍ଗ୍‌ ମୁସୁଡିଙ୍ଗ ବ ଜୁଲକୁନ୍ କାତା ସୁସୁନା ଅଙ୍ଗ। ଗିତିନ୍‌ ରେମୋନା ସାଙ୍ଗ୍‌ ସୁନ, “କନ୍ ମୁସୁଡିଙ୍ଗ୍ ନା ଅରତ୍ ଗିଦିୟନ୍ ନା ସୈନିକଲେ ଆନେ ମିଦିୟନିୟଲେନ୍‌ ସୈନିକଲେ ଆରାୟତ!” ଉଣ୍ଡୋଇଲ ଗିଦିୟନ କନ୍ ଅଙ୍ଗ, ଗିଦିୟନ ଆଈଶ୍‌ପର୍ ଦନ୍ୟବାଦ୍ ବେଡ଼।

![](https://cdn.door43.org/obs/jpg/360px/obs-en-16-12.jpg)

କନଙ୍ଗ୍‌ନା ତୁର୍‌ଗୁ ଗିଦିୟନ ମାଏନ୍ ବେରଙ୍ଗ୍ ସୈନିକ୍ ନା ମିସତେ ଲେଅଟ ଶାଗା, ମାରି ଆଗୁଲାଇ ରେମଲେ ମୁୟଙ୍ଗ୍ ମୁୟଙ୍ଗ୍ ସିଙ୍ଗ୍, ପାତଲି, ମାରି ଅଲା ବେଡ଼। ମାଏଲେ ମିଦିୟନିୟନା ଚମ୍‌ଡାନା ଚାର୍‌ବେର୍‌ତି କିନ୍ଦର୍‌ସେ ଜାଗ୍‌ଲ ଡ଼ିଗା ଆର୍ କଣ୍ଡେ ମିଦିନିୟନା ସୈନିକ୍ ଲେ ଲେମଡିଗା। ଗିଦିୟନ୍ ନା ୩୦୦ ସୈନିକ୍ ଲେନ୍ ପାତଲି ବ ଡିକୁନ୍ ଅଲା ଡିଗା, ଗିତିନସା ମିଦିୟନିୟଲେ ଗିତିନ୍‌ ଅଲାନା ତାରାଗ୍‌ ଗୁଲାଇ୍ ଜୁଜ ଆଗଙ୍ଗା।

![](https://cdn.door43.org/obs/jpg/360px/obs-en-16-13.jpg)

ଆତିନେ, ଗିଦିୟନ୍ ନା ଗୁଲାଇ୍ ସୈନିକ୍ ଲେ ମାଏନା ପାତଲିଲେ ଗୁଲାଇ ଏକାମୁଟି ବାର୍‌ତାଗ, ଦାପେ ଦାପେ ମାଏନ୍ ଅଲାଲେ ଅତୁର। ମାଏଲେ ପିନେ ପେଡ଼ ମାରି ଆଉଲି ଡେଙ୍ଗାସେ ସୁନ,“ ଈଶ୍‌ପର୍ ମାରି ଗିଦିୟନ ପାଲାଇ ମୁଇ ଖାଣ୍ଡା।“

![](https://cdn.door43.org/obs/jpg/360px/obs-en-16-14.jpg)

ଈଶ୍‌ପର୍ ଆମିଦିୟନିୟ ଲେ ବିର୍ ବିତାଲ୍ ଡ଼େମ ଆତିନେ ମାଏ ଆମାଏଲେ ଜାଗ୍‌ଲସେ ଅଡ଼ାବାର୍ ସା ମୁଲାୟ। ଗିଦିୟନ୍ ଆଦୁତ୍ ଲେ ପାଟାସେ ମାରି ଜବର୍ ପାଲ୍ ଇସ୍ରାଏଲ୍ ନା ରେମଲେ ଡିନାନେ ୱାୟ ମିରିକି ମାଏଲେ ମିଦିୟନିୟ ଆରେମଲେନ୍ ୟନ ସୁସୁଙ୍ଗ ପାଲାଇ୍ ସାଇଜ ଡେଡ଼େମ୍ ଗଙ୍ଗ୍‌ତା। ମାଏଲେ ମିଦିୟନିୟନା ଆଜବର୍ ଆରେମଲେ ଅଡ଼ାବ ସୁଙ୍ଗ ମାରି ଏନ୍‌ତୁ ଅୟଜା ଡିଗା ଆମାଏ ଇସ୍ରାଏଲ୍ ଦେଶ୍‌ନାନେ ୟନସେ ଅତୁର ବେଡ଼। ମାରି ଡିକନ୍ ସୁଗ ଆଇସ୍ରାଏଲ ରକ୍ଷା ଡ଼େମ।

![](https://cdn.door43.org/obs/jpg/360px/obs-en-16-15.jpg)

ରେମଲେ ଆ ଗିଦିୟନ୍ ମାଏନା ରାଜା ଡେଡେମ୍ ପାଲାଇ ମନ୍ ଡ଼େମ। ଗିଦିୟନ୍ ଆମାଏ ଡିକନ୍ ଡେଡେମ୍ ପାଲାଇ ଆଦେଶ୍‌ ଆବେତ, ମାତର୍ ମାଇ ଆମାଏ ମିଦିୟନିୟ ଲେନ୍ ନାନେ ଚର୍ ଲକୁନ ସୁନା ମୁଦିଲେ ଲୁଡ଼।ରେମଲେ ଆ ଗିଦିୟନ୍ ଜବର୍ ସୁନା ବେଡ।

![](https://cdn.door43.org/obs/jpg/360px/obs-en-16-16.jpg)

ଆତିନେ ଗିଦିୟନ୍ ସୁନାଲେ ଗୁଲାୟ ରୁଙ୍ଗ୍ ସେ ମୁନା ପୁଜାରିଲେ ତୁଙ୍ଗ୍ କୁନ୍ ସକାସୁଗ ମୁଇ ସକା ତିଆର୍ ଡ଼େମ। ମାତର୍ ରେମଲେ ଆତିନା ମିର୍ କି ମୁଇ ମୁର୍‌ତିସୁଗ ପୁଜା ଡେଡେମ୍ ଡେଙ୍ଗା। ଆତିନେ ଈଶ୍‌ପର୍ ଇସ୍ରାଏଲ୍ ନା ଆରେମଲେ ଦଣ୍ତ୍ ବେଡ ମାସାଡନା ମାଏଲେ ମୁର୍‌ତି ପୁଜା ଡ଼େମ। ଈଶ୍‌ପର୍ ମାଏନା ଆଶତ୍‌ରୁଲେ ଆରାଇ ବାର୍‌ସା ଆଦେଶ୍ ବେଡ। ତୁର୍‌ଗୁ ମାରି ମୁସ ମାଏ ଆ ଈଶ୍‌ପର୍ ସାଇଜ ପାଲାଇ୍ ପାର୍‌ତନା ଡ଼େମ, ମାରି ମାଏନା ରକ୍ଷା ପାଲାଇ୍ ଈଶ୍‌ପର୍ ପାଲ ମୁଇ ଉଦାର ଡେଡେମ୍ ରେମ୍ ବେଟାୟ।

![](https://cdn.door43.org/obs/jpg/360px/obs-en-16-17.jpg)

ଡ଼ିକନ୍ ସୁଗ ଜବର୍ ଥର୍ ଡେଙ୍ଗା: ଇସ୍ରାଏଲ୍‌ନା ରେମଲେ ପାପ୍ ଡେଡେମ୍ ଡେଙ୍ଗା, ଈଶ୍‌ପର୍ ଆମାଏ ଦଣ୍ଡ୍ ବେବେ ଡେଙ୍ଗା, ମାରି ମାଏ ମନ୍ ବଦ୍ ଲାୟବାର୍ ଡେଙ୍ଗା, ରକ୍ଷା ବାବାଙ୍ଗ୍ ପାଲାଇ୍ ଈଶ୍‌ପର୍ ପାଲ ମୁଇ ଉଦାର ଡେଡେମ୍ ରେମ୍ ବେଟାୟ ଡିଗା। ଅଇଜା ବରଷ୍ ସଗ୍‌ସେ ଇଶ୍ରାଏଲ ନା ରେମଲେ ମାଏନା ଶତ୍‌ରୁଲେ ନାନେ ରକ୍ଷା ଡେଡେମ୍ ପାଲାଇ୍ ଜବର୍ ଉଦାର୍ ଡେଡେମ୍ ରେମ୍ ବେଟାୟ।

![](https://cdn.door43.org/obs/jpg/360px/obs-en-16-18.jpg)

ଡଡମ୍‌ଲ, ରେମଲେ ପାଲ୍ ଦେଶ୍ ନାଲେ ସୁଗ ମିରି ରାଜା ଡିଗା ଡ଼ିତିନ୍‌ ସୁଗ ମାଏଲେସା ମୁଇ ରାଜା ଲୁଡ଼। ମାଏ ଜାକି ଡେଙ୍ଗ୍ ବାଇ ମାରି ବପୁବାଇ, ମାରି ଜା ଆମାଏ ଜୁଜ୍‌ ବ ୱାରୁଙ୍ଗ୍ ତା। କନ୍ ଗୁଆର୍‌ଲ କୁନ୍ ଆଈଶ୍‌ପର୍ ମନ୍ କେ ଆଇତା, ମାତର୍ ଈଶ୍‌ପର୍ ମାଏ ମିର୍ ବାଇ ମନଡେଡେମ୍ ଡେଙ୍ଗା ଈଶ୍‌ପର୍ ଆମାଏ ଡିତିନ୍ ବାଇ ରାଜା ବେଡ଼।

*ବାଇବଲ୍‌ନା ମୁଈ ଉସାରାମ୍: ବିଚାରକର୍ତ୍ତା୧-୩;୬-୮;୧ ଶାମୁୟେଲ ୧-୧୦*

Audio: https://git.door43.org/OBS-TLF/bfw_obs/releases/download/v1/bfw_obs_v1_16_128kbps.m4a

## 17. ୧୭. ଦାଉଦ ବେରଙ୍ଗ୍ ଈଶ୍‌ପର୍‌ନା ନିୟମ୍‌

https://openbiblestories.org/l/bfw/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ ଇସ୍ରାଏଲ୍ ଦେଶ୍ ନା ପର୍‌ତୁମ୍ ରାଜା ଡେଙ୍ଗ୍ ଡିଗା, ମାଇ ଜୁଜୁସା ଡେଙ୍ଗ୍ ମାରି ସୁନ୍ଦର୍ ଡିଗା, ମିରିକି ରେମଲେ ମନ୍ ବିତ୍‌ରେ ମାମାଗ୍ ଡେଙ୍ଗା। ଶାଉଲ ରାଜା ଇସ୍ରାଏଲ୍ ବାଗ୍‌ବ ସାସନ୍ ଡେଡେମ୍‌ନା ପର୍‌ତୁମ୍ ଅଇଜା ବରସ୍ ପାଲାଇ ମିଣ୍ଡା ବାନି ରାଜା ଡିଗା। ମାତର୍ ଆତିନେ ମାଇ ମିଣ୍ଡା କରାପ୍‌ ବାଇ ଡେଙ୍ଗ୍ ଇଗା ଜାକି ଈଶ୍‌ପର୍ ନା କାତା ମୋମାନ୍‌ବାର୍ ଡେଙ୍ଗା, ଆତିନେ ଈଶ୍‌ପର୍ ମୁୟଙ୍ଗ୍ ଆପାଲ୍ ରେମ ବାଚ୍‌ଲ ଜାକି ମିସିଙ୍ଗ୍ ମାଇବ ରାଜା ଡ଼େନ୍‌ତା।

![](https://cdn.door43.org/obs/jpg/360px/obs-en-17-02.jpg)

ଈଶ୍‌ପର୍ ଦାଉଦ ଅମିନା ମିଣ୍ଡା ଆଇଁଗେର୍‌ ରେମ ଇସ୍ରାଏଲ୍‌ଦେଶ୍ ପାଲାଇ ବାଚ୍‌ଲ୍ ମାରି ଆମାଇ ଶାଉଲ ନା ତୁର୍‌ଗୁ ମିସିଙ୍ଗ୍ ରାଜା ଡେଡେମ୍‌ ପାଲାଇ ତିଆର୍ ଡ଼େମ। ଦାଉଦ ମିଣ୍ଡା ବେଥ୍‌ଲେହେମ୍ ଉଙ୍ଗମ୍‌ନା ମେଣ୍ଡା ଚରାଇବାର୍ ରେମ୍ ଡିଗା। ଅଇଜା ବେଲା, ଉଣ୍ଡୋଇ ମାଇନ୍ ବା ଆମେଣ୍ଡାଲେ ଚରାଇବାର୍ ଡେଙ୍ଗା, ମୁଇ ସିଂହ ମାରି ଗିମେସଙ୍ଗ୍ ଜାଗ୍‌ଲସେ ସସବ୍ ବେଲା ଦାଉଦ ଆଉମ୍ବାର୍‌ ସିଅଁ ମାରି ଗିମେସଙ୍ଗ୍ ଅଡ଼ାବ ସୁସୁଙ୍ଗ୍ ଡେଙ୍ଗ।। ମାଇ ମିଣ୍ଡା ଗୁବ୍‌ସୁ ମାରି ଦରମ୍ ବାଇ ରେମ୍ ଡିଗା। ମାଇ ଇଶ୍‌ପର୍‌ ବାଗ୍‌ବ ବିସ୍‌ବାସ୍ ମାରି କାତା ମାନ୍‌ବାର୍ ଡେଙ୍ଗା।

![](https://cdn.door43.org/obs/jpg/360px/obs-en-17-03.jpg)

ଉଣ୍ଡୋଇଲ ଦାଉଦ ଇଁଗେର୍‌ ଡିଗା, ଗଲିୟାତ୍‌ ଅମିନା ମିଣ୍ଡା ଜବର୍ ମୁନା ରାକଷ୍ ବାଇ୍ ରେମ ବେରଙ୍ଗ୍ ଯୁଜ୍‌ ଡ଼େମ। ଗଲିୟାତ୍‌ ଜବର୍ ବାନିବାଇ ସଇନିକ୍‌ ଡିଗା ମାରି ମାଇ ଜବର୍ ବପୁ ମାରି ତିନ୍ ମିନିର ସୁଗ ଡେଙ୍ଗା ଡିଗା! ‘ମାତର୍ ଈଶ୍‌ପର୍,ଆଦାଉଦ ଆଗଲିୟାତ୍ ଅଡାବ୍‌ବାର୍‌ ସା ମାରି ଆଇସ୍ରାଏଲ ଦେଶ୍ ରକିୟା ଡେଡେମ୍ ସା ସାଇଜ ଡ଼େମ। ଗିତିନ୍‌ ତୁର୍‌ଗୁ ଦାଉଦ ଇସ୍ରାଏଲନା ଶତ୍‌ରୁଲେନ୍‌ ବାଗ୍‌ବ ଜବର୍ ପର୍ ଜିତ୍‌ଗା। ଦାଉଦ ମିଣ୍ଡା ମୁନାବାଇ ସଇନିକ୍‌ ଡେଙ୍ଗା, ଇଶ୍ରାଏଲ୍ ଆସୈନିକଲେ ଜବର୍ ଜୁଜ୍‌ ବ ୱାରୁଙ୍ଗା ରେମଲେ ଆମାଇ ଜବର୍ ସାଇଜ ଡ଼େମ।

![](https://cdn.door43.org/obs/jpg/360px/obs-en-17-04.jpg)

ରେମଲେ ଆଦାଉଦ୍ ଅକନ୍ ଆଲାଦ୍ ଡେଡେମ୍ ଡ଼େଙ୍ଗା ଜେ। ରାଜା ଶାଉଲ ଗିତିନ୍‌ ସା ଆମାଇ ଜବର୍ ଆଂକାର୍ ଡ଼େମ, ମାରି ଶାଉଲ ଆମାଇ ଅଡାବ୍‌ବାର୍‌ ପାଲାଇ ମନ୍ ଡେଡେମ୍ ଡେଙ୍ଗା, ଗିତିସା ଦାଉଦ ଶାଉଲ ନାନେ ମାରି ସଇନିକ୍‌ଲେ ନାନେ ତିପାକ୍ ବାର୍ ସା ମରୁଭୁମି ବ ଡୁଙ୍ଗା। ମିସିଙ୍ଗ୍ ଶାଉଲ୍ ମାରି ମାଇନା ସଇନିକ୍‌ଲେ ଆଦାଉଦ କଜ୍‌ବାର୍ ଡେଙ୍ଗା, ଶାଉଲ ମୁଇ ପାଟ୍‌ନା ଭିତ୍ ରେ ଇଗା। ଦାଉଦ ଗିତିନ୍‌ ପାଟ୍‌ନା ବିତ୍‌ରେ ତିବାଗ୍ ସେଡିଗା, ମାତର୍‌ ଶାଉଲ ଆମାଇ ଜୁଜୁ ଆଗଙ୍ଗା। ଦାଉଦ ମାଇନା ତେଙ୍ଗୁ-ତେଙ୍ଗୁ ଇଗ୍‌ସେ ମାଇନ୍ ସକାନା ଇତି ଗଡ଼ସୁଙ୍ଗ। ଆତିନେ ଶାଉଲ ପାଟ୍‌ନା ନାନେ ତୁର୍ କୁନ୍ ତୁର୍‌ଗୁ, ଦାଉଦ ଆତିନ୍ ସକାନା ଗଣ୍ଡାରା ଜୁଜୁ ପାଲାଇ ଆଉଲି ଡେଙ୍ଗା, କନ୍‌ସା ଶାଉଲ ମାଗଡିଗା ଜେ ଦାଉଦ ରାଜା ଡେଡେମ୍‌ ପାଲାଇ ଆମାଇ ଅଡାବ ସୁସୁଁଙ୍ଗ୍‌ସା ମନ୍ ଆଡ଼େମ୍ ତ।

![](https://cdn.door43.org/obs/jpg/360px/obs-en-17-05.jpg)

ଅଇଜା ବେଲା, ଶାଉଲ ଯୁଜ୍‌ ବ ‘ଗ’ ଇଗା, ମାରି ଦାଉଦ ଇସ୍ରାଏଲ୍‌ନା ରାଜା ଡେଙ୍ଗା। ମାଇ ମିଣ୍ଡା ବାନି ବାଇ ରାଜା ଡିଗା, ମାରି ରେମଲେ ଆମାଇ ଆଲାଦ ଡେଡେମ୍ ଡେଙ୍ଗା। ଈଶ୍‌ପର୍ ଆଦାଉଦ ଆଶିର୍‌ବାଦ୍ ବେଡ଼ ମାରି ଆମାଇ ଅଡମ। ଦାଉଦ ଜବର୍ ଜୁଜ୍‌ ଡ଼େମ ମାରି ଈଶ୍‌ପର୍ ଆମାଇ ଇସ୍ରାଏଲ୍‌ନା ଆଶତ୍‌ରୁଲେ ଆରାଇବାର୍ ସା ସାଇଜ ଡ଼େମ। ଦାଉଦ ଆଯିରୁଶାଲମ୍ ଆରାୟସେ ଆତିନ୍ ମାଏନ୍‌ ରାଜ୍‌ଦାନୀ ଡ଼େମ,ଆର୍‌କଣ୍ଡେ ମାଇ ଡିକୁଙ୍ଗା ଡେଙ୍ଗାମାରି ଶାସନ୍ ଡେଡେମ୍ ଡେଙ୍ଗା। ଦାଉଦ ୪୦ ବରଷ୍ ଜାକ ରାଜା ଡିଗା। ଗିତିନ୍‌ ବେଲା ଜାକ ଇସ୍ରାଏଲ ଦେଶ୍ ନା ରେମଲେ ଜବର୍‌ ବପୁ ଡେଙ୍ଗା ମାରି ସାକାର୍ ଡେଙ୍ଗା।

![](https://cdn.door43.org/obs/jpg/360px/obs-en-17-06.jpg)

ଦାଉଦ ମୁଇଁ ଉଣ୍ଡି ଅରେଙ୍ଗ୍‌ବାର୍ ସା ମନ୍‌ ଡେଡେମ୍‌ ଡେଙ୍ଗା, ଆରିକି ଗୁଲାଇ ଏସ୍ରାଏଲନା ରେମଲେ ଈଶ୍‌ପର୍‌ନା ପୁଜା ଡ଼େମସେ ଆତିନ୍ ନାମାସ୍‌ଲ କୁନ୍ ସେସେବ୍‌ ଗଙ୍ଗ୍‌ତା। ଆର ୪୦୦ ବରଷ୍ ସଗ୍‌ସେ, ରେମଲେ ମୋଶା ଅରେଙ୍ଗ କୁନ୍ ବେଦିବ ମାଏ ନାମାସ୍ କୁନ୍‌ ସେସେବ୍ ଡେଙ୍ଗା ମାରି ଈଶ୍‌ପର୍‌ନା ପୁଜାଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-17-07.jpg)

ମାତର୍ ନାଥନ୍ ଅମିନା ମୁଇ ବାବବାଦି ଡିଗା। ଆଦାଉଦ କନ୍ ସୁସୁ ପାଲାଇ ଈଶ୍‌ପର୍ ଆମାଇ ବେଟାୟ,’ ନ ଜବର୍ ଜୁଜ୍‌ ବ ଜୁଜ୍ ଡ଼େମତ୍‌ନ, ଗିତିନ୍‌ସା ନ ନିଙ୍ଗ୍ ପାଲାଇ କନ୍ ମନ୍ଦିର୍ ତିଆର୍ ଆଡେମ୍‌ତନ। ନନ୍ ଗୁ ଆକନା ତିଆର ଡେମ୍‌ତ। ମାତର୍ ମାରିମୁସ ନିଙ୍ଗ୍ ଆନ ଜବର୍ ଆଶିର୍ ବାଦ୍ ଡେମ୍ ତିଙ୍ଗ୍। ନନ୍ କୁଲ୍ ନାନେ ମିଣ୍ଡା ନିଙ୍ଗ୍ ନା ରେମଲେନ୍ ବାଗ୍‌ବ ଗୁଲାଇ ଦିନ୍ ପାଲାଇ ଶାସନ୍ ଡେମ୍‌ତ। “ଦାଉଦ ନା ସାମୁଇ ଆକା କୁଲ୍ ଜାକି ଗୁଲାଇ ଦିନ୍ ଶାସନ୍ ଡେଡେମ୍ ଗଙ୍ଗ୍ ତା,କିସ୍‌ଟ। ଡେଙ୍ଗାନି ଈଶ୍‌ପର୍‌ନା ବାଚ୍‌ଲ କୁନ୍ ଜା ଦର୍‌ତନି ନା ଆରେମଲେ ମାଏନା ପାପ୍ ନାନେ ରକିୟା ଡେମ୍‌ତ।

![](https://cdn.door43.org/obs/jpg/360px/obs-en-17-08.jpg)

ଉଣ୍ଡୋୟଲ ଦାଉଦ୍ ନାଥନ୍ ନା କବର୍‌ ଅଙ୍ଗ, ମାଇ ଆଈଶ୍‌ପର୍ ଦନ୍‌ୟବାଦ୍ ବେଡ ମାରି ଆମାଇ ସାର୍‌ଦା ଡ଼େମ। ଈଶ୍‌ପର୍ ଆମାଇ ସନ୍‌ମାନ୍ ଡେଡେମ୍ ଡେଙ୍ଗା, ମାରି ଆମାଇ ଜବର୍ ଆଷିର୍‌ବାଦ୍ ବେବେ ଡେଙ୍ଗା। ଈଶ୍‌ପର୍ କନ୍‌ଗୁଲାଇ କାମ୍ ଉଣ୍ଡୋଇ ଡେମ୍‌ତ ଗିତିନ୍ ଦାଉଦ୍ ମାଗ ଆଡିତା। ମାଏ ଅଇ ମାଗ୍‌ତ ଜେ କିସ୍‌ଟ ସାସାଗ୍ ନା ଆଗ୍‌ତୁ ଆଇସ୍ରାଏଲ୍ ନା ରେମଲେ ଜବର୍ ବେଲା ୧୦୦୦ ବରଷ୍ ଜାଗ୍‌ବାର୍ ଡ଼ିତା।

![](https://cdn.door43.org/obs/jpg/360px/obs-en-17-09.jpg)

ଦାଉଦ ଜବର୍ ବରଷ୍ ଜାକ ଆମାଏନ୍ ରେମଲେ ଦରମ୍ ସୁଗ ଶାସନ୍ ଡ଼େମ। ମାଇ ଆଈଶ୍‌ପର୍ ବିସ୍‌ବାସ୍ ସୁଗ ମାନ୍‌ଲ, ମାରି ଈଶ୍‌ପର୍ ଆମାଇ ଆଶିର୍‌ବାଦ୍ ଡ଼େମ। ଅଇତିନ୍‌ସା ମାଏନ୍‌ ତୁର୍‌ଗୁନ୍ ବରଷ୍ ବ ମାଏ ଈଶ୍‌ପର୍ ବ ଜବର୍ ପାପ୍ ଡ଼େମ। ମିସିଙ୍ଗ୍, ଦାଉଦ ରାଜା ମାଇନ୍ ଡାଣ୍ଡ୍ ନାନେ ଏରୁଙ୍ଗସ ସୁନ୍ଦର୍ ଡିକୁନ୍ ମୁଇ ଆସେଲାନେ କୁମାବାର୍‌ନା ଜୁଲ। ମାଇ ଆମାଇ ମାଗଆଡିତା, ମାତର୍ ମାଇ ମାମାଗ୍ ଗଙ୍ଗା ଜେ ମାଇନା ଅମି ବେଥ୍‌ଶେବା।

![](https://cdn.door43.org/obs/jpg/360px/obs-en-17-10.jpg)

ମିସିଙ୍ଗ୍, ଦାଉଦ ରାଜା ମାଇନ୍ ଡାଣ୍ଡ୍ ନାନେ ଏରୁଙ୍ଗସ ସୁନ୍ଦର୍ ଡିକୁନ୍ ମୁଇ ଆସେଲାନେ କୁମାବାର୍‌ନା ଜୁଲ। ମାଇ ଆମାଇ ମାଗଆଡିତା, ମାତର୍ ମାଇ ମାମାଗ୍ ଗଙ୍ଗା ଜେ ମାଇନା ଅମି ବେଥ୍‌ଶେବା।

![](https://cdn.door43.org/obs/jpg/360px/obs-en-17-11.jpg)

ମାଇନାନେ ସୁଲୁଙ୍ଗ୍ ଇନା ବାଦୁଲ, ଦାଉଦ ଆମାଇ ମାଇନ୍‌ବ ୱାରୁଙ୍ଗ୍‌ ପାଲାଇ ବେଟାୟ। ମାରି ମାଇ ବେରଙ୍ଗ୍‌ ଲେମସେ ଆମାଇ ଡିଅବ ବେଟାୟ। ଇତି ବେଲା ତୁର୍‌ଗୁ, ବେଥ୍‌ଶେବା ଆଦାଉଦ ମୁଇ ଚିଟିବ ଲେକ୍‌ଲସେ ବେଟାୟ,ଜେ ମାଇ ଗାଗ୍‌ଡେ ଡିତା।

![](https://cdn.door43.org/obs/jpg/360px/obs-en-17-12.jpg)

ଉରିୟ ଜାକି ବେଥ୍‌ଶେବାନା ଉମ୍ପର୍ ଡିଗା। ମାଇ ଦାଉଦ ରାଜା ନା ଗୁଲାଇ ସଇନିକ୍‌ଲେନ୍ ନାନେ ମିଣ୍ଡା ବାନିବାଇ ସଇନିକ୍ ଡିଗା। ମାଇ ଗିତିନ୍‌ ବେଲା ଜୁଜ୍‌ ଡେଡେମ୍ ପାଲଇ୍ ତୁର୍ ଇଡିଗା, ଦାଉଦ ଆଉରିୟ ଜୁଜ୍‌ବ ଡିକୁ ପାଲାଇ ଆମାଇନା କୁନି ୱାୟ। ମାତର୍ ଏନ୍‌ତୁ ସଇନିକ୍‌ଲେ ଜୁଜ୍‌ବ ଡିକୁନ୍‌ଲ ଉରିୟଡିଅବ ଈଇ ପାଲାଇ ମନାଡ଼େମ। ଆତିନ୍ ଦାଉଦ ଆଉରିୟ ମାରିମୁସ ଯୁଜ୍‌ବ ବେଟାୟ, ମାରି ସଇନିକ୍‌ଲେନ୍‌ବ ଆମାଇ ଆରିକଣ୍ଡେ ଶତ୍‌ରୁଲେ ବପୁବାଇ ଡିଗା ଆମାଏ ଅଡାବ ସୁସୁଙ୍ଗ୍ ସା ସୁନଡିଗା। ଡିକନ୍ ଆକା ଡେଙ୍ଗା, ମାରି ଉରିୟ ଜୁଜ୍‌ ଡେଡେମ୍‌ବ ‘ଗ’ ଇଗା।

![](https://cdn.door43.org/obs/jpg/360px/obs-en-17-13.jpg)

ଜୁଜ୍‌ ବ ଉରିୟ ଗ’ଇକୁନ୍ ତୁର୍‌ଗୁ,ଦାଉଦ ରାଜା ଆବେଥ୍‌ଶେବା ବିବା ଡ଼େମ। ତୁର୍‌ଗୁ ଆଦାଉଦ ନା “ଗୁ’ ଜନମ୍ ବେଡ। ଆର୍ ନା ଦାଉଦ୍ ଡ଼େମ ଗିତିନସା ଈଶ୍‌ପର୍ ଜବର୍ ରିସାଗ୍ ଡ଼େଙ୍ଗ୍‌ଡ଼ିଗ, ଆତିନେ ଈଶ୍‌ପର୍ ଆନାଥନ ବାବବାଦି ଆଦାଉଦ କନ୍ ସୁସୁ ପାଲାଇ୍ ବେଟାୟ ମାଇ ଡ଼େମକୁନ୍ ପାପ୍ ଅଇ ଜା କାରାପ ଡିଗା। ଦାଉଦ ମାଇନା ପାପ୍ ନାନେ ମନ୍ ବଦ୍ ଲାୟ ମରି ଈଶ୍‌ପର୍ ଆମାଇ କ୍ଷମା ବେଡ଼। ମାଇନ୍ ନା ଏନ୍‌ତୁ ଜୀବନ, କଷ୍ଟ ବେଲା ଲସା ଈଶ୍‌ପର୍‌ନା କାତା ମାନଲ ମାରି ଈଶ୍‌ପର୍ ବ ମାଇନ୍ ତୁର୍ ଗୁ ଇଗା।

![](https://cdn.door43.org/obs/jpg/360px/obs-en-17-14.jpg)

ମାତର୍ ଦାଉଦ ନା ଗୁ “ଗ’ଇଗା। ଡିକନ୍ ସୁଗ ଈଶ୍‌ପର୍ ଆଦାଉଦ ଡଣ୍ଡ୍ ବେଡ। ଦାଉଦ ‘ଗଗ’ଇ ଜାକ, ମାଇନ୍ ଡିଅନ୍‌ରେମ୍‌ନା ଅଇଜାରେମଲେ ଦାଉଦ ବେରଂ କିରମର ଡ଼େମ, ସା ଦାଉଦ ଜବର୍ ବପୁ ଆରାୟ। ମାତର୍ ଈଶ୍‌ପର୍ ବିସ୍‌ବାସ୍ ଡିଗା ମାରି ଅତିନ୍‌ସା ଆଦାଉଦ୍ ମା ପର୍‌ମାନ୍ ଡ଼େମଡିଗା ଗିତିନ୍ ଡ଼େମ,ଆନ୍‌ଲୋମାରି ଦାଉଦ ଆମାଇ ନିନ୍ଦା ଡ଼େମଡିଗା ଅୟତୁଙ୍ଗ୍ ସା ମାଇ ମାଇନା ସେନ୍ ତା।ତୁର୍‌ଗୁ,ଦାଉଦ ମାରି ବାଥ୍‌ଶେବା ନା ମାର୍‌ମୁଇ ଗୁ ଡିଗା,ମାଏ ମାଇନା ଅମି ସଲମନ୍ ବୁଅଁ।

*ବାଇବଲ୍‌ନା ମୁଈ ଉସାରାମ୍ :୧ ଶାମୁଜେଲ ୧୦;୧୫-୧୯;୨୪;୩୧ ;୨ ଶାମୁଜେଲ ୫;୭;୧୧-୧୨*

Audio: https://git.door43.org/OBS-TLF/bfw_obs/releases/download/v1/bfw_obs_v1_17_128kbps.m4a

## 18. ୧୮. ପାଲ୍ ପାଲ୍ ରାଜି

https://openbiblestories.org/l/bfw/story-18/

![](https://cdn.door43.org/obs/jpg/360px/obs-en-18-01.jpg)

ଦାଉଦ ରାଜା ୪୦ ବରଷ୍ ଶାସନ୍ ଡ଼େମ। ଆତିନେ ମାଇ “ଗ’ଇଗା, ମାରି ମାଇନା “ଗୁ’ ସଲମନ୍ ଇସ୍ରାଏଲ୍‌ ରାଜି ବ ଶାସନ୍ ଡେଡେମ୍ ମୁଲାୟ। ଈଶ୍‌ପର୍ ଶଲମନ୍ ବେରଙ୍ଗ୍‌ ଅଁୟ ମାରି ଆମାଇ ପାଚାର୍‌ଲ ଜେ ନମା ମନ୍ ଡ଼େମନନି ଗିତିନ୍ ଈଶ୍‌ପର୍ ନନ୍‌ ପାଲାଇ ଡେମ୍‌ତ। ଶଲମନ୍ ଲୁଡ଼ ଡିଗା ଜେ, ଈଶ୍‌ପର୍ ଆମାଇ ଜବର୍ ବୁଦିରେମ୍ ଡେମେ। କନା ଆଈଶ୍‌ପର୍ ମନ୍‌କେ ଇଗା, ଗିତିନ୍ ସା ମାଇ ଆସଲମନ୍ ଦର୍‌ତନିବ ନା ଗୁଲାଇ ନାଣ୍ଡେ ବୁଦିବାଇ ରେମ ଡ଼େମ। ଶଲମନ୍ ଜବର୍ ମାମାଲେ ଶିକ୍ ଗା ମାରି ଜବର୍ ବୁଦିଗ୍‌ସେ ଶାସନ୍ ଡେଡେମ୍ ରେମ୍ ଡିଗା। ଈଶ୍‌ପର୍ ସା ଆମାଇ ଜବର୍ ସାକାର୍ ଅଡ଼େମ।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଲମ୍ ରାଜିବ ସଲମନ୍ ମାଇନ୍‌ ଉଣ୍ଡି ଅରେଙ୍ଗ, ଆର୍ ନା ମାଇନ୍ ‘ବା’ ଦାଉଦ ଅରେଙ୍ଗ୍‌ତିଙ୍ଗ୍ ଡସେ ମନ୍‌ଡ଼େମ ଡିଗା ମାରି ଗୁଲାଇ ସାମାନ୍‌ଲେ ରୁଣ୍ଡାୟ ଡିଗା। ରେମଲେ ଚାମ୍‌ଡାନା ବାଦୁଲ୍ ମନ୍ଦିର୍‌ବ ଅଇକା ଈଶ୍‌ପର୍‌ନା ପୁଜାଡ଼େମ ମାରି ନାମାସ୍‌ଲୋସେ ଆମାଇ ଅଡାବ ବେଡ। ମାରି ଈଶ୍‌ପର୍ ଗିତିନ୍‌ ମନ୍ଦିର୍‌ବ ‘ସା’କେଟ୍‌ଲ ଡିଗା,ମାରି ଈଶ୍‌ପର୍ ମାଏଲେ ବେରଙ୍ଗ୍ ବାସା ଡେଙ୍ଗା।

![](https://cdn.door43.org/obs/jpg/360px/obs-en-18-03.jpg)

ମାତର୍ ଶଲମନ୍ ପାଲ୍‌ଦେଶ୍‌ନା ଆସେଲାନେଲେ ବଲ୍‌ବାବାଙ୍ଗ୍ ଡେଙ୍ଗା। ମାଇ ଜବର୍‌ ଆସେଲାନେ ବିବାଡ଼େମସେ ଈଶ୍‌ପର୍ ନା କାତା ଆମନ୍ ତା, ମାଏଲେ ୧୦୦୦ଟା ସୁଗ। କନ୍ ସେଲାନେନ୍‌ ନାନେ ଅଇଜା ପାଲ୍‌ ଦେଶ୍‌ନାନେ ସାଗ୍‌ସେ ମାଏନା ଆଦେବ୍‌ତାଲେ ମିସ୍‌ତେ ରୁଁଙ୍ଗସେ ମାଏ ନା ପୁଜା ଡେଡେମ୍ ଡେଙ୍ଗା। ଅୟଜାବେଲେ ଶଲମନ ଡକ୍‌ରାଗ୍ ଡିଗା, ମାଇ ଆମାଏନ୍ ଆଦେବ୍‌ତାଲସା ପୁଜା ଡ଼େମ ଡିଗା।

![](https://cdn.door43.org/obs/jpg/360px/obs-en-18-04.jpg)

ଈଶ୍‌ପର୍ ଶଲମନ୍ ବାଗ୍‌ବ ଜବର୍ ରିସା ଡେଙ୍ଗା। ମାଇ ସୁନତା ଜେ ଆଇସ୍ରାଏଲ୍ ଦେଶ୍ ଦୁଇବାଗ୍ ଡ଼େମସେ ଈଶ୍‌ପର୍ ଆମାଇ୍ ଡଣ୍ଡ୍‌ବେତ, ଶଲମନ୍ ‘ଗ’ଇକୁନ୍ ତୁର୍‌ଗୁ ମାଇ କନ୍ ଡେମ୍‌ତ।

![](https://cdn.door43.org/obs/jpg/360px/obs-en-18-05.jpg)

ଈଶ୍‌ପର୍ ସଲମନ୍ ବାଗ୍‌ବ ଜବର୍ ରିସା ଡେଙ୍ଗା। ମାଇ ସୁନତା ଜେ ଆଇସ୍ରାଏଲ୍ ଦେଶ୍ ଦୁଇବାଗ୍ ଡ଼େମସେ ଈଶ୍‌ପର୍ ଆମାଇ୍ ଡଣ୍ଡ୍‌ବେତ, ଶଲମନ୍ ‘ଗ’ଇକୁନ୍ ତୁର୍‌ଗୁ, ମାଇନା ଗୁ ରେହବମ୍‌ ରାଜା ଡେଙ୍ଗା। ଇସ୍ରାଏଲ୍ ଦେଶ୍‌ନା ଗୁଲାଇ ରେମ ସାମୁଇବ ଡେଙ୍ଗ୍ ସେ ଆରେହବମ୍‌ ମାଏନା ରାଜା ସୁଗ ବାଚ୍‌ଲ। ମାଏଲେ ରେହୋବୟାମ୍‌ ବ ଇଗ୍‌ସେ ରିପୁଟ୍ ଡ଼େମ ଜେ ଶଲମନ୍ ଆମାଏ ଜବର୍ କସ୍‌ଟ ବାଇ ପାଇଟିଲେ ଅଡେମ୍ୱାର୍ ଡେଙ୍ଗା ମାରି ଜବର୍ ସିସ୍‌ତୁ ରୁରୁଙ୍ଗ୍ ଡେଙ୍ଗା, ଆମାଏ ଉନାପାଇଟି ଡେଡେମ୍‌ସା ଆରେହୋବୟମ୍‌ ଗୁଆର୍ ଲ।

![](https://cdn.door43.org/obs/jpg/360px/obs-en-18-06.jpg)

ମାତର୍ ରେହବାମ ଆମାଏ ବୁଦି ମୋଡିକୁନ୍ ସୁଗ ସୁନ,। ମାଇ ସୁନ, “ପେ ସୁନ ପେନି ନିଙ୍ଗ୍ ନା ‘ବା’ ସଲମନ୍ ଆପେ କସ୍‌ଟବାଇ ପାଇଟି ଅଡ଼େମ।,ମାତର୍ ନିଙ୍ଗ୍ ଆପେ ମାଇ ନାନେ ଜବର୍ ପାଇଟି ଡେମ୍‌ତିଙ୍ଗ୍, ମାରି ନିଙ୍ଗ୍‌ ମାଇ ନାନେ ଜବର୍ କସ୍‌ଟ ବେତିଙ୍ଗ୍।

![](https://cdn.door43.org/obs/jpg/360px/obs-en-18-07.jpg)

ଉଣ୍ଡୋଇଲ ରେମଲେ କନ୍‌ ଅଙ୍ଗ,ମାଏ ବିତ୍‌ରେ ଜବର୍ ରେମ ମାଇନ୍ ବେରଙ୍ଗ୍ କିରମର ଡ଼େମ । ଦଶ୍‌ଟା କୁଲ୍‌ରେମଲେ ଆମାଇ ଅନ୍‌ତୁରସେ ଡୁଙ୍ଗା ; ଏନ୍‌ତୁଗ୍‌ ଉମ୍ବାର କୁଲ୍‌ନା ରେମଲେ ମାଇନ୍ ବେରଙ୍ଗ୍ ଡିଗା, କନ୍ ଉମ୍ବାର୍‌କୁଲ୍‌ନା ଆତରେ ଯିହୁଦା ରାଜିନ୍ ରେମଲେ ଡସେ ସୁନଡିଗା।

![](https://cdn.door43.org/obs/jpg/360px/obs-en-18-08.jpg)

ପାଲ୍‌ଦଶ୍‌ଟା କୁଲ୍‌ନା ରେମଲେ ଜାରବିୟାମ୍ ଅମିନା ମିଣ୍ଡା ରେମ ମାଏନା ରାଜା ଡ଼େମ। ଗିତିନ୍‌ କୁଲ୍ ଗୁଲଇ ବାସାକ୍ ଦିଗ୍ ବାରି ଡିଗା,ମାଏଲେ ଆତରେ ଇସ୍ରାଏଲ ରାଜି ଡସେ ୱାୟ।

![](https://cdn.door43.org/obs/jpg/360px/obs-en-18-09.jpg)

ଜାରବିୟାମ୍‌ ରାଜା ଆଈଶ୍‌ପର୍ ବିରଦ୍ ଡ଼େମ, ମାରି ଆରେମଲେ ପାପ୍ ଅଡ଼େମ, ମାଇ ମାଏନ୍ ରେମଲେ ପୁଜା ଡେଡେମ୍ ପାଲାଇ ଉମ୍ବାର ମୁର୍‌ତି ଅରେଙ୍ଗ। ମାଏ ମାରି ଯିହୁଦା ରାଜି ନା ଯିରୁଶାଲମ୍‌ ବ ‘ଇ’ସେ, ମନ୍ଦିର୍‌ବ ମାରି ଆଈଶ୍‌ପର୍ ପୁଜା ଡେଡେମ୍ ସା ଆଇତା।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ମାରି ଇସ୍ରାଏଲ ରାଜି ଶତ୍‌ରୁ ଡେଙ୍ଗା, ମାରି ମାଏନ୍ ବିତ୍‌ରେ ଜୁଜ୍‌ ଡେମ୍।

![](https://cdn.door43.org/obs/jpg/360px/obs-en-18-11.jpg)

ଇସ୍ରାଏଲ୍ ଦେଶ୍‌ନା ତିମେବାଇ ରାଜିବ ଗୁଲାଇ ରାଜାଲେ କାରାପ୍‌ବାଇ ଡିଗା। କନ୍‌ ରାଜାଲେ ନାନେ ଏନ୍‌ତୁ ପାଲ୍ ଇସ୍ରାଏଲ୍‌ ନା ରେମଲେ ମାଏନ୍ ଟାନ୍‌ବ ରାଜା ଡେଡେମ୍ ପାଲାଇ ମନ୍ ଡେଡେମ୍ ଡେଙ୍ଗା, ଆଇ ଆମାଏ ଅଡ଼ାବ ସୁଙ୍ଗ।

![](https://cdn.door43.org/obs/jpg/360px/obs-en-18-12.jpg)

ଗୁଲାଇ ରାଜାଲେ ମାରି ଇସ୍ରାଏଲ୍‌ରାଜି ନା ଜବର୍ ରେମଲେ ମୁର୍‌ତି ପୁଜା ଡ଼େମ। ଉଣ୍ଡୟ ମାଏଲେ କନା ଡ଼େମ,ଜବର୍ ପର୍ ବେସ୍‌ୟାଲେ ବେରଙ୍ଗ୍‌ ଲେମ ଡେଙ୍ଗା ମାରି ଉଣ୍ଡଇ ଉଣ୍ଡଇ ଆଗୁଲାଇନେ ମୁର୍‌ତିବଲେ ସେବ ବେବେ ଡେଙ୍ଗା।

![](https://cdn.door43.org/obs/jpg/360px/obs-en-18-13.jpg)

ଯିହୁଦା ଦେଶ୍‌ନା ରାଜାଲେ ଦାଉଦ୍ ନା କୁଲ୍‌ ରେମ୍‌ ଡିଗା। କନ୍ ରାଜାଲେନ୍ ବିତ୍‌ରେ ଅଇଜା ବାନିବାଇ ରେମ ଡିଗା ଜା କି ଦରମ୍ ସୁଗ ଶାସନ୍ ଡେଡେମ୍ ଡେଙ୍ଗା, ମାରି ଈଶ୍‌ପର୍ ନା ପୁଜା ଡ଼େମ। ମାତର୍‌ ଯିହୁଦା ନା ଜବର୍ ରାଜା କାରାପ୍‌ବାଇ ଡିଗା। ମାଏ କାରାପ୍ ଶାସନ୍ ଡ଼େମ, ମାରି ମାଏ ପଟ୍ ପୁଜା ଡ଼େମ। କନ୍ ରାଜାଲେନ୍ ନାନେ ଅଇଜା ତରୟନା ଆ“ଗୁ’ଲେ ମିସ୍ ବାଇ ଦେବ୍‌ତାଲେନ୍ ବ ଅଡାବ ସୁସୁଙ୍ଗ୍ ଡେଙ୍ଗା। ମାରି ଯିହୁଦା ଦେଶ୍‌ନା ଜବର୍ ରେମଲେ ସା ଈଶ୍‌ପର୍‌ନା ଦାଇବ ଣ୍ଡ୍ରିମ୍ ଡେଙ୍ଗା ମାରି ପାଲ୍ ଦେବ୍‌ତାଲେନ୍ ପୁଜା ଡ଼େମ।

*ବାଇବଲ୍‌ନା ମୁଈ ଉସାରାମ୍ ୧ ରାଜାବଳି ୧-୬; ୧୧-୧୨.*

Audio: https://git.door43.org/OBS-TLF/bfw_obs/releases/download/v1/bfw_obs_v1_18_128kbps.m4a

## 19. ୧୯. ବାବବାଦିଲେ

https://openbiblestories.org/l/bfw/story-19/

![](https://cdn.door43.org/obs/jpg/360px/obs-en-19-01.jpg)

ଈଶ୍‌ପର୍ ଗୁଲାଇ ବେଲା ଇସ୍ରାଏଲ୍‌ରେମଲେ ବ ବାବବାଦି ବେଟାଇ ବାର୍ ଡେଙ୍ଗା। ବାବବାଦିଲେ ଈଶ୍‌ପର୍ ନାନେ କବର୍‌ ଅଙ୍ଗ ମାରି ଆତିନେ ମାଏନ୍‌ ଆରେମଲେ ସୁନଡିଗା।

![](https://cdn.door43.org/obs/jpg/360px/obs-en-19-02.jpg)

ଉଣ୍ଡୋଇ ଆହାବ ଇସ୍ରାଏଲ ରାଜି ବାଗ୍‌ବ ରାଜା ଡ଼େଙ୍ଗା ଗିତିନ୍‌ଲୋ ଏଲିୟ ମିଣ୍ଡା ବାବବାଦି ଡିଗା, ଆହାବ୍‌ ମିଣ୍ଡା କାରାପ୍‌ ବାଇ ରେମ ଡିଗା। ମାଇ ଆରେଲେ ବାଲ୍ ଅମିନା ମୁୟଙ୍ଗ୍ ଆମିଚ୍ ଦେବତା ପୁଜା ଡେଡେମ୍ ପାଲାଇ ଚେସ୍‌ଟା ଡ଼େମଡିଗା। ଗିତିନ୍‌ସା ଏଲିୟ ଆଆହାବ ରାଜା ସୁନ ଡିଗା ଜେ ଈଶ୍‌ପର୍ ଆରେମଲେ ଡଣ୍ଡ ବେବେସା ଇଗାନି। ମାଇ ଆମାଇ ସୁନଡିଗା, “ଇସ୍ରାଏଲ୍‌ରାଜିବ ନିଙ୍ଗ୍ ଉଣ୍ଡୟଲ ଜାକ ମାର୍ ମୁସ ଅସୁନ୍ ତିଙ୍ଗ୍ ଅଇତିନ୍ ଜାକ ଡାଗ୍ ମାରି ହଁସ୍ ଡାଗ୍‌ ଆଲକ୍ ତା।” କନା ଆଆହାବ ଅକନ୍ କିଜ୍‌ରା ଡ଼େମ ଜେ ମାଇ ଆଏଲିୟ ଅଡାବ୍‌ବାର୍ ସା ଜଜ୍‌ନା ଡ଼େମ।

![](https://cdn.door43.org/obs/jpg/360px/obs-en-19-03.jpg)

ଆତିନେ ଈଶ୍‌ପର୍ ଆଏଲିୟ ଆହାବ ରାଜା ନାନେ ତିପାଗ୍ ବାର୍ ପାଲାଇ ମରୁଭୁମିବ ଇ ପାଲାଇ ସୁନ, ଏଲିୟ ମୁଇ ଜଜର୍ ଡାଗ୍ ନା ମରୁଭୁମିବ ଇସେଡିଗା ଆରିକି ଈଶ୍‌ପର୍ ଆମାଇ ଆଦେଶ୍ ବେଡ ଡିଗା। ଦିନ୍‌କେ ଉଞୁର୍ ମାରି ଗୁଲାଇ ମିଣ୍ଡି ପିରିଲେ ଆଏଲିୟ ରୁଟି ମାରି ସେଲି ରୁଙ୍ଗ ବେବେ ଡେଙ୍ଗା।କନ୍‌ ବେଲା, ଆହାବ ରାଜା ମାରି ମାଇନ୍ ସଇନିକ୍‌ଲେ ଆଏଲିୟ କଜ୍ ବାର୍ ଡେଙ୍ଗା,ମାତର୍ ମାଏ ଆମାଇ ଆବାମ୍‌ତା।

![](https://cdn.door43.org/obs/jpg/360px/obs-en-19-04.jpg)

ମାସାଡନା ଡାଗ୍ ଗୁର ଆଡିତା,ଅଇଜା ବେଲା ତୁର୍‌ଗୁ ଜଜର୍ ଡାଗ୍ ଉଁସର ଇଗା। ଆତିନେ ଏଲିୟ ମୁଇ ଲଗେ ଡିକୁନ୍ ପାଲ୍ ଦେଶ୍ ବ ଇଗା। ଗିତିନ୍‌ ଦେଶ୍‌ବ ମିଣ୍ଡା ଗରିବ୍ ବାଇ ରାଣ୍ଡି ମାରି ମାଇନ୍‌ ଗୁ ଡିକୁ ଡେଙ୍ଗା। ତାସ୍ ବାସ୍‌ଲେ ଡେଙ୍ଗ୍ ଆଡିତା ସା ମାଏନା ସୁସୁମ୍ ପାଲାଇ କାଦି ଡମଇଡିଗା। ମାତର୍ ଗିତିନ୍‌ସା, ଇଁଙ୍ଗେର୍ ମୁଇ ଏଲିୟନା ଜତନ୍ ରୁରୁଙ୍ଗ୍ ଡେଙ୍ଗା ଈଶ୍‌ପର୍ ଆମାଇ ମାରି ଆମାଇନ୍ ଗୁ କାଦି ମିଲାବେଡ଼। ମାଇନା ଅଟା ଡିକୁନ୍ ପାତ୍‌ଲି ମାରି ମାଇନା ସୁଉ ଡାବା ଉଣ୍ଡଇସା ଆଡମ୍‌ତ। ଗୁଲାଇ ମର୍‌ଡି ବେଲା ମାଏନା କାଦି ଡିଗା। ଏଲିୟ ତିନ୍‌ବରସ୍ ସଗ୍‌ସେ ଆର ଡିଗା।

![](https://cdn.door43.org/obs/jpg/360px/obs-en-19-05.jpg)

ତିନ୍ ବରଷ୍ ଛମାସ୍ ନା ତୁର୍‌ଗୁ, ଈଶ୍‌ପର୍ ଆ ଏଲିୟ ସୁନ ଡିଗା ଜେ, ମାଇ ମାରି ମୁସ ଡାଗ୍ ଅଗୁର୍‌ ତ। ମାଇ ଆଏଲିୟ ଇଁସ୍ରାଏଲ୍ ରାଜିବ ଲେଉଟ୍‌ସେ ଆଆହାବ୍ ରାଜା ବେରଙ୍ଗ୍ ଅଁୟ ପାଲାଇ ସୁନ ଡିଗା। ଆତିନେ ଏଲିୟ ଆହାବ୍ ରାଜା କଣ୍ଡେ ଇଗା। ଉଣ୍ଡୋଇଲ ଆହାବ୍ ରାଜା ଆମାଇ ଯୁଲସେ ସୁନ, “ନ ଅଇରାନ୍ ଡେଡେମ୍ ରେମ୍! ଏଲିୟ ଆମାଇ ସୁନ, ସତୟସା ନ ଆକା ଅଇରାନ୍ ଡେଡେମ୍ ରେମ୍! ନ ଆ’ଯିହୋବା’ ଅନ୍‌ତୁର୍ ତ ନ।ମାଇ ସତ୍ ଈଶ୍‌ପର୍, ମାତର୍ ନ ଆବାଲ୍ ଦେବ୍‌ତା ପୁଜା ଡ଼େମନନ। ଅଇ ନ ଇସ୍ରାଏଲ୍ ରାଜିନା ଆଗୁଲାଇରେମ କାର୍‌ମିଲ୍ କୁଣ୍ଡାବ ରୁରୁଙ୍ଗ୍ ଡିତା।”

![](https://cdn.door43.org/obs/jpg/360px/obs-en-19-06.jpg)

ଗିତିନ୍‌ସା ଇଶ୍ରାଏଲ୍ ରାଜିନା ଗୁଲାଇ ରେମ କର୍‌ମିଲ୍‌ କୁଣ୍ଡାବ ଇଡିଗା। ଜାଜାଲେ ବାଲ୍ ଦେବ୍ ତା ନା ପୁଜାରିଲେ ଡିଗା ମାଏଲେ ସା ସାଗ। କନେଲେ ବାଲ୍‌ନା ବାବବାଦି ଡିଗା। ମାଏନ୍ ବିତ୍‌ରେ ୪୫୦ ରେମ ଡିଗା।ଏଲିୟ ଆରେମଲେ ସୁନ,”ନ ଅଇଜା କାଲ୍ ଜାକ ଡିକନ୍ ଡେଡେମ୍ ଗଙ୍ଗ୍‌ତ୍‌ ପେ? ଜଦି ଯିହୋବା ଈଶ୍‌ପର୍, ଆମାଇ ପୁଜା ଡ଼େମ, ମାତର୍ ବାଲ୍ ଜଦି ଈଶ୍‌ପର୍, ମାଇନ୍ ପୁଜା ଡେମ୍!”

