# unfoldingWord Open Bible Stories — Baghliani

- Language code: `bfz-x-baghliani`
- Canonical page: https://openbiblestories.org/l/bfz-x-baghliani/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Baghliani translation; it is not a translation of the whole Bible.

## 1. रचना

https://openbiblestories.org/l/bfz-x-baghliani/story-1/

![](https://cdn.door43.org/obs/jpg/360px/obs-en-01-01.jpg)

ईंया शुरुओ दे परमेशरे सब चीजा बणाईया तिने छेया दिना दे संसारो री ओर जो कुछ तिदे से सब बणायापरमेशरो रे जरिये तरतिया री रचना ते बाद से नेरे दे ओर खाली थी, कऊंकि एबुए तक परमेशरे तिदे कोई बी चीज नी बणाई थी पर परमेशरो रा आत्मा पाणिए पाँदे कुमदा रओ था

![](https://cdn.door43.org/obs/jpg/360px/obs-en-01-02.jpg)

फेर परमेशरे बोलेया,“प्रयासा ओ!” ओर प्रयासा हुईगा परमेशरे देखेया की प्रयासा ठीक ए ओर तिजी खे “दिन” बोलेया ओर तिने से नेरे ते लग कित्तेया जेतेखे तिने “रात” बोलेया परमेशरेदुनिया बनाणेते पईलेदिनो खे प्रयासा बणाया

![](https://cdn.door43.org/obs/jpg/360px/obs-en-01-03.jpg)

प्रयासा बनाणे ते बाद दूजे दिने परमेशरे बोलेया, “पाणिए पांदे एकअंतर ओ” ओर एक अंतर ऊई गा परमेशरे तेस अंतरो खे “सर्ग” बोलेया

![](https://cdn.door43.org/obs/jpg/360px/obs-en-01-04.jpg)

तिजे दिने परमेशरे बोलेया, “पाणी एकी जगादेकट्ठा उई जाओ ओर सुकी जमींन दिखी जाओ” तिने सुकी जमींना खे “तरती” बोलेया ओर पाणिए खे “समुद्र” बोलेया परमेशरे देखेया की जो तिने बणाया था से ठीक था

![](https://cdn.door43.org/obs/jpg/360px/obs-en-01-05.jpg)

फेर परमेशरे बोलेया, “तरती सबी किस्मा रे डाल़ ओर ड़ालिया ऊगाओ” ओर ऐड़ा ई ऊआ परमेशरे देखेया की जो तिने बणाया था से ठीक था

![](https://cdn.door43.org/obs/jpg/360px/obs-en-01-06.jpg)

बनाणे रे चऊथे दिने परमेशरे बोलेया, “सर्गो दे जोतिया ओ”ओर सूरज, चाँद ओर तारे पैदा ऊए परमेशरे से तरतिया पाँदे प्रयासा देणे खे ओर दिन ओर रात, मौसम ओर साला दे अंतर करने खे बणाये

![](https://cdn.door43.org/obs/jpg/360px/obs-en-01-07.jpg)

पाँजुए दिने परमेशरे बोलेया, “पाणीये रे जिऊँदे प्राणिया ते समुद्र परी जाओओर सर्गो रे पंछी उड़ो” ईंया तिने पाणिए दे तरने वाल़े सारे जंन्तु ओर पंछी बणाए परमेशरे देखेया की से ठीक था ओर तिना खे आशीष दिती

![](https://cdn.door43.org/obs/jpg/360px/obs-en-01-08.jpg)

रचना रे छठे दिने परमेशरे बोलेया, “जमींना पाँदे रणे वाल़े सबी तरह रे पशु ओ” ओर परमेशरो रे बोलणे जेड़ा ई ऊई गा कई पशु पालतू थे, कई जमींना पाँदे रेंगणे वाल़े, ओर कई जंगली पशु थे ओर परमेशरे देखेया की से ठीक था

![](https://cdn.door43.org/obs/jpg/360px/obs-en-01-09.jpg)

फेर परमेशरेबोलेया, “आओ आसे आदमिए खे आपु जेड़ा ओर आपु बराबर बणाईए से तरतिया पाँदे ओर सबी पशुआ पाँदे राज करोगा

![](https://cdn.door43.org/obs/jpg/360px/obs-en-01-10.jpg)

तेबे परमेशरे माट्टी लई की तिजी ते आदमी बणाया ओर तेसदे जीवनों रा सा पाया ऐस आदमिए रा नाओं आदम था परमेशरे आदमो खे रणे खे एक बड़ा बगीचा बणाया ओर तेते री देखपाल करने खे आदम तेती राखी ता

![](https://cdn.door43.org/obs/jpg/360px/obs-en-01-11.jpg)

तेस बगीचे रे बीचे परमेशरे दो खास डाल़ लगाए- जीवनो रा डाल़ ओर पल़े ओर बुरे रे ज्ञानों रा डाल़ परमेशरे आदमो खेबोलेया की से तेस बगीचे दे जीवनो रे डाल़ ओर पल़े ओर बुरे रे ज्ञानों रे डाल़ो खे छाड़ी की ओर केसी बी डाल़ो रा फल़ खाई सकोआ जे तिने तिना दुनी डाल़ारा फल़ खाया तो से मरी जाणा

![](https://cdn.door43.org/obs/jpg/360px/obs-en-01-12.jpg)

फेर परमेशरे बोलेया, “आदमिए खे कल़े रणा ठीक निए” पर कोई बी पशु आदमो रा साथी नी हुई सकेया

![](https://cdn.door43.org/obs/jpg/360px/obs-en-01-13.jpg)

इजी खे परमेशरे आदमो खे गइरीनींजा दे पाईता फेर परमेशरे आदमो री एक पसली लईकी तेसते एक जवाणसबणाई ओर तेसाखे आदमो गे लई की आया

![](https://cdn.door43.org/obs/jpg/360px/obs-en-01-14.jpg)

जेबे आदमे तेसाखे देखेया तो तिने बोलेया, “कम से कम ये तो मां जेड़ी ए!एसाखे जवाणस बोलेया जाणा, कऊंकि ये मर्दो बीचा ते बणाई राखी ए” ईजी बजह ते मर्द आपणे माए-बाओ खे छाड़ी देओआ ओर आपणी लाड़िया साथे एक ऊई जाओआ

![](https://cdn.door43.org/obs/jpg/360px/obs-en-01-15.jpg)

परमेशरे मर्द ओर जवाणसा खे आपणे रूपो रे बणाया तिने तिनाखे आशीष दिती ओर तिना खे बोलेया, “बऊत सारी ल्वाद ओर पोते-परपोते पैदा करो ओर तरतिया खे परी देओ!” ओर परमेशरे देखेया कि जो कुछ बी तिने बणाया था से बऊत अच्छा था, ओर से तिना सबी ते बऊत खुश था ये सब कुछ बनाणे रे छटे दिन ऊआ था

![](https://cdn.door43.org/obs/jpg/360px/obs-en-01-16.jpg)

जेबे सातवा दिन आया तेबे जो कुछ परमेशर करेया करो था तिने तेस सारे कामो खे खत्म कित्तेया तिने सातवे दिनो खे आशीष दिती ओर से पवित्र ठराया, कऊंकि तेस दिन तिने सारी चीजा री रचना करने खे खत्म कितेया था ईंया परमेशरे संसारो री ओर जो कुछ तिदे ए तिना सबी री रचना किती

*उत्पतिपाठ 1-2 तेबाइबला री एक काअणी*

## 2. पाप संसारो दे आओ आ

https://openbiblestories.org/l/bfz-x-baghliani/story-2/

![](https://cdn.door43.org/obs/jpg/360px/obs-en-02-01.jpg)

आदम ओर तेसरी लाडी परमेशरो रे जरिए तिना खे बणाए दे सुंदर बगीचे दे रंदे ऊए बऊत खुश थे तिना बीचा ते कोई बी टाल्ले नी पईनो थे, फेर बी ऐसे गल्ले तिना बीचा ते कोई शर्मिन्दा नी कित्तेया, क ऊँकि संसारो दे पाप नी था सेयो रोज तेते बगीचे दे कुमया करो थे ओर परमेशरो साथे गलाया करो थे

![](https://cdn.door43.org/obs/jpg/360px/obs-en-02-02.jpg)

पर तेते बगीचे दे साप था से बऊत चलाक था तिने तेसा जवाणसा ते पुछेया, “क्या सच्ची परमेशरे तुसाखे ऐते बगीचे रे केसी बी डाल़ा रे फल़ खाणे खे ना करी राखी?”

![](https://cdn.door43.org/obs/jpg/360px/obs-en-02-03.jpg)

तेसे जवाणसे जवाब दित्तेया, “परमेशरे आसा खे बोलेया की आसे तेस पले ओर बुरे रे ज्ञानो रे डाल़ो रे अलावा केसी बी डाल़ो रे फल़ नी खाई सकदे परमेशरे आसा खे बोलेया की जे तुसे से फल़ खाया या छुया बी तेबे तुसे मरी जाणे

![](https://cdn.door43.org/obs/jpg/360px/obs-en-02-04.jpg)

तिने सांपे तेसा जवाणसा के जवाब दित्तेया, “ए सच निए तुसे नी मरने परमेशर जाणोआ की जिंया तुसा से फल़ खाणा, तुसे परमेशरो जेड़े हुई जाणे ओर तेस जेड़े पले ओर बुरे खे समजणे लगणे

![](https://cdn.door43.org/obs/jpg/360px/obs-en-02-05.jpg)

तेसे जवाणसे देखेया की फल़ ठीक था ओर स्वाद दिखो था से बी समजदार बणना चाओ थी, इजी खे तेसे से फल़ तोड़ी खी खाई ला फेर तेसे आपणे लाड़े खे जो तेसा साथे था से फल़ दित्तेया ओर तिने बी खाई ला

![](https://cdn.door43.org/obs/jpg/360px/obs-en-02-06.jpg)

तेबु ई, तेसा रिया आखी खुली गिया, ओर तिना खे पता लगेया कि से नांगे थे तिने पत्ते एक साथे सिली की तिना रे टाल्ले बणाई की तिने आपणे शरीरो खे टखणे री कोशिश किती

![](https://cdn.door43.org/obs/jpg/360px/obs-en-02-07.jpg)

तेबे मर्दे ओर तेसरी लाड़िए तेस बगीचे दे कुमदे ऊए परमेशरो री आवाज सुणी से दोनो परमेशरो ते लुखी गे तेबे परमेशरे मर्दो खे आवाज लगाई, “ तू केई आ?” आदमे जवाब दित्तेया, “मैं तुसे बगीचे रे कुमदे हुए सुणे, ओर आऊं डरीगा था, कऊँकि आऊं नांगा था इजी खे आंऊ लुखी गा”

![](https://cdn.door43.org/obs/jpg/360px/obs-en-02-08.jpg)

फेर परमेशरे पुछेया, “ताखे किने बोलेया की तु नांगा ए? क्या तैं से फल़ खाई राखेया जेस खाणे खे मैं ताखे ना किती थी?” मर्दे जवाब दित्तेया, “ तुसे जो माखे ए जवाणस देई राखी ऐसे ई माखे से फल़ दित्तेया” तेबे परमेशरे तेसा जवाणसा ते पुछेया, “तैं ए क्या कित्तेया?” तेसे जवाणसे बोलेया, “ सांपे मांखे तोखा दित्तेया

![](https://cdn.door43.org/obs/jpg/360px/obs-en-02-09.jpg)

परमेशरे सांपो खे बोलेया,“ ताखे स्राप ए तु आपणे पेटो रे पाऱे लूरणा ओर माट्टी चाखणी तु ओर ए जवाणस एक दुजे साथे नफरत करोगे, ओर तेरे बच्चे ओर तेसरे बच्चे बी एकी दुजे साथे नफरत करणी ऐसा जवाणसा रेवंशो तेरा सिर कुचल़णा ओर तां तेसरी आडीडसणी”

![](https://cdn.door43.org/obs/jpg/360px/obs-en-02-10.jpg)

तेबे परमेशरे जवाणसा खे बोलेया, “मां तेरे बच्चे जमाणे खे बऊत तकलीफ़ देणी तां आपणे लाड़े ते इच्छा करनी, ओर तेस तां पांदे राज करना”

![](https://cdn.door43.org/obs/jpg/360px/obs-en-02-11.jpg)

परमेशरे मर्दो खे बोलेया, “तैं आपणी लाडिया री सुणीओर आज्ञा नी मानी ईंया जमीन स्रापित ऊई री, ओर ताखे रोटी पैदा करने खे कठण मेहनत करने री जरुरत ऊणी ऐबे तू मरी जाणा, ओर तेरा शरीर माट्टिया रे मिली जाणा” तिने मर्दे आपणी लाडिया रा नाओ अव्वा राखेया, जेतेरा मतलब ए” जीवन देणे वाल़ी”, कऊंकि से सबी जातिया री माता ऊणी ओर परमेशरे आदम ओर अव्वा खे पशुआ री खाला रे बणे रे टाल्ले पन्याये

![](https://cdn.door43.org/obs/jpg/360px/obs-en-02-12.jpg)

फेर परमेशरे बोलेया, “ऐबे पले ओर बुरे खे जाणने ते आदमी आसा जेड़ा हुई गा रा, इजी खे इना खे तेस जीवनो रे ड़ाल़ो रे फल़ो खे खाणे नी देणा चाईयो की से सदा खे जिऊंदे रओ” ईंया परमेशरे आदम ओर अव्वा तेते बगीचे ते बारे निकाल़ी ते ओर परमेशरे केसी खे बी तेस जीवनो रे ड़ाल़ो रे फल़ो खे खाणे ते रोकणे खे तेस बगीचे रे दरवाजे पांदे ताकतवर स्वर्गदूत बठाईते

*उत्पति पाठ3ते एकबाइबला री कआणी*

## 3. बाढ़

https://openbiblestories.org/l/bfz-x-baghliani/story-3/

![](https://cdn.door43.org/obs/jpg/360px/obs-en-03-01.jpg)

बऊत दिना बाद, संसारो दे बऊत लोग रओ थे सेयो बऊत दुष्ट ओर ऊड़दंगी ऊईगे थे ये इतना बुरा था की परमेशरे एक बड़ी पाणिये रीबाढ़ा साथे ऐस पुरे संसारो खे खत्म करने रा फैसला करी ला था

![](https://cdn.door43.org/obs/jpg/360px/obs-en-03-02.jpg)

पर परमेशर नूहो ते खुश था से दुष्ट माणुंआ बीचे रणे वाला एक तर्मी आदमी था परमेशरे नूहो खे दशेया की से एक बऊत बड़ी बाढ़ लयाऊणे वाला ए ईंया, तिने नूहो खे एक बड़ी किश्ती बनाणे खे बोलेया

![](https://cdn.door43.org/obs/jpg/360px/obs-en-03-03.jpg)

परमेशरे नूहो खे कम से कम 140 मीटर लंबी, 23 मीटर चौड़ी ओर 13.5 मीटर ऊची किश्तीबनाणे खे बोलेया नूहो खे से लकड़ीया साथे बनाणी थीओर तिदे तीन तल, बऊत कमरे, एक छत ओर एक खिड़की बनाणी थी से किश्ती नूह, तेसरे परिवार, ओर जमीना रे हर एक पशुए खे तेसा बाढ़ा ते बचाई की राखोगी

![](https://cdn.door43.org/obs/jpg/360px/obs-en-03-04.jpg)

नूहे परमेशरो री गल्ल मानी तिने ओर तेसरे पाऊए तेड़ी ई किश्ती बणाई जेड़ी परमेशरे बताई थी कऊंकि से किश्ती बऊत बड़ी थी इजी खे तेसा बनाणे दे कई साल लगे नूहे लोका खे आऊणे वाली बाढ़ा रे बारे दे चेतावनी दिती ओर तिना खे परमेशरो री तरफा खे फिरने खे बोलेया, पर तिने तेसरियागल्लापाँदेपरोसा नी कित्तेया

![](https://cdn.door43.org/obs/jpg/360px/obs-en-03-05.jpg)

परमेशरे नूह ओर तेसरे परिवारो खे आपणिया तंई ओर पशुआ खे ठीक रोटी कट्ठी करने खे बोलेया जेबे सब कुछ बणी की त्यारथा, तेबे परमेशरे नूहो खे बोलेया की ए बख्त तेसखे, तेसरी लाड़िया खे, तेसरे तीन पाऊआ खे, ओर तिना री लाड़िया खे- कुल मिलाई की आठ जणेया खे किश्तिया दे जाणे खे था

![](https://cdn.door43.org/obs/jpg/360px/obs-en-03-06.jpg)

परमेशरे हर पशु ओर पंछिया रे नर ओर मादा नूहो गे पेजे ताकि सेयो किश्तिया दे जाई सको ओर बाढ़ा ते बची की रई सको परमेशरे एड़े हर तरआ रे पशुआ रे सात नर ओर सात मादा पेजिया जिना खे बली चढ़ाणे खे लई सको जेबे सेयो किश्तिया दे पऊँची गे तो आपू परमेशरे किश्तिया रा दुराजा बंद करी ता

![](https://cdn.door43.org/obs/jpg/360px/obs-en-03-07.jpg)

तेबे बरखा लगणी शुरू हुई गी, ओर बरखा ऊंदी रई ऊंदी रई बिना रुके चाल़ी दिन ओर चाल़ी राती तक बरखा ऊंदी रई सारे संसारो री हर एक चीज, एथो तक की ऊचे ते ऊचे पहाड़ बी पाणिए दे डुबी गे

![](https://cdn.door43.org/obs/jpg/360px/obs-en-03-08.jpg)

सुकी जमीना पांदे रणे वाली हर एक चीज मरी गी, तिना लोका ओर पशुआ खे छाड़ी की जो किश्तिया दे थे से किश्ती पाणिए पांदे तरदी रई ओर किश्तिया रे पीतरे री हर एक चीज डुबणे ते ठीक राखी

![](https://cdn.door43.org/obs/jpg/360px/obs-en-03-09.jpg)

बरखा रुकी जाणे ते बाद, पाँच मिन्ने तक से किश्ती पाणिए पाँदे तरदी रई, ओर तेस बख्तो तक पाणी कट्ट ऊणे लगेया था तेबे एक दिन से किश्ती एक पहाड़ो री चोटिया पाँदे जाई की रूकी, पर संसार एबु बी पाणिए साथे टकया रा था तीन मिन्ने ते बाद, पहाड़ो रिया चोटिया दिखणे लगीया

![](https://cdn.door43.org/obs/jpg/360px/obs-en-03-10.jpg)

फेर ओर चाल़िया दिना ते बाद, नूहे एक काओ ए देखणे खे बारे पेजेया की क्या पाणी सूकी गा था से काओ सूकी जमीना रिया तंई ओर-पोरे उड़दा रया,पर तेसखे एड़ी कोई जगा नी मिली

![](https://cdn.door43.org/obs/jpg/360px/obs-en-03-11.jpg)

फेर बादो ते नूहे एक कबूतरी बारे पेजी पर तेसा खे बी कोई सूकी जमीन नी मिली, इजी खे से नूहो गे वापस आई गी एक अफ्ते ते बाद तिने से कबूतरी फेर पेजी, ओर से आपणी चोंचा दे जैतूनो री एक ड़ाली लई की वापस आई गी पाणी कम ऊणे लगी रा था, ओर डाल़ फेर जमणे लगे थे

![](https://cdn.door43.org/obs/jpg/360px/obs-en-03-12.jpg)

नूह एक अफ्ता ओर रुकी गा ओर तीजी बार से कबूतरी बारे पेजी ऐबे, तेसा खे रुकणे री जगा मिली गी ओर से वापस नी आई पाणी सुकणे लगेया था

![](https://cdn.door43.org/obs/jpg/360px/obs-en-03-13.jpg)

दो मिन्ने बाद परमेशरे नूहो खे बोलेया, “ऐबे तू ओर तेरा परिवार ओर सारे पशु किश्तिया ते निकली जाओ बऊत सारे बच्चे ओर पोते- परपोते पैदा करो ओर तरती परी देओ” तेबे नूह ओर तेसरा परिवार किश्तिया ते बारे निकली गा

![](https://cdn.door43.org/obs/jpg/360px/obs-en-03-14.jpg)

नूहो रे किश्तिया ते बारे आऊणे ते बाद, तिने एक वेदी बनाई ओर बलिया खे इस्तेमाल ऊणे वाल़े हर तरह रे पशुआ बीचा ते कुछ लई की बली चढ़ाई परमेशर तेसा बलिया ते खुश हुआ ओर नूह ओर तेसरे परिवारो खे आशीष दिती

![](https://cdn.door43.org/obs/jpg/360px/obs-en-03-15.jpg)

परमेशरे बोलेया, “आऊँ कसम खाऊंआ की माणुंआ रे जरिए किते रे बुरे कामा रे कारण माँ फेर कदी जमीना खे स्राप नी देणा या बाढ़ा रे जरिए संसारो खे खत्म नी करुंगा, पर माणुं आपणे बचपनो रे बख्तो ते पापी ए

![](https://cdn.door43.org/obs/jpg/360px/obs-en-03-16.jpg)

फेर परमेशरे आपणे वचनो रे निशानो रे रुपो दे पईला इन्दरधनुष बणाया जेबे कदी बी सर्गो दे इन्दरधनुष दिखोआ, तेबे परमेशरो याद करना की तिने क्या कसम खाई राखी ओर तिंया ई तेसरे लोक बी याद करोगे

*उत्पति पाठ 6-8तेएक बाइबलारीकआणी*

## 4. अब्राहमो साथे परमेशरो रा वादा

https://openbiblestories.org/l/bfz-x-baghliani/story-4/

![](https://cdn.door43.org/obs/jpg/360px/obs-en-04-01.jpg)

बाढ़ा ते कई साला बाद, संसारो रे बऊत लोग रया करो थे, ओर तिने फेर परमेशरो रे ओर एक दूजे रे खलाफ पाप कित्तेया कंऊकि सेयो सब एक ई पाषा बोलेया करो थे, इजी खे सेयो सब कट्ठे हुए ओर संसारो खे परने खे परमेशरो रे ऊकमो रे बजाए एक शईर बणाया

![](https://cdn.door43.org/obs/jpg/360px/obs-en-04-02.jpg)

सेयो बऊत कमण्डी थे, ओर तिना खे केड़ा जीवन जीणा चाईयो इजी रे बारे दे से परमेशरो रे उकमो खे मानणा नी चाओ थे ऐथो तक की तिने एक जेड़ी मीनार बनाणी शुरु किती जो स्वर्गो तक पुजणी परमेशरे देखेया की जे सेयो कट्ठे मिली की बुराई करदे रओगे, तेबे सेयो बऊत पापी काम करी सकोए

![](https://cdn.door43.org/obs/jpg/360px/obs-en-04-03.jpg)

इजी खे परमेशरे तिना री पाषा बऊत लग-लग पाषा रे बदलिती ओर सेयो लोक सारे संसारो दे फलियाईते जो शईर तिने बनाणा शुरु कित्तेया था तेसखे बाबेल बोलोए, जेते रा मतलब ए “ गड़बड़ी”

![](https://cdn.door43.org/obs/jpg/360px/obs-en-04-04.jpg)

कई सौ साला बाद, परमेशरे अब्राहम नाओंरे एक आदमीए साथे गल्ल किती परमेशरे तेसखे बोलेया, “आपणे देश ओर परिवारो खे छाड़ी की तेस देशो खे चली जा जो माँ ताखे दखाणा माँ ताखे आशीष देणी ओर तांते एक बड़ी जाति बनाणी माँ तेरा नाओं बड़ा करना जो ताखे आशीष देयो मां तेसखे आशीष देणी, ओर जो ताखे स्राप देओ तेसखे स्राप देणा तेरी वजा ते सारे कुला आशीष पाणी”

![](https://cdn.door43.org/obs/jpg/360px/obs-en-04-05.jpg)

पर अब्रामे परमेशरो री गल्ल मानी तिने आपणे सारे दास ओर आपणी सारी सम्पति साथे आपणी लाड़ी सारै साथे लई ओर तेस देशो खे, कनान देशो खे चली गा जो परमेशरे तेसखे दखाया था

![](https://cdn.door43.org/obs/jpg/360px/obs-en-04-06.jpg)

जेबे अब्राम कनान पुजया तेबे परमेशरे तेसखे बोलेया, “आपणे चंऊ कनारे देख मां ताखे ए सारा देश देणा ओर तेरे वंशजा सदा ऐते पांदे हक्क राखणा” तेबे अब्राम तेस देशो दे बसी गा

![](https://cdn.door43.org/obs/jpg/360px/obs-en-04-07.jpg)

मलिकिसिदक नाओं रा एक मर्द था जो सर्वशक्तिमान परमेशरो रा याजक था एक दिने जेबे अब्राम युद्ध करने ते बाद आऊणे लगी रा था तेबे तेती से अब्रामो खे मिलेयामलिकिसिदके अब्रामो खे आशीष दिती ओर बोलेया” सर्वशक्तिमान परमेशर जो सर्ग ओर तरतिया रा मालक ए से ताखे आशीष देओ”तेबे अब्रामे युद्धो दे जीती री सारी चीजा रा दसवां हिस्सा मलिकिसिदको खे दित्तेया

![](https://cdn.door43.org/obs/jpg/360px/obs-en-04-08.jpg)

कई साल बीते गे, पर एबु बी अब्राम ओर सारै रे कोई बच्चा नी था परमेशरे अब्रामो साथे गल्ल किती ओर फेर कसम किती की तेसरे एक पाऊ पैदा ऊणा ओर जेड़े सर्गो रे तारे तियां ई तेसरे बऊत वशंज ऊणे अब्रामे परमेशरो री कसमा पांदे विश्वास कित्तेया परमेशरे बोलेया कि अब्राम एक तर्मी जन था कंऊकि तिने परमेशरो री कसमा पांदे विश्वास कित्तेया था

![](https://cdn.door43.org/obs/jpg/360px/obs-en-04-09.jpg)

तेबे परमेशरे अब्रामो साथे एक वाचा बानी सामान्य रुपो दे, एक वाचा दुईं दलो रे बीचे एक दुजे खे काम करने रा एक समजोता ओआ परमेशरे अब्रामो साथे से कसम तेबे किती थी जेबे अब्राम सया रा था, पर से तेबे बी परमेशरो खे सुणी सको था परमेशरे बोलेया, “मां तेरे शरीरो ते पैदा करी की ताखे एक निज पाऊ देणा मां तेरे वंशजो खे ए कनान देश देणा” पर ऐबे बी अब्रामो रे कोई पाऊ नी था

*उत्पति पाठ 11-15 तेएक बाइबला री कआणी*

## 5. वादे रा पाऊ

https://openbiblestories.org/l/bfz-x-baghliani/story-5/

![](https://cdn.door43.org/obs/jpg/360px/obs-en-05-01.jpg)

अब्राम ओर सारै रे कनान पऊँचणे ते दस साल बाद, एबु तक बी तिना रे कोई बच्चा नी था इजी खे अब्रामो री लाड़ी सारै तेसखे बोलेया, “कऊँकि परमेशरे एबुए तक आऊँ बच्चा जमाणे खे सक्षम नी करी राखी ओर ऐबे आऊँ बच्चा जमाणे खे बऊत स्याणी हुई गी, देख, मेरी दासी हाजिरा ऐथी ए तेसा साथे ब्या करी ले ताकि से मेरिया तंई एक बच्चा पैदा करी सको”

![](https://cdn.door43.org/obs/jpg/360px/obs-en-05-02.jpg)

तेबे अब्रामे हाजिरा साथे ब्या करी ला हाजिरा रे एक पाऊ जमेया, ओर अब्रामे तेसरा नाओं इश्माएल राखेया पर सारै हाजिरा ते जल़णे लगी जेबे इश्माएल 13 साला रा था, परमेशरे फेर अब्रामो साथे गल्ल किती

![](https://cdn.door43.org/obs/jpg/360px/obs-en-05-03.jpg)

परमेशरे बोलेया, “आऊँ सर्व-शक्तिमान परमेशर ए मां तां साथे एक वचन बानणा” तेबे अब्रामे जमीना पांदे रुड़ी की माथा टेकेया परमेशरे अब्रामो ते ए बी बोलेया, “तू बऊत जातिया रा बाओ ऊणा मां ताखे ओर तेरे वंशजो खे तिना री आपणी जमीन ऊणे खे कनान देश देणा ओर आऊं सदा खे तिना रा परमेशर ऊँगा ताखे आपणे कराने रे अरेक मर्दो रा खतना करना ए”

![](https://cdn.door43.org/obs/jpg/360px/obs-en-05-04.jpg)

तेरी लाड़ी सारैरेएक पाऊ ऊणा से वादे रा पाऊ ऊणा तेसरा नाओं इसहाक राखणा मा तेस साथे आपणी वाचा खे बनाए राखणी ओर से एक बड़ी जाती बणी जाणा मां इश्माएलो खे भी एक बड़ी जाती बनाणी, पर मेरी वाचा इसहाको साथे रणी” तेबे परमेशरे अब्रामो रानाओं बदली की अब्राहम करीता, जेतेरा मतलब ए “बऊता रा पिता” परमेशरे सारै रा नाओं बी बदली की सारा करीता, जेतेरा मतलब ए “मूलमाता”

![](https://cdn.door43.org/obs/jpg/360px/obs-en-05-05.jpg)

तेस दिने अब्राहमे आपणे कराने रे सारे मर्दा रा खतना कित्तेया तकरीबन एक साल बाद, जेबे अब्राहम 100 साला रा था ओर सारा 90 साला री थी तेबे सारे अब्राहमो रे पाऊए खे जन्म दित्तेया जेड़ा परमेशरे तिना खे बोलेया था तिने तेसरानाओं इसहाक राखेया

![](https://cdn.door43.org/obs/jpg/360px/obs-en-05-06.jpg)

जेबे इसहाक जुआन ऊआ तेबे परमेशरे ए बोली की अब्राहमो रे विश्वासो री परीक्षा लई, “ आपणे एकलऊते पाऊए खे लओ, ओर तेसखे मेरिया तंई बलिया रे रुपो दे मारी दे” फेर अब्राहमे परमेशरो री गल्‍ल मानी ओर आपणे पाऊए खे बली करने खे तयार कित्तेया

![](https://cdn.door43.org/obs/jpg/360px/obs-en-05-07.jpg)

जेबे अब्राहम ओर इसहाक बलि चढ़ाणे री जगा खे जाणे लगे तेबे इसहाके पुछेया, “ओ पिता, आसा गे बलिया खे लकड़िया तो अईया, पर बलि करने खे खाड्डु केईया?” अब्राहमे जवाब दित्तेया, “ ओ मेरे पाऊ, परमेशरो बलि करने खे खाड्डुए रा इतंजाम आपु करना

![](https://cdn.door43.org/obs/jpg/360px/obs-en-05-08.jpg)

जेबे से बलि चढ़ाणे री जगा पऊँची गे, तेबे अब्राहमे इसहाक बानी की वेदिया पांदे लिटाईता से आपणे पाऊए खे मारने ई वाला था की परमेशरे बोलेया, “ रुकी जा पाऊए खे नुकशाण नी पऊँचा ऐबे आऊँ जाणी गा की तू मेरा डर मानेआ कऊंकि ते आपणा एकलऊता पाऊ बी मांते बचाई की नि राखेया”

![](https://cdn.door43.org/obs/jpg/360px/obs-en-05-09.jpg)

नेड़े ई अब्राहमे एक खाड्डु देखेया जो बाड़ो दे फसेया रा था इसहाको रे बदले बलिया खे परमेशरे खाड्डुए रा इतंजाम कितेया अब्राहमे खुशी- खुशी खाड्डुए री बलि चढ़ाई ती

![](https://cdn.door43.org/obs/jpg/360px/obs-en-05-10.jpg)

तेबे परमेशरे अब्राहमो खे बोलेया, “कऊंकि तू माखे सब कुछ देणे रा इच्छुक था, एथो तक की आपणे एकलऊते पाऊए खे बी, इजी खे आऊं ताखे आशीषा री प्रतीज्ञा करुंआ तेरे वंशज सर्गो रे तारेया ते बी जादा ऊणे कंऊकि तैं मेरी आज्ञा मानी री इजी खे मां तेरे परिवारो रे जरिए संसारो रे सारे कुलो खे आशीष देणी

*उत्पति पाठ 16-22 तक एक बाइबला री कआणी*

## 6. परमेशर इसहाको खे इतंजाम करोआ

https://openbiblestories.org/l/bfz-x-baghliani/story-6/

![](https://cdn.door43.org/obs/jpg/360px/obs-en-06-01.jpg)

जेबे अब्राहम बऊत स्याणा ऊई गा था तेबे तेसरा पाऊ इसहाक एक जवान मर्द ऊई गा था ईजी खे अब्राहमे आपणे एकी सेवको खे आपणे पाऊ इसहाको खे तेस देशो ते एक लाड़ी लयाऊणे खे पेजेया जेती तेसरे रिश्तेदार रओ थे

![](https://cdn.door43.org/obs/jpg/360px/obs-en-06-02.jpg)

जेती अब्राहमो रे रिश्तेदार रओ थे तेस देशो खे जाणे री एक लाम्बी यात्रा ते बाद परमेशरे तेस दासो रा आमना- सामना रिबका ते कराया से अब्राहमो रे पाईए री पोती थी

![](https://cdn.door43.org/obs/jpg/360px/obs-en-06-03.jpg)

रिबका आपणे परिवारो खे छाड़ी की तेस दासो साथे वापस जाणे खे मानी गी जियाँ से पुजे इसहाके तेसा साथे ब्या करी ला

![](https://cdn.door43.org/obs/jpg/360px/obs-en-06-04.jpg)

एक लाम्बे बख्तो ते बाद, अब्राहम मरी गा तेबे परमेशरे अब्राहमो रे पाऊ इसहाको खे, अब्राहमो साथे बानी री वाचा री बजा ते आशीष दिती तेसा वाचा दे परमेशरो री एक प्रतीज्ञा थी की अब्राहमो रे अणगिणत वंशज ऊणें पर इसहाको री लाड़ी रिबका रे बच्चा पैदा नि ऊआ

![](https://cdn.door43.org/obs/jpg/360px/obs-en-06-05.jpg)

इसहाके रिबका खे प्रार्थना किती, ओर परमेशरे तेसा खे जुड़वा बच्चेया रा गर्भ तारण करने जोगा बणाया जेस बख्ते से बच्चे रिबका रे गर्बो रे ई थे सेयो आपू बीचे लड़ने लगे, इजी खे जो कुछ ऊणे लगी रा था रिबके से परमेशरो खे बताई ता

![](https://cdn.door43.org/obs/jpg/360px/obs-en-06-06.jpg)

परमेशरे रिबका खे बोलेया, “तां दुईं पाऊआ खे जन्म देणा तिना रे वंशजा दो लग-लग जातिया बनाणिया सेयो एकी दुजे साथे लड़ने पर बड़े पाऊए ते पैदा ऊणे वाली जातिया खे छोटे पाऊए ते आऊणे वाली जातिया री आज्ञा मानणी पड़नी

![](https://cdn.door43.org/obs/jpg/360px/obs-en-06-07.jpg)

जेबे रिबका रे बच्चेया रा जन्म ऊआ, तेबे बड़ा पाऊ लाल ओर रूईया जेड़ा था, ओर तिने तेसरा नाओं एसाव राखेया तेबे छोटा पाऊ एसावो री आडिया खे पकड़ी की जन्मेया, ओर तिने तेसरा नाओं याकूब राखेया

*उत्पति पाठ 24:1ते 25:26 तकएक बाईबला री कआणी*

## 7. परमेशर याकूबो खे आशीष देयोआ

https://openbiblestories.org/l/bfz-x-baghliani/story-7/

![](https://cdn.door43.org/obs/jpg/360px/obs-en-07-01.jpg)

जेबे सेयो बच्चे बड़े हुई गे तेबे याकूबो खे कअरे रणा ठीक लगेया, पर एसावो खे पशुआ रा शिकार करना ठीक लगेया रिबके याकूबो खे प्यार कितेया, पर इसहाक एसावो ते प्यार करो था

![](https://cdn.door43.org/obs/jpg/360px/obs-en-07-02.jpg)

एक दिन, जेबे एसाव शिकार करी की वापस आया तेबे से पूखा था एसावे याकूबो खे बोलया, “जो तैं पकाई राखेया तेते बीचा ते थोड़ी जी रोटी माखे दे” याकूबे जवाब दितेया, “पईले माखे ए वादा कर की पईला ऊणे री वजा ते हर एक चीज जो ताखे मिलणी चाईयो, से सब कुछ माखे देणा” पर एसावे तिना सबी चीजा खे याकूबो खे देणे रा वादा कितेया तेबे याकूबे तेसखे कुछ रोटी दिती

![](https://cdn.door43.org/obs/jpg/360px/obs-en-07-03.jpg)

इसहाक एसावो खे आशीष देणा चाओ था पर ऐते ते पईले तिने ऐड़ा कितेया, रिबका ओर याकूबे याकूबो रे एसाव ऊणे रे नाटको खे करी की तेस साथे तोखा कितेया इसहाक स्याणा था ओर ऐबे देखी नी सको था इजी खे याकूबे एसावो रे टाल्ले पईने ओर बाकरिया री खाला खे आपणे गल़ो ओर आथो पांदे लपेटी ला

![](https://cdn.door43.org/obs/jpg/360px/obs-en-07-04.jpg)

याकूब इसहाको गे आया ओर बोलेया, “आऊँ एसाव आ आऊँ इजी खे आई रा की तू माखे आशीष दे” जेबे इसहाके बाकरिया रे बाल़ महसूस किते ओर टाल्ले सिग़े, तेबे तिने सोचेया की से एसाव ए ओर तेसखे आशीष दिती

![](https://cdn.door43.org/obs/jpg/360px/obs-en-07-05.jpg)

एसावे याकूबो ते नफरत किती कऊंकि याकूबे तेसरे पईले पाऊए रे अदिकारो खे ओर साथे ई तेसरी आशीष बी चोरी ली थी पर तिने तेसरे बाओ रे मरने ते बाद याकूबो खे काणे री साजिश किती

![](https://cdn.door43.org/obs/jpg/360px/obs-en-07-06.jpg)

पर रिबके एसावो री योजना सुणी ली इजी खे तेसे ओर इसहाके याकूबो खे तेसरे रिश्तेदारो रे गे रणे खे बऊत दूर पेजी ता

![](https://cdn.door43.org/obs/jpg/360px/obs-en-07-07.jpg)

याकूब कई साला तक रिबका रे रिश्तेदारा साथे रया तेस बख्ते तिने ब्या कितेया ओर तेसरे बारा पाऊ ओर एक मुनीऊए परमेशरे से बऊत तनी बनाईता

![](https://cdn.door43.org/obs/jpg/360px/obs-en-07-08.jpg)

बी साला तक कनानो रे आपणे करो ते दूर रणे ते बाद, याकूब आपणे परिवार, आपणे दास, ओर आपणे पशुआ रे सारे चुंडो साथे तेती वापस आया

![](https://cdn.door43.org/obs/jpg/360px/obs-en-07-09.jpg)

याकूब इजी खे बऊत डरेया रा था कऊंकि तिने सोचेया की एसाव एबु बी तेसखे काणा चाओआ इजी खे तिने तोफे रे रुपो दे सारे पशुआ रे चुंड़ो खे एसावो गे पेजे जो दास तिना चुंड़ा खे लई की गए थे तिने बोलेया, “तेरा दास याकूब, इना पशुआ खे ताखे देओआ से छोड़ आऊणे लगी रा”

![](https://cdn.door43.org/obs/jpg/360px/obs-en-07-10.jpg)

पर एसाव ऐबे याकूबो खे नुकशाण पऊँचाणा नि चाओ था इजी री बजाए, से तेसखे एक बार फेर ते देखी की बऊत खुश था तिजी ते बाद याकूब कनानो दे शान्तिया साथे रया फेर इसहाक मरी गा ओर याकूबे ओर एसावे से दफनाया वाचा री प्रतीज्ञा जो परमेशरे अब्राहमो साथे किती थी से ऐबे इसहाको ते याकूबो पांदे आई गी थी

