# unfoldingWord Open Bible Stories — Bagheli

- Language code: `bfy`
- Canonical page: https://openbiblestories.org/l/bfy/
- Stories in this file: 50 of 50
- Published by: OBS-TLF, translationCore-Create-BCS
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bagheli translation; it is not a translation of the whole Bible.

## 1. रचना

https://openbiblestories.org/l/bfy/story-1/

![](https://cdn.door43.org/obs/jpg/360px/obs-en-01-01.jpg)

अइसे ही सुरू म परमातिमा सब चीज कहीं बनईन हीं। ऊँ 6 दिन म संसार कहीं अऊ जऊन य जगत म हबा सबका बनाईन, रचिन। अऊ परमातिमा य संसार का बनाए रहो ह व अंधियार अऊ खाली रहो ह, कहेसे कि व म अबहूँ तक कुछू नई बनाए रहो आ अऊ पानी के ऊपर म परमातिमा के आत्मा बगत रहो ह।

![](https://cdn.door43.org/obs/jpg/360px/obs-en-01-02.jpg)

ओखे बाद परमातिमा कहिन कि, “उन्जियार होई जा!” अऊ उन्जियार होईगा। अऊ जब परमातिमा देखिस कि उन्जियार खूब निकहा ह अऊ उन्जियार का “दिन” नाम रख दईन। अऊ ऊँ ओही अन्धियार से अलग कर दईन। अऊ ओही “रात” कहीन। परमातिमा रचना के पहिले दिन उन्जियार का रचिन।

![](https://cdn.door43.org/obs/jpg/360px/obs-en-01-03.jpg)

रचना के दूसर दिन परमातिमा कहिन, “पानी के ऊपर म अन्तर होईजा!” अऊ एकठे अन्तर होईगा। परमातिमा व अन्तर का “आकाश” नाम दइ दईन।

![](https://cdn.door43.org/obs/jpg/360px/obs-en-01-04.jpg)

तीसर दिन परमातिमा कहिन, “कि पानी एक जाँघा म एकट्ठा होईजा अऊ सूखा जगहा दिखाए लगा!” ऊँ सूखा जगहा का “पृथ्वी” अऊ पानी का “समुद्र” कहिन। फेर परमातिमा देखिन कि जऊन ऊँ बनाईन हीं व खूब सुन्दर हबा।

![](https://cdn.door43.org/obs/jpg/360px/obs-en-01-05.jpg)

फेर परमातिमा कहिन, “कि पृथ्वी सब प्रकार के पेढ़वा अऊ पऊधा ऊगा दे!” अऊ वइसे होईगा। अऊ परमातिमा देखिन कि जऊन ऊँ बनाईन हें व अच्छा हबा।

![](https://cdn.door43.org/obs/jpg/360px/obs-en-01-06.jpg)

रचना के चौथा दिन परमातिमा कहिन कि, “आकाश म ज्योति होईजा!” अऊ सूरज, चँदनी अऊ तरईना परगट होईगा। परमातिमा उन्हीं पृथ्वी म उन्जियार दे के लाने दिन अऊ रात, मौसम अऊ साल म भेद करा के लाने बनाईन।

![](https://cdn.door43.org/obs/jpg/360px/obs-en-01-07.jpg)

पाँचवाँ दिन म परमातिमा कहिन, “जियत जन्तु पानी का भर देआ अऊ आकाश म पन्छी उड़ा लगां!” अइसे ही पानी म पईरा वाले जानवर, पन्छी का बनाईन। परमातिमा देखिन कि ईं सब खूब निकहा हबा अऊ उन्हीं आशीर्वाद दईन।

![](https://cdn.door43.org/obs/jpg/360px/obs-en-01-08.jpg)

रचना के छठईं दिन म परमातिमा कहिन कि, “भूईयाँ म रहाँ बाले सब जानवर होईजाँ!” अऊ परमातिमा के कहे बदऊलत होईगा। उन मन से कुछू रेंगाँ बाले रहे हें अऊ कुछू पाला पोअसा बाले अऊ कुछू वन म रहाँ बाले रहे हें। अऊ परमातिमा देखिन कि सब खूब सुन्दर हबा।

![](https://cdn.door43.org/obs/jpg/360px/obs-en-01-09.jpg)

ओखे बाद परमातिमा कहिन कि, “चला अब अपने जइसे मनईन का बनई!” ऊँ यहाँ पृथ्वी म अऊ सब तरह के जानवरन म अधिकार रखहीं।

![](https://cdn.door43.org/obs/jpg/360px/obs-en-01-10.jpg)

तब परमातिमा माटी लईन अऊ मनई का बनाईन अऊ वमा जियें के लाने साँस भर दईन। य मनई के नाम आदम रख दईन। ‌फेर परमातिमा ‌य मनई आदम के रहां के लाने एकठे बड़ा हस बगईचा बनाईन अ‌उ वहमा आदम क रख द‌ईन कि वाखर देख – रेख करी।

![](https://cdn.door43.org/obs/jpg/360px/obs-en-01-11.jpg)

व बग‌ईचा म परमातिमा दूं ठे पेढ़बा लगाए रहे हें-एकठे जीवन के अऊ एकठे अच्छा – खराब के अकिल दें के लाने। अऊ एकठे आज्ञा परमातिमा आदम का द‌ईन कि बग‌ईचा के सब पेढ़बा के फरूहा कहीं खा लया लेकिन ईं दूठे पेढ़बा के फरूहा न खया नहीं त मर ज‌ईहा।

![](https://cdn.door43.org/obs/jpg/360px/obs-en-01-12.jpg)

फेर परमातिमा कहीन कि, “य मन्सेरूआ के अकेले रहें के लाने ठीक बात न हो!” पर कोऊ जानवर ऐखे म नहीं मेरात रहो आ।

![](https://cdn.door43.org/obs/jpg/360px/obs-en-01-13.jpg)

तब फेर परमातिमा आदम क खूब नींद म डार द‌ईन। अऊ ओखे एकठे पसली का निकाल के एकठे मेहेरिया बना द‌ईन अऊ ओही आदम के पास ले आईन।

![](https://cdn.door43.org/obs/jpg/360px/obs-en-01-14.jpg)

अऊ व मन‌ई ओही देख के कहीस कि, “चल य तो मोरे ज‌ईसे हीबा! य स्त्री कहल‌ई, कहेसे कि येही मन‌ई के पसली से बनाईन हिमा!” येहेन के बजे से हर म‌न‌ई अपने बाप – महतारी का छोड़ के अपने मेहेरिया के साथ रहो आऊथा।

![](https://cdn.door43.org/obs/jpg/360px/obs-en-01-15.jpg)

परमातिमा मन्सेरूआ अऊ मेहेरिया का अपने ज‌ईसे बनाईन। अऊ उन्हीं आशीर्वाद द‌ईन कि, ”य संसार म खूब सन्तान, लरका – बच्चा प‌ईदा करा अऊ जगत म भर जां!” तब फेर परमातिमा देखिन कि ज‌ऊन – ज‌ऊन बनाईन हिमा व सब खूब सुन्दर हबा, अऊ ऊं बहुत ज्यादा खुश होईगे। य सगला काम का छठवा दिन पूरा भय।

![](https://cdn.door43.org/obs/jpg/360px/obs-en-01-16.jpg)

सातमा दिन आराम करिन अऊ य दिन का खूब आशीर्वाद द‌ईन कहेसे य दिन म सब काम-धन्धा से फूरसत भ रहे हें। अईसा करके परमातिमा य संसार का अऊ ज‌ऊन कुछू य संसार म हबा सब का बनाईन।

*उत्पत्ति अध्याय 1-2 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_01_128kbps.m4a

## 2. पाप संसार म आय करथ

https://openbiblestories.org/l/bfy/story-2/

![](https://cdn.door43.org/obs/jpg/360px/obs-en-02-01.jpg)

आदम अउ ओखर मेहेरिआ परमातिमा द्वारा उनखे खातिर जऊन निकहा बगईचा बनाए रए हें व म रहत ऊँ बहुत खुश रहे हें। उनखे मही कोऊ कपड़ा नई पहिनत रहो आए, तबहूँ उन्हीं य बात से लाज नई लगत रहो आ। कहेसे कि य संसार म पाप नई रहो आ। ऊँ बेर-बेर व बगईचा म बागत-घूमत रहत रए हें अउ परमातिमा से बोलत-बतात रहत रहे हें।

![](https://cdn.door43.org/obs/jpg/360px/obs-en-02-02.jpg)

पर व बगईचा म एकठे साँप रहत रहो ह। व कतना खराब रहो ह। व ओखे मेहेरिआ से पूछीस, “का सही म परमातिमा तूम्ही य बगईचा के कोनो पेढ़वा के फरूहा खाये का बरज दईन हीं ?”

![](https://cdn.door43.org/obs/jpg/360px/obs-en-02-03.jpg)

व मेहेरिआ ओही बताईस कि, “परमातिमा हमही कहीसिबा कि भले अऊ बूरे अकिल वाले पेढ़वा के फरूहा का छोड़ के कोनो पेढ़वा के फरूहा खा सकते ह। परमातिमा हमहीं कहिन कि पेढ़वा के अगर फल जबरी खा लया या छू भी दया त तुम मर जईहा।”

![](https://cdn.door43.org/obs/jpg/360px/obs-en-02-04.jpg)

तब व साँप मेहेरिआ से कहिस कि, “य बात सही न हो! तुम न मरिहा। परमातिमा जाना था कि जइसे तुम व फरूहा का खईहा, तुम परमातिमा जइसे होई जईहा अऊ तुम अच्छा अउ खराब का जाना लगिहा।”

![](https://cdn.door43.org/obs/jpg/360px/obs-en-02-05.jpg)

फेर व मेहेरिआ देखिस कि फरूहा खूब निकहा हबा अउ खूब स्वादी दिखा था। त वहो होशियार बना क चाहत रही हीबा एहीसे व फरूहा का टोर के खा लईस। फेर अपन मेन्सेरूआ कहीं जऊन ओखे साथ राहत रहो हा दई दईस अऊ वहो भी खईस।

![](https://cdn.door43.org/obs/jpg/360px/obs-en-02-06.jpg)

त हरबी, उनखर आँखी खुल ग, अऊ ऊँ जान लईन कि हम नंगा हमन। त ऊँ पत्ता के कपड़ा बनाके या सिलके अपन नंगा तन का छुपामा लगें।

![](https://cdn.door43.org/obs/jpg/360px/obs-en-02-07.jpg)

त ओतनी जून मेन्सेरूआ अउ मेहेरिआ व बगईचा म बागत-घूमत परमातिमा के आवाज़ का सुनीन। अऊ जब सुनीन त ऊँ दोनों ओसे छुप गें। त परमातिमा व मेन्सरूआ का गोहराऊत रए हें कि, “ते कहाँ हस?” व मेन्सरूआ बोलिस कि, “में तुम्हीं बगईचा म टहलत देख के डेरागा रहों, कहेसे मैं नंगा रहों। ओखे लयेसे लुक गा रहों।”

![](https://cdn.door43.org/obs/jpg/360px/obs-en-02-08.jpg)

फेर परमातिमा पूछीन, “तोसे को बता दईस कि ते नंगा हस? का ते व फरूहा का खा लये हस जेही मैं मना करे रहों?” त मेन्सेरूआ कहीस, “तुम जऊन मोही या मेहेरिआ दैय हबा वहेन मोही या फरूहा खायें का दईसीबा।” त परमातिमा व मेहेरिआ पुछीन त व मेहेरिआ कहिस कि, “साँप मोही बहंका दईसी।”

![](https://cdn.door43.org/obs/jpg/360px/obs-en-02-09.jpg)

परमातिमा साँप का कहिन, “तोही श्राप दे थो! ते पेट के बल लोटत रईहे अऊ मूँह भर माटी चाँटिहे। ते अऊ य मेहेरिआ एक- दूसर का देख न जुड़ईहा, अऊ तोर लरका-बच्चा अऊ ओखर लरका-बच्चा देख न जुड़ईहीं। य मेहेरिआ के संतान अऊ तोरे मूड़ का कुचर डरहीं अऊ ते ओखे एड़ी का डसिहे।”

![](https://cdn.door43.org/obs/jpg/360px/obs-en-02-10.jpg)

त परमातिमा व मेहेरिआ से कहिन, “मैं तोरे बच्चा जन्मे का पिरा खूब बढ़ईहों अऊ ते अपन मेन्सेरूआ के लालसा करिहे, अऊ व तोर ऊपर प्रभुता करी।”

![](https://cdn.door43.org/obs/jpg/360px/obs-en-02-11.jpg)

परमातिमा कहिन कि, “ते आपन मेहेरिआ के बात माने हस अऊ मोर बात नई माने आहे। त तोर बजह से धरती श्रापित होईगा हबा, ऐखे बजेसे तोही भोजन उगामा के लाने खूब मेहनत मजदूरी करा का पड़ी। अऊ ते मर जईहे, अऊ तोर शरीर माटी म मिल जई।” एखे बाद व मेन्सेरूआ आपन मेहेरिआ के नाम हव्वा रखिस, जेकर मतलब हो था, “जीवन देने वाली” काहेसे कि व सब कोऊ के महतारी होईसी। अऊ परमातिमा आदम अऊ हव्वा कहीं जानवरन के चमड़ा के कपड़ा बनाके पहिनाईन।

![](https://cdn.door43.org/obs/jpg/360px/obs-en-02-12.jpg)

ओखे बाद परमातिमा कहिन कि, “अब अच्छा अऊ खराब का जानके मनई हमरे घांई होईगा ह, एखे खातिर उन्हीं व जीवन के पेढ़वा के फरूहा नई खा दे का चाही नई त ऊँ कबहूँ न मरहीं।” ओहिन के लाने परमातिमा उन्हीं बगईचा से बाहर निकार दईन। अऊ परमातिमा जीवन के फरूहा के लाने स्वर्गदूत के पहरा लगा दईन ताकि कोऊ अऊ न खा लें।

*उत्पत्ति अध्याय 3 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_02_128kbps.m4a

## 3. बाढ़

https://openbiblestories.org/l/bfy/story-3/

![](https://cdn.door43.org/obs/jpg/360px/obs-en-03-01.jpg)

बहुत दिन के बाद, संसार म खूब मन‌ई हो‌ईगे। अऊ ऊँ सब पाप अत्याचार करा लगें। तब परमातिमा उन्हीं एक बहुत बड़ा हस जल परलय करके उन्हीं मारा का लाने विचार करिन।

![](https://cdn.door43.org/obs/jpg/360px/obs-en-03-02.jpg)

उन सब मन‌ईन से एक झन धर्मी र‌ओ ह। वाखर नाम नूह रओ ह। परमातिमा नूह का कहिन कि मैं एक बहुत बड़ा परलय ल‌ईहों, त ते एकठे बड़ा हस जहाज बना लय।

![](https://cdn.door43.org/obs/jpg/360px/obs-en-03-03.jpg)

ऊँ 140 मी. लम्बा, 23 मी. चौड़ा अऊ 13.5 मी. ऊंचा जहाज बनामा का कहिन। नूह कहीं लकड़ी के जहाज बनामा का रहो ह। व म बहुत हस कमरा, छत, खिड़की बनामा का रहो ह। कहेसे कि व म नूह के परिवार अऊ भू‌ईयां के सब परकार के जानवरन का बचामा का रहो ह।

![](https://cdn.door43.org/obs/jpg/360px/obs-en-03-04.jpg)

नूह परमातिमा के बात का मान ल‌ईस अऊ अपन बेटन के साथ व‌‌इसे ही जहाज बनाईन ज‌इसा कहे रहे हैं। अब कहेसे कि व जहाज बहुत बड़ा रहो हबा। त ओही बनाए म खूब साल लग ग रहो ह। फेर नूह सब मन‌ईन का चेता‌ईन कि, “बाढ़ आमा बाला ह।” पर कोऊ ओखे बात क ध्यान न द‌ईन, अऊ बिसवास नई करीस।

![](https://cdn.door43.org/obs/jpg/360px/obs-en-03-05.jpg)

परमातिमा नूह का अपने परिवार अऊ जानवरन के लाने खाना-पीना एकट्ठा करा का आज्ञा द‌ईन। जब सब तैयार होईगा, त उन्हीं अन्दर जहाज म जाएं का र‌ओ ह। जेमा से नूह, वाखर मेहेरिआ, बेटा अऊ उन्खर मेहेरिआ सब का मिलाके आठ झन रहे हें।

![](https://cdn.door43.org/obs/jpg/360px/obs-en-03-06.jpg)

फेर परमातिमा सब परकार के जानवरन के नर अऊ मादा जात का नूह के पास भेज द‌ईन कि ऊं जहाज म जा सकें। परमातिमा हर जात के सात जोड़ी नर अऊ मादा बलि चढ़ाए जाए के लाने भेजिन। अऊ जब सब जानवर जहाज म पहुंच गें, त परमातिमा खुद व जहाज के दरवाजा का बंद कर द‌‌ईन।

![](https://cdn.door43.org/obs/jpg/360px/obs-en-03-07.jpg)

तब बरसात होयें का सुरू हो‌ईगा, अऊ बरसात होत गा¬। चालीस दिन अऊ रात बरसात होत रहिगा। ज‌ऊन संसार म र‌ओ ह, सब डूब गा। बड़ा-बड़ा पहाड़-पथरा सब डूब गा ।

![](https://cdn.door43.org/obs/jpg/360px/obs-en-03-08.jpg)

अ‌ऊ ज‌ऊन सूखान भूईयाँ म जानवर मन‌ई रहे हें, ज‌ऊन जहाज म नहीं गा रहे आएं। ऊं सब मरगें लेकिन ज‌ऊन परमातिमा के बात मान के जहाज म चले गा रहे हेमा ऊं सब बच गें। जहाज पानी के ऊपर प‌इरत रहो ह अऊ हर चीज़ ज‌ऊन जहाज म रखे रहे हैं सब डूबे से बच गें।

![](https://cdn.door43.org/obs/jpg/360px/obs-en-03-09.jpg)

बरसात के रूक जाएं के बाद पांच महीना तक जहाज पानी के ऊपर रहो ह। फेर‌ ओतने म जून पानी कम होएँ लगो। ओखे बाद, एक दिन जहाज एकठे पहाड़ म जा के टिक गा लेकिन संसार तबहूँ पानी से ढँको र‌ओ ह। फेर तीन महीना बाद, पहाड़ के चुट‌ईया दिखायँ लगो रहो ह।

![](https://cdn.door43.org/obs/jpg/360px/obs-en-03-10.jpg)

फेर अऊ चालिस दिन के बाद, नूह एकठे क‌ऊआ ऊड़ा के देखिस कि पानी सूखो कि नई। पर व क‌ऊआ सूख भूईयां ढूँढत रहीगा, न‌ई मिलो।

![](https://cdn.door43.org/obs/jpg/360px/obs-en-03-11.jpg)

फेर बाद म नूह एकठे कबूतरी का भेजिस, त वहो क सूख भूईयाँ न‌ई मिलो, त व वापिस आ गई। ओखे बाद नूह एक हफ्ता बाद फेर व कबुतरी का भेजीस त य बेर क जैतून पेढ़बा के एकठे डाली चोंच म ले आईस। व समय पानी घटत र‌ओ ह अऊ पौधा उगत राओ ह।

![](https://cdn.door43.org/obs/jpg/360px/obs-en-03-12.jpg)

फेर नूह एक हफ्ता अऊ ओरगे रहीगा ओखे बाद तीसर बार व कबूतरी का भेजिस। ओही य बेर जगह मिलगा अऊ एखे बजे से व ल‌ऊट के दुबारा न‌ई आई। पानी सुखात रहो ह।

![](https://cdn.door43.org/obs/jpg/360px/obs-en-03-13.jpg)

दो महीना गुजरे के बाद परमातिमा नूह से कहीन, “ते आऊ तोर परिवार और सब जानवर जहाज से बाहर आ जा अऊ बहुत सारा लरका बच्चा पैदा करके य संसार मा भर जा अऊ नूह अऊ ओखर परिवार बाहर आ गें। नूह जब जहाज से बाहर आ गा।

![](https://cdn.door43.org/obs/jpg/360px/obs-en-03-14.jpg)

त एकठे वेदी बनाईस अऊ बली चढ़ामा लाइक सब जानवर मा से कुछ-कुछ का ल‌ईके चढ़ा द‌ईस। तब परमातिमा खुश होई के नूह अऊ ओखे परिवार का आशीर्वाद द‌ईन।

![](https://cdn.door43.org/obs/jpg/360px/obs-en-03-15.jpg)

फिर परमातिमा उनसे कहीन कि, ”मैं परतिज्ञा करत थो कि आज के बाद मैं मन‌ईन के खराब काम के कारण फेर से भूईयां का शराप न द‌ई हों या बाढ़ से कारण नास ना करिहों। व‌ईसे तो मनई अपने प‌ईदा होतेन ही पापी हबा।

![](https://cdn.door43.org/obs/jpg/360px/obs-en-03-16.jpg)

फिर परमातिमा अपने वाचा के पहिचान के रूप में मेघधनुष बनाईन। तबहिन से जब भी आसमान म मेघधनुष दिखे करी, त परमातिमा याद करे करी कि मैं वाचा बांधे रहों। अऊ अईसे ही उन्खर मनई भी याद करें करी।

*उत्पत्ति अध्याय 6-8 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_03_128kbps.m4a

## 4. अब्राहम के साथ परमातिमा के वाचा

https://openbiblestories.org/l/bfy/story-4/

![](https://cdn.door43.org/obs/jpg/360px/obs-en-04-01.jpg)

बाढ़ के आए के कई साल बाद संसार म खूब सारा मनई रहत रहे हें। अऊ ऊँ परमातिमा के खेलाफ अऊ मनई के खेलाफ पाप करा लगें। कहेसे कि ऊँ सब एकठे भाषा बोले करत रहे हें, ऐखे वजह से ऊँ एक साथ एकट्ठा होईके परमातिमा के आज्ञा का उलंघन कर दईन अऊ एकठे नगर बना लईन ।

![](https://cdn.door43.org/obs/jpg/360px/obs-en-04-02.jpg)

ऊँ सब बहुत ख़राब रहे हें, अऊ परमातिमा के जइसे अपने जीवन का नहीं चलामा का चाहत रहे आं; अऊ इकठे मीनार बनामा लगें, जऊन सरग तक पहुँच जात। त परमातिमा देखीन कि यदि ईं अइसे इकट्ठा होइके बुराई करत रइहीं। ई खूब हस पाप के काम करा लगहीं।

![](https://cdn.door43.org/obs/jpg/360px/obs-en-04-03.jpg)

ऐखे कारण परमातिमा उनखे भाषा–बोली का अलग-अलग कर दईन अऊ ऊं मनईन का सगला संसार म फईला दईन। ऊँ जऊन नगर का बनाऊत रहें हेमा वाखर नाम “बाबेल” रख दईन, ज्याखर मतलब हो था “गड़बड़ी” ।

![](https://cdn.door43.org/obs/jpg/360px/obs-en-04-04.jpg)

कई सालन के बाद परमातिमा एकठे मनई अब्राम से बात करीन, परमातिमा कहीन कि, “ते अपने देश दुनिया का अऊ परिवार कुटुंबीन का छोड़के चले जा जहां मैं तोही बताईहों।” अऊ कहीन कि, “मैं तोही आशीर्वाद द‌ईहों अऊ तोसे एकठे बड़ा जात बनईहों अऊ तोर नाम महान कर द‌ईहों। ज‌ऊन तोही आशीर्वाद दे‌ई ओही मैं आशिर्वाद द‌ईहों अऊ तोसे एकठे बड़ा जात बनईहों अऊ तोर नाम महान कर द‌ईहों। ज‌ऊन तोही शराप देई, ओही मैं शराप द‌ईहों अऊ ज‌ऊन तोही आशीर्वाद देई, ओही मैं आशिर्वाद द‌ईहों। अऊ तोर बजे से संसार के कुल,जाती आशीर्वाद प‌ईहीं।”

![](https://cdn.door43.org/obs/jpg/360px/obs-en-04-05.jpg)

तब अब्राम परमातिमा के बात का मान के अपन मेहेरिया का अऊ डेयरा, जाजात अऊ सेबकन का ल‌ईके चल द‌ईस अऊ परमातिमा ओही जऊन देश देखा‌ईन त वमा चलो गा। व देश के नाम कनान रहो ह।

![](https://cdn.door43.org/obs/jpg/360px/obs-en-04-06.jpg)

तब जब अब्राम व देश म आ गा त परमातिमा कहीन कि, “अपन आजू - बाजू देख ले। मैं तोही पूरा देश द‌ईहों अऊ ते यहमा अच्छे से अपन कुल - कुटुम्बिन के साथ रहे करे। तब फेर अब्राम वहमा रहां लगो ।

![](https://cdn.door43.org/obs/jpg/360px/obs-en-04-07.jpg)

ओखे बाद मलकिसिदक नाम के एकठे मन‌ई ज‌ऊन परमातिमा के पुरोहित रहो ह। एक दिन अब्राम लड़ाई करके आऊत रहो ह त ओसे य मिलिस, त अब्राम का आशीर्वाद द‌ईस अऊ कहिस कि, “ज‌ऊन सबसे महान, सरग अऊ धरती के मालिक हबा ऊँ तोही खूब आशीष दें।” फेर अब्राम लड़ाई म जीते वाले समानन के दसमाँ भाग द‌ई द‌ईस।

![](https://cdn.door43.org/obs/jpg/360px/obs-en-04-08.jpg)

अऊ ओही फेर क‌ईयो साल गुजर गा पर अब्राम के कोनो लरका-बच्चा नई रहो आ। तब परमातिमा अब्राम से बात करीन अऊ कहीन तोर लरका हो‌ई अ‌ऊ ज‌ईसे आसमान में तर‌इना हबा ओतने हस तोर कुल-कुटुंबी हो‌ईहीं। अब्राम उनखे ऊपर बिस्वास करीस अऊ परमातिमा ओही धर्मी मनई आए कहिके बताईस।

![](https://cdn.door43.org/obs/jpg/360px/obs-en-04-09.jpg)

तब फेर परमातिमा ओसे एकठे वाचा बान्धीन (वाचा दो झन के बीच म सन्धि के काम हो था)। परमातिमा य परतीज्ञा अब्राम से सोऊत के समय म करीन; लेकिन व तबहूँ परमातिमा के आवाज का सुन सकत रहो ह। परमातिमा कहीन , “मैं तोही तोरे शरीर से बेटवा उपजा के दईहों। मैं य कनान देस तोरे कुटुंबियन क दे थो।” पर ओखे बाद भी कोनो बेटवा ओखे पास म नई रहो आ।

*उत्पत्ति अध्याय 11-15 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_04_128kbps.m4a

## 5. प्रतिज्ञा का बेटबा

https://openbiblestories.org/l/bfy/story-5/

![](https://cdn.door43.org/obs/jpg/360px/obs-en-05-01.jpg)

अब्राम अऊ सारै क कनान पहुँचे के दस साल बाद, अबहूँ तक भी उनखे कोनों संतान नई रओ ह । एहीसे, अब्राम के मेहेरिआ सारै ओसे कहीन, "चूँकि परमातिमा अबहूँ तक मोही संतान पईदा करे म सक्षम नई करीन अऊ अब मैं संतान पईदा करे के लाने बहुत बूढ़ी होई गए हों, देख, मोर दासी हाजिरा हीन ही । ओसे ते शादी कर ताकि व मोरे लाने एकठे संतान पईदा कर सका ।"

![](https://cdn.door43.org/obs/jpg/360px/obs-en-05-02.jpg)

तब अब्राम हाजिरा से शादी कर लईस । हाजिरा के एकठे बेटबा पईदा भ, अऊ अब्राम वाखर नाम इश्माएल रखिस। पर सारै हाजिरा से जला लगी । जब इश्माएल तेरह साल के रओ ह, परमातिमा फेर से अब्राम से बात करीन ।

![](https://cdn.door43.org/obs/jpg/360px/obs-en-05-03.jpg)

परमातिमा कहीन, "मैं सर्वशक्तिमान परमातिमा आहों । मैं तोरे साथ एकठे वाचा बाँधीहों ।" तब अब्राम भूईयाँ म गिर के दण्डवत करीस । परमातिमा अब्राम से य भी कहीन, "ते बहुत सारी जातिन के बाप होई हे । मैं तोही अऊ तोरे वंशज क उन्खर निज भूईयाँ होएं क लाने कनान देश दईहों अऊ मैं सदा के लाने उन्खर परमातिमा होईहों । तोही अपन घराना के हर मनई के खतना करे क ह ।”

![](https://cdn.door43.org/obs/jpg/360px/obs-en-05-04.jpg)

"तोर मेहेरिआ सारै एकठे बेटबा पईदा करी–व प्रतिज्ञा के बेटबा होई। वाखर नाम इसहाक रखे। मैं ओखे साथ अपन वाचा क बनाए रखिहों अऊ व एकठे बड़ी जाति बन जई। मैं इश्माएल क भी एकठे बड़ी जाति बनईहों, पर मोर वाचा इसहाक के साथ रही ।" तब परमातिमा अब्राम के नाम बदल के अब्राहम कर दईन, ज्याखर अर्थ हबा, "बहुतन के पिता"। परमातिमा सारै क भी नाम बदल के सारा कर दईन, ज्याखर अर्थ हबा, "मूल माता"।

![](https://cdn.door43.org/obs/jpg/360px/obs-en-05-05.jpg)

व दीन अब्राहम अपन घराना के सब मनई के खतना करीस। लगभग एक साल के बाद, जब अब्राहम 100 साल के रओ ह अऊ सारा 90 साल के रई ही, त सारा अब्राहम के बेटबा क पईदा करीस। जइसा परमातिमा उन्हीं कहे रए हें, ऊँ वाखर नाम इसहाक रखीन।

![](https://cdn.door43.org/obs/jpg/360px/obs-en-05-06.jpg)

जब इसहाक जवान होईग तब परमातिमा य कहिके अब्राहम के विश्वास के परीक्षा करीन, "अपन एकलऊता बेटबा क ले, अऊ ओही मोरे लाने बलि के रूप म मार दे।" फेर से अब्राहम परमातिमा के बात मानीस अऊ अपन बेटबा क बलि करा के लाने तैयार करीस।

![](https://cdn.door43.org/obs/jpg/360px/obs-en-05-07.jpg)

जब अब्राहम अऊ इसहाक बलि चढ़ामा के जगह के तरफ़ जाएं लगे त इसहाक पूछीस, "हे पिता, हमरे पास बलि के लाने लकड़ी त हबा, पर बलि करा के लाने मेमना कहाँ हबा?" अब्राहम जवाब दईस, "हे मोर बेटबा, परमातिमा बलि करा के लाने मेमना के बंधेज करी।"

![](https://cdn.door43.org/obs/jpg/360px/obs-en-05-08.jpg)

जब ऊँ बलि चढ़ामा के जगह म पहुँच गें, त अब्राहम इसहाक क बाँध के वेदी म लेटा दईस। व अपन बेटबा क मारा ही वाला रओ ह त परमातिमा कहीन, "रुक जा! टोरवा क नुकसान न पहुँचा! अब मैं जान गय हों कि ते मोर भय मनते हस कहेसे कि ते अपन एकलऊटा बेटबा क भी मोसे से बचाके नई रखे हस।"

![](https://cdn.door43.org/obs/jpg/360px/obs-en-05-09.jpg)

पास ही म अब्राहम एकठे मेढ़ा क देखिस जऊन झाड़ी म फँसो रओ ह। इसहाक के बदले बलि के लाने परमातिमा मेढ़ा के बंधेज करे रए हें। अब्राहम खुशी-खुशी मेढ़ा के बलि चढ़ा दईस।

![](https://cdn.door43.org/obs/jpg/360px/obs-en-05-10.jpg)

तब परमातिमा अब्राहम से कहीन, "कहेसे कि ते मोरे लाने सब कुछ दें के इच्छुक रए हस, यहो तक कि अपन एकलऊता बेटबा क भी, एहीसे मैं तोही आसीस दें क प्रतिज्ञा करत हों। तोर वंशज आकाश के तरईना से भी ज्यादा होईहीं। कहेसे कि ते मोर आज्ञा क माने हस एहीसे मैं तोरे परिवार के द्वारा संसार के सब कुल क आशीष दईहों।"

*उत्पत्ति अध्याय 16-22 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_05_128kbps.m4a

## 6. परमातिमा इसहाक के लाने बन्धेज करा थ ।

https://openbiblestories.org/l/bfy/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम बुढ़वा होईगा तब वाखर बेटवा, एकठे मेन्सरूआ के बराबर होईगा रओ ह। एखे बजे से अब्राम अपन एकठे सेवक कहीं रिश्तेदारन के पास के भेज मेहेरिआ लामा कहीस।

![](https://cdn.door43.org/obs/jpg/360px/obs-en-06-02.jpg)

जऊन जगहा म रिश्तेदारन राहत रहे हें। हुन जाए के बाद परमातिमा रिबिका नाम के टोरिया से मुलाकात करवाईन । व अब्राम के भाई के पोती रही हीबा ।

![](https://cdn.door43.org/obs/jpg/360px/obs-en-06-03.jpg)

रिबिका अपन कुटुम्बिन का छोड़ के व सेवक के साथ जायँ के लाने मान ग रही। जइसे ऊं पहुँचिन त इसहाक रिबिका से सादी कर लईस।

![](https://cdn.door43.org/obs/jpg/360px/obs-en-06-04.jpg)

बहुत समय के बाद अब्राहम मर गा। तब फेर परमातिमा अब्राहम के बेटवा इसहाक का, अब्राहम के साथ जऊन वाचा बाँधे रओ ह ओखे वजह से आसीस दईस। व वाचा म ही परमातिमा के एकठे परतीज्ञा रओ ह कि, ”अब्राहम के असंख संतान होईहीं।” इसहाक के मेहेरिआ रिबिका के कोनो संतान नई रहो आ।

![](https://cdn.door43.org/obs/jpg/360px/obs-en-06-05.jpg)

इसहाक रिबिका के लाने प्राथना करीस, अऊ परमातिम ओही जुड़वा बच्चा दई दईन। जऊन समय ऊं बच्चा रिबिका के पेट म रय हें; वहेन समय म आपस म झगड़ा करा लगें, त जऊन कुछ रिबिका के पेट म होत रओ ह सब परमातिमा के बता दईस।

![](https://cdn.door43.org/obs/jpg/360px/obs-en-06-06.jpg)

परमातिमा रिबिका का कहीस तें दू ठे बेटवा पईदा करीहे। उनखर बंस दू ठे अलग-अलग जाति बनईहीं अऊ ऊँ एक - दूसर से झगड़ा करहीं। पर बड़ा वाला बेटवा के जाति छोट वाला बेटवा के जाति के आज्ञा मनही।

![](https://cdn.door43.org/obs/jpg/360px/obs-en-06-07.jpg)

जब रिबिका के लरकन के जनम होईगा। तब बड़ा वाला बेटवा लाल अऊ रोमादार रओ ह, अऊ ऊँ ओखर नाम एसाव रखीन। ओखे बाद छोट वाला बेटवा एसाव के एँड़ी पकड़के पइदा होय रओ ह। अऊ ऊँ वाखर नाम याकूब रखीन।

*उत्पत्ति अध्याय 24:1-25:26 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_06_128kbps.m4a

## 7. परमातिमा याकूब का आशीष दय करा था ।

https://openbiblestories.org/l/bfy/story-7/

![](https://cdn.door43.org/obs/jpg/360px/obs-en-07-01.jpg)

जब लरका बड़ा होईगे तब याकूब का घर म रहां का नीक लगा लगो, पर एसाव कहीं जानवरन के शिकार का नीक लगत रहो ह। रिबका क याकूब नीक लगत रहो ह, लेकिन इसहाक एसाव का ‌पसंद करत रहो ह।

![](https://cdn.door43.org/obs/jpg/360px/obs-en-07-02.jpg)

एक दिन, जब एसाव शिकार करके आव त व खूब भूखान रओ ह । व एसाव याकूब का कहीस, “जऊन ते चुराए हस वामा से मोहि चुटु हस खाना द‌ई दे ।” तब फिर याकूब कहिस, “पहले मोसे दे या परतिज्ञा कर कि, ते बड़ा बेटबा होय के कारन ज‌ऊन चीज़ तोही मिला का चाहि, वह सब मोहे दई दे।” तब फेर एसाव ऊँ सब सीजन का याकूब का देकर दे के लाने प्रतिज्ञा कर देईस । तब याकूब ओही चुटु हस खाना द‌ई द‌ईस।

![](https://cdn.door43.org/obs/jpg/360px/obs-en-07-03.jpg)

इसहाक एसाव का आशीष दें क चाहत र‌ओ ह । पर ओके पहले कि अइसा करे पाउस, रिबका अऊ याकूब, ढोंग करके ओही धोखा द‌ई द‌ईस । इसहाक बुढ़ा गा र‌ओ ह तेखे बजे से नई चिन्हे पाईस । एही से याकूब, एसाव के कपड़ा पहिन के अऊ छेरिया के चमड़ा कहीं नट‌ई म अऊ हाथ म लपटा लईस।

![](https://cdn.door43.org/obs/jpg/360px/obs-en-07-04.jpg)

याकूब इसहाक के पास आओ अऊ कहिस, “कि मैं ऐखे खातिर तोरे पास आए हों कि ते मोही आशीष दे ।” तब इसहाक छेरिया के बाल का छूईस अऊ कपड़ा क सूंघ ल‌ईस त समझिस ल‌ईस कि यहे एसाव आये अऊ ओही आशीष द‌ई द‌ईस।

![](https://cdn.door43.org/obs/jpg/360px/obs-en-07-05.jpg)

तब फेर एसाव, याकूब से खूब जला लगो। कहेसे याकूब ओखे बड़ा बेटबा होंये के हक़ का चोरा ल र‌ओ ह यहेन बजे से एसाव ओखे बाप के मरे के बाद याकूब क मारे के योजना बनाये लगो ।

![](https://cdn.door43.org/obs/jpg/360px/obs-en-07-06.jpg)

लेकिन रिबका एसाव के योजना क जान ल र‌ईही । ऐखे बजे से रिबका अऊ इसहाक याकूब का अपने रिश्तेदारन के पास खूब दूर भेज द रये हें।

![](https://cdn.door43.org/obs/jpg/360px/obs-en-07-07.jpg)

याकूब बहुत साल तक रिबेका के रिश्तेदारन के पास राहत रहो आओ । वहेन कई शादी करलईस अऊ बारह ठे बेटबा अऊ एकठे बिटिया प‌ईदा कर ल‌ईस। परमातिमा ओही खूब धनी बना दईन।

![](https://cdn.door43.org/obs/jpg/360px/obs-en-07-08.jpg)

अऊ बीस साल बाद अपन परिवार अऊ सेबकन अऊ जानवरन क ल‌ईके वापस अपने देश कनान आ गा।

![](https://cdn.door43.org/obs/jpg/360px/obs-en-07-09.jpg)

