# unfoldingWord Open Bible Stories — Bhattiyali

- Language code: `bht`
- Canonical page: https://openbiblestories.org/l/bht/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bhattiyali translation; it is not a translation of the whole Bible.

## 1. सृष्टि

https://openbiblestories.org/l/bht/story-1/

![](https://cdn.door43.org/obs/jpg/360px/obs-en-01-01.jpg)

शुरु च परमेश्वरे इस तरीके ने सारियां चीजां जो बणाया। उनी छे दिना च संसारे दी कने जड़ा कुछ उदे च है उना सारियां चीजां जो बणाया। परमेश्वरे जालू पृथ्वी दी रचना किती उदे बाद पृथ्वी खाली थी कने ओथु नेहेरा था, क्योंकि हले दीकर परमेश्वरे ओथु कुसी भी चिजा जो नी बणाया था। पर परमेश्वरे दी आत्मा पाणिऐ उपर मंडरांदी थी।

![](https://cdn.door43.org/obs/jpg/360px/obs-en-01-02.jpg)

फिरी परमेश्वरे बोलया, " लौ हो!" कने लौ होई गेई। परमेश्वरे दिखया कि लौ छेल है कने उसयो परमेश्वरे "दिन" बोलया। कने उनी उसयो नेहरे ला लग किता जिसयो परमेश्वरे "रात" बोलया। परमेश्वरे सृष्टि करणे दे पेहले दिने च लौई जो बणाया।

![](https://cdn.door43.org/obs/jpg/360px/obs-en-01-03.jpg)

सृष्टि करणे दे दुऐ दिने च परमेश्वरे बोलया, "पाणिऐ दे ऊपर इक खाली जगा होई जाए।" कने इक खाली जगा होई गेई। परमेश्वरे उसा जगा जो "अम्बर" बोलया।

![](https://cdn.door43.org/obs/jpg/360px/obs-en-01-04.jpg)

तीजे दिने च परमेश्वरे बोलया, "पाणी इकी जगा पर गिठा होई जाऐ कने सुकी जमीन अलग होई जाऐ।" परमेश्वरे सुकिया जमिना जो "पृथ्वी" बोलया कने पाणिऐ जो "समुद्र" बोलया। परमेश्वरे दिखया कि जड़ा कुछ उनी बणाया था सै छेल था।

![](https://cdn.door43.org/obs/jpg/360px/obs-en-01-05.jpg)

फिरी परमेश्वरे बोलया, "धरतिया पर हर तरा दे रुख कने बूटे उगन।" कने इयां ही होया। परमेश्वरे दिखया कि जड़ा उनी बणाया था सै छेल था।

![](https://cdn.door43.org/obs/jpg/360px/obs-en-01-06.jpg)

सृष्टि करणे दे चौथे दिने च परमेश्वरे बोलया, "अम्बरे च ज्योतियाँ होन।" कने सूरज, चंद्रमा कने तारे बणी गे। परमेश्वरे उना जो धरती पर लौ देणे तांई कने दिन कने रात, मौसम कने सालां च भेद करणे तांई बणाया।

![](https://cdn.door43.org/obs/jpg/360px/obs-en-01-07.jpg)

पजमे दिने परमेश्वरे बोलया, "जिन्दे जिव जंतुआ ने पाणी भरुई जाऐ कने अम्बरे च पंछी उड़न।" इयां परमेशवरे पाणिऐ च रेणे बाले सारे जिव जंतुआ जो कने पंछिया जो बणाया। परमेश्वरे दिखया कि ऐ छेल था कने उना जो आशीष दिती।

![](https://cdn.door43.org/obs/jpg/360px/obs-en-01-08.jpg)

सृष्टि दे छेमे दिने च परमेश्वरे बोलया, "जमिना पर रेणे वाले सारे जानवर पैदा होन।" कने इयां ही होई गिया। कुछ जानवर पालतू थे, कुछ जमिना पर रेंगणे बाले, कने कुछ जंगली जानवर थे। कने परमेश्वरे दिखया कि ऐ छेल था।

![](https://cdn.door43.org/obs/jpg/360px/obs-en-01-09.jpg)

फिरी परमेश्वरे बोलया, "आओ असां माणुआं जो अपणे स्वरूप च कने अपणे सांई बणान। उना पृथ्वी पर कने सारे जानवरां पर अधिकार रखणा।"

![](https://cdn.door43.org/obs/jpg/360px/obs-en-01-10.jpg)

परमेश्वरे मिट्टी लेईकरी उसला माणु बणाया कने उदे च जिन्दगी दा सा फूँकी दिता। इस माणुऐ दा ना आदम था। परमेश्वरे इक बडे बगीचे जो बणाया कने उदी देखभाल करणे तांई आदम जो ओथु रखी दिता।

![](https://cdn.door43.org/obs/jpg/360px/obs-en-01-11.jpg)

उस बगीचे दे बिच परमेश्वरे दो ख़ास रुख लाऐ, इक जिन्दगी दा रूख कने दुज्जा भले कने बुरे दे ज्ञान दा रुख। परमेश्वरे आदम जो बोलया कि सै उस बगीचे दे भले कने बुरे दे ज्ञान दे रूखे जो छडी करी होर कुसी भी रूखे दे फले जो खाई सकदा है। अगर उनी उस रूखे दा फल खादा तां उनी मरी जाणा।

![](https://cdn.door43.org/obs/jpg/360px/obs-en-01-12.jpg)

फिरी परमेश्वरे बोलया, "माणुऐ दा किल्ला रेणा खरा नी है।" पर कोई भी जानवर आदमे दा जोड़ी दार नी बणी सकदा।

![](https://cdn.door43.org/obs/jpg/360px/obs-en-01-13.jpg)

इस तांई परमेश्वरे आदम जो गेहरी निंद्रा च सुआई दिता। फिरी परमेश्वरे आदम दी इक पसली लेई करी उसने इक जनानी बणाई कने उसा जो आदम बाल लेई करी आया।

![](https://cdn.door43.org/obs/jpg/360px/obs-en-01-14.jpg)

जालू आदमे उसा जो दिखया तां उनी बोलया, "कम से कम ऐ तां मेरे सांई है! इसा जो 'जनानी' बोलणा, क्योंकि ऐ मर्दे ला बणियो है।" इसा बजा ला मर्द अपणे माता-पिता जो छडी दिंदा है कने अपणिया घरे बालिया सोगी इक होई जांदा है।

![](https://cdn.door43.org/obs/jpg/360px/obs-en-01-15.jpg)

परमेश्वरे मर्द कने जनानिया जो अपणे स्वरूप च बणाया। उनी उना जो आशीष दिती कने उनी बोलया, "मतियां सारियां ओलादी कने पोते-परपोते पैदा करा कने धरती जो भरी दिया!" कने परमेश्वरे दिखया कि जड़ा कुछ भी उनी बणाया था सै बड़ा छेल था, कने सै उना सारयां ला बड़ा खुश था। ऐ सारा कुछ सृष्टि करणे दे छेमे दिने होया था।

![](https://cdn.door43.org/obs/jpg/360px/obs-en-01-16.jpg)

जालू सतमा दिन आया तां जड़ा कुछ परमेश्वर करा दा था उनी उस सारे कम्मे जो मुकाया। उनी सतमे दिने जो आशीष दिती कने उसयो पवित्र बोलया, क्योंकि उस दिन उनी सारियां चीजां दी सृष्टि करणे दे कम्मे जो मुकाया था। इयां परमेश्वरे संसार दी कने जड़ा कुछ उदे च है उना सारयां दी सृष्टि किती।

*उत्पत्ति अध्याय 1-2 ला बाइबल दी इक कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_01_128kbps.m4a

## 2. पाप दा संसारे च ओंणा

https://openbiblestories.org/l/bht/story-2/

![](https://cdn.door43.org/obs/jpg/360px/obs-en-02-01.jpg)

आदम कने उदी घरे बाली उस सुंदर बागे च रेंदे थे, जड़ा परमेश्वरे उना तांई बणाया था कने बड़े खुश थे। उना चे कोई भी कपड़े नी पेहनदा था, फिरी भी इना जो इसा गल्ला दी कोई शरम नी ओंदी थी, क्योंकि तालू संसारे च पाप नी था। सै हमेशा उस बगीचे च गुमदे थे कने परमेश्वरे ने गल्लां करदे थे।

![](https://cdn.door43.org/obs/jpg/360px/obs-en-02-02.jpg)

पर उस बागे च इक सप्प था। सै बड़ा भरी चलाक था। उनी उसा जनानिया ला पूछया, "क्या सच्ची परमेश्वरे तुहांजो इस बागे दे कुसी भी रूखे दे फले जो खाणे ला मना कितया है?"