![](https://cdn.door43.org/obs/jpg/360px/obs-en-19-07.jpg)

ଆତିନେ ଏଲିୟ ଆବାଲ୍ ନା ବାବବାଦି ଲେ ସୁନଡିଗା,“ ଆ ଷଣ୍ଡ ଗୋଇ ଅଡାବ୍, ଆସେଲି ଗନ୍ଦାଗନ୍ଦା ଡ଼େମସୁଙ୍ଗ୍,ମାରି ଆକନା ସେବସେ ବେବେ ପାଲାଇ ବେଦି ବ ବୁଙ୍ଗ୍, ମାତର୍ ସୁଙ୍ଗ ଆଅଡଲ। ନିଙ୍ଗ୍ ତୁର୍‌ଗୁ ଲନା ଡିତିନ୍ ଡେମ୍‌ତିଙ୍ଗ୍, ମାରି ନିଙ୍ଗ୍ ଆସେଲି ମୁୟଙ୍ଗ୍ ପାଲ୍ ବେଦିବ ବୁଙ୍ଗ୍‌ତିଙ୍ଗ୍‌। ମାଇନ୍ ତୁର୍‌ଗୁ ଜଦିଈଶ୍‌ପର୍ ବେଦିବସୁଁଙ୍ଗ ବେଟାଇତ, ଡ଼ିତିନ୍‌ଲ ନ ମଗ୍‌ତନ ଜେ ମାଇ ସତ୍‌ଈଶ୍‌ପର୍।” ଗିତିନ୍ ସା ବାଲ୍‌ନା ବାବବାଦିଲେ ମୁୟଙ୍ଗ୍ ନାମାସ୍‌ଲସେ ବେବେପାଲାଇ ତିଆର୍ ଡ଼େମଡିଗା, ମାତର୍ ସୁଁଙ୍ଗ ଅଡଲ ଆଡିତା।

![](https://cdn.door43.org/obs/jpg/360px/obs-en-19-08.jpg)

ଆତିନେ ବାଲ୍ ଦେବ୍‌ତାନା ବାବବାଦିଲେ ଆବାଲ୍ ବ ପାର୍‌ତନା ଡ଼େମ, “ଅ ବାଲ୍ ଦେବ୍‌ତା ନେନେ କାତା ଅଙ୍ଗ୍”! ଗୁଲାଇ ଦିନ୍ ମାଏ ପାର୍‌ତନା ଡ଼େମ ମାରି ଆଉଲି ଡେଙ୍ଗା ମାରିଲନା ଉନ୍‌ସୁ ବେରଙ୍ଗ୍ ତରେ ଅଗଗା, ମାତର୍ ବାଲ୍ ମାସା ଆସୁନ୍‌ତ, ମାରି ମାଇ ମାସା ସୁଁଙ୍ଗ ଆବେଟାଇତ।

![](https://cdn.door43.org/obs/jpg/360px/obs-en-19-09.jpg)

ବାଲ୍ ଦେବ୍‌ତା ନା ବାବବାଦିଲେ ଗୁଲାଇ ଦିନ୍ ଆବାଲ୍ ପାର୍‌ତନା ଡ଼େମ। ତୁର୍‌ଗୁ ପାର୍‌ତନା ଡେଡେମ୍ ବନ୍ଦ୍ ଡ଼େମ। ଆତିନେ ଏଲିୟ ଇଶ୍‌ପର୍‌ ପାଲାଇ ମୁଇ ପାଲ୍ ବେଦିବ ଷଣ୍ଡ୍ ଗଇ ନା ସେଲି ବୁଙ୍ଗ। ଆତିନେ,୧୨ ଙ୍କୁଇଁ ନା ଡାଗ୍ ସେବକୁନ୍‌ ବାଗ୍‌ବ କିବ୍ ଉଣ୍ଡୟଲ ଜାକ ସେଲି, ସୁଙ୍ଗ, ମାରି ବେଦି ସାର୍ ବେର୍ ତି ଡିକୁନ୍ ତୁବୁ ମିରି ଆଡାଗ୍ ଡାଗ୍ ତା।

![](https://cdn.door43.org/obs/jpg/360px/obs-en-19-10.jpg)

ଗିତିନ୍‌ ତୁର୍‌ଗୁ ଏଲିୟ ପାର୍‌ତନା ଡ଼େମ, “ଅବ୍‌ରାହାମ୍, ଇସାକ୍‌ ମାରି ଜାକୁବ୍ ନା ଈଶ୍‌ପର୍, ଯିହବା, ନ ଇସ୍ରାଏଲ୍‌ନା ଈଶ୍‌ପର୍ ମାରି ନିଙ୍ଗ୍ ନନା ସେବକ୍ କନ୍ ଆନେ ଅଇକା ଅଜୁଲ ବେ। ଆନିଙ୍ଗ୍ ସୁଁ ଜେ ଜାନ୍ ପାଲାଇ କନ୍ ରେମଲେ ମାଗ୍ ତ ଜେ ନ ଆକା ସତ୍ ଈଶ୍‌ପର୍।”

![](https://cdn.door43.org/obs/jpg/360px/obs-en-19-11.jpg)

ଚଟ୍‌ନା ବାଦଲ୍ ନାନେ ସୁଁଅ ଡଗା। କନ୍‌ ବେଦି ଚାର୍‌ବେତି ଡିକୁନ୍ ସେଲି, ସୁଁଅ, ବିରେ ମାରି ଚାର୍‌ବେର୍‌ତି ଡିକୁନ୍ ଆତୁବୁ ଅଗେବ ବେଡ଼। ଉଣ୍ଡୋଇଲ ରେମଲେ କନ୍ ଜୁଲ, ମାଏ ତୁବୁଗ୍‌ବ ଉମ୍‌ତାଡି ଡେଙ୍ଗସେ ଲଗା, ମାରି ସୁନ “ଯିହବା ଆକା ଈଶ୍‌ପର୍ ଯିହବା ଆକା ଈଶ୍‌ପର୍।”

![](https://cdn.door43.org/obs/jpg/360px/obs-en-19-12.jpg)

ଗିତିନ୍‌ ତୁର୍‌ଗୁ ଏଲିୟ ସୁନ,“ବାଲ୍‌ଦେବ୍‌ତା ନା ଆ ଜାସା ବାବବାଦିଲେ ପିସଲ୍‌ସେ ଡୁଡୁଙ୍ଗ୍ ପାଲାଇ ଆବେଡ!” ଗିତିନ୍‌ସା ରେମଲେ ବାଲ୍ ନା ଆବାବବାଦିଲେ ସବସେ ମାରି ମାଏଲେ ବାଇରି ରୁଙ୍ଗ ସେ ଆମାଏଲେ ଅଡାବ।

![](https://cdn.door43.org/obs/jpg/360px/obs-en-19-13.jpg)

ଗିତିନ୍‌ ତୁର୍‌ଗୁଏଲିୟ ଆଆହାବ ସୁନ,“ଡିଅବ ଡୁଙ୍ଗା, ମାସାଡନା ଡାଗ୍ ସାଗାନି”। ଚଟ୍‌ନା ବାଦଲ୍ କାଲିଆ ଡେଡେମ୍‌ ମୁଲାୟ, ମାରି ଜବର୍ ଡାଗ୍ ଡୁର। ଯିହୋବା ଆମର୍‌ଡି ଅଡମ ସୁଁଅଡିଗା। କନା ଅମାଗ୍‌ତ ଜେ ମାଇ ସତ୍ ଈଶ୍‌ପର୍।

![](https://cdn.door43.org/obs/jpg/360px/obs-en-19-14.jpg)

ଉଣ୍ଡୋଇଲ ଏଲିୟ ମାଇନା କାମ୍ ଅଡ଼ମ, ଈଶ୍‌ପର୍ ଇଲିଶାୟ ଅମିନା ମିଣ୍ଡାରେମ ମାଇନ୍ ବାବବାଦି ଡେଡେଙ୍ଗ ପାଲାଇ ବାଚ୍‌ଲ। ଈଶ୍‌ପର୍ ଇଲିଶାୟନ୍ ସା ଜବର୍ ରାକ୍‌ତିନା କାମ୍‌ଲେ ଡ଼େମ। ମାଇନା ବେରଙ୍ଗ୍ ମୁଇ ରାକ୍‌ତି ନା କାମ୍ ଡେଙ୍ଗ୍ ଡିଗା। ମାଇ ମୁଇ ଶତ୍‌ରୁ ସେନାପତି ଡିଗା, ମାତର୍ ଆମାଇ କୁସ୍‌ଟ ରୋଗ୍ ଡେଙ୍ଗ୍‌ଡିଗା। ମାଇ ଇଲିଶାୟନା କାତା ଅଙ୍ଗ, ଗିତିନ୍‌ସା ମାଇ ଇଗ୍‌ସେ ଆମାଇ ବାନି ଡେଡେଙ୍ଗ୍ ପାଲାଇ ଆଇଲିଶାୟ ସୁନ। ଇଲିଶାୟ ଆନାମାନ୍ ଯର୍‌ଦନ୍ କିଣ୍ଡାବ ସାତ୍‌ଥର୍ ବୁଡ଼ବାର୍ ପାଲାଇ ସୁନ।

![](https://cdn.door43.org/obs/jpg/360px/obs-en-19-15.jpg)

ନାମାନ୍ ରିସା ଡେଙ୍ଗ୍‌ଡିଗା। ମାଇ କନା ଡେମ ଆଡିତା ମାସାଡନା କନା ଆମାଇ ବିସ୍‌ବାସ୍ ଆଡେଙ୍କୁନ୍‌ ସୁଗ ଲାଗ୍‌ଗା। ମାତର୍ ତୁର୍‌ଗୁ ମାଇ ମାଇନା ମନ୍ ବାଦ୍‌ଲାୟସେ। ଯର୍‌ଦନ୍‌ବ ଇଗ୍‌ସେ ମାଇ ସାତ୍‌ଥର୍ ବୁଡ଼୍‌ଗା। ମାଇ ଅଇଜାବେଲା ଡଡମ୍‌ଲ ଡାଗ୍‌ବ ବୁଡ଼୍‌ସେ ତୁର୍‌ଗା ଅଇତିନ୍‌ଲୋ ମାଇନା କୁସ୍‌ଟ ରୋଗ୍ ଗୁଲାଇ ବାନିଡେଙ୍ଗା, ଈଶ୍‌ପର୍ ଆମାଇ ବାନି ଡ଼େମ।

![](https://cdn.door43.org/obs/jpg/360px/obs-en-19-16.jpg)

ଇସ୍ରାଏଲ୍‌ ରେମଲେନ୍ ବ ଈଶ୍‌ପର୍ ମାର୍‌ମୁସ ପାଲ୍ ଜବର୍ ଆବାବବାଦିଲେ ବେଟାୟ। ମାଏ ଆଗୁଲାଇ ରେମ ପଟ୍ ପୂଜା ଡେଡେମ୍ ନା ମନାଡେଡେମ୍‌ ପାଲାଇ ସୁନ। କନ୍ ବାଦୁଲ୍ ଆରେମଲେ ମାଏନ୍ ମାଏନ୍ ବିତ୍ ରେ ଦରମ୍ ମାରି ଆଲାଦ୍ ଡେଡେମ୍ ବାନି। କାରାପ୍‌ କାମ୍ ବନ୍ଦ ଡେଡେମ୍ ପାଲାଇ୍ ମାଇ ଈଶ୍‌ପର୍ ନା କାତା ମାନ୍ ବାର୍ ପାଲାଇ୍ ବା ବାଜିଲେ ଅରେମଲେ ଚେଟାୟ ବେଡ଼। ଜଦି ରେମଲେ କନା ଆଡେମ୍ ତ ଡନା ଈଶ୍‌ପର୍ ଆମାଏ ପାପ୍ ସା ଦଷ୍ ସବସେ ନିଆଇ ଡେମ୍ ତ, ମାରି ଆମାଏ ଡଣ୍ଡ୍ ବେତ।

![](https://cdn.door43.org/obs/jpg/360px/obs-en-19-17.jpg)

ଜବର୍ ବେଲା ରେମଲେ ଈଶ୍‌ପର୍‌ନା କାତା ମାନ୍‌ବାର୍ ଆଡ଼େନ୍‌ତା। ମାଏ ଚନେକ୍ ଚନେକ୍ ବାବବାଦିଲେ ବେରଙ୍ଗ୍ କାରାପ୍ ବେବାର୍ ଡ଼େମ ମାରି ଉଣ୍ଡୋଇ ଉଣ୍ଡୋଇ ବେଲା ଆବାବବାଦିଲେ ଅଡାବ୍ ସୁଙ୍ଗ। ମିସିଙ୍ଗ୍ ଆଯିରିମିୟ ବାବବାଦି ମୁଇ ଉନ୍‌ସର୍ କୁନ୍ କୁଇସାଲ୍ ବ ରାପୁଡ଼, ମାରି ଆମାଇ ମାଇ ଗଗଇ ପାଲାଇ ଅନ୍‌ତୁର ବେଡ଼। ଗିତିନ୍‌ କୁଇଁସାଲ ବ ଡିକୁନ୍ କାଦବ ବୁଡ଼ ଇଗା। ମାତର୍ ମାଇନ୍ ବାଗ୍‌ବ ରାଜାନା ଆଲାଦ୍ ମନ୍ ସାଗା, ମାରି ଯିରିମିୟ ଗଗୟ୍‌ନା ଆଗ୍‌ତୁ ଆମାଇ କୁଇଁସାଲ୍ ନାନେ ଅତୁର ରୁରୁଙ୍ଗ୍ ପାଲାଇ ମାଇ ଆମାଇନା ଦାସିଲେ ଆଦେଶ୍‌ ବେଡ।

![](https://cdn.door43.org/obs/jpg/360px/obs-en-19-18.jpg)

ଆବାବବାଦିଲେ ରେମଲେ ଘୁର୍ ନା ଡେଡେମ୍ ଡେଙ୍ଗ୍‌ନା ଲନା ବାବବାଦିଲେ ଇଶ୍‌ପର୍‌ ପାଲାଇ୍ ସୁନ୍ ସୁ ନା ବନ୍ଦ ଆଡେମ୍‌ତ। ମାଏ ଆରେମଲେ ଅମାଗ ବେଡ଼ ଜେ ଜଦି ମାଏଲେ ପାପ ନାନେ ମନ୍ ଆବଦ୍ ଲାଇତ ଡ଼ିତିନ୍‌ଲ ଈଶ୍‌ପର୍ ଆମାଏ ବୁଡ଼ାୟ ସୁଙ୍ଗ୍ ତ। ମାଏଲେ ଆରେମଲେ ଗିତିନ୍‌ ଲ ନା ଅମାଗ ବେଡ଼ ଜେ ପର୍‌ମାନ୍ ଡ଼େମକୁନ୍‌ସା ଆ କିସ୍‌ଟ ମାଏନ୍ ବ ବେଟାୟ୍‌ତ।

*ବାଇବଲ୍‌ନା ମୁଈ ଉସାରାମ୍: ୧ ରାଜାବଳି ୧୬-୧୮;୨ ରାଜାବଳି ୫;ଯିରିମିୟ ୩୮।*

Audio: https://git.door43.org/OBS-TLF/bfw_obs/releases/download/v1/bfw_obs_v1_19_128kbps.m4a

## 20. ୨୦. ଅତୁଗ୍ ସେ ଇନା ମାରି ସାସାଗ୍‌ନା

https://openbiblestories.org/l/bfw/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ୍ ରାଜି ମାରି ଯିହୁଦା ରାଜି ଉମ୍ବାର ଦେଶ୍‌ ଈଶ୍‌ପର୍ ବ ପାପ୍ ଡ଼େମଡିଗା। ମାଏ ସିନାଇ ବ ଈଶ୍‌ପର୍ ବେରଙ୍ଗ୍ ଡ଼େମକୁନ୍ ନିଅମ୍‌ ଅପୁରୁଗ ଡିଗା। ଈଶ୍‌ପର୍ ମାଇନା ଆବାବବାଦିଲେ ପାପ୍ ଡେକୁନ୍ ଅନୁତାପ୍ ଡେଡେମ୍ ସା ମାରି ଆମାଏ ମାର୍‌ମୁସ ପୁଜା ଡେଡେମ୍‌ସା ଏତାୟ ବେବେ ପାଲାଇ ବେଟାୟ ଡିଗା, ମାତର୍ ମାଏ ମାନ୍‌ବାର୍ ସା ମନା ଡ଼େମ।

![](https://cdn.door43.org/obs/jpg/360px/obs-en-20-02.jpg)

ଆତିନେ ଈଶ୍‌ପର୍ ଆଉମ୍ବାର୍ ରାଜିନା ମାଏନା ଆଶତ୍‌ରୁଲେ ବୁଡାୟ ସୁସୁଙ୍ଗ୍‌ ପାଲାଇ ଆଦେଶ୍‌ ବେଡ଼ସେ,ଡଣ୍ଡ୍ ବେଡ଼। ଅଶୁର ମୁଇ ପାଲ ଦେଶ୍ ଡିଗା ଆର୍‌ନା କି ଜବର୍ ବପୁବାଇ ଡେଙ୍ଗା। ମାରି ଅଶୁରିୟ ଦେଶ୍‌ନା ରେମଲେ ପାଲ୍ ଦେଶ୍‌ବ ଜବର୍ ନିଷ୍ଟୁର୍ ଡିକୁନ୍‌ରେମଲେ ସୁଗ ଡିଗା। ମାଏ ଆଇସ୍ରାଏଲ୍‌ରାଜି ବୁଡାୟ ସୁସୁଙ୍ଗ୍ ପାଲାଇ ସାଗା। ମାରି ଅଶୁରିୟଲେ ଇସ୍ରାଏଲ୍ ରାଜିନା ଆରେମଲେ ଜବର୍ ଅଡାବ ସୁଙ୍ଗଡିଗା। ମାଏ ମନ୍ ଡ଼େମକୁନ୍‌ ଗୁଲାଇ ଜିନିସ୍ ରୁଙ୍ଗଇଡିଗା ମାରି ଗିତିନ୍‌ ଦେଶ୍‌ନା ଜବର୍ ବାଗ୍ ଅଗେବ ସୁଙ୍ଗ।

![](https://cdn.door43.org/obs/jpg/360px/obs-en-20-03.jpg)

ଅଶୁରିୟନା ଗୁଲାଇ ନେତାଲେ, ସାକାର୍‌ରେମ୍ ମାରି ଦାମ୍‌ବାଇ ଜିନିସ୍‌ ତିଆର୍ ଡେଡେମ୍ ଗଗଙ୍ଗ ଡ଼େଙ୍ଗା। ମାଏ ଆମାଏଲେ ଅଶୁରିୟବ ରୁଙ୍ଗ୍ ଡିଗା। ଇସ୍ରାଏଲ୍‌ନା ଜବର୍ ଗରିବ୍ ରେମଲେ ଅଇଜା ଇସ୍ରାଏଲ୍ ଦେଶ୍‌ବ ଡିଗା।

![](https://cdn.door43.org/obs/jpg/360px/obs-en-20-04.jpg)

ମାଇନ୍ ତୁର୍‌ଗୁ ଅଶୁରିୟବନ୍‌ ରେମଲେ ପାଲ୍ ଦେଶ୍‌ନା ଆରେମଲେ କନ୍ ଦେଶ୍‌ବ ଡିକୁପାଲାଇ ରୁଁଅ। ପାଲ୍‌ଦେଶ୍‌ନା ରେମଲେ ଉଙ୍ଗମ୍‌ଲେ ଗୁଲାଇ ମାରି ମୁସ ତିଆର୍ ଡ଼େମ। ମାଏ ଆର ଅନ୍‌ତୁର କୁନ୍‌ ଆଇସ୍ରାଏଲିୟଲେ ମାଏନ୍ ମାଏନ୍ ବେରଙ୍ଗ୍‌ ବିବା ଡ଼େମ। କନ୍ ରେମଲେନ୍ ଆକୁଲ୍ ଶମିରଣୀୟ ଡସେ ସୁଁସୁଡେଙ୍ଗା।

![](https://cdn.door43.org/obs/jpg/360px/obs-en-20-05.jpg)

ଯିହୁଦି ରାଜିନା ରେମଲେ ଜୁଲଜେ, ଈଶ୍‌ପର୍ ଇସ୍ରାଏଲ୍‌ ରାଜିନା ରେମଲେ ମିରି ବିସ୍‌ବାସ୍ ଡ଼େମ ଆଡିତା, ମାରି ମାନ୍ ଲ ଆଡ଼ିତା ଗିତିନ୍ ସା ଆମାଏ ଡଣ୍ଡ୍ ବେଡ଼। ମାତର୍ ମାଏ କିଣାନିୟଲେନା ଆଦେବ୍‌ତା ବେରଙ୍ଗ୍‌ ଆମୁର୍‌ତିଲେ ପୁଜା ଡ଼େମ। ଈଶ୍‌ପର୍ ଆବାବବାଦିଲେ ଅମାଗବେବେ ପାଲାଇ ବେଟାୟ, ମାତର୍ ମାଏ ଅଁଙ୍ଗ୍‌ ସା ମନାଡ଼େମ।

![](https://cdn.door43.org/obs/jpg/360px/obs-en-20-06.jpg)

ଅଶ୍ୱରିୟ ଦେଶ୍‌ନା ରେମଲେ ଆଇସ୍ରାଏଲ୍‌ରାଜି ବୁଡା ସୁଙ୍ଗକୁନ୍ ୧୦୦ ବରଷ୍ ତୁର୍‌ଗୁ, ଈଶ୍‌ପର୍ ବାବିଲିୟନା ରାଜା ଆନବୁଖଦ୍‌ନିସର୍, ଯିହୁଦା ରାଜି ବାଗ୍‌ବ ଜୁଜ୍‌ ଡେଡେମ୍ ସା ବେଟାୟ। ବାବିଲ୍ ମୁଇ ବପୁବାଇ ଦେଶ୍‌ ଡିଗା।ମାରି ଯିହୁଦା ରାଜିନା ରାଜା ନବୁଖଦ୍‌ନିସର୍ ନା ଗତିରେମ୍‌ ଡେଡେମ୍‌ସା ରାଜି ଡେଙ୍ଗ୍‌ଡିଗା ମାରି ଆମାଇ ବରଷ୍‌କେ ବରଷ୍ ଜବର୍ ଡାବୁ ବେବେସା ରାଜି ଡେଙ୍ଗା।

![](https://cdn.door43.org/obs/jpg/360px/obs-en-20-07.jpg)

ମାତର୍ ଅଇଜା ବରଷ୍ ତୁର୍‌ଗୁ,ଯିୟୁଦାନା ରାଜା ମାରି ବାବିଲ୍ ଦେଶ୍ ବେରଙ୍ଗ୍ ବିରଦ୍ ଡ଼େମ। ଗିତିନ୍‌ସା ବାବିଲନିୟ ରେମଲେ ଲେଉଟ୍ ସାଗା ମାରି ମାଇ ଯିହୁଦା ଦେଶ୍ ବାଗ୍‌ବ ଜାଗ୍‌ଲସେ ଜୁଜ୍‌ ଡ଼େମ। ମାଏଲେ ଆଜିରୁଶାଲାମ୍ ସହର୍‌ ଚାଡାୟ ମାରି ଆମନ୍ଦିର୍‌ ବୁଡାସୁଙ୍ଗ ମାରି ସହର୍‌ ମାରି ଉଣ୍ଡିନା ଦନ୍‌ଦଲତ୍ ଗୁଲାଇ ଚାଡାୟରୁଙ୍ଗା।

![](https://cdn.door43.org/obs/jpg/360px/obs-en-20-08.jpg)

ଯିହୁଦା ଦେଶ୍‌ନା ଆରାଜା ଡଣ୍ଡ୍ ବେବେସା ନବୁକଦ୍‌ନିସର୍ ନା ସଇନିକ୍‌ଲେ ରାଜାନା ଆଗୁଲେଇନେ ସାର୍‌ମ ଆଗ୍‌ତୁ ଅଡାବସୁଁଙ୍ଗ। ମାରି ମାଇନ୍ ତୁର୍‌ଗୁ ଆମାଇ କାନା ଡ଼େମ। କନଙ୍ଗ୍‌ନା ତୁର୍‌ଗୁ ମାଏଲେ ଆରାଜା ରୁଙ୍ଗ ଇଗା।ଗିତିନ୍ ସା ମାଇ ବାବିଲ୍ ଦେଶ୍‌ନା ଜଇଲ୍‌ବ ଗଇଗା।

![](https://cdn.door43.org/obs/jpg/360px/obs-en-20-09.jpg)

ନବୁଖଦ୍‌ନିସର୍ ରାଜା ମାରି ମାଇନା ସଇନିକ୍‌ଲେ ଯିହୁଦା ରାଜିନା ଆଗୁଲାଇ ରେମ ବାବିଲ୍ ଦେଶ୍‌ବ ରୁଙ୍ଗ ଇଗା। ମାତ୍‌ରମ୍ ଆଗରିବ୍‌ରେମ୍ ତାସ୍ ଡେଡେମ୍ ପାଲାଇ ଅନ୍‌ତୁରବେଡ଼। କନ୍ କାଲ୍ ବେଲା, ଉଣ୍ଡୋଇଲ ଈଶ୍‌ପର୍‌ନା ଆରେମଲେ ପର୍‌ମାନ୍ ଡ଼େମକୁନ୍ ଦେଶ୍‌ ଅନ୍‌ତୁର୍‌ବାର୍‌ସା ବାଇଦ ଡ଼େଙ୍ଗା, ଆମାଏ ଅତୁଗ୍ ସେ ଇନା ଡସେ ସୁନ୍‌ତ।

![](https://cdn.door43.org/obs/jpg/360px/obs-en-20-10.jpg)

ମାରି ଈଶ୍‌ପର୍ ଆରେମଲେ ମାଏନ୍ ପାପ୍ ସା ଆମାଏ ପାଲ୍ ଦେଶ୍‌ବ ରୁଙ୍ଗ୍‌ସେ ଡଣ୍ଡ୍‌ବେଡ଼, ଅଇତିନ୍‌ସା ମାଇ ଆମାଏଲେ ବେଡ଼କୁନ୍ ପର୍‌ମାନ୍ ସା ଆବାନାତା। ଈଶ୍‌ପର୍ ମାଇନା ରେମଲେନ୍‌ ବାଗ୍‌ବ ବାନି ଜୁଜୁ ଡେଙ୍ଗା ମାରି ମାଏନା ବାବବାଦିଲେନ୍ ବ ମାଏଲେ ବେରଙ୍ଗ୍ ଅଁୟ ଡେଙ୍ଗା। ମାଇ ପର୍‌ମାନ୍ ଡ଼େମତା ଜେ, ୭୦ ବରଷ୍ ତୁର୍‌ଗୁ, ମାଏଲେ ମାରିମୁସ ପର୍‌ମାନ୍ ଡ଼େମକୁନ୍ ଦେଶ୍‌ବ ସାତା।

![](https://cdn.door43.org/obs/jpg/360px/obs-en-20-11.jpg)

୭୦ ବରଷ୍ ତୁର୍‌ଗୁ ପାରସ୍ୟ ଦେଶ୍‌ନା ରାଜା ସାଇରସ୍ ଆବାବିଲନିୟ ଦେଶ୍‌ ଆରାୟ। ଗିତିନ୍‌ସା ଅଇଜା ବାବିଲ୍ ରାଜି ନାନେ ପାରସ୍ୟ ରାଜି ଜବର୍ ଦେଶ୍‌ ବାଗ୍‌ବ ଶାସନ୍ ଡ଼େମ। ଇସ୍ରାଏଲନା ଆରେମଲେ ଯିହୁଦି ରେମଡ଼ସେ ସୁଁସୁ ଡେଙ୍ଗା। ମାଏନ୍ ବିତ୍‌ରେ ଜବର୍ ରେମ, ବାବିଲ୍ ଦେଶ୍‌ ବ ମାଏନା ଗୁଲାଇ୍ ଜିବନ୍ କାଟ୍‌ଲ । ଏନ୍‌ତୁ ଇତି ଡକ୍‌ରା ରେମ ଆକା ଯିହୁଦିନା ଆଯିହୁଦା ଦେଶ୍‌ ଏତାୟ।

![](https://cdn.door43.org/obs/jpg/360px/obs-en-20-12.jpg)

ପାରସ୍ୟ ଦେଶ୍‌ନା ରେମଲେ ଜବର୍ ବପୁ ବାଇ ଡିଗା, ମାତର୍ ମାଏ ଆରାୟ ଡିକୁନ୍ ରେମଲେନ୍ ବାଗ୍‌ବ ଆଲାଦ୍ ଡ଼େମ। ମାତର୍‌ ସାଇରସ୍ ପାରସ୍ୟ ଦେଶ୍‌ନା ରାଜା ଡେଙ୍ଗ୍ କୁନ୍ ଉନାଦିନ୍ ତୁର୍‌ଗୁ, ମାଇ ମୁଇ ଆଦେଶ୍‌ ବେଡ଼ ଜେ। ଯିହୁଦା ଦେଶ୍‌ ଇପାଲାଇ ମନ୍ ଡେମନା, ଜାସା ଯିହୁଦି ରେମ୍‌ ପାରସ୍ୟ ଦେଶ୍‌ ଅନ୍‌ତୁରସେ ଯିହୁଦା ଦେଶ୍‌ବ ଇଗଙ୍ଗ୍‌ତା। ଆତିନେ ମାଇ ଆମାଏ ଆମନ୍ଦିର୍ ମାରିମୁସ ତିଆର୍ ଡେଡେମ୍ ପାଲାଇ ଡାବୁ ବେଡ଼ । ଗିତିନ୍‌ସା ୭୦ ବରଷ୍ ତରୁଗୁ ଅତୁଗ୍ ସେ ଡିକୁନ୍, ଯିହୁଦିଲେନା ମୁଇ ପାର୍‌ତି ଯିହୁଦା ସହର୍‌ ନା ଯିରୁଶାଲେମ୍ ବ ସାଗା।

![](https://cdn.door43.org/obs/jpg/360px/obs-en-20-13.jpg)

ଉଣ୍ଡୋଇଲ ରେମଲେ ଜିରୁଶାଲମ୍‌ବ କେଟ୍‌ଗା, ମାଏ ଉଣ୍ଡି ମାରି ଉଙ୍ଗମ୍‌ନା କତି ମାର୍‌ମୁସ ଅରେଙ୍ଗ। ପାରସ୍ୟଲେ ମାଏନ୍ ବାଗ୍‌ବ ସା ଅଇତିନ୍ ଜାକ ଶାସନ୍ ଡ଼େମ, ମାତର୍ ମାରିମୁସ ଯିହୁଦି ରେମଲେ ପର୍‌ମାନ୍ ଡ଼େମକୁନ୍ ଦେଶ୍‌ ବ ଡିଗ୍‌ସେ ଗିତିନ୍ ମନ୍ଦିର୍‌ବ ପୁଜା ଡେଡେମ୍ ଡେଙ୍ଗା।

*ବାଇବଲ୍‌ନା ମୁଈ ଉସାରାମ୍ : ୨ ରାଜାବଳି ୧୭:୨୪-୨୫;୨ ବଂଶାବଳି ୩୬ ; ଏଜ୍ରା ୧-୧୦;ନିହିମିୟା ୧-୧୩*

Audio: https://git.door43.org/OBS-TLF/bfw_obs/releases/download/v1/bfw_obs_v1_20_128kbps.m4a

## 21. ୨୧. ଈଶ୍‌ପର୍ ଆକିସ୍‌ଟ ପର୍‌ମାନ୍ ଡେମ୍‌ତ

https://openbiblestories.org/l/bfw/story-21/

![](https://cdn.door43.org/obs/jpg/360px/obs-en-21-01.jpg)

ଉଣ୍ଡୋଇଲ ଈଶ୍‌ପର୍ ଆଦର୍‌ତନି ତିଆର୍ ଡ଼େମ,ମାଇ ମାଗଡିଗା ଜେ ଇତିବେଲା ତୁର୍‌ଗୁ ଆକିସ୍‌ଟ ବେଟାୟ୍‌ତ। ମାଇ ହବା ମାରି ଆଦମ୍ କନା ଡେମ୍‌ତ ଡସେ ପର୍‌ମାନ୍ ଡ଼େମ ଅବାନା କୁଲ୍ ନାନେ ମିଣ୍ଡା ଜନମ୍ ଡ଼େନ୍‌ତା ଜାକି ବୁବୁନା ଆବବ୍‌ ଅବାର୍‌ତାଗ ବେତ। ଆହବା ନାଡ଼ବାର୍ ପାଲାଇ୍ ସ ଇତାନ୍ ବୁବୁଗ୍ ସୁଗ ତିନାଗା। ଈଶ୍‌ପର୍ ସୁନ୍ ସୁନା ଅର୍‌ତ ଡେଙ୍ଗା ଜେ, କିସ୍‌ଟ ଆସଇତାନ୍ ଏକ୍‌ଦମ୍ ଆରାଇତ।

![](https://cdn.door43.org/obs/jpg/360px/obs-en-21-02.jpg)

ଈଶ୍‌ପର୍ ଆଅବ୍ରାହାମ୍ ପର୍‌ମାନ୍‌ ଡ଼େମଡିଗା ଜେ, ମାଇନ୍ ସା ଦର୍‌ତନି ନା ଆଗୁଲାଇ କୁଟୁମ୍ ଆଷିର୍‌ବାଦ୍ ବାଙ୍ଗ୍‌ତା। ସାସାବ୍‌ ବେଲା ଆକିସ୍‌ଟ ବେଟାୟସେ ଈଶ୍‌ପର୍‌ନା କନ୍ ପର୍‌ମାନ୍ ଗୁଲାଇ ଡେମ୍‌ତ। ଈଶ୍‌ପର୍ ଆତିନ୍ ପର୍‌ମାନ୍ ଡ଼େମକୁନ୍ ଇତିବେଲା ଆକିସ୍‌ଟ ବେଟାଇବାର୍‌ଲୋ ଗିତିନ୍‌ ଅଡମ୍‌ତ। କିସ୍‌ଟ ଦର୍‌ତନିବ ଡିକୁନ୍ ଆଗୁଲାଇ କୁଲ୍ ନା ରେମଲେ ମାଏନ୍ ନା ପାପ୍ ନାନେ ରକ୍ଷା ଡେମ୍‌ତ।

![](https://cdn.door43.org/obs/jpg/360px/obs-en-21-03.jpg)

ଈଶ୍‌ପର୍ ଆମୋଶା ପର୍‌ମାନ୍ ଡ଼େମଡିଗା ଜେ, ଆଗ୍‌ତୁ ମାଇ ମାଇନା ସୁଗ ମାର୍‌ମୁଇ ବାବବାଦି ବେଟାଇତ। କନ୍ ବାବବାଦି କିସ୍‌ଟ ଡ଼େନ୍‌ତା।ଡିକନ୍ ସୁଗ,ଈଶ୍‌ପର୍ ମାରିମୁସ ପର୍‌ମାନ୍ ଡ଼େମ ଜେ ମାଇ ଆକିସ୍‌ଟ ବେଟାଇତ।

![](https://cdn.door43.org/obs/jpg/360px/obs-en-21-04.jpg)

ଈଶ୍‌ପର୍ ଆଦାଉଦ ରାଜା ପର୍‌ମାନ୍‌ ଡ଼େମ ଡିଗା ଜେ, ମାଇନା ମୁଇ କୁଲ୍ କିସ୍‌ଟ ଡ଼େନ୍‌ତା। ମାଇ ରାଜା ଡ଼େନ୍‌ତା ମାରି ଈଶ୍‌ପର୍‌ନା ରେମଲେନ୍ ବାଗ୍‌ବ ଗୁଲାଇ ଦିନ୍‌ ପାଲାଇ ଶାସନ୍ ଡେମ୍‌ତ।

![](https://cdn.door43.org/obs/jpg/360px/obs-en-21-05.jpg)

ଈଶ୍‌ପର୍ ଯିରିମିୟ ବାବବାଦି ବେରଙ୍ଗ୍ କାତା ଡେଙ୍ଗା,ମାରି ଆମାଇ ସୁନଡିଗା ଜେ, ମାଇ ମିସିଙ୍ଗ୍,ମୁଇ ତିମେ ନିୟମ୍ ଡେମ୍‌ତ। ଗିତିନ୍‌ ତିମେ ନିୟମ୍ ଈଶ୍‌ପର୍ ଇସ୍ରାଏଲ୍ ବେରଙ୍ଗ୍ ସାଇନା ଦେଶ୍‌ବ ଡ଼େମକୁନ୍, ବାଇର୍‌ବାଇ ନିୟମ୍ ସୁଗ ଆଡ଼େନ୍‌ତା।ଉଣ୍ଡୋଇଲ ମାଇ ରେମଲେ ବେରଙ୍ଗ୍ ମାଇନା ତିମେ ନିୟମ୍ ଡେମ୍‌ତ, ମାଇ ଆମାଏ ତରୋଇନା ସୁଗ ମାମାଗ୍ ପାଲାଇ ରେମେଲେ ଆମାଇ ମାଗ୍‌ତ। ଗୁଲାଇରେମ ଆମାଇ ବଲ୍ ବାଙ୍ଗ୍‌ତା,ମାରି ମାଇନା ନିୟମ୍‌ଲେ ମାନ୍‌ବାର୍‌ସା ମନ୍ ଡେମ୍‌ତ। ଈଶ୍‌ପର୍ ସୁନତା ଜେ କନ୍‌ ମାଏନ୍ ମନ୍‌ବ ମାଇନା ନିୟମ୍ ଲେକ୍‌ଲ କୁନ୍‌ସୁଗ ଡ଼େନ୍‌ତା। ମାଏ ମାଇନା ରେମ ଡ଼େନ୍‌ତା,ମାରି ଈଶ୍‌ପର୍ ମାଏନା ପାପ୍‌ଲେ ଗୁଲାଇ୍ କେମା ଡେମ୍‌ତ। କିସ୍‌ଟ ମାଏନ୍‌ ବେରଙ୍ଗ୍ ତିମେ ନିୟମ୍ ଡେମ୍‌ତ।

![](https://cdn.door43.org/obs/jpg/360px/obs-en-21-06.jpg)

ଈଶ୍‌ପର୍‌ନ ବାବବାଦିଲେ କନା ସା ସୁନତା ଜେ, କିସ୍‌ଟ ମିଣ୍ତା ବାବବାଦି, ମିଣ୍ଡା ପୁଜାରି, ମାରି ମିଣ୍ଡା ରାଜା ଡ଼େନ୍‌ତା। ଆର୍‌ନା ରେମ ଈଶ୍‌ପର୍ ନାନେ କାତା ଅଙ୍ଗ୍‌ତ ମାରି ଗିନା ଆରେମଲେ ସୁନ ବୁଲ୍‌ତ ମାଇ ଆକା ବାବବାଦି। ଈଶ୍‌ପର୍ ପାଟାଇବାରସା ପର୍‌ମାନ୍‌ ଡ଼େମଡିକୁନ୍ କିସ୍‌ଟ ମିଣ୍ଡା ବାନିବାଇ ବାବବାଦି ଡ଼େନ୍‌ତା।ଗିତିନ୍‌ କିସ୍‌ଟ, ଈଶ୍‌ପର୍‌ନା କବର୍‌ ବାନିସୁଗ ଅଙ୍ଗ୍‌ତ, ବାନିସୁଗବୁଜାଇତ,ମାରି ଆମାଏନ୍‌ ରେମଲେ ଗୁଲାଇ ବାନିସୁଗ କାତା ଶିକ୍‌ୟା ବେତ।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲ୍‌ନା ପୁଜାରିଲେ ରେମଲେ ପାଲାଇ ଈଶ୍‌ପର୍‌ବ ନାମାସ୍‌ବାର୍ ଡେଙ୍ଗା। ରେମଲେନ୍ ପାପ୍ ନା ଡଣ୍ଡ୍ ଗିତିନ୍‌ ଟାନ୍‌ବ ନାମାସ୍‌ଲ କୁନ୍‌ଲେ ବେବେ ଡେଙ୍ଗା। ପୁଜାରିଲେ ସା ରେମଲେ ପାଲାଇ ଈଶ୍‌ପର୍‌ବ ପାର୍‌ତନା ଡ଼େମ। ମାସା ଡନା, କିସ୍‌ଟ ମିଣ୍ଡା ଦରମ୍‌ବାଇ ମୁନା ପୁଜାରି ଡ଼େନ୍‌ତା, ଜାକି ଆତରଇ ଈଶ୍‌ପର୍ ପାଲାଇ ମୁଇ ନାମାସ୍‌ଲ କୁନ୍ ସୁଗ ସରପ୍‌ଲ ବେଡ। ଗିତିନ୍ ଡେଙ୍ଗାନି, ମାଇ ନାନେ ଉଣ୍ଡଇ ସା ପାପ୍ ଆଡ଼ିତା, ମାରି ଉଣ୍ଡୋଇଲ ଆତରେ ଅସେବ୍ ତା, ପାପ୍‌ କେମା ପାଲାଇ୍ ମାରି ମାସା ସେସେବ୍ ପାଲାଇ୍ ଦରକାର୍ ଆଡ଼େନ୍‌ତା।

![](https://cdn.door43.org/obs/jpg/360px/obs-en-21-08.jpg)

ରାଜାଲେ ମାରି ମୁନା ରେମଲେନ୍ କୁଲ୍ ବାଗ୍‌ବ ଶାସନ୍ ଡେମ୍‌ତ, ଉଣ୍ଡଇ ଉଣ୍ଡଇ ମାଏ ବୁଲ୍ ଡେମ୍‌ତ। ରାଜା ଦାଉଦ୍‌ନା ଅଁ ଇସ୍ରାଏଲ୍ ରେମଲେନ୍ ବାଗ୍‌ବ ଶାସନ୍ ଡ଼େମ। ମାତର୍ ଦାଉଦ କୁଲ୍‌ନା କିସ୍‌ଟ ଗୁଲାଇ ଦର୍‌ତନି ବାଗ୍‌ବ ଶାସନ୍ ଡେମ୍‌ତ, ମାରି ମାଇ ଗୁଲାଇ ଦିନ୍ ପାଲାଇ ଶାସନ୍ ଡେମ୍‌ତ। ମାରି ମାଇ ବାନି ଶାସନ୍ ଡେମ୍‌ତ ମାରି ଠିକ୍ ନିଷ୍ପତି ରୁଙ୍ଗ୍‌ତା।

![](https://cdn.door43.org/obs/jpg/360px/obs-en-21-09.jpg)

ଈଶ୍‌ପର୍‌ନା ବାବବାଦିଲେ କିସ୍‌ଟନା ଅମିବ ଜବର୍ କାତା ସୁନଡିଗା। ବୁଜା ସେ, ମଲାଖି ସୁନଡିଗା ଜେ କିସ୍‌ଟ ଶାସନ୍ ଡେଡେମ୍‌ନା ଆଗ୍‌ତୁ ମାର୍ ମିଣ୍ଡା ବାବବାଦି ସାତା। ଗିତିନ୍‌ ବାବବାଦିଲେ ଜବର୍ ମୁକିଆ ବାଇ ଡ଼େନ୍‌ତା। ମାରିଲନା ବାବବାଦି ଯିଶାଇୟ ଲେକ୍‌ଲତା ଜେ କିସ୍‌ଟ ମୁଇ ସେଲାନ୍‌ବଇ ନାନେ ଜନମ୍ ଡ଼େନ୍‌ତା। ମିରି ମୀଖା ବାବବାଦି ସୁନ ଡିଗା, ଜେ ବେଥ୍‌ଲିହିମ୍ ସହର୍‌ବ କିସ୍‌ଟ ଜନମ୍ ଡ଼େନ୍‌ତା।

![](https://cdn.door43.org/obs/jpg/360px/obs-en-21-10.jpg)

ବାବବାଦି ଯିଶାଇୟ ସୁନ ଡିଗା ଜେ କିସ୍‌ଟ ଗାଲିଲି ଅଙ୍ଗମ୍‌ବ ଡିତା। କିସ୍‌ଟ ଜବର୍ ଦୁକ୍‌ବ ଡିକୁନ୍ ଆରେମଲେ ଶାନ୍ତି ଅଡେମ୍‌ତ ଇଁଆ ଡେଙ୍ଗ୍ କୁନ୍ ସୁଗ ତୁମ ସୁନ୍‌ତ। ଆବନ୍ଦିଲେ ସା ମୁକ୍‌ତି ଡେମ୍‌ତ। ମାଇ ଆରଗିଲେ ଲନା ନିମାନ୍ ଡେମ୍‌ତ ମାରି ଜାଜାଲେ କି ବୟ୍‌ରା, କନା, କନ୍ଦା ମାରି ଆଚଟାଲେ ଲନା ବାନି ଡେମ୍‌ତ।

![](https://cdn.door43.org/obs/jpg/360px/obs-en-21-11.jpg)

ଯିଶାୟ ବାବବାଦି କନ୍‌ସା ସୁନ ଜେ, ରେମଲେ ଆକିସ୍ ଟ ଗୁର୍‌ନା ଡେମ୍‌ତ ମାରି ଆସପ୍‌ତ। ପାଲ୍ ବାବବାଦିଲେ ସୁନ ଡିଗା ଜେ କିସ୍‌ଟ ନା ସାଙ୍ଗ୍ ମାଇନା ବିରୁଦ୍ ବ ଇତା। ମାରି କନ ଡେଡେମ୍ ପାଲାଇ ମାଏନ୍ ସାଙ୍ଗ୍ ୩୦ ଟା ରୁପା ଡାବୁ ମାଏନ୍ ନାଣ୍ଡେ ବାମ୍ ତା। ମାରିସା ପାଲ୍ ବାବବାଦିଲେ ସୁନ, ଆକିସ୍‌ଟ ଲେମଲେ ଅଡ଼ାବ ସୁନ୍‌ତ, ମାରି ମାଏନା ସକା ପାଲାଇ ଚିଟି କେଲ୍‌ ମାଙ୍ଗତା।

![](https://cdn.door43.org/obs/jpg/360px/obs-en-21-12.jpg)

କିସ୍‌ଟ ମିରି ବଡେଙ୍ଗ୍‌ସେତା ଗଇତା ଗିଟିନ୍ କାତା ବାବବାଦିଲେ ସୁନତା। ଯିଶାଇୟ ବାବବାଦି ଭବିଷ୍ୟତ୍ ନା କାତା ସୁନ ଡିଗା ଜେ ରେମଲେ କିସ୍ ଟନା ବାଗ୍‌ବ ବୁଇତୁର୍ ତ, କିଜାଇତ ମାରି ବୁଗ୍‌ତ। ରେମଲେ ବୁସ୍ ତ ମାରି ମାଇ ଜବର୍ କଷ୍ଟ ସେ ମାରି ଜବର୍ ଦୁକା ଡେ ଡେଙ୍ଗ୍ ସେ ଗୋଇତା, ମାରି ମାଇ ମାସା ବୁଲ୍ ଡ଼େମ ଆଡ଼ିତା।

![](https://cdn.door43.org/obs/jpg/360px/obs-en-21-13.jpg)

ବାବବାଦିଲେ କନ୍‌ସା ସୁନ, କିସ୍‌ଟ ମାସା ପାପ୍ ଆଡେମ୍‌ତ। ମାଇ ବାନିବଇ ରେମ ଡ଼େନ୍‌ତା। ମାତର୍ ମାଇ ଗୋଇତା ମାସାଡନା ରେମଲେନା ପାପ୍‌ ପାଲାଇ୍ ଈଶ୍‌ପର୍ ଆମାଏ ଡଣ୍ଡ୍ ବେତ। ଉଣ୍ଡୋଇଲ ମାଇ ଗୋଇତା, ରେମଲେ ଈଶ୍‌ପର୍ ବେରଙ୍ଗ୍ ଶାନ୍ତି ଡିକୁ ଗଙ୍ଗ୍‌ତା। କନ୍ ପାଲାଇ୍, ଈଶ୍‌ପର୍‌ନା ଯଜ୍‌ନା ବ, ଆକିସ୍‌ଟ ନା ଗଗୟ୍‌ସା ଡିଗା।

![](https://cdn.door43.org/obs/jpg/360px/obs-en-21-14.jpg)

ବାବବାଦିଲେ କନ୍ ଲନା ସୁନ ଜେ ଆକିସ୍‌ଟ ଗୋଇକୁନ୍ ନାନେ ଅମୁରାଗ୍‌ତ। କନ୍ ଅମାକ୍‌ତ ଜେ ଯୀଶୁ ନା ଗୋଇକୁନ୍ ମାରି ମାର୍‌ମୁସ ବୁରନା ତିମେ ବାଇ ନିୟମ୍ ଡେଡେମ୍ ପାଲାଇ୍ ଈଶ୍‌ପର୍‌ନା ଯଜ୍‌ନା ଡିଗା, ଆତିନେ ମାଇ ମାଇନ୍ ବିରୁଦ୍‌ବ ପାପ୍ ଡ଼େମକୁନ୍ ଆରେମଲେ ରକ୍ଷା ଡେଡେମ୍ ଗଙ୍ଗ୍‌ତା।

![](https://cdn.door43.org/obs/jpg/360px/obs-en-21-15.jpg)

ଈଶ୍‌ପର୍ ଆ ବାବବାଦିଲେ କିସ୍‌ଟ ନା ଜବର୍ କାତା ଅମାଗ ମାତର୍ କନ୍ ବାବବାଦିଲେ ଡିକୁନ୍ ବେଲା କିସ୍‌ଟ ସା ଆଡିତା। ୪୦୦ ନାନେ ଜବର୍ ବରଷ୍ ତୁର୍‌ଗୁ କନ୍ ବବିସତ୍ ନା କାତା ଗୁଲାଇ ଡ଼ଡ଼ମ୍‌ଲ କନ୍‌ ବିଷ୍ୟତ୍‌ନା କାତା ବେଡ଼ ଡିଗା ଜେ,ସମାନ୍‌ ବେଲା ଈଶ୍‌ପର୍ ଆକିସ୍‌ଟ ଦର୍‌ତନିବ ବେଟାୟ।

*ବାଇବଲ୍‌ନା ମୁଈ ଉସାରାମ୍:ଆଦି ୩: ୧୫; ୧୨:୧-୩; ଦ୍ୱିତୀୟ ବିବରଣ ୧୮:୧୫; ୨ଶାମୁୟେଲ ୭; ଯିରିମିୟ ୩୧; ଯିଶାଇୟ ୫୯:୧୬; ଦାନିୟେଲ ୭; ମଲାଖି ୪:୫ ଯିଶାଇୟ ୭:୧୪; ମୀଖା ୫:୨; ଯିଶାଇୟ ୯:୧-୭; ୩୫:୩-୫; ୬୧; ୫୩; ଗୀତସଂହିତା ୨୨:୧୮; ୩୫:୧୮; ୬୯:୪; ଯିଖରିୟ ୧୧:୧୨-୧୩; ଯିଶାଇୟ ୫୦:୬; ଗୀତସଂହିତା ୧୬:୧୦-୧୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_21_128kbps.m4a

## 22. ୨୨. ଯୋହନ୍ ନା ଜନମ୍

https://openbiblestories.org/l/bfw/story-22/

![](https://cdn.door43.org/obs/jpg/360px/obs-en-22-01.jpg)

ଆଗ୍‌ତୁ ଈଶ୍‌ପର୍ ମାଇନା ଆବାବବାଦିଲେ ବେରଙ୍ଗ୍‌ ଅଁୟ ଡେଙ୍ଗା, ଜାନ୍ ସା କି ମାଏ ମାଇନା ରେମଲେ ବେରଙ୍ଗ ଅଁୟ ଗଙ୍ଗ୍‌ତା । ଗିତିନ୍ ତୁର୍‌ଗୁ ୪୦୦ ବରଷ୍ ସିମ୍‌ରା ଡେଙ୍ଗସେ ଡ଼ିଗା, ଆର୍‌କି ମାଇ ଇଁଗେର୍ ରେମଲେ ବେରଙ୍ଗ୍ ଅଁୟ ସା ଆଡ଼େନ୍‌ତା। ଗିତିନ୍ ତୁର୍‌ଗୁ ଈଶ୍‌ପର୍ ଜିଖରିୟ ଅମିନା ମିଣ୍ଡା ପୁଜାରି ବ ମୁୟଙ୍ଗ୍‌ ଦୁତ୍ ବେଟାୟ। ଜିଖରିୟ ମାରି ମାଇନା କୁନି ଏଲିଜାବେଥ୍ ଆଈଶ୍‌ପର୍ ମାନ୍‌ଲସେ ଡିଗା। ମାଏ ଜବର୍ ଡକ୍‌ରା ଡକ୍‌ରି ଡେଙ୍ଗ୍‌ ଡିଗା, ମାରି ମୁଇ ସା ‘ଅଁଅଁ’ଡେଙ୍ଗ୍ ଆଡିତା

![](https://cdn.door43.org/obs/jpg/360px/obs-en-22-02.jpg)

ସରଗ୍‌ନା ଦୁତ୍ ଆଜିଖରିୟ ସୁନ,“ନ ନା କୁନି ମୁଇ ଅଁଅଁ ବାମ୍‌ତା। ପେ ଆମାଇ ଯୋହନ୍ ଅମି ବେତ ପେ। ଈଶ୍‌ପର୍ ଆମାଇ ପବିତ୍‌ର ଆତ୍‌ମାବେରଙ୍ଗ୍ ସାଏଗ୍ ସେ ଡେମ୍‌ତ, ମାରି ଯୋହନ୍‌ ଆରେମଲେ ଆକିସ୍‌ଟ ବିସ୍‌ବାସ୍ ଡେଡେମ୍ ସା ତିଆର୍ ଡେମ୍‌ତ।” ଜିଖରିୟ ସୁନ, ନିଙ୍ଗ୍ ମାରି ନିଙ୍ଗ୍ ନା କୁନିନା ଅଁଅଁ ଅଗ୍‌ନା ବୟସ୍ ଡୁଙ୍ଗାନି। ନିଙ୍ଗ୍ ଆନ ମିରି ମାଗ୍‌ତିଙ୍ଗ୍ ନ ଆନିଙ୍ଗ୍ ସତ୍ ସୁନତ୍ ନ ଡସେ?”

![](https://cdn.door43.org/obs/jpg/360px/obs-en-22-03.jpg)

ଆଜିଖରିୟ ସରଗ୍‌ନା ଦୁତ୍ ଉତର୍ ବେଡ,“କନ୍ ନିମାନ୍ କାତା ସୁସୁଁ ପାଲାଇ ଆନିଙ୍ଗ୍ ଈଶ୍‌ପର୍ ବେଟାୟ ଡିଗା। ମାସାଡନା ନ ଆନିଙ୍ଗ୍ ବିସ୍‌ବାସ୍ ଆଡେମ୍‌ତ ନ, ଉଣ୍ଡୋଇଲ ଜାକ ଗୁ ଜନମ୍ ମଡେଡେମ୍ ପନ୍‌ତେକ୍‌ ନ କନ୍ଦା ଡେଙ୍ଗ୍‌ସେ ଡିତ୍‌ନ।” ଚଟ୍ ନା, ଜିଖରିୟ ମାସା ଅଁୟ ଆଗଙ୍ଗା। ଗିତିନ୍ ତୁର୍‌ଗୁ ଦୁତ୍ ଆଜିଖରିୟ ଅନ୍‌ତୁର ସେ ଡୁଙ୍ଗା। କନ୍ ତୁର୍‌ଗୁ ଜିଖରିୟ ଡିଅବ ସାଗା, ମାରି ମାଇନା କୁନି ଟମ୍‌ଡା ଉଁପ ଅନ୍‌ତୁର।

![](https://cdn.door43.org/obs/jpg/360px/obs-en-22-04.jpg)

ଉଣ୍ଡୋଇଲ ଏଲିଜାବେଥ୍ ଟମ୍‌ଡା ପ ଅନ୍‌ତୁରସେ ଛଅ ମାସ୍ ଡେଙ୍ଗା, ଗିତିନ୍ ଦୁତ୍ ଏଲିଜାବେଥ୍ ନା କୁଲ୍‌ରେମ୍ ବ ଅଜୁଗା, ଜାନ୍ ଅମି ମରିୟମ୍।ମାଇ ମିଣ୍ଡା ସେଲାଙ୍ଗ୍‌ ଡିଗା, ମାରି ଯୋଷେଫ ଅମିନା ମିଣ୍ଡା ମୁଇ ରେମ ବିବା ଡେଡେମ୍ ସା ଲୁଡ଼ ଡିଗା। ଦୁତ୍ ଆମାଇ ସୁନ, ନ ଟମ୍‌ଡା ପ ଅନ୍‌ତୁରସେ ମୁଇ ଗୁ ଜନମ୍ ଡେମ୍‌ତନ। ମାରି ପେ ଗିତିନ୍ ଗୁ ନା ଅମି ଯୀଶୁ ବେତ ପେ। ମାଇ ଗୁଲାଇ ରେମ ନା ବାଗ୍‌ବ ମୁନା ଡ଼େନ୍‌ତା,ମାରି ମାଇ ଈଶ୍‌ପର୍ ନା ଅ ଅଁ ଡ଼େନ୍‌ତା ମାରି ଶାସନ୍ ଡେମ୍‌ତ।

![](https://cdn.door43.org/obs/jpg/360px/obs-en-22-05.jpg)

ମରିୟମ୍ ସୁନ,“ ନିଙ୍ଗ୍ ଡିଅ ସବଆଡିତିଙ୍ଗ୍ କନା ମିରି ଡ଼େନ୍‌ତା?” ସରଗ୍ ନା ଦୁତ୍ ବୁଜାୟସେ ସୁନ,“ପବିତ୍‌ର ଆତ୍‌ମାନନ୍ ବ ସାତା, ମାରି ଈଶ୍‌ପର୍ ନା ବପୁ ନନ୍ କଣ୍ଡେ ସାତା। ଗିତିନ୍‌ ସା ଡାଉ ଗୁ ପବିତ୍‌ର ଡ଼େନ୍‌ତା, ମାରି ମାଇ ଈଶ୍‌ପର୍ ନା ଗୁ ଡ଼େନ୍‌ତା” ସରଗ୍ ନା ଦୁତ୍ ମା ସୁନ ଡିଗା ଗିତିନା ମରିୟମ୍ ବିସ୍‌ବାସ୍ ଡ଼େମ।

![](https://cdn.door43.org/obs/jpg/360px/obs-en-22-06.jpg)

କନ୍‌ ଡେଙ୍ଗ୍‌କୁନ୍ ତୁର୍‌ଗୁ, ମରିୟମ୍ ଆଏଲିଜାବେଥ୍ ଜୁଜୁଇଗା। ମରିୟମ୍ ଆମାଇ ଜୁଆର୍ ବେଟ୍ ଡେଙ୍ଗ୍‌କୁନ୍‌ଲ, ଏଲିଜାବେଥ୍ ନା ସୁଲଇ ବ ଡିକୁନ୍ ଗୁ ଡଗାକୁନ୍ ସୁଗ ଡେଙ୍ଗା। ଈଶ୍‌ପର୍ ମାଏ ପାଲାଇ ମାମା ଡ଼େମ ଡିଗା, ଗିତିନ୍ ସେଲାନେ ପା ମୁଇ ବ ମିସ୍ ସେ ସାର୍‌ଦା ଡ଼େମ। ମରିୟମ୍ ତିନ୍ ମାସ୍ ପାଲାଇ ଆଏଲିସାବେଥ୍ ନା କୁଲମ୍ ରେମ ଡିଗ୍ ସେ, ତୁର୍‌ଗୁ ମରିୟମ୍ ମାଏନା ଡିଅବ ସାଗା। .