*उत्पति पाठ 25:27ते 35:29 तक एक बाइबला री कआणी*

## 8. परमेशर युसूफ ओर तेसरे परिवारो खे बचाओआ

https://openbiblestories.org/l/bfz-x-baghliani/story-8/

![](https://cdn.door43.org/obs/jpg/360px/obs-en-08-01.jpg)

कईया साला बाद, जेबे याकूब स्याणा हुई गा था, तेबे तिने आपणे प्यारे पाऊ यूसुफो खे तेसरे पाईया री जाच करने खे पेजेया जो पशुआ रे चुंड़ो री देखपाल करेया करो थे।

![](https://cdn.door43.org/obs/jpg/360px/obs-en-08-02.jpg)

यूसुफो रे पाई तेसते कृणा करो थे कऊंकि तिना रा बाओ तेसते बऊत प्यार करो था ओर इजी खे बी की यूसुफे सुपना देखेया था की से तिना रा राजा ऊई जाणा। जेबे यूसुफ आपणे पाईया गे आया तेबे तिने से बंदी बणाई ला ओर से दासा रा व्यापार करने वाल़ेया खे बेची ता।

![](https://cdn.door43.org/obs/jpg/360px/obs-en-08-03.jpg)

करो खे वापस आऊणे ते पईले यूसुफो रे पाईए यूसुफो रे टाल्ले फाड़ी की बाकरिया रे खूनो दे सीने करी ते। फेर तिने से टाल्ले आपणे बाओ खे दखाए ताकि से ऐड़ा सोचो की केसी जंगली जानवरे यूसुफ काई राखेया। तेबे याकूब बऊत दु:खी ऊई था।

![](https://cdn.door43.org/obs/jpg/360px/obs-en-08-04.jpg)

दासा रा व्यापार करने वाल़े सेयो लोक यूसुफो खे मिस्रो खे लेई गे। नील नदिया रे कनारे पांदे बसेया रा मिस्र एक बऊत बड़ा ओर शक्तिशाली देश था। दासा रा बपार करने वाल़ेया यूसुफो खे एक तनी सरकारी अधिकारिए खे दासो रे रुपो दे बेची ता। यूसुफे आपणे मालको री ठीक तरआ ते सेवा किती, ओर परमेशरे यूसुफो खे आशीष दिती।

![](https://cdn.door43.org/obs/jpg/360px/obs-en-08-05.jpg)

तेसरे मालको री लाड़िए यूसुफो साथे सऊणे री कोशिश किती, पर यूसुफे ईंया परमेशरो रे खलाफ पाप करने ते ना करी ती। से गुस्सा हुई गी ओर यूसुफो पांदे चुठा आरोप लगाईता, इजी खे से पकड़ी की जेला रे पेजी ता। एथो तक की जेला रे बी, यूसुफ परमेशरो रे प्रति सच्चा रया, ओर परमेशरे तेसखे आशीष दिती।

![](https://cdn.door43.org/obs/jpg/360px/obs-en-08-06.jpg)

दो साल बाद, यूसुफ एबु बी जेला रे था, चाए से निर्दोष था। एक राती, फिरौने, जेड़ा की मिस्री लोक आपणे राजेया खे बोलो थे, तिने दो सुफने देखे जिने से बऊत विचलित करी ता। तेसरा कोई बी सलाकार तेसखे तिना सुफनेया रा मतलब नि बताई सकेया।

![](https://cdn.door43.org/obs/jpg/360px/obs-en-08-07.jpg)

परमेशरे यूसुफो खे सुपने रा मतलब बताणे री शक्ति परदान किती थी, इजीखे फिरौने यूसुफो खे जेला ते आपु नेड़े बुलाया। यूसुफे तिना सुफनेया रा मतलब बताया ओर बोलेया, “परमेशर भरपूरी री फसला वाल़े साता साला ते बाद अकाल़ो रे सात साल पेजणे वाला ए।”

![](https://cdn.door43.org/obs/jpg/360px/obs-en-08-08.jpg)

फिरौन यूसुफो ते इतना खुश हुआ की तिने तेसखे मिस्रो रा दुजा सबी ते शक्तिशाली मर्द बणाई ता।

![](https://cdn.door43.org/obs/jpg/360px/obs-en-08-09.jpg)

यूसुफे लोका खे ठीक फसला वाल़े सात साला ते बाद बड़ी मात्रा दे खाणा जमा करने खे बोलेया। जेबे साता साला रा अकाल़ आया तेबे यूसुफे लोका खे से खाणा बेचेया ताकि तिना गे खाणे खे पुरा ओ।

![](https://cdn.door43.org/obs/jpg/360px/obs-en-08-10.jpg)

से अकाल़ सिर्फ मिस्रो दे नि, पर कनानो दे बी बऊत था जेती याकूब ओर तेसरा परिवार रओ था।

![](https://cdn.door43.org/obs/jpg/360px/obs-en-08-11.jpg)

इजी खे याकूबे आपणे सबी ते बड़े पाऊए खे रोटी खरीदणे खे मिस्रो दे पेजेया। जेबे सेयो रोटी खरीदणे खे यूसुफो रे सामणे खड़े ऊए तेबे तिने पाईए से यूसुफ नी पछयाणेया। पर यूसुफे सेयो पछयाणी ले।

![](https://cdn.door43.org/obs/jpg/360px/obs-en-08-12.jpg)

ए पता करने खे की सेयो बदली गे दे तिना री जाच करने ते बाद, यूसुफे तिना खे बोलेया, “आऊं तुसा रा पाई यूसुफ आ। डरो नि। जेबे तुसे आऊँ दासो रे रुपो दे बेचेया था तेबे तुसे बुरा करने री सोची थी, पर परमेशरे तेसा बुराइया खे पलाई करने खे इस्तेमाल कितेया। आओ ओर मिस्रो रे रओ ताकि आऊँ ताखे ओर तेरे परिवारो खे रोटिया रा इतंजाम करी सकूं।”

![](https://cdn.door43.org/obs/jpg/360px/obs-en-08-13.jpg)

जेबे यूसुफो रे पाई करे वापस आए ओर आपणे बाओ याकूबो खे बताया की यूसुफ एबु बी जिऊंदा ए तेबे से बऊत खुश हुआ।

![](https://cdn.door43.org/obs/jpg/360px/obs-en-08-14.jpg)

पर याकूब एक स्याणा आदमी था तेबे बी से आपणे पूरे परिवारो साथे मिस्रो खे चली गा, ओर सेयो तेती बसी गे। याकूबो रे मरने ते पईले, तिने आपणे हर एकी पाऊए खे आशीष दिती।

![](https://cdn.door43.org/obs/jpg/360px/obs-en-08-15.jpg)

वायदे री प्रतीज्ञा जो परमेशरे अब्राहमो साथे किती थी से इसहाको पादें ओर तेसते बाद याकूब, ओर तेसते बाद तेसरे बारा पाऊआ ओर तिना रे परिवारो पांदे आई गी थी। तिना बारा पाऊआ रे वंश इस्राएलो रे बारा गोत्र बणी गे।

*उत्पति पाठ 37-50 तक ते एक बाइबला री कआणी*

## 9. परमेशर मूसे खे बुलाओआ

https://openbiblestories.org/l/bfz-x-baghliani/story-9/

![](https://cdn.door43.org/obs/jpg/360px/obs-en-09-01.jpg)

यूसुफो रे मरने ते बाद तिना रे सारे रिश्तेदार मिस्रो दे बसी गे से ओर तिना रे वंश कई साला तक मिस्रो रे ई रए ओर तिने बऊत बच्चे पैदा किते तिना खे इस्राएली बोलेया जाणे लगेया

![](https://cdn.door43.org/obs/jpg/360px/obs-en-09-02.jpg)

कई सौ साला ते बाद, इस्राएलिया री संख्या बऊत बढ़ी गी थी ओर मिस्री लोक ऐते गल्ला खे आभारी नि थे की तिना री मताद करने खे यूसुफे बऊत कुछ कितेया था से इस्राएलिया ते डरी गे कऊंकि सेयो संख्या दे तिना ते बऊत जादा थे इजी खे तेस बख्ते मिस्रो पांदे राज करने वाल़े फिरौने इस्राएलिया खे मिस्रया रा दास बणाई ता

![](https://cdn.door43.org/obs/jpg/360px/obs-en-09-03.jpg)

मिस्रिए इस्राएलिया खे बऊत जी मंजिला ओर एथो तक की कई शईर बनाणे खे मजबूर कितेया तेसे कठण मईणते तिना रे जीवनों खे बऊत दुखी बणाई दित्तेया, पर परमेशरे तिना खे आशीष दिती ओर तिना रे ओर बच्चे पैदा ऊए

![](https://cdn.door43.org/obs/jpg/360px/obs-en-09-04.jpg)

फिरौने देखेया की इस्राएलिया रे बऊत बच्चे पैदा ऊणे लगी रे थे, इजी खे तिने आपणे लोका खे इस्राएलिया रे सारे माठेया खे नील नदिया रे सेटी की काणे रा ऊकम दित्तेया

![](https://cdn.door43.org/obs/jpg/360px/obs-en-09-05.jpg)

एक इस्राएली जवाणसे एकी पाऊए खे जन्म दित्तेया तेसे ओर तेसारे लाड़े जितना हुई सकेया से बच्चा लकोई की राखेया

![](https://cdn.door43.org/obs/jpg/360px/obs-en-09-06.jpg)

जेबे तेस बच्चे रे माए- बाओ तेसखे ओर जादा नि लकोई सके, तेबे तिने काए जाणे ते बचाणे रिया तंई एक तरने वाल़ी टोकरिया दे नील नदिया रे कनारे पांदे सरकंडेया बीचे राखी ता तेसा री बड़ी बईणे ए देखणे खे तेसारी निगरानी किती की तेस साथे क्या ऊणां?

![](https://cdn.door43.org/obs/jpg/360px/obs-en-09-07.jpg)

फिरौनो री मुनिए तेसा टोकरिया खे देखी की तेते पीतरे चाँकेया जेबे तेसे एक बच्चा देखेया तेबे तेसे से आपणे बच्चे रे रुपो दे लई ला तेसे एक इस्राएली जवाणसा खे तेसखे दूध प्ल़याणे खे कामो पांदे राखी ला, बिना ए जाणे की से तेस बच्चे री असली माए थी जेबे से बच्चा इतना बड़ा हुई गा की ऐबे तेसखे आपणी माया रे दूधो री जरुरत नि थी, तेबे तेसे से फिरौनो री मुनिया गे वापस करी ता, तेसरा नाओं मूसा था

![](https://cdn.door43.org/obs/jpg/360px/obs-en-09-08.jpg)

एकी दिने, जेबे मूसा बड़ा हुई गा था, तेबे तिने देखेया की एक मिस्री एक इस्राएलिये खे कुटणे लगी रा था मूसे आपणे साथी इस्राएलिये खे बचाणे री कोशिश किती

![](https://cdn.door43.org/obs/jpg/360px/obs-en-09-09.jpg)

जेबे मूसे सोचेया की तेसखे कोई नि देखणे लगीरा तेबे तिने से मिस्री काईता ओर तेसरा शरीर दबाई ता पर मूसे जो कित्तेया था से किने देखी ला था

![](https://cdn.door43.org/obs/jpg/360px/obs-en-09-10.jpg)

फिरौनो खे पता लगी गा था की मूसे क्या कित्तेया था तिने तेसखे काणे री कोशिश किती, पर मूसा मिस्रो ते जंगलो खे नठी गा फिरौनो रे सिपाई तेसखे तेती टोल़ी नी सके

![](https://cdn.door43.org/obs/jpg/360px/obs-en-09-11.jpg)

मिस्रो ते दूर बणो दे मूसा एक चरवाह बणी गा था तिने तेती एकी जवाणसा साथे ब्या करी ला ओर दो पाऊ पैदा किते

![](https://cdn.door43.org/obs/jpg/360px/obs-en-09-12.jpg)

मूसा आपणे सऊरे रे पेडा रे चुंडो री देखपाल करो था एकी दिने, तिने एक बल़दा ऊआ डाल़ देखेया जो राख ऊए बिना बल़ने लगी री थी तेस देखणे खे से तेस डाल़ो नेड़े गया जेबे से तेते रे बऊत नेड़े था तेबे परमेशरे तेस साथे गल्ल किती तिने बोलेया, “ओ मूसा, आपणे बूट खोली दे तू एक पवित्र जगा दे खड़ी रा”

![](https://cdn.door43.org/obs/jpg/360px/obs-en-09-13.jpg)

परमेशरे बोलया, “मैं आपणे लोका रा दु:ख देखी राखया मां तू फिरौनो गे पेजणा ताकि तू इस्राएलियों खे मिस्रो रे दासो ते निकाली की लयाओ मां तिना खे कनान देश देणा, से देश जेतेरी मैं अब्राहम, इसहाक ओर याकूबो साथे वायदा कितया था”

![](https://cdn.door43.org/obs/jpg/360px/obs-en-09-14.jpg)

मूसे पूछेया, “जे लोक जाणना चाओ की आऊं किने पेजी राखेया तेबे मां क्या बोलणा?” परमेशरे बोलेया, “जो आऊं अया से आऊं अया तिनाखे बोलो, “आऊं अया ने आऊं तुसा रे नेड़े पेजी राखेया’ तिना खे ए बी बोलणा, ‘आऊं तुसारे बुजुर्ग अब्राहम, इसहाक ओर याकूबो रा परमेशर यहोवा ए’ मेरा ए नाओ सदा रा ए”

![](https://cdn.door43.org/obs/jpg/360px/obs-en-09-15.jpg)

मूसा डरो था ओर फिरौनो रे नेड़े जाणा नि चाओ था कऊंकि तिने सोचेया की से ठीक तरआ ते नि बोली पाणा, इजी खे परमेशरे मूसे रे पाई हारुणो खे तेसरी मताद करने खे पेजेया

*निर्गमन पाठ 1ते 4 तक एक बाइबला री कआणी*

## 10. दस मुसीबता

https://openbiblestories.org/l/bfz-x-baghliani/story-10/

![](https://cdn.door43.org/obs/jpg/360px/obs-en-10-01.jpg)

परमेशरे मूसा ओर हारुणो खे चेतावनी दिती की फिरौन जिद्दी हुई जाणा जेबे सेयो फिरौनो रे नेड़े गए तेबे तिने बोलेया, “ इस्राएलो रा परमेशर ईंया बोलोआ, ‘मेरे लोका खे जाणे दे” पर फिरौने तिना री नी सुणी ओर इस्राएलिया खे जाणे रिया तंई छाडणे रे बजाए तिने तिना खे ओर कठण मईणत करने खे मजबूर कितेया

![](https://cdn.door43.org/obs/jpg/360px/obs-en-10-02.jpg)

फिरौन तिना लोका खे जाणे देणे ते लगातार ना करदा रया, इजी खे परमेशरे मिस्रो पांदे दस कठण मुसीबता पेजीया ईंना मुसीबता रे जरिए, परमेशरे फिरौनो खे दखाया की से फिरौन ओर मिस्रो रे देवतेया ते बऊत शक्तिशाली ए

![](https://cdn.door43.org/obs/jpg/360px/obs-en-10-03.jpg)

परमेशरे नील नदिया खे खूनो दे बदलिता, पर फिरौने एबु बी इस्राएली जाणे नी दिते

![](https://cdn.door43.org/obs/jpg/360px/obs-en-10-04.jpg)

परमेशरे पुरे मिस्रो दे मिनके पेजे फिरौने मिनके दूर करने खे मूसे खे बोलेया पर सारे मिनकेया रे मरने ते बाद, फिरौने आपणा मन पक्का करी ला ओर इस्राएलिया खे मिस्रो ते निकलणे नी दित्तेया

![](https://cdn.door43.org/obs/jpg/360px/obs-en-10-05.jpg)

इजी खे परमेशरे जुंआ री बिपदा पेजी तिजी ते बाद तिने माखा री बिपदा पेजी फिरौने मूसा ओर हारुण बुलाए ओर बोलेया की जे सेयो तेसा बिपदा खे रोकी देओ तो इस्राएली मिस्रो खे छाड़ी की जाई सकोए जेबे मूसे प्रार्थना किती तेबे परमेशरे मिस्रो पांदा ते माखा री बिपदा टाई ती पर फिरौने आपणा मन काठा करी ला ओर लोका खे खुले हुई की जाणे नि दिते

![](https://cdn.door43.org/obs/jpg/360px/obs-en-10-06.jpg)

इजी ते आगे, परमेशरे मिस्रिया रे सारे करेलु पशुआ खे बमार हुई की मरणे दिते पर फिरौनो रा मन काठा हुई गा था ओर तिने इस्राएली जाणे नि दिते

![](https://cdn.door43.org/obs/jpg/360px/obs-en-10-07.jpg)

तेबे परमेशरे मूसे खे फिरौनो रे सामणे अवा दे स्वा सेटणे खे बोलेया जेबे तिने ऐड़ा कित्तेया तेबे मिस्रो रे लोका रे शरीरा पांदे पीड़ा वाल़े फोड़े निकली गे,पर इस्राएलिया खे कुछ नि ऊआ परमेशरे फिरौनो रा मन काठा करी ता, ओर फिरौने इस्राएलिया खे आजाद हुई की जाणे नि दितेया

![](https://cdn.door43.org/obs/jpg/360px/obs-en-10-08.jpg)

इजी ते बाद, परमेशरे ओल़े सेटे ओर मिस्रो री आदी फसल खराब करीती ओर जो कोई बी बारे निकल़ेया से काईता फिरौने मूसा ओर हारुण बुलाये ओर तिना खे बोलेया, “मैं पाप करी राखेया तुसे लोक जाई सकोए” तेबे मूसे प्रार्थना किती, ओर सर्गो ते ओल़े पड़ने रुकी गे

![](https://cdn.door43.org/obs/jpg/360px/obs-en-10-09.jpg)

पर फिरौने फेर पाप कित्तेया ओर आपणा मन काठा करी ला तिने इस्राएली आजाद हुई की जाणे नी दिते

![](https://cdn.door43.org/obs/jpg/360px/obs-en-10-10.jpg)

पर परमेशरे मिस्रो पांदे टिड्डिया रे चुंड आऊणे दिते इने टिड्डिए से सारी फसल खाई ती जो ओल़ेया ते बची गी थी

![](https://cdn.door43.org/obs/jpg/360px/obs-en-10-11.jpg)

फेर परमेशरे नेरा करी ता जो तीऊँ दिना तक बणेया रा रया ए इतना नेरा था की लोक आपणे करो ते नि निकल़ी सके पर जेती इस्राएली लोक रओ थे तेती प्रयासा था

![](https://cdn.door43.org/obs/jpg/360px/obs-en-10-12.jpg)

ईंना नौ बिपदा ते बाद बी, फिरौने इस्राएलिया खे खुले हुई की जाणे देणे ते ना करी ती कऊंकि फिरौने नी सुणेया था इजी खे परमेशरे एक आखरी बिपदा पेजणे री योजना बणाई ए फिरौनो रे मनो खे बदली देओगी

*निर्गमन पाठ 5-10 ते एक बाइबला री कआणी*

## 11. त्यार

https://openbiblestories.org/l/bfz-x-baghliani/story-11/

![](https://cdn.door43.org/obs/jpg/360px/obs-en-11-01.jpg)

परमेशरे मूसा ओर हारुणो खे फिरौनो रे नेड़े ए बोलणे खे पेजे की इस्राएलिया खे जाणे देओ तिने तेसखे ए चतौणी दिती की जे से तिना खे जाणे नि देओगा, तो परमेशरो मिस्रो रे लोका रे ओर पशुआ रे सब पईले नर काई देणे फिरौने ए सुणी की परमेशरो पांदे विश्वास करने ते ओर तेसरी गल्ल मानणे ते ना करी ती

![](https://cdn.door43.org/obs/jpg/360px/obs-en-11-02.jpg)

परमेशरे तेस पांदे विश्वास करने वाल़े केसी रे बी पईले पाऊए खे बचाणे रिया तँईं एक उपाए कित्तेया हर परिवारो खे एक बिना कलंको रे खाडडुए खे लई की तेसरी बलि करनी थी

![](https://cdn.door43.org/obs/jpg/360px/obs-en-11-03.jpg)

परमेशरे इस्राएलिया खे तेस खाड्डुए रा खून लई की आपणे कअरो रे दुराजे पांदे लगाणे खे बोलेया तिना खे तेसरा मास पुनणा था ओर फेर तिना खे बिना सजेड़े री रोटिया साथे से छोड़ खाणा था तिने से रोटी खाणे ते बाद तिना खे तेबु ई मिस्रो खे छाड़णे खे बी तयार रणे खे बोलेया

![](https://cdn.door43.org/obs/jpg/360px/obs-en-11-04.jpg)

जेड़ा करने खे परमेशरे इस्राएलिया खे ऊकम दित्तेया था तिने तेड़ा ई कित्तेया आदीया राती दे, परमेशर हर एक पईले पाऊए खे कांदे ऊए मिस्रो रे बीचा ते ऊई की गया

![](https://cdn.door43.org/obs/jpg/360px/obs-en-11-05.jpg)

इस्राएलिया रे हर एकी कअरो रे दुराजे पांदे खून लगी रा था, इजी खे परमेशरे से कर छाड़ी ते तिना रे पीतरो रे सब लोक ठीक थे से खाड्डुए रे खूनो री बजा ते बची गे थे

![](https://cdn.door43.org/obs/jpg/360px/obs-en-11-06.jpg)

पर मिस्रिए परमेशरो पांदे विश्वास नि कित्तेया था ओर तिना रे ऊकमो खे नि मानो थे इजी खे परमेशरे तिना रे कअरो खे नि छाडेया परमेशरे मिस्रिया रे हर एक पईले पाऊ काईते

![](https://cdn.door43.org/obs/jpg/360px/obs-en-11-07.jpg)

जेला रे कैदिया रे पईलेया ते लई की, फिरौनो रे पईलेया तक, हर एक पईला नर मरी गा आपणी बड़ी तकलीफा री बजा ते मिस्रो रे बऊत लोक रोणे लगी रे थे ओर शोक करेया करो थे

![](https://cdn.door43.org/obs/jpg/360px/obs-en-11-08.jpg)

तेसी राती, फिरौने मूसा ओर हारुणो खे बुलाया ओर बोलेया, “इस्राएलिया खे लई की एबु ई मिस्रो ते निकल़ी जाओ” मिस्रो रे लोके बी इस्राएलिया खे तेबु ई निकलणे खे बोलेया

*निर्गमन पाठ 11:1-12:32 ते एक बाइबलारी कआणी*

## 12. निकल़ना

https://openbiblestories.org/l/bfz-x-baghliani/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोक मिस्रो ते निकल़ी की बऊत खुश थे से ऐबे दास नि थे, ओर सेयोवादे रे देशो खे चली रे थे जो कुछ इस्राएलिए मांगेया, मिस्रिए तिना खेसब कुछ दित्तेया, एथो तक की सुईना ओर चाँदी ओर कीमती चीजा बी दुजे देशो रे कुछ लोके परमेशरो पांदे विश्वास कित्तेया ओर इस्राएली लोक मिस्रो ते निकल़े तेबे सेयो बी तिना साथे चली पड़े

![](https://cdn.door43.org/obs/jpg/360px/obs-en-12-02.jpg)

दिनो रे बखते बादलो रा एक बड़ा खम्बा तिना ते आगे-आगे चलेया ओर राती रे बखते से आगी रा खम्बा बणीगा परमेशर जो की तेस बादलो रे खम्बे देओर आगी रे खम्बे दे था, ओर तिने यात्रा करदे बखते तिना री अगुवाई किती तिना खे सिर्फ इतना करना था की तिजी पीछे चलो

![](https://cdn.door43.org/obs/jpg/360px/obs-en-12-03.jpg)

कुछ बखतो ते बाद, फिरौन ओर तेसरे लोके आपणा मन बदली ता से इस्राएलिया खे फेर आपणा दास बनाणा चाओ थे इजी खेतिने इस्राएलिया रा पीछा कित्तेया ए परमेशर ई था जिने तिना रे मन बदले थे तिने ऐड़ा इजी खे कित्तेया कऊंकि से चाओ था की हर कोई ए जाणी लो की फिरौनो ते ओर मिस्रिया ते ओर तिना रे सारे देवताओ ते से, यहोवा बऊत शक्तिशाली ए

![](https://cdn.door43.org/obs/jpg/360px/obs-en-12-04.jpg)

जेबे इस्राएलिए मिस्रो री सेना खे आऊंदे ऊए देखेया तो तिना खे पता लगेया की से फिरौनो री सेना ओर लाल समुद्रो रे बीचे फसी गे से बऊत डरीगे ओर रोणे लगे, “आसे मिस्र कऊँ छाडेया? आसे मरने वाल़े ए”

![](https://cdn.door43.org/obs/jpg/360px/obs-en-12-05.jpg)

मूसे इस्राएलिया खे बोलेया, “डरना बंद करो परमेशर आज तुसा रिया तँईं लड़ना ओर तेस तुसेबचाणे” तेबे परमेशरे मूसे खे बोलेया, “ इना लोका खे लाल समुद्रो री तरफा खे आगे चलणे खे बोल

![](https://cdn.door43.org/obs/jpg/360px/obs-en-12-06.jpg)

तेबे परमेशरे से बादल़ो रा खम्बा लई की इस्राएलिया ओर मिस्रिया बीचे राखी ता ताकि मिस्री लोक इस्राएलिया खे देखी नि सको

![](https://cdn.door43.org/obs/jpg/360px/obs-en-12-07.jpg)

परमेशरे मूसे खे समुद्रो पांदे आपणा आथ आगे करने खे बोलेया फेर परमेशरे अवा ते समुद्रो रा पाणी बाईं ओर दाईं कनारे करवाईता, जेते ते समुद्रो ते ऊई की एक बाट बणी गी

![](https://cdn.door43.org/obs/jpg/360px/obs-en-12-08.jpg)

इस्राएली लोक आपणे दुईं तरफा खे पाणीए री द्वाला साथे सूकी जमींना पांदे समुद्रो ते ऊई की चली पड़े

![](https://cdn.door43.org/obs/jpg/360px/obs-en-12-09.jpg)

तेबे परमेशरे तेसा बाटा ते बादल़ चकी ता ताकि मिस्री लोक इस्राएलिया खे बची की जांदे हुए देखो मिस्रिए तिना खे पकड़ने खे तिना रा पीछा करने रा सोचेया

![](https://cdn.door43.org/obs/jpg/360px/obs-en-12-10.jpg)

तेबे तिने समुद्रो रे जरिए तेसा बाटा पांदे इस्राएलिया रा पीछा कित्तेया, पर परमेशरे मिस्री डराई ते ओर तिना रे रथ अटकाईते से चींगणे लगे, “नठो इस्राएलिया री तरफा ते परमेशर लड़णे लगी रा”

![](https://cdn.door43.org/obs/jpg/360px/obs-en-12-11.jpg)

सारे इस्राएली समुद्रो रे दुजी तरफा खे पुजी गे तेबे परमेशरे मूसे खे बोलेया की से फेर पाणिए पांदे आथ आगे करो जेबे मूसे ऐड़ा कित्तेया, तेबे पाणी मिस्री सेना पांदे आई गा ओर आपणे पईले जेड़ा हुई गा सारी मिस्री सेना डूबी गी ओर मरीगी

![](https://cdn.door43.org/obs/jpg/360px/obs-en-12-12.jpg)

जेबे इस्राएलिए देखेया की मिस्री मरी गे थे तेबे तिने परमेशरो पांदे विश्वास कित्तेया तिने विश्वास कित्तेया की मूसा परमेशरो री तरफा ते भविष्यवक्ता था

![](https://cdn.door43.org/obs/jpg/360px/obs-en-12-13.jpg)

इस्राएली लोक इजी खे बी बऊत खुश थे कऊंकि परमेशरे से मरने ते ओर दास ऊणे ते बचाई ले थे ऐबे सेयो परमेशरो री आराधना करने ओर तेसरी आज्ञा मानणे खे आजाद थे इस्राएलिए आपणी आजादिया रा त्यार मनाणे खे ओर परमेशरो री तारीफ करने खे कईगाणे गाए कऊंकि तिने से मिस्रीया री सेना ते बचाए थे

![](https://cdn.door43.org/obs/jpg/360px/obs-en-12-14.jpg)

परमेशरे इस्राएलिया खे हर साल एक त्यार मनाणे खे ऊकम दित्तेया ए याद करने खे की किंयाँ परमेशरे मिस्री अराए थे ओर तिना खे दास ऊणे ते आजादी दिती ये फसह रा त्यार कईलाया था इजी खे तिना खे ऐते रा त्यार मनाणे खे एक ठीक खाड्डुए री बली करनी थी, से पुनणा था, ओर से बिना सजेड़े री रोटिया साथे खाणा था

*निर्गमन पाठ 12:33-15:21ते एक बाइबला री कआणी*

## 13. इस्राएलिया साथे परमेशरो रा वादा

https://openbiblestories.org/l/bfz-x-baghliani/story-13/

![](https://cdn.door43.org/obs/jpg/360px/obs-en-13-01.jpg)

इस्राएलिया खे लाल समुद्रो ते पार लई जाणे ते बाद, परमेशर तिना खे बणो रे कनारे हुई की सीनै नाओं रेपाह्ड़ो री तरफा खे लई की चलेया ए सेई पहाड़ था जेती मूसे बल़दा ऊआ डाल़ देखेया था तिने लोके तेते पाह्ड़ो ते थाले आपणे तम्बु लगाई ते

![](https://cdn.door43.org/obs/jpg/360px/obs-en-13-02.jpg)

परमेशरे मूसे खे ओर इस्राएलिया रे सबी लोका खे बोलेया, “तुसा खे सदा मेरिया गल्ला खे मानणे ओर जो वादा आऊं तुसा ते करूँआ से बणाई की राखणा जे तुसे ऐड़ा करो, तेबे तुसे मेरा इनाम कीमती तन, याजका रा राज्य, ओर एक पवित्र जाति ठईरणे”

![](https://cdn.door43.org/obs/jpg/360px/obs-en-13-03.jpg)

परमेशरो रे जरिए तिना रे नेड़े आऊणे खे लोके तीऊँ दिना तक आपु खे त्यार कित्तेया तेबे परमेशर सीनै पहाड़ो री चोटिया पांदा ते थाले उतरेया जेबे से आया तेबे भूकम्प ऊआ, बिजल़िया चमकिया, तूँआ उठेया, ओर तुरहिया रा बऊत शब्द ऊआ तेबे मूसा आपू पाह्ड़ो पांदे चढ़ीगा

![](https://cdn.door43.org/obs/jpg/360px/obs-en-13-04.jpg)

तेबे परमेशरे लोका साथे एक वादा कित्तेया तिने बोलेया, “आऊँ तुसा रा परमेशर, यहोवा ए आऊँ ई अया जिने तुसे मिस्रो रे ते छुड़ाए जेती तुसे दास थे केसी ओरी देवतेया री पुजा नि करनी”

![](https://cdn.door43.org/obs/jpg/360px/obs-en-13-05.jpg)

“मुर्तिया नि बनाणिया ओर तिना री पुजा नी करनी, कऊँकि आऊँ, यहोवा, तुसा रा एक ई परमेशर ए बुरिया तरह ते मेरे नाओं रा उपयोग नि करना सब्तो रा दिन पवित्र मानणे खे याद राखणा दुजे शब्दा रे, छे दिना दे आपणे सारे काम करने, सातवा दिन तुसा खे राम करने ओर माखे याद करने रा दिन ए”

![](https://cdn.door43.org/obs/jpg/360px/obs-en-13-06.jpg)

“आपणे माया ओर बाओ रा आदर करना, अत्या नी करनी, व्यभिचार नी करना, चोरी नीकरनी, आपणे पड़ोसी री लाड़ी, तिना रे कर, या तिना रे केसी बी समानो खे लेणे री इच्छा नी करनी”

![](https://cdn.door43.org/obs/jpg/360px/obs-en-13-07.jpg)

तेबे परमेशरे से दस आज्ञा पाथरो री दो पटिया पांदे लिखी की मूसे गे देईतिया परमेशरे मानणे खे लोका खे ओर बऊत जी व्यवस्था दिती अगर तिने इना व्यवस्था रा पालन कित्तेया तेबे परमेशरे तिना लोका खे आशीष देणे ओर तिना री सुरक्षा करने री प्रतिज्ञा किती पर तिने बोलेया की जे तुसे इना रा पालन नि कितेया तो तुसा खे सजा बी मिलणी

![](https://cdn.door43.org/obs/jpg/360px/obs-en-13-08.jpg)

परमेशरे इस्राएलिया खे एक बऊत बड़ा तंबू बनाणे खे बी बोलेया- जेते खे मिलणे वाला तंबू बोलोए तिने तिना खे ठीक ठीक दशेया की ऐस तंबूए खे किंयाँ बनाणा, ओर तिदे पीतरे कुण चीजा राखणिया तिने तिना खे तेते तंबूए खे दुई कमरेया रे बाँडणे खे एक बड़ा पड़दा बनाणे खे बी बोलेया परमेशर तेस पड़दे रे पीछे वाल़े कमरे रे आऊणा ओर तेती रणा जेती परमेशर था तेस कमरे दे जाणे री आज्ञा सिर्फ बड़े पुरोईतो खे थी

![](https://cdn.door43.org/obs/jpg/360px/obs-en-13-09.jpg)

तिना लोका खे मिलणे वाल़े तंबूए रे सामणे एक वेदी बनाणी पड़नी कोई बी जो परमेशरो री व्यवस्था नि मानो से तेसा वेदिया पांदे एक पशुए खे लई की आओ तेबे पुरोईत तेसखे बली करोगा ओर वेदिया पांदे परमेशरो रिया तँईं बलिया रे रुपो दे जल़ाणा परमेशरे बोलेया की तेस पशुए रा खून तेस आदमिए रे पापो खे लकोई देओआ ईंया से, ऐबे परमेशर पापो खे नि देखदा से आदमी परमेशरो रिया नजरा दे “ठीक” ऊणा परमेशरे मूसे रे पाई हारुणो खे ओर हारुणो रे वंशो खे आपणे बड़े पुरोईत ऊणे खे चुणे

![](https://cdn.door43.org/obs/jpg/360px/obs-en-13-10.jpg)

परमेशरे तिना लोका खे जो नियम दिते थे से तिना खे मानणे खे मानी गे से सिर्फ परमेशरो रे लोक ऊणे खे ओर सिर्फ तेसरी आराधना करने खे मानी गे

![](https://cdn.door43.org/obs/jpg/360px/obs-en-13-11.jpg)

कई दिना तक, मूसा सीनै पाह्ड़ो री चोटिया पांदे ई रया से परमेशरो साथे ग्लाया करो था पर लोक तिना रे नेड़े वापस आऊणे रा इंतजार करदे-करदे थकी गे इजी खे से हारुणो गे सुईना लई की आए ओर तेसते एक मूर्ति बनाणे खे बोलेया ताकि से परमेशरो रे बजाए तेसरी पूजा करी सको ईंया तिने, परमेशरो रे खलाफ बऊत पाप कित्तेया

![](https://cdn.door43.org/obs/jpg/360px/obs-en-13-12.jpg)

हारूणे बाछुए जेड़ी सुईने री एक मूर्ति बनाई तिने लोके तेसा मूर्तिया री पूजा करनी शुरु करी ती ओर तेसाखे बली चढ़ाईतिना रे पापो री बजा ते परमेशर तिना ते बऊत गुस्से ऊआ था से तिना खे खत्म करी देणा चाओ थापर मूसे तिना खे नि मारने खे परमेशरो ते विनती किती परमेशरे तेसरी विनती सुणी ओर से खत्म नि किते

![](https://cdn.door43.org/obs/jpg/360px/obs-en-13-13.jpg)

तेबे मूसा सीनै पाह्ड़ो ते थाले आई गा से तिना दुँईं पाथरा री पटिया लई की आया था जिना पांदे परमेशरे दस आज्ञा लिखिया थिया फेर तिने से मूर्ति देखी से इतना गुस्से ऊआ की तिने से पटिया तोड़ी तिया

![](https://cdn.door43.org/obs/jpg/360px/obs-en-13-14.jpg)

फेर मूसे से मूर्ति पीसी की तेसारा बुरादा बणाई ता, ओर तेस बुरादे खे पाणिए दे मलाई की तिना लोका खे से पाणी पिलाई ता परमेशरे तिना लोका पांदे एक मुसीबत पेजी ओर तिना बीचा ते बऊत लोक मरी गे

![](https://cdn.door43.org/obs/jpg/360px/obs-en-13-15.jpg)

जो पटिया मूसे तोड़ीया थिया तिना री जगा लेणे खे मूसे तिना दस आज्ञा री पाथरो री नवीं पटिया बणाईया तेबे से फेर पाह्ड़ो पांदे चढ़ी गा ओर प्रार्थना किती की परमेशर तिना लोका खे माफ करो परमेशरे मूसे री सुणी ओर तिना खे माफी दिती नवीं पटिया पांदे दस आज्ञा लई की मूसा पाह्ड़ो ते थाले उतरेया तेबे परमेशरे सीनै पहाड़ो ते लई की प्रतिज्ञा रे देशो तक इस्राएलिया री अगुवाई किती

*निर्गमन पाठ 19-34 ते एक बाइबला रीकआणी*

## 14. बणो दे पटकणा

https://openbiblestories.org/l/bfz-x-baghliani/story-14/

![](https://cdn.door43.org/obs/jpg/360px/obs-en-14-01.jpg)

परमेशरे इस्राएलिया खे से नियम बताणे बंद करी ते जिना रा तिनाखे कित्ते रे वादे रा पालन करना ए फेर तिने सीनै पाह्ड़ो ते आगे तिना री अगुवाई किती से तिना खे प्रतिज्ञा रे देशो दे लेई जाणा चाओ था ऐते देशो खे कनान बी बोलोए परमेशर बादल़ो रे खम्बे रे तिना ते आगे-आगे चलेया, ओर इस्साएली लोक तेसरे पीछे-पीछे चले

![](https://cdn.door43.org/obs/jpg/360px/obs-en-14-02.jpg)

परमेशरे अब्राहम, इसहाक ओर याकूबो ते प्रतिज्ञा किती थी की से प्रतिज्ञा रा से देश तिना रे वंशो खे देओगा, पर ऐस बखते तेती बऊत जी जातिया रया करो थिया तिना खे कनानी बोलो थे ए कनानी लोक परमेशरो री आराधना नि करो थे ओर तेसरी आज्ञा खे नि मानो थे से चूठे देवतेया री पूजा करेया करो थे ओर बऊत जे बूरे काम करेया करो थे

![](https://cdn.door43.org/obs/jpg/360px/obs-en-14-03.jpg)

परमेशरे इस्राएलिया खे बोलेया, “ जेबे तुसे तेस वादे रे देशो दे जाओ तेबे तेती सबी कनानिया ते छुटकारा पाई लणा तिना साथे मेल-जोल नि करना ओर तिना साथे ब्या नि करना तुसे तिना री सारी मूर्तिया खत्म करी देणियां जे तुसे मेरी आज्ञा निमानोगे, तेबे तुसे मेरे बजाए तिना देवतेया री पूजा करने लगणे”

![](https://cdn.door43.org/obs/jpg/360px/obs-en-14-04.jpg)

जेबे इस्राएली कनानो री जगा दे पऊंचे, मूसे इस्राएलो रे हर एक गोत्रो ते एक-एक करी की बारा मर्द चुणे तिने तिनाखे जाई की तेस देशो रा पेत लणे खे निर्देश दिते की देखो की से केड़ा देश ए तिना खे तिना कनानिया रा पेत बी लणा था की देखिए की सेयो कितने ताकतबर थे या कमजोर थे

![](https://cdn.door43.org/obs/jpg/360px/obs-en-14-05.jpg)