![](https://cdn.door43.org/obs/jpg/360px/obs-en-02-03.jpg)

उना जनानिया जबाब दिता, "परमेश्वरे सांझो ने बोलया है कि असां उस भले कने बुरे दे ज्ञान दे रूखे दे अलावा कुसी भी रूखे दे फले जो खाई सकदे न। परमेश्वरे सांझो ने बोलया है कि अगर तुसां उस फले जो खादा या उसयो छूता भी, तां तुसां मरी जाणा।"

![](https://cdn.door43.org/obs/jpg/360px/obs-en-02-04.jpg)

उनी सप्पे जनानिया जो जवाब दिता, "ऐ सच नी है! तुसां नी मरणा। परमेश्वर जाणदा है कि जियां ही तुसां उस फले जो खांगे, तां तुसां परमेश्वरे सांई होई जाणा कने उदे सांई भले कने बुरे जो समझणा लगी पोणा।"

![](https://cdn.door43.org/obs/jpg/360px/obs-en-02-05.jpg)

उना जनानिया दिखया कि सै फल दिखणे च बड़ा छेल कने स्वाद लग्गा दा था। सै भी समझदार बणना चांदी थी, इस तांई उना फले जो तोड़ी करी खाई लिया। फिरी उना अपणे घरे बाले जो जड़ा उसा सोगी था सै फल दिता कने उनी भी खाई लिया।

![](https://cdn.door43.org/obs/jpg/360px/obs-en-02-06.jpg)

अचानक ही, उना दियां हखी खुली गियां, कने उना जो पता लगी गिया की सै नंगे थे। उना पत्तयां जो जोड़ी करी उना दे कपड़े बणाई करी उना ने अपणे शरीरां जो ढकणे दी कोशिश किती।

![](https://cdn.door43.org/obs/jpg/360px/obs-en-02-07.jpg)

तालू आदमे कने उदिया घरे बालिया उस बागे च गुमदे होए परमेश्वरे दी आवाज सुणी। सै दोनों परमेश्वरे ला लुकी बैठे। तालू परमेश्वरे आदमे जो आवाज लाई, "तू कुथू है?" आदमे जवाब दिता, "मैं तुहांजो बागे च गुमदे होए सुणया, कने मैं डरी गिया था, क्योंकि मैं नंगा था। इस तांई मैं लुकी बैठा।"

![](https://cdn.door43.org/obs/jpg/360px/obs-en-02-08.jpg)

फिरी परमेश्वरे पूछया, "तिजो कुनी दसया कि तू नंगा है? क्या तू सै फल खादा है जिसयो खाणे तांई मैं तिजो मना कितया था?" आदमे जवाब दिता, "तुसां मिंझो जड़ी ऐ जनानी दितियो है इना ही मिंजो सै फल खाणे जो दिता।" तालू परमेश्वरे जनानिया ला पूछया, "तू ऐ क्या किता है?" उना जनानिया बोलया, "सप्पे मिंजो धोखा दिता है।"

![](https://cdn.door43.org/obs/jpg/360px/obs-en-02-09.jpg)

परमेश्वरे सप्पे जो बोलया, "तू शापित है! तू अपणे पेटे भार रेंगणा है कने मिट्टी चटणी। तू कने इना जनानिया इक दुज्जे ने नफरत करणी, कने तेरिया ओलादी कने उना दियां ओलादी भी इक दुज्जे ने नफरत करणी। इसा जनानिया दे वंशजे तेरे सिरे जो गरेचणा, कने तू उदिया खुरिया जो डसणा।"

![](https://cdn.door43.org/obs/jpg/360px/obs-en-02-10.jpg)

तालू परमेश्वरे जनानिया जो बोलया, "मैं तेरे बच्चा जमणे जो बड़िया पीड़ा बाला करणा। तू अपणे घरे बाले ला लालसा करणी, कने उनी तीजो पर प्रभुता करणी।"

![](https://cdn.door43.org/obs/jpg/360px/obs-en-02-11.jpg)

परमेश्वरे आदमे जो बोलया, "तू अपणिया घरे बालिया दी सुणियो है कने मेरा हुकम नी मनया है। इस तांई धरती शापित होई है, कने तिजो अनाज उगाणे तांई बड़ी मेहनत करणा पोणी। हुण तू मरी जाणा, कने तेरा शरीर मिट्टी च मिली जाणा।" आदमे अपणिया घरे बालिया दा ना हव्वा रखया, जिदा मतलब है "जिन्दगी देणे वाली", क्योंकि उना सारियां जातियां दी माता होणा। कने परमेश्वरे आदम कने हव्वा जो जानवरां दी खली दे बणयो कपड़े पेहनाए।

![](https://cdn.door43.org/obs/jpg/360px/obs-en-02-12.jpg)

फिरी परमेश्वरे बोलया, "हुण माणु भले कने बुरे दा ज्ञान पाई करी साड़े सांई होई गिया है, इस तांई हुण ऐसा ना हो की सै जिन्दगी दे रूखे दा फल तोड़ी करी खाई ले कने हमेशा जिन्दा रे।" इस तांई परमेश्वरे आदम कने हव्वा जो उस बागे ला बाहर कडी दिता। कने परमेश्वरे उस जिन्दगी दे रूखे दे फले जो कुसी जो भी खाणे ला रोकणे तांई उस बागे दे अंदर जाणे बाले रस्ते पर शक्तिशाली स्वर्गदूतां जो बैठाई दिता।

*उत्पत्ति अध्याय 3 ला ईक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_02_128kbps.m4a

## 3. बाढ़ दी कहाणी

https://openbiblestories.org/l/bht/story-3/

![](https://cdn.door43.org/obs/jpg/360px/obs-en-03-01.jpg)

मते सालां बाद, संसारे च मते लोक रेंदे थे। सै लोक बड़े बुरे कने पापी होई गियो थे। लोक इतणे बुरे कने पापी होई गियो थे कि परमेश्वरे इक बड़ी बडी बाढ़ ने इस पूरे संसारे जो खत्म करणे दा फेसला लेई लिया।

![](https://cdn.door43.org/obs/jpg/360px/obs-en-03-02.jpg)

पर परमेश्वर नूह ला खुश था। सै बुरे लोकां बीच रेणे वाला इक धर्मी आदमी था। परमेश्वरे नूह जो दसया कि इक बड़ी बडी बाढ़ ओणी है। इसा बजा ला, उनी नूह जो इक बड़ा बडा पांणिऐ बाला जहाज बणाणे तांई बोलया।

![](https://cdn.door43.org/obs/jpg/360px/obs-en-03-03.jpg)

परमेश्वरे नूह जो लगभग 140 मीटर लम्बा, 23 मीटर चौड़ा कने 13.5 मीटर उचा जहाज बणाणे तांई बोलया। नूह जो उसयो लकड़ी ने बणाणा था कने उदे च तिन तले, मते भरी कमरे, इक छत कने इक खिड़की बणाणी थी। उनी जहाजे नूह, उदे परिवारे, कने धरती दे हर तरा दे जानवरां जो उसा बाढ़ा ला बचाई रखणा।

![](https://cdn.door43.org/obs/jpg/360px/obs-en-03-04.jpg)

नूहे परमेश्वरे दी गल्ल मन्नी। उनी कने उदे पुत्रां सियुदा ही पांणिऐ बाला जहाज बणाया जदिया परमेश्वरे दसया था। क्योंकि सै जहाज बड़ा बडा था, इस तांई उसयो बणाणे तांई केई साल लग्गे। नूहे लोकां जो ओणे बालिया बाढ़ा दे बारे च चेतावनी दिती कने उना जो परमेश्वरे पासे फिरणे तांई बोलया, पर उना उस पर भरोसा नी किता।

![](https://cdn.door43.org/obs/jpg/360px/obs-en-03-05.jpg)

परमेश्वरे नूह कने उदे परिवारे जो अपणे तांई कने जानवरां तांई पूरा खांणे दा समान गठेरणे दा भी हुकम दिता। जालू सब कुछ तैयार था, तां परमेश्वरे नूह जो बोलया ऐ बकत उदे कने उदिया घरे बालिया कने उदे तिन्न पुत्रां दे, कने उना दियां घरे बालियां दे – कुल मिलाई करी अठ जणयां दे जहाजे च जाणे दा बकत था।

![](https://cdn.door43.org/obs/jpg/360px/obs-en-03-06.jpg)

परमेश्वरे हर जानवर कने पक्षी दे नर कने मादा जो नूह दे बाल भेजया ताकि सै जहाचे च जाई सकन कने जालू बाढ़ ओऐ तां बची सकन। परमेश्वरे ऐसे हर तरा दे जानवरां दे सत नर कने सत मादां जो भेजया जिना जो बलि चढ़ाणे तांई इस्तेमाल करी सकन। जालू सै सारे जहाजे च पुज्जी गे तां परमेश्वरे अप्पू ही जहाजे दे दरबाजे जो बंद करी दिता।

![](https://cdn.door43.org/obs/jpg/360px/obs-en-03-07.jpg)

तालू बरखा होणा शुरू होई, कने बिना रुकयो चालियां दिना कने चालियां रातां दीकर बरखा होंदी रेई। सारे संसारे दी हर इक चीज, एथू दीकर कि उच्चे ला उच्चे पहाड़ भी पाणिऐ च डूबी गे।

![](https://cdn.door43.org/obs/jpg/360px/obs-en-03-08.jpg)

सूकिया धरतिया पर रेणे वाली हर इक चीज मरी गेई, उना लोकां कने जानवरां जो छडी करी जड़े जहाजे पर थे।

![](https://cdn.door43.org/obs/jpg/360px/obs-en-03-09.jpg)

बरखा रुकणे दे पंज महीने दीकर सै जहाज पाणिऐ पर तैरदा रिया, कने तालू दीकर पांणी घटणा लगी पिया था। तालू इक दिन सै जहाज इक पहाड़े दिया चोटिया पर जाई टिकया, पर संसार हले दीकर भी पाणिऐ ने भरुया था। तिन महीने बाद, पहाड़ां दियां चोटियां मिलणा लगी पियां थियां।

