# unfoldingWord Open Bible Stories — Bhadrawahi

- Language code: `bhd`
- Canonical page: https://openbiblestories.org/l/bhd/
- Stories in this file: 50 of 50
- Published by: OBS-TLF, translationCore-Create-BCS
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bhadrawahi translation; it is not a translation of the whole Bible.

## 1. सृष्टी

https://openbiblestories.org/l/bhd/story-1/

![](https://cdn.door43.org/obs/jpg/360px/obs-en-01-01.jpg)

सारे ब्रह्मांडेरी शुरुआत एन्च़रे सीं भोई। परमेशरे शेई दिहाड़न मां ब्रह्मांड ते ज़ैन किछ तैस मां आए तैसेरी रच़ना की। परमेशरेरे धरती बनानेरां बाद धरती आंधरे सीं भेरतां ते सुनसान थी, ते तैस मां किछ भी बनेवरू न थियूं। पन परमेशरेरी आत्मा पैनी पुड़ थी।

![](https://cdn.door43.org/obs/jpg/360px/obs-en-01-02.jpg)

तैखन परमेशरे ज़ोवं, “लो भोए!”, त लो भोइ जेई। परमेशरे लो हेरी कि रोड़ी आए; ते परमेशरे लोई जो “दीस” ज़ोवं। परमेशरे लो आंधरे करां अलग की, ते आंधरे जो परमेशरे “रात” ज़ोवं। पेइले दिहाड़े परमेशरे लोअरी रच़ना की।

![](https://cdn.door43.org/obs/jpg/360px/obs-en-01-03.jpg)

रच़नेरे दुइयोवं दिहाड़े, परमेशरे ज़ोवं, पैनी पुड़ एरो फासलो भोए ते अक फासलो भोई जेव ते परमेशरे तैस फासले जो अम्बर ज़ोवं।

![](https://cdn.door43.org/obs/jpg/360px/obs-en-01-04.jpg)

रच़नेरे ट्लेइयोवं दिहाड़े, परमेशरे ज़ोवं ते पानी शुकोरी ज़मीनी करां अलग कियूं। परमेशरे ज़मीनी जो “धरती” ज़ोवं; ते ज़ैन पानी अकोट्ठू भोवं तैस जो तैने “समुन्दर” ज़ोवं।

![](https://cdn.door43.org/obs/jpg/360px/obs-en-01-05.jpg)

फिरी परमेशरे ज़ोवं, “ज़मीनी पुड़ हर किसमेरे बुट ते पौधे लग्गन।” ते तेन्च़रे भोइ जेवं। परमेशरे हेरू कि ज़ै रच़ना तैने कियोरीए तै रोड़ीए।

![](https://cdn.door43.org/obs/jpg/360px/obs-en-01-06.jpg)

रच़नारे च़ेवरोवं दिहाड़े, परमेशरे ज़ोवं ते दिहाड़ो, चाँदनी ते तारे बनाए। परमेशरे ज़मीनी पुड़ लो देनेरे लेइ, ते दीस त कने रात, ते मौसम ते सालां केरि पिशानरे लेइ तैना बनाए।

![](https://cdn.door43.org/obs/jpg/360px/obs-en-01-07.jpg)

रच़नेरे पंच़ोवं दिहाड़े, परमेशरे ज़ोवं ते पैनी मां तेरनेबाले सब जीप जन्तु ते सब च़ड़ोल्लू बनआं। परमेशरे हेरू कि रोड़ूए, ते तैन बरकत दित्ती।

![](https://cdn.door43.org/obs/jpg/360px/obs-en-01-08.jpg)

रच़नेरे शेइयोवं दिहाड़े, परमेशरे ज़ोवं, “हर किसमेरे ज़मीनरे जानबर भोइ गान!” त ज़ेन्च़रे परमेशरे ज़ोवं तेन्च़रे भोवं। किछ ज़मीनी पुड़ पेटेरे भारे च़लनेबाले, किछ उडरने बाले जीप, ते किछ जंगली जानबर थी। ते परमेशरे हेरू कि ऐन रोड़ू आए।

![](https://cdn.door43.org/obs/jpg/360px/obs-en-01-09.jpg)

फिरी परमेशरे ज़ोवं। “अस मैनू अपने रूपे मां अपनो ज़ेरो बनामेले। तैन कां धेरतरो ते सब जानबर पुड़ अधिकार भोलो।”

![](https://cdn.door43.org/obs/jpg/360px/obs-en-01-10.jpg)

फिरी परमेशरे किछ मित्ती नेही, ते तैस सीं अक मैनू बनव, ते तैस मां ज़िन्दगरी साँस छ़ड्डी। तैस मैनेरू नवं आदम थियूं। परमेशरे आदमेरे रानेरे लेइ अक बाग बनाई, ते बागरी हेर गेश केरनेरे लेइ तै तैड़ी रख्खो।

![](https://cdn.door43.org/obs/jpg/360px/obs-en-01-11.jpg)

बागरे मझ़ाटे परमेशरे दुई खास बुट लाए, अक ज़िन्दगरो बुट ते होरो भले ते बुरेरे ज्ञानेरो बुट थियो। परमेशरे आदमे सीं ज़ोवं कि तै भले ते बुरेरे ज्ञानेरे बुटेरे फलेरे अलावा बागरे कोन्ची भी बुटे मरां फल खेइ सकते। पन अगर तै इस बुटेरो फल खालो, त तै मेरि गानोए।

![](https://cdn.door43.org/obs/jpg/360px/obs-en-01-12.jpg)

फिरी परमेशरे ज़ोवं, “मड़देरू अकैल्लू रानू ठीक नईं।” पर जानबरन मरां कोई भी मड़देरो मद्दत केरनो बालो न बेनि सकतो थियो।

![](https://cdn.door43.org/obs/jpg/360px/obs-en-01-13.jpg)

एल्हेरेलेइ परमेशरे आदमे पुड़ भारी निड्ल छ़ड्डी। तैखन परमेशरे आदमेरे देलोड़लन मरां एक्की सीं कौन्श बनाई ते तै आदमे कां आनी।

![](https://cdn.door43.org/obs/jpg/360px/obs-en-01-14.jpg)

ज़ैखन आदमे तै लाई, तैने ज़ोवं, “आखर! ई मेरी ज़ेरि आए! तै मड़दे मरां बनेवरीए एल्हेरेलेइ तैस ज़ो “कौन्श” ज़ोवं जेव” ई वजा आए कि अक मड़द अपने अम्मा-बाजी शैरतां एपनी कौन्शी सीं अक भोइ गाते।

![](https://cdn.door43.org/obs/jpg/360px/obs-en-01-15.jpg)

परमेशरे अपने रूपेरो ज़ेरो मड़द ते कौन्श बनाई। ते परमेशरे हेरू कि ऐन रोड़ू आए। तैनी तैन बरकत दित्ती ते तैन सीं ज़ोवं, “बड़ी औलाद पैदा केरा ते धेरती मां भेरोई गाथ!” इन सब किछ रच़नेरे छ़ेइयोवं दिहाड़े भोई जेवं।

![](https://cdn.door43.org/obs/jpg/360px/obs-en-01-16.jpg)

ज़ैखन सत्तोवं दिहाड़ी आई, परमेशरे अपनु कम पूरू कियोरू थियूं। एल्हेरेलेइ परमेशरे ज़ैन किछ तै केरि रावरो थियो तैन सब केरने करां आराम कियो। तैने सत्तोवं दिहाड़े बरकत दित्ती ते तै पवित्र ठहराई। किजोकि तैस दिहैड़ी परमेशरे अपने कम्मे करां आराम कियोरो थियो। एन्च़रे सीं परमेशरे इन ब्रह्मांड ते सब किछ ज़ैन तैस मां आए बनावं।

*ई बाइबलरी कहानी उत्पति 1-2 अध्याए मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_01_128kbps.m4a

## 2. पाप दुनियाई मां एइते।

https://openbiblestories.org/l/bhd/story-2/

![](https://cdn.door43.org/obs/jpg/360px/obs-en-02-01.jpg)

आदम ते तैसेरी कौन्श परमेशरेरे बनेवरे खूबसूरत बागी मां बड़े खुश रहते थिये। तैन दुइयन मरां कोन्चे लिगड़ां न थियां लेवरां, पन दुनियाई मां कोई पाप न थियो, एल्हेरेलेई तैना दुइये ज़ना शरमाते न थियां, तैना रोज़ बागी मां च़लतां थियां। ते परमेशरे सीं गल्लां केरतां थियां।

![](https://cdn.door43.org/obs/jpg/360px/obs-en-02-02.jpg)

पन बागी मां अक च़लाक सप थियो। तैने कौन्शी पुच़्छ़ू, “कुन परमेशरे सच़्च़े इन ज़ोवरूए कि बागरे कोन्ची भी बुटेरो फल नईं खानो?”

![](https://cdn.door43.org/obs/jpg/360px/obs-en-02-03.jpg)

कौन्शां जवाब दित्तो, “परमेशरे असन सीं ज़ोवरूए कि भले ते बुरेरे ज्ञानेरे बुट्टेरे फलेरे अलावा अस कोन्ची भी बुटेरे फले खेइ सकतम। परमेशरे ज़ोवं, ‘अगर तुस तै फल खाथ या इड़ी तगर कि तैस सीं हुरथ भी, त तुस मेरि गाले।’”

![](https://cdn.door43.org/obs/jpg/360px/obs-en-02-04.jpg)

सप्पे कौन्शी जवाब दित्तो, “ऐन सच़ नईं! तुस न मरेले। परमेशर इन ज़ानते कि ज़ैखन तुस तैस फले खाले, त तुस परमेशरेरे ज़ेरे भोई गाले ते ज़ेन्च़रे भले ते बुरे तै समझ़ते तुस भी सेमझ़ी सकेले।”

![](https://cdn.door43.org/obs/jpg/360px/obs-en-02-05.jpg)

कौन्शां हेरू कि फल खूबसूरते ते हेरने मां सुवादेबालोए। तै अक्लमन्द भी बन्नी चाती थी, एल्हेरेलेई तैसां फल नेइतां खाव। फिरी तैसां किछ अपने मुन्शे भी दित्तो, ज़ै तैस सीं साथी थियो, ते तैने भी खाव।

![](https://cdn.door43.org/obs/jpg/360px/obs-en-02-06.jpg)

अचानक, तैन केरि एछ़्छ़ी खुल्ली जेइ, ते तैन पतो लग्गो कि तैना नग्गे आन। ते तैनेईं अपनो आप ढकनेरे लेई पट्लां केरे लिगड़ां बनानेरी कोशिश की।

![](https://cdn.door43.org/obs/jpg/360px/obs-en-02-07.jpg)

फिरी आदम ते तैसेरी कौन्शां बागी मरां परमेशरेरी च़लनेरी आवाज़ शुनी। तैना दुइये परमेशरे करां छ़ेप्पी जेआं। तैखन परमेशरे आदमे जो हक दित्ती, “तू कोड़ि अस?” आदमे जुवाब दित्तो, “मीं तू बागी मां च़लते शुने, ते अवं डेरि जेवरो थियो, किजोकि अवं नग्गो थियो। एल्हेरेलेई अवं छ़ेप्पी जेव।”

![](https://cdn.door43.org/obs/jpg/360px/obs-en-02-08.jpg)

तैखन परमेशरे पुच़्छ़ू, “केने ज़ोवं कि तू नग्गो आस? ज़ैस बुट्टेरो फल मीं तीं खानेरे लेइ ठाकोरो थियो, कुन तीं तैसेरो फल खेवरोए?” आदमे जवाब दित्तो, “तीं ई कौन्श मीं दित्ती, ते तैसां तै फल मीं दित्तो।” तैखन परमेशरे कौन्शी पुच़्छ़ू, “तीं इन कुन कियूं?” कौन्शां ज़ोवं, “सप्पे मीं धोखो दित्तो।”

![](https://cdn.door43.org/obs/jpg/360px/obs-en-02-09.jpg)

परमेशरे सप्पे सीं ज़ोवं, “तू लानती आस।” तू पेटेरे भारे च़लेलो, ते ज़िन्दगी भर मित्ती च़टतो रालो। तू ते कने कौन्श एक्की होरि सीं नफरत केरेले, ते तेरी औलाद ते तैसारी औलाद भी एक्की होरि सीं नफरत केरेली। कौन्शरू वंश तेरे क्रोड़ी ड्लेन्च़ेलू, ते तू तैसेरी थूड़ी पुड़ टक देलो।

![](https://cdn.door43.org/obs/jpg/360px/obs-en-02-10.jpg)

फिरी परमेशरे कौन्शी सीं ज़ोवं, “अवं तेरे गल्हे बिशनेरी तकलीफ बड़ी बधेइलो। तेरी खुवैइश तेरे मुन्शेऱे पासे भोली, ते तै तीं पुड़ राज़ केरेलो।”

![](https://cdn.door43.org/obs/jpg/360px/obs-en-02-11.jpg)

परमेशरे मड़दे सीं ज़ोवं, “तीं अपने कौन्शरी गल मन्नी ते मेरो हुक्म न मन्नो। हुनी ज़मीन तेरे वजाई सीं लानतीए, ते तीं तैसेरी फसल खानेरे लेई बड़ी महनत केरनी भोली। फिरी तू मेरि गालो, ते तुश्शो शरीर वापस मित्ती मां मिली गालो। आदमे अपने कौन्शरू नंव हव्वा रख्खू, ज़ैसेरो मतलब सेभी केरि अम्मा, किजोकि तै सेभी इन्सानां केरि अम्मा भोली। ते परमेशरे जानबरेरी खैड़ी सीं आदम ते हव्वा ढक्की।

![](https://cdn.door43.org/obs/jpg/360px/obs-en-02-12.jpg)

तैखन परमेशरे जोवं, “मैनू भलू ते बुरू ज़ान्नेरे वजाई सीं इश्शो ज़ेरो भोवरोए ते हुनी तैस ज़िन्दगरे बुट्टे मरां फल खानेरे अज़ाज़त न दित्ती गाए। ते परमेशरे खूबसूरत बागी मरां आदम ते हव्वा बेइरोवं कढां। परमेशरे ज़िन्दगरे बुट्टेरो फल खानेरे करां रोकनेरे लेइ शक्तिशाली स्वर्गदूत रख्खे।

*बाइबिलरी कहानी  उत्पति 3 अध्याए मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_02_128kbps.m4a

## 3. हड़ाई

https://openbiblestories.org/l/bhd/story-3/

![](https://cdn.door43.org/obs/jpg/360px/obs-en-03-01.jpg)

दुनियाई बनानेरे बड़े वक्तेरां बाद दुनियाई मां बड़े लोक रहते थीये। तैना बड़े दुष्ट ते ज़ुलम केरने बाले भेवरे थिये। ते तै दुनिया एत्री बुरी थी कि परमेशरे एक्की बेड्डी हड़ैई सीं तैसेरो खातमों केरनेरो फैसलो कियो।

![](https://cdn.door43.org/obs/jpg/360px/obs-en-03-02.jpg)

पन परमेशरेरी सिद्धी नज़र नूहे पुड़ बनोरी राई। नूह धर्मी मैनू ते अपने वक्तेरे लोकन मां सच़्च़ो थियो। तैखन परमेशरे नूहे सीं तैस हड़ैइरे बारे मां ज़ोवं ज़ैस सीं तै सारी धरती नाश केरनेबालो थियो। एल्हेरेलेइ परमेशरे नूहे सीं ज़ोवं कि अक बड्डी किशती बना।

![](https://cdn.door43.org/obs/jpg/360px/obs-en-03-03.jpg)

परमेशरे नूहे सीं ज़ोवं कि तू एन्च़रे सीं किशती बनेइयां: ज़ैसेरी लमबाई 140 मीटर, चौड़ाई 23 मीटर, ते ऊँचाई 13.5 मीटर भोए। फिरी परमेशरे नूहे सीं ज़ोवं कि ऐह किश्ती लेकड़री बनेइयां, ते तैस मां अक दारी रेखां, ते तैस करां अक हथ बा तैसेरी छत बनेइयां, किशतरे एक्की पासे अक दार रेखां; ते किशती मां पेइलो, दुइयोवं ते ट्लेइयोवं हिस्सो बनेइयां। फिरी परमेशरे नूहे सीं ज़ोवं, कि तू अपने टब्बरे सने किशती मां गेइयां, ते सब जानदारन मरां तू हर एक्की किसमेरे जानबर, च़ुड़ोल्लू ते पेटेरे भारे च़लनेबाले जीव जन्तू एप्पु सीं साथी किशती मां नेइतां ते ज़ींते रेखां।

![](https://cdn.door43.org/obs/jpg/360px/obs-en-03-04.jpg)

नूहे परमेशरेरी गल मेनतां तैन्ने कियूं। तैनी ते तैसेरे ट्लेइये मट्ठेईं तेन्च़रे किश्ती बनई ज़ेन्च़रे परमेशरे ज़ोवरू थियूं। तैस किश्ती बनाने मां बड़े साल लग्गे, किजोकि तै किश्ती बड़ी बड्डी थी। नूहे लोकन हड़ाई एजनेरे बारे मां खबरदारी दित्ती, ते तैन्न मन फिरेइतां परमेशरेरे पासे एजनेरेलेई ज़ोवं, पन तैनेइं नूहेरी गल्लन पुड़ विश्वास न कियो।

![](https://cdn.door43.org/obs/jpg/360px/obs-en-03-05.jpg)

नूह ते तैसेरे टब्बरे जानबरां केरे लेइ ज़रूरतरे मुताबिक खानेरो इंतज़ाम कियो। ज़ैखन सब किछ तियार थियूं, तैखन परमेशरे नूहे सीं ज़ोवं, कि हुनी वक्त एवरोए कि तू अपनि लाड़ी, ट्लाई मट्ठां, ते नुशन सने किश्ती मां गा। तैना सब मिलेइतां अठ ज़ने थी।

![](https://cdn.door43.org/obs/jpg/360px/obs-en-03-06.jpg)

परमेशरे ज़मीनी पुड़ पेटेरे भारे च़लनेबाले जनबार ते च़ुड़ोल्लू केरे नर ते मादा नूहे कां किश्ती मां भेज़े। ताकि तैना हड़ैयरे दौराने मां ज़ींते रेई सखन। परमेशरे हर किसमेरे जानबरां केरे सत नर ते सत मादा भेज़े ज़ैन केरो इस्तेमाल बली च़ाड़नेरे लेई कियो गाए। ज़ैखन तैना सब किश्ती मां च़ेड़ी जे त परमेशरे किश्तरू दार बंद कियूं।

![](https://cdn.door43.org/obs/jpg/360px/obs-en-03-07.jpg)

तैखन झ़ड़ी लगनी शुरी भोई ते लगातार 40 दिहाड़े ते 40 रातन तगर भोंती राई! धेरती पुड़ हड़ाई च़लती राई, ते पानी बड़ू बधतू जेवं। इड़ी तगर कि धेरती पुड़ ज़ेत्रां भी बड्डां-बड्डां पहाड़ां थियां सब डुबी जेआं।

![](https://cdn.door43.org/obs/jpg/360px/obs-en-03-08.jpg)

ते सब च़ुड़ोल्लू ते सब पालतू जानबर, ते धेरती पुड़ सब च़लने बाले जानदार, ते ज़ेत्रे जीव जन्तु ज़ैन सेइं धरती भेरोई जेवरी थी, तैना सब ते सारे मैनू मेरि जे, पर ज़ैना किश्ती मां थी सिर्फ तैन्ना ज़ींते राए। किश्ती पैनी पुड़ च़लने लगी ते ज़ैन किछ किश्ती मां थियूं तैन डुबने करां बेच़ी जेवं।

![](https://cdn.door43.org/obs/jpg/360px/obs-en-03-09.jpg)

झ़ेड़रे रुकनेरां बाद, पंच़ महीन्न तगर तै किश्ती पैनी पुड़ तैरती राई, त एक्की दिहैड़ी किश्ती पहाड़े पुड़ टिकी, पन हेजू भी सारी दुनिया पैनी सीं भेरोरी थी। ट्लेई महीन्न बाद पहाड़ां केरि च़ोटां लेइने लेगी।

![](https://cdn.door43.org/obs/jpg/360px/obs-en-03-10.jpg)

फिरी 40 दिहाड़ना बाद नूहे अपने बनेवरे किश्तरी दारी खोलतां, अक काव उडैरी दित्तो त इन हेरनेरे लेइ कि ज़मीनी पुड़ पानी शुकोरू कि नईं। ते तै काव शुकोरी ज़मीनी तोपनेरे लेइ इरां-उरां उडरतो राव, पन तैस शुकोरी ज़मीन कोन्च न मैल्ली।

![](https://cdn.door43.org/obs/jpg/360px/obs-en-03-11.jpg)

नूहे फिरी अक कबूतर उडारू। पन तैस भी शुकोरी ज़मीन न मैल्ली एल्हेरेलेइ तै नूहे कां वापस एज्जी अव। ते एक्की हपतेरे बाद तैनी तैन कबूतर फिरी उडारू, ते तैन कबूतर ड्लोवझ़ां तैस कां वापस अव, त तैनी हेरू कि तैसेरे च़ुन्च़ी मां नंव्वें ज़ैतूनेरू पट्लोवं आए! एन हेरतां नूहे पतो लग्गो कि ज़मीनी पुड़ पानी घटेरूए।

![](https://cdn.door43.org/obs/jpg/360px/obs-en-03-12.jpg)

नूहे फिरी एक्की हपतेरे पत्ती ट्लेंइयोवं बार तैन कबूतर किश्ती मरां उडारू। इस बार, तैन वापस न अव किजोकि ज़मीनी पुड़ पानी शुक्की जेवरू थियूं।

![](https://cdn.door43.org/obs/jpg/360px/obs-en-03-13.jpg)

दुई महीन्न बाद परमेशरे नूहे सीं ज़ोवं, “तू अपने मट्ठन, कौन्श ते नुशन सने किश्ती मरां बेइर एई।” परमेशरे नूहे बरकत दित्ती ते तैस सीं ज़ोवं “फुला-फला, ते बधा, ते धेरती पुड़ भोरोई गाथ। तैखन नूह ते तैसेरू टब्बर किश्ती मां बेइर निस्सू।

![](https://cdn.door43.org/obs/jpg/360px/obs-en-03-14.jpg)

नूहेरे बेइर एजनेरां बाद तैनी अक वेदी बनाई, ज़ैस पुड़ बलिदान कियूं गाए ते तैने सब किसमेरे जानबरां केरू बलिदान दित्तू। परमेशर तैस बलिदाने सीं खुश भोव त तैनी नूहे ते तैसेरे टब्बरे बरकत दित्ती।

![](https://cdn.door43.org/obs/jpg/360px/obs-en-03-15.jpg)

फिरी परमेशरे ज़ोवं, “कि अवं तुसन सीं करार केरताईं कि सब जानदार फिरी हड़ैई सीं नाश न भोले ते धेरतरो नाश केरनेरे लेइ फिरी हड़ाई न एजेली। फिरी चाए लोक बचपने करां पाप की न केरि रावरे भोन।”

![](https://cdn.door43.org/obs/jpg/360px/obs-en-03-16.jpg)

फिरि परमेशरे ज़ोवं मीं अम्बरे मां भुन्ज़ल्लठ रखोरीए, तै मेरे ते धेरतरे बीचे मां करारेरो निशान भोलो। ते ज़ैखन अवं धेरती पुड़ बिदलार आनेलो तैखन तै भुन्ज़ल्लठ लेइनीए। तैखन मेरो ज़ै करार तुश्शे ते सब जानदारां केरे लेइ आए; तैस करारे अवं याद केरेलो, तैखन एरी ज़ेरि हड़ाई फिरी न एज्जेली ज़ैस सीं कि सब जानदार मेरि गान।

*बाइबलरी ई कहानी उत्पत्ति 6-8 अध्याए मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_03_128kbps.m4a

## 4. अब्रामे सीं परमेशरेरो करार।

https://openbiblestories.org/l/bhd/story-4/

![](https://cdn.door43.org/obs/jpg/360px/obs-en-04-01.jpg)

हड़ैइयरे बड़े सालां केरे बाद, दुनियाई मां बड़े लोक रहते थिये, ते तैनेईं फिरि परमेशरेरे ते एक्की होरेरे खिलाफ पाप कीयो। किजोकि तैन सेभी केरि अक्के बोली थी, ऐल्हेरेलेइ तैना सब अकोट्ठे भोए ते पूरी धेरती मां भेरोनोरे परमेशरेरे हुक्मेरे खिलाफ तैनेईं अक नगर बनावं।

![](https://cdn.door43.org/obs/jpg/360px/obs-en-04-02.jpg)

तैना बड़े घुमंडी थिये, परमेशरे ज़ैन ज़ोवरू थियूं तैसेरी तैनेईं कोई परवाह न की। इड़ी तगर कि तैनेईं अक एरो मीनार बनानो शुरू कियो, ज़ै अम्बरे तगर पुज़ी सके। तैखन परमेशरे हेरू कि अगर तैना साथी मिलतां बुराई केरते राले, त तैना बड़ां पापेरां कम्मां केरेले।

![](https://cdn.door43.org/obs/jpg/360px/obs-en-04-03.jpg)

एल्हेरेलेइ परमेशरे तैन केरि भाषा अलग-अलग की ते तैना सैरी दुनियाई मां फैलाए। ते ज़ैन नगर तैनेईं बनानु शुरू कियोरू थियूं तैस जो बाबेल ज़ोने लगे, ज़ैसेरो मतलबे “गड़बड़ी”।

![](https://cdn.door43.org/obs/jpg/360px/obs-en-04-04.jpg)

बड़े सालां केरे बाद, परमेशरे अब्राम नव्वेंरे एक्की मैनू सीं गल की। परमेशरे तैस सीं ज़ोवं, “अपने मुल्ख ते अपने टबरे छ़ेडतां तैस मुल्खे मां च़ेली गा ज़ै अवं तीं हिरेइलो। अवं तीं बरकत देलो, ते तीं मरां अक बड़ी बड्डी कौम बनालो। अवं तेरू नवं महान केरेलो ते ज़ै तीं बरकत दे अवं तैस बरकत देलो ते ज़ै तीं फिटकार देन, तैस अवं फिटकार देलो। ते दुनियारे सारे लोकन तेरे ज़िरिये बरकत मैलेली।

![](https://cdn.door43.org/obs/jpg/360px/obs-en-04-05.jpg)

ते अब्रामे परमेशरेरी गल मन्नी। तैनी अपने सारे सेवकन ते अपने पूरी जाइदात सने अपनी लाड़ी सारा एप्पु सीं साथी नी, ते तैस मुल्खे जो, येनी कनान मुल्खे जो च़लो जेव ज़ै परमेशरे तैस हिरेवरो थियो।

![](https://cdn.door43.org/obs/jpg/360px/obs-en-04-06.jpg)

ज़ैखन अब्राम कनान मुल्खे मां पुज़ो त परमेशरे तैस सीं ज़ोवं, “अपने च़ेवरे पासन तक। किजोकि अवं ई मुल्ख तीं ते तेरे औलादी देलो ते इस मुल्खे पुड़ तेरी औलाद हमेशा अधिकार रखेली।” तैखन अब्राम तैस मुल्खे मां बेसी जेव।

![](https://cdn.door43.org/obs/jpg/360px/obs-en-04-07.jpg)

मलिकिसिदक नव्वेंरो अक मैनू थियो तै महान परमेशरेरो याजक थियो। एक्की दिहाड़े ज़ैखन अब्राम जंग लड़नेरां बाद एज्जी रहोरो थियो त तैसेरी मुलाकात तैस सेइं भोई। ते मलिकिसिदके अब्रामे बरकत देइतां ज़ोवं, महान परमेशर ज़ै ज़मीन ते अस्मनेरो मालिके तै तीं बरकत दे।” ते फिरी अब्रामे जंगी मरां ज़ींतोरी हर एक्की चीज़रो दशोवं हिस्सो मलिकिसिदके दित्तो।

![](https://cdn.door43.org/obs/jpg/360px/obs-en-04-08.jpg)

बड़े साल बीते, पन हेजु तगर अब्राम ते सारै कोई औलाद न थी। परमेशरे अब्राममे सीं गल की ते फिरि तैस सेइं वादो कियो कि तीं अक मट्ठू भोलू ते ज़ेन्च़रे अम्बरेरे तारेन तेन्च़रे तैसेरू बड़ू खानदान भोलू। अब्रामे परमेशरेरे वादे पुड़ विश्वास कियो। ते परमेशरे ऐलान कियूं कि अब्राम अक धर्मी मैनू थियो किजोकि तैनी परमेशरेरे वादे पुड़ विश्वास कियोरो थियो।

![](https://cdn.door43.org/obs/jpg/360px/obs-en-04-09.jpg)

तैखन परमेशरे अब्राम सीं अक करार कियो। आम तोरे पुड़ करार दूई टोलन एप्पु मामेईं एक्की होरेरे लेइ कम्मां केरनेरो अक समझोतो भोते। परमेशरे अब्रामे सीं तै वादो तैखन कियोरो थियो, ज़ैखन अब्राम झ़ुलोरो थियो, पन तै तैखन भी परमेशरेरी गल शुनी सखतो थियो। ते परमेशरे ज़ोवं, “अवं तीं अक मट्ठू देलो ज़ैन तेरे ज़रिये पैदा भोलू तैन तेरू अपनु मट्ठू भोलू। अवं तेरे औलाधी ई कनान मुल्ख देताईं।” पन हेजु तगर अब्रामे कोई मट्ठू न थियूं।

*बाइबलरी ई कहानी उत्पत्ति अध्याए 11-15 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_04_128kbps.m4a

## 5. वादेरू मट्ठू

https://openbiblestories.org/l/bhd/story-5/

![](https://cdn.door43.org/obs/jpg/360px/obs-en-05-01.jpg)

अब्राम ते तैसेरी लाड़ी सारै कनान मुल्खे मां पुज़नेरे 20 सालां केरे बाद हेजु तगर भी तैन कोई औलाध न थी। परमेशरे अब्रामे सीं ज़ोवं ते दुबारा वादो कियो कि तीं अक मट्ठू भोलू ते तैसेरू खादान अम्बरेरे तारां केरू ज़ेरू भोलू। अब्रामे परमेशरेरे वादे पुड़ विश्वास कियो।

![](https://cdn.door43.org/obs/jpg/360px/obs-en-05-02.jpg)

त अब्रामेरे लैड़ां तैस सीं ज़ोवं, “हेर परमेशरे मीं औलाद नईं दित्तोरीए, एल्हेरेलेइ अवं तीं कां बिनती केरचां कि तू मेरी नौकरैनी हाजिरा कां गा। त तैस सीं ड्ला बना ताकि तैसेरे ज़िरिये मेरे लेइ औलाद भोए।

![](https://cdn.door43.org/obs/jpg/360px/obs-en-05-03.jpg)

ते अब्रामे हाजिरा सीं ड्ला बनाव। फिरी हाजिरा अक मट्ठू ज़ावं, ते अब्रामे तैसेरू नवं इशमाएल रखु। अब्राम चातो थियो कि परमेशर इश्माएले बरकत दे। पन परमेशरे ज़ोवं, “अवं तैस बरकत देइलो, पन इश्माएल वादेरू मट्ठू नईं। एल्हेरेलेइ अवं अपनो करार तैस सीं न केरेलो।”

![](https://cdn.door43.org/obs/jpg/360px/obs-en-05-04.jpg)

“तेरी लाड़ी सारै तीं सीं अक मट्ठू भोलू। तैन वादेरू मट्ठू भोलू। तू तैसेरू नवं इसहाक रेख्खां। मेरो करार तैस सीं भोलो, ते तै अक बड्डी कौम भोली।” परमेशरे ज़ोवं कि हुनी तेरू नवं अब्राम न भोइतां अब्राहम भोलू, ज़ैसेरो मतलब आए, “मूल बाजी” परमेशरे सारैरू भी नवं बेदलतां सारा रख्खू, ज़ैसेरो मतलब आए, “मूल अम्मा”

![](https://cdn.door43.org/obs/jpg/360px/obs-en-05-05.jpg)

आखरी मां, ज़ैखन अब्रामेरी उमर 100 साल ते सारारी उमर 90 साल भोई, त सारा अब्राहमेरे मट्ठे ज़र्म दित्तू। तैनेईं तैसेरू नवं इसहाक रख्खू, ज़ेन्च़रे कि परमेशरे ज़ोवरू थियूं।

![](https://cdn.door43.org/obs/jpg/360px/obs-en-05-06.jpg)

ज़ैखन इसहाक जुवान भोव, त परमेशरे इन जोइतां अब्राहामेरी अज़मेइश की, “अब्रहाम अपने एकलौते मट्ठे इसहाकेरी होमबलि च़ाड़। अब्राहामे परमेशरेरो हुक्म मन्नो, ते अपने मट्ठेरी बली देनेरे लेइ तियर भोव।

![](https://cdn.door43.org/obs/jpg/360px/obs-en-05-07.jpg)

ज़ैखन अब्राहम ते इसहाक बलि च़ाड़नेरे जीगाई जो च़लोर थिये, त इसहाके पुछ़ू, “हे बाजी असन कां बलि केरनेरे लेई अग ते कैड़ू त आन; पन बलि देनेरे लेई गबड़ू कोड़ीए?” अब्राहमे जुवाब दित्तो कि बेलरे लेई गबड़ेरो इंतजाम परमेशरे एप्पू कमालो।

![](https://cdn.door43.org/obs/jpg/360px/obs-en-05-08.jpg)

तैखन अब्राहमे तैड़ी बलि देनेरी जगा बनेइतां कैड़ू अकोट्ठां केरतां रख्खां ते अपनू मट्ठू इसहाक बेन्धतां बलि देनेरी जगारे कैड़न पुड़ रेखी छ़ड्डू। त ज़ेरो तै अपने मट्ठे मारने पुड़ थियो, त परमेशरे ज़ोवं, “रुक”! मट्ठे पुड़ हथ न च़ला, ते न तैस सेइं किछ केर। किजोकि तीं मीं करां अपनू अक्के बल्के ज़ैन तेरू एकलौतू मट्ठू आए रेखी न छ़ड्डू; ऐस सीं अवं सेमझ़ी जेवरोईं कि तू परमेशरेरो डर मन्तस।

![](https://cdn.door43.org/obs/jpg/360px/obs-en-05-09.jpg)

तैखन अब्राहमे तक्कू ते कुन हेरते कि तैस पत्र अक हुड़ झ़ल्लन मां फसोरोए। ते अब्राहमे गेइतां तै हुड़ नेव ते अपने मट्ठे इसहाकेरे बदले बलि कियो। अब्राहमे बड़े खुशी सीं तैस हुड़ेरी बलि दित्ती।

![](https://cdn.door43.org/obs/jpg/360px/obs-en-05-10.jpg)

फिरी परमेशरे अब्राहमे सीं ज़ोवं कि, “तू मीं अपनू सब किछ देनेरे लेइ तियार भोव, इड़ी तगर कि तीं अपनू एकलौतू मट्ठू भी न रेख्खी छ़ड्डू, एल्हेरेलेइ अवं तीं ज़रूर बरकत देइलो।” ते ज़रूर तेरे खानदाने अम्बरेरे तारां केरे ज़ेरे बेशुमार केरेलो। ते धेरतरी सैरी कौमां तेरे वजाई सीं अपने आपे जो धन ज़ोली; किजोकि तीं मेरी गल मन्नोरीए।

*बाइबलरी ई कहानी उत्पत्ति अध्याए 16-22 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_05_128kbps.m4a

## 6. परमेशर इसहाकेरे लेई इंतज़ाम केरते।

https://openbiblestories.org/l/bhd/story-6/

![](https://cdn.door43.org/obs/jpg/360px/obs-en-06-01.jpg)

ज़ैखन अब्राहम बड़ो बुढो भोई जेव त तैसेरू मट्ठू ड्लानेरू भोई जेवं। ते एल्हेरेलेइ अब्राहमे अपनो अक सेवक इसहाकेरे लेई लाड़ी अन्ने तैस मुल्खे मां भेज़ो ज़ैड़ी तैसेरे रिश्तेदार रहते थिये।

![](https://cdn.door43.org/obs/jpg/360px/obs-en-06-02.jpg)

ज़ैड़ी अब्राहमेरे रिश्तेदार रहते थिये तैस मुल्खे मां गानेरे बड़े लम्मे सफ़रेरां बाद परमेशरे अब्राहमेरो सेवकेरी रिबका नंव्वेरे एक्की कुइए सीं मुलाकात करावाई तै अब्र्हामेरे ढ्लाएरी पोट्लड़ी थी।

![](https://cdn.door43.org/obs/jpg/360px/obs-en-06-03.jpg)

रिबका अपनू टब्बर छ़ेडतां अब्राहमेरे सेवके सीं साथी गांनेरे लेई मेनी जेइ। ते ज़ेरां तैना पुज़ां इसहाके रिबका ड्ला बनाव।

![](https://cdn.door43.org/obs/jpg/360px/obs-en-06-04.jpg)

किछ च़िरेरां बाद, अब्राहम मेरि जेव। तैखान परमेशरे अब्राहमेरे मट्ठे इसहाके अब्राहामे सीं कियोरे करारेरे वजाई सीं बरकत दित्ती। तैस करारे मां परमेशरेरो अक वादो थियो कि अब्राहमेरी औलाद बेशुमार भोली। पन इसाकेरी कौन्श रिबका औलाद न भोई।

![](https://cdn.door43.org/obs/jpg/360px/obs-en-06-05.jpg)

इसहाके रिबीकारे लेई प्राथना की ते परमेशरे तैसरे गर्भे मां दूई बच्चे दित्ते, ज़ैस वक्त बच्चे तैसेरे गर्भे मां थिये तैना एप्पू मां मेइं लड़ने लगे, एल्हेरेलेई ज़ैन किछ भोई रावरू थियूं तैन रिबका परमेशरे सीं ज़ोवं।

![](https://cdn.door43.org/obs/jpg/360px/obs-en-06-06.jpg)

परमेशरे रिबका सीं ज़ोवं, “तू दुई मट्ठन ज़र्म देली ते तैन्न करां दुई अलग-अलग दुई ज़ातां बेनेली तैना एक्की होरी सीं लाड़ेले। पन बड़े मट्ठे सीं पैदा भोने बाली ज़ात निक्ड़े मट्ठे सीं भोने बैली ज़ातरो हुक्म मन्नो पेलो।”

![](https://cdn.door43.org/obs/jpg/360px/obs-en-06-07.jpg)

ज़ैखन रिबीकरे बच्चां केरू ज़र्म भोवं, त बडू मट्ठू लाल ते बालन बालू थियूं ते तैनेइं तैसेरू नवं एसाव रख्खू ते फिरी निकड़ू मट्ठू एसावेरी थूड़ी ट्लेइतां ज़र्मू ते तैनेईं तैसेरू नवं याकूब रख्खू।

*बाइबलरी इ कहानी उत्पत्ति अध्याए 24:1-25:26 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_06_128kbps.m4a

## 7. परमेशर याकूबे बरकत देते।

https://openbiblestories.org/l/bhd/story-7/

![](https://cdn.door43.org/obs/jpg/360px/obs-en-07-01.jpg)

ज़ैखन इसहाकेरे मट्ठां जुवान भोआं त तैसेरू निकड़ू मट्ठू याकूब घरे रांनू पसंद केरने लगु। पन एसावे जानबरां केरो शिकार केरनो पसंद अव। रिबका याकूबे सेइं जादे प्यार केरती थी, पन इसहाक इसावे सेइं जादे प्यार केततो थियो।

![](https://cdn.door43.org/obs/jpg/360px/obs-en-07-02.jpg)

एक्की दिहाड़े एसाव शिकार केरतां वापस अव त तैस बड़ी ढ्लुख लगोरी थी। ते एसावे याकूबे सीं ज़ोवं, “ज़ैन तीं बनेवरू तैस मरां थोड़ू ज़ेरू मीं भी खाने जो दे।” याकूबे जुवाब दित्तो, “पेइलो मीं सीं ई वादो केर कि तू बडू मट्ठू भोनेरे वजाई सीं हर चीज़ ज़ै तीं मैलनीए तैन सब किछ तू मीं देलो।” ते एसावे याकूबे सीं सब किछ देनेरो वादो कीयो। तैखन याकूबे तैस खाने जो दित्तू।

![](https://cdn.door43.org/obs/jpg/360px/obs-en-07-03.jpg)

इसहाक एसावे बरकत देनी चातो थियो। पन स करां पेइलू कि तै न केरे, रिबका ते याकूबे मिलतां एसाव भोनेरो ढोंग केरतां तैस सीं धोखो कियो। इसहाक बुढो थियो ते तैस लेइहोतू न थियूं। एल्हेरेलेइ याकूबे एसावेरां लिगड़ां लां ते छ़ेल्लरी खाड़ी अपने पैखड़न ते गले सीं पलैट्टी।

![](https://cdn.door43.org/obs/jpg/360px/obs-en-07-04.jpg)

याकूब इसहाके कां अव ते तैस सीं ज़ोवं, “अवं एसाव आईं अवं एल्हेरेलेइ एवरोईं कि तू मीं बरकत दे।” ते ज़ैखन इसहाके छ़ेल्ली केरे झ़डन सीं हाथ लव ते लिकड़ां केरि मुश्क शीन्घी, त तैनी सोचू कि एसावे ते तैनी तैस बरकत दित्ती।

![](https://cdn.door43.org/obs/jpg/360px/obs-en-07-05.jpg)

एसाव याकूबे पुड़ ज़लो, किजोकि याकूबे तैसेरू बड्डू भोनेरू हक नीयोरू थियूं। ते साथी तैसेरी बरकतां भी च़ोरी ते एसावे अपने बाजी इसहाकेरे मरनेरे बाद याकूबे मारनेरी योजना बनाई।

![](https://cdn.door43.org/obs/jpg/360px/obs-en-07-06.jpg)

पन रिबकां एसावेरी योजना शुनी। एल्हेरेलेइ तैसां ते इसहाके याकूबे अपने रिश्तेदारन कां रानेरे लेई बड़े दूर भेज़ो।

![](https://cdn.door43.org/obs/jpg/360px/obs-en-07-07.jpg)

याकूब बड़े सालन तगर रिबकारे रिश्तेदारन सीं साथी राव। ते तैस वक्तेरे दौरान तैनी ड्ला बनाव ते तैसेरां 12 मट्ठां ते अक कुई भोई। ते परमेशरे तै बड़ो धनी बनाव।

![](https://cdn.door43.org/obs/jpg/360px/obs-en-07-08.jpg)

