# unfoldingWord Open Bible Stories — Baghati - Language code: `bfz-x-baghati` - Canonical page: https://openbiblestories.org/l/bfz-x-baghati/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Baghati translation; it is not a translation of the whole Bible. ## 1. परमेसवरा रे जरीए संसारा रा बणया जाणा। https://openbiblestories.org/l/bfz-x-baghati/story-1/ ![](https://cdn.door43.org/obs/jpg/360px/obs-en-01-01.jpg) सुरआच जब परमेसवरा ने सब कुछ रा निरमाण किता। तब छः दिनाच तरतीया पर जो कुछ था बणाया जब परमेसवरा ने तरतीया री रचना किती तो तिस समय पुरी तरतीया पर नेरा था, ओर से खाली थी, अबु तक परमेसवरा ने तरतीया पर कुछनी बनाई रा था। पर परमसवरा री आतमा पाणीया पर कुमा थी। ![](https://cdn.door43.org/obs/jpg/360px/obs-en-01-02.jpg) तब परमेसवरा ने बोलया, “परेसा हो” तब परेसा हुई। गया तब परमेसवरा ने देखया परेसा सुणा लगया ओर तिते जो “दिना” रा नाम दिता। ओर नेरे ते लग किता ओर नेरे जो “राती” रा नाम दिता परमेसवरा ने पेले दिन परेसे री सुरुआत किती। ![](https://cdn.door43.org/obs/jpg/360px/obs-en-01-03.jpg) रचना करने रे दुजे दिन परमेसवरे बोलया, “पाणीयाच दुरी हुनी चाहिए!” ओर दुरी हुई गी परमेरवरा ने तिसा दुरिया जो “आकासा” रा नाम दितया। ![](https://cdn.door43.org/obs/jpg/360px/obs-en-01-04.jpg) तीजे दिन परमेसवरे बोलया, “पाणी ईक तरफा जो हुई जा ओर सुकी तरती दिखने लगि।” तब तिते जो सुकी “तरतिया” रा ना दितया ओर जो पाणी बचेया तिते जो समुंदर बोलया। तब परमेसवरे देखया सब कुछ बोत सुणा था। ![](https://cdn.door43.org/obs/jpg/360px/obs-en-01-05.jpg) तब परमेसवरा ने बोलया, “तरतिया पर पेड पौधे उगी जाओ।” ओर उगी गे परमेसवरा ने देखया सब सुणा ![](https://cdn.door43.org/obs/jpg/360px/obs-en-01-06.jpg) तरति बनाने रे चोथे दिन परमेसवरा ने बोलया, “आकासा च उजाला हो।” तब सुरज चंदा ओर तारे आई गे परमेसवरा ने तिना जो दिन रात, ओर मोसमा च ओर साला रा पता करने जो बणाया। परमेसवरा ने देखया सब कुछ बहुत सुणा। ![](https://cdn.door43.org/obs/jpg/360px/obs-en-01-07.jpg) पाजवे दिन परमेसवरे बोलया, “जीउदे जनतु पाणीयाच परी जाओ ओर पछी आकासा च उडो।” ईया पानीयाच तरने वाले ओर पछी बणाऎ परमेसवरा ने देखया बेइ सुणा लगीरा तब तीनाव आसीस दिती। ![](https://cdn.door43.org/obs/jpg/360px/obs-en-01-08.jpg) रचना रे छटवे दिन परमेसवरे बोलया, “तरतिया पर रहने वाले सारे जानवर बणाए।” जिते च कुछ पालतु थे, कुछ तरतिया पर चलने वाले ओर कुछ जगली थे। तब परमेसवरा ने देखया सब सुणा था। ![](https://cdn.door43.org/obs/jpg/360px/obs-en-01-09.jpg) तब परमेसवरा ने बोलया, “बई असे आदमीया जो अपु साई बणाईए ताकि आदमी तरतिया ओर सब जीव जनतुआ पर अदिकार रखे।” ![](https://cdn.door43.org/obs/jpg/360px/obs-en-01-10.jpg) परमेसवरा ने मटीया कने आदमी बनाया ओर तिसो जिवना रा सांस दिता ओर से जिंऊदा आदमी बणी गा। तिसरा नाम आदम रखया। आदमा जो रखने खतर परमेसवरे इक बगीचा बणाया ओर तिते री देख रेख करनेजो आदम तिथी रखया। ![](https://cdn.door43.org/obs/jpg/360px/obs-en-01-11.jpg) तिते बगीचे च परमेसवरे दो ख़आस पेङ लगाय। जितेरा नाम जीवन रा पेड पले ओर बुरेरा पेङ रखया तब परमेरवरे आदमा जो बोलया बई पले बुरे रा पेङा जो छडिके जो मरजी फल खाई सका। अगर तिने पले बुरेरा फल खाया तो से मरी जाणा । ![](https://cdn.door43.org/obs/jpg/360px/obs-en-01-12.jpg) तब परमेसवरे बोलया, “आदमीया खतर कला रेणा ठीक नी या।” पर किसी बी जानबरा कने आदमारी दोसती नी हुई। ![](https://cdn.door43.org/obs/jpg/360px/obs-en-01-13.jpg) ईते खतर परमेसवरा ने आदमा जो गेरी निदआ च स सुलाईता तब परमेसवरा ने आदमा री ईक पसली नकाली के ईक औरत बनाई तब तिसाजो आदमा गे लेई गया। ![](https://cdn.door43.org/obs/jpg/360px/obs-en-01-14.jpg) जब आदमा ने तिसा जो देखया तो बोलया, “कि ए तो मा साई दिखाई ओर तिसा जो ओरत बोलया, कयो कि से आदमीया रा हिसा थी।” ईते कारण आदमी अपने अमा बापु ते दुर रेया ओर अपनी औरता कने रेया। ![](https://cdn.door43.org/obs/jpg/360px/obs-en-01-15.jpg) परमेसवरा ने आदमी ओर ओरता जो अपु साई बणाया तीइना जो आषिस दिती ओर बोलया, “बोत सारे बचचे ओर पोते परपोते पेदा करो ओर तरतिया पर बिखर जाओ।” ओर परमेसवरा ने देखया जो कुछ तिने बनाया सुणा था ओर से बहुत खुस था ये सब कुछ तरती बनाने रे छठे दिन हुआ ![](https://cdn.door43.org/obs/jpg/360px/obs-en-01-16.jpg) तरती बनाने रे सातवे दिन परमेसवरा ने सारा काम खतम किता। तिने सातवे दिना जो आसिस दिती ओर तिते जो पवित्र बोलया, कयाए कि तिस दिन सारा काम खतम हुआ तिस दिन परमेसवरा ने ससांर ओर जो कुछ तिते था बनाया। *उत्‍पति पाठ 1- 2 ते बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_01_128kbps.m4a ## 2. पाप रा ससांरा च आऊणा। https://openbiblestories.org/l/bfz-x-baghati/story-2/ ![](https://cdn.door43.org/obs/jpg/360px/obs-en-02-01.jpg) आदम ओर तिसरी पतनी परमेसवरा रे सुणे बगीचे च बहुत खुस थे। ओर से नगे थे, पर तिना जो कोई फरक नही था, तिस समय तरतिया पर पाप नी था। से कदी कदी बगीचे च कुमा थे ओर परमेसवरा कने बात करा थे। ![](https://cdn.door43.org/obs/jpg/360px/obs-en-02-02.jpg) पर तिते बगीचे च ईक साप थाओर रे बहोत चलाक था तिने ओरता ते पुछया, “कि सच्‍ची परमेसवरा ने ईस बगीचे रे पेङारे फल खाणे जो ना कितीरी?” ![](https://cdn.door43.org/obs/jpg/360px/obs-en-02-03.jpg) तिसा औरता ने बोलया, “परमेसवरा ने असा जो बोलीरा बई पले ओर बुरे पेङा रे फल नी खाणे बाकी असे सारे पेडा रे फल खाई सकाए। परमेसवरा ने असा जो बोलिरा जे तुसे ईते रा फल खाया या छुया, तो तुसे मरी जाणे।” ![](https://cdn.door43.org/obs/jpg/360px/obs-en-02-04.jpg) तिने सांपा ने ओरता जो बोलया, “ए सच नी आ तुसेनी मरने। परमेसवरा जो पता ब ई जे तुसे ऐ फल खाया, तो तुसे परमेसवरा साई हुई जाणे तब तुसे पले बुरे रा फरक समजणे लगी जाणेँ।” ![](https://cdn.door43.org/obs/jpg/360px/obs-en-02-05.jpg) तब तिसे ओरता ने देखया कि ये फल तो बडा सुणा ओर देखने जो बी सुआद आ। से बी समजदार बनना चा थी, ओर तिसे फल तोडी के खाई लेया। तब तिसे अपने पति जो तिसा कने साथी था तिसो बी दिता ओर तिने बी खाईला। ![](https://cdn.door43.org/obs/jpg/360px/obs-en-02-06.jpg) ईक दम, तिनारी आखीं खुली गिया, तब तिना जो पता लगा ब ई से नंगे थे। तब तिने पते ले ओर सिले ओर सरीरा जो टकने री कोसीस किती । ![](https://cdn.door43.org/obs/jpg/360px/obs-en-02-07.jpg) तब आदम ओर तिसा री पतनीया ने बगिचे च परमेसवरा रे कुमने री आवाज जो सुणया। तब से दोनो जणे छुपी गय। तब परमेसवरा ने आदमा जो बुलाया, “तु कितीआ?” तब आदमा ने बोलया, “बेई मे तुसा जो बगीचे च घुमदे हुऐ सुणया, ओर अँउ डरिगा ओर अँउ नंगा था इस खतर छुपीगा।” ![](https://cdn.door43.org/obs/jpg/360px/obs-en-02-08.jpg) तब परमेसवरा ने पुछया, “तिजो किने बताया की तु? नंगा क्या ते से फल खाया जो मे ना किती थी?” आदमा ने बोलया, “तुसे जो ओरत मिजो दिती ईसे मिजो ये फल खलाया।” तब परमेसवरा ने ओरता ते पुछया, “ते ये क्या किता।” तब ओरत ने बोलया, “सांपा ने मीजो तोखा दितया।” ![](https://cdn.door43.org/obs/jpg/360px/obs-en-02-09.jpg) परमेसवरा ने सांपाजो बोलया, “तु सरापित आ तु तरतिया पर लुरी के चलना ओर मीटी खणी। तु ओर ये ओरत ईक दुजे कने नफरत करगे, ओर तेरे बच्‍चे ओर ईसा रे बच्‍चे ईक दुजे कने नफरत करगे। ईसा ओरता रा कुल तेरे सिरा जो मरोडेगा ओर तु तिना री एड़िया जो डसगा।” ![](https://cdn.door43.org/obs/jpg/360px/obs-en-02-10.jpg) तब परमेसवरा ने ओरता जो बोलया, “जब तेरे बचचा हुणा तब मे तरी पीड़ा जो जादा बडागा। तिस समय तेरा मन अपने आदमीया रे तरफ हुणा ओर तिने ता पर राज करना।” ![](https://cdn.door43.org/obs/jpg/360px/obs-en-02-11.jpg) परमेसवरा ने आदमा जो बोलया, “ते अपनी ओरता री सुणी ओर मेरा केणा नी मानया। ईते खतर तरति बुराइयाच डुबीगी अब तिजो खाने खतर कडी मेहनत करनी पडनी। ओर अब तु मर जाणा ओर तेरा सरीर मिटीच मिली जाणा।” तिने आदमीए अपनी ओरता रा नाम हवा रखया जितेरा मतलब जीवन देने वाली; से सब जातीरी मां हुनी तब परमेसवरा ने आदम ओर हवा जो जानवरा री खाला रे कपडे पनाए। ![](https://cdn.door43.org/obs/jpg/360px/obs-en-02-12.jpg) तब परमेसवरा ने बोलया, “पले ओर बुरे री पहचाणा रे बाद आदमी असा साई हुई गया, इते खतर तिनाओ जिवना रे पेडं आ रे फल नी खाणे देने नही तो ये सदा जींनदे रेणे।” ईते खतर परमेसवरा ने आदम ओर हवा जो बागा ते बार करिता। ओर परमेसवरा ने कोई बीतिते फला जो ना खाओ तिते खतर बागा रे दरवाजे पर ताकतवर सवरग दुतो जो बठाईते। *उत्‍पति पाठ 3 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_02_128kbps.m4a ## 3. बाढ़ा रा आऊणा https://openbiblestories.org/l/bfz-x-baghati/story-3/ ![](https://cdn.door43.org/obs/jpg/360px/obs-en-03-01.jpg) बहुत समय बाद ईस तरतिया पर बहुत सारे लोक रे थे। जो कि बोत बुरे ओर झगडालु हुई गे थे। ऐ सब लोक ईतने पापी हुई गे थे की। परमेसवरा ने ईक बड़ी बाढ़ा कने सारी तरती खतम करने रा फैसला लेया। ![](https://cdn.door43.org/obs/jpg/360px/obs-en-03-02.jpg) पर परमेसवर नुह ते बहुत खुस था। से बुरे लोका रे बिचे रेणे वाला अच्‍छा आदमी था। परमेसवरा ने नुह जो बोलया की से ईक बढी बाढ़ लयाणे लगीरा। ईते खतर तिने नुहा जो ईक बड़ा समुदरी चाज बनाने जो बोलया। ![](https://cdn.door43.org/obs/jpg/360px/obs-en-03-03.jpg) परमेसवरा ने नुहा जो 140 मीटर लंबी 23 मीटर चाओडी 13.5 मीटर उची चांज बनाने जो बोलया। नुहा जो तिते जो लकडीया कने बनाना था तिते तीन तल, बहुत सारे कमरे ईक छत ओर खिडकी बणाणी थी। से चाज नुहारा परिवार तरतिया रे हर परकारा रे जानवर जो बाढ़ा ते बचागी। ![](https://cdn.door43.org/obs/jpg/360px/obs-en-03-04.jpg) नुहा ने परमेसवरा री बात मानीली। तिने ओर तिस रे बचोने तेडा चाज बनाया जेडी परमेसवरा ने बताया था। से किसती बहुत बडी थी ईते खतर तितेजो बनाने जो बहुत साल लगे। नुहा ने बाढ़ा रे आने री खबर सबी जो दिती ओर तिना जो परमेसवरा री बात मानने जो बोलया, “पर तिने तिस री बात नी मानी।” ![](https://cdn.door43.org/obs/jpg/360px/obs-en-03-05.jpg) परमेसवरा ने नुहा जो अपने परिवार ओर जानवरा रा खाना कठा करने जो बोलया। जब सब कुछ तयार हुई गया तब परमेसवरा ने नुहा जो बोलया बेई अब अपनी ओरत ओर तिसा रे तीन लडके ओर तिनारी ओरता जो आठ थे। तिना रे चाजा च जाणे रा समय था। ![](https://cdn.door43.org/obs/jpg/360px/obs-en-03-06.jpg) परमेसवरा ने हर जानवर पंछी रे नर मादा जो नुहा गे चाजा च पेजया ताकि तुफाना ते बची सको। परमेसवरा ने सब परकारा रे सात नर ओर मादा जो किसतिया च पेजया जिना जो बलीया खतर बनाया।जब सब चाजा च चलीगे तब परमेसवरा ने किसतिया रे दरवाजे बंद करीते ![](https://cdn.door43.org/obs/jpg/360px/obs-en-03-07.jpg) तब बरखा सुरु हुई गी ओर हुदी री बिना रुके चालीस दिन ओर राती। सारे तरतिया री हर चीज ओर सारे पाड बी पाणीया च डुबीगे। ![](https://cdn.door43.org/obs/jpg/360px/obs-en-03-08.jpg) तरतीया पर रहणे वाली सारी चीजा मरी गीया तिनाओ छडिके जो किसतिया पर थे। से किसती पाणीया पर तैरदी री ओर हर चीज किसतिया रे अनदंर डुबने ते बची रई। ![](https://cdn.door43.org/obs/jpg/360px/obs-en-03-09.jpg) बरखा रुकी जाणे ते बाद, पाजं महीने तक चाज पाणीया पर तैरदा रेया, ओर तब पाणी कम हुणे लगया। तब ईक दिन चाज ईक पाड़ा री चोटी पर रुकी; पर संसार अबु बी पाणीया कने टकीरा था। तीन महीने बाद, पाड़ा री चोटी नजर आणे लगे थे। ![](https://cdn.door43.org/obs/jpg/360px/obs-en-03-10.jpg) तब फेर चाली दिना बाद; नुह ने ईक कोए जो ये देखने खात्तर बार छडया कि पाणी सुखया या नी। से कोआ सुखी तरती टोलदा रेया, पर तिसो सुखी तरती नी मीली। ![](https://cdn.door43.org/obs/jpg/360px/obs-en-03-11.jpg) तब नुह ने ईक कबुतरी या जो बार पेजया। पर तिसा जो बी सुखी तरती नी मीली, तब से वापस नुहागे आई गी ईक हफते बाद तिने फेर कबुतरी पेजी, तब से अपनी चोचाच ईक जैतुना री ईक डाली लेईकै वापिस आई। अब पाणी कम हुणे लगईरा था, ओर पेडं फेर उगने लगीरे थे। ![](https://cdn.door43.org/obs/jpg/360px/obs-en-03-12.jpg) नुह ने ईक हफता ओर देखया तब तीजी बार फिर तिसा कबुतरीया जो बार पेजया। ईस बार तिसा जो रुकने री जगहा मिली गि, ओर से वापस नी आई। पाणी सुखने लगीरा था। ![](https://cdn.door43.org/obs/jpg/360px/obs-en-03-13.jpg) दो महीने बाद परमेसवरा ने नुहा जो बोलया अब तु तेरा परिवार ओर सारे जानवर चाजा ते बार आई जाओ।बोत सारे बच्‍चे पोते परपोते पेदा करो ओर तरतिया जो परी दो।तब नुह ओर तिसरा परिवार चाजा ते बार आई गा। ![](https://cdn.door43.org/obs/jpg/360px/obs-en-03-14.jpg) नुहा रे बार आने ते बाद तिने ईक बेदी बनाई ओर बलिया खतर जो जानवर थे तिना जो लेई के बली चडाई परमेसवर तिना बलीया ते खुस हुआ ओर नुहा रे परिवारा जो आसिस दिती। ![](https://cdn.door43.org/obs/jpg/360px/obs-en-03-15.jpg) परमेसवरा ने बोलया, “कि अऊ कसम खा कि आदमीया रे कितिरे बुरे करमा खतर आऊ कदी बी तरतिया जो सराप नी देगा ओर ना हीकदी तरतिया पर पाणी बरसागा।” जब की आदमी तो बचपना ते ही पापी था ![](https://cdn.door43.org/obs/jpg/360px/obs-en-03-16.jpg) तब परमेसवरे वाचा रे निसाणा रे रुपा च पेला मेघधनुश बणाया जब कदी अकाशच मेघधनुश दिखा। तब परमेसवरा जो याद आऊ णी बइ तिने क्या कसम खाईरी ओर तियाई तिसरे लोग बी याद करगे। *उत्‍पति पाठ 6-8 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_03_128kbps.m4a ## 4. अबाराहमा कने परमेसवरा रा वादा https://openbiblestories.org/l/bfz-x-baghati/story-4/ ![](https://cdn.door43.org/obs/jpg/360px/obs-en-04-01.jpg) बाड़ा रे कई साला बाद तरतिया पर बहुत सारे लोग रे थे। तब तिने परमेसवरा ![](https://cdn.door43.org/obs/jpg/360px/obs-en-04-02.jpg) से बहुत घमंडी थे, ओर तिना जो केडा जिवन जिणा था से परमेसवरा रा केणा नी मानणा चाह थे। ईथी तक की तिने एडी मिनार बणाया जो सवरगा तक पहुचाए। परमेसवरा ने सोचया बीइ जे ईक साथ मिली के पाप करदे रे तो ऐ बहुत सारे पापी करमा जो करी सकाए। ![](https://cdn.door43.org/obs/jpg/360px/obs-en-04-03.jpg) इते खतर परमेसवरा ने तिना री बोलीया च फरक पाईता ओर तिना जो सारे तरतिया पर फैलाइता। जिस शहरा जो तिने बसाया था से बाबेल नामा कने पडेया ‘जितेरा मतलब आ “गडंबडी”। ![](https://cdn.door43.org/obs/jpg/360px/obs-en-04-04.jpg) कई साला बाद परमेसवरा ने अबराहम नामा रे ईक आदमीया कने बात किती। परमेसवरा ने तिस जो बोलया अपणा देस ओर परिवारा जो छडी के तिस देसा च चली जा जो अऊ तिजो दखागा। अऊ तिजो आसीस देगा ओर ताते ईक बडी जाती बणागा। अऊ तेरा नाम ऊचा करगा जो तिजो आसिस देगा अऊ तिसो आसिस देगा; ओर जो तिजो सराप देगा अऊ तिसो सराप देगा। तेरी वजय ते तरतिया रे सारे लोक आसिस पागे। ![](https://cdn.door43.org/obs/jpg/360px/obs-en-04-05.jpg) तब अबराहमा ने परमेसवरा री बात मानी ली।तब तिने सारे सेवक अपना सब कुछ जो तिसगे था ओर अपनी करआली सारै समेत; कनान देसाच चली गया। जो परमेसवरा ने तिसो दखाया था। ![](https://cdn.door43.org/obs/jpg/360px/obs-en-04-06.jpg) जब अबराहम कनान पहुचा तब परमेसवरा ने तिसो बोलया; अपने चारो तरफ देख। अऊ तिजो ऐ सारा देस देगा ओर तेरा कुल आ रा सदा ईते पर अधिकार हुणा। तब अबराहम तिस देसा च बसी गया। ![](https://cdn.door43.org/obs/jpg/360px/obs-en-04-07.jpg) मलिकिसिदक नामा रा ईक आदमी था जो सचचा परमेसवरा रा ईक यहुदी परदान था। ईक दिन जब अबराहम युद करने ते बाद आणे लगीरा था तब से ओर अबराहम मिले। मलिकिसिदक ने अबराहम जो आसीस दिती ओर बोलया सबी रा परमेसवर जो सुअरग ओर तरतीया रा सवामी आया से ता पर किरपा करो।तब अबराहम ने युहदा च जिती रे सारे समाना रा दशंमा अंश मलिकिसिदक जो दितया। ![](https://cdn.door43.org/obs/jpg/360px/obs-en-04-08.jpg) बोत साल गुजरी गे; पर अबु बी अबराहम ओर सारा रे कोई बेटा नी था। तब परमेसवरा ने अबराहमा कने बात किती ओर दुबारा कसम खाई की तिसरे ईक बेटा हुणा ओर जिया आकाश च तारे तियाई तिसरा वंश बडना। अबराहम ने परमेसवरा री कसमा पर विसवास किता। परमेसवरा ने बताया कि अबराहम ईक नेक आदमी है ईते खतर कि तिने परमेसवरा रि वादा पर विसवास किता। ![](https://cdn.door43.org/obs/jpg/360px/obs-en-04-09.jpg) तब परमेसवरा ने अबराहमा कने ईक वादा किता ईक वादा दो जना रे बिचे ईक दुजे खतर काम करने रा समजोता हुआ। परमेसवरा ने अबराहमा कने ऐ वादा तब किता था | जब अबराहम गेरी नीदा च सोईरा था; तब बी से परमेसवरा जो सुनने लगीरा था। परमेसवरा ने बोलया, “मै तेरे पत्‍नी सारा ते तेरे खतर ईक बेटे री आशिश देगा। अऊ तेरे वंशो जो ऐ कनान देस देगा।पर अबु बी अबराहमा रे कोई बेटा नी था।” *उत्‍पति पाठ 11-15 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_04_128kbps.m4a ## 5. वादे रा बेटा https://openbiblestories.org/l/bfz-x-baghati/story-5/ ![](https://cdn.door43.org/obs/jpg/360px/obs-en-05-01.jpg) अबराहम ओर सारा रे कनान देस पहुचने रे दस साला बाद; अबु तक बी तिनारे कोई संतान नी थी। ईते खतर सारा ने अबराहमा जो बोलया, “बेई परमेसवरा ने अबु तक मिजो ओलादा रा सुख नी दितया अब आऊ बच्चा पेदा करने जो बहुत बुडी हुई गी; देख मेरी सेविका हाजिरा ईथी आई। ईसा कने बया करीले ऐ मेरे खतर ईक बच्‍चा पैदा करगी।” ![](https://cdn.door43.org/obs/jpg/360px/obs-en-05-02.jpg) तब अबराहमा ने हाजिरा कने बया करिला। हाजिरा रे ईक बेटा हुआ तब अबराहमा ने तिस रा नाव इशमाएल रखया पर सारा हाजिरा कने जलने लगी। जब इशमाइल 13 साला रा था तब परमेसवरा ने दुबारा अबराहमा कने बात किती। ![](https://cdn.door43.org/obs/jpg/360px/obs-en-05-03.jpg) परमेसवरा ने बोलया, “अऊ सदा रा सब से महान परमेसवर रा अऊ ता कने ईक वचन देया।” तब अबराहमा ने तिसो परनाम कितया। परमेसवरा ने बोलया, “तु बहुत सारे जाती रा पिता हुणा।मै तिजो ओर तेरे कराने जो तिनारी अपनी तरतिया खतर कनान देश देगा तब अऊ सदा खतर तिनारा परमेसवर रेगा। तिजो अपने घरा रे हर आदमिया रा खतना करना पडना।” ![](https://cdn.door43.org/obs/jpg/360px/obs-en-05-04.jpg) “तेरी पत्‍नी सारा ईक बच्चा पेदा करगि से वादे रा बेटा हुणा। तिसरा नाम इसहाक रखणा।अऊ तिस कने वादे जो बनाई रखगा खगा ओर से ईक बडी जाती बणी जाणा।” ओर अऊ इशमाईला जो बी इक बडी जाती बणागा पर मेरा वादा इसहाका कने रेणा तब परमेशवरे अबराम रा नाम अबराहम करीता।जिते रा मतलबआ सारे लोका रा पिता परमेसरा ने सारै रा नाम बी सारा करीता जितेरा मतलबआ जगत माता। ![](https://cdn.door43.org/obs/jpg/360px/obs-en-05-05.jpg) तिस दिन अबराहमा ने अपने सारे परिवारा रा खतना कितया।तब ईक साला बाद जब अबराहम सौ साला रा था ओर सारा नबे साला री थी; तब सारा ने अबराहमा रे बेटे जो पैदा किता। जेडा की परमेसवरे तिना जो बोलया था तिने तिस रा नाम इसहाक रखया। ![](https://cdn.door43.org/obs/jpg/360px/obs-en-05-06.jpg) जब इशहाक बडा हुआ तब परमेसवरा ने ईया बोली के अबरहमा री विसवास री परीकशा लेइ अपने कले बेटे जो लेई के मा खतर बलिया रे रुपाच मार दे।तब परमेसवरा री बात अबराहमा ने मानीली ओर अपने बेटे जो बलिया खतर तैयार किता। ![](https://cdn.door43.org/obs/jpg/360px/obs-en-05-07.jpg) जब अबराहम ओर इसहाक बलि करने खतर सथाना पर जाणे लगे तब इसहका ने पुछया; “हे पिता; असागे बलीया खतर लकडिया तो आइया; पर बलिया खतर मेमना तो आया नी।” अबराहम ने बोलया, “हे मेरे बेटे परमेसवर बलिया खतर मेमने रा इतजाम अपु करगा।” ![](https://cdn.door43.org/obs/jpg/360px/obs-en-05-08.jpg) जब से बलि चडाणे री जगा पहुचे तब अबराहमा ने ईसहाका जो बनी के बली री बेदीया पर सुलाई दिता। से अपने बेटे जो मारने ई वाला था। तबी परमेसवरे ने बोलया, “रुकी जा अपने बेटे जो मत मार। अब मिजो पता लगी गा कि तु मिजो दिला ते माना ते अपना ईक कला बेटे भी मा खतर नी बचाया।” ![](https://cdn.door43.org/obs/jpg/360px/obs-en-05-09.jpg) साथे ई अबराहमा ने ईक खाडू देखया, से चिटा च फसीरा था।इसहाका रे बदले परमेसवरे बलिया खतर पेड़ा रा इनतजाम किता। अबराहमा ने खुस हुई के खाडू री बली चडाई ती। ![](https://cdn.door43.org/obs/jpg/360px/obs-en-05-10.jpg) तब परमेसवरे अबराहमा जो बोलया, “तु मा खतर सब कुछ देणे जो तैयार था अपने कले बेटेजो भी; ईते खतर अऊतिजो सब कुछ देने रा वादा करा। तेरा जाती आसमाणा रे तारे ते बी जयादा हुणी। ते मेरी सारी बात मानी ईते खतर अऊ तेरे परीवारा रे खतर संसारा रे सबी घराने जो आसीस देगा।” *उत्‍पति पाठ 16-22 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_05_128kbps.m4a ## 6. परमेसवर इसहाका खतर इन्तजाम करा https://openbiblestories.org/l/bfz-x-baghati/story-6/ ![](https://cdn.door43.org/obs/jpg/360px/obs-en-06-01.jpg) जब अबराहम बहुत बुडा हाई गया; तब तिसरा बेटा, एसहाक, ब्‍या करने खतर जवान हुई गा था। तब अबराहमा ने अपने ईक सेवक आ जो अपने बेटा इसहका जो तिस देसा ते ईक करवाली लाने जो पेजया जिती तिस रे रिसतेदार थे। ![](https://cdn.door43.org/obs/jpg/360px/obs-en-06-02.jpg) जिती अबराहमा रे अपने रेया थे तिस देसा जो जाणे री ईक लबे रसते ते बाद परमेसवरा ने तिसा सेवका रा सामना रिबका ते करवाया। से अबराहमा री पाईया री पोती थी। ![](https://cdn.door43.org/obs/jpg/360px/obs-en-06-03.jpg) रिबक अपने परिवारा जो छडी के तिस सेवका कने जाणे जो तैयार हुई गी। तब जिया ही से घर पहुचे ए ईसहाका ने तिसा कने ब्या करी लेयाँ। ![](https://cdn.door43.org/obs/jpg/360px/obs-en-06-04.jpg) बहुत दिना बाद, अबराहम मरी गया। तब परमेसवरा ने अबरानम आ रे बेटा इशहाका जो, अबरहमा रे साथी जो वादा कीतया था तिते री वजय ते आसीस दिती। अब तिते च परमेसवरा रा ईक वादा था। कि अबराहमा रे अनगिन्त वनसज हुगे। पर असहाका री पत्‍नी रिबका रे कोइ बच्‍चे नही हुआ। ![](https://cdn.door43.org/obs/jpg/360px/obs-en-06-05.jpg) इसहाका ने रिबका खतर दुआ मंगी, तब परमेसवरा ने तिसा जो जुडवा बच्‍चे पैदा करने री आसीस दिती। जिस समय बच्‍चे रिबका रे पेटा ची थे से अपुच लडने लगीगे, एते खतर रिबका ने जो कुछ हुणे लगीरा था परमेसवरा जो बताई ता। ![](https://cdn.door43.org/obs/jpg/360px/obs-en-06-06.jpg) परमेसवरे रिबका जो बोलया, “तु दो बेटा जो पैदा करगी। तिना रे दो लग लग जाती हुणी।से ईक दुजे कने लडने। पर बडे बच्‍चे ते पैदा हुणे वाला जाती जो छोटे बच्‍चे रे जाती री बात मानणी पडनी।” ![](https://cdn.door43.org/obs/jpg/360px/obs-en-06-07.jpg) जब रिबका रे बच्‍चे पैदा हुऐ, तब बडा बेटा लाल ओर बाला वाला था, तिने तिसरा नाव एसाव रखया।तब छोटा बेटा एसावा री अडी पकडी के पैदा हुआ,तिने तिसरा नाम याकुब रखया। *उत्‍पति पाठ 24:1-25:26 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_06_128kbps.m4a ## 7. परमेसवर याकुबा जो आसिस देया https://openbiblestories.org/l/bfz-x-baghati/story-7/ ![](https://cdn.door43.org/obs/jpg/360px/obs-en-07-01.jpg) जब से बच्‍चे बडे हुए तब याकूबा जो करे रेणा ठीक लगया; पर एसावा जो जानवरा रा सकार करना ठीक लगया। रिबका याकुबा कने ज्यादा प्‍यार करा थी; पर इसहाका ने एसावा कने ज्‍यादा प्‍यार किता। ![](https://cdn.door43.org/obs/jpg/360px/obs-en-07-02.jpg) ईक दिन जब एसाव सकार करिके वापिस आया तब से बडा पुखा था। एसावा ने याकुब आ कने बोलया, “जो ते पकाइरा तिते ते थोडा जा मिजो भी देदे।” याकुबा ने बोलया, “पेले मा कने वादा कर की बडा हुणे रे खतर जो चीज तिजो मिलाइ से तु मिजो देगा।” यसावा ने से सब देणेरा वादा करता।तब याकुबा ने तिसो खाणा दितया। ![](https://cdn.door43.org/obs/jpg/360px/obs-en-07-03.jpg) इसहाक एसावा जो आसिस देणा चा था। पर ईते पेहले की से एडा करदा रिबका और याकुबा ने एसावा कने तोखा किता और याकूब ने एसाव होने रा ढोंग किता। इसहाक बुडा था ओर देखी नी सकदा था इते खतर याकुबा ने एसावा रे कपडे पैने ओर बकरीया री खाल अपने आथ ओर गलेच लपेटी ली। ![](https://cdn.door43.org/obs/jpg/360px/obs-en-07-04.jpg) याकुब इसहाका गे आया ओर, बोलया आऊ इसाव हु अऊ इते खतर आई रा बी तु मिजो आसिस दे जब इसहाका ने बकरीया रे बाल छुए ओर तिसो सुगया।तब तिने सोचया की ऐ एसाव आ तब तिसो आसिस दिती। ![](https://cdn.door43.org/obs/jpg/360px/obs-en-07-05.jpg) एसावा ने याकुबा कने नफरत किती तिने तिसरे बडे होने रा हक ओर आसिस जो तोखे कने चुराईली था।तब एसावा ने अपने पिता रे मरने रे बाद याकुबा जो मारने री तरकीब बनाई। ![](https://cdn.door43.org/obs/jpg/360px/obs-en-07-06.jpg) पर रिबका ने एसावा री योजना सुणी ली।ईते खतर इसहाका ने याकुबा जो अपणे रिसतेदारा गे दुर पेजीता। ![](https://cdn.door43.org/obs/jpg/360px/obs-en-07-07.jpg) याकुब बहुत साला तक रिबका रे रिसतेदारा कने रेया। तिस समय तिने ब्‍या बी कितया ओर बारह छोकरु ओर ईक छोटी जो पैदा किता।परमेसवरा ने तिस जो बहुत अमीर बनाया। ![](https://cdn.door43.org/obs/jpg/360px/obs-en-07-08.jpg) बी साला तक कनान देस च अपने परिवारा ते दुर रेणे ते बाद, याकुब अपणा परिवार, नोकर, ओर जानवरा जो लेई के साथी वापस आया। ![](https://cdn.door43.org/obs/jpg/360px/obs-en-07-09.jpg) याकुब ईते खतर बहुत डरी रा था कि एसाव अबु बी तिसो मारना चा।ईते खतर तिने बहुत सारे जानवर एसावा गे तोफे रे रुपा च पेजे।जो नोकर तिनाव लई के गे तिने बोलया, “तेरा दास याकुब ईना जानवरा जो तिजो देया।से छोडं ई आवणे लगीरा।” ![](https://cdn.door43.org/obs/jpg/360px/obs-en-07-10.jpg) पर एसाव अब याकुबा जो नी मारना चा था। से तो तिसो फेर देखी के बहुत खुस था। तिते बाद याकुब कनान देसआ च बहुत सुखा कने रेया।