![](https://cdn.door43.org/obs/jpg/360px/obs-en-03-10.jpg)

फिरी होर चालियां दिना बाद, नूहे इक कौवे जो ऐ दिखणे तांई बाहर भेजया कि क्या पांणी सूकी गिया था। सै कौआ सुकिया धरतिया दिया तोप च रुआं-प्रां उड़दा रिया, पर उसयो एसी कोई जगा नी मिल्ली।

![](https://cdn.door43.org/obs/jpg/360px/obs-en-03-11.jpg)

फिरी बादे च नूहे इक कबूतरी बाहर भेजी। पर उसयो भी कोई सुकी धरती नी मिल्ली, इस तांई सै नूह बाल मुड़ी आई। इक हफ्ते बाद उनी उस कबूतरी जो फिरी भेजया, कने सै अपणिया चुंजा च इक जैतून दा पत्ता लेई आई। पांणी घटा दा था, कने बूटे फिरी ला उगणा लगी पियो थे।

![](https://cdn.door43.org/obs/jpg/360px/obs-en-03-12.jpg)

नूहे इक हफ्ता होर इन्तजार किता कने तीजी बरी उसा कबूतरी जो बाहर भेजया। इस बरी, उसा जो रुकणे जो जगा मिली गेई कने वापिस नी आई। पांणी सुका दा था।

![](https://cdn.door43.org/obs/jpg/360px/obs-en-03-13.jpg)

दो महीने बाद परमेश्वरे नूह ने बोलया, "हुण तू कने तेरा परिवार कने सारे जानवर जहाजे ला निकली ओआ। मतियाँ सारियां संताना कने पोते-पड़पोते पैदा करा कने धरतिया जो भरी दिया।" फिरी नूह कने उदा परिवार जहाजे ला बाहर निकली आया।

![](https://cdn.door43.org/obs/jpg/360px/obs-en-03-14.jpg)

नूह दे जहाजे ला बाहर आणे बाद, उनी इक वेदी बणाई कने बलि देणे बाले हर तरा दे जानवरां चे कुछ-कुछ जो लेई करी बलि चढ़ाई। परमेश्वर उसा बलिया ला खुश होया कने उनी नूह कने उदे परिवारे जो आशीष दिती।

![](https://cdn.door43.org/obs/jpg/360px/obs-en-03-15.jpg)

परमेश्वरे बोलया, "मैं प्रतिज्ञा करदा है कि माणुआं दे कितयो बुरे कमा दिया बजा ला मैं फिरी कदी धरती जो श्राप नी दिंगा या बाढ़ ने संसार जो खत्म नी करगा, हालाँकि माणु अपणे बचपने ला ही पापी है।

![](https://cdn.door43.org/obs/jpg/360px/obs-en-03-16.jpg)

फिरी परमेश्वरे अपणी वाचा दी निशानी दे तौर च पेहले सतरंगी धनुष जो बणाया। जालू कदी भी अम्बरे च सतरंगी धनुष मिलदा है, तां परमेश्वर याद करदा है कि उनी क्या प्रतिज्ञा कितियो है कने तियां उदे लोकां भी याद करणा।

*उत्पत्ति अध्याय 6-8 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_03_128kbps.m4a

## 4. अब्राहम सोगी परमेश्वरे दा बायदा

https://openbiblestories.org/l/bht/story-4/

![](https://cdn.door43.org/obs/jpg/360px/obs-en-04-01.jpg)

बाढ़ दे केई सालां बाद, संसारे च मते भरी लोक रेंदे थे, कने उना फिरी परमेश्वरे दे कने इक दुज्जे दे खिलाफ च पाप किता। क्योंकि सै सारे इक ही भाषा बोलदे थे, इस तांई सै सारे गिठे होए कने संसारे जो भरी देणे दे परमेश्वरे दे हुकमे दे बजाए इक शेहरे जो बणाणा लग्गी पे।

![](https://cdn.door43.org/obs/jpg/360px/obs-en-04-02.jpg)

सै बड़े घमंडी थे, कने जदेई जिन्दगी जिणे दा हुकम परमेश्वरे दितया था, उस तरीके दी जिन्दगी सै जीणा नी चांदे थे। एथू दीकर कि उना इक ऐसी मीनार जो बणाणा शुरू करी दिता जड़ी स्वर्गे दीकर पुजणी। परमेश्वरे दिखया कि अगर सै सोगी मिली करी बुराई करदे रेंगे, तां सै बड़े पापी कमा जो करी सकदे न।

![](https://cdn.door43.org/obs/jpg/360px/obs-en-04-03.jpg)

इस तांई परमेश्वरे उना दिया भाषा जो मतियां लग-लग भाषा च बदली दिता कने उना लोकां जो सारे संसारे च फैलाई दिता। जिस नगरे जो उना बणाणा शुरू कितया था सै बाबेल है, जिदा मतलब है "गड़बड़ी"।

![](https://cdn.door43.org/obs/jpg/360px/obs-en-04-04.jpg)

केई सौ सालां बाद, परमेश्वरे अब्राम नाऐ दे इक माणुऐ ने गल्ल किती। परमेश्वरे उसयो बोलया, "अपणे देशे कने परिवारे जो छडी करी उस देशे जो चली जा जड़ा मैं तीजो दसगा। मैं तीजो आशीष देणी कने तीजो ला इक बड़ी बडी जाति बणाणी। मैं तेरा ना महान करणा। जड़ा तीजो आशीष दे मैं उसयो आशीष देणी, कने जड़ा तीजो श्राप दे उसयो मैं श्राप देणा। तेरिया बजा ला संसारे दे सारे कुलां जो आशीष मिलणी।"

![](https://cdn.door43.org/obs/jpg/360px/obs-en-04-05.jpg)

कने अब्रामे परमेश्वरे दी गल्ल मन्नी। उनी अपणे सारे सेवकां कने अपणी सारिया सम्पत्तिया समेत अपणिया घरे बालिया सारै जो सोगी लिया कने कनान देश जो चली गिया जड़ा परमेश्वरे उसयो दसया था।

![](https://cdn.door43.org/obs/jpg/360px/obs-en-04-06.jpg)

जालू अब्राम कनान देशे च पुज्जा तां परमेश्वरे उसयो बोलया, "अपणे चारो पासे दिख। मैं तीजो ऐ सारा देश देणा कने तेरे वंशजा हमेशा तांई इस पर अधिकार रखणा।" तालू अब्राम उस देशे च बसी गिया।

![](https://cdn.door43.org/obs/jpg/360px/obs-en-04-07.jpg)

मलिकिसिदक नऐ दा इक आदमी था जड़ा परमेश्वरे दा महायाजक था। इक दिन जालू अब्राम लड़ाई करणे बाद ओआ दा था तां सै कने अब्राम मिले। मलिकिसिके अब्राम जो आशीष दिती कने बोलया, “ परमेश्वर जड़ा स्वर्ग कने धरती दा स्वामी है सै तीजो आशीष दे।" फिरी अब्रामे लड़ाईया च जितियां सारियां चीजां दा दसमा हिस्सा मलिकिसिदके जो दिता।

![](https://cdn.door43.org/obs/jpg/360px/obs-en-04-08.jpg)

केई साल बीती गे, पर हल्ले भी अब्राम कने सारा दा कोई पुत्र नी था। परमेश्वरे अब्रामे सोगी गल्ल किती कने फिरी सै बायदा किता कि तीजो इक पुत्र पैदा होणा कने जियां अम्बरे च तारे न, तियां ही उदे बड़े भरी वंशज होणे। अब्रामे परमेश्वरे दे बायदे पर भरोसा किता। परमेश्वरे घोषणा किती कि अब्राम इक धर्मी था क्योंकि उनी परमेश्वरे दे बेड़े पर भरोसा कितया था।

![](https://cdn.door43.org/obs/jpg/360px/obs-en-04-09.jpg)

तालू परमेश्वरे अब्राम सोगी इक बादा किता। आम तौर पर, इक बादा दो दलां दे बीच इक दुज्जे तांई कम्मा जो करणे दा इक समझौता होंदा है। परमेश्वरे अब्राम ने सै बायदा तालू किता था जालू अब्राम सो दा था, पर सै तालू भी परमेश्वरे जो सुणी सकदा था। परमेश्वरे बोलया, "मैं तेरे शरीरे ला पैदा करीरी तीजो तेरा इक निज पुत्र देणा। मैं तेरे वंशजा जो ऐ कनान देश दिंदा हूँ।" पर हले भी अब्राम दे कोई पुत्र नी था।

*उत्पत्ति अध्याय 11-15 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_04_128kbps.m4a

## 5. बायदे दा पुत्र

https://openbiblestories.org/l/bht/story-5/

![](https://cdn.door43.org/obs/jpg/360px/obs-en-05-01.jpg)

अब्राम कने सारै दे कनान पुजणे दे दस साल बाद, हल्ले दीकर भी उना दी कोई ओलाद नी थी। इस तांई, अब्राम दी घरे बालिया सारै उसयो बोलया, "क्योंकि परमेश्वरे हले दीकर मिंजो ओलाद जमणे दे जोगा नी कितया है कने हुण मैं संतान जमणे तांई बड़ी बुडी है, दिख, मेरी दासी हाजिरा एथू है। उसा वियाह करी ले ताकि सै मेरे तांई इक ओलाद पैदा करी सके।"

![](https://cdn.door43.org/obs/jpg/360px/obs-en-05-02.jpg)