20 सालन तगर कनान मुल्खे मां अपने घरे करां दूर रांनेरे बाद, याकूब अपने टब्बरे अपने नौकरन, ते अपने सारे जानबर घिन्तां वापस आव।

![](https://cdn.door43.org/obs/jpg/360px/obs-en-07-09.jpg)

याकूब इस वजाई सीं बड़ो डरोरो थियो, किजोकि तैनी सोचू कि एसाव हेजु भी तैस मारने चातो थियो। एल्हेरेलेइ तैनी तौफे मां बड़े जानबर एसावे कां भेज़े। ज़ैना नौकर जानबर घिन्तां एवरे थिये तैनेईं तैस सीं ज़ोवं, तेरो दास याकूब इनां जानबर तीं देते त तै जल्दी एज्जी रहोरोए।”

![](https://cdn.door43.org/obs/jpg/360px/obs-en-07-10.jpg)

पन एसाव हुनी याकूबे नुकसान पज़ानो न चातो थियो, एसेरे बजाए, तै तैस एक्की बार दुबरां फिरि हेरतां बड़ो खुश थियो। ते तैलां पत्ती याकूब कनाने मां सुखे सीं रांने लगो। फिरी इसहाक मेरि जेव ते याकूब ते एसावे तै दब्बो। ते करारेरो वादो ज़ै परमशरे अब्राहमे सीं कीयोरो थियो तै इसहाके करां याकूबे पुड़ एज्जी जेव।

*बाइबलरी ई कहानी उत्पत्ति अध्याए 25:27-35:29 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_07_128kbps.m4a

## 8. परमेशर युसफ ते तैसेरे परिवारे बंच़ाते।

https://openbiblestories.org/l/bhd/story-8/

![](https://cdn.door43.org/obs/jpg/360px/obs-en-08-01.jpg)

बड़े सालां केरे बाद ज़ैखन याकूब बुढो भोइ जेवरो थियो, त तैनी अपनू मट्ठू युसफ अपने ढ्लां केरो पतो केरने भेज़ू। ज़ैना गबां केरि देखभाल केरी राहोरे थिए।

![](https://cdn.door43.org/obs/jpg/360px/obs-en-08-02.jpg)

यूसफेरे ढ्ला तैस सेइं नफ़रत केरते थिए। किजोकी तैन केरो बाजी तैस सेइं तैन करां जादे प्यार केरतो थियो। ते एल्हेरेलेइ भी कि तै सुपनां हेरतो थियो कि तै तैन पुड़ राज़ केरनेबालो भोलो, ज़ैखन युसफ अपने ढ्लांन का अव त तैनेईं तै बंधो ते तैनेईं तै बपैरन जो बेच़ो ज़ैना मैनू घिन्नेरो ते बेचनेरो बपार केरते थिए।

![](https://cdn.door43.org/obs/jpg/360px/obs-en-08-03.jpg)

घरे वापस एजनेरे पेइले युसफेरे ढ्लेईं युसफेरां लिड़ां छ़िन्दतां तैना छ़ेलरे खूने मां डोबां। ते फिरी तैनेईं तैना लिगड़ां अपने बाजी हिरां। ताकि तै इन सोचेलो कि युसफ जंगली जानबरे मैरी छ़डोरोए ते याकूब बड़ो उदास भोव।

![](https://cdn.door43.org/obs/jpg/360px/obs-en-08-04.jpg)

गुलाम घिन्नेबाले लोकेईं युसफ मिस्र मुल्खे मां नीयो। नील दरियेरे बन्ने पुड़ बसोरो मिस्र मुल्ख अक बड्डो ते शक्तीशाली मुल्ख थियो। गुलामां केरो बुपार केरनेबालेईं यूसुफ एक्की अमीर सरकाई अधिकैरी जो बेच़ो। यूसुफे अपने मालिकेरी रोड़े च़ारे सेवा की, ते परमेशरे यूसुफे बरकत दित्ती।

![](https://cdn.door43.org/obs/jpg/360px/obs-en-08-05.jpg)

युसफेरे मलिकेरे लैड़ां युसफे सीं साथी जिसमानी रिश्तो बनानेरी कोशिश की। पन युसफे इस तरीके सीं परमेशरेरे खीलाफ पाप न केरनेरो फेसलो कियो। त तै बड़ी सेरकोई ते युसाफे पुड़ झ़ठो इलज़ाम लव। ते यूसुफ कैदखाने मां छ़ड्डो, पन यूसुफ कैदखाने मां भी परमेशरेरे लेई वफ़ादार राव ते परमेशरे तैस बरकत दित्ती।

![](https://cdn.door43.org/obs/jpg/360px/obs-en-08-06.jpg)

दुई सालां केरे बाद, युसफ हेजु भी कैदखाने मां थियो, भले तै बेकुसूर थियो। एक्की राती, फिरौन, ज़ेन्च़रे की मिस्री लोक अपने राज़न फुकारते थिए, राज़े दुई सुपनां हेरां ज़ैनेईं तै बड़ो बेचन कियो। ते तैसेरे सलाहाकारन मरां केन्चे भी तैसेरे सुपनेरो मतलब न जोइ बटो।

![](https://cdn.door43.org/obs/jpg/360px/obs-en-08-07.jpg)

ते परमेशरे युसफे सुपनां केरो मतलब ज़ोनेरी काबलीत दितोरी थी। एल्हेरेलेई फ़िरैने युसफे कैदखाने मरां एप्पु कां कुजव ते युसाफे तैस तैसेरे सुपनां केरो मतलब ज़ोव ते तैनी ज़ोवं, “परमेशर सत साल बड़ी फसल भोनेरां बाद सत साल अकला भेज़ने बालोए।”

![](https://cdn.door43.org/obs/jpg/360px/obs-en-08-08.jpg)

फ़िरैने युसफ एत्रो रोड़ो लगो कि तैनी युसफ मिस्रेरो शक्तिशाली दुइयोवं मैनू बनाव।

![](https://cdn.door43.org/obs/jpg/360px/obs-en-08-09.jpg)

युसफे लोकन करां रोड़ी फसलन बाले सत सालन मं बड़ू अन जमा केरनेरे लेई ज़ोवं। ते ज़ैखन सत सालां केरो अकाल पेव। तैखन युसफे लोकन जो तैन अन बेचू ताकी तैन कां खानेरे लेई भोए।

![](https://cdn.door43.org/obs/jpg/360px/obs-en-08-10.jpg)

तै अकाल सिर्फ मिस्र मुल्खे मां नईं, पन कानान मुल्खे मां भी बड़ो थियो ज़ैड़ी याकूब ते तैसेरू परिवार रहतू थियूं।

![](https://cdn.door43.org/obs/jpg/360px/obs-en-08-11.jpg)

ते एल्हेरेलेई याकुबे अपनां मट्ठां अन घिन्ने मिस्र मुल्खे मां भेज़ां, ते ज़ैखन तैना युसफेरे सामने खड़ां भोआं त तैनेईं अपनो ढ्ला युसफ न पिशानो पन युसफे तैना पिशाने।

![](https://cdn.door43.org/obs/jpg/360px/obs-en-08-12.jpg)

ई पतो केरनेरे लेईं की कुन तैना बेद्लोरेन की नईं एह चांच केरनेरे बाद, युसफे तैन सीं ज़ोवं, “अवं तुशो ढ्ला यूसुफ अईं! डरा न। ज़ैखन तुसेईं अवं गुलाम भोनेरे लेईं बेच़ोरो थियो त तुसेईं बुरू केरनू सोचू, पन परमेशरे तै बुराई भलैइयरे लेई इसतमाल की! एज्जा ते मिस्र मुल्खे मां राथ ताकि अवं तुश्शे ते तुश्शे परीवारां केरे लेई रोटारो इंतज़ाम केरि बेटी।”

![](https://cdn.door43.org/obs/jpg/360px/obs-en-08-13.jpg)

ज़ैखन युसफेरे ढ्ला घरे वापस आए। ते अपने बजी याकूबे सीं ज़ोवं कि यूसुफ हेजु भी ज़ींतोए त तै बड़ो खुश भेवरो थियो।

![](https://cdn.door43.org/obs/jpg/360px/obs-en-08-14.jpg)

हालाकि याकूब अक बुढो मैनू थियो, फिरी भी तै अपने पूरे परिवारे सीं साथी मिस्रे मां जो च़लो जेव, ते तैना तैड़ी बेस्सी जे। याकूबेरे मरनेरे पेइले, तैनी अपने सैरी मट्ठन बरकत दित्ती।

![](https://cdn.door43.org/obs/jpg/360px/obs-en-08-15.jpg)

करारेरो तै वादो ज़ै परमेशरे अब्राहमे सीं कियोरो थियो तै इसाके पुड़रां याकूबे पुड़, ते याकूबेरां बाद तैसेरे 12 मट्ठन ते तैनकेरे परीवरान पुड़ अव। तैना 12 मट्ठन इस्राएलेरे 12 गोट्लन ज़ोतन।

*बाइबलरी ई  कहानी उत्पत्ति अध्याए  37-50  मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_08_128kbps.m4a

## 9. परमेशर मूसा कुजाते।

https://openbiblestories.org/l/bhd/story-9/

![](https://cdn.door43.org/obs/jpg/360px/obs-en-09-01.jpg)

यूसुफेरे मरनेरां बाद तैसरे सब रिशतेदार मिस्र मुल्खे मां बेस्सी जे। ते तैना ते तैन केरि औलाद कई सालन तगर मिस्रे मां राए। ते तैनेईं बड़े बच्चे भोए। ते तैन्न जो इस्राएली ज़ोवं जेवं।

![](https://cdn.door43.org/obs/jpg/360px/obs-en-09-02.jpg)

कई सालां केरे बाद, इस्राएली केरि तैधात बड़ी बेधी जेवरी थी। ते हुनी मिस्री लोक ऐसानमांद न थिए, कि मिस्रेरे लेईं यूसुफे बड़ू किछ कियोरू थियूं। तैना इस्राएली लोकन करां डेरी जे। किजोकि तैना गीनती मां तैन्न करां बड़े जादे भोवरे थिये। ते तैलहेरेलेइ तैस वक्ते राज़ केरने बाले फ़िरौने इस्राएली लोक मिस्री केरे दास बनाए।

![](https://cdn.door43.org/obs/jpg/360px/obs-en-09-03.jpg)

मिस्री लोकेईं इस्राएली बड़ी इमारतां ते इड़ी तगर की कई नागरां बन्नेरे लेई मजबूर किये। ते एस सकत महनतां तैन केरि ज़िन्दगी बड़ी दुखी बनाई, पन परमेशरे तैन बरकत दित्ती ते तैन्न होरी भी जादे बच्चे पैदा भोए।

![](https://cdn.door43.org/obs/jpg/360px/obs-en-09-04.jpg)

फिरौने हेरू कि इस्राएली लोकन बड़ी औलाध भोई रावरीए। एल्हेरेलेई तैनी अपने लोकन इस्राएली केरां मट्ठां नील दरियाए मां जो शैरतं मरनेरो हुक्म दितो।

![](https://cdn.door43.org/obs/jpg/360px/obs-en-09-05.jpg)

एक्की खास कौन्शां एक्की मट्ठे ज़र्म दित्तू। तैसां ते तैसरे मुन्शे ज़ेत्रू तैन करां भोई बटु तै बच्चो छ़पेइतं रख्खो।

![](https://cdn.door43.org/obs/jpg/360px/obs-en-09-06.jpg)

ज़ैखन तैस बच्चेरे हाज-बाव तैस जादे छ़पेई न बटे, त तैनेईं तैसेरी जान बंच़ानेरे लेई तैरने बाली अक टोकरी नील दरीयेरे बने पुड़ एक्की झ़ैल्ले मां रख्खी। तैसेरी बडी बेइन इन हेरनेरे लेई तैस टोकरारे पासे तकती राई कि एस टोकरी सीं कुन भोलू।

![](https://cdn.door43.org/obs/jpg/360px/obs-en-09-07.jpg)

फिरौनेरी कुइयां तै टोकरी लाई ते तैस मां जो तक्कु। ते ज़ैख्न तैसां अक बच्चो लव त तैसां तै अपनो बच्चो भोनेरे लेईं नियो। ते तैसां अक इस्राएली कौन्श दुध पियानेरे लेई रख्खी, तैस ई पतो न थियो कि तै तैस बच्चेरी असली अम्मा आए। ज़ैखन तैन मट्ठू एत्रू बड्डू भोवं कि तैस अपने अम्मरे दुधेरी ज़रूरत न थी, त तैसां तैन मट्ठू फिरौनेरे कुइये कां जो वापस भेज़ू , ते तैस मट्ठेरू नवं मूसा थियूं।

![](https://cdn.door43.org/obs/jpg/360px/obs-en-09-08.jpg)

एक्सां ज़ैखन मूसा बड्डो भोवरो थियो त तैनी हेरू कि अक मिस्री एक्की इस्राएली मैनू मार लगोरोए देने। ते मूसा अपने सैथी इस्राएली बंच़ानेरी कोशिश की।

![](https://cdn.door43.org/obs/jpg/360px/obs-en-09-09.jpg)

ज़ैखन मूसा सोचू कि तैस कोई नईं लेवरो लहने, त तैनी तै मिस्री मारो ते तैसेरी लाश छ़पाई। पन मूसा ज़ैन कियोरू थियूं तैन एक्की मैने लेवरू थियूं।

![](https://cdn.door43.org/obs/jpg/360px/obs-en-09-10.jpg)

फिरौने पतो लगो कि मूसे कुन कीयोरूए। त तैनी मूसा मरनेरी कोशिश की, पन मूसा मिस्रेरे जंगले जो नश्शो ते फिरौनेरे सिपेही तैस तोपी न बटे।

![](https://cdn.door43.org/obs/jpg/360px/obs-en-09-11.jpg)

मिस्रेरां दूर जंगले मां मूसा अक पुहाल बनोरो थियो। ते तैनी तैड़ी एक्की कौन्शी सीं ड्ला बनाव ते तैस दूइ मट्ठां भोआं।

![](https://cdn.door43.org/obs/jpg/360px/obs-en-09-12.jpg)

मूसा अपने शेरहेरां गब्बां च़ारतो थियो। ते एक्की दिहाड़े तैनी अक्क झ़ैलोवं आग लगोरी लाई ज़ैन कि आग लगने सेइं भी न थियूं फुलोतू। ते तैस हेरनेरे लेई तै नेड़े जेव। ज़ैखन तैड़ी बड़े नेड़े थियो त परमेशरे तैस सेइं गल की। तैनी ज़ोवं, “हे मूसा, अपने पव्वां केरि जुट्टी खोल्ल। किजोकी तू एक्की पवित्र जगाई पुड़ खड़ोस।”

![](https://cdn.door43.org/obs/jpg/360px/obs-en-09-13.jpg)

फिरी परमेशरे ज़ोवं, “मीं अपने लोकां केरो दुख लेवरोए। ते अवं तीं फिरौने कां तीं भेज़ेलो ताकि तू इस्राएली मिस्रेरे गुलामी मरां छुटेइतां अनस। ते अवं तैन कनान मुल्ख देलो, तै मुल्ख ज़ैसेरो वादो मीं अब्राहम इसहाक ते याकूबे सीं कीयोरोए।”

![](https://cdn.door43.org/obs/jpg/360px/obs-en-09-14.jpg)

मूसे पुछ़ू, “अगर लोक इन ज़ान्नु चाले कि अवं केनी भेज़ोरोईं त अवं कुन ज़ोईं?” परमेशरे ज़ोवं, “ज़ै अवं आईं तै आईं। तैन सीं ज़ो, ‘अवं तैनी अवं भेज़ोरोईं।’ तैनी इन भी ज़ोवं, ‘अवं तुश्शे पूर्वजां केरे परमेशर येनी अब्रहाम, इसहाक, ते याकूबेरो परमेशर योहोवा आईं।’ मेरू एन्ने नवं हमेशरूए।”

![](https://cdn.door43.org/obs/jpg/360px/obs-en-09-15.jpg)

मूसा डरतो थियो ते फिरौने कां गानू न थियो चातो किजोकी तैनी सोचु कि तै रोड़े च़ारे गल्लां न केरि बटेलो, एल्हेरेलेई परमेशरे मूसेरे ढ्ला, हारून तैसेरी मदत केरनेरे लेईं भेज़ो।

*बाइबलरी ई कहानी नीर्गमन अध्याए 1-4 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_09_128kbps.m4a

## 10. दश आफतां।

https://openbiblestories.org/l/bhd/story-10/

![](https://cdn.door43.org/obs/jpg/360px/obs-en-10-01.jpg)

परमेशरे मूसा ते हारून खबारदार किये कि फिरौनेरो मन सखत भोइ गालो। ते ज़ैखन तैना फिरौने कां जे त तैनेईं ज़ोवं, “इस्राएलेरो परमेशर इन ज़ोते, ‘मेरे लोकन गाने दे!’” पन फिरौने तैन केरि न शुनी ते इस्राएली गानेरे लेई अज़ादत देनेरे बजाए तैनी तैन्न होरि भी सकथ महनत केरनेरे लेई मजबूर किये।

![](https://cdn.door43.org/obs/jpg/360px/obs-en-10-02.jpg)

फिरौन तैन लोकन आज़ाद भोइतां गानेरे लेई लगातार इन्कार केरतो राव, एल्हेरेलेई परमेशरे मिस्रे पुड़ दश बेड़ी बेड्डी आफतां भेज़ी। एना आफतां केरे ज़िरये, परमेशरे फिरौने हिरवं कि तै फिरौन ते मिस्रेरे देबतन करां शक्तीशालीए।

![](https://cdn.door43.org/obs/jpg/360px/obs-en-10-03.jpg)

परमेशरे नील दरिया खूने मां बदलो, पन फिरौने फिरी भी इस्राएली लोक आज़ाद भोइतां गाने न दित्ते।

![](https://cdn.door43.org/obs/jpg/360px/obs-en-10-04.jpg)

परमेशरे पूरे मिस्र मुल्खे मां मैडू भेज़ां। फिरौने मैडू दूर केरनेरे लेईं मूसा कां गुज़ारिश की। पन सब मैडू केरे मरनेरे बाद, फिरौने अपनो मन सख्त कियो ते इस्राएली मिस्रे मरां गाने न दित्ते।

![](https://cdn.door43.org/obs/jpg/360px/obs-en-10-05.jpg)

एल्हेरेलेइ परमेशरे जिवां केरि आफत भेज़ी। ते तैलां बाद तैनी मश्शां केरि आफत भेज़ी। ते फिरौने मूसा ते हारून कुजाए ते तैन्न सीं ज़ोवं, कि अगर तैना इस अफती रोकन त इस्राएली मिस्रे मरां आज़ाद भोई सखतन। ते ज़ैखन मूसा प्राथना की त परमेशरे मिस्रे मरां मश्शे दूर किए। पन फिरौने अपनो मन सखत कियो ते तैना लोक आज़ाद भोइतां गाने न दित्ते।

![](https://cdn.door43.org/obs/jpg/360px/obs-en-10-06.jpg)

इसेरे अलावा परमेशरे मिस्री केरे सब पैलतू जानबर बिमैरी सीं मरने दित्ते। पन फिरौनेरो मन सखत भोइ जेवरो थियो ते तैनी इस्राएली लोक आज़ान भोने दित्ते।

![](https://cdn.door43.org/obs/jpg/360px/obs-en-10-07.jpg)

तैखन परमेशरे मूसा सीं फिरौनेरे सामने हावी मां मंज़न शारनेरे लेई ज़ोवं। ज़ैखन तैनी एन कियूं त मिस्री लोकां केरे पूरी जानी पुड़ तकलीफ देने बाले फोड़े निस्से, पन इस्रयाली लोकन किछ न भोवं। ते परमेशरे फिरौनेरो मन सखत कियो, ते फिरौने इस्राएली लोक मिस्रे मरां आज़ाद भोइतां गांने न दित्ते

![](https://cdn.door43.org/obs/jpg/360px/obs-en-10-08.jpg)

एसेरां बाद, परमेशरे आण भेज़ी ते मिस्रेरी फसलां नाश की ते ज़ै कोई बेइर निस्सो तै आणी सीं मेरि जेव। फिरौने मूसा ते हारून कुजाए ते तैन सीं ज़ोवं, “मीं पाप कियोरोए। तुस लोक गेइ सखतथ।” ते मूसा प्राथना की, ते अम्बरेरां आण बखनी बंद भोई।

![](https://cdn.door43.org/obs/jpg/360px/obs-en-10-09.jpg)

पन फिरौने फिरी पाप कियो ते अपनो मन सख्त कियो। ते तैनी इस्राएली आज़ाद भोइतां गाने न दित्ते।

![](https://cdn.door43.org/obs/jpg/360px/obs-en-10-10.jpg)

ते परमेशरे मिस्र मुल्खे पुड़ टिटां एजने दित्तां। तैन टिटेईं तै सारी फसल खई ज़ै आणी करां नाश भोने करां बंच़ोरी थी।

![](https://cdn.door43.org/obs/jpg/360px/obs-en-10-11.jpg)

फिरी परमेशरे आंधरू कियूं ज़ैन ट्लेई दिहैड़न तगर रावं। एरू आंधरू थियूं कि मिस्री लोक अपने घरन मरां बेइर न निस्सी बटे। पन ज़ैड़ी इस्राएली लोक रहते थिए तैड़ी लौ थी।

![](https://cdn.door43.org/obs/jpg/360px/obs-en-10-12.jpg)

इनां नव आफतां केरे बाद भी, फ़िरौने इस्राएली लोक आज़ाद भोइतां गाने करां इंकार कियूं। किजोकी फिरौने न थियूं शुनोरू एल्हेरेलेइ परमेशरे अक आखरी आफत भेज़नेरी योजना बनाई। एह फिरौनेरे मने बदलेली।

*बाइबलरी ई कहानी निर्गमन अध्याए 5-10 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_10_128kbps.m4a

## 11. फसह तिहार।

https://openbiblestories.org/l/bhd/story-11/

![](https://cdn.door43.org/obs/jpg/360px/obs-en-11-01.jpg)

परमेशरे मूसा ते हारून फिरौने कां इन ज़ोने भेज़े, कि इस्राएली लोकन आज़ाद भोइतां गांने दे। ते तैनेईं तैस खबरदारी दित्ती, कि अगर तै गांने न देलो, त परमेशर मिस्री लोकां केरे ते जानबरां केरे सब ज़ेठे बच्चे मारेलो। ते फिरौने इन शुन्तां भी परमेशरेरी गल शुन्ने करां ते तैस पुड़ विश्वास केरने करां इनकार कियूं।

![](https://cdn.door43.org/obs/jpg/360px/obs-en-11-02.jpg)

परमेशरे तैस पुड़ विश्वास केरनेबाले लोकां केरे लेई अक इंतज़म कियो, कोन्चेरू भी बड्डू मट्ठू न मरे। हर परिवारे अक निर्दोश गबड़ू बली केरनू थियूं।

![](https://cdn.door43.org/obs/jpg/360px/obs-en-11-03.jpg)

परमेशरे इस्राएली लोकन तैस गबड़ेरो खून अपने घरां केरे दरान पुड़ लानेरे लेई ज़ोवं। तैनेई तैसेरू मास भूज़नू थियूं। ते फिरि तैनेईं खमीरे बगैर रोटी जल्दी खानी थी। ते तैनी तैन खानेरे बाद अकदम मिस्रे मरां निसनेरे लेई तियार रांनेरे लेई भी ज़ोवं।

![](https://cdn.door43.org/obs/jpg/360px/obs-en-11-04.jpg)

ज़ैन केरनेरो परमेशरे इस्राएली लोकन हुक्म दितोरो थियो, तैनेईं तैसेरे मुताबक सब किछ कियूं। ते अध्धी राती, परमेशर हर ज़ेठे बच्चे मारतो मारतो मिस्र मुल्खे मांमेइं निस्सो।

![](https://cdn.door43.org/obs/jpg/360px/obs-en-11-05.jpg)

इस्राएली केरे हर एक्की दारे पुड़ खून लगोरो थियो, एल्हेरेलेई परमशरे तैना घरां छ़ड्डां। तैन मां सब लोक हीफ़ज़ती सीं राए। तैना गबड़ेरे खूने सीं बंचोरे थिए।

![](https://cdn.door43.org/obs/jpg/360px/obs-en-11-06.jpg)

पन मिस्री लोकेईं परमेशरे पुड़ विश्वास न कियो। ते तैनेईं तैसेरो हुक्म न थियो मन्नोरो। ते एल्हेरेलेई परमेशरे तैन केरां घरां न छ़ड्डां। परमेशरे मिस्री केरे हर इक्की घरे मां बड्डू मट्ठू मारू।

![](https://cdn.door43.org/obs/jpg/360px/obs-en-11-07.jpg)

कैदी केरे बड्डे मट्ठे करां, फिरौनेरे बड्डे मट्ठे तगर, हर अक बड्डू मट्ठू मेरि जेवं। अपने बड़े दुखेरे वजाई सीं मिस्रेरे बड़े लोक लेरां लगोरे थिए देने ते मातलम लगोरे थिए मन्नाने।

![](https://cdn.door43.org/obs/jpg/360px/obs-en-11-08.jpg)

ते तैसे राती फिरौने मूसा ते हारून कुजाए ते तैन सीं ज़ोवं, “इस्राएली लोकन जल्दी नेथ!” ते मिस्रेरे लोकेईं भी इस्राएली लोकन जल्दी निसनेरे लेईं गुज़रिश की ।

*बाइबलरी ई कहानी निर्गमन अध्याए 11:1-12:32 मरां आए*

Audio: https://git.door43.org/OBS-TLF/bhd_obs/releases/download/v1/bhd_obs_v1_11_128kbps.m4a

## 12. निर्गमन

https://openbiblestories.org/l/bhd/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोक मिस्रे मरां निस्तां बड़े खुश थिए। हुनी तैना गुलाम न थिए, ते तैना वादेरे मुल्खे मां जो च़लोरे थिए! ज़ैन किछ भी इस्राएली लोकेईं मग्गू, मिस्री लोकेईं तैन सब इस्राएली लोकन दित्तू, इड़ी तगर कि सोन्नू चांदी ते होरि भी कीमती चीजां। होरि मुल्खां केरे किछ लोकेईं परमेशरे पुड़ विश्वास कियो ते ज़ैखन इस्राएली लोक मिस्रे मरां निस्से त तैना भी तैन्न सीं साथी निस्से।

![](https://cdn.door43.org/obs/jpg/360px/obs-en-12-02.jpg)

दिसां त बिदलरारो अक थम तैन अगरी-अगरी च़लतो थियो। ते राती तै अगारो थम बनतो थियो। परमेशर ज़ै बिदलार ते अगारे थम्मे मां थियो, हमेशा तैन्न सीं साथी थियो ते तैनी सफरे मां तैन केरि अगवाई की। तैनेईं सिर्फ एत्रु केरनू थियुं तैस पत्ती च़लू थियूं।

![](https://cdn.door43.org/obs/jpg/360px/obs-en-12-03.jpg)

थोड़े वक्तेरां बाद, फिरौन ते तैसेरे लोकेईं अपनो मन बदलो। तैना इस्राएली लोकन फिरी अपने गुलाम बनाने चाते थिए। ते एल्हेरेलेई तैनेईं इस्राएली केरो पीछो कीयो। ते परमेशरे तैन केरे मन बदलोरे थिए। तैनी एन एल्हेरेलेई कियूं किजोकी तै चातो थियो कि हर कोई इन ज़ाने कि फिरौन ते मिस्री केरे देबतन करां यहोवा परमेशर, जादे शक्तिशलीए।

![](https://cdn.door43.org/obs/jpg/360px/obs-en-12-04.jpg)

ज़ैखन इस्राएली लोकेईं मिस्ररेरी सेना एइती लाई त तैन पतो लगो, कि एह फिरौनेरी सेनाए ते हुनी अस लाल समुन्द्र कां फेसी जे। तैना बड़े डरे ते लेरां देने लगे, “असां मिस्रे मरां किजो आए? असां मरने बालेम!”

![](https://cdn.door43.org/obs/jpg/360px/obs-en-12-05.jpg)

मूसे इस्राएली लोकन सीं ज़ोवं, “डरा न! परमेशर अज़ तुश्शे लेई लड़ेलो ते तुस्न बच़ालो।” तैखन परमेशरे मूसा सीं ज़ोवं, “एन लोकन लाल समुन्द्रेरे पासे अग्रोवं गांनेरे लेईं ज़ो।

![](https://cdn.door43.org/obs/jpg/360px/obs-en-12-06.jpg)

तैखन परमेशरे तै बिदलरारो थम मिस्री ते इस्राएली लोकां केरे मझ़ाटे खाड़ो कियो, ताकि मिस्री लोक इस्राएली लोकन लेही न बटन।

![](https://cdn.door43.org/obs/jpg/360px/obs-en-12-07.jpg)

ते परमेशरे मूसा जो ज़ोवं, “समुनद्रेरे पासे अपनो हाथ अग्रोवं केर।” फिरि हवाई सीं परमेशरे समुन्दरेरे पैनेरे दुई हिस्से किये, ताकी इस्राएली लोक पार गेई सकन।

![](https://cdn.door43.org/obs/jpg/360px/obs-en-12-08.jpg)

ते इस्राएली लोक अपने दुइये पासन पैनेरी दीवरन सीं साथी शुकोरी ज़मीनी पुड़ पार च़ले जे।

![](https://cdn.door43.org/obs/jpg/360px/obs-en-12-09.jpg)

तैखन परमेशरे बत्ती मरां तै बिदलारारो थम खड़ो कियो, ताकि मिस्री लोक इस्राएली लोकन समुन्द्रे मांमेइं गांते लांन। ते मिस्री लोकेईं तैन्न ट्लनेरे लेई तैन्न पत्ती गांनेरो पैसलो कियो।

![](https://cdn.door43.org/obs/jpg/360px/obs-en-12-10.jpg)

ते तैना स्मुन्द्ररे माझ़मेंई तैस बत्तां इस्राएली लोकन पत्ती खत्ते, पन परमेशरे मिस्री केरे मने मां घमरवट छ़ड्डी ते तैन केरे रथ अड़काए। ते तैना चिन्डां मैरतां ज़ोने लगे, “नशा! इस्राएली केरे तरफां परमेशर लड़ने लगोरोए!”

![](https://cdn.door43.org/obs/jpg/360px/obs-en-12-11.jpg)

सारे इस्राएली समुन्द्रेरे दूइयोवं पासे पुज़े। तैखन परमेशरे मूसा सीं ज़ोवं कि तै फिरि पैनी पुड़ अपनो हाथ अग्रोवं केरे। तैखन मूसे तेन्च़रे कियूं, त पानी मिस्री सेनाई पुड़ अव ते समुन्द्रेरू पानी तेन्च़रे भोवं ज़ेन्च़रे पेइलू थियूं। ते सारी मिस्री सेना डुबतां मेरि जेइ।

![](https://cdn.door43.org/obs/jpg/360px/obs-en-12-12.jpg)

ज़ैखन इस्राएली लोकेईं हेरू कि मिस्री मेरि जेवरे थिए। त तैनेईं परमेशरे पुड़ विश्वास कियो। तैनेई विश्वास कियो कि मूसा परमेशरेरे तरफां नबी थियो।

![](https://cdn.door43.org/obs/jpg/360px/obs-en-12-13.jpg)

इस्राएली लोक भी बड़े खुशी थिए, किजोकी परमेशरे तैना मरने ते गुलाम भोने करां बंच़ेवरे थिए। हुनी तैना परमेशरेरी आराधना केरने ते तैसेरे हुक्म मन्नेरे लेईं आज़ाद थिए। इस्राएली लोकेईं अपने अज़ैदरू तिहार मनानेरे लेई ते परमेशरेरी तारीफ़ केरनेरे लेई भजनां ज़ोअं। किजोकि तैनी तैना मिस्रेरी सेनाई करां बंच़ेवरे थिए।

![](https://cdn.door43.org/obs/jpg/360px/obs-en-12-14.jpg)

परमेशरे इस्राएली लोकन हर साल अक तिहार मनानेरो हुक्म दित्तो। इन याद केरनेरे लेईं कि केन्च़रे परमेशरे मिस्री हराए ते तैना गुलाम भोने करां आज़ाद किये। ते एस जो फसह तिहार ज़ोवं जेवं। एस मां तैनेई तिहार मन्नेरे लेईं अक गबड़ू बली केरनू थियुं, ते तैन बीगैर खमीरे बैली रोटी सीं साथी खानू थियूं।

*बाइबलरी ई कहानी निर्गमन अध्याए 12:33-15:21 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_12_128kbps.m4a

## 13. इस्राएली लोकन सीं परमेशरेरो करार।

https://openbiblestories.org/l/bhd/story-13/

![](https://cdn.door43.org/obs/jpg/360px/obs-en-13-01.jpg)

इस्राएली लोकन लाल सुमान्दरे करां पर नेनेरां बाद, परमेशरे तैना जंगले मंमेंई भोइतां सीनै पहाड़ेरे पासे च़लाए। एन तैन्ने पहाड़ थियूं ज़ैड़ी मूसा ज़लतू झ़ैलोवं लहोरू थियूं। ते तैना लोकेईं अपने डेरे तैस पहाड़ेरे बुन खड़े किये।

![](https://cdn.door43.org/obs/jpg/360px/obs-en-13-02.jpg)

परमेशरे मूसा ते सेभी इस्राएली लोकन सीं ज़ोवं, “तुसेईं हमेशा मेरी गल मन्नीए, ते ज़ै करार अवं तुस्न सीं केरताई तै बनोरो रखनोए। अगर तुस एन केरतथ, त तुस मेरू इनाम ते कीमती धन, याजकां केरू राज़, ते पवित्र ठेरेले।”

![](https://cdn.door43.org/obs/jpg/360px/obs-en-13-03.jpg)

ते तैना लोकेईं परमेशरे कां एजनेरे लेई अपनो आप तियार कियो। तैखन परमेशर सीनै पहाड़ेरे चोटी पुड़ जो ओसो। ज़ैखन तै अव त बुनज़ल अव, बिजली चमकी, तू लेहीयोव, ते बड़े ज़ोरे सीं नरशिंगां केरि आवाज़ भोई। ते तैखन मूसा एप्पु पहाड़े पुड़ जेव।

![](https://cdn.door43.org/obs/jpg/360px/obs-en-13-04.jpg)

तैखन परमेशरे इस्राएली लोकन सीं करार कियो। तैनी ज़ोवं, “अवं तुश्शो परमेशर यहोवा आईं। अव्वें आईं ज़ैनी तुस मिस्रेरे गुलैमी करां छुटेवरेथ। ते तुस कोन्ची होरि देब्तेरी भगती न केरथ।"

![](https://cdn.door43.org/obs/jpg/360px/obs-en-13-05.jpg)

“मूर्ती न बनेइयथ ते तैन केरि भागती न केरथ, किजोकी अवं योहवा, तुश्शो अक्के परमेशर आईं। ते मेरे नंव्वेरो गल इस्तेमाल न केरथ। ते आरामेरी दिहाड़ी मनानी याद रेखथ। बाकी दिहाड़न मां अपनु सारू कम केरथ। ते सतोवं दिहाड़ी तुशशे लेई आराम केरनेरी, ते मीं याद केरनेरी दिहाड़ी भोली।”

![](https://cdn.door43.org/obs/jpg/360px/obs-en-13-06.jpg)

“अपने अम्मा ते बाजी केरि आदर केरथ। खून न केरथ। बदमाशी न केरथ। च़ोरी न केरथ। अपने पड़ोसेरी लाड़ी, तैसेरू घर, या तैसेरे कोन्ची भी चीज़रू लालच़ न केरथ।

![](https://cdn.door43.org/obs/jpg/360px/obs-en-13-07.jpg)

तैखान परमेशरे इन दश हुक्म घोड़ेरे स्लेटी पुड़ लिखतां मूसा कां दित्ते। परमेशरे मन्नेरे लेई इस्राएली लोकन होरे भी बड़े हुक्म दित्ते। अगर तैना लोक तैना हुक्म मन्न त परमेशरे तैन बरकत देलो ते तैन केरि हिफाज़त केरनेरो करार कियो। पन तैनी ज़ोवं, कि अगर तैनेईं एैना हुक्म न मन्ने त तै तैन्न सज़ा देलो।

![](https://cdn.door43.org/obs/jpg/360px/obs-en-13-08.jpg)

ते परमेशरे इस्राएली लोकन अक बड्डो तेम्बु बनानेरे लेई भी ज़ोवं। तैनी तैन ठीक-ठीक ज़ोवं, कि एह तेम्बु केन्च़रां बनानोए, ते तैस मां अन्तर कोनां चीजां रेखनिन। तैनी तैन्न तै तेम्बु दुई हिस्सन मां केरनेरे लेई अक्क बड्डो पड़दो बनानेरे लेई भी हुक्म दित्तो। ते परमेशर तैस पड़देरे पेत्रींए हिस्से मां एजेलो ते तैड़ी रालो। ते ज़ैड़ी परमेशर थियो तैड़ी गांनेरी इजाज़त सिर्फ महायाजके थी।

![](https://cdn.door43.org/obs/jpg/360px/obs-en-13-09.jpg)

परमेशरे हुक्म दित्तोरो थियो, कि मिलापे बाले तेम्बेरे सामने अक वेदी बनाई गाए। ते कोई भी ज़ैस करां परमेशरेरो हुक्म ट्लूटी गए तै तैस वेदी पुड़ अक जानबर बलिदान केरनेरे लेई आने। तैखन याजक तैस बली केरेलो। ते वेदी पुड़ परमेशरेरे सामने बेलारे रूपे मां फुकेलो। ते परमेशरे ज़ोवं कि तैस जानबरेरो खून तैस मैनेरे पाप ढकेलो। ते एस तरीके सीं हुनी परमेशर तैसेरे पाप न हेरेलो। तै मैनू परमेशरेरे नज़री मां “शुद्ध” ठेरेलो। परमेशरे मूसेरो ढ्ला हारून ते तैसेरे खानदानेरे मड़द अपने लेई याजक भोनेरे लेई च़ुन्ने।

![](https://cdn.door43.org/obs/jpg/360px/obs-en-13-10.jpg)

परमेशरे तैन लोकन ज़ैना कानून दित्तोरे थिये, तैना तैन मन्नेरे लेई राज़ी भोए। तैनेईं सिर्फ परमेशरेरे लोक भोनेरे ते सिर्फ तैसेरी भागती केरनेरे लेई राज़ी भोए।

![](https://cdn.door43.org/obs/jpg/360px/obs-en-13-11.jpg)

कई दिहाड़न तगर मूसा सीनै पहाड़े पुड़ राव। तै परमेशरे सीं गलबात केरि राहोरो थियो। पन लोक तैस बलगते-बल्गते थेकी जे। ते एल्हेरेलेई तैना हारूने कां सोन्नू घिन्तां आए, ते तैस जो ज़ोवं, कि अक मूर्ती बना, ताकि तैना परमेशरेरे बजाए तैसारी भागती केरन। ते एन्च़रे, तैनेईं परमेशरेरे खलाफ़ बड़ो पाप कियो।

![](https://cdn.door43.org/obs/jpg/360px/obs-en-13-12.jpg)

हारूने बछ़ड़ेरे शकली मां अक मूर्ती बनाई। ते तैना मैनेईं तैसरी भागती केरनी शुरू की। ते तैस कां बली चाड़ी! तैनकेरे पापरे वजाई सीं परमेशर तैन्न पुड़ सेरकोरो थियो। तै तैन्न नाश केरने चातो थियो। पन मूसे परमेशरे कां प्रथना की, कि एन लोकन नाश न केर। ते परमेशरे तैसेरी प्राथना शुनी ते तैना नाश न किये।

![](https://cdn.door43.org/obs/jpg/360px/obs-en-13-13.jpg)

ते आखिरकार मूसा सीनै पहाड़े पुड़रां बून अव। तै तैना घोड़ां केरि दुई सलेटा़ घिन्तां एवरो थियो, ज़ैन पुड़ परमेशरे दश हुक्म लिखोरे थिए। तैनी तै मूर्ति लही। तैस एत्री सरक आइ कि तैनी तैना सलेटां ट्लोड़तं तैन केरो चुरो बनाव।

![](https://cdn.door43.org/obs/jpg/360px/obs-en-13-14.jpg)

फिरि मूसा तै मूर्ती भी पीहतां तैसरो चूरो बनाव, ते तै चूरो पैनी मं मलेइतां इस्राएली लोकन पियाव। ते परमेशरे तैन लोकन पुड़ अक सज़ा भेज़ी ते तैन मरां बड़े लोक मरे।

![](https://cdn.door43.org/obs/jpg/360px/obs-en-13-15.jpg)

ते ज़ैना सलेटां मूसे टलोड़ोरी थी तैनकेरे लेई मूसे घोड़ां केरि नेव्वीं सलेटां बनेई। ते तैखन तै फिरी पहाड़े पुड़ जेव ते प्राथना की, कि परमेशर तैन लोकन माफ़ केरे। परमेशरे मूसेरी शुनी ते तैन माफ़ कियूं ते मूसा नेव्वीं सलेटन पुड़ दश हुक्म घिन्तां पहाड़े पुड़रां उन्ढो अव। ते फिरि परमेशरे सीनै पहाड़े करां ते वादेरे मुल्खे तगर इस्राएली लोकां केरि अगुवाई की।

*बाइबलरी ई कहानी निर्गमन अध्याए 19-34 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_13_128kbps.m4a

## 14. जंगले मां भटकनु।

https://openbiblestories.org/l/bhd/story-14/

![](https://cdn.door43.org/obs/jpg/360px/obs-en-14-01.jpg)

परमेशरे इस्राएली लोकन तैना हुक्म ज़ोने ख़त्म किए, ज़ैना तैनेईं तैस करारेरे वजाई सीं मन्नेन, ज़ै परमेशरे तैन सीं कियोरोए। ते फिरि तैनी सीनै पहाड़े करां अग्रोवं तैन केरि अगवाई की। तै तैन वादेरे मुल्खे मां नेने चातो थियो। ज़ैस मुल्खेरू नंव कनान थियूं। परमेशर बिदलरारे थम्मे मां तैन अगरी-अगरी च़लो ते तैना तैस पतपती च़ले।

![](https://cdn.door43.org/obs/jpg/360px/obs-en-14-02.jpg)

परमेशरे अब्रहाम, इसहाक ते याकूबे सीं वादो कियोरो थियो, कि ज़ैस मुल्खेरे बारे मां वादो कियोरो तै तैन केरे खानदाने देलो। पन तैस वक्ते तगर तैस मुल्खे मां बाकी कौमां रहती थी। तैना कनानी लोक परमेशरेरी आराधना न थिए केरते। ते तैसेरे हुक्म न थिए मानते। तैना झूठे देबतां केरि भागती केरते थिए ते बुरां कम्मां केरते थिए।

![](https://cdn.door43.org/obs/jpg/360px/obs-en-14-03.jpg)

परमेशरे इस्राएली लोकन सीं ज़ोवं, “ज़ैखन तुस तैस वादेरे मुल्खे मां पुज़थ त तैठेरे सब कनानी लोकन करां छुटीकारो हासिल केरथ। तैन सीं समझोतो न केरथ ते तैन सीं रिश्तेदारी न बनेइयथ। तैन केरि सब मूर्ती नाश केरथ। ते अगर तुस मेरे हुक्म न मन्नेले, त तुस मेरे बाजाए तैन केरे देबतां केरि भागती केरने लागेले।”

![](https://cdn.door43.org/obs/jpg/360px/obs-en-14-04.jpg)

ज़ैखन इस्राएली कनानेरे हदी मां पुज़े, त मूसा इस्राएली लोकां केरे 12 गोट्न मरां अक-अक मड़द च़ुनो। तैनी तैन हुक्म दित्तो कि गेइतां तैस मुल्खेरो भेत आना कि मुल्ख केरोए। तैनेईं तैन कनानी लोकां केरो भेत भी अंन्नो थियो कि हेरन तैना तगतबार या कमज़ोरन।

![](https://cdn.door43.org/obs/jpg/360px/obs-en-14-05.jpg)

तैना 12 ज़ने कनान मुल्खे मांमेइं गेइतां 40 दिहैड़ू केरू सफर कियूं ते फिरी वापस आए। तैनेईं लोकन ज़ोवं, “तैस मुल्खेरी ज़मीन बड़ी फसदारे ते तैठेरी फसलां बेड़ी रोड़ीन!” पन दश भेत देने बालेई ज़ोवं, “तैनकेरी नागरां केरि दिवारां पैकी आन ते तैना लोक बड़े लमे ते ताकतबारन! ते अगर अस तैन पुड़ हमलो केरतम त पक्के तैना असन हारले ते असन मारेले।

![](https://cdn.door43.org/obs/jpg/360px/obs-en-14-06.jpg)

पन कलेब ते यहोशुए भेत अंननेबालेईं ज़ोवं, “इन सच़्च़े कि कानानेरे लोक लम्मे ते तागताबरन, पन पक्के अस तैन हारेई बटतम! किजोकी इश्शो परमेशर इश्शे लेई लाड़ेलो!”

