# unfoldingWord Open Bible Stories — Bagri

- Language code: `bgq`
- Canonical page: https://openbiblestories.org/l/bgq/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bagri translation; it is not a translation of the whole Bible.

## 1. परमेशवर दवारा संसार गौ बणाऔ जाणौ

https://openbiblestories.org/l/bgq/story-1/

![](https://cdn.door43.org/obs/jpg/360px/obs-en-01-01.jpg)

ईं तरिआँ शरूआत मै परमेशवर सारे संसार गि सृष्टि करी। बण छ;ह दिना मै संसार अर झीको की बिंगै मा हो सृष्टि करी। जद परमेश्वर रच़ना करी बिं समय अंधेरो अर धरती खाली ही, क्योंकि अब तांई परमेश्वर बीगं मां कोई भी चीज कोनी बणाई।पर परमेश्वर गो आत्मा पाणी गै ऊपर घुमतो हो।

![](https://cdn.door43.org/obs/jpg/360px/obs-en-01-02.jpg)

फेर परमेश्वर केऔ, ‘चानण’ होज! अर चानण होगेओ।फेर परमेश्वर देखेओ चानण आछौ हे अर बिण ‘दिन’ केओ। अर बिण अंधेर मुं अलग करेओ अर बिण रात केऔ। परमेश्वर सृष्टि करण गै पहले दिन चनण गि रचना करि।

![](https://cdn.door43.org/obs/jpg/360px/obs-en-01-03.jpg)

सृष्टि करण गै दुसर दिन परमेश्वर केऔ, “पाणी गै ऊपर अन्‍तर होज।” अर अन्‍तर हो गेओ। परमेश्वर बीं अन्‍तर नै ‘आकाश’ केओ।

![](https://cdn.door43.org/obs/jpg/360px/obs-en-01-04.jpg)

तीसर दिन परमेश्वर केओ, “पाणी एक जगह पर इकट्ठा होज अर सूखी जमिन दिख।” बण सूखी जमिन नै ‘पृथ्वी’ केओ अर पाणी नै ‘समुद्र’ केओ। परमेश्वर देखेओ के आछो है।

![](https://cdn.door43.org/obs/jpg/360px/obs-en-01-05.jpg)

फेर परमेश्वर केओ, “पृथ्वी सारा तरीआ गा पेड़ अर पौधा उगावै।“ अर बीया ही होगेआ। परमेश्वर देखेओ झीको की बण बणाओ हो बो आच्‍छो हो।

![](https://cdn.door43.org/obs/jpg/360px/obs-en-01-06.jpg)

सृष्टि करण गै चौथ दिन परमेश्वर केओ, “आकाश मै ज्योतियाँ होवै।” अर सूर्य, चंद्रमा अर तारागण प्रकट होगेआ। परमेश्वर बान पृथ्वी पर चानण देण खातिर दिन अर रात, मौसमां अर सांला मै भेद करण खातिर बणाओ।

![](https://cdn.door43.org/obs/jpg/360px/obs-en-01-07.jpg)

पाँचवं दिन परमेश्वर केओ, "जीवित प्राणी पाणी मै भर जावै अर आकाश मै पक्षी उडै।” ई तरिंयां परमेश्वर पाणी मै तेरण आला सार जन्तुओं अर पक्षियों नै बणाओ। परमेश्वर देखेओ के सारो कि आछो है अर परमेश्वर बान बर्कत देई।

![](https://cdn.door43.org/obs/jpg/360px/obs-en-01-08.jpg)

सृष्टि करण ग छठवें दिन परमेश्वर केओ, “जमीन पर रेण आला सारी तरिंयां गा जानवर होवै।” अर परमेश्वर गै केण तरिंयां हो गेओ। कीं जानवर पालतू हा, कीं जमीन पर रेंगण आला, कीं जानवर जंगली हा।” अर परमेश्वर देखेओ के आच्‍छो है।

![](https://cdn.door43.org/obs/jpg/360px/obs-en-01-09.jpg)

फेर परमेश्वर केओ, “आओ आपां आदमी ने आपणे रुप मै अर आपणी समानता मै बणावां। बो पृथ्वी अर सारे जानवरां पर राज करगो।”

![](https://cdn.door43.org/obs/jpg/360px/obs-en-01-10.jpg)

परमेश्वर मिट्टी लेगै बिमुं आदमी बणाऔ अर बिमे जीवन गो सांस फुंक दिओ बो एक जिंदा मनुष्‍य बण गेयौ। ईं मनुष्‍य गो नाम आदम हो परमेश्वर आदम गे रेण खातीरा ऐक बगीचो बणाओ अर बिंगी देखभाल करन खातिर आदम नै रख दिओ।

![](https://cdn.door43.org/obs/jpg/360px/obs-en-01-11.jpg)

बिं बगीच गै बिच मै परमेश्वर दो खास पेङ ल़गाआ, जीवन गौ पेङ अर भले अर बुरे गै ज्ञान परमेश्वर आदम नै केओ के बिं बगीच गै जीवन गौ पेड़ अर भले अर बुर गै ज्ञान गै पेड़ नै छोड़ गै अन्य किं भी पेड़ गौ फल खा सक है। जे बिं पेड़ गौ फल खाओ गौ तो तु मर जावगौ।

![](https://cdn.door43.org/obs/jpg/360px/obs-en-01-12.jpg)

फेर परमेश्वर केओ, “आदमी गो ऐकलो रेणो ठिक कोनी।” पर कोई जानवर आदम गो साथी ना हो सकेओ।

![](https://cdn.door43.org/obs/jpg/360px/obs-en-01-13.jpg)

ईं खातिर परमेश्वर आदम ने गहरी नींद में सुला दिओ। फेर परमेश्वर आदम गी एक पसली लेगे बिमुं एक स्त्री गी रचना करी अर बिन आदम गे कने लेगे आओ।

![](https://cdn.door43.org/obs/jpg/360px/obs-en-01-14.jpg)

जद आदम बिन देखेऔ तो बण केओ, “कम मुं कम आ तो मेर झिसी है। आ 'स्त्री' कवावगी, क्योंकि आ आदम मुं बणाई गेई है।” ईं कारण आदमी आपण माता-पिता नै छोड़ देअ है अर आपणी पत्नी गै सागै एक होजै है।

![](https://cdn.door43.org/obs/jpg/360px/obs-en-01-15.jpg)

परमेश्वर आदमी नै अर स्त्री नै आपण रूप में बणाओ। परमेश्वर बानै बरकत देई अर केऔ, “बहुत सारी संतानां अर पोता-परपोत पेदा करो अर पृथ्वी भर देओ!" अर परमेश्वर देखेऔ के झीको कीं मै बणओ है बङो आच्छा हौ, अर परमेश्वर बामुं बङो खुश। औ सारौ कीं सृष्टि करण गै छठवें दिन होऔ।

![](https://cdn.door43.org/obs/jpg/360px/obs-en-01-16.jpg)

जद सातवों दिन आऔ तो झिकौ किं परमेश्वर करे आवै हौ बणै सारा कामां नै समाप्त करेऔ। परमेश्वर सातवं दिन नै बर्कत दि अर बिं दिन नै पवित्र ठहराऔ,क्योंकि परमेश्वर बिं दिन सारी चीजां गी सृष्टि करण नै समाप्त करेऔ हौ। ईं तरिंयां परमेश्वर संसार गी अर झिकौ किं बिंग मां हौ सृष्टि करी।

*उत्‍पति अध्‍याय 1-2 मुँ बाईबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_01_128kbps.m4a

## 2. पाप गो संसार मै आणौ

https://openbiblestories.org/l/bgq/story-2/

![](https://cdn.door43.org/obs/jpg/360px/obs-en-02-01.jpg)

आदम अर बिंगी पत्नी परमेश्वर द्वारा बां खातीर बणांआ गेआ बी सुणै बगीचा मै रेंता होआ बोत खुश हा। बांग मांऊ कोई कपङा कौनी घालतो हौ, फेर भी आ बात बांग माऊ किन भी शर्मिन्दा कौनी करती हि, क्योंकि संसार में पाप कौनी हों। बे हर रोज बगीच मै घुमता अर परमेश्वर सागै बात करता हा।

![](https://cdn.door43.org/obs/jpg/360px/obs-en-02-02.jpg)

पर बगीच मै एक सांप हौ। बौ बोत चलाक हौ। बणै बीं स्त्री नै पुछेऔ, “के सच्‍ची परमेश्वर थानै ईं बगीच मुँ कोई भी पेड़ गौ फल खाण ने रोकेयौ है?”

![](https://cdn.door43.org/obs/jpg/360px/obs-en-02-03.jpg)

स्त्री उत्तर दिओ, “परमेश्वर मांनै केऔ है मैहं बीं भलै अर बुरै गै ज्ञान गै पेड़ गै अलावा कोई भी पेड़ गौ फल खा सकुं हुं। परमेश्वर केऔ है जे थे बिं पेङ गौ फल खाऔ जे छुऔ भी, तो थे मर जाओगा।"

![](https://cdn.door43.org/obs/jpg/360px/obs-en-02-04.jpg)

सांप स्त्री ने जवाब दिओ, औ सच कौनी है! थै कौनी मरोगा। परमेश्वर जाणै है कै जिआं ही थै बीं फल नै खाओगा, थै परमेश्वर गै समान हो जाओगा अर परमेश्वर गै समान भले अर बुरे नै समझण लागजौगा।”

![](https://cdn.door43.org/obs/jpg/360px/obs-en-02-05.jpg)

स्त्री देखेओ के बौ फल मनभावना अर स्वादिष्ट दिखे है। बा भी समझदार बणणो चाहंती ही, ईं खातिर बणै फल नै तोड़ गै खा लिऔ। फेर बणै आपण पति नै झिको बिंग साग हो बौ फल दिऔ अर बण भी खा लिऔ।

![](https://cdn.door43.org/obs/jpg/360px/obs-en-02-06.jpg)

अचानक ही, बांगी आँखेंआं खुल गी, अर बानै ठा लागेऔ के मै नंगा हां। बां पत्‍तां नै एक सागै सिलगै बांगा कपड़ा बणागै बामुं आपण शरीरां नै ढाँकण गी कोशिश करी।

![](https://cdn.door43.org/obs/jpg/360px/obs-en-02-07.jpg)

फैर आदमी अर बिंगि पत्नी बिं बगीच मै टहलता हौआ परमेश्वर गी आवाज सुणी। बै दोनुं परमेश्वर मुं लुक गैआ। फैर परमेश्वर आदम नै आवाज लगाई, "तू कठ है?" आदम जवाब दिऔ, "मैं थानै बगीच में टहलतै हौअ सुणेऔ, अर मैं डर गैऔ हौ, क्योंकि मैं नंगौ हौ। ईं खातीर मैंह लुक गैऔ।"

![](https://cdn.door43.org/obs/jpg/360px/obs-en-02-08.jpg)

फैर परमेश्वर पुछैऔ, "तनै कणै बताऔ कै तू नंगौ है? कै तुं बौ फल खाऔ है झिको खाण खातिर मै थानै रौकेऔ हौ?” आदमी जवाब दिऔ, “थै मन झीकी स्त्री दी है बण ही मनै बौ फल दिऔ है।" फैर परमेश्वर स्त्री नै पूछेऔ, "तुं औ कै करेऔ है?" बा स्त्री बोली, "साँप मनै धोखौ दिऔ है।"

![](https://cdn.door43.org/obs/jpg/360px/obs-en-02-09.jpg)

परमेश्वर साँप नै केऔ, “तू शापित है! तू पेट गै बल चालगौ अर मिट्टी चाटगौ। तू अर आ स्त्री एक दूसरे मुं नफरत करौगा, अर तेरी संतानां अर बींगी संतानां भी एक दूसर मू नफरत करगी। ईं स्त्री गौ वंश तेरै सिर नै कुचलेगा, अर तूं बांगी एड़ी डसगौ।"

![](https://cdn.door43.org/obs/jpg/360px/obs-en-02-10.jpg)

फैर परमेश्वर बीं स्त्री नै कैऔ, "मैं तेरै संतान जन्माण नै बहौत पीड़ादायक करूँगा। तू आपणै पति मुं लालसा करगी, अर बौ तेरै ऊपर राज करगौ।"

![](https://cdn.door43.org/obs/jpg/360px/obs-en-02-11.jpg)

परमेश्वर बिं आदमी नै केऔ, "तू अपणी पत्नी गी बात सुणी है अर मेरी आज्ञा कोनी मानी। ईं खातिर जमीन शापित होई है, अर तन भोजन उगाण खातिर कठिन परिश्रम करण गी आवश्यकता होवगी। अब तू मर जावगौ, अर तेरो शरीर मिट्टी में मिल जावगौ। “बिं आदमी आपणी पत्नी गौ नाम हव्वा राखेऔ, जिंगौ मतलब है "जीवन देण आली", क्योंकि बा सारी जातियों गी माता होवगी। अर परमेश्वर आदम नै अर हव्वा नै जानवर गी खाल गा बणेआ कपडा पहनाआ।

![](https://cdn.door43.org/obs/jpg/360px/obs-en-02-12.jpg)

फेर परमेश्वर केऔ, "अब भलै अर बुरै नै जाणंगे आदमी माहरौ जिसो हो गेऔ है, इ खातिर बानं जीवन गै पेड़ गो फल कोनी खाण देणो है कि बै सदा खातिर जीवित ना रेवै।" ईं खातिर परमेश्वर आदम अर हव्वा नै बिं बगीच मुं बाहर निकाल दिऔ। अर परमेश्वर कीण भी बिं जीवन ग पेड़ गौ फल खाण मु रोकण खातिर बिं बगीचे गै प्रवेशद्वार पर शक्तिशाली स्वर्गदूतां बैठा दिओ।

*उत्पत्ति अध्याय 3 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_02_128kbps.m4a

## 3. बाढ़ गो आणौ

https://openbiblestories.org/l/bgq/story-3/

![](https://cdn.door43.org/obs/jpg/360px/obs-en-03-01.jpg)

बहोत समय बाद, संसार मै बहुत सा लोग रेन्‍ता हा। बै बडा ही दुष्ट अर हिंसा करण आला हो गेआ। ओ ईतो बुरो होओ कै परमेश्वर एक बड़ी बाढ़ मुँ ईं पूर संसार नै नष्ट करण गो फेसलो करेओ।

![](https://cdn.door43.org/obs/jpg/360px/obs-en-03-02.jpg)

पर परमेश्वर नूह मुँ खुश हो। बो दुष्ट आदमीयां मुँ एक धर्मी आदमी हो। परमेश्वर नूह नै बताओ कै बो एक बडी बाढ़ नै लेगे आण आलो है। ईं खातिर, नूह नै एक बड़ो समुंदरी जहाज बणाण खातिर केओ।

![](https://cdn.door43.org/obs/jpg/360px/obs-en-03-03.jpg)

परमेश्वर नूह नै लगभग 140 मीटर लंबी, 23 मीटर चौड़ी अर 13.5 मीटर ऊँचो जहाज बनाण खातिर केओ। नूह बिन लकड़ी मुँ बनाणो हो अर बीम तीन तल, बहोत सा कमरा, एक छत अर एक खिड़की बणाणी ही। बो जहाज नुह, बांग परिवार, अर जमीन गै हर तरिआँ गा जानवरां न बाढ़ मुँ सुरक्षित राखगो।

![](https://cdn.door43.org/obs/jpg/360px/obs-en-03-04.jpg)

नूह परमेश्वर गी बात मानी। बण अर बागं पुत्र बीआ ही जहाज बणाऔ जियां परमेश्वर बताओ हो। क्योंकि बो जहाज बहोत बड़ो हो ईं खातिर बिन बणाण मै कई साल लागैआ नूह लोगां नै आण आली बाढ़ खातिर बताओ अर बांनै परमेश्वर कानी फीरण गो केओ, पर बां बिगै ऊपर विश्वास कोनी करेओ।

![](https://cdn.door43.org/obs/jpg/360px/obs-en-03-05.jpg)

परमेश्वर नूह अर बीगं परिवार नै आपणै खातिर अर जानवरा खातिर भोजन ईकठो करण गी आज्ञा देदी। जद सारो कि तैयार हो, परमेश्वर नूह नै केओ ओ समय बीग, बीगी पत्नी गै, बीग तीन पुत्रां गा, अर बांगी पत्नियां गा-कुल मीलागे आठ जणा जहाज मै जाणो हो।

![](https://cdn.door43.org/obs/jpg/360px/obs-en-03-06.jpg)

परमेश्वर हर जानवर अर पक्षी गा नर अर मादा नै नूह कंनै भेजेओ की बा जहाज मै जा सकै अर बाढ़ मुँ आप सुरक्षित रेवै। परमेश्वर हिसा हरेक तरिआँ गा जानवरां गा सात नर अर सात मादा ने भेजेओ। जिंन बलि चढ़ाण खातिर उपयोग करेओ जा सकै। जद बे सारा जहाज मै पोंच गेआ तो आप परमेश्वर बिं दरवाज नै बंद करदिओ।

![](https://cdn.door43.org/obs/jpg/360px/obs-en-03-07.jpg)

अर बारिश पड़नी शुरु होगी, अर बारिश पड़ती रेई। बिना रुके चाली दिन अर चाली रातां तक बारिश पड़ती रेई। सारा संसार गी हर एक चीज, हठ तक कि ऊँचा ऊँचा पहाड़ पर्वत पाणी मै डूब गेआ।

![](https://cdn.door43.org/obs/jpg/360px/obs-en-03-08.jpg)

सूखी जमीन पर रेण आली सारी चीजां मरगी, बां लोगां न छोड़गे अर जानवरां न छोड़गे झीका जहाज मै हा। बो जहाज पाणी गै उपर तैरतो रेयो, अर जहाज गै मां आली हर एक चीज नै डूबण मुँ सुरक्षित राखेओ।

![](https://cdn.door43.org/obs/jpg/360px/obs-en-03-09.jpg)

बारिश रुकण गै बाद, पाँच महीना तक बो जहाज पाणी पर तरहो रेयो, अर समय गा चालता पाणी घटणै लागरेओ। एक दिन बो जहाज पहाड़ गी चोटी पर जागे टिकगोयो, पर संसार अब ताईं पाणी मुँ ढकेड़ो हो। तीन महीना बाद, पहाड़ा गी चोटिआं दिखण लागगी।

![](https://cdn.door43.org/obs/jpg/360px/obs-en-03-10.jpg)

फेर और चालीस दिना गै बाद, नूह एक कौवा नै देखण खातिर बारै भेजेओ पाणी के सूख गेओ है। बो कोवा सूखी जमीन गी खोज मै ईन-बीन उड़तो रेओ, पर बीन ईसो कोई स्‍थान कोनी मीलेओ।

![](https://cdn.door43.org/obs/jpg/360px/obs-en-03-11.jpg)

फेर बाद मै नूह एक कबूतरी नै बारै भेजेओ। पर बीनै भी कोई सूखी जमीन कोनी मिली, ई खातिर बो नूह गै कनै वापिस आ गी। एक हफ्‍ता बाद बणै बी कबूतरी नै फेर भेजेओ, अर बो आपगी चोंच मै जैतून गी एक टाणी लेगे वापिस आई। पाणी घटे आवै हो, अर पौधा फेर उगै आवै हा।

![](https://cdn.door43.org/obs/jpg/360px/obs-en-03-12.jpg)

नूह एक हफ्‍ता ताईं ईतंजार करेओ अर तीसरी बार बीं कबूतरी नै बारै भेजेऔ। ईं बारी, बिनै रूकण गौ स्‍थान मिल गेओ अर बो वापिस कोनी आई। पाणी सुके आवै हो।

![](https://cdn.door43.org/obs/jpg/360px/obs-en-03-13.jpg)

दो महीना बाद परमेश्वर नूह न केओ, “अब तू अर तेरो परिवार अर सारा जानवर जहाज मु निकल आओ। बो सारी संताना अर पोता-परपोता पैदा करो अर पृथ्वी भरदेओ।” नूह अर बींगो परिवार जहाज मुँ बारै निकल आया।

![](https://cdn.door43.org/obs/jpg/360px/obs-en-03-14.jpg)

नूह जहाज मुँ बारै आणै गै बाद, बणै एक बलि करण खातिर एक जगह बणाई अर बलि मै उपयोग करण आला हर तरिआँ गा जानवरा मु लेगे बलि चढाई । परमेश्वर बी बलि मु खूश होओ अर नुह अर बींगै परिवार नै बर्कत दी।

![](https://cdn.door43.org/obs/jpg/360px/obs-en-03-15.jpg)

परमेश्वर केओ, “मै प्रतिज्ञा करुँ के आदमीयां द्वारा करेआ जाण आला बुरा कामां गै कारण मै फेर कदे भी जमीन नै श्राप कोनी देऊगा या बाढ़ मु संसार नै खत्‍म कोनी करुगा, पर आदमी पैदा होण मु ही पापी है।

![](https://cdn.door43.org/obs/jpg/360px/obs-en-03-16.jpg)

फेर परमेश्वर आपगी वाचा गै चिन्ह गै रुप मै पैली सात रंगी मेघधनुष नै बणाओ। जद कदी भी आकाश मै सात रंगी मेघधनुष दिखै है, तो परमेश्वर याद करगो के बणै के प्रतिज्ञा करी है अर बींआ ही बीगा लोग याद करगा।

*उत्पत्ति अध्याय 6-8 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_03_128kbps.m4a

## 4. अब्राहम सागै परमेश्वर गी वाचा

https://openbiblestories.org/l/bgq/story-4/

![](https://cdn.door43.org/obs/jpg/360px/obs-en-04-01.jpg)

बाढ़ गै कई सालां बाद, संसार मै बहुत सारा लोग रैया करता, अर बां फैर परमेश्वर गै अर एक दूसरे गै विरुद्ध पाप करैऔ। बो सारा एक भाषा बोलता हा, ई खातिर बो एक सागै इकट्ठा होआ अर संसार नै भर देण नै परमेश्वर गै आदेश नै छोड़गे एक नगर बणाओ।

![](https://cdn.door43.org/obs/jpg/360px/obs-en-04-02.jpg)

बो बोहत घमंडी हा, अर बानं किसो जीवन जीणो है ईं बारे मै बो परमेश्वर गै आदेश गो पालन करणो कोनी चान्‍ता हा। अठ तक की एक ऊच्‍ची जगेआ बणाणी शुरु करदी झीकी स्वर्ग तक पोंचगी। परमेश्वर देखेओ जे आ एक सागै मीलगे बुराई करता रेवगा तो बे बोत सारा पापी कामां नै कर सकै है।

![](https://cdn.door43.org/obs/jpg/360px/obs-en-04-03.jpg)

ईं खातिर बांगी भाषा नै बोत सी अलग-अलग भाषा मै बदल दीओ अर बे लोगां नै सारा संसार मै फेला दीओ। झीक गांव नै बे बणाणो शुरु करेओ हो बो बाबेल अखवायो, जींगो मतलब है ‘गड़बड़ी’।

![](https://cdn.door43.org/obs/jpg/360px/obs-en-04-04.jpg)

कई सौ सालां बाद, परमेश्वर अब्राम नाम गै एक आदमी सागै बात करी। परमेश्वर बीनै केओ, “आपण देश अर परिवार नै छोड़गे बी देश नै जा झीको मै तनै दीखाऊगा। मै तनै बर्कत देऊगा अर तनै एक बड़ी जाति बणाऊगा। मै तेरै नाम नै महान करूँगा। झिको तनै बर्कत देवगो मै बीनै बर्कत देऊगा, झिको तनै श्राप देवगो मै बीनै श्राप देऊगा तेरै कारण संसार गी सारी जातिआ बर्कत पावगी।”

![](https://cdn.door43.org/obs/jpg/360px/obs-en-04-05.jpg)

अब्राम परमेश्वर गी बात नै मानेओ।बण अपण सांरा सेवंका अर आपण सारा धन समेत आपगी पत्नी सारै नै लीओ अर बी देश नै, कनान देश नै जान्‍तो रेओ झीको परमेश्वर बीनै दीखाऔ हो।

![](https://cdn.door43.org/obs/jpg/360px/obs-en-04-06.jpg)

जद अब्राम कनान देश मं पहुँचौ तो परमेश्वर बिन केऔ,“आपगै चाँरा पास देखेऔ।मैं तनै सारो देश देऊगाँ अर तेरा वंशज सदा खातिर ईं पर अधिकार राखगा।”फेर अब्राम बीं देश मै बस गेऔ।

![](https://cdn.door43.org/obs/jpg/360px/obs-en-04-07.jpg)

मलिकिसिदक नाम गो एक आदमी हो झीको सच्‍चा परमेश्वर गो यहुदी याजक हो।एक दिन जद अब्राम युद्ध करण गै बाद आन्‍तो हो तो बो अर अब्राम मिलेआ। मलिकिसिदक अब्राम नै बर्कत दी अर केऔ “सच्‍चो परमेश्वर झीको स्वर्ग अर पृथ्वी गो मालिक है बो तनै बर्कत दैवै।” फेर अब्राम युद्ध मै जीती होई सारी चीजां गो दशमांश मलिकिसिदक नै दिओ।

![](https://cdn.door43.org/obs/jpg/360px/obs-en-04-08.jpg)

कई साल बित गेआ, पर अब ताई अब्राम अर सारै गै कोई संतान कोनी ही। परमेश्वर अब्राम सागै बात करी अर फेर प्रतिज्ञा करी के बींगो एक लड़को पैदा होवगो अर जीयां आकाश गा तारा है बीयां ही बिंगा बोत सा वंशज होवगा। अब्राम परमेश्वर गी प्रतिज्ञा पर विश्वास करेओ। परमेश्वर घोषणा करदी के अब्राम एक धर्मी आदमी हो ई खातिर बणै परमेश्वर गी प्रतिज्ञा पर विश्वास करेओ।

![](https://cdn.door43.org/obs/jpg/360px/obs-en-04-09.jpg)

जद परमेश्वर अब्राम सागै एक वाचा बाँधी।आम रुप मै,एक वाचा दो दलां गै बीच मै एक दूसर गै खातिर कामां न करण गो समझौतो होवै है। परमेश्वर अब्राम सागै बो प्रतिज्ञा तब करी जद अब्राम सो रैऔ हो,फेर भी बो परमेश्वर नै सुण सकै हो। परमेश्वर केऔ,“मै तरी पत्‍नी सारे मुँ तनै तेरो एक खुदगो पुत्र देऊगा।मै तेरा वंशजां नै ओ कनान देश देऊ हुँ। पर अब ताईं अब्राम गै कोई पुत्र कोनी हो।

*उत्पत्ति अध्याय 11-15 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_04_128kbps.m4a

## 5. प्रतिज्ञा गो पुत्र

https://openbiblestories.org/l/bgq/story-5/

![](https://cdn.door43.org/obs/jpg/360px/obs-en-05-01.jpg)

अब्राम अर सारै गै कनान देश पहुँचण गै दस साल बाद, अजै ताईं भी बांगै कनै कोई संतान कौनी ही। ईं खातिर अब्राम गी पत्नी सारै बिण केऔ, “परमेश्वर हजै ताईं मनै संतान जन्माण गो सुख कौनी दियो है अर अब मैं संतान जन्माण गै खातिर बहौत बूढ़ी हूँ, देख, मेरी दासी हाजिरा हठ है। बिंग सागै बिआह कर लै कै बा मेरै खातिर एक संतान पैदा कर सकै।"

![](https://cdn.door43.org/obs/jpg/360px/obs-en-05-02.jpg)

फेर अब्राम हाजिरा मुं बिआह कर लिऔ। हाजिरा गै एक पुत्र जनमैऔ, अर अब्राम बिंगौ नाम इश्माएल राखेऔ। पर सारै हाजिरा मुँ जलण लागगी। जद इश्माएल तेरह सालां गौ हौ, परमेश्वर फेर अब्राम मुँ बात करी।

![](https://cdn.door43.org/obs/jpg/360px/obs-en-05-03.jpg)

परमेश्वर केऔ, "मैं सर्व-शक्तिमान परमेश्वर हूँ। मैं तेरै सागै एक वाचा बाँधूँगा। "अब्राम जमीन पर गिर गै दंडवत करेऔ। परमेश्वर अब्राम मुँ आ भी केऔ, "तू बहुत सारी जातिआँ गौ पिता होवगौ। मैं तनै अर तेरे वंशजों ने बांगी निज जमीन हौण खतीर कनान देश देऊँगा अर मैं सदा खतीर बांगौ परमेश्वर होऊँगा। तुं आपण घराने गै हर आदमी गौ खतनौ करनौ है।"

![](https://cdn.door43.org/obs/jpg/360px/obs-en-05-04.jpg)

“तेरी पत्नी सारै एक पुत्र पैदा करगी-बो प्रतिज्ञा गो पुत्र होवगो। बीगो नाम इसहाक राखणो है। मै बिंगै सगै आपगी वाचा बणागे राखुँगा अर बो एक बड़ी जाति बण जावगो। मैं इश्माएल नै भी बड़ी जाति बणाऊगा, पर मेरी वाचा इसहाक सागै रेवगी।” परमेश्वर अब्राम गो नाम बदलगे अब्राहम कर दिऔ, जींगो मतलब है “बहोतां गो पिता।” परमेश्वर सारै गो नाम बदलगे सारा कर दिऔ, जींगो मतलब है ‘मूलमाता’।

![](https://cdn.door43.org/obs/jpg/360px/obs-en-05-05.jpg)

बीं दिन अब्राहम आपगै घराणा गा सारा आदमी धार्मिक रिवाज गा अनूसार खतनो करेऔ। लगभग एक साल बाद, जद अब्राहम 100 साल गो होगेओ अर सारा 90 साला गी ही, सारा अब्राहम गै पुत्र जन्म दिओ।जीआं परमेश्वर बीन केऔ हो बण बींगो नाम इसहाक राखेओ।

![](https://cdn.door43.org/obs/jpg/360px/obs-en-05-06.jpg)

जद इसहाक जवान होयो तो परमेश्वर ओ केगे अब्राहम गै विश्वास गी परीक्षा करी, “आपग एकलौता पुत्र नै ले, अर मेर खातिर बलि गै रूप मै मार दे।” फेर अब्राहम परमेश्वर गी बात नै मानेओ अर आपग पुत्र नै बलि करण खातिर तैयार करेओ।

![](https://cdn.door43.org/obs/jpg/360px/obs-en-05-07.jpg)

जद अब्राहम अर इसहाक बलि चढ़ाण गी जगह कानी जाण लागेआ तो इसहाक पूछेओ, “हे पिता, मारै कनै बलि खातिर लकड़ियाँ तो है,पर बलि करण खातिर मेमणो कठे है?” अब्राहम जवाब दिओ, “हे मेरा पुत्र, परमेश्वर बलि करण खातिर मेमने गो प्रबंध करेगो।"

![](https://cdn.door43.org/obs/jpg/360px/obs-en-05-08.jpg)

जद बे बलि चढ़ाण गी जगेआ पर पोंचेआ, तो अब्राहम इसहाक नै बाँध गे वेदी पर लिटा दिओ। बो आपग पुत्र नै मारण ही आलो हो कि परमेश्वर केऔ, “रुक जा! लड़का नै नुकसान ना कर! अब मे जाण गेओ हुँ के तू मेरो डर मानै है क्योंकि तू आपग एकलौता पुत्र नै भी मेरै मुँ बचागे कोनी राखेओ।”

![](https://cdn.door43.org/obs/jpg/360px/obs-en-05-09.jpg)

कनै ही अब्राहम एक मेढ़े नै देखेओ झीको झाड़ियाँ मां फसेओ होयो हो। इसहाक गै बदल मै बलि खातिर परमेश्वर मेढ़े गो प्रबंध करेओ। अब्राहम खुशी-खुशी मेढ़े नै बलि चढ़ा दीओ।

![](https://cdn.door43.org/obs/jpg/360px/obs-en-05-10.jpg)

परमेश्वर अब्राहम नै केओ, “क्योंकि तू मेरै खातिर सारो कि देण गी ईछा ही, अठ ताई तू आपण एकलौता पुत्र भी, ईखातिर मै तनै बर्कत देण गी प्रतिज्ञा करुँ। तेरा वंशज आकाश गा तारा मुँ जादा होवगा। तू मेरी आज्ञा नै मानेयो है ई खातिर मै तेरै परिवार गै दवारा संसार गा सारा परिवारा न बर्कत देऊगा।”

*उत्पत्ति अध्याय 16-22 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_05_128kbps.m4a

## 6. परमेश्वर इसहाक खातिर ईंतजाम करै है

https://openbiblestories.org/l/bgq/story-6/

![](https://cdn.door43.org/obs/jpg/360px/obs-en-06-01.jpg)

जद अब्राहम बहोत बड़ो हो गैऔ हौ फैर बिंगौ पुत्र, इसहाक, एक बेयाह गी उर्म गौ हो गेऔ हौ। ईं खातिर अब्राहम आपणै एक सेवक नै आपग पुत्र इसहाक खातिर बिं देश मुँ एक पत्नी लेआण खातिर भैजेऔ झ़ठै बिंगा रिश्तेदार रेंता।

![](https://cdn.door43.org/obs/jpg/360px/obs-en-06-02.jpg)

झठै अब्राहम गा रिश्तेदार रेंता बिं देश नै जाण खतिर एक बड़ी लंबी यात्रा गै बाद परमेश्वर बिं सेवक गी मुलाकात रिबका सागै करवाई। बा अब्राहम गै भाई गी पोती ही।

![](https://cdn.door43.org/obs/jpg/360px/obs-en-06-03.jpg)

रिबका आपग परिवार नै छोड़ गै बिं सेवक गै सागै वापिस जाण खातिर मान गी। जिआँ ही बै घर पहुँचेआ इसहाक बिमुं बिआह कर लिऔ।

![](https://cdn.door43.org/obs/jpg/360px/obs-en-06-04.jpg)

एक लंब समय गै बाद, अब्राहम मर गेऔ। फेर परमेश्वर अब्राहम गा पुत्र इसहाक नै, अब्राहम गै सागै बाँधी वाचा गी वजह मुँ आशीष देई। बिं वाचा मुँ परमेश्वर गी एक प्रतिज्ञा हि के अब्राहम गा अनगिनत वंशज होवगा। पर इसहाक गी पत्नी रिबका गै संतान पैदा कौनि हौई।

![](https://cdn.door43.org/obs/jpg/360px/obs-en-06-05.jpg)

इसहाक रिबका खातिर प्रार्थना करी, अर परमेश्वर जुड़वाँ बचां गौ गर्भ धारण करण गी बरकत दी। जिं समय बै बचा रिबका गै गर्भ मै ही हो बे आपस मै लड़ण लागेआ ईं खातिर झिकौ किं होए आवै हो रिबका बौ परमेश्वर नै बता दिऔ।

![](https://cdn.door43.org/obs/jpg/360px/obs-en-06-06.jpg)

परमेश्वर रिबका नै केऔ, "तू दो पुत्रां नै जन्म देवगी। बांगा वंशज दो अलग-अलग जातियाँ बणगी। बे एक दूसर मुं लडगा। पर बड़ पुत्र मूं पैदा होण आली जाति नै छोट पुत्र मुँ आण आली जाति गी आज्ञा मानणि होवगी।

![](https://cdn.door43.org/obs/jpg/360px/obs-en-06-07.jpg)

जद रिबका गै बचां गौ जन्म हौऔ, तो बडो पुत्र लाल अर रोएँदार हौ, अर बां बिंगौ नाम एसाव राखेऔ। फेर छोटो पुत्र एसाव गी एड़ी नै पकड़े हौए जंमेऔ, अर बां बिंगौ नाम याकूब राखेऔ।

*उत्पत्ति अध्याय 24:1-25:26 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_06_128kbps.m4a

## 7. परमेश्वर याकूब नै बरकत देव है

https://openbiblestories.org/l/bgq/story-7/

![](https://cdn.door43.org/obs/jpg/360px/obs-en-07-01.jpg)

जद बे बच्‍चा बड़ा होया तो याकूब नै घर पर रेणो आच्‍छो लागेओ, पर एसाव नै जानवरां गो शिकार करणो भायो। रिबका याकूब सागै प्‍यार राखेओ, पर इसहाक एसाव मुँ प्‍यार राखतो।

![](https://cdn.door43.org/obs/jpg/360px/obs-en-07-02.jpg)

एक दिन, जद एसाव शिकार करगे वापिस आयो तो बो बोत भुखो हो। “एसाव याकूब नै केओ, झीको तु पकायो है बिगै माऊ थोड़ा भोजन मनै दे।” याकूब जवाब दिओ “पैलां मेरै सागै प्रतिज्ञा कर कि पहलौठो होण कारण हर एक चीजं जो तनै मीलगी, बो सारो मनै देवगो।” एसाव सारि चीजां याकूब नै देण गी प्रतिज्ञा कर दी। जद याकूब बीन कुछ भोजन दिओ।

![](https://cdn.door43.org/obs/jpg/360px/obs-en-07-03.jpg)

इसहाक एसाव नै बर्कत देणो चान्‍तो हो। पर ईमु पेहलां बणै ईया करेओ, रिबका अर याकूब नै एसाव होण गो ढोंग करगे बिग सागै धोखो करेओ। इसहाक बूढो हो अर अब देख कोनी सके हो। ईं खातिर याकूब एसाव गा कपड़ा घालगे अर बकरी गी खाल आपण गले अर हाथां पर लपेट लिओ।

![](https://cdn.door43.org/obs/jpg/360px/obs-en-07-04.jpg)

याकूब इसहाक गै कनै आयो अर केओ, "मैं एसाव हूँ। मैं ई खातिर आयो हूँ कि तू मनै बरकत देय।" जद इसहाक बकरी गै बालां नै महसूस करेयो अर कपड़ा नै सूँघेओ, तो बण सोचेओ के बो एसाव है अर बण बरकत दी।

![](https://cdn.door43.org/obs/jpg/360px/obs-en-07-05.jpg)

एसाव याकूब मुँ जलन करी के याकूब बिगै पैहलां पुत्र गो अधिकार अर सागै बिगी बर्कत नै चोर लीओ हो। बण बिगै पिता गै मरण गै बाद याकूब नै मारण गी योजना बणाई।

![](https://cdn.door43.org/obs/jpg/360px/obs-en-07-06.jpg)

पर रिबका एसाव गी योजना नै सुण लिओ। ई खातिर बणै अर इसहाक याकूब नै बिगै रिश्तेदारां गै सागै रेण खातिर बोत दुर भेजेओ।

![](https://cdn.door43.org/obs/jpg/360px/obs-en-07-07.jpg)

याकूब कई साला तक रिबका गै रिश्तेदारां गै सागै रेओ। बि समय मै बणै बेया कर लिओ अर बारह पुत्र अर एक पुत्री नै जन्माओ। परमेश्वर बणे बोत धनी बणा दिओ।

![](https://cdn.door43.org/obs/jpg/360px/obs-en-07-08.jpg)

बीस सालां तक कनान देश मै आपगै घर मुँ दूर रेण गै बाद, याकूब आपणै परिवार, आपणै सेवकां, अर आपणै जानवरां गै सारा झुंड़ा नै सागै लेगे बठै वापिस आओ।

![](https://cdn.door43.org/obs/jpg/360px/obs-en-07-09.jpg)

याकूब ई खातिर बोत ड़रेड़ो हो क्योंकि बणै सोचेओ के एसाव अब भी बीनै मारणो चावै हो। ई खातिर बिणै उपहार रूप जानवरां गा झुंड़ा नै एसाव कनै भेजेओ। झीको सेवक बी झुंड़ा नै लेगे गेआ हा बे केओ, "तेरो दास याकूब, इन जानवरां नै तनै देवै है। बो जल्दी ही आणै लागरेओ है।"

![](https://cdn.door43.org/obs/jpg/360px/obs-en-07-10.jpg)

पर एसाव अब याकूब नै नुकसान पहुँचाणौ कौनी चांतौ हौ। ईगै बावजुद बौ बिनै दौबारा देख गै बहौत खुश हौ। बिंगै बाद याकूब कनान देश मै आराम मुँ रेऔ। फेर इसहाक मर गेऔ अर याकूब अर एसाव बिनै मिटि देई। वाचा गी प्रतिज्ञा झिकि परमेश्वर अब्राहम सागै करि ही बे अब इसहाक मुँ याकूब पर आगी।