अब्रामे हाजिरा ला वियाह करी लिया। हाजिरा दा इक पुत्र पैदा होया, कने अब्रामे उसदा ना इश्माएल रखया। पर सारै हाजिरा ला जलना लगी पेई। जालू इश्माएल तेरां सालां दा था, तालू परमेश्वरे फिरी अब्रामे ने गल्ल किती।

![](https://cdn.door43.org/obs/jpg/360px/obs-en-05-03.jpg)

परमेश्वरे बोलया, "मैं सर्व-शक्तिमान परमेश्वर है। मैं तेरे सोगी इक बायदा करणा।" तालू अब्रामे धरती पर पेई करी दंडवत किता। परमेश्वरे अब्राम ने ऐ भी बोलया, "तू मतियां जातियों दा पिता होणा। मैं तीजो कने तेरे वंशजा जो उना दी अपणी जमीन होणे तांई कनान देश देणा कने मैं हमेशा तांई उना दा परमेश्वर होणा। तीजो अपणे घराने दे हर मरदे दा खतना करणा पोणा है।"

![](https://cdn.door43.org/obs/jpg/360px/obs-en-05-04.jpg)

तेरिया घरे बालिया सारै इक पुत्र जमणा – सै बायदे दा पुत्र होणा। उदा ना इसहाक रखयां। मैं उदे सागी भी अपणा ऐ बायदा रखणा कने सै इक बडी जाति बणी जाणी। मैं इश्माएल जो भी इक बडी जाति बणाणा, पर मेरी वाचा इसहाक सोगी रेणी। तालू परमेश्वरे अब्राम दा ना बदलीकरी अब्राहम रखी दिता, जिदा मतलब है "मतयां दा पिता"। परमेश्वरे सारै दा ना भी बदलीकरी सारा करी दिता, जिदा मतलब है "मूलमाता"।

![](https://cdn.door43.org/obs/jpg/360px/obs-en-05-05.jpg)

उस दिन अब्राहमे अपणे घराने दे सारे मर्दां दा खतना किता। लगभग इक साल बाद, जालू अब्राहम 100 सालां दा था कने सारा 90 सालां दी थी, तालू सारा अब्राहमे दे पुत्रे जो जन्म दिता। जदिया परमेश्वरे उना जो बोलया था उना उदा ना इसहाक रखया।

![](https://cdn.door43.org/obs/jpg/360px/obs-en-05-06.jpg)

जालू इसहाक जवान होया तां परमेश्वरे ऐ बोली करी अब्राहम दे भरोसे दी परख लेई कि, "अपणे इकलौते पुत्रे दी मेरे तांई बलि देई दे।" फिरी अब्राहमे परमेश्वरे दी गल्ल मन्नी कने अपणे पुत्रे जो बलि करणे तांई तैयार किता।

![](https://cdn.door43.org/obs/jpg/360px/obs-en-05-07.jpg)

जालू अब्राहम कने इसहाक बलि चढ़ाणे तांई जाणा लग्गे तां इसहाके पूछया, "हे पिता, साड़े बाल बलि तांई लकड़ियां तां हेन, पर बलि करणे तांई मेमना कुथू है?" अब्राहमे जवाब दिता, "हे मेरे पुत्र, परमेश्वरे बलि करणे तांई मेमने दा इंतजाम करणा।"

![](https://cdn.door43.org/obs/jpg/360px/obs-en-05-08.jpg)

जालू सै बलि चढ़ाणे दिया जगा पर पुज्जी गे, तां अब्राहमे इसहाक जो बन्नी कर वेदी पर लिटाई दिता। सै अपणे पुत्रे जो मारणे ही बाला था कि परमेश्वरे बोलया, "रुकी जा! बच्चे जो कुछ मत करदा! हुण मिंजो पता लगी गिया है कि तू मेरा डर मनदा है क्योंकि तू अपणे इकलौते पुत्रे जो भी मिंजो ला बचाई करी नी रखया है।"

![](https://cdn.door43.org/obs/jpg/360px/obs-en-05-09.jpg)

बखे ही अब्राहमे इक भेडूऐ जो दिखया जड़ा झिलां च फसया था। इसहाक दे बदले च बलि तांई परमेश्वरे भेडूऐ दा इंतजाम कितया था। अब्राहमे खुशिया-खुशिया ने भेडूऐ दी बलि दिती।

![](https://cdn.door43.org/obs/jpg/360px/obs-en-05-10.jpg)

तालू परमेश्वरे अब्राहम जो बोलया, "क्योंकि तू मेरे तांई सब कुछ देणे तांई तेयार था, एथू दीकर कि अपणे इकलौते पुत्रे दी बलि देणे जो भी तेयार था, इस तांई मैं तीजो आशीष देणे दा बायदा करदा है। तेरे वंशज अम्बरे दे तारयां ला भी जादा होणे न। क्योंकि तू मेरे हुकमा जो मनया है इस तांई मैं तेरे परिवार दे जरिये संसारे दे सारे कुलां जो आशीष देंणी।"

*उत्पत्ति अध्याय 16-22 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_05_128kbps.m4a

## 6. परमेश्वर इसहाक तांई इंतजाम करदा है

https://openbiblestories.org/l/bht/story-6/

![](https://cdn.door43.org/obs/jpg/360px/obs-en-06-01.jpg)

जालू अब्राहम बड़ा बुडा होई गिया था तालू उदा पुत्र, इसहाक, जवान होई गिया था। इस तांई अब्राहमे अपणे इक सेवके जो अपणे पुत्र इसहाके तांई उस देशे ला इक लाड़ी लाणे तांई भेजया जिथू अब्राहमे दे रिश्तेदार रेंदे थे।

![](https://cdn.door43.org/obs/jpg/360px/obs-en-06-02.jpg)

उस देशे च जाणे दी इक बड़ी लंबी यात्रा बाद परमेश्वरे उस सेवके जो रिबका ने मिलबाया। ऐ अब्राहमे दे भाईऐ दी पोतरी थी।

![](https://cdn.door43.org/obs/jpg/360px/obs-en-06-03.jpg)

रिबका अपणे परिवारे जो छडी करी उस सेबके सोगी ओणे तांई मन्नी गेई। जियां ही सै पुज्जे इसहाके उसा ने विवाह करी लिया।

![](https://cdn.door43.org/obs/jpg/360px/obs-en-06-04.jpg)

इक लंबे बकत दे बाद, अब्राहम मरी गिया। तालू परमेश्वरे अब्राहम दे पुत्र इसहाके जो, अब्राहम सोगी कितियो बायदे दिया वजा ला आशीष दिती। उस बायदे च परमेश्वरे बोलया था कि अब्राहम दे अणगिणत वंशज होंणे। पर इसहाक दिया घरे बालिया रिबका दी कोई ओलाद नी होई।

![](https://cdn.door43.org/obs/jpg/360px/obs-en-06-05.jpg)

इसहाके रिबका तांई प्रार्थना किती, कने परमेश्वरे उसयो जुड़वा बच्चयां दा गर्भ धारण करणे दे काबिल किता। जिस बकत सै बच्चे रिबका दे गर्भ च ही थे सै अप्पू चे लड़ना लग्गी पे, इस तांई जड़ा कुछ होआ दा था रिबका सै परमेश्वरे जो दस्सी दिता।

![](https://cdn.door43.org/obs/jpg/360px/obs-en-06-06.jpg)

परमेश्वरे रिबका जो बोलया, "तू दो पुत्रां जो जन्म देणा। उना दे वंशजा दो लग-लग जातियां बणना। उना इक दुज्जे ला लड़ना। पर बड़े पुत्रे ला पैदा होणे वालिया जातिया जो छोटे पुत्रे ला होणे बालिया जातिया दी आज्ञा मनणी पोणी।"

![](https://cdn.door43.org/obs/jpg/360px/obs-en-06-07.jpg)

जालू रिबका दे बच्चयां दा जन्म होया, तां बडा पुत्र लाल कने रोएँदार था, कने उना उदा ना ऐसाव रखया। तालू छोटा पुत्र एसाव दिया खुरिया जो पकड़ी करी पैदा होया, कने उना उदा ना याकूब रखया।

*उत्पत्ति अध्याय 24:1-25:26 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_06_128kbps.m4a

## 7. परमेश्वर याकूब जो आशीष दिंदा है

https://openbiblestories.org/l/bht/story-7/

![](https://cdn.door43.org/obs/jpg/360px/obs-en-07-01.jpg)

जालू सै बच्चे बडे होए तां याकूब जो घरे रेणा खरा लगदा था, पर एसाव जो जानवरां दा शिकार करणा खरा लगदा। रिबका याकूब सोगी प्यार रखदी थी, पर इसहाक एसाव सोगी प्यार भाब रखदा था।

![](https://cdn.door43.org/obs/jpg/360px/obs-en-07-02.jpg)

इक दिन, जालू एसाव शिकार करीरी वापस आया तां सै बड़ा भूखा था। एसावे याकूब ने बोलया, "जड़ा तू बणाया है उदे चे थोड़ा खाणा मिंजो दे।" याकूबे जवाब दिता, "पेहले मिंजो ला ऐ बायदा कर कि जेठा होणे दिया बजा ला हर इक चीज जड़ी तीजो मिलणी चाइदी, सै तू मिंजो दिंगा।" एसावे उना सारियां चीजां जो याकूब जो देणे दा बायदा करी दिता। तालू याकूबे उसयो कुछ खाणा दिता।