![](https://cdn.door43.org/obs/jpg/360px/obs-en-14-07.jpg)

पन लोकेईं यहोशू ते कालेबेरी न शुनी। तैना लोक मूसा ते हारूने पुड़ सेरकोए ते ज़ोवं, “तुस असन इस मुश्किल जिगाई घिन्तां किजो एवरेथ? इश्शू मिस्रे मां रांनू ठीक थियूं। अगर अस तैस मुल्खे मां गातम त अस जंगी मां मारे गांनेम, ते कानानेरे लोक इश्शी लैड़ी ते बच्चन गुलाम बनाले।” ते तैना लोक इस्राएली लोकन दुबरां नेनेरे लेई अक होरो अग्वो च़ुन्नो चाते थिए।

![](https://cdn.door43.org/obs/jpg/360px/obs-en-14-08.jpg)

ज़ैखन तैना लोकेईं इन ज़ोवं त परमेशर बड़ो सेरकोरो थियो। तै मिलापेबाले तेम्बु मां अव ते ज़ोवं, “तुसेईं मेरे खिलाफ गेइतां मीं सीं झ़कड़ो कियोरोए, एल्हेरेलेई तुसेईं जंगले मां भटकनू पेनूए। हर अक मैनू ज़ैसेरी उमर 20 साल या तैस करां जादे भोए तैड़ी मरेलो ते कधी भी तैस मुल्खे मां दाखिल न भोई बटेलो। ज़ै अवं तुसन देताईं। सिर्फ़ कालेब ते यहोशू तैस मां दाखिल भोले।”

![](https://cdn.door43.org/obs/jpg/360px/obs-en-14-09.jpg)

ते ज़ैखन परमेशर एन ज़ोंतो शुनो, त तैना दुखी भोए किजोकी तैनेई पाप कियोरो थियो। एल्हेरेलेई तैनेईं कनानेरे लोकन पुड़ हामलो केरनेरो फैसलो कियो। मूसा तैन्न न गांनेरे लेई ठाकू किजोकी परमेशर तैन सीं साथी न थियो गांनो, पन तैनेईं तैसेरी न शुनी।

![](https://cdn.door43.org/obs/jpg/360px/obs-en-14-10.jpg)

परमेशर इस जंगी मां तैन सीं साथी न थियो जेवरो, ते एल्हेरेलेई कनानेरे लोकेईं तैना हराए ते तैन मरां बड़े मारे। तैखन इस्राएली लोक कनाननेरां वापस मुड़े। ते 40 सालन तगर, तैना जांगले मां इरां-उरां भटकेले।

![](https://cdn.door43.org/obs/jpg/360px/obs-en-14-11.jpg)

इस्राएली लोकां केरे 40 साल जांगले मां भटकनेरे दौरान परमेशरे तैन केरि ज़रूरतां पूरी की। तैनी तैन सुर्गेरां ज़ैस जो “मन्ना” ज़ोतन तै रोट्टी दिती। ते तैनी भेटर भी तैन केरे डेरन कां भेज़े ताके तैन केरे खानेरे लेई मास भोए। तैस पूरे वक्ते, तैन केरां लिकड़ां ते जुट्टी बूट न छ़िन्दोए।

![](https://cdn.door43.org/obs/jpg/360px/obs-en-14-12.jpg)

इड़ी तगर कि परमेशरे तैन केरे लेई चमत्कारे सीं चट्टानी मरां पीने जो पानी भी कढू। पन एन सब भोनेरे बावजूद भी, इस्राएली लोक परमेशरेरे खिलाफ ते मूसेरे खिलाफ भोए ते कूड़कुड़ाने लगे। फिरी भी, परमेशर वफादार थियो। तैनी ज़ै वादो कियोरो थियो, कि तै अब्रहाम, इसहाक ते याकूबेरे खानदानेरे लेई केरेलो तैन तैनी कियूं।

![](https://cdn.door43.org/obs/jpg/360px/obs-en-14-13.jpg)

एक्की वक्ते ज़ैखन तैना लोकन कां पीने जो पानी न थियूं, त परमेशरे मूसा सीं ज़ोवं, “चट्टानी हुक्म दे, ते तैस मरां पानी निसेलू।” पन मूसा चट्टानी हुक्म न दित्तो, पन तैनी चट्टानी पुड़ लैठी सीं बाई। ते एन केरतां तैनी परमेशरेरी आदर न की। सेभी केरे पीनेरे लेई पानी चट्टानी मरां त निस्सू, पन परमेशर मूसा पुड़ सेरकोव, तैनी ज़ोवं, “किजोकी तीं इन कियोरूए, एल्हेरेलेई तू वादेरे वादेरे मुल्खे मां दाखिल न भोइ बटेलो।

![](https://cdn.door43.org/obs/jpg/360px/obs-en-14-14.jpg)

ज़ैखन इस्राएली लोकां केरू 40 साल जंगले मं भटकनु पूरू भोवं, तैखन ज़ैना परमेशरेरे खिलाफ भेवरे थिए ते तैना सब मेरि जेवरे थिए। ते तैखन परमेशरे तैना वादेरे मुल्खेरी हदी तगर पुज़ाए। हुनी मूसा बड़ो बुढो भोई जेवरो थियो, एल्हेरेलेई परमेशरे लोकां केरि अगुवाही केरनेरे लेई तैसेरी मदत केरनेरे लेई याहोशु च़ुनो। परमेशरे मूसा सीं ई वादो भी कियोरो थियो, कि एक्की दिहाड़े तै तैन कां मूसेरो ज़ेरो अक नबी भेज़ेलो।

![](https://cdn.door43.org/obs/jpg/360px/obs-en-14-15.jpg)

तैखन परमेशरे मूसा एक्की पहाड़ेरे च़ोटी पुड़ गांनेरे लेई ज़ोवं, ताकि तै वादेरे मुल्खे हेरी सके। मूसा तै वादेरो मुल्ख लाव, पन परमेशरे तैस तैस मुल्खे मां गांनेरी अजाज़त न दित्ती। तैखन मूसा मेरि जेव, ते इस्राएली लोकेई ट्लाइ दिहाड़ान तगर शोग मनव। ते यहोशू तैन केरो नंव्वो अगुवाही केरनेबालो बनी जेव। यहोशु अक रोड़ो अगुवो थियो। किजोकी तैनी परमेशरे पुड़ भोरोसो कियो ते तैसेरी गलां मेन्नी।

*बाइबलरी ई कहानी निर्गमन अध्याए 16-17 ते गिनती अध्याए 10-14; 20; 27; ते व्यवस्थाविवरण अध्याए 34 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_14_128kbps.m4a

## 15. वादो कियोरो मुल्ख।

https://openbiblestories.org/l/bhd/story-15/

![](https://cdn.door43.org/obs/jpg/360px/obs-en-15-01.jpg)

आखरकार तै वक्त एज्जी जेवरो थियो, कि इस्राएली लोक वादेरे मुल्ख, कनाने मां दाखिल भोन। तैस मुल्खे मां यरीहो नंव्वेरू अक नगर थियूं। ते तैसेरी हिफाज़तरे लेई तैसारे च़ेवरे पासन मज़बूत दीवार थी। ते यहोशूए दुई भेत घिन्ने बाले भेज़े। ते तैस नगरे मां रहब नंव्वेरी अक वेशया रहती थी। तैसां भेत नेनेबाले छ़पाए, ते फिरि तैसां बंच़नेरे लेई नगरे मरां निस्ने मां तैन केरी मदत की। तैसां एन एल्हेरेलेई कियूं किजोकी तै परमेशरे पुड़ विश्वास केरती थी। कि ज़ैस वक्ते इस्राएली लोक यारिहो नगरे नाश केरेले तैखन रहाब ते तैसारे परिवारेरे लोक बच़ाए गाले।

![](https://cdn.door43.org/obs/jpg/360px/obs-en-15-02.jpg)

इस्रएली लोकन वादेरे मुल्खे मां दाखिल भोनेरे लेई यरदान दरिया पार केरनो थियो। ते परमेशरे यहोशू सीं ज़ोवं, “याजकन पेइले गांने दे।” ज़ैखन याजकेईं यरादने मां अपने कदम रखे त पानी बगनू रूकी जेवं, ज़ैस सीं कि इस्राएली लोक दरियारेरे होरी पासेरां शुकोरी ज़मीनी पुड़ च़ेलतां पार गेइ सखन।

![](https://cdn.door43.org/obs/jpg/360px/obs-en-15-03.jpg)

तैन लोकेईं यरदन दरिया पर कियो त परमेशरे यहोशू सीं ज़ोवं, “यरीहो नगरे पुड़ हमलो केरनेरे लेई तियार रा, हालाकी तैन बड़ू तकतबार नगर थियूं। परमेशरे तैन लोकन सीं ज़ोवं, कि तैन केरे याजकन ते सेनाई 6 दिहाड़े नगरेरे च़ेवरे पासे चाकर लान। ते यजकेनईं ते सेनां एन्च़रे कियूं ।

![](https://cdn.door43.org/obs/jpg/360px/obs-en-15-04.jpg)

तैखन सतोवं दिहाड़े, इस्राएली लोकेई तैस नगरेरे च़ेवरे पसन सत चक्कर लाए। तैन केरे सतोवं बार चक्कर लानेरे बाद, याजकेईं अपने नरशिंगे बज़ाए ते सेनां ज़ोर सीं जयकारे भरे।

![](https://cdn.door43.org/obs/jpg/360px/obs-en-15-05.jpg)

तैखन यरीहो एरे च़ेवरे पसां केरि दीवार बिछ़ड़ी! ते ज़ेन्च़रे परमेशरे हुक्म दित्तोरो थियो, इस्राएली लोकेईं नगरेरी सैरी चीज़ां नाश की। तैनेईं रहब ते तैसारू परिवार छ़डू, ज़ैना इस्राएली लोकां केरो हिस्सो बनोरे थिए। ज़ैखन कनाने मां रानेबाले होरि लोकेईं शुनू, कि इस्राएली लोकेईं यरीहो नगर नाश कियोरूए, त तैना डेरी जे, कि इस्राएली लोक तैन्न पुड़ भी हमलो केरेले।

![](https://cdn.door43.org/obs/jpg/360px/obs-en-15-06.jpg)

परमेशरे इस्राएली लोकन हुक्म दित्तोरो थियो, कि कनाने मां राने बैली केन्ची भी कौमी सीं शैनतरो समझोतो न केरथ। पन गीबोनी नंव्वेरी एक्की कनानी कौमां यहोशू सीं झूठ ज़ोवं, कि तैना कनाने करां दूर एक्की जिगारे रानेबालेन। ते तैनेंई सिं शैन्ती सीं रानेरो समझोतो केरनेरी अरज़ की। ते यहोशू ते इस्राएली केरे होरी अगुवाई केरने बालेईं परमेशरे करां न पुछ़ू, कि तैनेईं कुन कियोरू लोड़े। एन केरनेरे बजाए तैनेईं गीबोनी नंव्वेरी कौमी सीं शैन्ती सीं रानेरो समझोतो कियो।

![](https://cdn.door43.org/obs/jpg/360px/obs-en-15-07.jpg)

ट्लाई दिहैड़ी केरे बाद, इस्राएली लोकन पतो लगो कि गिबोनी लोक कनाने मां राते थिए। तैना सेरकोए, किजोकी गिबोनी लोकेईं तैन्न धोखो दितोरो थियो। पन इस्राएली लोकेईं तैन्न सीं कियोरो शैन्तरो समझोतो बरकरार रख्खो। किजोकी तै तैनेई परमेशरेरे सामने कियोरो थियो। तैखन किछ वक्तेरां बाद, कनाने मां राने बाली अक कौम अमोरी केरे राज़ेईं शुनू, कि गिबोनेई इस्राएली लोकन सीं शान्ति समझोतो कियोरोए, एल्हेरेलेई तैनेईं अपनी-अपनी सेना अक केरतां अक बड़ी सेना बनाई ते गिबोने पुड़ हमलो कियो। ते गिबोनी लोकेईं अपनी मदत केरनेरे लेई यहोशू जो समाद भेज़ो।

![](https://cdn.door43.org/obs/jpg/360px/obs-en-15-08.jpg)

ते यहोशूए इस्राएली केरि सेना अकोठी की ते गिबोन्न कां पुज़नेरे लेई तैना पूरी रात च़ले। ते झ़ेझां तैनेईं एमोरी केरि सेना हेरान की, ते तैन पुड़ हमलो कियो।

![](https://cdn.door43.org/obs/jpg/360px/obs-en-15-09.jpg)

तैस दिहैड़ी परमेशर इस्राएली लोकां केरे लेई लड़ो। तैनी एमोरी घमरेइ छ़ाडे ते तैनी बड्डी-बड्डी आण बखेइतां बड़े एमोरी मारे।

![](https://cdn.door43.org/obs/jpg/360px/obs-en-15-10.jpg)

परमेशरे दिहाड़ो भी अम्बरे मां एक्की जिगाई रोको ताकि इस्राएली लोकन पुरो वक्त मैल्ले, कि एमोरी लोकन पूरे तरीके सीं हरान। तैस दिहैड़ी, परमेशरे इस्राएली लोकन बड़ी ज़ींत दित्ती।

![](https://cdn.door43.org/obs/jpg/360px/obs-en-15-11.jpg)

ते परमेशरे तैना सेनां हरानेरे बाद, बड़े कनानी कौमरे लोक इस्राएली लोकन पुड़ हमलो केरनेरे लेई अकोठे भोए। ते इस्राएली लोकेई तैन पुड़ हमलो केरतां तैना नाश किये।

![](https://cdn.door43.org/obs/jpg/360px/obs-en-15-12.jpg)

इनां जंगां केरे बाद, परमेशरे इस्राएली हर गोट्ले वादेरे मुल्खे मां तैन केरो हिस्सो बन्टो। तैखन परमेशरे इस्राएली सेभी हदन पुड़ आराम दित्तो।

![](https://cdn.door43.org/obs/jpg/360px/obs-en-15-13.jpg)

ज़ैखन यहोशू बुढो भोई जेव त तैनी इस्राएलेरे सब लोक एक्की जिगाई कुजाए। तैखन यहोशू तैन्न याद करावाते, कि तैनेई तैसेरे करारेरे हुक्म मन्नेरो वादो कियोरो थियो ज़ै परमेशरे तैन्न सीं सीनै पहाड़े पुड़ कियोरो थियो। त तैखन भी तैना लोकेईं परमेशरे सीं वफादार राने ते तैसेरे हुक्म मन्नेरो वादो कियो।

*बाइबलरी ई कहानी यहोशू अध्याए 1-24 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_15_128kbps.m4a

## 16. मुक्ति देनेबालो

https://openbiblestories.org/l/bhd/story-16/

![](https://cdn.door43.org/obs/jpg/360px/obs-en-16-01.jpg)

यहोशू एरे मरनेरे बाद इस्राएली लोकेईं परमेशरेरे हुक्म न मन्ने। तैनेईं परमेशरेरे नियम न मन्ने। ते तैनेईं तैस करार मुल्खे मां बच़ोरे कनानी लोक बेइर न कढे। इस्राएली लोकेईं अपनो सच़्च़ो परमेशर यहोवा शैरतां कनानी लोकां केरे देबतां केरि पूज़ा केरनी शुरू की। इस्राएली लोकां केरो कोई राज़ो न थियो, एल्हेरेलेई ज़ैस ज़ेरू ठीक लग्गू तैनी तेन्च़रे कियूं।

![](https://cdn.door43.org/obs/jpg/360px/obs-en-16-02.jpg)

परमेशरेरे हुक्म न मन्नेरे ज़रिये इस्राएली लोकन मां अक रीत च़लनी शुरू भोई ज़ै कई बार दोरहेवरी थी। एह रीत इस तरीके सीं च़ली: किछ सालन तगर इस्राएली परमेशरेरे हुक्म न मन्ने, तैखन परमेशर तैन तैन केरे दुश्मून्न करां हारनेरे ज़रिये तैन्न सज़ा देलो। तैना दुश्मन इस्राएली लोकां केरि चीजां लुटेले, ते तैन केरि जैइदाद नाश केरेले, ते तैन्न मरां बड़े लोकन मैरी छ़डेलो। फिरी ज़ैखन इस्राएली लोक अपने पापां केरो पश्चाताप केरेले ते अपने बंच़नेरे लेंई परमेशरे कां प्राथना केरेले।

![](https://cdn.door43.org/obs/jpg/360px/obs-en-16-03.jpg)

हर बार ज़ैखन इस्राएली लोक पश्चाताप केरेले त परमेशर तैन बच़ालो। तै एक्की छुटानेबालेरे ज़िरिये एरू केरेलो। अक एरो मैन्हु ज़ै तैन केरे दुश्मनन सीं लड़ेलो ते तैन हारालो। ज़ैखन मुल्खे मां सुख शान्ति भोली ते तै छुटानेबालो तैन पुड़ रोड़ेच़ारे राज़ केरेलो। परमेशरे तैना लोक बच़ानेरे लेई बड़े छुटानेबाले भेज़े। परमेशरे तैन केरे नेड़े रानेबाली अक कौम, मिद्यानी केरे ज़िरिये इस्राएली हारानेरे ज़िरिये एरू कियूं।

![](https://cdn.door43.org/obs/jpg/360px/obs-en-16-04.jpg)

मिद्यानि लोकेईं सत सालन तगर इस्राएली लोकां केरि फसलां लुट्टी। इस्राएली लोक बड़े डरोरे थिए, ते तैना कुढ़न मां छ़पे ताकि मिद्यानी लोक तैन तोपी न बटन। आखरकार अपनो आप बंच़ानेरे लेई तैनेई परमेशर फुकारो।

![](https://cdn.door43.org/obs/jpg/360px/obs-en-16-05.jpg)

गिदोन नव्वेंरो अक इस्राएली मैनू थियो। एक्की दिहाड़े, तै एक्की छ़ेपोरी ठारी मां गेहुँ मडने लगोरो थियो, ताकि मिद्यानी लोक तैन च़ोरी न बटन। ते यहोवा परमेशरेरे दूते गिदोने कां एइतां तैस सीं ज़ोवं, “हे बहादर जुवाना, परमेशर तीं सीं साथीए, गा ते इस्राएली लोकन मिद्यानी लोकन करां बंच़ा।”

![](https://cdn.door43.org/obs/jpg/360px/obs-en-16-06.jpg)

गिदोनेरे बाजे अक वेदी बनावरी थी तैस पुड़ मूरतन जो बालि चड़ते थिए। सेभन पेइली गल ज़ै परमेशरे गिदोन केरनेरे लेई ज़ोवं, तै ई थी कि तै वेदी ट्लोड़ी गाए। पन गिदोन लोकन करां डरतो थियो। एल्हेरेलेई तैनी रात भोने तगर बलगू। फिरी तैनी तै वेदी ट्लोड़तां टुकड़े-टुकड़े किए। ते तैनी परमेशरेरे लेई अक नव्वीं वेदी बनाई ते तैस पुड़ परमेशरेरे लेई बलि च़ाड़ी।

![](https://cdn.door43.org/obs/jpg/360px/obs-en-16-07.jpg)

होरसां झ़ेझ़ां लोकेईं कुन हेरू कि केन्चे वेदी ट्लोड़तां तैसारे टुकड़े-टुकड़े कियोरेन। एल्हेरेलेई तैना लोक झ़ेझ़ां सेरकोरे थिए। तैना गिदोने मारनेरे लेई तैसेरे घरे जे, पन गिदोनेरे बाजे ज़ोवं, “तुस अपने देबतेरी मदत केरनेरी कोशिश केरने लगोरेथ? अगर तै देबतोए त तैस अपनी हिफाज़त एप्पु केरने देथ!” किजोकी तैनी एन्च़रे ज़ोवं, एल्हेरेलेई लोकईं गोदोन न मारो।

![](https://cdn.door43.org/obs/jpg/360px/obs-en-16-08.jpg)

ते फिरी मिद्यानी लोक इस्राएली लोकन लुटने आए। तैना एत्रे थिए कि तैन केरि गिनती भी न थी भोई सकती। गिदोने तैन्न सीं लड़नेरे लेई सारे इस्राएली लोक कुजेइतां अकोट्ठे किये। गिदोने परमेशरे करां दूई निशान मग्गे। ताकि तैस विश्वास भोए कि परमेशर सच़्च़े तैस इस्राएली लोकन बंच़ानेरे लेई लगोरोए ज़ोने लेवोरे।

![](https://cdn.door43.org/obs/jpg/360px/obs-en-16-09.jpg)

पेइले निशानेरे लेई, गिदोने भैडरी ऊन ज़मीनी पुड़ रेखतां परमेशरे सीं ज़ोवं, कि झ़ेझारी ओश सिर्फ भैडरे ऊनी पुड़ पे, ते ज़मीनी पुड़ न पे त परमेशरे एन्च़रे कियूं। होरसां ड्लवझ़ी, तैनी परमेशरे सीं ज़ोवं, कि ज़मीन सिज़्ज़े ते पन भैडरी ऊन शुकोरी राए। ते परमेशरे एरू भी कियूं। इना दूई निशनां केरे ज़रिये, गिदोने विश्वास कियो, कि सच़्च़े परमेशर चाते कि तै इस्राएली लोकन मिद्यानि लोकन करां बंच़ाए।

![](https://cdn.door43.org/obs/jpg/360px/obs-en-16-10.jpg)

तैखन गिदोने सिपाही एप्पू कां अकोठे किये ते 32,000 मड़द आए। ते गोदोने तैन मरां 22,000 घरजो वापस भेज़े, ज़ैना जंगी करां डरते थिए। ते परमेशरे गिदोने सीं ज़ोवं, एना हेजू भी जादे आन। एल्हेरेलेई गिदोने 300 सिपेही केरे इलावा सब घरजो वापस भेज़े।

![](https://cdn.door43.org/obs/jpg/360px/obs-en-16-11.jpg)

तैस राती परमेशरे गिदोने सीं ज़ोवं, “मिद्यानी लोकां केरे सेनारे डेरे मां गा ते तैन गलां केरते शुन। ज़ैखन तू शुनस कि तैना कुन गलां लगोरेन केरने त तू तैन पुड़ हमलो केरने करां न डेरां।” एल्हेरेलेई तैस राती, गिदोन बुन तैन केरे सेनारे डेरे कां जेव ते तैनी अक मिद्यानी सिपाही अपने दोसते सीं तै गल ज़ोते शुनो। ज़ैना तैनी सुपने मां लेवरी थी। तैनी सिपाही दोसते ज़ोवं, “ऐस सुप्नेरो मतलबे कि गिदोनेरी सेना इश्शे मिद्यानी सेना हाराए!” ज़ैखन गिदोने एन शुनू त तैनी परमेशरेरी तारीफ़ की।

![](https://cdn.door43.org/obs/jpg/360px/obs-en-16-12.jpg)

तैखन गिदोन वापस अव त तैन्न मरां सेभन अक-अक नार्शिन्गो, अक घड़ो, ते अक मसाल दित्ती। तैनेई मिद्यानी सेनारे डेरन घेरो दित्तो, ज़ैड़ी मिद्यानी सिपाही झ़ुलोरे थिए। गिदोनेरे 300 सैथेंई एपनी मसालां घड़न मां छेडोरी थी एल्हेरेलेई मिद्यानी लोकेई तैन केरि मिसालां केरि लौ न लेई बटी।

![](https://cdn.door43.org/obs/jpg/360px/obs-en-16-13.jpg)

तैखन गिदोनेरे सब सेनकेईं अपने घड़े एक्की वक्ते पुड़ ट्लोड़तां अचानक मसलां केरि आग लहोइयोई। तैनेईं अपने नरशिंगे बाज़ाए ते लाल्कारू, “यहोवारी ते गिदोनेरी तलवार!”

![](https://cdn.door43.org/obs/jpg/360px/obs-en-16-14.jpg)

परमेशरे मिद्यानी घेरे, एल्हेरेलेई तैना एक्की-होरी मारने-काटने लगे। ते अकदामे, गिदोने बिस्तारदेने बालेंई बड़े इस्राएली मिद्यान्न पती ख़तने मां तैनकेरी मदत केरनेरे लेई कुजानेरे लेई भेज़े। तैनेई तैन मरां बड़े मारे ते बाकी रहोरन पती खेत्तां तैना इस्राएल मुल्खे मरां बेइर कढ़े। तैस दिहाड़े 1,20,000 मिद्यानी मारे जे। एस तरीके सीं परमेशरे इस्राएली लोक बंच़ाए।

![](https://cdn.door43.org/obs/jpg/360px/obs-en-16-15.jpg)

तैना लोक गिदोने अपनो राज़ो बनानो चाते थिए। पन गिदोने तैन्न एन केरने न दित्तू, पन तैनी तैन करां सोन्नेरे तैना गेने मग्गे ज़ैना तैन मरां हर एक्के मिद्यानी लोकन करां लूटी मां अनोरे थिए। ते तैनेई गिदोने बड़ू सोन्नू दित्तू।

![](https://cdn.door43.org/obs/jpg/360px/obs-en-16-16.jpg)

तैखन गिदोने तैस सोन्ने सीं अक ख़ास लिकड़ बनावं ज़ेरां लिगड़ां महायाजक लाते थिए। पन लोकेई तैसेरी भागती केरनी शुरू की ज़ेन्चरे कि तै अक मूर्ति भोए। तैखन परमेशरे फिरी इस्राएले सज़ा दित्ती किजोकी तैनेई मूर्तरी पूज़ा कियोरी थी। परमेशरे तैन केरे दुश्मन तैन्न हाराने मां कबल बनाए। आखरकार तैनेई फिरी मदत केरनेरे लेई परमेशरे कां प्राथना की। ते परमेशरे तैन कां तैन बंच़ानेरे लेई अक होरो छुटाने बालो भेज़ो।

![](https://cdn.door43.org/obs/jpg/360px/obs-en-16-17.jpg)

एह गल कई बार भोंती राई। इस्रएली लोक पाप केरते राए, परमेश्वर तैन्न सज़ा देतो राव, तैना पश्चाताप केरेते थिए, ते परमेशर तैन्न छुटानेरे लेई कोन्ची भेज़तो थियो, कई सालन तगर परमेशर कई छुटानेबाले भेज़े तैनेई इस्राएली लोक तैन केरे दुशमन्न करां बच़ाए।

![](https://cdn.door43.org/obs/jpg/360px/obs-en-16-18.jpg)

आखरकार, तैना लोकेई होरी मुल्खां केरो ज़ेरो अपने लेई राज़ो मग्गो। तैना अक एरो राज़ो चाते थिए ज़ै लम्मो ते शक्तिशाली भोए, ते ज़ै जंगी मां तैन केरि अगुवाई केरि सखे। परमेशरे तैन केरि बिनती पसंद न आई, पन तैनी तैन तेरो राज़ो दित्तो ज़ेरी मांग तैनेई कियोरी थी।

*बाइबलरी ई कहानी नयियों अध्याय 1-3; 6-8; 1 शमूएल 1-10 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_16_128kbps.m4a

## 17. दाऊदे सीं परमेशरेरो करार।

https://openbiblestories.org/l/bhd/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएली लोकां करो पेइलो राज़ो थियो। तै लम्मो ते हेरनो बड़ो रोड़ो थियो, ज़ेरो तैना लोक चाते थिए तै तेरो थियो। पन बादे मां तै अक दुष्ट मैनू बेनी जेव ज़ैनी परमेशरेरी गल न मन्नी। एल्हेरेलेई परमेशरे अक होरो मैनू च़ुनो, ज़ै कि एक्की दिहाड़े तैसेरे जिगाई पुड़ राज़ो बनेलो।

![](https://cdn.door43.org/obs/jpg/360px/obs-en-17-02.jpg)

परमेशरे दाऊद नंव्वेरो अक जवान इस्राएली च़ुन्तां एक्की दिहैड़ी शाऊलेरे जिगाई पुड़ राज़ो भोनेरे लेई तियार केरनो शुरू कियो। दाऊद बैतलहम नगररो अक पुहाल थियो। कई बार, दाऊदे इछ़ ते ड्लाघ दुइए मरोरे थिए। किजोकी ज़ैखन दाऊद गब्बां केरो पेरहो केरतो थियो, त तैनेई गब्बन पुड़ हमलो कियोरो थियो। दाऊद अक नरम ते धर्मी मैनू थियो। तैनी परमेशरे पुड़ भरोसो कियो ते तैसेरी गलां मेनी।

![](https://cdn.door43.org/obs/jpg/360px/obs-en-17-03.jpg)

ज़ैखन दाऊद हेजु जवाने थियो, तैनी लम्बे-चौड़े गोलियते सीं लड़ाई की। गोलियत अक बड़ो ताकतबर फलिशती सिपाही थियो। तै बड़ो मजबूत ते लगभग ट्लाई मीटर लम्मो थियो! पन परमेशरे गोलियत मारने ते इस्राएले बंच़ाने मां दाऊदेरी मदत की। इसेरे बाद, दाऊदे इस्राएली लोकां केरे दुशमुन्न पुड़ कई बार ज़ींत हासिल की। ते दाऊद अक बड़ो बहादर सिपाही बेनी जेव, ते तैनी बड़े जंगन मां इस्राएली सेनारी अगुवाही की। ते लोकेईं तैसेरी बड़ी तारीफ़ की।

![](https://cdn.door43.org/obs/jpg/360px/obs-en-17-04.jpg)

ते लोकेईं दाऊदे सीं एत्रो प्यार कियो, कि शाऊल तैस सीं ज़लने लगो। आखरकार शाऊल तैस मारने चातो थियो, एल्हेरेलेई दाऊद तैस करां ते तैसेरे सैनिकन करां छ़पनेरे लेईं जंगले मां जो नशो। अक्सां ज़ैखन शाऊल ते तैसेरे सिपाही दाऊदे तोपने लगोरे थिए त शऊल एक्की कुढ़ी मां जेव। एह तैए कुढ़ थी जैसमां दाऊद छ़ापारो थियो। पन शाऊले तै न थियो लाहोरो। दाऊद शाऊले कां बड़े नेड़े जेव ते तैसेरे लिकड़ेरो अक टुकड़ो काटो। बादे मां, जैखन शाऊल तैस कुढ़ी मरां निस्सो त दाऊदे हक देइतां तै लिकड़ेरो कटोरो टुकड़ो तैस हिराव। एस तरीके सीं, शाऊले इन ज़ानू कि दाऊदे राज़ो बन्नेरे लेईं तैस मारने करां इन्कार कियोरो थियो।

![](https://cdn.door43.org/obs/jpg/360px/obs-en-17-05.jpg)

किछ वक्तेरां बाद, शाऊल जंगी मां मेरि जेव, ते दाऊद इस्राएलेरो राज़ो बेनी जेव। तै अक अच्छो राज़ो थियो, ते लोकेई तैसे सीं प्यार रखो। परमेशरे दाऊदे बरकत दित्ती ते तै कामयाब बनाव। दाऊदे बेड़ी जंगां लेड़ी, ते परमेशरे इस्राएलेरे दुश्मनन हाराने मां तैसेरी मदत की। दाऊदे यरूशलेम नगर ज़ींतू तै अपनी राजधानी बनाई, ज़ैड़ी तै राव ते राज़ कियूं। दाऊद 40 सालन तगर राज़ो राव। तैस वक्तेरे दौरान इस्राएली ताकतबर ते अमीर भोते जे।

![](https://cdn.door43.org/obs/jpg/360px/obs-en-17-06.jpg)

दाऊद यहोवारे लेई अक भवन बनानो चातो थियो ज़ैड़ी सारे इस्राएली परमेशरेरी आराधना केरि सखन ते तैसेरे लेईं बलिदान च़ैड़ी सखन। लगभग 400 सालन करां लोक मूसेरे बनेवरे मिलापे बाले तेम्बु मां परमेशरेरी आराधना केरि राहोरे थिए, ते तैसेरे लेईं बलिदान च़ैड़ी राहोरे थिए।

![](https://cdn.door43.org/obs/jpg/360px/obs-en-17-07.jpg)

पन तैड़ी नातान नबी रहतो थियो। ते परमेशरे तै दाउदे सीं इन ज़ोन भेज़ो: “तीं बेड़ी जंगां लेड़ोरीन, एल्हेरेलेई तू मेरे लेईं भवन न बनेई बटेलो, पन तेरू मट्ठू तैस बनालू। फिरी भी अवं तीं बड़ी बरकत देलो। तेरे खानदाने मरां अक हमेशरे लेई मेरे लोकन पुड़ राज़ केरेलो।” ते हमेशारे लेई राज़ केरने बालो दाउदेरे खानदाने मरां तै मसीह थियो। मसीह परमेशरेरो च़ुनोरो थियो ज़ै इस दुनियारे लोकन तैन केरे पापन करां छुटालो।

![](https://cdn.door43.org/obs/jpg/360px/obs-en-17-08.jpg)

जैखन दाऊदे नातान नेबेरी गल्लां शुनी त तैनी परमेशरेरू शुक्र कियूं, ते तैसेरी तारीफ की। परमेशर तैसेरी इज़्ज़त बधाने लगोरो थियो। ते तैस बेड़ी बरकतां देने लगोरो थियो। बेशक, दाऊद न थियो ज़ानतो कि परमेशर इनां गलां कैखन केरेलो। इस वक्ते अस ज़ानतम की इस्राएली लोकन लम्मे वक्ते तगर, लगभग 1,000 सालन तगर मसीहेरू एजनू बलगनू थियूं।

![](https://cdn.door43.org/obs/jpg/360px/obs-en-17-09.jpg)

दाऊदे कई सालन तगर न्यायए सीं अपने लोकन पुड़ राज़ कियूं। तैनी बड़े दिले सीं परमेशरेरी गलां मेन्नी ते परमेशरे तैस बरकत दिती। हलाकि, एपनी ज़िन्दगरे आखरी मां तैनी परमेशरेरे खिलाफ बड़ो पाप कियोरो थियो।

![](https://cdn.door43.org/obs/jpg/360px/obs-en-17-10.jpg)

एक्की दिहाड़े दाऊदे अपने महले मरां बेइर जो तक्कू ते अक खूबसूत कौन्श लाई। तै तैस न थियो ज़ानतो, पन तैनी पतो कियो कि तैसरू नवं बतशेबा आए।

![](https://cdn.door43.org/obs/jpg/360px/obs-en-17-11.jpg)

अपनी नज़र फरनेरे बाजाए, दाऊदे तै एप्पू कां अन्नेरे लेई कोई भेज़ो। तै तैस कां झ़ुल्लो ते फिरि तै वापस घरे जो भेज़ी। ते थोड़े वक्तेरां बाद बतशेबां दाऊदे जो ई बिस्तार भेज़ो कि तै दोज़ींती आए।

![](https://cdn.door43.org/obs/jpg/360px/obs-en-17-12.jpg)

बतशेबरो मुन्श उरियाहा नंव्वेरो मैनू थियो। तै दउदेरे खास सेनकन मरां अक थियो। ते इस वक्ते तै जंग लड़नेरे लेई जेवरो थियो। ते दाऊदे तैस जंगी मरां वापस कुजेइतां अपने लैड़ी सीं साथी रांनेरे लेई ज़ोवं। पन बाकी सिपाही जंगी मां थिए ते एल्हेरेलेई ऊरिय्याहे घरे गांनेरे लेईं इन्कार कमावं। ते दाऊदे तै जंगी मां फिरि वापस भेज़ो ते सेनारे प्रधाने सीं तैस एरे जगाई रखनेरे लेई ज़ोवं ज़ैड़ी दुशमन तागतबार भोए। ताकि तै मेरी गए। ते एरू भोवं की उरियाहा जंगी मां मारो जेव।

![](https://cdn.door43.org/obs/jpg/360px/obs-en-17-13.jpg)

उरियाहेरे जंगी मां मेरि गांनेरे बाद दाऊदे बतशेबा सीं ड्ला बनाव। बादे मां, तैसां दाऊदेरे मट्ठे ज़र्म दित्तू। दाऊदे ज़ैन कियूं तैसेरे वजाई सीं परमेशर बड़ो सेरकोरो थियो। एल्हेरेलेई तैनी नातान नबी दाऊदे जो ई बिस्तर देने भेज़ो, तैसेरो पाप केत्रो बुरो थियो। ते दाऊदे अपने पापरे लेई पश्चाताप कियो ते परमेशरे तैस माफ़ कियूं। अपने बाकी जिन्दगी मां दाऊद परमेशरे पतपत्ती च़ालतो राव ते तैसेरे हुक्म मन्ने।

![](https://cdn.door43.org/obs/jpg/360px/obs-en-17-14.jpg)

पन दाऊदेरो तै बच्चो मेरि जेव। एन्च़रे सीं परमेशरे दाऊदे सज़ा दित्ती। इसेरे इलावा, दाऊडदेरे मरने तगर, तैसेरे पारीवारेरे किछ लोकेई तैसे सीं लड़ाई की, ते दाऊदेरी अपनी शक्ति घाटोरी थी। पन परमेशर वफादार थियो ते हुनी भी तैनी तैन कियूं ज़ैन केरनेरो तैनी दाऊदे सीं वादो कियोरो थियो। कि तै तैन केरेलो भले ही तैस करां परमेशरेरे हुक्म ट्लुटोरे थिए। बादे मां दाऊद ते बतशेबारे होरे भी बच्चो भोव, ते तैनेईं तैसेरू नवं सुलैमान रख्खू।

*बाइबलरी ई कहानी 1 शमूएल अध्याए 10; 15-19; 24; 31; 2 शमूएल अध्याए 5; 7; 11-12 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_17_128kbps.m4a

## 18. बेन्टोरू राज़।

https://openbiblestories.org/l/bhd/story-18/

![](https://cdn.door43.org/obs/jpg/360px/obs-en-18-01.jpg)

दाऊदे राज़े 40 साल इस्राएले पुड़ राज़ कियूं। तैखन तै मेरि जेव, ते तैसेरे मट्ठे सुलैमाने पुड़ राज़ केरनू शुरू कियूं। परमेशरे सुलैमाने सेइं गल की ते तैस पुछ़ कि सेभन कुन चाते कि परमेशर तैसेरे लेई केरे। सुलैमाने परमेशरे करां मग्गू कि तै बड़ो अक्लमन्द बनेव। सुलैमाने बेड़ी गल्लां शिख्खी ते तै अक अक्लमन्द राज़ केरनेबालो थियो। परमेशरे तै बड़ो अमीर भी बनेवरोए थियो।

![](https://cdn.door43.org/obs/jpg/360px/obs-en-18-02.jpg)

यरूशलेम नगरे मां सुलैमाने तै भवन बनेव ज़ैसेरे लेई तैसेरे बाजे योजना बनेवरी थी ते सामान अकोट्ठू कियोरू थियूं। हुनी लोक मिलापबाले तेम्बेरे बिजाए भवने मां परमेशरेरी आराधना केरते थिये। ते तैसेरे लेई बलि च़ाढ़ते थिये। परमेशरेरी हज़ूरी भवने मां रहती थी, ते तैड़ी तै अपने लोकन सीं साथी बास केरतो थियो।

![](https://cdn.door43.org/obs/jpg/360px/obs-en-18-03.jpg)

पन सुलैमाने होरि मुल्खां केरि कुइयन सेइं प्यार कियो। तैनी लगभग 1000 कुइयन सीं ड्ला बनेइतां परमेशरेरे हुक्म न मन्ने! इन मरां बेड़ि कौन्‍शां बखले मुल्खन मरां एई ते एप्पु सीं साथी अपने देबते आने ते तैन केरि पूज़ा केरती रैई। ज़ैखन सुलैमान बुढो भोई जेव त तैनी भी तैन केरे देबतां केरि पूज़ा की।

![](https://cdn.door43.org/obs/jpg/360px/obs-en-18-04.jpg)

इस वजाई सीं परमेशर सुलैमाने सीं क्रोधे भोव। तैनी ज़ोवं कि तै इस्राएल मुल्खेरे दुई हिस्से बनेइतां तैस सज़ा देलो। तै सुलैमानेरे मरनेरां बाद एरू केरेलो।