*उत्पत्ति अध्याय 25:27-35:29 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_07_128kbps.m4a

## 8. परमेश्वर यूसुफ अर बिंगै परिवार नै बचाव है

https://openbiblestories.org/l/bgq/story-8/

![](https://cdn.door43.org/obs/jpg/360px/obs-en-08-01.jpg)

कई सालां बाद, जद याकूब बूढो हो गेऔ हौ, तो बणै आपण प्‍यार पुत्र यूसुफ ने बींगै भाइयां गी जाँच करणै खतीर भेजेऔ झिका जानवरां गै झुंडा गी देखभाल करै आवै हा।

![](https://cdn.door43.org/obs/jpg/360px/obs-en-08-02.jpg)

यूसुफ गा भाई बिग साग जलन करता हा क्योंकि बांगो पिता बीगै सागै जादा प्रेम करतो हो अर ई खातिर भी के यूसुफ सपणो देखेओ हो कि बो बांगो राजा हो जावगो। जद यूसुफ आपगै भाइयां कनै गेऔ तो बानै बिणै गुलाम बणा लिऔ अर बणै दासां गो व्यापार करणै आला नै बेच दिऔ।

![](https://cdn.door43.org/obs/jpg/360px/obs-en-08-03.jpg)

घर वापिस लौटण मुँ पेहला यूसुफ गै भाइयां यूसुफ गा कपड़ा फाड़गे बकरी गै खुन मै भिगो दियो। फेर बे बो कपड़ा आपणै पिता नै दिखायो के बो सोचगो के कोई जंगली जानवर यूसुफ नै मार दिओ है। याकूब बोहत उदास हो।

![](https://cdn.door43.org/obs/jpg/360px/obs-en-08-04.jpg)

दासां गो व्यापार करण आला बे लोग यूसुफ नै मिस्र ले गेया। नील नदी गै किनारै पर बसेऔ होयो मिस्र एक विशाल अर शक्तिशाली देश हो। बां दासां गो व्यापार करणै आला यूसुफ नै एक धनी सरकारी अधिकारी नै दास गै रूप में बेच दिओ। यूसुफ आपगै स्वामी गी आच्‍छि तरिआं सेवा करी, अर परमेश्वर यूसुफ नै बरकत देई।

![](https://cdn.door43.org/obs/jpg/360px/obs-en-08-05.jpg)

बिंग स्वामी गी पत्नी यूसुफ गै सागै नाजायज रिशता बणाण गि कोशिश करी, पर यूसुफ ईं रीति मुँ परमेश्वर गै खिलफ पाप करण मुँ इंकार कर दिऔ।बा गुस्‍सौ हो गई अर यूसुफ पर झूठो आरोप लगा दिऔ, ईं खतिर बिनै गिरफ्तार करगे जेलखान मै भेज दिऔ। हठ ताईं जेलखान मै भी, यूसुफ परमेश्वर गै प्रति सच्‍चौ रेऔ, अर परमेश्वर बिनै आशीष देई।

![](https://cdn.door43.org/obs/jpg/360px/obs-en-08-06.jpg)

दो सालां बाद, यूसुफ हजे ताईं भी जेलखाने मै हौ, भले ही बौ निर्दोष हौ। एक रात, फिरौन, जियां मिस्री लोग अपणै राजावां ने पुकारता हा, बां दो सपना देखेआ झिकां बानै बहोत हि परेशान हो गेया। बिंगो कोई भी सलाहकार बिनै बिं सपनां गौ अर्थ कोनि बता सकेऔ।

![](https://cdn.door43.org/obs/jpg/360px/obs-en-08-07.jpg)

परमेश्वर यूसुफ नै सपनां गो अर्थ बताण गी समझ प्रदान करी ही, ईं खातिर फिरौन यूसुफ नै जेलखानै मुँ आपगै कनै बुलाओ। यूसुफ बिनै बिं सपनां गो अर्थ बताओ अर केओ, "परमेश्वर भरपूरी गी फसलां आल सात सालां बाद अकाल गा सात साल भेजण आलो है।"

![](https://cdn.door43.org/obs/jpg/360px/obs-en-08-08.jpg)

फिरौन यूसुफ मुँ इतो खुश होऔ के बिन मिस्र गो दुसरा सारां मुँ शक्तिशाली आदमी घोशित कर दिओ।

![](https://cdn.door43.org/obs/jpg/360px/obs-en-08-09.jpg)

यूसुफ लोगों नै आच्‍छी फसलां आला सात सालां गै दौरान बड़ी मात्रा मै अनाज जमा करणै खातिर केओ। जद सात सालां गो अकाल आओ फेर यूसुफ लोगों नै बो अनाज बेचेओ कै बांगै कनै खाण खतिर अनाज होवै।

![](https://cdn.door43.org/obs/jpg/360px/obs-en-08-10.jpg)

बो अकाल केवल मिस्र मै ही कोनी, पर कनान देश मै भि भयंकर हो झठ याकूब अर बिंगो परिवार रेहंता हा।

![](https://cdn.door43.org/obs/jpg/360px/obs-en-08-11.jpg)

ईं खातिर याकूब आपणै सारां मुँ बड़ा पुत्रां नै अनाज खरीदण खतिर मिस्र भेजेओ। जद बे अनाज खरीदण खतिर यूसुफ गै सामणै खड़ा होआ तो बां भाइयां यूसुफ नै कोनी पचाणेओ। पर यूसुफ बानै पहचाण लिओ।

![](https://cdn.door43.org/obs/jpg/360px/obs-en-08-12.jpg)

आ जाणन खातिर के बे बदल गेआ है बांगी जाँच करणै बाद, यूसुफ बानै केओ, "मैं थारो भाई यूसुफ हूँ! डरो ना। जद थे मनै दास गै रूप मै बेचेओ हो तो थे बुरो करणै गी ठानी ही, पर परमेश्वर बिं बुराई नै भलाई गै खातिर उपयोग करेओ! आओ अर मिस्र मै रेओ के मै थारै अर थारै परिवारां खातिर अनाज गो प्रबंध कर सकूँ।”

![](https://cdn.door43.org/obs/jpg/360px/obs-en-08-13.jpg)

जद यूसुफ गा भाई घर वापिस आया अर आपणै पिता याकूब नै बताओ के यूसुफ हजे ताईं जिंदा है तो बौ बहोत खुश होऔ।

![](https://cdn.door43.org/obs/jpg/360px/obs-en-08-14.jpg)

हालाँकि याकूब एक बुढौ आदमि हो तौभी बो आपण पूरै परिवार सागै मिस्र जांतो रेओ, अर बे बठै बस गेआ। याकूब गै मरण मुं पेहलां, बणै आपगै हरेक पुत्रां नै आशीषित करेओ।

![](https://cdn.door43.org/obs/jpg/360px/obs-en-08-15.jpg)

वाचा गी बा प्रतिज्ञावां झिकी परमेश्वर अब्राहम मुँ करी ही बे इसहाक पर अर बिंगै बाद याकूब, अर बिंगै बाद बिगै बारह पुत्रां अर बांगै परिवारा पर आ गेई हि। बां बारह पुत्रां गा वंशज इस्राएल गा बारह गोत्र बण गेया।

*उत्पत्ति अध्याय 37-50 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_08_128kbps.m4a

## 9. परमेश्वर मूसा नै बुलावै है

https://openbiblestories.org/l/bgq/story-9/

![](https://cdn.door43.org/obs/jpg/360px/obs-en-09-01.jpg)

यूसुफ गै मरण गै बाद बीगा सारा रिश्तेदार मिस्र मै बस गेआ। बे अर बांगा वंशज कई सालां ताईं मिस्र मै ही रेआ अर बां बोत संताना पेदा करी। बे इस्राएली कवाया।

![](https://cdn.door43.org/obs/jpg/360px/obs-en-09-02.jpg)

कई सौ सालां गै बाद, इस्राएलियां गी संख्या बोत बढ़गी ही। अर मिस्री लोग अब युसुफ गै कामां नै भुल गेया हा के बांगी मदद करणै खातिर यूसुफ बोत कुछ करेओ हो। बे इस्राएलियां कनु डर गेयौ क्योंकि बे संख्या मै बांमुँ बोत जादा हा। ई खातिर बीं

![](https://cdn.door43.org/obs/jpg/360px/obs-en-09-03.jpg)

मिस्रिया इस्राएलियां नै बोत सारी इमारतां अर हठै तक कि कई नगरा नै बणाण खातिर मजबूर करेओ। बीं मुशकिल परिश्रम बांग जीवना नै बड़ो दुखी बणा दिऔ,पर परमेश्वर बानै बरकत दी अर बांगी और बोत संताना पेदा होई।

![](https://cdn.door43.org/obs/jpg/360px/obs-en-09-04.jpg)

फिरौन देखेओ के इस्राएलियां गै बोत संतानां पैदा होए आवा ही, ई खातिर बण आपग लोंगा नै इस्राएलियां गा सारां नर बच्‍चां नै नील नदी मै फेंकगे मारण गो आदेश दिओ।

![](https://cdn.door43.org/obs/jpg/360px/obs-en-09-05.jpg)

एक खास इस्राएली स्त्री एक नर बच्चे नै जन्म दिओ। बणै अर बिंगै पति जीतो बां कनू हो सकेऔ बीं बच्चे नै छिपागे राखेओ।

![](https://cdn.door43.org/obs/jpg/360px/obs-en-09-06.jpg)

जद बी बालक नै माता-पिता और जादा ना छिपा सकेआ, तो बिनै मरण मूँ बचाण खातिर एक तेरण आली टोकरी मै नील नदी गै किनारै पर सरकंड़ा गै बीच मै रख दिओ। बींगी बड़ी बहन ओ देखण खातिर बीगी निगरानी करी के बींगै सागै के होवगो।

![](https://cdn.door43.org/obs/jpg/360px/obs-en-09-07.jpg)

फिरौन गी पुत्री बीं टोकरी नै देखगे बिंगै मां झाँकी।जद बणै एक बच्चे नै देखेओ तो बणै बिंनै आपणै बच्चे गै रूप मै ले लिओ। बणै एक इस्राएली स्त्री बिनै दूध पिलाण खातिर काम पर राख लिओ, बिना ओ जाणे के बो बिं बच्चे गी असली माता ही। जद बो बच्‍चौ इतो बड़ो हो गेओ के अब बिणै आपगी माता गै दूध गी जरुरत कोनी ही, तो बिंनै फिरौन गी पुत्री नै कनै लौटा दिओ, बिंगो नाम मूसा हो।

![](https://cdn.door43.org/obs/jpg/360px/obs-en-09-08.jpg)

एक दिन, जद मूसा बड़ो होगेओ हो, तो बण देखेओ के एक मिस्री एक इस्राएली पिट रेओ है। मूसा आपगै साथी इस्राएली नै बचाण गी कोशिश करी।

![](https://cdn.door43.org/obs/jpg/360px/obs-en-09-09.jpg)

जद मूसा सोचेओ के बिनै कोई कोनी देखगो तो बण बिं मिस्री नै मार दिओ अर बिंगि लाश नै दफना दिओ। पर मूसा झीको की करेओ हो बिनै कोई देख लिओ हो।

![](https://cdn.door43.org/obs/jpg/360px/obs-en-09-10.jpg)

फिरौन नै पतो चाल गेओ मूसा के करेओ है। बणै बिंनै मारण गी कोशिश करी, पर मूसा मिस्र मुँ जंगल मै भाग गओ। फिरौन गा सैनिक बिनै भठै खोज ना सकेआ।

![](https://cdn.door43.org/obs/jpg/360px/obs-en-09-11.jpg)

मुसा मिस्र देश मुँ दूर मिधान देश मै रैण लाग गेयो अर बठै एक लड़की सागै बेया कर लिओ अर दो पुत्र पैदा होया।

![](https://cdn.door43.org/obs/jpg/360px/obs-en-09-12.jpg)

मूसा आपगै ससुर गी भेड़ा गै झुंड गी देखभाल करतो हो। एक दिन, बण एक बलती होई झाड़ी नै देखेओ झिकी भस्म होए बिना बलण लागरी ही।बिनै देखण खातिर बो झाड़ी गै कनै गेओ।जद बो जादा कनै गेओ तो परमेश्वर बिगै सागै बात करी। बणै केओ, "हे मूसा, आपगै जूतां उतार दे। तू एक पवित्र स्‍थान पर खड़ेओ है।"

![](https://cdn.door43.org/obs/jpg/360px/obs-en-09-13.jpg)

परमेश्वर केओ, "मै आपगै लोगां गा दुःखां नै देखेओ है। मैं तनै फिरौन गै कनै भेजूँगा ताकि तू इस्राएलियां नै मिस्र गी गुलामी मुँ निकाल गै ले आवै। मै बांनै कनान देश देऊँगा, बो देश जिनै मै अब्राहम, इसहाक अर याकूब सागै प्रतिज्ञा करी है।"

![](https://cdn.door43.org/obs/jpg/360px/obs-en-09-14.jpg)

मूसा पूछेओ, "जे लोगां पुछेओ के मनै कणै भेजेओ है तो मैं के केऊँ? "परमेश्वर केओ, "जो मैं हूँ सो मैं हूँ। बणै केओ, 'मैं हूँ नै मनै थारै कनै भेजेओ है।'बणै ओ भी केओ, 'मैँ थारा पूर्वजं अब्राहम, इसहाक अर याकूब गो परमेश्वर यहोवा हूँ।' मेरो ओ नाम सदा गो है।"

![](https://cdn.door43.org/obs/jpg/360px/obs-en-09-15.jpg)

मूसा डरतो हो अर फिरौन गै कनै कोनी जाणो चान्‍तो हो क्योंकि बणै सोचेओ के बो आच्‍छो कोनी बोल सकगो, ई खातिर परमेश्वर मूसा गा भाई, हारून, न बिंगी मदद करण खातिर भेजेओ।

*निर्गमन अध्याय 1-4 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_09_128kbps.m4a

## 10. परमेश्वर मिस्र देश पर दस विपत्तियाँ भेजै है

https://openbiblestories.org/l/bgq/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर मूसा अर हारून नै चेतावनी देई के फिरौन जिदि हो जावगो। जद बै फिरौन गै कनै गेआ तो बां केओ, "इस्राएल गो परमेश्वर ईंआं केवै है, 'मेरै लोगां नै जाण दे!'" पर फिरौन बांगि कौनि सुणी अर इस्राएलिआं नै जाण खातिर अजाद करण गै बजाए बणै बानै और औखो परिश्रम करण खातिर मजबूर करेऔ।

![](https://cdn.door43.org/obs/jpg/360px/obs-en-10-02.jpg)

फिरौन बीं लोगां नै जाण मुँ लगातार इंकार करतो रेओ, ई खातिर परमेश्वर मिस्र पर दस भयांनक विपत्तियाँ भेजीं। ईं विपत्तियां गै द्वारा, परमेश्वर फिरौन नै दिखायो के बो फिरौन अर मिस्र गा देवता मुँ जादा शक्तिशाली है।

![](https://cdn.door43.org/obs/jpg/360px/obs-en-10-03.jpg)

परमेश्वर नील नदी गै पाणी नै खुन मै बदल दिओ, पर फिरौन अभताई भी इस्राएलियां नै जाण कोनी दिओ।

![](https://cdn.door43.org/obs/jpg/360px/obs-en-10-04.jpg)

परमेश्वर सारा मिस्र मै मेंढक भेजेआ। फिरौन मेढकां नै दूर करण खातिर मूसा गै सामणै विनति करी। पर सारा मेंढकां मरण गै बाद, फिरौन आपगै मन नै कठोर कर लिओ अर इस्राएलियां नै मिस्र मुँ निकलगे जाण कोनी दिओ।

![](https://cdn.door43.org/obs/jpg/360px/obs-en-10-05.jpg)

ई खातिर परमेश्वर पीसुयां गी विपत्ति भेजी। बिगै बाद बणै मखियाँ गी विपत्ति भेजी। फिरौन मूसा अर हारून नै बुलाओ अर केओ जे बे ई विपत्ति नै रोक देंवै तो इस्राएली मिस्र नै छोड़गे जा सकै हैं। जद मूसा प्रार्थना करी तो परमेश्वर मिस्र मुँ मखियाँ नै हटा दिओ। पर फिरौन आपग मन कठोर कर लिओ अर बा लोगां नै आजाद कोनी करेओ।

![](https://cdn.door43.org/obs/jpg/360px/obs-en-10-06.jpg)

ईग बाद, परमेश्वर मिस्रियां गा सारा पालतू जानवरां नै बीमार होगे मरण दिओ। पर फिरौन गो मन कठोर हो गेओ हो अर बण इस्राएलियां नै जाण कोनी दिओ।

![](https://cdn.door43.org/obs/jpg/360px/obs-en-10-07.jpg)

फैर परमेश्वर मूसा नै फिरौन गै सामण आली हवा मै राख फेंकणं खातिर केओ। जद बण ईया करेओ तो मिस्र गै लोगां गी च्‍मड़ी पर दर्द आला फोड़ा निकल आया, पर इस्राएलियां नै के कोनी होयो। परमेश्वर फिरौन गो मन कठोर कर दिओ, अर फिरौन इस्राएलियां आजाद होगे जाण कोनी दिओ।

![](https://cdn.door43.org/obs/jpg/360px/obs-en-10-08.jpg)

ईग बाद, परमेश्वर औलाँ गिरआ अर मिस्र गी आधी फसलां नै नष्ट कर दिओ अर कोई भी बारै निकलेओ बे मर गेआ। फिरौन मूसा अर हारून नै बुलाओ अर बानै केयो, "मे पाप करेओ है। थे लोग जा सको हो। "मूसा प्रार्थना करी, अर आकाश मुँ औलाँ गिरना रुक गेआ।

![](https://cdn.door43.org/obs/jpg/360px/obs-en-10-09.jpg)

पर फिरौन फेर पाप करेओ अर आपगै मन कठोर कर लिओ। बणै इस्राएलियां नै आजाद होगे जाण कोनी दिओ।

![](https://cdn.door43.org/obs/jpg/360px/obs-en-10-10.jpg)

परमेश्वर मिस्र पर टिड्डियां गा दलां नै आण दिओ। ईं टिड्डियां बीं सारी फसलां नै खा लिओ झीकी औलाँ मुँ नाश कोनी होई।

![](https://cdn.door43.org/obs/jpg/360px/obs-en-10-11.jpg)

फैर परमेश्वर अंधेरो कर दिओ झीको तीन दिनां तक रेओ। ओ ईतो घोर अंधेरो हो के मिस्री लोग आपण घरा मु निकल कोनी सकेया। पर जठ इस्राएली लोग रेन्‍ता हा बठै चानणो हो।

![](https://cdn.door43.org/obs/jpg/360px/obs-en-10-12.jpg)

ई नौ विपत्तियां गै बाद भी, फिरौन इस्राएलियां नै आजाद होगे जाण मुँ इंकार कर दिओ। फिरौन कोनी सुणेओ हो ई खातिर परमेश्वर एक आखरि विपत्ति नै भेजण गी योजना बणाई। ओ फिरौन गै मन नै बदल देवगी।

*निर्गमन  अध्याय 5-10 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_10_128kbps.m4a

## 11. फसह गौ त्‍योहार

https://openbiblestories.org/l/bgq/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर मूसा अर हारून नै फिरौन गै कनै ओ कणै भेजेओ के इस्राएलियां नै जाण दे। बे फिरौन नै चेतावनी दी जे बो बानै ना जाण देवगो, तो परमेश्वर मिस्र गै लोगां गा अर जानवरां गा सारा पहलौठां मार देवगो। फिरौन ओ सुणगे भी परमेश्वर पर विश्वास करणै मुँ अर बींगी बात नै इंकार कर दिओ।

![](https://cdn.door43.org/obs/jpg/360px/obs-en-11-02.jpg)

परमेश्वर पर विश्वास करण आला बांगा पहलौठा पुत्र नै बचाण खातिर एक उपाय गो ईंतजाम करेयो। हरेक परिवार नै एक बेदाग मेमणो लेगे वध करणो हो।

![](https://cdn.door43.org/obs/jpg/360px/obs-en-11-03.jpg)

परमेश्वर इस्राएलियो बी मेमण गै खुन नै लेगे आपण घरां गै दरवाजे पर लगाण खातिर केओ। बां बीं माँस नै भूनणो हो अर फेर बीन अखमीरी रोटी गै सागै फुर्ती मुँ खाणो हो । बानै बो भोजन खाण गै बाद जल्‍दि मिस्र छोड़ण खातिर तैयार रेण गो केओ।

![](https://cdn.door43.org/obs/jpg/360px/obs-en-11-04.jpg)

जीयां करण खातिर परमेश्वर इस्राएलियां नै हुकम करेओ हो बां परमेश्वर गै केण तरिआँ सारो कि करेओ। आधी रात, परमेश्वर हर एक पहलौठां पुत्र नै घात करगे मिस्र गै बीच मुँ होगे गुजरेओ।

![](https://cdn.door43.org/obs/jpg/360px/obs-en-11-05.jpg)

इस्राएलियां गा हरेक दरवाज पर खुन लागेओ होयो हो, ईं खातिर परमेश्वर बीं घरां नै छोड़ दिओ। इस्राएलियां लोग सारा सुरक्षित हा। बे मेमण गै खुन कारण बच गेआ हा।

![](https://cdn.door43.org/obs/jpg/360px/obs-en-11-06.jpg)

मिस्रियां परमेश्वर पर विश्वास कोनी करेयो हो अर परमेश्वर गै आदेशां नै कोनी मानेओ हो। ई खातिर परमेश्वर बांगै घरा नै कोनी छोडेओ। परमेश्वर मिस्रियां गा हर एक पहलौठा पुत्रां नै मार दियौ।

![](https://cdn.door43.org/obs/jpg/360px/obs-en-11-07.jpg)

जेल गा कैदियाँ गै पहलौठां बच्‍चां मुँ लेगे, फिरौन गा पहलौठां बच्‍चां तक, हर एक पहलौठा नर मर गेआ। आपगी जिद गै कारण मिस्र गा बोत सारा लोग रोण लागरेया हा।

![](https://cdn.door43.org/obs/jpg/360px/obs-en-11-08.jpg)

बीं रात, फिरौन मूसा अर हारून नै बुलाओ अर केयो, "इस्राएलियां नै लेगे जल्‍दि ही मिस्र मु निकल जाओ!" मिस्र गै लोगां भी इस्राएलियां नै ज्‍लदि निकल जाण गो निवेदन करेओ।

*निर्गमन अध्याय 11:1-12:32 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_11_128kbps.m4a

## 12. इस्राएली लोगां गौ मिस्र देश मुँ निकलणौ

https://openbiblestories.org/l/bgq/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोग मिस्र मुँ निकलगे बोत खुश हा। बे अब दास कोनी हा, अर बे प्रतिज्ञा गै देश नै जाण लागरेआ हा! झीको कि इस्राएलियां माँगेओ, मिस्रियां बानै बो सारो कि दिओ, अठे ताईं कै सोना अर चाँदी अर मूल्यवान वस्तुआँ। दूसरा देशां गा कई लोग परमेश्वर पर विश्वास करेओ अर जद अर इस्राएली लोग मिस्र मुँ निकलेआ तो बे भी बांगै सागै चाल पड़ेआ।

![](https://cdn.door43.org/obs/jpg/360px/obs-en-12-02.jpg)

दिन मै बादल गो एक बड़ो खम्‍भो बांगै आगे-आगे चालेओ।अर रात गै समय बो आग गो खम्‍भो बणै गेओ। परमेश्वर झीको कि बादल गै खम्‍भा मै अर आग गै खम्‍भा मै हो, हमेशा बांगै सागै हो अर बणै यात्रा करता समय बांगी अगुवाई करी। बानै बस ईतो करणो हो कि लोगां बिंगै पिछै चालणो हो।

![](https://cdn.door43.org/obs/jpg/360px/obs-en-12-03.jpg)

थोड़ समय गै बाद, फिरौन अर बिंगै लोंगा आपगै मन नै बदल दिओ। बे इस्राएलियां नै फेर दास बणाणो चाहंता हा। ईं खतिर बां इस्राएलियां गो पिछो करेओ। बो परमेश्वर ही हो जणै बांगै मनां नै बदल दिओ हो। बणै ईंआं ईं खतिर करेओ क्योंकि बो चावै हो के हर कोई आ जाणै लेयै कै फिरौन अर मिस्रियां गै सारा देवतावां मुँ बो, यहोवा, ज्यादा शक्तिशाली है।

![](https://cdn.door43.org/obs/jpg/360px/obs-en-12-04.jpg)

जद इस्राएलियां मिस्र गी सेना नै आंतो दैखेओ तो बानै ठा लागगेओ के बे फिरौन गि सेना अर लाल समुद्र गै बिच मै फँस गेआ। बे बहोत डर गेआ अर रोण लागगेआ, "मैंह मिस्र क्यों छोडेओ? आपां मरण आलां हां!"

![](https://cdn.door43.org/obs/jpg/360px/obs-en-12-05.jpg)

मूसा इस्राएलियां नै केऔ, "डरणो बंद करो! परमेश्वर आज थारै खातिर लड़गो अर थानै बचावगो।" जद परमेश्वर मूसा नै केऔ, "ई लोगां नै लाल समुद्र मै आगै बढ़ण खातिर केऔ।"

![](https://cdn.door43.org/obs/jpg/360px/obs-en-12-06.jpg)

जद परमेश्वर बीं बादल गै खम्भे नै लेगे इस्राएलियां अर मिस्रियां गै बीच मै रख दिओ के मिस्री लोग इस्राएलियां नै देख ना सकै।

![](https://cdn.door43.org/obs/jpg/360px/obs-en-12-07.jpg)

परमेश्वर मूसा नै समुद्र पर आपणो हाथ बढ़ाण खातिर केओ। फेर परमेश्वर हवा मुँ समुद्र गै पाणी नै बाईं तरफ अर दाईं तरफ करवा दिओ, के समुद्र मुँ होगे एक रास्‍तो बणऐ गेऔ।

![](https://cdn.door43.org/obs/jpg/360px/obs-en-12-08.jpg)

इस्राएली लोग आपणै दोना तरफ पाणी गि दीवारां गै सागै सूखी जमीन पर समुद्र मुँ होगे बढ़ चालेआ।

![](https://cdn.door43.org/obs/jpg/360px/obs-en-12-09.jpg)

जद परमेश्वर बीं रास्ते मुँ बादल नै उठा लिओ के मिस्री लोग इस्राएलियां नै बचगे जान्‍ता होया देख। मिस्रियां बानै पकड़न खातिर बांगो पीछो करण गो फेसलो कर लिऔ।

![](https://cdn.door43.org/obs/jpg/360px/obs-en-12-10.jpg)

बे समुद्र गै बीच मै बीं रास्‍ता पर इस्राएलियां गो पीछो करेओ, पर परमेश्वर मिस्रियां नै घबरा दिऔ अर बांगा रथां नै अटका दिओ। बे चिल्लाण लागेआ, "भाजो! इस्राएलियां गी तरफ मुँ परमेश्वर लड़ रेओ है!"

![](https://cdn.door43.org/obs/jpg/360px/obs-en-12-11.jpg)

सारा इस्राएली समुद्र गी दूसरी तरफ पोचँ गेया। जद परमेश्वर मूसा नै केओ के बो फेर पाणी पर हाथ बढ़ावै। जद मूसा ईंयां करेयो, तो पाणी मिस्री सेना पर आ पड़ेयो अर पैलां तरीआँ हो गेऔ। सारी मिस्री सेना डूब गी।

![](https://cdn.door43.org/obs/jpg/360px/obs-en-12-12.jpg)

जद इस्राएलियां देखेओ के मिस्री मर गेआ तो इस्राएलियां परमेश्वर पर विश्वास करेओ। बां विश्वास करेओ के मूसा परमेश्वर गी तरफ मुँ भविष्यद्वक्ता हो।

![](https://cdn.door43.org/obs/jpg/360px/obs-en-12-13.jpg)

इस्राएली लोग ई खातिर भी बोत खुश हा क्योंकि परमेश्वर इस्राएलीयां नै मरण मुँ अर दास होण मु बचा लिओ हो। बे अब परमेश्वर गी आराधना करण अर बिंगी आज्ञा गो पालन करण खातिर आजाद हा। इस्राएलियां आपगी आजादी गो जशन मनाण खातिर अर परमेश्वर गी प्रशंसा करण खातिर कई गीत गाया क्योंकि बणै बानै मिस्रियां गी सेना मु बचायो हो।

![](https://cdn.door43.org/obs/jpg/360px/obs-en-12-14.jpg)

परमेश्वर इस्राएलियां नै हर साल एक पर्व मनाण गो आदेश दिऔ ओ याद करण खातिर के कियां परमेश्वर मिस्रियां नै हरायो अर बानै दास होण मुँ आजाद करेओ।ओ फसह गो त्‍योहार कवायो। ईंगै मां बानै जशन मनाण खातिर एक आच्‍छा मेमण नै बलि करणो हो, बीन भूनणो हो, अर बिना खमीर आली रोटी गै सागै खाणो हो।

*निर्गमन अध्याय 12:33-15:21 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_12_128kbps.m4a

## 13. इस्राएल गै सागै परमेश्वर गी वाचा

https://openbiblestories.org/l/bgq/story-13/

![](https://cdn.door43.org/obs/jpg/360px/obs-en-13-01.jpg)

इस्राएलियां नै लाल समुद्र मुँ पार लेजाण गै बाद, परमेश्वर बानै जंगल मुँ होगे सीनै कहलाण आला पर्वत गी तरफ ले चलेया। ओ बोई पर्वत हो जठै मूसा जलती होई झाड़ी नै देखेओ हो। बे लोगां नै बिं पर्वत गै निचै आपगै तम्‍बुआं नै खड़ो करेयो।

![](https://cdn.door43.org/obs/jpg/360px/obs-en-13-02.jpg)

परमेश्वर मूसा नै अर इस्राएल गा सारा लोगां नै केयो, "थानै हमेशा मेरी बातां नै माणणो है अर झिकी वाचा मै थारै सागै बाँधु हूँ बिंनै बणागै राखणो है। जे थे ईंया करो हो, तो थे ईनाम गा बोत किमति धन, याजकां गौ राज्य, अर एक पवित्र जाति ठहरोगा।"

![](https://cdn.door43.org/obs/jpg/360px/obs-en-13-03.jpg)

परमेश्वर द्वारा बांगै कनै आण गै खातिर लोगां नै तीन दिन तक आप नै तैयार करेयो।फैर परमेश्वर सीनै पर्वत गी चोटी पर नीचै उतरेयो। जद बो आयो तो भूकम्प होयो, बिजलियाँ चमकी, धूँऔं उठेयो, अर तुरहियां गो जोरदार शब्द होयो। फैर मूसा आप ऊपर पर्वत पर चढ़ गेयो।

![](https://cdn.door43.org/obs/jpg/360px/obs-en-13-04.jpg)

फैर परमेश्वर लोगां गै सागै एक वाचा बाँधी। बणै केयो, "मै थारो परमेश्वर, यहोवा हूँ। मै ही हूँ झिके थानै मिस्र गी गुलामी मुँ छुड़ायो। कोई भी अन्य देवतां गी उपासना कोनी करणी।"

![](https://cdn.door43.org/obs/jpg/360px/obs-en-13-05.jpg)

"मूर्तियाँ नै बणाण अर बिंगी उपासना कोनी करणी, क्योंकि मैं, यहोवा, थारो एकमात्र परमेश्वर हूँ। गलत रीति मुँ मेरो नाम गो ईसतेमाल कोनी करणो। सब्त गै दिन नै पवित्र मणाण खातिर याद राखियो। दूसरै शब्‍दां मै, छः दिना मै आपगा सारा काम करियो, सातवै दिन थारे खातिर विश्राम करण अर मनै याद करण गो दिन है।"

![](https://cdn.door43.org/obs/jpg/360px/obs-en-13-06.jpg)

"आपगै माता अर पिता गो आदर करीयो। हत्या ना करियो। व्यभिचार ना करियो। चोरी ना करियो। आपगै पड़ोसी गी पत्नी, बिंगै घर, या बिंगै किं भी सामान नै लेण गी इच्छा ना राखियो।"

![](https://cdn.door43.org/obs/jpg/360px/obs-en-13-07.jpg)

परमेश्वर बिं लोगां नै झिका नियम दिया हा बे बांगो पालन करण खातिर सहमत होया। बे केवल परमेश्वर गा लोग होण अर केवल बिंगी आराधना करण खातिर सहमत होया।

![](https://cdn.door43.org/obs/jpg/360px/obs-en-13-08.jpg)

परमेश्वर इस्राएलियां नै एक बड़ो तंबू बणाण खातिर भी केयो मिलाप आलो तंबू। बणै बानै ठीक ठीक बतायो के ईं तंबू नै कियां बणाणो है, अर बिंगै मां किसि चीजां नै राखणो है। बणै बानै ईं तंबू नै दो कमरां गै भाग मै करण खातिर एक बड़ो परदो नै बणाण खातिर भी केयो। परमेश्वर बिं परदै गै पीछै आलै कमरां मै आवगो अर बठे रेवगो। जठै परमेश्वर हो बिं कमरै जाण गी ईजाजत केवल महायाजक नै ही।

![](https://cdn.door43.org/obs/jpg/360px/obs-en-13-09.jpg)

बै लोगां नै बिं मिलाप आला तंबू गै सामणै एक वेदी नै बणाणो होवगो। कोई भी झिको परमेश्वर गी व्यवस्था ने तोड़ देवै बो बिं वेदी पर एक जानवर नै लेगै आवै। फैर याजक बिंनै बलि करगो अर वेदी पर परमेश्वर खातिर बलि गै रूप मै जलावगो। परमेश्वर केयो के बिं जानवर गो लहू बिं आदमी गै पापां नै ढाँप लेवगो। ईं रीति मुँ, अब परमेश्वर बिं पाप नै कोनि देखगो। बो आदमी परमेश्वर गी दृष्टि मै "शुद्ध" ठहरगो। परमेश्वर मूसा गै भाई हारून नै अर हारून गै वंशजां नै आपगो याजक होण खातिर चुणेयों।

![](https://cdn.door43.org/obs/jpg/360px/obs-en-13-10.jpg)

फैर परमेश्वर दस आज्ञा पत्थर गी दो पटियां पर लिखगै मूसा नै दे दिया। परमेश्वर पालन करण खातिर लोगां नै अन्य बहुत सी व्यवस्था देई। जे बै ईं व्यवस्था गो पालन करेयो तो परमेश्वर बिं लोगां नै बरकत देण अर बांगिं सुरक्षा करण गी प्रतिज्ञा करी। पर बे लोगां केयो के जे बां ईंगो पालन कोनी करेयो तो बो बानै सजां देवगो।

![](https://cdn.door43.org/obs/jpg/360px/obs-en-13-11.jpg)

कई दिना तक, मूसा सीनै पर्वत गी चोटी पर ही रेयो। बो परमेश्वर सागै बात करै हो। पर लोग मूसा वापिस लौटण गो ईन्‍तजार करता-करता थक गेया। ईखातिर बे हारून गै कनै सोना लेगे आया अर सोना मुँ एक मूर्ति बणाण खातिर केयो ताकि बे परमेश्वर नै छोड़गै बांगी उपासना कर सकै। ईं रीति मुँ, बां लोगां भयंकर रूप मुँ परमेश्वर गै विरुद्ध पाप करेयो।

![](https://cdn.door43.org/obs/jpg/360px/obs-en-13-12.jpg)

हारून बछड़ै गै आकार मै सोन गी एक मूर्ति बणाई। बै लोगां बिं मूर्ति गी उपासना करणो शुरु कर दियो अर बिनै बलि चढ़ाई! लोगां गै पाप गी वजह मुँ परमेश्वर बां सागै बहुत होयो। परमेश्वर बानै नष्ट कर देणो चावै हो। पर मूसा परमेश्वर नै बां लोगां नै ना मारण गी विनती करी। परमेश्वर मुसा गी सुणी अर बानै नष्‍ट कोनी करेयो।

![](https://cdn.door43.org/obs/jpg/360px/obs-en-13-13.jpg)

आखिरकार मूसा सीनै पर्वत मुँ नीचै उतर आयो। बो बिं दो पत्थर गी पटियां हाथ मै लेगै झिकी गै ऊपर परमेश्वर दस आज्ञावां नै लिखेयो हो। मुसा मूर्ति नै देखेयो। बो ईतो गुस्‍सो होयो के बणै बिं पटियां नै तोड़ दियो।

![](https://cdn.door43.org/obs/jpg/360px/obs-en-13-14.jpg)

फेर मूसा बिं मूर्ति नै पिसगै बांगो बुरादो बणा दियो, अर बि बुराद नै पाणी मै मिलागे बां लोगां नै पिला दियो। परमेश्वर बां लोगां पर विपत्ति भेजी बामुँ बोहत लोग मर गेया।

![](https://cdn.door43.org/obs/jpg/360px/obs-en-13-15.jpg)

झिकी पटियां नै मूसा तोड़ दियो हो बांगो स्थान लेण खातिर मूसा बिं दस आज्ञा गी पत्थर पर नई पटियां बणाई। बो फेर पर्वत पर चढ़ गेयो अर प्रार्थना करी के परमेश्वर बां लोगां नै क्षमा कर देवै। परमेश्वर मूसा गी सुणी अर बानै क्षमा कर दियो। नई पटियां पर दस आज्ञा नै लेगे मूसा पर्वत मुँ नीचै उतर आयो। फैर परमेश्वर सीनै पर्वत मुँ लेगे प्रतिज्ञा गै देश तक इस्राएलियां गी अगुवाई करि।

*निर्गमन अध्याय 19-34 मुं एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_13_128kbps.m4a

## 14. इस्राएलि लोगां गो जंगल मै भटकणो

https://openbiblestories.org/l/bgq/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर इस्राएलि लोगां नै सारा नियमां नै बताण गै बाद। परमेश्वर सीनै पहाड़ मुँ आगै बां लोगां अगुवाई करी। बौ बान प्रतिज्ञा गै देश मै लेजाणो चांतो हौ। बौ देश कनान भी कवांतो हो। परमेश्वर बादल गै खम्भे मै बांगै आग-आग चालेओ, अर बै बिंग पीछ-पीछ चालेआ।

![](https://cdn.door43.org/obs/jpg/360px/obs-en-14-02.jpg)

परमेश्वर अब्राहम, इसहाक अर याकूब मुं प्रतिज्ञा करी हि के बे प्रतिज्ञा गो बौ देश बिंगै वंशजां नै देवगो, पर ईं समय भथै बहोत सारी जाति रेऐ आव ही। बे कनानी कवांता हा। कनानी लोग परमेश्वर गी आराधना कोनि करता हा अर बिंगी आज्ञा कोनि मानता हा। बे झूठ देवता गी उपासना करता हा अर बहोत सा बुरा काम करता हा।

![](https://cdn.door43.org/obs/jpg/360px/obs-en-14-03.jpg)

परमेश्वर इस्राएलियां न केऔ, "जद थे बिं वाचा गै देश मै जाऔ तो भठै गा सारा कनानियां मुँ छुटकारौ ले लेईऔ। बांगै सागै सहमति कोनि करनी अर बामू बिआह कोनि करनो। थे बांगी मूर्तियों न पूरी तरिआं खतम कर देणो है। जे थे मेरी आज्ञा ना मानोगा, तो थे मेरै बजाए बांगै देवता गी उपासना करण लागजोगा।"

![](https://cdn.door43.org/obs/jpg/360px/obs-en-14-04.jpg)

जद इस्राएली कनान दैश गी सीमा पर पहुँचेआ, मूसा इस्राएल गै हरेक गोत्र मुं एक-एक करगे बारह आदमिआं नै चुणऔ। बण बान जागे बिं देश गो भेद लेण गा हुकम दिआ के देख बौ किं तरियां गो देश है। बां कनानियां गो भेद भी लेणो हो के देख बे किता बलशाली है या निर्बल है।

![](https://cdn.door43.org/obs/jpg/360px/obs-en-14-05.jpg)

बां बारह आदमिआं पुरै कनान मै चालीस दिन गी यात्रा करी अर फेर वापिस आ गेआ। बां लोगां नै बताऔ, "बौ देश बहोत उपजाऊ है अर फसलां बहोत ज्‍यदा है!" पर दस भेदियों केओ, "बंगा गाँव बहोत मजबुत है अर बै लोग लंबां-चौड़ा है! जै आपां बांग ऊपर हमलो करां हां, तो बै जरुर आपां नै हरा देअगा अर आपां नै मार देअगा।"

![](https://cdn.door43.org/obs/jpg/360px/obs-en-14-06.jpg)

तुरन्त ही कालेब अर यहोशू अर अन्य दो भेदियों केओ, "औ सच है के कनान गा लोग लंबा अर बलशाली है, पर आपां बानै जरुर हरा सकां हां! परमेश्वर आपणै खातिर लड़गौ!"

