# unfoldingWord Open Bible Stories — Haryanvi - Language code: `bgc` - Canonical page: https://openbiblestories.org/l/bgc/ - Stories in this file: 50 of 50 - Published by: translationCore-Create-BCS, OBS-TLF - Last release: 2026-07-28 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Haryanvi translation; it is not a translation of the whole Bible. ## 1. सृष्टि https://openbiblestories.org/l/bgc/story-1/ ![](https://cdn.door43.org/obs/jpg/360px/obs-en-01-01.jpg) इस तरियां तै शरु म्ह परमेसवर नै सारी चिज्जां की सृष्टि करी। उसनै छह दिनां म्ह संसार की अर जो किमे उस म्ह सै उन सारयां की सृष्टि करी । परमेसवर के जरिये धरती की रचना कै बाद वा अंधकारमय अर खाल्ली थी, क्युकें इब ताहीं परमेसवर नै उस म्ह तै किमे चिज ना बणाई थी । पर परमेसवर का आत्मा पाणी के उप्पर मंड़रावै था । ![](https://cdn.door43.org/obs/jpg/360px/obs-en-01-02.jpg) फेर परमेसवर नै कह्या, “उजियाळा हो,” तो उजियाळा होग्या। अर परमेसवर नै उजियाळे ताहीं देख्या के आच्छा सै; अर उस ताहीं दिन कह्या । अर उसनै उस ताहीं अँधेरे तै न्यारा करया। अर जिस ताहीं उसनै रात कह्या। परमेसवर नै सृष्टि कै पहलै दिन म्ह उजियाळे की रचना करी । ![](https://cdn.door43.org/obs/jpg/360px/obs-en-01-03.jpg) सृष्टि करण के दुसरे दिन म्ह परमेसवर नै कह्या,”पाणी कै उप्पर एक अंतर हो।“ अर एक अंतर हो ग्या। परमेसवर नै उस अंतर ताहीं “आकाश" कह्या । ![](https://cdn.door43.org/obs/jpg/360px/obs-en-01-04.jpg) फेर परमेसवर नै कह्या, “ पाणी एक जगहां म्ह कठ्ठा हो जावै अर सूक्खी धरती दिखाई दे,” उसनै सूक्खी जगहां तै धरती कह्या, अर पाणी ताहीं समुन्दर कह्या; अर परमेसवर नै देख्या के जो उसनै बणाया था वो आच्छा था। ![](https://cdn.door43.org/obs/jpg/360px/obs-en-01-05.jpg) फेर परमेसवर नै कह्या”धरती सारे तरियां के दरखत अर पौधे उगावै।“ अर इसा ए होया। परमेसवर नै देख्या के जो उसनै बणाया था वो आच्छा सै। ![](https://cdn.door43.org/obs/jpg/360px/obs-en-01-06.jpg) सृष्टि करण के चौथे दिन म्ह परमेसवर नै कह्या, “अकास म्ह ज्योतियाँ हो।“ अर सूरज चाँद अर तारे प्रगट होये। परमेसवर नै उन ताहीं धरती पै चाँदणा देण खात्तर अर दिन अर रात मौसमां अर साल्लां म्ह भेद करण खात्तर बणाया । ![](https://cdn.door43.org/obs/jpg/360px/obs-en-01-07.jpg) पाँचवें दिन परमेसवर नै कह्या,” जिन्दे प्राणी पाणी म्ह भर जावैं अर अकास म्ह पंछी उड़ै।“ इस तरियां तै उसनै पाणी म्ह तैरण आळे सारे जन्तुआं ताहीं अर पंछीआं ताहीं बणाया। परमेसवर नै देख्या के यो आच्छा था अर उन ताहीं आशिष दी। ![](https://cdn.door43.org/obs/jpg/360px/obs-en-01-08.jpg) सृष्टि के छठवें दिन म्ह परमेसवर नै कह्या, "धरती पै रहण आळे सारी तरियां के जानवर हों।" अर परमेसवर के कहे अनुसार इसा ए हो ग्या। किमे जानवर पालतू थे, किमे भूमि पै रेंगण आळे, अर किमे जंगळी जानवर थे। अर परमेसवर नै देख्या के यो आच्छा था। ![](https://cdn.door43.org/obs/jpg/360px/obs-en-01-09.jpg) फेर परमेसवर नै कह्या, “ आओ हम माणस नै अपणे स्वरुप म्ह अर अपणी समानता म्ह बणावां। वे धरती पै अर सारे जानवरां पै हक राक्खैगें। ![](https://cdn.door43.org/obs/jpg/360px/obs-en-01-10.jpg) आखर परमेसवर नै माट्टी लेकै उसतै माणस ताहीं बणाया अर उस म्ह जीवन के श्वांस ताहीं फूँक दिया। इस माणस का नाम आदम था। परमेसवर नै आदम के रहण खात्तर एक बड़े बगीचे ताहीं बणाया अर उसकी देखभाल करण खात्तर आदम ताहीं ओड़ै छोड़ दिया। ![](https://cdn.door43.org/obs/jpg/360px/obs-en-01-11.jpg) उस बाग के बिचाळै म्ह परमेसवर नै दो खास दरखत लगाए – जीवन का दरखत अर भले अर बुरे के ज्ञान का दरखत। परमेसवर नै आदम तै कह्या के वो उस बाग के जीवन के दरखत अर भले अर बुरे के ज्ञान के दरखत ताहीं छोड़ कै दुसरे किसे भी दरखत के फळ ताहीं खा सकै सै। जै कर उसनै उस दरखत का फळ खाया तो वो मर जावैगा। ![](https://cdn.door43.org/obs/jpg/360px/obs-en-01-12.jpg) फेर परमेसवर नै कह्या,, “ आदम का एक्ला रहणा ठिक कोनी सै। पर कोए भी जानवर आदम का साथी ना बण सक्या। ![](https://cdn.door43.org/obs/jpg/360px/obs-en-01-13.jpg) इस करकै परमेसवर नै आदम ताहीं गहरी नींद म्ह डाल दिया। फेर परमेसवर नै आदम की एक पसळी लेकै उसतै एक जनानी की रचना करी अर उसनै आदम के धोरै लेकै आया। ![](https://cdn.door43.org/obs/jpg/360px/obs-en-01-14.jpg) जिब आदम नै उस ताहीं देख्या तो उसनै कह्या, "कम तै कम या तो मेरे जिसी सै! या 'स्त्री' कुहवावैगी, क्यूकें या पुरुष म्ह तै बणाई गई सै।" इस कारण पुरुष अपणे मा-बाप ताहीं छोड़ देवै सै अर अपणी घरआळी के गैल एक हो जावै सै। ![](https://cdn.door43.org/obs/jpg/360px/obs-en-01-15.jpg) परमेसवर नै माणस अर जनानी ताहीं अपणे स्वरूप म्ह बणाया। उसनै उन ताहीं आशीष दी अर उन ताहीं कह्या, "भोत सी संतान अर पोत्ते-पड़पोत्ते पैदा करो अर धरती ताहीं भर द्यो!" अर परमेसवर नै देख्या के जो किमे भी उसनै बणाया था वो बहुत आच्छा था, अर वो उन सब तै भोत खुश था। यो सारा किमे सृष्टि करण के छठवें दिन होया था। ![](https://cdn.door43.org/obs/jpg/360px/obs-en-01-16.jpg) जिब सातवाँ दिन आया तो जो किमे परमेसवर नै करया था उसनै उस सारे काम ताहीं समाप्त करया। उसनै सातवें दिन ताहीं आशीष दी अर उस ताहीं पवित्र ठहराया, क्यूकें उस दिन उसनै सारी चीज्जां की सृष्टि करण ताहीं समाप्त करया था। इस तरियां तै परमेसवर नै संसार की अर जो किमे उस म्ह सै उन सारया की सृष्टि करी। उत्पत्ति अध्याय 1-2 से बाइबल की एक कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_01_256kbps.mp3 ## 2. पाप संसार म्ह प्रवेश करै सै https://openbiblestories.org/l/bgc/story-2/ ![](https://cdn.door43.org/obs/jpg/360px/obs-en-02-01.jpg) आदम अर उसकी घरआळी परमेसवर द्वारा उनकै खात्तर बणाये गए उस सुंदर बाग म्ह रहन्दे होये भोत खुश थे। उन म्ह तै कोए भी कपड़े न्ही पहरै था, फेर भी इस बात नै उन म्ह तै किसे ताहीं शर्मिन्दा न्ही करया था, क्यूकें संसार म्ह पाप न्ही था। वे अक्सर उस बाग म्ह घुम्या करै थे अर परमेसवर तै बात करया करै थे। ![](https://cdn.door43.org/obs/jpg/360px/obs-en-02-02.jpg) पर उस बाग म्ह एक साँप था। वा भोत चलाक था। उसनै उस जनानी तै पूछ्या, "के सचमुच परमेसवर नै तेरे ताहीं इस बाग के किसे भी दरखत के फळ ताहीं खाण तै मना करया सै?" ![](https://cdn.door43.org/obs/jpg/360px/obs-en-02-03.jpg) उस जनानी नै जबाब दिया, "परमेसवर नै म्हारै ताहीं कह्या सै के हम उस भले अर बुरे के ज्ञान के दरखत के अलावा किसे भी पेड़ के फळ ताहीं खा सकां सां। परमेसवर नै म्हारै ताहीं कह्या सै के जै थमनै उस फळ ताहीं खाया या उस ताहीं छुया भी, तो थम मर ज्योगे।" ![](https://cdn.door43.org/obs/jpg/360px/obs-en-02-04.jpg) " उस साँप नै जनानी ताहीं जवाब दिया, "यो सच न्ही सै! थम न्ही मरोगे। परमेसवर जाणै सै के जिब थम उस फळ ताहीं खाओगे, थम परमेसवर के समान हो जाओगे अर उसके समान भले अर बुरे ताहीं समझण लागोगे। ![](https://cdn.door43.org/obs/jpg/360px/obs-en-02-05.jpg) उस जनानी नै देख्या के वो फळ मनभावणा था अर स्वाद दिखाई देवै था। वा भी समझदार बणना चाहवै थी, ज्यातैं उसनै फळ ताहीं तोड़ कै खा लिया। फेर उसनै अपणे पति ताहीं जो उसकै गैल था वा फळ दिया अर उसनै भी खा लिया। ![](https://cdn.door43.org/obs/jpg/360px/obs-en-02-06.jpg) चाणचक हे, उनकी आँखें खुलगी, अर उनानै मालूम होया के वे नंगे थे। उनानै पत्यां ताहीं एक साथ सिलकै उनके कपड़े बणाकै उनतै अपणे शरीरां ताहीं ढाँपण की कोशिश करी। ![](https://cdn.door43.org/obs/jpg/360px/obs-en-02-07.jpg) फेर पुरुष अर उसकी घरआळी नै उस बाग म्ह घुमदे होये परमेसवर की आवाज ताहीं सुण्या। वे दोन्नु परमेसवर तै छिपगे। फेर परमेसवर नै आदम ताहीं आवाज लगाई, "तू कित्त सै?" आदम नै जवाब दिया, "मन्नै आप ताहीं बाग म्ह घुम्मदे होए सुण्या, अर मैं डर ग्या था, क्यूकें मैं नंगा था। इस करकै मैं छिप ग्या।" ![](https://cdn.door43.org/obs/jpg/360px/obs-en-02-08.jpg) फेर परमेसवर नै पूछ्या, "तेरे ताहीं किसनै बताया के तू नंगा सै? के तन्नै वा फळ खाया सै जिस ताहीं खाण कै खात्तर मन्नै तेरे ताहीं मना करया था?" पुरुष नै जवाब दिया, "आपनै मेरे ताहीं जो या जनानी दी सै इसनै ए मेरे ताहीं वा फळ दिया।" फेर परमेसवर नै स्त्री तै पूच्छ्या, "तन्नै यो के करया सै?" वा स्त्री बोल्ली, "साँप नै मेरे ताहीं धोखा दिया सै।" ![](https://cdn.door43.org/obs/jpg/360px/obs-en-02-09.jpg) परमेसवर नै साँप तै कह्या, "तू शापित सै! तू अपणे पेट के बळ लोटैगा अर माट्टी चाटैगा। तू अर या जनानी एक दूसरे तै नफरत करैंगे, अर तेरी संतान अर उसकी संतान भी एक दूसरे तै नफरत करैंगी। इस जनानी का वंशज तेरे सिर ताहीं कुचलैगा, अर तू उसकी एड़ी ताहीं डसैगा।" ![](https://cdn.door43.org/obs/jpg/360px/obs-en-02-10.jpg) फेर परमेसवर नै जनानी तै कह्या, "मैं तेरे संतान जमाण ताहीं भोत पीड़ादायक करूँगा। तू अपणे पति तै लालसा करैगी, अर वो तेरे पै प्रभुता करैगा।" ![](https://cdn.door43.org/obs/jpg/360px/obs-en-02-11.jpg) परमेसवर नै पुरुष तै कह्या, "तन्नै अपणी घरआळी की सुणी सै अर मेरा हुक्म न्ही मान्या सै। ज्यातैं धरती शापित होई सै, अर तन्नै खाणा उगाण खात्तर घणी मेहनत करण की जरुरत होवैगी। इब तू मर जावैगा, अर तेरा शरीर माट्टी म्ह मिल जावैगा।" उस पुरुष नै अपणी घरआळी का नाम हव्वा धरया, जिसका मतलब सै "जिंदगी देण आळी", क्यूकें वा सारी जात्तां की माता होगी। अर परमेसवर नै आदम अर हव्वा ताहीं जानवर की खाल तै बणे कपड़े पिराये। ![](https://cdn.door43.org/obs/jpg/360px/obs-en-02-12.jpg) फेर परमेसवर नै कह्या, "इब भले अर बुरे ताहीं जानण तै मनुष्य म्हारे समान हो ग्या सै, ज्यातैं उन ताहीं उस जीवन के दरखत के फळ ताहीं न्ही खाण देणा चाहिए के वे सदा के खात्तर जीवित रहवैं।" इस करकै परमेसवर नै आदम अर हव्वा ताहीं उस बाग तै बाहर लिकाड़ दिया।अर परमेसवर नै किसे ताहीं भी उस जीवन के दरखत के फळ ताहीं खाण तै रोकण के खात्तर उस बगीचे के प्रवेशद्वार पै शक्तिशाली स्वर्गदूत्तां ताहीं बिठा दिया। उत्पत्ति अध्याय 3 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_02_256kbps.mp3 ## 3. बाढ़ https://openbiblestories.org/l/bgc/story-3/ ![](https://cdn.door43.org/obs/jpg/360px/obs-en-03-01.jpg) बहुत समय के बाद, संसार में बहुत से लोग रहते थे। वे बहुत दुष्ट और उपद्रवी हो गए थे। यह इतना बुरा था कि परमेश्वर ने एक बड़ी बाढ़ से इस पूरे संसार को नष्ट करने का निर्णय लिया। ![](https://cdn.door43.org/obs/jpg/360px/obs-en-03-02.jpg) परन्तु परमेश्वर नूह से प्रसन्न था। वह दुष्ट मनुष्यों के बीच रहने वाला एक धर्मी व्यक्ति था। परमेश्वर ने नूह को बताया कि वह एक विशाल बाढ़ को लाने वाला है। इस कारण, उसने नूह से एक बड़ी नाव बनाने के लिए कहा। ![](https://cdn.door43.org/obs/jpg/360px/obs-en-03-03.jpg) परमेश्वर ने नूह को लगभग 140 मीटर लंबी, 23 मीटर चौड़ी और 13.5 मीटर ऊँची नाव बनाने के लिए कहा। नूह को उसे लकड़ी से बनाना था और उसमें तीन तल, बहुत से कमरे, एक छत और एक खिड़की बनानी थी। वह नाव नूह, उसके परिवार, और भूमि के हर प्रकार के जानवरों को उस बाढ़ से सुरक्षित रखेगी। ![](https://cdn.door43.org/obs/jpg/360px/obs-en-03-04.jpg) नूह ने परमेश्वर की बात मानी। उसने और उसके पुत्रों ने वैसी ही नाव बनाई जैसी परमेश्वर ने बताई थी। क्योंकि वह नाव बहुत बड़ी थी इसलिए उसे बनाने में कई वर्ष लगे। नूह ने लोगों को आने वाली बाड़ के विषय में चेतावनी दी और उनको परमेश्वर की ओर फिरने के लिए कहा, परन्तु उन्होंने उस पर विश्वास नहीं किया। ![](https://cdn.door43.org/obs/jpg/360px/obs-en-03-05.jpg) परमेश्वर ने नूह और उसके परिवार को अपने लिए और जानवरों को लिए पर्याप्त भोजन इकट्ठा करने का आदेश भी दिया। जब सब कुछ तैयार था, तो परमेश्वर ने नूह से कहा कि यह समय उसके, उसकी पत्नी के, उसके तीन पुत्रों के, और उनकी पत्नियों के – कुल मिलाकर आठ जनों के नाव में जाने का था। ![](https://cdn.door43.org/obs/jpg/360px/obs-en-03-06.jpg) परमेश्वर ने हर जानवर और पक्षी के नर और मादा को नूह के पास भेजा ताकि वे नाव में जा सकें और बाढ़ के दौरान सुरक्षित रह सकें। परमेश्वर ने ऐसे हर प्रकार के जानवरों के सात नर और सात मादाओं को भेजा जिनको बलि चढ़ाने के लिए उपयोग किया जा सके। जब वे सब नाव में पहुँच गए तो स्वयं परमेश्वर ने नाव के द्वार को बंद कर दिया। ![](https://cdn.door43.org/obs/jpg/360px/obs-en-03-07.jpg) तब बारिश होना आरम्भ हुआ, और बारिश होती गई, होती गई। बिना रुके चालीस दिन और चालीस रातों तक बारिश होती रही। सारे संसार की हर एक चीज, यहाँ तक कि ऊँचे से ऊँचे पर्वत भी पानी में डूब गए। ![](https://cdn.door43.org/obs/jpg/360px/obs-en-03-08.jpg) सूखी भूमि पर रहने वाली हर एक चीज मर गई, उन लोगों और जानवरों को छोड़ कर जो नाव में थे। वह नाव पानी पर तैरती रही और नाव के भीतर की हर एक चीज को डूबने से सुरक्षित रखा। ![](https://cdn.door43.org/obs/jpg/360px/obs-en-03-09.jpg) बारिश के रुक जाने के बाद, पाँच महीने तक वह नाव पानी पर तैरती रही, और उस समय के दौरान पानी कम होने लगा था। तब एक दिन वह नाव एक पर्वत की चोटी पर जा टिकी, लेकिन संसार अभी भी पानी से ढका हुआ था। तीन महीने के बाद, पर्वतों की चोटियाँ दिखाई देने लगी थीं। ![](https://cdn.door43.org/obs/jpg/360px/obs-en-03-10.jpg) फिर और चालीस दिनों के बाद, नूह ने एक कौवे को यह देखने के लिए बाहर भेजा कि क्या पानी सूख गया था। वह कौवा सूखी भूमि की खोज में इधर-उधर उड़ता रहा, परन्तु उसे ऐसा कोई स्थान न मिला। ![](https://cdn.door43.org/obs/jpg/360px/obs-en-03-11.jpg) फिर बाद में नूह ने एक कबूतरी को बाहर भेजा। परन्तु उसे भी कोई सूखी भूमि न मिली, इसलिए वह नूह के पास वापिस आ गई। एक सप्ताह के बाद उसने उस कबूतरी को फिर से भेजा, और वह अपने चोंच में जैतून की एक शाखा लिए हुए वापिस आई। पानी घट रहा था, और पौधे फिर से उगने लगे थे। ![](https://cdn.door43.org/obs/jpg/360px/obs-en-03-12.jpg) नूह ने एक सप्ताह और प्रतीक्षा की और तीसरी बार उस कबूतरी को बाहर भेजा। इस बार, उसे ठहरने का स्थान मिल गया और वह वापिस नहीं आई। पानी सूख रहा था। ![](https://cdn.door43.org/obs/jpg/360px/obs-en-03-13.jpg) दो महीने बाद परमेश्वर ने नूह से कहा, "अब तू और तेरा परिवार और सारे जानवर नाव से निकल आओ। बहुत सारी संतानें और पोते-परपोते उत्पन्न करो और पृथ्वी को भर दो।" अतः नूह और उसका परिवार नाव से बाहर निकल आया। ![](https://cdn.door43.org/obs/jpg/360px/obs-en-03-14.jpg) नूह के नाव से बाहर आने के बाद, उसने एक वेदी बनाई और बलि के लिए उपयोग किए जा सकने वाले हर प्रकार के जानवरों में से कुछ को लेकर बलि चढ़ाई। परमेश्वर उस बलि से प्रसन्न हुआ और नूह और उसके परिवार को आशीष दी। ![](https://cdn.door43.org/obs/jpg/360px/obs-en-03-15.jpg) परमेश्वर ने कहा, "मैं प्रतिज्ञा करता हूँ कि मनुष्यों द्वारा किए जाने वाले बुरे कामों के कारण मैं फिर कभी भूमि को श्राप नहीं दूँगा या बाढ़ द्वारा संसार को नष्ट नहीं करूँगा, हालाँकि मनुष्य अपने बचपन के समय से ही पापी हैं। ![](https://cdn.door43.org/obs/jpg/360px/obs-en-03-16.jpg) उत्पत्ति अध्याय 6-8 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_03_256kbps.mp3 ## 4. अब्राहम के साथ परमेश्वर की वाचा https://openbiblestories.org/l/bgc/story-4/ ![](https://cdn.door43.org/obs/jpg/360px/obs-en-04-01.jpg) बाढ़ के कई साल्लां के बाद, संसार म्ह भोत से लोग रह्यां करैं थे, अर उननै फेर तै परमेसवर के अर एक दूसरयां के खिलाप पाप करया। क्यूकें वे सारे एक ए भाषा बोल्यां करैं थे, ज्यातैं वे एक साथ कठ्ठे होए अर संसार ताहीं भर देण के परमेसवर के आदेश के बजाए एक नगर ताहीं बणाया। ![](https://cdn.door43.org/obs/jpg/360px/obs-en-04-02.jpg) वे भोत घमंडी थे, अर उननै किसा जीवन जीणा चाहिए इस बारे म्ह वे परमेसवर के आदेश का पाळण करणा न्ही चाहवैं थे। उरै ताहीं उननै एक इसी मीनार ताहीं बणाणा शरू करया जो स्वर्ग ताहीं पोहचेगी। परमेसवर नै देख्या के जै कर वे एक साथ मिलकै बुराई करदे रहवैंगे, तो वे भोत से पापी काम्मां नै कर सकै सैं। ![](https://cdn.door43.org/obs/jpg/360px/obs-en-04-03.jpg) इस करकै परमेसवर नै उनकी भाषा ताहीं भोत- सी न्यारी-न्यारी भाषा म्ह बदल दिया अर उन माणसां ताहीं सारे संसार म्ह फैला दिया। जिस नगर ताहीं उननै बणाणा शरु करया था वो बाबेल कहलाया, जिसका अर्थ सै "गड़बड़ी"। ![](https://cdn.door43.org/obs/jpg/360px/obs-en-04-04.jpg) कई सौ साल्लां के बाद, परमेसवर नै अब्राम नाम के एक माणस तै बात करी। परमेसवर नै उसतै कह्या, "अपणे देश अर परिवार ताहीं छोड़ कै उस देश म्ह चला जा जो मैं तन्नै दिखाऊँगा। मैं तन्नै आशीष दयूंगा अर तेरे तै एक बड़ी जाति बणाऊँगा। मैं तेरा नाम महान करूँगा। जो तन्नै आशीष देवै मैं उननै आशीष दयूंगा, अर जो तन्नै श्राप देवैं उननै श्राप दयूंगा। तेरे कारण संसार के सारे कुल आशीष पावैंगे।" ![](https://cdn.door43.org/obs/jpg/360px/obs-en-04-05.jpg) आखर अब्राम नै परमेसवर की बात मान्नी। उसने अपणे सारे सेवकां अर अपणी सारी सम्पत्ति समेत अपणी घरआळी सारै ताहीं लिया अर उस देश म्ह, कनान देश ताहीं चला गया जो परमेसवर नै उस तै दिखाया था। ![](https://cdn.door43.org/obs/jpg/360px/obs-en-04-06.jpg) जिब अब्राम कनान पोहच्या तो परमेसवर नै उसतै कह्या, "अपनै च्यारू ओर देख। मैं तन्नै यो सारा देश दयूंगा अर तेरे वंशज सदा खात्तर इस पै हक रखैंगे।" फेर अब्राम उस देश म्ह बस ग्या। ![](https://cdn.door43.org/obs/jpg/360px/obs-en-04-07.jpg) मलिकिसिदक नाम का एक माणस था जो सर्वोच्च परमेसवर का याजक था। एक दिन जिब अब्राम युद्ध करण के बाद आ रह्या था तो वो और अब्राम मिले। मलिकिसिदक नै अब्राम ताहीं आशीष दी अर कह्या "सर्वोच्च परमेसवर जो सुर्ग अर धरती का स्वामी सै वो तन्नै आशीष देवै।" फेर अब्राम नै युद्ध म्ह जीती होई सारी चीज्जां का दशमांश मलिकिसिदक ताहीं दिया। ![](https://cdn.door43.org/obs/jpg/360px/obs-en-04-08.jpg) कई साल बीत गे, पर इब ताहीं भी अब्राम अर सारै के कोए बेट्टा न्ही था। परमेसवर नै अब्राम तै बात करी अर फेर तै वादा करया के उसकै एक बेट्टा पैदा होवैगा अर जिस तरियां अकास म्ह तारे सैं उसे तरियां ए उसके भोत से वंशज होंवैंगे। अब्राम नै परमेसवर के वादे पै विश्वास करया। परमेसवर नै घोषणा करी के अब्राम एक धर्मी जन था क्यूकें उसनै परमेसवर के वादे पै विश्वास करया था। ![](https://cdn.door43.org/obs/jpg/360px/obs-en-04-09.jpg) फेर परमेसवर नै अब्राम तै एक करार बाँध्या। सामान्य रूप तै, एक करार दो दलां के बीच म्ह एक दूसरे के खात्तर काम्मां ताहीं करण का एक समझौता होवै सै। परमेसवर नै अब्राम तै वा प्रतिज्ञा जिब करी थी जिब अब्राम सो रह्या था, पर वो तब भी परमेसवर ताहीं सुण सकै था। परमेसवर नै कह्या, "मैं तेरे शरीर तै पैदा करकै तन्नै तेरा एक खुद का बेट्टा दयूंगा। मैं तेरे वंश ताहीं यो कनान देश देऊं सूं।" पर इब ताहीं भी अब्राम कै कोए बेट्टा न्ही था। उत्पत्ति अध्याय 11-15 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_04_256kbps.mp3 ## 5. Translationप्रतिज्ञा का पुत्र https://openbiblestories.org/l/bgc/story-5/ ![](https://cdn.door43.org/obs/jpg/360px/obs-en-05-01.jpg) अब्राम और सारै के कनान पहुँचने के दस वर्ष के बाद, अभी तक भी उनके कोई संतान नहीं थी। इसलिए, अब्राम की पत्नी सारै ने उससे कहा, "चूँकि परमेश्वर ने अभी तक मुझे संतान जन्माने में सक्षम नहीं किया है और अब मैं संतान जन्माने के लिए बहुत बूढ़ी हूँ, देख, मेरी दासी हाजिरा यहाँ है। उससे भी विवाह कर ले कि वह मेरे लिए एक संतान उत्पन्न कर सके।" ![](https://cdn.door43.org/obs/jpg/360px/obs-en-05-02.jpg) अतः अब्राम ने हाजिरा से विवाह कर लिया। हाजिरा के एक पुत्र जन्मा, और अब्राम ने उसका नाम इश्माएल रखा। परन्तु सारै हाजिरा से जलने लगी। जब इश्माएल तेरह वर्ष का था, परमेश्वर ने फिर से अब्राम से बात की। ![](https://cdn.door43.org/obs/jpg/360px/obs-en-05-03.jpg) परमेश्वर ने कहा, "मैं सर्व-शक्तिमान परमेश्वर हूँ। मैं तेरे साथ एक वाचा बाँधूँगा।" तब अब्राम ने भूमि पर गिर कर दंडवत किया। परमेश्वर ने अब्राम से यह भी कहा, "तू बहुत सी जातियों का पिता होगा। मैं तुझे और तेरे वंशजों को उनकी निज भूमि होने के लिए कनान देश दूँगा और मैं सदा के लिए उनका परमेश्वर होऊँगा। तुझे अपने घराने के हर पुरुष का खतना करना है।" ![](https://cdn.door43.org/obs/jpg/360px/obs-en-05-04.jpg) "तेरी पत्नी सारै एक पुत्र जनेगी – वह प्रतिज्ञा का पुत्र होगा। उसका नाम इसहाक रखना। मैं उसके साथ अपनी वाचा को बनाए रखूँगा और वह एक बड़ी जाति बन जाएगा। मैं इश्माएल को भी एक बड़ी जाति बनाऊँगा, परन्तु मेरी वाचा इसहाक के साथ रहेगी।" तब परमेश्वर ने अब्राम का नाम बदलकर अब्राहम कर दिया, जिसका अर्थ है "बहुतों का पिता"। परमेश्वर ने सारै का नाम भी बदलकर सारा कर दिया, जिसका अर्थ है "मूलमाता"। ![](https://cdn.door43.org/obs/jpg/360px/obs-en-05-05.jpg) उस दिन अब्राहम ने अपने घराने के सभी पुरुषों का खतना किया। लगभग एक वर्ष के बाद, जब अब्राहम 100 वर्ष की आयु का था और सारा 90 वर्ष की थी, तब सारा ने अब्राहम के पुत्र को जन्म दिया। जैसा परमेश्वर ने उनको कहा था उन्होंने उसका नाम इसहाक रखा। ![](https://cdn.door43.org/obs/jpg/360px/obs-en-05-06.jpg) जब इसहाक जवान हुआ तो परमेश्वर ने यह कह कर अब्राहम के विश्वास की परीक्षा की, "अपने एकलौते पुत्र को ले, और उसे मेरे लिए बलि के रूप में मार डाल।" फिर से अब्राहम ने परमेश्वर की बात मानी और अपने पुत्र को बलि करने के लिए तैयार किया। ![](https://cdn.door43.org/obs/jpg/360px/obs-en-05-07.jpg) जब अब्राहम और इसहाक बलि चढ़ाने के स्थान की ओर जाने लगे तो इसहाक ने पूछा, "हे पिता, हमारे पास बलि के लिए लकड़ियाँ तो हैं, परन्तु बलि करने का मेमना कहाँ है?" अब्राहम ने जवाब दिया, "हे मेरे पुत्र, परमेश्वर बलि करने के लिए मेमने का प्रबंध करेगा।" ![](https://cdn.door43.org/obs/jpg/360px/obs-en-05-08.jpg) जब वे बलि चढ़ाने के स्थान पर पहुँच गए, तो अब्राहम ने इसहाक को बाँध कर वेदी पर लिटा दिया। वह अपने पुत्र को मारने ही वाला था कि परमेश्वर ने कहा, "रुक जा! लड़के को नुकसान न पहुँचा! अब मैं जान गया हूँ कि तू मेरा भय मानता है क्योंकि तूने अपने एकलौते पुत्र को भी मुझसे बचाकर नहीं रखा।" ![](https://cdn.door43.org/obs/jpg/360px/obs-en-05-09.jpg) पास ही अब्राहम ने एक मेढ़े को देखा जो झाड़ियों में फँसा हुआ था। इसहाक के बदले बलि के लिए परमेश्वर ने मेढ़े का प्रबंध किया था। अब्राहम ने खुशी-खुशी मेढ़े की बलि चढ़ा दी। ![](https://cdn.door43.org/obs/jpg/360px/obs-en-05-10.jpg) उत्पत्ति अध्याय 16-22 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_05_256kbps.mp3 ## 6. परमेश्वर इसहाक खात्तर बन्धोबस्त करै सै https://openbiblestories.org/l/bgc/story-6/ ![](https://cdn.door43.org/obs/jpg/360px/obs-en-06-01.jpg) जिब अब्राहम भोत बूढ़ा हो ग्या था फेर उसका बेटा, इसहाक, एक माणस की आयु का हो ग्या था। इस करकै अब्राहम नै अपने एक सेवक ताहीं अपने बेटे इसहाक खात्तर उस देश तै एक पत्नी ल्याण खात्तर भेजा जित्त उसके रिश्तेदार रहया करदे । ![](https://cdn.door43.org/obs/jpg/360px/obs-en-06-02.jpg) जित्त अब्राहम के रिश्तेदार रह्या करदे उस देश म्ह जाण की एक बड़ी लंबी यात्रा कै बाद परमेश्वर ने उस सेवक का मुलाकात रिबका तै करवाया। वो अब्राहम के भाई की पोती थी। ![](https://cdn.door43.org/obs/jpg/360px/obs-en-06-03.jpg) रिबका अपणे परिवार नै छोड़ कै उस सेवक कै गैल वापिस जाण खात्तर मान गी। जिस तरियां ए वे पोहचे इसहाक नै उस तै ब्याह कर लिया। ![](https://cdn.door43.org/obs/jpg/360px/obs-en-06-04.jpg) एक लंबे बखत कै बाद, अब्राहम मर ग्या। फेर परमेश्वर नै अब्राहम के बेटे इसहाक ताहीं, अब्राहम कै गैल करे गये करार की वजह तै आशीष दी। उस करार म्ह परमेश्वर की एक प्रतिज्ञा थी के अब्राहम के अनगिनत वंशज होंगे। लेकिन इसहाक की पत्नी रिबका के बाळक पैदा ना होये । ![](https://cdn.door43.org/obs/jpg/360px/obs-en-06-05.jpg) इसहाक नै रिबका खात्तर प्रार्थना करी, अर परमेश्वर नै उस ताहीं जुड़वाँ बच्चों का गर्भ धारण करण म्ह सक्षम करया। जिस बखत वे बच्चे रिबका के गर्भ म्ह ए थे वे आपस म्ह लड़ण लागे, इस करकै जो कुछ हो रह्या था रिबका नै वो परमेश्वर ताहीं बता दिया। ![](https://cdn.door43.org/obs/jpg/360px/obs-en-06-06.jpg) परमेश्वर नै रिबका तै कह्या, "तू दो बाळका नै जन्म देगी। उनके वंशज दो अलग-अलग जातियाँ बणगें। वो एक दूसरे तै लड़ेंगे। ; लेकिन बड़े बेटे तै पैदा होण आळी जाति नै छोटे बेटे तै आण आळी जाति की आज्ञा मानणी होगी।" ![](https://cdn.door43.org/obs/jpg/360px/obs-en-06-07.jpg) जिब रिबका के बच्चों का जन्म होया, तो बड़ा बेटा लाल अर रोएँदार था, अर उन्होंने उसका नाम एसाव धरया। फेर छोटा बेटा एसाव की एड़ी नै पकड़े होए जन्मा, अर उन्होंने उसका नाम याकूब धरया। उत्पत्ति अध्याय 24:1-25:26 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_06_256kbps.mp3 ## 7. परमेसवर याकूब ताहीं आशीष देवै सै https://openbiblestories.org/l/bgc/story-7/ ![](https://cdn.door43.org/obs/jpg/360px/obs-en-07-01.jpg) जिब वे बच्चे बड़े होये तो याकूब नै घर पै रहणा आच्छा लाग्या, पर एसाव ताहीं जानवरां नै शिकार करणा भाया। रिबका नै याकूब तै प्यार करया, पर इसहाक नै एसाव तै प्रीति राक्खी। ![](https://cdn.door43.org/obs/jpg/360px/obs-en-07-02.jpg) एक दिन, जिब एसाव शिकार करकै वापस आया तो वो भोत भुक्खा था। एसाव नै याकूब तै कह्या, "जो तन्नै पकाया सै उस म्ह तै थोड़ा खाणा मन्नै दे।" याकूब नै जवाब दिया, "पहले मेरे ताहीं यो वादा कर के पहलौठा होण के कारण तै हर एक चीज जो मन्नै मिलनी चाहिए, वो सारी तू मन्नै देवैगा।" आखर एसाव नै उन सारी चिज्जां ताहीं याकूब तै देण का वादा कर दिया। फेर याकूब नै उसतै किमे खाणा दिया। ![](https://cdn.door43.org/obs/jpg/360px/obs-en-07-03.jpg) इसहाक एसाव ताहीं आशीष देणा चाहवै था। पर इसतै पैहला के उसनै इसा करया, रिबका अर याकूब नै याकूब के एसाव होण को ढोंग करकै उसके गैल धोक्खा करया। इसहाक बूढ़ा था अर इब देख न्ही पावै था। ज्यातैं याकूब नै एसाव के कपड़े पहणे अर बकरी की खाल ताहीं अपणे गळे अर हात्थां पै लपेट लिया। ![](https://cdn.door43.org/obs/jpg/360px/obs-en-07-04.jpg) याकूब इसहाक कै धोरै आया अर कह्या, "मैं एसाव सूं। मैं इस करकै आया सूं के तू मन्नै आशीष देवै।" जिब इसहाक नै बकरी के बाळ ताहीं महसूस करया अर कपडया ताहीं सूँघ्या, तो उसनै सोच्या के वो एसाव सै अर उसनै आशीष देई। ![](https://cdn.door43.org/obs/jpg/360px/obs-en-07-05.jpg) एसाव नै याकूब तै नफरत करी क्यूकें याकूब नै उसके पैहले बेट्टे के हक ताहीं अर गैल ए उसकी आशीषां ताहीं भी चुरा लिया था। आखर उसनै उनके पिता के मरण के बाद याकूब ताहीं मार डालण की योजना बणाई। ![](https://cdn.door43.org/obs/jpg/360px/obs-en-07-06.jpg) पर रिबका नै एसाव की योजना ताहीं सुण लिया। ज्यातैं उसनै अर इसहाक नै याकूब ताहीं उसके रिश्तेदारां के गैल रहण के खात्तर भोत दूर भेज दिया। ![](https://cdn.door43.org/obs/jpg/360px/obs-en-07-07.jpg) याकूब कई साल्लां ताहीं रिबका के रिश्तेदारां के गैल रह्या। उस बखत के दौरान उसनै ब्याह करया अर बाराह बेट्यां ताहीं अर एक बेट्टी ताहीं जन्माया। परमेसवर नै उस ताहीं घणा धणी बणा दिया। ![](https://cdn.door43.org/obs/jpg/360px/obs-en-07-08.jpg) बीस साल्लां ताहीं कनान म्ह अपणे घर तै दूर रहण के बाद, याकूब अपणे परिवार, अपणे सेवकां, अर अपणे जानवरां के सारे झुंडां के गैल ओड़ै वापस लौट्या। ![](https://cdn.door43.org/obs/jpg/360px/obs-en-07-09.jpg) याकूब इस करकै घणा डरया होया था क्यूकें उसनै सोच्या के एसाव इब भी उसे मार डालणा चाहवै था। ज्यातैं उसनै उपहार स्वरूप जानवरां के झुंडां ताहीं एसाव के धोरै भेज्या। जो सेवक उन झुंड्यां ताहीं लेकै गए थे उननै कह्या, "तेरा दास याकूब, इन जानवरां ताहीं तन्नै देवै सै। वो जल्दी ए आ रह्या सै।" ![](https://cdn.door43.org/obs/jpg/360px/obs-en-07-10.jpg) पर एसाव इब याकूब ताहीं नुकसान पोहचाणा न्ही चाहवै था। इसके बजाए, वो उसनै एक बार फेर तै देखकै भोत खुश था। उसके बाद याकूब कनान म्ह शान्तिपूर्वक