![](https://cdn.door43.org/obs/jpg/360px/obs-en-18-05.jpg)

सुलैमानेरे मरनेरां बाद, रहबाम राज़ो बनो। इस्राएल मुल्खेरे सब लोक तैस अपने राज़ेरे रूपे मां कबूल केरनेरे लेई साथी अकोट्ठे भोए। तैनेईं रहबामी सीं शिकायत की, कि सुलैमाने तैन करां सकत महनत करावरी थी। तैनी बड़े कर तैन करां वसूल कियोरे थिये। तैनेईं रहबामे करां मिनत की कि तैन करां घट महनत कराए।

![](https://cdn.door43.org/obs/jpg/360px/obs-en-18-06.jpg)

पन रहबामे तैन बड़े बेवकूफी सीं जवाब दित्तो, “तुस ज़ोतथ कि मेरे बाजी सुलैमाने तुसन करां सखत महनत कराई। पन अवं तुसन तैस करां भी जादे सखत महनत करालो। ते अवं तैस करां भी जादे तकलीफी मां छ़ेड़ेलो।”

![](https://cdn.door43.org/obs/jpg/360px/obs-en-18-07.jpg)

ज़ैखन लोकेईं एरू ज़ोते शुनू त तैन मरां बड़ेईं तैसेरे खलाफ बगावत की। दश गोट्लेई तै शारो। तैस सीं साथी हुनी सिर्फ दुई गोट्ल बच़े। इन दुई गोट्लेईं एप्पू जो यहूदारी रियासत ज़ोवं।

![](https://cdn.door43.org/obs/jpg/360px/obs-en-18-08.jpg)

बाकी दश गोट्लेईं यारोबाम नंव्वेरो मैनू अपनो राज़ो बनेव। इना दश गोट्ल उत्तर-पूर्वी हिस्से मां थिये। तैनेईं अपने आपे जो इस्राएल ज़ोवं।

![](https://cdn.door43.org/obs/jpg/360px/obs-en-18-09.jpg)

पन यारोबामे परमेशरेरे खलाफ बगावत की, ते लोकन करां पाप कराव। तैने अपने लोकां केरे ज़िरिये पूज़ा केरनेरे लेई दुई मूर्ती बनेई। तैना हुनी यहूदा प्रदेशेरे यरूशलेम नगरे मां परमेशरेरे भवने मां तैसेरी आराधना केरनेरे लेई न जे।

![](https://cdn.door43.org/obs/jpg/360px/obs-en-18-10.jpg)

यहूदा ते इस्राएल एप्पू मांमेइं दुश्मन बेनी जे ते हमेशा एक्की होरि सीं लड़ने लगे।

![](https://cdn.door43.org/obs/jpg/360px/obs-en-18-11.jpg)

इस्राएलेरे नंव्वे मुल्खे मां सारे राज़े दुष्ट थिये। इन मां बाकी राज़े तैन केरे ठैरी राज़ो बन्नेरी इच्छा रखनेरे लेई मारे जे।

![](https://cdn.door43.org/obs/jpg/360px/obs-en-18-12.jpg)

इस्राएल प्रदेशेरे सारे राज़ेईं ते जादे तर लोकेईं मूर्ती केरि पूज़ा की। ज़ैखन तैनेईं एरू कियूं, त तैना अकसर वेश्यान सीं साथी झ़ुल्ले ते इड़ी तगर कि बड़े बार मूरती केरे सामने बच्चे भी बलि किये।

![](https://cdn.door43.org/obs/jpg/360px/obs-en-18-13.jpg)

यहूदा प्रदेशेरे राज़े, दाऊदेरे खानदानेरे थिये। इन राज़न मरां बड़े रोड़े मैनू थिये, ज़ैनेईं इन्साफे सीं राज़ कियूं ते परमेशरेरी आराधना की। पन यहूदारे जादे राज़े दुष्ट थिये। तैनेईं दुष्टे सीं राज़ कियूं, ते मूरती केरि पूज़ा की। इड़ी तगर इन मरां किछ राज़ेईं झूठे देबतां केरे सामने अपने बच्चे भी बलि किये। यहूदारे जादे तर लोकेईं भी परमेशरेरे खलाफ पाप कियो ते बाकी देबतां केरि पूज़ा की।

*बाइबल ई कहानी 1 राज़े अध्याय 1-6; 11-12 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_18_128kbps.m4a

## 19. नबी

https://openbiblestories.org/l/bhd/story-19/

![](https://cdn.door43.org/obs/jpg/360px/obs-en-19-01.jpg)

परमेशर हमेशा इस्राएली लोकन कां नबी भेज़तो रहतो थियो। नबी परमेशरे करां सन्देश शुन्ते थिए ते फिरि तै बिस्तार लोकन देते थिए।

![](https://cdn.door43.org/obs/jpg/360px/obs-en-19-02.jpg)

ज़ैखन अहाब इस्राएलेरो राज़ो थियो। तैस वक्ते अक नबी एलिय्याह थियो। अहाब अक बुरो मैनू थियो। तैनी झूठे देबतां केरि भागती केरनेरे लेई लोक मजबूर कियोरे थिए। एल्हेरेलेई एलिय्याहे अहाबे सीं ज़ोवं, कि परमेशर तैन लोकन सज़ा देने बालो थियो। तैनी तैस सीं ज़ोवं, “ज़ैखन तगर अवं फिरि झ़ड़ी भोनेरे लेईं न ज़ोईं तैखन तगर इस्राएले मां न झ़ड़ी भोली ते न ओश पेली।” ते इस गल्लां अहाब एत्रो सरकाव कि तैनी एलिय्याह मारनेरो फैसलो कियो।

![](https://cdn.door43.org/obs/jpg/360px/obs-en-19-03.jpg)

एल्हेरेलेई परमेशरे एलिय्याहे सीं ज़ोवं, कि तै नेशतां जंगले मां गेइतां अहाबे करां छ़ेपी गाए। एलिय्याह जंगले मां तैस पैनी कां जेव ज़ैड़ी गांनेरे लेईं परमेशरे तैस ज़ेवरू थियूं। रोज़ झ़ेझां-ड्लावझ़ी काव एलिय्याहेरे लेईं रोट्टी ते मास आनतो थियो। ते तैस पूरे वक्ते अहाब ते तैसेरी सेना एलिय्याहे तोपती राई, पन तैनेई तै तोपी न बटो।

![](https://cdn.door43.org/obs/jpg/360px/obs-en-19-04.jpg)

झ़ड़ी न भोनेरे किछ वक्तेरां बाद पानी शुकी जेवं। ते एल्हेरेलेई एलिय्याह नेड़ेरे इक्की मुल्खे मां च़लो जेव। तैस मुल्खे मां अक गरीब विधवा थी, जैस अक मट्ठू थियुं। तैस कां रोट्टी लगभग ख़तम भेवरी थी। किजोकी तैड़ी केंन्ची भी किसमेरी फसल न थी बनोरी। पन फिर भी, तैसां कौन्शां एलिय्याहेरी देखभाल की, एल्हेरेलेई परमेशरे तैसारी ते तैसारे मट्ठेरी ज़रूरतां पूरी की। ते एस वजाई सीं तैसेरू अटेरू भांड ते तेलेरी कुप्पी कधी खाली न भोई। तैस पूरे अकाले मां तैन्न कां खाने जो थियुं। एलिय्याह किछ सालन तगर तैड़ी राव।

![](https://cdn.door43.org/obs/jpg/360px/obs-en-19-05.jpg)

साड़े ट्लाई सालना बाद, परमेशरे एलिय्याहे सीं ज़ोवं कि तै फिरि झ़ड़ी बखालो। तैनी एलिय्याहे फिरी वापस इस्राएलेरे राज़े अहाबे कां गेइतां गल्लां केरनेरे लेई ज़ोवं। एल्हेरेलेई एलिय्याह अहाबे कां जेव। ज़ैखन अहाबे तै लाव त तैनी ज़ोवं, “हछा तूएस, मुसीबत पैदा केरने बालो!” त एलिय्याहे जुवाब दित्तो, मुसीबत पैदा केरने बालो त तू आस! तीं यहोवा परमेशर शारो। तैए सच़्च़ो परमेशरे, सिर्फ तू बाल देबतेरी भागती केरने लगोरोस। हुनी तू सब लोक कर्मेल पहाड़े पुड़ आन।”

![](https://cdn.door43.org/obs/jpg/360px/obs-en-19-06.jpg)

ते सारे लोक कर्मेल पहाड़े पुड़ जे। बाल देबतेरे पुजारी आए। तैना सब 450 थिए। एलिय्याहे लोकन सीं ज़ोवं, “कैखन तगर तुस अपनो मन परमेशरे करां दूर रखेले? अगर यहोवा परमेशरे त तैसेरी आराधना केरा! ते अगर बाल परमेशरे त तैस्सेरी आराधना केरा!”

![](https://cdn.door43.org/obs/jpg/360px/obs-en-19-07.jpg)

तैखन एलिय्याहे बालेरे पुजैरन सीं ज़ोवं, “अक जनबार बली केरतां तैसेरे मासे बालिदान भोनेरे लेई वेदी पुड़ रखा, पन अग न लेइयथ। ते तैसेरां बाद अवं भी तैने केरेलो, ते एकी अलग वेदी पुड़ अवं तैन मास रख्खेलो। ते अगर परमेश वेदी पुड़ जो अम्बरे मरां अग छ़डेलो त तुस ज़ानेले कि तैए सच़्च़ो परमेशरे।” तैखन बालेरे पुजैरेईं अक बलि तियार की पन अग न लाइ।

![](https://cdn.door43.org/obs/jpg/360px/obs-en-19-08.jpg)

ज़ैखन बालेरे पुजारी प्राथना केरने लगे, “हे बाल, इश्शी शुन!” पूरे दिहैड़ी प्राथना की ते चिन्डां मारने लगे, इड़ी तगर कि तैनेई अपनो आप चैकेईं सीं ज़ख्मी कियो। पन बाले कोई जुवाब न दित्तो, ते न तैनी अम्बरेरां कोई अग बछ़ोड़ी।

![](https://cdn.door43.org/obs/jpg/360px/obs-en-19-09.jpg)

बालेरे पुजैरन प्राथना केरने मां लगभग पुरी दिहाड़ी बीती। ते फिरी तैनेईं प्राथना केरनी बंद की। तैखन एलिय्याहे होरी जानबरेरू मास परमेशरेरे वेदी पुड़ रख्खू। तैसरां बाद, तैनी पैनेरां बड्डां-बड्डां भांडां तैस मासे पुड़ उलटानेरे लेईं ज़ोवं, ज़ैखन तगर कि मास कैड़ू, वेदी ते वेदारे असे-पासेरी ज़मीन पूरे तरीके सीं अड्ली न भोई।

![](https://cdn.door43.org/obs/jpg/360px/obs-en-19-10.jpg)

तैखन एलिय्याहे प्रार्थना की, “हे यहोवा, अब्राहम, इसहाक, ते याकूबेरे परमेशर, असन हिरा कि तू इस्राएलेरो परमेशरस ते इन भी अवं तेरो दासाईं। मीं जुवाब दे ज़ैस सीं की इनां लोक ज़ान्न कि तूए सच़्च़ो परमेशरस।”

![](https://cdn.door43.org/obs/jpg/360px/obs-en-19-11.jpg)

अकदमे, अम्बरे मरां अग बिछ़ड़ी ते तैसां मास कैड़ू, घोड़, मिती, ते इड़ी तगर की वेदारे आसे-पासेरू पानी भी शुकेइ छ़डू। ते ज़ैखन लोकेईं एन हेरू, त तैना ज़मीनी पुड़ी लेटे ते ज़ोवं, “यहोवा ही पमेशरे! यहोवा ही पमेशरे!”

![](https://cdn.door43.org/obs/jpg/360px/obs-en-19-12.jpg)

तैखन एलिय्याहे ज़ोवं, “बालेरो अक भी नबी इट्ठां बेच़तां न लोड़े गेइ बटोरो!” एल्हेरेलेई लोकेईं बालेरे नबी ट्लाए ते तैना तैट्ठां अलग नेइतां मारे।

![](https://cdn.door43.org/obs/jpg/360px/obs-en-19-13.jpg)

तैखन एलिय्याहे अहाब राज़े सीं ज़ोवं, “जल्दी अपने घरे जो नश, किजोकी झ़ड़ी एजनेबालीए।” ते जल्दी घनी बिदलार भोई जेई, ते भारी झ़ड़ी शुरू भोई। यहावा तैस शोहे ख़त्म केरने लगोरो थियो। ते एस सीं इन बांदू भोवं कि योहावा सच़्च़ो परमेशरे।

![](https://cdn.door43.org/obs/jpg/360px/obs-en-19-14.jpg)

जैखन एलिय्याहे अपनु कम ख़त्म कियूं, त परमेशरे एलीशा नंव्वेरो अक मैनू अपनो नबी भोनेरे लेई च़ुनो। परमेशरे एलिय्याहेरे ज़िरीहे बड़े चम्तकार किये। अक चम्तकार नामान नंव्वेरे मैनू सीं भी भोवं। तै दुशमनां केरे सेनारो परधान थियो, पन तैस कोड़ थियूं। नामाने एलिय्याहेरे बारे मां शुनोरू थियुं, ते एल्हेरेलेई तै एलिय्याहे कां अव ते तैस सीं ठीक केरनेरी अरज़ की। एलिय्याहे नामाने सीं ज़ोवं, कि गेइतां यरदन दरीयाएरे पैनी मां सत बार डुबकी दे।

![](https://cdn.door43.org/obs/jpg/360px/obs-en-19-15.jpg)

नमान सेरकोव। तैनी एन केरने करां इनकार कमावं, किजोकी तैस एन बेवकूफरू कम लग्गू। पन बादे मां तैनी अपनो मन बदलो ते गेइतां यरदन दरियाए मां डुबकी दित्ती। ते ज़ैखन तै आखरी डुबकी देइतां पैनी मरां बेइर निस्सो त परमेशरे तै ठीक कियो।

![](https://cdn.door43.org/obs/jpg/360px/obs-en-19-16.jpg)

परमेशरे इस्राएली लोकन कां होरे कई नबी भेज़े। तैना सेभेईं तैन मूर्ती केरि पूज़ा केरनी बन्द केरनेरे बारे मां ज़ोवं। इल्हेरे बजाए, तैन्न एकी-होरी सीं इन्साफे सीं बर्ताव कियोरो लोड़े। ते एक्की-होरि पुड़ दया कियोरी लोड़े। तैन नेबेईं लोक खबरदार किये ते परमेशरेरे हुक्म मन्नेरे लेई ज़ोवं। अगर तैन लोकेईं एन कियूं त परमेशर तैन केरो इन्साफ केरेलो ते तैन्न सज़ा देलो।

![](https://cdn.door43.org/obs/jpg/360px/obs-en-19-17.jpg)

ते जादे वक्ते त तैना लोकेई परमेशरेरे हुक्म न मन्ने। तैनेईं नेबन सीं बुरो बर्ताव कियो। इड़ी तगर कि किछ नबी तैनेईं मारे। एक्की फेरे तैनेईं यिर्मयाहे नबी मरनेरे लेई शुक्कोरे खूए मां छ़ड्डो। तै खूहेरे थले च़िकरी मां डुबने लगो। पन तैखन राज़े तैस पुड़ तरस अव, ते तैनी अपने सेवकन हुक्म दित्तो कि यिर्मयाहे मरने करां पेइले एस खूहे मरां बेइर कढा।

![](https://cdn.door43.org/obs/jpg/360px/obs-en-19-18.jpg)

नेबेईं परमेशरेरे तरफां ज़ोनु जारी रख्खु। भाले लोकेई तैन्न सीं नफ़रत की। तैना लोकन खबरदार केरते राए कि अगर तैनेई तोबा न की त परमेशर तैन नाश केरेलो। तैनेईं लोकन इन भी याद करावावं कि परमेशरे तैन्न कां अक मसीह भेज़नेरो वादो कियोरोए।

*बाइबलरी ई कहानी 1 राज़ां अध्याए 16-18; 2 राजा 5; यिर्मयाह अध्याए 38 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_19_128kbps.m4a

## 20. गुलामी ते गुलैमी मरां वापस एजनु।

https://openbiblestories.org/l/bhd/story-20/

![](https://cdn.door43.org/obs/jpg/360px/obs-en-20-01.jpg)

इस्राएलेरे राज़े ते यहूदारे राज़े दूइयेंई परमेशरेरे खिलाफ पाप कियो। तैनेंइ तै करार ट्लोड़ो ज़ै परमेशरे सीनै पहाड़े पुड़ कियोरो थियो। परमेशरे तैन्न फिरि तोबा केरने ते फिरि परमेशरेरी आराधना केरनेरी खबरदरी देनेरे लेई अपने नबी भेज़े, पन तैनेईं तैनकेरी मन्ने करां इनक़ार कियूं।

![](https://cdn.door43.org/obs/jpg/360px/obs-en-20-02.jpg)

ते परमेशरे तैनकेरे दुशमन तैनकेरो नाश केरने मां तैना कबल केरनेरे ज़िरिहे दूइये रज़ान सज़ा दित्ती। अशुर अक गैर ज़तारो मुल्ख थियो ज़ै बड़ो शक्तीशाली भोई जेवरो थियो। तैना होरी मुल्खां केरे लेंइ साखत दिलेरे थिए। तैनेईं एइतां इस्राएलेरू राज़ नाश कियूं आशुरी लोकेईं इस्राएले राज़े मां एइतां बड़े लोक मारे।। ज़ै चाओ तै लुट्टो, ते मुल्खेरे कई हिस्से फुके।

![](https://cdn.door43.org/obs/jpg/360px/obs-en-20-03.jpg)

अशुरी लोकेईं सब प्रधान, ते धनवान, ते एरे लोक ज़ैना कीमती चीजां बनेइ सखते थिए एक्की जिगाई अकोठे किये। ते तैनेईं तैना अशुर मुल्खे जो नीये। इस्राएले मां सिर्फ किछ गरीब इस्राएली लोक बंच़े।

![](https://cdn.door43.org/obs/jpg/360px/obs-en-20-04.jpg)

फिरि अशुरी लोकेईं तैस मुल्खे मां रानेरे लेई परदेशी लोक आने। तैना परदेशी मैनेईं तैना नगर फिरि बनाए। ज़ैना इस्राएली तैड़ी बंच़ोरे थिए तैन सीं तैनेईं ड्ला बनाए। ते एना लोकां केरि ज़ै औलाद भोई तैन्न जो सामरी ज़ोते थिए।

![](https://cdn.door43.org/obs/jpg/360px/obs-en-20-05.jpg)

यहूदारे राज़ेरे लोकेईं हेरू कि केन्च़रे परमेशरे तैन विश्वास न केरने ते तैसेरी गल न मन्नेरे वजाई सीं इस्राएलेरे राज़ेरे लोकन सज़ा दितोरी। पन फिर भी तैनेईं कनानी लोकां केरे देबतां केरि मूर्ती पूज़ा की। परमेशरे तैन खबरदारी देनेरेलेई नबी भेज़े पन तैनेईं इन्कार कियूं।

![](https://cdn.door43.org/obs/jpg/360px/obs-en-20-06.jpg)

लगभग 100 सालां केरे बाद अशूरी लोकेईं इस्राएलेरू राज़ नाश कियूं। परमेशरे बेबीलोनेरो राज़ो, नबूकदनेस्सर यहूदारे राज़े पुड़ हमलो केरनेरे लेई भेज़ो। बेबीलोन अक शक्तिशाली मुल्ख थियो। ते यहूदारो राज़ो नबूकदनेस्सरेरो दास बन्ने ते हर साल तैस बड़ू धन देनेरे लेई राज़ी भोव।

![](https://cdn.door43.org/obs/jpg/360px/obs-en-20-07.jpg)

पन किछ सालां केरे बाद, यहूदारो राज़ो बेबीलोनेरे राज़ेरे खिलाफ़ भोव। ते बेबीलोनेरे लोकेईं वापस एइतां यहूदारे राज़े पुड़ हमलो कियो। ते नगर ते भवनेरे खज़ाने लुटतां निये।

![](https://cdn.door43.org/obs/jpg/360px/obs-en-20-08.jpg)

खलाफ भोनेरे वजाई सीं यहूदारे राज़े सज़ा देनेरे लेई, नबूकदनेस्सरेरे सेना राज़ेरू मट्ठू तैसेरे सामने मारू ते फिरी तैन कानू कियूं। तैसेरां बाद, तैना राज़ो घिन्तां जे। कि तै बेबीलोनेरे कैदखाने मां मारो गए।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर ते तैसेरी सेना यहूदारे राज़ेरे लगभग सारे लोक बीलोने जो घिन्तां जेइ, सिर्फ़ गरीब लोक पत्रोवं छ़ड्डे, ताकि तैना उडारन मां फसल लांन। तैस वक्ते जो गुलैमी मां गानेरो वक्त ज़ोतन। ज़ैस मां परमेशरेरे लोक वादेरे मुल्खे मरां निसतां गांनेरे लेई मजबूर कियोरे थिए।

![](https://cdn.door43.org/obs/jpg/360px/obs-en-20-10.jpg)

चाए परमेशरे अपने लोकन तैन केरे पापां केरे वजाई सीं गुलैमी मां नेनेरे ज़िरिहे सज़ा दिती, फिरी भी तैनी तैना ते अपनो वादो न थियो बिसरोरो। परमेशरे अपने लोकन पुड़ अपनी निगरानी केरनी जारी रख्खी ते अपने नेबी केरे ज़िरिहे तैन्न सीं गलां केरतो राव। तैनी वादो कियो कि 70 सालां केरे बाद, तै फिरि तैन वादेरे मुल्खे मां वापस आनेलो।

![](https://cdn.door43.org/obs/jpg/360px/obs-en-20-11.jpg)

लगभग 70 सालां केरे बाद, फारसेरे राज़े कुस्रू ज़ै थियो तैनी बेबीलोन हाराव, एल्हेरेलेई बेबीलोनेरे राज़ेरे बजाए फारसेरे राज़े कई मुल्खन पुड़ हमलो कियो। इस्राएली लोकन जो हुनी यहूदी ज़ोते थिए। तैन्न मरां बाड़ेईं अपनी पुरी जिन्दगी बेबीलोने मां गुज़ारोरी थी। सिर्फ थोड़े बुढ़े यहूदन यहूदारो मुल्ख याद थियो।

![](https://cdn.door43.org/obs/jpg/360px/obs-en-20-12.jpg)

फारसी लोक बड़े तगतबार थिए, पन तैनेईं अपने ज़ीतोरे लोक पुड़ दया कियोरी थी। फारसी लोकां केरू राज़ बन्नेरे थोड़े वक्तेरां बाद, कुस्रू राज़े अक हुक्म दित्तो। कि यहूदी ज़ै यहूदा जो गांनु चातो थियो, तै फारसेरां निसतां वापस यहूदा मां गेइ सकते। इड़ी तगर कि तैनी तैन फिरि भवन बन्नेरे लेई बड़ू धन भी दित्तू गुलैमरे 70 सलना बाद, यहूदी केरो अक नीक्ड़ो जथो यहूदा मां यरूशलेम नगरे जो वापस अव।

![](https://cdn.door43.org/obs/jpg/360px/obs-en-20-13.jpg)

ज़ैखन तैना लोक यरूशलेम नगरे मां पुज़्ज़े त तैनेईं भवन ते च़ेवरे पासे दीवार फिरी बनाई। फारसी लोक हेजु भी तैन पुड़ राज़ केरते थिए। पन एक्की बार फिरि तैना वादेरे मुल्खे मां राने लगोरे थिए ते भवने मां आराधना केरि रावरे थिए।

*बाइबलरी ई कहानी 2  राजां  अध्याए  17; 24-25; 2 इतिहास अध्याए 36; एज़्रा अध्याए 1-10; नहेम्याह  अध्याए1-13  मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_20_128kbps.m4a

## 21. परमेशर मसीहेरे एजनेरो वादो केरते।

https://openbiblestories.org/l/bhd/story-21/

![](https://cdn.door43.org/obs/jpg/360px/obs-en-21-01.jpg)

ज़ैख परमेशरे इस संसारेरी सृष्टि कियोरी थी। त तै ज़ानतो थियो कि मीं बादे मां कैखन मसीह भेज़नो पेनोए। तैनी आदम ते हाव्वी सीं वादो कियो कि तै एरू केरेलो। तैनी ज़ोवं, कि हाव्वारे वंशे मरां अक बच्चो ज़र्मेलो ज़ै अप्पेरी क्रोड़ी ढ्लेन्च़ेलो। ज़ैनी सप्पे हव्वी धोखो दितोरो थियो तै शैतान थियो। परमेशरेरो मतलब थियो कि मसीह पूरे तरीके सीं शैताने हारालो।

![](https://cdn.door43.org/obs/jpg/360px/obs-en-21-02.jpg)

परमेशरे अब्रहामे सीं वादो कियोरो थियो, कि तैसेरे ज़िरिये संसाररेरी सैरी कौमां बरकत हासिल केरेली। ते परमेशर बादे मां कोन्ची वक्ते मां मसीह भेज़ेनेरे ज़िरिये एस वादे पूरो केरेलो। तै मसीह संसारेरे हर कौमी मरां लोकन तैनकेरे पापन करां छुटालो।

![](https://cdn.door43.org/obs/jpg/360px/obs-en-21-03.jpg)

परमेशरे मूसा सीं वादो कियोरो थियो, कि एजने बाले वक्ते मां तै मूसेरो ज़ेरो अक होरो नबी भेज़ेलो। ते एह नबी मसीह भोलो। इस तरीके सीं, परेमेशरे फिरि वादो कियो कि तै मसीह भेज़ेलो।

![](https://cdn.door43.org/obs/jpg/360px/obs-en-21-04.jpg)

परमेशरे दाऊदद राज़े सीं वादो कियोरो थियो, कि तैसेरे खानदाने मरां मसीह भोलो। तै राज़ो भोलो ते परमेशरेरे लोकन पुड़ हमेशा राज़ केरेलो।

![](https://cdn.door43.org/obs/jpg/360px/obs-en-21-05.jpg)

परमेशरे यिर्मयाह नेबी सीं ज़ोवं, कि एक्की दिहाड़े तै अक नंव्वो करार केरेलो। तै इस्राएले सीं कियोरो पूराने करारेरो ज़ेरो न भोलो। ज़ैखन लोकन सीं तै अपनो करार केरेलो। त तै तैन पुड़ अपने-आपे बंदो केरेलो। ते हर कोई मैनू तैसे सीं प्यार रख्खेलो ते तैसेरे कानूने मन्नेरी इच्छा रख्खेलो। परमेशरे ज़ोवं कि एन तैसेरे कानून तैनकेरे दिलन पुड़ लिखनेरू ज़ेरू भोलू। तैना तैसेरे लोक भोले, ते परमेशर तैनकेरे पाप माफ़ केरेलो। तै मसीह भोलो ज़ै तैन्न सीं नंव्वो करार केरेलो।

![](https://cdn.door43.org/obs/jpg/360px/obs-en-21-06.jpg)

परमेशरेरे नेबेईं इन भी ज़ोवं, कि मसीह अक नबी भोलो। नबी ज़ैन वचन शुनाते ते फिरि लोकन पुड़ परमेशरेरे वचनेरी घोषणा केरते। ज़ैस भेज़नेरो परमेशरे वादो कियोरो थियो तै मसीह अक मुशुर नबी भोलो। मतलब तै परमेशरेरो सन्देश रोड़े च़ारे शुनालो, ते तै लोकन तैना सन्देश रोड़े­च़ारे शिखालेलो।

![](https://cdn.door43.org/obs/jpg/360px/obs-en-21-07.jpg)

इस्राएली याजकेईं लोकां केरे लेईं परमेशरे कां बलिदान च़ाड़नू जारी रख्खू। एन बलिदान लोकन केरे पापां केरे लेई तैना परमेशरेरे तरफां सज़ा दिते गंनेरे जिगाई च़ाड़े गाते थिए। याजकेईं लोकां केरे लेंई प्राथना की। पन तै मसीह सिद्ध महायाजक भोलो ज़ै परमेशरे जो देनेरे लेईं एक्की सिद्ध बेलारे रूपे मां अपने-आपे च़ाड़ेलो। मतलब, तै कधी पाप न केरेलो, ते ज़ैखन तै अपने-आपे बली भोनेरे लेई देलो, त संसारे होरी केंन्ची भी बेलरी ज़रूरत न भोली।

![](https://cdn.door43.org/obs/jpg/360px/obs-en-21-08.jpg)

लोकन पुड़ राज़े ते प्रधान राज़ केरतन, ते कधी-कधी तैना गलती भी केरतन। दाऊद राज़े सिर्फ इस्राएली लोकन पुड़ राज़ कियूं। पन दाऊद राज़ेरे खानदाने मरां एजने बालो मसीह पूरे संसारे पुड़ राज़ केरेलो, ते तै हमेशारे लेई राज़ केरेलो। ते एल्हेरे इलावा तै हमेशा इन्साफे सीं राज़ केरेलो।

![](https://cdn.door43.org/obs/jpg/360px/obs-en-21-09.jpg)

परमेशरेरे नेबेईं मसीहेरे बारे मां बेड़ी गलां ज़ोइ। ज़ेन्च़रे कि, मालाकी नबी ज़ोते मसीहेरे एजनेरे पेइले अक नबी एजनोए। तै अक बड़ो खास नबी भोलो। इसेरे इलावा, यशायाह नबी ज़ोते कि मसीह एक्की कुवैरी कुइअरे ज़िरिये ज़र्म घिन्नेलो। ते मीका नेबे ज़ोवं कि मसीह बैतलहम नगर मां ज़र्म घिन्नेलो।

![](https://cdn.door43.org/obs/jpg/360px/obs-en-21-10.jpg)

यशायाह नेबे ज़ोवं, कि मसीह गलील इलाके मां रालो। ते ज़ैना लोक बड़े दुखीन मसीह तैन शान्ति देलो। तै कैदन भी आज़ाद केरेलो। मसीह बिमारन ते टावन्न, ते कान्न, ते लैट्टन, टोंन्टन ठीक केरेलो।

![](https://cdn.door43.org/obs/jpg/360px/obs-en-21-11.jpg)

यशायाह नेबे इन भी ज़ोवं, कि लोक मसीह सीं नफरत केरेले ते तैस कुबूल न केरेले, पन तैसेरू इनकार केरेले। ते होरी नेबेईं ज़ोवं, कि तैसेरो अक साथी तैस ट्लुव्वानेरे लेई चैन्दरे 30 सीक्के नेलो। इसेरे इलावा, किछ नेबेईं ज़ोवं, कि लोक मसीह मैरी छ़डेले, ते इन भी कि तैसेरे लिकड़ां केरे लेई पेरची छ़ेड्डी।

![](https://cdn.door43.org/obs/jpg/360px/obs-en-21-12.jpg)

नेबेईं इन भी ज़ोवं, कि मसीहा केन्च़रे मरेलो। यशायाह नेबे भविषयवाणी की कि मसीह पुड़ थुकेले, तैसेरो मज़ाक उड़ाले, ते तैस मारेले-पीटेल। तैना तैस कोशेले ते तै कष्टे मां मरेलो, हलाकि तैनी किछ भी गलती नईं कियोरी भोनी।

![](https://cdn.door43.org/obs/jpg/360px/obs-en-21-13.jpg)

नेबेईं इन भी ज़ोवं, कि मसीह पाप न केरेलो। तै सिद्ध भोलो। पन तै एल्हेरेलेई मरेलो, किजोकी परमेशर तैस होरी लोकां केरे पापां केरि सज़ा देलो। तैसेरे मौतरे वजाई सीं लोक परमेशरे सीं मेल मिलाप केरेले। एल्हेरेलेई परमेशर चाते कि मसीह मरे।

![](https://cdn.door43.org/obs/jpg/360px/obs-en-21-14.jpg)

नेबेईं इन भी ज़ोवं, कि परमेशर मसीह मुड़दन मरां ज़ींतो केरेलो। ते एन इन साबित केरते एन नंव्वो करार केरनेरी परमेशरेरी योजना थी, ताकि तै तैन बंच़ेई बटे ज़ैनेई तैसेरे खिलाफ पाप कियोरोए।

![](https://cdn.door43.org/obs/jpg/360px/obs-en-21-15.jpg)

परमेशरे नेबी केरे ज़िरिये मसीहेरे बारे मां बेड़ी गलां बैंदी कियोरी थी, पन मसीह तैन्न मरां केन्ची भी नेबेरे सामने न थियो एवरो। भविषयवैणी दित्ते गंनेरे 400 सालन करां भी जादे, सही वक्ते पुड़, परमेशर मसीह इस संसार मां भेज़ेलो।

*बाइबलरी ई कहानी उत्पत्ति अध्याए 3:15; 12:1-3; व्यवस्थाविवरण अध्याए 18:15; 2 शमूएल अध्याए 7; यिर्मयाह अध्याए 31; यशायाह अध्याए 59:16; दानिय्येल अध्याए 7; मलाकी अध्याए 4:5; यशायाह अध्याए 7:14; मीका अध्याए 5:2; यशायाह अध्याए 9:1-7; 35:3-5; 61; 53; भजन संहिता अध्याए 22:18; 35:19; 69:4; 41:9; जकर्याह अध्याए 11:12-13; यशायाह अध्याए 50:6; भजन संहिता अध्याए 16:10-11 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_21_128kbps.m4a

## 22. यूहन्नारू ज़र्म।

https://openbiblestories.org/l/bhd/story-22/

![](https://cdn.door43.org/obs/jpg/360px/obs-en-22-01.jpg)

असलीती मां, परमेशरे अपने नेबन सीं गलां कियोरी थी। एल्हेरेलेई तैनेईं लोकन सीं गलां केरी बेटोरी थी, पन तैस वक्ते करां फिरि 400 साल बीतने परमेशरे तैन सीं गल न की। तैखन परमेशरे जकर्याह नंव्वेरे एक्की नेबी कां अपनो स्वर्गदूत भेज़ो। जकर्याह ते तैसेरी लाडी एलीशिबा परमेशरेरी आदर केरतां थियां, तैना बड़ां बूढां भेवरां थियां, ते तैन कोई बच्चो न थियो भोवरो।

![](https://cdn.door43.org/obs/jpg/360px/obs-en-22-02.jpg)

तैनी स्वर्गदूते जकर्याह सीं ज़ोवं, “तेरे लैड़ी अक बच्चो भोलो। तू तैसेरू नवं यूहन्ना रेख्खां। परमेशर तैस पवित्र आत्मा सीं भरेलो, ते यूहन्ना लोकन मसीह कबूल केरनेरे लेई तियार केरेलो।” जकर्याहे जूवाब दित्तो, “अवं ते मेरी लाड़ी बच्चो पैदा केरनेररे लेई बुढम! अवं केन्च़रे मेन्नी कि तू सच़ लगोरोस ज़ोने?”

![](https://cdn.door43.org/obs/jpg/360px/obs-en-22-03.jpg)

तैनी स्वर्गदूते जकर्याहे जुवाब दित्तो, “तीं कां खुशरी खबर भेज़नेरे लेई अवं परमेशरे भेज़ोरोईं। किजोकि तीं मेरो विश्वास न कियो, एल्हेरेलेई बच्चेरे ज़र्म घिन्न्ने तगर तू गल न केरि बाटेलो।” ते तैखने जकर्याह गल्लां न लगो केरि बटने। तैखने तै स्वर्गदूत तैस करां च़लो जेव। ते एसेरे बाद, जकर्याह घरे वापस अव ते तैसेरी लाड़ी दोज़ींती भोई।

![](https://cdn.door43.org/obs/jpg/360px/obs-en-22-04.jpg)

ज़ैखन एलीशिबा दोज़ींती भोवेरे 6 महीने भोवरे थिए, त तै स्वर्गदूत अचानक एलीशबरी रिश्तेदारी पुड़ बंदो भोव ज़ैसारू नवं मरियम थियूं। मरियम कुँआरी थी, ते यूसुफ नंव्वेरी एक्की मैनू तैसरी कुड़माई भेवरी थी। स्वर्गदूते ज़ोवं, “तू दोज़ींती भोनीस ते तीं अक बच्चो भोलू। ते तैसेरू नवं यीशु रखनू। तैन सर्व-शक्तिमान परमेशरेरू मट्ठू भोलू ते हमेशारे लेईं राज़ केरेलू।”

![](https://cdn.door43.org/obs/jpg/360px/obs-en-22-05.jpg)

मरियमां जुवाब दित्तो, “कि एन केन्च़रे भोलू, किजोकि अवं त कुँआरी?” तैनी स्वर्गदूते तैस समझ़वं, “पवित्र आत्मा तीं पुड़ एजेलो, ते परमेशरेरी शक्ति तीं पुड़ सायो केरेली। एल्हेरेलेई तै बच्चो पवित्र भोलो, ते तै बच्चो परमेशरेरू मट्ठू भोलू।” ते ज़ैन स्वर्गदूते ज़ोवं मरियमां तैस पुड़ विश्वास कियो।

![](https://cdn.door43.org/obs/jpg/360px/obs-en-22-06.jpg)

एन भोनेरां बाद, मरियम गेइतां एलीशिबा सीं मिली। ते ज़ेरू मरियमां तैस जो नमसकार कियूं, त एलीशिबरू मट्ठू तैसरे पेटे मां उछ़ड़ू। तैनकेरे लेई परमेशरे ज़ैन किययोरू थियूं तैसेरे वजाई सीं तैना दुइए खुश भोई। ते एलीशिबा सीं साथी ट्लाई महीन रांनेरां बाद, मरियम वापस अपने घरे जेई।

![](https://cdn.door43.org/obs/jpg/360px/obs-en-22-07.jpg)

एसेरे बाद, एलीशिबां अपने मठे ज़र्म दित्तू। जकर्याह ते, एलीशिबां तैस मट्ठेरू नवं यूहन्ना रख्खू, ज़ेन्च़रे कि तैनी स्वर्गदूते हुक्म दित्तोरो थियो। तैखन परमेशरे जकर्याहे फिरि गलां केरनेरे लेई कबूल कियो। जकर्याहे ज़ोवं, “परमेशरेरी तारीफ़ भोए, किजोकि तैनी अपने लोकां केरि मदत केरनेरे लेई याद रख्खू! हे मेरे मट्ठा, तू सर्व-शक्तिमान परमेशरेरो नबी भोलो। तू लोकन ज़ोलो कि तैना केन्च़रे अपने पापां केरि माफ़ी हासिल केरेले!”

*बाइबलरी ई कहानी लूका अध्याए 1 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_22_128kbps.m4a

## 23. यीशु मसीहेरू ज़र्म।

https://openbiblestories.org/l/bhd/story-23/

![](https://cdn.door43.org/obs/jpg/360px/obs-en-23-01.jpg)

युसफ नंव्वेरे एक्की धर्मी मैनू सीं मरियमरी कुड़मई भेवरी थी। ते ज़ैखन तैनी शुनू कि मरियम दोज़ींती त तै ज़ानतो थियो, कि तै तैसेरो बच्चो नई। पन, तै मरियामी बदनाम केरनी न थियो चातो थियो, एल्हेरेलेई तैनी तैस पुड़ महरबानी केरनी ते तैस सीं ड्ला न बनाने न चाव। पन इस करां पेइले की तै एन केरेथो, एक्की स्वर्गदूते सुपने मां एइतां तैस सीं गल की।

![](https://cdn.door43.org/obs/jpg/360px/obs-en-23-02.jpg)

तैनी स्वर्गदूते ज़ोवं, “हे युसफ, मरियमी अपनी लाड़ी बनाने करां न डर। तैसारे पेटे मां ज़ै बच्चोए तै पवित्र आत्मारे तरफांए। तै अक मट्ठू ज़ाली। ते तू तैसेरू नवं यीशु रेख्खां ज़ैसेरो मतलबे, यहोवा बंच़ाते, किजोकि तै लोकन तैनकेरे पापन करां बंच़ालो।”

![](https://cdn.door43.org/obs/jpg/360px/obs-en-23-03.jpg)

युसफे मरियामी सीं ड्ला बनाव ते तै अपनी लाड़ी बनेइतां अपने घरे आनी, पन तैस बच्चे ज़र्म देने तगर तै तैस सीं साथी न झ़ुल्लो।

![](https://cdn.door43.org/obs/jpg/360px/obs-en-23-04.jpg)

ज़ैखन मरियामी बच्चो ज़ानेरो वक्त नेड़े थियो, त युसफे ते तैसां बैतलहम नगरे जो गंनेरू लम्मू सफ़र कियूं। तैनेई तैड़ी गानू थियूं, किजोकि रोमी अधिकारी इस्राएले मां राने बाले सेभी लोकां केरि गिनती केरनी चाते थिए, कि सब लोक तैड़ी गान ज़ैड़ी तैन केरे बुज़ुर्ग रहते थिए। दाऊद राज़ेरू ज़र्म बैतलहमे मां भेवरू थियुं, ते तै मरियम ते युसफ दूइयां केरो पूर्वज थियो।

![](https://cdn.door43.org/obs/jpg/360px/obs-en-23-05.jpg)

मरियाम ते युसफ बैतलहमे जेआं, पन तैड़ी जानबारां केरे रखनेरे अलावा होरि कोई जगा न थी मैलोरी। मरियामां तैड़ी बच्चे ज़र्म दित्तू। तैसां तै बच्चो खुलरी मां रख्खो, किजोकी तैड़ी तैसेरे लेई कोई बिस्तरो न थियो। ते तैनेईं तैसेरू नवं यीशु रख्खू।

![](https://cdn.door43.org/obs/jpg/360px/obs-en-23-06.jpg)

तैस राती, तैड़ी नेड़े उडरान मां किछ पुहाल अपनां गबां केरो पेरो केरी रहोरो थिए। अचानक, एक्की स्वर्गदूते ज़ोवं, “डरा न्न, किजोकि मीं कां तुश्शे लेई खुशखबरी। बैतलहमां मसीह, प्रभु एरू ज़र्म भेवरूए।

![](https://cdn.door43.org/obs/jpg/360px/obs-en-23-07.jpg)

गेइतां तै बच्चे तोपा, ते तुसन तै लीकड़े मां पलैटोरो ते खुरली मां मैलेलो।” अचानक, अम्बार स्वर्गदूतन सीं भेरोवं। ते तैना परमेशरेरी महिमा केरने लगोरे थिए। तैनेईं ज़ोवं, “सारी महिमा स्वर्गे मां रानेबाले परमेशरे मैले। ते धेरती पुड़ तैन लोकन शांती भोए ज़ैन केरि परमेशर फिक्र केरते।

![](https://cdn.door43.org/obs/jpg/360px/obs-en-23-08.jpg)

तैखन स्वर्गदूत च़ले जे। तैना पुहाल भी अपनां गब्बां छ़ेडतां तैस बच्चे हेरने जे। ते जल्दी तैना तैस जिगाई पुज़े, ज़ैड़ी यीशु मसीह थियो, ते तैनेईं तै खुरली मां लव, ज़ेन्च़रे स्वर्गदूते ज़ोवरू थियूं। तैना बड़े खुश थिए। ते फिरी तैना पुहल वापस जे ज़ैड़ी तैन केरि भैड्डां थी। तैनेईं ज़ैन किछ भी शुनू ते लावं तैसेरे लेईं तैना परमेशरेरी महिमा केरने लगोरे थिए।

![](https://cdn.door43.org/obs/jpg/360px/obs-en-23-09.jpg)

पूर्बे मुल्ख मां किछ जोष्टी थिये। तैनेईं तारां केरि पड़हाई कियोरी थी। ते तैना बड़े बुद्धिमान थिए। तैनेईं अक खास तारो अम्बरे मां लव। तैनेई ज़ोवं, कि एल्हेरो मतलबे कि यहूदी लोकां केरे एक्की राज़ेरू ज़र्म भोवरूए। ते एल्हेरेलेई तैनेईं तैस बच्चे हेरनेरे लेई अपने मुल्खे मरां सफ़र केरनेरो फ़सलो कियो। एक्की लम्मे सफरेरां बाद, तैना बैतलहम नगरे मां आए ते तैन, तैन घर मैलू ज़ैड़ी यीशु ते तैसेरे अमां बाजी रूकोरे थिए।

![](https://cdn.door43.org/obs/jpg/360px/obs-en-23-10.jpg)

ज़ैखन एन मैनेई यीशु अपने अम्मा ते बाजी सीं साथी लावं त तैनेई ज़ैन्धू केरे भारे झुकतां तैसेरी आराधना की। तैनेई यीशु कीमती चीज़ां दित्ती। ते फिरी तैना घेरजो वापस जे।

*बाइबलरी ई कहानी मत्ती अध्याए 1; ते लूका अध्याए 2 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_23_128kbps.m4a

## 24. यूहन्ना यीशु बपतिस्मा देते।

https://openbiblestories.org/l/bhd/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा ते जकर्याहेरू मट्ठू यूहन्ना, बड्डू भोइतां अक नबी बनो। तै जंगल मां रहतो थियो, ते जंगली माछ़ी ते टिट्टां खातो थियो, ते ऊंटेरे बालन सीं बनोरे लिकड़ां लातो थियो।

![](https://cdn.door43.org/obs/jpg/360px/obs-en-24-02.jpg)

बड़े लोक यूहन्नरी गल्लां शुन्ने जंगले मां आए। ते तैनी इन ज़ोइतां तैन ई प्रचार कियो, “तोबा केरा किजोकि सुर्गेरू राज़ नेड़े पुज़ोरूए!”