![](https://cdn.door43.org/obs/jpg/360px/obs-en-14-07.jpg)

पर लोगां कालेब अर यहोशू गी कोनी सुणी। बै मूसा अर हारून पर क्रोधित हो गेऔ अर केऔ, " थे मानै ईं भयानक जगह पर क्यों लेगै आया हो? आपां मिस्र में ही रेणो हो। जै आपां बिं देश मै जावां हां तो युद्ध मै मारेआ जावांगा, अर कनान गा लोग माहरी पत्नियों अर बच्‍चां नै दास बणा लेअगा।" बे लोग बानै वापिस मिस्र मै लेगे जाण खातिर एक अन्य परधान चुणनो चाहंता हा।

![](https://cdn.door43.org/obs/jpg/360px/obs-en-14-08.jpg)

जद बां लोगां ईंआं केऔ तो परमेश्वर बहोत क्रोधित हो गेओ। बौ मिलाप आलै तंबू मै आओ अर केओ, "थे मेरै विरुद्ध बलवो करेओ है, ईं खातिर थान ईं जंगल मै भटकनो पड़गो। हरेक खिको बीस साल या बिमुं ज्‍यादा ऊमर गो है मर जावगो अर कदे भी बिं देश मै प्रदेश ना कर सकगो झिको में थान देऊं हूँ। केवल कालेब अर यहोशू बिमै प्रवेश करैगा।"

![](https://cdn.door43.org/obs/jpg/360px/obs-en-14-09.jpg)

जद लोगां परमेश्वर नै औ केंतां सुणेओ, तो बे दुखी होआ क्योंकि बां पाप करेओ हो। ईं खातिर बां कनानी लोगां पर हमलो करण गो फेंसलो करेओ। मूसा बानै ना जाण गी चेतावनी देई क्योंकि परमेश्वर बांगै सागै कोनि जावगो, पर बां बिंगी कोनी सुणी।

![](https://cdn.door43.org/obs/jpg/360px/obs-en-14-10.jpg)

परमेश्वर ईं युद्ध मै बांगै सागै कोनी गेओ, ईं खातिर कनानियां बानै हरा दिओ अर बामुं बहुतां सारा लोग मार दिया। फेर इस्राएली लोग कनान मुँ वापिस मुड़ आया। अगलै चालीस सालां ताईं, बै जंगल मै ईनै-बिनै भटकता रेआ।

![](https://cdn.door43.org/obs/jpg/360px/obs-en-14-11.jpg)

इस्राएली लोगां गो जंगल मै भटकण गै चालीस साल मै, परमेश्वर बांगी जरुरतां पूरी करी। परमेश्वर बानै स्वर्ग मुं" मन्ना" कवाण आली रोटी देई। बण बटेरां गा झुंड भी (झिका आकार गे बिच गा पक्षी होव है) बांगी छावनी मे भेजेआ ताकि बांगै कनै खाण खातिर माँस होवै। बिं पूरै समय, परमेश्वर बांगै कपड़ा अर जूता पाटण मुं बचागे राखेओ।

![](https://cdn.door43.org/obs/jpg/360px/obs-en-14-12.jpg)

हठै ताईं परमेश्वर बांगै खातिर पीण खतिर चमत्कारी रूप मुँ चट्टान मुँ पाणी काढ़ेओ। ईं सारै कामां गै बाद, इस्राएली लोगा परमेश्वर गै खिलाफ अर मूसा गै खिलाफ शिकायत करी अर कुड़कुड़ाआ। तौभी, परमेश्वर विश्वासयोग हो। बणै झिकी प्रतिज्ञा करी कै बौ अब्राहम, इसहाक, अर याकूब गे वंशजां खातिर करगो बण करेऔ।

![](https://cdn.door43.org/obs/jpg/360px/obs-en-14-13.jpg)

एक समय जद बां लोगां कनै पाणी कोनी हो, परमेश्वर मूसा नै केऔ, "चट्टान सागै बातां कर, अर बिंमु पाणी निकलगो।" पर मूसा चट्टान सागै बातां कोनी करी। ईन छोड़गे, मूसा छड़ी मुँ चट्टान पर दो बार मारेओ। ईं तरियां बणै परमेश्वर गो निरादर करेओ। सारां गै पीण खातिर चट्टान मु पाणी तो निकल आयो, पर परमेश्वर मूसा मुँ गुस्‍सो होगेयौ। परमेश्वर केऔ, "क्योंकि तू ईंयां करेऔ है, ई खातिर तू प्रतिज्ञा गै देश मै जा कोनी सकै गो।"

![](https://cdn.door43.org/obs/jpg/360px/obs-en-14-14.jpg)

जद इस्राएली लोग चालीस सालां तक जंगल मै भटक चुकेआ हा, झिकां लोगां परमेश्वर खीलाफ बलवौ करेओ हो बै सारा मर गेया हा। फैर परमेश्वर बां लोगां नै फेर बीं प्रतिज्ञा गै देश गी हद ताईं लेगेयो। अब मूसा बोत बूढ़ो हो गेऔ हो, ईखातिर परमेश्वर लोगां गी अगुवाई करणै मै बांगी मदद करणै खातिर यहोशू नै चुणेयौ। परमेश्वर मूसा सागै आ प्रतिज्ञा भी करी ही के एक दिन बो बां लोगां कनै मूसा झीसो एक भविष्यद्वक्ता भेजगौ।

![](https://cdn.door43.org/obs/jpg/360px/obs-en-14-15.jpg)

जद परमेश्वर मूसा नै एक पहाड़ गी चोटी पर जाण खातिर केऔ के बो प्रतिज्ञा गै देश देख सक। मूसा बीं प्रतिज्ञा गो देश देखेयौ पर परमेश्वर बींगै मां बीनै प्रवेश करणै गी ईजाजत कोनी दी। मूसा मर गेऔ, अर इस्राएलियां तीस दिन तक शोक मनायो। यहोशू बांगो नुयो अगुवा बणै गेयौ। यहोशू एक अच्‍छो अगुवौ हो क्योंकि बणै परमेश्वर पर भरोसा करेओ अर बिंगी बांता मानी।

*निर्गमन अध्याय 16-17; गिनती 10-14; 20; 27; व्यवस्थाविवरण 34 न एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_14_128kbps.m4a

## 15. प्रतिज्ञा गौ देश

https://openbiblestories.org/l/bgq/story-15/

![](https://cdn.door43.org/obs/jpg/360px/obs-en-15-01.jpg)

अन्त मै, अब बो समय आ गेओ हो कै इस्राएली लोग प्रतिज्ञा गे देश, कनान मै प्रवेश करै। बी देश मै यरीहो नाम एक नगर हौ। बिंगी सुरक्षा खातिर बिंगै चारु और मजबूत दीवारा ही। यहोशू बी नगर मै दो भेदिया भेजआ।बी नगर मां राहाब नाम गी एक वेश्या रेन्‍ती ही। बण ईं भेदिया न छिपाऔ, अर फेर बाद म बण बान नगर मु बचागे निकलण खातिर सहायता करी। बण ईंया ईखातिर करेऔ कयोंकि बौ परमेश्वर पर विश्वास करती ही। जीं समय इस्राएली लोग यरीहो नै नाश करगा तब बे रहाब अर बीग परिवार गी रक्षा करण गी प्रतिज्ञा करि ही।

![](https://cdn.door43.org/obs/jpg/360px/obs-en-15-02.jpg)

इस्राएली लोगां प्रतिज्ञा गै देश मै प्रवेश करण खातिर यरदन नदी पार करनी ही। परमेश्वर यहोशू नै केओ, “यहुदी याजक नै पेहलां जाणं दे।” जद यहुदी याजक यरदन नदी मै आपगा कदमां नै राखेओ पाणी चालणो बंद हो गेओ, फैर इस्राएली लोग नदी गी दूसरी ओर सूखी जमीन पर पार जा सकै।

![](https://cdn.door43.org/obs/jpg/360px/obs-en-15-03.jpg)

बाँ लोगां यरदन नदी पार करली तो परमेश्वर यहोशू नै केओ कि यरीहो पर हमलो करन खातिर तैयार रैवै, हलांकि बौ गांव बहौत ही मजबुत हौ। परमेश्वर बां लोगां नै केऔ कै बां यहुदी याजक अर सैनिकां नै छः दिनां तक बीं गांव गै चारां पास चक्कर लगाणा है। यहुदी याजकां अर सैनिकां बींआं ही करेओ।

![](https://cdn.door43.org/obs/jpg/360px/obs-en-15-04.jpg)

सातवं दिन, इस्राएलियां नै बी नगर गै चारु ओर सात बार चक्‍कर लगाण गै बाद। बांगै नगर गै चारु ओर सातवीं बार चक्‍कर लगाण गै बाद, याजकां आपगी तुरहियाँ फूँकी अर सैनिकां जोरदार शब्द करेओ।

![](https://cdn.door43.org/obs/jpg/360px/obs-en-15-05.jpg)

यरिहो गै चारु ओर गी दीवारें गिर गी! जीयां परमेश्वर आज्ञा दी ही इस्राएलियों नगर गी हरेक चीज नै नष्ट कर दिऔ। बां केवल राहाब अर बीग परिवार नै छोड़ दिओ, जो इस्राएलियां गा भाग बणगेआ। जद कनान मै रेण आला अन्‍य लोगां सुणेऔ कि इस्राएलियों यरीहो नष्ट कर दिऔ है, तो बे डर गेआ कि इस्राएली लोग बांगै उपर हमलो करगा।

![](https://cdn.door43.org/obs/jpg/360px/obs-en-15-06.jpg)

परमेश्वर इस्राएलियां नै आज्ञा दी हि कै कनान देश मै रेण आली कोई भी जाति सागै शान्तिसंधि कोनी करनी है। पर गिबोनियों नाम एक कनानी जाति यहोशू मुँ झूठ बोलेओ कै कनान देश मूँ दूर जागै रेंन आला है। बे यहोशू सागै शान्तिसंधि करण गी विनती करी। यहोशू अर अन्‍य इस्राएली अगुवां परमेश्वर नै कोनी पुछेओ के बानै के करनो है। ईन छोडगे, बे गिबोनिया सागै शान्तिसंधि कर ली।

![](https://cdn.door43.org/obs/jpg/360px/obs-en-15-07.jpg)

तीन दिन बाद, इस्राएलियां नै मालूम होऔ के गिबोनी लोग कनान मै रेन्‍ता। बे गूसा होगेआ क्योंकि गिबोनियां बानै धोखो दिओ। पर बागै सागै करी शान्तिसंधि बणागे राखेऔ क्योंकि बो परमेश्वर सामण करी गई ही। कुछ समय बाद, कनान मै रेण आली एक अन्य जाति, एमोरिया गा राजा सुणेऔ के गिबोनियों इस्राएलियां गै सागै शान्तिसंधि कर ली है, ई खातिर बे आपगी-आपगी सेना नै एक करगे एक बड़ी सेना बणाई अर गिबोन पर हमलो कर दियो। गिबोनियां बागी सहायता करण खातिर यहोशू नै एक संदेश भेजेओ।

![](https://cdn.door43.org/obs/jpg/360px/obs-en-15-08.jpg)

यहोशू इस्राएलियां गी सेना नै इकट्ठा करेओ अर गिबोनियों कनै पहुँचण खातिर बे पूरी रात चालेआ। सबेर भोर मै बे एमोरियां गी सेना नै हेरान करदिओ अर बांगै उपर हमलो कर दिऔ।

![](https://cdn.door43.org/obs/jpg/360px/obs-en-15-09.jpg)

बी दिन परमेश्वर इस्राएलियां खातिर लडेओ। बणै एमोरियां नै घबरा दिओ अर बण बडा-बडा ओला गीरागे बोत सारा एमोरियां नै मार दीओ।

![](https://cdn.door43.org/obs/jpg/360px/obs-en-15-10.jpg)

परमेश्वर सूर्य नै भी आकाश मै एक स्थान पर रोक दिओ ताके इस्राएलियां नै पूरो समय मिलजय के एमोरियां न पूरी तरह हरा देय। बी दिन, परमेश्वर इस्राएलियां खातिर एक बड़ी जीत प्राप्त करी।

![](https://cdn.door43.org/obs/jpg/360px/obs-en-15-11.jpg)

जद परमेश्वर बां सेनीकां नै हराणै गै बाद, बहोत सा कनानी जाति गा लोग इस्राएल पर हमलो करण खातिर इकट्ठा होआ। यहोशू अर इस्राएलियां हमलो करगे बांगो सर्वनाश कर दिओ।

![](https://cdn.door43.org/obs/jpg/360px/obs-en-15-12.jpg)

ई युद्धों गा बाद, परमेश्वर इस्राएल गा हरेक जाति नै प्रतिज्ञा गै बी देश मै बागो हिसो दिओ। परमेश्वर इस्राएल नै सारी सीमा पर शान्ति प्रदान करी।

![](https://cdn.door43.org/obs/jpg/360px/obs-en-15-13.jpg)

जद यहोशू बूढ़ा हो गेऔ तो बण इस्राएल गा सारा लोगां नै एक सागै बुलाओ। यहोशू लोगां नै याद कराओ बी वाचा गो पालन करण गी प्रतिज्ञा करी ही झीकी परमेश्वर बांगै सागै सीनै पर्वत पर बाँधी ही। बा लोगां परमेश्वर गै सागै विश्वासयोग्य रेण अर बींगी व्यवस्था गौ पालन करण गौ वादो करेओ।

*यहोशू अध्याय 1-24 मुँ  एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_15_128kbps.m4a

## 16. छुड़ाण आलौ परमेशवर

https://openbiblestories.org/l/bgq/story-16/

![](https://cdn.door43.org/obs/jpg/360px/obs-en-16-01.jpg)

यहोशू मरण गै बाद इस्राएलियां परमेश्वर गी अवज्ञा करी। बां परमेश्वर गै नियमां गो पालन कोनी करेओ, अर बां वाचा गै देश मुँ बचेआ होआ कनानियां नै बारे कोनी काढ़ेओ। इस्राएलियां आपण सच्‍चे परमेश्वर, यहोवा नै छोड गे कनानियां गै देवता गी उपासना करनी शुरु करदी। इस्राएलियां गै कनै कोई राजा कोनी हौ, ईं खातिर जिआं बानै ठिक लागेऔ बां करेऔ।

![](https://cdn.door43.org/obs/jpg/360px/obs-en-16-02.jpg)

परमेश्वर गी आज्ञा ना मानण गै द्वारा इस्राएलियां एक परमपरा शुरु कर दि जिण कई बार दोहराऔ गेऔ हौ। आ परमपरा ईं तरियां चाली: कई सालां ताईं इस्राएली परमेश्वर गी आज्ञा कोनी मानगा, तौ बांगै शत्रुआं मुँ हराण द्वारा दंडित करगो। ऐ शत्रु इस्राएलियां मुँ बांगी चीजां लूट लैअगा, बांगी सम्पत्ति खतम कर देअगा, अर बामुं बहुतां नै मार देअगा। फेर जद इस्राएलियां गा शत्रु बांगै ऊपर कई सालां ताईं अत्याचार करगा, बिंगै बाद इस्राएली अपणै पापां गो पश्चाताप करगा अर परमेश्वर मुँ बचाण खातिर प्रार्थना करेगा।

![](https://cdn.door43.org/obs/jpg/360px/obs-en-16-03.jpg)

हरेक बारी जद इस्राएली पश्चाताप करगा तो परमेश्वर बानै बचावगो। बो एक छुड़ाण आले द्वारा ईंयां करगो, एक हिसो जन झिको बांगै शत्रुयां गै विरुद्ध लड़ेगो अर बानै हरावगो। फेर देश मै शान्ति होवगि अर बो छुड़ाण आलो बां पर आच्‍छि तरियां शासन करगो। परमेश्वर बां लोगां नै बचाण खातिर बहोत सारा छुड़ाण आलां भेजेओ। परमेश्वर गै कनै गी एक शत्रु जाति, मिद्यानियां गै द्वारा इस्राएलियां नै हराण गै बाद फेर ईंयां करेओ।

![](https://cdn.door43.org/obs/jpg/360px/obs-en-16-04.jpg)

मिद्यानियां सात सालां ताईं इस्राएलियां गी फसलां लुटि। इस्राएली लोग बहोत डर गेआ, अर बे गुफा मै छिप गेआ के मिद्यानी लोग बानै खोज ना सकै। आखिरकार, बानै बचाण खातिर बां परमेश्वर नै पुकारेओ।

![](https://cdn.door43.org/obs/jpg/360px/obs-en-16-05.jpg)

गिदोन नाम गो एक इस्राएली आदमी हो। एक दिन, बो एक गुप्त स्थान मै गेहूँ झाड़े आवै हो के मिद्यानी लोग बिनै चुरा ना सकै। यहोवा गै स्वर्गदूत गिदोन गै कनै आगे केऔ, "हे शूरवीर सूरमा, परमेश्वर तेरै सागै है। जा अर इस्राएलियां ने मिद्यानियां मुँ बचा।"

![](https://cdn.door43.org/obs/jpg/360px/obs-en-16-06.jpg)

गिदोन गै पिता कनै मूर्ति नै समर्पित एक वेदी ही। सारां मुँ पहली बात झिकी परमेश्वर गिदोन नै करणै खातिर केई कै बिं वेदी नै तोड़नो है। पर गिदोन लोगां कनु डरतो, ईं खातिर रात होण गी ईंतजार करी। फेर बणै बिं वेदी नै तोड़गे टुकड़ा-टुकड़ा कर दिऔ। बणै परमेश्वर खातिर एक नई वेदी बणाइ अर बिंगै ऊपर परमेश्वर खातिर बलि चढ़ाई।

![](https://cdn.door43.org/obs/jpg/360px/obs-en-16-07.jpg)

अगली सुबह लोगां देखेओ के कण वेदी गा तोड़ गे टुकड़ा-टुकड़ा कर दिआ है, ईं खातिर बे क्रोधित होआ। बे गिदोन नै मारण खातिर बिंगै घर गेआ, पर गिदोन गै पिता केओ, "तु क्यों आपण देवता गी मदत करण गी कोशिश करे आ है? जे बौ देवता है तो बिनै आपणी मदद खुद करण देओ!" क्योंकि बणै ईंयां केओ ईं खातिर लोगां गिदोन नै कोनी मारेओ।

![](https://cdn.door43.org/obs/jpg/360px/obs-en-16-08.jpg)

इस्राएलियां नै लुटण खातिर मिद्यानी लोग फेर आया। बै ईता सारा हा के बांगी गिनती भी कोनी करे जावै ही। गिदोन बांगै खिलाफ लड़ण खातिर इस्राएलियां नै एक सागै बुलाओ। गिदोन परमेश्वर मुँ दो चिन्‍हां नै मागेओ के बिंनै विश्वास होजय के परमेश्वर सच मै बिनै इस्राएल नै बचाण खातिर केण लागरेओ है।

![](https://cdn.door43.org/obs/jpg/360px/obs-en-16-09.jpg)

पेहलै निशानी खातिर, गिदोन भेड़ गी ऊन जमीन पर रखगे परमेश्वर नै कओ के सबेर गी ओस ऐकलि भेड़ गी ऊन गै ऊपर पड़ अर जमीन गै ऊपर ना पड़। परमेश्वर ईयां ही करेऔ। अगली रात, बगै परमेश्वर नै केऔ के जमीन गीली होजय पर भेड़ गी ऊन सूखी रेवै। परमेश्वर ईयां ही करेऔ। ई दो चिन्‍हां गै कारण, गिदोन विश्वास करेयो के परमेश्वर सच मै चावै है के बो इस्राएलियां नै मिद्यानियां मुँ बचावै।

![](https://cdn.door43.org/obs/jpg/360px/obs-en-16-10.jpg)

तब गिदोन सैनिकां नै आपगै कनै बुलायो अर 32,000 आदमी आया। पर परमेश्वर बिनै केयो के आ बोत जादा हैं। गिदोन बीं सारा 22,000 नै घर वापिस भेज दिओ झीका लड़ण मुँ डरता हा। परमेश्वर गिदोन नै केओ आ आदमी अब भी बोत जादा हैं। ई खातिर गिदोन 300 सैनिकां नै छोड़गे बां सारा नै घर भेज दिओ।

![](https://cdn.door43.org/obs/jpg/360px/obs-en-16-11.jpg)

बिं रात परमेश्वर गिदोन नै केओ, "मिद्यानियां गी छावणी मै जा अर बानै बातां करता सुण। जद तु सुणै बै के बातां करता हैं तो तू बांगै ऊपर हमला करण मुँ कोनी डरगो। "ई खातिर बिं रात, गिदोन नीच्‍च बांगी छावणी मै गेऔ अर बणै एक मिद्यानी सैनिक आपगै मित्र सागै ओ बात बतान्‍तो सुणेओ झिको बणै सपणो देखेओ हो। बिं आदमी गै मित्र केऔ, "ईं सपणै गो अर्थ है के गिदोन गी सेना आपां मिद्यानी सेना नै हरा देवगी!" जद गिदोन सुणेओ तो बणै परमेश्वर गी स्तुति करी।

![](https://cdn.door43.org/obs/jpg/360px/obs-en-16-12.jpg)

जद गिदोन आपगै सैनिकां कनै आयो अर बांगां मांऊ हरेक नै एक-एक नरसिंगो, एक मिट्टी गो पात्र, अर एक मशाल दी। बै बिं छावणी नै घेर लिओ झठै मिद्यानी सैनिक सो रेआ हा। गिदोन गा 300 सैनिकां आपगी मशालां नै पात्र सागै ढकेड़ा हा ईं खातिर मिद्यानी लोग मशालां गी रोशनी कोनी देख सकेआ।

![](https://cdn.door43.org/obs/jpg/360px/obs-en-16-13.jpg)

जद गिदोन गा सारा सैनिकां नै आपगै पात्रां नै एक ही समय पर तोड़यो एकदम मशालां गी आग नै प्रकट कर दिओ। बै आपगा नरसिंगां फूँकेआ अर चिल्‍लाया, "यहोवा गी अर गिदोन गी तलवार!"

![](https://cdn.door43.org/obs/jpg/360px/obs-en-16-14.jpg)

परमेश्वर मिद्यानियां नै घबरा दिओ, ई खातिर बै एक दूसर नै मारण-काटण लगेआ। तबी, गिदोन बै संदेशवाहकां नै बोत सारा अन्य इस्राएलियां नै मिद्यानियां गो पीछो करण नै बांगीं मदद करण खातिर बुलाण भेजेओ। बागां माऊ बोतां नै मार दिऔ अर बाकियां गो पीछो करगे बानै इस्राएल देश मुँ बाहर निकाल दिओ। बीं दिन 1,20,000 मिद्यानी मारेआ गेआ। ई तरिआ परमेश्वर इस्राएल नै बचायो।

![](https://cdn.door43.org/obs/jpg/360px/obs-en-16-15.jpg)

बै लोग गिदोन नै आपणो राजा बनाणो चान्‍ता हा, पर गिदोन बानै ईया करण कोनी दिओ, पर बणै बां कनु बो सोने गा आभूषण माँगेआ झिका बै हरेक मिद्यानियों मुँ लूट लिओ हो। बां लोगां बड़ी मात्रा मै गिदोन नै सोनो दिओ।

![](https://cdn.door43.org/obs/jpg/360px/obs-en-16-16.jpg)

जद गिदोन बीं सोने मु एक खास कपड़ा बणायो जियां यहुदी महा याजक पहनेया करता हा। पर लोगां बिंगीं उपासना करणी शुरु कर दी जिया के बो एक मूर्ति होवै। परमेश्वर फेर इस्राएल नै सजा दी क्योंकि बां मूर्ति गी उपासना करी ही। परमेश्वर बानै शत्रुयां नै हराण मै सक्षम करेओ। बादमे बे फेर परमेश्वर मुँ मदद लेण खातिर प्रार्थना करी, अर परमेश्वर बांगै कनै बानै बचाण खातिर एक अन्य छुड़ाण आलो भेजेओ।

![](https://cdn.door43.org/obs/jpg/360px/obs-en-16-17.jpg)

आ बात कई बार होई: इस्राएली लोग पाप करगे, परमेश्वर बानै सजा देवगो, बे पश्चाताप करगे, अर परमेश्वर बानै छुड़ाण खातिर किन भेजगो। कई सालां तक, परमेश्वर बहोत सारा छुड़ाण आला भेजेया झिको इस्राएलियां नै बांगै शत्रुआं मुँ बचायो।

![](https://cdn.door43.org/obs/jpg/360px/obs-en-16-18.jpg)

बादमे, बां लोगां अन्य देशां गी तरियां परमेश्वर मुँ आपगै खातिर एक राजा गी माँग करी। बे एक ईसो राजा चान्‍ता हा झीको लम्‍बो अर शक्तिशाली होवै, अर झीको युद्ध मै बांगी अगुवाई कर सकै। परमेश्वर नै ओ विनती पसंद कोनी आई, पर परमेश्वर बानै बिसो राजा दिओ जियां बांगी माँग करी ही।

*न्यायियों अध्याय 1-3; 6-8; 1 शमूएल 1-10 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_16_128kbps.m4a

## 17. दाऊद गै सागै परमेश्वर गी वाचा

https://openbiblestories.org/l/bgq/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल गो पहलो राजा हो। बो लम्‍बों अर सुणो हो, जिंयां बे लोग चान्‍ता हा एकदम बींयां। इस्राएल पर आपण राज मुँ पेहलां कई सालां तक शाऊल एक अच्‍छो राजा हो। पर बाद मै बो एक दुष्ट आदमी बण गेऔ झिके परमेश्वर गी बातां नै कोनी मानेयो, ईं खातिर परमेश्वर एक अन्य आदमी नै चुणेओ झीको के एक दिन बिंगै स्थान पर राजा बणगो।

![](https://cdn.door43.org/obs/jpg/360px/obs-en-17-02.jpg)

परमेश्वर दाऊद नाम गो एक जवान इस्राएली आदमी नै चुणगे एक दिन शाऊल गै स्थान पर राजा होण खातिर तैयार करणो शुरु करेओ। दाऊद बैतलहम नगर गो एक चरवाहा हो। की बार तो, दाऊद शेर अर भालू दोना नै मार दिओ हो क्योंकि दाऊद द्वारा रखवाली करता समय बिंगै पिता गी भेड़ा पर बै हमलो करेओ हो। दाऊद एक नम्र अर धर्मी आदमी हो। बणै परमेश्वर पर भरोसो करेओ अर बींगीं बातां नै मानेओ।

![](https://cdn.door43.org/obs/jpg/360px/obs-en-17-03.jpg)

जद दाऊद अब जवान आदमी ही हो, बणं लम्‍बां-चौड़ा गोलियत गै खिलाफ लड़ाई करी। गोलियत एक बोत आच्‍छो सैनिक हो। बो बोत मजबूत अर लगभग तीन मीटर लम्‍बो हो! पर परमेश्वर गोलियत नै मारण अर इस्राएल नै बचाण मै दाऊद गी मदद करी। ईंगै बाद, दाऊद इस्राएल गा शत्रुआँ पर कई बार जीत हासील करी। दाऊद एक बड़ो सैनिक बणै गेओ, ओर बणै बोत सा युध्‍दाँ मै इस्राएली सेना गी अगुवाई करी। लोगां बींगी बोत प्रशंसा करी।

![](https://cdn.door43.org/obs/jpg/360px/obs-en-17-04.jpg)

लोगां दाऊद मुँ ईतो प्‍यार करेओ शाऊल बिंगै सागै जलण लाग गेओ। बाद मै शाऊल बणै मारणो चान्‍तो हो, ई खातिर दाऊद बिंमु अर बिंगै सैनिकां मुँ छिपण खातिर जंगल मै भाज गेओ। एक दिन, जद शाऊल अर बिंगा सैनिक दाऊद गी खोज मै हा तो शाऊल एक गुफा मै गेऔ। ओ बोई गुफा ही जिंगै मां दाऊद छिपेड़ो हो, पर शाऊल बिंनै कोनी देखेओ। दाऊद शाऊल गै पीछ बिंगै बोत नजदिक चलेओ गेओ अर बिंगै कपड़ां मुँ एक टुकड़ो काट लियो। बाद मै, जद शाऊल बिं गुफा मुँ निकलेओ तो दाऊद शाऊल नै पुकारगे बिं पकड़ा होया कपड़ा नै दिखायो। ई तरिंया, शाऊल जाण गेओ दाऊद राजा बणण खातिर बिंनै मांरण मुँ इंकार कर दिओ है।

![](https://cdn.door43.org/obs/jpg/360px/obs-en-17-05.jpg)

कुछ समय गै बाद, शाऊल युद्ध मै मर गेओ, अर दाऊद इस्राएल गो राजा बण गेयो। बो एक आच्‍छो राजा हो, अर लोगां बिंगै सागे प्‍यार राखेओ। परमेश्वर दाऊद नै बर्कत दी अर बणै सफल बणायो। दाऊद कई युद्ध लड़ेआ, अर परमेश्वर इस्राएल गा शत्रुआं नै हराण मै बांगीं मदद करी। दाऊद यरूशलेम नगर नै जीतगे बिंनै आपणी राजधानी बणायो, झठै बे रेया अर राज करेयो। दाऊद चालीस सालां तक राजा रेयो। ईं समय गा चालता, इस्राएल सामर्थी अर धनवान बण गेयो।

![](https://cdn.door43.org/obs/jpg/360px/obs-en-17-06.jpg)

दाऊद एक मंदिर बणाणो चान्‍तो हो झठै सारा इस्राएली परमेश्वर गी आराधना कर सक अर बिंग खातिर बलिदान चढ़ा सकै। लगभग 400 सालां मुँ, बे लोग मूसा गा बणाया होया मिलाप आला तंबू मै परमेश्वर गी आराधना कर रेया हा अर बिंगै खातिर बलिदान चढ़ा रेआ हा।

![](https://cdn.door43.org/obs/jpg/360px/obs-en-17-07.jpg)

पर भठै नातान नाम गो एक आदमी भविष्यद्वक्ता हो। परमेश्वर दाऊद नै ओ केण भेजेओ, "तु बोत सारा युद्ध लड़ेआ है, ईखातिर तू ई मंदिर नै कोनी बणावगो। तेरो पुत्र ईन बणावगो। फेर भी, मै तनै बोत ही बर्कत देऊगा। तेरो एक वंशज सदा खातिर मेरा लोगां पर राजा गै रूप मै राज करगो।" सदा खातिर राज करण आलो बो दाऊद गो एकमात्र वंशज मसीह हो। मसीह परमेश्वर गो चुणेओ होयो जन हो झिको संसार गै लोगां नै बांगां पांपा मुँ बचावगो।

![](https://cdn.door43.org/obs/jpg/360px/obs-en-17-08.jpg)

जद दाऊद नातान गो संदेश सुणेओ तो बणै परमेश्वर गो धन्यवाद करेओ अर परमेश्वर गी स्तुति करी। परमेश्वर बिंगी ईजत नै बढ़ाण लागरेओ हो अर बिंनै बोत सारी बर्कतां देण लागरेओ हो। बेशक, दाऊद कोनी जाणतो हो के परमेश्वर ईं बातां नै कद करगो। ईं समय आपां जाणा हा के इस्राएलियां नै एक लम्‍बा समय तक, लगभग 1,000 सालां तक मसीह गै आण गो ईन्‍तजार करनो हो।

![](https://cdn.door43.org/obs/jpg/360px/obs-en-17-09.jpg)

दाऊद कई सालां तक न्यायपूर्वक आपण लोगां पर राज करेओ। बिंनै बड़ा विशवास मुँ परमेश्वर गी बातां नै मांनेयो अर परमेश्वर बिंनै बर्कत दी। बिंयां बी, बणै जीवन गै अंत मै परमेश्वर गै खीलाफ भयानक पाप करेओ हो।

![](https://cdn.door43.org/obs/jpg/360px/obs-en-17-10.jpg)

एक दिन दाऊद आपगै महल मुँ बाहर झाँकेओ अर सुणी स्त्री नै नहाता होया देखेओ। बो बिंनै कोनी जाणतो हो, पर बण पतो लगा लीयो के बिंगो नाम बतशेबा हो।

![](https://cdn.door43.org/obs/jpg/360px/obs-en-17-11.jpg)

आपगी दृष्टि फेरन गै बजाऐ, दाऊद बिंनै आपगै कनै लेयाण खातिर किनै भेजेओ। बो बिंगै सागै सोयो अर बिंन वापिस घर भेज दिओ। थोड़ा समय गै बाद बतशेबा ओ केगे दाऊद कनै संदेश भेजेओ के बाँ गर्भवती है।

![](https://cdn.door43.org/obs/jpg/360px/obs-en-17-12.jpg)

बतशेबा गे पति गौ नाम ऊरिय्याह हो। बो दाऊद गा आच्‍छा सैनिकां मुँ एक हो। ईं समय बो युद्ध करण खातिर बाहर गेयो हो। दाऊद ऊरिय्याह नै युद्ध मुँ वापिस बुलागे बिंनै आपगी पत्नी सागै रेण खातिर केयो। पर अन्य सैनिक युद्ध मै हा ईं खातिर ऊरिय्याह घर जाण नै मना कर दियो। दाऊद ऊरिय्याह नै वापिस युद्ध मै भेज दिओ अर सेनापति बिंनै युद्ध मै ईसा स्थान पर राखण खातिर केयो झठै शत्रु जादा शक्तिशाली होवै ताकि बो मारेयो जावै। तो ईंयां होयो के ऊरिय्याह युद्ध मै मारेयो गेयो।

![](https://cdn.door43.org/obs/jpg/360px/obs-en-17-13.jpg)

ऊरिय्याह गै युद्ध मै मर जाण गै बाद दाऊद बतशेबा सागै बेयाह कर लिओ। बाद मै, बण दाऊद गै पुत्र नै जन्म दिओ। दाऊद झिको कि करेयो परमेश्वर बोत गुसा हो, ईं खातिर परमेश्वर नातान भविष्यद्वक्ता नै दाऊद कनै ओ बताण खातिर भेजेओ के बिंगो पाप कितो बुरो हो। दाऊद आपण पाप मुँ पश्चाताप करेयो अर परमेश्वर बिंन क्षमा कर दिओ। आपण बाकी जीवन मै, आपण बाकी समयां मै भी दाऊद परमेश्वर गै पीछ-पीछ चालेयो अर बिंगी बातां मानी।

![](https://cdn.door43.org/obs/jpg/360px/obs-en-17-14.jpg)

पर दाऊद गो बेटौ मर गेयो। ईं तरियां परमेश्वर दाऊद नै सजा दी। ईंगै अलावा, दाऊद गै मरण तक, बींगै परिवार गा कुछ लोगां बिंगै खिलाफ लड़ाई करी, अर दाऊद गी आपणी शक्ति कम होगी ही। पर परमेश्वर विश्वासयोग्य हो अर अब भी परमेश्वर बो करेओ झिको बण दाऊद मु करण गो वायदो करेयो हो के बो करगो, भल ही दाऊद परमेश्वर गो अनादर करेओ हो। बाद मै, दाऊद अर बतशेबा गी दूसरी संतान पैदा होईं, अर बिंगों नाम सुलैमान राखेओ।

*1 शमूएल अध्याय 10; 15-19; 24; 31; 2 शमूएल 5; 7; 11-12 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_17_128kbps.m4a

## 18. इस्राएल गो दो भागाँ मै बंटणो

https://openbiblestories.org/l/bgq/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा चालीस सालां तक राज करेयो। जद बो मर गेयो, अर बिंगो पुत्र सुलैमान इस्राएल पर राज करनो चालु करेओ। परमेश्वर सुलैमान सागे बात करी अर बिंनै पुछेयो के बो सारा नालु जादा के चावै है के परमेश्वर बिंगै खातिर के कर। सुलैमान परमेश्वर मुँ माँगेयो के बिंनै बोत बुद्धिमान बणा दे। ईं बात परमेश्वर नै खुश करेयो, ईं खातिर परमेश्वर सुलैमान संसार मै सारा नालु जादा बुद्धिमान आदमी बणा दियो। सुलैमान बोत सारी बातां नै सीखेओ अर बो एक बुद्धिमान राज करण आलो हो। परमेश्वर बिंनै बोत धनवान भी बणा दियो हो।

![](https://cdn.door43.org/obs/jpg/360px/obs-en-18-02.jpg)

यरूशलेम शहर मै सुलैमान बिं मंदिर नै बणायो जिन बणाण खातिर बिंगै पिता योजना बणाई ही अर सामान नै इकट्ठा करेओ हो। अब लोग मिलाप आला तंबू नै छोड़गे मंदिर मै परमेश्वर गी आराधना करता हा अर बिंगै खातिर बलि चढ़ातां हा। परमेश्वर आगे मंदिर मै मोजुद रेन्‍तो हो, अर भठै बो आपण लोगां सागे वास करतो हो।

![](https://cdn.door43.org/obs/jpg/360px/obs-en-18-03.jpg)

पर सुलैमान दूसरै देशां गी स्त्रियां सागे प्रेम करेयो। बणै बोत सी, लगभग 1,000 स्त्रियां सागै बेया करगे परमेश्वर गो अनादर करेयो! ईगै मांऊ बोत सी स्त्रियाँ पराया देशां मुँ आईं अर आपणै सागे आपणै देवता लेगे आई अर बिंगी उपासना करणी जारी राखेओ। जद सुलैमान बूढ़ो हो गेओ तो बणै भी बांगै देवताआं गी उपासना करी।

![](https://cdn.door43.org/obs/jpg/360px/obs-en-18-04.jpg)

ई वजह मुँ परमेश्वर सुलैमान सागे गुसो हो बणै केओ के बो इस्राएल देश नै दो राज्‍यां मै अलग करण गै द्वारा बिंनै सजा देवगो बो सुलैमान मरण गै बाद ईंयां करगौ।

![](https://cdn.door43.org/obs/jpg/360px/obs-en-18-05.jpg)

सुलैमान मरण गै बाद, बिंगौ पूतर रहबाम राजा बणेओ। इस्राएल देश गा सारा लोग बिंनै आपण राजा गै रूप मै स्वीकार करण खातिर एक सागे इकट्ठा होया। बे रहबाम मुँ शिकायत करि के सुलैमान लोगां मुँ बोत ओखो काम करवावै हो अर बोत कर वसूलेऔ हो। बां रहबाम मुँ विनती करी के बो बांगै कनु कम काम करवावै।

![](https://cdn.door43.org/obs/jpg/360px/obs-en-18-06.jpg)

पर रहबाम लोगां नै बड़ी ही मूर्खता मुँ जवाब दिओ, "थे केओ हो के मेरो पिता सुलैमान थारै कनु ओखो काम करवायो। पर मै थारै कनु बिं नालु भी जयादा ओखो काम करवाऊँगा, अर मै थानै बिंमु जयादा दुखी करूँगा।"

![](https://cdn.door43.org/obs/jpg/360px/obs-en-18-07.jpg)

जद लोगां बिंनै ईंयां केन्‍तो सुणेओ तो कई लोगां बिंगै खिलाफ दंगो करेओ। दस जातियां बिंनै छोड़ दियो; बिंगै सागे अब बस दो जातियां ही बचेआ। ई दो जातियां आप नै यहूदा गो राज्य केओ।

![](https://cdn.door43.org/obs/jpg/360px/obs-en-18-08.jpg)

बाकी दस जातियां यारोबाम नाम गै एक आदमी नै आपगो राजा बणा लिओ। ओ जाति देश गै उत्तर-पूर्वी भाग मै हा। बां खुद नै इस्राएल देश गो राज्य केओ।

![](https://cdn.door43.org/obs/jpg/360px/obs-en-18-09.jpg)