रह्या। फेर इसहाक मर ग्या अर याकूब अर एसाव नै उस ताहीं दफनाया। करार के वायदे जो परमेसवर नै अब्राहम तै करे थे वे इब इसहाक तै याकूब पै आ ग्ये थे। उत्पत्ति अध्याय 25:27-35:29 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_07_256kbps.mp3 ## 8. परमेसवर यूसुफ अर उसके परिवार ताहीं बचावै सै https://openbiblestories.org/l/bgc/story-8/ ![](https://cdn.door43.org/obs/jpg/360px/obs-en-08-01.jpg) कई साल्लां के बाद, जिब याकूब बूढ़ा हो यग्या था, तो उसनै अपणे प्यारे बेट्टे यूसुफ ताहीं उसके भाइयां की जाँच करण के खात्तर भेज्या जो जानवरां के झुंडां की देखभाल कर रह्ये थे। ![](https://cdn.door43.org/obs/jpg/360px/obs-en-08-02.jpg) यूसुफ के भाई उसतै नफ़रत करै थे क्यूकें उनका पिता उसतै घणा प्यार करै था अर ज्यातैं भी के यूसुफ नै सपना देख्या था के वो उनका शासक हो जावैगा। जिब यूसुफ अपणे भाइयां के धोरै आया तो उननै उस ताहीं बंधक बणा लिया अर उस ताहीं दास्सां का व्यापार करण आळां ताहीं बेच दिया। ![](https://cdn.door43.org/obs/jpg/360px/obs-en-08-03.jpg) घर वापस लौटण तै पैहल्या यूसुफ के भाइयां नै यूसुफ के कपडया ताहीं फाड़ कै बकरी के लहू म्ह भिगो दिया। फेर उनानै वा कपड़ा अपणे पिता ताहीं दिखाया ताके वो यो सोचैगा के किसे जंगळी जानवर नै यूसुफ ताहीं मार डाल्या सै। याकूब भोत उदास था। ![](https://cdn.door43.org/obs/jpg/360px/obs-en-08-04.jpg) दास्सां का व्यापार करण आळे वे माणस यूसुफ ताहीं मिस्र लेगे। नील नदी के किनारे पै बस्या होया मिस्र एक विशाल अर शक्तिशाली देश था। उन दास्सां का व्यापार करण आळ्यां नै यूसुफ ताहीं एक धनी सरकारी अधिकारी ताहीं दास के रूप म्ह बेच दिया। यूसुफ नै अपणे स्वामी की आच्छी तरह तै सेवा करी, अर परमेसवर नै यूसुफ ताहीं आशीष देई। ![](https://cdn.door43.org/obs/jpg/360px/obs-en-08-05.jpg) उसके स्वामी की घरआळी नै यूसुफ के गैल सोने की कोशिश करी, पर यूसुफ नै इस रीति तै परमेसवर के खिलाफ पाप करण तै इंकार कर दिया। वो गुस्सा होगी अर यूसुफ पै झूठा आरोप लगा दिया, इस करकै उसनै गिरफ्तार करकै जेलखान्ने भेज दिया गया। उरै ताहीं के जेलखान्ने म्ह भी, यूसुफ परमेसवर के प्रति सच्चा रह्या, अर परमेसवर नै उस ताहीं आशीष दी। ![](https://cdn.door43.org/obs/jpg/360px/obs-en-08-06.jpg) दो साल्लां के बाद, यूसुफ इब भी जेलखान्ने म्ह था, भले ए वो बेकसूर था। एक रात, फिरौन, जिसा के मिस्री लोग अपणे राजयां ताहीं पुकारै थे, नै दो सपने देखे जिननै उस ताहीं घणा विचलित कर दिया। उसका कोए भी सलाहकार उसनै उन सपन्या का मतलब न्ही बता पाया। ![](https://cdn.door43.org/obs/jpg/360px/obs-en-08-07.jpg) परमेसवर नै यूसुफ ताहीं सपन्या का मतलब बताण की क्षमता प्रदान करी थी, ज्यातैं फिरौन नै यूसुफ ताहीं जेलखान्ने तै अपणे धोरै बुलाया। यूसुफ नै उसनै उन सपन्या का मतलब बताया अर कह्या, "परमेसवर भरपूरी की फसलां आळे सात साल्लां के बाद अकाळ के सात साल भेजण आळा सै।" ![](https://cdn.door43.org/obs/jpg/360px/obs-en-08-08.jpg) फिरौन यूसुफ तै इतना प्रभावित होया के उसनै उस ताहीं मिस्र का दूसरा सबतै शक्तिशाली पुरुष नियुक्त कर दिया। ![](https://cdn.door43.org/obs/jpg/360px/obs-en-08-09.jpg) यूसुफ नै माणसा तै आच्छी फसलां आळे सात साल्लां के दौरान बड़ी मात्रा म्ह भोजन नै जमा करण के खात्तर कह्या। जिब सात साल्लां का अकाळ आया फेर यूसुफ ने माणसां ताहिं वो भोजन बेच्या के उनकै धोरै खाण के खात्तर पर्याप्त हो। ![](https://cdn.door43.org/obs/jpg/360px/obs-en-08-10.jpg) वा अकाळ केवल मिस्र म्ह ए न्ही, पर कनान म्ह भी भयंकर था जड़ै याकूब अर उसका परिवार रहवै था। ![](https://cdn.door43.org/obs/jpg/360px/obs-en-08-11.jpg) इस करकै याकूब नै अपणे सबतै बड़े बेट्यां ताहीं भोजन खरीदनण के खात्तर मिस्र ताहीं भेज्या। जिब वे भोजन खरीदण के खात्तर यूसुफ के स्याम्ही खड़े होये तो उन भाइयां नै यूसुफ ताहीं न्ही पहचाण्या। पर यूसुफ नै उन ताहीं पहचाण लिया। ![](https://cdn.door43.org/obs/jpg/360px/obs-en-08-12.jpg) यो पता करण के खात्तर के के वे बदल गे सै उनकी जाँच करण के बाद, यूसुफ नै उनते कह्या, "मैं थारा भाई यूसुफ सूं! डरो ना। जिब थमनै मेरे ताहीं दास के रूप म्ह बेच्या था तो थमनै बुरा करण की ठानी थी, पर परमेसवर ने उस बुराई ताहीं भलाई के खात्तर इस्तेमाल करया! आओ अर मिस्र म्ह रह्यो ताके मैं थारे अर थारे परिवारां केखात्तर भोजन का प्रबंध कर सकूँ।" ![](https://cdn.door43.org/obs/jpg/360px/obs-en-08-13.jpg) जिब यूसुफ के भाई घर वापस लौट्टे अर अपणे पिता याकूब ताहीं बताया के यूसुफ इब भी जिन्दा सै तो वो भोत खुश होया था। ![](https://cdn.door43.org/obs/jpg/360px/obs-en-08-14.jpg) हालाँकि याकूब एक बूढ़ा व्यक्ति था तौभी वो अपणे पूरे परिवार कै गैल मिस्र नै चल्या गया, अर वे ओड़ै बस गे। याकूब के मरण तै पैहल्या, उसनै अपणे हरेक बेट्टे ताहीं आशीषित करया। ![](https://cdn.door43.org/obs/jpg/360px/obs-en-08-15.jpg) करार के वो वादे जो परमेसवर नै अब्राहम तै करे थे वे इसहाक पै अर उसके बाद याकूब, अर उसके बाद उसके बारह बेट्यां अर उनके परिवारां पर आ ग्ये थे। उन बारह बेट्यां के वंशज इस्राएल के बारह गोत्र बणगे। उत्पत्ति अध्याय 37-50 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_08_256kbps.mp3 ## 9. परमेश्वर मूसा ताहीं बुलावै सै https://openbiblestories.org/l/bgc/story-9/ ![](https://cdn.door43.org/obs/jpg/360px/obs-en-09-01.jpg) यूसुफ कै मरण कै बाद उसके सारे रिश्तेदार मिस्र म्ह बसगे। वे अर उनके वंशज कई सालां तक मिस्र म्ह ए रहे अर उनकै बोत से बाळक पेदा होए। वे इस्राएली कुहाए। ![](https://cdn.door43.org/obs/jpg/360px/obs-en-09-02.jpg) कई सौ सालां कै बाद, इस्राएलियों की संख्या बोत बढ़ गई थी। अर मिस्री लोग इब इस बात खात्तर आभारी ना थे कि उनकी सहायता करण कै खात्तर यूसुफ नै बोत कुछ करया था। वे इस्राएलियों तै डर गए क्योंकि वे संख्या म्ह उनतै बोत घणे थे। इस करकै उस बखत मिस्र पर शासन करण आळे फिरौन नै इस्राएलियों ताहीं मिस्रियों का दास बणा दिया। ![](https://cdn.door43.org/obs/jpg/360px/obs-en-09-03.jpg) मिस्रियों नै इस्राएलियों ताहीं बोत सी इमारतें अर उरै ताहीं के कई नगरों ताहीं बणाण खात्तर मजबूर करया। उस कठिन परिश्रम नै उनके जीवन ताहीं बड़ा दुःखदायी बणा दिया, लेकिन परमेश्वर नै उन ताहीं आशीष दी अर उनकै ओर घणे बाळक पैदा होए। ![](https://cdn.door43.org/obs/jpg/360px/obs-en-09-04.jpg) फिरौन नै देख्या के इस्राएलियों के बोत बाळक पैदा हो रहे थे, इस करकै उसनै अपने माणसां ताहीं इस्राएलियों के सारे नर बच्चों ताहीं नील नदी म्ह फेंक कै मार डालने का आदेश दिया। ![](https://cdn.door43.org/obs/jpg/360px/obs-en-09-05.jpg) एक इस्राएली जनानी नै एक नर बच्चे ताहीं जन्म दिया। उसनै अर उसके पति नै जितना उनतै हो सक्या उस बच्चे ताहीं छिपा कै राख्या। ![](https://cdn.door43.org/obs/jpg/360px/obs-en-09-06.jpg) जिब उस बाळक के मां-बाप उस ताहीं और अधिक न छिपा सके, तो उन्होंने उस ताहीं मारे जाने तै बचाण खात्तर एक तैरने आळी टोकरी म्ह नील नदी के किनारे पै सरकंडों के बीच रख दिया। उसकी बड़ी बहन नै यो देखण खात्तर उसकी निगरानी करी के उसकै गैल के होवैगा। ![](https://cdn.door43.org/obs/jpg/360px/obs-en-09-07.jpg) फिरौन की बेटी नै उस टोकरी ताहीं देख कै उसकै भीतर झाँका। जिब उसने एक बाळक ताहीं देखा तो उसने उसे अपने बच्चे के रूप म्ह ले लिया। उसनै एक इस्राएली जनानी नै उस ताहीं दूध पिलाण खात्तर काम पर रख लिया, बिना या जाणे के वो उस बाळक की असली मा थी। जिब वो बाळक इतना बड़ा हो ग्या के इब उसनै अपणी मां के दूध की जरुरत कोनी थी, तो उसनै फिरौन की बेटी कै धोरै उस ताहीं लौटा दिया, उसका नाम मूसा था। ![](https://cdn.door43.org/obs/jpg/360px/obs-en-09-08.jpg) एक दिन, जिब मूसा बड़ा हो ग्या था, तो उसनै देख्या के एक मिस्री एक इस्राएली नै पिट रह्या सै। मूसा नै अपने साथी इस्राएली ताहीं बचाणे की कोशिश करी। ![](https://cdn.door43.org/obs/jpg/360px/obs-en-09-09.jpg) जब मूसा नै सोच्या के उसनै कोई न्ही देखेगा तो उसनै उस मिस्री ताहीं मार दिया अर उसकी लाश ताहीं दफन कर दिया। लेकिन मूसा ने जो करया था उस ताहीं किसी नै देख लिया था। ![](https://cdn.door43.org/obs/jpg/360px/obs-en-09-10.jpg) फिरौन नै बेरा पाट ग्या के मूसा नै के करया सै। उसनै उस ताहीं मार देण की कोशिश करी, लेकिन मूसा मिस्र तै जंगल म्ह भाग ग्या। फिरौन के सैनिक उस ताहीं ओड़ डुन्ड ना पाए। ![](https://cdn.door43.org/obs/jpg/360px/obs-en-09-11.jpg) मिस्र तै दूर जंगल म्ह मूसा एक चरवाहा बण ग्या था। उसनै ओड़ एक छोरी तै ब्याह कर लिया अर दो बाळक पैदा होए। ![](https://cdn.door43.org/obs/jpg/360px/obs-en-09-12.jpg) मूसा अपणे ससुर के भेड़ों के झुंड की देखभाल करया करदा। एक दिन, उसनै एक जलदी होई झाड़ी ताहीं देखा जो भस्म होए बिना जळ रही थी। उसनै देखण खात्तर वो उस झाड़ी कै धोरै गया। जिब वो उसकै बोत करिब था तो परमेश्वर नै उसतै बात करी। उसनै कह्या, "हे मूसा, अपणे जूत्यां नै तार दे। तू एक पवित्र स्थान पै खड़ा सै।" ![](https://cdn.door43.org/obs/jpg/360px/obs-en-09-13.jpg) परमेश्वर नै कह्या, "मैंने अपने लोगों के दुःखां ताहीं देख्या सै। मैं तन्नै फिरौन कै धोरै भेजूँगा ताकि तू इस्राएलियाँ नै मिस्र कि गुलाम्मी तै लिकाड़ ल्याए। मैं उन ताहीं कनान देश दूँगा, वो देश जिसका मैंने अब्राहम, इसहाक अर याकूब तै वादा करया सै।" ![](https://cdn.door43.org/obs/jpg/360px/obs-en-09-14.jpg) मूसा नै पूछा, "अगर लोगों नै जाणणा चाह्या के मेरे ताहीं किसनै भेज्या सै तो मैं के कहूँ?" परमेश्वर नै कह्या, "जो मैं हूँ सो मैं हूँ। उनतै कहो, 'मैं हूँ ने मेरे ताहीं थारे धोरै भेज्या सै।' उनतै या भी कहो, 'मैं थारे पूर्वजों अब्राहम, इसहाक अर याकूब का परमेश्वर यहोवा सुं।' मेरा यो नाम सदा का सै।" ![](https://cdn.door43.org/obs/jpg/360px/obs-en-09-15.jpg) मूसा डरै था अर फिरौन कै धोरै जाणा न्ही चाहवै था क्योंकि उसनै सोच्या के वो आच्छी तरियां तै बोल न्ही पावैगा, इस करकै परमेश्वर नै मूसा के भाई, हारून, ताहीं उसकी मदद करण खात्तर भेज्या। *निर्गमन अध्याय 1-4 से एक बाइबल की कहानी* Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_09_256kbps.mp3 ## 10. दस विपत्तियाँ https://openbiblestories.org/l/bgc/story-10/ ![](https://cdn.door43.org/obs/jpg/360px/obs-en-10-01.jpg) परमेसवर नै मूसा अर हारून ताहीं चेतावनी दी के फिरौन हठीला हो जावैगा। जिब वे फिरौन के धोरै गए तो उननै कह्या, "इस्राएल का परमेसवर यों कहवै सै, 'मेरे माणसां ताहीं जाण दे!'" पर फिरौन नै उनकी न्ही सुणी अर इस्राएलियां ताहीं जाण के खात्तर आजाद करन के बजाए उसने उन ताहीं और कठिन मेहनत करण के खात्तर मजबूर करया। ![](https://cdn.door43.org/obs/jpg/360px/obs-en-10-02.jpg) फिरौन उन माणसां ताहीं जाण देण तै लगातार इंकार करदा रह्या, ज्यातैं परमेसवर नै मिस्र पै दस भयंकर विपत्तियाँ भेज्जीं। इन विपत्तियां के जरिये, परमेसवर नै फिरौन ताहीं दिखाया के वो फिरौन अर मिस्र के देवत्यां तै घणा शक्तिशाली सै। ![](https://cdn.door43.org/obs/jpg/360px/obs-en-10-03.jpg) परमेसवर नै नील नदी ताहीं लहू म्ह बदल दिया, पर फिरौन नै इब भी इस्राएलियां ताहीं जाण न्ही दिया। ![](https://cdn.door43.org/obs/jpg/360px/obs-en-10-04.jpg) परमेसवर नै पुरे मिस्र म्ह मिंढक भेज्जे। फिरौन नै मिंढकां ताहीं दूर करण कै खात्तर मूसा तै बिनती करी। पर सारे मिंढकां के मर जाण कै बाद, फिरौन नै अपणे मन ताहीं कठोर कर लिया अर इस्राएलियां ताहीं मिस्र तै लिकड़ण न्ही जाण दिया। ![](https://cdn.door43.org/obs/jpg/360px/obs-en-10-05.jpg) इस करकै परमेसवर नै कुटकियां की विपत्ति भेज्जी। उसकै बाद उसनै डाँसां की विपत्ति भेज्जी। फिरौन नै मूसा अर हारून ताहीं बुलाया अर उनतै कह्या के जै वे उस विपत्ति नै रोक दें तो इस्राएली मिस्र नै छोड़ कै जा सकैं सै। जिब मूसा नै प्रार्थना करी तो परमेसवर नै मिस्र पै तै डाँसां ताहीं हटा दिया। पर फिरौन नै अपणे मन ताहीं कठोर कर लिया अर उन लोगां तै आजाद होकै जाण न्ही दिया। ![](https://cdn.door43.org/obs/jpg/360px/obs-en-10-06.jpg) इसकै आग्गै, परमेसवर नै मिस्रियां के सारे पालतू जानवरां ताहीं बीमार होकै मर जाण दिया। पर फिरौन का मन कठोर हो ग्या था अर उसनै इस्राएलियाँ ताहीं जाण न्ही दिया। ![](https://cdn.door43.org/obs/jpg/360px/obs-en-10-07.jpg) फेर परमेसवर नै मूसा तै फिरौन कै स्याम्ही हवा म्ह राख फेंकण कै खात्तर कह्या। जिब उसनै इसा करया तो मिस्र के लोगां की खाल पै पीड़ादायक फोड़े लिकड़ आए, पर इस्राएलियाँ कै किमे न्ही होया परमेसवर नै फिरौन के मन ताहीं कठोर कर दिया, अर फिरौन नै इस्राएलियाँ ताहीं आजाद होकै जाण न्ही दिया। ![](https://cdn.door43.org/obs/jpg/360px/obs-en-10-08.jpg) इसकै बाद, परमेसवर नै ओळे गिराए अर मिस्र की ज्यादातर फसलां ताहीं नाश कर दिया अर जो कोए भी बाहर लिकड़या उस ताहीं मार गेरया फिरौन नै मूसा अर हारून ताहीं बुलाया अर उनतै कह्या, "मन्नै पाप करया सै। थम जा सको सो।"आखर मूसा नै प्रार्थना करी, अर अकास तै ओळे गिरणा रुकगे। ![](https://cdn.door43.org/obs/jpg/360px/obs-en-10-09.jpg) पर फिरौन नै फेर पाप करया अर अपणे मन ताहीं कठोर कर लिया। उसनै इस्राएलियाँ ताहीं आजाद होकै जाण न्ही दिया। ![](https://cdn.door43.org/obs/jpg/360px/obs-en-10-10.jpg) आखर परमेसवर नै मिस्र पै टिड्डियां के दलां ताहीं आण दिया। इन टिड्डियां नै उन सारी फसलां ताहीं खा लिया जिन ताहीं ओळां नै नाश न्ही करया था। ![](https://cdn.door43.org/obs/jpg/360px/obs-en-10-11.jpg) फेर परमेसवर नै अंधेरा कर दिया जो तीन दिनां ताहीं बण्या रह्या। यो इतना खतरनाक था के मिस्री माणस अपणे घरां तै लिकड़ न्ही पाए। पर जड़ै इस्राएली माणस रहवैं थे ओड़ै चान्दणा था। ![](https://cdn.door43.org/obs/jpg/360px/obs-en-10-12.jpg) इन नौ विपत्तियां कै बाद भी, फिरौन नै इस्राएलियां ताहीं आजाद होकै जाण देण तै इंकार कर दिया। क्यूकें फिरौन नै न्ही सुण्या था इस करकै परमेसवर नै एक आखरी विपत्ति ताहीं भेज्जण की योजना बणाई। यो फिरौन के मन ताहीं बदल देगी। निर्गमन अध्याय 5-10 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_10_256kbps.mp3 ## 11. फसह https://openbiblestories.org/l/bgc/story-11/ ![](https://cdn.door43.org/obs/jpg/360px/obs-en-11-01.jpg) परमेसवर नै मूसा अर हारून ताहीं फिरौन के धोरै यो कहण कै खात्तर जा के इस्राएलियां ताहीं जाण दे। उननै उस ताहीं चेतावनी दी के जै वो उन ताहीं न्ही जाण देगा, तो परमेसवर मिस्र के माणसां के अर जानवरां के सारे जेठ्यां ताहीं मार गेरैगा। फिरौन नै यो सुणकै भी परमेसवर पै बिशवास करण तै अर उसकी बात मान्नण तै इंकार कर दिया। ![](https://cdn.door43.org/obs/jpg/360px/obs-en-11-02.jpg) परमेसवर नै उस पै बिशवास करण आळे किसे के भी जेठ्ठे बेट्टे ताहीं बचाण कै खात्तर एक उपाय का प्रबंध करया। हर परिवार नै एक निष्कलंक मेमने ताहीं लेकै उसका वध करणा था। ![](https://cdn.door43.org/obs/jpg/360px/obs-en-11-03.jpg) परमेसवर नै इस्राएलियाँ तै उस मेमने के लहू ताहीं लेकै अपणे घरां के दरवाजे पै लगाण कै खात्तर कह्या। उननै उसके माँस ताहीं भूनणा था अर फेर उस ताहीं अखमीरी रोटी कै गैल उस ताहीं फुर्ती तै खाणा था। उसनै उस भोजन ताहीं खाण कै बाद उननै तत्काल मिस्र ताहीं छोड़ण नै भी तैयार रहण कै खात्तर कह्या ![](https://cdn.door43.org/obs/jpg/360px/obs-en-11-04.jpg) जिसा करण कै खात्तर परमेसवर नै इस्राएलियाँ तै हुकम दिया था उननै उसके मुताबिक सब किमे करया। आध्धी रात म्ह, परमेसवर हर एक जेठ्ठे बेट्टे नै घात करदे होए मिस्र के बिचाळै तै होकै लिकड़या ![](https://cdn.door43.org/obs/jpg/360px/obs-en-11-05.jpg) इस्राएलियाँ के हर एक घर के दरवाजे पै लहू लाग्या होया था, इस करकै परमेसवर नै उन घरां ताहीं छोड़ दिया। उनके भीत्तर के सारे माणस सुरक्षित थे। वे मेमने के लहू के कारण बचगे थे। ![](https://cdn.door43.org/obs/jpg/360px/obs-en-11-06.jpg) लेकिन मिस्रियां नै परमेसवर पै बिशवास न्ही करया था अर उसके हुकमां ताहीं न्ही मान्या इस करकै परमेसवर नै उनके घरां ताहीं न्ही छोड्या। परमेसवर नै मिस्रियां के हर एक जेठ्ठे बेट्यां ताहीं मार दिया। ![](https://cdn.door43.org/obs/jpg/360px/obs-en-11-07.jpg) जेळखान्ने के कैदियाँ के जेठ्ठयां तै लेकै, फिरौन के जेठे ताहीं, हर एक जेठा नर मर ग्या। अपणे गहरे दुख के कारण मिस्र के भोत से लोग रो रहे थे अर विलाप कर रहे थे। ![](https://cdn.door43.org/obs/jpg/360px/obs-en-11-08.jpg) उसे रात, फिरौन नै मूसा अर हारून ताहीं बुलाया अर कह्या, "इस्राएलियां ताहीं लेकै तावळी ए मिस्र तै लिकड़ ज्यो!" मिस्र के लोगां नै भी इस्राएलियां तै तुरन्त लिकड़ जाण का आग्रह करया। निर्गमन अध्याय 11:1-12:32 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_11_256kbps.mp3 ## 12. निर्गमन https://openbiblestories.org/l/bgc/story-12/ ![](https://cdn.door43.org/obs/jpg/360px/obs-en-12-01.jpg) इस्राएली लोग मिस्र तै लिकड़कै घणे खुश थे। वे इब दास न्ही थे, अर वे वादे के देश म्ह जा रहे थे! जो किमे भी इस्राएलियां नै माँग्या, मिस्रियां नै उन ताहीं वा सब किमे दिया, उरै ताहीं के सोन्ना अर चाँदी अर दुसरी किमती चीज्जां। दूसरे देशां के कुछ लोगां नै परमेसवर पै बिशवास करया अर जिब इस्राएली लोग मिस्र तै लिकड़े तो वे भी उनके गैल हो लिए। ![](https://cdn.door43.org/obs/jpg/360px/obs-en-12-02.jpg) दिन के दौरान बाद्दळ का एक विशाल खम्भा उसकै आग्गै-आग्गै चाल्या। अर रात के बखत यो आग का खम्भा बण ग्या। परमेसवर जो के उस बाद्दळ के खम्भे म्ह अर आग के खम्भे म्ह था, सदा उनके गैल था अर उसने सफर करदे बखत उनकी अगुवाई करी। उन ताहीं सिर्फ इतना करणा था के उसके पाच्छै चाल्लै। ![](https://cdn.door43.org/obs/jpg/360px/obs-en-12-03.jpg) थोड़े बखत के बाद, फिरौन अर उसके लोगां नै अपणे मन ताहीं बदल दिया। वे इस्राएलियां ताहीं फेर तै अपणा दास बणाणा चाहवै थे। ज्यातैं उननै इस्राएलिय का पीच्छा करया। यो परमेसवर ए था जिसनै उनके मनां ताहीं बदल दिया था। उसनै इसा इस करकै करया क्यूकें वो चाहवै था के हर कोए यो जाण ले के फिरौन तै अर मिस्रियां के सारे देवत्यां तै वो, यहोवा, घणा शक्तिशाली सै। ![](https://cdn.door43.org/obs/jpg/360px/obs-en-12-04.jpg) जिब इस्राएलियां नै मिस्र की सेना ताहीं आन्दे देख्या तो उन ताहीं पता लग्या के वे फिरौन की सेना अर लाल समुद्र के बीच म्ह फँसगे। वे भोत डरगे अर रोण लाग्गे, "मान्नै मिस्र ताहीं क्यों छोडया? हम मरण आळे सां!" ![](https://cdn.door43.org/obs/jpg/360px/obs-en-12-05.jpg) मूसा नै इस्राएलियां तै कह्या, "डरणा बंद करो! परमेसवर आज थारै खात्तर लड़ैगा अर थामनै बचावैगा।" फेर परमेसवर नै मूसा तै कह्या, "इन लोगां तै लाल समुद्र की ओर आग्गै बढ़ण के खात्तर कह।" ![](https://cdn.door43.org/obs/jpg/360px/obs-en-12-06.jpg) फेर परमेसवर नै उस बाद्दळ के खम्भे ताहीं लेकै इस्राएलियां अर मिस्रियां के बिचाळै म्ह रख दिया ताके मिस्री लोग इस्राएलियां ताहीं देख ना पावै। ![](https://cdn.door43.org/obs/jpg/360px/obs-en-12-07.jpg) परमेसवर नै मूसा तै समुद्र पै अपणा हाथ बढ़ाण के खात्तर कह्या। फेर परमेसवर नै हवा तै समुद्र के पाणी ताहीं बाईं अर दाईं ओर करवा दिया, जिसतै के समुद्र तै होकै एक राह बण ग्या। ![](https://cdn.door43.org/obs/jpg/360px/obs-en-12-08.jpg) इस्राएली लोग अपणे दोन्नु तरफ पाणी की दीवारां के गैल सूक्खी धरती पै समुद्र तै होकै बढ़ चाल्ले। ![](https://cdn.door43.org/obs/jpg/360px/obs-en-12-09.jpg) फेर परमेसवर नै उस रास्ते तै बाद्दळ ताहीं ठा लिया ताके मिस्री लोग इस्राएलियां ताहीं बचकै जान्दे होये देक्खे। मिस्रियां ने उन ताहीं पकड़ण के खात्तर उनका पीच्छा करण का फैसला लिया। ![](https://cdn.door43.org/obs/jpg/360px/obs-en-12-10.jpg) आखर उननै समुद्र के जरिये तै उस राह पै इस्राएलियां का पिच्छा करया, पर परमेसवर नै मिस्रियां ताहीं घबरा दिया अर उनके रत्थां ताहिं अटका दिया। वे चिल्लाण लाग्गे, "भाग्गो! इस्राएलियां की ओर तै परमेसवर लड़ रह्या सै!" ![](https://cdn.door43.org/obs/jpg/360px/obs-en-12-11.jpg) सारे इस्राएली समुद्र की दूसरी तरफ पोहचगे। फेर परमेसवर नै मूसा तै कह्या के वो फेर तै पाणी पै हाथ बढ़ावै। जिब मूसा नै इसा करया, तो पाणी मिस्री सेना पै आ पड़या अर अपणी सामान्य स्थिति म्ह हो ग्या। सारी मिस्री सेना डूबगी। ![](https://cdn.door43.org/obs/jpg/360px/obs-en-12-12.jpg) जिब इस्राएलियां नै देख्या के मिस्री मरगे थे तो उननै परमेसवर पै बिशवास करया। उननै बिशवास करया के मूसा परमेसवर की ओर तै भविष्यद्वक्ता था। ![](https://cdn.door43.org/obs/jpg/360px/obs-en-12-13.jpg) इस्राएली लोग इस करकै भी भोत खुश थे क्यूकें परमेसवर नै उन ताहीं मरण तै अर दास होण तै बचा लिया था। इब वे परमेसवर की आराधना करण अर उसकी आज्ञा का पाळण करण के खात्तर आजाद थे। इस्राएलियां नै अपणी आजादी का उत्सव मनाण के खात्तर अर परमेसवर के प्रशंसा करण के खात्तर कई गीतां ताहीं गाया क्यूकें उसनै उन ताहीं मिस्रियां की सेना तै बचाया था। ![](https://cdn.door43.org/obs/jpg/360px/obs-en-12-14.jpg) परमेसवर नै इस्राएलियां ताहीं हर साल एक त्यौहार मनाण का हुकम दिया यो याद करण के खात्तर के किस तरियां परमेसवर नै मिस्रियां ताहीं हरा दिया अर उन ताहीं दास होण तै आजाद करया। यो फसह का त्यौहार कहलाया था। इस म्ह उन ताहीं इसका उत्सव मनाण के खात्तर एक स्वस्थ मेमने ताहीं बलि करणा था, उस ताहीं भूनणा था, अर उस ताहीं बिना खमीर आळी रोट्टी के गैल खाणा था। निर्गमन अध्याय 12:33-15:21 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_12_256kbps.mp3 ## 13. इस्राएल के साथ परमेश्वर की वाचा https://openbiblestories.org/l/bgc/story-13/ ![](https://cdn.door43.org/obs/jpg/360px/obs-en-13-01.jpg) इस्राएलियों को लाल समुद्र से पार लेकर जाने के बाद, परमेश्वर उनको जंगल से होकर सीनै कहलाने वाले पर्वत की ओर लेकर चला। यह वही पर्वत था जहाँ पर मूसा ने जलती हुई झाड़ी को देखा था। उन लोगों ने उस पर्वत के नीचे अपने तम्बुओं को स्थापित किया। ![](https://cdn.door43.org/obs/jpg/360px/obs-en-13-02.jpg) परमेश्वर ने मूसा से और इस्राएल के सब लोगों से कहा, "तुमको हमेशा मेरी बातों को मानना है और जो वाचा मैं तुम्हारे साथ बाँधता हूँ उसे बनाए रखना है। यदि तुम ऐसा करते हो, तो तुम मेरा पुरस्कार बहुमूल्य धन, याजकों का राज्य, और एक पवित्र जाति ठहरोगे।" ![](https://cdn.door43.org/obs/jpg/360px/obs-en-13-03.jpg) परमेश्वर द्वारा उनके पास आने के लिए लोगों ने तीन दिन तक स्वयं को तैयार किया। तब परमेश्वर सीनै पर्वत की चोटी पर नीचे उतरा। जब वह आया तो भूकम्प हुआ, बिजलियाँ चमकी, धूँआ उठा, और तुरहियों का जोरदार शब्द हुआ। तब मूसा स्वयं ऊपर पर्वत पर चढ़ गया। ![](https://cdn.door43.org/obs/jpg/360px/obs-en-13-04.jpg) तब परमेश्वर ने लोगों के साथ एक वाचा बाँधी। उसने कहा, "मैं तुम्हारा परमेश्वर, यहोवा हूँ। मैं ही हूँ जिसने तुमको मिस्र के दासत्व से छुड़ाया। किसी अन्य देवता की उपासना मत करना।" ![](https://cdn.door43.org/obs/jpg/360px/obs-en-13-05.jpg) "मूर्तियाँ न बनाना और उनकी उपासना मत करना, क्योंकि मैं, यहोवा, तुम्हारा एकमात्र परमेश्वर हूँ। अनुचित रीति से मेरे नाम का उपयोग मत करना। सब्त के दिन को पवित्र मानने के लिए स्मरण रखना। दूसरे शब्दों में, छः दिनों में अपने सारे काम करना, सातवाँ दिन तुम्हारे लिए विश्राम करने और मुझे स्मरण करने का दिन है।" ![](https://cdn.door43.org/obs/jpg/360px/obs-en-13-06.jpg) "अपने माता और पिता का आदर करना। हत्या न करना। व्यभिचार न करना। चोरी न करना। अपने पड़ोसी की पत्नी, उसके घर, या उसके किसी भी सामान को ले लेने की इच्छा न करना।" ![](https://cdn.door43.org/obs/jpg/360px/obs-en-13-07.jpg) तब परमेश्वर ने इन दस आज्ञाओं को पत्थर की दो पटियाओं पर लिख कर मूसा को दे दिया। परमेश्वर ने पालन करने के लिए लोगों को अन्य बहुत सी व्यवस्थाएँ दीं। यदि उन्होंने इन व्यवस्थाओं का पालन किया तो परमेश्वर ने उन लोगों को आशीष देने और उनकी सुरक्षा करने की प्रतिज्ञा की। परन्तु उसने कहा कि यदि उन्होंने इनका पालन नहीं किया तो वह उनको दंडित करेगा। ![](https://cdn.door43.org/obs/jpg/360px/obs-en-13-08.jpg) परमेश्वर ने इस्राएलियों से एक विशाल तंबू बनाने के लिए भी कहा – मिलाप वाला तंबू। उसने उनको ठीक ठीक बताया कि इस तंबू को कैसे बनाना है, और उसके भीतर किन चीजों को रखना है। उसने उनको उस तंबू को दो कमरों में विभाजित करने के लिए एक विशाल पर्दे को बनाने के लिए भी कहा। परमेश्वर उस पर्दे के पीछे वाले कमरे में आएगा और वहाँ रहेगा। जहाँ परमेश्वर था उस कमरे जाने की अनुमति केवल महायाजक को थी। ![](https://cdn.door43.org/obs/jpg/360px/obs-en-13-09.jpg) उन लोगों को उस मिलाप वाले तंबू के सामने एक वेदी को बनाना होगा। कोई भी जो परमेश्वर की व्यवस्था की अवज्ञा करे वह उस वेदी पर एक जानवर को लेकर आए। तब याजक उसे बलि करेगा और वेदी पर परमेश्वर के लिए बलि के रूप में जलाएगा। परमेश्वर ने कहा कि उस जानवर का लहू उस व्यक्ति के पापों को ढाँप लेगा। इस रीति से, अब परमेश्वर उस पाप को नहीं देखेगा। वह व्यक्ति परमेश्वर की दृष्टि में "शुद्ध" ठहरेगा। परमेश्वर ने मूसा के भाई हारून को और हारून के वंशजों को अपने याजक होने के लिए चुना। ![](https://cdn.door43.org/obs/jpg/360px/obs-en-13-10.jpg) परमेश्वर ने उन लोगों को जो नियम दिए थे वे उनका पालन करने के लिए सहमत हुए। वे केवल परमेश्वर के लोग होने को और केवल उसकी आराधना करने के लिए सहमत हुए। ![](https://cdn.door43.org/obs/jpg/360px/obs-en-13-11.jpg) कई दिनों तक, मूसा सीनै पर्वत की चोटी पर ही रहा। वह परमेश्वर से बात कर रहा था। परन्तु लोग उनके पास वापिस लौटने की प्रतीक्षा करते-करते थक गए। इसलिए वे हारून के पास सोना लेकर आए और उससे एक मूर्ति बनाने के लिए कहा ताकि वे परमेश्वर के बजाए उसकी उपासना कर सकें। इस रीति से, उन्होंने भयंकर रूप से परमेश्वर के विरुद्ध पाप किया। ![](https://cdn.door43.org/obs/jpg/360px/obs-en-13-12.jpg) हारून ने बछड़े के आकार में सोने की एक मूर्ति बनाई। उन लोगों ने उस मूर्ति की उपासना करना आरम्भ कर दिया और उसे बलि चढ़ाई! उनके पाप की वजह से परमेश्वर उनसे बहुत क्रोधित हुआ था। वह उनको नष्ट कर देना चाहता था। परन्तु मूसा ने उनको नहीं मारने का परमेश्वर से अनुरोध किया। परमेश्वर ने उसके अनुरोध को सुना और उनको नष्ट नहीं किया। ![](https://cdn.door43.org/obs/jpg/360px/obs-en-13-13.jpg) आखिरकार मूसा सीनै पर्वत से नीचे उतर आया। वह उन दो पत्थर की पटियाओं को लिए हुए था जिन पर परमेश्वर ने दस आज्ञाओं को लिखा था। फिर उसने उस मूर्ति को देखा। वह इतना क्रोधित हुआ कि उसने उन पटियाओं को चकनाचूर कर दिया। ![](https://cdn.door43.org/obs/jpg/360px/obs-en-13-14.jpg) फिर मूसा ने उस मूर्ति को पीस कर उसका बुरादा बना दिया, और उस बुरादे को पानी में मिलाकर उन लोगों को वह पानी पिला दिया। परमेश्वर ने उन लोगों पर एक विपत्ति भेजी और उनमें से बहुत लोग मर गए। ![](https://cdn.door43.org/obs/jpg/360px/obs-en-13-15.jpg) निर्गमन अध्याय 19-34 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_13_256kbps.mp3 ## 14. जंगल में भटकना https://openbiblestories.org/l/bgc/story-14/ ![](https://cdn.door43.org/obs/jpg/360px/obs-en-14-01.jpg) परमेसवर नै इस्राएलियां ताहीं उन नियमा ताहीं बताणा खत्म करया जिनका उन ताहीं करे गये उसके करार के कारण पाळण करणा सै। फेर उसनै सीनै पर्वत तै आग्गै उनकी अगुवाई करी। वो उन ताहीं वादे के देश म्ह ले जाणा चाहवै था। यो देश कनान भी कुह्यावै था। परमेसवर बाद्दल के खम्भे म्ह उनकै आग्गै-आग्गै चाल्या, अर वे उसके पिच्छै-पिच्छै चाल्लै। ![](https://cdn.door43.org/obs/jpg/360px/obs-en-14-02.jpg) परमेसवर नै अब्राहम, इसहाक अर याकूब तै वादा करया था के वा वादे का वा देश उनके वंशजां ताहीं देवैगा, पर इस बखत ओड़ै भोत सी जात्तां रह रही थीं। वे कनानी कुह्यावै थे। ये कनानी लोग परमेसवर की आराधना न्ही करै थे अर उसके हुकमां ताहीं न्ही मान्नै थे। वे झूठे देवत्यां की उपासना करया करै थे अर भोत से बुरे काम करै थे। ![](https://cdn.door43.org/obs/jpg/360px/obs-en-14-03.jpg) परमेसवर नै इस्राएलियां तै कह्या, "जिब थम उस करार