![](https://cdn.door43.org/obs/jpg/360px/obs-en-24-03.jpg)

ज़ैखन लोकेईं यूहन्नारो परचार शुनो, त तैन मरां बड़े लोकेईं अपने पापां केरे लेई पश्चाताप कियो, ते यूहन्ने तैन बपतिसमो दित्तो। यूहन्ना हेरनेरे लेई बड़े धार्मेरे अगुवाहे भी आए, पन तैनेईं अपने पापां केरो पश्चाताप न कियो ।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक अगुवन स ज़ोवं, “हे ज़ेहरले सपव! पश्चाताप केरा ते अपनो बरताव बदला। परमेशर हर तैस बुट्टे काटेलो ज़ै रोड़ो फल न दे। ते तै तैन आगी मां छ़ाडेलो।” ज़ैन नेबेईं ज़ेवरू थियूं, यूहन्ने तैन पूरू कियूं, “हेर, जल्दी अवं तीं का अख बिस्तार देनेबालो भेज़तई ज़ै तेरे लेई बत तियार केरेलो।

![](https://cdn.door43.org/obs/jpg/360px/obs-en-24-05.jpg)

किछ धार्मिक अगुवेईं यूहन्ना पूछ़ू कि कुन तू मसीह आस। यूहन्ने जूवाब दितो, “अवं नई, पन तै मेरे बाद एज्जी राहोरोए। तैए तै इत्रो महाने कि अवं तैसेरे बुटेरे तासमे खोल्नेरे भी कबल नईं।

![](https://cdn.door43.org/obs/jpg/360px/obs-en-24-06.jpg)

होरसां यीशु बपतिसमो नेनेरे लेईं यूहन्ना कां अव। ज़ैखन यूहन्ना तै लव, त तैनी ज़ोवं,“हेरा! परमेशरेरू गबड़ू ज़ैन दुनियारे पापन एप्पु पुड़ नेते।”

![](https://cdn.door43.org/obs/jpg/360px/obs-en-24-07.jpg)

यूहन्ना यीशु सीं ज़ोवं, “अवं तीं बपतिसमो देनेरे काबल नईं। बजाए इल्हेरे कि ज़रूरी कि तू मीं बपतिसमो दे।” पन यीशुए ज़ोवं, “तीं मीं बपतिस्मो दित्तोरो लोड़े, किजोकी इन सही कम्मे।” ते यूहन्ने यीशु बपतिसमो दित्तो, हलाकि यीशुए कधी पाप न थियो कियोरो।

![](https://cdn.door43.org/obs/jpg/360px/obs-en-24-08.jpg)

बपतिसमो दित्तो गंनेरां बाद ज़ैखन यीशु पैनी मरां बेइर अव त परमेशरेरो आत्मा कबूतरेरी शकली मां बांदो भोव, ते तैस पुड़ बिश्शो। तैसे वक्ते, परमेशरे स्वर्गे मरां गल की। तैनी ज़ोवं, “तू मेरू मट्ठूस। ते अवं तीं पुड़ बड़ो खुशाईं।”

![](https://cdn.door43.org/obs/jpg/360px/obs-en-24-09.jpg)

परमेशरे यूहन्ना सीं ज़ोवरू थियूं, “ज़ैस तू पुड़ पवित्र आत्मा एइतो लालो, तैन्ने परमेशरेरू मट्ठूए। यूहन्ने यीशु बपतिस्मा दित्तो, ते तैनी बाजी परमेशर गल्लां केरतो शुनो।

*बाइबलरी ई कहानी मत्ती अध्याए 3; मरकुस अध्याए 1:9-11; लूका अध्याए 3:1 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_24_128kbps.m4a

## 25. शैतान यीशु मसीहेरी अज़माइश केरते।

https://openbiblestories.org/l/bhd/story-25/

![](https://cdn.door43.org/obs/jpg/360px/obs-en-25-01.jpg)

यीशु एरे बपतिसमेरे बाद, एकदम पवित्र अतमा तै जंगले मां नियो। यीशु तैड़ी 40 दिहाड़े ते 40 रात राव। तैस वक्ते तैनी बरत रख्खू, ते शैताने यीशु कां एइतां पाप करानेरे लेई तैसेरी अज़माइश की।

![](https://cdn.door43.org/obs/jpg/360px/obs-en-25-02.jpg)

पेइलू, शैताने यीशु सीं ज़ोवं, “अगर तू परमेशरेरू मट्ठू आस त इनां घोड़न रोटी बना ताकि तू खाई सखस!”

![](https://cdn.door43.org/obs/jpg/360px/obs-en-25-03.jpg)

पन यीशए शैताने सीं ज़ोवं कि, “परमेशरेरे वचने मां इन लिखोरूए, मैनू ज़ींते रानेरे लेई सिर्फ रोट्टरी ज़रूरत न भोए, पन हर तैस गल्लरी ज़रूरत भोचे ज़ै परमेशर तैन सीं ज़ोते!”

![](https://cdn.door43.org/obs/jpg/360px/obs-en-25-04.jpg)

तैखन शैताने यीशु भवनेरे सेभनां उच्चे जिगाई पुड़ नीयो। ते ज़ोवं, “अगर तू परमेशरेरू मट्ठू आस त इठां उन्ढे बिछड़, किजोकि लिखोरूए, ‘कि परमेशर तीं ट्लानेरे लेई अपने स्वर्गदूतन हुक्म देलो, कि तेरे पव्वन ठोकर न लगे।”

![](https://cdn.door43.org/obs/jpg/360px/obs-en-25-05.jpg)

पन यीशुए तैन न कियूं ज़ैन शैताने तैस केरनेरे लेई ज़ेवरू थियूं। इसेरे बजाए, तैनी ज़ोवं, “परमेशर हर केंन्ची सीं ज़ोते, “तू प्रभु अपने परमेशरेरी अज़मेश न केरां।”

![](https://cdn.door43.org/obs/jpg/360px/obs-en-25-06.jpg)

फिरी शैताने तैस दुनियारां सारां राज़ां हिरां। तैनी तैस हिरावं तैना राज़ां केत्रां शक्तीशाली थियां, ते तैन मां दुनीयारे सेभी सुखेरी चीजां थी। तैनी यीशु सीं ज़ोवं, “अवं इन सब तीं देलो अगर तू ज़ैन्धू केरे भारे बिश्तां मीं कां मथ्थो टेकस।”

![](https://cdn.door43.org/obs/jpg/360px/obs-en-25-07.jpg)

यीशुए जुवाब दितो, “हे शैतान, मीं करां दूर च़लो गा! परमेशरेरे वचने मां तै हुक्म देते, ‘सिर्फ अपने प्रभु परमेशरेरी आराधना केरा। सिर्फ तैसेरी आदर केरा।’”

![](https://cdn.door43.org/obs/jpg/360px/obs-en-25-08.jpg)

यीशुए शैतानेरे अज़मेशी करां हार न मन्नी, ते एल्हेरेलेई शैतान तैस करां च़लो जेव। तैखन स्वर्गदूत एइतां तैसेरी सेवा केरने लगे।

*बाइबलरी ई कहानी मत्ती अध्याए 4:1-11; मरकुस अध्याए   1:12-13; लूका अध्याए 4:1-13 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_25_128kbps.m4a

## 26. यीशु मसीह अपनी सेवा शुरू केरते।

https://openbiblestories.org/l/bhd/story-26/

![](https://cdn.door43.org/obs/jpg/360px/obs-en-26-01.jpg)

अज़मेशी मां शैतानेरे गल्लां केरो इन्कार केरनेरे बाद, यीशु वापस गलील इलाके मां अव, ई तैए जगाए ज़ैड़ी तै रातो थियो। पवित्र आत्मा तैस बड़ी शक्ती देइ रहोरो थियो, ते यीशु एक्की जगरां होरि जगाई जेव ते लोकन शिक्षा दित्ती। ते सेभेईं तैसेरे बारे मां रोड़ी गल्लां ज़ोई।

![](https://cdn.door43.org/obs/jpg/360px/obs-en-26-02.jpg)

यीशु नासरत नगरे मां जेव। एन तैन ड्लावें ज़ैड़ी यीशुएरू बचपन गुज़रोरो थियूं। आरामेरे दिहैड़ी मां तै परमेशरेरे भवने मां जेव, ते तैठेरे सेवकेई तैस यशायाह नेबेरी किताब दित्ती। तैना चाते थिए कि तै तैस मरां पड़े। ते यीशुए किताब खोलतां तैस मरां अक हिस्सो लोकां केरे लेई पढ़ो।

![](https://cdn.door43.org/obs/jpg/360px/obs-en-26-03.jpg)

यीशुए इन पड़ू, “परमेशरे मीं पुड़ अपनो आत्मा दित्तो, ताकि अवं कंगालन खुशखबरी शुनेईं। तैनी अवं एल्हेरेलेईं भेज़ोरोईं कि कैदन आज़ाद केरि, ते तैन छुटकरो देई ज़ैन होरे लोक ढ्लेन्ची रवरेन। ई तै वक्ते ज़ैखन परमशर असन पुड़ महरबान भोलो ते इश्शी मदत केरेलो।”

![](https://cdn.door43.org/obs/jpg/360px/obs-en-26-04.jpg)

फिरि यीशु बिश्शो। सब लोक बड़े ध्याने सीं तैसेरे पासे तकने लगोरे थिए। तैना ज़ानते थिए कि पवित्रशास्त्रेरो ज़ै हिस्सो तैनी हुना पड़ोरो थियो, तै मासीहेरे बारे मां थियो। यीशुए ज़ोवं, “ज़ैना गल्लां मीं तश्शे लेईं हुना पेड़ी, तैन हुना भोई रावरेन।” सब लोक हेरान थिए। तैनेईं ज़ोवं, “कुन एन युसफेरू मट्ठू नईं?”

![](https://cdn.door43.org/obs/jpg/360px/obs-en-26-05.jpg)

तैखन यीशुए ज़ोवं, “इन सच़्च़े कि लोक कोन्ची एरे नबी कुबूल न केरन ज़ै तैनकेरे नगरे मां पलोरो बेडोरो भोए। एलिय्याह नेबेरे वक्ते मां, इस्राएले मां बेड़ी विधवा कौन्शां थी। पन ज़ैखन साड़े ट्लाई साल झ़ाड़ी न भोई त परमेशरे एलिय्याह इस्राएले मां कोन्ची विधवा कौन्शरी मदत केरने न भेज़ो। इसेरे बजाए, तैनी एलिय्याह कोन्ची होरि मुलखेरे विधवा कौन्शी कां भेज़ो।”

![](https://cdn.door43.org/obs/jpg/360px/obs-en-26-06.jpg)

यीशुए ज़ोनू ज़ारी रख्खू, ते एलीशा नेबेरे वक्ते मां, इस्राएलेरे बड़े लोकन कोड़ थियूं। पन एलीशाहे तैन मरां कोई भी बझ़ाव। तैनी सिर्फ इस्राएलेरे दुशमन सेनारो परधान नमान बझ़ाव।” पन ज़ैना लोक यीशुएरी गल्लां शुन्ने लगोरे थिए तैना यहूदी थिए। ते एल्हेरेलेई ज़ैखन तैनेईं तैस करां इन ज़ोनू शुनू त तैना तैस पुड़ सेरकोए।

![](https://cdn.door43.org/obs/jpg/360px/obs-en-26-07.jpg)

नासरेतेरे लोकेईं यीशु ट्लाव ते तै प्राथना घरे मां निसतां बेइर अव। तैनेईं तै मारनेरे लेई पहाड़े पुड़ नियो, कि तैस तैठां बछ़ोड़न। पन यीशु लोकां केरे भीड़ी मरां निसतां जेव ते नासरत नगर छ़ेडतां च़लो जेव।

![](https://cdn.door43.org/obs/jpg/360px/obs-en-26-08.jpg)

फिरि यीशु ग्लीलेरे सैरी इलाके मां जेव, ते बड़े लोक तैस कां आए। तैनेईं एरे बड़े लोक तैस कां आने ज़ैना बिमार ते काने, टोंन्ते, लैट्टे ते टव्वने थिए। ते यीशुए तैना बझ़ाए।

![](https://cdn.door43.org/obs/jpg/360px/obs-en-26-09.jpg)

इसेरे इलावा, बड़े एरे लोक यीशु अक आए ज़ैन मां दुष्टात्मां थीं। यीशुए दुष्टात्मां तैन मरां नीस्नेरो हुक्म दितो। तैना दुष्टात्मा हमेशा चीन्डां मैरती थी, ते इन ज़ोती थी “तू परमेशरेरू मट्ठू आस। इन लेइतां लोक हेरान थिए, ते तैनेईं परमेशरेरी तारीफ की।

![](https://cdn.door43.org/obs/jpg/360px/obs-en-26-10.jpg)

फिरि यीशु 12 मैनू च़ुने ज़ैन जो तैनी प्रेरित ज़ोवं। तैना प्रेरितेईं तैस सीं साथी कई सफ़र किये ते तैस करां शिक्षा हासिल की।

*बाबलरी ई कहानी मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_26_128kbps.m4a

## 27. दया केरनेबालो अक सामरी।

https://openbiblestories.org/l/bhd/story-27/

![](https://cdn.door43.org/obs/jpg/360px/obs-en-27-01.jpg)

एक्की दिहाड़े, यहूदी पवित्र कितबरो अक ज्ञानी मैनू यीशु कां अव। तै सेभन इन हिरानू चातो थियो, कि यीशु गलत तरीके सीं शिक्षा देइ रहोरो थियो। ते एल्हेरेलेई तैनी ज़ोवं, “हे गुरु जी, हमेशारी जिन्दगी हासिल केरनेरे लेईं अवं कुन केरी?” यीशुए जुवाब दित्तो, “परमेशरेरे किताबी मां कुन लिखोरूए?”

![](https://cdn.door43.org/obs/jpg/360px/obs-en-27-02.jpg)

तैनी मैने ज़ोवं, “परमेशरेरी किताब ज़ोचे कि परमेशरे सीं अपने सारे मने, अपने सारे प्राण, शेक्ती, ते अक्ली सीं प्यार रख्ख। ते अपने पड़ोसी सीं अपने जानारो ज़ेरो प्यार रख।” यीशुए जुवाब दित्तो, “तू बिलकुल सही आस! अगर तू एन्च़रे केरस, त तीं हमेशारी ज़िन्दगी हासिल भोली।”

![](https://cdn.door43.org/obs/jpg/360px/obs-en-27-03.jpg)

पन तै ज्ञानी मैनू लोकन हिरानू चातो थियो कि तैसेरो ज़िन्दगी ज़ीनेरो तरीको सही थियो। एल्हेरेलेई तैनी यीशु पुछ़ू, “ठीके, त फिरी मेरो पड़ोसी कौने?”

![](https://cdn.door43.org/obs/jpg/360px/obs-en-27-04.jpg)

यीशुए तैस ज्ञैनी मैनू अक कहानी शुनेइतां जुवाब दित्तो।” अक यहूदी थियो तै यरूशलेमेरां यरीहो जो च़लोरो थियो।”

![](https://cdn.door43.org/obs/jpg/360px/obs-en-27-05.jpg)

“पन किछ डैकेईं तै लव ते तैस पुड़ हमलो कियो। तैनेईं तैसेरू सब किछ निवं ते तैस एत्री मार दित्ती। ते फिरि तैना च़ले जे।”

![](https://cdn.door43.org/obs/jpg/360px/obs-en-27-06.jpg)

“तैन केरे बाद, अक याजक तैस बत्तां निस्सो। तैनी याजके तै मैनू सड़की मां पेवरो लाव ते ड्खमेईं निसतां जेव, तैनी तै मैनू पूरे तरीके सीं नज़र अंदाज़ कियो।”

![](https://cdn.door43.org/obs/jpg/360px/obs-en-27-07.jpg)

किछ वक्त बीतनेरां बाद, अक लेवी तैस बत्तां अव। (लेवी यहूदी केरू अक गोट्ल थियूं ज़ैन केरू कम परमेशरेरे भवने मां याजकां केरि मद्दत केरनी थी।) तै भी ड्खमेईं निस्तां तै मैनू नज़रानदाज़ कियो।

![](https://cdn.door43.org/obs/jpg/360px/obs-en-27-08.jpg)

“ते होरो मैनू तैस बत्तां अव तै सामरी मैनू थियो। (सामरी ते यहूदी एक्की-होरी सीं नफ़रत केरते थिए।) तैनी सैमरी मैने तै मैनू बत्ती मां पेवरो लाव। तैनी हेरू कि तै मैनू यहूदी थियो। पन फिर भी तैनी तैस पुड़ दया की। ते तै तैस कां जेव तैसेरे ज़खमन पुड़ पट्टी बंधी।”

![](https://cdn.door43.org/obs/jpg/360px/obs-en-27-09.jpg)

फिरी तैनी सैमरे तै मैनू अपने गधे पुड़ च़ैढ़तां नियो ते धर्मशाली मां पुज़ाव। ज़ैड़ी तैसेरी देखभाल की गाए।

![](https://cdn.door43.org/obs/jpg/360px/obs-en-27-10.jpg)

होरसां तैनी सामरी मैने अपने सफर जारी रख्खू। ते तैनी तैस धर्मशालरे मालिके किछ पेंइसे दित्ते, ते तैस सीं ज़ोवं, “इस मैनेरी देखभाल भाल केरा। ते अगर इनां पेइंसे केरे इलावा तेरो किछ पेइंसो लगेलो त वापस एइतां अवं तीं देलो।”

![](https://cdn.door43.org/obs/jpg/360px/obs-en-27-11.jpg)

ते फिरी यीशुए तैस ज्ञैनी पुछ़ू, “तू कुन सोचतस? इना ट्लेइयने मरां कौन तैस मैनेरो पड़ोसी भोव ज़ै लुटरो ते मारोरो पीटोरो थियो?” तैनी जुवाब दित्तो, “तैए ज़ैनी तैस पुड़ महरबानी कियोरी थी।” यीशुए तैस सीं ज़ोवं, “तू भी गेइतां एन्च़रे केर।”

*बाइबलरी ई कहानी लूका अध्याए 10:25-37 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_27_128kbps.m4a

## 28. अक अमीर ते नव जुवान अधाकरी।

https://openbiblestories.org/l/bhd/story-28/

![](https://cdn.door43.org/obs/jpg/360px/obs-en-28-01.jpg)

एक्की बार, अक अमीर जुवान यीशु कां अव तै अक अधीकारी थियो तैनी यीशु का एइतं पुछ़ू, “हे रोड़े गुरु, हमेशारी ज़िन्दगी हासिल केरनेरे लेंइ मीं कुन कियोरू लोड़े?” यीशुए तैसेईं ज़ोवं, “तू मीं जो रोड़ो किजो ज़ोतस? रोड़ो सिर्फ अक्के ते तै परमेशरे। पन अगर तू हमेशरी ज़िन्दगी हासिल केरनी चातस त परमेशरेरे हुक्म मन्न।”

![](https://cdn.door43.org/obs/jpg/360px/obs-en-28-02.jpg)

तैनी पुछ़ू, “मीं कोना -कोना हुल्म म्न्नेरी ज़रूरते?” ते यिशुए जुवाब दित्तो, “खून नई केरनो। बदमाशी नई केरनी। चोरी नई केरनी। झूठ न ज़ोथ। अपने बाजी ते अमारी आदर केरनी, ते अपने पड़ोसी सीं अपने जनारो ज़ेरो प्यार केरनो।”

![](https://cdn.door43.org/obs/jpg/360px/obs-en-28-03.jpg)

पन तैनी जुवाने सिं ज़ोवं, "अवं अपने बचपाने करां एैना हुक्म मन्नतो एवरोंई। ते मीं हमेशरी ज़िन्ते रानेरे लेई अवं कुन केरनेरी ज़रुते?" यिशुए तैसेरां तकु ते तैस बड़ो तरस अव।

![](https://cdn.door43.org/obs/jpg/360px/obs-en-28-04.jpg)

यीशुए तैस जुवाब दित्तो, “अगर तू सिद्ध भोंनू चतस त गेइतं अपनु सब किछ बेच ते गरीबन मं बाँट, ते तीं स्वर्गे मां धन मैलनुए। ते फिरि एइतं मीं पती एइ।”

![](https://cdn.door43.org/obs/jpg/360px/obs-en-28-05.jpg)

ज़ैखन यीशुए ज़ोवं, तैनी जुवाने शुन्नु त तै बड़ो उदास भोई जेव, किजोकी तै बड़ो अमीर थियो ते तैस अपनी सारी जाइदात देनी न थियो चातो। ते तै यीशु करां चलो जेव।

![](https://cdn.door43.org/obs/jpg/360px/obs-en-28-06.jpg)

तैखन यीशुए अपने चेलन सिं ज़ोवं, “परमेशरेरे राज़े मं अमीर लोकं केर दखल भोंनू बड़ू कठने! हां, परमेशरेरे राज़े मं एक्की अमीर मैनेरू दखल भोंनू एक्की ऊँटेरू सूयारे पाए मांमेइं निस्नू असाने।”

![](https://cdn.door43.org/obs/jpg/360px/obs-en-28-07.jpg)

ज़ैखन यीशुए ज़ोवं, तैखन चेलेंई शुनू त तैना हेरान थिए। तैनेंई ज़ोवं, अगर एन एन्च़रे सीं त परमेशर लोकन केन्च़रे बंच़ालो?

![](https://cdn.door43.org/obs/jpg/360px/obs-en-28-08.jpg)

यिशुए चेलां केरे ताकू ते ज़ोवं, “लोकं केरे लेंईं अपनी मुक्ति एपू हासिल केरनी नमुम्किने। पन परमेशरेरे लेई किछ भी केरनु नमुम्किन नई।”

![](https://cdn.door43.org/obs/jpg/360px/obs-en-28-09.jpg)

पतरसे यीशु पुछ़ू, “अस तेरे चेले अपनू सब किछ छ़ेडतं तीं पती च़लोरेम। त असन कुन इनाम मैलनुए?”

![](https://cdn.door43.org/obs/jpg/360px/obs-en-28-10.jpg)

यीशुए जुवाब दितो, “हर कोई मैनू ज़ैनी मेरे वजाई सीं घर, ढ्ला बेइन, बाजी, आमं, बच्चे, या जाइदात शोरोरीए, तैस करां 100 गुना ज़ैदां हासिल केरेलो ते हमेशरी ज़िन्दगी भी हासिल केरेलो। पन बाड़ेन ज़ैना पेइलेन तैना पत्रोंवं भोले, ते बड़े पत्रोंवंन तैना पेइले भोल।”

*बाइबलरी  ई कहानी मत्ती अध्याए 19:16-30; मरकुस अध्याए 0:17-31; लूका अध्याए 8:18-30*

Audio: https://git.door43.org/OBS-TLF/bhd_obs/releases/download/v1/bhd_obs_v1_28_128kbps.m4a

## 29. बेरहम नौकरेरी कहानी।

https://openbiblestories.org/l/bhd/story-29/

![](https://cdn.door43.org/obs/jpg/360px/obs-en-29-01.jpg)

एक्की दिहाड़े पतरसे यीशु पुछ़ू, “हे प्रभु, मीं अपने ढ्लाए केत्रे बार माफ़ कियोरू लोड़े, अगर तै मेरे खिलाफ पाप केरे? कुन सत बार? यीशुए ज़ोवं, सत बार नईं, पन सत्तां केरे सत्तर बार!” एसेरे ज़िरिहे, यीशुएरो मतलबे कि असेईं हमेशा माफ़ केयोरू लोड़े। तैखन यीशु मसीहे ई कहानी ज़ोइ।

![](https://cdn.door43.org/obs/jpg/360px/obs-en-29-02.jpg)

यीशुए ज़ोवं, “परमेशरेरू राज़ एक्की राज़ेरू ज़ेरूए ज़ै अपने नौकरन करां हिसाब नेनो चातो थियो। तैसेरो अक नौकर 2,00,000 सालां केरे बराबर मज़दूरारे लेई कर्ज़दार थियो।”

![](https://cdn.door43.org/obs/jpg/360px/obs-en-29-03.jpg)

पन तैनी नौकरे अपनो करज़ो चुकेई न बटो, एल्हेरेलेई राज़े ज़ोवं, “एस मैनू कर्ज़ो चुकानेरे लेई एस ते ऐसेरे टबरे गुलाम भोनेरे लेई बेच़ा।”

![](https://cdn.door43.org/obs/jpg/360px/obs-en-29-04.jpg)

तैनी नौकरे राज़ेरे सामने अपने ज़ैन्धू केरे भारे बिशतां जोवं, ‘महरबानी केरा ते हेजू बलग, ते अवं अपनो कर्ज़ेरी पुरी रकम चुकालो। ते राज़े तैस नौकरे पुड़ दया की, ते एल्हेरेलेई तैनी तैसेरो सारो कर्जो माफ़ कियो ते तै गांने दित्तो।

![](https://cdn.door43.org/obs/jpg/360px/obs-en-29-05.jpg)

पन ज़ैखन तै नौकर राज़े करां बेइर जेव, त तैस तैसेरो अक साथी नौकर मैलो ज़ै तैसेरे च़ेवर महीना केरि मज़दूरारो कर्ज़दार थियो। तैनी नौकरे अपनो साथी दास ट्लाव ते ज़ोवं, ‘ज़ै तीं पुड़ मेरो कर्जोए तै दे!’

![](https://cdn.door43.org/obs/jpg/360px/obs-en-29-06.jpg)

तैनी सैथी नौकरे ज़ैन्धू केरे बिश्तां ज़ोवं, ‘महरबानी केरतां मीं होरो थोड़ो वक्त दे, ते अवं अपने कर्ज़ेरी पुरी रकम चुकालो। पन इसेरे बाजए, तैनी नौकरे अपने सैथी नौकर कैदखाने मां छ़डाव, ज़ां तगर कि तै तैसेरो कर्ज़ो न चुकाए।’

![](https://cdn.door43.org/obs/jpg/360px/obs-en-29-07.jpg)

ज़ैन किछ भोवरू थियुं तैन होरी किछ दासेईं लाव ते तैना बड़े परेशान भोए। तैना राज़े कां जे ते तैनेईं सब किछ ज़ोवं।

![](https://cdn.door43.org/obs/jpg/360px/obs-en-29-08.jpg)

राज़े तै नौकर कुजेइतां ज़ोवं, ‘हे दुष्ट नौकरा! मीं तेरो कर्ज़ो एल्हेरेलेई माफ़ कियोरो थियो, किजोकी तीं मीं कां मिनत कियोरी थी। ते तीं भी तैन्ने कियोरू लोड़तू थियुं। राज़ो एत्रो सेरकोरो थियो कि तैनी तै दुष्ट नौकर कैदखाने मां छ़डाव ज़ां तगर कि तै अपनो सारो कर्ज़ो न चुकाए।’

![](https://cdn.door43.org/obs/jpg/360px/obs-en-29-09.jpg)

तैखन यीशुए ज़ोवं, “मेरो बाजी ज़ै सुर्गे मं माजूदे तुस्न मरां हर एक्की सीं एन्ने केरेलो अगर तुस अपने ढ्लाए दिले सीं माफ़ न केरेले।”

*बाइबलरी ई कहानी मत्ती अध्याए 18:21-35 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_29_128kbps.m4a

## 30. यीशु मसीह पंच़ हज़ार मैन्न रोट्टी खुवाते।

https://openbiblestories.org/l/bhd/story-30/

![](https://cdn.door43.org/obs/jpg/360px/obs-en-30-01.jpg)

यीशु मसीहे अपने प्रेरित प्रचार केरने ते लोकन शिक्षा देने लेई बड़े अलग-अलग ड्लव्वन मां भेज़े। ज़ैखन तैना यीशु मसीह कां वापस आए त तैनेईं तैस सीं ज़ोवं, कि तैनेईं कुन कियोरू थियुं। तैखन यीशुए तैना झीलारे होरी पासे तैस सीं साथी एक्की शांत जिगाई आराम केरनेरे लेईं कुजाए। ते तैना किश्ती पुड़ च़ड़े ते झीलरे होरी पासे च़ले जे।

![](https://cdn.door43.org/obs/jpg/360px/obs-en-30-02.jpg)

पन तैड़ी बड़े एरे लोक थिए ज़ैनेईं यीशु ते चेले किश्ती मां गांते लेवरे थिए। ते इनां लोक तैन करां अगरी झीलारे होरी पासे गंनेरे लेई कन्ढ़े-कन्ढ़े दौड़े। ते ज़ैखन यीशु ते चेले पुज़े ते लोकां केरि अक बड़ी भीड़ तैन बेलगी राहोरी थी ते तै भीड़ तैन करां पेइली तैड़ी थी।

![](https://cdn.door43.org/obs/jpg/360px/obs-en-30-03.jpg)

तैस भीड़ी मां बच्चे ते कौन्शां केरि गिनतरे इलावा 5,000 मड़द थी, ते यीशुए तैन्न पुड़ बड़ो तरस अव यीशुएरे लेई तैना लोक बगैर पुहालेरी भैडां केरे ज़ेरे थिए। ते एल्हेरेलेई तैनी तैन शिक्षा दित्ती ते तैन्न मां ज़ैनां लोक बिमार थिए तैना बझ़ाए।

![](https://cdn.door43.org/obs/jpg/360px/obs-en-30-04.jpg)

ते ड्लवाझ़रे वक्ते, चेलेईं यीशु सीं ज़ोवं, “हुनी ठढ़ भेवरीए ते आसे-आसे कोई ड्लवां भी नईं। इना लोकन गंने दे ताकि गेइतां अपने रोट्टारो इतज़ाम केरन।

![](https://cdn.door43.org/obs/jpg/360px/obs-en-30-05.jpg)

पन यीशु चेलन सीं ज़ोवं, “तुस एन किछ खाने जो देथ!” तैनेईं जुवाब दित्तो, अस एन केंन्च़रे केरी सखतम? असन कां सिर्फ पच़ रोट्टी ते दुई मेछ़ली आन।”

![](https://cdn.door43.org/obs/jpg/360px/obs-en-30-06.jpg)

यीशुए अपने चेलन सीं ज़ोवं भीड़ारे लोकन पंज़ा-पंज़ा केरतां बारां सीं बिशनेरे लेई ज़ोथ।

![](https://cdn.door43.org/obs/jpg/360px/obs-en-30-07.jpg)

तैखन यीशुए पंच़ रोट्टी ते दूई मेछ़ली ट्लेइतां सुर्गेरे पासे तक्कू, ते तैन्न रोट्टी ते मेछ़ली केरे लेई परमेशरेरू शुक्र कियूं।

![](https://cdn.door43.org/obs/jpg/360px/obs-en-30-08.jpg)

फिरी यीशुए रोट्टी ते मेछ़ली ट्लोड़तां टुकड़े किये। ते तैनी लोकन देनेरे लेंई अपने चेलन तैना टुकड़े दित्ते। चेलेईं तैना लोकन बन्टे ते मुकने न लगे! ते तैना सब लोक खैइतां रज़्ज़े।

![](https://cdn.door43.org/obs/jpg/360px/obs-en-30-09.jpg)

तैसेरां बाद, चेलेई तैना टुकड़े अकोठे किये ज़ैना खानेबालन करां बंच़ोरे थिए ते तैन सीं 12 टोकरी भेरोइ! एना सैरी पंच़ रोट्टन ते दुई मेछ़लन करां एवरी थी।

*बाइबलरी ई कहानी मत्ती अध्याए 14:13-21; मरकुस अध्याए 6:31-44; लूका अध्याए 9:10-17; यूहन्ना अध्याए 6:5-15*

Audio: https://git.door43.org/OBS-TLF/bhd_obs/releases/download/v1/bhd_obs_v1_30_128kbps.m4a

## 31. यीशु मसीह पैनी पड़ च़लते।

https://openbiblestories.org/l/bhd/story-31/

![](https://cdn.door43.org/obs/jpg/360px/obs-en-31-01.jpg)

पंच़ हज़ार लोकन रोट्टी खुवानेरां बाद, यीशुए अपने चलन किश्ती मां गंनेरे लेई ज़ोवं। तैनी तैन झ़ीलारे होरी पासे गंनेरे लेई ज़ोवं, हालांकि तै एप्पू थोड़े वक्तेरे लेई तैड़ी रुको। चेले च़ले जे ते यीशुए भिड़ारे लोक वापस भेज़े, कि तैना अपने घरे जो गांन। ते एसेरां बाद यीशु प्राथना केरनेरे लेई पहाड़े पुड़ जेव। ते तैड़ी तै अकैलो थियो, ते तैनी राती ठड्डी तगर प्राथना की।

![](https://cdn.door43.org/obs/jpg/360px/obs-en-31-02.jpg)

तैस वक्ते चेले किश्ती च़लेई रावरे थिये, पन तैन केरे सामने बड़ो बात च़लोरो थियो। बड़ी रात भोनेरे बावजूद भी तैना झीलारे मझ़ाटे पुज़ोरे थिए।

![](https://cdn.door43.org/obs/jpg/360px/obs-en-31-03.jpg)

तैस वक्ते यीशुए प्राथना केरनी ख़त्म की ते अपने चेलन कां जो च़लो। तै किशतारे पासे गंनेरे लेईं पैनी पुड़मेंईं च़लने लगो।

![](https://cdn.door43.org/obs/jpg/360px/obs-en-31-04.jpg)

ज़ैखन चेलेईं तै लाव। त तैना डेरी जे किजोकी तैनेंईं सोचोरू थियुं कि एन कोई भूते। यीशु ज़ानतो थियो कि तैना डरोरेन, एल्हेरेलेई तैनी हक़ देइतां ज़ोवं, “डरा न्न, अवंईं!”

![](https://cdn.door43.org/obs/jpg/360px/obs-en-31-05.jpg)

तैखन पतरसे यीशु सीं ज़ोवं, “हे प्रभु अगर तू आस त मीं पैनी पुड़ च़ेलतां तीं कां एजनेरो हुक्म दे।” यीशुए पतरसे सीं ज़ोवं, “एई।”

![](https://cdn.door43.org/obs/jpg/360px/obs-en-31-06.jpg)

पतरस किश्ती पुड़रां ओसो ते यीशु कां गननेरे लेई पैनी पुड़मेंइ च़लने लगो। पन थोड़े दूर गेइतां, तैनी एपनी एछ़ी यीशु एरे पासेरां फिरेई ते बेड़ी छ़ेलही ते तेज़ हवा महसूस की।

![](https://cdn.door43.org/obs/jpg/360px/obs-en-31-07.jpg)

तैखन पतरस डरो ते डुबने लगो। तै चिन्डां मारने लगो, “हे प्रभु, मीं बंच़ा!” यीशुए तैखने हथ अग्रोवं केरतां तै ट्लाव। तैखन तैनी पतरसे सीं ज़ोवं, “तेरो विश्वास बड़ो घटे! एपनी रक्षारे लेई तीं मीं पुड़ भोरोसो की न कियो?”

![](https://cdn.door43.org/obs/jpg/360px/obs-en-31-08.jpg)

तैखन यीशु ते पतरस किश्ती मां च़ड़े ते एकदम हवा च़लनी ते छ़ेल्ली बन्द भोई। ते चेलेईं ज़ैन्धू केरे भारे झुकतां मथ्थो टेको। तैनेईं तैसेरी आराधना की ते तैस सीं ज़ोवं, “सच़्च़े तू परमेशरेरू मट्ठू आस।”

*बाइबलरी ई कहानी मत्ती अध्याए 14:22-33; मरकुस अध्याए   6:45-52; यूहन्ना अध्याए 6:16-21 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_31_128kbps.m4a

## 32. यीशु एक्की मैनू ज़ैस पुड़ भूतेरो सायो थियो ते एक्की बिमार कौन्शी बाझ़ाते।

https://openbiblestories.org/l/bhd/story-32/

![](https://cdn.door43.org/obs/jpg/360px/obs-en-32-01.jpg)

यीशु ते तैसेरे चेले एपनी किश्ती मां तैस इलाके मां जे। ज़ैड़ी गिरासेनी लोक रहते थिए। तैना तैस इलाके मां पुज़तां किश्ती मरां ओस्से।

![](https://cdn.door43.org/obs/jpg/360px/obs-en-32-02.jpg)

तैड़ी अक मैनू थियो ज़ैस पुड़ भूतेरो सायो थियो।

![](https://cdn.door43.org/obs/jpg/360px/obs-en-32-03.jpg)

तै मैनू एत्रो तगतबर थियो कि कोई भी तैस कैबू मां न थियो केरि बटतो। बड़े बार लोकेईं तैसेरे हाथ-पाव शांगलेंईं बनधे, पन तै तैन्न ट्लोड़तो थियो।

![](https://cdn.door43.org/obs/jpg/360px/obs-en-32-04.jpg)

तै मैनू तैस इलाके मां कबरन मां रहतो थियो। ते रात दिहैड़ी चिन्डां मारतो थियो। तै लिकड़ां न थियो लातो। ते हमेशा अपने-आपे घोड़ेईं सीं ज़खमी केरतो थियो।

![](https://cdn.door43.org/obs/jpg/360px/obs-en-32-05.jpg)

तै मैनू देवड़तां यीशु कां अव ते तैस कां ज़ैन्धू केरे भारे बिशी जेव। तैखन यीशुए तैस मैनेरे अन्तर बिशोरे भूते सीं ज़ोवं, “इस मैनू मरां बेइर निस!”