याक़ूब य बात का जान के एसाव से डेरात रओ ह कि एसाव ओही अबहूँ भी मार डाले का चाहत ह । एखे बजह से ओखे लाने जानवरन के उपहार ओखे पास भेज दईस । जऊन सेवक व झुण्ड का ले के ग रए हें ऊँ कहिन, “तोर दास याक़ूब, ईं जानवरन का तोही देव थ अऊ व जल्दी से आऊथ।

![](https://cdn.door43.org/obs/jpg/360px/obs-en-07-10.jpg)

पर एसाव याक़ूब का नुकसान नई पहुँचामा का चाहत रहो आय । बल्कि व ओही फेर दूबारा देख के खूब खुश होई ग । ओखे बाद याक़ूब कनान देस म स्वतंत्र होई के रहां लगो। फेर इसहाक मर ग अऊ याक़ूब अऊ एसाव ओही गाड़ दईन। वाचा के परतीज्ञा जऊन परमातिमा अब्राहम से करे रए हें व अब इसहाक से याक़ूब म आगे रओ ह।

*उत्पत्ति अध्याय 25:27-35:29 से एक बाइबल की कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_07_128kbps.m4a

## 8. परमातिमा यूसुफ अऊ ओखे परिवार का बचाऊथ।

https://openbiblestories.org/l/bfy/story-8/

![](https://cdn.door43.org/obs/jpg/360px/obs-en-08-01.jpg)

कितना साल के बाद जब याकूब बुढ़वा होईगा त व अपन प्यारा बेटा यूसुफ कहीं ओखे भाई के जांच- पड़ताल करे क भेजिस। ज‌ऊन जानवरन के देखरेख करत र‌ए हें।

![](https://cdn.door43.org/obs/jpg/360px/obs-en-08-02.jpg)

यूसुफ के भाई ओसे जलन करत र‌ए हें कहेसे कि उनखर बाप ओही खूब चाहत रओ ह। अऊ एखे बजे से भी कि यूसुफ सपना देखे रओ ह कि उन्खर शासक बनी । जब यूसुफ अपन भाईन के पास आओ त ऊं ओही बांध लईन अऊ ओही दासन के धंधा करा वाले के हाथ म बेच द‌ईन।

![](https://cdn.door43.org/obs/jpg/360px/obs-en-08-03.jpg)

घर मा आए से पहिले यूसुफ के भाई यूसुफ के कपड़ा कहीं फाड़ के छेरिया के लहू म भिगा द‌ईन। फेर ऊं व कपड़ा का अपन बाप के पास ले आईन कि एही देख के व सोच लेई कि ओही कोनो जंगली जानवर मार डालिन होही। तब याकूब खूब चिंता म पड़ ग।

![](https://cdn.door43.org/obs/jpg/360px/obs-en-08-04.jpg)

दासन के धन्धा करा बाले मन‌ई ओही मिस्त्र देश लई गें । नील नदियां के किनारे म बसो मिस्र देश विशाल अऊ खूब ताकत वाला देश रओ ह । दासन के धंधा करा वाले यूसुफ का एकठे अमीर सरकारी अधिकारी क बेंच द‌ईन। यूसुफ अपन स्वामी के अच्छे से सेवा करत र‌ओ ह अऊ परमातिमा यूसुफ का आशीष द‌ईन।

![](https://cdn.door43.org/obs/jpg/360px/obs-en-08-05.jpg)

फेर वाखर मालिक के मेहेरिआ यूसुफ के साथ सोआमा के परयास करीस, पर यूसुफ परमातिमा के खेलाफ पाप करा का मना कर द‌ईस । त व गुस्सा हो‌ई गई अऊ यूसुफ के ऊपर झूंठ - मूंठ के दोस लगा द‌ईस । एखे कारन ओही बांध के जेल म डार द‌ईन । तबहूं यूसुफ जेल म रहीके परमातिमा के खेलाफ कोनो पाप न‌ई करीस । तब परमात्मा ओही आशीष दईन ।

![](https://cdn.door43.org/obs/jpg/360px/obs-en-08-06.jpg)

दुई साल के बाद युसूफ अबहूं भी जेल म रओ ह ‌। भले व कुछु नई करे रहो आ । एक रात, फिरौन, ज‌ईसा मिस्री मनई अपने राजन का बुलाए करा थे, दुई थे सपना देखिस जउन ओही बड़ा अचंभा म डाल द‌ईस। वाखर कोनो भी सलाहकार ओही सपना के अर्थ न‌ई बता पाईन।

![](https://cdn.door43.org/obs/jpg/360px/obs-en-08-07.jpg)

परमात्मा यूसुफ का सपना बताए के लाने शक्ति दईन । एखे बजे से फिरौन यूसुफ का जेल से अपन पास बुलाईस । यूसुफ ओखे सपना का मतलब बता दईस अऊ कहीस, “परमातिमा भरापूरा फसल वाला सात साल के बाद अकाल के सात साल भ्याजे वाला हे।”

![](https://cdn.door43.org/obs/jpg/360px/obs-en-08-08.jpg)

फिरौन यूसुफ से एतना परभावित होईग कि ओही मिस्र के दूसर सबसे बड़ा शक्तिशाली मनई बना दईस।

![](https://cdn.door43.org/obs/jpg/360px/obs-en-08-09.jpg)

यूसुफ मनईन से अच्छा फसल वाला सात साल के लाने बहुत ज्यादा खाना-पिना जमा करे के लाने कहीस । जब सात साल के अकाल आव तब यूसुफ मनईन क व भोजन बेंचा लगो । जेमां उन्खे पास खाय पिये का अनाज हो जाय ।

![](https://cdn.door43.org/obs/jpg/360px/obs-en-08-10.jpg)

व अकाल सिरफ मिस्र बस म नई पर कनान देस म भी भयंकर रओ ह । जहाँ याकूब अऊ ओखर परिवार रहत रओ ह।

![](https://cdn.door43.org/obs/jpg/360px/obs-en-08-11.jpg)

तब याकूब अपन सबसे बड़ा बेटवन का दाना खरीदे के लाने मिस्र भेजिस। जब ऊँ दाना खरीदे के लाने यूसुफ के पास खड़ा होईन । त ऊँ भाई यूसुफ का नई चिन्ह पाईन पर यूसुफ उन्हीं चिन्ह लईस ।

![](https://cdn.door43.org/obs/jpg/360px/obs-en-08-12.jpg)

यूसुफ य पता लगाए के लाने कि का ऊँ बदल गे हें उन्हीं जाँचीस परखीस अऊ जाँचे परखे के बाद बता दईस कि मैं तुम्हार भाई यूसुफ आहों, मत डेरा । जब तुम मोही दासन के हाथ म बेचे रए हे त तुम बुरा करे का ठाने रए ह । पर परमातिमा व बुराई का भलाई म इस्तमाल कर लईस । अब आवा अऊ मिस्र म आ के रहा । कहेसे कि मैं तुम्हारे लाने अऊ तुम्हारे परिवार के लाने भोजन-पानी के बेवस्था कर सकों।

![](https://cdn.door43.org/obs/jpg/360px/obs-en-08-13.jpg)

जब यूसुफ के भाई घर लउटीन अऊ अपने बाप याकूब का बताईन कि यूसुफ जीअत हवा । त व बहुत खुश होई ग रओ ह ।

![](https://cdn.door43.org/obs/jpg/360px/obs-en-08-14.jpg)

हालाँकि याकूब एक ठे बुढ़वा आदमी रओ ह तबहूँ अपन सबला परिवार के साथ मिस्र चलो ग अऊ ऊँ हुन जाके रहा लगें । याकूब के मरे के पहिले व अपन सब बेटवन का आसीस दईस ।

![](https://cdn.door43.org/obs/jpg/360px/obs-en-08-15.jpg)

वाचा के व परतीज्ञा जऊन परमातिमा अब्राहम से करे रए हें व इसहाक म अऊ ओखे बाद याकूब म अऊ ओखे बाद ओखे 12 बेटवा अऊ उनखे परिवारन म आ ग । ऊं 12 बेटवन के बंस इस्राएल के 12 गोत्र बन गें ।

*उत्पत्ति अध्याय 37-50 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_08_128kbps.m4a

## 9. परमातिमा मूसा का बुलाऊ थ।

https://openbiblestories.org/l/bfy/story-9/

![](https://cdn.door43.org/obs/jpg/360px/obs-en-09-01.jpg)

यूसुफ के मरे के बाद वाखर सब रिश्तेदार मिस्र म बस गें। व अऊ उन्खर कुल कुटुम्बि केतना साल तक मिस्र मही राहत रही गें। अऊ खुब हस लरका-बच्चा पइदा करीन। ऊँ इस्राएली कहिलाईन।

![](https://cdn.door43.org/obs/jpg/360px/obs-en-09-02.jpg)

यूसुफ केतना सौ साल के बाद इस्राएली के जन संख्या खूब बढ़ गय रओ ह। अऊ मिस्री मनई अब य बात के लाने अभारी नई रहें कि उन्खर मदत करे के लाने यूसुफ खूब कुछ करी सी। ऊँ इस्राएलीन से डेरा ग रय हें कहेसे कि उन्खर जनसंख्या बहुत ज्यादा होई ग रओ ह। एखे वजह से व समय मिस्र म सासन करां वाले फिरौन, इस्राएलीन क मिस्रीन के दास बना दईस।

![](https://cdn.door43.org/obs/jpg/360px/obs-en-09-03.jpg)

मिस्री इस्राएलीन का केतना महल अटारी अऊ केतना हस नगर का बनामा का लाने मजबूर कर दईस। व बीकट मेहनत उन्खर जिन्दगी का खूब दुखदाई बना द रओ ह, पर परमातिमा उन्हीं आसीस दईन अऊ उन्खर अऊ ज्यादा लरका बच्चा भें।

![](https://cdn.door43.org/obs/jpg/360px/obs-en-09-04.jpg)

फिरौन देखिस कि इस्राएलिन के बहुते सन्तान पइदा हो रए हें । एखे बजे से व अपन मनईन का इस्राएली के सब लरका का नील नदी म फइँक के मार डाले क आदेस दईस।

![](https://cdn.door43.org/obs/jpg/360px/obs-en-09-05.jpg)

एकठे बिसेस इस्राएली मेहेरिआ एकठे बेटवा क जनम दईस। व अऊ वाखर मेन्सरूआ जेतना होई सको बेटवा का लुका के रखीन।

![](https://cdn.door43.org/obs/jpg/360px/obs-en-09-06.jpg)

जब व बेटवा के बाप-महतारी ओही अऊ ज्यादा न लुका सकीन त ओही मार न डारयँ के डर से एकठे पइरा वाली झँउवा म सोवा के नील नदी के किनारे म सन कड़ईया के बीच म रख दईन। वाखर बड़ी बहनी य द्याखा के लाने वाखर निगरानी करीस कि ओखे साथ का होई।

![](https://cdn.door43.org/obs/jpg/360px/obs-en-09-07.jpg)

फिरौन के बिटिया व झँउवा क देख के ओखे भीतर झाँकिस। जब व लरका का देखीस त ओही व अपने लरका के रूप म लई लईस। व ओही इस्राएली मेहेरिआ क दूध पिलामा क लाने काम म रखीस, बिना य जाने कि व वाखर महतारी सही म आय कि नई । जब व लरका बड्डा होई ग। अब ओही अपन महतारी के दूध के जरूरत नई य, तब व फिरौन के बिटिया के पास ओही लउटा दईस। वाखर नाम मूसा रओ ह।

![](https://cdn.door43.org/obs/jpg/360px/obs-en-09-08.jpg)

एक दिन जब मूसा बड़ा होई ग त व देखीस कि एकठे मिस्री एकठे इस्राएली का पीटत रओ ह तब मूसा इस्राएली का बचामा क परयास करीस।

![](https://cdn.door43.org/obs/jpg/360px/obs-en-09-09.jpg)

जब मूसा सोचिस कि ओही कोऊ न देखी त व मिस्री मनई का मार डारीस अऊ ओखे देह का गाड़ दईस। पर मूसा जऊन करे रओ ह ओही कोनों देख ल रओ ह।

![](https://cdn.door43.org/obs/jpg/360px/obs-en-09-10.jpg)

फिरौन क पता होईग कि मूसा का करी सी। तब व ओही मार डारे क कोसीस करिस, पर मूसा मिस्र से जंगल म भग ग। फिरौन के सेना ओही ढूँढ़ न पाईन।

![](https://cdn.door43.org/obs/jpg/360px/obs-en-09-11.jpg)

मिस्र से दूर जंगल म मूसा बन ग रओ ह। व हून एकठे टोरिया से सादी कर ल‌ईस अऊ दू ठे बेटवा पईदा करीस।

![](https://cdn.door43.org/obs/jpg/360px/obs-en-09-12.jpg)

मूसा अपन ससुरार के भेंड़ बकरी के थ्वाक के देखरेख करत रओ ह। एक दिन व एकठे बरत झाड़ी क देखीस जउन भसम होय बिना जलत रओ ह। व ओही द्यखे के लाने झाड़ी के पास म ग। जब व ओखे बहुत पास रओ ह तब परमातिमा ओसे बताईन – बोलीन । ऊँ कहीन हे मूसा, अपन जूता उतार दे। कहेसे कि तें एकठे पवित्र जगह म खड़े हस।

![](https://cdn.door43.org/obs/jpg/360px/obs-en-09-13.jpg)

परमातिमा कहीन, मैं अपने मनईन के दुख क देखे हव। मैं तोही फिरौन के पास भेजिहों ताकि इस्राएलीन का मिस्र के गुलामी से निकार ले । मैं उन्ही कनान देस दईहों, व देस ज्याखर मैं अब्राहम, इसहाक, याकूब से परतीज्ञा करे रय हों।

![](https://cdn.door43.org/obs/jpg/360px/obs-en-09-14.jpg)

मूसा पूछीस, अगर मनई जाना क चहहीं कि मोही को भेजिसी त मैं का कइहों? परमातिमा कहीन, जऊन मैं हों, तऊन हों। उनसे कहे, “मैं हों” जऊन मोही भेजिसी। उनसे अइसा भी कहे, मैं तुम्हार पुर्वजन अब्राहम, इसहाक अऊ याकूब के परमातिमा यहोवा आहों। मोर य नाम हमेशा के लाने ह।

![](https://cdn.door43.org/obs/jpg/360px/obs-en-09-15.jpg)

मूसा डेरात रओ ह अऊ फिरौन के पास म जाय के नई चाहत रओ ह कहेसे कि व सोचत रओ कि व अच्छे न बोल पई। एखे वजह से परमातिमा मूसा के भाई हारून, क वाखर मदत करे के लाने भेजिस।

*निर्गमन अध्याय 1-4 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_09_128kbps.m4a

## 10. दस विपत्ति

https://openbiblestories.org/l/bfy/story-10/

![](https://cdn.door43.org/obs/jpg/360px/obs-en-10-01.jpg)

परमातिमा मूसा अऊ हारून क चेता दईन कि फिरौन हठी होई जई। जब ऊँ फिरौन के पास गें ऊँ कहीन, इस्राएल के परमातिमा अइसा कहा था, “मोरे मनई का जाँ दें ।” पर फिरौन उन्खर नई सुनीस अऊ इस्राएली कि जाएँ के लाने स्वतंत्र बजाय उन्हीं अऊ सतामा लागो, अऊ बनी मजदूरी करवामा लगो।

![](https://cdn.door43.org/obs/jpg/360px/obs-en-10-02.jpg)

फिरौन ऊँ मनई का जाँ दे से लगीतार मना करत रहो आओ। एखे बजे से परमातिमा मिस्र म भयंकर दस विपत्ति भेजिस ईं विपत्ति के व्दारा परमातिमा फिरौन का दिखा दईस कि व फिरौन अऊ मिस्र के दवी-देऊतन से ज्यादा शकितशाली हबा।

![](https://cdn.door43.org/obs/jpg/360px/obs-en-10-03.jpg)

परमातिमा नील नदिया का खून म बदल दईन पर फिरौन अबहूँ भी इस्राएलीन का नई जाँ द रहो आ।

![](https://cdn.door43.org/obs/jpg/360px/obs-en-10-04.jpg)

फेर परमातिमा पूरा मिस्त्र म गुलरा भेजिन l फिरौन गुलरन का दूर करे के लाने मूसा से विनती करिस । पर सब गुलरा के मरे के बाद, फिरौन अपन मन का कठोर कर लईस अऊ इस्त्राएलीन क मिस्र से नई जाँ दईस।

![](https://cdn.door43.org/obs/jpg/360px/obs-en-10-05.jpg)

एखे बजे से परमातिमा कुटकिन के विपत्ति भेजिन l ओखे बाद व डाँसन के विपत्ति भेजिन । फिरौन मूसा अऊ हारून का बुला के कहीस कि, “तुम य विपत्तिन का रोंक दईहा त तुम इस्त्राएली मिस्त्र का छोड़ के जा सकते ह । फेर जब मूसा प्रार्थना करीस त परमातिमा मिस्त्र म से सब डाँसन का हटा दईन । पर फिर भी फिरौन अपने मन का कठोर कर लईस I अऊ स्वंतत्र होइ के जाऐं न दईस l

![](https://cdn.door43.org/obs/jpg/360px/obs-en-10-06.jpg)

ऐखे बाद परमातिमा मिस्त्रिन के सब पालतू जानवरन का बीमार करके मर जाऐं दईन । पर फिरौन के मन कठोर होई गा रओ ह । अऊ व इस्त्राएलीन का नई जाँ दईस l

![](https://cdn.door43.org/obs/jpg/360px/obs-en-10-07.jpg)

तब परमातिमा मूसा से हवा म राख फईकें के लाने कहिन l तब व अइसे ही करिस त मिस्री मनईन के चमड़ी म दर्दनाक फोड़ा निकल आओ, पर इस्राएलीन का कुछु नई भ l परमातिमा फिरौन के मन का कठोर कर दर्ईन अऊ फिरौन इस्त्राएलीन का स्वतंत्र होइके नई जां दईस I

![](https://cdn.door43.org/obs/jpg/360px/obs-en-10-08.jpg)

ऐखे बाद, परमातिमा ओला, ओआर गिराईन अऊ मिस्त्री के खूब हस फसल बरबाद कर दईन । अऊ जऊन कोऊ भी बाहर निकलो सबका मार डालिन I फिरौन मूसा अऊ हारून क बुला के कहिस, “में बहुत पाप करे हों तुम जा सकते ह ।” तब मूसा प्रार्थना करिस । ओआर गिरा क बन्द होईगा I

![](https://cdn.door43.org/obs/jpg/360px/obs-en-10-09.jpg)

पर फिरौन फेर से पाप करिस अऊ अपने मन क कठोर कर लईस l अऊ इस्राएलीन क नई जां दईस I

![](https://cdn.door43.org/obs/jpg/360px/obs-en-10-10.jpg)

तब परमातिमा मिस्र म टिड्डिन क आज्ञा दईन । ईं टिड्डी उनखर सबला फसल खा लईन जेही ओआर नाश नई करे रहो l

![](https://cdn.door43.org/obs/jpg/360px/obs-en-10-11.jpg)

फेर परमातिमा अन्धियार कर दईन जउन तीन दिन अऊ तीन रात रहो आओ l अंधियार एतना घोर रओ ह कि मिस्री मनई अपन घर से नई निकल पाईन l पर जहां इस्राएली मनई राहत रहें हें वहां उन्जियार रओ ह |

![](https://cdn.door43.org/obs/jpg/360px/obs-en-10-12.jpg)

इन नौ विपत्तिन के बाद भी फिरौन इस्राएली क जां दए से मना कर दईस, कहे से कि फिरौन नई सुनीस ऐखे कारन परमातिमा एकठे आखरी विपत्ति का भ्याजा के योजना बनाईन । य फिरौन के मन का बदल देई |

*निर्गमन अध्याय 5-10 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_10_128kbps.m4a

## 11. फसह

https://openbiblestories.org/l/bfy/story-11/

![](https://cdn.door43.org/obs/jpg/360px/obs-en-11-01.jpg)

परमातिमा मूसा अऊ हारून का फिरौन के पास म य कहा के लाने भेजिन कि इस्राएली का जाएं दे l ऊँ उन्ही चेता दईन कि यदि उन्ही न जां देई त परमातिमा मिस्र के मनई, जानवरन के सब पहिलौठा का मार देईहीं । फिरौन य बात का सुनके भी परमातिमा के ऊपर विश्वास नई करिस अऊ बात माने से मना कर दईस l

![](https://cdn.door43.org/obs/jpg/360px/obs-en-11-02.jpg)

परमातिमा ओखे ऊपर विश्वास करां वाले के पहिलौठान का बचामा के लाने एकठे उपाय करीन कि हर परिवार क एकठे निष्कलंक मेम्ना लेके वाखर बध करे का पड़ी ।

![](https://cdn.door43.org/obs/jpg/360px/obs-en-11-03.jpg)

परमातिमा इस्राएलीन से व मेम्ना के खून का लई के अपने घर के चौखट म लगाय क कहीन । उन्हीं ओखे मास का भून्जे के रओ ह अऊ फेर उन्हीं अखमीरी रोटी के साथ म खाय क रओ ह । उन्हीं व खाना खाय के बाद उन्हीं तत्काल मिस्र का छोड़े का भी तैयार रहे का कहीन ।

![](https://cdn.door43.org/obs/jpg/360px/obs-en-11-04.jpg)

जइसा करे के लाने परमतिमा आज्ञा दईन । ऊँ सब ओखे कहती सब कुछ करीन I आधी रात म परमतिमा हर एक बड़ा बेटवा का घात करत मिस्र के बीच से गुजरीन।

![](https://cdn.door43.org/obs/jpg/360px/obs-en-11-05.jpg)

इस्राएलीन के हर घर के चौखट म खून लगो रओ ह, एहीन से परमातिमा ऊँ घरन का छोड़ दईस । उनखे भीतर के सब मनई सुरक्षित रए हें। ऊँ मेम्ना के लहू के बजे से बच गें।

![](https://cdn.door43.org/obs/jpg/360px/obs-en-11-06.jpg)

पर मिस्री परमातिमा पर बिसवास नई करीन अऊ ओखे आज्ञा क नई मानीन एखे बजे से परमातिमा उनखे घरन का नई छोड़िन । परमातिमा मिस्रिन के हर एकठे पहिलौठा बेटवन का मार दईन।

![](https://cdn.door43.org/obs/jpg/360px/obs-en-11-07.jpg)

जेल के कैदीन के पहिलौठा से लइके, फिरौन के पहिलौठा तक हर एकठे पहिलौठा बेटवा मर गें। अपन भारी तकलीफ़ के बजे से मिस्र के खूब मनई रोऊत रय हें अऊ विलाप करत रय हें।

![](https://cdn.door43.org/obs/jpg/360px/obs-en-11-08.jpg)

वहे रात फिरौन मूसा अऊ हारून क बुलाइस अऊ इस्राएलीन क लइके तुरते मिस्र से भग जाय के निवेदन करीस।

*निर्गमन अध्याय 1 1:1 – 12:32 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_11_128kbps.m4a

## 12. निर्गमन

https://openbiblestories.org/l/bfy/story-12/

![](https://cdn.door43.org/obs/jpg/360px/obs-en-12-01.jpg)

इस्राएली मनई मिस्र से निकल के बहुत खुश रए हें I उँ अब दास नहीं रहे आ अऊ ऊँ परतिज्ञा के देस म जात रहें। जऊन कुछु भी इस्राएली मांगीन, मिस्री उन्हीं व सब कुछ दईन, यहां तक कि सोना अऊ चाँदी अऊ मूल्यवान सामान दईन। दूसर देस के मनई परमातिमा के ऊपर बिसवास करीन अऊ जब इस्राएली मनई मिस्र से निकलो त ऊँ भी उनखे साथ होईगे।

![](https://cdn.door43.org/obs/jpg/360px/obs-en-12-02.jpg)

दिन म बादल के एकठे बिसाल खम्बा उनसे आगे-आगे चलो अऊ रात के समय य आग के खम्बा बन ग। परमातिमा जउन कि व बादल के खम्बा अऊ आग के खम्बा म रय हें, हर समय उन्खे साथ रय हें अऊ ऊँ यात्रा करत के समय भर उन्खर अगुवाई करीन। उन्हीं बस एतना करे क रओ ह कि उन्खे पीछे चलतीन।

![](https://cdn.door43.org/obs/jpg/360px/obs-en-12-03.jpg)

थोड़ी देर के बाद, फिरौन अऊ वाखर मनई अपने मन का बदल दईन। ऊँ इस्राएलीन का फेर से अपन दास बनामा का चाहत रय हें। एही से ऊँ इस्राएलीन के पीछा करां लगे। य परमातिमा रए हें जऊन उन्खे मनन क बदल द रय हें। ऊँ अइसा एखे लाने करीन कि ऊँ चाहत रह हें कि सब कोऊ य जान ले कि फिरौन से अऊ मिस्रिन के सब देऊतन से, यहोवा बहुत ज्यादा शक्तिशाली हें ।

![](https://cdn.door43.org/obs/jpg/360px/obs-en-12-04.jpg)

जब इस्राएली मिस्र के सेनन का आऊत देखिन त उन्हीं पता चलो कि फिरौन के सेना अऊ लाल समुद्र के बीच म ऊँ फंस गे हें। ऊँ बहुत डेरा गें अऊ रोआमा लगें, "हम मिस्र का कहे छोड़ेन, हम मरा वाले हन।"

![](https://cdn.door43.org/obs/jpg/360px/obs-en-12-05.jpg)

मूसा इस्राएलीन से कहीस, "डेराँय का बन्द करा! परमातिमा आज तुम्हरे लाने लड़ी अऊ तुम्हीं बचई। "तब परमातिमा मूसा से कहीन, " ईं मनईन क लाल समुद्र कई आ गे जायँ के लाने कह।"

![](https://cdn.door43.org/obs/jpg/360px/obs-en-12-06.jpg)

तब परमातिमा व बादल क खम्बा क लई के इस्राएली अऊ मिस्री के बीच म लई के रख दईन ताकि मिस्री मनई इस्राएलीन क न देख पावयँ।

![](https://cdn.door43.org/obs/jpg/360px/obs-en-12-07.jpg)

परमातिमा मूसा से समुद्र म अपन हाथ बढ़ाय क लाने कहीन। फेर परमातिमा हवा से समुद्र के पानी क बाँय अऊ दायँ दू भाग करवा दईन, समुद्र से होईके रास्ता बन ग।

![](https://cdn.door43.org/obs/jpg/360px/obs-en-12-08.jpg)

इस्राएली मनई अपन दोनों कई पानी के दीवाल के साथ म सूख भुइयाँ समुद्र से होईके बढ़ गें।

![](https://cdn.door43.org/obs/jpg/360px/obs-en-12-09.jpg)

तब परमातिमा व रास्त से बादल क ऊठा लईन कहेसे कि मिस्री मनई इस्राएली का बच के जात द्याखा I मिस्री उन्ही पकड़ा के लाने उनखर पीछा करां क निर्णय लईन I

![](https://cdn.door43.org/obs/jpg/360px/obs-en-12-10.jpg)

का घबरा दईन अऊ उनखर रथन का लटका दईन। ऊँ चिल्लाय लगें "भग भग, इस्राएलीन के तरफ से परमातिमा लड़थें।"

![](https://cdn.door43.org/obs/jpg/360px/obs-en-12-11.jpg)

सगला इस्राएली समुद्र के दूसर तरफ पहुँच गें। तब परमातिमा मूसा से कहीन कि, “व फेर से पानी म हाथ बढ़ावा ।” जब मूसा अइसा करिस, त पानी मिस्री सेनन म आ पड़ो अऊ अपन समान स्थिति म होइगा। सब मिस्री सेना डूब गई।

![](https://cdn.door43.org/obs/jpg/360px/obs-en-12-12.jpg)

जब इस्राएली देखीन कि मिस्री मर गें त ऊँ परमातिमा के ऊपर बिसवास करीन। अऊ ऊँ बिसवास करीन कि मूसा परमातिमा के तरफ से भविस्यवक्ता आय।

![](https://cdn.door43.org/obs/jpg/360px/obs-en-12-13.jpg)

इस्राएली मनई एखे बजे से भी खूब आनंदित रय हें कहेसे कि परमातिमा उन्हीं मरे से अऊ दास होय से बचा ले रय हें। अऊ ऊँ परमातिमा के आराधना करा लगे रय हें अऊ वाखर आज्ञा के पालन करा के लाने स्वतंत्र होई गे रय हें। इस्राएली अपन स्वतंत्रता के उत्सव मनामा के लाने अऊ परमातिमा के प्रसंसा करां के लाने इकट्ठे गीतन का गाईन कहेसे कि उन्हीं व मिस्रीन के सेना से बचाय रओ ह।

![](https://cdn.door43.org/obs/jpg/360px/obs-en-12-14.jpg)

परमातिमा इस्राएलीन का एकठे त्योहार मनामा क लाने आज्ञा दईन। य याद करे के लाने कि कईसे परमातिमा मिस्रीन का हराईन अऊ उन्हीं दास होय से स्वतंत्र करीन। य फसह के त्योहार कहाईस। यमा उन्हीं यखर उत्सव मनामा क लाने एकठे स्वस्थ मेमना का बली करा रओ ह, ओही भून्जा क रओ ह, अऊ उन्हीं बिना खमीर बाली रोटी के साथ खाय क रओ ह।

*निर्गमन अध्याय 12:33 - 15:21 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_12_128kbps.m4a

## 13. इस्राएलीन के साथ परमातिमा के वाचा।

https://openbiblestories.org/l/bfy/story-13/

![](https://cdn.door43.org/obs/jpg/360px/obs-en-13-01.jpg)

इस्राएलीन का लाल समुद्र से पार लईके जायँ के बाद, परमातिमा उन्हीं जंगल से होई के सिनै कहामा वाले पर्वत के तरफ लई गें। य वहे पर्वत रओ ह जहाँ मूसा बरत झाड़ी क देखे रओ ह। ऊँ मनई व पर्वत के नीचे अपन तम्बून क खड़ा करीन।

![](https://cdn.door43.org/obs/jpg/360px/obs-en-13-02.jpg)

परमातिमा मूसा से अऊ इस्राएल के सब मनईन से कहीन, "तुम्हीं सब दिन मोर बात माना का पड़ी अऊ जऊन वाचा मैं तुम्हरे साथ बाँधत हों ओही बनाय रखीह। यदि तुम अइसा करीहा त तुम मोर तोफा, बहूमूल्य धन, याजक के राज, अऊ एकठे पवित्र जाति ठहरीहा।

![](https://cdn.door43.org/obs/jpg/360px/obs-en-13-03.jpg)

परमातिमा व्दारा उनखे पास आमा के लाने तीन दिन खुद क तैयार करीन। तब परमातिमा सीनै पर्वत के चुटझ्या के ऊपर नीचे उतरीन। जब व आव त भूकम्प होईगा, बिजली चमकीस, धूआँ उठीस अऊ तुरहीन के जोरदार शब्द भ। तब मूसा खूद ऊपर पर्वत म चढ़ ग।

![](https://cdn.door43.org/obs/jpg/360px/obs-en-13-04.jpg)

तब परमतिमा मनईन के साथ एकठे वाचा बाँधीन। ऊँ कहीन, "मैं तुम्हार परमातिमा यहोवा आहों। महीन आहों जऊन तुम्हीं मिस्र के दासत्व से छुड़ाय हों। कोनों दूसर देउतन के उपासना मत करीहा।

![](https://cdn.door43.org/obs/jpg/360px/obs-en-13-05.jpg)

"मूर्ति न बनया अऊ वाखर उपासना मत करीहा, कहेसे कि मैं, यहोवा, तुम्हार एकठेन परमातिमा आहों। अनुचित रूप से मोर नाम न लया। सब्त के दिन का पवित्र माने के लाने याद रखीहा। दूसर शब्द म छः दिन म अपना सगला काम कर लया, सातवाँ तुम्हरे लाने बिस्राम करे के अऊ मोही याद करे के दिन रही।

![](https://cdn.door43.org/obs/jpg/360px/obs-en-13-06.jpg)

"अपने माता-पिता के आदर करिहा I हत्या न करन। व्यभिचार न करिहा । चोरी न करिहा। अपन पड़ोसी के मेहेरिआ, ओखे घर, य ओखे कोनों भी चीज़ के लालच न करिहा।"

![](https://cdn.door43.org/obs/jpg/360px/obs-en-13-07.jpg)

तब परमातिमा ईं दस ठे आज्ञान क पत्थर म लिखके दू ठे पटिया म लिख के दईन। परमातिमा पालन करा के लाने मनईन क अऊ बहुत सारा व्यवस्था दईन l अगर ऊँ ईं व्यवस्था के पालन करहीं त परमातिमा ऊँ मनईन क आशीष दें क अऊ उनखर रक्षा करे के परतिज्ञा करिन l पर व कहिन कि अगर ऊँ इनखर पालन न करिन त ऊँ उनही दण्ड देई ।

![](https://cdn.door43.org/obs/jpg/360px/obs-en-13-08.jpg)

परमातिमा इस्राएलिन से एकठे विशाल तम्बू बनाए क कहिन-मिलाप वाला तम्बू । ऊँ उन्ही ठीक-ठीक बताईस कि कइसा तम्बू बनामा क ह, अऊ ओखे भीतर का-का चीज़ रखा क ह। ऊँ उनही तम्बू क दूठे कमरा म बांटा क लाने एकठे बड़-बड़ा परदा बनामा क भी कहिंन । परमातिमा व परदा के पीछे वाले कमरा म आय करही अऊ हुन रहे करही। जहां परमातिमा हबा ओ कमरा म जायँ के इजाजत सिरफ महायाजक क रओ ह।

![](https://cdn.door43.org/obs/jpg/360px/obs-en-13-09.jpg)

ऊँ मनईन क व मिलाप वाला तम्बू के सामने एकठे वेदी बनामा का होई। कोऊ भी जो परमातिमा के बेवस्था का न मानी व ओ वेदी म एकठे जानवर का ले के अई। त याजक आंही बलि करी अऊ वेदी म परमातिमा के लाने बलि के रूप म जलई। परमातिमा कहीन कि, “ऊँ जानवर के लहू व मनई के पाप का ढ़ाप दई। अइसे ही, परमातिमा व पाप क न देखे करी। व मनई परमातिमा के नजर म ‘शुद्ध’ ठहरी।” परमातिमा मूसा के भाई हारून का अऊ हारून के वंसज क अपन याजक होय के लाने चुन लईन।

![](https://cdn.door43.org/obs/jpg/360px/obs-en-13-10.jpg)

परमातिमा ऊँ मनईन क जऊन नियम दय रए हें। ऊँ उन्खर पालन करे के लाने सहमत हाई गें। ऊँ सिरफ परपातिमा के मनई होयं के लाने अऊ उन्खर आराधना करे के लाने सहमत होई गें।

![](https://cdn.door43.org/obs/jpg/360px/obs-en-13-11.jpg)

केतना दिन तक मूसा सीनै पर्वत के चोंटी म रहो l व परमातिमा से बातात रओ ह । पर मनई ओआखर प्रतिक्षा करत-करत थक गें I ऐखे कारन ऊँ हारून के पास सोना लइके आएं अऊ ओसे एकठे मूर्ति बनामा क कहिन I कहेसे कि परमातिमा क छोंड़ के व मूर्ति के पूजा कर सकां । अऊ ऊ अइसा करके भयानक रूप से परमातिमा के खिलाफ पाप कर दईन I

![](https://cdn.door43.org/obs/jpg/360px/obs-en-13-12.jpg)

हारून बछड़ा के आकार म सोना के एकठे मूर्ति बनाईस । ऊँ मनई व मूर्ति के उपासना करे क सुरुआत कर दईन अऊ ओही बलि चढ़ाईन । उनखर पाप के कारण परमातिमा उनसे बहुत गुस्सा होइगा । व उनही नाश कर दें का चाहत रओ ह । पर मूसा उनही न मारा के विनती करा लगों l परमातिमा ओखे विनती क सुनीन अऊ उनही नाश नई करिन ।

![](https://cdn.door43.org/obs/jpg/360px/obs-en-13-13.jpg)

अऊ मूसा सीनै पर्वत से नीचे आ गा । व ऊँ दू ठे पत्थर क लाये रओ ह जेमा परमातिमा दस ठे आज्ञा लिखे रओ ह। फेर व मूर्ति क देखिस । अऊ एतना गुस्सा होईगा कि व पटिया का कचेर के चकनाचूर कर दईस ।

![](https://cdn.door43.org/obs/jpg/360px/obs-en-13-14.jpg)

फेर मूसा व मूर्ति का पीस के वाखर बुरादा बना दईस, अऊ व बुरादा का पानी म मिलाके मनईन क पिया दईस । परमातिमा ऊँ मनई के ऊपर एकठे विपत्ति भेजिस अऊ व म से बहुत झन मर गें ।

![](https://cdn.door43.org/obs/jpg/360px/obs-en-13-15.jpg)

जऊन पटियन का मूसा टोर द रओ ह वाखर जगह लें के लाने पत्थर के दू ठे नई पटिया बनईस। तब व फेर से पर्वत म चढ़ ग अऊ प्रार्थना करीस कि परमातिमा मनईन क क्षमा कर दे। परमातिमा मूसा के सुनीन अऊ उन्हीं क्षमा कर दईन। नया पटिया के दस आज्ञा का लइके मूसा पर्वत से नीचे उतर आव। तब परमातिमा सीने पर्वत से लइके परतिज्ञा के देस तक इस्राएलीन के अगुवाई करीन।

*निर्गमन अध्याय 19 - 34 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_13_128kbps.m4a

## 14. जंगल म भटकत रहिगें

https://openbiblestories.org/l/bfy/story-14/

![](https://cdn.door43.org/obs/jpg/360px/obs-en-14-01.jpg)

परमातिमा इस्राएलीन का व नियम बतामा का समाप्त कर दईन जेही उन्हीं बांधो वाचा के कारण पालन करा का रओ ह । फेर ऊँ सीनै परबत से आगे उन्खर अगुवाई करीन। परमातिमा उन्हीं परतिज्ञा के देस म लई जाँ का चाहत रओ ह। व देस कनान भी कहात रओ ह। परमातिमा बादल के खंभा म आगे-आगे चलो अऊ ऊँ उन्खर पीछे-पीछे चलें।

![](https://cdn.door43.org/obs/jpg/360px/obs-en-14-02.jpg)

परमातिमा अब्राहम, इसहाक अऊ याकूब से परतिज्ञा करे रहे हैं कि ऊँ परतिज्ञा के देस का उनखे बंसज का देई हीं, पर य समय हून बहुत सारा जाति के मनई राहत रओ ह। ऊँ कनानी कहाऊत रए हें। अऊ ऊँ कनानी मनई परमातिमा के आराधना नई करत रहे आं अऊ वाखर आज्ञा भी नई मानत रहे आँ। ऊँ झूठां देवी-देऊतन के उपासना करत रय हें, अउ बहुत बुरा काम भी करत रय हें।

![](https://cdn.door43.org/obs/jpg/360px/obs-en-14-03.jpg)

