# unfoldingWord Open Bible Stories — Karsogi

- Language code: `bfz-x-karsogi`
- Canonical page: https://openbiblestories.org/l/bfz-x-karsogi/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Karsogi translation; it is not a translation of the whole Bible.

## 1. परमेश्वरै दवारा संसारा बणाणा

https://openbiblestories.org/l/bfz-x-karsogi/story-1/

![](https://cdn.door43.org/obs/jpg/360px/obs-en-01-01.jpg)

परमेश्वरै शुरुआता दे एहड़ै केरे संसारा दे सब चिजा बणाइ। तिनी छ धैड़ै दे संसार होर जुण किछ तेत दे आसी सब किछ बणाया। जिंया परमेश्वरै पृथ्वे बणाए, तिंया पृथ्वे न्हैरै थिए होर खाली थिए, किलैकि परमेश्वरै अझी तिक तेत दे कोए भी चिजा नी बणाई थी। पर परमेश्वरा आत्मा पाणी गैश घुमो थिया।

![](https://cdn.door43.org/obs/jpg/360px/obs-en-01-02.jpg)

तेखा परमेश्वरै बोला, “प्रैशा हो।” होर प्रैशा होए गोआ। परमेश्वरै भाड़ा कि प्रैशा बढिया आसी और तेता लै “धैड़ा” बोला। होर तिनी प्रैशा न्हैरै का लग किया न्हैरै लै तिनी रैच बोला। परमेश्वरै संसारा बणाणै का पैहलै धैड़ै प्रैशा बणाया थिया।

![](https://cdn.door43.org/obs/jpg/360px/obs-en-01-03.jpg)

संसारा बणाणै का दूजै धैड़ै परमेश्वरै बोला, “पाणी मेंझ एक अंतर बणे जाओ।” एक अंतर बणे गोआ। परमेश्वरै तेस अंतरा लै “सर्ग” बोला।

![](https://cdn.door43.org/obs/jpg/360px/obs-en-01-04.jpg)

तेखा चितैहै धैड़ै परमेश्वरै बोला, “पांणे एकी जगहा लै कट्ठा होए जाओ होर शुके जमीन शुजुए लौणे।” तिनी शुकी जमीना लै “धरते” होर पांणी लै समुंदर बोला। परमेश्वरै भाड़ा कि जुण किछ भी तिनी बणाया था स सब बढ़िया थिया।

![](https://cdn.door43.org/obs/jpg/360px/obs-en-01-05.jpg)

तेखा परमेश्वरै बोला, “धरती गैश सभी भांतिए डाड़-बूट जमै लोंणै।” होर तेड़ा ही हुआ। परमेश्वरै भाड़ा कि जुण तिनी बणाया थिया स सब बढ़िया थिया।

![](https://cdn.door43.org/obs/jpg/360px/obs-en-01-06.jpg)

संसारा बणाणै चौथै धैड़ै परमश्वरै बोला, “सर्गा दे प्रैशा हो।” होर सूरज, जोथ और तारै बणे गोए। परमेश्वरै सिंयो पृथ्वी गैश प्रैशै दैणै कठै होर धैड़ै होर रैचे, मौसम होर साला पछैणणै कठै बणाऐ। परमेश्वरै भाड़ा कि जुण किछ तिनी बंणाया थिया स बढ़िया थिया।

![](https://cdn.door43.org/obs/jpg/360px/obs-en-01-07.jpg)

पांजवै धैड़ै परमेश्वरै बोला, “जिओंदै प्राणे पांणी दे भरुए होर सर्गा दे पंछे उडै लौणी।” एड़ैकेरे तिनी पाणी दे तैरणै आड़ै सब जानवर होर पंछे बणाऐ। परमेश्वरै भाड़ा कि स सब बढ़िया थिया होर तिनी तिन्हालै आशीष दैए।

![](https://cdn.door43.org/obs/jpg/360px/obs-en-01-08.jpg)

संसारा बणाणै छठै धैड़ै परमेश्वरै बोला, “धरती गैश रौहणै आड़ै सब भांतिऐ जानवर पैदा हो।” होर परमेश्वरै बोलणै मुताबक तेड़ा ही होए गोआ। एखो जानवर पालतो थिऐ, एखो जमीना दे रिंगणै आड़ै होर एखो कुछ जंगली जानवर थिऐ। परमेश्वरै भाड़ा कि स सब बढ़िया थिया।

![](https://cdn.door43.org/obs/jpg/360px/obs-en-01-09.jpg)

तेखा परमेश्वरै बोला, “आछो हामै मंणछा आपणै रूपा दे होर आपणी समानता दे बणाइए परमेश्वरै पृथ्वी ओर तेतदे रौहणै आड़ै सभ जानवर तेसरै अधीन किए।

![](https://cdn.door43.org/obs/jpg/360px/obs-en-01-10.jpg)

तेता का बाद परमेश्वरै एड़ा किया कि माटा लोआ होर तेता केरे आदमे बणाया होर तेसदै जीवना शा भरा। तेस आदमिया नांओ परमेश्वरै आदम डा। परमेश्वरै आदमै रौहणै कठै एक बडा बगीचा बणाया होर तेतै देख-रेखै कठै आदम तिंदे डा।

![](https://cdn.door43.org/obs/jpg/360px/obs-en-01-11.jpg)

तेस बगीचै मेंझा दे परमेश्वरै दुए खास डाड़ लाए जीवना डाड़ होर भलै होर बुरै ज्ञाना डाड़। परमेश्वरै आदमा लै आज्ञा दैये तू बगीचै सभी डाड़ै फल खाए सको, पर भलै होर बुरै ज्ञाना जुण डाड़ आसी तेता फल तू कधी भी नी खाई किलैकि जस धैड़ै ता तेस डाड़ा फल खांणा तेस धैड़ै तू जरुर ही मरे जाणा।

![](https://cdn.door43.org/obs/jpg/360px/obs-en-01-12.jpg)

तेखा परमेश्वरै बोला, “मर्दा लै कल्ला रौहणा ठिक नी आथी।” पर कोए भी जानवर आदमा साथ दैणै आड़ा नी होए सका।

![](https://cdn.door43.org/obs/jpg/360px/obs-en-01-13.jpg)

एतिकठै परमेश्वरै आदम घंणी निंजा दे पा। तेखा परमेश्वरै आदमै एकी पशड़ी काढे केरे तेता केरे एक बेटड़े बणाए होर स आदमा गोलै आंणे।

![](https://cdn.door43.org/obs/jpg/360px/obs-en-01-14.jpg)

जिंया आदमै स बेटड़े भाड़े तै तिनी बोला, “वाह ए तो मूं सैंइ आसी। ए बेटड़े कहलाणे, किलैकि ए मर्दा का बणाएदे।” एती वजहा केरे मर्दा आपणै आम्मा-बाब छाडेकेरे आपणी लाड़ी सागे रौहणा।

![](https://cdn.door43.org/obs/jpg/360px/obs-en-01-15.jpg)

परमेश्वरै मर्द होर बेटड़े आपणै समान बणाऐ। होर तेता का बाद तिनी तिन्हा लै आशीष दैये ओर तिन्हा का बोला, “हैन सारै शोरो पोत्रो पैदा करो होर पृथ्वी दे भरुए जाओ।” होर परमेश्वरै भाड़ा कि जो कुछ भी तिनी बणाया थिया सब बढ़िया थिया, होर स तिन्हा सभी का हैन खुश थिआ। ए सब कुछ संसार बणाणै छठै धैड़ै हुआ।

![](https://cdn.door43.org/obs/jpg/360px/obs-en-01-16.jpg)

जिंया सातवा धैड़ा हुआ तै जुण काम परमेश्वर करदा लागादा थिया तिना सभी कामा करेकेरे तिनी आराम किआ। तिनी सातवै धैड़ै लै आशीष दैए होर स पवित्र ठहरा किलैकि तेस धैड़ै तिनी सब काम खत्म किए जुण स करदा लागादा थिया। एहड़ै केरे परमेश्वरै संसार होर जुण किछ भी तेत दे आसी सब बणाया।

*उत्पत्ति पाठ 1-2 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_01_128kbps.m4a

## 2. संसारा दे पाप प्रवेश होआ

https://openbiblestories.org/l/bfz-x-karsogi/story-2/

![](https://cdn.door43.org/obs/jpg/360px/obs-en-02-01.jpg)

आदम होर तेसरे लाड़े हवा सुंदर बगीचै दे हैन खुशी केरे रौहो थियै। ए बगीचा परमश्वरै तिन्है कठै बणाया थिया। सिंयो दुए झिकड़ै नी पैहनदै थियै, पर तेखा भी सिंयो शर्मदै नी थियै, किलैकि संसारा दे तेस समै पाप नी थी। सिंयो कबल्लै तेस बगीचै दे घुमो थियै होर सिंयो परमेश्वरा सागे गलाबाता करो थियै।

![](https://cdn.door43.org/obs/jpg/360px/obs-en-02-02.jpg)

पर इंदे तेस बगीचै दे एक किड़ा थिया। स हैन दुष्ट थिया। तिनी तैसा बेटड़ी का पूछा, “किजै सची परमेश्वरै तुम्हा का बोला, कि एस बगीचै कसी भी ड़ाडा फल नी खाई?”

![](https://cdn.door43.org/obs/jpg/360px/obs-en-02-03.jpg)

तैसै बेटड़िए जवाब दैया, “परमेश्वरै हामालै बोलादा कि हामै तेस भलै होर बुरै ज्ञाने ड़ाडा का छाड़ेकेरे कसी भी ड़ाडा फल खाए सको। परमेश्वरै हामाका बोलादा कि जै हामै स फल खा या स छुंआ भी, तै तुम्है मरे जाणै।”

![](https://cdn.door43.org/obs/jpg/360px/obs-en-02-04.jpg)

तिनी किड़ै बेटड़ी लै जवाब दैया, “ए सच नी आथी! तुम्है नी मरणी। परमेश्वर आपु जैणो कि जै तुम्है तेस डाड़ा फल खाए हेरा, तै तुम्है परमेश्वरा सैंइ होए जाणै होर थारी आखे खुलणी और तुम्है तेस सैंइ भला होर बुरा समझदै लागणै।”

![](https://cdn.door43.org/obs/jpg/360px/obs-en-02-05.jpg)

तैसै बेटड़िए भाड़ा कि स फल खाणैलै बढ़िया, होर भाड़णै लै चाओआ जोगता आसी। स भी परमेश्वरा सैंइ समझदार बणणा चाहो थिए, तै तैसै स फल चोड़ेकेरे खा। तेखा तैसै आपणै लाड़ै लै स फल दैया, जुण तैसा सागे थिया होर तिनी भी स फल खा।

![](https://cdn.door43.org/obs/jpg/360px/obs-en-02-06.jpg)

होर जेड़ा ही तिन्है स खाया तिंया ही तिन्हा दूई जैणै आखे खुली; होर फल खाए केरे तिन्हा लै समझ आए कि सिंयो नांगी आसी। तिन्है पाच जोडेकेरे सिंयै तेतै झिकड़ै बणाए और आपणै शरीरा ढकणै कोशिश किए।

![](https://cdn.door43.org/obs/jpg/360px/obs-en-02-07.jpg)

तिंया आदमै और तेसरी लाड़ियै बगीचै दे घुमदी बारी परमेश्वरै आवाज शुणे। सिंयो दुए परमेश्वरा का झाखड़ा पिछो लुके रौहै। तिंया परमेश्वरै आदमा लै हाका लाई, “तू किंदै आसी?” आदमै जवाब दैया, “मं तुम्है बगीचै दे घुमदी बारी शुणे हेरै थिए, और हाँ डरे गोआ थिया, किलैकि हाँ नांगा थिया। एतिकठै हाँ लुके रौहा।”

![](https://cdn.door43.org/obs/jpg/360px/obs-en-02-08.jpg)

तेखा परमेश्वरै पूछा, “ताखा कुणी बोला कि तू नांगी आसी? किजै तौं स फल खा जस खाणै लै मं ना किए थिये?” आदमै जवाब दैया, “तुम्है जुण बेटड़े मेरी कठै बणाए थिये एसै ही मूलै स फल दैया।” तिंया परमेश्वरै स बेटड़े पुछे, “तौं ए किजै किया?” तैसै बेटड़िए बोला, “किड़ै मूलै धोखा दैया तेखा मं स फल खा।”

![](https://cdn.door43.org/obs/jpg/360px/obs-en-02-09.jpg)

परमेश्वरै किड़ै का बोला, “तू सभी बणाएदै जानवरा मेंझ श्रापित आसी! ता आपणै पेटै बल रेंगणा होर माटा चाटणा। ता होर एसा बेटड़ी एकी दूजै सागे बैर डाणा, होर तेरै शोरु होर एसै शोरु भी एकी दूजै सागे बैर डाणा। एसा बेटड़िए वंशा तेरा मुंड झेचणा, होर ता तेसरी घुंडी लै डंक बांणा।”

![](https://cdn.door43.org/obs/jpg/360px/obs-en-02-10.jpg)

तेखा परमेश्वरै बेटड़ी का बोला, “मूं तेरे हड़खदी बारीए दा हैन बढ़ाणै। ता आपणै लाड़ै का उम्मीद डांणै, होर तेस ता गैश हक जमाणा।”

![](https://cdn.door43.org/obs/jpg/360px/obs-en-02-11.jpg)

परमेश्वरै आदमा का बोला, “तौं आपणी लाड़िए गल शुणे होर मेरे आज्ञा नी मनी। एतिकठै जमीन श्रापित होए, होर ता अनाज पजैरनै कठै होर आपणै पेटै भूखै कठै कठिण मैनत करणे पड़णे। एबै तू मरे जाणा, होर तेरा शरीर माटै दे मिड़े जांणा।” आदमै आपणी लाड़िया नांओ हव्वा डा, जेता मतलब आसी “जिन्दगी दैणे आड़े”, किलैकि स सभी लोगै आदिमाता होंणे। होर परमेश्वरै आदम और हव्वा लै जानवरै चांभड़ै बणैदै झिकड़ै फनैए।

![](https://cdn.door43.org/obs/jpg/360px/obs-en-02-12.jpg)

तेखा परमेश्वरै बोला, “मंणछ एबै भलै और बुरै जैणणै केरे हामा सैंइ होए गोआदा, एतिकठै तिन्हा लै तेस जीवनै ड़ाडा फल नहीं खाणे दैणा चाहिए। किंदे एड़ा नी हो कि सिंयो खाओ होर हमेशा लै जिंओदै रौहे जाओ।” एतिकठै परमेश्वरै आदम और हव्वा तेस बगीचै का बाहरा लै काढे दैयै। होर परमेश्वरै तेस बगीचै प्रवेश दवारा गो शक्त्तिशाली स्वर्गदूता पैहरा ला ताकि कोए भी तेस जीवनै ड़ाडा फल नी खाए सको।

*उत्पत्ति पाठ 3 का एक बाइबलै काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_02_128kbps.m4a

## 3. जल प्रलय

https://openbiblestories.org/l/bfz-x-karsogi/story-3/

![](https://cdn.door43.org/obs/jpg/360px/obs-en-03-01.jpg)

एक समा एड़ा आया, जिंया संसारा दे हैन सारै लोग रहो थियै। सिंयो हैन दुष्ट होर पापै होए गोए थिए। ए सब किछ एत्रा बुरा होए गोआ थिया कि परमेश्वरै फैसला लौआ कि एकी बड़ी प्रलय केरे एस पूरै संसारा नाश करे दैया जाए।

![](https://cdn.door43.org/obs/jpg/360px/obs-en-03-02.jpg)

पर परमेश्वर नूहै कामा का खुश थिया। स एक धर्मे आदमे थिया, जुण दुष्ट मंणछा मेंझ रौहो थिया। परमेश्वरै नूहा का बोला कि स लोगै दुष्टतै वजहा का एक बड़े प्रलय आड़णै आड़ा आसी। एति वजहा केरे, तिनी नूहा लै एक बड़ा जहाज बणाणै कठै बोला।

![](https://cdn.door43.org/obs/jpg/360px/obs-en-03-03.jpg)

परमेश्वरै नूहा लै एक जहाज बणाणै कठै बोला, जुण लगभग 140 मीटर लांबा, 23 मीटे चौड़ा होर 13.5 मीटर उछटा हुणा। नूहा स गोपेरै डाड़ै काठा केरे बणाणा थिया होर तेत दे चन मजला, हैन जै कमरै, एक छत होर एक खिड़के बणाणे थिये। तेस जहाजा नूह, तेसरै परिवारा आड़ै, होर धरतीयै हर भांतियै जानवर तैसा प्रलय का बचाए ड़ाणे थियै।

![](https://cdn.door43.org/obs/jpg/360px/obs-en-03-04.jpg)

नूहै परमेश्वरै आज्ञा मने। तिनी होर तेसरै चन शोरुए तेड़ा ही जहाज बणाया जेड़ा परमेश्वरै तिन्हा लै बोला थिया। किलैकि स जहाज हैन बड़ा थिया तै तेस बणाणै लै कई साला लागी। नूहै संसारै लोगा लै आछणै आड़ै प्रलय बारै दे चेतावने दिए होर तिन्हा लै परमेश्वरा बाखा लै फिरणै कठै बोला, पर तिन्है तेसरी गला गैश विश्वास नी करी।

![](https://cdn.door43.org/obs/jpg/360px/obs-en-03-05.jpg)

परमेश्वरै नूहा और तेसरै परिवारा लै आपणै कठै होर जानवरै कठै जरूरतानुसार खांणै लै होर घा जमा करणैआ हुक्म भी दैया। जिंया सभ किछ तयार होए गोआ, तिंया परमेश्वरै नूहा का बोला कि एबै तेस, तेसरी लाड़ी, तेसरै चन शोरो, होर तिन्ही लाड़ी-कुल मिलाएकेरे आठा जैणैया जहाजा भिथरा लै जाणैआ समा थिया।

![](https://cdn.door43.org/obs/jpg/360px/obs-en-03-06.jpg)

परमेश्वरै हर जानवरै होर पंछिए नर होर मादा प्रजातियै अशुद्ध जानवरै ता दुए-दुए जोड़ै पर शुद्ध जानवरै सात-सात जोड़ै नूहा गोलै भेजै ताकि सिंयो जहाजा दे जाए सको होर प्रलय आछणै समै दे परमेश्वर तिन्हा बचाए सको। परमेश्वरै एड़ै सब प्रकारै जानवरै सात-सात जोड़ै यानी नर होर मादा भेजै जसरा बली चढ़ाणै कठै इस्तेमाल किया जाये सको। जिंया सिंयो सभ जहाजा भिथरा लै डे गोए तिंया परमेश्वरै आपु जहाजा दवार बंद किया।

![](https://cdn.door43.org/obs/jpg/360px/obs-en-03-07.jpg)

तिंया साता धैड़ै बाद सर्गा का पांणे लागणा शुरु होआ, होर पांणे होंदा रौहा, हैन होंदा रौहा। बगैर रुके चाड़ी धैड़ै होर चाड़ीए रैचे तिक पांणे लागादा रौहा। जमीना भीथरा का भी पांणी सोभड़ा फूटी सारै संसारै हर एक चीज, इंदा तिक कि ऊछटी का ऊछटी धारा भी पाणी दै डूबे गोइ।

![](https://cdn.door43.org/obs/jpg/360px/obs-en-03-08.jpg)

सिर्फ तिन्हा लोगा होर जानवरा का छाड़ेकेरे जुण जहाजा दे थियै, हर एक चीज जुण शुकी जमीना दे थिये मरे गोए। स जहाज पाणी दे तैरदा रौहा होर जहाजा भिथरै हरेक चीज ड़ूबणै का बचे गोए।

![](https://cdn.door43.org/obs/jpg/360px/obs-en-03-09.jpg)

तेखा पांणी रुकणै का बाद, पांज महीनै तिक जहाज पांणी दे तैरदा रौहा, तेस समै बाद संसारा दे पांणे कम होंदा लागे गोआ थिया। तिंया एकी धैड़ै स जहाज एकी धारै टिलै गैश टिके गोआ, पर संसार अझी भी पांणी केरे भरुआदा थिया। चन महीनै का बाद, धारै टिलै शुजदै लागै थिए।

![](https://cdn.door43.org/obs/jpg/360px/obs-en-03-10.jpg)

तेखा होर चाड़ियै धैड़ै का बाद, नूहै एक काओ एड़ा भाड़णै कठै बाहरा लै भेजा कि किजै पांणे शुके गोआ थिया कि नहीं। स काओ शुकी जमीनै खोजा दे ओरै-पोरै उड़दा रौहा, पर तेसलै एहड़े कोए भी जगहा नी मिड़ी जिंदे स बैठे सको थिया।

![](https://cdn.door43.org/obs/jpg/360px/obs-en-03-11.jpg)

तेखा कुछ धैड़ै बाद नूहै भी का एक कबूतरे बाहरा लै भेजे। पर तैसा लै भी कोए शुके जमीन नी मिड़ी, तै स नूहा गोलै वापस आये। एकी हपतै का बाद तिनी स कबूतरे भी का भेजे, होर स आपणी चोंचा दे जैतूना एक नौंआ पाच लौयेकेरे वापस आये। पांणे घटदा लागादा थिया, होर डाड़ बूट भी का जमदै लागै थियै।

![](https://cdn.door43.org/obs/jpg/360px/obs-en-03-12.jpg)

नूहै एक हप्ता होर नैहड़ा होर चिती बारी स कबूतरे बाहरा लै भेजे, एस समै तैसा लै बैठणै लै जैगहा मिड़े गोए होर स वापस नी आई। पांणे शुकदा ही लागादा थिया।

![](https://cdn.door43.org/obs/jpg/360px/obs-en-03-13.jpg)

दुई महीनै का बाद परमेश्वरै नूहा का बोला, “एबै तू होर तेरा परिवार होर सभ जानवर जहाजा का बाहरा लै निकड़ो। हैन सारै शोरो होर बाल-बच्चै पैदा करो होर संसारा दे भरुए जाओ।” तै नूह होर तेसरा परिवार जहाजा का बाहरा लै निकड़ै।

![](https://cdn.door43.org/obs/jpg/360px/obs-en-03-14.jpg)

नूहै जहाजा का बाहरा लै आछणै का बाद, तिनी एक बेदे बणाए। होर बलि लै इस्तेमाल करणै आड़ै हर एक शुद्ध जानवरा मैंझा का कुछ लौएकेरे बले चढ़ाए। परमेश्वर तिन्हा बलि केरे खुशी हुआ और नूह होर तेसरै परिवारा लै आशीष दैये।

![](https://cdn.door43.org/obs/jpg/360px/obs-en-03-15.jpg)

तेखा परमेश्वरै बोला, “हाँ शपथ लओ कि मंणछै द्वारा कियै जाणै आड़ै बुरै कामै बजहा का मूं कबै भी भूमि लै श्राप नी दैणी। मूं ना तो प्रलय जरियै संसारा नाश करणा, हालाँकि मंणछ आपणै बचपना का ही पापे आसी।”

![](https://cdn.door43.org/obs/jpg/360px/obs-en-03-16.jpg)

तेखा परमेश्वरै आपणी वाचै नशाणै रुपा दे पैहला मेघधनुष बणाया। जिंया कबै भी सरगा दै मेघधनुष शुजणा, तिंया परमेश्वरा याद करणै कि तिनी किजै शपथ लौएदे होर तेड़ै ही तेसरै लोगा भी याद करणा।

*उत्पत्ति पाठ 6-8 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_03_128kbps.m4a

## 4. अब्राहमा सागे परमेश्वरै वाचा

https://openbiblestories.org/l/bfz-x-karsogi/story-4/

![](https://cdn.door43.org/obs/jpg/360px/obs-en-04-01.jpg)

प्रलय का कइ साला बाद, संसारा दे हैन सारै लोग रहो थिये, होर सिंयो अझी भी परमेश्वरै होर एकी दूजै खलाफ पाप करो थियै। सिंयो सभ एक ही भाषा बोलो थियै, एतिकठै सिंयो कठै होए होर एकी नगरा बणांदै लागै। जेड़ा परमेश्वरै आदेश दैया थिया, तेतै मुताबक सिंयो सारै संसारा दे नी फैली।

![](https://cdn.door43.org/obs/jpg/360px/obs-en-04-02.jpg)

सिंयो लोग हैन घमंडी थिये, होर तिन्हा परमेश्वरै बोलणै मुताबक केड़ा जीवन जिणा चाहिये एतै बारै दै परमेश्वरै आज्ञा नहीं मनणा चांहदी थिये। आपणा नांओ महान करणै कठै तिन्है एक एड़ा उछटा भवन बणाणा शुरु किया जुण सर्गा तिक पुज्जे सको। परमेश्वरै भाड़ा कि जै सिंयो सागे मिड़ेकेरे बुरै काम करदै रहुंग तै सिंयो होर भी हैन सारै बुरै काम करे सको।

![](https://cdn.door43.org/obs/jpg/360px/obs-en-04-03.jpg)

तै परमेश्वरै तिन्है भाषा हैन सारी लग-लग भाषा दे बदले दैयी होर सिंयो लोग सारै संसारा दे फैलाऐ। जुण नगर तिन्है बणाणा शुरु किया थिया तेता नाओं बाबेल रौहा, जेता मतलब “गडबड़े” आसी।

![](https://cdn.door43.org/obs/jpg/360px/obs-en-04-04.jpg)

तेखा कई शौ साला बाद, परमेश्वरै अब्राम नांओंऐ एकी मंणछा सागे गल किए। परमेश्वरै तेसका बोला, “आपणै देशा होर परिवारा छाड़ेकेरे तेस देशा लै जा जुण मूं तालै दसणा। मूं तालै आशीष दैणे होर ताखा एक बड़े जाते बणाणे। मूं तेरा नांओ महान बणाणा। जस तालै आशीष दैणे तेसलै मूं आशीष दैणे, होर जस तालै श्राप दैणा तेसलै मूं श्राप दैणा। संसारै सभी कुलै लोगा तेरै जरियै आशीष पाणे।”

![](https://cdn.door43.org/obs/jpg/360px/obs-en-04-05.jpg)

तै अब्रामै परमेश्वरै आज्ञा मने। तिनी आपणे लाड़े सारै आपु सागे निंये, होर आपणै सारै दास होर आपणे सभ धन-दौलत भी निंये होर तेस देशा लै, यानि कनान देशा लै डेया जुण परमश्वरै तेसलै दसा थिया।

![](https://cdn.door43.org/obs/jpg/360px/obs-en-04-06.jpg)

जिंया अब्राम कनान देशा दे पुज्जा तिंया परमेश्वरै तेसका बोला, “आपणै चउ बाखा लै भाड़। मूं तालै ए सारा देश दैणा होर तेरै वंशै लोगा कबल्ला एत गैश अधिकार डाणा।” तिंया अब्राम तेस देशा दे ही बसा।

![](https://cdn.door43.org/obs/jpg/360px/obs-en-04-07.jpg)

मलिकिसिदक नांओंआ एक मर्द थिया जुण सर्वोच्च परमेश्वरा परोहत थिया। एकी धैड़ै जिंया अब्राम युद्धा करणै का बाद आछदा लागादा थिया तिंया स होर अब्राम एकी जगहा दे मिड़ै। मलिकिसिदकै अब्रामा लै आशीष दैये होर बोला, “सर्वोच्च परमेश्वर जुण स्वर्ग होर संसारा मालक आसी स तालै आशीष दैयो।” तेखा अब्रामै युद्धा दे जिती दी सभी चिजा दसवा हिस्सा मलिकिसिदका लै दैया।

![](https://cdn.door43.org/obs/jpg/360px/obs-en-04-08.jpg)

कई साला बीतै गोई, पर अझी भी अब्रामै होर सारै कोए शोरो नी होइ थिया। परमेश्वरै अब्रामा सागे गल किए होर भी का प्रतिज्ञा किये। तिनी ए प्रतिज्ञा किये, कि तेसरा एक शोरो पैदा होंणा होर जेड़ै सर्गा दे तारै आसी तेड़ै ही तेसरै भी हैन सारै वंशज होंणै। अब्रामै परमेश्वरै प्रतिज्ञा गैश विश्वास किया। परमेश्वरै घोषणा किये कि अब्राम एक धर्मे मंणछ थिया किलैकि तिनी परमेश्वरै प्रतिज्ञा गैश विश्वास किया था।

![](https://cdn.door43.org/obs/jpg/360px/obs-en-04-09.jpg)

तिंया परमेश्वरै अब्रामा सागे एक वादा किया। आमतौरा दे, एक वादा दूई दला मेंझ एकी दूजै कठै काम करणैया एक समझौता हो। पर एस बारै दे, परमेश्वरै अब्रामा सागे ए प्रतिज्ञा तिंया किये थिये जिंया अब्राम सुतादा थिया, पर स तिंया भी परमेश्वरै आवाज शुणे सको थिया। परमेश्वरै बोला, “मूं तालै होर सारा लै थारा एक आपणा शोरो दैणा। हाँ तेरै वंशजा लै एस कनान देशा दैयो।” पर अझी अब्रामै कोए शोरो नी आथी थिया।

*उत्पत्ति पाठ 11-15 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_04_128kbps.m4a

## 5. प्रतिज्ञा शोरो

https://openbiblestories.org/l/bfz-x-karsogi/story-5/

![](https://cdn.door43.org/obs/jpg/360px/obs-en-05-01.jpg)

अब्राम होर सारै कनान देशा दे पुजणै का दसा साला बाद भी तिन्है कोए शोरो नी थी। तै, तेसरी लाड़ी सारै तेसलै बोला, “किलैकि हेर परमेश्वरै अझी तिक मुलै कोइ शोरो नी आथी दैयादा। होर एबै हाँ शोरु लै जन्म दैणै कठै हैन ठगड़े भी होए गोएदे, एबै शुण, मेरे दासे हाजिरा इंधे आसी। तू मेरी दासी हाजिरै जरियै मेरै कठै शोरो पैदा कर।”

![](https://cdn.door43.org/obs/jpg/360px/obs-en-05-02.jpg)

तै सारै बोलणै केरे अब्राम हाजिरा गोलै डेया। हाजिरै एक शोरो जम्मा, होर अब्रामै तेसरा नांओं इश्माएल डा। पर सारै लै हाजिरै रोष लागे। जिंया इश्माएल तेरहा वर्षा थिया, परमेश्वरै भी का अब्रामा सागे गला की।

![](https://cdn.door43.org/obs/jpg/360px/obs-en-05-03.jpg)

तिंया परमेश्वरै बोला, “हाँ सर्व-शक्त्तिमान परमेश्वर आसी। मूं ता सागे एक वायदा करणा।” तिंया अब्रामै जमीना दे पड़ेकेरे तेसलै प्रणाम किया। परमेश्वरै अब्रामा का एड़ा भी बोला, “तू हैन सारी जातैया बाब होंणा। मूं तालै और तेरै वंशजा लै तिन्है आपणे जमीन होंणै कठै कनान देश दैणा होर हाँ सदा लै तिन्हा परमेश्वर होंणा। ता आपणै घरानै हर एकी मर्दा खतना करणा पड़णा।

![](https://cdn.door43.org/obs/jpg/360px/obs-en-05-04.jpg)

“तेरी लाड़ी सारै एक शोरो जमणा – स प्रतिज्ञा शोरो होंणा। तेसरा नांओं इसहाक डाया। मूं तेस सागे आपणा वायदा बणाये डाणा होर स एक बड़े जाते बंणे जांणे। मूं इश्माएला का भी एक बड़े जाते बणाणे, पर मेरा वायदा इसहाका सागे रौहणा।” तिंया परमेश्वरै अब्रामा नांओ बदड़ेकेरे अब्राहम डा, जेता मतलब “हैना जैणैआ बाब” आसी। परमेश्वरै सारै नांओ भी बदड़ेकेरे सारा डा, जेता मतलब आसी, “मूलमाता”।

![](https://cdn.door43.org/obs/jpg/360px/obs-en-05-05.jpg)

तेस धैड़ै अब्रामै आपणै घौरै सभी मर्दा खतना किया। लगभग एकी वर्षा का बाद, जिंया अब्राहम 100 वर्षा थिया होर सारा 90 वर्षै थिये, तिंया सारै अब्राहमै शोरु लै जन्म दैया। जेड़ा परमेश्वरै तिन्हा लै बोला थिया तिन्है तेसरा नांओ इसहाक डा।

![](https://cdn.door43.org/obs/jpg/360px/obs-en-05-06.jpg)

जिंया इसहाक जवान हुआ, तिंया परमेश्वरै अब्राहमै विश्वासै परीक्षा लौए। परमेश्वरै बोला, “आपणै एकलौतै शोरु लौ, होर तेस मेरी कठै बलिए रूपा दे चढ़ा।” तेखा अब्राहमै परमेश्वरै आज्ञा मने होर आपणा शोरो बलि चढ़ाणै कठै त्यार किया।

![](https://cdn.door43.org/obs/jpg/360px/obs-en-05-07.jpg)

जिंया अब्राहम होर इसहाक बलि चढ़ाणै जगहा बालै जांदै लागै तिंया इसहाकै पूछा, “ओ बाबा, हामा का बलि चढ़ाणै कठै छिड़ी तो आसी, पर बलि चढ़ाणै कठै छेलो किंदे आसी?” अब्राहमै जवाब दैया, “ओ मेरै शोरुआ, परमेश्वरा बलि चढ़ाणै कठै छेलुआ प्रबंध भी करणा।”

![](https://cdn.door43.org/obs/jpg/360px/obs-en-05-08.jpg)

जिंया सिंयो बलि चढ़ाणै जगहा दे पुज्जै, तिंया अब्राहमै इसहाक बैनै केरे बेदी गैश सताये दैया। स आपणै शोरु मारणै आड़ा ही थिया कि परमेश्वरै बोला, “रुकै जा शोरु लै नुकसान नी पजैड़ी। एबै मौं जैणे लोआ कि तू मेरा भय मनो किलैकि तू मेरी कठै सभ किछ दैणै लै त्यार थिया, इंदा तिक कि आपणै एकलौतै शोरु भी।”

![](https://cdn.door43.org/obs/jpg/360px/obs-en-05-09.jpg)

तिंया तिंदे नेड़ ही अब्राहमै एक छेलो भाड़ा जुण झाखड़ा दे शैचादा थिया। इसहाकै बदलै परमेश्वरै बलिए कठै छेलुआ प्रबंध किया थिया। अब्राहमै खुशी-खुशिए छेलुए बले चढ़ाये।

![](https://cdn.door43.org/obs/jpg/360px/obs-en-05-10.jpg)

तिंया परमेश्वरै अब्राहमा का बोला, “किलैकि तू मेरी कठै सभ किछ दैणै लै त्यार थिया, इंदा तिक कि आपणै एकलौतै शोरु भी। एतिकठै हाँ तालै आशीष दैणै प्रतिज्ञा करो। तेरै वंशज सर्गै तारै का भी हैन होंणै। किलैकि तौं मेरे आज्ञा मनेदे तै मूं तेरै परिवारै जरियै संसारै सभी कुलै लोगा लै आशीष दैणे।”

*उत्पत्ति पाठ 16-22 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_05_128kbps.m4a

## 6. परमेश्वर इसहाकै कठै प्रबंध करो

https://openbiblestories.org/l/bfz-x-karsogi/story-6/

![](https://cdn.door43.org/obs/jpg/360px/obs-en-06-01.jpg)

जिंया अब्राहम हैन ठगड़ा होए गोआ थिया तिंया तेसरा शोरो इसहाक, जवान होए गोआ थिया। तै अब्राहमै आपणा एक दास तेस देशा लै भेजा जिंदे तेसरै रिश्तेदार रहो थियै, ताकि स आपणै शोरु इसहाका लै एक लाड़े आणे सको।

![](https://cdn.door43.org/obs/jpg/360px/obs-en-06-02.jpg)

एक लांबै सफरा करणै का बाद, अब्राहमा दास तेस देशा लै डेया, जिंदे अब्राहमै रिश्तेदार रहो थिये। परमेश्वरै तेसरा मार्गदर्शन किया, कि स रिबका सागे मिड़ो। स अब्राहमै भाइये पोत्रे थिये।

![](https://cdn.door43.org/obs/jpg/360px/obs-en-06-03.jpg)

रिबका आपणै परिवारा छाड़ेकेरे तेस दासा सागे वापस जाणै कठै मने गोए। जिंया ही रिबका पूज्जे इसहाकै तैसा सागे बैह करे लौआ।

![](https://cdn.door43.org/obs/jpg/360px/obs-en-06-04.jpg)

तेखा एक लांबै समै का बाद, अब्राहम मरे गोआ। तिंया परमेश्वरै अब्राहमै शोरु इसहाका लै आशीष दैये, किलैकि परमेश्वरै अब्राहमा सागे वादा कियादा थिया। तेस वादै दे परमेश्वरै एक प्रत्तिज्ञा थिये कि अब्राहमै हैन सारै वंशज होंणै। पर इसहाकै लाड़ी रिबकै शोरो नी हुई।

![](https://cdn.door43.org/obs/jpg/360px/obs-en-06-05.jpg)

तेताका बाद इसहाकै रिबकै कठै प्रार्थना किये, परमेश्वरै तैसै प्रार्थना शुणे होर तैसा लै जुडवा शोरुआ गर्भ धारण करणै सामर्थ दैये। जिंया सिंयो शोरो रिबकै पेटा दे ही थियै सिंयो आपण झगड़दै लागै, तै रिबकै परमेश्वरा का पूछा कि ए किजै होंदा लागादा थिया।

![](https://cdn.door43.org/obs/jpg/360px/obs-en-06-06.jpg)

तिंया परमेश्वरै रिबका का बोला, “ता दूई शोरु लै जन्म दैणा। तिन्है वशंजा दूए लग-लग जाति बणाणी। सिंयो एकी दूजै सागे झगड़णै। पर बड़ड़ै शोरु का होंणै आड़ी जाति माठड़ै शोरु का पैदा होंणै आड़ी जातिए आज्ञा मनणे।

![](https://cdn.door43.org/obs/jpg/360px/obs-en-06-07.jpg)

जिंया रिबकै शोरुआ जन्म होआ, तिंया बड़ड़ा शोरो लाल होर झुशला थिया, होर तिन्है तेसरा नांओ एसाव डा। तिंया माठड़ा शोरो एसावै घुंडी पाकड़दियै जमा, होर तिन्है तेसरा नांओ याकूब डा।

*उत्पत्ति पाठ 24:1-25:26 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_06_128kbps.m4a

## 7. परमेश्वरै याकूबा लै आशीष दैये

https://openbiblestories.org/l/bfz-x-karsogi/story-7/

![](https://cdn.door43.org/obs/jpg/360px/obs-en-07-01.jpg)

जिंया सिंयो शोरो बड़ै होए तिंया याकूबा लै घौरै रौहणा बढ़िया लागो थिया, पर एसावा लै जानवरा शकार करणा बढ़िया लागो थिया। रिबकै याकूब पैरा थिया, पर इसहाकै एसाव पैरा थिया।

![](https://cdn.door43.org/obs/jpg/360px/obs-en-07-02.jpg)

एकी धैड़ै, जिंया एसाव शकार करेकेरे वापस आ तिंया तेसलै हैन भूख लागैदे थिये। एसावै याकूबा का बोला, “जुण तौं खाणै लै चाणेदे तेता मैंझा का मुलै भी थोड़े जे खाणैलै दै।” याकूबै जवाब दैया, “पैहलै मूं सागै एड़े प्रत्तिज्ञा कर कि पैहला शोरो होंणै वजहा केरे हर एक चीज, जुण मुलै मिड़णै चहिए थिये, स सभ ता मुलै दैणे।” तै एसावै सिंयो सभ चीजा याकूबा लै दैणै प्रत्तिज्ञा किए। तिंया याकूबै तेसलै थोड़े जे खाणैलै दैये।

![](https://cdn.door43.org/obs/jpg/360px/obs-en-07-03.jpg)

इसहाक एसावा लै आशीष दैणा चाहो थिया। पर एताका पैहलै कि तिनी एड़ा किया होंदा, रिबकै होर याकूबै इसहाका सागे धोखा किया। तिन्है याकूबा एसाव होणैया छल करेकेरे तेस सागे धोखा किया। इसहाक ठगड़ा थिया होर स एबै हेरै नी सकदा थिया। तै याकूबै एसावै झिकड़ै पैहनै होर बाकरिए खालड़े आपणै गौड़ा दे होर हाथा दे पड़ेटे लौए।

![](https://cdn.door43.org/obs/jpg/360px/obs-en-07-04.jpg)

तेखा याकूब इसहाका गोलै आ होर बोला, “हाँ आसी एसाव। हाँ एतिकठै आ कि तू मुलै आशीष दैयो।” जिंया इसहाकै बाकरिए शराड़ तोपै होर झिकड़ै शिंघै, तिंया तिनी सोचा कि स एसाव आसी होर तेसलै आशीष दैये।

![](https://cdn.door43.org/obs/jpg/360px/obs-en-07-05.jpg)

एसावै याकूबा सागे नफरत्त किये किलैकि याकूबै तेसरै पैहलै शोरु होंणैआ हक होर सागे ही तेसरी आशीषा भी लौए हेरी थी। एताका बाद एसावै योजना बणाए कि जिंया म्हारा बाब मरे जाणा तिंया मूं याकूब खत्म करे दैणा।

![](https://cdn.door43.org/obs/jpg/360px/obs-en-07-06.jpg)

पर रिबकै एसावै योजना बणाणै गला शुणे हेरी। तै तैसै होर इसहाकै याकूब तिन्है रिश्तेदारा सागे रौंहदा हैन दूरा लै भेजा।

![](https://cdn.door43.org/obs/jpg/360px/obs-en-07-07.jpg)

तेखा याकूब कई वर्षा तिक रिबकै रिश्तेदारा सागे रौहा। तेस समै दौरान तिनी बैह किया होर तेसरै बारहा शोरो होर एक शोरे हुए। परमेश्वरै स हैन सेठ बणाया।

![](https://cdn.door43.org/obs/jpg/360px/obs-en-07-08.jpg)

बिआ वर्षा तिक कनान देशा दे आपणै घौरा का दूर रौहणै का बाद, याकूब आपणै परिवारा, आपणै दासा, होर आपणै पालतू पशुऐ झुंडा समित आपणै घौरा लै वापस आ।