![](https://cdn.door43.org/obs/jpg/360px/obs-en-07-03.jpg)

इसहाक एसाव जो आशीष देणा चांदा था। पर इसला पेहले कि उनी ऐसा किता, रिबका कने याकूबे एसाव होणे दा ढोंग कररी उदे सोगी धोखा किता। इसहाक बुडा था कने उसयो मिलदा नी था। याकूबे एसावे दे कपड़े पाए कने बकरिया दिया खली जो अपणे गले कने हथां पर लपेटी लिया।

![](https://cdn.door43.org/obs/jpg/360px/obs-en-07-04.jpg)

याकूब इसहाके बाल आया कने बोलया, "मैं एसाव है। मैं इस तांई आया है कि तू मिंजो आशीष दे।" जालू इसहाके बकरिया दे बालां जो मेहसूस किता कने कपड़यां जो सूँघया, तां उनी सोचया कि सै एसाव है कने उसयो आशीष दिती।

![](https://cdn.door43.org/obs/jpg/360px/obs-en-07-05.jpg)

एसावे याकूब ला जलन किती क्योंकि याकूबे उदा पेहला पुत्र होणे दा अधिकार कने सोगी ही उदियां आशीषां जो भी चोरी लिया था। एसावे अपणे पिता दे मरणे बाद याकूबे जो मारी देणे दी योजना बणाई।

![](https://cdn.door43.org/obs/jpg/360px/obs-en-07-06.jpg)

पर रिबका एसाव दी योजना जो सुणी लिया। इस तांई उनी कने इसहाके याकूब जो उदे रिश्तेदारां सोगी रेणे तांई बड़ी दूर भेजी दिता।

![](https://cdn.door43.org/obs/jpg/360px/obs-en-07-07.jpg)

याकूब केई सालां दीकर रिबका दे रिश्तेदारां सोगी रिया। ओथु उनी वियाह किता कने उदे बारह पुत्र कने इक पुत्री होई। परमेश्वरे उसयो बड़ा धनी बणाई दिता।

![](https://cdn.door43.org/obs/jpg/360px/obs-en-07-08.jpg)

बी सालां दीकर कनान च अपणे घरे ला दूर रेणे बाद, याकूब अपणे परिवारे, अपणे सेवकां, कने अपणे जानवरां दे सारे झुंडा सोगी वापस आया।

![](https://cdn.door43.org/obs/jpg/360px/obs-en-07-09.jpg)

याकूब बड़ा डरया था क्योंकि उनी सोचया कि एसाव हुण भी उसयो मारी देणा चांदा था। इस तांई उनी एसाव जो खुश करणे तांई तौफे दे तौर पर जानवरां दे झुंडा जो ऐसाव बाल भेजया। जड़े सेवक उना झुंडा जो लेई करी गे थे उना बोलया, "तेरे दास याकूबे, ऐ जानवर तीजो दिते न। सै जल्दी ही ओआ दा है।"

![](https://cdn.door43.org/obs/jpg/360px/obs-en-07-10.jpg)

पर एसाव हुण याकूबे जो नी मारणा चांदा था। बल्कि सै उसयो इक बरी फिरी दिखी करी बड़ा खुश था। उदे बाद याकूब कनान च शान्तिया ने रिया। फिरी इसहाक मरी गिया कने याकूब कने एसावे उसयो दफनाया। बायदे दियां गल्लां जड़ियां परमेश्वरे अब्राहम ने कितियां थियां, सै हुण इसहाक ला याकूब पर आई गियां थियां।

*उत्पत्ति अध्याय 25:27-35:29 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_07_128kbps.m4a

## 8. परमेश्वर यूसुफ कने उदे परिवारे जो बचाया

https://openbiblestories.org/l/bht/story-8/

![](https://cdn.door43.org/obs/jpg/360px/obs-en-08-01.jpg)

केई साल कनान देशे च रेणे बाद, जालू याकूब बुडा होई गिया था, तां उनी अपणे प्यारे पुत्र यूसुफे जो उदे भाइयां दा हाल चाल पता करणे तांई भेजया जड़ा जानवरां दे झुंडा दी रखबाली करा दे थे।

![](https://cdn.door43.org/obs/jpg/360px/obs-en-08-02.jpg)

यूसुफ दे भाई उसला जलन करदे थे, क्योंकि उना दा पिता उना ला जादा प्यार यूसुफे जो करदा था कने इस तांई भी जलन करदे थे कि यूसुफे सुपना दिखया था कि उनी उना पर शासन करणा। जालू यूसुफ अपणे भाइयां बाल आया तां उना उसयो बंधक बणाई लिया कने उसयो गुलाम बंदयां दा व्यापार करणे वालयां जो बेची दिता।

![](https://cdn.door43.org/obs/jpg/360px/obs-en-08-03.jpg)

जालू यूसुफे दे भाई घरे जो बापस मुड़ना लगे तां उना यूसुफे दे कपड़यां जो फाड़ी करी बकरिया दा खून लाई दिता। फिरी उना सै कपड़े अपणे पिता जो दस्से ताकि सै ऐ सोचे कि कुनी जंगली जानवरे यूसुफे जो मारी दितया है। याकूब ऐ दिखी करी बड़ा उदास होया।

![](https://cdn.door43.org/obs/jpg/360px/obs-en-08-04.jpg)

गुलाम बंदयां दा व्यापार करणे बाले लोक यूसुफे जो मिस्र च लेई गे। नील नदिया दे किनारे पर बसया होया मिस्र इक बड़ा बडा कने शक्तिशाली देश था। उना गुलाम बंदयां दा व्यापार करणे वालयां यूसुफे जो इक अमीर सरकारी अधिकारी जो बेची दिता। यूसुफे अपणे मालिके दी खरी सेवा किती, कने परमेश्वरे यूसुफे जो आशीष दिती।

![](https://cdn.door43.org/obs/jpg/360px/obs-en-08-05.jpg)

उदे मालिके दिया घरे बालिया यूसुफे सोगी सोणे दी कोशिश किती, पर यूसुफे ऐ सब करणे तांई मना करी दिता, क्योंकि ऐ परमेश्वरे दिया नजरा च पाप था। सै गुस्सा होई गेई कने यूसुफे पर झूठा आरोप लाई दिता, इस तांई उसयो गिरफ्तार करीरी जेलखाने च पाई दिता। यूसुफ जेला च भी सच्चा कने परमेश्वरे तांई बफादार रिया, परमेश्वरे उसयो आशीष दिति।

![](https://cdn.door43.org/obs/jpg/360px/obs-en-08-06.jpg)

दो सालां बाद, यूसुफ हले भी जेला च था, भले ही सै निर्दोष था। इक राती,मिस्र दे राजे, जिसयो मिस्र दे लोक फिरौन बोलदे न, उनी दो सुपने दिखे जिना उसयो बड़ा हेरान करी दिता। उदा कोई भी सलाहकार उसयो उना सुपनया दा मतलब नी दस्सी सकया।

![](https://cdn.door43.org/obs/jpg/360px/obs-en-08-07.jpg)

परमेश्वरे यूसुफे जो सुपनया दा मतलब दसणे दी शक्ति दिती, इस तांई फिरौने यूसुफे जो जेला ला अपणे बाल सदया। यूसुफे उसयो उना सुपनया दा मतलब दसया कने बोलया, "परमेश्वरे अगले सत सालां दीकर भरपूर फसल देणी है फिरी उदे सत साल दीकर अकाल पोणा है।"

![](https://cdn.door43.org/obs/jpg/360px/obs-en-08-08.jpg)

फिरौन यूसुफ ला इतना खुश होया कि उनी उसयो मिस्र दा दुज्जा सारयां शक्तिशाली मर्द नियुक्त करी दिता।

![](https://cdn.door43.org/obs/jpg/360px/obs-en-08-09.jpg)

यूसुफे लोकां ला खरियां फसला वाले सत सालां च बड़ी जादा अनाज गठेरणे तांई बोलया। जालू सतां सालां दा अकाल आया तालू यूसुफे लोकां जो सै अनाज बेचया ताकि उना बाल खाणे तांई अनाज पूरा हो।

![](https://cdn.door43.org/obs/jpg/360px/obs-en-08-10.jpg)

सै अकाल सिर्फ मिस्र च ही नी, पर कनान देशे च भी था, जिथू याकूब कने उदा परिवार रेंदा था।

![](https://cdn.door43.org/obs/jpg/360px/obs-en-08-11.jpg)

इस तांई याकूबे अपणे सारयां ला बडे पुत्रां जो अनाज खरीदणे तांई मिस्र जो भेजया। जालू सै अनाज खरीदणे तांई यूसुफे सामणे आये, तां उना भाइयां यूसुफे जो नी पछेणया। पर यूसुफे उना जो पछेणी लिया।

![](https://cdn.door43.org/obs/jpg/360px/obs-en-08-12.jpg)

ऐ पता करणे तांई कि क्या सै बदली गियो न, उना दी जाँच करणे बाद, यूसुफे उना ने बोलया, "मैं तुहाड़ा भाई यूसुफ है! डरा मत। जालू तुसां मिंजो गुलाम दे रूपे च बेचया था, तां तुसां बुरा करणे दी सोची थी, पर परमेश्वरे उस बुराई जो भलाई तांई इस्तेमाल किता! ओआ कने मिस्र च रिया ताकि मैं तुहांजो कने तुहाड़े परिवारां तांई अनाज दा प्रबंध करी सकें।"