परमातिमा इस्राएलीन से कहीन, "जब तुम व वाचा के देस म जया त ऊँ कनानी से छुटकारा पा लया। उन्खे साथ संधि मत कर्या, अऊ उनसे सादी मत कर्या। तुम्हीं उन्खर सबलां मूर्ति नाश कर दें का ह। अऊ तुम मोर आज्ञा न मनिहा, त तुम मोही छोड़के उनखर देवी-देऊतन के उपासना करां लगीहा ।”

![](https://cdn.door43.org/obs/jpg/360px/obs-en-14-04.jpg)

जब इस्राएली कनान के सीमा म पहुंचे, मूसा हर एक गोत्र से एक-एकठे 12 मेन्सेरुआ का चुन लईस । व उन्हीं जाके व देस के भेद लामा का निर्देस दें का भेजिस कि देखा कि व कइसा देस हबा। उन्हीं ऊँ कनानी के भी भेद ले क रओ ह कि ऊँ बलसाली हें य निर्बल।

![](https://cdn.door43.org/obs/jpg/360px/obs-en-14-05.jpg)

ऊँ 12 मेनसेरुआ पूरा कनान से होत-होत 40 दिन के यात्रा करीन अऊ फेर ऊँ लौऊट आईन। ऊँ मनईन का बताईन, “व देस बहुत उपजाऊ हबा अऊ फसल उपजाऊ हबा बहुत ज्यादा हबा। " पर 10 ठे भेदी कहिन कि, “उन्खर नगर बहुत मजबूत ह, अऊ ऊँ बहुत लंबा-चौड़ा हें। अगर हम उन्खे ऊपर हमला कर देऊबा, त निश्चित ऊँ हमहीं हरा दईही अऊ मार डलहीं।

![](https://cdn.door43.org/obs/jpg/360px/obs-en-14-06.jpg)

" तब तुरत कालेब अऊ यहोशू अऊ दूसर भेदी कहीन, "य सच आय कि कनान के मनई लंबा अऊ बलशाली हें, पर जरूर हम उनही हरा सकब! कहेसे कि परमातिमा हमरे लाने लड़ी।" पर मनई कालेब अऊ यहोशू के नई सुनीन।

![](https://cdn.door43.org/obs/jpg/360px/obs-en-14-07.jpg)

ऊँ मूसा अऊ हारून के ऊपर गुस्सा होईगें अऊ कहीन, "तुम हमही य भयानक जगह म कहे लईके आए हबा? हम मिस्र ही म ठीक रए हन। अगर हम व देस म जऊबा त हम युद्ध म मारे जऊबा, अऊ कनान के मनई हमरे मेहेरिआ अऊ लरकन का अपन दास बना लईहीं। ऊँ मनई वापस मिस्र जाएँ के लाने एकठे अगुवा बनामा का चाहत रय हें ।

![](https://cdn.door43.org/obs/jpg/360px/obs-en-14-08.jpg)

जब ऊँ मनई अइसा कहिन त परमातिमा बहुत गुस्सा हाईगें। ऊँ मिलाप व वाला तम्बू म आए अऊ कहिन, "तुम मोरे खिलाफ बलवा करे ह, ऐखे बजे से तुम सब का य जंगल म भटका का होई । हर झन जऊन बीस साल के ह य ज्यादा ह सब मर जईहा, अऊ कबहूँ व देस म जा न पईहा जऊन मैं तुमही दे थों। बस कालेब अऊ यहोशू व म जा पईहीं।"

![](https://cdn.door43.org/obs/jpg/360px/obs-en-14-09.jpg)

तब जब मनई परमातिमा क अइसा कहत सुनीन, त ऊँ दुखी हाईगें कहेसे ऊँ पाप करे रय हें। एखे बजे से ऊँ कनान के मनईन के ऊपर हमला करां के निर्णय लईन। मूसा उनही न जाँ के लाने चेता दईस, कहेसे परमातिमा उनके साथ नई रहे आय, पर वाखर नई सुनीन।

![](https://cdn.door43.org/obs/jpg/360px/obs-en-14-10.jpg)

परमातिमा य युद्ध म उनखे साथ नई ग रहो आय। एखे बजे से कनानी उनही हरा दईन, अऊ उनमन से बहुत झन का मार डालीन। तब इस्राएली मनई कनान से वापस मुड़ गें। आगे 40 साल तक जंगल म चारों तरफ भटका लगें।

![](https://cdn.door43.org/obs/jpg/360px/obs-en-14-11.jpg)

इस्राएली मनई द्वारा जंगल म 40 साल भटके के साथ परमातिमा उनखर सगला आवश्यकता का पूरा करीन। ऊँ उन्हीं सरग के "मन्ना" कहामा वाली रोटी दईन। ऊँ बटेरन के थ्वाक भी ( जऊन मध्यम आकार के पक्षी हो था ) उनखे छावनी म भेजिन, कहेसे कि उनखर पास खायँ क मांस हो। व पूरा समय म परमातिमा कपड़ा अऊ जूतन का फटा नई दईन।

![](https://cdn.door43.org/obs/jpg/360px/obs-en-14-12.jpg)

पर सब होय के बाद, इस्राएली मनई परमातिमा के अऊ मूसा के खिलाफ सिकायत करीन अऊ कुड़कुड़ाईन। तबहूँ परमातिमा बिसवास योग्य रहो आओ। ऊँ जऊन परतिज्ञा करे रओ ह कि अब्राहम, इसहाक, अऊ याकूब के वंश के लाने करी तऊन ऊँ पूरा ,करीन।

![](https://cdn.door43.org/obs/jpg/360px/obs-en-14-13.jpg)

एक अऊ समय जब ऊँ मनईन के पास पानी नई रओ ह, परमातिमा मूसा से कहीन कि, "चट्टान से बात कर, अऊ ओसे पानी निकली।" पर मूसा चट्टान से बात नई करीस बल्कि, व लाठी से चट्टान म दो बार मार दईस। अइसा करके व परमातिमा के निरादर करीस। तब सब के लाने चट्टान से पियाँ के पानी निकल आओ पर परमातिमा मूसा से गुस्सा होईगा। ऊँ कहीन कि, “तें अईसा करे हस, त तें अब परतिज्ञा के देस न जाय क पईहे ।”

![](https://cdn.door43.org/obs/jpg/360px/obs-en-14-14.jpg)

जब इस्राएली मनई 40 साल तक जंगल म भटक लईन, तब जऊन परमातिमा के विरुद्ध बलवा करे रय हें ऊँ मर गें। तब परमातिमा ऊँ मनईन का फेर से व परतिज्ञा के देस म सिवाने तक लईगें । अब मूसा बहुत बुढ़ा होईगा, एखे बजे से परमातिमा मनईन के लाने अगुवाई म सहायता करे के लाने यहोशू का चुनीन। परमातिमा मूसा से य परतिज्ञा भी करीन कि एक दिन व मनईन के पास मूसा जइसे एकठे भविष्यवक्ता भी भेजी।

![](https://cdn.door43.org/obs/jpg/360px/obs-en-14-15.jpg)

तब परमातिमा मूसा का एकठे पर्वत म जाँ क कहीन कहेसे व परतिज्ञा के देस का देख सका। मूसा व परतिज्ञा के देस का देखिस पर परमातिमा व म जायँ के अनुमति नई दईस। तब मूसा मर गा अऊ इस्राएली 30 दिन तक दुख मनाऊत रहीगें। यहोशू उनखर नया अगुवा बन गा। यहोशू अच्छा अगुवा रओ ह व परमातिमा के आज्ञा का अऊ परमातिमा के ऊपर भरोसा रखा वाला मनई रओ ह।

*निर्गमन अध्याय 16-17; गिनती 10-14; 20; 27; व्यवस्थाविवरण 34 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_14_128kbps.m4a

## 15. परतिज्ञा के देस

https://openbiblestories.org/l/bfy/story-15/

![](https://cdn.door43.org/obs/jpg/360px/obs-en-15-01.jpg)

आखिर मां व समय आ ग र‌ओ ह कि इस्रराएली मन‌ई प्रतिज्ञा के देश म परवेश करां । व देश म यरीहो नाम के नगर र‌ओ ह । ओखे रक्षा के लाने चारों क‌ई ऊँच, मजबूत दीवार रओ ह। यहोशू व नगर म दूठे भेदीयन का भेजिस। व नगर म रहाब नाम के एकठे वेश्या राहत र‌ईही ज‌ऊन भेदियन का छुपाए र‌ईही । अऊ फेर बाद म भेदियन का व नगर से बचा के निकाले म सहायता करे र‌ईही। व अईसा एखे लाने करिस कि व परमातिमा के ऊपर विश्वास करत र‌ईही । ज‌ऊन समय इस्राएली यरीहो का नाश करिहीं व समय ओखे घर का बचामा के प्रतिज्ञा करीन।

![](https://cdn.door43.org/obs/jpg/360px/obs-en-15-02.jpg)

इस्राएली मनई का प्रतिज्ञा के देश म प्रवेश करा का यरदन नदी पार करा का पड़ी। परमात्मा यहोशू से कहीन कि पहले याजकन का जाएं दे, जब याजक यरदन नदी म आपन गोड़ रखिन त पानी के धार बहां क रूक ग । जेमा से कि सब इस्राएली दूसर तरफ पार जा सकां।

![](https://cdn.door43.org/obs/jpg/360px/obs-en-15-03.jpg)

ऊँ मनई जब यरदन नदी पार कर लइन तब परमातिमा यहोशू से कहीन कि, “अब यरीहो म हमला करे का तैयार रहां ।” हालाँकि व बहुत दृढ़ नगर रओ ह। परमातिमा मन‌ईन का कहीन कि, “याजक अऊ सैनिक का छ: दिन तक नगर के चारों क‌ई चक्कर लगा म का पड़ी ।” अऊ याजक अऊ सैनिक अईसे ही करिन।

![](https://cdn.door43.org/obs/jpg/360px/obs-en-15-04.jpg)

तब सातवां दिन इस्राएली मनई व नगर के चारों क‌ई सात बार अऊ चक्कर लगाईन । उनखे नगर के चारों कई सात बार चक्कर लगाए के बाद याजक आपन तूरही फुकिन अऊ सैनिक जोर से शब्द करिन ।

![](https://cdn.door43.org/obs/jpg/360px/obs-en-15-05.jpg)

अऊ ज‌ईसे ही तुरही फूकिन व‌ईसे यरीहो के चारों क‌ई के दीवार गिर गा । ज‌ईसे परमातिमा इस्राएलीन का आज्ञा दाय र‌ए हें व‌ईसे ही इस्राएली, नगर के सब चीजन का नाश कर द‌ईन अऊ बस रहाब अऊ ओखे परिवार का छोड़ द र‌ए हें ज‌ऊन ‌ईनखर भाग बन गा र‌ए हें अऊ जब कनान मां रहां वाले मनई सुनीन कि इस्राएली यरीहो का नाश कर द‌ईन हीं, त ऊँ डेरा गें कि इस्राएली मनई उनके ऊपर भी हमला करहीं ।

![](https://cdn.door43.org/obs/jpg/360px/obs-en-15-06.jpg)

परमातिमा इस्राएलीन का आज्ञा द‌ए र‌ए हें कि कनान म रहां वाले कोनो भी जाती से संधि ना करहीं । पर गिबोनी जाति के मनई यहोशू से झूठ बोल दईन कि हम कनान से दूर रहां वाले मनई हन । अऊ ऊँ यहोशू से संधि करा क अनुरोध करीन । अऊ यहोशू अऊ दूसर अगुवा परमातिमा से नई पूछीन कि हमही का करा क चाहि अऊ बिना पूछे गिबोनीन से संधि कर ल‌ईन।

![](https://cdn.door43.org/obs/jpg/360px/obs-en-15-07.jpg)

तीन दिन के बाद इस्राएली का मालूम चलो की गिबोनी कनान म ही रहा थें । ऊँ गुस्सा होईगें कहे से की गिबोनी उन्हीं धोखा दए र‌ए हें पर व संधि का बनाए रखिन कहे से कि व परमातिमा के सामने भ र‌ओ ह। तब कुछ समय के बाद कनान म रहां वाली जाति एमोरी के राजा सुनीस कि गिबोनी इस्राएली से सधिं कर ल‌ईन हीं त ऊँ आपन-आपन सेना क ल‌ईके एक बहुत बड़ा सेना बना ल‌ईस अऊ गिबोनी म हमला कर द‌ईन। तब गिबोनी, यहोशू के पास सहायता करा के लाने संदेश भेजिन ।

![](https://cdn.door43.org/obs/jpg/360px/obs-en-15-08.jpg)

तब यहोशू इस्राएली के सेना का एकट्ठा करके गिबोनीन के सहायता करा के लाने पूरा रात चलीन । सबेरे एमोरी के सेना का चकित कर द‌ईन अऊ भिन्सरहा उनखे ऊपर हमला कर द‌ईन।

![](https://cdn.door43.org/obs/jpg/360px/obs-en-15-09.jpg)

व दिन परमातिमा इस्राएलीन के लाने लड़ीन अऊ एमोरी के सेना का घबरा द‌ईन अऊ ऊपर से बड़ा – बड़ा ओला गिरा के बहुत सारे एमोरीन का मार डालीन।

![](https://cdn.door43.org/obs/jpg/360px/obs-en-15-10.jpg)

परमातिमा सूरज का भी एकठे जगह म रोंक द‌ईन कि इस्राएलीन का एमोरीन का हरामा का भरपूर समय मिल जाए । व दिन परमातिमा इस्राएली के लाने एकठे बड़ी जीत का हासिल करिन।

![](https://cdn.door43.org/obs/jpg/360px/obs-en-15-11.jpg)

जब परमातिमा एमोरीन का हरा द‌ईन त बहुत से कनानी जाती के बहुत सारा मन‌ई इस्राएली के ऊपर हमला करा का एकट्ठा होईगें। यहोशू अऊ इस्राएली हमला करके उनखर सर्वनाश कर द‌ईन।

![](https://cdn.door43.org/obs/jpg/360px/obs-en-15-12.jpg)

ईं युद्ध के बाद परमातिमा इस्राएलीन के हर गोत्र क प्रतिज्ञा के देश म उनखर भाग द‌ईन। तब परमातिमा इस्राएल का अऊ ओखे सेना का शांति द‌ईन।

![](https://cdn.door43.org/obs/jpg/360px/obs-en-15-13.jpg)

जब यहोशू बूढ़बा होईगा त इस्राएल के सब मनईन का एक साथ बुलाईस। तब यहोशू ऊँ मन‌ईन का याद करवा‌ईस कि ऊँ व वाचा के पालन करा के प्रतिज्ञा करें र‌ए हें ज‌ऊन परमातिमा सीनै पर्वत म करें र‌ए हें। ऊँ मन‌ई परमातिमा के प्रति विश्वासयोग्य रहां का अऊ व्यवस्था के पालन करा का वादा करिन।

*यहोशू अध्याय 1-24 से बाइबल से एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_15_128kbps.m4a

## 16. छुड़ामा वाले

https://openbiblestories.org/l/bfy/story-16/

![](https://cdn.door43.org/obs/jpg/360px/obs-en-16-01.jpg)

यहोशू के मरे के बाद इस्राएली परमातिमा के अनादर करीन। ऊँ परमातिमा के नियम का पालन नई करीन, अऊ ऊँ व वाचा के देस से बचे कानानीन का बाहर नई निकालीन। इस्राएली अपने सच्चा परमातिमा यहोवा का छोड़ के कानानीन के देऊतन के उपासना करे का चालू कर दईन। इस्राएलीन के पास कोनो राजा नई रहो आ, एखे बजे से जेही जऊन सही लगो वहे करीन।

![](https://cdn.door43.org/obs/jpg/360px/obs-en-16-02.jpg)

परमातिमा के आज्ञा न माने के द्वारा इस्राएली एकठे नियम सुरु कर दईन। जेही केतना बार दोहराव गे रओ ह। य नियम अइसा चलो कुछ साल तक कि अगर इस्राएली परमातिमा के आज्ञा न मनही तब, ऊँ उन्हीं उनखे शत्रुन से पराजित करे के द्वारा दंड दईहीं। ईं शत्रु इस्राएल से उनखे चीजन का लूट लईहीं। उन्खर जायजात का नाश कर दईहीं, अऊ उनखे म से बहुत का मार डलहीं। फेर जब इस्राएल के शत्रु उनखे ऊपर कई साल तक अत्याचार करहीं, ओखे बाद इस्राएली अपन पाप से पछतईहीं अऊ परमातिमा से उन्हीं बचामे का प्रार्थना करहीं।

![](https://cdn.door43.org/obs/jpg/360px/obs-en-16-03.jpg)

हर बेर जब इस्राएली पछतईहीं त परमातिमा उन्हीं बचईहीं। ऊँ एकठे छुड़ामा वाले के द्वारा अइसा करहीं – एकठे अइसा मनई जऊन ओखे शत्रुन के विरुद्ध लड़हीं अऊ उन्हीं हरईहीं। तब देस म शांति होई अऊ व छुड़ामा वाले उनखे ऊपर सासन करी। परमातिमा ऊँ मनईन का बचामा के लाने बहुत सारा छुड़ामा वालेन का भेजहीं। परमातिमा पास म के एकठे शत्रु जाति, मिद्यानीन के द्वारा इस्राएलीन का पराजित करवामा के द्वारा फेर से अइसा करहीं। " मिद्यानीन सात साल तक इस्राएलीन के फसल का लूटीन। इस्राएली मनई बहुत डेरा गें, अऊ ऊँ गुफा म छुप गें कहेसे मिद्यानी मनई उन्हीं ढूंढ़ न पामा। आखिर म उन्हीं बचामा के लाने ऊँ परमातिमा क पुकारीन। "

![](https://cdn.door43.org/obs/jpg/360px/obs-en-16-04.jpg)

गिदोन नाम के एकठे इस्राएली मनई रओ ह। एक दिन, व एकठे गुप्त जगह म गेहूं झाड़त रओ ह कहेसे कि मिद्यानी मनई उन्हीं चोरा के न लई जायँ। यहोवा के स्वर्गदूत गिदोन के पास आके ओसे कहीन, “हे शूरवीर सुरमा, परमातिमा तोर साथ ह, जा अऊ इस्राएलीन का मिद्यानीन से बचा।”

![](https://cdn.door43.org/obs/jpg/360px/obs-en-16-05.jpg)

गिदोन के पास मूर्ति का समर्पित एकठे वेदी रईहीं । सबसे पहले बात जऊन परमातिमा गिदोन करे के लाने कहीन व बात व वेदी का रओ ह। पर गिदोन मनईन से डरत रय हें एहीसे व रात होय का ओरगे रओ ह। तब व वेदी का टोर के टुकड़ा-टुकड़ा कर दईस। व परमातिमा के लाने एकठे नई वेदी बनाईस। अऊ वमा परमातिमा के लाने बलि चढ़ाई।

![](https://cdn.door43.org/obs/jpg/360px/obs-en-16-06.jpg)

आगे सबेरे मनईन देखिन कि कोऊ वेदी का टोर के टुकड़ा-टुकड़ा कर दईस, एखे बजे ऊँ बहुत गुस्सा होईगें। ऊँ गिदोन का मार डाले के लाने ओखे घर गें। पर गिदोन के बाप कहिस, “तुम कहे अपने देवता के सहायता करे के परयास करते ह? अगर व देवता आय त ओही अपन रक्षा खुद करन दया।” कहेसे व अइसा कहे रओ ह एही से मनई गिदोन का नई मारीन।

![](https://cdn.door43.org/obs/jpg/360px/obs-en-16-07.jpg)

तब इस्राएली का लूटय के लाने मिद्यानी मनई फेर से आयँ। ऊँ इतना सारा रए हें कि उन्खर गिनती भी नई करे जा सकत रहो। गिदोन उनखे खिलाफ लड़े के लाने इस्राएलीन का एक साथ बुलाईस। गिदोन परमातिमा से दू ठे चिन्ह मांगीस ताकि ओही बिस्वास होई जाय कि परमातिमा सच म ओसे इस्राएल का बचामा का कहत हें।

![](https://cdn.door43.org/obs/jpg/360px/obs-en-16-08.jpg)

पहिला चिन्ह के लाने, गिदोन भेंड़ के ऊन का भुईयाँ म रख के परमातिमा से कहिस कि सबेरे के ओस सिर्फ भेंड़ के व ऊन म पड़ा अऊ भूईयाँ म न पड़य। परमातिमा अइसा ही करीन। अगले रात व परमातिमा से कहिस कि भूईयाँ गिला होई जाय पर भेंड़ के ऊन सूख रहा। परमातिमा अइसा ही करीन। ईं दू ठे चिन्ह के कारन, गिदोन बिसवास करिस कि परमातिमा सच म इस्राएलीन का मिद्यानीन से बचामा का चाहत हें।

![](https://cdn.door43.org/obs/jpg/360px/obs-en-16-09.jpg)

तब गिदोन सैनिक का अपने पास बुलाईस अऊ 32 हजार मनई आएँ। पर परमातिमा कहीन कि ईं बहुत ज्यादा हें। गिदोन ऊँ सब 22 हजार का घर वापस भेज दईस जऊन लड़े से डेरात रए हें। परमातिमा गिदोन से कहिन कि ईं मनई बहुत ज्यादा हें। तब गिदोन तीन सौ सैनिक का छोड़ के सब क घर भेज दईस।

![](https://cdn.door43.org/obs/jpg/360px/obs-en-16-10.jpg)

व रात परमातिमा गिदोन से कहीन, ”मिद्यानी के छाउनी म जा अऊ उन्हीं बात करत सुन। जब तें सुने कि ऊँ का बता थें तब तें उनखे ऊपर हमला करेसे न डरीहे। एहीसे व रात गिदोन नीचे उनखे छाउनी म ग अऊ व एकठे मिद्यानी सैनिक का ओखे मित्र से बात करत सुनीस, जऊन व सपना म देखे रओ ह। व मनई के मित्र कहिस, “य सपना का अर्थ य हबा कि; “गिदोन के सेना हमरे मिद्यानीन सेना का हरा दईहीं ।” जब गिदोन य बात का सुनीस त व परमातिमा के स्तुति करिस।

![](https://cdn.door43.org/obs/jpg/360px/obs-en-16-11.jpg)

तब गिदोन अपने सैनिक के पास लऊटो अऊ उनमन से हर झन का एक-एकठे नरसिंगा, एकठे माटी के बर्तन, अऊ एकठे मशाल दईस। ऊँ व छाउनी का घेर लईन जहाँ मिद्यानी सैनिक सोऊत रए हें। गिदोन के तीन-सौ सैनिक अपन मशालन का पात्र म ढंके रए हें। एखे बजे से मिद्यानी मनई ऊँ मशालन के प्रकाश का नई देख पाईन।

![](https://cdn.door43.org/obs/jpg/360px/obs-en-16-12.jpg)

तब गिदोन के सब सैनिक अपन पात्र का एक ही समय म टोर के अचानक से मशालन म आग जला दईन। ऊँ अपन नरसिंगा फूँकीन अऊ चिल्लाईन, “यहोवा के अऊ गिदोन के तलवार!”

![](https://cdn.door43.org/obs/jpg/360px/obs-en-16-13.jpg)

परमातिमा मिद्यानीन का घबरा दईन, एखे बजे से ऊँ एक-दूसरेन का मारा-काटा लगें। तुरंत गिदोन ऊँ संदेसवाहकन का बहुत से अन्य इस्राएली मिद्यानीन के पीछा करां म उन्खर सहायता करे का बुलामा का भेजिस। ऊँ उनमन से बहुतन का मार डालीन अऊ बहुतन के पीछा करके उन्हीं इस्राएल देस से बाहर निकाल दईन। एक लाख बीस हजार मिद्यानी मारे गें। अइसा करके परमातिमा इस्राएलीन का बचाईन।

![](https://cdn.door43.org/obs/jpg/360px/obs-en-16-14.jpg)

ऊँ मनई गिदोन का अपन राजा बनामा का चाहत रए हें। पर गिदोन उन्हीं अइसा नई करन दईस, पर व उनसे सोना के आभूषण मांगीस जऊन उनमन से हर कोऊ मिद्यानीन से लूटे रए हें। ऊँ मनई बड़ी मात्रा म गिदोन का सोना दईन।

![](https://cdn.door43.org/obs/jpg/360px/obs-en-16-15.jpg)

गिदोन व सोना से एकठे बिसेस वस्त्र बनाईस। जइसा कि महायाजक पहिने करत रए हें। पर मनई वाखर उपासना करे का सुरु कर दईन जइसे कि व एकठे मूर्ति हो। तब परमातिमा फेर से इस्राएल का दंड दईन। कहेसे कि ऊँ मूर्ति के उपासना करत रए हें। परमातिमा उनखे शत्रुन का उन्हीं पराजित करे म सक्षम करीन। आखिरकार ऊँ फेर से परमातिमा से सहायता करे के लाने प्राथना करीन, अऊ परमातिमा उनखे पास उन्हीं बचामा के लाने एकठे दूसर छुड़ामा वाला का भेजिन।

![](https://cdn.door43.org/obs/jpg/360px/obs-en-16-16.jpg)

य कई बार घटत होईग रओ ह, इस्राएली पाप करहीं परमातिमा उन्हीं दंड दईहीं, ऊँ पश्चाताप करहीं, अऊ परमातिमा उन्हीं चुड़ामा के लाने कोनो न कोनो का भेजहीँ। केतना साल तक परमातिमा बहुत से छुड़ामा वालेन का भेजिन। जऊन इस्राएलीन का शत्रु से बचाईन।

![](https://cdn.door43.org/obs/jpg/360px/obs-en-16-17.jpg)

आखिरकार मनई दूसर देस के जइसे, परमातिमा से अपन लाने राजा के मांग कर दईन ऊँ अइसा राजा चाहत रए हें जऊन लम्ब, शक्तिशाली हो, अऊ जऊन युद्ध म उन्खर अगुवाई कर सका। परमातिमा का य निवेदन पसंद नई आव पर तबहूँ ऊँ उन्हीं वईसा राजा दईन जइसा ऊँ मांगे रए हें।

*न्यायियों अध्याय 1-3; 6-8; 1 शमुएल 1-10 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_16_128kbps.m4a

## 17. दाऊद के साथ परमातिमा के वाचा

https://openbiblestories.org/l/bfy/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल के पहला राजा रओ ह। व लम्बा अऊ सुन्दर रओ ह, जइसा ऊँ चाहत रए हें, एकदम वईसा। इस्राएल म अपन सासन के पहिले कुछ साल म शाऊल एकठे अच्छा राजा रओ ह। पर बाद म शाऊल एकठे दुष्ट मनई बन ग जऊन परमातिमा के बात का नई मानीस, एहीसे परमातिमा दूसर मनई का चुनीन जऊन कि एक दिन ओखे जगह म राजा बनी।

![](https://cdn.door43.org/obs/jpg/360px/obs-en-17-02.jpg)

परमातिमा दाऊद नाम के एकठे जवान इस्राएली मनई का चुन के एक दिन शाऊल के जगह म राजा बनामा के लाने तैयारी करां का सुरु कर दईन। दाऊद बैतलहम नगर के चरवाहा रओ ह। कई बेर दाऊद सिंह अऊ भालू दोनों का मार डाले रओ ह कहेसे कि दाऊद के द्वारा रखवाली करत समय ओखे बाप के भेंड़ म ऊँ हमला करे रओ ह। दाऊद एकठे नम्र अऊ धर्मी मनई रओ ह। व परमातिमा के ऊपर भरोसा रखीस अऊ उनखे बात का मानीस।

![](https://cdn.door43.org/obs/jpg/360px/obs-en-17-03.jpg)

जब दाऊद अबहूँ भी जवान मनई रओ ह, व लंबा-चौड़ा गोलियत से लड़ाई करिस। गोलियत एकठे बहुत अच्छा सैनिक रओ ह व बहुत मजबूत अऊ लगभग तीन मीटर लम्बा रओ ह। पर परमातिमा गोलियत का मारे म अऊ इस्राएल का बचाय म दाऊद के मदत करीन। ओखे बाद, दाऊद इस्राएल के शत्रुन के ऊपर केतना बार विजय पाईन। दाऊद एकठे बड़ा सैनिक बन ग रओ ह, अऊ व बहुत सारा युद्ध म इस्राएली सेना के अगुवाई करिस। मनई वाखर बहुत प्रसंसा करीन।

![](https://cdn.door43.org/obs/jpg/360px/obs-en-17-04.jpg)

मानई दाऊद से इतना प्रेम करीन कि शाऊल ओसे जलाँ लगो। आखिरकार शाऊल ओही मार डालाँ का चाहिस, एहीसे दाऊद ओसे अऊ ओखे सैनिक से छुपा के लाने दूर जंगल म भग ग। एक दिन जब शाऊल अऊ वाखर सैनिक ओखे खोज म रए हें। तब शाऊल एकठे गुफा म ग। य वहे गुफा रओ ह जेमां दाऊद छुपो रओ ह, पर शाऊल ओही नई देखिस। दाऊद शाऊल के पीछे ओखे बहुत पास म चलो ग रओ ह अऊ ओखे कपड़ा से एकठे टुकड़ा काट लईस। बाद म जब शाऊल व गुफा से निकलो तब दाऊद ओही पुकार के व कपड़ा के टुकड़ा दिखा दईस, तब राजा शौक जान ग कि दाऊद राजा बने के लाने ओही मार डालाँ क इंकार कर दईसी।

![](https://cdn.door43.org/obs/jpg/360px/obs-en-17-05.jpg)

कुछ समय के बाद, शाऊल युद्ध म मर ग, अऊ दाऊद इस्राएल के राजा बन ग। व एकठे अच्छा राजा रओ ह। अऊ मनई ओसे प्रीति रखिन। परमातिमा दाऊद का आसीस दईन अऊ ओही सफल बनाईन। दाऊद केतना युद्ध लड़ीस, अऊ परमातिमा इस्राएल के शत्रुन का पराजित करीन। दाऊद यरुशलेम नगर क जीत के ओही अपने राजधानी बनाईस, जहाँ व रहो अऊ सासन करिस। दाऊद 40 साल तक राजा रहो। य समय के दौरान, इस्राएली सामर्थी अऊ धनवान बन ग रए हें।

![](https://cdn.door43.org/obs/jpg/360px/obs-en-17-06.jpg)

दाऊद एकठे मंदिर बनामा का चाहत रओ ह जहाँ सब इस्राएली परमातिमा के आराधना कर सकतीन। लगभग 400 साल से, ऊँ मूसा के बनाए मिलाप वाला तम्बू म परमातिमा के आराधना करत रए हें अऊ उनखे लाने बलिदान चढ़ाऊत रए हें।

![](https://cdn.door43.org/obs/jpg/360px/obs-en-17-07.jpg)

पर हून नतान नाम के एकठे भविष्यवक्ता रओ ह। परमातिमा ओही दाऊद से य कहा के लाने भेजे रए हें, “तें बहुत सारा युद्ध लड़े हस एखे बजे से ते मोरे लाने य मंदिर का न बना पईहे। तोर बेटवा एही बनई। तबहूँ मैं तोही बहुतायत से आसीस दईहों। तोर एकठे वंस सदा के लाने मोरे मनई के ऊपर राजा के रूप मा सासन करी।“ सदा के लाने सासन करे वाला व दाऊद के एक मात्र वंस मसीह रए हें। जऊन संसार के मनई का उनखे पापन से बचईहीं।

![](https://cdn.door43.org/obs/jpg/360px/obs-en-17-08.jpg)

जब दाऊद नतान के सन्देस का सुनिस त व परमातिमा का धन्यवाद करिस। परमातिमा ओखे जस का बढ़ाऊत रए हें अऊ ओही बहुत सारा आसीस देत रए हें। भले दाऊद नई जानत रहो आय कि परमातिमा ईं बातन का कब करहीं। य समय हम जानी थे के इस्राएल एकठे लम्बा समय लगभग 1000 साल तक मसीह के आमा के ओरगे के पड़ी।

![](https://cdn.door43.org/obs/jpg/360px/obs-en-17-09.jpg)

दाऊद केतना साल तक न्यायपूर्वक अपने मनईन म सासन करिस। व बड़ी लगन से परमातिमा के बातन का मानीस अऊ परमातिमा ओही आसीस दईन। हालांकि अपन जीवन के अंत म परमातिमा के खिलाफ भयानक पाप करिस।

![](https://cdn.door43.org/obs/jpg/360px/obs-en-17-10.jpg)

एक दिन दाऊद अपन महल से झाँकीस अऊ एकठे सुन्दर मेहेरिआ नहात देखिस। व ओही नई जानत रहो आय पर व पता कर लईस कि वाखर नाम बतशेबा हबा।

![](https://cdn.door43.org/obs/jpg/360px/obs-en-17-11.jpg)

अपन नजर का फेर ले के बजे दाऊद ओही अपने पास लामा के लाने कोऊ का भेजिस। व ओखे साथ सोईस अऊ ओही वापस घर भेज दईस। कुछ समय के बाद बतशेबा य कहिके दाऊद के पास सन्देस भेजिस कि व गर्भवती हीबा।

![](https://cdn.door43.org/obs/jpg/360px/obs-en-17-12.jpg)

बतशेबा के मेन्सेरुआ उरिय्याह मेन्सेरुआ उरिय्याह नाम के एकठे मनई रओ ह। व दाऊद के उत्तम सैनिक म से एक रओ ह। य समय व युद्ध करे के लाने बाहर ग रओ ह। दाऊद उरिय्याह का युद्ध से वापस बुला के ओही अपन मेहेरिआ के साथ रहे के लाने कहिस। पर अन्य सैनिक युद्ध म रए हें एही से उरिय्याह घर जाए का मना कर दईस। अऊ सेनापति से कहिस, “ओही युद्ध अइसा जगह म रखे के लाने कहिस जहाँ शत्रु सबसे शक्तिशाली रहाँ ताकि व मारे जाए। त अइसा भय के उरिय्याह युद्ध मा मारो ग।

![](https://cdn.door43.org/obs/jpg/360px/obs-en-17-13.jpg)

उरिय्याह के युद्ध म मर जाय के बाद दाऊद बतशेबा से सादी कर लईस। बाद म व दाऊद के बेटवा का जन्म दईस। दाऊद जऊन करे रओ ह परमातिमा ओसे बहुत गुस्सा रए हें, एहीसे ऊँ नतान भविष्यवक्ता का य बतामा के लाने भेजिस कि वाखर पाप केतना बुरा हबा। दाऊद अपन पाप के पश्चाताप करिस अऊ परमातिमा क्षमा कर दईन । अपन सेस जीवन म दाऊद परमातिमा के पीछे-पीछे चलीस अऊ उनखे बातन का मानीस।

![](https://cdn.door43.org/obs/jpg/360px/obs-en-17-14.jpg)

पर दाऊद के लरका मर ग। अइसा करके परमातिमा दाऊद का दंड दईन। एखे अलावा, दाऊद के मरे तक, ओखे अपन परिवार के कुछ मनई ओखे खिलाफ लड़ाई करीन अऊ दाऊद के सक्ति कम होईगे रही। पर परमातिमा विश्वास योग्य रए हें अऊ अबहूँ भी व करिस जऊन ऊँ दाऊद से करें का वादा करे रए हें कि ऊँ करहीं, भले चाहे दाऊद उन्खर अवज्ञा करे रओ ह। बाद म दाऊद अऊ बतशेबा के दूसर संतान पईदा भ अऊ ऊँ वाखर नाम सुलैमान रखिन।

*1 शमूएल अध्याय 10; 15-19; 24; 31; 2 शमूएल 5; 7; 11-12 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_17_128kbps.m4a

## 18. विभाजित राज्य

https://openbiblestories.org/l/bfy/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा चालीस साल तक शासन करिस ओखे बाद व मर गा, तब ओखे बाद वाखर बेटवा सुलैमान इस्राराएल म शासन करे का शुरू करिस । परमातिमा सुलैमान से बात करके पूछीन कि ते सबसे ज्यादा का चाहते हस कि तोरे लाने ऊं करां। सुलैमान परमातिमा से मांगीस कि ओही सबसे बुद्धिमान मन‌ई बना दें तब परमातिमा ओसे खुश होईगें अऊ ओही संसार के सबसे बड़ा बुद्धिमान मनाई बना द‌ईन। सुलैमान बहुत से बातन का सीखिस अऊ बुद्धिमान शासक भी र‌ओ ह । परमात्मा ओही बहुत धनी भी बना द‌ईन।

![](https://cdn.door43.org/obs/jpg/360px/obs-en-18-02.jpg)

यरुशलेम म सुलैमान व मंदिर का बनाईस जेही बनामा के लाने वाखर बाप कहत र‌ओ ह । अऊ सामान का भी इकट्ठा करे र‌ओ ह । अब मनई मिलाप वाला तंबू म आराधना करे के बजे मंदिर म परमातिमा के आराधना करत र‌ए हें। अऊ ओखे लाने बलि चढ़ाए करत र‌ए हें परमातिमा व मंदिर म आके उपस्थित रहे करत र‌ए हें अऊ अपने मन‌ईन के साथ वास करे करत रए हें।

![](https://cdn.door43.org/obs/jpg/360px/obs-en-18-03.jpg)

पर सुलैमान बहुत से अन्य मेहेरिअन के साथ प्रेम करत र‌ओ ह अऊ लगभग एक हजार मेहेरिअन से शादी करके परमातिमा के अनादर करिस। इन मन से बहुत सारे मेहेरिया दूसरे देश से आएं अऊ अपने साथ देवी-देऊतन का लाइन । उनखर पूजा पाठ करां लगें। जब सुलैमान बुढ़वा होईगा तब वहो भी ऊनखर उपासना करा लगो।

![](https://cdn.door43.org/obs/jpg/360px/obs-en-18-04.jpg)

तब परमातिमा सुलैमान से बहुत गुस्सा र‌ए हें अऊ कहीन कि इस्राराएल देश का दूट्ठे अलग – अलग राज्य म टोर के ओही ओखे द्वारा दंड दईहीं। सुलैमान के मरे के बाद अईसा करहीं।

![](https://cdn.door43.org/obs/jpg/360px/obs-en-18-05.jpg)

सुलैमान के मरे के बाद रहबाम राजा बनो अऊ सब इस्राएली ओही राजा के रूप म स्वीकार करेका इकट्ठा भें । ऊं रहबाम से शिकायत करिन कि सुलैमान उनसे बहुत मेहनत करवाई सी। अऊ बहुत से कर वसूली सी । रहबाम से ऊं विनती करिन कि उनसे कम काम करवाबा।

![](https://cdn.door43.org/obs/jpg/360px/obs-en-18-06.jpg)

पर रहबाम उन्हीं बड़ी मूर्खता से जवाब द‌ईस कि तुम कहते ह कि मोर बाप तुमसे बहुत कठिन परिश्रम करवाई सी। पर मैं तुमसे अऊ कठिन परिश्रम करवई हों अऊ ओसे भी ज्यादा पीड़ा द‌ईहों।

![](https://cdn.door43.org/obs/jpg/360px/obs-en-18-07.jpg)

जब मन‌ई ओही य कहात सुनीन त व म से बहुत सारे ओसे बलवा करिन। तब दस गोत्र ओही छोड़ द‌ईन अऊ केवल दूट्ठे गोत्र बचे अऊ ऊं अपने आपका यहूदा के राज्य कहीन‌।