![](https://cdn.door43.org/obs/jpg/360px/obs-en-22-07.jpg)

କନ୍ ତୁର୍‌ଗୁ ଏଲିସାବେଥ୍ ଆମାଇନା ଗୁ ଜନମ୍ ବେଡ। ଦୁତ୍‌ନା ଆଦେଶ୍ ସୁଗ, ଜିଖରିୟ ମାରି ଏଲିଜାବେଥ୍ ଆତିନ୍ ଗୁ ଯୋହନ୍ ଅମି ବେଡ। ଗିତିନ୍‌ ତୁର୍‌ଗୁ ଜିଖରିୟ ନା କନ୍ଦାକୁନ୍ ତୁମ ରୁଇଗା ସା ଅଁୟ ଗଙ୍ଗା।ଜିଖରିୟ ସୁନ, “ଆଈଶ୍‌ପର୍ ସାର୍‌ଦା ଡ଼େମ, ମାସାଡନା ମାଇ ତରୋଇନା ଆରେମଲେ ସାଇଜ ପାଲାଇ ମନେ ପାକାୟ! ନ, ନିଙ୍ଗ୍ ନା ଗୁ ଗୁଲାଇନାନେ ମୁନା ଈଶ୍‌ପର୍‌ନା ମୁନା ବାବବାଦି ଡ଼େନ୍‌ତା। ପେ ଆରେମଲେ ସୁନ୍‌ତପେ ଜେ ମାଏ ମିରି ମାଏନା ପାପ୍ ପାଲାଇ କେମା ବାବାଙ୍ଗ୍ ଗଙ୍ଗ୍‌ତା”।

*ବାଇବଲ୍‌ନା ମୁଈ ଉସାରାମ୍ :ଲୁକ ୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_22_128kbps.m4a

## 23. ୨୩. ଯୀଶୁ ନା ଜନମ୍

https://openbiblestories.org/l/bfw/story-23/

![](https://cdn.door43.org/obs/jpg/360px/obs-en-23-01.jpg)

ମରିୟମ୍ ଯୋଷେଫ ଅମିନା ମିଣ୍ଡା ଦରମ୍‌ବାଇ ରେମ ବେରଙ୍ଗ୍ ମାଙ୍ଗିନି ଡେଙ୍ଗା। ଉଣ୍ଡୋଇଲ ଯୋଷେଫ ଅଁଙ୍ଗ ଜେ ମରିୟମ୍ ଗାଗ୍‌ଡେ ଡିତା, ମାଇ ମାଗଡିଗା ଜେ କନା ମାଇନା ‘ଅଅଁ’ ଆଣ୍ଡା। ମାତର୍,ମାଇ ଆମରିୟମ୍ ଲାଜ୍ ମଡେଡେମ୍ ପାଲାଇ ମନ ଆଡିତା,ଗିତିନ୍ ସା ମାଇ ଆମାଇ ଆଲାଦ୍ ଡେଡ଼େମ୍‌ସା ମାରି ମ ମାମାଗ୍ ସୁଗ ଅନ୍ତୁର୍‌ବାର୍‌ସା ଏତାୟ। ମାତର୍ ମାଇ ଗିତିନ୍‌ ଡେଡେମ୍ ନା ଆଗ୍‌ତୁ, ମୁସୁଡିଙ୍ଗ୍ ବ ମିଣ୍ଡା ଦୁତ୍ ମାଇନ୍ ବ ସାଗ୍ ସେ ମାଇ ବେରଙ୍ଗ୍ କାତା ଡେଙ୍ଗା।

![](https://cdn.door43.org/obs/jpg/360px/obs-en-23-02.jpg)

ଦୁତ୍ ସୁନ,“ଯୋଷେଫ, ଆମରିୟମ୍ ନନ୍ କୁନି ଡସେ ସୁଁ ନ ଆବୁତୁଙ୍ଗା। ମାଇନା ସୁଲଇ ବ ଡିକୁନ୍ ଗୁ ପବିତ୍‌ର ଆତ୍‌ମାନାନେ ଡେଙ୍ଗିତା, ମାଇ ମୁଇ ରଙ୍ଗେର୍ ଗୁ ଜନମ୍ ଡ଼େନ୍‌ତା, ମାଇନା ଅମି ଯୀଶୁ ବେତ ପେ। ଜାନା ଅରତ୍ ଡେଙ୍ଗା ନି,( ଈଶ୍‌ପର୍ ରକିୟା ଡେମ୍‌ତ),ମାସାଡନା ମାଇ ଆରେମଲେ ମାଇନା ପାପ୍ ନାନେ ରକିୟା ଡେମ୍‌ତ।”

![](https://cdn.door43.org/obs/jpg/360px/obs-en-23-03.jpg)

ଗିତିନ୍‌ ସା ଯୋଷେଫ୍ ଆମରିୟମ୍ ବିବା ଡ଼େମମାରି ଆମାଇ ମାଇନା କୁନି ସୁଗ ମାନ୍‌ଗା,ମାତର୍ ଉଣ୍ଡୋଇଲ ଗିତିନ୍‌ ଗୁ ଜନମ୍ ଆଡେଙ୍ଗ୍‌କୁନ୍ ଜାକ ମାଇନ୍ ବେରଙ୍ଗ୍ ଲେମ ଆଡିତା।

![](https://cdn.door43.org/obs/jpg/360px/obs-en-23-04.jpg)

ଉଣ୍ଡୋଇଲ ମରିୟମ୍ ଜନମ୍ ବେବେନା ବେଲା ଲଗେ ସାଗା, ମାଇ ମାରି ଯୋଷେଫ୍ ବେଥ୍‌ଲିହିମ୍‌ ସହର୍‌ବ ମୁଇ ସୁଲୁଙ୍ଗ୍ ଗାରି ଉରିଙ୍ଗ ଇଗା,। ମାଏଲେ ଆର ଇ ପାଲାଇ ଡିଗା, ମାସାଡନା ରୋମିୟ ଶାସନ୍ ଡେଡେରେମ୍ ଇସ୍ରାଏଲ୍ ଦେଶ୍‌ବ ରେମଏଜ୍‌ବାର୍ ନା ନିୟମ୍ ଡେମଡ଼ିଗା। ଗୁଲାଇ ରେମ ନିଜର୍ ନିଜର୍ ନା ଆନିଦାଦିଲେ ଡିକୁନ୍ ଟାନ୍‌ବ ଇ ଡିଗା। ଦାଉଦ ରାଜା ଗିତିନ୍‌ ବେଥ୍‌ଲିହିମ୍ ବ ଜନମ୍ ଡ଼େମଡିଗା ମାରି ମାଇ ଉମ୍ବାୟଙ୍ଗ୍ ମରିୟମ୍ ନା ମାରି ଯୋଷେଫ ନା ଆନିଦାଦି ଡିଗା।

![](https://cdn.door43.org/obs/jpg/360px/obs-en-23-05.jpg)

ମରିୟମ୍ ମାରି ଯୋଷେଫ୍ ବେଥ୍‌ଲିହିମ୍ ବ ଇଗା, ମାତର୍ ଆର୍‌କଣ୍ଡେ ଗଇତାଙ୍ଗ୍ ଲେ ତୁଲଡିଗା ଆତିନ୍ ଟାନ୍‌ ଅନ୍‌ତୁର ସେ ମାରି ଆରିସା ଟାନ୍‌ ଆଡ଼ିତା। ଗିତିନ୍‌ ଗଇତାଙ୍ଗ୍ ସାଲୁବ ମରିୟମ୍ ଆମାଇନା ଗୁ ଜନମ୍ ବେଡ। ମାଇନ୍ ସା ବେସାଗ୍ ପାଲାଇ ସେଙ୍ଗ୍‌ଲା ସା ଆଡିତା, ମାଇ ଆତିନ୍ ଗୁ ଆଗଇତାଙ୍ଗ୍ ଲେ ସୁସୁମ୍ ସା ବେବେନା ଡ଼ଙ୍ଗାବ ଅଲେମଡ। ମାଏ ଗିତିନ୍ ଗୁ ନା ଅମି ଯୀଶୁ ବେଡ।

![](https://cdn.door43.org/obs/jpg/360px/obs-en-23-06.jpg)

ଗିତିନ୍ ମିଣ୍ଡି, ଆତ୍‌କଣ୍ଡେ ଗଇତାଙ୍ଗ୍ ଚାରାଇବାର୍ ରେମଲେ ଆର ଗଇତାଙ୍ଗ୍ ମାରି ଗିମେଲେ ଜାଗ୍‌ଲ ଡିଗା। ସନେକ୍ ବ ଗିତିନ୍‌ ତାରାଗ୍‌ବାଇ ଦୁତ୍ ଆମାଏ ଅସିଗା ସା ମାଏ ବୁତୁଙ୍ଗ୍ ଇଗା। ଗିତିନ୍‌ ଦୁତ୍ ସୁନ, “ଆ ବୁତୁଂଙ୍ଗା, ମାସାଡନା ନିଙ୍ଗ୍ ପେ ପାଲାଇ ଅୟ୍‌ ବାନିବାଇ କବର୍ ରୁଙ୍ଗତିଙ୍ଗ୍ କିସ୍‌ଟ ଈଶ୍‌ପର୍ ବେଥ୍‌ଲିହିମ୍ ବ ଜନମ୍ ଡେଙ୍ଗ୍ ଗିତା!” “ଆତିନ୍ ଗୁ କଜ୍‌ବାର୍ ୟା, ମାରି ପେ ମାଇନ୍ ୟଙ୍ଗ୍ ବେରଙ୍ଗ୍ ଉମ୍ପ କୁକୁଇସେ ମାରି ଡ଼ଙ୍ଗାବ ଆଲେମଡ଼ କୁନ୍ ଯୁତ ପେ”। ସନେକ୍ ବ ବାଦଲ୍ ନାନେ, ଦୁତ୍‌ଲେ ଜର୍‌ସେ ଈଶ୍‌ପର୍ ନା ସାର୍‌ଦା ଡେଡେମ୍ ଡେଙ୍ଗା। ମାଏ ସୁଁସୁଡେଙ୍ଗା,“ଗୁଲାଇ ସନମ୍ମାନ୍ ମାରି ଆଦର୍ ସରଗ୍ ନା ଈଶ୍‌ପର୍ ନା ଡେମେ। ଆଜା ମାଇ ଆଷିର୍‌ବାଦ୍ ଡ଼େମତ ଦର୍‌ତନି ବ ଡିକୁନ୍ ମାଇନା ଆଗୁଲାଇରେମ ବ ଶାନ୍ତି ଡେମେ।

![](https://cdn.door43.org/obs/jpg/360px/obs-en-23-07.jpg)

“ଆତିନ୍ ଗୁ କଜ୍‌ବାର୍ ୟା, ମାରି ପେ ମାଇନ୍ ୟଙ୍ଗ୍ ବେରଙ୍ଗ୍ ଉମ୍ପ କୁକୁଇସେ ମାରି ଡ଼ଙ୍ଗାବ ଆଲେମଡ଼ କୁନ୍ ଯୁତ ପେ”। ସନେକ୍ ବ ବାଦଲ୍ ନାନେ, ଦୁତ୍‌ଲେ ଜର୍‌ସେ ଈଶ୍‌ପର୍ ନା ସାର୍‌ଦା ଡେଡେମ୍ ଡେଙ୍ଗା। ମାଏ ସୁଁସୁଡେଙ୍ଗା,“ଗୁଲାଇ ସନମ୍ମାନ୍ ମାରି ଆଦର୍ ସରଗ୍ ନା ଈଶ୍‌ପର୍ ନା ଡେମେ। ଆଜା ମାଇ ଆଷିର୍‌ବାଦ୍ ଡ଼େମତ ଦର୍‌ତନି ବ ଡିକୁନ୍ ମାଇନା ଆଗୁଲାଇରେମ ବ ଶାନ୍ତି ଡେମେ।

![](https://cdn.door43.org/obs/jpg/360px/obs-en-23-08.jpg)

ଗିତିନ୍‌ ତୁର୍‌ଗୁ ଦୁତ୍ ଲେ ଡୁଙ୍ଗା। ଗୁଲାଇ ଗୋଉଡ଼ଲେ ଆମାଏନ୍ ଗଇତାଙ୍ଗ୍ ଗିମେଲେ ଅନ୍‌ତୁରସେ ଆତିନ୍ ଗୁ ଜୁଜୁ ପାଲାଇ ଉର ଇଗା। ମାଏ ଚନେକ୍ ବ ଯୀଶୁ ଡିକୁନ୍ ବ କେଟ୍‌ଲ ମାରି ମାଏ ଜୁଲ କି, ଆତିନ୍ ଗୁ ଉମ୍ପ କୁକୁୟସେ ଡ଼ଙ୍ଗାବ ଲେମକୁନ୍ ଜୁଲ, ମିରି ଦୁତ୍ ଆମାଏ ସୁନ ଡିଗା ଡିତିନ୍ ଡେଙ୍ଗା। ମାଏ ଜବର୍ ସାର୍‌ଦା ଡେଙ୍ଗ୍ ଡିଗା। ଗିତିନ୍ ତୁର୍‌ଗୁ ଗୋଉଡ଼ଲେ, ମାଏନା ଗଇତାଙ୍ଗ୍ ଗିମେ ଡିକୁନ୍ ବ ଇଗା। ମାଏ ମା ଜୁଲ ଡିଗା,ମାରି ମା ଅଙ୍ଗଡିଗା, ଗିତିନ୍ ସା ମାଏ ଆଈଶ୍‌ପର୍ ସାରଦା ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-23-09.jpg)

ତୁର୍‌ସିଂ ଗାରିନା ମୁଇ ଦେଶ୍‌ ବ ଏନ୍‌ତୁ ଇଙ୍ଗେରେ ଡିଗା। ମାଏ ତାରାଲେ ଜୁଲସେ ମା ମା ଡ଼େନ୍‌ତା ମାରି ମାମା ଡେଙ୍ଗା ମାରି ମାଏ ଜବର୍ ବୁଦିରେମ୍ ଡିଗା। ମାଏ ବାଦଲ୍ ବ ମୁଇ ଉଣ୍ଡୋୟ ମଜୁଲକୁନ୍ ତାରା ଜୁଲ। ମାଏ ସୁନ କି, କନଙ୍ଗ୍‌ନା ଅରତ୍ ଡେଙ୍ଗାନି ଯିହୁଦୀରେମଲେନା ମୁଇ ତିମେ ବାଇ ରାଜା ଜନମ୍ ଡେଙ୍ଗ୍‌ଗିତା। ଗିତିନ୍‌ ସା ମାଏ ଆତିନ୍ ଗୁ ଜୁଜୁ ପାଲାଇ ମାଏନ୍ ଦେଶ୍ ନାନେ ଇପାଲାଇ ମନ୍ ଡ଼େମ। ଜବର୍ ସୁଲୁଙ୍ଗ୍ ଗାରି ଉରିଙ୍ଗ କୁନ୍ ତୁର୍‌ଗୁ ମାଏ ବେଥ୍‌ଲିହିମ୍ ବ ସାଗ୍‌ସେ ଆଯୀଶୁ ମାରି ୟଙ୍ଗ୍ ବା ଡିକୁନ୍ ବ ଜୁଲ।

![](https://cdn.door43.org/obs/jpg/360px/obs-en-23-10.jpg)

ଉଣ୍ଡୟଲ ମାଏ ଆଯୀଶୁ ୟଙ୍ଗ୍ ଡ଼େଙ୍ଗ୍ ବେରଙ୍ଗ୍ ଜୁଲ, ମାରି ମାଏ ଆମାଇ ଜୁଆର୍ ଡ଼େମ। ମାଏ ଆଯୀଶୁ ଜବର୍ ଦାମ୍ ବାଇ ଭେଟି( ଉପହାର୍ ବେଡ)। ଗିତିନ୍ ତୁର୍‌ଗୁ ମାଏ ମାଏନ୍ ଡିଅ ଗାରି ଡୁଙ୍ଗା।

*ବାଇବଲ୍‌ନା ମୁଈ ଉସାରାମ୍:ମାଥିଉ ୧-୨;ଲୁକ ୨।*

Audio: https://git.door43.org/OBS-TLF/bfw_obs/releases/download/v1/bfw_obs_v1_23_128kbps.m4a

## 24. ୨୪. ଯୋହନ ଆଯୀଶୁ ଡୁବନ୍ ବେଡ଼

https://openbiblestories.org/l/bfw/story-24/

![](https://cdn.door43.org/obs/jpg/360px/obs-en-24-01.jpg)

ଜିଖରିୟ ମାରି ଏଲିଜାବେଥ୍ ନା ଗୁ ଯୋହନ ମୁନାଡେଙ୍ଗ୍‌ସେ ବାବବାଦି ଡେଙ୍ଗା। ମାଇ ମରୁଭୁମି ବ ଡିକୁଡେଙ୍ଗା,ମାଇ ଉର୍‌ବ ମାରି ଚିଟ୍‌କା ସୁସୁମ୍ ଡେଙ୍ଗା,ଉଟ୍‌ ନା ଚେଣ୍ଡି ନାନେ ଅରେଙ୍ଗ କୁନ୍ ସକା ତୁଙ୍ଗ୍‌ ତୁଙ୍ଗ୍ ଡେଙ୍ଗା

![](https://cdn.door43.org/obs/jpg/360px/obs-en-24-02.jpg)

ଜବର୍ ରେମ ଯୋହନ୍ ନା କାତା ଅଁଙ୍ଗ୍ ପାଲାଇ ମରୁଭୁମି ବ ସାଗା। ମାଇ ଆମାଏଲେ ପ୍ରଚାର୍ ଡ଼େମ ସେ ସୁନ,ମନ୍ ବଦ୍‌ଲାଇ,“ମାସାଡନା ଈଶ୍‌ପର୍‌ନା ରାଜି ଲଗେ କେଟ୍‌ଗା ନି”।

![](https://cdn.door43.org/obs/jpg/360px/obs-en-24-03.jpg)

ଉଣ୍ଡୋଇଲ ରେମଲେ ମାଇନା କାତା ଅଁଙ୍ଗ, ମାଏନ୍ ବିତ୍‌ରେ ଜବର୍ ରେମ ମାଏନ୍ ପାପ୍ ନାନେ ମନ୍ ବଦ୍‌ଲାୟ, ମାରି ଯୋହନ୍ ଆମାଏ ଡୁବନ୍ ବେଡ଼। ଜବର୍ ଦରମ୍ ଡେଡେମ୍ ନା ନେତାଲେ ଯୋହନ୍ ନା କାତା ଅଙ୍ଗ୍ ପାଲାଇ୍ ସାଗା, ମାତର୍ ମାଏ ପାପ୍ ନାନେ ମନ୍‌ ଆବଦ୍‌ଲାୟତ ମାରି ଆଏନ୍ ପାପ୍ ଡ଼େମକୁନ୍ ମାସା ଆସୁନ୍‌ତ।

![](https://cdn.door43.org/obs/jpg/360px/obs-en-24-04.jpg)

ଯୋହନ ଦରମ୍‌ବାଇ ଆନେତାଲେ ସୁନ, “ପେଲେ ବିସ୍ ଡିକୁନ୍ ବୁବୁଲେ! ମନ୍ ବଦଲାଇ,ମାରି ପେନା କାରାପ୍‌ ବୁଦିଲେ ବଦ୍‌ଲାଇ । ଗୁଲାଇ ସେମୁଗ୍ ବାନି ଫଲ୍ ଆସୁଉଗ୍ ନା ଈଶ୍‌ପର୍ ଆତିନ୍ ଗୁଲାଇ ଗଡସୁଙ୍ଗ୍‌ତ ମାରିମାଇ ସୁଙ୍ଗବ ଅଡସୁଙ୍ଗ୍‌ତ।“ ବାବବାଦିଲେ ଆର୍‌ନା ସୁନ ଡିଗା,ଯୋହନ୍ ଗିତିନ୍ ଗୁଲାଇ ଡ଼େମ,“ଜୁ ନିଙ୍ଗ୍ ସୁରି ବେଟାଇ ତିଙ୍ଗ୍ ନନ୍ ସାର୍‌ମ ଆଗ୍‌ତୁ ଦୁତ୍ ଡିତା,ଜା କି ଗାରି ଅରେଙ୍ଗ୍‌ ତ।

![](https://cdn.door43.org/obs/jpg/360px/obs-en-24-05.jpg)

ଅଇଜା ଦରମ୍‌ବାଇ ନେତାଲେ ଆଯୋହନ ପାଚାର୍‌ଲୋ, ନ ମା କିସ୍‌ଟ କି? ଯୋହନ ସୁନ,“ନିଙ୍ଗ୍ କିସ୍‌ଟ ଆଣ୍ଡା, ମାତର୍ ମାଇ ନିଙ୍ଗ୍‌ନା ତୁର୍‌ଗୁ ସାଗାନି। ମାଇ ଅକନ୍ ମୁନା ଜେ ନିଙ୍ଗ୍ ମାଇନା ଜୁତା ତତଗ୍‌ ପାଲାଇ ସମାନ୍ ଆଣ୍ଡା”।

![](https://cdn.door43.org/obs/jpg/360px/obs-en-24-06.jpg)

ମାତର୍‌ ଯୀଶୁ ଡୁବନ୍ ରୁରୁଙ୍ଗ୍ ସା ଯୋହନ୍ ବ ସାଗା। ଉଣ୍ଡୋଇଲ ଯୋହନ ଆମାଇ ଜୁଲ ସେ ସୁନ,“ଜୁ! ଈଶ୍‌ପର୍ ନା ମେଣ୍ଡା ଅଁଅ ସୁଗ ଡ଼ିତା ଜାକି ଦର୍‌ତନି ନା ପାପ୍ ୟନସୁଙ୍ଗ୍‌ତ।”

![](https://cdn.door43.org/obs/jpg/360px/obs-en-24-07.jpg)

ଯୋହନ ଆଯୀଶୁ ସୁନ,“ନିଙ୍ଗ ଆନ ଡୁବନ୍ ବେବେ ପାଲାଇ ସମାନ୍ ଆଣ୍ଡା।କନ୍ ବାଦୁଲ୍ ଆନିଙ୍ଗ୍ ଡୁବନ୍ ବେ”। ମାତର୍ ଯୀଶୁ ସୁନ, “ନ ଆନିଙ୍ଗ୍ ଡୁବନ୍ ବେ, ମାସାଡନା କନ୍ ଡେଡେମ୍‌ନା ଠିକ୍ ଡିତା” ଆତିନେ ଯୋହନ ଆମାଇ ଡୁବନ୍ ବେଡ ମାରି ଯୀଶୁ ଉଣ୍ଡୋଇଲସା ପାପ୍ ଡ଼େମ ଆଡିତା।

![](https://cdn.door43.org/obs/jpg/360px/obs-en-24-08.jpg)

ଉଣ୍ଡୋଇଲ ଡୁବନ୍ ରୁଙ୍ଗ୍‌କୁନ୍ ତୁର୍‌ଗୁ ଯୀଶୁ ଡାଗ୍‌ନାନେ ତୁର୍‌ସେ ସାଗା, ଈଶ୍‌ପର୍‌ନା ଆତ୍‌ମା ପାରା ସୁଗ ଅଜୁସେ ଜର୍‌ଗା ମାରି ମାଇନ୍ ବାଗ୍‌ବ ଲେଗା। ଗିତିନ୍‌ ବେଲା, ଈଶ୍‌ପର୍ ସରଗ୍‌ନାନେ କାତା ଡେଙ୍ଗା। ମାଇ ସୁନ,“କନ୍ ନିଙ୍ଗ୍‌ନା ଗୁ। ନିଙ୍ଗ୍ ଆମାଇ ଆଲାଦ୍ ଡେମ୍‌ନିନିଙ୍ଗ୍‌, ମାରି ନିଙ୍ଗ୍ ମାଇନ୍ ବ ଜବର୍ ସାର୍‌ଦା।”

![](https://cdn.door43.org/obs/jpg/360px/obs-en-24-09.jpg)

ଈଶ୍‌ପର୍ ଆଯୋହନ ସୁନଡିଗା,“ଡୁବନ୍ ରୁଙ୍ଗ୍ କୁନ୍ ମୁଇ ରେମନ୍ ବାଗ୍‌ବ ପବିତ୍‌ର ଆତ୍‌ମା ଜର୍‌ସେ ସାତା ମାରି ମାଇ ବେରଙ୍ଗ୍ ଡିତା। ଗିତିନ୍‌ ରେମ ଈଶ୍‌ପର୍ ନା ଗୁ” ମାଇ ସାଗ୍‌ମିଣ୍ଡା ଆକା ଈଶ୍‌ପର୍। ମାତର୍ ଉଣ୍ଡୋଇଲ ଯୋହନ ଆଯୀଶୁ ଡୁବନ୍ ବେଡ, ଗିତିନ୍‌ ଈଶ୍‌ପର୍ ବା ନା କାତା ଅଁଙ୍ଗ, ଆମାଇନ୍ ଗୁ ଈଶ୍‌ପର୍ ଜୁଲ,ଜାକି ଯୀଶୁ ଆକା,ମାରି ମାଇ ଆପବିତ୍‌ର ଆତ୍‌ମା ଜୁଲ।

*ବାଇବଲ୍‌ନା ମୁଈ ଉସାରାମ୍ :ମାଥିଉ ୩; ଲୁକ 3;ଯୋହନ ୧:୧୫-୩୭*

Audio: https://git.door43.org/OBS-TLF/bfw_obs/releases/download/v1/bfw_obs_v1_24_128kbps.m4a

## 25. ୨୫. ସଇତାନ୍ ଆଯୀଶୁ ପରିକ୍‌ୟା ଡ଼େମ

https://openbiblestories.org/l/bfw/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁ ଡୁବନ୍ ରୁଙ୍ଗ୍‌କୁନ୍ ତୁର୍‌ଗୁ ଚଟ୍‌ନା ପବିତ୍‌ର ଆତ୍‌ମା ଆମାଇ ମରୁଭୁମି ବ ରୁଙ୍ଗଇଗା। ଯୀଶୁ ଆର ଚାଲିଶ୍ ଦିନ୍ ମାରି ଚାଲିଶ୍ ମିଣ୍ଡି ଡିଗା। ଗିତିନ୍‌ ବେଲା ମାଇ ଆଙ୍ଗ୍‌ଡା ଡିଗା, ମାରି ସଇତାନ୍ ଯୀଶୁନ୍ ବ ସାଗ୍‌ସେ ଆମାଇ ପାପ୍ ଡେଡେମ୍ ସା ଲାଲ୍‌ସା ୟ।

![](https://cdn.door43.org/obs/jpg/360px/obs-en-25-02.jpg)

ଆଗ୍‌ତୁ ସଇତାନ୍ ଆଯୀଶୁ ସୁନ,“ନ ଜଦି ଈଶ୍‌ପର୍ ନା ଗୁ, ଗିତିନ୍‌ଲ ଆକନ୍ ବିରେଲେ ରୁଟି ଡେଡେଙ୍ଗ୍ ପାଲାଇ ସୁଁ, ମିରି ନ ସୁସୁମ୍ ଗଙ୍ଗ୍‌ତନ”।

![](https://cdn.door43.org/obs/jpg/360px/obs-en-25-03.jpg)

ମାତର୍ ଯୀଶୁ ଆସଇତାନ୍ ସୁନ,“କନ୍ ଈଶ୍‌ପର୍ ନା ବହିବ ଲେକା ଡିତା,’ରେଲମେ ବୁର ସା ରୁଟି ନା ଦର୍‌କାର୍ ଆଡେନ୍‌ତା, ମାତର୍ ଈଶ୍‌ପର୍ ଆମାଏ ମା ମା ସୁନ୍‌ତ ଗିତିନ୍ ଦର୍‌କାର୍।

![](https://cdn.door43.org/obs/jpg/360px/obs-en-25-04.jpg)

ଗିତିନ୍‌ ତୁର୍‌ଗୁ ସଇତାନ୍ ଆଯୀଶୁ ମନ୍ଦିର୍ ନା ଉଚ୍ ଡିକୁନ୍ ଟାନ୍‌ବ ରୁଙ୍ଗା। ମାଇ ଆମାଇ ସୁନ,“ନ ଜଦି ଈଶ୍‌ପର୍ ନା ଗୁ, ତୁବୁବ ଡଗା, ମାସାଡନା ଲେକାଡିତା,”ଈଶ୍‌ପର୍ ମାଇନା ଆଦୁତ୍‌ଲେ ଆନ ସସବ୍ ପାଲାଇ ଆଦେଶ୍‌ ବେତ ମିରି କି ନନ୍‌ ପାଦ୍ ବିରେ ବ ଆବାଙ୍ଗ୍‌ତା।

![](https://cdn.door43.org/obs/jpg/360px/obs-en-25-05.jpg)

ମାତର୍ ସଇତାନ୍ ଆର୍‌ନା ଡେଡେମ୍ ସା ସୁନଡିଗା, ଯୀଶୁ ଗିତିନ୍ ଆଡେମ୍‌ତ। ଗିତିନ୍‌ ବାଦୁଲ୍ ମାଇ ସୁନଡିଗା,“ଈଶ୍‌ପର୍ ଆଗୁଲାଇ ରେମ୍ ସୁନନି, ପର୍‌ବୁ ନନା ଆଈଶ୍‌ପର୍ ପରିକ୍‌ୟା ଆଡ଼େମ।”'

![](https://cdn.door43.org/obs/jpg/360px/obs-en-25-06.jpg)

ଗିତିନ୍‌ ତୁର୍‌ଗୁ ସଇତାନ୍ ଆଯୀଶୁ ଦର୍‌ତନି ନା ଗୁଲାଇ ରାଜି ଅଜୁଲ। ମାଇ ଆମାଇ ଅଜୁଲ ଗିନ ଗୁଲାଇ ଅଇଜା ବପୁ ମାରି ଅଇଜା ସାକାର୍ ଡିଗା। ମାଇ ଆଯୀଶୁ ସୁନ,“ନ ଜଦି ଜୁଆର୍ ଡ଼େମସେ ଆନିଙ୍ଗ୍ ପୁଜା ଡେମ୍‌ତନ, ଗିନ୍‌ଲ ନିଙ୍ଗ୍ କନ୍ ଗୁଲାଇ ବେତିଙ୍ଗ୍।”

![](https://cdn.door43.org/obs/jpg/360px/obs-en-25-07.jpg)

ଯୀଶୁ ଉତ୍ତର୍ ବେଡ, ନିଙ୍ଗ୍ ନାନେ ସୁଲୁଙ୍ଗ୍ ୟା ସଇତାନ୍! ଈଶ୍‌ପର୍ ନା ବହି ବ ମାଇ ତରୟନା ଆରେମଲେ ଆଦେଶ୍‌ ବେତ,' ଆଜାସା ଆଣ୍ଡା ପର୍‌ବୁ ନନା ଈଶ୍‌ପର୍‌ନା ପୁଜା ଡେମ୍। ଈଶ୍‌ପର୍ ସୁଗ ଆମାଇ ଆକା ଆଲାଦ ଡେମ୍।

![](https://cdn.door43.org/obs/jpg/360px/obs-en-25-08.jpg)

ଯୀଶୁ ସଇତାନ୍ ନା ଲାଲ୍‌ସା ନାନେ ଆର୍ ଆମାନ୍‌ତା, ଆତିନେ ସଇତାନ୍ ଆମାଇ ଅନ୍‌ତୁରସେ ଡ଼ୁଙ୍ଗା। ଗିତିନ୍‌ ତୁର୍‌ଗୁ ସରଗ୍‌ନା ଦୁତ୍‌ଲେ ସାଗ୍‌ସେ ଯୀଶୁନା ଜତନ୍ ରୁଙ୍ଗା।

*ବାଇବଲ୍‌ନା ମୁଈ ଉସାରାମ୍ : ମାଥିଉ ୪:୧୧;ମାର୍କ ୧:୧୨-୧୩; ଲୁକ ୪:୧-୧୩*

Audio: https://git.door43.org/OBS-TLF/bfw_obs/releases/download/v1/bfw_obs_v1_25_128kbps.m4a

## 26. ୨୬. ଯୀଶୁ ମାଇନା ସେବାକାମ୍ ଆରାମ୍ ଡେମ୍‌ତ

https://openbiblestories.org/l/bfw/story-26/

![](https://cdn.door43.org/obs/jpg/360px/obs-en-26-01.jpg)

ସଇତାନ୍ ନା ପରିକ୍‌ୟା ବ ଜିତ୍‌କୁନ୍ ତୁର୍‌ଗୁ, ମାଇ ବାସା ଡେଡେମ୍ ନା ଗାଲିଲୀ ଉଙ୍ଗମ୍ ବ ଲେଉଟ୍‌ଗା। ପବିତ୍‌ର ଜିବନ୍ ସେବା କାମ୍ ପାଲାଇ ଆମାଇ ଜବର୍ ବପୁ ବେବେଡେଙ୍ଗା ମାରି ଯୀଶୁ ଟାନ୍‌ବ ଟାନ୍‌ ବୁଲସେ ଆରେମଲେ ଶିକାଇବାର୍ ଡେଙ୍ଗା। ଗୁଲାଇ ରେମ ମାଇନ୍ କାତା ବାନି ଡସେ ସୁନ।

![](https://cdn.door43.org/obs/jpg/360px/obs-en-26-02.jpg)

ଯୀଶୁ ଆର୍‌ନା ନାଜରିତ୍ ବ ତରୋଇ ଡାଉଲ ବେଲା ଡିକୁଡେଙ୍ଗା, ଗିତିନ୍‌ ଉଙ୍ଗମ୍ ବ ଇଗା। ପୁଣ୍ଡ୍‌ବାର୍ ଦିନ୍‌ଲୋ ପୁଜା ଡେଡେମ୍ ନା ଟାନ୍ ବ ଇଗା। ମାଇନା ତିତିବ ଗୁଲ୍‌ଟବାଇ ବଇ(ଅଇତିନ୍‌ବେଲା ଡିକୁନ୍ ବାଇର୍‌ବାଇ ନିୟମ୍‌ ) ବେଡ ମିରିକି ମାଇ ଯିଶାଇୟ ବାବବାଦିନା ବଇ ପଢ଼ତା। ଯୀଶୁ ଗୁଲ୍‌ଟୁବାଇ ଆବଇ ରୁଗ ଆରନା ଇତିସୁଗ ରେମଲେନ୍ ଆଗ୍‌ତୁ ପଢ଼ଗା।

![](https://cdn.door43.org/obs/jpg/360px/obs-en-26-03.jpg)

ଯୀଶୁ ଡିକନ୍ ସୁଗ ପଢ଼ଗା “ଈଶ୍‌ପର୍ ମାଇନା ଜିବନ୍ ଆନିଙ୍ଗ୍ ବେଡତା ମିରିକି ଗରିବ୍‌ବାଇ ରେମଲେନ୍ ବ ବାନି କବର୍ ସୁନ୍‌ତିଙ୍ଗ୍‌, ଆବନ୍ଦିଲେ ମୁକ୍‌ଲାଇବାର୍‌ନା, ଆକାନାଲେ ଜୁଜୁ ଗଗଙ୍ଗ୍‌ନା କାତା, ମାରି କସ୍‌ଟ ବେବେନା ଆରେମଲେ ମୁକ୍‌ଲାଇ ବାର୍‌ନା କାତା ସୁନ୍‌ତିଙ୍ଗ୍‌। କନ୍ ଈଶ୍‌ପର୍ ଆନେଲେ ଆଶିର୍‌ବାଦ୍ ମାରି ସାଇଜ ଡେଡେମ୍‌ନା ବରଷ୍।”

![](https://cdn.door43.org/obs/jpg/360px/obs-en-26-04.jpg)

ଆତିନେ ଯୀଶୁ ଲେଗା। ଗୁଲାଇ ରେମ ଆମାଇ ମନ୍‌ବେଡ଼ସେ ଜୁଜୁଡେଙ୍ଗା। ଯୀଶୁ ଶାସ୍‌ତର୍‌ ନା ଆର୍‌ନା ପାଠ୍ ପଢ୍‌ ଡିଗା ଗିତିନ୍ ଆଯୀଶୁ ଅମାଗ୍‌ବାର୍‌ନା ଡସେ ମାଏଲେ ମାମାଗ୍ ଗଙ୍ଗା। ଯୀଶୁ ସୁନ,“ନିଙ୍ଗ୍ ଆର୍‌ନା ବାକ୍‌ୟ ପଡନିଙ୍ଗ୍ ଗିତିନ୍ ଅଇ ସତଇସା ଘଟ୍‌ଗାନି।” ଗୁଲାଇରେମ କାବା ଡେଙ୍ଗା। ମାଏଲେ ସୁନ “କନ୍ ମା ଯୋଷେଫନା ଗୁ ଆଣ୍ଡା?

![](https://cdn.door43.org/obs/jpg/360px/obs-en-26-05.jpg)

ମାଇନା ତୁର୍‌ଗୁ ଯୀଶୁ ସୁନ, “କନ୍ ସତ୍ ଜେ ମୁଇ ଆବାବବାଦି ମାଇନା ତରଇନା ଉଙ୍ଗମ୍‌ବ ରେମଲେ ଆଣ୍ଡା ଆମାନ୍‌ତା। ଉଣ୍ଡୋଇଲ ଏଲିୟ ବାବବାଦିନ୍ ବେଲା, ତିନ୍ ବରଷ୍ ଅଦା ଡାଗ୍ ଆଗୁର୍‌ତ, ଅଇତିନ୍‌ଲୋ ଏସ୍ରାୟେଲବ ଜବର୍ ରାଣ୍ଡିଲେ ଡିଗା। ମାତର୍ ଈଶ୍‌ପର୍ ଆଏଲିୟ ଇସ୍ରାଏଲ୍‌ବ ଡିକୁନ୍ ଆର୍‌ନାସା ରାଣ୍ଡିବ ଲେ ଆବେଟାୟସେ ପାଲ୍ ମୁଇ ଦେଶ୍ ବ ଡିକୁନ୍ ରାଣ୍ଡିବଲେ ଅବେଟାୟଡିଗା।”

![](https://cdn.door43.org/obs/jpg/360px/obs-en-26-06.jpg)

ଯୀଶୁ ସୁସୁ ଆରାମ୍ ଡ଼େମ “ଇଲିଶାୟ ବାବବାଦି ନା ବେଲା ଚାମ୍‌ରୋଗ୍ ଡେଙ୍ଗ୍‌କୁନ୍ ଜବର୍ ଇସ୍ରାଏଲ ବ ଡିଗା। ମାତର୍ ଇଲିଶାୟ ମାଏନ୍ ନାନେ ଆଜାସା ବାନିଡ଼େମ ଆଡ଼ିତା। ମାଇ ଇସ୍ରାଏଲ୍‌ନା ଶତ୍ରୁ ଦେଶ୍‌ବ ମୁଇ ସେନାପତି ନାମାନ୍‌ନା ଚାମ୍‌ରୋଗ୍ ଆକା ବାନି ଡ଼େମଡିଗା। ଆର୍‌ନା ରେମଲେ ଯୀଶୁ ନା କାତା ଅଙ୍ଗଡିଗା ମାଏ ଗୁଲାଇ ଯିହୁଦୀ ଡିଗା। ଆତିନେ ମାଏ ଉଣ୍ଡୋଇଲ କନ୍ ସୁନ୍‌ସୁନା ଅଙ୍ଗ, ମାଏ ମାଇନ୍ ବାଗ୍‌ବ ଜବର୍ ଗିସେ ଗା।

![](https://cdn.door43.org/obs/jpg/360px/obs-en-26-07.jpg)

ନାଜରିତ୍‌ବ ଡିକୁନ୍ ରେମ ପୁଜାଡେଡେମ୍‌ନା ଟାନ୍‌ନାନେ ଆଯୀଶୁ ଅତୁରସେ ମାଏନା ଉଙ୍ଗମ୍ ଆର୍‌ନା କୁଣ୍ଡାବ ଡିଗା, ଆରନା ଉସ୍‌ବାଇ ଟାନ୍‌ବ ଜିକ୍‌ଲ ରୁଙ୍ଗା, ମିରିକି ମାଏ ଆମାଇ ଜଗ୍‌ତ ରାପୁଡ ସେ ଅଡାବ୍ ବାର୍ ଗଙ୍ଗ୍‌ତା। ମାତର୍ ଯୀଶୁ ଜବର୍ ରେମଲେନ୍ ମଜାଇ ଗାଇସେ ଡୁଙ୍ଗା ମାରି ନାଜରିତ ସହର୍‌ ଅନ୍‌ତୁର ସେ ଇଗା।

![](https://cdn.door43.org/obs/jpg/360px/obs-en-26-08.jpg)

ମାଇନ୍ ତୁର୍‌ଗୁ ଯିଶୁ ଗାଲିଲି ଉଙ୍ଗମ୍ ବ ଇଗା,ଜବର୍ ରେମ ମାଇନ୍ କଣ୍ଡେ ସାଗା। ଆରନା ରେମଲେ ଜୁଜୁଗଗଙ୍ଗ୍ ଆଡ଼େନ୍‌ତା ଉରିଙ୍ଗ୍‌ଗଗଙ୍ଗ ଆଡ଼େନ୍‌ତା ଅଁଗଗଙ୍ଗ୍ ଆଡ଼େନ୍‌ତା କନେଲେ ବେରଙ୍ଗ୍ ମାଏ ଜବର୍ ରୋଗୀରେମ୍ ମାରି ଗାଗଡ୍ କାମ୍ ମୋଡେଡ଼େମନା ଆରେମଲେ ରୁଙ୍ଗ।

![](https://cdn.door43.org/obs/jpg/360px/obs-en-26-09.jpg)

ବୁତ୍ ସବକୁନ୍ ଆରେମଲେ ଲନା ଯୀଶୁନ୍ ବ ରୁରୁଙ୍ଗ୍ ଡେଙ୍ଗା। ଯିଶୁ ଆବୁତଲେ ମାଏନ୍ ନାନେ ତୁରଇପାଲାଇ ଆଦେଶ୍ ବେଡ,ମାରି ମାଏଲେ ତୁରଇଗା।ଜବର୍ ବେଲା ମାଏ ଆଉଲି ଡେଙ୍ଗ୍ ସେ ସୁସୁ ଡେଙ୍ଗା ”ନ ଇସପର୍ ନା ଗୁ!” ଜବର୍ ରେମ୍ ବକୁଆ ଡେଡେମ୍ ଡେଙ୍ଗା ମାରୀ ଈଶ୍‌ପର୍‌ନା ସାରଦା ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-26-10.jpg)

ମାଇନ୍ ତୁର୍‌ଗୁ ଯିଶୁ ଆ ୧୨ ଟା ଆରେମଲେ ବାଚଲ ମିରିକି ଆମାଏଲେ ତରୋଇନା ପାଇଟି ବେବେଗଙ୍ଗ୍‌ତା। ମାଇ ଆମାଏଲେ ତରୟ୍“ବେଟାକୁନ୍ ଶିଷ୍” ଡସେ ସୁନ। ଶିଷ୍‌ଲେ ଯିଶୁନ୍ ବେରଙ୍ଗ୍ ଉରିଙ୍ଗଡେଙ୍ଗା ମାରି ମାଇନା ନାନେ ଶିକବାର୍ ଡେଙ୍ଗା।

*ବାଇବଲ୍‌ନା ମୁଇ ଉସାରାମ୍:ମାଥିଉ ୪:୧୨-୨୫;ମାର୍କ ୧:୧୪-`୧୫, ୩୫-୩୯; ୩:୧୩-୨୧; ଲୁକ :୪:୧୪-୩୦,୩୮-୪୪*

Audio: https://git.door43.org/OBS-TLF/bfw_obs/releases/download/v1/bfw_obs_v1_26_128kbps.m4a

## 27. ୨୭. ବାନି ଶମିରୋଣୀୟନା ଉସାରାମ୍

https://openbiblestories.org/l/bfw/story-27/

![](https://cdn.door43.org/obs/jpg/360px/obs-en-27-01.jpg)

ମିସିଙ୍ଗ୍,ମିଣ୍ଡା ଈଶ୍‌ପର୍ ନା ନିୟମ୍ ମାଗକୁନ୍ ରେମ୍ ଯୀଶୁନ୍ ବ ସାଗା। ଯୀଶୁ ଜେ ଭୁଲ୍ ସୁଗ ଶିକ୍‌ୟା ବେଡନି କନା ଆଗୁଲାଇରେମ୍ ଅଜୁବାର୍‌ପାଲାଇ ମାଇ ଏତ୍‌ବାର୍ ଡେଙ୍ଗା। ଗିତିନ୍‌ସା ମାଇ ପାଚାର୍ ଲ,“ଗୁରୁ,ମଗଗଇନା ଜୀବନ୍ ବାବାଙ୍ଗ୍ ପାଲାଇ ନିଙ୍ଗ୍ ସତଇସା ମାଡେଡେମ୍ ଦର୍‌କାର୍?“ ଯୀଶୁ ଉତର୍ ବେଡ “ନିୟମ୍ ବ ମା ଲେକାଡିତା?“

![](https://cdn.door43.org/obs/jpg/360px/obs-en-27-02.jpg)

ନିୟମ୍ ମାଗକୁନ୍ ରେମ୍ ଉତର୍ ବେଡ ଜେ ଈଶ୍‌ପର୍‌ନା ନିୟମ୍ ସୁନନି “ପେ ଈଶ୍‌ପର୍ ତରଇନା ଆଈଶ୍‌ପର୍ ଗୁଲାଇ ପାରାନ୍,ଗୁଲାଇଜୀବନ୍, ଗୁଲାଇ ବପୁ ମାରି ଗୁଲାଇ ମନ୍ ବେଡସେ ଆଲାଦ୍ ଡେମ୍। ମାରି ନ ଆ ଲଗେନ୍‌ ରେମ୍ ଜୀବନ୍ ସୁଗ ଆଲାଦ୍ ଡେମ୍।” ଯୀଶୁ ଉତର୍ ବେଡ, “ନ ଠିକ୍ ସୁନତ୍ ନ! କନା ଯଦି ନ ଡେମ୍‌ତନ,ଡନା ମଗଗଇନା ଜୀବନ୍ ବାଙ୍ଗତ୍‌ପେ।”

![](https://cdn.door43.org/obs/jpg/360px/obs-en-27-03.jpg)

ମାତର୍‌ ନିୟମ୍ ମାଗକୁନ୍ ରେମ୍ ଆତରଇ ଦରମ୍ ଅଜୁପାଲାଇ, ଆଯୀଶୁ ପାଚାର୍‌ଲ ଗିନ୍‌ଲୋ “ନିଙ୍ଗ୍‌ନା ଡିଅ ଲଗେନ୍‌ ରେମ୍ ଜା?”

![](https://cdn.door43.org/obs/jpg/360px/obs-en-27-04.jpg)

ଯୀଶୁ ନିୟମ୍ ମାଗକୁନ୍ ରେମ୍ ମୁଇ ଉସାରାମ୍ ସୁନସେ କନଙ୍ଗ୍‌ନା ଉତର୍‌ବେଡ।“ମିଣ୍ଡା ଯିହୁଦି ରେମ ଯିରୁଶାଲମ୍ ଉଙ୍ଗମ୍ ନାନେ ଯିରୀହୋ ଉଙ୍ଗମ୍ ବ ଈଇ ଡେଙ୍ଗା।”

![](https://cdn.door43.org/obs/jpg/360px/obs-en-27-05.jpg)

ମାତର୍ ଅଇଜା ଚର୍‌ରେମଲେ ଆମାଇ ଜୁଲସେ ବୁଗ।ମାଇନ୍‌ବ ଡିକୁନ୍ ଗୁଲାଇ ଜିନିଷ୍‌ଲେ ମାଏଲେ ରୁଙ୍ଗଡୁଙ୍ଗା ମାରି ଆମାଇ ଗୋଇକୁନ୍ ସୁଗ ଡେଡେମ୍ ଜାକ ବୁଗ।ଗିତିନ୍‌ ତୁର୍‌ଗୁ ମାଏଲେ ଡୁଙ୍ଗା।”

![](https://cdn.door43.org/obs/jpg/360px/obs-en-27-06.jpg)

“କନ୍ ତୁର୍‌ଗୁ,ମିଣ୍ଡା ଯିହୁଦୀ ପୁଜାରି ଗିତିନ୍ ଗାରି ବେଡସେ ଇଇଡେଙ୍ଗା।ଗିତିନ୍‌ ଦରମ୍ ଗୁରୁ ବୁନୁଗ୍‌ ସୁମସେ ଗାରିବ ଲୋ କୁନୁଙ୍ଗ୍ ଆରେମ ଜୁଲ। ଉଣ୍ଡୋଇଲ ମାଇ ଆମାଇ ଜୁଲ, ଗାରିନା ତଙ୍ଗ୍‌ରେ ପାଟ୍ ବେଡ଼ସେ ଉରିଙ୍ଗ ଡୁଙ୍ଗା। ମାଇ ଆମାଇ ଜୁଲସେ ମଜୁଜୁସୁଗ ଡେଙ୍ଗା।”

![](https://cdn.door43.org/obs/jpg/360px/obs-en-27-07.jpg)

“ଇତି ବେଲା ତୁର୍‌ଗୁ,ଗିତିନ୍ ଗାରି ବେଡସେ ମିଣ୍ଡା ଲେବିୟ ସାଗା।(ଲେବିୟଲେ ଡେଙ୍ଗାନି ମୁଇ ଯିହୁଦିଲେନା ମୁଇ ଜାତି ଜାକି ଆପୁଜାରିଲେ ମନ୍ଦିର୍ ବ ସାଇଜ ଡେଡେମ୍ ଡେଙ୍ଗା।)ଲେବିୟ ଲନା ଆତିନ୍ ବୁନୁଗ୍ ସୁମକୁନ୍ ଆରେମ ଜୁଲ ମାରି ଗାରିନା ତଙ୍ଗ୍‌ରେପାଟ୍ ବେଡସେ ଉରିଙ୍ଗସେ ଡୁଙ୍ଗା।”

![](https://cdn.door43.org/obs/jpg/360px/obs-en-27-08.jpg)

“ମାର୍‌ମୁଇବେଲେ ଆରନା ରେମ ଗିନ୍‌ଗାରି ବେଡସେତା ଇଗା ମାଇ ମିଣ୍ଡା ଶମିରୋଣୀୟ ରେମ ଡିଗା।(ଶାମିରୟାନା ରେମଲେ ମାରି ଯିହୁଦାନା ରେମଲେ ତରଇ ତରଇନା ଗୁର୍‌ନା ଡେଡେମ୍ ଡେଙ୍ଗା ) ଗିତିନ୍ ଶମିରୋଣିୟ ରେମ ଆର୍‌ନା ଗାରିବ ଲୋଗ୍‌କୁନ୍ ଆରେମ ଜୁଲ, ମାଇ ମିଣ୍ଡା ଯିହୁଦୀ ରେମ ଡିଗା।ଡେଙ୍ଗ୍‌ନାସା ମାଇ ମାଇନ୍ ବାଗ୍‌ବ ଦୟାଗ୍‌ସେ ଜିବନ୍ ଦୁକାୟ।ଗିନ୍‌ସା ମାଇନା ଯତନ୍ ରୁଙ୍ଗା ମାରି ମାଇନା ଆରେ ଗୁଲାଇ ତୁଲବେଡ।”

![](https://cdn.door43.org/obs/jpg/360px/obs-en-27-09.jpg)

“ ମାଇନା’ତୁର୍‌ଗୁ ଗିତିନ୍ ଶମିରୋଣୀୟ ଆତିନ୍ ଆରେମ ଅମୁରାଗସେ ଗଧ ବାଗ୍‌ବ ଅଲେସ ମାରି ଆମାଇ ଗାରି କଣ୍ଡେନା ପୁଣ୍ଡ୍‌ବାର୍ ନା ଡିଅ ବ ରୁଙ୍ଗ ଇଗା ଆର୍‌କି ମାଇ ମାଇନା ଯତନ୍ ରୁଙ୍ଗା।

![](https://cdn.door43.org/obs/jpg/360px/obs-en-27-10.jpg)

“ମାର୍‌ତଗା’ ଗିତିନ୍‌ ଶମିରୋଣୀୟ ଆରେମ ଆପୁଣ୍ଡ୍‌ସେ ଇଇ ପାଲାଇ ଦର୍‌କାର୍ ଡିଗା। ମାଇ ପୁଣ୍ଡ୍‌ବାର୍ ଡିଅନ୍ ଆସାଉକାର୍ ଇତି ଡାବୁ ବେଡସେ ସୁନ, “ମାଇନା ଯତନ୍ ରୁଙ୍ଗା ମାରି ନ ଯଦି କନ୍ ନାନେ ଜବର୍ ଡାବୁ କର୍‌ଚ ଡେମ୍‌ତନ, ଡିତିନ୍‌ଲୋ ନିଙ୍ଗ୍ ସାସାବ୍ ବେଲା ଗିତିନ୍‌ କର୍‌ଚ ଡେଙ୍ଗ୍ କୁନ୍ ଗୁଲାଇ ବେଡସୁଙ୍ଗ୍‌ତିଙ୍ଗ୍‌।”

![](https://cdn.door43.org/obs/jpg/360px/obs-en-27-11.jpg)

ମାଇନ୍’ ତୁର୍‌ଗୁ ଯୀଶୁ ଗିତିନ୍‌ ଈଶ୍‌ପର୍‌ନା ନିୟମ୍ ମାଗକୁନ୍ ଆରେମ୍ ପାଚାର୍‌ଲୋ “ନ ମା ଏତାୟନନି? କନ୍ ତିନ୍‌ଟା ରେମ ବ ନାନେ ଜା ଚର୍‌ରେମବ ଲକୁନ୍‌ରେମନା ଲଗେନ୍‌ରେମ୍ ଚର୍‌ଲୋ ମାରି ବୁଗ ? ମାଇ ଉତର୍ ବେଡ, “ଜା ମାଇନ୍ ବାଗ୍‌ବ ଦୟା ଅଜୁଲ ଡିଗା,ମାଇ।”ଅଇତିନ୍‌ଲୋ ଯୀଶୁ ଆମାଇ ସୁନ, “ନ ସା ୟା ମାରି ଡିତିନ୍ ଡେମ୍।”

*ବାଇବଲ୍‌ନା ମୁଇ ଉସାରାମ୍ :ଲୁକ ୧୦:୨୫-୩୭*

Audio: https://git.door43.org/OBS-TLF/bfw_obs/releases/download/v1/bfw_obs_v1_27_128kbps.m4a

## 28. ୨୮. ଇଙ୍ଗେର୍ ସାଉକାର୍ ନେତା

https://openbiblestories.org/l/bfw/story-28/

![](https://cdn.door43.org/obs/jpg/360px/obs-en-28-01.jpg)

ମିସିଙ୍ଗ୍,ମିଣ୍ଡା ଇଙ୍ଗେର ନେତା ସାସନ୍ ଡେଡେମ୍ ରେମ ଯୀଶୁନ୍ କଣ୍ତେ ସାଗା ମାରି ପାଚାର୍‌ଲ “ବାନିବାଇ ଗୁରୁ,ମଗଗଇନା ଜିବନ୍ ବାବାଙ୍ଗ୍ ସା ନିଙ୍ଗ୍‌ ମା ଡେମ୍‌ତିଙ୍ଗ୍?”ଯୀଶୁ ଆମାଇ ସୁନ,“ଆନିଙ୍ଗ୍ ମାପାଲାଇ ‘ବାନି’ ଡସେ ସୁନ ନନି?” ମିଣ୍ଡା ଆକା ବାନି ମାରି ମାଇ ଡେଙ୍ଗାନି ଈଶ୍‌ପର୍। ମାତର୍ ନ ଜଦି ମଗଗିନା ଜିବନ୍ ବାବାଙ୍ଗ୍‌ସା ମନ୍‌ଡ଼େମପେନି, ଡିତିନ୍‌ଲ ଈଶ୍‌ପର୍‌ନା ନିୟମ୍‌ଲେ ମାନ୍‌ଲା।

![](https://cdn.door43.org/obs/jpg/360px/obs-en-28-02.jpg)

ମାଇ ପାଚାର୍‌ଲ “ଆର୍ ଆର୍‌ନା ନିୟମ୍ ଗୁଲାଇ ନିଙ୍ଗ୍ ପାଲ୍ ବାର୍ ଦର୍‌କାର୍?”ଯୀଶୁ ଉତର୍ ବେଡ“ଆରେମଲେ ଆଅଡାବ। ବଲ୍ ଆଣ୍ଡାବାଇ କାମ୍। ଆଚର୍‌ଲ।ମିଚ ଆସୁନ।ତରଇନା ବା ମାରି ଆୟଙ୍ଗ୍ ସମାନ୍ ଆଲାଦ୍ ଡେମ୍, ମାରି ତରଇନା ଆଲଗେନ୍ ରେମ୍ ଜିବନ୍‌ସୁଗ ଆଲାଦ୍ ଡେମ୍।

![](https://cdn.door43.org/obs/jpg/360px/obs-en-28-03.jpg)

ମାତର୍ ଗିତିନ୍‌ ଇଙ୍ଗେର୍ ଆମାଇ ସୁନ ” ନିଙ୍ଗ୍ ଡାଉଲ ବାଈସାଗ୍ କନ୍ ଗୁଲାଇ ପାଲ୍‌ଲ ସାଗ୍ ନିନିଙ୍ଗ୍। ମଗଗଇନା ଜିବନ୍ ବାବାଙ୍ଗ୍ ପାଲାଇ ଆନିଙ୍ଗ୍ ମାରି ମାଡେଡେଙ୍ଗ୍ ଡେଙ୍ଗ୍‌ତା?”ଯୀଶୁ ମାଇନ୍ ବାଗ୍‌ବ ଜୁଲସେ ଆମାଇ ଆଲାଦ୍ ଡ଼େମ।

![](https://cdn.door43.org/obs/jpg/360px/obs-en-28-04.jpg)

ଆତିନେ ଯୀଶୁ ଉତର୍ ବେଡ “ଯଦି ନ ଗୁଲାଇବ ବାନି ଡେଡେମ୍ ସା ମନ୍, ଲ ୟା ମାରି ନନା ଗୁଲାଇ ସୁଙ୍ଗ୍ ମାରୀ ଗରିବ୍ ରେମଲେବ ଦନ୍ ଦଲତ୍ ବେଡସୁଙ୍ଗ୍। ମାରି ନ ସରଗ୍‌ବ ଦନ୍ ଦଲତ୍ ବାଙ୍ଗ୍ ତନ। ଗୀନ୍ ତୁର୍‌ଗୁ ସାକସେ ନୀଙ୍ଗ୍ ନା ଗୁଡାଙ୍ଗ୍ ଗାର୍ ସାବା।“

![](https://cdn.door43.org/obs/jpg/360px/obs-en-28-05.jpg)

ଉଣ୍ଡୋଇବେଲା ଗୀନ୍ ଇଙ୍ଗେରେ ଯୀଶୁନା କାତା ଅଙ୍ଗ,ମାଇ ଜବର୍ ଦୁକ୍ ଡେଙ୍ଗା,ମାସାଡନା ମାଇ ଜବର୍ ସାଉକାର୍ ରେମଡିଗା ମାରୀ ତରୋଇ ଅରଜ୍ ଲ କୁନ୍ ଗୁଲାଇ ଅନ୍‌ତୁରବାସା ମନ୍ ଆଡେମ୍ ତ। ମାଇ ସାର୍‌ମ ପାଲ୍ ଡ଼େମସେ ଈଶ୍‌ପର୍ନ୍‌ ନାନେ ଡୁଙ୍ଗା

![](https://cdn.door43.org/obs/jpg/360px/obs-en-28-06.jpg)

ଗିନ୍‌ତୁର୍‌ଗୁ ଯୀଶୁ ମାଇନା ଆଶିଷ୍‌ଲେ ସୁନ, “ସାଉକାର୍‌ରେମ୍‌ନା ପାଲାଇ ଈଶ୍‌ପର୍‌ନା ରାଜିବ ଗାଗାଇସା ଜବର୍ କସ୍‌ଟ! ଅହଁ ସାଉକାର୍ ରେମନା ସରଗ୍‌ବ ଗାଗାଇନା ବାଦୁଲ୍ ସୁଜିନା କାନା ବେଡସେ ଓଟନା ଗାଗାଇସା ଉସାସ୍।”

![](https://cdn.door43.org/obs/jpg/360px/obs-en-28-07.jpg)

ଉଣ୍ଡୋଇବେଲା ଶିଷ୍‌ଲେ ଯୀଶୁନାକାତା ଅଙ୍ଗ, ମାଏଲେ କାବା ଡେଙ୍ଗ୍‌ସେ ମାରି ଆମାଇ ପାଚାର୍‌ଲ “ ଯଦିକନା ଡିକନ୍ ସୁଗ ଡେନାଲ ଜା ରକିୟା ବାବାଙ୍ଗ୍ ଗନ୍ତ୍‌ନେ ?”