पर यारोबाम परमेश्वर गै खिलाफ विरोध करेयो अर लोगां मुँ पाप करवायो। बणै आपगै लोगां द्वारा उपासना करण खातिर दो मूर्तियां नै बणायो। बे अब यहूदा गै राज्य मै यरूशलेम मै परमेश्वर गै मंदिर मै बिंगीं आराधना करण खातिर कोनी गेया।

![](https://cdn.door43.org/obs/jpg/360px/obs-en-18-10.jpg)

यहूदा अर इस्राएल राज्य गा शत्रु बण गेया अर अक्सर एक दूसर गै खिलाफ लड़ण लाग गेया।

![](https://cdn.door43.org/obs/jpg/360px/obs-en-18-11.jpg)

इस्राएल गै नया राज्य मै, सारा ही राजा दुष्ट हा। ईगै मांऊ कई राजा बिंगै स्थान पर राजा बणण गी ईछा राखण आला अन्य इस्राएलियां गै द्वारा मारेया गेया हा।

![](https://cdn.door43.org/obs/jpg/360px/obs-en-18-12.jpg)

इस्राएल राज्य गा सारा ही राजा अर जादातर लोगां मूर्तियां गी उपासना करी। जद बे ईंयां करेयो, तो बे अक्सर वेश्या गै सागै सोया अर अठ तक के कई बार मूर्तियां गा आगे बच्‍चा बलि भी करयौ।

![](https://cdn.door43.org/obs/jpg/360px/obs-en-18-13.jpg)

यहूदा राज्य गो राजा, दाऊद गा वंशज हा। ईं राजा मुँ कई भला आदमी हा झिका न्यायपूर्वक राज करेओ अर परमेश्वर गी आराधना करी। पर यहूदा गा जादातर राजा दुष्ट हा। बे दुष्टता सागै राज करेओ, अर मूर्तियां गी उपासना करी। अठै तक के ईंगै मांऊ कुछ राजा झूठा देवतां गै आगे आपगा बच्‍चा भी बलि कर दिया। यहूदा गा जादातर लोगां भी परमेश्वर गै खिलाफ विधरो करेओ अर अन्य देवतआं गी उपासना करी।

*1 राजा अध्याय 1-6; 11-12 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_18_128kbps.m4a

## 19. परमेश्वर गौ भविष्यद्वक्ता

https://openbiblestories.org/l/bgq/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इस्राएलियां गै कनै भविष्यद्वक्‍तां नै भेजतो रेन्‍तो हो। भविष्यद्वक्ता परमेश्वर गै संदेशां नै सुणता हा अर फेर बिंनै लोगां नै बतांता हा।

![](https://cdn.door43.org/obs/jpg/360px/obs-en-19-02.jpg)

जद अहाब इस्राएल राज्य पर राजा हो तो बिं समय एलिय्याह भविष्यद्वक्ता हो। अहाब एक बुरो आदमी हो। बणै झूठा बाल देवता गी उपासना करवाण खातिर लोगां नै मजबुर करेओ हो। ईं खातिर एलिय्याह अहाब नै केओ के परमेश्वर बिं लोगां नै सजा देण जा रेओ हो। बणै बानै केओ, "जद तक मै फेर बारिश होण खातिर ना केऊ तब तक इस्राएल राज्य मै ना बारिश पड़गी अर ना तरेड़ गिरगी।" ईं बात अहाब नै ईतो गुसो करा दिओ बणै एलिय्याह नै मारण गो फेंसलो करेओ।

![](https://cdn.door43.org/obs/jpg/360px/obs-en-19-03.jpg)

ईं खातिर परमेश्वर एलिय्याह नै केओ के बो जंगल मै जागे अहाब मुँ छिप जावै। एलिय्याह जंगल मै बि सोता गै कनै गेओ झठै जाण खातिर परमेश्वर बिंनै बतायो हो। हर सबेर अर हर शाम, पक्षी एलिय्याह खातिर रोटी अर माँस लेगे आन्‍ता हा। ईं पुरै समय, अहाब अर बिंगी सेना एलिय्याह गी खोज करता रेआ, पर बे बिंनै खोज ना सकेआ।

![](https://cdn.door43.org/obs/jpg/360px/obs-en-19-04.jpg)

बारिश ना होण गै कारण कुछ समय गै बाद बो सोतो सूख गेओ। ईं खातिर एलिय्याह गै कनै झिको एक देश हो मां चलेओ गेओ। बिं देश मै एक गरीब विधवा ही जिंगो एक पुत्र हो। बिंगै कनै भोजन लगभग खतम हो गेओ हो क्योंकि बठै कोई फसल कोनी होई ही। पर फेर भी, बो स्त्री एलिय्याह गी देखभाल करी, ईं खातिर परमेश्वर ने बिंगी अर बिंगै पुत्र गी जरुरतां नै पूरो करेओ, ईं कारण बिंगै आटे गो बरतन अर बिंगी तेल गी कुप्पी कदे खाली ना होई। बिं पुरै अकाल गै चालता बिंगै कनै भोजन हो। एलिय्याह कुछ सांलां तक भठै रेओ।

![](https://cdn.door43.org/obs/jpg/360px/obs-en-19-05.jpg)

साढ़े तीन सालां गै बाद, परमेश्वर एलिय्याह नै केयो के बो फेर बारिश बरसावै गो। बणै एलिय्याह नै वापिस इस्राएल राज्य मै जागे अहाब सागे बातां करण खातिर केओ। ईं खातिर एलिय्याह अहाब गै कनै गेओ। जद अहाब नै देखेओ तो बणै केओ, "अच्छा तू है, मुसीबत पैदा करण आलो!" एलिय्याह जवाब दिओ, "मुसीबत पैदा करण आलो तो तू है! तू यहोवा नै त्याग दिओ है। बो ही सच्चा परमेश्वर है, पर तू बाल देवता गी उपासना कर रेओ है। अब तनै इस्राएल राज्य गा सारा लोगां नै कर्मेल पर्वत पर लेगे आणो है।"

![](https://cdn.door43.org/obs/jpg/360px/obs-en-19-06.jpg)

सारा लोग कर्मेल पर्वत नै गेआ। बे आदमी भी आया झिका केन्‍ता हा के बे बाल गा संदेशां नै बोलता हैं। आ बाल देवता गा भविष्यद्वक्ता हा। बे सारा 450 हा। एलिय्याह लोगां नै केओ, "कद तक थे आपगै मना नै फिराए राखोगा? जे यहोवा परमेश्वर है तो बिंगि आराधना करो! जे बाल परमेश्वर है तो बिंगि उपासना करो!"

![](https://cdn.door43.org/obs/jpg/360px/obs-en-19-07.jpg)

जद एलिय्याह बाल गा भविष्यद्वक्ताआं नै केओ, "एक बैल नै बलि करगे बिंगै माँस नै बलिदान होण खातिर एक वेदी पर राख देओ, पर आग कोनी लगाणी। ईंगै बाद मै भी ईंया ही करूँगा, अर एक अलग वेदी पर मै बिं माँस राखूँगा। जे परमेश्वर वेदी पर आग गिरान्‍तो है तो थे जाण लेओगा के बो सच्चा परमेश्वर है।" जद बाल गा भविष्यद्वक्ताआं एक बलि नै तैयार करेओ पर आग कोनी लगाई।

![](https://cdn.door43.org/obs/jpg/360px/obs-en-19-08.jpg)

जद बाल गा भविष्यद्वक्ताआं बाल देवता मुँ प्रार्थना करी, "हे बाल देवता, मांरी सुण!" पूरा दिन बे लोगां प्रार्थना करी अर चिल्लाया अर हठै तक के आप नै चाकुआं मुँ काट लियो, पर बाल जवाब कोनी दिओ, अर बाल देवता कोई आग कोनी गिराई।

![](https://cdn.door43.org/obs/jpg/360px/obs-en-19-09.jpg)

बाल देवता गा भविष्यद्वक्‍तां बाल देवता मुँ प्रार्थना करण मै लगभग पूरो दिन बिता दिओ। लोगां प्रार्थना करणी बंद कर दी। जद एलिय्याह दूसरै बैल गै माँस नै परमेश्वर गी वेदी पर रख दिओ। बिंगै बाद, बणै लोगां मुँ पाणी गा बड़ा बरतनां नै बिं बलिदान पर तब तक उंडेलण खातिर केओ जद तक के माँस, लकड़ियाँ, अर हठै तक के वेदी गै आसपास गी जमीन पूरी तराह गीली कोनी होगी।

![](https://cdn.door43.org/obs/jpg/360px/obs-en-19-10.jpg)

जद एलिय्याह प्रार्थना करी, "हे यहोवा, अब्राहम, इसहाक, अर याकूब गै परमेश्वर, मांनै दिखाओ के थे इस्राएल गा परमेश्वर हो अर ओ के मै थारो दास हूँ। मंनै जवाब देओ के ऐ लोग जाण लेंव के थे ही सच्‍चा परमेश्वर हो।

![](https://cdn.door43.org/obs/jpg/360px/obs-en-19-11.jpg)

तब ही, आकाश मुँ आग गिरी अर बणै माँस, लकड़ियाँ, पहाड़ां, मिट्टी, अर हठै ताई वेदी गै आसपास गै पाणी नै भी जला दिओ। जद लोगां ओ देखेओ, बे लोग जमीन पर गिर पड़ेआ अर बोलेआ, "यहोवा ही परमेश्वर है! यहोवा ही परमेश्वर है!"

![](https://cdn.door43.org/obs/jpg/360px/obs-en-19-12.jpg)

तब एलिय्याह केओ, "बाल देवता गो एक भी भविष्यद्वक्ता बचगे ना जा सकै!" ईं खातिर लोगां बाल देवता गा भविष्यद्वक्‍तां नै पकड़ लिओ अर बानै भठुँ अलग लेगेआ अर बानै मार दिओ।

![](https://cdn.door43.org/obs/jpg/360px/obs-en-19-13.jpg)

तब एलिय्याह अहाब राजा नै केओ, "जल्दी आपगै घर नै भाज जा, क्योंकि बारिश आण आली है।" जल्दी ही बादल घणा हो गेआ, अर जादा बारिश पड़नी शुरु हो गईं। यहोवा बिं सूखे नै खतम करण लागरेओ हो। ईंयां प्रकट होयो के यहोवा ही सच्चा परमेश्वर है।

![](https://cdn.door43.org/obs/jpg/360px/obs-en-19-14.jpg)

जद एलिय्याह आपगै काम नै खतम कर दिओ, तो परमेश्वर एलीशा नाम गो एक आदमी नै आपगो भविष्यद्वक्ता होण खातिर चुणेओ। परमेश्वर एलीशा गै दवारा बोत सारा चमत्कार करेआ। एक चमत्कार नामान गै सागै होयो। बो एक शत्रु गी सेना गो सरदार हो, पर बिंनै चमड़ी गो एक बुरो रोग हो गेओ हो। नामान एलीशा गै बारे मै सुणेओ हो, ईंखातिर बो एलीशा गै कनै आयो अर बणै बिंनै ठीक करण खातिर विनती करी। एलीशा नामान नै केओ के जागे यरदन नदी गै पाणी मै सात बार डुबकी लगा लेवै।

![](https://cdn.door43.org/obs/jpg/360px/obs-en-19-15.jpg)

नामान गुसो हो गेओ। बणै ईंया करण मुँ इंकार कर दिओ, क्योंकि बिंनै ओ मुर्खता गो काम लागतो हो। पर बाद मै बणै आपगो मन बदल लियो अर जागे यरदन नदी गै पाणी मै सात बार डुबकी लगाई। जद आखरी बार बो पानी मुँ बारे निकओ तो परमेश्वर बिंनै ठीक कर दिओ।

![](https://cdn.door43.org/obs/jpg/360px/obs-en-19-16.jpg)

परमेश्वर इस्राएल गै लोगां कनै अन्य बोत सारा भविष्यद्वक्‍तां नै भेजेओ। बे सारा लोगां नै मूर्तियां गी उपासना करणो बंद करण खातिर केओ। ईंन छोड़गे, बै लोगां एक दूसर सागे न्यायपूर्वक व्यवहार करणो है अर एक दूसर पर दया करणी है। बां भविष्यद्वक्ताआं लोगां नै चेतावनी दी के बो लोगां बुरा कामां नै बंद करणो है ईंनै छोड़गे परमेश्वर गी बातां गो पालन करणो है। जे बे लोगां ईंयां कोनी करेओ तो परमेश्वर बां लोगां न दोषी मानगे बांगो न्याय करगो, अर लोगां नै सजा दी।

![](https://cdn.door43.org/obs/jpg/360px/obs-en-19-17.jpg)

जादातर समय, बां लोगां परमेश्वर गी आज्ञा गो पालन कोनी करेओ। अक्सर बे लोगां भविष्यद्वक्ताआं गै सागे बुरो व्यवहार करेओ अर हठै ताईं के कदी कदी बांनै मार भी दिओ। एक बार, बे लोगां यिर्मयाह भविष्यद्वक्ता न सूखे कुएँ मै डाल दिओ अर बिंनै भठै मरण खातिर छोड़ दिओ। बो कुएँ गै तल मै कीचड़ गै मां धँस गेओ। पर तब राजा नै बिंगै ऊपर दया आई अर बणै आपगै सैनिकां नै आदेश दिओ के यिर्मयाह गै मरण मुँ पैहलां बिंनै कुएँ मुँ बाहर खींच लेयो।

![](https://cdn.door43.org/obs/jpg/360px/obs-en-19-18.jpg)

भविष्यद्वक्‍तां परमेश्वर गी तरफ मुँ बोलणो जारी राखेओ भले ही लोगां बिंगै सागे नफरत करी। बणै लोगां नै चेतावनी दी के जे बे लोगां पश्चाताप ना करेओ तो परमेश्वर बानं नाश कर देवगो। बणै लोगां नै ओ भी याद करायो के परमेश्वर बीं लोगां कनै मसीह नै भेजण गी प्रतिज्ञा करी है।

*1 राजा अध्याय 16-18; 2 राजा 5; यिर्मयाह 38 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_19_128kbps.m4a

## 20. इस्राएल गो गुलाम बणागै ले जाणौ अर वापसी

https://openbiblestories.org/l/bgq/story-20/

![](https://cdn.door43.org/obs/jpg/360px/obs-en-20-01.jpg)

इस्राएल राज्य अर यहूदा राज्य दोनों परमेश्वर गै खिलाफ पाप करेओ। बां लोगां बिं वाचा नै तोड़ दिओ झीकी परमेश्वर बांगै सागे सीनै पर बाँधी ही। परमेश्वर बानै पश्चाताप करण अर फेर मुँ बिंगीं आराधना करण खातिर चेतावनी देण नै आपगै भविष्यद्वक्ताआं नै भेजेओ, पर बां लोगां परमेश्वर गी बातां नै मानण मुँ इंकार कर दिओ।

![](https://cdn.door43.org/obs/jpg/360px/obs-en-20-02.jpg)

परमेश्वर बांगै शत्रुआं नै नाश करणै मै सक्षम करगे दोनां राज्‍यां नै सजा देई। अश्शूर एक अन्य देश हो झीको बोत शक्तिशाली हो गेओ हो। बै दूसर देशां गै खातिर बोत निर्दयी भी हा। अश्‍शूरा पहलां इस्राएल राज्य नै नाश कर दिओ। अश्शूरियां पहलां इस्राएल गै राज्य मै बोत सारां नै मार दिओ, झीको कि चाऐओ बिंनै लूट लिओ, अर देश गा कई हिस्‍सां नै जला दिओ।

![](https://cdn.door43.org/obs/jpg/360px/obs-en-20-03.jpg)

अश्शूरियां सारां परधानां, धनवान लोगां, अर बै लोगां नै झीका कीमती चिंजा नै बणा सकता हा एक सागे इकट्ठा करेओ अर बै बांनै अश्शूर देश ले गेआ। इस्राएल मै ऐकला गरीब इस्राएली ही बचेया।

![](https://cdn.door43.org/obs/jpg/360px/obs-en-20-04.jpg)

फेर अश्शूरी लोग बिं देश मै रेण खातिर विदेशियां नै लेगे आया। बिं विदेशियां फेर बिं नगरां नै बणाओ। झीका इस्राएली भठै बचेआ हा बांगै सागे विदेशियां बेया करेओ। ईं लोगां गा वंशज सामरी अखवाया।

![](https://cdn.door43.org/obs/jpg/360px/obs-en-20-05.jpg)

यहूदा राज्य गा लोगां देखेओ किया परमेश्वर पर विश्वास ना करण अर बिंगीं बातां ना मांनण गै कारण इस्राएल राज्य गा लोगां नै सजा दी। पर फेर भी बै लोगां कनानियां गै देवतावां गी मूर्तियां गी उपासना करी। परमेश्वर बानै चेतावनी देण खातिर भविष्यद्वक्ताआं नै भेजेओ, पर बै लोगां सुनण मुँ इंकार कर दिओ।

![](https://cdn.door43.org/obs/jpg/360px/obs-en-20-06.jpg)

लगभग 100 सालां गै बाद अश्शूरियां नै इस्राएल राज्य नै नाश कर दिओ। परमेश्वर बेबीलोन गो राजा, नबूकदनेस्सर नै यहूदा राज्य पर हमलो करण खातिर भेजेओ। बेबीलोन एक शक्तिशाली देश हो। यहूदा गो राजा नबूकदनेस्सर गा दास बणण अर हर साल बणे बोत सारा धन गो भुगतान करण खातिर सहमत हो गेओ।

![](https://cdn.door43.org/obs/jpg/360px/obs-en-20-07.jpg)

पर कई सालां गै बाद, यहूदा राजा बेबीलोन गै खिलाफ दंगौ करेओ। बेबीलोनियां वापिस आगे यहूदा राज्य पर हमलो कर दिओ। बां यरूशलेम नगर पर कब्‍जो कर लिओ, मंदिर नै नष्ट कर दिओ, नगर अर मंदिर गै खजाने नै लूट लिओ।

![](https://cdn.door43.org/obs/jpg/360px/obs-en-20-08.jpg)

दंगो करण गै कारण यहूदा राजा नै सजा देण खातिर, नबूकदनेस्सर गा सैनिकां राजा गै पुत्र नै बिंगै सामण मार दिओ अर फेर बिंनै अंधो कर दिओ। ईंगै बाद, बे राजा नै ले गेआ के बो बेबीलोन गै जेलखाने मै मर जावै।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर अर बिंगी सेना यहूदा राज्य गा लगभग सारा ही लोगां नै बेबीलोन ले गेआ, बस सारा गरीब लोगां नै लारे छोड़ गेआ के बे खेतां मै फसलां नै उगाव। समय गा ई काल नै बंधुआई केओ गेओ है जिंगै मां परमेश्वर लोगां नै प्रतिज्ञा गै देश मुँ निकलगे जाण खातिर मजबुर कर दिओ हो।

![](https://cdn.door43.org/obs/jpg/360px/obs-en-20-10.jpg)

भले ही परमेश्वर आपगै लोगां गै पाप गै कारण बंधुआई मै लेजागे सजा दि, फेर भी परमेश्वर लोगां नै अर आपगी प्रतिज्ञा नै कोनी भुलेओ हो। परमेश्वर आपगै लोगां गी निगरानी करणो जारी राखेओ अर आपग भविष्यद्वक्‍तां गै द्वारा बांगै सागै बातां करतो रेओ। बणै प्रतिज्ञा करी के सत्तर सालां गै बाद, बे फेर प्रतिज्ञा गै देश मै लौटेंगा।

![](https://cdn.door43.org/obs/jpg/360px/obs-en-20-11.jpg)

लगभग सत्तर सालां गै बाद, फारस गै राजा कुस्रू बेबीलोन नै हरा दिओ, ईं खातिर बेबीलोन गै साम्राज्य नै छोड़गे फारस गै साम्राज्य कई देशां गै ऊपर राज करेओ। इस्राएली लोग अब यहूदी अखवांतां हा। बांगै मांऊ बोत लोगां आपगो पूरो जीवन बेबीलोन में बिता दिओ हो। बस बोत थोड़ा बूढा यहूदियां नै ही यहूदा गो देश याद हो।

![](https://cdn.door43.org/obs/jpg/360px/obs-en-20-12.jpg)

फारसी लोग बोत सामर्थी हा, पर बे लोगां आपगै जीतेआ होया लोगां पर दया करी ही। फारसी लोगां गो राजा बणण गै थोड़ा समय बाद, कुस्रू एक आदेश दिओ के कोई भी यहूदी झिको यहूदा नै जाणों चान्‍तो होवै, बो फारस मुँ निकलगे वापिस यहूदा न जा सक है। हठै ताईं के बणै बां लोगां नै मंदिर फेर बणाण खातिर धन भी दिओ। बंधुआई गा सत्तर सालां गै बाद, यहूदियां गो एक छोटो समूह यहूदा मै यरूशलेम नगर नै लौट आया।

![](https://cdn.door43.org/obs/jpg/360px/obs-en-20-13.jpg)

जद बै लोग यरूशलेम पोंचेआ तो बां लोगां मंदिर नै अर नगर गै चारुं ओर गी दीवार नै फेर बणायो। फारसी लोग अब भी बांगै ऊपर राज करता हा पर एक बार फेर बै प्रतिज्ञा गै देश मै रेण लागरेआ हा अर मंदिर मै आराधना कर रेआ हा।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_20_128kbps.m4a

## 21. परमेश्वर मसीह गी आण गी प्रतिज्ञा करै है

https://openbiblestories.org/l/bgq/story-21/

![](https://cdn.door43.org/obs/jpg/360px/obs-en-21-01.jpg)

जद परमेश्वर संसार गी सृष्टि करी हि, बौ जाणै हौ के बिंगै बाद एक दिन मसीह नै भेजणो होवगो। बण आदम अर हव्वा मुँ प्रतिज्ञा करी हि के में ईंयाँ करुंगा। बणै केओ हव्वा मुँ एक वंशज जन्म लेअगो झिको साँप गो सिर कुचलगो। झिक साँप हव्वा न धोखो दिओ बौ शैतान हो। परमेश्वर गो अर्थ हो के मसीह पूरी तरियां शैतान नै हरा देअगौ।

![](https://cdn.door43.org/obs/jpg/360px/obs-en-21-02.jpg)

परमेश्वर अब्राहम सागै प्रतिज्ञा करी ही के बिंगै द्वारा संसार गी सारी जातियाँ बरकत पावगी। परमेश्वर बाद मै किं भि समय मसीह नै भेजण गै द्वारा ईं प्रतिज्ञा ने पुरो करगो। बो मसीह संसार गै हर एक जाति मुँ लोगों नै बांगै पाप मुँ छुडावगो।

![](https://cdn.door43.org/obs/jpg/360px/obs-en-21-03.jpg)

परमेश्वर मूसा सागै प्रतिज्ञा करी ही के भविष्य मे बो मूसा गै समान एक अन्य भविष्यद्वक्ता भेजगो। औ भविष्यद्वक्ता मसीह होवगो। ईं रीति मुँ, परमेश्वर फेर प्रतिज्ञा करी के बो मसीह नै भेजगो।

![](https://cdn.door43.org/obs/jpg/360px/obs-en-21-04.jpg)

परमेश्वर राजा दाऊद सागै प्रतिज्ञा करी ही के बिंगो एक वंशज मसीह होवगो। बौ राजा होवगो अर परमेश्वर गै लोगों पर सदा राज करगो।

![](https://cdn.door43.org/obs/jpg/360px/obs-en-21-05.jpg)

परमेश्वर यिर्मयाह भविष्यद्वक्ता सागै बात करी अर केऔ के एक दिन बौ एक नई वाचा बाँधगौ। बा नई वाचा इस्राएल गै सागै सीनै पर बाँधी होई पुरानी वाचा झिसी ना होवगी। जद लोगां सागै बौ आपणी नई वाचा बाँधगो, तो बौ बांगै पर आप आदमी गै रूप मै प्रकट करगो। हर एक जन बिंगै सागै प्रीति राखगौ अर बिंगी व्यवस्था गौ पालन करण गी इच्छा राखगौ। परमेश्वर केऔ कै बिंगी व्यवस्था गो बांगै हृदयों पर लिख देण झिसो होवगो। बे बिंगा लोग होवगा, अर परमेश्वर बांगै पांपा नै माफ करगो। बौ मसीह होवगौ झिको बांगै सागै नई वाचा बाँधगो।

![](https://cdn.door43.org/obs/jpg/360px/obs-en-21-06.jpg)

परमेश्वर गै भविष्यद्वक्‍तां औ भी केऔ के मसीह एक भविष्यद्वक्ता होवगो। एक भविष्यद्वक्ता बौ आदमी है झिको परमेश्वर गा वचन सुण है अर फेर लोगां पर परमेश्वर गा संदेशां गी घोषणा करै है। जिन भेजण खातिर परमेश्वर प्रतिज्ञा करी ही के बो मसीह एक सिद्ध भविष्यद्वक्ता होवगो। बौ मसीह परमेश्वर गै संदेशां नै आच्‍छी तरियां सुणगो, अर बौ लोगां नै बिं संदेशां नै आच्‍छी तरियां सिखावगौ।

![](https://cdn.door43.org/obs/jpg/360px/obs-en-21-07.jpg)

इस्राएली यहुदि याजक लोगां खातिर परमेश्वर गै आगै बलिदान चढ़ाणो जारी रखेओ। औ बलिदान लोगां गै पापां खातिर बानै परमेश्वर द्वारा दंडित करेआ जाण गै स्थान पर चढ़ाआ गैआ हो। यहुदी याजक लोगां खातिर प्रार्थना भी करी। पर, बौ मसीह सिद्ध महा यहुदी याजक होवगो झिको परमेश्वर नै देण खातिर एक सिद्ध बलि गै रूप मै स्वयं नै चढ़ा देअगो। अर्थात्, बौ कदे पाप ना करगो, अर जद बो स्वयं नै बलि होण खातिर देअगौ, तो संसार गी कोई भी अन्य बलि जरुरी ना होवगी।

![](https://cdn.door43.org/obs/jpg/360px/obs-en-21-08.jpg)

लोगां गै समूहां पर राजा अर प्रधान राज करै है, अर कदी-कदी बै गलतियाँ करै है। राजा दाऊद ने सिरफ इस्राएलियां पर राज करेऔ, पर राजा दाऊद गौ वंशज मसीह पूर संसार पर राज करगो, अर बौ सदा खातिर राज करगौ। बिंगै बावजुद, बौ सदा न्यायपूर्ण रीति मुँ राज करेगौ, अर सही फेंसला लेअगो।

![](https://cdn.door43.org/obs/jpg/360px/obs-en-21-09.jpg)

परमेश्वर गै भविष्यद्वक्‍तां मसीह गै खातिर बहोत सारी बातां केईं। उदाहरण खातिर, मलाकी केऔ मसीह गै आण मुँ पेहलां एक अन्य भविष्यद्वक्ता आवगौ। बौ भविष्यद्वक्ता बहोत महत्वपूर्ण होवगो। ईंगै अलावा, यशायाह भविष्यद्वक्ता लिखेऔ के मसीह एक कुँआरी मुँ जन्म लेअगौ। अर मीका भविष्यद्वक्ता केऔ मसीह बैतलहम गाँव मै जन्म लेअगो।

![](https://cdn.door43.org/obs/jpg/360px/obs-en-21-10.jpg)

यशायाह भविष्यद्वक्ता केऔ के मसीह गलील गै क्षेत्र मे वास करगो। झिका लोग बहोत दुःखी है मसीह बानै शान्ति देअगो। बौ कैदियां नै भी स्वतंत्र करगो। मसीह बीमारां नै अर झिका सुण ना सकै, देख कोनी सकै, बोल कोनी सकै, या चाल कोनी सकै बानै भी चंगौ करगौ।

![](https://cdn.door43.org/obs/jpg/360px/obs-en-21-11.jpg)

यशायाह भविष्यद्वक्ता औ भी केऔ के लोग मसीह मुँ नफरत करगा अर बिनै स्वीकार करण मुँ इंकार कर देअगा। अन्य भविष्यद्वक्‍तां केऔ के मसीह गो एक साथी बिंगै विरुद्ध उठगौ। जकर्याह भविष्यद्वक्ता केऔ कै औ साथी ईंआं करणै खातिर दूसर लोगां कनु चाँदी गा तीस सिक्‍का लेअगो। ईंगै अलावा, किं भविष्यद्वक्‍तां केऔ के लोग मसीह नै मार देअगा, अर बिंगै वस्‍त्रां खातिर जुवो खेलगा।

![](https://cdn.door43.org/obs/jpg/360px/obs-en-21-12.jpg)

भविष्यद्वक्‍तां औ भी बताऔ के मसीह किंयाँ मरगो। यशायाह भविष्यद्वाणी करी के लोग मसीह पर थूकगा, बिंगौ मजाक उडावगा, अर बिनै कुटगा। बे बिंगै हाथां पेरां नै किलां मुँ छेद देअगा अर बौ बड़ी पीड़ा अर तकलिफ मे मर जावगो, बणै कोई भी गलत काम कोनि करेऔ हो।

![](https://cdn.door43.org/obs/jpg/360px/obs-en-21-13.jpg)

भविष्यद्वक्‍तां औ भी बताऔ के मसीह पाप ना करगो। बो सिद्ध होवगो। पर बो ईं खातिर मरगो परमेश्वर बानै दुसरै लोगां गै पांपा कारण दंडित करगो। बिंगै मरण मुँ लोग परमेश्वर सागै मेल करण मे सक्षम होवगा। ईं खातिर परमेश्वर चावै है के मसीह मरै।

![](https://cdn.door43.org/obs/jpg/360px/obs-en-21-14.jpg)

भविष्यद्वक्‍तां औ भी बताओ के परमेश्वर मसीह नै मरेयाँ होयाँ मुँ जीवित करगो। औ सारो नई वाचा बाँधण गी परमेश्वर गी योजना ही, के बौ बाँ लोगां नै बचा सक झिकां बिंगै विरुद्ध पाप करेओ है।

![](https://cdn.door43.org/obs/jpg/360px/obs-en-21-15.jpg)

परमेश्वर भविष्यद्वक्‍तां पर मसीह गै बार मे बहोत सी बातां नै प्रकट करेओ, पर मसीह बां भविष्यद्वक्‍तां मुँ किंग भी जीवनकाल मे कोनि आयो हो। ईं भविष्यद्वाणियां गै करे जाण गै 400 मुँ ज्‍यादा सालां बाद, सही समय पर, परमेश्वर मसीह नै ईं संसार मे भेजगौ।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_21_128kbps.m4a

## 22. यूहन्ना गो जन्म

https://openbiblestories.org/l/bgq/story-22/

![](https://cdn.door43.org/obs/jpg/360px/obs-en-22-01.jpg)

पेलै समय मै, परमेश्वर आपणां भविष्यद्वक्‍तां सागै बात करी ईं खातिर बे लोगां मुँ बात कर सकेआ। पर बिं समय मुँ लेगै फेर 400 साल बीतण तक बणै बांग साग बात कोनी करी। फेर परमेश्वर जकर्याह नाम गै भविष्यद्वक्ता गै कनै एक स्वर्गदूत भेजेऔ। जकर्याह अर बिंगी पत्नी एलीशिबा परमेश्वर गौ आदर करता। बै बहोत बूढ़ा हो गेआ, अर बांगी कोई संतान पैदा ना हौई।

![](https://cdn.door43.org/obs/jpg/360px/obs-en-22-02.jpg)

स्वर्गदूत जकर्याह नै केऔ, "तेरी पत्नी गै एक पुत्र पैदा होवगौ।तु बिंगो नाम यूहन्ना राखणौ है। परमेश्वर बिन पवित्र आत्मा मुँ परिपूर्ण करगौ, अर यूहन्ना लोगां नै मसीह नै ग्रहण करण खातिर तैयार करेगौ।" जकर्याह जवाब दिऔ, "मैं अर मेरी पत्नी संतान पैदा करण खातिर बहोत बुढ़ा हां! मैं कियाँ जाणु कै थै मनै सच बौले आऔ?"

![](https://cdn.door43.org/obs/jpg/360px/obs-en-22-03.jpg)

बिं स्वर्गदूत जकर्याह नै जवाब दिऔ, " तेरै कनै औ शुभ संदेश लेआण खातिर मनै परमेश्वर द्वारा भेजेऔ गेऔ है। क्योंकि तू मेरै ऊपर विश्वास कोनी करेऔ, ईं खातिर बच्‍चा गै जन्म लेण तक तू बोलण मै सक्षम ना होवगौ।" जद ही, जकर्याह बोलण मै असमर्थ हौगेऔ। फेर बौ स्वर्गदूत जकर्याह कनु जांतौ रेऔ। बिंग बाद, जकर्याह घर मैं आ गेऔ अर बिंगी पत्नी गर्भवती होई।

![](https://cdn.door43.org/obs/jpg/360px/obs-en-22-04.jpg)

जद एलीशिबा छः महीना गी गर्भवती ही, तो बोईं स्वर्गदूत एकदम एलीशिबा गै रिश्तेदार पर प्रकट होयो, जिंगो नाम मरियम हो। मरियम कुँआरी ही अर बेयाह होण खातिर यूसुफ नाम गै आदमी सागे मंगनी होगी ही। स्वर्गदूत केओ, "तू गर्भवती होवगी अर एक पुत्र न जन्म देवगी। तनै बिंगो नाम यीशु राखणो है। बो सर्व-शक्तिमान परमेश्वर गो पुत्र होवगो अर सदा खातिर राज करगो।"

![](https://cdn.door43.org/obs/jpg/360px/obs-en-22-05.jpg)

मरियम जवाब दिओ, "ओ किंयां होवगो, क्योंकि मै तो कुँआरी हूँ?" स्वर्गदूत समझायो, "पवित्र आत्मा तेर ऊपर आवगो, अर परमेश्वर गी सामर्थ तेर ऊपर छाया करगी। ईंखातिर बो शिशु पवित्र होवगो, अर बो परमेश्वर गो पुत्र होवगो।" झिको कि स्वर्गदूत केओ बिंग ऊपर मरियम विश्वास करेओ।

![](https://cdn.door43.org/obs/jpg/360px/obs-en-22-06.jpg)

ओ होण गै बाद, मरियम जागे एलीशिबा मूँ भेंट करी। जींयां ही मरियम बिनै नमस्कार करेओ, एलीशिबा गो शिशु बिंगै भीतर उछलेओ। बांगै खातिर परमेश्वर झिको कि करेओ हो बिं खातिर सारी स्त्रियाँ एक सागै खुश होईं। एलीशिबा सागे तीन महीना रेण गै बाद, मरियम घर लौट गी।

![](https://cdn.door43.org/obs/jpg/360px/obs-en-22-07.jpg)

ईंग बाद, एलीशिबा आपगै बालक नै जन्म दिओ। जकर्याह अर एलीशिबा बिं बालक गो नाम यूहन्ना राखेओ, जिंआ बिं स्वर्गदूत आदेश दिओ हो। परमेश्वर जकर्याह नै बोलण मै सक्षम करेओ। जकर्याह केओ, "परमेश्वर गी स्तुति होवै, क्योंकि परमेश्वर आपग लोगां गि मदद करण खातिर याद राखेओ है! हे मेरे पुत्र, तू सर्व-शक्तिमान परमेश्वर गो भविष्यद्वक्ता होवगो। तू लोगां नै बतावगो के बै लोग किंया पापों मुँ क्षमा पा सकै हैं!"

*लूका अध्याय 1 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_22_128kbps.m4a

## 23. यीशु गो जन्‍म

https://openbiblestories.org/l/bgq/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाम गै एक धर्मी आदमी सागै मरियम की मंगनी होगी। जद बणै सुणेऔ के मरियम गर्भवती है तो बौ जाणै हौ के बौ बिनंगो बच्‍चौ कोनी। पर, बौ मरियम नै बदनाम कोनी करणौ चाहंतो, ईं खातिर बणै बिंगै पर कृपा करण गी अर बिनै चुपचाप तलाक देण गी सोची। पर ईमुं पेहलां कै बौ ईंयाँ करतो, एक स्वर्गदूत बिंगै सपनै मै आगै बात करी।

![](https://cdn.door43.org/obs/jpg/360px/obs-en-23-02.jpg)

बिं स्वर्गदूत केऔ, "हे यूसुफ, मरियम नै आपणी पत्नी गै रूप में लेगै आण मूँ ना डर। बिंगै भीतर झिकौ बच्‍चौ है बौ पवित्र आत्मा गी ओर मुँ है। बा एक पुत्र नै जन्म देअगी। बिंगौ नाम यीशु राखिऔ (झिक गौ अर्थ है, 'यहोवा बचाण आलौ है'), क्योंकि बौ लोगां नै बांगै पांपा मुँ बचावगौ।"

![](https://cdn.door43.org/obs/jpg/360px/obs-en-23-03.jpg)

यूसुफ मरियम सागै बिआह करेऔ अर बिनै आपणी पत्नी गै रूप मै घर लेगै आयौ, पर बिंगै बच्‍चै गै जन्म देण तांईं बौ बिंगै कनै कोनी गेयो।

![](https://cdn.door43.org/obs/jpg/360px/obs-en-23-04.jpg)

जद मरियम गौ जन्म देण गौ समय कनै हौ, तो बणै अर यूसुफ बैतलहम जाण गी एक लंबी यात्रा करी। बां भठै जाणौ ही हौ क्योंकि रोमी अधिकारी इस्राएल मैं रैहण आलाँ लोगां गी गिणती करनी चाहंता हा। बै चाहंता हा कै सारा लौग भठै जावै झठै बांगा पूर्वज रेहंता। राजा दाऊद गौ जन्म बैतलहम मैं होऔ, अर बौ मरियम अर यूसुफ दोनां गौ पूर्वज हौ।

![](https://cdn.door43.org/obs/jpg/360px/obs-en-23-05.jpg)

मरियम अर यूसुफ बैतलहम गेआ, पर भठै जानवरां नै राखण आलै स्थान गै अलावा बांग ठहरण खातिर कोई स्थान कोनी हौ। बोही स्थान हौ झठै मरियम आपग बच्‍चै नै जन्म दिऔ। बणै बिनै खुरली मैं लिटाऔ क्योंकि भठै बांगै खातिर कोई बिस्तर कोनी हौ। बां बिं बच्‍चै गौ नाम यीशु राखेऔ।

![](https://cdn.door43.org/obs/jpg/360px/obs-en-23-06.jpg)

बिं रात, भठै कनै ही खेत मैं किं चरवाहा आपगी भैडा गै झुंड गी रखवाली करै आवै हा। अचानक ही, एक चमकदार स्वर्गदूत बांगै ऊपर प्रकट हौऔ, अर बै डर गैआ। बिं स्वर्गदूत केऔ, "ना डरो, क्योंकि मेरै कनै थारै खातिर शुभ संदेश है। आज दाउद गै नगर बैतलहम मै मुकती दाता गो जन्म होऔ है। बोई मसीह अर प्रभु है!"

![](https://cdn.door43.org/obs/jpg/360px/obs-en-23-07.jpg)

जागै बिं बालक गी खोज करो, अर थै बिनै कपड़ा मैं लिपटेऔ अऱ खुरली मैं लैटेऔ हौऔ पाओगा।" अचानक ही, आकाश स्वर्गदूतां मुँ भर गेऔ। बै परमेश्वर गी स्तुति करै आवै हा। बाँ केऔ, "सारी महिमा स्वर्ग मै विराजमान परमेश्वर नै मिलै। पृथ्वी पर बां लोगां मैं शान्ति होवै झिकां गी बौ चिन्ता करै है!"