तिने बारा मर्दे पूरे कनानो ते ऊंदे ऊए चालीया दिना री यात्रा किती ओर फेर वापस आई गे तिने लोका खे बताया, “से देश बऊत ऊपजाऊ एओर फसला बऊत ईआ “पर दसे पेतिए बोलेया, “ तिना रे शईर बऊत पके ए ओर से लोक लाम्बे – चऊडे ए जे आसे तिना पांदे अमला करुए, तेबे तिना पक्का आसा खे अराई देणा ओर आसे काई देणे”

![](https://cdn.door43.org/obs/jpg/360px/obs-en-14-06.jpg)

तेबू ई कालेब ओर यहोशू नाओं रे दो पेतिए बोलेया, “ए सच ए की कनानो रे लोक लाम्बे ओर ताकतबर ए, पर पक्का आसे तिना खे अराई सकुंए परमेशर आसा रिया तंई लड़ना”

![](https://cdn.door43.org/obs/jpg/360px/obs-en-14-07.jpg)

पर लोके कालेब ओर यहोशूए री सुणी से मुसा ओर हारुणो पांदे गुस्सा हुई गे ओर बोलेया, “तू आसा खे ऐसा डरावनी जगा दे कऊं लई की आया? आसा खे मिस्रो दे ई रणा चाइयो था जे आसे तेते देशो दे जाऊंए तो तेबे आसे लड़ाईया दे मारे जाणे, ओर कनानो रे लोका आसा रिया लाड़िया खे ओर बच्चेया खे दास बणाई लणा”सेलोक तिनाखे वापस मिस्रो दे लई की जाणे खे एक ओर अगुवे खे चुनणा चाओ थे

![](https://cdn.door43.org/obs/jpg/360px/obs-en-14-08.jpg)

जेबे तिने लोके ऐड़ा बोलेया तेबे परमेशर बऊत गुस्सा हुई गा था से मिलापो रे तंबूए दे आया ओर बोलेया, “तुसे मेरे खलाफ बलवा करी राखेया, इजी खे तुसा सबी खे ऐते बणो दे पटकणा पड़णा हर एक जन जो 20 साल या तेसते ज्यादा साला रा ए तेती मरी जाणा ओर कदी बी तेते देशो दे प्रवेश नी करी सकणा जो आऊं तुसा खे देऊंआ सिर्फ कालेब ओर यहोशु तिदे जाई सकोए”

![](https://cdn.door43.org/obs/jpg/360px/obs-en-14-09.jpg)

जेबे लोके परमेशरो खे ऐड़ा बोलदे ऊए सुणेया, तेबे सेयो दु:खी ऊए कऊँकि तिने पाप कित्तेया था इजी खे तिने कनानो रे लोका पांदे अमला करने रा फैसला कित्तेया मूसे तिना खे ना जाणे री चतौणी दिती कऊँकि परमेशर तिना साथे नि जाणा, पर तिने तेसरी नि सुणी

![](https://cdn.door43.org/obs/jpg/360px/obs-en-14-10.jpg)

परमेशर ऐते लड़ाईया दे तिना साथे नि गया था, इजी खे कनानिए से अराई ते ओर तिना बीचा ते बऊत जणेकाई ते तेबे इस्राएली लोक कनानो ते वापस अटी गे आगले चालीया साला तक, सेयोबणो दे ओरे-पोरे पटकदे रये

![](https://cdn.door43.org/obs/jpg/360px/obs-en-14-11.jpg)

इस्राएली लोका रे जंगलो रे पटकणे रे चालीया साला तक परमेशरे तिना री जरुरता पुरीया कितीया तिने तिना खे सर्गो ते “मन्ना” नाओं री रोटी दिती तिने बटेराचुंडो दे ( जो की छोटे पंछी ओए) तिना री छावनिया रे पेजे ताकि तिना गे खाणे खे मास ओ तेस पुरे बख्ते, परमेशरे तिना रे टाल्ले ओर बूट फटणे ते बचाई राखे

![](https://cdn.door43.org/obs/jpg/360px/obs-en-14-12.jpg)

ऐथो तक की परमेशरे तिना खे पीणे खे चमत्कारी रुपो दे पाथरो ते पाणी निकाल़ेया पर इना सबी ते बाद, इस्राएली लोके परमेशरो रे खलाफ ओर मूसे रे खलाफ शिकायत किती ओर कुड़कुड़ाए परमेशर विश्वासोजोगा था तिने जो प्रतिज्ञा किती थी की से अब्राहम, इसहाक, ओर याकूबो रे वंशो खे करोगा तिने से कित्तेया

![](https://cdn.door43.org/obs/jpg/360px/obs-en-14-13.jpg)

एक ओर बखते जेबे तिना लोका गे पाणी नि था, परमेशरे मूसे खे बोलेया, “पाथरो ते गल्ला कर, ओर तेते ते पाणी निकल़ना” पर मूसे पाथरो ते गल्ल नी किती इजी खे, तिने ड़ंडे साथे पाथरो पांदे दो बार बाई इंया तिने परमेशरो रा अपमान कित्तेया सबी खे पीणे खे पाथरो बिचा ते पाणी तो निकल़ी आया, पर परमेशर मुसे ते गुस्सा हुई गा तिने बोलेया, “कऊंकि ते ऐड़ा कित्तेया, इजी खे तू प्रतिज्ञा रे देशो दे जाई नि सकणा”

![](https://cdn.door43.org/obs/jpg/360px/obs-en-14-14.jpg)

जेबे इस्राएली लोक चालीया साला तक बणो रे पटकी चुके थे, तेबे जिने परमेशरोरे खलाफ बलवा कित्तेया था से सब मरी गे थे तेबे परमेशर तिना लोका खे फेर तेस प्रतिज्ञा रे देशो रे कनारे तक लेई गा ऐबे मूसा बऊत स्याणा हुई गा था, इजी खे परमेशरे लोका री अगुवाई करने दे तेसरी मताद करने खे यहोशू चुणेया परमेशरे मूसे ते ए बी प्रतिज्ञा किती थी की एक दिन से तिना लोका गे मूसे जेड़ा एक भविष्यवक्ता पेजणा

![](https://cdn.door43.org/obs/jpg/360px/obs-en-14-15.jpg)

तेबे परमेशरे मूसे खे एक पाह्ड़ो री चोटिया पांदे जाणे खे बोलेया ताकि से प्रतिज्ञा रे देशो खे देखी सको मूसे से प्रतिज्ञा रा देश देखेया पर परमेशरे तेसखे तिदे जाणे री आज्ञा नी दिती तेबे मूसा मरी गा, ओर इस्राएलिए 30 दिना तक शोक मनाया यहोशू तिना रा नया अगुवा बणी गा यहोशू एक ठीक अगुवा था कऊंकि तिने परमेशरो पांदे परोसा कित्तेया ओर तेसरी गल्ला मानिया

*निर्गमन पाठ 16-17; गिणति 10-14; 20; 27; बिधी-बिधान 34 ते एक बाइबला री कआणी*

## 15. प्रतिज्ञा रा देश

https://openbiblestories.org/l/bfz-x-baghliani/story-15/

![](https://cdn.door43.org/obs/jpg/360px/obs-en-15-01.jpg)

बादो ते, ऐबे से बखत आई गा था की इस्राएली लोक प्रतिज्ञा रे देश, कनानो रे जाई सको तेस देशो रे यरीहो नाओं रा एक शईरथा तेसरी सुरक्षा रिया तँईं तेसरे चऊं कनारे पक्कीयाद्वाला थिया यहोशुए तेस शईरो दे दो पेतिए पेजे तेस शईरो दे राहाब नाओं री एक वेश्या रओ थी तेसे से पेतिए लकोए, ओर फेर बादो ते तेसे तिनाखे शईरो ते बची खी निकल़णे दे मताद किती तेसे ऐड़ा इजी खे कित्तेया कऊँकि से परमेशरो पाँदे विश्वास करो थी जेस बखते इस्राएली लोक यरीहो खे खत्म करोगे तेबे तिने राहाब ओर तेसारे परिवारो री रक्षा करने री प्रतिज्ञा किती थी

![](https://cdn.door43.org/obs/jpg/360px/obs-en-15-02.jpg)

इस्राएली लोका खे प्रतिज्ञा रे देशो दे जाणे खे यरदन नदी पार करनी थी परमेशरे यहोशूए खे बोलेया, “पुरोईता खे पईले जाणे देओ” जेबे पुरोईते यरदन नदिया रे आपणे कदम राखे तेबे पाणिए री तारा रा बईणा रुकी गा, जिंयाँ की इस्राएली लोक नदिया रे दूजे कनारे सूकी जमीना पाँदे पार जाई सको

![](https://cdn.door43.org/obs/jpg/360px/obs-en-15-03.jpg)

तिने लोके यरदन नदी पार करी ली तेबे परमेशरे यहोशुए खे बोलेया की यरीहो पांदे अमला करने खे त्यार रओ, पर से बऊत पक्का शईर थापरमेशरे तिना लोका खे बोलेया की तिना रे पुरोईता ओर सैनिका खे छे दिना तक तेस शईरो रे चऊं कनारे चक्कर लगाणा तेबे पुरोईते ओर सैनिके तेड़ा ई कित्तेया

![](https://cdn.door43.org/obs/jpg/360px/obs-en-15-04.jpg)

तेबे सातुए दिने, इस्राएलिए तेस शईरो रे चऊं कनारे सात बार ओर चक्कर लाए तिना रे शईरो रे चऊं कनारे सातुई बार चक्कर लगाणे ते बाद, पुरोईते आपणी तुरहिया दे फुक मारी ओर सैनिके जोरे की बोलेया

![](https://cdn.door43.org/obs/jpg/360px/obs-en-15-05.jpg)

तेबे यरीहो रे चऊं कनारलियाद्वाला टल़ी गिया जेड़ी परमेशरे आज्ञा दिती थी इस्राएलिए शईरो री हर एक चीज खत्म करीती तिने सिर्फ राहाब ओर तेसारा परिवार छाड़ी ता, जो इस्राएलिया रा पाग बणी गे थे जेबे कनानो दे रणे वाल़े ओरी लोके सुणेया की इस्राएलिए यरीहो शईर खत्म करीता, तेबे सेयो डरी गे की इस्राएली लोक तिना पांदे बी अमला

![](https://cdn.door43.org/obs/jpg/360px/obs-en-15-06.jpg)

परमेशरे इस्राएलिया खे आज्ञा दिती थी की कनानो दे रणे वाले केसी बी जातिया साथे मेल जोल नि करना पर गिबोनी नाओंरी एक कनानी जातिए यहोशूए गे चूठ बोलेया की से कनानो ते दूर एक जगा रे रणे वाले ए तिने यहोशूए ते तिना साथे मेलजोल करने खे विनती किती यहोशूए ओर बाकी इस्राएली अगुवे परमेशरो ते नि पुछेया की तिना खे क्या करना चाईयो इजी रे बजाए, तिने गिबोनिया साथे मेलजोल करी ला

![](https://cdn.door43.org/obs/jpg/360px/obs-en-15-07.jpg)

तीन दिन बाद, इस्राएलिया खे पता लगेया की गिबोनी लोक कनानो दे ई रओ थे से गुस्सा हुई गे कऊँकि गबोनिए तिना खे तोखा दित्तेया था पर तिने तिना साथे कितेया रा मेलजोल बणाई की राखेया कऊँकि से परमेशरो सामणे ग्रहण किती थी तेबे कुछ बखतो ते बाद, कनानो दे रणे वाल़ी एक ओर जाति, एमोरिया रे राजे सुणेया की गिबोनिए इस्राएलिया साथे मेलजोल करी ला, इजी खे तिने आपणी-आपणी सेना खे कट्ठे करी की एक बड़ी सेना बणाई ओर गिबोनो पांदे अमला करीता गिबोनिए तिना री मताद करने खे यहोशूए रे नेड़े एक सनेआ पेजेया

![](https://cdn.door43.org/obs/jpg/360px/obs-en-15-08.jpg)

तेबे यहोशूए इस्राएलिया री सेना कट्ठी कित्ती ओर गिबोनिया रे नेड़े पुजणे खे सेयो पुरी रात चले प्यागा रे बखते तिने एमोरिया री सेना हैरान करीती ओर तिना पांदे अमला करीता

![](https://cdn.door43.org/obs/jpg/360px/obs-en-15-09.jpg)

तेस दिने परमेशर इस्राएलिया रिया तँईं लड़ेया तिने एमोरिए डराईते ओर तिने बड़े-बड़े ओले सेटी की बऊत जे एमोरिए काईते

![](https://cdn.door43.org/obs/jpg/360px/obs-en-15-10.jpg)

परमेशरे सूरज बी सर्गो रे एकी जगा पाँदे रोकी ता ताकि इस्राएलिया खे पुरा बखत मिली जाओ की एमोरिया खे पुरी तरआ ते अराई देओ तेस दिने, परेमेशरे इस्राएलिया रिया तँईं एक बड़ी जीत प्राप्त किती

![](https://cdn.door43.org/obs/jpg/360px/obs-en-15-11.jpg)

जेबे परमेशरे तिना सेना खे अराणे ते बाद, बऊत जे कनानी जातिया रे लोक इस्राएलो पांदे अमला करने खे कट्ठा ऊए यहोशू ओर इस्राएलिए अमला करी की तिना रा खात्मा करी ता

![](https://cdn.door43.org/obs/jpg/360px/obs-en-15-12.jpg)

ऐते लड़ाईया ते बाद, परमेशरे इस्राएलो रे हर एक गोत्रो खे प्रतिज्ञा रे तेस देशो दे तिना रा पाग दित्तेया तेबे परमेशरे इस्राएलो खे तेसरी सबी सीमा पांदे शान्ति प्रदान किती

![](https://cdn.door43.org/obs/jpg/360px/obs-en-15-13.jpg)

जेबे यहोशू स्याणा हुई गा तेबे तिने इस्राएलो रे सारे लोक एक साथे बुलाए तेबे यहोशूए तिना लोका खे याद कराया की परमेशरे तेस वादे रा पाल़न करने री प्रतिज्ञा किती थी जो परमेशरे तिना साथे सीनै पहाड़ो पांदे बानी थी तिने लोके परमेशरो रे प्रति विश्वासयोग्य रणे ओर तेसरे बिधानो खे मानणे रा वादा कित्तेया

*यहोशु पाठ 1-24 ते एक बाइबला री कआणी*

## 16. बचाणे वाल़े

https://openbiblestories.org/l/bfz-x-baghliani/story-16/

![](https://cdn.door43.org/obs/jpg/360px/obs-en-16-01.jpg)

यहोशूए रे मरने ते बाद इस्राएलिए परमेशरो री नि मानी। तिने परमेशरो रिया बिधिया रा पालन नी कित्तेया, ओर तिने तेस वादे रे देशो ते बचे रे कनानी बारे नी निकयाल़े। इस्राएलिए आपणे सच्चे परमेशर, यहोवे खे छाड़ी की कनानिया रे देवतेया री पूजा करनी शुरु करी ती। इस्राएलिया गे कोई राजा नि था, इजी खे जेसखे जो ठीक लगेया तिने सेई कित्तेया।

![](https://cdn.door43.org/obs/jpg/360px/obs-en-16-02.jpg)

परमेशरो री आज्ञा नि मानणे रे जरिए इस्राएलिए एक पदति शुरु करी ती जो कई बार दोराई गई। ए पदति ईंया चली: कुछ साला तक इस्राएली परमेशरो री आज्ञा नी मानो थे, तेबे से तिना खे तिना रे दुश्मणा ते अराणे रे जरिए सजा देओ था। ए दुश्मण इस्राएलिया ते तिना री चीजा लई लओ थे, ओर तिना रा खत्मा करी देणा, ओर तिना बीचा ते बऊत काई देणे। फेर जेबे इस्राएलिया रे दुश्मण तिना पांदे कई साला तक अत्याचार करो थे, तिजी ते बाद आपणे पापो री माफी मांगो थे ओर परमेशरो ते तिना खे बचाणे रिया तँईं प्रार्थना करो थे।

![](https://cdn.door43.org/obs/jpg/360px/obs-en-16-03.jpg)

हर बार जेबे इस्राएली माफी मांगो थे तेबे परमेशर तिना खे बचाओ था। से एक छुड़ाणे वाल़े रे जरिए ऐड़ा करो था। एक ऐड़ा जणा जो तिना रे दुश्मणा रे खलाफ लड़ो था ओर तिना खे अराओ था। तेबे देशो रे शान्ति ऊणी ओर से छुड़ाणे वाला तिना पांदे ठीक जे राज करो था। परमेशरे तिना लोका खे बचाणे खे बऊत छुड़ाणे वाले पेजे। परमेशरे नेड़ो रे एक दुश्मण जाति, मिद्धानिया रे जरिए इस्राएलिया खे अराणे रे जरिए फेर ऐड़ा ई कित्तेया।

![](https://cdn.door43.org/obs/jpg/360px/obs-en-16-04.jpg)

मिद्धानिए साता साला तक इस्राएलिया री फसल लूटी। इस्राएली लोक बऊत डरी गे थे, ओर से गुफा दे लुकी गे ताकि मिद्धानी लोक तिना खे टोल़ी नी सको। तेबे तिनाखे बचाणे रिया तँईं तिने परमेशर बुलाया।

![](https://cdn.door43.org/obs/jpg/360px/obs-en-16-05.jpg)

गिदोन नाओं रा एक इस्राएली मर्द था। एकी दिने, से एक गुप्त जगा दे तान चाड़ने लगी रा था ताकि मिद्धानी लोक तिना खे चोरी नि सको। यहोवे रे स्वर्गदूते गिदोनो रे नेड़े आई की तेसखे बोलेया, “ ओ शूरवीर सूरमा परमेशर तां साथे ए। जा ओर इस्राएलिया खे मिद्धानिया ते बचा।”

![](https://cdn.door43.org/obs/jpg/360px/obs-en-16-06.jpg)

गिदोनो रे बाओ रे नेड़े मूर्तिया खे समर्पित एक वेदी थी।सबी ते पईली गल्ल जो परमेशरे गिदोनो खे करने खे बोली से तेसा वेदिया खे तोड़ना था। पर गिदोन लोका ते डरो था, इजी खे तिने रात ऊणे रा इंतजार कित्तेया। तेबे तिने से वेदी तोड़ी की टुकड़े- टुकड़े करी ते। तिने परमेशरो खे एक नवीं वेदी बणाई ओर तेस पांदे परमेशरो खे बली चढ़ाई।

![](https://cdn.door43.org/obs/jpg/360px/obs-en-16-07.jpg)

आगले दिने लोके देखेया की किने वेदी तोड़ी की टुकड़े – टुकड़े करी राखे, इजी खे से बऊत गुस्से ऊआ। से गिदोनो खे मारने खे तेसरे कअरो खे गया, पर गिदोनो रे बावे बोलेया, “तुसे कऊँ आपणे देवतेया री मताद करने री कोशिश करेया करोए? जे से देवता ए तेबे तेसखे आपणी रक्षा आपु करने देओ।” कऊँकि तिने तेड़ा बोलेया इजी खे लोके गिदोन नि काया।

![](https://cdn.door43.org/obs/jpg/360px/obs-en-16-08.jpg)

तेबे इस्राएलिया खे लुटणे खे मिद्धानी लोक फेर आए। से इतने सारे थे की तिना री गिणती नि करी सको थे। गिदोने तिना रे खलाफ लड़ने खे इस्राएली कट्ठे कित्ते। गिदोने परमेशरो ते दो नशाण मांगे ताकि तेसखे विश्वास हुई जाओ की परमेशर सच्ची तेसखे इस्राएलो खे बचाणे खे बोलणे लगी रा।

![](https://cdn.door43.org/obs/jpg/360px/obs-en-16-09.jpg)

पईले नशाणो खे, गिदोने पेडा री ऊन जमींना पांदे राखी की परमेशरो खे बोलेया की प्यागा री तेल़ सिर्फ तेसा ऊना पांदे पड़ो ओर जमीना पांदे नि पड़ो। परमेशरे ऐड़ा ई कित्तेया। आगली राती, तिने परमेशरो खे बोलेया की जमींन सीनी हुई जाओ पर पेडा री ऊन सूकी रओ। परमेशरे ऐड़ा बी कित्तेया। इना दुई नशाणा रे कारण, गिदोने विश्वास कित्तेया की परमेशर सच्ची चाओआ की से इस्राएलिया खे मिद्धानिया ते बचाओ।

![](https://cdn.door43.org/obs/jpg/360px/obs-en-16-10.jpg)

तेबे गिदोने सैनिक आपु गे बुलाए ओर 32,000 मर्द आए। पर परमेशरे तेसखे बोलेया की ए बऊत जादा ए। तेबे गिदोने से सब 22,000 कअरे वापस पेजी ते जो लड़ने ते डरो थे। परमेशरे गिदोनो खे बोलेया की ए मर्द एबु बी बऊत जादा ए। इजी खे गिदोने 300 सैनिका खे छाडी की से सब कअरे पेजी ते।

![](https://cdn.door43.org/obs/jpg/360px/obs-en-16-11.jpg)

तेसा राती परमेशरे गिदोनो खे बोलेया, “मिद्धानिया री छावनी दे जा ओर तिना खे गल्ला करदे ऊए सुण। जेबे तू सुणे की से क्या गल्ला करने लगी रे तेबे तू तिना पांदे अमला करने ते नी डरोगा।” इजी खे तेसा राती, गिदोन थाले तेसा छावनिया दे गया ओर तिने एक मिद्धानी सैनिको खे आपणे दोस्तो खे से गल्ल बतांदे ऊए सुणे जो तिने सुफने दे देखी थी। तेस सैनिको रे दोस्ते बोलेया, “ऐते सुफने रा मतलब ए की गिदोनो री सेना आसा मिद्धानीया री सेना खे अराई देणा।” जेबे गिदोने ए सुणेया तेबे तिने परमेशरो री स्तुति किती।

![](https://cdn.door43.org/obs/jpg/360px/obs-en-16-12.jpg)

तेबे गिदोन आपणे सैनिको गे वापस आया ओर तिना बीचा ते हर एकी खे रड़सिंगा, एक माटिया रा पान्ड़ा, ओर एक मशाल दिती। तिने से छावनी केरी ली जेती से मिद्धानी सैनिक सुते रे थे। गिदोनो रे 300 सैनिके आपणी सारिया मशाला पान्ड़े की टकी रिया थिया इजी खे मिद्धानी लोक तिना मशाला रा प्रयासा देखी नी सके थे।

![](https://cdn.door43.org/obs/jpg/360px/obs-en-16-13.jpg)

तेबे गिदोनो रे सबी सैनिके आपणे पान्ड़े एकी ई बखते तोड़ी की तेबु ई मशाला रे आग पैदा करी ती। तिने आपणे रड़सिंगे बजाए ओर जोरे की चींगे, “यहोवे री तरफा ते गिदोनो री तलवार।”

![](https://cdn.door43.org/obs/jpg/360px/obs-en-16-14.jpg)

परमेशरे मिद्धानी डराई दिते, इजी खे सेयो एकी दुजे खे मारने – कुटणे लगे। तेबु ई, गिदोने से संदेशा पेजेया कि सब इस्राएली मिद्धानिया रा पीछा करने खे ओर तिना री मदत करने खे आओ। तिने तिना बीचा ते बऊत काईते ओर बाकिया रा पीछा करी की सेयो इस्राएलो रे देशो ते बारे निकाल़ी ते। तेस दिने 1,20,000 मिद्धानी काईते। ईंया परमेशरे इस्राएली बचाए।

![](https://cdn.door43.org/obs/jpg/360px/obs-en-16-15.jpg)

से लोक गिदोनो खे आपणा राजा बनाणा चाओ थे, पर गिदोने तिना खे ऐड़ा नी करने दित्तेया, पर तिने तिना ते से सुईने रे ज्योर मांगे जो तिना बीचा ते हर एकी मिद्धानिया ते लूटी ले थे। तिने लोके बऊत जादा गिदोनो खे सुईना दित्तेया।

![](https://cdn.door43.org/obs/jpg/360px/obs-en-16-16.jpg)

तेबे गिदोने तेस सुईने ते एक नऊखा टाल्ला बनाया जेड़ा की बड़ा पुरोईत पईनो था। पर लोके तेसरी पूजा करनी शुरु करी ती जिंयाँ की से मुर्ति ओ। तेबे परमेशरे फेर इस्राएलो खे सजा दिती कऊंकि तिने मूर्तिया री पूजा किती थी। परमेशरे तिना रे दुश्मणा खे तिना ते अराणे खे पक्के किते। तेबे तिने फेर परमेशरो ते मताद करने खे प्रार्थना किती, ओर परमेशरे तिना गे तिना खे बचाणे रिया तंई एक ओर छुड़ाणे वाला पेजेया।

![](https://cdn.door43.org/obs/jpg/360px/obs-en-16-17.jpg)

ए गल्ल कई बार हुई: इस्राएली लोक पाप करो थे, परमेशर तिना खे सजा देओ था, से माफी मांगो थे, ओर परमेशर तिना खे छुड़ाणे खे केसी खे पेजो था। कई साला तक, परमेशरे बऊत छुड़ाणे वाले पेजे जिने इस्राएली तिना रे दुश्मणा ते बचाए थे।

![](https://cdn.door43.org/obs/jpg/360px/obs-en-16-18.jpg)

तेबे, तिने लोके ओर देशो री तरह परमेशरो ते आपणिया तँईं एक राजा मांगेया।से एक ऐड़ा राजा चाओ थे जो लांबा ओर ताकतवर ओ, ओर जो लड़ाईया दे तिना री अगुवाई करी सको। परमेशरो खे ए विनती पंसद नि आई, पर तिने तिना खे तेड़ा राजा दित्तेया जेड़ा तिने तेसते मांगेया था।

*न्यायिया रे बारे दे 1-3; 6-8; 1 सेमुएल 1-10 ते एक बाइबला री कआणी*

## 17. दाऊदो साथे परमेशरो रा वादा

https://openbiblestories.org/l/bfz-x-baghliani/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएलो रा पईला राजा था से लांबा ओर बांका था, जेड़ा से लोक चाओ थे एकदम तेड़ा इस्राएलो पांदे आपणे राजो ते पईले कुछ सालो दे शाऊल एक ठीक राजा था पर बादो ते से एक दुष्ट आदमी बणी गा जिने परमेशरो री गल्ल नी मानी, इजी खे परमेशरे एक ओर आदमी चुणेया जो की एक दिने तेसरिया जगा पांदे राजा बणोआ

![](https://cdn.door43.org/obs/jpg/360px/obs-en-17-02.jpg)

परमेशरे दाऊद नाओंरा एक जवान इस्राएली आदमी चुणी की एक दिन शाऊलो री जगा पांदे राजा ऊणे खे त्यार करना शुरु करीता दाऊद बैतलहम शईरो रा एक चरवाहा था बऊत बखत पईले, दाऊदे शेर ओर पालू दोनोंकाए थे कऊंकि दाऊदो रे जरिए रखवाल़ी करदे बखते तेसरे बाओ री पेड़ा पांदे तिने अमला कित्तेया था दाऊद एक नम्र ओर तर्मी आदमी था तिने परमेशरो पांदे परोसा कित्तेया ओर तेसरी गल्ला मानिया

![](https://cdn.door43.org/obs/jpg/360px/obs-en-17-03.jpg)

जेबे दाऊद एबु जवान आदमी था, तिने लांबे – चऊड़े गोलियतो रे खलाफ लड़ाई किती गोलियत एक बऊत अच्छा सैनिक था से बऊत पक्का ओर कम से कम तीन मीटर लांबा था पर परमेशरे गोलियतो खे काणे ओर इस्राएलो खे बचाणे दे दाऊदो री मताद किती इजी ते बाद, दाऊदे इस्राएलो रे दुश्मणा पांदे कई बार जीत आसिल किती दाऊद एक बऊत बड़ा सैनिक बणीगा, ओर तिने बऊत जी लड़ाईया दे इस्राएली सेना री अगुवाई किती लोके तेसरी बऊत तारीफ किती

![](https://cdn.door43.org/obs/jpg/360px/obs-en-17-04.jpg)

लोके दाऊदो ते इतना प्यार कित्तेया की शाऊल तेसते जल़ने लगेया तेबे शाऊल तेसखे काई देणा चाओ था, इजी खे दाऊद तेसते ओर तेसरे सैनिको ते लुखणे रिया तंई बणो दे नठी गा एकी दिने, जेबे शाऊल ओर तेसरे सैनिक दाऊदो खे टोल़णे लगी रे थे तेबे शाऊल एक गुफा दे गया ए सेई गुफा थी जिदे दाऊद लुखेया रा था, पर शाऊले से नी देखेया दाऊद शाऊलो रे पीछे तेसरे बऊत नेड़े चली गा ओर तेसरे टाल्ले ते एक टुकड़ा बाडी ला बादो ते, जेबे शाऊल तेते गुफा ते निकल़ेया तेबे दाऊदे से बुलाई की से बाडे दे टाल्ले रा टुकड़ा दखाया ईंयाँ से, शाऊल जाणी गा की दाऊदे राजा बनणे रिया तंई तेसखे काणे ते ना करी ती

![](https://cdn.door43.org/obs/jpg/360px/obs-en-17-05.jpg)

कुछ बखतो ते बाद, शाऊल लड़ाईया दे मरीगा, ओर दाऊद इस्राएलो रा राजा बणीगा से एक अच्छा राजा था, ओर लोके तेस साथे प्यार राखेया परमेशरे दाऊदो खे आशीष दिती ओर से सफल बणाया दाऊदे कई लड़ाईया लड़िया, ओर परमेशरे इस्राएलो रे दुश्मणा खे अराणे दे तेसरी मताद किती दाऊदे यरुशलेम शईर जीती की से आपणी राजधानी बणाई, जेती से रया ओर राज कित्तेया दाऊद चाल़ी साला तक राजा रया ऐते बखतो रे जरिए, इस्राएल सामर्थी ओर तनवान बणी गा

![](https://cdn.door43.org/obs/jpg/360px/obs-en-17-06.jpg)

दाऊद एक मंदर बनाणा चाओ था जेती सारे इस्राएली परमेशरो री आराधना करी सको ओर तेसखे बलिदान चढ़ाई सको कम से कम 400 साला ते, से लोक मूसे रे बणाए रे मिलापो वाल़े तंबूए दे परमेशरो री आराधना करेया करो थे ओर तेसरिया तंई बलिदान चढ़ाया करो थे

![](https://cdn.door43.org/obs/jpg/360px/obs-en-17-07.jpg)

पर तेती नातान नाओं रा एक भविष्यवक्ता था परमेशरे से दाऊदो खे ए बोलणे खे पेजेया: “तैं बऊत लड़ाईया लड़ीया, इजी खे तू मेरिया तंई से मंदर नी बनाई सकदा तेरा पाऊ इजी खे बनाओगा तेबे बी, मां ताखे बहुत जादा आशीष देणी तेरा एक वंशज सदा खे मेरे लोका पांदे राजे रे रुपो दे राज करोगा”सदा खे राज करने वाला से दाऊदो रा एक वंशज मसीह था मसीह परमेशरो रा चुनेया रा जन था जो संसारो रे लोका खे तिना रे पापो ते बचाओआ

![](https://cdn.door43.org/obs/jpg/360px/obs-en-17-08.jpg)

जेबे दाऊदे नातानो रा संदेश सुणेया तेबे तिने परमेशरो रा धन्यावाद कित्तेया ओर तेसरी स्तुति किती परमेशर तेसरी प्रतिष्ठा खे बढ़ाया करो था ओर तेसखे बऊत आशीष देया करो था बेशक, दाऊद नी जाणो था की परमेशर इना गल्ला खे कदी करोगा ऐस बखते आसे जाणुए की इस्राएलिया खे एक लांबे बखतो तक, कम से कम 1,000 साल तक मसीह रे आऊणे रा इंतजार करना पड़ना

![](https://cdn.door43.org/obs/jpg/360px/obs-en-17-09.jpg)

दाऊदे कई साला तक सच्चाईया साथे आपणे लोका पांदे राज कित्तेया तिने बड़ी लग्ना साथे परमेशरो री गल्ला मानिया ओर परमेशरे से आशीषित कित्तेया पर आपणे जीवनो रे अंतो रे तिने परमेशरो रे खलाफ बऊत पाप कित्तेया था

![](https://cdn.door43.org/obs/jpg/360px/obs-en-17-10.jpg)

एक दिने दाऊदे आपणे मईलो ते बारे चांकेया ओर एक बांकि जवाणस नांदे ऊए देखीसे तेसा खे नी जाणो था, पर तिने पता करी ला की तेसा रा नाओं बतशेबा था

![](https://cdn.door43.org/obs/jpg/360px/obs-en-17-11.jpg)

आपणी नजर फेर लणे रे बजाए, दाऊदे से आपु नेड़े लयाऊणे खे केसी खे पेजेया से तेसा साथे सया ओर से वापस कअरे पेजी ती थोड़े दिना बाद बतशेबे ए बोली की संदेश पेजेया की से गर्भवती ए

![](https://cdn.door43.org/obs/jpg/360px/obs-en-17-12.jpg)

बतशेबा रा लाड़ा ऊरिय्याह नाओं रा एक आदमी था से दाऊदो रे उतम सैनिका बीचा ते एक था एस बखते से लड़ाई करने खे बारे जाई रा था दाऊदे से ऊरिय्याह लड़ाईया ते वापस बुलाई की तेसा लाड़िया साथे रणे खे बोलेया पर ओर सैनिक लड़ाईया दे थे इजी खे ऊरिय्याहे कअरे जाणे ते ना करी ती तेबे दाऊदे ऊरिय्याह फेर लड़ाईया दे वापस पेजी दित्तेया ओर सेनापतिये खे से लड़ाईया दे एड़िया जगा पांदे राखणे खे बोलेया जेती दुश्मण सबी ते ताकतवर ओ ताकि से मारेया जाओ तेबे ऐड़ा ऊआ की ऊरिय्याह लड़ाईया दे मरीगा

![](https://cdn.door43.org/obs/jpg/360px/obs-en-17-13.jpg)

ऊरिय्याहो रे लड़ाईया रे मरी जाणे ते बाद दाऊदे बतशेबा साथे ब्याह करी ला बादो ते, तिने दाऊदो रे पाऊए खे जन्म दित्तेया दाऊदे जो कित्तेया तिजी ते परमेशर बऊत गुस्से था, इजी खे तिने नातान भविष्यवक्ते खे दाऊदो खे ए बताणे खे पेजेया की तेसरा पाप कितना बुरा था दाऊदे आपणे पापो रा पश्चाताप कित्तेया ओर परमेशरे से माफ करीताआपणे बाकी जीवनो दे, आपणे कठण बखतो दे बी दाऊद परमेशरो रे पीछे – पीछे चलेया ओर तेसरी गल्ला मानिया

![](https://cdn.door43.org/obs/jpg/360px/obs-en-17-14.jpg)

पर दाऊदो रा बच्चा मरी गा ईंयाँ परमेशरे दाऊदो खे सजा दिती ईजी ते अलावा, दाऊदो रे मरने तक, तेसरे आपणे परिवारो रे कुछ लोके तेसरे खलाफ लड़ाई किती, ओर दाऊदो री आपणी शक्ति कम ऊई गी थी पर परमेशर विश्वासयोग्य था ओर ऐबे बी तिने तेड़ा कित्तेया जेड़ा तिने दाऊदो साथे करने रा वायदा कित्तेया था की से करोगा, पले ई दाऊदे तेसरी आज्ञा नि मानी थी बादो ते, दाऊद ओर बतशेबा रे दुजा बच्चा पैदा ऊआ, ओर तिने तेसरा नाओं सुलेमान राखेया

*1 सेमुएल 10; 15-19; 24; 31; 2 सेमुएल 5; 7; 11-12 ते एक बाइबला री कआणी*

## 18. राज्य रे दो पाग ऊणा

https://openbiblestories.org/l/bfz-x-baghliani/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजे चाल़िया साला तक राज कित्तेया तेबे से मरी गा, ओर तेसरे पाऊए सुलैमाने इस्राएलो पांदे राज करना शुरु करी ता परमेशरे सुलैमानो साथे गल्ल कितीओर तेसते पुछेया की से सबी ते जादा क्या चाओआ की परमेशर तेसरिया तंई करो सुलैमाने परमेशरो ते मांगेया की से तेसखे बऊत बुद्दिमान बणाई देओ ऐसे गल्ले परमेशर बऊत खुश कित्तेया, इजी खे परमेशरे सुलैमानो खे सबी ते बुद्दिमान मर्द बणाईता सुलैमाने बऊत जी गल्ला सिखिया ओर से एक बुद्दिमान राजा था परमेशरे से बऊत तनवान बणाईता था

![](https://cdn.door43.org/obs/jpg/360px/obs-en-18-02.jpg)

यरुशलेमो दे सुलैमाने से मंदर बणाया जेते रिया तंई तेसरे बाओए योजना बणाई थी ओर समान कट्ठा कित्तेया था ऐबे लोक मिलापो वाले तंबूए री बजाए मंदरो दे परमेशरो री आराधना करो थे ओर तेसरिया तंई बली चढ़ाओ थे परमेशर आई की मंदरो दे रया करो था, ओर तेती से आपणेलोका साथे वास करो था

![](https://cdn.door43.org/obs/jpg/360px/obs-en-18-03.jpg)

पर सुलैमाने दुजे देशो री जवाणसा साथे प्यार कित्तेया तिने बऊत जी, कम से कम 1,000 जवाणसा साथे ब्या करी की परमेशरो री आज्ञा तोड़ी इना बीचा ते बऊत जी जवाणसा पराए देशो ते आई ओर आपणे साथे आपणे देवतया बी लयाईया ओर तिना री पूजा करनी शुरु किती जेबे सुलैमान स्याणा हुई गा तेबे तिने बी तिनारे देवतेया री पूजा किती

![](https://cdn.door43.org/obs/jpg/360px/obs-en-18-04.jpg)

इजी बजा ते परमेशर सुलैमानो ते बऊत गुस्सा था तिने बोलेया कीसे इस्राएल देशो खे दुँई हिस्सेया दे बांडणे रे जरिए तेसखे सजा देओगा तेस सुलैमानो रे मरने ते बाद ऐड़ा करना

![](https://cdn.door43.org/obs/jpg/360px/obs-en-18-05.jpg)

सुलैमानो रे मरने ते बाद, रहबाम राजा बणेया इस्राएल देशो रे सब लोक तेसखे आपणे राजे रे रुपो दे स्वीकार करने रिया तँई एक साथ कट्ठा ऊए तिने रहबामो गे शकायत किती की सुलैमाने तिनाते बऊत कठण मईणत कराई थी ओर बऊत जे कर बसूले थे तिने रहबामो ते विनती किती की तिनाते कम काम कराओ

![](https://cdn.door43.org/obs/jpg/360px/obs-en-18-06.jpg)

पर रहबामे तिना खे बड़ी मुर्खता साथे ज्वाब दित्तेया, “तुसे बोलोए की मेरे बावे सुलैमाने तुसा ते बऊत कठण मईणत कराई पर मां तुसाते तेसते बी जादा कठण मईणत कराणी, ओर मां तुसाखे तेसते बी जादा तकलीफ देणी”

![](https://cdn.door43.org/obs/jpg/360px/obs-en-18-07.jpg)

जेबे लोके से ऐड़ा बोलदे ऊए सुणेया तेबे तिना बीचा ते कईए तेसरे खलाफ बलवा कित्तेया दस गोत्रे से छाडी दित्तेया; तेस साथे ऐबे सिर्फ दो गोत्र ई बचे थे इने दुई गोत्रे आपु खे यहूदा रा राज्य बोलेया

![](https://cdn.door43.org/obs/jpg/360px/obs-en-18-08.jpg)

बाकी दस गोत्रे यारोबाम नाओं रे एक मर्दो खे आपणा राजा बणाई ला ए गोत्र देशो रे उत्तर- पूर्वी पागो रे थे तिने आपु खे इस्राएलो रा राज्य बोलेया

![](https://cdn.door43.org/obs/jpg/360px/obs-en-18-09.jpg)

पर यारोबामे परमेशरो रे खलाफ बलवा कित्तेया ओर लोका ते पाप कराया तिने आपणे लोका रे जरिए पूजा करने रिया तंई दो मूर्तिया बणाईया से ऐबे यहूदा रे राज्य रे यरुशलेमो दे परमेशरो रे मंदरो दे तेसरी आराधना करने खे नी गए

![](https://cdn.door43.org/obs/jpg/360px/obs-en-18-10.jpg)

यहूदा ओर इस्राएलो रे राज्य दुश्मण बणी गे ओर अक्सर एकी दुजे रे खलाफ लड़ने लगे

![](https://cdn.door43.org/obs/jpg/360px/obs-en-18-11.jpg)

इस्राएलो रे नवें राज्य दे, सारे ई राजा दुष्ट थे इना बीचा ते कई राजा तिना री जगा पांदे राजा बणने री इच्छा राखणे वाल़े ओर इस्राएलिया रे जरिए काए गये थे.