के देश म्ह जाओ तो ओड़ै के सारे कनानियां तै छुटकारा पा लियो। उनकै गैल संधि ना करणा अर उन तै ब्याह ना करणा। थमनै उनकी सारी मूर्तियां ताहीं पूरी तरियां तै नाश कर देणा सै। जै थम मेरे हुकम ना मान्नोगे, तो थम मेरे बजाए उनके देवत्यां की उपासना करण लागोगे।" ![](https://cdn.door43.org/obs/jpg/360px/obs-en-14-04.jpg) जिब इस्राएली कनान की सीमा पै पोहचे, मूसा नै इस्राएल के हरेक गोत्र म्ह तै एक-एक करकै बारह माणसां ताहीं चुण्या। उसने उन ताहीं जाकै उस देश का भेद लेण के निर्देश दिए के देखैं के वा किसा देश सै। उन ताहीं उन कनानियां का भेद भी लेणा था के देखैं के वे बलशाली थे या निर्बल थे। ![](https://cdn.door43.org/obs/jpg/360px/obs-en-14-05.jpg) उन बारह माणसां नै पूरे कनान तै होन्दे होये चाळीस दिन का सफ़र करया अर फेर वे वापस लौट आए। उननै लोगां ताहीं बताया, "वा देश घणा उपजाऊ सै अर फसलां भोत घणी सै!" पर दस भेदियां नै कह्या, "उनके नगर भोत मजबुत सै अर वे लोग लाम्बे-चौड़े सैं! जै हम उन पै हमला करां सां, तो पक्के वे म्हारे ताहीं हरा देंगे अर म्हारे ताहीं मार डालैगे।" ![](https://cdn.door43.org/obs/jpg/360px/obs-en-14-06.jpg) जिब ए कालेब अर यहोशू अर दुसरे दो भेदियां नै कह्या, "या साच्ची सै के कनान के लोग लाम्बे अर बलशाली सैं, पर पक्के हम उन ताहीं हरा सकां सां! परमेसवर म्हारै खात्तर लड़ैगा!" ![](https://cdn.door43.org/obs/jpg/360px/obs-en-14-07.jpg) पर लोगां नै कालेब अर यहोशू की न्ही सुणी। वे मूसा अर हारून पै गुस्सा होगे अर कह्या, "थम हमनै इस भयानक जगहां पैर क्युं लेकै आए हो? हमनै मिस्र म्ह ए रहणा चाहिए था। जै हम उस देश म्ह जावां सां तो हम युद्ध म्ह मारे जावांगे, अर कनान के लोग म्हारी जनानियां अर बच्यां ताहीं दास बणा लेवैंगे।" वे लोग उन ताहीं वापस मिस्र म्ह लेकै जाण के खात्तर एक अन्य अगुवे ताहीं चुनणा चाहवै थे। ![](https://cdn.door43.org/obs/jpg/360px/obs-en-14-08.jpg) जिब उन लोगां नै इसा कह्या तो परमेसवर भोत गुस्सा हो ग्या था। वो मिलाप आळे तंबू म्ह आया अर कह्या, "थमनै मेरे खिलाफ बलवा करया सै,ज्यातै थम सारे नै इस जंगळ म्ह भटकणा पड़ैगा। हर एक जन जो बीस साल या उसतै घणी उम्र का सै ओड़ै ए मर जावैगा अर कदे भी उस देश म्ह जा न्ही पावैगा जो मैं थमनै देऊँ सूं। केवल कालेब अर यहोशू उस म्ह प्रवेश करैंगे।" ![](https://cdn.door43.org/obs/jpg/360px/obs-en-14-09.jpg) जिब लोगां नै परमेसवर ताहीं इसा कहन्दे सुण्या, तो वे दुखी होये क्यूकें उननै पाप करया था। ज्यातैं उननै कनान के लोगां पे हमला करण का फैसला करया। मूसा नै उन ताहीं न्ही जाण के खात्तर चेतावनी दी क्यूकें परमेसवर उनकै गैल न्ही जावैगा, पर उननै उसकी न्ही सुणी। ![](https://cdn.door43.org/obs/jpg/360px/obs-en-14-10.jpg) परमेसवर इस युद्ध म्ह उनकै गैल न्ही गया था, इस करकै कनानियनै ने उन ताहीं हरा दिया अर उन म्ह तै भोतां ताहीं मार गेरया। फेर इस्राएली लोग कनान तै वापस मुड़गे। आगले चाळीस साल्लां ताहीं, वे जंगळ म्ह इधर-उधर भटकैंगे। ![](https://cdn.door43.org/obs/jpg/360px/obs-en-14-11.jpg) इस्राएली लोगां जरिये जंगळ म्ह भटकण के चाळीस साल्लां के दौरान, परमेसवर नै उनकी जरुरतां ताहीं पूरा करया। उसनै उन ताहीं सुर्ग तै "मन्ना" कुहाण आळी रोट्टी देई। उसने बटेरां के झुंड भी (जो के मध्यम आकार के पंछी होवैं सैं) उनकी छावनी म्ह भेज्जे ताके उनकै धोरै खाण के खात्तर माँस हो। उस पूरे बखत, परमेसवर नै उनके कपड़या अर जूत्यां ताहीं पाटण तै बचाए राख्या। ![](https://cdn.door43.org/obs/jpg/360px/obs-en-14-12.jpg) उरै ताहीं के परमेसवर नै उनके पीणे के खात्तर चमत्कारी रूप तै चट्टान म्ह तै पाणी लिकाड़या। पर इन सारया के उपरान्त, इस्राएली लोगां नै परमेसवर के खिलाफ अर मूसा के खिलाफ शिकायत करी अर कुड़कुड़ाए। फेर भी, परमेसवर वफादार था। उसनै जो वादा करया था के वा अब्राहम, इसहाक, अर याकूब के वंशजां के खात्तर करैगा उसनै वा करया। ![](https://cdn.door43.org/obs/jpg/360px/obs-en-14-13.jpg) एक और बखत जिब उन लोगां के धोरै पाणी न्ही था, परमेसवर नै मूसा तै कह्या, "चट्टान तै बात्तां कर, अर उसतै पाणी लिकड़ैगा।" पर मूसा नै चट्टान तै बात न्ही करी। बजाए इसके, उसनै छड़ी तै चट्टान पै दो बार मारया। इस तरिया तै उसनै परमेसवर का निरादर करया। सारया के पीणे के खात्तर चट्टान म्ह तै पाणी तो लिकड़ आया, पर परमेसवर मूसा तै गुस्सा हो ग्या। उसनै कह्या, "क्यूकें तन्नै इसा करया सै,ज्यातैं तू वादे के देश म्ह जा न्ही करण पावैगा।" ![](https://cdn.door43.org/obs/jpg/360px/obs-en-14-14.jpg) जिब इस्राएली लोग चाळीस साल्लां ताहीं जंगळ म्ह भटक चुके थे, फेर जिन ताहीं परमेसवर के खिलाफ बलवा करया था वे सारे मरगे थे। फेर परमेसवर उन लोगां ताहीं फेर तै उस वादे के देश के सिवाने ताहीं ले ग्या। इब मूसा भोत बूढ़ा हो ग्या था, इस करकै परमेसवर नै लोगां की अगुवाई करण म्ह उसकी मदद करण के खात्तर यहोशू ताहीं चुण्या। परमेसवर नै मूसा तै ये वादा भी करया था के एक दिन वो उन लोगां के धोरै मूसा के जिसा एक भविष्यद्वक्ता भेजैगा। ![](https://cdn.door43.org/obs/jpg/360px/obs-en-14-15.jpg) फेर परमेसवर नै मूसा ताहीं एक पर्वत की चोट्टी पै जाण के खात्तर कह्या ताके वा वादा के देश ताहीं देख सकै। मूसा नै उस वादा के देश ताहीं देख्या पर परमेसवर नै उस ताहीं उस म्ह जाण की अनुमति न्ही दी। फेर मूसा मर ग्या, अर इस्राएलियां नै तीस दिन ताहीं शोक मनाया। यहोशू उनका नया अगुवा बण ग्या। यहोशू एक आच्छा अगुवा था क्यूकें उसनै परमेसवर पै भरोसा करया अर उसकी बात्तां ताहीं मान्ना। निर्गमन अध्याय 16-17; गिनती 10-14; 20; 27; व्यवस्थाविवरण 34 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_14_256kbps.mp3 ## 15. प्रतिज्ञा का देश https://openbiblestories.org/l/bgc/story-15/ ![](https://cdn.door43.org/obs/jpg/360px/obs-en-15-01.jpg) आखर म्ह, इब वा बखत आ ग्या था के इस्राएली लोग वादे के देश, कनान म्ह प्रवेश करैं। उस देश म्ह यरीहो नाम का एक नगर था। उसकी सुरक्षा के खात्तर उसके च्यारु ओर मजबूत दीवारां थीं। यहोशू नै उस नगर म्ह दो भेदियां ताहीं भेज्या। उस नगर म्ह राहाब नाम की एक वेश्या रहवै थी। उसनै इन भेदियां ताहीं छुपाया, अर फेर बाद म्ह उसनै उन ताहीं नगर तै बच कर लिकड़ण म्ह मदद करी। उसनै इसा इस करकै करया क्यूकें वा परमेसवर म्ह बिशवास करै थी। जिस बखत इस्राएली लोग यरीहो ताहीं नाश करैंगे फेर उननै राहाब अर उसके परिवार की रक्षा करण का वादा करया था। ![](https://cdn.door43.org/obs/jpg/360px/obs-en-15-02.jpg) इस्राएली लोगां ताहीं वादा के देश म्ह प्रवेश करण के खात्तर यरदन नदी पार करणी थी। परमेसवर नै यहोशू तै कह्या, "याजकां ताहीं पैहले जाण दे।" जिब याजकां नै यरदन नदी म्ह अपणे कदमां ताहीं धरया तो पाणी की धारा का बहणा थम ग्या, जिसतै के इस्राएली लोग नदी की दूसरी ओर सूक्खी धरती पर पार जा सके। ![](https://cdn.door43.org/obs/jpg/360px/obs-en-15-03.jpg) उन लोगां नै यरदन नदी पार कर ली तो परमेसवर नै यहोशू तै कह्या के यरीहो पै हमला करण के खात्तर तैयार रहे, फेर भी वा भोत मजबूत नगर था। परमेसवर नै उन लोगां तै कह्या के उनके याजकां अर सैनिकां ताहीं छः दिनां ताहीं उस नगर के च्यारु ओर चक्कर लगाणा सै। आखर याजकां अर सैनिकां नै इसा ए करया। ![](https://cdn.door43.org/obs/jpg/360px/obs-en-15-04.jpg) फेर सातम्मे दिन, इस्राएलियां नै उस नगर के च्यारु ओर सात बार और चक्कर लगाए। उनके नगर के च्यारु ओर सातवीं बार चक्कर लगा लेण के बाद, याजकां नै अपणी तुरहियाँ फूँक्की अर सैनिकां नै जोरदार शब्द करया। ![](https://cdn.door43.org/obs/jpg/360px/obs-en-15-05.jpg) फेर यरीहो के च्यारु ओर की दीवारां गिर गईं! जिसा परमेसवर नै हुकम दिया था इस्राएलियां नै नगर की हर एक चीज ताहीं नाश कर दिया। उननै केवल राहाब अर उसके परिवार ताहीं छोड़ दिया, जो इस्राएलियां का हिस्सां बण गए थे। जिब कनान म्ह रहण आळे दुसरे लोगां नै सुण्या के इस्राएलियां नै यरीहो ताहीं नाश कर दिया सै, तो वे डरगे के इस्राएली लोग उन पै भी हमला करैंगे। ![](https://cdn.door43.org/obs/jpg/360px/obs-en-15-06.jpg) परमेसवर नै इस्राएलियां ताहीं हुकम दिया था के कनान म्ह रहण आळी किसे भी जात के गैल शान्तिसंधि न्ही करणी सै। पर गिबोनियां नामक एक कनानी जाति नै यहोशू तै झूठ बोल्या के वे कनान तै दूर एक जगहां के रहण आळे सैं। उननै यहोशू तै उनकै गैल शान्तिसंधि करण का अनुरोध करया। यहोशू अर दुसरे इस्राएली अगुव्यां नै परमेसवर तै न्ही पुछ्या के उन ताहीं के करणा चाहिए। इसके बजाए, उननै गिबोनियां के गैल शान्तिसंधि कर ली। ![](https://cdn.door43.org/obs/jpg/360px/obs-en-15-07.jpg) तीन दिन बाद, इस्राएलियां नै मालूम होया के गिबोनी लोग कनान म्ह ए रहवैं थे। वे गुस्सा होगे क्यूकें गिबोनियां नै उन ताहीं धोक्खा दिया था। पर उननै उनकै गैल करी गई उस शान्तिसंधि ताहीं बणाए राख्या क्यूकें वा परमेसवर के स्याम्ही करी गई थी। फेर कुछ बखत के बाद, कनान म्ह रहण आळी एक दुसरी जाति, एमोरियां के राजा नै सुण्या के गिबोनियां नै इस्राएलियां के गैल शान्तिसंधि कर ली सै, इस करकै उननै अपणी-अपणी सेना ताहीं एक करकै एक बड़ी सेना बणाई अर गिबोन पै हमला कर दिया। गिबोनियां नै उनकी मदद करण के खात्तर यहोशू के धोरै एक संदेश भेज्या। ![](https://cdn.door43.org/obs/jpg/360px/obs-en-15-08.jpg) आखर यहोशू नै इस्राएलियां की सेना ताहीं कट्ठा करया अर गिबोनियां के धोरै पोहचण के खात्तर वे पूरी रात चाल्ले। सबेरे भोर म्ह उननै एमोरियां की सेना ताहीं चकित कर दिया अर उन पै हमला कर दिया। ![](https://cdn.door43.org/obs/jpg/360px/obs-en-15-09.jpg) उस दिन परमेसवर इस्राएलियां के खात्तर लड़या। उसनै एमोरियां ताहीं घबरा दिया अर उसनै बड़े-बड़े ओळे गिराकै भोत से एमोरियां ताहीं मार डाल्या। ![](https://cdn.door43.org/obs/jpg/360px/obs-en-15-10.jpg) परमेसवर नै सूरज ताहीं भी अकास म्ह एक जगहां पै थमा दिया ताके इस्राएलियां ताहीं पुरा बखत मिल जावै के एमोरियां ताहीं पूरी तरह तै हरा दें। उस दिन, परमेसवर नै इस्राएलियां के खात्तर एक बड़ी जीत प्राप्त करी। ![](https://cdn.door43.org/obs/jpg/360px/obs-en-15-11.jpg) जिब परमेसवर नै उन सेना ताहीं हराण के बाद, भोत से कनानी जाति के लोग इस्राएल पै हमला करण के खात्तर कठ्ठे होये। यहोशू अर इस्राएलियां नै हमला करकै उनका सर्वनाश कर दिया। ![](https://cdn.door43.org/obs/jpg/360px/obs-en-15-12.jpg) इन युद्‌धां के बाद, परमेसवर नै इस्राएल के हरेक गोत्र ताहीं वादे के उस देश म्ह उनका हिस्सा दिया। फेर परमेसवर नै इस्राएल ताहीं उसकी सारी सीमा पै शान्ति प्रदान करी। ![](https://cdn.door43.org/obs/jpg/360px/obs-en-15-13.jpg) जिब यहोशू बूढ़ा हो ग्या तो उसनै इस्राएल के सारे लोगां ताहीं एक साथ बुलाया। फेर यहोशू नै उन लोगां ताहीं याद कराया के उननै उस करार का पालन करण का वादा करया था जो परमेसवर नै उनकै गैल सीनै पर्वत पै करया था। उन लोगां नै परमेसवर के प्रति वफादार रहण अर उसकी व्यवस्था का पालन करन का वादा करया। यहोशू अध्याय 1-24 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_15_256kbps.mp3 ## 16. परमेसवर मूसा ताहीं बुलावै सै https://openbiblestories.org/l/bgc/story-16/ ![](https://cdn.door43.org/obs/jpg/360px/obs-en-16-01.jpg) यूसुफ के मरण के बाद उसके सारे रिश्तेदार मिस्र म्ह बसगे। वे अर उनके वंशज कई साल्लां ताहीं मिस्र म्ह ए रहे अर उननै घणी ऊलाद पैदा करी। वे इस्राएली कुहाये। ![](https://cdn.door43.org/obs/jpg/360px/obs-en-16-02.jpg) कई सौ साल्लां के बाद, इस्राएलियां की गिणती भोत बढ़गी थी। अर मिस्री लोग इब इस बात के लिए आभारी न्ही थे के उनकी मदद करण खात्तर यूसुफ नै भोत कुछ करया था। वे इस्राएलियां तै डरगे क्यूकें वे गिणती म्ह उनतै भोत घणे थे। ज्यातै उस बखत मिस्र पै शासन करण आळे फिरौन नै इस्राएलियां ताहीं मिस्रियां का दास बणा दिया। ![](https://cdn.door43.org/obs/jpg/360px/obs-en-16-03.jpg) मिस्रियां नै इस्राएलियां ताहीं भोत सी इमारतां अर उरै ताहीं के कई नगरां ताहीं बणाण के खात्तर मजबूर करया। उस कठिन परिश्रम नै उनकी जिन्दगी ताहीं बड़ा दुःखदायी बणा दिया, पर परमेसवर नै उन ताहीं आशीष देई अर उनकै और घणी ऊलाद पैदा करी। ![](https://cdn.door43.org/obs/jpg/360px/obs-en-16-04.jpg) फिरौन नै देख्या के इस्राएलियां के घणी ऊलाद पैदा हो रही थीं, ज्यातैं उसनै अपणे लोगां ताहीं इस्राएलियां के सारे नर बच्यां ताहीं नील नदी म्ह फेंककै मार गेरण का हुकम दिया। ![](https://cdn.door43.org/obs/jpg/360px/obs-en-16-05.jpg) एक खाश इस्राएली जनानी नै एक नर बच्चा ताहीं जन्म दिया। उसनै अर उसके पति नै जितणा उनतै हो सक्या उस बच्चे ताहीं छिपाकै राख्या। ![](https://cdn.door43.org/obs/jpg/360px/obs-en-16-06.jpg) जिब उस बाळक के माता-पिता उसनै और घणा ना छिपा सके, तो उननै उसे ताहीं मारे जाण तै बचाण के खात्तर एक तैरण आळी टोकरी म्ह नील नदी के किनारे पै सरकंडया के बिचाळै रख दिया। उसकी बड़ी भाण नै यो देखण के खात्तर उसकी निगरानी करी के उसके गैल के होवैगा। ![](https://cdn.door43.org/obs/jpg/360px/obs-en-16-07.jpg) फिरौन की बेट्टी नै उस टोकरी ताहीं देखकै उसकै भीतर झाँक्या। जिब उसनै एक बच्चे ताहीं देख्या तो उसनै उस ताहीं अपने बच्चे के रूप म्ह ले लिया। उसनै एक इस्राएली जनानी ताहीं उस ताहीं दूध पिलाण के खात्तर काम पै रख लिया, बिना यो जाणे के वा उस बच्चे की असली माता थी। जिब वो बच्चा इतना बड़ा हो ग्या के इब उसनै अपणी माता के दूध की जरुरत न्ही थी, तो उसनै फिरौन की बेट्टी धोरै उस ताहीं लौटा दिया, उसका नाम मूसा था। ![](https://cdn.door43.org/obs/jpg/360px/obs-en-16-08.jpg) एक दिन, जिब मूसा बड़ा हो ग्या था, तो उसनै देख्या के एक मिस्री एक इस्राएली ताहीं पिट रह्या सै। मूसा नै अपणे साथी इस्राएली ताहीं बचाण का प्रयास करया। ![](https://cdn.door43.org/obs/jpg/360px/obs-en-16-09.jpg) जिब मूसा नै सोच्या के उस ताहीं कोए न्ही देखैगा तो उसनै उस मिस्री ताहीं मार गेरया अर उसके शव ताहीं दफन कर दिया। पर मूसा नै जो करया था उस ताहीं किसे नै देख लिया था। ![](https://cdn.door43.org/obs/jpg/360px/obs-en-16-10.jpg) फिरौन ताहीं मालूम हो ग्या के मूसा नै के करया सै। उसनै उस ताहीं मार गेरण का प्रयास करया, पर मूसा मिस्र जंगल म्ह भाग ग्या। फिरौन के सैनिक उस ताहीं औड़ै खोज ना सके। ![](https://cdn.door43.org/obs/jpg/360px/obs-en-16-11.jpg) मिस्र तै दूर जंगळ म्ह मूसा एक पाळी बण ग्या था। उसनै औड़ै एक जनानी तै ब्याह कर लिया अर दो बेट्टे पैदा करे। ![](https://cdn.door43.org/obs/jpg/360px/obs-en-16-12.jpg) मूसा अपणे ससुर के भेड़ां के झुंड की देखभाळ करै था। एक दिन, उसनै एक जळदी होई झाड़ी ताहीं देख्या जो भस्म होये बिना जळ रही थी। उसनै देखण के खात्तर वो उस झाड़ी के धोरै गया। जिब वो उसकै भोत लोवै था तो परमेसवर नै उसतै बात करी। उसनै कह्या, "हे मूसा, अपणे जूत्यां ताहीं तार दे। तू एक पवित्र जगहां पै खड़या सै।" ![](https://cdn.door43.org/obs/jpg/360px/obs-en-16-13.jpg) परमेसवर नै कह्या, "मन्नै अपणे लोगां के दुःखां ताहीं देख्या सै। मैं तन्नै फिरौन के धोरै भेज्जूंगा ताके तू इस्राएलियां ताहीं मिस्र के दासत्व तै लिकाड़ ल्यावै। मैं उन ताहीं कनान देश दयूगां, वा देश जिसका मन्नै अब्राहम, इसहाक अर याकूब तै वादा करया सै।" ![](https://cdn.door43.org/obs/jpg/360px/obs-en-16-14.jpg) मूसा नै पूछ्या, "जै लोगां नै जाणणा चाह्या के मेरे ताहीं किसनै भेज्या सै तो मैं के कहूँ?" परमेसवर नै कह्या, "जो मैं हूँ सो मैं हूँ। उनसे कहो, 'मैं हूँ नै मेरे ताहीं थारै धोरै भेज्या सै।' उनतै यो भी कह्यो, 'मैं थारे पूर्वजां अब्राहम, इसहाक अर याकूब का परमेसवर यहोवा सूं।' मेरा यो नाम सदा का सै।" ![](https://cdn.door43.org/obs/jpg/360px/obs-en-16-15.jpg) मूसा डरै था अर फिरौन के धोरै जाणा न्ही चाहवै था क्यूकें उसनै सोच्या के वो आच्छा न्ही बोल पावैगा, इस करकै परमेसवर नै मूसा के भाई, हारून, ताहीं उसकी मदद करण के खात्तर भेज्या। निर्गमन अध्याय 1-4 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_16_256kbps.mp3 ## 17. दाऊद के गैल परमेसवर का करार https://openbiblestories.org/l/bgc/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएल का पैहला राजा था। वो लाम्बा अर सुथरा था, जिसा वे लोग चाहवै थे एकदम उसा। इस्राएल पै अपणे शासन के पहले कुछ साल्लां म्ह शाऊल एक आच्छा राजा था। पर बाद म्ह वो एक दुष्ट माणस बण ग्या जिसनै परमेसवर की बात्तां ताहीं ना मान्ना, ज्यातैं परमेसवर नै एक दुसरे माणस ताहीं चुण्या जो के एक दिन उसकी जगहां पै राजा बणैगा। ![](https://cdn.door43.org/obs/jpg/360px/obs-en-17-02.jpg) परमेसवर नै दाऊद नाम के एक जवान इस्राएली पुरुष ताहीं चणकै एक दिन शाऊल की जगहां पै राजा होण के खात्तर त्यार करणा शरु करया। दाऊद बैतलहम नगर का एक पाळी था। कई बखतां पै, दाऊद नै सिंह अर भालू दोन्नु ताहीं मार गेरया था क्यूकें दाऊद के जरिये रखवाळी करदे बखत उसके पिता की भेड़ां पै उननै हमला करया था। दाऊद एक नम्र अर धर्मी माणस था। उसनै परमेसवर पै भरोसा करया अर उसकी बात्तां ताहीं मान्या। ![](https://cdn.door43.org/obs/jpg/360px/obs-en-17-03.jpg) जिब दाऊद इब्बे जवान माणस ए था, उसनै लाम्बे-चौड़े गोलियत के खिलाफ लड़ाई करी। गोलियत एक भोत आच्छा सैनिक था। वो भोत मजबूत अर लगभग तीन मीटर लाम्बा था! पर परमेसवर नै गोलियत ताहीं मारण अर इस्राएल ताहीं बचाण म्ह दाऊद की मदद करी।इसकै बाद, दाऊद नै इस्राएल के दुश्मनां पै कई बार जीत हासिल करी । दाऊद एक बड़ा सैनिक बण ग्या, अर उसनै भोत से युध्दां म्ह इस्राएली सेना की अगुवाई करी। लोगां नै उसकी भोत तारिफ करी। ![](https://cdn.door43.org/obs/jpg/360px/obs-en-17-04.jpg) लोगां नै दाऊद तै इतना प्यार करया के शाऊल उसतै जळण लाग्या। आखिरकार शाऊल उसे ताहीं मार डालणा चाहवै था, ज्यातैं दाऊद उसतै अर उसके सैनिकां तै छिपण के खात्तर जंगळ म्ह भाज ग्या। एक दिन, जिब शाऊल अर उसके सैनिक दाऊद की टोह म्ह थे तो शाऊल एक गुफा म्ह गया। यो वोए गुफा थी जिस म्ह दाऊद छुप्या होया था, पर शाऊल नै उस ताहीं न्ही देख्या। दाऊद शाऊल के पाच्छै उसकै घणी लोवै चल्या गया अर उसके कपड़े तै एक टुकड़ा काट लिया। बाद म्ह, जिब शाऊल उस गुफा तै लिकड़या तो दाऊद नै उस ताहीं पुकारकै उस पकड़े होये कपड़े के टुकड़े ताहीं दिखाया। इस तरियां तै, शाऊल जाण ग्या के दाऊद नै राजा बणण के खात्तर उस ताहीं मार डालण तै इंकार कर दिया सै। ![](https://cdn.door43.org/obs/jpg/360px/obs-en-17-05.jpg) कुछ बखत पाच्छै, शाऊल युद्ध मैं मर ग्या, अर दाऊद इस्राएल का राजा बण ग्या। वो एक आच्छा राजा था, अर लोगां नै उसतै प्यार करया। परमेसवर नै दाऊद ताहीं आशीषित करया अर उस ताहीं सफल बणाया। दाऊद नै कई युद्ध लड़े, अर परमेसवर नै इस्राएल के दुश्मनां ताहीं हराण म्ह उसकी मदद करी। दाऊद नै यरूशलेम नगर ताहीं जीतकै उसनै अपणी राजधानी बणाया, जड़ै वो रह्या अर शासन करया। दाऊद चाळीस साल्लां ताहीं राजा रह्या। इस बखत के दौरान, इस्राएल सामर्थी अर धनवान बण ग्या। ![](https://cdn.door43.org/obs/jpg/360px/obs-en-17-06.jpg) दाऊद एक मंदर बणाणा चाहवै था जड़ै सारे इस्राएली परमेसवर की आराधना कर सकैं अर उसकै खात्तर बलिदान चढ़ा सकैं। लगभग 400 साल्लां तै, वे लोग मूसा के बणाए होये मिलाप आळे तंबू म्ह परमेसवर की आराधना कर रह्ये थे अर उसकै खात्तर बलिदान चढ़ा रह्ये थे। ![](https://cdn.door43.org/obs/jpg/360px/obs-en-17-07.jpg) पर औड़ै नातान नाम का एक भविष्यद्वक्ता था। परमेसवर नै उस ताहीं दाऊद तै यो कहण के खात्तर भेज्या: "तन्नै भोत से युद्ध लड़े सैं, इस करकै तू मेरै खात्तर इस मंदर ताहीं न्ही बणावैगा। तेरा बेट्टा इसनै बणावैगा। तौभी, मैं तन्नै बहुतायत तै आशीषित करूँगा। तेरा एक वंशज सदा के खात्तर मेरे लोगां पै राजा के रूप म्ह शासन करैगा।" सदा के खात्तर शासन करण आळा वो दाऊद का एकमात्र वंशज मसीह था। मसीह परमेसवर का चुण्या होया जन था जो संसार के लोगां ताहीं उनके पापां तै बचावैगा। ![](https://cdn.door43.org/obs/jpg/360px/obs-en-17-08.jpg) जिब दाऊद नै नातान के संदेस ताहीं सुण्या तो उसनै परमेसवर का धन्यवाद करया अर उसकी स्तुति करी। परमेसवर उसकी प्रतिष्ठा ताहीं बढ़ा रह्या था अर उसनै भोत सी आशीष दे रह्या था। बेशक, दाऊद न्ही जाणै था के परमेसवर इन बात्तां ताहीं कब करैगा। इस बखत हम जाणा सां के इस्राएलियां ताहीं एक लाम्बे बखत ताहीं, लगभग 1,000 साल्लां ताहीं मसीह के आण की बाट देखणी पड़ैगी। ![](https://cdn.door43.org/obs/jpg/360px/obs-en-17-09.jpg) दाऊद नै कई साल्लां ताहीं न्यायपूर्वक अपणे लोगां पै शासन करया। उसनै बड़ी निष्ठा तै परमेसवर की बात्तां ताहीं मान्ना अर परमेसवर नै उस ताहीं आशीषित करया। हालाँकि, अपणे जीवन के आखर म्ह उसनै परमेसवर के खिलाफ भयानक पाप करया था। ![](https://cdn.door43.org/obs/jpg/360px/obs-en-17-10.jpg) एक दिन दाऊद नै अपणे महल तै बाहर झाँक्या अर एक सुथरी जनानी ताहीं नान्दे होये देख्या। वो उसनै न्ही जाणै था, पर उसनै पता कर लिया के उसका नाम बतशेबा था। ![](https://cdn.door43.org/obs/jpg/360px/obs-en-17-11.jpg) अपणी नजर ताहीं फेर लेण के बजाए, दाऊद नै उसनै अपणे धोरै ल्याण खात्तर किसे नै भेज्या। वो उसके गैल सोया अर उस ताहीं वापस घर भेज दिया। थोड़े बखत के बाद बतशेबा नै यो कहकै दाऊद के धोरै संदेस भेज्या के वो गर्भवती सै। ![](https://cdn.door43.org/obs/jpg/360px/obs-en-17-12.jpg) बतशेबा का धणी ऊरिय्याह नाम का एक माणस था। वो दाऊद के खास सैनिकां म्ह तै एक था। इस बखत वो युद्ध करण के खात्तर बाहर गया होया था। दाऊद नै ऊरिय्याह ताहीं युद्ध तै वापस बुलाकै उसनै अपणी घरआळी के गैल रहण के खात्तर कह्या। पर दुसरे सैनिक युद्ध म्ह थे ज्यातैं ऊरिय्याह नै घर जाण तै मना कर दिया। आखर म्ह दाऊद नै ऊरिय्याह ताहीं वापस युद्ध म्ह भेज दिया अर सेनापति तै उस ताहीं युद्ध म्ह इसी जगहां पै रखण के खात्तर कह्या जड़ै दुश्मन सबतै शक्तिशाली हो ताके वो मारया जावै। तो इसा होया के ऊरिय्याह युद्ध म्ह मारया गया। ![](https://cdn.door43.org/obs/jpg/360px/obs-en-17-13.jpg) ऊरिय्याह के युद्ध म्ह मर जाण के बाद दाऊद नै बतशेबा तै ब्याह कर लिया। बाद म्ह, उसनै दाऊद के बेट्टे ताहीं जन्म दिया। दाऊद नै जो करया उसतै परमेसवर भोत गुस्सा था, ज्यातैं उसनै नातान भविष्यद्वक्ता ताहीं दाऊद ताहीं यो बताण के खात्तर भेज्या के उसका पाप कितना बुरा था। दाऊद नै अपणे पाप का पश्चाताप करया अर परमेसवर नै उस ताहीं माफ कर दिया। अपणे बाकी जीवन म्ह, अपणे कठिन बखत म्ह भी दाऊद परमेसवर के पाच्छै-पाच्छै चाल्या अर उसकी बात्तां ताहीं मान्ना। ![](https://cdn.door43.org/obs/jpg/360px/obs-en-17-14.jpg) पर दाऊद का बच्चा मर ग्या। इस तरियां तै परमेसवर नै दाऊद ताहीं दंडित करया। इसके अलावा, दाऊद के मरण ताहीं, उसके अपणे परिवार के किमे लोगां नै उसके विरुद्ध लड़ाई करी, अर दाऊद की अपणी शक्ति कम होगी थी। पर परमेसवर विश्वासयोग्य था अर इब भी उसनै वा करया जो उसनै दाऊद तै करण का वादा करया था के वो करैगा, भले ए दाऊद नै उसकी अवज्ञा करी थी। बाद म्ह, दाऊद अर बतशेबा के दूसरी संतान पैदा होई, अर उननै उसका नाम सुलैमान धरया। 1 शमूएल अध्याय 10; 15-19; 24; 31; 2 शमूएल 5; 7; 11-12 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_17_256kbps.mp3 ## 18. विभाजित राज्य https://openbiblestories.org/l/bgc/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजा नै चाळीस साल्लां ताहीं शासन करया। फेर वो मर ग्या, अर उसके बेट्टे सुलैमान नै इस्राएल पै शासन करणा शरु करया। परमेसवर नै सुलैमान तै बात करी अर उसतै पुच्छ्या के वो सबतै घणा के चाहवै सै के परमेसवर उसकै खात्तर करै। सुलैमान नै परमेसवर तै माँग्यां के वो उसनै घणा बुद्धिमान बणा दे। इस बात नै परमेसवर ताहीं प्रसन्न करया, ज्यातै परमेसवर नै सुलैमान ताहीं संसार का सबतै बुद्धिमान पुरुष बणा दिया। सुलैमान नै भोत सी बात्तां ताहीं सीख्या अर वो एक बुद्धिमान शासक था। परमेसवर नै उस ताहीं भोत धनवान भी बणा दिया था। ![](https://cdn.door43.org/obs/jpg/360px/obs-en-18-02.jpg) यरूशलेम म्ह सुलैमान नै उस मंदर ताहीं बणाया जिसके खात्तर उसके पिता नै योजना बणाई थी अर सामान ताहीं कठ्ठा करया था। इब लोग मिलाप आळे तंबू के बजाए मंदर म्ह परमेसवर की आराधना करैं थे अर उसकै खात्तर बलि चढ़ावैं थे। परमेसवर आकै मंदर म्ह मौजुद रह्या करै था, अर औड़ै वो अपणे लोगां के गैल वास करै था। ![](https://cdn.door43.org/obs/jpg/360px/obs-en-18-03.jpg) पर सुलैमान नै दूसरे देशां की जनानियां तै प्यार करया। उसनै भोत सी, कम तै कम 1,000 जनानियां तै ब्याह करकै परमेसवर की अवज्ञा करी! इन म्ह तै भोत सी जनानियां पराए देशां तै आईं अर अपणे गैल अपणे देवत्यां ताहीं ल्याई अर उनकी उपासना करणा जारी राख्या। जिब सुलैमान बूढ़ा हो ग्या तो उसने भी उनके देवत्यां की उपासना करी। ![](https://cdn.door43.org/obs/jpg/360px/obs-en-18-04.jpg) इस वजह तै परमेसवर सुलैमान तै गुस्सा था। उसनै कह्या के वो इस्राएल देश ताहीं दो राज्य म्ह विभाजित करण के जरिये उस ताहीं दंड देवैगा। वो सुलैमान के मरण के बाद इसा करैगा। ![](https://cdn.door43.org/obs/jpg/360px/obs-en-18-05.jpg) सुलैमान के मरण के बाद, रहबाम राजा बण्या। इस्राएल देश के सारे लोग उस ताहीं अपणे राजा के रूप म्ह स्वीकार करण के खात्तर एक साथ कठ्ठे होये। उननै रहबाम तै शिकायत करी के सुलैमान नै उनतै भोत कठिन परिश्रम करवाया था अर भोत से कर वसूले थे। उननै रहबाम तै बिनती करी के उनतै कम काम करवावै। ![](https://cdn.door43.org/obs/jpg/360px/obs-en-18-06.jpg) पर रहबाम नै उन ताहीं बड़ी ए मूर्खता तै जवाब दिया, "थम कह्यो सो के मेरे पिता सुलैमान नै थारै ताहीं कठिन परिश्रम करवाया। पर मैं थारै तै उसतै भी अधिक कठिन परिश्रम करवाऊँगा, अर मैं थारै तै उसतै भी घणा पीड़ित करूँगा।" ![](https://cdn.door43.org/obs/jpg/360px/obs-en-18-07.jpg) जिब लोगां नै उस ताहीं इसा कहन्दे सुण्या तो उन म्ह ते कइयां नै उसके विरुद्ध बलवा करया। दस गोत्रां नै उस ताहीं छोड़ दिया; उसकै गैल इब केवल दो गोत्र ए बचे। इन दो गोत्रां नै खुद ताहीं यहूदा का राज्य कह्या। ![](https://cdn.door43.org/obs/jpg/360px/obs-en-18-08.jpg) बाकी के दस गोत्रां नै यारोबाम नाम के एक माणस ताहीं अपणा राजा बणा लिया। ये गोत्र देश के उत्तर-पूर्वी हिस्से म्ह थे। उननै खुद ताहीं इस्राएल का राज्य कह्या। ![](https://cdn.door43.org/obs/jpg/360px/obs-en-18-09.jpg) पर यारोबाम नै परमेसवर के खिलाफ बलवा करया अर लोगां तै पाप करवाया। उसनै अपणे लोगां के द्वारा उपासना करण के खात्तर दो मूर्तियां ताहीं बणाया। वे इब यहूदा के राज्य म्ह यरूशलेम म्ह परमेसवर के मंदर म्ह उसकी आराधना करण के खात्तर न्ही गये। ![](https://cdn.door43.org/obs/jpg/360px/obs-en-18-10.jpg) यहूदा अर इस्राएल के राज्य दुश्मन बणगे अर अक्सर एक दूसरे के खिलाफ लड़ण लाग्गे। ![](https://cdn.door43.org/obs/jpg/360px/obs-en-18-11.jpg) इस्राएल के नए राज्य म्ह, सारे ए राजा दुष्ट थे। इन म्ह तै कई राजा उनकी जगहां पै राजा बणण की चाह राखण आळे दुसरे इस्राएलियां के द्वारा मारे गए थे। ![](https://cdn.door43.org/obs/jpg/360px/obs-en-18-12.jpg) इस्राएल राज्य के सारे ए राजयां नै अर अधिकतर लोगां नै मूर्तियां की उपासना करी। जिब उननै इसा करया, तो वे अक्सर वेश्या के गैल सोए अर उरै ताहीं के कई बार मूर्तियां के आग्गै बच्यां ताहीं बलि भी करया। ![](https://cdn.door43.org/obs/jpg/360px/obs-en-18-13.jpg) यहूदा राज्य के राजा, दाऊद के वंशज थे। इन राजयां म्ह तै कई भले माणस थे जिन ताहीं न्यायपूर्वक शासन करया अर परमेसवर की आराधना करी। पर यहूदा के ज्यादातर राजा दुष्ट थे। उननै दुष्टता तै शासन करया, अर मूर्तियां की उपासना करी। उरै ताहीं के इन म्ह तै कुछ राजयां नै झूठे देवत्यां के आग्गै अपणे बच्यां ताहीं भी बलि कर दिया। यहूदा के अधिकतर लोगां नै भी परमेसवर के खिलाफ बलवा करया अर दुसरे देवत्यां की उपासना करी। 