![](https://cdn.door43.org/obs/jpg/360px/obs-en-28-08.jpg)

ଯୀଶୁ ଶିଷ୍‌ଲେନ୍ ଗାରି ଜୁଲସେ ସୁନ,“ ରେମ ଆତରୋଇ ରକିୟା ଡିଡେମ୍ ଆଗଙ୍ଗ୍‌ତା। କନ୍ ଆଡ଼େନ୍‌ତା। ମାତର୍ ଇଶ୍‌ପର୍‌ ପାଲାଇ ମାସା କାମ ମଡେଡେମ୍ ନା ଡ଼େନ୍‌ତା।“

![](https://cdn.door43.org/obs/jpg/360px/obs-en-28-09.jpg)

ପିତର ଆଯୀଶୁ ସୁନ “ନେଲେ ଜେ ନନା ଶିଷ୍ ଲେ ଗୁଲାଇଜାକ ଅନ୍‌ତୁରସେ ନନା ଗୁଡାଙ୍ଗ୍ ଗାର୍ ସାଗିତ୍‌ନେ।ନେ ନେନ୍ ମା ପାଲ୍ ପଲ୍ ବଙ୍ଗ୍‌ତନେ ?”

![](https://cdn.door43.org/obs/jpg/360px/obs-en-28-10.jpg)

ଯୀଶୁ ଉତର୍ ବେଡ “ଜାସାରେମ ନିଙ୍ଗ୍ ପାଲାଇ ଡିଅ, ବିୟାଙ୍ଗ୍, କୁନି, ବା, ୟଙ୍ଗ୍, ଡାକୁଇ ଗୁ ମାରି ଦନ୍ ଦଲତ୍ ଅନ୍‌ତୁରତ, ମାଇ ୧୦୦ ଗୁନ୍ ନାନେ ଜବର୍ କନ୍ ଦର୍‌ତନିବ ବାଙ୍ଗ୍‌ତା ମାରି ମାଇ ମଗଗୋଇନା ଜୀବନ୍ ଲନା ବାଙ୍ଗ୍‌ତା। ମାତର୍ ଜବର୍ ରେମଲେ ଜାଲେ କନ୍ ଦର୍‌ତନି ଆତରୋଇ ମୁନା ଡସେ ବାବ୍‌ଲନି, ମାଏଲେ ଈଶ୍‌ପର୍‌ନା ମବ ଡାଉ ଡ଼େନ୍‌ତା ମାରି ଜାଲେ କନ୍ ଦର୍‌ତନି ବ ଡାଉଡସେ ବାବ୍ ଲନି, ମାଏଲେ ଈଶ୍‌ପର୍ ନା ମବ ମୁନା ଡ଼େନ୍‌ତା।

*ବାଇବଲ୍‌ନା ମୁଈ ଉସାରାମ୍ :ମାଥିଉ ୧୯:୧୬-୩୦;ମାର୍କ ୧୦:`୧୭-୩୧;ଲୁକ ୧୮:୧୮-୩୦*

Audio: https://git.door43.org/OBS-TLF/bfw_obs/releases/download/v1/bfw_obs_v1_28_128kbps.m4a

## 29. ୨୯. ଦୟା ମୋଡିକୁନ୍‌ ଗତିରେମ୍‌ନା ଉସାରାମ୍‌

https://openbiblestories.org/l/bfw/story-29/

![](https://cdn.door43.org/obs/jpg/360px/obs-en-29-01.jpg)

ମିସିଙ୍ଗ୍,ପିତର ଆଯିଶୁ ପାଚାର୍‌ଲ “ଅ ଗୁରୁ ଉଣ୍ଡୋଇ ନିଙ୍ଗ୍ ନା ବିୟାଙ୍ଗ୍ ନିଙ୍ଗ୍ ସା ପାପ୍ ଡ଼େମନା,ଗିନ୍‌ଲୋ ନିଙ୍ଗ୍ ଅଇଜା ତର ଆମାଇ କେମା ଡେଡେମ୍ ନା ? ମା ସାତ୍‌ଥର୍ ଜାକ କି?” ଯିଶୁ ସୁନ, “ସାତ୍‌ଥର୍ ଆଣ୍ଡା,ମାତର୍ ସତୁରିସାତ୍ ଥର୍ !”କନ୍ ସା,ଆଯିଶୁ ସୁସୁନା ଅରତ୍ ଡିଗା ଜେ ନେ ଗୁଲାଇବେଲା କେମା ଡେଡେମ୍ ଦରକାର୍। ଗିତିନ୍‌ ତୁର୍‌ଗୁ ଯିଶୁ କନ୍ ଉସାରାମ୍ ସୁନ।

![](https://cdn.door43.org/obs/jpg/360px/obs-en-29-02.jpg)

ଯିଶୁ ସୁନ “ ଈଶ୍‌ପର୍ ନା ରାଜି ଡିକନ୍ ସୁଗ। ମୁଇ ରାଜା ଜାକି ମାଇନ୍ ଗତିଲେ ବେରଙ୍ଗ୍ ଲେସେ ଇସାବ୍ ଆଡମ୍ ବାର୍ ଡେଡେମ୍ ସା ମନ୍‌ଡ଼େମ। ମାଇନ୍ ଗତିଲେ ନାନେ ମିଣ୍ଡା ୧୦,୦୦୦ ମୁନା ସୁନା ଉଦାର୍ ରୁଙ୍ଗ୍‌ଡିଗା।”

![](https://cdn.door43.org/obs/jpg/360px/obs-en-29-03.jpg)

ମାତର୍ ଗିତିନ୍‌ ଗତିରେମ ମାଇନା ଋନ୍ ସୁଜ୍‌ବାର ଆଗଙ୍ଗା,ଆତିନେ ରାଜା ସୁନ “ମାଇନା ଋନ୍ ସୁଜ୍‌ବାର ପାଲାଇ ଆକନ୍ ରେମ ମାରି କନଙ୍ଗ୍ ନା ଆଡିଅନ୍‌ରେମ ଗତିଆରେମ୍ ସୁଗ ସୁଙ୍ଗ ବେ।”

![](https://cdn.door43.org/obs/jpg/360px/obs-en-29-04.jpg)

ଗିତିନ୍‌ ଗତିରେମ୍ ରାଜାନା ତେସୁଙ୍ଗ୍ ଜକ୍‌ତ ଲସେ ସୁନ ‘ଦୟାଡ଼େମସେ ନିଙ୍ଗ୍ ସା ଡାଟ୍ ବୁଙ୍ଗ୍ ମାରି ନିଙ୍ଗ୍ ନନ୍ ନାନେ ରୁଙ୍ଗ୍ ଡିକୁନ୍ ଗୁଲଇ୍ ରିନ୍ ସୁଜ୍‌ଲ ବେତିଙ୍ଗ୍। ରାଜା ଗିତିନ୍‌ ଗତିରେମ୍ ବାଗ୍‌ବ ଦୟାଡେଙ୍ଗା, ଆତିନେ ମାଇ ମାଇନା ଗୁଲାଇ ଆରିନ୍ ଅନ୍‌ତୁରବେଡ।”

![](https://cdn.door43.org/obs/jpg/360px/obs-en-29-05.jpg)

ମାତର୍ ଗିତିନ୍‌ ଗତିରେମ୍ ଉଣ୍ଡୋଇଲ ରାଜା ନାନେ ଇଗା,ଅଇତିନ୍‌ଲୋ ମାଇ ମାରିମିଣ୍ଡା ସାଙ୍ଗ୍ ନାଗତିରେମ୍ ଅଜୁଗା ଜାକି ମାଇନାନେ ରୁଙ୍ଗ୍ ଡିକୁନ୍ ଉନାଇଗ୍‌ତି ଋନ୍ ସୁଜ୍‌ବାର୍ ଡିଗା।ଗିତିନ୍‌ ଗତିରେମ୍ ମାଇନା ଗିତିନ୍ ସାଙ୍ଗ୍ ଗତିରେମ୍‌ନା ସକ୍‌ବ ସବ ମାରି ସୁନ “ନିଙ୍ଗ୍ ନାନେ ଉଦାର୍ ରୁଙ୍ଗ୍ କୁନ୍ ରିନ୍ ସୁଜ୍‌ !”

![](https://cdn.door43.org/obs/jpg/360px/obs-en-29-06.jpg)

ସାଙ୍ଗ୍ ଗତିରେମ୍ ଗିତିନ୍‌ ଗତିରେମ୍‌ନା ପାଦ୍‌ବ ଲସେ ସୁନ, ‘ଦୟାଡ଼େମସେ ନିଙ୍ଗ୍ ସା ଡାଟ୍ ବୁଙ୍ଗ୍,ମାରି ନିଙ୍ଗ୍ ଉଦାର୍ ଡେଙ୍ଗ୍ କୁନ୍ ଗୁଲାଇ ରିନ୍ ଆନ ବେଡସୁଙ୍ଗ୍ ତିଙ୍ଗ୍।’ମାତର୍ ଗିତିନ୍ ଡେଡେମ୍ ବାଦୁଲ୍ ମାଇ ରିନ୍ ସୁଜ୍‌ବାର୍ ଜାକ ଆମାଇ ଜିଲ୍‌ବ ଅଗାୟ।

![](https://cdn.door43.org/obs/jpg/360px/obs-en-29-07.jpg)

“ଆର୍‌ନାଗତିରେମ୍‌ଲେ କନ୍ ଘଟ୍‌ନା ଜୁଲଡିଗା,ମାଏଲେ ଜବର୍ କଲିକରମ୍ ଡେଙ୍ଗା। ମାଏଲେ ରାଜା ବ ଇଗା ମାରି ଗୁଲାଇ କାତା ସୁନବେଡ।

![](https://cdn.door43.org/obs/jpg/360px/obs-en-29-08.jpg)

“ରାଜା ଆତିନ୍ ଗତିରେମ ୱାୟସେ ସୁନ, ‘ଅ ଦୁସ୍‌ଟ ବାଇ ଗତିରେମ!“ନ ଆନିଙ୍ଗ୍ କେମା ସା ବିକ୍ ଲୁଡ଼ କୁନ୍ ସା, ନିଙ୍ଗ୍ ନନାଗୁଲାଇ ଋନ୍ ଅନ୍‌ତୁର ବେଡନିଙ୍ଗ୍! ନ ଲସ୍‌ନା ସତ୍ ଡିକନ୍ ସୁଗ ଅଁ ଡେଡେମ୍ ନା ଡିଗା।ଆତିନେ ରାଜା ଅକନ୍ ରିସା ଡେଙ୍ଗ୍ ଇଗା ଜେ ଆଗିତିନ୍‌ ଦୁସ୍‌ଟ ଗତିରେମ ଗୁଲାଇ ଋନ୍ ସୁଜ୍‌ବାର୍ ଜାକ ଜୋଇଲ୍ ବ ଅଗାୟ ବେଡ।

![](https://cdn.door43.org/obs/jpg/360px/obs-en-29-09.jpg)

ଗିତିନ୍‌ ତୁର୍‌ଗୁ ଯିଶୁ ସୁନ “ଡିତିନ୍ ପେଲେ ତରୋଇନା ଆବିୟାଙ୍ଗ୍ ଲେ ଜୀବନ୍ ବେରଙ୍ଗ୍ କେମା ଆଡ଼େମନା, ଗିତିନ୍‌ଲୋ ନିଙ୍ଗ୍ ନା ସରଗ୍‌ବନ୍ ବା ଲସା ପେନ୍‌ବଲେ ବାଗ୍‌ବ ଡିତିନ୍ ଡେମ୍‌ତ।”

*ବାଇବଲ୍‌ନା ମୁଇ ଉସାରାମ୍ :ମାଥିଉ ୧୮:୨୧-୩୫*

Audio: https://git.door43.org/OBS-TLF/bfw_obs/releases/download/v1/bfw_obs_v1_29_128kbps.m4a

## 30. ୩୦. ଯୀଶୁ ପାଞ୍ଚ୍ ଅଜାର୍ ଆରେମଲେ ଅସୁମ୍‌ତ

https://openbiblestories.org/l/bfw/story-30/

![](https://cdn.door43.org/obs/jpg/360px/obs-en-30-01.jpg)

ଜବର୍ ପାଲ୍‌ ପାଲ୍‌ ଉଙ୍ଗମ୍ ବଲେ ବାନି କବର୍ ସୁଁସୁ ସା ମାରି ଶିକ୍‌ୟା ବେବେସା ଯୀଶୁ ଆମାଇନା ଆଶିଷ୍‌ଲେ ବେଟାୟ। ଯୀଶୁ ଆରି ଡିଗା ଆର ମାଏଲେ ଉଣ୍ଡୋଇଲ ଲେଉଟ୍‌ଗା,ମାଏ ମା ଡ଼େମଡିଗା ଗିତିନ୍ ଗୁଲାଇ ଆମାଇ ସୁନ। ଗିତିନ୍‌ ତୁର୍‌ଗୁ ଯିଶୁ କିଣ୍ଡାନା ତଙ୍ଗ୍ ରେପାଟ୍ ସିମ୍‌ରା ଡିକୁନ୍ ମୁଇ ଟାନ୍‌ବ ଇଇ ପାଲାଇ ଆମାଏଲେ ୱାୟ। ଆତିନେ ମାଏ ମୁଇ ଡ଼ଙ୍ଗାବ ଲେଗା ମାରି କିଣ୍ଡା ତଙ୍ଗ୍‌ରେ ପାଟ୍ ଉଇଗା।

![](https://cdn.door43.org/obs/jpg/360px/obs-en-30-02.jpg)

ମାତର୍ ଜାଜାଲେ ଆର ଯୀଶୁ ମାରି ମାଇନ୍ ଆଶିଷ୍‌ଲେ ଡ଼ଙ୍ଗାବ ଇଇନା ଜୁଲ ଡିଗା। ରେମଲେ କନ୍ ମାଗସେ ତଙ୍ଗ୍‌ରେ ପାଟ୍ ଇଇପାଲାଇ କିଣ୍ଡା ପାଲି ଉରୋଇଗା ମାରି ମାଏଲେ କେଟ୍‌ବାର୍‌ନା ଆଗ୍‌ତୁ କେଟ୍‌ଗା। ଗିତିନ୍‌ସା ଯୀଶୁ ମାରି ମାଇନା ଶିଷ୍‌ଲେ ଉଣ୍ଡୋଇଲ କେଟ୍‌ଗା,ମୁନା ରେମଲେ ଜବର୍ ମାନ୍ଦା ଡିକୁନ୍‌ବ କିଣ୍ଡାନା ତଙ୍ଗ୍ ରେ ପାଟ୍ ଆମାଏ ଜାଗ୍‌ଲୋ ସେ ଡିଗା।

![](https://cdn.door43.org/obs/jpg/360px/obs-en-30-03.jpg)

ମାଏଲେ ପାକାପିକି ୫୦୦୦ ଇଙ୍ଗେରେ ଡିଗା,ଆସେଲାନେ ମାରି ଆଗୁଲେ ଇସାବ ଡ଼େମ ଆଡିତା। ଜାଶୁ ଆକନ୍ ରେମଲନ୍ ବାଗ୍‌ବ ଜବର୍ ଆଲାଦ୍ ଡେଙ୍ଗ୍ ଇଗା। ମାସାଡନା ଯୀଶୁ ପାଲାଇ କନ୍ ରେମଲେ ମେଣ୍ଡାଲେ ସୁଗ ଡିଗା, ଜାନାକି ଜାସା ମେଣ୍ତା ଚାରାଉରେମ୍ ଆଣ୍ଡା। ଆତିନେ ମାଇ ଆମାଏ ଶିକ୍‌ୟା ବେଡ ମାରି ମାଏନ୍ ବ ଜାଜାଲେ ରୋଗ୍‌ବ ଡିଗା ଆମାଏଲେ ବାନି ଡ଼େମ।

![](https://cdn.door43.org/obs/jpg/360px/obs-en-30-04.jpg)

ମିସିଙ୍ଗ୍ ଡଡମ୍‌ଲୋ, ଶିଷ୍‌ଲେ ଆଯୀଶୁ ସୁନ, “ବେଲା ଜବର୍ ଡେଙ୍ଗ୍ଇଗାନି ମାରି ଲଗେ ମାସା ଉଙ୍ଗମ୍ ଆଣ୍ଡା। ଆରେମଲେ ପାଟାୟବେ ମିରିକି ମାଏଲେ ଇସେ ଇଗ୍‌ତି ସୁସୁମ୍‌ନା ବାବାଙ୍ଗ୍ ଗଙ୍ଗ୍‌ତା।

![](https://cdn.door43.org/obs/jpg/360px/obs-en-30-05.jpg)

ମାତର୍ ଯୀଶୁ ଆଶିଷ୍‌ଲେ ସୁନ, “ପେ ଆମାଏ ଇଗ୍‌ତି ସୁସୁମ୍ ପାଲାଇ ବେ !” ମାଏଲେ ଉତର୍‌ବେଡ, “ଆକା ନେ ଗିତିନ୍ ଡେଡେମ୍ ଆଗଙ୍ଗ୍‌ତନେ । ନେନ୍ ବ ପାଞ୍‌ଟା ରୁଟି ମାରି ଉମ୍ବାର୍ ଆଡଙ୍ଗ୍ ଡିତା।”

![](https://cdn.door43.org/obs/jpg/360px/obs-en-30-06.jpg)

ମାଇନା ଆଶିଷ୍‌ଲେ ସୁନ ଆରେମଲେ ସୁଁ କିରେଙ୍ଗ୍ ବ ପଚାଶ୍ ପଚାଶ୍ ଡ଼େମସେ ଲେସେ।

![](https://cdn.door43.org/obs/jpg/360px/obs-en-30-07.jpg)

ଇନା’ ତୁର୍‌ଗୁ ଯୀଶୁ ଆତିନ୍ ପାଞ୍ଚ୍‌ଟା ରୁଟି ମାରି ଉମ୍ବାର୍ ଆଡଙ୍ଗ୍ ରୁଙ୍ଗ୍‌ସେ ବାଦଲ୍ ଗାରୀ ସାର୍‌ମ ଡ଼େମ, ମାରି ଗିନ ରୁଟି ପାଲାଇ ଆ ଈଶ୍‌ପର୍ ଦନ୍‌ୟବାଦ୍ ବେଡ୍।

![](https://cdn.door43.org/obs/jpg/360px/obs-en-30-08.jpg)

ମାଇନା ତୁର୍‌ଗୁ ଯୀଶୁ ଆରୁଟିଲେ କାପ୍ କାପ୍ ଡ଼େମସେ ଆରେମଲେ ବାଟା ବାର୍ ପାଲାଇ ଆଶିଷ୍‌ଲେ ବେଡ଼। ମାରି ଆଡଙ୍ଗ୍ ଲେସା ଗିତିନ୍‌ ରେମଲେନ୍ ବ ବାଟାଲ୍। ଶିଷ୍‌ଲେ ଆତିନ୍ ରୁଟିଲେ ବାଟାଲ ବାଟାଲ ଇଗା, କନ୍ ମାରୀ ଆଡମ୍‌ତ! ଗୁଲାଇ ରେମ ସୁମ ମାରି ଶାନ୍ତି ଡେଙ୍ଗା।

![](https://cdn.door43.org/obs/jpg/360px/obs-en-30-09.jpg)

ମାଇନ୍ ତୁର୍‌ଗୁ, ଅଗଲ୍ ଡିକୁନ୍ କାପ୍‌ବାଇ ଆରୁଟି ଶିଷ୍‌ଲେ ରୁଣ୍ଡାୟ,ମାରି ମାଏଲେ ରୁଟି ମାରି ଆଡଙ୍ଗ୍ କାପ୍‌ଲେ ୧୨ ଡାମୁଙ୍ଗ୍ ରୁଣ୍ଡାୟ। କନ୍ ଗୁଲାଇ ମାତ୍ରମ୍ ପାଞ୍ଚ୍ ଟା ରୁଟି ମାରି ଉମ୍ବାର୍ ଆଡଙ୍ଗ୍ ନାନେ ସାଗ୍‌ଡିଗା।

*ବାଇବଲ୍‌ନା ମୁଈ ଉସାରାମ୍ :ମାଥିଉ ୧୪:୧୩-୨୧;ମାର୍କ ୬:୩୧-୪୪;ଲୁକ ୯:୧୦-୧୭;ଯୋହନ ୬:୫-୧୫*

Audio: https://git.door43.org/OBS-TLF/bfw_obs/releases/download/v1/bfw_obs_v1_30_128kbps.m4a

## 31. ୩୧. ଯୀଶୁ ଡାଗ୍ ବାଗ୍‌ବ ଉରିଙ୍ଗ୍‌ତ

https://openbiblestories.org/l/bfw/story-31/

![](https://cdn.door43.org/obs/jpg/360px/obs-en-31-01.jpg)

ପାଞ୍ଚ୍ ହଜାର୍ ଆରେମଲେ ଅସୁମକୁନ୍ ତୁର୍‌ଗୁ,ଯୀଶୁ ମାଇନା ଆଶିଷ୍‌ଲେ ଡ଼ଙ୍ଗାବ ଡାଡାଇସା ସୁନ। ମାରି ମାଇ କିଣ୍ଡାନା ତଙ୍ଗ୍‌ରେ ପାଟ୍ ଇପାଲାଇ ସୁନ, ମାତର୍ ମାଇ ଇତି ବେଲା ଆର ଡିଗା। ଆତିନେ ଶିଷ୍‌ଲେ ଡୁଙ୍ଗା,ମାରି ଯୀଶୁ ଆରେମଲେ ତରୋଇ ତରୋଇନା ଡିଅବ ଇପାଲାଇ ବେଟାୟ। କନ୍ ତୁର୍‌ଗୁ ଯୀଶୁ ମାଇ ପାର୍‌ତନା ଡେଡେମ୍ ପାଲାଇ ମୁଇ କୁଣ୍ଡା ବାଗ୍‌ବ ଇଗା। ଯୀଶୁ ଆତା ସାଗ୍‌ମିଣ୍ଡା ଡିଗା,ମାରି ମାଇ ମିଣ୍ଡିନା ଜବର୍ ବେଲା ଜାକ ଆର ପାର୍‌ତନା ଡ଼େମ।

![](https://cdn.door43.org/obs/jpg/360px/obs-en-31-02.jpg)

କନ୍ ବେଲା,ଶିଷ୍‌ଲେ ମାଏନା ଡ଼ଙ୍ଗା ଗାଟ୍‌ଲସେ ଇଡେଙ୍ଗା,ମାତର୍ ମାଏନା ଗାରି ଉଇଡା ଜବର୍ ସାସାଡେଙ୍ଗା। ଉଣ୍ଡୋଇଲ କନ୍ ଜବର୍ ମିଣ୍ଡି ଡେଙ୍ଗ୍‌ଡିଗା,ମାଏଲେ ସା କିଣ୍ଡା ନା ମଜାକଣ୍ଡେ କେଟ୍‌ଡିଗା।

![](https://cdn.door43.org/obs/jpg/360px/obs-en-31-03.jpg)

ମାଇନା ତୁର୍‌ଗୁ ଯୀଶୁ ପାର୍‌ତନା ଡେଡେମ୍‌ନା ଅଡମ ମାରି ତରୋଇନା ଶିଷ୍‌ଲେନ୍ ଗାରି ଲେଉଟ୍ ସେ ଇପାଲାଇ ତୁର୍‌ଗା। ମାଇ ଡ଼ଙ୍ଗା ଗାରି ସାସାବ୍ ପାଲାଇ ଡାଗ୍ ବାଗ୍‌ବ ଉରିଙ୍ଗ୍‌ବାର୍ ମୁଲାୟ !

![](https://cdn.door43.org/obs/jpg/360px/obs-en-31-04.jpg)

ଆତିନେ ଶିଷ୍‌ଲେ ଆମାଇ ଜୁଲସେ ଜବର୍ ବୁତୁଙ୍ଗ୍ ଡେଙ୍ଗ୍‌ଇଡିଗା,ମାସାଡନା ମାଏ ଏତ୍‌ଗା ଜେ ମାଇ ମୁଇ ବୁତ୍। ଯୀଶୁ ମାଗ ଜେ ମାଏଲେ ବୁତୁଙ୍ଗ୍ ଇଗିତା,ଗିତିନ୍‌ସା ମାଇ ଆମାଏଲେ ୱାୟସେ ସୁନ “ନିଙ୍ଗ୍ ଆକା। ଆ ବୁତୁଙ୍ଗ୍ ଗା!”

![](https://cdn.door43.org/obs/jpg/360px/obs-en-31-05.jpg)

ଇନା ତୁର୍‌ଗୁ ପିତର ଆଯୀଶୁ ସୁନ, “ଗୁରୁ,ଗିତିନ୍‌ ଲୋ ନ,ଡିକନ୍‌ଲୋ ଡାଗ୍‌ ବାଗ୍‌ବ ଉରିଙ୍ଗ ସେ ନନ୍ ଲଗେ ସାସାବ୍ ପାଲାଇ ଆନିଙ୍ଗ୍ ଆଦେଶ୍ ବେ।” ଯୀଶୁ ଆପିତର ସୁନ “ଲୋ!”

![](https://cdn.door43.org/obs/jpg/360px/obs-en-31-06.jpg)

ଆତିନେ ପିତର ଡ଼ଙ୍ଗାନାନେ ଜର୍‌ସେ ଯୀଶୁନ୍ ବ ଇପାଲାଇ ଡାଗ୍ ବାଗ୍‌ବ ଉରିଙ୍ଗ୍ ବାର୍ ଲାଗ୍‌ଗା। ମାତର୍ ଇତି ସୁଲୁଙ୍ଗ୍ ଉରିଙ୍ଗକୁନ୍ ତୁର୍‌ଗୁ,ମାଇ ଆଯୀଶୁ ଜୁଜୁନା ଅନ୍‌ତୁରସେ କିଣ୍ଡାନା ଡାଗ୍ ଉଲ୍‌କା ଡେଙ୍ଗ୍ କୁନ୍ ଗାରି ଜୁଜୁ ଆରମ୍ ଡ଼େମ ମାରି ଜବର୍ ଉଡିୟା ସାସାଗ୍‌ନା ଏତ୍‌ଲ।

![](https://cdn.door43.org/obs/jpg/360px/obs-en-31-07.jpg)

ଗିତିନ୍‌ସା ପିତର ବୁତୁଙ୍ଗ୍ ଗା ମାରି କିଣ୍ଡାବ ବୁଡବାର୍ ମୁଲାୟ। ମାଇ ଆଉଲି ଡେଙ୍ଗ୍ ସେ ସୁନ “ହ ଗୁରୁ,ଆନିଙ୍ଗ୍ ରକିୟା ଡ଼େମ!” ଯୀଶୁ ଅଇତିନ୍‌ଲୋ ଇସେ ଆମାଇ ସବସୁଙ୍ଗ। ଗିତିନ୍‌ ତୁର୍‌ଗୁ ମାଇ ଆପିତର ସୁନ “ଅ ଇତି ବିସ୍‌ବାସ ରେମ। ଆନ ଯତନ୍ ବୁବୁଙ୍ଗ୍ ପାଲାଇ ନିଙ୍ଗ୍‌ବ ମାସା ବିସ୍‌ବାସ୍ ଆବୁଙ୍ଗ୍‌ତୁନ ?”

![](https://cdn.door43.org/obs/jpg/360px/obs-en-31-08.jpg)

ଉଣ୍ଡୋଇଲୋ ପିତର ମାରି ଯୀଶୁ ଡ଼ଙ୍ଗାବ ଡାଇଗା,ଉଡିୟାଗ୍ ସାସାବ୍‌ନା ସୁରି ସୁରି ତେବ୍‌ଇଗା ମାରି ଡାଗ୍ ସୁସ୍‌ତା ଡେଙ୍ଗା। ଶିଷ୍‌ଲେ କାବା ଡେଙ୍ଗ୍‌ସେ ଆଯୀଶୁ ମୁଣ୍ଡିଆ ମାର୍‌ଲ। ମାଏଲେ ମାଇନା ପୁଜା ଡ଼େମସେ ସୁନ “ସତ୍ ଆକା, ନ ଈଶ୍‌ପର୍‌ନା ଗୁ।”

*ବାଇବଲନା ମୁଇ ଉସାରାମ୍ :ମାଥିଉ ୧୪:୨୨-୩୩; ମାର୍କ ୬:`୪୫-୫୨;ଯୋହନ ୬:୧୬`-୨୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_31_128kbps.m4a

## 32. ୩୨. ଯୀଶୁ ମୁଇ ବୁତ୍ ସବକୁନ୍ ଆରେମ ମାରି ମୁଇ ରୋଗ୍ ଡେଙ୍ଗ୍‌କୁନ୍ ଆସେଲାନେ ବାନି ଡ଼େମ।

https://openbiblestories.org/l/bfw/story-32/

![](https://cdn.door43.org/obs/jpg/360px/obs-en-32-01.jpg)

ଯୀଶୁ ମାରି ମାଇନା ଶିଷ୍‌ଲେ ମୁଇ ଡ଼ଙ୍ଗାବ ଡାଇସେ ଗରାଶୀୟ ରେମଲେ ବାସାଡେଙ୍ଗୁନ୍ ଦେଶ୍‌ବ ଇଗା। ମାଏଲେ ଆର କେଟ୍‌ସେ ଡ଼ଙ୍ଗାନାନେ ଜର୍ ଗା।

![](https://cdn.door43.org/obs/jpg/360px/obs-en-32-02.jpg)

ଆର ମୁଇ ରେମ ଡିଗା ଜା ବୁତ୍‌ସବକୁନ୍ ଡିଗା।

![](https://cdn.door43.org/obs/jpg/360px/obs-en-32-03.jpg)

କନ୍‌ରେମ ଅକନ୍ ବପୁବାଇ ଡିଗା ଜେ ଆର୍‌ନାସା ରେମ ଆମାଇ ସମାଲ୍ ବାର୍ ଗଗଙ୍ଗ୍ ଆଡ଼େନ୍‌ତା। କେଡେ କେଡେ ବେଲା ରେମଲେ ମାଇନା ତିତି ମାରି ଆତେଗ୍‌ସୁଙ୍ଗ୍ ସିକ୍‌ଲି ବେରଙ୍ଗ୍ ତୁଲଡିଗା,ମାରି ମାଇ ଆଟିନ୍ ଗୁଲାଇ ସେଗ୍‌ତୁଗ ସୁଙ୍ଗ ଡିଗା।

![](https://cdn.door43.org/obs/jpg/360px/obs-en-32-04.jpg)

ଗିତିନ୍‌ମୁଇରେମ ଗିତିନ୍‌ ଉଙ୍ଗମ୍ ବ ଡିକୁନ୍ ରେସାଙ୍ଗ୍‌ବଲେ ବାସା ଡେଡେମ୍ ଡେଙ୍ଗା। କନ୍ ରେମ ଗୁଲାଇ ଦିନ୍ ମାରି ଗୁଲାଇ ମିଣ୍ତି ଆଉଲି ଡେଡେମ୍ ଡେଙ୍ଗା। ମାଇ ସକାତୁଙ୍ଗ୍ ଆଡିତା ମାରି ଚନେକ୍ ଚନେକ୍ ବିରେଲେ ବେରଙ୍ଗ୍ ଅବୁଗ୍ ଡେଙ୍ଗା।

![](https://cdn.door43.org/obs/jpg/360px/obs-en-32-05.jpg)

କନ୍ ରେମ ଆଯୀଶୁ ଜୁଲକୁନ୍ ଦାପ୍‌ରେ, ମାଇ ମାଇନ୍ କଣ୍ତେ ଉରସାଗା ମାରି ମାଇ ମାଇନା ସାର୍‌ମଗାରି ମାଣ୍ତି ଟେକ୍‌ଲସେ ଲଗା। ଆରନି ଯୀଶୁ ଗିତିନ୍‌ ରେମନ୍ ବିତ୍‌ରେ ଆର୍‌ନା ବୁତ୍ ଡିଗା,ଆମାଇ ସୁନ,“କନ ରେମନାନେ ତୁର୍ ୟା!”

![](https://cdn.door43.org/obs/jpg/360px/obs-en-32-06.jpg)

କନ୍ ରେମ ଆଯୀଶୁ ଜୁଲକୁନ୍ ଦାପ୍‌ରେ, ମାଇ ମାଇନ୍ କଣ୍ତେ ଉରସାଗା ମାରି ମାଇ ମାଇନା ସାର୍‌ମଗାରି ମାଣ୍ତି ଟେକ୍‌ଲସେ ଲଗା। ଆରନି ଯୀଶୁ ଗିତିନ୍‌ ରେମନ୍ ବିତ୍‌ରେ ଆର୍‌ନା ବୁତ୍ ଡିଗା,ଆମାଇ ସୁନ,“କନ ରେମନାନେ ତୁର୍ ୟା!”

![](https://cdn.door43.org/obs/jpg/360px/obs-en-32-07.jpg)

ଭୂତମାନେ ଯୀଶୁଙ୍କୁ ବିନତୀ କରି କହିଲେ “ଦୟାକରି ଆମ୍ଭମାନଙ୍କୁ ଏହି ଅଞ୍ଚଳରୁ ବାହାରେ ପଠାନ୍ତୁ ନାହିଁ!”ନିକଟସ୍ଥ ଏକ ପାହାଡରେ ଘୁଷୁରୀ ପଲ ଚରୁଥିଲେ। ତେଣୁ, ସେହି ଭୂତମାନେ ଯୀଶୁଙ୍କୁ ବିନତୀ କରି କହିଲେ “ତା’ ବଦଳରେ ଆମ୍ଭମାନଙ୍କୁ ସେହି ଘୁଷୁରୀମାନଙ୍କ ମଧ୍ୟରୁ ପଠାଇଦିଅନ୍ତୁ !”ଯୀଶୁକହିଲେ “ଠିକ୍ ଅଛି,ସେମାନଙ୍କ ମଧ୍ୟରେ ଜାଅ।

![](https://cdn.door43.org/obs/jpg/360px/obs-en-32-08.jpg)

ଆତିନେ ବୁତ୍‌ଲେ ଗିନ୍‌ରେମ ନାନେ ତୁର୍‌ସେ ଗୁବୁଲେନ୍‌ବ ଗାଇଗା। ଗିତିନ୍‌ ଗୁବୁଲେ ଉସ୍ ବାଇ ଟାନ୍‌ନି ଉର ଇଗ୍‌ସେ ଡାଗ୍‌ବ ଡଗାସେ ବୁଡ୍ ଗଇଗା। ଗିତିନ୍‌ ପାର୍‌ତି ବ ୨୦୦୦ ଗୁବୁ ଡିଗା।

![](https://cdn.door43.org/obs/jpg/360px/obs-en-32-09.jpg)

ଆର୍‌ନା ରେମ ଆଗୁବୁଲେ ଚାରାଇବାର୍ ଡେଙ୍ଗା, ଉଣ୍ଡୋଇଲ ମାଏଲେ ଗିତିନ୍ ଗଟ୍‌ବାର୍ ନା ଜୁଲ,ମାଏଲେ ଉଙ୍ଗମ୍‌ବ ଉରୋ ଇଗା। ମାରି ଯୀଶୁ ଡ଼େମଡିଗା ଗିତିନ୍ ମାଏଲେ ଆଗୁଲାଇରେମଲେ ଅମାଗ୍। ଙ୍ଗମ୍‌ବଡିକୁନ୍ ରେମ୍ ସାଗସେ ଆଗ୍‌ତୁନାନେ ବୁତ୍ ସବକୁନ୍ ରେମବେରଙ୍ଗ୍ ମାମା ଗଟ୍‌ଲଡିଗା ଗିତିନ୍ ଗୁଲାଇ ଜୁଲ୍। ମାଇ ସାନ୍ତି ସେ,ସକାତୁଙ୍ଗ୍‌ସେ ବାନିମନ୍ ଡେଙ୍ଗସେ ଦର୍‌ମ ବାଇ ରେମସୁଗ୍ ଲେଗ୍‌ଡିଗା ।

![](https://cdn.door43.org/obs/jpg/360px/obs-en-32-10.jpg)

ରେମଲେ ଜବର୍ ବତୁଙ୍ଗ୍ ଇଡିଗା ମାରି ମାଏଲେ ଉଙ୍ଗମ୍ ନାନେ ଆଯୀଶୁ ତୁର୍ ଇପାଲାଇ ସୁନ। ଗିତିନ୍‌ସା ଯୀଶୁ ତୁର୍ ଇପାଲାଇ ଡ଼ଙ୍ଗା ବ ଡାଇଗା। ଆରନା ଆରେମ ବୁତ୍‌ଲେ ଲାଗ୍‌ଡିଗା ମାଇ ଯୀଶୁନ୍ ବେରଙ୍ଗ୍ ଇପଲାଇ ଆମାଇ ଗୁଆର ଲ।

![](https://cdn.door43.org/obs/jpg/360px/obs-en-32-11.jpg)

ମାରି ଯୀଶୁ ଆମାଇ ସୁନ “ଆଣ୍ତା,ନିଙ୍ଗ୍ ମନ୍ ଡ଼େମନିନିଙ୍ଗ୍,ନ ଡିଅବ ୟା ମାରି ଈଶ୍‌ପର୍ ନନ୍ ବେରଙ୍ଗ୍ ମାମା ଡ଼େମତା ନନ୍ ସାଙ୍ଗ୍ ମାରି ଆଡିଅନ୍‌ରେମ୍ ସୁଁ। ଈଶ୍‌ପର୍ ନନ୍ ବେରଙ୍ଗ୍ ଆର୍‌ନା ଆଲାଦ୍ ଡ଼େମତା ଗିତିନ୍‌ ଗୁଲାଇ ସୁଁ।”

![](https://cdn.door43.org/obs/jpg/360px/obs-en-32-12.jpg)

ଗିତିନ୍‌ସା ଗିତିନ୍‌ ରେମ ମାଇନ୍‌ଗାରି ବେଡସେ ଉରିଙ୍ଗଡୁଙ୍ଗା ମାରି ଯୀଶୁ ମାଇନ୍ ବେରଙ୍ଗ୍ ମାମା ଡ଼େମଡିଗା ଗିତିନ୍‌ ଗୁଲାଇ କାତା ଅମାଗ।ଆର୍‌ନା ରେମଲେ ଗିତିନ୍ ଘଟ୍‌ନା ଅଙ୍ଗ ମାଏଲେ ରାଗ୍‌ତିଗା ମାରି ବକୁଆ ଡେଙ୍ଗା।

![](https://cdn.door43.org/obs/jpg/360px/obs-en-32-13.jpg)

ଯୀଶୁ କିଣ୍ତାଗ୍‌ନା ତକ୍‌ପାଟ୍ ଲେଉଟ୍‌ସାଗା। ମାଇ ଆର କେଟ୍‌ଲକୁନ୍ ତୁର୍‌ଗୁ,ଜବର୍ ରେମ ମୁଇବ ଡେଙ୍ଗା ମାରି ମାଇନ୍ ବାଗ୍‌ବ ଜଗସୁସୁଙ୍ଗ୍ ଡେଙ୍ଗା। ଗିତିନ୍‌ ଜବର୍ ରେମନ୍ ବିତରେ ମୁୟଙ୍ଗ୍ ସେଲା ୧୨ବରଷ୍ ଜାକ ବନି ତୁତୁର୍‌ନା ରୋଗ୍‌ବ ଡିଗା। ମାଇ ଜବର୍ ଡାକ୍‌ଟର୍ ଲେନ୍‌ବ ଇଗ୍‌ସେ ବାନିଡେଡେମ୍ ପାଲାଇ ଗୁଲାଇ ଡାବୁ କରଜ୍ ଡ଼େମଡିଗା ମାତର୍ ମାଇନା ଗାଗଡ୍ ଡିନ୍ କେ ଡିନ୍ କାରାପ୍ ଡେଡେମ୍ ଲାଗ୍ ଗା।

![](https://cdn.door43.org/obs/jpg/360px/obs-en-32-14.jpg)

ମାଇ ଅଙ୍ଗଡିଗା ଜେ ଯୀଶୁ ଜବର୍ ଆରୋଗିରେମ୍ ବାନି ଡ଼େମ ଡିଗା ମାରି ବାବ୍‌ଲ,“ନିଙ୍ଗ୍ ସତଇସେ ଜେ ମାତର୍ ଯୀଶୁନ୍ଆକା ଉମ୍ପ ଛିଲ ବେତିଙ୍ଗ୍,ଲ ନିଙ୍ଗ୍ ବାନିଡେନ୍ତିଙ୍ଗ୍!” ଗିତିନ୍‌ସା ମାଇ ଯୀଶୁନ୍ ଗୁଡାଙ୍ଗ୍ ଗାରି ସାଗ୍ ସେ ମାଇନା ଉମ୍ପ ଛିଲ ବେଡ। ମାଇ ଆଉମ୍ପ ଛିଲକୁନ୍ ଦାପ୍ରେ ମାଇନା ବନିତୁତୁର୍ ବନ୍ଦ୍ ଡେଙ୍ଗ୍ ଇଗା ! ୩୩-ତାସ୍‌ଡେଡେମ୍ ରେମ୍‌ନା ଉସାରାମ୍‌

![](https://cdn.door43.org/obs/jpg/360px/obs-en-32-15.jpg)

ଗିତିନ୍ ସେଲାନେ ତର୍ ତର୍ ସେ ମାରି ଜବର୍ ବତୁଙ୍ଗ୍ ସେ ଯୀଶୁନ୍ ଆଗ୍‌ତୁ ମାଣ୍ତି ଟେକ୍‌ଲସେ ଲଗା। ଆରନି ମାଇ ମା ଡ଼େମଡିଗା,ମାରିମାଇ ବାନି ଡେଙ୍ଗା ଗିତିନ୍ ଗୁଲାଇ ସୁନ। ଯୀଶୁ ଆମାଇ ସୁନ,“ନନା ବିସାସ୍ ଆନ ବାନିଡ଼େମତା।” ଶାନ୍ତିଗ୍ ସେ ୟା।”

![](https://cdn.door43.org/obs/jpg/360px/obs-en-32-16.jpg)

ଗିତିନ୍ ସେଲାନେ ତର୍ ତର୍ ସେ ମାରି ଜବର୍ ବତୁଙ୍ଗ୍ ସେ ଯୀଶୁନ୍ ଆଗ୍‌ତୁ ମାଣ୍ତି ଟେକ୍‌ଲସେ ଲଗା। ଆରନି ମାଇ ମା ଡ଼େମଡିଗା,ମାରିମାଇ ବାନି ଡେଙ୍ଗା ଗିତିନ୍ ଗୁଲାଇ ସୁନ। ଯୀଶୁ ଆମାଇ ସୁନ,“ନନା ବିସାସ୍ ଆନ ବାନିଡ଼େମତା।” ଶାନ୍ତିଗ୍ ସେ ୟା।”

*ବାଇବଲ୍‌ନା ମୁଇ ଉସାରାମ୍ :ମାଥିଉ ୮:୨୮-୩୪;୯:୨୦-୨୦;ମାର୍କ ୫:୧-୨୦;୫:୨୪-୩୪;ଲୁକ ୮:୨୬-୩୯; ୮:୪୨-୪୮*

Audio: https://git.door43.org/OBS-TLF/bfw_obs/releases/download/v1/bfw_obs_v1_32_128kbps.m4a

## 33. ୩୩. ତାସ୍‌ଡେଡେମ୍ ରେମ୍‌ନା ଉସାରାମ୍‌

https://openbiblestories.org/l/bfw/story-33/

![](https://cdn.door43.org/obs/jpg/360px/obs-en-33-01.jpg)

ମିସିଙ୍ଗ୍,ଯୀଶୁ କିଣ୍ଡାନା କଣ୍ଡେ ମୁଇ ଜବର୍ ରେମଲେ ରୁଣ୍ଡ୍ କୁନ୍ ବ ଶିକ୍‌ୟା ବେବେଡେଙ୍ଗା। ଅଅଙ୍ଗ୍ ପାଲାଇ ଜବର ରେମ ଯୀଶୁନ୍ ବ ସାଗା ଜେ ଆମାଏଲେ ସିକ୍‌ୟା ବେବେପାଲାଇ ଆର ମାରି ଟନ୍ ଆଡିତା। ଗିତିନ୍‌ସା ମାଇ ଡାଗ୍‌ବ ଡିକୁନ୍ ମୁଇ ଡ଼ଙ୍ଗାବ ଡାଇଗା। ମାଇ ଡ଼ଙ୍ଗାବ ଲେଗ୍‌ସେ ଆରେମଲେ ସିକ୍‌ୟା ବେଡ।

![](https://cdn.door43.org/obs/jpg/360px/obs-en-33-02.jpg)

ଯୀଶୁ କନ୍ ଉସାରାମ୍ ସୁନ। ମିଣ୍ଡା ତାସ୍ ରେମ୍ ଇତି ସୁମୁ ବିବିସା ତୁର୍‌ଇଗା। ଉଣ୍ଡୋଇଲ ମାଇ ସୁମୁଲେ ବିବି ମୁଲାୟ,ଇତି ସୁମୁଗାରିବ ଲଗା। ମାତର୍ ପିରିଲେ ସାଗ୍‌ସେ ଗିତିନ୍‌ ଆଗୁଲାଇ ସୁମୁଲେ ସୁମସୁଅଁ।”

![](https://cdn.door43.org/obs/jpg/360px/obs-en-33-03.jpg)

ପାଲ୍ ସୁମୁଲେ ବିରେଡିକୁନ୍ ତୁବୁ ବାଗ୍‌ବ ଲଗା,ଆର୍‌କି ଉନା ତୁବୁଗ୍ ଡିଗା। ବିରେଡିକୁନ୍ ତୁବୁଗ୍ ବନା ସୁମୁଦାପେ ଗାଜା ଡେଙ୍ଗା, ମାତର୍ ଗିତିନ୍‌ ଗୁଲାଇନା ଚେର୍ ତୁବୁ ବିତ୍‌ରେ ଇଆଗଙ୍ଗା। ଉଣ୍ଡୋଇଲ ସିଁ ତୁର୍‌ଗା ମାରି ନିଆଗା, ସେମୁ ଉନ୍‌ସର୍‌ଗା ମାରି ଗୋଇଗା।”

![](https://cdn.door43.org/obs/jpg/360px/obs-en-33-04.jpg)

ମାରି ଅଇଜା ସୁମୁ ଗିରାଇଡିକୁନ୍ ଲାଟାବଲେ ଲଗା। କନ୍ ଗୁଲାଇ ସୁମୁମୁନାବାର୍ ପାଲାଇ ମୁଲାୟ,ମାତର୍ ଗିରାଇ ଡିକୁନ୍ ବୁଟାଲେ ଆତିନ୍ ଗୁଲାଇ ଚାପ୍‌ଲ ସୁଙ୍ଗ। ଗିନ୍‌ସା ଗିରାଇଡିକୁନ୍ ଲାଟାସେମୁଲେ ଗାଜା ଡେଙ୍ଗ୍ କୁନ୍ ସୁମୁଲେ ମାସା ପଲ୍ ସୁହୁ ବାର୍ ଆଗଙ୍ଗା।

![](https://cdn.door43.org/obs/jpg/360px/obs-en-33-05.jpg)

ପାଲ୍ ସୁମୁଲେ ବାନିବାଇ ତୁବୁବ ଲଗା। ଅଇଜା ସୁମୁବିଡ ଡିଗା,ଗିତିନ୍‌ ଗୁଲାଇ ସୁମୁଲେ ମୁନାଗା ମାରି ୩୦,୬୦ମାରି ଡିକନ୍‌କି ୧୦୦ଗୁନ୍ ଜାକ ସୁହୁଗ୍‌ସେ ପଲ୍‌ବାର୍ ମୁଲାୟ। ଜେ ଜା ଈଶ୍‌ପର୍‌ନା ଗୁଡାଙ୍ଗ୍ ଗାର୍ ଇପାଲାଇ ମନ୍‌ଡେମ୍‌ତ,ନିଙ୍ଗ୍ ମାମା ସୁନନିନିଙ୍ଗ୍ ଆତା ଦିଆନ୍ ଡେମେ।”

![](https://cdn.door43.org/obs/jpg/360px/obs-en-33-06.jpg)

କନ୍ ଉସାରାମ୍ ଶିଷ୍‌ଲେ ବୁଜ୍‌ବାର୍ ଆଗଙ୍ଗା। ଗିନ୍‌ସା ଯୀଶୁ ବୁଜାୟସେ ସୁନ,”ସୁମୁଡେଙ୍ଗାନି ଈଶ୍‌ପର୍‌ନା କାତା। ମଜି ସୁଗ ଗିନ୍‌ରେମ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ,ମାତର୍ ଗିତିନ୍ ବୁଜ୍‌ବାର୍ ଆଗଙ୍ଗ୍‌ତା,ମାରି ଶୋଇତାନ୍ ମାଇନାନେ କାତା ରୁଙ୍ଗଡୁଙ୍ଗ୍‌ତା।” ସୁସୁନ୍ ଅରତ୍ ଶୋଇତାନ୍ ଆମାଇ ଗିତିନ୍‌ କାତା ବୁଜ୍‌ବାର୍‌ସା ସୁଲୁଙ୍ଗ୍ ବୁଙ୍ଗ୍‌ତ।”

![](https://cdn.door43.org/obs/jpg/360px/obs-en-33-07.jpg)

ବିରେଡିକୁନ୍ ତୁବୁ ଡେଙ୍ଗାନି ଗିନ୍‌ରେମ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ ମାରି ସାର୍‌ଦାସେ ଗିତିନ୍‌ ରୁଙ୍ଗ୍‌ତା। ମାତର୍ ଉଣ୍ଡୋଇଲ ମାଇ କସ୍‌ଟ ମାରି ନିନ୍ଦା ସାତା ଆନ୍‌ଲ ପାଲ୍‌ରେମଲେ ଉଣ୍ଡୋଇଲ ଆମାଇ କଷ୍ଟବେତ,ମାଇ ଈଶ୍‌ପର୍ ନାନେ ସୁଲୁଙ୍ଗ୍ ଇତା। ଗିନା, ମାଇ ଈଶ୍‌ପର୍ ନାଣ୍ଡେ ବିସ୍‌ବାସ୍ ବନ୍ଦ୍ ଡ଼େମବେତ।”

![](https://cdn.door43.org/obs/jpg/360px/obs-en-33-08.jpg)

ଗିରାଇଲେ ଡିକୁନ୍ ତୁବୁ ଡେଙ୍ଗାନି ଗିନ୍‌ରେମ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ। ମାତର୍ ଉଣ୍ଡୋଇଲ ମାଇ ଦର୍‌ତନିନା,ଧନ୍‌ ମାରି ସୁକ୍ ସାର୍‌ଦା ବାବାଙ୍ଗ୍‌ସା ଚେସ୍‌ଟା ଡ଼େମତ,ଈଶ୍‌ପର୍ବ ଡିକୁନ୍ ମାଇନା ଆଲାଦ୍ ଉନା ଡେଙ୍ଗ୍ ଇତା।”ମାଇ ଈଶ୍‌ପର୍ ନା କାତାବ ଆର୍‌ନା ସିକ୍‌ୟା ବାଙ୍ଗ୍ ଡିଗା ଗିତିନ୍‌ ବେରଙ୍ଗ ଆଈଶ୍‌ପର୍ ସାର୍‌ଦା ଡେଡେମ୍ ଆଗଙ୍ଗ୍‌ତା। ମାଇ ଗହମ୍‌ନା ପିଆଲ୍ ସୁଗ ଆର୍‌ନା କି ମାସା ପଲ୍ ଅସୁ ଉ ଅଗଙ୍ଗ୍‌ତା।”

![](https://cdn.door43.org/obs/jpg/360px/obs-en-33-09.jpg)

ମାତର୍ ବାନି ତୁବୁ ଡେଙ୍ଗାନି ଗୁନ୍ ରେମ ସୁଗ ଜାକି ଈଶ୍‌ପର୍‌ନା କାତା ଅଙ୍ଗ୍‌ତ,ମାରି ଗିନା ବିସ୍‌ବାସ୍ ଡେମ୍‌ତ,ମାରି ପଲ୍ ଅସୁଉତ।”

*ବାଇବଲ୍‌ନା ମୁଇ ଉସାରାମ୍ :ମାଥିଉ ୧୩:୧-୮,୧୮-୨୩;ମାର୍କ `୪:୧-`୮,୧୩-୨୦;ଲୁକ ୮:୪-୧୫*

Audio: https://git.door43.org/OBS-TLF/bfw_obs/releases/download/v1/bfw_obs_v1_33_128kbps.m4a

## 34. ୩୪. ଯୀଶୁ ପାଲ୍ ଉସାରାମ୍‌ଲେ ସୁଗ ଶିକ୍‌ୟା ବେତ

https://openbiblestories.org/l/bfw/story-34/

![](https://cdn.door43.org/obs/jpg/360px/obs-en-34-01.jpg)

ଇଶ୍‌ପର୍‌ ରାଜିନା ବିଷୟ୍ ଯୀଶୁ ମାରି ଜବର୍ ଉସାରାମ୍‌ଲେ ସୁନ। ବୁଜାକୁନ୍ ସୁଗ,ମାଇ ସୁନ “ସରଗ୍‌ରାଜି ଡେଙ୍ଗାନି ମୁଇ ସୋରିଷ ମନ୍‌ଜି ସୁଗ ମିରି ଜାସା ମିଣ୍ଡା ମାଇନା ଲିଙ୍ଗ୍‌ବ ଉନ। ପେଲେ ମାଗତ୍‌ପେ ଜେ ସୋରିଷ ମନ୍‌ଜି ଗୁଲାଇ ମନ୍‌ଜି ନାନେ ଡାଉ।”

![](https://cdn.door43.org/obs/jpg/360px/obs-en-34-02.jpg)

“ମାତର୍ ଉଣ୍ଡୋଇଲ ସୋରିଷ ମନ୍‌ଜି ମୁନା ଡ଼େନ୍‌ତା,କନା ଗୁଲାଇ ଦିଆର୍‌ବୁର୍‌ନା ସେମୁ ନାନେ ଜବର୍ ମୁନା ଡେଙ୍ଗ୍‌ଗିତା,ଜେ ପିରିଲେ ସାସେ ମାଇନା କେନ୍ଦାବଲେ ପୁଣ୍ଡ୍‌ତା।”

![](https://cdn.door43.org/obs/jpg/360px/obs-en-34-03.jpg)

ଯୀଶୁ ମାରି ମୁଇ ଉସାରାମ୍ ସୁନ “ଈଶ୍‌ପର୍‌ନା ରାଜି ସଡ଼ା ସୁଗ ଜା ମିଣ୍ଡା ସେଲାନେ ରୁଙ୍ଗ୍‌ସେ ମୋଇଦାନା ଅଟାବ ମିସାଇତ, ଆତିନେ ଗିତିନ୍ ଗୁଲାଇ ମୋଇଦା ଡିକୁନ୍ ପାତ୍‌ଲି ଗୁଲାଇ ଗାରି ଡେଙ୍ଗ୍ ଇଏ।”

![](https://cdn.door43.org/obs/jpg/360px/obs-en-34-04.jpg)

ଈଶ୍‌ପର୍‌ନା ରାଜି ମାରି ସା ତିପା କୁନ ଦନ୍‌ ସୁଗ ଜାକି ମିଣ୍ଡା ରୁଙ୍ଗ୍‌ସେ ମୁଇ ଲିଙ୍ଗ୍‌ବ ତିପାଡ ବୁଙ୍ଗ। ପାଲ୍ ମୁଇ ରେମ ଆକନ୍ ତିପାଡ କୁନ୍ ଆଦନ୍ ବାଙ୍ଗା ମାରି ଗିତିନ୍ ବାବାଙ୍ଗ୍ ସା ଜବର୍ ମନ୍ ଡ଼େମ। ଆତିନେ ମାଇ ମାର୍‌ମୁସ ଆତିନ୍ ତୁପାଡ଼କୁନ୍ ଆଦନ୍ ତପ୍‌ଲ ବେଡ। ମାଇ ଅକନ୍ ସାର୍‌ଦା ଡେଙ୍ଗ୍‌ଡିଗା ଜେ ମାଇ ଇଗ୍‌ସେ ଗୁଲାଇ ଜାକ ସୁଙ୍ଗ,ମିରିକି ମାଇ ଆତିନ୍ ତିପାଡ଼କୁନ୍ ଦନ୍ ଡିକୁନ୍ ଆଲିଙ୍ଗ୍ ସୋସବ୍ ଗଙ୍ଗ୍‌ତା।”

![](https://cdn.door43.org/obs/jpg/360px/obs-en-34-05.jpg)

ଈଶ୍‌ପର୍‌ନା ରାଜି ମୁଇ ଜବର୍ ଦାମ୍ ବାଇ ମୋତି ସୁଗ। ଉଣ୍ଡୋଇଲ ମିଣ୍ଡା ବେପାରି କନ୍ ବାଙ୍ଗା,ମାଇ ଇଗ୍‌ସେ ତରୋଇନା ଗୁଲାଇ ସୁଙ୍ଗ ମିରିକି ମାଇ ଆତିନ୍ ସୋସବ୍ ଗଙ୍ଗ୍‌ତା।

![](https://cdn.door43.org/obs/jpg/360px/obs-en-34-06.jpg)

ଆର ଅଇଜା ରେମଲେ ଏତୁଡେଙ୍ଗା ଜେ ଈଶ୍‌ପର୍ ମାଏନା ବାନିକାମ୍ ସା ଆମାଏ ରୁଙ୍ଗ୍‌ତା। କନେଲେ ବାନିବାଇ କାମ୍ ମଡ଼େମଡିକୁନ୍ ଆରେମଲେ ଗୁର୍‌ନା ଡେଡେମ୍‌ଡେଙ୍ଗା। ଆତିନେ ଯୀଶୁ ଆମାଏ କନ୍ ଉସାରାମ୍ ସୁନ:“ଉମ୍ବାର୍ ରେମ ମନ୍ଦିର୍‌ବ ପାର୍‌ତନା ଡେଡେମ୍ ପାଲାଇ ଇଗା। ମାଏନ୍ ନାନେ ମିଣ୍ଡା ସିସ୍ତୁ ଲୁଲୁରେମ୍ ମାରି ପାଲ୍ ରେମ ଦରମ୍ ବାଇ ଗୁରୁ ଡିଗା।”

![](https://cdn.door43.org/obs/jpg/360px/obs-en-34-07.jpg)