![](https://cdn.door43.org/obs/jpg/360px/obs-en-07-09.jpg)

याकूब तै हैन डौरादा थिया किलैकि तिनी सोचा जै एसाव ऐभै भी मूं मारणा चाहा हुणा। एतिकठै तिनी तौहफै रुपा दे पालतो पशो जेड़ै कि भेड़ा-बाकरीयै, गावा-बल्दै, ऊंटै होर गाधै झुण्ड एसावा गोलै भेजै। जुण दास तिन्हा झुंडा लौएकेरे डेयै थियै तिन्है बोला, “तेरा दास याकूब, इन्हा पशु तालै दैणा चाहो। स छेकै ही हामा पिछो-पिछो आछदा लागादा।”

![](https://cdn.door43.org/obs/jpg/360px/obs-en-07-10.jpg)

पर एसाव ऐबै याकूबा मारणा नी चांहदी थिया। एतै अलावा, स तेस एकी बारी भी का भाड़ेकेरे खुश थिया। तेताका बाद दुए भाए एसाव होर याकूब कनान देशा दे शान्ति केरे रौंहदै लागै। तेखा इसहाक मरे गोआ होर याकूबै होर एसावै स दाबा। वादै प्रतिज्ञा जुण परमेश्वरै अब्राहमा सागे की थी सिंयो एबै इसहाका का याकूबा गैश आए गोइ थी।

*उत्पत्ति पाठ 25:27-35:29 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_07_128kbps.m4a

## 8. परमेश्वर यूसुफा होर तेसरै परिवारा बचाओ

https://openbiblestories.org/l/bfz-x-karsogi/story-8/

![](https://cdn.door43.org/obs/jpg/360px/obs-en-08-01.jpg)

याकूबै कनान देशा दे रौहन्दी-रौहन्दी हैन साला होए गोइ थी। जिंया स ठगड़ा होए गोआ थिया, तिंया तिनी आपणा पैरा शोरो यूसुफ तेसरै भाईयै बारै दै पता करदा भेजा। तेसरै भाए डागै गवाड़ै डेयैदै थियै।

![](https://cdn.door43.org/obs/jpg/360px/obs-en-08-02.jpg)

यूसुफै भाए तेस सागे जिद्द करो थिये किलैकि तिन्हा बाब तेस सागे हैन प्यार करो थिया होर तै भी कि यूसुफै सुपना भाड़ा थिया कि मूं आपणै भाई गैश राज करणा। जिंया यूसुफ आपणै भाईया गो लै आया तै तिन्है स बंधक बंणाया होर स दासा व्यापार करणै आड़ै लोगा लै बेचे दैया।

![](https://cdn.door43.org/obs/jpg/360px/obs-en-08-03.jpg)

तेखा एड़ा हुआ कि घौरा लै वापस हटणै का पैहले ही यूसुफै भाइयै यूसुफै झिकड़ै छेकै होर बाकरियै खूनै केरे सिंनै किये। तेखा तिन्है सिंयो झिकड़ै आपणै बाबा का दसै ताकि स एड़ा सोचो कि कुणी जंगली जानवरै स मारे हेरादा। तेती वजहा केरे याकूब हैन दु:खी थिया।

![](https://cdn.door43.org/obs/jpg/360px/obs-en-08-04.jpg)

दासा व्यापार करणै आड़ै यूसुफ मिस्र देशा लै निंया। नील नदियै कनारै बसादा मिस्त्र देश हैन बड़ा और शक्तिशाली देश थिया। तिन्है दासा व्यापार करणै आड़ै लोगै यूसुफ एकी अमीर शासकीय अधिकारी लै दासै रुपा दे बेचे दैया। यूसुफै आपणै मालकै बढ़िया तरीकै केरे सेवा किये, होर परमेश्वरै यूसुफा लै आशीष दैये।

![](https://cdn.door43.org/obs/jpg/360px/obs-en-08-05.jpg)

तिंया तेसरै मालकै लाड़िए यूसुफा सागे नाजायज रिशता बणाणै कोशिश किये, पर यूसुफै एहड़ैकेरे परमेश्वरै खिलाफ पाप करणै लै ना किये। एती वजहा केरे तैसा लै हैन गुस्सा आ होर तैसै यूसुफा लै झूठा इलजाम ला, एतिकठै तैसै लाड़ै स गिरफ्तार करेकेरे जेला लै भेजे दैया। जेला दे भी, यूसुफ परमेश्वरै प्रति विश्वासयोग्य रौहा, होर परमेश्वरै तेसलै आशीष दैये।

![](https://cdn.door43.org/obs/jpg/360px/obs-en-08-06.jpg)

भले ही यूसुफ निर्दोष थिया, पर दूई साला का बाद अझी भी स जेला दे ही थिया। एकी रैचे एड़ा हुआ कि, फिरौन, जेड़ा कि मिस्र देशै लोग आपणै राजै लै बोलो थियै, तिनी दुए सुपनै भाड़ै जेतकेरे स हैन परेशान हुआ। तेसरा कोए भी सलाहकार तेसलै तिना सुपनैआ मतलब नी दसे सका।

![](https://cdn.door43.org/obs/jpg/360px/obs-en-08-07.jpg)

पर परमेश्वरै यूसुफा लै सुपनै मतलब दसणै समझ दैये थिये, एतिकठै फिरौनै यूसुफ जेला का आपु गोलै शादा। यूसुफै तेसलै तिना सुपनैआ मतलब दसा होर बोला, “पूरै मिस्र देशा दे परमेश्वरा साता साला तिक बढ़िया फसल दैणे पर तेताका बाद सात साला तिक नकाड़ पड़णा।”

![](https://cdn.door43.org/obs/jpg/360px/obs-en-08-08.jpg)

इना गला बाद फिरौन यूसुफा का एत्रा खुश हुआ की तिनी स पूरै मिस्र देशा दूजा सभी का शक्त्तिशाली मंणछ यानी मिस्र देशा प्रधान मन्त्रे बणाया।

![](https://cdn.door43.org/obs/jpg/360px/obs-en-08-09.jpg)

यूसुफै लोगा लै बढिया फसला आड़ै साता साला मेंझ हैन मात्रा दे नाज कठै करणै लै बोला। जिंया साता साला नकाड़ पड़ा तिंया यूसुफै लोगा लै स नाज बेचा ताकि तिन्हा का खाणैलै पूरा नाज हो।

![](https://cdn.door43.org/obs/jpg/360px/obs-en-08-10.jpg)

स नकाड़ सिर्फ मिस्त्र देशा दे ही नी, पर कनान देशा दे भी भयंकर थिया जिंदे याकूब होर तेसरा परिवार रहो थिया।

![](https://cdn.door43.org/obs/jpg/360px/obs-en-08-11.jpg)

एतिकठै याकूबै आपणै बड़ड़ै शोरो नाजा खरीदणै कठै मिस्र देशा लै भेजै। जिंया सिंयो नाजा खरीदणै कठै यूसुफै सामनै खड़ुए, तिंया तेसरै भाइयै यूसुफ नी फछैणी। पर यूसुफै सिंयो फछैणे हेरै।

![](https://cdn.door43.org/obs/jpg/360px/obs-en-08-12.jpg)

तिन्है बारै दे एड़ा पता करणै कठै कि किजै सिंयो बदड़ुए गोए तिन्हा परखणै का बाद, यूसुफै तिन्हा का बोला, “हाँ थारा भाए यूसुफ आसी! डरी नी आथी। जिंया तुम्है हाँ दासै रुपा दे बेचा तिंया तुम्है बुरा करणैआ सोचा थिया, पर परमेश्वरै बुराए भलाइयै कठै इस्तेमाल किये! आछो होर मिस्र देशा दे रहो ताकि हाँ थारी कठै होर थारै परिवारै कठै खाणैआ प्रबंध करे सकु”

![](https://cdn.door43.org/obs/jpg/360px/obs-en-08-13.jpg)

जिंया युसुफै भाए घौरा लै वापस हटै होर आपणै बाबा याकूबा का दसा कि यूसुफ अझी भी जिओंदा आसी तिंया स हैन खुश हुआ।

![](https://cdn.door43.org/obs/jpg/360px/obs-en-08-14.jpg)

हांलाकि याकूब एक ठगड़ा मंणछ थिया तैबी स आपणै पूरै परिवारा समित मिस्र देशा लै डेया होर सिंयो तिंदे बसै। याकूबै आपणै मरणै का पैहलै आपणै सभी शोरु लै आशिर्वाद दैया।

![](https://cdn.door43.org/obs/jpg/360px/obs-en-08-15.jpg)

वाचै स प्रतिज्ञा जुण परमेश्वरै अब्राहमा सागे किए थिये सिंयो इसहाका गैश होर इसहाका का बाद याकूब होर तेसरै बारहा शोरू होर तिन्है परिवारा गैश आई। तिन्हा बारहा शोरूऐ वंशज इस्राएलै बारहा गोत्र बणै।

*उत्त्पत्ति पाठ 37-50 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_08_128kbps.m4a

## 9. परमेश्वर मूसा शादो

https://openbiblestories.org/l/bfz-x-karsogi/story-9/

![](https://cdn.door43.org/obs/jpg/360px/obs-en-09-01.jpg)

यूसुफा मरणै का बाद तेसरै सभ रिश्तेदार मिस्र देशा दे रौंहंदै लागै। सिंयो होर तिन्है वंशज कई साला तिक मिस्र देशा दे ही रौहै होर तिन्है हैन शोरो होऐ। सिंयो इस्राएली लोग कहलाऐ।

![](https://cdn.door43.org/obs/jpg/360px/obs-en-09-02.jpg)

कई साला का बाद, इस्राएली लोगै अबादै हैन बढ़े। होर मिस्री लोग ऐबै ऐसा गलै कठै एहसानमंद नी थी कि तिन्है मदद करणै कठै यूसुफै हैन कुछ कियादा। सिंयो इस्राएली लोगा का डरे गोए किलैकि सिंयो संख्या दे तिन्हा का हैन ज्यादै थियै। तै तेस समै मिस्र देशा दे राज करणै आड़ै फिरौनै इस्राएली लोग मिस्री लोगै दास बणाए।

![](https://cdn.door43.org/obs/jpg/360px/obs-en-09-03.jpg)

तेस समै मिस्री लोगै इस्राएले लोग हैन बड़ै-बड़ै भवना इंदा तिक कि कई कस्बे बणाणै कठै मजबूर कियै। तैसा मैहनता करेकेरे सिंयो हैन दुःखी होए, पर परमेश्वरै तिन्हा लै आशीष दैये होर तिन्है होर हैन ज्यादै शोरो हुए।

![](https://cdn.door43.org/obs/jpg/360px/obs-en-09-04.jpg)

तिंया फिरौनै भाड़ा कि इस्राएलियै लोगै हैन शोरो होंदै लागेदै थिये, तै तिनी आपणै लोगा लै इस्राएलियै लोगै सभी नर शोरु लै नील नदी दे शोटेकेरे मारणैआ आदेश दैया।

![](https://cdn.door43.org/obs/jpg/360px/obs-en-09-05.jpg)

तेखा एड़ा होआ कि एकी खास इस्राएली बेटड़ियै एकी शोरु लै जन्म दैया। तैसै होर तैसै लाड़ै जेत्रा तिन्हा का होए सको था स शोरो लकोए डा।

![](https://cdn.door43.org/obs/jpg/360px/obs-en-09-06.jpg)

जिंया तेस शोरुए मां-बाब तेस होर ज्यादा नी लकोए सकै, तै तिन्है स तेस मारणै का बचाणै कठै एकी छाबड़ै दे नील नदीयै कनारै दे बैन्जे डंडै मेंझ डाए दैया। तेस शोरुए बैहण दूर खड़े होएकेरे चुफियै तेस हेरदे रौहे कि तेस सागे किजै होंणा।

![](https://cdn.door43.org/obs/jpg/360px/obs-en-09-07.jpg)

राजा फिरौनै शोरे नदी लै नैहंदे आए होर तैसै तेस छाबड़ै हेरेकेरे तेत भिथरा लै नजर दैये। जिंया तैसै स शोरो भाड़ा तिंया तैसै स आपणै शोरुऐ रुपा दे अपनाया। तैसै एक इस्राएले बेटड़े तेसलै दूध पलाणै कठै कामा दे ड़ाए, बिणी एड़ा जैणे कि ए तेस शोरुए सक्के आम्मा थिये। जिंया स शोरो एत्रा बड़ा हुआ कि ऐबै तेसलै आपणी आम्मै दूधै जरुरत नी आथी, तै तैसै फिरौनै शोरी गोलै स वापस भेजा, तेसरा नांओ मूसा डा।

![](https://cdn.door43.org/obs/jpg/360px/obs-en-09-08.jpg)

तेखा एकी धैड़ै, जिंया मूसा जवान होए गोआ थिया, तिंया तिनी भाड़ा कि एक मिस्रे आदमे एकी इस्राएली आदमी जिकदा लागादा थिया। तेस भाड़ेकेरे मूसै आपणै इस्राएली साथी बचाणै कोशिश किये।

![](https://cdn.door43.org/obs/jpg/360px/obs-en-09-09.jpg)

जिंया मूसै सोचा कि स कसी नी भाड़णी तिंया तिनी स मिस्रे आदमे मारे डाआ होर तेसरे ल्हास दाबे दैये। पर मूसै जुण किया थिया स कुणी होरी आदमियै भाड़े हेरा थिया।

![](https://cdn.door43.org/obs/jpg/360px/obs-en-09-10.jpg)

जिंया फिरौना का पता लागे गोआ कि मूसै किजै कियादा। तिनी तेस मारणै कोशिश किये, पर मूसा मिस्र देशा का बौणा लै भागा। पर फिरौनै सैनिक तेस तिंदे लोड़े नी सकै।

![](https://cdn.door43.org/obs/jpg/360px/obs-en-09-11.jpg)

तेखा एड़ा होआ कि मूसा मिस्र देशा का दूर मिद्यान देशा दे रौंहदा लागा। तिनी तिंदे एकी बेटड़ी सागे बैह किया होर तेसरै दूए शोरो होए। होर स तिंदे एक फुआल बणे गोआ थिया।

![](https://cdn.door43.org/obs/jpg/360px/obs-en-09-12.jpg)

तिंदे मूसा आपणै शौरै भेड़ा बाकरिये देख-रेख करो थिया। एकी धैड़ै एड़ा होआ कि, तिनी एक झाखड़ फुकदा भाड़ा जुण बगैर भस्म होए फुकदा लागादा थिया। तेस भाड़णै कठै स तेस झाखड़ै नेड़ा लै डेआ। जिंया स तेतै हैन नेड़ पुज्जे गोआ तिंया परमेश्वरै तेस सागे गल किए। परमेश्वरै बोला, “ओ मूसा, आपणै बूटा पोरै खोल। तू एकी पवित्र जगहा दे खड़ुआदा आसी।”

![](https://cdn.door43.org/obs/jpg/360px/obs-en-09-13.jpg)

परमेश्वरै बोला, “मं आपणै लोगा दु:ख भाड़ादा। मूं तू फिरौना गोलै भेजणा ताकि तू इस्राएली लोगा मिस्रै लोगै गुलामी का आजाद करेकेरे आंणौ। मूं तिन्हा लै कनान देश दैणा, स देश जेता मं अब्राहम इसहाक होर याकूबा लै दैणैआ वादा कियादा थिया।”

![](https://cdn.door43.org/obs/jpg/360px/obs-en-09-14.jpg)

मूसै पूछा, “जै लोग जैणणा चांहुंग कि हाँ कुणी भेजादा तै मूं किजै बोलणा?” परमेश्वरै बोला, “जुण हाँ आसी सौही हाँ आसी। तिन्हा का बोलैया, ‘हाँ आसी, तिनी हाँ तुम्हा गोलै भेजादा।’ तिन्हा का एड़ा भी बोलैया, ‘हाँ थारै पुरखै अब्राहम, इसहाक होर याकूबा परमेश्वर यहोवा आसी।’ मेरा नांओ सदा का आसी।”

![](https://cdn.door43.org/obs/jpg/360px/obs-en-09-15.jpg)

पर मूसा डरो थिया होर फिरौना गोलै जाणा नी चाहंदी थिया किलैकि स सोचो थिया कि स धोरैकेरे बोले नी सकदा। तै परमेश्वरै मूसा भाए, हारून, तेसरी सहायता करणै कठै भेजा।

*निर्गमन पाठ 1-4 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_09_128kbps.m4a

## 10. दस महामारी

https://openbiblestories.org/l/bfz-x-karsogi/story-10/

![](https://cdn.door43.org/obs/jpg/360px/obs-en-10-01.jpg)

“परमेश्वरै मूसा होर हारूना लै चेतावने दैए कि फिरौना मन हैन हठी होंणा। जिंया सिंयो फिरौना गोलै डेयै तै तिन्है बोला, “इस्राएला परमेश्वर एड़ा बोलो, ‘मेरै लोगा जाणे दैओ!’” पर फिरौनै नी तिन्है शुणी होर इस्राएली लोगा जांणै कठै आजाद करणै बजाए तिनी सिंयो होर कठण परिश्रम करणै कठै मजबूर कियै।

![](https://cdn.door43.org/obs/jpg/360px/obs-en-10-02.jpg)

फिरौन तिन्हा लोगा लै जाणै कठै सदा ना ही करदा रौहा, एतिकठै परमेश्वरै मिस्र देशा दे दस घोर कष्ट भेजै। इन्हा कष्टै जरियै, परमेश्वरै फिरौना लै दसा कि परमेश्वर फिरौना होर मिस्रै देवतै का हैन शक्त्तिशाली आसी।

![](https://cdn.door43.org/obs/jpg/360px/obs-en-10-03.jpg)

तिंया परमेश्वरै नील दरैओआ पांणै खूना दे बदड़ै दैया, पर फिरौनै अझी भी इस्राएले जाणे नी दैई।

![](https://cdn.door43.org/obs/jpg/360px/obs-en-10-04.jpg)

परमेश्वरै सारै मिस्र देशा दे मिंड़कै भेजै। फिरौनै मिंड़कै दूर करणै कठै मूसा का अर्ज किये। पर सभी मिंड़कै मरे जाणै का बाद, फिरौना लै हठ आए होर तिनी इस्राएले लोग मिस्र देशा का बाहरा लै जाणे नी दैई।

![](https://cdn.door43.org/obs/jpg/360px/obs-en-10-05.jpg)

तै परमेश्वरै माठै-माठै माखै विपत्ते भेजे। तेताका बाद तिनी ढ़ांगै विपत्ते भेजे। फिरौनै मूसा और हारून शादै होर तिन्हा का बोला कि जै सिंयो तेस कष्टा रोके दैयो तै इस्राएली लोग मिस्र देशा छाड़ेकेरे जाए सको। जिंया मूसै प्रार्थना किए तिंया परमेश्वरै मिस्रा का ढ़ांगै विपत्ते हटाए। पर फिरौना लै हठ आए होर सिंयो लोग आजाद होएकेरे जाणे नी दैई।

![](https://cdn.door43.org/obs/jpg/360px/obs-en-10-06.jpg)

एताका बाद। परमेश्वरै मिस्रियै सभ पालतो जानवर बमार किए होर सिंयो तैसा बमारी केरे मरे गोए। पर फिरौना मन भी का हठी होआ होर तिनी इस्राएली लोग जाणे नी दैई।

![](https://cdn.door43.org/obs/jpg/360px/obs-en-10-07.jpg)

तिंया परमेश्वरै मूसा का फिरौनै सामनै हावा दे भसमा शोटणै लै बोला। जिंया तिनी एड़ा किया तिंया मिस्र देशै लोगै शरीरा दे दाए आड़ै दु:खणै निकड़ै, पर इस्राएली लोगा लै किछ भी नी हुई। परमेश्वरै फिरौना मन होर हठी किया, होर तिनी इस्राएली लोग जाणे नी दैई।

![](https://cdn.door43.org/obs/jpg/360px/obs-en-10-08.jpg)

एताका बाद, परमेश्वरै सर्गा का शरो बरशाया होर मिस्री लोगै सभी फसला नाश होआ होर जुण कोए भी बाहरा लै निकड़ा स मरे गोआ। फिरौनै मूसा और हारून शादै होर तिन्हा का बोला, “मं किया पाप। तुम्है सब लोग जाए सको।” तै मूसै प्रार्थना किए, होर सर्गा का शरो बरशंणा बंद होए गोआ।

![](https://cdn.door43.org/obs/jpg/360px/obs-en-10-09.jpg)

पर फिरौनै भी का पाप किया होर आपणा मन होर हठी किया। तिनी इस्राएली लोग आजाद होएकेरे जाणे नी दैई।

![](https://cdn.door43.org/obs/jpg/360px/obs-en-10-10.jpg)

तै परमेश्वरै मिस्र देशा दे रैटै झुण्ड आछणे दैये। इन्है रैटै सिंयो सारी फसला खाई जुण शरु केरे खत्म नहीं हुई थी।

![](https://cdn.door43.org/obs/jpg/360px/obs-en-10-11.jpg)

तेखा परमेश्वरै न्हैरा करे दैया जुण चन धैड़ै तिक बंणा रौहा। ए एत्रा घोर थिया कि मिस्री लोगै निसा आपणै घौरा का बाहरा लै भी निखड़ुए। पर जिंधे इस्राएले लोग रौओ थियै तिंधे प्रैशा थिया।

![](https://cdn.door43.org/obs/jpg/360px/obs-en-10-12.jpg)

इना नौ कष्टा का बाद भी, फिरौनै इस्राएली लोगा लै आजाद होएकेरे जांणै कठै नां करे दैये। किलैकि फिरौनै परमेश्वरै गला नी शुणी थी एतिकठै अंता दे एक होर कष्ट भेजणै तरकीब बणाए। एस कष्टा फिरौना मन बदलै दैणा।

*निर्गमन पाठ 5-10 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_10_128kbps.m4a

## 11. फसहा त्यौहार

https://openbiblestories.org/l/bfz-x-karsogi/story-11/

![](https://cdn.door43.org/obs/jpg/360px/obs-en-11-01.jpg)

परमेश्वरै मूसा होर हारून फिरौना गोलै एड़ा बोलणै कठै भेजै कि इस्राएली लोगा जाणे दै। तिन्है तेसलै चेतावने दैये कि जै तिनी सिंयो जांणै नी दैये, तै परमेश्वरा मिस्रै लोगै होर जानवरै सभ बडड़ै-बडड़ै शोरो मारे दैणै। फिरौनै एड़ा शुणेकेरे भी परमेश्वरा गैश विश्वास करणै का होर तेसरी गला मनणै का ना करे दैये।

![](https://cdn.door43.org/obs/jpg/360px/obs-en-11-02.jpg)

परमेश्वरै तेस गैश विश्वास करणै आड़ै सभीयै पैहलै शोरु बचाणै कठै एक तरकीबा इंतजाम किया। हर परिवारा (इसाएली) एकी निर्दोष छेलुए बलै दैणै थिये।

![](https://cdn.door43.org/obs/jpg/360px/obs-en-11-03.jpg)

तेखा परमेश्वरै इस्राएली लोगा का तेस छेलुआ खून आपणै घौरै दवारा दे लाणै लै बोला। तिन्हा तेसरा मास भुजणा थिया होर तेखा तिन्हा बिणी सजेड़ै रोटी सागे झटपट खांणा थिया। तिनी तिन्हा लै खाणैलै खांणै का बाद तेस ही समै मिस्र देशा छाड़णै लै भी छेकै त्यार रौहणै कठै बोला।

![](https://cdn.door43.org/obs/jpg/360px/obs-en-11-04.jpg)

जेड़ा करणै कठै परमेश्वरै इस्राएली लोगा लै आदेश दिया थिया तिन्है तेसरै अनुसार सभ किछ तेड़ा ही किया। आधी रैचे, परमेश्वर हर एकी बडड़ै शोरुआ प्राण नाश करदी मिस्र देशा मेंझा का होयेकेरे आगो बढा।

![](https://cdn.door43.org/obs/jpg/360px/obs-en-11-05.jpg)

इस्राएली लोगै हर एकी घौरै दवारा दे खून लागादा थिया, एतिकठै परमेश्वरै सिंयो घौर छाड़े दैये। तेत भिथरै सभ लोग धोरै थियै। सिंयो छेलुए खूनै वजहै केरे बचे गोए थियै।

![](https://cdn.door43.org/obs/jpg/360px/obs-en-11-06.jpg)

पर मिस्री लोगै परमेश्वरा गैश विश्वास नी की होर तेसरे आज्ञा नी मनी थिये। एतिकठै परमेश्वरै तिन्है घौरा सभिका बड़डा शोरो होर पैहलै-पैहलै पालतो पशो नी छाड़ी। परमेश्वरै मिस्री लोगै हरेक बडड़ै शोरो मारे दैये।

![](https://cdn.door43.org/obs/jpg/360px/obs-en-11-07.jpg)

तिंया जेलै कैदियै सभिका बडड़ै शोरु का लौएकेरे, फिरौनै बडड़ै शोरु तिक, हर एक बड़ा नर शोरो मरे गोआ। आपणै कष्टै बजहा का जुण सैहणै जोगता नी थी, मिस्रियै लगभग सभ लोग चिंगदै लागैदै थियै होर शोक करदै लागेदै थिये।

![](https://cdn.door43.org/obs/jpg/360px/obs-en-11-08.jpg)

तैसा ही रैचे, फिरौनै मूसा और हारून शादै होर बोला, “इस्राएली लोगा लोयैकेरे एबै ही मिस्र देशा का निकड़े जाओ!” मिस्रै देशै लोगै भी इस्राएली लोगा का तिंया ही तिंधा का निकड़े जांणै अर्ज किये।

*निर्गमन पाठ 11:1-12:32 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_11_128kbps.m4a

## 12. इस्राएली लोगा मिस्र देशा का बाहरा लै जाणा (निर्गमन)

https://openbiblestories.org/l/bfz-x-karsogi/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोग मिस्र देशा का निकड़ेकेरे हैन खुश थियै। सिंयो ऐबै दास नी थी, होर सिंयो वादा कियैदै देशा लै चालैदै थियै! जुण किछ भी इस्राएली लोगै माँगा, मिस्री लोगै तिन्हा लै स सभ किछ दैया, इंदा तिक कि सोना होर चाँदे होर दूजी कई भांति मैंहगी चीजा भी दैइ। दूजै देशै किछ लोगै परमेश्वरा गैश विश्वास किया होर जिंया इस्राएली लोग मिस्र देशा का निकड़ै तिंया सिंयो भी तिन्हा सागे आए।

![](https://cdn.door43.org/obs/jpg/360px/obs-en-12-02.jpg)

धैड़कै समै बादड़ा एक बड़ा खम्भा तिन्है आगो-आगो चाला। होर रैचकै समै ए आगा खम्भा बणे गोआ। परमेश्वर जुण कि तेस बादड़ै खम्भै दे होर आगै खम्भै दे थिया, स कबल्ला तिन्हा सागे थिया होर तिनी यात्रा करदै समै तिन्हा का पैंडा दसा। तिन्हा सिर्फ एत्रा करणा थिया कि तेस पिछो हाँडदै लागणा थिया।

![](https://cdn.door43.org/obs/jpg/360px/obs-en-12-03.jpg)

तेखा थोड़ै जै समै का बाद, फिरौन होर तेसरै लोगै आपणा मन बदड़े हेरा। सिंयो इस्राएली लोगा भी का आपणा दास बणाणा चाहो थियै। एतिकठै तिन्है इस्राएली लोगा पिछा किया। ए परमेश्वर ही थिया जुणी तिन्है मन बदड़ै। तिनी एड़ा तै किया किलैकि स चाहो थिया कि सभ ए जैणे लओ कि फिरौना का होर मिस्रियै लोगै सभी देवतै का स, यहोवा, हैन शक्त्तिशाली आसी।

![](https://cdn.door43.org/obs/jpg/360px/obs-en-12-04.jpg)

जिंया इस्राएली लोगै मिस्रै सैनै लोग आपु पिछो आछदै हेरै तिंया तिन्हा का पता लागा कि सिंयो फिरौनै सैना होर लाल समुंदरा मेंझ फसे गोऐदै। सिंयो हैन डरे गोए होर चिंगदै लागै, “हामै मिस्र देश किलै छाड़ा? एबै हामा मरणै का कोए नी बचाए सकदा!”

![](https://cdn.door43.org/obs/jpg/360px/obs-en-12-05.jpg)

मूसै इस्राएली लोगा लै बोला, “डरी नी आथी! परमेश्वरा आज आपु ही थारी कठै खड़णा होर तुम्है बचाणै।” तिंया परमेश्वरै मूसा का बोला, “इना लोगा लै लाल समुंदरा बाखा लै आगो बढ़णै लै बोलो।”

![](https://cdn.door43.org/obs/jpg/360px/obs-en-12-06.jpg)

तिंया परमेश्वरै स बादड़ा खम्भा इस्राएली लोगै होर मिस्रियै लोगै मेंझा दे डाए दैया होर रैचे स आगा खम्भा बणे गोआ, ताकि सारी रैचे मिस्री लोग इस्राएली लोगा हेरे नी सको।

![](https://cdn.door43.org/obs/jpg/360px/obs-en-12-07.jpg)

तेखा परमेश्वरै मूसा लै समुंदरा गैश हाथ बढ़ाणै लै बोला। परमेश्वरै बागरी केरे समुंदरा पाणे खैंजी बाखा लै होर दैणी बाखा लै करे दैया, जेतकेरे समुंदरा का होयेकेरे एक पैंड़ा बणे गोआ।

![](https://cdn.door43.org/obs/jpg/360px/obs-en-12-08.jpg)

तिंया इस्राएली लोग आपणै दूई बाख पांणी दवाला सागे शुकी जमीना गैश समुंदरा बाथी होयेकेरे आगो हाँडदै लागै।

![](https://cdn.door43.org/obs/jpg/360px/obs-en-12-09.jpg)

तिंया परमेश्वरै तेस पैंड़ै का बादड़ा खम्भा चका ताकि मिस्री लोग इस्राएली लोगा बचेकैरै जांदै भाड़ौ। मिस्री लोगै तिन्हा पाकड़णै कठै तिन्हा पिछा करणैया बचार किया।

![](https://cdn.door43.org/obs/jpg/360px/obs-en-12-10.jpg)

तै तिन्है समुंदरै पैंड़ै दे इस्राएली लोगा पिछा किया, पर परमेश्वरै मिस्रे लोग डरैयै होर तिन्है रथ रोके दैये सिंयो राड़ा पांदै लागै, “भागो! इस्राएली लोगा बाखा परमेश्वर लड़दा लागादा!”

![](https://cdn.door43.org/obs/jpg/360px/obs-en-12-11.jpg)

जिंया सारै इस्राएली लोग समुंदरै दूजी बाख पुज्जे गोए। तिंया परमेश्वरै मूसा का बोला कि भी का पांणी गैश हाथ बढ़ा। जिंया मूसै एड़ा किया, तिंया पांणे आपणी पैहलकी स्थिति दे आए गोआ होर मिस्री सैणा गैश आ। होर सारे मिस्रे सैना ड़ूबे गोए।

![](https://cdn.door43.org/obs/jpg/360px/obs-en-12-12.jpg)

जिंया इस्राएलिऐ भाड़ा कि मिस्रै लोग मरे गोए तिंया तिन्है परमेश्वरा गैश विश्वास किया। तिन्है विशवास किया कि मूसा परमेश्वरा बाखा भविष्यद्वक्त्ता आसी।

![](https://cdn.door43.org/obs/jpg/360px/obs-en-12-13.jpg)

इस्राएली लोग तै बी हैन खुश थियै किलैकि परमेश्वरै सिंयो मरणै का होर दास होंणै का बचाए हेरै थियै। एबै सिंयो परमेश्वरै आराधना करणै कठै होर तेसरी आज्ञा पालन करणै कठै आजाद थिये। इस्राएली लोगै आपणी आजादीया त्यौहार मनाणै कठै होर परमेश्वरै तारीफ करणै कठै कई गांणै गाऐ किलैकि तिनी सिंयो मिस्री सैना का बचाए थियै।

![](https://cdn.door43.org/obs/jpg/360px/obs-en-12-14.jpg)

परमरश्वरै इस्राएली लोगा लै हर साल त्यौहार मनाणै आज्ञा दैये एड़ा याद करणै कठै कि केड़केरे परमेश्वरै मिस्री लोग हराए होर सिंयो दास होणै का आजाद कियै। ए फसहा पर्व कहलाओ थिया। एस त्यौहारा मनाणै कठै तिन्हा एक निर्दोष छेलो बलि करणा थिया, स भूजणा थिया, होर स बिणी सजेड़ै रोटी सागे खाणा थिया।

*निर्गमन पाठ 12:33-15:21 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_12_128kbps.m4a

## 13. इस्राएली लोगा सागे परमेश्वरै वाचा

https://openbiblestories.org/l/bfz-x-karsogi/story-13/

![](https://cdn.door43.org/obs/jpg/360px/obs-en-13-01.jpg)

जिंया इस्राएली लोगा लाल समुंदरा का पारा बाखा लै निणै का बाद, परमेश्वरै सिंयो बौणा मेंझा का होयेकेरे सीनै नांओए धारा बाखा लै निंयै। ए सौही धार थिए जिंधे मूसै फुकदा झाखड़ भाड़ा थिया। तिन्है लोगै तैसा धारा हेठ आपणा तांबो बंणाया।

![](https://cdn.door43.org/obs/jpg/360px/obs-en-13-02.jpg)

तेखा परमेश्वरै मूसा होर इस्राएलै सभी लोगा का बोला, “जै तुम्है सच्ची लै ही मेरी आज्ञा मनूंग होर जुण वाचा पालन करुँग, तै सभी लोगा मेंझा का तुम्है ही मेरै खास लोग ठहरणै; होर तुम्है मेरी नजरा दे परोहता समाज होर एक पवित्र जाते ठहरणे।”

![](https://cdn.door43.org/obs/jpg/360px/obs-en-13-03.jpg)

परमेश्वरै जरियै तिन्हा गोलै आछणै कठै लोगै चन धैड़ै तिक आपुणै त्यारे किये। तिंया परमेश्वर सिनै धारै टिलै गैश उतरा। जिंया स आया तिंया जाजरे हुए, बिजड़े चमके, काड़ै बादड़ घोरुऐ, होर करनाड़ै जोरै आवाज आए। तिंया मूसा आपु धारा गैशा लै चढ़े गोआ।

![](https://cdn.door43.org/obs/jpg/360px/obs-en-13-04.jpg)

तिंया परमेश्वरै लोगा सागे एक वाचा बांधे। तिनी बोला, “हाँ थारा परमेश्वर, यहोवा आसी। हाँ ई आसी जुणी तुम्है मिस्र देशै गुलामी का आजाद किये। कसी होरी देवतै आराधना नी करी।”

![](https://cdn.door43.org/obs/jpg/360px/obs-en-13-05.jpg)

“तुम्है मूर्ति नी बणाई होर तिन्है आराधना भी नी करी, किलैकि हाँ, यहोवा, थारा सिर्फ एक परमेश्वर आसी। गलत तरीकै केरे मेरै नांओआ इस्तेमाल नी करी। आरामा करणै धैड़ै पवित्र मनणै कठै याद डाया। दूजै शब्दा दे, छ: धैड़ै दे आपणै सभी कामा करया, सातवा धैड़ा थारै कठै आरामा करणै लै होर मेरी आराधना करणैया धैड़ा आसी।"

![](https://cdn.door43.org/obs/jpg/360px/obs-en-13-06.jpg)

“तुम्है आपणै आम्मा होर बाबा आदर करया। हत्या नी करी। व्यभिचार नी करी। चोरे नी करी। झूठ नी बोली। आपणै पड़ोसीये लाड़े, तेसरै घौरा, या तेसरै कसी भी सामाना लौणैया लालच नी करी।”

![](https://cdn.door43.org/obs/jpg/360px/obs-en-13-07.jpg)

परमेश्वरै तिन्हा लोगा लै जुण बिधी दैयी थी सिंयो तिन्हा मनणै कठै त्यार होयै। सिंयो सिर्फ परमेश्वरै लोग होणै कठै होर सिर्फ तेसरे ही आराधना करणै कठै त्‍यार थियै।

![](https://cdn.door43.org/obs/jpg/360px/obs-en-13-08.jpg)

तेखा परमेश्वरै इस्राएली लोगा लै एक बड़ा तांबो बणाणै लै भी बोला-मिलापा आड़ा तांबो। तिनी तिन्हा लै ठीक-ठीक दसा कि ए तांबो केड़केरे बंणाणा, होर तेत भिथरे किजै चीजा ड़ाणी। तिनी तिन्हा लै तेस तांबु लै दुई कमरै दे बांड़णै कठै एकी बड़ै पर्दै बणाणै लै भी बोला। परमेश्वरा तेस पर्दै पिछलै कमरै दे आछणा होर तिंधे रौहणा थिया। जिंधे परमेश्वर थिया तेस कमरै लै जाणै जाजत सिर्फ महा परोहता लै थिये।

![](https://cdn.door43.org/obs/jpg/360px/obs-en-13-09.jpg)

तिन्हा लोगा तेस मिलापा आड़ै तांबुयै समनै एक वेदे बणाणे पड़णै थिये। कोए भी जस परमेश्वरै व्यवस्था दे लिखिदी आज्ञा पालन नी करणी स तैसा वेदी गैशा लै एक छेलू लौयेकेरे आछो। तिंया परोहता तेस छेलुए बले चढ़ाणे होर वेदी गैश परमेश्वरै कठै बलिऐ रुपा दे स फुकणा। परमेश्वरै बोला कि तेस छेलूयै खूना तेस मंणछा पाप ढके दैणा। एड़केरे, ऐबै परमेश्वरा स पाप नी हेरणी। स मंणछ परमेश्वरै नजरा दे “चोखा” ठहरणा। परमेश्वरै मूसा भाए हारून होर तेसरै वंशज आपणै परोहत होंणै कठै चुनै।

![](https://cdn.door43.org/obs/jpg/360px/obs-en-13-10.jpg)

तिंया परमेश्वरै इंयो दस आज्ञा पाथरै दूई पाटी दे लिखेकेरे मूसा का दैई। परमेश्वरै आज्ञा मनणै कठै लोगा लै होर कई हैन जी बिधी दसी। जै तिन्है इन्हा बिधिया पालन किया तै परमेश्वरै तिन्हा लोगा लै आशीष दैणैया होर तिन्है सुरक्षा करणैया वादा किया। पर तिनी बोला कि जै तिन्है इन्हा पालन नी किया तै तेस तिन्हा लै सजा दैणे।

![](https://cdn.door43.org/obs/jpg/360px/obs-en-13-11.jpg)

तिंया हैना धैड़ै तिक, मूसा सीनै धारै टिलै गैश रौहा। स परमेश्वरा सागे गला करदा लागादा थिया। पर लोग तेस, तिन्हा गोलै वापस आछणै कठै न्हैड़दी-न्हैड़दी थके गोए थियै। एतिकठै तिन्है हारूना गोलै सूना आणा होर तेसलै एक मूर्ति बणाणै लै बोला ताकि सिंयो परमेश्वरै बजाए तैसा मूर्तिये आराधना करे सको। एड़केरे, तिन्है हैन बुरै तरीकै केरे परमेश्वरै खिलाफ पाप किया।

![](https://cdn.door43.org/obs/jpg/360px/obs-en-13-12.jpg)

हारूनै बाछुऐ आकारा दे सूनै एक मूर्ते बणाए। तिन्है लोगै तैसा मूर्तिए पूजा करणे शुरु करै दैयै होर तैसा लै बले चढ़ाए! तिन्है पापै वजहा केरे परमेश्वर तिन्हाका हैन रुष्ट होआ। स तिन्हा नाश करे दैणा चाहो थिया। पर मूसै तिन्हा नहीं मारणै कठै परमेश्वरा का अर्ज किये। परमेश्वरै तेसरे अर्ज शुणे होर तिन्हा नाश नी की।

![](https://cdn.door43.org/obs/jpg/360px/obs-en-13-13.jpg)

तेखा मूसा सीनै धारा गैशा का ऊँदै आ। तिनी सिंयो दुए पाथरै पाटी लोयिदी थी जेत दे परमेश्वरै दस आज्ञा लिखिदी थी। तेखा तिनी स मूर्ते भाड़े। तेसलै एत्रा गुस्सा आ कि तिनी सिंयो पाटड़ी छुनै केरे चूर-चूर करे दैई।

![](https://cdn.door43.org/obs/jpg/360px/obs-en-13-14.jpg)

तेखा मूसै तैसा मूर्ति पिशेकेरे तेता बुर बणाया। होर स बुर पांणी दी मिलाएकेरे तिन्हा लोगा लै स पांणे पिणै लै दैया। तिन्है पापै बजहा का परमेश्वरै तिन्हा लोगा गैश एक मुसीबत भेजे होर तिन्हा मेंझा का हैन सारै लोग मरे गोए।

![](https://cdn.door43.org/obs/jpg/360px/obs-en-13-15.jpg)

तेखा एड़ा होआ कि जुण पाटड़ी मूसै चोड़ी थी तिन्है जैगहा लौणै कठै मूसै तिना दस आज्ञै पाथरै नौंइ पाटड़ी बणाई। तिंया स भी का धारा गैशा लै डेआ होर प्रार्थना किए कि परमेश्वर तिन्हा लोगा माफ कर। परमेश्वरै मूसै प्रार्थना शुणे होर सिंयो लोग माफ कियै। तेखा नौंइ पाटड़ी दे दस आज्ञा लौएकेरे मूसा धारा गैशा का ऊँदै उतरा। तिंया परमेश्वरै सीनै धारा का लौएकेरे प्रतिज्ञै देशा तिक इस्राएली लोगै अगुवाए किये।

*निर्गमन पाठ 19-34 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_13_128kbps.m4a

## 14. बौणा दे भटकणा

https://openbiblestories.org/l/bfz-x-karsogi/story-14/

![](https://cdn.door43.org/obs/jpg/360px/obs-en-14-01.jpg)