![](https://cdn.door43.org/obs/jpg/360px/obs-en-32-06.jpg)

तैन भूत ज़ोरे-ज़ोरे चिन्डां लगु मरने, ते ज़ोवं, “हे यीशु, परम प्रधान परमेशरेरा मट्ठा, तेरू मीं सीं कुन कम? महरबानी केरतां मीं दुख न दे।” तैखन यीशुए भूते पुछ़ू, “तेरू नंव कुने?” तैनी जुवाब दित्तो, “मेरू नंव सेनाए, किजोकि आस बाड़ेम।”

![](https://cdn.door43.org/obs/jpg/360px/obs-en-32-07.jpg)

तैन भूतेंई यीशु कां गुज़ारिश की, “महरबानी केरतां असन इस इलाके मरां बेइर न भेज़!” तैड़ी नेड़े पहाड़े पुड़ सुरां केरो अक घान च़राने लगोरो थियो। ते एल्हेरेलेई तैन भेतेईं यीशु कां गुज़ारिश की, महरबानी केरतां असन उन सुरन मां भेज़।” यीशुए ज़ोवं, “ठीके, तैन्न मां गात।”

![](https://cdn.door43.org/obs/jpg/360px/obs-en-32-08.jpg)

ते तैना भूतां तैस मैनू मरां निसतां तैन सुरन मां जेआं। तैना सुर दौवड़ते गेइतां ते एक्की छ़ून्डे पुड़रां डैल्ले मां जो छालां मैरतां जे, ते मेरि जे। तैस सुरां केरे घाने मां लगभग 2,000 सूर थिए।

![](https://cdn.door43.org/obs/jpg/360px/obs-en-32-09.jpg)

तैड़ी तैना सुरां केरि देखभाल केरनेबाले लोक थिए। ते ज़ैन किछ भेवरू थियुं ज़ैखन तैनेईं लाव त तैना नगरे मां जो नश्शे। यीशुए ज़ैन कियोरू थियुं तैनेईं नगरेरे मैन्न सीं ज़ोवं। तैना नगरेरे मैनू आए ते तैनेईं तै मैनू लाव ज़ैस पुड़ भूतेरो सायो थियो। तै आरामे सीं लिकड़ां लेइतां बिशोरो थियो। ते एक्की आम मैनेरो ज़ेरो बरताव केरि राहोरो थियो।

![](https://cdn.door43.org/obs/jpg/360px/obs-en-32-10.jpg)

तैना लोक बड़े डरोरे थिए ते तैनेईं यीशु सीं ज़ोवं, कि इश्शे इलाके मरां च़लो गा। यीशु किश्ती पुड़ च़ड़ो ते तै मैनू ज़ैस पुड़ भूतेरो सायो थियो तैनी यीशु सीं साथी गंनेरी गुज़ारिश की।

![](https://cdn.door43.org/obs/jpg/360px/obs-en-32-11.jpg)

पन यीशुए तैस सीं ज़ोवं, “नईं। अवं चाताईं कि तू घरे गेइतां सेभन सीं ज़ो कि परमेशरे तेरे लेई कुन कियोरूए। तैन्न सीं ज़ो कि परमेशरे केन्च़रे तीं पुड़ दिया कियोरी।”

![](https://cdn.door43.org/obs/jpg/360px/obs-en-32-12.jpg)

ते एल्हेरेलेई तै मैनू वापस अपने घरे जो च़लो जेव। ते सेभन सीं एल्हेरे बारे मां ज़ोवं ज़ैन यीशुए तैसेरे लेई कियोरू थियुं। तैसेरी कहानी शुन्ने बालो हर कोई हेराने रेइ जेवरो थियो।

![](https://cdn.door43.org/obs/jpg/360px/obs-en-32-13.jpg)

यीशु डैलहेरे होरि पासे वापस अव। तैसेरे तैड़ी पुज़नेरे बाद, लोकां केरि अक बड़ी भीड़ तैसेरे असे-पासे खड़ी भोई ते लोक तैस पुड़ बिछ़ड़ते थिए। तैस भीड़ी मां अक कौन्श थी ज़ैस 12 सालन करां खून च़लनेरी बिमारी थी। तैसां अपनो सारो पेइंसो अलाज़ेरे लेई बेदन दितोरो थियो, पन तैसारी बिमारी होरी भी बधोरी थी।

![](https://cdn.door43.org/obs/jpg/360px/obs-en-32-14.jpg)

तैसां शुनेरू थियुं कि यीशुए कई बिमार लोक बाझ़ेवरे थिए ते तैसां सोचू, “मीं विश्वासे कि अगर अवं यीशुएरे लिकड़े सिं हुरेली, त अवं बाझ़ोनीं!” ते एल्हेरेलेई तै यीशुएरे पतोरां आई ते तैसेरे लिकड़े सीं हुरी। ते ज़ेरी तै तैस सीं हुरी, तैसारो खून च़लनो बंद भोई जेव।

![](https://cdn.door43.org/obs/jpg/360px/obs-en-32-15.jpg)

अकदम यीशु पतो लगो, कि मीं मरां शक्ति निसोरीए ते तैनी पत्रोवं फिरतां पुछू, “मीं सीं कौन हुरो?” चेलेईं जुवाब दित्तो, “इड़ी एत्रे लोकेईं तेरे च़ेवरे पसन भीड़ लेवरीए, ते तीं पुड़ जो बिछ़ड़ने लगोरेन। त तीं किजो पुछ़ू कि मीं सीं कौन हुरो?”

![](https://cdn.door43.org/obs/jpg/360px/obs-en-32-16.jpg)

तै कौन्श डरती ते थरकती यीशु कां अई ते अपने ज़ैन्धू केरे भारे बिश्शी। तैखन तैसां तैस सीं ज़ोवं, कि तैसां कुन कियोरूए, ते इन भी कि अवं बेझ़ोरीं। यीशुए तैस सीं ज़ोवं, “तेरे विश्वासे तू बझ़ावरीस हुनी तू सुखे सीं गा।”

*बाइबलरी ई कहानी मत्ती अध्याए 8:28-34; 9:20-22; मरकुस अध्याए 5:1-20; 5:24b-34; लूका अध्याए 8:26-39; 8:42-48 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_32_128kbps.m4a

## 33. एक्की ज़मीनदारेरी कहानी।

https://openbiblestories.org/l/bhd/story-33/

![](https://cdn.door43.org/obs/jpg/360px/obs-en-33-01.jpg)

एक्सां यीशु झिलरे बन्ने बिश्शोरो थियो। तै लोकां केरि एक्की बेड़ी भीडी शिक्षा देने लगोरो थियो। तैस शुन्नेरे लेईं एत्रे लोक अकोट्ठे भोए कि तैड़ी पव रखनेरी जगा न बच़ी एल्हेरेलेई तै एक्की किश्ती मां च़ड़ो ज़ै पैनी मां थी। ते लोकन शिक्षा देने लगो।

![](https://cdn.door43.org/obs/jpg/360px/obs-en-33-02.jpg)

यीशुए तैन्न ई कहानी सुनाई, “अक ज़मीनदार उडार बेने निस्सो, ते ज़ैखन तै बीज़ शारने लगोरो थियो त किछ बीज़ बत्ती मां बिछ़ड़ू। पन च़ड़ोलेईं एइतां तैन बीज़ च़ुनू।

![](https://cdn.door43.org/obs/jpg/360px/obs-en-33-03.jpg)

किछ बीज़ घोड़नबैली ज़मीनी मां बिछ़ड़ू ज़ैड़ी मित्ती घट थी। ज़ैन घोड़बैली ज़मीनी पुड़ बिछ़ड़ू तैन बड़े जलदी लग्गू ते तैसेरे निक्के-निक्के पौदे लग्गे, पन तैन केरां ज़ीलां डुघां न थियां, ते ज़ैखन दिहाड़ो निस्सो त तैना पौदे शुक्की जे।

![](https://cdn.door43.org/obs/jpg/360px/obs-en-33-04.jpg)

किछ बीज़ झ़ैलन बैली ज़मीनी मां बिछड़ू ते लग्गू। ज़ैखन तैन डाल बेडोने लग्गे, तैखन झ़ैलेईं तैना दबेई छ़ड्डे। ते एल्हेरेलेई झ़ैलन बैली ज़मीनी मां बिछड़ोरे बीज़े मरां नीके-नीके बूटे लगे ते तैन पुड़ कोई फल न लग्गो।

![](https://cdn.door43.org/obs/jpg/360px/obs-en-33-05.jpg)

किछ बीज़ रोड़ी ज़मीनी पुड़ बीछड़ू। तैन लगु ते तैनी 30 गुणा 60 गुणा ते इड़ी तगर की 100 गुणा फल दित्तो। ज़ै भी परमेशरे पत्ती च़लनू चाते, तै तैस गली पुड़ ध्यान दे ज़ैन अवं ज़ोइ रावरोईं!

![](https://cdn.door43.org/obs/jpg/360px/obs-en-33-06.jpg)

इस कहैनी सीं चेले उलझनी मां पे। एल्हेरेलेई यीशुए तैन्न तै कहानी समझ़ाई, “तैन बीज़ परमेशरेरू वचने। बत्त अक एरो मैनूए ज़ै पेमेशरेरू वचन शुनते, पन तैस समझ़े न। फिरि शैतान तै सएइतां च़ोरतां नेते। मतलब शैतान तैस वचने समझ़ने करां दूर रख्खते।

![](https://cdn.door43.org/obs/jpg/360px/obs-en-33-07.jpg)

घोड़नबाली ज़मीन एरो मैनूए ज़ै पेमेशरेरू वचन शुनते ते खुशी सीं तैस कुबूल भी केरते। पन ज़ैखन मुश्किल वक्त एइते, या होरे लोक तैस सत्तन, त तै परमेशरे करां दूर भोई गाते। मतलब तै परमेशरे पुड़ विश्वास केरनो शारते।

![](https://cdn.door43.org/obs/jpg/360px/obs-en-33-08.jpg)

झ़ैलनबाली ज़मीन एरो मैनूए ज़ै पमेशरेरू वचन शुनते। पन तै बेड़ी गलां केरे बारे मां फिक्र केरते, ते तै बड़ो पेंइसो कमानेरी कोशिश केरते, ते बेड़ी चीज़ां हासिल केरनेरी कोशिश केरते। ते किछ वक्तेरां बाद तै परमेशरे सीं प्यार केरनेरे कबल न भोए। तै तैन गेहुँ केरे डंठलां केरो ज़ेरोए ज़ैन सीं कोई फल न लग्गे।

![](https://cdn.door43.org/obs/jpg/360px/obs-en-33-09.jpg)

पन रोड़ी ज़मीन तै मैनूए ज़ै परमेशरेरू वचन शुनते, ते तैस पुड़ विश्वास केरते ते फल भी आनते।

*बाइबलरी ई कहानी मत्ती अध्याए 13:1-8, 18-23; मरकुस अध्याए 4:1-8, 13-20; लूका अध्याए 8:4-15 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_33_128kbps.m4a

## 34. यीशु किछ कहैनी केरे ज़िरिये शिक्षा देते।

https://openbiblestories.org/l/bhd/story-34/

![](https://cdn.door43.org/obs/jpg/360px/obs-en-34-01.jpg)

यीशुए परमेशरेरे राज़ेरे बारे मां होरी भी बेड़ी कहैनी शुनेइ। मसालरे लेई, तैनी ज़ोवं, “परमेशरेरू राज़ एक्की शेरीहेरे बीज़ेरू ज़ेरूए ज़ैन केंन्चे अपने उडारे मां बेवं। तुस ज़ानतथ कि शेरीहेरू बीज़ होरी बीज़न करां निकड़ू भोते।”

![](https://cdn.door43.org/obs/jpg/360px/obs-en-34-02.jpg)

पन ज़ैखन शेरीहेरु बीज़ बेडोते त तै बूटो बागी मां सारे बुट्टन करां बेडोते, तै एत्रो बड्डो बुट भोते कि च़ड़ोलू एइतां तैस पुड़ अपनो आलो बनातन।”

![](https://cdn.door43.org/obs/jpg/360px/obs-en-34-03.jpg)

यीशुए अक होरी कहानी शुनाई, “परमेशरेरू राज़ खमीरेरू ज़ेरूए ज़ैस अक कौन्श अट्टे मां मलाचे ते तैस सीं सारू अट्टू खमीर भोते।

![](https://cdn.door43.org/obs/jpg/360px/obs-en-34-04.jpg)

“सुर्गेरू राज़ तैस खज़ानेरू ज़ेरूए ज़ै केंन्चे एक्की उडारे मां छ़पाव। ते केंन्ची होरी मैनू तै खज़ानो मैलो तैनी तै हासिल केरनेरी बड़ी खुवैईश की। ते एल्हेरेलेई तैनी तै फिरि देबी छ़डो। तै एत्रो खुश थियो कि तैनी गेइतां अपनू सब किछ बेच़ू ताकि तै तैन उडार घिन्नी सखे ज़ैड़ी तै खज़ानो थियो।

![](https://cdn.door43.org/obs/jpg/360px/obs-en-34-05.jpg)

“सुर्गेरू राज़ एक्की बड़े कीमती ते शुद्ध मोतेरू ज़ेरूए। ज़ैखन कोन्ची मोती केरे बुपैरी तै मैल्लो, त तै तैस हासिल केरनेरे लेई अपनू सब किछ बेच़ते।

![](https://cdn.door43.org/obs/jpg/360px/obs-en-34-06.jpg)

तैड़ी किछ लोक थिए ज़ैनां सोचते थिए कि परमेशर तैन एल्हेरेलेई कुबूल केरेलो किजोकी तैना भलां कमां केरतन। एल्हेरेलेई यीशुए तैन्न ई कहानी शुनाई; “दुई मैनू थिए ते तैना दुइये प्राथना केरनेरे लेई परमेशरेरे भवने मां जे। तैन मरां अक धड़त घिन्ने बालो थियो ते होरो धरमेरो अक अगुवो थियो।”

![](https://cdn.door43.org/obs/jpg/360px/obs-en-34-07.jpg)

तैनी धार्मिक अगुवे इस तरीके सीं प्राथना की, “हे परमेशर, अवं तेरू शुक्र केरताईं कि अवं होरी लोकां केरो ज़ेरो डैकू, अनिय्या केरनेबालो, बदमाशी केरनेबालो, या उस धड़त घिन्नेबलेरो ज़ेरो पापी नईं।”

![](https://cdn.door43.org/obs/jpg/360px/obs-en-34-08.jpg)

अवं हफते मां दुई बार बरत रखताईं, ते अवं अपने सारे कमैइयरो दशोवं हिस्सो तीं देताईं।

![](https://cdn.door43.org/obs/jpg/360px/obs-en-34-09.jpg)

पन तै धड़त घिन्नेबालो तैस धार्मीक अगुवे करां बड़े दूर खड़ो भोइ जेव। तैनी सुर्गेरे पासे तकनू भी न चावं। इसेरे बजाए, तैनी अपने हथ्थेईं सीं अपनी छाती पीटतां प्राथना की, ‘हे परमेशर, महरबानी केरतां मीं पुड़ दया केर किजोकि अवं अक पापी आईं।

![](https://cdn.door43.org/obs/jpg/360px/obs-en-34-10.jpg)

फिरि यीशुए ज़ोवं, “अवं तुसन सीं सच़ ज़ोताईं, परमेशरे तैस धड़त घीन्नेबालेरी प्रथाना शुनी ते तै धर्मी ठेरहाव। पन तैनी तैस धर्मी अगुवेरी प्रथाना पसंद न की। परमेशर एक्की घुमण्ड केरने बाले झुकालो, पन तै हर तैस मैनेरी आदर केरेलो ज़ै अपने-आपे नर्म केरते।”

*बाइबलरी ई कहानी मत्ती अध्याए 13:31-33, 44-46; मरकुस अध्याए 4:30-32; लूका अध्याए 13:18-21; 18:9-14 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_34_128kbps.m4a

## 35. रहम दिल बाजेरी कहानी।

https://openbiblestories.org/l/bhd/story-35/

![](https://cdn.door43.org/obs/jpg/360px/obs-en-35-01.jpg)

एक्सां यीशु बड़े लोकन शिक्षा देइ रावरो थियो, ज़ैना तैसेरी शुन्नेरे लेई अकोट्ठे भेवरे थिए। तैना धड़त घिन्नेबाले ते किछ होरे लोक भी थिए। ज़ैनेंई मूसेरे कानूने पुड़ च़लनेरी कोशिश न थी कियोरी।

![](https://cdn.door43.org/obs/jpg/360px/obs-en-35-02.jpg)

किछ धरमेरे अगुवेईं हेरू कि यीशु इन मैन्न सीं एक्की मिट्लेरो ज़ेरो बरताव केरने लगोरोए। एल्हेरेलेई तैनेंई एक्की होरी सीं इन ज़ोवं, कि तै गलत केरने लेवरोए। यीशुए तैना लोक गल्लां केरते शुने, एल्हेरेलेई तैनी तैन ई कहानी शुनाई।

![](https://cdn.door43.org/obs/jpg/360px/obs-en-35-03.jpg)

अक मैनू थियो ज़ैस दूई मट्ठां थियां। निकड़े मट्ठे बाजी सीं ज़ोवं, ‘हे बाजी, मीं हुनां मेरो हिस्सों लोड़ते!’ ते बाजे अपने दुईए मट्ठन जैइदाद बेन्टतां दित्ती।

![](https://cdn.door43.org/obs/jpg/360px/obs-en-35-04.jpg)

जल्दी निक्ड़ू मट्ठू अपनू सब किछ अकोट्ठू केरतां दूर मुल्खे जो च़ेली जेवं। ते तैनी पापरी ज़िन्दगी ज़ीने मां अपनू सारू धन बरबाद कियूं।

![](https://cdn.door43.org/obs/jpg/360px/obs-en-35-05.jpg)

इसेरे बाद, ज़ैड़ी निकड़ू मट्ठू थियुं तैस मुल्खे मां बड़ो अकाल पेव, ते तैस कां रोट्टी घिन्नेरे लेई पेंइसे न थिए। एल्हेरेलेई तैस ज़ैन कम मैलू तैन सूर च़ारनेरू थियुं। तै एत्रो दुखी ते ढलुखोरो थियो कि ज़ैन सूर खाते थिए तै तैन खानू चातो थियो।

![](https://cdn.door43.org/obs/jpg/360px/obs-en-35-06.jpg)

आखरकार, तैनी निकड़े मट्ठे अपने-आपे सीं ज़ोवं, अवं कुन लगोरोईं केरने? मेरे बाजेरे कोन्ची नौकरे भी खानेरे लेई घाटो नईं, ते अवं इड़ी ड्लुखी सीं मेरि रावरोईं। अवं अपने बाजी कां वापस गालो ते अपने बजेरो नौकर बन्नेरी गुज़ारिश केरेलो।

![](https://cdn.door43.org/obs/jpg/360px/obs-en-35-07.jpg)

ते तैनी निकड़े मट्ठे वापस अपने बाजेरे घरे गानेरू सफ़र शुरू कियूं। हलाकी तै हेजू दूर थियो, तैसेरे बाजे तै लव ते तैस तरस अव। तै देवड़तां अपने मट्ठे कां जेव ते तैस गले लेइतां तैस फुड़ी दित्ती।

![](https://cdn.door43.org/obs/jpg/360px/obs-en-35-08.jpg)

तैनी मट्ठे ज़ोवं, हे बाजी, मीं परमेशरेरे ते तेरे खिलाफ पाप कियोरोए। अवं तेरू मट्ठू भोनेरे काबल नईं।

![](https://cdn.door43.org/obs/jpg/360px/obs-en-35-09.jpg)

पन बाजीए अपने एक्की नौकरे सीं ज़ोवं, ‘जल्दी गेइतां नंव्वां लिकड़ां आन! एसेरे एनगलोइ अवंठी ते पव्वब बूट लुवाथ। अक हुड़ मारा ताकि अस खाम ते खुशी मनाम, किजोकी मेरू मट्ठू मरोरू थियुं, पन हुनी ज़ींतूए! तैन हेरोरू थियुं, पन हनी असन मैलोरूए!’

![](https://cdn.door43.org/obs/jpg/360px/obs-en-35-10.jpg)

एल्हेरेलेई लोकेईं खुशी मनानी शुरू की। किछ वक्त बीतनेरे बाद, बड्डू मट्ठू उडारे मरां कम केरतां घरे अव। तैनी गीतां ते नाच़नेरी अवाज़ शुनी। तै हैरान भोव कि एन कुन भोई रावरूए।

![](https://cdn.door43.org/obs/jpg/360px/obs-en-35-11.jpg)

ज़ैखन बड़े मट्ठे पतो लगो कि तैना खुशी इल्हेरेलेईं लेवरेन मनाने, किजोकी तैसेरो निक्ड़ो ढ्ला घरे एवरोए, तैन बड्डू मट्ठू सेरकोव ते घरे मां अन्तर न लगो एजने। बाजे बेइर एइतां तैस कां तैन सीं साथी खुशी मनानेरे लेईं बिनती की, पन तैनी न मन्नू।

![](https://cdn.door43.org/obs/jpg/360px/obs-en-35-12.jpg)

तैनी बड्डे मट्ठे अपने बाजी सीं ज़ोवं, ‘इना सारे सालन मां मीं तेरे लेईं ईमानदैरी सीं कम कियूं! कधी भी मीं तेरी गल न टाली, पन तुसेईं कधी भी मीं अक गबोवं भी न दित्तू कि अवं अपने दोस्तन सीं साथी खुशी मनेई। पन तुश्शे एनी मट्ठे अपनो सारो पेंइसो पाप केरने मां बर्बाद कियो। ते हुनी तैन एवरूए ते खुशी मन्नानेरे लेई तीं पेठलु मरोरोए!

![](https://cdn.door43.org/obs/jpg/360px/obs-en-35-13.jpg)

बाजे जुवाब दित्तो, ‘हे मेरे मट्ठा, तू हामेशा मीं सीं साथीस, ते ज़ैन किछ भी मेरूए तैन सब तेरूए। पन हुना इश्शे लेई खुशी मन्नानी जैइजे। किजोकी तेरो ढ्ला मरोरो थियो, पन हुनी ज़ींतोए ते हेरोरो थियो पन हुनी मैलोरोए!’

*बाइबलरी ई कहानी लूका अध्याए 15:11-32 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_35_128kbps.m4a

## 36. यीशुएरू रूप बेदलोनू।

https://openbiblestories.org/l/bhd/story-36/

![](https://cdn.door43.org/obs/jpg/360px/obs-en-36-01.jpg)

एक्सां यीशुए अपने ट्लाई चेले, पतरस, याकूब ते यूहन्ना एप्पु सीं साथी नीये। (ई यहून्ना तै नईं ज़ैनी यीशु बपतिस्मो दित्तोरो थियो) यीशु त तैना ट्लाई चेले प्राथना केरनेरे लेई एक्की पहाड़े पुड़ जे।

![](https://cdn.door43.org/obs/jpg/360px/obs-en-36-02.jpg)

ज़ैखन यीशु प्रथना केरी राहोरो थियो त तैसेरू तुत्र दिहाड़ेरू ज़ेरू चमकने लगू। तैसेरां लिगड़ां लोअरां ज़ेरां छ़ित्तां भुआं, एरां छ़ित्तां धेरती पुड़ कोई न केरि सखे।

![](https://cdn.door43.org/obs/jpg/360px/obs-en-36-03.jpg)

तैखन मूसा ते एलीयाह नबी बांदे भोए। तैना इस धेरती पुड़ कई शाव साल पेइले रहते थिए। तैनेईं यीशु सीं तैसेरे मौतरे बारे मां गल्लां की, किजोकि तै जल्दी यरूशलेम नगरे मां मरनेबालो थियो।

![](https://cdn.door43.org/obs/jpg/360px/obs-en-36-04.jpg)

ज़ैखन मूसा ते एलिय्याह यीशु सीं गल्लां केरि रावरे थिए। तैखन पतरसे यीशु सीं ज़ोवं, “इश्शे लेई इन रोड़ू आए कि अस ट्लाई डेरे बनाम, अक तेरे लेई, अक मूसारे लेई, ते अक एलिय्याहेरे लेई।” पन पतरस न थियो ज़ानतो कि तै कुन लगोरोए ज़ोने।

![](https://cdn.door43.org/obs/jpg/360px/obs-en-36-05.jpg)

ज़ैखन पतरस यीशु सीं गल केरी राहोरो थियो, त अक चमकती बिदलार उन्ढी आई ते तैन पुड़ पेइ। फिरि तैनेईं बिदलारी मरां अवाज़ एइती शुनी। तैनी ज़ोवं, “इन मेरू मट्ठू आए, ज़ैस पुड़ अवं खुश आईं। एसेरी शुना, तैना ट्लाए चेले डेरी जे ते ज़मीनी पुड़ जो झ़ड़े।

![](https://cdn.door43.org/obs/jpg/360px/obs-en-36-06.jpg)

तैखन यीशुए तैन्न सीं हथ लव ते ज़ोवं, “डरा न।” ज़ैखन तैनेईं च़ेवरे पासन तक्कू त तैड़ी सीर्फ यीशु थियो।

![](https://cdn.door43.org/obs/jpg/360px/obs-en-36-07.jpg)

यीशु ते तैना ट्लाइए चेले पहाड़े पुड़रां उन्ढ़े आए। तैखन यीशुए तैन्न सीं ज़ोवं, “हुनां ज़ैन इड़ी भोवं तैसेरे बारे मां कोन्ची सीं न ज़ोइयथ। मीं जल्दी मरनूए ते फिरी ज़ींतू भोनूए। तैलां बाद तुस लोकन सीं ज़ोइ सख्तथ।”

*बाइबलरी ई कहानी मत्ती अध्याए 17:1-9; मरकुस अध्याए :2-8; लूका अध्याए :28-36 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_36_128kbps.m4a

## 37. यीशु लाज़रे मुड़दन मरां जींतो केरते।

https://openbiblestories.org/l/bhd/story-37/

![](https://cdn.door43.org/obs/jpg/360px/obs-en-37-01.jpg)

लाज़र नंव्वेरो अक मैनू थियो, तैसेरी दुई बेइनां थी। एक्करू नंव मरियम ते होरारू नवं मार्था थियूं। तैना यीशुएरे खास मिट्ल थिए। एक्की दिहाड़े केन्चे यीशु सीं ज़ोवं, कि लाज़र बड़ो बिमारे। ज़ैखन यीशुए एन शुनू त तैनी ज़ोवं, “एह बिमारी लाज़रे मारनेरे लेई नईं, इसेरे बजाए, तै लोकां केरे दिल परमेशरेरी आदर केरनेरे लेई तियार केरेली।”

![](https://cdn.door43.org/obs/jpg/360px/obs-en-37-02.jpg)

यीशु अपने मिट्लन सीं प्यार रखतो थियो, पन ज़ैड़ी तै थियो तैड़ी तै दुई दिहैड़न तगर रुको। तैना दुई दिहैड़ना बाद, तैनी अपने चेलन सीं जोवन, “एज्जा, वापस यहूदिया जो च़लम।” चेलेई जुवाब दित्तो, “पन हे गुरु, किछ च़िरे पेइले तैठेरे लोक तीं मारने चाते थिए।” यीशुए ज़ोवं, “इश्शो मिट्ल लाज़र झ़ुलोरोए, ते मीं तै बींझ़ानोए।”

![](https://cdn.door43.org/obs/jpg/360px/obs-en-37-03.jpg)

यीशुएरे चेलेईं जुवाब दितो, “हे प्रभु अगर लाज़र झ़ुलोरोए त तै बींझ़नोए।” तैखन यीशुए तैन सीं साफ च़ारे ज़ोवं, “लाज़र मेरि जेवरोए। अवं खुशीं कि अवं तैड़ी न थियो, ताकि तुस मीं पुड़ विश्वास केरथ।”

![](https://cdn.door43.org/obs/jpg/360px/obs-en-37-04.jpg)

ज़ैखन यीशु लाज़रेरे ड्लव्वे मां पुज़ो त लाज़रे मरोरे च़ेव्र दिहाड़े भोवरे थिए। मार्था यीशु सीं मिलने बेइर आई ते ज़ोवं, “हे प्रभु, अगर तू इड़ी भोथो त मेरो ढ्ला न मरेथो। पन अवं विश्वास केरचंई कि ज़ैन किछ भी तू परमेशरे करां मग्गस तै तीं देलो।”

![](https://cdn.door43.org/obs/jpg/360px/obs-en-37-05.jpg)

यीशुए जुवाब दित्तो, “पुनरुत्थान ते ज़िन्दगी अवं आईं। ज़ै कोई मीं पुड़ विश्वास केरते अगर तै मरे भी त फिरी भी ज़ीलो। ज़ै कोई मीं पुड़ विश्वास केरते तै कधी न मरेलो। कुन तू एस गल्ली पुड़ विश्वास केरचस?” मार्था जुवाब दितो, “हे प्रभु, अवं विश्वास केरचंई कि तू परमेशरेरू मट्ठू मसीह आस।”

![](https://cdn.door43.org/obs/jpg/360px/obs-en-37-06.jpg)

तैखन मरियम आई। ते यीशुएरे पव्वन पुड़ पेइतां ज़ोवं, “हे प्रभु, अगर तू इड़ी भोथो त मेरो ढ्ला न मारेथो।” यीशुए तैस पुछ़ू, “तुसेई लाज़र कोड़ी रखाोरोए?” तैनेईं तैस ज़ोवं, “कब्री मां। एई हेर।” तैखन यीशु लेरां लगो देने।

![](https://cdn.door43.org/obs/jpg/360px/obs-en-37-07.jpg)

तै कब्र अक कुढ़ थी ज़ैसेरे दारे पुड़ अक घोड़ छ़डोरो थियो। ज़ैखन यीशु कब्री पुड़ पुज़्ज़ो त तैनी तैन सीं ज़ोवं, “घोड़ खड़ो केरा।” पन मार्था ज़ोवं, “तैस मारोरे च़ेवर दिहाड़े भेवरेन। हुनी त तैसेरी मुश्क एइती भोली।”

![](https://cdn.door43.org/obs/jpg/360px/obs-en-37-08.jpg)

यीशुए जुवाब दितो, “कुन मीं तुस्न सीं न थियूं ज़ेवरू अगर तुस मीं पुड़ विश्वास केरथ त पेमेशरेरी शक्ती हेरेले?” एल्हेरेलेई तैनेईं घोड़ घिसाव।

![](https://cdn.door43.org/obs/jpg/360px/obs-en-37-09.jpg)

तैखन यीशुए उबरू सुर्गेरे पासे तेकतां ज़ोवं, “हे बाजी, मेरी शुन्नेरे लेई अवं तेरू शुक्र केरताईं। अवं ज़ानताई कि तू हमेशा मेरी शुनतस, पन मीं इना सब लोकां केरे लेई ज़ैना इड़ी खड़ेन एन केरि मदतरे लेई ज़ोवं, ताकि एना विश्वास केरन कि तीं अवं भेज़ोरोईं।” तैखन यीशुए हक दित्ती, “हे लाज़र बेइर एई!”

![](https://cdn.door43.org/obs/jpg/360px/obs-en-37-10.jpg)

ते लाज़र बेइर अव! तै हेजु भी कफाने मां पलैटोरो थियो। यीशुए ज़ोवं, “इस कफाने कढ़ने मां एैसेरी मदत केरा ते एस आज़ाद केरा।” एस चमत्कारेरे वजाई सीं बड़े यहूदेईं यीशु पुड़ विश्वास कियो।

![](https://cdn.door43.org/obs/jpg/360px/obs-en-37-11.jpg)

पन यहूदी केरे धार्मिक अगुवे यीशु पुड़ ज़लने लगे, एल्हेरेलेई तैना योजना बनानेरे लेई सारे अकोठे भोए कि केन्च़रे यीशु ते लाज़ेरे मारन।

*बाइबलरी कहानी यूहन्ना 11:1-46*

Audio: https://git.door43.org/OBS-TLF/bhd_obs/releases/download/v1/bhd_obs_v1_37_128kbps.m4a

## 38. यीशु ट्लुवाव गानो।

https://openbiblestories.org/l/bhd/story-38/

![](https://cdn.door43.org/obs/jpg/360px/obs-en-38-01.jpg)

यहूदी लोक हर साल फसह तिहार मनाते थिए। एन तिहार एल्हेरेलेई मानते कि कई साल पेइले परमेशरे तैनकेरे बुज़ुर्ग मिस्र मुल्खे मरां आज़ाद कियोरे थिये। ज़ैखन करां यीशुए शिक्षा देनी शुरू की। तैखन करां लगभग ट्लाइ सालां केरे बाद, यीशुए चेलन सीं ज़ोवं, कि तै तैन सीं साथी यरूशलेम नगरे मां फसह तिहार मनानू चाते, ते तैनी इन भी ज़ोवं, कि तै तैड़ी मारो गालो।

![](https://cdn.door43.org/obs/jpg/360px/obs-en-38-02.jpg)

यीशुएरे चेलन मां यहूदा नंव्वेरो अक मैनू थियो। यहूदा कां पेइंसा केरि झोली रहती थी। पन हमेशा तै तैस झोली मरां पेंइसे च़ोरतो थियो, यीशु ते चेले यरूशलेम नगरे मां पुज़नेरे बाद यहूदा, यहूदी अगुवन कां जेव। तैनी पेंइसे नेइतां यीशु ट्लुवानेरी गल की। तै ज़ानतो थियो कि यहूदी अगुवे कुबूल न थिए केरते कि यीशु मसीह आए। तै ज़ानतो थियो कि तैना तैस मारने चातन।

![](https://cdn.door43.org/obs/jpg/360px/obs-en-38-03.jpg)

महायाजकेरे ज़ोने पुड़ यहूदी अगुवेईं यीशु ट्लूवानेरे लेई यहूदा चैन्दरे 30 सिक्के दित्ते। इन तेन्च़रे भोवं ज़ेन्च़रे कि नेबेईं ज़ोवरू थियूं कि इन्च़रे भोलू। यहूदा मेन्नी जेव ते पेंइसे नेइतां च़लो जेव। तै यीशु गिरफ्तार केरने मां तैनकेरी मदत केरनेरे लेई कोई मोको तोपने लगो।

![](https://cdn.door43.org/obs/jpg/360px/obs-en-38-04.jpg)

यरूशलेमे मां, यीशुए अपने चेलन सीं साथी फसह तिहार मनानेरे वक्ते, यीशुए रोट्टी ट्लेइतां ट्लोड़ी। ते तैन सीं ज़ोवं, “इस खाथ। ई मेरी जाने ज़ै अवं तुश्शे लेई देताईं। ते मेरे यादगीरी मां एन्ने केरथ।” इस तरीके सीं यीशुए ज़ोवं, कि तै तैनकेरे लेई मारेलो, मतलब तैन केरे लेई अपनी जान बली चाड़ेलो।

![](https://cdn.door43.org/obs/jpg/360px/obs-en-38-05.jpg)

फिरि यीशुए दाछ़रे रसेरो कटोरो ट्लाव ते ज़ोवं, “इस पीथ। ई मेरे खूनेरो नंव्वो करारे ज़ै अवं तुश्शे लेई बगालो, ताकि परमेशर तुश्शे पापन माफ़ केरे। हर बार पींते बार मेरी यादी मां इन केरथ ज़ैन अवं हुना केरी राहोरोंई।”

![](https://cdn.door43.org/obs/jpg/360px/obs-en-38-06.jpg)

तैखन यीशुए अपने चेलन सीं ज़ोवं, “तुसन मरां अक मीं ट्लुवालो।” चेले हैरान भोए, ते पुछ़ने लगे कि कौन एन कम केरेलो। यीशुए ज़ोवं, “मेरो ट्लुवानेबालो मैनू तैए ज़ैस अवं ई रोटारो टुकड़ो देताईं।” तैखन तैनी रोट्टी यहूदा दित्ती।

![](https://cdn.door43.org/obs/jpg/360px/obs-en-38-07.jpg)

तै रोट्टी खानेरां बाद, यहूदा मां शैतान बेस्सी जेव, ते तै गेइतां यीशु गिरफ्तार करावानेरे लेईं यहूदी अगुवां केरि मदत केरनेरे लेई च़लो जेव। एह रातरो वक्त थियो।

![](https://cdn.door43.org/obs/jpg/360px/obs-en-38-08.jpg)

रोट्टी खानेरां बाद, यीशु ते तैसेरे चेले ज़ैतून पहाड़े पुड़ च़ले जे। यीशुए ज़ोवं, “तुस सब अज़ राती मीं छ़ेडतां च़ले गाले। किजोकि वचने मां इन लिखोरू, “अवं पुहाले मारेलो ते सैरी भैडां तित्र-बीत्र भोई गैली।”

![](https://cdn.door43.org/obs/jpg/360px/obs-en-38-09.jpg)

पतरसे जुवाब दित्तो, “भले ही बाकी सब तीं छ़ेडतां गान, अवं तीं न छ़डेलो।” तैखन यीशुए पतरसे सीं ज़ोवं, “शैतान तुसन सेभन नेने चाते, पन हे पतरस, मीं तेरे लेई प्रथना कियोरीए कि तेरो विश्वास न ट्लुटे। फिर भी, अज़ राती, कुकड़ेरे बांग देने करां पेइले टलाइ बार तू मेरो इनकार केरेलो कि तू मीं ज़ानस।”

![](https://cdn.door43.org/obs/jpg/360px/obs-en-38-10.jpg)

तैखन पतरसे यीशु सीं ज़ोवं, “भले ही अवं मेरि भी गेईं, अवं कधी भी तेरो इन्कार न केरेलो!” ते बाकी सेभी चेलेई भी एन्ने ज़ोवं।

![](https://cdn.door43.org/obs/jpg/360px/obs-en-38-11.jpg)

तैखन यीशु अपने चेलन सीं साथी गतसमनी नव्वेंरे जगाई जेव। यीशुए अपने चेलन सीं साथी प्राथना केरनेरे लेई ज़ोवं, ताकि शैतान तैनकेरी अज़माइश न केरे। फिरि यीशु एप्पू प्रथना केरनेरे लेई च़लो जेव।

![](https://cdn.door43.org/obs/jpg/360px/obs-en-38-12.jpg)

यीशुए ट्लाई बार प्रार्थना की, “हे मेरे बाजी, अगर भोई सके त महरबानी केरतां ई दुखेरो कटोरो मीं करां दूर केर। पन अगर लोकां केरे पाप माफ़ कीये गंनेरे लेई होरी कोई बत्त नईं, त तेरी मर्ज़ी पूरी भोए।” यीशु बड़ो उदास थियो ते तैसेरो पसीनो खूनेरे तेप्पू केरे शकली मां निसने लगो। तैस शक्ति देनेरे लेई परमेशरे अक सुवर्गदूत भेज़ो। यीशुए एन्च़रे ट्लाई बार प्रथना की।

![](https://cdn.door43.org/obs/jpg/360px/obs-en-38-13.jpg)

हर बार प्रार्थनारे बाद, यीशु अपने चेलन कां वापस अव, पन तैना झ़ुलोरे थिए। ज़ैखन यीशु ट्लेइवां बार वापस अव त तैनी ज़ोवं, “बींझ़ा! मेरो ट्लुवानेबालो पुज़ोरोए।”

![](https://cdn.door43.org/obs/jpg/360px/obs-en-38-14.jpg)

यहूदी अगुवन, सिपेहिन, ते बड़े लोकन सीं साथी यहूदा कां आए। तैना तलवारां ते डंडे घिन्तां एवरे थिए। यहूदा यीशु कां एइतां तैस सीं ज़ोवं, “हे गुरु, नमस्कार,” ते तैस फुमड़ी दित्ती। तैनी यीशु ट्लुवानेरे एन कियोरू थियूं। तैखन यीशुए ज़ोवं, “हे यहूदा, कुन तू एक्की फुमड़ी सीं मीं ट्लुवातस?”

![](https://cdn.door43.org/obs/jpg/360px/obs-en-38-15.jpg)

ज़ैखन तैना सिपाही यीशु ट्लाने लगोरे थिए, त पतरसे अपनी तलवार कढी ते महायाजकेरे एक्की सेवकेरो कन कट्टो। यीशुए ज़ोवं, “तलवार दूर केर! अवं अपने बाजी करां अपने बंच़नेरे लेई सुवर्गदूतां केरि सेनारी बिनती केरि सकताईं। पन मीं मेरे बाजेरी गल मान्नीए।” तैखन यीशुए तैस सीपेहेरो कन ठीक कियो। तैखन सारे चेले नश्शे।

*बाइबलरी ई कहानी मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_38_128kbps.m4a

## 39. यीशु पड़ मुकदमो च़लाव गानो।

https://openbiblestories.org/l/bhd/story-39/

![](https://cdn.door43.org/obs/jpg/360px/obs-en-39-01.jpg)

एध्धी राती सिपेहेईं यीशु महायाजकेरे घरे आनो, किजोकी तै यीशु सवाल पुछ़ने चातो थियो। पतसर दूर-दूर तैन पतपती जेवरे थियो। ज़ैखन सिपेहीं यीशु घरे मां आनो, त पतरस बेइर बिश्तां अग तपने लगो।

![](https://cdn.door43.org/obs/jpg/360px/obs-en-39-02.jpg)

घरे मां यहूदी लोकेईं यीशु पुड़ मुकदमो च़लव। तैनेईं तैसेरे खिलाफ़ गुवाही देनेरे लेई बड़े झूठे गुवाह आने। हालाँकि, तैनकेरी गल्लां एक्की होरि सीं न थी मिलती, एल्हेरेलेई यहूदी अगुवेईं एन साबत न केरि सकू, कि तै कोस गल्ली मां दोषीए। ते यीशुए किछ न ज़ोवं।

![](https://cdn.door43.org/obs/jpg/360px/obs-en-39-03.jpg)

आखरकार महायाजके यीशुएरां तेकतां ज़ोवं, “असन सीं ज़ो कि कुन तू ज़ींते परमेशरेरू मट्ठू मसीह आस?”

![](https://cdn.door43.org/obs/jpg/360px/obs-en-39-04.jpg)

यीशुए ज़ोवं, “हाँ, अवं आईं, ते तुस मीं परमेशरे सीं साथी बिशोरे ते सुर्गेरां एइते लाहेले।” एन शुन्तां महायाजके बड़ी सरक अई ते तैनी अपनां लिकड़ां छ़िन्दां। तै होरी अगुवन पुड़ भी सेरकोव, “असन इन ज़ोनेरे लेंई होरी केंन्ची गुवाहेरी ज़ुरूरत नईं कि इनी मैने कुन कियोरूए! तुसेइं एप्पू एस करां इन ज़ोतू शुनोरुए कि एन परमेशरेरू मट्ठू आए। इसेरे बारे मां तुश्शो कुन फैसलोए?”

![](https://cdn.door43.org/obs/jpg/360px/obs-en-39-05.jpg)

सब यहूदी अगवेईं महायाजके जुवाब दित्तो, “एह मारनेरे काबले!” तैखन तैनेईं यीशुएरे एछ़न पुड़ी पट्टी बंधी, ते तैस पुड़ थुक्कू, तैस बैइ, ते तैसेरो मज़ाक उड़ाव।

![](https://cdn.door43.org/obs/jpg/360px/obs-en-39-06.jpg)

ते ज़ैखन पतरस घरेरे बेइर बलगने लगोरो थियो। तैखन एक्की नौकर कुइयां तै लाव। तैसां ज़ोवं “तू यीशु सीं साथी थियो!” पतरसे ज़ोवं, नईं अवं न थियो। बादे मां, केन्ची होरां एन्ने ज़ोवं। अखीरी मां किछ लोकेई ज़ोवं, “अस ज़ानतम कि तू यीशु सीं साथी थियो, किजोकी तुस दुईए गलीलेरेथ।”

![](https://cdn.door43.org/obs/jpg/360px/obs-en-39-07.jpg)

तैखन पतरसे ज़ोवं, “अगर अवं एस मैनू ज़ानतो भोई त परमेशर मीं शारप दे!" अकदम पतरस एन्च़रे कसम खानेरे बाद, एक्की कुक्कड़े बांग दिती। यीशुए पतरोवं मुड़तां पतरसेरां तक्कू।

![](https://cdn.door43.org/obs/jpg/360px/obs-en-39-08.jpg)

पतरस तैठां च़लो जेव ते तैनी बेड़ी लेरां दित्ती, यीशु ट्लुवाने बाले यहूदा हेरू, कि यहूदी अगुवेईं यीशु मौतरी सज़ा दित्तोरीए। यहूदा बड़ो दुखी भोव ते गेइतां खुदकुशी की।

![](https://cdn.door43.org/obs/jpg/360px/obs-en-39-09.jpg)

तैस मुल्खेरो गुवरनार पिलातुस थियो। तै रोमी मुलाज़ोम थियो। यहूदी अगुवे यीशु घिनतां तैस कां आए। तैना चाते थिए कि पिलातुस तैस मौतरी सज़ा दे ते तैस मारे। तैखन पिलातुसे यीशु पुछू, “कुन तू यहूदी केरो राज़ोस?”