![](https://cdn.door43.org/obs/jpg/360px/obs-en-23-08.jpg)

फैर स्वर्गदूत जांता रेऔ। बै चरवाहा भी आपणी भेडा नै छोड़ गै बालक नै देखण गैआ। जल्‍दि ही बै बिं स्थान पर पहुँचेया झठै यीशु हौ अर बां बिनै खुरली मैं लेटेऔ होऔ पाऔ, जिंयँ बिं स्वर्गदूत केऔ हौ। बै बहौत खुश हा। फेर बै चरवाहा वापिस भठै लौट गैआ झठै बांगी भेडा हिं। बां झिकौ भी सुणेऔ अऱ देखेऔ बिं खातिर परमेश्वर गी स्तुति करै आवै हा।

![](https://cdn.door43.org/obs/jpg/360px/obs-en-23-09.jpg)

पूर्व में दूर एक देश मैं कुछ आदमी हा। बां सितारां गौ गयान हौवै अर बै बहौत बुद्धिमान हा। बां एक असामान्य सितारौ आकाश मै देखेऔ। बां केऔ कै ईंगौ अर्थ है कै यहूदियां गै एक नुआं राजा गौ जन्म होऔ है। ईं खातिर बां बालक नै देखण खातिर आपगै देश मुँ यात्रा करण गौ फेंसलौ करेऔ। एक लंबी यात्रा गै बाद, बै बैतलहम आया अर बिं घर नै पाऔ झठै यीशु अर बिंगी माता-पिता ठहरेआ होआ हा।

![](https://cdn.door43.org/obs/jpg/360px/obs-en-23-10.jpg)

जद बां आदमियाँ यीशु नै आपणी माँ गै सागै देखेऔ तो बां घुटणा टेक गै बिंगी आराधना करी। बाँ यीशु नै कीमती उपहार दिआ। फेर बै घर वापिस लौट गेआ।

*मत्ती अध्याय 1; लूका 2 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_23_128kbps.m4a

## 24. यूहन्ना यीशु नै बपतिस्‍मो देवै है

https://openbiblestories.org/l/bgq/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा अर जकर्याह गो पुत्र यूहन्ना, बड़ो होगै एक भविष्यद्वक्ता बणै गेओ। बौ जंगल मैं रैऐ करतौ हौ, अर जंगली शहद अर टिड्डियाँ खाऐ करतौ हौ, अर ऊँट गी ऊन मुं बणेआ कपड़ा पहनतौ हो।

![](https://cdn.door43.org/obs/jpg/360px/obs-en-24-02.jpg)

बहोत साराँ लोग यूहन्ना गी बातां सुणन खातिर जंगल मैं निकल आया। बणै औ केगै बान प्रचार करेऔ, "पश्चाताप करो, क्योंकि स्वर्ग गौ राज्य निकट है!"

![](https://cdn.door43.org/obs/jpg/360px/obs-en-24-03.jpg)

जद लोगां यूहन्ना गौ संदेश सुणेऔ, तो बामुँ बहुतों आपण पापां मुँ पश्चाताप करेऔ, अर यूहन्ना बानै बपतिस्‍मौ दिऔ। यूहन्ना नै देखण खातिर बहोत सारा धार्मिक अगुवा भी आया, पर बां आपगै पापां मुँ पश्चाताप या अंगीकार कोनी करेऔ।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक अगुवा नै केऔ, "हे जहरीला साँपों! पश्चाताप करो अर आपगौ व्यवहार बदलो। परमेश्वर हर बिं पेड़ नै काट देअगौ झिकौ आच्‍छो फल कोनी लेआवै, अर बौ बानै आग मैं झोंक देअगौ।" झिको भविष्यद्वक्‍तां केऔ हौ यूहन्ना बिनै पूरौ करेऔ, "देख, शीघ्र ही मैं तेर आगै आपगै संदेशवाहक भेजूँगा झिकौ तेरै खातिर मार्ग तैयार करगौ।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवां यूहन्ना कनू पुछेऔ कै बौ मसीह है। यूहन्ना बानै जवाब दिऔ, "मैं मसीह कोनी हूँ, पर बौ मैर बाद आवगौ। बौ ईतौ महान है कै मैं बिंगा जूतां गा फीता खोलण गै भी योग्य कोनी हूँ।"

![](https://cdn.door43.org/obs/jpg/360px/obs-en-24-06.jpg)

दुसरै दिन, यीशु बपतिस्मा लेण खातिर यूहन्ना गै कनै आऔ। जद यूहन्ना बिणै देखेऔ, तो बण केऔ, "देखो! परमेश्वर गौ मेमणौ झिकौ संसार गै पापां नै उठा गै लैजावगौ।"

![](https://cdn.door43.org/obs/jpg/360px/obs-en-24-07.jpg)

यूहन्ना यीशु नै केऔ, "मैं थानै बपतिस्मा देण गै योग्य कोनी हूँ। बजाए ईंगै आवश्यक है कै तू मनै बपतिस्‍मौ देअ।" पर यीशु केऔ, "तु मनै बपतिस्मा देणौ है, क्योंकि करण खातिर सही काम औही है।" अतः यूहन्ना बिनै बपतिस्‍मौ दिऔ, हलांकी यीशु कदी पाप कोनी करैओ हो।

![](https://cdn.door43.org/obs/jpg/360px/obs-en-24-08.jpg)

बपतिस्मा देअ जाण गै बाद जद यीशु पाणी मुँ निकल गे बारै आयो, तो परमेश्वर गो आत्मा कबूतर गै रूप मैं प्रकट होऔ अर नीचै आगै बिंगै ऊपर ठहर गेऔ। बिं समय, परमेश्वर स्वर्ग मुँ बात करी। बणै केऔ, "तू मेरौ पुत्र है। मैं तेरै सागै प्रेम करु हूँ, और मैं तेरै मुँ बहोत खुश हूँ।"

![](https://cdn.door43.org/obs/jpg/360px/obs-en-24-09.jpg)

परमेश्वर यूहन्ना नै केऔ हौ, "पवित्र आत्मा नीच आगै ठहर जावगौ जिण तू बपतिस्‍मौ देअगौ।" बौ ही परमेश्वर गौ पुत्र है परमेश्वर एक ही है। पर जद यूहन्ना यीशु नै बपतिस्‍मौ दिऔ, तो बणै परमेश्वर पिता नै बातां करतां सुणेऔ, पुत्र परमेश्वर नै देखेऔ, झिकौ यीशु है, अर बणै पवित्र आत्मा देखेऔ।

*मत्ती अध्याय 3; मरकुस 1:9-11; लूका 3:1 मुँ एक बाइबल गी कहानी*

Audio: https://git.door43.org/OBS-TLF/bgq_obs/releases/download/v1/bgq_obs_v1_24_128kbps.m4a

## 25. शैतान यीशु गी परीक्षा करै है

https://openbiblestories.org/l/bgq/story-25/

![](https://cdn.door43.org/obs/jpg/360px/obs-en-25-01.jpg)

यीशु गौ बपतिस्‍मो होण गै तुरन्त बाद ही, पवित्र आत्मा बिनै जंगल मैं ले गेऔ। यीशु भठै चालीस दिन अर चालीस रात हौ। बिं समय बणै उपवास करेऔ, अर शैतान यीशु गै कनै आगे पाप करवाण खातिर बिंगी परीक्षा करी।

![](https://cdn.door43.org/obs/jpg/360px/obs-en-25-02.jpg)

पेहलां, शैतान यीशु नै केऔ, "जै तू परमेश्वर गौ पुत्र है तो पत्थरां नै रोटी बणा दै ताकै तू खा सकै!"

![](https://cdn.door43.org/obs/jpg/360px/obs-en-25-03.jpg)

पर यीशु शैतान नै केऔ, "परमेश्वर गै वचन मैं औ लिखेऔ है, 'जीवित रेहण खातिर मनुष्य नै केवल रोटी गी आवश्यकता कोनी, पर बानै हर बिं बात गी आवश्यकता है झिकी परमेश्वर बानै केवै है!'"

![](https://cdn.door43.org/obs/jpg/360px/obs-en-25-04.jpg)

फैर शैतान यीशु नै मंदिर गै ऊँचै सिरै पर ले गेऔ। बण बिनै केऔ, "जै तू परमेश्वर गौ पुत्र है तो हठु नीचै कूद जा, क्योंकि लिखेऔ है, 'परमेश्वर थानै उठाण खातिर स्वर्गदूतां नै आज्ञा देअगौ के तेरा पेरां पर पत्थर गी ठेस ना लागै।'"

![](https://cdn.door43.org/obs/jpg/360px/obs-en-25-05.jpg)

पर यीशु बौ कोनी करेऔ झिकौ शैतान बिनै करण खातिर केऔ हो। ईंगै बजाऐ, बणै केऔ, "परमेश्वर हर एक नै केवै है, 'तू प्रभु आपणै परमेश्वर गी परीक्षा कोनी करणी।'"

![](https://cdn.door43.org/obs/jpg/360px/obs-en-25-06.jpg)

फेर शैतान बिनै संसार गा सारा राज्य दिखाआ। बणै बीनै दिखाऔ कै बे किता शक्तिशाली हा, अर बै किता सम्पन्न हा। बणै यीशु नै केऔ, "मैं तनै औ सारौ देऊँगा जे तू घुटणा टेक गै मेरी उपासना करै।"

![](https://cdn.door43.org/obs/jpg/360px/obs-en-25-07.jpg)

यीशु बिनै जवाब दिऔ, "हे शैतान, मेरै कनु चलेऔ जा! परमेश्वर गौ वचन मैं बौ लोगां नै आदेश देअ है कै, 'केवल आपणै प्रभु परमेश्वर गी आराधना करो। परमेश्वर गै रूप मै केवल बिंगो ही आदर करौ।'"

![](https://cdn.door43.org/obs/jpg/360px/obs-en-25-08.jpg)

यीशु शैतान गी परीक्षा मुँ हार कोनी मानी, ईं खातिर शैतान बिंगै कनु चलेऔ गेऔ। फेर स्वर्गदूत आगे यीशु गी सेवाटहल करण लाग गेआ।

*मत्ती अध्याय 4:1-11; मरकुस 1:12-13; लूका 4:1-13 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_25_128kbps.m4a

## 26. यीशु अपणी सेवा शुरु करै है

https://openbiblestories.org/l/bgq/story-26/

![](https://cdn.door43.org/obs/jpg/360px/obs-en-26-01.jpg)

यिशु गी परीक्षा होण गै बाद, यीशु वापिस गलील गै क्षेत्र मैं आयो। औ बोही स्थान है झठै बौ रेहंतो हौ। पवित्र आत्मा बिनै बहोत सामर्थ देऐ आवै हौ, अर यीशु एक स्थान मुँ दूसरै स्थान मैं गेऔ अर लोगां नै शिक्षा देई। सारां ही बिंगै खातिर आच्‍छि बातां केई।

![](https://cdn.door43.org/obs/jpg/360px/obs-en-26-02.jpg)

यीशु नासरत गाँव मैं गेऔ। औ बोही गाँव है झठै बौ आपणै बालकपन मै रेऐ करतौ हौ। सब्त गै दिन, बौ आराधना करण गै स्थान पर गेऔ। अगुवां बिनै यशायाह भविष्यद्वक्ता गो संदेशां गी एक पुस्तक देई। बै चाहंता हा कै बौ बिमू पढ़ै। अतः यीशु बिं पुस्तक नै खोल गै बिंगो एक भाग लोगां खातिर पढ़ेओ।

![](https://cdn.door43.org/obs/jpg/360px/obs-en-26-03.jpg)

यीशु पढ़ेऔ, "परमेश्वर मनै आपगौ आत्मा दिऔ है ताकि मैं कंगालां मै सुसमाचार प्रचार कर सकूँ। बणै मनै ईं खातिर भेजेऔ है के कैदियां नै स्वतंत्र करूँ, अंधां नै दृष्टि प्रदान करूँ, अर बानै छुटकारो देऊं झिकां नै दूसरा लोग कुचलै आवै हैं। ओ बौ समय है जद परमेश्वर माँरै ऊपर कृपालु होवगौ अर माहरी सहायता करगौ।

![](https://cdn.door43.org/obs/jpg/360px/obs-en-26-04.jpg)

फैर यीशु बैठ गेऔ। सारा लोग बिनै बड़ै ध्यान मुँ देखै आवै हा। बै जाणै हा कै पवित्रशास्त्र गौ झिकौ भाग बणै अभी पढ़ेऔ है बौ मसीह गै बारै मैं हौ। यीशु केऔ, "झिकी बातां मैं अभी थारै खातिर पढ़ी हैं, बे ईं समय घटित होऐ आवै हैं।" सारा लोग हेराण हा। बां केऔ, "के औ यूसुफ गौ पुत्र कोनी कै?"

![](https://cdn.door43.org/obs/jpg/360px/obs-en-26-05.jpg)

फैर यीशु केऔ, "औ सच है कै लोग हिसा भविष्यद्वक्ता नै कदै स्वीकार कोनी करै झिका बांगै गाँव मै पलेऔ-हौवै। एलिय्याह भविष्यद्वक्ता गै समय, इस्राएल मैं बहोत सीं विधवावां हिं। पर जद साढ़े तीन साल ताईं बरसात ना होई तो परमेश्वर एलिय्याह नै इस्राएल गी किं भी विधवा गी सहायता करण खातिर कोनी भेजेऔ। बिंगै बजाए, बणै एलिय्याह नै कोई अन्य देश गी विधवा कनै भेजेऔ।"

![](https://cdn.door43.org/obs/jpg/360px/obs-en-26-06.jpg)

यीशु केहणौ जारी राखेऔ, "अर एलीशा भविष्यद्वक्ता गै समय मैं, इस्राएल मैं बहोत सा लोग चमड़ी गै रोग मुँ पीड़ित हा। पर एलीशा बामुं किणै भि चंगो ना करेऔ। बणै केवल इस्राएल गै शत्रुयां गौ सेनापति नामान नै चंगा करेऔ।" पर झिका लोग यीशु नै सूणै आवे हा बै यहूदी हा। ईं खातिर जद बां बिनै औ केंतां सुणेऔ तो बै बिंगै ऊपर क्रोधित होआ।

![](https://cdn.door43.org/obs/jpg/360px/obs-en-26-07.jpg)

नासरत गां लोगां यीशु नै पकड़ लिऔ अर बिनै आराधना गै स्थान मुँ घसीट गै बारै लैगेआ। बै बिन मारण खातिर नीचै फेंकण खातिर एक चट्टान गै सिरै पर ले गेआ। पर यीशु भीड़ मुँ निकल गेऔ अर नासरत गाँव छोड गे जांतो रेऔ।

![](https://cdn.door43.org/obs/jpg/360px/obs-en-26-08.jpg)

फेर यीशु सारै गलील गै क्षेत्र मैं गेऔ, अर बड़ी भीड़ बिंगै कनै आई। बे बहोत सा लोगों नै लेगै आया झिका बीमार अर विकलांग हा। बामुं कुछ देख, चल, सुन या बोल कोनी सकै हा, अर यीशु बानै चंगौ करेऔ।

![](https://cdn.door43.org/obs/jpg/360px/obs-en-26-09.jpg)

बिंगै अलावा, बहोत सा लोग यीशु गै कनै लैगे आया झिकां मै दुष्टात्मा हिं। यीशु दुष्टात्‍मां नै बामु निकलण गौ आदेश दिऔ। बे दुष्टात्माएँ अक्सर चिल्लाईं, "तू परमेश्वर गौ पुत्र है!" भीड़ गा लोग चकित हा, अर बां परमेश्वर गी स्तुति करी।

![](https://cdn.door43.org/obs/jpg/360px/obs-en-26-10.jpg)

फैर यीशु बारह आदमियां नै चुणेऔ झिकां नै आपगौ प्रेरित केऔ। बां प्रेरितां बिंगै सागै यात्रा करि अर बिंगै कनु शिक्षा प्राप्त करी।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_26_128kbps.m4a

## 27. दयालु सामरी गी कहाणी

https://openbiblestories.org/l/bgq/story-27/

![](https://cdn.door43.org/obs/jpg/360px/obs-en-27-01.jpg)

एक दिन, यहूदी व्यवस्था गौ एक विशेषज्ञ यीशु कनै आयौ। बौ सारां लोगां नै औ दिखाणौ चाहंतो हो कै यीशु गलत रीति मुं शिक्षा देऐ आवै है। ईं खातिर बणै केऔ, "हे गुरु, अनन्त जीवन खातिर मैं कै करूँ?" यीशु बिनै जवाब दिऔ, "परमेश्वर गी व्यवस्था मैं कै लिखेऔ है?"

![](https://cdn.door43.org/obs/jpg/360px/obs-en-27-02.jpg)

बिं आदमी केऔ, "व्‍यवस्‍था केवै है के आपणै परमेश्वर सागै आपणै सारै मन, प्राण, सामर्थ, अर बुद्धि मुँ प्रेम राख। अर आपणै पड़ोसी सागै आपणै समान प्रेम राख।" यीशु बिन जवाब दिऔ, "तू एकदम सही है! जे तू ईंयाँ करै, तो तनै अनन्त जीवन प्राप्त होवगौ।"

![](https://cdn.door43.org/obs/jpg/360px/obs-en-27-03.jpg)

पर बौ व्यवस्था गा खास लोगां नै दिखाणो चाहंतों हो कै बिंगौ जीवन जिण गौ तरीकौ सही हौ। ईं खातिर बणै यीशु कनुं पूछेऔ, "ठीक है, तो मेरौ पड़ोसी कुण है?"

![](https://cdn.door43.org/obs/jpg/360px/obs-en-27-04.jpg)

यीशु बिं व्यवस्था गै खास लोगां नै एक कहाणी बताण गै द्वारा जवाब दिऔ। "एक यहूदी आदमी हौ झिकौ एक सड़क मुँ होगै यरूशलेम मुँ यरीहो गी यात्रा करै आवै हो।"

![](https://cdn.door43.org/obs/jpg/360px/obs-en-27-05.jpg)

"पर कुछ डाकुयां बिनै देखेऔ अर बिंगै ऊपर हमलौ कर दिऔ। बां बिंगौ सारो कुछ ले लिऔ अर बिनै लगभग मरण तांईं मारेऔ-पीटेऔ। फेर बै चलेआ गेआ।"

![](https://cdn.door43.org/obs/jpg/360px/obs-en-27-06.jpg)

"बिंगै तुरन्त बाद, एक यहूदी याजक बिं सड़क मुँ होगै गुजरेऔ। बिं यहुदी याजक बिं आदमी नै सड़क पर पड़ेऔ होऔ देखेऔ। जद बणै बिनै देखेऔ तो बौ सड़क गै दूसरी पासुं जागे आगै बढ़ गेऔ। बणै बिं आदमी नै पूरी तरियां अनदेखा कर दिऔ।"

![](https://cdn.door43.org/obs/jpg/360px/obs-en-27-07.jpg)

"बिंगै बाद कुछ ही समय बीतण पर, एक लेवी बिं सड़क पर आयौ। (लेवी यहूदियां गौ एक गोत्र हौ झिकां मंदिर मैं यहुदी याजकां गी सहायता करी।) बौ लेवी बिं सड़क गी दूसरी पासुं निकलै गेऔ। बणै भी बिं आदमी नै अनदेखेऔ कर दिऔ।"

![](https://cdn.door43.org/obs/jpg/360px/obs-en-27-08.jpg)

"अगलौ जन झिकौ बिं सड़क पर आयौ बौ सामरिया गो एक आदमी हौ। (सामरी अर यहूदी एक दूसरै मुँ नफरत करता हा।) बिं सामरी सड़क पर बिं आदमी नै देखेऔ। बणै देखेऔ के बो यहूदी हौ, पर फेर भी बणै बिं पर बड़ो तरस खाऔ। अतः बौ बिंगै कनै गेऔ अर बिंगै जखमां पर पट्टियाँ बाँधीं।"

![](https://cdn.door43.org/obs/jpg/360px/obs-en-27-09.jpg)

"फेर बिं सामरी बिनै आपगै गधै पर घालेऔ अर बिनै बिं सड़क मुँ एक सराय मै ले गेऔ। झठै बणै बिंगी देखभाल करनी जारी राखी।"

![](https://cdn.door43.org/obs/jpg/360px/obs-en-27-10.jpg)

आगलै दिन, बिं सामरी आपगी यात्रा नै जारी राखण गी आवश्यकता ही। बणै बिं सराय गै प्रभारी आदमी नै कुछ धन दिऔ। बणै बिनै केऔ, "ईं आदमी गी देखभाल करिऔ। जे ईं धन गै अलावा तेरो कुछ और धन खर्च होवै तो वापिस आण पर मैं तेरा बिं खरचां गौ भुगतान कर देऊंगा।"

![](https://cdn.door43.org/obs/jpg/360px/obs-en-27-11.jpg)

फेर यीशु बिं व्यवस्था गा खास लोगां नै पूछेऔ, "तुं कै सोचै है? ईं तीन लोगां मुँ कुण बिं आदमी गौ पड़ोसी है झिकै नै लुटेऔ अर पिटेऔ गेऔ हौ?" बणै जवाब दिऔ, "बौ ही झिको बिंगै ऊपर कृपालु हो।" यीशु बिनै केऔ, "तू जा अऱ ईंयां ही करै।"

*लूका अध्याय 10:25-37 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_27_128kbps.m4a

## 28. अमीर यहुदि मनुष्‍य

https://openbiblestories.org/l/bgq/story-28/

![](https://cdn.door43.org/obs/jpg/360px/obs-en-28-01.jpg)

एक दिन, एक अमीर यहुदि मनुष्‍य यीशु गै कनै आगे बिंगै कनु पुछेऔ, "हे उत्तम गुरु, अनन्त जीवन पाण खातिर मनै कै करणौ जरुरी है?" यीशु बिनै केऔ, "तू मनै 'उत्तम' क्यों केवै है? केवल एक ही उत्तम है अर बो परमेश्वर है। पर जे तू अनन्त जीवन पाणो चावै है तो परमेश्वर गी व्यवस्था गो पालन करै।"

![](https://cdn.door43.org/obs/jpg/360px/obs-en-28-02.jpg)

"मनै कुण कुण सी आज्ञा गो पालन करण गी आवश्यकता है?" बणै पुछेऔ। यीशु बिनै जवाब दिऔ, "हत्या कोनि करनी। व्यभिचार कोनि करणो। चोरी कोनि करनि। झूठ कोनि बोलणो। आपणै पिता अर माता गो आदर करनौ, अर आपणै पड़ोसी सागै आपगै समान प्रेम करनो।"

![](https://cdn.door43.org/obs/jpg/360px/obs-en-28-03.jpg)

पर बिं जवान आदमी केऔ, "मैं आपणै बालकपन मुँ ही आं सारी आज्ञावां गो पालन करतौ आयो हूँ। मनै सदा जीवित रेहण खातिर अब भी के करण गी आवश्यकता है?" यीशु बिंगै ऊपर दृष्टि करी अर बिमुं प्रेम करेऔ।

![](https://cdn.door43.org/obs/jpg/360px/obs-en-28-04.jpg)

यीशु बिनै जवाब दिऔ, "जे तू सिद्ध होणौ चावै है तो जागे आपगौ सारो कुछ बेच दे अर बो धन गरीबां मैं बाँट दे, अर तनै स्वर्ग मैं धन मिलगो। फेर आगै मेरै पीछै हो ले।"

![](https://cdn.door43.org/obs/jpg/360px/obs-en-28-05.jpg)

झिकौ यीशु केऔ जद बिं जवान आदमी सुणेऔ तो बो बहोत उदास हो गेऔ, क्योंकि बो बहोत धनी हो अर बणै आपगी सारी सम्पत्ति देणी ना चाई। बो मुड़गै यीशु गै कनुं जांतो रेऔ।

![](https://cdn.door43.org/obs/jpg/360px/obs-en-28-06.jpg)

फेर यीशु आपणै चेलां नै केऔ, "परमेश्वर गै राज्य मैं धनी लोगां गो प्रवेश करनो बोहत ओखो है! हाँ, एक धनी आदमी गो परमेश्वर गै राज्य मैं प्रवेश करण गी तुलना मैं किं ऊँट गो सूई गै नाकै मुँ होगै निकल जाणौ आसान है।"

![](https://cdn.door43.org/obs/jpg/360px/obs-en-28-07.jpg)

झिको यीशु केऔ जद चेलों सुणेऔ तो बे चकित होआ। बां केऔ, "जे औ हिसौ है तो परमेश्वर किनै बचावगौ?"

![](https://cdn.door43.org/obs/jpg/360px/obs-en-28-08.jpg)

यीशु चेलां पर दृष्टि करी अर केऔ, "लोगां खातिर स्वयं गो उद्धार करनो असम्भव है। पर परमेश्वर खातिर कुछ भी करनो असम्भव कोनी।"

![](https://cdn.door43.org/obs/jpg/360px/obs-en-28-09.jpg)

पतरस यीशु नै केऔ, "मैंह चेला आपणो सारो कुछ छोड गै तेरै पीछै हो गेआं हां। तो माहरो पुरस्कार के होवगौ?"

![](https://cdn.door43.org/obs/jpg/360px/obs-en-28-10.jpg)

यीशु जवाब दिऔ, "हर एक जन झिकां मेरै कारण घर, भाई, बहन, पिता, माता, बच्‍चै, या सम्पत्ति नै छोडेऔ है, बो बिमुं 100 गुणा ज्‍यादा प्राप्त करगौ अर अनन्त जीवन भि पावगौ। पर बहोत सा झिका पेहला है बे पिछला होवगा, अर बहोत सा झिका पिछला है बे पेहला होवगा।"

*मत्ती अध्याय 19:16-30; मरकुस 10:17-31; लूका 18:18-30 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_28_128kbps.m4a

## 29. निर्दयी दास गी कहाणी

https://openbiblestories.org/l/bgq/story-29/

![](https://cdn.door43.org/obs/jpg/360px/obs-en-29-01.jpg)

एक दिन, पतरस यीशु कनु पुछेओ, "हे स्वामी, मनै आपणै भाई नै किती बार क्षमा करनो चाहिअ जद बो मेरै विरुद्ध पाप करै है? के सात बारी तांईं?" यीशु केऔ, "सात बारी नहीं, पर सात गै सत्तर बार!" ईंगै द्वारा, यीशु गो मतलब है कै माहनै हमेशा क्षमा करनौ चाहिअ।फेर यीशु आ कहाणी बताई।

![](https://cdn.door43.org/obs/jpg/360px/obs-en-29-02.jpg)

यीशु केऔ, "परमेश्वर गो राज्य एक राजा गै समान है झिकौ आपणै दास कनु लेखो लेणौ चाहंतो हो। बिंगो एक दास 2,00,000 सालां गी मजदूरी गै एक बडै कर्ज गो कर्जदार हो।"

![](https://cdn.door43.org/obs/jpg/360px/obs-en-29-03.jpg)

पर बो दास अपगो कर्ज चुका कोनी सकेऔ, ईं खातिर राजा केऔ, "ईंगो कर्ज चुकाण खातिर ईं आदमी नै अर ईंगै परिवार नै दासां गै रूप मैं बैच देऔ।"

![](https://cdn.door43.org/obs/jpg/360px/obs-en-29-04.jpg)

"बिं दास राजा गै सामणै आपगा घुटणा पर गिर गे केऔ, 'कृपया मेरै सागै धीरज धर, अर मै अपणे कर्ज गी पूरी रकम गो भुगतान कर देऊंगा।' राजा दास पर दया करी, ईं खातिर बणै बिंगो सारो कर्ज क्षमा कर दिऔ अर बिनै जाण दिऔ।"

![](https://cdn.door43.org/obs/jpg/360px/obs-en-29-05.jpg)

"पर जद बो दास राजा गै कनु बाहर गेऔ, तो बिनै बिंगो एक साथी दास मिलेओ झिको बिंगी चार महीनां गी मजदूरी गो कर्जदार हो। बिं दास आपणै साथी दास नै पकड़ लिऔ अर केऔ, 'झिओ तेरै ऊपर मेरो कर्ज है मनै बिंगो भुगतान कर!"

![](https://cdn.door43.org/obs/jpg/360px/obs-en-29-06.jpg)

"बिं साथी दास घुटणां पर गिर गै केऔ, 'कृपया मेरै सागै धीरज धर, अर मैं आपणै कर्ज गी पूरी रकम गो भुगतान कर देऊँगां।' पर ईंगै बजाए, बिं दास आपणै साथी दास नै जेलखाने मैं डाल दिऔ जद ताईं के बो बिं कर्ज गो भुगतान ना कर देऐ।"

![](https://cdn.door43.org/obs/jpg/360px/obs-en-29-07.jpg)

"झिको कुछ होऔ हो बो कुछ अन्य दासां भि देखेऔ अर बे बहोत परेशान होआ।बे राजा गै कनै गेआ अर बिनै सारो कुछ बताऔ।"

![](https://cdn.door43.org/obs/jpg/360px/obs-en-29-08.jpg)

"राजा बिं दास नै बुला गे केऔ, 'हे दुष्ट दास! मैं तेरो कर्ज ईं खातिर क्षमा करेओ हो क्योंकि तू मनै विनती करी ही। तनै भी बियां ही करनौ चाहिय।' राजा ईतो क्रोधित हो के बणै बिं दुष्ट दास नै जेलखान मैं डाल दिऔ जद ताईं के बो आपगे सारै कर्ज गो वापिस भुगतान ना कर देऐ।"

![](https://cdn.door43.org/obs/jpg/360px/obs-en-29-09.jpg)

फेर यीशु केऔ, "मेरो स्वर्ग मैं विराजमान पिता थारै मुँ हर एक गै सागै औ ही करगो जे थे आपणै भाई नै आपणै हृदय मुँ क्षमा ना करेऔ।"

*मत्ती अध्याय 18:21-35 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_29_128kbps.m4a

## 30. यीशु पाँच हजार लोगां नै भोजन खिलावै है

https://openbiblestories.org/l/bgq/story-30/

![](https://cdn.door43.org/obs/jpg/360px/obs-en-30-01.jpg)

यीशु आपणां प्रेरितां नै प्रचार करने अर लोगां नै शिक्षा देण खातिर बहोत सा अलग-अलग गाँवां मैं भेजेऔ जद बे भठुं लोटेआ झठै यीशु हो तो बां बिन बताऔ के बां भठै के करेओ हो। फेर यीशु बानै झील गै दूसरी तरफ बिंगै सागै एक शान्त स्थान पर जागे कुछ समय आराम करण खातिर आमंत्रित करेऔ। अतः बे एक किशती पर चढ़ गेआ अर झील गै दूसरी तरफ चलेआ गेआ।

![](https://cdn.door43.org/obs/jpg/360px/obs-en-30-02.jpg)

पर भठै बहोत सा हिसा लोग हा झिकां यीशु अर चेलां नै किशती पर जांतां देखेऔ। ऐ लोग बांगै आगै झील गै दूसरी तरफ जाण खातिर झील गै किनारै-किनारै पर भाजेआ। अतः जद यीशु अर चेला पहोंचेआ तो लोगां गो एक बड़ो समूह बांगी प्रतीक्षा करतो होऔ भठै पेहलां हि पोंच गेआ।

![](https://cdn.door43.org/obs/jpg/360px/obs-en-30-03.jpg)

बिं भीड़ मैं स्त्रियां अर बच्‍चां गी गिणती बिना 5,000 मुं ज्‍यादा आदमी हा। यीशु बां लोगां पर बड़ो तरस खाऔ। यीशु खातिर बे लोग बिना चरवाहै गी भेडां गै समान हा। ईं खातिर बणै बानै शिक्षा देई अर बांग बीच मैं झिका लोग बीमार हा बानै चंगो करेऔ।

![](https://cdn.door43.org/obs/jpg/360px/obs-en-30-04.jpg)

दिन गै अंत मैं, चेलां यीशु नै केऔ, "अब देर हो गी है अर आसपास कोई गाँव भि कोनी। आं लोगां नै विदा करां ताके बे जागै खाण खातिर कुछ लेऐ।"

![](https://cdn.door43.org/obs/jpg/360px/obs-en-30-05.jpg)

पर यीशु चेलां नै केऔ, "थे बानै खाण खातिर कुछ देऔ!" बां जवाब दिऔ, "मैं औ कियां कर सकां हां? माहरै कनै केवल पाँच रोटी अर दो छोटी मछलियाँ हैं।"

![](https://cdn.door43.org/obs/jpg/360px/obs-en-30-06.jpg)

यीशु आपणै चेलां नै केऔ के भीड़ गा लोगां नै घास पर पचास-पचास गै समूहां मैं बेठणै खातिर केऔ।

![](https://cdn.door43.org/obs/jpg/360px/obs-en-30-07.jpg)

फेर यीशु पाँच रोटी अर दो मछलियां लेगै स्वर्ग कानी देखेओ,अर बिं भोजन खतिर परमेश्वर गो धन्यवाद करेऔ

![](https://cdn.door43.org/obs/jpg/360px/obs-en-30-08.jpg)

फेर यीशु रोटी अर मछलियां नै टुकड़ां मैं तोड़ेओ। बणै लोगां नै देण खातिर आपणै चेलां नै बे टुकड़ा दे दिआ। चेला बिं भोजन नै बाँटता रेआ, अर बो कदि खत्‍म कोनी होऔ! बे सारा लोग खागै तृप्त हो गेआ।

![](https://cdn.door43.org/obs/jpg/360px/obs-en-30-09.jpg)

बिंगै बाद, चेलां बो भोजन इकट्‍ठो करेऔ खिकौ खाऔ कोनी गेऔ अर बो बारह टोकरियां नै भरण खातिर पर्याप्त हो! बो सारो भोजन बिं पाँच रोटी अर दो मछलियां मुँ आयो हो।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_30_128kbps.m4a

## 31. यीशु पाणी पर चालै है

https://openbiblestories.org/l/bgq/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार लोगां नै भोजन करवाण गै बाद, यीशु आपणां चेलों नै किशती मैं जाणै खातिर केऔ। बणै बान झील गै दूसरी तरफ जाण खातिर केऔ फेर भी बे थोड़ै समय खातिरत भठै ठहर गेया। अतः चेला चलेया गेया अर यीशु भीड़ नै विदा करेऔ के बे आपणै घर जावै। बिंगै बाद, यीशु प्रार्थना करण खातिर एक पहाड़ पर चलेऔ गेऔ। भठै बो ऐकलो हो, अर बणै देर रात तांईं प्रार्थना करी।

![](https://cdn.door43.org/obs/jpg/360px/obs-en-31-02.jpg)

बिं समय, चेलां आपणी किशति नै चलांता होआ लेजाऐ आवै हा, पर हवा बांगै विरुद्ध बड़ी जोर मुँ बहे आवै ही। बहोत रात हो जाणै पर भी बै केवल झील गै बीच मैं ही पहुँचेया हा।

![](https://cdn.door43.org/obs/jpg/360px/obs-en-31-03.jpg)

बिं समय यीशु प्रार्थना करनी समाप्त करी अर आपणै चेलां कनै वापिस जाणो आरम्भ करेओ। बौ किशती कनै जाण खातिर पाणी गै ऊपर चालण लागेऔ।

![](https://cdn.door43.org/obs/jpg/360px/obs-en-31-04.jpg)

फेर चेलां बिनै देखेऔ। बे बहोत डर गेया क्योंकि बां सोचेऔ हो के बो कोई भूत है। यीशु जाणे हो के बे डर गेया है, ईं खातिर बणै बानै आवाज देगै केऔ, "डरो ना, औ मैं हूँ!"

![](https://cdn.door43.org/obs/jpg/360px/obs-en-31-05.jpg)

फेर पतरस यीशु नै केऔ, "हे प्रभु, जे औ तू है तो मनै तेरै कनै पाणी पर चालगै आणै गो हुकम दे।" यीशु पतरस नै केऔ, "आ!"

![](https://cdn.door43.org/obs/jpg/360px/obs-en-31-06.jpg)

अतः पतरस किशती मुं उतर गेऔ अर यीशु कनै जाणै खातिर पाणी गै ऊपर चालणो आरम्भ करेऔ। पर थोड़ी दूर जागे, बणै आपणी आँखेयाँ यीशु कानिऊं फेर लिओ अर लहरां नै देखण अर तेज हवा महसूस करनी आरम्भ कर दि।

![](https://cdn.door43.org/obs/jpg/360px/obs-en-31-07.jpg)

फेर पतरस डर गेओ अर पाणी मैं डूबणै लाग गेओ। बो चिल्लाओ, "हे प्रभु, मनै बचा!" यीशु बिं समय हाथ बढ़ा गै बिनै पकड़ लिओ। फेर बणै पतरस नै केऔ, "तेरो विश्वास बहोत कम है! तनै सुरक्षित राखणै खातिर तू मेरै ऊपर भरोसा क्यों कोनी करेऔ?"

![](https://cdn.door43.org/obs/jpg/360px/obs-en-31-08.jpg)

फेर यीशु अर पतरस किशती पर चढ़ गेया, अर तुरन्त ही हवा गो चालणौ बंद हो गेऔ। पाणी शान्त हो गेऔ। चेलां हेराण होगै यीशु आगै घुटणा टेक दिआ। बां बिंगी आराधना करी अर बिनै केऔ, "सचमुच तू परमेश्वर गो पुत्र है।"

*मत्ती अध्याय 14:22-33; मरकुस 6:45-52; यूहन्ना 6:16-21 मुँ एक बाइबल गी कहाणी।*

Audio: https://git.door43.org/OBS-TLF/bgq_obs/releases/download/v1/bgq_obs_v1_31_128kbps.m4a

## 32. यीशु दुष्टात्मा मुँ ग्रस्त आदमी अर एक बीमार स्त्री नै चंगो करै है।

https://openbiblestories.org/l/bgq/story-32/

![](https://cdn.door43.org/obs/jpg/360px/obs-en-32-01.jpg)

यीशु अर बिंगा चेला आपणी किशती मैं बिं क्षेत्र मैं गेया झठै गिरासेनी लोग रेंहता हा।बे बिं क्षेत्र मैं पहुँच गै किशती मुँ ऊतर गेया।

![](https://cdn.door43.org/obs/jpg/360px/obs-en-32-02.jpg)

भठै एक आदमी हो झिको दुष्टात्मा मुँ ग्रस्त हो।

![](https://cdn.door43.org/obs/jpg/360px/obs-en-32-03.jpg)

बो आदमी ईतो बलशाली हो के कोई भी बिनै नियंत्रित ना करै सकेओ। कई बार लोगां बिंगै हाथां अर पैरां नै जंजीरों मुँ बाँधेओ, पर बो बानै तोड़ देंतो।

![](https://cdn.door43.org/obs/jpg/360px/obs-en-32-04.jpg)

बो आदमी बिं क्षेत्र गी कबरां मैं रेऐ करतो हो। औ आदमी पूरै दिन अर पूरी रात चिल्लाऐ करतो हो। बो कपड़ा कोनि घालतो अर अक्सर आप नै पत्थरां मुँ घायल करतो हो।

![](https://cdn.door43.org/obs/jpg/360px/obs-en-32-05.jpg)

बो आदमी दौड़ गे यीशु कनै आयो अर बिंगै सामणै घुटणा टेक दिया। फेर यीशु बिं आदमी गै अंदर गी दुष्टात्मा सागै बात करी अर केओ, "ईं आदमी मुँ बारै निकल आ!"

![](https://cdn.door43.org/obs/jpg/360px/obs-en-32-06.jpg)

बो दुष्टात्मा ऊँची आवाज मु चिल्लाई, "हे यीशु, परम प्रधान परमेश्वर गा पुत्र, तेरो मेरै सागै के काम? कृपा करगे मनै ना सता!" फेर यीशु बिं दुष्टात्मा नै पूछेओ, "तेरो नाम के है?" बणै जवाब दिओ, "मेरो नाम सेना है, क्योंकि मै बोत हां।" (रोमी सेना मै कई हजार सैनिकां गो एक समूह एक "सेना" होन्‍ती ही।

![](https://cdn.door43.org/obs/jpg/360px/obs-en-32-07.jpg)

दुष्टात्मा यीशु मुँ विनती करि, "कृपा करगे मांनै ईं क्षेत्र मु बारै ना भेज!" बठ कनै पहाड़ पर सूअरां गो एक झुंड चरण लागरेओ हो। ईंखातिर दुष्टात्मा यीशु मुँ विनती करी, "कृपा करगे मांनै सूअरां मां भेज दे!" यीशु केओ, "ठीक है, बांगै मां चलेआ जा!"