![](https://cdn.door43.org/obs/jpg/360px/obs-en-18-12.jpg)

इस्राएल राज्य रे सारे ई राजे ओर जादातर लोके मूर्तिया री पूजा किती जेबे तिने ऐड़ा कित्तेया, तेबे सेयो अक्सर वेश्या साथे सये ओर ऐथो तक की कई बार मुर्तिया रे आगे बच्चेया री बली बी किती

![](https://cdn.door43.org/obs/jpg/360px/obs-en-18-13.jpg)

यहूदा राज्य रे राजा, दाऊदो रे वंश थे इना राजेया बीचा ते कई पल़े आदमी बी थे जिने सच्चाईया साथे राज कित्तेया ओर परमेशरो री आराधना किती पर यहूदा रे जादातर राजा दुष्ट थे तिने दुष्टता साथे राज कित्तेया, ओर मूर्तिया री पूजा किती ऐथो तक की इना बीचा ते कुछ राजे चूठे देवतेया रे आगे आपणे बच्चे बी बली करीते यहूदा रे जादातर लोके बी परमेशरो रे खलाफ बलवा कित्तेया ओर बाकी देवतेया री पूजा किती

*1 राजा पाठ 1-6; 11-12 ते एक बाइबला री कआणी*

## 19. भविष्यवक्ता

https://openbiblestories.org/l/bfz-x-baghliani/story-19/

![](https://cdn.door43.org/obs/jpg/360px/obs-en-19-01.jpg)

परमेशर सदा इस्राएलियागे भविष्यवक्तेया खे पेजदा रओ था भविष्यवक्ता परमेशरो रे संदेशो खे सुणदे रओ थे ओर फेर से लोका खे बताओ थे

![](https://cdn.door43.org/obs/jpg/360px/obs-en-19-02.jpg)

ऐबे अहाब इस्राएल राज्य पांदे राजा था तेबे तेस बखते एलिय्याह भविष्यवक्ता था आहाब एक बुरा आदमी था तिने चुठे बाल देवतेया री पूजा करवाणे रिया तंई लोक मजबुर किते थे इजी खे एलिय्याहे आहाबो खे बोलेया की परमेशर तिना लोका खे सजा देणे जाणे लगी रा था तिने तेसखे बोलेया, “जदुए तक आंऊ फेर बरखा ऊणे खे नी बोलू तदुएतक इस्राएलो रे राज्य दे बरखा नी ऊणी ओर ना ई तेल़ पड़णी”ऐसे गल्ले की आहाब इतना गुस्से ऊआ कि तिने एलिय्याहो खे काणे रा फैसला कित्तेया

![](https://cdn.door43.org/obs/jpg/360px/obs-en-19-03.jpg)

इजी खे परमेशरे एलिय्याहो खे बोलेया की से बणो दे जाई की अहाबो ते लुकी जाओ एलिय्याह बणो दे तेस चरने गे गया जेती जाणे खे परमेशरे तेसखे बताया था हर प्यागा ओर हर सांजा, पंछी एलिय्याहो खे रोटी ओर मास लई की आओ थे एस पूरे बखतो देआहाब ओर तेसरी सेना एलिल्याहो री खोज करदे रए, पर सेयो तेसखे टोल़ी नी सके

![](https://cdn.door43.org/obs/jpg/360px/obs-en-19-04.jpg)

बरखा नी ऊणे ते कुछ बखतो ते बाद से चरना सुकी गा इजी खे एलिय्याह नेड़े रे एक देशो दे चली गा तेस देशो दे एक गरीब बिधवा थी जेसा रे एक पाऊ था तिना गे रोटी लगबग खत्म हुई चुकी री थी कऊँकि तेती कोई बी फसल नी ऊई थी पर फेर बी, तेसे जवाणसे एलिय्याहो री देखपाल किती, इजी खे परमेशरे तेसारी ओर तेसारे पाऊए री जरुरता पुरिया कितिया, इजी बजा ते तेसारा आटे रा पान्ड़ा ओर तेलो री कुप्पी कदी खाली नी ऊई तेस पूरे अकाल़ो ते बाद तिना गे रोटी थी एलिय्याह कुछ साला तक तेती रया

![](https://cdn.door43.org/obs/jpg/360px/obs-en-19-05.jpg)

साड़े तीन सालाते बाद, परमेशरे एलिय्याहो खे बोलेया की से फेर बरखा करोगा तिने एलिय्याहो खे वापस इस्राएलो रे राज्य दे जाई की आहाबो ते गल्ला करने खे बोलेया इजी खे एलिय्याह अहाबो रे नेड़े गया जेबे अहाबे से देखेया तेबे तिने बोलेया, “अच्छा तू ए, मुसीबत पईदा करने वाला” एलिय्याहे जवाब दित्तेया, “मुसीबत पैदा करने वाला तो तू ए तैं यहोवा छाडी ता रा सेई सच्चा परमेशर ए, पर तू बालो री पूजा करने लगी रा ऐबे ताखे इस्राएल राज्य रे सब लोका खे कार्मेल पाह्ड़ो पांदे लई की आऊणा ए”

![](https://cdn.door43.org/obs/jpg/360px/obs-en-19-06.jpg)

तेबे सब लोक कर्मेल पाह्ड़ो खे गए से मर्द बी आए जो बोलो थे की से बालो रे संदेशो खे बोलोए ए बालो रे भविष्यवक्ता थे से सब 450 थे एलिय्याहे लोका खे बोलेया, “कदुए तक तुसे आपणे मनों खे फिराए राखोगे? जे यहोवा परमेशर ए तेबे तेसरी आराधना करो जे बाल परमेशर ए तेबे तेसरी आराधना करो”

![](https://cdn.door43.org/obs/jpg/360px/obs-en-19-07.jpg)

तेबे एलिय्याहे बालो रे भविष्यवक्ता खे बोलेया, “एक बल़दो खे बली करी की तेसरे मासो खे बलिदान ऊणे खे एकी वेदीया पाँदे राखो, पर आग नि लगाणी तेसते बाद मां बी तेड़ा ई करना, ओर एक लग वेदिया पांदे मां से मास राखणा तेबे जे परमेशर वेदिया पाँदे आग लटोगा तेबे तुसे जाणी लओगे की से सच्चा परमेशर ए” तेबे बालो रे भविष्यवक्ते एक बली त्यार किती ओर आग नि लगाई

![](https://cdn.door43.org/obs/jpg/360px/obs-en-19-08.jpg)

तेबे बालो रे भविष्यवक्ते बालो ते प्रार्थना किती, “ओ बाल, मारी सुण” सारा दिन तिने प्रार्थना किती ओर चींगे ओर ऐथो तक की आपु खे छुरिया साथे बाड़ी ला, पर बाले ज्वाब नि दित्तेया, ओर तिने कोई आग नी सेटी

![](https://cdn.door43.org/obs/jpg/360px/obs-en-19-09.jpg)

बालो रे भविष्यवक्ते बालो ते प्रार्थना करने दे पूरा दिन बिताई ता तेबे तिने प्रार्थना करनी बंद करीती तेबे एलिय्याहे दुजे बल़दो रे मासो खे परमेशरो री वेदिया पांदे राखेया तिजी ते बाद, तिने लोका खे पाणिए रे बड़े पान्ड़ेया खे तेस बलिदानो पांदे तेबुए तक लटणे खे बोलेया जदुए तक की मास, लकडिया, ओर एथो तक की वेदीया रे ओरे पोरे री जमींन सारी पाणिये की तर नी ऊई गी

![](https://cdn.door43.org/obs/jpg/360px/obs-en-19-10.jpg)

तेबे एलिय्याहे प्रार्थना किती, “ ओ यहोवा, अब्राहम, इसहाक,ओर याकूबो रे परमेशर, आसा खे दखाओ की तुसे इस्राएलो रे परमेशर ए ओर ए की आऊं तुसारा दास ए माखे जवाब देओ जेतेते कि ए लोक जाणी लओ की तुसे ई सच्चे परमेशर ए”

![](https://cdn.door43.org/obs/jpg/360px/obs-en-19-11.jpg)

तेबू ई, सर्गो ते आग गिरी ओर तेसे मास, लकड़िया, पाथर, माटी ओर ऐथो तक की वेदिया रे ओरे पोरे पाणी बी फूकी ता जेबे लोके ए देखेया, से जमींना पांदे रुड़ी गे ओर बोले, “यहोवा ई परमेशर ए यहोवा ई परमेशर ए”

![](https://cdn.door43.org/obs/jpg/360px/obs-en-19-12.jpg)

तेबे एलिय्याहे बोलेया, “ बालो रा एक बी भविष्यवक्ता बची की नी जाणा चाईयो” इजी खे लोके बालो रे भविष्यवक्ता पकड़ी ले ओर तिना खे तेथा ते लग लेई गे ओर से काईते

![](https://cdn.door43.org/obs/jpg/360px/obs-en-19-13.jpg)

तेबे एलिय्याहे अहाब राजे खे बोलेया, “छोड़ आपणे कअरो खे नठी जा, कऊँकि बरखा ऊणे वाल़ी ए” छोड़ बादल़ कणे ऊई गे, ओर बऊत बरखा लगी गी यहोवा तेस सूके खे खत्म करेया करो था इजी ते पता लगोआ की यहोवा ई सच्चा परमेशर ए

![](https://cdn.door43.org/obs/jpg/360px/obs-en-19-14.jpg)

जेबे एलिय्याह आपणा काम खत्म करी चुकेया, तेबे परमेशरे एलीशा नाओं रे एक आदमीए खे आपणा भविष्यवक्ता ऊणे खे चुणेया परमेशरे एलीशा रे जरिए बऊत जे चमत्कार किते एक चमत्कार नामानो साथे बी ऊआ से एक दुश्मना री सेना रा सरदार था, पर तेसखे शरीरो रा एक बुरा रोग ऊई गा था नामाने एलीशा रे बारे दे सुणेया था, इजी खे से एलीशा गे आया ओर तिजी ते तेसखे ठीक करने खे विनती किती एलीशे नामानो खे बोलेया की जाई की यरदन नदिया रे पाणिए दे सात बार डुबकी लगाई लो

![](https://cdn.door43.org/obs/jpg/360px/obs-en-19-15.jpg)

नामान गुस्सा ऊई गा तिने ऐड़ा करने ते ना करीती, कऊंकि ए तेसखे मुर्खता रा काम लगो था पर बादो ते तिने आपणा मन बदली ता ओर जाई की यरदन नदिया रे पाणिए दे सात बार डुबकी लगाई जेबे आखरी बार से पाणिए ते बारे निकल़ेया तेबे से परमेशरे ठीक करीता था

![](https://cdn.door43.org/obs/jpg/360px/obs-en-19-16.jpg)

परमेशरे इस्राएलो रे लोका गे ओर बऊत जे भविष्यवक्ता पेजे तिने सबी लोका ते मूर्तिया री पूजा करनी बंद करने खे बोलेया इजी री बजाए, तिना खे एक दुजे साथे न्याय साथे व्यवहार करना चाईयो ओर एक दुजे पांदे दया करनी चाईयो तिने भविष्यवक्ते लोका खे चतौणी दिती की तिना खे बुरे काम करना बंद करी देना चाईयो ओर इजी री बजाए परमेशरो री गल्ल मानणी चाईयो जे तिने लोके ऐड़ा नी कित्तेया तेबे परमेशरो तिना खे दोषी मानी की तिना रा न्याय करोना, ओर तिना खे सजा देणी

![](https://cdn.door43.org/obs/jpg/360px/obs-en-19-17.jpg)

काफी बखतो तक, तिने लोके परमेशरो री आज्ञा रा पालन नी कित्तेया तिने भविष्यवक्तेया साथे बुरा बर्ताव कित्तेया ओर एथो तक की कदी कदी से काईते एक बार, तिने यिर्मयाह भविष्यवक्ता सूके कुएं दे पाईता ओर से तेती मरने खे छाड़ीता से कुएं रे तल़ो रे चीकड़ो दे तसी गा पर तेबे राजे खे तेस पांदे दया आई ओर तिने आपणे सैनिका खे ऊकम दित्तेया की यिर्मयाहो रे मरने ते पईले तेसखे कुएं ते बारे खींजी लो

![](https://cdn.door43.org/obs/jpg/360px/obs-en-19-18.jpg)

भविष्यवक्ते परमेशरो री तरफा ते बोलना शुरु कित्तेया चाए लोके तिना ते नफरत किती तिने लोका खे चतौणी दिती की जे तिने पश्चाताप नी कित्तेयातो परमेशरोसेयो खत्म करी देणे तिने लोका खे ये बी याद कराया की परमेशरे तिना गे मसीह खे पेजणे री प्रतिज्ञा किती

*1 राजा पाठ 16-18; 2 राजा 5; यिर्मयाह 38 ते एक बाइबला री कआणी*

## 20. बानणा ओर आऊंणा

https://openbiblestories.org/l/bfz-x-baghliani/story-20/

![](https://cdn.door43.org/obs/jpg/360px/obs-en-20-01.jpg)

इस्राएलो रे राज्य ओर यहूदा रे राज्य दूईं परमेशरो रे खलाफ पाप कित्तेया तिने से वाचा तोड़ीती जो परमेशरे तिना साथे सीनै पांदे बानी थी परमेशरे तिना खे पश्चाताप करने ओर फेर तेसरी आराधना करने रिया तंई चतौणी देणे खे आपणे भविष्यवक्ता पेजे, पर तिने तिना री गल्ला मानणे ते ना करी ती

![](https://cdn.door43.org/obs/jpg/360px/obs-en-20-02.jpg)

तेबे परमेशरे तिना रे दुश्मणा खे तिना खे खत्म करने दे सक्षम करने रे जरिए दोनो राज्या खे सजा दिती अश्शूर एक ओर देश था जो बऊत ताकतवर ऊई गा था से दुजे देशो रे प्रति बऊत निर्दयी बी थे तिने आई की इस्राएलो रा राज्य खत्म करीता अश्शूरिये आई की इस्राएलो रे राज्य दे बऊत लोक काईते, जो चाया से लूटी ला, ओर देशो रे कई ईस्से बी फूकीते

![](https://cdn.door43.org/obs/jpg/360px/obs-en-20-03.jpg)

अश्शूरिए सब परदान, तनवान लोक,ओर ऐड़े लोक जो कीमती चीजा बणाई सको थे कट्ठे किते ओर से तिना खे अश्शूर देशो दे लेई गे इस्राएलो दे सिर्फ कुछ गरीब इस्राएली ई बचे

![](https://cdn.door43.org/obs/jpg/360px/obs-en-20-04.jpg)

फेर अश्शुरी लोक तेस देशो दे रणे खे विदेशिया खे लई की आए तिने विदेशिए से शईर फेर बणाए जो इस्राएली तेती बचे थे तिना साथे ब्या करी ला इना लोका रे वंश सामरी कईलाए

![](https://cdn.door43.org/obs/jpg/360px/obs-en-20-05.jpg)

यहूदा रे राज्य रे लोके देखेया की किंयाँ परमेशरे तेस पांदे विश्वास ना करने ओर तेसरी गल्ला खे ना मानणे रे कारण इस्राएलो रे राज्य रे लोका खे सजा दिती थी पर तेबे बी तिने कनानिया रे देवतेया री मूर्तिया री पूजा किती परमेशरे तिना खे चतौणी देणे रिया तंई भविष्यवक्ता पेजे,पर तिने सुणने ते ना करीती

![](https://cdn.door43.org/obs/jpg/360px/obs-en-20-06.jpg)

कम से कम 100 साला बाद अश्शूरिए इस्राएलो रा राज्य खत्म करीता परमेशरे बेबीलोनो रा राजा, नबूकदनेस्सरो खे यहूदा रे राज्य पांदे अमला करने खे पेजेया बेबीलोन एक ताकतवर देश था यहूदा रा राजा नबूकदस्सरो रा दास बणने ओर हर साल तनो रा पुगतान करने खे मानी गा

![](https://cdn.door43.org/obs/jpg/360px/obs-en-20-07.jpg)

पर कुछ साला बाद, यहूदा रे राजे बेबीलोनो रे खलाफ बलवा कित्तेया तेबे बेबीलोनिये वापस आई की यहूदा रे राज्य पांदे अमला कित्तेया तिने यरुशलेम शईरो पांदे कब्जा करी ला, मंदर खत्म करीते, ओर शईर ओर मंदरो रे खजाने बी लूटी ले

![](https://cdn.door43.org/obs/jpg/360px/obs-en-20-08.jpg)

बलवा करने रिया बजा ते यहूदा रे राजे खे सजा देणे खे, नबूकदनेस्सरो रे सैनिके राजे रे पाऊए खे तेसरे सामणे काया ओर फेर से अंधा करीता इजी ते बाद से राजे खे लई गे ताकि से बेबीलोनो रे जेलखाने दे मरी जाओ

![](https://cdn.door43.org/obs/jpg/360px/obs-en-20-09.jpg)

नबूकदनेस्सर ओर तेसरी सेना यहुदा रे राज्य रे कम से कम सारे ई लोका खे बेबीलोनो खे लई गी, सिर्फ सबी ते गरीब लोका खे पीछे छाडीगी ताकि से डोरुआ ते फसल उगाओ बखतो रे ऐते कालो खे बंदुआई बोलेया जाओआ जिदे परमेशरो रे लोका खे प्रतिज्ञा रे देशो ते निकल़ी जाणे रिया तंई विवश कित्तेया था

![](https://cdn.door43.org/obs/jpg/360px/obs-en-20-10.jpg)

पले ई परमेशरे आपणे लोका खे तिना रे पापो रिया तंई बंदुआ करी की लई जाणे खे सजा दिती, तेबे बी से तिना खे ओर आपणिया प्रतिज्ञा खे नी पूलेया थापरमेशरे आपणे लोका री जाच करना शुरु कित्तेया ओर आपणे भविष्यबक्ता रे जरिए तिना साथे गल्ला करदा रया तिने प्रतिज्ञा किती की सत्तर साला बाद, से प्रतिज्ञा रे देशो दे वापस आऊणे

![](https://cdn.door43.org/obs/jpg/360px/obs-en-20-11.jpg)

कम से कम सत्तर साला ते बाद, फारसो रे राजा कुस्रूए बेबीलोन अराई ता, इजी खे बेबीलोनो रे साम्राज्य रे बजाए फारसो रे साम्राज्य कई देशा पांदे राज कित्तेया इस्राएली लोका खे ऐबे यहूदी बोलो थे तिना बीचा ते बऊती आपणा जीबन बेबीलोनो दे कटेया था सिर्फ बऊत थोड़े स्याणे यहूदिया खे ई यहूदा रा देश याद था

![](https://cdn.door43.org/obs/jpg/360px/obs-en-20-12.jpg)

फारसी लोक बऊत सामर्थी थे, पर तिने आपणे जीतेया रे लोका पांदे दया किती थी फारसी लोका रा राजा बणने ते थोड़े बखतो ते बाद, कुस्रूए एक ऊकम दित्तेया की कोई बी यहूदी जो यहूदा खे जाणा चाओआ, से फारसो ते निकल़ी की वापस यहूदा खे जाई सकोआ ऐथो तक की तिने तिनाखे मंदरो खे फेर बनाणे खे तन बी दित्तेया तेबे बंधुआईया ते सत्तर साला बाद, यहूदिया रा एक छोटा समूह यहूदा रे यरुशलेम शईरो खे वापसआई गा

![](https://cdn.door43.org/obs/jpg/360px/obs-en-20-13.jpg)

जेबे से लोक यरुशलेम पुजे तेबे तिने मंदरो खे ओर शईरो रे चऊं कनारलियाद्वाला फेर बणाईया फारसी लोक ऐबे बी तिना पांदे राज करो थे पर एक बार फेर से प्रतिज्ञा रे देशो दे रया करो थे ओर मंदरो दे आराधना करेया करो थे

*2 राजा पाठ 17; 24-25; 2 इतिआस 36; एज्रा 1-10; नहेमयाह 1-13 ते एक बाइबला री कआणी*

## 21. परमेशर मसीह री प्रतिज्ञा करोआ

https://openbiblestories.org/l/bfz-x-baghliani/story-21/

![](https://cdn.door43.org/obs/jpg/360px/obs-en-21-01.jpg)

जेबे परमेशरे संसार बणाया था से जाणो था की तेसखे बादो ते केसी दिने मसीह पेजणा पड़ना तिने आदम ओर अव्वा ते प्रतिज्ञा किती की तेस ऐड़ा करना तिने बोलेया की अव्वा ते एकी वंशो जन्म लणा जेस सापो रा सिर कुचल़ना जिने सापे अव्वा खे तोखा दित्तेया से पक्का शैतान था परमेशरो रा मतलब था की मसीह पूरिया तरा ते शैतानो खे अराओ

![](https://cdn.door43.org/obs/jpg/360px/obs-en-21-02.jpg)

परमेशरे अब्राहमो ते प्रतिज्ञा किती थी की तेसरे जरिए संसारो री सारी जातिया आशीष पाणी परमेशरे बादो ते केसी बखतो पांदे मसीह खे पेजणे रे जरिए ऐसा प्रतिज्ञा खे पुरा करना तेस मसीहे संसारो रे हर एक जातिया बीचा ते लोका खे तिना रे पापो ते छुड़ाणे

![](https://cdn.door43.org/obs/jpg/360px/obs-en-21-03.jpg)

परमेशरे मूसे ते प्रतिज्ञा किती थी की भविष्य दे तेस मूसे रे बराबर एक ओर भविष्यवक्ता पेजणा ए भविष्यवक्ता मसीह ऊणा ईंया, परमेशरे फेर प्रतिज्ञा किती की तेस मसीह पेजणा

![](https://cdn.door43.org/obs/jpg/360px/obs-en-21-04.jpg)

परमेशरे राजा दाऊदो ते प्रतिज्ञा किती थी की तेसरा वंश मसीह ऊणा से राजा ऊणा ओर तेस परमेशरो रे लोका पांदे सदा खे राज करना

![](https://cdn.door43.org/obs/jpg/360px/obs-en-21-05.jpg)

परमेशरे यिर्मयाह भविष्यवक्ता साथे गल्ल किती ओर बोलेया की एक दिन तेस एक नवीं वाचा बानणी से नवीं वाचा इस्राएलो साथे सीनै रे पाह्ड़ो पांदे बानी री पुराणी वाचा जेड़ी नी ऊणी जेबे तेस लोका साथे से आपणी नवीं वाचा बानणी, तेबे तेस तिना पांदे आपु खे माणुंए रे रुपो दे प्रकट करना हर एकी माणूंए तेस साथे प्यार राखणा ओर बिधानो खे मानणे री इच्छा राखणी परमेशरे बोलेया की ए तेसरी व्यवस्था रा तिना रे दिलो पांदे लिखणे जेड़ा ऊणा सेयो तेसरे लोक ऊणे, ओर परमेशरो तिना रे पाप माफ करने से मसीह ऊणा जेस तिना साथे एक नवीं वाचा बानणी

![](https://cdn.door43.org/obs/jpg/360px/obs-en-21-06.jpg)

परमेशरो रे भविष्यवक्ते ए बी बोलेया की मसीह एक भविष्यवक्ता ऊणा एक भविष्यवक्ता से आदमिए जो परमेशरो रे वचनो खे सुणोआ ओर फेर लोका पांदे परमेशरो रे संदेशो री घोषणा करोआ जेसखे पेजणे खे परमेशरे प्रतिज्ञा किती थी से मसीह एक सच्चा भविष्यवक्ता ऊणा मतलब से मसीह परमेशरो रे संदेशों खे ठीक तरा सुणोआ, ओर से लोका खे तिना संदेशा खे ठीक तरा ते सिखाओआ

![](https://cdn.door43.org/obs/jpg/360px/obs-en-21-07.jpg)

इस्राएली पुरेईते लोका रिया तंई परमेशरो रे आगे बलिदान चढ़ाना जारी राखेया ए बलिदान लोका रे पापा रिया तंई तिना खे परमेशरो रे जरिए सजा देणे री जगा पांदे चढ़ाए गए थे याजके लोका रिया तंई प्रार्थना बी किती पर से मसीही सिद्ध बड़ा पुरोईत ऊणा जो परमेशरो खे देणे रिया तंई एक सिद्ध बलिया रे रुपो दे आपू खे चढ़ाई देओआ मतलब, तेस कदी बी पाप नी करना, ओर जेबे से आपू खे बली ऊणे खे देओआ, तेबे संसारो री कोई बी ओर बली जरुरी नी ऊणी

![](https://cdn.door43.org/obs/jpg/360px/obs-en-21-08.jpg)

लोका रे समूहा पांदे राजा ओर परदान राज करोए, ओर कदी- कदी से गलतिया करोए राजे दाऊदे सिर्फ इस्राएलिया पांदे राज कित्तेया, पर राजा दाऊदो रे वंश मसीहे सारे संसारो पांदे राज करना, ओर से सदा खे राज करोआ इजी ते अलावा, से हमेशा सच्चाईया साथे राज करोआ, ओर ठीक फैसले लओआ

![](https://cdn.door43.org/obs/jpg/360px/obs-en-21-09.jpg)

परमेशरो रे भविष्यवक्ते मसीह रे बारे दे बऊत जी गल्ला बोलिया उदारणो खे, मलाकिए बोलेया की मसीह रे आऊणे ते पईले एक ओर भविष्यवक्ता आऊणा से भविष्यवक्ता बऊत जरुरी ऊणा इजी ते अलावा, यशायाह भविष्यवक्ते लिखेया की मसीहे एक कुंआरिया ते जन्म लणा ओर मीका भविष्यवक्ते बोलेया की मसीहे बैतलहम शईरो रे जन्म लणा

![](https://cdn.door43.org/obs/jpg/360px/obs-en-21-10.jpg)

यशायाह भविष्यवक्ते बोलेया की मसीह गलीलो रे रणा जो लोक बऊत दु;खी ए मसीहे तिना खे शान्ति देणी तेस कैदी बी आजाद करने मसीहे बमारा खे ओर जो सुणी नी सकदे, देखी नी सकदे, बोली नी सकदे, या चली नी सकदे सेयो बी चंगे करने

![](https://cdn.door43.org/obs/jpg/360px/obs-en-21-11.jpg)

यशायाह भविष्यवक्ते ए बी बोलेया की लोका मसीह ते नफरत करनी ओर तेसखे अपनाणे ते ना करी देणी ओरी भविष्यवक्ते बोलेया की मसीह रा एक साथी तेसरे खलाफ ऊठणा जकर्याह भविष्यवक्ते बोलेया की तेसरे एस साथीए ऐड़ा करने खे दुजे लोका ते चाँदिए रे ती सिक्के लणे इजी ते अलावा, कुछ भविष्यवक्ते बोलेया की लोका मसीह काई देणा, ओर ए बी कि लोका तेसरे टाल्लेया खे जुआ खेलणा

![](https://cdn.door43.org/obs/jpg/360px/obs-en-21-12.jpg)

भविष्यवक्ते ए बी बताया की मसीह किंयाँ मरना यशायाहे भविष्यवाणी किती की लोका मसीह पांदे थूकणा, तेसरा मजाक ऊड़ाणा, ओर तेसखे बाणी सेयो तेसखे छेदी देओए ओर से बड़ी पीड़ा ओर तकलीफा दे मरी जाणा, जबकि तिने कुछ बी गल़त नी कित्तेया ऊणा

![](https://cdn.door43.org/obs/jpg/360px/obs-en-21-13.jpg)

भविष्यवक्ते ए बी बोलेया की मसीहे पाप नी करना से सिद्ध ऊणा पर से इजी खे मरना परमेशर तेसखे ओरी लोका रे पापो रे कारण सजा देओआ तेसरे मरने ते लोक परमेशरो साथे मेल करने खे पक्के ऊणे इजी खे परमेशर चाओआ की मसीह मरो

![](https://cdn.door43.org/obs/jpg/360px/obs-en-21-14.jpg)

भविष्यवक्ते ए बी बताया की परमेशरो मसीह मरेया रे बीचा ते जिऊंदा करना ए लगोआ की ए सब नवीं वाचा खे बानणे री परमेशरो री योजना थी, ताकि से तिना लोका खे बचाई सको जिने तेसरे खलाफ पाप करी राखेया

![](https://cdn.door43.org/obs/jpg/360px/obs-en-21-15.jpg)

परमेशरे भविष्यवक्ता पांदे मसीह रे बारे दे बऊत गल्ला प्रकट कितिया, पर मसीह तिना भविष्यवक्ता बीचा ते बी केसी रे बी जीवनकालो दे नी आया था इना भविष्यवक्ता रे दिते जाणे रे 400 ते जादा साला बाद, सई बखतो पांदे, परमेशरे मसीह ऐते संसारो दे पेजेया

*उत्पति 3:15; 12:1-3; बिधि-बिधान 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11ते एक बाइबला री कआणी*

## 22. युहन्ने रा जन्म

https://openbiblestories.org/l/bfz-x-baghliani/story-22/

![](https://cdn.door43.org/obs/jpg/360px/obs-en-22-01.jpg)

बऊत बखत पईले, परमेशरे आपणे भविष्यवक्ते ते गल्ल किती थी इजी खे से लोका साथे गल्ल करी सके थे पर तेस बखतो ते लई की फेर 400 साल बीतणे ते बाद तक तिने तिना साथे कोई गल्ल नी किती तेबे परमेशरे जकर्याह नाओं रे भविष्यवक्ते रे नेड़े एक स्वर्गदूत पेजेया जकर्याह ओर तेसरी लाड़ी एलीशिबा परमेशरो रा आदर करो थे से बऊत स्याणे हुई गे थे, ओर तेसरे कोई बी बच्चा पैदा नी ऊआ था

![](https://cdn.door43.org/obs/jpg/360px/obs-en-22-02.jpg)

तिने स्वर्गदूते जकर्याहो खे बोलेया, “तेरी लाड़िया रे एक पाऊ जमणा तैं तेसरा नाओंयुहन्ना राखणा परमेशरो से पवित्र आत्मा ते परी देणा, ओर युहन्ने लोक मसीह खे मानणे खे त्यार करने” जकर्याहे जवाब दित्तेया, “आऊं ओर मेरी लाड़ी बच्चा पैदा करने खे बऊत स्याणे ए आऊं किंयाँ जाणूं की तुसे मांगे सच बोलणे लगी रे?”

![](https://cdn.door43.org/obs/jpg/360px/obs-en-22-03.jpg)

तिने स्वर्गदूते जकर्याहो खे जवाब दित्तेया, “ताखे ए सुब संदेश देणे खे आऊं परमेशरे पेजी राखेया कऊंकि तैं मां पांदे विश्वास नी कित्तेया, इजी खे बच्चे रे जन्म लेणे तक तू बोली नी सकणा” तेबु ई, जकर्याह गुंगा ऊईगा तेबे से स्वर्गदूत जकर्याह रे नेड़े ते चली गा इजी ते बाद, जकर्याह कअरे वापस आईगा ओर तेसरी लाड़ी गर्भवती हुई गी

![](https://cdn.door43.org/obs/jpg/360px/obs-en-22-04.jpg)

जेबे एलीशिबा छे मीन्ने री गर्भवती थी, तेबे से स्वर्गदूत तेबु ई एलीशिबा रे रिश्तेदारो पांदे प्रकट ऊआ, जेसा रा नाओं मरियम था मरियम कुँआरी थी ओर ब्या ऊणे खे यूसूफ नाओं रे आदमिए साथे तेसारी मंगनी ऊई चुकी थी स्वर्गदूते बोलेया, “तू गर्भवती ऊणी ओर तां एकी पाऊए खे जन्म देणा ताखे तेसरा नाओं यीशु राखणा ए से सर्व-शक्तिमान परमेशरो रा पाऊ ऊणा ओर तेस सदा खे राज करना”

![](https://cdn.door43.org/obs/jpg/360px/obs-en-22-05.jpg)

मरियमे जवाब दित्तेया, “ए किंयाँ ऊणा, कऊंकि आऊं तो कुँआरी ए?” तिने स्वर्गदूते समजाया, “पवित्र आत्मा तां पांदे आऊणां, ओर परमेशरो री सामर्था तां पांदे छाया करनी इजी खे से बच्चा पवित्र ऊणा, ओर से परमेशरो रा पुत्र ऊणा, जो तिने स्वर्गदूते बोलेया तिजी पांदे मरियमे विश्वास कित्तेया

![](https://cdn.door43.org/obs/jpg/360px/obs-en-22-06.jpg)

ए ऊणे ते तेबू बाद, मरियम जाई की एलीशिबा साथे मिली जिंयाँ ई मरियमे तेसाखे नमस्कार कित्तेया, एलीशिबा रा बच्चा तेसारे पीतरे उछल़ेया तिना रिया तंई परमेशरे जो कित्तेया था तिजी रे बारे दे जवाणसा एक साथे खुश हुईया एलीशिबा साथे तीन मिन्ने रणे ते बाद, मरियम करे वापस आई

![](https://cdn.door43.org/obs/jpg/360px/obs-en-22-07.jpg)

इजी ते बाद, एलीशिबे आपणे बच्चे खे जन्म दित्तेया जकर्याह ओर एलीशिबे तेसरा नाओंयुहन्ना राखेया, जेड़ा की तिने स्वर्गदूते ऊकम दित्तेया था तेबे परमेशरे जकर्याहो रा मूँ बोलणे खे खोली ता जकर्याहे बोलेया, “परमेशरो री स्तुति ओ, कऊंकि तिने आपणे लोका री मताद करने खे याद राखी राखेया ओ मेरे पाऊ, तू सर्व – शक्तिमान परमेशरो रा भविष्यवक्ता ऊणा तां लोका खे बताणा की किंयाँ से आपणे पापो रिया तंई माफी पाई सकोए”

*लूका पाठ: 1ते एक बाइबला री कआणी*

## 23. यीशुए रा जन्म

https://openbiblestories.org/l/bfz-x-baghliani/story-23/

![](https://cdn.door43.org/obs/jpg/360px/obs-en-23-01.jpg)

यूसूफ नाओं रे एक तर्मी आदमिए साथे मरियमा री मंगनी हूई चुकी थी जेबे तिने सुणेया की मरियम गर्भवती ए तेबे से जाणो था की से तेसरा बच्चा निए पर, से मरियमा खे बदनाम नी करना चाओ था, इजी खे तिने तेसा पांदे किरपा करने री ओर तेसाखे चुपचाप तलाक देणे री सोची पर इजी ते पईले की से ऐड़ा करदा, एकी स्वर्गदूते तेसरे सुफने दे आई की तेस साथे गल्ल किती

![](https://cdn.door43.org/obs/jpg/360px/obs-en-23-02.jpg)

तिने स्वर्गदूते बोलेया, “ओ यूसुफ, मरियमा खे आपणी लाड़िया रे रुपो दे लई की आऊणे खे नी डर तेसारे पीतरे जो बच्चा ए से पवित्र आत्मा री तरफा ते ए तेसा एकी पाऊए खे जन्म देणा तेसरा नाओं यीशु राखणा (जेतेरा मतलब ए, ‘यहोवा बचाओआ), कऊंकि तेस लोक तिना रे पापो ते बचाणे”

![](https://cdn.door43.org/obs/jpg/360px/obs-en-23-03.jpg)

तेबे यूसुफे मरियमा साथे ब्या कितेया ओर तेसाखे आपणिया लाड़िया रे रुपो दे कअरे ली आया, पर तेसारे बच्चे खे जन्म देणे तक से तेसा साथे नि सया

![](https://cdn.door43.org/obs/jpg/360px/obs-en-23-04.jpg)

जेबे मरियमा रे जन्म देणे रा बखत नेड़े था, तेबे तेसे ओर यूसुफे बैतलहम जाणे री एक लंबी यात्रा किती तिना खे तेती जाणा ई था कंऊकि रोमी अदिकारी इस्राएलो दे रणे वाल़े सबी लोका री गिणती करना चाओ थे से चाओ थे की सब लोक तेती जाओ जेती तिना रे स्याणे रओ थे राजा दाऊदो रा जन्म बैतलहमो दे ऊआ था, ओर से मरियम ओर यूसुफ दुईं रा स्याणा था

![](https://cdn.door43.org/obs/jpg/360px/obs-en-23-05.jpg)

मरियम ओर यूसुफ बैतलहम गए, पर तेती पशुआ खे राखणे वाल़ी जगा ते अलावा तिना रे ठईरणे खे कोई जगा नी थी सेई जगा थी जेती मरियमे आपणे बच्चे खे जन्म दित्तेया तेसे से चरनिया दे लटाया कऊंकि तेती कोई बिस्तर नी था तिने तेसरा नाओं यीशु राखेया

![](https://cdn.door43.org/obs/jpg/360px/obs-en-23-06.jpg)

तेसा राती, तेती नेड़े रे डोरुआ दे कुछ चरवाहे आपणिया पेडा रे चुंडो री रखवाली करेया करो थे तेबु ई एक चमकदार स्वर्गदूत तिना पांदे प्रकट ऊआ, ओर से डरी गे तिने स्वर्गदूते बोलेया, “ मत डरो, कंऊकि मांगे तुसा रिया तंई शुब संदेश ए बैतलहमो दे मसीह, स्वामीए रा जन्म हुई रा”

![](https://cdn.door43.org/obs/jpg/360px/obs-en-23-07.jpg)

जाई की तेस बच्चे खे टोल़ो, ओर तुसा से कपड़े रे लिपटेया दा ओर चरनिया रे लेटेया रा देखणा” तेबु ई, सर्ग स्वर्गदूता साथे परी गा से परमेशरो री स्तुति करेया करो थे तिने बोलेया, “सारी महिमा सर्गो रे विराजमान परमेशरो खे मिलो तरतिया पांदे तिना लोका खे शान्ति ओ जिना री से चिन्ता करोआ”

![](https://cdn.door43.org/obs/jpg/360px/obs-en-23-08.jpg)

तेबे स्वर्गदूत चली गे से चरवाहे बी आपणिया पेडा खे छाडी की बच्चे खे देखणे गए तेबे ई सेयो तेते जगा पुजे जेती यीशु था ओर तिने से चरनिया दे लेटेया रा पाया, जेड़ा की तिने स्वर्गदूतेबोलेया था से बऊत खुश थे तेबे से चरवाहे वापस तेती आई गे जेती तिना री पेडा थिया तिने जो कुछ बी सुणेया ओर देखेया तिना सबी रिया तंई से परमेशरो री स्तुति करेया करो थे

![](https://cdn.door43.org/obs/jpg/360px/obs-en-23-09.jpg)

पूर्वा दे दूर एक देशो दे कुछ मर्द थे तिने तारेया रा अध्ययन कितेया था ओर से बऊत बुद्धिमान थे तिने एक नौखा तारा सर्गो दे देखेया तिने बोलेया की इजी रा मतलब ए की यहूदिया दे एक नवें राजे रा जन्म हुई रा इजी खे तिने तेस बच्चे खे देखणे रिया तंई आपणे देशो ते यात्रा करने रा फैसला कित्तेया एक लाम्बी यात्रा ते बाद, से बैतलहम आए ओर से कअर पाया जेती यीशु ओर तेसरे माए बाओ ठईरी रे थे

![](https://cdn.door43.org/obs/jpg/360px/obs-en-23-10.jpg)

जेबे इने मर्दे यीशु आपणिया माया साथे देखेया तेबे तिने कुटने टेकी की तेसरी आराधना किती तिने यीशुए खे कीमती उपहार दिते फेर से करे वापस आई गे

*मती पाठ 1; लुका पाठ 2 ते एक बाइबला री कआणी*

## 24. युहन्ना यीशुए खे बपतिस्मा देओआ

https://openbiblestories.org/l/bfz-x-baghliani/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा ओर जकर्याहो रा पाऊ . युहन्ना, बड़ा हुई की एक भविष्यवक्ता बणी गा से बणो दे रया करो था, ओर जंगली शईद ओर टिड्डियां खाया करो था, ओर ऊँटो रे बाल़ा ते बणे रे टाल्ले पईनेया करो था

![](https://cdn.door43.org/obs/jpg/360px/obs-en-24-02.jpg)

बऊत जे लोक . युहन्ने री गल्ला .सुणने रिया तंई बणो दे चली गे तिने ए बोली की तिना खे प्रचार कित्तेया, “पश्चाताप करो, कऊंकि स्वर्गो रा राज्य नेड़े ए”

![](https://cdn.door43.org/obs/jpg/360px/obs-en-24-03.jpg)

जेबे लोके . युहन्ने रा संदेश सुणेया, तेबे तिना बीचा ते बऊते आपणे पापो रा पश्चाताप कित्तेया, ओर युहन्ने तिना खे बपतिस्मा दित्तेयायुहन्नेखे देखणे खे बऊत तार्मिक गुरू बी आए, पर तिने आपणे पापों रा पश्चाताप या अंगीकार नी कित्तेया

![](https://cdn.door43.org/obs/jpg/360px/obs-en-24-04.jpg)

युहन्ने तार्मिक गुरूआ खे बोलेया, “ओ जईरीले सापो पश्चाताप करो ओर आपणे चाल-चलणो खे बदलो परमेशर हर तेस डाल़ो खे बाडी देओआ जो ठीक फल निलयाऊंदा, ओर से तिना खे आगी रे सेटी देओआ”जो भविष्यवक्ते बोलेया था युहन्ने से पूरा कित्तेया, “देख, छोड़ ई मां तेरे आगे आपणे संदेशो वाल़े पेजणे जेस तेरिया तंई बाट त्यार करनी”

![](https://cdn.door43.org/obs/jpg/360px/obs-en-24-05.jpg)

कुछ तार्मिक गुरूए. युहन्ने ते पूछेया की क्या से मसीह ए युहन्ने जवाब दित्तेया, “आंऊ मसीह निए, पर से मेरे बाद आऊणे लगीरा से इतना महान ए की आऊं तेसरे बूटा रे फीते खोलणे जोगा बी निए”

![](https://cdn.door43.org/obs/jpg/360px/obs-en-24-06.jpg)

आगले दिने, यीशु बपतिस्मा लणे खे . युहन्ने गे आया जेबे युहन्ने से देखेया, तेबे तिने बोलेया, “देखो परमेशरो रा मेमना जो संसारो रे पापो खे चकी की लई जाओआ”

![](https://cdn.door43.org/obs/jpg/360px/obs-en-24-07.jpg)

युहन्ने यीशुए खे बोलेया, “आऊं ताखे बपतिस्मा देणे जोगा निए इजी री बजाए ए जरुरी ए की तू माखे बपतिस्मा दे”पर यीशुए बोलेया, “ताखे माखे बपतिस्मा देणा चाईयो, कऊँकि करने खे एई ठीक काम ए” तेबे युहन्ने तेसखे बपतिस्मा दित्तेया, जबकि यीशुए कदी बी पाप नी कित्तेया था

![](https://cdn.door43.org/obs/jpg/360px/obs-en-24-08.jpg)

बपतिस्मा देणे ते बाद, जेबे यीशु पाणिए ते निकल़ी की बारे आया, तेबे परमेशरो रा आत्मा कबूतरो रे रुपो दे प्रकट ऊआ ओर थाले आई की तेस पांदे ठईरी गा तेस बखते, परमेशरे स्वर्गो ते गल्ल किती, “तू मेरा पाऊ ए आऊं तांते प्यार करुंआ, ओर आऊं तांते बऊत खुश ए”

![](https://cdn.door43.org/obs/jpg/360px/obs-en-24-09.jpg)

परमेशरे . युहन्ने खे बोलेया था, “पवित्र आत्मा थाले आई जेस केसी पांदे ठईरी जाओगा जेसखे तू बपतिस्मा देओगा” सेई परमेशरो रा पाऊ ए परमेशर एक ई ए पर जेबे युहन्ने यीशुए खे बपतिस्मा दित्तेया, तेबे तिने परमेशर पिता गल्ल करदे सुणेया, पाऊए परमेशरो खे देखेया, जो की यीशु ए, ओर तिने पवित्र आत्मा देखेया

*मत्ती पाठ 3; मरकुस पाठ 1:9-11; लुका पाठ 3:1ते एक बाइबला री कआणी*

## 25. शैतान यीशुए री परीक्षा करोआ

https://openbiblestories.org/l/bfz-x-baghliani/story-25/

![](https://cdn.door43.org/obs/jpg/360px/obs-en-25-01.jpg)

यीशुए रा बपतिस्मा ऊणे ते बाद ई, पवित्र आत्मा तेसखे जगल़ो दे लईगा यीशु तेती चाल़ी दिन ओर चाल़ी रात था तेस बखते तिने बरत कितेया, ओर शैताने यीशुए रे नेड़े आई की पाप करवाणे खे तेसरी परीक्षा किती

![](https://cdn.door43.org/obs/jpg/360px/obs-en-25-02.jpg)

पईले, शैताने यीशुए खे बोलेया, “जे तू परमेशरो रा पाऊए तो इना पात्थरा खे रोटी बनाई दे ताकि तू खाई सके!"