1 राजा अध्याय 1-6; 11-12 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_18_256kbps.mp3 ## 19. भविष्यद्वक्ता https://openbiblestories.org/l/bgc/story-19/ ![](https://cdn.door43.org/obs/jpg/360px/obs-en-19-01.jpg) परमेसवर सदा इस्राएलियां कै धोरै भविष्यद्वक्तावां ताहीं भेजदा रहवै था। भविष्यद्वक्ता परमेसवर तै संदेसा ताहीं सुणै थे अर फेर उस ताहीं लोगां ताहीं बतावै थे। ![](https://cdn.door43.org/obs/jpg/360px/obs-en-19-02.jpg) जिब अहाब इस्राएल राज्य पै राजा था तो उस बखत एलिय्याह भविष्यद्वक्ता था। अहाब एक बुरा माणस था। उसनै झूठे बाल देवता की उपासना करवाण के खात्तर लोगां ताहीं विवश करया था। ज्यातैं एलिय्याह नै अहाब तै कह्या के परमेसवर उन लोगां ताहीं दंडित करण जा रह्या था। उसनै उसतै कह्या, "जिब ताहीं मैं फेर तै बारिश होण के खात्तर ना कहूँ जिब ताहीं इस्राएल के राज्य म्ह ना बारिश होवैगी अर ना ए ओस गिरैगी।" इस बात नै अहाब ताहीं इतना गुस्सा कर दिया के उसनै एलिय्याह ताहीं मार डालण का फैसला करया। ![](https://cdn.door43.org/obs/jpg/360px/obs-en-19-03.jpg) इस करकै परमेसवर नै एलिय्याह तै कह्या के वो जंगळ म्ह जाकै अहाब तै छिप जावै। एलिय्याह जंगळ म्ह उस सोते कै धोरै गया जड़ै जाण के खात्तर परमेसवर नै उस ताहीं बताया था। हर सुबेरे अर हर सांझ, पंछी एलिय्याह के खात्तर रोट्टी अर माँस लेकै आवैं थे। इस पुरे बखत, अहाब अर उसकी सेना एलिय्याह की खोज करदे रहे, पर वे उस ताहीं खोज ना पावै। ![](https://cdn.door43.org/obs/jpg/360px/obs-en-19-04.jpg) बारिश ना होण तै कुछ बखत के बाद वा सोता सूख ग्या। ज्यातैं एलिय्याह धोरै ए के एक देश म्ह चल्या गया। उस देश म्ह एक गरीब विधवा थी जिसकै एक बेट्टा था। उनकै धोरै खाणा लगभग खत्म हो चुक्या था क्यूकें औड़ै कोए फसल ना होई थी। पर फेर भी, उस जनानी नै एलिय्याह की देखभाळ करी, ज्यातै परमेसवर नै उसकी अर उसके बेट्टे की जरुरतां ताहीं पूरा करया, इस कारण तै उसके आटे का बरतन अर उसके तेल की कुप्पी कदे खाल्ली ना होई। उस पूरे अकाळ के दौरान उनकै धोरै खाणा था। एलिय्याह कुछ साल्लां ताहीं ओड़ै रह्या। ![](https://cdn.door43.org/obs/jpg/360px/obs-en-19-05.jpg) साढ़े तीन साल्लां के बाद, परमेसवर नै एलिय्याह तै कह्या के वो फेर तै बारिश करैगा। उसनै एलिय्याह तै वापस इस्राएल के राज्य म्ह जाकै अहाब तै बात्तां करण के खात्तर कह्या। ज्यातैं एलिय्याह अहाब कै धोरै गया। जिब अहाब नै उस ताहीं देख्या तो उसनै कह्या, "आच्छा तू सै, मुसीबत पैदा करण आळा!" एलिय्याह नै जवाब दिया, "मुसीबत पैदा करण आळा तो तू सै! तन्नै यहोवा ताहीं त्याग दिया सै। वोए सच्चा परमेसवर सै, पर तू बाल की उपासना कर रह्या सै। इब तन्नै इस्राएल राज्य के सारे लोगां ताहीं कर्मेल पर्वत पै लेकै आणा सै।" ![](https://cdn.door43.org/obs/jpg/360px/obs-en-19-06.jpg) आखर म्ह सारे लोग कर्मेल पर्वत ताहीं गए। वे माणस भी आए जो कहवैं थे के वे बाल के संदेसा ताहीं बोल्ल सैं। ये बाल के भविष्यद्वक्ता थे। वे सारे 450 थे। एलिय्याह नै लोगां तै कह्या, "कब ताहीं थम अपणे मनां ताहीं फिराए रखोगे? जै यहोवा परमेसवर सै तो उसकी आराधना करो! जै बाल परमेसवर सै तो उसकी उपासना करो!" ![](https://cdn.door43.org/obs/jpg/360px/obs-en-19-07.jpg) फेर एलिय्याह नै बाल के भविष्यद्वक्तावां तै कह्या, "एक बळद बलि करकै उसके माँस ताहीं बलिदान होण ताहीं एक वेदी पै रक्खो, पर आग ना लगाणा। उसके बाद मैं भी उसा ए करूँगा, अर एक अलग वेदी पै मैं उस माँस ताहीं रखूँगा। फेर जै परमेसवर वेदी पै आग गिरावै सै तो थम जाण लोगे के वो सच्चा परमेसवर सै।" फेर बाल के भविष्यद्वक्तावां नै एक बलि ताहीं त्यार करया पर आग न्ही लगाई। ![](https://cdn.door43.org/obs/jpg/360px/obs-en-19-08.jpg) फेर बाल के भविष्यद्वक्तावां नै बाल तै प्रार्थना करी, "हे बाल, म्हारी सुण!" पूरे दिन उननै प्रार्थना करी अर चिल्लाए अर उरै ताहीं के खुद ताहीं चाकुवां तै काट लिया, पर बाल नै जवाब न्ही दिया, अर उसनै कोए आग न्ही गिराई। ![](https://cdn.door43.org/obs/jpg/360px/obs-en-19-09.jpg) बाल के भविष्यद्वक्तावां नै बाल तै प्रार्थना करण म्ह लगभग पूरा दिन बिता दिया। आखर म्ह उननै प्रार्थना करणा बंद कर दिया। फेर एलिय्याह नै दूसरे बळद के माँस ताहीं परमेसवर की वेदी पै रख दिया। उसके बाद, उसनै लोगां तै पाणी के विशाल बरतनां ताहीं उस बलिदान पै तब ताहीं उंडेलण के खात्तर कह्या जिब ताहीं के माँस, लकड़ियाँ, अर उरै ताहीं के वेदी के आसपास की धरती पूरी तरह तै गीली ना होगी। ![](https://cdn.door43.org/obs/jpg/360px/obs-en-19-10.jpg) फेर एलिय्याह नै प्रार्थना करी, "हे यहोवा, अब्राहम, इसहाक, अर याकूब के परमेसवर, मान्नै दिखाओ के आप इस्राएल के परमेसवर सैं अर यो के मैं आपका दास सूं। मन्नै जवाब दे जिसतै के ये लोग जाण लेंगे के आप ए सच्चे परमेसवर सों।" ![](https://cdn.door43.org/obs/jpg/360px/obs-en-19-11.jpg) उसे बखत ए, अकास तै आग गिरी अर उसनै माँस, लाकड़ियाँ, चट्टानां, माट्टी, अर उरै ताहीं के वेदी के आसपास के पाणी ताहीं भी जळा दिया। जिब लोगां नै यो देख्या, वे भूमि पै गिर पड़े अर बोल्ले, "यहोवा ए परमेसवर सै! यहोवा ए परमेसवर सै!" ![](https://cdn.door43.org/obs/jpg/360px/obs-en-19-12.jpg) फेर एलिय्याह नै कह्या, "बाल का एक भी भविष्यद्वक्ता बचकै ना जाण पावै!" ज्यातै लोगां नै बाल के भविष्यद्वक्तावां ताहीं पकड़ लिया अर उन ताहीं ओड़ै तै न्यारा लेगे अर उन ताहीं मार डाल्या। ![](https://cdn.door43.org/obs/jpg/360px/obs-en-19-13.jpg) फेर एलिय्याह नै अहाब राजा तै कह्या, "तावळी सी अपणे घर म्ह भाग जा, क्यूकें बारिश होण आळी सै।" तावळी ए बाद्दळ घने होगे, अर भारी बारिश शरु होगी। यहोवा उस सूक्खे ताहीं खत्म कर रह्या था। इसतै साबित होया के यहोवा ए सच्चा परमेसवर सै। ![](https://cdn.door43.org/obs/jpg/360px/obs-en-19-14.jpg) जिब एलिय्याह नै अपणे काम ताहीं खत्म कर दिया, तो परमेसवर नै एलीशा नाम के एक माणस ताहीं अपणा भविष्यद्वक्ता होण के खात्तर चुण्या। परमेसवर नै एलीशा के जरिये भोत से चमत्कार करे। एक चमत्कार नामान के गैल होया। वो एक दुश्मन की सेना का सरदार था, पर उसनै चमड़ी का एक बुरा रोग हो ग्या था। नामान नै एलीशा के बारै म्ह सुण्या था, ज्यातै वो एलीशा कै धोरै आया अर उसतै उस ताहीं ठीक करण के खात्तर बिनती करी। एलीशा नै नामान तै कह्या के जाकै यरदन नदी के पाणी म्ह सात बै डुबकी लगा ले। ![](https://cdn.door43.org/obs/jpg/360px/obs-en-19-15.jpg) नामान गुस्सा हो ग्या। उसनै इसा करण तै इंकार कर दिया, क्यूकें यो उसनै मुर्खता का काम लागै था। पर बाद म्ह उसनै अपणा मन बदल लिया अर जाकै यरदन नदी के पाणी म्ह सात बै डुबकी लगाई। जिब आखरी बै वो पाणी तै बाहर लिकड़या तो परमेसवर नै उस ताहीं ठीक कर दिया। ![](https://cdn.door43.org/obs/jpg/360px/obs-en-19-16.jpg) परमेसवर नै इस्राएल के लोगां कै धोरै दुसरे भोत से भविष्यद्वक्तावां ताहीं भेज्या। उन सारे नै लोगां तै मूर्तियां की उपासना करणा बंद कर देण के खात्तर कह्या। इसके बजाए, उन ताहीं एक दूसरे के गैल न्यायपूर्वक बरताव करणा चाहिए अर एक दूसरे पै दया करणी चाहिए। उन भविष्यद्वक्तावां नै लोगां ताहीं चेतावनी दी के उन ताहीं बुरे काम्मां नै करणा बंद कर देणा सै अर इसके बजाए परमेसवर की बात्तां का पाळण करणा सै। जै उन लोगां नै इसा न्ही करया तो परमेसवर उन ताहीं दोषी मानकै उनका न्याय करैगा, अर उन ताहीं दंडित करैगा। ![](https://cdn.door43.org/obs/jpg/360px/obs-en-19-17.jpg) ज्यादातर बखत, उन लोगां नै परमेसवर की आज्ञा का पाळण न्ही करया। अक्सर उननै भविष्यद्वक्तावां के गैल बुरा व्यवहार करया अर उरै ताहीं के कदे कदे उन ताहीं मार गेरया। एक बार, उननै यिर्मयाह भविष्यद्वक्ता ताहीं सूखे कुएँ म्ह डाल दिया अर उस ताहीं ओड़ै मरण के खात्तर छोड़ दिया। वो कुएँ के तल म्ह कीचड़ म्ह धँस ग्या। पर उस बखत राजा ताहीं उस पै दया आई अर उसनै अपणे सैनिकां ताहीं हुकम दिया के यिर्मयाह के मरण तै पैहले उस ताहीं कुएँ तै बाहर खींच ले। ![](https://cdn.door43.org/obs/jpg/360px/obs-en-19-18.jpg) भविष्यद्वक्तावां नै परमेसवर की ओर तै बोलणा जारी रख्या भले ए लोगां नै उनतै नफरत करी। उननै लोगां ताहीं चेतावनी दी के जै उननै पश्चाताप न्ही करया तो परमेसवर उन ताहीं नाश कर देवैगा। उननै लोगां ताहीं यो भी याद कराया के परमेसवर नै उनकै धोरै मसीह नै भेज्जण का वादा करया सै। 1 राजा अध्याय 16-18; 2 राजा 5; यिर्मयाह 38 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_19_256kbps.mp3 ## 20. बंधुआई और लौटना https://openbiblestories.org/l/bgc/story-20/ ![](https://cdn.door43.org/obs/jpg/360px/obs-en-20-01.jpg) इस्राएल के राज्य अर यहूदा के राज्य दोन्नु नै परमेसवर के खिलाफ पाप करया। उननै उस करार ताहीं तोड़ दिया जो परमेसवर नै उनकै गैल सीनै पै बाँध्या था। परमेसवर नै उन ताहीं पश्चाताप करण अर फेर तै उसकी आराधना करण के खात्तर चेतावनी देण नै अपणे भविष्यद्वक्तावां ताहीं भेज्या, पर उननै उनकी बात्तां नै मानण तै इंकार कर दिया। ![](https://cdn.door43.org/obs/jpg/360px/obs-en-20-02.jpg) आखर म्ह परमेसवर नै उनके दुश्मनां ताहीं उननै नाश करण म्ह सक्षम करण के जरिये दोन्नु राज्यां ताहीं दंडित करया। अश्शूर एक अन्य देश था जो भोत शक्तिशाली हो ग्या था। वे दूसरे देशां के प्रति भोत निर्दयी भी थे। उननै आकै इस्राएल के राज्य ताहीं नाश कर दिया। अश्शूरियां नै आकै इस्राएल के राज्य म्ह घण्या ताहीं मार गेरया, जो चाया उस ताहीं लूट लिया, अर देश के कई हिस्यां ताहीं जळा दिया। ![](https://cdn.door43.org/obs/jpg/360px/obs-en-20-03.jpg) अश्शूरियां नै सारे अगुव्यां, धनवान लोगां, अर इसे लोगां ताहीं जो कीमती चिज्जां बणा सकै थे एक साथ कठ्ठा करया अर वे उन ताहीं अश्शूर देश लेगे। इस्राएल म्ह सिर्फ कुछ गरीब इस्राएली ए बचे। ![](https://cdn.door43.org/obs/jpg/360px/obs-en-20-04.jpg) फेर अश्शूरी लोग उस देश म्ह रहण के खात्तर विदेशियां ताहीं लेकै आए। उन विदेशियां नै उन नगरां ताहीं फेर तै बणाया। जो इस्राएली ओड़ै बचे थे उनतै उननै ब्याह करया। इन लोगां के वंशज सामरी कहलाए। ![](https://cdn.door43.org/obs/jpg/360px/obs-en-20-05.jpg) यहूदा के राज्य के लोगां नै देख्या के किस तरियां परमेसवर नै उस पै बिसवास ना करण अर उसकी बात्तां ताहीं ना मानण के कारण इस्राएल के राज्य के लोगां ताहीं दंडित करया था। पर तब पर भी उननै कनानियां के देवत्यां की मूर्तियां की उपासना करी। परमेसवर नै उन ताहीं चेतावनी देण के खात्तर भविष्यद्वक्तावां नै भेज्या, पर उननै सुणण तै इंकार कर दिया। ![](https://cdn.door43.org/obs/jpg/360px/obs-en-20-06.jpg) लगभग 100 साल्लां के बाद अश्शूरियां ने इस्राएल के राज्य ताहीं नाश कर दिया। परमेसवर नै बेबीलोन के राजा, नबूकदनेस्सर नै यहूदा के राज्य पै हमला करण के खात्तर भेज्या। बेबीलोन एक शक्तिशाली देश था। यहूदा का राजा नबूकदनेस्सर का दास बणन अर हर साल उस ताहीं भोत सारे धन का भुगतान करण खात्तर राज्जी हो ग्या। ![](https://cdn.door43.org/obs/jpg/360px/obs-en-20-07.jpg) पर कुछ साल्लां के बाद, यहूदा के राजा नै बेबीलोन के खिलाप बलवा करया। आखर म्ह बेबीलोनियां नै वापस आकै यहूदा के राज्य पै हमला कर दिया। उननै यरूशलेम नगर पै कब्जा कर लिया, मंदर ताहीं नाश कर दिया, अर नगर अर मंदर के खजाने ताहीं लूट लेगे। ![](https://cdn.door43.org/obs/jpg/360px/obs-en-20-08.jpg) बलवा करण के कारण यहूदा के राजा ताहीं दंडित करण के खात्तर, नबूकदनेस्सर के सैनिकां नै राजा के बेट्टे ताहीं उसके स्याम्ही मार गेरया अर फेर उस ताहीं आंधा कर दिया। इसके बाद, वे राजा ताहीं ले गए ताके वो बेबीलोन के जेळखान्ने म्ह मर जावै। ![](https://cdn.door43.org/obs/jpg/360px/obs-en-20-09.jpg) नबूकदनेस्सर अर उसकी सेना यहूदा के राज्य के लगभग सारे ए लोगां ताहीं बेबीलोन लेगी, केवल सबतै गरीब लोगां ताहीं पाच्छै छोड़कै ताके वे खेतां म्ह फसल उगावैं। बखत के इस काळ ताहीं बंधुआई कह्या गया सै जिस म्ह परमेसवर के लोगां ताहीं वादे के देश तै लिकड़ जाण के खात्तर मजबुर करया गया था। ![](https://cdn.door43.org/obs/jpg/360px/obs-en-20-10.jpg) भले ए परमेसवर नै अपणे लोगां ताहीं उनके पाप के खात्तर बंधुआई म्ह ले जाण के जरिये दंडित करया, फेर भी वो उन ताहीं या अपणे वादे ताहीं न्ही भूल्या था। परमेसवर नै अपणे लोगां की निगरानी करणा जारी रख्या अर अपणे भविष्यद्वक्तावां के जरिये उनतै बात्तां करदा रह्या। उसनै वादा करया के सत्तर साल्लां के बाद, वे फेर तै वादे के देश म्ह बोहड़ैगे। ![](https://cdn.door43.org/obs/jpg/360px/obs-en-20-11.jpg) लगभग सत्तर साल्लां के बाद, फारस के राजा कुस्रू नै बेबीलोन ताहीं हरा दिया, इस करकै बेबीलोन के साम्राज्य के बजाए फारस के साम्राज्य नै कई देशां पै शासन करया। इस्राएली लोग इब यहूदी कुह्यावैं थे। उन म्ह तै भोत्तां नै अपना पूरा जीवन बेबीलोन म्ह बिता दिया था। सिरफ भोत कम बूढ़े यहूदियां नै ए यहूदा का देश याद था। ![](https://cdn.door43.org/obs/jpg/360px/obs-en-20-12.jpg) फारसी माणस घणे सामर्थी थे, पर उननै अपणे जीत्ते होये लोगां पै दया करी थी। फारसी लोगां का राजा बणण के थोड़े बखत के बाद, कुस्रू नै एक हुकम दिया के कोए भी यहूदी जो यहूदा ताहीं लौटणा चाहवै था, वो फारस तै लिकड़ कै वापस यहूदा ताहीं जा सकै सै। उरै ताहीं के उसनै उन ताहीं मंदर नै फेर तै बणाण के खात्तर धन भी दिया। आखर म्ह बंधुआई के सत्तर साल्लां के बाद, यहूदियां का एक छोटा समूह यहूदा म्ह यरूशलेम नगर ताहीं लौट आया। ![](https://cdn.door43.org/obs/jpg/360px/obs-en-20-13.jpg) जिब वे लोग यरूशलेम पोहचे तो उननै मंदिर ताहीं अर नगर के च्यारु ओर की दीवार ताहीं फेर तै बणाया। फारसी लोग इब भी उन पै शासन करैं थे पर एक बै फेर तै वे वादे के देश म्ह रह रह्ये थे अर मंदर म्ह आराधना कर रह्ये थे। 2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_20_256kbps.mp3 ## 21. परमेसवर मसीह का वादा करै सै https://openbiblestories.org/l/bgc/story-21/ ![](https://cdn.door43.org/obs/jpg/360px/obs-en-21-01.jpg) जिब परमेसवर नै संसार की सृष्टि करी थी, वो जाणै था के उसे ताहीं बाद म्ह किसे दिन मसीह नै भेजणा होगा। उसनै आदम अर हव्वा तै वादा करया के वो इसा करैगा। उसनै कह्या के हव्वा तै एक वंशज जन्म लेवैगा जो साँप के सिर ताहीं कुचलैगा। जिस साँप नै हव्वा नै धोक्खा दिया वो निसन्देह शैतान था। परमेसवर का मतलब था के मसीह पूरी तरह तै शैतान ताहीं हरा देवैगा। ![](https://cdn.door43.org/obs/jpg/360px/obs-en-21-02.jpg) परमेसवर नै अब्राहम तै वादा करया था के उसके द्वारा संसार की सारी जात्तां आशीष पावैंगी। परमेसवर बाद म्ह किसे बखत पै मसीह नै भेजण के जरिये इस वादा नै पूरा करैगा। वो मसीह संसार की हर एक जात्ति म्ह तै लोगां नै उनके पाप तै छुड़ावैगा। ![](https://cdn.door43.org/obs/jpg/360px/obs-en-21-03.jpg) परमेसवर नै मूसा तै वादा करया था के भविष्य म्ह वो मूसा के समान एक दुसरे भविष्यद्वक्ता ताहीं भेजैगा। यो भविष्यद्वक्ता मसीह होवैगा। इस तरियां तै, परमेसवर नै फेर तै वादा करया के वो मसीह नै भेजैगा। ![](https://cdn.door43.org/obs/jpg/360px/obs-en-21-04.jpg) परमेसवर नै राजा दाऊद तै वादा करया था के उसका एक वंशज मसीह होवैगा। वो राजा होगा अर परमेसवर के लोगां पै सदा के खात्तर राज करैगा। ![](https://cdn.door43.org/obs/jpg/360px/obs-en-21-05.jpg) परमेसवर नै यिर्मयाह भविष्यद्वक्ता तै बात करी अर कह्या के एक दिन वो एक नया करार बाँधैगा। वा नया करार इस्राएल के गैल सीनै पै बाध्यां गया पुराणा करार के जिसा न्ही होवैगा। जिब लोगां के गैल वो अपणा नया करार नै बाँधैगा, तो वो उन पै खुद ताहीं व्यक्तिगत रूप तै जाहिर करैगा। हर एक माणस उसतै प्रीति राखैगा अर उसके नियम कायदे का पाळण करण की इच्छा राखैगा। परमेसवर नै कह्या के यो उसके नियम कायदे का उनके दिलां पै लिख देण के जिसा होगा। वे उसके लोग होंगे, अर परमेसवर उनके पापां ताहीं माफ करैगा। वो मसीह होगा जो उनके गैल उस नया करार ताहीं बाँधैगा। ![](https://cdn.door43.org/obs/jpg/360px/obs-en-21-06.jpg) परमेसवर के भविष्यद्वक्तावां नै यो भी कह्या के मसीह एक भविष्यद्वक्ता होवैगा। एक भविष्यद्वक्ता वो माणस सै जो परमेसवर के वचनां नै सुणै सै अर फेर लोगां पै परमेसवर के संदेसां की घोषणा करै सै। जिसनै भेज्जण का परमेसवर नै वादा करया था वो मसीह एक सिद्ध भविष्यद्वक्ता होवैगा। यानिके वो मसीह परमेसवर के संदेसां ताहीं आच्छी तरियां तै सुणैगा, अर वो लोगां ताहीं उन संदेसां नै आच्छी तरियां तै सिखावैगा। ![](https://cdn.door43.org/obs/jpg/360px/obs-en-21-07.jpg) इस्राएली याजकां नै लोगां के खात्तर परमेसवर के आग्गै बलिदान चढ़ाणा जारी राख्या। यो बलिदान लोगां के पापां के खात्तर उन ताहीं परमेसवर द्वारा दंडित किए जाण की जगहां पै चढ़ाए गए थे। याजकां नै लोगां के खात्तर प्रार्थना भी करी। पर, वो मसीह सिद्ध महायाजक होवैगा जो परमेसवर ताहीं देण के खात्तर एक सिद्ध बलि के रूप म्ह खुद नै चढ़ा देवैगा। यानिके, वो कदे पाप न्ही करैगा, अर जिब वो खुद ताहीं बलि होण के खात्तर देवैगा, तो संसार की कोए भी अन्य बलि जरुरी न्ही होवैगा। ![](https://cdn.door43.org/obs/jpg/360px/obs-en-21-08.jpg) लोगां के झूडां पै राजा अर प्रधान राज करै सैं, अर कदे-कदे वे गलतियाँ करैं सैं। राजा दाऊद नै सिर्फ इस्राएलियां पै शासन करया, पर राजा दाऊद का वंशज मसीह पूरे संसार पै शासन करैगा, अर वो सदा के खात्तर शासन करैगा। इसके अलावा, वो सदा न्यायपूर्ण रीति तै शासन करैगा, अर सही फैसले लेवैगा। ![](https://cdn.door43.org/obs/jpg/360px/obs-en-21-09.jpg) परमेसवर के भविष्यद्वक्तावां नै मसीह के बारै म्ह भोत सी बात्तां कह्यी। उदाहरण के खात्तर, मलाकी नै कह्या के मसीह के आण तै पैहले एक दुसरा भविष्यद्वक्ता आवैगा। वो भविष्यद्वक्ता भोत महत्वपूर्ण होवैगा। इसके अलावा, यशायाह भविष्यद्वक्ता नै लिख्या के मसीह एक कुँआरी तै जन्म लेवैगा। अर मीका भविष्यद्वक्ता नै कह्या के मसीह बैतलहम नगर म्ह जन्म लेवैगा। ![](https://cdn.door43.org/obs/jpg/360px/obs-en-21-10.jpg) यशायाह भविष्यद्वक्ता नै कह्या के मसीह गलील के क्षेत्र म्ह वास करैगा। जो माणस घणे दुःखी सैं मसीह उन ताहीं शान्ति देवैगा। वो कैदियां ताहीं भी आजाद करैगा। मसीह बीमारां नै अर जो सुण न्ही सकदे, देख न्ही सकदे, बोल न्ही सकदे, या चल न्ही सकदे उन ताहीं भी चंगा करैगा। ![](https://cdn.door43.org/obs/jpg/360px/obs-en-21-11.jpg) यशायाह भविष्यद्वक्ता नै यो भी कह्या के लोग मसीह तै नफरत करैंगे अर उसनै स्वीकार करण तै इंकार कर देंगे। दुसरे भविष्यद्वक्तावां नै कह्या के मसीह का एक साथी उसके खिलाप उठैगा। जकर्याह भविष्यद्वक्ता नै कह्या के उसका यो साथी इसा करण के खात्तर दूसरे लोगां तै चाँदी के तीस सिक्के लेवैगा। इसके अलावा, कुछ भविष्यद्वक्तावां नै कह्या के लोग मसीह ताहीं मार डालैंगे, अर यो के वे उसके कपड़यां के खात्तर जुआ खेलैंगे। ![](https://cdn.door43.org/obs/jpg/360px/obs-en-21-12.jpg) भविष्यद्वक्तावां नै यो भी बताया के मसीह किस तरियां मरैगा। यशायाह नै भविष्यद्वाणी करी के लोग मसीह पै थूकैंगे, उसका मजाक उड़ावैंगे, अर उसनै पीटैंगे। वे उसनै छेद देंगे अर वो बड़ी पीड़ा अर यातना म्ह मर जावैगा, जबकि उसनै कुछ भी गलत न्ही करया होगा। ![](https://cdn.door43.org/obs/jpg/360px/obs-en-21-13.jpg) भविष्यद्वक्तावां नै यो भी बताया के मसीह पाप न्ही करैगा। वो सिद्ध होगा। पर वो इस करकै मरैगा परमेसवर उसनै दुसरे लोगां के पापां के कारण दंडित करैगा। उसके मरण तै लोग परमेसवर के गैल मेल करण म्ह सक्षम होंवैंगे। ज्यातैं परमेसवर चाहवै सै के मसीह मरै। ![](https://cdn.door43.org/obs/jpg/360px/obs-en-21-14.jpg) भविष्यद्वक्तावां नै यो भी बताया के परमेसवर मसीह ताहीं मरे होयां म्ह तै जिन्दा करैगा। यो दर्शावै सै के यो सारी नया करार ताहीं बाँध्धण की परमेसवर की योजना थी, ताके वो उन लोगां ताहीं बचा सकै जिननै उसके खिलाप पाप करया सै। ![](https://cdn.door43.org/obs/jpg/360px/obs-en-21-15.jpg) परमेसवर नै भविष्यद्वक्तावां पै मसीह के बारै म्ह भोत सी बात्तां ताहीं प्रकट करया, पर मसीह उन भविष्यद्वक्तावां म्ह तै किसे के भी जीवनकाल म्ह न्ही आया था। इन भविष्यद्वाणियां के दिए जाण के 400 से ज्यादा साल्लां के बाद, सही बखत पै, परमेसवर मसीह नै इस संसार म्ह भेजैगा। उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_21_256kbps.mp3 ## 22. यूहन्ना का जन्म https://openbiblestories.org/l/bgc/story-22/ ![](https://cdn.door43.org/obs/jpg/360px/obs-en-22-01.jpg) अतीत म्ह, परमेसवर नै अपणे भविष्यद्वक्तावां तै बात करी थी ज्यातै वे लोगां तै बात कर सकै थे। पर उस बखत तै लेकै फेर 400 साल्लां के बीत्तण ताहीं उसनै उनतै बात न्ही करी। फेर परमेसवर नै जकर्याह नाम के भविष्यद्वक्ता कै धोरै एक सुर्गदूत ताहीं भेज्या। जकर्याह अर उसकी घरआळी एलीशिबा परमेसवर का आदर करैं थे। वे घणे बूढ्ढे होगे थे, अर उसकै कोए ऊलाद पैदा न्ही होई थी। ![](https://cdn.door43.org/obs/jpg/360px/obs-en-22-02.jpg) उस सुर्गदूत नै जकर्याह तै कह्या, "तेरी घरआळी के एक बेट्टा पैदा होवैगा। तू उसका नाम यूहन्ना रखणा। परमेसवर उसनै पवित्र आत्मा तै परिपूर्ण करैगा, अर यूहन्ना लोगां नै मसीह ताहीं ग्रहण करण के खात्तर त्यार करैगा।" जकर्याह ने जवाब दिया, "मैं अर मेरी घरआळी ऊलाद पैदा करण के खात्तर घणे बूढ्ढे सां! मैं किस तरियां जाणूं के आप मन्नै सच कह रह्ये सों?" ![](https://cdn.door43.org/obs/jpg/360px/obs-en-22-03.jpg) उस सुर्गदूत नै जकर्याह ताहीं जवाब दिया, "तेरै धोरै इस शुभ संदेश नै ल्याण के खात्तर मैं परमेसवर के द्वारा भेज्या गया सूं। क्यूकें तन्नै मेरे पै बिसवास न्ही करया, ज्यातै बच्चे के जामण ताहीं तू बोलण म्ह सक्षम न्ही होवैगा।" उसे बखत ए, जकर्याह बोलण म्ह असमर्थ था। फेर वो सुर्गदूत जकर्याह के धोरै तै चल्या गया। इसके बाद, जकर्याह घर लौट आया अर उसकी घरआळी गर्भवती होई। ![](https://cdn.door43.org/obs/jpg/360px/obs-en-22-04.jpg) जिब एलीशिबा छः महीन्ने की गर्भवती थी, तो वोए सुर्गदूत अचानक तै एलीशिबा की रिश्तेदार पै प्रकट होया, जिसका नाम मरियम था। मरियम कुँआरी थी अर ब्याह होण के खात्तर यूसुफ नाम के माणस के गैल उसकी मंगनी हो चुकी थी। सुर्गदूत नै कह्या, "तू गर्भवती होवैगी अर एक बेट्टे नै जन्म देवैगी। तन्नै उसका नाम यीशु रखणा सै। वो सर्व-शक्तिमान परमेसवर का बेट्टा होवैगा अर सदा के खात्तर शासन करैगा।" ![](https://cdn.door43.org/obs/jpg/360px/obs-en-22-05.jpg) मरियम नै जवाब दिया, "यो किस तरियां होवैगा, क्यूकें मैं तो कुँआरी सूं?" उस सुर्गदूत नै समझाया, "पवित्र आत्मा तेरे पै आवैगा, अर परमेसवर की सामर्थ तेरे पै छाया करैगी। ज्यातैं वो शिशु पवित्र होवैगा, अर वो परमेसवर का बेट्टा होवैगा।" जो उस सुर्गदूत नै कह्या उस पै मरियम नै बिसवास करया। ![](https://cdn.door43.org/obs/jpg/360px/obs-en-22-06.jpg) यो होण के तुरन्त बाद, मरियम नै जाकै एलीशिबा तै मुलाकात करी। जिब मरियम नै उस ताहीं नमस्कार करया, एलीशिबा का शिशु उसकै भीत्तर उछळ्या। उनकै खात्तर परमेसवर नै जो करया था उसके बारे म्ह वे जनानियां एक साथ खुश होईं। एलीशिबा के गैल तीन महीन्ने रहण के बाद, मरियम घर लौटगी। ![](https://cdn.door43.org/obs/jpg/360px/obs-en-22-07.jpg) इसके बाद, एलीशिबा नै अपणे बाळक ताहीं जन्म दिया। जकर्याह अर एलीशिबा नै उस बाळक का नाम यूहन्ना धरया, जिसा के उस सुर्गदूत नै आदेश दिया था। फेर परमेसवर नै जकर्याह ताहीं बोल्लण म्ह सक्षम करया। जकर्याह नै कह्या, "परमेसवर की स्तुति हो, क्यूकें उसनै अपणे लोगां की मदद करण ताहीं याद राख्या सै! हे मेरे बेट्टे, तू सर्व-शक्तिमान परमेसवर का भविष्यद्वक्ता होवैगा। तू लोगां ताहीं बतावैगा के वे किस तरियां अपणे पापां के खात्तर माफी प्राप्त कर सकैं सैं! " लूका अध्याय 1 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_22_256kbps.mp3 ## 23. यीशु का जन्म https://openbiblestories.org/l/bgc/story-23/ ![](https://cdn.door43.org/obs/jpg/360px/obs-en-23-01.jpg) यूसुफ नाम के एक धर्मी माणस के गैल मरियम की मंगणी हो चुकी थी। जिब उसनै सुण्या के मरियम गर्भवती सै तो वो जाणै था के वो उसका बच्चा न्ही सै। पर, वो मरियम नै बदनाम न्ही करणा चाहवै था, ज्यातैं उसनै उस पै दया करण की अर उसनै चुपचाप तलाक देण की सोच्ची। पर इसतै पैहल्या के वो इसा करदा, एक सुर्गदूत नै उसके सपने म्ह आकै उसतै बात करी। ![](https://cdn.door43.org/obs/jpg/360px/obs-en-23-02.jpg) उस सु्र्गदूत नै कह्या, "हे यूसुफ, मरियम ताहीं अपणी घरआळी के रूप म्ह लेकै आण तै ना डरै। उसके भीत्तर जो बच्चा सै वो पवित्र आत्मा की ओर तै सै। वो एक बेट्टा ताहीं जन्म देवैगी। उसका नाम यीशु रखणा (जिसका मतलब सै, 'यहोवा बचावै सै'), क्यूकें वो लोगां ताहीं उनके पापां तै बचावैगा।" ![](https://cdn.door43.org/obs/jpg/360px/obs-en-23-03.jpg) आखर म्ह यूसुफ नै मरियम तै ब्याह करया अर उसनै अपणी घरआळी के रूप म्ह घर ले आया, पर उसके बच्चे ताहीं जन्म देण ताहीं वो उसके गैल न्ही सोया। ![](https://cdn.door43.org/obs/jpg/360px/obs-en-23-04.jpg) जिब मरियम के जन्म देण का बखत धोरै था, तो उसनै अर यूसुफ नै बैतलहम जाण की एक लाम्बा सफर करया। उन ताहीं ओड़ै जाणा ए था क्यूकें रोमी अधिकारी इस्राएल म्ह रहण आळे सारे लोगां की गिणती करणा चाहवै थे। वे चाहवै थे के सारे लोग ओड़ै जावैं जड़ै उनके पूर्वज रहवैं थे। राजा दाऊद का जन्म बैतलहम म्ह होया था, अर वो मरियम अर यूसुफ दोन्नु का पूर्वज था। ![](https://cdn.door43.org/obs/jpg/360px/obs-en-23-05.jpg) मरियम अर यूसुफ बैतलहम गए, पर ओड़ै जानवरां नै रखण आळी जगहां के अलावा उनके ठहरण के खात्तर कोए जगहां न्ही थी। वोए जगहां थी जड़ै मरियम नै अपणे बच्चे ताहीं जन्म दिया। उसनै उस ताहीं चरणी म्ह लिटाया क्यूकें ओड़ै उसकै खात्तर कोए बिस्तर न्ही था। उननै उसका नाम यीशु धरया। ![](https://cdn.door43.org/obs/jpg/360px/obs-en-23-06.jpg) उस रात, ओड़ै धोरै ए खेत म्ह कुछ पाळी अपणे भेड़ां के झुंड की रखवाळी कर रह्ये थे। अचानक तै, एक चमकदार सुर्गदूत उन पै प्रकट होया, अर वे डरगे। उस सुर्गदूत नै कह्या, "ना डरो, क्यूकें मेरे धोरै थारै खात्तर खुश खबरी सै। बैतलहम म्ह मसीह, स्वामी का जन्म होया सै!" ![](https://cdn.door43.org/obs/jpg/360px/obs-en-23-07.jpg) जाकै उस बाळक की खोज करो, अर थम उसनै कपड़े म्ह लिपट्या अर चरणी म्ह लेट्या होया पाओगे।" अचानक तै, अकास सुर्गदूत्तां तै भर ग्या। वे परमेसवर की स्तुति कर रह्ये थे। उननै कह्या, "सारी महिमा सुर्ग म्ह विराजमान परमेसवर नै मिलै। धरती पै उन लोगां म्ह शान्ति हो जिनकी वो चिन्ता करै सै!" ![](https://cdn.door43.org/obs/jpg/360px/obs-en-23-08.jpg) फेर सुर्गदूत चले गए। वे पाळी भी अपणी भेड़ां ताहीं छोड़कै बालक नै देख्खण गए। तावळी ए वे उस जगहां पै पोहचे जड़ै यीशु था अर उननै उस ताहीं चरणी म्ह लेट्या होया पाया, जिसा के उस सुर्गदूत नै कह्या था। वे भोत उत्साहित थे। फेर वे चरवाहे वापस ओड़ै ए लौट गे जड़ै उनकी भेड़ां थीं। उननै जो किमे भी सुण्या अर देख्या उस सब खात्तर वे परमेसवर की स्तुति कर रह्ये थे। ![](https://cdn.door43.org/obs/jpg/360px/obs-en-23-09.jpg) पूर्व म्ह दूर एक देश म्ह कुछ माणस थे। उननै तारयां का अध्ययन करया था अर वे घणे बुद्धिमान थे। उननै एक असामान्य तारे ताहीं अकास म्ह देख्या। उननै कह्या के इसका मतलब सै के यहूदियां के एक नए राजा का जन्म होया सै । इस करकै उननै उस बाळक ताहीं देखण के खात्तर अपणे देश तै सफर करण का फैसला करया। एक लाम्बे सफर के बाद, वे बैतलहम आए अर उस घर ताहीं पाया जड़ै यीशु अर उसके माता-पिता रुके होये थे। ![](https://cdn.door43.org/obs/jpg/360px/obs-en-23-10.jpg) जिब इन पुरुषां नै यीशु ताहीं अपणी माँ के गैल देख्या तो उननै घुटणे टेककै उसकी आराधना करी। उननै यीशु ताहीं कीमती उपहार दिए। फेर वे घर वापस बोहड़गे। मत्ती अध्याय 1; लूका 2 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_23_256kbps.mp3 ## 24. यूहन्ना यीशु नै बपतिस्मा देवै सै https://openbiblestories.org/l/bgc/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा अर जकर्याह का बेट्टा यूहन्ना, बड़ा होकै एक भविष्यद्वक्ता बण ग्या। वो जंगळ म्ह रह्या करै था, अर जंगळी शहद अर टिड्डियाँ खाया करै था, अर ऊँट के रोम तै बणे कपड़े पैहरया करै था। ![](https://cdn.door43.org/obs/jpg/360px/obs-en-24-02.jpg) भोत से लोग यूहन्ना की बात्तं सुणण के खात्तर जंगळ म्ह लिकड़ आए। उसनै यो कहकै उन ताहीं प्रचार करया, "पश्चाताप करो, क्यूकें सुर्ग का राज ए धोरै सै!" ![](https://cdn.door43.org/obs/jpg/360px/obs-en-24-03.jpg) जिब लोगां नै यूहन्ना के संदेस ताहीं सुण्या, तो उन म्ह तै घण्या नै अपणे पापां तै पश्चाताप करया, अर यूहन्ना नै उन ताहीं बपतिस्मा दिया। यूहन्ना नै देखण खात्तर भोत से धार्मिक अगुवे भी आए, पर उननै अपणे पापां का पश्चाताप या अंगीकार न्ही करया। ![](https://cdn.door43.org/obs/jpg/360px/obs-en-24-04.jpg) यूहन्ना