![](https://cdn.door43.org/obs/jpg/360px/obs-en-08-13.jpg)

जालू यूसुफे दे भाई घरे मुड़ी करी आये कने अपणे पिता याकूबे जो दसया कि यूसुफ हले भी जिन्दा है, तां सै बड़ा खुश होया था।

![](https://cdn.door43.org/obs/jpg/360px/obs-en-08-14.jpg)

याकूब इक बुडा माणु था तमी सै अपणे पूरे परिवारे सोगी मिस्र जो चली गिया, कने सै ओथु बसी गे। याकूब दे मरणे ला पेहले, उनी अपणे सारे पुत्रां जो आशीषित किता।

![](https://cdn.door43.org/obs/jpg/360px/obs-en-08-15.jpg)

बायदे दियां ऐ गल्लां जड़ियां परमेश्वरे अब्राहम सोगी कितियां थियां, सै इसहाक पर कने उदे बाद याकूब, कने उदे बाद उदे बारह पुत्रां कने उना दे परिवारां पर आई गियां थियां। उना बारह पुत्रां दे वंशज इस्राएल दे बारह गोत्र बणी गे।

*उत्पत्ति अध्याय 37-50 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_08_128kbps.m4a

## 9. परमेश्वरे मूसा जो सदया

https://openbiblestories.org/l/bht/story-9/

![](https://cdn.door43.org/obs/jpg/360px/obs-en-09-01.jpg)

यूसुफ दे मरणे बाद उदे सारे रिश्तेदार मिस्र च बसी गे। सै कने उदे वंशज केई सालां दीकर मिस्र च ही रे कने उना मतियां ओलादी पैदा कितियां। उना जो इस्राएली बोलया।

![](https://cdn.door43.org/obs/jpg/360px/obs-en-09-02.jpg)

केई सौ सालां बाद, इस्राएलियां दी आबादी मती बदी गेई थी। कने मिस्री लोक हुण इसा गल्ला जो भूली गियो थे कि यूसुफे उना दी सहायता करणे तांई बड़ा कुछ कितया था। सै इस्राएलियां ला डरी गे क्योंकि सै आबादी च उना ला बड़े जादा थे। इस तांई उस बकत मिस्र पर शासन करणे वाले फिरौने इस्राएलियां जो मिस्रियां दा गुलाम बणाई दिता।

![](https://cdn.door43.org/obs/jpg/360px/obs-en-09-03.jpg)

मिस्री लोकां इस्राएलियां पर बड़ा ह्त्याचार किता कने हर तरा दे कम्म कराए, उना मिस्रियां ला मते घर कने केई शेहर बणवाए। उना ला दिन रात मेहनत कराई जिस ने उना दी जिन्दगी बड़ी दुखी होई गेई, पर परमेश्वरे उना जो आशीष दिती कने उना दे होर जादा बच्चे पैदा होए।

![](https://cdn.door43.org/obs/jpg/360px/obs-en-09-04.jpg)

फिरौने दिखया कि इस्राएलियां दे बड़े बच्चे पैदा होआ दे न, इस तांई उनी अपणे लोकां जो इस्राएलियां दे सारे नर बच्चयां जो नील नदी च फेंकी करी मारी देणे दा हुकम दिता।

![](https://cdn.door43.org/obs/jpg/360px/obs-en-09-05.jpg)

इक इस्राएली जनानिया इक जागते जो जन्म दिता। उना कने उसा दे घरे बाले जितणा होई सकया मिस्रियां ला उस बच्चे जो लुकाई करी रखया।

![](https://cdn.door43.org/obs/jpg/360px/obs-en-09-06.jpg)

जालू उस बच्चे दे माता-पिता उसयो होर जादा नी लुकाई सके, तां उसयो मरणे ला बचाणे तांई इक टोकरिया च पाई करी नील नदिया दे कनारे सरकंडयां बीच रखी दिता। उस जागते दी बड्डी बेहण दूर खड़ोई करी दिखा दी थी कि उस बच्चे सोगी क्या होंगा।

![](https://cdn.door43.org/obs/jpg/360px/obs-en-09-07.jpg)

जालू फिरौने दी कुड़ी नील नदिया च नोहणे तांई आई, तां उसा दी नजर उस टोकरिया च पेई कने उसा दे अंदर दिखया। जालू उना इक उसा टोकरिया अंदर बच्चे जो दिखया तां उना उसयो अपणे बच्चे दे रूपे च गोद लेई लिया। उना इक इस्राएली जनानिया जो उसयो दूध पियाणे तांई कम्मे पर रखी लिया, बिना ऐ जाणयो कि सै उस बच्चे दी असली मा थी। जालू सै बच्चा इतणा बडा होई गिया कि हुण उसयो अपणिया माऊ दे दुधे दी जरूरत नी थी, तां उना फिरौने दिया कुड़िया बाल उसयो बापस करी दिता, उदा ना मूसा था।

![](https://cdn.door43.org/obs/jpg/360px/obs-en-09-08.jpg)

एक दिन, जालू मूसा जवान होई गिया, तां उनी दिखया कि इक मिस्री इक इस्राएली जो मारा दा है। मूसे अपणे साथी इस्राएली जो बचाणे दी कोशीश किती।

![](https://cdn.door43.org/obs/jpg/360px/obs-en-09-09.jpg)

जालू मूसा दिखया कि उसयो कोई नी दिखा दा तां उनी उस मिस्री माणुऐ जो मारी दिता कने उदिया लाशा जो दफन करी दिता। पर मूसा जड़ा कितया था उसयो कुनी दिखी लिया था।

![](https://cdn.door43.org/obs/jpg/360px/obs-en-09-10.jpg)

फिरौने जो पता लगी गिया कि मूसा क्या कितया है। उनी उसयो मारी देणे दी कोशिश किती, पर मूसा मिस्र ला जंगले च नठी गिया। फिरौन दे सैनिक उसयो ओथु तोपी नी सके।

![](https://cdn.door43.org/obs/jpg/360px/obs-en-09-11.jpg)

मिस्र ला दूर बणे च मूसा इक गवाल बणी गिया था। उनी ओथु इकी कुड़िया ने वियाह करी लिया कने उदे दो पुत्र होए।

![](https://cdn.door43.org/obs/jpg/360px/obs-en-09-12.jpg)

मूसा अपणे सोरे दियां भेडां दी रखबाली करदा था। इक दिन, उनी इक झाड़ी दिखी जिसा च अग्ग लगियो थी कने सै बिना भस्म होयो बला दी थी। उसा जो दिखणे तांई सै उसा झाड़िया बाल गिया। जालू सै उसा दे बखे पुज्जा, तां परमेश्वरे उसने गल्ल किती। परमेश्वरे बोलया, "हे मूसा, अपणे जूतयां जो उतारी दे। तू इक पवित्र जगा पर खुड़ोतया है।"

![](https://cdn.door43.org/obs/jpg/360px/obs-en-09-13.jpg)

परमेश्वरे बोलया, "मैं अपणे लोकां दे दुखां जो दिखया है। मैं तीजो फिरौन बाल भेजणा ताकि तू इस्राएलियां जो मिस्र दिया गुलामिया ला निकाली लेई ओंऐ। मैं उना जो कनान देश देणा, सै देश जिदा मैं अब्राहम, इसहाक कने याकूब ने बायदा कितया है।"

![](https://cdn.door43.org/obs/jpg/360px/obs-en-09-14.jpg)

मूसा पूछया, "अगर लोकां ऐ पुछया कि मिंजो कुनी भेजया है तां मैं क्या बोलणा?" परमेश्वरे बोलया, "जड़ा मैं है सै मैं है। उना जो बोलयां, 'मैं तीजो तुहाड़े बाल भेजया है।' उना ने ऐ भी बोलयां, 'मैं तुहाड़े पूर्वजां अब्राहम, इसहाक कने याकूब दा परमेश्वर है।' मेरा ऐ ना हमेशा दा है।"

![](https://cdn.door43.org/obs/jpg/360px/obs-en-09-15.jpg)

मूसा डरदा था कने फिरौने बाल जाणा नी चांदा था क्योंकि सै सोचा दा था कि उनी डंगे ने नी बोली सकणा, इस तांई परमेश्वरे मूसा दे भाई हारून जो उदी सहायता करणे तांई भेजया।

*निर्गमन अध्याय 1-4 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_09_128kbps.m4a

## 10. दस मुशकिलां

https://openbiblestories.org/l/bht/story-10/

![](https://cdn.door43.org/obs/jpg/360px/obs-en-10-01.jpg)

परमेश्वरे मूसा कने हारून जो चेतावनी दिती कि फिरौने जिदी होई जाणा। जालू सै फिरौन बाल गे तां उना बोलया, "इस्राएल दा परमेश्वर इयां बोलदा है, 'मेरे लोकां जो जाणा दे!'" पर फिरौने उना दी नी सुणी कने इस्राएलियां जो जाणे तांई अजाद करणे दे बजाए उनी उना पर होर जादा ह्त्याचार कने मेहनत कराणा शुरू करी दिता।

![](https://cdn.door43.org/obs/jpg/360px/obs-en-10-02.jpg)

फिरौन उना लोकां जो जाणे तांई लगातार मना करदा रिया, इस तांई परमेश्वरे मिस्र पर दस भयंकर मुशकिलां भेजियां। इना मुशकिलां दे जरिये, परमेश्वरे फिरौन जो दसया कि सै फिरौन कने मिस्र दे देवतयां ला जादा शक्तिशाली है।