परमेश्वरै इस्राएली लोगा लै सिंयो बिधी दसणी खत्म की जैता तिन्हा तेसरे कियैदै वादै बजहा का पालन करणा थिया। तेखा तिनी सिनै धारा का आगो तिन्हा का पैंडा दसा। स तिना वादा कियैदै देशा लै निणा चाहो थिया। ए देश कनान भी कहलाओ थिया। परमेश्वर बादड़ै खम्भै रुपा दे तिन्हा आगो-आगो चला, होर सिंयो तेस पिछो-पिछो हांड़दै लागै।

![](https://cdn.door43.org/obs/jpg/360px/obs-en-14-02.jpg)

परमेश्वरै अब्राहम, इसहाक होर याकूबा सागे प्रतिज्ञा किये थिये कि तेस स प्रतिज्ञा देश तिन्है वंशजा लै दैणा, पर एबै तिंधे हैन सारी जाति रौहो थी। सिंयो लोग कनाने कहलाओ थियै। सिंयो कनाने लोग परमेश्वरैए आराधना नी करदी थियै होर तेसरी आज्ञा नी मनदै थियै। सिंयो झूठै देवतै आराधना करो थियै होर हैन सारै बुरै काम करो थियै।

![](https://cdn.door43.org/obs/jpg/360px/obs-en-14-03.jpg)

परमेश्वरै इस्राएली लोगा का बोला, “जिंया तुम्हा तेस प्रतिज्ञा कियैदै देशा लै जाणा तिंया तिंधै सभी कनानी लोगा का छुटकारा पाया। तिना सागे समझौता नी करी होर तिना सागे बैह भी नी करी। तुम्है तिन्ही सभी मूर्ति नष्ट करया। जै तुम्है मेरी आज्ञा नी मनुंग, तै तुम्हा मेरै बजाए तिन्है देवतै आराधना करदै लागणै।”

![](https://cdn.door43.org/obs/jpg/360px/obs-en-14-04.jpg)

जिंया इस्राएली लोग कनान देशै सिंवा दी पुज्जै, मूसै इस्राएली लोगा हरेक गोत्रा का एक-एक करेकेरे बारहा मर्द छांटै। तिनी तिन्हालै जायेकेरे तेस देशा भेद लौणै आज्ञा दैये कि हेरो कि स केड़ा देश आसी। तिन्हा कनानी लोगा भेद भी लौणा थिया कि हैरिये कि सिंयो केत्रै बलशाली या कमजोर थियै।

![](https://cdn.door43.org/obs/jpg/360px/obs-en-14-05.jpg)

तिन्है बारहा मर्दै पुरै कनान देशा बाथी जांदी बारी चाड़ी धैड़ै यात्रा किए होर तेखा सिंयो वापस हटै। तिन्है लोगा का दसा, “स देश उपजाऊ आसी होर तिंधे फसला भरपूर हो!” पर दस जासूसै बोला, “तिन्है कस्बे हैन मजबूत आसी होर सिंयो लोग राक्सा सैंइ लांबै-चौड़ै आसी! जै हामै तिना गैश हमला करुँग, तै जरुर ही तिन्हा हामै हराए दैणै होर हामै मारे दैणै।”

![](https://cdn.door43.org/obs/jpg/360px/obs-en-14-06.jpg)

तिंया ही कालेबै होर यहोशूए होर दुई जासूसै बोला, “ए सच आसी कि कनानै लोग लांबै होर जोरा आड़ै आसी, पर पक्का हामै तिन्हा हराए सको! परमेश्वरा माहरी कठै लड़णा”

![](https://cdn.door43.org/obs/jpg/360px/obs-en-14-07.jpg)

पर लोगै कालेब होर यहोशूइ गला नी शुणी। सिंयो मूसा होर हारूना गैश गुस्सा हुए होर बोला, “तुम्है हामै ऐसा डरावनी जगहा लै किलै आणै? हामा मिस्र देशा दे ही रौहणा चहिए थिया। जै हामै तेस देशा लै डेयै तै हामै युद्धा दे मारै जांणै, होर कनानै लोगा म्हारी लाड़ी होर शोरो दास बणाणै।” सिंयो लोग तिन्हा वापस मिस्र देशा लै निणै कठै एक होर अगुवा चुनणा चाहो थियै।

![](https://cdn.door43.org/obs/jpg/360px/obs-en-14-08.jpg)

जिंया तिन्है लोगै एड़ा बोला तिंया परमेश्वर हैन रुष्ठ होए गोआ थिया। स मिलापा आड़ै तांबू दे आ होर बोला, “तुम्है मेरै खिलाफ बगावत कियेदे, एतिकठै तुम्हा सभी बौणा दे भटकणा पड़णा। हरेक आदमे जुण बिया वर्षा या तेताका ज्यादी उम्रा आसी तिंधे मरे जाणा होर कधी भी तेस देशा दे प्रवेश नी करे सकदा जुण मूं तुम्हा लै दैणा। सिर्फ कालेबा होर यहोशू तेत दे प्रवेश करणा।”

![](https://cdn.door43.org/obs/jpg/360px/obs-en-14-09.jpg)

जिंया लोगै परमेश्वर एड़ा बोलदा शुणा, तै सिंयो दु:खी हुए किलैकि तिन्है पाप किया थिया। एतिकठै तिन्है कनानै लोगा गैश हमला करणैआ बचार किया। मूसै तिन्हा लै नहीं जाणै कठै चेतावने दैए किलैकि परमेश्वर तिन्हा सागे नी जाणी थिया, पर तिन्है तेसरे नी शुणी।

![](https://cdn.door43.org/obs/jpg/360px/obs-en-14-10.jpg)

परमेश्वरै एस युद्धा दे तिन्हा सागे नी डेइ थिया, एतिकठै कनानी लोगै सिंयो हराए डाए होर तिन्हा मेंझा का हैन सारै मारै देयै। तिंया इस्राएली लोग कनान देशा का वापस मुड़ै। आगलै चाड़ीए साला तिक, सिंयो बौणा दे ओरै-पोरै भटकदै रौहै।

![](https://cdn.door43.org/obs/jpg/360px/obs-en-14-11.jpg)

इस्राएली लोगै द्वारा बौणा दे भटकणै चाड़ीए साला तिक, परमेश्वरै तिन्ही जरुरता पूरी की। तिनी तिन्हा लै सर्गा का “मन्ना” कहलाणै आड़े रोटे दैये। तिनी बटेरे झुंड भी (जुण माठै रूपै पंछे हो) तिन्है तांबू लै भेजै ताकी तिन्हा गो खाणै लै मास हो। तेस पूरै समै दे, परमेश्वरै तिन्है झिकड़ै होर बुट धैड़णै का बचाए डाए।

![](https://cdn.door43.org/obs/jpg/360px/obs-en-14-12.jpg)

इंदा तिक कि परमेश्वरै तिन्है पिणै कठै चमत्कारी तरीकै केरे जाना मेंझा का पाणे काढ़ा। पर एस सभी का बाद, इस्राएली लोगै परमेश्वरै खिलाफ होर मूसै खिलाफ शकैत किए होर बड़बड़ाए। तैभी परमेश्वर विश्वासा लायक थिया। तिनी जुण प्रतिज्ञा किए थिये तेस जुण अब्राहम, इसहाक, होर याकूबै वंशजा लै करणा थिया तिनी स किया।

![](https://cdn.door43.org/obs/jpg/360px/obs-en-14-13.jpg)

एकी होरी समै जिंया तिन्हा गो पाणे नी थी, परमेश्वरै मूसा का बोला, “जाना सागे गला कर, होर तेताका पाणे निकड़णा।” पर मूसै जाना सागे गला नी की। बजाए एतै, तिनी शोठै केरे जानै दे दुई बारी बाए। एड़केरे तिनी परमेश्वरा अपमान किया। सभी लै पिणै कठै जाना का पांणे ता निकड़े गोआ, पर परमेश्वर मूसा का हैन रुष्ठ हुआ। तिनी बोला, “किलैकि तौं एड़ा किआदा, एतिकठै तू वादा कियैदै देशा दे प्रवेश नी करे सकदा।”

![](https://cdn.door43.org/obs/jpg/360px/obs-en-14-14.jpg)

जिंया इस्राएली लोग चाड़ीए साला तिक बौणा दे भटके गोए थियै, तिंया जुणी परमेश्वरै खिलाफ बगावत किये थिये सिंयो सभ मरे गोऐ थियै। तिंया परमेश्वरै सिंयो लोग भी का तेस प्रतिज्ञा कियैदै देशै सिवां तिक निंयै। एबै मूसा हैन ठगड़ा होए गोआ थिया, एतिकठै परमेश्वरै लोगा का पैंडा दसणै कठै तिन्ही मदद करणै कठै यहोशो चुना। परमेश्वरै मूसा सागे ए वादा भी किया थिया कि एकी धैड़ै तेस तिना लोगा गोलै मूसा सैंइ एक भविष्यद्वक्त्ता भेजणा।

![](https://cdn.door43.org/obs/jpg/360px/obs-en-14-15.jpg)

तिंया परमेश्वरै मूसा लै एकी धारै टिलै गैशा लै जाणै लै बोला ताकि स प्रतिज्ञा कियैदै देशा भाड़े सको। मूसै स प्रतिज्ञा कियादा देश भाड़ा पर परमेश्वरै तेसलै तेत दे प्रवेश करणै अनुमते नी दैई। तिंया मूसा मरे गोआ, होर इस्राएली लोगै तिया धैड़ै तिक दु:ख मना। यहोशो तिन्हा नौंआ अगुआ बणे गोआ। यहोशो एक बढ़िया अगुआ थिया किलैकि तिनी परमेश्वरा गैश भरोसा किया होर तेसरी गला मनी।

*निर्गमन पाठ 16-17; गिनती 10-14; 20; 27; व्यवस्थाविवरण 34 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_14_128kbps.m4a

## 15. प्रतिज्ञा कियादा देश

https://openbiblestories.org/l/bfz-x-karsogi/story-15/

![](https://cdn.door43.org/obs/jpg/360px/obs-en-15-01.jpg)

आखिरकार, एबै स समा आए गोआ थिया कि इस्राएली लोग प्रतिज्ञा कियैदै देश, कनाना दे प्रवेश करो। तेस देशा दे यरीहो नांवा एक नगर थिया। तेतै रखवाड़ी करणै कठै तेतै चउ बाख पाक्की दवाला थी। यहोशूऐ तेस नगरा लै दूए जासूस भेजै। तेस नगरा दे राहाब नांओऐ एक वैश्या रौहो थियै। तैसै इंयो दुए जासूस लकोऐ थियै, होर तेखा बादा का तैसै नगरै लोगा का बचेकेरे निकड़णै लै तिन्है मदद किये थिये। तैसै एड़ा तै किया थिया किलैकि स परमेश्वरा गैश भरोसा डाओ थिये। तिन्है दूई जासूसै राहाबा सागे वादा किया कि जस समै इस्राएली लोगा यरीहो नगर नाश करणा तै तैस समै हामा तेरे होर तेरे परिवारै रक्षा करणै।

![](https://cdn.door43.org/obs/jpg/360px/obs-en-15-02.jpg)

इस्राएली लोगा प्रतिज्ञा कियैदै देशा दे प्रवेश करणै कठै यरदन दरैओ टपणा थिया। परमेश्वरै यहोशू का बोला, “परोहता पैहलै जाणे दै।” जिंया परोहतै यरदन दरैवा दे आपणै पैर डाए तिंया दरैवा पांणे बैहणा बंद होए गोआ, जेतकेरे कि इस्राएली लोग दरैवा का दूजी बाखा लै शुकी जमीना गैशा लै जाये सको।

![](https://cdn.door43.org/obs/jpg/360px/obs-en-15-03.jpg)

जिंया इसाइली लोगै यरदन दरैओ पार करे लोआ तिंया परमेश्वरै यहोशू लै बोला कि यरीहोआ दे हमला करणै कठै तयार रहो, हालांकि स हैन मजबूत नगर थिया। परमेश्वरै तिना लोगा का बोला कि तिन्है परोहत होर सैनिक छ: धैड़ै तिक तेस नगरै चउ बाखा एकी बारी फेरी लाया। तै परोहतै होर सैनिकै तेड़ा ही किया।

![](https://cdn.door43.org/obs/jpg/360px/obs-en-15-04.jpg)

तिंया सातवै धैड़ै, इस्राएली लोगै तेस नगरै चउ बाख साता बारी फेरै लायै। तिन्है नगरै चउ बाख सातवे फेरै दैणै का बाद, परोहतै आपणी करनाड़ा फूकरी होर सैनिकै उछटै आवाजा दे परमेश्वरै जयजयकार कियै। एतिकठै एड़ा ही किया।

![](https://cdn.door43.org/obs/jpg/360px/obs-en-15-05.jpg)

तिंया यरीहोए चउ बाखा दवाला ढुड़े गोई! जेड़े परमेश्वरै आज्ञा दैये थिये इस्राएली लोगै नगरै हरेक चिजा नाश कर दैया। तिन्है सिर्फ राहाब होर तैसा परिवार छाड़ा, जुण इस्राएली लोगा हिस्सा बंणे गोआ थिया। जिंया कनाना दे रौहणै आड़ै होरी लोगै शुणा कि इस्राएली लोगै यरीहोआ नाश करे दैयादा, तै सिंयो डरे गोऐ कि इस्राएली लोगा तिन्हा गैश भी हमला करणा।

![](https://cdn.door43.org/obs/jpg/360px/obs-en-15-06.jpg)

तिंया परमेश्वरै इस्राएली लोगा लै आज्ञा दैये थिये कि कनाना दे रौहणै आड़ी कसी भी जातियै लोगा सागे शान्तिकेरे समझौता नी करी। पर गिबोनी नांओऐ एकी कनानी जातियै लोगै यहोशू का झूठ बोला कि सिंयो कनान देशा का दूर एकी जैगहै रौहणै आड़ै आसी। तिन्है यहोशू सागे शान्तियै समझौतै विनते किये। यहोशू होर होरी इस्राएली अगुवै परमेश्वरा का नी पुछी कि तिन्हा किजै करणा चहिए। एतै बजाए, तिन्है गिबोनी सागे शान्तिया समझौता किया।

![](https://cdn.door43.org/obs/jpg/360px/obs-en-15-07.jpg)

तेखा चन धैड़ै का बाद, इस्राएली लोगा का पता लागा कि गिबोनी लोग कनान देशा दे ही रौहो थियै। सिंयो गुस्सा होऐ किलैकि गिबोनी लोगै तिन्हा लै धोखा दैया थिया। पर तिन्है तिना सागे कियादा शान्तिया समझौता बणाए डाआ किलैकि स परमेश्वरै सामनै कियादा था। तिंया कुछ समै बाद, कनान देशा दे रौहणै आड़े एक होर जाते, एमोरियै राजै शुणा कि गिबोनियै इस्राएली लोगा सागे समझौता करे हेरादा, तै तिन्है आपणी-आपणी सेना कठै करेकेरे एक बड़े सेना बणाए होर गिबोनी लोगा गैश हमला करे दैया। गिबोनी लोगै तिन्ही मदद करणै कठै यहोशू लै एक संदेशा भेजा।

![](https://cdn.door43.org/obs/jpg/360px/obs-en-15-08.jpg)

तै यहोशूऐ इस्राएली लोगै सेना कठै किए होर गिबोनी लोगा तिक पुज्जणै कठै सिंयो सारी राते हांडदै रौहै। दोथी भैगा तिन्है एमोरिए सेना हैरान करे दैए होर तिन्हा गैश हमला किया।

![](https://cdn.door43.org/obs/jpg/360px/obs-en-15-09.jpg)

तेस धैड़ै परमेश्वर इस्राएली लोगै कठै लड़ा। तिनी एमोरी लोग उलझाये डाए होर तिनी बड़ै-बड़ै शौरुए दाणै केरे हैन सारै एमोरी लोग मारे डाए।

![](https://cdn.door43.org/obs/jpg/360px/obs-en-15-10.jpg)

परमेश्वरै सूरज भी सर्गा दे एकी जैगहा दै रोके डा ताकि इस्राएली लोगा युद्धा करणै लै पूरा समा मिले जाओ ताकि सिंयो एमोरी लोगा पूरै तरीकै केरे हराए दैओ। तेस धैड़ै, परमेश्वरै इस्राएली लोगै कठै एक बड़े जीत हासिल किये।

![](https://cdn.door43.org/obs/jpg/360px/obs-en-15-11.jpg)

परमेश्वरै तिन्हा सैनै लोगा हराणै का बाद, हैन सारै कनानी जातिए लोग इस्राएली गैश हमला करणै कठै कट्ठै हुए। यहोशू होर इस्राएलियै हमला करेकेरे तिन्हा खात्मा किया।

![](https://cdn.door43.org/obs/jpg/360px/obs-en-15-12.jpg)

इना युद्धा का बाद, परमेश्वरै इस्राएलै हरेक गोत्रा लै प्रतिज्ञा कियैदै देशा दे तिन्हा भाग दैया। तिंया परमेश्वरै इस्राएला लै तेसरी सारी सिंवा दे शान्ते प्रदान किये।

![](https://cdn.door43.org/obs/jpg/360px/obs-en-15-13.jpg)

जिंया यहोशो ठगड़ा हुआ तिंया तिनी इस्राएलै सभ लोग शादै। तिंया यहोशुऐ तिन्हा लोगा लै याद दला कि तिन्है तैसा वाचा पालन करणै प्रतिज्ञा किए थिये जुण परमेश्वरै तिन्हा सागे सिनै धारा गैश बाँधे थिये। तिन्है लोगै परमेश्वरै प्रति विश्वासयोग्य रौहणे होर तेसरी बिधिया पालन करणैया वादा किया थिया।

*यहोशू पाठ 1-24 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_15_128kbps.m4a

## 16. छडैणै आड़ै

https://openbiblestories.org/l/bfz-x-karsogi/story-16/

![](https://cdn.door43.org/obs/jpg/360px/obs-en-16-01.jpg)

यहोशूए मरणै का बाद इस्राएली लोगै परमेश्वरै आज्ञा नी मनी। तिन्है परमेश्वरै बिधी नी मनी, होर तिन्है तेस प्रतिज्ञा कियैदै देशा का, बचैदै कनाने लोग बाहरा लै नी काढ़ी। इस्राएली लोगै आपणै सच्चै परमेश्वर, यहोवा छाड़ेकेरे कनानी लोगै देवतै आराधना करणे शुरु करे दैये। इस्राएली लोगा अझी तिक का कोए राजा नी थी, एतिकठै जसलै जेड़ा ठीक लागा तिनी तेड़ा ही किया।

![](https://cdn.door43.org/obs/jpg/360px/obs-en-16-02.jpg)

परमेश्वरै आज्ञा नहीं मनणै द्वारा इस्राएली लोगै एक तरीका शुरु किया जुण कई बारी दोहराया। ए तरीका एहड़ै केरे चला कुछ साला तिक इस्राएली लोग परमेश्वरै आज्ञा नी मनदी थियै, तेखा परमेश्वर तिन्हा लै तिन्है दुश्मनै जरीयै हराये केरे सजा दैओ थिया। इंयो इस्राएली लोगा का तिन्ही सभ चिजा लूटो थियै, तिन्है जायदाद नाश करे दैओ थियै, होर तिना मेंझा का हैन सारै इस्राइली लोग मारो थियै। तेखा जिंया इस्राएली लोगै दुश्मन तिन्हा गैश कई साला तिक अत्याचार करो थियै, तेताका बाद इस्राएली लोगा आपणै पापा का पश्चाताप करो थियै होर परमेश्वरा का तिन्हा बचाणै कठै प्रार्थना करो थियै।

![](https://cdn.door43.org/obs/jpg/360px/obs-en-16-03.jpg)

हर बारी जिंया इस्राएली लोगा पश्चाताप करो थियै तिंया परमेश्वरा तिन्हा बचाओ थिया। स एकी छड़ैणै आड़ै जरियै एड़ा करो थिया एक एड़ा आदमे जूण तिन्है दुश्मनै खिलाफ लड़ो थिया होर तिन्हा हराओ थिया। तिंया देशा दे शान्ते हो थिये होर स छड़ैणै आड़ा आदमें तिन्हा गैश धोरैकेरे राज करो थिया। परमेश्वरै तिन्हा लोगा लै बचाणै कठै हैन सारै छड़ैणै आड़ै भेजै। परमेश्वरै नेड़ै ही एक दुश्मन जात, मिद्यानी लोगै जरियै इस्राएली लोगा हराणै कठै भी का एड़ा किया।

![](https://cdn.door43.org/obs/jpg/360px/obs-en-16-04.jpg)

तिंया मिद्यानियै साता वर्षा तिक इस्राएली फसला लूटी। इस्राएली लोग हैन डरे गोए थियै, होर सिंयो डवारा दे लूकै गोए ताकि मिद्यानी लोग तिन्हा लोड़े नी सको। अंता दे, तिना बचाणै कठै तिन्है परमेश्वरा का प्रार्थना किए।

![](https://cdn.door43.org/obs/jpg/360px/obs-en-16-05.jpg)

तिंदे गिदोन नांवा एक इस्राएले मर्द थिया। एकी धैड़ै, स एकी गुप्त जैगहा दे कणका पटाकदा लागादा थिया ताकि मिद्यानी लोग तैसा चोरै नी सको। यहोवै स्वर्गदूतै गिदोना गोलै आछेकेरे तेसका बोला, “ओ शूरवीर सूरमा, परमेश्वर ता सागे आसी। जा होर इस्राएली लोगा मिद्यानी लोगा का बचा।”

![](https://cdn.door43.org/obs/jpg/360px/obs-en-16-06.jpg)

गिदोनै बाबा का मूर्ति लै समर्पित एक वेदै थिये। सभीका पैहले गल जुण परमेश्वरै गिदोना लै करणै कठै बोला स तैसा बेदिआ चोड़ना थिया। पर गिदोन लोगा का ड़रो थिया, तै तिनी रात होंदे नैहड़ै। तिंया तिनी तैसा बेदीयै चोड़ेकेरे छौणै-छौणै कियै। तिनी परमेश्वरै कठै एक नौंए बेदे बणाए होर तेत गैश परमेश्वरा लै बले चढ़ाए।

![](https://cdn.door43.org/obs/jpg/360px/obs-en-16-07.jpg)

दूजै धैड़ै दोथी लोगै भाड़ा कि कुणी बेदीयै चोड़ेकेरे छौणै-छौणै करे दैयैदै, एतिकठै सिंयो हैन गुस्सा होए। सिंयो गिदोना मारणै कठै तेसरै घौरा लै डेयै, पर गिदोनै बाबै बोला, “तम्है किलै आपणै देवतै मदद करणै कोशिश करदै लागैदै? जै स देवता आसी तै तेस आपणे रक्शा आपु करणे दैयो!” किलैकि तिनी एड़ा बोला तै लोगै गिदोन नी मारी।

![](https://cdn.door43.org/obs/jpg/360px/obs-en-16-08.jpg)

तिंया इस्राएली लोगा लूटणै कठै मिद्यानी लोग भी का आए। सिंयो एत्रै सारै थियै कि तिन्है गिनते भी नी करे सकदै थियै। गिदोनै तिन्है खिलाफ लड़णै कठै इस्राएली लोग एकी बारी सागे शादै। गिदोनै परमेश्वरा का दुई नंशाणै माँग किए ताकि तेसलै वश्वास होए जाओ कि परमेश्वर सची तेसलै इस्राएली लोगा बचाणै कठै बोलदा लागादा।

![](https://cdn.door43.org/obs/jpg/360px/obs-en-16-09.jpg)

पैहलै नंशाणै कठै, गिदोनै भेड़ै ऊन जमीना दे डाएकेरे परमेश्वरा का बोला कि दोथका चेओ सिर्फ भेड़ै ऊना गैशा लै पड़ना चाहिए होर जमीना गैश नी पड़ना चाहिए। परमेश्वरै एड़ा ही किया। आगली रैचै, तिनी परमेश्वरा का बोला कि जमीन सीनै होए जाओ पर भेड़ै ऊन शुके रौहे लौणै। परमेश्वरै एड़ा ही किया। इना दुई नशाणै बजहा का, गिदोनै विश्वास किया कि परमेश्वर सची लै चाहो कि स इस्राएली लोगा मिद्यानी लोगा का बचाओ।

![](https://cdn.door43.org/obs/jpg/360px/obs-en-16-10.jpg)

तिंया गिदोनै इसाएली सैनिक आपु गोलै शादै होर 32,000 मर्द आए। पर परमेश्वरै तेसका बोला कि इंयो हैन ज्यादै आसी। तै गिदोनै सिंयो सभ 22,000 घौरा लै वापस भेजै जुण लड़णै का डरो थियै। परमेश्वरै गीदोना का बोला इंयो अझी भी हैन ज्यादै आसी। तै गिदोनै 300 सैनिका छाड़ेकेरे सिंयो सभ घौरा लै भेजै।

![](https://cdn.door43.org/obs/jpg/360px/obs-en-16-11.jpg)

तैसा रैचै परमेश्वरै गिदोना का बोला, “मिद्यानी लोगै ताम्बू लै जा होर तिन्हा गला करदी बारी शुण। जिंया ता शुंणना कि सिंयो किजै गला करदै लागैदै तै ता तिन्हा गैश हमला करणै का नी डरणी।” एतिकठै तैसा रैचै, गिदोन ऊँदै तिन्है ताम्बू लै डेआ होर एक मिद्यानी सपाहै आपणै साथी लै तैसा गला दसदा शुणा जुण तिनी सुपनै दै भाड़े थिये। तेस मर्दै साथीयै बोला, “एस सुपनैआ अर्थ आसी कि गिदोनै सैना माहरै मिद्यानी सैना हराए दैणे!” जिंया गिदोनै एड़ा शुणा तिंया तिनी परमेश्वरै स्तुते किये।

![](https://cdn.door43.org/obs/jpg/360px/obs-en-16-12.jpg)

तिंया गिदोन आपणै सपाही गोलै वापस हटा होर तिन्हा मेंझा का हर एकी का एक-एक करनाड़, एक माटैआ भांडा, होर एक मशाल दैये। तिन्है स ताम्बो घेरा जिंधे मिद्यानी सपाहै सुतैदै थियै। गिदोनै 300 सपाहीयै आपणी मशाला भांडै केरे ढकीदी थी एतिकठै मिद्यानी लोग तिना मशालै प्रशै नी भाड़ै सकै थिये।

![](https://cdn.door43.org/obs/jpg/360px/obs-en-16-13.jpg)

तिंया गिदोनै सभी सपाहीयै आपणै माटै भांडै एखी समै दे चोड़ेकेरे नगजैब ही मशालै आग प्रकट किये। तिन्है आपणी करनाड़ा फुकरी होर राड़ा पाई, “यहोवा बाखा गिदोनै तलवार!”

![](https://cdn.door43.org/obs/jpg/360px/obs-en-16-14.jpg)

परमेश्वरै मिद्यानी लोग भंगड़ैये दैये ,एतिकठै सिंयो एकी दूजै मारदै-टुकदै लागै। तिंया ही, गिदोनै संदेशा दैणै आड़ै हैन सारै होर इस्राएली मिद्यानी लोगा पिछा करणै कठै तिन्है मदद करणै लै शादणै कठै भेजै। तिन्है तिना मेंझा का हैन सारै मारै दैये होर बाकिया पिछा करेकेरे सिंयो इस्राएल देशा का बाहरा लै काढ़ै। तेस धैड़ै 1,20,000 मिद्यानी लोग मरै। एड़केरे परमेश्वरै इस्राएली लोग बचाए।

![](https://cdn.door43.org/obs/jpg/360px/obs-en-16-15.jpg)

तिंया सिंयो लोग गिदोना आपणा राजा बणाणा चाहो थियै, पर गिदोनै तिन्हा का एड़ा नी करणै दैई, पर तिनी तिनाका सिंयो सूनै गहणै माँगै जुण तिना मेंझा का हर एकी मंणछै मिद्यानी लोगा का लूटै थियै। तिन्है लोगै बड़ी संख्या दे गिदोना लै सूना दैया।

![](https://cdn.door43.org/obs/jpg/360px/obs-en-16-16.jpg)

तिंया गिदोनै तेस सूनै केरे एक खास प्रकारै झिकड़ै बणाए जेड़ै कि महापरोहत पैहनो थियै। पर लोगै तेसरे आराधना करणे शुरु करे दैये जेड़े कि स एक मूर्ते आसी। तिंया परमेश्वरै भी का इस्राएली लोगा लै सजा दैए किलैकि तिन्है मूर्तिए पूजा किए थिये। परमेश्वरै तिन्है दुश्मन तिन्हा हराणै कठै तैयार किए। अंता दे तिन्है भी का परमेश्वरा का मदद करणै कठै प्रार्थना किए, होर परमेश्वरै तिना गोलै तिना बचाणै कठै एक होर छड़ैणै आड़ा भेजा।

![](https://cdn.door43.org/obs/jpg/360px/obs-en-16-17.jpg)

एही गल कई बारी हुए, इस्राएली लोगा पाप करणा, परमेश्वरा तिन्हा लै सजा दैणे, तिन्हा पश्चाताप करणा, होर परमेश्वरा तिन्हा छडैणै कठै कुण भेजणा। कई साला तिक, परमेश्वरै हैन सारै छडैणै आड़ै भेजै जुणी इस्राएली लोग तिन्है दुश्मना का बचाए।

![](https://cdn.door43.org/obs/jpg/360px/obs-en-16-18.jpg)

अंता दे, तिन्है लोगै होरी देशा सैंई परमेश्वरा का आपणै कठै एकी राजै माँग किए। सिंयो एक एड़ा राजा चाहो थियै जुण लाम्बा होर शक्त्तिशाली हो, होर जुण युद्धा दे तिन्हा मार्गदर्शन करे सको। परमेश्वरा लै ए विनते पसंद नी आई, पर तिनी तिन्हा लै तेड़ा ही राजा दैआ जेड़े तिन्है माँग किए थिये।

*न्यायियों पाठ 1-3; 6-8; 1 शमूएल 1-10 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_16_128kbps.m4a

## 17. दाऊदा सागे परमेश्वरै वाचा

https://openbiblestories.org/l/bfz-x-karsogi/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएला पैहला राजा थिया। स लांबा होर बांका थिया, जेड़ा सिंयो लोग चाहो थियै बाख तेड़ा ही थिया। इस्राएली लोगा गैश आपणै शासनै पैहलै किछ वर्षा तिक शाऊल एक बढ़िया राजा थिया। पर बादा का स एक दुष्ट आदमे बणे गोआ जुणी परमेश्वरै गला नी मनी, तै परमेश्वरै एक होर मंणछ चुना जुण एकी धैड़ै तेसरी जैगहा दे राजा बणणा थिया।

![](https://cdn.door43.org/obs/jpg/360px/obs-en-17-02.jpg)

तिंया परमेश्वरै दाऊद नांवा एक जवान इस्राएली शोरो छांटेकेरे एकी धैड़ै शाऊलै जैगहा दे राजा बणाणै कठै तयार करणा शुरु किया। दाऊद बैतलहम नगरा दे रौहणै आड़ा एक फवाल थिया। कई समै दे, दाऊदै शेर होर भालो दुए मारै डायै थियै किलैकि दाऊदै द्वारा रखवाली करदै समै तेसरै बाबै भेड़ा लै तिन्है हमला किया थिया। दाऊद एक नम्र होर धर्मे मंणछ थिया। तिनी परमेश्वरा गैश भरोसा किया होर तेसरी गला मनी।

![](https://cdn.door43.org/obs/jpg/360px/obs-en-17-03.jpg)

जिंया दाऊद अजी जवान शोरो ही थिया, तिनी राक्सा सेंए लांबै-चौड़ै आदमी गोलियतै खिलाफ लड़ाए लड़े। गोलयत एक हैन शक्तिशाली सैनिक थिया। स हैन तगड़ा होर लगभग चन मीटर लांबा थिया! पर परमेश्वरै गोलियता मारणै होर इस्राएली बचाणै कठै दाऊदै सहायता किये। एताका बाद, दाऊदै इस्राएलिए दुश्मना गैश कई बारी जीत हासल कियै। दाऊद एक बड़ा सैनिक बणै गोआ होर तिनी हैना सारी लड़ाई दे इस्राएली सपाहीया मार्गदर्शन किया। लोगै तसरे हैन तारीफ किये।

![](https://cdn.door43.org/obs/jpg/360px/obs-en-17-04.jpg)

लोगै दाऊदा सागे एत्रा प्यार किया कि शाऊल तेसका जलन डांदा लागा। अंता दे शाऊल तेस मारणा चाहो थिया, एतिकठै दाऊद शाउल होर शाउलै सपाही का लुकणै कठै स बौणा लै भागे गोआ। एकी धैड़ै, जिंया शाऊल होर तेसरै सपाहै दाऊदा लोड़दै लागैदै थिये तिंया शाऊल एकी डवारा लै डेया ए स डवार थिया जेत दाऊद लुकादा थिया, पर शाऊलै नी स भाड़ी। दाऊद शाऊला पिछो तेसरै हैन नेड़ा लै डेया होर तेसरै झिकड़ै का एक शाटे टुके लौए। बादाका, जिंया शाऊल डवारा का निकड़ा तिंया दाऊदै तेसलै हाक पाए होर स पाकड़ेदे झिकड़ै शाटे दसे। एड़केरे शाऊलै जैणे हेरा कि दाऊदै राजा बणणै कठै तेस मारणै लै ना करे दैये।

![](https://cdn.door43.org/obs/jpg/360px/obs-en-17-05.jpg)

कुछ समै का बाद, शाऊल युद्धा दे मरे गोआ, होर दाऊद इस्राएला राजा बणे गोआ। स एक बढ़िया राजा थिया, होर सभ लोग तेस सागे प्यार करो थियै। परमेश्वरै दाऊदा लै आशीष दैये होर स सफल राजा बणाया। दाऊदै कई युद्ध लड़ै, होर परमेश्वरै इस्राएलै दुश्मना हराणै कठै तेसरे मदद किए। दाऊदै यरूशलेम जितेकेरे स आपणे राजधाने बणाए, जिंधे स रौहा होर तिन्ही राज किया। दाऊद चाड़ीए साला तिक राजा रौहा। एस समै दौरान, इस्राएल सामर्थी होर धनवान बणै गोआ।

![](https://cdn.door43.org/obs/jpg/360px/obs-en-17-06.jpg)

दाऊद एक मंदर बणाणा चाहो थिया जिंधे सारै इस्राएली लोग परमेश्वरै आराधना करे सको थियै होर तेसरी कठै बले चढ़ाए सको थियै। लगभग 400 साला ओरै। सिंयो लोग मूसै बणाऐदै मिलापा आड़ै ताम्बू दे परमेश्वरै आराधना करो थियै होर परमेश्वरै कठै बले चढ़ाओ थियै।

![](https://cdn.door43.org/obs/jpg/360px/obs-en-17-07.jpg)

पर तिंधे नातान नांवा एक भविष्यद्वक्ता थिया। परमेश्वरै स दाऊदा का एड़ा बोलणै कठै भेजा: “तौं हैन सारै युद्ध लड़ैदै, एतिकठै तू मेरी कठै एस मंदरा नी बणाए सकदा। तेरै शोरु ए बणाणा। तैभी मूं तालै आशीष दैणे। तेरै एकी वंशजा सदा तिक मेरै लोगा गैश राजै रुपा दे राज करणा।” सदा तिक राज करणै आड़ा स दाऊदा एकमात्र वंशज मसीह थिया। मसीह परमेश्वरा चुनादा मंणछ थिया जस संसारै लोग तिन्है पापा का बचाणै ।

![](https://cdn.door43.org/obs/jpg/360px/obs-en-17-08.jpg)

जिंया दाऊदै नातान भविश्य्दवक्ता संदेश शुणा तिंया तिनी परमेश्वरा धन्यवाद किया होर स्तुते किये। परमेश्वर तेसरा प्रभाव बढ़ांदा लागादा थिया होर तेसलै हैन सारी आशीषा दैंदा लागादा थिया। बेशक, दाऊद नी जैणदी थिया कि परमेश्वरा इंयो सभ गला कभै पूरी करणी। एबै हामै जैणो कि इस्राएली लोगा एकी लांबै समै तिक, लगभग 1,000 साला तिक मसीह आछणैया इंतजार करणा पड़णा।

![](https://cdn.door43.org/obs/jpg/360px/obs-en-17-09.jpg)

दाऊदै कई वर्षा तिक सही तरीकै केरे आपणै लोगा गैश राज किया। तिनी बड़े विश्वासा सागे परमेश्वरै गला मनी होर परमेश्वरै तेसलै आशीष दैये। मना, आपणै जीवनै अंता दे तिनी परमेश्वरै खिलाफ भयंकर पाप किया थिया।

![](https://cdn.door43.org/obs/jpg/360px/obs-en-17-10.jpg)

एकी धैड़ै दाऊदै आपणी कोठी का बाहरा बाखा लै हेरा होर एक बांके बेटड़े नांहदे भाड़े। स तैसा नी जैणदी थिया, पर तिनी पता किया कि तैसा नांओ बेतशेबा थिया।

![](https://cdn.door43.org/obs/jpg/360px/obs-en-17-11.jpg)

आपणे नजर हटाणे बदलै, दाऊदै तैसा आपु गोलै आड़णै कठै एक आदमे भेजा। तिनी तैया सागै नजायज सम्बध बंणाये होर स वापस घौरा लै भेजे दै। थोड़े समै का बाद बेतशेबै एड़ा बोलेकेरे दाऊदा लै समाद भेजा कि स गुर्भणे आसी।

![](https://cdn.door43.org/obs/jpg/360px/obs-en-17-12.jpg)

बेतशेबा लाड़ा ऊरिय्याह नांओआ एक मंणछ थिया। स दाऊदै बढ़िया सैनिका मेंझा का एक थिया। एस समै स युद्धा करदा बाहरा लै डेयादा थिया। दाऊदै ऊरिय्याह युद्धा का वापस शादेकेरे तेसलै आपणी लाड़ी सागे रौहणै कठै बोला। पर होर सैनिक युद्धा दे थियै तै ऊरिय्याहै घौरा लै जाणै लै ना किए। तै दाऊदै ऊरिय्याह युद्धा लै वापस भेजा होर सेनापति का तेस युद्धा दे एड़ी जैगहा दे डाणै लै बोला जिंधे दुश्मन सभी का शक्तिशाली थियै ताकि स मारा जाओ। तै एड़ा हुआ कि ऊरिय्याह युद्धा दे मरे गोआ।

![](https://cdn.door43.org/obs/jpg/360px/obs-en-17-13.jpg)

ऊरिय्याहै युद्धा दे मरणै का बाद दाऊदै बेतशेबा सागे बैह किया। बादा का, तैसै दाऊदै शोरु लै जन्म दैया। दाऊदै जुण किया तेतकेरे परमेश्वर हैन रुष्ठ थिया, तै तिनी नातान भविष्यद्वक्ता दाऊदा गोलै एड़ा बोलणै कठै भेजा कि तेसरा पाप केत्रा बुरा थिया। दाऊदै आपणै पापा का पश्चाताप किया होर परमेश्वरै स माफ किया। आपणै बाकी जीवना दे, आपणै कठण समै दे भी दाऊद परमेश्वरा पिछो-पिछो चला होर तेसरी गला मनी।

![](https://cdn.door43.org/obs/jpg/360px/obs-en-17-14.jpg)

पर दाउदा शोरो मरे गोआ। एड़केरे परमेश्वरै दाऊदा लै सजा दैए। एतै अलावा, दाऊदै मरणै तिक, तेसरै आपणै परिवारै कुछ लोगै तेसरै खिलाफ लड़ाए लड़े, होर दाऊदा आपणे सामर्थ कम होए गोए थिये। पर परमेश्वर विश्वासा लायक थिया होर एबै भी तिनी एड़ा किया जुण तिनी दाऊदा सागे करणैआ वादा किया थिया कि तेस करणा, भले ही दाऊदै तेसरे आज्ञा नी मनी थिये। बादा का, दाऊदै और बेतशेबै दूजा शोरो हुआ, होर तिन्है तेसरा नांओ सुलेमान डाआ।

*1 शमूएल पाठ 10; 15-19; 24; 31; 2 शमूएल 5; 7; 11-12 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_17_128kbps.m4a

## 18. बांडुआ दा राज्य

https://openbiblestories.org/l/bfz-x-karsogi/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजै चाड़ीए साला तिक इस्राएल गैश राज किया। तेखा स मरे गोआ, होर तेसरै शोरु सुलैमानै इस्राएला गैश राज करणा शुरू किया। परमेश्वरै सुलैमाना सागे गल किए होर तेसका पूछा स सभीका ज्यादा किजै चाहो कि परमेश्वर तेसरै कठै करै। सुलैमानै परमेश्वरा का माँगा कि परमेश्वर तेस हैन बुद्धिमान बणाऐ दो। ऐसा गलै परमेश्वर हैन खुश किया, एतिकठै परमेश्वरै सुलैमान संसारा सभी का बुद्धिमान मंणछ बणायै दैया। सुलैमानै हैन सारी ज्ञानै गला शिखी होर स एक बुद्धिमान राजा थिया। परमेश्वरै स हैन धनवान भी बणायै दैया थिया।

![](https://cdn.door43.org/obs/jpg/360px/obs-en-18-02.jpg)

यरूशलेम नगरा दे सुलैमानै स मंदर बणाया जेतै कठै तेसरै बाबै योजना बणाए थिये होर समान कट्ठै किया थिया। ऐबै लोग मिलापा आड़ै ताम्बूए बजाए मंदरा दे परमेश्वरै आराधना करो थियै होर तेसरी कठै बले चढ़ाओ थियै। परमेश्वर आछैकेरे मंदरा दे हाजर रहो थिया, होर स तिंधे आपणै लोगा सागे वास करो थिया।

![](https://cdn.door43.org/obs/jpg/360px/obs-en-18-03.jpg)

पर सुलैमानै दूजै देशै बेटड़ी सागे प्यार किया। तिनी हैन सारी, लगभग 1,000 बेटड़ी सागे बैह करेकेरे परमेश्वरै आज्ञा उलंघन किया इना मेंझा का हैन सारी बेटड़ी पराए देशा का आइदी थी होर आपु सागे आपणै देवतै भी आणैदै थियै होर तिन्है आराधना करणे जारी डाए। जिंया सुलैमान ठगड़ा हुआ तिंया तिनी भी तिन्है देवतै आराधना किये।