नै धार्मिक अगुव्यां तै कह्या, "हे जहरीले साँपों! पश्चाताप करो अर अपणे बरताव नै बदलो। परमेसवर हर उस पेड़ नै काट डालैगा जो आच्छा फळ न्ही ल्यान्दा, अर वो उन ताहीं आग म्ह झोंक देवैगा।" जो भविष्यद्वक्तावां नै कह्या था यूहन्ना नै उसनै पूरा करया, "देख, तावळी ए मैं तेरै आग्गै अपणे संदेशवाहक ताहीं भेज्जूंगा जो तेरै खात्तर रास्ता नै त्यार करैगा।" ![](https://cdn.door43.org/obs/jpg/360px/obs-en-24-05.jpg) कुछ धार्मिक अगुव्यां नै यूहन्ना तै पूछ्या के के वो मसीह सै। यूहन्ना नै जवाब दिया, "मैं मसीह न्ही सूं, पर वो मेरै बाद आ रह्या सै। वो इतना महान सै के मैं उसके जूत्यां के फीत्ते खोल्लण के भी लायक न्ही सूं।" ![](https://cdn.door43.org/obs/jpg/360px/obs-en-24-06.jpg) आगले दिन, यीशु बपतिस्मा लेण के खात्तर यूहन्ना के धोरै आया। जिब यूहन्ना नै उस ताहीं देख्या, तो उसनै कह्या, "देक्खो! परमेसवर का मेमणा जो संसार के पापां ताहीं ठाकै ले जावैगा।" ![](https://cdn.door43.org/obs/jpg/360px/obs-en-24-07.jpg) यूहन्ना नै यीशु तै कह्या, "मैं तन्नै बपतिस्मा देण के लायक न्ही सूं। बजाए इसके जरुरी सै के तू मन्नै बपतिस्मा दे।" पर यीशु नै कह्या, "तन्नै मेरे ताहीं बपतिस्मा देणा चाहिए, क्यूकें करण के खात्तर सही काम योए सै।" आखर म्ह यूहन्ना नै उस ताहीं बपतिस्मा दिया, जिब के यीशु नै कदे पाप न्ही करया था। ![](https://cdn.door43.org/obs/jpg/360px/obs-en-24-08.jpg) बपतिस्मा दिए जाण के बाद जिब यीशु पाणी तै लिकड़कै बाहर आया, तो परमेसवर का आत्मा कबूतर के रूप म्ह प्रकट होया अर तळै आकै उस पै ठहर ग्या। उसे बखत, परमेसवर नै सुर्ग तै बात करी। उसनै कह्या, "तू मेरा बेट्टा सै। मैं तन्नै प्यार करुँ सूं, अर मैं तेरे तै भोत खुश सूं।" ![](https://cdn.door43.org/obs/jpg/360px/obs-en-24-09.jpg) परमेसवर नै यूहन्ना तै कह्या था, "पवित्र आत्मा तळै आकै किसे पै ठहर जावैगा जिसनै तू बपतिस्मा देवैगा।" वोए परमेसवर का बेट्टा सै परमेसवर एक ए सै। पर जिब यूहन्ना नै यीशु ताहीं बपतिस्मा दिया, तो उसनै परमेसवर पिता ताहीं बात्तां करदे सुण्या, बेट्टा परमेसवर ताहीं देख्या, जो के यीशु सै, अर उसनै पवित्र आत्मा ताहीं देख्या। मत्ती अध्याय 3; मरकुस 1:9-11; लूका 3:1 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_24_256kbps.mp3 ## 25. शैतान यीशु की परीक्षा करै सै https://openbiblestories.org/l/bgc/story-25/ ![](https://cdn.door43.org/obs/jpg/360px/obs-en-25-01.jpg) यीशु का बपतिस्मा होण के तुरन्त बाद ए, पवित्र आत्मा उसनै जंगळ म्ह ले ग्या। यीशु ओड़ै चाळीस दिन अर चाळीस रात था। उस बखत उसनै उपवास करया, अर शैतान नै यीशु के धोरै आकै पाप करवाण के खात्तर उसकी परीक्षा करी। ![](https://cdn.door43.org/obs/jpg/360px/obs-en-25-02.jpg) पैहले, शैतान नै यीशु तै कह्या, "जै तू परमेसवर का बेट्टा सै तो इन पत्थरां ताहीं रोट्टी बणा दे ताके तू खा सकै!" ![](https://cdn.door43.org/obs/jpg/360px/obs-en-25-03.jpg) पर यीशु नै शैतान तै कह्या, "परमेसवर के वचन म्ह यो लिख्या सै, 'जिन्दा रहण खात्तर माणस ताहीं सिर्फ रोट्टी की जरुरत न्ही सै, बल्के उन ताहीं हर उस बात की जरुरत सै जो परमेसवर उनतै कहवै सै!'" ![](https://cdn.door43.org/obs/jpg/360px/obs-en-25-04.jpg) फेर शैतान यीशुनै मंदर के सबतै ऊँचे सिरे पै ले ग्या। उसनै उसतै क ह्या, "जै तू परमेसवर का बेट्टा सै तो उरै तै तळै कूद जा, क्यूकें लिख्या सै, 'परमेसवर तन्नै ठाण के खात्तर अपणे सुर्गदूत्तां नै हुकम देवैगा के तेरे पैरां पै पत्थर तै ठेस ना लाग्गै।'" ![](https://cdn.door43.org/obs/jpg/360px/obs-en-25-05.jpg) पर यीशु नै वा न्ही करया जो शैतान नै उसतै करण के खात्तर कह्या था। इसके बजाए, उसनै कह्या, "परमेसवर हर एक तै कहवै सै, 'तू प्रभु अपणे परमेसवर की परीक्षा ना करणा।'" ![](https://cdn.door43.org/obs/jpg/360px/obs-en-25-06.jpg) फेर शैतान नै उस ताहीं संसार के सारे राज्य दिखाए। उसनै उस ताहीं दिखाया के वे कितने शक्तिशाली थे, अर वे कितने सम्पन्न थे। उसनै यीशु तै कह्या, "मैं तन्नै यो सारा दयूंगा जै तू घुटणे टेककै मेरी उपासना करै।" ![](https://cdn.door43.org/obs/jpg/360px/obs-en-25-07.jpg) यीशु नै जवाब दिया, "हे शैतान, मेरै धोरै तै चल्या जा! परमेसवर के वचन म्ह वो लोगां नै हुकम देवै सै, 'सिर्फ अपणे प्रभु परमेसवर की आराधना करो। परमेसवर के रूप म्ह सिर्फ उसे का आदर करो।'" ![](https://cdn.door43.org/obs/jpg/360px/obs-en-25-08.jpg) यीशु नै शैतान की परीक्षा तै हार न्ही मान्नी, इस करकै शैतान उसकै धोरै तै चल्या गया। फेर सुर्गदूत आकै यीशु की सेवाटहल करण लाग्गे। मत्ती अध्याय 4:1-11; मरकुस 1:12-13; लूका 4:1-13 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_25_256kbps.mp3 ## 26. यीशु अपणी सेवा शरु करै सै https://openbiblestories.org/l/bgc/story-26/ ![](https://cdn.door43.org/obs/jpg/360px/obs-en-26-01.jpg) शैतान की परीक्षा का इंकार करण के बाद, यीशु वापस गलील के क्षेत्र म्ह आया। योए वो जगहां सै जड़ै वो रहवै था। पवित्र आत्मा उसनै भोत सामर्थ दे रह्या था, अर यीशु एक जगहां तै दूसरी जगहां म्ह गया अर लोगां ताहीं शिक्षा दी। सारयां नै उसके बारे म्ह आच्छी बात्तां कह्यी। ![](https://cdn.door43.org/obs/jpg/360px/obs-en-26-02.jpg) यीशु नासरत नगर म्ह गया। यो वा गाम सै जड़ै वो अपणे बाळकपण म्ह रह्या करै था। सब्त के दिन, वो आराधना करण की जगहां पै गया। अगुव्यां नै उस ताहीं यशायाह भविष्यद्वक्ता के संदेसां की एक किताब दी। वे चाहवैं थे के वो उस म्ह तै पढै। आखर म्ह यीशु नै उस किताब ताहीं खोलकै उसके एक हिस्से ताहीं लोगां के खात्तर पढ्या। ![](https://cdn.door43.org/obs/jpg/360px/obs-en-26-03.jpg) यीशु नै पढ्या, "परमेसवर नै मेरे ताहीं अपणा आत्मा दिया सै ताके मैं कंगालां म्ह सुसमाचार प्रचार कर सकूँ। उसनै मेरे ताहीं इस करकै भेज्या सै के कैदियां ताहीं आजाद करूँ, अंध्यां ताहीं फेर तै रोशनी प्रदान करूँ, अर उन ताहीं छुटकारा दूँ जिन ताहीं दूसरे लोग कुचल रह्ये सैं। यो वो बखत सै जिब परमेसवर म्हारे पै दयालु होवैगा अर म्हारी मदद करैगा।" ![](https://cdn.door43.org/obs/jpg/360px/obs-en-26-04.jpg) फेर यीशु बैठ ग्या। सारे माणस उसनै बड़े ध्यान तै देखैं थे। वे जाणै थे के पवित्रशास्त्र का जो हिस्सा उसनै इब पढ्या था वो मसीह के बारै म्ह था। यीशु नै कह्या, "जो बात्तां मन्नै इब थारै खात्तर पढ़ी सै, वे इस बखत पुरी हो रह्यी सैं।" सारे लोग चकित थे। उननै कह्या, "के यो यूसुफ का बेट्टा न्ही सै?" ![](https://cdn.door43.org/obs/jpg/360px/obs-en-26-05.jpg) फेर यीशु नै कह्या, "यो सच सै के लोग किसे इसे भविष्यद्वक्ता ताहीं कदे स्वीकार न्ही करदे जो उनके नगर म्ह पळा-बढ्या हो। एलिय्याह भविष्यद्वक्ता के बखत म्ह, इस्राएल म्ह भोत सी विधवा थीं। पर जिब साढ़े तीन साल ताहीं बारिश न्ही होई तो परमेसवर नै एलिय्याह ताहीं इस्राएल म्ह किसे विधवा की मदद करण के खात्तर न्ही भेज्या। इसके बजाए, उसनै एलिय्याह ताहीं किसे दुसरे देश की विधवा के धोरै भेज्या।" ![](https://cdn.door43.org/obs/jpg/360px/obs-en-26-06.jpg) यीशु नै कहणा जारी राख्या, "अर एलीशा भविष्यद्वक्ता के बखत म्ह, इस्राएल म्ह भोत से लोग चमड़ी के रोग तै पीड़ित थे। पर एलीशा नै उन म्ह तै किसे ताहीं भी चंगा न्ही करया। उसनै सिर्फ इस्राएल के दुश्मनां के सेनापति नामान ताहीं चंगा करया।" पर जो लोग यीशु ताहीं सुण रह्ये थे वे यहूदी थे। ज्यातें जिब उननै उसतै यो कहन्दे होये सुण्या तो वे उस पै गुस्सा होए। ![](https://cdn.door43.org/obs/jpg/360px/obs-en-26-07.jpg) नासरत के लोगां नै यीशु ताहीं पकड़ लिया अर उसनै आराधना की जगहां तै घसीट कै बाहर लेगे। वे उसनै मार डालण के खात्तर नीचे फेंकन ताहीं एक चट्टान के सिरे पै लेगे। पर यीशु भीड़ म्ह तै लिकड़ ग्या अर नासरत नगर ताहीं छोड़कै चल्या गया। ![](https://cdn.door43.org/obs/jpg/360px/obs-en-26-08.jpg) फेर यीशु सारे गलील के क्षेत्र म्ह गया, अर बड़ी भीड़ उसकै धोरै आई। वे इसे भोत से लोगां ताहीं लेकै आए जो बीमार अर विकलांग थे। उन म्ह तै कुछ देख, चल, सुण या बोल न्ही सकै थे, अर यीशु नै उन ताहीं चंगा करया। ![](https://cdn.door43.org/obs/jpg/360px/obs-en-26-09.jpg) इसके अलावा, भोत से इसे लोग यीशु के धोरै ल्याए गए जिन म्ह दुष्टात्माएँ थीं। यीशु नै दुष्टात्मावां ताहीं उन म्ह तै लिकड़ जाण का हुकम दिया। वे दुष्टात्माएँ अक्सर चिल्लाईं, "तू परमेसवर का बेट्टा सै!" भीड़ के लोग चकित थे, अर उननै परमेसवर की स्तुति करी। ![](https://cdn.door43.org/obs/jpg/360px/obs-en-26-10.jpg) फेर यीशु नै बारह माणसां ताहीं चुण्या जिन ताहीं उसनै अपणे प्रेरित कह्या। उन प्रेरितां नै उसके गैल सफर करया अर उसतै शिक्षा प्राप्त करी। मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_26_256kbps.mp3 ## 27. दयालु सामरी की कहानी https://openbiblestories.org/l/bgc/story-27/ ![](https://cdn.door43.org/obs/jpg/360px/obs-en-27-01.jpg) एक दिन, यहूदी व्यवस्था का एक विशेषज्ञ यीशु के धोरै आया। वो सारयां ताहीं यो दिखाणा चाहवै था के यीशु गलत रीति तै शिक्षा दे रह्या था। इस करकै उसनै कह्या, "हे गुरु, अनन्त जीवन पाण के खात्तर मैं के करूँ?" यीशु नै जवाब दिया, "परमेसवर की व्यवस्था म्ह के लिख्या सै?" ![](https://cdn.door43.org/obs/jpg/360px/obs-en-27-02.jpg) उस माणस नै कह्या, "वो कहवै सै के अपणे परमेसवर तै अपणे सारे मन, प्राण, सामर्थ, अर बुद्धि तै प्यार कर। अर अपणे पड़ोसी तै अपणे समान प्यार कर।" यीशु नै जवाब दिया, "तू एकदम सही सै! जै तू इसा करै, तो तन्नै अनन्त जीवन प्राप्त होवैगा।" ![](https://cdn.door43.org/obs/jpg/360px/obs-en-27-03.jpg) पर वो व्यवस्था का विशेषज्ञ लोगां ताहीं दिखाणा चाहवै था के उसका जीवन जीण का तरीका सही था। ज्यातैं उसनै यीशु तै पूच्छ्या, "ठीक सै, तो मेरा पड़ोसी कौण सै?" ![](https://cdn.door43.org/obs/jpg/360px/obs-en-27-04.jpg) यीशु नै उस व्यवस्था के विशेषज्ञ ताहीं एक कहानी बताण के जरिये जवाब दिया। "एक यहूदी व्यक्ति था जो एक सड़क तै होकै यरूशलेम तै यरीहो का सफर कर रह्या था।" ![](https://cdn.door43.org/obs/jpg/360px/obs-en-27-05.jpg) "पर कुछ डाकुवां नै उसनै देख्या अर उस पै हमला कर दिया। उननै उसका सारा किमे ले लिया अर उसनै लगभग मरण ताहीं मारया-पीट्या। फेर वे चले गए।" ![](https://cdn.door43.org/obs/jpg/360px/obs-en-27-06.jpg) "उसके तुरन्त बाद, एक यहूदी याजक उसे सड़क तै होकै गुजरया। उस याजक नै उस माणस ताहीं सड़क पै पड्या होया देख्या। जिब उसनै उस ताहीं देख्या तो वो सड़क की दूसरी ओर जाकै आग्गै बढ़ ग्या। उसनै उस माणस ताहीं पूरी तरियां तै अणदेख्या कर दिया।" ![](https://cdn.door43.org/obs/jpg/360px/obs-en-27-07.jpg) "इसके बाद कुछ ए बखत बीतण पै, एक लेवी उस सड़क पै आया। (लेवी यहूदियां का एक गोत्र था जिन ताहीं मंदिर म्ह याजकां की मदद करी थी।) वो लेवी भी सड़क की दूसरी ओर तै लिकड़ ग्या। उसनै भी उस माणस ताहीं अणदेख्या कर दिया।" ![](https://cdn.door43.org/obs/jpg/360px/obs-en-27-08.jpg) "अगला माणस जो उस सड़क पै आया वो सामरिया का एक माणस था। (सामरी अर यहूदी एक दूसरे तै नफरत करैं थे।) उस सामरी नै सड़क पै उस माणस ताहीं देख्या। उसनै देख्या के वो यहूदी था, पर फेर भी उसनै उस पै बड़ा तरस खाया। आखर म्ह वो उसकै धोरै गया अर उसके घाव पै पट्टियाँ बाँधीं।" ![](https://cdn.door43.org/obs/jpg/360px/obs-en-27-09.jpg) "फेर उस सामरी नै उस माणस ताहीं अपणे गधे पै डाल्या अर उसनै उस सड़क तै एक सराय म्ह ले ग्या। जिस जगहां पै उसनै उसकी देखभाळ करणा जारी राख्या।" ![](https://cdn.door43.org/obs/jpg/360px/obs-en-27-10.jpg) आगले दिन, उस सामरी ताहीं अपणे सफर नै जारी राख्खण की जरुरत थी। उसनै उस सराय के प्रभारी व्यक्ति ताहीं कुछ धन दिया। उसनै उसतै कह्या, "इस माणस की देखभाळ करिये। जै इस धन के अलावा तेरा किमे और धन खर्च हो तो वापस आण पै मैं तेरे उस खर्च ताहीं दे दियूगां।" ![](https://cdn.door43.org/obs/jpg/360px/obs-en-27-11.jpg) फेर यीशु नै उस व्यवस्था के विशेषज्ञ तै पूच्छ्या, "थम के सोचों सों? इन तीन लोगां म्ह तै कौण उस माणस का पड़ोसी सै जिस ताहीं लूट्या अर पीट्या गया था?" उसनै जवाब दिया, "वोए जो उस पै दयालु था।" यीशु नै उसतै कह्या, "तू जा अर इसा ए कर।" लूका अध्याय 10:25-37 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_27_256kbps.mp3 ## 28. धनी जवान शासक https://openbiblestories.org/l/bgc/story-28/ ![](https://cdn.door43.org/obs/jpg/360px/obs-en-28-01.jpg) एक दिन, एक साहूकार जवान शासक नै यीशु के धोरै आकै उसतै पूच्छ्या, "हे उत्तम गुरु, अनन्त जीवन पाण के खात्तर मन्नै के करणा चाहिए?" यीशु नै उसतै कह्या, "तू मन्नै 'उत्तम' क्यू कहवै सै? सिर्फ एक ए उत्तम सै अर वो परमेसवर सै। पर जै तू अनन्त जीवन पाणा चाहवै सै तो परमेसवर की व्यवस्था का पालन कर।" ![](https://cdn.door43.org/obs/jpg/360px/obs-en-28-02.jpg) "मन्नै कौण कौण से हुकमां का पालन करण की जरुरत सै?" उसनै पुच्छ्या। यीशु नै जवाब दिया, "हत्या ना करिये। व्यभिचार ना करिये। चोरी ना करिये। झूठ ना बोलिये। अपणे पिता अर माता का आदर करिये, अर अपणे पड़ोसी तै अपणे समान प्यार करिये।" ![](https://cdn.door43.org/obs/jpg/360px/obs-en-28-03.jpg) पर उस जवान माणस नै कह्या, "मैं अपणे बाळकपण तै ए इन सारे हुकमां का पाळन करदा आया सूं। मन्नै सदा के खात्तर जिन्दा रहण ताहीं इब भी के करण की जरुरत सै?" यीशु नै उस पै नजर करी अर उसतै प्यार करया। ![](https://cdn.door43.org/obs/jpg/360px/obs-en-28-04.jpg) यीशु नै जवाब दिया, "जै तू सिद्ध होणा चाहवै सै तो जाकै अपणा सारा किमे बेच दे अर वा धन गरीबां म्ह बाँट दे, अर तन्नै सुर्ग म्ह धन मिलैगा। फेर आकै मेरे पाच्छै हो ले।" ![](https://cdn.door43.org/obs/jpg/360px/obs-en-28-05.jpg) जो यीशु नै कह्या जिब उस जवान माणस नै सुण्या तो वो भोत उदास हो ग्या, क्यूकें वो भोत धणी था अर उसनै अपणी सारी सम्पत्ति ताहीं देणा न्ही चाह्या था। वो मुड़ कै यीशु के धोरै तै चल्या गया। ![](https://cdn.door43.org/obs/jpg/360px/obs-en-28-06.jpg) फेर यीशु नै अपणे चेल्यां तै कह्या, "परमेसवर के राज्य म्ह धणी लोगां का जाणा घणा मुशकिल सै! हाँ, एक धणी माणस के परमेसवर के राज्य म्ह जाण की तुलना म्ह किसे ऊँट का सूई के नाके म्ह तै होकै लिकड़ जाणा आसान सै।" ![](https://cdn.door43.org/obs/jpg/360px/obs-en-28-07.jpg) जो यीशु नै कह्या जिब चेल्यां नै सुण्या तो वे हैरान थे। उननै कह्या, "जै यो इसा सै तो परमेसवर किसनै बचावैगा?" ![](https://cdn.door43.org/obs/jpg/360px/obs-en-28-08.jpg) यीशु नै चेल्यां पै नजर करी अर कह्या, "लोगां के खात्तर खुद का उद्धार करणा अणहोणा सै। पर परमेसवर के खात्तर कुछ भी करणा अणहोणा न्ही सै।" ![](https://cdn.door43.org/obs/jpg/360px/obs-en-28-09.jpg) पतरस नै यीशु तै कह्या, "हम चेले अपणा सारा किमे छोड़कै तेरै पाच्छै हो लिए सां। तो हमारा इनाम के होवैगा?" ![](https://cdn.door43.org/obs/jpg/360px/obs-en-28-10.jpg) यीशु नै जवाब दिया, "हर एक माणस जिसनै मेरै कारण घर, भाई, भाण, पिता, माता, बच्चे, या जायदाद ताहीं छोडया सै, वो उसतै 100 गुणा ज्यादा पावैगा अर अनन्त जीवन ताहीं भी पावैगा। पर भोत से जो पहले सैं वे पिछले होंवैंगे, अर भोत से जो पिछले सैं वे पहले होंवैंगे।" मत्ती अध्याय 19:16-30; मरकुस 10:17-31; लूका 18:18-30 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_28_256kbps.mp3 ## 29. निर्दयी दास की कहानी https://openbiblestories.org/l/bgc/story-29/ ![](https://cdn.door43.org/obs/jpg/360px/obs-en-29-01.jpg) एक दिन, पतरस नै यीशु तै पुच्छ्या, "हे स्वामी, मन्नै अपणे भाई ताहिं कितनी बार माफ करणा चाहिए जिब वो मेरै खिलाप पाप करै सै? के सात बार ताहीं?" यीशु नै कह्या, "सात बार न्ही, पर सात के सत्तर बार!" इसके जरिये, यीशु का मतलब सै के हमें सदा माफ करणा चाहिए। फेर यीशु नै यो कहाणी बताई। ![](https://cdn.door43.org/obs/jpg/360px/obs-en-29-02.jpg) यीशु नै कह्या, "परमेसवर का राज्य एक राजा के समान सै जो अपणे दास तै लेखा लेणा चाहवै था। उसका एक दास 2,00,000 साल्लां की मजदूरी के एक बड़े कर्ज का कर्जदार था।" ![](https://cdn.door43.org/obs/jpg/360px/obs-en-29-03.jpg) पर वो दास अपणे कर्ज ताहीं चुका न्ही पाया, इस करकै राजा नै कह्या, "इसका कर्ज चुकाण के खात्तर इस माणस ताहीं अर इसके परिवार ताहीं दास्सां के रूप म्ह बेच द्दो।" ![](https://cdn.door43.org/obs/jpg/360px/obs-en-29-04.jpg) "उस दास नै राजा के स्याम्ही अपणे घुटन्यां पै गिर कै कह्या, 'कृपया मेरे गैल धीरज धर, अर मैं अपणे कर्ज की पूरी रकम का भुगतान कर दयुगां।' राजा नै दास पै दया करी, ज्यातैं उसनै उसके सारे कर्ज ताहीं माफ कर दिया अर उस ताहीं जाण दिया।" ![](https://cdn.door43.org/obs/jpg/360px/obs-en-29-05.jpg) "पर जिब वो दास राजा के धोरै तै बाहर गया, तो उसनै उसका एक साथी दास मिल्या जो उसके च्यार महीन्ने की मजदूरी का कर्जदार था। उस दास नै अपणे साथी दास ताहीं पकड़ लिया अर कह्या, 'जो तेरे ऊपर मेरा कर्ज सै मन्नै वा दे!" ![](https://cdn.door43.org/obs/jpg/360px/obs-en-29-06.jpg) "उस साथी दास नै घुटन्यां पै गिरकै कह्या, 'कृपया मेरे गैल धीरज धर, अर मैं अपणे कर्ज की पूरी रकम का भुगतान कर दयूंगा।' पर इसके बजाए, उस दास नै अपणे साथी दास ताहीं जेळखान्ने म्ह डाल दिया जिब ताहीं के वो उस कर्ज का भुगतान ना कर दे।" ![](https://cdn.door43.org/obs/jpg/360px/obs-en-29-07.jpg) "जो किमे होया था उसनै कुछ दुसरे दास्सां नै देख्या अर वे बहुत परेशान होये। वे राजा के धोरै गए अर उसनै सारा कुछ बताया।" ![](https://cdn.door43.org/obs/jpg/360px/obs-en-29-08.jpg) "राजा नै उस दास ताहीं बुला कै कह्या, 'हे दुष्ट दास! मन्नै तेरे कर्ज ताहीं इस करकै माफ करया था क्यूकें तन्नै मेरे ताहीं बिनती करी थी। तन्नै भी उसा ए करणा चाहिए था।' राजा इतना गुस्सा था के उसनै उस दुष्ट दास ताहीं जेळखान्ने म्ह डाल दिया जिब ताहीं के वो अपणे सारे कर्ज का वापस भुगतान ना कर दे।" ![](https://cdn.door43.org/obs/jpg/360px/obs-en-29-09.jpg) फेर यीशु नै कह्या, "मेरा सुर्ग म्ह विराजमान पिता थारै म्ह तै हर एक के गैल योए करैगा जै थम अपणे भाई ताहीं अपणे दिल तै माफ न्ही करदे।" मत्ती अध्याय 18:21-35 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_29_256kbps.mp3 ## 30. यीशु पाँच हजार लोगां ताहीं खाणा खुवावै सै https://openbiblestories.org/l/bgc/story-30/ ![](https://cdn.door43.org/obs/jpg/360px/obs-en-30-01.jpg) यीशु नै अपणे प्रेरितां ताहीं प्रचार करण अर लोगां नै शिक्षा देण के खात्तर भोत से न्यारे-न्यारे गाम्मा म्ह भेज्या। जिब वे ओड़ै लौटे जड़ै यीशु था तो उननै उस ताहीं बताया के उननै के करया था। फेर यीशु नै उन ताहीं झील के दूसरी तरफ उसके गैल एक शान्त जगहां पै जाकै कुछ बखत आराम करण के खात्तर आमंत्रित करया। आखर वे एक किस्ती पै चढ़गे अर झील के दूसरी तरफ चले गए। ![](https://cdn.door43.org/obs/jpg/360px/obs-en-30-02.jpg) पर ओड़ै भोत से इसे लोग थे जिननै यीशु अर चेल्यां ताहीं किस्ती म्ह जान्दे होये देख्या था। ये लोग उनतै आग्गै झील के दूसरे पास्सै जाण के खात्तर झील के किनारे-किनारे पै भाज्जे। आखर जिब यीशु अर चेले पोहचे तो लोगां का एक बड़ा टोळ उनकी बाट देखदा होया ओड़ै पैहले तै था। ![](https://cdn.door43.org/obs/jpg/360px/obs-en-30-03.jpg) उस भीड़ म्ह जनानियां अर बच्यां की गिणती के बिना 5,000 तै घणे माणस थे। यीशु नै उन लोगां पै बड़ा तरस खाया। यीशु के लिए वे लोग बिना पाळी की भेडां के बराबर थे। ज्यातैं उसनै उन ताहीं शिक्षा दी अर उनके बिचाळै जो लोग बीमार थे उन ताहीं चंगा करया। ![](https://cdn.door43.org/obs/jpg/360px/obs-en-30-04.jpg) दिन के आखर म्ह, चेल्यां नै यीशु तै कह्या, "इब देर होगी सै अर आसै-पास्सै कोए नगर न्ही सै। इन लोगां ताहीं विदा कर ताके वे जाकै खाण के खात्तर कुछ लेंवैं।" ![](https://cdn.door43.org/obs/jpg/360px/obs-en-30-05.jpg) पर यीशु नै चेल्यां तै कह्या, "थम उन ताहीं खाण के खात्तर कुछ द्दो!" उननै जवाब दिया, "हम इसा किस तरियां कर सकां सां? म्हारै धोरै सिर्फ पाँच रोट्टी अर दो छोट्टी मछलियाँ सैं।" ![](https://cdn.door43.org/obs/jpg/360px/obs-en-30-06.jpg) यीशु नै अपणे चेल्यां तै कह्या के वे भीड़ के लोगां पै घास पर पचास-पचास के टोळां म्ह बैठण के खात्तर कहवैं। ![](https://cdn.door43.org/obs/jpg/360px/obs-en-30-07.jpg) फेर यीशु नै पाँच रोट्टी अर दो मच्छीयां ताहीं लेकै सुर्ग की ओर देख्या, अर उस खाणे के खात्तर परमेसवर ताहीं धन्यवाद दिया। ![](https://cdn.door43.org/obs/jpg/360px/obs-en-30-08.jpg) फेर यीशु नै रोट्टी अर मच्छियां ताहीं टुकड़यां म्ह तोड़या। उसनै लोगां ताहीं देण के खात्तर अपणे चेल्यां ताहीं वे टुकड़े दे दिए। चेले उस खाणा ताहीं बाँटदे रह्ये, अर वा कदे खत्म न्ही होया! वे सारे लोग खाकै छिक्कगे। ![](https://cdn.door43.org/obs/jpg/360px/obs-en-30-09.jpg) उसके बाद, चेल्यां नै उस खाणे ताहीं कठ्ठा करया जिस ताहीं खाया न्ही गया था अर वा बाराह टोकरियां ताहीं भरण के खात्तर पुरा था! वा सारा खाणा उन पाँच रोट्टी अर दो मच्छियां तै आया था। मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_30_256kbps.mp3 ## 31. यीशु पाणी पै आळै सै https://openbiblestories.org/l/bgc/story-31/ ![](https://cdn.door43.org/obs/jpg/360px/obs-en-31-01.jpg) पाँच हजार लोगां नै खाणा खुवाण के बाद, यीशु नै अपणे चेल्यां तै नाव म्ह जाण के खात्तर कह्या। उसनै उन ताहीं झील के दूसरी तरफ चले जाण के खात्तर कह्या जिब के वो थोड़े बखत खात्तर ओड़ै ए ठहर ग्या। आखर म्ह चेले चले गए अर यीशु नै भीड़ ताहीं विदा करया के वे अपणे घर जावैं। इसके बाद, यीशु प्रार्थना करण के खात्तर एक पर्वत पै चल्या गया। ओड़ै वो एक्ला था, अर उसनै देर रात ताहीं प्रार्थना करी। ![](https://cdn.door43.org/obs/jpg/360px/obs-en-31-02.jpg) उस बखत, चेले अपणी नाव ताहीं खेन्दे होये जावैं थे, पर हवा उनके खिलाप बड़ी जोर तै बह रही थी। घणी रात हो जाण पै भी वे सिर्फ झील के बीच म्ह ए पोहचे थे। ![](https://cdn.door43.org/obs/jpg/360px/obs-en-31-03.jpg) उस बखत यीशु नै प्रार्थना करणा खत्म करया अर अपणे चेल्यां कै धोरै वापस जाणा शरु करया। वो नाव की तरफ जाण के खात्तर पाणी के ऊपर चाल्लण लाग्गण। ![](https://cdn.door43.org/obs/jpg/360px/obs-en-31-04.jpg) फेर चेल्यां नै उस ताहीं देख्या। वे भोत डरगे क्यूकें उननै सोच्या था के वो कोए भूत सै। यीशु जाणै था के वे डर गे थे, इस करकै उसनै उन ताहीं आवाज देकै कह्या, "डरो ना, यो मैं सूं!" ![](https://cdn.door43.org/obs/jpg/360px/obs-en-31-05.jpg) फेर पतरस नै यीशु तै कह्या, "हे प्रभु, जै यो तू सै तो मन्नै पाणी पै चालकै तेरै धोरै आण का हुकम दे।" यीशु नै पतरस तै कह्या, "आ!" ![](https://cdn.door43.org/obs/jpg/360px/obs-en-31-06.jpg) आखर म्ह पतरस नाव तै उतर ग्या अर यीशु कै धोरै जाण के खात्तर पाणी की सतह पै चालणा शरु करया। पर थोड़ी दूर जाकै, उसनै अपणी आँख्यां ताहीं यीशु तै फेर लिया अर लहरां ताहीं देखणा अर तेज हवा ताहीं महसूस करणा शरु कर दिया। ![](https://cdn.door43.org/obs/jpg/360px/obs-en-31-07.jpg) फेर पतरस डर ग्या अर पाणी म्ह डूबण लाग्या। वो चिल्लाया, "हे प्रभु, मन्नै बचा!" यीशु नै उस बखत हाथ बढ़ा कै उस ताहीं पकड़ लिया। फेर उसनै पतरस तै कह्या, "तेरा बिसवास भोत कम सै! तन्नै सुरक्षित रखण के खात्तर तन्नै मेरे पै भरोसा क्यूं न्ही करया?" ![](https://cdn.door43.org/obs/jpg/360px/obs-en-31-08.jpg) फेर यीशु अर पतरस नाव पै चढ़गे, अर उसे बखत हवा का बहणा बंद हो ग्या। पाणी शान्त हो ग्या। चेल्यां नै चकित होकै यीशु के आग्गै घुटने टेक दिए। उननै उसकी आराधना करी अर उसतै कह्या, "सचमुच तू परमेसवर का बेट्टा सै।" मत्ती अध्याय 14:22-33; मरकुस 6:45-52; यूहन्ना 6:16-21 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_31_256kbps.mp3 ## 32. यीशु दुष्टात्मा तै ग्रस्त माणस ताहीं अर एक बीमार जनानी ताहीं चंगा करै सै https://openbiblestories.org/l/bgc/story-32/ ![](https://cdn.door43.org/obs/jpg/360px/obs-en-32-01.jpg) यीशु अर उसके चेले अपणी किस्ती म्ह उस क्षेत्र ताहीं गये जड़ै गिरासेनी माणस रहवैं थे। वे उस क्षेत्र म्ह पोहचकै किस्ती तै उतरगे। ![](https://cdn.door43.org/obs/jpg/360px/obs-en-32-02.jpg) ओड़ै एक माणस था जो दुष्टात्मा तै ग्रस्त था। ![](https://cdn.door43.org/obs/jpg/360px/obs-en-32-03.jpg) यो माणस इतना ताकतबर था के कोए भी उस ताहीं काबू न्ही कर सकै था। कई बार लोगां नै उसके हात्थां अर पैरां ताहीं जंजीरां तै भी बाँध्या, पर वो उन ताहीं तोड़ देवै था। ![](https://cdn.door43.org/obs/jpg/360px/obs-en-32-04.jpg) वो माणस उस क्षेत्र म्ह कब्रां म्ह रह्या करै था। यो माणस पूरे दिन अर पूरी रात चिल्लाया करै था। वो कपड़े न्ही परै था अर अक्सर खुद नै पत्थरां तै घायल करया करै था। ![](https://cdn.door43.org/obs/jpg/360px/obs-en-32-05.jpg) वो माणस दौड़ कै यीशु के धोरै आया अर उसके स्याम्ही घुटणे टेक दिए। फेर यीशु ने उस माणस के अंदर की दुष्टात्मा तै बात करी अर कह्या, "इस माणस म्ह तै बाहर लिकड़ आ!" ![](https://cdn.door43.org/obs/jpg/360px/obs-en-32-06.jpg) वा दुष्टात्मा ऊँची आवाज म्ह चिल्लाई, "हे यीशु, परम प्रधान परमेसवर के बेट्टे, तेरा मेरे ताहीं के काम? दया करकै मन्नै ना सता!" फेर यीशु नै उस दुष्टात्मा तै पुच्छ्या, "तेरा नाम के सै?" उसनै जवाब दिया, "मेरा नाम सेना सै, क्यूकें हम घणे सां।" (रोमी सेना म्ह कई हजार सैनिकां का एक टोळ एक "सेना" होवै थी।) ![](https://cdn.door43.org/obs/jpg/360px/obs-en-32-07.jpg) उन दुष्टात्मावां नै यीशु तै बिनती करी, "दया करकै मान्नै इस क्षेत्र तै बाहर ना भेज!" ओड़ै धोरै के पहाड़ पै सूअरां का एक झुंड चर रह्या था। ज्यातैं उन दुष्टात्मावां नै यीशु तै बिनती करी, "दया करकै मान्नै उन सूअरां म्ह भेज दे!" यीशु नै कह्या, "ठीक सै, उन म्ह चले जाओ!" ![](https://cdn.door43.org/obs/jpg/360px/obs-en-32-08.jpg) आखर म्ह वे दुष्टात्माएँ उस माणस म्ह तै लिकड़कै उन सूअरां म्ह प्रवेश करगी। वे सूअर दौड़ कै एक खड़े टीले पै तै झील म्ह कूदगे अर डूब मरे। उस झुंड म्ह लगभग 2,000 सूअर थे। ![](https://cdn.door43.org/obs/jpg/360px/obs-en-32-09.jpg) ओड़ै उन सूअरां की देखभाळ करण आळे लोग थे। जो कुछ होया था जिब उननै देख्या तो वे नगर म्ह भाजगे। यीशु नै जो करया था ओड़ै उननै सारयां ताहीं बताया। उस नगर के माणस लिकड़ आए अर उस माणस ताहीं देख्या जिस म्ह दुष्टात्माएँ थीं। वो शान्ति तै, कपड़े पैहरे होये, अर एक सामान्य माणस की तरियां बरताव करदे होये बैठा था। ![](https://cdn.door43.org/obs/jpg/360px/obs-en-32-10.jpg) वे लोग भोत डरे होये थे अर उननै यीशु तै चले जाण के खात्तर कह्या। आखर म्ह यीशु किस्ती पै चढ़ ग्या। वो माणस जिस म्ह दुष्टात्मा थीं उसनै यीशु के गैल जाण की बिनती करी। ![](https://cdn.door43.org/obs/jpg/360px/obs-en-32-11.jpg) पर यीशु नै उसतै कह्या, "ना। मैं चाऊँ सूं के तू घर जाकै सारयां ताहीं बतावै के परमेसवर नै तेरै खात्तर के करया सै। उन ताहीं बता के किस तरियां परमेसवर नै तेरे पै दया करी थी।" ![](https://cdn.door43.org/obs/jpg/360px/obs-en-32-12.jpg) इस करकै वो माणस चल्या गया अर सारयां ताहीं इस बारे म्ह बताया जो यीशु नै उसकै खात्तर करया था। उसकी कहानी ताहीं सुणन आळा हर एक माणस हैरान होया था। ![](https://cdn.door43.org/obs/jpg/360px/obs-en-32-13.jpg) यीशु झील के दूसरे पास्सै लौट आया। उसके ओड़ै पोहचण के बाद, एक बड़ी भीड़ उसके आसै-पास्सै कठ्ठी होई अर उसनै दबाण लाग्गी। उस भीड़ म्ह एक जनानी थी जो बाराह साल्लां तै लहू बहण की समस्या तै पीड़ित थी। उसनै अपणा सारा धन चिकित्सकां ताहीं दे दिया था ताके वे उसनै ठीक कर सकैं, पर उसका रोग और भी बिगड़ ग्या था। ![](https://cdn.door43.org/obs/jpg/360px/obs-en-32-14.jpg) उसनै सुण्या था के यीशु नै कई बीमार लोगां ताहीं ठीक करया था अर उसनै सोच्या, "मैं पक्की सूं के जै मैं सिर्फ यीशु के कपड़े हे ताहीं छू ल्यूं, तो मैं भी ठीक हो जाऊँगी!" इस करकै वा यीशु के पाच्छै तै आई अर उसके कपड़े नै छू लिया। जिस तरियां ए उसनै उन ताहीं छुया, लहू का बहणा बंद हो ग्या। ![](https://cdn.door43.org/obs/jpg/360px/obs-en-32-15.jpg) तुरन्त ए, यीशु नै जाण लिया