तब इसहाक मरी गया ओर याकुब ओर एसावा ने तिसो मिट्‍टी दिती। वादे री कसमा जो परमेसवरे ने अबराहमा कने किती थी से अब एसहाका ते याकुबा पर आई गी। *उत्‍पति पाठ 25:27-35:29 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_07_128kbps.m4a ## 8. परमेसवरा रा युसुफ ओर तिसरे परिवारा जो बचाया https://openbiblestories.org/l/bfz-x-baghati/story-8/ ![](https://cdn.door43.org/obs/jpg/360px/obs-en-08-01.jpg) कई साला बाद, जब याकुब बुडा हुई गया, तब तिने अपने बेटे युसुफा जो अपने पाईया री देख पाल करने पेजया जो जानवरा री देख पाल करा थे। ![](https://cdn.door43.org/obs/jpg/360px/obs-en-08-02.jpg) युसुफ रे पाई तिस कने जला थे इते खतर की तिसरा पिता तिस कने बहुत प्‍यार करा था ओर ईते खतर कि युसुफा ने ईक सुपना देखया था से तिना रा राजा हुई जाणा। जब युसुफ आपने पाईयागे आया तो तिने से केद करी ला ओर गुलामा रा काम करने वाले बपारीया जो बेची ता। ![](https://cdn.door43.org/obs/jpg/360px/obs-en-08-03.jpg) करा जो आवणे ते पैले युसुफा रे पाईया ने तिसरे कपडे फाडे ओर बकरीया रे खुना च रंगीते। तब तिने से कपडे अपने पिता जो दखाए ईते खतर की से सोचो की युसुफा जो कोई जंगली जानवर खाई गा। याकुब बहुत दुखी हुआ। ![](https://cdn.door43.org/obs/jpg/360px/obs-en-08-04.jpg) गुलामा रा काम करने वाले से लोक युसुफा जो मिसर लेई गे।नदीया रे कनारे बसीरा से देस बहुत बडा ओर महान था।तिना गुलामा ने युसुफा जो ईक अमीर बपारीया जो गुलाम बनाई के बेचीता। युसुफा ने अपणे मालिका री बहुत सेवा किती, तब परमेसवरा ने युसुफा पर किरपा किती। ![](https://cdn.door43.org/obs/jpg/360px/obs-en-08-05.jpg) तिसरे मालिका री करआलिया ने युसुफा कने नाजायज रिसता बनाने री कोसिस किती, तब युसुफा ने परमेसवरा रे खिलाफ एडा पाप करने जो ना करीती। तब से गुस्‍सा हुई गी। ओर युसुफा पर चुठा इलजाम लगाया। ईते खतर तिसो बन्‍दी बनाई के जेलाच पेजीता। जेलाच बी युसुफ परमेसवरा रे खतर वफादार रेया, तब परमेसवरा ने तिस पर किरपा दिती। ![](https://cdn.door43.org/obs/jpg/360px/obs-en-08-06.jpg) दो साला बाद अबु बी युसुफ जेला च था, पर से बे कसुर था। इक राती, फिरोन, जिया की मिसरी लोक राजाओ जो बुला थे,ने दो सुपने देखे जिने तिसो बहुत बेचेन करीता। तिसरा कोई बी सला देने वाला तिसो ईते सुपने रा मतलब नी बताई सकया। ![](https://cdn.door43.org/obs/jpg/360px/obs-en-08-07.jpg) परमेसवरा ने युसुफा जो सुपने रा मतलब बताने री विद्या दिती री थी, इते खतर फिरोना ने युसुफा जो जेली ते अपुगे बुलाया युसुफा ने तिसो सुपने रा मतलब बताया ओर बोलया, “बई सारे मिसर देसा च परमेसवर जयादा फसल देने रे सात साला बाद अगले सात साल अकाल पेजणे वाला।” ![](https://cdn.door43.org/obs/jpg/360px/obs-en-08-08.jpg) फिरोन तिस ते इतना खुस हुआ की तिने युसुफा जो मिसरा रा दुजा महान आदमी बनाइता। ![](https://cdn.door43.org/obs/jpg/360px/obs-en-08-09.jpg) युसुफ ने लोका जो सुणी फसल सात साला च कठी करने जो बोलया। जब सात साला रा अकाल आया तब युसुफा ने से लोका जो से फसल बेची ईते खतर की लोका गे खाणे री कमी न ओ। ![](https://cdn.door43.org/obs/jpg/360px/obs-en-08-10.jpg) से अकाल मिसरा च ईनी पडयां, बल्‍कि कनाना च बी बहुत बूरा था जिथी याकुबा रा परिवार रेया था। ![](https://cdn.door43.org/obs/jpg/360px/obs-en-08-11.jpg) ईते खतर याकुबा ने अपणे सबी ते बडा बेटा मिसर देसा च अनाज खरीदने पेजया। जब से अनाज खरीदने खतर युसुफा रे सामणे खडे तब तिने पाईया ने युसुफा जो नी पछाणा। पर युसुफा ने तिना जोपछाणी ला। ![](https://cdn.door43.org/obs/jpg/360px/obs-en-08-12.jpg) ऐ जाणने खतर की क्या से बदली गेरे तिना जो परखणे खतर ,युसुफा ने तिना जो बोलेया, “अऊ तुसा रा पाई युसुफ आ, डरो मत। जब तुसे मिजो गुलामा जो बेचया था तब तुसे मा कने बुरा किता था। पर परमेसवरा ने तिते जो अच्‍छेच बदली ता। तुसे सब जणे ईथी आई जाओ ओर मिसरा च रेओ तब आऊ तुसा रे ओर तुसा रे परिवारा जो अनाजा रा ईतजाम करु।” ![](https://cdn.door43.org/obs/jpg/360px/obs-en-08-13.jpg) जब युसुफा रे पाई करे आए तब तिने अपणे पिता जो बोलेया बी युसुफ अबु जिंदा तब से बहुत खुस हुआ। ![](https://cdn.door43.org/obs/jpg/360px/obs-en-08-14.jpg) ईते खतर की याकुब बहुत बुडा था पर तब बी अपणे पुरे परिवारा जो लेई के मिसर देसा जो चली गया, तब से तिथी बसी गे। याकुबा रे मरने ते पेले, तिने अपणे सारे बेटे पर कीरपा किती। ![](https://cdn.door43.org/obs/jpg/360px/obs-en-08-15.jpg) वादे री जो बात परमेसवरा ने अबराहमा कने किती थी से इसहाक, ओर तिते बाद याकुब, ओर तिते बाद तिसरे बारह बच्‍चे ओर तिना रे परिवारा पर आई गी। से बारा बच्‍चे इसराईला रे बारह कुल बणी गे। *उत्‍पति पाठ 37-50 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_08_128kbps.m4a ## 9. परमेसवरा ने मुसा जो बुला https://openbiblestories.org/l/bfz-x-baghati/story-9/ ![](https://cdn.door43.org/obs/jpg/360px/obs-en-09-01.jpg) युसुफा रे मरनै ते बाद तिसरे सारे रिसतेदार मिसरा च बसी गे। से ओर तिना रे वंशज रे लोक बहुत समय तक तिथी ई रे ओर तिने बहुत सारे बच्‍चे पैदा किते। से इसराईली कहलाए। ![](https://cdn.door43.org/obs/jpg/360px/obs-en-09-02.jpg) कई सौ साला बाद, इसराएलि बहुत बडी गे थे। पर मिसरी री सहायता खतर युसुफा ने जो कुछ कितया था तिते जो मिसरी लोक पुली गे थे। से इसराईलीया ते डरी गे थे से अब बहुत थे। ईते खतर मिसरा रे राजा फिरोना ने से गुलाम बणाई ले। ![](https://cdn.door43.org/obs/jpg/360px/obs-en-09-03.jpg) मिसरियो ने इसरालियो जो बहुत सारी मकान ओर नगर बनाने जो मजबुर किता। बहुत काम करने री वजय ते तिनारा जीवन बहुत दुखी हुआ ,पर परमेसवरे तिना पर आसिस किती ओर तिनारे बहुत बच्‍चे पैदा हुए। ![](https://cdn.door43.org/obs/jpg/360px/obs-en-09-04.jpg) फिरोना ने देखया बी इनारे बहुत बच्‍चे हुणे लगीरे ,ईते खतर तिने अपने लोको जो बोलीकै तिनारे सारे पैदा हुदे छोटे लडके नील नदियाच फेकने रा ओर मारने रा आदेस दिता। ![](https://cdn.door43.org/obs/jpg/360px/obs-en-09-05.jpg) ईक खास ईसरायली ओरता ने इक लडके जो पैदा किता। तिसे ओर तिसा रे घरवालै ने तिस लडके जो जितना से छुपाई सका थे छुपाया। ![](https://cdn.door43.org/obs/jpg/360px/obs-en-09-06.jpg) जब तिस बच्‍चे रे माता पिता तिसो ओर नी छुपाई सके ,तो तिने तिसो मरने ते बचानै खतर ईक तैरने बाली टोकरीया च पाई के घासा रे बीचे नील नदिया रे कनारे छडीता। तिसा री बडी बेणा ने तिस पर नजर रखी की ईस कने अब कया हुणा। ![](https://cdn.door43.org/obs/jpg/360px/obs-en-09-07.jpg) जब फिरोना री लडकीया ने तिसा टोकरिया जो देखया ओर खोलया। तब तिते ईक बच्‍चा था तिसे तिसो गोद लेई ला। तिसे ईक इसरायली ओरता जो तिस बच्‍चे जो दुध पिलाने जो रखया, जो तिसरी असली मां थी। जब से बच्‍चा ईतना बडा हुई गया कि तिसो दुदा री जरुरत नी थी, तब तिसे फिरोना री लडकीया जो तिसो देईता, तिसरा नाम मुसा रखया। ![](https://cdn.door43.org/obs/jpg/360px/obs-en-09-08.jpg) जब मुसा बडा हुई गया, तब इक दिन तिने देखया बी इक मिसरी इक इसराएली जो मारने लगीरा। तब मुसा ने अपने साथी इसराएला जो बचाया। ![](https://cdn.door43.org/obs/jpg/360px/obs-en-09-09.jpg) तब मुसा ने सोचया कि मिजो कोइ नी देखने लगीरा तो तिने तिस मिसरीया जो मारीता ओर दफन करीता। पर मुसा जो किने देखी ला था। ![](https://cdn.door43.org/obs/jpg/360px/obs-en-09-10.jpg) फिरोना जो पता चली गा था। बी मुसा ने क्या किता तिने तिसो मारने री कोसिस किती, पर मुसा मिसरा ते जगला च नठी गया। फिरोना रे सैनिक तिसो नी टोली सके। ![](https://cdn.door43.org/obs/jpg/360px/obs-en-09-11.jpg) मुसा मिसर देसा ते दुर ईक मिधान देसा च रेणे लगया। ओर तिथी ईक छोकरीया कने बया करीला ओर तिसो दो बेटे पैदा हुए। ![](https://cdn.door43.org/obs/jpg/360px/obs-en-09-12.jpg) मुसा अपने ससुरा री पेडा चारा था। ईक दिन तिने ईक चाडीया जो जलदे देखया जो बिना खतम हुए जलने लगी री थी। तितेओ देखने से नेडे गया। जब से तिते रे बहुत नेडे था। तब परमेसवरे तिस कने बात किती तिने बोलया; “हे मुसा, अपने जुते ऊतारी दे। तु इक पवित्र जगह पर खडीरा।” ![](https://cdn.door43.org/obs/jpg/360px/obs-en-09-13.jpg) ओर याकुबा जो परमेसवरा ने बोलया, “मै अपने लोका रे दु;ख देखीरे। अऊ तिजो फिरोना गे पेजगा ओर तु इसराईला जो मिसरा री गुलामीया ते निकाली ले अऊ तिना जो कनान देस देगा, से देस जिते जो अबराहम, इसहाक देणे रा वादा कितया।” ![](https://cdn.door43.org/obs/jpg/360px/obs-en-09-14.jpg) मुसा ने पुछा, “कि अगर लोका ने मा ते पुछया की तु किने पेजया तो क्या बोलणा।” परमेसवरा ने बोलेया, “अऊ जोआया से आया, तिना जो बोलो, मै हु ने मिन्जो पेजया है। ओर ऐ बी बोलणा अऊ तुसा रे पुरवज अबराहम, इसहक याकुब रा परमेसवर यहोवा हु। मेरा यह नाम सदा रा है।” ![](https://cdn.door43.org/obs/jpg/360px/obs-en-09-15.jpg) मुसा डरा था ओर फिरोना गे नी जणा चादा था से सोचा था बी से गलाई नी पाणा, ईते खतर परमेसवरा ने मुसा रे पाईया हारुना जो तिस री मदद करने पेजया। *निर्गमन पाठ 1- 4 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_09_128kbps.m4a ## 10. परमेसवरा ने मिसर देसा पर दस विपतिया पेजी https://openbiblestories.org/l/bfz-x-baghati/story-10/ ![](https://cdn.door43.org/obs/jpg/360px/obs-en-10-01.jpg) परमेसवरा ने मुसा ओर हारुना जो बोलया बी फिरोन सख्‍त हुई जाणा। जब से फिरोना गे पहुचे तो तिने बोलया, “इसरायल का परमेसवर ईया बोला, ‘मेरे लोका जो जाणे दे’।” पर फिरोना ने तिनारी नी सुणी ओर इसराईला जो छडने री बजाए तिना ते जादा मेहनत करने जो मजबुर किता। ![](https://cdn.door43.org/obs/jpg/360px/obs-en-10-02.jpg) फिरोन तिनाव जो जाणे ते लगातार ना करने लगी रा था, ईते खतर परमेसवरे मिसरा पर दस आपती पेजी। ईते खतर कि परमेसवरा ने फिरोना जो बताया कि से मिसरा रे देवी देवता ते जादा महान आ। ![](https://cdn.door43.org/obs/jpg/360px/obs-en-10-03.jpg) परमेसवरे नील नदिया रे पाणीया जो खुना साई करिता,पर अबु भी फिरोना ने तिनै जो नी जाणे दितया । ![](https://cdn.door43.org/obs/jpg/360px/obs-en-10-04.jpg) परमेसवरा ने सारे मिसरा च मेढक पेजे ।फिरोना ने मेढक जो दुर करने खतर मुसा जो बोलया, “तब तक सारे मेढक मरी गे थे, फिरोना ने अपने मना जो सखत करी ला पर इसरायला जो मिसरा ते नी जाणे दितया।” ![](https://cdn.door43.org/obs/jpg/360px/obs-en-10-05.jpg) ईते खतर परमेसवरा ने काटणे वाली मक्‍खी पेजी। तिते बाद डासो री फिरोना ने मुसा ओर हारुन जो बोलया बी से ऎ बन्‍द करी देगे तो से इसरायली जो मिसरा ते जाणे देगा। तब मुसा ने परमेसवरा कने विनती किती तब सारी विपती दुर हुईगी। तब बी फिरोना ने इसरायली जो नी जाणे दितया। ![](https://cdn.door43.org/obs/jpg/360px/obs-en-10-06.jpg) ईते बाद परमेसवरा ने सारे पालतु जानवर बिमार हुई के मरी गे। तब बी फिरोना रा मन कठोर हुईगा ओर तिने इसराइलीया जो नी जाणे दितया। ![](https://cdn.door43.org/obs/jpg/360px/obs-en-10-07.jpg) तब परमेसवरा ने मुसा जो फिरोना सामणे हवा च सवा फेकने जो बोलया। जब तिने एडा कितया तब मिसरीया रे शरिरा च फोडे निकली गे पर इसराइला लोका जो कुछ नी हुआ। परमेअवरा ने फिरोना रे मना जो कठोर करी, ता पर फिरोना ने तिना जो नी जाणे दितया। ![](https://cdn.door43.org/obs/jpg/360px/obs-en-10-08.jpg) ईते बाद, परमेसवरा ने ओले बरसाए ओर मिसरा री सारी फसल खराब हुईगी ओर जो कोई बी बार आया तिसो मारीता। तब फिरोना ने मुसा ओर हारुना जो बुलाया ओर बोलया मै पाप कितरा। ओर तुसे लोक अब जाई सकाऐ। तब मुसा ने दुआ किती ओर, अकाशा ते ओले गिरने बन्‍द हुई गे। ![](https://cdn.door43.org/obs/jpg/360px/obs-en-10-09.jpg) पर फिरोना ने फेर पाप किता अपने मना जो फेर कठोर करीला ओर इसराइला जो जाणे नी दिता । ![](https://cdn.door43.org/obs/jpg/360px/obs-en-10-10.jpg) तब परमेसवर ने मिसरा पर टिडीया रा हमला किता। ईना टिडीया नेसारी फसल खाइली। जो फसल ओलया ते बची गी थी। ![](https://cdn.door43.org/obs/jpg/360px/obs-en-10-11.jpg) तब परमेसवरा ने बहुत नेरा करीता जो तीन दिना तक चलया। ये इतना ज्‍यादा था नेरा था कि मिसरी लोक बार नी नीकली सके। पर जिथी इजराईल रे थे तिथी सवेरा था। ![](https://cdn.door43.org/obs/jpg/360px/obs-en-10-12.jpg) इना नौ आपतिया ते बाद बी, तिने इसराइलीया जो जाणे नी दिता। तब परमेसवरा ने इक आखरी योजना बनाई इसे फिरोना रा मन बदली देना। *निर्गमन पाठ 5-10 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_10_128kbps.m4a ## 11. फसह रा त्‍योहार https://openbiblestories.org/l/bfz-x-baghati/story-11/ ![](https://cdn.door43.org/obs/jpg/360px/obs-en-11-01.jpg) परमेसवर ने मुसा ओर हारुना जो फिरना गे ऐ बोलणे जो पेजया बी इसराईला जो जाणे दे। नितो परमेसवर तिना रे जानवरा ओर लोका रे सब जेठा बेटो जो मारी देगा। फिरोना ने परमेसवरा री ऐ बात मानने ते ओर विसवास करने ते भी ना करती। ![](https://cdn.door43.org/obs/jpg/360px/obs-en-11-02.jpg) परमेसवरा ने अपु पर विसवास करने वाले किसी रे भी जेठे बेटे जो नुकसान ना हो इते खतर इक काम कितया। हऱ परिवारा जो इक खरी भेडा रा बच्‍चा लेइ के तिसरी बली देनी थी। ![](https://cdn.door43.org/obs/jpg/360px/obs-en-11-03.jpg) परमेसवरा ने इसरायली ते तिस पेडा रे बच्‍चे रा खुन लेइ के अपने घरा रे देवलिया पर लगाने जो बोलया। तिना जो तिसरा मास पुनी के अखमीरी रोटिया कने जल्दी जल्दी खाना था। तिने तिस रोटिया जो खाने ते बाद तिना जो ईक दम मिसर देस छडने जो बी बोलया। ![](https://cdn.door43.org/obs/jpg/360px/obs-en-11-04.jpg) परमेसवरा ने जेडा इसराईला जो करने जो बोलया तिने तेडा ई कितया। आदि राता जो परमेसवर हर इक पैले बेटे जो मारदा मिसरा रे बिचे ते निकलेया। ![](https://cdn.door43.org/obs/jpg/360px/obs-en-11-05.jpg) इसराईला रे हर देवलिया पर खुन लगी रा था, ईते खतर तिना घरा जो छडीता। तिना घरा रे सारे लोक ठीक थे। से भेडा रे बच्‍चे रे खुन रे कारन बच गए ![](https://cdn.door43.org/obs/jpg/360px/obs-en-11-06.jpg) पर मिसरिया ने परमेसवरा पर विसवास नी कितया ओर तिसरे आदेसा जो नी मानया। इते खतर परमेसवरा नेतिना रे घरा जो नी छडया। ओर मिसरिया रे हर पैले बेटे जो मारीता। ![](https://cdn.door43.org/obs/jpg/360px/obs-en-11-07.jpg) जेला खाने रे कैदियो रे पेले बच्‍चेया ते लेई ने, फिरोना रे पैले बच्‍चे तक सब मरी गे। दुखा रे खतर सारे मिसरी रोने लगे। चिगने लगी रे थे। ![](https://cdn.door43.org/obs/jpg/360px/obs-en-11-08.jpg) उसी रात फिरोना ने मुसा ओर हरुना जो बुलाया ओर बोलया, इसराईलियो जो लेई के मिसरा ते चली जवो ओर लोका ने भी तिनाव इक दम जाणे जो बोलया। *निर्गमन पाठ 11:1-12:32 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_11_128kbps.m4a ## 12. इसराइली लोका रा मिसर देसा ते निकलना (निर्गमन) https://openbiblestories.org/l/bfz-x-baghati/story-12/ ![](https://cdn.door43.org/obs/jpg/360px/obs-en-12-01.jpg) इसराईली मिसरा ते निकली के बहुत खुस थे। से अब गुलाम नी थे, ओर से वादे रे देसा जो चलीरे थे, जो कुछ बी इसराईला ने मंगया मिसरीया ने तिना जो से सब कुछ देइता, सोना चांदी ओर बहुत किमती चीजा। दुजे देसा रे लोका ने बी परमेसवरा पर विसवास किता ओर जब इसराईली लोक मिसरा ते निकले तब से भी तिना कने चली गे। ![](https://cdn.door43.org/obs/jpg/360px/obs-en-12-02.jpg) दिना च इक बादला रा जो इक बडा खम्‍भा तिना रे आगे चलया ओर राती जो ऐ आगी रा खम्‍भा बनी गया। परमेसवर जो तिते खम्‍भे च था, तिने हमेसा तिना रा साथ दितया ओर तिना कने रेया। तिना जो बस परमेसवरा रे पिछे चलना था। ![](https://cdn.door43.org/obs/jpg/360px/obs-en-12-03.jpg) कुछ समय बाद फिरोना ने ओर तिसरे लोका ने अपना मन बदलिता। से इसराइला जो फेर अपना गुलाम बनाणा चा थे।इते खतर से तिना रे पिछे गे। परमेसवरा ने ही तिना रा मन दुबारा बदलया था।तिने एडा ईते खतर कितया कु की सबी जो पता लगी जवो कि परमेसवर तिना रे देवता ते जादा महान आ ![](https://cdn.door43.org/obs/jpg/360px/obs-en-12-04.jpg) जब इसराइला ने मिसरा जो आवदे देखया तब तिना जो पता लगया कि से फिरोना री सेना ओर लाल समुदरा रे बीचे फसी गेरे। से बहुत डरीगे ओर रोणे लगे कि असे मिसर क्‍यु छडया अब असे मरी जाणे। ![](https://cdn.door43.org/obs/jpg/360px/obs-en-12-05.jpg) ने इसराइलीया जो बोलया, “डरो मत परमेसवर आज तुसा खतर लडना ओर तुसे बचाने।” तब परमेसवरे मुसा मुसा जो बोलया, ईना लोका जो लाल समुदरा री तरफ लेई चल। ![](https://cdn.door43.org/obs/jpg/360px/obs-en-12-06.jpg) तब परमेसवरा ने तिस खम्‍बे जो इसराइली ओर मिसरिया रे बीचे रखी ता ताकी से ईक दुजे जो ना देखी सको। ![](https://cdn.door43.org/obs/jpg/360px/obs-en-12-07.jpg) परमेसवरा ने मुसा जो समुदरा रे सामने हाथ बडाने जो बोलया। तब परमेसवरे समुदरा जो दोनो तरफा जो दाई ओर बाई करीता, जिते री वजय ते समुदरा च ईक रसता बनी गया। ![](https://cdn.door43.org/obs/jpg/360px/obs-en-12-08.jpg) इसरायली तब दोनो तरफ बनी री पाणीया री दिवारा रे बीचे सुखी तरतिया पर चली पडे। ![](https://cdn.door43.org/obs/jpg/360px/obs-en-12-09.jpg) तब परमेसवरा ने तिते रसते बादला रे खम्भे जो चकी ला ताकी मिसरी लोक इसराइला जो जादे देखी सको।मिसरियो ने तिना जो पकडने खतर तिना रा पिछा किता। ![](https://cdn.door43.org/obs/jpg/360px/obs-en-12-10.jpg) तब तिने समुदरा रे रसते इसराईला रा पिछा किता, पर परमेसवरा ने तिना जो डराइता ओर तिना रे रथा जो अटकाइ ता।तब से चिगने लगे ओर तिथी ते नठीगे ओर बोलने लगे परमेसवर इसरालिया री तरफा ते लडने लगीरा। ![](https://cdn.door43.org/obs/jpg/360px/obs-en-12-11.jpg) तब सब इसराइली समुदरा री दुजी तरफ पहुची गे। तब परमेसवरा ने मुसा जो बोलया, “कि दुबारा पाणीया री तरफ हाथ बडा।” जब मुसा ने ऐडा कितया, तब पाणीया मिसरी सेना पर आईगा कने मिसरी सेना डुबीगे ओर पाणी दुबारा समुदरा च बदली गा। ![](https://cdn.door43.org/obs/jpg/360px/obs-en-12-12.jpg) तब इसराइलिया ने देखया बि मिसरी मरीगे तब तिने परमेसवरा पर विसवास किता। कि मुसा परमेसवरा री तरफा ते भविश्यवकता पेजीरा। ![](https://cdn.door43.org/obs/jpg/360px/obs-en-12-13.jpg) इरायली लोक बहुत खुस थे परमेसवरा ने तिना जो मरने ओर गुलामीया ते बचाई लया था ।अब से परमेसवरा री महिमा ओर आज्ञा मानने खतर अजाद थे इसराईलियो ने अपनी अजादी ओर परमेसवरा री महिमा खतर बहुत गीत गाए परमेसवरे तिना जो मिसरी या री सेना ते मरने ते बचाया। ![](https://cdn.door43.org/obs/jpg/360px/obs-en-12-14.jpg) परमेसवर ने तिना जो हर साल ईक परव मनाने जो बोलया ईते खतर की किया परमेसवरा ने मिसरियो जो हराया ओर गुलामीया ते आजाद किता ओर ईते जो फसह रा परव बोलया। इतेच ईक तगडा पेडा रा बच्‍चा बलि करना था तिते जो पुजी के खाना था, बिना खमीरा री रोटीया कने। *निर्गमन पाठ 12:33-15:21 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_12_128kbps.m4a ## 13. इसराइला कने परमेसवरा रा वादा https://openbiblestories.org/l/bfz-x-baghati/story-13/ ![](https://cdn.door43.org/obs/jpg/360px/obs-en-13-01.jpg) इसरालिया जो लाल समुदरा जो पार करने ते बाद, परमेसवर तिना जो जगलाच सीनै कहलाने वाले परवता री तरफ लेईगा। ऐ सेई परवत था जिथी मुसा ने जलदी चाडी देखी थी। तिना लोका ने तिते एठे अपने रेणे जो तम्‍बु लगाए। ![](https://cdn.door43.org/obs/jpg/360px/obs-en-13-02.jpg) परमेसवरा ने मुसा ओर सब इसराइला जो बोलया, “कि तुसा जो सदा मेरी बात माननी पडनी ओर जो वादा अऊ तुसा कने करा से बनाई रखना। जे तुसे ऐडा कितया तो अऊ तुसा जो बहुत सारा धन, याजको रा देश ओर ईक अपनी पवित्र जाती देगा।” ![](https://cdn.door43.org/obs/jpg/360px/obs-en-13-03.jpg) तिना लोका ने परमेसवरा तक आवने खतर अपु जो तीन दिन लगाए। तब परमेसवर सीनै परवता परा ते ऊदे उतरा तब तुफान आया, बिजली गीरी, तुआ ऊठा ओर तुहरीया री आवाज हुइ। तब मुसा परवता पर चडंया। ![](https://cdn.door43.org/obs/jpg/360px/obs-en-13-04.jpg) तब परमेसवरा ने तिना कने ईक वादा किता, “कि अऊ तुसा रा परमेसवर यहोवा हु।” अऊ हि आ जिने तुसा जो गुलामीया ते आजाद किता। इते खतर किसी ओर देवता री पुजा नी करनी। ![](https://cdn.door43.org/obs/jpg/360px/obs-en-13-05.jpg) “मुरतिया री पुजा नी करनी, अऊ ही तुसा रा ईक परमेसवर आ। बिना मतलब मेरा नाम मजाका च नी लेणा। सब्‍त रा दिन सच्‍चा मानणा छ; दिनअ अपना काम करना ओर सातवे दिन अराम ओर मेरी अराधना करने रा दिन आ।” ![](https://cdn.door43.org/obs/jpg/360px/obs-en-13-06.jpg) “अपणे माता पिता रा सम्‍मान करना। किसी जो मारना नी, ब्यभिचार नी करना। चोरी नी करनी। दुजेरी ओरता तिसरे कर तिसरे किसी बी समाना ओर नी देखना।” ![](https://cdn.door43.org/obs/jpg/360px/obs-en-13-07.jpg) परमेसवरा ने तिना लोका जो जो आज्ञा दिती थी से तिते रा पालन करने खतर मानी गे। से परमेसवरा रे लोक हुणे रा ओर केवल तिसरी गीत गाने खतर मानी गे। ![](https://cdn.door43.org/obs/jpg/360px/obs-en-13-08.jpg) परमेसवर ने इसराईला जो इक बडा सारा तम्‍बु बनाने जो बोलया मिलाप वाला तम्‍बु तिने तिना जो बताया बी ऐ किया बनना, ओर इते च कया रखणा। तिस तम्‍बुआ जो दो भागा च ओर इक बडा परदा बनाने जो बोलया। परमेसवर तिसा परदे रे पिछे वाले कमरे च आवणा ओर तिथी रेणा। जिथी परमेसवर था तिथीजाणे री आज्ञा बस मुखय बडा परदान जो थी। ![](https://cdn.door43.org/obs/jpg/360px/obs-en-13-09.jpg) तिना लोका जो तम्बुआ सामने ईक बेदी बनानी थी। जो कोई परमेसवरा री बात ना मानो तिसो इक जानवर बलि करना पडना जो पुजारी परमेसवरा जो बलीया रे रुपाच जलागा। परमेसवरा ने बोलया बी तिस बलीया रा खुन तिसरे पापा जो माफ करगा ईते खतर परमेसवर तिते पापा जो नी देखगा। से मानव परमेसवरा री नजरा च ठीक रेणा। परमेसवरा ने मुसा ओर हारुना रे परिवारा जो यहुदी पुजारीरे रुपाच चुनया। ![](https://cdn.door43.org/obs/jpg/360px/obs-en-13-10.jpg) तब परमेसवरा ने दस आज्ञा पथरा री सीला पर लिखि के मुसा जो देइ तीया। ओर मानने खतर बहुत सारी ओर आज्ञा दितीया अगर तिने इना रा पालन किता तो परमेसवरा ने तिना रा खयाल ओर देखरेख करने री वादा किता। पर तिने बोलया जे तुसे ईना आज्ञा रा पालन नी किता तो अऊ तुसा जो सजा देगा। ![](https://cdn.door43.org/obs/jpg/360px/obs-en-13-11.jpg) कई दिना तक मुसा, सीने परवता पर ई रेया। से परमेसवरा कने बात करदा रेया। पर लोक तिसो निआल दे थकी गे। ईते खतर से हारुना गे सोना लेइके आय ओर तिसो मुरति बनाने जो बोलया बई से तिते री पुजा करी सको। इते खतर तिने परमेसवरा रे खिलाफ बडा पाप कितया। ![](https://cdn.door43.org/obs/jpg/360px/obs-en-13-12.jpg) हारुना ने बछडे रे अकारा री ईक सोने री मुरती बनाई। तिने लोके तिते री पुजा करनी सुरु करती ओर तिसाओ बलि चडाई! तिना रे पापा रे कारण परमेसवर तिना ते बहुत दु;खी हुआ। से तिना जो खतम करना चा था। पर मुसा ने तिना जो नी मारने दिता ओर परमेसवरा कने हाथ जोडे। परमेसवरा ने तिसरी दुआ सुनी ओर तिना जो नी मारया। ![](https://cdn.door43.org/obs/jpg/360px/obs-en-13-13.jpg) अब मुसा सीने परवता परा ते उतरी आया। से दो पत्‍थरा री सीला लई के जिते परमेसवरा ने दस आज्ञा लिखी री थी। तब तिने से मुरती देखी। तब तिसो बहुत गुस्‍सा आया ओर तिने से सीला तोडी तिया। ![](https://cdn.door43.org/obs/jpg/360px/obs-en-13-14.jpg) तब मुसा ने तिस मुरतिया जो तोडीता ओर तितेरा बुरादा बनाई ता, तब से बुरादा तिना जो पाणीया च मिलाईके पिलाईता। परमेसवरा ने तिना पर इक विपति पेजी तिते ते बहुत सारे लोक मरी गे। ![](https://cdn.door43.org/obs/jpg/360px/obs-en-13-15.jpg) जिना सीला जो मुसा ने तोडी ता था तिना री जगह खतर मुसा ने नई सीला बनाई (दस आज्ञा खतर) तब से फेर परवता पर चलीगा ओर परमेसवरा ते तिना लोका खतर माफी मंगी। परमेसवरा ने मुसा री सुणी ओर तिना जो माफ करीता। नई सीला ओर दस आज्ञा जो लेई के मुसा परवता परा ते उन्‍दे आइ गया। तब परमेसवरा ने सीने परवता ते लेई के वादा वाले देसा तक तिना री अगुवाई किती। *निर्गमन पाठ 19-34 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_13_128kbps.m4a ## 14. इसराईली लोका रा जगला च पटकना https://openbiblestories.org/l/bfz-x-baghati/story-14/ ![](https://cdn.door43.org/obs/jpg/360px/obs-en-14-01.jpg) इसराईली लोका जो सारे नियम बताणे ते बाद, परमेसवरा ने सीने परवता ते आगे तिना लोका री अगुआई किती। परमेसवर तिना जो वादा वा ले देसा च लेई जाणा चा था। ऐ देस कनाना रे नावा ते भी आ था। परमेसवर बादला रे खम्‍बे च तिना रे आगे आगे चलया, ओर से तिना रे पिछे चले । ![](https://cdn.door43.org/obs/jpg/360px/obs-en-14-02.jpg) परमेसवरा ने अबराहम, इसहाक, याकुबा कने कसम खाई थी कि सेवादा वाला देस तिना रे कुला जो देगा, पर तिथी अबु बहुत सारी जातिया रे लोक रे थे से कनानी थे। ऐ सारे लोक परमेसवरा री पुजा नी करदे थे ओर तिस री आज्ञा नी मानदे थे। से चुठे देवताओ री पुजा करा थे ओर बुरे काम करा थे। ![](https://cdn.door43.org/obs/jpg/360px/obs-en-14-03.jpg) परमेसवरा ने इसराइला जो बोलया, “जब तुसे तिस कसमा वाले देसा च जावो तब सब कनानी या ते दुरी कर लेना।” तिना कने समजोता नी करना ओर तिना कने बया नी करना। तुसा जो तिना री सारी मुरतीया जो तोडी देणा। जे तुसे एडा नी कितया तो तुसे मेरी वजह तिना रे देवताओ री पुजा करने लगी जाणे। ![](https://cdn.door43.org/obs/jpg/360px/obs-en-14-04.jpg) जब इसराइली कनान देसा री सीमा पर गए, तब मुसा ने तिना रे सारे गोताच ते ईक ईक बारह आदमीया जो लेया ओर बोलया कि जावो ओर देखो कि ऐ केडा देसआ। तिना जो कनानीया रा पेत लेना था। कि से ताकत वरे की कमजोर थे। ![](https://cdn.door43.org/obs/jpg/360px/obs-en-14-05.jpg) तिना बारह आदमीया ने कनान देसा च चाली दिन कुमे ओर तब वापिस आईगे। तब तिने बताया बई ईथी बहुत फसल हुआई ओर बहुत ऊपजाउ देस आ। ओर दस आदमीया ने बोलया बई तिनारा नगर बहुत ताकतवर आ ओर से लोक लम्‍बे चोडें। जे असे तिना पर हमला कितया तो तिने असे हराई देने ओर माऱी देने। ![](https://cdn.door43.org/obs/jpg/360px/obs-en-14-06.jpg) तबी कालेब यहोशू ओर दो आदमीया ने बोलया, “कि बेसक से लबें ओर ताकतवर ऐ, पर असे तिना जो हराई सकाए! परमेसवर असा खतर लडेगा।” ![](https://cdn.door43.org/obs/jpg/360px/obs-en-14-07.jpg) पर तिना लोका ने कालेब ओर यहोशुआ री नी सुणी। से तिना पर गुस्‍सा हुईगे ओर बोलया, “तुसे असा जो ईथी क्‍यु लाए असा जो मिसरा च ही रेणा चहीए था। जे असे तिस देसाच जाए तो मारे जाणे,ओर कनाना रे लोक असा री करवाली ओर बच्‍चेया जो गुलाम बनाई लेगे।” से लोक दुबारा मिसर देस जाणे खतर ईक नया परदान टोलने लगे। ![](https://cdn.door43.org/obs/jpg/360px/obs-en-14-08.jpg) जब तिना लोका ने एड़ा बोलया तब परमेसवरा जो बहुत गुस्‍सा आया। से मिलापा वाले तम्‍बुआ ते आया ओर बोलया, तुसे मेरे खिलाफ बरोध किता, ईते खतर तुसा सबी जो जगलां च रुलना पड़ना। तुसा मे ते जो बी साला रा ओर तिते ज्‍यादा से मरी जाणा ओर कदी बी तिस देसा च नी पहुचना जो अऊ तुसा जो देगा सिरफ कालेब ओर यहोशु ही तिथी जाणे। ![](https://cdn.door43.org/obs/jpg/360px/obs-en-14-09.jpg) जब लोका ने ऐड़ा सुणया तब से दु;खी हुए तब तिने पाप कितया था। ईते खतर तिने कनाना पर हमला करने रा फैसला कितया मुसा ने तिना जो तिथी ना जाणे रा फेसला कितया अब परमेसवर तिना कने नी जाणा, पर से नी माने। ![](https://cdn.door43.org/obs/jpg/360px/obs-en-14-10.jpg) परमेसवर तिना कने इस लडाईया नी गया, ईते खतर कनानीया ने तिना जो हराईता ओर बहुत मरी गे। तब इसराइली तिथी ते वापस मुड़ी गे। ओर चाली साला खतर जगला च फिरदे रे। ![](https://cdn.door43.org/obs/jpg/360px/obs-en-14-11.jpg) एसरइली चाली साला तक जगला च घुमदे बखत, परमेसवरा ने तिना री सारी जरुरता पुरी किती। तिने तिना जो स्‍वरगा री रोटी मन्‍ना दिती। परमेसवरा ने तिना खतर बटेरा रे चुन्‍ड पेजे ईते खतर की तिना गे खाने खतर मांस ओ। जब तक, से जगला च रहे तब तक परमेसवरा ने तिना रे कपडे ओर जुते फटणे नी दिते। ![](https://cdn.door43.org/obs/jpg/360px/obs-en-14-12.jpg) परमेसवरा ने तिना रे पिने खतर चमतकार किता ओर चट्‍टाना ते पाणी कडया। परन्‍तु ईते बाद बी, इसराइली लोका परमेसवरा रे ओर मुसा रे खतर बोले ओर बुडबुडाए। तब बी परमेसवर दयावान था तिने जो वादा किता था, अबराहम, एसहाक, ओर याकुब रे वंशा खतर करगा से कितया। ![](https://cdn.door43.org/obs/jpg/360px/obs-en-14-13.jpg) इकबार दुबारा इसराइला गे पाणी नी था, परमेसवरा ने मुसा जो बोलया, “चट्टाना कने बात कर, तब तिते ते पाणी निकलना।” पर मुसा ने एडा नी कितया, तिने चट्‍टाना पर दो बार चोट मारी। तिने परमेसवरा रा अपमान कितया। सबी खतर पाणी तो निकली गा, पर परमेसवर मुसा कने गुस्‍सा हुई गया। तिने बोलया, “ते मेरा अपमान कितया ईते खतर तु वादे रे देसा च नी जाई सकदा।” ![](https://cdn.door43.org/obs/jpg/360px/obs-en-14-14.jpg) जब इसरायली चालीस साला तक जगला च पटकदे रे,तब जिने परमेसनरा रे खिलाफ विरोध किता। से सब मरी गै। तब परमेसवर तिना लोका जो दुबारा तिस वादे रे देसा तक लेई गया। अब मुसा बुडा हुई गया था,तब परमेसवरा ने लोका री अगुवाई खतर यहोशू आ जो चुनया। परमेसवरा ने मुसा कने ये वादा कितया था बई से ईक दिन तिना लोका गे मुसा साई ईक भविश्यवकता पेजगा। ![](https://cdn.door43.org/obs/jpg/360px/obs-en-14-15.jpg) परमेसवरा ने तब मुसा जो ईक परवता री चोटिया पर जाणे जो बोलया ताकी से वादा रे देसा जो देखी सको। मुसा ने से वादा रा देस देखया।