![](https://cdn.door43.org/obs/jpg/360px/obs-en-18-08.jpg)

बाकी के दस गोत्र यारोबाम नाम के मनई का अपन राजा बना ल‌ईन। य गोत्र देश के उत्तर-पूर्वी म बसो र‌ओ ह अऊ ऊं अपने आपका इस्राएल के राज्य कहीन।

![](https://cdn.door43.org/obs/jpg/360px/obs-en-18-09.jpg)

पर यारोबाम परमातिमा से बलवा करीस अऊ मनईन से पाप करवाईस अऊ अपने मनईन के द्वारा उपासना करे के लाने दूट्ठे मूर्ति बनवाईस। अब यहूदा के राज्य म यरूशलेम म परमातिमा के मन्दिर म उनखर आराधना करे के लाने नई गें।

![](https://cdn.door43.org/obs/jpg/360px/obs-en-18-10.jpg)

यहूदा अऊ इस्राएल के मनई शत्रु बन गें अऊ हमेशा एक दूसरेन से लड़त रहिगें।

![](https://cdn.door43.org/obs/jpg/360px/obs-en-18-11.jpg)

इस्राएल के नया राज्य म सब राजा दुष्ट र‌ए हें। इनमन से कई राजा, इस्राएली के हाथ से मारे गें ज‌ऊन राजा बना क चाहत र‌ए हें।

![](https://cdn.door43.org/obs/jpg/360px/obs-en-18-12.jpg)

इस्राएल राज्य के सब राजा अऊ अधिकतर मनई मूर्ति के उपासना करत र‌ए हें अऊ अक्सर वेश्यान के साथ म सोऊत र‌ए हें अऊ यहां तक कि अपन लरकन का मूर्ति के सामने बली करत र‌ए हें।

![](https://cdn.door43.org/obs/jpg/360px/obs-en-18-13.jpg)

यहूदा राज्य के राजा दाऊद के वंश र‌ए हें । ईं राजा म से कई झन भले मन‌ई र‌ए हें अऊ न्याय पूर्वक शासन करिन परमातिमा के आराधना करिन। अऊ यहूदा के अधिकांश राजा दुष्ट र‌ए हें। ऊं दुष्टता से शासन करिन अऊ मूर्ति के उपासना करिन । यहां तक कि झूंठ-मूठ के मूर्ति के सामने अपन लरकन का बलि कर द‌ईन। यहूदा के अधिकतर मनई भी परमातिमा से बलवा करिन अऊ दूसर देवी-देऊतन के उपासना करिन।

*1राजा अध्याय 1-6; 11-12 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_18_128kbps.m4a

## 19. भविष्यवक्ता

https://openbiblestories.org/l/bfy/story-19/

![](https://cdn.door43.org/obs/jpg/360px/obs-en-19-01.jpg)

परमातिमा हमेशा इस्राएलीन के पास भविष्यवक्ता भेजे करते र‌ए हें। भविष्यवक्ता परमातिमा के संदेश का सुने करत र‌‌ए हें अऊ ऊं मन‌ईन का बताए करत र‌ए हें।

![](https://cdn.door43.org/obs/jpg/360px/obs-en-19-02.jpg)

जब अहाब इस्राएल राज्य म राजा र‌ओ ह व समय एलीय्याह भविष्यवक्ता रओ ह। अहाब बहुत बुरा मनई र‌ओ ह। व झूठा देऊतन के उपासना करे के लाने मन‌ईन का विवश करे र‌ओ ह । एखे बजे से एलीय्याह अहाब से कहिस कि उन्ही परमातिमा दंड दे का जा र‌ओ ह। व उनसे कहीस कि जब तक मैं फेर से बारिश होएँ क न कहो तब तक इस्राएल के राज्य म न बारिश होई अऊ न ओस गिरी। य बात अहाब का एतना गुस्सा दिला द‌ईस कि व एलीय्याह का मारा का निर्णय ल‌ईस ।

![](https://cdn.door43.org/obs/jpg/360px/obs-en-19-03.jpg)

एहीसे परमातिमा एलीय्याह का कहीन कि, “ते अहाब से दूर जंगल म जाके छुप जा।” एलीय्याह तब व सोता के पास ग ज‌ऊन परमातिमा ओही बताए र‌ए हें। हर सुबह अऊ शाम पक्षी एलीय्याह के लाने रोटी अऊ मांस लाए करत र‌ए हें। य पूरा समय म अहाब अऊ वाखर सेना जंगल म एलीय्याह का ढूंढत रहिगें पर ओही नई पा‌ईन।

![](https://cdn.door43.org/obs/jpg/360px/obs-en-19-04.jpg)

बारिश होएं से थोड़ी समय के बाद व सोता सूख ग र‌ओ ह । तब एलीय्याह एकठे पास के देश म चलो ग र‌ओ ह। व देश म एकठे गरीब विधवा रहत र‌ईही ओखे एकठे बेटवा र‌ओ ह । ओखे पास से खाना लगभग समाप्त होई ग र‌ओ ह । तबहूं व एलीय्याह के देखरेख करिस एखे बजे से परमातिमा व विधवा के सब आवश्यकता का पूरा करिन। य कारण से ओखे आटा के पात्र अऊ तेल के कुप्पी कबहूं खाली नई भा । व पूरा अकाल के समय म उनखे पास भोजन र‌ओ अऊ एलीय्याह कुछ साल तक हूने रहो।

![](https://cdn.door43.org/obs/jpg/360px/obs-en-19-05.jpg)

साढ़े तीन साल के बाद परमातिमा एलीय्याह से कहिन कि, “मैं फेर से बारिश करीहों।” ऊं एलीय्याह से वापिस इस्राएल म जाके अहाब से बात करे के लाने कहीन। एखे बजे से एलीय्याह अहाब के पास ग। जब अहाब एलीय्याह क देखिस त कहिस, “अच्छा ते आहे मुसीबत प‌ईदा करा वाला।” एलीय्याह कहीस, “मुसीबत तो ते प‌ईदा करा वाले आहे । ते परमातिमा का त्याग द‌ए हस। ऊं सच्चा परमातिमा हें, पर ते बाल के उपासना करते हस। अब ते इस्राएल के सब मन‌ईन का कर्मेल पर्वत म ल‌ईके अईहे।”

![](https://cdn.door43.org/obs/jpg/360px/obs-en-19-06.jpg)

तब सब मनई कर्मेल पर्वत म गें। अऊ ऊं मन‌ई भी गें ज‌ऊन कहत र‌ए हें कि हम बाल के संदेश बोले बाले आहन। ईं बाल के भविष्यवक्ता र‌ए हें अऊ सब मिलाके साढे़ चार सौ मन‌ई र‌ए हें । एलीय्याह ऊं मन‌ईन से कहीस कि, “कब तक तुम अपने मन का न फिर‌ईहा? यदि यहोवा परमातिमा हें त उनखर आराधना करा अऊ अगर बाल देऊता परमातिमा आए त वाखर उपासना करा।”

![](https://cdn.door43.org/obs/jpg/360px/obs-en-19-07.jpg)

तब एलीय्याह बाल के भविष्यवक्ता से कहीस कि एकठे बैल का बली करके ओखे मांस का बलिदान होएं के लाने वेदी म रखा पर व म आग न लगया। अऊ फेर महूँ व‌ईसे ही करिहों अऊ एकठे अलग बेदी म ओखे मांस क रख द‌ईहों अऊ तब परमातिमा व म आग गिर‌ई तब तुम जान ल‌ईहा कि ऊं सच्चा परमातिमा हें। अऊ बाल के भविष्यवक्ता एकठे बलि क तैयार करिन अऊ व म आग न लगाईन।

![](https://cdn.door43.org/obs/jpg/360px/obs-en-19-08.jpg)

तब बाल के भविष्यवक्ता बाल से प्रार्थना करिन कि, “बाल हमार सुन!” पूरा दिन ऊं चिल्ला-चिल्ला के प्रार्थना करिन यहां तक कि अपने आप का चाकू से काट लइन पर उन्हीं बाल कुछु जवाब न द‌ईस, अऊ न आग गिराईस।

![](https://cdn.door43.org/obs/jpg/360px/obs-en-19-09.jpg)

बाल के भविष्यवक्ता बाल से प्रार्थना करत-करत पूरा दिन बिता द‌ईन। तब ऊं प्रार्थना करा क बंद कर दईन । ओखे बाद एलीय्याह दूसर बइला का परमातिमा के बेदी म रखिस। ओखे बाद व मन‌ईन का तब तक पानी डाला का कहीस जब तक व बेदी अऊ लकड़ी, मांस अऊ वेदी के चारो क‌ई के भुइयां गील न हो‌ई जा।

![](https://cdn.door43.org/obs/jpg/360px/obs-en-19-10.jpg)

तब एलीय्याह प्रार्थना करिस कि, “हे यहोवा, अब्राहम, इसहाक अऊ याकूब के परमातिमा हमहीं दिखावा कि तुम इस्राएल के परमातिमा आ हा, यहो भी कि मैं अपनन के दास आहों। मोही जबाब द्या ताकि ईं जान लें कि तुम सच्चा परमातिमा आहा।”

![](https://cdn.door43.org/obs/jpg/360px/obs-en-19-11.jpg)

तब तुरन्त आग गिरो अऊ मांस, लकड़ी, चट्टान, माटी अऊ यहो तक कि वेदी के आसपास के चारो क‌ई के पानी तक का जला द‌ईन। मनई जब य देखिन त भू‌ईयां म गीर के कहां लगे, “यहोवा ही परमातिमा आएं! यहोवा ही परमातिमा आएं!”

![](https://cdn.door43.org/obs/jpg/360px/obs-en-19-12.jpg)

तब एलीय्याह कहीस, “बाल के भविष्यवक्ता बचके जां क न चाही । एही से मनई भविष्यवक्ता का पकड़ के अलग ल‌ईगें अऊ उन्हीं मार डालिन।

![](https://cdn.door43.org/obs/jpg/360px/obs-en-19-13.jpg)

तब एलीय्याह अहाब राजा से कहीस, “जल्दी अपन घर का भग जा कह से कि बारिश होएं वाला ह।” तब जल्दी ही बादल घना होईगा अऊ भारी बारिश चालू होईगा कहेसे कि यहोवा सूखा का समाप्त करत र‌ए हें । एसे य परगट होईगा कि यहोवा ही सच्चा परमातिमा हें।

![](https://cdn.door43.org/obs/jpg/360px/obs-en-19-14.jpg)

जब एलीय्याह आपन काम समाप्त कर द‌ईस तब परमातिमा एलीशा नाम के एकठे मनई क भविष्यवक्ता होएं क चुनीन। परमातिमा एलीशा के द्वारा बहुत से चमत्कार के काम करिन। जे म से नामान के साथ भ र‌ओ ह। व एकठे शत्रु के सेना के सरदार र‌ओ ह। ओखे चमड़ी म बुरा रोग होईगा र‌ओ। नामान एलिशा के बारे म सुने र‌ओ ह एखे बजे से नामान एलीशा के पास आओ अऊ व रोग का ठीक करा के एलीशा से अनुरोध करा लगो । तब एलीशा कहीस, “जा अऊ यरदन नदी म सात बार जाके डुबकी लगा ले।”

![](https://cdn.door43.org/obs/jpg/360px/obs-en-19-15.jpg)

तब नामान गुस्सा होईगा अऊ डुबकी लगामा से मना कर द‌ईस कहेसे कि ओही लगत र‌ओ ह कि या मूर्खता के काम आए । पर बाद म जाके व यरदन नदी म सात बार डुबकी लगाईस । अऊ जब अंतिम बार व पानी से निकलो त परमातिमा ओही ठीक कर द र‌ए हें।

![](https://cdn.door43.org/obs/jpg/360px/obs-en-19-16.jpg)

परमातिमा इस्राएल के मन‌ईन के पास बहुत सारे भविष्यवक्ता भेजिन अऊ ऊं भविष्यवक्ता मन‌ईन का मूर्ति के उपासना बन्द कर दें क कहीन। बल्कि उन्ही एक – दूसर क न्याय पूर्वक व्यवहार करां क चाही अऊ एक – दूसर के ऊपर दया करा क चाही। ऊं भविष्यवक्ता मन‌ईन का चेतावनी द‌ईन कि बुरा काम करे का छोंड़ दे अऊ ओखे बजाय परमातिमा के बातन के पालन करां। यदि ऊं मनई अईसा न करहीं त परमातिमा उन्हीं दोषी ठहरा के उनखर न्याय करहीं, अऊ उन्हीं दंड दईहीं।

![](https://cdn.door43.org/obs/jpg/360px/obs-en-19-17.jpg)

अधिकांश समय, ऊं मन‌ई परमातिमा के आज्ञा के पालन न‌ई करिन अऊ अक्सर भविष्यवक्ता के साथ बुरा व्यवहार करिन अऊ यहो तक की कबहूं – कबहूं उन्हीं मार तक डालीन। एक बार, यिर्मयाह भविष्यवक्ता का सूखन कुआँ म डाल दे र‌ए हें अऊ मरा के लाने छोड़ द र‌ए हें। व कुआं के तल म किचड़ म धंस ग र‌ओ ह। तब राजा का ओखे ऊपर दया आ गा तब सैनिक क आदेश द‌ईन कि यिर्मयाह के मरे के पहले, ओही कुंआ से बाहर खींच लें।

![](https://cdn.door43.org/obs/jpg/360px/obs-en-19-18.jpg)

भविष्यवक्ता परमातिमा के तरफ से बोआलें क जारी रखिन। भले मनई, उनसे नफरत करत र‌ए हें। ऊं व मन‌ईन का चेतावनी ‌द‌ईन, यदि ऊं पश्चाताप न करहीं त परमातिमा उनखर नाश कर द‌ईहीं। ऊं मन‌ईन का य भी बताईन, “परमातिमा उनखे लाने मसीह का भ्याजां क प्रतिज्ञा करीन हें।”

*1 राजा अध्याय 16-18; 2 राजा 5; यिर्मयाह 38 से बाइबल की  एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_19_128kbps.m4a

## 20. बँधुवाई अऊ लऊटना

https://openbiblestories.org/l/bfy/story-20/

![](https://cdn.door43.org/obs/jpg/360px/obs-en-20-01.jpg)

इस्राएल के राज्य अऊ यहूदा के राज्य दोनों परमातिमा के विरुद्ध पाप करीन। ऊँ व वाचा का तोड़ दईन जऊन परमातिमा उनखे साथ सीनै पर्वत म बाँधे रए हें। परमातिमा उन्हीं पश्चाताप करे का अऊ फेर से उन्खर आराधना करे के लाने चेतावनी दे के लाने अपन भविष्यवक्ता का भेजिन, पर ऊँ उनखे बातन का माने से मना कर दईन।

![](https://cdn.door43.org/obs/jpg/360px/obs-en-20-02.jpg)

तब परमातिमा उनखे शत्रुन का उन्हीं नाश करे म सक्षम कर दईन अऊ दोनों राज्य का दंड दईन। अश्शूर एकठे दूष्ट देस रओ ह जऊन बहुत शक्तिशाली होई ग रओ ह। ऊँ दूसर देस के लाने बहुत निर्दई भी रए हें। ऊँ आके इस्राएल के राज्य का नाश कर दईन। अश्शूरी आके इस्राएल के राज्य म बहुतन का मार डालीन । जऊन चाहीन व लूट लईन, अऊ देस के केतना हिस्सान का जला दईन।

![](https://cdn.door43.org/obs/jpg/360px/obs-en-20-03.jpg)

अश्शूरी सब अगुवन का, धनवान मनई, अऊ अइसे मनईन का जऊन कीमती चीजन का बना सकत रए हें एक साथ एकट्ठा करीन अऊ ऊँ उन्हीं अश्शूर देस लई गें। इस्राएल म बस चुटु से गरीब इस्राएली बचे रए हें।

![](https://cdn.door43.org/obs/jpg/360px/obs-en-20-04.jpg)

फेर अश्शूरी मनई व देस म रहे के लाने विदेसीन का लेके आईन। ऊँ विदेसी ऊँ नगरन का फेर से बनाईन। जऊन इस्राएली हुन बचे रए हें उनखे से ऊँ सादी करीन। ईं मनईन के वंसज सामरी कहलाईन।

![](https://cdn.door43.org/obs/jpg/360px/obs-en-20-05.jpg)

यहूदा के राज्य के मनई देखिन कि कइसे परमातिमा ओखे ऊपर बिसवास न करा वालेन क अऊ ओखे बातन का न माना वाले इस्राएल के राज्य के मनईन का सजा दईन। पर तबहूँ भी ऊँ कानानीन के देऊतन के मूर्तिन के उपासना करीन। परमातिमा उन्हीं चेताउनी दे के लाने भविष्यवक्तन का भेजिन पर ऊँ सुने से मना कर दईन।

![](https://cdn.door43.org/obs/jpg/360px/obs-en-20-06.jpg)

लगभग सौ साल के बाद अश्शूरी इस्राएल के राज्य का नाश कर दईन। परमातिमा बेबीलोन के राजा नबूकदनेस्सर का यहूदा के राज्य म हमला करे के लाने भेजिन। बेबीलोन एकठे शक्तिशाली देस रओ ह। यहूदा के राजा नबूकदनेस्सर के दास बना के अऊ हर साल ओही बहुत सारा धन दे के लाने सहमत होई ग।

![](https://cdn.door43.org/obs/jpg/360px/obs-en-20-07.jpg)

पर कुछ सालन के बाद, यहूदा के राजा बेबीलोन के खिलाफ बलवा कर दईस। बेबीलोनीन वापस आके यहूदा के ऊपर हमला कर दईन। ऊँ यरुशलेम नगर म कब्ज़ा कर लईन, मंदिर का नष्ट कर दईन अऊ नगर अऊ मंदिर के खजाना का लूट लई गें।

![](https://cdn.door43.org/obs/jpg/360px/obs-en-20-08.jpg)

बलवा करे के कारन यहूदा के राजा का सजा दे के लाने, नबूकदनेस्सर के सैनिक राजा के बेटवा का ओखे सामने मार डालीन अऊ फेर ओही अंधा कर दईन। एखे बाद, ऊँ राजा का लई गें ताकि व बेबीलोन के जेल खाना म मर जाय।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर अऊ वाखर सेना यहूदा के राज्य के लगभग सब मनईन का बेबीलोन लई गें, बस थोड़ी से गरीब मनईन का पीछे छोड़ दईन ताकि ऊँ खेतन म फसल ऊगा सकयँ। समय के य ब्यरा का बंधुवाई कहीन जेमा परमातिमा के मनईन का परतिज्ञा के देस से निकल जायँ के लाने विवस करे रए हें।

![](https://cdn.door43.org/obs/jpg/360px/obs-en-20-10.jpg)

भले ही परमातिमा अपन मनईन का उनखे पापन के कारन बंधुवाई म जायँ के द्वारा सजा दय रए हें, तबहूँ ऊँ उनखे अऊ अपने परतिज्ञा का नई भूले रहे आयँ। परमातिमा अपने मनईन के निगरानी करे का जारी रखिन। अऊ अपन भविष्यवक्तन के द्वारा उनखे से बात करत रहीगें। ऊँ प्रतिज्ञा करीन कि, “सत्तर साल के बाद, ऊँ फेर से प्रतिज्ञा के देस म लऊटहीं।”

![](https://cdn.door43.org/obs/jpg/360px/obs-en-20-11.jpg)

लगभग सत्तर साल के बाद, फारस के राजा कुस्रू बेबीलोन का हरा दईस, एहीसे बेबीलोन के साम्राज्य के बजे फारस के साम्राज्य केतना देसन म सासन करिस। इस्राएली मनई अब यहूदी कहाऊत रए हें। उनखे म से बहुत अपने जीवन का बेबीलोन म बिता द रए हें। बस थोड़ी बुढ़वा यहूदीदीन का हीं यहूदा के देस याद रओ ह।

![](https://cdn.door43.org/obs/jpg/360px/obs-en-20-12.jpg)

फ़ारसी मनई बहुत ताकतवर रए हें, पर ऊँ अपने जीते मनईन के ऊपर दया करीन। फ़ारसी मनईन के राजा बने के थोड़ी समय के बाद, कुस्रू एकठे आदेस दईस कि कोनो भी यहूदी जऊन यहूदा का लऊटे का चाहत ह, व फारस से निकल के वापिस यहूदा जा सकत ह । यहो तक कि मंदिर का फेर से बनामा के लाने पइसा दईस। बंधुवाई के सत्तर साल के बाद, यहूदीन के एकठे छोट हस थ्वाक यहूदा म यरुशलेम नगर लऊट आयँ।

![](https://cdn.door43.org/obs/jpg/360px/obs-en-20-13.jpg)

जब ऊँ मनई यरुशलेम पहुंचीन तब ऊँ मंदिर का अऊ नगर के चारों कई के दीवार का फेर से बनाईन। फ़ारसी मनई अबहूँ भी उनखे ऊपर सासन करत रए हें पर एक बार फेर से व परतिज्ञा के देस म रहाँ लगें अऊ मंदिर म आराधना करां लगें।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_20_128kbps.m4a

## 21. परमातिमा मसीह के प्रतिज्ञा करे करथे

https://openbiblestories.org/l/bfy/story-21/

![](https://cdn.door43.org/obs/jpg/360px/obs-en-21-01.jpg)

जब परमातिमा संसार के सृष्टि करीन, ऊँ जानत रए हें कि उन्हीं बाद म कोनो दिन मसीह का भ्याजाँ का होई। ऊँ आदम अऊ हव्वा से प्रतिज्ञा करिन कि ऊँ अइसा करहीं। ऊँ कहीन कि, “हव्वा से एकठे वंस पईदा लेई जऊन साँप के मुंडी का कुचरी।” जऊन सांप हव्वा का धोखा दईस व सही म शैतान रओ ह। परमातिमा के अर्थ रओ ह कि मसीह पूरा-पूरा शैतान का हरा दईहीं ।

![](https://cdn.door43.org/obs/jpg/360px/obs-en-21-02.jpg)

परमातिमा अब्राहम से प्रतिज्ञा करे रए हें कि ओखे द्वारा संसार के सब जाति आसीस पईहीं। परमातिमा बाद म, कउनो समय म मसीह का भ्यजें के द्वारा य प्रतिज्ञा का पूरा करहीं। ऊँ मसीह संसार के हर एक जाति म से मनईन का उनखे पापन से छुड़ईहीं।

![](https://cdn.door43.org/obs/jpg/360px/obs-en-21-03.jpg)

परमातिमा मूसा से प्रतिज्ञा करे रए हें कि भविष्य म व मूसा के समान एक ठे दूसर भविष्यवक्ता भेजहीँ। य भविष्यवक्ता मसीह होईहीं। अइसे ही परमतिमा फेर से प्रतिज्ञा करीन कि व मसीह का भेजहीँ।

![](https://cdn.door43.org/obs/jpg/360px/obs-en-21-04.jpg)

परमातिमा राजा दाऊद से परतिज्ञा करीन कि वाखर एकठे वंस मसीह होईहीं। व राजा होईहीं अऊ परमातिमा के मनईन पर सदा के लाने सासन करहीं।

![](https://cdn.door43.org/obs/jpg/360px/obs-en-21-05.jpg)

परमातिमा यिर्मयाह भविष्यवक्ता से बात करीन अऊ कहीन कि एक दिन ऊँ एकठे नई वाचा बँधहीं। व नई वाचा इस्राएल के साथ म सीनै परबत म बाँधे गे पुरान वाचा के जइसा न होई। जब मनई के साथ ऊँ अपन नई वाचा बंधहीं, त ऊँ उनखे ऊपर अपने आप का व्यक्तिगत रूप से परगट करहीं। सब कोऊ उनही प्रेम करहीं अऊ उन्खर व्यवस्था के पालन करे के इच्छा रखहीं। परमातिमा कहीन कि य उनखे व्यवस्था का उनखे हिरदय म लिख दें के जइसा होई। ऊँ उन्खर मनई होईहीं अऊ परमातिमा उनखे पापन का क्षमा करहीं। ऊँ मसीह होईहीं जऊन उनखे साथ व नई वाचा का बंधहीं।

![](https://cdn.door43.org/obs/jpg/360px/obs-en-21-06.jpg)

परमातिमा के भविष्यवक्ता य भी कहीन कि मसीह एकठे भविष्यवक्ता होईहीं। एकठे भविष्यवक्ता व मनई आय जऊन परमातिमा के वचन का सुने करथ अऊ फेर मनईन के ऊपर परमातिमा के सन्देश के ऐलान करे करत थ। जेही भ्यजें के लाने परमातिमा प्रतिज्ञा करीन व मसीह एकठे सिद्ध भविष्यवक्ता होईहीं। मतलब व मसीह परमातिमा के संदेसन का अच्छे से सुनहीं, ऊँ मनईन का व सन्देश अच्छे से सीखईहीं।

![](https://cdn.door43.org/obs/jpg/360px/obs-en-21-07.jpg)

इस्राएली याजक मनई के लाने परमातिमा के आगे बलिदान चढ़ामा का चला दईन। य बलिदान मनईन के पाप के लाने उन्हीं परमातिमा द्वारा दण्डित करे जायँ के जगह म चढ़ाव ग रओ ह। याजक मनईन के लाने प्राथना भी करीन पर व मसीह सिद्ध महायाजक होईहीं जऊन परमातिमा के सामने एकठे सिद्ध बालि के रूप म खुद का चढ़ा दईहीं। अऊ ऊँ कबहूँ पाप न करहीं, जब ऊँ खुद का बलि होयँ के लाने दईहीं, त संसार का कोनो भी दूसर बलि के ज़रूरत न रइही।

![](https://cdn.door43.org/obs/jpg/360px/obs-en-21-08.jpg)

मनई के झुण्ड म राजा अऊ प्रधान सासन करत रए हें अऊ कबहूँ-कबहूँ ऊँ गलती भी करत रए हें। राजा दाऊद सिर्फ इस्राएलीन पर सासन करिस, पर राजा दाऊद के वंस 'मसीह' पूरा संसार म सासन करी अऊ ऊँ सदा के लाने सासन करहीं। एखे अलावा ऊँ हमेशा न्यायपूर्ण रीती से सासन करही, अऊ सही फैसला लईहीं।

![](https://cdn.door43.org/obs/jpg/360px/obs-en-21-09.jpg)

परमातिमा के भविष्यवक्तन मसीह के बारे म बहुत से बातन का कहिन। उदाहरण के लाने, मलाकी कहिस कि मसीह के आय से पहिले एकठे भविष्यवक्ता अई। व भविष्यवक्ता बहुत महत्वपूर्ण होई। एखे अलावा, यशायाह भविष्यवक्ता लिखिस कि मसीह एकठे कुंवारी से जनम लईहीं। अऊ मीका भविष्यवक्ता कहिस कि मसीह बैतलहम नगर म जनम लईहीं।

![](https://cdn.door43.org/obs/jpg/360px/obs-en-21-10.jpg)

यशायाह भविष्यवक्ता कहिस कि मसीह गलील के क्षेत्र म वास करहीं। जऊन मनई बहुत दुखी हें मसीह उन्हीं शांति दईहीं। ऊँ कैदीन का भी स्वतन्त्र करहीं मसीह बीमारन का अऊ जऊन सुन नई सकयँ, देख नई सकयँ, बोल नई सकयँ, चल नई सकयँ उन्हीं भी चंगा करहीं।

![](https://cdn.door43.org/obs/jpg/360px/obs-en-21-11.jpg)

यशायाह भविष्यवक्ता य भी कहिस कि मनई मसीह से नफरत करहीं अऊ स्वीकार करे से मना कर दईहीं। दूसर भविष्यवक्ता कहीन कि मसीह के एकठे साथी उनखे खिलाफ उठी। जकर्याह भविष्यवक्ता कहिस कि उन्खर य साथी अइसा करे के लाने दूसर मनईन से चांदी के तीस सिक्का लेई। एखे अलावा कुछ भविष्यवक्ता कहीन कि मनई मसीह का मार डलहीं, अऊ य कि ऊँ उनखे कपड़ा के लाने जुआ खेलहीं।

![](https://cdn.door43.org/obs/jpg/360px/obs-en-21-12.jpg)

भविष्यवक्ता य भी बातें कि मसीह कैसे मरहीं। यशायाह भविष्यवाणी कहीस कि मनई मसीह के ऊपर थूंकहीं, उन्खर मज़ाक उड़ईहीं, अऊ उन्हीं पिटहीं। ऊँ उन्हीं भाला छेद दईहीं अऊ ऊँ बड़ी पीड़ा म अऊ यातना म मर जईहीं जबकि ऊँ कुछू गलत नई करे रय होईहीं।

![](https://cdn.door43.org/obs/jpg/360px/obs-en-21-13.jpg)

भविष्यवक्ता य भी बताईन कि मसीह पाप करहीं। ऊँ सिद्ध होईहीं। पर ऊँ एखे लाने मरहीं कहेसे कि परमातिमा उन्हीं दूसर मनईन के पाप के कारन दंड दईहीं। उनखे मरे से मनई परमातिमा के साथ मेल करे म सक्षम होईहीं। एही से परमातिमा चाहत हें कि मसीह मराँ।

![](https://cdn.door43.org/obs/jpg/360px/obs-en-21-14.jpg)

भविष्यवक्ता य भी बताईन कि परमातिमा मसीह का मरे म से ज़िंदा करहीं। य दर्शाऊत ह कि य सब नई वाचा का बांधे के परमातिमा के योजना आय, ताकि ऊँ व मनईन का बचा सकयँ जऊन उनखे खिलाफ पाप करे रए हें।

![](https://cdn.door43.org/obs/jpg/360px/obs-en-21-15.jpg)

परमातिमा भविष्यवक्तन के ऊपर मसीह के बारे म बहुत सारा बात परगट करे रए हें पर मसीह ऊँ भविष्यवक्तन म से कोनो के भी जीवन काल म नई आय रहें। ईं भविष्यवाणीन के दय जायँ के चार सौ से ज्यादा साल के बाद सही समय म परमातिमा, मसीह का य संसार म भेजहीं।

*भेजहीं। उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_21_128kbps.m4a

## 22. यूहन्ना के जनम

https://openbiblestories.org/l/bfy/story-22/

![](https://cdn.door43.org/obs/jpg/360px/obs-en-22-01.jpg)

अतीत म, परमातिमा अपन भविष्यद्वक्ततन से बात करीन एहीसे ऊँ मनईन से बात कर सकत रए हें । पर व समय से लइके फेर 400 साल के बीत तक ऊँ उनखे से बात नई करीन । तब परमातिमा जकर्याह नाम के भविष्यद्वक्तन के पास एकठे स्वर्गदूत क भेजीन । जकर्याह अऊ वाखर मेहेरिआ एलीशिबा परमातिमा के आदर करत रए हें । ऊँ बहुत बूढ़वा होई ग रए हें, अऊ उनखे कोनो संतान नई रहो ।

![](https://cdn.door43.org/obs/jpg/360px/obs-en-22-02.jpg)

व स्वर्गदूत जकर्याह से कहीस, "तोर मेहेरिआ के एकठे बेटवा पईदा होई । ते वाखर नाम यूहन्ना रखे । परमातिमा ओही पवित्र आत्मा से परिपूर्ण करी, अऊ यूहन्ना मनई क मसीह का स्वीकार करे के लाने तैयार करी।" जकर्याह जवाब दईस, "मैं अऊ मोर मेहेरिआ संतान पईदा करे के लाने बहुत बूढ़वा हन! मैं कइसे जानो कि ते मोसे सच कहते हस?"

![](https://cdn.door43.org/obs/jpg/360px/obs-en-22-03.jpg)

व स्वर्गदूत जकर्याह क जवाब दईस, "तोरे पास य शुभ संदेश क लामे के लाने मैं परमातिमा के द्वारा भेजे गय हों । कहेसे कि ते मोरे ऊपर विश्वास नई करे, एहिसे लरकन के जनम लयँ तक तें बोल न पईहे।" तुरत ही, जकर्याह बोले म असमर्थ होई ग । तब व स्वर्गदूत जकर्याह के पास से चलो ग। एखे बाद, जकर्याह घर लऊट आओ अऊ वाखर मेहेरिआ गर्भवती होई ।

![](https://cdn.door43.org/obs/jpg/360px/obs-en-22-04.jpg)

जब एलीशिबा छः महीने के गर्भवती रई ही, त व स्वर्गदूत अचानक से एलीशिबा के रिश्तेदारन पर प्रकट होई ग, जेखर नाम मरियम रओ ह। मरियम कुँवारी रई ही अऊ सादी होयँ के लाने यूसुफ नाम के मनई के साथ वाखर मंगनी होई ग रओ ह। स्वर्गदूत कहीस, "ते गर्भवती होइहें अऊ एकठे बेटवा क जनम दईहे । तोही वाखर नाम यीशु रख का पड़ी। व सर्व-शक्तिमान परमातिमा के बेटवा होई अऊ हमेशा के लाने सासन करी।"

![](https://cdn.door43.org/obs/jpg/360px/obs-en-22-05.jpg)

मरियम जवाब दईस, "य कईसे होई, कहेसे मैं तो कुँआरी हों?" व स्वर्गदूत समझाईस, "पवित्र आत्मा तोरे ऊपर अई, अऊ परमातिमा के सामर्थ तोरे ऊपर छा जई। एहीसे व बच्चा पवित्र होई, अऊ व परमातिमा के बेटवा होई।" जऊन व स्वर्गदूत कहीस ओखे ऊपर मरियम विश्वास करीस।

![](https://cdn.door43.org/obs/jpg/360px/obs-en-22-06.jpg)

य होयँ के तुरत बाद, मरियम जाके एलीशिबा से भेंट करीस । जईसे ही मरियम ओही नमस्कार करीस, एलीशिबा के बच्चा ओखे भीतर उछलीस। उनखे लाने परमातिमा जऊन करे रए हें ओखे कारन ऊँ मेहेरिआ एक साथ खुश होई गईं। एलीशिबा के साथ तीन महीना रहे के बाद, मरियम घर लौट आई।

![](https://cdn.door43.org/obs/jpg/360px/obs-en-22-07.jpg)

एखे बाद, एलीशिबा अपन बेटवा का जनम दईस। जकर्याह अऊ एलीशिबा व बालक के नाम यूहन्ना रखीन, जईसा कि व स्वर्गदूत आदेस दय रए हें। तब परमातिमा जकर्याह क बोले म सक्षम करीन। जकर्याह कहीस, "परमातिमा के स्तुति हो, कहेसे कि ऊँ अपने मनईन के सहायता करे क याद रखीन! हे मोर बेटवा, ते सर्व-शक्तिमान परमातिमा के भविष्यद्वक्ता होईहे। ते मनईन क बतईहे कि ऊँ कइसे अपन पाप से क्षमा पा सकहीं! "

*लूका अध्याय 1 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_22_128kbps.m4a

## 23. यीशु के जनम

https://openbiblestories.org/l/bfy/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाम के एकठे धर्मी मनई के साथ मरियम के मंगनी होई ग रओ ह । जब व सुनीस कि मरियम गर्भवती हिबा त व जानत रओ ह कि व वाखर लरका न हो। पर, व मरियम क बदनाम नई करे का चाहत रहो आय, एहीसे व ओखे ऊपर दया करके अऊ ओही चुपचाप तलाक दें क सोचीस। पर एसे पहिले कि व अइसा करत, एकठे स्वर्गदूत ओखे सपना म आके ओसे बात करीस।

![](https://cdn.door43.org/obs/jpg/360px/obs-en-23-02.jpg)

व स्वर्गदूत कहीस, "हे यूसुफ, मरियम क अपन मेहेरिआ के रूप म लइके आय से न डेरा। ओखे भीतर जऊन लरका हबा व पवित्र आत्मा के तरफ़ से हवय। व एकठे बेटवा क जनम देई। उन्खर नाम यीशु रख्या (ज्याखर अर्थ हबा, "यहोवा बचाय करा रए हें"), व मनईन क उनखे पापन से बचईहीं।"

![](https://cdn.door43.org/obs/jpg/360px/obs-en-23-03.jpg)

यूसुफ मरियम से सादी करीस अऊ ओही अपन मेहेरिआ के रूप म घर ले आईस, पर ओखे लरका के जनम दें तक व ओखे साथ नई सोओ।

![](https://cdn.door43.org/obs/jpg/360px/obs-en-23-04.jpg)

जब मरियम के जनम देय के समय निकट रओ ह, त व अऊ यूसुफ बैतलहम जाएँ के लाने एकठे लंबी यात्रा करिस। उनहीं हून जाएँ ही क रओ ह कहेसे रोमी अधिकारी इस्राएल म रहाँ वाले सब मनईन के गिनती करे क चाहत रए हें। ऊँ चाहत रए हें कि सब मनई हून जाएँ जहाँ उनखर पूर्वज रहत रए हें। राजा दाऊद के जनम बैतलहम म भ रओ ह, मरियम अऊ यूसुफ दोनों के व पूर्वज रओ ह।

![](https://cdn.door43.org/obs/jpg/360px/obs-en-23-05.jpg)

मरियम अऊ यूसुफ बैतलहम गें, पर हून जानवरन के रहाँ वाले जगह के अलावा उनखर रुके के लाने कोनो अऊ जगह नई रहो। वहे जगह रओ ह जऊन मरियम अपन बच्चा क पईदा करिस। व ओही चरनी म सोवा दईस कहेसे कि हून ओखे लाने कोनो बिस्तर नई रहो। ऊँ वाखर नाम यीशु रखिन।

![](https://cdn.door43.org/obs/jpg/360px/obs-en-23-06.jpg)

व रात, हून पास के खेत म थोड़ी से चरवाहा अपन भेंड़ के थोआक के रखवाली करत रए हें। अचानक से, एकठे चमकदार स्वर्गदूत उनखे ऊपर परगट होईगें, अऊ ऊँ डेरा गें। व स्वर्गदूत कहीस, "न डेरा, कहेसे मोरे पास तुम्हरे लाने शुभ संदेश हबा। बैतलहम म मसीह, स्वामी के जनम भ हवय!"

![](https://cdn.door43.org/obs/jpg/360px/obs-en-23-07.jpg)

जाके व बच्चा का ढूंढा, अऊ तुम ओही कपड़ा म लिपटे अऊ चरनी म सोए पईहा।" अचानक से, आकाश स्वर्गदूतन से भर ग। ऊँ परमातिमा के स्तुति करत रए हें । ऊँ कहीन, "सब महिमा स्वर्ग म विराजमान परमातिमा क महिमा मिले। पृथ्वी पर ऊँ मनईन म शान्ति हो जिनखर ऊँ चिन्ता करां थें!"