के उस म्ह तै शक्ति लिकड़ी सै। इस करकै उसनै पाच्छै मुड़कै पूच्छ्या, "मेरे ताहीं किसनै छुया?" चेल्यां नै जवाब दिया, "उरै इतने सारे लोगां नै तेरे च्यारु ओर भीड़ लगाई होई सै, अर तन्नै धकेल रह्ये सैं। तो तन्नै क्यूं पूच्छ्या के मेरे ताहीं किसने छुया सै?" ![](https://cdn.door43.org/obs/jpg/360px/obs-en-32-16.jpg) वा जनानी यीशु के स्याम्ही काँम्बदी होई अर भोत डरी होई अपणे घुटन्यां पै बैठगी। फेर उसनै उस ताहीं बता दिया के उसनै के करया सै, अर यो भी के वा ठीक होगी सै। यीशु नै उसतै कह्या, "तेरे बिशवास नै तेरे ताहीं चंगा करया सै। शान्ति तै जा।" मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_32_256kbps.mp3 ## 33. एक किसान की कहानी https://openbiblestories.org/l/bgc/story-33/ ![](https://cdn.door43.org/obs/jpg/360px/obs-en-33-01.jpg) एक दिन, यीशु झील के किनारे कै धोरै था। वो लोगां की एक भोत बड़ी भीड़ ताहीं शिक्षा दे रह्या था। उसनै सुणन के खात्तर इतने सारे लोग आए के यीशु के धोरै उन सारयां तै बात करण के खात्तर जगहां ना बची। इस करकै वो पाणी म्ह खड़ी किस्ती पै चढ़ ग्या। ओड़ै वो बैठ ग्या अर लोगां ताहीं शिक्षा देई। ![](https://cdn.door43.org/obs/jpg/360px/obs-en-33-02.jpg) यीशु नै उन ताहीं यो कहानी सुणाई, "एक किसान बीज बोण के खात्तर बाहर लिकड़या। जिब वो हात्थां तै बीजां ताहीं बिखेर रह्या था तो कुछ बीज राह पै गिरे। पर पछियां नै आकै उन सारे बीजां ताहीं खा लिया।" ![](https://cdn.door43.org/obs/jpg/360px/obs-en-33-03.jpg) "दूसरे बीज पथरीली धरती पै गिरे जड़ै भोत कम माट्टी थी। पथरीली धरती पै गिरे बीज भोत तावळी अंकुरित होये, पर उनकी जड़ें धरती म्ह गहराई म्ह जाण म्ह सक्षम न्ही थीं। जिब सूरज लिकड़या अर गर्मी होई तो वे पौधे मुरझागे अर मरगे।" ![](https://cdn.door43.org/obs/jpg/360px/obs-en-33-04.jpg) "फेर भी दूसरे बीज झाड़ियां के बिचाळै गिरे। उन बीजां नै बढ़ना शरु करया, पर काँट्या नै उन ताहीं दबा दिया। इस करकै काँटेदार धरती पै गिरे बीजां म्ह तै लिकड़े पौध्यां म्ह तै कोए भी नाज पैदा न्ही कर पाया।" ![](https://cdn.door43.org/obs/jpg/360px/obs-en-33-05.jpg) "दूसरे बीज आच्छी धरती पै गिरे। वे बीज बढ़े अर जितने बीज बोए गए थे उन तै 30, 60, अर उरै ताहीं के 100 गुणा नाज पैदा करया। जो कोए भी परमेसवर के पाच्छै चलणा चाहवै सै, वो उस बात पै ध्यान दे जो मैं कह रह्या सूं!" ![](https://cdn.door43.org/obs/jpg/360px/obs-en-33-06.jpg) इस कहानी नै चेल्यां ताहीं उळझण म्ह डाल दिया। ज्यातैं यीशु नै व्याख्या करी, "वा बीज परमेसवर का वचन सै। वो राह एक इसा माणस सै जो परमेसवर के वचन ताहीं सुणै सै, पर उसनै समझदा न्ही। फेर शैतान उसके धोरै तै वचन ताहीं चुरा ले जावै सै। यानिके शैतान उसनै वचन ताहीं समझण तै दूर राक्खै सै।" ![](https://cdn.door43.org/obs/jpg/360px/obs-en-33-07.jpg) "वा पथरीली धरती इसा माणस सै जो परमेसवर के वचन ताहीं सुणै सै अर खुशी के गैल उसनै स्वीकार कर लेवै सै। पर जिब मुश्किल बखत आवै सै, या जिब दुसरे लोग उसनै सतावै सै, तो वो परमेसवर तै दूर चल्या जावै सै। यानिके वो परमेसवर पै भरोसा करणा बंद कर देवै सै।" ![](https://cdn.door43.org/obs/jpg/360px/obs-en-33-08.jpg) "वा काँटेदार धरती इसा माणस सै जो परमेसवर के वचन ताहीं सुणै सै। पर वो भोत सारी बात्तां के बारै म्ह चिन्ता करणा शरु कर देवै सै, अर वो भोत सा धन कमाण का प्रयास करै सै, अर वो भोत सी चीज्जां ताहीं पाण का प्रयास करै सै। कुछ बखत के बाद, इब वो परमेसवर ताहीं प्यार करण म्ह सक्षम न्ही सै। इस करकै जो उसनै परमेसवर के वचन तै सीख्या था वो उसनै परमेसवर ताहीं खुश करण म्ह सक्षम न्ही करै सै। वो गेहूँ की डंठळां के बराबर सै जो कोए नाज पैदा न्ही करै सै।" ![](https://cdn.door43.org/obs/jpg/360px/obs-en-33-09.jpg) "पर आच्छी धरती वा माणस सै जो परमेसवर के वचन ताहीं सुणै सै, उस पै बिसवास करै सै, अर फळ पैदा करै सै।" मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_33_256kbps.mp3 ## 34. यीशु दूसरी कहानियां की शिक्षा देवै सै https://openbiblestories.org/l/bgc/story-34/ ![](https://cdn.door43.org/obs/jpg/360px/obs-en-34-01.jpg) यीशु नै परमेसवर के राज्य के बारै म्ह दुसरी भोत सी कहानियाँ सुणाई। उदाहरण के खात्तर, उसनै कह्या, "परमेसवर का राज्य एक राई के बीज के बराबर सै जिसनै किसे नै अपणे खेत म्ह बो दिया। थम जाणो सो के राई का बीज सारे बीजां म्ह सबतै छोट्टा होवै सै।" ![](https://cdn.door43.org/obs/jpg/360px/obs-en-34-02.jpg) "पर जिब राई का बीज बढ़ जावै सै तो वह बाग के सारे दरखतां म्ह सबतै बड़ा हो जावै सै, इतना बड़ा के पंछी आकै उसकी टाहणियां पै आराम करैं सैं।" ![](https://cdn.door43.org/obs/jpg/360px/obs-en-34-03.jpg) यीशु नै एक दुसरी कहाणी बताई, "परमेसवर का राज्य खमीर के बराबर सै जिसनै लेकै एक जनानी आटे के पिंड म्ह मिला देवै सै फेर वा सारे पिंड म्ह फैल जावै सै।" ![](https://cdn.door43.org/obs/jpg/360px/obs-en-34-04.jpg) "सुर्ग का राज्य उस खजान्ने के बराबर सै जिसनै किसे नै खेत म्ह छिपा दिया। किसे दुसरे माणस ताहीं वा खजान्ना मिल ग्या अर उसनै उस ताहीं पाण की भोत चाह करी। इस करकै उसनै उस ताहीं फेर तै गाड़ दिया। वो खुशी तै इतना भरया होया था के उसनै जाकर अपणा सारा किमे बेच दिया ताके वो उस खेत ताहीं खरीद सकै जड़ै वो खजान्ना था।" ![](https://cdn.door43.org/obs/jpg/360px/obs-en-34-05.jpg) "सुर्ग का राज्य एक भोत कीमती शुद्ध मोती के बराबर भी सै। जिब कोए मोतियां का व्यापारी उसनै पा लेवै सै तो वो उसनै खरीदण के खात्तर अपणा सारा किमे बेच देवै सै।" ![](https://cdn.door43.org/obs/jpg/360px/obs-en-34-06.jpg) ओड़ै कुछ माणस थे जो सोचै थे के परमेसवर उन ताहीं ज्यातैं स्वीकार करैगा क्यूकें वे भले काम करैं सैं। ये लोग इसे लोगां ताहीं तुच्छ मान्नै थे जो उन भले काम्मां ताहीं न्ही करैं थे। ज्यातैं यीशु नै उन ताहीं यो कहाणी बताईः "दो पुरुष थे अर दोन्नु ए प्रार्थना करण के खात्तर मंदर म्ह गये। उन म्ह तै एक चुंगी लेण आळा था, अर दूसरा एक धार्मिक अगुवा था।" ![](https://cdn.door43.org/obs/jpg/360px/obs-en-34-07.jpg) "उस धार्मिक अगुवा नै इस तरियां तै प्रार्थना करी, 'हे परमेसवर, तेरा धन्यवाद हो के मैं दुसरे लोगां के बराबर – जिस तरियां के डाकू, अन्यायी मनुष्य, व्यभिचारी, या उरै ताहीं के उरै मौजुद उस चुंगी लेण आळे के बराबर एक पापी न्ही सूं।'" ![](https://cdn.door43.org/obs/jpg/360px/obs-en-34-08.jpg) "उदाहरण के खात्तर, मैं हर सप्ताह म्ह दो बार उपवास राक्खूं सूं, अर मैं मन्नै मिलण आळे धन अर बराबर का दसवाँ हिस्सा तन्नै देऊँ सूं।" ![](https://cdn.door43.org/obs/jpg/360px/obs-en-34-09.jpg) "पर वो चुंगी लेण आळा उस धार्मिक अगुवा तै भोत दूर खड़ा हो ग्या। उसनै ऊपर सुर्ग की ओर आँखां भी न्ही ठाईं। इसके बजाए, उसनै अपणी मुट्ठी तै अपणी छात्ती ताहीं पीट्या अर प्रार्थना करी, 'हे परमेसवर, कृपा करकै मेरे पै दया कर क्यूकें मैं एक पापी सूं।'" ![](https://cdn.door43.org/obs/jpg/360px/obs-en-34-10.jpg) फेर यीशु नै कह्या, "मैं थमनै साच्ची कहू सूं, परमेसवर नै उस चुंगी लेण आळे की प्रार्थना ताहीं सुणी अर उस ताहीं धर्मी घोषित करया। पर उसनै उस धार्मिक अगुवे की प्रार्थना ताहीं पसंद न्ही करया। परमेसवर हर एक घमंडी के सिर ताहीं नीचा करैगा, पर वो हर उस जन ताहीं आदर देवैगा जो खुद नै नम्र करै सै।" मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_34_256kbps.mp3 ## 35. दयालु पिता की कहाणी https://openbiblestories.org/l/bgc/story-35/ ![](https://cdn.door43.org/obs/jpg/360px/obs-en-35-01.jpg) एक दिन, यीशु उन भोत से लोगां ताहीं शिक्षा दे रह्या था जो उसकी सुणन के खात्तर कठ्ठे होए थे। ये लोग चुंगी लेण आळे अर गैल ए दुसरे माणस भी थे जिन ताहीं मूसा के नियम-कायदे का पाळण करण की कोशिश कोनी करी थी। ![](https://cdn.door43.org/obs/jpg/360px/obs-en-35-02.jpg) कुछ धार्मिक अगुव्यां नै देख्या के यीशु इन लोगां तै एक दोस्त के समान बात कर रह्या था। इस करकै उननै एक दूसरे तै यो कहणा शरु कर दिया के वो गलत कर रह्या था। यीशु नै उन ताहीं बात्तां करदे सुण्या, ज्यातैं उसनै उन ताहीं या कहाणी बताई। ![](https://cdn.door43.org/obs/jpg/360px/obs-en-35-03.jpg) "एक माणस था जिसकै दो बेट्टे थे। छोट्टे बेट्टे नै अपणे पिता तै कह्या, 'हे पिता, मन्नै इब्बे मेरा हिस्सा चाहिए!' आखर म्ह पिता नै अपणे दोन्नु बेट्यां के बिचाळै अपणी जायदाद का बँटवारा कर दिया।" ![](https://cdn.door43.org/obs/jpg/360px/obs-en-35-04.jpg) "तावळी ए छोट्टा बेट्टा अपणा सारा किमे कठ्ठा करकै दूर देश ताहीं चल्या गया अर पापी जीवन जीण म्ह अपणे सारे धन ताहीं बर्बाद कर दिया।" ![](https://cdn.door43.org/obs/jpg/360px/obs-en-35-05.jpg) "इसके बाद, जित्त छोटा बेट्टा था उस देश म्ह एक भयंकर काळ पड़या, अर उसकै धोरै खाणा खरीदण के खात्तर धन न्ही था। इस करकै उसनै जो काम मिल्या वा सूअरां नै चराण का था। वो इतना दुःखी अर भूक्खा था के वो सूअरां का खाणा खाणा चाहवै था।" ![](https://cdn.door43.org/obs/jpg/360px/obs-en-35-06.jpg) "आखिरकार, उस छोटे बेट्टे नै खुद तै कह्या, 'मैं के कर रह्या सूं? मेरे पिता के सारे नौकरां कै धोरै खाण के खात्तर भोत घणा सै, फेर भी मैं उरै भूक्खा मर रह्या सूं। मैं अपणे पिता के धोरै वापस जाऊँगा अर अपणे पिता का एक सेवक बणण के खात्तर उसतै बिनती करूँगा।'" ![](https://cdn.door43.org/obs/jpg/360px/obs-en-35-07.jpg) "आखर म्ह उस छोटे बेट्टे नै वापस अपणे पिता के घर की ओर जाणा शरु करया। जिब के वो इब्बे दूर ए था, उसके पिता नै उस ताहीं देख्या अर उस पै तरस खाया। वो दौड़कै अपणे बेट्टे कै धोरै गया अर उसनै गळे लगाकै चूम्या।" ![](https://cdn.door43.org/obs/jpg/360px/obs-en-35-08.jpg) "उस बेट्टे नै कह्या, 'हे पिता, मन्नै परमेसवर के अर तेरे खिलाप पाप करया सै। मैं तेरा बेट्टा कुहाण के लायक भी न्ही सूं।'" ![](https://cdn.door43.org/obs/jpg/360px/obs-en-35-09.jpg) "पर पिता नै अपणे एक सेवक तै कह्या, 'तावळी जाकै सबतै आच्छा कपड़ा लेकै आओ अर मेरे बेट्टे ताहीं पिराहो! उसकी आंगळी म्ह अंगूठी अर उसके पैरां म्ह जूते पिराहो। फेर सबतै आच्छा बाछड़ा मारो ताके हम खावां अर उत्सव मनावां, क्यूकें मेरा बेट्टा मर ग्या था, पर इब वो जिन्दा सै! वो खुग्या था, पर इब हमनै उस ताहीं पा लिया सै!'" ![](https://cdn.door43.org/obs/jpg/360px/obs-en-35-10.jpg) "इस करकै लोगां नै उत्सव मनाणा शरु करया। कुछ बखत बीतण पै, बड़ा बेट्टा खेत म्ह काम करकै घर आया। उसनै संगीत अर नाच की आवाज ताहीं सुण्या अर हैरान होया के यो के हो रह्या था।" ![](https://cdn.door43.org/obs/jpg/360px/obs-en-35-11.jpg) "जिब बड़े बेट्टे ताहीं मालूम होया के वे ज्यातैं उत्सव मना रह्ये थे क्यूकें उसका भाई घर आ ग्या था, तो वो भोत भोत होया अर घर म्ह दाखिल न्ही होया। उसके पिता नै बाहर आकै उसतै उनके गैल उत्सव मनाण का निवेदन करया, पर उसनै मना कर दिया।" ![](https://cdn.door43.org/obs/jpg/360px/obs-en-35-12.jpg) "उस बड़े बेट्टे नै अपणे पिता तै कह्या, 'इन सारे साल्लां म्ह मन्नै तेरै खात्तर इमानदारी तै काम करया! कदे भी तेरी बात ताहीं न्ही टाळ्या, पर तन्नै कदे मेरे ताहीं एक छोट्टी बकरी भी न्ही देई ताके मैं अपणे दोस्तां के गैल दावत कर सकूँ। पर तेरे इस बेट्टे नै तेरे धन ताहीं पापी काम करण म्ह बर्बाद कर दिया सै। अर इब जिब वो आया सै तो उसके खात्तर उत्सव मनाण ताहीं तन्नै सबतै आच्छे बाछड़े ताहीं मार डाल्या!'" ![](https://cdn.door43.org/obs/jpg/360px/obs-en-35-13.jpg) "पिता नै जवाब दिया, 'हे मेरे बेट्टे, तू सदा मेरे गैल सै, अर जो किमे मेरा सै वो सारा तेरा सै। पर म्हारा खात्तर उत्सव मनाणा ठिक सै क्यूकें तेरा भाई मर ग्या था, पर इब वो जिन्दा सै। वो खु ग्या था, पर इब हमनै उस ताहीं पा लिया सै!'" लूका अध्याय 15:11-32 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_35_256kbps.mp3 ## 36. रूपान्तरण https://openbiblestories.org/l/bgc/story-36/ ![](https://cdn.door43.org/obs/jpg/360px/obs-en-36-01.jpg) एक दिन, यीशु नै अपणे तीन्नु चेल्यां, पतरस, याकूब, अर यूहन्ना ताहीं अपणे गैल म्ह लिया। (यो यूहन्ना नाम का चेला वोए माणस न्ही सै जिस ताहीं यीशु नै बपतिस्मा दिया था।) वे प्रार्थना करण के खात्तर एक ऊँचे पहाड़ पै गए। ![](https://cdn.door43.org/obs/jpg/360px/obs-en-36-02.jpg) जिब यीशु प्रार्थना कर रह्या था तो उसका चेहरा सूरज के समान उज्जवल हो ग्या। उसके कपड़े उजियाळे के समान सफेद होगे, जिसा धरती पै कोए कर सकै उसतै भी बढ़कै सफेद। ![](https://cdn.door43.org/obs/jpg/360px/obs-en-36-03.jpg) फेर मूसा अर एलिय्याह भविष्यद्वक्ता प्रकट होये। ये माणस इस धरती पै इस बखत तै सैकड़ों साल पहले रह्या करैं थे। उननै यीशु तै उसकी मौत के बारै म्ह बात करी, क्यूकें वो जल्दी ए यरूशलेम म्ह मर जावैगा। ![](https://cdn.door43.org/obs/jpg/360px/obs-en-36-04.jpg) जिब मूसा अर एलिय्याह यीशु तै बात कर रह्ये थे फेर पतरस नै यीशु तै कह्या, "म्हारा उरै होणा भला सै। हम तीन मंडपां ताहीं बणाएँ, एक तेरै खात्तर, एक मूसा खात्तर, अर एक एलिय्याह खात्तर।" पर पतरस न्ही जाणै था के वो के कह रह्या सै। ![](https://cdn.door43.org/obs/jpg/360px/obs-en-36-05.jpg) जिब पतरस बात कर रह्या था, तो एक चमकदार बाद्दळ तळै आकै उन पै छा ग्या। फेर उननै बाद्दळ म्ह तै एक आवाज ताहीं आन्दे होये सुण्या। उसनै कह्या, "यो मेरा बेट्टा सै जिसतै मैं प्यार करुं सूं। मैं उसतै खुश सूं। उसकी सुणो।" वे तीन्नु चेले डरगे अर धरती पै लेटगे। ![](https://cdn.door43.org/obs/jpg/360px/obs-en-36-06.jpg) फेर यीशु नै उन ताहीं छुया अर कह्या, "डरो मत। उठ जाओ।" जिब उननै च्यारु ओर देख्या, तो जो भी ओड़ै था वह सिर्फ यीशु था। ![](https://cdn.door43.org/obs/jpg/360px/obs-en-36-07.jpg) यीशु अर वे तीन्नु चेले उस पहाड़ तै वापस तळै उतर आए। फेर यीशु नै उनतै कह्या, "इब जो उरै होया उसका जिक्र किसे तै ना करणा। मैं जल्दी ए मर जाऊँगा अर फेर जिन्दा हो जाऊँगा। उसके बाद, थम लोगां ताहीं बता सको सो।" मत्ती अध्याय 17:1-9; मरकुस 9:2-8; लूका 9:28-36 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_36_256kbps.mp3 ## 37. यीशु लाज़र नै मरयां होयां म्ह तै जिवावै सै https://openbiblestories.org/l/bgc/story-37/ ![](https://cdn.door43.org/obs/jpg/360px/obs-en-37-01.jpg) लाज़र नाम का एक माणस था। उसकी दो भाण थीं जिनके नाम मरियम अर मार्था थे। वे सारे यीशु के खास दोस्त थे। एक दिन, किसे नै यीशु ताहीं बताया के लाज़र घणा बीमार था। जिब यीशु नै यो सुण्या तो उसनै कह्या, "यो बीमारी लाज़र के मरण के गैल खत्म न्ही होन्दी। इसके बजाए, या लोगां ताहीं परमेसवर का आदर करण के खात्तर प्रेरित करैगी।" ![](https://cdn.door43.org/obs/jpg/360px/obs-en-37-02.jpg) यीशु अपणे दोस्तां तै प्यार करै था, पर जड़ै वो था ओड़ै उसनै दो दिनां ताहीं बाट देख्खी। उन दो दिनां के बाद, उसनै अपणे चेल्यां तै कह्या, "आओ, वापस यहूदिया ताहीं चाल्लां।" चेल्यां नै जवाब दिया, "पर हे गुरु, इब कुछ ए बखत पैहल्या ओड़ै के लोग तन्नै मार डालणा चाहवै थे!" यीशु नै कह्या, "म्हारा दोस्त लाज़र सो ग्या सै, अर मन्नै उस ताहीं जगाणा सै।" ![](https://cdn.door43.org/obs/jpg/360px/obs-en-37-03.jpg) यीशु के चेल्यां नै जवाब दिया, "हे प्रभु, जै लाज़र सो रह्या सै, तो वो ठीक हो जावैगा।" फेर यीशु नै उनतै स्पष्ट रूप तै कह दिया, "लाज़र मर ग्या सै। मैं खुश सूं के मैं ओड़ै न्ही था, ताके थम मेरे पै बिसवास कर सको।" ![](https://cdn.door43.org/obs/jpg/360px/obs-en-37-04.jpg) जिब यीशु लाज़र के गाम पोहच्या तो लाज़र ताहीं मरे होये पैहल्या तै ए च्यार दिन हो चुके थे। मार्था यीशु तै मिलण के खात्तर बाहर आई अर कह्या, "हे प्रभु, जै तू उरै होन्दा तो मेरा भाई ना मरदा। पर मैं बिसवास करुँ सूं के जो किमे भी तू परमेसवर तै माँगै वो तन्नै देवैगा।" ![](https://cdn.door43.org/obs/jpg/360px/obs-en-37-05.jpg) यीशु नै जवाब दिया, "पुनरुत्थान अर जीवन मैं सूं। जो कोए मेरै पै बिसवास करै सै जै वो मर भी जावै तौभी जीवैगा। जो कोए मेरै पै बिसवास करै सै वो कदे न्ही मरैगा। के तू इस पै बिसवास करै सै?" मार्था नै जवाब दिया, "हे प्रभु, मैं बिसवास करुं सूं के तू परमेसवर का बेट्टा मसीह सै।" ![](https://cdn.door43.org/obs/jpg/360px/obs-en-37-06.jpg) फेर मरियम आई। उसनै यीशु के पैरां म्ह गिरकै कह्या, "हे प्रभु, जै तू उरै होन्दा तो मेरा भाई ना मरदा।" यीशु नै उसतै पूच्छ्या, "थमनै लाज़र ताहीं कित्त रख्या सै?" उननै उसतै बताया, "कब्र म्ह। आ अर देख ले।" फेर यीशु रोण लाग्या। ![](https://cdn.door43.org/obs/jpg/360px/obs-en-37-07.jpg) वा कब्र एक गुफा थी जिसके दरबाजे पै एक पत्थर ताहीं लुढ़काया गया था। जिब यीशु कब्र पै पोहच्या तो उसनै उनतै कह्या, "पत्थर नै हटा द्दो।" पर मार्था नै कह्या, "उसनै मरे होये च्यार दिन हो चुके सैं। उस म्ह तै बदबु आन्दी होगी।" ![](https://cdn.door43.org/obs/jpg/360px/obs-en-37-08.jpg) यीशु नै जवाब दिया, "के मन्नै तेरे ताहीं न्ही कह्या था के जै थम मेरै पै बिसवास करो तो परमेसवर के सामर्थ ताहीं देखोगे?" ज्यातैं उननै पत्थर ताहीं हटा दिया। ![](https://cdn.door43.org/obs/jpg/360px/obs-en-37-09.jpg) फेर यीशु नै उपर सुर्ग की ओर देखकै कह्या, "हे पिता, मेरी सुणन खात्तर मैं तेरा धन्यवाद करुं सूं। मैं जाणू सूं के तू सदा मेरी सुणै सै, पर मन्नै या उरै खड़े इन सारे लोगां की मदद करण के खात्तर कह्या ताके ये बिसवास करैं के तन्नै मेरे ताहीं भेज्या सै।" फेर यीशु नै आवाज लगाई, "हे लाज़र, बाहर लिकड़ आ!" ![](https://cdn.door43.org/obs/jpg/360px/obs-en-37-10.jpg) आखर लाज़र बाहर लिकड़ आया! वो इब भी कफन म्ह लिपट्या होया था। यीशु नै उसतै कह्या, "इस कफन ताहीं लिकाड़ण म्ह उसकी मदद करो अर उसनै आजाद करो।" इस चमत्कार के कारण भोत से यहूदियां नै यीशु पै बिसवास करया। ![](https://cdn.door43.org/obs/jpg/360px/obs-en-37-11.jpg) पर यहूदियां के धार्मिक अगुवे यीशु तै जळण लाग्गे, ज्यातैं वे योजना बणाण के खात्तर एक साथ कठ्ठे होये के किस तरियां यीशु अर लाज़र ताहीं मार डाल्या जावै। यूहन्ना 11:1-46 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_37_256kbps.mp3 ## 38. यीशु ताहीं पकड़वाया जावै सै https://openbiblestories.org/l/bgc/story-38/ ![](https://cdn.door43.org/obs/jpg/360px/obs-en-38-01.jpg) हर साल, यहूदी लोग फसह का त्यौहार मनावै थे। यो इस बारै म्ह एक उत्सव था के कई शताब्दियां पैहल्या परमेसवर नै उनके पूर्वजां ताहीं मिस्र के दासत्व तै छुड़ाया था। लगभग तीन साल के बाद यीशु नै सार्वजनिक रूप तै प्रचार करणा अर शिक्षा देणा शरु करया। यीशु नै अपणे चेल्यां ताहीं बताया के वो उनकै गैल यरूशलेम म्ह फसह के त्यौहार ताहीं मनाणा चाहवै सै, अर यो भी के वो ओड़ै मार डाल्या जावैगा। ![](https://cdn.door43.org/obs/jpg/360px/obs-en-38-02.jpg) यीशु के चेल्यां म्ह एक यहूदा नाम का माणस था। यहूदा प्रेरितां के धन की थैली रखण का प्रभारी था, पर अक्सर वो उस थैली म्ह तै पैसे लिकाड़ लिया करै था। यीशु अर चेल्यां के यरूशलेम म्ह पोहचण के बाद यहूदा यहूदी अगुव्यां के धोरै गया। उसने धन के बदलै म्ह यीशु ताहीं उनके हाथ पकड़वाण का प्रस्ताव रख्या। वो जाणै था के यहूदी अगुवे स्वीकार न्ही करै थे के यीशु ए मसीह था। वो जाणै था के वे उसनै मार डालणा चाहवै थे। ![](https://cdn.door43.org/obs/jpg/360px/obs-en-38-03.jpg) महायाजक के कहण पै यहूदी अगुव्यां नै यीशु ताहीं उनके हात्थां म्ह पकड़वाण के खात्तर यहूदा ताहीं तीस चाँदी के सिक्के दिए। यो उसे तरियां तै होया जिसा के भविष्यद्वक्ता नै कह्या था के होवैगा। यहूदा मान ग्या अर धन लेकै चला गया। वो यीशु ताहीं गिरफ्तार करण म्ह उनकी मदद करण के खात्तर किसे अवसर की खोज करण लाग्या। ![](https://cdn.door43.org/obs/jpg/360px/obs-en-38-04.jpg) यरूशलेम म्ह, यीशु नै अपणे चेल्यां के गैल फसह का त्यौहार मनाया। फसह के भोज के दौरान, यीशु नै रोट्टी लेकै तोड़ी। उसनै कह्या, "इसनै ल्यो अर खाओ। यो मेरा बदन सै जो मैं थारै खात्तर देऊं सूं। इसनै मेरी याद म्ह करणा।" इस तरियां तै, यीशु नै कह्या के वो उनकै खात्तर मर जावैगा, यानिके उनकै खात्तर वो अपणे शरीर ताहीं बलि चढ़ा देवैगा। ![](https://cdn.door43.org/obs/jpg/360px/obs-en-38-05.jpg) फेर यीशु नै एक दाखरस का प्याला लिया अर कह्या, "इसनै पी ल्यो। यो नये करार का मेरा लहू सै जो के मैं उंडेलूँगा ताके परमेसवर थारे पापां ताहीं माफ करै। हर बार इसनै पीन्दे बखत मेरी याद म्ह इसनै करो जो मैं इब कर रह्या सूं।" ![](https://cdn.door43.org/obs/jpg/360px/obs-en-38-06.jpg) फेर यीशु नै अपणे चेल्यां तै कह्या, "थारै म्ह तै एक माणस मन्नै पकड़वावैगा।" चेले चौंकगे, अर पूछण लाग्गे के कौण इसा काम करैगा। यीशु नै कह्या, "मेरा पकड़वाण आळा माणस वो सै जिसनै मैं यो रोट्टी का टुकड़ा देऊँ सूं।" फेर उसनै वो रोट्टी यहूदा ताहीं दी। ![](https://cdn.door43.org/obs/jpg/360px/obs-en-38-07.jpg) उस रोट्टी नै लेण के बाद, यहूदा म्ह शैतान समा ग्या। यहूदा लिकड़ कै यीशु ताहीं गिरफ्तार करण के खात्तर यहूदी अगुव्यां की मदद करण ताहीं चल्या गया। यो रात का बखत था। ![](https://cdn.door43.org/obs/jpg/360px/obs-en-38-08.jpg) खाणा के बाद, यीशु अर उसके चेले जैतून पर्वत ताहीं चले गए। यीशु नै कह्या, "थम सारे आज रात मन्नै छोड़ द्दोगे। यो लिख्या होया सै, 'मैं पाळी ताहीं मारूँगा अर सारी भेड़ां तितर-बितर हो जावैगी।'" ![](https://cdn.door43.org/obs/jpg/360px/obs-en-38-09.jpg) पतरस नै जवाब दिया, "भले ए बाकी के सारे तन्नै छोड़ दें, मैं न्ही छोड़ूँगा!" फेर यीशु नै पतरस तै कह्या, "शैतान थम सारे ताहीं ले लेणा चाहवै सै, पर हे पतरस, मन्नै तेरै खात्तर प्रार्थना करी सै के तू बिसवास तै चुक ना जावै। फेर भी, आज की रात, मुर्गे के बाँग देण ते पैहल्या तू तीन बार इंकार करैगा के तू मन्नै जानणा भी कोनी ।" ![](https://cdn.door43.org/obs/jpg/360px/obs-en-38-10.jpg) पतरस नै फेर यीशु तै कह्या, "भले ए मैं मर भी जाऊँ, मैं कदे भी तेरा इंकार न्ही करूँगा!" बाकी के सारे चेल्यां नै भी यो कह्या। ![](https://cdn.door43.org/obs/jpg/360px/obs-en-38-11.jpg) फेर यीशु अपणे चेल्यां के गैल गतसमनी नाम की जगहां पै गया। यीशु नै अपणे चेल्यां तै प्रार्थना करण के खात्तर कह्या ताके शैतान उनकी परीक्षा ना करे। फेर यीशु खुद प्रार्थना करण के खात्तर चल्या गया। ![](https://cdn.door43.org/obs/jpg/360px/obs-en-38-12.jpg) यीशु नै तीन बार प्रार्थना करी, "हे मेरे पिता, जै सम्भव हो तो दया करकै यो दुःख का प्याला पीण के खात्तर मन्नै ना द्दो। पर जै लोगां के पाप माफ करण जाण के खात्तर कोए अर रास्ता न्ही सै, तो तेरी ए मर्जी पूरी हो।" यीशु भोत व्याकुल था अर उसका पसीना लहू की बूँदों के समान था। उसनै सामर्थ देण के खात्तर परमेसवर नै एक सुर्गदूत ताहीं भेज्या। ![](https://cdn.door43.org/obs/jpg/360px/obs-en-38-13.jpg) हर बार प्रार्थना के बाद, यीशु अपणे चेल्यां के धोरै वापस आया, पर वे सो गे थे। जिब यीशु तीसरी बार लौट्या तो यीशु नै कह्या, "जाग ज्यो! मेरा पकड़वाण आळा उरै सै।" ![](https://cdn.door43.org/obs/jpg/360px/obs-en-38-14.jpg) यहूदी अगुव्यां, सैनिकां, अर एक बड़ी भीड़ के गैल यहूदा आया। उननै तलवारां अर लाठियाँ ली होई थीं। यहूदा नै यीशु के धोरै आकै उसतै कह्या, "हे गुरु, नमस्कार," अर उसनै चूम लिया। उसनै गिरफ्तार करे जाण आळे माणस ताहीं यहूदी अगुव्यां पै प्रकट करण के खात्तर इसा करया था। फेर यीशु नै कह्या, "हे यहूदा, के तू एक चुम्बा तै मन्नै पकड़वा रह्या सै?" ![](https://cdn.door43.org/obs/jpg/360px/obs-en-38-15.jpg) जिब वे सैनिक यीशु ताहीं पकड़ रहे थे, तो पतरस नै अपणी तलवार काड्डी अर महायाजक के एक सेवक का कान काट दिया। यीशु नै कह्या, "तलवार ताहीं दूर कर! मैं अपणे पिता तै मेरा बचाव करण के खात्तर सुर्गदूत्तां की एक सेना के खात्तर विनती कर सकूं सूं। पर मन्नै मेरे पिता की बात मानणी सै।" फेर यीशु नै उस माणस के कान ताहीं ठीक कर दिया। फेर सारे चेले भाजगे। मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_38_256kbps.mp3 ## 39. यीशु पै मुकद्दमा चालै सै https://openbiblestories.org/l/bgc/story-39/ ![](https://cdn.door43.org/obs/jpg/360px/obs-en-39-01.jpg) इब यो आध्धी रात का बखत था। वे सैनिक यीशु नै महायाजक के घर ले आए, क्यूकें वो यीशु तै सवाल करणा चाहवै था। पतरस दूर तै उनका पिच्छा कर रह्या था। जिब सैनिक यीशु नै घर म्ह लेगे, तो पतरस बाहर रुककै खुद नै आग तै गर्म करण लाग्या। ![](https://cdn.door43.org/obs/jpg/360px/obs-en-39-02.jpg) घर के भीत्तर, यहूदी अगुव्यां नै यीशु पै मुकद्दमा चलाया। वे उसके खिलाप झूठी बात्तां ताहीं बोल्लण के खात्तर भोत से झूठे गवाह ताहीं लेकै आए। हालाँकि, उनकी बात्तां एक दूसरे तै सहमत न्ही थीं, इस करकै यहूदी अगुवे यो साबित न्ही कर पाये के वो किसे बात का दोषी था। यीशु नै कुछ न्ही कह्या। ![](https://cdn.door43.org/obs/jpg/360px/obs-en-39-03.jpg) आखर म्ह, महायाजक नै सीधे यीशु की ओर देखकै कह्या, "मान्नै बता के के तू ए जिन्दा परमेसवर का बेट्टा मसीह सै?" ![](https://cdn.door43.org/obs/jpg/360px/obs-en-39-04.jpg) यीशु नै कह्या, "मैं सूं, अर थम मन्नै परमेसवर के गैल बैठा होया अर सुर्ग तै आन्दा होया भी देखोगे।" महायाजक नै अपणे कपड़े फाड़ लिए क्यूकें जो यीशु नै कह्या वो उस बात पै भोत गुस्सा था। वो दुसरे अगुव्यां पै चिल्लाया, "मान्नै यो बताण के खात्तर किसे और गवाह की जरुरत न्ही सै के इस मनुष्य ने के करया सै! थमनै खुद ए उसनै यो कहन्दे होये सुण लिया सै के वो परमेसवर का बेट्टा सै। उसके बारे म्ह थारा के फैसला सै?" ![](https://cdn.door43.org/obs/jpg/360px/obs-en-39-05.jpg) सारे यहूदी अगुव्यां नै महायाजक ताहीं जवाब दिया, "वो मरण के लायक सै!" फेर उननै यीशु की आँख्या पै पट्टी बाँध दी, उस पै थूक्या, उसनै मारया, अर उसका मजाक उड़ाया। ![](https://cdn.door43.org/obs/jpg/360px/obs-en-39-06.jpg) अर पतरस, जिब वो घर के बाहर इन्तजार कर रह्या था। फेर एक दास्सी छोरी नै उसनै देख्या। उसनै उसतै कह्या, "तू भी यीशु के गैल था!" पतरस नै मना कर दिया। बाद म्ह, किसे दुसरी छोरी नै इसे बात ताहीं कह्या, अर पतरस नै फेर तै मना कर दिया। आखर म्ह, कुछ लोगां नै कह्या, "हम जाणा सां के तू यीशु के गैल था क्यूकें थम दोन्नु गलील तै हो।" ![](https://cdn.door43.org/obs/jpg/360px/obs-en-39-07.jpg) फेर पतरस नै कह्या, "जै मैं इस माणस ताहीं जाणु सूं तो परमेसवर मन्नै श्राप दे!" उसे बखत ए पतरस के इस तरियां कसम खाण के बाद, एक मुर्गे नै बाँग दी। यीशु नै पिच्छै मुड़कै पतरस ताहीं देख्या। ![](https://cdn.door43.org/obs/jpg/360px/obs-en-39-08.jpg) पतरस ओड़ै तै चल्या गया अर फूट-फूट कै रोया। उसे बखत, यीशु ताहीं पकड़वाण आळे यहूदा नै देख्या के यहूदी अगुव्यां नै यीशु ताहीं मृत्युदंड दिया सै। यहूदा भोत दुःखी हो ग्या अर जाकै खुद ताहीं मार डाल्या। ![](https://cdn.door43.org/obs/jpg/360px/obs-en-39-09.jpg) इब उस देश का राज्यपाल पिलातुस था। वो रोम के खात्तर काम करया करै था। यहूदी अगुवे यीशु ताहीं उसकै धोरै लेकै आए। वे चाहवै थे कै पिलातुस उसनै मौत की सजा देवै अर उसनै मार डालै। फेर पिलातुस नै यीशु तै पुच्छ्या, "के तू यहूदियां का राजा सै?" ![](https://cdn.door43.org/obs/jpg/360px/obs-en-39-10.jpg) यीशु नै जवाब दिया, "तन्नै साच्ची ए कह्या सै। पर मेरा राज्य उरै धरती का न्ही सै। जै होन्दा तो मेरे दास मेरै खात्तर लड़ाई करदे। मैं धरती पै परमेसवर के बारै म्ह साच्ची बताण के खात्तर आया सूं। हर एक माणस जो सच तै प्यार करै सै वो मेरी सुणै सै।" पिलातुस नै कह्या, "तो सच के सै?" ![](https://cdn.door43.org/obs/jpg/360px/obs-en-39-11.jpg) यीशु के गैल बात करण के बाद, पिलातुस नै बाहर भीड़ के धोरै जाकै कह्या, "मैं इसा कोए कारण न्ही पान्दा के यो माणस मार डाले जाण के लायक हो।" पर यहूदी अगुव्यां अर भीड़ नै चिल्ला कै कह्या, "उसनै क्रूस पै चढ़ा द्यो!" पिलातुस नै जवाब दिया, "वो कुछ भी गलत करण का दोषी न्ही सै।" पर वे और भी ऊँची आवाज म्ह चिल्लाण लाग्गे। फेर पिलातुस नै तीसरी बार कह्या, "वो दोषी न्ही सै!" ![](https://cdn.door43.org/obs/jpg/360px/obs-en-39-12.jpg) पिलातुस डर ग्या के वो भीड़ दंगे शरु कर देगी, इस करकै वो अपणे सैनिकां जरिये यीशु नै क्रूस