![](https://cdn.door43.org/obs/jpg/360px/obs-en-32-08.jpg)

बै दुष्टात्मा बिं आदमी मुँ निकलगे बां सूअरां मै प्रवेश कर गी। बे सूअर दौड़गे एक खड़ टीले पर मुँ झील मै कूदगेआ अर डूब मरेआ। बिं झुंड मै लगभग 2,000 सूअर हा।

![](https://cdn.door43.org/obs/jpg/360px/obs-en-32-09.jpg)

भठै बां सूअरां गी देखभाल करण आला लोग हा।झिकौ कुछ होऔ जद बां देखेऔ तो बै गाँव मैं भाग गेआ। यीशु झिको भठै करेऔ हो बां सारां नै बताऔ। बिं गाँव गा लोग निकल आया अर बिं आदमी नै दैखेऔ झिकै मैं दुष्टात्मा हीं। बो शान्ति मुं, कपड़ा पेहनेया होऔ,अर एक सामान्य आदमी तरियां व्यवहार करतो होऔ बैठेऔ हो।

![](https://cdn.door43.org/obs/jpg/360px/obs-en-32-10.jpg)

बे लोग बहोत डरेया होआ हा अर बां यीशु नै चलेओ जाणै खातिर केऔ। अतः यीशु किशती पर चढ़ गेयो।बो आदमी झिकै मैं दुष्टात्मा हिं बणै यीशु गै सागे जाण गी विनती करी।

![](https://cdn.door43.org/obs/jpg/360px/obs-en-32-11.jpg)

पर यीशु बिन केऔ, "नहीं। मैं चाऊं हूँ के तू घर जागै सारां नै बता के परमेश्वर तेरै खातिर के करेओ है। बानै बता कै किंयां परमेश्वर तेरै ऊपर दया करी।"

![](https://cdn.door43.org/obs/jpg/360px/obs-en-32-12.jpg)

ईंखातिर बौ आदमी चलेऔ गेऔ अर सारां नै ईं बारै मै बताऔ झिको यीशु बिंगै खातिर करेऔ हो। बिंगी कहाणी सुणन आलो हर एक जन चकित होऔ।

![](https://cdn.door43.org/obs/jpg/360px/obs-en-32-13.jpg)

यीशु झील गै दूसरी तरफ लौट आयौ। बणै भठै पहोंचण गै बाद, एक बड़ी भीड़ बिंगै आसपास इकठी होई अर बिनै दबाणै लागी। बिं भीड़ मैं एक स्त्री ही झिकी बारह सालां मुं लहू बहणै गी समस्या मुं पीड़ित ही। बणै आपगौ सारो धन चिकित्सकां नै दे दिओ हो ताके बे बिन ठीक कर सकै, पर बिंगो रोग और भी बिगड़ गेऔ हो।

![](https://cdn.door43.org/obs/jpg/360px/obs-en-32-14.jpg)

बणै सुणेओ हो के यीशु कई बीमार लोगां नै ठीक करेऔ हो अर बणै सोचेऔ, "मैं निश्चित हूँ जे मैं केवल यीशु गो वस्त्र ही छू लेऊं, तो मैं भी ठीक हो जाऊँगी!" ईंखातिर बा यीशु गै पिछुं आई अर बणै वस्त्र छू लिऔ। जियं ही बणै बिनै छुऔ, लहू गो बहणो बंद हो गेऔ।

![](https://cdn.door43.org/obs/jpg/360px/obs-en-32-15.jpg)

तुरन्त ही, यीशु जाणै लिऔ कै मेरै मुं सामर्थ निकली है।ईंखातिर बणै पिछै मुड़ गे पुछेऔ, "मनै कणै छुऔ?" चेलां जवाब दिऔ, "हठै ईतां सारां लोगां तेरै चारां पासै भीड़ लगाई है, अर तनै ठेल आवै हैं। तो थे क्यों पुछेऔ के मनै कणै छुऔ है?"

![](https://cdn.door43.org/obs/jpg/360px/obs-en-32-16.jpg)

बा स्त्री यीशु गै सामणै काँपती होई अर बहोत डरी होई आपणै घुटणां पर बैठ गई। फेर बणै बिन बता दिऔ के बणै के करेऔ है, अर औ भी के मैं ठीक हो गी। यीशु बिनै केऔ, "तेरै विश्वास तनै चंगो करेओ है। शान्ति मुं जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 मुँ एक बाइबल गी कहाणी।*

Audio: https://git.door43.org/OBS-TLF/bgq_obs/releases/download/v1/bgq_obs_v1_32_128kbps.m4a

## 33. एक किसान गी कहाणी

https://openbiblestories.org/l/bgq/story-33/

![](https://cdn.door43.org/obs/jpg/360px/obs-en-33-01.jpg)

एक दिन, यीशु झील गै किनारै गै कनै हो।बो लोगां गी एक बहोत बड़ी भीड़ नै शिक्षा देऐ आवै हो।बिन सुणनै खातिर ईता सारा लोग आया के यीशु कनै बां सारां मुं बात करण खातिर स्थान ना बचेऔ। ईंखातिर बो पाणी मैं खड़ी किशती पर चढ़ गेऔ।भठै बो बैठ गेऔ अर लोगां नै शिक्षा देई।

![](https://cdn.door43.org/obs/jpg/360px/obs-en-33-02.jpg)

यीशु बानै आ कहाणी सुणाई, "एक किसान बीज बोण खातिर बारै निकलेऔ।जद बो हाथां मुं बिजां नै बिखेरै आवै हो तो कुछ बीज मार्ग पर गिरेओ। पर पक्षियां आगै बां सारै बिजां नै खा लिऔ।"

![](https://cdn.door43.org/obs/jpg/360px/obs-en-33-03.jpg)

"दूसरा बीज पथरिली जमीन पर गिरेया झठै बहोत कम मिट्टी ही। पथरीली जमिन पर गिरेया बीज बहोत जल्दी अंकुरित होया, पर बांगी जड़ा जमिन मै गहराई मै जाणै मै सक्षम कोनी हिं।जद सुरज निकलेओ अर गर्मी होई तो बे पौधा मुरझा गेया अर मर गेया।"

![](https://cdn.door43.org/obs/jpg/360px/obs-en-33-04.jpg)

"तौभी दूसरा बीज झाड़ियां गै बीच मैं गिरेया। बां बीजां बढ़नो आरम्भ करेओ, पर काँटां बानै दबा दियो। ईंखातिर काँटेदार जमिन पर गिरेया बीजां मुं निकलेया पौधां मुं कोई भी अनाज उत्पन्न नां कर पायो।"

![](https://cdn.door43.org/obs/jpg/360px/obs-en-33-05.jpg)

"दूसरा बीज आच्‍छी जमिन पर गिरेया।बे बीज बढ़ेया अर जिता बीज बोए गेया हा बामुं 30, 60, अर हठै तांईं के 100 गुणा अनाज उत्पन्न करेऔ। झिको कोई भी परमेश्वर गै पीछै चालणौ चावै है, बो बिं बात पर ध्यान देवै झिको मैं केऐ आऊं हूँ!"

![](https://cdn.door43.org/obs/jpg/360px/obs-en-33-06.jpg)

ईं कहाणी चेलां नै उलझन मैं डाल दियो।ईंखातिर यीशु व्याख्या करी, "बो बीज परमेश्वर गो वचन है।बो मार्ग एक ईसो आदमी है झिको परमेश्वर गै वचन नै सुणै है, पर बिनै समझै कोनी । फेर शैतान बिंगै कनु वचन नै चुरा ले जावै है। अर्थात शैतान बिनै वचन समझणै मुं दूर राखै है।"

![](https://cdn.door43.org/obs/jpg/360px/obs-en-33-07.jpg)

"बा पथरीली जमिन ईसौ आदमी है झिकौ परमेश्वर गो वचन सुणै है अर आनन्द मुँ बिंन स्वीकार कर लेवै है। पर जद मुश्किल समय आव है, या जद अन्य लोग बिंन सतांवै है, तो बो परमेश्वर मुँ दूर चलेयो जावै है। अर्थात बो परमेश्वर पर भरोसो करणो बंद कर देवै है।"

![](https://cdn.door43.org/obs/jpg/360px/obs-en-33-08.jpg)

"बो काँटेदार जमीन आलो ईंसो आदमी है झीको परमेश्वर गो वचन न सुणै है। पर बो बोत सारी बातां खातिर चिन्ता करणी शुरु कर देव है, अर बो बोत सारो धन कमाण गी कोशीश करै है, अर बो बोत सारी चीजां न पाण गी कोशीश करै है। थोड़ समय ग बाद, अब बो परमेश्वर सागै प्रेम करण म सक्षम कोनी है। ईखातिर झीको बण परमेश्वर ग वचन न सीखेओ हो बो बण परमेश्वर न खुश करण म सक्षम कोनी करै है। बो गेहूँ गि गांठ ग समान है झीकी कोई अनाज पेदा कोनी करै है"

![](https://cdn.door43.org/obs/jpg/360px/obs-en-33-09.jpg)

"पर आच्छी जमीन बो आदमी है झीको परमेश्वर ग वचन न सुणै है, बिंग ऊपर विश्वास करै है, अर फल पैदा करै है।"

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_33_128kbps.m4a

## 34. यीशु दूसरी कहानियां गी शिक्षा देवै है

https://openbiblestories.org/l/bgq/story-34/

![](https://cdn.door43.org/obs/jpg/360px/obs-en-34-01.jpg)

यीशु परमेश्वर गै राज्य गै बारै मैं अन्य बहोत सिं कहाणीयाँ सुणाई। उदाहरण खातिर, बणै केओ, "परमेश्वर गो राज्य एक राई गै बीज गै समान है झिकै नै कणै आपणै खेत मैं बो दियो। थे जाणो हो के राई गो बीज सारै बीजां मुं छोटो होवै है।"

![](https://cdn.door43.org/obs/jpg/360px/obs-en-34-02.jpg)

"पर जद राई गौ बीज बढ़ जावै है तो बो बगीचै गै सारा पेडा मैं बड़ो हो जावै है, ईतो बड़ो के पक्षी आगै बिंगी शाखावां पर आराम करै है।"

![](https://cdn.door43.org/obs/jpg/360px/obs-en-34-03.jpg)

यीशु एक अन्य कहाणी बताई, "परमेश्वर गो राज्य खमीर गै समान है झिकै नै लेगे एक स्त्री आटै गै पिंड मैं मिला देवै है फेर बो सारै पिंड में फैल जावै है।

![](https://cdn.door43.org/obs/jpg/360px/obs-en-34-04.jpg)

"स्वर्ग गो राज्य बिं खजानै गै समान है झिकै नै कणै खेत मैं छिपा दियो। किं अन्य आदमी नै बो खजानो मिल गेओ अर बणै बिणै पाणै गी बहोत चाह करी। ईंखातिर बणै बिनै फेर गाड़ दियो।बो आनन्द मुं ईतो भरेओ होयो हो के बणै जागे आपणौ सारो कुछ बेच दियो ताके बो बिं खेत नै खरीद सकै झठै बो खजानो हो।"

![](https://cdn.door43.org/obs/jpg/360px/obs-en-34-05.jpg)

"स्वर्ग गो राज्य एक बहोत कीमती शुद्ध मोती गै समान भी है।जद कोई मोतियां गो व्यापारी बिनै पा लेवै है तो बो बिनै खरीदण खातिर आपणौ सारो कुछ बेच देवै है।"

![](https://cdn.door43.org/obs/jpg/360px/obs-en-34-06.jpg)

भठै कुछ लोग हा झिका सोचता हा के परमेश्वर बानै ईंखातिर स्वीकार करगो क्योंकि बे भला काम करे आवै हैं। ऐ लोग ईसां लोगां नै तुच्छ मानता हा झिका बां भलै कामां नै कोनी करता हा। ईंखातिर यीशु बानै आ कहाणी बताईः "दो आदमी हा अर दोनुं ही प्रार्थना करणै खातिर मंदिर मैं गेया। बामुं एक चुंगी लेणै आलो हो, अर दुसरो एक यहुदी धार्मिक परधान हो।"

![](https://cdn.door43.org/obs/jpg/360px/obs-en-34-07.jpg)

"बिं धार्मिक अगुवां ईं तरियां प्रार्थना करि, 'हे परमेश्वर, तेरो धन्यवाद होवै के मैं अन्य लोगां गै समान, जिंयँ डाकू, अन्यायी आदमि, व्यभिचारी, या हठै तांईं के हठै उपस्थित बिं चुंगी लेणै आलै गै समान एक पापी कोनी हूँ।'

![](https://cdn.door43.org/obs/jpg/360px/obs-en-34-08.jpg)

"उदाहरण खातिर, मैं हर सप्ताह मै दो बार उपवास राखुं हूँ, अर मैं मनै मिलण आलै धन अर सामान गो दसवों हिस्‍सो थानै देऊं हूँ।"

![](https://cdn.door43.org/obs/jpg/360px/obs-en-34-09.jpg)

"पर बो चुंगी लेणै आलो बिं धार्मिक अगुवां मुं बहोत दूर खड़ो हो गेओ। बणै ऊपर स्वर्ग कानिं आँखां भी कोनी उठाईं। ईंगै बजाए, बणै आपणी मुट्ठी मुं आपणी छाती पीटी अर प्रार्थना करी, 'हे परमेश्वर, कृपा करगै मेरै ऊपर दया कर क्योंकि मैं एक पापी हूँ।'"

![](https://cdn.door43.org/obs/jpg/360px/obs-en-34-10.jpg)

फेर यीशु केओ, "मैं थानै सच केऊं हूँ, परमेश्वर बिं चुंगी लेणै आलै गी प्रार्थना नै सुणेऔ अर बिनै धर्मी घोषित करेऔ। पर बणै बिं धार्मिक अगुवां गी प्रार्थना नै पसंद कोनी करेऔ। परमेश्वर हर एक घमंडी गै सिर नै निचो करगो, पर बो हर बिं जन नै आदर देवगो झिको आप नै नम्र करै है।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_34_128kbps.m4a

## 35. दयालु पिता गी कहाणी

https://openbiblestories.org/l/bgq/story-35/

![](https://cdn.door43.org/obs/jpg/360px/obs-en-35-01.jpg)

एक दिन, यीशु बहोत सारै लोगां नै शिक्षा देऐ आवै हो झिको बिंगी सुणणै खातिर इकट्ठा होया हा।ऐ लोग चुंगी लेणै आला अर अन्य लोग भी हा झिकां मूसा गी व्यवस्था गो पालन करणै गो प्रयास कोनी करेऔ हो।

![](https://cdn.door43.org/obs/jpg/360px/obs-en-35-02.jpg)

कुछ यहुदि धार्मिक परधाना देखेऔ के यीशु आं लोगां सागै एक मित्र गै समान बात करै आवै है।ईंखातिर बां एक दूसरै मुं ईयां केणौ शुरु कर दियो के बौ गलत करै आवै है। यीशु बानै बातां करतां सुणेऔ, ईंखातिर बणै बानै आ कहाणी बताई।

![](https://cdn.door43.org/obs/jpg/360px/obs-en-35-03.jpg)

"एक आदमी हो झिकै गा दो पुत्र हा। छोटै पुत्र आपणै पिता नै केऔ, 'हे पिता, मनै अभी मेरो हिस्‍सो चाहिऐ!' अतः पिता आपणै दोनां पञां गै बीच मै आपणी सम्पत्ति गो बँटवारो कर दियो।"

![](https://cdn.door43.org/obs/jpg/360px/obs-en-35-04.jpg)

"शीघ्र ही छोटो पुत्र आपणो सारो कुछ इकठो करगे दूर देश चलेऔ गेऔ अर पापी जीवन जीण मै आपगो सारो धन बर्बाद कर दियो।"

![](https://cdn.door43.org/obs/jpg/360px/obs-en-35-05.jpg)

"ईंगै बाद, झठै छोटो पुत्र हो बिं देश मैं एक भयंकर अकाल पड़ेओ, अर बिंगै कनै भोजन खरीदण खातिर धन कोनी हो।ईंखातिर बिनै झिको काम मिलेऔ बो सूअरां नै चराण गो हो।बो ईतो दुःखी अर भूखो हो के बो सूअरां गो भोजन खाणो चांतो हो।"

![](https://cdn.door43.org/obs/jpg/360px/obs-en-35-06.jpg)

"आखिरकार, बिं छोटै पुत्र स्वयं नै केऔ, 'मैं के करे आऊं हूँ? मेरै पिता गै सारै सेवकां कनै खाणै खातिर बहोत है, फेर भी मैं हठै भूखौ मरै आऊं हूँ। मैं आपणै पिता कनै वापिस जाऊँगा अर आपणै पिता गो एक सेवक बणनै खातिर बिनै विनती करूँगा।'"

![](https://cdn.door43.org/obs/jpg/360px/obs-en-35-07.jpg)

"अतः बिं छोटै पुत्र वापिस आपणै पिता गै घर कानी जाणौ आरम्भ करेओ। जबकि बो हजे दूर ही हो, बिंगै पिता बिनै देखेऔ अर बिंगै ऊपर तरस खायो। बो दौड़ गे आपणै पुत्र कनै गेऔ अर बिनै गलै लगागे चुमेओ।"

![](https://cdn.door43.org/obs/jpg/360px/obs-en-35-08.jpg)

"बिं पुत्र केयो, 'हे पिता, मैं परमेश्वर गै अर तेरै विरुद्ध पाप करेऔ है। मैं तेरो पुत्र कवाणै गै लायक भी कोनी हूँ।'"

![](https://cdn.door43.org/obs/jpg/360px/obs-en-35-09.jpg)

"पर पिता आपणै एक सेवक नै केऔ, 'शीघ्र जागै सारां मुं आच्‍छौ वस्त्र लैगे आओ अर मेरै पुत्र नै पहनाओ! बिंगी उंगली मैं अंगूठी अर बिंगै पैरां मै जूता पहनाओ। फेर सारां मुं आच्‍छो बछड़ो मारो ताके आपां खाँवां अर उत्सव मनावां, क्योंकि मेरो पुत्र मर गेओ हो, पर अब बो जीवित है! बो खो गेऔ हो, पर अब आपां बिनै पा लियो है!'"

![](https://cdn.door43.org/obs/jpg/360px/obs-en-35-10.jpg)

"ईंखातिर लोगां उत्सव मनाणो आरम्भ करेओ। कुछ समय बीतण पर, बड़ो पुत्र खेत मै काम करगै घर आयो। बणै संगीत अर नाच गी आवाज सुणी अर अचम्भित होयौ के औ के होऐ आवै है।"

![](https://cdn.door43.org/obs/jpg/360px/obs-en-35-11.jpg)

"जद बड़ै पुत्र नै मालूम होयो के बे ईंखातिर उत्सव मनाऐ आवें हैं क्योंकि बिंगो भाई घर आ गेयो हो, तो बो बहोत क्रोधित होयौ अर घर मैं दाखिल कोनी होयो। बिंगै पिता बारै आगै बिनै बांगै सागै उत्सव मनाण गो निवेदन करेओ, पर बणै मना कर दियो।"

![](https://cdn.door43.org/obs/jpg/360px/obs-en-35-12.jpg)

"बिं बड़ै पुत्र आपणै पिता नै केऔ, 'ईं सारै सालां मैं मैं तेरै खातिर निष्ठापूर्वक काम करेऔ! कदै भी तेरी बात नै कोनी टालेऔ, पर थे कदै मनै एक छोटी बकरी भी कोनी दी ताके मैं आपणै मिञां सागै दावत कर सकूँ। पर तेरै ईं पुत्र तेरो धन पापी काम करणै मैं बर्बाद कर दियो है। और अब जद बो आयो है तो बिं खातिर उत्सव मनाण खातिर थे बछड़ै नै मार दियो!'"

![](https://cdn.door43.org/obs/jpg/360px/obs-en-35-13.jpg)

"पिता जवाब दियो, 'हे मेरा पुत्र, तू हमेशा मेरै सागे है, अर झिको कुछ मेरो है बो सारो तेरौ है। पर माहरौ उत्सव मनाणौ सही है क्योंकि तेरो भाई मर गेयो हो, पर अब बो जीवित है। बो खो गेयो हो, पर अब आपां बिनै पा लियो है!'"

*लूका अध्याय 15:11-32 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_35_128kbps.m4a

## 36. यिशु मसीह गो रूप बदल गेयो

https://openbiblestories.org/l/bgq/story-36/

![](https://cdn.door43.org/obs/jpg/360px/obs-en-36-01.jpg)

एक दिन, यीशु आपग तीन चेलां, पतरस, याकूब, अर यूहन्ना नै आपग सागै लीओ। ओ यूहन्ना नाम गो चेलो बोई आदमी कोनी है जण यीशु नै बपतिस्मा दिओ हो। बे प्रार्थना करण खातिर एक ऊँचा पहाड़ पर गेआ।

![](https://cdn.door43.org/obs/jpg/360px/obs-en-36-02.jpg)

जद यीशु प्रार्थना करण लागरेओ हो तो बिंगो चेहरो सूर्य गै समान चमक गेओ। बिंग कपड़ा उजियाले ग समान सफेद हो गेआ, जिंया पृथ्वी पर कोई कर सक बिंमु बढ़गे सफेद।

![](https://cdn.door43.org/obs/jpg/360px/obs-en-36-03.jpg)

मूसा अर एलिय्याह भविष्यद्वक्ता प्रकट होआ। आ आदमी ईं पृथ्वी पर ईं समय मु सैकड़ां साल पेंला रेआ करता हा। बै यीशु सागै बिंगी मृत्यु गै बारे मै बात करी, क्योंकि बो जलदी ही यरूशलेम मै मर जावगो।

![](https://cdn.door43.org/obs/jpg/360px/obs-en-36-04.jpg)

जद मूसा अर एलिय्याह यीशु सागे बातां करण लागरेआ हो तब पतरस यीशु नै केओ, "माहारे खातिर अठ रेणो भलो है। मेह तीन मंडपां नै बणावा, एक तेर खातिर, एक मूसा गै खातिर, अर एक एलिय्याह ग खातिर।" पर पतरस कोनी जाणतो हो के बो के केण लागरेओ है।

![](https://cdn.door43.org/obs/jpg/360px/obs-en-36-05.jpg)

जद पतरस बात करण लागरेओ हो, तो एक चमकदार बादल नीचे आगे बांग पर छा गेओ। फेर बे बादल मुँ एक आवाज नै आन्‍तो सुणेओ। बण केओ, "ओ मेरो पुत्र है जिंग सागे में प्रेम करतो हूँ। मै बिमु खुश हूँ। बिंगी सुणो।" बे तीनु चेला डर गेआ अर जमीन पर लेट गेआ।

![](https://cdn.door43.org/obs/jpg/360px/obs-en-36-06.jpg)

तब यीशु बाने छुओ अर केओ, "डरो ना। उठ जाओ।" जद बे चारु ओर देखेओ, तो झीको भी बठ हो बो एकलो यीशु हो।

![](https://cdn.door43.org/obs/jpg/360px/obs-en-36-07.jpg)

यीशु अर बे तीनु चेला पहाड़ मुँ वापिस नीचे उतर आया। तब यीशु बाने केओ, "अभी झीको कि आठै होयो बिंगी चर्चा किंग सागे ना करीओ। मैं जलदी ही मर जाऊँगा अर फेर जीवित हो जाऊँगा। बिंग बाद, थे लोगां न बता सकता हो।"

*मत्ती अध्याय 17:1-9; मरकुस 9:2-8; लूका 9:28-36 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_36_128kbps.m4a

## 37. यीशु लाज़र नै मृतकां मुँ जिलावै है

https://openbiblestories.org/l/bgq/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाम गो एक आदमी हो।बिंगी दो बहनां हिं बांगो नाम मरियम अर मार्था हो।बे सारा यीशु गा घनिष्ठ मित्र हा। एक दिन, कणै यीशु नै बतायो के लाज़र बहोत बीमार है।जद यीशु औ सुणेयो तो बणै केऔ, "आ बीमारी लाज़र गे मरणै गै सागै समाप्त कोनी होवगी।ईंग बजाए, आ लोगां नै परमेश्वर गो आदर करण खातिर प्रेरित करगी।

![](https://cdn.door43.org/obs/jpg/360px/obs-en-37-02.jpg)

यीशु आपणै मित्‍रां नै प्रेम करतो हो, पर झठै बो हो भठै बणै दो दिनां तक प्रतीक्षा करी।बां दो दिनां गै बाद, बणै आपणै चेलां नै केऔ, "आओ, वापिस यहूदिया नै चालां।" चेलां जवाब दिओ, "पर हे गुरु, अभी कुछ ही समय पेलां भठै गा लोग थानै मारनो चांता हा!" यीशु केऔ, "मेरो मित्र लाज़र सो गेयो है, अर मै बिनै जगाणो है।"

![](https://cdn.door43.org/obs/jpg/360px/obs-en-37-03.jpg)

यीशु गै चेलां जवाब दिऔ, "हे प्रभु, जे लाज़र सो रेओ है, तो बो ठीक हो जावगो।"फेर यीशु बानै स्पष्ट रूप मैं कह दिऔ, "लाज़र मर गेयो है। मैं आनन्दित हूँ के मैं भठै कोनी हो, ताके थे मेरै ऊपर विश्वास कर सको।"

![](https://cdn.door43.org/obs/jpg/360px/obs-en-37-04.jpg)

जद यीशु लाज़र गै गाँव पहोँचेओ तो लाज़र नै मरेयां पहले ही चार दिन हो गेया हा। मार्था यीशु नै मिलणै खातिर बारै आई अर केओ, "हे प्रभु, जे तू हठै होंतो तो मेरो भाई ना मरतो। पर मैं विश्वास करुं हूँ के झिको कुछ भी तू परमेश्वर कनु मांगै बो थानै देवगो ।"

![](https://cdn.door43.org/obs/jpg/360px/obs-en-37-05.jpg)

यीशु जवाब दियो, "पुनरुत्थान अर जीवन मैं हूँ। झिको भी मेरै ऊपर विश्वास करै है जे बो मर भी जावै तौभी जीवगो। झिको कोई मेरै ऊपर विश्वास करै है बो कदै भी ना मरगो।के तू ईं बात पर विश्वास करै है?" मार्था जवाब दियो, "हे प्रभु, मैं विश्वास करुं हूँ के तू परमेश्वर गो पुत्र मसीह है।"

![](https://cdn.door43.org/obs/jpg/360px/obs-en-37-06.jpg)

फेर मरियम आई। बणै यीशु गै चरणां मैं गिर गे केओ, "हे प्रभु, जे तू हठै होंतो तो मेरो भाई ना मरतो।" यीशु बिनै पुछेओ, "थे लाज़र नै कठै राखेओ है?"बां बिनै बताओ, "कब्र मँ। आ अर देख ले। "फेर यीशु रोण लागेओ।

![](https://cdn.door43.org/obs/jpg/360px/obs-en-37-07.jpg)

बा कब्र एक गुफा हि बिंगै दरवाजा पर एक पत्थर लुढ़कायो गेऔ हो। जद यीशु कब्र पर पोंचेओ तो बणै बानै केऔ, "पत्थर हटा देओ। "पर मार्था केऔ, "बिनै मरेयां चार दिन हो गेया है। बिमुं दुर्गंध आंती होवगी।"

![](https://cdn.door43.org/obs/jpg/360px/obs-en-37-08.jpg)

यीशु जवाब दियो, "के मैं थानै कोनी केऔ कै थे मेरै ऊपर विश्वास करो तो परमेश्वर गो सामर्थ देखोगा?" ईंखातिर बां पत्थर हटा दियो।

![](https://cdn.door43.org/obs/jpg/360px/obs-en-37-09.jpg)

फेर यीशु ऊपर स्वर्ग कानी देख गे केयो, "हे पिता, मेरी सुणनै खातिर मैं तेरो धन्यवाद करुं हूँ। मैं जाणुं हूँ के तू हमेशा मेरी सुणै है, पर मैं हठै खड़ेया आं सारां लोगां गी की सहायता करणै खातिर केऔ ताकै ऐ विश्वास करै के तु मनै भेजेओ है।"फेर यीशु आवाज लगाई, "हे लाज़र, बारै निकल आ!"

![](https://cdn.door43.org/obs/jpg/360px/obs-en-37-10.jpg)

अतः लाज़र बारै निकल आयो! बो हजे भी कफन मैं लिपटेओ होयो हो । यीशु बिनै केऔ, "ईं कफन नै निकालण मैं बिंगी सहायता करो अर बिनै स्वतंत्र करो।" ईं चमत्कार गै कारण बहोत सा यहूदियां यीशु पर विश्वास करेयो।

![](https://cdn.door43.org/obs/jpg/360px/obs-en-37-11.jpg)

OBS Image पर यहूदियां गा धार्मिक परधाना यीशु मुं जलनै लागगेया, ईंखातिर बां योजना बणाण खातिर एक सागै इकट्ठा होया के किंयां यीशु अर लाज़र नै मारेयो जावै।

*यूहन्ना 11:1-46 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_37_128kbps.m4a

## 38. यीशु नै पकड़वायो जावै है

https://openbiblestories.org/l/bgq/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी लोग फसह गो त्‍योहार मनानता हा।औ ईं बारै मैं एक उत्सव हो के कई शताब्दियां पेलां परमेश्वर बांगै पूर्वजां नै मिस्र गै दासत्व मुं छुडायो हो। लगभग तीन साल बाद यीशु सारै लोगां मै प्रचार करनो अर शिक्षा देणी शुरु करी। यीशु आपणै चेलां नै बताओ के बो बांगै सागै यरूशलेम मैं फसह गो त्‍योहार मनाणो चावै है, अर औ भी के बो भठै मारेयो जावैगो।

![](https://cdn.door43.org/obs/jpg/360px/obs-en-38-02.jpg)

यीशु गै चेलां मै एक यहूदा नाम गो आदमी हो। यहूदा प्रेरितां गै धन गी थैली राखणै गो जीमेवार हो, पर अक्सर बो बिं थैली मुं पिसा काढ़े करतो हो। यीशु अर चेलां गै यरूशलेम पहुँचण गै बाद यहूदा यहूदी अगुवां गै कनै गेयो। बणै धन गै बदलै यीशु नै बांगै हाथ पकड़वाण गो प्रस्ताव राखेयो।बो जाणै हो के यहूदी अगुवा स्वीकार कोनी करता हा के यीशु ही मसीह है। बो जाणै हो के बै बिनै मारनो चावै है।

![](https://cdn.door43.org/obs/jpg/360px/obs-en-38-03.jpg)

महायाजक गै केण पर यहूदी अगुवां यीशु नै बांगै हाथां मैं पकड़वाण खातिर यहूदा नै तीस चाँदी गा सिक्‍का दिया।औ बिं प्रकार हि होयो जियां भविष्यद्वक्‍तां केयो हो के होवगौ। यहूदा मान गेयौ अर धन लेगै जांतो रेयो।बो यीशु नै गिरफ्तार करणै मै बांगी सहायता करणै खातिर कोई मोकै गी खोज करणै लागगेयो।

![](https://cdn.door43.org/obs/jpg/360px/obs-en-38-04.jpg)

यरूशलेम मैं, यीशु आपणां चेलां सागै फसह गो त्‍योहर मनायो। फसह गै भोज दौरान, यीशु रोटी लेगै तोड़ी। बणै केयो, "ईनै लेयो अर खाओ। औ मेरौ शरीर है झिको मैं थारै खातिर देऊँ हूँ। ईयाँ मेरी याद मै करियो।" ईं प्रकार, यीशु केयो के बो बांगै खातिर मर जावगो, अर्थात बांगै खातिर बो आपगो शरीर बलि चढ़ा देवगो।

![](https://cdn.door43.org/obs/jpg/360px/obs-en-38-05.jpg)

फैर यीशु एक दाखरस गो प्यालो लियो अर केयो, "ईंनै पी लेयो। औ नई वाचा गो मेरो लहू है झिको मैं उंडेलूँगा ताकै परमेश्वर थारै पापाँ नै क्षमा करै। हर बार ईनै पिंतां समय मेरी याद मै करो झिको मैं अभी करै आऊँ हूँ।"

![](https://cdn.door43.org/obs/jpg/360px/obs-en-38-06.jpg)

फैर यीशु आपणै चेलां नै केयो, "थारै मुं एक जन मनै पकड़वावगो।" चेला चौंक गेया, अर पूछण लागगेया के कुण हिसौ काम करगो। यीशु केयो, "मनै पकड़वाण आलो आदमी बो है झिकै नै मैं औ रोटी गो टुकड़ो देऊं हूँ।" फेर बणै बा रोटी यहूदा नै देई।

![](https://cdn.door43.org/obs/jpg/360px/obs-en-38-07.jpg)

बिं रोटी नै लेण गै बाद, यहूदा मै शैतान समा गेयो। यहूदा निकल गै यीशु नै गिरफ्तार करवाणै खातिर यहूदी अगुवां गी सहायता करणै खातिर चलेयो गेयो। औ रात गो समय हो।

![](https://cdn.door43.org/obs/jpg/360px/obs-en-38-08.jpg)

भोजन गै बाद, यीशु अर बिंगा चेला जैतून पहाड़ कानी चलेया गेया। यीशु केयो, "थे सारा आज रात मनै छोड दोओगा।औ लिखेयो होयो है, 'मैं चरवाहै नै मारूँगा अर सारी भेडा तितर-बितर हो जावगी।'"

![](https://cdn.door43.org/obs/jpg/360px/obs-en-38-09.jpg)

पतरस जवाब दियो, "भलां ही बाकी सारा तनै छोड़ देऐ, मैं कोनी छोडु!" फेर यीशु पतरस नै केयो, "शैतान थानै सारां नै लेणौ चावै है, पर हे पतरस, मै तेरै खातिर प्रार्थना करी है के तू विश्वास मुं चुक ना जावै। फेर भी, आज गी रात, मुरगै गी बाँग देणै मुं पेहलां तू तीन बारी इंकार करगो के तू मनै जाणै भी कोनी।"

![](https://cdn.door43.org/obs/jpg/360px/obs-en-38-10.jpg)

पतरस फेर यीशु नै केयौ, "भलां ही मैं मर भी जाऊँ, मैं कदै भी तेरो इंकार कोनी करूँ!" बाकी सारां चेलां भी औही केयो।

![](https://cdn.door43.org/obs/jpg/360px/obs-en-38-11.jpg)

फेर यीशु आपणै चेलां सागै गतसमनी नाम गै स्थान पर गेयो। यीशु आपणै चेलां नै प्रार्थना करणै खातिर केयो ताकै शैतान बांगी परीक्षा ना करै। फेर यीशु आप प्रार्थना करणै खातिर चलेयो गेयो।

![](https://cdn.door43.org/obs/jpg/360px/obs-en-38-12.jpg)

यीशु तीन बार प्रार्थना करी, "हे मेरा पिता, जे सम्भव होवै तो कृपा करगै औ दुःख गो प्यालो पीणै खातिर ना देयो। पर जे लोगां गा पाप क्षमा करणै खातिर कोई और मार्ग कोनी है, तो तेरी ही इच्छा पूरी होवै।" यीशु बहोत व्याकुल हो अर बिंगो पसीनो लहू गी बूँदां गै समान हो। बिनै सामर्थ देणै खातिर परमेश्वर एक स्वर्गदूत भेजेयो।

![](https://cdn.door43.org/obs/jpg/360px/obs-en-38-13.jpg)

हर बारी प्रार्थना गै बाद, यीशु आपणै चेलां कनै वापिस आयो, पर बे सो गेया हा। जद यीशु तीसरी बार लौटेयो तो यीशु केयो, "जाग जाओ! मेरो पकड़वाण आलो हठै है।"

![](https://cdn.door43.org/obs/jpg/360px/obs-en-38-14.jpg)

यहूदी अगुवां, सैनिकां, अर एक बड़ी भीड़ सागै यहूदा आयो।बां तलवारां अर लाठियाँ लेई होई हिं। यहूदा यीशु गै कनै आगै केयो, "हे गुरु, नमस्कार,"अर बिनै चूम लियो। बणै गिरफ्तार करेया जाणै आलै आदमी नै यहूदी अगुवां पर प्रकट करणै खातिर ईंयां करेयो। फेर यीशु केयौ, "हे यहूदा, के तू एक चुम्बन मुँ मनै पकड़वाए आवै है?"

![](https://cdn.door43.org/obs/jpg/360px/obs-en-38-15.jpg)

जद बे सैनिक यीशु नै पकड़े आवै हा, तो पतरस आपगी तलवार काडी अर महायाजक गै एक सेवक गौ कान काट दियो। यीशु केयो, "तलवार दूर कर! मैं आपणै पिता नै मेरौ बचाव करणै खातिर स्वर्गदूतां गी एक सेना खातिर विनती कर सकुं हूँ। पर मै मेरै पिता गी बात मानणी है। "फेर यीशु बिं आदमी गो कान ठीक कर दियो। फेर सारा चेला भाजै गेया।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_38_128kbps.m4a

## 39. यीशु पर मुकद्दमो चालै है

https://openbiblestories.org/l/bgq/story-39/

![](https://cdn.door43.org/obs/jpg/360px/obs-en-39-01.jpg)

अब ओ आधी रात गो समय हो। बो सैनिक यीशु नै महायाजक गै घर ले आया, क्योंकि बे यीशु साग सवाल करना चान्‍ता हा। पतरस दूर मुँ बिंगो पीछो करण लागरेओ हो। जद सैनिक यीशु नै घर मै ले गेआ, तो पतरस बाहर रुक गे आप नै आग मु गर्म करण लाग गैओ।

![](https://cdn.door43.org/obs/jpg/360px/obs-en-39-02.jpg)

घर गै भीतर, यहूदी अगुवां यीशु पर मुकद्दमो चलायो। बे बिंग विरुद्ध झूठी बातां नै बोलंण खातिर बहुत सा झूठै गवाहाँ नै लेगे आया। फेर भी, बांगीं बातां एक दूसर मुँ सहमत कोनी ही, ईखाति यहूदी अगुवां ओ साबित कोनी कर सकेआ के बो कोईं बात म दोषी हो। यीशु कुछ भी कोनी केओ।

![](https://cdn.door43.org/obs/jpg/360px/obs-en-39-03.jpg)

आखिर मै, महायाजक सीधो यीशु कानि देखगे केओ, "मानै बता के तू ही जीवित परमेश्वर गो पुत्र मसीह है?"

![](https://cdn.door43.org/obs/jpg/360px/obs-en-39-04.jpg)

यीशु केओ, "मैं हूँ, अर थे मनं परमेश्वर गै सागै बैठेओ होयो अर स्वर्ग मुँ आन्‍तो होयो भी देखोगा।" महायाजक आपगै कपड़ा फाड़ लिया क्योंकि झीको कि यीशु केओ बि बात पर बहुत गुसा हो। बो अन्य परधानां पर चिल्लायो, "मानै ओ बताण खातिर कोईं और गवाह गी जरुरत कोनी है के ईं आदमी के करेओ है! थे आप ही बिंन ओ केन्‍तो सुण लियो है के बो परमेश्वर गो पुत्र है। बिंगै खातिर थारो के फेंसलो है?"

![](https://cdn.door43.org/obs/jpg/360px/obs-en-39-05.jpg)

सारा यहूदी अगुवां महायाजक नै जवाब दिओ, "बो मरण गै लायक है!" जद बै यीशु गी आँखां पर पट्टी बाँध दी, बिंग पर थूकेओ, बिंन मारेओ, अर बिंगो मजाक उड़ाओ।

![](https://cdn.door43.org/obs/jpg/360px/obs-en-39-06.jpg)

अर पतरस, जद बो घर ग बाहर ईंन्‍तजार करण लागरेओ हो। जद एक दासी लड़की बिंन देखेओ। बण बिंन केओ, "तू भी यीशु ग सागै हो!" पतरस ईनकार कर दिओ। बाद मै, कोईं अन्य लड़की ईं बात न केओ, अर पतरस फेर ईनकार कर दिओ। आखिर मै कुछ लोगां केओ, "मानै पतो हैं के तू यीशु ग सागै हो क्योंकि थे दोनु गलील गा हो।"

![](https://cdn.door43.org/obs/jpg/360px/obs-en-39-07.jpg)

जद पतरस केओ, "जै म ईं आदमी न जाणतो हूँ तो परमेश्वर मनं श्राप देव!" पतरस ग ईं तरा शपथ खाण ग बाद, एक मुर्गे बाँग देईं। यीशु पीछे मुड़गे पतरस न देखेओ।

![](https://cdn.door43.org/obs/jpg/360px/obs-en-39-08.jpg)

पतरस बठु जान्‍तो रेओ अर फूट-फूट गे रोओ। बिं समय, यीशु न पकड़ाण आलो यहूदा देखेओ के यहूदी अगुवां यीशु नै मृत्युदंड दियो है। यहूदा बहुत दुःखी हो गेओ अर जागे आप न मार दिओ।

![](https://cdn.door43.org/obs/jpg/360px/obs-en-39-09.jpg)

अब बिं देश गो राज्यपाल पिलातुस हो। बो रोम ग खातिर काम करतो हो। यहूदी अगुवा यीशु न बिंग कनं लेगे आया। बे चान्‍ता हा के पिलातुस बिंन मृत्युदंड देव अर बिंन मार देव। जद पिलातुस यीशु न पूछेओ, "के तू यहूदियां गो राजा है?"