![](https://cdn.door43.org/obs/jpg/360px/obs-en-39-10.jpg)

यीशुए जवाब दित्तो, “तीं सच़ ज़ोवरूए, पन मेरू राज़ इस दुनियारू नईं। अगर भोथू त मेरे चेले तैसेरे लेई जंग लड़ेथे। अवं धेरती पुड़ परमेशरेरे राज़ेरी सच़्च़ाई ज़ोने एवरोई। हर अक मैनू ज़ै सच़्च़े सीं प्यार रखते तै मेरी शुनते।” पिलातुसे ज़ोवं, “त सच़ कुने?”

![](https://cdn.door43.org/obs/jpg/360px/obs-en-39-11.jpg)

यीशु सीं गल्लां केरनेरे बाद, पिलातुसे बेइर एइतां लोकन कां गेइतां ज़ोवं, “मीं एरी कोई वजा न लेवरी कि एह मैनू मारो गए।” पन यहूदी अगुव्वेंई ते लोकेई चिन्डां मैरतां ज़ोवं, “तैस क्रुसे पुड़ च़ाढ़!” पिलातुसे जुवाब दितो, एस मां कोई भी गलती या दोष नईं।” पन तैना होरी भी ज़ोरे-ज़ोरे चिन्डां मैरने ज़ोने लगे। तैखन पिलातुसे ट्लेइयोवं बार ज़ोवं, “एह दोषी नईं।”

![](https://cdn.door43.org/obs/jpg/360px/obs-en-39-12.jpg)

पिलातुस डरोरो थियो कि लोकां केरि भीड़ दंगो शुरू केरेली। एल्हेरेलेई तैनी अपने सिपेहां केरे ज़िरिहे यीशु क्रूसे पुड़ चड़नेरे लेई मन्नू। रोमी सिपेहेईं यीशु कोड़ेई बैई, ते तैस राज़ां केरां लिकड़ां लुव्वां, ते तैस कन्टन सीं बनेवरू ताज लुवाव। तैखन तैना इन ज़ोइतां तैसेरो मज़ाक बनाने लगे, “हेरा, यहूदी केरो राज़ो!”

*बाइबलरी ई कहानी मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_39_128kbps.m4a

## 40. यीशु क्रूसे पुड़ चाड़तन।

https://openbiblestories.org/l/bhd/story-40/

![](https://cdn.door43.org/obs/jpg/360px/obs-en-40-01.jpg)

यीशुएरो मज़ाक बनानेरां बाद, सिपाही तैस क्रूसे पुड़ चाड़नेरे लेई जे। ते तैनेईं तैन क्रूस ज़ैस पुड़ तै च़ाड़नो थियो छ़ूनो जो दित्तू।

![](https://cdn.door43.org/obs/jpg/360px/obs-en-40-02.jpg)

तैना सिपेहेईं यीशु तैस जगाई पुड़ आनो ज़ैस जो “खोपड़ी” ज़ोतन। ते तैसेरे हथ्थन ते पव्वन क्रूसे पुड़ किल दित्तोरे थिये। पन यीशुए ज़ोवं, “हे बाजी, एन माफ़ केर, किजोकी एना न ज़ान्न कि एना कुन लगोरेन केरने।” ते तैनेईं तैसेरे दोगे करां बह अक फट्टी भी लाई।” तैस पुड़ लिखोरू थियुं यहूदी केरो राज़ो, “पिलातुसे तैन्न सीं इन लिखनेरे लेई ज़ोवरू थियूं।”

![](https://cdn.door43.org/obs/jpg/360px/obs-en-40-03.jpg)

तैखन सिपेहेईं यीशुऐरे लिकड़ां केरे लेई चिट्ठी छ़ेड्डी। ज़ैखन तैनेईं एन कियूं त ई भवष्यवानी पूरी भोई, “तैनेईं मेरां लिकड़ां एप्पू मांमेइं बन्टां, ते मेरे लिकड़ां केरे लेई चिट्ठी छे़डी।”

![](https://cdn.door43.org/obs/jpg/360px/obs-en-40-04.jpg)

तैड़ी दुई डैकू थिए, ज़ैना सिपेहेईं तैस्से वक्ते क्रुसे पुड़ च़ाड़ोरे थिए। तैनेईं अक यीशुएरे एक्की पासे ते होरो होरी पासे च़ाड़ोरो थियो। तैन मरां एक्की डैके यीशुएरो मज़ाक बनाव, पन होरे ज़ोवं, “कुन तू न डरस कि परमेशरे तीं सज़ा देलो? असेईं बड़ां बुरां कम्मां कियोरन, पन ई मैन्हु बेकसूरे।” फिरी तैनी यीशु सीं ज़ोवं, “ज़ैखन तू अपने राज़े मां एजेलो त मीं याद रेखां।” यीशुए जुवाब दित्तो, “तू अज़्ज़े मीं सीं साथी सुर्ग लोके मां भोलो।”

![](https://cdn.door43.org/obs/jpg/360px/obs-en-40-05.jpg)

यहूदी अगुव्वेंई ते बाकी भीड़रे लोकेईं यीशुएरो मज़ाक उड़ाव। तैनेईं तैस सीं ज़ोवं, “अगर तू परमेशरेरू मट्ठुस, त क्रूसे पुड़रां ओसतां बुन एई ते अपने आपे बंच़ा! तैखन अस तीं पुड़ विश्वास केरमेले।”

![](https://cdn.door43.org/obs/jpg/360px/obs-en-40-06.jpg)

तैखन तैस पूरे मुल्खे मां आंधरू भोवं, भले ही तै दिसारो वक्त थियो। ते लगभग ट्लाई घन्टे आंधरू रावं।

![](https://cdn.door43.org/obs/jpg/360px/obs-en-40-07.jpg)

तैखन यीशुए हक देइतां ज़ोवं, पुरू भोवं! हे बजी, अवं अपनी आत्मा तेरे हथ्थे मां सोंफताईं। तैखन तैनी अपनी क्रोड़ी लेकी ते प्राण दित्ते। ज़ैखन तै मरो त अक भुज़ल अव। ते तै बड्डो पड़दो ज़ै लोकन परमेशरे कां गाने करां रोकतो थियो बेंइए पासेरां बून तगर छ़िन्दोइतां तैसेरे दुई टुकड़े भोए।

![](https://cdn.door43.org/obs/jpg/360px/obs-en-40-08.jpg)

अपने मौतरे ज़िरिये यीशुए लोकां केरे लेई परमेशरे कां एजनेरी बत्त खोल्ली। ज़ैखन एक्की सिपेहे ज़ै यीशुएरी निगरानी केरने लगोरो थियो तैनी एन सब हेरू त तैनी ज़ोवं, “सच़्च़े एह मैनू निर्दोष थियो। एन परमेशरेरू मट्ठू आए।”

![](https://cdn.door43.org/obs/jpg/360px/obs-en-40-09.jpg)

तैखन यूसुफ ते नीकुदेमुस नव्वेंरे दुई यहूदी अगुवे आए। तैना विश्वास केरते थिये कि यीशु ही मसीह आए। तैनेंई पिलातुसे कां गेइतां यीशुएरी लाश मगी। तैनेंई तैसेरी लाश लिकड़े मां पलैटी। ते तैनेंई तै चट्टानी मां बनेवरे एक्की कबरी मां नी ते तैड़ी रख्खी। तैखन तैनेईं तै कब्र बंद केरनेरे लेई अक बडो घोड़ तैस पुड जो घसाव।

*बाइबलेरी ई कहानी मत्ती 27:27-61; मरकुस 15:16-47; लूका 23:26-56; यूहन्ना 19:17-42  मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_40_128kbps.m4a

## 41. परमेशर यीशु मुड़दन मरां ज़ींतो केरते।

https://openbiblestories.org/l/bhd/story-41/

![](https://cdn.door43.org/obs/jpg/360px/obs-en-41-01.jpg)

यीशु क्रूसे पुड़ च़ाड़नेरे बाद यहूदी अगवेईं पिलातुसे सीं ज़ोवं, “तैनी झूठे, यिशुए ज़ोवरू थियुं कि तै ट्लाइ दिहैड़ी केरे बाद मुड़दन मरां ज़ींतो भोनोए। ते कोन्ची इन पक्कू केरनेरे लेई कब्रारी पहदारी केरनी पेनिए। ताके तैसेरे चेले तैसेरी लाश च़ोरतां न नेन। ते अगर तैना एन्च़रे केरतन त तैनेईं ज़ोनूए कि तै मुड़दन मरां ज़ींतो भोवरोए।”

![](https://cdn.door43.org/obs/jpg/360px/obs-en-41-02.jpg)

पिलातुसे ज़ोवं, “किछ सिपहन नेथ, ते ज़ेन्च़रे तुस चातथ तेन्च़रे कब्रारी पहरदारी केरा।” एल्हेरेलेई तैनेईं तैस कब्री पुड़ छ़डोरे घोड़े पुड़ मोर लाइ। इन पक्कू केरनेरे लेई तैड़ी सिपाही रख्खे कि कोई भी तैसेरी लाश च़ोरतां न नेइ बटे।

![](https://cdn.door43.org/obs/jpg/360px/obs-en-41-03.jpg)

यीशुएरे मरनेरे बादेरी दिहाड़ी आरामेरे दिहाड़ी थी। कोई भी आरामेरे दिहाड़ी कम न थियो केरी सखतो, एल्हेरेलेई यीशुएरो कोई भी दोसत कबरी पुड़ न थियो एवरो। पन आरामेरे दिहैड़रां बाद होरसां झ़ेझां, किछ कौन्शां यीशुएरे कबरी पुड़ गंनेरे लेई तियार भोई। तैना तैसेरे जानी पुड़ खुशबूदार चीज़ां लैनी चैती थी।

![](https://cdn.door43.org/obs/jpg/360px/obs-en-41-04.jpg)

तैना कौन्शां केरे पुज़नेरे पेइले, कबरी पुड़ अक बड़ो भुन्ज़ल अव। सुर्गेरां एक्की दूते एइतां तै घोड़ घसाव ज़ैस सीं कबर बंद थी। ते तै सर्गदूत तैस घोड़े पुड़ बिश्शो। तै स्वर्गदूत लोअरो ज़ेरो चमकने बालो थियो। कबरी पुड़ ज़ैना पहरदार थिए तैनेईं तै स्वर्गदू लाव । तैना एत्रे डारोरे थिए कि मारोरे ज़ेरे तले जो बीछ़ड़े।

![](https://cdn.door43.org/obs/jpg/360px/obs-en-41-05.jpg)

ज़ैखन तैना कौन्शा कबरी पुड़ पुज़ी त स्वर्गदूते ज़ोवं, “डरा न। यीशु इड़ी नईं तै मुड़दन मरां ज़ींतो भोवरोए, ज़ेन्च़रे कि तैनी ज़ोवरू थियुं कि तै मुड़दन मरां ज़ींतो भोनोए! कबरी मां तोप्पा ते हेरा।” तैना कौन्शेईं कबरी मां ज़ैड़ी यीशुएरी लाश रख्खोरी थी हेरू पन तैसेरी लाश तैड़ी न थी!

![](https://cdn.door43.org/obs/jpg/360px/obs-en-41-06.jpg)

तैखन तैनी स्वर्गदूते तैन कौन्शन सीं ज़ोवं, “गेइतां तैसेरे चेलन सीं ज़ोथ, यीशु मुड़दन मरां ज़ींतो भोवरोए ते तै तुसन करां पेइलो गालीले जो गालो।”

![](https://cdn.door43.org/obs/jpg/360px/obs-en-41-07.jpg)

तैना कौन्शा हैरान भोई ते बेड़ी खुश भोई। तैना चेलन एह खुशखबरी शुनानेरे लेई देवड़ी।

![](https://cdn.door43.org/obs/jpg/360px/obs-en-41-08.jpg)

ज़ैखन तैना कौन्शां हेजू बत्तां थी, त यीशु तैन पुड़ बंदो भोव। तैना तैस कां झुकी। तैखन यीशुए ज़ोवं, “डरा न। गेइतां मेरे चेलन गलीले मां गानेरे लेई ज़ोथ, ते तैना तैड़ी मीं लालहे।

*बाइबलरी ई कहानी मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_41_128kbps.m4a

## 42. यीशु सुर्गे मां जो वापस गाते।

https://openbiblestories.org/l/bhd/story-42/

![](https://cdn.door43.org/obs/jpg/360px/obs-en-42-01.jpg)

ज़ैस दिहाड़े परमेशरे यीशु मुड़दन मरां ज़ींतो कियोरो थियो, तैसेरे दुई चेले नेड़ेरे एक्की ड्ल्व्वें मां जो च़लोरे थिए। ते तैना यीशुएरे बारे मां गल्लां केरि राहोरे थिए, तैन्न उमीद थी, कि तै मसीह थियो, पन तै मेरि जेवरो थियो। हुनी तैना कौन्शां ज़ोचन कि तै ज़ींतो भोवरोए। ते तैना न थिए ज़ानते कि कोस गली पुड़ विश्वास कियोरो लोड़े।

![](https://cdn.door43.org/obs/jpg/360px/obs-en-42-02.jpg)

यीशुए तैन कां एइतां तैन सीं साथी च़लनू शुरू कियूं, पन तैनेईं तै न पिशानो। तैनी तैन पुछ़ू कि तुस कोस बारे मां गल केरि रावरे थिए। ते तैनेईं तैस सीं यीशु सीं बीतोरी सैरी गल्लां ज़ोई। तैनेईं सोचु कि तैना कोन्ची परदेशी सीं गल केरि राहोरे थिए, ज़ै न थियो जानतो कि यरूशलेम नगरे मां कुन भोवरू आए।

![](https://cdn.door43.org/obs/jpg/360px/obs-en-42-03.jpg)

तैखन यीशुए तैन समझ़व कि परमेशरेरू वचन मसीहेरे बारे मां कुन ज़ोते। बड़े पेइले, नेबेईं ज़ोवरू थियूं, कि बुरे लोक मसीह दुख देले ते तैस मैरी छ़डेले। पन नेबेईं इन भी ज़ोवरू थियूं, कि तै ट्लेइयोवं दिहाड़े मुड़दन मरां ज़ींतो भोलो।

![](https://cdn.door43.org/obs/jpg/360px/obs-en-42-04.jpg)

ज़ैखन तैना नगरे मां पुज़्ज़े ज़ैड़ी तैना दुई मैनू रुकनू चाते थिए, तैखन तगर लगभग ड्लावझ़ भोई जेवरी थी। ते तैनेईं यीशु भी एप्पू सीं साथी बिशनेरे लेई ज़ोवं, ते तै तैन सीं साथी एक्की घरे मां जेव। तैना ड्लाई खानेरे लेई बिश्शे। ते यीशुए अक रोट्टी ट्लेइतां परमेशरेरू शुक्र कियूं, ते फिरि तै रोट्टी ट्लोड़ी। ते अचानक तैन पतो लगो कि तै यीशु आए। ते तैखने तै तैन केरि एछ़न करां छ़पन्त भोइ जेव।

![](https://cdn.door43.org/obs/jpg/360px/obs-en-42-05.jpg)

तैन दुई मैनेईं एक्की होरी सीं ज़ोवं, “तै यीशु थियो! एल्हेरेलेई ज़ैखन तैनी परमेशरेरू वचन समझ़ेवरू थियुं त अस बड़े जोशीले भोवरे थिए! अकदम, तैना निसतां यरूशलेम नगरे जो जे। ज़ैखन तैना पुज़्ज़े त तैनेईं चेलन सीं ज़ोवं, “यीशु ज़ींतोए! ते असेइं तै लेवरोए!”

![](https://cdn.door43.org/obs/jpg/360px/obs-en-42-06.jpg)

ज़ैखन चेले ज़ोने लगोरे थिए, यीशु अचानक तैस कमरे मां बंदो भोव। तैनी ज़ोवं, “तुसन शान्ति मैल्ले!” चेलेईं सोचू, कि एन कोई भूते। पन यीशुए ज़ोवं, “तुस किजो डरतथ? तुस इन कि न सोचथ कि अवं, सच़्च़े यीशु आईं? मेरे हथ ते पव हेरा। भूतन एरो शरीर न भोए ज़ेरो मीं काए।” इन हिरानेरे लेई कि तै कोई भूत न थियो, तैनी खानेरे लेई किछ मग्गु। तैनेईं तैस मेछलारो अक टुकड़ो दितो, तैनी तै खाव।

![](https://cdn.door43.org/obs/jpg/360px/obs-en-42-07.jpg)

यीशुए ज़ोवं, “मेरे बारे मां परमेशरेरू वचन ज़ैन किछ भी ज़ोते तैन भोलू। मीं तुसन सीं ज़ोवरू थियूं कि एन भोनू ज़रूरी आए। तैखन यीशुए परमेशरेरू वचन तैन रोड़े च़ारे समझ़ावं। तैनी ज़ोवं, “बड़े पेइले नेबेईं लिखोरूए थियुं कि, मसीहे दुख झ़लनो पेनोए, तै मरेलो ते फिरि ट्लाइयोवं दिहाड़े ज़ींतो भोलो।

![](https://cdn.door43.org/obs/jpg/360px/obs-en-42-08.jpg)

नेबेईं लिखोरू थियूं कि मेरे चेले परमेशरेरे वचनेरी घोषणा केरेले। तैना हर केन्ची पश्चाताप केरनेरे लेई ज़ोले। ते अगर तैना एरू केरतन त परमेशर तैन केरे पाप माफ़ केरेलो। मेरे चेले ई खुशखबरी यरूशलेम नगरे मरां प्रचार केरनी शुरू केरेले। तैखन हर जगाई ते हर ज़ाती मां गाले। तुस मेरे हर कम ते हर गलारे गुवाहथ। ज़ैन मीं ज़ोवं ते कियोरू थियुं, ते तैना सब गल्लां ज़ैना मीं सीं बीतोरी थी।”

![](https://cdn.door43.org/obs/jpg/360px/obs-en-42-09.jpg)

तैलां बाद 40 दिहैड़ी केरे दौराने मां, यीशु अपने चेलन पुड़ बांदो भोव। एक्की बार 500 करां भी ज़ैदां मैन्न पुड़ बांदो भोव! तैनी अपने चेलन कई बार साबित कियूं कि तै ज़ींतोए। ते तैनी तैन परमेशरेरे राज़ेरे बारे मां शिक्षा दित्ती।

![](https://cdn.door43.org/obs/jpg/360px/obs-en-42-10.jpg)

यीशुए अपने चेलन सीं ज़ोवं, “परमेशरे मीं सुर्ग ते धेरतरे हर एक्की मैनू पुड़ राज़ केरनेरू हक़ दित्तोरूए। एल्हेरेलेई अवं तुसन सीं ज़ोताईं, गेइतां सेभी कौमां केरे लोकन चेले बनाथ। तैन बाजी मट्ठे ते पवित्र आत्मारे नंव्वे सीं बपतिस्मो देथ। तैन तैना सब गल्लां मेन्नी शिखालां ज़ैन केरो मीं तुसन हुक्म दित्तोरोए, याद रेखथ कि अवं तुसन सीं साथी रालो।”

![](https://cdn.door43.org/obs/jpg/360px/obs-en-42-11.jpg)

यीशुएरे मुड़दन मरां ज़ींते भोनेरे 40 दिहाड़न बाद, तैनी अपने चेलन सीं ज़ोवं, “ज़ां तगर कि मेरो बाजी तुस्न शक्ती न दे तां तगर यरूशलेम नगरे मां ठेरहोरे राथ। तै तुस्न पुड़ पवित्र आत्मा भेज़नेरे ज़िरिहे एन केरेलो।” तैखन यीशु सुर्गे मां जो च़लो जेव, ते बिदलारां तै तैनकेरे एछ़्छ़न करां छ़पाव। सुर्गे मां यीशु सब चीज़न पुड़ राज़ केरते ते परमेशरेरे देइने पासे बिशोरोए।

*बाइबलरी ई कहानी मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेति 1:1-11  मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_42_128kbps.m4a

## 43. कलीसियारी शुरुवात।

https://openbiblestories.org/l/bhd/story-43/

![](https://cdn.door43.org/obs/jpg/360px/obs-en-43-01.jpg)

यीशुएरे सुरगे गानेररे बाद, चेले यरूशलेम नगरे मां रुकोरे थिये। ज़ेन्च़रे कि यीशुए तैन्न हुक्म दित्तोरो थियो। तैठेरे विश्वासी लगातार प्रथना केरनेरे लेई एक्की जगाई अकोट्ठे भोते थिये।

![](https://cdn.door43.org/obs/jpg/360px/obs-en-43-02.jpg)

हर साल, फसहरे तिहारेरे 50 दिहैड़ी केरे बाद, यहूदी लोक पिन्तेकुस्ते नव्वेंरी अक खास दिहाड़ी मनाते थिए। पिन्तेकुस्त तै वक्त थियो ज़ैखन यहूदी लोक फसल कटनेरी दिहाड़ी मानते थिए। पूरे दुनियाई मरां यहूदी पिन्तेकुस्तेरी दिहाड़ी मन्नानेरे लेई यरूशलेम नगरे मां एवरे थिए। इस बार पिन्तेकुस्त मन्नेरे वक्त यीशुएरे सुर्गे गंनेरे लगभग एक्की हफतेरां बाद एवरो थियो।

![](https://cdn.door43.org/obs/jpg/360px/obs-en-43-03.jpg)

ज़ैखन वक्ते सारे विश्वासी लोक अकोठे थिए, ते ज़ैस घरे मां तैना थिए तैन घर अचानक तेज़ हवारे आवाज़ी सीं भेरोइ जेवं। तैखन अगरे लप्पां केरू ज़ेरू किछ लेहीयोने लगु ते तैन हर विश्वैसेरे दोगे पुड़ ठहरू। तैना सब पवित्र आत्मा सीं भेरोए ते तैनेई होरी-होरी बोलन मां परमेशरेरी महिमा की। इना बोली थी ज़ैन केरनेरे लेईं पवित्र आत्मा तैना कबल बनेवरे थिए।

![](https://cdn.door43.org/obs/jpg/360px/obs-en-43-04.jpg)

ज़ैखन यरूशलेमे मां रानेबाले लोकेईं शोर शुनी, त बड़े लोक एन हेरने आए, कि कुन लगोरू भोने। तैनेईं विश्वासी लोकन करां परमेशरेरे बड्डे-बड्डे कम्मां केरि घोषणा केरती शुनी। तैना हैरान थिए। किजोकि तैना अपने-अपने बोली मां शुन्ने लगोरे थिए। चेले इस्राएले मरां थिये, ते अरामी, इब्रानी, यूनानी भाषा ज़ोते थिये, पन लोक अपने-अपने बोली मां शुनेई रावरे थिये, कि परमेशरे कुन कियोरू आए।

![](https://cdn.door43.org/obs/jpg/360px/obs-en-43-05.jpg)

तैन मरां किछ लोकेईं ज़ोवं, कि चेले नशे मां आन। पन पतरस खड़ो भोव ते तैन सीं ज़ोवं, “मेरी गल शुना! इना लोक नशे मां नईं! बल्कि ज़ैन तुस हेरतथ तैन तैन्ने, ज़ैन योएल नेबे ज़ोवरू थियूं, परमेशर ज़ोते, ‘अखीरी दिहैड़न मां, अवं अपनो आत्मा सेभन देलो।’

![](https://cdn.door43.org/obs/jpg/360px/obs-en-43-06.jpg)

हे इस्राएली लोकव, यीशु अक एरो मैनू थियो ज़ैनी इन हीरानेरे लेई कि तै कौन थियो बड्डां-बड्डां कम्मां कियोरां थियां। तैनी परमेशरेरे शेक्ति सीं बड़ां महान कम्मां कियोरां थियां। तुस एन ज़ानतथ, किजोकि तुसेईं एन्नां कम्मां हेरोरन, पन तुसेइं तै क्रूसे पुड़ च़ाड़ो!

![](https://cdn.door43.org/obs/jpg/360px/obs-en-43-07.jpg)

यीशु मरो पन परमेशरे तै मुड़दन मरां ज़ींतो कियो। तैनी तै गल पुरी की, ज़ै एक्की नेबे लिखोरी थी: ‘तू अपने पवित्र मैनू कबरी मं शड़ने न देलो।’ अस गुवाह आम कि परमेशरे यीशु फिरि मुड़दन मरां ज़ींतो कियो।’

![](https://cdn.door43.org/obs/jpg/360px/obs-en-43-08.jpg)

बाजी परमेशरे हुनी यीशु अपने देइने पासे बिशैलतां तैस आदर दित्तोरीए। ते यीशुए इश्शे लेई पवित्र आत्मा भेज़ोरोए ज़ेन्चरे कि तैनी वादो कियोरो थियो, पवित्र आत्मा भोने लगोरोए देने ज़ैन तुस हेरने ते शुन्ने लगोरेथ।

![](https://cdn.door43.org/obs/jpg/360px/obs-en-43-09.jpg)

तुसेईं यीशु क्रूसे पुड़ चाड़ो। पन हुनी इन ज़ाना, कि परमेशरे यीशु सेभी चीज़न पुड़ प्रभु ते मसीह ठहरावरोए।

![](https://cdn.door43.org/obs/jpg/360px/obs-en-43-10.jpg)

पतरसेरी शुन्ने बाले लोक तैसेरी ज़ोवरी गल्लन सीं अन्तर तगर हिली जेवरे थिए। एल्हेरेलेई तैनेईं पतरसे ते चेलन पुछ़ू, “हे ढ्लाव, असेइं कुन कियोरू लोड़े?”

![](https://cdn.door43.org/obs/jpg/360px/obs-en-43-11.jpg)

पतरसे तैन्न जुवाब दितो, “तुस्न मरां हर कोई अपने पापां केरे लेई पश्चाताप केरे, ताकि परमेशर तुश्शे पाप माफ़ केरे, ते यीशु मसीहेरे नंव्वे सीं बपतिस्मो ने। तैखन तै तुसन पवित्र आत्मा तोफे मां देलो।”

![](https://cdn.door43.org/obs/jpg/360px/obs-en-43-12.jpg)

पतरसे ज़ैन ज़ोवं तैस पुड़ लगभग 3,000 लोकेई विश्वास कियो ते यीशुएरे चेले बने। तैनेईं बपतिस्मो नियो ते यरूशलेमेरे कलीसियरे हीस्सो बेनी जे।

![](https://cdn.door43.org/obs/jpg/360px/obs-en-43-13.jpg)

ज़ैखन प्रेरितेईं तैन शिक्षा दित्ती त विश्वासी लोकेईं लगातार शुनू। तैना हमेशा मिलते रहते थिए ते साथी रोट्टी खाते थिए। ते तैनेईं हमेशा एक्की होरेरे लेई प्राथना की। तैनेईं मिलतां परमेशरेरी आराधना की। ते ज़ैन किछ भी तैन्न कां थियुं तैनेईं एप्पू मांमेइं बन्टू। ते नगरेरो हर कोई मैनू तैन्न जो अच्छे मैनू ज़ोते थिए। ते रोज़ ज़ादे करां ज़ादे मैनू विश्वासी बनते जे।

*बाइबलरी ई कहानी प्रेरितां केरां कम्मां अधिय्य 2 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_43_128kbps.m4a

## 44. पतरस ते यूहन्ना एक्की भिख मगनेबाले बझ़ातन।

https://openbiblestories.org/l/bhd/story-44/

![](https://cdn.door43.org/obs/jpg/360px/obs-en-44-01.jpg)

एक्की दिहाड़े, पतरस ते यूहन्ना भवने मां जे। तैड़ी अक लैन्गड़ो मैनू भीख मागनेरे लेई फाटके पुड़ बिशोरो थियो।

![](https://cdn.door43.org/obs/jpg/360px/obs-en-44-02.jpg)

पतरसे तैस लैन्गड़े मैनेरे पासे तेकतां ज़ोवं, “मीं कां तीं देनेरे लेई दुनीयारी किछ ख़ास चीज़ां त नईं। पन ज़ैन मीं कां आए तैन तीं देताईं। यीशुएरे नव्वें सीं उठ ते च़ल फिर!”

![](https://cdn.door43.org/obs/jpg/360px/obs-en-44-03.jpg)

अकदम, परमेशरे तै लैन्गड़ो मैनू बझ़ाव। तैनी इरां-उरां च़लनू शुरू कियूं ते छालां मैरतां परमेशरेरी तारीफ़ केरनो लगो। ते भवनेरे अंगने मां मैनू हैरान थिए।

![](https://cdn.door43.org/obs/jpg/360px/obs-en-44-04.jpg)

ज़ै बझ़ाोरो थियो त जल्दी लोकां केरि अक भीड़ तैस मैनू हेरने आई। पतरसे तैन सीं ज़ोवं, “ई मैनू बेझ़ाोरोए, पन एस गली पुड़ हैरान न भोइयथ। असेइं एह एपनी शेक्ति सीं नईं बझ़ेवरो, एल्हेरेलेई नईं कि अस परमेशरेरी भागती केरतम। पन ज़ैनी एह अपने शेक्ति सीं बझ़ावरोए तै यीशुए, किजोकी अस यीशु पुड़ भरोसो केरतम।”

![](https://cdn.door43.org/obs/jpg/360px/obs-en-44-05.jpg)

तैना तुसेथ ज़ैनेईं रोमी गुवरनारे यीशु मारनेरे लेई ज़ोवं, तुसेईं तै मारो ज़ै सेभन ज़िन्दगी देते। पन परमेशरे तैस मुड़दन मरां ज़ींतो कियो। तुसेईं न समझ़ू कि तुस कुन केरने लगोरे थिए, पन ज़ैखन तुस तैना कम्मां केरि रावरे थिए त ज़ैन नेबेईं ज़ोवरू थियूं तैन पुरू भोवं। तैनेईं ज़ोवरू थियूं कि मसीह दुख झ़ैलेलो ते मरेलो। परमेशरे एन एस तरीके सीं भोने दित्तू। एल्हेरेलेई हुनी पश्चाताप केरा ते परमेशरेरे पासे फिरा ताकि तै तुश्शे पाप माफ़ केरते। जल्दी लोकां केरि अक भीड़ तैस मैनू हेरने आई। पतरसे ज़ोवं, “ई मैनू बेझ़ाोरोए,पन एस गली पुड़ हैरान न भोइयथ। असेइं एह एपनी शेक्ति सीं नईं बझ़ावरो, एल्हेरेलेइ नईं कि अस परमेशरेरी भागती केरतम। पन ज़ैनी एह अपने शेक्ति सीं बझ़ावरोए तै यीशुए, किजोकी अस यीशु पुड़ विश्वास केरतम।

![](https://cdn.door43.org/obs/jpg/360px/obs-en-44-06.jpg)

ज़ैखन भवनेरे अगुव्वेंई पतरस ते यूहान्नेरी इना गलां शुनी, त तैना बड़े घेमरोई जे। एल्हेरेलेई तैनेईं तैना गिरफ्तार केरतां कैदखाने मां छ़ड्डे। पन ज़ैन पतरसे ज़ोवरूए थियूं तैस पुड़ बड़े लोकेईं विश्वास कियो। ते विश्वास केरने बालां केरि गिनती लगभग 5,000 भोई जेई।

![](https://cdn.door43.org/obs/jpg/360px/obs-en-44-07.jpg)

होरसां, तैन्ना यहूदी लोकां केरे अगुव्वेंई पतरस ते यूहन्ना महायाजक ते धरमेरे होरि अगुव्वन कां आने। तैनेईं तै मैनू भी आनो ज़ै बेझ़ोरो थियो। तैनेईं पतरस ते यूहन्ना पुछ़ू, “तुसेईं एह मैनू कोस नव्वें सीं ते कोस अधिकारे सीं एह बझ़ाव?”

![](https://cdn.door43.org/obs/jpg/360px/obs-en-44-08.jpg)

पतरसे जुवाब दित्तो, ई मैनू ज़ै तुश्शे सामने खाड़ोए तै यीशु मसीहेरी शेक्तरे ज़िरिये सीं बझ़ेवरोए। तुसेइं यीशु क्रूसे पुड़ च़ाड़ो, पन परमेशरे तै फिरि ज़ींतो कियो! तुसेईं तै कुबूल न कियो, पन यीशुएरे इलावा मुक्ती हासिल केरनेरी होरी कोई बत नईं!

![](https://cdn.door43.org/obs/jpg/360px/obs-en-44-09.jpg)

तैना मैनू हैरान थिए कि पतरसे ते यूहन्ना बड़े हिम्मती सीं गल कियोरी थी। तैनेईं इन हेरू कि इना त आम मैनू ते अनपड़ मैनू आन। पन फिरि तैन्न याद अवं कि इनां मैनू यीशु सीं साथी राहोरे थिए। एल्हेरेलेई तैनेईं तैन सीं ज़ोवं, “अस तुस्न बड़ी सज़ा देमेले अगर तुस एस यीशुएरे बारे मां होरो परचार केरेले।” एरी बेड़ी गल्लां केरनेरां बाद, तैनेईं पतरस ते यूहन्ना हथरां छ़ड्डे।

*बाइबलरी ई कहानी प्रेरितां केरां कम्मां अधियाय 3:1-4:22 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_44_128kbps.m4a

## 45. स्तिफनुस ते फिलिप्पुस।

https://openbiblestories.org/l/bhd/story-45/

![](https://cdn.door43.org/obs/jpg/360px/obs-en-45-01.jpg)

किलसियारे पेइले अगुव्वन मां स्तिफनुस नव्वेंरो अक चेलो थियो। सब लोक तैसेरी आदर केरते थिए। पवित्र आत्मा तैस बड़ी शक्ति ते अक्ल दित्तोरी थी। स्तिफनुसे बड़े चमत्कार कियोरे थिए। ज़ैखन यीशु पुड़ भोरोसो केरनेरे लेईं तैनी शिक्षा दित्ती त बड़े लोकेईं तैस तैस पुड़ विश्वास कियो।

![](https://cdn.door43.org/obs/jpg/360px/obs-en-45-02.jpg)

एक्की दिहाड़े, स्तिफनुस यीशुएरे बारे मां शिक्षा देइ राहोरो थियो, ते किछ एरे यहूदी आए। ज़ैनेईं यीशु पुड़ विश्वास न थिये केरते, ते तैस सीं बेंस बाज़ी करनी शुरू की। तैना बड़े सेरकोए ते एल्हेरेलेई तैना यहूदी अगुव्वन कां जे। ते तैसेरे बारे मां झूठ ज़ोवं। तैनेईं ज़ोवं, “असेईं स्तिफनुसे करां मूसा ते परमेशरेरे बारे मां बुरी गल्लां जोती शुनोरीन!” एल्हेरेलेई धार्मिक अगुववेईं स्तिफनुस गिरफदार कियो ते महायाजक ते यहूदि केरे होरी अगुवन कां घिन्तां आए। ते तैनेईं स्तिफनुसेरे बारे मां झूठ ज़ोवं।

![](https://cdn.door43.org/obs/jpg/360px/obs-en-45-03.jpg)

महायाजके स्तिफनुसे पुछ़ू, “कुन एना लोक तेरे बारे मां सच़ लागोरेन ज़ोने?” स्तिफनुसे महायाजके ई जुवाब दित्तो, अब्रहामेरे वक्ते करां त यीशुएरे वक्ते तगर परमेशरे इस्राएली लोकां केरे लेई बड़े चमत्कार किये। पन तैना तैसेरो हुक्म न थिये मन्ते। स्तिफनुसे ज़ोवं, “तुस लोक परमेशरेरे खलाफ बगावत केरनेबाले ते ज़िद्दी आथ। तुसेइं हमेशा पवित्र आत्मा कुबूल न कियो, ज़ेन्च़रे कि तुश्शे पूर्वज हमेशा पवित्र आत्मा कबूल न थिए केरते। ते तैनेईं नबी मारे। पन ज़ैन तैनेईं कियोरू थियुं तुसेईं तैस करां भी जादे बुरू कियूं! तुसेईं मसीह मारोरोए।”

![](https://cdn.door43.org/obs/jpg/360px/obs-en-45-04.jpg)

ज़ैखन तैना धार्मिक अगुव्वेंई एन शुनू, त तैना एत्रे सेरकोए कि तैनेईं अपने कन बंद किये ते चिन्डां मारने लगे। ते तैनेईं स्तिफनुस घसीटतां नगरे करां बेइर नियो ते तैस मरनेरे लेई तैस घोड़ेईं दित्ती।

![](https://cdn.door43.org/obs/jpg/360px/obs-en-45-05.jpg)

ज़ैखन स्तिफनुस प्राण लगोरो थियो देने त तैनी प्रथना की, “हे यीशु, मेरी आत्मा कबूल केर!” तैखन तै ज़ैन्धू केरे भारे भिछ़ड़ो ते तैनी फिरि ज़ोवं, “हे प्रभु, इस पपेरो दोष एन पुड़ न लेइयां।” तैखन तै मेरी जेव।

![](https://cdn.door43.org/obs/jpg/360px/obs-en-45-06.jpg)

तैस दिहैड़ी, यरूशलेमे मां राने बाले बड़े लोकेईं यीशुएरे चेले सताने शुरू किये, एल्हेरेलेई विश्वासी लोक होरी-होरी जगान जो नश्शे। पन इसेरे बावजूद भी, ज़ैड़ी भी तैना जे तैनेईं यीशुएरे बारे मां प्रचार कियो।

![](https://cdn.door43.org/obs/jpg/360px/obs-en-45-07.jpg)

फिलिप्पुस नव्वेंरो यीशुएरो अक विश्वासी थियो। ज़ेन्च़रे कि होरी बड़े विश्वैसेईं कियोरू थियूं तै यरूशलेम नगरे मरां नश्शो। तै सामरियारे इलाके मां जेव। तैड़ी तैनी लोकन यीशुएरे बारे मां प्रचार कियो। बड़े लोकेईं यीशु पुड़ विश्वास कियो ते मुक्ति हासिल की। एक्की दिहाड़े, फिलिप्पुसे कां परमेशरेरे तरफां अक स्वर्गदूत अव ते तैस जंगले मां ते एक्की सड़की मां गानेरे लेई ज़ोवं। फिलिप्पुस तैड़ी जेव। ज़ैखन तै तैस साड़की मां च़लोरो थियो, त तैनी अक मैनू रथे पुड़ गंतो लाव। तै मैनू कूश मुल्खेरो अक खास आधीकारी थियो। पवित्र आत्मां फिलिप्पुसे सीं ज़ोवं, गेइतां उस मैनू सीं साथी-साथी च़ल।

![](https://cdn.door43.org/obs/jpg/360px/obs-en-45-08.jpg)

एल्हेरेलेई फिलिप्पुस रथे कां नेड़े जेव। तैनी शुनू कि तै कूशी परमेशरेरू वचन पड़ने लगोरोए। ज़ैन यशायाह नेबे लिखोरू थियूं तै तैन पड़ने लगोरो थियो। तैनेईं तै तैस भड्डरो ज़ेरो नीयो ज़ै मरनेरे लेई भोचे, ते ज़ेन्च़रे अक निकड़ू गबड़ू शान्त भोते, तैनी अक भी लब्स न ज़ोव। तैनेईं तैसेरे प्राण कढे।

![](https://cdn.door43.org/obs/jpg/360px/obs-en-45-09.jpg)

फिलिप्पुसे तैस कूशी पुछ़ू, “ज़ैन तू पड़ने लगोरोस कुन तू तैस समझ़तस भी?” तैनी कुशी मैने जुवाब दित्तो, नईं। ज़ांतगर कोई मीं न समझ़ाए, तां तगर अवं न सेमझ़ी बेटी। महरबानी केरतां ज़ो, कि यशायाह इन अपने बारे मां ज़ोते या होरेरे बारे मां।”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथे पुड़ च़ड़ो। तैखन तैनी तैस कूशी मैनू ज़ोवं, तैन यशायाए यीशुएरे बारे मां ज़ोवरूए। फिलिप्पुसे परमेशरेरे वचनेरे होरि कई हिस्सां केरे बारे मां भी ज़ोवं। एस तरीके सीं तैनी तैस मैनू यीशुएरे बारे मां खुशखबरी शुनाई।

![](https://cdn.door43.org/obs/jpg/360px/obs-en-45-11.jpg)

फिलिप्पुस ते कूशी च़लते-च़लते पैनी कां आए। तैनी कूशी मैने ज़ोवं, “हेर! इड़ी पानीए! कुन अवं बपतिस्मो नेइ साखताईं?” ते तैनी रथ च़लाने बाले सीं रथ रोकानेरे लेईं ज़ोवं।

![](https://cdn.door43.org/obs/jpg/360px/obs-en-45-12.jpg)

ते तैना पैनी कां जे ते फिलिप्पुसे तैस बपतिस्मो दित्तो। ज़ैखन तैना पैनी करां बेइर आए, त पवित्र आत्मा अचानके फिलिप्पुस तैठां गाइब केरतां होरी जगाई नीयो। ते तैड़ी फिलिप्पुसे तैन लोकन यीशुएरे बारे मां ज़ोनू जारी रख्खू।

![](https://cdn.door43.org/obs/jpg/360px/obs-en-45-13.jpg)

तै कूशी अपने घरे जो अग्रोवं जेव। तै खुश थियो कि तै हुनी यीशु ज़ानते।

*बाइबलरी ई कहानी प्रेरितां केरे कम्मां 6:8-8:5; 8:26-40 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_45_128kbps.m4a

## 46. पौलुस यीशु पुड़ विश्वास केरते।

https://openbiblestories.org/l/bhd/story-46/

![](https://cdn.door43.org/obs/jpg/360px/obs-en-46-01.jpg)

शाऊल नव्वेंरो अक मैनू थियो, ज़ैनी यीशु मसीह पुड़ विश्वास न थियो कियोरो। तै जुवान थियो, तैखन तैनी स्तिफनुसे मारने बालां केरां लिगड़ां सम्हालोरां थियां। बादे मां, तैनी विश्वासी सत्तए तैनी यरूशलेम नगरे मां घर-घर गेइतां मड़द ते कौन्शां ज़ैना भी यीशु पुड़ विश्वास केरते थिए ट्लेइतां कैदखाने मां छ़ाडेवरे थिए। तैखन महायाजके तैस दमिश्क नगरे मां गांनेरी अजाज़ात दित्ती। तैनी तैड़ी मसीही लोकन ट्लेइतां तैन्न यरूशलेम नगरे मां वापस अन्नेरे लेई शाऊले सीं ज़ोवं,

![](https://cdn.door43.org/obs/jpg/360px/obs-en-46-02.jpg)

ते शाऊल दमिश्क नगरे जो च़लो। तैस नगरे मां पुज़नेरे थोड़े ज़ेरे पेइले, तैसेरे च़ेवरे पासन अम्बरेरां अक लौ चमकी, ते तै तल्ले जो बिछ़ड़ो। ते शाउले कोन्ची करां ज़ोतू शुनू, “हे शाउल! हे शाउल! तू मीं किजोकि स्तातस?” शाउले पुछ़, “हे प्रभु तू कौनस?” यीशुए तैस जुवाब दित्तो, “अवं यीशु आईं ज़ैस तू सत्ताने लगोरोस!”