![](https://cdn.door43.org/obs/jpg/360px/obs-en-25-03.jpg)

पर यीशुए शैतानो खे बोलेया, “परमेशरो रे वचनो दे ये लिखी राखेया ए, जिऊदे रणे खे आदमिए खे सिरफ रोटिया री जरूरत नी ए, पर तिना खे हर तेसा गल्ला री जरुरत ए जो परमेशर तिना खे बोलोआ!"

![](https://cdn.door43.org/obs/jpg/360px/obs-en-25-04.jpg)

तेबे शैतान यीशुए खे मंदरो रे सबी ते ऊचे सिरे पांदे लईगा तिने तेसखे बोलेया, “जे तू परमेशरो रा पाऊए तो एथा ते थाले छुवाल़ देई दे, कऊंकि लिखी राखेया ए, परमेशरो ताखे चकणे खे आपणे स्वर्गदूतो खे आज्ञा देणी कि तेरे पईरा दे पात्थराते ठोकर नी लगो”

![](https://cdn.door43.org/obs/jpg/360px/obs-en-25-05.jpg)

पर यीशुए से नि कितेया जो शैताने तेसखे करने खे बोलेया था ऐते रे बजाए तिने बोलेया, “परमेशर हर एकी खे बोलोआ, तैं प्रभु आपणे परमेशरो री परीक्षा नी करनी"

![](https://cdn.door43.org/obs/jpg/360px/obs-en-25-06.jpg)

फेर शैताने तेसखे संसारो रे सारे राज्य दखाए तिने तेसखे दखाया कि ये कितने शक्तिशाली थे, ओर ये कितने सम्पन्न थे तिने यीशुए खे बोलेया, मां ताखे ये सब देणा जे तू कुटने टेकी की मेरी अराधना करे”

![](https://cdn.door43.org/obs/jpg/360px/obs-en-25-07.jpg)

यीशुए उतर दितेया, ओ शैतान, मां नेड़े ते चली जा! परमेशरो रे वचनो दे ये बी लिखी राखेया ए, सिर्फ आपणे प्रभु परमेशरो री अराधना करो परमेशरो रे रुपो दे सिर्फ तेसरा ई आदर करो"

![](https://cdn.door43.org/obs/jpg/360px/obs-en-25-08.jpg)

यीशुए शैतानो री परिक्षा ते आर नि मानी, ईजी खे शैतान तेसरे नेड़े ते चलीगा तेबे स्वर्गदूत आई की यीशुए री सेवा टईल करने लगे

*मत्ती पाठ 4:1-11; मरकुस पाठ 1:12-13; लुका पाठ 4:1-13 तेएक बाइबलारी कआणी*

## 26. यीशु आपणी सेवा शुरू करोआ

https://openbiblestories.org/l/bfz-x-baghliani/story-26/

![](https://cdn.door43.org/obs/jpg/360px/obs-en-26-01.jpg)

शैतानो री परीक्षा ते बाद, यीशु वापस गलील जगा दे आया येई से जगा ए जेती से रओ था पवित्र आत्मा तेसखे बऊत सामर्थ्य देया करो था, ओर यीशु एकी जगा ते दुजी जगा गया ओर लोका खे शिक्षा दिती सबी तेसरे बारे दे ठीक गला बोलिया

![](https://cdn.door43.org/obs/jpg/360px/obs-en-26-02.jpg)

यीशु नासरत शईरो दे गया ए सेई गाँव ए जेती से आपणे बचपनो दे रया करो था सब्तो रे दिने, से अराधना करने रिया जगा पांदे गया गुरूए तेसखे यशायाह भविष्यवक्ते रे संदेशो री एक कताब दिती सेओ चाओ थे कि से तिजी ते पड़ो यीशुए तेसा कताबा खे खोली की तेतेरे एक पागो खे लोका खे पढ़ेया

![](https://cdn.door43.org/obs/jpg/360px/obs-en-26-03.jpg)

यीशुए पढ़ेया, “परमेशरे माखे आपणा आत्मा दितेया ताकि आऊँ गरीबा खे सुसमाचार प्रचार करी सकूं तिने माखे इजी खे पेजेया कि कैदिया खे आजाद करू, अंधेया खे फेर नजर देई सकुं, ओर तिना खे छुटकारा देऊ जिना खे दुजे लोक दबाणे लगी रे ये से बखत ए जेबे परमेशर आसा पांदे किरपा करोआ ओर आसा री मताद करोआ”

![](https://cdn.door43.org/obs/jpg/360px/obs-en-26-04.jpg)

फेर यीशु बैठी गा सारे लोक तेसखे बड़े त्यानो साथे देखेया करो थे सेओ जाणो थे कि पवित्रशास्त्रो रा जो ईस्सा तिने एबु पढ़ेया था से मसीहे रे बारे दे था यीशुए बोलेया, “जो गल्ला मैं एबु तुसा खे पढ़ीयाए, से ऐस बखते उणे लगी री” सारे लोक हैरान थे तिने बोलेया, “क्या ये यूसुफो रा पाऊ नी ए?”

![](https://cdn.door43.org/obs/jpg/360px/obs-en-26-05.jpg)

तेबे यीशुए बोलेया, “ये सच ए कि लोक केसी एड़े भविष्यवक्ते खे कदी बी स्वीकार नि करदे जो तिना रे शईरो दे पल़ेया रा ओएलियाह भवोष्यवक्ते रे बखतो दे, इस्राएलो दे बऊत सारी विधवा थी पर जेबे साढ़े तीना साला तक बर्खा नि ऊई तो परमेशरे एलियाहोखे इस्राएलो दे केसी विधवा री मताद करने खे निपेजेया एते रे बजाए, तिने एलियाहोखे केसी ओरी देशो री विधवा रे नेड़े पेजेया”

![](https://cdn.door43.org/obs/jpg/360px/obs-en-26-06.jpg)

यीशु बोलदा रया, “ओर एलीशा भविष्यवक्ते रे बखतो दे, इस्राएलो दे बऊत सारे लोक चामड़ीया रे रोगो ते बमार थे पर एलीशे तिना बीचा ते केसी खे बी ठीक नि कितेया तिने पर इस्राएलो रे दुशमणा रे सेनापति नामानो खे ठीक कितेया” पर जो लोक यीशुए खे सुणेया करो थे सओ यहूदी थे इजिखे जेबे तिने तेसखे ये बोलदे ऊए सुणेया तेबे सेओ तेस पांदे गुस्से ऊए

![](https://cdn.door43.org/obs/jpg/360px/obs-en-26-07.jpg)

नासरतो रे लोके यीशु पकड़ी ला ओर तेसखे अराधना रिया जगा ते रगड़ी की बारे लईगे सेओ तेसखे मारने खे ओर थाले सेटणे खे एक पात्थरो रे सिरे पांदे लई गे पर यीशु पीड़ा बीचा ते निकल़ीगा ओर नासरत शईरो खे छाडी की चली गा

![](https://cdn.door43.org/obs/jpg/360px/obs-en-26-08.jpg)

फेर यीशु सारे गलीलो दे गया, ओर बड़ी पीड़ तेसरे नेड़े आई सेओ ऐड़े बऊत लोका खे लेई की आए जो बमार ओर अपंग थे तिना बीचा ते कुछ देखी, चली, सुणी या बोली नि सको थे, ओर यीशुए सेओ ठीक किते

![](https://cdn.door43.org/obs/jpg/360px/obs-en-26-09.jpg)

ऐते ते अलावा, बऊत ऐड़े लोक यीशुए रे नेड़े लयाए जिना दे दुष्टात्मा थिया यीशुए दुष्टात्मा खे तिना बीचा ते निकल़ने खे बोलेया सेओ दुष्टात्मा चिंगीया, “तू परमेशरो रा पाऊए” पीड़ा रे लोक हैरान थे, ओर तिने परमेशरो री अराधना किती

![](https://cdn.door43.org/obs/jpg/360px/obs-en-26-10.jpg)

फेर यीशुए बारा मर्दा खे चुणेया जिनाखे तिने आपणा प्रेरित बोलेया तिने प्रेरिते तेस साथे यात्रा किती ओर तेसते शिक्षा लई

*मत्ती पाठ 4:12-25; मरकुस पाठ 1:14-15, 35-39; 3:13-21; लुका पाठ 4:14-30, 38-44 तेएक बाइबला री कआणी*

## 27. दया करने वाल़े सामरिए री कआणी

https://openbiblestories.org/l/bfz-x-baghliani/story-27/

![](https://cdn.door43.org/obs/jpg/360px/obs-en-27-01.jpg)

एक दिन, यहूदी व्यवस्था रा एक तर्म गुरू यीशुए रे नेड़े आया से सबी खे ये दखाणा चाओ था कि यीशु गल़त तरिके ते शिक्षा देया करो था इजिखे तिने बोलेया, “ओ गुरु, अनन्त जीवन पाणे खे आऊं क्या करूँ?” यीशुए उतर दितेया, “परमेशरो रे बिधानो रे क्या लिखी राखेया?”

![](https://cdn.door43.org/obs/jpg/360px/obs-en-27-02.jpg)

तिने आदमिये बोलेया, “से बोलोई कि आपणे परमेशरो ते आपणे सारे मन, प्राण, सामर्थ, ओर बुदिया ते प्यार राख ओर आपणे पड़ोसिये साथे आपु जेड़ा प्यार राख” यीशुए उतर दितेया, “तू बिलकुल ठीक ए जे तू ऐड़ा करे, तो ताखे अनन्त जीवन मिलणा”

![](https://cdn.door43.org/obs/jpg/360px/obs-en-27-03.jpg)

पर से बिधानो रा गुरू लोका खे दखाणा चाओ था कि तेसरा जीवन जीणे रा टंग ठीक था इजीखे तिने यीशुए ते पूछेया, “ठीक ए, तेबे मेरा पड़ोसी कुण ए?”

![](https://cdn.door43.org/obs/jpg/360px/obs-en-27-04.jpg)

यीशुए तेस बिधानो रे गुरूए खे एक कआणी बताणे रे जरिये उतर दितेया “एक यहूदी आदमी था से एक सड़का रिये ऊई की यरूशलेमो ते यरीहो री यात्रा करेया करो था”

![](https://cdn.door43.org/obs/jpg/360px/obs-en-27-05.jpg)

पर कई डाकुऐ से देखेया ओर तेस पांदे अमला करीता तिने तेसरा सब कुछ लई ला ओर से मरने तक कुटेया तेबे से चली गे”

![](https://cdn.door43.org/obs/jpg/360px/obs-en-27-06.jpg)

तिजीते थोड़ी देर बाद, एक यहूदी पुरोईत तेते सड़का रिये ऊई की गया तिने पुरोईतेसे आदमी सड़का दे पड़ेया रा देखेया जेबे तिने तेसखे देखेया तेबे से सड़का री दुजिया तरफा खे जाई की आगे चली गा तिने तेस आदमिये खे पूरीया तरआ ते अनदेखा करी ता”

![](https://cdn.door43.org/obs/jpg/360px/obs-en-27-07.jpg)

ईजी ते बाद कुछ बखत बितणे पांदे, एक लेवी तेसा सड़का रिये आया (लेवी यहूदिया रा एक गोत्र था जिने मन्दरो रे पुरोईता री मताद किती थी) से लेवी बी सड़का री दुजीया तरफा खे निकल़ीगा तिने बी तेस आदमीये खे अनदेखा करिता”

![](https://cdn.door43.org/obs/jpg/360px/obs-en-27-08.jpg)

“आगला जणा जो तेसा सड़का रिये आया से सामरिया रा एक मर्द था (सामरी ओर यहूदी एक दूजे ते नफरत करो थे) तिने सामरीये सड़का दे से आदमी देखेया कि से यहूदी था, पर फेर बी तिने तेस पांदे बऊत तरस खाया से तेस नेड़े गया ओर तेस रे काओ दे पटियाँ बानीयाँ

![](https://cdn.door43.org/obs/jpg/360px/obs-en-27-09.jpg)

फेर तिने सामरीये तेस आदमिये खे आपणे गधे पांदे राखेया ओर तेसखे तेसा सड़का ते एकी सराई दे लेई गा जेती तिने तेसरी देखपाल़ करेया किती”

![](https://cdn.door43.org/obs/jpg/360px/obs-en-27-10.jpg)

दुजे दिन, तेस सामरिये खे आगे जाणा बऊत जरूरी था तिने तेस सराई रे मालको खे कुछ तअन दितेया तिने तेसखे बोलेया, “ऐस आदमिये री देखपाल़ करना जे ऐते तअनो ते अलावा तेरा कुछ ओर तअन खर्च ओ तो वापस आऊणे पांदे मां तेरे तेस खर्चे रा पुगतान करी देणा”

![](https://cdn.door43.org/obs/jpg/360px/obs-en-27-11.jpg)

फेर यीशुए तेस बिधानो रे गुरूए ते पुछेया, “तुसे क्या सोचोए? इना तीऊँ लोका ते कुण तेस आदमिये रा पड़ोसी आ जेसखे लूटेया ओर कुटेया गया था?” तिने उतर दितेया, “सेई जो तेस पाँदे दया करने वाल़ा था” यीशुए तेसते बोलेया, तू जा ओर ऐड़ा ई कर”

*लुका पाठ 10:25-37 ते एक बाइबला री कआणी*

## 28. तनी जवान शासक

https://openbiblestories.org/l/bfz-x-baghliani/story-28/

![](https://cdn.door43.org/obs/jpg/360px/obs-en-28-01.jpg)

एक दिन, एक तअनी जवान माणुंए यीशुए रे नेड़े आई कि तेसते पुछेया, “ओ उत्तम गुरु, अनन्त जीवन पाणे खे माखे क्या करना चाईए?” यीशुए तेसखे बोलेया, “तू माखे ‘उत्तम’ कऊँ बोलेया? पर एक ई उत्तम एओर से परमेशर ए पर जे तू अनन्त जीवन पाणा चाएआतो परमेशरो रे बिधानो रा पालन कर”

![](https://cdn.door43.org/obs/jpg/360px/obs-en-28-02.jpg)

“माखे कुण-कुण जी आज्ञा रा पाल़न करने री जरूरत ए?” तिने पूछेया यीशुए उतर दितेया, “अत्या नि करनी व्यभिचार नि करना, चोरी नी करनी चुठ नी बोलणा आपणे बाओ ओर मायारा आदर करना, ओर आपणे पड़ोसिया ते आपु जेड़ा प्यार करना”

![](https://cdn.door43.org/obs/jpg/360px/obs-en-28-03.jpg)

पर तिने जवान मर्दे बोलेया, आंऊ आपणे बचपनो ते ई इना सबी आज्ञा रा पाल़न करदा आई रा माखे सदा खे जीऊदे रणे खे आज बी क्या करने री जरूरत ए?” यीशुए तेस पांदे नजर किती ओर तेसते प्यार कितेया

![](https://cdn.door43.org/obs/jpg/360px/obs-en-28-04.jpg)

यीशुए उतर दितेया, “जे तू सिद ऊणा चाएआ तेबे जाई की आपणा सब कुछ बेची दे ओर से तअन गरीबा दे बांडी दे, ओर ताखे स्वर्गो दे तअन मिलणा तेबे आई की मां पिछे ऊई जा”

![](https://cdn.door43.org/obs/jpg/360px/obs-en-28-05.jpg)

जो यीशुए बोलेया जेबे तिने जवान मर्दे सुणेया तेबे से बऊत उदास ऊईगा, कऊंकि से बऊत तअनी था ओर तिने आपणी सारी सम्पतिया खे देणा नी चाएया था से मुड़ी की यीशुए रे नेड़े ते चली गा

![](https://cdn.door43.org/obs/jpg/360px/obs-en-28-06.jpg)

तेबे यीशुए आपणे चेलेया खे बोलेया, “परमेशरो रे राज्य दे तनवान लोका रा जाणा बऊत कठण ए आ, एक तअनी मर्द परमेशरो रे राज्य दे जाणे री तुलणा दे केसी ऊँटो रा सूईया रे नाके बीचा ते ऊई की निकल़ना सान ए”

![](https://cdn.door43.org/obs/jpg/360px/obs-en-28-07.jpg)

जो यीशुए बोलेया जेबे चेलेया सुणेया तेबे से हैरान थे तिने बोलेया, “जे ये एड़ा ए तेबे परमेशर केसखे बचाओगा?”

![](https://cdn.door43.org/obs/jpg/360px/obs-en-28-08.jpg)

यीशुए चेलेया पांदे नजर किती ओर बोलेया, “लोका खे आपणा उद्धार करना कठण ए पर परमेशरो खे कुछ बी करना कठण नि ए”

![](https://cdn.door43.org/obs/jpg/360px/obs-en-28-09.jpg)

पतरसे यीशुए खे बोलेया, “आसे चेले आपणा सब कुछ छाडी की तां पिछे चली पड़े तेबे आसा रा ईनाम क्या ऊणा?”

![](https://cdn.door43.org/obs/jpg/360px/obs-en-28-10.jpg)

यीशुए उतर दितेया, “हर एकी जणे जिने मेरिया बजा ते कअर, पाई, बईण, बाओ माए, बच्चे या सम्पतिया खे छाडेया, तेस तेसते 100 गुणा ज्यादा पाणा ओर अनन्त जीवन बी पाणा पर बऊत ए जो पईले ए सेओ पिछले ऊणे, ओर बऊत ए जो पिछले ए सेओ पईले ऊणे”

*मत्ती पाठ 19:16-30; मरकुस 10:17-31; लुका 18:18-30 तेएक बाइबला री कआणी*

## 29. निर्दई दासो री कआणी

https://openbiblestories.org/l/bfz-x-baghliani/story-29/

![](https://cdn.door43.org/obs/jpg/360px/obs-en-29-01.jpg)

एक दिन, परतरसे यीशुए ते पुछेया, “ओ स्वामी, मांखे आपणे पाईये खे कितणी बार माफी देणी चाईयो जेबे से मेरे खलाफ गल़त करोआ? क्या साता बारीया तक?” यीशुए बोलेया, “सात बार नि, पर सात ते सत्तर बार” ऐसरे जरिये, यीशुए रा मतलब ए कि आसा खे हमेशा ई माफ करना चाईयो तेबे यीशुए ए काअणी बोली

![](https://cdn.door43.org/obs/jpg/360px/obs-en-29-02.jpg)

यीशुए बोलेया, “परमेशरो रा राज्य एक राजे जेड़ा ए जो आपणे दासो ते लेखा लणा चाओ था तेसरा एक दास दो लाख रपईया रा कर्जदार था”

![](https://cdn.door43.org/obs/jpg/360px/obs-en-29-03.jpg)

पर से दास आपणे कर्जे खे टाई नि सकेया, ईजी खे राजे बोलेया, “एसरा कर्ज टाणे खे ऐस आदमीये खे ओर ऐसरे परिवारो खे दासो रे रुपो दे बेची दो”

![](https://cdn.door43.org/obs/jpg/360px/obs-en-29-04.jpg)

तिने दासे राजे रे सामणे आपणे कुटणे टेकी की बोलेया, करिपा करी की मां साथे तिरज राख, ओर मा आपणे कर्जे री पूरी रकमा रा पुगतान करी देणा’ राजे दासो पांदे दया किती, ईजी खे तिने तेसरे सारे कर्जे खे माफ करिता ओर से जाणे दितेया”

![](https://cdn.door43.org/obs/jpg/360px/obs-en-29-05.jpg)

“पर जेबे से दास राजे रे नेड़े ते गया, तेबे तेसखे तेसरा एक दोस्त मिलीगा जो तेसरे दस ह्जार रपईया रा कर्जदार था तिने दासे आपणे दोस्त दासो खे पकड़ी ला ओर बोलेया, ‘जो तां पांदे मेरा कर्ज ए माखे तेतेरा पुगतान कर”

![](https://cdn.door43.org/obs/jpg/360px/obs-en-29-06.jpg)

“तेसरे दोस्ते दासो रे कुटणे पांदे रूड़ी की बोलेया, ‘करिपा करी कि मां साथे तिरज राख, ओर मां आपणे कर्जे री पुरी रकमा रा पुगतान करी देणा’ पर ऐते रे बजाए, तिने दासे आपणे दोस्त दासो खे जेला रे पाईता जदुए तक कि से तेस कर्जे रा पुगतान नि करी देयो”

![](https://cdn.door43.org/obs/jpg/360px/obs-en-29-07.jpg)

“जो कुछ ऊआ था से कुछ ओरी दासे देखेया ओर सेयो बऊत परेशान ऊए सेयो राजे रे नेड़े गये ओर तेसखे सब कुछ बताया”

![](https://cdn.door43.org/obs/jpg/360px/obs-en-29-08.jpg)

“राजे तेस दासो खे बुलाई की बोलेया, ‘ओ दुष्ट दास मैं तेरा कर्जा ईजी खे माफ कितेया था कि तैं मांते बिनती किती थी ताखे बी ऐड़ा ई करना चाईयो था’ राजा इतने गुस्से था कि तिने तेस दुष्ट दासो खे जेला रे पाईता जदुआ तक कि से आपणे सारे कर्जे रा वापस पुगतान नि करी देओ”

![](https://cdn.door43.org/obs/jpg/360px/obs-en-29-09.jpg)

तेबे यीशुए बोलेया, “मेरे स्वर्गो दे विराजमान पिते तुसा हर एकी साथे ऐड़ा ई करना, जे तुसे आपणे पाईये खे आपणे दिलो ते माफ नि करोगे”

*मती पाठ 18:21-35 तेएक बाइबला री कआणी*

## 30. यीशु पाँज ह्जार लोका खे रोटी खुल़ाओआ

https://openbiblestories.org/l/bfz-x-baghliani/story-30/

![](https://cdn.door43.org/obs/jpg/360px/obs-en-30-01.jpg)

यीशुए आपणे प्रेरिता खे प्रचार करने ओर लोका खे शिक्षा देणे खे बऊत जे लग-लग गांवांदे पेजे जेबे सेयो तेती आये जेती यीशु था तेबे तिने तेसखे बोलेया कि तिने क्या कितेया था तेबे यीशुए तिना खे पाणिए री चिला रे दुजे कनारे तेस साथे एक शांत जगा दे जाई कि कुछ बखतो तक अराम करने खे बुलाया पर सेयो एकी किस्तिया पांदे चढ़ी गे ओर पाणिए री चिला रे दुजे कनारे चली गे

![](https://cdn.door43.org/obs/jpg/360px/obs-en-30-02.jpg)

पर तेथी बऊत जे ऐड़े लोक थे जिने यीशु ओर चेलेया खे किस्तिया रे जादे ऊए देखेया था सेओ लोक तिना ते आगे चिला रे दुजे कनारे जाणे खे चिला रे कनारे-कनारे पांदे नठिगे पर जेबे यीशु ओर चेले पऊँचे तेबे लोका रा एक बड़ा चुँड तिना रा इंतजार करदे ऊए तेथी पईले तेई था

![](https://cdn.door43.org/obs/jpg/360px/obs-en-30-03.jpg)

तेसा पीड़ा दे जवाणसा ओर बच्चेया री गिणतिया रे बिना 5,000 ते जादा मर्द थे यीशुए तिना लोका पांदे बड़ा पारी तरस खाया यीशुए रिया तँईं सेयो लोक बिना ग्वाल़ेया रिया पेडा जेड़े थे ईजीखे तिने तिनाखे शिक्षा दिती ओर तिना रे बीचे जो लोक बमार थे तिनाखे ठीक कितेया

![](https://cdn.door43.org/obs/jpg/360px/obs-en-30-04.jpg)

दिनो रे अंतो रे, चेलेया यीशुए ते बोलेया, “ऐबे देर ऊईगी ओर नेड़े तेड़े कोई शईर नि ए इना लोका खे पेजी दे ताकि सेयो जाई की खाणे खे कुछ लई लो”

![](https://cdn.door43.org/obs/jpg/360px/obs-en-30-05.jpg)

पर यीशुए चेलेया ते बोलेया, “तुसे तिनाखे खाणे खे कुछ देयो” तिने उतर दितेया, “आसे ऐड़ा किंयाँ करी सकुँए? आसा गे कुल पाँज रोटीया ओर दो छोटिया मछलिया ए”

![](https://cdn.door43.org/obs/jpg/360px/obs-en-30-06.jpg)

यीशुए आपणे चेलेया ते बोलेया कि सेयो पीड़ा रे लोका खे काओ पांदे पंजा-पंजा रे चुंडो रे बईठणे खे बोलो

![](https://cdn.door43.org/obs/jpg/360px/obs-en-30-07.jpg)

तेबे यीशुए पाँज रोटिया ओर दो मछलिया खे लई की स्वर्गो रिया तरफा खे देखेया, ओर तिना रोटिया लई कि परमेशरो खे तन्यावाद दितेया

![](https://cdn.door43.org/obs/jpg/360px/obs-en-30-08.jpg)

फेर यीशुए रोटी ओर मछलिया खे टुकड़ेया रे तोड़ेया तिने लोका खे देणे खे आपणे चेलेया खे सेयो टुकड़े देईते चेले तिना रोटिया खे बांडदे रए, ओर से कदीबी खत्म नि ऊआ सेयो लोक खाई कि रजी गे

![](https://cdn.door43.org/obs/jpg/360px/obs-en-30-09.jpg)

तेसते बाद, चेलेया से रोटी कट्ठी किती जो बचीगी थी ओर तिना ते बारा टोकरिया परी गिया से सारा खाणा तिना पाँज रोटिया ओर दो मछलिया ते आया था

*मत्ती पाठ 14:13-21; मरकुस 6:31-44; लुका 9:10-17; युहन्ना 6:5-15 तेएक बाइबला री काअणी*

## 31. यीशु पाणिए पांदे चलोआ

https://openbiblestories.org/l/bfz-x-baghliani/story-31/

![](https://cdn.door43.org/obs/jpg/360px/obs-en-31-01.jpg)

पाँज हजार लोका खे रोटी खल़वाणे ते बाद, यीशुए आपणे चेलेया ते किस्तिया दे जाणे खे बोलेया तिने तिनाखे पाणिए री चीला रे दुजीया तरफा खे जाणे खे बोलेया जेबे कि से थोड़ी जी देर ओर रूकीगा पर चेले चलीगे ओर यीशुए पीड़ा खे पेजी ला ताकि सेयो आपणे कअरो खे जाओ इजी ते बाद, यीशु प्रार्थना करने खे एकी पाह्ड़ो पांदे चली गा तेती से कला था, ओर तिने बऊत राती तक प्रार्थना किती

![](https://cdn.door43.org/obs/jpg/360px/obs-en-31-02.jpg)

तेस बखते, चेले आपणिया किस्तिया खे लेई की जाणे लगी रे थे, पर अवा तिना रे खलाफ बड़े जोरे की चलेणे लगी री थी बऊत रात ऊई जाणे पांदे बी सेयो चीला रे बीचे ई पऊँची रे थे

![](https://cdn.door43.org/obs/jpg/360px/obs-en-31-03.jpg)

तेस बखते यीशुए प्रार्थना करना खत्म कितेया ओर आपणे चेलेया रे नेड़े वापस जाणे लगे से किस्तिया रिया तरफा खे जाणे खे पाणिये पांदे चलणे लगेया

![](https://cdn.door43.org/obs/jpg/360px/obs-en-31-04.jpg)

तेबे चेलेया से देखेया सेयो बऊत डरीगे कऊंकि तिने सोचेया था कि से कोई पूत ए यीशु जाणो था कि सेयो डरीगे थे, ईजी खे तिने आका पाई की बोलेया, “डरो नी ये आंऊ ई ये”

![](https://cdn.door43.org/obs/jpg/360px/obs-en-31-05.jpg)

तेबे पतरसे यीशुए ते बोलेया, “ ओ प्रभु, अगर ये तु ए तो माखे पाणिये पाँदे चली की आपु नेड़े आऊणे री आज्ञा दे” यीशुए पतरसो ते बोलेया, “आईजा”

![](https://cdn.door43.org/obs/jpg/360px/obs-en-31-06.jpg)

तेबे पतरस किस्तिया ते उतरी गा ओर यीशुए रे नेड़े जाई की पाणिए रिया परता पांदे चलणा शुरू करीता पर थोड़ी दूर जाई की, तिने आपणिया आखी खे यीशुए ते फेरी कि लईरा खे देखना ओर जोरे री अवा खे मसूस करना शुरू करी ता

![](https://cdn.door43.org/obs/jpg/360px/obs-en-31-07.jpg)

तेबे पतरस डरीगा ओर पाणिये दे डूबणे लगेया से चिंगेया, ओ प्रभु माखे बचा” यीशुए तेस ई बखते आथ बढ़ाई की तेसखे पकड़ी ला तेबे तिने पतरसो ते बोलेया, “तेरा परोसा बऊत कम ए ताखे ठीक राखणे खे तै मां पांदे परोसा कंऊ नी कितेया?”

![](https://cdn.door43.org/obs/jpg/360px/obs-en-31-08.jpg)

तेबे यीशु ओर पतरस किस्तिया पांदे चढ़ीगे, ओर तेबुई अवा रा चलणा बंद ऊईगा पाणी शान्त ऊईगा चेलेया हैरान ऊई की यीशुए रे आगे कुटणे टेकी ते तिने तेसरी अराधना किती ओर तेसते बोलेया, सच्चो खे ई तू परमेशरो रा पाऊए”

*मत्ती पाठ 14:22-33 मरकुस 6:45-52; युहन्ना 6:16-21 ते एक बाइबला री कआणी*

## 32. यीशु दुष्टात्मा ते ग्रस्त आदमीए खे ओर एक बमार जवाणसा खे ठीक करो आ

https://openbiblestories.org/l/bfz-x-baghliani/story-32/

![](https://cdn.door43.org/obs/jpg/360px/obs-en-32-01.jpg)

यीशु ओर तेसरे चेले आपणिया किस्तिया ते तेते जगा खे गए जेती गिरासेनी लोक रओ थे सेयो तेसा जगा दे पऊंची की किस्तिया ते उतरी गे

![](https://cdn.door43.org/obs/jpg/360px/obs-en-32-02.jpg)

तेती एक आदमी था जो दुष्टात्मा ते ग्रस्त था

![](https://cdn.door43.org/obs/jpg/360px/obs-en-32-03.jpg)

ये आदमी इतणे जोरो वाल़ा था कि कोई बी तेसखे काबु नि करी सको था कई बार लोके तेसरे आथ ओर पैर सांगल़ा ते बी बाने, पर से तिना खे तोड़ी देओ था

![](https://cdn.door43.org/obs/jpg/360px/obs-en-32-04.jpg)

से आदमी तेसा जगा दे कब्रा दे रया करो था से आदमी सारा दिन ओर सारी रात चिंगेया करो था से टाल्ले नी पईनो था ओर आपु खे पत्थरा साथे काईल करेया करो था

![](https://cdn.door43.org/obs/jpg/360px/obs-en-32-05.jpg)

से आदमी दौड़ी की यीशुए रे नेड़े आया ओर तेसरे सामणे कुटणे टेकी ते तेबे यीशुए तेस आदमीए रे बदले दुष्टात्मा ते गल किती ओर बोलेया, “ऐस आदमीए ते बार निकल़ी की आईजा”

![](https://cdn.door43.org/obs/jpg/360px/obs-en-32-06.jpg)

से दुष्टातमा जोरे की चिंगी, “ओ यीशु, परम प्रधान परमेशरो रे पाऊ, तेरा मां साथे क्या काम?किरपा करी कि माखे नी सता” तेबे यीशुए तेसा दुष्टात्मा ते पुछेया, “तेरा नाओं क्या ए?” तिने उतर दितेया, “मेरा नाओं सेना ए, कऊंकि आसे बऊत ए” (रोमी सेना दे कई ह्जार सैनिका रा एक चुड एक “सेना” ओ थी)

![](https://cdn.door43.org/obs/jpg/360px/obs-en-32-07.jpg)

तिने दुष्टातमें यीशुए ते प्रार्थना किती, “किरपा करी की आसा खे ऐते जगा ते बारे नी पेज” तेती नेड़े जे पाह्ड़ो पांदे सुंरा रा एक चुंड़ चरेया करो था ईजी खे तिने दुष्टात्में यीशुए ते प्रार्थना किती, “की आसा खे तिना सुंरो बीचे पेजी दे” यीशुए बोलेया, “ठीक आ, तिना दे चली जाओ”

![](https://cdn.door43.org/obs/jpg/360px/obs-en-32-08.jpg)

तेबे से दुष्टात्मा तेस आदमिये ते निकल़ी की तिना सुंरा दे चली गिया सेयो सूंर दौड़ी की एक खड़े टीले पांदा ते से चीला दे ल्वाल़ देई ती ओर डूबी की मरीगे तेस चुडो दे कम से कम 2,000 सूंर थे

![](https://cdn.door43.org/obs/jpg/360px/obs-en-32-09.jpg)

तेती सुंरा री देखपाल़ करने वाल़े लोक थे जो कुछ ऊआ था जेबे तिने देखेया तेबे सेयो शईरो दे नठीगे यीशुए जो करी राखेया था तेती तिने सबी खे बोलेया तेस शईरो रे लोक निकल़ी की आये ओर तेस आदमिए खे देखेया जेस दे दुष्टात्मा थी से शान्तिया दे, कपड़े पईनेरे, ओर एक ठीक आदमिये जेड़ा बरताव करदा ऊआ बैठेया रा था

![](https://cdn.door43.org/obs/jpg/360px/obs-en-32-10.jpg)

सेयो लोक बऊत डरे रे थे ओर तिने यीशुए ते जाणे खे बोलेया तेबे यीशु किस्तिया पांदे चढ़ीगा से आदमी जेसदे दुष्टात्मा थी तिने यीशुए साथे जाणे री प्रार्थना किती

![](https://cdn.door43.org/obs/jpg/360px/obs-en-32-11.jpg)

पर यीशुए तेसते बोलेया, “ना आऊं चाऊंआ कि तू कअरे जाई कि सबी खे बोल कि परमेशरे तेरिया तंई क्या कितेया तिनाखे बोल कि परमेशरे तां पांदे दया किती थी”

![](https://cdn.door43.org/obs/jpg/360px/obs-en-32-12.jpg)

ईजी खे से आदमी चली गा ओर सबी खे ऐते रे बारे दे दसेया जो यीशुए तेसरिया तंई कितेया था तेसरी कआणीयां खे सुणने वाल़ा हर एक जन हैरान ऊआ था

![](https://cdn.door43.org/obs/jpg/360px/obs-en-32-13.jpg)

यीशु चिला रिया दुजिया तरफा खे वापस आया तेसरे तेती पऊंचणे ते बाद, एक बडी पीड़ तेसरे नेड़े तेड़े कट्ठी ऊई तेसखे दबाणे लगी तेसा पीड़ा दे एक जवाणस थी जो बारह साला ते खून बईणे रिया बमारिया ते पीड़ित थी तेसे आपणा सारा तन डाक्टरा खे देईता था ताकि सेयो तेसाखे ठीक करी सको, पर तेसारी बमारी ओर बी बिगड़ी गई थी

![](https://cdn.door43.org/obs/jpg/360px/obs-en-32-14.jpg)

तेसे सुणेया था कि यीशुए कई बमार लोका खे ठीक कितेया था ओर तेसे सोचेया, “मांखे तसल्ली ए की जे आंऊ यीशुए रे टाल्ले खे ई छूई लू, तेबे आऊ बी ठीक ऊई जाणी” ईजी खे से यीशुए गे पीछा ते आई ओर तेसरे टाल्ले खे छूई ला जियां ई तेसे तेसखे छुआ, खुनो रा बईणा बंद ऊई गा

![](https://cdn.door43.org/obs/jpg/360px/obs-en-32-15.jpg)

तेबु ई, यीशुए जाणी ला कि तेसते सामर्थ निकल़ी ए ईजी खे तिने पीछे मुड़ी की पुछेया, “माखे किने छुएया?” चेलेया उतर दितेया, “ऐती इतने सारे लोक ए तेरे चऊं कनारे पीड़ लगाई राखी ए, ओर ताखे ताका देया करोए तेबे तुसे कंऊ पुछेया कि आऊँ किने छुएआ?”