ଗିତିନ୍‌ ଦରମ୍ ଗୁରୁ ଡିକନ୍ ସୁଗ ପାର୍‌ତନା ଡ଼େମ, “ଅ ଈଶ୍‌ପର୍ ନିଙ୍ଗ୍ ଆନ ଦନ୍‌ୟବାଦ୍ ବେଡନିନିଙ୍ଗ୍ ଜେ ପାଲ୍ ରେମଲେ ସୁଗ ନିଙ୍ଗ୍ ପାପ୍‌ବାଇ ଆଣ୍ଡା,ମିରିକି ମିଣ୍ଡା ଚର୍‌ନାରେମ,ମଦରମ୍‌ବାଇ, ବଲାଣ୍ଡା ବାଇ କାମ୍ ଡେଡେମ୍ ରେମ୍ ଆନ୍‌ଲ କନ୍ ସିସ୍ତୁ ଲୁଲୁରେମ୍ ସୁଗ ଆଣ୍ଡା।”

![](https://cdn.door43.org/obs/jpg/360px/obs-en-34-08.jpg)

ବୁଜାୟକୁନ୍ ସୁଗ,ନିଙ୍ଗ୍ ଆଟେକ୍‌ବ ଦୁଇତର୍ ଆଙ୍ଗ୍‌ଡାଗ୍ ଡିତିଙ୍ଗ୍ ମାରି ଅରଜ୍‌ଲ କୁନ୍ ଗୁଲାଇ ଡାବୁ ମାରି ଜିନିସ୍‌ନା ଦସ୍‌ବାଗ୍ ନାନେ ମୁଇବାଗ୍ ବେତିଙ୍ଗ୍।“

![](https://cdn.door43.org/obs/jpg/360px/obs-en-34-09.jpg)

ମାତର୍ ସିସ୍ତୁ ରେମ୍ ଦରମ୍ ଗୁରୁ ନାନେ ଜବର୍ ସୁଲୁଙ୍ଗ୍ ତଙ୍ଗା,ମାରି ସରଗ୍ ଗାରି ବାଗ୍‌ବ ଜୁଜୁ ପାଲାଇ ବପୁ ଆଡେମ୍‌ତ। ମାଇ ତରୋଇନା ଗିରେବ ବିଦା ବୁଗ, ମାରି ପାର୍‌ତନା ଡ଼େମ, “ଅ ଈଶ୍‌ପର୍, ନିଙ୍ଗ୍ ମୁଇ ପାପିବାଇ ରେମ,ଆନିଙ୍ଗ୍ ଆଲାଦ୍ ଡେମ୍।”

![](https://cdn.door43.org/obs/jpg/360px/obs-en-34-10.jpg)

୧୦.ତୁର୍‌ଗୁ ଯୀଶୁ ସୁନ, ନିଙ୍ଗ୍ ଆନ ସତ୍ ସୁନ ନିନିଙ୍ଗ୍,ଈଶ୍‌ପର୍ ସିସ୍ତୁ ଲୁଲୁରେମ୍ ନା ପାର୍‌ତନା ଅଙ୍ଗ, ମାରି ଦରମ୍ ଗୁରୁ ନାନେ ଆମାଇ ଦରମ୍‌ବାଇ ଡସେ ଏଜ୍‌ଲ। ଜାକି ବଡପୁନ୍ ଡେମ୍‌ତ ଆମାଇ ଈଶ୍‌ପର୍ ଆଲାଦ୍ ଆଡେମ୍‌ତ,ମାତର୍ ଜା ଆତରୋଇ ଡାଉଡେମ୍‌ତ ମାଇ ଆମାଇ ସନ୍‌ମାନ୍ ଡେମ୍‌ତ।

*ବାଇବଲ୍‌ନା ମୁଇ ଉସାରାମ୍ :ମାଥିଉ ୧୩:୩୧-୩୩,୪୪-୪୬;ମାର୍କ ୪:୩୦-୩୨;ଲୁକ ୧୩:୧୮-୨୧;୧୮;୯-୧୪*

Audio: https://git.door43.org/OBS-TLF/bfw_obs/releases/download/v1/bfw_obs_v1_34_128kbps.m4a

## 35. ୩୫. ଆଲାଦ୍‌ ବା ନା ଉସାରାମ୍‌

https://openbiblestories.org/l/bfw/story-35/

![](https://cdn.door43.org/obs/jpg/360px/obs-en-35-01.jpg)

ମିସିଙ୍ଗ୍, ଯୀଶୁ ଜବର୍ ଆରେମଲେ ଶିକ୍‌ୟା ବେବେଡେଙ୍ଗା ଜାଜାଲେ ମାଇନାନେ ଅଅଙ୍ଗ୍ ପାଲାଇ ସାମୁଇବ ଡେଙ୍ଗ୍ ଡିଗା। ଗିତିନ୍‌ ରେମଲେ ସିସ୍ତୁ ଲୁଲୁରେମ୍ ମାରି ମୋଶାନା ନିଅମ୍ ମାନ୍‌ବାର୍ ପାଲାଇ ସେଚ୍‌ଟା ମ ଡେଡେମ୍ ରେମଲେ ସା ଡିଗା।

![](https://cdn.door43.org/obs/jpg/360px/obs-en-35-02.jpg)

ଆର ଡିକୁନ୍‌ ଅଇଜା ଧରମ୍ ନେତାଲେ ଆଯୀଶୁ ଗିତିନ୍‌ ରେମଲେ ବେରଙ୍ଗ୍ ସାଙ୍ଗ୍‌ସୁଗ ବେବାର୍ ଡେଡେମ୍‌ନା ଜୁଲ। ମାରି ମାଏଲେ ତରୋଇ ତରୋଇ ସୁସୁ ମୁଲାୟ ଜେ ମାଇ ବୁଲ୍ ଡ଼େମନି। ଗିନ୍‌ସା ଯୀଶୁ ଆମାଏ କନ୍ ଉସାରାମ୍ ସୁନ।

![](https://cdn.door43.org/obs/jpg/360px/obs-en-35-03.jpg)

“ମିଣ୍ଡା ରେମନା ଉମ୍ବାର୍ ଗୁ ଡିଗା।ଡାଉ ଗୁ ଆମାଇନ୍ ବା ସୁନ, ‘ବା,ଦନ୍‌ଦଲତ୍‌ନା ଆର୍‌ନା ବାଗ୍‌ବାଟା ନିଙ୍ଗ୍‌ନା ଡିତା ଗିତିନ୍ ଆନିଙ୍ଗ୍ ଦର୍‌କାର୍!’ ଆତିନେ ମାଏନ୍‌ ବା ଉମ୍ବାର୍ ମାଇନ୍‌ ଗୁ ବ ଦନ୍‌ଦଲତ୍ ବାଗ୍‌ବାଟା ଡ଼େମ ବେଡ଼।”

![](https://cdn.door43.org/obs/jpg/360px/obs-en-35-04.jpg)

ଚଟ୍‌ନା ମାଇନା ଡାଉ ଗୁ ମାଇନ୍ ଗୁଲାଇ ଆଦନ୍‌ଦଲତ୍ ରୁଙ୍ଗ୍‌ସେ ସୁଲୁଙ୍ଗ୍ ଡିକୁନ୍‌ ଦେଶ୍ ବ ଡୁଙ୍ଗା ମାରି କାରାପ୍ କାମ୍ ବାଇ ଜିବନ୍ କାଟ୍‌ଲସେ ଗୁଲାଇ ଦନ୍‌ଦଲତ୍ ଉଡାସୁଙ୍ଗ।”

![](https://cdn.door43.org/obs/jpg/360px/obs-en-35-05.jpg)

“ମାଇନା ତୁର୍‌ଗୁ, ଡାଉ ଗୁ ଆର୍‌ନା ଦେଶ୍‌ବ ଡିକୁଡେଙ୍ଗା ଗିତିନ୍‌ ଦେଶ୍‌ବ ମୁଇ ବୋଇଁକାର୍ ମର୍‌ଡି ଡେଙ୍ଗା,ମାରି କିୟାଙ୍ଗ୍ ସସବ୍ ପାଲାଇ ମାଇବ ଡାବୁ ଆଡିତା। ଗିତିନ୍‌ସା ଆଗୁବୁଲେ ଚାରାଇବାର୍ କାମ୍ ଅନ୍‌ତୁରସେ ମାରି ମାସା କାମ୍ ଆମାଇ ଆମିଲ୍‌ତା। ମାଇ ଅକନ୍ ଦୁକ୍ ସେ ମାରି କୁଡୁଗ୍‌ସେ ଡିଗା ଜେ ମଇ ଗୁବୁଲେନା କିୟାଙ୍ଗ୍ ସୁସୁମ୍ ସା ମନ୍‌ଡେଙ୍ଗା।” `

![](https://cdn.door43.org/obs/jpg/360px/obs-en-35-06.jpg)

“ଡଡମ୍‌ଲ, ଡାଉ ଗୁ ତରୋଇ ସୁନ ‘ନିଙ୍ଗ ଆକା ମାଡେମ୍‌ତିଙ୍ଗ୍ ? ନିଙ୍ଗ୍ ନା ବାନା ଗୁଲାଇ ପାଇଟିଡେଡେମ୍ ରେମଲେ ପାଲାଇ ଜବର୍ କିୟାଙ୍ଗ୍ ଡିତା, ମାତର୍ ନିଙ୍ଗ୍ ଆକା କୁଡୁଗ୍‌ସେ ଗୋଇ ନିନିଙ୍ଗ୍। ନିଙ୍ଗ୍ ନିଙ୍ଗ୍‌ନା ବାନା କଣ୍ଡେ ଲେଉଟ୍ ଇତିଙ୍ଗ୍ ମାରି ଆନିଙ୍ଗ ମାଇନା ପାଇଟି ଡେଡେମ୍ ରେମ ସୁଗ ବୁବୁଙ୍ଗ୍ ପାଲାଇ ଆମାଇ ନିଙ୍ଗ୍ ଗୁଆର୍ ତିଙ୍ଗ୍ ।”

![](https://cdn.door43.org/obs/jpg/360px/obs-en-35-07.jpg)

“ଆତିନେ ଡାଉ ଗୁ ମାଇନା ବାନା ଡିଅବ ଲେଉଟ୍ ଇପାଲାଇ ତୁର୍‌ଗା। ମାଇ ଉଣ୍ଡୋଇଲ ସୁଲୁଙ୍ଗ୍ ଅଁ ଡିଗା, ମାଇନ୍’ ବା ଆମାଇ ସୁଲୁଙ୍ଗ୍ ନାନେ ଜୁଲସେ ଆଲାଦ୍‌ସେ କଲ୍‌ବଲ୍ ଡେଙ୍ଗା। ମାଇ ମାଇନା ଗୁ କଣ୍ଡେ ଉରିସେ ପାଟାଲ୍ ମାରି ବୁଇତମ୍ ।”

![](https://cdn.door43.org/obs/jpg/360px/obs-en-35-08.jpg)

“ଗୁ ସୁନ, ‘ବା, ନିଙ୍ଗ୍ ଇଶ୍‌ପର୍‌ ମାରି ନନ୍ ବ ପାପ୍ ଡ଼େମତିଙ୍ଗ୍। ନନ୍ ଗୁ ଡସେ ୱାୱାଇସା ଆନିଙ୍ଗ୍ ମାରି ଅଦିକାର୍ ଆଣ୍ଡା।

![](https://cdn.door43.org/obs/jpg/360px/obs-en-35-09.jpg)

ମାତର୍ ମାଇନା’ବା ମାଇନ୍ ପାଇଟିଡେଡେମ୍‌ରେମ୍ ନାନେଆମିଣ୍ଡା ସୁନ, ’ଚଟ୍‌ନା ୟା ଗୁଲାଇ ନାନେ ବାନିବାଇ ସକା ରୁଙ୍ଗସାବା ମାରି ଗିତିନ୍ ନିଙ୍ଗ୍‌ନା ଆଗୁ ଅତୁଙ୍ଗ୍!ମାଇନ୍ ଆଙ୍ଗ୍‌ଟି ମୁଦି ମାରିପାଦ୍‌ବ ଜୁତା ଅତୁଙ୍ଗ୍। ମାଇନା ତୁର୍‌ଗୁ ଗୁଲାଇ ନାନେ ବାନିବାଇ ଗୋଇତାଙ୍ଗ୍ ଅଡାବ୍ ମାରି ନାଇ ବଜି ରାଙ୍ଗ୍‌ସେ ପରବ୍ ଡେମ୍‌ନାଇ, ମାସାଡନା ନିଙ୍ଗ୍‌ନା ଗୁ ଗୋଇଡିଗା,ମାତର୍ ଅଇ ମାଇ ବୁର ଗିତା!ମାଇ ବୁଇଡିଗା,ମାତର୍ ଅଇ ନାଇ ଆମାଇ ବାଙ୍ଗ୍ ଗିତ୍‌ନାଇ!”

![](https://cdn.door43.org/obs/jpg/360px/obs-en-35-10.jpg)

“ଆତିନେ ରେମଲେ ପରବ୍ ମାନ୍‌ବାର ପାଲାଇ ମୁଲାୟ।ଇତି ବେଲା ତୁର୍‌ଗୁ, ଲିଙ୍ଗ୍ ବ ପାଇଟି ଡେଡେମ୍‌ନା ମୁନା ଗୁ ଡିଅବ ସାଗା।ମାଇ ସିନେର୍ ମାରି ବୁଡ଼ିଙ୍ଗ୍ ବାର୍‌ନା ଅଙ୍ଗ ମାରି ମାଡେଙ୍ଗ୍‌ଗିତା ଡସେ କାବା ଡେଙ୍ଗ୍‌ଇଗା।”

![](https://cdn.door43.org/obs/jpg/360px/obs-en-35-11.jpg)

ଉଣ୍ଡୋଇଲ ମୁନା ଗୁ ମାଗ ଜେ ମାଇନା ଡାଉ ବିୟାଙ୍ଗ୍ ଡିଅବ ଲେଉଟ୍ ସା ଗିତା ସା କନ୍ ଗୁଲଇ ପରବ୍ ନା ଡେଡେମ୍ ଡେଙ୍ଗା, ଅଇତିନ୍‌ଲ ବେଲା ମାଇ ଜବର୍ କିଜ୍‌ରା ଡେଙ୍ଗା ମାରି ଡିଅବିତ୍‌ରେ ଆଇତା। ମାଇନ୍‌’ ବା ତୁର୍ ସାଗା ମାରି ଆମାଏ ବେରଙ୍ଗ୍ ପରବ୍ ପାଲ୍‌ବାର୍ ସା ଗୁଆର୍‌ଲ, ମାତର୍ ମାଇ ମନାଡ଼େମ।”

![](https://cdn.door43.org/obs/jpg/360px/obs-en-35-12.jpg)

“ମୁନା ଗୁ ମାଇନା ଆବା ସୁନ, “ଅକନ୍ ବରଷ୍ ସଶେ ନିଙ୍ଗ୍ ବିସ୍‌ବାସ୍ ସୁଗ ନନା ପାଇଟି ଡ଼େମସାନିନିଙ୍ଗ୍! ନିଙ୍ଗ୍ ଉଣ୍ଡୋଇ ନନା ଆକାତା ଆମଟ୍‌ତିଙ୍ଗ୍, ଅକନ୍‌ସା ନ ନିଙ୍ଗ୍ ପାଲାଇ ମୁଇ ଡାଉବାଇ ଅଅଁମେ ଲନା ଆବେତନ ମିରିକି ନିଙ୍ଗ୍ ନିଙ୍ଗ୍‌ନା ସାଙ୍ଗ୍‌ଲେ ବେରଙ୍ଗ୍ ପରବ୍ ଡେଡେମ୍ ଗଙ୍ଗ୍ ତିଙ୍ଗ୍। ମାତର୍ ନନା କନ୍ ଆର୍‌ନା ଗୁ ପାପ୍ କାମ୍ ବ ଗୁଲାଇ ଡାବୁ ବୁଡ଼ୟ ସେ ଡିଅବ ସାଗା ପେ ମାଇନ୍ ପାଲାଇ ପରବ୍ ଡେଡେମ୍ ପାଲାଇ୍ ଗୁଲାଇ ନାନେ ଗାଗଡ ବାଇ ଗୋଇତାଙ୍ଗ ବୁଗନ!”

![](https://cdn.door43.org/obs/jpg/360px/obs-en-35-13.jpg)

“ବା ଉତର୍ ବେଡ,ଗୁ, ନ ଗୁଲାଇ୍ ବେଲା ନିଙ୍ଗ୍ ବେରଙ୍ଗ୍ ଡିତ୍‌ନ,ଆର୍ ନା ଗୁଲାଇ ନିଙ୍ଗ୍‌ନା ଗିତିନ୍‌ ଗୁଲାଇ ସା ନନା। ମାତର୍ ନାଇନ୍ ପାଲାଇ ପରବ୍ ପାଲ୍‌ବାର୍ ସା ଡିଗା ମାସାଡନା ନନ୍ ବିୟାଙ୍ଗ୍ ଗୋଇଡିଗା,ମାତର୍ ଅଇ ମାଇ ଜୀବନ୍। ମାଇ ବୁଇଡିଗା, ମାତର ଅଇ ନେ ଆମାଇ ବାଙ୍ଗିତ୍‌ନେ!”

*ବାଇବଲ୍‌ନା ମୁଇ ଉସାରାମ୍ :ଲୁକ ୧୫:୧୧-୩୨*

Audio: https://git.door43.org/OBS-TLF/bfw_obs/releases/download/v1/bfw_obs_v1_35_128kbps.m4a

## 36. ୩୬. ଯୀଶୁନା ରୁପ୍ ବଦଲ୍‌ବାର୍

https://openbiblestories.org/l/bfw/story-36/

![](https://cdn.door43.org/obs/jpg/360px/obs-en-36-01.jpg)

ମିସିଙ୍ଗ୍,ଯୀଶୁ ମାଇନା ଶିଷ୍‌ଲେନ୍ ବିତ୍‌ରେନି ତିନ୍‌ଟା ରେମ ପିତର, ଜାବୁକ ମାରି ଆଯୋହନ ମାଇନା ବେରଙ୍ଗ୍ ରୁଙ୍ଗା।(ଯୋହନ ଅମିନାଯୀଶୁନା ଶିସ୍ ମାରି ଆଯୀଶୁ ଡୁବନ୍ ବେଡକୁନ୍ ଯୋହନ ମୁଇ ଆଣ୍ଡା।) ମାଏଲେ ତରଇ ପାର୍‌ତନା ଡେଡେମ୍ ପାଲାଇ ମୁୟଙ୍ଗ୍ ଡେଙ୍ଗ୍‌ବାଇ କୁଣ୍ତାବ ଇଗା।

![](https://cdn.door43.org/obs/jpg/360px/obs-en-36-02.jpg)

ଯୀଶୁ ଉଣ୍ତୋଇଲ ପାର୍‌ତନା ଡେଡେନ୍ ଡେଙ୍ଗା,ମାଇନା ସାର୍‌ମ ସି ସୁଗ ତାରାଗ୍ ଡେଙ୍ଗା ମାରି ମାଇନା ସକା ତାରାଗ୍ ସୁଗ ଦବ୍ ଡେଙ୍ଗା ଜେ ଆର୍‌ନା ଦରତନିବ ଡିକୁନ୍ ଆର୍‌ନାସେ ରେମ ଡେଡେମ୍ ଆଗଙ୍ଗ୍‌ତା।

![](https://cdn.door43.org/obs/jpg/360px/obs-en-36-03.jpg)

ମାଇନ୍ ତୁର୍‌ଗୁ ମୋଶା ମାରି ଏଲିୟ ଅସିଗା। କନ୍ ଉମ୍‌ବାୟଙ୍ଗ୍ ରେମ କନ୍ ଘଟ୍‌ନା ଜବର୍ ବରଷ୍ ଆଗ୍‌ତୁ କନ୍ ଦର୍‌ତନିବ ଡିଗା। ମାଏଲେ ଯୀଶୁନ୍ ବେରଙ୍ଗ୍ ମାଇନା ଗଗଇନା ବିଷୟ୍ କାତାବାତା ଡେଡେମ୍ ଡେଙ୍ଗା,ମାସାଡନା ଯିରୁଶାଲାମ୍‌ବ ମାଇ ଚଟ୍‌ନା ଗଇତା।

![](https://cdn.door43.org/obs/jpg/360px/obs-en-36-04.jpg)

ଉଣ୍ତଇଲ ମୋଶା ମାରି ଏଲିୟ ଯୀଶୁନ୍ ବେରଙ୍ଗ୍ କାତାବାତା ଡେଡେମ୍ ଡେଙ୍ଗା,ପିତର୍ ଆ ଯୀଶୁ ସୁନ,“ନେଲେ ଆକା ଡିକୁନ୍ ବାନି। ନେଲେ ତିନ୍‌ଟା କୁଡିଆ ତିଆର୍ ଡେମ୍ ତନେ,ନନ୍ ପାଲାଇ ମୁଇ,ମୋଶା ପାଲାଇ ମୁଇ ମାରି ଏଲିୟ ପଅଲାଇ ମୁଇ।” ପିତର୍ ମାସୁସୁ ଡେଙ୍ଗା ଗିନା ମାଇ ମାମାଗ୍ ଆଗଙ୍ଗ୍‌ତା।

![](https://cdn.door43.org/obs/jpg/360px/obs-en-36-05.jpg)

ଉଣ୍ତଇଲ ପିତର୍ କାତା ସୁସୁ ଡେଙ୍ଗା, ମୁଇ ତାରାଗ୍ ବାଦଲ୍ ଜଗ୍‌ତ ସାଗା ମାରି ଆମାଲେ ଗିନା ଡାବ୍‌ଲସୁଙ୍ଗ। ମାରି ବାଦଲ୍ ନି ମାଏଲେ କନ୍ କାତା ଅଙ୍ଗ“କନ୍ ନିଙ୍ଗ୍‌ନା ବାନିବାଇ ଗୁ ଆଜା ନିଙ୍ଗ୍ ଆଲାଦ୍ ଡେମ୍‌ତିଙ୍ଗ୍। ମାଇନ୍‌ବ ନିଙ୍ଗ୍‌ନା ସାର୍‌ଦା। ମାଇନା କାତା ଅଙ୍ଗ୍।” ଗିତିନ୍ ତିନ୍‌ଟା ଶିଷ୍‌ଲେ ବତୁଙ୍ଗ୍ ଇଗ୍‌ସେ ତୁବୁଗ୍ ବ ଲଗ୍ ଇଡିଗା।

![](https://cdn.door43.org/obs/jpg/360px/obs-en-36-06.jpg)

ମାଇନାତୁର୍‌ଗୁ ଯୀଶୁ ଆମାଏଲେ ଚିଲ ମାରି ସୁନ “ଆବତୁଙ୍ଗା। ତଗ୍‌ଡାଗା।” ଉଣ୍ଡୋଇଲ ମାଏଲେ ତଗ୍‌ଡାଗ୍‌ସେ ଛାର୍‌ବେର୍‌ତି ଜୁଲ, ମାଏଲେ ତରଇ ବେରଙ୍ଗ୍ ଆଯୀଶୁ ଅନ୍‌ତୁରସେ ମାରି ଆଜାସା ଆଜୁତ।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ମାରି ମାଇନା ତିନ୍‌ଟା ଶିଷ୍‌ଲେ କୁଣ୍ତା ଜଗ୍‌ତ ଜର୍ ସାଗା। ମାଇନା ତୁର୍‌ଗୁ ଯୀଶୁ ଆମାଏଲେ ସୁନ “ଆକା ମା ଘଟ୍‌ଗା ଗିନା ଆଜାସା ଆସୁନ। ନିଙ୍ଗ୍ ଛଟ୍‌ନା ଗିତିଙ୍ଗ୍ ମାରି ମାର୍ ମୁସ ଜୀବନ୍ ଡେନ୍‌ତିଙ୍ଗ୍।ମାଇନା ତୁର୍‌ଗୁ ପେଲେ କନା ଆରେମୋଲେ ସୁସୁ ଗନ୍ତ୍‌ପେ।”

*ବାଇବଲନା ମୁଇ ଉସରାମ୍;ମାଥିଉ ୧୭;୧-୨:ମାର୍କ ୯;୨-୮;ଲୁକ ୯;`୨୮’*

Audio: https://git.door43.org/OBS-TLF/bfw_obs/releases/download/v1/bfw_obs_v1_36_128kbps.m4a

## 37. ୩୭. ଯୀଶୁ ଆଲାଜାର୍ ଗଇକୁନ୍ ନାନେ ଅତଗ୍‌ଡାକ୍‌ତ

https://openbiblestories.org/l/bfw/story-37/

![](https://cdn.door43.org/obs/jpg/360px/obs-en-37-01.jpg)

ଲାଜାର୍ ଅମିନା ମୁଇ ରେମ ଡିଗା। ମରିୟମ୍ ମାରି ମର୍ଥା ଅମିନା ମାଏନା ଉମ୍ବାୟଙ୍ଗ୍ ତୁନା ଡିଗା। ମାଏଲେ ଯୀଶୁନ୍ ବାନିବାଇ ସାଙ୍ଗ ଡିଗା। ମିସିଙ୍ଗ୍ ଲାଜାର ଜବର୍ ସି ଡିତା ଡସେ ଆଯୀଶୁ ଜା ମିଣ୍ଡା କବର୍ ବେଡ। ଉଣ୍ତୋଇଲ ଯୀସୁ କନା ଆଙ୍ଗ,ମାଇ ସୁନ, କନା ସି ଲାଜାରନା ଗଗଇ ପାଲାଇ ଆଣ୍ତା,ମାତର୍ କନା ଈଶ୍‌ପର୍‌ନା ଅମି ଉଚ୍ ଡେଡେମ୍ ପଲାଇ,ଜାନ୍‌ସା ରେମଲେ ଈଶ୍‌ପର୍‌ନା ଲାଡ୍ ଡେମ୍‌ତ।”

![](https://cdn.door43.org/obs/jpg/360px/obs-en-37-02.jpg)

ଯୀଶୁ ଆମାଇନା ସାଙ୍ଗଲେ ଆଲାଦ୍ ଡେଡେମ୍ ଡେଙ୍ଗା ମାତର୍ ମାଏଲେ ଆର୍‌ନା ଟାନ୍‌ବ ଡିଗା ମାରି ଦୁଇଦିନ୍ ଡିଗ୍ ଇଗା। ଦୁଇଦିନ୍ ତୁର୍‌ଗୁ, ଯୀଶୁ ମାଇନା ଆଶିଷ୍‌ଲେ ସୁନ, “ଲ,ନାଇ ଯିହୁଦା ଦେଶ୍‌ବ ୟାନାଇ।” ଶିଷ୍‌ଲେ ଉତର୍ ବେଡ଼,“ମାତର୍ ଗୁରୁ ଇତି ବେଲା ଆଗ୍‌ତୁ ରେମଲେ ଆନ ଅଗଇ ପାଲାଇ ଏତାଇ ବାର୍ ଡେଙ୍ଗା!”ଯୀଶୁ ସୁନ“ନାଇନା, ସାଙ୍ଗ ଲାଜାର ନିନ୍ଦ୍ ବାଙ୍ଗିତା, ମାରି ନିଙ୍ଗ୍ ଆମାଇ ସତଇସା ନିନ୍ଦ୍ ନାନେ ନିଙ୍ଗ୍ ଅତଗ୍‌ଡାଗ୍ ବାର୍ ଲାଗ୍‌ତା।”

![](https://cdn.door43.org/obs/jpg/360px/obs-en-37-03.jpg)

ଶିଷ୍‌ଲେ ଉତର୍ ବେଡ “ଗୁରୁ ଯଦି ଲାଜାର୍ ଲେମ ଇଗିତା,ତେବେ ମାଇ ତଗ୍‌ଡାଗ୍‌ତା।“ମାଇନ୍ ତୁର୍‌ଗୁ ଯୀଶୁ ଆମାଏଲେ ସୁସ୍‌ତାସେ ସୁନ, “ଲାଜାର୍ ଗଇଗିତା। ନିଙ୍ଗ୍ ସାର୍‌ଦା ଜେ ନିଙ୍ଗ୍ ଆର ଆଡିତିଙ୍ଗ୍,ମିରିକି ପେଲେ ନିଙ୍ଗ୍ ବ ବିସ୍‌ବାସ୍ ଡେମ୍‌ତପେ।”

![](https://cdn.door43.org/obs/jpg/360px/obs-en-37-04.jpg)

ଉଣ୍ତୋଇଲ ଯୀଶୁ ଲାଜାର୍ ନା ଙ୍ଗମ୍ ବ ସାଗା,ଲାଜାର୍ ଗ ଇସେ ଆମାଇ ଆତିଲ ଡିକୁନ୍ ଚାର୍ ଦିନ୍ ଡେଙ୍ଗ୍ ଇଡିଗା। ମାର୍ଥା ଆଯୀଶୁ ବେଟ୍ ଡେଡେମ୍ ଇଗ୍‌ସେ ସୁନ, “ପରବୁ, ଯଦି ନ ଆକା ଡିଗ୍‌ନାଲ, ଡନା ନିଙ୍ଗ୍‌ନା ବିୟାଙ୍ଗ୍ ଆଗୋଇସାନା। ମାରୀ ନିଙ୍ଗ୍ ବିସ୍‌ବାସ୍ ଡେମ୍ ତିଙ୍ଗ୍ ଆନ ନ ଆଈଶ୍‌ପର୍ ମା ଗୁଲାଇ ଲୁତନ ମାଇ,ଆନ ବେତ।

![](https://cdn.door43.org/obs/jpg/360px/obs-en-37-05.jpg)

ଯୀଶୁ ଉତର୍ ବେଡ “ ନିଙ୍ଗ୍ ମାରମୁସ ମୁରାତିଙ୍ଗ୍ ମାରି ଜୀବନ୍ ଡିତିଙ୍ଗ୍ । ଜାନିଙ୍ଗ୍ ବ ବିସ୍‌ବାସ୍ ଡେମ୍‌ତ ଡନା ମାଇ ଗିତା ଡନା ମାଇ ବୁରତା। ଆର୍‌ନାସା ରେମ ନିଙ୍ଗ୍ ବ ବିସ୍‌ବାସ୍ ଡେମ୍ ତ ମାଇ ଉଣ୍ତୋଇସା ଆଗୋଇତା। ପେ କନା ବିସ୍‌ବାସ୍ ଡେମ୍ କି?“ ମାର୍ଥା ଉତର୍,ହାଁ ଗୁରୁ! ନିଙ୍ଗ୍ ବିସ୍‌ବାସ୍ ଡ଼େମନିନିଙ୍ଗ୍ ଜେ ନ ଈଶ୍‌ପର୍ ନା ଗୁ କିସ୍‌ଟ।“

![](https://cdn.door43.org/obs/jpg/360px/obs-en-37-06.jpg)

ମାଇନା ତୁର୍‌ଗୁ ମରିୟମ୍ କେଟ୍‌ଲ। ମାଇ ଯୀଶୁନା ପାଦ୍ ବ ଲଗ୍‌ସେ ସୁନ, ”ପରବୁ ଯଦି ନ ଆକା ଡିଗ୍‌ଲାନ,ନିଙ୍ଗ୍ ନା ବିୟାଙ୍ଗ୍ ଆଗୋଇସାନା।“ଯୀଶୁ ଆମାଏଲେ ପାଚାର୍‌ଲ,“ପେଲେ ଆଲାଜାର୍ ଆରି ଜୁଲତ୍‌ପେ ?”ମାଏଲେ ସୁନ, “ରେସାଙ୍ଗ୍‌ବ। ଲ ମାରି ଜୁ।“ମାଇନା ତୁର୍‌ଗୁ ଯୀଶୁ ଉଗା।”

![](https://cdn.door43.org/obs/jpg/360px/obs-en-37-07.jpg)

ରେସାଙ୍ଗ୍ ଟାନ୍‌ମୁଇ ପାଟ୍‌ନା ସୁଗ ଡିଗା ମାରି କନଙ୍ଗ୍ ନା ସାର୍‌ମବ ମୁୟଙ୍ଗ୍ ବିରେ ଡାବ୍‌ଲ ବେଡ ଡିଗା। ଯୀଶୁ ଉଣ୍ତୋଇଲ ରେସାଙ୍ଗ୍ ବ କେଟ୍‌ଗା,ମାଇ ଆମାଏଲେ ସୁନ, ”ଆବିରେ ରେସାଙ୍ଗ୍ ନାନେ ଗୁସାୟ ବେ। “ମାତର୍ ମାର୍ଥା ସୁନ, “ମାଇ ଗ ଇସେ ଚାର୍‌ଦିନ୍ ଡେଙ୍ଗାନି। ଆର ବାସ୍‌ନା ଡିତା।”

![](https://cdn.door43.org/obs/jpg/360px/obs-en-37-08.jpg)

ଯୀଶୁ ଉତର ବେଡ, “ନିଙ୍ଗ୍ ମା ଆପେ ସୁନ୍ ଆଡିତିଙ୍ଗ୍ କି ଜେ ପେଇଲେନ୍ ବ ନିଙ୍ଗ୍ ବ ବିସ୍‌ବାସ ଡ଼େମନା ଈଶ୍‌ପର୍‌ନା ମହିମା ଜୁତପେ ?“ ଗିତିନ୍‌ସା ମାଏ ଆବିରେ ପେଲାୟ ବେଡ।

![](https://cdn.door43.org/obs/jpg/360px/obs-en-37-09.jpg)

ମାଇନା ତୁର୍‌ଗୁ ଯୀଶୁ ବାଦଲ୍ ଗାରି ବାଗ୍‌ବ ଜୁଲସେ ସୁନ “ବା ନିଙ୍ଗ୍‌ନା ପାର୍‌ନା ଅଁଙ୍ଗ ଡିକୁନ୍‌ସା ଧନ୍ୟବାଦ। ନିଙ୍ଗ୍ ମାଗତିଙ୍ଗ୍ ଗୁଲାଇ ବେଲା ନିଙ୍ଗ୍‌ନା ପାର୍‌ତନା ଅଙ୍ଗଡିତ୍‌ନ,ମାତର୍ ନ ଆନିଙ୍ଗ୍ ବେଟାୟତ୍‌ନ ଡସେ ଆକା ତଙ୍ଗ୍ କୁନ୍ ରେମଲେ ମିରିକି ବିସ୍‌ବାସ୍ ଡେମ୍‌ତ ଗିତିନ୍ ପାଲାଇ ନିଙ୍ଗ୍ ସୁନ ନିନିଙ୍ଗ୍। “ମାଇନା ତୁର୍‌ଗୁ ଯୀଶୁ ଆଉଲି ଡେଙ୍ଗ୍‌ସେ ସୁନ ”ଲାଜାର୍, ତୁର୍‌ସାବା!“

![](https://cdn.door43.org/obs/jpg/360px/obs-en-37-10.jpg)

ଗିତିନ୍‌ସା ଲାଜାର୍ ତୁର୍‌ସେସାଗା! ଗିତିନ୍ ବେଲା ମାଇ ଆତିଲକୁନ୍ ସକା ବେରଙ୍ଗ୍ ଆକା ଗୁଡାଇଡେଙ୍ଗ୍ ଡିଗା। ଯୀଶୁ ଆମାଏଲେ ସୁନ,“ଗିତିନ୍‌ ଆତିଲକୁନ୍ ସକା ମାଇନା ନାନେ ତଗସେ ଆମାଇ ଅତୁର୍!” କନ୍ ରାଗ୍‌ତିଗ୍‌ନା କାମ୍ ପାଲାଇ ଜବର୍ ଯିହୁଦୀଲେ ମାଏନ୍‌ବ ବିସ୍‌ବାସ୍ ଡ଼େମ।

![](https://cdn.door43.org/obs/jpg/360px/obs-en-37-11.jpg)

ମାରି ଯିହୂଦୀଲେନ୍ ଧରମ୍ ନେତାଲେ ଆକାର୍ ଡେଙ୍ଗା, ଗିତିନ୍‌ସା ମାଏଲେ ମିରି ସୁଗ ଯୀଶୁ ମାରି ଆଲାଜାର୍ ଅଗଇତ ଗିନା ମୁଇବ ଡେଙ୍ଗ୍‌ସେ ଯୋଜନା ଡେଡେମ୍ ଲାଗ୍‌ଗା ।

*ବାଇବଲନା ମୁଇ ଉସାରାମ୍ ଯୋହନ ୧୧;୧-୪୬*

Audio: https://git.door43.org/OBS-TLF/bfw_obs/releases/download/v1/bfw_obs_v1_37_128kbps.m4a

## 38. ୩୮. ଯୀଶୁନ୍ ବେରଙ୍ଗ୍ ବିସ୍‌ବାସ୍ ବ ନାଡ୍‌ଲ

https://openbiblestories.org/l/bfw/story-38/

![](https://cdn.door43.org/obs/jpg/360px/obs-en-38-01.jpg)

ଗୁଲାଇ ବରଷ୍ ଯିହୁଦିଲେ ନିସ୍‌ତାର୍ ପରବ୍ ପାଲ୍‌ବାର୍ ଡେଙ୍ଗା। ଶହେ ଶହେ ବରଷ୍ ଆଗ୍‌ତୁ ଈଶ୍‌ପର୍ ମିରି ଆମାଏନା ଆ ଆନି ଦାଦି ଲେ ମିସର୍ ଦେଶ୍‌ନା ଗତିରେମ୍‌ସୁଗ ଡିକୁନ୍‌ଲ ଆମାଏ ରକିୟା ଡ଼େମ ରୁଙ୍ଗଡିଗା ଆମାଇ ଏତାଇବାର୍ ପାଲାଇ ମାଏଲେ କନ୍ ପରବ୍ ମାନ୍‌ଲ। ଯୀଶୁ ଗୁଲାଇ ରେମ ବ ପର୍‌ଚାର୍‌ ମାରି ଶିକ୍‌ୟା ମୁଲାଇବାର୍ ନା ପାକାପାକି ତିନ୍ ବରଷ୍ ତୁର୍‌ଗୁ ଯୀଶୁ ଆମାଏନ୍ ଆଶିଷଲେ ସୁନ ଜେ ମାଇ ମାଏଲେ ବେରଙ୍ଗ୍ ଯିରୁଶାଲମ୍ ବ ନିସ୍ତାର୍ ପରବ୍ ମାନ୍‌ବାର୍ ପାଲାଇ ମନ୍‌ଡ଼େମ, ମାରି ଆର ଆମାଇ ଅଡାବ୍‌ତ।

![](https://cdn.door43.org/obs/jpg/360px/obs-en-38-02.jpg)

ଯୀଶୁନା ଶିଷ୍‌ଲେ ନାନେ ଯିହୁଦା ଅମିନା ମିଣ୍ଡା ଶିଷ୍ ଡିଗା। ଯିହୁଦା ଶିଷ୍‌ଲେନା ଡାବୁ ବେସ୍‌ନି ନା ଦାଇତ୍ ବ ଡିଗା, ମାତର୍ ମାଇ ଜବର୍ ବେଲା ଗିତିନ୍‌ ବେସ୍‌ନି ନାନେ ଡାବୁ ଚର୍‌ବାର୍ ଡେଙ୍ଗା। ଯୀଶୁ ମାରି ମାଇନ୍ ଶିଷ୍‌ଲେ ଯିରୁଶାଲମ୍ ବ କେଟ୍‌କୁନ୍ ତୁର୍‌ଗୁ, ଯିହୁଦା ଯିହୁଦୀ ନେତାଲେନ୍ ବ ଇଗା। ମାଇ ଡାବୁ ବାଦୁଲ୍ ଆଯୀଶୁ ମାଏନ୍ ତିତିବ୍ ସରପ୍‌ଲ ବେବେ ପାଲାଇ ଆଯିହୁଦୀ ନେତାଲେ କାତା ବେଡ। ଯୀଶୁ ଜେ କିସ୍‌ଟ, କନ୍ ଯିହୁଦୀ ନେତାଲେ ମାନ୍‌ବାର୍ ଆଡ଼େନ୍‌ତା। ମାଏଲେ ଆଯୀଶୁ ଅଡାବ୍ ବାର୍‌ପାଲାଇ ଜଜ୍‌ନା ଡେଡେମ୍ ଡେଙ୍ଗା କନ୍ ମାଇ ମାଗଡିଗା।

![](https://cdn.door43.org/obs/jpg/360px/obs-en-38-03.jpg)

ଯିହୁଦୀ ନେତାଲେ ମୁନା ପୁଜାରିଲେ ବେରଙ୍ଗ୍ ଆଯୀଶୁ ମାଏନ୍ ତିତିବ ସରପ୍‌ବାର୍ ପାଲାଇ ତିରିଶିଟା ରୁପା ଡାବୁ ବେଡ ଡିଗା। ଆକ୍‌ତୁନ୍ ବାବବାଦିଲେ ସୁନ କୁନ୍ ସୁଗ କନ ଗଟ୍‌ଗା। ଯିହୁଦା ଆର ରାଜିଡେଙ୍ଗ୍ ସେ ଡାବୁ ରୁଙ୍ଗ୍ ସେ ଡୁଙ୍ଗା। ମାଇ ମିରିକି ଆଯୀଶୁ ଅସବ୍‌ସେ ମାଏନ୍ ତିତିବ ସରପ୍‌ଲ ବେବେପାଲାଇ ବେଲା କଜ୍‌ବାର୍ ଡେଙ୍ଗା।

![](https://cdn.door43.org/obs/jpg/360px/obs-en-38-04.jpg)

ଯିରୁଶାଲମ ବ ଯୀଶୁ ମାଇନ୍ ଶିଷ୍‌ଲେ ବେରଙ୍ଗ୍ ନିସ୍ତାର୍‌ପରବ୍‌ ପାଲ୍‌ଲ। ନିସ୍ତାର୍‌ ପରବ୍‌ନା ବଜି ସୁସୁମ୍ ବେଲା ଯୀଶୁ ରୁଟି ରୁଙ୍ଗ୍‌ସେ ଆମାଇ ପୁରୁଗ। ମାଇ ସୁନ “ କନ୍ ରୁଙ୍ଗ୍‌ସେ ସୁମ।କୁନ୍ ନିଙ୍ଗ୍‌ନା ଗାଗଡ, ଆର୍‌ନା ପେନ୍ ପାଲାଇ ବେଡ୍‌ତା। ଆନିଙ୍ଗ୍ ଏତୁବାର୍ ପାଲାଇ କନ୍ ଡେମ୍। “ଡିକନ୍ ସୁଗ ଯୀଶୁ ସୁନ ଜେ, ମାଏଲେ ପାଲାଇ ମାଇ ଗୋଇତା ମାଏଲେ ପାଲାଇ ମାଇନ୍ ଗାଗଡ୍ ସେବକୁନ୍ ସୁଗ ବେତ।

![](https://cdn.door43.org/obs/jpg/360px/obs-en-38-05.jpg)

ମାଇନା ତୁର୍‌ଗୁ ଯୀଶୁ ମାଇ ଗାଲାସ୍ ଦ୍ରାକ୍ଷା ରସ୍ ରୁଙ୍ଗା ମାରି ସୁନ,“ ଆକନା ଉ। କନା ନିଙ୍ଗ୍‌ନା ତିମେ ନିୟମ୍ ନା ବନି ମିରିକି ଈଶ୍‌ପର୍ ପେନ୍ ପାପ୍ ଗୁଲାଇ କେମା ଡେମ୍‌ତ କନ୍‌ସା ଗିତିନ୍ ନିଙ୍ଗ୍ ଜରାଇତିଙ୍ଗ୍। ଆର୍‌ନା ନିଙ୍ଗ୍ ଅଇ ଡ଼େମ ନିନିଙ୍ଗ୍ ଗିତିନ୍ ଆନିଙ୍ଗ୍ ଅଇଜା ତର୍ ଏତାଇ ବାର୍ ପାଲାଇ ଉ।”

![](https://cdn.door43.org/obs/jpg/360px/obs-en-38-06.jpg)

ମାଇନା ତୁର୍‌ଗୁ ଯୀଶୁ ମାଇନା ଆଶିଷ୍‌ଲେ ସୁନ, “ପେନ୍ ନାନେ ଆନିଙ୍ଗ୍ ମିଣ୍ଡା ବିସ୍‌ବାସ୍ ଡ଼େମସେ ନାଡ୍‌ତ (ଦକା)।” ଶିଷ୍‌ଲେ ରାଗ୍‌ତି ଡେଙ୍ଗ୍ ଇଗା,ମାରି ଜା ଡିକନ୍ ଡେମ୍‌ତ ଡସେ ପାଚାର୍‌ଲ। ଯୀଶୁ ସୁନ,“ନିଙ୍ଗ୍ ଆଜା କନ୍ ପୁରୁକୁନ୍ ରୁଟି ବେତିଙ୍ଗ୍ ମାଇ ବିସ୍‌ବାସ୍ ଡ଼େମସେ ନାଡ୍‌ତ।” ମାଇନା ତୁର୍‌ଗୁ ଗିତିନ୍ ରୁଟି ଆଯିହୁଦା ବେଡ।

![](https://cdn.door43.org/obs/jpg/360px/obs-en-38-07.jpg)

ଯିହୁଦା ଗିତିନ୍‌ କାପ୍ ବାଇ ରୁଟିଲେ ରୁଙ୍ଗ୍‌କୁନ୍ ତୁର୍‌ଗୁ,ଶୋଇତାନ୍ ମାଇନ୍ ବ ଗାଇଗା। ଯିହୁଦା ଗିତିନ୍‌ ଟାନ୍ ଅନ୍‌ତୁରସେ ଆଯୀଶୁ ବନ୍ଦି ଡେଡେମ୍ ପାଲାଇ ଆଯିହୁଦୀ ନେତାଲେ ସାଇଜ ଡେଡେମ୍ ପାଲାଇ ମାଏନ୍ କଣ୍ଡେ ଇଗା। ଗିତିନ୍ ମିଣ୍ଡି ବେଲା ଡିଗା।

![](https://cdn.door43.org/obs/jpg/360px/obs-en-38-08.jpg)

ସୁମ ଅଡମକୁନ୍ ତୁର୍‌ଗୁ, ଯୀଶୁ ମାରି ମାଇନା ଶିଷ୍‌ଲେ ଜିତ୍ ଅମି ନା ମୁଇ କୁଣ୍ଡାବ ଉରିଙ୍ଗ ଇଗା। ଯୀଶୁ ସୁନ, “କନ୍ ମିଣ୍ଡିବ୍ ପେ ଗୁଲାଇରେମ ଆନିଙ୍ଗ୍ ଅନ୍ତୁର୍‌ତ ପେ। ଲେକା ଡିତା “ନାଇଲେ ଆମେଣ୍ଡାଚାରାଉ ବୁଗ୍‌ନାଇ ମାରି ଗୁଲାଇ ମେଣ୍ଡା ଅତକ୍ ତଙ୍ଗ୍‌ରେ ଡେଙ୍ଗ୍ଇତା।”

![](https://cdn.door43.org/obs/jpg/360px/obs-en-38-09.jpg)

ପିତର ଉତର୍ ବେଡ, “ଗୁଲାଇ ରେମଲୋ ଆନ ଅନ୍ତୁର୍ ତ,ନିଙ୍ଗ୍ ଆନ ଆନ୍‌ତୁର୍ ତିଙ୍ଗ୍!”ଗିନ୍‌ଲୋ ଯୀଶୁ ଆପିତର ସୁନ, “ସୋଇତାନ୍ ଆପେ ଆଗୁଲାଇରେମ ବିସ୍‌ବାସ୍ ନାନେ ପାଲ୍ ଡେଡେମ୍ ପାଲାଇ ମନ୍ ଡ଼େମନି,ମାତର୍ ବିସ୍‌ବାସ୍ ବ ପେଲେ ମିରି ଉନା ଆଡ଼େନ୍‌ତା କନ୍ ପାଲାଇ ନିଙ୍ଗ୍ ପାର୍‌ତନା ଡ଼େମ ତିଙ୍ଗ୍। ଡିକନ୍ କି, ଅଇକା ମିଣ୍ଡିବ୍ ଗିସିଙ୍ଗ୍ ସୁସୁ ନା ଆଗ୍‌ତୁ ଆନିଙ୍ଗ୍ ପେ ତିନ୍ ତର୍ ଆମାନ୍ ତନ।”

![](https://cdn.door43.org/obs/jpg/360px/obs-en-38-10.jpg)

ମାଇନା ତୁର୍‌ଗୁ ପିତର ଆଯୀଶୁ ସୁନ, “ ଡନା ଆନିଙ୍ଗ୍ ଗୋଗୋଇନା ଡ଼େନ୍‌ତା,ଡେନ୍ ନାସା ନିଙ୍ଗ୍ ଆନ ଆ ଅନ୍‌ତୁର୍ ତିଙ୍ଗ୍!”ପାଲ୍ ଗୁଲାଇ ଶିଷ୍‌ଲେ ସା ଡିତିନ୍ ଆକ ସୁନ।

![](https://cdn.door43.org/obs/jpg/360px/obs-en-38-11.jpg)

ମାଇନା ତୁର୍‌ଗୁ ଯୀଶୁ ମାଇନା ଶିଷଲେ ବେରଙ୍ଗ ଗେଥଶିମନୀ ଅମିନା ମୁଇ ଟାନ୍‌ବ ଇଗା। ଶିଷ୍‌ଲେ ମିରି ପରିକୟାବ ଆଲତା ବତିନ୍ ପାଲାଇ ଯୀଶୁ ତରିନା ଆଶିଷ୍‌ଲେ ପାର୍‌ତନା ଡେଡେମ୍ ପାଲଇ ସୁନ। ମାଇନ୍ ତୁର୍‌ଗୁ ଯୀଶୁ ତରେ ପାର୍‌ତନା ଡେଡ଼େମ ମାଲାଇ ଇଗା।

![](https://cdn.door43.org/obs/jpg/360px/obs-en-38-12.jpg)

ଯୀଶୁ ତିନି ଥର ପାଥନା ଡ଼େମ “ ନିଙ୍ଗ୍ ନା ବା, ଯଦି ଡ଼େନ୍‌ତା ଲ କନ୍ ଦୁକ୍ ବଗ୍‌ବାର୍ ନା ଆକପ୍ ନିଙ୍ଗ୍ ନାନେ ସୁଲୁଙ୍ଗ୍ ଡେମ୍। ମାତର୍ ରେମଲେନ୍ ପାପ୍ କେମା ପାଲାଇ ମାରି ମାସା ଗାରି ଆଡ଼ିଗ୍‌ନା, ନନ୍ ଇଚା ସପଲ୍ ଡ଼େମ।” ଯୀଶୁ ଜବର୍ ଦୁକ୍ ବ ମୁର୍ ମୁରା ଡେଙ୍ଗା ମାରି ମାଇନା ସୁଲେଙ୍ଗ୍ ବନି ଟିପା ସୁଗ ଡେଙ୍ଗା। ଈଶ୍‌ପର୍ ମୂୟଙ୍ଗ୍ ଆଦୁତ୍ ବେଟାୟ ସେ ଆମାଇ ଶକ୍‌ତି ବେଡ଼।

![](https://cdn.door43.org/obs/jpg/360px/obs-en-38-13.jpg)

ଗୁଲାଇ ତର୍ ପାର୍ ତନା ଡ଼େମ ଡମ କୁକ୍ ତୁର୍‌ଗୁ,ଯୀଶୁ ମାଇନା ଶିଷ୍‌ଲେନ୍‌ବ ସାସା ଡେଙ୍ଗା ମାତର୍ ମାଏଲେ ଲେମଗ୍ ଡିଗା। ଉଣ୍ଡୋଇଲ ମାଇ ତିନ୍‌ତର୍ ବ ସାଗା, ଯୀଶୁ ସୁନ, “ତଗ୍‌ଡାଗା! ନିଙ୍ଗ୍‌ନା ବିସ୍ ବାସ୍ ଅପୁରୁଗ୍ ରେମ୍ ଆକା କେଟ୍‌ଲ ତା।”

![](https://cdn.door43.org/obs/jpg/360px/obs-en-38-14.jpg)

ଯିହୁଦୀ ନେତାଲେ, ସୈନିକ୍‌ଲେ ମାରି ଜବର୍ ରେମ ବେରଙ୍ଗ୍ ଯିହୁଦା ବ ସାଗା।ମାଏ କାଣ୍ଡା ମାରି ଅ ଲାଲେ ସଗ୍ ଡିଗା।ଯିହୁଦା ଯୀଶୁନ୍ କଣ୍ଡେ ସାଗ୍‌ସେ ସୁନ,“ହ ଗୁରୁ ଜୁଆର୍”,ମାରି ଆମାଇ ବୁଇତମ। ଯିହୁଦୀ ନେତାଲେ ଆଜା ସବ୍‌ତ କନା ଆରନା ମୁଇ ଚିନା ଡିଗା। ମାଇନା ତୁର୍‌ଗୁ ଯୀଶୁ ସୁନ, “ଯିହୁଦା, ବୁଇତମସେ କି ଆନିଙ୍ଗ୍ ଶତ୍ରୁନା ତିତିବ ବେଡ଼ପେନି ?”

![](https://cdn.door43.org/obs/jpg/360px/obs-en-38-15.jpg)

ଉଣ୍ଡୋଇଲ ସୈନିକଲେ ଆଯୀଶୁ ସୋସବ୍ ଡେଙ୍ଗା, ପିତର୍ ମାଇନା ଖାଣ୍ଡା ଆତୁର ମାରି ମୁନା ପୁଜାରିନ୍ ଦାସ୍‌ନା ଲୁନ୍‌ତୁର୍ ଗଡ଼ ସୁଙ୍ଗ। ମାତର୍ ଯୀଶୁ ସୁନ,“ଖାଣ୍ଡା ସୁଲୁଙ୍ଗ୍ ବୁଙ୍ଗ୍! ଆନିଙ୍ଗ୍ ରକିଆ ଡେଡେମ୍ ପଲାଇ ନିଙ୍ଗ୍ ଆନିଙ୍ଗ୍ ନା ବା ଦୁତ୍ ଲେନା ମୁଇ ଆସୈନିକ୍ ଦଲ୍ ଲୁଲୁଗ୍ ଗନ୍‌ତିଙ୍ଗ୍। ମାତର୍ ସତୋଇସା ନିଙ୍ଗ୍ ନିଙ୍ଗ୍‌ନା ବା ନା କାତା ମାନ୍ ତିଙ୍ଗ୍। ମାଇନା ତୁର୍‌ଗୁ ଯୀଶୁ ଗିତିନ୍ ରେମନା ଲୁନ୍‌ତୁର୍ ବାନଇ ଡ଼େମ ।

*ବାଇବଲ୍ ନା ଉସାରାମ୍ ମାଥିଉ:୨୬:୧୪-୫୬;ମାର୍କ ୧୪:୧୦-୫୦;ଲୁକ ୨୨:୧-୫୩ ଯୋହନ୍ ୧୮:୧-୧୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_38_128kbps.m4a

## 39. ୩୯. ଯୀଶୁନା ବିଚାର୍ ଡ଼େମ

https://openbiblestories.org/l/bfw/story-39/

![](https://cdn.door43.org/obs/jpg/360px/obs-en-39-01.jpg)

ଅଇତିନ୍‌ଲୋ କନ୍ ମଜାମିଣ୍ଡିବ୍ ଡିଗା। ମୁନା ପୁଜାରି ମିରି ଆଯୀଶୁ ପ୍ରଶ୍ନ ପାଚାର୍‌ତ ମାଇନା ପାଲାଇ ସୈନିକ୍‌ଲେ ଆମାଇ ମୁନା ବାବବାଦିନା ଡିଅବ ରୁଙ୍ଗୋଇଗା। ପିତର ସୁଲୁଙ୍ଗ୍ ଡିଗ୍‌ସେ ମାଏନ୍ ଗୁଡାଙ୍ଗ୍ ଗୁଡାଙ୍ଗ୍ ଇଡେଙ୍ଗା। ଆଯୀଶୁ ଉଣ୍ଡୋଇଲ ମାଇନା ଡିଅବ ରୁଙ୍ଗୋଇଗା,ପିତର ବାଇରି ଡିଗ୍‌ସେ ସୁଁଙ୍ଗ ସେକ୍‌ବାର୍ ଡେଙ୍ଗା।

![](https://cdn.door43.org/obs/jpg/360px/obs-en-39-02.jpg)

ଡିଅ ବ,ଯିହୁଦୀନେତାଲେ ଈଶ୍‌ପର୍‌ନା ବିଚାର୍ ଡ଼େମ। ମାଏଲେ ଜବର୍ ମିଚ୍ ସାକି ସୁସୁନ୍‌ରେମ୍ ରୁଙ୍ଗ ଜାଜାଲେ ମାଇନ୍ ବିରୁଦ୍‌ବ ମିଚ୍ ସୁନ। ମାତର୍ ମାଏନା କାତା ଗୁଲାଇ ମାଏନ୍ ମାଏନ୍ ବ ସମାନ୍ ମିସ୍‌ବାର୍ ଆଡ଼େନ୍‌ତା,ଗିତିନ୍‌ସା ଯୀଶୁ ଜେ ବୁଲ୍ ଡ଼େମତା ଗିତିନ୍ ଯିହୁଦୀନେତାଲେ ପୋର୍‌ମାନ୍ ଡେଡେମ୍ ଆଗଙ୍ଗା। ଡେଙ୍ଗ୍‌ନାସା ଯୀଶୁ ମାସା ଆସୁନ୍‌ତ।

![](https://cdn.door43.org/obs/jpg/360px/obs-en-39-03.jpg)

ଡଡମ୍‌ଲ, ମୁନା ପୁଜାରି ଆଯୀଶୁ ଗାରି ସିଦା ସାର୍‌ମବ ଜୁଲ ସେ ଆମାଇ ପାଚାର୍‌ଲୋ “ଆନେଲେ ସୁଁ, ନ କି ଜିବନ୍ ଈଶ୍‌ପର୍‌ନା ଗୁ କିସ୍‌ଟ?“

![](https://cdn.door43.org/obs/jpg/360px/obs-en-39-04.jpg)

ଯୀ୍ଶୁ ସୁନ “ନିଙ୍ଗ୍ ମାଇନା,ମାରିପେଲେ ଆନିଙ୍ଗ୍ ଈଶ୍‌ପର୍ ନା ଆସନବ ଲେଲେନା ମାରି ସରଗ୍‌ନାନେ ଜଜର୍‌ନା ଜୁତପେ।”ମୁନା ବାବବାଦି କିଜ୍‌ରାସେ ତରୋଇନା ସକା ଚିର୍‌ଲୋସେ ପାଲ୍ ଧରମ୍‌ନା ଆନେତାଲେ ଆଉଲି, “ଡେଙ୍ଗ୍‌ସେ ସୁନ “ନାଇନା ମାରି ଜାସା କନ୍‌ରେମ ମା ଡ଼େମତା ଡସେ ସୁସୁନା ମାସା ସକି ଦର୍‌କାର୍ ଆଣ୍ଡା ! ପେଲେ ତରୋଇ ଅଙ୍ଗପେ ଜେ ମାଇ ଈଶ୍‌ପର୍ ନା ଗୁ ଡସେ ସୁନନି। ମାଇନ୍ ସା ପେନା ବିଚାର୍ ମା?