पर परमेसवरा ने तिसो तिते जाणे नी दितया। तब मुसा मरी गया, इसरायलीया ने ती दिना तक शोक मनाया। यहोशु तिना रा नया परदान बणया। यहोसू ईक अच्‍छा परदान था तिने परमेसवरा पर विसवास किता ओर तिसरी बात मानी। *निर्गमन पाठ 16-17, गिनती 10-14, 20:27, व्‍यवस्‍थाविवरण 34 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_14_128kbps.m4a ## 15. वादा रा देस https://openbiblestories.org/l/bfz-x-baghati/story-15/ ![](https://cdn.door43.org/obs/jpg/360px/obs-en-15-01.jpg) आखिर कार से समय आई गया जब इसरायली वादा वाले देस,कनान च आवणे। कनान देसा च यरीहो नामा रा ईक नगर था। तिते री रक्शा खतर चारो तरफा जो पक्‍की दवाला थी। यहोशू आ ने तिस नगरा च दो लोका जो पेजया तिस नगरा च राहाब नामा री ईक वेश्‍या रे थी। तिसे ईना दो लोका जो छुपाया, ओर बची के निकलनै च मदद किती। तिसे ऐडा ईते खतर तितया से परमेसवरा पर विसवास करा थी। जब इसरायली लोक यरीहो पर हमला करगे तब तिने राहाब ओर तिसा रे परिवारा जो बचाने रा वादा किता। ![](https://cdn.door43.org/obs/jpg/360px/obs-en-15-02.jpg) इसरयली जो वादे वाले देसाच जाणे खतर यरदन नदी पार करनी थी। परमेसवर ने यहोशू जो बोलया, “याजका जो पेलै जाणे दे। जब याजका ने यरदन नदीया च अपने पैर रखे तब पाणीया रा बेणा बन्‍दं हुई गया, तब इसरायली लोक नदिया रे दुजी तरफ सुखी तरतिया पर जाई सको।” ![](https://cdn.door43.org/obs/jpg/360px/obs-en-15-03.jpg) इसराईला ने नदी पार करी ली तब परमेसवरा ने यहोशू आ जो बोलया कि यरीहो पर हमला करने जो तैयार हुई जाओ,से बहुत पक्‍का शहर था। तब परमेसवरा ने बोलया कि ओर सैनिक छ: दिना तक तिस शहर रे चारो तरफ चक्‍कर लगावो। तब परदान ओर सैनिका ने ऐडा ई कितया। ![](https://cdn.door43.org/obs/jpg/360px/obs-en-15-04.jpg) तब सातवे दिन, इसरायलीया ने तिते सहर रे चारो तरफ सात बार ओर चक्‍कर लगाने ते बाद, याजका ने तुरहियां बजाई ओर सेनिका जो जोरा कने बोलया। ![](https://cdn.door43.org/obs/jpg/360px/obs-en-15-05.jpg) सातवा चकर लगाणे ते बाद यरीहो री चारो तरफा री दवाली टूटी गीया! जिया परमेसवरा ने बोलया था इसराइला ने नगरा री सारी चीजा तोडी तिया। तिने बस राहब ओर तिसा रे परिवारा जो छडिता, से इसराइला कने मिली गै थे। जब कनाना रे लोका ने सुणया बई इसराइला ने यरीहो जो खतम करी ता तो से डरी गे ,बई इसरायली लोक तिना पर बी हमला करी सकाए। ![](https://cdn.door43.org/obs/jpg/360px/obs-en-15-06.jpg) परमेसवरा ने इसराइला जो बोलया था बई कनाना च रेणे वाले किसी बी जातिया रे लोका कने कोई बी बात नी करनी। पर गिबोनियो नामा री ईक कनानी जाती या ने यहोशूआ कने चुठ बोलया बी से कनाना रे नीए। तिने यहोशूआ कने बात करने जो बोलया। तब यहोशू ओर इसरायलीया परदाना ने परमेसवरा ते बिना पुछे तिना कने (गिबोनियो) बात किती ओर अपु कने मिलाई ले। ![](https://cdn.door43.org/obs/jpg/360px/obs-en-15-07.jpg) तिन दिना बाद, इसराइलिया जो पता लगया बी गिबोनी लोक कनाना च ही रे थे। तब से गुस्‍सा हुई गे बई गिबोनियो ने तिना जो तोखा दितया। पर तिने तिना कने अपनी बात बनाई रखी क्‍यो कि से बात परमेसवरा सामने किती थी। तब कुछ समय बाद,कनाना च रेणे वाली इक ओर जाती,एमोरियो रे राजा ने सुणया बई गिबोनियो ने इसराइला कने बात करि ली,ईते खतर तिनै सबी ने अपनी ईक बडी सेना बनाई ओर गिबोना पर हमला करीता। गिबोनियो ने तिना री मदद करने खतर यहोशू गे ईक चिठ्ठी पेजी। ![](https://cdn.door43.org/obs/jpg/360px/obs-en-15-08.jpg) तब यहोशू ने इसराइला री सेना कटठी किती ओर गिबोनिया तक पहुचने जो पुरे ईक राती रा सफर किता। सबेरे ही तिने एमोरियो जो चकित करीता ओर तिना पर अमला करीता। ![](https://cdn.door43.org/obs/jpg/360px/obs-en-15-09.jpg) तिस दिन परमेसवर इसराइला खतर लडया। तब से डरीगे ओर परमेसवरा ने तिना पर बडे बडे ओले गिराइके कई एमोरियो जो मारीता। ![](https://cdn.door43.org/obs/jpg/360px/obs-en-15-10.jpg) परमेसवरा ने सुरजा जो बी ईक जगा पर खडा करीता। ईते खतर बई इसराईला जो पुरा समा मिली जाओ एमोरियो जो हराने खतर। तिस दिन, परमेसवरा ने एसराइला खतर बडी जीत हासिल किती। ![](https://cdn.door43.org/obs/jpg/360px/obs-en-15-11.jpg) परमेसवरा ने जब तिनाओ हराई ता, तब बहुत सारे कनानी लोका ने कठे हुई के इसराईला पर हमला करने री सोची। यहोशू ओर इसराइला ने हमला करी के तिना जो खतम करीता। ![](https://cdn.door43.org/obs/jpg/360px/obs-en-15-12.jpg) ईना अमले ते बाद,परमेसवरे इसराइला रे सारे कुला जो तिना रा हिसा दिता। परमेसवरे इसराइला जो तिना री सारी तरतिया पर आसिस दिती। ![](https://cdn.door43.org/obs/jpg/360px/obs-en-15-13.jpg) यहोशू जब बुडा हुई गया तब तिने इसराइला रे सारे लोका जो बुलाया। तब यहोशू ने तिना जो बोलया बई तिने तिस वादे जो निबाणे री कसम खाई थी जो परमेसवरा ने तिना कने सीनै परवता पर बन्‍नी थी। तिना लोका ने परमेसवरा रे खतर ईमानदार रेणे री ओर तिसरी नियमा रा पालन करने रा वादा किता। *यहोशू पाठ 1-24 ते ईक बाईबला री* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_15_128kbps.m4a ## 16. छुडाणे वाला https://openbiblestories.org/l/bfz-x-baghati/story-16/ ![](https://cdn.door43.org/obs/jpg/360px/obs-en-16-01.jpg) यहोशू आ रे मरने ते बाद इसराईला ने परमेसवरा री हुकुम नी माना। तिने परमेसवरा रे नियमा रा पालन नी किता, तिने तिस देसा च बचीरे कनानीया जो बार नी कडया। इसराइला ने अपने सच्‍चे परमेसवरा यहोवा जो छडी के कनानीया रे देवतेया री पुजा करने लगे। इसराईला गे कोई राजा नी था, ईते खतर जो जिसो ठीक लगया तिनै सई कितया। ![](https://cdn.door43.org/obs/jpg/360px/obs-en-16-02.jpg) परमेसवरा री हुकुम नी मानने खतर इसराईला ने इक नवी रवाज सुरु करीती जिते जो कई बार कितया गया। कुछ साला तक इसराइली परमेसवरा री बात नी मान्‍दें थे, तब परमेसवर तिना जो सजा देने खतर दुजे देसा ते अमला करवा था। ऐ दुसमन तिना जो लुटि ले थे, ओर तिना रे करा जो उजाडी दे थे,ओर तिना जो मारि दया थे। जब इसराईला रे दुसमण कई साला तक तिना पर जुलम करा थे,तब इसराईलीइ लोक अपने पापा रीइ माफी परमेसवरा ते मगां थे ओर बचाणे री विनती करा थे। ![](https://cdn.door43.org/obs/jpg/360px/obs-en-16-03.jpg) इसराइली लोक हर बार माफी मगां थे तो परमेसवर तिना जो बचा था। से ईक छुडाने वाले जो आगे करा था ईक एडा आदमी जो तिसरे दुसमना कने लडा था। ओर तिना जो हराई देया था। तब राज्‍य च सुख शांती रे थी ओर से छुडाने वाला तिना पर राज करा था। परमेसवरा ने तिना लोका जो छुडाने खतर कई लोका जो पेजा था। परमेसवरा ने नजदीका रे दुसमण, जो मिधानियो जाती रे थे। तिना ते इसराइला जो हराया। ![](https://cdn.door43.org/obs/jpg/360px/obs-en-16-04.jpg) मिघानियो ने सात साला तक इसराइला रिया फसला लुटिया। इसराइला रे लोक बहुत डरीगे थे से गुफा च लुखी जा थे बई तिना जो मिघानी टोली ना सको। तब तिने परमेसवरा जो बचाणे खतर याद किता। ![](https://cdn.door43.org/obs/jpg/360px/obs-en-16-05.jpg) गिदोन नावा रा इक इसराइली आदमी था।ईक दिन से लुखी के कनकं चाडने लगीरा था बई मिधानी लोक चोरी ना सको। यहोवा रे सवर्गदुता ने गिदोना जो बोलया, “हे शुरवीर सुरमा, परमेसवर ता कने आ। तु जा ओर इसराईला जो मिधानीया ते बचा।” ![](https://cdn.door43.org/obs/jpg/360px/obs-en-16-06.jpg) गिदोना रे पिता गे मुरती पुजा खतर ईक बेदी थी। सबी ते पेले काम जो परमेसवरा ने गिदोना जो करने जो बोली रे बेदीया जो तोडना था। पर गिदोन लोका ते डरा था, ईते खतर तिने नेरा हुणे दितया। तब तिने तिसा बेदीया जो तोडिता। ओर परमेसवरा खतर ईक नई बेदी बनाई ओर तिते पर परमेसवरा खतर बलि दिती। ![](https://cdn.door43.org/obs/jpg/360px/obs-en-16-07.jpg) अगले दिन लोका ने देखया बी बेदी तोडीके चुरा चुरा करीता, तिना जो बहुत गुस्‍सा आया। से लोक गिदोना जो मारने खतर तिसरे करे गे, पर गिदोना रे पिता ने बोलया,तुसे क्‍यु अपने देवते री मदद करने लगीरे? जे से देवता तो अपनी मदद अपु करगा! तिने एडा बोलया तब लोका ने गिदोना जो नी मारया। ![](https://cdn.door43.org/obs/jpg/360px/obs-en-16-08.jpg) तब इसराइला जो लुटने मिधानी लोक फेर आए। से इतने सारे थे तिना री गिनती नी करी सका थे। गिदोना ने तिना रै खिलाफ लडने खतर इसराइला जो बुलाया। गिदोना ने परमेसवरा तै दो नसाणीया मंगी बई तिसो बिसवास हुई जावो बई परमेसवर सची इसराइला जो बचाणा चा। ![](https://cdn.door43.org/obs/jpg/360px/obs-en-16-09.jpg) पहली नसाणी खतर, गिदोना ने पेडा री ऊन जमीना पर रखी ओर परमेसवरा जो बोलया बई सवेरे री तेल बस ऊना पर पडो तरतिया पर ना पडो। परमेसवरे ऐडा ई कितया। अगली राती, तिने परमेसवरा जो बोलया बई तरती सीनी हुई जावो पर पेडां री ऊन सुकी रो। परमेसवरे ऐडा ई कितया। ईना दो नसाणा रे खतर गिदोना नै विसवास किया परमेसवर सची चा बई इसराईला जो मिधानिया ते बचाओ ![](https://cdn.door43.org/obs/jpg/360px/obs-en-16-10.jpg) गिदोना ने सैनिका जो अपुगे बुलाया तब 32000 आदमी आए। पर परमेसवरे बोलया बई ऐ ज्‍यादा ए। तब गिदोना ने 22000 जो करा वापस करीता जो लडने ते डरा थे। परमेसवरे गिदोना जो बोलया आदमी अबुबी ज्यादा ऐ ईते खतर गिदोने ने 300 सैनिक रखे बाकी वापस पेजीते। ![](https://cdn.door43.org/obs/jpg/360px/obs-en-16-11.jpg) तिस राती गिदोना जो परमेसवरे बोलया, “मिधानिया री गांवा जा ओर तिना रिया बाता सुण। जब तु सुणगा बी से क्या बाता लगीरे करने तब अमला करने ते ना डरेया।” तिस राती गिदोन ऊदे तिना रे गांवा च गया। तब तिने इक मिधानी सैनिका जो अपने दोसता कने बात करदे सुणाया जो तिने सुपने च देखी थी। तिस आदमी रे दोसते बोलया बई इते सुपने रा अर्थ आ गिदोना री सेना असा मिधानी री सेना जो हराई देगी जब गिदोना ने ऐ सुणया तब तिने परमेसवरा रा गुणगाण कितया। ![](https://cdn.door43.org/obs/jpg/360px/obs-en-16-12.jpg) गिदोन अपने सैनिका गे वापस आया ओर तिना जो ईक ईक नरसिंगा, ईक मटटीया रा पाडा, ओर ईक मसाल दिती। तिने तिस गावा जो केरीला जिथी मिधानी सैनिक सोईरे थे। गिदोना ने अपने 300 सेनिक री मसाला पाडे एठे ढकी दिता इते वजह ते मिधानि सेना तिना री मसाला रा परेसा नी देखी सकी। ![](https://cdn.door43.org/obs/jpg/360px/obs-en-16-13.jpg) तब गिदोन रे सेनिका ने ईक दम सारे पते कनारे करी के मसाला जो सामने करीता। तिने अपने नरसिंगे बजाए ओर चिगें, यहोवा री ओर गिदोना री तलवार। ![](https://cdn.door43.org/obs/jpg/360px/obs-en-16-14.jpg) परमेसवरे मिधानिया जो डराईता, इते खतर से ईक दुजे जो काटने लगीगे। तिसी टेम,गिदोना ने संनदेस वाहका जो दुजे इसराइलिया जो मिधानियो रा पिछा करने ओर तिना सहायता करने खतर बुलाने पेजया। तिने तिना रे बहुत सारे लोक मारीते ओर बाकियारा पिछा करीके इसराईल देसा ते बार करीते। तिस दिना 1,20,000 मिधानी मरे। ईया परमेसवरे इसराइला जो बचाया। ![](https://cdn.door43.org/obs/jpg/360px/obs-en-16-15.jpg) तिने तिना ते से सोने रे जेवर मंगे जो तिने मिधानिया ते लुटे थे। तिने लोका ने बहुत सारा सोना गिदोना दितया। जो से लोक गिदोना जो अपना राजा बनाना च थे,पर गिदोना ने तिना जो एडा नी करने दितया, ![](https://cdn.door43.org/obs/jpg/360px/obs-en-16-16.jpg) तब गिदोना ने तिस सोने ते ईक लग वसत्र बणाया जेडा की यहुदी बडा पुजारी पैना थे। पर लोका ने तिते री पुजा करनी सुरु करीती जिया से ईक मुरती हो। तब परमेसवरे इसराईला जो सजा दिती तिने मुरतियअ री पुजा किती। परमेसवरा ने तिना रे दुसमना जो ताकतवर बणाया। तब तिने दुबारा सहायता करने री अर्ज किती, तब परमेसवरे तिना गे बचाने री खतर छुडाने वाला पेजया। ![](https://cdn.door43.org/obs/jpg/360px/obs-en-16-17.jpg) एडिया बाता कई बार हुइआ, इसराइली लोका ने पाप करने, परमेसवर तिना जो सजा देगा,तब तिने माफी मगनी परमेसवर तिना जो छुडाने खतर किसी जो पेजगा। परमेसवराने बहुत छुडाने वाले पेजे जिने इसराइला जो दुसमना ते बचाया। ![](https://cdn.door43.org/obs/jpg/360px/obs-en-16-18.jpg) अतं च, तिना लोका ने ओर देसा री तरह परमेसवरा ते ईक राजे री मागं किती। से ईक एडा राजा चा थे जो लबां ओर ताकतवर हो, जो लडाईया च तिना री मदद करो। परमेसवरा जो ए बात ठीक नी लगी, पर तिने तिना जो तेडाई राजा दितया जेडी तिना री जरुरत थी। *न्‍यायियों पाठ 1-3: 6-8: 1 शमुएल 1-10 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_16_128kbps.m4a ## 17. दाउदा कने परमेसवरा री वाचा https://openbiblestories.org/l/bfz-x-baghati/story-17/ ![](https://cdn.door43.org/obs/jpg/360px/obs-en-17-01.jpg) शाऊल इसराइला रा पैला राजा था। से लम्‍बा ओर सुणा था, जेडा से चा थे तेडाई। इसराइला पर राज करने ते पैले से ईक अच्‍छा आदमी था। पर बादा ते से ईक बुरा आदमी बनीगा तिने परमेसवरा री बात नी मानी, ईते खतर परमेसवरा ने ईक दुजा आदमी देखया जो तिस री जगह राजा बनो। ![](https://cdn.door43.org/obs/jpg/360px/obs-en-17-02.jpg) परमेसवरा ने दाऊद नामा रा ईक इसरायली आदमी देखया ओर तिसो शाऊला री जगह राजा बनाने जो तैयार करने लगया दाऊद बैतलहम नगराच ईक चरवाह था। कई बार, दाऊदा ने सैर ओर पालुआ जो मारया था ईते खतर की तिस रे पिता रिया पेडा पर तिनै हमला कितया था। दाऊद ईक अच्‍छा ओर ईमानदार आदमी था। तिने परमेसवरा पर परोसा कितया ओर तिसरी बात मानी ![](https://cdn.door43.org/obs/jpg/360px/obs-en-17-03.jpg) दाऊद जब जवान हुआ, तिने हटटा कटटा आदमी गोलियता कने लडाई लडी। गोलियत ईक अच्छा सैनिक बहुत ताकतवर ओर तिन मीटर लम्‍बा था। परमेसवरा ने गोलियता जो मारने ओर इसराइला जो बचाने खतर दाऊद री मदद किती। इते बाद, दाऊदा ने इसराइली रे दुशमना जो कई बार हराया। दाऊद ईक बडा सैनिक बणी गा था, तिने बहुत सारी लडाईया लडी। ओर लोका ने तिसरा मान बडाया। ![](https://cdn.door43.org/obs/jpg/360px/obs-en-17-04.jpg) दाऊदा कने लोका ने इतना प्‍यार किता कि शाऊल तिस कने जलने लगया। ओर शाऊला ने तिसो मारनै री सोची, दाऊद शाऊल ओर तिस रे सैनिका ते बचने खतर जगंला च चलीगा। ईक दिन, जब शाऊल ओर तिसरे सैनिक दाऊदा जो टोलने लगीरे थे तब शाऊल ईक गुफा च गया। दाऊद तिते चि लुखीरा था,पर शाऊला नै तिसो नी देखया। दाऊद तिसरे पिछे बहुत नेडे चलीगा ओर तिसरे कपडे रा ईक टुकडा कटीला। जब, शाऊल तिस गुफा ते निकलया तब दाऊदा ने तिसो अवाज मारी ओर से कपडे रा टुकडा तिसो दखाया। तब, शाऊल समजी गा बई दाऊदा ने राजा बनने खतर तिसो मारना नी चादा था। ![](https://cdn.door43.org/obs/jpg/360px/obs-en-17-05.jpg) कुछ समय बाद, शाऊल युदा च मरी गा, ओर दाऊद इसराइला रा राजा बनी गया। से ईक अच्‍छा राजा था, ओर लोक भी तिसो प्‍यार करा थे। परमेसवरा ने दाऊदा पर किरपा किती ओर तिसो कामयाब किता। दाऊदा ने कई लडाईया लडी, ओर परमेसवरा ने इसराइला रे दुसमना जो हराने च तिना री मदद किती। दाऊदा ने यरुशलेम नगरा जो जीती के अपनी राजधानी बणाया, जिते से रेया ओर शासन किता। दाऊद चाली साला तक राजा रेया इस समय तक इसरायल ताकतवर ओर धनवान बनीगे। ![](https://cdn.door43.org/obs/jpg/360px/obs-en-17-06.jpg) दाऊद ईक मन्दर बनाना चा था जिथी सारे लोक परमेसवरा रा गुनगान कर सके ओर बली कर सके। तकरीबन 400 साला ते, से लोक मुसा रे बनाई रे मिलाप वाले तमबुंआ च परमेसवरा री अराधना ओर बलि करा थे । ![](https://cdn.door43.org/obs/jpg/360px/obs-en-17-07.jpg) पर तिथी नातान नामा रा ईक भविष्यवक्ता था। परमेसवरा ने तिसो दाऊदा गे पेजया, बई ते बहुत सारी लडाईया लडीरी, ईते खतर ऐ मनदंर तु नी तेरा बेटा बनागा। तब बी, अऊ ता पर बहुत सारी किरपा करगा। तेरा ईक कुला रा आदमी सदा मेरे लोका पर राज करगा। सदा खतर राज करने वाला दाऊदा रा वशंज मसीह था। मसीह परमेसवर रा चुनीरा जन था जो सारे ससांरा जो तिना रे पापा ते बचागा। ![](https://cdn.door43.org/obs/jpg/360px/obs-en-17-08.jpg) दाऊदा ने जब नातान रा सन्देस सुणाया तब तिने परमेसवरा रे हाथ जोडे ओर प्राथना किती। परमेसवर तिस रा काम बडाने लगीरा था ओर तिस पर बहुत किरपा करा था। जब कि, दाऊदा जो पता नी था बइ परमेसवर ऐ काम कदी करगा। इस समय असे जाणाए बइ इसराइला जो बहुत समय तक, तकरीबन 1,000 साला तक मसीह रे आणे रा ईन्‍तजार करना पङना। ![](https://cdn.door43.org/obs/jpg/360px/obs-en-17-09.jpg) दाऊद ने बहुत साला तक ईमानदारी कने अपने लोका पर राज कितया। तिने बहुत दिला ते परमेसवरा री बात मानी ओर परमेसवरा ने तिस पर किरपा किती। जब कि तिने, अपने जिवना रे आखिरा च परमेसवरा रे खिलाफ बडा पाप किता। ![](https://cdn.door43.org/obs/jpg/360px/obs-en-17-10.jpg) इक दिन दाऊदा ने अपने महला ते बारा जो देखया तिथी ईक सुणी ओरत नाणे लगीरी थी। से तिसा जो नी जाणदा था,पर तिने तिसा रे बारे च पता किता तिसा रा नाम बतशेबा था। ![](https://cdn.door43.org/obs/jpg/360px/obs-en-17-11.jpg) अपनी नजरा फेर लेणे री वजय तिने तिसा जो अपुगे बुलाणे जो कोइ पेजया। से तिसा कने रेया ओर बादाच तिसाओ करे पेजीता। कुछ समय बाद बतशेबा ने दाऊद जो ईक सदेंश पेजया बई से पेटा तेइ । ![](https://cdn.door43.org/obs/jpg/360px/obs-en-17-12.jpg) बतशेबा रा घराला ऊरिय्‍याह था। से दाऊदा रा ईक अच्‍छा सैनिक था। इस समय से लडाई करने खतर गईरा था। दाऊदा ने तिसो बुलाया ओर अपनी घरवालीया कने रेणे जो बोलया। पर सारे सैनिक लडाईया च थे इते खतर तिने घरा जाणे जो ना करीती। तब दाऊदा ने तिसो वापस लडाईया च पेजीता ओर सेनापतीया जो बोलया बी इसो एडी जगह रखना जिथी दुसमन सबी ते ज्यादा हो ओर ऐ मर जाओ। ओर तब ऊरियाह तिस लडाईया च मरी गा। ![](https://cdn.door43.org/obs/jpg/360px/obs-en-17-13.jpg) ऊरिय्‍याह रे लडाईया च मरी जाणेते बाद दाऊद ने बतशेमा कने ब्या करीला। तिते बाद, तिसा रे दाऊदा रा बेटा हुआ। दाऊदा ने जो कितया तिते ते परमेसवर बहुत नराज हुआ, तब परमेसवरा ने तिस गे नातान जो दाऊदा गे पेजया बी तेरा पाप बहुत बुरा। तब दाऊदा ने अपने पापा खतर माफी मागीं तब परमेसवरा ने तिस जो माफ करीता। अब अपने बाकीया रा जीवन, तिने परमेसवरा री बात मानी ओर तिसरे पिछे चलया। ![](https://cdn.door43.org/obs/jpg/360px/obs-en-17-14.jpg) दाऊदा रा बेटा मरीगा। ईया परमेसवरा ने दाऊदा जो सिख दिती। तब, दाऊदा रे मरने तक, तिसरै लोका ने तिसरे खिलाफ लडाई किती, अब दाऊद कमजोर हुई गया था। पर परमेसवरा ने तिसरा साथ दितया तिनै अपना वादा निभाया, जब की दाऊदा ने परमेसवरा रे खिलाफ काम कितया था। तिते बाद, दाऊद ओर बतशेमा रे दुजा बेटा हुआ तिने तिसरा नाम सुलेमान रखया। *1 शमूएल अध्‍याय 10:15-19:24, 31:2 शमूएल 5:7, 11-12 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_17_128kbps.m4a ## 18. इसराईला रा दो भागा च बटना https://openbiblestories.org/l/bfz-x-baghati/story-18/ ![](https://cdn.door43.org/obs/jpg/360px/obs-en-18-01.jpg) दाऊदा ने चाली साला तक शाशन कितया। तब से मरी गया, तब तिसरे बेटे सुलेमाना ने इसराईला पर राज करना सुरु कितया। परमेसवरा ने सुलेमाना कने बात किती ओर पुछया बई तु कया करना चा जो अऊ ता खतर करु। सुलेमाना ने बोलया बई से तिसौ बहुत समझदार बनाई दे। परमेसवर तिसरी बाता ते बहुत खुस हुआ ओर तिसौ दुनिया रा सबी ते समझदार आदमी बनाई ता। तब सुलेमाना ने बहुत बाता सिखीया ।