पै चढ़ाण के खात्तर मान ग्या। रोमी सैनिकां नै यीशु ताहीं कोड़े लगाए, अर उस ताहीं राजसी कपड़ा पिराया, अर उसके सर पै काँट्या तै बणा मुकुट रख्या। फेर वे यो कहकै उसका मजाक उड़ाण लाग्गे, "देक्खो, यहूदियां का राजा!" मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_39_256kbps.mp3 ## 40. यीशु ताहीं क्रूस पै चढ़ाया जावै सै https://openbiblestories.org/l/bgc/story-40/ ![](https://cdn.door43.org/obs/jpg/360px/obs-en-40-01.jpg) यीशु का मजाक करण के बाद, सैनिक उसनै क्रूस पै चढ़ाण के खात्तर लेगे। उननै उस क्रूस ताहीं उसे तै उठवाया जिस पै वो मरैगा। ![](https://cdn.door43.org/obs/jpg/360px/obs-en-40-02.jpg) वे सैनिक यीशु नै उस जगहां पै लेकै आए जो "खोपड़ी" कुहवावै सै अर उसके हात्थां अर पैरां ताहीं क्रूस पै ठोक दिया। पर यीशु नै कह्या, "हे पिता, इन ताहीं माफ कर, क्यूकें ये न्ही जाणदे के ये के कर रह्ये सैं।" उननै एक तख्ती ताहीं भी उसके सर के उपर टांग दिया। उस पै लिख्या था, "यहूदियां का राजा।" पिलातुस नै उनतै योए लिखण के खात्तर कह्या था। ![](https://cdn.door43.org/obs/jpg/360px/obs-en-40-03.jpg) फेर सैनिकां नै यीशु के कपड़यां के खात्तर चिट्ठियाँ डाल्ली। जिब उननै इसा करया तो उननै उस भविष्यद्वाणी ताहीं पूरा करया जो कहवै थी, "उननै मेरे कपड़यां ताहीं आप्पस म्ह बाँट लिया, अर मेरे कपड़यां के खात्तर चिट्ठियाँ डाल्ली।" ![](https://cdn.door43.org/obs/jpg/360px/obs-en-40-04.jpg) ओड़ै दो डाकू भी थे, जिन ताहीं सैनिकां नै उसे बखत पै क्रूस पै चढ़ाया था। उननै उन ताहीं यीशु की दोन्नु तरफ रख्या था। उन म्ह तै एक डाकू नै यीशु का मजाक उड़ाया, पर दूसरे नै कह्या, "के तू न्ही डरदा के परमेसवर तन्नै दंड देवैगा? हम भोत से बुरे काम्मां ताहीं करण के दोषी सां, पर यो मनुष्य बेकसुर सै।" फेर उसनै यीशु तै कह्या, "जिब तू अपणे राज्य म्ह आवै तो कृपया मन्नै याद रखिये।" यीशु नै जवाब दिया, "आज ए तू मेरे गैल सुर्गलोक म्ह होवैगा।" ![](https://cdn.door43.org/obs/jpg/360px/obs-en-40-05.jpg) यहूदी अगुव्यां अर भीड़ के दुसरे लोगां नै यीशु का मजाक उड़ाया। उननै उसतै कह्या, "जै तू परमेसवर का बेट्टा सै, तो क्रूस तै तळै उतर आ अर खुद ताहीं बचा ले! फेर हम तेरे पै बिसवास करांगे।" ![](https://cdn.door43.org/obs/jpg/360px/obs-en-40-06.jpg) फेर उस सारे देश का अकास पूरी तरियां तै काळा हो ग्या, भले ए वा दिन के बीच का बखत था। यो दोपहर के बखत काळा होया था अर तीन घंटे ताहीं इसा ए रह्या था। ![](https://cdn.door43.org/obs/jpg/360px/obs-en-40-07.jpg) फेर यीशु नै पुकारकै कह्या, "पूरा होया! हे पिता, मैं अपणी आत्मा तेरे हात्थां म्ह सौंपूं सूं।" फेर उसनै अपणे सर ताहीं झुकाया अर अपणे प्राण ताहीं त्याग दिया। जिब वो मरया तो एक भूकम्प आया। वा बड़ा पड़दा जो परमेसवर की उपस्थिति तै लोगां ताहीं न्यारा करै था उपर तै नीचे की ओर पाटकै दो हिस्से हो ग्या। ![](https://cdn.door43.org/obs/jpg/360px/obs-en-40-08.jpg) अपणी मौत के जरिये, यीशु नै लोगां के खात्तर परमेसवर के धोरै आण का रास्ता खोल दिया। जिब यीशु की निगरान्नी करण आळे एक सैनिक नै जो कुछ होया था या सारा देख्या तो उसनै कह्या, "पक्का, यो माणस बेकसूर था। यो परमेसवर का बेट्टा सै।" ![](https://cdn.door43.org/obs/jpg/360px/obs-en-40-09.jpg) फेर यूसुफ अर नीकुदेमुस नाम के दो यहूदी अगुवे आए। वे बिसवास करै थे के यीशु ए मसीह था। उननै पिलातुस तै यीशु के शरीर ताहीं माँग्यां। उननै उसके शरीर ताहीं कपड़े म्ह लपेटया। फेर वे उसनै एक चट्टान म्ह तै काटकै बणाई गई कब्र म्ह लेगे अर उसके भीत्तर रक्ख दिया। फेर उननै उस कब्र के द्वार ताहीं बंद करण के खात्तर एक बड़े पत्थर ताहीं लुढ़का दिया। मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_40_256kbps.mp3 ## 41. परमेसवर यीशु ताहीं मरयां होयां म्ह तै जुवावै सै https://openbiblestories.org/l/bgc/story-41/ ![](https://cdn.door43.org/obs/jpg/360px/obs-en-41-01.jpg) सैनिकां के जरिये यीशु ताहीं क्रूस पै चढ़ाण बाद, यहूदी अगुव्यां नै पिलातुस तै कह्या, "उस झूठे, यीशु नै कह्या था के वो तीन दिनां पाच्छै मरयां होयां म्ह तै जी उठैगा। किसे नै यो पक्का करण के खात्तर कब्र की निगरान्नी करणी होगी के उसके चेले उसके शरीर ताहीं चुराकै ना ले जावैं। जै वे इसा करै सैं तो वे कहवैगे के वो मरयां होयां म्ह तै जी उठ्या सै।" ![](https://cdn.door43.org/obs/jpg/360px/obs-en-41-02.jpg) पिलातुस नै कह्या, "कुछ सैनिकां ताहीं ले जाओ, अर जिस तरियां थम कर सको उसे तरियां कब्र की निगरान्नी करो।" ज्यातैं उननै उस कब्र के प्रवेशद्वार के पत्थर पै एक मोहर लगा दी। उननै यो पक्का करण के खात्तर ओड़ै सैनिकां ताहीं भी बैठा दिया के कोए भी उसके शरीर ताहीं चुरा ना सकै। ![](https://cdn.door43.org/obs/jpg/360px/obs-en-41-03.jpg) यीशु के मरण के बाद का दिन सब्त का दिन था। कोए भी सब्त के दिन काम न्ही कर सकै था, इस करकै यीशु का कोए भी दोस्त कब्र पै न्ही आया था। पर सब्त के बाद के दिन, सुबह घणी सबेरे नै, कुछ जनानियां यीशु की कब्र पै जाण के खात्तर तैयार होई। वे उसके शरीर पै और भी मसालां ताहीं लगाणा चाहवै थीं। ![](https://cdn.door43.org/obs/jpg/360px/obs-en-41-04.jpg) उन जनानियां के पोहचण तै पैहल्या, कब्र पै एक बड़ा भूकम्प होया। सुर्ग तै एक सुर्गदूत नै आकै उस पत्थर ताहीं लुढ़का दिया जो कब्र के प्रवेशद्वार ताहीं ढाँप्पे होये था अर उस पै बैठ ग्या। यो सु्र्गदूत उजियाळे के समान चमक रह्या था। कब्र पै जो सैनिक थे उननै उस ताहीं देख्या। वे इतना डर गए थे के मरयां होयां की तरियां धरती पै गिर पड़े। ![](https://cdn.door43.org/obs/jpg/360px/obs-en-41-05.jpg) जिब वे जनानियां कब्र पै पोहची तो उस सु्र्गदूत नै उनतै कह्या, "मत डरो। यीशु उरै कोनी सै। वो मरयां होयां म्ह तै जी उठ्या सै, जिसा के उसनै कह्या था के वो जी उठैगा! कब्र म्ह खोजो अर देक्खो।" उन जनानियां नै कब्र के भीत्तर अर जड़ै यीशु का शरीर रख्या होया था ओड़ै खोज करी अर देख्या के उसका शरीर ओड़ै न्ही था! ![](https://cdn.door43.org/obs/jpg/360px/obs-en-41-06.jpg) फेर उस सुर्गदूत नै उन जनानीयां तै कह्या, "जाकै उसके चेल्यां ताहीं बताओ, 'यीशु मरयां होया म्ह तै जी उठ्या सै अर वो थारै आग्गै-आग्गै गलील म्ह जावैगा।'" ![](https://cdn.door43.org/obs/jpg/360px/obs-en-41-07.jpg) वे जनानियां हैरान होई अर भोत खुश होई। वे चेल्यां ताहीं यो खुश खबरी सुणाण के खात्तर दौड़ीं। ![](https://cdn.door43.org/obs/jpg/360px/obs-en-41-08.jpg) जिब वे जनानियां चेल्यां ताहीं यो खुश खबरी बताण के खात्तर अपणे रास्ता पै थीं, तो यीशु उन पै जाहिर होया। वे उसके पैरां पै गिर पड़ीं। फेर यीशु नै कह्या, "मत डरो। जाकै मेरे चेल्यां तै गलील जाण ताहीं कहो। वे ओड़ै मन्नै देखैंगे।" मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_41_256kbps.mp3 ## 42. यीशु सुर्ग ताहीं लौट जावै सै https://openbiblestories.org/l/bgc/story-42/ ![](https://cdn.door43.org/obs/jpg/360px/obs-en-42-01.jpg) जिस दिन परमेसवर नै यीशु ताहीं मरयां होयां म्ह तै जिन्दा करया था, उसके दो चेले धोरै के गाम म्ह जा रहे थे। चलदे होये वे यीशु के गैल जो होया था। उसके बारे म्ह बात्तां कर रहे थे, उन ताहीं आशा थी के वो मसीह था, पर फेर भी वो मार डाल्या गया था। इब वे जनानियां कहवैं सैं के वो फेर तै जिन्दा हो ग्या सै। वे न्ही जाणै थे के किस बात पै बिसवास करणा सै। ![](https://cdn.door43.org/obs/jpg/360px/obs-en-42-02.jpg) यीशु नै उनकै धोरै आकै उनकै गैल चालणा शरु करया, पर वे उसनै पिच्छाण न्ही पाए। उसनै पूच्छ्या के वे किस बारे म्ह बात कर रहे थे। उननै उस ताहीं पाच्छले दिनां म्ह यीशु के गैल होई सारी घटना के बारै म्ह बताया। उननै सोच्या के वे किसे परदेशी तै बात्तां कर रहे थे जो न्ही जाणै था के यरूशलेम म्ह के होया था। ![](https://cdn.door43.org/obs/jpg/360px/obs-en-42-03.jpg) फेर यीशु नै उन ताहीं समझाया के परमेसवर का वचन मसीह के बारै म्ह के कहवै सै। भोत पैहल्या, भविष्यद्वक्तावां नै कह्या था के बुरे लोग मसीह ताहीं पीड़ित करैंगे अर मार डालैंगे। पर भविष्यद्वक्तावां नै यो भी कह्या था के वो तीसरे दिन जी उठैगा। ![](https://cdn.door43.org/obs/jpg/360px/obs-en-42-04.jpg) जिब वे उस नगर म्ह पोहचे जड़ै वे दो जन ठहरणा चाहवै थे, जिब ताहीं लगभग सांझ होगी थी। उननै यीशु ताहीं उनकै गैल ठहरण के खात्तर आमंत्रित करया, आखर म्ह वो उनकै गैल एक घर म्ह गया। अपणे सांझ के खाणे नै खाण के खात्तर वे बैठगे। यीशु ने एक रोट्टी नै लेकै उसके खात्तर परमेसवर का धन्यवाद दिया, अर फेर उस ताहीं तोड्या। अचानक तै, उननै जाण लिया के वो यीशु था। पर उसे बखत, वो उनकी आँख्यां तै ओझल हो ग्या। ![](https://cdn.door43.org/obs/jpg/360px/obs-en-42-05.jpg) उन दो माणसां नै एक दूसरे तै कह्या, "वो यीशु था! इस करकै जिब उसनै म्हारै ताहीं परमेसवर के वचन ताहीं समझाया था तो हम घणे उत्साहित थे!" उसे बखत ए, वे लिकड़ कै वापस यरूशलेम ताहीं गए। जिब वे पोहच्चे तो उननै चेल्यां ताहीं बताया, "यीशु जिन्दा सै! मान्नै उस ताहीं देख्या सै!" ![](https://cdn.door43.org/obs/jpg/360px/obs-en-42-06.jpg) जिब चेले बात कर रहे थे, यीशु अचानक तै उस कमरे म्ह उनके गैल जाहीर होया। उसनै कह्या, "थमनै शान्ति मिले!" चेल्यां नै सोच्या के वो कोए भूत था, पर यीशु नै कह्या, "थम क्यूं डरो सो? थम यो क्यूं न्ही सोचो सो के यो सचमुच म्ह मैं, यीशु सूं? मेरे हात्थां अर पैरां ताहीं देक्खो। भूतां के गैल इसा शरीर न्ही होन्दा जिसा मेरै धोरै सै।" यो दिखाण के खात्तर के वो कोए भूत न्ही था, उसनै खाण के खात्तर कुछ माँग्यां। उननै उस ताहीं मच्छी का एक टुकड़ा दिया, अर उसनै उस ताहीं खा लिया। ![](https://cdn.door43.org/obs/jpg/360px/obs-en-42-07.jpg) यीशु नै कह्या, "मेरे बारे म्ह परमेसवर का वचन जो कुछ भी कहवै सै वो पुरा होवैगा। मन्नै तेरे ताहीं बता दिया था के इसका होना जरुरी सै।" फेर यीशु नै उनक ताहीं परमेसवर का वचन आच्छे तै समझाया। उसनै कह्या, "भोत पैहल्या भविष्यद्वक्तावां नै लिख्या था के मन्नै, दुःख ठाणा होगा, मरणा होगा अर फेर तीसरे दिन मरयां होयां म्ह तै जी उठणा होवैगा।" ![](https://cdn.door43.org/obs/jpg/360px/obs-en-42-08.jpg) "उन भविष्यद्वक्तावां नै यो भी लिख्या था के मेरे चेले परमेसवर के वचन की घोषणा करैंगे। वे हर एक ताहीं पश्चाताप करण के खात्तर बतावैंगे। जै वे इसा करै सैं तो परमेसवर उनके पापां ताहीं माफ करैगा। मेरे चेले इस सन्देस का प्रचार करणा यरूशलेम तै शरु करैंगे। फेर वे सारी जगहां सारी जात्तां म्ह जावैंगे। थम मेरी हर एक बात अर काम के गवाह हो जो मन्नै कह्या अर करया था, अर उस सारे के भी जो मेरे गैल होया।" ![](https://cdn.door43.org/obs/jpg/360px/obs-en-42-09.jpg) आगले चाळीस दिनां के दौरान, यीशु अपणे चेल्यां पै कई बार जाहिर होया। एक बार तो वह एक ए बखत पै 500 तै ज्यादा लोगां पै जाहिर होया! उसनै अपणे चेल्यां पै कई तरियां तै साबित करया के वो जिन्दा था, अर उसनै उन ताहीं परमेसवर के राज्य के बारै म्ह शिक्षा देई। ![](https://cdn.door43.org/obs/jpg/360px/obs-en-42-10.jpg) यीशु नै अपणे चेल्यां तै कह्या, "परमेसवर नै मेरे ताहीं सुर्ग अर धरती के हर एक माणस पै शासन करण का हक दिया सै। इस करकै इब मैं थारै ताहीं कहूं सूं: जाकै सारी जात्तां के लोगां ताहीं चेला बणाओ। इसा करण के खात्तर, थमनै उननै पिता, बेट्टा, अर पवित्र आत्मा के नाम तै बपतिस्मा देणा सै। जो किमे भी मन्नै थारै ताहीं हुकम दिया सै उन सारी बात्तां ताहीं मानणा भी थमनै उन ताहीं सिखाणा सै। याद राक्खो, मैं सदा थारै गैल रहूँगा।" ![](https://cdn.door43.org/obs/jpg/360px/obs-en-42-11.jpg) यीशु के मरयां होयां म्ह तै जी उठण के चाळीस दिनां के पाच्छै, उसनै अपणे चेल्यां तै कह्या, "जिब ताहीं के मेरा पिता थमनै सामर्थ न्ही देन्दा तब ताहीं यरूशलेम म्ह ठहरे रहो। वो थारै पै पवित्र आत्मा भेजण के जरिये इसा करैगा।" फेर यीशु सुर्ग म्ह चल्या गया, अर एक बाद्दळ नै उस ताहीं उनकी नजर तै छुपा लिया। सुर्ग म्ह यीशु सारी चीज्जां पै शासन करण परमेसवर की दाहिनी ओर बैठ ग्या। मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_42_256kbps.mp3 ## 43. कलीसिया की शरुआत होवै सै https://openbiblestories.org/l/bgc/story-43/ ![](https://cdn.door43.org/obs/jpg/360px/obs-en-43-01.jpg) यीशु के सुर्ग लौट जाण के बाद, चेले यरूशलेम म्ह ए रुके जिसा के यीशु नै उन ताहीं करण का हुकम दिया था। ओड़ै के बिशवासी लोग लगातार एक साथ प्रार्थना करण के खात्तर कठ्ठे होयां करै थे। ![](https://cdn.door43.org/obs/jpg/360px/obs-en-43-02.jpg) हर साल, फसह के त्यौहार के 50 दिनां के बाद, यहूदी लोग पिन्तेकुस्त नाम के एक खाश दिन ताहीं मनाया करैं थे। पिन्तेकुस्त वा बखत था जिब यहूदी लोग कणक की कटाई ताहीं मनाया करैं थे। सारे संसार तै यहूदी लोग पिन्तेकुस्त के दिन नै एक साथ मनाण के खात्तर यरूशलेम म्ह आए थे। इस साल, पिन्तेकुस्त मनाण का बखत यीशु के सुर्ग म्ह चले जाण के लगभग एक सप्ताह के बाद आया था। ![](https://cdn.door43.org/obs/jpg/360px/obs-en-43-03.jpg) जिस बखत सारे बिशवासी लोग एक साथ कठ्ठे थे, तो जिस घर म्ह वे थे अचानक तै वा तेज हवा की आवाज तै भर ग्या। फेर आग की लपट्यां के जिसा दिखण आळा किमे सारे बिशवासिय़ां के सिरां के ऊपर जाहिर होया। वे सारे पवित्र आत्मा तै भर गए अर उननै अन्य भाषा म्ह परमेसवर की स्तुति करी। ये वा भाषाएँ थीं जिन ताहीं बोलण के खात्तर उन ताहीं पवित्र आत्मा नै सक्षम करया था। ![](https://cdn.door43.org/obs/jpg/360px/obs-en-43-04.jpg) जिब यरूशलेम म्ह रहण आळे लोगां नै उस शोर ताहीं सुण्या, तो वे भीड़ के रूप म्ह यो देखण के खात्तर एक साथ आए के के हो रह्या था। उननै बिशवासियां ताहीं परमेसवर द्वारा करे गए बड़े-बड़े काम्मां की घोषणा करदे होये सुण्या। वे हैरान थे क्यूकें वे उन काम्मां नै अपणी ए भाषा म्ह सुण रह्ये थे। ![](https://cdn.door43.org/obs/jpg/360px/obs-en-43-05.jpg) इन म्ह तै कुछ लोगां नै कह्या के वे चेले नशे म्ह थे। पर पतरस खड़या होया अर उनतै बोल्या, "मेरी बात सुणो! ये लोग नशे म्ह न्ही सैं! इसके बजाए, जो थम देख्खो सो वा वोए सै जो योएल भविष्यद्वक्ता नै कह्या था के होवैगा: परमेसवर नै कह्या, 'अंत के दिनां म्ह, मैं अपणा आत्मा उंडेलूँगा।'" ![](https://cdn.door43.org/obs/jpg/360px/obs-en-43-06.jpg) "हे इस्राएली माणसों, यीशु एक इसा मनुष्य था जिसनै यो दिखाण के खात्तर के वो कौण था भोत से अनोखे काम करे थे। उसनै परमेसवर के सामर्थ तै भोत से अद्भुत काम्मां ताहीं करया था। थम यो जाणो सौ, क्यूकें थमनै इन काम्मां ताहीं देख्या सै। पर थमनै उस ताहीं क्रूस पै चढ़ा दिया!" ![](https://cdn.door43.org/obs/jpg/360px/obs-en-43-07.jpg) "यीशु मर गया पर परमेसवर नै उस ताहीं मरे होयां म्ह तै जिन्दा कर दिया। इसनै उस बात ताहीं पूरा कर दिया जिसनै एक भविष्यद्वक्ता नै लिख्या था: 'तू अपणे पवित्र जन ताहीं कब्र म्ह सड़ण न्ही देवैगा।' हम गवाह सां के परमेसवर नै यीशु ताहीं फेर तै जिन्दा कर दिया।" ![](https://cdn.door43.org/obs/jpg/360px/obs-en-43-08.jpg) "परमेसवर पिता नै इब यीशु ताहीं अपणी दाहिनी ओर बैठा कै उस ताहीं आदर दिया सै। अर यीशु नै म्हारे खात्तर पवित्र आत्मा भेज्या सै जिसी के उसनै वादा करया था के वो भेजैगा। पवित्र आत्मा ए उन काम्मां ताहीं होण दे रह्या सै जिन ताहीं थम देख रहे अर सुण रहे सो।" ![](https://cdn.door43.org/obs/jpg/360px/obs-en-43-09.jpg) "थमनै उस माणस, यीशु ताहीं क्रूस पै चढ़ा दिया। पर पुरी तौर तै जाण ल्यो के परमेसवर नै यीशु ताहीं सारी चिज्जां पै प्रभु अर मसीह दोन्नु ठहराया सै!" ![](https://cdn.door43.org/obs/jpg/360px/obs-en-43-10.jpg) पतरस की सुणण आळे लोग उसके द्वारा कही गई बात्तां तै अंदर ताहीं हिल गए थे। ज्यातैं उननै पतरस अर चेल्यां तै पूच्छ्या, "हे भाइयों, हमनै के करणा चाहिए?" ![](https://cdn.door43.org/obs/jpg/360px/obs-en-43-11.jpg) पतरस नै उन ताहीं जवाब दिया, "थारै म्ह तै हर एक अपणे पापां के खात्तर पश्चाताप करे ताके परमेसवर थारे पापां ताहीं माफ करे, अर यीशु मसीह के नाम तै बपतिस्मा ले। फेर वो थमनै वरदान के रुप म्ह पवित्र आत्मा भी देवैगा।" ![](https://cdn.door43.org/obs/jpg/360px/obs-en-43-12.jpg) पतरस नै जो कह्या उस पै लगभग 3,000 लोगां नै बिशवास करया अर यीशु के चेले बण गए। उननै बपतिस्मा लिया अर यरूशलेम की कलीसिया का हिस्सा बणगे। ![](https://cdn.door43.org/obs/jpg/360px/obs-en-43-13.jpg) जिब प्रेरितां नै उन ताहीं शिक्षाएँ दीं तो बिसवासियां नै लगातार सुण्या। वे अक्सर मिला करैं थे अर एक साथ खाणा खाया करैं थे, अर उननै अक्सर एक दूसरे कै खात्तर प्रार्थना करी। उननै मिल कै परमेसवर की स्तुति करी अर जो किमे भी उनकै धोरै था उननै एक दूसरे के गैल साझा करया। नगर का हर एक माणस उनके खात्तर आच्छा विचार राखै था। हर रोज, अधिक तै अधिक लोग बिशवासी बणदे गये। प्रेरितों के काम 2 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_43_256kbps.mp3 ## 44. पतरस अर यूहन्ना एक भिखारी ताहीं चंगा करै सैं https://openbiblestories.org/l/bgc/story-44/ ![](https://cdn.door43.org/obs/jpg/360px/obs-en-44-01.jpg) एक दिन, पतरस अर यूहन्ना मंदर म्ह गये। एक अपंग माणस भीख माँगण खात्तर फाटक पै बैठ्या होया था। ![](https://cdn.door43.org/obs/jpg/360px/obs-en-44-02.jpg) पतरस नै उस लंगड़े माणस की ओर देख्या अर कह्या, "मेरे धोरै तन्नै देण के खात्तर पैसा तो न्ही सै। पर जो मेरै धोरै सै वो मैं तन्नै देऊँ सूं। यीशु के नाम तै, उठ अर चाल-फिर!" ![](https://cdn.door43.org/obs/jpg/360px/obs-en-44-03.jpg) उसे बखत, परमेसवर नै उस लंगड़े माणस ताहीं चंगा कर दिया। उसनै आसै-पास्सै चालणा अर कूदणा, अर परमेसवर की स्तुति करणा शरु कर दिया। मंदर के आँगण म्ह मौजुद माणस हैरान थे। ![](https://cdn.door43.org/obs/jpg/360px/obs-en-44-04.jpg) तावळी ए लोगां की एक भीड़ उस माणस ताहीं देखण के खात्तर आई जो चंगा हो ग्या था। पतरस नै उनतै कह्या, "यो माणस ठीक सै, पर इस बात पै हैरान ना हो। मान्नै इस ताहीं अपणी शक्ति तै चंगा न्ही करया सै, या इस करकै न्ही के हम परमेसवर का आदर करां सां। बल्के, वो यीशु सै जिसनै इस माणस ताहीं अपणी शक्ति तै चंगा करया सै, क्यूकें हम यीशु पै भरोसा करां सां।" ![](https://cdn.door43.org/obs/jpg/360px/obs-en-44-05.jpg) "वो थम ए सो जिननै उस रोमी राज्यपाल ताहीं यीशु नै मार डालण के खात्तर कह्या था। थमनै उस ताहीं मार डाल्या जो सारयां नै जीवन देवै सै। पर परमेसवर नै उस ताहीं मरे होया म्ह तै जिन्दा करया। थमनै न्ही समझ्या के थम के कर रह्ये थे, पर जिब थम उन काम्मां ताहीं कर रह्ये थे, तो जो भविष्यद्वक्तावां नै कह्या था वो पूरा होया। उननै कह्या था के मसीह दुःख उठावैगा अर मर जावैगा। परमेसवर नै इसनै इस तरीयां तै होण दिया। इस करकै इब, पश्चाताप करो अर परमेसवर की ओर फिरो, ताके वो थारे पापां ताहीं धोकै साफ कर दे।" ![](https://cdn.door43.org/obs/jpg/360px/obs-en-44-06.jpg) जिब मंदर के अगुव्यां नै पतरस अर यूहन्ना ताहीं सुण्या, तो वे भोत घबरा गे। इस करकै उननै उन ताहीं गिरफ्तार करकै जेलखान्ने म्ह डाल दिया। पर जो पतरस नै कह्या था उस पै भोत से लोगां नै करया। यीशु पै बिसवास करण आळ्यां की गिणती बढ़कै लगभग 5,000 होगी। ![](https://cdn.door43.org/obs/jpg/360px/obs-en-44-07.jpg) अगले दिन, वे यहूदी अगुवे पतरस अर यूहन्ना ताहीं महायाजक अर दुसरे धार्मिक अगुव्यां के स्याम्ही लेकै आए। वे उस माणस ताहीं भी लेकै आए जो अपंग था। उननै पतरस अर यूहन्ना तै पूच्छ्या, "किस हक तै तन्नै उस अपंग माणस ताहीं चंगा करया?" ![](https://cdn.door43.org/obs/jpg/360px/obs-en-44-08.jpg) पतरस नै जवाब दिया, "यो माणस जो थारै स्याम्ही खड़ा सै उसनै यीशु मसीह की सामर्थ के जरिये चंगा करया गया सै। थमनै यीशु ताहीं क्रूस पै चढ़ा दिया, पर परमेसवर नै उस ताहीं फेर तै जिन्द कर दिया! थामनै उस ताहीं स्वीकार न्ही करया, पर यीशु के सामर्थ के माध्यम के इलावा उद्धार पाण का कोए दूसरा रास्ता न्ही सै!" ![](https://cdn.door43.org/obs/jpg/360px/obs-en-44-09.jpg) वे अगुवे हैरान थे के पतरस अर यूहन्ना नै भोत साहसी तरिका तै बात करी थी। उननै देख्या के ये साधारण माणस थे जो के अनपढ़ थे। पर फेर उन ताहीं याद आया के ये माणस यीशु के गैल रहे थे। ज्यातैं उननै उनतै कह्या, "हम थमनै भोत घणा दंड देंवांगे जै थम इस माणस यीशु के बारै म्ह लोगां ताहीं कोए और संदेस द्योगे ।" इसी भोत सी बात्तां कहण के बाद, उननै पतरस अर यूहन्ना ताहीं जाण दिया। प्रेरितों के काम 3:1-4:22 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_44_256kbps.mp3 ## 45. स्तिफनुस अर फिलिप्पुस https://openbiblestories.org/l/bgc/story-45/ ![](https://cdn.door43.org/obs/jpg/360px/obs-en-45-01.jpg) प्रथम मसीही अगुव्यां के बीच म्ह स्तिफनुस नाम का एक माणस था। सारे लोग उसका आदर करैं थे। पवित्र आत्मा नै उस ताहीं भोत सामर्थ अर बुद्धि प्रदान करी थी। स्तिफनुस नै भोत से चमत्कार करे थे। जिब उसनै यीशु पै भरोसा करण के बारै म्ह उन ताहीं शिक्षा दी तो भोत से लोगां नै उस पै बिसवास करया। ![](https://cdn.door43.org/obs/jpg/360px/obs-en-45-02.jpg) एक दिन, स्तिफनुस यीशु के बारै म्ह शिक्षा दे रह्या था, अर कुछ इसे यहूदी आए जिन ताहीं यीशु पै बिसवास न्ही करया था अर उसके गैल लड़ाई-झगड़ा करणा शरु कर दिया। वे भोत गुस्सा होगे, ज्यातैं वे धार्मिक अगुव्यां के धोरै गए अर उसके बारै म्ह झूठ बोल्या। उन ताहीं कह्या, "हमनै स्तिफनुस ताहीं मूसा अर परमेसवर के बारै म्ह बुरी बात्तां बोलदे सुण्या सै!" इस करकै धार्मिक अगुव्यां नै स्तिफनुस ताहीं गिरफ्तार कर लिया अर उसनै महायाजक अर यहूदियां के दुसरे अगुव्यां के स्याम्ही लेकै आए। और भी झूठे गवाह आए अर उननै स्तिफनुस के बारै म्ह झूठ बोल्या। ![](https://cdn.door43.org/obs/jpg/360px/obs-en-45-03.jpg) महायाजक नै स्तिफनुस तै पूच्छ्या, "के ये लोग तेरै बारै म्ह सच कह रह्ये सैं?" स्तिफनुस नै महायाजक ताहीं जवाब देण के खात्तर भोत सी बात्तां ताहीं बोलणा शरु कर दिया। उसनै कह्या के अब्राहम के बखत तै यीशु के बखत ताहीं परमेसवर नै इस्राएल के लोगां के खात्तर भोत से अनोखे काम करें सैं। पर लोगां नै सदा परमेसवर की अनाज्ञाकारिता करी थी। स्तिफनुस नै कह्या, "थम परमेसवर के खिलाप हठीले अर बलवा करण आळे सो। थमनै सदा पवित्र आत्मा नै अस्वीकार करया, जि तरियां के म्हारे पूर्वजां नै सदा पवित्र आत्मा ताहीं अस्वीकार करया था अर सदा उसके भविष्यद्वक्तावां ताहीं मार डाल्या था। पर जो उननै करया था उसकी बराबर म्ह थमनै और भी बुरा करया सै! थमनै मसीह ताहीं मार डाल्या!" ![](https://cdn.door43.org/obs/jpg/360px/obs-en-45-04.jpg) जिब उन धार्मिक अगव्यां नै यो सुण्या, तो वे इतने गुस्सा होगे के उननै अपणे कानां ताहीं बंद कर लिया अर ऊँची आवाज म्ह चिल्लाए। वे स्तिफनुस नै घसीट कै नगर तै बाहर लेगे अर उस ताहीं मार डालण के खात्तर उस ताहीं पत्थर मारे। ![](https://cdn.door43.org/obs/jpg/360px/obs-en-45-05.jpg) जिब स्तिफनुस मर रह्या था, वो पुकार उठ्या, "हे यीशु, मेरी आत्मा नै ग्रहण कर!" फेर वो अपणे घुटन्यां पै गिर पड़या अर फेर तै पुकार उठ्या, "हे प्रभु, यो पाप उन पै ना लगाणा।" फेर वो मर ग्या। ![](https://cdn.door43.org/obs/jpg/360px/obs-en-45-06.jpg) उस दिन, यरूशलेम म्ह रहण आळे भोत से लोगां नै यीशु के अनुयायियां ताहीं सताणा शरु कर दिया, इस करकै बिसवासी लोग दुसरी जगहां पै भाजगे। पर इसके बावजूद भी, जड़ै किते भी वे गये उननै यीशु के बारै म्ह प्रचार करया। ![](https://cdn.door43.org/obs/jpg/360px/obs-en-45-07.jpg) फिलिप्पुस नाम का यीशु का एक बिसवासी था। जिसा के दुसरे भोत से बिसवासियां नै करया था वो भी यरूशलेम तै भाज ग्या। वो सामरिया के क्षेत्र म्ह चल्या गया। ओड़ै उसनै लोगां म्ह यीशु के बारै म्ह प्रचार करया। भोत से लोगां नै उस पै बिसवास करया अर उद्धार पाया। एक दिन, फिलिप्पुस कै धोरै परमेसवर की ओर तै एक सूर्गदूत आया अर उसनै जंगळ म्ह जाण के खात्तर, अर एक सड़क पै चालण के खात्तर कह्या। फिलिप्पुस ओड़ै चल्या गया। जिब वो उस सड़क पै चाल रह्या था, तो उसनै एक माणस ताहीं अपणे रथ म्ह जान्दे होये देख्या। यो माणस कूश देश का एक महत्वपूर्ण अधिकारी था। पवित्र आत्मा नै फिलिप्पुस तै कह्या के जाकै उस माणस के गैल-गैल चाल्लै। ![](https://cdn.door43.org/obs/jpg/360px/obs-en-45-08.jpg) इस करकै फिलिप्पुस रथ कै धोरै गया। उसनै सुण्या के वो कूशी परमेसवर के वचन नै पढ़ रह्या था। जो यशायाह भविष्यद्वक्ता नै लिख्या था वो उसनै पढ़ रह्या था। वो पढ़ रह्या था, "वे उसनै वध की जाण आळी भेड़ के समान लेगे, अर जिस तरियां एक मेमना शान्त होवै सै, उसने भी एक शब्द न्ही कह्या। उननै उसकै गैल अनुचित व्यवहार करया अर उसका आदर न्ही करया। उननै उसका प्राण ले लिया।" ![](https://cdn.door43.org/obs/jpg/360px/obs-en-45-09.jpg) फिलिप्पुस नै उस कूशी तै पूच्छ्या, "जो तू पढ़ रह्या सै के तू उस ताहीं समझै भी सै?" उस कूशी नै जवाब दिया, "न्ही। जिब ताहीं कोए इसनै मेरे ताहीं ना समझावै, तब ताहीं मैं इसनै न्ही समझ सकदा। कृपा करकै मेरे धोरै आकै बैठ। यशायाह यो अपणे बारै म्ह लिख रह्या था या किसे और के?" ![](https://cdn.door43.org/obs/jpg/360px/obs-en-45-10.jpg) फिलिप्पुस रथ पै चढ़कै बैठ ग्या। फेर उसनै उस कूशी माणस ताहीं वो बताया जो यशायाह नै यीशु के बारै म्ह लिख्या था। फिलिप्पुस नै परमेसवर के वचन के भोत से दुसरे हिस्यां की भी चर्चा करी। इस तरियां तै, उसनै उस माणस ताहीं यीशु के बारै म्ह खुश खबरी सुणाया। ![](https://cdn.door43.org/obs/jpg/360px/obs-en-45-11.jpg) फिलिप्पुस अर वो कूशी चालदे होये पाणी के धोरै आए। उस कूशी नै कह्या, "देख! उरै पाणी सै! के मैं बपतिस्मा ले सकूं सूं?" अर उसनै सारथी तै रथ ताहीं रोकण के खात्तर कह्या। ![](https://cdn.door43.org/obs/jpg/360px/obs-en-45-12.jpg) आखर म्ह वे पाणी म्ह चले गए, अर फिलिप्पुस नै उस कूशी ताहीं बपतिस्मा दिया। जिब वे पाणी तै बाहर आए, तो पवित्र आत्मा अचानक ए फिलिप्पुस ताहीं ठाकै किसे दुसरी जगहां म्ह ले ग्या। ओड़ै फिलिप्पुस नै लोगां ताहीं यीशु के बारै म्ह बताणा जारी राख्या। ![](https://cdn.door43.org/obs/jpg/360px/obs-en-45-13.jpg) वो कूशी अपणे घर के सफर पै आग्गै बढ़ ग्या। वो खुश था के वो इब यीशु ताहीं जाणै था। प्रेरितों के काम 6:8-8:5; 8:26-40 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_45_256kbps.mp3 ## 46. पौलुस मसीही बिशवासी बण जावै सै https://openbiblestories.org/l/bgc/story-46/ ![](https://cdn.door43.org/obs/jpg/360px/obs-en-46-01.jpg) शाऊल नाम का एक माणस था जिसनै यीशु पै बिशवास न्ही करया था। जिब वो जवान था, जिब उसनै स्तिफनुस ताहीं मारण आळे लोगां के कपड़यां की निगरानी करी थी। बाद म्ह, उसनै बिशवासियां ताहीं सताया था। उसनै यरूशलेम म्ह घर-घर जाकै माणस व जनानी दोन्नु ताहीं गिरफ्तार करकै जेळखान्ने म्ह डाल दिया था। फेर महायाजक नै शाऊल ताहीं दमिश्क नगर म्ह जाण की इजाजत दी। उसनै ओड़ै के मसीहियां ताहीं गिरफ्तार करण अर उन ताहीं वाप्पस यरूशलेम लेकै आण के खात्तर शाऊल तै कह्या। ![](https://cdn.door43.org/obs/jpg/360px/obs-en-46-02.jpg) आखर शाऊल नै दमिश्क जाण का सफर शरु करया। उस नगर म्ह पोहचण तै थोड़ा ए पैहल्या, उसके च्यारु ओर आकाश तै एक उज्जवल प्रकाश चमक्या, अर वो धरती पै गिर पड़या। शाऊल नै किसे ताहीं कहन्दे होये सुण्या, "हे शाऊल! हे शाऊल! तू मन्नै क्यूं सता रह्या सै?" शाऊल नै पूच्छ्या, "हे प्रभु, तू कौण सै?" यीशु नै उस ताहीं जवाब दिया, "मैं यीशु सूं। तू मन्नै सता रह्या सै!" ![](https://cdn.door43.org/obs/jpg/360px/obs-en-46-03.jpg) जिब शाऊल उठ्या तो वो देख न्ही सकै था। उसके दोस्त उस ताहीं दमिश्क म्ह लेकै गए थे। शाऊल नै तीन दिन ताहीं कुछ भी खाया या पिया न्ही था। ![](https://cdn.door43.org/obs/jpg/360px/obs-en-46-04.jpg) दमिश्क म्ह हनन्याह नाम का एक चेला था। परमेसवर नै उसतै कह्या, "उस घर म्ह जा जड़ै शाऊल ठहरया होया सै। अपणे हात्थां नै उस पै धर ताके वो फेर तै देखण लाग्गै।" पर हनन्याह नै कह्या, "हे प्रभु, मन्नै सुण्या सै के इस माणस नै बिशवासियां नै किस तरियां सताया सै।" परमेसवर नै उस ताहीं जवाब दिया, "जा! मन्नै उस ताहीं यहूदियां म्ह अर दूसरी जात्तां के लोगां म्ह मेरे नाम की घोषणा करण के खात्तर चुण लिया सै। वो मेरे नाम के खात्तर भोत कष्ट सहवैगा।" ![](https://cdn.door43.org/obs/jpg/360px/obs-en-46-05.jpg) आखर