![](https://cdn.door43.org/obs/jpg/360px/obs-en-32-16.jpg)

से जवाणस यीशुए रे सामणे कांबदी ऊई ओर बऊत डरी री आपणे कुटणे पांदे बैठी गी तेबे तेसे तेसखे बोली ता कि तेसे क्या कितेया ए, ओर ये बी कि से ठीक ऊई गी ए यीशुए तेसाते बोलेया, “तेरे विश्वासे तूँ ठीक करी राखी ए शान्तिया दे जा”

*मत्ती पाठ 8:28-34; 9:20-22; मरकुस 5:1-20; 5:24b-34; लुका 8:26-39; 8:42b-48 तेएक बाइबला री काअणी*

## 33. एक जिमींदारो री कआणी

https://openbiblestories.org/l/bfz-x-baghliani/story-33/

![](https://cdn.door43.org/obs/jpg/360px/obs-en-33-01.jpg)

एक दिन, यीशु झीला रे कनारे था से लोका रिया एक बऊत बडीया पीड़ा खे शिक्षा देया करो था तेसखे सुणने रिया तंई इतणे सारे लोक आए कि यीशुए रे नेड़े तिना सबी ते गल करने खे जगा नी बची ईजी खे से पाणिये दे खड़ीया किश्तिया पांदे चढ़ी गा तेती से बेईठी गा ओर लोका खे शिक्षा दिती

![](https://cdn.door43.org/obs/jpg/360px/obs-en-33-02.jpg)

यीशुए तिना खे ये काअणी सुणाई, “एक जिमींदार बिऊ बाणे खे बारे निकल़ेया जेबे से आथो ते बिऊए खे बाया करो था तेबे कुछ बिऊ बाटा दे पड़े पर पंछिये आई की तिना सबी बीजा खे खाई ला”

![](https://cdn.door43.org/obs/jpg/360px/obs-en-33-03.jpg)

“दूजे बिऊ पात्थरा वाल़िया जमीना पांदे पड़े जेती बऊत कम माटी थी पात्थरा वाल़िया जमीना पांदे पड़े रे बीऊ बऊत छोड़ लुंगी गे, पर तिना रिया जड़ा जमिना बीचे डुगिया नि गईया जेबे सूरज निकल़ेया ओर गर्मी ऊई तेबे सेयो पौधे मुरजाई की मरी गे”

![](https://cdn.door43.org/obs/jpg/360px/obs-en-33-04.jpg)

तेबे दुजे बिऊ बाड़ो बीचे पड़े तिने बिऊए बदणा शुरू कितेया, पर काड़ेया से दबाईते ईजी खे काड़ेया वाल़िया जमीना पांदे पड़े रे बिऊआ खे जगा नी मिली ओर सेयो बी दबी की नाश ऊईगे”

![](https://cdn.door43.org/obs/jpg/360px/obs-en-33-05.jpg)

“दुजे बिऊ ठीक जमीना पांदे पड़े सेयो बीऊ बड़े ओर जितणे बीऊ बाए थे तिना बीचा ते 30,60, ओर येथो तक की ए 100 गुणा अन पैदा कितेया जो कोई बी परमेशरो रे पीछे चलणा चाओआ, से तेसा गला पांदे त्यान देओ जो आऊ बोलणे लगी रा”

![](https://cdn.door43.org/obs/jpg/360px/obs-en-33-06.jpg)

ऐसे काअणीए चेलेया खे उलझणा दे पाई ता ईजी खे यीशुए सेयो समझयाए की, “से बीऊ परमेशरो रा वचन ए से बाट एक एड़ा आदमी ए जो परमेशरो रे वचनो खे सुणोआ पर तेसखे समझदा नी ए तेबे शौतान तेसरे नेड़े ते वचनो खे चोरी की लई जाओआ मतलब शौतान तेसखे वचनो खे समजणे ते दूर राखोआ”

![](https://cdn.door43.org/obs/jpg/360px/obs-en-33-07.jpg)

से पात्थरा वाल़ी जमीन एड़ा आदमी ए जो परमेशरो रे वचनो खे सुणोआ ओर खुशिया साथे तेसखे मानी लओआ पर जेबे मुश्किल बखत आओआ, या जेबे ओर लोक तेसखे सताओए, तेबे से परमेशरो ते दूर चली जाओआ मतलब से परमेशरो पांदे परोसा करना बंद करी देओआ”

![](https://cdn.door43.org/obs/jpg/360px/obs-en-33-08.jpg)

“से काड़ेया वाल़ी जमीन एड़ा आदमीए जो परमशरो रे वचनो खे सुणोआ पर से बऊत सारी गला रे बारे दे फिकर करना शुरू करी देओआ, ओर से बऊत सारा तअन कमाणे री कोशिश करोआ, ओर से बऊत सारीया चीजा खे पाणे री कोशिश करोआ कुछ बखतो ते बाद, ऐबे से परमेशरो खे प्यार करने जोगा निए ईजी खे जो तिने परमेशरो रे वचनो ते सीखेया था से तेसखे परमेशरो खे खुश करने जोगा निए से कणका रे डंठलो जेड़ा ए जो कोई भी अन पैदा नी करदी”

![](https://cdn.door43.org/obs/jpg/360px/obs-en-33-09.jpg)

“पर अच्छी जमीन से आदमी ए जो परमेशरो रे वचनो खे सुणोआ, तेस पांदे परोसा करोआ, ओर फल पैदा करोआ”

*मती पाठ 13:1-8, 18-23; मरकुस 4:1-8, 13-20; लुका 8:4-15 तेएक बाइबला री कआणी*

## 34. यीशु दुजिया काअणिया री शिक्षा देओआ

https://openbiblestories.org/l/bfz-x-baghliani/story-34/

![](https://cdn.door43.org/obs/jpg/360px/obs-en-34-01.jpg)

यीशुए परमेशरो रे राज्य रे बारे दे ओरी बऊत जिया काअणिया सुणाईया उदारणो खे, तिने बोलेया, “परमेशरो रा राज्य एक आऊरिया रे बिऊए जेड़ा ए जेसखे किने आपणे डोरूआ दे बाई राखेया तुसे जाणोए की आऊरिया रा बिऊ सारे बिऊआ बीचा ते सबी ते छोटा ओआ”

![](https://cdn.door43.org/obs/jpg/360px/obs-en-34-02.jpg)

पर जेबे आऊरिया रा बिऊ बड़ी जाओआ तेबे से बगीचे रेया सारे ड़ाला बीचे सबी ते बड़ा ऊई जाओआ, इतणा बड़ा की पंछी आई की तेसरीया ड़ाल़िया पांदे अराम करोए”

![](https://cdn.door43.org/obs/jpg/360px/obs-en-34-03.jpg)

यीशुए एक ओर काअणी बताई, “परमेशरो रा राज्य खमीरो जेड़ा ए जेसखे लई की एक जवाणस आटे रे पेड़े दे मिलाई देओई तेबे से सारे पेड़े दे मिली जाओआ”

![](https://cdn.door43.org/obs/jpg/360px/obs-en-34-04.jpg)

“स्वर्गो रा राज्य तेस खजाने जेड़ा ए जेसखे किने डोरूआ दे लकोई राखेया ओ केसी ओर आदमीये खे से खजाना मिली गा ओर तिने तिजी री बऊत ईच्छा किती ईजी खे तिने से फेर दबाई ता से खुशिया ते इतना परेया रा था कि तिने जाई की आपणा सब कुछ बेची ता ताकि से तेस डोरुए खे खरीदी सको जेती से खजाना था”

![](https://cdn.door43.org/obs/jpg/360px/obs-en-34-05.jpg)

“स्वर्गो रा राज्य एक बऊत कीमती शुद्ध मोतीया जेड़ा बी ए जेबे कोई मोतिया रा बपारी तेसखे पाई लओआ तेबे से तेसखे खरीदणे रिया तंई आपणा सब कुछ बेची देओआ”

![](https://cdn.door43.org/obs/jpg/360px/obs-en-34-06.jpg)

तेती कुछ लोक थे जो सोचो थे कि परमेशर तिनाखे ईजी खे मानोआक्योंकि से पले काम करने लगी रे ये लोक ऐड़े लोका खे तुच्छ मानो थे जो तिना पले कामा खे नी करदे थे ईजी खे यीशुए तिना खे ये काअणी बताई: “दो आदमी थे ओर दोनों ई प्रार्थना करने खे मंदरो दे गए तिना बीचा ते एक रिश्वत लेणे वाला था, ओर दुजा एक तर्मी अगुवा था”

![](https://cdn.door43.org/obs/jpg/360px/obs-en-34-07.jpg)

“तिने तार्मिक माणूंए इयां प्रार्थना किती, ‘ओ परमेशर, तेरा धन्यवाद हो कि आऊं ओरी लोका जेड़ा जिया डाकू, न्याय ना करने वाला आदमी, व्यभिचारी, या एथो तक कि एती जो आये तेस रिश्वत लेणे वाले जेड़े एक पापी नि ए”

![](https://cdn.door43.org/obs/jpg/360px/obs-en-34-08.jpg)

उदारणा रिया तंई, आऊं हर अफ्ते दे दो बार बरत राखुँआ, ओर माखे मिलणे वाले तअन ओर समानो रा दसवाँ ईस्सा ताखे देऊँआ”

![](https://cdn.door43.org/obs/jpg/360px/obs-en-34-09.jpg)

“पर से रिश्वत लणे वाला तेस तर्मी अगुवे ते बऊत दूर खड़ा ऊई गा तिने ऊबे स्वर्गो रिया तरफा खे आखी बी नी चकीया एते रे बजाए, तिने आपणीया मुट्ठी साथे आपणी छातीया खे बाईया ओर प्रार्थना किती की, ‘ओ परमेशर, किरपा करी की मां पांदे दया कर कऊंकि आऊं एक पापी ए”

![](https://cdn.door43.org/obs/jpg/360px/obs-en-34-10.jpg)

फेर यीशुए बोलेया, “आऊं तुसा ते सच बोलुआ, परमेशरे से रिश्वत लणे वाल़े री प्रार्थना खे सुणेया ओर तेसखे तर्मी ठराया पर तिने तेस तार्मिक माणुंए री प्रार्थना खे पसंद नी कितेया परमेशर हर एक कमंडीये रे सिरो खे निठा करोआ, पर तेस हर जणे खे आदर देणा जो आपणे आपू खे नम्र करोआ”

*मत्ती पाठ 13:31-33, 44-46;मरकुस 4:30-32; लुका 13:18-21; 18:9-14 तेएक बाइबला री कआणी*

## 35. दया करने वाले बाओ री कआणी

https://openbiblestories.org/l/bfz-x-baghliani/story-35/

![](https://cdn.door43.org/obs/jpg/360px/obs-en-35-01.jpg)

एक दिन, यीशु तिना बऊत सारे लोका खे शिक्षा देया करो था जो तेसरी सुणने खे कट्ठे ऊईरे थे ये लोक रिश्वत लणे वाल़े ओर तिना साथे ओर लोक बी थे जिने मूसे रे नियमा रा पाल़न करने री कोशिश नि किती थी

![](https://cdn.door43.org/obs/jpg/360px/obs-en-35-02.jpg)

कुछ तार्मिक गुरूए देखेया कि यीशु इना लोका साथे एक दोस्ता जेड़िया गल्ला करेया करो था ईजी खे तिने एकी दुजे ते ये बोलणा शुरू करीता कि से गल़त करेया करो था यीशुए तिना खे गल्ला करदे ऊए सुणेया, ईंजी खे तिने तिना खे ये काअणी बताई

![](https://cdn.door43.org/obs/jpg/360px/obs-en-35-03.jpg)

“एक आदमी था जेसरे दो पाऊ थे छोटे पाऊए आपणे बाओ ते बोलेया, ‘ओ पिता, मांखे ऐबु मेरा ईस्सा चाईयो’ पर बाओए आपणे दुँई पाऊआ बीचे आपणी सम्पति बांडिती ”

![](https://cdn.door43.org/obs/jpg/360px/obs-en-35-04.jpg)

“छोड़-छोड़ ई छोटा पाऊ आपणा सब कुछ कट्ठा करी की दूर देशो खे चली गा ओर पापी जीवन जीऊणे रे आपणी सारी तअन दौलत बर्बाद करीती”

![](https://cdn.door43.org/obs/jpg/360px/obs-en-35-05.jpg)

“ईजी ते बाद, जेती छोटा पाऊ था तेस देशो दे एक बऊत बड़ा अकाल़ पड़ेआ, ओर तेसगे रोटी खरीदणे खे पैसे नी थे ईजी खे तेसखे जो काम मिलेया से सुंरा खे चराणे रा था से इतना दु:खी ओर पुखा था कि से सुंरा रा खाणा खाणा चाओ था”

![](https://cdn.door43.org/obs/jpg/360px/obs-en-35-06.jpg)

“अंतो दे, तिने छोटे पाऊए आपणे आपु ते बोलेया, ‘आंऊ क्या करने लगी रा? मेरे बाओ गे सबी सेवका खे खाणे खे बऊत कुछ ए, फेर बी आंऊ एती पुखा मरने लगी रा मा आपणे बाओ गे वापस जाणा ओर आपणे बाओ रा एक सेवक बणने खे तेसते प्रार्थना करनी”

![](https://cdn.door43.org/obs/jpg/360px/obs-en-35-07.jpg)

“ईजी बजअ ते तिने छोटे पाऊए वापस आपणे बाओ रे करो रिया तरफा खे जाणा शुरू कितेया बल्कि से एबु दूर ई था, तेसरे बाओए तेसखे देखेया ओर तेस पांदे तरस खाएया से दौड़ी की आपणे पाऊए रे नेड़े गया ओर तेसखे गले लगाई की चुमेया”

![](https://cdn.door43.org/obs/jpg/360px/obs-en-35-08.jpg)

“तिने पाऊए बोलेया, ‘ओ पिता, मैं परमेशरो रे खलाफ ओर तेरे खलाफ पाप करी राखेया आऊं तेरा पाऊ बोलणे जोगा बी नीये’”

![](https://cdn.door43.org/obs/jpg/360px/obs-en-35-09.jpg)

“पर बाओए आपणे एक सेवको ते बोलेया, ‘छोड़-छोड़ जाई की सबी ते बढ़िया कपड़े लई की आओ ओर मेरे पाऊए खे पनयाओ तेसरिया गुठीया दे अंगुठी ओर तेसरे पईंरो दे बुट पनयाओ फेर सबी ते बदिया बाछू बाडो ताकि आसे खाईए, ओर त्योआर मनाईए, कऊंकि मेरा पाऊ मरी गा था, पर ऐबे से जिऊदा ए से राचीगा था, पर ऐबे आसा खे से मिली गया’”

![](https://cdn.door43.org/obs/jpg/360px/obs-en-35-10.jpg)

“ईजी खे लोके त्योआर मनाणा शुरू कितेया थोड़िया जिया देरा ते बाद बड़ा पाऊ डोरुआ ते काम करी की कअरे आया तिने गाणे ओर नाचणे री आवाजा खे सुणेया ओर हैरान ऊई गा कि ये क्या ऊणे लगी रा था”

![](https://cdn.door43.org/obs/jpg/360px/obs-en-35-11.jpg)

“जेबे बड़े पाऊए खे पता लगेया कि सेओ ईजी खे त्योआर मनाणे लगी रे थे कऊंकि तेसरा पाई कअरे आईगा था, तेबे से बऊत गुस्से ऊआ ओर पितरे नि आया तेसरे बाओए बारे जाई की तेसते तिना साथे त्योआर मनाणे खे बोलेया, पर तिने ना करी ती”

![](https://cdn.door43.org/obs/jpg/360px/obs-en-35-12.jpg)

“तिने बड़े पाऊए आपणे बाओ ते बोलेया, इना सारे साला दे मैं तेरिया तंई मानदारिया ते काम कितेया कदी बी तेरी गल्ल नी टाल़ी, पर तैं कदी बी मांखे एक छोटी बाकरी बी नी दिती ताकि आंऊ आपणे दोस्ता साथे जश्न करी सकूँ पर तेरे ईने पाऊए तेरा तअन पापी काम करने रे बर्बाद करीता ओर जेबे से आया ए तेबे तेसरिया तंई त्योआर मनाणे खे तैं सबी ते बडिया बाछू बाडेया”

![](https://cdn.door43.org/obs/jpg/360px/obs-en-35-13.jpg)

“बाओए उतर दितेया, ‘ओ मेरे पाऊ, तू हमेशा मा साथे ए, ओर जो कुछ मेरा ए से सब तेरा ई ए पर आसा खे त्योआर मनाणा ठीक ए कऊंकि तेरा पाई मरी गा था, पर ऐबे से जिऊदा ए से राची गा था, पर ऐबे आसा खे से मिली गया दा’”

*लुका पाठ 15:11-32 तेएक बाइबला री कआणी*

## 36. तर्म बदल़णा

https://openbiblestories.org/l/bfz-x-baghliani/story-36/

![](https://cdn.door43.org/obs/jpg/360px/obs-en-36-01.jpg)

एक दिन, यीशुए आपणे तीनों चेलेया, पतरस, याकूब, ओर यूहन्ना आपू साथे लये (ये यूहन्ना नाओं रा चेला से आदमी नी ए जिने यीशुए खे बपतिस्मा दितेया था) सेयो प्रार्थना करने खे एक ऊचे पाह्ड़ो पांदे गए

![](https://cdn.door43.org/obs/jpg/360px/obs-en-36-02.jpg)

जेबे यीशु प्रार्थना करेया करो था तेबे तेसरा चेअरा सुरजो जेड़ा उज्जवल ऊई गा तेसरे कपड़े उजियाले जेड़े सफेद ऊई गे, जिंयाँ तरतीया पांदे कोई करी सको तेसते बी बढ़ी की सफेद

![](https://cdn.door43.org/obs/jpg/360px/obs-en-36-03.jpg)

तेबे मूसा ओर एलिय्याह भविष्यवक्ताप्रकट ऊए ये मर्द ऐते तरतिया पांदे एस बखतो ते सैकड़ो साल पईले रया करो थे तिने यीशुए ते तेसरी मौता रे बारे रे गल्ल किती, कऊंकि से छोड़ ई यरुशलेमो रे मरी जाणा

![](https://cdn.door43.org/obs/jpg/360px/obs-en-36-04.jpg)

जेबे मुसा ओर एलिय्याह यीशुए ते गल्ला करेया करो थे तेबे पतरसे यीशुए ते बोलेया, “आसा रा एती ऊणा ठीक ए आसा तीन मंडप बनाणे, एक तांखे, एक मूसे खे, ओर एक एलिय्याहो खे” पर पतरस नी जाणदा था कि से क्या बोलेया करोआ

![](https://cdn.door43.org/obs/jpg/360px/obs-en-36-05.jpg)

जेबे पतरस बात करेया करो था, तेबे एक चमकदार बादल़ थाले आई की तिना पांदे छाई गा फेर तिने बादल़ा बीचा ते एक आवाज आऊदी ऊई सुणी तिने बोलेया “ए मेरा पाऊए जेसते आऊ प्यार करूंआ आऊं तेसते खुश आ तेसरी सुणो” सेओ तिनो चेले डरीगे ओर जमीना पांदे लेटी गे

![](https://cdn.door43.org/obs/jpg/360px/obs-en-36-06.jpg)

तेबे यीशुए तिना खे छुएआ ओर बोलेया, “डरो नि उठी जाओ” जेबे तिने चारो तरफा खे देखेया, तेबे जो बी तेती था से सिर्फ यीशु था

![](https://cdn.door43.org/obs/jpg/360px/obs-en-36-07.jpg)

यीशु ओर सेयो तीनों चेले तेस पाह्ड़ो ते वापस थाले उतरी की आए तेबे यीशुए तिना ते बोलेया, “एबे जो एती ऊआ से केसी गे नि दशणा आऊं छोड़ ई मरी जाणा ओर फेर जीऊंदा ऊई जाणा तेसते बाद, तुसे लोका खे बताई सकोए”

*मत्ती पाठ 17:1-9; मरकुस 9:2-8; लुका 9:28-36 तेएक बाइबला री कआणी*

## 37. यीशु लाजरो खे मरे रेया बीचा ते जिऊंदा करोआ

https://openbiblestories.org/l/bfz-x-baghliani/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाओं रा एक आदमी था तेसरिया दो बईणी थिया तिना रे नाओं मरियम ओर मार्था थे सेयो सब यीशुए रे प्यारे दोस्त थे एक दिन, किने यीशुए खे बताया कि लाज़र बऊत बमार था जेबे यीशुए ये सुणेया तेबे तिने बोलेया, “ये बमारी लाज़रो रे मरने साथे खत्म नी ऊणी बल्कि, ये लोका खे परमेशरो रा आदर करने खे प्रेरित करने वाल़ी ए”

![](https://cdn.door43.org/obs/jpg/360px/obs-en-37-02.jpg)

यीशु आपणे दोस्ता ते प्यार करो था, पर जेती से था तेती तिने दुंईं दिना तक इंतजार कितेया तिना दुई दिना ते बाद, तिने आपणे चेलेया ते बोलेया, “आओ वापस यहूदिया खे चलिये” चेलेया उतर दितेया, “पर ओ गुरु, एबु कुछ बखत पईले तेथो रे लोक ताखे काणा चाओ थे” यीशुए बोलेया, “आसा रा दोस्त लाज़र सई गा, ओर मां से जगाणा ए”

![](https://cdn.door43.org/obs/jpg/360px/obs-en-37-03.jpg)

यीशुए रे चेलेया उतर दितेया, “ओ गुरु, जे लाज़र सया करोआ, तो से ठीक ऊई जाणा” तेबे यीशुए तिना ते स्पष्ट रूपो दे बोलेया, “लाज़र मरी गा आऊं खुश आ कि आऊं तेती नी था, ताकी सेयो मा पांदे परोसा करी सको”

![](https://cdn.door43.org/obs/jpg/360px/obs-en-37-04.jpg)

जेबे यीशु लाज़रो रे गाँव दे पऊंचेया तेबे लाज़रो खे मरे दे पईले ते ई चार दिन ऊई चुके थे मार्था यीशुए ते मिलणे बारे आई ओर बोलेया, “ओ प्रभु, जे तू एती ऊदा तेबे मेरा पाई नी मरना था पर आऊं विश्वास करूंई कि जो कुछ बी तू परमेशरो ते मांगेगा से ताखे देणा”

![](https://cdn.door43.org/obs/jpg/360px/obs-en-37-05.jpg)

यीशुए उतर दितेया, “पुनरुत्थान ओर जीवन आऊं ई ए जो कोई मा पांदे विश्वास करोआ अगर से मरी बी जाओ तेबे बी जीऊंणा जो कोई मा पांदे विश्वाश करोआ से कदी नी मरना क्या तू ऐते पांदे विश्वास करेई?” मार्थे बोलेया, “ओ प्रभु, आऊं विश्वास करूंई कि तू परमेशरो रा पाऊ मसीह ए”

![](https://cdn.door43.org/obs/jpg/360px/obs-en-37-06.jpg)

तेबे मरियम आई तेसे यीशुए रे पैरा दे पड़ी की बोलेया, “ओ प्रभु, जे तू येती ऊंदा तो मेरा पाई नी मरदा” यीशुए तेसाते पुछेया, “तुसे लाज़र केई राखी राखेया ए?” तिने तेसखे बताया, “कब्रा दे आओ ओर देखी लो” तेबे यीशु रोणे लगेया

![](https://cdn.door43.org/obs/jpg/360px/obs-en-37-07.jpg)

से कब्र एक गुफा थी जेतेरे द्वारो पांदे एक पात्थर लुढ़काई राखेया था जेबे यीशु कब्रा पांदे पंऊचेया तेबे तिने तिना ते बोलेया, “पात्थरो खे टाई दो” पर मार्थे बोलेया, “तेसखे मरे रे चार दिन ऊई चुके रे तेसते सड़यान आईगी ऊणी”

![](https://cdn.door43.org/obs/jpg/360px/obs-en-37-08.jpg)

यीशुए उतर दितेया, “क्या मैं तुसा ते नी बोलेया था कि अगर तुसे मा पांदे विश्वास करोगे तो परमेशरो री सामर्था खे देखोगे?” ईजी खे तिने पात्थर टाईता

![](https://cdn.door43.org/obs/jpg/360px/obs-en-37-09.jpg)

तेबे यीशुए ऊबे स्वर्गो रिया तरफा खे देखी की बोलेया, “ओ पिता, मेरी सुणने रिया तंई आऊं तेरा तन्यवाद करूंआ आऊं जाणुआ कि तू हमेशा मेरी सुणेया, पर मैं ये एती खड़े रे इना सबी लोका री मताद करने खे बोलेया ताकि ये विश्वास करो कि तैं आऊं पेजेया रा ए” तेबे यीशुए आक पाई, “ओ लाज़र, बारे निकली की आओ”

![](https://cdn.door43.org/obs/jpg/360px/obs-en-37-10.jpg)

तेबे लाज़र बारे निकल़ी गा से एबु बी कपड़े रे लिपटेया रा था यीशुए तिना खे बोलेया, “ऐस कपड़े खे निकाल़ने दे ऐसरी मताद करो ओर एस खे आजाद करो” एते चमत्कारो रिया बजअ ते बऊत सारे यहुदिये यीशुए पांदे विश्वास कितेया

![](https://cdn.door43.org/obs/jpg/360px/obs-en-37-11.jpg)

पर यहूदिया रे तार्मिक गुरू यीशुए ते जल़ने लगे, ईजी खे सेयो योजना बनाणे खे एक साथ कट्ठे ऊए कि किंयां यीशु ओर लाज़रो खे काईये

*युहन्ना पाठ 11:1-46 ते एक बाइबला री कआणी*

## 38. यीशुए खे पकड़वाया जाणा

https://openbiblestories.org/l/bfz-x-baghliani/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी लोक फसह रा तयार मनाओ थे ये ऐते बारे दे एक त्योहार था कि कई सौ साल पईले परमेशरे तिना रे बुजुर्गा खे मिस्त्रों रिया गुलामिया ते छुड़ाया था लगभग तीऊं साला ते बाद यीशुए सार्वजनिक रूपो दे प्रचार करना ओर शिक्षा देण शुरू कितेया यीशुए आपणे चेलेया खे बताया कि से तिना साथे यरूशलेमो रे फसह रे त्यारो खे मनाणा चाओआ, ओर ये बी कि से तेथी काया जाणा

![](https://cdn.door43.org/obs/jpg/360px/obs-en-38-02.jpg)

यीशुए रे चेलेया दे एक यहूदा नाओं रा आदमी था यहूदा तिना रे तअनों री थैली राखणे रा प्रभारी था, पर से बार-बार तेसा थैलिया बीचा ते पैसे निकाल़ी लओ था यीशु ओर चेलेया रे यरूशलेमो दे पऊंचणे ते बाद यहूदा गुरूआ रे नेड़े गया तिने तनोअ रे बदले यीशुए खे तिना रे आथे पकड़वाणे रा प्रस्ताव राखेया से जाणो था कि यहूदी अगुवे स्वीकार नी करो थे कि यीशु ई मसीह था से जाणो था कि सेयोतेसखे काणा चाओए

![](https://cdn.door43.org/obs/jpg/360px/obs-en-38-03.jpg)

बड़े पुरोईतो रे बोलणे पांदे यहूदी नेते यीशुए खे तिना रे आथो रे पकड़वाणे खे यहूदे खे तीई चाँदीये रे सिक्के दिते ये तियाँ ई ऊआ जियां कि भविष्यवक्ते बोलेया था कि ऊणा यहूदा मानी गा ओर तअन लई की चली गा से यीशुए खे पकड़वाणे खे तिना री मताद करने खे केसी मोके री तलाश करने लगेया

![](https://cdn.door43.org/obs/jpg/360px/obs-en-38-04.jpg)

यरूशलेमो दे, यीशुए आपणे चेलेया साथे फसह रा त्योहार मनाया फसह रे खाणे रे बखते, यीशुए रोटी लई कि तोड़ी तिने बोलेया, “ईजी खे लओ ओर खाओ ये मेरा शरीर ए जो आऊं तुसा खे देऊआ ईजी खे मेरीया यादा रे करना” ईयां, यीशुए बोलेया कि से तिना रिया तंई मरी जाणा, मतलब तिना रिया तंई तेस आपणे शरीरो खे बलि चढ़ाई देणा

![](https://cdn.door43.org/obs/jpg/360px/obs-en-38-05.jpg)

फेर यीशुए एक रसो रा कटोरा लया ओर बोलेया, “ईजी खे पी लो ये नवीं वाचा रा मेरा खून ए जो कि मा उंडेलणा ताकि परमेशर तुसारे पापों खे माफ करो हर बार ईजी खे पिंदे बखते मेरी यादा रे ईजी खे करो जो आऊं एबु करेया करुंआ”

![](https://cdn.door43.org/obs/jpg/360px/obs-en-38-06.jpg)

तेबे यीशुए आपणे चेलेया ते बोलेया, “तुसा बीचा ते एकी जणे आऊं पकड़वाणा” चेले हैरान ऊईगे, ओर पूछणे लगे कि कुण ऐड़ा काम करोगा यीशुए बोलेया, “मांखे पकड़वाणे वाला आदमी से ए जेसखे आऊं ये रोटीया रा टुकड़ा देया करूंआ” तेबे तिने से रोटी यहूदे खे दिती

![](https://cdn.door43.org/obs/jpg/360px/obs-en-38-07.jpg)

तेसा रोटिया खे लणे ते बाद, यहूदेदे शैतान समाई गा यहूदा निकल़ी की यीशुए खे पकड़वाणे खे यहूदी गुरूआ री मताद करने खे चली गा से रात का रा बखत था

![](https://cdn.door43.org/obs/jpg/360px/obs-en-38-08.jpg)

खाणे ते बाद, यीशु ओर तेसरे चेले जैतून पाह्ड़ो खे चली गे यीशुए बोलेया, “तुसासबी आज राती आऊं छाडी देणा ये लिखेया रा ए, ‘आऊं ग्वाल़ेया खे काऊंआ ओर सारिया पेडा तितर-बितर ऊई जाणिया”

![](https://cdn.door43.org/obs/jpg/360px/obs-en-38-09.jpg)

पतरसे बोलेया, “भले ई बाकी सारे ताखे छाडी दो, मा नी छाडणा” तेबे यीशुए पतरसो ते बोलेया, “शैतान तुसा सबी खे लई लेणा चाओआ, पर ओ पतरस, मैं तां खातर प्रार्थना करी राखी कि तू विश्वासो खे पुली नी जाए फेर बी, आज की रात, मुर्गे रि बांग देणे ते पईले तू तीन बार मुकरना कि तू माखे नि जाणदा”

![](https://cdn.door43.org/obs/jpg/360px/obs-en-38-10.jpg)

पतरसे तेबे यीशुए ते बोलेया, “भले ई आऊं मरी बी जाऊँ, मा कदी बी ताखे मना नी करना” बाकी सारे चेले बी ये ई बोलेणे लगे

![](https://cdn.door43.org/obs/jpg/360px/obs-en-38-11.jpg)

तेबे यीशु आपणे चेलेया साथे गतसमनी नाओं रिया जगा पांदे गया यीशुए आपणे चेलेया खे प्रार्थना करने खे बोलेया ताकि शैतान तिना री परिक्षा नी करो तेबे यीशु आपु प्रार्थना करने खे चली गा

![](https://cdn.door43.org/obs/jpg/360px/obs-en-38-12.jpg)

यीशुये तीन बार प्रार्थना किती, “ओ मेरे पिता, जे ऊई सकोआ तो किरपा करी कि ये दु:खो रा प्याला पीणे खे मांखे नी दे पर जे लोका रे पाप माफ करने खे कोई ओर बाट निये, तेबे तेरी इच्छा पूरी ओ” यीशु बऊत परेशान था ओर तेसरा पसीना खुनो रे टिपेया जेड़ा था तेसखे सामर्थ्य देणे खे परमेशरे एक स्वर्गदूत पेजेया

![](https://cdn.door43.org/obs/jpg/360px/obs-en-38-13.jpg)

हर बार प्रार्थना ते बाद, यीशु आपणे चेलेया रे नेड़े वापस आया, पर सेयो सई गे थे जेबे यीशु तिजी बार वापस आया तेबे तिने बोलेया, “जागी जाओ मेरा पकड़वाणे वाला येथी ए”

![](https://cdn.door43.org/obs/jpg/360px/obs-en-38-14.jpg)

यहूदी गुरू, सैनिका, ओर एक बड़ी पीड़ा साथे यहूदा तेती आया तिने तलवारा ओर डंडे लई राखे थे यहूदे यीशुए रे नेड़े आई की तेसते बोलेया, “ओ गुरु, नमस्कार,” ओर तेसखे चुमी ला तिने पकड़वाणे वाले आदमीए यहूदी गुरूआ पांदे प्रकट करने खे एड़ा कितेया था तेबे यीशुए बोलेया, “ओ यहूदा, क्या तू एक चुम्बनो ते मांखे पकड़वाया करेआ?”

![](https://cdn.door43.org/obs/jpg/360px/obs-en-38-15.jpg)

जेबे से सैनिक यीशुए खे पकड़ेया करो थे, तेबे पतरसे आपणी तलवार निकयाल़ी ओर बड़े पुरोईतो रे एक सेवको रा कान बाडीता यीशुए बोलेया, “तलवारी खे दूर कर आऊं आपणे पिते ते आपणे बचाव करने रिया तंई स्वर्गदूता री एक सेना खे प्रार्थना करी की बुलाई सकुंआ पर मांखे आपणे पिते री गल्ल मानणी ए” तेबे यीशुए तेस आदमीए रे कानो खे ठीक करी ता तेबे सारे चेले नठी गे

*मतीपाठ 26:14-56; मरकुस 14:10-50लुका 22:1-53; युहन्ना 12:6; 18:1-11 तेएक बाइबला री कआणी*

## 39. यीशुए पांदे मकदमा चलाओए

https://openbiblestories.org/l/bfz-x-baghliani/story-39/

![](https://cdn.door43.org/obs/jpg/360px/obs-en-39-01.jpg)

ऐबे ये आदिया राती रा बखत था सेयो सैनिक यीशुए खे बड़े पुरोइते रे कअरे लई आए, कऊंकि से यीशुए ते सवाल करना चाओ था पतरस दूरा ते तिना रा पीछा करेया करो था जेबे सैनिक यीशुए खे कअरे लईगे, तेबे पतरस बारे रूकी की आपु अग सेखणे लगेया

![](https://cdn.door43.org/obs/jpg/360px/obs-en-39-02.jpg)

कअरो रे पीतरे, यहूदी गुरू यीशुए पांदे मुकदमा चलाया सेयोतेसरे खलाफ चुठी गल्ला खे बोलणे खे बऊत जे चुठे गवाओ खे लई की आये पर तिना रिया गल्ला एक दुजे ते नि मिलो थिया, ईजी खे यहूदी गुरू ये साबित नी करी सके की से किजी गल्ला रा दोषी था यीशुए कुछ नी बोलेया

![](https://cdn.door43.org/obs/jpg/360px/obs-en-39-03.jpg)

अंतो दे, बड़े पुरोईते सीदे यीशुए रिया तरफा खे देखी की बोलेया, “आसा खे बता कि क्या तू ई जीवित परमेशरो रा पाऊ मसीह ए?”

![](https://cdn.door43.org/obs/jpg/360px/obs-en-39-04.jpg)

यीशुए बोलेया, “आऊ ए, ओर तुसा आऊं परमेशरो साथे बैठेया रा ओर स्वर्गो ते आऊदे ऊए बी देखणा” बड़े पुरोईते आपणे टाल्ले फाड़ी ते कऊंकि जो यीशुए बोलेया से तेसा गला पांदे बऊत गुस्से था से ओरी गुरूए पांदे चिंगेया, “आसा खे ये बताणे खे केसी ओरी गवारी जरूरत नी ए कि इने आदमीए क्या कितेया तुसे आपू ई तेसखे ये बोलदे ऊए सुणी ला रा कि से परमेशरो रा पाऊ ए तेसरे बारे दे तुसारा क्या फैसला ए?”

![](https://cdn.door43.org/obs/jpg/360px/obs-en-39-05.jpg)

सबी यहूदी गुरूए महायाजको खे उत्तर दितेया, “से काणे जोगा ए” तेबे तिने यीशुए रिया आँखी पांदे पट्टी बानी ती, तेस पांदे थुकेया, तेसखे बाई, ओर तेसरा मजाक उड़ाया

![](https://cdn.door43.org/obs/jpg/360px/obs-en-39-06.jpg)

ओर पतरस, जेबे से कअरो ते बारे ईंतजार करेया करो था तेबे एक दासीये तेसखे देखेया तेसे तेसखे बोलेया, “तू बी यीशुए साथे था “पतरसे ना करी ती बादो ते, केसी ओरी दासिये ऐसाई गला खे बोलेया, ओर पतरसे फेर ना करी ती बादो ते, कुछ लोके बोलेया, “आसे जाणुए कि तू यीशुए साथे था कऊंकि तुसे दोनों गलीलो ते ए”

![](https://cdn.door43.org/obs/jpg/360px/obs-en-39-07.jpg)

तेबे पतरसे बोलेया, “जे आऊ ऐस आदमीये खे जाणुंआतेबे परमेशर मांखे स्राप देओ” तेबु ई पतरसो रे ईयां कसम खाणे ते बाद, एकी मुर्गे बांग दिती यीशुए पीछे मुड़ी की पतरसो खे देखेया

![](https://cdn.door43.org/obs/jpg/360px/obs-en-39-08.jpg)

पतरस तेथा ते चली गा ओर जोरे-जोरे की रोया तेसी बखते, यीशुए खे पकड़वाणे वाले यहूदे देखेया कि यहूदी गुरूए यीशुए खे काणे री सजा दित्ती ए यहूदा बऊत दु:खी ऊई गा ओर जाई की आपणे आपु खे काईता

![](https://cdn.door43.org/obs/jpg/360px/obs-en-39-09.jpg)

ऐबे तेस देशो रा राज्यपाल पिलातुस था से रोमो रिया तँईं काम करेया करो था यहूदी गुरू यीशुए खे तेसरे नेड़े लई की आए सेयो चाओ थे कि पिलातुस तेसखे मौती री सजा देयो ओर तेसखे काई देओ तेबे पिलातुसे यीशुए ते पुछेया, “क्या तू यहूदिया रा राजा ए?”