![](https://cdn.door43.org/obs/jpg/360px/obs-en-23-08.jpg)

तब स्वर्गदूत चले गें । ऊँ चरवाहा भी अपन भेंड़न क छोड़ के बच्चा क द्याखँ गें। तुरते ही ऊँ व जगह म पहुँच गें जऊन जगह यीशु रओ ह अऊ ऊँ ओही चरनी म सोऊत पाईन, जइसा कि व स्वर्गदूत कहे रए हें । ऊँ बहुत उत्साहित रए हें । तब ऊँ चरवाहा वापिस हून लऊट गें जहाँ उनखर भेड़ रई हीं। ऊँ जऊन कुछु भी सुनीन अऊ देखिन व सब के लाने ऊँ परमातिमा के स्तुति कर रए हें ।

![](https://cdn.door43.org/obs/jpg/360px/obs-en-23-09.jpg)

पूर्व म दूर एकठे देश म कुछ मनई रए हें । ऊँ सितारन के अध्ययन करे करत रए हें अऊ ऊँ बहुत बुद्धिमान रए हें । ऊँ एकठे असामान्य सितारा क आकाश म देखिन । ऊँ कहीन कि याखर अर्थ हबा कि यहूदियन के एकठे नया राजा के जनम भ हबा । एखे लाने ऊँ व बच्चा क द्याखा के लाने अपन देश से यात्रा करे के निर्णय करीन। एकठे लंबा यात्रा के बाद, ऊँ बैतलहम आईन अऊ व घर क पाईन जऊन घर म यीशु अऊ उन्खर माता-पिता रुके रए हें ।

![](https://cdn.door43.org/obs/jpg/360px/obs-en-23-10.jpg)

जब ईं मनई यीशु क अपन महतारी के साथ देखिन त ऊँ घुटने टेक के उन्खर आराधना करीन। ऊँ यीशु क कीमती उपहार दईन। फेर ऊँ घर वापिस लऊट गें।

*मत्ती अध्याय 1; लूका 2 से बाइबल की एक कहानी।*

Audio: https://git.door43.org/OBS-TLF/bfy_obs/releases/download/v1/bfy_obs_v1_23_128kbps.m4a

## 24. यूहन्ना यीशु क बपतिस्मा दे थ

https://openbiblestories.org/l/bfy/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा अऊ जकर्याह के बेटवा यूहन्ना, बड़ा होईके एकठे भविष्यद्वक्ता बन ग । व जंगल म रहे करत रओ ह, अऊ जंगली शहद अऊ टिड्डिन का खाए करत रओ ह, अऊ ऊँट के रोमा से बनो कपड़ा का पहिने करत रओ ह ।

![](https://cdn.door43.org/obs/jpg/360px/obs-en-24-02.jpg)

बहुत से मनई यूहन्ना के बातन का सुने के लाने जंगल म निकल आएं । ओही य कहिके उनखर प्रचार करीस, "पश्चाताप करा, कहेसे कि स्वर्ग के राज्य निकट हबा!"

![](https://cdn.door43.org/obs/jpg/360px/obs-en-24-03.jpg)

जब मनईन यूहन्ना के संदेश क सुनीन, त उनमन से बहुत अपन पापन से पश्चाताप करीन, अऊ यूहन्ना उनही बपतिस्मा दईस । यूहन्ना क द्याखा के लाने बहुत सारा धर्मी अगुवा भी आएं , पर ऊँ अपने पापन के पश्चाताप या अंगीकार नई करीन ।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक अगुवन से कहीस, "हे जहर बाले साँप! पश्चाताप करा अऊ अपन व्यवहार क बदला। परमातिमा हर व पेड़ क काट डलहीं जऊन अच्छा फल नई लावय, अऊ व उन्हीं आग म झोंक दई।" जऊन भविष्यद्वक्ता कहे रए हें, यूहन्ना ओही पूरा करीस, "देख, जल्दी ही मैं तोरे आगे अपन संदेशवाहक क भेजिहों जऊन तोरे लाने मार्ग क तैयार करी।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवाँ यूहन्ना से पूछीन कि का व मसीह आय । यूहन्ना जवाब दईस, "मैं मसीह नई आहों, पर व मोरे बाद आऊ थ। व एतना महान हवय कि मैं वाखर जूतं के बद्दी खोले के लायक भी नई आहों।"

![](https://cdn.door43.org/obs/jpg/360px/obs-en-24-06.jpg)

दूसर दिन, यीशु बपतिस्मा लेयँ के लाने यूहन्ना के पास आव। जब यूहन्ना ओही देखिस, त ओही कहीस, "देख! परमातिमा के मेमना जो संसार के पापन क उठा लई जई ।"

![](https://cdn.door43.org/obs/jpg/360px/obs-en-24-07.jpg)

यूहन्ना यीशु से कहीस, "मैं तोही बपतिस्मा देयँ के लायक नई हों। एखे बजे जरुरत ह कि ते मोही बपतिस्मा दे।" पर यीशु कहीस, "तोही मोही बपतिस्मा दे क चाही, कहेसे कि करे के लाने सही काम यहे आय।" यूहन्ना ओही बपतिस्मा दईस, जबकि यीशु कबहूँ पाप नई करे रहो।

![](https://cdn.door43.org/obs/jpg/360px/obs-en-24-08.jpg)

बपतिस्मा देई दयँ के बाद जब यीशु पानी से निकलो, त परमातिमा के आत्मा कबूतर के रूप म परगट भ अऊ नीचे आके ओखे ऊपर रुक ग । वहे समय म, परमातिमा स्वर्ग से बात करीन। ओही कहीन, "य मोर बेटवा आय। मैं तोर से प्रेम करत हों, अऊ मैं तोसे बहुत खुश हों।"

![](https://cdn.door43.org/obs/jpg/360px/obs-en-24-09.jpg)

परमातिमा यूहन्ना से कहे रए हें, "पवित्र आत्मा नीचे आके कोहू के ऊपर रुक जई जेही ते बपतिस्मा दईहे।" वहे परमातिमा के बेटवा होई, परमातिमा एकठे ही हें। पर जब यूहन्ना यीशु क बपतिस्मा दईस, त व परमातिमा पिता क बात करत सुनीस, बेटवा परमातिमा क देखिस, जऊन कि यीशु आय, अऊ व पवित्र आत्मा क देखिस।

*मत्ती अध्याय 3; मरकुस 1:9-11; लूका 3:1 से बाइबल की कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_24_128kbps.m4a

## 25. शैतान यीशु के परीक्षा करे करत ह

https://openbiblestories.org/l/bfy/story-25/

![](https://cdn.door43.org/obs/jpg/360px/obs-en-25-01.jpg)

यीशु के बपतिस्मा होय के तुरत बाद ही, पवित्र आत्मा ओही जंगल म लई ग। यीशु हून चालीस दिन अऊ चालीस रात रहो आय। व समय ऊँ उपवास करिन, अऊ शैतान यीशु के पास आके पाप करामा के लाने उनखर परीक्षा करिस।

![](https://cdn.door43.org/obs/jpg/360px/obs-en-25-02.jpg)

पहिले, शैतान यीशु से कहीस, "अगर ते परमातिमा के बेटबा हस त ईं पत्थरन क रोटी बना दे ताकि ते खा सकस!"

![](https://cdn.door43.org/obs/jpg/360px/obs-en-25-03.jpg)

पर यीशु शैतान से कहीन, "परमातिमा के वचन म य लिखो ह, 'जीवित रहाँ के लाने मनई क केवल रोटी के जरुरत नई आय, पर उनखर हर व बात के जरुरत हय जऊन परमातिमा उनसे कहे करा थें!”

![](https://cdn.door43.org/obs/jpg/360px/obs-en-25-04.jpg)

तब शैतान यीशु क मंदिर के सबसे ऊँचा सिरा पर लईगा। व ओसे कहीस, "अगर ते परमातिमा के बेटबा आहे त हिन से नीचे कूद जा, कहेसे कि लिखो ह, 'परमातिमा तोही उठामा के लाने अपन स्वर्गदूतन क आज्ञा दईहीं कि तोरे पाँव म पत्थर से ठेस न लगी ।"

![](https://cdn.door43.org/obs/jpg/360px/obs-en-25-05.jpg)

पर यीशु व नई करीन जऊन शैतान उनखर से करा के लाने कहे रओ ह। एखे बजे, ऊँ कहीन, "परमातिमा हर कोऊ से कहत हें कि, ते प्रभु अपन परमातिमा के परीक्षा न कर।"

![](https://cdn.door43.org/obs/jpg/360px/obs-en-25-06.jpg)

फेर शैतान व संसार के सारा राज्य दिखाइस । व उनही दिखाईस कि व केतना शक्तिशाली ह, अऊ व केतना सम्पन्न ह । व यीशु से कहीस, "मैं तोही य सब दईहों अगर ते घुटना टेक के मोर उपासना करीहे ।"

![](https://cdn.door43.org/obs/jpg/360px/obs-en-25-07.jpg)

यीशु जवाब दईन, "हे शैतान, मोरे पास से चले जा! परमातिमा के वचन म ऊँ मनईन क आदेश देत हें, 'केवल अपन प्रभु परमातिमा के आराधना कर । परमातिमा के रूप म केवल वहेन का आदर कर।'"

![](https://cdn.door43.org/obs/jpg/360px/obs-en-25-08.jpg)

यीशु शैतान के परीक्षा से हार नई मानीन, एहीसे शैतान उनखर पास से चलो ग । तब स्वर्गदूत आके यीशु के सेवा टहल करां लगें ।

*मत्ती अध्याय 4:1-11; मरकुस 1:12-13; लूका 4:1-13 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_25_128kbps.m4a

## 26. यीशु अपन सेवा सुरु करे करत हें

https://openbiblestories.org/l/bfy/story-26/

![](https://cdn.door43.org/obs/jpg/360px/obs-en-26-01.jpg)

शैतान के परीक्षा का मना करे के बाद, यीशु वापस गलील के क्षेत्र म आयँ। यहे व जगह आय जहाँ ऊँ रहत रए हें। पवित्र आत्मा उन्हीं बहुत सामर्थ देत रए हें, अऊ यीशु एकठे जगह से दूसर जगह म गें अऊ मनईन क शिक्षा दईन। सब कोऊ उन्खर बारे म अच्छी बात कहीन।

![](https://cdn.door43.org/obs/jpg/360px/obs-en-26-02.jpg)

यीशु पढ़ीन, "परमातिमा मोही अपन आत्मा दईन हीं ताकि मैं कंगालन म सुसमाचार प्रचार कर सकों। ऊँ मोही एखे लाने भेजीन हें कि कैदिन क स्वतंत्र करों, अंधन क फेर से दृष्टि प्रदान करों, अऊ

![](https://cdn.door43.org/obs/jpg/360px/obs-en-26-03.jpg)

उन्हीं छुटकारा दों जिनहीं दूसर मनई कुचरत हें। य वहे समय आए जब परमातिमा हमरे ऊपर कृपालु होहीं अऊ हमर सहायता करहीं ।"

![](https://cdn.door43.org/obs/jpg/360px/obs-en-26-04.jpg)

फेर यीशु बैठ गें । सब मनई उसे बड़े ध्यान से देखत रए हें । ऊँ जानत रए हें कि पवित्रशास्त्र के जऊन भाग व अबहूँ पढ़त हें व मसीह के बारे म रओ ह। यीशु कहीन, "जऊन बात मैं अबहूँ तुम्हरे लाने पढ़े हों, ऊँ य समय घटत हें।" सब मनई चकित रए हें। ऊँ कहीन, "का य यूसुफ के बेटबा न हो?"

![](https://cdn.door43.org/obs/jpg/360px/obs-en-26-05.jpg)

तब यीशु कहीन, "य सही बात आए कि मनई कोऊ अइसे भविष्यद्वक्ता क कबहूँ स्वीकार नई करां जऊन उनखे नगर म पलो-बढ़ो रहत ह। एलिय्याह भविष्यद्वक्ता के समय म, इस्राएल म बहुत सारा विधवा रई हीं। पर जब साढ़े तीन साल तक बारिश नई भ त परमातिमा एलिय्याह क इस्राएल म कोनो विधवा के सहायता करे के लाने नई भेजिन। एखे बजे, ऊँ एलिय्याह क कोनो दूसर देश के विधवा के पास भेजिन।"

![](https://cdn.door43.org/obs/jpg/360px/obs-en-26-06.jpg)

यीशु बोलत ही रहिगें, "अऊ एलीशा भविष्यद्वक्ता के समय म, इस्राएल म बहुत से मनई चमड़ी के रोग से पीड़ित रए हें । पर एलीशा उनमन से कोनो क भी चंगा नई करीस। व केवल इस्राएल के शत्रुन के सेनापति नामान क चंगा करीस।" पर जऊन मनई यीशु क सुनत रए हें ऊँ यहूदी रए हें । एहीसे जब ऊँ उन्हीं य कहत सुनिन त ऊँ उनखे ऊपर गुस्सा होईगें।

![](https://cdn.door43.org/obs/jpg/360px/obs-en-26-07.jpg)

नासरत के मनई यीशु क पकड़ लईन अऊ ओही आराधना के जगह से घसीट के बाहर लई गें। ऊँ उनही मार डाले के लाने नीचे फँइके क एकठे चट्टान के सिरा म लई गें। पर यीशु भीड़ म से निकल गें अऊ नासरत नगर क छोड़ के चलो गें ।

![](https://cdn.door43.org/obs/jpg/360px/obs-en-26-08.jpg)

फेर यीशु सगला गलील के क्षेत्र म गें, अऊ बड़ा भीड़ उनखर पास आ गई। ऊँ अइसे बहुत से मनईन क लइके आएँ जऊन बीमार अऊ विकलांग रए हें । उनमन से कुछ देख, चल, सुन या बोल नई सकत रए हें, अऊ यीशु उन्हीं चंगा करीन।

![](https://cdn.door43.org/obs/jpg/360px/obs-en-26-09.jpg)

एखे अलावा, बहुत से अइसे मनई यीशु के पास लाय गें जेमा दुष्टात्मा रई हीं। यीशु दुष्टात्मन क उनमन से निकल जायँ के आदेश दईन। ऊँ दुष्टात्मा हमेशा चिल्लात रए हें, "ते परमातिमा के बेटबा हस!" भीड़ के मनई चकित रए हें, अऊ ऊँ परमातिमा के स्तुति करीन।

![](https://cdn.door43.org/obs/jpg/360px/obs-en-26-10.jpg)

फेर यीशु बारह आदमी क चुनिन जिनहीं ऊँ अपन प्रेरित कहीन। ऊँ प्रेरित उनखर साथ यात्रा करीन अऊ उनखर से शिक्षा लईन।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_26_128kbps.m4a

## 27. दयालु सामरी के  कहानी

https://openbiblestories.org/l/bfy/story-27/

![](https://cdn.door43.org/obs/jpg/360px/obs-en-27-01.jpg)

एक दिन, यहूदी व्यवस्था के एकठे विशेषज्ञ यीशु के पास आओ । व सब क य दिखामा का चाहत रओ ह कि यीशु गलत तरीका से शिक्षा देत हें । एहीसे व कहीस, "हे गुरु, अनन्त जीवन पामा के लाने मैं का करों?" यीशु जवाब दईन, "परमातिमा के व्यवस्था म का लिखो ह?"

![](https://cdn.door43.org/obs/jpg/360px/obs-en-27-02.jpg)

व मनई कहीस, “व कहा थी कि अपने परमातिमा से अपन सारा मन, प्राण, सामर्थ, अऊ बुद्धि से प्रेम कर । अऊ अपन पड़ोसी से अपन समान प्रेम कर ।" यीशु जवाब दईन, "ते एकदम सही हस ! यदि ते अइसा करीहे, त तोही अनन्त जीवन मिल जई ।"

![](https://cdn.door43.org/obs/jpg/360px/obs-en-27-03.jpg)

पर व व्यवस्था के विशेषज्ञ मनईन क दिखामा का चाहत रओ ह कि वाखर जीवन जीएं के तरीका सही हबा। एहीसे व यीशु से पूछीस, "ठीक ह, त मोर पड़ोसी को आए?"

![](https://cdn.door43.org/obs/jpg/360px/obs-en-27-04.jpg)

यीशु व व्यवस्था के विशेषज्ञ मनई क एकठे कहानी बतामा के द्वारा जवाब दईन । "एकठे यहूदी मनई रओ ह जऊन एकठे सड़क से होईके यरूशलेम से यरीहो के यात्रा करत रओ ह ।"

![](https://cdn.door43.org/obs/jpg/360px/obs-en-27-05.jpg)

"पर कुछ डाकुं ओही देखिन अऊ ओखे ऊपर हमला कर दईन । ऊँ वाखर सब कुछ लई लईन अऊ ओही लगभग मर जाएं तक मारीन -पीटीन । तब ऊँ चले गें ।"

![](https://cdn.door43.org/obs/jpg/360px/obs-en-27-06.jpg)

"ओखे तुरत बाद, एकठे यहूदी याजक वहे सड़क से होईके गुजरत रओ ह । व याजक व मनई क सड़क म पड़े देखिस । जब व ओही देखिस त व सड़क के दूसर तरफ जाके आगे बढ़ गा । व वहे मनई क पूरी तरह से अनदेखा कर दईस ।"

![](https://cdn.door43.org/obs/jpg/360px/obs-en-27-07.jpg)

"एखे बाद थोड़ी से समय बीते के बाद, एकठे लेवी व सड़क म आओ (लेवी यहूदियन के एकठे गोत्र रओ ह जऊन मंदिर म याजक के सहायता करे करत रओ ह) । व लेवी भी सड़क के दूसर तरफ से निकल ग। वहो भी व मनई क अनदेखा कर दईस ।"

![](https://cdn.door43.org/obs/jpg/360px/obs-en-27-08.jpg)

"अऊ एक झन जऊन व सड़क म आओ व सामरिया के एकठे मनई रओ ह । (सामरी अऊ यहूदी एक दूसर से नफरत करत रए हें) । व सामरी सड़क म व मनई क देखिस । व देखिस कि व यहूदी आए, पर तबहूँ भी व ओखे ऊपर बड़ा तरस खाईस । अऊ व ओखे पास गा अऊ ओखे घाव म पट्टि बाँधीस ।"

![](https://cdn.door43.org/obs/jpg/360px/obs-en-27-09.jpg)

"फेर व सामरी व मनई क अपन गदहा ऊपर डालिस अऊ ओही व सड़क से एकठे सराय म लईगा । जहेमा व वाखर देखभाल करें क जारी रखिस ।"

![](https://cdn.door43.org/obs/jpg/360px/obs-en-27-10.jpg)

अगले दिन, व सामरी क अपन यात्रा क जारी रखा के आवश्यकता रई ही । व वहे सराय के प्रभारी मनई क कुछ धन दईस । अऊ व ओसे कहीस, "य मनई के देखभाल करे । अगर य धन के अलावा तोर कुछ अऊ धन खर्च होई जई त वापस आये के बाद मैं तोर ऊँ खर्चन का भर दईहों ।"

![](https://cdn.door43.org/obs/jpg/360px/obs-en-27-11.jpg)

फेर यीशु व व्यवस्था के विशेषज्ञ से पूछीन, "तुम का सोचते ह? ईं तीन मनईन म से कऊन व मनई के पड़ोसी हबा जऊन लूटररो अऊ पीटररो रओ ह?" व जवाब दईस, "वहेन जऊन ओखे ऊपर दया करीस।" यीशु ओसे कहीन, "ते जा अऊ अइसे ही करे ।"

*लूका अध्याय 10:25-37 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_27_128kbps.m4a

## 28. संपत्ति

https://openbiblestories.org/l/bfy/story-28/

![](https://cdn.door43.org/obs/jpg/360px/obs-en-28-01.jpg)

एक दिन, एकठे धनी जवान शासक यीशु के पास आके ओसे पूछीस, "हे उत्तम गुरु, अनन्त जीवन पामा के लाने मोही का करा का चाही?" यीशु ओसे कहीन, "ते मोही 'उत्तम' कहे कहते हस? केवल एक झन ही उत्तम हें अऊ ऊँ परमातिमा हें । पर अगर ते अनन्त जीवन पामा का चाहते हस त परमातिमा के व्यवस्था के पालन कर।"

![](https://cdn.door43.org/obs/jpg/360px/obs-en-28-02.jpg)

"मोही कऊन-कऊन से आज्ञान का पालन करे के जरुरत हबा?" व पूछीस । यीशु जवाब दईन, "हत्या न कर्या । व्यभिचार न कर्या । चोरी न कर्या । झूठ न बोल्या। अपन पिता अऊ माता के आदर कर्या, अऊ अपन पड़ोसी से अपन समान प्रेम कर्या ।"

![](https://cdn.door43.org/obs/jpg/360px/obs-en-28-03.jpg)

पर व जवान मनई कहीस, "मैं अपन बालकपन से ही ईं सब आज्ञान के पालन करत आये हों । मोही सदा के लाने जीवित रहाँ के लानेअबहूँ भी का करे के जरुरत हबा?” यीशु ओही देखिन अऊ ओसे प्रेम करीन ।

![](https://cdn.door43.org/obs/jpg/360px/obs-en-28-04.jpg)

यीशु जवाब दईन, "अगर ते सिद्ध होयें क चाहत हस त जाके अपन सब कुछ बेच दे अऊ व धन गरीबन म बाँट दे, अऊ तोही स्वर्ग म धन मिली । तब आके मोरे पीछे हो ले।"

![](https://cdn.door43.org/obs/jpg/360px/obs-en-28-05.jpg)

जऊन यीशु कहीन जब व जवान मनई सुनीस त व बहुत उदास होई गा, कहेसे कि व बहुत धनी रओ ह अऊ व अपन सारी सम्पत्ति क दें का नई चाहत रहो आए । व मुड़ के यीशु के पास से चलो ग ।

![](https://cdn.door43.org/obs/jpg/360px/obs-en-28-06.jpg)

तब यीशु अपन चेलन से कहीन, "परमातिमा के राज्य म धनी मनई का प्रवेश करा क बहुत कठिन ह! हाँ, एकठे धनी मनई का परमातिमा के राज्य म प्रवेश करे के तुलना म कोनो के ऊँट के सूई के नाके म से होईके निकल जाएं का आसान हबा।"

![](https://cdn.door43.org/obs/jpg/360px/obs-en-28-07.jpg)

जऊन यीशु कहीन जब चेला सुनीन त ऊँ चकित होईगें । ऊँ कहीन, "अगर य अईसा ह त परमातिमा केही बचाइहीं?"

![](https://cdn.door43.org/obs/jpg/360px/obs-en-28-08.jpg)

यीशु चेलन के ऊपर दृष्टि करीन अऊ कहीन, "मनई के लाने स्वयं के उद्धार करे के असम्भव हबा । पर परमातिमा के लाने कुछू भी करे का असम्भव नई हबा ।"

![](https://cdn.door43.org/obs/jpg/360px/obs-en-28-09.jpg)

पतरस यीशु से कहीस, "हम चेला अपन सब कुछ छोड़ के तोरे पीछे होई लाए हन । त हमार पुरस्कार का होई?"

![](https://cdn.door43.org/obs/jpg/360px/obs-en-28-10.jpg)

यीशु जवाब दईन, "हर एक झन जऊन मोरे कारण घर, भाई, बहन, पिता, माता, बच्चा, य सम्पत्ति क छोड़ीन हें, व ओसे 100 गुना ज्यादा प्राप्त करहीं अऊ अनन्त जीवन का भी पईहीं । पर बहुत सारा जऊन पहिले हें ऊँ पीछे होईहीं, अऊ बहुत से जऊन पीछे हें ऊँ पहिले होईहीं।"

*मत्ती अध्याय 19:16-30; मरकुस 10:17-31; लूका 18:18-30 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_28_128kbps.m4a

## 29. निर्दयी दास के कहानी

https://openbiblestories.org/l/bfy/story-29/

![](https://cdn.door43.org/obs/jpg/360px/obs-en-29-01.jpg)

एक दिन, पतरस यीशु से पूछीस, "हे स्वामी, मोही अपने भाई क केतना बार क्षमा करा क चाही जब व मोरे विरुद्ध पाप करत हबा? का सात बार तक?" यीशु कहीन, "सात बार नहीं, पर सात के सत्तर बार!" एखे द्वारा, यीशु के मतलब ह कि हमहीं हमेशा क्षमा करा का चाही। तब यीशु य कहानी बताईन।

![](https://cdn.door43.org/obs/jpg/360px/obs-en-29-02.jpg)

यीशु कहीन, "परमातिमा के राज्य एकठे राजा के समान ह जऊन अपन दास से लेखा लें का चाहत रओ ह । वाखर एकठे दास 2,00,000 साल के मजदूरी के एकठे बड़ा कर्ज के कर्जदार रओ ह ।"

![](https://cdn.door43.org/obs/jpg/360px/obs-en-29-03.jpg)

पर व दास अपन कर्ज क चुका नई पाईस, एहीसे राजा कहीस, "याखर कर्ज चुकामा के लाने य मनई क अऊ एखे परिवार क दासन के रूप म बेंच द्या ।"

![](https://cdn.door43.org/obs/jpg/360px/obs-en-29-04.jpg)

"व दास राजा के सामने अपन घुटना टेक के कहीस, 'थोड़ी मोरे साथ धीरज धर, अऊ मैं अपन कर्ज के पूरा रकम का चुकता कर दईहों ।' राजा दास के ऊपर दया करीस, एहीसे व ओखे सारा कर्ज का माफ कर दईस अऊ ओही जाएं दईस ।"

![](https://cdn.door43.org/obs/jpg/360px/obs-en-29-05.jpg)

"पर जब व दास राजा के पास से बाहर गा, त ओही वाखर एकठे साथी दास मिलो जऊन ओखे चार महीना के मजदूरी के कर्जदार रओ ह । व दास अपन साथी दास का पकड़ लईस अऊ कहीस, 'जऊन तोरे ऊपर मोर कर्ज हबा मोही वाखर चुकता कर!"

![](https://cdn.door43.org/obs/jpg/360px/obs-en-29-06.jpg)

"व साथी दास घुटना म गिर के कहीस, 'थोड़ी मोरे साथ धीरज धर, अऊ मैं अपन कर्ज के पूरा रकम का चुकता कर दईहों ।' पर एखे बजे कि, व दास अपन साथी दास क जेलखाना म डाल दईस, जब तक कि व कर्ज का चुकता न कर दे।"

![](https://cdn.door43.org/obs/jpg/360px/obs-en-29-07.jpg)

"जऊन कुछ भ रओ ह ओही कुछ दूसर दास देखिन अऊ ऊँ बहुत परेशान होईगें । ऊँ राजा के पास गें अऊ सब कुछ बताईन ।"

![](https://cdn.door43.org/obs/jpg/360px/obs-en-29-08.jpg)

"राजा व दास का बुला के कहीस, 'हे दुष्ट दास! मैं तोरे कर्ज क एसे क्षमा कर द रओ हों कहेसे कि ते मोसे विनती करे रए हस । त तोही भी वईसा ही करा का चाही ।' राजा एतना गुस्सा होई गा कि व दुष्ट दास क जेलखाना म डाल दईस जब तक कि व अपन सारा कर्ज का वापस चुका न दे।"

![](https://cdn.door43.org/obs/jpg/360px/obs-en-29-09.jpg)

तब यीशु कहीन,"मोर स्वर्ग म विराजमान पिता तुम म से हर एक झन के साथ अइसा ही करी अगर तुम अपन भाई क अपन हृदय से क्षमा न करिहा त ।"

*मत्ती अध्याय 18:21-35 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_29_128kbps.m4a

## 30. यीशु पाँच हजार मनईन क भोजन करवाऊत हें

https://openbiblestories.org/l/bfy/story-30/

![](https://cdn.door43.org/obs/jpg/360px/obs-en-30-01.jpg)

यीशु अपन प्रेरितन क प्रचार करा क अऊ मनईन क शिक्षा दें के लाने बहुत से अलग-अलग गाँव म भेजिन । जब ऊँ हुन लऊटीन जहाँ यीशु रए हें त ऊँ ओही बताईन कि ऊँ का करे रए हें । तब यीशु उनहीं झील के दूसर तरफ उनखे साथ एकठे शान्त जगह म जाके कुछ समय आराम करा के लाने आमंत्रित करीन । तब ऊँ एकठे नाव म चढ़ गें अऊ झील के दूसर तरफ चले गें ।

![](https://cdn.door43.org/obs/jpg/360px/obs-en-30-02.jpg)

पर हुन बहुत से अइसा मनई रए हें जऊन यीशु अऊ चेलन क नाव म जात देखे रए हें । ईं मनई उनखे से आगे झील के दूसर तरफ जाएं के लाने झील के किनारे-किनारे म भागिन । जब यीशु अऊ चेला पहुँचीन त मनईन के एकठे बड़ा समूह उनखर इंतजार करत हून पहिले से रओ ह ।

![](https://cdn.door43.org/obs/jpg/360px/obs-en-30-03.jpg)

व भीड़ म मेहेरिया अऊ बच्चन क बिना गिनती करे 5,000 से ज्यादा मनई रए हें । यीशु ऊँ मनईन के ऊपर बड़ा तरस खाईन । यीशु के लाने ऊँ मनई बिना चरवाहे के भेड़न के समान रए हें । एहीसे ऊँ उनही शिक्षा दईन अऊ उनखर बीच म जऊन मनई बीमार रए हें उनही चंगा करीन।

![](https://cdn.door43.org/obs/jpg/360px/obs-en-30-04.jpg)

दिन के अंत म, चेला यीशु से कहीन, "अब देर होई ग ह अऊ आसपास म कोनो नगर नई ह । ईं मनईन क विदा कर ताकि ऊँ जाके खाएं के लाने कुछ लईलें ।"

![](https://cdn.door43.org/obs/jpg/360px/obs-en-30-05.jpg)

पर यीशु चेलन से कहीन, "तुम उनही खाएं के लाने कुछ द्या!" ऊँ जवाब दईन, "हम अईसा कईसे कर सकी थे? हमरे पास बस पाँच रोटी अऊ दूट्ठे छोटी मछली हबा ।"

![](https://cdn.door43.org/obs/jpg/360px/obs-en-30-06.jpg)

यीशु अपन चेलन से कहीन कि ऊँ भीड़ के मनईन क घास म पचास-पचास के समूह म बईठा के लाने कहां ।

![](https://cdn.door43.org/obs/jpg/360px/obs-en-30-07.jpg)

तब यीशु पाँचठे रोटी अऊ दूट्ठे मछलिन क लईके स्वर्ग क तरफ देखिन, अऊ व भोजन के लाने परमातिमा क धन्यवाद दईन ।

![](https://cdn.door43.org/obs/jpg/360px/obs-en-30-08.jpg)

फेर यीशु रोटी अऊ मछलिन क टुकड़ा म तोड़ डालिन। ऊँ मनईन क दें के लाने अपन चेलन क ऊँ टुकड़ा दई दईन । चेला व भोजन क बाँटत रहिगें, अऊ व कबहूँ समाप्त नई भ! ऊँ सब मनई खाके तृप्त होई गें।

![](https://cdn.door43.org/obs/jpg/360px/obs-en-30-09.jpg)

ओखे बाद, चेला व भोजन क एकट्ठा करीन जेही खाओ नई ग रओ ह अऊ व बारह टोकरिन क भरा के लाने पर्याप्त रओ ह । व सारा भोजन ऊँ पाँच रोटी अऊ दूट्ठे मछलिन से आओ रओ ह ।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_30_128kbps.m4a

## 31. यीशु पानी म चले करत हें

https://openbiblestories.org/l/bfy/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार मनईन क भोजन कराय के बाद, यीशु अपन चेलन से नाव म जाएं के लाने कहीन । ऊँ उनही झील के दूसर तरफ चले जाएं के लाने कहीन जबकि ऊँ थोड़ी समय के लाने हूने रुक गें ।

![](https://cdn.door43.org/obs/jpg/360px/obs-en-31-02.jpg)

व समय, चेला अपन नाव क खेवत जात रए हें, पर हवा उनखे विरुद्ध बड़ी जोर से बहत रई ही । बहुत रात होई जाएं के बाद भी ऊँ बस झील के बीच म ही पहुँचे रए हें ।

![](https://cdn.door43.org/obs/jpg/360px/obs-en-31-03.jpg)

व समय यीशु प्राथना करे क समाप्त करीन अऊ अपन चेलन के पास वापस जाएं क आरम्भ करीन । ऊँ नाव के तरफ जाएं के लाने पानी के ऊपर चला लगें ।

![](https://cdn.door43.org/obs/jpg/360px/obs-en-31-04.jpg)

तब चेला ओही देखिन । ऊँ बहुत डेरा गें कहेसे कि ऊँ सोचीन कि व कोनो भूत आए । यीशु जानत रए हें कि ऊँ डेरा गे हें, एहीसे ऊँ उनही आवाज दईके कहीन, "डेरा मत, य मैं आहों !"

![](https://cdn.door43.org/obs/jpg/360px/obs-en-31-05.jpg)

तब पतरस यीशु से कहीस, "हे प्रभु, अगर य ते हस त मोही पानी म चले के तोरे पास आमा का आदेश दे।" यीशु पतरस से कहीन, "आ!"

![](https://cdn.door43.org/obs/jpg/360px/obs-en-31-06.jpg)

पतरस नाव से उतर ग अऊ यीशु के पास जाएं के लाने पानी के सतह म चलां क आरम्भ करीस । पर थोड़ी दूर जाके, व अपन आँखी क यीशु से फेर लईस अऊ लहरन के तरफ देखा अऊ तेज हवा क महसूस करा का आरम्भ कर दईस ।

![](https://cdn.door43.org/obs/jpg/360px/obs-en-31-07.jpg)

तब पतरस डेरा गा अऊ पानी म डूबा लगो । व चिल्लामा लगो, "हे प्रभु, मोही बचा!" यीशु वहे समय हाथ बढ़ा के ओही पकड़ लईन । तब ऊँ पतरस से कहीन, "तोर विश्वास बहुत कम हबा! बचे के लाने ते मोरे ऊपर भरोसा कहे नई करे?"

![](https://cdn.door43.org/obs/jpg/360px/obs-en-31-08.jpg)

तब यीशु अऊ पतरस नाव म चढ़ गें, अऊ तुरत हवा का बहना बंद होई गा । पानी शान्त होई गा । चेला चकित होईके यीशु के आगे म घुटना टेक दईन । ऊँ उन्खर आराधना करीन अऊ उनही कहीन, "सचमुच ते परमातिमा के बेटबा आहे ।"

*मत्ती अध्याय 14:22-33; मरकुस 6:45-52; यूहन्ना 6:16-21 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_31_128kbps.m4a

## 32. यीशु दुष्टात्मा से ग्रस्त मनई का अऊ एकठे बीमार मेहेरिआ का चंगा करे करत हें

https://openbiblestories.org/l/bfy/story-32/

![](https://cdn.door43.org/obs/jpg/360px/obs-en-32-01.jpg)

यीशु अऊ उनखर चेला अपन नाव म व क्षेत्र क गें जहाँ गिरासेनी मनई रहत रए हें । ऊँ व क्षेत्र म पहुँच के नाव से उतर गें ।

![](https://cdn.door43.org/obs/jpg/360px/obs-en-32-02.jpg)

हुन एकठे मनई रओ ह जऊन दुष्टात्मा से ग्रस्त रओ ह ।

![](https://cdn.door43.org/obs/jpg/360px/obs-en-32-03.jpg)

य मनई एतना बलशाली रओ ह कि कोऊ भी ओही नियंत्रित नई कर सकत रओ ह । कई बार मनई वाखर हाथ अऊ पैरन क जंजीर से भी बाँधीन, पर व उनही टोर देत रओ ह ।

![](https://cdn.door43.org/obs/jpg/360px/obs-en-32-04.jpg)

व मनई व क्षेत्र म कब्रन म रहे करत रओ ह । य मनई पूरा दिन अऊ पूरा रात चिल्लाए करत रओ ह । व कपड़ा नई पहीनत रओ ह अऊ हमेशा खुद क पत्थर से घायल करे करत रओ ह ।

![](https://cdn.door43.org/obs/jpg/360px/obs-en-32-05.jpg)

व मनई दऊड़ के यीशु के पास आओ अऊ उन्खर सामने घुटना टेक दईस। तब यीशु व मनई के अंदर के दुष्टात्मा से बात करीन अऊ कहीन, "य मनई म से बाहर निकल आ!"

![](https://cdn.door43.org/obs/jpg/360px/obs-en-32-06.jpg)

व दुष्टात्मा ऊँची आवाज म चिल्लाईस, “हे यीशु, परम प्रधान परमातिमा के बेटवा, तोही मोर से का काम ह ? कृपा करके मोही न सता!” त यीशु व दुष्टात्मा से पूछीन, "तोर नाम का ह ?" व जवाब दईस,"मोर नाम सेना हबा, कहेसे कि हम बहुत हन ।" (रोमी सेना म केतना हजार सैनिकन के एकठे झुण्ड एकठे "सेना" होत रई ही ।)

![](https://cdn.door43.org/obs/jpg/360px/obs-en-32-07.jpg)

ऊँ दुष्टात्मा यीशु से विनती करीन, "कृपया करके हमहीं य क्षेत्र से बाहर न भेज!" हूने पास के पहाड़ म सूअरन के एकठे झुंड चरत रओ ह । एहिसे ऊँ दुष्टात्मा यीशु से विनती करीन, "कृपिया करके हमहीं ऊँ सूअरन म भेज दे!" यीशु कहिन, "ठीक ह, उनखे ऊपर चले जा !"

![](https://cdn.door43.org/obs/jpg/360px/obs-en-32-08.jpg)

तब ऊँ दुष्टात्मा व मनई म से निकल के उन सूअरन म घुस गईं । अऊ ऊँ सूअर दऊड़ के एकठे खड़े टीला म से झील म कूद गें अऊ डूब मरीन । व झुंड म लगभग 2,000 सूअर रए हें ।

![](https://cdn.door43.org/obs/jpg/360px/obs-en-32-09.jpg)

हुन ऊँ सूअरन के देखभाल करा वाले मनई रए हें । जऊन कुछ भी भ रओ ह जब ऊँ देखिन त ऊँ नगर म भग गें । यीशु जऊन करे रए हें हुन ऊँ सब क बताईन । व नगर के मनई निकल आएं अऊ व मनई क देखिन ज्यामा दुष्टात्मा रई हीं । व शान्ति से, कपड़ा पहीने, अऊ एकठे सामान्य मनई के जइसे व्यवहार करत व बईठो रओ ह ।

![](https://cdn.door43.org/obs/jpg/360px/obs-en-32-10.jpg)

ऊँ मनई बहुत डरत रए हें अऊ ऊँ यीशु से चले जाएं के लाने कहीन । यीशु नाव चढ़ गें । व मनई ज्यामा दुष्टात्मा रई हीं व यीशु के साथ जाएं के लाने विनती करीस ।

![](https://cdn.door43.org/obs/jpg/360px/obs-en-32-11.jpg)

पर यीशु ओसे कहीन, "नई । मैं चाहत हों कि ते घर जाके सब क बता कि परमातिमा तोरे लाने का करीन हीं । उनही बता कि कईसे परमातिमा तोरे ऊपर दया करीन हीं ।"

![](https://cdn.door43.org/obs/jpg/360px/obs-en-32-12.jpg)

एहीसे व मनई चलो ग अऊ सब क एखे बारे म बताईस जऊन यीशु ओखे लाने करे रए हें। ओखे कहानी क सुना वाले हर कोऊ चकित रओ ह।

![](https://cdn.door43.org/obs/jpg/360px/obs-en-32-13.jpg)

यीशु झील के दूसर तरफ लऊट आईन । उनखे वहाँ पहुँचे के बाद, एकठे बड़ी भीड़ उनखे आसपास एकट्ठा होई ग अऊ उन्हीं दबामा लगी। व भीड़ म एकठे मेहेरिआ रई ही जऊन बारह साल से लहू बहाँ के समस्या से परेशान रई ही। व अपन सारा धन चिकित्सकन क दई द रई ही ताकि ऊँ ओही ठीक कर दें, पर वाखर रोग अऊ बिगड़ ग रओ ह।

![](https://cdn.door43.org/obs/jpg/360px/obs-en-32-14.jpg)

व सुने रई ही कि यीशु कई बीमार मनईन क ठीक करे करत हें अऊ व सोचीस, "मैं निश्चित हों कि अगर मैं केवल यीशु के कपड़ा ही क छू लईहों, त मैं भी ठीक होई जईहों!" एहीसे व यीशु के पीछे से आईस अऊ उन्खर कपड़ा क छू लईस । जईसे ही व उनही छुईस, लहू के बहना बंद होई ग।

![](https://cdn.door43.org/obs/jpg/360px/obs-en-32-15.jpg)

तुरत ही, यीशु जान लईन कि व म से सामर्थ निकलो ह । एहीसे ऊँ पीछे मुड़ के पूछीन, "मोही को छुई सी?" चेला जवाब दईन, "हिन एतना सारा मनई तोरे चारो तरफ भीड़ लगए हिबा, अऊ तोही धकेला थे । त ते कहे पूछे कि मोही को छुई सी?"