हनन्याह शाऊल के धोरै गया, अपणे हात्थां नै उस पै धरया, अर कह्या, "यीशु नै, जो उरै आण के तेरे रास्ते म्ह तेरे पै जाहिर होया था, मन्नै तेरे धोरै भेज्या सै ताके तू फेर तै देखण लाग्गै, अर पवित्र आत्मा तन्नै भर देवै।" उसे ए बखत शाऊल फेर तै देखण म्ह सक्षम हो ग्या, अर हनन्याह नै उस ताहीं बपतिस्मा दिया। फेर शाऊल नै खाणा खाया अर फेर तै बलवंत हो ग्या। ![](https://cdn.door43.org/obs/jpg/360px/obs-en-46-06.jpg) तब तै, शाऊल नै दमिश्क म्ह रहण आळे यहूदियां म्ह प्रचार करणा शरु कर दिया। उसनै कह्या, "यीशु ए परमेसवर का बेट्टा सै!" यहूदी लोग हैरान थे, क्यूकें शाऊल नै तो बिशवासियां ताहीं मार डालण का प्रयास करया था, पर इब उसनै यीशु म्ह बिशवास करया था। शाऊल नै यहूदियां के गैल वाद-विवाद करया। उसनै दिखाया के यीशु ए मसीह था। ![](https://cdn.door43.org/obs/jpg/360px/obs-en-46-07.jpg) भोत दिनां के बाद, यहूदियां नै शाऊल ताहीं मार डालण की योजना बणाई। उननै उस ताहीं मार डालण के खात्तर नगर के फाटक पै लोगां ताहीं भेज्या। के उसकी निगरानी करैं पर शाऊल नै उस योजना के बारै म्ह सुण लिया, अर उसके दोस्तां नै बचकै लिकड़ण म्ह उसकी मदद करी। एक रात नै उननै उस ताहीं टोकरी म्ह बैठाकै नगर की दीवार तै उसनै नीच्चै तार दिया। दमिश्क तै बचकै लिकड़ण के बाद शाऊल नै यीशु के बारै म्ह प्रचार करना जारी राख्या। ![](https://cdn.door43.org/obs/jpg/360px/obs-en-46-08.jpg) शाऊल प्रेरितां तै मिलण के खात्तर यरूशलेम गया, पर वे उसतै डरै थे। फेर बरनबास नाम का एक बिशवासी शाऊल ताहीं प्रेरितां के धोरै लेकै गया। उसनै उन ताहीं बताया के शाऊल नै किस तरियां साहसी होकै दमिश्क म्ह प्रचार करया था। उसके बाद, प्रेरितां नै शाऊल ताहीं स्वीकार कर लिया। ![](https://cdn.door43.org/obs/jpg/360px/obs-en-46-09.jpg) कुछ विश्वासी जो यरूशलेम के सताव तै भाजगे थे वे दूर अंताकिया नगर म्ह चले गए थे अर यीशु के बारै म्ह प्रचार करैं थे। अंताकिया म्ह रहण आळे लोग ज्यादातर यहूदी न्ही थे, पर पहली बार, उन म्ह तै भोत से लोग बिशवासी बणगे। बरनबास अर शाऊल इन नए बिशवासियां ताहीं यीशु के बारै म्ह और घणा सिखाण के खात्तर ओड़ै गए अर कलीसिया ताहीं मजबूत करया। यीशु पै बिशवास करण आळे पहली बार अंताकिया म्ह ए "मसीही" कहलवाए। ![](https://cdn.door43.org/obs/jpg/360px/obs-en-46-10.jpg) एक दिन, अंताकिया के मसीही लोग उपवास के गैल प्रार्थना कर रह्ये थे। पवित्र आत्मा नै उनतै कह्या, "मेरे खात्तर बरनबास अर शाऊल ताहीं उस काम ताहीं करण के खात्तर न्यारा कर द्यो जिस ताहीं करण के खात्तर मन्नै उन ताहीं बुलाया सै।" ज्यातै अंताकिया की कलीसिया नै बरनबास अर शाऊल के खात्तर प्रार्थना करी अर उन पै अपणे हात्थां ताहीं धरया। फेर उननै उन ताहीं दुसरी भोत सी जगहां पै यीशु के बारै म्ह खुश खबरी का प्रचार करण के खात्तर भेज दिया। बरनबास अर शाऊल नै न्यारी-न्यारी जात्तां के लोगां ताहीं शिक्षा देई, अर भोत से लोगां नै यीशु म्ह बिशवास करया। प्रेरितों के काम 8:3; 9:1-31; 11:19-26; 13:1-3 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_46_256kbps.mp3 ## 47. फिलिप्पी म्ह पौलुस अर सीलास https://openbiblestories.org/l/bgc/story-47/ ![](https://cdn.door43.org/obs/jpg/360px/obs-en-47-01.jpg) जिब शाऊल नै सम्पूर्ण रोमी साम्राज्य म्ह सफर करया तो उसनै अपणे रोमी नाम "पौलुस" का इस्तेमाल करणा शरु कर दिया। एक दिन, पौलुस अर उसका दोस्त सीलास फिलिप्पी नगर म्ह यीशु के बारै म्ह खुश खबरी सुणाण के खात्तर गए। वे नगर के बाहर नदी के किनारे एक जगहां पै गये जित्त लोग प्रार्थना करण के खात्तर कठ्ठे थे। ओड़ै वे लुदिया नाम की एक जनानी तै मिले जो एक व्यापारी थी। वा परमेसवर तै प्यार करै थी अर उसकी आराधना करै थी। ![](https://cdn.door43.org/obs/jpg/360px/obs-en-47-02.jpg) परमेसवर नै लुदिया ताहीं यीशु के बारै म्ह संदेस पै बिशवास करण के खात्तर सक्षम करया। पौलुस अर सीलास नै उस ताहीं अर उसके परिवार ताहीं बपतिस्मा दिया। उसनै पौलुस अर सीलास ताहीं अपणे घर ठहरण के खात्तर आमंत्रित करया, ज्यातैं वे ओड़ै ठहरगे। ![](https://cdn.door43.org/obs/jpg/360px/obs-en-47-03.jpg) पौलुस अर सीलास लोगां तै अक्सर उस जगहां पै मिलै थे जड़ै यहूदी लोग प्रार्थना करयां करै थे। हर रोज जिब वे ओड़ै जावैं थे तो एक दास्सी लड़की जो दुष्टात्मा के काब्बु म्ह थी उनका पिच्छा करया करै थी। इस दुष्टात्मा के जरिये तै वो लोगां का भविष्य बताया करै थी, इस करकै वा भविष्य बताण आळी के रूप म्ह अपणे स्वामियां के खात्तर घणा धन कमाया करै थी। ![](https://cdn.door43.org/obs/jpg/360px/obs-en-47-04.jpg) उनके जान्दे बखत यो दास्सी छोरी चिल्लाया करै थी, "ये माणस परम प्रधान परमेसवर के सेवक सैं। ये थमनै उद्धार पाण का रास्ता बता रह्ये सैं!" वा रोज इसा ए करया करै थी जिसतै के पौलुस नाराज़ हो ग्या। ![](https://cdn.door43.org/obs/jpg/360px/obs-en-47-05.jpg) आखर म्ह , एक दिन जिब उस दास्सी छोरी नै चिल्लाणा शरु करया, तो पौलुस नै उसकी ओर मुड़कै उसके भित्तर की दुष्टात्मा तै कह्या, "यीशु के नाम तै इस म्ह तै लिकड़ जा।" उसे बखत उस दुष्टात्मा नै उस ताहीं छोड़ दिया। ![](https://cdn.door43.org/obs/jpg/360px/obs-en-47-06.jpg) उस दास्सी छोरी के स्वामी भोत गुस्सा होगे। उन ताहीं पता लग्या के बिना उस दुष्टात्मा के वा दास्सी छोरी लोगां के भविष्य न्ही बता सकै थी। इसका मतलब था के लोग इब उसके स्वामियां नै पैसा न्ही देंगे के वा उन ताहीं भविष्य बताए के उनके गैल के होवैगा। ![](https://cdn.door43.org/obs/jpg/360px/obs-en-47-07.jpg) इस करकै उस दास्सी छोरी के स्वामी पौलुस अर सीलास ताहीं रोमी अधिकारियां के धोरै लेगे। उननै पौलुस अर सीलास ताहीं पीट्या, अर फेर उन ताहीं जेळखान्ने म्ह डाल दिया। ![](https://cdn.door43.org/obs/jpg/360px/obs-en-47-08.jpg) उननै पौलुस अर सीलास ताहीं जेळखान्ने के इसे हिस्से म्ह रख्या जड़ै सबतै घणे सिपाही थे। उरै ताहीं के उननै उनके पैरां नै लाकड़ी के बड़े टुकड़यां म्ह जोड़ दिया। पर पौलुस अर सीलास आध्धी रात के बखत, परमेसवर की स्तुति के गीत गा रह्ये थे। ![](https://cdn.door43.org/obs/jpg/360px/obs-en-47-09.jpg) अचानक तै, एक भयानक भूकम्प होया! जेळखान्ने के सारे दरबाजे खुलगे, अर सारे कैदियां की जंजीरां खुलकै गिरगी। ![](https://cdn.door43.org/obs/jpg/360px/obs-en-47-10.jpg) फेर दरोगा जाग ग्या। उसनै देख्या के जेळखान्ने के दरबाजे खुले होये थे। उसनै सोच्या के सारे कैदी बचकै भाजगे थे। वो डर ग्या के उनके भाग जाण के कारण रोमी अधिकारी उस ताहीं मार डालैगे, इस करकै वो खुद ताहीं मार डालण के खात्तर तैयार हो ग्या! पर पौलुस उसनै देखकै चिल्लाया, "रुक जा! खुद ताहीं नुकसान ना पोहचा। हम सारे उरै ए सां।" ![](https://cdn.door43.org/obs/jpg/360px/obs-en-47-11.jpg) उस दरोगा नै काँम्बदे होये पौलुस अर सीलास के धोरै आकै पूच्छ्या, "उद्धार पाण के खात्तर मैं के करूँ?" पौलुस नै जवाब दिया, "प्रभु यीशु पै बिशवास कर, तो तू अर तेरा घराणा उद्धार पावैगा।" फेर वो दरोगा पौलुस अर सीलास ताहीं अपणे घर ले ग्या अर उनके घावां ताहीं धोया। पौलुस नै उसके घर के सारे लोगां ताहीं यीशु के बारै म्ह खुश खबरी सुणाई। ![](https://cdn.door43.org/obs/jpg/360px/obs-en-47-12.jpg) दरोगा अर उसके पूरे परिवार नै यीशु पै बिशवास करया, ज्यातैं पौलुस अर सीलास नै उन ताहीं बपतिस्मा दिया। फेर दरोगा नै पौलुस अर सीलास ताहीं भोजन करवाया, अर वे एक साथ आनन्दित होये। ![](https://cdn.door43.org/obs/jpg/360px/obs-en-47-13.jpg) आगले दिन नगर के अगुव्यां नै पौलुस अर सीलास ताहीं जेळखान्ने तै आजाद कर दिया अर फिलिप्पी तै चले जाण के खात्तर कह्या। पौलुस अर सीलास लुदिया अर कुछ दोस्तां तै मिले अर उसके बाद नगर तै लिकड़गे। यीशु के बारे म्ह खुश खबरी फैलदी गई, अर कलीसिया बढ़दी गई। ![](https://cdn.door43.org/obs/jpg/360px/obs-en-47-14.jpg) पौलुस अर मसीही अगुव्यां नै भोत से नगरां म्ह सफर करया। उननै लोगां ताहीं यीशु के बारै म्ह खुश खबरी सुणाई। उननै कलीसियां के बिशवासियां ताहीं उत्साहित करण अर शिक्षा देण के खात्तर कई चिट्ठी भी लिख्खी। इन म्ह तै कुछ चिट्ठी बाइबल की पुस्तकां बणगी। प्रेरितों के काम 16:11-40 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_47_256kbps.mp3 ## 48. यीशु ए वादा करया होया मसीह सै https://openbiblestories.org/l/bgc/story-48/ ![](https://cdn.door43.org/obs/jpg/360px/obs-en-48-01.jpg) जिब परमेसवर नै संसार ताहीं बणाया तो सारा किमे आच्छा था। कोए पाप न्ही था। आदम अर हव्वा एक दूसरे ताहीं प्यार करै थे, अर वे परमेसवर तै प्यार करै थे। कोए बीमारी या मौत न्ही थी। परमेसवर इसे ए संसार ताहीं चाहवै था। ![](https://cdn.door43.org/obs/jpg/360px/obs-en-48-02.jpg) शैतान नै साँप के जरिये तै बाग म्ह हव्वा तै बात करी, क्यूकें वो उस ताहीं धोक्खा देणा चाहवै था। फेर हव्वा अर आदम नै परमेसवर के खिलाप पाप करया। क्यूकें उननै पाप करया था इस करकै धरती पै रहण आळे सारे माणस मरै सैं। ![](https://cdn.door43.org/obs/jpg/360px/obs-en-48-03.jpg) क्यूकें आदम अर हव्वा नै पाप करया था, इस करकै कुछ और भी बुरा होया। वे परमेसवर के दुश्मन बणगे। जिसके कारण, उस बखत तै हर एक माणस नै पाप करया सै। हर एक माणस जन्म तै ए परमेसवर का दुश्मन सै। परमेसवर अर लोगां के बिचाळै शान्ति न्ही थी। पर परमेसवर शान्ति स्थापित करणा चाहवै था। ![](https://cdn.door43.org/obs/jpg/360px/obs-en-48-04.jpg) परमेसवर नै वादा करया के हव्वा का एक वंशज शैतान के सर ताहीं कुचलैगा। उसनै यो भी कह्या के शैतान उसकी एड़ी नै डसैगा। दूसरे शब्दा म्ह, शैतान मसीह ताहीं मार डालैगा, पर परमेसवर उस ताहीं फेर तै जिन्दा कर देवैगा। इसके बाद, मसीह शैतान की शक्ति नै सदा के खात्तर खत्म कर देवैगा। कई साल्लां के बाद, परमेसवर नै जाहिर करया के वो मसीह यीशु सै। ![](https://cdn.door43.org/obs/jpg/360px/obs-en-48-05.jpg) परमेसवर नै उस बाढ़ तै अपणे परिवार नै बचाया जिसनै वो ल्याण आळा था। नूह तै एक किस्ती बणाण के खात्तर कह्या के वो इस तरियां परमेसवर नै उन लोगां ताहीं बचाया जो उस पै बिशवास करै थे। इसे तरियां, वे सारे के सारे परमेसवर के जरिये मार डाले जाण के लायक थे क्यूकें उननै पाप करया था। पर परमेसवर नै उन सारयां ताहीं बचाण के खात्तर यीशु ताहीं भेज्या जो उस पै बिशवास करैं सैं। ![](https://cdn.door43.org/obs/jpg/360px/obs-en-48-06.jpg) सैकड़ां साल्लां ताहीं, याजक परमेसवर के खात्तर बलिदान चढ़ान्दे रहे। यो बतावै सै के लोगां नै पाप करया, अर यो के वे परमेसवर के जरिये उन ताहीं दंडित करे जाण के लायक थे। पर वे बलिदान उनके पापां ताहीं माफ न्ही कर सकै थे। यीशु सबतै बड़ा महायाजक सै। उसनै वो करया जो कोए याजक न्ही कर सकै था। उसनै वो एकमात्र बलिदान होण के खात्तर खुद ताहीं दे दिया जो हर किसे के पापां नै मिटा सकै था। उसनै स्वीकार करया के परमेसवर उन सारे के पापां के खात्तर उसनै दंडित करै। इस करकै, यीशु सिद्ध महायाजक था। ![](https://cdn.door43.org/obs/jpg/360px/obs-en-48-07.jpg) परमेसवर नै अब्राहम तै कह्या, "मैं तेरे द्वारा संसार के सारे कुलां नै आशीष दयूगां।" यीशु इसे अब्राहम का वंशज था। परमेसवर अब्राहम के जरिये तै सारे कुलां नै आशीष देवै सै, क्यूकें जो यीशु पै बिशवास करै सैं परमेसवर उन सारयां नै पाप तै बचावै सै। जिब ये लोग यीशु पै बिशवास करैं सैं, तो परमेसवर उन ताहीं अब्राहम के वंशज मान्नै सै। ![](https://cdn.door43.org/obs/jpg/360px/obs-en-48-08.jpg) परमेसवर नै अब्राहम तै कह्या के वो अपणा निज बेट्टा, उसके खात्तर बलिदान कर दे। पर फेर परमेसवर नै इसहाक के बदले म्ह बलि करण के खात्तर एक मेमना दिया। हम सारे अपणे पापां के खात्तर मार डाले जाण के लायक थे! पर परमेसवर ने म्हारी जगहां पै मरण के खात्तर यीशु ताहीं बलिदान के रूप म्ह दिया। इसे कारण तै हम यीशु नै परमेसवर का मेमना कहवां सां। ![](https://cdn.door43.org/obs/jpg/360px/obs-en-48-09.jpg) जिब परमेसवर नै मिस्र पै आखरी विपत्ति भेज्जी तो उसनै हर एक इस्राएली परिवार तै कह्या के वे एक मेमने की बलि करैं। उस मेमने म्ह कोए दोष न्ही होणा चाहिए। फेर अपणे दरवाजे की चौखट के उप्पर अर बगलां म्ह उननै उसके लहू ताहीं लगाणा था। जिब परमेसवर नै उस लहू ताहीं देख्या तो वो उनके घरां तै आग्गै बढ़ ग्या अर उनके पहलौठ्या बेट्यां ताहीं न्ही मारा। जिब यो होया तो परमेसवर नै इसनै फसह का त्यौहार कह्या। ![](https://cdn.door43.org/obs/jpg/360px/obs-en-48-10.jpg) यीशु फसह के त्यौहार के एक मेमने की तरियां सै। उसनै कदे पाप न्ही करया, इस करकै उस म्ह कुछ भी गलत न्ही था। वो फसह के त्यौहार के बखत पै मरया। जिब कोए यीशु पै बिशवास करै सै, फेर यीशु का लहू उस माणस के पापां की कीमत चुकावै सै। यो इसा जिस तरियां के परमेसवर उस माणस के धोरै तै आग्गै बढ़ ग्या, क्यूकें वो उसनै दण्ड न्ही देवै सै। ![](https://cdn.door43.org/obs/jpg/360px/obs-en-48-11.jpg) परमेसवर नै इस्राएली लोगां के गैल एक करार करया, क्यूकें वे इसे लोग थे जिन ताहीं परमेसवर नै अपणा होण के खात्तर चुण्या था। पर इब परमेसवर नै एक इसा करार करया सै जो के सारयां खात्तर सै। जै किसे भी जाति का कोए भी माणस इस नये करार ताहीं स्वीकार करै सै, तो वो परमेसवर के लोगां म्ह शामिल हो जावै सै। वो इसा ज्यातैं करै सै क्यूके वो यीशु पै बिशवास करै सै। ![](https://cdn.door43.org/obs/jpg/360px/obs-en-48-12.jpg) मूसा एक इसा भविष्यद्वक्ता था जिसनै परमेसवर के वचन ताहीं बड़ी सामर्थ के गैल प्रचार करया था। पर यीशु सारे भविष्यद्वक्तावां म्ह सबतै बड़ा सै। वो परमेसवर सै, ज्यातैं जो किमे भी उसनै करया अर कह्या वो परमेसवर के काम अर वचन थे। इस करके पवित्र-शास्त्र यीशु ने परमेसवर का वचन कहवै सै। ![](https://cdn.door43.org/obs/jpg/360px/obs-en-48-13.jpg) परमेसवर नै राजा दाऊद तै वादा करया था के राजा के रूप म्ह उसका एक वंशज परमेसवर के लोगां पै सदा के खात्तर शासन करैगा। यीशु परमेसवर का बेट्टा अर मसीह सै, ज्यातैं वो राजा दाऊद का वंशज सै जो सदा के खात्तर राज्य कर सकै सै। ![](https://cdn.door43.org/obs/jpg/360px/obs-en-48-14.jpg) उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_48_256kbps.mp3 ## 49. परमेसवर की नया करार https://openbiblestories.org/l/bgc/story-49/ ![](https://cdn.door43.org/obs/jpg/360px/obs-en-49-01.jpg) एक सुर्गदूत नै एक जवान जनानी मरियम तै कह्या के वा परमेसवर के बेट्टे ताहीं जन्म देवैगी। वा इब्बे कुँआरी थी, पर पवित्र आत्मा उसकै धोरै आया अर वा गर्भवती होई। उसनै एक बेट्टे ताहीं जन्म दिया जिसका नाम उसनै यीशु धरया। ज्यातैं, यीशु परमेसवर अर माणस दोन्नु सै। ![](https://cdn.door43.org/obs/jpg/360px/obs-en-49-02.jpg) यीशु नै भोत से चमत्कार करे जो दिखावैं सैं के वो परमेसवर सै। वो पाणी पै चाल्या अर आँध्धी ताहीं शान्त करया। उसनै भोत से बीमार लोगां ताहीं चंगा करया अर भोत से लोगां म्ह तै दुष्टात्मावां ताहीं लिकाड़या। उसनै मरे होया लोगां ताहीं जिन्दा कर दिया, अर उसनै पाँच रोट्टी अर दो मच्छी नै 5,000 लोगां ताहीं खुवाण के खात्तर पर्याप्त खाणा म्ह बदल दिया। ![](https://cdn.door43.org/obs/jpg/360px/obs-en-49-03.jpg) यीशु एक महान शिक्षक भी था। जो किमे भी उसनै सिखाया, वा उसनै सिद्धता के गैल सिखाया। जो वो लोगां तै करण खात्तर कहवै सै वा उननै करणा चाहिए क्यूकें वो परमेसवर का बेट्टा सै। उदाहरण के खात्तर, उसनै सिखाया के थमनै दुसरयां लोगां ताहीं उसे तरियां तै प्यार करण की जरुरत सै जिस तरियां थम खुद ताहीं प्यार करो सो। ![](https://cdn.door43.org/obs/jpg/360px/obs-en-49-04.jpg) उसनै यो भी सिखाया के थमनै सारी चिज्जां तै घणा अर अपणी संपत्ति तै भी घणा परमेसवर ताहीं प्यार करणा चाहिए। ![](https://cdn.door43.org/obs/jpg/360px/obs-en-49-05.jpg) यीशु नै कह्या के संसार म्ह किसे भी चीज ताहीं पाण तै घणा आच्छा सै परमेसवर के राज्य म्ह होणा। उसके राज्य म्ह थारे प्रवेश करण खात्तर जरुरी सै के परमेसवर थमनै थारे पापां तै बचावै। ![](https://cdn.door43.org/obs/jpg/360px/obs-en-49-06.jpg) यीशु नै कह्या के कुछ लोग उस ताहीं ग्रहण करैगे। परमेसवर उन लोगां ताहीं बचावैगा। पर दूसरे लोग उसनै ग्रहण न्ही करैंगे। उसनै यो भी कह्या के कुछ लोग आच्छी धरती के समान सैं, क्यूकें वे यीशु के बारै म्ह खुश खबरी ताहीं स्वीकार कर लेवैं सैं, अर परमेसवर उन ताहीं बचावै सै। पर कुछ लोग रास्ते की कठोर धरती के समान सैं। परमेसवर का वचन बीज के समान रास्ता पै गिरै सै, पर ओड़ै कुछ भी न्ही उगै सै। ये लोग यीशु के बारै म्ह संदेस ताहीं अस्वीकार कर देवै सैं। वे उसके राज्य म्ह प्रवेश करण तै इंकार कर देवै सैं। ![](https://cdn.door43.org/obs/jpg/360px/obs-en-49-07.jpg) यीशु नै सिखाया के परमेसवर पापियां तै भोत प्यार करै सै। वो उन ताहीं माफ करणा चाहवै सै अर उन ताहीं अपणी संतान बणाणा चाहवै सै। ![](https://cdn.door43.org/obs/jpg/360px/obs-en-49-08.jpg) यीशु नै यो भी बताया के परमेसवर पाप तै नफरत करै सै। क्यूकें आदम अर हव्वा नै पाप करया, ज्यातें उनके सारे वंशजां नै भी पाप करया। इस संसार म्ह रहण आळा हर एक माणस पाप करै सै अर परमेसवर तै दूर सै। हर एक माणस परमेसवर का दुश्मन सै। ![](https://cdn.door43.org/obs/jpg/360px/obs-en-49-09.jpg) पर परमेसवर नै इस संसार म्ह रहण आळे हर एक माणस तै इस तरियां तै प्यार करया: उसनै अपणे एकलौते बेट्टे ताहीं दे दिया ताके परमेसवर उन ताहीं दण्ड ना दे जो उस पै बिशवास करैं सैं। इसके बजाए, वे उसके गैल सदा खात्तर रहवैंगे। ![](https://cdn.door43.org/obs/jpg/360px/obs-en-49-10.jpg) थम मरण के लायक सो, क्यूकें थमनै पाप करया सै। थारे तै परमेसवर का गुस्सा होणा उचित ए सै, इसकी अपेक्षा, वो यीशु पै गुस्सा होया। उसनै यीशु ताहीं क्रूस की मौत देकै दण्ड दिया। ![](https://cdn.door43.org/obs/jpg/360px/obs-en-49-11.jpg) यीशु नै कदे पाप न्ही करया, पर उसनै परमेसवर ताहीं उसनै दण्ड देण दिया। उसनै मर जाणा स्वीकार करया। इस तरियां तै, थारे पापां ताहीं अर इस संसार म्ह रहण आळे हर एक माणस के पापां ताहीं ठा ले जाण खात्तर वो एक सिद्ध बलिदान था। यीशु नै खुद ताहीं परमेसवर खात्तर बलिदान कर दिया, ज्यातै परमेसवर किसे भी पाप ताहीं, उरै ताहीं के भयंकर पापां ताहीं भी माफ करै सै। ![](https://cdn.door43.org/obs/jpg/360px/obs-en-49-12.jpg) भले ए जै थम भोत से आच्छे काम्मं ताहीं करो सो, तो इसके जरिये परमेसवर थमनै न्ही बचावैगा। उसका दोस्त बणण के खात्तर इसा कुछ भी न्ही सै जो थम कर सको सो। इसकी अपेक्षा, थमनै बिशवास करणा सै के यीशु परमेसवर का बेट्टा सै, अर वो थारे बदले म्ह क्रूस पै मर ग्या, अर यो भी के परमेसवर नै उसनै फेर तै जिन्दा कर दिया। जै थम इस पै बिशवास करो, तो परमेसवर थारे पापां की माफी देवैगा। ![](https://cdn.door43.org/obs/jpg/360px/obs-en-49-13.jpg) परमेसवर उस हर एक माणस ताहीं बचावैगा जो यीशु पै बिशवास करै सै अर उसनै अपणा प्रभु स्वीकार करै सै। पर वो उन ताहीं न्ही बचावैगा जो उस पै बिशवास न्ही करैं सैं। यो कोए मायने न्ही रखदा के थम धनी हो या गरीब हो, माणस हो या जनानी हो, बूढ़े हो या जवान हो, या थम कित्त रह्यो सो। परमेसवर थारै तै प्यार करै सै अर चाहवै सै के थम यीशु पै बिशवास करो के वो थारा दोस्त बण सकै। ![](https://cdn.door43.org/obs/jpg/360px/obs-en-49-14.jpg) यीशु थमनै बुला रह्या सै के उस पै बिशवास करो अर बपतिस्मा ल्यो। के थम बिशवास करो सो के परमेसवर का एकलौता बेट्टा, यीशु ए मसीह सै? के थम बिशवास करो सो के थम एक पापी हो अर यो के थम परमेसवर द्वारा थारे ताहीं दंडित किए जाण के लायक हो? के थम बिशवास करो सो के थारे पापां ताहीं मिटाण के खात्तर यीशु क्रूस पै मरया? ![](https://cdn.door43.org/obs/jpg/360px/obs-en-49-15.jpg) जै थम यीशु पै अर जो उसनै थारै खात्तर करया सै उस पै बिशवास करो सो, तो थम एक मसीही सो! शैतान अपणे अंधकार के राज्य म्ह इब थारै पै शासन न्ही करै सै। इब परमेसवर अपणे प्रकाश के राज्य म्ह थारै पै शासन करै सै। उसनै थारै ताहीं पाप करण तै रोक दिया सै, जिसनै थम करया करै थे। उसनै थारै ताहीं एक नया, उचित जीवन दिया सै। ![](https://cdn.door43.org/obs/jpg/360px/obs-en-49-16.jpg) जै थम एक मसीही सो तो जो यीशु नै करया सै उसके कारण परमेसवर नै थारे पापां ताहीं माफ कर दिया सै। इब, परमेसवर एक दुश्मन की अपेक्षा थमनै एक खाश दोस्त मान्नै सै। ![](https://cdn.door43.org/obs/jpg/360px/obs-en-49-17.jpg) जै थम परमेसवर के दोस्त हो अर प्रभु यीशु के सेवक हो तो थम उन बात्तां का पालन करण की इच्छा करोगे जो यीशु थमनै सिखावै सै। भले ए थम एक मसीही सो, शैतान इब भी पाप करण के खात्तर थारी परीक्षा करैगा। पर परमेसवर सदा वो करै सै जो वो कहवै सै के वो करैगा। वो कहवै सै के जै थम अपणे पापां ताहीं मान ल्यो, तो वो थारे ताहीं माफ कर देवैगा। वो थमनै पाप के खिलाप लड़ण का सामर्थ देवैगा। ![](https://cdn.door43.org/obs/jpg/360px/obs-en-49-18.jpg) परमेसवर थारे ताहीं प्रार्थना करण अर उसके वचन ताहीं पढ़ण खात्तर कहवै सै। वो थमनै दुसरे बिशवासियां के गैल मिलकै उसकी आराधना करण के खात्तर भी कहवै सै। थमनै दुसरे लोगां ताहीं भी बताणा सै के उसनै थारै खात्तर के करया सै। जै थम इन सारे काम्मां ताहीं करो, तो थम उसके एक पक्के दोस्त बण ज्योगे। रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_49_256kbps.mp3 ## 50. यीशु वाप्पस लौटै सै https://openbiblestories.org/l/bgc/story-50/ ![](https://cdn.door43.org/obs/jpg/360px/obs-en-50-01.jpg) लगभग 2,000 साल्लां तै, संसार म्ह सारी जगहां पै भोत घणे लोग मसीह यीशु के बारै म्ह खुश खबरी ताहीं सुण रह्यें सैं। कलीसिया उन्नति कर रह्यी सै। यीशु नै वादा करया के वो संसार के आखर म्ह वाप्पस लौटैगा। तो भी वो इबे वाप्पस न्ही आया सै, तौभी वह अपने वादे ताहीं पूरा करैगा। ![](https://cdn.door43.org/obs/jpg/360px/obs-en-50-02.jpg) जिब के हम यीशु के वाप्पस बोहड़ण की बाट देख्खां सां, परमेसवर म्हारे तै इस तरियां तै जीवन जीण की इच्छा करै सै जो पवित्र सै अर जो उसका आदर करै सै। जिब यीशु धरती पै रह रह्या था फेर उसनै कह्या, "मेरे चेले संसार भर म्ह सारी जगहां के लोगां ताहीं परमेसवर के राज्य के बारै म्ह खुश खबरी प्रचार करैंगे, अर फेर अंत आ जावैगा।" ![](https://cdn.door43.org/obs/jpg/360px/obs-en-50-03.jpg) भोत सी जातियां नै इब ताहीं यीशु के बारै म्ह न्ही सुण्या सै। सुर्ग तै लौट जाण ते पैहल्या, यीशु ने मसीहियां तै उन लोगां ताहीं खुश खबरी सुनाण ताहीं कह्या जिन ताहीं इसनै कदे न्ही सुण्या सै। उसनै कह्या, "जाओ अर सारी जातियां के लोगां नै चेला बणाओ!" अर "कटाई करण खात्तर खेत पक्क चुके सैं!" ![](https://cdn.door43.org/obs/jpg/360px/obs-en-50-04.jpg) यीशु नै यो भी कह्या, "किसे माणस का सेवक अपणे स्वामी तै बड़ा न्ही होन्दा। इस संसार के खाश लोगां नै मेरे ताहीं नफरत करी, अर मेरे कारण वे थमनै भी सतावैंगे अर मार डालैंगे। इस संसार म्ह थम पीड़ित होओगे, पर मज़बूत बणो, क्यूकें मन्नै शैतान ताहीं हरा दिया सै जो इस संसार पै शासन करै सै। जै थम आखर ताहीं मेरे बिशवास लायक बणे रह्यो, तो परमेसवर थमनै बचावैगा!" ![](https://cdn.door43.org/obs/jpg/360px/obs-en-50-05.jpg) यीशु नै अपणे चेल्यां ताहीं यो समझाण के खात्तर एक कहाणी सुणाई के जिब संसार का अंत होवै सै तो लोगां के गैल के होवैगा। उसनै कह्या, "किसे माणस नै अपणे खेत म्ह आच्छा बीज बोया। जिब वो सो रह्या था तो उसका दुश्मन आया अर गेहूँ के बीजां के बीच म्ह जंगळी पौधे के बीजां ताहीं बो दिया, अर फेर वो चल्या गया।" ![](https://cdn.door43.org/obs/jpg/360px/obs-en-50-06.jpg) "जिब पौधे अंकुरित होये तो सेवकां नै उस माणस तै कह्या, 'हे स्वामी, तन्नै तो अपणे खेत म्ह आच्छा बीज बोया था। तो फेर इस म्ह जंगळी पौधे क्यूं सै?' उस माणस नै जवाब दिया, 'केवल मेरे दुश्मन ए उन ताहीं बोणा चाहवैंगे। यो मेरा कोए दुश्मन सै जिसनै इसा करया सै।'" ![](https://cdn.door43.org/obs/jpg/360px/obs-en-50-07.jpg) "उन सेवकां नै अपणे स्वामी ताहीं जवाब दिया, 'के मान्नै जंगळी पौध्यां ताहीं उखाड़ देणा चाहिए?' उस स्वामी नै कह्या, 'न्ही। जै थम इसा करोगे तो थम कुछ गेहूँ ताहीं भी उखाड़ द्योगे। कटाई के बखत ताहीं इन्तजार करो। फेर जंगळी पौध्यां ताहीं गट्ठां म्ह कठ्ठा कर ल्यो ताके थम उन ताहीं जळा सको। पर कणक ताहीं मेरे खत्ते म्ह लेकै आओ।'" ![](https://cdn.door43.org/obs/jpg/360px/obs-en-50-08.jpg) चेल्यां नै इस कहाणी के मतलब ताहीं न्ही समझ्या, ज्यातैं उननै यीशु तै उन ताहीं समझाण की बिनती करी। यीशु नै कह्या, "आच्छा बीज बोण आळा माणस मसीह का प्रतिनिधित्व करै सै। खेत संसार का प्रतिनिधित्व करै सै। आच्छा बीज परमेसवर के राज्य के लोगां का प्रतिनिधित्व करै सै।" ![](https://cdn.door43.org/obs/jpg/360px/obs-en-50-09.jpg) "जंगळी पौधे उस दुष्ट माणस, शैतान के लोगां का प्रतिनिधित्व करै सैं। उस माणस का दुश्मन शैतान का प्रतिनिधित्व करै सै, जिसनै जंगळी पौध्यां ताहीं बो दिया था। कटाई इस संसार के अंत का प्रतिनिधित्व करै सै, अर कटाई करण आळे परमेसवर के सुर्गदूत्तां का प्रतिनिधित्व करै सैं।" ![](https://cdn.door43.org/obs/jpg/360px/obs-en-50-10.jpg) "जिब संसार का अंत होवैगा फेर सुर्गदूत उन सारे लोगां ताहीं एक साथ कठ्ठ करैगा जो शैतान के सैं। वे सुर्गदूत उन ताहीं एक भोत ए गर्म आग म्ह फेंक देंवैगे। ओड़ै वे लोग भयंकर सताव म्ह रोवैंगे अर अपणे दाँत पीसैंगे। पर जो लोग धर्मी सैं, जिन ताहीं यीशु का अनुसरण करया सै, वे उनके परमेसवर पिता के राज्य म्ह सूरज के समान चमकैंगे।" ![](https://cdn.door43.org/obs/jpg/360px/obs-en-50-11.jpg) यीशु नै यो भी कह्या के वो संसार का अंत होण तै पैहल्या धरती पै लौटैगा। वो उसे तरीका तै वाप्पस आवैगा जिस तरियां वो गया था। यानिके, उसके धोरै वास्तविक शरीर होवैगा, अर वो आकास म्ह बाद्दल पै सवार होकै आवैगा। जिब यीशु लौटै सै, तो हर एक मसीही जो मर चुके सैं मरे होयां म्ह तै जी उठैंगे अर उसतै आकास म्ह मिलैंगे। ![](https://cdn.door43.org/obs/jpg/360px/obs-en-50-12.jpg) फेर जो मसीही इब भी जिन्दा सै वे आकास म्ह उठा लिए जावैंगे अर उन दूसरे मसीहियां के गैल शामिल हो जावैंगे जो मरे होयां म्ह तै जी उठै सै। वे सारे ओड़ै यीशु के गैल होंवैंगे। उसके बाद, यीशु अपणे लोगां के गैल रहवैगा। जिब वे एक साथ रहवै सैं तो उनके धोरै सदा के खात्तर पूरी शान्ति होवैगी। ![](https://cdn.door43.org/obs/jpg/360px/obs-en-50-13.jpg) यीशु नै उस पै बिशवास करण आळे हर एक माणस ताहीं एक मुकुट देण का वादा करया सै। वे सदा के खात्तर परमेसवर के गैल हर एक चीज पे शासन करैंगे। उनके धोरै सिद्ध शान्ति होवैगी। ![](https://cdn.door43.org/obs/jpg/360px/obs-en-50-14.jpg) पर परमेसवर उन सारयां का न्याय करैगा जो यीशु पै बिशवास न्ही करै सैं। वो उन ताहीं नरक म्ह डाल देवैगा। ओड़ै वे रोवैंगे अर अपणे दाँत पीसैंगे, अर वे सदा पीड़ित होन्दे रहवैंगे। कदे ना बुझण आळी आग उन ताहीं लगातार जळादी रहवैगी, अर कीड़े उन ताहीं खाण तै कदे न्ही रुकैंगे। ![](https://cdn.door43.org/obs/jpg/360px/obs-en-50-15.jpg) जिब यीशु लौटै सै, तो वो पूरी तरियां तै शैतान ताहीं अर उसके राज्य ताहीं नष्ट कर देवैगा। वो शैतान ताहीं नरक म्ह डाल देवैगा। ओड़ै शैतान सदा के खात्तर जळदा रहवैगा, उन सारे के गैल जिन ताहीं परमेसवर की बात्तां ताहीं मानण के बजाए शैतान के पिच्छै चालण का चुनाव करया था। ![](https://cdn.door43.org/obs/jpg/360px/obs-en-50-16.jpg) क्यूकें आदम अर हव्वा नै परमेसवर की अनाज्ञाकारिता करी थी अर पाप ताहीं इस संसार म्ह लेकै आए थे, परमेसवर नै उस ताहीं श्राप दिया अर उसनै नाश करण का फैसला करया। पर किसे दिन परमेसवर एक नए सुर्ग अर एक नये धरती की रचना करैगा जो सिद्ध होंगे। ![](https://cdn.door43.org/obs/jpg/360px/obs-en-50-17.jpg) यीशु अर उसके लोग उस नई धरती पै रहवैंगे, अर वो सदा के खात्तर सारी चिज्जां पै राज करैगा। वो लोगां की आँख्यां तै हर एक आँसू ताहीं पोंछ देवैगा। इब कोए भी पीड़ित या दुःखी न्ही होवैगा। वे रोवैंगे न्ही। वे बीमार न्ही होंवैंगे या मरैंगे न्ही। अर ओड़ै कुछ भी बुराई न्ही होवैगी। यीशु अपणे राज्य पै न्यायपूर्वक, अर शान्ति के गैल राज करैगा। वो सदा के खात्तर अपणे लोगां के गैल रहवैगा। मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 से एक बाइबल की कहानी Audio: https://git.door43.org/translationCore-Create-BCS/bgc_obs/releases/download/v1/bgc_obs_v1_50_256kbps.mp3