![](https://cdn.door43.org/obs/jpg/360px/obs-en-46-03.jpg)

ज़ैखन शाउल खड़ो भोव त तै किछ न थियो लेई बटतो। तैसेरे सैथेईं तै दमिश्के मां नियोरो। शाउले ट्लाई दिहाड़े न किछ खाव ते न पियूं।

![](https://cdn.door43.org/obs/jpg/360px/obs-en-46-04.jpg)

दमिश्के मां हनन्याह नंव्वेरो अक चेलो थियो। परमेशरे तैस सीं ज़ोवं, तैस घरे मां गा ज़ैड़ी शाउल रुकोरोए। ते अपनो हथ तैस पुड़ रख ताकि तै फिरि लाए।” पन हनन्याहे ज़ोवं, हे प्रभु, मीं एस मैनेरे बारे मां शुनोरूए कि ऐनी विश्वासी सतेवरेन।” परमेशरे तैस जुवाब दितो, “गा! मीं तै यहूदी लोकन मां ते गैर कौमां केरे लोकन खुशखबरी शुन्नेरे लेई च़ुनोरोए। तै मेरे नव्वेंरे लेइ बड़े कष्ट झ़ैलेलो।

![](https://cdn.door43.org/obs/jpg/360px/obs-en-46-05.jpg)

ते हनन्याह शाउले कां जेव, ते अपने हथ तैस पुड रख्खे, ते ज़ोवं, ज़ैनी यीशुए, तेरे एजते बारे बत्तां तीं पुड़ बांदू कियोरू थियुं, तैनी अवं तीं कां भेजोरोईं ताकि तू फिरि लास, ते पवित्र आत्मा तीं पुड़ एज्जे।” ते अकदाम शाउल फिरि लानेरे कबल भोव, ते हनन्याहे तैस बपतिस्मो दित्तो। तैखन शाउले रोट्टी खाई ते तैस हिम्मत आई।

![](https://cdn.door43.org/obs/jpg/360px/obs-en-46-06.jpg)

फिरी भी शाऊले दमिश्के मां रानेबाले यहूदन मां प्रचार केरने शुरू कियो। “यीशु ही परमरशरेरू मट्ठू आए!” यहूदी लोक हैरान थिये, किजोकि शाऊले त विश्वासी लोकन मारनेरी कोशिश कियोरी थी, पन हुनी तैनी यीशु पुड़ विश्वास कियोरो थियो। शाऊले यहूदन सीं बेंस की। तैनी हिरावं कि यीशु ही मसीह आए।

![](https://cdn.door43.org/obs/jpg/360px/obs-en-46-07.jpg)

बड़े दिहाड़ां केरे बाद, यहूदेईं शाऊल मारनेरे लेई योजना बनाई। तैनेईं तैस मारनेरे लेई नगरेरे फाटके पुड़ लोक भेज़े। कि तैसेरी निगरानी केरन, पन शाऊले तैस योजनारे बारे मां शुनू, ते तैसेरे दोस्तेईं बेच़तां निसनेरी तैसेरी मद्दत की। ते तैनेईं एक्की राती तै टोकरी मां रेखतां नगरेरी दिवारी पुड़ ओसालो। दमिश्क नगरे मरां बेच़तां निसनेरां बाद शाऊले यीशुएरे बारे मां प्रचार केरनो जारी रख्खो।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितन सीं मिलनेरे लेई यरूशलेम जो जेव, पन तैना तैस करां डरते थिये। तैखन बरनबास नंव्वेरो अक विश्वासी शाऊल प्रेरितन कां घिन्तां जेव। तैनी ज़ोवं कि शाऊले केन्च़रे दिलेर भोइतां दमिश्क नगरे मां प्रचार कियोरो थियो। तैसेरां बाद, प्रेरितेईं शाऊल कबूल कियो।

![](https://cdn.door43.org/obs/jpg/360px/obs-en-46-09.jpg)

किछ विश्वासी ज़ैना यरूशलेम नगरे सतावे करां नशोरे थिये। तैना दूर अंताकिया नगरे मां च़ले जेवरे थिये। ते यीशुएरे बारे मां प्रचार केरते थिये। अंताकिया मां रानेबाले लोक जादेतर यहूदी न थिये, पन पेइले बार, तैन मरां बड़े लोक विश्वासी बेनी जे। बरनबास ते शाऊल इन नंव्वे विश्वासी लोकन यीशु एरे बारे मां ते जादेतर शिखालनेरे लेई तैड़ी जे ते कलीसिया मज़बूत की। यीशु पुड़ विश्वास केरनेबाले लोकन जो पेइली बार अंताकिया मां “मसीही” ज़ोवं जेवं।

![](https://cdn.door43.org/obs/jpg/360px/obs-en-46-10.jpg)

एक्सां, अंताकियारे मसीही लोक बरत रेखतां प्राथना केरि रावरे थिये। पवित्र आत्मा तैन सीं ज़ोवं, “मेरे लेई बरनबास ते शाऊल तैस कम केरनेरे लेई अलग केरा ज़ैस केरनेरे लेई मीं तैना कुजेवरेन।” एल्हेरेलेई अंताकियारी कलीसिया बरनबास ते शाऊलेरे लेई प्राथना की। ते तैन पुड़ अपने हथ रख्खे। तैखन तैना बड़े ठैरन यीशु एरी खशखबरी प्रचार केरनेरे लेई भेज़े। बरनबास ते शाऊले अलग-अलग कौमां केरे लोकन शिक्षा दित्ती, ते बड़े लोकेईं यीशु पुड़ विश्वास कियो।

*बाइबलरी ई कहानी प्रेरितां केरां कम्मां 8:3; 9:1-31; 11:19-26; 13:1-3 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_46_128kbps.m4a

## 47. फिलिप्पी मां पौलुस ते सीलास।

https://openbiblestories.org/l/bhd/story-47/

![](https://cdn.door43.org/obs/jpg/360px/obs-en-47-01.jpg)

ज़ैखन शाउले पूरे रोमी राज़े मां जेव, तैनी अपने रोमी नव्वें पौलुसेरो इसतमाल केरनो शुरू कियो। एक्की दिहाड़े पौलुस ते सिलास फिलिप्पी नगरे मां यीशुएरे बारे मां खुशखबरी शुनाने लगे। तैना नगरे करां बेइर एक्की दरियाए कां जे ज़ैड़ी लोक प्राथना केरनेरे लेई अकोठे थिए। तैड़ी तैना लुदिया नव्वेंरी एक्की कौन्शी सीं मिले तै अक बुपारी थी। तै परमेशरे सीं प्यार केरती थी ते तैसेरी आराधना केरती थी।

![](https://cdn.door43.org/obs/jpg/360px/obs-en-47-02.jpg)

परमेशरे लुदिया यीशुएरे खुशखेबरी पुड़ विश्वास केरनेरे लेई काबिल बनाई। पौलुस ते सीलासे तैस ते तैसारे परिवारे बपतिस्मो दित्तो। तैसां पौलुस ते सीलास अपने कां बिशनेरे लेई ज़ोवं, तैल्हेरेलेई तैना तैड़ी बिश्शे।

![](https://cdn.door43.org/obs/jpg/360px/obs-en-47-03.jpg)

पौलुस ते सीलास हमेशा तैस जगाई लोकन सीं मिलते थिए। ज़ैड़ी यहूदी लोक प्राथना केरते थिए। हर रोज़ ज़ैखन तैना तैड़ी गाते थिए त अक कुई ज़ै दासी थी तैस पुड़ भूतेरो सायो थियो। ते तै तैन्न पतपती एइती थी। तैस भूतेरे मद्दती सीं तै लोकां केरे एजनेवाले वक्तेरे बारे मां ज़ोती थी। ते एल्हेरेलेई एजनेबाले वक्तेरे बारे मां ज़ोने बाली बेनतां तै अपने मालकां केरे लेई बड़ो पेंइसो कमाती थी।

![](https://cdn.door43.org/obs/jpg/360px/obs-en-47-04.jpg)

तैनकेरे गंते बार तै कुई चिन्डां मारती थी, इना मैनू परम प्रधान परमेशरेरे सेवकन। एना तुस्न मुक्ति हासिल केरनेरी बत्तरे बारे मां लगोरेन ज़ोने!” तै रोज़ एरू केरती थी ज़ैस सीं पौलुस बड़ो प्रेशान भोव।

![](https://cdn.door43.org/obs/jpg/360px/obs-en-47-05.jpg)

एक्की दिहैड़ी ज़ैखन तैसां दैसी कुइयां चिन्डां मैरनी शुरू की, त पौलुसे तैसारे पासे मुड़तां तैसमां ज़ैन भूत थियुं तैस सीं ज़ोवं, “यीशुएरे नव्वें सीं एस मरां निसी गा।” ते तैस मरां निस्सी जेवं।

![](https://cdn.door43.org/obs/jpg/360px/obs-en-47-06.jpg)

तैसेरे मालिक बड़े सेरकोए। तैन पतो लगो कि तै भूतेरे बगैर हुनी एह दासी कुइ एजनेबाले वक्तेरे बारे मां ज़ोई न बटे। ते इसेरो मतलब थियो कि लोक तैसारे मालकन पेइसे न देले कि तै तैन ज़ोए कि एजने बाले वक्ते मां कुन भोनूए।

![](https://cdn.door43.org/obs/jpg/360px/obs-en-47-07.jpg)

एल्हेरेलेई तैस दैसी कुइयारे मलिक पौलुस ते सिलास रोमी अधिकैरन कां नीए। तैनेईं पौलुस ते सिलासे मार दित्ती, ते फिरि तैना कैदखाने मां छ़ड्डे।

![](https://cdn.door43.org/obs/jpg/360px/obs-en-47-08.jpg)

तैनेईं पौलुस ते सिलासेरे तैस हिस्से मां रख्खे ज़ैड़ी ज़ैदां पहरदार थिए। इड़ी तगर कि तैनेईं तैनकेरे पव्व लेकड़ारी बेड़न मां छ़ड्डे। पौलुस ते सिलास एधी राती परमेशरेरां भाजनां लगोरे थिए ज़ोने।

![](https://cdn.door43.org/obs/jpg/360px/obs-en-47-09.jpg)

ते अचानक अक बड्डो भुन्ज़ल अव! तैखन सारां दारां खुली जेआं, ते सैरी कैदी केरि शंगलां खुल्ली जेई जेई।

![](https://cdn.door43.org/obs/jpg/360px/obs-en-47-10.jpg)

तैखन दरोगा बींझ़ो। तैनी हेरू कि कैदखानेरां दारां खुलोरन। तैनी सोचु कि सारे कैदी नशोरेन। तै डरो कि तैन केरे नशने सीं रोमी अधकारी तैस मारले, एल्हेरेलेई तै अपने आपे मरनेरे लेई तियार भोव! पन पौलुसे तैस लेइतां ज़ोरे सीं हक़ दित्ती, “रुक! अपने आपे नुक्सान न पज़ा। अस सब इड़ी आम।”

![](https://cdn.door43.org/obs/jpg/360px/obs-en-47-11.jpg)

तैनी दरोगा थरकते एइतां पौलुस ते सिलासे पुछ़ू, “मुक्ति हासिल केरनेरे लेई अवं कुन केरी?” पौलुसे जुवाब दितो, “प्रभु यीशु पुड़ विश्वास केर, त तू ते तेरो घरानो मुक्ति हासिल केरेलो।” तैखन तै दरोगा पौलुस ते सिलासे अपने घरे नेते ते तैनी तैनकेरे पव धोए। पौलुसे तैसेरे सारे घरेरे लोकन यीशुएरी खुशखाबरी शुनाई।

![](https://cdn.door43.org/obs/jpg/360px/obs-en-47-12.jpg)

दरोगा ते तैसेरे पूरे परिवारे यीशु पुड़ विश्वास कियो, एल्हेरेलेई पौलुस ते सिलासे तैन्न बतीस्मो दित्तो। तैखन दरोगा तैन्न रोट्टी खुवाई, ते तैना बड़े खुश भोए।

![](https://cdn.door43.org/obs/jpg/360px/obs-en-47-13.jpg)

ते होरसां नगरेरे लोकेईं पौलुस ते सिलास कैदखाने मरां आज़ाद किये ते फिलिप्पी मरां च़ले गंनेरे लेई ज़ोवं। पौलुस ते सिलास लुदिया ते होरी किछ दोस्तन सीं मिले ते तैलां बाद नगर छ़ेडतां च़ले जे। ते यीशुएरे बारे मां खुशखबरी शुनाते जे, ते कलीसिया बधती जेई।

![](https://cdn.door43.org/obs/jpg/360px/obs-en-47-14.jpg)

पौलुस ते होरी मसीही अगुव्वे बड़े नगरन मां जे। तैनेईं लोकन यीशुएरे बारे मां खुशखबरी शुनाई। तैनेईं किलिसियारे लोकन उत्साहित केरने ते शिक्षा देनेरे लेई कई चिट्ठी भी लिखी। तैन्न मरां किछ चिट्ठी बाईबलारी किताबां बेनी जेई।

*बाइबलरी ई कहानी प्रेरितां केरां कामां 16:11-40 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_47_128kbps.m4a

## 48. यीशु वादो कियोरो मसीहे।

https://openbiblestories.org/l/bhd/story-48/

![](https://cdn.door43.org/obs/jpg/360px/obs-en-48-01.jpg)

ज़ैखन इन सांसार बनेवरू थियुं त सब किछ रोड़ू थियुं। ते कोई भी पाप न थियो। आदम ते हवा एक्की होरी सीं प्यार केरते थिए, ते तैना परमेशरे सीं प्यार केरतां थियां। कोई बिमारी या मौत न थी। परमेश एरू संसार चातो थियो।

![](https://cdn.door43.org/obs/jpg/360px/obs-en-48-02.jpg)

शैताने सपरे ज़िरिहे सीं बागी मां हव्वी सीं गल की, किजोकी तै तैस धोखो देनो चतो थियो। तैखन हव्वां ते अदमे परमेशरेरे खिलाफ पाप कियो। किजोकी तैनेईं पाप कियोरो थियो। एल्हेरेलेई धेरती पुड़ रानेबाले सब मरतन।

![](https://cdn.door43.org/obs/jpg/360px/obs-en-48-03.jpg)

अदमे ते हव्वां पाप कियोरो थियो। एल्हेरेलेई किछ होरू भी बुरु भोवं। तैना परमेशरेरे दुशमन बेनी जेआं। ज़ैसरो नतीजो ई भोव, कि तैखनेरे देंते हर एक्की मैने पाप कियोरोए। हर कोई ज़र्मे करां परमेशरेरो दुश्मने। परमेशर ते मैन्न एप्पू मांमेइं मेल मिलाप न थियो। पन परमेशर शान्ति कायम केरनी चातो थियो।

![](https://cdn.door43.org/obs/jpg/360px/obs-en-48-04.jpg)

परमेशरे वादो कियो कि हव्वारे वंशे मरां अक शैतानेरी क्रोड़ी ढै्लन्च़ेलो। तैनी इन भी ज़ोवं कि शैतान तैसेरी थूड़ी पुड़ी टाक देलो। होरी लबसन मां, शैतान मसीह मरेलो, पन परमेशर तैस फिरि ज़ींतो केरेलो। इसेरां बाद, मसीह शैतनेरी शक्ति हमेशारे लेई ख़त्म केरेलो। कई सालां केरे बाद, परमेशरे इन बांदू कियूं कि यीशु मसीह आए।

![](https://cdn.door43.org/obs/jpg/360px/obs-en-48-05.jpg)

परमेशरे नूहे सीं अक किश्ती बन्नानेरे लेई ज़ोवं, ताके तै तैस हड़ाई करां अपनू टब्बर बच़ेई सके ज़ैस परमेशर भेज़नेबालो थियो। एस तरीके सीं परमेशरे तैना लोक बंच़ाए ज़ैना तैस पुड़ विश्वास केरते थिए। ते एन्च़रे, तैना सब परमेशरेरे मारनेरे काबल थिए किजोकी तैनेईं पाप कियोरो थियो। पन परमेशरे तैना सब बंचानेरे लेंई यीशु मसीह भेज़ो ज़ैना तैस पुड़ विश्वास केरतन।

![](https://cdn.door43.org/obs/jpg/360px/obs-en-48-06.jpg)

हज़ारेईं सालन तगर, याजक परमेशरेरे लेई बेली च़ाड़ते राए। ते एन इन हिराते कि तैनेईं पाप कियोरेन, ते इन कि तैना परमेशरेरे सज़ारे किबल थिए। पन तैनकेरी बेली पापन माफ़ न थी केरी सेखती। यीशु सेभना बड्डो महायाजके। तैनी तैन कियूं ज़ैन याजकेईं न केरी बटु। तैनी अक्के बली दित्ती ते तैनी अपनी बली दित्ती ज़ै हर केन्चेरे पापन मटेइ सखती थी। तैनी इन कबूल कियूं कि परमेशर तैस सेभी केरे पापां केरे लेई सज़ा दे। एल्हेरेलेई, यीशु सिद्ध महायाजके।

![](https://cdn.door43.org/obs/jpg/360px/obs-en-48-07.jpg)

परमेशरे अब्रहामे सीं ज़ोवं, “अवं तेरे ज़िरिहे संसारेरे सेभी कुलन बरकत देलो।” यीशु एस अब्रहामेरे खानदाने मरां थियो। परमेशर अब्रहामेरे ज़िरिहे सेभी कुलन बरकत देते, किजोकी ज़ैना यीशु पुड़ विश्वास केरतन परमेशर तैन सेभन पापे करां बच़ाते। ज़ैखन तैना लोक यीशु पुड़ विश्वास केरेले, त परमेशर तैन्न अब्रहामेरे वंशज मनेलो।

![](https://cdn.door43.org/obs/jpg/360px/obs-en-48-08.jpg)

परमेशरे अब्रहामे सीं ज़ोवं कि तै अपने मट्ठे बलि केरे। पन फिरि परमेशरे इसहाकेरे बदले गबड़ू बली केरेनेरे लेई दित्तू। अस सब अपने पापां केरे लेई मौतरे काबल थिए! पन परमेशरे इश्शे जगाई मरनेरे लेई यीशु बली भोनेरे लेई दित्तो। ते एस वजाई सीं अस यीशु जो परमेशरेरू गबड़ू ज़ोतम।

![](https://cdn.door43.org/obs/jpg/360px/obs-en-48-09.jpg)

ज़ैखन परमेशरे मिस्रे पुड़ अखीरी आफत भेज़ी त परमेशरे हर इस्राएली परिवारे सीं ज़ोवं, कि तैना एक्की गबड़े बली केरन। तैस गबड़े मां कोई दोष न लोड़े। तैखन तैनेईं तैस गबड़ेरो खून अपने दारन पुड़ लानो थियो। ज़ैखन परमेशरे तै खून लव त तैन्केरे घरे करां अग्रोवं जेव, ते तैन केरू बड्डू मट्ठू न मारू। ते ज़ैखन एन भोवं त परमेशरे एस जो फहस तिहर ज़ोवं।

![](https://cdn.door43.org/obs/jpg/360px/obs-en-48-10.jpg)

यीशु फसहरे तिहारेरे गबड़ेरो ज़ेरोए। तैनी कधी पाप न कियो, एल्हेरेलेई तैस मां कोई भी दोष न थियो। तै फसहरे तिहारेरे वक्ते मरोरो थियो। ज़ैखन कोई यीशु पुड़ विश्वास केरते, तैखन यिशुएरो खून तैस मैनेरे पापां केरि कीमत चुकाते। एन एरू कि ज़ेन्च़रे परमेशर तैस मैनू करां अग्रोवं गाते, किजोकी तै तैस सज़ा न दे।

![](https://cdn.door43.org/obs/jpg/360px/obs-en-48-11.jpg)

परमेशरे इस्राएली लोकन सीं अक करार कियो, किजोकी तैना एरे लोक थिए ज़ैना परमेशरे अपने भोनेरे लेई च़ुनोरे थिए। पन हुनी परमेशरे अक एरो करार कियोरोए ज़ै सेभी केरे लेइए। अगर कोन्ची भी कौमरो कोई भी मैनू तै करारे कबूल केरे, त तै परमेशरेरे लोकन मां शमिल भोते। तै एन एल्हेरेलेइ केरते किजोकी तै यीशु पुड विश्वास केरते।

![](https://cdn.door43.org/obs/jpg/360px/obs-en-48-12.jpg)

मूसा अक एरो नबी थियो ज़ैनी परमेशरेरू वचन बेड़ी शक्ति सीं परचार कियोरू थियुं। पन यीशु सब नेबन करां महाने। तै परमेशरे, एल्हेरेलेई ज़ैन किछ भी तैनी कियूं ते ज़ोवं तैन परमेशरेरे कम ते वचने मरां थियूं। एल्हेरेलेई पवित्र-शास्त्र यीशु जो परमेशरेरू वचन ज़ोते।

![](https://cdn.door43.org/obs/jpg/360px/obs-en-48-13.jpg)

परमेशरे दाऊद राज़े सीं वादो कियोयो थियो, कि राज़ेरे रूपे मां तैसेरे खानदाने मरां अक परमेशरेरे लोकन पुड़ सदा राज़ केरेलो। यीशु परमेशरेरू मट्ठू मसीह आए, एल्हेरेलेई तै दाऊदेरे राज़ेरे खानदाने मरां भी आए ज़ै हमेशारे लेई राज़ केरि सखते।

![](https://cdn.door43.org/obs/jpg/360px/obs-en-48-14.jpg)

दाऊद त इस्राएलेरो राज़ो थियो, पन यीशु सारे दुनियारो राज़ोए! तै फिरि एजनोए ते हमेशारे लेई इन्साफ ते शैन्ती सीं अपनू राज़ केरेलो।

*बाइबलरी ई कहानी उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_48_128kbps.m4a

## 49. परमेशरेरो नंव्वो करार।

https://openbiblestories.org/l/bhd/story-49/

![](https://cdn.door43.org/obs/jpg/360px/obs-en-49-01.jpg)

एक्की स्वर्गदूते एक्की जुवान कौन्शी मर्यमी सीं ज़ोवं, कि तै परमेशरेरे मट्ठे ज़र्म देली। तै हेजू कुवारी थी, पन पवित्र आत्मा तैस पुड़ सायो कियो ते तै दोज़ींती भोई। तैसां एक्की मट्ठे ज़र्म दित्तू ज़ैसेरू नंव तैसां यीशु रख्खू। एल्हेरेलेई, यीशु परमेशर भी आए ते मैनू भी आए।

![](https://cdn.door43.org/obs/jpg/360px/obs-en-49-02.jpg)

यीशुए बड़े चम्तकार किये ज़ैना हिरातन कि तै परमेशरे। तै पैनी पुड़ च़लो ते तैनी अंधी-तौफान शांत कियो। तैनी बड़े बीमार लोक बाझ़ाए ते होरे भी बड़े मैनू बझ़ाए ज़ैन पुड़ भूतां केरो सायो थियो। तैनी मरोरे लोक ज़ींताए, ते तैनी पंच़ रोट्टी ते दूई मेछ़ली 5000 मैन्न दित्ती ते तैना सब रज़्ज़े।

![](https://cdn.door43.org/obs/jpg/360px/obs-en-49-03.jpg)

यीशु अक शिक्षा देने मां भी अक महान गुरु थियो। ज़ैन किछ भी तैनी शिखालू, तैन तैनी रोड़े च़ारे शिखालू। ज़ैन तै लोकन केरनेरे लेईं ज़ोते त तैने कियोरू लोड़े। किजोकी तैन परमेशरेरू मट्ठू आए। ज़ेन्च़रे कि तैनी शिखालू कि तुसेई होरी लोकन सीं तेन्च़रे प्यार केरनोए ज़ेरो प्यार तुस अपने आपे सीं केरतथ।

![](https://cdn.door43.org/obs/jpg/360px/obs-en-49-04.jpg)

तैनी शिखालू कि तुसेईं सेभी चीज़न करां भी ज़ैदां ते एपनी जाइदाती करां भी ज़ैदां परमेशरे सीं प्यार रखोरो लोड़े।

![](https://cdn.door43.org/obs/jpg/360px/obs-en-49-05.jpg)

यीशुए ज़ोवं, कि कोन्ची भी चिज़ी हासिल केरने करां ज़ैदां रोड़ू इने कि मैनू परमेशरेरे राज़े मां भोए। तुस्न तैसेरे राज़े मां गंनेरी ज़रुरते कि परमेशर तुस्न तुश्शे पापन करां बंचाए।

![](https://cdn.door43.org/obs/jpg/360px/obs-en-49-06.jpg)

यीशुए ज़ोवं कि किछ लोकन ज़ैनां तैस कबूल केरेले। परमेशर तैन लोकन ज़ोलो। पन होरे लोक तैस कबूल न केरेले। तैनी इन भी ज़ोवं कि किछ लोक रोड़ी ज़मीनरे ज़ेरेन, किजोकी तैना यीशुएरे बारे मां खुशखरी कबूल केरतन, ते परमेशर तैन बंच़ाते। पन किछ लोक बत्ती बैली सख्त ज़मीनारे ज़ेरेन। परमेशरेरू वचन बीज़ेरू ज़ेरूए, ज़ैन बत्ती मां बिछ़ड़ते, तैड़ी किछ भी न लगे। एना लोक यीशुएरे बारे मां खुशखबरी शुनातन। पन तैना तैसेरे राज़े मां शामिल भोने करां इन्कार केरतन।

![](https://cdn.door43.org/obs/jpg/360px/obs-en-49-07.jpg)

यीशुए ज़ोवं, कि परमेशर पैपन सीं प्यार केरते। तै तैन माफ़ केरनू चाते। तै तैन अपने बच्चे बन्नने चाते।

![](https://cdn.door43.org/obs/jpg/360px/obs-en-49-08.jpg)

यीशुए इन भी ज़ोवं कि परमेशर पापे सीं नफ़रत केरते। किजोकी आदम ते हव्वां पाप कियो। एल्हेरेलेई तैन केरे सारे वंशेरे लोकेईं भी पाप कियो। इस संसारे मां राने बालो हर कोई मैनू पाप केरते। ते परमेशर तैस करां दूरे। हर कोई मैनू पापेरे वजाई सीं परमेशरेरो दुश्मने।

![](https://cdn.door43.org/obs/jpg/360px/obs-en-49-09.jpg)

पन परमेशरे इस दुनियाई मां राने बाले हर एक्की मैनू सीं एरो प्यार कियो। तैनी अपनू एकलौतू मट्ठू दित्तू ताकि ज़ै कोई भी तैस पुड़ विश्वास केरे तै नाश न भोए पन हमेशारी ज़िन्दगी हासिल केरे। इलहेरे बाजाए, तैना तैस सीं साथी हमेशा राले।

![](https://cdn.door43.org/obs/jpg/360px/obs-en-49-10.jpg)

तुस मरनेरे कबील आथ, किजोकी तुसेईं पाप कियोरेन। तुसन पुड़ परमेशरेरी सरक भोनी जैइजे, ते एलहेरी बाजाए, तै यीशु पुड़ सेरकोव। तैनी यीशु क्रूसेरी मौत देइतां तैस सज़ा दित्ती।

![](https://cdn.door43.org/obs/jpg/360px/obs-en-49-11.jpg)

यीशुए कधी पाप न कियो, पन तैनी परमेशरेरी तै सज़ा कबूल की। तैनी मरनू कबूल कियूं। एस तरीके सीं, तुश्शे पापन ते इस सांसरे मां राने बाले हर मैनेरे पाप तैनी एप्पू पुड़ नीये ते तैसेरू तैन सिद्ध बालीदान थियुं। यीशुए अपनो आप परमेशरे कां बालीदान कियो, एल्हेरेलेई परमेशर कोई भी पाप इड़ी तगर कि बडे करां बडो पाप यीशुएरे नव्वें सीं माफ केरते।

![](https://cdn.door43.org/obs/jpg/360px/obs-en-49-12.jpg)

भले ही तुस भलां कम्मां केरतथ, त इसेरे ज़िरिहे परमेशर तुस्न न बंच़ालो। तैसेरो दोस्त बन्नेरेलेंई एरू किछ भी नईं ज़ैन तुस केरि बटतथ। इसेरे बजाए, तुसेई विश्वास केरनोए कि यीशु परमेशरेरू मट्ठू आए, ते तै तुश्शे बदले क्रूसे पुड़ मरोरोए, अगर तुस इस गली पुड़ विश्वास केरथ, त परमेशर तुस्न तुश्शे पापां केरि माफी देलो।

![](https://cdn.door43.org/obs/jpg/360px/obs-en-49-13.jpg)

परमेशर हर एक्की तैस मैनू बंचालो ज़ै यीशु पुड़ विश्वास केरते ते तैस अपनो प्रभु कबूल केरते। पन तै तैन न बंचालो ज़ैना तैस पुड़ विश्वास न केरन। इस सीं कोई भी फरक न पे, कि तुस बड़े अमीर या गरीब आथ, मड़द या कौन्श, बुढो भोए या बुढी या जुवान, या तुस कोड़ी रातथ। तुस कोस मुल्खेरेथ, परमेशर तुस्न सीं प्यार केरते ते चाते कि तुस यीशु पुड़ विश्वास केरथ ते परमेशर तुश्शो दोस्त बेनी गाए।

![](https://cdn.door43.org/obs/jpg/360px/obs-en-49-14.jpg)

यीशु तुस्न कुजाने लगोरोए कि तुस तैस पुड़ विश्वास केरतथ ते बपतिस्मो नेथ। कुन तुस विश्वास केरतथ कि परमेशरेरू एकलौतू मट्ठू, यीशु ही मसीह आए? कुन तुस विश्वास केरतथ कि तुस पापीथ ते इन कि तुस इस कबलथ कि तुस्न परमेशरे करां सज़ा मैल्ले? कुन तुस विश्वास केरतथ कि यीशु तुश्शे पापन मिटानेरे लेई क्रूसे पुड़ मरो?

![](https://cdn.door43.org/obs/jpg/360px/obs-en-49-15.jpg)

अगर तुस यीशु पुड़ ते ज़ैन किछ तैनी तुश्शे लेई कियूं तैस पुड़ विश्वास केरतथ, त तुस अक मसीही मैनूथ! शैतान हुनी अपने अंधरेरे राज़े मं तुस्न पुड़ राज़ न केरे। हुनी परमेशर अपने लोआरे राज़े मां तुस्न पुड़ राज़ केरते। तैनी हुनी तुस पाप केरने करां रोकनेथ, ज़ैन तुस केरते थिए। तैनी तुस्न अक नव्वीं ज़िन्दगी दित्तोरीए।

![](https://cdn.door43.org/obs/jpg/360px/obs-en-49-16.jpg)

अगर तुस अक मसीही मैनूथ त ज़ैन यीशु मसीहे कियोरूए तैसेरे वजाई सीं परमेशरे तुश्शे पाप माफ़ कियोरेन। हुनी, परमेशर तुस्न एक्की दुशमनेरां इलावा अक अच्छो दोस्त मन्नते।

![](https://cdn.door43.org/obs/jpg/360px/obs-en-49-17.jpg)

अगर तुस परमेशरेरे दोस्तथ ते प्रभु यीशुएरे सेवकथ त तुस तैना गलां मन्नेरी इच्छा केरेले ज़ैना यीशु तुस्न शिखालते। भले ही तुस अक मसीह आथ, शैतान हेजु भी पाप केरनेरे लेई तुस्न खीचेलो। पन परमेशर हमेशा तैन केरते तै इन केरते। तै ज़ोते कि अगर तुस अपने पापन मन्थ त, तै तुस्न माफ़ केरेलो। तै तुस्न पापां केरे खिलाक लाड़नेरी शक्ति देलो।

![](https://cdn.door43.org/obs/jpg/360px/obs-en-49-18.jpg)

परमेशर तुस्न प्राथना केरने ते वचन पड़नेरे लेई ज़ोते। तै तुस्न होरी विश्वासी लोकन सीं मिलतां परमेशरेरी आराधना केरनेरे लेई ज़ोते। अगर तुस एना सब कम्मां केरथ, त तुस तैसेरे पक्के दोस्त बनेले।

*बाइबलरी ई कहानी रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_49_128kbps.m4a

## 50. यीशु वापिस एजेलो।

https://openbiblestories.org/l/bhd/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 साल, पेइले संसारे मां सेभी जगान ज़ैदां करां ज़ैदां लोक यीशु मसीहेरे बारे मां खुशखबरी शुनेई राहोरेन। कलीसिया बधने लगोरीए। यीशु मसीहे वादो कियोरोए कि तै संसारे आखीरी मां वापस एजनोए। हालाकि हुना तगर यीशु मसीह वापस नईं एवरे, फिरी भी तै अपने वादे पूरे केरेलो।

![](https://cdn.door43.org/obs/jpg/360px/obs-en-50-02.jpg)

हालाकी अस यीशुएरे वापस एजने बलगने लगोरेम, ते परमेशवर चाते कि अस एरी पवित्र ज़िन्दगी ज़ीम ज़ैस सीं तैसेरी आदर भोए। तै इन भी चाते कि अस होरन तैसेरे बारे मां ज़ोम। ज़ैखन यीशु मसीह इस दुनियाई मां थियो तैनी ज़ोवरू थियूं। मेरे चेले पूरे संसारे मां सैरी जगां केरे लोकन परमेशरेरे राज़ेरे बारे मां प्रचार केरेले, ते तैखन अन्त भोलो।”

![](https://cdn.door43.org/obs/jpg/360px/obs-en-50-03.jpg)

बेड़ी लोकेईं हेजू तगर परमेशरेरे बारे मां नईं शुनोरू। स्वर्गे जो वापस गांने करां पेइले, यीशु मसीह तैन लोकन यीशुएरे बारे मां ज़ोनेरे लेई ज़ोवरूए। ज़ैनेईं तैसेरे बारे मां कधी नई शुनोरू। तैनी ज़ोवं, “गाथ ते सेभी कौमां केरे लोकन चेले बनथ!” कटनेरे लेई फसल पक्कोरीए।

![](https://cdn.door43.org/obs/jpg/360px/obs-en-50-04.jpg)

यीशुए इन भी ज़ोवं, “कोई भी सेवक अपने मालिके करां बड्डो न भोए। इस सांसरेरे खास लोकेईं मीं सीं नफ़रत की, ते मेरे वजाई सीं तैना तुस्न भी सताले ते मारेले। इस संसारे मां तुसन कष्ट भोलो, पन मज़बूत बना, किजोकी मीं शैतान हराव, ज़ै इस सांसरे पुड़ राज़ केरते। अगर तुस आखरी तगर मीं पुड़ विश्वास केरेले त बंच़ेले!”

![](https://cdn.door43.org/obs/jpg/360px/obs-en-50-05.jpg)

यीशुए अपने चेलन एन समझ़ानेरे लेई अक कहानी शुनाई, कि ज़ैखन संसरेरो अन्त भोलो त लोकन सीं कुन भोलू। तैनी ज़ोवं, “केन्ची मैने अपने उडारे मां रोडू बीज़ बेवं। ते ज़ैखन तै झ़ुलोरो थियो त तैसेरो दुश्मन अव ते गेहुन सीं साथी तैस्से उडारे मां जंगली बुट्टां केरू बीज़ बेवं, ते फिरि तै च़लो जेव।”

![](https://cdn.door43.org/obs/jpg/360px/obs-en-50-06.jpg)

“ज़ैखन निक्के-निक्के बुट लगे त सेवकेईं तैस मैनू सीं ज़ोवं, ‘हे मालीक तीं अपने उडारे मां रोड़ू बीज़ बेवरू थियुं। त फिरी तैस मां जंगली बूटे किजो आन?’ तैनी मैने जुवाब दित्तो, ‘एह मेरो कोई दुशमने ज़ैनी एन कियोरूए।”

![](https://cdn.door43.org/obs/jpg/360px/obs-en-50-07.jpg)

तैन सेवकेईं अपने मालिके जुवाब दित्तो, ‘कुन अस जंगली डाल पुटी छ़ाडम?’ तैनी मालिके ज़ोवं, नईं। अगर तुस एरू केरेले त तुसेंई किछ गेहुँ भी पुटनेन। कटैइयारे वक्ते तगर बलगा, तैखन जंगली डालां केरि कुमड़ी बनेइतां तैन्न अकोठे केरा, ताकि तुस तैन्न फुकी सखथ। पन गेवन मेरे उडारे मां अकोठे केरा।”

![](https://cdn.door43.org/obs/jpg/360px/obs-en-50-08.jpg)

चेलेईं एस कहैनारो मतलब न समझ़ो, एल्हेरेलेई तैनेईं यीशु करां समझ़ानेरी बिनती की। यीशुए ज़ोवं, “रोड़ू बीज़ बेने बालो मैनू मसीहे हिराते। उडार सांसरे हीरेते। ते रोड़ू बीज़ परमेशरेरे राज़ेरे लोकन हीराते।”

![](https://cdn.door43.org/obs/jpg/360px/obs-en-50-09.jpg)

जंगली पौदे तैस दुष्ट शैतानेरे लोकन हिरातन। तैस जंगली बीज़ बेनेबालो शैताने, ज़ैनी जंगली बीज़ बेव्वं। ते फसलारी कटाई इस संसारेरो अन्त हीराचे, ते कटाई केरने बाले परमेशरेरे स्वर्गदूतन।

![](https://cdn.door43.org/obs/jpg/360px/obs-en-50-10.jpg)

ज़ैखन संसरेरो अन्त भोलो तैखन स्वर्गदूत तैन सेभन साथी अकोठे केरेले, ज़ैना शैतानेरेन। तैनां स्वर्गदूत तैन्न एक्की बेड़ी अग्गी मां शारेले। ज़ैना मैनू शैतानेरेन। तैन लोकन बड़ो ज़ैदां कष्ट भोलो ते अपने दन्त काटेले। पन ज़ैना लोक धर्मीन, ते तैनेईं यीशु मसीहेरी गल्लां मेन्नी, तैना बाजी परमेशरेरे राज़े मां दिहाड़ेरे ज़ेरे चम्केले।

![](https://cdn.door43.org/obs/jpg/360px/obs-en-50-11.jpg)

यीशुए इन भी ज़ोवं, कि तै संसारेरो अन्त भोनेरे पेइले धेरती पुड़ एजेलो। तै तैसे तरीके सीं वापस एजनोएम ज़ेन्च़रे तै जेवरो थियो। मतलब, तैस कां असली शरीर भोनोए, ते तै अमबरे मां बिदलारी पुड़ सुवार भोइतां एजनोए। ज़ैखन वापस एजेलो त अस असमाने मां तैस सीं मिलमेले।

![](https://cdn.door43.org/obs/jpg/360px/obs-en-50-12.jpg)

ते तैखन ज़ैनां मसीही लोक ज़ींते भोले त तैना बिदलारी मां उठाए गानेन। ते तैना होरी मैन्न मां शामिल भोनेन ज़ैनां मुड़दन मरां ज़ींते भेवरेन। तैना सब तैड़ी यीशु सीं साथी भोनेन। तैसेरे बाद, यीशु अपने लोकन सीं साथी रालो। ज़ैखन तैना साथी राले त तैन्न कां हमेशारे लेई शान्ति भोली।

![](https://cdn.door43.org/obs/jpg/360px/obs-en-50-13.jpg)

यीशु पुड़ विश्वास केरने बाले मुकट देनेरो वादो कियोरोए। तैना हमेशारे लेईं हर एक्की चीजी पुड़ राज़ केरेले। तैन्न कां सिद्ध शान्ति भोली।

![](https://cdn.door43.org/obs/jpg/360px/obs-en-50-14.jpg)

पन परमेशर तैना सेभी केरो इन्साफ केरेलो ज़ैनां यीशु पुड़ विश्वास न केरन। तै तैन्न नरके मां छ़डेलो। तैड़ी तैना लेरां देले ते अपने दन्त च़ापेले, ते तैनां हमेशा तकलीफी मां राले। कधी न हिश्ने बाली अग तैन्न लगातार फुकती राली, ते कीड़े तैन्न खाने करां न रुकेले।

![](https://cdn.door43.org/obs/jpg/360px/obs-en-50-15.jpg)

ज़ैखन यीशु वापस एजेलो, त तै पूरे तरीके सीं शैताने ते ज़ैन तैसेरू राज़े तैस नाश केरेलो, तैना सेभन ज़ैनेईं परमेशरेरी गलां मन्नेरे बजाए शैताने पती च़लनू शुरू कियोरू थियुं।

![](https://cdn.door43.org/obs/jpg/360px/obs-en-50-16.jpg)

किजोकी अदामे ते हव्वां परमेशरेरो हुक्म न थियो मन्नोरो ते इस संसारे मां पाप घिन्तां आं, परमेशरे संसारे शाप दित्तो ते तैन नाश केरनीरो फ़सलो कियो। पन एक्की दिहाड़ी परमेशरे अक नंव्वू अम्बर ते नव्वीं धरती बनालो ज़ैन सिद्ध भोलू।

![](https://cdn.door43.org/obs/jpg/360px/obs-en-50-17.jpg)

यीशु ते तैसेरे लोक तैस नेव्वीं धेरती पुड़ राले, ते हामेशारे लेई सेभी चीज़न पुड़ राज़ केरेले। तै लोकन केरे एछ़ी केरां सारां एैन्खरू पुछ़ेलो। ते हुनी कोई भी कष्टे मां ते दुखी न भोलो। तैना तैड़ी लेरां न देले। यीशु अपनु राज़ इन्साफ ते शैन्ती सीं केरेलो। तै हमेशारे लेई अपने लोकन सीं साथी रालो।

*बाइबलरी ई कहानी मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 मरां आए।*

Audio: https://git.door43.org/OBS-TLF/bhd_obs/releases/download/v1/bhd_obs_v1_50_128kbps.m4a