![](https://cdn.door43.org/obs/jpg/360px/obs-en-18-04.jpg)

एती वजहा केरे परमेश्वर सुलैमाना का रुष्ठ थिया। तिनी बोला कि तेस इस्राएल देश दुइ राज्य दे बाँडेकेरे तेसलै सजा दैणे। तेस सुलैमानै मरणै का बाद एड़ा करणा थिया।

![](https://cdn.door43.org/obs/jpg/360px/obs-en-18-05.jpg)

तेखा सुलैमानै मरणै का बाद, तेसर शोरो रहबाम राजा बणा। इस्राएल देशै सभ लोग तेस आपणै राजै रूपा दे स्वीकार करणै कठै कट्ठै हुए। तिन्है रहबामा का शकैत किये जैड़ै सुलैमानै तिनाका हैन कठण मेहनत करायै थिये होर हैन सारै कर बसुलै थियै। तिन्है रहबामा का विनते किये कि तिनाका कम काम करवाया।

![](https://cdn.door43.org/obs/jpg/360px/obs-en-18-06.jpg)

पर रहबामै तिन्हा लै बड़ी मूर्खता केरे जवाब दैया, “तुम्है बोलो कि मेरै बाबै सुलैमानै तुमाका कठण परिश्रम करवादा। पर मूं तुमाका तेसका भी ज्यादा कठण परिश्रम करवाणा, होर मूं तुम्हा लै तेसका भी ज्यादै दु:ख दैणै।”

![](https://cdn.door43.org/obs/jpg/360px/obs-en-18-07.jpg)

जिंया लोगै स एड़ा बोलदा शुणा तिंया तिना मेंझा का कईयै तेसरा विरोध किया। दस गोत्रै स छाडे दैआ; तेस सागे ऐबै सिर्फ दुए गोत्र ही बचैदै थियै। इनै दुई गोत्रै आपु लै यहूदा राज्य बोला।

![](https://cdn.door43.org/obs/jpg/360px/obs-en-18-08.jpg)

बाकियै दस गोत्रै यारोबाम नांओआ एक मंणछ आपणा राजा बणाये दैया। इंयो गोत्र देशै उत्तर-पूर्वी हिस्सै दे थियै। तिन्है आपुलै इस्राएला राज्य बोला।

![](https://cdn.door43.org/obs/jpg/360px/obs-en-18-09.jpg)

पर यारोबामै परमेश्वरै खिलाफ बगावत किये होर लोगा का पाप करवाया। तिनी आपणै लोगा द्वारा आराधना करणै कठै दुए मूर्ति बणाई। सिंयो ऐबै यहूदै राज्यै यरूशलेमा दे परमेश्वरै मंदरा दे तेसरी आराधना करदै नहीं डेयै।

![](https://cdn.door43.org/obs/jpg/360px/obs-en-18-10.jpg)

यहूदा और इस्राएलै राज्यै लोग दुश्मन बणै गोए होर बार-बार एकी दूजै खिलाफ युद्ध करदै लागै।

![](https://cdn.door43.org/obs/jpg/360px/obs-en-18-11.jpg)

इस्राएलै नौंऐ राज्यै दे, सारै ही राजै दुष्ट थियै। इना मेंझा का कई राजै तिन्है जैगहा दे राजा बणणै इच्छा ड़ाणै आड़ै होरी इस्राएलीए जरियै मारैदै थिए।

![](https://cdn.door43.org/obs/jpg/360px/obs-en-18-12.jpg)

इस्राएल राज्यै सारै ही राजै होर हैन सारै लौगै मूर्तिए पूजा किये। जिंया तिन्है एड़ा किया, तिन्है परमेश्वरै नजरा दे हैन सारै पाप किये थे जैड़ै कि तिन्है कई बारी वेश्या सागे नजायज सम्बध बंणाये इंधा तिक कि कई बारी मूर्ति आगो शोरुए बले चढ़ाए।

![](https://cdn.door43.org/obs/jpg/360px/obs-en-18-13.jpg)

यहूदा राज्यै राजै, दाऊदै वंशज थियै। इना राजै मेंझा का कई भलै आदमे थियै जुणी सही ढंगै केरे राज किया होर परमेश्वरै आराधना किए। पर यहूदै हैन सारै राजै दुष्ट थियै। तिन्है दुष्टता सागे राज किया, होर मूर्तिए आराधना किए। इंदा तिक कि इना मेंझा का कुछ राजै झूठै देवतै आगो आपणै शोरो बलि चढ़ाए। यहूदै हैन सारै लोगै भी परमेश्वरै खिलाफ बगावत किए होर होरी देवतै आराधना किये।

*1 राजा पाठ 1-6; 11-12 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_18_128kbps.m4a

## 19. भविष्यव्दक्त्ता

https://openbiblestories.org/l/bfz-x-karsogi/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर सदा इस्राएली लोगा गोलै भविष्यद्वक्त्ता भेजदा रौहो थिया। भविष्यद्वक्त्ता परमेश्वरा का संदेश शुणो थियै होर तेखा तेस लोगा का दसो थियै।

![](https://cdn.door43.org/obs/jpg/360px/obs-en-19-02.jpg)

जिंया अहाब इस्राएलै राज्य गैश राजा थिया तो तेस समै एलिय्याह भविष्यद्वक्त्ता थिया। अहाब एक बुरा आदमे थिया। तिनी लोग यहोवा परमेश्वरा का छाडेकेरे होरी झूठै देवतै आराधना करणै कठै लोग मजबूर कियै थियै जस देव्तैआ नांओ बाल देवता थिया। एतिकठै एलिय्याहै अहाबा का बोला कि परमेश्वर तिन्हा लोगा लै सजा दैणे आड़ा थिया। तिनी तिनाका बोला, “जिंया तिक हाँ भी का पाणी होंणै लै नी बोलू तिंया तिक इस्राएल राज्य दे पांणे नी हुणी होर ना ही पाड़ा पड़नी।” एसा गलै अहाबा एत्रा रुष्ठ करै देया कि तिनी एलिय्याह मारणैआ फैसला लौआ।

![](https://cdn.door43.org/obs/jpg/360px/obs-en-19-03.jpg)

तै परमेश्वरै एलिय्याह का बोला कि स बौणा लै जायेकेरे आहाबा का लुकै जाओ। एलिय्याह बौणा दे तैसा बाएया गो पुज्जा जिंधा लै जाणै कठै परमेश्वरै तेसलै बोला थिया। धैड़ दोथी होर धैड़ उडै, पंछे एलिय्याह लै रोटी होर मीट आणो थियै। एस पूरै समै दे, अहाब होर तेसरे सैना एलिय्याह लोढ़दै लागे रौहै, पर सिंयो तेस लोड़ै नी सकै।

![](https://cdn.door43.org/obs/jpg/360px/obs-en-19-04.jpg)

पाणी ना होंणै बजहा का कुछ समै का बाद स बा शुके गोए। एतिकठै एलिय्याह नेड़ ही एकी देशा लै डेआ। तेस देशा दे एक गरीब विधवा थिये जसरा एक शोरो थिया। तिना गो खाणैलै लगभग खत्म हुए गोए थिये किलैकि तिंधे कोए फसल नी हुई थिये। पर तेखा भी, तैसै बिटड़ियै एलिय्याहे देखभाड़ किए, एतिकठै परमेश्वरै तैसै होर तैसै शोरुए जरुरता पूरी की, एती बजहा का तैसा आटैया भांडा होर तैसै तेलै कुप्पे कधी भी खाली नी हुई। तेस पूरै अकालै दौरान तिनाका खाणैलै थिये। एलिय्याह तीन साला तिक तिंधे रौहा।

![](https://cdn.door43.org/obs/jpg/360px/obs-en-19-05.jpg)

साढ़ै चन साला का बाद, परमेश्वरै एलिय्याह का बोला कि तेस भी का पांणे बरशणा। तिनी एलिय्याह लै वापस इस्राएलै राज्यै लै जायेकेरे अहाबा सागे गला करणै लै बोला। एतिकठै एलिय्याह अहाबा गोलै डेया। जिंया अहाबै स भाड़ा तिंया तिनी बोला, “अच्छा तू आसी, समस्या पैदा करणै आड़ा!” एलिय्याहै जवाब दैया, “समस्या पैदा करणै आड़ा तो तू आसी! तौं यहोवा छाड़े हेरादा। सौही सच्चा परमेश्वर आसी, पर तू बाल देवतै आराधना करदा लागादा। एबै ता इस्राएल राज्यै सभ लोग कर्मेल पर्वता गोलै आड़णै पड़णै।”

![](https://cdn.door43.org/obs/jpg/360px/obs-en-19-06.jpg)

तै सभ लोग कर्मेलै धारा गैशा लै डेये। सिंयो मर्द भी आऐ जुण बोलो थियै कि सिंयो बाल देवतै संदेश बोलो। सिंयो बाल देवतै 450 भविष्यद्वक्तै थिऐ। एलिय्याहै लोगा लै बोला, “कभै तिक तुम्हा आपणै मन फिराए डाणै? जै यहोवा परमेश्वर आसी तै तेसरे आरधना करो। जै बाल देवता परमेश्वर आसी तै तेस पूजो।”

![](https://cdn.door43.org/obs/jpg/360px/obs-en-19-07.jpg)

तिंया एलिय्याहै बाल देवतै भविष्यव्दक्ता का बोला, “एकी पशु बलि करेकेरे तेसरा मास बलिदान होंणै कठै एकी बेदी गैश डाओ, पर तेत आग नी लाइ। तेता का बाद मूं भी तेड़ा ही करणा, होए एकी लग बेदी गैश मूं स मास डाणा। तै जै परमेश्वर बेदी गैश आग शोटूंग तै तुम्हा जैणणा कि स सच्चा परमेश्वर आसी।” तिंया बाल देवतै भविष्यव्दक्तै एक बले त्यार किए पर तेत आग नी लाइ।

![](https://cdn.door43.org/obs/jpg/360px/obs-en-19-08.jpg)

तिंया बाल देवतै भविष्यव्दक्तै बाल देवतै का प्रार्थना किये, “ओ बाल देवतैया, म्हारे शुण!” पूरै धैड़ै तिन्है प्रार्थना किए होर राड़ा पाई होर इंद तिक कि आपुलै चाकू केरे टुकदै लागै, पर बाल देवतै जवाब नी दैई, होर तिनी कोए आग नी शोठी।

![](https://cdn.door43.org/obs/jpg/360px/obs-en-19-09.jpg)

बाल देवतै भविष्यव्दक्त्तै बाल देवतै का प्रार्थना करणै लै लगभग पूरे धैड़े लाए। अंता दे तिन्है प्रार्थना करणे बंद किये। तिंया एलिय्याहै दूजै पशुआ मास परमेश्वरै वेदी गैश डाआ। तेताका बाद, तिनी लोगा लै पाणिए बड़ै-बड़ै भांड़ै केरे तेस बलिदाना गैश पांणी शोटणै लै तिंया तिक बोला जिंया तिक कि मास, छिड़ी, होर इंधा तिक कि वेदीये ओरु-पोरुए जमीन पूरी रीति केरे सिने नी होइ।

![](https://cdn.door43.org/obs/jpg/360px/obs-en-19-10.jpg)

तिंया एलिय्याहै प्रार्थना किये, ओ यहोवा, अब्राहम, इसहाक, होर याकूबै परमेश्वर, हामालै दसो कि तुम्है इस्राएलै परमेश्वर आसी होर एड़ा भी कि हाँ तेरा दास आसी। मुलै जवाब दै जेतकरे कि इन्हा लोगा जेंणै लोंणा कि कि तू ही सच्चा परमेश्वर आसी।

![](https://cdn.door43.org/obs/jpg/360px/obs-en-19-11.jpg)

तिंया ही, सर्गा का आग पड़े होर तेतकेरे मास, छिड़ी, जाना, माटा, होर इंधा तिक कि वेदीया ओरु-पोरुआ पाणे भी फुकूऐ गोआ। जिंया लोगै एड़ा भाड़ा, सिंयो जमीना दे पड़ै होर तिन्है बोला, “यहोवा ही परमेश्वर आसी! यहोवा ही परमेश्वर आसी!”

![](https://cdn.door43.org/obs/jpg/360px/obs-en-19-12.jpg)

तिंया एलिय्याहै बोला, “बाल देवतैया एक भी भविष्यव्दक्त्ता बचे केरे नी जांणा चाहिए!” एतिकठै लोगै बाल देवतै भविष्यव्दक्त्तै पाकड़ै होर तिंदा का लग जै निंयै होर सिंयो मारे डायै।

![](https://cdn.door43.org/obs/jpg/360px/obs-en-19-13.jpg)

तिंया एलिय्याहै आहाब राजै का बोला, “छेकै आपणै घौरा लै जा, किलैकि बारश होंणै आड़ै आसी।” छेकै ही सर्गा दे बादड़ घोरुए, होर हैन बारश लागणा शुरु होए गोए। यहोवा तेस शुकै खत्म करदा लागादा थिया। एतकेरे प्रकट हुआ कि यहोवा ही सच्चा परमेश्वर आसी।

![](https://cdn.door43.org/obs/jpg/360px/obs-en-19-14.jpg)

जिंया एलिय्याहै आपणा काम खत्म करे हेरा, तिंया परमेश्वरै एलीशा नांवा एक मर्द आपणा भविष्यव्दक्त्ता होंणै कठै चुना। परमेश्वरै एलीशै जरियै हैन सारै चमत्कार किऐ। एक चमत्कार नामाना सागे हुआ। स एकी दुश्मनै सैना सरदार थिया, पर तेसलै चांभड़ीया एक बुरा रोग लागा थिया। नामानै एलीशै बारै दै शुणादा थिया, तै स एलीशा गोलै आ होर तेसका तेस ठीक करणै अर्ज किये। एलीशै नामाना का बोला कि जायेकेरे यरदन दरैओए पाणी दे साता बारी डुबकी ला।

![](https://cdn.door43.org/obs/jpg/360px/obs-en-19-15.jpg)

तिंया नामाना लै गुस्सा आ। तिनी एड़ा करणै कठै ना किए, किलैकि ए तेसलै मुर्खता आड़ा काम लागो थिया। पर बादाका तिनी आपणा मन बदड़ा होर जायेकेरे यरदन नदियै पाणी दे साता बारी डुबकी लाई। जिंया आखिरी बारी डुबकी लायेकेरे स पाणी का बाहरा लै निकड़ा तै तिंया परमेश्वरै स ठीक किया।

![](https://cdn.door43.org/obs/jpg/360px/obs-en-19-16.jpg)

परमेश्वरै इस्राएली लोगा गोलै होर हैन सारै भविष्यव्दक्त्ता भेजै। तिन्है सभी लोगा लै मूर्ति पूजा बंद करणै कठै बोला। एताका अलावा, तिना एक दूजै सागे न्यायपूर्वक व्यवहार करणा चहिए होर एकी दुजै गैश दया करणे चहिए। तिन्है भविष्तव्दक्त्तै लोगा लै चेतावने दैए कि तिन्हा बुरै काम करणै छाड़े दैणै चहिए होर एतै अलावा परमेश्वरै गला मनणी चहिए। जै तिन्है लोगे एड़ा नी किया तै परमेश्वरा सिंयो दोषे मनेकेरे तिन्हा न्याय करणा, होर तिन्हा लै सजा दैणै।

![](https://cdn.door43.org/obs/jpg/360px/obs-en-19-17.jpg)

ज्यादातर समै, तिन्है लोगै परमेश्वरै आज्ञा पालन नी की। हमेशा ही तिन्है भविष्तव्दक्त्ता सागे बुरा व्यवहार किया होर इंधा तिक कि कभै-कभै सिंयो मारै भी। एकी बारी, तिन्है यिर्मयाह भविष्यव्दक्त्ता शुकै कुएँ दे पा होर स तिंधे मरणै कठै छाड़ा। स कुएँ पैंदा दे चिकरै दे दाबुआ। पर तिंया राजै लै तेस गैश दया आए होर तिनी आपणै सैनिका लै आदेश दैया कि यिर्मयाह मरणै का पैहलै तेस कुएँ का बाहरा लै काढ़ो।

![](https://cdn.door43.org/obs/jpg/360px/obs-en-19-18.jpg)

भविष्यव्दक्त्तै परमेश्वरा बाखा बोलणा जारी डाआ भले ही लोगै तिन्हा सागे नफरत किये। तिन्है लोगा लै चेतावने दैये कि जै सिंयो पश्चाताप नी करो तै परमेश्वरा तिन्हा नाश करणा। तिन्है लोगा लै एड़ा भी याद दला कि परमेश्वरै तिना गोलै मसीहा भेजणै प्रतिज्ञा कियेदे।

*1 राजा पाठ 16-18; 2 राजा 5; यिर्मयाह 38 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_19_128kbps.m4a

## 20. गुलामी बाखा लै वापस हटणा

https://openbiblestories.org/l/bfz-x-karsogi/story-20/

![](https://cdn.door43.org/obs/jpg/360px/obs-en-20-01.jpg)

इस्राएली होर यहूदी राज्यै लोगै दुइयै परमेश्वरै खिलाफ पाप किया। तिन्है स वाचा चोड़ा जुण परमेश्वरै तिना सागे सीनै धारा दे किया थिया। परमेश्वरै तिन्हा लै पश्चाताप करणै होर भी का तेसरे आराधना करणै कठै चेतावने दैणै कठै आपणै भविष्यव्दक्त्ता भेजै, पर तिन्है तिन्ही गला मनणै का ना किये।

![](https://cdn.door43.org/obs/jpg/360px/obs-en-20-02.jpg)

तै परमेश्वरै तिन्है दुश्मना लै तिन्हा नाश करणै कठै सक्षम करणै जरियै दुइ राज्यै लै सजा दैये। अश्शूर एक होर देश थिया जुण हैन शक्त्तिशाली होए गोआ थिया। सिंयो दूजै देशै प्रति हैन निर्दयी भी थियै। तिन्है आछेकेरे इस्राएलै राज्या नाश करे दैया। अश्शूरे आछेकेरे इस्राएलै राज्यै दे हैन सारै मंणछ मारै, जुण चाहा स लूटा, होर देशै कई हिस्सै फूके दैये।

![](https://cdn.door43.org/obs/jpg/360px/obs-en-20-03.jpg)

अश्शूरी देशै लोगै सभ अगुवै, अमीर लोग, होर एड़ै लोग जुण मँहगी चिजा बणाये सको थियै इसाएल देशा का कट्ठै कियै होर तिन्है सिंयो अश्शूर देशा लै निंयै। इस्राएला देशा दे ऐबै थोड़े जै ही गरीब इस्राएली लोग बचै थियै।

![](https://cdn.door43.org/obs/jpg/360px/obs-en-20-04.jpg)

तेखा अश्शूरी लोगै तेस देशा दे रौहणै कठै बाहरड़ै देशै लोग आणै। तिन्है बाहरड़ै देशै लोगै सिंयो नगर भी का बणाए। जुण इस्राएली लोग तिंधे बचै थियै तिन्हा सागे तिन्है बैह किये। इना लोगै वंशज सामरे कहलाए।

![](https://cdn.door43.org/obs/jpg/360px/obs-en-20-05.jpg)

यहूदी राज्यै लोगै भाड़ा कि केड़केरे परमेश्वरै तेस गैश विश्वास ना करणै होर तेसरी गला ना मनणै बजहा का इस्राएली राज्यै लोगा लै सजा दैये थियै। पर तैभी तिन्है कनानी देवतै मूर्तिये उपासना किए। परमेश्वरै तिन्हा लै चेतावनी दैणै कठै भविष्यव्दक्त्ता भेजै, पर तिन्है तिनी गला शुणणै का ना किये।

![](https://cdn.door43.org/obs/jpg/360px/obs-en-20-06.jpg)

लगभग 100 साला बाद अश्शूरी लोगै इस्राएलै राज्या नाश किया। परमेश्वरै बेबीलोना राजा, नबूकदनेस्सर यहूदै राज्यै लै हमला करणै लै भेजा। बेबीलोन एक शक्त्तिशाली देश थिया। यहूदा राजा नबूकदनेस्सरा दास बणणै होर हर साल तेसलै हैन सारै ढबैया भुगतान करणै कठै सहमत हुए गोआ थिया।

![](https://cdn.door43.org/obs/jpg/360px/obs-en-20-07.jpg)

पर कुछ साला बाद, यहूदै राजै बेबीलोनै खिलाफ झगड़ा किया। तै बेबीलोनै लोगै वापस आछेकेरे यहूदै राज्यै दे हमला किया। तिन्है यरूशलेम नगरा दे कब्जा किया, मंदरा नाश करे दैया, होर नगरा होर मंदरा खजाना लूटे केरे निंया।

![](https://cdn.door43.org/obs/jpg/360px/obs-en-20-08.jpg)

झगड़ा करणै वजहा केरे यहूदै राजै लै सजा दैणै कठै, नबूकदनेस्सरै सैनिकै राजैया शोरो तेसरै समनै मारा होर तेखा स कांणा करे दैया। एताका बाद, तिन्है राजा निंया ताकि स बेबीलोनै जेला दे मरे जाओ।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर होर तेसरी सैनै यहूदै राज्यै लगभग सारै लोग बेबीलोना लै निंयै, सिर्फ सभीका गरीब लोग तिंधे छाडै ताकि सिंयो खेचा दे फसला उगाओ। समै एस काला लै गुलामे बोलो जेतदै परमेश्वरै लोग प्रतिज्ञा कियैदै देशा का बाहरा लै निकड़णै कठै मजबूर कियै थे।

![](https://cdn.door43.org/obs/jpg/360px/obs-en-20-10.jpg)

भलै ही परमेश्वरै आपणै लोगा लै तिन्है पापै कठै गुलामी दे निणै जरियै सजा दैये, तैभी स तिन्हा लोगा या आपणै वादै नी भूली थिया। परमेश्वरै आपणै लोगै निगराने करणै जारी डाए होर आपणै भविष्यव्दक्त्तै जरियै तिन्हा सागे गला करदा रौहा। तिनी वाया किया कि सत्तर साला बाद, तिन्हा भी का प्रतिज्ञा कियैदै देशा लै वापस हटणा।

![](https://cdn.door43.org/obs/jpg/360px/obs-en-20-11.jpg)

लगभग सत्तर साला का बाद, फारसै राजै कुस्रूए बेबीलोन हराया, एतिकठै बेबीलोनै साम्राज्यै बजाए फारसै साम्राज्यै कई देशा गैश राज किया। इस्राएली लोग ऐबै यहूदी कहलाओ थियै। तिन्हा मेंझा का हैना जैणै आपणे पूरे जिंदगे बेबीलोना दे बिताए हेरे थिये। सिर्फ थोड़ै जै ठगड़ै यहूदी लोगा लै ही यहूदा देश याद थिया।

![](https://cdn.door43.org/obs/jpg/360px/obs-en-20-12.jpg)

फारसी लोग हैन शक्तिशाली थियै, पर तिन्है आपणै जीतैदै लोगा गैश दया किये थे। फारसी लोगा राजा बणणै का थोड़ै समै का बाद, कुस्रूए आज्ञा दैये कि कोए भी यहूदे जुण यहूदा लै वापस जाणा चाहो, स फारसा का निकड़ेकेरे वापस यहूदा लै जाए सको। इंधा तिक कि तिनी तिन्हा लै मंदर भी का बणाणै कठै ढबै भी दैये। तै गुलामीए सत्तर साला बाद, यहूदिया एक माठा झुण्ड यहूदा दे यरूशलेम नगरा लै वापस आ।

![](https://cdn.door43.org/obs/jpg/360px/obs-en-20-13.jpg)

जिंया सिंयो लोग यरूशलेमा दे पुज्जै तिंया तिन्है मंदर होर नगरै चउ बाखै दवाल भी का बणाये। फारसी लोग अझी भी तिन्हा गैश शासन करो थियै पर एकी बारी भी का वादा कियैदै देशा दे रौंहदै लागैदे थियै होर मंदरा दे उपासना करदै लागैदै थियै।

*2 राजा पाठ17; 24-25; 2 इतिहास 36; एज़्रा 1-10; नहेम्याह 1-13 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_20_128kbps.m4a

## 21. परमेश्वर मसीह भेजणै प्रतिज्ञा करो

https://openbiblestories.org/l/bfz-x-karsogi/story-21/

![](https://cdn.door43.org/obs/jpg/360px/obs-en-21-01.jpg)

जिंया परमेश्वरै संसार बणाया थिया, स जैणो थिया कि तेस बादाका कस धैड़ै मसीह भेजणा पड़णा। तिनी आदम और हव्वा सागे प्रतिज्ञा किये कि तेस एड़ा करणा। तिनी बोला हव्वा का एकी वंशजा जन्म लौणा जस किड़ैआ मुंड झेचणा। जुणी किड़ै हव्वा लै धोखा दैया थिया स शैतान थिया। परमेश्वरा मतलब थिया कि मसीहा पूरी रीति केरे शैतान हराए दैणा।

![](https://cdn.door43.org/obs/jpg/360px/obs-en-21-02.jpg)

परमेश्वरै अब्राहमा सागे प्रतिज्ञा किये थिए किआ कि तेसरै जरियै संसारै सभी जातियै लोगा आशीष पांणे। परमेश्वरा बादाका कस समै दे मसीह भेजणै जरियै ए प्रतिज्ञा पूरे करणे। तेस मसीहा संसारै हर एक जातियै लोग तिन्है पापा का छुड़ाणै।

![](https://cdn.door43.org/obs/jpg/360px/obs-en-21-03.jpg)

परमेश्वरै मूसा सागे प्रतिज्ञा किये थिये कि भविष्य दे तेस मूसा सैंई एक होर भविष्यव्दक्त्ता भेजणा। ए भविष्यव्दक्त्ता मसीह होंणा। एड़केरे, परमेश्वरै भी का प्रतिज्ञा किये कि तेस मसीह भेजणा।

![](https://cdn.door43.org/obs/jpg/360px/obs-en-21-04.jpg)

परमेश्वरै राजा दाऊदा सागे प्रतिज्ञा किये थिए कि तेसरा एक वंशज मसीह होंणा। स राजा होंणा और परमेश्वरै लोगा गैश तेस सदा तिक राज करणा।

![](https://cdn.door43.org/obs/jpg/360px/obs-en-21-05.jpg)

परमेश्वरै यिर्मयाह भविष्यव्दक्त्ता सागे गल किए होर बोला कि एकी धैड़ै तेस एक नौंए वाचा बांधणे। स नौंए वाचा इस्राएला सागे सीनै धारा दे बाँधीदी पराणी वाचा सैंई नी हुणी। जिंया लोगा सागे तेस आपणे नौंए वाचा बाँधणे, तिंया तेस तिन्हा गैश आपु व्यक्त्तिगत रूपा केरे प्रकट होंणा। हर एकी मंणछा तेस सागे प्यार करणा होर तेसरी व्यवस्था पालन करणै इच्छा डाणे। परमश्वरै बोला कि ए तेसरी व्यवस्था तिन्है दिला दे लिखणै सैंई होंणा। सिंयो तेसरै लोग होंणे, होर परमेश्वरा तिन्है पाप माफ करणै। स मसीह होंणा जस तिन्हा सागे स नौंए वाचा बाँधणे।

![](https://cdn.door43.org/obs/jpg/360px/obs-en-21-06.jpg)

परमेश्वरै भविष्यव्दक्त्तै एड़ा भी बोला कि मसीह एक भविष्यव्दक्त्ता होंणा, एक परोहत होर एक राजा होंणा। एक भविष्यव्दक्त्ता स मंणछ आसी जुण परमेश्वरै वचना शुणो होर तेखा लोगा गैश परमेश्वरै संदेशै घोषणा करो। जस भेजणै परमेश्वरै प्रतिज्ञा किये थिए स मसीह एक सिध्द भविष्यव्दक्त्ता होंणा। मतलब तेस मसीह परमेश्वरै संदेश धोरै केरे शुणणै, होर सिंयो धोरेकेरे समझणै, होर तेस लोगा लै सिंयो संदेश धोरै केरे दसणै।

![](https://cdn.door43.org/obs/jpg/360px/obs-en-21-07.jpg)

इस्राएली परोहतै लोगै कठै परमेश्वरा आगो बले चढ़ाणा जारी डाआ। इंयो बली लोगै पापै कठै तिन्हा लै परमेश्वरै जरियै सजा दैणै जैगहा दे चढाइदी थी। परोहतै लोगा लै प्रार्थना भी किए। पर, स मसीह सिध्द महा परोहत होंणा जुण परमेश्वरा लै दैणै कठै एक सिध्द बलिऐ रुपा दे आपु चढ़णा। मतलब, तेस कधी पाप नी करणी, होर जिंया तेस आपु बली चढ़णा, तेखा संसारा दे कोए भी होर बले चढ़ाण जरूरी नी होंणी।

![](https://cdn.door43.org/obs/jpg/360px/obs-en-21-08.jpg)

लोगै झुंडा गैश राजा होर प्रधान राज करो, होर कभै-कभै सिंयो पाप भी करो। राजा दाऊदै सिधा इस्राएली लोगा गैश राज किया, पर राजा दाऊदै वंशजा मसीहा पूरै संसारा गैश राज करणा, होर तेस सदा तिक राज करणा। एताका अलावा, तेस हमेशा न्यायपूर्ण रीति केरे राज करणा, होर सही फेसलै लौणै।

![](https://cdn.door43.org/obs/jpg/360px/obs-en-21-09.jpg)

परमेश्वरै भविष्यव्दक्त्तै मसीहै बारै दे हैन सारी गला बोली। मनै लओ कि, मलाकी भविष्यव्दक्त्तै बोला कि मसीहा आछणै का पैहलै एक होर भविष्यव्दक्त्ता आछणा। स भविष्यव्दक्त्ता हैन महत्वपूर्ण होंणा। एतै अलावा, यशायाह भविष्यव्दक्त्तै लिखा कि मसीहा एकी कँवारी का जन्म लौणा। होर मीका भविष्यव्दक्त्तै बोला कि मसीहा बैतलहम नगरा दे जन्म लौणा।

![](https://cdn.door43.org/obs/jpg/360px/obs-en-21-10.jpg)

यशायाह भविष्यव्दक्त्तै बोला कि मसीहा गलीली जैगहा दे वास करणा। जुण लोग हैन दु:खी आसी मसीहा तिन्हा लै शान्ते दैणे। तेस कैदे आजाद करणै। मसीहा बमार होर जुण शुणे नी सकदै, भाड़े नी सकदै, बोले नी सकदै, या हाँडे नी सकदै सिंयो भी ठीक करणै।

![](https://cdn.door43.org/obs/jpg/360px/obs-en-21-11.jpg)

यशायाह भविष्यव्दक्त्तै एड़ा भी बोला कि लोगा मसीह सागे नफरत करणे होर तेस अपनांणै का ना करणे। होरी भविष्यव्दक्त्तै बोला कि मसीहा एक साथे तेसरै खिलाफ उठणा। जकर्याह भविष्यव्दक्त्तै बोला कि तेसरै एस साथी एड़ा करणै कठै दूजै लोगा का चाँदियै ती सिक्के लौणै। एतै अलावा, एखो भविष्यव्दक्त्तै बोला कि लोगा मसीह मारणा, होर एड़ा कि तिन्हा तेसरै झिकड़ै आपु मेंझ बांडड़ै कठै पर्ची पांड़ी।

![](https://cdn.door43.org/obs/jpg/360px/obs-en-21-12.jpg)

परमेश्वरै भविष्यव्दक्त्तै एड़ा भी बोला कि मसीह केड़केरे मरणा। यशायाहै भविष्यवक्तै भविषयवांणे किये कि लोगा मसीहा गैश थुकणा, तेसरा मजाक उड़ाणा, होर स जिकणा। तिन्हा स छोपणा होर तेस बड़ै दु:खा होर पीड़ा दे मरणा, जबकि तिनी किछ भी गलत नी हूणी कियादा।

![](https://cdn.door43.org/obs/jpg/360px/obs-en-21-13.jpg)

भविष्यदवक्त्तै एड़ा भी दसादा कि मसीहा पाप नी करणी। स सिध्द होंणा। पर स एतिकठै मरणा परमेश्वरा तेसलै होरी लोगै पापै बजहा का सजा दैणे। तेसरै मरणै केरे लोग परमेश्वरा सागे मेल करणै लै सक्षम होंणै। एतिकठै परमेश्वर चाहो कि मसीह मरो।

![](https://cdn.door43.org/obs/jpg/360px/obs-en-21-14.jpg)

भविष्यव्दक्त्तै एड़ा भी दसा कि परमेश्वरा मसीह मरैदै मेंझा का जिंओंदा करणा। ए एड़ा दसो कि ए सभ नौंइ वाचा बाँधणै परमेश्वरै तरकीब थिये, ताकि स तिन्हा लोगा बचाए सको जुणी तेसरै विरुध्द पाप कियादा।

![](https://cdn.door43.org/obs/jpg/360px/obs-en-21-15.jpg)

परमेश्वरै भविष्यव्दक्त्ता गैश मसीहै बारै दे हैन सारी गला प्रकट की, पर मसीह तिन्हा भविष्यव्दक्त्ता मेंझा का कसीयै जीवनकाला दे नी आई थिया। इन्हा आखिरी भविषयवांणीए दैणै का 400 का ज्यादी साला बाद, सही समै दे, परमेश्वरै मसीह एस संसारा लै भेजा भेजणा।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_21_128kbps.m4a

## 22. यूहन्ना जन्‍म

https://openbiblestories.org/l/bfz-x-karsogi/story-22/

![](https://cdn.door43.org/obs/jpg/360px/obs-en-22-01.jpg)

बितैदै समै दे, परमेश्वरै आपणै भविष्यव्दक्त्तै सागे गला की थी एतिकठै सिंयो लोगा सागे गल करे पाए थियै। पर तेस समै का लौएकेरे तेखा 400 साला बीतणै तिक तिनी तिन्हा सागे गला नी की। तिंया परमेश्वरै जकर्याह नांओऐ भविष्यव्दक्ता गोलै एक स्वर्गदूत भेजा। जकर्याह होर तेसरे लाड़े एलीशिबा परमेश्वरा आदर करो थियै। सिंयो हैन ठगड़ै हुए गोए थियै, होर तेसरे कोए भी शोरो जमादा नी थी।

![](https://cdn.door43.org/obs/jpg/360px/obs-en-22-02.jpg)

तिनी स्वर्गदूतै जकर्याह का बोला, “तेरी लाड़िऐ एक शोरो होंणा। तू तेसरा नांओ यूहन्ना डाया। परमेश्वरा स पवित्र आत्मा केरे परिपूर्ण करणा, होर यहून्ना लोग मसीहा अपनांणै कठै तैयार करणै।” जकर्याहै जवाब दैया, “हाँ होर मेरे लाड़े शोरु पैदा करणै कठै हैन ठगड़ै आसी! हाँ केड़केरे जैणु कि तुम्है मुखा सच बोलदै लागैदै?”

![](https://cdn.door43.org/obs/jpg/360px/obs-en-22-03.jpg)

तिनी स्वर्गदूतै जकर्याह लै जवाब दैया ,“ता गोलै एस शुभसंदेश शुणाणै लै हाँ परमेश्वरै भेजादा। किलैकि तौं मूं गैश विश्वास नी की, एतिकठै शोरुए जमणै तिक तू बोलै नी सकदा।” तिंया ही, जकर्याहै मुँहा का आवाज निकड़णे बंद हुए। तिंया स स्वर्गदूत जकर्याह गो का नाठे गोआ। एताका बाद, जकर्याह घौरा लै वापस आ होर तेसरे लाड़े गुर्भणे रौहे।

![](https://cdn.door43.org/obs/jpg/360px/obs-en-22-04.jpg)

जिंया एलीशिबा छह महीनै गुर्भणे थिये, तै सौही स्वर्गदूत अचानक एलीशिबै रिश्तेदारा गैश प्रकट हुआ, जसरा नांओ मरियम थिया। मरियम कँवारे थिये होर बैह होंणै कठै यूसुफ नांओऐ मर्दा सागे तैसै खणोड़े होए गोए थिये। स्वर्गदूतै बोला, “ता गैश परमेश्वरै दया होयदै तू गुर्भणे रौहणे होर ता एकी शोरु लै जन्म दैणा। तू तेसरा नांओ यीशु डाया। स सर्व-शक्त्तिमान परमेश्वरा शोरो होंणा होर तेस सदा तिक राज करणा।”

![](https://cdn.door43.org/obs/jpg/360px/obs-en-22-05.jpg)

मरियमै जवाब दैया, “ए केड़केरे होंणा, किलैकि हाँ तो कँवारे आसी?” तिनी स्वर्गदूतै स समझाए, “पवित्र आत्मा ता गैश आछणा, होर परमेश्वरै सामर्थ ता गैश छाया करणै। तै स शोरो पवित्र होंणा, और स परमेश्वरा शोरो होंणा।” जुण तिनी स्वर्गदूतै बोला तेस गैश मरियमै विश्वास किया।

![](https://cdn.door43.org/obs/jpg/360px/obs-en-22-06.jpg)

एड़ा हुणै का एकदम बादा का, मरियमें जायेकेरे एलीशिबा सागे मुलाक़ात किये। जेड़े ही मरियमै तैसा लै नमस्ते किए, एलीशिबा शोरो पेटा भिथरे चुकदा लागा। तिन्है कठै परमेश्वरै जुण किया थिया तेतै बारै सिंयो बेटड़ी साओगे खुशी हुई। एलीशिबा सागे चन महीनै दे रौहणै का बाद, मरियम घौरा लै वापस आए।

![](https://cdn.door43.org/obs/jpg/360px/obs-en-22-07.jpg)

एताका बाद, एलीशिबै आपणै शोरु लै जन्म दैया। जकर्याहै होर एलीशिबै तेस शोरुआ नांओ यूहन्ना डाआ, जेड़ा कि तिनी स्वर्गदूतै हुक्म दैया थिया। तिंया परमेश्वरै जकर्याह बोलणै सामर्थ दैये। जकर्याहै बोला, “परमेश्वरै स्तुते हो, किलैकि तिनी आपणै लोगै सहायता करणै याद डाए! ओ मेरै शोरुआ, तू सर्व-शक्त्तिमान परमेश्वरा भविष्यव्दक्त्ता होंणा। ता लोगा लै दसणा कि केड़केरे आपणै पापा का माफे पाए सको!”

*लूका पाठ 1 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_22_128kbps.m4a

## 23. यीशुआ जन्म

https://openbiblestories.org/l/bfz-x-karsogi/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नांओए एकी धर्मी मंणछा सागे मरियमै खणोडे होए गोए थिये। जिंया तिनी शुणा कि मरियम गुर्भणे आसी तै स जैणो थिया कि स तेसरा शोरो नी आथी। पर, स मरियमा बदनाम नी करणा चांहदा थिया, तै तिनी तैसा गैश दया करणै होर चुफियै राजीनांवा दैणै बारै सोचे। पर एताका पैहलै कि स एड़ा करदा, एकी स्वर्गदूतै तेसरै सुपनै दे आछेकेरे तेस सागे गल किए।

![](https://cdn.door43.org/obs/jpg/360px/obs-en-23-02.jpg)

तिनी स्वर्गदूतै बोला, “ओ यूसुफा, मरियमा आपणी लाड़िए रुपा दे आपणै घौरा लै आड़णै का नी डरी। तैसै पेटा दे जुण शोरो आसी स पवित्र आत्मा बाखा आसी। तैसा एकी शोरू लै जन्म दैणा। तेसरा नांओ यीशु डाया (जेता मतलब आसी, ‘यहोवा बचाओ’), किलैकि तेस लोग तिन्है पापा का बचाणै।”

![](https://cdn.door43.org/obs/jpg/360px/obs-en-23-03.jpg)

तै यूसुफै मरियमा सागे बैह किया होर स आपणी लाड़िए रुपा दे घौरा लै आणे, पर तैसै शोरु लै जन्म दैणै तिक तिनी स नी छुँई।

![](https://cdn.door43.org/obs/jpg/360px/obs-en-23-04.jpg)

जिंया मरियमा हड़खणैआ समा नेड़ आ, तिंया तैसै होर यूसुफै बैतलहम जाणैआ एक लांबा सफर किया। तिन्हा तिंधा लै जाणा ही पड़णा थिया किलैकि रोमी अधिकारी इस्राएला दे रौहणै आड़ै सभी लोगै गिनते करणा चाहो थियै। सिंयो चाहो थियै सभ लोग तिंधा लै जाओ जिंधे तिन्है पुरखै रौहो थियै। राजा दाऊदा जन्म बैतलहमा दे हुआ थिया, होर स मरियम होर यूसुफा दुइ जैहणया पुरखा थिया।

![](https://cdn.door43.org/obs/jpg/360px/obs-en-23-05.jpg)

मरियम और यूसुफ बैतलहमा लै डेऐ, पर तिंधे डागै खुड़ै अलावा तिन्है ठहरणै लै कोए जगहा नी थी। सौही जगहा थिये जिंधे मरियमै आपणै शोरु लै जन्म दैआ। तैसै स घा गैश सताया किलैकि तिंधे तेसरै कठै कोए बिस्तरा नी थी। तिन्है तेसरा नांओ यीशु डाआ।

![](https://cdn.door43.org/obs/jpg/360px/obs-en-23-06.jpg)

तैसा रैचे, तिंधे नेड़ ही खेचा दे एखो फवाल आपणी भेड़ै झुंड़ै रखवाले करदै लागैदै थियै। अचानक ही, एक चमकदार स्वर्गदूत तिन्हा गो प्रकट हुआ, होर सिंयो डरे गोए। तिनी स्वर्गदूतै बोला, “डरी नी आथी, किलैकि मूं गो थारी कठै शुभ संदेश आसी। जुण सारै संसारै लोगै कठै होंणा। आज दाउद राजै शहर बैतलहमा दे मसीह, स्वामीआ जन्म हुआदा स ही मसीह प्रभु आसी!”