ओर से ईक समझदार राजा था। परमेसवरा ने तिसौ बहुत अमीर बनाया। ![](https://cdn.door43.org/obs/jpg/360px/obs-en-18-02.jpg) यरुशलेमा च सुलेमाना ने से मंदिर बनाया जिते री योजना तिने अपनै पिता कने किती थी ओर समान कट्‍ठा किता था। अब लोक परमेसवरा री महिमा मिलाप वाले तम्बुआ री जगह मंदिरा च करा थे ओर बलि चडा थे। परमेसवर मंदिरा च रेया था, ओर अपने लोका कने रेया था। ![](https://cdn.door43.org/obs/jpg/360px/obs-en-18-03.jpg) पर सुलेमाना ने दुजे देसा री ओरता कने प्‍यार किता। तिने बहुत सारी (1,000) ओरता कने बया किता ओर परमेसवरा री बात नी मानी! ईते खतर कि से दुजे देसा ते आईरीया थिया ओर अपने देवता बी साथी लयारिया थिया ओर तिना रि पुजा बी करदिया रहीया। जब सुलेमान बुडा हुई गया तब तिने बी तिना रे देवता री पुजा किती। ![](https://cdn.door43.org/obs/jpg/360px/obs-en-18-04.jpg) परमेसवर सुलेमाना कने बहुत गस्‍सा था। ईते खतर तिने बोलया बी अऊ इसराएला जो दो हिसे च बडंगा इया अऊ तिजो दडं देगा। ओर ऐ सुलेमाना रे मरनै ते बाद हुणा। ![](https://cdn.door43.org/obs/jpg/360px/obs-en-18-05.jpg) सुलेमाना रे मरने ते बाद, तिसरा बेटा रहबाम राजा बणया। इसरयल देसा रे सारे लोक तिसो राजा मानने खतर ईक जगह कठठे हुए। तिने लोका ने रहबामा कने बोलया बई सुलेमाना ने तिना ते बहुत जयादा काम करवाया ओर बहुत सारा लगान बी लेया। तिने रहबामा कने विनती किती की अब तिना ते कम काम करवाणा। ![](https://cdn.door43.org/obs/jpg/360px/obs-en-18-06.jpg) रहबामा ने तिना जो बहुत बुरा जबाब दिता, बई तुसे बोलाए, “मेरे पिता ने तुसा ते बहुत काम करवाया अऊ तुसा ते तिते बी जयादा काम करवागा, ओर तिस ते बी जयादा तगं करगा।” ![](https://cdn.door43.org/obs/jpg/360px/obs-en-18-07.jpg) जब लोका ने तिसो ऐ बोलदे सुणया तो कईया ने तिस कने बुरा सोचया। दस कुला ने तिस रा साथ छडिता,अब तिस कने बस दो कुल ही थे ईना दो कुला ने अपु जो यहुदा रा राजा बोलया। ![](https://cdn.door43.org/obs/jpg/360px/obs-en-18-08.jpg) बाकी जो दस कुल थे तिने यारोबाम नामा रे आदमी जो अपना राजा बणाईला। ऐ कुल देसा रे ऊतर ओर पुरबा च थे। तिने अपु जो इसरईला रा नाम दिता। ![](https://cdn.door43.org/obs/jpg/360px/obs-en-18-09.jpg) पर यारोबामा ने परमेसवरा रे खिलाफ बगाबत किती ओर लोका ते पाप करवाया। तिने अपने लोका ते पुजा पाठ करने जो दो मुरतिया बनाई। से अब यहुदा रे राजय यरुशलेमा च परमेसवरा री अराधना करने जो नी गे। ![](https://cdn.door43.org/obs/jpg/360px/obs-en-18-10.jpg) यहुदा ओर इसरायल रे राज्‍य अब आपसा च दुसमन बनीगे ओर ईक दुजे कने लडनै लगै। ![](https://cdn.door43.org/obs/jpg/360px/obs-en-18-11.jpg) इसरायला रे नवे राज्‍य च, सारे राजा पापी थे। ईना मे ते कई राजा री जगह खतर बननै जो इसराएला कने लडाईया च मारे गए ![](https://cdn.door43.org/obs/jpg/360px/obs-en-18-12.jpg) इसराइला रे सारे राज्‍य रे राजा ने ओर बहुत लोका ने मुरती पुजा किती। जब तिने ऐडा कितया, तब से हमेसा दुजी ओरता गे गे ओर कई बार अपने बचचै मुरतीया गे बलि किते। ![](https://cdn.door43.org/obs/jpg/360px/obs-en-18-13.jpg) यहुदा राज्‍य रे राजा, दाऊद कुला रे थे। ईना राजाओ च कई अच्‍छे लोक भी थे तिनै ईमानदारीया कने राज किता ओर परमेसवरा री महिमा किती। पर यहुदा रे जयादातर राजा पापी थे। तिनै पाप किता ओर मुरतिया री पुजा किती। ईथी तक कि तिने चुठे देवताओ रे आगे अपनै बच्‍चे बलि किते। यहुदा रे लोका ने बी परमेसवरा रे खिलाफ बगाबत किती ओर मुरति पुजा किती। *1 राजा अध्‍याय 1-6, 11-12 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_18_128kbps.m4a ## 19. परमेसवरा रे भविश्यवकता https://openbiblestories.org/l/bfz-x-baghati/story-19/ ![](https://cdn.door43.org/obs/jpg/360px/obs-en-19-01.jpg) परमेसवर सदा इसराईला गे अपना सन्देस पेजदा रेया था परमेसवरा रा सन्देस भविष्‍यवक्‍ता सुणा थे ओर लोका जो बता थे। ![](https://cdn.door43.org/obs/jpg/360px/obs-en-19-02.jpg) जब अहाब इसराइला रा राजा था तब एलियाह भविष्‍यवक्‍ता था। अहाब इक बुरा आदमी था। तिने चुठे बाल जो देवता बनाया ओर लोका जो तिसरी पुजा करने खतर बोलया। इते खतर एलियाह ने अहाबा जो बोलया बई परमेसवर तुसा लोका जो सजा देना चा। तिने तिना जो बोलया,बई जब तक अऊ ना बोलु तब तक ना बरखा हुणी ना ओस पडनी। इस बाता जो सुणी के अहाब बहुत गुसा हुआ ओर तिने एलियाह जो मारने री सोची। ![](https://cdn.door43.org/obs/jpg/360px/obs-en-19-03.jpg) परमेसवरा ने एलियाह जो बोलया बई से बणा च जाईके अहाब ते छुपी जाओ एलियाह बणा च तिस चरने गे गया जिथी परमेसवरा ने तिसौ बोलया था सवेरे ओर सनजा, पंछी तिसो रोटी ओर मास ला थे। अहाब ओर तिसरी सैना इस टैम एलियाह जो टोलदी रेइ, पर से तिना जो नी मीलया । ![](https://cdn.door43.org/obs/jpg/360px/obs-en-19-04.jpg) बरखा ना हुणे रे कारण से चरना सुखीगा। ईते खतर एलियाह नजदीक ही इक नगरा च चलीगा। तिस नगरा च इक गरीब ओरत थी जिसा गे ईक बेटा था। तिसा गे खाने जो कुछ नी था बरखा ना हुणे रे कारण। तब बी, तिसे एलियाह री सेवा किती, ईते खतर परमेसवरा ने तिसा री ओर तिसा रे बेटे री जरुरत पुरी किती, तिसा रा आटा ओर तेला रा पाडां कदी खाली नी हुआ। तिस सुखे रे समय बी तिसा गे अनाज था। एलियाह कुछ साला तक तिथी रेया। ![](https://cdn.door43.org/obs/jpg/360px/obs-en-19-05.jpg) साढे तिन साला बाद, परमेसवरा ने एलियाह जो बोलया बई से फेर बरखा करगा। तिने दुबारा एलियाह जो वापस इसराइल जाईके अहाबा कने बात करने जो बोलया। तब एलियाह अहाबा गे वापस गया। जब अहाबा ने तिसो देखया तब बोलया, तु ही मुसीबता री जड! एलियाह ने बोलया, मुसीबत पैदा करने वाला तो तु आ! ते परमेसवरा जो नी मानया। से ही सच्‍चा परमेसवर आ, पर तु बाल देवता री पुजा करा। अब तिजो इसराइला रे सारे लोका जो लेइके कर्मेल री चोटीया पर आवणा पडना। ![](https://cdn.door43.org/obs/jpg/360px/obs-en-19-06.jpg) तब सारे लोक कर्मेल परवता पर गे। इना कने से लोक बी थे जो अपु जो बाल भविष्‍यवक्‍ता बोला थे से 450 थे एलियाह ने तिना जो बोलया, “बई कदिया तक तुसे अपने मना जो फेरना? अगर यहोवा परमेसवर आ तो तिसरी मानो! अगर बाल परमेसवर आ तो तिसरी मानो।” ![](https://cdn.door43.org/obs/jpg/360px/obs-en-19-07.jpg) एलियाह ने बाल भविष्‍यवक्‍ता जो बोलया, “बई, ईक बेदी बनाओ ओर तिते पर ईक बैल बलि करीके रखो, पर आग नी लगानी। तिते बाद अऊ बी तेडा ई करगा, ओर लग बेदीया पर तिते मासां जो रखगा। तब अगर परमेसवरे बेदीया पर आग बरसाई तो तुसाओ मनना पडना बी सेई सच्‍चा परमेसवरा।” तब बाल भविष्‍यवक्‍ता ने बलि तैयार किती पर आग नी लगाई। ![](https://cdn.door43.org/obs/jpg/360px/obs-en-19-08.jpg) तब बाल रे भविष्‍यवक्‍ताओ ने बाल कने प्राथना किती, “हे बाल देवता बई मारी सुन!” पुरे दिन जोरा जोरा कने बोले ओर चाकुआ कने अपु जो मारया, पर बाल ने नी सुणी, ना आग बरसाई। ![](https://cdn.door43.org/obs/jpg/360px/obs-en-19-09.jpg) बाल देवते रे भविष्‍यवक्‍ताओ ने पुरे दिन प्राथना किती। पर कुछ नी हुआ। तब एलियाह ने दुजी बलिया रा मास परमेसवरा री बेदिया पर रखया। तिते बाद, तिने लोका जो बोलया बई बलिया पर तब तक पाणी पाओ जब तक पुरा मास लकडिया ओर बेदीया रे आस पासा री तरती सीनी ना हुई जाओ। ![](https://cdn.door43.org/obs/jpg/360px/obs-en-19-10.jpg) तब एलियाह ने प्राथना किती, “हे यहोवा, अबराहम, इसहाक, याकुबा रे परमेसवर, असा जो बताओ बई तुसे ही इसराईला रे परमेसवर है ओर अऊ तुसा रा दास आ। मीनजो बताओ ताकि ईना लोका जो तुसा पर यकिन हो बई तुसेई सच्‍चे परमेसवर आ।” ![](https://cdn.door43.org/obs/jpg/360px/obs-en-19-11.jpg) तिसी समय, आसमाना ते आग पडी तिते च मासं लकडिया,पाथर, माटी, ओर बेदीया रे ओरे परे रा सारा पाणी जलाई ता। जब लोका ने ऐ देखया, तब से तरतिया पर गिरीगे, ओर बोलने लगे! “यहोवा ई परमेसवरा! यहोवा ई परमेसवरा।” ![](https://cdn.door43.org/obs/jpg/360px/obs-en-19-12.jpg) एलियाह ने बोलया, “बाला देवते रा ईक बी भविष्‍यवक्‍ता बचना नी चाईए।” ईते खतर लोका ने बाल भविष्‍यवक्‍ताओ जो पकडी लेया ओर तिना जो लग लेई के मारीता। ![](https://cdn.door43.org/obs/jpg/360px/obs-en-19-13.jpg) एलियाह ने अहाब राजे जो बोलया, बई अपने करा जो चली जा, बरखा हुणे वाली। तब ईक दम बादल आइगे, ओर बहुत बरखा सुरु हुई गी। यहोवा तिस अकाला जो खतम करने लगीरा था। ताकी सबी जो पता लगो बई यहोवा ही सच्‍चा परमेसवरा। ![](https://cdn.door43.org/obs/jpg/360px/obs-en-19-14.jpg) एलियाह ने जब अपणा काम खतम करीता, तब परमेसवरा ने एलीशा नामा रे आदमीया जो अपणा भबिशय वक्‍ता बणाया। परमेसवरा ने एलीशा ते बहुत सारे चमतकार किते। ईक चमतकार नामान नामा रे आदमीया कने हुआ। से दुसमना री सेना रा सरदार था, पर तिसो चमबडी री बमारी थी। नामान ने एलीशा रे बारेच सुणया, तब से एलीशा गे आया ओर तिसो अपणा लाज करने जो बोलया। तब एलिशा ने तिसो बोलया बई यरदन नामा री नदिया च जाईके सात बार तिते च डुबकी लगाईले। ![](https://cdn.door43.org/obs/jpg/360px/obs-en-19-15.jpg) नामान ऐ सुणी के गुसा हुई गया, तिसो ऐ काम ठीक नी लगया। पर बादा च से मानी गा ओर यरदन नदिया च डुबकी लगाई। तब से आखरी डुबकीया ते बाद परमेसवरा ने तिसो ठीक करीता। ![](https://cdn.door43.org/obs/jpg/360px/obs-en-19-16.jpg) परमेसवरा ने इसराइला रे लोका गे ओर बहुत सारे भविष्‍यवक्‍ताओ पेजे। तिने सबी जो बोलया बई मुरतिया री पुजा करनी बदं करीदो। ओर ऐक दुजे कने सुले ओर पयारा कने रेओ। भविष्‍यवक्‍ताओ ने लोका जो बोलया बई बुरे काम करना बदं करीदो ओर परमेसवरा री बाता पर चलना। जे तिना लोका ने ऐडा नी कितया तो परमेसवर तिना जो देखगा, ओर तिना रा नयाए करगा। ओर तिना जो सजा देगा। ![](https://cdn.door43.org/obs/jpg/360px/obs-en-19-17.jpg) बहुत समय तक, तिने लोका ने परमेसवरा री बात नी मानी। तिना लोका ने भविष्‍यवक्‍ताओ कने बहुत बुरा चलन किता ओर कईया जो तो मारीता। ईकबार, तिने यिरमीयाह नामा रे भविष्‍यवक्‍ता जो सुकीरे कुऐ च फेकीता ओर तिथी ते चलीगे। से कुऐ रे चिकडा च फसीगा। तब तिथी रे राजा जो तिस पर दया आइगी ओर तिने सैनिका जो बोलया बि यिरमीयाह जो मरने ते पेले बार कडी दो। ![](https://cdn.door43.org/obs/jpg/360px/obs-en-19-18.jpg) भविष्यवकताओ ने परमेसवरा री तरफा ते बोलणा बदं नी कीता लोक तिना ते नफरत करा थे। तिने बोलया बई जे तिने परमेसवरा री बात नी मानी तो परमेसवर तिना जो खतम करी देगा तिने लोका जो बोलया बई परमेसवरा ने तिनागे मसीह जो पेजने रा वायदा कितिरा। *1 राजा पाठ 16-18: 2 राजा 5:यिर्मयाह 38 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_19_128kbps.m4a ## 20. इसराईला रा गुलाम बणाई के लेई जाणा ओर वापस आऊणा https://openbiblestories.org/l/bfz-x-baghati/story-20/ ![](https://cdn.door43.org/obs/jpg/360px/obs-en-20-01.jpg) इसरायल ओर यहुदा रे राजया च सबी ने परमेसवरा रे खिलाफ पाप किता। तिने तिसा वादे जो तोडीता जो परमेसवरा ने तिना कने सीने परवता पर किता था। परमेसवरा ने तिना जो पाप ना करने ओर दुबारा परमेसवरा पर विसवास करने खतर तिनागे अपना भविशयवक्‍ता पेजया, पर तिना लोका ने तिना री बात मानने जो ना करीती। ![](https://cdn.door43.org/obs/jpg/360px/obs-en-20-02.jpg) परमेसवरा ने तब तिना जो सबक सखाने खतर तिना रे दुसमना जो पेजया। अश्‍शूर जो दुजा राज्‍या था ओर बहुत शीक्‍ति शाली था। से दुजे राज्‍य खतर बहुत बुरे थे। तिने इसरायला जो खतम करीता। अशूरियो ने तिना रे बहुत लोक मारीते,ओर लुटिला,ओर तिना रे कई गावां जो फुकीता ![](https://cdn.door43.org/obs/jpg/360px/obs-en-20-03.jpg) अशुरीया ने तिना रे सारे बडे परदाना, जो पैसे वाले थे कारीगर थे तिना सबी जो कटठा करी के अपणे देसा जो लेइगे। इसराईला च अब थोडे जे गरीब लोक थे। ![](https://cdn.door43.org/obs/jpg/360px/obs-en-20-04.jpg) अशुरी लोका ने इसराईला च रेणे खतर बारले लोका जो लयाए। तिना लोका ने दुबारा तिस नगरा जो बनाया। जो थोडे इसरायली तिथी बचे थे तिने तिना कने ब्या किता। इना लोका रे कुला रा नाम सामरी पडया। ![](https://cdn.door43.org/obs/jpg/360px/obs-en-20-05.jpg) यहुदा राज्‍य रे लोका ने देखया की परमेसवरा री बात ना मनने ओर तिस पर बिसवास ना करने पर इसरायला जो किया दडं दितया। पर तिते बाद बी तिने कनानीया रे देवता री मुरतीया री पुजा किती। परमेसवरा ने तिना जो दुबारा समजाणे खतर भविश्‍यवकता पेजे, पर तिने बात सुनने ते ना करीती। ![](https://cdn.door43.org/obs/jpg/360px/obs-en-20-06.jpg) तकरीबन 100 साला बाद अश्‍शुरियो ने इसराईला जो खतम करीता। परमेसवरा ने बेबीलोना रे राजा, नबुकदनेसर जो यहुदा पर अमला करने खतर पेजया। बेबीलोन इक बलवान राज्‍य था। यहुदा रा राजा नबुकदनेसरा गुलाम बनने खतर ओर तिसो हर साल लगान देने जो तैयार हुई गया। ![](https://cdn.door43.org/obs/jpg/360px/obs-en-20-07.jpg) पर कुछ साला बाद, यहुदा रे राजा ने बेबीलोना रे खतर लडने री सोची। तब तिने वापस आई के यहुदा रे राजय पर चडाई करीती। तिने यरुशलेमा पर अपना हक जमाईला, ओर मंदिरा जो तोडीता, ओर सारे सहर मंदिरा रा खजाना लुटीला। ![](https://cdn.door43.org/obs/jpg/360px/obs-en-20-08.jpg) बगाबत करणे रे खतर यहुदा रे राजा जो दडं देने जो, नबूकदनेसरा रे सैनिका ने राजा रे बेटे जो तिस रे सामने मारीता ओर अंधा करीता। ईते बाद, से राजा जो बेबीलोना री जेलाच मरने जो लेई गे। ![](https://cdn.door43.org/obs/jpg/360px/obs-en-20-09.jpg) नबूकदनेसर ओर तिसरी सेना यहुदा रे सारे लोका जो बेबीलोन लेइ गी, कुछ गरीब लोका जो छडी के ईते खतर बई से बागटिया च नाज ऊगाओ। इस समय जो बधुंआई बोलया गया से वादे रा देस जो परमेसवरा ने लोका जो रेणे खतर दितया था। ![](https://cdn.door43.org/obs/jpg/360px/obs-en-20-10.jpg) ने अपने लोका जो गुलाम बनाई के तिना जो पाप करनेरा दडं दितया, तब बी अपने भविशय वक्‍ता जो पेजीके तिना रा खयाल रखया। तिने वादा किता बई से सतर साला बाद, अपने देसा च दुबारा परमेसवरा वापिस आवणे। ![](https://cdn.door43.org/obs/jpg/360px/obs-en-20-11.jpg) साला बाद, फारसा रे राजा कुसतरु ने बेबीलोना जो हराया, ईते खतर फारसा रे राज्‍य ने कई देसा पर राज कितया। इसरायली लोका जो अब यहुदी बोला थे। तिना मे ते कई लोका ने अपनी सारी सतर जिनदगी बेबीलोना च बताईती। कुछ बुडे लोका जो ई अब यहुदा रा देस याद था। ![](https://cdn.door43.org/obs/jpg/360px/obs-en-20-12.jpg) फारसी लोक बहुत शकिती शाली थे,तिने अपने गुलामा पर दया किती। फारसी लोका रा राजा बनने ते कुछ समय बाद, कुरीसिआ ने बोलया बई जो कोइ यहुदी अपने देसा जो जाणा चा, से फारसा ते अपने देसजाई सका। तिने यहुदीया जो मनंदर बनाने जो पैसा बी दितया। अब सतर साला बाद, तब यहुदिया रे कुछ लोक यरुसलेमा जो आईगे। ![](https://cdn.door43.org/obs/jpg/360px/obs-en-20-13.jpg) जब से लोक यरुशलेमा च आए तब तिने मंदिर ओर नगरा री चारो तरफा री दवाल बणाई। फारसी लोक अबु बी तिना पर राज करा थे पर अब से वादे रे देसा च थे ओर मंदिरा च अराधना करा थे। *राजा पाठ 17:24-25, 2 ईतिहास 36, ऐरजा 1-10, नहेम्‍याह 1-13, ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_20_128kbps.m4a ## 21. परमेसवर यीशु मसीहा रे आवणे रा वादा करा https://openbiblestories.org/l/bfz-x-baghati/story-21/ ![](https://cdn.door43.org/obs/jpg/360px/obs-en-21-01.jpg) परमेसवरा ने जब ससारां री रचना किती थी, तब तिसो पता था बाई ईक दिन मसीह जो तरतिया पर पेजना पडना। तिने आदम ओर हव्‍वा कने वादा किता था से ऐडा करगा। तिने बोलया, “बई हव्‍वा ते इक कुल हुणा जो सांपा रे सिरा जो मारगा।” जिने सापा ने हव्‍वा जो तोखा दितया था से शैतान था। परमेसवरा रा मतलब था बई से शैताना जो हराई देंगा। ![](https://cdn.door43.org/obs/jpg/360px/obs-en-21-02.jpg) परमेसवरा ने अबराहमा कने वादा किता था कि तेरी बजय ते सारे ससांरा री जातीया जो आसीस मिलनी। परमेसवर किसी बी समय मसीह जो पेजीके अपनी वादे जो पुरा करगा। मसीह ससांरा रे सब लोक ओर जातिया जो पापा ते छुडागा। ![](https://cdn.door43.org/obs/jpg/360px/obs-en-21-03.jpg) परमेसवरा ने मुसा कने वादा किता था कि आनेवाले समय च से मुसा साई ईक ओर भविशयवक्‍ता पेजगा। ओर से मसीह हुणा। ईते खतर परमेसवरा ने दुबारा वादा किता बई से मसीह जो पेजगा । ![](https://cdn.door43.org/obs/jpg/360px/obs-en-21-04.jpg) ने दाउदा कने वादा किता था बई तिसरा ईक वशं मसीह हुणा। से राजा बनना ओर परमेसवरा रे लोका पर सदा दया परमेसवरा करगा। ![](https://cdn.door43.org/obs/jpg/360px/obs-en-21-05.jpg) परमेसवरा ने यिमरयाह भविशयवक्‍ता कने बात किती बइ से इक दिन नया वादा करगा। ओर से वादा पुरानी वादा जो सीनै परवता पर किता था तेड़ा नी हुणी। जब लोका सामने नया वादा करणा, तब तिने अपु जो आदमी या रे रुपा च सबी जो दखाणा। सारे लोका ने तिस कने प्यार रखणा ओर तिसरी बात मानणी। से तिसरे लोक हुणे, तब परमेसवर तिना रे पापा जो माफ करगा। से मसीह हुणा ओर परमेसवरा रा नया वादा लोका कने करगा। ![](https://cdn.door43.org/obs/jpg/360px/obs-en-21-06.jpg) परमेसवरा रे भविशयवकता ने बोलया बई मसीह ईक भविशयवकता हुणा। भविशयवकता से हुआ जो परमेसवरा री बात सुणी के लोका जो बता। जिसो जो पेजणे रा परमेसवरे वादा किता था से मसीह ईक बडा भविशयवक्‍ता हुणा। मसीह परमेसवरा रे सन्देस सुणी के, लोका जो सुलै समजागा। ![](https://cdn.door43.org/obs/jpg/360px/obs-en-21-07.jpg) इसरायली रे लोक परमेसवरा जो बलि चडादे रे ऐ बलिया जो लोका ने परमेसवरा खतर जो पाप कितया तिते खतर तिस रे स्थाना पर चडा थे। याजका ने तिना लोका खतर माफि बि मंगी, पर मसिह जो, इक सिध पुरुस हुणा जिने अपु जो परमेसवरा खतर बलि करगा। तिने कदी पाप नी करना ओर अपु जो बलि करगा तिते बाद दुबारा दुनिया जो किसी ओर बलिया री जरुरत नी पडनी। ![](https://cdn.door43.org/obs/jpg/360px/obs-en-21-08.jpg) राजा ओर मन्तरी लोका पर राज करा थे, ओर गलतिया भी करा थे। राजा दाऊदा ने इसराइला पर राज कितया ,पर राजा दाऊदा रा कुल सारे ससांरा पर राज करगा, ओर सदा खतर इते बाद से इमानदारिया कने न्याए करगा, ओर लोका कने ठीक फैसला करगा। ![](https://cdn.door43.org/obs/jpg/360px/obs-en-21-09.jpg) परमेसवरा रे भविशयवक्‍ता ने मसीहा रे बारे च बहुत बाता कितिया। जिया कि, मसीहा ते पेले इक होर भविशयवक्‍ता आऊणा। से बहुत जरुरी आ । ईते बाद, यशायाह ने बोलया, “बई मसीह ईक कुबारी ते जमणा।” ओर मीका भविशयवक्‍ता ने बोलया, “कि मसीह बैतलहम नगरा च जमणा।” ![](https://cdn.door43.org/obs/jpg/360px/obs-en-21-10.jpg) यशायाह भविशयबक्‍ता ने बोलया बी मसीह गलील देसा च रेणा। जो लोक दुखा चे मसीह तिना जो सुख देगा। से जेला च बदं लोका जो बार नकालगा। मसीह जो लोक बमारीया च जो टोने, देखी नी सकदे, गलाई नी सकदे, चली नी सकदे, तिना जो ठीक करगा। ![](https://cdn.door43.org/obs/jpg/360px/obs-en-21-11.jpg) यशायाह भविशयवक्‍ता ने बोलया, “बई लोक मसीह कने नफरत करगे ओर तिसो मानने ते ना करनी।” ओर भविशयवक्‍ता ने बोलया, “बई मसीह रा ईक साथी तिसरे खिलाफ बोलगा।” जकरियाह भविशयवक्‍ता ने बोलया, “बई तिसरा ये साथी ऐडा करने खतर दुजए लोका ते चादिया रे 30 सिक्‍के लेगा।” ईते लावा, ओर भविशयवक्‍ताओ ने बोलया, “बई लोक मसीह जो मारी देगे, ओर तिसरे कपडेया खतर जुआ खेलगे।” ![](https://cdn.door43.org/obs/jpg/360px/obs-en-21-12.jpg) भविशयवक्‍ताओ ने एबी बोलया बि मसीह किया मरना। यशायाह ने भविशयवाणी किती बई लोक मसीह पर थुकगे, तिसरा मजाक करगे, ओर तिसो कुटगे। से तिसरे आथा पैरा जो किला कने छेदी देगे ओर वह बडी पीड़ा ओर दुखा कने मरी जाणा, तिने कुछ बी गलत नी कितरा हुणा। ![](https://cdn.door43.org/obs/jpg/360px/obs-en-21-13.jpg) भविश्यवकताओ ने बोलया बई मसीह पाप नी करगा। से पुरे तरीके कने समपुरन हुणा। से ईते खतर मरना परमेसवरा तिसो दुजे लोका खतर सजा देगा। तिसरे मरने ते लोक परमेसवरा कने मेल मिलाप करने जो तैयार रेणे। ईते खतर परमेसवर चा बई मसीह मरे। ![](https://cdn.door43.org/obs/jpg/360px/obs-en-21-14.jpg) भविश्यवकताओ ने ऐबी बोलया, “बई परमेसवर मसीह जो मरीरे मिजा ते जीन्‍दा करगा।” इते पता लगा बी ऐ नई वाचा जो पुरा करने री परमेसवरा री योजना थी, बि से तिना लोका जो बचाई सको जिने तिसरै खिलाफ पाप कितया। ![](https://cdn.door43.org/obs/jpg/360px/obs-en-21-15.jpg) परमेसवरा ने भविश्यवकताओ पर मसीह रे बारे च कई सारी बाता जो बोलया, पर मसीह तिना भविश्यवकताओ रे किसी रे बि सामने नी आया। इना भविश्यवकताओ रे आवणे रे 400 साला बाद बी, ठीक समय पर परमेसवर मसीहा जो इस ससांरा च पेजगा। *उत्पति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; याशायाह 9:1-7; 7:14; 35:3-5; 50:6; 61; 53 59:16; दानिय्येल 7; मलाकी 4:5; मीका 5:2; भजन सहिंता 16:10-11 22:18; 35:19; 69:4; 41:9; जकरियाह 11:12-13; ईक बाइबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_21_128kbps.m4a ## 22. युहना रा जन्‍म https://openbiblestories.org/l/bfz-x-baghati/story-22/ ![](https://cdn.door43.org/obs/jpg/360px/obs-en-22-01.jpg) बिते समय, परमेसवरा ने अपने भविश्यवकताओ कने बात किती ईते वजय ते से लोका कने बात करी सके।तिते समय बाद 400 साला तक तिने तिस कने बात नी किती।तब परमेसवरा ने जकरियाह नामा रे भविश्यवकता गे ईक स्‍वर्गदूत पेजया। जकरियाह ओर तिसरी घरवाली एलिशिबा परमेसवरा जो बहुत माना थे। से बहुत बुडे हुई गे थे, ओर तिना रे कोई बच्‍चा नी था। ![](https://cdn.door43.org/obs/jpg/360px/obs-en-22-02.jpg) तिस सवर्गदूत ने जकरियाह जो बोलया, “तेरी घरवाली या जो ईक बेटा हुणा। तिसरा नाम तुसे युहना रखना। परमेसवर तिसो पवितर आतमा कने परगा, ओर युहना लोका जो मसीह जो पाने खतर तैयार करगा।” जकरियाह ने बोलया, “अऊ ओर मेरी घरवाली बच्चे पैदा करने जो बहुत बुडे है मिनजो किया पता लगना बई तुसे सच बोलने लगीरे।” ![](https://cdn.door43.org/obs/jpg/360px/obs-en-22-03.jpg) सवर्गदुता ने जकरियाह जो बोलया, “बई तगें इस सदेसा जो बताने खतर मिनजो परमेसवरा ने पेजिरा। ते मा पर यकिन नि कितया, ईते खतर जब तक तेरे बच्‍चा नी हुदा तब तक तु बोली नी पाणा,तिस समय जकरियाह री जुबान बन्‍दं हुई गी। तब से सवगदुत तिथी ते चलीगा। तिते बाद, जकरियाह घरा जो वापस आई गा अब तिसरी घरवाली पेटा ते थी।” ![](https://cdn.door43.org/obs/jpg/360px/obs-en-22-04.jpg) एलिशिबा अब छ; मीने पैटा ते थी, तब से सबगदुत ईक दम ही एलिशिबा रे रिसतेदारा गे आया, जिसा रा नाम मरियम था। मरियम अबु कुआरी थी ओर तिसा री सगाईं युसुफ नामा रे आदमीया कने हुई गी थी। सवरगदुता ने बोलया, “बई तु पैटा ते हुणी ओर तेरे ईक बेटा हुणा।” ओर तुसे तिसरा नाम यीशु रखना। से सरव शक्‍तिमान परमेसवरा रा बेटा हुणा ओर तिने सदा राज करना। ![](https://cdn.door43.org/obs/jpg/360px/obs-en-22-05.jpg) ने बोलया, “बई ऐ किया हुणा; अऊ तो कुआरी आई?” सवर्गदूत ने समझाया, “बई पवितर आत्मा ता पर आऊणी, ओर परमेसवरा री आसिस ता पर रेणी। ईते खतर से बच्‍चा पवितर हुणा, ओर परमेसवरा मरियमा रा पुतर हुणा।” जो तिने सवर्गदूत बोलया, तिते पर मरियमा ने विसवास किता। ![](https://cdn.door43.org/obs/jpg/360px/obs-en-22-06.jpg) तिसी समय, मरियमा एलिशिबा कने मिली। जिया ई मरियमा ने तिसा जो नमसते किती, एलिशिबा रा बच्चा तिसा रे पेटाच कुमया। तिना खतर परमेसवरे जो कितया था तिते खतर से दोनो बहुत खुस थी। एलिशिबा कने तीन महीने रेंणे ते बाद, मरियम करा जो आईगी । ![](https://cdn.door43.org/obs/jpg/360px/obs-en-22-07.jpg) ईते बाद, एलीशिबा ने अपने बचचे जो जनम दिता। जकर्याह ओर एलिशिबा ने तिस बच्‍चे रा नाव युहन्‍ना रखया,जेडां की सवर्गदूता ने बोलया था। तिते बाद जकर्याह बोलने लगीगा, परमेसवरा रा गुनगान हो, अब तिने अपने लोका री मदद करने जो याद रखया! ओ मेरे बच्‍चा,तु सर्व शकितमान परमेसवरा रा भविशय वकता हुणा। तु लोका जो बतागा बई से अपने पापा री माफी किया मंगी सकाए । *लूका पाठ 1 ते ईक बाइबला दी काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_22_128kbps.m4a ## 23. यीशुआ रा जन्‍म होणा https://openbiblestories.org/l/bfz-x-baghati/story-23/ ![](https://cdn.door43.org/obs/jpg/360px/obs-en-23-01.jpg) युसुफ नामा रे धरमी आदमीया कने मरियमा रा रिसता हुई गया था। जब तिसो पता लगया बी मरियम पेटा तेई तो तिसो पता था बी ऐ मेरा बच्‍चा नीआ।पर,से मरियमा री बेजती नी करना चा था, इते खतर तिने तिसा पर दया किती ओर तिसा जो तलाक देने री सोची।पर इते पेले से ऐडा करदा, ईक स्‍वर्गदुता ने तिसरे सुपने च आईके बात किती। ![](https://cdn.door43.org/obs/jpg/360px/obs-en-23-02.jpg) स्‍वर्गदुते बोलया, “हे युसुफ, मरियमा जो अपनी घरवाली बनाने ते मत डर। तिसारे पेटाच जो बच्‍चा से पवितर आतमा रे तरफा तेआ। तिसा रे ईक बेटा हुणा। तिसरा नाव यीशु रखना (जिते रा मतलब “यहोवा बचा”) से लोका जो पापा ते बचागा।” ![](https://cdn.door43.org/obs/jpg/360px/obs-en-23-03.jpg) तब युसुफा ने मरियमा कने बया करीला ओर तिसा जो घराली बनाई के करे लेई आया, तिसा रे बच्‍चा हुणे तक से तिसा रे नजदिक नी गया। ![](https://cdn.door43.org/obs/jpg/360px/obs-en-23-04.jpg) मरियमा रे बच्‍चे हुणे रा समय नेडे था, तिसे ओर युसुफे ने बेतलहम जाणे री लम्बी यात्रा किती। तिना जो तिथी जाणा जरुरी था तिथी रोमी अधिकारी इसराइला च रेणे वाले सारे लोका री गिनती करना चा थे। से चा ते सारे लोक तिथी जावो जिथी तिनारे बर्जुग रेया थे। राजा दाऊदा रा जन्म बेतलहमा च हुआ था, ओर से मरियम ओर युसुफा दोनो रे पुरखे थे। ![](https://cdn.door43.org/obs/jpg/360px/obs-en-23-05.jpg) मरियम ओर युसुफ बैतलहम गे, पर तिथी पसु रखने री जगह ते लवा तिना रे ठेरने री कोई जगह नी थी। सेई जगह थी जिथी मरियमा ने अपने बच्‍चे जो पैदा कितया। तिसे बच्‍चे जो चरनी च सुलाया पर तिथी तिस खतर कोई बिसतर नी था। तिने तिसरा नाव यीशू रखया। ![](https://cdn.door43.org/obs/jpg/360px/obs-en-23-06.jpg) तिस राती, नेडे ई तिथी पैड बकरीया चराने वाले चरवाहे रखवाली करने लगीरे थे। तबी, ईक चमकदा सवर्गदुत आया, तब से डरीगे, तिस सवर्गदुते बोलया, “डरो नी, अऊ तुसा खतर सुख सनदेंस लयाईरा। आज दाऊदा रे नगर बेतलहमा च तुसा खतर मुक्तिदाता पैदा हुई रा से ई मसीह ओर प्रभु आया।” ![](https://cdn.door43.org/obs/jpg/360px/obs-en-23-07.jpg) जावो ओर तिसो टोलो, ओर तुसा जो से कपडे च लिपटिरा ओर चरनीया च लेटीरा मिलना। तबी आसमाण सवर्गदुता कने परीगा। से परमेसवरा री अरादना करने लगीरे थे। तिने बोलया, “सारा गुणगान सवर्गा च रेणे वाले परमेसवरा जो मिलो। तरतिया पर तिना लोका जो सकुन मिलो जिनारी से चिन्‍ता करा।” ![](https://cdn.door43.org/obs/jpg/360px/obs-en-23-08.jpg) सवर्गदुत तिथी ते चलीगे। से चरवाहे बी तिथी अपनी पेडा छडीके तिस बच्‍चे जो देखणे गये। छोड ई से तिथी पहुचे जिथी यीशू पैदा ऊआ तिने देखया बई से चरनी च सुतिरा, जेडा सवर्गदुता ने बोलेया था। से बोत खुस थे। तब से अपनी पेडा गे वापस आइगे। तिने जो देखेया सुणेया तिते खतर से परमेसवरा रा गुणगान करने लगे। ![](https://cdn.door43.org/obs/jpg/360px/obs-en-23-09.jpg) पुरबा ते दुर ईक देसा च कुछ लोक थे। तिने जो तारेआ रा ज्ञान था से बडे बुद्धिमान थे। तिने ईक चमकदार तारे जो आसमाणा च देखया। तिने बोलया ईते रा मतलब यहुदिया रे नए राजे रा जनम हुईरा। ईते खतर तिने तिस बच्‍चे जो देखने खतर अपने देसा ते चली पडे बहुत सफरा ते बाद, से बेतलहम पहुचे ओर तिस करा गे पहुचे जिथी यीशु ओर तिसरे माता पिता रुकीरे थे। ![](https://cdn.door43.org/obs/jpg/360px/obs-en-23-10.jpg) इना लोका ने जब यीशुआ जो अपनी मांवा कने देखया तब तिने चुकीके तिसारे गुणगान किते। तिने लोका ने यीशुआ जो मेगीं चीजा दितिया। तब से अपने करा जो चलीगे। *मत्ती पाठ 1; लूका 2 ते ईक बाइबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_23_128kbps.m4a ## 24. युहना रा यीशुआ जो बपतिस्‍मा देणा https://openbiblestories.org/l/bfz-x-baghati/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा ओर जकरियाह रा बेटा युहना, बडा हुई के भविश्यवकता बणी गा। से बणा च रेया था, से जगंली शहद ओर टिडडीया खा था, ओर ऊटा रे बाला रे बने कपडे पैना था। ![](https://cdn.door43.org/obs/jpg/360px/obs-en-24-02.jpg) युहना री बाता सुनने वोत सारे लोक जगलां च आइगे। तिने ऐ बोलिके लोका जो प्रचार किता, बई अपणे पापां ते माफी मंगो, परमेसवरा रा आगमन नेडे आ! ![](https://cdn.door43.org/obs/jpg/360px/obs-en-24-03.jpg) ने यूहना री बात सुणी के, तो तीना मेते कइया ने अपने पापा री माफी मांगी, तब युहना ने तिनाजो लोका, बपतिस्‍मा दितया। यूहना जो देखणे खतर बोत सारे धर्मि परदान भी आए पर तिने अपने पापारी माफी नी मंगी। ![](https://cdn.door43.org/obs/jpg/360px/obs-en-24-04.jpg) युहना ने धर्मि अगवो जो बोलया, “हे जेरले सांपो! माफी मंगो ओर अपना रवईया बदलो। परमेसवरा ने से सारे डाल कटी देने जिना रे फल ठीक नीए,से तिना जो आगी च पाई देगा।” जो भविश्यवकता ने बोलया युहना ने से पुरा कितया, “देख, अऊ ता खतर छोडी संदेसवाहक पेजगा। जो तेरा रसता बणागा। ![](https://cdn.door43.org/obs/jpg/360px/obs-en-24-05.jpg) कुछ धर्मि अगुवों ने युहना ते पुछेया कया ऐ मसीआ। युहना ने बोलया, “आंउ मसीह नीया, पर से मेरे बाद आंउणे लगीरा। से इतना महाना आंउ तेसरे आगे बुटा रे तसमे खोलणे जोगा बि निआ।” ![](https://cdn.door43.org/obs/jpg/360px/obs-en-24-06.jpg) दुजे दिन, यीशु युहन्‍ना गे बपतिसमा लेणे आया। जब युहना ने तिसो देखया, तो तिने बोलया, “देखो! परमेसवरा रा मेमना जो संसारा रे सारे पाप जो अपु कने लेई जागा।” ![](https://cdn.door43.org/obs/jpg/360px/obs-en-24-07.jpg) युहना ने यीशुआ जो बोलया, “अऊ तिजो बपतिसमा देणे लायक नी आ। बलकि जरुरी आ बई तु मिंजो बपतिसमा दे।