![](https://cdn.door43.org/obs/jpg/360px/obs-en-39-05.jpg)

ଯିହୁଦୀ ନେତାଲେ ଆମୁନାବାବବାଦି ଉତର୍ ବେଡ, “ମାଇ ଗଗିନା ଡଣ୍ଡ୍ ବାବଙ୍ଗ୍ ଡିତା!”ମାଇନା ତୁର୍‌ଗୁ ମାଏଲେ ଯୀଶୁନା ମୋବ ଗଣ୍ଡ୍‌ରା ତୁଲ,ଆମାଇ ବୁଗ, ମାଇନ୍ ବାଗ୍‌ବ ବୁଇତୁର ମାରି ଆମାଇ ଗେଚୁଲ୍ ଡ଼େମ।

![](https://cdn.door43.org/obs/jpg/360px/obs-en-39-06.jpg)

ପିତର ଡିଅନା ବାଇରି ଜାଗ୍‌ଲ ଡିକୁନ୍ ବେଲା, ମିଣ୍ଡା ଦାସି ଡାକୁଇ ଆମାଇ ଜୁଲସେ ସୁନ, “ନସା ଯୀଶୁନ୍ ବେରଙ୍ଗ୍ ଡିଗ୍‌ନ!”ଆତିନେ ପିତର ଆମାନ୍‌ତା।ତୁର୍‌ଗୁ, ମାର୍ ମିଣ୍ଡା ଡାକୁଇ ଡିତିନ୍ ଅଁ ସୁନ,ମାତର୍ ପିତର କନ୍‌ସା ଆମାନ୍ ତା।ଡଡମ୍‌ଲୋ,ଇତି ରେମଲେ ସୁନ,ନେଲେ ମାଗତ୍‌ନେ ଜେ ନ ଯୀଶୁନ୍ ବେରଙ୍ଗ୍ ଡିଗ୍‌ନ ମାସାଡନା ପେ ଉମ୍ବାଇନୁ ଗାଲିଲୀ ନାନେ ସାଗିତ୍‌ପେ।“

![](https://cdn.door43.org/obs/jpg/360px/obs-en-39-07.jpg)

ଆତିନେ ପିତର ଶପତ୍ ଡ଼େମସେ ସୁନ,“ନିଙ୍ଗ୍ ଯଦି ଆକନ୍ ରେମ ମାଗଡିନାଲ ଈଶ୍‌ପର୍ ଆନିଙ୍ଗ୍ ଅବିଶାପ୍ ବେଡେ“!ସୁରି ସୁରି ଗିସିଙ୍ଗ୍ ସୁଗା,ମାରି ଯୀଶୁ କିନ୍ଦର୍‌ସେ ଆପିତର ଜୁଲ।

![](https://cdn.door43.org/obs/jpg/360px/obs-en-39-08.jpg)

ପିତର ଇଗା ମାରି ଜବର୍ ଦୁକ୍ ସେ ଉଗା। ଅଇତିନ୍‌ବେଲା,ଯିହୁଦା ଜାକି ଆଯୀଶୁ ବିସ୍‌ବାସ୍ ସେ ନାଡ୍‌ଲ,ମାଇ ଜୁଲ ଜେ ଯିହୁଦିନେତାଲେ ଆଯୀଶୁ ଗଗୋଇସା ଦଷି ଡ଼େମତା। ଯିହୂଦା ଜବର୍ ଦୁକ୍ ଡେଙ୍ଗା ମାରି ଇଗ୍‌ସେ ଉସ୍‌କିଡଙ୍ଗ୍ ସେ ଗୋଇଗା।

![](https://cdn.door43.org/obs/jpg/360px/obs-en-39-09.jpg)

ପିଲାତ ଯୀହୁଦା ରାଜିନା ରାଜ୍ୟପାଲ୍ ଡିଗା।ମାଇ ରୋମ୍‌ଲେ ପାଲାଇ କାମ୍ ଡେଡେମ୍ ଡେଙ୍ଗା। ଯୀହୁଦି ନେତାଲେ ଆଯୀଶୁ ପିଲାତ ରାଜା କଣ୍ଡେ ରୁଙ୍ଗ। ପିଲାତ ଆଯୀଶୁ ଦଷ୍ ବେଡସେ ଗଗୋଇନା ଡଣ୍ଡ୍ ବେ ଡସେ ମାଏନ୍ ମନ୍ ଡେଡେମ୍ ଡେଙ୍ଗା। ପିଲାତ ଆଯୀଶୁ ପାଚାର୍‌ଲ "ନ ମା ଯିହୁଦୀଲେନା ରାଜା?”

![](https://cdn.door43.org/obs/jpg/360px/obs-en-39-10.jpg)

ଯୀଶୁ ଉତର୍ ବେଡ, “ନ ସତ୍ ସୁନ ନନ। ମାତର୍ ନିଙ୍ଗ୍‌ନା ରାଜି କନ୍ ଦର୍‌ତନିବ ଆଣ୍ଡା। ଡିକନ୍ ଜଦି ଡେଙ୍ଗ୍‌ନା, ନିଙ୍ଗ୍‌ନା ଦାସ୍‌ଲେ ନିଙ୍ଗ୍ ପାଲାଇ ଜୁଜ୍ ଡେମ୍‌ନା। ଈଶ୍‌ପର୍ ନା ସତ୍ କାତା ସୁସୁ ପାଲାଇ ନିଙ୍ଗ୍ କନ୍ ଦର୍‌ତନିବ ସାଗିତିଙ୍ଗ୍। ଜସା ରେମ ଆସତ୍ ଆଲାଦ୍ ଡେମ୍‌ତ ମାଇ ନିଙ୍ଗ୍ ନା କାତା ଅଙ୍ଗ୍‌ତ।”ପିଲାତ ରାଜା ସୁନ “ସତ୍ ମା?”

![](https://cdn.door43.org/obs/jpg/360px/obs-en-39-11.jpg)

ପିଲାତ ଯୀଶୁନ୍ ବେରଙ୍ଗ୍‌ କାତା ସୁନ ଅଡମକୁନ୍ ତୁର୍‌ଗୁ,ରେମଲେ ରୁଡ୍ ଡିକୁନ୍‌ବ ଇସେ ସୁନ, “କନ୍ ରେମ ଜେ ଗଗୋଇନା ଡଣ୍ଡ ବାବାଙ୍ଗ୍ ସା ଡିକନ୍ ମାସା ଦଷ୍ ନେ ମାଇ ନନେ ଆବାଙ୍ଗ୍ ନେ।” ମାତର୍ ଯିହୁଦୀନେତାଲେ ମାରି ରୁଣ୍ଡ୍ ଡିକୁନ୍ ରେମଲେ ଆଉଲି ଡେଙ୍ଗ୍ ସେ ସୁନ,“ଆମାଇ କୁରୁସ୍‌ବ ଅଡାଇ!”ପିଲାତ ରାଜା ଉତର୍ ବେଡ, “ମାଇ ବ ଇତିସା ବୁଲ୍ ଡ଼େମକୁନ୍ ଦସ୍ ଆଣ୍ଡା।” ମାତର୍ ମାଏଲେ ଜବର୍ ଆଉଲି ଡେଡେଙ୍ଗ୍ ମୁଲାୟ। ମାଇନା ତୁର୍‌ଗୁ ପିଲାତ ରାଜା ତିନ୍ ତର୍ ସୁନ, “ମାଇ ଦସି ଆଣ୍ଡା!”

![](https://cdn.door43.org/obs/jpg/360px/obs-en-39-12.jpg)

ପିଲାତ ବୁତୁଙ୍ଗ୍ ଇଡିଗା ଜେ ଉଣ୍ଡୋଇଲନା ରେମଲେ କିରମର ଡେଡେଙ୍ଗ୍ ମୁଲାଇତ,ଗିନ୍‌ସା ଆଯୀଶୁ କୁରୁସ୍‌ବ ଅଡାଇବାର୍ ପାଲାଇ ମାଇ ମାଇନା ଆସୈନିକ୍‌ଲେ ଆଦେଶ୍ ବେଡ।ରୋମିୟ ସୈନିକ୍‌ଲେ ଆଯୀଶୁ ଚାବୁକ୍ ବେରଙ୍ଗ୍ ବୁଗ ମାରି ରାଜାଲେ ତୁତୁଙ୍ଗ୍‌ନା ସକା ମାରି ବୋବ୍‌ବ ଗିରାଇନା ମୁକୁଟ୍ ଅତୁଙ୍ଗ। ମାଇନା ତୁର୍‌ଗୁ ମାଏଲେ ଆମାଇ “ଯୀହୁଦୀଲେନା ଆରାଜା ଜୁ!”ସୁନସେ କିଜାୟ।

*ବାଇବଲ୍‌ନା ମୁଇ ଉସାରାମ୍ ୨୬:୫୭-`୨୭; ମାର୍କ:୧୪:୫୩-୧୫:୧୫; ଲୁକ:୨୨:୫୪-୨୫; ଯୋହନ୧୮:୧୨-୧୯:୧୬*

Audio: https://git.door43.org/OBS-TLF/bfw_obs/releases/download/v1/bfw_obs_v1_39_128kbps.m4a

## 40. ୪୦. ଯୀଶୁ କୁରୁସବ ଅଡ଼ାଇସ

https://openbiblestories.org/l/bfw/story-40/

![](https://cdn.door43.org/obs/jpg/360px/obs-en-40-01.jpg)

ସୈନିକ୍‌ଲେ ଆଯୀଶୁ କିଜାୟ କୁନ୍ ତୁର୍‌ଗୁ,ମାଏଲେ କୁରୁସ୍‌ବ ଅଡାଇ ପାଲାଇ ଆମାଇ ରୁଙ୍ଗଇଗା। ମାଇ ଆର୍‌ନା କୁରୁସ୍‌ବ ଗଇତା ଗିତିନ୍‌ କୁରୁସ୍ ଆମାଇ ଅଡନ।

![](https://cdn.door43.org/obs/jpg/360px/obs-en-40-02.jpg)

ସୈନିକ୍‌ଲେ“କାପାଳ୍”ଅମିନା ମୁଇ ଟାନ୍‌ବ ଆଯୀଶୁ ରୁଙ୍ଗ ମାରି କୁରୁସ୍‌ବ ମାଇନା ତିତି ମାରି ତେଗ୍‌ସୁଙ୍ଗ୍‌ବ କୁଟି ବେରଙ୍ଗ୍ ଟେସ୍‌ଲ । ମାତର ଯୀଶୁ ସୁନ, “ବା,ଆମାଏଲେ କେମା ଡେମ୍ ମାସାଡନା ମାଏଲେ ମାଡ଼େମନି ଗିନା ଆମାଗ୍‌ଗ୍‌ତ।”ମାଏଲେ କୁରୁସ୍ ବାଗ୍‌ବ ମୁୟଙ୍ଗ ନିନ୍ଦା ଡ଼େମକୁନ୍ ବଡ୍ ଟେସ୍‌ଲ ବେଡ। ଆକା,“ଯିହୁଦୀଲେନ୍ ରାଜା ଡସେ”ଲେକା ଡେଙ୍ଗ୍‌ଡିଗା। ପିଲାତ୍ ଡିକନ୍ ଲେକ୍‌ଲସେ ଟେସ୍‌ବାର୍ ପାଲାଇ ଆମାଏଲେ ସୁନ।

![](https://cdn.door43.org/obs/jpg/360px/obs-en-40-03.jpg)

ସୈନିକ୍‌ଲେ ଯୀଶୁନ୍ ସକା ପାଲାଇ୍ ତାସ୍ ମାଙ୍ଗା। ମାଏଲେ ଉଣ୍ତୋଇଲ କନା ଡ଼େମ, ସୁନକୁନ୍ ଆଗ୍‌ତୁନ୍ କାତା ସତ୍ ଡେଙ୍ଗା “ମାଏଲେ ନିଙ୍ଗ୍‌ନା ସକା ପାଲାଇ ତାସ୍‌ମାଙ୍ଗା ମାରି ମାଏଲେ ନିଙ୍ଗ୍‌ନା ଆସକା ବାଟାଲ।”

![](https://cdn.door43.org/obs/jpg/360px/obs-en-40-04.jpg)

ଉମ୍ବାୟଙ୍ଗ୍ ଆଚର୍‌ଲେ ଲନା ଗିନ୍‌ବେଲା ସୈନିକ୍‌ଲେନ୍ ପାଲାଇ ଯୀଶୁନ୍ ଉମ୍ୱାର୍ ଗାର୍ କୁରୁସ୍‌ବ ଅଡ଼ାଇସ। ମାଏନ୍ ବିତ୍‌ରେ ମିଣ୍ତା ଆଯୀଶୁ ନିନ୍ଦା ଡ଼େମ, ମାତର୍ ପାଲ୍‌ମିଣ୍ତା ସୁନ, “ନନା ମା ଈଶ୍‌ପର୍ନ୍‌ବ ଆବୁତୁଙ୍ଗ୍‌ତନ ? ନାଇଲେ ଜବର୍ କାରାପ୍ କାମ୍‌ନା ଦଷ୍ ଡ଼େମତ୍‌ନାଇ,ମାତର୍ କନ୍‌ରେମ ମାସା ଦସ୍ ଡ଼େମଆଡିତା।” ମାଇନା ତୁର୍‌ଗୁ ମାଇ ଆଯୀଶୁ ସୁନ, “ନନା ରାଜିବ ନ ଉଣ୍ତୋଇଲ ରାଜା ଡେନ୍ତନ ଆଲାଦ୍ ଡ଼େମସେ ଆନିଙ୍ଗ୍ ଏତାଇ।”ଯୀଶୁ ଆମାଏ ସୁନ, “ନ ଅଇକା ନିଙ୍ଗ୍ ବେରଙ୍ଗ୍‌ ପାରଦିଶ୍ ଟାନ୍‌ବ ଡିତ୍‌ପେ।

![](https://cdn.door43.org/obs/jpg/360px/obs-en-40-05.jpg)

ଯୀହୁଦି ନେତାଲେ ମାରି ରେମଲେନ୍ ବିତ୍‌ରେ ନାନି ଜବର୍ ଆଯୀଶୁ କିଜାୟ। ମାଏଲେ ଆମାଇ ସୁନ, “ଯଦି ନ ଈଶ୍‌ପର୍‌ନା ଗୁ,କୁରୁସ୍ ନାନେ ଜର୍‌ସାବା ମାରି ଆତରଇ ରକିଆ ଡେମ୍! ତେବେ ନେଲେ ଆନ ବିସାସ୍ ଡେମ୍‌ତନେ।”

![](https://cdn.door43.org/obs/jpg/360px/obs-en-40-06.jpg)

ମାଇନା ତୁର୍‌ଗୁ ଗିତିନ୍‌ ଙ୍ଗମ୍‌ନା ଗୁଲାଇ ବାଦଲ୍ ପୁରା ମିଣ୍ତି ଇଗା,ଡେଙ୍ଗ୍ ନାସା କନା ସିମି ଇନ୍ ମୁଣ୍ତେ ବେଲା ଡିଗା। ସିମିଇ ବେଲା ମିଣ୍ତି ଇଗା ମାରି ତିନ୍ ଘଣ୍ଟା ଜାକ ଡିଗା।

![](https://cdn.door43.org/obs/jpg/360px/obs-en-40-07.jpg)

ମାଇନା ତୁର୍‌ଗୁ ଯୀଶୁ ଆଉଲି ଡେଙ୍ଗ୍‌ସେ ୱାୟସେ ସୁନ, “ଡମ ଇଗା!ବା, ନନ୍ ତିତିବ ନିଙ୍ଗ ନିଙ୍ଗ୍‌ନା ଜିବନ ବେଡନିନିଙ୍ଗ୍।” ମାଇନା ତୁର୍‌ଗୁ ମାଇନ୍ ଆବବ୍ ଜଗ୍‌ତ ଡ଼େମ ମାରି ମାଇ ଗଇଗା। ଉଣ୍ତୋଇଲ ମାଇ ଗଇଗା, ଅଇତିନ୍‌ବେଲା ମୁଇ ଭୁମିକମ୍ପ ଡେଙ୍ଗା ମାରି ମନ୍ଦିର୍‌ବ ଆର୍‌ନ ମୁନା ପାର୍‌ଦା ଈଶ୍‌ପର୍ ସାକୁନ୍‌ବ ଆରେମଲେ ପାଲ୍ ବୁବୁଙ୍ଗ୍ ଡେଙ୍ଗା ଗିତିନା ବାଗ୍‌ବ ନାନେ ଜକ୍‌ତଜାକ ଚିରି ଡେଙ୍ଗ୍‌ସେ ଦୁଇବାଗ୍ ଡେଙ୍ଗ୍ଇଗା।

![](https://cdn.door43.org/obs/jpg/360px/obs-en-40-08.jpg)

ଯୀଶୁ ମାଇନ୍ ଗଇକୁନ୍ ସା ଆରେମଲେ ଇଶ୍‌ପର୍‌ କଣ୍ଡେ ସାସାଗ୍‌ନା ଗାରି ରୁଗ ବେଡ। ଆଯୀଶୁ ଜାଗ୍‌ଲୋକୁନ୍ ମୁଇ ସୈନିକ୍ ଉଣ୍ଡୋଇଲ କନ୍ ଗୁଲାଇ ଘଟ୍‌ବାର୍‌ନା ଜୁଲସେ ସୁନ, “ସତ୍‌ଆକା,ମାଇ ଦଷ୍ ମ ଡ଼େମକୁନ୍ ରେମ ଡିଗା। ମାଇ ଈଶ୍‌ପର୍‌ନା ଗୁ ଡିଗା।”

![](https://cdn.door43.org/obs/jpg/360px/obs-en-40-09.jpg)

ମାଇନା ତୁର୍‌ଗୁ ଯୋଷେପ୍ ମାରି ନିକଦୀମ,କନ୍ ଉମ୍ବାଇନୁ ଯିହୁଦି ନେତା ଯୀଶୁନା ମଡ୍ ରୁରୁଙ୍ଗ୍ ପାଲାଇ ଆପିଲାତ ଗୁଆର୍‌ଲୋ। ମାଏଲେ ଆଯୀଶୁ କିସ୍‌ଟ ଡସେ ବିସ୍‌ବାସ୍ ଡେଡେମ୍ ଡେଙ୍ଗା। ମୁୟଙ୍ଗ୍ କଦି ବେରଙ୍ଗ୍ ଆଗାଗଡ୍ ଗୁଡାୟସେ ବିରେଗଡସେ ତିଆର୍ ଡ଼େମକୁନ୍ ମଇ ରେସାଙ୍ଗ୍ ବ ବୁଙ୍ଗ। ମାଇନା ତୁର୍‌ଗୁ ମାଏଲେ ରେସାଙ୍ଗ୍ ନା ସାର୍‌ମବ ମୁୟଙ୍ଗ୍ ମୁନାବାଇ ବିରେ ଡାବ୍‌ଲ ବେଡ ମାରି ଆରନା ଗାରି ଅନ୍ତୁଡ ବେଡ।

*ବାଇବଲନା ମୁୟଙ୍ଗ୍ ଉସାରାମ୍;ମାଥିଉ ୨୨;୨୭;ମାର୍କ ୧୫;୧୬-୪୭;ଲୁକ ୨୩;୨୬-” ଯୋହନ୧୯;୧୭-*

Audio: https://git.door43.org/OBS-TLF/bfw_obs/releases/download/v1/bfw_obs_v1_40_128kbps.m4a

## 41. ୪୧. ଈଶ୍‌ପର୍ ଆଯୀଶୁ ଗଇକୁନ୍ ନାନେ ଅମୁରାଗ

https://openbiblestories.org/l/bfw/story-41/

![](https://cdn.door43.org/obs/jpg/360px/obs-en-41-01.jpg)

ସଇନିକ୍‌ଲେ ଆଯୀଶୁ କୁରୁସ୍‌ବ ଅଡାଇସକୁନ୍ ତୁର୍‌ଗୁ,ଯିହୁଦୀ ନେତାଲେ ଆପିଲାତ ସୁନ ଜେ“ଗିତିନ୍‌ ମିଚ୍ ସୁସୁନା ଯୀଶୁ ସୁନତା ଜେ ମାଇ ତିନ୍ ଦିନ୍ ମୁରାଗ୍‌ତା।ଜାଲନା ମିଣ୍ତା ସତଇସା ରେସାଙ୍ଗ୍ ଟାନ୍‌ବ ଜାଗ୍‌ବାର୍ ପଡ୍‌ତା ମାରି ମାମାଗ୍ ପାଲାଇ ପଡ୍‌ତା ଜେ ସିସ୍‌ଲେ ମାଇନା ଗଇକୁନ୍ ଆଗାଗଡ୍ ଚର୍‌ଲ ଆରୁଙ୍ଗ୍‌ତା ଯଦି ମାଏଲେ ଚର୍‌ଲ ରୁଙ୍ଗ୍‌ତା,ଗିତିନ୍‌ସା ଯୀଶୁ ଗଇକୁନ୍ ରେମଲେନ୍ ନାନେ ମୁରଗିତା ଡସେ ସୁନ୍‌ତ।

![](https://cdn.door43.org/obs/jpg/360px/obs-en-41-02.jpg)

ପିଲାତ ସୁନ୍“ଇତି ଆସଇନିକ୍‌ଲେ ରୁଙ୍ଗ୍‌ସେ ପେନ୍‌ପାପ୍ ଜାକ ରେସାଙ୍ଗ୍ ଟାନ୍ ବାନି ଡେମ୍ ”ଗିତିନ୍‌ସା ମଏଲେ ରେସାଙ୍ଗ୍ ଟାନ୍‌ନା ଗାଗାଇନା ଡିକୁନ୍ ଆବିରେ ସିଲ୍ ପାକାୟ ମାରି ଆର ଆସଇନିକଲେ ଟାନ୍‌ୟ ମିରିକି ଜା ମାଇନା ଆଗାଗଡ୍ ଚର୍‌ଲସେ ଆରୁଙ୍ଗ୍‌ ତା।

![](https://cdn.door43.org/obs/jpg/360px/obs-en-41-03.jpg)

ଆଯୀଶୁ ଆତିଲକୁନ୍ ମାର୍‌ମିସିଙ୍ଗ୍ ପୁଣ୍ତ ବାର୍‌ନା ଦିନ୍ ଡିଗା।ମାରି ପୁଣ୍ତବାର୍‌ଦିନ୍ ବ ଜାସା ପାଇଟି ଡେଡେମ୍ ଆଡ଼େନ୍‌ତା।ଗିତିନ୍‌ସା ପୁଣ୍ତ ବାର୍‌ନା ଦିନ୍‌ନା ମାର୍‌ମିସିଙ୍ଗ୍ ଜବର୍ ଉନ୍ଜୁର୍ ଜବର୍ ସେଲାନେ ଯୀଶୁନ୍ ରେସାଙ୍ଗ୍ ବ ଇପାଲାଇ ତିଆର୍ ଡେଙ୍ଗା।ମାଏଲେ ମାଇନା ଗାଗଡ୍ ବ ଜବର୍ ବାନି ବାସ୍‌ନା ଜିନିସ୍ ବେବେ ପାଲାଇ ଏତ୍‌ବାର୍ ଡେଙ୍ଗା।

![](https://cdn.door43.org/obs/jpg/360px/obs-en-41-04.jpg)

ଗିତିନ୍‌ ସେଲାନେ ଆର କେଟ୍‌ବାର୍‌ନା ଆଗ୍‌ତୁ,ରେସାଙ୍ଗ୍ ବ ଚଟ୍‌ନା ମୁୟଙ୍ଗ୍ ଭୂମିକମ୍ପ୍ ଡେଙ୍ଗା।ମୁଇ ସରଗ୍‌ନା ଦୁତ୍ ଆର ଅସିଗା।ରେସାଙ୍ଗ୍ ନା ଗାଗାଇନା ଆଟାନ୍ ଅନ୍ତୁଡ ବେଡକୁନ୍ ଆବିରେ ପେଲାସେ ମାଇ ଆର ଲେଏଗା।ମାଇ ବିଜିଲି ସୁଗ ତାରାଗ୍ ତିନାଡେଙ୍ଗା।ଆର୍‌ନା ସନିକ୍‌ଲେ ରେସାଙ୍ଗ୍ ବ ଜାଗ୍‌ବାର୍ ଡେଙ୍ଗା ମାଏଲେ ବତୁଙ୍ଗ୍ ଇଗ୍‌ସେ ଗଇକୁନ୍‌ରେମ୍ ସୁଗ ତୁବୁଗ୍‌ବ ଲଗା

![](https://cdn.door43.org/obs/jpg/360px/obs-en-41-05.jpg)

ଉଣ୍ତଇଲ ସେଲାନେଲେ ରେସାଙ୍ଗ୍ ଟାନ୍ ବ କେଟ୍‌ଲ,ଦୂତ୍ ଆମାଏଲେ ସୁନ “ଆବତୁଙ୍ଗା।ଯୀଶୁ ଆକା ଆଡିତା।ମାଇ ମିରି ସୁନଡିଗା,ଗିତିନ୍‌ସୁଗ ଗଇକୁନ୍‌ରେମ୍ ନାନେ ତଗ୍‌ଡାଗିତା!ସାବା ମାରି ଆରେସାଙ୍ଗ୍ ଜୁ।”ଆରନା ଟାନ୍‌ବ ଯୀଶୁନ୍ ଗାଗଡ୍ ବୁଙ୍ଗଡିଗା, ସେଲାନେଲେ ରେସାଙ୍ଗ୍ ବିତ୍‌ରେ ଇଗ୍‌ସେ ଜୁଲ।ମାଇନା ଗାଗଡ୍ ଆରାଡିତା

![](https://cdn.door43.org/obs/jpg/360px/obs-en-41-06.jpg)

ମାଇନା ତୁର୍‌ଗୁ ସରଗ୍ ଦୂତ୍ ଆତିନ୍ ସେଲାନେଲେ ସୁନ “ଇଗ୍‌ସେ ଆଶିଷ୍‌ଲେ ସୁଁ,“ଯୀଶୁ ଗେକୁନ୍ ନାନେ ତଗ୍‌ଡାଗିତା ମାରି ପେନ୍ ଆଗ୍‌ତୁ ଗାଲିଲୀବ ଇତା।”

![](https://cdn.door43.org/obs/jpg/360px/obs-en-41-07.jpg)

ଗିତିନ୍ ସେଲାନେଲେ ଜବର୍ ବତୁଙ୍ଗା ମାରି ଜବର୍ ସାର୍‌ଦାଡେଙ୍ଗ୍ ଡିଗା।ଆଶିଷ୍‌ଲେ ବାନିକବର୍ ସୁସୁ ପାଲାଇ ମାଏଲେ ଉର।

![](https://cdn.door43.org/obs/jpg/360px/obs-en-41-08.jpg)

ଉଣ୍ତଇଲ ଗିତିନ୍ ବାନିବାଇ କବର୍ ଆଶିଷ୍‌ଲେ ସୁସୁ ପାଲାଇ ସେଲାନେଲେ ଗାରିବ ଡିଗା,ଯୀଶୁ ଆମାଏଲେ ଅସିଗା ମାରି ମାଏଲେ ଲେପଟ୍‌ସେ ଆମାଇ ଜୁଆର୍ ଡ଼େମ।ଯୀଶୁ ସୁନ ଆବତୁଙ୍ଗା।ୟା ମାରି ଗଲିଲୀ ବ ଇପାଲାଇ ନିଙ୍ଗ୍‌ନା ଆଶିଷ୍‌ଲେ ସୁ।ଆର ମାଏଲେ ଆନିଙ୍ଗ୍ ଜୁତ। ”

*ବାଇବଲନା ମୁଇ ଉସାରାମ୍ ମାଥିଉ ୨୭;୬୨-୨୮;୧୫;ମାର୍କ ୧୬;୧-୧୧;ଲୂକ ୨୪;୧-୧୨;ଯୋହନ ୨୦;୧-୧୮*

Audio: https://git.door43.org/OBS-TLF/bfw_obs/releases/download/v1/bfw_obs_v1_41_128kbps.m4a

## 42. ୪୨. ଯୀଶୁ ସରଗ୍ ବ ଲେଉଟ୍‌ସେ ଇତା

https://openbiblestories.org/l/bfw/story-42/

![](https://cdn.door43.org/obs/jpg/360px/obs-en-42-01.jpg)

ଯୀଶୁ ଆର୍‌ନା ଦିନ ଗଇକୁନ୍ ରେମ୍‌ଲେନ୍ ନାନେ ତଗ୍‌ଡାଗା,ଗିତିନ୍ ଦିନ୍ ଉମ୍‌ୟଙ୍ଗ୍ ଶିଷ୍‌ଲେନ୍ ମୁଇ ଲଗେନ୍ ଉଙ୍ଗ୍‌ମ୍ ବ ଇଗ୍‌ଡେଙ୍ଗା। ମାଏଲେ ଉରିଙ୍ଗ୍ ବାର୍ ବେଲା,ଯୀଶୁନ୍ ବେରଙ୍ଗ୍ ମା ଘଟ୍‌ ଡିଗା ଗିତିନ୍‌ କାତା ମାଏଲେ ହଁ ଇ ଡେଙ୍ଗା। ମାଏଲେ ଆଶା ଡେଡେମ୍ ଡେଙ୍ଗା ଜେ ମାଇ କିସ୍‌ଟ ଡିଗା ମାରି ଆମାଇ ଅଗଇସ ବେଡ଼ୋଡିଗା। ଅଇକା ଗିତିନ୍ ସେଲାନେ ସୁନ ଜେ ମାଇ ମାର୍ ମୁସ ଜିବନ୍ ଡିତା। ମାଏଲେ ମାମାଗ୍ ଆଗଙ୍ଗ୍‌ତା ଆଜା ବିସାସ୍ ଡେମ୍‌ତ।

![](https://cdn.door43.org/obs/jpg/360px/obs-en-42-02.jpg)

ଯୀଶୁ ମାଏନ୍‌ବ ସାଗା ମାରି ମାଏଲେନ୍ ବେରଙ୍ଗ୍ ଉରିଙ୍ଗ୍ ବାର୍ ଆରାମ୍ ଡ଼େମ,ମାତର୍ ମାଏଲେ ଆମାଇ ଆସମତ । ମାଏଲେ ଆର୍‌ନା କତା ହଁଇ ଡେଙ୍ଗ୍‌ପେନି ଡସେ ମାଇ ଆମାଏଲେ ପାଚାର୍‌ଲ। ଇତି ଦିନ୍ ଆଗ୍‌ତୁ ଯୀଶୁନ୍ ବେରଙ୍ଗ୍ ମାଗୁଲାଇ ଘଟ୍‌ଡିଗା ଗିତିନ୍‌ କାତା ଡସେ ମାଏଲେ ଆମାଇ ସୁନ। ମାଏଲେ ବାବ୍‌ଲ ଜେ ମାଏଲେ ମିଣ୍ତା ପାଲ୍‌ଦେଶ୍‌ନା ରେମ ବେରଙ୍ଗ୍ ହଁୟ ନି ଜାକି ଯିରୁଶାଲାମ୍ ବ ଘଟ୍ ଇକୁନା କାତା ଆମାଗ୍‌ତ।

![](https://cdn.door43.org/obs/jpg/360px/obs-en-42-03.jpg)

ମାଇନା ତୁର୍‌ଗୁ ଯୀଶୁ ଆମାଏଲେ ବୁଜାୟ ସୁସୁ ଆରାମ୍ ଡ଼େମ ଜେ ଈଶ୍‌ପର୍ ନା ବାକିୟ କିସ୍‌ଟନା କାତା ମା ସୁନ୍‌ତ। ମାଇ ଆମାଏଲେ ଆଗ୍‌ତୁନ୍ କାତା ଏତାୟସେ ସୁନ ଜେ କିସ୍‌ଟ ବା ଲେନ୍ ବେରଙ୍ଗ୍ ଦୁକ୍ ବାମ୍‌ତା ମାରି ଅଗ ଇତା। ମାତର୍ ବାବବାଦିଲେ କନା ଲନା ସୁନତା ଜେ ତିନ୍‌ଦିନ୍ ମାରିମୁସ ତଗ୍ଡ଼ାଗ୍‌ତା।

![](https://cdn.door43.org/obs/jpg/360px/obs-en-42-04.jpg)

ଉଣ୍ତୋଇଲ ମାଏଲେ ଉଙ୍ଗମ୍ କେଟ୍‌ଲ ଗିତିନ୍ ଉମ୍ବାୟଙ୍ଗ୍ ମାଏଲେନ୍ ବେରଙ୍ଗ୍ ଡିକୁ ପାଲଇ ଆଯୀଶୁ ୱାୟ, ଗିତିନ୍‌ସା ମାଇ ମାଏଲେଏନ୍ ବେରଙ୍ଗ୍ ଇଗା। ମାଏଲେ ମିଣ୍ତି ସୁସୁମ୍ ପାଲାଇ ତିଆର୍ ଡେଙ୍ଗା। ଯୀଶୁ ମୁଇ ରୁଟି ଜୁଗ୍‌ସେ ଆଈଶ୍‌ପର୍ ଦନିୟବାଦ୍ ବେଡ୍ ମାରି ଆକନା ଅପୁରୁଗ। ସାଙ୍ଗେ ସଥଙ୍ଗେ ମାଇ ଜେ ଯୀଶୁ ଡସେ ମାଏଲେ ସମ୍‌ଡ। ମାତର୍ ଗିତିନ୍ ବେଲା ମାଇ ମାଏନ୍ ମ ନାନେ ତିପାଉଇଗା।

![](https://cdn.door43.org/obs/jpg/360px/obs-en-42-05.jpg)

ଗିତିନ୍ ଉମ୍ବାୟଙ୍ଗ୍ ତରଇ ତରଇ ଅଁସୁ ଆଁସା ଡେଙ୍ଗା, “ମାଇ ଯୀଶୁ ଡିଗା! ଗିତିନ୍ ସା ମାଇ ଆନାଇଲେ ଇଶ୍‌ପର୍‌ କାତା ବୁଜାଇ ବାର୍‌ନା ବେଲା ନେନା ମନ୍ ଜିବ୍‌ନ ପେର ଇ ଡେଙ୍ଗା ! “ସଙ୍ଗେ ସଙ୍ଗେ ମାଏଲେ ଆଯିରୁଶାଲାମ୍ ବ ଲେଉଟ୍ ସାଗା । ମାଏଲେ ଉଣ୍ତଇଲ କେଟ୍‌ଲ,ମାଏ ଆଶିଷ୍‌ଲେ ସୁନ, “ଯୀଶୁ ଜିବନ୍ ଡିତା! ନେଲେ ଆମାଇ ଜୁଲତ୍ ନେ!”

![](https://cdn.door43.org/obs/jpg/360px/obs-en-42-06.jpg)

ଶିଷ୍‌ଲେ ଉଣ୍ତଇଲ ହଁଇ ଡେଙ୍ଗା,ଯୀଶୁ ମାଏଲେ ଡିକୁଡେଙ୍କୁନ୍ ବାକ୍‌ରାବ ମାଏନା ସାର୍‌ମଗାର୍ ଅଜୁଗା। ମାଇ ସୁନ, “ ପେଲେନା ଶାନ୍ତି ଡେମେ!”ଶିଷ୍‌ଲେ ବାବ୍‌ଲ ଜେ ମାଇ ମୁଇ ବୁତ୍ ମାତର୍ ଯୀଶୁ ସୁନ,“ମାପାଲାଇ ବତୁଙ୍ଗ୍ ପେନି ମାରି ବିସ୍‌ବାସ୍ ଆଡେମ୍ ତପେ ? ନିଙ୍ଗ୍‌ନା ତିତି ମାରି ଆପାଦ୍ ଜୁ। ନିଙ୍ଗ୍‌ନା ମିରି ଗାଗଡ୍ ଡିତା ଭୂତ୍‌ଲେନା ଡିତିନ୍ ଗାଗଡ୍ ଆଡିତା।”ମାଇ ଜେ ଭୂତ୍ ଆଣ୍ତା ଗିତିନା ପର୍‌ମାନ୍ ବାବାଙ୍ଗ୍ ପାଲାଇ,ମାଇ ସୁସୁମ୍ ପାଲାଇ ଇତି କିୟାଙ୍ଗ୍ ଲୁଡ। ମାଏଲେ ଆମାଇ ରାଙ୍ଗଡିକୁନ୍ ଆଡଙ୍ଗ୍ ବେଡ, ମାରି ମାଇ ଆକନା ସୁମ।

![](https://cdn.door43.org/obs/jpg/360px/obs-en-42-07.jpg)

ଯୀଶୁ ସୁନ “ନିଙ୍ଗ୍ ଆପେଲେ ସୁନଡିନିଙ୍ଗ୍ ଜେ ନିଙ୍ଗ୍‌ନା କତା ଈଶ୍‌ପର୍‌ନା ବାକିଅବ ଲେକା ଡିକୁନ୍ ଗୁଲାଇ ବିଷୟ୍ ସତଇସା ସପଲ୍ ଡେଡେମ୍ ପଡ୍‌ତା।”ମାଇନା ତୁର୍‌ଗୁ ମାଇ ମାଏଲେନ୍ ଆମନ୍ ରୁଗବେଡ ମିରିକି ମାଏଲେ ଈଶ୍‌ପର୍‌ନା କାତା ବାନି ସୁଗ ବୁଜ୍‌ବାର୍ ଗଙ୍ଗ୍‌ତା। ମାଇ ସୁନ, “ଆଗ୍‌ତୁନା ବାବବାଦିଲେ ଲେକ୍‌ଲ ତା ଜେ ନିଙ୍ଗ୍, କିସ୍‌ଟ, ଦୁକ୍ ବାଙ୍ଗ୍‌ସେ ଗଇତା, ମାରି ତିନ୍ ଦିନ୍‌ବ ତଗ୍‌ଡ଼ାଗ୍ ତା।

![](https://cdn.door43.org/obs/jpg/360px/obs-en-42-08.jpg)

ବାବବାଦି କନା ଲନା ଲେକ୍‌ଲତା ଜେ ନିଙ୍ଗ୍‌ନା ଶିଷ୍‌ଲେ ଈଶ୍‌ପର୍‌ନା ବାକିଅ ସୁନ ବୁଲ୍ ତ। ମାଏଲେ ଆଗୁଲାଇ ରେମ୍ ମନ୍ ବଦ୍‌ଲାଇ ବାର୍‌ନା କବର୍ ସୁନ ବୁଲ୍‌ତ। ଯଦି ମାଏଲେ ମନ୍ ବଦ୍‌ଲାଇତ ଡିତିନ୍‌ଲ ଈଶ୍‌ପର୍ ମାଏନ ପାପ୍ କେମା ଡେମ୍‌ତ। ମାଏଲେ କନା ଯୀରୁଶାଲାମ୍ ନାନେ ଆରାମ୍ ଡ଼େମସେ ଗୁଲାଇ ଟାନ୍ ବ ଡିକୁନ୍ ଗୁଲାଇ ରେମଜାତି ଲେନ୍‌ବ ଇଗ୍‌ସେ କବର୍ ସୁନ୍‌ତ। ଆରନା ନିଙ୍ଗ୍ ସୁନ ତିଙ୍ଗ୍ ମାରି ଡ଼େମତିଙ୍ଗ୍ ମାରି ଆର୍‌ନା ଗୁଲାଇ ନିଙ୍ଗ୍ ବେରଙ୍ଗ୍ ଘଟ୍‌ଗିତା କନା ଗୁଲାଇ କାତା ନା ପେଲେ ସାକି।

![](https://cdn.door43.org/obs/jpg/360px/obs-en-42-09.jpg)

ତୁର୍‌ଗୁନା ଚାଲିଶ୍ ଦିନ୍ ସଗ୍‌ସେ,ଯୀଶୁ ଜବର୍ ଥର୍ ଆଶିଷ୍‌ଲେ ଅଜୁଗା। ମୁସ, ମଇ ଏକାଥର୍ ୫୦୦ ନାନେ ଜବର୍ ଆରେମଲେ ଅଜୁଗା ! ମାଇ ଜେ ଜିବନ୍ ଡିତା କନ୍ ପାଲାଇ ମାଇ ଇଜାଥର୍ ଆମାଇନା ଶିଷ୍‌ଲେନ୍ ବ ପର୍‌ମାନ୍ ଡ଼େମ,ମାରି ମାଇ ଇଶ୍‌ପର୍‌ ରାଜିନା କାତା ଶିକିୟା ବେଡ।

![](https://cdn.door43.org/obs/jpg/360px/obs-en-42-10.jpg)

ଯୀଶୁ ଆମାଇନା ଶିଷ୍‌ଲେ ସୁନ, “ସରଗ୍ ମାରି ଡର୍‌ତନିନା ଗୁଲାଇ ଆଧିକାର୍ ଆନିଙ୍ଗ୍ ବେଡତା। ଗିତିନ୍‌ସା ୟା, ମାରି ଗୁଲାଇ ରେମଜାତି ବ ଇଗ୍‌ସେ ଶିଷ୍ ଡେମ୍ ମାରି ବା,ଗୁ ମାରି ପବିତ୍‌ର ଆତ୍ମାନା ଅମି ବ ଆମାଏଲେ ଡୁବନ୍ ବେ। ମାରିନିଙ୍ଗ୍ ଆପେଲେ ଆର୍ ଆର୍‌ନା ଆଦେଶ୍‌ ବେଡତିଙ୍ଗ୍ ଗିତିନ୍ ଗୁଲାଇ ପାଲ୍‌ବାର୍ ପାଲାଇ ଶିକିଆ ବେ। ମନେପାକାୟ ଡିଗ୍‌ଲା,ନିଙ୍ଗ୍ ଗୁଲାଇ ବେଲା ପେନ୍‌ବେରଙ୍ଗ୍ ସଙ୍ଗ୍ ସଙ୍ଗ୍ ଡିତିଙ୍ଗ୍।”

![](https://cdn.door43.org/obs/jpg/360px/obs-en-42-11.jpg)

ଯୀଶୁ ଗଇକୁନ୍ ନାନେ ତଗ୍‌ଡାଗ୍ ନା ଚାଲିଶ୍ ଦିନ୍ ତୁର୍‌ଗୁ,ମାଇ ଆମାଇନା ଆଶୀଷ୍‌ଲେ ସୁନ, “ନିଙ୍ଗ୍‌ନା ବା ନାନେ ଶକ୍ତି ବାବାଙ୍ଗ୍ ଜାକ ପେଲେ ଯିରୁଶାଲେମ୍ ବ ଡିଗ୍‌ଲା”। ମାଇ ପବିତ୍‌ରଆତ୍ମା ପେନ୍ ବାଗ୍‌ବ ବେଟାୟସେ ଗିତିନ୍ ଡେମ୍‌ତ।” ମାଇନା ତୁର୍‌ଗୁ ଯୀଶୁ ସରଗ୍ ବ ଇଗା,ମାରି ମୁୟଙ୍ଗ୍ ବାଦଲ୍ ମାଏନ୍ ସାର୍‌ମନାନେ ଆଯୀଶୁ ଅତିପାଡ ବେଡ। ଯିଶୁ ଗୁଲାଇକାତାବ ଶାସନ୍ ଡେଡେମ୍ ପାଲାଇ ଈଶ୍‌ପର୍‌ନା ସୁସୁମ୍ ତିତି ଗାର୍ ଲେଗା।

*ବାଇବଲ୍‌ନା ମୁଇ ଉସାରାମ୍ :ମାଥିଉ ୨୮:୧୬-୨୦; ମାର୍କ ୧୬:୧୨-୨୦; ଲୂକ ୨୪:୧୩-୫୩; ଯୋହନ ୨୦:୧୯-୨୩; ପ୍ରେରିତ ୧:୧-୧୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_42_128kbps.m4a

## 43. ୪୩. ମଣ୍ଡଲୀନା ଆରାମ୍

https://openbiblestories.org/l/bfw/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁ ସରଗ୍ ବ ଇକୁନ୍ ତୁର୍‌ଗୁ,ଯୀଶୁ ମିରି ଆଦେଶ୍‌ ବେଡ ଡିଗା ଡିତିନା ଶିଷ୍‌ଲେ ଯିରୁଶାଲାମ୍ ବ ଡିଗା।ବିସ୍‌ବା ସିଲେ ଆର ପାର୍‌ତନା ଡେଡେମ୍ ପାଲାଇ ଗୁଲାଇ ବେଲା ମୁଇବ ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-43-02.jpg)

ନିସ୍ତାର୍‌ପରବ୍‌ନା ୫୦ ଦିନ୍ ତୁର୍‌ଗୁ, ଗୁଲାଇ ବରସ୍ ଯିହୁଦୀଲେ ପେଣ୍ଟିକଷ୍ଟ ଅମିନା ମୁୟଙ୍ଗ୍ ଜବର୍ ଦର୍‌କାର୍ ବାଇ ଦିନ୍ ପାଲ୍‌ବାର୍ ଡେଙ୍ଗା। ପେଣ୍ଟିକଷ୍ଟ ଡେଙ୍ଗାନି ଗିତିନ୍ ବେଲା ଉଣ୍ତୋଇଲ କି ଯିହୁଦୀଲେ ତାସ୍ ଗଗନା ପରବ୍ ପାଲ୍‌ତ। ପେଣ୍ଟିକଷ୍ଟ ମୁଇବ ପଲ୍‌ବାର୍ ପାଲାଇ ଗୁଲାଇ ଜଗତ୍ ନାନେ ଯୀହୁଦୀଲେ ଯୀରୁଶାଲାମ୍ ବ ସାଗ୍ ଡିଗା। କନ୍ ବରଷ୍,ଯୀଶୁ ସରଗ୍ ବ ଇଗ୍‌ସେ ଆଟେକ୍ ତୁର୍‌ଗୁ, ପେଣ୍ଟିକଷ୍ଟ ଦିନ୍ ସାଗା।

![](https://cdn.door43.org/obs/jpg/360px/obs-en-43-03.jpg)

ବିସ୍‌ବାସିଲେ ଉଣ୍ତଇଲ ମୁଇବ ଡିଗା,ଆରନା ଡିଅବ ମାଏଲେ ଡିଗା ଜବର୍ ଉଡିଆଗ୍ ନା ସବଦ୍ ସୁଗ ମୁଇ ସବଦ୍ ଡିଅବ ବର୍‌ତି ଡେଙ୍ଗା।ମାଇନା ତୁର୍‌ଗୁ ସୁଁଅ ସୁଗ ଅଲାଲେ ଗୁଲାଇ ବିସ୍‌ବାସିଲେନ୍ ବାଗ୍‌ବଗ୍ ଅସିଗା। ଗିତିନ୍ ଗିଲାଇ ପବିତ୍‌ର ଆତ୍‌ମାବ ବର୍‌ତି ଡେଙ୍ଗା ମାରି ପାଲ୍ ଭାଷା ବେରଙ୍ଗ୍ ଈଶ୍‌ପର୍‌ନା ସାର୍‌ଦା ଡ଼େମ। ମାଏଲେ ଗିତିନ୍ ଭାଷାଲେ ମାମାଗ୍ ଆଗଙ୍ଗ୍‌ତା, ମାତର୍ ପବିତ୍‌ର ଆତ୍‌ମାଆମାଏଲେ ଗିତିନ୍ ଭାଷା ଲେ ସୁସୁ ପାଲାଇ ସାଇଜ ଡ଼େମ,।

![](https://cdn.door43.org/obs/jpg/360px/obs-en-43-04.jpg)

ଉଣ୍ତୋଇଲ ଯିରୁଶାଲାମ୍ ବ ଡିକୁନ୍ ରେମଲେ କନ୍ ସବଦ୍ ଅଙ୍ଗ,ମା ଘଟ୍‌ଗା ଗିତିନା ଜୁଜୁପାଲାଇ ରେମଲେ ରୁଣ୍ତ୍‌ଗା। ଈଶ୍‌ପର୍‌ନା ରାଗ୍‌ତିଗ୍‌ନା ଆକାମ୍ ଲେ ବିଶ୍‌ବାସ୍‌ସିଲେ ପର୍‌ଚାର୍ ଡେଙ୍କୁନ୍ ରେମଲେ ଅଙ୍ଗ। ମାଏଲେ ରାଗ୍‌ତିଇଗା ମାସାଡନା ମାଏଲେ ପାଲ୍ ପାଲ୍ ଦେଶ୍ ନାନେ ସାଡିଗା ମାରି ପଅପାଲ୍ ପାଲ୍ ଭାଷାବ କାତା ଡେଡେମ୍ ଡେଙ୍ଗ୍‌ନା ଲନା ମାଏଲେ ବୁଜ୍‌ବାର୍ ଡେଙ୍ଗା। ଶିଷ୍‌ଲେ ଇସ୍ରାଏଲ୍ ବ ଡିଗା, ମାରି ଆରାମିକ୍,ହିବ୍ରୁ ଆନ୍‌ଲ ଗ୍ରୀକ୍ ଭାଷା ସୁସୁ ଡେଙ୍ଗା

![](https://cdn.door43.org/obs/jpg/360px/obs-en-43-05.jpg)

“ କନ୍ ରେମଲେ ନାନେ ଆଇଜା ରେମ ସୁନ୍ ଜେ, ଶିଷ୍ ଲେ ଲନା ସାଗୁର୍ ଉଡତା ! ମାତର୍ ପିତର୍ ତଙ୍ଗ୍ ସେ ସୁନ, “ନିଙ୍ଗ୍ ନା କାତା ଅଙ୍ଗ୍, କନ୍ ରେମଲେ ସାଗୁର୍ ଉଡ଼ ଆଡ଼ିତା। କନ୍ ବାଦୁଲ୍,ପେ ମା ଜୁଲପେନି ଗିତିନା କନ୍ ଯୋୟେଲ୍ ବାବାଜୀ ଡ଼େମକୁନ୍ ଆଗ୍‌ତୁନ୍ କାତା ସତ୍ ଡେଙ୍ଗା,ଆରି ଈଶ୍‌ପର୍ ସୁନଡିଗା, “ଡ଼ଡମ୍ ବେଲା,ନେ ତର ଇନା ଆତ୍ମା କିବ୍‌ତନେ।

![](https://cdn.door43.org/obs/jpg/360px/obs-en-43-06.jpg)

“ହ ଇସ୍ରାଏଲ ନା ରେମଲେ ଅଙ୍ଗ୍, ଯୀଶୁ ମାଇ ଜା ଗିତିନ୍ ପର୍‌ମାନ୍ ଡେଡେମ୍ ପାଲାଇ ମାଇ ଈଶ୍‌ପର୍‌ନା ଶକ୍ତି ବେରଙ୍ଗ୍ ଜବର୍ ମୁନା ମାରି ରାଗ୍‌ତିଗ୍ ନା କାମ୍ ଗୁଲାଇ ଡ଼େମ,ଆରନା ପେଲେ ଜୁଲପେନି ମାରି ମାଗପେନି। ମାତର୍ ପେଲେ ଆମାଇ କୁରୁସ୍ ବ ଅଡାଇସପେ !”

![](https://cdn.door43.org/obs/jpg/360px/obs-en-43-07.jpg)

“ ଯୀଶୁ ଗଇନାସା, ଡେଙ୍ଗ୍‌ନାସା ଈଶ୍‌ପର୍ ଆମାଇ ଗଇକୁନ୍‌ ନାନେ ଅମୁରାଗ୍। କନା ଗିତିନ୍‌ ଆଗ୍‌ତୁନ୍ କାତା ସତ୍ ଡେଙ୍ଗା,ଆର୍‌ନା ଲେକା ଡ଼ିତା, ପେ ପେନା ପବିତ୍‌ର ଆରେମ ରେସାଙ୍ଗ୍ ବ ନଷ୍ଟ ଡେଡେମ୍‌ସା ଆବେତପେ।”ଈଶ୍‌ପର୍ ଜେ ଆଯୀଶୁ ମାର୍‌ମୁସ ଜୀବନ୍ ଡ଼େମତା,ନେଲେ ମାଇନା ସାକି।”

![](https://cdn.door43.org/obs/jpg/360px/obs-en-43-08.jpg)

“ବା ଈଶ୍‌ପର୍ ଆଇକା ଆଯୀଶୁ ମାଇନା ସୁସୁମ୍ ଗାର୍ ଲେଗ୍‌ସେ ସନ୍‌ମାନ୍ ଡ଼େମତା। ମାରି ଯୀଶୁ ମିରିକି ଆପବିତ୍‌ର ଆତ୍‌ମାବେଟାଇତ ଡସେ ପର୍‌ମାନ୍ ଡ଼େମଡିଗା,ସତ୍ ଗିତିନ୍ ସୁଗ ଆପବିତ୍‌ର ଆତ୍‌ମାବେଟାୟ। ଆଇକା ପେଲେ ଆର୍‌ନା କାତା ଜୁଲପେନି ମାରି ଅଙ୍ଗପେନି ଗିତିନ୍‌ ଗୁଲାଇ ପବିତ୍‌ର ଆତ୍‌ମାଡ଼େମତା।

![](https://cdn.door43.org/obs/jpg/360px/obs-en-43-09.jpg)

“କନା ଆଯୀଶୁ ପେଲେ କୁରୁସ୍ ବ ଅଡାଇତପେ। ମାତର୍ ସତଇସେ ମାଗେ ଜେ ଈଶ୍‌ପର୍ ଆଯୀଶୁ ଗୁଲାଇ ବିଷୋଇ ବ ଉମ୍ବାରଙ୍ଗ୍ ଈଶ୍‌ପର୍ ମାରି କିସ୍‌ଟ ଡ଼େମତା!”

![](https://cdn.door43.org/obs/jpg/360px/obs-en-43-10.jpg)

ରେମଲେ ପିତର୍ ନା କାତା ଅଙ୍ଗ ମାରି ମାଇ ସୁନକୁନ୍ କାତା ପାଲାଇ ଜବର୍ ଆମାଏ ବାଦ୍‌ଇଗା।। ଗିତିନ୍‌ସା ମାଏଲେ ପିତର୍ ମାରି ପାଲ୍ ଆଶିଷ୍‌ଲେ ପାଚାର୍‌ଲ, “ବିୟଙ୍ଗ୍‌ଲେ, ନାଇଲେ ମାଡେଡେମ୍ ଡ଼େନ୍‌ତା?”

![](https://cdn.door43.org/obs/jpg/360px/obs-en-43-11.jpg)

ପିତର୍ ଆମାଏଲେ ଉତର୍ ବେଡ,“ପାପ୍ କେମା ପାଲାଇ ପେ ଆଗାଇରେମ ଈଶ୍‌ପର୍‌ନା ଦର୍‌କାର୍ ଡିତା। ଗିତିନ୍‌ସା ଗୁଲାଇରେମ ମନ୍ ବାଦଲାୟ ସେ ଯୀଶୁ କିସ୍‌ଟନା ଅମିବ ଡୁବନ୍ ରୁଙ୍ଗେ। ଆଇତିନ୍‌ଲ ଈଶ୍‌ପର୍ ଲନା ଆପେଲେ ପବିତ୍‌ର ଆତ୍‌ମାବେତ।

![](https://cdn.door43.org/obs/jpg/360px/obs-en-43-12.jpg)

୩୦୦୦ ରେମଲେ,ପିତର୍ ସୁନକୁନ୍ କାତା ବିସ୍‌ବାସ୍ ଡ଼େମସେ ଯୀଶୁନା ଶିଷ୍ ଡେଙ୍ଗା। ମାଏଲେ ଡୁବନ୍ ରୁଙ୍ଗା ମାରି ଯିରୁଶାଲାମ୍ ବ ଡିକୁନ୍ ମଣ୍ଡଲୀନା ମୁଇ ବାଗ୍ ଡେଙ୍ଗା।

![](https://cdn.door43.org/obs/jpg/360px/obs-en-43-13.jpg)

ଶିଷ୍‌ଲେ ମିରି ଶିକିଆ ବେଡ ବିସ୍‌ବାସିଲେ ଗୁଲାଇ ବେଲା ଗିତିନ୍ ଶିକ୍‌ବାର୍ ଡେଙ୍ଗା। ମାଏଲେ ଚନେକ୍ ଚନେକ୍ ମୁଇବ ରୁଣ୍ଡ୍ ବାର୍ ଡେଙ୍ଗା,ମାରି ମୁଇବ ସୁସୁମ୍ ଡେଙ୍ଗା ମାରି ଚନେକ୍ ଚନେକ୍ ପାର୍‌ତନା ଡେଡେମ୍ ଡେଙ୍ଗା। ମାଏଲେ ମୁଇବ ଈଶ୍‌ପର୍ନ ପୁଜା ଡେଡେମ୍‌ବ ସାର୍‌ଦା ଡ଼େମ, ମାରି ମାଏନା ମାମା ଡିଗା ଗିତିନ୍ ମାଏନ୍ ମାଏନ୍ ଭିତ୍‌ରେ ବାଟାଲ। ସହର୍‌ ନା ଗୁଲାଇ ରେମ ଆମାଏ ବାନି ଡସେ ସୁସୁ ଡେଙ୍ଗା। ଦନ୍ କ ଦିନ୍ ଜବର୍ ରେମଲେ ଯୀଶୁନ୍‌ବ ବିସ୍‌ବାସ୍ ଡେଡେମ୍‌ଡେଙ୍ଗା।

*ବାଇବଲନା ମୁଇ ଉସାରାମ୍ ;ପ୍ରେରିତ ୧;୧୨-୧୪;୨.*

Audio: https://git.door43.org/OBS-TLF/bfw_obs/releases/download/v1/bfw_obs_v1_43_128kbps.m4a

## 44. ୪୪. ପିତର୍‌ ମାରି ଯୋହନ୍‌ ଆମୁଇ ବିକ୍ ଲୁଲୁରେମ୍ ବାନିଡେମ୍‌ତ

https://openbiblestories.org/l/bfw/story-44/

![](https://cdn.door43.org/obs/jpg/360px/obs-en-44-01.jpg)

ମିସିଙ୍ଗ୍, ପିତର୍ ମାରି ଯୋହନ୍ ଉଣ୍ଡି ଇଡେଙ୍ଗା। ଉଣ୍ତୋତଇଲ ମାଏଲେ ଉଣ୍ଡିନା ଗାରିବ କେଟ୍‌ଲ,ମାଏଲେ ମୁଇ ଆଚଟା ରେମ୍ ବିକ୍ ଲୁଲୁ ନା ଜୁଲ।

![](https://cdn.door43.org/obs/jpg/360px/obs-en-44-02.jpg)

ପିତର୍ ଆଗିତିନ୍‌ ଚଟାରେମ୍ ଗାରି ଜୁଲସେ ସୁନ, “ବେବେ ପାଲାଇ ନିଙ୍ଗ୍ ବ ଡାବୁ ଆଣ୍ତା। ମାରି ନିଙ୍ଗ୍‌ନା ମାଡିତା ଗିତିନ୍ ନିଙ୍ଗ୍ ଆନ ବେଡ ନିନିଙ୍ଗ୍। ନାଜରିତିୟ ଜିସୁନ୍ ଅମିବ ତଙ୍ଗ୍‌ସେ ଉରିଙ୍ଗ୍ !”