![](https://cdn.door43.org/obs/jpg/360px/obs-en-23-07.jpg)

जाएकेरे तेस शोरु लोड़ो, होर तुम्हा स झिकड़ै दे पलेटादा होर घा गैश सुतादा हेरणा।” अचानक ही, सर्ग स्वर्गदूता केरे भरुए गोआ। सिंयो परमेश्वरै स्तुते करदै लागैदै थियै। तिन्है बोला, “सारा आदर स्वर्गा दे विराजमान परमेश्वरा लै मिड़ो। पृथ्वी दे तिन्हा लोगा लै शान्ते मिड़ो जस गैश स अनुग्रह करो!”

![](https://cdn.door43.org/obs/jpg/360px/obs-en-23-08.jpg)

तिंया स्वर्गदूत डे गोए। सिंयो फ्वाल भी आपणी भेड़ा छाड़ेकेरे शोरु भाड़दै डेयै। छेकै ही सिंयो तैसा जगहा दे पुज्जै जिंधे यीशु थिया तिन्है स सुतादा भाड़ा, जेड़ा कि तिनी स्वर्गदूतै बोला थिया। सिंयो हैन खुशी थियै। तिंया सिंयो फवाल वापस आए जिंधे तिन्है भेड़ा थी। तिन्है जुण किछ भी शुणा होर भाड़ा तेस सभी कठै सिंयो परमेश्वरै स्तुते करदै लागैदै थियै।

![](https://cdn.door43.org/obs/jpg/360px/obs-en-23-09.jpg)

पूर्व दिशा दे दूर एकी देशा दे कुछ मर्द थियै। तिन्है तारैआ अध्ययन किया थिया होर सिंयो हैन बुध्दिमान थियै। तिन्है एक नोखा तारा सर्गा दे भाड़ा थिया। तिन्है बोला कि एता मतलब आसी कि यहूदियै एकी नौंए राजैआ जन्म हुआदा। तै तिन्है तेस शोरु भाड़णै कठै आपणै देशा का सफर करणैया फेसला किया । एकी लांबै सफरा का बाद, सिंयो बैतलहमा शहरा लै आए होर स घौर मिड़ा जिंधे यीशु होर तेसरै आम्मा-बाब रुकैदै थियै।

![](https://cdn.door43.org/obs/jpg/360px/obs-en-23-10.jpg)

जिंया तिन्है मर्दै यीशु आपणी आम्मा सागे भाड़ा तिंया तिन्है घुटनै टेकेकेरे तेसरे उपासना किए। तिन्है यीशु लै मैहँगै तोहफै दियै। तेखा सिंयो घौरा लै वापस आए।

*मत्ती पाठ 1; लूका 2 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_23_128kbps.m4a

## 24. यूहन्ना यीशु लै बपतिस्मा दैयो

https://openbiblestories.org/l/bfz-x-karsogi/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा होर जकर्याहा शोरो यूहन्ना, बड़ा होएकेरे एक भविष्यव्दक्त्ता बणा। स बौणा दे रहो थिया, होर बौणा मखीर होर रैटै खाओ थिया, होर ऊँटै चांभड़ै केरे बणैदै झिकड़ै पैहनो थिया।

![](https://cdn.door43.org/obs/jpg/360px/obs-en-24-02.jpg)

हैन सारै लोग यूहन्नै गला शुणणै कठै बौणा लै आयै। तिनी एड़ा बोलेकेरे तिन्हा लै प्रचार किया, “पश्चाताप करो, किलैकि स्वर्गा राज्य नेड़ आसी!”

![](https://cdn.door43.org/obs/jpg/360px/obs-en-24-03.jpg)

जिंया लोगै यूहन्ना संदेश शुणा, तै तिन्हा मेंझा का हैना जैणै आपणै पापा पछतावा किया, होर यूहन्नै तिन्हा लै बपतिस्मा दैया। यूहन्ना भाड़दै हैन सारै धार्मिक अगुवै भी आए, पर तिन्है आपणै पापा पछतावा या अंगीकार नी की।

![](https://cdn.door43.org/obs/jpg/360px/obs-en-24-04.jpg)

यूहन्नै धार्मिक अगुवै का बोला, “ओ शैतानै शोरुओ! पछतावा करो होर आपणा व्यवहार बदड़ो। परमेश्वरा हरेक स ड़ाड टुकणा जुण बढ़िया फल नी आणदी, होर तेस सिंयो आगा दे पाणै।” जुण भविष्यव्दक्त्तै बोला थिया यूहन्नै स पूरा किया, “भाड़, छेकै ही मूं ता आगो आपणा संदेशवाहक भेजणा जस तेरी कठै पैंड़ा सकेरणा।”

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवै यूहन्ना का पूछा कि स मसीह आसी। यूहन्नै जवाब दैया, “हाँ मसीह नी आथी, पर स मुखा बाद आछदा लागादा। स एत्रा महान् आसी जै हाँ तेसरै बूटे फिथे खोलणै जोगता भी नी आथी।”

![](https://cdn.door43.org/obs/jpg/360px/obs-en-24-06.jpg)

आगलै धैड़ै, यीशु बपतिस्मै लौणै कठै यरदन दरैवा दे यूहन्ना गोलै आ। जिंया यूहन्नै स भाड़ा, तिंया तिनी बोला, “भाड़ो! परमेश्वरा छेलो जस संसारै पाप चकेकेरे निंणै।”

![](https://cdn.door43.org/obs/jpg/360px/obs-en-24-07.jpg)

यूहन्नै यीशु का बोला, “हाँ तालै बपतिस्मा दैणै लायक नी आथी। बजाए एतै जरूरी आसी कि तू मुलै बपतिस्मा दैओ।” पर यीशुए बोला, “ता मुलै बपतिस्मा दैणा चहिए, किलैकि करणै कठै सही काम एही आसी।” तै यूहन्नै तेसलै बपतिस्मा दैया, हालांकि यीशुऐ कधी भी पाप नी की थिया।

![](https://cdn.door43.org/obs/jpg/360px/obs-en-24-08.jpg)

बपतिस्मा दैणै का बाद जिंया यीशु पाणी का निकड़ेकेरे बाहरा लै आ, तिंया पवित्र आत्मा कबूतरै रुपा दे प्रकट हुआ होर उंदे आछेकेरे तेस गैश रुका। तेस ही समै, परमेश्वरै स्वर्गा का गला की। तिनी बोला, “तू मेरा शोरो आसी। हाँ ता सागे प्यार करो, होर हाँ ताखा हैन खुश आसी।”

![](https://cdn.door43.org/obs/jpg/360px/obs-en-24-09.jpg)

परमेश्वरै यूहन्ना का बोला थिया, “पवित्र आत्मा उंदे आछेकेरे जस गैश ठहरे जाणा होर जसलै ता बपतिस्मा दैणा।” सौही परमेश्वरा शोरो आसी परमेश्वर एक ही आसी। पर जिंया यूहन्नै यीशु लै बपतिस्मा दैया, तिंया तिनी परमेश्वर पिता गला करदी बारी शुणा, शोरुऐ परमेश्वर भाड़ा, जुण यीशु आसी, होर यीशुए पवित्र आत्मा भाड़ा।

*मत्ती पाठ 3; मरकुस 1:9-11; लूका 3:1 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_24_128kbps.m4a

## 25. शैतान यीशुए परीक्षा करो

https://openbiblestories.org/l/bfz-x-karsogi/story-25/

![](https://cdn.door43.org/obs/jpg/360px/obs-en-25-01.jpg)

यीशुआ बपतिस्मा होंणै का तुरन्त बाद ही, पवित्र आत्मै स बौणा लै निंया। यीशु तिंधे चाड़ी धैड़ै चाड़ी रैचे थिया। तेस समै तिनी ब्रत किया, होर शैतानै यीशु गोलै आछेकेरे पाप करवाणै कठै तेसरे परीक्षा लौए।

![](https://cdn.door43.org/obs/jpg/360px/obs-en-25-02.jpg)

पैहलै शैतानै यीशु का बोला, “जै तू परमेश्वरा शोरो आसी तै इना पात्थरा रोटी बणाए दे ताकि तू खाए सको!”

![](https://cdn.door43.org/obs/jpg/360px/obs-en-25-03.jpg)

पर यीशुए शैताना का बोला, “परमेश्वरै वचना दे एड़ा लिखादा आसी, ‘जिंओदै रौहणै कठै मंणछा लै सिर्फ रोटिऐ जरूरत नी आथी, पर तिन्हा लै हरेक तैसा गलै जरूरत आसी जुण परमेश्वर तिन्हा का बोलो!”

![](https://cdn.door43.org/obs/jpg/360px/obs-en-25-04.jpg)

तिंया शैतानै यीशु मंदरै सभी का उछटै टीले लै निंया। तिनी तेसका बोला, “जै तू परमेश्वरा शोरो आसी तै इंधा का हेठा लै छाड़ बाह, किलैकि लिखादा आसी, ‘परमेश्वरा ता चकणै कठै आपणै स्वर्गदूता लै आज्ञा दैणे ताकि तैरै पैरा लै पात्थरा केरे ठोढ़ नी लागो।’”

![](https://cdn.door43.org/obs/jpg/360px/obs-en-25-05.jpg)

पर यीशुए तेड़ा नी कि जेड़ा शैतानै तेसलै करणै लै बोला थिया। एतै बजाए, तिनी बोला, “परमेश्वर हरेकी का बोलो, ‘तू प्रभु आपणै परमेश्वरै परीक्षा नी करी।’”

![](https://cdn.door43.org/obs/jpg/360px/obs-en-25-06.jpg)

तेखा शैतानै तेसलै संसारै सारै राज्य दसै। तिनी तेसलै दसा कि सिंयो केत्रै शक्त्तिशाली थियै, होए केत्रै अमीर थियै। तिनी यीशु का बोला, “मूं तालै ए सभ दैणा जै तू घुटनै टेकेकेरे मेरे आराधना करो।”

![](https://cdn.door43.org/obs/jpg/360px/obs-en-25-07.jpg)

यीशुऐ जवाब दैया, “ओ शैताना, मूं गो का जा! परमेश्वरै वचना दे स लोगा लै आदेश दैयो, ‘सिधे आपणै प्रभु परमेश्वरै आराधना करो। परमेश्वर सिर्फ तेसरा ही आदर करो।’”

![](https://cdn.door43.org/obs/jpg/360px/obs-en-25-08.jpg)

यीशु शैतानै परीक्षा दे नी पड़ी, तै शैतान तेस गो का डे गोआ। तिंया स्वर्गदूत आछेकेरे तेसरे सेवा टहल करदै लागै।

*मत्ती पाठ 4:1-11; मरकुस 1:12-13; लूका 4:1-13 का बाइबलै एक काहणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_25_128kbps.m4a

## 26. यीशु आपणी सेवकाईए शुरुआत करो।

https://openbiblestories.org/l/bfz-x-karsogi/story-26/

![](https://cdn.door43.org/obs/jpg/360px/obs-en-26-01.jpg)

शैतानै परीक्षा का मुखरणै का बाद, यीशु वापस गलील जिलै लै आया। एही स जगहा आसी जिंदे स रहो थिया। पवित्र आत्मा तेसलै हैन सामर्थ दैंदा लागादा थिया। होर यीशुए एकी जगहा का दूजी जगहा लै जायेकेरे, लोगा लै शिक्षा दैये। सभिए तेसरै बारे दे बांकी गला बोली।

![](https://cdn.door43.org/obs/jpg/360px/obs-en-26-02.jpg)

तेखा यीशु नासरत नगरा लै डेया। जिंया स माठा शोरो थिया, तै स एस ही ग्रांवा दे रहो थिया। यहूदी लोगै आरामा करणै धैड़ै, स अराधना करणै जगहा लै डेया अगुवै तेसलै यशायाह भविषयदव्कता सन्देशै एक किताब दैये। सिंयो चाहो थिए कि स तेत मेंझा का पढ़ो। तै यीशुए तैसा किताबा खोलैकेरे तेता एक भाग लोगै कठै पढ़ा।

![](https://cdn.door43.org/obs/jpg/360px/obs-en-26-03.jpg)

यीशुए एड़ेकेरे पढ़ा, “परमेश्वरै मूलै आपणा आत्मा दैयादा ताकि हाँ दरिद्र लोगा मेंझ सुसमाचार प्रचार करे सकू। तिनी हाँ एतिकठै भेजा कि हाँ कैदी आजाद करु, कांणै लै भी का हैरणै नजर दैउ, होर जूण दूजै लोगै दरडणै लायैदै तिन्हा लै छुटकारा दैउ। एही समा आसी, जिंया परमेश्वरा हाँमा गैश दया करणे होर महारे मदद करणे।’’

![](https://cdn.door43.org/obs/jpg/360px/obs-en-26-04.jpg)

तेखा यीशु बैठे गौआ। सब लोग तेस हैन धैनै केरे हेरदै लागैदै थिये। सिंयो जैणो थिये कि पवित्र शास्त्रा जुण हिस्सा तिनी एबै पढ़ा थिया स मसीहै बारै दे था। यीशुए बोला, “जुण गला मौं थारै कठै ऐबै पढ़ी, सिंयो सच्ची लै एस समै घटदी लागीदी। “सभ लोग हैरान थिए तिन्है बोला, “किजै ए यसूफा शोरो नी आथी?’’

![](https://cdn.door43.org/obs/jpg/360px/obs-en-26-05.jpg)

तिंया यीशुए बोला, “ए सच आसी कि लोग कसी तेस भविषयदव्कता कभै भी नी अपनांदी जुण तिन्है क्स्बै दे पला–बड़ा हो। एल्लियाह भविषयवक्ते समै दे, जिंया साढै चन साला तिक पांणे नी होई तिंया इस्राएला देशा दे हैन सारी विधवा थी। पर परमेश्वरै एल्लियाह इस्राएला देशा दे कसी भी विधवै मदद करणै कठै नी भेजी। एताका बजाय, तिनी एल्लियाह कस होरी देशी विधवा गोलै भेजा।’’

![](https://cdn.door43.org/obs/jpg/360px/obs-en-26-06.jpg)

यीशुए बोलणा जारी डा, “होर एलीशा भविष्यदवक्तै समै दे, इस्राएल देशा दे हैन सारै लोग चमड़ी दाए केरे बमार थिये। पर एलीशै तिन्हा मेंझा का कोए भी चंगा नी की। तिनी सिर्फ इस्राएली लोगा दुश्मन सेनापति नामान चंगा किया। “पर जुण लोग शुणदै लागैदै थिए सिंयो यहूदी थिये। एतिकठै जिंया तिन्है स ए बोलदा शुंणा तिंया सिंयो सब तेस गैश गुस्सै होए।

![](https://cdn.door43.org/obs/jpg/360px/obs-en-26-07.jpg)

नासरतै शहरै लोगै यीशु पाकड़ा होर स आराधनै जगहा गो का घसीटे केरे बाहरा लै निंया। होर तिन्है स एकी जानै टीलै गैशा लै निंया, ताकि तेस तिंदा का उन्दै शोटेकेरे मारे सको। पर यीशु भीड़ा मेंझा का निकड़े गोआ होर नासरत शहरा छाडेकेरे डे गोआ।

![](https://cdn.door43.org/obs/jpg/360px/obs-en-26-08.jpg)

तेखा यीशु सारै गलील जिलै दे डेया, होर हैन सारै लोग तेस गोलै आयै। तिन्है एड़ै हैन सारै लोग तेस गो लै आंणै जुण बीमार होर अपंग थिये। तिन्हा मेंझा का एखो कांणै थिये, होर एखो लैंगड़ै, टौंणै या गूंगै थिये। होर यीशुए सिंयो चंगै कियै।

![](https://cdn.door43.org/obs/jpg/360px/obs-en-26-09.jpg)

एताका अलावा, हैन सारै एड़ै लोग यीशु गो लै आंणै जिन्हा दे दुष्टात्मा थी। यीशुए दुष्टात्मा लै तिन्हा मेंझा का निकड़े जांणैया हुक्म दैया, होर सिंयो निकड़े गोई। सिंयो दुष्टात्मा बार-बार राढ़ुइ, “तू परमेश्वरा शोरो आसी!’’ भीड़ै लोग हैरान थियै, होर तिन्है परमेश्वरै महिमा कियै।

![](https://cdn.door43.org/obs/jpg/360px/obs-en-26-10.jpg)

तेखा यीशुए बारहा मर्द छांटै जसलै तिनी आपणै प्रेरित बोला। इन्है प्रेरितै तेस सागे यात्रा किये होर तेसका शिक्षा ग्रहण किये।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_26_128kbps.m4a

## 27. दयावान सामरियै कथा

https://openbiblestories.org/l/bfz-x-karsogi/story-27/

![](https://cdn.door43.org/obs/jpg/360px/obs-en-27-01.jpg)

एकी धैड़ै, मूसै ब्यवस्थै शिक्षा दैणै आड़ै मेंझा का एक बड़ा परोहत यीशु गोलै आया। स सभी लै ए दसणा चाहो थिया कि यीशु गलत ढंगै केरे शिक्षा दैंदा लागादा थिया। एतिकठै तिनी बोला, “ओ गुरुआ सदा जीवन पांणै कठै हाँ किजै करु? यीशुए जबाब दैया, “मूसै ब्यवस्था जुण परमेश्वरै दैयेदे, तेतदे किजै लिखादा आसी?

![](https://cdn.door43.org/obs/jpg/360px/obs-en-27-02.jpg)

तिनी मंणछै बोला, “तेत दे एड़ा बोलादा कि तू आपणै परमेश्वरा सागे आपणै सारै शा, प्राण, सामर्थ, होर बुद्धी केरे प्यार कर। होर आपणै पड़ोसी सागे आपु सैही प्यार कर।’’ यीशुए जवाब दैया, “तू ठीक बोलदा लागादा! जै तू एड़ा करो, तै तालै सदा जीवन प्राप्त होंणा।’’

![](https://cdn.door43.org/obs/jpg/360px/obs-en-27-03.jpg)

पर स मूसै ब्यवस्थै शिक्षा दैणै आड़ा बड़ा परोहत लोगा का दसणा चाहो थिया कि तेसरै जिणैआ ढंग सही थिया। एतिकठै तिनी यीशु का पूछा, “ठीक आसी, तै मेरा पड़ोसी कुण आसी?

![](https://cdn.door43.org/obs/jpg/360px/obs-en-27-04.jpg)

यीशुए तेस ब्यव्स्थै शिक्षा दैणै आड़े परोह्ता लै एकी कथै जरियै जवाब दैया। “एक यहूदी मंणछ थिया जुण एकी सड़का का होयेकेरे यरुश्लेम नगरा का यरीहो नगरा लै यात्रा करदा लागादा थिया।’’

![](https://cdn.door43.org/obs/jpg/360px/obs-en-27-05.jpg)

“पर एखो लुटेरै स हेरा होर तेस गैश हमला किया। तिन्है तेसरा सभ किछ लौआ होर स मारा -जिका तेखा तेस अधमरा छाडेकेरे नाठे गोए।’’

![](https://cdn.door43.org/obs/jpg/360px/obs-en-27-06.jpg)

“एताका बाद तिंया ही एक यहूदी परोहत तैसा ही सड़का बाथी आ। तिनी परोहतै स मंणछ सड़का दै पड़ादा हेरा। जिंया तिनी स हेरा स सड़कै दूजी बालै जायेकेरे आगु लै ही हांडदा लागा। तिनी स मंणछ अनदेखा करे दैया।’’

![](https://cdn.door43.org/obs/jpg/360px/obs-en-27-07.jpg)

“कुछ ही समा बीतणै का बाद, एक लेवी घरानैया आदमै तैसा सड़का बाथी आ (लेवी यहूदी लोगा एक गोत्र थिया जूणी मंदरा दे परोह्तै मदद किये थिये) तिनी लेवी आदमियै भी स अधमरा मंणछ पड़ादा हेरा होर तेस हेरेकेरे सड़का का दूजी बाखा लै निकड़े गोआ। तिनी भी स मंणछ अनदेखा करे दैया।’’

![](https://cdn.door43.org/obs/jpg/360px/obs-en-27-08.jpg)

“आगला मंणछ जुण तैसा सड़का बाथी आया स सामरिया देशा दे रौहणै आड़ा एक मंणछ थिया। (सामरी लोग होर यहूदी लोग एकी दूजै सागै नफरत करो थिए) तेखा भी तिनी सामरी मंणछै जिंया सड़का दे पड़ादा स यहूदी मंणछ हेरा, तेखा तेस लै तेस गैश बड़ा तरस आ। तै स तेस गोलै डेया होर तेसरै जखमा दे पाटी बैनी।’’

![](https://cdn.door43.org/obs/jpg/360px/obs-en-27-09.jpg)

“तेखा तिनी सामरियै स मंणछ आपणै गाधै गैश बशैड़ा होर स तैसा सड़का का एकी सरायै लै निंया। जिंदे तिनी तेसरे देखभाड़-करणै जारी डाये।’’

![](https://cdn.door43.org/obs/jpg/360px/obs-en-27-10.jpg)

आगलै धैड़ै, तेस सामरी आदमी लै आपणै यात्रा जारी डांणै जरूरत थिए। तिनी तैसा सरायै मालका लै किछ ढब्ब़ै दैए। तिनी तेसका बोला, “एस मंणछै देख-भाड़ करया। जै इन्हा ढब्बै का अलावा तेरै किछ होर ढब्ब़े भी खर्च हुंग तै वापस हटणै का बाद मूं तेरे खर्चेया भुगतान करे हेरणा।”

![](https://cdn.door43.org/obs/jpg/360px/obs-en-27-11.jpg)

तेखा यीशुए तेस व्यवस्थै शिक्षा दैणै आड़ै का पूछा, “तुम्है किजै सोचो? इन्हा चन मंणछा मेंझा का कुण तेस मंणछा पड़ोसे आसी जुण लूटा होर जिका थिया?’’ तिनी जबाब दैया, “स ही जुण तेस गैश दयावान थिया।’’ तिंया यीशुए तेसका बोला, “तू भी जा होर एड़ा ही कर।’’

*लुका अध्याय 10: 25-37 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_27_128kbps.m4a

## 28. जवान सेठ शासक

https://openbiblestories.org/l/bfz-x-karsogi/story-28/

![](https://cdn.door43.org/obs/jpg/360px/obs-en-28-01.jpg)

एकी धैड़ै, एक धनी यहूदी अगुवै यीशु गोलै आछेकेरे तेसका पूछा, “ओ बांकै गुरुआ, अनंत जीवनै पांणै कठै मूं किजै करणा चाहियै? यीशुए तेसका बोला, “तू मूलै ‘बांका’ किलै बोलो? बस एक ही बांका आसी होर स परमेश्वर आसी। पर जै तू अनंत जीवन पांणा चाहो तै परमेश्वरै ब्यवस्थै शिक्षा पालन कर।’’

![](https://cdn.door43.org/obs/jpg/360px/obs-en-28-02.jpg)

तिनी पूछा, “मूलै कुण-कुण जी आज्ञा पालन करणै जरूरत आसी?” यीशुए जबाब दैया, “हत्या नी करी। ब्यभिचार नी करी। चोरी नी करी। झूठ नी बोली। आपणै बाबा होर आपणी आम्मा आदर करया, होर आपणै पड़ोसी सागे आपु सैंही प्यार करया।’’

![](https://cdn.door43.org/obs/jpg/360px/obs-en-28-03.jpg)

पर तिनी जवान मर्दे बोला, “हाँ आपणै बचपना का ही इन्हा गला पालन करदा आयादा। मूलै सदा लै जिउंदै रोहंणै कठै एबै भी किजै करणै जरूरत आसी। “यीशुए तेसलै नजर दैये होर तेस सागे प्यार किया।

![](https://cdn.door43.org/obs/jpg/360px/obs-en-28-04.jpg)

तेखा यीशुए जबाब दैया, “जै तू सिद्ध होंणा चाहो तै जायेकेरे आपणा सब किछ बेचे दै होर तेस धना कंगाला लै बांडे दै, होर तालै स्वर्गा दै धन मिड़णा। तिंया आछेकेरे मूं पिछो होए जा।’’

![](https://cdn.door43.org/obs/jpg/360px/obs-en-28-05.jpg)

जिंया तिनी जवान मर्दे यीशुइ गला शुणी तै स हैन दुखी होए गोआ, किलैकी स हैन सेठ थिया होर आपणे सारे जायदाद दैणा नी चाहंदी थिया। स मुड़ेकेरै यीशु गो का डे गोआ।

![](https://cdn.door43.org/obs/jpg/360px/obs-en-28-06.jpg)

तिंया यीशुए आपणै चेलै का बोला, “सेठ मंणछा परमेश्वरै राज्य दे प्रवेश करणा हैन कठण आसी! हाँ, एक सेठ मंणछा परमेश्वरै राज्य दे प्रवेश करणै मुकाबलै दे कस ऊंटा सिंणै छैदा का होयेकेरै निकड़णा सान आसी।’’

![](https://cdn.door43.org/obs/jpg/360px/obs-en-28-07.jpg)

जिंया चेलै यीशुइ गला शुणी, तै सिंयो हैरान होये गोऐ। तिन्है बोला, “जै ए एड़ा आसी तै परमेश्वरा कुण बचाणा?’’

![](https://cdn.door43.org/obs/jpg/360px/obs-en-28-08.jpg)

“यीशुए चेलै बालै नजर दैये होर बोला, “लोग आपु लै बचाये नी सकदै। एड़ा करणा नामुनकिन आसी।’’ पर परमेश्वरा लै किछ भी करणा नामुनकिन नी आथी।’’

![](https://cdn.door43.org/obs/jpg/360px/obs-en-28-09.jpg)

पतरसै यीशु का बोला, “हांमै जुण तेरे चेलै आसी आपणा सब किछ छाडेकेरे ता पिछो होए गोए। तै म्हारा प्रतिफल किजै होंणा?’’

![](https://cdn.door43.org/obs/jpg/360px/obs-en-28-10.jpg)

यीशुए जबाब दैया, “हर एक मंणछ जुणी मेरी बजहा का आपणा घौर, भाए, आम्मा, बाब होर बाल बच्चै, जायदाद छाडेदै, तेसलै तेताका शो गुणा ज्यादा मिड़णा होर सदा जीवन भी पाणा। पर एस संसारा दे हैन सारै लोग आपु लै ज्यादा ही समझो, सिंयो लोग परमेश्वरै नजरा दे कम होए जांणै। होर जुण एस संसारा दे तुच्छ समझै जाओ, सिंयो लोग परमेश्वरै नजरा दे बड़ै होए जांणै।’’

*मत्ती अध्याय 19:16-30; मरकुस 10:17-31; लूका 18:18-30 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_28_128kbps.m4a

## 29. निर्दयी दासे कथा

https://openbiblestories.org/l/bfz-x-karsogi/story-29/

![](https://cdn.door43.org/obs/jpg/360px/obs-en-29-01.jpg)

एकी धैड़ै, पतरसै यीशु का पूछा, “ओ स्वामीआ, जिंया मेरा भाए मेरे खिलाफ पाप करो, तै मूं आपणा भाए केतरी बारी माफ़ करणा चाहिए? किजै साता बारी तिक?’’ यीशुए बोला, “साता बारी नी, पर सतत्तर बारी!” एतै जरियै, यीशुआ मतलब ए था कि कि हामा सदा दूजै लोग माफ़ करणै चाहिये। तियां यीशुए ए कथा दसे।

![](https://cdn.door43.org/obs/jpg/360px/obs-en-29-02.jpg)

यीशए बोला, “परमेश्वरा राज्य एकी राजै सैंई आसी जुण आपणै दासा का हिसाब लोंणा चाहो थिया। तेसरा एक दास हैन ज्यादै ढब्ब़ैया ऋणदार थिया।’’

![](https://cdn.door43.org/obs/jpg/360px/obs-en-29-03.jpg)

पर स दास आपणा ऋण वापस नी करे सका, एतिकठै राजै बोला, “एसरा ऋण वापस करणै कठै एस मर्दा होर एसरै परिवारा गुलामै रूपा दे बेचे दैयो।’’

![](https://cdn.door43.org/obs/jpg/360px/obs-en-29-04.jpg)

“तिनी दासै राजै सामनै घुटनै बल पड़ैकेरे बोला, ‘मेहरबानी करेकेरे मूं गैश रैहम कर, होर मूं आपणी पूरी रकमा ऋण वापस दैये हेरणा।‘ राजै दासा गैश दया किये, एतीकठै तिनी तेसरा सारा ऋण माफ़ करे दैया होर स जांणे दैया।’’

![](https://cdn.door43.org/obs/jpg/360px/obs-en-29-05.jpg)

“पर जिंया स दास राजैया गो का बाहरा लै डेया, तै तेसलै तेसरा एक साथे दास मिड़ा जुण तेसरै थोड़ै जै ढब्बैया ऋणदार थिया। तिनी दासै आपणा साथे दास गौड़ा का पाकड़ा होर बोला, ‘जुण ता गैश मेरा ऋण आसी तेस वापस दै!’’

![](https://cdn.door43.org/obs/jpg/360px/obs-en-29-06.jpg)

“तिनी साथी दासै घुटनै दे पड़ैकेरे बोला, ‘मेहरबानी करेकेरे मूं गैश रैहम कर, होर मूं आपणै ऋणै पूरे रकम वापस दैये हेरणे।’ पर एती बजाय, तिनी दासै आपणा साथे दास जेला दे पाए दैया जिंया तिक कि तेस ऋणा वापस नी करे दैयो।’’

![](https://cdn.door43.org/obs/jpg/360px/obs-en-29-07.jpg)

कुछ होरी दासै जुण किछ होआ थिया तेस हेरेकेरे हैन परेशान होए गोए। सिंयो राजै गोलै डेयै होर तेसका सब किछ बोला।’’

![](https://cdn.door43.org/obs/jpg/360px/obs-en-29-08.jpg)

“राजै तेस दासा शादेकेरे तेसलै बोला, ‘ओ दुष्ट दासा! मौं तेरा ऋण एतिकठै माफ़ किया था किलैकि तौं मुखा अर्ज किये थे। ता भी एड़ा ही करणा चाहिये थिया।’ तै राजा एतरै गुस्सै होआ कि तिनी स दुष्ट दास जेला दे पा कि जिंया तिक स आपणै सभ ऋणा वापस नी करे दैओ।’’

![](https://cdn.door43.org/obs/jpg/360px/obs-en-29-09.jpg)

तियां यीशुए बोला, “स्वर्गीय पिता तुम्हा मैंझा का हर एकी सागे एड़ा ही करणा “जै तुम्है आपणै भाई आपणै दिला का माफ नी करुँग, तै मेरे स्वर्गीय पिता तुम्हा मेंझा का हर एकी सागै एड़ा ही करणा।’’

*मत्ती अध्याय 18:21-35 का बाइबलै एक कहाणै*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_29_128kbps.m4a

## 30. यीशु पांज हजार लोगा लै खांणै लै खैओ

https://openbiblestories.org/l/bfz-x-karsogi/story-30/

![](https://cdn.door43.org/obs/jpg/360px/obs-en-30-01.jpg)

यीशुए आपणै प्रेरित प्रचार करणै होर लोगा लै शिक्षा दैणै कठै लग–लग ग्रांवा ले भेजै। जिंया सिंयो तिंदा लै वापस हटै जिंदे यीशु थिया तै तिन्है तेसका दसा कि तिन्है किजै किया था। तिंया यीशुए सिंयो झिला का दूजी बाख तेस सागे एकी शांत जगहा लै जायेकेरे किछ समै तिक आराम करणै कठै आपु गोलै शादै। तै सिंयो नावा दे चढ़ै होर झीलै दूजै कनारै लै डे गोए ।

![](https://cdn.door43.org/obs/jpg/360px/obs-en-30-02.jpg)

पर तिंदे हैन सारै लोग थिए जुणी यीशु होर चेलै नावा दे जांदै हेरै थिए। ए जैंणेकेरे लोग भी झिला का दूजी बाखा लै जांणै कठै झीलै कनारै-कनारै दे पैदल दौड़ै होर त्तिन्हा का पैहलै पूज्जै। जिंया यीशु होर चेलै पूज्जै तै इन्हा ही लोगा एक बड़ा झुण्ड तिन्हा न्हैड़दा तिंदे पैहलै का थिया।

![](https://cdn.door43.org/obs/jpg/360px/obs-en-30-03.jpg)

तैसा भीड़ा दे बेटड़ी होर शोरुए गिनती बगैर 5,000 का ज्यादै मर्द थियै। यीशुए तिन्हा लोगा गैश बड़ा तरस खया। किलैकि यीशु लै सिंयो लोग तिन्हा भेड़ा सैंई थिए, जसरा कोए फवाल नी होंदी। एतिकठै तिनी तिन्हा लै शिक्षा दैए होर तिन्हा मेंझा का जुण लोग बमार थिए सिंयो चंगै कियै।

![](https://cdn.door43.org/obs/jpg/360px/obs-en-30-04.jpg)

धैड़ै अंता दे, चेलै यीशु का बोला, “एबै बेर होए गोएदे होर ओरो पोरो किंदे कोए नगर भी नी आथी। इन्हा लोगा बिदा कर ताकि सिंयो जायेकेरे किछ खांणै लै लओ।’’

![](https://cdn.door43.org/obs/jpg/360px/obs-en-30-05.jpg)

पर यीशुए चेलै का बोला, “तुम्है तिन्हा लै किछ खांणै लै दैओ!” तिन्है जबाब दैया, “हाँमै एड़ा नहीं करे सकदै? हाँमा का सिर्फ पांज रोटी होर दुए माठी माछड़ी आसी।’’

![](https://cdn.door43.org/obs/jpg/360px/obs-en-30-06.jpg)

यीशुए आपणै चेलै का बोला कि सिंयो भीड़ै लोगा लै घा गैश पजा-पजा झुंडा दै बैठणै लै बोलो।

![](https://cdn.door43.org/obs/jpg/360px/obs-en-30-07.jpg)

तै यीशुए पांज रोटी होर दुए माछड़ी लौयेकेरे स्वर्गा बाखा लै हेरा, होर तेस खांणै कठै परमेश्वरा लै धन्यवाद दैया।

![](https://cdn.door43.org/obs/jpg/360px/obs-en-30-08.jpg)

होर यीशु रोटी चोड़े-चोड़े केरे चेलै लै दैंदा लागा ताकि सिंयो लोगा लै बांडो, होर सिंयो दुए माछड़ी भी तिन्हा सभी लै बांड़ी। चेलै तेस खांणै बांडदै रौहै, होर स बाख भी खत्म नी होई! सिंयो सभ लोग खायेकेरे रजै भी गोए।

![](https://cdn.door43.org/obs/jpg/360px/obs-en-30-09.jpg)

तेताका बाद, चेलै सिंयो बचैदै छौंणै कठै किये जुण खाणै का बचे गोए थिए। होर सिंयो छौंणै केरे भरुएदै बारहा छाबड़ै चकै! स सारै खांणै लै तिन्हा पांज रोटी होर दुई माछड़ी का बचेदे थिये।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 का बाइबलै एक कहाणै*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_30_128kbps.m4a

## 31. यीशु पांणी गैश हान्ड़ो

https://openbiblestories.org/l/bfz-x-karsogi/story-31/

![](https://cdn.door43.org/obs/jpg/360px/obs-en-31-01.jpg)

पांज हजार लोगा लै खांणै खैणै का बाद, यीशुए आपणै चेलै लै नावा दे चढ़णै लै बोला। तिनी तिन्हा लै झिला का पारा बाखा लै जांणै लै बोला जबकि स थोड़े समै लै तिथी रुके गोआ। तै चेलै नाठै गोए होर यीशुए भीड़ै लोग बिदा कियै कि सिंयो आपणै घौरा लै जाओ। एताका बाद, यीशु प्रार्थना करणै कठै एकी धारा गैशा लै नाठै गोआ। तिंदे स कली थिया, होर तिनी रैचे बेरा तिक प्रार्थना किये।

![](https://cdn.door43.org/obs/jpg/360px/obs-en-31-02.jpg)

तेस समै, चेलै आपणी नावा पांणी छाली मेंझा का खिंचदै लागैदै थिये, पर बागरे तिन्है खलाफ आछदे लागेदे थिये। हैंन रैच होंणै का बाद भी सिंयो चेलै सिर्फ झीलै मैंझा दे ही पुज्जै थियै।

![](https://cdn.door43.org/obs/jpg/360px/obs-en-31-03.jpg)

तेस समै यीशु प्रार्थना करे केरे मुका होर आपणै चेलै गोलै बापस जांणा शुरू किया। स नावा बाखा लै जांणै कठै पांणी गैश हांडदा लागा।

![](https://cdn.door43.org/obs/jpg/360px/obs-en-31-04.jpg)

तिंया चेलै स हेरा। सिंयो हैन डरे गोए किलैकी तिन्है सोचा था कि स कोए भूत आसी। यीशु जैणो थिया की सिंयो डरे गोए थियै, एतीकठै तिनी तिन्हा लै हाका लायेकेरे बोला, “डरी नी आथी, हाँ ही आसी।’’

![](https://cdn.door43.org/obs/jpg/360px/obs-en-31-05.jpg)

तिंया पतरसै यीशु का बोला, “ओ प्रभुआ, जै ए तू आसी तै मूलै पांणी गैश हान्ड़ेकेरे आपु गोलै आछणै आज्ञा दै।” यीशुए पतरसा का बोला, “आछ!’’

![](https://cdn.door43.org/obs/jpg/360px/obs-en-31-06.jpg)

तै पतरस नावा का उतरे गोआ होर यीशु गोलै जांणै कठै पाणी गैश हांडदा लागा। पर थोड़ै दूर जायेकेरे, तिनी आपणी आखै यीशु का फेरे लौई होर छाली हेरदा लागा होर बागर भांण महसूस करदा लागा।

![](https://cdn.door43.org/obs/jpg/360px/obs-en-31-07.jpg)

तिंया पतरस डरे गोआ होर पाणी दे डुबदा लागा स राड़ूआ, “ओ प्रभुआ मूं बचा!” यीशुए तेस ही समै हाथ बढायेकेरे स पाकड़े लौआ, तिंया तिनी पतरसा का बोला, “तेरा बिश्वास हैन कम आसी! तेरा धैन डांणै कठै तौं मूं गैश बिश्वास किलै नी करी?’’

![](https://cdn.door43.org/obs/jpg/360px/obs-en-31-08.jpg)

तिंया यीशु होर पतरस नावा दे चढ़े गोए, होर तिंया ही बागर भांण बंद होए गोआ। पाणे शांत होए गोआ चेलै हैरान होयेकेरे यीशुआ गो घुटणै टेकेकेरे तेसरे आराधना किये होर तेसका बोला, “सची लै ही तू परमेश्वरा शोरो आसी।’’

*मत्ती अध्याय 14:22-33; मरकुस 6:45-52; यूहन्ना 6:16-21 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_31_128kbps.m4a

## 32. यीशु दुष्टात्मा का जकड़दै मंणछा होर बमार बेटडी चंगा करो

https://openbiblestories.org/l/bfz-x-karsogi/story-32/

![](https://cdn.door43.org/obs/jpg/360px/obs-en-32-01.jpg)

यीशु होर तेसरै चेलै आपणी नावा दे चढ़ेकेरे तैसा जगहा लै डेयै जिंदे गिरासेनी लोग रहो थियै। सिंयो तैसा जगहा दे पूज्जेकेरे नावा का उतरे गोए।

![](https://cdn.door43.org/obs/jpg/360px/obs-en-32-02.jpg)

तिंदे एक मंणछ थिया जुण दुष्टआत्मै जकड़ादा थिया।

![](https://cdn.door43.org/obs/jpg/360px/obs-en-32-03.jpg)

स मंणछ एत्रा जोरा आड़ा थिया कि कोए भी तेस आपै दे नी करे सकदा थिया। कई बार लोगै तैसरै हाथ पैर शांगड़ै केरे भी बैनै थियै, पर स तिन्हा शांगड़ा चोड़े दैयो थिया।

![](https://cdn.door43.org/obs/jpg/360px/obs-en-32-04.jpg)

स मंणछ तैसा जगहा दे क्ब्रीस्थान दे रहो थिया। ए मंणछ पूरै धैड़ै पूरी रैचे राड़ा लाओ थिया। स झिकड़ै नी पैहनदी था होर कई बारी आपु लै पाथरै केरे जख्मी करो थिया।

![](https://cdn.door43.org/obs/jpg/360px/obs-en-32-05.jpg)

जेड़ा ही इनी मंणछै यीशु हेरा, तै स दोड़ैकेरे तेस गोलै डेया। होर तेसरै सामनै घुटनै टेके दैयै। तिंया यीशुए तेस मंणछा भिथरे जुण दुष्टआत्मा थिये, तैसा लै बोला, “एस मंणछा भीथरा का बाहरा लै निकड़े आ!’’

![](https://cdn.door43.org/obs/jpg/360px/obs-en-32-06.jpg)

स दुष्टात्मा जोरै-जोरै राड़ूए, “ओ यीशुआ परमप्रधान परमेश्वरै शोरुआ, तालै मुखा किजै काम? दया करैकेरे मूं नी दु:खी करी! “तिंया यीशुए तैसा दुष्टात्मा का पूछा, “तेरा नांओ किजै आसी?’’ तैसै जबाब दैया, “मेरा नांओ सैना आसी, किलैकी हाँमै हैन सारी आसी।’’ (रोमी सैना दे कई हजार सपाहियै झुण्ड एक “सैना’’ हो थिये।)

![](https://cdn.door43.org/obs/jpg/360px/obs-en-32-07.jpg)

तिन्है दुष्टात्मै यीशु का अर्ज किये, “दया करेकेरे हाँमा एसा जगहा का बाहरा लै नी भेजी!’’ ’तिंदे नेड़ ही धारा गैश सुअरा एक झुण्ड चरदा लागादा थिया। एतिकठै तिन्है दुष्टात्मै यीशु का अर्ज किये, “दया करेकेरे हाँमा तिन्हा सूअरा मेंझा लै भेजे दे” यीशुए बोला, “ठीक आसी, तिन्हा मेंझा लै नाठे जाओ!’’