![](https://cdn.door43.org/obs/jpg/360px/obs-en-10-03.jpg)

परमेश्वरे नील नदिया दे पाणिऐ जो खूने च बदली दिता, पर फिरौने हले भी इस्राएलियां जो जाणा नी दिता।

![](https://cdn.door43.org/obs/jpg/360px/obs-en-10-04.jpg)

परमेश्वरे सारे मिस्र च मेंढक भेजे। फिरौने मेढकां जो नठाणे तांई मूसा ला बिनती किती। पर सारे मेंढकां दे मरी जाणे बाद, फिरौने अपणे मने जो फिरी बदली लिया कने इस्राएलियां जो मिस्र ला नी जाणा दिता।

![](https://cdn.door43.org/obs/jpg/360px/obs-en-10-05.jpg)

इस तांई परमेश्वरे माखियां दी मुशकिल भेजी। उदे बाद उनी डाँसां दी मुशकिल भेजी। फिरौने मूसा कने हारून जो सदया कने उनी बोलया कि अगर सै इना मुशकिलां जो रोकी दिंगे, तां इस्राएली मिस्र जो छडी करी जाई सकदे न। जालू मूसा प्रार्थना किती तां परमेश्वरे मिस्र पर डाँसां जो हटाई दिता। पर फिरौने अपणा मन फिरी बदली लिया कने उना लोकां जो अजाद होकरी जाणा नी दिता।

![](https://cdn.door43.org/obs/jpg/360px/obs-en-10-06.jpg)

इदे बाद, परमेश्वरे मिस्रियां दे सारे पालयो डंगरा जो बीमार करी दिता कने मरी जाणा दिता। पर फिरौने हले दीकर भी अपणा मन नी बदलया कने उनी इस्राएलियां जो जाणा नी दिता।

![](https://cdn.door43.org/obs/jpg/360px/obs-en-10-07.jpg)

तालू परमेश्वरे मूसा जो फिरौने सामणे होआ च राख फेंकणे तांई बोलया। जालू उनी इयां किता तां मिस्र दे लोकां दिया चमड़िया पर फोड़े निकली पे, उना फोड़यां च बड़ी भरी पीड़ होंदी थी, पर इस्राएलियां जो कुछ नी होया। परमेश्वरे फिरौने दे मने जो हठी करी दिता, कने फिरौने इस्राएलियां जो अजाद होई करी जाणा नी दिता।

![](https://cdn.door43.org/obs/jpg/360px/obs-en-10-08.jpg)

इदे बाद, परमेश्वरे ओले सुटे कने मिस्र दियां लगभग सारियां फसलां जो बरबाद करी दिता कने जड़ा कोई भी बाहर निकलया सै ओलया ने मरी मरी गिया। फिरौने मूसा कने हारून जो सदया कने उना बोलया, "मैं पाप कितया है। तुसां लोक जाई सकदे न।" मूसा प्रार्थना किती, कने अम्बरे ला ओले पोणा रुकी गे।

![](https://cdn.door43.org/obs/jpg/360px/obs-en-10-09.jpg)

पर फिरौने फिरी ला पाप किता कने अपणे मने जो जिदी करी लिया। उनी इस्राएलियां जो अजाद होई करी जाणा नी दिता।

![](https://cdn.door43.org/obs/jpg/360px/obs-en-10-10.jpg)

परमेश्वरे मिस्र पर टिड्डियां जो ओणा दिता। इना टिड्डियां उना दियां सारियां फसलां जो खाई लिया जड़ियां ओलयां ला बची गियां थियां।

![](https://cdn.door43.org/obs/jpg/360px/obs-en-10-11.jpg)

फिरी परमेश्वरे नेहरा करी दिता जड़ा तीन दिना दीकर रिया। ऐ इतणा घोर था कि मिस्री लोक अपणे घरां ला नी निकली सके। पर जिथू इस्राएली लोक रेंदे थे, ओथु लौ थी।

![](https://cdn.door43.org/obs/jpg/360px/obs-en-10-12.jpg)

इना नौ मुशकिलां बाद भी, फिरौने इस्राएलियां जो आजाद होई करी जाणे ला मना करी दिता। क्योंकि फिरौने नी सुणया था, इस तांई परमेश्वरे इक होर मुशकिला जो भेजणे दी योजना बणाई। इना फिरौने दे मने जो बदली देणा।

*निर्गमन अध्याय 5-10 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_10_128kbps.m4a

## 11. फसह

https://openbiblestories.org/l/bht/story-11/

![](https://cdn.door43.org/obs/jpg/360px/obs-en-11-01.jpg)

परमेश्वरे मूसा कने हारून जो फिरौने बाल ऐ बोलणे तांई भेजया कि इस्राएलियां जो जाणा दे। उना उसयो चेतावनी दिती कि सै अगर उना जो जाणा नी दिंगा, तां परमेश्वरे मिस्र दे लोकां दे कने जानवरां दे सारे पेहले बच्यां जो मारी देणा। फिरौने ऐ सुणी करी भी परमेश्वरे पर भरोसा करणे ला कने उदियां गल्लां मनणे ला मना करी दिता।

![](https://cdn.door43.org/obs/jpg/360px/obs-en-11-02.jpg)

परमेश्वरे पर जीना लोकां भरोसा किता उना दे जेठे पुत्रे जो बचाणे तांई परमेश्वरे इक उपाय दसया। उपाय ऐ था की हर परिवारे जो इक निर्दोष मेमना लेई करी उदी बलि देणी थी।

![](https://cdn.door43.org/obs/jpg/360px/obs-en-11-03.jpg)

परमेश्वरे इस्राएलियां जो उस मेमने दे खूने जो अपणे घरां दे दरबाजे पर लाणे तांई बोलया। कने उना जो मेमने दे मासे जो भूनी करी कने फिरी उस मासे जो अखमीरी रोटिया सोगी फुर्तिया ने खाणे जो बोलया था। परमेश्वरे उना जो उस खाणे जो खाणे बाद, तालू ही मिस्र जो छडणे तांई भी तैयार रेणे जो बोलया।

![](https://cdn.door43.org/obs/jpg/360px/obs-en-11-04.jpg)

जियां करणे तांई परमेश्वरे इस्राएलियां जो बोलया था, उना तियां सारा कुछ किता। अधिया राती, परमेश्वर हर एक जेठे पुत्रे जो मारणे तांई मिस्र च आया।

![](https://cdn.door43.org/obs/jpg/360px/obs-en-11-05.jpg)

इस्राएलियां दे हर एक घरे दे दरबाजे पर खून लगया था, इस तांई परमेश्वरे उना घरां जो छडी दिता। उना घरां दे सारे लोक खरे थे। सै मेमने दे खूने दिया बजा ला बची गियो थे।

![](https://cdn.door43.org/obs/jpg/360px/obs-en-11-06.jpg)

पर मिस्रियां परमेश्वरे पर भरोसा नी कितया था कने उदे हुकमा जो नी मनया था। इस तांई परमेश्वरे उना दे घरां जो नी छडया था। परमेश्वरे मिस्रियां दे हर इकी दे जेठे पुत्रां जो मारी दिता।

![](https://cdn.door43.org/obs/jpg/360px/obs-en-11-07.jpg)

जेला दे कैदियां दे जेठे पुत्रे ला लेईकरी, फिरौने दे जेठे दीकर, हर इकी जो मरी दिता। इस इतने बडे दुखे दिया बजा ला मिस्र दे मते लोक रोआ दे थे कने दुख मना दे थे।

![](https://cdn.door43.org/obs/jpg/360px/obs-en-11-08.jpg)

उसा ही राती, फिरौने मूसा कने हारून जो सदया कने बोलया, "इस्राएलियां जो लेइकरी झट ही मिस्र ला निकली जा!" मिस्र दे लोकां भी इस्राएलियां ला निकली जाणे दी बिनती किती।

*निर्गमन अध्याय 11:1-12:32 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_11_128kbps.m4a

## 12. निर्गमन

https://openbiblestories.org/l/bht/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोक मिस्र ला निकली करी बड़े खुश थे। सै हुण गुलाम नी थे, कने सै हुण बायदे दे देशे जो चलयो थे! जड़ा कुछ भी इस्राएलियां मंगया, मिस्रियां उना जो सै सब कुछ दिता, एथू दीकर की सोना चाँदी कने होर कीमती चीजां भी। दुज्जे देशां दे कुछ लोकां परमेश्वरे पर भरोसा किता कने जालू इस्राएली लोक मिस्र ला निकले तां सै भी उना सोगी चली पे।

![](https://cdn.door43.org/obs/jpg/360px/obs-en-12-02.jpg)

दिन दे बकत बदले दा इक बड़ा बडा खम्भा उना दे अग्गे-अग्गे चलदा था। कने राती दे बकत ऐ अग्ग दा खम्भा बणी जांदा था। परमेश्वर उस बदले दे खम्भे च कने अग्गी दे खम्भे च, हमेशा उना सोगी था कने उनी यात्रा करदे बकत उना दी अगुवाई किती। उना जो सिर्फ उदे पीछे चलणे दा कम्म करणा था।

![](https://cdn.door43.org/obs/jpg/360px/obs-en-12-03.jpg)

थोड़े बकत बाद, फिरौन कने उदे लोकां अपणा मन बदली दिता। हुण सै इस्राएलियां जो फिरी ला अपणा गुलाम बणाणा चांदे थे। इस तांई उना इस्राएलियां दा पीछा किता। ऐ परमेश्वर ही था जिनी उना दे मना जो बदली दितया था। उनी ऐसा इस तांई किता क्योंकि सै चांदा था कि हर कोई ऐ जाणी ले कि फिरौन ला कने मिस्रियां दे सारे देवतयां ला सै, यहोवा, बड़ा जादा शक्तिशाली है।

![](https://cdn.door43.org/obs/jpg/360px/obs-en-12-04.jpg)

जालू इस्राएलियां मिस्र दिया सेना जो ओंदे दिखया तां उना जो पता लग्गा कि सै फिरौन दी सेना कने लाल समुंद्रे बीच फसी गियो न। सै बड़े डरी गे कने रोणा लग्गे, "असां मिस्र जो कजो छडया? असां मरणे वाले न!"