![](https://cdn.door43.org/obs/jpg/360px/obs-en-39-10.jpg)

यीशु जवाब दिओ, "तू सच ही केओ है। पर मेरो राज्य हठ पृथ्वी गो कोनि है। जै होन्‍तो तो मेरा दास मेरा खातिर युद्ध करतौ। म पृथ्वी पर परमेश्वर ग बारे म सच बताण ग खातिर आयो हूँ। हर एक जन झीको सच सागै प्रेम करै है बो मेरी सुणै है।" पिलातुस केओ, "तो सच के है?"

![](https://cdn.door43.org/obs/jpg/360px/obs-en-39-11.jpg)

यीशु सागै बात करण गै बाद, पिलातुस बाहर भीड़ ग कनं जागै केओ, "म ईसो कोई कारण कोनी पाऊं के ओ आदमी मरण ग लायक है।" पर यहूदी अगुवां अर भीड़ चिल्लागे केओ, "बिंन क्रूस पर चढ़ा देओ!" पिलातुस जवाब दिओ, "बो कुछ भी गलत करण गो दोषी कोनी है।" पर बे और भी ऊँची आवाज म चिल्लाण लागेआ। जद पिलातुस तीसरी बार केओ, "बो दोषी कोनी है!"

![](https://cdn.door43.org/obs/jpg/360px/obs-en-39-12.jpg)

पिलातुस डर गेओ के भीड़ दंगौ शुरु कर देवगी, ईंखातिर बो आपग सैनिकां ग द्वारा यीशु न क्रूस पर चढ़ाण खातिर मान गेओ। रोमी सैनिकां यीशु न कोड़ा लगवाया, अर बिंन राजा आला कपड़ा पहनाया, अर बिंग सिर पर काँटां मु बणेओ मुकुट राखेओ। जद बे ओ केगे बिंगो मजाक उड़ाण लागेआ, "देखो, यहूदियां गो राजा!"

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_39_128kbps.m4a

## 40. यीशु गै क्रूस पर चढ़ायो जावै है

https://openbiblestories.org/l/bgq/story-40/

![](https://cdn.door43.org/obs/jpg/360px/obs-en-40-01.jpg)

यीशु नै मजाक करणै गै बाद, सैनिक बिनै क्रूस पर चढ़ाण खातिर ले गेया।बां बिं क्रूस नै बिंगै कनु उठवायो झिकी पर बो मरगौ।

![](https://cdn.door43.org/obs/jpg/360px/obs-en-40-02.jpg)

बे सैनिक यीशु नै बिं स्थान पर लेगै आया झिको "खोपड़ी"कवावे हो अर बिंगै हाथाँ अर पैरां नै क्रूस पर ठोक दियो। पर यीशु केयो, "हे पिता, आनै क्षमा कर, क्योंकि ऐ कोनी जाणै के ऐ के करै आवै हैं।" बां एक तख्ती नै भी बिंगै सिर गै ऊपर टांग दियो।बिंगै ऊपर लिखेयो हो, "यहूदियां गो राजा।" पिलातुस बानै औही लिखणै खातिर केयो।

![](https://cdn.door43.org/obs/jpg/360px/obs-en-40-03.jpg)

फेर सैनिकां यीशु गै कपड़ा खातिर चिट्ठियाँ घालि। जद बां ईंयाँ करेयो तो बां बिं भविष्यद्वाणी नै पूरो करेयो झिकी केवै हि, "बां मेरा कपड़ाँ नै आपस मैं बाँट लियो, अर मेरै कपड़ाँ खातिर चिट्ठियाँ घालिं।"

![](https://cdn.door43.org/obs/jpg/360px/obs-en-40-04.jpg)

भठै दो डाकू भी हा,झिकां नै सैनिकां बिं समय पर क्रूस पर चढ़ायो हो।बाँ बानै यीशु गै दोनुं पासै राखेयो हो।बामुँ एक डाकू यीशु गो मजाक उडायो, पर दूसरै केयो, "के तू कोनी डरै के परमेश्वर तनै दंड देवगो? आपाँ बहोत सा बुरा काम करणै गा दोषी हाँ, पर औ आदमी निर्दोष है।" फेर बणै यीशु नै केयो, "जद तू आपणै राज्य मै आवे तो कृपया मनै याद राखियो।" यीशु जवाब दियो, "आज ही तू मेरै सागै स्वर्गलोक मै होवगो।"

![](https://cdn.door43.org/obs/jpg/360px/obs-en-40-05.jpg)

यहूदी अगुवां अर भीड़ गे अन्य लोगां यीशु गो मजाक उडायो। बां बिनै केयो, "जे तू परमेश्वर गो पुत्र है, तो क्रूस परुं नीचै उतर आ अर आप नै बचा ले! फेर मैं तेरै ऊपर विश्वास करुगा।"

![](https://cdn.door43.org/obs/jpg/360px/obs-en-40-06.jpg)

फेर बिं पुरै देश गो आकाश पूरी तरियाँ कालो हो गेयो, भलां ही बो दिन गै मध्य गो समय हो। औ दोपहर गै समय कालो होयौ हो अर तीन घंटाँ ताईं हिसो हि रेयो।

![](https://cdn.door43.org/obs/jpg/360px/obs-en-40-07.jpg)

फेर यीशु पुकार गे केयो, "पूरो होयो! हे पिता, मैं आपणी आत्मा तेरै हाथाँ मैं सौंपुं हूँ।" फेर बणै आपगै सिर नै झुकायो अर आपणै प्राण नै त्याग दियो।जद बो मरेय तो एक भूकम्प आयो। बो बड़ो परदौ झिको परमेश्वर गी उपस्थिति मुँ लोगां नै अलग करतो हो ऊपरु नीचै गी ओर फट गे दो भाग हो गेयौ।

![](https://cdn.door43.org/obs/jpg/360px/obs-en-40-08.jpg)

आपणी मृत्यु द्वारा, यीशु लोगां खातिर परमेश्वर गै कनै आणै गो मार्ग खोल दियो। जद यीशु गी निगरानी करणै आलै एक सैनिक झिको कुछ होयौ हो औ सारो किं देखेयो तो बणै केयौ, "सच मै, औ आदमी निर्दोष हो। ओ परमेश्वर गो पुत्र है।"

![](https://cdn.door43.org/obs/jpg/360px/obs-en-40-09.jpg)

फेर यूसुफ अर नीकुदेमुस नाम गा दो यहूदी अगुवा आया। बे विश्वास करता हा के यीशु ही मसीह हो। बां पिलातुस कनु यीशु गो शरीर माँगेयो। बां बिंगो शरीर कपड़ै मै लपेटेयो। फेर बिनै एक पहाड़ नै काट गे बणाई कब्र मै ले गेया अर बिंगै मां रख दियो। फेर बां कब्र गो द्वार बंद करणै खातिर एक बड़ो पत्थर लुढ़का दियो।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_40_128kbps.m4a

## 41. परमेश्वर यीशु नै मरेयां हौयां मुँ जिलावै है

https://openbiblestories.org/l/bgq/story-41/

![](https://cdn.door43.org/obs/jpg/360px/obs-en-41-01.jpg)

सैनिकां द्वारा यीशु नै क्रूस पर चढ़ाण गै बाद, यहूदी अगुवां पिलातुस नै केयौ, "बिं झूठै, यीशु केयौ हो के बो तीन दिनां बाद मरेयाँ मुं जी उठगो।कणै ओ निश्चित करणै खातिर कब्र गी निगरानी करनी होवगी के बिंगा चेला बिंगो शरीर चोर गे ले ना जावै। जे बे ईंया करै है तो बे केवगा के बो मरेयां होयां मुं जि उठेयो है।"

![](https://cdn.door43.org/obs/jpg/360px/obs-en-41-02.jpg)

पिलातुस केयो, "कुछ सैनिकां नै ले जाइयो, अर जियां थे कर सको बियां कब्र गी निगरानी करो।" ईंखातिर बां कब्र गै प्रवेशद्वार गै पत्थर पर एक मोहर लगा दी। बां ओ निश्चित करणै खातिर सैनिकां नै भी बिठा दियो के कोई भी बिंगै शरीर नै चुरा ना सकै।

![](https://cdn.door43.org/obs/jpg/360px/obs-en-41-03.jpg)

यीशु गै मरणै गै बाद गो दिन सब्त गो दिन हो। कोई भी सब्त गै दिन काम कोनी कर सकतो, ईंखातिर यीशु गो कोई भी मित्र कब्र पर कोनी आयो। पर सब्त गै बाद गै दिन, सुबह बहुत भोर नै, कुछ स्त्रियाँ यीशु गी कब्र पर जाणै खातिर तैयार होईं। बे बिंगै शरीर पर और भी मसालां नै लगाणो चांति हिं।

![](https://cdn.door43.org/obs/jpg/360px/obs-en-41-04.jpg)

बां स्त्रियां गै पहोँचण मुं पेहलां, कब्र पर एक बड़ो भूकम्प होयो। स्वर्ग मुं एक स्वर्गदूत आगै बिं पत्थर नै लुढ़का दियो झिको कब्र गै प्रवेशद्वार नै ढाँके होयौ हो अर बिंगै ऊपर बैठ गेयो। ओ स्वर्गदूत उजियालै गै समान चमकै आवै हो। कब्र पर झिका सैनिक हा बां बिनै देखेयौ।बे इता डर गेया हा के मरेड़ा गै समान जमिन पर गिर गेया।

![](https://cdn.door43.org/obs/jpg/360px/obs-en-41-05.jpg)

जद बे स्त्रियाँ कब्र पर पहोंचि तो बिं स्वर्गदूत बानै केयो, "ना डरो। यीशु हठै कोनी।बो मरेयाँ होयाँ मुँ जी उठेयो है, जियाँ बणै केयौ हो के बो जी उठगौ! कब्र मैं खोजो अर देखो।" बाँ स्त्रियां कब्र गै भीतर अर झठै यीशु गो शरीर राखेयौ होयो हो भठै खोज करी अर देखेयो के बिंगो शरीर भठै कोनी हो!

![](https://cdn.door43.org/obs/jpg/360px/obs-en-41-06.jpg)

फेर बिं स्वर्गदूत बां स्त्रियां नै केयौ, "जागै बिंगै चेलां नै बताओ, 'यीशु मरेयाँ होयाँ मुं जी उठेयो है अर बो थारै आगै-आगै गलील नै जावगो।'"

![](https://cdn.door43.org/obs/jpg/360px/obs-en-41-07.jpg)

बे स्त्रियाँ अचम्भित होईं अर बहोत आनन्दित होई।बे चेलां नै ओ शुभ संदेश सुणाण खातिर दौड़ीं।

![](https://cdn.door43.org/obs/jpg/360px/obs-en-41-08.jpg)

जद बे स्त्रियाँ चेलां नै ओ शुभ संदेश बताणै खातिर आपणै मार्ग हिं, तो यीशु बांगै ऊपर प्रकट होयौ।बे बिंगै पेरां पर गिर गेई फेर यीशु केयो, "ना डरो।जागै मेरै चेलां नै गलील जाण नै केयौ।बे भठै मनै देखगा।"

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_41_128kbps.m4a

## 42. यीशु स्वर्ग लोट जावै है

https://openbiblestories.org/l/bgq/story-42/

![](https://cdn.door43.org/obs/jpg/360px/obs-en-42-01.jpg)

झिकै दिन परमेश्वर यीशु नै मरेयाँ मुं जीवित करेयो हो,बिंगा दो चेला कनै हि गाँव मैं जाऐ आवै हा। चालता होया बे यीशु गै सागै झिको होयौ हो। बिंगै बारै बातां करे आवै हा, बनै ऊमिद हि कै बौ मसीह हो, पर फेर भी बो मारेयो गेयौ। अब बे स्त्रियाँ केवै हैं के बौ फेर जीवित हो गेयौ है। बे कोनी जाणता हा के बां किं बात पर विश्वास करनो है।

![](https://cdn.door43.org/obs/jpg/360px/obs-en-42-02.jpg)

यीशु बांगै कनै आगै बांगै सागै चालणो शुरु करेयो, पर बे बिन पहचान कोनी सकेया। बणै पुछेयो के बे किं बारै मै बात करै आवै है। बां बिनै पिछलै दिनां मै यीशु सागै होई सारी घटना गै बारै बतायो। बां सोचेयौ के बे किं परदेशी सगै बातां करै आवै है झिको कोनी जाणै के यरूशलेम मै के होयौ है।

![](https://cdn.door43.org/obs/jpg/360px/obs-en-42-03.jpg)

फैर यीशु बानै समझायो के परमेश्वर गो वचन मसीह गै बारै मै के केवै है।बहोत पैहलां, भविष्यद्वक्‍तां केयौ हो के बुरा लोग मसीह नै पीड़ित करैगा अर मार दैयगा। पर भविष्यद्वक्‍तां ओ भि केयौ हो के बौ तीसरै दिन जी उठगो।

![](https://cdn.door43.org/obs/jpg/360px/obs-en-42-04.jpg)

जद बे बिं गाँव मै पहोंचेया झठै बे दो जन ठहरनो चाहंता हा, तब ताईं लगभग शाम हो गि ही।बाँ यीशु नै बांगै सागै ठहरणै खातिर आमंत्रित करेयो, अतः बौ बांगै सागै एक घर मैं गेयौ।आपणौ शाम गो भोजन खाणै खातिर बै बैठ गेया। यीशु एक रोटी लैगे बिंगै खातिर परमेश्वर गो धन्यवाद दियौ, अर फैर बिनै तोड़ेयौ। अचानक हि, बां जाण लियो के बौ यीशु हौ। पर बिं समय, बौ बांगी आँखां सामणु ओझल हो गेयौ।

![](https://cdn.door43.org/obs/jpg/360px/obs-en-42-05.jpg)

बां दो जणां एक दूसरै नै केयौ, "बौ यीशु हो! ईंखातिर जद बणै मानै परमेश्वर गो वचन समझायो हो तो मैं बहोत उत्साहित हा!" जद ही, बे निकल गै वापिस यरूशलेम गेया। जद बै पहोंचेया तो बां चेलां नै बतायो, "यीशु जीवित है! मै बिनै देखेयो है!"

![](https://cdn.door43.org/obs/jpg/360px/obs-en-42-06.jpg)

जद चेला बात करै आवै हा तो, यीशु अचानक बिं कमरै मै बांगै सगै प्रकट होयौ। बणै केयौ, "थानै शान्ति मिलै!" चेलां सोचेयौ के बौ कोई भूत है, पर यीशु केयौ, "थै क्यों डरो हो? थे ओ क्यों कोनी सोचो के सचमुच मैं, यीशु हूँ? मेरै हाथां अर पेरां नै देखो। भूतां कनै हिसो शरीर कोनी होवै झिकौ मेरै कनै है।" ओ दिखाण खातिर के बौ कोई भूत कोनी, बणै खाणै खातिर कुछ माँगेयौ। बां बिनै मछली गो एक टुकड़ो दियो, अर बणै बिनै खा लियौ।

![](https://cdn.door43.org/obs/jpg/360px/obs-en-42-07.jpg)

यीशु केयौ, "मेरै बारै मैं परमेश्वर गो वचन झिको कुछ भी केवै है वह घटित होवगो। मैं थानै बता दियो हो के ईंगो होणौ अवश्य है।" फैर यीशु बानै परमेश्वर गो वचन आच्‍छि तरियाँ समझायो। बणै, "बहोत पैहलां भविष्यद्वक्‍तां लिखेयो हो के, मसीह नै दुःख उठाणो होवगो, मरनो होवगौ अर तीसरै दिन मृतकां मुं जी उठणौ होवगो।"

![](https://cdn.door43.org/obs/jpg/360px/obs-en-42-08.jpg)

"बाँ भविष्यद्वक्‍तां ओ भी लिखेयौ हो के मेरा चेला परमेश्वर गै वचन गी घोषणा करगा।बे हर एक नै पश्चाताप करण खातिर बतावगा। जे बे ईंयां करै हैं तो परमेश्वर बांगा पाप क्षमा करगो। मेरा चेला ईं सन्देश गो प्रचार करनो यरूशलेम मुँ शुरु करैगा। फैर बे सारी जगह सारी जातियाँ मैं जावगा।थे लोग मेरी हर एक बात अर काम गा गवाह हो झिकौ मैं केयौ अर करेयौ है, अर बिं सब गो भी झिको मेरै सागै होयौ।"

![](https://cdn.door43.org/obs/jpg/360px/obs-en-42-09.jpg)

अगलै चालीस दिनां गै दौरान, यीशु आपणै चेलां पर कई बार प्रकट होयौ। एक बारी तो बौ एक ही समय पर 500 मुं ज्‍यादा लोगां पर प्रकट होयौ! बणै आपणै चेलां पर कई तरीकां मुं साबित करेयौ के बौ जीवित है, अर बणै बानै परमेश्वर गै राज्य गै बारै मै शिक्षा देई।

![](https://cdn.door43.org/obs/jpg/360px/obs-en-42-10.jpg)

यीशु आपणां चेलां नै केयौ, "परमेश्वर मनै स्वर्ग अर पृथ्वी गै हर एक जन पर राज करणै गौ अधिकार दियौ है। ईंखातिर अब मैं थानै केऊं हूँ: जागै सारी जातियां गै लोगां नै चेलौ बणाओ। ईंयां करणै खातिर, थे बानै पिता, पुत्र, अर पवित्र आत्मा गै नाम मुं बपतिस्‍मौ देणौ है। झिकी कुछ भी मैं थानै आज्ञा देई है सारी बातां नै मानणौ भी थे बानै सिखाणौ है। याद राखियौ, मैं सदा थारै सागै रेऊँगा।"

![](https://cdn.door43.org/obs/jpg/360px/obs-en-42-11.jpg)

यीशु मरेयाँ होयाँ मुँ जी उठणै गै चालीस दिनां बाद, बणै आपगै चेलां नै केयौ, "जद तांईं मेरौ पिता थानै सामर्थ ना देवै तब तांईं यरूशलेम मै ठहरेया रेऔ।बो थारै ऊपर पवित्र आत्मा भेजण गै द्वारा ईंयाँ करगो।" फैर यीशु स्वर्ग मै चलेयौ गेयौ, अर एक बादल बिनै बांगी दृष्टि मुं छिपा लियौ। स्वर्ग मै यीशु सारी चीजां पर राज करणै परमेश्वर गी दाहिनी ओर बैठ गेयौ।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; परेरितां   1:1-11 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_42_128kbps.m4a

## 43. कलीसिया गी शुरुवात होवै है।

https://openbiblestories.org/l/bgq/story-43/

![](https://cdn.door43.org/obs/jpg/360px/obs-en-43-01.jpg)

यीशु गै स्वर्ग लौट जाणै बाद, चेला यरूशलेम मैं ही रुकेया जिंयाँ यीशु बानै करणै गो आदेश दियो हो। भठै गा विश्वासी लोग लगातार एक सागै प्रार्थना करणै खातिर इकठा होऐ करता।

![](https://cdn.door43.org/obs/jpg/360px/obs-en-43-02.jpg)

हरेक साल, फसह गै त्‍योहार गै 50 दिनां बाद, यहूदी लोग पिन्तेकुस्त नाम गै एक खास दिन मनाऐ करता। पिन्तेकुस्त बौ समय हो जद यहूदी लोग गेहूँ गी कटाई नै मनाऐ करता हा। सारै संसार मै यहूदी लोग पिन्तेकुस्त गै दिन एक सागै मनाण खातिर यरूशलेम आया। ईं साल, पिन्तेकुस्त मनाण गो समय यीशु गै स्वर्ग गै लगभग एक हफ्‍तै बाद आयौ हौ।

![](https://cdn.door43.org/obs/jpg/360px/obs-en-43-03.jpg)

जिं समय सारा विश्वासी लोग एक सागै इकट्ठा हा, तो झिकै घर मैं बे हा अचानक बौ तेज हवा गी आवाज मुं भर गेयौ।फैर आग गी लपटां झिसौ दिखणै आलौ कुछ सारै विश्वासियां गै सिरां गै ऊपर प्रकट होयौ। बे सरा पवित्र आत्मा मुँ भर गेया अर बां अन्य भाषावां मै परमेश्वर गी स्तुति करी। बै ऐ भाषावाँ हिं झिकी बोलणै खातिर बानै पवित्र आत्मा सक्षम करेयौ।

![](https://cdn.door43.org/obs/jpg/360px/obs-en-43-04.jpg)

जद यरूशलेम मै रेण आलै लोगां शोर सुणेयौ, तो बे भीड़ गै रूप मै ओ देखणै खातिर एक सागै आया के भठै के होऐ आवै। बां विश्वासियां नै परमेश्वर द्वारा करेया गेया बड़ै-बड़ै कामां गी घोषणा करतां होयां सुणेओ। बै हराण हा क्योंकि बे बाँ कामां नै आपणी ही भाषा मै सुणै आवै हा।

![](https://cdn.door43.org/obs/jpg/360px/obs-en-43-05.jpg)

बांमुँ कुछ लोगां केयौ के बे चेला नशै मै है। पर पतरस खड़ो होयौ अर बानै बोलेयौ, "मेरी बात सुणौ!ऐ लोग नशै मै कोनी! ईंग बजाए,झिकौ थे देखौ हो ओही है झिकौ योएल भविष्यद्वक्ता केयौ हो के होवगौ: परमेश्वर केयौ, 'अंत गै दिनां, मैं आपणौ आत्मा उंडेलूँगो।'"

![](https://cdn.door43.org/obs/jpg/360px/obs-en-43-06.jpg)

"हे इस्राएली आदमियौ, यीशु एक हिसौ आदमी हो झिकै ओ दिखाणै खातिर के बौ कुण हो बहोत सारा अनोखा काम करेया हा। बणै परमेश्वर गी सामर्थ मुँ बहोत सा अद्भुत कामां नै करेयौ हो। थे ओ जाणौ हो, क्योंके थे आँ कामां नै देखेयौ है। पर थे बिनै क्रूस पर चढ़ा दियौ!"

![](https://cdn.door43.org/obs/jpg/360px/obs-en-43-07.jpg)

"यीशु मर गेयौ पर परमेश्वर बिनै मरेयाँ होयाँ मुं जीवित कर दियौ। अणै बिं बात नै पूरो कर दियौ झिकौ एक भविष्यद्वक्ता लिखेयो है: 'तू आपणै पवित्र जन नै कब्र मैं सड़णै ना दैऐगौ। 'मेंह गवाह हां के परमेश्वर यीशु नै फैर जीवित कर दियौ।"

![](https://cdn.door43.org/obs/jpg/360px/obs-en-43-08.jpg)

"परमेश्वर पिता अब यीशु नै आपणी दाहिनी ओर बैठा गै बिनै आदर दियो है। अर यीशु माहरै खातिर पवित्र आत्मा भेजेयौ है जियं बणै प्रतिज्ञा करी ही के बौ भेजगौ। पवित्र आत्मा ही बां कामां नै होण देऐ आवै है झिकां नै थे देखै अर सुणै आयौ हो।"

![](https://cdn.door43.org/obs/jpg/360px/obs-en-43-09.jpg)

"थे बिं आदमी, यीशु नै क्रूस पर चढ़ा दियो। पर सच मै जाणै लेयौ के परमेश्वर यीशु नै सारी चीजां पर प्रभु अर मसीह दोनुं ठहरायौ है!"

![](https://cdn.door43.org/obs/jpg/360px/obs-en-43-10.jpg)

पतरस गी सुणन आला लोग बिंगै द्वारा केंईं गई बातां मुं अंदर तांईं हिल गेया। ईंखातिर पतरस अर चेलां नै पूछेयौ, "हे भाइयो,मानै के करनौ चाहिऐ?"

![](https://cdn.door43.org/obs/jpg/360px/obs-en-43-11.jpg)

पतरस बानै जवाब दियौ, "थारै मुँ हर एक आपणै पापां खातिर पश्चाताप करो ताके परमेश्वर थारै पापां नै क्षमा करै, अर यीशु मसीह गै नाम मै बपतिस्‍मौ लेयौ। फैर बौ थानै वरदान रूप पवित्र आत्मा भी देवगौ।"

![](https://cdn.door43.org/obs/jpg/360px/obs-en-43-12.jpg)

पतरस झिकौ केयौ बिं पर लगभग 3,000 लोगां विश्वास करेयौ अर यीशु गा चेला बणै गेया। बां बपतिस्‍मौ लियौ अर यरूशलेम गी कलीसिया गो हिस्‍सौ बणै गेया।

![](https://cdn.door43.org/obs/jpg/360px/obs-en-43-13.jpg)

जद प्रेरितां बानै शिक्षा देईं तो विश्वासियां लगातार सुणयौ। बे अक्सर मिलै करता हा अर एक सागै भोजन करै करता हा, अर बां अक्सर एक दूसरै खातिर प्रार्थना करी।बां मिल गे परमेश्वर गी स्तुति करी अर झिकौ कुछ भी बांगै कनै हो बां एक दूसरै सागै साझौ करेयौ। गाँव गो हर एक आदमी बांगै खातिर आच्‍छा विचार राखता हा। प्रतिदिन, ज्‍यादा मुं ज्‍यादा लोग विश्वासी बणता गेया।

*प्रेरितों गा काम 2 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_43_128kbps.m4a

## 44. पतरस अर यूहन्ना एक भिखारी नै चंगो करै है।

https://openbiblestories.org/l/bgq/story-44/

![](https://cdn.door43.org/obs/jpg/360px/obs-en-44-01.jpg)

एक दिन, पतरस अर यूहन्ना मंदिर मैं गेया। एक अपंग आदमी भीख माँगण खातिर फाटक पर बैठेयौ हो।

![](https://cdn.door43.org/obs/jpg/360px/obs-en-44-02.jpg)

पतरस बिं लंगड़ै आदमी कानी देखेयौ अर केयौ, "मैरै कनै तनै देण खातिर पिसा तो कोनी है। पर झिकौ मेरै कनै है बौ मैं तनै देऊँ हूँ। यीशु गै नाम मै, उठ अर चल-फिर!"

![](https://cdn.door43.org/obs/jpg/360px/obs-en-44-03.jpg)

तुरन्त ही, परमेश्वर बिं लंगड़ै आदमी नै चंगौ कर दियो।बणै ईनै बिनै चालणौ अर कूदणौ, अर परमेश्वर गी स्तुति करनी शुरु कर दि। मंदिर गै आँगन मै झिका लोग हा अचम्भित हा।

![](https://cdn.door43.org/obs/jpg/360px/obs-en-44-04.jpg)

जलदी ही लोगां गी एक भीड़ बिं आदमी नै देखण खातिर आई झिकौ चंगौ हो गेयौ हौ। पतरस बानै केयौ, "औ आदमी ठीक है, पर ईं बात पर अचम्भित ना होईयो। मैहँ ईनै आपगी शक्ति मुँ चंगौ कोनी करेयौ है, या ईंखातिर नहीं के मैह परमेश्वर गो आदर करां हाँ। बल्कि, बो यीशु है झिकै ईं आदमी नै आपणी शक्ति मुँ चंगो करेयौ है, क्योंकि मैंह यीशु पर भरोसौ करु हां।"

![](https://cdn.door43.org/obs/jpg/360px/obs-en-44-05.jpg)

"बे थे ही हो झिकां बिं रोमी राज्यपाल यीशु नै मारण खातिर केयौ हो। थे बिनै मार दियौ झिकौ सारां नै जीवन देवै है। पर परमेश्वर बिनै मरेयां होयाँ मुँ जीवित करेयौ। थे कोनी समझेया कै थे के करै आयो हो, पर जद थे बां कामां नै करै आवै हा, तो झिकौ भविष्यद्वक्‍तां केयौ हो बो पुरौ होयौ। बां केयौ हो मसीह दुःख उठावगौ अर मर जावगौ। परमेश्वर इनै ईं तरीकै मुँ होण दियो। ईंखातिर अब, पश्चाताप करो अर परमेश्वर कानी फिरो, ताके बो थारै पापां नै धोगै साफ कर देऐ।"

![](https://cdn.door43.org/obs/jpg/360px/obs-en-44-06.jpg)

जद मंदिर गां अगुवां पतरस अर यूहन्ना नै सुणेयौ, तो बे बहोत घबरा गेया। ईंखातिर बां बानै गिरफ्तार करगे जेल मै घाल दियो। पर झिकौ पतरस केयौ हो बिंगै ऊपर बहोत सारां लोगा विश्वास किरेयौ। यीशु पर विश्वास करणै आलां गी गिणती बध गे लगभग 5,000 हो गी।

![](https://cdn.door43.org/obs/jpg/360px/obs-en-44-07.jpg)

अगलै दिन, बे यहूदी अगुवा पतरस अर यूहन्ना नै महायाजक अर अन्य धार्मिक अगुवां गै सामण लेगे आया। बे बिं आदमी नै भी लेगै आया झिकौ अपंग हो। बां पतरस अर यूहन्ना नै पुछेयौ, "किं अधिकार मुं थे बिं अपंग आदमी नै चंगौ करेयौ?"

![](https://cdn.door43.org/obs/jpg/360px/obs-en-44-08.jpg)

पतरस जवाब दियो, "औ आदमी झिको थारै सामणै खड़ेयौ है बिनै यीशु मसीह गी सामर्थ गै द्वारा चंगौ करेयो गेयौ है।थे यीशु नै क्रूस पर चढ़ा दियो, पर परमेश्वर बिनै फैर जीवित कर दियौ! थे बिनै अस्वीकार कर दियौ, पर यीशु गै सामर्थ गै माध्यम गै अलावा उद्धार पाणै गो कोई दूसरो मार्ग कोनी है!"

![](https://cdn.door43.org/obs/jpg/360px/obs-en-44-09.jpg)

बे अगुवा हैराण हा के पतरस अर यूहन्ना बहोत साहसी रूप मुं बात करी। बां देखेयौ के ऐ साधारण आदमी हा झिका अनपढ़ है। पर फैर बानै याद आयौ के ऐ यीशु गै सागै रेया है। ईंखातिर बां बानै केयौ, "मैंह थानै बहोत ज्‍यादा दंड देवांगां जे थे ईं आदमी यीशु गै बारै मै लोगां नै कोई और संदेश देऔ हो।" हीसि बहोत सी बातां केण गै बाद,बां पतरस अर यूहन्ना नै जाण दियौ।

*प्रेरितों के काम 3:1-4:22 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_44_128kbps.m4a

## 45. स्तिफनुस अर फिलिप्पुस

https://openbiblestories.org/l/bgq/story-45/

![](https://cdn.door43.org/obs/jpg/360px/obs-en-45-01.jpg)

पेहलो मसीही अगुवां गै बिच स्तिफनुस नाम गो एक आदमी हो। सारा लोग बिंगो आदर करता हा। पवित्र आत्मा बिनै बहोत सामर्थ अर बुद्धि प्रदान करी ही। स्तिफनुस बहोत सा चमत्कार करेया हा। जद बणै यीशु पर भरोसौ करणै गै बारै मै बानै शिक्षा देई तो बहोत सा लोगां बिंगै ऊपर विश्वास किरेयो।

![](https://cdn.door43.org/obs/jpg/360px/obs-en-45-02.jpg)

एक दिन, स्तिफनुस यीशु गै बारै मैं शिक्षा देऐ आवै हो, अर कुछ हिसा यहूदी आया झिकां यीशु पर विश्वास कोनी करेयौ अर बिंगै सागै वाद-विवाद करनो शुरु कर दियो। बे बहोत क्रोधित हो गेया, ईंखातिर बे धार्मिक अगुवां कनै गेया अर बिंगै बारै मै झूठ बोलेयौ। बां केयौ, "मैह स्तिफनुस नै मूसा अर परमेश्वर गै बारै मै बुरी बातां बोलतां सुणेयौ है! "ईंखातिर धार्मिक अगुवां स्तिफनुस नै गिरफ्तार कर लियौ अर बिनै महायाजक अर यहूदियां गै अन्य अगुवां गै सामणै लेगै आया। और भी झूठा गवाह आया अर बां स्तिफनुस गै बारै मै झूठ बोलेयौ।

![](https://cdn.door43.org/obs/jpg/360px/obs-en-45-03.jpg)

महायाजक स्तिफनुस नै पुछेयौ, "के ऐ लोग तेरै बारै मैं सच केऐ आवै हैं?" स्तिफनुस महायाजक नै जवाब देण खातिर बहोत सी बातां बोलणी शुरु कर दि। बणै केयौ अब्राहम गै समय मुं यीशु गै समय तक परमेश्वर इस्राएल गै लोगां खातिर बहोत सा अनोखा काम किरेया हैं। पर लोगां हमेशा परमेश्वर गी अनाज्ञाकारिता करी। स्तिफनुस केयौ, "थे सारा लोग परमेश्वर गै विरुद्ध हठीला अर बलवा करण आला हो। थे हमेशा पवित्र आत्मा नै अस्वीकार करेयो है,जियं माहरा पूर्वजां हमेशा पवित्र आत्मा नै अस्वीकार करेयो हो अर हमेशा बिंगै भविष्यद्वक्‍तां नै मार दियौ हो। पर झिकौ बां करेयौ हो बिंगी तुलना मै थै और भी बुरो करेयौ है! थे मसीह नै मार दियो!"

![](https://cdn.door43.org/obs/jpg/360px/obs-en-45-04.jpg)

जद बां धार्मिक अगुवां ओ सुणेयो, तो बे ईता क्रोधित हो गेया के बां आपणै कानां नै बंद कर लियो अर ऊँची आवाज मै चिल्लाया। बे स्तिफनुस नै घसीट गै गाँव मुं बारै ले गेया अर बिनै मारण खातिर पत्थर मारेया।

![](https://cdn.door43.org/obs/jpg/360px/obs-en-45-05.jpg)

जद स्तिफनुस मरै आवै हो, बो पुकार उठेयौ, "हे यीशु, मेरी आत्मा ग्रहण कर! "फैर बो आपणै घुटणां पर गिर पड़ेयो अर पुकार उठेयौ, "हे प्रभु, औ पाप बांगै ऊपर नां लगाईं। "फैर बो मर गेयौ।

![](https://cdn.door43.org/obs/jpg/360px/obs-en-45-06.jpg)

बिं दिन, यरूशलेम मै रेण आलां बहोत सा लोगां यीशु गै अनुयायियां नै सताणौ शुरु कर दियो, ईंखातिर विश्वासी लोग अन्य स्थानां नै भाग गेया। पर ईंगै बावजूद भी, झठै ही बे गेया बां यीशु गै बारै मै प्रचार करेयौ।

![](https://cdn.door43.org/obs/jpg/360px/obs-en-45-07.jpg)

फिलिप्पुस नाम गो आदमी यीशु गो एक विश्वासी हो। जियं अन्य बहोत सां विश्वासियां करेयौ हो बो भी यरूशलेम मुँ भाग गेयौ। बो सामरिया गै क्षेत्र मै चलेयौ गेयौ। भठै बणै लोगां मै यीशु गै बारै मै प्रचार करेयौ। बहोत सां लोगां बिंगै ऊपर विश्वास करेयो अर उद्धार पायौ। एक दिन, फिलिप्पुस कनै परमेश्वर कानिऊं एक स्वर्गदूत आयो अर बिनै जंगल मैं जाण खातिर, अर एक सड़क पर चालणै खातिर केयौ। फिलिप्पुस भठै चलेयो गेयौ। जद बो बिं सड़क पर चालै आवै हो, तो बणै एक आदमी नै रथ मैं जांतां देखेयौ। ओ आदमी कूश देश गो एक महत्वपूर्ण अधिकारी हो। पवित्र आत्मा फिलिप्पुस नै केयौ के जागै बिं आदमी गै सागै-सागै चाल ।

![](https://cdn.door43.org/obs/jpg/360px/obs-en-45-08.jpg)

ईंखातिर फिलिप्पुस रथ गै कनै गेयौ। बणै सुणेयौ के बौ कूशी परमेश्वर गो वचन पढ़ै आवै हो। झिकौ यशायाह भविष्यद्वक्ता लिखेयो हो बिनै पढ़े आवै हो। बो पढ़े आवै हो, "बे बिनै वध करणै आली भेड़ गै समान ले गेया, अर जियं एक मेमणौ शान्त होवै है, बणै भी एक शब्द कोनी केयौ।बां बिंगै सागै अनुचित व्यवहार करेयो अर बिंगौ आदर कोनी करेयौ।बां बिंगौ प्राण ले लियौ।"

![](https://cdn.door43.org/obs/jpg/360px/obs-en-45-09.jpg)

फिलिप्पुस बिं कूशी नै पूछेयौ, "झिकौ तू पढ़े आवै है के तू बिनै समझै भी है?" बिं कूशी जवाब दियौ, "नहीं। जद तांईं कोई मनै ना समझावै, जद तांईं मैं ईनै कोनी समझ सकुं। कृपा करगे मेरै कनै आगे बैठ। यशायाह ओ आपणै बारै मै लिखे आवै हो या किं और गै?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ पर चढ़ गै बैठ गेयौ। फैर बणै बिं कूशी आदमी नै बतायौ झिकौ यशायाह यीशु गै बारै मै लिखेयौ हो। फिलिप्पुस परमेश्वर गै वचन मुँ बहोत सा अन्य भागां गी भी चर्चा करी। ईं तरियां, बणै बिं आदमी नै यीशु गै बारै मै शुभ संदेश सुणायौ।

![](https://cdn.door43.org/obs/jpg/360px/obs-en-45-11.jpg)

फिलिप्पुस अर बो कूशी चालतै पाणी गै कनै आया। बिं कूशी केयौ, "देख! हठै पाणी है! के मैं बपतिस्‍मौ ले सकुं हूँ? "अर बणै सारथी नै रथ रोकण खातिर केयौ।

![](https://cdn.door43.org/obs/jpg/360px/obs-en-45-12.jpg)

अतः बे पाणी मै चलेया गेया, अर फिलिप्पुस बिं कूशी नै बपतिस्‍मो दियौ। जद बे पाणी मुं बारै आया, तो पवित्र आत्मा अचानक ही फिलिप्पुस नै ऊठा गै किं अन्य स्थान पर ले गेयौ। भठै फिलिप्पुस लोगां नै यीशु गै बारै मै बताणो जारी राखेयो।

![](https://cdn.door43.org/obs/jpg/360px/obs-en-45-13.jpg)

बो कूशी आपणै घर गी यात्रा पर आगै बढ़ गेयौ। बो खुश हो के बो अब यीशु नै जाणै है।

*प्रेरितां गा काम 6:8-8:5; 8:26-40 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_45_128kbps.m4a

## 46. पौलुस मसीही विश्वासी बण जावै है।

https://openbiblestories.org/l/bgq/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाम गो एक आदमी हो झिकै यीशु पर विश्वास कोनी करेयौ। जद बो जवान हो, बणै स्तिफनुस नै मारणै आलां लोगां गां कपड़ा गी निगरानी करी ही। बाद मै, बणै विश्वासियां नै सताया हो। बणै यरूशलेम मैं घर-घर जागै आदमी अर स्त्री दोनां नै गिरफ्तार करगै जेलखानै मै डाल दियो हो। फैर महायाजक शाऊल नै दमिश्क गाँव जाणै गी अनुमति दी। बणै भठै गा मसीहियां नै गिरफ्तार करणै अर बानै वापिस यरूशलेम लेगै आणै खातिर शाऊल नै केयौ।

![](https://cdn.door43.org/obs/jpg/360px/obs-en-46-02.jpg)

अतः शाऊल दमिश्क जाण गी यात्रा शुरु करी।बिं गाँव पहोँचणै मुं थोड़ो ही पेहलां, बिंगै चारां पासै आकाश मुं एक उज्जवल प्रकाश चमकेयौ, अर बो जमिन पर गिर पड़ेयौ। शाऊल किणै केंतां सुणेयौ, "हे शाऊल! हे शाऊल! तू मनै क्यों सताऐ आवै है?" शाऊल पुछेयौ, "हे प्रभु, तू कुण है?" यीशु बिनै जवाब दियौ, "मैं यीशु हूँ। तू मनै सताऐ आवै है!"