![](https://cdn.door43.org/obs/jpg/360px/obs-en-32-08.jpg)

तै सिंयो दुष्टात्मा तेस मंणछा का निकड़ेकेरे सूअरा मेंझा लै डेयी। तिन्है सूअरै दोड़ैकेरे एक खड़ी धारै टिलै का झिला लै छाड़ बाए होर डूबेकेरे मरे गोए। तेस झुंडा दे लगभग 2,000 सूअर थियै।

![](https://cdn.door43.org/obs/jpg/360px/obs-en-32-09.jpg)

तिंदे तिन्हा सूअरै हेरभाड़ करणैआड़ै लोग थियै। जुण किछ होआ थिया जिंया तिन्है हेरा तै सिंयो नगरा लै भागै। यीशुए जुण किया था तिंदे तिन्है स सभी लोगा का दसा। तेस नगरै लोग आयै होर स मंणछ हेरा जसलै दुष्टात्मा थिये। स शान्ति केरे, झिकड़ै पैहनै केरे, होर एक धोरै मंणछा सैंही बर्ताव करदा लागादा थिया होर बैठादा थिया।

![](https://cdn.door43.org/obs/jpg/360px/obs-en-32-10.jpg)

सिंयो लोग हैन डरैदै थे होर तिन्है यीशु लै जांणै कठै बोला। तै यीशु नावा दे चढ़े गोआ। स मंणछ जस लै दुष्टात्मा थिये तिनी यीशु सागे जांणै अर्ज किये।

![](https://cdn.door43.org/obs/jpg/360px/obs-en-32-11.jpg)

पर यीशुए तेसका बोला, “नहीं। हाँ चाहो कि तू घरा लै जायेकेरे सभी लोगा का दस कि परमेश्वरै तेरै कठै किजै कियादा। तिन्हा का दस कि केहड़ैकेरे परमेश्वरै ता गैश दया किये थिये।’’

![](https://cdn.door43.org/obs/jpg/360px/obs-en-32-12.jpg)

एतिकठै स मंणछ नाठे गोआ होर सभी का एतै बारै दे दसा जुण यीशुए तेसरै कठै किया थिया। तेसरी कथा शुणणै आड़ सभ मंणछ हैरान होआ थिया।

![](https://cdn.door43.org/obs/jpg/360px/obs-en-32-13.jpg)

यीशु झिला का दूजी बाखा लै बापस हटै आया। तेसरै तिंदे पूजणै का बाद, एक बड़े भीड़ तेस ओरो-पोरो कठै होए होर तेस हेरणै कठै तेस जैंटदै लागै। तैसा भीड़ा दे एक बेटड़े थिये जुण बारहा बर्षा का लोह बैहणै समस्या का बमार थिये। तैसै आपणे सारे कमाए बैदा लै खर्च करे हेरे थिये ताकि सिंयो तैसा ठीक करे सको, पर तैसै बमारे होर भी बिगड़े गोए थिये।

![](https://cdn.door43.org/obs/jpg/360px/obs-en-32-14.jpg)

तैसै बेटड़ीयै शुणा था कि यीशुए कई बमार लोग चंगै कियै थिये होर तैसै सोचा, “मूलै पूरा विश्वास आसी कि जै हाँ सिर्फ यीशुए झिकड़ै ही छुए लउंग, तै हाँ भी चंगै होए जांणे!” एतिकठै स यीशु पिछु बाखा आये होर तेसरै झिकड़ै छूए। जेड़ा ही तैसै स छूआ, तैसा लोह बैहणा बंद होए गोआ।

![](https://cdn.door43.org/obs/jpg/360px/obs-en-32-15.jpg)

तिंया ही यीशुए जैणे लौआ कि तेसका सामर्थ निकड़े, एतिकठै तिनी पिछू बालै मुड़ेकेरे पूछा, “हाँ कुणी छुआ? “चेलै जबाब दैया, “इंदे एतरै सारै लोगै ता चउ बाख भीड़ लायेदे, होर ता धकेलदै लागैदै। तै तौं किलै पूछा कि हाँ कुणी छुआ?’’

![](https://cdn.door43.org/obs/jpg/360px/obs-en-32-16.jpg)

स बेटड़े यीशुए सामनै काम्ब्दी होर हैंन डरेदै आपणै घुटनै बलै बैठे गोए। तिंया तैसै तेसका बोले दैया कि तैसै किजै किया, होर ए भी कि स ठीक होए गोए। यीशुए तैसाका बोला, “तेरै भरोसै तू चंगे किये। शान्ति केरे जा।’’

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_32_128kbps.m4a

## 33. एक किसानै कथा

https://openbiblestories.org/l/bfz-x-karsogi/story-33/

![](https://cdn.door43.org/obs/jpg/360px/obs-en-33-01.jpg)

एकी धैड़ै, यीशु झीलै कनारै दे थिया। स लोगै एक हैंन बड़ी भीड़ा लै शिक्षा दैंदा लागादा थिया। तेसरी शिक्षा शुणनै कठै एतरै सारै लोग आयै कि यीशु का तिन्हा सभी सागे गला करणै कठै काफी जगहा नी थी। एतीकठै स पांणी दे खड़ूईदी नावा दे चढ़े गोआ। तिंदे स बैठे गोआ होर लोगा लै शिक्षा दैये।

![](https://cdn.door43.org/obs/jpg/360px/obs-en-33-02.jpg)

यीशए तिन्हा लै ए कथा शुणाए, “एक किसान बेजा बौंणै कठै निकड़ा। जिंया स हाथै केरे बेजा हुनदा लागादा थिया तै किछ बेजा पैंडै दे पड़ा। पर पंछियै आछेकेरे स सब बेजा खाए हेरा।’’

![](https://cdn.door43.org/obs/jpg/360px/obs-en-33-03.jpg)

“एखो बेजा पाथरा आड़ी जमीना दे पड़ा जिंदे हैन कम माटा थिया। पथरीली जमीना दे पड़ैदै बेजै दे छेकै ही टीप निकड़ै, पर तेतै जलाखड़ै जमीना दे डुगै लै नी डेयी। जिंया सूरज निकड़ा होर सूरज निकड़णै का बाद जिंया हैंन धूपा पड़ा तै सिंयो पौधै मुरझाए होर शुके गोए।’’

![](https://cdn.door43.org/obs/jpg/360px/obs-en-33-04.jpg)

“तैभी एखो बेजा झाखड़ा आड़ी जमीना मेंझ पड़ा। तिनी बेजै बढ़ना शुरू किया, पर कांडै सिंयो दाबै। एतिकठै कांडै आड़ी जमीना दै पड़ैदै बेजै मेंझा का जुण पौधै निकड़ै, तिन्हा पौधै मेंझा का कोई भी पौधा नाज पैदा नी करे सका।”

![](https://cdn.door43.org/obs/jpg/360px/obs-en-33-05.jpg)

“एखो बेजा बांकी जमीना गैश पड़ा। स बेजा बढ़ा होर जेतरा बेजा बोआ था होर तेताका 30, 60 होर इंदा तिक कि 100 गुणा नाज पैदा होआ। जुण कोए भी परमेश्वरा पिछो हांडणा चाहो, स एसा गला गैश ध्यान दैयो जुण हाँ बोलदा लागादा!”

![](https://cdn.door43.org/obs/jpg/360px/obs-en-33-06.jpg)

ऐसै कथै चैलै झगाहा दे पायै। एतिकठै यीशुए समझाया, “स बेजा परमेश्वरा बचन आसी। पैंडै कनारै दे पड़ादा बेजा तेस मंणछा सैंइ आसी जुण परमेश्वरा बचन शुणो, पर तेसरा बचन समझदा नी आथी। तिंया शैतान आछेकेरे तेसरै मना का बचन चोरे लओ। यानी शैतान तेस बचना समझणै का दूर डाओ।’’

![](https://cdn.door43.org/obs/jpg/360px/obs-en-33-07.jpg)

पाथरा आड़ै जमीन दे पड़ादा बेजा तेस मंणछा सैंइ आसी जुण परमेश्वरा बचन शुंणो होर खुशी केरे तेस अपनाए लओ। पर जिंया कठण समा आछो, या जिंया होर लोग तेस परेशान करो, तै स परमेश्वरा का दूर नाठे जाओ। यानी स परमेश्वरा गैश बिश्वास करणा बंद करे दैयो।’’

![](https://cdn.door43.org/obs/jpg/360px/obs-en-33-08.jpg)

“कांडै आड़ै जमीना दे पड़ादा बेजा तेस मंणछा सैंइ आसी जुण परमेश्वरा बचन शुणो। पर स हैंन सारी गलै बारै दे चिंता करणा शुरू करे दैयो, होर स हैन सारा धन कमाणै कोशिश करो, होर स हैन सारी चिजा पांणै कोशिश करो। किछ समै का बाद, स परमेश्वरा लै प्रेम नी करे सको। एतिकठै जुण किछ तिनी परमेश्वरै बचना का शिखा थिया, तेतकरे स परमेश्वरा खुश नी करे सकी। स नभार कणका सैंई आसी जुण नाज नी पजैरदी।’’

![](https://cdn.door43.org/obs/jpg/360px/obs-en-33-09.jpg)

“पर बांकी जमीना दे पड़ादा बेजा स मंणछ आसी जुण परमेश्वरा बचन शुणो, तेस गैश भरोसा करो, होर फलदार बंणो।’’

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_33_128kbps.m4a

## 34. यीशु होरी कथै शिक्षा दैयो

https://openbiblestories.org/l/bfz-x-karsogi/story-34/

![](https://cdn.door43.org/obs/jpg/360px/obs-en-34-01.jpg)

यीशुए परमेश्वरै राज्य बारै दे होर हैन सारी कथा शुणाई। उदाहरणै कठै, तिनी बोला, “परमेश्वरा राज्य एक शेरुए दांणै सैंही आसी जुण कसियै आपणै खेचा दे बौए दैया। तुम्है जैणो की शेरुआ बेजा सभी बेजै मेंझ सभी का माठा हो।”

![](https://cdn.door43.org/obs/jpg/360px/obs-en-34-02.jpg)

“पर जिंया शेरुआ बेजा बढ़े जाओ तै स बगीचै सारै डाड़ा मेंझ सभी का बड़ा होए जाओ। स ऐतरा बड़ा होए जाओ कि पंछी आछेकेरे तेती शांणे गैश आराम करो।’’

![](https://cdn.door43.org/obs/jpg/360px/obs-en-34-03.jpg)

यीशुए एक होर कथा दसे, “परमेश्वरा राज्य सजेड़ै सैंई आसी। जस लौयेकेरे एक बेटड़े आटै मेंझ मुछो तै स सारै आटै दे फैले जाओ।’’

![](https://cdn.door43.org/obs/jpg/360px/obs-en-34-04.jpg)

“स्वर्गा राज्य तेस खाजानै सैंही आसी जुण कुणी खेचा दे लकोये दैया। कस होरी मंणछा लै स खजाना मिड़े गोआ होर तिनी तेस हासल करणै हैन इछा किये। एतिकठै तिनी स भी दाबे दैया। स ऐतरा खुशी होआ कि तिनी जायेकेरे आपणा सब किछ बेचे दैया ताकि स तेस खेचा खरीदै सको जिंदे स खजाना थिया।’’

![](https://cdn.door43.org/obs/jpg/360px/obs-en-34-05.jpg)

“स्वर्गा राज्य एक हैन मैंहगै शुचै मोती सैंही भी आसी। जिंया कोए मोतिया ब्यापारै तेस पाए लओ तै स तेस खरीदणै कठै आपणा सब किछ बेचे दैयो।’’

![](https://cdn.door43.org/obs/jpg/360px/obs-en-34-06.jpg)

तिंदे एखो लोग थिए जुण सोचो थिये कि परमेश्वरा सिंयो एतै कठै अपनांणै किलैकि सिंयो भलै काम करदै लागैदै। इंयो लोग एड़ै लोगा तुच्छ मनौ थिए जुण तिन्हा भलै कामा नी करदै थिए। एतिकठै यीशुए तिन्हा लै ए कथा दसे: “दूए मर्द थे होर दूए ही प्रार्थना करदै मंदरा लै डेयै। तिन्हा मेंझा का एक कर लौंणै आड़ा थिया, होर दूजा एक धार्मिक अगुवा थिया।’’

![](https://cdn.door43.org/obs/jpg/360px/obs-en-34-07.jpg)

“तिनी धार्मिक अगुवै एड़ेकेरे प्रार्थना किये, ‘ओ परमेश्वरा, तेरा धन्यावाद हो कि हाँ होरी लोगा सैंई पापे नी आथी-जेड़ै की डाको, अन्यायी मंणछ, ब्यभीचारी, या इंदा तिक कि इंदे हाजर तेस कर लौंणै आड़ै सैंई एक पापे नी आथी।”

![](https://cdn.door43.org/obs/jpg/360px/obs-en-34-08.jpg)

जेड़ा कि, हाँ हर हफ्तै दै दुई बारी ब्रत डाओ, होर हाँ मूलै मिड़णै आड़ै धना होर समाना दसवा हिस्सा तालै दैयो।”

![](https://cdn.door43.org/obs/jpg/360px/obs-en-34-09.jpg)

“पर स कर लौंणै आड़ा मंणछ तेस धार्मिक अगुवै का हैन दूर खड़ूए गोआ। तिनी उबै सर्गा बालै आखै भी नी करी, एताका बजाय, तिनी आपणी मुठै केरे हीका लै बाए होर प्रार्थना किये, ‘ओ परमेश्वरा, कृपा करेकेरे मूं गैश रैहम कर किलैकि हाँ एक पापे आसी।’”

![](https://cdn.door43.org/obs/jpg/360px/obs-en-34-10.jpg)

तेखा यीशुए बोला, “हाँ तुम्हा का सच बोलो, परमेश्वरै तेस कर लौंणै आड़ै प्रार्थना शुणे होर स धर्मे घोषित किया। पर तिनी तेस धार्मिक अगुवै प्रार्थना पसंद नी की। एतिकठै परमेश्वरा हर एक जुण घमंणडी आसी, तिन्हा नरादर करणा, पर तेस हर तेस मंणछा लै आदर दैंणा जुण आपु लै दीन करो।’’

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_34_128kbps.m4a

## 35. दयालु बाबै कथा

https://openbiblestories.org/l/bfz-x-karsogi/story-35/

![](https://cdn.door43.org/obs/jpg/360px/obs-en-35-01.jpg)

एकी धैड़ै, यीशु तिन्हा हैन जै लोगा लै शिक्षा दैंदा लागादा थिया जुण तेसरी शिक्षा शुणणै लै कठै होए थिये। इंयो लोग कर लौणै आड़ै होर सागे होर भी लोग थिये जुणी मूसै ब्यवस्था पालन करणै कोशिश नी की थिये।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगुवै हेरा कि यीशु इन्हा लोगा सागे एक साथी सैंही गला करदा लागादा थिया। एतिकठै तिन्है एकी दूजै का ए बोलणा शुरू किया कि स गलत करदा लागादा थिया। यीशुए सिंयो गला करदै शुणै, एतिकठै तिनी तिन्हा लै ए कथा दसे।

![](https://cdn.door43.org/obs/jpg/360px/obs-en-35-03.jpg)

“एक मंणछ थिया जसरै दुए शोरो थियै। माठड़ै शोरुए आपणै बाबा का बोला, ‘ओ बाबा, मूलै एबै ही आपणी जायदादा हिस्सा चाहिए!’ तै बाबै आपणै दुई शोरु मेंझ आपणै जायदाद बांडे दैये।’’

![](https://cdn.door43.org/obs/jpg/360px/obs-en-35-04.jpg)

“तिंया ही माठड़ै शोरुए आपणा सब किछ कठै करेकेरे दूर देशा लै नाठे गोआ होर पापी जीवन जिणै कठै आपणा सारा धन बर्बाद करे दैया।”

![](https://cdn.door43.org/obs/jpg/360px/obs-en-35-05.jpg)

“एताका बाद, जिंदे माठड़ा शोरो थिया तेस देशा दे एक भयंकर नकाड़ पड़ा, होर तेसका खांणै लै खरीदणै कठै ढब्ब़ै नी थी। एतिकठै तेसलै जुण काम मीड़ा स सूअरा चराणैआ थिया। स ऐतरा दु:खी होर भूखा थिया कि स सूअरै खांणै लै खांणा चाहो थिया।’’

![](https://cdn.door43.org/obs/jpg/360px/obs-en-35-06.jpg)

“अंता दे, तिनी माठड़ै शोरुए आपु का बोला, ‘हाँ इंदे किजै करदा लागादा? मेरे बाबै दासा का खांणै कठै हैन सारा आसी, तेखा भी हाँ इंदे भूखा मरदा लागादा। मूं आपणै बाबा गोलै बापस जांणा होर आपणै बाबा का अर्ज करणे कि मूं आपणै एकी दासा सैंई डा।’’’

![](https://cdn.door43.org/obs/jpg/360px/obs-en-35-07.jpg)

“तै तिनी माठड़ै शोरुए बापस आपणै बाबै घौरा लै जांणा शुरू किया। जिंया कि स दूर ही थिया, तेसरै बाबै स हेरा होर तेस गैश तरस खाया। स दौड़ै केरे आपणै शोरु गोलै डेया होर स तेसरै गौड़ै मिड़ा होर स चूमा।”

![](https://cdn.door43.org/obs/jpg/360px/obs-en-35-08.jpg)

“तिनी शोरुए बोला, ‘ओ बाबा, मौं परमेश्वरै होर तेरै खिलाफ पाप कियादा। हाँ तेरा शोरो कहलांणै लायक भी नी आथी।’”

![](https://cdn.door43.org/obs/jpg/360px/obs-en-35-09.jpg)

“पर तैसरै बाबै आपणै सेवका का बोला, ‘छेकै जायेकेरे सभी का बांकै झिकड़ै लौयेकेरे आछो होर मेरे शोरु का फणैओ! तेसरी गुन्ठी दे मुंदडे होर तेसरै पैरा दे बूट फणैओ। तेखा सभी का बांका पशो टुको ताकि हाँमै जश्न मनाओ, किलैकि मेरा शोरो मरे गोआ थिया, पर एबै जिउंदा आसी! स लुखे गोआ था, पर एबै हाँमा लै स मिड़े गोआ!’’’

![](https://cdn.door43.org/obs/jpg/360px/obs-en-35-10.jpg)

“एतिकठै लोगै जश्न मनाणा शुरू किया। किछ समा बीतणै का बाद, बडड़ा शोरो खेचा दे काम करेकेरे घौरा लै आया। तिनी गांणै होर नाचणै आवाज शुणे होर हैरान होआ कि ए किजै होंदा लागादा थिया।’’

![](https://cdn.door43.org/obs/jpg/360px/obs-en-35-11.jpg)

“जिंया बडड़ै शोरु का पता लागा कि सिंयो एतिकठै जश्न मनांदै लागैदै थियै किलैकि तेसरा भाये घौरा लै आये गोआ थिया, तै स हैन गुस्सा होआ होर घौरा भीतरा लै नी आई। तेसरै बाबै बाहरा लै आछेकेरे तेसका तिन्हा सागे जश्न मनांणै अर्ज किये, पर तिनी नां किये।’’

![](https://cdn.door43.org/obs/jpg/360px/obs-en-35-12.jpg)

“तिनी बडड़ै शोरुए आपणै बाबा का बोला, ‘इन्हा सारी साला दे मौं तेरे कठै विश्वासै सागे काम किया! कबै भी तेरे गल नी टाड़ी। पर तौं मूलै एक माठे बाकरे भी नी दैई ताकि हाँ आपणै साथी लै धाम दैए सकू। पर तेरै इनी शोरुए तेरा धन बुरै कामा करणै दे बर्बाद करे दैया। होर एबै जिंया स आयादा आसी तै तेसरै कठै जश्न मनाणै लै तौं सभी का बांका पशो मारे दैया।’’’

![](https://cdn.door43.org/obs/jpg/360px/obs-en-35-13.jpg)

“बाबै जबाब दैया, ‘ओ मेरै शोरुआ, तू सदा मूं सागे आसी, होर जूण किछ मेरा आसी स सभ तेरा आसी। पर हाँमा लै जश्न मनांणा ठीक आसी किलैकि तेरा भाए मरे गोआ थिया, पर एबै स जिउंदा आसी। स लुके गोआ थिया। पर एबै हाँमै स पाए हेरा।’’’

*लूका अध्याय 15:11-32 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_35_128kbps.m4a

## 36. यीशुआ रूप बदलणा

https://openbiblestories.org/l/bfz-x-karsogi/story-36/

![](https://cdn.door43.org/obs/jpg/360px/obs-en-36-01.jpg)

एकी धैड़ै, यीशुए आपणै चन चेलै, पतरस, याकूब, होर यूहन्ना आपु सागे निंयै। (ए यूहन्ना नांओआ चेला स मंणछ नी आथी जुणी यीशु लै बपतिस्मा दैया था।) सिंयो प्रार्थना करणै कठै एक उछटी धारा गैशा लै डेयै।

![](https://cdn.door43.org/obs/jpg/360px/obs-en-36-02.jpg)

जिंया यीशु प्रार्थना करदा लागादा थिया तै तेसरा मुंह सूरजा सैंही चमकदा लागा। तेसरै झिकड़ै परैशै सैंही शेतै होए गोए, जेड़ा संसारा दे कोए करे सको तेताका भी बढ़ेकेरे शेता।

![](https://cdn.door43.org/obs/jpg/360px/obs-en-36-03.jpg)

तिंया यीशु गो मूसा होर एलिय्याह भविषयद्वक्ता प्रगट होए। इंयो मंणछ एस संसारा दे सैकड़ो साला पैहलै रहो थियै। तिन्है यीशु सागे तेसरै मरणै बारै दे गला की, किलैकि यीशु मसीह छेकै ही यरुश्लेमा दे मरे जांणा थिया।

![](https://cdn.door43.org/obs/jpg/360px/obs-en-36-04.jpg)

जिंया मूसा होर एलिय्याह यीशु सागे गला करदै लागैदै थियै तिंया पतरसै यीशु का बोला, “ओ प्रभुआ म्हारा इंदे रौंहणा ठीक आसी। जै तेरे मर्जे आसी तै हाँमै इंदे चन बेदी बंणाइए, एक तेरै कठै, एक मूसै कठै, होर एक एलिय्याहै कठै।’’ पर पतरस ए नी जैणदी थिया कि स किजै बोलदा लागादा।

![](https://cdn.door43.org/obs/jpg/360px/obs-en-36-05.jpg)

जिंया पतरस बोलदा ही लागादा थिया, तै एक चमकिला बादड़ उंदै आछेकेरे तिन्हा गैश छाये गोआ। तेखा तिन्है बादड़ा मेंझा का एक आवाज शुंणे। तिनी बोला, “ए मेरा प्यारा शोरो आसी जस सागे हाँ प्यार करो। हाँ तेसका खुश आसी। तेसरे शुंणो।’’ जिंया तिन्है चन चेलै स आवाज शुंणे सिंयो हैन डरे गोए होर मुंहै बल जमीना गैश पड़े गोए।

![](https://cdn.door43.org/obs/jpg/360px/obs-en-36-06.jpg)

तिंया यीशुए सिंयो छुए होर बोला, “डरी नी आथी। उजै उठो।’’ जिंया तिन्है चउ बाखा लै हेरा, तै यीशु का सिवाए आपु सागे होर कोए नी हेरी।

![](https://cdn.door43.org/obs/jpg/360px/obs-en-36-07.jpg)

यीशु होर सिंयो चन चेलै धारा गैशा का उंदै उतरे गोए। तिंया यीशुए तिन्हा लै आज्ञा दैयेकेरे बोला, “एबै इंदे जुण होआ तेतै चर्चा कसी सागे नी करी। हाँ छेकै ही मरे जांणा होर भी का मरैदै मेंझा का जिउंदा होए जांणा। तेताका का बाद, तुम्है लोगा का बोले सको।’’

*मत्ती अध्याय 17:1-9; मरकुस 9:2-8; लूका 9:28-36 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_36_128kbps.m4a

## 37. यीशु लाजरा मरैदै मेंझा का जिउंदा करो

https://openbiblestories.org/l/bfz-x-karsogi/story-37/

![](https://cdn.door43.org/obs/jpg/360px/obs-en-37-01.jpg)

लाजर नांओआ एक मंणछ थिया। तेसरी दुए बैहणा थी जिन्है नांओ मरियम होर मार्था थिया। सिंयो सब यीशुए गहरै साथे थियै। एकी धैड़ै, कुणी यीशु का दसा कि लाजर हैन बीमार थिया। जिंया यीशुए ए शुणा तै तिनी तिन्हा का बोला, “ए बमारे मरणै कठै नी आथी पर परमेश्वरै महिमै कठै आसी, ताकि लोग परमेश्वरा आदर करो।’’

![](https://cdn.door43.org/obs/jpg/360px/obs-en-37-02.jpg)

यीशु आपणे साथी लाजरा सागे प्यार करो थिया, तेखा भी जिंया तिनी शुंणा कि लाजर बीमार आसी, तै भी जस जगहा दे स थिया तिंदे तिनी दुई धैड़ै तिक इन्तजार किया। तिन्हा दुई धैड़ै का बाद, तिनी आपणै चेलै का बोला, “आछो, वापस यहूदिया नगरा लै चालो।’’ चेलै जबाब दैया, “पर ओ गुरुआ, एबै किछ ही समै पैहलै तिंदे लोग ता मारै डांणा चाहो थियै!’’ यीशुए बोला, “म्हारा साथी लाजर सूते गोआ, होर मूं स झैड़णा।’’

![](https://cdn.door43.org/obs/jpg/360px/obs-en-37-03.jpg)

यीशुए चेलै जबाब दैया, “ओ प्रभुआ, जै लाजर सूतादा आसी, तै स ठीक होए जांणा।’’ तिंया यीशुए तिन्हा का साफ़-साफ़ बोले दैया, “लाजर मरै गोआदा। मूलै ख़ुशी आसी कि हाँ तिंदे नी थी, ताकि तुम्है मूं गैश भरोसा करे सको।’’

![](https://cdn.door43.org/obs/jpg/360px/obs-en-37-04.jpg)

जिंया यीशु लाजरै ग्रांवा दे पूजा तै लाजरा मरैदै पैहलै का ही चार धैड़ै होए गोए थिये, मार्था यीशु का मिड़दै बाहरा लै आये होर बोला, “ओ प्रभुआ जै तू इंदे होंदा तै मेरा भाए नी मरणी थिया। पर हाँ भरोसा करो कि जुण किछ ता परमेश्वरा का मांगणा स तेस तालै दैणा। ’’

![](https://cdn.door43.org/obs/jpg/360px/obs-en-37-05.jpg)

यीशुए तैसा लै जबाब दैया, “पुनरुत्थान होर जीवन हाँ आसी। जुण कोए मूं गैश भरोसा डाओ जै स मरे भी जाओ तै भी जिए जांणा। जुण कोए मूं गैश भरोसा करो स कबै भी नी मरणी। किजै तू एसा गला गैश भरोसा करो?” मार्थै जबाब दैया, “ओ प्रभुआ हाँ भरोसा करो कि तू परमेश्वरा शोरो मसीह आसी।’’

![](https://cdn.door43.org/obs/jpg/360px/obs-en-37-06.jpg)

तिंया मरियम आये। तैसै यीशुए पैरा दे पड़ेकेरे बोला, “ओ प्रभुआ, जै तू इंदे हौंदा तै मेरा भाए नी मरणी थिया।’’ यीशुए तैसाका पूछा, “तुम्है लाजर किंदे डायादा।’’ तिन्है तैसाका बोला, “कब्रा लै। आछ होर भाड़े लो।” तिंया यीशु चिंगदा लागा।

![](https://cdn.door43.org/obs/jpg/360px/obs-en-37-07.jpg)

स कब्र एक डवार थिया जेतै दरवाजै गैश एक पाथर डायादा थिया, जिंया यीशु कब्रा गो पूज्जा तै तिनी तिन्हा का बोला, “पाथरा हटाए दो।” पर मार्थे बोला, “तेस मरैदै चार धैड़ै होए गोए। तेतका शड़ैन आछो होंणे।’’

![](https://cdn.door43.org/obs/jpg/360px/obs-en-37-08.jpg)

यीशुए तैसालै जबाब दैया, “किजै मौं तुम्हा का नी बोली थिया कि जै तुम्है मूं गैश भरोसा करो तै तुम्हा परमेश्वरै सामर्थे काम भाड़णै ?’’ एतिकठै तिन्है पाथर हटाए दैया।

![](https://cdn.door43.org/obs/jpg/360px/obs-en-37-09.jpg)

तिंया यीशुए उबै स्वर्गा बाखा लै हेरेकेरे बोला, “ओ पिता, मेरी शुणणै कठै हाँ तेरा धन्यावाद करो। हाँ जैणौ कि तू सदा मेरे शुणो, पर मौं ए इंदे खड़ुएदै इन्हा सभ लोगै मदद करणै कठै बोला ताकि इंयो बिश्वास करो कि तौं हाँ भेजादा।’’ तिंया यीशुए हाक पाए, “ओ लाजरा, कब्रा मेंझा का बाहरा लै निकड़े आछ!’’

![](https://cdn.door43.org/obs/jpg/360px/obs-en-37-10.jpg)

तै लाजर कब्रा बाहरा लै निकड़े आया! स एबै भी चादरै केरै पड़ैठुआदा थिया। यीशुए तैसाका बोला, “एसा चादरा काडणै लै तेसरे मदद करो होर तेस आजाद करो।’’ एस चमत्कारै केरे हैन सारै यहूदीयै यीशु गैश बिश्वास किया।

![](https://cdn.door43.org/obs/jpg/360px/obs-en-37-11.jpg)

पर यहूदियै धार्मिक अगुवै यीशु का इर्ष्या डांदै लागै, एतिकठै सिंयो तरकीब बंणाणै कठै सब सागे कठै होए कि केहड़े केरे यीशु होर लाजरा मारै दैयो।

*यूहन्ना 11:1-46 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_37_128kbps.m4a

## 38. यीशुआ पकड़ाया जांणा

https://openbiblestories.org/l/bfz-x-karsogi/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी लोग फसह पर्व मनाओ थियै। एस त्यौहारा तै मनाओ थियै कि कई शौ साला पैहलै परमेश्वरै तिन्है पुरखै मिस्र देशै गुलामी का आजाद किये थिए। यीशुए जरियै पैहली बारी खुलै रूपा दे परमेश्वरै राज्या प्रचार करणै होर शिक्षा दैणे शुरुआत करणै का लगभग चन साला का बाद, यीशुए आपणै चेलै का बोला कि स तिन्हा सागे यरुश्लेम शहरा दे फसह पर्व मनाणा चाहो। होर ए भी कि स तिंदे मारै दैया जांणा।

![](https://cdn.door43.org/obs/jpg/360px/obs-en-38-02.jpg)

यीशुए चेलै मेंझा का एक यहूदा नानोंआ मंणछ थिया। यहूदा का प्रेरितै ढब्बै थैली डांणै जिममेदारे थिये, पर केतरी बारी स थैलै मेंझा का ढब्ब़ै काडे दैओ था। यीशु होर चेलै यरुश्लेमा शहरा दे पुज्जणै का बाद यहूदा यहूदी अगुवै गो लै डेया। तिनी ढब्ब़ै बदलै दे यीशु लै तिन्है हाथ पकड़ाणैया पक्ष डा। स जैणौ थिया कि यहूदी अगुवै नी मन्दै थिए कि यीशु ही मसीह थिया। स जैणौ थिया कि सिंयो तेस मारणा चाहो थियै।

![](https://cdn.door43.org/obs/jpg/360px/obs-en-38-03.jpg)

मुख्य प्रोहतै बोलणै केरे यहूदी अगुवै यीशु लै तिन्है हाथा दे पकड़ाणै कठै यहूदा लै चान्दियै ती सिक्कै दैये स तेड़ैकेरे ही हुआ जैड़ा कि भविषयवक्तै बोला थिया कि एड़ा हौंणा। यहूदा मनै गोआ होर ढब्ब़ै लौयेकेरे नाठै गोआ। स यीशु गिरफतार करणै लै तिनी मदद करणै कठै कस मोकै लोढ़दा लागा।

![](https://cdn.door43.org/obs/jpg/360px/obs-en-38-04.jpg)

यरुशलेम शहरा दे, यीशुए आपणै चेलै सागे फसह पर्व मनाया। फसह भोजै समै, यीशुए रोटे लौयेकेरे चोढ़े। तिनी बोला, “एसा लओ होर खाओ। ए मेरा शरीर आसी जस हाँ तुम्हा लै दैयो। एस मेरी यादा दे करया।’’ एहड़ै केरै, यीशुए बोला कि स तिन्है कठै मरे जांणा, यानी तिन्है कठै तेस आपणै शरीरै बले चढ़ाये दैणे।

![](https://cdn.door43.org/obs/jpg/360px/obs-en-38-05.jpg)

तेखा यीशुए दाखरसा प्याला लोआ होर बोला, “एस पियो। ए नौंइ वाचा मेरा खून आसी जुण संसारै लोगै पापै कठै बहाया जांणा ताकि परमेश्वर थारै पाप माफ़ करो। तुम्है भी सौही करया जुंण किछ हाँ एबै करदा लागादा, ताकि हर बारी जिंया तुम्हा ए पींणा तै तुम्हा हाँ याद करणा।”

![](https://cdn.door43.org/obs/jpg/360px/obs-en-38-06.jpg)

तिंया यीशुए आपणै चेलै का बोला, “तुम्हा मेंझा का एकी मंणछा हाँ पकड़वांणा।’’ चेलै हैरान होए, होर पूछदै लागै कि कस एड़ा काम करणा। यीशुए बोला, “मेरा पकड़ाणै आड़ा मंणछ स आसी जसलै मूं ए रोटिआ छौंणा दैंणा।’’ तिंया तिनी स रोटे यहूदा लै दैये।

![](https://cdn.door43.org/obs/jpg/360px/obs-en-38-07.jpg)

तैसा रोटी लौंणै का बाद, यहूदा दे शैतान समाये गोआ। यहूदा निकड़ेकेरे यीशु गिरफ्तार करणै कठै यहूदी अगुवै मदद करणै लै नाठे गोआ। स रैचका समा थिया।

![](https://cdn.door43.org/obs/jpg/360px/obs-en-38-08.jpg)

खांणै लै खांणै का बाद, यीशु होर तेसरै चेलै जैतून धारा गैशा लै नाठे गोए। यीशुए बोला, “तुम्हा सभी आज रैचे हाँ छाडै दैंणा। किलैकी ए पवित्र शास्त्रा दे लिखादा आसी, ‘मूं फवाल मारंणा होर सारी भेड़ा बछींगुए जांणी।’’’

![](https://cdn.door43.org/obs/jpg/360px/obs-en-38-09.jpg)

पतरसै जबाब दैया, “भलै ही बाकि सभ लोग तेरा साथ छाडै दूँग, मूं तेरा साथ कभै भी नी छाडणी!’’ तिंया यीशुए पतरसा का बोला, “शैतान तुम्हा सभी लोए लौंणा चाहो, पर ओ पतरसा, मौं तेरै कठै प्रार्थना कियेदे कि तू भरोसै का भटके नी जाओ। तेखा भी, आज की रैचे, मुर्गे बाशणै का पैहलै ता चन बारी मुखरणा कि तू मूं जैणो ही नी आथी।’’

![](https://cdn.door43.org/obs/jpg/360px/obs-en-38-10.jpg)

पतरसै तिंया यीशु का बोला, “बेशक हाँ मरे जाऊं, तै भी मूं कबै तेरै नांओआ का नी मुखरणी!’’ बाकी सभी चेलै भी एड़ा ही बोला।

![](https://cdn.door43.org/obs/jpg/360px/obs-en-38-11.jpg)

तिंया यीशु आपणै चेलै सागे गतसमनी नांओए जगहा लै डेया। यीशुए आपणै चेलै का प्रार्थना करणै लै बोला ताकि शैतान तिन्है परीक्षा नी करो। तिंया यीशु आपु प्रार्थना करदा नाठे गोआ।

![](https://cdn.door43.org/obs/jpg/360px/obs-en-38-12.jpg)

यीशुए चन बारी प्रार्थना कियै होर बोला, “ओ मेरे पिता, जै होए सको तै ए दु:खा प्याला मूलै पींणै लै नंही दैयी। पर जै लोगै पाप माफ़ करणै कठै कोए होर पैंडा नी आथी, तै तेखा मेरै नी पर तेरे ही मर्जे पुरे हो।’’ यीशु हैन बेचैन थिया होर तेसरा पसीना खुनै बूंदा सैंही थिया। तेसलै एस दु:खा दे ताकत दैंणे कठै परमेश्वरै एक स्वर्गदूत भेजा।

![](https://cdn.door43.org/obs/jpg/360px/obs-en-38-13.jpg)

हर बारी प्रार्थना का बाद, यीशु आपणै चेलै गो लै बापस हटा, पर सिंयो सूते गोए थिए। जिंया यीशु चिती बारी वापस हटा तै यीशुए बोला, “उठे जाओ! मेरा पकड़ाणै आड़ा मूं नेड़ पुज्जे गोआदा।’’

![](https://cdn.door43.org/obs/jpg/360px/obs-en-38-14.jpg)

यहूदा यहूदी अगुवै, सपाही होर मंणछै एक बड़ी भीड़ा सागे आया। तिन्है तलवारा होर डंडै लोएदै थिए। यहूदै यीशु नेड़ आछेकेरे तेसका बोला, “ओ गुरुआ, नमस्कार,’’ होर तेसलै झीण दैये। तिनी यीशु लै गिरफ्तार करणै आड़ै मंणछै कठै होर यहूदी अगुवै गो यीशु प्रकट करणै कठै एड़ा किया था। तिंया यीशुए बोला, “ओ यहूदा, किजै तू एकी झीणै केरे मूं पकड़ान्दा लागादा?’’

![](https://cdn.door43.org/obs/jpg/360px/obs-en-38-15.jpg)

जिंया सिंयो सपाहै यीशु पाकड़दै लागैदै थिए, तै पतरसै आपणे तलवार काडे होर मुख्य परोहतै एकी दासा कान टुके दैया। यीशुए बोला, “तलवारा दूर कर! हाँ आपणै पिता का मेरा बचाव करणै कठै स्वर्गदूतै एकी सेना लै अर्ज करे सको। पर मूं आपणै पिते आज्ञा मंनणे।’’ तिंया यीशुए तेस मंणछा कान ठीक करे दैया। तिंया सारै चेलै यीशु छाडेकेरे भागे गोए।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_38_128kbps.m4a

## 39. यीशु गैश मुकदमा चालो

https://openbiblestories.org/l/bfz-x-karsogi/story-39/

![](https://cdn.door43.org/obs/jpg/360px/obs-en-39-01.jpg)

एबै ए आधी रैचेया समा थिया। तिन्है सपाहियै यीशु मुख्य परोहतै घौरा लै आंणा, किलैकि स यीशु का सवाल करणा चाहो थिया। पतरस दूरा का तिन्हा पिछो-पिछो आछदा लागादा थिया। जिंया सपाहियै यीशु घौरा भीतरा लै निंया, तै पतरस बाहरे रुकेकेरे आग सेक्दा लागा।

![](https://cdn.door43.org/obs/jpg/360px/obs-en-39-02.jpg)

घौरा भीतरे, यहूदी अगुवै यीशु गैश मुकद्मा चलाया। तिन्है तेसरै खिलाफ झूठी गला बोलणै कठै झूठै गवाह आंणै। हांलाकि, तिन्ही गला नी मीड़दी थी एकी दूजै सागे, एतिकठै यहूदी अगुवै ए साबित नी करे सकै कि स कस गला दोषी थिया। यीशुए किछ भी नी बोली।

![](https://cdn.door43.org/obs/jpg/360px/obs-en-39-03.jpg)

अंता दे, मुख्य परोहतै सीधै यीशु बाखा लै हेरेकेरे बोला, “हाँमा लै दस कि किजै तू ही जिउंदै परमेशवरा शोरो मसीह आसी?’’

![](https://cdn.door43.org/obs/jpg/360px/obs-en-39-04.jpg)

यीशुए बोला, “हाँ आसी, होर तुम्हा हाँ परमेश्वरा सागे बैठादा होर स्वर्गा का आछदा भी भाड़णा।” “मुख्य परोहतै आपणै झिकड़ै छेके दैये किलैकि जुण यीशुए बोला थिया स तैसा गला गैश हैन गुस्सा होआ थिया। स होरी अगुवै गैश चिल्लाया, “हाँमा लै ए बोलणै कठै कसी होरी गवाहै जरूरत नी आथी कि इनी मंणछै किजै कियादा! तौं आपु ही स ए बोलदा शुणे हेरा कि स परमेश्वरा शोरो आसी। तेसरै बारै दे थारा किजै फैसला आसी?’’

![](https://cdn.door43.org/obs/jpg/360px/obs-en-39-05.jpg)

सभी यहूदी अगुवै मुख्य परोहता लै जबाब दैया, “स मरणै लायक आसी।’’ तिंया तिन्है यीशुए आखै दे पाट्टे बैने दैए, तेस गैश थूका, स जिक्का, होर तेसरा मजाक उड़ाया।

![](https://cdn.door43.org/obs/jpg/360px/obs-en-39-06.jpg)

होर पतरस, जिंया स घौरा का बाहरे न्हैड़दा लागादा थिया। तिंया स एकी दासीये हेरा। तैसै तेसका बोला, “तू भी यीशु सागे थिया!’’ पतरसै ना करे दैये। बादा का, कुंणी होरी दासीये भी ए ही गल बोले, हो पतरसै भी का नां किये। अंता दे, एखो लोगै बोला, “हाँमै जैंणो कि तू यीशु सागे थिया किलैकि तुम्है दुए गलील नगरा का आसी।’’

![](https://cdn.door43.org/obs/jpg/360px/obs-en-39-07.jpg)

तिंया पतरसै बोला, “जै हाँ एस मंणछा जैणदा तै परमेश्वर मूलै श्राप दैयो!’’ तिंया ही पतरसै कसमा खांणै का बाद, एक मुर्गा बाशा। यीशुए पिछु बाखा लै मुड़ेकेरे पतरस हेरा।

![](https://cdn.door43.org/obs/jpg/360px/obs-en-39-08.jpg)

पतरस तिंदा का नाठे गोआ होर हैन जोरै-जोरै चिंगदा लागा। तेस ही समै, यीशु पकड़ांणै आड़ै यहूदै हेरा कि यहूदी अगुवै यीशु लै मौतै सजा दैये। यहूदा हैन दु;खी होए गोआ होर जायेकेरे आपु लै फांसे दैये।

![](https://cdn.door43.org/obs/jpg/360px/obs-en-39-09.jpg)

तेस देशा राज्यपाल पिलातुस थिया। स रोम देशै कठै काम करो थिया। यहूदी अगुवै यीशु तेस गोलै आंणा। सिंयो चाहो थिए कि पिलातुस तेसलै मोतै सजा दैयेकेरे तेस मारे दैयो। तिंया पिलातुसै यीशु का पूछा, “किजै तू यहूदिया राजा आसी?’’