![](https://cdn.door43.org/obs/jpg/360px/obs-en-39-10.jpg)

यीशुए उत्तर दितेया, “तैं सच ई बोलेया ए पर मेरा राज्य एते तरतीया रा निए जे ऊंदा तेबे मेरे दास मेरिया तंई लड़ाई करदे आऊं तरतिया पांदे परमेशरो रे बारे दे सच बताणे खे आई रा हर एक जणा जो सचो तेई प्यार करोआ से मेरी सुणोआ” पिलातुसे बोलेया, “तेबे सच क्या ए?”

![](https://cdn.door43.org/obs/jpg/360px/obs-en-39-11.jpg)

यीशुए साथे गल्ला करने ते बाद, पिलातुसे बारे पीड़ा नेड़े जाई की बोलेया, “मैं एड़ा कोई दोष नी पाया कि ये आदमी मारने जोगा ए” पर यहूदी गुरूए ओर पीड़े चिंगी की बोलेया, “तेसखे क्रूसो पांदे चढ़ाई दो” पिलातुसे ज्वाब दितेया, “से कुछ बी गलत करने रा दोषी निए” पर से ओर बी जोरे रे चिंगणे लगे तेबे पिलातुसे तिजी बार बोलेया, “से दोषी निए”

![](https://cdn.door43.org/obs/jpg/360px/obs-en-39-12.jpg)

पिलातुस डरीगा कि से पिड़ दंगे शुरू करी सकोई, ईजी खे से आपणे सैनिको रे जरिये यीशुए खे क्रूसो पांदे चढ़ाणे खे मानी गा रोमी सैनिके यीशुए खे कोड़े लगाए, ओर तेसखे शाही कपड़े पईनाए, ओर तेसरे सिरो पांदे काड़ेया ते बनाया रा मुकुट राखेया तेबे से ये बोली की तेसरा मजाक डवाणे लगे, “देखो यहूदिया रा राजा”

*मत्ती पाठ 26:57-27:26; मरकुस 14:53-15:15; लुका 22:54-23:25; युहन्ना 18:12-19:16 तेएक बाइबला री कआणी*

## 40. यीशुए खे क्रूसो पांदे चढ़ाया जाणा

https://openbiblestories.org/l/bfz-x-baghliani/story-40/

![](https://cdn.door43.org/obs/jpg/360px/obs-en-40-01.jpg)

यीशुए रा मजाक डवाणे ते बाद, सैनिक तेसखे क्रूसो पांदे चढ़ाने खे लई गे तिने तेस क्रूसो खे तेसते चकाया जेते पांदे से लटकाणा था

![](https://cdn.door43.org/obs/jpg/360px/obs-en-40-02.jpg)

से सैनिक यीशुए खे तेसा जगा पांदे लई की आए जेते खे “खोपड़ी” बोलो थे ओर तेसरे आथो ओर पईरा दे क्रूसो पांदे किले की ठोकीता पर यीशुए बोलेया,, “ओ पिता, इना खे माफ कर, कंऊकि ए नी जाणदे की ए क्या करने लगी रे” तिने एक तख्ती बी तेसरे सिरो पांदे टांगी ती तिजी पांदे लिखेया था, “यहूदिया रा राजा” पिलातुसे तिना खे एई लिखणे खे बोलेया था

![](https://cdn.door43.org/obs/jpg/360px/obs-en-40-03.jpg)

तेबे सैनिके यीशुए रे टाल्लेया खे चिट्ठिया पाईया जेबे तिने ऐड़ा कितेया तेबे तिने से भविष्यवाणी पूरी किती जो बोलो थी, “तिने मेरे टाल्ले आपू बीचे बांडी ले, ओर मेरे टाल्लेया खे चिट्ठिया पाईया”

![](https://cdn.door43.org/obs/jpg/360px/obs-en-40-04.jpg)

तेती दो डाकू बी थे, जिनाखे सैनिके तेसी बखतो पांदे क्रुसो पांदे चढ़ाया था तिने सेयो यीशुए रे दुंईं तरफा खे राखे थे तिना बीचा ते एकी डाकूए यीशुए रा मजाक उड़ाया था, पर दूजे बोलेया,, “क्या तू नी डरदा की परमेशर ताखे सजा देओआ? आसे बऊत जे बुरे काम करने रे दोषी ए, पर ए माणूं बेकसूर ए” फेर तिने यीशुए खे बोलेया,, “जेबे तू आपणे राज्य दे आए तेबे किरपा माखे याद राखेया” “यीशुए जवाब दित्तेया, “आज ई तू मां साथे स्वर्गलोको दे ऊणा”

![](https://cdn.door43.org/obs/jpg/360px/obs-en-40-05.jpg)

यहूदी अगुए ओर पीड़ा रे ओरी लोके यीशुए रा मजाक उड़ाया तिने तेसखे बोलेया,, “जे तू परमेशरो रा पाऊए, तेबे क्रूसो ते थाले उतरी की आओ ओर आपू खे बचाई लो तेबे आसा तां पांदे विश्वास करना”

![](https://cdn.door43.org/obs/jpg/360px/obs-en-40-06.jpg)

तेबे तेस पूरे देशो रा सर्ग पूरी तरा ते काला हुई गा, पले ई से आदे दिनो रा बखत था ए दिनो रे बखते काला ऊआ था ओर तीन कंटे तक ऐड़ा ई रया था

![](https://cdn.door43.org/obs/jpg/360px/obs-en-40-07.jpg)

तेबे यीशुए आक पाई की बोलेया,, “पूरा ऊआ ओ पिता, आऊं आपणी आत्मा तेरे आथो दे देऊंआ” तेबे तिने आपणा सिर चुकाया ओर आपणे प्राण त्यागीते जेबे से मरेया तेबे एक ईल्लण आया से बड़ा पर्दा जो परमेशरो रे ऊणे ते लोका खे लग करो था ऊबा ते ऊंदो तक फटी की दो ईस्से हुई गे

![](https://cdn.door43.org/obs/jpg/360px/obs-en-40-08.jpg)

आपणिया मौता रे जरिए, यीशुए तिना लोका रिया तंई परमेशरो रे नेड़े आऊणे री बाट खोली दिती जेबे यीशुए री निगरानी करने वाल़े एक सैनिके जो कुछ ऊआ था ए सब देखेया तेबे तिने बोलेया,, “पक्का ई,से माणुं बेकसूर था ए परमेशरो रा पाऊए”

![](https://cdn.door43.org/obs/jpg/360px/obs-en-40-09.jpg)

तेबे यूसुफ ओर नीकुदेमुस नाओं रे दो यहूदी अगुए आए से विश्वास करो थे की यीशु ई मसीह था तिने पिलातुसो ते यीशुए रा शरीर मांगेया तिने तेसरा शरीर चादरी दे लपेटया तेबे से तेसखे एक चट्टानीदे बणाई दी कब्रा दे लई गे ओर तिजी रे पीतरे राखी ता तेबे तिने तेसा कब्रा रे दुराजे खे बंद करने रिया तंई एक बड़ा पाथर लुढ़काई ता

*मत्ती पाठ 27:27-61; मरकुस 15:16-47; लुका 23:26-56; युहन्ना 19:17-42 ते एक बाइबला री कआणी*

## 41. परमेशर यीशुए खे मरे रेया बीचा ते जिऊदा करोआ

https://openbiblestories.org/l/bfz-x-baghliani/story-41/

![](https://cdn.door43.org/obs/jpg/360px/obs-en-41-01.jpg)

सैनिका रे जरिए यीशुए खे क्रूसो पांदे चढ़ाणे ते बाद, यहूदी गुरूए पिलातुसो खे बोलेया, “तिने चूठे, यीशुए बोलेया था की से तीऊँ दिना बाद मरेया रे बीचा ते जीऊदा ऊई जाणा केसी खे ए पक्का करने रिया तंई कब्रा रापईरा देणा पड़ना की तेसरे चेले तेसरे शरीरो खे चोरी की नी लई जाओ जे से ऐड़ा करोए तेबे तिना बोलणा की से मरे रेया बीचा ते जीऊदा ऊईगा रा”

![](https://cdn.door43.org/obs/jpg/360px/obs-en-41-02.jpg)

पिलातुसे बोलेया, “थोड़े जे सैनिका खे लई जाओ, ओर जिंया तुसे करी सको तिंया कब्रा री देखपाल़ करो” इजी खे तिने तेसा कब्रा रे मुरे पाँदे बड़ा पात्थरलगाई ता तिने ए पक्का करने रिया तंई तेती सैनिक बी बठयाल़िते की कोई बी तेसरी लाशा खे चुराई नी सको

![](https://cdn.door43.org/obs/jpg/360px/obs-en-41-03.jpg)

यीशुए रे मरने ते बादलादिन सब्तो रा दिन था कोई बी सब्तो रे दिने काम नी करी सको था, इजी खे यीशुए रा कोई बी चेला कब्रा पाँदे नी आया था पर सब्तो रे बादले दिने, प्यागा बऊत तड़के, कुछ जवाणसा यीशुए री कब्रा पांदे जाणे खे त्यार ऊईया से तेसरी लाशा पांदे ओर बी मसाला लगाणा चाओ थिया

![](https://cdn.door43.org/obs/jpg/360px/obs-en-41-04.jpg)

तिना जवाणसा रे पऊँचणे ते पईले, कब्रा पांदे एक बऊत बड़ा भूकम्प ऊआ स्वर्गो ते एक स्वर्गदूते आई की से बड़ा पाथर लुढ़काईताजिने कब्रा दे जाणे रे मुरे खे टखी राखेया था ओर तिजी पांदे बईठी गा ए स्वर्गदूत प्रयासे जेड़ा चमकेया करो था कब्रा पांदे जो सैनिक थे तिने से देखेया सेयो इतना डरी गे थे की मरे रेया जेड़े जमींना पांदे रुड़ी गे

![](https://cdn.door43.org/obs/jpg/360px/obs-en-41-05.jpg)

जेबे से जवाणसा कब्रा पांदे पऊँचीया तेबे तिने स्वर्गदूते तिना खे बोलेया, “डरो नी यीशु ऐती निए से मरे रेया बीचा ते जीऊंदाउईगा रा, जेड़ा की तिने बोलेया था की से जीऊदाऊईजाणा कब्रा दे टोल़ो ओर देखो” तिने जवाणसे कब्रा रे पीतरे ओर जेती यीशुए री लाश राखी राखी थी तेती टोल़ेया ओर देखेया की तेसरी लाश तेती निए

![](https://cdn.door43.org/obs/jpg/360px/obs-en-41-06.jpg)

तेबे तिने स्वर्गदूते तेसा जवाणसा खे बोलेया, “जाई की तेसरे चेलया खे बताओ, ‘ यीशु मरे रेया बीचा ते जीऊदा ऊईगा रा ओर से तुसा रे आगे–आगे गलीलो खे जाणा”

![](https://cdn.door43.org/obs/jpg/360px/obs-en-41-07.jpg)

से जवाणसा हैरान ऊईया ओर बऊत खुश ऊईया से चेलेया खे ए शुब संदेश सुनाणे खे दऊड़िया

![](https://cdn.door43.org/obs/jpg/360px/obs-en-41-08.jpg)

जेबे से जवाणसा चेलेया खे ए शुब संदेश बताणे रिया तंई आपणीया बाटा पांदे थिया, तेबे यीशु तिना पांदे प्रकट ऊआ सेयो तेसरे पईरा पांदे पड़िगीया तेबे यीशुए बोलेया, “डरो नी जाई की मेरेया चेलेया खे गलील जाणे खे बोलो से तेती माखे देखोगे”

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 ते एक बाइबला री कआणी*

## 42. यीशु स्वर्गो खे चली जाणा

https://openbiblestories.org/l/bfz-x-baghliani/story-42/

![](https://cdn.door43.org/obs/jpg/360px/obs-en-42-01.jpg)

जेस दिने परमेशरे यीशुए खे मरे रेया बीचा ते जिऊंदा कितेया था, तेसरे दो चेले नेड़े रे गाँव दे जाणे लगी रे थे। चलदे ऊए से यीशुए साथे जो ऊआ था। तेसरे बारे दे गल्ला करेया करो थे, तिना खे आशा थी की से मसीह था, पर तेबे बी से मारेया गया था। ऐबे से जवाणसा बोलोईया की से फेर जिऊँदा हुई गा रा। से नी जाणो थे की केसा गल्ला पांदे विश्वास करना ए।

![](https://cdn.door43.org/obs/jpg/360px/obs-en-42-02.jpg)

यीशुए तिना रे नेड़े आई की तिना साथे चलणा शुरु कितेया, पर से तेसखे पछयाणी नी सके। तिने पुछेया की से केते बारे दे गल्ला करने लगी रे। तिने तेसखे पिछले दिना दे यीशुए साथे ऊई री सारी कटना रे बारे दे बताया। तिने सोचेया की से केसी परदेशिया रे बारे दे गल्ला करने लगी रे थे जो नी जाणो था की यरुशलेमो दे क्या ऊआ था।

![](https://cdn.door43.org/obs/jpg/360px/obs-en-42-03.jpg)

तेबे यीशुए तिना खे समजाया की परमेशरो रा वचन मसीह रे बारे दे क्या बोलोआ। बऊत पईले, भविष्यवक्ते बोलेया था की बुरेया लोका मसीहे खे दु:ख देणा ओर से काणा। पर भविष्यवक्ते ए बी बोलेया था की से तीजे दिने जीऊंदा ऊई जाणा।

![](https://cdn.door43.org/obs/jpg/360px/obs-en-42-04.jpg)

जेबे से तेस शईरो दे पऊंचे जेती से दो जणे रुकणा चाओ थे, तदुए तक सांज हुई गी थी। तिने यीशुए खे तिना साथे रुकणे खे बोलेया, तेबे से तिना साथे एकी कअरो दे गया। आपणी सांजा की रोटी खाने खे से बईठी गे। यीशुए एक रोटी लई की तिजी खे परमेशरो रा तन्यावाद कितेया, ओर फेर से तोड़ी। तेबु ई, तिने जाणी ला की से यीशु था। पर तेसी बखते, से तिना रिया आखी ते राची गा।

![](https://cdn.door43.org/obs/jpg/360px/obs-en-42-05.jpg)

तिने दुईं जणे एकी दुजे खे बोलेया, “से यीशु था। इजी खे जेबे तिने आसा खे परमेशरो रा वचन समजाया था तेबे आसे बऊत खुश थे। तेबुई, से निकल़ी की वापस यरुशलेमो खे गए। जेबे से पऊँचे तेबे तिने चेलेया खे बोलेया, “यीशु जिऊंदा ए। आसे से देखी राखेया।”

![](https://cdn.door43.org/obs/jpg/360px/obs-en-42-06.jpg)

जेबे चेले गल्लाणे लगी रे थे, यीशु तेबुई तेस कमरे दे तिना साथे प्रकट ऊआ। तिने बोलेया, “तुसा खे शान्ति मिलो।” चेलेया सोचेया की से कोई पूत था, पर यीशुए बोलेया, “तुसे कऊं डरोए? तुसे ए कंऊ नी सोचदे की ए सच्चो दे आंऊ यीशु ए? मेरे आथो ओर पईरा खे देखो। पूतो गे एड़ा शरीर नी ऊंदा जेड़ा मांगे ए।” ए दखाणे खे की से पूत नी था, तिने खाणे खे कुछ मांगेया। तिने तेसखे मछलिया रा एक टुकड़ा दितेया, ओर तिने से खाई ला।

![](https://cdn.door43.org/obs/jpg/360px/obs-en-42-07.jpg)

यीशुए बोलेया, “मेरे बारे दे परमेशरो रा वचन जो कुछ बी बोलोआ से पूरा ऊणा। मैं तुसा खे बताईता था की ऐते रा ऊणा जरुरी ए।” तेबे यीशुए तिना खे परमेशरो रा वचन ठीक टंगो ते समजाया। तिने बोलेया, “बऊत पईले भविष्यवक्ते लिखेया था की माखे, मसीहे खे दुख उठाणा पड़ना, मरना पड़ना ओर फेर तीजे दिने मरेया रे बीचा ते जीऊदा उणा पड़ना।”

![](https://cdn.door43.org/obs/jpg/360px/obs-en-42-08.jpg)

“तिने भविष्यवक्ते ए बी लिखेया था की मेरे चेलेया परमेशरो रे वचनो री घोषणा करनी। तिना हर एकी खे पश्चाताप करने खे बताणा। जे से ऐड़ा करोगे तेबे परमेशरो तिना रे पाप माफ करने। मेरे चेलेया ऐस संदेशो रा प्रचार करना यरुशलेमो ते शुरु करना। तेबे से सबी जगा सबी जातिया बीचे जाणा। तुसे लोक मेरी हर एक गल्ल ओर कामो रे गवाए जो मैं बोलेया ओर कितेया था, ओर तिजी सबी रे बी जो मां साथे ऊआ।”

![](https://cdn.door43.org/obs/jpg/360px/obs-en-42-09.jpg)

आगले चाल़िया दिना रे दौरान, यीशु आपणे चेलेया पांदे कई बार प्रकट ऊआ। एक बार तो से एकी बखतो पांदे 500 ते जादा लोका पांदे प्रकट ऊआ। तिने आपणे चेलेया पांदे कई तरीकेया साथे साबित कितेया की से जिऊंदा था, ओर तिने तिनाखे परमेशरो रे राज्य रे बारे दे शिक्षा दिती।

![](https://cdn.door43.org/obs/jpg/360px/obs-en-42-10.jpg)

यीशुए आपणे चेलेया खे बोलेया, “ परमेशरे माखे स्वर्ग ओर तरतीया रे अर एक जणे पांदे राज करने रा अक्क देई राखेया। इजी खे ऐबे आऊं तुसा खे बोलुंआ: जाई की सबी जातिया रे लोका खे चेला बणाओ। ऐड़ा करने रिया तंई, तुसा तिना खे पिता, पुत्र, ओर पवित्र आत्मा रे नाओं ते बपतिस्मा देणा ए। जो कुछ बी मैं तुसा खे आज्ञा देई राखी तिना सबी गल्ला खे मानणा बी तुसा तिना खे सिखाणा ए। याद राखो, आऊं सदा खे तुसा साथे रऊंगा।”

![](https://cdn.door43.org/obs/jpg/360px/obs-en-42-11.jpg)

यीशुए रे मरे ऊए बीचा ते जीऊंदा ऊणे रे चाल़िया दिना ते बाद, तिने आपणे चेलेया खे बोलेया, “जदुए तक मेरा पिता तुसाखे सामर्थ नी देंदा तदुए तक यरुशलेमो दे ठईरे दे रओ। तेस तुसा पांदे पवित्र आत्मा पेजणे रे जरिए ऐड़ा करना।” तेबे यीशु स्वर्गो दे चली गा, ओर एकी बादल़े से तिना रिया नजरा ते लकोई ला। स्वर्गो दे यीशु सबी चीजा पांदे राज करने ओर परमेशरो रे दाणे कनारे बईठी गा।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 ते एक बाइबला री कआणी*

## 43. कलीसिया री शुरुआत

https://openbiblestories.org/l/bfz-x-baghliani/story-43/

![](https://cdn.door43.org/obs/jpg/360px/obs-en-43-01.jpg)

यीशुए रे स्वर्गो दे वापस चली जाणे ते बाद, चेले यरुशलेमो दे ई रुके जेड़ा की यीशुए तिना खे करने रा ऊकम दितेया था तेथो रे विश्वासी लोक लगातार एकी साथे प्रार्थना करने खे कट्ठे ओया करो थे

![](https://cdn.door43.org/obs/jpg/360px/obs-en-43-02.jpg)

हर साल, फसह रे त्यारो रे 50 दिना ते बाद, यहूदी लोक पिन्तेकुस्त नाओं रे एक खास दिनो खे मनाया करो थे पिन्तेकुस्तो रा बखत था जेबे यहूदी लोक कणका री बड़ाईया खे मनाया करो थे सारे संसारो ते यहूदी लोक पिन्तेकुस्तो रे दिनो खे एकी साथे मनाणे रिया तंई यरुशलेमो दे आए थेएस साल, पिन्तेकुस्त मनाणे रा बखत यीशुए रे स्वर्गो खे चले जाणे रे लगभग एक अफ्ते ते बाद आया था

![](https://cdn.door43.org/obs/jpg/360px/obs-en-43-03.jpg)

जेस बखते सारे विश्वासी लोक एक साथे कट्ठे थे, तेबे जेस कअरो दे से थे तेबुई से मुख्ती अव्वा रियाछेड़ा साथे परीगा तेबे आगी री लपटा रे जेड़ा दिखणे वाला कुछ सब विश्वासिया रे सिरा पांदे प्रकट ऊआ से सब पवित्र आत्मा साथे परी गे ओर तिने ओरी पाषा दे परमेशरो री स्तुति किती ए से पाषा थी जिनाखे बोलणे रिया तंई तिना खे से पवित्र आत्मे बोलणे जोगे थे

![](https://cdn.door43.org/obs/jpg/360px/obs-en-43-04.jpg)

जेबे यरुशलेमो दे रणे वाल़े लोके से आल्ला सुणेया, तेबे से पीड़ा रे रुपो दे देखणे रिया तंई कट्ठे आए की क्या ऊणे लगी रा था तिने विश्वासिया खे परमेशरो रे जरिए किते रे बड़े-बड़े कामो री घोषणा करदे ऊए सुणे से हैरान थे कऊंकि से तिना कामा खे आपणी पाषा दे सुणेया करो थे

![](https://cdn.door43.org/obs/jpg/360px/obs-en-43-05.jpg)

इना बीचा ते कुछ लोके बोलेया की से चेले नशे दे थे पर पतरस खड़ा ऊआ ओर तिना खे बोलेया, “मेरी गल्ल सुणो ए लोक नशे दे निए इजी री बजाए, जो तुसे देखोए ये सेई ए जो योएल भविष्यवक्ते बोलेया था की एड़ाऊणा परमेशरे बोलेया, ‘अंतो रे दिनो दे, मां आपणा आत्मा पेजणा

![](https://cdn.door43.org/obs/jpg/360px/obs-en-43-06.jpg)

“ओ इस्राएली मर्दो, यीशु एक ऐड़ा आदमी था जिने ए दखाणे रिया तंई कि से कुण था बऊत जे नऊखे काम किते तिने परमेशरो रिया सामर्था ते बऊत जे नऊखे काम किते थे तुसे ए जाणोए, कऊंकि तुसे ए काम देखी राखे पर तुसे से क्रूसो पांदे चढ़ाईता”

![](https://cdn.door43.org/obs/jpg/360px/obs-en-43-07.jpg)

“यीशु मरीगा पर परमेशरे से मरेया रे बीचा ते जिऊंदा करीता ईंयां से गल्ल पुरी ऊई जो एक भविष्यवक्ते लिखेया था: ‘तू आपणे पवित्र जणो खे कब्रा दे सड़ने नी देंदा’ आसे गवाए की परमेशरे यीशु फेर जिऊंदा करी ता”

![](https://cdn.door43.org/obs/jpg/360px/obs-en-43-08.jpg)

“परमेशर पिते ऐबे यीशुए खे आपणे दाणे कनारे बठयाल़ीकी तेसखे आदर दितेया ओर यीशुए आसा खे पवित्र आत्मा पेजी राखेया जेड़ा की तिने प्रतिज्ञा किती थी की तेस पेजणा पवित्र आत्मा ई तिना कामा खे ऊणे देया करोआ जिना खे तुसे देखेया करोए ओर सुणेया करोए”

![](https://cdn.door43.org/obs/jpg/360px/obs-en-43-09.jpg)

“तुसे से आदमी, यीशु क्रूसो पांदे चढ़ाईता पर पक्का जाणी लओ की परमेशरे यीशुए खे सब चीजा पांदे प्रभु ओर मसीह दोनो ठराई राखे”

![](https://cdn.door43.org/obs/jpg/360px/obs-en-43-10.jpg)

पतरसो खे सुणने वाले लोक तेसरे जरिए बोली री गल्ला ते पीतरो तक ईली गे थे इजी खे तिने पतरस ओर चेलेया खे पूछेया, “ओ पाईयो, आसा खे क्या करना चाईयो?”

![](https://cdn.door43.org/obs/jpg/360px/obs-en-43-11.jpg)

पतरसे तिना खे ज्वाब दितेया, “ तुसा बीचा ते हर कोई आपणे पापो रिया तंई पश्चाताप करो ताकि परमेशर तुसा रे पापो खे माफ करो, ओर यीशु मसीह रे नाओं ते बपतिस्मा लओ तेबे से तुसा खे वरदानो रे रुपो दे पवित्र आत्मा बी देओआ”

![](https://cdn.door43.org/obs/jpg/360px/obs-en-43-12.jpg)

पतरसे जो बोलेया तिजी पांदे लगभग 3,000 लोके विश्वास कितेया ओर यीशुए रे चेले बणी गे तिने बपतिस्मा लया ओर यरुशलेमो री कलीसिया रा ईस्सा बणी गे

![](https://cdn.door43.org/obs/jpg/360px/obs-en-43-13.jpg)

जेबे प्रेरिते तिना खे शिक्षा दिती तेबे विश्वासिए लगातार सुणेया से रोज मिलेया करो थे ओर कट्ठे रोटी खाया करो थे, ओर तिने रोज एकी-दुजे खे प्रार्थना किती तिने मिली की परमेशरो री स्तुति किती ओर जो कुछ बी तिना गे था तिने एकी दुजे साथे बांडेया शईरो रा हर एक आदमी तिना रिया तंई ठीक सोच राखो था रोज, जादा ते जादा लोक विश्वासी बणदे गए

*प्रेरितो रे काम 2 ते एक बाइबला री कआणी*

## 44. पतरस ओर यहून्ना एक भिखारिए खे ठीक करोए

https://openbiblestories.org/l/bfz-x-baghliani/story-44/

![](https://cdn.door43.org/obs/jpg/360px/obs-en-44-01.jpg)

एक दिन, पतरस ओर यहून्ना मंदरो दे गए एक अपंग आदमी पीख मांगणे रिया तंई फाटको पांदे बईठेया रा था

![](https://cdn.door43.org/obs/jpg/360px/obs-en-44-02.jpg)

पतरसे तेस लंगड़े आदमिए री तरफा खे देखेया ओर बोलेया, “मांगे ताखे देणे खे पईसा तो निए पर जो मांगे ए से आऊं ताखे देऊंआ यीशुए रे नाओं ते उठ ओर चल-फिर”

![](https://cdn.door43.org/obs/jpg/360px/obs-en-44-03.jpg)

तेबु ई, परमेशरे से लंगड़ा आदमी ठीक करीता तिने ओरे-पोरे चलणा पुड़कणा, ओर परमेशरो री स्तुति करना शुरु करीता मंदरो रे आँगणो दे खड़े रे लोक हैरान थे

![](https://cdn.door43.org/obs/jpg/360px/obs-en-44-04.jpg)

तेबु ई लोका री एक पीड़ तेस आदमिए खे देखणे रिया तंई आई जो ठीक हुई गा था पतरसे तेसखे बोलेया, “ए आदमी ठीक ए, पर ऐसा गल्ला पांदे हैरान नी ऊणा आसे ए आपणी शक्तिया साथे ठीक नी करी राखेया, या इजी खे नी की आसे परमेशरो रा आदर करूंए पर, से यीशुए जिने ऐस आदमिए खे आपणिया शक्तिया साथे ठीक करी राखेया, कऊंकि आसे यीशुए पांदे परोसा करुंए”

![](https://cdn.door43.org/obs/jpg/360px/obs-en-44-05.jpg)

“तुसे सेईए जिने तेस रोमी राज्यपालो खे यीशुए खे काणे खे बोलेया था तुसे से काया जो सबी खे जीवन देओआ पर परमेशरे से मरेया रे बीचा ते जिऊंदा कितेया तुसे नी समजेया की तुसे क्या करने लगी रे थे, पर जेबे तुसे तेस कामो खे करने लगी रे थे, तेबे जो भविष्यवक्ते बोलेया था से पूरा ऊआ तिने बोलेया था की मसीहे दुख उठाणा ओर मरी जाणा परमेशरे से तेस तरीके साथे ऊणे दितेया इजी खे ऐबे पश्चाताप करो ओर परमेशरो री तरफा खे फिरो, ताकि से तुसा रे पापो खे तोई की साफ करी देओ”

![](https://cdn.door43.org/obs/jpg/360px/obs-en-44-06.jpg)

जेबे मंदरो रे गुरूए पतरस ओर यहून्ने खे सुणेया, तेबे से बऊत कबराई गे इजी खे तिने से गिरफ्तार करी की जेला रे पाई ते पर जो पतरसे बोलेया था तिजी पांदे बऊत लोके विश्वास कितेया यीशुए पांदे विश्वास करने वाल़ेया री गिणती बढ़ी की कम से कम 5,000 ऊई गी

![](https://cdn.door43.org/obs/jpg/360px/obs-en-44-07.jpg)

आगले दिने, से यहूदी अगुए पतरस ओर यहून्ने खे बड़े पुरोईतो ओर ओरी तार्मिक गुरूए रे सामणे लई की आए से तेस आदमिए खे बी लई की आए जो अपंग था तिने पतरस ओर यहून्ने ते पूछया, “केस अदिकारो ते तुसे से अपंग आदमी ठीक कितेया?”

![](https://cdn.door43.org/obs/jpg/360px/obs-en-44-08.jpg)

पतरसे जवाब दितेया, “ए आदमी जो तुसा रे सामणे खड़ी रा तेसखे यीशु मसीह री सामर्था रे जरिए ठीक कितेया रा ए तुसे यीशु क्रूसो पांदे चढ़ाया पर परमेशरे से फेर जिऊंदा करीता तुसे से मानेया नि, पर यीशुए री सामर्थो रे जरिये उद्धार पाणे रा कोई दूजा रास्ता नी था”

![](https://cdn.door43.org/obs/jpg/360px/obs-en-44-09.jpg)

से अगुए हैरान थे की पतरस ओर यहून्ने बऊत ईमती साथे गल्ला कितियाथिया तिने देखेया की ए सीदे मर्द ए जो की अनपढ़ थे पर फेर तिना खे याद आया की ए मर्द यीशुए साथे रए थे इजी खे तिने तिना खे बोलेया, “आसे ताखे बऊत जादा सजा देऊंगे जे तुसे ऐस आदमी यीशुए रे बारे दे लोका खे कोई ओर संदेश दित्तेया” एड़ी बऊत जी गल्ला बोलणे ते बाद, तिने पतरस ओर यहून्ना जाणे दिते

*प्रेरितोरेकाम 3:1-4:22 ते एक बाइबला री कआणी*

## 45. स्तिफनुस ओर फिलिप्पुस

https://openbiblestories.org/l/bfz-x-baghliani/story-45/

![](https://cdn.door43.org/obs/jpg/360px/obs-en-45-01.jpg)

पीईले मसीही गुरूए रे बीचे स्तिफनुस नाओं रा एक मर्द था सब लोक तेसरा आदर करो थे पवित्र आत्मे तेसखे बऊत सामर्थ ओर बुद्धि देई राखी थी स्तिफनुसे बऊत चमत्कार किते थे जेबे तिने यीशुए पांदे परोसा करने रे बारे दे तिना खे शिक्षा दिती तेबे बऊत जे लोके तेस पांदे विश्वास कितेया

![](https://cdn.door43.org/obs/jpg/360px/obs-en-45-02.jpg)

एक दिन, स्तिफनुस यीशुए रे बारे दे शिक्षा देया करो था, ओर कुछ ऐड़े यहूदी आए जिने यीशुए पांदे विश्वास नी कितेया था ओर तेस साथे बईस करनी शुरु करिती से बऊत गुस्सा हुई गे, इजी खे से तार्मिक गुरूए रे नेड़े गए ओर तेसरे बारे दे चूठ बोलेया तिने बोलेया, “आसे स्तिफनुसो खे मूसा ओर परमेशरो रे बारे दे बुरी गल्ला बोलदे ऊए सुणे इजी खे तार्मिक गुरूए स्तिफनुस गिरफ्तार करी ला ओर तेसखे बड़े पुरोईत ओर यहूदिया रे ओरी गुरूए रे सामणे लई की आए ओर बी चूठे गवा आए ओर तिने स्तिफनुसो रे बारे दे चूठ बोलेया

![](https://cdn.door43.org/obs/jpg/360px/obs-en-45-03.jpg)

बड़े पुरोईते स्तिफनुसो खे बोलेया, “क्या ए लोक तेरे बारे दे सच बोलणे लगी रे?” स्तिफनुसे बड़े पुरोईतो खे जवाब देणे रिया तंई बऊत गल्ला बोलणिया शुरु कितिया तिने बोलेयाकी अब्राहमो रे बखतो ते यीशुए रे बखतो तक परमेशरे इस्राएलो रे लोका खे बऊत नऊखे काम किते पर लोके सदा परमेशरो री आज्ञा नी मानी थी स्तिफनुसे बोलेया, “तुसे लोक परमेशरो रे खलाफ टीठ ओर बिरोद करने वाल़े ए तुसे सदा पवित्र आत्मा नी मानी, जेड़ा की आसा रे स्याणेया सदा पवित्र आत्मा नी मानी थी ओर सदा तेसरे भविष्यवक्ते काये थे पर जो तिने कितेया था तिजी रे बराबर तुसे बी बुरा करी राखेया तुसे मसीह काया”

![](https://cdn.door43.org/obs/jpg/360px/obs-en-45-04.jpg)

जेबे तिने तार्मिक गुरूए ए सुणेया, तेबे से इतने गुस्से उई गे की तिने आपणे कान बंद करी ले ओर जोरे की चींगे से स्तिफनुसो खे रगड़ी की शईरो ते बारे लई गे ओर तेसखे काणे खे तेसखे पाथर बाए

![](https://cdn.door43.org/obs/jpg/360px/obs-en-45-05.jpg)

जेबे स्तिफनुस मरने लगी रा था, से बोलणे लगेया, “ओ यीशु, मेरी आत्मा खे ग्रहण कर” तेबे से आपणे कुटणेया पांदे आया ओर फेर बोलणे लगेया, “ओ प्रभु, ए पाप तिना पांदे नी लगाणा” तेबे से मरीगा

![](https://cdn.door43.org/obs/jpg/360px/obs-en-45-06.jpg)

तेस दिने, यरुशलेमो दे रणे वाल़े बऊत जे लोके यीशुए खे मानणे वाल़े लोक सताणे शुरु करीते, इजी खे विश्वासी लोक ओरी जगा खे नठी गे पर इजी रे बावजूद बी, जेती केथी बी से गए तिने यीशुए रे बारे दे प्रचार कितेया

![](https://cdn.door43.org/obs/jpg/360px/obs-en-45-07.jpg)

फिलिप्पुस नाओं रा एक यीशुए रा विश्वासी था जेड़ा की ओरी बऊत विश्वासिए कितेया था से बी यरुशलेमो दे नठी गा से सामरिया रे क्षेत्रो दे चली गा तेती तिने लोका खे यीशुए रे बारे दे प्रचार कितेया बऊत जे लोके तेस पांदे विश्वास कितेया ओर उद्धार पाया एकी दिने, फिलिप्पुसो रे नेड़े परमेशरो री तरफा ते एक स्वर्गदूत आया ओर तेसखे बणो दे जाणे खे, ओर एक सड़का पांदे चलणे खे बोलेया फिलिप्पुस तेती चली गा जेबे से तेते सड़का पांदे चलणे लगी रा था, तेबे तिने एकी आदमिए खे आपणे रथो दे जांदे ऊए देखेया ए आदमी कूश देशो रा एक खास अदिकारी था पवित्र आत्मे फिलिप्पुसो खे बोलेया की जाई की तेस आदमिए रे साथे-साथे चल

![](https://cdn.door43.org/obs/jpg/360px/obs-en-45-08.jpg)

इजी खे फिलिप्पुस रथो रे नेड़े गया तिने सुणेया की से कूशी माणू परमेशरो रे वचनो खे पढ़ने लगी रा था जो यशायाह भविष्यवक्ते लिखेया था से तेसखे पढ़ने लगी रा था से पढ़ने लगी रा था, “से तेसखे खत्म करी जाणे वाल़ी पेडा रे जेड़े लईगे, ओर जिंया एक खाड्डु शान्त ओआ, तिने बी कुछ नी बोलेया तिने तेस साथे बुरा व्यवहार कितेया ओर तेसरा आदर नी कितेया तिने तेसरा प्राण लई ला”

![](https://cdn.door43.org/obs/jpg/360px/obs-en-45-09.jpg)

फिलिप्पुसे तेस कूशी माणुए ते पुछेया, “जो तू पढ़ने लगी रा क्या तू तेस समजे बिया?” तिने कूशी माणुए जवाब दितेया, “ना जदुए तक कोई ऐस माखे नी समजाओ, तदुए तक आऊं ऐस नी समजी सकदा किरपा करी की मां नेड़े आई की बईठ यशायाह ए आपणे बारे दे लिखणे लगी रा था या केसी ओरी रे बारे दे?”