![](https://cdn.door43.org/obs/jpg/360px/obs-en-46-03.jpg)

जद शाऊल उठेयौ तो बो देख कोनी सकतौ हो। बिंगा मित्र बिनै दमिश्क मै लेगै गेया। शाऊल तीन दिन तक कुछ भी खायो या पियौ कोनी हो।

![](https://cdn.door43.org/obs/jpg/360px/obs-en-46-04.jpg)

दमिश्क मै हनन्याह नाम गो एक चेलो हो। परमेश्वर बिनै केयौ, "बिं घर कानी जा झठै शाऊल ठहरेयौ होयौ है।आपणै हाथां नै बिंगै ऊपर रख ताके बो फैर देखणै लागजै।" पर हनन्याह केयौ, "हे प्रभु, मैं सुणेयौ है के ईं आदमी विश्वासियां नै कियां सतायौ है।" परमेश्वर बिनै जवाब दियौ, "जा! मैं बिनै यहूदियां मै अर दूसरी जातियां गा लोगां मै मेरै नाम गी घोषणा करणै खातिर चुण लियौ है। बो मेरै नाम खातिर बहोत कष्ट सहवगौ।"

![](https://cdn.door43.org/obs/jpg/360px/obs-en-46-05.jpg)

अतः हनन्याह शाऊल कनै गेयौ,आपणै हाथां नै बिंगै ऊपर राखेयौ, अर केयौ, "यीशु ,झिकौ हठै आण गै तेरै मार्ग मै तेरै ऊपर प्रकट होयौ हो, मनै तेरै कनै भेजेयौ है ताकै तू फैर देखणै लागजै, अर पवित्र आत्मा तनै भर देअ।" तुरन्त ही शाऊल फैर देखणै मै सक्षम हो गयो, अर हनन्याह बिनै बपतिस्‍मो दियौ। फैर शाऊल भोजन करेयौ अर फैर बलवंत हो गयौ।

![](https://cdn.door43.org/obs/jpg/360px/obs-en-46-06.jpg)

तभी, शाऊल दमिश्क मैं रेहण आलां यहूदियां मै प्रचार करनो शुरु कर दियौ। बणै केयौ, "यीशु ही परमेश्वर गो पुत्र है!" यहूदी लोग हराण हा, क्योंकि शाऊल तो विश्वासियां नै मार डालण गो प्रयास करेयौ हो, पर अब बणै यीशु मैं विश्वास करेयो हौ। शाऊल यहूदियां सागै वाद-विवाद करेयौ। बणै दिखायौ के यीशु ही मसीह हौ।

![](https://cdn.door43.org/obs/jpg/360px/obs-en-46-07.jpg)

बहोत दिनां बाद, यहूदियां शाऊल नै मार डालणै गी योजना बणाई।बां बिनै मार डालणै खातिर गाँव गे फाटक पर लोगां नै भेजेयौ। के बिंगी निगरानी करै पर शाऊल बिं योजना गै बारै मै सुण लियौ हो, अर बिंगै मितरा बिनै बचा गै निकलण मै बिंगी उसकी सहायता करी। एक रात बां बिनै टोकरी मै बैठा गै गाँव गी दीवार परू नीचै उतार दियौ। दमिश्क मुं बच गे निकलण गै बाद शाऊल यीशु गै बारै मै प्रचार करना जारी रखेयौ।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितां नै मिलण खातिर यरूशलेम गेयौ, पर बे बिमुं डरता हा। फैर बरनबास नाम गो एक विश्वासी शाऊल नै प्रेरितां कनै लेगै गेयौ।बणै बानै बतायौ के शाऊल किंयां साहसी होगै दमिश्क मै प्रचार किरेयौ हो। बिंगै बाद, प्रेरितां शाऊल नै स्वीकार कर लियौ।

![](https://cdn.door43.org/obs/jpg/360px/obs-en-46-09.jpg)

कुछ विश्वासी झिका यरूशलेम गै सताव मुँ भाग गेया हा बे दूर अंताकिया गाँव मै चलेया गेया अर यीशु गै बारै मै प्रचार करता हा। अंताकिया मै रेहण आला लोग अधिकतर यहूदी कोनी हा, पर पहली बार, बामुं बहोत सा लोग विश्वासी बण गेया। बरनबास अर शाऊल आं नयां विश्वासियां नै यीशु गै बारै मै अर अधिक सिखाण खातिर भठै गेया कलीसिया नै मजबूत करेयौ। यीशु पर विश्वास करणै आला पहली बार अंताकिया मै ही "मसीही" कवाया।

![](https://cdn.door43.org/obs/jpg/360px/obs-en-46-10.jpg)

एक दिन, अंताकिया गा मसीही लोग उपवास गै सागै प्रार्थना कर रेया हा। पवित्र आत्मा बानै केयौ, "मेरै खातिर बरनबास अर शाऊल नै बिं काम नै करणै खातिर अलग कर देयौ झिकौ करणै खातिर मैं बानै बुलायौ है।"ईंखातिर अंताकिया गी कलीसिया बरनबास अर शाऊल खातिर प्रार्थना करी अर बांगै ऊपर आपणै हाथां नै रख दियौ।फैर बां बानै अन्य बहुतां स्थानां पर यीशु गै बारै शुभ संदेश गो प्रचार करणै खातिर भेज दियौ। बरनबास अर शाऊल अलग-अलग जातियां गां लोगां नै शिक्षा देई, अर बहोत सा लोगां यीशु पर विश्वास करेयौ।

*प्रेरितां गा काम 8:3; 9:1-31; 11:19-26; 13:1-3 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_46_128kbps.m4a

## 47. फिलिप्पी मै पौलुस अर सीलास

https://openbiblestories.org/l/bgq/story-47/

![](https://cdn.door43.org/obs/jpg/360px/obs-en-47-01.jpg)

जद शाऊल सम्पूर्ण रोमी साम्राज्य मै यात्रा करी तो बणै आपणो रोमी नाम "पौलुस" गो उपयोग करना आरम्भ कर दियौ। एक दिन, पौलुस अर बिंगौ मित्र सीलास फिलिप्पी गाँव मै यीशु गै बारै मै शुभ संदेश सुणाणै खातिर गेया। बे गाँव गै बाहर नदी गै किनारै एक स्थान पर गेया झठै लोग प्रार्थना करणै खातिर इकट्ठा हा। भठै बे लुदिया नाम गी एक स्त्री नै मिलेया झिकी एक व्यापारी ही। बा परमेश्वर सागै प्रेम करती ही अर बिंगी आराधना करती ही।

![](https://cdn.door43.org/obs/jpg/360px/obs-en-47-02.jpg)

परमेश्वर लुदिया नै यीशु गै बारै मै संदेश पर विश्वास करणै खातिर सक्षम करेयौ। पौलुस अर सीलास बिनै अर बिंगै परिवार नै बपतिस्‍मौ दियौ। बणै पौलुस अर सीलास नै आपणै घर ठहरण खातिर आमंत्रित करेयौ, ईंखातिर बे भठै ठहर गेया।

![](https://cdn.door43.org/obs/jpg/360px/obs-en-47-03.jpg)

पौलुस अर सीलास लोगां सागै अक्सर बिं स्थान पर मिलता हा झठै यहूदी लोग प्रार्थना करे करता हा। प्रतिदिन जद बे भठै जांतां हा तो एक दासी लड़की झिकी दुष्टात्मा द्वारा नियंत्रित ही बांगौ पीछा करेया करती ही।ईं दुष्टात्मा गै माध्यम मुं बा लोगां गो भविष्य बताया करती ही, ईंखातिर बा भविष्य बताण आली गै रूप मै आपणै स्वामियां खातिर बहोत धन कमाऐ करती ही।

![](https://cdn.door43.org/obs/jpg/360px/obs-en-47-04.jpg)

बांगै जांता समय बा दासी लड़की चिल्लाऐ करती ही, "ऐ आदमी परम प्रधान परमेश्वर गा सेवक हैं। ऐ थानै उद्धार पाणै गो मार्ग बता रेया है!" बा प्रतिदिन ईंयाँ करै करती ही ईमुं पौलुस नाराज़ हो गेयौ।

![](https://cdn.door43.org/obs/jpg/360px/obs-en-47-05.jpg)

अंत मै, एक दिन जद बिं दासी लड़की चिल्लाणो आरम्भ करेयौ, तो पौलुस बिंगै कानी मुड़ गै बिंगै अंदर गी दुष्टात्मा नै केयौ, "यीशु गै नाम मै ईमुं निकल जा।" बिं समय बा दुष्टात्मा बिनै छोड दियौ।

![](https://cdn.door43.org/obs/jpg/360px/obs-en-47-06.jpg)

बिं दासी लड़की गा स्वामी बहोत क्रोधित हो गेया। बनै मालूम हो गेयौ के बिना बिं दुष्टात्मा गै बा दासी लड़की लोगां गो भविष्य कोनी बता सकै। ईंगौ अर्थ हो कै लोग अब बिंगै स्वामियां नै पिसा कोनी देयगा के बौ भविष्य बतावै के बांगै सागै कै होवगौ।

![](https://cdn.door43.org/obs/jpg/360px/obs-en-47-07.jpg)

ईंखातिर बिं दासी लड़की गा स्वामी पौलुस अर सीलास नै रोमी अधिकारियां कनै ले गेया। बां पौलुस अर सीलास नै पिटेयौ,अर फैर बानै जेलखानै मैं डाल दियौ।

![](https://cdn.door43.org/obs/jpg/360px/obs-en-47-08.jpg)

बां पौलुस अर सीलास नै जेलखानै गै एक हिस्‍सै मै राखेयौ झठै सारां मुं ज्‍यादा सिपाईं हा। हठै तक कै बां बांगा पैरां नै लकड़ी गै बड़े टुकड़ा मै जोड़ दियौ। पर पौलुस अर सीलास आधी रात गै समय, परमेश्वर गी स्तुति गा गीत गाऐ आवै हा।

![](https://cdn.door43.org/obs/jpg/360px/obs-en-47-09.jpg)

अचानक ही, एक भयानक भूकम्प होयौ! जेलखानै गा सारा द्वार खुल गेया, अर सारै कैदियां गी जंजीरां खुल गे गिर गिं।

![](https://cdn.door43.org/obs/jpg/360px/obs-en-47-10.jpg)

फैर दरोगा जाग गेयौ। बणै देखेयौ कै जेलखानै गा द्वार खुलेया होया है। बणै सोचेयौ के कैदी बच गै भाग गेया है। बो डर गेयौ कै बांगै भाग जाण गै कारण रोमी अधिकारी मनै मार दैऐगा, ईंखातिर बौ स्वयं नै मार डालणै खातिर तैयार हो गेयौ! पर पौलुस बिनै देख गै चिल्लायौ, "रुक जा! स्वयं नै नुकसान ना पहुँचा। मै सारा हठै हां।"

![](https://cdn.door43.org/obs/jpg/360px/obs-en-47-11.jpg)

बिं दरोगा काँपतां होयां पौलुस अर सीलास कनै आगै पूछेयौ, "उद्धार पाणै खातिर मैं के करूँ? "पौलुस जवाब दियौ, "प्रभु यीशु पर विश्वास कर, तो तू अर तेरो घरानौ उद्धार पावगौ।"फैर बो दरोगा पौलुस अर सीलास नै आपगै घर ले गेयौ अर बांगै घाव धोया। पौलुस बिंगै घर गै सारां लोगां नै यीशु गै बारै मैं शुभ संदेश सुणायौ।

![](https://cdn.door43.org/obs/jpg/360px/obs-en-47-12.jpg)

दरोगा अर बिंगै पूरै परिवार यीशु पर विश्वास करेयौ, ईंखातिर पौलुस अर सीलास बानै बपतिस्‍मौ दियौ। फैर दरोगा पौलुस अर सीलास नै भोजन करवायौ, अर बे एक सागै आनन्दित होया।

![](https://cdn.door43.org/obs/jpg/360px/obs-en-47-13.jpg)

अगलै दिन गाँव गां अगुवां पौलुस अर सीलास नै जेलखानै मुं स्वतंत्र कर दियौ अर फिलिप्पी मुं चलेया जाणै खातिर केयौ। पौलुस अर सीलास लुदिया अर कुछ अन्य मितरां नै मिलेया अर बिंगै बाद गाँव मुं निकल गेया। यीशु गे बारै मै शुभ संदेश फैलतो गेयो, अर कलीसिया बधती गई।

![](https://cdn.door43.org/obs/jpg/360px/obs-en-47-14.jpg)

पौलुस अर अन्य मसीही अगुवां बहोत नगरां गी यात्रा करी।बां लोगां नै यीशु गै बारै मै शुभ संदेश सुणायौ। बाँ कलीसिया गा विश्वासियां नै उत्साहित करणै अर शिक्षा देणै खातिर कई पत्र भी लिखेया।बामुं कुछ पत्र बाइबल गी पुस्तक बण गेया।

*प्रेरितां गा काम 16:11-40 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_47_128kbps.m4a

## 48. यीशु ही प्रतिज्ञा करेयो होयो मसीह है

https://openbiblestories.org/l/bgq/story-48/

![](https://cdn.door43.org/obs/jpg/360px/obs-en-48-01.jpg)

जद परमेश्वर संसार नै बणायो तो सारो कि आच्‍छो हो। कोई पाप कोनी हो। आदम अर हव्वा एक दूसरै नै प्रेम करता हा, अर बे परमेश्वर सागै प्रेम करता हा। कोई बीमारी या मृत्यु कोनी ही। परमेश्वर ईंया ही संसार नै चान्‍तो हो।

![](https://cdn.door43.org/obs/jpg/360px/obs-en-48-02.jpg)

शैतान साँप गै दवारा बगीच मै हव्वा सागै बात करी, क्योंकि बो बिंन धोखो देणो चान्‍तो हो। जद हव्वा अर आदम परमेश्वर गै खीलाफ पाप करेओ। क्योंकि बां पाप करेओ हो ईखातिर पृथ्वी पर रेण आला सारा जन मरै हैं।

![](https://cdn.door43.org/obs/jpg/360px/obs-en-48-03.jpg)

क्योंकि आदम अर हव्वा पाप करेओ हो, ईखातिर कुछ और भी बुरो होयो। बे परमेश्वर गा बैरी बण गैआ। जिंग परिणाम-स्वरूप, तब मुँ हर एक जन पाप करेओ है। हर एक जन जन्म मुँ ही परमेश्वर गो बैरी है। परमेश्वर अर लोगां ग बीच शान्ति कोनि ही। पर परमेश्वर शान्ति स्थापित करणो चान्‍तो हो।

![](https://cdn.door43.org/obs/jpg/360px/obs-en-48-04.jpg)

परमेश्वर प्रतिज्ञा करी के हव्वा गो एक वंशज शैतान ग सिर न कुचलगो। बण ओ भी केओ शैतान बिंगीं एड़ी न डसगो। दूसर शब्‍दां म, शैतान मसीह न मार देवगो, पर परमेश्वर बिंन फेर मु जीवित कर देवगो। ईंग बाद, मसीह शैतान गी शक्ति न हमेशा गै खातिर खतम कर देवगो। कई सांला गै बाद, परमेश्वर प्रकट करेओ के बो मसीह यीशु है।

![](https://cdn.door43.org/obs/jpg/360px/obs-en-48-05.jpg)

परमेश्वर बिं बाढ़ मुँ आपग परिवार नै बचायो जिंन बो लेयाण आलो हो। नूह नै एक जहाज बणाण खातिर केयो के बो ईं तरिया परमेश्वर बिं लोगां नै बचायो झिका बिंग ऊपर विश्वास करता हा। ईं तरिया, बे सारा गा सारा परमेश्वर गै द्वारा मरण गा लायक हा क्योंकि बै पाप करेयो हो। पर परमेश्वर बां सारा न बचाण ग खातिर यीशु नै भेजेओ झिका बिंग पर विश्वास करै है।

![](https://cdn.door43.org/obs/jpg/360px/obs-en-48-06.jpg)

सैकड़ा सांला तक, याजक परमेश्वर गै खातिर बलिदान चढ़ान्‍ता रेआ। ओ दर्शाव है के लोगां पाप करेओ, अर बे परमेश्वर गै द्वारा बानै सजां गै लायक हा। पर बे बलिदान बांग पापां नै माफ कोनि कर सकेआ हा। यीशु सारा मुँ बड़ो महायाजक है। बण बो करेओ झिक नै याजक कोनी कर सकतो हो। बण एकमात्र बलिदान होण गै खातिर आप नै दे दियो झिको हर एक गै पापां न मिटा सकतो हो। बण स्वीकार करेयो के परमेश्वर बांग सारा गै पापां गै खातिर बानै सजां देवै। ई कारण, यीशु सिद्ध महायाजक हो।

![](https://cdn.door43.org/obs/jpg/360px/obs-en-48-07.jpg)

परमेश्वर अब्राहम नै केओ, " मैं तेरै द्वारा संसार गी सारी जातियां नै बरकत देऊगा।" यीशु अब्राहम गो वंश हो। परमेश्वर अब्राहम गै दवारा सारी जातियां नै बरकत देवै है, क्योंकि झिका यीशु पर विश्वास करै है परमेश्वर बाँ सारा नै पाप मुँ बचावै है। जद लोग यीशु पर विश्वास करै हैं, तो परमेश्वर बानै अब्राहम गो वंश मानै है।

![](https://cdn.door43.org/obs/jpg/360px/obs-en-48-08.jpg)

परमेश्वर अब्राहम नै केओ के बो आपग निज पुत्र, बांग खातिर बलिदान कर देऐ। पर फेर परमेश्वर इसहाक गै जगह मै बलि करण गै खातिर एक मेमणो दिओ। आपां सारा आपग पापां गै खातिर मरण गै लायक हा! पर परमेश्वर माहरी जगेआ पर मरण खातिर यीशु नै बलिदान गै रूप मै दियो। ईं कारण आपां यीशु नै परमेश्वर गो मेमणो केवाँ हाँ।

![](https://cdn.door43.org/obs/jpg/360px/obs-en-48-09.jpg)

जद परमेश्वर मिस्र पर आखरि विपत्ति भेजी तो बण हर एक इस्राएली परिवार नै केओ के बे एक मेमण नै बलि करदेवै। बिं मेमण गै मां कोई दोष कोनि होणौ चाहिऐ। तब आपग दरवाजां गी चौखट गै ऊपर अर साईंङ मै बिंग लहू नै लगाणो हो। जद परमेश्वर बिं लहू नै देखेओ तो बो बांग घरा मुँ आगै बढ़ गेओ अर बांग पहलौठा पुत्रां नै कोनि मारेओ। जद ओ होयो तो परमेश्वर ईंन फसह गो पर्व केओ।

![](https://cdn.door43.org/obs/jpg/360px/obs-en-48-10.jpg)

यीशु फसह गै त्‍योहार गै एक मेमण तरिया है। बण कदी पाप कोनि करेओ, ईखातिर बिंग मां कुछ भी गलत कोनि हो। बो फसह गै त्‍योहार गै समय पर मरेओ। जद कोई यीशु पर विश्वास करै है, तब यीशु गो लहू बिं आदमी गै पापां गी कीमत चुकावै है। ओ ईंया है जिंया कि परमेश्वर बिं आदमी मुँ आगे बढ़ गेओ, क्योंकि बो बिन सजां कोनि देवै ।

![](https://cdn.door43.org/obs/jpg/360px/obs-en-48-11.jpg)

परमेश्वर इस्राएली लोगां गै सागै एक वाचा बाँधी, क्योंकि बे ईसा लोग हा जिन परमेश्वर आपगो होण गै खातिर चुणेओ हो। पर अब परमेश्वर एक ईंसी वाचा बाँधी है झिकी सारा गै खातिर है। कोई भी जाति गो कोई भी जन नई वाचा नै स्वीकार करै है, तो बो परमेश्वर गै लोगां मै शामिल हो जावै है। बो ईया ईखातिर करै हो क्योंकि बो यीशु पर विश्वास करतो हो।

![](https://cdn.door43.org/obs/jpg/360px/obs-en-48-12.jpg)

मूसा एक ईंसो भविष्यद्वक्ता हो जण परमेश्वर गै वचन नै बड़ी सामर्थ गै सागै प्रचार करेओ हो। पर यीशु सारा भविष्यद्वक्तावां मुँ सारा मुँ बड़ो है। बो परमेश्वर है, ईखातिर झिको कि बण करेओ अर केओ बो परमेश्वर गा कार्य अर वचन हा। ईखातिर पवित्र-शास्त्र यीशु नै परमेश्वर गो वचन केवै है।

![](https://cdn.door43.org/obs/jpg/360px/obs-en-48-13.jpg)

परमेश्वर राजा दाऊद मुँ प्रतिज्ञा करी ही के राजा गै रूप मै बांगो एक वंश परमेश्वर गै लोगां पर सदा खातिर राज करगो। यीशु परमेश्वर गो पुत्र अर मसीह है, ईखातिर बो राजा दाऊद गो वंश है झिको सदा खातिर राज करगौ।

![](https://cdn.door43.org/obs/jpg/360px/obs-en-48-14.jpg)

दाऊद इस्राएल गो राजा हो, पर यीशु सारा जगत गो राजा है! बो फेर आवगो अर सदा खातिर न्याय अर शान्ति गै सागै आपग राज्य पर राज करगो ।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_48_128kbps.m4a

## 49. परमेश्वर गी नई वाचा

https://openbiblestories.org/l/bgq/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूत एक जवान स्त्री मरियम नै केयौ के बौ परमेश्वर गै पुत्र नै जन्म देवगी। बा हजै कुँआरी ही, पर पवित्र आत्मा बिंगै कनै आयो अर बा गर्भवती होई। बणै एक पुत्र नै जन्म दियो झिकै गो नाम बणै यीशु राखेयौ। ईंखातिर, यीशु परमेश्वर अर मनुष्य दोनुं है।

![](https://cdn.door43.org/obs/jpg/360px/obs-en-49-02.jpg)

यीशु बहोत सा चमत्कार करेया झिका दिखावै हैं के बौ परमेश्वर है। बो पानी पर चालेयौ अर आँधी नै शान्त करेयौ।बणै बहोत सा बीमार लोगां नै चंगौ करेयो अर बहोत सा लोगां मुं दुष्टात्मा निकालीं। बणै मरेयां होयां लोगां नै जीवित कर दियो, अर बणै पाँच रोटी अर दो मछलियां नै 5,000 लोगां नै खिलाण खातिर पर्याप्त भोजन मैं परिवर्तित कर दियौ।

![](https://cdn.door43.org/obs/jpg/360px/obs-en-49-03.jpg)

यीशु एक महान शिक्षक भी हो। झिको कुछ भी बणै सिखायौ, बो बणै सिद्धता सागै सिखायो। झिकौ बौ लोगां नै करणै खातिर केवै है बो बानै करनो चाहिऐ क्योंकि बो परमेश्वर गो पुत्र है। उदाहरण खातिर, बणै सिखायौ के थानै अन्य लोगां नै बिं रीति मुं प्रेम करणै गी आवश्यकता है जियां थे स्वयं नै प्रेम करो हो।

![](https://cdn.door43.org/obs/jpg/360px/obs-en-49-04.jpg)

बणै औ भी सिखायौ के थानै सब वस्तुयां मुँ अधिक अर आपगी संपत्ति मुँ भी जादा परमेश्वर सागै प्रेम करणो चाहिऐ।

![](https://cdn.door43.org/obs/jpg/360px/obs-en-49-05.jpg)

यीशु केयो के संसार गी कोई भी चीज नै प्राप्त करणै मुँ जादा आच्‍छो है परमेश्वर गै राज्य मै होणो। बिंगै राज्य मै थारै प्रवेश करणै गै खातिर जरुरी है के परमेश्वर थानै थारै पापां मुँ बचावै।

![](https://cdn.door43.org/obs/jpg/360px/obs-en-49-06.jpg)

यीशु केयो के कुछ लोग बिंनै ग्रहण करैगा। परमेश्वर बाँ लोगां नै बचावगो। पर दुसरा लोग बिंनै ग्रहण कोनि करैगा। बण ओ भी केयो के कुछ लोग अच्छी जमीन गै समान हैं, क्योंकि बे यीशु गै बारै म शुभ संदेश नै स्वीकार कर लेवै हैं, अर परमेश्वर बानै बचावै है। पर कुछ लोग रसता गी कठोर जमीन गै समान हैं। परमेश्वर गो वचन बीज गै समान रसता पर गिरेयौ है, पर बठै कुछ भी कोनी उगै है। आ लोग यीशु गै बारै मै संदेश नै अस्वीकार कर देवै हैं। बे बिंगै राज्य मै प्रवेश करण मुँ इंकार कर देवै है।

![](https://cdn.door43.org/obs/jpg/360px/obs-en-49-07.jpg)

यीशु सिखायो के परमेश्वर पापिया सागै बोत प्रेम करै है। बो बानै माफ करणो चावै है अर बानै आपगी संतान बणाणो चावै है।

![](https://cdn.door43.org/obs/jpg/360px/obs-en-49-08.jpg)

यीशु ओ भी बतायो के परमेश्वर पाप मुँ नफरत करै है। क्योंकि आदम अर हव्वा पाप करेओ, ईखातिर बांगै सारा वंशजां भी पाप करेयौ। ई संसार मै रेण आलौ हरेक जन पाप करै है अर परमेश्वर कनु दूर है। हरेक जन परमेश्वर गो बैरी है।

![](https://cdn.door43.org/obs/jpg/360px/obs-en-49-09.jpg)

पर परमेश्वर ई संसार मै रेण आल हरेक जन सागै ई तरियां प्रेम करेयो: बण आपग एकलौतो पुत्र दे दियो ताकि परमेश्वर बानै सजां ना देवै झीको बिंग पर विश्वास करै हैं। ईग बजाए, बो बांगै सागै हमेशा खातिर रेवगो।

![](https://cdn.door43.org/obs/jpg/360px/obs-en-49-10.jpg)

थे मरण गै लायक हो, क्योंकि थे पाप करेयो है। थार सागै परमेश्वर गो गुस्‍सो करणो ठिक ही है, बो यीशु पर गुस्‍सो होयो। बण यीशु नै क्रूस गी मृत्यु देगे सजा दी।

![](https://cdn.door43.org/obs/jpg/360px/obs-en-49-11.jpg)

यीशु कदी पाप कोनि करेयो, पर बण परमेश्वर बिंनै सजा देण दि। बणै मर जाणो स्वीकार करेयो। ईं तरिया, थार पापां अर ईं संसार मै रेण आला हरेक जन गै पापां नै उठाण खातिर एक सिद्ध बलिदान हो। यीशु आप नै परमेश्वर खातिर बलिदान कर दियो, ईंखातिर परमेश्वर किसै भी पाप नै, अठ के बड़ पांपां नै माफ कर देवै है।

![](https://cdn.door43.org/obs/jpg/360px/obs-en-49-12.jpg)

भल ही जे थे बोत सारा आच्‍छा कामा करता हो, तो ईंग द्वारा परमेश्वर थानै कोनि बचावगा। बिंगो मित्र बणण ग खातिर ईंसो कुछ भी कोनि है झिको थे कर सकता हो। ईंगी अपेक्षा, थान विश्वास करनो है के यीशु परमेश्वर गो पुत्र है,अर बो थार बदलै मै क्रूस पर मर गेयो, अर ओ भी के परमेश्वर बिनं फेर जीवित कर दियो। जे थे ईंग पर विश्वास करो, तो परमेश्वर थार पापा गी क्षमा देवगो।

![](https://cdn.door43.org/obs/jpg/360px/obs-en-49-13.jpg)

परमेश्वर हर एक जन न बचावगो झिको यीशु पर विश्वास करतो है अर बिंन आपगो प्रभु स्वीकार करतो है। पर बो बिंन कोनि बचावगो झिका बिंग पर विश्वास कोनि करता हैं। ओ मायने कोनि रखै के थे धनी हो या गरीब हो, आदमी हो या औंरत हो, बुढ़ो हो या जवान हो, या थे कठ्‍ रेन्ता हो। परमेश्वर थार सागै प्रेम करै है अर चावै है के थे यीशु पर विश्वास करो के बो थारो मित्र बण सकै।

![](https://cdn.door43.org/obs/jpg/360px/obs-en-49-14.jpg)

यीशु थानै बुलाण लागरेओ है के बिंग पर विश्वास करो अर बपतिस्मा लो। के थे विश्वास करता हो के परमेश्वर गो एकलौतो पुत्र, यीशु ही मसीह है? के थे विश्वास करता हो के थे एक पापी हो अर ओ के थे परमेश्वर द्वारा सजां गा योग्य हो? के थे विश्वास करता हो के थारै पापा नै मिटाण गै खातिर यीशु क्रूस पर मरेयो?

![](https://cdn.door43.org/obs/jpg/360px/obs-en-49-15.jpg)

जे थे यीशु पर अर झिको कि बण थारै खातिर करेओ है बिगं पर विश्वास करता हो, तो थे एक मसीही हो! शैतान आपग अंधकार गै राज्य में अब थारै पर राज कोनि करतो है। अब परमेश्वर आपग प्रकाश गै राज्य में थारै पर राज करतो है। बण थान पाप करण मुँ रोक दियो है, झिका थरै करता हा। बण थानै एक नयो, उचित जीवन दियो है।

![](https://cdn.door43.org/obs/jpg/360px/obs-en-49-16.jpg)

जे थे एक मसीही हो तो झिको यीशु करेओ है बिंग कारण परमेश्वर थारै पांपा नै क्षमा कर दियो है। अब, परमेश्वर एक शत्रु गी अपेक्षा थानै एक आच्‍छो मित्र मानतो है।

![](https://cdn.door43.org/obs/jpg/360px/obs-en-49-17.jpg)

जे थे परमेश्वर गा मित्र हो अर प्रभु यीशु गा सेवक हो तो थे बिं बांता गो पालन करण गी इच्छा करोगा झिकि यीशु थान सिखातो है। भल ही थे एक मसीही हो, शैतान अभी भी पाप करण गै खातिर थारी परीक्षा करगो। पर परमेश्वर हमेशा बो करतो है झिको बो केन्‍तो है के बो करगो। बो केन्‍तो है के जे थे आपग पांपा नै मान लेओ, तो बो थानै क्षमा कर देवगो। बो थानै पाप गै विरुद्ध लड़न गि सामर्थ देवगो।

![](https://cdn.door43.org/obs/jpg/360px/obs-en-49-18.jpg)

परमेश्वर थानै प्रार्थना करण अर बिंग वचन नै पढ़ण खातिर केवै है। बो थानै और विश्वासियां सागै मिलगे बिंगी आराधना करण खातिर भी केवै है। थानै और लोगां नै भी बताणो है के थारै खातिर के करेयो है। जे थे ईं सारा कामां ना करो, तो थे बिंगा एक पक्‍का मित्र बण जाओगा।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_49_128kbps.m4a

## 50. यीशु वापिस आवै है।

https://openbiblestories.org/l/bgq/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 सांला मुँ, संसार मै सारा स्थाना पर जादा मुँ जादा लोग मसीह यीशु गै बारै मै शुभ संदेश सुणण लागरेया हैं। कलीसिया बघण लागरी है। यीशु वायदो करेओ के संसार गै अंत मै वापिस आवगो। जे बो अभी वापिस कोनी आयो है, फेर भी आपग वाद नै पूरो करगो।

![](https://cdn.door43.org/obs/jpg/360px/obs-en-50-02.jpg)

जद कि आपा यीशु गै वापिस आण गो ईंन्‍तजार करा हां, परमेश्वर मांरै सागै ईं रीति मुँ जीवन जीण गी ईच्‍छा करतो है जो पवित्र है अर झीको बिंगो आदर करतो है। जद यीशु पृथ्वी पर रेण लागरेओ हो तब बण केयो, "मेरा चेला संसार भर मै सारी जगां गै लोगा नै परमेश्वर गै राज्य गै बार मै शुभ संदेश प्रचार करैगा, अर तब अंत आ जावगो।"

![](https://cdn.door43.org/obs/jpg/360px/obs-en-50-03.jpg)

बोत सारि जातियां अब ताईं यीशु गै बारै मै कोनी सुणेयो है। स्वर्ग मै जाण मुँ पहेलां, यीशु मसीहियां नै बिं लोगां नै शुभ संदेश सुणाण नै केयो झीकां बिंन कदी कोनि सुणेयो है। बण केयो, "जाओ अर सारि जातिया ग लोगां न चेलो बणओ !" अर "कटाई करण गै खतिर खेत पक चुकेया हैं!

![](https://cdn.door43.org/obs/jpg/360px/obs-en-50-04.jpg)

यीशु ओ भी केयो, "कोई भी आदमी गो सेवक स्‍वामी मुँ बड़ो कोनी होवै। ईं संसार गा महत्वपूर्ण लोगां मेर सागै नफरत करी, अर मेरै कारण बै थानै सतावगा अर मार देवगा। ईं संसार मै थनै दूखी होओगा, पर मज़बूत बणो, क्योंकि मै शैतान नै हरा दियो है झीको संसार पर राज करै है। जे थे अंत तक मेरा विश्वासयोग्य बणेया, तो परमेश्वर थानै बचावगो!"

![](https://cdn.door43.org/obs/jpg/360px/obs-en-50-05.jpg)

यीशु आपगै चेलां नै ओ समझाण खातिर एक कहाणी सुणाई के जद संसार गो अंत होवगो तो लोगां सागै के होवगो।बण केयो, "कोई आदमी आपगै खेत मै आच्‍छो बीज बोयो। जद बो सोण लागरेयो हो तो बिंगो शत्रु आयो अर गेहूँ गै बिजां मै जंगली पौधा गै बीजां नै बो दियो , अर फेर बो जान्‍तो रेयो।"

![](https://cdn.door43.org/obs/jpg/360px/obs-en-50-06.jpg)

जद पौधा निकलेया तो सेवकां बिं आदमी नै केयो, 'हे स्वामी, तू तो आपग खेत मै आच्‍छो बीज बोयो हो। तो फेर ईंग मां जंगली पौधा क्यों हैं?' बिं आदमी जवाब दियो, 'मेरो शत्रु ही बिन बोणो चावगो। ओ मेरो कोई शत्रु है झिकै ईयां करेयो है।'

![](https://cdn.door43.org/obs/jpg/360px/obs-en-50-07.jpg)

"बाँ सेवकां आपगै स्वामी नै जवाब दियो, 'के मानै जंगली पौधा नै उखाड़ना चाईऐ?' बिं स्वामी केयो, 'ना। जे थे ईयां करोगा तो कुछ गेहूँ नै भी उखाड़ देओगा। कटाई गै समय तक ईन्‍तजार करो। फेर जंगली पौधां नै गांठां मै ईकठो कर लेओ के थे बिंन जला सको। पर गेहूँ मैर खत्ते मै लेगे आओ।'"

![](https://cdn.door43.org/obs/jpg/360px/obs-en-50-08.jpg)

चेलां ईं कहाणी गै मतलब नै कोनी समझेयो, ईखातिर चेलां यीशु कनु समझण गी वीनति करी। यीशु केयो, "आच्‍छो बीज बिजण आलो आदमी मसीह है। खेत संसार है।आच्‍छो बीज परमेश्वर गै राज्य गा लोग है।"

![](https://cdn.door43.org/obs/jpg/360px/obs-en-50-09.jpg)

"जंगली पौधां बिं दुष्ट जन, शैतान गा लोग हैं। बिं मनुष्य गो शत्रु शैतान है, जण जंगली पौधां नै बो दियो हो। कटाई संसार गो अंत है, अर कटाई करण आला परमेश्वर गा स्वर्गदूत हैं।"

![](https://cdn.door43.org/obs/jpg/360px/obs-en-50-10.jpg)

"जद संसार गो अंत होवगो तब स्वर्गदूत बि सारै लोगां नै एक साथ इकट्ठो करगो झिका शैतान गा हैं। बे स्वर्गदूत बानै एक बहुत ही गर्म आग मै फेंक देंवगो।बठ बे लोग भयंकर सताव मै रोवगा अर आपग दाँत पिसगा। पर झीका लोग धर्मी हैं, जी लोगां यीशु गै पीछ चालेया है, बे परमेश्वर पिता गै राज्य मै सूरज गी तरियां समान चमकगा।"

![](https://cdn.door43.org/obs/jpg/360px/obs-en-50-11.jpg)

यीशु ओ भी केयो के बो संसार गै अंत होण मुँ पहेलां पृथ्वी पर आवगो। बो बि तरिका मुँ वापिस आवगो जीयां बो गेयो हो। अर्थात, बिंग कनै वास्तविक शरीर होवगो, अर बो आकाश मै बादलां पर सवार होगे आवगो। जद यीशु आवगो है, तो हर एक मसीही झीका मर गेया हैं मरेया मुँ जी उठगा अर बिगै सागै आकाश मै मिलगा।

![](https://cdn.door43.org/obs/jpg/360px/obs-en-50-12.jpg)

तब झीको मसीही अभी भी जीवित हैं बे आकाश मै उठा लिया जावगा अर दूसरा मसीयां गै सागै शामिल हो जावगा झीका मरेया मुँ जी उठता हैं।बे सारा भठे यीशु गै सागै होवगा। बिंगे बाद, यीशु आपगे लोगां गै सागै रेवगो। जद बे एक सागै रेवै हैं तो बांग कनै सदा गै खातिर पूरी शान्ति होवगी।

![](https://cdn.door43.org/obs/jpg/360px/obs-en-50-13.jpg)

यीशु पर विश्वास करण आला हर एक जन नै एक मुकुट देण गी प्रतिज्ञा करी है। बे सदा गै खातिर परमेश्वर गै सागै हर एक चीज पर राज करगो। बिंग कनै सिद्ध शान्ति होवगी।

![](https://cdn.door43.org/obs/jpg/360px/obs-en-50-14.jpg)

पर परमेश्वर बां सारां गो न्याय करगो झिका यीशु पर विश्वास कोनी करता हैं। बो बानै नरक मै डाल देवगो। बठे बे रोवगा अर आपग दाँत पीसगा, अर बे हमेशा पीड़ित होंता रेवगा। कदी ना बुझण आली आग बाने लगातार जलांती रेवगी, अर किड़ा बाने खाण मुँ कदी कोनि रुकेगा।

![](https://cdn.door43.org/obs/jpg/360px/obs-en-50-15.jpg)

जद यीशु लोटैगो, तो बो पूरी तरियां शैतान नै अर बिंगै राज्य नै नष्ट कर देवगो। बो शैतान नै नरक मै डाल देवगो। बठे शैतान हमेशा खातिर जलतो रेवगो, बां सारा गै सागे झीका परमेश्वर गी बातां ने छोड़गे शैतान गै पीछ चालण गो चुनाव करेयो हो।

![](https://cdn.door43.org/obs/jpg/360px/obs-en-50-16.jpg)

क्योंकि आदम अर हव्वा परमेश्वर गी अनाज्ञाकारिता करी ही अर पाप नै ईं संसार मै लेगे आया हा, परमेश्वर बिंन श्राप दियो अर बिंन नष्ट करण गो फंसलो करेयो। पर किसै दिन परमेश्वर एक नए स्वर्ग अर एक नई पृथ्वी गी रचना करगो झीका सिद्ध होंवगा।

![](https://cdn.door43.org/obs/jpg/360px/obs-en-50-17.jpg)

यीशु अर बिंगा लोग बिं नई पृथ्वी पर रेवगा, अर बो सदा खातिर सारी चीजां पर राज करगो । बो लोगां गी आँखेयां मुँ हर एक आँसू नै पोंछ देवगो। अब कोई भी पीड़ित या दुःखी कोनी होवगो। बे रोवगा कोनी। बे बीमार कोनी होवगा या मरगा कोनी।अर बठे कुछ भी बुराई कोनी होवगी। यीशु आपग राज्य पर न्यायपूर्वक, अर शान्ति गै सागै राज करगो। बो हमेशा खातिर आपग लोगां गै सागे रेवगो।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 मुँ एक बाइबल गी कहाणी*

Audio: https://git.door43.org/OBS-TLF/bgq_obs/releases/download/v1/bgq_obs_v1_50_128kbps.m4a