![](https://cdn.door43.org/obs/jpg/360px/obs-en-32-16.jpg)

व मेहेरिया यीशु के सामने काँपत अऊ बहुत डरे-डरे अपन घुटना के बल बईठ गई । तब व बता दईस कि व का करिस, अऊ य भी कि व ठीक होई गई हिबा । यीशु ओसे कहिन, "तोर विश्वास तोही चंगा करीसी । शान्ति से जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_32_128kbps.m4a

## 33. एकठे किसान के कहानी

https://openbiblestories.org/l/bfy/story-33/

![](https://cdn.door43.org/obs/jpg/360px/obs-en-33-01.jpg)

एक दिन, यीशु झील के किनारे के पास रए हें । व मनईन के एकठे बहुत बड़ी भीड़ का शिक्षा देत रए हें । उन्हीं सुना के लाने एतना सारा मनई आए कि यीशु के पास ऊँ सब से बात करा के लाने जगह न बचो । एहीसे व पानी म खड़े नाव म चढ़ गें । वहाँ ऊँ बईठ गें अऊ मनईन क शिक्षा दईन ।

![](https://cdn.door43.org/obs/jpg/360px/obs-en-33-02.jpg)

यीशु उन्ही य कहानी सुनाईन, "एक किसान बीज बोम के लाने बाहर निकलो । जब व हाथ से बीजन क बिखेरत राओ ह त कुछ बीज मार्ग म गिरो । पर पक्षि आके सब बीजन क खा लईन ।"

![](https://cdn.door43.org/obs/jpg/360px/obs-en-33-03.jpg)

"दूसर बीज पथरीली भूइयाँ गिरो जहाँ बहुत कम माटी रओ ह । पथरीली भूईयाँ म गिरे बीज बहुत जल्दी अंकुरित होई ग, पर उनखर जड़ भूईयाँ म गहराई म जाएं म सक्षम नई रहो । जब सूर्य निकलो अऊ गर्मी भ त ऊँ पऊधा मुरझा गें अऊ मर गें ।"

![](https://cdn.door43.org/obs/jpg/360px/obs-en-33-04.jpg)

"दूसर बीज झाड़ी के बीच म गिरो । ऊँ बीज बढ़ा का आरम्भ करीन, पर काँटा उनही दबा दईन । एसे काँटादार भूईयाँ म गिरो बीज म से निकलो पऊधा म से कोनो भी अनाज पईदा नई कर पाईस ।"

![](https://cdn.door43.org/obs/jpg/360px/obs-en-33-05.jpg)

"दूसर बीज अच्छा भूईयाँ म गिरो । ऊँ बीज बढ़ीन अऊ जेतना बीज बोओ ग रओ ह उनमन से 30, 60, अऊ यहो तक कि 100 गुना अनाज उत्पन्न करीन । जऊन कोऊ भी परमातिमा के पीछे चला का चाहत ह, व य बात म ध्यान दे जऊन मैं कहत हों!"

![](https://cdn.door43.org/obs/jpg/360px/obs-en-33-06.jpg)

य कहानी चेला क उलझन म डाल दईस । एसे यीशु व्याख्या करीन, "व बीज परमातिमा के वचन हबा । व मार्ग एकठे आईसा मनई ह जऊन परमातिमा के वचन क सुनत ह, पर ओही समझा नई । तब शैतान ओखे पास से वचन क चुरा लई जात ह । अर्थात शैतान ओही वचन क समझा से दूर रखत ह।"

![](https://cdn.door43.org/obs/jpg/360px/obs-en-33-07.jpg)

"वह पथरीली भूईयाँ आईसा मनई ह जऊन परमातिमा के वचन क सुनत ह अऊ आनन्द के साथ ओही स्वीकार कर लेत ह। पर जब मुश्किल समय आऊत ह, या जब दूसर मनई ओही सताऊत ह, त व परमातिमा से दूर चलो जात ह । अर्थात व परमातिमा के ऊपर भरोसा करा क बंद कर दे था ।"

![](https://cdn.door43.org/obs/jpg/360px/obs-en-33-08.jpg)

"व काँटादार भूईयाँ अईसा मनई ह जऊन परमातिमा के वचन क सुनत ह । पर व बहुत सारा बातन के बारे म चिन्ता करा क आरम्भ कर दे था, अऊ व बहुत से धन कमाए के परयास करत ह, अऊ व बहुत से चीजन क पामा क परयास करत ह । कुछ समय के बाद, अब व परमातिमा क प्रेम करे म सक्षम नई रहत ह । एहीसे जऊन व परमातिमा के वचन से सीखे रओ ह व ओही परमातिमा क प्रसन्न करे म सक्षम नई करा था । व गेहूँ के डंठल के समान ह जऊन कोऊ अनाज उत्पन्न नई करत ह ।"

![](https://cdn.door43.org/obs/jpg/360px/obs-en-33-09.jpg)

"पर अच्छा भूईयाँ व मनई ह जऊन परमातिमा के वचन क सुनत ह, ओखे ऊपर विश्वास करत ह, अऊ फल उत्पन्न करत ह।"

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_33_128kbps.m4a

## 34. यीशु दूसर कहानीन क शिक्षा देत ह

https://openbiblestories.org/l/bfy/story-34/

![](https://cdn.door43.org/obs/jpg/360px/obs-en-34-01.jpg)

यीशु परमातिमा के राज्य के बारे म दूसर बहुत सी कहानी सुनाईन । उदाहरण के लाने, ऊँ कहीन, "परमातिमा के राज्य एकठे राई के दाना के समान ह जेही कोऊ अपन खेत म बो दईस । तुम जनते ह कि राई के दाना सारा दानन म सबसे छोट हो था ।"

![](https://cdn.door43.org/obs/jpg/360px/obs-en-34-02.jpg)

"पर जब राई के दाना बढ़ जा था त व बगईचा के सारा पेड़ म सबसे बड़ा होई जा था, एतना बड़ा कि पक्षी आके ओखे शाखा म आराम करा थे ।"

![](https://cdn.door43.org/obs/jpg/360px/obs-en-34-03.jpg)

यीशु एकठे दूसर कहानी बताईन, "परमातिमा के राज्य खमीर के समान ह जेही लइके एकठे मेहेरिया आटा के पिंड म मिला दे थी तब व सारा पिंड म फैल जा था ।" " ""स्वर्ग के राज्य व खजाने के समान ह जेही कोनो खेत म छिपा दईस । कोनो दूसर मनई क व खजाना मिल ग अऊ व ओही पामा के बहुत चाह करीस । एसे व ओही फेर से गाड़ दईस । व आनन्द से एतना भरो रओ ह कि व जाके अपन सब कुछ बेच दईस ताकि व, व खेत क खरीद सका जहाँ व खजाना रओ ह ।"""

![](https://cdn.door43.org/obs/jpg/360px/obs-en-34-04.jpg)

"स्वर्ग के राज्य एकठे बहुत कीमती शुद्ध मोती के समान भी हबा । जब कोऊ मोतियन के व्यापार ओही पा ले था त व ओही खरीदा के लाने अपन सब कुछ बेच दे था ।"

![](https://cdn.door43.org/obs/jpg/360px/obs-en-34-05.jpg)

हुन कुछ मनई रए हें जऊन सोचत रए हें कि परमातिमा उनही एसे स्वीकार करहीं कहेसे कि ऊँ भला काम करा थे । य मनई आईसे मनईन क तुच्छ मानत रए हें जऊन ऊँ भला के काम क नई करत रए हें । एहीसे यीशू उन्ही य कहानी बताईन "दूठे मनई रए हें अऊ दोनों ही प्रार्थना करे के लाने मंदिर म गें । उनमन से एकठे चुंगी ले वाला रओ ह, अऊ दूसर एकठे धार्मिक अगुवा रओ ह ।"

![](https://cdn.door43.org/obs/jpg/360px/obs-en-34-06.jpg)

"व धार्मिक अगुवा अइसे तरह से प्रार्थना करीस, 'हे परमातिमा, तोर धन्यवाद हो कि मैं दूसर मनईन के समान – जइसे कि डाकू, अन्यायी मनई, व्यभिचारी, या यहो तक कि हिन उपस्थित व चुंगी ले वाले के समान एकठे पापी नई हों ।'"

![](https://cdn.door43.org/obs/jpg/360px/obs-en-34-07.jpg)

"उदाहरण के लाने, मैं हर सप्ताह म दो बार उपवास रखा थो, अऊ मैं मोही मिला वाला धन अऊ सामान के दसवाँ हिस्सा तोही दे थो।"

![](https://cdn.door43.org/obs/jpg/360px/obs-en-34-08.jpg)

"पर व चुंगी ले वाला व धार्मिक अगुवा से बहुत दूर खड़ा होई ग। व ऊपर स्वर्ग के तरफ आँखीं भी नई उठाईस । एखे बजाए, व अपन मुट्ठी से अपन छाती क पीटीस अऊ प्रार्थना करीस, 'हे परमातिमा, कृपा करके मोरे ऊपर दया कर कहेसे मैं एकठे पापी हों ।'"

![](https://cdn.door43.org/obs/jpg/360px/obs-en-34-09.jpg)

फेर यीशु कहीन, "मैं तुमही सच कहा थो, परमातिमा व चुंगी ले वाला के प्रार्थना क सुनीन अऊ ओही धर्मी घोषित करहीं । पर ऊँ व धार्मिक अगुवा के प्रार्थना क पसंद नई करीन । परमातिमा हर एकठे घमंडी के सिर क नीचा करी, पर व हर व झन का आदर देई जऊन स्वयं क नम्र करा थें ।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_34_128kbps.m4a

## 35. दयालु बाप के कहानी

https://openbiblestories.org/l/bfy/story-35/

![](https://cdn.door43.org/obs/jpg/360px/obs-en-35-01.jpg)

एक दिन, यीशु ऊँ बहुत से मनईन क शिक्षा देत रए हें जऊन उन्खर सुने के लाने एकट्ठा भ रए हें । य मनई चुंगी ले वाले अऊ साथ ही दूसर मनई भी रए हें जऊन मूसा के व्यवस्था के पालन करे के प्रयास नई करे रए हें ।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगुवा देखिन कि यीशु ईं मनईन से एकठे मित्र के समान बात करा थे । एहिसे ऊँ एक दूसरे से य कहा का आरम्भ कर दईन कि व गलत कर रए हें । यीशु उनही बात करत सुनिन, एहीसे व उनही य कहानी बताईन ।

![](https://cdn.door43.org/obs/jpg/360px/obs-en-35-03.jpg)

"एकठे मनई रओ ह जेखे दूट्ठे बेटबा रए हें । छोट बेटबा अपन बाप से कहीस, 'हे बाप, मोही अभी मोर हिस्सा चाहि!' तब बाप अपन दोनों बेटबन के बीच म अपन सम्पत्ति के बँटवारा कर दईस ।"

![](https://cdn.door43.org/obs/jpg/360px/obs-en-35-04.jpg)

"जल्दी से ही छोट बेटबा अपन सब कुछ एकट्ठा करके दूर देश क चलो गा अऊ पापी जीवन जीएं म अपन सारा धन क बर्बाद कर दईस ।"

![](https://cdn.door43.org/obs/jpg/360px/obs-en-35-05.jpg)

"एखे बाद, जहाँ छोट बेटबा रओ ह व देश म एकठे भयंकर अकाल पड़ो, अऊ ओखे पास भोजन खरीदा के लाने धन नई बचो । एसे ओही जऊन काम मिलो व सूअरन क चरामा क रओ ह । व एतना दुःखी अऊ भूखा रओ ह कि व सूअर के भोजन खाएं क चाहत रओ ह ।"

![](https://cdn.door43.org/obs/jpg/360px/obs-en-35-06.jpg)

"आखिरकार, व छोट बेटबा खुद से कहीस, 'मैं का कर रहे हों? मोर बाप के सब सेवकन के पास खाएं के लाने बहुतायत से हबा, फेर भी मैं यहाँ भूख से मर रहे हों । मैं अपन बाप के पास वापिस जइहों अऊ अपन बाप का एकठे सेवक बने के लाने ओसे विनती करिहों ।'"

![](https://cdn.door43.org/obs/jpg/360px/obs-en-35-07.jpg)

"तब व छोट बेटबा वापिस अपन बाप के घर के तरफ जाए क आरम्भ करीस । जबकि व अबहूँ दूर म ही रओ ह, वाखर बाप ओही देख के ओखे ऊपर तरस खाईस । व दऊड़ के अपन बेटबा के पास गा अऊ ओही गला से लगा के चूमिस ।"

![](https://cdn.door43.org/obs/jpg/360px/obs-en-35-08.jpg)

"व बेटबा कहीस, 'हे बाप, मैं परमातिमा के अऊ तोर विरुद्ध पाप करे हों । मैं तोर बेटबा कहलामा के लायक भी नई हों ।'"

![](https://cdn.door43.org/obs/jpg/360px/obs-en-35-09.jpg)

"पर बाप अपन एकठे सेवक से कहीस, 'जल्दी जाके सबसे अच्छा कपड़ा लईके आ अऊ मोर बेटबा क पहीना! ओखे उंगली म अंगूठी अऊ ओखे पैर म जूता पहीना। फेर सबसे अच्छा बछड़ा मार ताकि हम खई अऊ उत्सव मनई, कहेसे की मोर बेटबा मर गा रओ ह, पर अब व जिन्दा होई ग ह ! व खो गा रओ ह, पर अब हम ओही पा लए हन !'"

![](https://cdn.door43.org/obs/jpg/360px/obs-en-35-10.jpg)

"एहीसे मनई उत्सव मनामा क आरम्भ करीन । कुछ समय बीते के बाद, बड़ा बेटबा खेत म काम करके घर आओ । व संगीत अऊ नाच के आवाज क सुनीस अऊ अचम्भित भ कि य का हो रहो ह ।"

![](https://cdn.door43.org/obs/jpg/360px/obs-en-35-11.jpg)

"जब बड़ा बेटबा क मालूम भ कि ऊँ कहे के लाने उत्सव मना रहे हें कहेसे कि वाखर भाई घर आ गा रओ ह, त व बहुत गुस्सा होई गा अऊ घर म दाखिल नई भ । वाखर बाप बाहर आके ओसे उनखे साथ उत्सव मनामा के लाने निवेदन करीस, पर व मना कर दईस ।"

![](https://cdn.door43.org/obs/jpg/360px/obs-en-35-12.jpg)

"व बड़ा बेटबा अपन बाप से कहीस, ' सारा ईं सालन म मैंने तोर लाने निष्ठापूर्वक काम कर्यों ! कबहूँ भी तोरे बात क नई टाले हों, पर ते कबहूँ मोही एकठे छोटी बकरी भी नई दये ताकि मैं अपन मित्रन के साथ दावत कर सकों । पर तोर य बेटबा तोर धन क पापी काम करे म बर्बाद कर दईस । अऊ अब जब व आओ ह त ओखे लाने उत्सव मनामा क ते सबसे अच्छा बछड़ा क मार डाले !'"

![](https://cdn.door43.org/obs/jpg/360px/obs-en-35-13.jpg)

"बाप जवाब दईस, 'हे मोर बेटबा, ते हमेशा मोर साथ हस, अऊ जऊन कुछ मोर ह व सब तोर आए । पर हमरे लाने उत्सव मनामा सही ह कहेसे की तोर भाई मर गा रओ ह, पर अब व जिन्दा होई गा ह । वह खो गा रओ ह, पर अब हम ओही पा लए हन !'"

*लूका अध्याय 15:11-32 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_35_128kbps.m4a

## 36. रूप बदलत ह

https://openbiblestories.org/l/bfy/story-36/

![](https://cdn.door43.org/obs/jpg/360px/obs-en-36-01.jpg)

एक दिन, यीशु अपन तीन चेलन, पतरस, याकूब, अऊ यूहन्ना क आपन साथ म लईन (य यूहन्ना नाम के चेला व मनई न हो जऊन यीशु क बपतिस्मा दए रओ ह )। ऊँ प्रार्थना करा के लाने एकठे ऊँच पहाड़ गें ।

![](https://cdn.door43.org/obs/jpg/360px/obs-en-36-02.jpg)

जब यीशु प्रार्थना करत रए हें त वाखर चेहरा सूर्य के समान उज्जवल होई गा । वाखर कपड़ा उजियाला के समान सफेद होई गा, जईसा पृथ्वी म कोऊ कर सका ओसे भी बढ़ के सफेद।

![](https://cdn.door43.org/obs/jpg/360px/obs-en-36-03.jpg)

तब मूसा अऊ एलिय्याह भविष्यद्वक्ता प्रकट भें । य मनई य पृथ्वी म य समय से सैकड़ों साल पहीले रहत रए हें । ऊँ यीशु से उन्खर के विषय म बात करीन, कहेसे व जल्दी ही यरूशलेम म मर जईहीं ।

![](https://cdn.door43.org/obs/jpg/360px/obs-en-36-04.jpg)

जब मूसा अऊ एलिय्याह यीशु से बात करत रए हें तब पतरस यीशु से कहीस, "हमरे लाने हिन होएं क भला ह । हम तीन मंडप क बनऊब, एकठे तोरे लाने, एकठे मूसा के लाने, अऊ एकठे एलिय्याह के लाने ।" पर पतरस नई जानत रओ ह कि वह का कहत रओ ह ।

![](https://cdn.door43.org/obs/jpg/360px/obs-en-36-05.jpg)

जब पतरस बात करत रओ ह, त एकठे चमकदार बादल नीचे आके उनखे ऊपर छा गा । फेर ऊँ बादल म से एकठे आवाज क आऊत सुनीन । ऊँ कहीन, "य मोर बेटबा ह जेहि मैं प्रेम करत हों । मैं ओसे प्रसन्न हों । उन्खर सुना ।" ऊँ तीनों चेला डर गें अऊ भूईयाँ म लेट गें ।

![](https://cdn.door43.org/obs/jpg/360px/obs-en-36-06.jpg)

तब यीशु उनही छुईन अऊ कहीन, "डरा मत। उठ जा।" जब ऊँ चारों तरफ देखिन, त जऊन भी हुन रओ ह व केवल यीशु रए हें ।

![](https://cdn.door43.org/obs/jpg/360px/obs-en-36-07.jpg)

यीशु अऊ ऊँ तीनों चेला व पहाड़ से वापस नीचे उतर आएं । तब यीशु उनसे कहीन, "अभी जऊन हिन भ वाखर चर्चा कोहू से न कर्या । मैं जल्दी ही मर जईहों अऊ फेर जिन्दा होई जईहों । ओखे बाद, तुम मनईन क बता सकते ह।"

*मत्ती अध्याय 17:1-9; मरकुस 9:2-8; लूका  9:28-36 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_36_128kbps.m4a

## 37. यीशु लाज़र क मृतक म से जिलाय करत हें

https://openbiblestories.org/l/bfy/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाम के एकठे मनई रओ ह । ओखे दूट्ठे बहनी रई हीं जिनखर नाम ‘मरियम’ अऊ ‘मार्था’ रए हें । ऊँ सब यीशु के घनिष्ठ मित्र रए हें । एक दिन, कोनो यीशु क बताईन कि लाज़र बहुत बीमार होई ग ह । जब यीशु य सुनीन त ऊँ कहीन, "य बीमारी लाज़र के मरे के साथ समाप्त न होई। एखे बजाए, य मनईन क परमातिमा के आदर करे के लाने अगुवाई करी ।"

![](https://cdn.door43.org/obs/jpg/360px/obs-en-37-02.jpg)

यीशु अपन मित्रन से प्रेम करत रए हें, पर जहाँ ऊँ रए हें हुन ऊँ दू दिन तक इन्तजार करीन । ऊँ दू दिन के बाद, ऊँ अपन चेलन से कहीन, "आओ, वापिस यहूदिया क चली।" चेला जवाब दईन, "पर हे गुरु, अभीन कुछ समय पहिले हुन के मनई तोही मार डालां क चाहत रए हें !" यीशु कहीन, "हमार मित्र लाज़र सो ग ह, अऊ मोही ओही जगामा क ह।"

![](https://cdn.door43.org/obs/jpg/360px/obs-en-37-03.jpg)

यीशु के चेला जवाब दईन, "हे प्रभु, अगर लाज़र सो ग ह, त व ठीक होई जई।" तब यीशु उन्हीं साफ-साफ कह दईन, "लाज़र मर ग ह। मैं ख़ुश हों कि मैं हुन नई रओ हों, ताकि तुम मोरे ऊपर विश्वास कर सका।"

![](https://cdn.door43.org/obs/jpg/360px/obs-en-37-04.jpg)

जब यीशु लाज़र के गाँव पहुँचीन त लाज़र क मरे पहिले से चार दिन होई ग रओ ह। मार्था यीशु से मिले के लाने बाहर आई अऊ कहीस, "हे प्रभु, अगर ते हीन होते त मोर भाई न मरत। पर मैं विश्वास करत हों कि जऊन कुछू भी ते परमातिमा से माँगिहे व तोही दई देई।"

![](https://cdn.door43.org/obs/jpg/360px/obs-en-37-05.jpg)

यीशु जवाब दईन, "पुनरुत्थान अऊ जीवन मैं हों। जऊन कोऊ मोरे ऊपर विश्वास करत ह अगर व मर भी जई तबहूँ जीई। जऊन कोऊ मोरे ऊपर विश्वास करत ह व कबहूँ न मरी। का ते एखे ऊपर विश्वास करते हस?" मार्था जवाब दईस, "हे प्रभु, मैं विश्वास करत हों कि ते परमातिमा के बेटवा मसीह आहे।"

![](https://cdn.door43.org/obs/jpg/360px/obs-en-37-06.jpg)

तब मरियम आई। व यीशु के गोड़ म गिर के कहीस, "हे प्रभु, अगर ते हीन होते त मोर भाई न मरत।" यीशु ओसे पूछीन, "तुम लाज़र क कहाँ रखे ह?" ऊँ ओसे बताईन, "कब्र म। आ अऊ देख ले।" तब यीशु रोमा लगें।

![](https://cdn.door43.org/obs/jpg/360px/obs-en-37-07.jpg)

व कब्र एकठे गुफा रई ही जेखे द्वार म एकठे पत्थर क लुढ़काव ग रओ ह। जब यीशु कब्र म पहुँचीन त ऊँ उन्हीं कहीन, "पत्थर क हटा द्या।" पर मार्था कहीस, "ओही मरे चार दिन हो चुको ह। ओखे से बदबू आऊत होई।"

![](https://cdn.door43.org/obs/jpg/360px/obs-en-37-08.jpg)

यीशु जवाब दईन, "का मैं तुम्हीं नई कहे रओ हों कि अगर तुम मोरे ऊपर विश्वास करिहा त परमातिमा के सामर्थ क देखिहा?” एहीसे ऊँ पत्थर क हटा दईन।

![](https://cdn.door43.org/obs/jpg/360px/obs-en-37-09.jpg)

तब यीशु ऊपर स्वर्ग के तरफ़ देख के कहीन, "हे पिता, मोर सुन ले के लाने मैं तोर धन्यवाद करत हों। मैं जानत हों कि ते हमेशा मोर सुनते हस, पर मैं हीन खड़े ईं सब मनईन के लाने कहे हों ताकि ईं विश्वास कराँ कि ते मोही भेजे हस।" तब यीशु आवाज लगाईन, "हे लाज़र, बाहर निकल आ!"

![](https://cdn.door43.org/obs/jpg/360px/obs-en-37-10.jpg)

लाज़र बाहर निकल आओ! व अबहूँ भी कफन म लिपटो रओ ह। यीशु ओसे कहीन, "य कफन क निकाले म वाखर मदत करा अऊ ओही स्वतंत्र करा। "य चमत्कार के बजे से यहूदी यीशु के ऊपर विश्वास करीन।

![](https://cdn.door43.org/obs/jpg/360px/obs-en-37-11.jpg)

पर यहूदीन के धार्मिक अगुवाँ यीशु से जला लगें, एहीसे ऊँ योजना बनामा के लाने एक साथ एकट्ठा होईन कि कइसे यीशु अऊ लाज़र क मार डालो जाए।

*यूहन्ना 11:1-46 से  बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_37_128kbps.m4a

## 38. यीशु क पकड़वाओ जात ह

https://openbiblestories.org/l/bfy/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी मनई फसह का पर्व मनाऊत रए हें। य एखे बारे म एकठे उत्सव रओ ह कि केतना शताब्दि पहिले परमातिमा उनखे पूर्वजन क मिस्र के गुलामी से छुड़ाय रए हें । लगभग तीन साल के बाद यीशु सार्वजनिक रूप से प्रचार करा अऊ शिक्षा दें क सुरु करीन। यीशु अपन चेलन क बताईन कि व उनखे साथ यरूशलेम म फसह के पर्व क मनामा चाहथें, अऊ य भी कि व हुन मार डालो जाए।

![](https://cdn.door43.org/obs/jpg/360px/obs-en-38-02.jpg)

यीशु के चेला म एकठे यहूदा नाम के मनई रओ ह । यहूदा प्रेरितन के धन के थैली रखे के प्रभारी रओ ह, पर हमेशा व वहे थैली म से पईसा निकाल लए करत रओ ह । यीशु अऊ चेलन के यरूशलेम म पहुँचे के बाद यहूदा यहूदी अगुवन के पास ग। व धन के बदले म यीशु क उनखे हाथ पकड़वामा के लाने प्रस्ताव रखिन । व जानत रओ ह कि यहूदी अगुवा स्वीकार नई करत रए हें कि यीशु ही मसीह रए हें । ऊँ जानत रए हें कि ऊँ ओही मार डालां क चाहत रए हें ।

![](https://cdn.door43.org/obs/jpg/360px/obs-en-38-03.jpg)

महायाजक के कहे म यहूदी अगुवा यीशु क उनखे हाथ म पकड़वामा के लाने यहूदा क तीस चाँदी के सिक्का दईन । य वइसे भ जइसा कि भविष्यद्वक्ता कहे रए हें कि होई । यहूदा मान ग अऊ धन लईके चलो ग। व यीशु क गिरफ्तार करे म उनखर सहायता करा के लाने कोनो मऊका के खोज करा लगो ।

![](https://cdn.door43.org/obs/jpg/360px/obs-en-38-04.jpg)

यरूशलेम म, यीशु अपन चेलन के साथ फसह के पर्व मनईन । फसह क खाए के समय म, यीशु रोटी लईके टोरीन । ऊँ कहीन, "एही ल्या अऊ खा। य मोर देह आए जऊन मैं तुम्हरे लाने देत हों । एही मोरे याद म करे कर्या ।" वहेन तरह से, यीशु कहीन कि व उनखे लाने मर जई, अर्थ ह, ऊँ उनखे लाने अपन शरीर के बलि चढ़ा दईहीं ।

![](https://cdn.door43.org/obs/jpg/360px/obs-en-38-05.jpg)

फिर यीशु एकठे दाखरस के प्याला लईन अऊ कहीन, "एही पी ल्या । य नई वाचा के मोर लहू आए जऊन कि मैं उंडेलीहों ताकि परमातिमा तुम्हरे पापन क क्षमा करी । हर बार एही पीयत समय मोर याद म एही करा जऊन मैं अभी कर रहे हों

![](https://cdn.door43.org/obs/jpg/360px/obs-en-38-06.jpg)

तब यीशु अपन चेलन से कहीन, "तुम म से एक झन मोही पकड़वई ।" चेला चौंक गें, अऊ पूछा लगे कि को आईसा काम करी । यीशु कहीन, "मोर पकड़वामा वाला मनई व ह जेही मैं य रोटी के टुकड़ा देत हों ।" तब ऊँ व रोटी यहूदा क दईन ।

![](https://cdn.door43.org/obs/jpg/360px/obs-en-38-07.jpg)

व रोटी क ले के बाद, यहूदा म शैतान समा ग। यहूदा निकल के यीशु क गिरफ्तार करे के लाने यहूदी अगुवा के सहायता करा क चलो ग। य रात के समय रओ ह ।

![](https://cdn.door43.org/obs/jpg/360px/obs-en-38-08.jpg)

खाना के बाद, यीशु अऊ उन्खर चेला जैतून पर्वत क चले गें । यीशु कहीन, "तुम सब आज रात मोही छोड़ दईहा । य लिखो गा ह, 'मैं चरवाहा क मरीहो अऊ सारा भेड़ तितर-बितर होई जई ।'"

![](https://cdn.door43.org/obs/jpg/360px/obs-en-38-09.jpg)

पतरस जवाब दईस, "भले बाकी सब तोही छोड़ दईहीं पर, मैं न छोड़ीहों !" तब यीशु पतरस से कहीन, "शैतान तुम सब क लई ले क चाहत ह, पर हे पतरस, मैं तोरे लाने प्रार्थना करे हों कि ते विश्वास से चूक न जए ।फिर भी, आज के रात, मुर्गा के बाँग दे से पहिले ते तीन बार इंकार करीहे कि ते मोही जानत भी नई हस ।"

![](https://cdn.door43.org/obs/jpg/360px/obs-en-38-10.jpg)

पतरस तब यीशु से कहीस, "भले ही मैं मर जईहों, मैं कबहूँ भी तोर इंकार न करिहों !" बाकी के सब चेला भी अइसे ही कहीन ।

![](https://cdn.door43.org/obs/jpg/360px/obs-en-38-11.jpg)

तब यीशु अपन चेला के साथ गतसमनी नाम के जगह म ग। यीशु अपन चेलन से प्रार्थना करे के लाने कहीन ताकि शैतान उनखर परीक्षा करा । तब यीशु खुद प्रार्थना करे के लाने चले गें ।

![](https://cdn.door43.org/obs/jpg/360px/obs-en-38-12.jpg)

यीशु तीन बार प्रार्थना करीन, "हे मोर पिता, यदि सम्भव हो त कृपा करके य दुःख के प्याला पीएं के लाने मोही मत दे । पर अगर मनई के पाप क्षमा करे जाएं के लाने कोऊ अऊ मार्ग नई ह, त तोर ही इच्छा पूरी हो।" यीशु बहुत व्याकुल रए हें अऊ उन्खर पसीना लहू के बूँदन के समान गिरत रओ ह । ओही सामर्थ दे के लाने परमातिमा एकठे स्वर्गदूत क भेजिन।

![](https://cdn.door43.org/obs/jpg/360px/obs-en-38-13.jpg)

हर बार प्रार्थना के बाद, यीशु अपन चेलन के पास वापस आओ, पर ऊँ सो ग रए हें । जब यीशु तीसर बार लऊटो त यीशु कहीन, "जाग जा! मोर पकड़वामा वाला हिन आऊत ह ।"

![](https://cdn.door43.org/obs/jpg/360px/obs-en-38-14.jpg)

यहूदी अगुवा, सैनिक, अऊ एकठे बड़ी भीड़ के साथ यहूदा आओ । ऊँ तलवार अऊ लाठी लए रए हें । यहूदा यीशु के पास आके ओसे कहीस, "हे गुरु, नमस्कार," अऊ ओही चूम लईस । व गिरफ्तार करे जाएं वाले मनई क यहूदी अगुवा म परगट करे के लाने आईसा करे रओ ह । तब यीशु कहीस, "हे यहूदा, का ते एकठे चुम्बन से मोही पकड़वऊते हस ?"

![](https://cdn.door43.org/obs/jpg/360px/obs-en-38-15.jpg)

जब ऊँ सैनिक यीशु क पकड़त रए हें, त पतरस अपन तलवार निकालीस अऊ महायाजक के एकठे सेवक के कान काट दईस । यीशु कहीन, "तलवार क दूर कर! मैं अपन पिता से मोरे बचाव करे के लाने स्वर्गदूतन के एकठे सेना के लाने विनती कर सकत हों । पर मोही मोरे पिता के बात माना क ह।" तब यीशु व मनई के कान क ठीक कर दईन । तब सारा चेला भाग गें।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_38_128kbps.m4a

## 39. यीशु म मुकद्दमा चले करत ह

https://openbiblestories.org/l/bfy/story-39/

![](https://cdn.door43.org/obs/jpg/360px/obs-en-39-01.jpg)

अब य आधी रात के समय रओ ह । ऊँ सैनिक यीशु क महायाजक के घर लई आएँ, कहेसे कि व यीशु से सवाल करे क चाहत रओ ह । पतरस दूर से उनखर पीछा करत रओ ह । जब सैनिक यीशु क घर म लई गें, त पतरस बाहर रुक के खुद क आगी से गरम करा लगो ।

![](https://cdn.door43.org/obs/jpg/360px/obs-en-39-02.jpg)

घर के भीतर, यहूदी अगुवा यीशु के ऊपर मुकद्दमा चलाईन। ऊँ उनखे विरुद्ध झूठी बात क बोआलाँ के लाने बहुत से झूठ-मूठ के गवाह दे वालेन क लई के आएँ। हालाँकि, उनखर बात एक-दूसर से सहमत नई रओ ह, एहीसे यहूदी अगुवा य साबित नई कर पाईन कि ऊँ कोनो बात के दोषी रए हें। यीशु कुछू नई कहिन।

![](https://cdn.door43.org/obs/jpg/360px/obs-en-39-03.jpg)

आखिर म, महायाजक सीधा यीशु के तरफ़ देख के कहीस, "हमहीं बता कि का तहिन जिन्दा परमातिमा के बेटवा मसीह आहे?"

![](https://cdn.door43.org/obs/jpg/360px/obs-en-39-04.jpg)

यीशु कहिन, "मैं हों,अऊ तुम मोही परमातिमा के साथ बैठे अऊ स्वर्ग से आऊत भी देखिहा ।" महायाजक अपन कपड़ा फाड़ लाईन काहे से जऊन यीशु कहीन उनही व बात म बहुत गुस्सा आओ । व दूसर अगुवा के ऊपर चिल्लाईन, "हमहीं य बतामा के लाने कोनो अऊ गवाह के जरुरत नई ह कि य मनई का करीसी ! तुम खुद ओही य कहत सुन लए ह कि व परमातिमा के बेटबा आए । ओखे बारे म तुम्हार का निर्णय ह ?"

![](https://cdn.door43.org/obs/jpg/360px/obs-en-39-05.jpg)

सब यहूदी अगुवा महायाजक क जवाब दईन, "व मरे के योग्य ह !" तब ऊँ यीशु के आँखीं म पट्टी बाँध दईन, ओखे ऊपर म थूकीन, ओही मारीन, अऊ वाखर मजाक उड़ाईन ।

![](https://cdn.door43.org/obs/jpg/360px/obs-en-39-06.jpg)

अऊ पतरस, जब व घर के बाहर इंतजार करत रओ ह । तब एकठे दासी टोरिया ओही देखिस । व ओसे कहीस, "तहूँ भी यीशु के साथ रए हस!" पतरस मना कर दईस । बाद म, कोनो दूसर टोरिया यहे बात क कहीस, अऊ पतरस फेर से मना कर दईस । अंत म, कुछ मनईन कहीन, "हम जानी थे कि ते यीशु के साथ रए हस काहेसे तुम दोनों गलील से ह।"

![](https://cdn.door43.org/obs/jpg/360px/obs-en-39-07.jpg)

तब पतरस कहीस, "अगर मैं य मनई क जानत हों त परमातिमा मोही श्राप दे!" तुरत पतरस के अइसा शपथ खाए के बाद, एकठे मुर्गा बाँग दईस । यीशु पीछे मुड़ के पतरस क देखिस ।

![](https://cdn.door43.org/obs/jpg/360px/obs-en-39-08.jpg)

पतरस हुन से चलो ग अऊ फूट-फूट के रोमा लगो । वहे समय, यीशु क पकड़वामा वाला यहूदा देखिस कि यहूदी अगुवा यीशु क मृत्युदंड दईन हें । यहूदा बहुत दुःखी होई ग अऊ जाके खुद क मार डालीस।

![](https://cdn.door43.org/obs/jpg/360px/obs-en-39-09.jpg)

अब व देश के राज्यपाल पिलातुस रओ ह। व रोम के लाने काम करे करत रओ ह। यहूदी अगुवाँ यीशु क उनखे पास लई के आएँ। ऊँ चाहत रए हें कि पिलातुस ओही मृत्युदंड दे अऊ ओही मार डाला। तब पिलातुस यीशु से पूछीस, "का ते यहूदियन के राजा आहे?"

![](https://cdn.door43.org/obs/jpg/360px/obs-en-39-10.jpg)

यीशु जवाब दईन, "ते सच कहते हस। पर मोर राज्य हिन पृथ्वी के न हो। यदि होत त मोर दास मोरे लाने युद्ध करतीन। मैं पृथ्वी म परमातिमा के बारे म सच बतामा के लाने आय हों। हर एक झन जऊन सच से प्रेम करत हें व मोर सुनत हें।" पिलातुस कहीस, "त सच का आए?"

![](https://cdn.door43.org/obs/jpg/360px/obs-en-39-11.jpg)

यीशु के साथ बात करे के बाद, पिलातुस बाहर भीड़ के पास जाके कहीस, "मैं अईसा कोनो कारण नई पाऊत हों कि य मनई मार डाले जायँ के लायक हबा।" पर यहूदी अगुवाँ अऊ भीड़ चिल्ला के कहीन, "ओही क्रूस म चढ़ा!" पिलातुस जवाब दईस, "व कुछू भी गलत करे के दोषी नई हबा।" पर ऊँ अऊ भी ऊँचा आवाज म चिल्लामा लगें। तब पिलातुस तीसर बार कहीस, "व दोषी न होय!"