![](https://cdn.door43.org/obs/jpg/360px/obs-en-39-10.jpg)

यीशुए जबाब दैया, “तौं सच ही बोलादा। पर मेरा राज्य एस संसारा नी आथी। जै हौंदा तै मेरै दास मेरै कठै लड़ायै करदै। हाँ संसारा दे परमेश्वरै बारै दे सच दसणै कठै आयादा। हर एक मंणछ जुण सचा सागे प्यार करो स मेरे शुंणो।’’ पिलातुसै बोला, “तै सच किजै आसी?’’

![](https://cdn.door43.org/obs/jpg/360px/obs-en-39-11.jpg)

यीशु सागे गला करणै का बाद, पिलातुसै बाहरा लै भीड़ा गोलै जायेकेरे बोला, “मौं एड़े कोए बजहा नी पायी कि ए मंणछ मारणै लायक हो।’’ पर यहूदी अगुवै होर भीड़ै चिल्लायेकेरे बोला, “तेस क्रूसा गैश चढ़ाये दैओ!’’ पिलातुसै जबाब दैया, “स किछ भी गलत करणैया दोषी नी आथी।’’ पर सिंयो होर भी जोरै-जोरै चिल्लान्दै लागै। तिंया पिलातुसै चीती बारी बोला, “स दोषे नी आथी!’’

![](https://cdn.door43.org/obs/jpg/360px/obs-en-39-12.jpg)

पिलातुस डरे गोआ कि तैसा भीड़ा झगड़ा शुरू करे दैणा, एतिकठै स सपाहियै जरियै यीशु क्रूसा गैश चड़ाणै कठै मनै गोआ। रोमी सपाहियै यीशु लै कोड़ै लायै, होर तैस लै राजै सैंही झिकड़ै फणैये, होर तैसरै मुंडा गैश कांडै केरे बणायादा ताज डाया। तिंया सिंयो ए बोलेकेरे तेसरा मजाक करदै लागै, “हेरो, यहूदी लोगा राजा!’’

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_39_128kbps.m4a

## 40. यीशुआ क्रूसा गैश चढ़ाया जांणा

https://openbiblestories.org/l/bfz-x-karsogi/story-40/

![](https://cdn.door43.org/obs/jpg/360px/obs-en-40-01.jpg)

यीशुआ मजाक करणे का बाद, सिपाहियै स क्रूसा गैश चढ़ाणै लै निंया। तिन्है स क्रूस तेस का ही चकणे दैया जेत गैश तेस मरणा थिया।

![](https://cdn.door43.org/obs/jpg/360px/obs-en-40-02.jpg)

तिन्है सपाहियै यीशु तैसा जगहा लै आंणा जुण “खोपड़े’’ कहलाओ होर तेसरै हाथा पैरा दे क्रूसा गैश परेगा ठोके दैयी। पर यीशुए बोला, “ओ पिता, इन्हा माफ़ कर, किलैकि इंयो नी जैणदी कि इंयो किजै करदै लागैदै।’’ तिन्है एक पाटड़े भी तेसरै मुंडा गैश टाँगे दैए। तेत दे लिखादा थिया, “यहूदी लोगा राजा’’ पिलातुसै तिन्हा का एड़ा ही लिखणै लै बोला थिया।

![](https://cdn.door43.org/obs/jpg/360px/obs-en-40-03.jpg)

तेखा सपाहीयै यीशुए झिकड़ै आपु मेंझ बांडणै कठै पर्ची पायी। जिंया तिन्है एड़ा किया तै तिन्है स भविष्यवाणे पूरे किये जेतदै बोला थिया, “तिन्है मेरै झिकड़ै आपु मेंझ बांडे दैये, होर मेरै झिकड़ै कठै पर्ची पायी।’’

![](https://cdn.door43.org/obs/jpg/360px/obs-en-40-04.jpg)

तिंदे दुए डाको भी थिए, जुण सपाहीयै तेस ही समै क्रूसा गैश चढ़ायै थिए। तिन्है सिंयो यीशुए दुई बाख डायै थिए। तिन्हा मेंझा का एकी डाकुयै यीशुआ निंदा करेकेरे बोला कि जै तू मसीह आसी तै हांमा होर आपु लै बचा, पर दूजै बोला, “किजै तालै डौर नी आथी कि परमेश्वरा तालै सजा दैणै? हाँमै तो हैन सारै बुरै कामा करेकेरे दोषी ठह्राएदै आसी, पर ए मंणछ बेकसूर आसी।‘’ तेखा तिनी यीशु का बोला, “जिंया तू आपणै राज्य लै आछणा तै दया करेकेरे मूं याद डाया।’’ यीशुए जबाब दैया, “आज ही तू मूं सागे स्वर्गलोका दे होंणा।’’

![](https://cdn.door43.org/obs/jpg/360px/obs-en-40-05.jpg)

तै यहूदी अगुवै होर भीड़ै बाकी लोगै यीशुए निंदा करेकेरे बोलदे लागै। तिन्है तेसका बोला, “जै तू परमेश्वरा शोरो आसी, तै एस क्रूसा का उंदै उतर होर आपु बचाये लौ! तै हाँमा ता गैश भरोसा करणा।’’

![](https://cdn.door43.org/obs/jpg/360px/obs-en-40-06.jpg)

तिंया तेस पूरै देशा सर्ग सारा न्हैरा होए गोआ, बल्कि स धैड़ैआ मेंझका समा थिया। ए द्पोहरकै समै न्हैरा होआ थिया होर चन घंटै तिक एड़ा ही रौहा थिया।

![](https://cdn.door43.org/obs/jpg/360px/obs-en-40-07.jpg)

तिंया यीशुए जोरै बोला, “पूरा होआ! ओ पिता, हाँ आपणे आत्मा तेरै हाथा दे सौंपो।’’ तिंया तिनी आपणा मुंड झुकाया होर आपणै प्राण छाडे दैये। जिंया स मरा तै एक जाजरे होये। होर मंदरा स पर्दा जुण परमेश्वरै उपस्थिति का लोगा लग करो थिया उपरा का तोड़ा तिक छेकुए केरे दुए भाग होए गोआ।

![](https://cdn.door43.org/obs/jpg/360px/obs-en-40-08.jpg)

आपणी मौते जरियै, यीशुए संसारै लोगा लै परमेश्वरा गोलै आछणैया पैंडा खोले दैया। जिंया यीशुए पौहरेदारे करणै आड़ै एकी सपाहीयै जुण किछ होआ थिया ए सब भाड़ा तै तिनी बोला, “सच्ची ही, ए मंणछ बेकसूर थिया। ए परमेश्वरा शोरो थिया।’’

![](https://cdn.door43.org/obs/jpg/360px/obs-en-40-09.jpg)

तिंया युसूफ होर नीकुदेमुस नांओए दुए अगुवै आयै। सिंयो भरोसा करो थिए कि यीशु ही मसीह थिया। तिन्है पिलातुसा का यीशुए ल्हाश माँगे। तिन्है तैसरे ल्हाश कपड़ै दे पड़ेटे। तिंया तिन्है स एकी जाना दे टुकेकेरे बंणाइदी कब्रा लै निंया होर तेत भीतरे डाये दैया। तिंया तिन्है तैसा कब्रा दरवाजा बंद करणै कठै तेतै मुखा गैश एक बड़ा पाथर डाया।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 का बाइबलै एक कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_40_128kbps.m4a

## 41. परमेश्वर यीशु लै मरदै मेंझा का जिउंदा करो

https://openbiblestories.org/l/bfz-x-karsogi/story-41/

![](https://cdn.door43.org/obs/jpg/360px/obs-en-41-01.jpg)

सपहियै जरियै यीशु क्रुसा दे चढ़ाणै का बाद, यहूदीयै अगुवै पिलातुसा का बोला, “तिनी झूठै, यीशुए बोला थिया कि तेस चन धैड़ै का बाद मरैदै मेंझा का जिउंदै होए जांणा। कसी लै ए पता करणै कठै तेसरी कब्रै पौहरेदारे करणे लागणै कि किंदे तेसरै चेलै तेसरे ल्हाश चोरे केरे नी निंयो। जै तिन्है एड़ा किया तै तिन्हा बोलणा कि यीशु मरैदै मेंझा का जिउंदा होआ।’’

![](https://cdn.door43.org/obs/jpg/360px/obs-en-41-02.jpg)

पिलातुसै तिन्हा यहूदी अगुवै लै बोला, “कुछ सपाही नियो, होर जेड़ेकेरे तुम्है करे सको तेहड़े केरे कब्रै पौहरेदारे करो।” एतिकठै तिन्है तैसा कब्रै मुखा गो एक पाथरा गैश मोहर लाये। तिन्है एड़ा पता करने कठै तिंदे सपाहै बशैड़े दैये कि कोए भी तेसरे ल्हाश चोरे नी सको।

![](https://cdn.door43.org/obs/jpg/360px/obs-en-41-03.jpg)

यीशु मरणै का बादका धैड़ा सब्ता धैड़ा थिया। कोए भी मंणछ सब्तै धैड़ै काम नी करे सको थिया, एतिकठै यीशुआ कोए भी साथे तैसा कब्रा गोलै नी आई थिया। पर सब्ता का आगलै धैड़ै, दोथी भैगा सागे, एखो बेटड़ी यीशुए कब्रा गोलै जांणे कठै तयार होई। सिंयो तेसरी ल्हाशा दे होर इत्र लाणा चाहो थी।

![](https://cdn.door43.org/obs/jpg/360px/obs-en-41-04.jpg)

तिन्हा बेटड़ीए पूज्जणै का पैहलै, कब्रा गो एक बड़े जाजरे होए। स्वर्ग का एकी स्वर्गदूतै आछेकेरे स पाथर हटाये दैया जेतेकेरे कब्रा मुख्यद्वार ढकादा थिया होर तेत गैश बैठे गोआ। ए स्वर्गदूत प्रैशै सैंही चमकदा लागादा थिया। कब्रा गो जुण सपाहै थिए तिन्है स हेरा। सिंयो एतरै डरै कि मरैदै मंणछा सैंही जमीना दे पड़े गोए।

![](https://cdn.door43.org/obs/jpg/360px/obs-en-41-05.jpg)

जिंया सिंयो बेटड़ी कब्रा गो पुज्जी तै तिनी स्वर्गदूतै तिन्हा का बोला, “डरी नी। यीशु इंदे नी आथी। स मरैदै मेंझा का जिउंदा होए गोआ, जेडा कि तिनी बोला थिया की स जिन्दा होणा! कब्रा दे लोड़ो होर भाड़ो।“ तिन्है बेटड़ीयै कब्रा भीतरे जिंदे यीशुए ल्हाश डायेदे थिये तिंदे लोड़ा होर भाड़ा कि तिंदे तेसरे ल्हाश नी थी!

![](https://cdn.door43.org/obs/jpg/360px/obs-en-41-06.jpg)

तेखा तिनी स्वर्गदूतै तिन्हा बेटड़ी का बोला, “जायेकेरे तेसरै चेलै का बोलो, ‘यीशु मरैदै मेंझा का जिउंदा होए गोआ होर तेस तुम्हा का आगो आगो गलील नगरा लै जांणा।’’’

![](https://cdn.door43.org/obs/jpg/360px/obs-en-41-07.jpg)

सिंयो बेटड़ी स्वर्गदूतै गला शुंणेकेरे हैरान हुई होर हैन खुशी होई। सिंयो चेलै लै एसा खुशखबरी शुणाणै कठै दौड़ी।

![](https://cdn.door43.org/obs/jpg/360px/obs-en-41-08.jpg)

जिया सिंयो बेटड़ी चेलै लै ए खुशखबरी शुंणाणै कठै पैंडै दे जांदी लागीदी थी, तै यीशुए तिन्हा बेटड़ी लै दर्शन दैयै। सिंयो तेसरै पैरा दे पड़ी। तिंया यीशुए बोला, “डरी नी आथी। जाओ होर मेरै चेलै लै गलील नगरा लै जांणै कठै बोलो। तिन्हा हाँ तिंदे हेरणा।”

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_41_128kbps.m4a

## 42. यीशुआ स्वर्गा लै बापस हटणा

https://openbiblestories.org/l/bfz-x-karsogi/story-42/

![](https://cdn.door43.org/obs/jpg/360px/obs-en-42-01.jpg)

जस धैड़ै परमेश्वरै यीशु मरैदै मेंझा का जिउंदा किया था, तेसरै दुए चेलै एकी दुजै ग्राओंआ लै चालैदै थिए। हांडदी बारी सिंयो जुण यीशु सागे होआ थिया, तेसरै बारै दे गला करदै लागैदै थिए, तिन्हा लै आशा थिए कि स मसीह थिया, पर तेखा भी स मारे हेरा थिया। ऐबै सिंयो बेटड़ी बोलो कि स भी का जिउंदा होए गोआ। सिंयो नी जैणदी थियै कि कस गला गैश विश्वास करणा चाहिए।

![](https://cdn.door43.org/obs/jpg/360px/obs-en-42-02.jpg)

यीशुए तिन्हा गोलै आछेकेरे तिना सागे हांडणा शुरू किया, पर तिन्है नी स पछैणी। तिनी पूछा कि सिंयो कसरै बारै दे गला करदै लागैदै थिए। तिन्है तेसलै पिछलै धैड़ै दे यीशु सागे होई दी सभी घटनै बारै दे बोला। तिन्है सोचा कि सिंयो कस परदेसी सागे गला करदै लागैदै जसका पता नी आथी कि येरुशलेम शहरा दे किजै होआदा थिया।

![](https://cdn.door43.org/obs/jpg/360px/obs-en-42-03.jpg)

तेखा यीशुए तिन्हा लै समझाया कि परमेश्वरा वचन मसीहै बारै दे किजै बोलो। पर हैन पैहलै, भविष्यदवक्तै बोला थिया कि दुष्ट लोगा मसीह दु;खी करणा होर मारणा। पर भविष्यदवक्तै एड़ा भी बोला थिया कि स चितैहै धैड़ै जिउंदा होए जांणा।

![](https://cdn.door43.org/obs/jpg/360px/obs-en-42-04.jpg)

जियां सिंयो तेस नगरा दे पुज्जै जिंदे सिंयो दुए लोग ठहरणा चाहो थियै, तिंया तिक धैड़ा उडै गोआ थिया होर रैच होंणै आड़ै थिए। तिन्है यीशु लै भी आपु सागे तिंदे ठहरणै कठै छांदा किया, तेखा स तिन्हा सागे एकी घौरा लै डेया। आपणै बैड़कै खांणै खांदे सिंयो बैठै गोए। यीशुए एक रोटे लौए और तेतै कठै परमेश्वरा धन्यवाद दैया, होर तेखा स चोड़े। अचानक, तिन्हा का जैणुआ कि स यीशु थिया। पर स तेस ही समै, स तिन्ही आखै गो का छपत होए गोआ।

![](https://cdn.door43.org/obs/jpg/360px/obs-en-42-05.jpg)

तिन्है दुई जैहणै एकी दूजै का बोला, “स यीशु थिया! एतिकठै जियां तिनी हामा का परमेश्वरा बचन समझाया थिया तिंया हामै हैन ख़ुशी थिए!” तिंया ही, सिंयो निकड़े केरे बापस यरूश्लेम शहरा लै डेयै। जियां सिंयो पुज्जै तिन्है सभी चेलै का बोला, “यीशु जिउंदा आसी! हामै स हेरा!”

![](https://cdn.door43.org/obs/jpg/360px/obs-en-42-06.jpg)

जियां चेलै गला करदै लागैदै थिए, यीशुए अचानक तैस कमरै दे तिन्हा लै दर्शन दैये। तिनी बोला, तुम्हा लै शांती मिड़ौ! चेलै सोचा कि ए कोए भुत थिया, पर यीशुए बोला, “तुम्है किलै डरदै लागैदै? तुम्है एड़ा किलै नी सोछदी कि हाँ सच्ची लै ही, यीशु आसी? मेरे हाथ पैरा हेरौ। भुता का एड़ा शरीर नही होंदी जेड़ा मुखा आसी। “एड़ा दसणै कठै कि स भुत नी आथी तिनी कुछ खांणै लै माँगा। तिन्है तेस ले एक मछड़ीआ टुकड़ा दैआ, और तिनी स खाया।

![](https://cdn.door43.org/obs/jpg/360px/obs-en-42-07.jpg)

यीशुए बोला, “मेरै बारै दे जुण किछ भी परमेश्वरा बचन बोलो स होयेकेरे रौहंणा। मौं तुम्हा का बोले हेरा थिया तेसरा होणा जरुरी आसी।” तेखा यीशुए परमेश्वरा वचन तिन्हा का बढ़िया ढंगै केरे समझाया। तिनी बोला, “हैन पैहलै भविष्यदवक्तै लिखा थिया कि मूं, मसीहा दुःख उठाणा पड़णा, मरणा पड़णा और चितैहै धैड़ै मरैदै मेंझा का जिउंदा होणा।’’

![](https://cdn.door43.org/obs/jpg/360px/obs-en-42-08.jpg)

“तिन्है भविष्यदवक्तै एड़ा भी लिखादा थिया कि मेरै चेलै परमेश्वरै बचनै घोषणा करणे। तिन्हा सभी लोगा लै आपणै पापा का मन फिराणै कठै बोलणा। जै सिंयो एड़ा करुँग तै परमेश्वरा तिन्है पाप माफ़ करणै। मेरै चेलै एस संदेशा प्रचार यरुशलेम शहरा का शुरू करणा। तेखा त्तिन्हा सभी जैघा लै होर सभी जातै मेंझा लै जांणा। तुम्है सभ मेरी गलै होर कामै गवाह आसी जुण मौं बोला होर किया थिया, होर तेतै सभीयै भी जुण मूं सागे होआ।’’

![](https://cdn.door43.org/obs/jpg/360px/obs-en-42-09.jpg)

आगलै चाड़ी धैड़ै दे, यीशुए आपणै चेलै लै कई बारी दर्शन दैये। एकी बारी तो तिनी एकी ही समै दे पांजा शो का ज्यादा मंणछा लै दर्शन दैये! तिनी कई तरीकै केरे आपणै चेलै का दसा कि स जिउंदा थिया, होर तिनी तिन्हा लै परमेश्वरै राज्य बारै दे शिक्षा दैये।

![](https://cdn.door43.org/obs/jpg/360px/obs-en-42-10.jpg)

यीशुए आपणै चेलै का बोला, “परमेश्वरै मूलै स्वर्ग होर पृथ्वीए सभी मंणछा गैश राज करणैया हक दैयादा। एतिकठै हाँ एबै तुम्हा लै आज्ञा दैओ: जाओ सब जातीयै लोगा चेलै बणाओ। एड़ा करणै कठै, तुम्हा तिन्हा लै पिता, पुत्र और पवित्र आत्मै नाओंए केरे बपतिस्मा दैणा। जुण किछ मौं तुम्हा लै आज्ञा दैयीदी सिंयो सभ गला मनणी भी तुम्हा तिन्हा सभी लै शकैणी। याद डाया, मूं सदा तुम्हा सागे रौहंणा।’’

![](https://cdn.door43.org/obs/jpg/360px/obs-en-42-11.jpg)

यीशुए मरैदै मेंझा का जिउंदै होंणे का चाड़ी धैड़ै का बाद, तिनी आपणै चेलै का बोला, “जिंया तिक कि मेरा पिता तुम्हा लै सामर्थ नी दैओ तिंया तिक तुम्है यरूशलेम शहरा दे रुके रहो। तेस तुम्हा गैश पवित्र आत्मै भेजणै जरियै एड़ा करणा।” तेखा यीशु स्वर्गा ले नाठे गोआ, होर एकी बाद्ड़ै स तिन्ही नजरा का चोरे हेरा। स्वर्गा दे यीशु सभी चीजा गैश राज करणै लै परमेश्वरै दैहणी बाख बैठा।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23;प्रेरितों के काम 1:1-11 का एक बाइबलै  कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_42_128kbps.m4a

## 43. कलीसियै शुरुआत हो

https://openbiblestories.org/l/bfz-x-karsogi/story-43/

![](https://cdn.door43.org/obs/jpg/360px/obs-en-43-01.jpg)

यीशुए स्वर्गा लै वापस जांणै का बाद, चेलै येरुश्लेम शहरा दे ही रुकै जेड़ा कि यीशुए तिन्हा लै करणैया हुक्म दैयादा थिया। तिंदे विश्वासे लोग लगातार सागे पार्थना करणै लै कठै हो थियै।

![](https://cdn.door43.org/obs/jpg/360px/obs-en-43-02.jpg)

हर साल, फसह पर्व का पजाह धैड़ै का बाद, यहूदी लोग पिन्तेकुस्त नाओंआ एक ख़ास धैड़ा मनाओ थियै। पिन्तेकुस्त स समा थिया जिंया लोग कंणका लूंणनैया त्यौहार मनाओ थियै। सारी पृथ्वीयै यहूदी लोग पिन्तेकुस्तै धैड़ै मनाणे कठै यरुश्लेम शहरा लै आयै थिए। ऐस साल, पिन्तेकुस्त मनाणैया समा यीशुए स्वर्गा लै नाठे जाणै का करीब एकी हप्तै का बाद आ थिया।

![](https://cdn.door43.org/obs/jpg/360px/obs-en-43-03.jpg)

जस समै सभ बिश्वासी लोग कठै थियै, होर जस घौरै सिंयो थियै अचानक ही स तेज बागरियै आवाजा केरे भरुए गोआ। तिंया आगै लुपी सैंही शुजणै आड़ा किछ सभी विश्वासियै मुंडा गैश प्रकट होआ। सिंयो सब पवित्र आत्मा केरै भरुए गोए होर तिन्है अन्य भाषा दे परमेश्वरै स्तुते किये। सिंयो इन्हा भाषा नी जैणदी थियै। इंयो सिंयो भाषा थी जस बोलणै लै तिन्हा लै पवित्र आत्मै सामर्थ दैये थियै।

![](https://cdn.door43.org/obs/jpg/360px/obs-en-43-04.jpg)

जियां यरुश्लेम शहरा दे रौहंणै आड़ै मंणछै स हाला शुणा, तै सिंयो भीड़ै रूपा दे एड़ा हेरणै कठै सभ सागे आए कि ए किजै होंदा लागादा थिया। तिन्है विश्वासी लोग परमेश्वरै जरियै कियैदै बड़े- बड़े कामै घोषणा करदै शुणै। सिंयो हैरान थियै किलैकी भलै ही सिंयो लग-लग देशा का थियै होर कई लग-लग भाषा बोलो थियै सिंयो तिन्हा कामा आपणी ही भाषा दे शुणैया करो थिए। चेलै इस्राएला का थियै होर अरामी, इब्रानी, या यूनानी भाषा बोलो थियै, पर लोग आपणी आपणी मातृभाषा दे शुंणदै लागैदै थियै कि परमेश्वरै किजै-किजै कियादा।

![](https://cdn.door43.org/obs/jpg/360px/obs-en-43-05.jpg)

तिन्हा मेंझा का एखो लोगै बोला कि सिंयो चेलै नशै दे थियै। पर पतरस खड़ा होआ और तिन्हा का बोला, “मेरे गल शुणो! इंयो लोग नशै दे नी आथी! एतै बजाय, जुण तुम्है हेरदै लागैदै स सौही आसी जुण योयल भविष्यवदक्तै बोला थिया कि एड़ा होंणा: परमेश्वरै बोला, ‘अन्तै धैड़ै दे, मूं आपणा आत्मा दैणा।’”

![](https://cdn.door43.org/obs/jpg/360px/obs-en-43-06.jpg)

“ओ इस्राएली लोगो, यीशु एक एडा मंणछ थिया जुणी ए दसणै कठै कि स कुण थिया हैन सारै नोखै काम कियै थिए। तिनी परमेश्वरै सामर्थै केरै हैन सारै हैरानी आड़ै काम किये थियै। तुम्है ए सभ जैणौ भी, किलैकि थारै इंयो काम हेरैदै आसी। पर तुम्है स क्रूसा गैश चढाया!”

![](https://cdn.door43.org/obs/jpg/360px/obs-en-43-07.jpg)

“यीशु मरे गोआ पर परमेश्वरै स मरैदै मेंझा का जिउंदा किया। इनी स गल पूरै किये जुण एकी भविष्यदवक्तै लिखै थियै: ‘ता आपणा पवित्र मंणछ कब्रा दे शड़णै नी दैणी।’ हामै गवाह आसी कि परमेश्वरै यीशु भी का जिउंदा करे दैया।’’

![](https://cdn.door43.org/obs/jpg/360px/obs-en-43-08.jpg)

“परमेश्वर पितै ऐबै यीशु लै आपणै दैहणी बाख बशैड़ै केरे आदर दैआ। होर यीशुए म्हारै कठै पवित्र आत्मा भेजादा जेड़े कि तिनी प्रतिज्ञा किये थिये कि तेस भेजणा। पवित्र आत्मा ही तिन्हा कामा होंणे दैओ जुण तुम्है हेरैदै होर शुणदै लागैदै।’’

![](https://cdn.door43.org/obs/jpg/360px/obs-en-43-09.jpg)

तुम्है स मंणछ, यीशु क्रुसा दे चढ़ाया। पर सही तौरा दे तुम्है जैणे लौओ कि परमेश्वरै यीशु तिन्हा सभी चीजा गैश प्रभु होर मसीह दुए ठहरयादा आसी!’’

![](https://cdn.door43.org/obs/jpg/360px/obs-en-43-10.jpg)

पतरसै गला शुणणै आड़ै लोग तेसरै जरियै बोलीदी गला केरै भीथरै आत्मा तिक हीले गोए थिए। एतिकठै तिन्है पतरस होर चेलै का पूछा, “ओ भाईयो, हामा किजै करणा चाहिए?” " पतरसै तिन्हा लै जवाब दैआ, “तुम्हा मेंझा का सभ जैणै आपणै पापा मनो ताकि परमेश्वर थारै पाप माफ करो, होर यीशु मसीहै नाओंए केरै बपतिस्मा लौओ। तियां तेस तुम्हा लै वरदानै रूपा दे पवित्र आत्मा भी दैणा।’’ "

![](https://cdn.door43.org/obs/jpg/360px/obs-en-43-11.jpg)

पतरसै जुण बोला तेत गैश लगभग चन हजार मंणछै भरोसा किया होर यीशुए चेलै बणे गोए। तिन्है बपतिस्मा लौआ होर यरूशलेमै कलीसिया भाग बंणे गोए।

![](https://cdn.door43.org/obs/jpg/360px/obs-en-43-12.jpg)

जियां प्रेरितै तिन्हा लै शिक्षा दैये तै विश्वासियै लगातार शुणा। सिंयो हमेशा एकी दूजै सागे मिड़दै रहो थिए होर सागे खांणै लै खाओ थिए, होर तिन्है हमेशा एकी दूजै लै प्रार्थना किये। तिन्है मिले केरे परमेश्वरै स्तुते किये होर जुण किछ भी तिन्हा का थिया स तिन्है एकी दूजै सागे बांडा। नगरै सभ लोग तिन्है प्रति बढ़िया सोच डाओ थिए। हर धैडै, ज्यादै का ज्यादै लोग विश्वासी बणदै गोए।

*प्रेरितों के काम 2 का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_43_128kbps.m4a

## 44. पतरस होर यूहन्ना एकी भिखारी चंगा करो

https://openbiblestories.org/l/bfz-x-karsogi/story-44/

![](https://cdn.door43.org/obs/jpg/360px/obs-en-44-01.jpg)

एकी धैड़ै, पतरस होर यूहन्ना मंदरा लै डेयै। एक अपंग मंणछ चोराहै दे भीख मांगदा बैठादा थिया।

![](https://cdn.door43.org/obs/jpg/360px/obs-en-44-02.jpg)

पतरसै तेस लैंगड़ै मंणछा बाखा लै हेरा होर बोला, “मुखा तालै दैणै लै ढब्बै तो आथी नी। पर जुण किछ मुखा आसी स मूं तालै दैणा। यीशुयै नाओंए केरै, खड़ी होर हांड-फिर!”

![](https://cdn.door43.org/obs/jpg/360px/obs-en-44-03.jpg)

तिंया ही, परमेश्वरै स लैंगड़ा मंणछ ठीक करे दैया। तिनी ओरै -पोरै हांडणा होर छाड़ा लांणी, होर परमेश्वरै स्तुते करणे शुरू किये। मंदरै आंगना दे जुण लोग हाजर थियै सिंयो हैरान थियै।

![](https://cdn.door43.org/obs/jpg/360px/obs-en-44-04.jpg)

छेकै ही लोगै एक भीड़ तेस मंणछा हेरदै आयै जुण ठीक होआ थिया। पतरसै तिन्हा का बोला, “ए मंणछ ठीक आसी, पर ऐसा गला दे हैरान नी होई। हाँमै ए आपणी शक्ति केरै ठीक नी की, होर एतिकठै नी कि हाँमै परमेश्वरा आदर करो। बल्कि, ए यीशु आसी जुणी ए मंणछ आपणी शक्ति केरै ठीक किया, किलैकि हामें यीशु गैश विश्वाश करो।”

![](https://cdn.door43.org/obs/jpg/360px/obs-en-44-05.jpg)

“सिंयो तुम्है ही लोग आसी जुणी रोमी राज्यपाला लै यीशु मारणै लै बोला। तुम्है स मारे दैया जुण सभी लै जीवन दैयो। पर परमेश्वरै स मरैदै मेंझा का जिउंदा किया। तुम्है नी समझी कि तुम्है किजै करणा लायादा थिया, पर जियां तुम्है तिन्हा कामा करदै लागैदै थिए, तै जुण भविष्यदवक्तै बोला थिया स पूरा होआ। तिन्है बोला थिया कि मसीहा दुःख सहणा ओर मरे जांणा। परमेश्वरै ए एड़ेकेरे होंणे दैया। एतिकठै एबै, पश्चताप करो ओर परमेश्वरा बाखा लै फिरो, ताकि स थारै पापा धोए करे साफ़ करे दैयो।’’

![](https://cdn.door43.org/obs/jpg/360px/obs-en-44-06.jpg)

जियां मंदरै अगुवै पतरस होर यूहन्ना ए बोलदै शुणै, तै सिंयो हैन घबराये गोए। एतिक्ठै तिन्है सिंयो गिरफ्तार करेकेरे जेला दे पाए। पर जुण पतरसै बोला थिया तेत गैश हैन सारै लोगै भरोसा किया। यीशु गैश भरोसा करणै आड़ै संख्या बढे केरे लगभग 5000 होए गोए।

![](https://cdn.door43.org/obs/jpg/360px/obs-en-44-07.jpg)

आगलै धैडे, यहूदी अगुवै पतरस होर यूहन्ना मुख्य परोहता होर दूजै धार्मिक अगुवै गोलै आंणै। सिंयो तेस मंणछा लौयेकेरे भी आयै जुण अपंग थिया। तिन्है पतरस होर यूहन्ना का पूछा, “कस अधिकारा केरे तुम्है ए अपंग मंणछ ठीक किया?”

![](https://cdn.door43.org/obs/jpg/360px/obs-en-44-08.jpg)

पतरसै जवाब दैया, “ए मंणछ जुण थारै सामनै खडुआदा आसी ए यीशु मसीहै सामर्था केरे ठीक होआ। तुम्है यीशु क्रूसा दे चढाया, पर परमेश्वरै स भी का जिउंदा किया! तुम्है स नकारा, पर यीशुयै सामर्थै जरियै मुक्ति पाणेयां दूजा होर कोए पैंडा नी आथी!”

![](https://cdn.door43.org/obs/jpg/360px/obs-en-44-09.jpg)

सिंयो अगुवै हैन हैरान थियै कि पतरस होर यूह्न्नै बड़ी हिम्मतै केरे गला कि थी। तिन्है हेरा कि इंयो सिधै साधै होर अनपढ़ मंणछ थियै। पर तेखा तिन्हा लै याद आया कि इंयो मंणछ यीशु सागे रहो थियै। एतिकठै तिन्है तिन्हा का बोला, “हामा तुम्हा लै हैन ज्यादा सजा दैणै जै तुम्है एस यीशुए बारै दे लोगा लै कोइ होर संदेश दैया।” एड़ी हैन जी गला बोलणै का बाद, तिन्है पतरस होर यूहन्ना जांणे दैये।

*प्रेरितों के काम 3:1-4:22 का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_44_128kbps.m4a

## 45. स्तिफनुस और फिलिप्पुस

https://openbiblestories.org/l/bfz-x-karsogi/story-45/

![](https://cdn.door43.org/obs/jpg/360px/obs-en-45-01.jpg)

पैहलै मसीह अगुवै मेंझ स्तिफनुस नाओंआ एक मर्द थिया। सभ लोग तेसरा आदर करो थिये। पवित्र आत्मै तेसलै हैन सामर्थ होर अक्ल दैयेदे थिये। स्तिफनुसै हैन सारै चमत्कार कियै थियै। जियां तिनी यीशु गैश भरोसा करणै शिक्षा तिन्हा लै दैये तिंया हैन सारै लोगै तेस गैश विश्वाश किया।

![](https://cdn.door43.org/obs/jpg/360px/obs-en-45-02.jpg)

एकी धैड़ै, स्तिफनुस यीशुए बारै दे शिक्षा दैंदा लागादा थिया, होर एखो एड़ै यहूदी लोग आए जुणी यीशु गैश विश्वास नी की थिया होर तेस सागे बहस-बसाए करणे शुरू किये। सिंयो हैन गुस्सै होए, तै सिंयो धार्मिक अगुवै गोलै डेयै होर तेसरै बारै दे झूठ बोला। तिन्है बोला, “हाँमै स्तिफनुस मूसा होर परमेश्वरै बारै दे गलत गला बोलदा शुणा!” एतिकठै धार्मिक अगुवै स्तिफनुस गिरफ्तार किया होर स मुख्य परोहता गोलै होर यहूदियै होरी अगुवै गोलै आंणा। होर भी झूठै गवाह आयै होर तिन्है स्तिफनुसै बारै दे झूठ बोला।

![](https://cdn.door43.org/obs/jpg/360px/obs-en-45-03.jpg)

मुख्य परोहतै स्तिफनुसा का पूछा, “किजै इंयो लोग तेरै बारै दे सच बोलदै लागैदै?” स्तिफनुसै मुख्य परोहता लै जवाब दैणै कठै हैन गला बोलणी शुरू करे दैयी। तिनी बोला कि अब्राहमै समै का यीशुए समै तिक परमेश्वरै इस्राएली लोगै कठै हैन चमत्कारी काम कियै। पर लोगै सदा परमेश्वरै आज्ञा नी मनी। स्तिफनुसै बोला, “तुम्है लोग परमेश्वरै विरुद्ध हठी होर झगड़ा करणै आड़ै आसी। तुम्है सदा पवित्र आत्मा स्वीकार नी की, जैड़ा कि म्हारै पूर्वजै पवित्रात्मा सदा स्वीकार नी की थिए होर सदा तेसरै भविष्यवक्ता मारे दैये थिए। पर जुण तिन्है किया थिया तैती तुलना दे तुम्है होर भी हैन बुरा कियादा! तुम्है मसीह मारे दैया!”

![](https://cdn.door43.org/obs/jpg/360px/obs-en-45-04.jpg)

जिंया तिन्है धार्मिक अगुवै ए शुणा, तै सिंयो एतरै गुस्सै होए गोए कि तिन्है आपणै कान बंद करे लौए होर जोरै-जोरै चिल्लाए। तिन्है सित्फनुस रगड़े केरे नगरा का बाहरा लै निंया होर तेस मारणै कठै तेसलै पाथरै बाए।

![](https://cdn.door43.org/obs/jpg/360px/obs-en-45-05.jpg)

जिंया सित्फनुस मरदा लागादा थिया, स चिल्लाये उठा, “ओ यीशु, मेरी आत्मा ग्रहण कर!’’ तिंया स आपणै घुटनै बला दे पड़ा होर भी का चिल्लाये उठा, “ओ प्रभु, एस पापा तिन्हा गैश नी आंणी। तेखा स मरे गोआ।

![](https://cdn.door43.org/obs/jpg/360px/obs-en-45-06.jpg)

तेस धैड़ै, यरुश्लेम शहरा दे रौहंणै आड़ै हैन सारै लोगै यीशु मंनणै आड़ै लोगा लै कष्ट देणै शुरू करे दैयै एतिकठै विश्वासै लोग दूजी जगहा लै भागे गोए। पर एतै बावजूद भी, जिंदे किंदे भी सिंयो डेयै तिन्है यीशुए वचनै बारै दे प्रचार किया।

![](https://cdn.door43.org/obs/jpg/360px/obs-en-45-07.jpg)

फिलिप्पुस नांओआ यीशुआ एक बिश्वासी थिया। जेड़ा कि होरी हैन सारै विश्वासीयै किया था स भी यरुश्लेम शहरा का भागे गोआ। स सामरिया नांओए जगहा लै नाठे गोआ। तिंदे तिनी लोगा मेंझ यीशुए बारै दे प्रचार किया। हैन सारै लोगै परमेश्वरा गैश भरोसा किया होर मुक्ते पाये। एकी धैड़ै, फिलिप्पुसा गोलै परमेश्वरा बाखा एक स्वर्गदूत आया होर तेसलै बौंणा लै जांणै कठै होर सड़का दे हांडणै कठै बोला। फिलिप्पुस तिंदा लै नाठे गोआ। जिंया स तैसा सड़का दे हांडदा लागादा थिया, तै तिनी आपणै रथा दे एक आदमे आपणै रथा दे जांदा हेरा। ए मंणछ कूश देशा एक ख़ास अधिकारे थिया। पवित्र आत्मै फिलिप्पुसा का बोला कि जायेकेरे तेस मंणछा सागे–सागे चाल होर तेस सागे गला कर।

![](https://cdn.door43.org/obs/jpg/360px/obs-en-45-08.jpg)

एतिकठै फिलिप्पुस रथा गोलै डेया। तिनी शुणा कि स कूश देशा आदमे परमेश्वरा बचन पढ़दा लागादा थिया। जुण यशायाह भविष्यदवक्तै लिखादा थिया स तेस पढ़दा लागादा थिया। स पढ़दा लागादा थिया, “तिन्है स बध करणै आड़ी छेलु सैंही निंया, होर जेड़ा एक छेलो शांत हो, तिनी एक शब्द भी नी बोली। तिन्है तेस सागे गलत व्यवहार किया होर तेसरा आदर नी की। तिन्है तेसरै प्राण लौए।’’

![](https://cdn.door43.org/obs/jpg/360px/obs-en-45-09.jpg)

फिलिप्पुसै तेस कूश देशै लोगा का पूछा, “जुण तू पढ़दा लागादा किजै तू तेस समझो भी?’’ तिनी कूश देशै लोगै जबाब दैया, “नही। जिंया तिक कोए मूखा एस नी समझाओ, तिंया तिक हाँ एस समझे नी सकदा। दया करेकेरे मूं गो आछेकेरे बैठ। यशायाह ए आपणै बारै दे लिखदा लागादा थिया या कस होरियै बारै दे?’’

![](https://cdn.door43.org/obs/jpg/360px/obs-en-45-10.jpg)

फिलिप्पुस रथा दे चढे केरे बैठे गोआ। तिंया तिनी तेस कूश देशै लोगा लै ए दसा जुण यशायाहै यीशुए बारै दे लिखादा था। फिलिप्पुसै परमेश्वरै वचनै हैन सारै होरी भागै भी चर्चा किये। एड़ै केरे, तिनी तेस आदमी लै यीशुए बारै दे शुभ संदेश शुणाया होर तिनी आदमियै यीशु गैश भरोसा किया।

![](https://cdn.door43.org/obs/jpg/360px/obs-en-45-11.jpg)

फिलिप्पुस होर स कूश देशा लोग आछदी बारी पांणी गो लै आयै। तिनी कूश देशै लोगै बोला, “हेर इंदे पांणे आसी! किजै हाँ बपतिस्मा लौए सको?’’ होर तिनी सारथी लै रथ रोकणै लै बोला।

![](https://cdn.door43.org/obs/jpg/360px/obs-en-45-12.jpg)

तै सिंयो पांणी मेंझा लै डेयै, होर फिलिप्पुसै तेस कूशी लोगा लै बपतिस्मा दैया। जिंया सिंयो पाणी का बाहरा लै आयै, तिंया पवित्रात्मै अचानक ही फिलिप्पुस चकेकेरे कस होरी जगहा लै निंया। तिंदे फिलिप्पुसै लोगा लै यीशुए बारै दे बोलणा जारी डा।

![](https://cdn.door43.org/obs/jpg/360px/obs-en-45-13.jpg)

स कूश देशा आदमे आपणै घौरै यात्रा दे आगो बड़े गोआ। स ख़ुशी थिया कि स एबै यीशुए बारै दे जैणो थिया।

*प्रेरितों के काम 6:8-8:5; 8:26-40 का एक बाइबलै  कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_45_128kbps.m4a

## 46. पौलुस मसीहा विश्वासे बंणे जाओ

https://openbiblestories.org/l/bfz-x-karsogi/story-46/

![](https://cdn.door43.org/obs/jpg/360px/obs-en-46-01.jpg)

शाऊल नांओआ एक आदमें थिया जुणी यीशु गैश भरोसा नी की थिया। जिंया स जवान थिया, तिंया तिनी सित्फनुसा मारणै आड़ै लोगै झिकड़ैया पौहरा किया थिया। बादा का, तिनी विश्वासे लोग तड़फायै थिये। तिनी यरुशलैम शहरा दे घौरै-घौरै जायेकेरे मर्द होर बेटड़ी दुए गिरफ्तार करेकेरे जेला दे पायै थियै। तिंया मुख्य परोहतै शाउला लै दमिश्क नगरा दे जांणै जाजत दैये। तिनी तिंदे मसीह लोगा लै गिरफ्तार करणै लै होर तिन्हा वापस यरुश्लेम शहरा लै आड़णै कठै शाउला का बोला।

![](https://cdn.door43.org/obs/jpg/360px/obs-en-46-02.jpg)

तै शाऊलै दमिश्क नगरा लै जांणै यात्रा शुरू किये। तेस नगरा दे पुज्जणै का थोड़ै पैहलै, तेस चउ बाखा सर्गा का एक चमकीला प्रैशा चमका, होर स जमीना गैश पड़ा। शाऊलै कोए बोलदा शुंणा, “ओ शाउल! ओ शाउल! तू मूलै किलै दुःख दैयो?’’ शाउलै पूछा, “ओ प्रभुआ तू कुण आसी?’’ यीशुए तेसलै जबाब दैया, “हाँ यीशु आसी। तू मूलै दुःख दैंदा लागादा!’’