तब यीशू ने बोलया,बई तिजो मिजो बपतिसमा देना चईए, बई करने खतर एई काम ठीक आया।” तब युहन्‍ना ने तिसो बपतिसमा दितया, जब कि यशुआ ने कदी पाप नी किता । ![](https://cdn.door43.org/obs/jpg/360px/obs-en-24-08.jpg) बपतिसमा मिलने ते बाद जब यीशु पाणीया ते बार आया, तब परमेसवरा री आत्‍मा कबुतरा रे रुपा च दिखी ओर ऊदें आईके तिस पर रुकिगा। तिस समय,परमेसवरा ने सवरगा ते बात किती। तिने बोलया, “तु मेरा बेटा। अऊ ता कने प्‍यार करा,अऊ ता कने बहुत खुस आ।” ![](https://cdn.door43.org/obs/jpg/360px/obs-en-24-09.jpg) परमेसवरा ने युहनना जो बोलया, पविर्त आत्‍मा ऊंदे आई के जिस पर रुकगा तिसो ते बपतिसमा देणा। से ही परमेसवरा रा बेटा हुणा परमेसञवर ईक ई आ। पर जब युहना ने यीशूआ जो बपतिसमा दितया, तब तिने परमेसवरा जो बाते करदे सुणया,बेटे ओर परमेससवरा जो देखया,जो कि यीशू आया,ओर तिने पविर्त आत्‍मा जो देखया। *मत्ती पाठ 3, मरकुस 1:9-11; लूका 3:1 ते ईक बाइबला दी काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_24_128kbps.m4a ## 25. शैतान यीशूआ जो आजमा https://openbiblestories.org/l/bfz-x-baghati/story-25/ ![](https://cdn.door43.org/obs/jpg/360px/obs-en-25-01.jpg) यीशू आ रा बपतिसमा ऊणे रे तिसी समय, पवित्र आत्‍मा तिसो जगंला च लेई गया। यीशू तिथी चाली दिन ओर राती था। तिस समय तिने वर्त रखया, ओर शैताना ने तिस ते पाप करवाने खतर तिस री परिकशा लेई। ![](https://cdn.door43.org/obs/jpg/360px/obs-en-25-02.jpg) जब यीसुआ जो पुख लगी, तब शैताना ने यीसूआ जो अजमाणे खतर बोलया, “जे तु परमेसवरा रा बेटा तो ईना पत्‍थरा जो रोटी बणाई दे जिते जो तु खाई सको।” ![](https://cdn.door43.org/obs/jpg/360px/obs-en-25-03.jpg) यीशूआ ने शैताना जो बोलया, “परमेसवरा रे बचना च लिखिरा, ‘जिऊदा रेणे खतर आदमीया जो रोटिया री जरूरत नी हुदी, तिना जो से हर बात री जरुरत हुई जो परमेसवर तिना कने बोला’।” ![](https://cdn.door43.org/obs/jpg/360px/obs-en-25-04.jpg) तब शैतान यीशू आ जो मंदिरा रे सबीते ऊची जगह पर लेई गया। तिने तिसो बोलया, “जे तु परमेसवरा रा बेटा तो इथी ते ऊदे जो छलांग लगाई दे, लिखीरा बी, ‘परमेसवर तिजो चकने खतर अपणे स्‍वर्ग दुता जो बोलगा बी तेरे पैरा पर पत्‍थरा कने चोट ना लगो’।” ![](https://cdn.door43.org/obs/jpg/360px/obs-en-25-05.jpg) यीशूआ ने से नी कितया जो शैताना ने तिसो करने जो बोलया। पर, तिने बोलया, “परमेसवर सबी जो बोला, तु अपने परमेसवरा जो कदीनी आजमाणा।” ![](https://cdn.door43.org/obs/jpg/360px/obs-en-25-06.jpg) शैताना ने तिसो संसारा रे सारे देस कुमाए। तिने तिसो देखया बी से कितने महान ऐ, ओर से कितने धनी थे।तिने यीशूआ जो बोलया, “अऊ तिजो येसब देगा जे तु चुकीके मेरी पुजा करो।” ![](https://cdn.door43.org/obs/jpg/360px/obs-en-25-07.jpg) यीशूआ ने बोलया, “हे शैतान, मेरे सामने ते चलीजा! परमेसवरा रे वचना च से लोका जो बोला, ‘सिरफ अपणे परमेसवरा रे गुणगाण करने, और परमेसवरा रा आदर करो’।” ![](https://cdn.door43.org/obs/jpg/360px/obs-en-25-08.jpg) यीशूआ ने शैताना री बाता ते हार नी मानी, ईते खतर शैतान तिसगे ते चलीगा। तब सवर्गदुत यीशुआ री सेवा करने लगे। *मत्ती पाठ 4:1-11; मरकुस 1:12-13; लूका 4:1-13 ते ईक बाइबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_25_128kbps.m4a ## 26. यीशु अपणी सेवा सुरु करवा https://openbiblestories.org/l/bfz-x-baghati/story-26/ ![](https://cdn.door43.org/obs/jpg/360px/obs-en-26-01.jpg) यीशु री परीकसा होणे रे बाद, यीशू वापिस गलीला च आया। ऐ सेइ जगह थी जिथी यीशू रेया था। पवित्र आतमा तिसौ बहुत आसिस देने लगीरी थी, तब यीशू ईक जगह ते दुजी जगह कुमने लगीरा था ओर लोका जो बताने लगीरा था। सबी ने तिसरे बारे च सुणी बाता बोलिया। ![](https://cdn.door43.org/obs/jpg/360px/obs-en-26-02.jpg) यीशू नासरत नामा रे गावा च गया जिथी से बचपना च रेया था। सब्‍ता रे दिन, रे मेल मिलापा रे तम्‍बुआ च गया। यहुदी परदाना ने तिसो यशायाह महायाचका री किताब दिती। से चा थे बई यीशू इते कताबा ते पडो। तब यीशूआ ने से कताब खोली ओर तिना खतर ईक वचन पडया। ![](https://cdn.door43.org/obs/jpg/360px/obs-en-26-03.jpg) यीशूआ ने पडया, परमेसवरा ने मिजों अपना आत्‍मा दितरा बी अऊ कंगाला तक तिसरा सन्‍देसं पेजी सकु।तिने मिनजो ईते खतर पेजीरा ताकी अऊ जो कैदा च एतिना जो छुडाऊ,अनदेया जो आखिया देई सकू,ओर तिना जो अजाद करी सकु जिना जो दुजे लोक कुछ नी समजदे। एसे समय था जब परमेसवर असा पर दयालु हुगे ओर मारी सयाता करनी। ![](https://cdn.door43.org/obs/jpg/360px/obs-en-26-04.jpg) तब यीशु बैठीगा। सब तिसो बडे गोरा कने देखने लगीरे थे। से जाणा थे बी पवित्र सासत्रा रा जो पाठ अबु तिने पडया से मसीहा रे बारे च था। यीशूआ ने बोलया, “जो बाता मे अबू तुसा खतर पडीया, से इस समय हुणे लगीरिया। सबी लोक सुन्‍न थे।” तिने बोलया, “बई ऐ युसुफा रा बेटा नीआ?” ![](https://cdn.door43.org/obs/jpg/360px/obs-en-26-05.jpg) तब यीशूआ ने बोलया, “बी ऐ सचा बई लोक कीसी एडे याचका जो नी मानंदी जो तिना रे साथी पलीरा ओर बडा हुआ ओ। एलियाह महा याचका रे समय च। इसराईलाच बहुत सारी बिधवा थी। पर जब साडे तीन साला तक बरखा नी हुई तब परमेसवरा ने एलियाह जो इसराईला च किसी बिधवा री सहायता जो नी पेजया। बलकी, तिने एलियाह जो ओर देसा री बिधवागे पेजया।” ![](https://cdn.door43.org/obs/jpg/360px/obs-en-26-06.jpg) यीशू ने बोलणा बदं नी किता, “एलीशा महायाचका रे समय, इसराइला च बहुत सारे लोका जो चमडीया रा रोगा था। पर एलीशा ने किसो जो बी ठीक नी किता। तिने बस इसराइला रे दुसमण रे सेनापति नामाना जो ठीक किता। जो लोक तिथी यीशूआ गे बेठीरे थे से सारे यहुदी थे।जब तिने ऐ सुणया तब से तिस पर गुस्‍सा हुए।” ![](https://cdn.door43.org/obs/jpg/360px/obs-en-26-07.jpg) नासरता रे लोका ने यीशूआ जो पकडी ला ओर तिसो कसीटी के तमबुआ ते बार लेई गे।से तिसो मारने खतर ऊदें फेकने जो इक चटटाना री चोटिया पर लेई गे। पर यीशू लोका रे बिचेते निकली के नासरत नगरा जो छडी के चली गया। ![](https://cdn.door43.org/obs/jpg/360px/obs-en-26-08.jpg) तब यीशू गलीला च गया, ओर बोत लोक तिस गे आऐ।से बोत सारे लोका जो लेइ के आए जो बमार ओर अपाहिज थे। तिना मे ते कुछ लोक देखी, सुणी,चली नी सकदे थे, तब यीशूआ ने तिना जो ठीक किता। ![](https://cdn.door43.org/obs/jpg/360px/obs-en-26-09.jpg) ईते बाद, बोत सारे लोक यीशुआ गे लयाए जिना रे अन्‍दर बुरी आत्मा थीया। यीशूआ ने तिना जो तिना मिज ते बार निकलने जो बोलया। से बुरी चीजा चिगने लगीया, “तु परमेसवरा रा बेटा! पीडा च लोक चोकीगे,” तब तिने परमेसवरा रे गुणगान किते। ![](https://cdn.door43.org/obs/jpg/360px/obs-en-26-10.jpg) यीशूआ ने तब बारा लोका जो कटठा किता जिना जो प्ररिता रा नाम दिता। से प्ररिता यीशूआ कने कुमे ओर तिस ते बोत कुछ सिखया। *मती पाठ 4:12-25: मरकुस 1:14-15, 35-39: 3:13-21: लुका 4:14-30, 38-44 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_26_128kbps.m4a ## 27. इक दयावान सामरीया री काणी https://openbiblestories.org/l/bfz-x-baghati/story-27/ ![](https://cdn.door43.org/obs/jpg/360px/obs-en-27-01.jpg) ईक दिन, यहुदीया र काम देखने वाला खास आदमी यीशूआ गे आया। से सबी जो दखाणा चा था बी यीशू गलत तरीके कने बोलने लगीरा था। ईते खतर तिने बोलया, “हे गुरु, सदा रा जीवन पाने खतर अऊ क्या करु?” यीशूआ ने बोलया, “परमेसवरा री वयसथा च क्या लिखीरा?” ![](https://cdn.door43.org/obs/jpg/360px/obs-en-27-02.jpg) तिने आदमीया ने बोलया, “से बोलाई अपणे परमेसवरा कने पुरे मन, जिवन, पवित्रा, ओर समझा कने प्‍यार रख। ओर अपने पडोसीया कने अपू साई प्यार रख।“ यीशूआ ने बोलया, “तु बिलकुल ठीक बोला! जे ते ऐडा किता तो तू सदा रा जीवन पागां।” ![](https://cdn.door43.org/obs/jpg/360px/obs-en-27-03.jpg) पर से नियमा-कानूना रा जाणकार लोका जो दखाणा चा था बई तिसरे जीणे रा तरीका ठीका। तब तिने यीशुआ जो पुछया, “ठीका, तब मेरा पडोंसी कुणा?” ![](https://cdn.door43.org/obs/jpg/360px/obs-en-27-04.jpg) यीशुआ ने तिस नियमा-कानूना रे जाणकारे जो ईक काणी सुणाईके जबाब दिता। “ईक यहुदी आदमी था जो ईक सडका ते हुई के यरुशलेमा ते यरीहो जो जाणे लगीरा था।” ![](https://cdn.door43.org/obs/jpg/360px/obs-en-27-05.jpg) “पर कुछ डाकुआ ने तिसो देखया ओर तिस पर अमला करीता। तिने तिसरा सब कुछ लेईला ओर तिसो मरने तक खुब मारया। तब से चलीगे।” ![](https://cdn.door43.org/obs/jpg/360px/obs-en-27-06.jpg) “तिते बाद तिसीए ईक याजक तिसा सडका री गया तिनै याचका तिस आदमीया जो सॅडका च गीरी रा देखया तब सै सडका रे दुजै कनारै जाईकी आगै बडिगा तीनै तिस आदमीया जो अनदैखा करी दीतया।” ![](https://cdn.door43.org/obs/jpg/360px/obs-en-27-07.jpg) “तीतै बाद बाद ऐक लेबी तिसा सडका पर आया। (लैबी यहुदीया री इक जात थी तीने मदंरा रे याजका री मदद कीती थी।) सै लेबी बी सडका री दुजे कनारे ते निकली गया ती ने बी तिस आदमीया जो नदेखया करी तेया।” ![](https://cdn.door43.org/obs/jpg/360px/obs-en-27-08.jpg) “ओर आगला जो आदमी सडका च आया सामरिया रा आदमी था। (सामरी ओर यहुदी आपु बीचे नफरत करो थे।) तीने सामरीये सडका पर तीस आदमीया जोदेखेया तीने देखया से यहुदी था पर तिने तीस पर बडी तरस कीती से ती सगे गया ओर तीसरे जखमा पर पटिया बानी।” ![](https://cdn.door43.org/obs/jpg/360px/obs-en-27-09.jpg) “तब तीस सामरीया नै तीस आदमीया जो गधे पर बठाया तीसा सडकीते सरांई तक लेई गया तीथी तसरी देखबाल करनी सुरु कीती।” ![](https://cdn.door43.org/obs/jpg/360px/obs-en-27-10.jpg) दुजे दिना सामरीया जो आपणी यातरा करनी जरुरी थी तीने सराई रे इक नोकरा जो कुछ तन दीतया तिने बोलेया, “ईस आदमीया त्यान राखणा जे इस तन रे लावाओर खरचा उगां तो आई करी देई दीगां।" ![](https://cdn.door43.org/obs/jpg/360px/obs-en-27-11.jpg) तीते बाद यीसुआ ने तीस काम करने वाले आदमीया जो पुछय, “तुसे कया सोचांऐ ईना लोका बीचे कुणजा आदमी पडोसी आ जिसे लुटेया ओर कुटया?” तीने बोलया, “जीने तिस पर दया कीती।” यीसुआ ने बोलया तु जा ओर ऐडा ई कर।” *लुका पाठ 10:25-37 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_27_128kbps.m4a ## 28. ईक अमीर जुआन यहुदी https://openbiblestories.org/l/bfz-x-baghati/story-28/ ![](https://cdn.door43.org/obs/jpg/360px/obs-en-28-01.jpg) ईक दिन, ईक तनवान जवान राजा ने यीशूआ गे आई के पुछया, “हे उतम गुरु, सदा रा जीवना खतर मुझे क्या करना पडना?” यीशुआ ने बोलया, “तु मिन्‍जो अच्‍छा क्यु बोला? ईक ई अच्‍छा से आ परमेसवर। पर जे तु सदा रा जीवन पाणा चा तो परमेसवरा रे नियमा रा पालन कर।” ![](https://cdn.door43.org/obs/jpg/360px/obs-en-28-02.jpg) तिने पुछया, “मिन्जो कुण कुण जे हुकुम जो मानने री जरुरती?” यीशूआ ने बोलया, “किसी जो मारना नी। गलत काम नी करने। चोरी नी करनी। चुठ नी बोलना। अपने माता पिता रा मान करना, ओर अपने पडोसीया कने अपू साई प्यार करना।” ![](https://cdn.door43.org/obs/jpg/360px/obs-en-28-03.jpg) तिस जवान आदमीया ने बोलया, “अऊ बचपना ते ई इना सब बाता जो मानने लगीरा। मिन्‍जो सदा खतर जींदा रेणे खतर अब क्या करने री जरुरती?” यीशूआ ने तिसो देखया ओर तिसो प्यार किता। ![](https://cdn.door43.org/obs/jpg/360px/obs-en-28-04.jpg) यीशू ने बोलया, “जे तु महान होणा चा तो अपणा सब कुछ बेची दे ओर अपना तनं गरीबा च बडीदे, तब तिजो सव्रगा च तनं मिलणा।तिते बाद आईके मा पिछे आईजा।” ![](https://cdn.door43.org/obs/jpg/360px/obs-en-28-05.jpg) यीशूआ ने जो बोलया जब तिने आदमीया ने सुणया तब से बोत उदास हुआ, से बोत तनी था। ओर से अपनी जयदात देना नी चा था। से यीशूआ गे ते वापस चली गया। ![](https://cdn.door43.org/obs/jpg/360px/obs-en-28-06.jpg) यीशूआ ने अपने चेलेया जो बोलया, “परमेसवरा रे राजय च तनी लोका रा जाणा बोत मुसकला!ईक तनी आदमीया रा परमेसवरा रे राजय जाने री जगह इक ऊटा रा सूइया रे नके च निकलना असाना।” ![](https://cdn.door43.org/obs/jpg/360px/obs-en-28-07.jpg) यीशूआ ने जो बोलया जब चेलो ने सुणया तो से हैरान थे। तिने बोलया, “जे एडा तो परमेसवर किसो बचागा?” ![](https://cdn.door43.org/obs/jpg/360px/obs-en-28-08.jpg) यीशुआ ने चेलया जो देखया ओर बोलया, लोका जो अपणे आपा ते उद्धार पाणा मुसकला। पर परमेसवरा खतर कुछ बी करना मुसकल नीआ। ![](https://cdn.door43.org/obs/jpg/360px/obs-en-28-09.jpg) पतरसा ने यीशूआ जो बोलया, “असे चेले अपणा सब कुछ छडीके तेरे पीछे आईगे। तब मारा इनाम कया हुणा?” ![](https://cdn.door43.org/obs/jpg/360px/obs-en-28-10.jpg) यीशूआ ने बोलया, “हर ईक जणा जिने मेरे खतर अपणा कर,पाई,बेण,माता, बच्चे,या जयादाद छडी,से तिते सो गुणा तिसो मिलणा। ओर सदा रा जीवन बी मिलणा, पर बोत सारे जो पेले से पीछले हूणे,ओर जो पिछले से पेले हुणे।” *मती पाठ 19:16-30; मरकुस 10:17-31; लुका 18:18-30 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_28_128kbps.m4a ## 29. निर्दइ दासा री काणी https://openbiblestories.org/l/bfz-x-baghati/story-29/ ![](https://cdn.door43.org/obs/jpg/360px/obs-en-29-01.jpg) इक दिन, पतरसा ने यीशूआ ते पुछया, “हे स्‍वामी, मीजों आपणे पाइया जो कीतनी बार माफ करणा चइए जब से मेरा बुरा करां? सात बारी तक? यीसुआ ने बोलेया, सात बार नी, सात रा सतर बार! ईते खतर, यीसुआ रा केणा बई असा जो सदा माफ करना चइऐ। तब यीशूआ ने ऐ काणी बताई।” ![](https://cdn.door43.org/obs/jpg/360px/obs-en-29-02.jpg) यीशुआ ने बोलया, “परमेसवरा रा राज्‍य इक राजा रे बराबर आ जो अपुगे काम करने वाले ते साब कताब लेणा चा। तिसरा ईक काम करने वाला 2,00,000 साला री मेणत रे इक बडे करजे रा करजदार था।” ![](https://cdn.door43.org/obs/jpg/360px/obs-en-29-03.jpg) पर से बजदुर अपना करजा नी चुकाई सकया, इते खतर राजे बोलया, “बी इसरा करज चुकाने खतर इस आदमीया जो ओर इसरे परिवारा जो गुलामा रे रुपा च बेचीदो।” ![](https://cdn.door43.org/obs/jpg/360px/obs-en-29-04.jpg) “तिस दासा ने राजा रे सामणे बैठी के बोलया, बई मा पर रैम कर,अऊ अपणा पुरा करजा टाई देंगा। राजे जो तिस पर दया आई,ओर तिने तिसरा सारा करजा माफ करीता ओर तिसो जाणे दितया।” ![](https://cdn.door43.org/obs/jpg/360px/obs-en-29-05.jpg) “दास जब राजे गे ते बारे निकलेया, तब तिसो तिसरा दास साथी मिलया जो तिसरे चार मीने री मजदुरीया रा करजदार था। तिने दासा ने अपनै दास साथीया जो पकडीला ओर बोलया,जो ता पर मेरा करजा से मिन्‍जो वापस कर।” ![](https://cdn.door43.org/obs/jpg/360px/obs-en-29-06.jpg) “तिसरे दास साथीया ने पुइया बेठीके बोलया, बी मा पर तरस कर,अऊ अपने करजै री पुरी रकम वापस करी देगा। तिते रे बदले, तिस दास साथीया जो जेला च पाईता जब तक से करजा ना टाओ।” ![](https://cdn.door43.org/obs/jpg/360px/obs-en-29-07.jpg) ” “तिथी जो हुआ था से कुछ ओर दासा ने देखया ओर बोत दुखी हुए। से राजे गे गए ओर सब कुछ बताईता। ![](https://cdn.door43.org/obs/jpg/360px/obs-en-29-08.jpg) “राजे ने तिस दासा जो बुलाईके बोलया, हे पापी दास! मै तेरा करजा ईते खतर माफ कितया बी तेमा कने अरज किती थी।तिजो बी एडा ई करना चाईए था।राजा बोत गुससे च था तिने तिस दासा जो जेला च पेजीता जब तक से अपने सारे करजे जो ना परी दो।” ![](https://cdn.door43.org/obs/jpg/360px/obs-en-29-09.jpg) तब यीशुआ ने बोलया, “मेरा सवर्गा च रेणे वाला पिता तुसा सबी कने एडाई करगा जे तुसे अपने पाइया जो अपने दिला ते माफ नी करगे।” *मती पाठ 18:21-35 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_29_128kbps.m4a ## 30. यीसु पांज हजार लोका जो खाणा खिलां https://openbiblestories.org/l/bfz-x-baghati/story-30/ ![](https://cdn.door43.org/obs/jpg/360px/obs-en-30-01.jpg) यीसुआ ने अपणे प्रेरिता जो प्रचार करने और लोका जो सिक्सा दैणे खतर बोत सारे लग-लग गांवा च पेजेया। जब से तीथी आये जीथी यीशु था तो तिनी तिस जो बताया कि तिना क्या किता। तब यीसुआ ने अप्पु जो झिला दे दूजी तरफा तिसरे कने सांत जगाह पर जाकर कुछ समय अराम करने कतर बुलाया तब से ईक किसतिया पर चढ़ी के झीला री दूजी तरफा जो चली गे। ![](https://cdn.door43.org/obs/jpg/360px/obs-en-30-02.jpg) तीथी एडे वोत लोक थे जीने यीशु ओर तीसरे चेलेआ जो कीसतीया चजांदे देखेया था। सेलोक तीनाते आगे चीला रे दुजे कनारे जाणे री खतर चीला कनारे कनारे दोडे। जब यीशु रे चेले पहुचे वोत सारे लोक पेले ई ईतंजार करने लगी रे थे। ![](https://cdn.door43.org/obs/jpg/360px/obs-en-30-03.jpg) तिस पीडा च ओरता ओर बचचेया री गिणती रे बिना 5000 आदमी थे। यीशुने तीना लोका पर वोत रेम कीतया। यीशु जो लोक बिना चरवाहे री पेडा बराबर थे। ईते खतर तिनो जो समजाया तिना रे जो लोक बमार थे तीना जो ठीक कीतया। ![](https://cdn.door43.org/obs/jpg/360px/obs-en-30-04.jpg) सजां रे टेमा, चेलेया ने यीशुआ जो बोलेया, “अब देर उइगी री ओर ओरे-परे कोई बी बसती नी इना लोका जो पेजे ताकी खाने खतर कुछ लेई सको।” ![](https://cdn.door43.org/obs/jpg/360px/obs-en-30-05.jpg) तब यीशु ने चेले जो बोलेया, “तुसे तीना जो कुछ खाणे जो देओ! तिने बोलया,आसे एडा किया करी सकांए?आसा गे पाजं रोटीया ओर दो छोटी मछलिया।” ![](https://cdn.door43.org/obs/jpg/360px/obs-en-30-06.jpg) यीशुआ ने अपने चेलेआ जो बोलया, बई से पीडां रे लोका जो बोलो, बई से पजा पजा रे चुंडा च बैठी जाओ। ![](https://cdn.door43.org/obs/jpg/360px/obs-en-30-07.jpg) तब यीशुआ ने पांज रोटीया ओर दो मछलिया जो लेई के सव्‍र्गा री तरफ देखया, ओर तिस खाणे खतर परमेसवरा रा धन्‍यवाद किता। ![](https://cdn.door43.org/obs/jpg/360px/obs-en-30-08.jpg) तब यीसुआ ने रोटि ओर मछलिया जो टुकडे च तोडया। तिने लोका जो देणे खतर से टुकडे अपने चेलेया जो दिते। चेले तिस खाणे जो बढदे रे, ओर से कदी खतम नी हुआ।से सारे लोक खाई के रजी गे । ![](https://cdn.door43.org/obs/jpg/360px/obs-en-30-09.jpg) तिते बाद, चेलेया ने से खाणा कटठा किता जो बचीगा था तब बारह टोकरीया निकली! से सारा खाणा तिस पांज रोटिया ओर दो मछलिया ते आया था। *मती पाठ 14:13-21; मरकुस 6:13-44; लुका 9:10-17; युहन्‍ना 6:5-15 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_30_128kbps.m4a ## 31. यीशु रा पाणीया पर चलणा https://openbiblestories.org/l/bfz-x-baghati/story-31/ ![](https://cdn.door43.org/obs/jpg/360px/obs-en-31-01.jpg) पाजं हजार लोका जो रोटी खलाने ते बाद, यीशुआ ने अपने चेलेया जो किसतीया पर जाणे जो बोलया। तिने तिना जो किसतीया री दुजी तरफ जाणे जो बोलया ओर अपु थोडी देरा जो तिथी रुकिगा। तब चेले चलीगे ओर यीशुया ने लोका जो बिदा कितया बी से अपने करा जो जावो। तिते बाद, यीशु परमेसवरा रि प्राथना करने जो ईक पाडां पर चलीगा। तिथी से कला था, ओर से आधी राती तक तिथी रेया। ![](https://cdn.door43.org/obs/jpg/360px/obs-en-31-02.jpg) तिस, समय चेले अपणी किसतिया जो चलाई के जाणे लगीरे थे, पर हवा तिना री तरफ चलीरी थी। बोत रात हुणे पर बी से नदिया रे बीचे ही फसीरे थे। ![](https://cdn.door43.org/obs/jpg/360px/obs-en-31-03.jpg) तिस समय यीशुआ ने परमेसवरा री पराथना खतम किती ओर अपने चेलो गे वापस जाणा सुरु कितया। से किसतिया री तरफ जाणे खतर पाणीया पर चलने लगेया। ![](https://cdn.door43.org/obs/jpg/360px/obs-en-31-04.jpg) जब चेलेया ने तिसो देखया। से बोत डरीगे तिने सोचया बई ये कोई पुत आ। यीशु जाणा था बई ऐ डरी गे, तब तिने जोरा कने अवाज देई के बोलया, “डरो मत, ऐ अऊ आ!” ![](https://cdn.door43.org/obs/jpg/360px/obs-en-31-05.jpg) तब पतरसा ने यीशुआ जो बोलया, “हे प्रभु, जे ऐ तुआ तो मीनजो पाणीया पर चली के तंगे आणे खतर बोल।“ यीशुआ ने पतरसा जो बोलया, “आ!” ![](https://cdn.door43.org/obs/jpg/360px/obs-en-31-06.jpg) तब पतरस किसतिया ते ऊतरी गया ओर यीशुआ गे जाणे जो पाणीया पर चलने लगया। पर जरा कर दुर जाई के, तिने अपनी आखीया यीशुआ ते फेरीलिया ओर हवा,तेज लहरा जो देखणा सुरु करीता। ![](https://cdn.door43.org/obs/jpg/360px/obs-en-31-07.jpg) तब पतरस डरी गया ओर पाणीया च डुबने लगया। से चिगया, “हे प्रभु, मिन्‍जो बचा!” यीशुआ ने तिसी समय तिस रा आथ बडाईके पकडी ला। तब तिने पतरसा जो बोलया, “तेरा परोसा बोत कमां! अपू जो सुरकसित रखणे खतर तैं मा पर परोसा कऊ नी किता?” ![](https://cdn.door43.org/obs/jpg/360px/obs-en-31-08.jpg) तब यीशु ओर पतरस किसतिय पर बैठी गे, तब ईक दम अवा रा चलना बंद हुईगा। पाणी री लेरा बंद हुई गिया। चेलया ने हैरन हुई कर यीशुआ रे पैरा च पडीगे। तब तिने तिसरे गुणगाण किते ओर तिसो बोलया, “सच्‍ची तु परमेसवरा रा बेटा।“ *मती पाठ 14:22-33; मरकुस 6:45-52; युहन्‍ना 6:16-21 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_31_128kbps.m4a ## 32. यीशु बुरी आत्मा से आदमीया जो ओर ईक बिमार ओरता जो ठीक करा https://openbiblestories.org/l/bfz-x-baghati/story-32/ ![](https://cdn.door43.org/obs/jpg/360px/obs-en-32-01.jpg) यीशु ओर तिसरे चेले अपणी नावा च तिस जगह जो गै जिथी गिरासेनी लोक रेया थे। से तिथी पहुची के किसतिया ते ऊतरी गे। ![](https://cdn.door43.org/obs/jpg/360px/obs-en-32-02.jpg) तिथी ईक आदमी था जो बुरी आत्मा रिया चपेटा च था। ![](https://cdn.door43.org/obs/jpg/360px/obs-en-32-03.jpg) से आदमी इतना ताकता वाला था बी तिसो कोई बी नी समबाली सकदा था। कई बार लोका ने तिसो सगंला कने बी बनया, पर से तिना जो बी तोड़ी दें था। ![](https://cdn.door43.org/obs/jpg/360px/obs-en-32-04.jpg) से आदमी तिथी कबरा च रेया था। से आदमी पुरी राती ओर पुरे दिन चिंगा था। से कपडे नी पेनदा थाओर अपु जो पत्थरा कने मारा था। ![](https://cdn.door43.org/obs/jpg/360px/obs-en-32-05.jpg) आदमी दोडी से के यीशुआ गे गया ओर तिसगे सामनै चुकी गा। तब यीशूआ ने तिस आदमीया रे अन्‍नदरा रे बुरी आत्मा कने बात किती ओर बोलया, “एस आदमीया ते बार निकली जा!” ![](https://cdn.door43.org/obs/jpg/360px/obs-en-32-06.jpg) से बुरी आत्मा जोरा कनै चिंगी, “हे यीशु, परम परदाना रे बेटे, तेरा मा कनै कया कामा? आथ जोडी के अरजी मिजों मत तंग कर!” तब यीशुआ ने तिसा बुरी आत्मा ते पुछया, “तेरा नाम क्या?” तिने बोलया, “मेरा नाम सेना, असे बोतै।” (रोमी सेना च कई हजार सैनिका रा ईक समुह था तिसो “सैना” बोला थे।) ![](https://cdn.door43.org/obs/jpg/360px/obs-en-32-07.jpg) तिने बुरी आत्मा यीशुआ कने बोलया, “असा जो इते जगह ते बार नी पेजो!” तिथी नेडेइ पाडा पर सुअरा रा चुडं चरने लगीरा था। ईते खतर तिने यीशुआ जो बोलया, “बई असा जो ईना सुराच पेजी दो!” यीशुआ ने बोलया, “ठीका, इनाच चली जाओ।” ![](https://cdn.door43.org/obs/jpg/360px/obs-en-32-08.jpg) तब से बुरी आत्मा तिस आदमीया ते निकली के तिना सुअरा च चली गीया। से सुअर दोडी के ईक टीले परा ते नदिया च छलांग मारती ओर मरीगे। तिस चुडा च 2,000 सुअर थे। ![](https://cdn.door43.org/obs/jpg/360px/obs-en-32-09.jpg) तिथी तिना सुअरा री देख पाल करने वाले लोक थे। जो कुछ तिथी हुआ जब तिने देखया तो से नगरा जो नठीगे। यीशुआ ने जो कुछ कितया तिने सबी जो बताया। तिसा नगरा रे लोक बार आईगे ओर तिस आदमीया जो देखया जिस आदमीया च बुरी आत्मा थी। से चुपचाप कपडे पेनी के, ईक सुणा आदमी बणी के ओर आम आदमीया साई लगणे लगी रा था। ![](https://cdn.door43.org/obs/jpg/360px/obs-en-32-10.jpg) से लोक बोत डरीगे ओर तिने यीसुआ जो जाणे जो बोलया। तब यीशु किसतिया पर चडी गया। से आदमी जिसो बुरी आत्मा थी तिने यीशुआ कने जाणे जो बोलया। ![](https://cdn.door43.org/obs/jpg/360px/obs-en-32-11.jpg) पर यीशुआ ने बोलया, “ना। अऊ चा बी तु करा जाई के सबी जो बता बई परमेसवरा ने मा खतर क्‍या किता। तिना जो बता बई परमेसवरा ने किया मा पर दया किती।” ![](https://cdn.door43.org/obs/jpg/360px/obs-en-32-12.jpg) ईते खतर से आदमी चलीगा ओर सबी जो इते बारे च बताया जो ईशु आ ने तिस खतर कितया। तिस री बात सुणी के सारे आदमी हैरन हुए। ![](https://cdn.door43.org/obs/jpg/360px/obs-en-32-13.jpg) यीशु नदिया रे दुजी कनारे जो आई गा। तिने तिथी पहुचणे ते बाद, तिथी बहुत सारे लोक तिसरे ओरे परे कठे हुइ गे । तिना लोका रे विचे एक औरत थी जो 12 साला ते खुन चलने री बजह ते बमार थी। तिसे आपणी सारी जमा पुजी अपणे लाजा च लगाईती थी बई से तिसा जो ठीक करी सको, पर तीसारी बमारी होर बी बिगडी गी थी। ![](https://cdn.door43.org/obs/jpg/360px/obs-en-32-14.jpg) तिसे सुणी रा था बी यीशुआ ने कई बमार लोका जो ठीक किती रा, “अऊ सोचाई जे मे यीशुआ रे कपडे छुई ले, तो आऊ ठीक हुई जाणी!” तब से यीशुआ रे पिछे ते आई ओर तीसरे कपडे छुई ले। जिआइ तिसे से छुए, तिसारा