![](https://cdn.door43.org/obs/jpg/360px/obs-en-39-12.jpg)

पिलातुस डेरा ग कि व भीड़ दंगा सुरु कर दई, एहीसे व अपन सैनिक द्वारा यीशु क क्रूस म चढ़ामा के लाने मान ग। रोमी सैनिक यीशु क कोड़ा मारीन, अऊ ओही राजसी कपड़ा पहिनाईन, अऊ उन्खर सिर म काँटा के बनो मुकुट पहिनाईन। तब ऊँ य कहिके उनखर मजाक उड़ामा लगें, "द्याखा, यहूदियन के राजा!"

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_39_128kbps.m4a

## 40. यीशु क क्रूस म चढ़ाव जात ह।

https://openbiblestories.org/l/bfy/story-40/

![](https://cdn.door43.org/obs/jpg/360px/obs-en-40-01.jpg)

यीशु के ठट्ठा करे के बाद, सैनिक उन्हीं क्रूस म चढ़ामा के लाने लई गें। ऊँ व क्रूस क उन्हीं से उठवाईन जेखे ऊपर ऊँ मरहीं।

![](https://cdn.door43.org/obs/jpg/360px/obs-en-40-02.jpg)

ऊँ सैनिक यीशु क व जगह म लईके आएँ जऊन "खोपड़ी" कहाऊत रओ ह अऊ ओखे हाथ अऊ पैर क क्रूस म ठोक दईन। पर यीशु कहीन, "हे पिता, इन्हीं क्षमा कर, कहेसे ईं नई जानत हें कि ईं का करत हें।" ऊँ एकठे तख्ती क भी उन्खर सिर के ऊपर टांग दईन। वमा लिखो रओ ह, "यहूदियन के राजा।" पिलातुस उन्हीं यहे लिखा के लाने कहे रओ ह।

![](https://cdn.door43.org/obs/jpg/360px/obs-en-40-03.jpg)

तब सैनिक यीशु के कपड़ा के लाने चिट्ठि डालीन। जब ऊँ अइसा करीन त ऊँ व भविष्यद्वाणी क पूरा करीन जऊन कहत रई हीं, "ऊँ मोरे कपड़ा क आपस म बाँट लईहीं, अऊ मोरे कपड़ा के लाने चिट्ठी डलहीं।"

![](https://cdn.door43.org/obs/jpg/360px/obs-en-40-04.jpg)

हुन दूट्ठे डाकू भी रए हें, जिनहीं सैनिक वहे समय म क्रूस म चढ़ाय रओ ह। ऊँ उन्हीं यीशु के दोनों तरफ रखे रए हें । उनमन से एकठे डाकू यीशु के मजाक उड़ाईस, पर दूसर कहीस, "का ते नई डरते हस कि परमातिमा तोही दंड दईहीं? हम बहुत सारा बुरा काम क करे के दोषी हवन, पर य मनई निर्दोष हबा।" फेर व यीशु से कहीस, "जब ते अपन राज्य म आए त कृपया मोही याद रखे।" यीशु जवाब दईन, "आज ही ते मोरे साथ स्वर्गलोक म होईहे।"

![](https://cdn.door43.org/obs/jpg/360px/obs-en-40-05.jpg)

यहूदी अगुवाँ अऊ भीड़ के दूसर मनई यीशु के मजाक उड़ाईन। ऊँ ओसे कहीन, "अगर ते परमातिमा के बेटवा हस, त क्रूस से नीचे उतर आ अऊ खुद क बचा ले! तब हम तोरे ऊपर विश्वास करब।"

![](https://cdn.door43.org/obs/jpg/360px/obs-en-40-06.jpg)

तब व पूरा देश के आकाश पूरा-पूरा काला होई ग, भले ही व दुपहरी के समय रओ ह। य दुपहरी के समय काला होई ग रओ ह अऊ तीन घंटा तक अइसे ही रहो आए।

![](https://cdn.door43.org/obs/jpg/360px/obs-en-40-07.jpg)

तब यीशु पुकार के कहीन, "पूरा होइग! हे पिता, मैं अपन आत्मा तोरे हाथ म सँऊपत हों।" तब ऊँ अपन मुंडी क झुकाईन अऊ अपन प्राण क त्याग दईन। जब ऊँ मरे त एकठे भूकम्प आओ। व बड़ा पर्दा जऊन परमातिमा के उपस्थिति से मनईन क अलग करत रओ ह ऊपर से नीचे के तक फट के दू टुकड़ा होई ग।

![](https://cdn.door43.org/obs/jpg/360px/obs-en-40-08.jpg)

अपन मृत्यु के द्वारा, यीशु मनईन के लाने परमातिमा के पास आमा के रास्ता खोल दईन। जब यीशु के निगरानी करा वाला एकठे सैनिक जऊन कुछू भ रओ ह य सब देखिस त व कहीस, "सचमुच, य मनई निर्दोष रओ ह। य परमातिमा का बेटवा आए।"

![](https://cdn.door43.org/obs/jpg/360px/obs-en-40-09.jpg)

तब यूसुफ अऊ नीकुदेमुस नाम के दूट्ठे यहूदी अगुवा आएं। ऊँ विश्वास करत रए हें कि यीशु ही मसीह रए हें। ऊँ पिलातुस से यीशु के शरीर क माँगीन। ऊँ ओखे शरीर क कपड़ा म लपेटीन। तब ऊँ उन्हीं एकठे चट्टान म काट के बनाओ ग कब्र म लई गें अऊ ओखे भीतर रख दईन। तब ऊँ व कब्र के द्वार क बंद करे के लाने एकठे बड़ा पत्थर क लुढ़का दईन।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_40_128kbps.m4a

## 41. परमातिमा यीशु क मरे म से जिलाऊत ह

https://openbiblestories.org/l/bfy/story-41/

![](https://cdn.door43.org/obs/jpg/360px/obs-en-41-01.jpg)

सैनिकन द्वारा यीशु क क्रूस म चढ़ा दें के बाद, यहूदी अगुवन पिलातुस से कहीन, "व झूठा, यीशु कहे रए हें कि व तीन दिन के बाद मरे म से जी उठी । कोनो क य निश्चित करे के लाने कब्र के निगरानी करा क होई कि उन्खर चेला उन्खर द्याँह क चुरा के न लई जाएँ। अगर ऊँ ऐसा करत हें त ऊँ कहीं कि व मरे म से जी उठो ह ।"

![](https://cdn.door43.org/obs/jpg/360px/obs-en-41-02.jpg)

पिलातुस कहीस, "कुछ सैनिक क लई जा, अऊ जईसा तुम कर सकते ह वईसा कब्र के निगरानी करा ।" एहीसे ऊँ व कब्र के प्रवेश द्वार के पत्थर म एकठे मोहर लगा द रए हें । ऊँ य निश्चित करा के लाने हुन सैनिकन क भी बैठा दईन कि कोऊ भी उन्खर द्याँह क चुरा न सका ।

![](https://cdn.door43.org/obs/jpg/360px/obs-en-41-03.jpg)

यीशु के मरे के बाद के दिन सब्त के दिन रओ ह । कोऊ भी सब्त के दिन काम नई कर सकत रओ ह, एहीसे यीशु क कोऊ भी मित्र कब्र म नई आओ रओ ह । पर सब्त के बाद के दिन, सुबह बहुत भोर क, कुछ मेहेरिआ यीशु के कब्र म जाएं के लाने तैयार भईं । ऊँ उन्खर द्याँह म अऊ भी मसालन क लगामा क चाहत रई हीं ।

![](https://cdn.door43.org/obs/jpg/360px/obs-en-41-04.jpg)

ऊँ मेहेरिअन के पहुँचे से पहिले, कब्र म एकठे बड़ा भूकम्प भ । स्वर्ग से एकठे स्वर्गदूत व पत्थर क लुढ़का दईस जऊन कब्र के प्रवेश द्वार क ढाँके रओ ह अऊ व म बैठ ग। य स्वर्गदूत उजियाले के समान चमक रओ ह । कब्र म जऊन सैनिक रए हें ऊँ व देखिन । ऊँ एतना डर गें रए हें कि मृतकन के समान भूईयाँ म गिर गें।

![](https://cdn.door43.org/obs/jpg/360px/obs-en-41-05.jpg)

जब ऊँ मेहेरिआ कब्र म पहुँचीं त व स्वर्गदूत उनही कहीस, "मत डेरा । यीशु यहाँ नई ह । व मरे म से जी उठे हें, जईसा कि व कहे रए हें कि ऊँ जी उठहीं ! कब्र म खोजा अऊ देखा ।" ऊँ मेहेरिआ कब्र के भीतर अऊ जहाँ यीशु के द्याँह रखो रओ ह हुन खोज के अऊ देखिन कि उन्खर द्याँह हुन नई रओ ह !

![](https://cdn.door43.org/obs/jpg/360px/obs-en-41-06.jpg)

तब व स्वर्गदूत उन मेहेरिअन से कहीस, "जाके उन्खर चेला क बताबा, 'यीशु मरे म से जी उठे हें अऊ व तुम्हरे आगे-आगे गलील क जई ।'"

![](https://cdn.door43.org/obs/jpg/360px/obs-en-41-07.jpg)

ऊँ मेहेरिआ अचम्भित होई गईं अऊ बहुत ख़ुश भईं । ऊँ चेला क य शुभ संदेश सुनामा के लाने दौड़ीन ।

![](https://cdn.door43.org/obs/jpg/360px/obs-en-41-08.jpg)

जब ऊँ मेहेरिआ चेला क य शुभ संदेश बतामा के लाने अपन मार्ग म रई हीं, त यीशु उनखे म प्रगट होई गें । ऊँ उन्खर पैर म गिर गईं । तब यीशु कहीन, "मत डेरा । जाके मोरे चेला से गलील जाएं क कहा । ऊँ हुन मोही देखहीं ।"

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से बाइबल की एक कहानी ।*

Audio: https://git.door43.org/OBS-TLF/bfy_obs/releases/download/v1/bfy_obs_v1_41_128kbps.m4a

## 42. यीशु स्वर्ग क लऊट जात हें

https://openbiblestories.org/l/bfy/story-42/

![](https://cdn.door43.org/obs/jpg/360px/obs-en-42-01.jpg)

जऊन दिन परमातिमा यीशु क मृतक म से जीवित करे रए हें, उन्खर दूट्ठे चेला पास के गाँव म जात रए हें । चलत म ऊँ यीशु के साथ जऊन भ रओ ह वाखर बारे म बात करत रए हें, उनखर आशा रई ही कि व मसीह रए हें, पर तबहूँ भी ऊँ मार डालो ग रए हें । अब ऊँ मेहेरिआ कहती हीं कि व फेर से जिन्दा होई गे हें । ऊँ नई जानत रए हें कि कउन बात म विश्वास करा क ह।

![](https://cdn.door43.org/obs/jpg/360px/obs-en-42-02.jpg)

यीशु उन्खर पास आके उन्खर साथ चला क आरम्भ कर दईन, पर ऊँ उनही पहचान नई पाईन । ऊँ पूछीन कि ऊँ केखे बारे म बात करत रए हें । ऊँ उनही पिछला दिन म यीशु के साथ भ सारा घटना के बारे म बताईन । ऊँ सोचिन कि ऊँ कोनो परदेशी से बात करत रए हें जऊन नई जानत रओ ह कि यरूशलेम म का भ रओ ह ।

![](https://cdn.door43.org/obs/jpg/360px/obs-en-42-03.jpg)

तब यीशु उनही समझाईन कि परमातिमा के वचन मसीह के बारे म का कहत ह। बहुत पहीले, भविष्यद्वक्ता कहे रओ ह कि बुरा मनई मसीह क पीड़ित करहीं अऊ मार डलहीं । पर भविष्यद्वक्ता य भी कहे रओ ह कि ऊँ तीसर दिन जी उठीहीं ।

![](https://cdn.door43.org/obs/jpg/360px/obs-en-42-04.jpg)

जब ऊँ व नगर म पहुँचीन जहाँ ऊँ दूट्ठे झन ठहरना चाहत रए हें, तब तक लगभग शाम होई ग रई ही । ऊँ यीशु क उन्खर साथ ठहरा के लाने आमंत्रित करिन, तब ऊँ उन्खर साथ एकठे घर म गें । अपन शाम के भोजन क खाएं के लाने ऊँ बैठ गें । यीशु एकठे रोटी क लईके उन्खर लाने परमातिमा क धन्यवाद दईन, अऊ फेर ओही टोरीन । अचानक से, ऊँ जान लईन कि ऊँ यीशु रए हें । पर वहेन समय, ऊँ उन्खर आँखी से ओझल होई गें ।

![](https://cdn.door43.org/obs/jpg/360px/obs-en-42-05.jpg)

ऊँ दूट्ठे झन एक-दूसर से कहीन, "व यीशु रए हें! एहीसे जब व हमहीं परमातिमा के वचन क समझाऊत रए हें त हम बहुत उत्साहित रए हें!" तुरत ही, ऊँ निकल के वापिस यरूशलेम क गें । जब ऊँ पहुँचीन त चेलन क बताईन, "यीशु जिन्दा हें! हम उनही देखे हन "

![](https://cdn.door43.org/obs/jpg/360px/obs-en-42-06.jpg)

जब चेला बात करत रए हें, यीशु अचानक से व कमरा म उन्खर साथ परगट भें । ऊँ कहीन, "तुमही शान्ति मिला!" चेला सोचीन कि ऊँ कोनो भूत रए हें, पर यीशु कहीन, "तुम कहे डरते ह? तुम य कहे नई सोचते ह कि य सचमुच म मैं, यीशु हों? मोर हाथ अऊ पैरन क देखा । भूतन के पास अइसा शरीर नई हो जईसा मोर पास ह।" य दिखामा के लाने कि ऊँ कोई भूत नई रए हें अऊ खाएं के लाने कुछ माँगीन । ऊँ उनही मछली के एकठे टुकड़ा दईन, अऊ ऊँ ओही खा लईन ।

![](https://cdn.door43.org/obs/jpg/360px/obs-en-42-07.jpg)

यीशु कहीन, "मोर बारे म परमातिमा के वचन जऊन कुछ भी कहत ह व घटित होई । मैं तोही बता दे रओ ह कि अइसा होना जरुरी ह।" तब यीशु उनही परमातिमा के वचन अच्छा से समझाईन । ऊँ कहीन, "बहुत पहिले भविष्यद्वक्ता लिखे रओ ह कि मैं, मसीह क दुःख उठामा होई, मरा क होई अऊ फेर तीसर दिन मृतक म से जी उठा क होई ।"

![](https://cdn.door43.org/obs/jpg/360px/obs-en-42-08.jpg)

"ऊँ भविष्यद्वक्ता य भी लिखे रए हें कि मोर चेला परमातिमा के वचन के घोषणा करहीं । ऊँ हर झन क पश्चाताप करे के लाने बताइन्हीं । यदि ऊँ अइसा करहीं त परमातिमा उन्खर पाप क क्षमा करहीं । मोर चेला य सन्देश के प्रचार करा क यरूशलेम से आरम्भ करहीं । तब ऊँ सब जगह, सब जातिन म जइहीं । तुम मनई मोर हर एकठे बात अऊ काम के गवाह हबा जऊन मैं कहे अऊ करे रए हों, अऊ व सब के भी जऊन मोर साथ भ ह ।"

![](https://cdn.door43.org/obs/jpg/360px/obs-en-42-09.jpg)

आगे चालीस दिन म, यीशु अपन चेला म केतना बार परगट भें । एक बार त ऊँ एकेन समय म 500 से ज्यादा मनईन म प्रगट होई गे रए हें ह! व अपन चेला म केतना तरीका से साबित करीस कि ऊँ जिन्दा रए हें, अऊ ऊँ उनही परमातिमा के राज्य के बारे म शिक्षा दईन ।

![](https://cdn.door43.org/obs/jpg/360px/obs-en-42-10.jpg)

यीशु अपन चेला से कहीन, "परमातिमा मोही स्वर्ग अऊ पृथ्वी के हर झन म सासन करे के अधिकार दईन हीं । एहीसे, अब मैं तुम से कहत हों की जाके सब जातिन के मनईन क चेला बनाबा । एखे लाने, तुम्हीं उन्हीं बाप, बेटबा, अऊ पवित्र आत्मा के नाम से बपतिस्मा दे क होई । जऊन कुछ भी मैं तुम्हीं आज्ञा दए हों ऊँ सब बातन क मानना भी क तुम्हीं उन्हीं सिखामा क ह । याद रख्या, मैं हमेशा तुम्हरे साथ रईहों ।"

![](https://cdn.door43.org/obs/jpg/360px/obs-en-42-11.jpg)

यीशु के मरे म से जी उठे के चालीस दिन के बाद, ऊँ अपन चेला से कहीन, "जब तक कि मोर बाप तुम्हीं सामर्थ नई दई दे तब तक यरूशलेम म रुके रहा । ऊँ तुम्हरे ऊपर म पवित्र आत्मा भेजहीं तब तुम अइसा करिहा ।" तब यीशु स्वर्ग म चले गें, अऊ एक बादल उन्हीं उन्खर आँखी से छिपा लईस । स्वर्ग म यीशु सब चीजन म शासन करहीं अऊ परमातिमा के दाहिनी तरफ बैठ गें ।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेरितों 1:1-11 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_42_128kbps.m4a

## 43. कलीसिया के आरम्भ होत हबा

https://openbiblestories.org/l/bfy/story-43/

![](https://cdn.door43.org/obs/jpg/360px/obs-en-43-01.jpg)

यीशु के स्वर्ग लऊट जाएं के बाद, चेला यरूशलेम म ही रुकिन जईसा कि यीशु उन्हीं करे का आदेश दए रए हें । हुन के विश्वासी मनई लगातार एक साथ प्रार्थना करे के लाने इकट्ठा होये करत रए हें ।

![](https://cdn.door43.org/obs/jpg/360px/obs-en-43-02.jpg)

पहर साल, फसह के पर्व के 50 दिन के बाद, यहूदी मनई पिन्तेकुस्त नाम के एक महत्वपूर्ण दिन क मनाए करत रए हें । पिन्तेकुस्त व समय रओ ह जब यहूदी मनई गेहूँ के कटाई क मनाए करत रए हें । सारा संसार से यहूदी मनई पिन्तेकुस्त के दिन क एक साथ मनामा के लाने यरूशलेम म आए रए हें । य साल, पिन्तेकुस्त मनामा के समय यीशु के स्वर्ग क चले जाएं के लगभग एक सप्ताह के बाद आओ रओ ह ।

![](https://cdn.door43.org/obs/jpg/360px/obs-en-43-03.jpg)

जऊन समय सब विश्वासी मनई एक साथ इकट्ठा रए हें, त जऊन घर म ऊँ रए हें अचानक से व तेज हवा के आवाज से भर ग । तब आग के लपट के जईसा दिखे वाला कुछु सब विश्वासिन के मुंडी के ऊपर परगट होई ग । ऊँ सब पवित्र आत्मा से भर गें अऊ ऊँ अन्य भाषा म परमातिमा के स्तुति करा लगें । य व भाषा रई हीं जिनहीं बोला के लाने उन्हीं पवित्र आत्मा सक्षम करे रओ ह ।

![](https://cdn.door43.org/obs/jpg/360px/obs-en-43-04.jpg)

जब यरूशलेम म रहाँ वाले मनई व शोर क सुनीन, त ऊँ भीड़ के रूप म य द्याखा के लाने एक साथ आए कि का हो रओ ह । ऊँ विश्वासिन क परमातिमा द्वारा करो ग बड़ा-बड़ा काम के घोषणा करत सुनीन । ऊँ चकित रए हें कहेसे कि ऊँ व कामन क अपने ही भाषा म सुनत रए हें ।

![](https://cdn.door43.org/obs/jpg/360px/obs-en-43-05.jpg)

इनमन से कुछ मनई कहीन कि ऊँ चेला नशा म रए हें । पर पतरस खड़ा होईके अऊ उनसे बोलो, "मोर बात सुना! य मनई नशा म नई हें! एखे बजाए, जऊन तुम देखते ह व वहे आए जऊन योएल भविष्यद्वक्ता कहे रओ ह कि होई परमातिमा कहीन, 'अंत के दिन म, मैं अपन आत्मा उंडेली हों ।'"

![](https://cdn.door43.org/obs/jpg/360px/obs-en-43-06.jpg)

"हे इस्राएली मनईन, यीशु एकठे अईसा मनई रओ ह जऊन य दिखामा के लाने कि ऊँ को रए हें बहुत से अनोखा काम करे रए हें । ऊँ परमातिमा के सामर्थ से बहुत से अद्भुत काम क करीन । तुम य जनते ह, कहेसे तुम ईं कामन क देखे ह। पर तुम ओही क्रूस म चढ़ा दया!"

![](https://cdn.door43.org/obs/jpg/360px/obs-en-43-07.jpg)

"यीशु मर ग पर परमातिमा ओही मरे म से जिन्दा कर दईन । य व बात क पूरा कर दईन जेही एकठे भविष्यद्वक्ता लिखे रओ ह, 'तुम अपने पवित्र जन क कब्र म सड़ा न दईहा ।' हम गवाह हन कि परमातिमा यीशु क फेर से जिन्दा कर दईन ।"

![](https://cdn.door43.org/obs/jpg/360px/obs-en-43-08.jpg)

"परमातिमा पिता अब यीशु क अपन दाहिना तरफ़ बईठा के ओही आदर दईन हीं । अऊ यीशु हमरे लाने पवित्र आत्मा भेजी हीं कहेसे कि ऊँ प्रतिज्ञा करे रए हें कि ऊँ भेजहीं । पवित्र आत्मा ऊँ कामन क होएं दे रए हें जिनहीं तुम देख रए ह अऊ सुन रए ह।"

![](https://cdn.door43.org/obs/jpg/360px/obs-en-43-09.jpg)

"तुम व मनई, यीशु क क्रूस म चढ़ा दया । पर निश्चित रूप से जान ल्या कि परमातिमा यीशु क सब चीज़न म प्रभु अऊ मसीह दोनों ठहराईन हें!"

![](https://cdn.door43.org/obs/jpg/360px/obs-en-43-10.jpg)

पतरस क सुना वाले मनई ओखे द्वारा कहो ग बात क सुनके अंदर तक हिल ग रए हें । एहिसे ऊँ पतरस अऊ चेलन से पूछीन, "हे भाई, हमही का करा क चाही ?"

![](https://cdn.door43.org/obs/jpg/360px/obs-en-43-11.jpg)

पतरस उनही जवाब दईस, "तुम म से हर एक अपन पाप के लाने पश्चाताप करा ताकि परमातिमा तुम्हरे पाप क क्षमा कर दें, अऊ यीशु मसीह के नाम से बपतिस्मा ल्या । तब व तुमही वरदान स्वरूप पवित्र आत्मा भी दईहीं ।"

![](https://cdn.door43.org/obs/jpg/360px/obs-en-43-12.jpg)

पतरस जऊन कहीस व म लगभग 3,000 मनई विश्वास करीन अऊ यीशु के चेला बन गें । ऊँ बपतिस्मा लईन अऊ यरूशलेम के कलीसिया के हिस्सा बन गें ।

![](https://cdn.door43.org/obs/jpg/360px/obs-en-43-13.jpg)

जब प्रेरित उन्हीं शिक्षा दईन त विश्वासी लगातार सुनिन। अऊ ऊँ अक्सर मिले करत रए हें अऊ एक साथ भोजन करे करत रए हें, अऊ ऊँ अक्सर एक-दूसरेन के लाने प्रार्थना करीन । ऊँ मिल के परमातिमा के स्तुति करीन अऊ जऊन कुछू भी उनखे पास रओ ह ऊँ एक-दूसरेन के साथ साझा करीन । नगर के हर एक मनई उनखे लाने अच्छा विचार रखत रओ ह । प्रतिदिन, ज्यादा से ज्यादा मनई विश्वासी बनत गें ।

*प्रेरितों के काम अध्याय 2 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_43_128kbps.m4a

## 44. पतरस अऊ यूहन्ना एक भिखारी क चंगा करत हें

https://openbiblestories.org/l/bfy/story-44/

![](https://cdn.door43.org/obs/jpg/360px/obs-en-44-01.jpg)

एक दिन, पतरस अऊ यूहन्ना मंदिर म गें । एकठे लंगड़ा मनई भीख माँगा के लाने फाटक म बइठो रओ ह ।

![](https://cdn.door43.org/obs/jpg/360px/obs-en-44-02.jpg)

पतरस व लंगड़ा मनई के तरफ देखिस अऊ कहीस, "मोरे पास तोही दें के लाने पइसा त नई ह। पर जऊन मोरे पास ह व मैं तोही देत हों । यीशु के नाम से, उठ अऊ चल-फिर!"

![](https://cdn.door43.org/obs/jpg/360px/obs-en-44-03.jpg)

तुरत ही, परमातिमा व लंगड़ा मनई क चंगा कर दईन । व यहाँ-वहाँ चला अऊ कूदा, अऊ परमातिमा के स्तुति करा क आरम्भ कर दईस । मंदिर के आँगन म उपस्थित मनई अचम्भित रए हें ।

![](https://cdn.door43.org/obs/jpg/360px/obs-en-44-04.jpg)

जल्दी से मनई के एकठे भीड़ व मनई क देखा के लाने आई जऊन चंगा होई गा रओ ह । पतरस उनसे कहीस, "य मनई ठीक ह, पर य बात म अचम्भित मत होया । हम येही अपन शक्ति से चंगा नई करे हन, या यहो भी नई कि हम परमातिमा के आदर करी थे । बल्कि, ऊँ यीशु हें जऊन य मनई क अपन शक्ति से चंगा करीन हीं, कहेसे हम यीशु के ऊपर भरोसा करी थे ।"

![](https://cdn.door43.org/obs/jpg/360px/obs-en-44-05.jpg)

"व तुमहीन तो आहा जऊन व रोमी राज्यपाल क यीशु क मार डाला के लाने कहे रए ह । तुम उनही मार डाले ह जऊन सब क जीवन देत हें । पर परमातिमा उनही मरे म से जिन्दा करीन हें । तुम नई समझे आहा कि तुम का कर रए ह, पर जब तुम ऊँ कामन क कर रए ह, त जऊन भविष्यद्वक्ता कहे रओ ह व पूरा भ । व कहे रओ ह कि मसीह दुःख उठई अऊ मर जई । परमातिमा एही य तरीका से होमा दईन । एहीसे अब, पश्चाताप करा अऊ परमातिमा के तरफ फिरा, ताकि ऊँ तुम्हरे पापन क धोके साफ कर दें ।"

![](https://cdn.door43.org/obs/jpg/360px/obs-en-44-06.jpg)

जब मंदिर के अगुवा पतरस अऊ यूहन्ना क सुनिन, त ऊँ बहुत घबरा गें । एहीसे ऊँ उनही गिरफ्तार करके जेलखाना म डाल दईन । पर जऊन पतरस कहे रओ ह ओखे ऊपर बहुत से मनई विश्वास करीन । यीशु पर विश्वास करा वालेन के संख्या बढ़ के लगभग 5,000 होई ग।

![](https://cdn.door43.org/obs/jpg/360px/obs-en-44-07.jpg)

अगले दिन, ऊँ यहूदी अगुवा पतरस अऊ यूहन्ना क महायाजक अऊ दूसर धार्मिक अगुवन के सामने लईके आएं । ऊँ व मनई क भी लईके आएं जऊन अपाहिज रओ ह । ऊँ पतरस अऊ यूहन्ना से पूछीन, "कऊन से अधिकार से तुम व अपाहिज मनई क चंगा करे ह ?"

![](https://cdn.door43.org/obs/jpg/360px/obs-en-44-08.jpg)

पतरस जवाब दईस, "य मनई जऊन तुम्हरे सामने खड़ो ह ओही यीशु मसीह के सामर्थ के द्वारा चंगा करो गा ह। तुम यीशु क क्रूस म चढ़ा दये ह, पर परमातिमा ओही फेर से जिन्दा कर दईन हीं ! तुम उनही अस्वीकार कर दये ह, पर यीशु के सामर्थ के माध्यम के अलावा उद्धार पामा के लाने कोनो दूसर चारा नई हबा!"

![](https://cdn.door43.org/obs/jpg/360px/obs-en-44-09.jpg)

ऊँ अगुवा हैरान रए हें कि पतरस अऊ यूहन्ना बहुत साहसी रूप से बात करा थे ।ऊँ देखिन कि ईं साधारण मनई रए हें जऊन कि अनपढ़ रए हें । पर फेर उन्हीं याद आओ कि ईं मनई यीशु के साथ रहत रए हें । एहीसे ऊँ उनसे कहिन, "हम तुमही बहुत ज्यादा दंड देऊबा अगर तुम य मनई यीशु के बारे म मनईन क कोऊ अऊ संदेश दईह त।" अइसा बहुत सारा बात कहे के बाद, ऊँ पतरस अऊ यूहन्ना क जाएं दईन ।

*प्रेरितों के काम 3:1-4:22 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_44_128kbps.m4a

## 45. स्तिफनुस अऊ फिलिप्पुस

https://openbiblestories.org/l/bfy/story-45/

![](https://cdn.door43.org/obs/jpg/360px/obs-en-45-01.jpg)

प्रथम मसीही अगुवाँ के बीच म स्तिफनुस नाम के एकठे मनई रओ ह । सब मनई वाखर आदर करत रए हें । पवित्र आत्मा ओही बहुत सामर्थ अऊ बुद्धि प्रदान करे रई हीं। स्तिफनुस बहुत से चमत्कार करे रए हें । जब व यीशु म भरोसा करे के बारे म उनहीं शिक्षा दईस त बहुत से मनई व म विश्वास करीन ।

![](https://cdn.door43.org/obs/jpg/360px/obs-en-45-02.jpg)

एक दिन, स्तिफनुस यीशु के बारे म शिक्षा देत रओ ह, अऊ कुछ अइसे यहूदी आएँ जऊन यीशु म विश्वास नई करत रए हें अऊ वाखर साथ वाद-विवाद करे क सुरु कर दईन। ऊँ बहुत गुस्सा होईगें, एहीसे ऊँ धार्मिक अगुवाँ के पास गें अऊ वाखर बारे म झूठ बोलीन। ऊँ कहीन, "हम स्तिफनुस क मूसा अऊ परमातिमा के बारे म बुरा बात-बोलत सुने हन!" एहीसे धार्मिक अगुवाँ स्तिफनुस क गिरफ्तार कर लईन अऊ ओही महायाजक अऊ यहूदियन के दूसर अगुवा के सामने लइके आएँ। अऊ ज्यादा झूठ गवाहन क लइके आएँ अऊ ऊँ स्तिफनुस के बारे म झूठ बोलीन।

![](https://cdn.door43.org/obs/jpg/360px/obs-en-45-03.jpg)

महायाजक स्तिफनुस से पूछीस, "का ईं मनई तोरे बारे म सही कहत हें ?" स्तिफनुस महायाजक क जवाब देके लाने बहुत से बातन क बोले क सुरु कर दईस । व कहीस कि अब्राहम के समय से यीशु के समय तक परमातिमा इस्राएल के मनईन के लाने बहुत से अनोखा काम करीन हें। पर मनईन हमेशा परमातिमा के अनाज्ञाकारिता करीन। स्तिफनुस कहीस, "तुम मनई परमातिमा के विरुद्ध ढीठ अऊ बलवा करा वाले हबा। तुम हमेशा पवित्र आत्मा क अस्वीकार करे ह, जईसे कि हमार पूर्वज हमेशा पवित्र आत्मा क अस्वीकार करे रए हें अऊ हमेशा वाखर भविष्यद्वक्तन क मार डाले रए हें। पर जऊन ऊँ करे रए हें वाखर तुलना म तुम अऊ भी बुरा करे ह! तुम मसीह क मार डाल्या!"

![](https://cdn.door43.org/obs/jpg/360px/obs-en-45-04.jpg)

जब ऊँ धार्मिक अगुवाँ य सुनीन, त ऊँ एतना गुस्सा होई गें कि ऊँ अपन कानन क बंद कर लईन अऊ ऊँचा आवाज म चिल्लाईन। ऊँ स्तिफनुस क घसीट के नगर से बाहर लईगें अऊ ओही मार डाला के लाने ओही पत्थर मारीन।

![](https://cdn.door43.org/obs/jpg/360px/obs-en-45-05.jpg)

जब स्तिफनुस मरत रओ ह, व पुकार उठो, "हे यीशु, मोरे आत्मा क ग्रहण कर!" तब व अपन घुटना म गिर पड़ो अऊ फेर से पुकार उठो, "हे प्रभु, य पाप उनखे ऊपर न लगए।" तब व मर ग रओ ह ।

![](https://cdn.door43.org/obs/jpg/360px/obs-en-45-06.jpg)

व दिन, यरूशलेम म रहाँ वाले बहुत से मनई यीशु के अनुयायी क सतामा क सुरु कर दईन, एहीसे विश्वासी मनई दूसर जगह म भग गें। पर एखे बाद भी, जहाँ कई भी ऊँ गें ऊँ यीशु के बारे म प्रचार करीन ।

![](https://cdn.door43.org/obs/jpg/360px/obs-en-45-07.jpg)

फिलिप्पुस नाम के यीशु के एकठे विश्वासी रओ ह । जईसा कि दूसर बहुत से विश्वासि करे रओ ह व भी यरूशलेम से भग ग रओ ह । व सामरिया के क्षेत्र म चलो ग रओ ह । हुन व मनईन म यीशु के बारे म प्रचार करीस । बहुत से मनईन व म विश्वास करीन अऊ उद्धार पाईन । एक दिन, फिलिप्पुस के पास परमातिमा के तरफ से एकठे स्वर्गदूत आओ अऊ ओही जंगल म जाएं के लाने, अऊ एक ठे सड़क म चले के लाने कहीस । फिलिप्पुस हुन चलो ग रओ ह । जब व, व सड़क म चलत रओ ह, त व एकठे मनई क अपन रथ म जात देखिस । य मनई कूश देश के एकठे महत्वपूर्ण अधिकारी रओ ह । पवित्र आत्मा फिलिप्पुस से कहीस कि जाके व मनई के साथ-साथ चल।

![](https://cdn.door43.org/obs/jpg/360px/obs-en-45-08.jpg)

एहीसे फिलिप्पुस रथ के पास ग रओ ह । व सुनीस कि व कूशी परमातिमा के वचन क पढ़ रओ ह । जऊन यशायाह भविष्यद्वक्ता लिखे रओ ह व ओही पढ़त रओ ह । व पढ़त रओ ह, "ऊँ ओही वध करे जाएं वाली भेड़ के समान लई गें, अऊ जईसे एकठे मेमना शान्त होत ह, व भी एकठे शब्द नई कहीस । ऊँ ओखे साथ अनुचित व्यवहार करीन अऊ वाखर आदर नई करीन । ऊँ वाखर प्राण लई लईन ।"

![](https://cdn.door43.org/obs/jpg/360px/obs-en-45-09.jpg)

फिलिप्पुस व कूशी से पूछीस, "जऊन ते पढ़त रए हे का ते ओही समझते भी हस ?" व कूशी जवाब दईस, "नई । जब तक कोऊ एही मोही समझई न, तब तक मैं एही नई समझ सकों। कृपा करके मोरे पास आके बईठ। यशायाह य अपन बारे म लिखे रओ ह य फेर कोनो अऊ के बारे म?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ म चढ़ के बईठ ग रओ ह । तब व, व कूशी मनई क व बताईस जऊन यशायाह यीशु के बारे म लिखे रओ ह । फिलिप्पुस परमातिमा के वचन के बहुत से दूसर भागन के भी चर्चा करीस। ये तरह से, व, व मनई क यीशु के बारे म शुभ संदेश सुनाईस।

![](https://cdn.door43.org/obs/jpg/360px/obs-en-45-11.jpg)

फिलिप्पुस अऊ व कूशी चलत-चलत पानी के पास आएँ। व कूशी कहीस, "देख! हीन पानी हबा! का मैं बपतिस्मा लई सकत हों?” अऊ व सारथी से रथ क रोके के लाने कहीस ।

![](https://cdn.door43.org/obs/jpg/360px/obs-en-45-12.jpg)

ऊँ पानी म चले गें, अऊ फिलिप्पुस व कूशी क बपतिस्मा दईस । जब ऊँ पानी से बाहर आएँ, त पवित्र आत्मा अचानक फिलिप्पुस क उठा के कोनो दूसर जगह क लई ग रओ ह । हुन फिलिप्पुस मनईन क यीशु के बारे म बतामा क जारी रखिस।

![](https://cdn.door43.org/obs/jpg/360px/obs-en-45-13.jpg)

व कूशी अपन घर के यात्रा म आगे बढ़ ग रओ ह । व खुश रओ ह कि व अब यीशु क जानत रओ ह ।

*प्रेरितों के काम 6:8-8:5; 8:26-40 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_45_128kbps.m4a

## 46. पौलुस मसीही विश्वासी बन जात ह

https://openbiblestories.org/l/bfy/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाम के एकठे मनई रओ ह जऊन यीशु म विश्वास नई करत रओ ह । जब व जवान रओ ह, तब व स्तिफनुस क मारा वाले मनईन के कपड़ा के निगरानी करे रओ ह । बाद म, व विश्वासीन क सताऊत रओ ह । व यरूशलेम म घर-घर जाके मेन्सेरुआ व मेहेरिआ दोनोंन क गिरफ्तार करके जेलखाना म डाल देत रओ ह । तब महायाजक शाऊल क दमिश्क नगर म जाएं के अनुमति दईस । व हुन के मसीहिन क गिरफ्तार करा अऊ उन्हीं वापिस यरूशलेम लइके आमा के लाने शाऊल से कहीस।

![](https://cdn.door43.org/obs/jpg/360px/obs-en-46-02.jpg)

शाऊल दमिश्क जाएं के यात्रा आरम्भ करीस । व नगर क पहुँचे से थोड़ी ही पहिले, ओखे चारों तरफ आकाश से एकठे उजला प्रकाश चमको, अऊ व भूमि म गिर पड़ो । शाऊल कोनो क कहत सुनीस, "हे शाऊल! हे शाऊल! ते मोही कहे सता रए हे ?" शाऊल पूछीस, "हे प्रभु, ते को आहे ?" यीशु ओही जवाब दईन, "मैं यीशु आहों । ते मोही सता रए हस !"