![](https://cdn.door43.org/obs/jpg/360px/obs-en-46-03.jpg)

जिंया शाउल उठा तै स हेरे नी सकदा थिया। तेसरै साथीये स दमिशक नगरा लै निंया थिया। शाऊलै चन धैड़ै तिक किछ भी खाया होर पीया नी थी।

![](https://cdn.door43.org/obs/jpg/360px/obs-en-46-04.jpg)

द्मिश्का दे हनन्याह नांओआ एक चेला थिया। परमेश्वरै तेसका बोला, “तेस घौरा लै जा जिंदे शाउल ठहरदा। आपणै हाथा तेस गैश डा ताकि स भी का हेरदा लागो।’’ पर हनन्याहै बोला, ओ प्रभु, मौं शुंणादा कि इन्ही आदमियै बिश्वासी लै केड़ै कष्ट देयैदै।’’ परमेश्वरै तेसलै जबाब दैया, “जा! मौं स यहूदी लोगै होर दूजी जातै लोगा मेंझ मेरै नांओआ एलान करणै कठै चुनादा। तेस मेरे नांओए कठै हैन कष्ट झेलणै।’’

![](https://cdn.door43.org/obs/jpg/360px/obs-en-46-05.jpg)

तै हनन्याह शाउला गो लै डेया, आपणै हाथ तेस गैश डायै, होर बोला, “यीशुए, जुण इंदा लै आछदी बारी ता गैश प्रकट होआ थिया, तिनी हाँ ता गो लै भेजादा ताकि तू भी का हेरदा लागो, होर पवित्रात्मा ता भरे दैओ।’’ तिंया ही शाउल हेरणै लायक होए गोआ, होर हनन्याह तेसलै बपतिस्मा दैया। तेखा शाउलै खांणै लै खाए होर भी का बलवान होए गोआ।

![](https://cdn.door43.org/obs/jpg/360px/obs-en-46-06.jpg)

तिंया का, शाउलै दमिश्क नगरा दे रौंहणैआड़ै यहूदी लोगा मेंझ प्रचार करणा शुरू किया। तिनी बोला, “यीशु ही परमेश्वरा शोरो आसी!’’ यहूदी लोग हैरान थिए, किलैकि शाउलै तो विश्वासी लोगा मारणै कोशिश किये थिये, पर एबै तिनी यीशु गैश विश्वास किया थिया। शाउलै यहूदी लोगा सागे वाद-विवाद किया, तिनी दसा कि यीशु ही मसीह आसी।

![](https://cdn.door43.org/obs/jpg/360px/obs-en-46-07.jpg)

हैन धैड़ै का बाद, यहूदी लोगै शाऊला मारणै तरकीब बणाए। तिन्है तेस मारणै कठै नगरै दरवाजै गोलै लोग भेजै। कि तेसरे पौहरेदारे करो पर शाउलै तैसा योजनै बारे दे शुंणे हेरा, होर तेसरै साथियै बचेकेरे निकड़णै दे तेसरे मदद किये। एकी रैचे तिन्है स छाबड़ै दे बशैड़े केरे नगरै दीवारा का उंदै उतारे दैया। द्मिश्क नगरा का बचेकेरे निकड़णै का बाद शाउलै यीशुए बारै दे प्रचार करणा जारी डा।

![](https://cdn.door43.org/obs/jpg/360px/obs-en-46-08.jpg)

शाउल प्रेरिता सागे मिड़दा यरुश्लेम शहरा लै डेया, पर सिंयो तेसका डरो थिये। तिंया बरनबास नांओए एकी विश्वासियै शाउल प्रेरिता गोलै निंया। तिनी तिन्हा का दसा कि शाउलै केड़ेकेरे नड्डर होयेकेरे द्मिश्क नगरा दे प्रचार किया था। तेताका बाद, प्रेरितै शाऊल अपनाए लौआ।

![](https://cdn.door43.org/obs/jpg/360px/obs-en-46-09.jpg)

एखो विशवासै जुण यरूशलेमै सतावा का भागे गोए थिए सिंयो दूर अंताकिया कस्बै लै डे गोए थियै होर यीशुए बारै दे प्रचार करो थियै। अंताकिया दे रौंहणैआड़ै लोग ज्यादातर यहूदी नी थी, पर पैहली बार, तिन्हा मेंझा का हैन सारै लोग विश्वासी बंणे गोए। बरनबास होर शाउल इन्हा नौंए विश्वासी लै यीशुए बारै दे होर ज्यादा शकेणै कठै तिन्दा लै डेयै होर कलीसियै लोग मजबूत कियै। यीशु गैश भरोसा करणै आड़ै पैहली बारी अंताकिया कस्बै दे ही “मसीह’’ कहलायै।

![](https://cdn.door43.org/obs/jpg/360px/obs-en-46-10.jpg)

एकी धैड़ै, अंताकिया कस्बै मसीह लोग ब्रता सागे प्रार्थना करदै लागैदै थिये। पवित्र आत्मै तिन्हा का बोला, “मेरै कठै बरनबास होर शाऊला तेस कामा करणै कठै लग करे दैओ जस करणै कठै मौं सिंयो शादैदै।’’ एतिकठै अंताकियै कलीसियै बरनबास होर शाऊलै कठै प्रार्थना किये होर तिन्हा गैश आपणै हाथ डायै। तिंया तिन्है सिंयो होरी हैन सारी जगहा दे यीशुए बारै दे शुभ संदेशा प्रचार करणै कठै भेजै। बरनबास होर शाऊलै लग-लग जातै लोगा लै शिक्षा दैये, होर हैन सारै लोगै यीशु गैश भरोसा किया।

*प्रेरितों के काम 8:3; 9:1-31; 11:19-26; 13:1-3 का एक बाईबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_46_128kbps.m4a

## 47. फिलिप्पी शहरा दे पौलुस होर सीलास

https://openbiblestories.org/l/bfz-x-karsogi/story-47/

![](https://cdn.door43.org/obs/jpg/360px/obs-en-47-01.jpg)

जिंया शाऊलै पूरै रोमी सम्राज्य दे यात्रा किये तै तिनी आपणा रोमी नांओ “पौलुस” इस्तेमाल करणा शुरू करे दैया। एकी धैड़ै, पौलुस होर तेसरा साथे सीलास फिलिप्पी शहरा दे यीशुए बारै दे शुभ संदेश शुणांणै कठै डेयै। सिंयो नगरा का बाहरे दरैयोए कनारे दे एकी जगहा लै डेयै जिंदे लोग प्रार्थना करणै लै कठै होए थिए। तिंदे सिंयो लुदिया नांओए एकी बेटड़ी सागे मिलै जुण एक व्यपारे थिए। स परमेश्वरा सागे प्यार करो थिये होर तेसरे आराधना करो थिए।

![](https://cdn.door43.org/obs/jpg/360px/obs-en-47-02.jpg)

परमेश्वरै स बेटड़े लुदिया यीशुए बारै दे संदेशा गैश भरोसा करणै लै तैयार किये। पौलुस होर सीलासै तैसा लै होर तैसै टबरा लै बपतिस्मा दैया। तैसै पौलुस होर सीलासा लै आपणै घोरै रुकणेया छांदा किया, एतिकठै सिंयो तिंदे रुके गोए।

![](https://cdn.door43.org/obs/jpg/360px/obs-en-47-03.jpg)

पौलुस होर सीलास लोगा सागे बार-बार तैसा जगहा दे मिड़ो थिए जिंदे यहूदी लोग प्रार्थना किया करो थिए। धैड़ जिंया सिंयो तिंदा लै जाओ थिए तै एक दासीये शोरे जुण दुष्टात्मै काबू दे थिए तिन्हा पीछा करो थिए। एसा दुष्टात्मै मददै केरे स लोगा लै तिन्हा भविष्य दसो थिए, एतिकठै स भविष्य दसणै केरे आपणै स्वामीए कठै हैन धन कमाया करो थिये।

![](https://cdn.door43.org/obs/jpg/360px/obs-en-47-04.jpg)

तिन्है जांदे समै ए दासे शोरे राड़ा लाओ थिए, “इंयो मर्द परम प्रधान परमेश्वरै सेवक आसी। इंयो तुम्हा लै मुक्ति पांणैया पैंडा दसदै लागैदै!’’ स धैड़ एड़ा करो थिये जेतकेरे पौलुस तंग होए गोआ।

![](https://cdn.door43.org/obs/jpg/360px/obs-en-47-05.jpg)

अंता दे, एकी धैड़ै जिंया तैसै दासी शोरियै राड़ना शुरू किया, तै पौलुसै तैसा बाखा लै मुंह करेकेरे तैसा भीतरै दुष्टात्मा का बोला, “यीशुए नांओए केरे एसा मेंझा का निकड़े जा।’’ तैस ही समै तैसै दुष्टात्मै स छाडे दैये।

![](https://cdn.door43.org/obs/jpg/360px/obs-en-47-06.jpg)

तैसा दासी शोरियै स्वामें हैन गुस्सै होए गोए। तिन्है जैणे लौआ कि तैसा दुष्टात्मै बगैर स दासे शोरे लोगा लै भविषय नी दसे सकदे थिए। एता मतलव था कि लोगा एबै तैसै स्वामी लै ढब्बै नी दैणी कि स तिन्हा लै भविष्य दसो की तिन्हा सागे किजै होंणा।

![](https://cdn.door43.org/obs/jpg/360px/obs-en-47-07.jpg)

एतिकठै तैसा दासी शोरियै स्वामीए पौलुस होर सीलास रोमी अधिकारी गोलै निंयै। तिन्है पौलुस होर सिलास जिक्कै, होर तेखा सिंयो जेला दे पाये दैये।

![](https://cdn.door43.org/obs/jpg/360px/obs-en-47-08.jpg)

तिन्है पौलुस होर सीलास जेलै एड़ै हिस्सै दे डायै जिंदे सभी का ज्यादै सपाहै थियै। इंदा तिक कि तिन्है तिन्है पैर काठै बड़े टुकड़ै दे जोड़े दैये। पर पौलुस होर सीलास आधी रैचै समै, परमेश्वरै स्तुतियै गांणै गांदै लागैदै थिए।

![](https://cdn.door43.org/obs/jpg/360px/obs-en-47-09.jpg)

अचानक ही, एक डरावने जाजरे होये! जेलै सारै दरवाजै खुले गोए, होर सारै कैदी जंजीरा खुलेकेरे पड़े गोइ।

![](https://cdn.door43.org/obs/jpg/360px/obs-en-47-10.jpg)

तिंया दरोगा खड़ुए गोआ। तिनी हेरा कि जेलै दरवाजै खुलैदै थिए। तिनी सोचा कि सारै कैदे बचेकेरे भागे गोए थिए। स डरे गोआ कि तिन्है भागणै बजहा का रोमी अधिकारी स मारे डांणा, एतिकठै स आपु लै मारणै कठै तैयार होए गोआ! पर पौलुस तेस हेरेकेरे चिल्लाया, “रुके जा! आपु लै नुक्सान नी पजैड़ी। हाँमै सब इथी आसी।’’

![](https://cdn.door43.org/obs/jpg/360px/obs-en-47-11.jpg)

तिनी दरोगै कामब्दी पौलुस होर सीलासा गो लै आछेकेरे पूछा, “मुक्ति पांणै कठै हाँ किजै करु?’’ पौलुसै जबाब दैया, “प्रभु यीशु गैश भरोसा कर, तै ता होर तेरै टबरा मुक्ते पांणे।’’ तिंया तिनी दरोगै पौलुस होर सीलास आपणै घौरा लै निंयै होर तिन्है घाव धोयै। पौलुसै तेसरै घोरै सभी टबरा लै यीशुए बारै दे शुभ संदेश शुणाया।

![](https://cdn.door43.org/obs/jpg/360px/obs-en-47-12.jpg)

दरोगै होर तेसरै परिवारै यीशु गैश भरोसा किया, एतिकठै पौलुस होर सीलासै तिन्हा लै बपतिस्मा दैया। तिंया दरोगै पौलुस होर सीलासा लै खांणे लै खैये, होर सिंयो सागे ख़ुशी होए।

![](https://cdn.door43.org/obs/jpg/360px/obs-en-47-13.jpg)

आगलै धैड़ै नगरै अगुवै पौलुस होर सीलास जेला का आजाद कियै होर फ़िलिप्पी शहरा का नाठे जांणै लै बोला। पौलुस होर सीलास लुदिया होर एखो होरी साथी सागे मिड़ै होर तेताका बाद नगरा का निकड़े गोए। यीशुए बारै दे शुभ संदेश फैलदा गोआ, होर कलीसिया बड़दे गोए।

![](https://cdn.door43.org/obs/jpg/360px/obs-en-47-14.jpg)

पौलुस होर बाकी मसीह अगुवै हैन सारै नगरै यात्रा किये। तिन्है लोगा लै यीशुए बारै दे शुभ संदेश शुणाया। तिन्है कलीसियै विश्वासी लै बढ़ावा दैणै होर शिक्षा दैणै कठै कई चिठ्ठी लिखी। एता मेंझा का एखो चिठ्ठी बाइबलै कताबा बंणे गोई।

*प्रेरितों के काम 16:11-40 का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_47_128kbps.m4a

## 48. यीशु ही प्रतिज्ञा कियादा मसीह आसी

https://openbiblestories.org/l/bfz-x-karsogi/story-48/

![](https://cdn.door43.org/obs/jpg/360px/obs-en-48-01.jpg)

जिंया परमेश्वरै दुनिया बंणाए तै सब किछ हैन बांका थिया। कोए पाप नी थी। आदम होर हवा एकी दूजै सागे प्रेम करो थिये, होर सिंयो परमेश्वरा सागे प्रेम करो थिये। कोए बमारे होर मौत नी थी। परमेश्वर एड़े ही दुनिया चाहो थिया।

![](https://cdn.door43.org/obs/jpg/360px/obs-en-48-02.jpg)

शैतानै किड़ै जरियै बगीचै दे हवा सागे गला की, किलैकि स तैसा लै धोखा दैणा चाहो थिया। तिंया हवा होर आदमै परमेश्वरै खिलाफ पाप किया थिया। किलैकि तिन्है पाप किया था एतिकठै संसारा दे रौंहणै आड़ै सब मंणछ मरो।

![](https://cdn.door43.org/obs/jpg/360px/obs-en-48-03.jpg)

किलैकि आदम होर हवै पाप किया था, एतिकठै किछ होर बुरा भी होआ। सिंयो परमेश्वरै दुश्मन बंणे गोए। जेतै परिणाम-स्वरूप, तिंया का हर एकी मंणछै पाप कियादा। हर एक मंणछै जन्मा का ही पाप कियादा। हर एक मंणछ जन्मा का ही परमेश्वरा दुश्मन आसी। परमेश्वर होर लोगा मेंझ शांते नी थी। पर परमेश्वर शान्तिए स्थापना करणा चाहो थिया।

![](https://cdn.door43.org/obs/jpg/360px/obs-en-48-04.jpg)

परमेश्वरै प्रतिज्ञा किये कि हवै एकी बंशजा शैताना मुंड झेचणा। तिनी ए भी बोला कि शैताना तेसरे घुंडे डसणे। दूजै शब्दा दे, शैताना मसीह मारणा, पर परमेश्वरा स भी का जिउंदा करे दैणा। एतका बाद, मसीहा शैतानै शक्ते सदा लै खत्म करे दैणे। कई साला का बाद, परमेश्वरै प्रकट किया कि स मसीह यीशु आसी।

![](https://cdn.door43.org/obs/jpg/360px/obs-en-48-05.jpg)

परमेश्वरै नूहा लै एक जहाज बंणाणै कठै बोला ताकि स तैसा प्रलय का आपणै परिवारा बचाये सको जस परमेश्वर भेजणै आड़ा थिया। कि एहड़े केरे परमेश्वरै सिंयो लोग बचाए जुण तेस गैश भरोसा करो थिये। एड़केरे, सिंयो सब के सब परमेश्वरै जरियै मारे डांणै लायक थिये किलैकि तिन्है पाप किया था। पर परमेश्वरै तिन्हा सभी बचाणै कठै यीशु भेजा जुण तेस गैश भरोसा करो।

![](https://cdn.door43.org/obs/jpg/360px/obs-en-48-06.jpg)

कई शो साला तिक, परोहत परमेश्वरा लै बलिदान चढ़ांदै रौहै। ए दसो कि मंणछै पाप किया, होर ए कि सिंयो परमेश्वरै जरियै सजा दैणै लायक थिये। पर सिंयो बलिदान तिन्है पाप माफ़ नी करे सको थियै। यीशु सभी का बड़ा मुख्य परोहत आसी। तिनी स किया जुण कोए भी परोहत नी करे सकदा थिया। तिनी सिर्फ बलिदान होंणै कठै आपणे बले दैये जुण हर कसियै पाप मिटाए सको थिया। तिनी मनै लोआ किया कि परमेश्वर तिन्हा सभीयै पापा कठै तेसलै सजा दैयो, एती बजहा का, यीशु सिद्ध मुख्य परोहत थिया।

![](https://cdn.door43.org/obs/jpg/360px/obs-en-48-07.jpg)

परमेश्वरै अब्राह्मा का बोला, “मूं तेरै जरियै संसारै सभी कुलै लोगा लै आशीष दैणे।’’ यीशु एस ही अब्राह्मा बंशज थिया। परमेश्वर अब्राहमै जरियै सभी कुलै लोगा लै आशीष दैओ, किलैकि जुण यीशु गैश भरोसा डाओ परमेश्वर तिन्हा सभी पापा का बचाओ। जिंया इंयो मंणछ यीशु गैश भरोसा करो, तै परमेश्वर तिन्हा अब्राह्मा बंशज मनो।

![](https://cdn.door43.org/obs/jpg/360px/obs-en-48-08.jpg)

परमेश्वरै अब्राह्मा का बोला कि स आपणा एकलौता शोरो, तेसरै कठै बलिदान करे दैयो। पर तेखा परमेश्वरै इसहाकै बदलै दे बली करणै कठै एक छेलो दैया। हांमै सब आपणै पापै कठै मारे डांणै लायक थिए! पर परमेश्वरै म्हारी जगहा दे मरणै कठै यीशु बलिदानै रूपा दे दैया। एती बजहा का ही हाँमै यीशु लै परमेश्वरा छेलो बोलो।

![](https://cdn.door43.org/obs/jpg/360px/obs-en-48-09.jpg)

जिंया परमेश्वरै मिस्र देशा गैश आखरी मुसीबत भेजे तै तिनी हर एक इस्राएली परिवारा का बोला कि सिंयो एकी छेलुए बले करो। तेस छेलू दे कोए दोष नी होंणा चाहिए, तै तिन्हा आपणै दरवाजै चौखटा गैश होर कनारे दे तेसरा खून लांणा थिया। जिंया परमेश्वरै स खून हेरा तै स तिन्है घौरा का आगो बड़े गोआ होर तिन्है पैहलकै शोरो नी मारी। जिंया स हुआ तै परमेश्वरै तेता लै फसह पर्व बोला।

![](https://cdn.door43.org/obs/jpg/360px/obs-en-48-10.jpg)

यीशु फसह पर्वे एकी छेलू सैंही आसी। तिनी कबै भी पाप नी की, एतिकठै तेसदै किछ भी गलत नी थी। स फसह पर्वे समै दे मरा। जिंया कोए यीशु गैश भरोसा करो, तिंया यीशुआ खून तेस मंणछै गुनाहे कीमत चुकाओ। ए एड़ा आसी जेड़ा कि परमेश्वर तेस मंणछा का आगो बड़े गोआ, किलैकि स तेसलै सजा नी दैंदी।

![](https://cdn.door43.org/obs/jpg/360px/obs-en-48-11.jpg)

परमेश्वरै इस्राएली लोगा सागे एक वाचा बैने, किलैकि सिंयो एड़ै लोग थिए जुण परमेश्वरै आपणै होंणै कठै चुनैदै थिए। पर एबै परमेश्वरै एक एड़ै वाचा बैने जुण सभी लै आसी। जै कसी भी जाता कोए भी मंणछ एसा नौंइ वाचा अपनाओ, तै स परमेश्वरै लोगा मेंझ शामिल होए जाओ। स एड़ा एतिकठै करो किलैकि स यीशु गैश भरोसा डाओ।

![](https://cdn.door43.org/obs/jpg/360px/obs-en-48-12.jpg)

मूसा एक एड़ा भविष्यवक्ता थिया जुणी परमेश्वरा बचन बड़ी सामर्था सागे प्रचार किया थिया। पर यीशु सभी भविष्यवदकतै मेंझ सभी का बड़ा आसी। स परमेश्वर आसी, एतिकठै जुण किछ भी तिनी किया होर बोला सिंयो परमेश्वरै काम होर बचन थिये। एतिकठै पवित्र–शास्त्र यीशु लै परमेश्वरा बचन बोलो।

![](https://cdn.door43.org/obs/jpg/360px/obs-en-48-13.jpg)

परमेश्वरै राजा दाउदा का प्रतिज्ञा किये थे कि राजै रूपा दे तेसरा एक बंशज परमेश्वरै लोगा गैश हमेशा राज करणा। यीशु परमेश्वरा शोरो होर मसीह आसी, एतिकठै स राजा दाउदा बंशज आसी जुण हमेशा लै राज करे सको।

![](https://cdn.door43.org/obs/jpg/360px/obs-en-48-14.jpg)

दाउद तो इस्राएला राजा थिया, पर यीशु सारै संसारा राजा आसी! स भी का आछणा होर हमेशा लै न्याय होर शान्ति सागे आपणै राज्य गैश शासन करणा।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_48_128kbps.m4a

## 49. परमेश्वरै नौंए वाचा

https://openbiblestories.org/l/bfz-x-karsogi/story-49/

![](https://cdn.door43.org/obs/jpg/360px/obs-en-49-01.jpg)

एकी स्वर्गदूतै एकी जवान बेटड़ी मरीयमा का बोला कि तैसा परमेश्वरै शोरु लै जन्म दैणा। स अजी कुंवारे थिये, पर पवित्र आत्मा तैसा गैश उतरा होर स गुर्भणे होए। तैसै एकी शोरु लै जन्म दैया जसरा नांओ तैसै यीशु डा। एतिकठै, यीशु परमेश्वर होर मंणछ दुए आसी।

![](https://cdn.door43.org/obs/jpg/360px/obs-en-49-02.jpg)

यीशुए हैन सारै चमत्कार कियै जुण दसो कि स परमेश्वर आसी। स पांणी गैश हांडा होर बागर भांण शांत किया। तिनी हैन सारै बमार लोग ठीक कियै होर हैन सारै लोगा का दुष्टात्मा काडी। तिनी मरैदै लोग जिउंदै करे दैये, होर तिनी पांज रोटी दुए माछली पांज हजार लोगा लै खेंणै कठै खांणै दे बदले दैयी।

![](https://cdn.door43.org/obs/jpg/360px/obs-en-49-03.jpg)

यीशु एक महान शिक्षक भी थिया। जुण किछ भी तिनी शकेया, स तिनी सिद्ध तरीकै केरे शकेया। जुण स लोगा का करणै लै बोलो स तिन्हा करणा चाहिए किलैकि स परमेश्वरा शोरो आसी। जेड़ा कि, तिनी शकेया तुम्हा लै दूजै लोगा लै तैसा ही रिती केरे प्रेम करणै जरूरत आसी जेड़ा तुम्है आपु सागे प्रेम करो।

![](https://cdn.door43.org/obs/jpg/360px/obs-en-49-04.jpg)

तिनी एड़ा भी श्केया कि तुम्हा सभी चिजा का ज्यादा होर आपणी जायदादा का ज्यादा परमेश्वरा सागे प्रेम डांणा चाहिए।

![](https://cdn.door43.org/obs/jpg/360px/obs-en-49-05.jpg)

यीशुए बोला कि संसारा दे कसी भी चिजा पांणै का ज्यादा बांका आसी परमेश्वरै राज्य दे होंणा। तेसरै राज्य दे थारा प्रवेश करणै लै जरूरी आसी कि परमेश्वर तुम्हा थारै पापा का बचाओ।

![](https://cdn.door43.org/obs/jpg/360px/obs-en-49-06.jpg)

यीशुए बोला कि एखो लोगा स अपनांणा। परमेश्वरा सिंयो लोग बचांणै। पर दूजै लोगा स नी अपनांणी। तिनी ए भी बोला कि एखो लोग बांकी जमीना सैंही आसी, किलैकि सिंयो यीशुए बारै दे शुभ संदेशा अपनाए लौओ, होर परमेश्वर तिन्हा बचाओ। पर एखो लोग पैंडै बंजर जमीना सैंही आसी, परमेश्वरा बचन बेजै सैंही पैंडै दे पड़ो, पर तिंदे किछ भी नी जमदी। इन्है लोगै यीशुआ शुभ संदेश नी अपनायी। सिंयो तेसरै राज्य दे आछणै कठै ना करो।

![](https://cdn.door43.org/obs/jpg/360px/obs-en-49-07.jpg)

यीशुए श्केया कि परमेश्वर पापी सागे हैन प्यार करो। स तिन्हा माफ़ करणा चाहो होर तिन्हा आपणै शोरो बनाणा चाहो।

![](https://cdn.door43.org/obs/jpg/360px/obs-en-49-08.jpg)

यीशुए ए भी दसा कि परमेश्वर पापा सागे नफरत करो। किलैकि आदम होर हवै पाप किया, एतिकठै तिन्है सारै बंशजै भी पाप किया। एस संसारा दे रौंहणै आड़ै सब मंणछ पाप करो होर परमेश्वरा का दूर आसी। सब मंणछ परमेश्वरै दुश्मन आसी।

![](https://cdn.door43.org/obs/jpg/360px/obs-en-49-09.jpg)

पर परमेश्वरै एस संसारा दे रौंहणै आड़ै हर एक मंणछा सागे एसा रीती केरे प्यार किया: तिनी आपणा एकलौता शोरो दैया ताकि परमेश्वर तिन्हा लै सजा नी दैयो जुण तेस गैश भरोसा करो। एतै बजाय, तिन्हा तेस सागे सदा रौहणा।

![](https://cdn.door43.org/obs/jpg/360px/obs-en-49-10.jpg)

तुम्है मरणै लायक आसी, किलैकि तुम्है पाप कियादा। परमेश्वरा लै ए सही होंणा कि स तुम्हा लै सजा दैयो, पर यीशुए म्हारी जगहा दे पापै सजा आपु गैश लौये। तिनी यीशु लै क्रूसै मौत दैयेकेरे सजा दैयै।

![](https://cdn.door43.org/obs/jpg/360px/obs-en-49-11.jpg)

यीशुए कबै भी पाप नी की, पर तिनी पापै सजा अपनायै कियै, इंदा तिक कि सभीका डरावनै मौतै सजा अपनायै एसा रीति केरे, थारै पाप होर एस संसारा दे रौहणै आड़ै हर एक मंणछै पाप चकणै कठै एक सिद्ध बलिदान थिया। यीशुए परमेश्वरै कठै आपणा बलिदान दैया, एतिकठै परमेश्वर तिन्हा लोगै कसी भी पापा, इंदा तिक कि डरावनै पाप भी माफ़ करो, जुण यीशु गैश बिश्वास डाओ।

![](https://cdn.door43.org/obs/jpg/360px/obs-en-49-12.jpg)

भले ही चाहे तुम्है हैन सारै बांकै काम करो, तै एतै जरियै परमेश्वरा तुम्है नी बचाणी। तेसरा साथे बणणै कठै एड़ा किछ भी नी आथी जुण तुम्है करे सको। एतै बजाए, तुम्हा विश्वास करणा चाहिए कि यीशु परमेश्वरा शोरो आसी, होर स थारै बदलै क्रूसा गैश मरे गोआ, होर ए भी कि परमेश्वरै यीशु मरैदै मेंझा का भी का जिउंदा करे दैया। जै तुम्है एत गैश भरोसा करो, तै परमेश्वरा थारै पाप माफ़ करे दैणै।

![](https://cdn.door43.org/obs/jpg/360px/obs-en-49-13.jpg)

परमेश्वरा सिंयो सब मंणछ बचाणै जुण यीशु गैश भरोसा करो होर तेस आपणा प्रभो मंजूर करो। पर तेस सिंयो नी बचाणी जुण तेस गैश भरोसा नी करदी। एता कोए मतलब नी आथी कि तुम्है अमीर या गरीब आसी, मर्द या बेटड़े आसी, ठगड़ै या जवान, या तुम्है किंदे रहो। परमेश्वर तुम्हा सागे प्रेम करो होर चाहो कि तुम्है यीशु गैश भरोसा करो कि स थारा साथे बंणे सको।

![](https://cdn.door43.org/obs/jpg/360px/obs-en-49-14.jpg)

यीशु तुम्हा शाददा लागादा कि तेस गैश भरोसा करो होर बपतिस्मा लौओ। किजै तुम्है भरोसा करो कि परमेश्वरा एकलौता शोरो, यीशु मसीह आसी? किजै तुम्है भरोसा करो कि तुम्है एक पापी आसी होर ए कि तुम्है परमेश्वरै जरियै तुम्है सजै लायक आसी? किजै तुम्है भरोसा करो कि थारै पापा लै मिटाणै कठै यीशु क्रूसा गैश मरा?

![](https://cdn.door43.org/obs/jpg/360px/obs-en-49-15.jpg)

जै तुम्है यीशु गैश होर जुण तिनी थारै कठै कियादा भरोसा करो, होर तेस ग्रहण करो, तै तुम्है एक मसीह आसी! शैतान आपणै न्हैरै राज्य दे एबै तुम्हा गैश राज्य नी करदी। एबै परमेश्वर आपणै प्रैशै राज्य दै तुम्हा गैश राज करो। तिनी तुम्है पाप करणै का रोके दैयैदै, जुण तुम्है किया करो थिये। तिनी तुम्हा लै एक नौंआ, सही जीवन दैयादा आसी।

![](https://cdn.door43.org/obs/jpg/360px/obs-en-49-16.jpg)

जै तुम्है एक मसीह आसी तै जुण यीशुए कियादा तेती बजहा का यीशुए थारै पाप माफ कियैदै। एबै, परमेश्वर एक बैरीयै बजाए तुम्हा एक हैन करीबी साथे मनो।

![](https://cdn.door43.org/obs/jpg/360px/obs-en-49-17.jpg)

जै तुम्है परमेश्वरै साथे होर प्रभु यीशुए सेवक आसी तै तुम्हा तिन्हा गला पालन करणै इच्छा करणे जुण यीशु तुम्हा का श्केयो। भलै ही तुम्है एक मसीह आसी, शैताना एबै भी पाप करणै कठै थारे परीक्षा करणे। पर परमेश्वर सदा स करो जुण स बोलो कि तेस करणा। स बोलो कि जै तुम्है आपणै पाप मनै लौओ, तै तेस तुम्है माफ करे दैणै। तेस तुम्हा लै पापै खलाफ लड़णै हिम्मत दैणे।

![](https://cdn.door43.org/obs/jpg/360px/obs-en-49-18.jpg)

परमेश्वरा तुम्हा लै प्रार्थना करणै लै होर तेसरै बचना पढ़णै लै बोलो। स तुम्हा लै होरी बिश्वासी सागे मिलेकेरे तेसरी आराधना करणै लै भी बोलो। तुम्हा होरी लोगा का भी दसणा कि तिनी थारै कठै किजै कियादा। जै तुम्है इन्हा सभी कामा करो, तै तुम्है तेसरै पाक्कै साथे बंणे जांणै।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_49_128kbps.m4a

## 50. यीशु मसीह वापस हटो

https://openbiblestories.org/l/bfz-x-karsogi/story-50/

![](https://cdn.door43.org/obs/jpg/360px/obs-en-50-01.jpg)

करीब दूई हजार साला का, दुनिया दे सभी जगहा दे ज्यादा का ज्यादा लोग मसीह यीशुए बारै दे शुभ संदेश शुंणदै लागैदै। कलीसियै लोग तरक्की करदै लागैदै। यीशुए बादा कियादा कि तेस संसारै अंता दे बापस हटणा। जबकि स अजी बापस नी आथी आयादा, तै भी तेस आपणा बादा पूरा करणा।

![](https://cdn.door43.org/obs/jpg/360px/obs-en-50-02.jpg)

जिंया कि हाँमै यीशुए वापस हटणै प्रतीक्षा करो, परमेश्वर हाँमा का एसा रीति केरै जिंदगी जिंणै इच्छा करो जुण पवित्र आसी होर जुण तेसरा आदर करो। स एड़ा भी चाहो कि हामै होरी का भी तेसरै राज्य बारै दे दसो। जिंया यीशु संसारा दे रौह्न्दा लागादा थिया तिंया तिनी बोला, “मेरे चेलै संसारा दे सभी जगहै लोगा लै परमेश्वरै राज्य बारै दे शुभ संदेशा प्रचार करणा, होर तिंया अंत आछे जांणा।”

![](https://cdn.door43.org/obs/jpg/360px/obs-en-50-03.jpg)

हैन सारी जातै लोगै अजी तिक यीशुए बारै दे शुभ संदेश नी आथी शुंणादा। स्वर्गा लै वापस जांणै का पैहलै, यीशुए आपणै चेलै का लोगा लै शुभ संदेश शुणांणै लै बोला जुणी ए कबै भी आथी नी शुंणादा। तिनी बोला, “जाओ होर सभी जातै लोगा चेलै बंणाओ! होर “लूड़णै लै खेच पाक्के गोयैदै!’’

![](https://cdn.door43.org/obs/jpg/360px/obs-en-50-04.jpg)

यीशुए ए भी बोला, “कसी मंणछा सेवक आपणै स्वामी का बड़ा नी होंदी। एसा संसारै ख़ास मंणछै मूं सागे नफरत किये, होर मेरी बजहा का तिन्हा तुम्है भी दु;खी करेकेरे मारे डांणै। एसा संसारा दे तुम्है दु;खी होंणै, पर मजबूत बंणो, किलैकि मौं शैतान हराये दैयादा जुण एसा संसारा गैश राज करो। जै तुम्है अंता तिक मेरे भरोसै लायक बंणे रहो, तै परमेश्वरा तुम्है बचांणै!’’

![](https://cdn.door43.org/obs/jpg/360px/obs-en-50-05.jpg)

यीशुए आपणै चेलै समझाणै कठै एक कथा शुंणाए कि जिंया संसारा अंत होंणा तै लोगा सागे किजै होंणा। तिनी बोला, “कसी मंणछै आपणै खेचा दे बांका बेजा बोआ। जिंया स सुतादा थिया तै तेसरा दुश्मन आया होर कंणकै बेजै मेंझ जंगली बेजैआ पौधा बोए दैया, होर तेखा स नाठे गोआ।’’

![](https://cdn.door43.org/obs/jpg/360px/obs-en-50-06.jpg)

“जिंया पौधै दे टीप आयै तै सेवकै तेस मंणछा का बोला, ‘ओ स्वामी, तौं तो आपणै खेचा दे बांका बैजा बोआ थिया, तै तेखा एत जंगली पौधै किलै आसी?’ तिनी मंणछै जबाब दैया, ‘सिर्फ मेरै दुश्मन ही तेस बौंणा चाहूँग । ए मेरा कोई दुश्मन आसी जुणी एड़ा काम कियादा।’”

![](https://cdn.door43.org/obs/jpg/360px/obs-en-50-07.jpg)

“तिन्है सेवकै आपणै स्वामी लै जबाब दैया, ‘किजै हाँमा जंगली पौधै पटे दैणै चाहिए?’ तिनी स्वामियै बोला, ‘नहीं। जै तुम्है एड़ा करुँग तै तुम्हा एखो कणक भी पटे दैणै। कटाईयै समै तिक न्हैड़ो। तेखा जंगली पौधै पुड़ै बैने केरे कठा करो ताकि तुम्है तिन्हा फुके सको। पर कंणका मेरे खौड़ा लै लौयेकेरे आछो।’’’

![](https://cdn.door43.org/obs/jpg/360px/obs-en-50-08.jpg)

चेलै एसा कथा मतलव नी समझी, एतिकठै तिन्है यीशु का तैसा कथा समझाणै अर्ज किये। यीशुए बोला, “बांका बेजा बौंणै आड़ा मंणछ मसीहा दर्शाओ। खेच संसारा दर्शाओ। बांका बेजा परमेश्वरै राज्य लोगा दर्शाओ।’’

![](https://cdn.door43.org/obs/jpg/360px/obs-en-50-09.jpg)

“जंगली पौधै तेस दुष्ट मंणछा, शैतानै लोगा दर्शाओ। तेस मंणछा दुश्मन शैताना दर्शाओ, जुणी जंगली पौधे बौए थिए। कटाए एस संसारै अंता दसो, होर कटाई करणै आड़ै परमेश्वरै स्वर्गदूता दर्शाओ।’’

![](https://cdn.door43.org/obs/jpg/360px/obs-en-50-10.jpg)

“जिंया एस संसारा अंत होंणा तिंया स्वर्गदूता सिंयो सभ लोग कठै करणै जुण शैतानै आसी। तिन्हा स्वर्गदूता सिंयो हैन ताती आगै दे शोटणै। तिंदे तिन्हा लोगा भयंकर दु;खा दे चिंगणा होर दांद पिशणै। पर जुण लोग धर्मे आसी, जुणी यीशुआ अनुसरण कियादा, सिंयो तेसरै परमेश्वर पितै राज्य दे सूरजा सैंही चमकणै।’’

![](https://cdn.door43.org/obs/jpg/360px/obs-en-50-11.jpg)

यीशुए ए भी बोला कि संसारा अंत होंणै का पैहलै स संसारा दे वापस हटणा। स तेस ही तरीकै केरे बापस आछणा जेड़ेकेरे स डेया था। मतलव, तेसका असली शरीर होंणा, होर स सर्गा दे बादड़ा गैश सवार होयेकेरे आछणा। जिंया यीशु आछणा, तै हर एक मसीह जन जुण मरे गोयैदै सिंयो मरैदै मेंझा का जिउंदै होए जांणै होर तेस सागे सर्गा दे मिड़णै।

![](https://cdn.door43.org/obs/jpg/360px/obs-en-50-12.jpg)

तिंया जुण मसीह एबै भी जिउंदै आसी सिंयो सर्गा लै उठायै जांणै होर तिन्हा दूजै मसीह लोगा सागे शामल होए जांणै जुण मरैदै मेंझा का जिउंदै होंणै। सिंयो सभ तिंदे यीशु सागे होंणै। तेताका बाद, यीशु आपणै लोगा सागे रौंहणा। जिंया तिन्हा सागे रौहणा तै तिन्हा गो हमेशा लै पूरे शान्ते होंणे।

![](https://cdn.door43.org/obs/jpg/360px/obs-en-50-13.jpg)

यीशुए तेस गैश भरोसा करणै आड़ै सभी मंणछा लै जीवना मुकुट दैणै प्रतिज्ञा कियेदे। तिन्हा हमेशा लै परमेश्वरा सागे हर एकी चिजा गैश राज करणा। तिन्हा गो सच्चे शान्ते होंणे।

![](https://cdn.door43.org/obs/jpg/360px/obs-en-50-14.jpg)

पर परमेश्वरा तिन्हा सभीया न्याय करणा जुण यीशु गैश भरोसा नी करदी। तेस सिंयो नरका दे पांणै। तिंदे तिन्हा चिंगणा होर दांद पिशणै, होर सिंयो हमेशा दु;खी रौंहणै। कबै भी नी हिशणै आड़ै आगा सिंयो क्ब्ल्लै फुकणै, होर कीड़ै तिन्हा खांणै का कबै भी नी रुखणी।

![](https://cdn.door43.org/obs/jpg/360px/obs-en-50-15.jpg)

जिंया यीशु वापस हटणा, तै तेस पूरी रीति केरै शैतान होर तेसरा राज्य नष्ट करे दैंणा। तेस शैतान नरका दे पांणा। तिंदे शैतान सदा फुकदा रौहणा, तिन्हा सभी सागे जुणी परमेश्वरै गला मंनणै का बजाय शैताना पिछो हांडणा चुना थिया।

![](https://cdn.door43.org/obs/jpg/360px/obs-en-50-16.jpg)

किलैकि आदम होर हव्वै परमेश्वरै आज्ञा नी मनी थिए होर पाप एस संसारा लै आंणा थिया, परमेश्वरै तिन्हा लै श्राप दैया होर तिन्हा खत्म करणैया फैसला लौआ। पर कसी धैड़ै परमेश्वरा एक नोंआ स्वर्ग होर एक नोंए संसारै रचना करणे जुण सिद्ध होंणा।

![](https://cdn.door43.org/obs/jpg/360px/obs-en-50-17.jpg)

यीशु होर तेसरै लोग तेस नोंए संसारा दे रौंहणै, होर तेस सदा लै सभी चीजा गैश राज करणा। तेस लोगै आखै का हर एक आशो टुशणै। एबै कोए भी दु;खी या परेशान नी होंणी। तिन्हा चिंगणा नी आथी। सिंयो बमार नी होंणी या मरणै नी आथी। होर तिंदे किछ भी बुराए नी होंणी। यीशु आपणै राज्य दे न्यायपूर्वक, होर शान्ति सागे राज करणा। स सदा लै आपणै लोगा सागे रौंहणा।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21का एक बाइबलै कहाणे*

Audio: https://git.door43.org/OBS-TLF/bfz-x-karsogi_obs/releases/download/v1/bfz-x-karsogi_obs_v1_50_128kbps.m4a