खुन चलना बदं हुई गया। ![](https://cdn.door43.org/obs/jpg/360px/obs-en-32-15.jpg) तिसी समय, यीशुआ जो पता लगी गा बई तीस ते सकती निकलरी। इते खतर तिने पिछे मुडी के पुछया, “मिनजो किने छुआ?” चेलया ने बोलया, “ईथी इतने सारे लोके जिने तेरे चारो तरफा ते केरा पाईरा, ओर तक्‍का -मुक्‍कि हुणे लगीरी। तो ते कऊ पुछया बी मिन्जो किने छूआ?” ![](https://cdn.door43.org/obs/jpg/360px/obs-en-32-16.jpg) से ओरत यीशूआ सामने काबीगी ओर डरी के यीशुआ रे सामणे चुकी के बैठी गी। तब तिसे यीशुआ जो बताई ता बई तिसे क्या कितया, ओर ऐ बई से ठीक हुईगी। यीशुआ ने तिसा जो बोलया, “तेरे परोसे ने तिजो ठीक कीता। अरामा कने जा।” *मती पाठ 8:18-34; 9:20-22; मरकुस 5:1-20; 5:24b-34; लूका 8:26-39; 8:42b-48 ते ईक बाईबला री ईक काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_32_128kbps.m4a ## 33. ईक जिमीदारा री काणी https://openbiblestories.org/l/bfz-x-baghati/story-33/ ![](https://cdn.door43.org/obs/jpg/360px/obs-en-33-01.jpg) ईक दिन, यीशु नदीया रे नेडे था। से बोत सारे लोका रे बीचे तिना जो सिक्सा देणे लगीरा था। तिसो सुनणे खतर बोत सारे लोक आए तिना कने बाता करने यीशुआ गे जगा नी बची। ईते खतर से पाणीया च खडरी किसती ऊपर चडीगा। से तिथी बैठी गया ओर लोका जो सिक्सा सुणाया। ![](https://cdn.door43.org/obs/jpg/360px/obs-en-33-02.jpg) यीशुआ ने तिना जो इक काणी सुणाई, “ईक जिमीदार फसल लगाणे जो बार आया। जब से आथा कने बीज फैकने लगीरा था तो कई बीज बाटा च पडे। पर पछीया ने आईके से सारे खाईले।” ![](https://cdn.door43.org/obs/jpg/360px/obs-en-33-03.jpg) “दुजे बीज पथरा वाली जमीना च पडे जिथी बोत कम मटी थी। पथरा वाली जमीना च पडे से बोत छोड उगी गे, पर तीतेरी जडा मट्टिया च जाणे जो तेयार नी थिया। जब सुरज निकलया और गरमी हुई गी तब से पौदे मुरझाई गीया।” ![](https://cdn.door43.org/obs/jpg/360px/obs-en-33-04.jpg) “तब दुजे बीज चीटा च पडे। तिना बीजा ने बडना सुरु किता, पर चीटां ने तिनओ दबाईता। ईते खातर चीटा च पडीरे बिजा मे ते कोइ नाज नी उगया।” ![](https://cdn.door43.org/obs/jpg/360px/obs-en-33-05.jpg) “दुजे बीज बडीया मटीया च पडे। औ जीतने बीज तिते मे ते 30, 60, और इथी तक 100 गुना नाज ऊगया। जो कोई बी परमेसवरा रे पीछे चलना चा, से तिस बाता जो ध्‍याना कने सुणो जो आउ बोला।” ![](https://cdn.door43.org/obs/jpg/360px/obs-en-33-06.jpg) ईते कहाणीया जो सुणी के चेले सोचा च पडी गे। तब यीशु ने बोलया, “से बिज परमेसवरा वचन आ। से रसता ईक एडा आदमीया जो परमेसवरा रे बात सुना, पर तिते जो मानदा नी आ। तब शैतान तिसरे वचना जो चोरी लेया। तब शैतान तीसो वचन समझणे ते दुर रखा।” ![](https://cdn.door43.org/obs/jpg/360px/obs-en-33-07.jpg) “से पत्‍थरा वाली जमीन एडे आदमीया री जो परमेसवरा रे वचना जो सुणा ओर खुसी या कने तिते जो अपनाई लेया। पर जब बुरा समय आवा, या जब कोई ओर दुख; आवा, या जब ओर लोक तिसो तगं कराए, तब से परमेसवरा ते दुर चली जा। तब से परमेसवरा पर परोसा करना बदं करी देया।” ![](https://cdn.door43.org/obs/jpg/360px/obs-en-33-08.jpg) “से झाडिया ऐडा आदमीया जो परमेसवरा रे वचना जो सुणा। पर से बोत सारी बाता जो सोचना सुरु करी देया, ओर से बोत सारी कमाई करने री सोचा, ओर से बोत सारी चीजा जो पाणे री कोसीस करा। कुछ समय बाद, अब से परनेसवरा पर बिसवास करने जो सोच बचार करा। ईते खतर जो तिने परमेसवरा रे वचना ते सिझया से परमेसवरा जो खुस करने खतर काफी नीआ। से कनका री डडीया साईआ जो कोई अनाज पैदा नी करी सकदी।” ![](https://cdn.door43.org/obs/jpg/360px/obs-en-33-09.jpg) “पर सुणी तरती से आदमीया जो परमेसवरा रा वचन सुणा, तिस पर बिसवास करा, ओर बोत सारा फल लेई के ओंदा।” *मती पाठ 13:1-8, मरकुस 4:1-8, 13-20; लूका का 8:4-15 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_33_128kbps.m4a ## 34. यीशु दुजी काणी री सिक्सा देया https://openbiblestories.org/l/bfz-x-baghati/story-34/ ![](https://cdn.door43.org/obs/jpg/360px/obs-en-34-01.jpg) यीशूआ ने परमेसवरा रे राजय रे बारे च ओर बोत काणीया सुणाई। जिया की, तिने बोलया, “परमेसवरा रा राज्‍य ईक राईया रे बिजा साईआ जिते जो किने अपणी बागटिया च बीजी दिता। तुसे जाणाए बई राईया रा बीज सारे बिजा ते छोटा हुआ।” ![](https://cdn.door43.org/obs/jpg/360px/obs-en-34-02.jpg) “पर जब राईया रा बीज बडां हुईजा तब से बगीचे रे सारे पेडा च सबीते बडा हुई जा, इतना बडा की पन्‍छीं तिते री डालिया पर अराम कराय।” ![](https://cdn.door43.org/obs/jpg/360px/obs-en-34-03.jpg) यीशुआ ने ईक ओर कहाणी बताई, “परमेसवरा रा राजय खमीरा साई आ जिते जो ईक ओरत आटे च मलाई देई तब से सारा आटा खमीर हुई जा।” ![](https://cdn.door43.org/obs/jpg/360px/obs-en-34-04.jpg) “सवर्ग रा राजय तिस खजाने साईआ जिते जो किने बागटिया च छुपाई ता। किसी ओर आदमीया जो से खजाना मिली गया ओर तिने तिसो लेने री बोत कोसीस किती। ईते खतर तिने से फेर तरतीया च दबाईता। से इतना खुस हुआ कि तिने जाई के अपणा सब कुछ बेचीता बई से तिसा बागटिया जो खरीदी लो जिथी से खजाना था।” ![](https://cdn.door43.org/obs/jpg/360px/obs-en-34-05.jpg) “सवर्गा रा राजय ईक बोत मेगा अच्‍छा मोतीया रे समान आ। जब कोई मोतिया रा बपारी तिते जो देखी लेया तब से तिते जो खरीदने खतर अपणा सब कुछ बेची देया।” ![](https://cdn.door43.org/obs/jpg/360px/obs-en-34-06.jpg) तीथी कुछ लोक थे जो सोचा थे परमेसवर इते खतर इनाजो मानगा बइ ऐ अछे काम करने लगीरे। ऐ लोक ऐडे लोका जो बुरा मानाऐ जो तीना पले कामा जो नी करदे थे। इते खतर यीशुआ ईना ऐ कानी सुनाई, “दो लोक थे दोनो लोक पुजा खतर मदंरा च गऐ । तीने बीचा च ईक लगान लेने वाला था, ओर दुज ईक तरमी परदान था।” ![](https://cdn.door43.org/obs/jpg/360px/obs-en-34-07.jpg) “तीने तारमीक परदाना ने ईयां पराथना कीती, ‘हे परमेशवर तेरा पला ओ आउं ओर लोका सइ जियां डाकु, बुरा करने वाले आदमी, ब्यभिचारी, ईथी तक तीस लगान लेने वाले सांइ पापी नीआं।’ ![](https://cdn.door43.org/obs/jpg/360px/obs-en-34-08.jpg) “इते खतर आउं अफते दो बार बरत रखआं ओर आउं मीजों मीलने वाले तन ओर समान रा दसुआ इसा तीजो देआं।” ![](https://cdn.door43.org/obs/jpg/360px/obs-en-34-09.jpg) “पर से लगान लेने वाला तीस तारमीक परदाना ते दुर खडा उइ गया । ती ने उपर सवरगा री तरफा नी देखेया ।इते री बजह ते तीने आपने आथा कने आपनी छातीया जो मरेया ओर पराथना कीती, ‘हे परमेश्‍वर मां पर दया कर किउंकी आउं पापी आ’।” ![](https://cdn.door43.org/obs/jpg/360px/obs-en-34-10.jpg) तब यीशुआ ने बोलेया, “आउं तुसा कने सच बोला, परमेशवरा नेतीस लगान लेने वाले री पराथना सुनी ओर तीसो तरमी बोलेया । पर तीसो तारमीक परदाना री पराथना ठीक नी लगी परमेशवर सबी कमन्‍डि आदमीया रे सीरा जो नीचा करगा, परमेसवर हर तिस आदमीया जो पसन्‍दं करगा जो अपु जो दिन करगा।” *मती पाठ 13:31-33, 44-46; मरकुस 4:30-32; लुका 13:18-21; 18:9-14 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_34_128kbps.m4a ## 35. ईक दयालु पिता री काणी https://openbiblestories.org/l/bfz-x-baghati/story-35/ ![](https://cdn.door43.org/obs/jpg/360px/obs-en-35-01.jpg) ईक दिन, यीशू तिना बोत सारे लोका जो समझाने लगीरा था जो तिसरी बात सुनणे खतर तिथी आए। ईतेच लगान लेने वाले ओर साथ मे ओरी लोग भी थे जीने मुसा री नियमा-कानूना रा पालन नी किता। ![](https://cdn.door43.org/obs/jpg/360px/obs-en-35-02.jpg) कुछ तारमीक परदाना ने देखया बई यीसू ईना लोका कने दोस्ता साई बोला। ईते खतर तिने ऐक दुजे कने ऐ बोलणा सुरु करीता से ठीक नी करने लगीरा। यीसुआ ने तिना जो बाता करदे सुणया, ईते खतर तिने ऐ काणी बताई । ![](https://cdn.door43.org/obs/jpg/360px/obs-en-35-03.jpg) “इक आदमी था जीसरै दो बेटे थे। छोटे बेटे ने अपने पिता जो बोलेया, ‘मिंजो अबु मेरा ईसा देओ। तब तीनारे पिता ने दोनारा ईसा करीता’।” ![](https://cdn.door43.org/obs/jpg/360px/obs-en-35-04.jpg) “तब तीसी समय छोटा बैटा अपणा सब कुछ लैइके दुजी जगह चलीगा ओर पापी जीवन जीणे खतर अपणा सारा तन बरबाद करीता। ![](https://cdn.door43.org/obs/jpg/360px/obs-en-35-05.jpg) “ईते बाद, जीथी छोटा बैटा था तीथी दैसा च अती अकाल पडेया, तो तिसगे रोटीया लैणे जो पेसै नी थे। ईतै खतर तीसो जो काम मीलया से सुअरा जो चुगाणे रा काम मीलया। से ईतना पुखा था ओर दुखी था बई से सुअरा रा दाला खाणा चा था। ![](https://cdn.door43.org/obs/jpg/360px/obs-en-35-06.jpg) “बादा च, तिने छोटे बेटे ने अपु जो बोलया, ‘अऊ क्या करने लगीराॽ मेरे पिता रे सेवका गे सब कुछ खाणे जो आ, तब बी अऊ ईथी पुखा मरने लगीरा। अऊ अपणे पीता गे वापिस जाणा चा। ओर अपने पिता रा नोकर बनने जो तिस कने अरज करगा’।” ![](https://cdn.door43.org/obs/jpg/360px/obs-en-35-07.jpg) “तब तिसरा छोटा बेटे ने वापस अपणे पिता रे करा जो चलणे लगया। जब से अबु दुर ही था, तो तिसरे पिता ने तिसो देखया ओर तिस पर तरस खाई। से दोडी के गया ओर अपने बेटे जो गले लगाई के प्यार किता।” ![](https://cdn.door43.org/obs/jpg/360px/obs-en-35-08.jpg) “तिने बोलया, ‘हे पिता, मै परमेसवर ओर तेरे खिलाफ बुरा किता। अऊ तेरा बेटा हुणे रे लायक नी आ’।” ![](https://cdn.door43.org/obs/jpg/360px/obs-en-35-09.jpg) “पिता ने अपणे ईक सेवका जो बोलया, ‘बई जलदी जाई के सुणे कपडे लेई आओ ओर मेरे बेटे जो पनाओ! इसरी उगलीया च गुठी ओर पैरा व जुते पनाओ। तब ईक सबी ते सुना बछडा मारो जिते जो असे खाई सको ओर खुसी मनाईए, मेरा बेटा जो मरी गया था,से अब ठीक आ, से गुम हुईगा था पर अब से वापस आईगा’।” ![](https://cdn.door43.org/obs/jpg/360px/obs-en-35-10.jpg) “अब लोका ने खुसीया मनानी सुरु करीतिया। कुछ समय बाद, बडा बेटा बागटिया च काम करीके करा जो आया। तिने गाणे ओर नाचणे री वाज सुणी तो से हैरान हुई गया बई ऐ क्या हुने लगीरा।” ![](https://cdn.door43.org/obs/jpg/360px/obs-en-35-11.jpg) “जब बडे बेटे जो पता लगया बई ऐ खुसीया तब लगीरे मनाने बई तिसरा पाई करा जो वापस आईगा, तो से बहुत गुसा हुआ ओर करा रे अनंदर नी आया। तिसरे पिता ने तिसो खुसीया च सामील हुने जो बोलया, पर तिने ना करीती।” ![](https://cdn.door43.org/obs/jpg/360px/obs-en-35-12.jpg) “बडे बेटे ने अपणे पिता जो बोलया, ‘ईतने साल मे ता खतर ईमानदारीया कने काम किता! कदी तेरी बात नी टाली, पर ते कदी मिजो ईक छोटी बकरी बी नी दिती बई अऊ अपने दोसता कने बणाई के खाऊ। ओर तेरे ईस बेटे ने तेरा सारा तन गन्दे कामा च लगाई ता। ओर अब जब ऐ वापस आया तब ते इस खतर सबी ते अच्छा बछडा मारीता’।” ![](https://cdn.door43.org/obs/jpg/360px/obs-en-35-13.jpg) “पिता ने बोलया, ‘हे मेरे बेटे, तु सदा मा कनेआ, ओर जो कुछ मेरा से सब तेरा। पर असा जो खुसीया मनानी चाईए तेरा पाई जो मरीगा था से अब जीऊदा आ। ऐ गुम हुईगा था पर अब असा जो मिली गा’।” *लुका पाठ 15:11-32 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_35_128kbps.m4a ## 36. यीसु मसीहया रा रुप बदलणा https://openbiblestories.org/l/bfz-x-baghati/story-36/ ![](https://cdn.door43.org/obs/jpg/360px/obs-en-36-01.jpg) ईक दिन, यीसुआ ने अपणे तीन चेलया जो, पतरस, याकुब, युहना अपणे साथी लेया (ये युहना नामा रा चेला सेई आदमीया जिने यीसुआ जो बपतिसमा दितया था) से र्पाथना करने जो ईक ऊचे पाडा च गे। ![](https://cdn.door43.org/obs/jpg/360px/obs-en-36-02.jpg) जब यीसु पराथना करने लगीरा था तब तिसरा चेरा सुरजा साई चमकणे लगया। तिसरे कपडे सफेद ओर चमकणे लगे, जेडे तरतिया पऱ हुआए तिते बी जादा सफेद। ![](https://cdn.door43.org/obs/jpg/360px/obs-en-36-03.jpg) तब मुसा ओर एलियाह भविश्यवकता सामणे आए। ऐ आदमी इस तरतिया पर इस समय ते हजारो साला पेले रे थे। तिने यीसुआ कने तिसरी मोता रे बारेच बात किती, से जलदी यरुसलेमा च मरी जाणा। ![](https://cdn.door43.org/obs/jpg/360px/obs-en-36-04.jpg) जब मुसा ओर एलियाह यीसु कने बाता करने लगी रे थे। तब पतरसा ने यीसुआ जो बोलेया, “आसा जो ईथी रेणा अछा ऐ आसा तीन मडंप बनाणे एक तां खतर एक मुसा खतर ओर एक एलियाह खतर पर पतरस नी जाणदा था बई से क्या बोलणे लगीरा।” ![](https://cdn.door43.org/obs/jpg/360px/obs-en-36-05.jpg) जब पतरस बोलणे लगी रा था, तब एक चमक दार बादल उदें आई के तीना पर छाई गेया। तब तीने बादला बीचे ते एक अवाज सुणी। तीसे बोलेया ए, “मेरा बेटा जीस कने आउं पयार करांआउं तिसते खुस आ तीस री बात सुणो से तीनो चेले डरीगे ओर तरीतीया पर लेटी गे।” ![](https://cdn.door43.org/obs/jpg/360px/obs-en-36-06.jpg) तब यीसुऐ तीना जोआथ लगया ओर बोलेया, “डरो नी। उठी जाओ।” तब तीने चारो ओर देखेया,जो बी तीथी था से यीसु था। ![](https://cdn.door43.org/obs/jpg/360px/obs-en-36-07.jpg) यीसु ओर से तीनो चेले ओर तिते पहाडा ते ऊदें आइगे। तब यीसुऐ बोलेया, “जो अबु हुआ तितेरी बात कीसी कने नी करना। आउं छोडी मरी जाणा ओर फेर जीऊदा उई जाणा। तीते बाद, तुसे लोका जो बताई सकां ऐ।” *मती पाठ 17:1-9; मरकुस 9:2-8; लुका 9:28-36 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_36_128kbps.m4a ## 37. यीसु लाजरा जो मरीरे मे ते जिंदा करा https://openbiblestories.org/l/bfz-x-baghati/story-37/ ![](https://cdn.door43.org/obs/jpg/360px/obs-en-37-01.jpg) लाजर नामा रा ईक आदमी था। तिसरी दो बेणा थी जिना रे नाम मरियम ओर मारॆथा थे। ओर ऐ यिसुआ रे गेहरे दोसत थे। तब ऐक दीना, कीने यीसुआ जो बतायाके लाजर जयादा बमार आ जब यीसुऐ सुणेया तब तीने बोलेया, “ऐ बमारी तो लाजरा रे मरने ते बाद खतम नी उणी। ओर ऐ बात लोका जो परमेसवरा रा आदर करने खतर तयार करगी।” ![](https://cdn.door43.org/obs/jpg/360px/obs-en-37-02.jpg) यीसु आपणे दोसता कने पयार करां था, पर जीथी से था तिथी तिने दो दीना तक ईन्तजार कितया। तीना दो दीना बाद आपणे चेलेया जो बोलेया चलो वापस यहुदीया चलीए। चेलेया ने बोलेया कुछ समय पेले तीथी रे लोक तीजो मारना चां थे! यीसुए बोलेया, “मारा दोसत लाजर सई गीरा, तीसो मीजों जगाणाऐँ।” ![](https://cdn.door43.org/obs/jpg/360px/obs-en-37-03.jpg) यीसुरे चेलेया ने बोलेया, “हे परभु, जे लाजर सोई गेरा ,तब ठीक उईजाणा।” तब यीसुने तीना कने साफ बोलेया, “लाजर मरी गई रा। आउं खुस आ की आउं तीथी नी था, बई तुसे मा पर बीसवास करी सको।” ![](https://cdn.door43.org/obs/jpg/360px/obs-en-37-04.jpg) जब यीसु लाजरा रे गाव गया तब लाजरा जो मरी रे चार दिन हुई गेरे थे। मारथा यीसुआ जो मिलने बार आई ओर बोलया, “हे परभु, जे तु ईथी हुदा तो मेरा पाई नी मरदा।पर अऊ ता पर विसवास कराई बई जो कुछ तु परमेसवरा ते मंगा से तिजो मिला।” ![](https://cdn.door43.org/obs/jpg/360px/obs-en-37-05.jpg) यीसुआ ने बोलया, “दुबारा जन्म ओर जीवन आऊ ही आ। जो भी मा पर परोसा करा से मरी बी जागा तब बी जीवणा। जो मा पर विसवास करा से कदी नी मरना। तु क्या इस बाता पर विसवास कराई?” मार्था ने बोलया, “हे परभु, अऊ विसवास कराई बई तु परमेसवरा रा बेटा मसीह आ।” ![](https://cdn.door43.org/obs/jpg/360px/obs-en-37-06.jpg) तब मरियम आई। तिसे यीसुआ रे पैरा पर चुकी के बोलया, “हे प्रभु, जे तु ईथी हुदा तो मेरा पाई नी मरदा।” यीसूआ ने पुछया, “तुसे लाजरा जो किती रखीरा?” तिने तिसो बताया, “कबरा च। आओ ओर देखी लो।” तब यीसु रोणे लगया। ![](https://cdn.door43.org/obs/jpg/360px/obs-en-37-07.jpg) से कबर ईक गुफा थी जिते रे दरवाजे पर पत्थर लगाईरा था। यीसु कबरा पर गया ओर बोलया, “पत्थरा जो कनारे करी दो।” तब मार्ता ने बोलया, “तिसो मरीरे चार दिन हुईगे। तिते ते बुरी बास आऊणे लगीरी हुगी।” ![](https://cdn.door43.org/obs/jpg/360px/obs-en-37-08.jpg) यीसुआ ने बोलया, “मै तुसा जो बोलया था जे तुसे मा पर विसवास करगे तो परमेसवरा से कामा जो देखगे? तब तिने से पतथर कनारे करीता।” ![](https://cdn.door43.org/obs/jpg/360px/obs-en-37-09.jpg) तब यीसुआ ने ऊपर सर्वगा री तरफ देखया ओर बोलया, “हे पिता, मेरी बात सुनने खतर अऊ तेरा तनयाबाद करा। अऊ जाणा बई तु सदा मेरी सुणा, पर मे ऐ बात ईथी खडीरे सारे लोका री मदद करने जो बोलया बई ऐ विसवास करो कि ते अऊ पेजीरा।” तब यीसुआ ने जोरा कने वाज मारी, “हे लाजर, बार आई जा!” ![](https://cdn.door43.org/obs/jpg/360px/obs-en-37-10.jpg) तब लाजर बार आईगा! से अबुबी कफना च लिपटी रा था। यीसुआ ने तिसो बोलया, “ईते कफना जो नकालने च इसरी मदद करो ओर ईसो बार नकालो।” ईते चमतकारा ते बाद बहुत सारे यहुदिया ने यीसुआ पर विसवास किता। ![](https://cdn.door43.org/obs/jpg/360px/obs-en-37-11.jpg) पर यहुदिया रे तरमी परदान यीसुआ ते चिडने लगे, ईते खतर से सारे कठे हुई के सोचणे लगे बई यीसु ओर लाजरा जो किया मारीए। *युहन्‍ना 11:1-46 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_37_128kbps.m4a ## 38. यीसुआ जो पकडवाया जाणा https://openbiblestories.org/l/bfz-x-baghati/story-38/ ![](https://cdn.door43.org/obs/jpg/360px/obs-en-38-01.jpg) हर साल, यहुदी लोक फसह रा तयोहार मना थे। ईस खतर ऐ ईक तयोहार था क्युं की सदीया पेले परमेसबरा ने पुरखे जो मीसर देसा री गुलामीया ते छुडाया था।तब तीन साला बाद यीसुआ ने सबी सामणे सिक्सा सनाणा सुरु करीती। यीसुआ ने आपणे सारे चेलेया जो बताया से तीना साथे यरुसलेम च फसह रा तयोहार मनाण चांआ, ओर से तीथी मारा जाणा। ![](https://cdn.door43.org/obs/jpg/360px/obs-en-38-02.jpg) यीसुआ रे चेलया च ईक यहुदा नामा रा आदमी था। यहुदा परेरितो रा तन रखणे रा काम करा था, पर से तीस थेलीया च पैसे कडी ले था। यीसु ओर तीसरे चेलेया जो यरुसलेम पुजणे ते बाद यहुदा यहुदी परदानागे गया। तीने तना रे बदले यीसुआ जो तीना रे आथ पकडाने जो बोलेया। से जाणा था कि यहुदी परदान नी मानदे बई यीसु इ मसीह था। से जाणा था से तीसजो मारना च थे। ![](https://cdn.door43.org/obs/jpg/360px/obs-en-38-03.jpg) महायाजका रे बोलणे पर यहूदी परदान यीसुआ जो तिना जो पकडाने खतर यहुदा जो ती चांदीया रे सीके दीते। ए तींया ई उआ जींया भविश्यवकता ने बोलेया था कि हुणा। यहुदा मानीगा ओर तब पैसै लेई के चलीगा। से यीसुआ जो पकडने खतर तीना री मदद करने रे समय रा ईनतजार करने लगया। ![](https://cdn.door43.org/obs/jpg/360px/obs-en-38-04.jpg) यरुसलेमा च यीसुने अपणे चेलेया कने फसह रा तयोहार मनाया। फसह रे खाना खाणे ते बाद, यीसुआ ने रोटी लीती ओर तोडी तीने बोलेया, “ईते जो लेओ ओर खाईलो। ए मेरी देह ई जो आउं तुसा जो देयां ईते जो मेरी यादा च करना।” यीसु ने ईयां बोलेया से तीना खतर मरी जाणा, मतलब तीना खतर आपु जो बलिदान करी दीगां। ![](https://cdn.door43.org/obs/jpg/360px/obs-en-38-05.jpg) तब यीसुआ ने ईक दाखरसा रा पयाला लेया ओर बोलेया, “ईते पीलो ए मेरी नई वाचा रा खुना जो की आउं पीगां तब परमेसवर तुसारे पापा जो माफ करगा। ओर हर बार एमेरी यादाच करेया करो जो आउं अबु करने लगीरा।" ![](https://cdn.door43.org/obs/jpg/360px/obs-en-38-06.jpg) तब यीसुआ ने आपणे चेलेया जो बोलेया, “तुसा बीचे ते ईक जणा मीजों पकडवागां।” चेले हेरान उइगे, ओर पुछणे लगे कि कुण एडाकाम करगा यीसुआ ने बोलेया, “मीजों पकडवाणे वाला से आदमी आ जीसो आउं रोटीया रा टुकडा देआं।” तब तीने रोटी यहुदा जो दीती। ![](https://cdn.door43.org/obs/jpg/360px/obs-en-38-07.jpg) तीस रोटीया जो लेणे ते बाद, यहुदा च सेतान आईगा। यहुदा नीकली के यीसु जो पकडवाणे खतर यहुदी परदाना री मदद करने चली गया। ए राती रा समय था। ![](https://cdn.door43.org/obs/jpg/360px/obs-en-38-08.jpg) खाणे ते बाद, यीसु ओर तिसरे चेले जैतुन पाडां पर चली गे। यीसुआ ने बोलया, “तुसे सबी ने आज राती अऊ छडी देणा। ऐ लिखी रा, अऊ चरवाहे जो मारगा ओर सारी पेडा बिखरी जाणीया।” ![](https://cdn.door43.org/obs/jpg/360px/obs-en-38-09.jpg) पतरसा ने बोलया, “सारे जने तिजो छडी देगे, पर अऊ नी छडगा।” तब यीसुआ ने पतरसा जो बोलया, “शैतान तुसा सबी जो लेणा चा, पर पतरस मै ता खतर दुआ कितरी बई तु किती अपनी बाता ते मुकरी ना जाओ। तब बी, आज राती, मुरगे री बागं देने ते पेले तु तीन बार मुकरना बई तु मिजों नी जाणदा।” ![](https://cdn.door43.org/obs/jpg/360px/obs-en-38-10.jpg) पतरसा ने तब यीसुआ जो बोलया, “अऊ चाए मरी बी जाऊ, अऊ कदी बी ता खतर नी मुकरना।” बाकि रे चेलेया ने बी ऐई बोलया। ![](https://cdn.door43.org/obs/jpg/360px/obs-en-38-11.jpg) तब यीशु अपने चेलेया कने गतसमनी नामा री जगा च गया। यीसुआ ने अपने चेलेया जो पराथना करने जो बोलया बई सैतान तिना री परीकसा ना लेओ। तब यीसु अपु पराथना करने जो चलीगा। ![](https://cdn.door43.org/obs/jpg/360px/obs-en-38-12.jpg) यीसुआ ने तीन बार पराथना किती, “हे मेरे पिता, ऊई सको तो अऊ हाथ जोडी के अर्ज करा जे हुई सको तो ऐ दुखा रा पयाला पीणे खतर मिजो नादे। पर जे लोका रे पाप माफ करने रा ओर कोई रसता नी आ तो,तेरी इचछा पुरी हो।” यीसु बोत उदास था ओर तिसरा पसीना खुना साई था। तिसो समबालने खतर परमेसवरा ने ईक सवर्ग दुत पेजया। ![](https://cdn.door43.org/obs/jpg/360px/obs-en-38-13.jpg) हर बार पराथना ते बाद, यीसु अपने चेलया गे वीपिस आया, पर से सोई रे थे। जब यीसु तिजी बार आया तब यीसुआ ने बोलया, “ऊठ जावो! मीजो पकडाने वाला ईथीआ।” ![](https://cdn.door43.org/obs/jpg/360px/obs-en-38-14.jpg) यहुदी परदान, सॅनिक, ओर बोत सारे लोका कने यहुदा आया। तिने तलवारा ओर लाठीया लेईरी थी। यहुदा ने यीसूआ गे आई के बोलया, “हे गुरु, नमसते, ओर तिसो चुमया। तिने यीसुआ जो पकडवाने ओर तिसरी पछाण करने खतर यहुदी परदाना सामणे ऐडा किता।” तब यीसुआ ने बोलया, “हे यहुदा, क्या तु ईक चुम्बना कने मिजो पकडवाणा चा?” ![](https://cdn.door43.org/obs/jpg/360px/obs-en-38-15.jpg) सैनिक जब यीसुआ जो पकडने लगीरे थे, तब पतरसा ने अपनी तलवार नकाली ओर महायाचका रे ईक सेवका रा कान काटी ता। यीसुआ ने बोलया, “तलवार जो दुर कर! अऊ अपने पिता कने अपने बचावा खतर सवर्ग दुता री ईक सेना खतर पराथना करी सका। पर मिजों अपने पिता री बात माननी तब यीसुआ ने तिस आदमीया रा कान ठीक करीता। तब सारे चेले नठी गे।” *मती 26:14-56; मरकुस 14:10-50; लुका 22:1-53; युहन्‍ना 12:6; 18:1-11 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_38_128kbps.m4a ## 39. यीसुआ पर मुकदमा चला। https://openbiblestories.org/l/bfz-x-baghati/story-39/ ![](https://cdn.door43.org/obs/jpg/360px/obs-en-39-01.jpg) अब आधी राता रा समय था। से सैनिक यीसुआ जो बड़ा यहूदी पुजारी रे करे लेई गे, से यीसुआ कने बात करना चा था। पतरस दुरा ते तिना रा पिछा करने लगीरा था। सैनिक यीसुआ जो करे लेईगे, तब पतरस बार रुकी के आग सेकणे लगया। ![](https://cdn.door43.org/obs/jpg/360px/obs-en-39-02.jpg) करा रे अनदर, यहुदी परदाना ने यीसुआ पर केस चलाया। से तिस पर चुठी बाता जो बोलणे खतर बोत सारे लोका जो लेई आए। जब की तिना रिया बाता ईक दुजे कने नी मिलदीया थी, ईते खतर यहुदी परदान यीसुआ जो चुठा साबित नी करी पाए। यीसुआ ने कुछ नी बोलया। ![](https://cdn.door43.org/obs/jpg/360px/obs-en-39-03.jpg) बादाच, महायाचका ने यीसुआ री तरफ देखी के बोलया, “असा जो बता बी तु ही जिन्‍दां परमेसवरा रा बेटा मसीह आया? ![](https://cdn.door43.org/obs/jpg/360px/obs-en-39-04.jpg) यीसुआ ने बोलया, “मै हु, ओर तुसे मिजों परमेसवरा कने बैठीरा ओर सवर्गा ते आऊदा बी देखगे। यहुदी बडे पुजारी ने अपने कपडै फाडीते से जो यीसुआ ने बोलया तिते पर बहुत गुस्सा था। से ओर परदाना पर चिगया, मिजों ऐ बताने री जरुरत नी बई इस आदमीया ने क्या किता! तुसे अपु ईसौ बोलदे सुणीला बई ए परमेसवरा रा बेटा। इसरे बारेच तुसा रा कया खयाला?” ![](https://cdn.door43.org/obs/jpg/360px/obs-en-39-05.jpg) सबी यहुदी परदाना ने बड़े यहुदी पुजारी ने बोलया, “ऐ मरना चइऐ!” तब तिने यीसुआ रे आखिया च पटटी बनी, ओर तिस पर थूकया, तिसो मारेया, ओर तिसरा मजाक किता। ![](https://cdn.door43.org/obs/jpg/360px/obs-en-39-06.jpg) ओर पतरस, जब से करा रे बार रुकिरा था। तब ईक नोकरानीया ने तिसो देखया। तिसे तिसो बोलया, “तु बी यीसुआ कने था! पतरसा ने ना करीती। बादा च, दुजी दासी लडकीया ने बोलया, तब पतरसा ने फेर ना करीती। आखिरा च, कुछ लोका ने बोलया, असा जो पता बई तु यीसुआ कने था तुसे दोनो गलीला ते आऐ।” ![](https://cdn.door43.org/obs/jpg/360px/obs-en-39-07.jpg) तब पतरसा ने बोलया, “जे अऊ इस आदमीया जो जाणदा हुगा तो परमेसवर मिजों सराप देओ।” तबी पतरसा रे बोलणे ते बाद, मुरगे ने बागं दिती। यीसुआ ने पिछे मुडी के पतरसा जो देखया। ![](https://cdn.door43.org/obs/jpg/360px/obs-en-39-08.jpg) पतरस तिथी ते चलीगा ओर जोरा जोरा कने रोया। तिसी समय, यीसुआ जो पकडवाने वाले यहुदा ने देखया बई यहुदी परदाना ने यीसुआ जो मारने खतर बोलया। यहुदा बहुत दुखी हुआ ओर तिने अपु जो आतम हत्या करी ली। ![](https://cdn.door43.org/obs/jpg/360px/obs-en-39-09.jpg) तिस देसा रा राजा पिलातुस था। से रोमा खतर काम करा था। यहुदी परदान यीसुआ जो तिसगे लेई आए। से चा थे बई पिलातुस तिसो मोता री सजा देओ ओर तिसौ मारी दो। तब पिलातुसा ने यीसुआ ते पुछया, “क्या तु यहुदीया रा राजा?” ![](https://cdn.door43.org/obs/jpg/360px/obs-en-39-10.jpg) यीसुआ ने बोलया, “ते ठीक बोलया। पर मेरा राज्य तरतिया रा नीआ। जे हुदा तो मेरे लोक मा खतर लडदे।” अऊ तरतिया पर परमेसवरा रे बारे च सच बताणे आईरा। हर ईक आदमी जो सचा कने चला से मेरी सुणा। पिलातुसा ने बोलया, “तो सच क्या?” ![](https://cdn.door43.org/obs/jpg/360px/obs-en-39-11.jpg) यीसुआ ने बात करने ते बाद, पिलातुसा ने बार आई के बहुत सारे लोका गे जाई के बोलया, “मिजों ऐडा कोई वजह नी मिली बई इस आदमीया जो मारी दो।” पर यहुदी परदान ओर लोका ने जोरा कने बोलया, “ईसो कुरुसा पर चडाई दो!” पिलातुसा ने बोलया, “ईने कुछ बी गलत नी किता।” तब से ओर जोरा कने बोलणे लगे। तब