![](https://cdn.door43.org/obs/jpg/360px/obs-en-46-03.jpg)

जब शाऊल उठो त व देख नई सकत रओ ह । वाखर मित्र ओही दमिश्क म लेके ग रए हें । शाऊल तीन दिन तक कुछू भी खाए या पीए नई रओ ह ।

![](https://cdn.door43.org/obs/jpg/360px/obs-en-46-04.jpg)

दमिश्क म हनन्याह नाम के एकठे चेला रओ ह । परमातिमा ओसे कहीन, "व घर क जा जहाँ शाऊल ठहरो ह। अपन हाथ क वाखर ऊपर रख ताकि व फेर से द्याखा लगा ।" पर हनन्याह कहीस, "हे प्रभु, मैं सुने हों कि य मनई विश्वासीन क कईसे सताईस ह।" परमातिमा ओही जवाब दईन, "जा! मैं ओही यहूदिन म अऊ दूसर जातिन के मनईन म मोरे नाम के घोषणा करा के लाने चुन लए हों। व मोरे नाम के लाने बहुत कष्ट सही ।"

![](https://cdn.door43.org/obs/jpg/360px/obs-en-46-05.jpg)

हनन्याह शाऊल के पास ग, अपन हाथ क ओखे ऊपर रखिस, अऊ कहीस, "यीशु, जऊन यहाँ आमा के तोरे मार्ग म तोरे ऊपर म प्रगट भ रओ ह, मोही तोरे पास भेजिन हें ताकि ते फेर से द्याखा लग, अऊ पवित्र आत्मा तोही भर दे।" तुरत ही शाऊल फेर से देखे म सक्षम होईग, अऊ हनन्याह ओही बपतिस्मा दईस। तब शाऊल भोजन करीस अऊ फेर से बलवंत होईग ।

![](https://cdn.door43.org/obs/jpg/360px/obs-en-46-06.jpg)

तभीन से, शाऊल दमिश्क म रहाँ वाले यहूदियन म प्रचार करा क सुरु कर दईस। व कहीस, "यीशु ही परमातिमा के बेटाबा आए!" यहूदी मनई अचम्भित रए हें , कहेसे शाऊल त विश्वासिन क मार डाला के प्रयास करत रओ ह, पर अब व यीशु म विश्वास करत रओ ह । शाऊल यहूदियन के साथ वाद-विवाद करीस। व दिखाईस कि यीशु ही मसीह रए हें।

![](https://cdn.door43.org/obs/jpg/360px/obs-en-46-07.jpg)

बहुत दिन के बाद, यहूदियन शाऊल क मार डाले के योजना बनाईन। ऊँ ओही मार डाला के लाने नगर के फाटक म मनईन क भेजीन। कि वाखर निगरानी कराँ पर शाऊल व योजना के बारे म सुन लईस, अऊ ओखे मित्र बच के निकले म वाखर मदत करीन। एक रात क ऊँ ओही टोकरी म बईठा के नगर के दीवार से ओही नीचे उतार दईन। दमिश्क से बच के निकले के बाद शाऊल यीशु के बारे म प्रचार करे क जारी रखिस।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितन से मिले के लाने यरूशलेम ग, पर ऊँ ओसे डेरात रए हें। तब बरनबास नाम के एकठे विश्वासी शाऊल क प्रेरितन के पास लई ग। व उन्हीं बताईस कि शाऊल कइसे साहसी होईके दमिश्क म प्रचार करे रओ ह। ओखे बाद, प्रेरित शाऊल क स्वीकार कर लईन।

![](https://cdn.door43.org/obs/jpg/360px/obs-en-46-09.jpg)

कुछ विश्वासी जऊन यरूशलेम के सताव से भग ग रए हें ऊँ दूर अंताकिया नगर म चले ग रए हें अऊ यीशु के बारे म प्रचार करत रए हें । अंताकिया म रहाँ वाले मनई अधिकतर यहूदी नई रए हें, पर पहली बार, उनमन से बहुत से मनई विश्वासी बन ग रए हें। बरनबास अऊ शाऊल ईं नया विश्वासीन क यीशु के बारे म अऊ ज्यादा सिखामा के लाने हुन गें अऊ कलीसिया क मजबूत करीन। यीशु म विश्वास करा वाले पहली बार अंताकिया म ही "मसीही" कहलाईन।

![](https://cdn.door43.org/obs/jpg/360px/obs-en-46-10.jpg)

एक दिन, अंताकिया के मसीही मनई उपवास के साथ प्रार्थना करत रए हें । पवित्र आत्मा उनसे कहीस, "मोरे लाने बरनबास अऊ शाऊल क व काम क करा के लाने अलग कर दे जेही करा के लाने मैं उन्हीं बुलाय हों।" एहीसे अंताकिया के कलीसिया बरनबास अऊ शाऊल के लाने प्रार्थना करीन अऊ ऊँ अपन हाथ क रखिन। तब ऊँ उनही दूसर बहुत से जगह म यीशु के बारे म शुभ संदेश प्रचार करा के लाने भेज दईन। बरनबास अऊ शाऊल अलग-अलग जाति के मनईन क शिक्षा दईन, अऊ बहुत से मनई यीशु म विश्वास करीन।

*प्रेरितों के काम 8:3; 9:1-31; 11:19-26; 13:1-3 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_46_128kbps.m4a

## 47. फिलिप्पी म पौलुस अऊ सीलास

https://openbiblestories.org/l/bfy/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल सबला रोमी साम्राज्य म यात्रा करीस त व अपन रोमी नाम "पौलुस" का उपयोग करे क सुरु कर दईस । एक दिन, पौलुस अऊ वाखर मित्र सीलास फिलिप्पी नगर म यीशु के बारे म शुभ संदेश सुनामा के लाने गें । ऊँ नगर के बाहर नदी के किनारे एकठे जगह म गें जहाँ मनई प्रार्थना करा के लाने इकट्ठा रए हें । हुन ऊँ लुदिया नाम के एकठे मेहेरिआ से मिलो जऊन एकठे व्यापारी रई ही । व परमातिमा से प्रेम करत रई ही अऊ उन्खर आराधना करत रई ही ।

![](https://cdn.door43.org/obs/jpg/360px/obs-en-47-02.jpg)

परमातिमा लुदिया क यीशु के बारे म संदेश म विश्वास करा के लाने सक्षम करीन । पौलुस अऊ सीलास ओही अऊ ओखे परिवार क बपतिस्मा दईन । व पौलुस अऊ सीलास क अपन घर ठहरा के लाने आमंत्रित करीन, एहीसे ऊँ हुन ठहर गें ।

![](https://cdn.door43.org/obs/jpg/360px/obs-en-47-03.jpg)

पौलुस अऊ सीलास मनईन से अक्सर व जगह म मिले करत रए हें जहाँ यहूदी मनई प्रार्थना करे करत रए हें । हर दिन जब ऊँ हुन जात रए हें त एकठे दासी टोरिया जऊन दुष्टात्मा के कब्जा म रई ही उन्खर पीछा करे करत रई ही । य दुष्टात्मा के माध्यम से व मनईन का भविष्य बताए करत रई ही, एहीसे व भविष्य बतामा वाली के रूप म अपन स्वामिन के लाने बहुत धन कमाए करत रई ही ।

![](https://cdn.door43.org/obs/jpg/360px/obs-en-47-04.jpg)

उन्खर जात समय य दासी टोरिया चिल्लाए करत रई ही, "य मनई परम प्रधान परमातिमा के सेवक आये । य तुमही उद्धार पामा के मार्ग बताऊत ह !" व हर दिन अइसा करे करत रई ही जेखे कारन पौलुस नाराज़ होई ग ।

![](https://cdn.door43.org/obs/jpg/360px/obs-en-47-05.jpg)

अंत म, एक दिन जब व दासी टोरिया चिल्लामा क सुरु करीस, त पौलुस ओखे तरफ मुड़ के ओखे अंदर के दुष्टात्मा से कहीस, "यीशु के नाम से यमा से निकल जा।" वहेन समय व दुष्टात्मा ओही छोड़ दईस ।

![](https://cdn.door43.org/obs/jpg/360px/obs-en-47-06.jpg)

व दासी टोरिया के स्वामी बहुत गुस्सा होई गें । उन्हीं मालूम होई ग कि बिना व दुष्टात्मा के व दासी टोरिया मनईन क भविष्य नई बता सकत रई ही । यखर अर्थ रओ ह कि मनई अब ओखे स्वामिन क पईसा न दईहीं कि व उन्खर भविष्य बताई कि उनखे साथ का होई ।

![](https://cdn.door43.org/obs/jpg/360px/obs-en-47-07.jpg)

एहीसे व दासी टोरिया के स्वामी पौलुस अऊ सीलास क रोमी अधिकारिन के पास लई गें । ऊँ पौलुस अऊ सीलास क पीटीन, अऊ फेर उन्हीं जेलखाना म डाल दईन ।

![](https://cdn.door43.org/obs/jpg/360px/obs-en-47-08.jpg)

ऊँ पौलुस अऊ सीलास क जेलखाना के अईसे हिस्सा म रखे रए हें जेम सबसे ज्यादा सिपाही रए हें । यहाँ तक कि ऊँ उनखे पैरन क लकड़ी के बड़े टुकड़ा म जोड़ दईन । पर पौलुस अऊ सीलास आधी रात के समय, परमातिमा के स्तुति के गीत गाऊत रए हें ।

![](https://cdn.door43.org/obs/jpg/360px/obs-en-47-09.jpg)

अचानक से, एकठे भयानक भूकम्प भ! जेलखाना के सारा द्वार खुल गें, अऊ सब कैदिन के जंजीर खुल के गिर गें।

![](https://cdn.door43.org/obs/jpg/360px/obs-en-47-10.jpg)

तब दरोगा जग ग । व देखिस कि जेलखाना के द्वार खुले रए हें । व सोचीस कि सब कैदी बच के भग गें रए हें । व डर ग कि उनखे भग जाएं के कारण रोमी अधिकारी ओही मार डलहीं, एहीसे व स्वयं क मार डाले के लाने तैयार होई ग ! पर पौलुस ओही देख के चिल्लाईस, "रुक जा! खुद क नुकसान न पहुँचा। हम सब हीने हन ।"

![](https://cdn.door43.org/obs/jpg/360px/obs-en-47-11.jpg)

व दरोगा काँपत पौलुस अऊ सीलास के पास आके पूछीस, "उद्धार पामा के लाने मैं का करों ?" पौलुस जवाब दईस, "प्रभु यीशु म विश्वास कर, त ते अऊ तोर घराना उद्धार पाई ।" तब व दरोगा पौलुस अऊ सीलास क अपन घर लई ग अऊ उनखे घावन क धोईस । पौलुस ओखे घर के सब मनईन क यीशु के बारे म शुभ संदेश सुनाईन ।

![](https://cdn.door43.org/obs/jpg/360px/obs-en-47-12.jpg)

दरोगा अऊ वाखर पूरा परिवार यीशु म विश्वास करीन, एहीसे पौलुस अऊ सीलास उन्हीं बपतिस्मा दईन । तब दरोगा पौलुस अऊ सीलास क भोजन करवाईस, अऊ ऊँ एक साथ आनन्दित भें ।

![](https://cdn.door43.org/obs/jpg/360px/obs-en-47-13.jpg)

अगले दिन नगर के अगुवा पौलुस अऊ सीलास क जेलखाना से स्वतंत्र कर दईस अऊ फिलिप्पी से चले जाएं के लाने कहीस । पौलुस अऊ सीलास लुदिया अऊ कुछ दूसर मित्रन से मिलो अऊ ओखे बाद नगर से निकल गें । यीशु के बारे म शुभ संदेश फईलत ग, अऊ कलीसिया बढ़त गई।

![](https://cdn.door43.org/obs/jpg/360px/obs-en-47-14.jpg)

पौलुस अऊ दूसर मसीही अगुवा बहुत से नगरन के यात्रा करीन । ऊँ मनईन क यीशु के बारे म शुभ संदेश सुनाईन । ऊँ कलीसिया के विश्वासीन क उत्साहित करा अऊ शिक्षा दें के लाने कई पत्र भी लिखिन । इनमन से कुछ पत्र बाइबल के पुस्तक बन गें ।

*प्रेरितों के काम 16:11-40 से  बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_47_128kbps.m4a

## 48. यीशु  प्रतिज्ञा करे मसीह आए

https://openbiblestories.org/l/bfy/story-48/

![](https://cdn.door43.org/obs/jpg/360px/obs-en-48-01.jpg)

जब परमातिमा संसार क बनाईन त सब कुछ अच्छा रओ ह । कोऊ पापी नई रओ ह । आदम अऊ हव्वा एक-दूसर क प्रेम करत रए हें, अऊ ऊँ परमातिमा से प्रेम करत रए हें । कोनो बीमारी या मृत्यु नई रई ही । परमातिमा अइसे ही संसार क चाहत रए हें ।

![](https://cdn.door43.org/obs/jpg/360px/obs-en-48-02.jpg)

शैतान साँप के माध्यम से बगईचा म हव्वा से बात करीस, कहेसे व ओही धोखा दें क चाहत रओ ह । तब हव्वा अऊ आदम परमातिमा के विरुद्ध पाप करीन । कहेसे ऊँ पाप करे रए हें एहीसे पृथ्वी म रहाँ वाले सब झन मरत हें ।

![](https://cdn.door43.org/obs/jpg/360px/obs-en-48-03.jpg)

कहेसे आदम अऊ हव्वा पाप करे रए हें, एहीसे कुछ अऊ भी बुरा भ । ऊँ परमातिमा के शत्रु बन गें । तब से हर एक झन पाप करत आऊत ह । हर एक झन जनम से ही परमातिमा के शत्रु ह । परमातिमा अऊ मनईन के बीच म शान्ति नई रई ही । पर परमातिमा शान्ति स्थापित करा क चाहत रओ ह ।

![](https://cdn.door43.org/obs/jpg/360px/obs-en-48-04.jpg)

परमातिमा प्रतिज्ञा करीन कि हव्वा के एकठे वंशज शैतान के मुंडी क कुचरी । व य भी कहीन कि शैतान उनखे एड़ी क डसी । दूसर शब्द म, शैतान मसीह क मार डाली, पर परमातिमा उनही फेर से जिन्दा कर दईहीं । एखे बाद, मसीह शैतान के शक्ति क हमेशा के लाने समाप्त कर दई हीं । कई सालन के बाद, परमातिमा प्रगट करीन कि व मसीह यीशु हें ।

![](https://cdn.door43.org/obs/jpg/360px/obs-en-48-05.jpg)

परमातिमा व बाढ़ से अपन परिवार क बचाईन जेही ऊँ लामा वाला रए हें । नूह से एकठे नाव बनामा के लाने कहीन कि ऊँ य प्रकार से परमातिमा ऊँ मनईन क बचाईन जऊन व म विश्वास करत रए हें । यहे प्रकार, ऊँ सब के सब परमातिमा के द्वारा मार डाले जाएं के योग्य रए हें कहेसे ऊँ पाप करे रए हें । पर परमातिमा ऊँ सब क बचामा के लाने यीशु क भेजिन जऊन व म विश्वास करत हें ।

![](https://cdn.door43.org/obs/jpg/360px/obs-en-48-06.jpg)

सैकड़ों साल तक, याजक परमातिमा के लाने बलिदान चढ़ाऊत रए हें । य दर्शाऊत ह कि मनई पाप करीन हीं, अऊ य कि ऊँ परमातिमा के द्वारा उन्हीं दंड दए जाएं के योग्य रए हें । पर ऊँ बलिदान उनखे पापन क क्षमा नई करत रए हें । यीशु सबसे बड़ा महायाजक ह। ऊँ व करीन जऊन कोऊ याजक नई कर सकत रओ ह । ऊँ व एक मात्र बलिदान होएं के लाने खुद क दई दईन जऊन हर कोनो के पापन क मिटा सकत रओ ह । ऊँ स्वीकार करीन कि परमातिमा ऊँ सब के पापन के लाने ओही दंड दईन हीं । य कारण, यीशु सिद्ध महायाजक रए हें ।

![](https://cdn.door43.org/obs/jpg/360px/obs-en-48-07.jpg)

परमातिमा अब्राहम से कहीन, "मैं तोरे द्वारा संसार के सब कुल क आशीष दईहों ।" यीशु यहे अब्राहम के वंशज रए हें । परमातिमा अब्राहम के माध्यम से सब कुल क आशीष देत हें, कहेसे जऊन यीशु म विश्वास करत हें परमातिमा ऊँ सब क पाप से बचाऊत हें । जब ईं मनई यीशु म विश्वास करत हें, त परमातिमा उन्हीं अब्राहम के वंश मानत हें ।

![](https://cdn.door43.org/obs/jpg/360px/obs-en-48-08.jpg)

परमातिमा अब्राहम से कहीन कि व अपन निज बेटबा क, ओखे लाने बलिदान कर दे । पर फेर परमातिमा इसहाक के बदले म बलि करा के लाने एकठे मेमना दईन । हम सब अपन पापन के लाने मार डाले जाय के योग्य रए हन ! पर परमातिमा हमरे जगह म मरे के लाने यीशु क बलिदान के रूप म दईन । यहे कारण से हम यीशु क परमातिमा के मेमना कहत हन ।

![](https://cdn.door43.org/obs/jpg/360px/obs-en-48-09.jpg)

जब परमातिमा मिस्र म अंतिम विपत्ति भेजीन त ऊँ हर एकठे इस्राएली परिवार से कहीन कि ऊँ एकठे मेमना क बलि करा । व मेमना म कोनो दोष नई हों चाहि। तब अपन दरवाजा के चौखट के ऊपर अऊ बगल म ओखे लहू क लगामा क रओ ह । जब परमातिमा व लहू क देखिन त उन्खर घर से आगे बढ़ गें अऊ उनखर पहलौठा बेटबा क नई मारीन । जब य भ त परमातिमा एही फसह के पर्व कहीन ।

![](https://cdn.door43.org/obs/jpg/360px/obs-en-48-10.jpg)

यीशु फसह के पर्व के एकठे मेमना के तरह हें । ऊँ कभी पाप नई करीन, एहीसे यीशु म कुछ भी गलत नई रओ ह । ऊँ फसह के पर्व के समय मरो । जब कोऊ यीशु म विश्वास करत ह, तब यीशु के लहू व मनई के पापन के कीमत चुकाऊत ह । य अइसा ह जईसे कि परमातिमा व मनई के पास से आगे बढ़ गें, कहेसे व ओही दण्ड नई देत हें ।

![](https://cdn.door43.org/obs/jpg/360px/obs-en-48-11.jpg)

परमातिमा इस्राएली मनईन के साथ एकठे वाचा बाँधीन, कहेसे ऊँ अइसे मनई रए हें जिनहीं परमातिमा अपन होएं के लाने चुने रए हें । पर अब परमातिमा एकठे अइसा वाचा बाँधीन हें जऊन कि सब के लाने ह । अगर कोनो भी जाति के कोऊ भी झन य नई वाचा क स्वीकार करत ह, त व परमातिमा के मनईन म शामिल होई जात ह । व अइसा एहीसे करत ह कहेसे व यीशु म विश्वास करत ह ।

![](https://cdn.door43.org/obs/jpg/360px/obs-en-48-12.jpg)

मूसा एकठे अइसा भविष्यद्वक्ता रओ ह जऊन परमातिमा के वचन क बड़ी सामर्थ के साथ प्रचार करे रओ ह । पर यीशु सब भविष्यद्वक्ता म सबसे बड़ा हें । ऊँ परमातिमा हें, एहीसे जऊन कुछ भी ऊँ करीन अऊ कहीन व परमातिमा के कार्य अऊ वचन रए हें । एहीसे पवित्र-शास्त्र यीशु क परमातिमा के वचन कहत ह ।

![](https://cdn.door43.org/obs/jpg/360px/obs-en-48-13.jpg)

परमातिमा राजा दाऊद से प्रतिज्ञा करे रए हें कि राजा के रूप म ओखर एकठे वंश परमातिमा के मनईन म सदा के लाने शासन करी । यीशु परमातिमा के बेटबा अऊ मसीह हें, एहीसे व राजा दाऊद के वंश हें जऊन सदा के लाने राज्य कर सकत हें ।

![](https://cdn.door43.org/obs/jpg/360px/obs-en-48-14.jpg)

दाऊद त इस्राएल के राजा रओ ह, पर यीशु सारे जगत के राजा हें ! व फेर से अईहीं अऊ सदा के लाने न्याय अऊ शान्ति के साथ अपन राज्य म शासन करीहीं ।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_48_128kbps.m4a

## 49. परमातिमा के नया वाचा

https://openbiblestories.org/l/bfy/story-49/

![](https://cdn.door43.org/obs/jpg/360px/obs-en-49-01.jpg)

एकठे स्वर्गदूत एकठे जवान मेहेरिआ मरियम से कहीन कि व परमातिमा के बेटबा क जनम देई । व अबहूँ कुँआरी रई ही, पर पवित्र आत्मा ओखे पास आओ अऊ व गर्भवती भई । व एकठे बेटबा क जनम दईस ज्याखर नाम व यीशु रखिन । एहीसे, यीशु परमातिमा अऊ मनुष्य दोनों हें ।

![](https://cdn.door43.org/obs/jpg/360px/obs-en-49-02.jpg)

यीशु बहुत से चमत्कार करीन जऊन दिखत ह कि ऊँ परमातिमा हें । ऊँ पानी म चलीन अऊ आँधी क शान्त करीन । ऊँ बहुत से बीमार मनईन क चंगा करीन अऊ बहुत से मनईन म से दुष्टात्मा क निकालीन । ऊँ मरे मनईन क जिन्दा कर दईन, अऊ ऊँ पाँच रोटी अऊ दूट्ठे मछलीन क 5,000 मनईन क खिलामा के लाने पर्याप्त भोजन म बदल दईन ।

![](https://cdn.door43.org/obs/jpg/360px/obs-en-49-03.jpg)

यीशु एकठे महान शिक्षक भी रए हें । जऊन कुछ भी व सिखाईन, ओही ऊँ सिद्धता के साथ सिखाईन। जऊन ऊँ मनईन से करे के लाने कहत हें व उन्हीं करा क चाही कहेसे ऊँ परमातिमा का बेटबा हें । उदाहरण के लाने, ऊँ सिखाईन कि तुम्हीं दूसर मनईन क वहे रीति से प्रेम करे के आवश्यकता ह जईसे तुम खुद क प्रेम करते ह ।

![](https://cdn.door43.org/obs/jpg/360px/obs-en-49-04.jpg)

ऊँ यह भी सिखाईन कि तुम्हीं सब वस्तुन से ज्यादा अऊ अपन संपत्ति से भी ज्यादा परमातिमा क प्रेम करा क चाही ।

![](https://cdn.door43.org/obs/jpg/360px/obs-en-49-05.jpg)

यीशु कहीन कि संसार म कोनो भी चीज क प्राप्त करे से ज्यादा अच्छा ह परमातिमा के राज्य म होए क । ओखे राज्य म तुम्हरे प्रवेश करे के लाने आवश्यक ह कि परमातिमा तुम्हीं तुम्हरे पापन से बचई ।

![](https://cdn.door43.org/obs/jpg/360px/obs-en-49-06.jpg)

यीशु कहीन कि कुछ मनई ओही ग्रहण करहीं । परमातिमा ऊँ मनईन क बचई । पर दूसर मनई ओही ग्रहण नई करहीं । व य भी कहीन कि कुछ मनई अच्छी भूईयाँ के समान हें, कहेसे ऊँ यीशु के बारे म शुभ संदेश क स्वीकार कर लेत हें, अऊ परमातिमा उन्हीं बचाऊत हें । पर कुछ मनई मार्ग के कठोर भूईयाँ के समान हें । परमातिमा के वचन दाना के समान मार्ग म गिरत ह, पर हुन कुछ भी नई उगत ह । य मनई यीशु के बारे म संदेश क अस्वीकार कर देत ह । ऊँ ओखे राज्य म प्रवेश करे से इंकार कर देत हें।

![](https://cdn.door43.org/obs/jpg/360px/obs-en-49-07.jpg)

यीशु सिखाईन कि परमातिमा पापिन से बहुत प्रेम करत हें । ऊँ उन्हीं क्षमा करा क चाहत हें अऊ उन्हीं अपन संतान बनामा क चाहत हें ।

![](https://cdn.door43.org/obs/jpg/360px/obs-en-49-08.jpg)

यीशु य भी बताईन कि परमातिमा पाप से घृणा करत ह । कहेसे आदम अऊ हव्वा पाप करीन, एहीसे उन्खर सारा वंश भी पाप करीन । य संसार म रहाँ वाला हर झन पाप करत ह अऊ परमातिमा से दूर ह । हर झन परमातिमा के शत्रु ह ।

![](https://cdn.door43.org/obs/jpg/360px/obs-en-49-09.jpg)

पर परमातिमा य संसार म रहाँ वाले हर झन से य रीति से प्रेम करीन कि ऊँ अपन एकलऊता बेटबा क दई दईन ताकि परमातिमा उन्हीं दण्ड न दे जऊन वमा विश्वास करत हें । एखे बजाए, ऊँ ओखे साथ हमेशा के लाने रईहीं ।

![](https://cdn.door43.org/obs/jpg/360px/obs-en-49-10.jpg)

तुम मरा के योग्य ह, कहेसे तुम पाप करे ह । तुम से परमातिमा के गुस्सा होएं क उचित ही ह, याखर अपेक्षा, ऊँ यीशु म गुस्सा भें । ऊँ यीशु क क्रूस के मृत्यु दईके दण्ड दईन ।

![](https://cdn.door43.org/obs/jpg/360px/obs-en-49-11.jpg)

यीशु कबहूँ पाप नई करीन, पर परमातिमा उनही दण्ड दई दईन । व मर जाएं क स्वीकार करीन । य रीति से, तुम्हरे पापन क अऊ य संसार म रहाँ वाले हर झन के पापन क उठा लई जाएं के लाने व एकठे सिद्ध बलिदान रए हें । यीशु खुद क परमातिमा के लाने बलिदान कर दईन, एहीसे परमातिमा कोनो भी पाप क, यहाँ तक कि भयंकर पापन क भी क्षमा करत हें ।

![](https://cdn.door43.org/obs/jpg/360px/obs-en-49-12.jpg)

भले ही अगर तुम बहुत से अच्छे कामन क करते ह, त एखे द्वारा परमातिमा तुम्हीं न बचईहीं । उन्खर मित्र बना के लाने अईसा कुछ भी नई ह जऊन तुम कर सकते ह। उन्खर अपेक्षा, तुम्हीं विश्वास करा क ह कि यीशु परमातिमा के बेटबा आए, अऊ व तुम्हरे बदले म क्रूस म मर ग, अऊ य भी कि परमातिमा ओही फेर से जिन्दा कर दईन । अगर तुम य म विश्वास करीहा, त परमातिमा तुम्हरे पापन के क्षमा दईहीं ।

![](https://cdn.door43.org/obs/jpg/360px/obs-en-49-13.jpg)

परमातिमा व हर झन क बचाई जऊन यीशु म विश्वास करत ह अऊ उनहीं अपन प्रभु स्वीकार करत ह । ऊँ उन्हीं न बचईहीं जऊन उन्खर ऊपर विश्वास नई करत हें । य कोनो मायने नई रखत ह कि तुम धनी ह या गरीब ह, मेन्सेरुआ ह या मेहेरिआ ह, बूढ़ा ह या जवान ह, या तुम कहाँ रहते ह। परमातिमा तुमही प्रेम करत हें ऊँ चाहत हें कि तुम यीशु ऊपर विश्वास करा कि ऊँ तुम्हार मित्र बन सकें ।

![](https://cdn.door43.org/obs/jpg/360px/obs-en-49-14.jpg)

यीशु तुम्हीं बुला रए हें कि उन्खर ऊपर विश्वास करा अऊ बपतिस्मा ल्या । का तुम विश्वास करते ह कि परमातिमा के एकलऊता बेटबा, यीशु मसीह ह ? का तुम विश्वास करते ह कि तुम एकठे पापी ह अऊ य कि तुम परमातिमा द्वारा तुम्हीं दंडित करे जाएं के योग्य ह? का तुम विश्वास करते ह कि तुम्हरे पापन क मिटामा के लाने यीशु क्रूस म मरीन ?

![](https://cdn.door43.org/obs/jpg/360px/obs-en-49-15.jpg)

अगर तुम यीशु म अऊ जऊन ऊँ तुम्हरे लाने करीन हें वमा विश्वास करते ह, त तुम एकठे मसीही ह! शैतान अपन अंधकार के राज्य म अब तुम्हरे ऊपर शासन न करी । अब परमातिमा अपन प्रकाश के राज्य म तुम पर शासन करहीं । ऊँ तुम्हीं पाप करे से रोक दईन हें, जइसे तुम करे करत रए ह । व तुम्हीं एकठे नया, उचित जीवन दईन हीं ।

![](https://cdn.door43.org/obs/jpg/360px/obs-en-49-16.jpg)

अगर तुम एकठे मसीही ह त जऊन यीशु करीन हें ओखे कारण परमातिमा तुम्हरे पापन क क्षमा कर दईन हें । अब, परमातिमा एकठे शत्रु के अपेक्षा तुम्हीं एकठे घनिष्ठ मित्र मानत हें ।

![](https://cdn.door43.org/obs/jpg/360px/obs-en-49-17.jpg)

अगर तुम परमातिमा के मित्र ह अऊ प्रभु यीशु के सेवक ह त तुम ऊँ बातन के पालन करे के इच्छा करा जऊन यीशु तुम्हीं सिखाऊत हें । भले ही तुम एकठे मसीही ह, शैतान अबहूँ भी पाप करे के लाने तुम्हार परीक्षा करी । पर परमातिमा हमेशा व करत हें जऊन ऊँ कहत हें कि ऊँ करहीं । ऊँ कहत हें कि अगर तुम अपन पापन क मान लइहा, त ऊँ तुम्हीं क्षमा कर दईहीं । ऊँ तुम्हीं पाप के विरुद्ध लड़ा का सामर्थ दईहीं ।

![](https://cdn.door43.org/obs/jpg/360px/obs-en-49-18.jpg)

परमातिमा तुम्हीं प्रार्थना करा अऊ ओखे वचन क पढ़ा के लाने कहत हें । ऊँ तुम्हीं दूसर विश्वासीन के साथ मिल के वाखर आराधना करे के लाने भी कहत हें । तुम्हीं दूसर मनईन क भी बतामा क ह कि ऊँ तुम्हरे लाने का करीन हें । अगर तुम इन सब कामन क करीहा, त तुम उन्खर एकठे पक्का मित्र बन जईहा ।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_49_128kbps.m4a

## 50. यीशु वापस लऊटत हें

https://openbiblestories.org/l/bfy/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 सालन से, संसार म सब जगह म ज्यादा से ज्यादा मनई मसीह यीशु के बारे म शुभ संदेश क सुनत रए हें। कलीसिया उन्नति करत रई ही । यीशु वादा करीन कि ऊँ संसार के अंत म वापस लऊटहीं । पर ऊँ अभी वापस नई आय हें, तबहूँ व अपन वादा क पूरा करहीं ।

![](https://cdn.door43.org/obs/jpg/360px/obs-en-50-02.jpg)

जब कि हम यीशु के वापस लऊटे के इंतजार करी थे, परमातिमा हम से अईसा रीति से जीवन जीएं के इच्छा करत हें जऊन पवित्र ह अऊ जऊन उन्खर आदर करत ह । जब यीशु पृथ्वी म रहत रए हें तब ऊँ कहीन, "मोर चेला संसार भर म सब जगह के मनईन क परमातिमा के राज्य के बारे म शुभ संदेश प्रचार करहीं, अऊ तब अंत आ जई ।"

![](https://cdn.door43.org/obs/jpg/360px/obs-en-50-03.jpg)

बहुत सारा जाति अबहूँ तक यीशु के बारे म नई सुनीन हें । स्वर्ग क लऊट जाएं से पहिले, यीशु मसीहिन से ऊँ मनईन क शुभ संदेश सुनामा क कहीन जऊन एही कबहूँ नई सुने हों । ऊँ कहीन, “जा अऊ सब जातिन के मनईन क चेला बनाबा ! अऊ कटाई करा के लाने खेत पक चुको ह !"

![](https://cdn.door43.org/obs/jpg/360px/obs-en-50-04.jpg)

यीशु य भी कहीन, “कोनो मनई के सेवक अपन स्वामी से बड़ा नई होत ह । य संसार के महत्वपूर्ण मनई मोसे नफरत करिन हीं, अऊ मोरे कारण ऊँ तुमहीं भी सतईहीं अऊ मार डलहीं । य संसार म तुम पीड़ित होईहा, पर मज़बूत बना, कहेसे मैं शैतान क हरा दई हों जऊन य संसार म शासन करत ह । अगर तुम अंत तक मोर प्रति विश्वासयोग्य बने रईहा, त परमातिमा तुमहीं बचाईहीं !"

![](https://cdn.door43.org/obs/jpg/360px/obs-en-50-05.jpg)

यीशु अपन चेला क य समझामा के लाने एकठे कहानी सुनाईन कि जब संसार के अंत होईहीं त मनईन के साथ का होई । ऊँ कहीन, "कोनो मनई अपन खेत म अच्छा दाना बोइस । जब व सोऊत रओ ह त वाखर शत्रु आओ अऊ गेहूँ के दाना के बीच म जंगली पऊधा के दाना क बो दईस, अऊ फेर व चलो ग।"

![](https://cdn.door43.org/obs/jpg/360px/obs-en-50-06.jpg)

"जब पऊधा अंकुरित भ त सेवक व मनई से कहीस, 'हे स्वामी, ते त अपन खेत म अच्छा दाना बोए रए हस । त फेर यमा जंगली पऊधा कहे ?' व मनई जवाब दईस, 'केवल मोर शत्रु ही उन्हीं बोमा चाही । य मोर कोऊ शत्रु ह जऊन अइसा करीसी ।'"

![](https://cdn.door43.org/obs/jpg/360px/obs-en-50-07.jpg)

"ऊँ सेवक अपन स्वामी क जवाब दईन, 'का हमही जंगली पऊधा क उखाड़ दें क चाही ?' व स्वामी कहीस, 'नई । अगर तुम अइसा करिहा त तुम कुछ गेहूँ क भी उखाड़ दईहा । कटाई के समय तक इंतजार करा । तब जंगली पऊधा क गट्ठा म एकट्ठा कर ल्या तब तुम उन्हीं जला सकिहा । पर गेहूँ क मोरे खत्ता म लइके आबा ।'"

![](https://cdn.door43.org/obs/jpg/360px/obs-en-50-08.jpg)

चेला य कहानी के मतलब क नई समझीन, एहीसे ऊँ यीशु से उन्हीं समझामा के लाने निवेदन करीन । यीशु कहीन, “अच्छा दाना बोमा वाला मनई यीशु के प्रतिनिधित्व करत ह। खेत संसार के प्रतिनिधित्व करत ह । अच्छा दाना परमातिमा के राज्य के मनईन के प्रतिनिधित्व करत ह ।"

![](https://cdn.door43.org/obs/jpg/360px/obs-en-50-09.jpg)

"जंगली पऊधा व दुष्ट जन, शैतान के मनईन के प्रतिनिधित्व करत ह । व मनई के शत्रु शैतान के प्रतिनिधित्व करत ह, जऊन जंगली पऊधा क बो दए रओ ह । कटाई य संसार के अंत के प्रतिनिधित्व करत ह, अऊ कटाई करा वाले परमातिमा के स्वर्गदूतन के प्रतिनिधित्व करत ह।"

![](https://cdn.door43.org/obs/jpg/360px/obs-en-50-10.jpg)

"जब संसार के अंत होई तब स्वर्गदूत ऊँ सब मनईन क एक साथ इकट्ठा करहीं जऊन शैतान के हें । ऊँ स्वर्गदूत उन्हीं एकठे बहुत ही गरम आगी म फंईक दईहीं । हुन ऊँ मनई भयंकर सताव म रोईहीं अऊ अपन दाँत पीसहीं । पर जऊन मनई धर्मी ह, जऊन यीशु के अनुसरण करीसी, ऊँ ओखे परमातिमा पिता के राज्य म सूर्य के समान चमकहीं ।"

![](https://cdn.door43.org/obs/jpg/360px/obs-en-50-11.jpg)

यीशु य भी कहीन कि ऊँ संसार के अंत होए से पहिले पृथ्वी म लऊटहीं । ऊँ वहे तरीका से वापस अईहीं जईसे ऊँ ग रए हें । अर्थ ह, उन्खर पास वास्तव म शरीर होई, अऊ व आकाश म, बादल म सवार होके अईहीं । जब यीशु लऊटहीं, त हर मसीही जऊन मर चुको ह मरे म से जी उठहीं अऊ उन्खर से आकाश म मिलहीं ।

![](https://cdn.door43.org/obs/jpg/360px/obs-en-50-12.jpg)

तब जऊन मसीही अबहूँ भी जिन्दा हें ऊँ आकाश म उठा लई जईहीं अऊ ऊँ दूसर मसीहिन के साथ शामिल होई जईहीं जऊन मरे म से जी उठे हें । ऊँ सब हुन यीशु के साथ होई हीं । ओखे बाद, यीशु अपन मनईन के साथ रईहीं । जब ऊँ एक साथ रईहीं त उनखे पास सदा के लाने पूरा शान्ति होई।

![](https://cdn.door43.org/obs/jpg/360px/obs-en-50-13.jpg)

यीशु म विश्वास करा वाले हर झन क एकठे मुकुट दें के प्रतिज्ञा करीन । ऊँ सदा के लाने परमातिमा के साथ हर एक चीज म शासन करहीं । उनखे पास सिद्ध शान्ति होई ।

![](https://cdn.door43.org/obs/jpg/360px/obs-en-50-14.jpg)

पर परमातिमा ऊँ सब के न्याय करहीं जऊन यीशु म विश्वास नई करत हें । व उन्हीं नरक म डाल देई । हुन ऊँ रोईहीं अऊ अपन दाँत पीसहीं, अऊ ऊँ हमेशा पीड़ित होत रईहीं । कबहूँ न बुझा वाली आग उन्हीं लगातार जलाऊत रही, अऊ कीड़ा उन्हीं खाएं से कबहूँ न रुकहीं ।

![](https://cdn.door43.org/obs/jpg/360px/obs-en-50-15.jpg)

जब यीशु लऊटहीं, त ऊँ पूरा रीति से शैतान क अऊ ओखे राज्य क नष्ट कर दईहीं । ऊँ शैतान क नरक म डाल दईहीं । हुन शैतान हमेशा के लाने जलत रही, ऊँ सब के साथ जऊन परमातिमा के बातन क माने के बजय शैतान के पीछे चला के चुनाव करे रए हें ।

![](https://cdn.door43.org/obs/jpg/360px/obs-en-50-16.jpg)

कहेसे आदम अऊ हव्वा परमातिमा के अनाज्ञाकारिता करे रए हें अऊ पाप क य संसार म लईके आए रए हें, परमातिमा ओही श्राप दईन अऊ ओही नष्ट करा के निर्णय करीन । पर कोनो दिन परमातिमा एकठे नया स्वर्ग अऊ एकठे नया पृथ्वी के रचना करहीं जऊन सिद्ध होईहीं ।

![](https://cdn.door43.org/obs/jpg/360px/obs-en-50-17.jpg)

यीशु अऊ उन्खर मनई व नया पृथ्वी म रईहीं, अऊ ऊँ सदा के लाने सब चीजन म शासन करहीं। ऊँ मनईन के आँखी से हर आँसू क पोंछ दईहीं। अब कोऊ भी कबहूँ पीड़ित या दुःखी न होई। ऊँ रोईहीं न। ऊँ बीमार न होईहीं या मरहीं न। अऊ हुन कोऊ भी बुराई न होई। यीशु अपन राज्य म न्याय के साथ, अऊ शान्ति के साथ शासन करहीं । ऊँ हमेशा के लाने अपन मनईन के साथ रईहीं।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 से बाइबल की एक कहानी*

Audio: https://git.door43.org/OBS-TLF/bfy_obs/releases/download/v1/bfy_obs_v1_50_128kbps.m4a