![](https://cdn.door43.org/obs/jpg/360px/obs-en-44-03.jpg)

ସୁରି ସୁରି,ଈଶ୍‌ପର୍ ଗିତିନ୍ ଆଚଟା ରେମ୍‌ ବାନିଡ଼େମ,ମାରି ମାଇ ଚାରବେର୍‌ତି ଡଗାସେ ଉରିଙ୍ଗ୍‌ ବାର୍ ମୁଲାୟ। ଉଣ୍ଡିନା ସାର୍‌ମବ ଡିକୁନ୍ ରେମଲେ କାବା ଡେଙ୍ଗା।

![](https://cdn.door43.org/obs/jpg/360px/obs-en-44-04.jpg)

ଆର୍‌ନା ରେମ ବାନି ଡେଙ୍ଗ୍ ଡିଙ୍ଗା ଆମାଇ ଜୁଜୁ ପାଲାଇ ରେମଲେ ରୁଣ୍ଡ୍ ସେ ସାଗା। ପିତର୍ ଆମାଏଲେ ସୁନ୍, “କନ୍ ରେମ ବାନିଡେଙ୍ଗ୍ କୁନ୍ ସା ପେଲେ ମାପାଲାଇ ଅକନା କାବା ଡେଙ୍ଗ୍ ପେନି? ତୋରଇନା ଶକ୍ତି ମାରି ତରୋଇନା ବାନି ବାଇ କାମ୍ ବେରଙ୍ଗ୍ ନେଲେ ଆଗିତିନ୍‌ରେମ ବାନି ଡ଼େମ ଆଡିତ୍‌ନେ। ମାତର୍ କନା ଯୀଶୁ ଜା ମାଇନା ଶକ୍ତି ବେରଙ୍ଗ୍ ଆକନ୍ ରେମ ବାନି ଡ଼େମତା,ମାସାଡନା ନେ ମାଏନ୍‌ବ ବିସାସ୍ ଡ଼େମ ନେନେ।”

![](https://cdn.door43.org/obs/jpg/360px/obs-en-44-05.jpg)

“ପେଲେ ଆକା ଆଯୀଶୁ ଅଗୋଇ ପାଲାଇ ରୋମିୟ ଆଶାସନ୍ ଡେଡେମ୍ ରେମ୍ ସୁନ ଡିଗ୍‌ପେ। ପେଲେ ଆଜିବନ୍ ବେବେ ରେମ୍ ଅଡାବ ପେ। ମାତର୍ ଈଶ୍‌ପର୍ ଆମାଇ ଗୋଇକୁନ୍ ନାନେ ତଗ୍‌ଡ଼ାଗ। ପେଲେ ମାମାଡେମ୍ ଡେଙ୍ଗ୍ ପେ ଗିତିନ୍ ଡେଙ୍ଗ୍ ନାସା ମାମାଗ୍ ଆଗଙ୍ଗ୍ ଡେଙ୍ଗ୍ ପେ, ଡେଙ୍ଗ୍ ନାସା କିସ୍ ଟ ଜେ ଦୁକ୍ ବାଙ୍ଗ୍ ସେ ଗୋଇତା କନ୍ ଆଗ୍ ତୁନ୍ କାତଲେ ସତ୍ ଡେଡେମ୍ ପାଲାଇ ଈଶ୍‌ପର୍ ଡିକନ୍ ସୁଗ ଡ଼େମ।ଗିତିନ୍ ସା ଅଇକା, ପସ୍‌ତାଇ ମାରି ଇଶ୍‌ପର୍‌ ବ ଲେଉଟ୍ ସାଗା ମିରିକି ପେନ୍ ପାପ୍ ପବିତ୍‌ର ଡେମ୍‌ତ।

![](https://cdn.door43.org/obs/jpg/360px/obs-en-44-06.jpg)

ପିତର୍ ମାରି ଯୋହନ୍ ମା ସୁସୁ ଡେଙ୍ଗା ଗିତିନ୍ ଅଙ୍ଗ ସେ ମନ୍ଦିର୍‌ବନ୍ ନେତାଲେ ରିସା ଡେଙ୍ଗା। ଗିତିନ୍‌ସା ମାଏଲେ ଆମାଏଲେ ସବସେ ବନ୍ଦିଶାଲ୍‌ ବୁଙ୍ଗ। ମାତର୍ ଜବର୍ ରେମ ପିତର୍ ନା କାତା ଅଙ୍ଗସେ ବିସ୍‌ବାସ୍ ଡ଼େମ ମାରି ଆଯୀଶୁ ବିସ୍ ବାସ୍ ଡେଡେମ୍ ନା ରେମଲେ ୫୦୦୦ବ କେଟ୍‌ଗା।

![](https://cdn.door43.org/obs/jpg/360px/obs-en-44-07.jpg)

ତୁର୍‌ଗୁନ୍ ଦିନ୍ ପିତର୍ ଆଯୋହନ୍ ମୁନା ପୁଜାରି ମାରି ପାଲ୍ ଦରମ୍ ଗୁରୁନ୍ ବ ରୁଙ୍ଗ। ମାଏଲ ଆତିନ୍ ରେମଲନା ରୁଙ୍ଗ ଜା ଚଟାନାନେ ପୁରାପୁରି ବାନି ଡେଙ୍ଗ୍ ଡିଗା। ମାଏଲେ ପିତର୍ ମାରି ଆଯୋହନ୍ ପାଚାର୍‌ଲ,“ଆର୍ ନା ଶକ୍ତି ବେରଙ୍ଗ୍ ପେଲେ ଆକନ୍ ଚଟାରେମ୍ ବାନି ଡ଼େମପେ।”

![](https://cdn.door43.org/obs/jpg/360px/obs-en-44-08.jpg)

ପିତିର୍ ଆମାଏଲେ ଉତର୍ ବେଡ,“କନ୍ ରେମ ଯୀଶୁ କିସ୍‌ଟ ନା ଶକ୍ତି ବେରଙ୍ଗ୍ ବାନି ଡେଙ୍ଗ୍‌ସେ ତଙ୍ଗ୍ ଗିତା। ପେଲେ ଆଯୀଶୁ କୁରୁସ୍ ବ ଅଡ଼ାଇସପେ,ମାତର୍ ଈଶ୍‌ପର୍ ଆମାଇ ମାର୍‌ମୁସ ଜୀବନ୍ ଡ଼େମତା। ପେଲେ ଆମାଇ ଆମାନ୍‌ତପେ୍ ମାତର୍ ରକିଆ ବାବାଙ୍ଗ୍ ପାଲାଇ ଯୀଶୁନା ଶକ୍ତି ଅନ୍‌ତୁରସେ ମାରି ଆର୍‌ନାସା ଗାରି ଆଣ୍ଡା।

![](https://cdn.door43.org/obs/jpg/360px/obs-en-44-09.jpg)

ପିତରମାରି ଯୋହନ୍ ଅକନ୍ ବପୁଗ୍‌ସେ କାତା ସୁଁସୁଁନ୍ ଜୁଲସେ ନେତାଲେ କାବା ଡେଙ୍ଗା ମାସାଡନା ମାଏଲେ ଜୁଲ ଜେ କନେ ଗୁବ୍‌ସୁବାଇ ରେମଲେ ଜାଲେ ଅଶିକିତ୍ ଡିଗା।ମାତର୍ ତୁର୍‌ଗୁ ମାଏଲେ ମାଗ ଜେ କନେଲେ ଯିଶୁନ୍ ବେରନ୍ ଡିଗା। ମାଏଲେ ପିତର୍ ମାରି ଆଯୋହନ୍ ଦମ୍ କାୟ ସେ ସୁନ,“ ଯଦି ଆରେମଲେ ଯୀଶୁନା ଅମିବ ଶିକିଆ ବେ ଡିତିନ୍‌ଲ ଆପେଲେ ଦଣ୍ଡ୍ ବେତ।” ଡିକନ୍ ସୁଗ ଜବର୍ କାତା ସୁନସେ ଆମାଏଲେ ମାଏ ଆନ୍ ତୁର ବେଡ଼।

*ବାଇବଲ୍‌ନା ମୁଈ ଉସାରାମ୍ ପ୍ରେରିତ ୩-୪:୨୨*

Audio: https://git.door43.org/OBS-TLF/bfw_obs/releases/download/v1/bfw_obs_v1_44_128kbps.m4a

## 45. ୪୫. ସ୍ତିପାନ୍ ମାରି ଫିଲିପ୍‌

https://openbiblestories.org/l/bfw/story-45/

![](https://cdn.door43.org/obs/jpg/360px/obs-en-45-01.jpg)

ସ୍ତିପାନ୍ ଅମିନା ମିଣ୍ଡା ରେମ ଯୀଶୁନ୍‌ ଆଗ୍‌ତୁ ଗୁଡାଙ୍ଗ୍ ଗାର୍ ଇରେମ୍ ନାନେ ମିଣ୍ଡା ନେତା ଡିଗା। ଗୁଲାଇରେମ ଆମାଇ ସନ୍ ମାନ୍ ଡେଡେମ୍ ଡେଙ୍ଗା।ମାଇ ଗୁଲାଇ ପବିତ୍‌ର ଆତ୍‌ମାମାରି ବୁଦି ବ ବର୍‌ଇଡିଗା।ସ୍ତିପାନ୍ ଜବର୍ ରାଗ୍‌ତିଗ୍‌ନା କାମ୍‌ଲେ ଡ଼େମ। ମାଇନା ଶିକିଆ ବ ଜବର୍ ରେମ ଯୀଶୁନ୍ ବ ବିସ୍‌ବାସ୍ ଡ଼େମ। ଉଣ୍ଡୋଇଲ ମାଇ ଆମାଏଲେ ଯୀଶୁନ୍ ବାଗ୍‌ବ ବିସାସ୍ ଡେଡେମ୍ ପାଲାଇ ଶିକିଆ ବେଡ ଅଇତିନ୍‌ବେଲା ଜବର୍ ରେମ ଆମାଇ ବିସାସ୍ ଡ଼େମ।

![](https://cdn.door43.org/obs/jpg/360px/obs-en-45-02.jpg)

ମିସିଙ୍ଗ୍,ଉଣ୍ତଇଲ ସ୍ତିଫାନ୍ ଯୀଶୂନା ନା ବିଷୟ ବ ଶିକିଆ ବେବେଡେଙ୍ଗା,ଗିତିନ୍‌ଲ ଯୀଶୁନ୍‌ବ ବିସ୍‌ବାସ୍ ଡେଡେମ୍ ଡ଼େମକୁନା ଆଇଜା ଯିହୁଦୀଲେ ସ୍ତିଫାନ୍ ବେରଙ୍ଗ୍ ଆର୍‌ନା ଅରିମ୍‌ନା କାତା ଡେଡେମ୍ ଲାଗ୍‌ଗା। ମାଏଲେ ଜବର୍ ରିସା ଡେଙ୍ଗା,ମାରି ସ୍ତିଫାନ୍‌ନା ବିଷୟ ଆଦରମ୍ ନେତାଲେ ମିଚ୍ ସୁନ। ମାଏଲେ ସୁନ “ନେଲେ ଆମାଇ ମୋ୍ଶା ମାରି ଈଶ୍‌ପର୍‌ନା ବିରୁଦ୍ ନା କାତା ସୁସୁ ନା ଅଁଙ୍ଗତ୍‌ନେ !”ଗିତିନ୍‌ସା ଦରମ୍‌ନେତାଲେ ଆସ୍ତିଫାନ୍ ତୁଲ ମାରି ମୁନା ବବାଜିଲେ ମାରି ଯିହୁଦିଲେନ୍ ନେତା କଣ୍ଡେ ଆମାଇ ରୁଙ୍ଗ। ଆର ଜବର୍ ମିଚ୍ ସାକି ବେବେରେମ୍ ସାଗ୍‌ସେ ସ୍ତିଫାନ୍‌ନା କାତା ମିଚ୍ ସୁନ।

![](https://cdn.door43.org/obs/jpg/360px/obs-en-45-03.jpg)

ମୁନା ପୁଜାରି ଆସ୍ତିଫାନ୍ ପାଚାର୍‌ଲ,“କନ୍‌ରେମଲେ ନନା ବିଷୟ ବ ସତ୍ ସୁନନିକି?” ଆମୁନାପୁଜାରି ଉତର୍ ବେବ ପାଲାଇ ସ୍ତିଫାନ୍ ଜବର୍ କାତା ସୁସୁ ପାଲାଇ ଆରାମ୍ ଡ଼େମ। ମାଇ ସୁନ ଜେ,ଅବ୍ରାହମ୍ ନାନେ ଯୀଶୁନା ବେଲା ଜାକ ଈଶ୍‌ପର୍ ଇସ୍ରାଏଲ୍ ନା ରେମ ଲେନ୍ ପାଲାଇ ଜବର୍ ରାଗ୍‌ତିଗ୍ ନା କାମ୍ ଡ଼େମ ତା। ମାତର୍ ରେମଲେ ଗୁଲାଇ ବେଲା ଈଶ୍‌ପର୍ ନା ମ ମାନ୍ ବାର୍ ଆଡ଼େନ୍‌ତା। ସ୍ତିଫାନ୍ ସୁନ, “ପେଲେ ଈଶ୍‌ପର୍‌ନା ବିରୁଦ୍ ଡେଡେମ୍ ରେମ୍ ମରି ଆଟୁଆ ମନ୍‌ବାଇ ରେମଲେ। ପେ ଗୁଲାଇଲ ଆପବିତ୍‌ର ଆତ୍‌ମାଅନ୍‌ତୁରତ୍‌ପେ, ମିରିକି ନାଇନା ଆନିଦାଦିଲେ ଗୁଲାଇ ବେଲା ଆଈଶ୍‌ପର୍ ଅନ୍‌ତୁର ଡିଗା ମାରି ଗୁଲାଇ ମାଏନ୍ ଆ ବାବବାଦିଲେ ଅଗଇସ ଡିଗା।ମାତର୍ ପେ ମାଏଲେ ନାନେ ଜବର୍ କାରାପ୍ କାମ୍ ଡ଼େମପେ !ପେ ଆକିସ୍‌ଟ ଅଗଇସପେ।

![](https://cdn.door43.org/obs/jpg/360px/obs-en-45-04.jpg)

ଉଣ୍ଡୋଇଲ ଦର୍‌ନେତାଲେ କନ ଅଁଙ୍ଗ,ମାଏଲେ ଅକନ୍ ରିସାଡେଙ୍ଗା ଜେ ମାଏଲେ ମାଏନ ଆଲୁନ୍ତୁରତାପ୍ ଲ ସଗ୍‌ସେ ଜବର୍ ଆଉଲି ଡେଙ୍ଗା। ମାଏଲେ ଆସ୍ତିଫାନ୍ ଉଙ୍ଗମ୍ ବାଇରି ଜିକ୍‌ଲ ରୁଙ୍ଗା ମାରି ଆ ମାଏ ଅଗୋଇ ପାଲାଇ ବିରେ ରାପୁଡ।

![](https://cdn.door43.org/obs/jpg/360px/obs-en-45-05.jpg)

ସ୍ତିପାନ୍ ଗଗଇ ବେଲା ଜବର୍ ଆଉଲ ଡେଙ୍ଗା ମାରି ସୁନ, “ଅଯୀଶୁ,ଆନିଙ୍ଗ୍‌ନା ଜିବନ୍ ସବ୍।” ମାଇନା ତୁର୍‌ଗୁ ମାଇ ମାଣ୍ତି ଟେକ୍‌ଲସେ ମାର୍‌ମୁସ ଆଉଲିଗ୍‌ସେ ସୁନ, “ହ ଈଶ୍‌ପର୍,କନା ପାପ୍ ମାଏଲେ ନା ବିରୁଦ୍ ବ ଆଏଜ୍‌ଲ। ମାଇନା ତୁର୍‌ଗୁ ମାଇ ଗଇଗା।

![](https://cdn.door43.org/obs/jpg/360px/obs-en-45-06.jpg)

ଗିତିନ୍‌ଦିନ୍,ଯୀରୁଶାଲାମ୍ ବ ଡିକୁନ୍ ରେମଲେ ଯୀ୍ଶୁନା ଆଇରେମ୍‌ଲେ ଦୁକ୍ ଡେଡେମ୍ ପାଲାଇ ଆରାମ୍ ଡ଼େମ,ଗିତିନ୍‌ସା ବିସ୍‌ସିଲେ ପାଲ ପାଲ ଟାନ୍‌ବ ଉର ଇଗା। ମାରି କନା ଗୁଲାଇ ଡେଙ୍କୁନ୍ ସା, ଲନା ମାଏ ଆର୍‌ନା ଆର୍‌ନା ଟାନ୍‌ବଲେ ଇଗା ଆତା ଯୀଶୁନା ବିଷୟଲେ ଗୁଲାଇ ପର୍‌ଚାର୍ ଡେଡେମ୍ ଆରାମ୍ ଡ଼େମ।

![](https://cdn.door43.org/obs/jpg/360px/obs-en-45-07.jpg)

ଫିଲିପ୍ ଅମିନା ମିଣ୍ଡା ଯୀଶୁନା ଶିଷ୍ ଡିଗା। ଦୁକ୍ ନିନ୍ଦା ଡେଙ୍ଗ୍‌ନା ଲନା ଯିରୁଶାଲାମ୍ ନାନି ପାଲ୍‌ବିସ୍‌ବାସିଲେନ୍ ସୁଗ ମାଇ ଲନା ଡୁଙ୍ଗ୍ ଡିଗା। ମାଇ ଶମରିୟାବ ଇସେ ଆତା ଯୀଶୁନାକାତା ଆରେମଲେ ପର୍‌ଚାର୍ ଡ଼େମ।ଜବର୍ ରେମ ମାଇନ୍‌ବ ବିସ୍‌ବାସ୍ ଡ଼େମସେ ମାରି ରକିଆ ବାଙ୍ଗା। ମିସିଙ୍ଗ୍,ଈଶ୍‌ପର୍ ନା ମିଣ୍ଡା ଦୁତ୍ ଫିଲିପ୍ କଣ୍ଡେ ସାଗ୍‌ସେ ମରୁଭୁମିବ ଲକୁନ୍ ମୁଇ ଗାରି ବେଡସେ ଇପାଲାଇ ସୁନ। ଫିଲିପ୍ପ ଆରୋଇଗା। ମାଇ ଉଣ୍ଡୋଇଲ ଗିତିନ୍‌ ଗାରି ବେଡସେ ଇଡେଙ୍ଗା,ଫିଲିପ୍ ଆମିଣ୍ଡା ରଥ୍‌ବ ଇନା ଜୁଲ। ଗିନ୍‌ରେମ ଇଥିଓପିଆ ଦେଶ୍‌ନା ମିଣ୍ଡା ମୁନା ବାଇ ଚାକ୍‌ରି ଡେଡେମ୍‌ରେମ୍ ଡିଗା। ଗିତିନ୍‌ ରେମବ ଇସେ ମାଇନ୍ ବେରଙ୍ଗ୍ ଅଁଇ ପାଲାଇ ପବିତ୍‌ର ଆତ୍‌ମାଆଫିଲିପ୍ ସୁନ।

![](https://cdn.door43.org/obs/jpg/360px/obs-en-45-08.jpg)

ଫିଲିପ୍ ଉଣ୍ଡୋଇଲ ଗିତିନ୍‌ ରଥ୍ କଣ୍ଡେ କେଟ୍‌ଗା, ଗିତିନ୍‌ ଇଥିଓପିଆ ରେମ ଯିଶାଇୟ ବାବବାଦିନା ବହିନାନେ ପାଟ୍ ପଡ଼୍ ବାର୍ ଅଙ୍ଗ। ଗିତିନ୍‌ ରେମ ଯିଶାଇୟ ବାବବାଦି ମାମା ଲେକ୍‌ଲ ଡିଗା,ମାଇ ପଢ଼ବାର୍ ଡେଙ୍ଗା“ମାଏଲେ ମେଣ୍ଡା ସୁଗ ଆମାଇ ଅଡାବ୍‌ବାର୍‌ସା ଆଗ୍‌ତୁ ରୁଙ୍ଗୋଇଗା,ମାରି ଚୁପ୍ ଡେଙ୍ଗ୍‌କୁନ୍ ମେଣ୍ଡା ସୁଗ ମାଇ ତରୋଇନା ତମ୍‌ନା ଆରୁଗ୍‌ତ। ମାଏଲେ ଆମାଇ କାରାପ୍ ବେବାର୍ ଡ଼େମ ମାରି ଆମାଇ ଆଲାଦ୍ ଆଡେମ୍‌ତ। ମାଏଲେ ମାଇ ନାନେ ମାଇନା ଜିବନ୍ ରୁଙ୍ଗା।”

![](https://cdn.door43.org/obs/jpg/360px/obs-en-45-09.jpg)

ଫିଲିପ୍ପ ଆତିନ୍ ଇଥିଓପିଆ ଆରେମ ପାଚାର୍‌ଲ, “ନ ମା ପାଟ୍ ପଢ୍ ନନି ଗିତିନ୍ ବୁଜ୍ ନନି କି ?” ଗିତିନ୍ ଇଥିଓପିଆନା ରେମ ଉତର୍ ବେଡ,“ଆଣ୍ଡା, ଜାସା ଆନିଙ୍ଗ୍ ବାନିଡ଼େମ ଆସୁନନା ଅଇତିନ୍ ଜାକ ନିଙ୍ଗ୍ ବାନିଡ଼େମ ଆବୁଜ୍ ତିଙ୍ଗ୍। ଆଲାଦ୍ ଡ଼େମସେ ସାବା ମାରି ନିଙ୍ଗ୍‌ବ ଲେସା। ଯିଶାଇୟ ମା ତରୋଇନା କାତା କି ମାରି ଜାନ୍ କାତା କନ୍ ଲେକ୍‌ଲତା ?”

![](https://cdn.door43.org/obs/jpg/360px/obs-en-45-10.jpg)

ଫିଲିପ୍ ରଥ୍‌ବ ଇସେ ଲେଗା। ଗିତିନ୍‌ ତୁରଗୁ ମାଇ ଇଥିଓପିଆରେମ୍ ସୁନ,“ ଜେ ଯିଶାଇୟ ଯୀଶୁନା କାତା ଲେକ୍‌ଲଡିଗା। ଫିଲିପ୍ ବହିନା ପାଲ୍ ଶାସ୍ ତର୍ ନା ପଦ୍‌ଲେ ଲନା ବୁଜାୟବେଡ଼। ଡିକନ୍ ସଗ,ଫିଲିପ୍ ଯୀଶୁନା କାତାଲେ ବାନି କବର୍ ଆମାଇ ସୁନ।

![](https://cdn.door43.org/obs/jpg/360px/obs-en-45-11.jpg)

ଉଣ୍ଡୋଇଲ ଫିଲିପ୍ ମାରି ଇଥିଓପିଅ ଇଡେଙ୍ଗା,ମାଏ ମୁଇ ବନ୍ଦ କଣ୍ଡେ ସାଗ।ଇଥିଓପିଅ ରେମ ସୁନ, “ଜୁ! ଆକା ଇତି ଡାଗ୍ ଡିତା! ନିଙ୍ଗ୍ ଡୁବନ୍ ରୁରୁଙ୍ଗ୍ ଗଙ୍ଗ୍‌ତିଙ୍ଗ୍ କି ?” ମାରି ମାଇ ମାଇନା ଆରଥ୍ ଚାଲାଇ ବାର୍ ଆରେମ ରଥ୍ ତେବାଇବାର୍ ପାଲାଇ ସୁନ। ଆତିନେ ମାଏ ଜର୍‌ସେ ଡାଗ୍ ଗାରି ଇଗା,ମାରି ଫିଲିପ୍ ଆତିନ୍ ଇଥିଓପିଅରେମ୍ ଡୁବନ୍ ବେଡ।

![](https://cdn.door43.org/obs/jpg/360px/obs-en-45-12.jpg)

ମାଏଲେ ଡାଗ୍ ନାନେ ତୁର୍‌ସେ ସାକୁନ୍ ତୁର୍‌ଗୁ। ପବିତ୍‌ର ଆତ୍‌ମାଆଫିଲିପ୍ ମାର୍ ମୁଇ ଟାନ୍ ବ ରୁଙ୍ଗୋଇଗା ଆର ମାଇ ଯୀଶୁନା ବିଷୟ ଅରେମଲେ ପର୍ ଚାର୍ ଡେଡେମ୍ ନା ସୁସୁଅଁ ଡେଙ୍ଗା

![](https://cdn.door43.org/obs/jpg/360px/obs-en-45-13.jpg)

ଇଥିଓପିଆ ମାଇନା ଡିଅ ବ ଇଗା,ମାଇ ସାର୍‌ଦା ଡିଗା ମାସାଡନା ମାଇ ଷସଆଯୀଶୁ ମାଗ।

*ବାଇବଲ୍‌ନା ମୁଇ ଉସାରାମ୍ :ପ୍ରେରିତ ୬:୮-୮:୫;୨୬-୪୦; ୪ ୬.*

Audio: https://git.door43.org/OBS-TLF/bfw_obs/releases/download/v1/bfw_obs_v1_45_128kbps.m4a

## 46. ୪୬. ଶାଉଲ ଯୀଶୁନା ମିଣ୍ଡା ଗୁଡ଼ାଙ୍ଗ୍ ବ ଇରେମ୍ ଡେଙ୍ଗା

https://openbiblestories.org/l/bfw/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ୍ ଡସେ ମୁଇ ରେମ ଡିଗା ଜାକି ଯୀଶୁନ୍ ବ ବିସ୍‌ବାସ ଡେଡେମ୍ ଆଡ଼େନ୍‌ତା। ଉଣ୍ତୋଇଲ ମାଇ ଙ୍ଗେର୍ ଡିଗା ଆସ୍ତିପାନ୍ ଆଡ଼ାବାର୍ ରେମ୍ ଲେନା ଆସକାଲେ ଜାଗ୍‌ଲ ଡିଗା। ମାରସୁଇ ବେଲା ମାଇ ଆବିବାସ ଡେଡେମ୍ ରେମଲେ ଦୁକ୍ କଷ୍ଟ ବେଡ଼। ମାଇ ଆ ଉମ୍ବାର ସେଲାନେ ଙ୍ଗେରେଲେ, ଜାଲେ ଯୀଶୁନ ବ ବିଶାସ୍ ଡେଡେମ୍ ଡେଙ୍ଗା ଆମାଏ ସମ୍‌ବ ପାଲାଇ ମାରି ଜଇଲ୍ ଡେଡେମ୍ ପାଲ ଯୀରୁଶାଲାମନା ଡିଅ ଡିଅ ବ ଇଗା। ଆଶାଉଲ୍ ଦମ୍ମେସକ ଙ୍ଗମ୍‌ବ ଇପାଲାଇ ମୁନାପୁଜାରି ଆଦେଶ୍ ବେଡ। ଆର ଡିକୁନ୍ ଯୀଶୁନ ତୁର୍‌ଗୁ ଆଉରିଙ୍ଗ୍ ରେମ୍‌ଲେ ସବସେ ଯୀରୁଶାଲାମ୍ ବ ରୁରୁଙ୍ଗ୍ ପାଲାଇ ଆମାଏ ମାଇ ସୁନ।

![](https://cdn.door43.org/obs/jpg/360px/obs-en-46-02.jpg)

ଗିତିନ୍ ସା ଶାଉଲ୍ ଦମ୍ମେସକ ବ ଇ ପାଲାଇ ଆରାମ୍ ଡ଼େମ। ଗିତିନ୍ ସହର୍‌ ବ କେଟ୍‌ବାର୍ ନା ଇତି ବେଲା ଆଗ୍‌ତୁ ମୁୟଙ୍ଗ୍ ତାରା ବାଇ ମାଏନା ଚାର୍‌ବେର୍‌ତି ତାରାଗ୍ ଇଗା ମାରି ମାଇ ତୁବୁଗ୍‌ବ ଲଗ୍‌ଇଗା। ଜା ମିଣ୍ତା କନା ସୁସୁ ନା ଶାଉଲ୍ ଅଙ୍ଗ୍,“ଶାଉଲ୍ ! ପେ ମାପାଲାଇ ଦୁକ୍ ବେଡ଼ ପେନି?”ଶାଉଲ୍ ପାଚାର୍‌ଲ, “ଈଶ୍‌ପର୍ ନ ଜା ?”ଯୀଶୁ ଉତର୍ ବେଡ “ନିଙ୍ଗ୍ ଯୀଶୁ। ପେ ଆନିଙ୍ଗ୍ ଦୁକ୍ ବେଡ଼ପେନି!”

![](https://cdn.door43.org/obs/jpg/360px/obs-en-46-03.jpg)

ଶାଉଲ୍ ଉଡ୍‌ଇଲ୍ ତଗ୍‌ଡା ଗା ମାଇ ମାସା, ଜୁଜୁ ଆଙ୍ଗଙ୍ଗା। ମାଏନ୍ ସାଙ୍ଗ୍‌ଲେ ଆମାଇ ଦମ୍ମେସ୍‌କ ବ ଉରିଙ୍ଗୋ ରୁଙ୍ଗା । ଶାଉଲ୍ ତିନ୍ ଦିନ୍ ଜାକ ମା ସା ଆସୁମ୍ ତୋ କି ଆଉତ ।

![](https://cdn.door43.org/obs/jpg/360px/obs-en-46-04.jpg)

ହନନିୟ ଅମିନା ମୁଇ ଶିଷ୍‌ ଦମ୍ମେସକ୍ ବ ଡିକୁଡେଙ୍ଗା। ଈଶ୍‌ପର୍ ଆମାଇ ସୁନ୍, “ ଶାଉଲ ଡିକୁନ୍ ଡିଅ ବ ୟା। ମାଇନ୍ ବାଗବ୍ ତିତିବୁଙ୍ଗ୍ ମିରିକି ମାଇ ଜୁଜୁ ଗଙ୍ଗ୍ ତା।” ମାତର୍ ନହନିୟ ସୁନ, “ଈଶ୍‌ପର୍,କନ୍ ରେମ୍ ମିରି ଆବିଶାସ୍ ଡେଡେମ୍ ଦୁକ୍ ଡ଼େମତା ଗିତିସା ନିଙ୍ଗ୍ ମାଗ ଡିଙ୍ଗ୍।” ଈଶ୍‌ପର୍ ଆମାଇ ଉତର୍ ବେଡ, “ ୟା! ଯିହୁଦୀ ମାରି ପାଲ୍ ମରେମ୍ ଜାତୀ ଲେନ୍‌ବ ନୀଙ୍ଗନା ଅମି ସୁଁସୁଁ ପାଲାଇ ନିଙ୍ଗ୍ ଆମାଇ ବାଚଲତିଙ୍ଗ୍ । ମାଇ ନିଙ୍ଗ୍‌ନା ଅମି ପାଲାଇ ଜବର୍ ଦୁଖ୍ କଷ୍ଟ ବାଙ୍ଗ୍‌ତା।

![](https://cdn.door43.org/obs/jpg/360px/obs-en-46-05.jpg)

ଗିତିନ୍ ସା ହନନିୟ ଶାଉଲ୍ ଡିକୁନ୍ ଡିଅବ ଇଗା,ମାଇନ୍ ବାଗ୍‌ବ ତରୋଇନା ତିତି ବୁଙ୍ଗ ମାରି ସୁନ “ନ ଆକା ସାକୁନ୍ ବେଲା ଆର୍‌ନା ଯୀଶୁ ଆନ ଦର୍‌ସନ୍ ବେଡତା,ମାଇ ଆନିଙ୍ଗ୍ ନନ୍‌କଣ୍ଡେ ବେଟାୟତା ମିରିକି ନ ତରୋଇନା ମ ଜୁଜୁନା ବପୁ ବାବାଙ୍ଗ୍ ଗଙ୍ଗ୍‌ତନ,ମାରି ପବିତ୍‌ର ଆତ୍‌ମାବ ବର୍‌ଇତ୍‌ନ।ଶାଉଲ୍ ଦାପେ ଦାପ୍‌ରେ ମ ଜୁଜୁନ୍ ବପୁ ପାଲାଇ ଜୁଜୁଗଙ୍ଗା, ମାରି ହନନିୟ ଆମାଇ ଡିବନ୍ ବେଡ।ମାଇନ୍ ତୁର୍‌ଗୁ ଶାଉଲ ଇତି କିୟାଙ୍ଗ୍ ସୁମ ମାରି ବପୁ ବାବାଙ୍ଗ୍ ଗଙ୍ଗା

![](https://cdn.door43.org/obs/jpg/360px/obs-en-46-06.jpg)

ଚଟ୍‌ନା ଶାଉଲ ଦମେସକ୍‌ବ ଡିକୁନ୍ ଯିହୁଦୀଲେନ୍ କଣ୍ଡେ କନ୍ ପର୍‌ଚାର୍ ଡେଡେମ୍ ସା ଆରାମ୍ ଡ଼େମ “ଯୀଶୁ ଆକା ଈଶ୍‌ପର୍‌ନା ଗୁ!ଜା ରେମ ଆବିସ୍‌ବାସିଲେ ବୁଡାଇବାର୍ ପାଲାଇ ଚେସ୍‌ଟା ଡେଡେମ୍ ଡେଙ୍ଗା ମାରି ମାଇ ଜେ ଅଇ ଯୀଶୁନ୍‌ବ ବିସ୍‌ବାସ୍ ଡେମ୍‌ତ ମାଇ କାତା ବ ଯୀହୁଦିଲେ କାବା ଡେଙ୍ଗା।ଶାଉଲ ଯିହୁଦିଲେ ବେରଙ୍ଗ୍ ସେ କିରମର ଡ଼େମସେ ପର୍‌ମାନ୍ ଡ଼େମ ଜେ ଯୀଶୁ ଆକା କିସ୍‌ଟ।

![](https://cdn.door43.org/obs/jpg/360px/obs-en-46-07.jpg)

ଜବର୍ ଦିନ୍ ତୁର୍‌ଗୁ,ଆଶାଉଲ ଅଡାବ୍‌ବାର୍ ପାଲାଇ ଯିହୁଦିଲେ ଯଜନା ଡ଼େମ।ମାଏଲେ ଆମାଇ ଅଡାବ୍‌ବାର୍ ପାଲାଇ ଉଙ୍ଗ୍‌ମବ ଗାଗାଇନା ଗାରିବଲେ ଜାଗ୍‌ବାର୍ ପାଲାଇ ଆରେମଲେ ବେଟାୟ।ମାତର୍ ଶାଉଲ୍ ଗୁନ୍ ଯଜନା ଡ଼େମକୁନ୍ କାତା ଅଅଁଙ୍ଗ୍ ଗଙ୍ଗା,ମାରି ଆତିନେ ପିସଲ୍ ସେ ଇପାଲାଇ ମାଇନା ସଙ୍ଗ୍ ରେମ ସାଇଜ ଡ଼େମ।ମୁଇ ମିଣ୍ଡିଲ ମାଏଲେ ମୁଇ ଟାକ୍‌ଲାବ ଆମାଇ କାନ୍ତ୍‌ନା ବାଗ୍‌ବ ନାନେ ଜଗ୍‌ତ ଅଜର ବେଡ।ଶାଉଲ ଦମେସକ୍ ନାନେ ପିସଲ୍‌ସେ ଇକୁନ୍ ତୁର୍‌ଗୁ ମାଇ ଯୀଶୁନା କାତା ପର୍‌ଚାର୍ ଡେଡେମ୍ ମୁଲାୟ।

![](https://cdn.door43.org/obs/jpg/360px/obs-en-46-08.jpg)

ମାଇନା ତୁର୍‌ଗୁ,ଶାଉଲ ଶିଷ୍‌ଲେ ବେରଙ୍ଗ ବେଟ୍ ଡେଡେଙ୍ଗ୍ ପାଲାଇ ଯିରୁଶାଲାମ୍‌ବ ଇଗା,ମାତର୍ ମାଏଲେ ଆମାଇ ବୁତୁଙ୍ଗ୍ ଡେଙ୍ଗା। ତୁର୍‌ଗୁ ବର୍ଣ୍ଣବା ଅମିନା ମିଣ୍ଡା ବିସ୍‌ବାସି ଶିଷ୍‌ଲେ କଣ୍ଡେ ଆଶାଉଲ ରୁଙ୍ଗା। ମାଇ ଆମାଏଲେ ସୁନ ଜେ ଶାଉଲ ମିରିକି ଦମେସକ୍‌ବ ଶକ୍ତିଗ୍ ସେ ପର୍‌ଚାର୍ ଡେଡେମ୍ ଡେଙ୍ଗା। ମାଇନା ତୁର୍‌ଗୁ,ଶିଷ୍‌ଲେ ଆଶାଉଲ ବିସ୍‌ବାସ୍ ଡ଼େମ।

![](https://cdn.door43.org/obs/jpg/360px/obs-en-46-09.jpg)

ଆର୍‌ନା ବିସ୍‌ବାସିଲେ ଦୁକ୍ କସ୍‌ଟ ବାଙ୍ଗ୍‌ସେ ଯିରୁଶାଲାମ୍ ଅନ୍‌ତୁର ସେ ଡୁଙ୍ଗ୍ ଡିଗା, ମାଏଲେ ଆନ୍ତିୟକିଆ ଜାକ ଇସେ ଯୀଶୁନା କାତା ପର୍‌ଚାର୍ ଡେଡେମ୍ ଲାଗ୍‌ଗା। ଆନ୍ତିୟକିଆ ବ ଡିକୁନ୍ ଜବର୍ ରେମଲେ ଯିହୁଦୀରେମ୍‌ ଆଡିତା,ମାତର୍ ପର୍‌ତୁମ୍ ତର୍ ପାଲାଇ ମାଏନ୍ ବିତ୍‌ରେ ଜବର୍ ବିସ୍‌ବାସି ଡେଙ୍ଗା। ବର୍ଣ୍ଣବା ମାରି ଶାଉଲ୍ ଆର ଡିକୁନ୍ ତିମେ ବିସ୍‌ବାସ୍ ରେମ୍ ଯୀଶୁନା କାତା ଜବର୍ ଶିକ୍‌ଆ ବେବେ ପାଲାଇ ମାରି ଆମଣ୍ଡଲି ଡାଟାମ୍ ଡେଡେମ୍ ପାଲାଇ ଇଗା। ଆନ୍ତିୟକିଆ ମଣ୍ଡଲିବ ଡିକୁନ୍ ଆବିସ୍‌ବାସିଲେ ପର୍‌ତୁମ୍ “କିସ୍‌ଟାନ୍‌ନି” ଡସେ ସୁନ।।

![](https://cdn.door43.org/obs/jpg/360px/obs-en-46-10.jpg)

ମିସିଙ୍ଗ୍,ଆନ୍ତିୟକିଆ ମଣ୍ଡଲିବ ଡିକୁନ୍ କିସ୍‌ଟାନ୍‌ଲେ ଆଙ୍ଗ୍‌ଡାଗ୍ ପାର୍‌ତନା ଡେଡେମ୍ ଡେଙ୍ଗା। ପବିତ୍‌ର ଆତ୍‌ମା ଆମାଏଲେ ସୁନ,“ ବର୍ଣ୍ଣବା ମାରି ଆଶାଉଲ ଆର୍‌ନା କାମ୍ ପାଲାଇ ନିଙ୍ଗ୍ ବାଚ୍‌ଲ ତିଙ୍ଗ୍ ଗିତିନ୍ ପାଲାଇ ଆମାଏଲେ ନିଙ୍ଗ୍ ପାଲାଇ ପାଲ୍ ଡେମ୍।” ଗିନ୍‌ସା ଅନ୍ତିୟକିଆ ମଣ୍ଡଲିବ ବର୍ଣ୍ଣବା ମାରି ଶାଉଲ ପାଲାଇ ପାର୍‌ତନା ଡ଼େମସେ ମାଏନ୍ ବାଗ୍‌ବ ସରପ୍‌ଲ ବେଡ। ମାଇନା ତୁର୍‌ଗୁ ଆଏଲେ ଜବର୍ ଟାନ୍‌ବ ଲେ ଯୀଶୁନା କାତା ବାନି କବର୍ ପର୍‌ଚାର୍ ଡେଡେମ୍ ପାଲାଇ ଆମାଏ ବେଟାୟ। ବର୍ଣ୍ଣବା ମାରି ଶାଉଲ୍ ପାଲ୍ ପାଲ୍ ଜାତିନା ଆରେମଲେ ଶିକ୍‌ଆ ବେବେ ମୁଲାୟ ମାରି ଜବର୍ ରେମ ଈଶ୍‌ପର୍ବ ବିସ୍‌ବାସ୍ ଡେଡେମ୍ ପାଲାଇ ଆରାମ୍ ଡ଼େମ।

*ବାଇବଲର ଏକ କାହାଣୀ:ପ୍ରେରିତ ୮:୩; ୯:୧-୩୧; ୧୧:୧୯-୨୬; ୧୩:୧-୩୪୭*

Audio: https://git.door43.org/OBS-TLF/bfw_obs/releases/download/v1/bfw_obs_v1_46_128kbps.m4a

## 47. ୪୭. ପିଲିପ୍ ବ ପାଉଲ୍‌ ମାରି ଶିଲା

https://openbiblestories.org/l/bfw/story-47/

![](https://cdn.door43.org/obs/jpg/360px/obs-en-47-01.jpg)

ଶାଉଲ ରୋମାନ୍ ରାଜି ବ ଇଡେଙ୍କୁନ୍ ବେଲା ମାଇ ମାଇନା ରୋମିୟ ଅମି ‘ପାଉଲ’ ବେବାର୍ ଡେଡେମ୍‌ ମିସିଙ୍ଗ୍ ଯୀଶୁନ୍‌ କାତାନା ବାନି କବର୍ ସୁସୁ ପାଲାଇ ଶାଉଲ୍ ମାରି ମାଇନା ସାଙ୍ଗ ଶିଲା ଫିଲିପ୍‌ନା ଉଙ୍ଗମ୍‌ବ ଇଗା।ମାଏଲେ ଉଙ୍ଗମ୍ ନ ବାଇରି କିଣ୍ଡା ପାଲି ଡିକୁନ୍ ମୁଇ ଟାନ୍ ବ ଇଗା।ଆର୍‌କି ରେମଲେ ପାର୍‌ତନା ଡେଡେମ୍ ପାଲାଇ ସାମୁଇବ ଡେଙ୍ଗ୍ ଡିଗା। ଆର ମାଏଲେ ଲୁଦିଆ ଅମିନା ମିଣ୍ଡା ବେପାରି ଆସେଲାନେ ଅଜୁଗା।ମାଇ ଆଈଶ୍‌ପର୍ ଆଲାଦ୍ ଡେଡେମ୍ ଡେଙ୍ଗା ମାରି ପୁଜା ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-47-02.jpg)

ଈଶ୍‌ପର୍ ଆଲିଡିହା ଯୀଶୁନ୍ ବିଷୟ୍‌ନା କବର୍ ବିସ୍‌ବାସ୍‌ ଡେଡେମ୍ ପାଲାଇ ସାଇଜ ଡ଼େମ। ମାରି ଆମାଇ ଆମାଇନା ଡିଅନ୍ ରେମ ପାଉଲ୍ ମାରି ଶିଲା ଡୁବନ୍ ବେଡ। ମାଇ ପାଉଲ୍‌ ମାରି ଆଶିଲା ମାଇନା ଡିଅବ ଡିକୁ ପାଲାଇ ୱାୟ, ଗିତିନ୍‌ସା ମାଏଲେ ଆର ଡିଗା।

![](https://cdn.door43.org/obs/jpg/360px/obs-en-47-03.jpg)

ଯିହୁଦୀଲେ ପାର୍‌ତନା ଡେଡେମ୍ ନା ଟାନ୍ ବ ପାଉଲ୍‌ ମାରି ଶିଲା ରେମଲେ ବେରଙ୍ଗ୍‌ ମିସ୍‌ବାର ଡେଙ୍ଗା। ଗୁଲାଇ ଦିନ୍ ମାଏଲେ ଆର ଇବେଲା ମୁୟଙ୍ଗ ଭୁତ୍ ସବକୁନ୍ ମିଣ୍ଡା ଦାସି ମାଏନା ଗୁଡୁଙ୍ଗ୍ ଗୁଡୁଙ୍ଗ୍ ଇ ଡେଙ୍ଗା। କନ୍ ଭୁତ୍ ବେରଙ୍ଗ୍ ମାଇ ରେମଲେନା ଆଗ୍‌ତୁ ଗଟ୍‌ବାର୍‌ନା କାତାଲେ ସୁସୁଡେଙ୍ଗା, ଗିତିନ୍ ସା ମାଇ ଆଗ୍‌ତୁ ଗ୍‌ଟ୍‌ବାର୍‌ନା କାଥାଲେ ସୁନ୍ ସେ ତରଇନା ଆସାଉକାର୍ ପାଲାଇ ଜବର୍ ଡାବୁ ଅରଜ୍ ବାର୍‌ଡେଙ୍ଗା।

![](https://cdn.door43.org/obs/jpg/360px/obs-en-47-04.jpg)

ମାଏଲେ ଉରିଙ୍ଗସେ ଇ ବେଲା ଗିତିନ୍‌ ଭୁତ୍ ସବକୁନ୍‌ ଦାସି ଗୁଲାଇବେଲା ଆଉଲି ଡେଙ୍ଗ୍‌ସେ ସୁସୁ ଡେଙ୍ଗା, “କନ୍ ରେମଲେ ଗୁଲାଇ ରେମନ୍‌ ଈଶ୍‌ପର୍‌ନା ଦାସ୍‌ଲେ।ମାଏଲେ ମୁକ୍‌ତିନା ଗାରିନ୍‌ କାତା ସୁନନି!”ମାଇ ଚନେକ୍ ଚନେକ୍ ଡିକନ୍ ଡ଼େମ ଜେ ପାଉଲ୍ ରିସା ଡେଙ୍ଗା।

![](https://cdn.door43.org/obs/jpg/360px/obs-en-47-05.jpg)

ଡଡମ୍ ଲୋ ମିସିଙ୍ଗ୍‌ ଉଣ୍ତଇଲ ଗିତିନ୍ ଦାସି ଡାକୁଇ ଆଉଲି ଡେଙ୍ଗ୍‌ସେ ସୁସୁ ମୁଲାୟ, ପାଉଲ୍ ପାସଲ୍‌ସେ ଗିତିନ୍‌ ଦାସି ବ ଡିକୁନ୍ ଆଦୁଷ୍ଟ ଆତ୍‌ମା ସୁନ “ଯୀଶୁନ୍ ନା ଅମିବ କନଙ୍ଗ୍ ନାନେ ତୁର୍‌ସେ ୟା।”ଗିନ୍‌ଲୋ ଚଟ୍‌ନା ଗିତିନ୍ ଭୁତ୍ ଆମାଇ ଅନ୍‌ତୁରସେ ଡୁଙ୍ଗା

![](https://cdn.door43.org/obs/jpg/360px/obs-en-47-06.jpg)

ଗିତିନ୍ ଦାସିଡାକୁଇନା ସାଉକାର୍‌ଲେ ଜବର୍ ରିସା ଡେଙ୍ଗଇଗା!ମାଏଲେ ମାମାଗ୍‌ଗଙ୍ଗା ଜେ,ଗିତିନ୍‌ ଦାସି ଡାକୁଇ ନା ରେମଲେନା ଆଗ୍‌ତୁଗଟ୍‌ବାର୍‌ନା କାତାଲେ ସୁସୁ ଆଗଙ୍ଗ୍‌ତା।ଡେଙ୍ଗ୍‌ନାସା ରେମଲେ ମାଇନା ଆସାଉକାର୍‌ଲେ ମାଇନା ଆଗ୍‌ତୁନ୍ କାତା ସୁସୁ ପାଲାଇ ମାରି ଆମାଏ ଡାବୁ ବେବେସା ଆଲାଗ୍‌ତା।

![](https://cdn.door43.org/obs/jpg/360px/obs-en-47-07.jpg)

ଆତିନେ ଗିନ୍‌ ଦାସି ଡାକୁଇନା ସାଉକାର୍‌ଲେ, ପାଉଲ୍‌ ମାରି ଆଶିଲା ରୋମିୟ ମୁନାରେମ କଣ୍ଡେ ରୁଙ୍ଗଇଗା, ଜାଜାଲେ ପାଉଲ ମାରି ଆଶିଲା ବୁଗସେ ଜଇଲ୍ ବ ବନ୍ଦି ଡ଼େମ ।

![](https://cdn.door43.org/obs/jpg/360px/obs-en-47-08.jpg)

ମାଏଲେ ପାଉଲ୍ ମାରି ଆଶୀଲା ଜଇଲ୍‌ବ ଗିତିନ୍ ଟାନ୍‌ବ ବୁଙ୍ଗ ଆରିକି ଜବର୍ ଜାଗୁଆଲ୍ ରେମଲେ ଡିଗା।ମାଏଲେ ଆପାଦ୍‌ତେସୁଙ୍ଗ୍ ତୁଲ।ମାଏଲେ ମାଏନା ଆପାଦ୍‌ଲେ ମୁନା ମୁନା ମୁଟ୍‌ଲାବ ତୁଲବେଡ।ମରି ପାଉଲ୍ ମାରି ସିଲା ମଜା ମିଣ୍ତିବ୍ ଲୋ, ସେନେର୍ ଚେରସେ ଆଈଶ୍‌ପର୍ ସାର୍‌ଦା ଡେଡେମ୍ ଡେଙ୍ଗା।

![](https://cdn.door43.org/obs/jpg/360px/obs-en-47-09.jpg)

ଆର ଚଟ୍‌ନା,ଜବର୍ ବୋଇଁକାର୍‌ ମୁଇ ଭୁମିକମ୍ପ ଡେଙ୍ଗା।! ଜଇଲ୍‌ବ ଡିକୁନ୍ ଗୁଲାଇ କାପାଟ୍ ରୁଗ୍ ଇଗା, ମାରି ଗୁଲାଇ ଜଇଲ୍ ରେମ୍‌ନା ତିତିନାନେ ସିକ୍‌ଲିଲେ ଲଗ୍‌ଇଗା,

![](https://cdn.door43.org/obs/jpg/360px/obs-en-47-10.jpg)

ଜଇଲ୍‌ବନା ଜାଗୁଆଲ୍‌ଲେ ଲେମ ସେ ତଗ୍‌ଡାଗା।ମାରି ମାଏଲେ ଜୁଲ ଜେ ଜଇଲ୍ ବନା କାପାଟ୍‌ଲେ ଗୁଲାଇ ରୁଗ୍‌ଗିତା।ମାଏଲେ ଏତାୟ ଜେ ଗୁଲାଇ ଜଇଲ୍‌ରେମ୍ ତୁର୍‌ସେ ଡୁଙ୍ଗିତା।ଆଜଇଲ୍ ରେମ୍‌ଲେ ଅନ୍‌ତୁର ବେଡତା ଡସେ ରୋମିୟନ୍ ଶାସନ୍‌ ଡେଡେମ୍‌ ରେମ୍ ଆମାଏ ଅଡାବ୍‌ତ ଡ ଏତୁଗ୍‌ସେ ମାଏ ଗଗଇ ପାଲାଇ ଇଡେଙ୍ଗା!ମାତର୍ ପାଉଲ୍ ମାରି ଶିଲା ଗିତିନ୍ ଜୁଲ ସେ ଆଉଲି ଡେଙ୍ଗ୍ ସେ ସୁସୁ ମୁଲାୟ,”ଡିଗ୍‌ଲା !ଆତରଇ କଣ୍ତିଆକାବ୍‌ରା ଆଡ଼େମ ନେ ଗୁଲାଇ ଆକା ଡିତ୍‌ନେ।”

![](https://cdn.door43.org/obs/jpg/360px/obs-en-47-11.jpg)

”ଜଇଲ୍‌ନା ଜାଗୁଲ୍ ଉଣ୍ତଇଲ ପାଉଲ୍ ମାରି ଶିଲାନ୍ ବ ତର୍‌ତରେଙ୍ଗ୍ ତର୍‌ତରେଙ୍ଗ୍ ସାଗା ମାରି ସୁନ,ମୁକ୍ତି ବାବାଙ୍ଗ୍ ପାଲାଇ ନିଙ୍ଗ ମା ଡେମ୍‌ତିଙ୍ଗ୍?।ପାଉଲ୍ ଉତର ବେଡ “ଯୀଶୁନ୍ ବ ବିସ୍‌ବାସ୍ ଡେମ୍ ଡିତିନ୍‌ଲୋ ନ ମାରି ନନ୍ ଡିଅନ୍ ରେମ୍ ମୁକ୍ତି ବାନ୍‌ତପେ।”ମାଇନା ତୁର୍‌ଗୁ ଗିତିନ୍ ଜଇଲ୍ ବନ୍‌ ଜାଗୁଆଲ୍‌ରେମ ତରଇନା ଡିଅବ ପାଉଲ୍ ମାରି ଆଶୀଲା ରୁଙ୍ଗ୍ ସେ ମାଏନା ରେଗ୍‌ଡେଙ୍ଗ୍‌କୁନ୍‌ ଗୁଲାଇ ଗୁଡିଆଗ ବେଡ।ମାଏନ୍ ଡିଅବ ଡିକୁନ୍ ଆଗୁଲାଇ ରେମ ପାଉଲ୍ ଯୀଶୁନା ବାନି କବର୍ ପର୍‌ଚାର୍ ଡ଼େମ।

![](https://cdn.door43.org/obs/jpg/360px/obs-en-47-12.jpg)

ଜଇଲ୍ ଜାଗ୍‌ବାର୍‌ରେମ୍ ମାରି ଡିଅନ୍ ରେମ୍ ଗୁଲାଇ ଯୀଶୁନ୍‌ବ ବିସ୍‌ବାସ୍ ଡ଼େମସେ ଡୁବନ୍ ରୁଙ୍ଗା।ଜଇଲ୍ ଜାଗୁଆଲ୍ ପାଉଲ୍ ମାରି ଆଶୀଲା ସୁସୁମ୍ ପାଲାଇ ବେଡ ମାରି ମାଏଲେ ଗୁଲାଇ ସାମୁଇବ ସାର୍‌ଦା ଡେଙ୍ଗା।

![](https://cdn.door43.org/obs/jpg/360px/obs-en-47-13.jpg)

ମାର୍ ମିସିଙ୍ଗ୍ ଉଙ୍ଗମ୍‌ବନ୍ ନେତାଲେ ପାଉଲ୍ ମାରି ଆଶୀଲା ଜଇଲ୍‌ନାନେ ଆତୁର ମାରି ଆମାଏଲେ ଫିଲିପିନାନେ ଡୁଡୁଙ୍ଗ୍ ପାଲାଇ ସୁନ।ପାଉଲ୍ ମାରି ଶୀଲା ଲୁଦିଆ ମାରି ପାଲ୍ ଆଇଜା ସାଙ୍ଗଲେ ଅସିକୁନ୍ ତୁର୍‌ଗୁ ମାଏଲେ ଗିତିନ୍ ଉଙ୍ଗମ୍ ଅନ୍‌ତୁର।ଯୀଶୁନା ବାନି କବର ପର୍‌ଚାର୍ ଡେଙ୍ଗ୍ ସେ ଚାଲ୍‌ଗା,ମାରି ମଣ୍ଡଳୀ ଲନା ଜବର୍ ଡେଡେମ୍ ଲାଗ୍‌ଗା।

![](https://cdn.door43.org/obs/jpg/360px/obs-en-47-14.jpg)

ପାଉଲ୍ ମାରି ପାଲ୍ ବିସ୍‌ବାସିଲେନା ନେତାଲେ ଜବର୍ ସହର୍‌ ବୁଲ୍‌ଲ।ମାରି ଆରେମଲେ ଯୀଶୁନା ବାନିବାଇ କାତା ପର୍ ଚାର୍ ଡ଼େମସେ ସିକ୍‌ୟା ବେବେ ଲାଗ୍‌ଗା।ମାଏଲେ ମଣ୍ଡଳୀବଲେ ଡିକୁନ୍ ଆବିସ୍‌ବାସିଲେ ସାର୍‌ଦା ମରି ସିକ୍‌ୟା ବେବେ ପାଲାଇ ଜବର୍ ବଇଲେ ଲେକ୍‌ଲ।କନ୍ ବଇଲେନ୍ ନାନେ ଇତି ବାଇବଲ୍‌ନା ବଇଲେ ଡେଙ୍ଗା।

*ବାଇବଲ୍‌ନା ମୁଇ ଉସାରାମ୍;ପ୍ରେରିତ ୧୬;୧୧-୪୦।*

Audio: https://git.door43.org/OBS-TLF/bfw_obs/releases/download/v1/bfw_obs_v1_47_128kbps.m4a

## 48. ୪୮. ଯୀଶୁ ଆକା ପର୍‌ମାନ୍ ଡ଼େମକୁନ୍ କିସ୍‌ଟ

https://openbiblestories.org/l/bfw/story-48/

![](https://cdn.door43.org/obs/jpg/360px/obs-en-48-01.jpg)

ଅଇତିନ୍‌ଲ ଈଶ୍‌ପର୍ ଆଦର୍‌ତନି ତିଆର୍‌ଡ଼େମ,ଗୁଲାଇ ଜାକ ବାନି ଡିଗା ।ଆର ମାସା ପାପ୍ ଆଡିଗା। ଆଦମ୍ ମାରି ହବା ମାଏନ୍ ମାଏନ୍ ବିତ୍‌ରେ ଭାଲ୍‌ ବାବାଙ୍ଗ୍ ଡେଙ୍ଗା। ମାରି ମାଏ ଆଈଶ୍‌ପର୍ ଆଲାଦ୍ ଡେଡେମ୍ ଡେଙ୍ଗା। ଅଇତିନ୍‌ଲ ମାସା ରୋଗ୍ ବେମାର୍ ମାରି ଗଗୋଇନା ଆଡିତା। ଦର୍‌ତନି ଡିକନ୍ ଆକା ଡେମେ ଡସେ ମାପ୍‌ରୁ ଚାଁହିବାର୍ ଡେଙ୍ଗା।

![](https://cdn.door43.org/obs/jpg/360px/obs-en-48-02.jpg)