पिलातुसा ने तिजी बार बोलया, “ईने कोई गलती नी कितरी।” ![](https://cdn.door43.org/obs/jpg/360px/obs-en-39-12.jpg) पिलातुस डरी गया बई पीडा च लोक लडने लगी जाणे, ईते खतर तिने अपने सैनिका कने मिली के यीसुआ जो कुरुसा पर चडाने जो मानी गया। रोमी सेना ने यीसुआ जो कोडे मारे, ओर तिसौ राजा रे कपडै पनाए, तिसरे सीरा पर काटेरा मुकुट रखया। तब से तिसरा मजाक उडाने लगे, “देखो यहुदीया रा राजा।” *मती 26:57-27:26; मरकुस 14:53-15:15; लुका 22:54-23:25; युहन्‍ना 18:12-19:16; ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_39_128kbps.m4a ## 40. यीसुआ जो कुरुसा पर चडाणा https://openbiblestories.org/l/bfz-x-baghati/story-40/ ![](https://cdn.door43.org/obs/jpg/360px/obs-en-40-01.jpg) से यीसुआ रा मजाक उडाने ते बाद, सैनिक तिसो कुरुसा पर चडाने जो गै। तिने तिस करुसा जो तिसते ई चकवाया जिते पर से मरना था। ![](https://cdn.door43.org/obs/jpg/360px/obs-en-40-02.jpg) से सैनिक यीसुआ जो तिस जगह पर लेई आए जो “खोपडी” नामा ते था ओर तिसरे हाथ ओर पैरै जो कुरुसा पर किली ता, पर यीसुआ ने बोलया, “हे पिता, ईना जो माफ कर, ऐ नी जाणदे बी ऐ क्‍या करने लगीरे।” तिने ईक तखती तिस रे सिरा पर टंगीती। तिते पर लिखीरा था, “यहुदीया रा राजा।” पिलातुसा ने तिना जो ऐ लिखणे जो बोलया। ![](https://cdn.door43.org/obs/jpg/360px/obs-en-40-03.jpg) तब सैनिका ने यीसुआ रे कपडेया खतर परचिया पाई। जब तिने ऐडा कितया तो तिने तिस भविशय वाणीया जो पुरा किता जो बोला थी, “तिने मेरे कपडे जो अपुच बडीला, ओर मेरे कपडेया खतर परचिया पाई।” ![](https://cdn.door43.org/obs/jpg/360px/obs-en-40-04.jpg) तिथी दो डाकु बी थे, तिने तिना जो यीसुआ रे दोनो तरफा जो रखीरा था। तिते मे ते ईक डाकुआ ने यीसुआ रा मजाक उडाया, पर दुजे ने बोलया, “तु नी डरदा बई परमेसवर तिजो सजा देगा? असे बहुत सारे बुरे कामा रे पापीऐ, पर ऐ आदमी पापी नीआ।” तब तिने यीसुआ जो ![](https://cdn.door43.org/obs/jpg/360px/obs-en-40-05.jpg) बोलया, “जब तु अपने राजय च जागा तो हाथ जोडी के मिनजो याद रखया।” यीसुआ ने बोलया, “आजी तु मा कने सवर्गा च हुणा।” ![](https://cdn.door43.org/obs/jpg/360px/obs-en-40-06.jpg) यहुदीया रे परदान ओर बहुत सारे लोका ने यीसुआ रा मजाक किता। तिने तिसो बोलया, “अगर तु परमेसवरा रा बेटा, तो कुरुसा ते ऊतरी जा ओर अपू जो बचाई ले! तब असे ता पर विसवास करगे।” ![](https://cdn.door43.org/obs/jpg/360px/obs-en-40-07.jpg) तब तिस देसा रा अकास पुरा काला हुई गया, से दिना री बाती। ऐ दिना रे समय काला हुआ था। ओर तिन कटें तक ऐडा ई रेया। ![](https://cdn.door43.org/obs/jpg/360px/obs-en-40-08.jpg) तब यीसुआ ने जोरा कने बोलया, “पुरा हुआ! हे पिता, अऊ अपनी आतमा तेरे आथा च सोपा।” तब तिने अपने सिरा जो चुकाया ओर मरीगा। जब से मरया तब ईक तुफान आया। से बडा परदा जो परमेसवरा जो लोका ते लग करा था से उपरा ते ऊदे री तरफा जो फटीगा। ![](https://cdn.door43.org/obs/jpg/360px/obs-en-40-09.jpg) तब युसुफ ओर नीकुदेमुस नामा रे दो यहुदी परदान आए। से बिसवास करा थे बई यीसु ई मसीह था। तिने पिलातुसा ते यीसुआ रे सरीरा जो मंगया। तिने तिसरा सरीर कपडे च लपेटया। ओर तिसो ईक पतथरा जो कटी के बनाईरी कबरा च लेईगे ओर तिते अन्‍नदर रखीता। तब तिने तिसा कबरा जो बंद करने खतर ईक बडा पतथर तिते आगे लगाईता। *मत्ती 27:7-61; मरकुस15:16-47; लुका 23:26-56; युहन्‍ना 19:17-42 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_40_128kbps.m4a ## 41. परमेसवर यीसुआ जो मरीरे मे ते जिंदा करा https://openbiblestories.org/l/bfz-x-baghati/story-41/ ![](https://cdn.door43.org/obs/jpg/360px/obs-en-41-01.jpg) सैनिका रे यीसुआ जो कुरुसा पर चडाने ते बाद, यहुदी परदान ने पिलातुसा जो बोलया, “तिस चुठे यीसुआ ने बोलया था बई से तीन दिना बाद मरीरे मे ते जीऊदा हुई जाणा। किसी जो ऐ देखणे खतर कबरा री चोकीदारी करनी पडनी बई तिसरे चेले तिसरे सरीरा जो ना चोरी लो। जे तिने ऐडा कितया तो तिने बोलना बई से मरीरे मे ते जीऊदा हुई गया।” ![](https://cdn.door43.org/obs/jpg/360px/obs-en-41-02.jpg) पिलातुसा ने बोलया, “कुछ सैनिका जो लेई के, कबरा पर नजर रखो।” ईते खतर तिने कबरा रे दरवाजे पर ईक मोर लगाईती। ओर सैनिका जो तिथी बठाईता बि कोई तिसरे सरीरा जो चोरी ना करी लो। ![](https://cdn.door43.org/obs/jpg/360px/obs-en-41-03.jpg) यीसुआ रे मरने ते दुजा दिन सब्‍त रा दिन था। कोई बी तिस दिन काम नी करी सकदा था, ईते खतर यीसुआ रा कोई बी दोसत कबरा पर नी आया। पर दुजे दिन, सबेरे, कुछ ओरता यीसुआ रे कबरा पर जाने लगी। से तिसरे सरीरा पर ओर मसाले लगाणा चा थी। ![](https://cdn.door43.org/obs/jpg/360px/obs-en-41-04.jpg) तिनै ओरता रे पहुचणे ते पेले, कबरा पर ईक बहुत बडा तुफान आया। सवर्गा ते ईक दुता ने तिस पतथरा जो कनारे करीता जो कबरा रे दरवाजे पर लगीरा था ओर तिते पर बेठीगा। सचर्गदुत तेज रोसनी साई चमकने लगीरा था। कबरा पर जो सैनिक थे तिने तिसो देखया। से डरीगे ओर बेहोस हुईगे। ![](https://cdn.door43.org/obs/jpg/360px/obs-en-41-05.jpg) जब से ओरता कबरा पर पहुचीया तब तिने सवर्ग दुता ने तिना जो बोलया, “मत डरो। यीसु ईथी नीआ। से मरीरे मे ते जीऊदा हुई गया, जैडा तीने बोलया था से हुई गा! कबरा च देखो।” तिना ओरता ने अन्दर जाई के देखया जिथी यीसुआ रा सरीर रखीरा था से तिथी नी था! ![](https://cdn.door43.org/obs/jpg/360px/obs-en-41-06.jpg) तब तिस सवर्ग दुता ने तिना ओरता जो बोलया, “जाकर तिसरे चेलेया जो बताओ, ‘यीसु मरीरे मे ते जीऊदा हुई गया ओर से तुसा रे आगे आगे गलीला जो जाणा।’” ![](https://cdn.door43.org/obs/jpg/360px/obs-en-41-07.jpg) से ओरता हैरान हुई गी ओर बहुत खुस हुई। से चेलेया जो ऐ खुसखबरी सुनाने जो दोडी गीया। ![](https://cdn.door43.org/obs/jpg/360px/obs-en-41-08.jpg) जब से ओरता चेलेया जो ऐ खुसखबरी सुणाने खतर रसते च थी, तब यीसु तिना सामने आया। से तिसरे पैरा पर पडी गीया। तब यीसुआ ने बोलया, “डरो मत। मेरे चेलयाजो गलील जाने जो बोलो। से तिथी मिजो देखगे।” *मती 27:62-28:15; मरकुस 16:1-11; लूका 24:1-12; युहन्‍ना 20:1-18 ते ईक बाईबला री काणी।* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_41_128kbps.m4a ## 42. यीसु रा सवर्गा जो वापस चलणा https://openbiblestories.org/l/bfz-x-baghati/story-42/ ![](https://cdn.door43.org/obs/jpg/360px/obs-en-42-01.jpg) जिस दिन परमेसवरा ने यीसुआ जो मरीरे मे ते जिन्दा कितया, तिसरे दो चेले नजदिका रे गावां च जाणे लगीरे थे। जानदे हुऐ से जो यीसुआ कने हुआ। तिते रे बारे च बात करने लगीरे थे, तिना जो यकीन था बई से मसीह था, पर तब बी से मारीता। ओर से ओरता बोलाई बई से दुबारा जिन्दा हुई गा। से नी जाणदे थे बई किसा बाता पर परोसा करीए। ![](https://cdn.door43.org/obs/jpg/360px/obs-en-42-02.jpg) यीसुआ ने तिनै गे आई के तिना कने चलणा सुरु करीता, पर से तिसो पछाणी नी सके। तिने पुछया बई से किस बारे च बात करने लगीरे। तिने तिसो यीसुआ कने जो हुआ से सारी बात बताई। तिने सोचया बई ऐ परदेसी आ जिसो नी पता बई यरुलेसमा च क्या हुआ। ![](https://cdn.door43.org/obs/jpg/360px/obs-en-42-03.jpg) तब यीसुआ ने तिना जो बोलया परमेसवरा रा वचन मसीहा रे बारे च क्या बोला। बोत पेले, भविश्यवक्ता ने बोलया था बई बुरे लोक मसीह जो दुखी करगे ओर तिसो मारी देगे। भविश्यवक्ता ने ऐ बी बोलया था बई से तीजे दिन जीऊदा हुई जाणा। ![](https://cdn.door43.org/obs/jpg/360px/obs-en-42-04.jpg) जब से तिस नगरा च पहुचे जिथी तिने रुकणा था, तब रात हुई गी थी। तिने यीसुआ जो अपु कने रुकने जो बोलया, तब से तिना कने ईक करा च गया। राती रे खाने खतर से बैठीगे। यीसु आ ने ईक रोटीया जो लेई के परमेसवरा रा सुकरीया कितया, ओर तब तिते जो तोडया। ईक दम, तिना जो पता लगया बई ऐ यीसुआ। तिसी समय, से तिना गे ते गायब हुईगा। ![](https://cdn.door43.org/obs/jpg/360px/obs-en-42-05.jpg) तिना दो आदमीया ने ईक दुजे जो बोलया, “ऐ यीसु था! ईते खतर जब तिने असा जो परमेसवरा रा वचन सुणाया तो असे बोत खुस थे!” तिसी समय, से वापिस यरुलेसमा जो चलीगे। जब से पहुचे तब तिने चेलेया जो बोलया, “यीसु जिन्दां! असे तिसो देखया!” ![](https://cdn.door43.org/obs/jpg/360px/obs-en-42-06.jpg) जब चेले बात करने लगीरे थे, यीसु ईक दम तिना सामने आईगा। तिने बोलया, “तुसा जो शान्‍ती मिलो! चेलेया ने सोचया बई से कोई पुता, पर यीसुआ ने बोलया, तुसे कीऊ डराए? तुसे क्‍यु नी सोचदे बई अऊ यीसुआ? मेरे हाथ ओर पैरा जो देखो।” पुता गे ऐडा सरीर नि हुदा जैडा मगेंआ। ऐ बताणे खतर बई से कोई पुत नीआ, तिने खाणे जो मंगया। तिने तिस जो मछली रा ईक टुकडा दितया, ओर तिने से खाईला। ![](https://cdn.door43.org/obs/jpg/360px/obs-en-42-07.jpg) यीसुआ ने बोलया, “मेरे बारे च परमेसवर जो कुछ बोला से हुई जाणा। मै तुसा जो बताईता था बई ईते रा हुणा जरुरी आ।” तब यीसुआ ने तिना जो परमेसवरा रा वचन सुले समजाया। तिने बोलया, “बोत पेले यहुदी पूजारी ने लिखया था बई मिजो, मसीह जो दुख पोगना पडना, मरना हुगा ओर तिजे दिन मरे हुए ते जीन्दा हुणे पडना।” ![](https://cdn.door43.org/obs/jpg/360px/obs-en-42-08.jpg) “तिना भविश्यवकता ने लिखया बई मेरे चेले परमेसवरा रे वचना रा परचार करगे। से हर लोका जो पापा री माफी खतर बतागे। ओर जे से ऐडा कराऐ तो परमेसवर तिना रे पापा जो माफ करगा। मेरे चेले ईस सन्देसा री सुरुआत यरुलेसमा ते सुरु करगे। तब से सब जगह ओर सब जातीया च जागे। तुसे लोक मेरी हर बात ओर कामा रे गवाह हुणे जो मे बोलया ओर कितया, ओर जो मा कने हुआ।” ![](https://cdn.door43.org/obs/jpg/360px/obs-en-42-09.jpg) अगले चाली दिना तक, यीसु अपने चेलेया सामने कई बार आया। ईक बार तो से ईक समय 500 लोका सामने आया! तिने अपने चेलेया पर कई तरीके कने साबित कितया बई से जिन्दा, ओर तिने तिना जो परमेसवरा रे राज्‍य रे बारे च बताया। ![](https://cdn.door43.org/obs/jpg/360px/obs-en-42-10.jpg) यीसुआ ने अपने चेलेया जो बोलया, “परमेसवरा ने मिजो सवर्ग ओर तरती रे हर जना पर राज करने रा अदिकार दितरा। ईते खतर अऊ तुसा जो बोला: जाई के सबीजाता रे लोका जो चेला बनाओ। ऐडा करने जो, तुसे तिना जो पिता, पुत्र, ओर पवितर आत्‍मा रे नामा ते बपतिस्‍मा देणा। जो मै तुसा जो बताया तिना सारी बाता जो तिनाओ सीखाओ ओर सुनो, अऊ सदा तुसा कने रेणा।” ![](https://cdn.door43.org/obs/jpg/360px/obs-en-42-11.jpg) यीसुआ रे मरी के जीन्‍दां हुणे रे चाली दिना बाद, तिने अपने चेलेया जो बोलया, “जब तक मेरा पिता तुसा जो सामर्थ नी देदा तब तक यसुशलेमा च ही रेणा। से तुसा पर पवितर आत्मा पेजीके ऐडा करगा।” तब यीसु स्‍वर्गा जो चलीगा, ओर ईक बदला ने तिसो तिना रे सामने छुपाईता। स्‍वर्गा च यीसुआ ने सासन करने खतर परमेसवरा रे दाहिनी ओर बैठीगा। *मती 28:16-20; मरकुस 16:12-20; लूका 24:13-53; यूहन्‍ना 20:19-23; Acts 1:1-11 ते बाईबला री काणी।* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_42_128kbps.m4a ## 43. कलैसीया री सुरुआत हुई https://openbiblestories.org/l/bfz-x-baghati/story-43/ ![](https://cdn.door43.org/obs/jpg/360px/obs-en-43-01.jpg) यीसुआ रे सवर्ग जाणे ते बाद, चेले यरुसलेमा च ही रे जैडा यीसुआ ने तिना जो करने जो बोलया था। तिती रे लोक रोज पराथना करने खतर कटठे हुआ थे। ![](https://cdn.door43.org/obs/jpg/360px/obs-en-43-02.jpg) हर साल, फसह रे तेओहारा रे 50 दिना बाद, यहुदी लोक पिन्‍तेकुस्‍त नामा रे जरुरी दिना जो मना थे। पिन्‍तेकुस्‍त से समय था जब यहुदी लोक कनका री कटाई करा थे सारे संसारा रे यहुदी लोक पिन्‍तेकुस्‍त रे दिना जो ईक साथ मनाने यरुसलेम आऐ। ईस साल, पिन्‍तेकुस्‍त मनाने रा समय यीसुआ रे सवर्ग जाणे रे सात दिना बाद आया था। ![](https://cdn.door43.org/obs/jpg/360px/obs-en-43-03.jpg) जिस समय सारे विसवासी लोक ईक जगह कठे थे, जिस करा च थे तिथी इकदम जोरा री हवा चली। तब आगा री लपटा साई दिखने वाला कुछ विसवासीया रे सिरा पर दिखया। से सारे लोक पवित्र आत्‍मा कने परीगे ओर तिने लग लग बोलीया च परमेसवरा री स्‍तुती किती। ऐ सै बोली थी जिना जो बोलने खतर तिना जो पवितर आत्मा ने तेयार किता। ![](https://cdn.door43.org/obs/jpg/360px/obs-en-43-04.jpg) जब यरुसलेमा च रेणे वाले लोका ने तिना री वाजा सुनीया, तब से बहुत सारे लोक कटठे हुई के तिथी देखणे आए बई क्‍या हुणे लगीरा। तिने विसवासीया जो परमेसवरा रे कितरे बडे बडे कामा रे बारे च बतादे सुनया। से हैरान थे बई से तिना कामा जो अपणी बोलिया च सुणने लगीरे थे। ![](https://cdn.door43.org/obs/jpg/360px/obs-en-43-05.jpg) ईना लोका ने बोलया बई चेले नशेचे। पर पतरस खडा हुआ ओर तिना जो बोलया, “मेरी बात सुनो! ऐ लोक नशे च नीए! बलकी, जो तुसे देखने लगीरे सेईआ जो योएल भविश्यवकता ने बोलया था बई हुणा: परमेसवरा ने बोलया, ‘आखरी दिनाच, अऊ अपणा आतमा तुसा पर पागा।’ ![](https://cdn.door43.org/obs/jpg/360px/obs-en-43-06.jpg) हे इसरायली आदमीयो, यीसु ईक ऐडा मनुसय था जिने ऐ दखाने खतर बई से कुणा बोत सारे नोखे काम किते। तिने परमेसवरा री शक्‍तिया कने बोत सारे अनोखे काम किते। तुसे ऐ जाणाए, तुसे तिस रे काम देखीरे। पर तुसे तिसो करुसा पर चडाईता!” ![](https://cdn.door43.org/obs/jpg/360px/obs-en-43-07.jpg) यीसु मरी गया पर परमेसवरा ने तिसो मरी के बी जीन्‍दां करीता। ईने तिसा बाता जो पुरा करीता जिते जो ईक भविश्यवकता ने लिखया था; ‘बई तु अपने खरे आदमीया जो कबरा च सडने नी देगा।’ असे ईते बाता रे गवा ऐ बई परमेसवरा ने यीसुआ जो दुबारा जिन्‍दां करीता।” ![](https://cdn.door43.org/obs/jpg/360px/obs-en-43-08.jpg) “परमेसवरा ने अब यीसुआ जो अपणे दाहीनी तरफा जो बठाई के तिसरा आदर कितया। ओर यीसुआ ने असा खतर पवितर आत्‍मा पेजी जितेरी तिने कसम खाई थी बई से पेजगा। पवितर आत्‍मा ई तिना कामा जो करने लगीरा जिते जो तुसे देखने ओर सुनने लगीरे।” ![](https://cdn.door43.org/obs/jpg/360px/obs-en-43-09.jpg) “तुसे तिस आदमीया, जो करुसा पर चडाईता। पर याद रखो परमेसवरा ने यीसुआ जो सबी चीजा पर राज्‍य ओर मसीह दोनो बताया!” ![](https://cdn.door43.org/obs/jpg/360px/obs-en-43-10.jpg) पतरसा री बात सुणी के लोक हैरान हुई गे। ईते खतर तिने पतरस ओर चेलेया ते पुछया, “हे भाई, असा जो क्या करना चाहिए?” ![](https://cdn.door43.org/obs/jpg/360px/obs-en-43-11.jpg) पतरसा ने तिना जो बोलया, “तुसा मे ते हर ईक अपणे पापा री माफी मंगो तब परमेसवर तुसा रे पापा जो माफ करगा, ओर यीसु मसीह रे नामा ते बपतिसमा लो। तब से तुसा जो वरदाना साई पवितर आत्‍मा देगा।” ![](https://cdn.door43.org/obs/jpg/360px/obs-en-43-12.jpg) पतरसा ने जो बोलया तिते पर 3,000 लोका ने परोसा कितया ओर यीसुआ रे चेले बणी गे। तिने बपतिसमा लेया ओर यरुसलेमा री कलीसिया रा हिस्‍सा बनी गे। ![](https://cdn.door43.org/obs/jpg/360px/obs-en-43-13.jpg) जब प्रेरिता ने तिना जो सिक्सा दिती तब बिसवासीया ने तयान लगाई के सुणया। से आपसा च मिलने लगे ओर ईक साथ बैठी के रोटी खाणे लगे, ओर ईक दुजे खतर पराथना करा थे। तिने मिली के परमेसवरा री अराधना किती ओर जो कुछ तिनागे था तिने ईक दुजे कने बडया। नगरा रा हर आदमी तिना जो माना था। रोज, ज्यादा ते ज्‍यादा लोक विसवासी बनणे लगे। *प्रेरिता रे काम 2 ते ईक बाईबला री काणी।* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_43_128kbps.m4a ## 44. पतरस ओर युहना ईक पिखारीया जो ठीक कराए https://openbiblestories.org/l/bfz-x-baghati/story-44/ ![](https://cdn.door43.org/obs/jpg/360px/obs-en-44-01.jpg) इक दिन, पतरस ओर युहना मंदिरा च गे। तिथी ईक लगंडा आदमी पीख मागने खतर दरवाजे पर बैठीरा था। ![](https://cdn.door43.org/obs/jpg/360px/obs-en-44-02.jpg) पतरसा ने तिस लंगडे आदमीया जो देखया ओर बोलया, “मंगे तिजो देने खतर पैसे नीए। पर जो मंगेआ से अऊ तिजो देया। यीसुआ रे नामा ते, ऊठ ओर चल-फिर!” ![](https://cdn.door43.org/obs/jpg/360px/obs-en-44-03.jpg) तिसी समय, परमेसवरा ने तिस लगंडे आदमीया जो ठीक करीता। तिने ओरे परे चलना ओर नाचदे हुए, ओर परमेसवरा री अराधना सुरु करीती। मंदिरा रे आगंना च लोक तिसो देखीके हैरान थे। ![](https://cdn.door43.org/obs/jpg/360px/obs-en-44-04.jpg) तिस समय लोका री पीड तिस आदमीया जो देखने आई जो ठीक हुईगा था। पतरसा ने तिना जो बोलया, “ऐ आदमी ठीक आ, पर ईस बाता पर हैरान नी हुणा। असे ईसो अपणी शकतीया कने ठीक नी कितया, या ईते खतर नी बई असे परमेसवरा रा सम्‍मान कराय। ये, से यीसुआ जिने ईसो ठीक किता, असे यीशुआ पर विसवास कराए।” ![](https://cdn.door43.org/obs/jpg/360px/obs-en-44-05.jpg) “से तुसे ईए जिने रोमी राज्‍यपाला जो यीसुआ जो मारने जो बोलया। तुसे तिसो मारीता जो सबी जो जिवन दे था। पर परमेसवरा ने तिसो मरीरे मे ते जिन्‍दां किता। तुसा जो नी पता था बई तुसे क्या करने लगीरे, पर जब तुसे तिस कामा जो करने लगीरे थे, जो भविश्यवकता ने बोलया था से पुरा हुआ। तिने बोलया था बई मसीह ने दु:ख देखणा ओर मरी जाणा। परमेसवरा ने ईते जो इस तरीके कने हुणे दितया। ईते खतर अब, माफी मंगो ओर परमेसवरा री तरफ जावो, बई से तुसा रे पापा जो तोई के साफ करो।” ![](https://cdn.door43.org/obs/jpg/360px/obs-en-44-06.jpg) जब मंदिरा च यहुदी परदाना ने पतरस ओर युहना जो सुणया, तब से डरीगे। ईते खतर तिने तिना जो बन्दी बणाई के जेला च पाईता। पर जो पतरसा ने बोलया था तिते ओर बहुत लोका ने परोसा कितया। यिसुआ पर विसवास करने वाले लोका री गिणती 5,000 हुई गी। ![](https://cdn.door43.org/obs/jpg/360px/obs-en-44-07.jpg) दुजे दिन, यहुदी अगवे पतरस ओर युहना जो महायावक ओऱ धरमी अगुओ रे सामने लेई आए। से तिस आदमीया जो बी लेई आए जो अपगं था। तिने पतरस ओर युहना जो पुछया, “किस हका कने तुसे इस लगडे आदमीया जो ठीक किता?” ![](https://cdn.door43.org/obs/jpg/360px/obs-en-44-08.jpg) पतरसा ने बोलया, “जो आदमी तुसा सामने खडीरा तिसो यीसु मसीहा रे नामा ते ठीक कितया। तुसे यीसुआ जो कुरुसा पर चडाईता, पर परमेसवरा ने तिसो दुबारा जिदां करीता! तुसे तिसो नी मानया, पर यीसुआ रे नामा रे इलावा उद्धार पाने रा ओर कोई रसता नीआ!” ![](https://cdn.door43.org/obs/jpg/360px/obs-en-44-09.jpg) परधान हैरन थे पतरस ओर युहना ने बहुत हिमता कने बात किती। तिने देखया बई ऐ मामुली आदमी ए जो अनपड़ थे। पर तब तिना जो याद आया बई ऐ आदमी यीसुआ कने रेणे वाले थे। तब तिने तिना जो बोलया, “असे तुसा जो बोत सजा देणी जे तुसे लोका जो यीसुआ रे बारे च ओर कुछ बताया।” ऐडी बोत बाता करने ते बाद, तिने पतरस ओर युहना जो जाने दितया। *प्रेरितों रे काम 3:1-4:22 ते ईक बाईबला री काणी।* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_44_128kbps.m4a ## 45. स्तिफनुस ओर फिलिप्‍पुस https://openbiblestories.org/l/bfz-x-baghati/story-45/ ![](https://cdn.door43.org/obs/jpg/360px/obs-en-45-01.jpg) पेला मसीह परदान रे बीचे ईक सितफनुस नामा रा आदमी था। सब लोक तिस रा सम्‍मान करा थे। पवितर आत्‍मा ने तिसौ बोत शक्‍ती ओर बुधी दिती। सितफनुसा ने बोत चमत्‍कार किते। जब तिने यीसुआ पर विसवास करने रे बारे च तिना जो बताया तब बोत सारे लोका ने तिस पर विसवास कितया। ![](https://cdn.door43.org/obs/jpg/360px/obs-en-45-02.jpg) ईक दिन, सितफनुस यीसुआ रे बारे च बताणे लगीरा था, तब कुछ यहुदी आए जिने यीसुआ पर विसवास नी कितया ओर तिस कने बेहस करने लगे। से बोत गुसे च थे, ईते खतर से धरमी परदान गे गऐ ओर तिना रे बारे च चुठ बोलया तिने बोलया, “असे सितफनुसा जो परमेसवरा रे बारे च बुरी बाता करदे सुणया!” ईते खतर धरमी बडा पुजारी ने सितफनुसा जो बंदि बनाई ला ओर तिससो बडे पुजारी ओर यहुदी या रे ओर याचका रे सामने लेई आए। ओर चुठे गवाह बी आए तिने सितफनुसा रे बारे च चुठ बोलया। ![](https://cdn.door43.org/obs/jpg/360px/obs-en-45-03.jpg) बडा यहुदी पुजारी ने सितपनुसा ते पुछया, “बई ऐ लोक तेरे बारे च सच बोलाए?” सितफनुसा ने बडा यहुदी पुजारी जो बताने खतर बोत सारी बाता बोलीया। तिने बोलयाबई अबऱाहमा रे समय यीसुआ रे समय तक परमेसवरा ने इसराईला खतर बहुत नोखे काम किते। पर लोका ने सदा परमेसवरा री बात नी मानी। सितफनुसा ने बोलया, “तुसे लोक परमेसवरा रे खिलाफ टीठ ओर बदला लेने वाले आए। तुसे सदा पवितर आत्‍मा जो नी मानया, जैडा की मारे बुजुर्गा ने कदी पवितर आत्‍मा जो नी मानया ओर सदा तिस रे भविसयवक्‍ता जो मारीता। पर जो तिने कितया तुसे तितै बी बुरा कितया! तुसे मसीहा जो मारीता!” ![](https://cdn.door43.org/obs/jpg/360px/obs-en-45-04.jpg) जब तिने तरमी याचका नै ऐ सुणया, तब से इतने गुस्सा हुईगे बई तिने अपने कान बन्‍दं करीते ओर जोरा कने चिंगे। से सितपनुसा जो कसीदी के नगरा ते बार लेईगे ओर तिसो मारने खतर तिस पर पत्‍थर मारे। ![](https://cdn.door43.org/obs/jpg/360px/obs-en-45-05.jpg) तब सितफनुस मरने ते पेले, बोलया, “हे यीसु, मेरी आत्मा जो बुलाई ले!” तब से अपने गोडे रे सारे गिरया ओर दुबारा बोलया, “हे परभु, ऐ पाप ईना पर नी लगना चाईए।” तब से मरी गा। ![](https://cdn.door43.org/obs/jpg/360px/obs-en-45-06.jpg) तीस दिन, यरुसलेमा च रेणे वाले बोत लोका ने यीसुआ जो मानने वाले लोका जो तगं करना सुरु करीता, ईते खतर विसवासी लोक ओर जगह जो चलीगे। पर ईते बाद बी, जिथी से गे तिने यीसुआ रा परचार किता। ![](https://cdn.door43.org/obs/jpg/360px/obs-en-45-07.jpg) फिलिप्‍पुस नामा रा ईक यीसुआ रा विसवासी था। जैडा ओर विसवासीया ने किता से बी यरुलेसमा ते नठीगा। से सामरिया नामा री जगह च गया। तिथी तिने लोका च यीसुआ रे नामा रा परचार किता। बोत लोका ने तिस पर विसवास किता ओर उदार हुआ। ईक दिन, फिलिपुसा गे परमेसवरा री तरफा ते ईक सवर्ग दुत आया ओर तिसो जगंला च जाणे ओर, सडका च चलने जो बोलया। फिलिपुस तिथी जो चलीगा। जब से सडका च चलने लगीरा था, तब तिने ईक आदमीया जो अपने रथा पर जादें देखया। ऐ आदमी कुश देसा रा ईक बडा आदमी था। पविर्त आत्‍मा ने फिलिपुसा जो बोलया बि तिस आदमीया रे साथी चले। ![](https://cdn.door43.org/obs/jpg/360px/obs-en-45-08.jpg) ईते खतर फिलिपुस रथा गे गया। तिने सुनया बई से कूशी परमेसवरा रे वचना जो पडने लगीरा था। जो यशायाह भविश्यवकता ने लिखी रा था से तिते जो पडने लगीरा था, “से पडने लगीरा था, से तिसौ मारने वाली भेडा साई लेईगे, ओर जिया ईक मेमना चुप हुई जा, तिने बी ईक शब्‍द नी बोलया। तिने तिस कने बुरा कितया ओर तिस रा सममान नी किता। तिने तिसो मारीता।” ![](https://cdn.door43.org/obs/jpg/360px/obs-en-45-09.jpg) फिलिपुसा ने तिस कुशी ते पुछया, “जो तु पडने लगीरा ईते जो तु समजा?” तिस कुशीया ने बोलया, “नी। जब तक कोई मिन्‍जो ना समजाओ, तब तक अऊ ईते जो नी समजी सकदा। तिने बोलया मंगे आई के बैठ। यशायाह ऐ अपने बारे च लिखने लगीरा था या किसी ओर रे बारे च?” ![](https://cdn.door43.org/obs/jpg/360px/obs-en-45-10.jpg) फिलिपुस रथा पर चडी के बैठी गा। तब तिने तिस कुशी आदमीया जो बताया जो यशायाह ने युरुआ रे बारे च लिखया था। फिलिपुसा ने परमेसवरा रे बोत सारे ओर कामा रे बारे च बी बताया। ईया, तिने तिस आदमीया जो यीशुआ रे बारे च सुसमाचार सुणाया। ![](https://cdn.door43.org/obs/jpg/360px/obs-en-45-11.jpg) फिलिपुस ओर से कुशी चलदे हुए पाणीया गे पहुचे। कुशीया ने बोलया, “देख! ईथी पाणी आ! क्या अऊ बपतिसमा लेई सका?” तब तिने रथ चलाने वाले जो रुकने जो बोलया। ![](https://cdn.door43.org/obs/jpg/360px/obs-en-45-12.jpg) तब, से पाणीया च चलीगे, ओर फिलिपुसा ने कुशीया जो बपतिसमा दितया। जब से पाणीया ते बार आए, तब पविर्त आत्‍मा ईक दम फिलिपुसा जो किती दुजी जगह जो लेई गी। पिलिपुसा ने लोका जो यीशुआ रे बारे च बताणा चालु रखया। ![](https://cdn.door43.org/obs/jpg/360px/obs-en-45-13.jpg) कूशी अपणे करा जो चलीगा। से बोत खुश था बई से अब यीशुआ जो जाणा था। *प्रेरिता रे काम 6:8-8:5; 8:26-40 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_45_128kbps.m4a ## 46. पौलुसा रा मसीह विश्‍वासी बणी जाणा। https://openbiblestories.org/l/bfz-x-baghati/story-46/ ![](https://cdn.door43.org/obs/jpg/360px/obs-en-46-01.jpg) शाऊल नामा रा ईक आदमी था। जिने यीसुआ पर विसवास नी कितया था। जब से जवान था, तब तिने सितफनुस जो मारने वाले लोका रे कपडेया री देख पाल किती थी। बादा च, तिने विसवासीया जो तगं किता था। तिने यरुसलेमा च कर कर जाई के ओरता ओर आदमीया जो जेला च पाईता था। तब बड़ा यहूदी पुजारी ने शाऊला जो दमिश्‍का जो जाने जो बोलया। तिने तिती रे मसीह लोका जो पकडी के वापस यरुशलेमा जो लाऊणे जो बोलया। ![](https://cdn.door43.org/obs/jpg/360px/obs-en-46-02.jpg) तब शाऊला ने दमिश्‍क जाने री तैयारी किती। तिस नगरा च पहुचने ते पेले, तिस रे चारो तरफ ईक आसमाना च ईक तेज रोसनी चमकी, ओर से पुईया रुडीगा। शाऊला ने किसी जो बोलदे हुए ![](https://cdn.door43.org/obs/jpg/360px/obs-en-46-03.jpg) तब शाऊल ऊठया तो से अधां हुई गा था। तिसरे दोसत तिसो दमिश्‍का जो लेईगे। शाऊला ने तीन दिना तक कुछ खाया पिया नी था। ![](https://cdn.door43.org/obs/jpg/360px/obs-en-46-04.jpg) दमेश्‍का च हनयाह नामा रा ईक चेला था। परमेसवरा ने तिस जो बोलया, “तिस करा च जा जिथी शाऊल रेणे लगीरा। अपणे हाथ तिस पर रख बई से दुबारा देखने लगो।” पर हनयाह ने बोलया, “हे प्रभु, मै सुणीरा बई ईने आदमीया ने विसवासीया जो किया तगं किता।” परमेसवरा ने तिसो बोलया, “जा! मै तिसो यहुदीया च ओर दुजी जातिया रे लोका च मेरे नामा री पछाण बनाने खतर मै से तैयार करना। से मेरे नामा खतर बहुत दु:ख चेलगा।” ![](https://cdn.door43.org/obs/jpg/360px/obs-en-46-05.jpg) तब हनयाह शाऊला गे गया, अपने हाथ तिस पे रखे, ओर बोलया, “यीशुआ ने, जो ईथी आवणे खतर तेरे रसते च ता पर आया था, मिंजो तंगे पेजीरा बई तु दुबारा देखी सको, ओर पवित्र आत्‍मा तिजो