![](https://cdn.door43.org/obs/jpg/360px/obs-en-45-10.jpg)

फलिप्पुस रथो पांदे चढ़ी की बईठी गा तेबे तिने तेस कूशी आदमिए खे से बताया जो यशायाहे यीशुए रे बारे दे लिखेया था फिलिप्पुसे परमेशरो रे वचनो रे बऊत जे ओरी पागा री बी चर्चा किती ईंया से, तिने तेस आदमिए खे यीशुए रे बारे दे शुब संदेश सुणाया

![](https://cdn.door43.org/obs/jpg/360px/obs-en-45-11.jpg)

फिलिप्पुस ओर से कुशी चलदे ऊए पाणिए रे नेड़े आए तिने कुशिए बोलेया, “देख ऐते पाणिए दे क्या आऊं बपतिस्मा लई सकुंआ?” ओर तिने सारथीएखे रथ रोकणे खे बोलेया

![](https://cdn.door43.org/obs/jpg/360px/obs-en-45-12.jpg)

तेबे से पाणिए दे चली गे, ओर फिलिप्पुसे तेस कुशी माणुए खे बपतिस्मा दितेया जेबे से पाणिए ते बारे आए, तेबे पवित्र आत्मा तेबु ई फिलिप्पुसो खे चकी की केसी ओरी जगा खे लेई गा तेती फिलिप्पुसे लोका खे परमेशरो रे बारे दे बताणा जारी राखेया

![](https://cdn.door43.org/obs/jpg/360px/obs-en-45-13.jpg)

से कुशी आपणे कअरो री यात्रा पांदे आगे चली गा से खुश था की ऐबे से यीशुए खे जाणो था

*प्रेरितोरे काम 6:8-8:5; 8:26-40 ते एक बाइबला री कआणी*

## 46. पौलुसो रा मसीही विश्वासी बणना

https://openbiblestories.org/l/bfz-x-baghliani/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाओं रा एक आदमी था जिने यीशुए पांदे विश्वास नी कितेया था जेबे से जवान था, तेबे तिने स्तिफनुसो खे काणे वाल़ेया रे टाल्लेया री निगरानी किती थी बादो ते, तिने विश्वासी सताए थे तिने यरुशलेमो दे कअरे-कअरे जाई की मर्द ओर जवाणस दोनो गिरफ्तार करी की जेला रे पाई ते थे तेबे बड़े पुरोईते शाऊलो खे दमिश्क शईरो दे जाणे खे आज्ञा दिती तिने तेथो रे मसीही गिरफ्तार करने ओर तिना खे वापस यरुशलेमो दे लई की आऊणे खे शाऊलो खे बोलेया

![](https://cdn.door43.org/obs/jpg/360px/obs-en-46-02.jpg)

तेबे शाऊले दमिश्को खे जाणे री यात्रा शुरु किती तेस शईरो खे पऊंचणे ते थोड़ा ई पईले, तेसरे चऊं कनारे सर्गो ते एक प्रयासा चमकेया, ओर से जमींना पांदे रुड़ी गा शाऊले केसी खे बोलदे ऊए सुणेया, “ओ शाऊल तू माखे कऊं सताणे लगी रा?” शाऊले पुछेया, “ओ प्रभु, तू कुण आ?” यीशुए ज्वाब दितेया, “आऊं यीशुए तू माखे सताया करेया”

![](https://cdn.door43.org/obs/jpg/360px/obs-en-46-03.jpg)

जेबे शाऊल उठेया तेबे से देखी नी सको था तेसरे दोस्त तेसखे दमिश्को खे लई की गये थे शाऊले तीऊं दिना तक कुछ बी खाया पिया नी था

![](https://cdn.door43.org/obs/jpg/360px/obs-en-46-04.jpg)

दमिश्को दे हनन्याह नाओं रा एक चेला था परमेशरे तेसखे बोलेया, “तेस कअरो खे जा जेती शाऊल ए आपणे आथ तेस पांदे राख ताकि से फेर देखणे लगो” पर हनन्याहे बोलेया, “ मैं सुणी राखेया की इने आदमिए विश्वासी किंयां सताए” परमेशरे तेसखे ज्वाब दितेया, “जा मैं से यहूदिया दे ओर दुजी जातिया रे लोका खे मेरे नाओं री घोषणा करने खे चुणी ला रा तेस मेरे नाओं रिया तंई बऊत दुख सईन करना”

![](https://cdn.door43.org/obs/jpg/360px/obs-en-46-05.jpg)

तेबे हनन्याह शाऊलो गे गया, आपणे आथ तेस पांदे राखे, ओर बोलेया, “यीशुए, जो ऐती आऊणे री बाटा रे तां पांदे प्रकट उई रा था, आऊं तां नेड़े पेजी राखेया ताकि तू फेर देखणे लगे, ओर पवित्र आत्मा ताखे परी देओ” तेबु ई शाऊल फेर देखणे लगी गा, ओर हनन्याहे तेसखे बपतिस्मा दितेया तेबे शाऊले रोटी खाई ओर फेर बलवंत हुई गा

![](https://cdn.door43.org/obs/jpg/360px/obs-en-46-06.jpg)

तेबु ई, शाऊले दमिश्को दे रणे वाले यहूदिया रे प्रचार करना शुरु करीता तिने बोलेया, “यीशु ई परमेशरो रा पुत्र ए” यहूदी लोक हैरान थे, कऊंकि शाऊले तो विश्वासिया खे काणे री कोशिश किती थी, पर ऐबे तिने यीशुए पांदे विश्वास कितेया था शाऊले यहूदिया साथे बईस किती तिने दखाया की यीशु ई मसीह था

![](https://cdn.door43.org/obs/jpg/360px/obs-en-46-07.jpg)

बऊत दिना ते बाद, यहूदिए शाऊलो खे काणेरिया तंई योजना बनाई तिने तेसखे मारने रिया तंई शईरो रे फाटको पांदे लोक पेजे की तेसरी निगरानी करो पर शाऊले तेसरी योजना रे बारे दे सुणी ला, ओर तेसरे दोस्ते बची की निकल़णे दे तेसरी मताद किती एक राती तिने से टोकरिया दे बठयाल़ी की शईरो री दवाला ते थाले तवारी ता दमिश्को ते बची की निकल़णे ते बाद शाऊल यीशुए रे बारे दे प्रचार करदा रया

![](https://cdn.door43.org/obs/jpg/360px/obs-en-46-08.jpg)

शाऊल प्रेरिता ते मिलणे रिया तंई यरुशलेमो दे गया, पर सेयो तेसते डरो थे तेबे बरनबास नाओं रा एक विश्वासी शाऊलो खे प्रेरिता गे लईगा तिने तिनाखे बताया की शाऊले किंयाँईमती साथे दमिश्को रे प्रचार कितेया था तिजी ते बाद, प्रेरिते शाऊल मानी ला

![](https://cdn.door43.org/obs/jpg/360px/obs-en-46-09.jpg)

कुछ विश्वासी जो यरुशलेमो रे सतावो ते नठी गे थे से दूर अंताकिया शईरो दे चली गे थे ओर यीशुए रे बारे दे प्रचार करो थे अंताकिया दे रणे वाल़े लोक जादातर यहूदी नी थे, पर पईली बार, तिना बीचा ते बऊत लोक विश्वासी बणी गे बरनबास ओर शाऊल इना नए विश्वासिया खे यीशुए रे बारे दे ओर जादा सिखाणे रिया तंई तेती गए ओर कलीसिया मजबूत किती यीशुए पांदे विश्वास करने वाल़ेया खे पईली बार अंताकिया दे ई “मसीही” बोलेया गया

![](https://cdn.door43.org/obs/jpg/360px/obs-en-46-10.jpg)

एक दिन, अंताकिया रे मसीही लोक बरतो साथे प्रार्थना करने लगी रे थे पवित्र आत्मे तिना खे बोलेया, “मेरिया तंई बरनबास ओर शाऊलो खे तेस कामो खे करने रिया तंई लग करी देओ जेस करने रिया तंई मैं से बुलाई राखे” इजी खे अंताकिया री कलीसिये बरनबास ओर शाऊलो रिया तंई प्रार्थना किती ओर तिना पांदे आपणे आथ राखे तेबे तिने तिना खे ओरी बऊत जगा पांदे यीशुए रे बारे दे शुब संदेशो रा प्रचार करने खे पेजीते बरनबास ओर शाऊले लग-लग जातिया रे लोका खे शिक्षा दिती, ओर बऊत जे लोके यीशुए दे विश्वास कितेया

*प्रेरितो रे काम 8:3; 9:1-31; 11:19-26; 13:1-3 ते एक बाइबला री कआणी*

## 47. फिलिप्पीया दे पौलुस ओर सीलास

https://openbiblestories.org/l/bfz-x-baghliani/story-47/

![](https://cdn.door43.org/obs/jpg/360px/obs-en-47-01.jpg)

जेबे शाऊले पुरे रोमी साम्राज्य रे यात्रा किती तेबे तिने आपणे रोमी नाओं “पौलुस” लणा शुरु करीता एक दिन, पौलुस ओर तेसरा दोस्त सीलास फिलिप्पी शईरो दे यीशुए रे बारे दे शुब संदेश सुनाणे रिया तंई गए से शईरो ते बारे नदिया रे कनारे एक जगा पांदे गए जेती लोक प्रार्थना करने खे कट्ठे थे तेती से लुदिया नाओं री एक जवाणसा साथे मिले जो एक व्यपारणी थी से परमेशरो ते प्रेम करो थी ओर तेसरी आराधना करो थी

![](https://cdn.door43.org/obs/jpg/360px/obs-en-47-02.jpg)

परमेशरे लुदिया खे यीशुए रे बारे दे संदेशो पांदे विश्वास करने रिया तंई त्यारकितेया पौलुस ओर सीलासे तेसाखे ओर तेसारे परिवारो खे बपतिस्मा दितेया तेसे पौलुस ओर सीलास आपणे कअरो दे रुकणे खे बुलाये, इजी खे से तेती ठईरी गे

![](https://cdn.door43.org/obs/jpg/360px/obs-en-47-03.jpg)

पौलुस ओर सीलास लोका ते तेसा जगा पांदे मिलो थे जेती यहूदी लोक प्रार्थना करेया करो थे रोज जेबे से तेती जाओ थे तेबे एक दासी मुन्नी जेसा दे दुष्टात्मा थी तिना रा पीछा करेया करो थी ऐसा दुष्टात्मा रे जरिए से लोका रा भविष्य बताया करो थी, इजी खे से भविष्य बताणे वाल़िया रे रुपो दे आपणे मालका रिया तंई बऊत पईसे कमाया करो थी

![](https://cdn.door43.org/obs/jpg/360px/obs-en-47-04.jpg)

तिना रे जांदे बखते से दासी मुन्नी चींगया करो थी, “ए मर्द परम प्रधान परमेशरो रे दास ए ए तुसा खे उद्धार पाणे री बाट बताया करो ए” से रोज ऐड़ा करेया करो थी जेतेते की पौलुस नराज हुई गा

![](https://cdn.door43.org/obs/jpg/360px/obs-en-47-05.jpg)

बादो ते, एक दिन जेबे तेसे दासी मुन्निए चींगणा शुरु कितेया, तेबे पौलुसे तेसा री तरफा खे कुमी की तेसारे पीतरो री दुष्टात्मा खे बोलेया, “यीशुए रे नाओं ते ऐसा ते निकल़ी जा” तेसी बखते तेसे दुष्टात्मे से छाडीती

![](https://cdn.door43.org/obs/jpg/360px/obs-en-47-06.jpg)

तेसा दासी मुनिया रे मालक बऊत गुस्से हुई गे तिना खे पता लगी गा की बिना तेसा दुष्टात्मा ते से दासी मुनी लोका खेभविष्य नी बताई सको थी ऐते रा मतलब था की लोका ऐबे तेसारे मालको खे पईसा नी देणा की से तिना खे भविष्य बताओ की तिना साथे क्या ऊणा

![](https://cdn.door43.org/obs/jpg/360px/obs-en-47-07.jpg)

इजी खे तेसा दासी मुनिया रे मालक पौलुस ओर सीलासो खे रोमी अधिकारिये रे नेड़े लई गे तिने पौलुस ओर सीलास कुटे, ओर फेर से जेलखाने दे पाई दिते

![](https://cdn.door43.org/obs/jpg/360px/obs-en-47-08.jpg)

तिने पौलुस ओर सीलासो खे जेलखाने रे ऐड़े ईस्से दे राखे जेती सबी ते जादा सिपाई थे ऐथो तक की तिने तिना रे पैर लकड़ीया रे तखते दे जोड़ी ते पर पौलुस ओर सीलास आदिया राती रे बखते, परमेशरो री स्तुतिया रे गाणे गाया करो थे

![](https://cdn.door43.org/obs/jpg/360px/obs-en-47-09.jpg)

तेबु ई, एक डरावणा ईलण ऊआ जेला रे सारे दुराजे खुली गे, ओर सारे कैदिया री जंजीरा खुली गिया

![](https://cdn.door43.org/obs/jpg/360px/obs-en-47-10.jpg)

तेबे दरोगा जागी गा तिने देखेया की जेला रे सारे दुराजे खुली रे थे तिने सोचेया की सारे कैदी बची की नठी गे से डरीगा की तिना रे नठी जाणे री बजा ते रोमी अदिकारीया से काई देणा,इजी खे से आपु मरने रिया तंई त्यार ऊईगा पर पौलुस तेसखे देखी की बोलेया, “रुकी जा आपू खे नुकशाण नी पऊंचा आसे सब ऐथी ए”

![](https://cdn.door43.org/obs/jpg/360px/obs-en-47-11.jpg)

तिने दरोगे कांबदे ऊए पौलुस ओर सीलासो रे नेड़े आई की पूछेया, “उद्धार पाणे खे आंऊ क्या करुं?” पौलुसे ज्वाब दितेया, “प्रभु यीशुएपाँदे विश्वास कर, तेब तां ओर तेरे कराने उद्धार पाणा” तेबे से दरोगा पौलुस ओर सीलासो खे आपणे कअरे लईगा ओर तिना रे जख्म तोए पौलुसे तेसरे कअरो रे सब लोका खे यीशुए रे बारे दे शुब संदेश सुणाया

![](https://cdn.door43.org/obs/jpg/360px/obs-en-47-12.jpg)

दरोगे ओर तेसरे पुरे परिवारे यीशुए पांदे विश्वास कितेया, इजी खे पौलुस ओर सीलासे तिना खे बपतिस्मा दितेया तेबे दरोगे पौलुस ओर सीलासो खे रोटी खुल़ाई, ओर सेयो एक साथे खुश ऊए

![](https://cdn.door43.org/obs/jpg/360px/obs-en-47-13.jpg)

आगले दिने शईरो रे अगुए पौलुस ओर सीलास जेला ते आजाद करीते पर फलिप्पीया खे जाणे खे बोलेया पौलुस ओर सीलास लुदिया ओर कुछ ओरी दोस्ता ते मिले ओर तिजी ते बाद शईरो ते निकल़ी गे यीशुए रे बारे दे शुब संदेश फईलदा गया, ओर कलीसिया बढ़दी गई

![](https://cdn.door43.org/obs/jpg/360px/obs-en-47-14.jpg)

पौलुस ओर ओरी मसीही अगुए बऊत जे शईरो री यात्रा किती तिने लोका खे यीशुए रे बारे दे शुब संदेश सुणाया तिने कलीसिया रे विश्वासिया खे उत्साहित करने ओर शिक्षा देणे रिया तंई कई चिट्ठिया लिखिया इना बीचा ते कुछ चिट्ठिया बाइबला री कताबा बणी गिया

*प्रेरितो रे काम 16:11-40 ते एक बाइबला री कआणी*

## 48. यीशु ई मसीह ए

https://openbiblestories.org/l/bfz-x-baghliani/story-48/

![](https://cdn.door43.org/obs/jpg/360px/obs-en-48-01.jpg)

जेबे परमेशरे संसार बणाया तेबे सब कुछ ठीक था कोई पाप नी था आदम ओर अव्वा एकी दुजे साथे प्यार करो थे, ओर से परमेशरो ते प्यार करो थे कोई बमारी या मौत नी थी परमेशर ईंया ई संसारो खे चाओ था

![](https://cdn.door43.org/obs/jpg/360px/obs-en-48-02.jpg)

शैताने सांपो रे जरिए बगीचे दे अव्वा साथे गल्ल किती, कऊंकि से तेसा खे तोखा देणा चाओ था तेबे अव्वा ओर आदमे परमेशरो रे खलाफ पाप कितेया कऊंकि तिने पाप कितेया था इजी खे तरतिया पांदे रणे वाल़े सारे जणे मरोए

![](https://cdn.door43.org/obs/jpg/360px/obs-en-48-03.jpg)

कऊंकि आदम ओर अव्वे पाप कितेया था, इजी खे कुछ ओर बी बुरा ऊआ से परमेशरो रे दुश्मण बणी गे जेतेते बाद, तेबे हर एकी जणे पाप कितेया हर एक जणा जन्मो तेई परमेशरो रा दुश्मण ए परमेशर ओर लोका बीचे शान्ति नी थी पर परमेशर शान्ति बनाणा चाओ था

![](https://cdn.door43.org/obs/jpg/360px/obs-en-48-04.jpg)

परमेशरे प्रतिज्ञा किती की अव्वा रा एक वंश शैतानो रे सिरो खे कुचलोगा तिने ए बी बोलेया की शैतान तेसरी आड़िया खे डसोगा दुजे शब्दा दे, शैतानो मसीह काई देणा, पर परमेशरो फेर सेजिऊंदा करी देणा इजी ते बाद, मसीहे शैतानो री शक्ति सदा खे खत्म करी देणी कई साला बाद, परमेशरे प्रकट कितेया की से ई मसीह यीशु ए

![](https://cdn.door43.org/obs/jpg/360px/obs-en-48-05.jpg)

परमेशरे तेसा बाढ़ा ते आपणा परिवार बचाया जो से लयाऊणे वाला था नूहो ते एक किश्ती बनाणे खे बोलेया सेयो लोक परमेशरे ई बचाए जो तेस पांदे विश्वास करो थे ईंया, से सब के सब परमेशरो रे जरिए काणे जोगे थे कऊंकि तिने पाप करी राखेया था पर परमेशरे तिना सबी खे बचाणे रिया तंई यीशु पेजेया जो तेस पांदे विश्वास करो थे

![](https://cdn.door43.org/obs/jpg/360px/obs-en-48-06.jpg)

कई सौ साला तक, पुरोईत परमेशरो रिया तंई बलिदान चढ़ादें रए ए दशोआ की लोके पाप कितेया, ओर ए की से परमेशरो रे जरिए तिना खे सजा देणे जोगे थे पर से बलिदान तिना रे पाप माफ नी करी सके थे यीशु सबी ते बड़ा महायाजक ए तिने से कितेया जो कोई पुरोईत नी करी सको था तिने से एकमात्र बलिदान ऊणे रिया तंई आपु खे देईता जो हर केसी रे पाप मिटाई सको था तिने मानेया की परमेशर तिना सबी रे पापा रिया बजा ते तेसखे सजा देओईंया, यीशु सिद्ध महायाजक था

![](https://cdn.door43.org/obs/jpg/360px/obs-en-48-07.jpg)

परमेशरे अब्राहमो खे बोलेया, “ आऊं तेरे जरिए संसारो रे सबी कुलो खे आशीष देऊंगा” यीशु ऐसी अब्राहमो रा वंश था परमेशर अब्राहमो रे जरिए सबी कुलों खे आशीष देओआ, कऊंकि जो यीशुए पांदे विश्वास करोए, तेबे परमेशर तिना खे अब्राहमो रे वंशज मानोआ

![](https://cdn.door43.org/obs/jpg/360px/obs-en-48-08.jpg)

परमेशरे अब्राहमो खे बोलेया की से आपणा निज पाऊ, तेसरिया तंई बलिदान करी देओ पर फेर परमेशरे इसहाको रे बदले दे बलि करने रिया तंई एक खाड्डु दितेया आसे सब आपणे पापो रिया तंई काणेजोगे थे पर परमेशरे आसा री जगा पांदे मरने रिया तंई यीशु बलिदानो रे रुपो दे देईता ईंया आसे यीशुए खे परमेशरो रा खाड्डु बोलुंए

![](https://cdn.door43.org/obs/jpg/360px/obs-en-48-09.jpg)

जेबे परमेशरे मिस्रो पांदे आखरी मुसीबत पेजी तेबे तिने हर एक इस्राएली परिवारो खे बोलेया की से एक खाड्डुए री बलि करो तेस खाड्डुए रा कोई दोष नी ऊणा चाईयो तेबे आपणे दुराजे री चौखटा पांदे ओर बगला दे तिना खे तेसरा खून लगाणा था जेबे परमेशरे से खून देखेया तेबे से तिना रे कअरो ते आगे निकल़ी गा ओर तिना रे पईले पाऊए खे नी कायेया जेबे ए ऊआ तेबे परमेशरे ऐते खे फसह रा त्यार बोलेया

![](https://cdn.door43.org/obs/jpg/360px/obs-en-48-10.jpg)

यीशु फसह रे त्यारो रे एक खाड्डुए जेड़ा ए तिने कदी पाप नी कितेया, इजी खे तेसदे कुछ बी गल़त नी था से फसह रे त्यारो रे बखतो पांदे मरेया जेबे कोई यीशुए पांदे विश्वास करो था, तेबे यीशुए रा खून तेस आदमिए रे पापो री कीमत चुकाओ आ ए ऐड़ा ए जिंया की परमेशर तेस आदमिए रे नेड़े ते आगे चली गा, कऊंकि से तेसखे सजा नी देओ था

![](https://cdn.door43.org/obs/jpg/360px/obs-en-48-11.jpg)

परमेशरे इस्राएली लोका साथे एक वादा कितेया, कऊंकि से ऐड़े लोक थे जिनाखे परमेशरे आपणा ऊणे खे चुणे थे पर ऐबे परमेशरे एक ऐड़ी वाचा बानी जो की सबी रिया तंई ए जे केसी बी जातिया रा कोई बी जणा ऐसा नई वाचा खे मानोआ, तेबे से परमेशरो रे लोका बीचे शामिल ऊई जाओआ से ऐड़ा इजी खे करोआ कऊंकि से यीशुए पांदे विश्वास करोआ

![](https://cdn.door43.org/obs/jpg/360px/obs-en-48-12.jpg)

मूसा एक ऐड़ा भविष्यवक्ता था जिने परमेशरो रा वचन बड़िया सामर्था साथे प्रचार कितेया था पर यीशु सबी भविष्यवक्तेया दे सबी ते बड़ा ए से परमेशर ए, इजी खे जो कुछ बी तिने कितेया ओर बोलेया से परमेशरो रे काम ओर वचन थे इजी खे पवित्र शास्त्र यीशुए खे परमेशरो रा वचन बोलोआ

![](https://cdn.door43.org/obs/jpg/360px/obs-en-48-13.jpg)

परमेशरे राजा दाऊदो ते प्रतिज्ञा किती थी की राजे रे रुपो दे तेसरे एकी वंशो परमेशरो रे लोका पांदे सदा खे राज करना यीशु परमेशरो रा पाऊ ओर मसीह ए, इजी खे से राजा दाऊदो रा वंश ए जो सदा खे राज्य करी सकोआ

![](https://cdn.door43.org/obs/jpg/360px/obs-en-48-14.jpg)

दाऊद तो इस्राएलो रा राजा था, पर यीशु सारे संसारो रा राजा ए से फेर आऊणा ओर सदा खे न्याय ओर शान्तिया साथे आपणे राज्य पांदे राज करना

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 ते एक बाइबला री कआणी*

## 49. परमेशरो रा नवां वादा

https://openbiblestories.org/l/bfz-x-baghliani/story-49/

![](https://cdn.door43.org/obs/jpg/360px/obs-en-49-01.jpg)

एकी स्वरर्गदूते एक जवान जवाणस मरियमा खे बोलेया की तेसा परमेशरो रे पाऊए खे जन्म देणा से ऐबु कुँआरी थी, पर पवित्र आत्मा तेसा गे आया ओर से गर्भवती ऊई तेसे एक पाऊए खे जन्म दित्तेया जेसरा नाओं तेसे यीशु राखेया इजी खे, यीशु परमेशर ओर आदमी दोनों ए

![](https://cdn.door43.org/obs/jpg/360px/obs-en-49-02.jpg)

यीशुए बऊत जे चमत्कार किते जो दखाओ ए की से परमेशर ए से पाणिए पांदे चलेया ओर तूफान शान्त कित्तेया तिने बऊत जे बमार लोक ठिक किते ओर बऊत जे लोका ते दुष्टात्मा निकाल़िया तिने मरे रे लोक जिऊंदे किते ओर तिने पाँज रोटीया ओर दो मछलिया 5,000 लोका खे खुलाणे रिया तंई पुरे रोटिया दे बदलीतिया

![](https://cdn.door43.org/obs/jpg/360px/obs-en-49-03.jpg)

यीशु एक महान शिक्षक बी था जो कुछ बी तिने सखाया, से तिने ठीक तरीके दे सखाया जो से लोका खे करने खे बोलोआ से तिना खे करना चाईयो कऊंकि से परमेशरो रा पाऊ ए उदारणो रिया तंई तिने सखाया की तुसा खे ओरी लोका खे तिंया ई प्यार करने री जरुरत ए जिंया तुसे आपु खे प्यार करोए

![](https://cdn.door43.org/obs/jpg/360px/obs-en-49-04.jpg)

तिने ए बी सखाया की तुसा खे सबी चीजा ते जादा ओर आपणी संपतिया ते बी जादा परमेशरो खे प्यार करना चाईयो

![](https://cdn.door43.org/obs/jpg/360px/obs-en-49-05.jpg)

यीशुए बोलेया की संसारो दे केसी बी चीजा खे पाणे ते जादा ठीक ए परमेशरो रे राज्य दे ऊणा तेसरे राज्य दे तुसारे जाणे रिया तंई जरुरी ए की परमेशर तुसा खे तुसा रे पापो ते बचाओ

![](https://cdn.door43.org/obs/jpg/360px/obs-en-49-06.jpg)

यीशुए बोलेया की कुछ लोक तेसखे ग्रहण करोए परमेशर तिना लोका खे बचाओआ पर दुजे लोक तेसखे ग्रहण नी करदे तिने ए बी बोलेया की कुछ लोक ठीक जमींना रे जेड़े ए, कऊंकि से यीशुए रे बारे दे शुब संदेशो खे मानी लोए, ओर परमेशर तिना खे बचाओआ पर कुछ लोक बाटा री सख्त जमींना जेड़े ए परमेशरो रा वचन बीयूए जेड़ा बाटा रे पड़ोआ, पर तेती कुछ बी नी जमदा ए लोक यीशुए रे बारे दे संदेशो खे नी मानदे से तेसरे राज्य दे जाणे ते ना करी देओए

![](https://cdn.door43.org/obs/jpg/360px/obs-en-49-07.jpg)

यीशुए सखाया की परमेशर पापिया ते बऊत प्यार करोआ से तिना खे माफ करना चाओआ ओर तिना खे आपणे बच्चे बनाणा चाओआ

![](https://cdn.door43.org/obs/jpg/360px/obs-en-49-08.jpg)

यीशुए ए बी बताया की परमेशर पापो ते नफरत करोआ कऊंकि आदम ओर अव्वे पाप कित्तेया, इजी खे तिना रे सारे वंशे बी पाप कित्तेया ऐते संसारो दे रणे वाल़ा हर एक जणा पाप करोआ ओर परमेशरो ते दूर ए हर एक जणा परमेशरो रा दुश्मण ए

![](https://cdn.door43.org/obs/jpg/360px/obs-en-49-09.jpg)

पर परमेशरे ऐते संसारो दे रणे वाल़े हर एकी जणे ते ऐड़ा प्यार कित्तेया: तिने आपणा एकलौता पाऊ देई ता ताकि परमेशर तिना खे सजा नी देओ जो तेस पांदे विश्वास करदे रओए इजी रे बजाए, से तिना साथे सदा खे रओआ

![](https://cdn.door43.org/obs/jpg/360px/obs-en-49-10.jpg)

तुसे मरने जोगे ए, कऊंकि तुसे पाप करी राखेया तुसा ते परमेशरो रा गुस्सा ऊणा ठीक ए, इजी री बजाए, से यीशुए पांदे गुस्सा ऊआ तिने यीशुए खे क्रूसो री मौत देई की सजा दिती

![](https://cdn.door43.org/obs/jpg/360px/obs-en-49-11.jpg)

यीशुए कदी बी पाप नी कित्तेया, पर तिने परमेशरो खे तेसखे सजा देणे दिती तिने मरी जाणा स्वीकार कित्तेया ईंया, तुसारे पापा खे ओर ऐते संसारो दे रणे वाल़े हर एकी जणे रे पापो खे चकी की लई जाणे रिया तंई से एक सच्चा बलिदान था यीशुए आपु खे परमेशरो रिया तंई बलिदान करीता, इजी खे परमेशर केसी बी पापो खे, ऐथो तक की भयंकर पापो खे बी माफ करोआ

![](https://cdn.door43.org/obs/jpg/360px/obs-en-49-12.jpg)

पले ई जे तुसे बऊत जे ठीक कामा खे करदे ओ, तेबे इजी रे जरिए परमेशर तुसा खे नी बचांदा तेसरा दोस्त बनणे खे ऐड़ा कुछ बी निए जो तुसे करी सकोए इजी री बजाए, तुसा खे विश्वास करना ए की यीशु परमेशरो रा पाऊ ए, ओर से तुसा रे बदले दे क्रूसो पांदे मरी गा, ओर ए बी की परमेशरे से फेर जिऊंदा करीता जे तुसे ऐते पांदे विश्वास करोए, तेबे परमेशर तुसारे पापो री माफी देओआ

![](https://cdn.door43.org/obs/jpg/360px/obs-en-49-13.jpg)

परमेशर तेस हर एकी जणे खे बचाओआ जो यीशुए पांदे विश्वास करोआ ओर तेसखे आपणा प्रभु मानोआ पर से तिना खे नी बचांदा जो तेस पांदे विश्वास नी करदे ए कोई माईने नी राखदा की तुसे अमीर ए या गरीब ए, मर्द ए या जवाणस ए, स्याणे ए या जवान ए,या तुसे केई रओए परमेशर तुसा ते प्यार करोआ ओर चाओआ की तुसे यीशुए पांदे विश्वास करो की से तुसारा रा दोस्त बणी सको

![](https://cdn.door43.org/obs/jpg/360px/obs-en-49-14.jpg)

यीशु तुसा खे बुलाणे लगी रा की तेस पांदे विश्वास करो ओर बपतिस्मा लओ क्या तुसे विश्वास करोए की परमेशरो रा एकलौता पाऊ, यीशु ई मसीह ए? क्या तुसे विश्वास करोए की तुसे एक पापी ए ओर ए की तुसा खे परमेशर सजा देयो? क्या तुसे विश्वास करोए की तुसारे पापो खे मटाणे रिया तंई यीशु क्रूसो पांदे मरेया?

![](https://cdn.door43.org/obs/jpg/360px/obs-en-49-15.jpg)

जे तुसे यीशुए पांदे ओर जो तिने तुसा रिया तंई कित्तेया तेस पांदे विश्वास करोए, तेबे तुसे एक मसीह ए शैतान आपणे न्हेरे रे राज्य दे ऐबे तुसा पांदे राज नी करदा ऐबे परमेशर आपणे प्रयासे रे राज्य दे तुसा पांदे राज करोआ तिने तुसे पाप करने ते रोकीते, जो तुसे करेया करो थे तिने तुसा खे एक नवां, उचित जीवन देई राखेया

![](https://cdn.door43.org/obs/jpg/360px/obs-en-49-16.jpg)

जे तुसे एक मसीही ए तेबे जो यीशुए कित्तेया तेसरे कारण परमेशरे तुसा रे पाप माफ करी दिते ऐबे, परमेशर तुसा खे एक घनिष्ठ दोस्त मानोआ

![](https://cdn.door43.org/obs/jpg/360px/obs-en-49-17.jpg)

जे तुसे परमेशरो रे दोस्त ए ओर प्रभु यीशुए रे दास ए तेबे तुसे तिना गल्ला खे मानणे री इच्छा करोए जो यीशु तुसा खे सिखाओआ पले ई तुसे एक मसीही ए, शैतान ऐबु बी पाप करने खे तुसारी परिक्षा करोआ पर परमेशर सदा सेई करोआ जो से बोलोआ की तेस करना से बोलोआ की जे तुसे आपणे पाप मानी लओ, तेबे से तुसा खे माफ करी देओआ से तुसा खे पापो रे खलाफ लड़ने री सामर्थ देओआ

![](https://cdn.door43.org/obs/jpg/360px/obs-en-49-18.jpg)

परमेशर तुसा खे प्रार्थना करने ओर तेसरे वचनो खे पढ़ने खे बोलोआ से तुसा खे ओरी विश्वासिया साथे मिली की तेसरी आराधना करने खे बी बोलोआ तुसा खे ओरी लोका खे बी बताणा ए की तिने तुसा रिया तंई क्या करी राखेया जे तुसे इना सबी कामा खे करो, तेबे तुसे तेसरे एक पक्के दोस्त बणी जाणे

*रोमियो 3:21-26, 5:1-11; युहन्ना 3:16; मरकुस 16:16; कुलुसियो 1:13-14; 2 कुरिन्थियो 5:17-21; 1 युहन्ना 1:5-10 ते एक बाइबला री कआणी*

## 50. यीशु वापिस आऊणा

https://openbiblestories.org/l/bfz-x-baghliani/story-50/

![](https://cdn.door43.org/obs/jpg/360px/obs-en-50-01.jpg)

कम से कम 2,000 साला ते, संसारो दे सबी जगा पांदे जादा ते जादा लोक मसीह यीशु रे बारे दे शुब संदेशो खे सुणेया करो थे कलीसिया बढ़ने लगी री थी यीशुए वादा कित्तेया की से संसारो रे अंतो दे वापस आऊणा जे से वापस नी आया, तेबे बी तेस आपणा वादा पुरा करना

![](https://cdn.door43.org/obs/jpg/360px/obs-en-50-02.jpg)

जेबे की आसे यीशुए रे वापस आऊणे रा इंतजार करुंए, परमेशर आसा ते ऐड़िया रीतिया साथे जीवन जीणे री इच्छा करोआ जो पवित्र ए ओर जो तेसरा आदर करोआ जेबे यीशु तरतिया पांदे रणे लगी रा था तेबे तिने बोलेया, “मेरे चेलेया संसारो दे सब जगा रे लोका खे परमेशरो रे राज्य रे बारे दे शुब संदेश प्रचार करना, ओर तेबे अंत आई जाणा”

![](https://cdn.door43.org/obs/jpg/360px/obs-en-50-03.jpg)

बऊत जी जातिए ऐबुए तक यीशुए रे बारे दे नी सुणी राखेया स्वर्गो खे वापस चली जाणे ते पईले, यीशुए मसीहिया ते तिना लोका खे शुब संदेश सुनाणे खे बोलेया जिने ए कदी नी सुणेया तिने बोलेया, “ जाओ ओर सब जातिया रे लोका खे चेला बणाओ ओर बढाई करने खे डोरु पाकी चुकी रे”

![](https://cdn.door43.org/obs/jpg/360px/obs-en-50-04.jpg)

यीशुए ए बी बोलेया, “केसी आदमिए रा दास आपणे मालका ते बड़ा नी ऊंदा ऐते संसारो रे लोके मांते नफरत किती, ओर मेरिया बजा ते तिना तुसे खे बी सताणे ओर काई देणे ऐते संसारो दे तुसे पीड़ित ऊणे, पर पक्के बणो, कऊंकि मैं शैतान अराई ता जो ऐते संसारो पांदे राज करोआ जे तुसे अंतो तक मेरे विश्वासयोग्य बणे रे रओ, तेबे परमेशरो तुसे बचाणे”

![](https://cdn.door43.org/obs/jpg/360px/obs-en-50-05.jpg)

यीशुए आपणे चेलेया खे ए समजाणे रिया तंई एक काअणी सुणाई की जेबे संसारो रा अंत ऊणा तेबे लोका साथे क्या ऊणा तिने बोलेया, “ केसी आदमिए आपणे डोरुआ दे ठीक बीऊ बाया जेबे से सया रा था तेबे तेसरा दुश्मण आया ओर कणका रे बीऊआ रे बीचे बणो रे डाल़ो रे बीऊबाईते, ओर फेर से चली गा”

![](https://cdn.door43.org/obs/jpg/360px/obs-en-50-06.jpg)

“जेबेकणक जमणे लगी तेबे दासे तेस आदमिए खे बोलेया, “ओ स्वामी, तैं तो आपणे डोरुआ दे ठीक बीऊ बाया था तेबे ऐते दे बणो रे डाल़ कऊं ए?’ तिने आदमिए ज्वाब दित्तेया, ‘सिर्फ मेरे दुश्मण ई इना खे बाणा चाओए ए मेरा कोई दुश्मण ए जिने ऐड़ा करी राखेया’

![](https://cdn.door43.org/obs/jpg/360px/obs-en-50-07.jpg)

“तिने दासे आपणे मालका खे ज्वाब दित्तेया, ‘ क्या आसा खे बणो रे डाल़ पटी देणे चाइयो?’ तिने मालके बोलेया, ‘ना जे तुसे एड़ा करोगे तेबे तुसा कणक बी पटी देणी बाडणे रे बखतो तक इंतजार करो तेबे बणो रे ड़ाला खे कट्ठा करी लो ताकी तुसे तिना खे फूकी सको पर कणका खे मेरे खत्ते दे लई की आओ”

![](https://cdn.door43.org/obs/jpg/360px/obs-en-50-08.jpg)

चेलेया ऐते काअणिया रा मतलब नी समजेया, इजी खे तिने यीशुए खे तिना खे समजाणे खे बोलेया यीशुए बोलेया, “अच्छा बीऊ बाणे वाल़ा आदमी मसीह खे बताओआ डोरु संसारो खे बताओए अच्छा बीऊ परमेशरो रे राज्य रे लोका खे बताओआ”

![](https://cdn.door43.org/obs/jpg/360px/obs-en-50-09.jpg)

“बणो रे डाल़ तेस दुष्ट जणे, शैतानो रे लोका खे बताओए तेस मांणूए रा दुश्मण शैतानो खे बताओआ जिने बणो रे डाल़ बाई दिते थे बडाई ऐते संसारो रे अंतो रे बारे दे बोलोई ओर बड़ाई करने वाल़े परमेशरो रे स्वर्गदूता खे बताओआ”

![](https://cdn.door43.org/obs/jpg/360px/obs-en-50-10.jpg)

“जेबे संसारो रा अंत ऊणा तेबे स्वर्गदूता सेयो सब लोक एक साथ कट्ठा करने जो शैतानो रे तिना स्वर्गदूता सेयो बऊत ई गर्म आगी दे सेटी देणे तेती तिना बऊत रोणा ओर तड़फणा ओर आपणे दाँद किरड़ने पर जो लोक तर्मी ए, जिने यीशुए रा अनुसरण करी राखेया ए, से तिना रे परमेशर पिते रे राज्य दे सूरजो जेड़े चमकणे”

![](https://cdn.door43.org/obs/jpg/360px/obs-en-50-11.jpg)

यीशुए ए बी बोलेया की से संसारो रा अंत ऊणे ते पईले तरतिया पांदे आऊणा से तियां ई वापस आऊणा जिंया से गया था, मतलब, तेसगे आपणा शरीर ऊणा, ओर से सर्गो दे बादल़ा पांदे सवार ऊई की आऊणा जेबे यीशु आऊणा, तेबे हर एक मसीही जो मरी चुके थे मरेया रे बीचा ते जी उठणे ओर तेसते सर्गो दे मिलणे

![](https://cdn.door43.org/obs/jpg/360px/obs-en-50-12.jpg)

तेबे जो मसीही ऐबे बी जिऊंदे से सर्गो दे उठाई की लई जाणे ओर तिना दुजे मसीहिया साथे मिली जाणे जो मरेया रे बीचा ते जी उठोए से सब तेती यीशुए साथे ऊणे इजी ते बाद, यीशु आपणे लोका साथे रणा जेबे से कट्ठे रओए तेबे तिना गे सदा खे पुरी शान्ति ऊणी

![](https://cdn.door43.org/obs/jpg/360px/obs-en-50-13.jpg)

यीशुए तेस पांदे विश्वास करने वाल़े हर एकी जणे खे एक मुकुट देणे री प्रतिज्ञा किती तिना सदा खे परमेशरो साथे हर एकी चीजा पांदे राज करना तिना गे पूरी शान्ति ऊणी

![](https://cdn.door43.org/obs/jpg/360px/obs-en-50-14.jpg)

पर परमेशरो तिना सबी रा न्याय करना जो यीशुए पांदे विश्वास नी करदे तेस सेयो सब नरको दे सेटी देणे तेती से रोणे ओर आपणे दाँद पीसणे, ओर से सदा तड़फदे रणे कदी नी बिजणे वाल़ी आग तिना खे लगातार फूकदी रणी, ओर कीड़े तिना खे खाणे ते कदी नी रुकणे

![](https://cdn.door43.org/obs/jpg/360px/obs-en-50-15.jpg)

जेबे यीशु आऊणा, तेबे तेस पूरिया रीतिया साथे शैतानो खे ओर तेसरे राज्य खे खत्म करी देणा तेस शैतान नरको दे सेटी देणा से शैतान सदा खे फूकदा रणा, तिना सबी साथे जिने परमेशरो री गल्ल मानणे री बजाए शैतानो पीछे चलणे रा चुनाव कित्तेया था

![](https://cdn.door43.org/obs/jpg/360px/obs-en-50-16.jpg)

कऊंकि आदम ओर अव्वे परमेशरोरी आज्ञा नी मानी थी ओर पापो खे ऐते संसारो दे लई की आए थे, परमेशरे तेसखे स्राप दित्तेया ओर तेसखे खत्म करने रा फैसला कित्तेया पर केसी दिने परमेशरो एक नए स्वर्ग ओर नई तरतिया री रचना करनी जो सच्चे ऊणे

![](https://cdn.door43.org/obs/jpg/360px/obs-en-50-17.jpg)

यीशु ओर तेसरे लोक तेसा नई तरतिया पांदे रणे, ओर तिना सदा खे सबी चीजा पांदे राज करना से लोका री आखी ते हर एक आंसु साफ करी देओआ ऐबे कोई बी पीड़ित या दुखी नी ऊणा से रोणे नी से बमार नी ऊणे या मरने नी ओर तेती कुछ बी बुराई नी ऊणी यीशुए आपणे राज्य पांदे सच्चाई, ओर शान्तिया साथे राज करना से सदा खे आपणे लोका साथे रणा

*मत्ती 24:14; 28:18; युहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकुब 1:12; मत्ती 22:13; प्रकाशिवाक्य 20:10, 21:1-22:21 ते एक बाईबला री कआणी*