ଆହବା ନାଡାଇବାର୍ ପାଲାଇ ସଇତାନ୍ ମୁଇ ବୁବୁ ବେରଙ୍ଗ୍ କାତାସୁନ। ଗିତିନ୍‌ ତୁର୍‌ଗୁ ମାଇ ମାରି ଆଦମ୍ ଈଶ୍‌ପର୍ ବିରୁଦ୍‌ବ ପାପ୍ ଡ଼େମ। ମିରିକି ମାଏ ପାପ୍ ଡ଼େମ, ଗିତିନ୍ ପାଲାଇ ଦର୍‌ତନିବ ଡିକୁନ୍ ଗୁଲାଇରେମ୍ ଗୋଇଗାନି

![](https://cdn.door43.org/obs/jpg/360px/obs-en-48-03.jpg)

ମିର୍‌କି ଆଦମ୍ ମାରି ଅବା ପାପ୍ ଡ଼େମ,କନଙ୍ଗ୍ ନାନେ ମାରି ଜବର୍‌ ବୋଇଁକାର ବାଇ ଘଟ୍‌ତା। ମାଏଲେ ଈଶ୍‌ପର୍‌ନା ସତ୍‌ରୁ ଡେଙ୍ଗା। କନଙ୍ଗ୍‌ନା ସୁଗ,ଗିତିନ୍ ଦିନ୍ ନାନେ ଜନମ୍ ଡେଙ୍ଗ୍ କୁନ୍ ଗୁଲାଇ ରେମ ପାପ୍‌ନା ଗୁନ୍ ଡେଙ୍ଗ୍‌ସେ ଜନମ୍ ରୁଙ୍ଗ୍‌ତା ମାରି ଈଶ୍‌ପର୍‌ନା ସତ୍‌ରୁ ଡ଼େନ୍‌ତା । ଈଶ୍‌ପର୍ ମାରି ରେମଲେନ୍‌ବ ଶାନ୍ତି ଆଡିତା। ମାତର୍ ଈଶ୍‌ପର୍ ଶାନ୍ତି ଡେଡେମ୍‌ସା ମନ୍‌ଡିଗା।

![](https://cdn.door43.org/obs/jpg/360px/obs-en-48-04.jpg)

ଈଶ୍‌ପର୍ ପର୍‌ମାନ୍ ଡ଼େମସେ ଡ଼େମ ଜେ ହବାନା କୁଲ୍‌ନାନେ ଜନମ୍ ଡେଙ୍ଗ୍‌କୁନ୍ ମିଣ୍ଡା ସଇତାନ୍ ନା ଆବବ୍ ଚପ୍‌ଲ ବେତ ମାରି ସଇତାନ୍ ମାଇନା ପାଦ୍‌ତେଗ୍ ସୁଙ୍ଗ୍ ହବ୍‌ତ। କନଙ୍ଗ୍ ନା ଅରତ୍ ଡେଙ୍ଗାନି ଜେ, ସଇତାନ୍ ଆକିସ୍‌ଟ ଅଡାବ୍‌ତ,ମାତର୍ ଈଶ୍‌ପର୍ ଆମାଇ ଗଇକୁନ୍ ନାନେ ମାର୍‌ମୁସ ଅତଡ଼ାଗ୍‌ତ। ମାରି ଗିତିନ୍‌ ତୁର୍‌ଗୁ କିସ୍‌ଟ ଗୁଲାଇଦିନ୍ ପାଲାଇ ସଇତାନ୍ ନା ଆବପୁ ନସ୍‌ଟ ଡେମ୍‌ତ। ଜବର୍ ବରଷ୍ ତୁର୍‌ଗୁ, ଈଶ୍‌ପର୍ ଅମାଗ ଜେ ଯୀଶୁ ଆକା ଗିତିନ୍‌ କିସ୍‌ଟ

![](https://cdn.door43.org/obs/jpg/360px/obs-en-48-05.jpg)

ଈଶ୍‌ପର୍ ଆନୋହ ମାରି ଆମାଏନ୍ ଡିଅନ୍‌ରେମ୍ ମାଇ ବେଟାୟକୁନ୍ ଉଡିଆଗ୍ ଡାଗ୍ ନାନେ ରକିଅ ଡେଡେମ୍ ପାଲାଇ ମୁଇ ଡ଼ଙ୍ଗା ତିଆର୍‌ଡେଡେମ୍ ପାଲଇ ସୁନ। ଗିତିନ୍ ସୁଗ ଈଶ୍‌ପର୍ ମାଏନ୍‌ବ ବିସାସ୍ ଡ଼େମକୁନ୍ ଆରେମଲେ ରକିଆ ଡ଼େମ। ସତ୍ ଗିତିନ୍‌ସୁଗ,ଗୁଲାଇ ରେମ ତରଇ ତରଇ ପାଲାଇ ଇଶ୍‌ପର୍‌ ବେରଙ୍ଗ୍ ବୁଡ୍ଇନା ସୁଗ ଡିଗା। ମାରି ଜା ଜାଲେ ବିସାସ୍ ଡ଼େମ ମାଇ ଆଗୁଲାଇ ରେମ ରକିଆ ଡେଡେମ୍ ପାଲାଇ ଈଶ୍‌ପର୍ ଆଯୀଶୁ ବେଟାୟ।

![](https://cdn.door43.org/obs/jpg/360px/obs-en-48-06.jpg)

ପୁଜାରିଲେ ଜବର୍ ବରସ୍ ସବସେ ଈଶ୍‌ପର୍ନ୍‌ସା ସେସେବ୍‌ଡେଙ୍ଗା। କନା ଅମାଗ୍ ତ ଜେ ରେମଲେ ପାପ୍ ଡ଼େମତା ମାରି ମାଏଲେ ଈଶ୍‌ପର୍‌ନା ଦଣ୍ତ ବାବାଙ୍ଗ୍ ସୁଗା ଡିତା। ମାରି ଗିତିନ୍ ଗୁଲାଇ ସେବକୁନ୍ ମାଏନା ପାପ ଗୁଲାଇ କେମା ଡେଡେମ୍ ଆଗଙ୍ଗ୍ ତା। ମା ପୁଜାରିଲେ ଡେଡେମ୍ ଗଙ୍ଗ୍ ଆଡିତା,ଗିତିନ୍ ଯୀଶୁ ଡ଼େମ। ମାଇ ଗୁଲାଇ ରେମନ୍ ପାପ୍ ନା କେମା ପାଲାଇ ଅସେବ୍‌ଗା। ମାଇ ନାଇନା ପାପ୍ ନା ଆଡଣ୍ତ ଗୁଲାଇ ତରଇ ଡନ। କନା ପାଲାଇ ମାଇ ମୁନା ପୁଜାରି ଡେଙ୍ଗିତା।

![](https://cdn.door43.org/obs/jpg/360px/obs-en-48-07.jpg)

ଈଶ୍‌ପର୍ ଆ ଆବ୍ରାହମ୍ ସୁନ,“ନେ ପେନ୍ ବେରଙ୍ଗ୍ ଡର୍‌ତନି ବନା ଗୁଲାଇ ଆଜାତି ଆଶିର୍‌ବାଦ୍ ଡେମ୍‌ତନେ।” ଯୀଶୁ ଆବ୍ରାହମ୍ ଲେନା ମିଣ୍ଡା କୁଲ୍‌ରେମ୍ ଡିଗା। ଈଶ୍‌ପର୍ ଆ ଆବ୍ରାହମ୍ ବେଡେସେ ଆଗୁଲାଇ ଜାତି ଆଶିର୍‌ବାଦ୍ ଡେମ୍‌ତ,ମାସାଡନା ଈଶ୍‌ପର୍ ଯୀଶୁନା ଅମିବ ବିସ୍‌ବସ୍ ଡେଡେମ୍‌ନା ଗୁଲଇ ପାପ୍ ନାନେ ରକିଆ ଡେମ୍‌ତ,ମାରି ମାଇ ଆଗୁଲାଇ ଆବ୍ରାହମ୍ ନା କୁଲ୍ ରେମ୍‌ବ ସୁଗ ଡ଼େମତା।

![](https://cdn.door43.org/obs/jpg/360px/obs-en-48-08.jpg)

ଈଶ୍‌ପର୍‌ନା ଆ ଆବ୍ରାହମ୍ ମାଇନଅ ଗୁ,ଆଇଶାକ୍ ମାଇନ୍‌ବ ସେସେବ୍ ପାଲାଇ ସୁନ। ମାରି ମାଇନା ଗୁ ଆଇସାକ୍ ସେବ୍‌ନା ବାଦୁଲ୍ ଈଶ୍‌ପର୍ ମୁଇ ମେଣ୍ଡା ଟାନ୍‌ୟ। ନାଇ ଗୁଲାଇ ନାଇନା ପାପ୍ ପାଲାଇ ଗଗଇସୁଗ ଡିତ୍‌ନାଇ!ମାତର୍ ଈଶ୍‌ପର୍ ଆଯୀଶୁ ନଇନା ଟାନ୍‌ବ ମୁଇ ସେସେବ୍ ସୁଗ ଗଗଇ ପାଲାଇ ବେଡ। ମାରି ଗିତିନ୍ ପାଲାଇ ନାଇ ଆ ଯୀଶୁ ମାପୁନା ମେଣ୍ଡା ହଁଅ ଡସେ ସୁନ୍‌ତ ନାଇ।

![](https://cdn.door43.org/obs/jpg/360px/obs-en-48-09.jpg)

ଈଶ୍‌ପର୍ ଉଣ୍ତଇଲ ମିଶର୍‌ବ ଡ଼ଡ଼ମ୍ ରୋଗ୍ ବେଟାୟ,ମାଇ ଗୁଲାଇ ଇସ୍ରାଏଲୀୟନା ଅ ଡିଆନ୍ ରେମ୍ ମୁଇ ମୁଇ ଆ ମେଣ୍ଡା ରୁଙ୍ଗସେ ସେସେବ୍ ପାଲାଇ ସୁନ। ଗିତିନ୍ ମେଣ୍ଡାବ ମାସା ଡୋଷ୍ ମ ଡିକୁ ଦର୍‌କାର୍। ମାଇନା ତୁର୍‌ଗୁ ମାଏ ମାଏନା ଦୁଆର୍ ବୁନ୍ଦ୍ ବାଗ୍‌ବ ଗିତିନ୍ ମେଣ୍ଡାନା ବନି ଲାଗାଇ ବାର୍ ଡିଗା। ଈଶ୍‌ପର୍ ଉଣ୍ଡଇଲ ବନି ଜୁଲ,ମାଇ ମାଏନା ଆଡିଅଲେ ଅନ୍‌ତୁର ମାରି ମାଏନା ଆଗ୍‌ତୁ ଜନମ୍ ଡ଼େମକୁନ୍ ଆଗୁଲେ ଆ ଅଡାବ୍ ତ। ଈଶ୍‌ପର୍‌ନା ଆକନ୍ ଘଟ୍‌ନା ନିସ୍ତାର୍ ପରବ୍ ସୁନ।

![](https://cdn.door43.org/obs/jpg/360px/obs-en-48-10.jpg)

ଯୀଶୁ ନାଇନା ନିସ୍ତାର୍ ପରବ୍ ନା ମେଣ୍ଡା।ମାଇ ଉଣ୍ଡଇ ଲନା ପାପ୍ ଆଡେମ୍ ତ, ଗିତିନ୍‌ସା ମାଇନ୍‌ବ ମାସା ଡସ୍ ଆଡିତା।ନିସ୍ତାର୍ ପରବ୍ ଲ ଆକା ଆମାଇ ଅଗଇସ ଡିଗା। ଉଣ୍ଡଇଲ ଜାସା ରେମ ଯୀଶୁନ୍ ବ ବିସ୍‌ବାସ୍ ଡେମ୍‌ତ, ଡିତିନ୍‌ଲୋ ଯୀଶୁନ୍ ବନି ଗିତିନ୍‌ ରେମନା ଆପାପ୍‌ ଗୁଡିୟାଗ୍‌ତ । ମାରି ସତୟ ମିରିକି ଈଶ୍‌ପର୍ ଆତିନ୍ ରେମ ଡଣ୍ଡ୍ ନାନେ ରକିଆ ଡ଼େମତା,ମାସାଡନା ମାଇ ଆମାଇଡଣ୍ଡ୍ ଆବେତ।

![](https://cdn.door43.org/obs/jpg/360px/obs-en-48-11.jpg)

ଈଶ୍‌ପର୍ ଇସ୍ରାଏଲିୟଲେ ବେରଙ୍ଗ୍ ମୁଇ ନିୟମ୍ ଡ଼େମ,ମାସାଡନା ମାଏଲେ ମାଇନା ବାଚ୍‌ଲକୁନ୍ ରେମ ଡିଗା। ମାତର୍ ଅଇ ଈଶ୍‌ପର୍ ଗୁଲାଇ ରେମ ପାଲାଇ ମୁଇ ତିମେବାଇ ନିୟମ୍ ଡ଼େମତା। କନ୍ ତିମେ ନିୟମ୍ ବେରଙ୍ଗ୍, ଆର୍‌ନାସା ରେମଜାତିନା ଆର୍ ନାସା ରେମ ଆକନ୍ ତିମେ ବାଇ ନିୟମ୍ ମାନ୍‌ସେ ଯୀଶୁନ୍ ବ ବିସ୍‌ବାସ୍ ଡେଡେମ୍‌ସା, ମାଇ ଈଶ୍‌ପର୍‌ନା ରେମଲେନା ମୁଇ ଇଶ୍‌ପର୍‌ ରେମ ଡ଼େନ୍‌ତା।

![](https://cdn.door43.org/obs/jpg/360px/obs-en-48-12.jpg)

ମୋଶା ମିଣ୍ଡା ମୁନା ବାବବାଦି ଡିଗା ଜାକି ଈଶ୍‌ପର୍‌ନା କାତା ବପୁଗ୍‌ସେ ସୁସୁ ଡେଙ୍ଗା। ମାତର୍ ଯୀଶୁ ଗୁଲାଇ ବାବବାଦିଲେ ନାନେ ଜବର୍ ମୁନା ବାଇ। ମାଇ ଈଶ୍‌ପର୍,ଗିନ୍‌ସା ମାଇ ମାମାଡ଼େମ ମାରି ସୁନ ଗିତିନ୍ ଈଶ୍‌ପର୍‌ନା କାମ୍ ମାରି ଈଶ୍‌ପର୍‌ନା କାତା ଡିଗା। କନଙ୍ଗ୍‌ସା ସାସ୍‌ତର୍ ଆଯୀଶୁ ଈଶ୍‌ପର୍‌ନା ବାକିୟ ଡସେ ସୁନ୍‌ତ।

![](https://cdn.door43.org/obs/jpg/360px/obs-en-48-13.jpg)

ଈଶ୍‌ପର୍ ରାଜା ଆଦାଉଦ ପର୍‌ମାନ୍ ଡ଼େମ ସୁନ ଜେ ମାଇନା କୁଲ୍‌ରେମ ନାନେ ମିଣ୍ଡା ଈଶ୍‌ପର୍‌ନା ରେମଲେନ୍ ବାଗ୍‌ବ ଗୁଲାଇ ବେଲା ଜାକ ଶାସନ୍ ଡେନ୍‌ତ। ଯୀଶୁ ଈଶ୍‌ପର୍‌ନା ଗୁ ମାରି କିସ୍‌ଟ,ମାଇ ଦାଉଦନା କୁଲ୍‌ରେମ୍ ଜା ଗୁଲାଇ ବେଲେ ଜାକ ଶାସନ୍ ଡେମ୍‌ତ।

![](https://cdn.door43.org/obs/jpg/360px/obs-en-48-14.jpg)

ଦାଉଦ ଇସ୍ରାଏଲ୍‌ନା ରାଜା ଡିଗା,ମାତର୍ ଯୀଶୁ ଜୁଲାଇ ଦର୍‌ତନିନା ରାଜା!ମାଇ ମାରିମୁସ ସାବ୍‌ତା ମାରି ନିଆଇ ଶାନ୍ତିବେରଙ୍ଗ୍ ଗୁଲାଇ ବେଲ ଜାକ ଶାସନ୍ ଡେମ୍‌ତ।

*ବାଇବଲ୍‌ନା ମୁଇ ଉସାରାମ୍ :ଆଦି ପୁସ୍ତକ ୧-୩,୬,୧୪,୨୨ଜାତ୍ରା ୧୨,`୨୦;ଶାମୁୟେଲ୍ ୭;ଏବ୍ରୀ ୩:୧-୬:୪:୧୪-୫:୫:୧୦*

Audio: https://git.door43.org/OBS-TLF/bfw_obs/releases/download/v1/bfw_obs_v1_48_128kbps.m4a

## 49. ୪୯. ଈଶ୍‌ପର୍‌ନା ତିମେ ନିୟମ୍‌

https://openbiblestories.org/l/bfw/story-49/

![](https://cdn.door43.org/obs/jpg/360px/obs-en-49-01.jpg)

ମୁଇ ସରଗ୍‌ଦୁତ୍‌ ସେଲାନେ ଡିକୁନ୍ ଆମରିୟମ୍ ସୁନ,ଜେ ମାଇ ଈଶ୍‌ପର୍‌ନା ଆ ଗୁ ଜନମ୍ ବେତ। ମାଇ ଅଇ ଜାକ ସେଲାଙ୍ଗ୍ ସେ ଆକା ଡିଗା,ମାତର୍‌ ପବିତ୍‌ର ଆତ୍‌ମାଆମାଇ ବାଗ୍‌ବ ସାଗା ମାରି ମାଇ ଗାଗ୍‌ଡେ ଡେଙ୍ଗା। ଗିତିନ୍‌ସା ମାଇ ମୁଇ ଗୁ ଜନମ୍ ଡ଼େମ ମାରି ମାଇନା ଅମି ଯୀଶୁ ବେଡ। ଡନା, ଯୀଶୁ ଉମ୍ବାର ଈଶ୍‌ପର୍ ମାରି ରେମ ।

![](https://cdn.door43.org/obs/jpg/360px/obs-en-49-02.jpg)

ଯୀଶୁ ଜବର୍‌ ରାଗ୍‌ତିଗ୍ ନା କାମ୍‌ଲେ ଡ଼େମ ଆର୍‌ନା ମାଇ ଈଶ୍‌ପର୍‌ନା ଗୁ ଡସେ ଅମାଗ୍‌ତ। ମାଇ ଡାଗ୍ ବାଗ୍‌ବ ଉରିଙ୍ଗ ମାରି ଆଉଡ଼ିଆଗ୍ ଡାଗ୍ ପୁଣ୍ଡାୟ,ଜବର୍ ଆରୋଗି ରେମ୍ ବାନି ଡ଼େମ,ରେମଲେନ୍ ନାନେ ଭୂତ୍‌ଲେ ଚାଡାୟ। ଆ ଗଇକୁନ୍‌ରେମ୍ ଜିବନ୍ ଡ଼େମ, ମାରି ୫୦୦୦ ନାନେ ଆଜବର୍ ରେମ ପାଚଟା ରୁଟି ମାରି ଉମ୍ବା ଆର୍ ଆଡ଼ଙ୍ଗ୍ ବେରଙ୍ଗ୍ ଜବର୍ ସୁଗ ଆସୁମ।

![](https://cdn.door43.org/obs/jpg/360px/obs-en-49-03.jpg)

ଯୀଶୁ ମିଣ୍ଡା ମୁନାବାଇ ମାଷ୍ଟେର୍ ଲନା ଡିଗା। ମାରି ମାଗୁଲାଇ ମାଇ ଶିକିୟା ବେଡ,ମାଇ ବାନି ଶିକିଆ ବେଡ। ମା ଗୁଲାଇ ମାଇ ଶିକିଆ ବେଡ଼ତା ରେମଲେ ଗିତିନ୍‌ ଗୁଲଇ ମାନ୍ ବାର୍ ଦର୍‌କାର୍ ମାସାଡନା ମାଇ ଈଶ୍‌ପର୍‌ନା ଗୁ। ବୁଜାୟକୁନ୍ ସୁଗ, ମାଇ ଶିକିୟାବେଡ ସେ ସୁନ ଜେ ନ ମିରି ଆତରଇ ଆଲାଡ୍ ଡେମ୍ ନନ ଡିତିନା ଆପାଲ୍ ରେମ ଲନା ଆଲାଡ୍ ଡେଡେମ୍ ଦର୍‌କାର୍।

![](https://cdn.door43.org/obs/jpg/360px/obs-en-49-04.jpg)

ମାଇ ମାରି ଲନା ଶିକିଆ ବେଡ ଜେ, ପେ ତରୋଇନା ଗୁଲାଇ ନାନେ ଜବର୍ ଆଈଶ୍‌ପର୍ ଆଲାଦ୍ ଡେମ୍ । ପେନ୍ ଦନ୍ ଦଲତ୍ ନାନେ ଲନା ଜବର୍।

![](https://cdn.door43.org/obs/jpg/360px/obs-en-49-05.jpg)

ଯୀଶୁ ସୁନ ଜେ ଦର୍‌ତନିବ ଡିକୁନ୍ ମାସା କାତା ବାବାଙ୍ଗ୍ ନା ତୁର୍‌ଗୁ ଈଶ୍‌ପର୍‌ନା ରାଜିବ ଗାଗାଇ ନା ଜବର୍ ବାନି। ଈଶ୍‌ପର୍‌ନା ରାଜିବ ଗାଗାଇ ପାଲାଇ,ଈଶ୍‌ପର୍ ଆପେ ସତଇସା ପେନା ପାପ୍ ନାନେ ଉଦାର୍ ବାବାଙ୍ଗ୍ ପଡ଼ତା।

![](https://cdn.door43.org/obs/jpg/360px/obs-en-49-06.jpg)

ଯୀଶୁ ସୁନ,ଇତି ରେମ ଆମାଇ ବାମ୍‌ତା। ମାରି ଈଶ୍‌ପର୍ ଆମାଏଲେ କେମା ଡେମ୍‌ତ।ଡେଙ୍ଗ୍‌ନାସା ପାଲ୍ ରେମଲେ ଆମାଇ ଆରୁଙ୍ଗ୍‌ତା। ମାଇ ସୁନ ଜେ ଇତି ରେମ ବାନିବାଇ ତୁବୁଗ୍ ସୁଗ। ମାସାଡନା ମାଏଲେ ଯୀଶୁନାବିଷୟ୍ ନା ବାନି କବର୍ ସବ୍‌ତ ମାରି ଈଶ୍‌ପର୍ ଆମାଏଲେ ରକିଆ ଡେମ୍‌ତ। ଡେଙ୍ଗ୍‌ନାସା ପାଲ୍ ରେମଲେ ଗାରିବନା ଆଟୁଆ ତୁବୁଗ୍ ସୁଗ। ଈଶ୍‌ପର୍‌ନା ବାକିୟ ମନ୍‌ଜି ସୁଗ ଗିତିନ୍ ଆଟୁଆ ବାଇ ଗାରିବ ଲଗ୍‌ତା ମାତର୍ ଆର ମାସା ଫଲ୍ ଆସୁହୁତା। ମାଏଲେ ଯୀଶୁ ନ୍ ବିଷୟ୍ ବାନି କବର୍ ଆରୁଙ୍ଗ୍ ତା।ମାଏଲେ ମାଇନା ରାଜିବ ଗାଗାଇ ସା ମନା ଡେମ୍‌ତ।

![](https://cdn.door43.org/obs/jpg/360px/obs-en-49-07.jpg)

ଯୀଶୁ ଶିକିଆ ବେଡ ଜେ ଈଶ୍‌ପର୍ ଆପାପି ଲେ ଜବର୍ ଆଲାଦ୍ ଡେମ୍‌ତ। ମାଇ ଆମାଏଲେ କେମା ଡ଼େମସେ ମାଇନା ଅଁହ ଡେଡେମ୍ ପାଲାଇ ଚାଇଁତ।

![](https://cdn.door43.org/obs/jpg/360px/obs-en-49-08.jpg)

ଯୀଶୁ ଆନେଲେ ମାରିଲନା ସୁନ ଜେ, ଈଶ୍‌ପର୍ ଆପାପ୍ ଗୁର୍‌ନା ଡେମ୍‌ତ। ମାସଡନା ଆଦମ୍ ମାରି ହବା ପାପ୍ ଡ଼େମ, ଗିତିନ୍‌ସା ମାଏନା ଗୁଲାଇ କୁଲ୍‌ରେମ୍ ଲନା ପାପ୍ ଡ଼େମ। ଗିତିନ୍ ସୁଗ ଦର୍‌ତନି ବନା ଗୁଲାଇ ରେମ ପାପ୍ ଡ଼େମ ମାରି ଈଶ୍‌ପର୍ ନାନେ ସୁଲୁଙ୍ଗ୍ ଡେଙ୍ଗ୍‌ ଇଗା। କନଙ୍ଗ୍‌ନା ସୁଗ ଗୁଲାଇ ରେମ ଈଶ୍‌ପର୍‌ନା ଶତ୍ରୁ ଡେଙ୍ଗା।

![](https://cdn.door43.org/obs/jpg/360px/obs-en-49-09.jpg)

ମାତର୍ ଈଶ୍‌ପର୍ ଦର୍‌ତନିବ ଡିକୁନ୍ ଆଗୁଲାଇ ରେମ୍ ଡିକନ୍ ଆଲାଦ୍ ଡ଼େମ ଜେ ଆମୁଇ ଆ କା ଗୁ ବେଡ ମିରିକି ଜାସା ଯୀଶୁନ୍‌ବ ବିଶାସ୍ ଡେମ୍‌ତ,ଈଶ୍‌ପର୍ ଆମାଏଲେ ଡଣ୍ଡ୍ ଆବେତ। ମାତର୍ ମାଏଲେ ଈଶ୍‌ପର୍‌ନା ବେରଙ୍ଗ୍ ଗୁଲାଇ ଦିନ୍ ବାସା ଡେମ୍‌ତ।

![](https://cdn.door43.org/obs/jpg/360px/obs-en-49-10.jpg)

ନ ପାପ୍ ଡ଼େମ କୁନ୍‌ସା ନ ଦଷି ମାରି ଗଗଇ ଦର୍‌କାର୍। ଈଶ୍‌ପର୍ ଆପେ ଡଣ୍ଡ୍ ବେତ ବେବେନା ବାନି ଡିଗା,,ମାତର୍ ଯୀଶୁ ନାଇନା ଟାନ୍‌ବ ପାପ୍‌ନା ଡଣ୍ତ ରୁଙ୍ଗା।ଈଶ୍‌ପର୍ ଆଯୀ୍ଉ କୁରୁଶ୍‌ବ ଆଗଇ ସସେ ଡଣ୍ତ୍ ବେଡେ।

![](https://cdn.door43.org/obs/jpg/360px/obs-en-49-11.jpg)

ଯୀଶୁ ବୁଣ୍ଡଇସା ସା ପାପ୍ ଡ଼େମ ଆଡିତା । ମାତର୍ ମାଇ ପାପ୍‌ନା ଆଡଣ୍ତ,ଗୁଲାଇ ନାନେ କାରାପ୍ ମରନ୍ ସୁଗ ରୁଙ୍ଗା। ଡିକନ୍ ସୁଗ,ପେନା ମାରି ଦର୍‌ତନିନା ଗୁଲାଇ ରେମନ୍ ପାପ୍ ଗୁଲାଇ ନାନେ ସୁଲୁଙ୍ଗ୍ ପାଲାଇ ମୁଇ ବାନି ଆସେବ୍ କୁନ୍ ସୁଗ ଡେଙ୍ଗା। ମାସଡନା ଯୀଶୁ ଆତରଇ ଈଶ୍‌ପର୍ନ୍‌ବ ଅଗଇଗା,ଗିତିନ୍ ପାଲାଇ ଈଶ୍‌ପର୍,ଜାଜାଲେ ଯୀଶୁନ୍‌ବ ବିସ୍‌ବାସ୍ ଡେମ୍‌ତ ମଏନା ମାସା ପାପ୍,ଡିକନ୍‌କି ଗୁଲାଇ ନାନେ ବଇକାର୍ ପାପ୍ ଲନା କେମା ଡେମ୍‌ତ।

![](https://cdn.door43.org/obs/jpg/360px/obs-en-49-12.jpg)

ଡେଙ୍ଗ୍ ନାସା ପେ ଜବର୍ ବାନିବାଇ କାମ୍ ଡ଼େମନ୍ ଲନା କନଙ୍ଗ୍ ବେରଙ୍ଗ୍ ଈଶ୍‌ପର୍ ଆପେ ରକିଆ ଡେଡେମ୍ ଆଗଙ୍ଗ୍ ତା ।ମାଇ ବେରଙ୍ଗ୍ ସାଙ୍ଗ ଡେଡେମ୍ ପାଲାଇ ପେ ତରୋଇ ମାସା କମ୍ ଡେଡେମ୍ ଆଗନ୍‌ତ ପେ।କନଙ୍ଗ୍ ନା ବାଦୁଲ୍,ପେ ଆଯୀଶୂ ଈଶ୍‌ପର୍‌ନା ଗୁ ଡସେ ବିସ୍‌ବାସ୍ ଡେଡେମ୍ ବାନି,ମାଇ ନନ୍ ବାଦୁଲ୍ କୁରୁସ୍‌ବ ଗଇଗିତା ମାରି ମପୁରୁ ଆମାଇ ମାର୍‌ମୁସ ଜିବନ୍ ଡ଼େମତା। ପେ ଯଦି କନା ବିସ୍‌ବାସ୍ ଡେମ୍‌ତପେ ଡନା ଈଶ୍‌ପର୍ ଆପେନା ପାପ୍ ଗୁଲାଇ କେମ ଡେମ୍‌ତ।

![](https://cdn.door43.org/obs/jpg/360px/obs-en-49-13.jpg)

ଆର୍‌ନାସା ରେମ ଯୀଶୁନ୍‌ବ ବିସାସ୍ ଡେମ୍‌ତ ମାରି ପ୍ରଭୂ ସୁଗ ରୁଙ୍ଗ୍‌ତା,ଈଶ୍‌ପର୍ ଆତିନ୍ ଗୁଲାଇ ରେମ୍ ରକିଆ ଆଡେମ୍‌ତ। ମାତର୍ ଜେ ମାଇନ୍ ବ ଜା ବିସ୍‌ବାସ୍ ଆଡେମ୍‌ତ ମାଇ ଆମାଇ ରକିଆ ଆଡେମ୍‌ତ। ପେ ସାକାର୍ କି ଗରିବ୍,ଇଁଗେରେ କି ସେଲାନେ,ଡକ୍‌ରା କି ଇଁଗେର୍ ମାରି ଆରି ଡିତା ଆର ମାସା ଆଡ଼େନ୍‌ତା।ଈଶ୍‌ପର୍ ଆପେ ଆଲାଦ୍ ଡେମ୍‌ତ ମାରି ପେ ମିରି ଯୀ୍ଉନ୍‌ବ ବିସାସ୍ ଡ଼େମ ପେନି ମାରି ମାଇ ମିରି ପେନା ସାଙ୍ଗ ଡ଼େନ୍‌ତା ମାଇ କନା ଚାଇଁଲନି।

![](https://cdn.door43.org/obs/jpg/360px/obs-en-49-14.jpg)

ଯୀଶୁ ଆତରଇ ମାଇନ୍‌ବ ବିସ୍‌ବାସ୍ ଡେଡେମ୍‌ସା ମାରି ଡୁବନ୍ ରୁରୁଙ୍ଗ୍ ପାଲାଇ ୱାଇତ। ଯୀଶୁ ଜେ କିସ୍‌ଟ ମାରି ଈଶ୍‌ପର୍‌ନା ମୁଇ ଡସେ ଗୁ ଗିତିନ୍ ମା ବିସ୍‌ବାସ୍ ଡ଼େମ ପେନି ? ପେ ମା ବିସ୍‌ବାସ୍ ଡ଼େମପେନି କି ଜେ ପେ ମୁଇ ପାପି ମାରି ଈଶ୍‌ପର୍ ନାନେ ପେ ଡଣ୍ତ୍ ବାବାଙ୍ଗ୍ ସୁଗ ? ପେ ମା ବିସାସ୍ ଡ଼େମ ପେନି ଜେ ପେନା ପାପ୍ ଡଣ୍ଡ୍ ରୁରୁଙ୍ଗ୍ ପାଲାଇ ଯୀଶୁ କୁରୁସ୍ ବାଗ୍‌ବ ଗଇଗା।?

![](https://cdn.door43.org/obs/jpg/360px/obs-en-49-15.jpg)

ଯୀଶୁ ନଙ୍ଗ୍ ବେରଙ୍ଗ୍ ମା ଡ଼େମତା ଯଦି ଆର ନ ବିସ୍‌ବାସ୍ ଡ଼େମନନି, ଡିତିନ୍‌ଲ ନ ମିଣ୍ତା ଯୀଶୁନା ଗୁଡ଼ଙ୍ଗ୍ ଗାର୍ ଇରେମ୍ ସୁଗ! ଶୟତାନ୍ ମାରି ମାଇନା ଉୟୁଁର୍ ବାର୍ ରାଜିବ ଆନ ଶାସନ୍ ଆଡେମ୍‌ତ ମାତର୍ ଈଶ୍‌ପର୍ ମାଇନା ତାରାନା ରାଜିବ ଆନ ଶାସନ୍ ଡେମ୍‌ତ। ମିରିକି ନ ଆଗ୍‌ତୁ ଡେଡେମ୍ ଡେଙ୍ଗ୍ ନ,ଈଶ୍‌ପର୍ ଆନ ମାରି ଗିତିନ୍ ସୁଗ ପାପ୍ ମଡେଡେମ୍ ପାଲାଇ ବପୁ ବେଡ ତା। ମାଇ ଆନ ମୁଇ ତିମେ ମାରି ବାନିବାଇ ବୁର ବାଇନା ଗାରି ବେଡତା

![](https://cdn.door43.org/obs/jpg/360px/obs-en-49-16.jpg)

ଡନା ନ ମିଣ୍ତା ଗୁଡାଙ୍ଗ ଗାର୍ ଇରେମ୍,ଡନା ଯୀଶୁ ମା ଡ଼େମତା ଗିତିନ୍ ପାଲାଇ ଈଶ୍‌ପର୍ ପେନା ପାପ୍ ଗୁଲାଇ କେମା ଡ଼େମତା। ଅଇକା,ନ ଈଶ୍‌ପର୍‌ନା ମୁଇ ଶତ୍ରୁ ଆଡେଙ୍ଗ୍ ସେ ମାଇନା ମିଣ୍ଡା ବାନିବାଇ ସାଙ୍ଗ ଡେଡେମ୍ ପାଲାଇ ଈଶ୍‌ପର୍ ଏତୁଗିତା।

![](https://cdn.door43.org/obs/jpg/360px/obs-en-49-17.jpg)

ଡନା ପେ ଈଶ୍‌ପର୍‌ନା ମୁଇ ସାଙ୍ଗ ମାରି ପ୍ରଭୁ ଯୀଶୁନା ମୁଇ ଦାସ୍,ଡନା ଯୀଶୁ ଆନ ମା ଶିକିଆ ବେତ ଗିତିନ୍ ପାଲ୍‌ବାର୍ ପାଲାଇ ନ ଚାଇଁତନ।ଡେଙ୍ଗ୍‌ନାସା ନ ମିଣ୍ଡା ଯୀଶୁନ୍ ବ ଇରେମ୍,ଡେଙ୍ଗ୍ ନାସା ଆନ ଶୋଇତାନ୍ ପାପ୍ ଡେଡେମ୍ ପାଲାଇ ଲାଲାଚ୍ ଡେମ୍‌ତ। ମାତର୍ ଈଶ୍‌ପର୍ ବିସାସ୍ ଡେମ୍‌ତ ମାରି ମାଇ ମା ସୁନ୍‌ତ ଗିତିନ୍ ମାଇ ଗୁଲାଇ ବେଲା ଡେମ୍‌ତ। ମାଇ ସୁନନି,,ଡନା ନ ତରୋଇନା ଆପାପ୍ ଗୁଲାଇ ମାନ୍‌ତପେ,ମାଇ ଆନ କେମା ବେତ।ପାପ୍ ପାଲାଇ ଲାଗ୍ ବାର୍‌ସା ମାଇ ଆନ ବପୁ ଟାନ୍‌ଇ ତ।

![](https://cdn.door43.org/obs/jpg/360px/obs-en-49-18.jpg)

ଈଶ୍‌ପର୍ ଆନ ପାର୍‌ତନା ଡେଡେମ୍ ପାଲାଇ ମାରି ମାଇନା ବାକିୟ୍‌ ପଡ଼ବାର୍ ପାଲଇ ସୁନ୍‌ତ।ଯୀଶୁନା ପାଲ୍ ଆଇରେମ୍ ଲେ ବେରଙ୍ଗ୍ ମାଇନା ପୁଜା ଡେଡେମ୍ ପାଲାଇ ଲନା ଆପେ ମାଇ ସୁନନି।ମାଇ ନନା ବେରଙ୍ଗ୍ ମାମା ଡ଼େମତା ଗିତିନ୍ ଆପାଲ୍ ରେମଲେ ସତଇସା ସୁନ୍‌ତନ। ଯଦି ପେ କନା ଗୁଲାଇ ଡେମ୍‌ତନ,ଡିତିନ୍‌ଲ ନ ଯୀଶୁନା ମୁଇ ଜବର୍ ବାନିବାଇ ସାଙ୍ଗ ଡେନ୍ତ୍ ନ।

*ବାଇବଲ୍‌ନା ମୁଇ ଉସାରାମ୍ ୩;୨୧-୨୬;୫;୧-୧୧; ଯୋହନ ୩;୧୬; ମାର୍କ ୧୬;୧୬ କଲସୀୟ ୧;`୧୩-୧୪;୨ କରନ୍ତୀୟ ୫;୧୭-୨୧;୧ ଯୋହନ ୧;୫-୧୦*

Audio: https://git.door43.org/OBS-TLF/bfw_obs/releases/download/v1/bfw_obs_v1_49_128kbps.m4a

## 50. ୫୦. ଯୀଶୁ ଲେଉଟ୍‌ସେ ଇତା

https://openbiblestories.org/l/bfw/story-50/

![](https://cdn.door43.org/obs/jpg/360px/obs-en-50-01.jpg)

୨୦୦୦ ବରଷ୍ ନାନେ ଜବର୍ ବେଲା ଡେଙ୍ଗା ଗୁଲାଇ ଦର୍‌ତନିନା ଜବର୍ ନାନେ ଜବର୍ ରେମଲେ କିସ୍‌ଟ ଯୀଶୁନା ବାନି କବର୍ ଅଙ୍ଗ ସାଗାନି।ମଣ୍ଡଲି ଜବର୍ ଡେଙ୍ଗ୍ ଗାନି।ଯୀଶୁ ପର୍‌ମାନ୍ ଡ଼େମ ଜେ ମାଇ ଦର୍‌ତନି ନା ଡଡମବେଲା ଲେଉଟ୍ ସାବ୍‌ତା।ଜଦି ମାରିମାଇ ଅଇଜାକ ସାସାବ୍ ଅରଇ, ମାଇ ଆମାଇନା ପର୍‌ମାନ୍ ରକିଆ ଡେମ୍‌ତ।

![](https://cdn.door43.org/obs/jpg/360px/obs-en-50-02.jpg)

ମିରିକି ନାଇ ଯୀଶୁନା ସାସାବ୍‌ନା ଜାଗ୍‌ତନାଇ,ଈଶ୍‌ପର୍‌ନା ମନଡ଼େମନି ଜେ ନାଇ ମୁଇ ପବିତ୍‌ର ମାରି ମାଇନା ଗୋଉରବ ଡେଡେମ୍ ନା ମୁଇ ଜିବନ୍ କାଟ୍‌ନାଇ।ମାଇ କନ୍ ସା ମନ୍ ଡେମ୍‌ନି ମିରିକି ନାଇ ମାଇନା ରାଜିନା କାତା ଆପାଲ୍‌ରେମଲେ ସୁଁ ନାଇ। ଯୀଶୁ ଦର୍‌ତନିବ ବାସାଗ୍‌ସେ ଡିକୁନ୍ ବେଲା ସୁନ, “ନିଙ୍ଗ୍‌ନା ଶିଷ୍‌ଲେ ଈଶ୍‌ପର୍ନ୍‌ ରାଜିନାବାନିକବର୍ ଦର୍‌ତନିବ ଡିକୁନ୍ ଗୁଲାଇ ଟାନ୍‌ବ ପର୍‌ଚାର୍ ଡେମ୍‌ତ, ମାଇନ୍’ ତୁରଗୁ ଆକା ଯୁଗ୍‌ ଡମ୍‌ତ।

![](https://cdn.door43.org/obs/jpg/360px/obs-en-50-03.jpg)

ଜବର୍ ରେମ ଜାତି ଅଇଜାକ ଯୀଶୁନା ବିଷୟ୍‌ ଅଁଙ୍ଗ୍ ଅରୋଇ। ମାଇ ବାଦଲ୍ ବ ଇନା ଆଗ୍‌ତୁ,ଜାସା ଉଣ୍ଡୋଇଲନା ବାନି କବର୍ ଅଂଙ୍ଗ ଆଡିତା ମାଏନ୍ କଣ୍ଡେ ବାନି କବର୍ ସୁସୁଁ ପାଲାଇ ଯୀଶୁ ମାଇନା ଗୁଡାଙ୍ଗ୍ ଗାର୍ ଆ ଇନ୍‌ଆରେମଲେ ସୁନ। ମାଇ ସୁନ,ପେଲେ ଇଗ୍‌ସେ ଗୁଲାଇ ଜାତିନ୍ ଆରେମଲେନ୍ ବ ଶିଷ୍ ଡେମ୍!”ମାସାଡନା “ ଲିଙ୍ଗ୍ ନା ଗୁଲାଇ ତାସ୍‌ ଗଗସା ବୁଲୁଇଗା !”

![](https://cdn.door43.org/obs/jpg/360px/obs-en-50-04.jpg)

ଯୀଶୁ ମାର୍‌ମୁସ ସୁନ, “ଗତିରେମ୍ ସାଉକାର୍ ନାନେ ମୁନା ଆଣ୍ଡା।କନ୍ ଦର୍‌ତନିନା ଅଦିକାରିଲେ ମିର୍‌କି ଆନିଙ୍ଗ୍ ଗୁର୍‌ନା ଡେମ୍‌ତ,ସତ୍ ଡିତିନ୍ ସୁଗ ମାଏଲେ ନିଙ୍ଗ୍ ପାଲାଇ ଆପେଲେ ଦୁକ୍ ନିନ୍ଦାଡ଼େମସେ ଅଡାବ୍‌ତ। ଯଦି ମାରି କନ୍ ଦର୍‌ତନିବ ଫେଲେ ଦୁକ୍ କସ୍‌ଟ ଡେନ୍ତ୍ ପେ,ବପୁ ଡେମା ମାସାଡନା ଆଦର୍‌ତନି ଶାସନ୍ ଡେଡେମ୍ ନା ଆସଇତାନ୍ ନିଙ୍ଗ୍ ଜିତ୍‌ଗିତିଙ୍ଗ୍। ପେଲେ ଯଦି ଡଡମ୍ ଜାକ ନିଙ୍ଗ୍ ବ ବିସ୍‌ବାସ୍ ଡିତ୍‌ପେ ଡିତିନ୍ ଲ ଈଶ୍‌ପର୍ ଆପେଲେ ରକିଆ ଡେମ୍‌ତ!”

![](https://cdn.door43.org/obs/jpg/360px/obs-en-50-05.jpg)

ଜାଦର୍‌ତନି ଡଡମ୍ ବେଲା ରେମଲେନ୍ ବ ମା ଘଟ୍‌ତା ଗିତିନ୍ ବୁଜାୟସେ ସୁସୁଁ ପାଲାଇ ଯୀଶୁ ମାଇନା ଆଶିଷ୍‌ଲେ ମୁଇ ଉସାରାମ୍ ସୁନ।ମାଇ ସୁନ, “ମିଣ୍ଡା ରେମ ମାଇନ୍ ଲିଙ୍ଗ୍ ବ ବାନିବାଇ ସୁମୁ ବିତ।ମାତର୍ ମାଇ ଲେମକୁନ୍ ବେଲା,ମାଇନା ଶତ୍ରୁ ସାଗ୍‌ସେ ଗହମ୍ ବ କିରେଙ୍ଗ୍ ବୁଟା ନା ସୁମୁ ବିଡ଼ସେ ଡୁଙ୍ଗା।”

![](https://cdn.door43.org/obs/jpg/360px/obs-en-50-06.jpg)

“ଉଣ୍ଡୋଇଲ ମଜି ଗାଜା ଡେଙ୍ଗା,ଗିତିନ୍‌ ରେମନା ଗତିରେମ୍ ସାଗ୍‌ସେ ସୁନ, ‘ସାଉକାର୍ ନ ଗିତିନ୍ ଲିଙ୍ଗ୍ ବ ବାନିବାଇ ସୁମୁ ବିଡ଼ ଡିଗ୍ ନ। ଡିତିନ୍‌ଲୋ ଆର ମାସା କିରେଙ୍ଗ୍ ବୁଟାଲେ ତିନାଗାନି ?”’ସାଉକାର୍ ସୁନ,’ନିଙ୍ଗ୍ ନା ଶତ୍ରୁ ଆକା କନ୍ ଡେଡେମ୍ ସା ମନ୍ ଡେମ୍‌ତ।ନିଙ୍ଗ୍ ନା ଜାସା ମିଣ୍ଡା ଶତ୍ରୁ ଆକା କନ୍ ଡ଼େମତା।”

![](https://cdn.door43.org/obs/jpg/360px/obs-en-50-07.jpg)

“ଗତିରେମ୍ ମାଏନ୍ ଆ ସାଉକାର୍ ସୁନ,’ନାଇ ମା କିରେଙ୍ଗ୍ ବୁଟାଲେ ଜିକ୍ ନାଇ?” ସାଉକାର୍ ସୁନ, ‘ଆଣ୍ଡା। ଯଦି ପେ ଗିତିନ୍ ଡେମ୍‌ତପେ,ଗିତିନ୍ ବେରଙ୍ଗ୍ ପେ ଗହମ୍ ଲନା ଜିକ୍‌ଲସୁଙ୍ଗ୍ ତପେ। ତାସ୍‌ ବୁଲୁବାର୍ ଜାକ ଜାଗ୍,କିରେଙ୍ଗ୍ ବୁଟାଲେ ଅଗେବ୍ ବାର୍ ପାଲାଇ ସାଗ୍‌ମୁଇ ବ ଡେମ୍,ମାତର୍ ଗହମ୍ ତାସ୍‌ଲେ ନିଙ୍ଗ୍‌ନା ମଢୋଇବ ରୁଙ୍ଗ୍।”’

![](https://cdn.door43.org/obs/jpg/360px/obs-en-50-08.jpg)

ଶିଷ୍‌ଲେ ଗିତିନ୍‌ ଉସାରାମ୍ ନା ଅରତ୍ ବୁଜ୍‌ବାର୍ ଆଗଙ୍ଗା,ଗିତିନ୍‌ସା ମାଏଲେ ଗିତିନ୍ ବୁଜାୟ ବେବେ ପାଲାଇ ଆଯୀଶୁ ସୁନ। ଯୀଶୁ ସୁନ, “ଆର୍‌ନା ରେମ ବାନିବାଇ ସୁମୁ ବିଢ ମାଇ କିସ୍‌ଟ ସୁଗ। ଲିଙ୍ଗ୍ ଡେଙ୍ଗାନି ଦର୍‌ତନି। ବାନିବାଇ ସୁମୁ ଇଶ୍‌ପର୍‌ ରାଜିନା ଆରେମଲେ ବୁଜାଇତ।”

![](https://cdn.door43.org/obs/jpg/360px/obs-en-50-09.jpg)

“କିରେଙ୍ଗ୍ ବୁଟାଲେ ଶଇତାନ୍ ନା ଆରେମଲେ ବୁଜାଇ୍ ତ। ଆର୍‌ନା ଶତ୍ରୁ କିରେଙ୍ଗ୍ ବୁଟାଲେ ବିଢ ମାଇ ଡେଙ୍ଗାନି ଶଇତାନ୍। ତାସ୍ ଗଗନା ଡେଙ୍ଗାନି ଦର୍‌ତନିନା ଡଡମ୍ ମାରି ଅଇକେର୍ ରେମ୍ ଡେଙ୍ଗାନି ଈଶ୍‌ପର୍‌ନା ଦୁତ୍‌ଲେ।“

![](https://cdn.door43.org/obs/jpg/360px/obs-en-50-10.jpg)

ଉଣ୍ଡୋଇଲ ଦର୍‌ତନି ଡମ୍‌ତ,ଅଇତିନ୍‌ଲୋ ଦୁତ୍‌ଲେ ଶଇତାନ୍‌ନା ଆରେମଲେ ସାଗ୍‌ମୁଇବ ଡେମ୍‌ତ ମାରି ଡୋ’କୁନ୍ ସୁଙ୍ଗବ ପାକାୟବେତ । ଆର ମାଏଲେ ଜବର୍ କସ୍‌ଟ ଡେଙ୍ଗ୍‌ସେ ଉଗ୍‌ତା ମାରି ଗିନେ କାତର୍‌ତ। ମାତର୍ ଅଇତିନ୍‌ଲୋ ଦରମ୍‌ବାଇ ରେମ୍ ଜାଜାଲେ ଯୀଶୁନା ଗୁଡାଙ୍ଗ୍ ଗାର୍ ଇଗିତା,ମାଏନ୍ ବା ଈଶ୍‌ପର୍‌ନା ରାଜି ମାତର୍ ଅଇତିନ୍‌ଲୋ ଦରମ୍‌ବାଇ ରେମ୍ ଜାଜାଲେ ଯୀଶୁନା ଗୁଡାଙ୍ଗ୍ ଗାର୍ ଇଗିତା,ମାଏନ୍ ବା ଈଶ୍‌ପର୍‌ନା ରାଜି ବ ସିଁ ସୁଗ ତାରାଗ୍ ଇତା।”

![](https://cdn.door43.org/obs/jpg/360px/obs-en-50-11.jpg)

ଯୀଶୁ ମାର୍‌ଲନା ସୁନ ଜେ,ଦର୍‌ତନି ଡଡମ୍ ନା ଆଗ୍‌ତୁ ମାଇ ଦର୍‌ତନିବ ଲେଉଟ୍ ସାତା। ମାଇ ମିରି ସରଗ୍ ବ ଇଡିଗା, ମାଇ ସତ୍ ଡିତିନ୍ ସୁଗ ଦର୍‌ତନିବ ଲେଉଟ୍ ସାତା। ମାଇନ ମୁଇ ଆଗ୍‌ତୁନ୍ ଗାଗଡ୍ ଡିତା ମାରି ବାଦଲ୍ ବ ବାଦଲ୍ ଡାବ୍‌ଲକୁନ୍ ବେରଙ୍ଗ୍ ସାବ୍‌ତା। ଯୀଶୁ ଉଣ୍ଡୋଇଲ ଲେଉଟ୍‌ତା,ମାଇନା ଗୁଲାଇ ରେମ ଆମାଇ ବିସ୍‌ବାସ୍ ଡ଼େମକୁନ୍ ରେମ୍ ଜାଜା ଗୋଇଡିତା,ମାଏଲେ ଗୋଇକୁନ୍ ନାନେ ତଗ୍‌ଡାଗ୍‌ତା ମାରି ଆମାଇ ବାଦଲ୍ ବ ମିସ୍‌ତା।

![](https://cdn.door43.org/obs/jpg/360px/obs-en-50-12.jpg)

ମାଇନା ତୁର୍‌ଗୁ ଆର୍‌ନା କିସ୍‌ଟ ନା ରେମଲେ ଦର୍‌ତନିବ ଜିବନ୍ ଡିତା ମାଏଲେ କିସ୍‌ଟାନ୍‌ ରେମଲେବେରଙ୍ଗ୍ ମିସ୍‌ବାର୍ ପାଲାଇ ବାଦଲ୍‌ବ ଅତଗ୍‌ଡାଗ ରୁଙ୍ଗଇତା। ମାଏଲେ ଗୁଲାଇରେମ ଆର ଯୀଶୁନ୍ ବେରଙ୍ଗ୍ ଡିତା। ମାଇନ୍ ତୁରଗୁ ମାଏଲେ ମୁଇ ବ ଡିକୁନ୍ ପାଲାଇ ମାଏଲେ ଗୁଲାଇ ପୁରା ଶାନ୍ତିଗ୍‌ସେ ମୋଡଡମ୍ ନା ଦିନ୍ ଜାକ ବାସା ଡେମ୍‌ତ।

![](https://cdn.door43.org/obs/jpg/360px/obs-en-50-13.jpg)

ଜାଜାଲେ ମାଇନ୍ ବ ବିସ୍‌ବାସ୍ ଡେମ୍‌ତ ମାଇ ଆଗୁଲାଇ ରେମ ମୁଇ ମୁଇ ମୁକୁଟ୍ ବେବେ ପାଲାଇ ଯୀଶୁ ପର୍‌ମାନ୍ ଡ଼େମତା। ମାଆଲେ ଈଶ୍‌ପର୍‌ନା ବେରଙ୍ଗ୍ ଗୁଲାଇ ଜାକ ନା ବାଗ୍‌ବ ଗୁଲାଇ କାଲ୍ ଶାସନ୍ ଡେମ୍‌ତ। ମାଏ ପୁରାପୁରି ଶାନ୍ତି ବାଙ୍ଗ୍‌ତା।

![](https://cdn.door43.org/obs/jpg/360px/obs-en-50-14.jpg)

ମାତର୍ ଜାଜାଲେ ଯୀଶୁନ୍‌ବ ବିସାସ୍ ଆଡେମ୍‌ତ ଈଶ୍‌ପର୍ ମାଏନା ବିଚାର୍ ଡେମ୍‌ତ। ମାଇ ଆମାଏଲେ ନରକ୍‌ବ ରାପୁତ,ଆର ମାଏଲେ ଉଗ୍‌ତା ମାରି ଗିନେ ରେବ୍‌ତ ମାରି ଗୁକାଇ ବେଲା କଷ୍ଟ ବାଙ୍ଗ୍ ତା। ଡିକନା ମୁଇ ସୁଁଅ ଆର୍‌ନା ଉଣ୍ଡଇ ଆଲିତା ମାରି ମାଏ ଗିତିନ୍ ସୁଁଅବ ଗୁଲାଇ ବେଲା ଗେଗେବ୍ ଡ଼େନ୍‌ତା,ମରି କିଡାଲେ ଆମାଏ ସୁସୁମ୍ ସା ଆ ଅନ୍ତୁର୍‌ତ।

![](https://cdn.door43.org/obs/jpg/360px/obs-en-50-15.jpg)

ଯୀଶୁ ଉଣ୍ଡଇଲ ଲେଉଟ୍‌ତା,ମାଏ ପୁରାପୁରି ଶଇତାନ୍ ମାରି ମାଇନା ଆରାଜି ବୁଡାୟ ସୁଁତ। ମାଇ ଆଶଇତାନ୍ ମାରି ମାପ୍‌ରୁନ୍ କାତା ମାନ୍ ବାର୍ ଅନ୍ ତୁରସେ ମାଇନା ଗୁଡାଙ୍ଗ୍ ଗାର୍ ଇପାଲାଇ ବାଚ୍ ଲକୁନ୍ ଆଗୁଲାଇ ରେମ ନର୍‌କ୍ ବ ରାପୁ ତ ଆରି ଗୁଲାଇ ଦିନ୍‌ପାଲାଇ ଗେଗେବ୍ ଡ଼େନ୍‌ତା .।

![](https://cdn.door43.org/obs/jpg/360px/obs-en-50-16.jpg)

ମାସାଡନା ଆଦମ୍ ମାରି ହବା ଈଶ୍‌ପର୍‌ନା ଆଦେଶ ଆମାନ୍‌ବାର୍ ସା ମାରି କନ୍ ଦର୍‌ତନିବ ପାପ୍ ଅଗାୟ, ଗିତିନ୍‌ ସା ଈଶ୍‌ପର୍ ଆକନ୍ ଅବିସାପ୍ ବେଡ ମାରି ଆକନ୍ ବୁଡାଇବାର୍ ପାଲାଇ ବିଚାର୍‌ନା ଡ଼େମ। ମାତର୍ ମିସିଙ୍ଗ୍ ଈଶ୍‌ପର୍ ମୁଇ ତିମେ ସରଗ୍ ମାରି ତିମେ ଦର୍‌ତନି ଅରେଙ୍ଗ୍ ତ ଆର୍‌ନା କି ବାନି ମାରି ପୁରା ଡ଼େନ୍‌ତା।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ମାରି ମାଇନା ରେମଲେ ତିମେ ବାଇ ଦର୍‌ତନିବ ବାସା ଡେମ୍‌ତ, ମାରି ମାଇ ଗୁଲାଇ ବାଗ୍‌ବ ଗୁଲାଇ ବେଲା ଶାସନ୍ ଡେମ୍‌ତ। ମାଇ ଗୁଲାଇ ରେମନା ଡାଗ୍ ମ ସୁସୁଡ ବେତ। ଜା ଲସ୍‌ନା ଦୁକ୍ କସ୍‌ଟ ମାରି ମୁର୍‌ମୁରା ଡେଙ୍ଗ୍ ସେ ଆଡିତା। ମାଏଲେ ଆଉଗ୍‌ତା। ମାଏଲେ ବେମାର୍ ଅଡ଼େନ୍‌ତା ମାରି ଆଗୋଇତା ମାରି ଆର ମାସା କାରାପ୍ ଲନା ଆଡିତା। ଯୀଶୁ ଶାନ୍ତି ମାରି ନିଆଇ ବ ମାଇନା ରାଜିବ ଶାସନ୍ ଡେମ୍‌ତ ମାରି ମାଇ ମାଇନା ରେମଲେ ବେରଙ୍ଗ୍ ଗୁଲାଇ ଦିନ୍ ଡିତା।

*ବାଇବଲ୍‌ନା ମୁଇ ଉସାରାମ୍ :ମାଥିଉ ୨୪:୨୪;୨୮:୨୮; ଯୋହନ ୧୫:୨୦,୧୬:୩୩; ପ୍ରକାଶିତ ୨:୧୦;ମାଥିଉ ୧୩:୨୪-୩୦,୩୬-୪୨;ଥେସଲନିକୀୟ ୪:୧୩-୫:୧୧;ଜାକୁବ ୧:୧୨; ମାଥିଉ ୨୨:୧୩ ପ୍ରକାଶିତ ୨୦:୧୦;୨୧:୧-୨୨:୨୧*

Audio: https://git.door43.org/OBS-TLF/bfw_obs/releases/download/v1/bfw_obs_v1_50_128kbps.m4a