परी दो।” तबी शाऊल दुबारा देखने लगीगा, ओर हनयाह ने तिसो बपतिसमा दितया। तब शाऊला ने रोटी खाई ओर दुबारा ताकतवर हुई गा। ![](https://cdn.door43.org/obs/jpg/360px/obs-en-46-06.jpg) तब, शाऊला ने दमिश्‍का च रेणे वाले यहुदिया च परचार करना सुरु करीता। तिने बोलया, यीशु ई परमेसवरा रा पुत्र आ!” यहुदी लोक हैरान थे, बई शाऊला ने तो विसवासीया जो मारने री सोची थी, पर अब तिने यीशुआ पर विसवास किता। शाऊला ने यहुदीया कने बेहस किती। तिने सबी जो बताया बई यीशू ही मसीह था। ![](https://cdn.door43.org/obs/jpg/360px/obs-en-46-07.jpg) बोत दिना बाद, यहुदिओ ने शाऊला जो मारने री सोची। तिने तिसो मारने खतर नगरा रे दरवाजो पर लोका जो पेजया। बई तिस री खबर रखो पर शाऊला ने ईस खबरा रे बारे च सुनीला, तब तिस रे दोसता ने बचने खतर तिसरी मदद किती। ईक राती जो तिने तिसो टोकरीया च बठाई के तिसो नगरा री दवाला ते ऊंदे ऊतारीता। दमिश्‍का ते बची के निकलने ते बाद शाऊला ने यीशूआ रे बारे च परचार करना नी छडया। ![](https://cdn.door43.org/obs/jpg/360px/obs-en-46-08.jpg) शाऊल प्रेरिता कने मिलने यरुशलेमा च गया, पर से तिस ते डरा थे। तब बरनबास नामा रा ईक विसवासी शाऊला जो प्रेरिता गे लेई गया। तिने तिना जो बताया बई शाऊला ने किया दमिश्‍का च परचार कितया। तिते बाद, प्रेरिता ने शाऊला जो अपु कने रखी ला। ![](https://cdn.door43.org/obs/jpg/360px/obs-en-46-09.jpg) कुछ विसवासी जो यरुशलेमा रे तगं करने ते बाद नठी गे थे से बोत दुर अंताकिया नगरा च चली गे ओर यीशुआ रे बारे च परचार करा थे। अंताकिया च रेणे वाले लोक जादातर यहुदी थे, पर पैली बार, तिना मे ते बोत सारे लोक विसवासी बणी गे। बरनबास ओर शाऊल ईना नए विसवासीया जो यीशूआ रे बारे च ओर बताणे खतर तिथी गे ओर कलसीया जो ओर मजबुत कितया। यीशुआ पर विसवास करने वाले पैली बार अंताकिया च “मसीह” नामा ते बुलाई गे। ![](https://cdn.door43.org/obs/jpg/360px/obs-en-46-10.jpg) ईक दिन, अंताकिया रे मसीह लोक उपवासा कने पराथना करने लगीरे थे। पवित्र आत्‍मा ने तिना जो बोलया, “मा खतर बरनबास ओर शाऊला जो तिस कामा जो करने खतर लग करिदो जिते खतर मै ऐ बुलाइरे।” ईते खतर अंताकिया री कलीसीया ने बरनबास ओर शाऊला खतर प्रार्थना किती ओर तिना पर हाथ रखया। तब तिने तिना जो ओर कई जगह यीसुआ रे बारे च सुसमाचार फैलाणे जो पैजया। बरनबास ओर शाऊल ने अलग अलग जातिया रे लोका जो बताया, ओर बोत सारे लोका ने विसवास किता। *प्रेरितों रे काम 8:3; 9:1-31; 11:19-26; 13:1-3 ते ईक बाइबल की काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_46_128kbps.m4a ## 47. फिलिप्‍पी च पौलुस ओर सीलास https://openbiblestories.org/l/bfz-x-baghati/story-47/ ![](https://cdn.door43.org/obs/jpg/360px/obs-en-47-01.jpg) जब शाऊला ने सारे रोमी राज्‍य कुमी ले तब तिने अपने रोमी नाम “पोलुस” रा इसतेमाल सुरु करीता। ईक दिन, पौलुस ओर तिसर दोसत सीलास फिलिपी नगरा च सुसमाचार सुनाने गे। से नगरा ते बार नदीया रे कनारे ईक जगह गे। जिथी लोक प्राथना करने जो कटठे हुई रे थे। तिथी से लुदिया नामा री ईक ओरता कने मिले जो ईक बपारी थी। से परमेसवरा कने प्‍यार करा थी ओर तिसरी अराधना करा थी। ![](https://cdn.door43.org/obs/jpg/360px/obs-en-47-02.jpg) परमेसवरा ने लुदिया जो यीशुआ रे बारे च सन्देसा पर विसवास करने जो तैयार किता। पौलुस ओर सीलास ने तिसो ओर तिसरे परिवारा जो बपतिसमा दितया। तिसे पौलुस ओर सीलासा जो अपने करे बुलाया, तब से तिथी रुकी गे। ![](https://cdn.door43.org/obs/jpg/360px/obs-en-47-03.jpg) पौरुस ओर सीलास लोका कने हमेसा तिस जगह मिला थे जिथी यहुदी लोक प्रार्थना करा थे। रोज जब से तिथी जा थे तो ईक दासी लडकी जिसा जो बुरी आत्मा थी तिना रा पिछा करा थी। ईसा चीजा री वजह ते से लोका रे बारे च बता थी, ईते खतर से अपने खास लोका खतर बहुत पैसा कमा थी। ![](https://cdn.door43.org/obs/jpg/360px/obs-en-47-04.jpg) तिसरे जाणे रे समय से दासी ओरत जोरा कने चिगां थी, “ऐ आदमी परम परदान परमेसवरा रे सेवके। ऐ तुसा जो उद्धार पाणे रा रसता बताणे लगीरे!” से रोज ऐडा करा थी जिते खतर पौलुस नाराज हुई गा। ![](https://cdn.door43.org/obs/jpg/360px/obs-en-47-05.jpg) बादा च, ईक दिन जब से दासी लडकी या ने चिगना सुरु कितया, तब पौलुसा ने तिसा री तरफा जो कुमी के तिसा रे अन्दरा री बुरी आत्मा जो बोलया, “यीसुआ रे नामा ते ईसा रे अन्दरा ते निकली जा।” तीसी समय से तिसा रे अन्दरा ते निकली गी। ![](https://cdn.door43.org/obs/jpg/360px/obs-en-47-06.jpg) तिसा दासीया रा मालिक बोत गुसा हुई गया। तिना जो पता था बई तिसा बुरी आत्मा बिना से दासी लोका रे बारे च कुछ नी बताई सकदी थी। ईते रा मतलब था की लोक अब तिसा रे मालिका जो पैसा नी देगे बई से तिना जो आणे वाले कला रे बारे च बताओ बई तिना कने क्या हुणा। ![](https://cdn.door43.org/obs/jpg/360px/obs-en-47-07.jpg) ईते खतर तिसा दासीया रे मालिक पौलुस ओर सीलास जो रोमी सरकारा गे लेई गे। तिने पौलस ओर सीलासा जो मारया, ओर जेला च पाएता। ![](https://cdn.door43.org/obs/jpg/360px/obs-en-47-08.jpg) तिने पौलुस ओर सीलासा जो जेला री एडी जगह रखया जिथी सबी ते जयादा सपाई थे। ईथी तक की तिना रे पैरा जो लकडी या रे टुकडेया कने जोडी ता। पर पौलस ओर सीलास आदी राती, परमेसवरा री सतुतीया रे गीत गाने लगीरे थे। ![](https://cdn.door43.org/obs/jpg/360px/obs-en-47-09.jpg) ईक दम, ईक बडा तुफान आया! ओर जेला रे दरवाजे खुली गे, ओर सारे कैदीया री जंजीरा खुली गी। ![](https://cdn.door43.org/obs/jpg/360px/obs-en-47-10.jpg) तब दरोगा जागी गा। तिने देखया बई जेला ऱे सारे दरवाजे खुलीगे। तिने सोचया बई सारे केदी बची के नठी गे। से डरीगा बई तिना रे नठी जाणे रे वजह ते रोमी सरकार तिसौ मारी देगी, ईते खतर से अपु जो मारने खतर तैयार हुईगा! पर पौलुस तिसौ देखी के जोरा कने चिगंया, “रुक जा! अपु जो मत मार असे सब ईथी आए।” ![](https://cdn.door43.org/obs/jpg/360px/obs-en-47-11.jpg) तिस दरोगा ने डरदे हुए पौलुस ओर सीलसा गे आई के पुछया, “उद्धार पाने खतर अऊ क्या करु?” पौलुसा ने बोलया, “प्रभु यीसुआ पर विसवास कर, तब तु ओर तेरा परिवार उद्धार पागां।” तब से दरोगा पौलुस ओर सीलास जो अपने करे लेईगा ओर तिना रे जख्‍म तोए। पौलसा ने तिना रे करा रे सब लोका जो यीसुआ रे बारे च सुसमाचार सुणाया। ![](https://cdn.door43.org/obs/jpg/360px/obs-en-47-12.jpg) दरोगा ओर तिस रे पुरे परिवारा ने यीसुआ पर विसवास किता, ईते खतर पौलेस ओर सीलासा ने तिना रे पुरे परिवारा जो बपतिसमा दितया। तब दरोगा ने पौलस ओर सीलासा जो रोटी खलाई, ओर सबी ने मिली के खुसीया मनाई। ![](https://cdn.door43.org/obs/jpg/360px/obs-en-47-13.jpg) दुजे दिन नगरा रे याचका ने पौलस ओर सीलास जो जेला ते छडीता ओर फिलिप्‍पी ते जाणे जो बोलया। पौलस ओर सीलास लुदिया ओर कुछ दोसता कने मिले तब नगरा ते बार चलीगे। यीसुआ रे बारे च सुसमाचार फैलदा रेया, ओर कलीसीया बड़दी रेई। ![](https://cdn.door43.org/obs/jpg/360px/obs-en-47-14.jpg) पौलुस ओर बाकि मसीह परदाना ने बोत नगरा च जाई के लोका जो यीसुआ रे बारे च बताया। तिने कलीसियाओ रे विसवासीया जो बडावा देने ओर सिक्सा देने खतर कई चिठीया लिखी। ईना मे ते कई चिठीया बाईबला री कताबा बणी गी। *प्रेरिता रे काम 16:11-40 ते ईक बाइबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_47_128kbps.m4a ## 48. यीसु ई वादे रा बेटा मसीह आ https://openbiblestories.org/l/bfz-x-baghati/story-48/ ![](https://cdn.door43.org/obs/jpg/360px/obs-en-48-01.jpg) जब परमेसवरे इस तरतिया री रचना किती तब सब कुछ सुणा था। कोई पाप नी था। आदम ओर हव्‍वा ईक दुजे जो प्‍यार करा थे, ओर से परमेसवरा कने बी पयार करा थे। कोई बमारी ओर मौत नी थी। परमेसवर ऐडे ही ससांरा जो चा था। ![](https://cdn.door43.org/obs/jpg/360px/obs-en-48-02.jpg) सैताना ने सापंआ रे रुपा च बगीचे च आई के हव्‍वा कने बात किती, बई तिसा जो तोखा देई सको। तब आदम ओर हव्‍वा ने परमेसवरा रे खिलाफ पाप किता। तिने जो पाप किता तिते खतर तरतीया पर रेणे वाले सारे लोक मराए। ![](https://cdn.door43.org/obs/jpg/360px/obs-en-48-03.jpg) जब आदम ओर हव्‍वा ने पाप किता, तब ओर बी बुरा हुआ। से परमेसवरा रे दुसमन बनी गे। जितेरी वजह ते, हर ईक आदमीया ने पाप किता। हर आदमी जनमा ते ई परमेसवर रा दुसमन आ। परमेसवरा ओर लोका रे विचे सान्‍ति नी थी। पर परमेसवर शानतिं लवाना चा था। ![](https://cdn.door43.org/obs/jpg/360px/obs-en-48-04.jpg) परमेसवरा ने कसम खाई बई से हव्‍वा रे कुला रा ईक वसं शैताना रे सिरा जो कुचलगा। तिने ऐ बी बोलया बई शैतान तिस री एडीया जो डसगा। दुजे तरीके कने बोलया, शैतान मसीह जो मारी देगां, पर परमेसवर तिसौ दुबारा जिंदा करगा। ईते बाद, मसीह शैताना री शक्‍तिया जो सदा खतर खतम करी देगा। बोत साला बाद, परमेसवरा ने दखाया बई से मसीह यीसुआ। ![](https://cdn.door43.org/obs/jpg/360px/obs-en-48-05.jpg) परमेसवरा ने तिस बाडा ते अपणे परिवारा जो बचाया जिते जो से लेई आवणे वाला था। नुहा ते ईक किसती बनाने जो बोलया ईते कने परमेसवरा ने तिना लोका जो बचाया जो तिस पर बिसवास करा थे। जिया, से सारे लोक परमेसवरा री नजरा च मारने लायक थे बई तिने पाप कितया था। पर तिना सबी जो बचाणे खतर परमेसवरा ने यीसुआ जो पेजया जो तिस पर बिसवास करा थे। ![](https://cdn.door43.org/obs/jpg/360px/obs-en-48-06.jpg) सैकडो साला तक, यहूदी पुजारी परमेसवरा खतर बलिदान करदे रे। जो असा जो बता बई लोका ने पाप किता, ओर ऐबी बई से परमेसवरा री तरफा ते सजा रे लायक थे। पर से बलिदान तिना रे पापा जो माफ नी करी सके। यीसु सबी ते बड़ा यहूदी पुजारी आ। तिने से कितया जो कोई बड़ा यहूदी पुजारी नी करी सकदा। तिने ईक मातर् बलिदान हुणे खतर अपु जो देई ता जो हर ईका रे पापा जो मटाई सका था। तिने मानया बई परमेसवर तिना रे पापा जो माफ करने खतर मिंजो बलिदान करे। ईते खतर, यीसु सिद बड़ा यहूदी पुजारी था। ![](https://cdn.door43.org/obs/jpg/360px/obs-en-48-07.jpg) परमेसवरा ने अबराहमा जो बोलया, “अऊ तेरे खतर संसारा रे सारे कुला जो आशीस देगा।” यीसु इसी अबराहमा रे कुला रा था। परमेसवर अबराहमा रे दवारा सब कुला जो आशीस देया, जो यीसुआ पर बिसवास कराए परमेसवर तिना सबी जो पापा ते बचा। जब लोक यीसुआ पर बिसवास कराय, परमेसवर तिना जो अबराहमा रे कुला ते माना। ![](https://cdn.door43.org/obs/jpg/360px/obs-en-48-08.jpg) परमेसवरा ने अबराहमा जो बोलया बई से अपना एकलोता बेटा, तिस खतर बलिदान करो। पर तब परमेसवरा ने इसहाका रे बदले बली करने जो ईक भेडा रा बच्‍चा दितया। असे सब अपणे पापा रि वजह ते मरने रे लायक थे! पर परमेसवरा ने मारी जगह मरने खतर यीसुआ जो बलिदान करीता। ईते खतर असे यीसुआ जो परमेसवरा रा मेमना बोलाए। ![](https://cdn.door43.org/obs/jpg/360px/obs-en-48-09.jpg) जब परमेसवरा ने मिसर देसा पर आखरी विपती पेजी तब तिने सबी इसराईला रे परिवारा जो बोलया बई से ईक भेडा रे बच्‍चे री बली देओ। तिस भेडा रे बच्‍चे च कोई दोस नी हुना चाईए। तब अपणे दरवाजे री चौखटा पर तिते रा खुन लगाणा था। जब परमेसवरा ने तिस खुना जो देखया तब से तिना रे करा ते आगे चलीगा ओर तिनारे जेठे बेटया जो नी मारया। जब ऐ सब हुआ तो परमेसवरा ने तिते जो फसह रा त्‍योहार बोलया। ![](https://cdn.door43.org/obs/jpg/360px/obs-en-48-10.jpg) यीसु फसह रे त्‍यौहारा रे ईक भेडा रे बच्‍चे साइआ। तिने कदी पाप नी कितया, ईते खतर से सुध था। से फसह रे त्‍यौहारा रे समय मरया। जब कोई यीसुआ पर बिसवास करां, तब यीसुआ रा खून तिस आदमिया रे पापा जो माफ करा। ऐ ऐडा जिया परमेसवर तिस आदमिया गे ते आगे चलीगा, ओर तिसो सजा नी दिती। ![](https://cdn.door43.org/obs/jpg/360px/obs-en-48-11.jpg) परमेसवरा ने इसराईली लोका कने ईक वादा किता, से ऐडे लोक थे जिना जो परमेसवरा ने अपने लोक हुणे जो चुनया था। पर अब परमेसवरा ने ईक ऐडी वादा किता जो सबी खतर थी। अब किसी बी जाता रा कोई बी आदमी ईस नया वादे जो माना, तो से परमेसवरा रे लोका च आई जा। से ऐडा ईते खतर करा बई से परमेसवरा पर बिसवास करो। ![](https://cdn.door43.org/obs/jpg/360px/obs-en-48-12.jpg) मुसा ईक ऐडा भविश्यवकता था जिने परमेसवरा रे वचना रा बडा बिसवासा कने परचार कितया। पर यीसु सबी भविश्यवकता मे ते ईक आ। से परमेसवर आ, ईते खतर तिने जो कुछ कितया ओर बोलया से परमेसवरा रा काम ओर वचन था। ईते खतर पवित्र शास्‍त्र यीसुआ जो परमेसवरा रा वचन बोला। ![](https://cdn.door43.org/obs/jpg/360px/obs-en-48-13.jpg) परमेसवरा ने राजा दाऊदा कने कसम खाई थी बई राजा रे रुपा च तिसरा ईक बशंज परमेसवरा रे लोका पर सदा राज करगा। यीसु परमेसवरा रा बेटा मसीह आ, ईते खतर से राजा दाऊदा रा वशंज आ जो सदा खतर राज करी सका। ![](https://cdn.door43.org/obs/jpg/360px/obs-en-48-14.jpg) दाऊद तो इसराईला रा राजा था, पर यीसु सारे संसारा रा राजा! से फेर आवणा ओर सदा खतर न्याय ओर सुखा कने अपणे राजय पर राज करगा। *उत्पति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_48_128kbps.m4a ## 49. परमेसवरा री नया वाचा https://openbiblestories.org/l/bfz-x-baghati/story-49/ ![](https://cdn.door43.org/obs/jpg/360px/obs-en-49-01.jpg) ईक सवर्ग दुता ने ईक जवान ओरत मरियमा जो बोलया बई से परमेसवरा रे बेटे जो जन्म देगी। से अबु कवारी थी, पर पवित्र आत्‍मा तिसा गे आया ओर से पेटा ते रेई गी। तिसे ईक बेटे जो पैदा कितया जिस रा नाम यीसु रखया। ईते खतर, यीसु परमेसवर ओर मनुशय दोनो आ। ![](https://cdn.door43.org/obs/jpg/360px/obs-en-49-02.jpg) यीसुआ ने बोत चमतकार किते जो बताए बई से परमेसवर आ। से पानीया पर चलया ओर तुफाना जो शान्‍तं कितया। तिने बोत सारे बमार लोका जो ठीक किता ओर बोत लोका मे ते बुरी आत्मा जो कडया। तिने मरीरे लोका जो जिंदा किता, ओर तिने पाजं रोटिया ओर दो मछलिया ते 5,000 लोका जो रोटी खलाई। ![](https://cdn.door43.org/obs/jpg/360px/obs-en-49-03.jpg) यीसु ईक महान गुरू था। जो तिने सखाया, से तिने सही करी के बताया। जो से लोका जो करने जो बोला से तिना जो करना चाइऐ बई से परमेसवरा रा बेटा। जिया, तिने सखाया की तुसा जो ओर लोका जो तिया प्‍यार करो जिया अपु जो कराय। ![](https://cdn.door43.org/obs/jpg/360px/obs-en-49-04.jpg) तिने ऐ बी सखाया बई तुसा जो सारी चीजा ते ज्‍यादा ओर अपणी जयदाता ते बी ज्‍यादा परमेसवरा जो प्‍यार करना चाईए। ![](https://cdn.door43.org/obs/jpg/360px/obs-en-49-05.jpg) यीसुआ ने बोलया बई संसारा च कोई बी चीजा जो पाने ते ज्‍यादा ठीक आ परमेसवरा रे राज्‍य च हुणा। तिसरे राज्‍य च जाने खतर जरुरी आ बई परमेसवर तुसा जो तुसा रे पापा ते बचाओ। ![](https://cdn.door43.org/obs/jpg/360px/obs-en-49-06.jpg) यीसुआ ने बोलया, “बई कुछ लोक तिसो मानगे। परमेसवर तिना लोका जो बचागा। पर दुजे लोक तिसो नी मानगे। तिने ऐ बी बोलया बई कुछ लोक सुणी तरतिया साई ऐ, से यीसुआ रे बारे च सुसमाचारा जो मांनी ले, तब परमेसवर तिना जो बचा। पर कुछ लोक रसते री सुखी तरतिया साईए। परमेसवरा रा वचन बीजा साई रसते पर गिरा, पर तिथी कुछ नी उगदा। ऐ लोक परमेसवरा रे सुसमाचारा जो नी मानदे। से तिसरे राजय च जाने जो ना करी दे।” ![](https://cdn.door43.org/obs/jpg/360px/obs-en-49-07.jpg) यीसुआ ने सखाया बई परमेसवर पापीया कने बोत प्‍यार करा। से तिना जो माफ करना चा ओर तिना जो अपणी औलाद बनाना चा। ![](https://cdn.door43.org/obs/jpg/360px/obs-en-49-08.jpg) यीसुआ ने ऐबी बताया बई परमेसवर पापा ते नफरत करा। आदम ओर हव्‍वा ने बी पाप कितया,ईते खतर तिना रे सारे वंशा ने बी पाप किता। ईस संसारा च रेणे वाला हर आदमी पाप करा ओर परमेसवरा ते दुर आ। हर आदमी परमेसवरा रा दुसमन आ। ![](https://cdn.door43.org/obs/jpg/360px/obs-en-49-09.jpg) पर परमेसवरा ने ईस संसारा च रेणे वाले हर आदमीया कने इया प्‍यार किता: बई तिने अपने ईकई बेटे जो देई ता बई परमेसवर तिना जो सजा न देओ जो तिस पर बिसवास कराए। बलकि, से हमेशा तिना कने रेओ। ![](https://cdn.door43.org/obs/jpg/360px/obs-en-49-10.jpg) तुसे मरने लायक ऐ, तुसे पाप कितया। तुसा कने परमेसवरा रा गुस्‍सा हुणा ठीक आ, इतेरी वजह, से यीसुआ पर गुससा हुआ। तिने यीसुआ जो कुरुसा पर चडाई के मरने री सजा दिती। ![](https://cdn.door43.org/obs/jpg/360px/obs-en-49-11.jpg) यीसुआ ने कदी पाप नी किता, तब बी तिने परमेसवरा जो तिसो सजा देणे दिती। तिने मरना ठीक समझया। ईस वजह ते तुसा रे पापा जो ओर ईस संसारा च रेणे वाले हर आदमीया रे पापा जो चकी के लेई जाने खतर से ईक सही बलिदान था। यीसुआ ने अपु जो परमेसवरा खतर बलिदान करीता, ईते खतर परमेसवर कोई बी पाप, ईथी तक की बहुत बुरे पापा जो बी माफ करा। ![](https://cdn.door43.org/obs/jpg/360px/obs-en-49-12.jpg) अब जे तुसे बोत सुने कामा जो कराए, तब बी परमेसवर तुसा जो नी बचागा। तिसरा दोसत बनने खतर ऐडा कुछ बी नीआ जो तुसे करी सको। बलिकी, तुसा जो बिसवास करना बई यीसु परमेसवरा रा बेटा, ओर से तुसा रे बदले करुसा पर मरीगा, ओर ऐबी बई परमेसवरा ने तिसौ दुबारा जिंदा करीता। जे तुसे ईते पर बिसवास कराए, तब परमेसवर तुसा रे पापा जो माफ करगा। ![](https://cdn.door43.org/obs/jpg/360px/obs-en-49-13.jpg) परमेसवर तिस हर आदमीया जो बचागा जो यीसुआ पर बिसवास करा ओर तिसो अपणा परमेसवर माना। पर से तिसो नि बचागा जो तिस पर बिसवास नी करदा। ओर ऐ कोई बात नी बई तुसे अमीर ए या गरीब, आदमी या ओरत, बजुर्ग ऐ या जवान, या तुसे किती रेयाए। परमेसवर तुसा कने प्‍यार करा ओर चा बई तुसे यीसुआ पर बिसवास करो बई से तुसा रा दोस्‍त बणी सको। ![](https://cdn.door43.org/obs/jpg/360px/obs-en-49-14.jpg) यीसु तुसा जो बुलाणे लगीरा बई तुसे तिस पर बिसवास करो ओर बपतिसमा लो। क्‍या तुसे बिसवास कराए बई परमेसवरा रा ईकलोता बेटा, यीसु ही मसीह आया? क्या तुसे बिसवास कराए बई तुसे पापीए ओर तुसे परमेसवरा ते सजा पाने लायक ए? क्या तुसे बिसवास कराए बई तुसा रे पापा जो मटाने खतर यीसु कुरुसा पर मरया? ![](https://cdn.door43.org/obs/jpg/360px/obs-en-49-15.jpg) जे तुसे यीसुआ पर जो तिने तुसा खतर कितया तिते पर बिसवास कराय, तो तुसे ईक मसीह आए! शैतान अब नेरे रे राज्‍य च अब तुसा पर राज नी करदा। अब परमेसवर अपणे प्रकासा रे राज्‍य ते तुसा पर राज करा। तिने तुसा जो पाप करने ते रोकी ता, जिते जो तुसे करा थे। तिने तुसा जो ईक नवा, अच्‍छा जिवन दितिरा। ![](https://cdn.door43.org/obs/jpg/360px/obs-en-49-16.jpg) जे तुसे ईक मसीह आए तो यीसुआ ने जो कितया तिसरे कारण परमेसवरा ने तुसा रे पापा जो माफ करीता। परमेसवर तुसा जो ईक दुसमना नी, पर अपणा सच्चा दोसत मन्‍ना। ![](https://cdn.door43.org/obs/jpg/360px/obs-en-49-17.jpg) जे तुसे परमेसवरा रे दोसत ऐ ओर प्रभु यीसुआ रे सेवक ऐ तो तुसे तिना बाता रा पालन करने खतर सोचगे जो यीसु तुसा जो सखा। जे तुसे ईक मसीह ऐ, शैतान अबु बी पाप करने खतर तुसा री परीशा लेगा। पर परमेसवर सदा सेइ करा जो बोला बई से करगा। से बोला बई जे तुसे अपणे पापा जो मानी लो, तो से तुसा जो माफ करगा। से तुसा जो पापा रे खिलाफ लडने री ताकत देगा। ![](https://cdn.door43.org/obs/jpg/360px/obs-en-49-18.jpg) परमेसवर तुसा जो प्राथना करने ओर तिसरे वचना जो पडने जो बोला। से तुसा जो दुजे बिसवासिया कने मिली के तिसरी सतुती करने जो बी बोला। तुसा जो ओर लोका जो बी बताणा बई तिने तुसा खतर क्या कितया। जे तुसे ईना कामा जो करो, तो तुसे तिसरे ईक अच्‍छे दोसत बणी जाणे। *रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_49_128kbps.m4a ## 50. यीसुया रा वापस आऊणा https://openbiblestories.org/l/bfz-x-baghati/story-50/ ![](https://cdn.door43.org/obs/jpg/360px/obs-en-50-01.jpg) करीब 2,000 साला ते, संसारा च सारे जगह ज्‍यादा ते ज्‍यादा लोक मसीह यीसुआ रा सुसमाचार सुनने लगीरे। कलीसीया बडने लगीरी। यीसुआ ने कसम खाईरी बई से संसारा रे आखिरा च वापस आऊणा।जब की अबु से वापस नी आईरा, तब बी से अपणे वादे जो पुरा करगा। ![](https://cdn.door43.org/obs/jpg/360px/obs-en-50-02.jpg) जब असे यीसुआ रे वापस आऊणे रा इन्‍तजार कराए, परमेसवर असा ते ऐडा जीवन जीणे री कामना करा जो पवित्र ओ ओर जो तिसरा आदर करदा ओ। जब यीसु तरतिया पर रेया तब तिने बोलया, “मेरे चेले संसारा च सारी जगह रे लोका जो परमेसवरा रे राज्‍य रे बारे च सुभ संदेस ओर तिना जो बतागे,ओर तब तक आखरी दिन आई जाणा।” ![](https://cdn.door43.org/obs/jpg/360px/obs-en-50-03.jpg) बोत सारी जातीया ने अबु तक यीसुआ रे बारे च नी सुणीरा। सवर्ग जो जाणे ते पेले, यीसुआ ने मसीहियो जो तिना लोका जो सुसमाचार सुणाने जो बोलया जिने ईते जो कदी नी सुंणया। तिने बोलया, “जाओ ओर सारी जाता रे लोका जो चेला बनाओ।” ओर” कटाई करने खतर फसल आई गेरी! ![](https://cdn.door43.org/obs/jpg/360px/obs-en-50-04.jpg) यीसुआ ने ऐ बी बोलया, “कोइ बी आदमी अपणे मालिका ते बडा नी हुदा। इस संसारा रे बडे लोका ने मा ते नफरत किती,ओर मेरी वजह ते से तुसा जो बी तगंकरगे ओर मारी देगे। इस संसार च तुसे दुखी रेणे, पर खडे रेणा, मै शैताना जो हराई तेरा जो इस संसारा च राज करा। जे तुसे आखरी तक मेरी नजरा च ठीक रेओ, तो परमेसवर तुसा जो बचागा!” ![](https://cdn.door43.org/obs/jpg/360px/obs-en-50-05.jpg) यीसुआ ने अपणे चेलेया जो समझाणे खतर ईक काणी सुणाई बई जब संसारा रा आखरी समय हुआ तब लोका कने क्या हुणा। तिने बोलया, “बई ईक आदमीया ने अपणी बागटीया च सुणा बीज बीजया। जब से सुतिरा था तब तिसरा दुसमन आया ओर कनका रे बीजा रे बिचे जंगली बिज पाई ते, ओर तब से चली गा।” ![](https://cdn.door43.org/obs/jpg/360px/obs-en-50-06.jpg) “जब फसल उठी तब सेवका ने तिस आदमीया जो बोलया, ‘हे स्‍वामी, ते तो अपणी बागतीया च सुणा बीज बीजया था। तब ईते च जंगली पौधे किया आए?’ तिस आदमीया ने बोलया, ‘ऐ मेरे दुसमणा रा ही काम आ। ऐ मेरा कोई दुसमण ही आया जिने ऐडा कितया’।” ![](https://cdn.door43.org/obs/jpg/360px/obs-en-50-07.jpg) “तिने सेवका ने अपणे मालिका जो बोलया, ‘बई असा जो जंगली पौधे पटी देणे चाईए? तिस आदमीया ने बोलया, नही। जे तुसे ऐडा कितया तो तुसे कुछ फसल बी पटी देणी। फसल कटणे तक रुको। तिते बाद जंगली पौधेया जो ईक गडे च पाई दो बई तूसे तिते जो फुकी सको। पर फसला जो मेरे भण्डार करा च लेई आओ’।” ![](https://cdn.door43.org/obs/jpg/360px/obs-en-50-08.jpg) चेलेया ने ईसा बाता जो नी समजया, ईते खतर तिने यीसुआ जो इस बाता जो समझाणे जो बोलया। यीसुआ ने बोलया, “सुणा बीज बीजने वाला आदमी मसीह रे बारे च बतां। ओर बागटीया संसारा रे बारे च बताईया। ओर सुणा बीज परमेसवरा रे राज्‍य रे लोका ऐ।” ![](https://cdn.door43.org/obs/jpg/360px/obs-en-50-09.jpg) “जंगली पौधे तिस बुरे आदमी, शैताना रे लोक ऐ। तिस आदमीया रा दुसमन शैताना आ, जिने जंगली पौधे बीजी ते। कटाई ईस संसारा रा अन्‍त आ, ओर कटाई करने वाले परमेसवरा रे सवर्ग दुत ए।” ![](https://cdn.door43.org/obs/jpg/360px/obs-en-50-10.jpg) “जब संसारा रा अंत हुणा तब सवर्गदुत तिना सब लोका जो कठा करगे जो शैताना रे आए। से सवर्गदुत तिना जो बोत गरम आगा च फेकी देगे। तिथी से लोक कसटा च रेणे ओर अपणे दातं पीसगे। पर जो लोक तरमी ऐ, जिने यीसुआ जो मानया, से तिना रे परमेसवर पिता रे राज्‍य च सुरजा साई चमकणे।” ![](https://cdn.door43.org/obs/jpg/360px/obs-en-50-11.jpg) यीसुये ने ऐ बोलया बई से दुनिया रे अन्त हुणे तक तरतीता पर आऊणा। से तिस तरीके कने वापस आऊणा। जिया से गया था। जिया, तिसगे असली सरीर हुगा, ओर से आकासा पर सवार हुई कै आऊणा। जब यीसु आऊआ, तो हर ईक मसीह जो मरी गै से मरीरै मै तै जी ऊठणे ओर आकासा च मीलणे। ![](https://cdn.door43.org/obs/jpg/360px/obs-en-50-12.jpg) तब से मसीह जो अबु बी जीऊदे से अकाश च चकी लेणे ओर तिना दुजे मसीहया कने मिली जाने जो मरीरे मे ते जीउदे ऊई जाए। से सब तिथी यीसुआ कने हुणे। तिते बाद,यीसु अपणे लोका कने रेणा। जब से ईक साथी रेणे तब तिना गे सदा खतर सांति हुणी। ![](https://cdn.door43.org/obs/jpg/360px/obs-en-50-13.jpg) यीसुआ ने तिस पर बिसवास करने वाले हर ईक आदमीया जो मुकुट देणे रा वादा किता। से सदा खतर परमेसवरा री हर चीजा पर हकदार हुणे। तिना गे सदा सांति होणी। ![](https://cdn.door43.org/obs/jpg/360px/obs-en-50-14.jpg) पर परमेसवर तिना सबी रा इनसाफ करगा जो यीसुआ पर विसवास नी करदे। से तिना जो नरका च पाई देगा। से तिथी रोणे ओर पछताणे, ओर से सदा सजा कटदे रेणे। कदी नी बुजणे वाली आगा च सदा फुकदे रेणे, ओर तिना जो कीडे सदा खादे रेणे। ![](https://cdn.door43.org/obs/jpg/360px/obs-en-50-15.jpg) जब यीसु आऊणा, तब तिने शैताना जो ओर तिस रे राज्‍य जो खतम करी देणा। से शैताना जो नरका च पाई देगा। शैतान सदा खतर फुकदा रेणा, तिना सबी कने जिने परमेसवरा री बात मानने री बजय शैताना पिछे चलणे री सोची। ![](https://cdn.door43.org/obs/jpg/360px/obs-en-50-16.jpg) ईते खतर बई आदम ओर हव्‍वा ने परमेसवरा री बात नी मानी ओर पापा जो इस संसारा च लेई आए, परमेसवरा ने तिनाओ सराप दितया ओर तिसौ खतम करने रा फैसला लेया। पर ईक दिन परमेसवर ईक नवा सवर्ग ओर नवी तरतिया जो बणागा जो अच्‍छे हुणे। ![](https://cdn.door43.org/obs/jpg/360px/obs-en-50-17.jpg) यीसु ओर तिसरे लोक तिसा नवी तरतिया पर रेणे, ओर से सदा खतर सारी चीजा पर राज करगा। से लोका री आखीया ते सारे अंजु साफ करी देगा। अब कोई बी पीडा च दुखी नी हुणा।से रोणे नी।ना बमार हुणे ओर ना मरणे। ओर तिथी कोई बी बुरा काम नी हुणा। यीसु अपणे राज्‍य पर न्याय, ओर सांति कने राज्‍य करगा। से सदा खतर अपणे लोका कने रेणा। *मत्ती 13:24-30, 22:13; 24:14; 28:18; 36-42; यूहन्ना 15:20, 16:33; प्रकाशितवाक्य 2:10; 20:10, 21:1-22:21 1 थिस्सलुनुकियों 4:13-5:11; याकूब 1:12; ते ईक बाईबला री काणी* Audio: https://git.door43.org/OBS-TLF/bfz-x-baghati_obs/releases/download/v1/bfz-x-baghati_obs_v1_50_128kbps.m4a