![](https://cdn.door43.org/obs/jpg/360px/obs-en-12-05.jpg)

मूसे इस्राएलियां जो बोलया, "डरना बंद करा! परमेश्वरे अज तुहाड़े तांई लड़णा कने तुहांजो बचाणा।" तालू परमेश्वरे मूसा जो बोलया, "इना लोकां जो लाल समुंद्रे पासे अगे बदणे तांई बोल।"

![](https://cdn.door43.org/obs/jpg/360px/obs-en-12-06.jpg)

तालू परमेश्वरे उस बदले दे खम्भे जो इस्राएलियां कने मिस्रियां बीच रखी दिता ताकि मिस्री लोक इस्राएलियां जो दिखी ना सकन।

![](https://cdn.door43.org/obs/jpg/360px/obs-en-12-07.jpg)

परमेश्वरे मूसा जो समुंद्रे पर अपणा हथ अग्गे करणे तांई बोलया। फिरी परमेश्वरे हवा ने समुंद्रे दे पाणिऐ जो सजे कने खबे पासे करी दिता, जिसला समुंद्रे चे होइकरी इक रस्ता बणी गिया।

![](https://cdn.door43.org/obs/jpg/360px/obs-en-12-08.jpg)

इस्राएली लोक अपणे दोनों पासे पाणिऐ दियां दिबारां सोगी सुकिया धरतिया पर समुंद्रे ला होइकरी अग्गे बदणा लगी पे।

![](https://cdn.door43.org/obs/jpg/360px/obs-en-12-09.jpg)

तालू परमेश्वरे उस रस्ते ला बदले जो चुकी लिया ताकि मिस्री लोक इस्राएलियां जो बची करी जांदे दीखन। मिस्रियां उना जो पकड़णे तांई उना दा पीछा करणे दा फेसला किता।

![](https://cdn.door43.org/obs/jpg/360px/obs-en-12-10.jpg)

उना समुंद्रे दे उस रस्ते पर इस्राएलियां दा पीछा किता, पर परमेश्वरे मिस्रियां जो डराई दिता कने उना दे रथां जो फसाई दिता। सै चिल्लाणा लग्गे, "नठा! इस्राएलियां दिया तरफा ला परमेश्वर लड़ा दा है!"

![](https://cdn.door43.org/obs/jpg/360px/obs-en-12-11.jpg)

सारे इस्राएली समुंद्रे दे दुज्जे पासे पुज्जी गे। तालू परमेश्वरे मूसा जो बोलया कि सै दुबारा ला पाणिऐ पासे हथ अग्गे करे। जालू मुसा इयां किता, तां सै रस्ता बंद होई गिया कने समुंद्र पेहले सांई होई गिया। सारी मिस्री सेना डूबी गेई।

![](https://cdn.door43.org/obs/jpg/360px/obs-en-12-12.jpg)

जालू इस्राएलियां दिखया कि मिस्री मरी गे, तां उना परमेश्वरे पर भरोसा किता। उना भरोसा किता कि मूसा परमेश्वरे दा संदेश देणे बाला था।

![](https://cdn.door43.org/obs/jpg/360px/obs-en-12-13.jpg)

इस्राएली लोक इस तांई भी बड़े खुश थे क्योंकि परमेश्वरे उना जो मरणे ला कने गुलाम होणे ला बचाया था। हुण सै परमेश्वरे दी आराधना करणे कने उदे हुकमा जो मनणे तांई आजाद थे। इस्राएलियां अपणिया अजादिया दा तेयोहार मनाणे तांई कने परमेश्वरे दी प्रशंसा करणे तांई केई गीत गाए, क्योंकि उनी उना जो मिस्रियां दिया सेना ला बचाया था।

![](https://cdn.door43.org/obs/jpg/360px/obs-en-12-14.jpg)

परमेश्वरे इस्राएलियां जो हर साल इक त्यौहार मनाणे दा हुकम दिता ऐ याद कराणे तांई कि कियां परमेश्वरे मिस्रियां जो हराया कने उना जो गुलाम होणे ला आजाद किता। इसयो फसह दा त्यौहार बोलया। इस त्यौहारे बाले दिने उना जो इक खरे मेमने दी बलि देणी थी, उसयो भूनी करी, कने उसयो बिना खमीरे वालिया रोटिया सोगी खाणा था।

*निर्गमन अध्याय 12:33-15:21 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_12_128kbps.m4a

## 13. इस्राएली लोकां सोगी परमेश्वरे दा बायदा

https://openbiblestories.org/l/bht/story-13/

![](https://cdn.door43.org/obs/jpg/360px/obs-en-13-01.jpg)

इस्राएलियां जो लाल समुंद्रे पार लेई जाणे बाद, परमेश्वर उना जो बणे ला होई करी सीनै नाऐ दे पहाड़े पासे लेई गिया। ऐ सेई पहाड़ था जिथू मूसा अग्ग लगियो झाड़िया जो दिखया था। उना लोकां उस पहाड़े दे थले अपणे तम्बुआं जो लाया।

![](https://cdn.door43.org/obs/jpg/360px/obs-en-13-02.jpg)

परमेश्वरे मूसा ने कने इस्राएले दे सारे लोकां ने बोलया, "तुहांजो हमेशा मेरियां गल्लां जो मनणा है कने जड़ा बायदा मैं तुहाड़े सोगी करदा है उसयो बणाई रखनयो। अगर तुसां ऐसा करदे न, तां तुहांजो मेरा कीमती इनाम, याजकां दा राज्य, कने तुसां इक पवित्र जाति बणना।"

![](https://cdn.door43.org/obs/jpg/360px/obs-en-13-03.jpg)

इस्राएली लोकां तीन दिन दीकर अप्पू जो तैयार किता ताकि परमेश्वर उना बाल आई सके। तालू परमेश्वर सीनै पहाड़े दिया चोटी पर थले उतरया। जालू सै आया तां हिलण होया, बिजलियाँ चमकियां, धूँआ उठया, कने तुरहियां दा जोरदार अबाज होई। तालू मूसा अप्पू ऊपर पहाड़े पर गिया।

![](https://cdn.door43.org/obs/jpg/360px/obs-en-13-04.jpg)

तालू परमेश्वरे लोकां सोगी इक बायदा किता कने उनी बोलया, "मैं तुहाड़ा परमेश्वर यहोवा है। मैं ही है जिनी तुहांजो मिस्र दिया गुलामिया ला छुड़ाया। कुसी होर देवता दी पूजा मत करदे।"

![](https://cdn.door43.org/obs/jpg/360px/obs-en-13-05.jpg)

मूर्तियां मत बणादे कने उना दी पूजा मत करदे, क्योंकि मैं, यहोवा, तुहाड़ा एकलौता परमेश्वर है। कुसी बुरे कम्मे तांई मेरे नाऐ दा इस्तेमाल मत करदे। सब्त के दिने जो पवित्र मनणे तांई याद रखनयो। छे दिना च अपणे सारे कम्म करनयो, सतमा दिन तुहाड़े तांई अराम करणे कने मिंजो याद करणे दा दिन है।

![](https://cdn.door43.org/obs/jpg/360px/obs-en-13-06.jpg)

अपणे माता कने पिता दा आदर करनयो। हत्या मत करदे। व्यभिचार मत करदे। चोरी मत करदे। अपणे पड़ोसी दिया घरे बालिया, उदे घरे जो, या उदे कुसी भी समाने जो लेणे दी इच्छा मत करदे।

![](https://cdn.door43.org/obs/jpg/360px/obs-en-13-07.jpg)

तालू परमेश्वरे इना दस हुकमा जो पत्थरे दियां दो पटियां पर लिखी करी मूसा जो दिता। परमेश्वरे मनणे तांई लोकां जो होर भी मतियां व्यवस्थां दितियां। अगर उना इना व्यवस्थां दा पालन किता तां परमेश्वरे उना लोकां जो आशीष देणे कने उना दी सुरक्षा करणे दा बायदा किता। पर परमेश्वरे बोलया कि अगर उना व्यवस्था दा पालन नी किता तां उनी उना जो सजा देणी।

![](https://cdn.door43.org/obs/jpg/360px/obs-en-13-08.jpg)

परमेश्वरे इस्राएलियां ला इक विशाल तंबू बणाणे तांई भी बोलया – जिसयो मिलाप बाला तंबू भी बोलदे। परमेश्वरे उना जो ठीक-ठीक दसया कि इस तंबू जो कियां बणाणा है, कने उदे अंदर कुना चीजां जो रखणा है। उनी उना जो उस तंबू जो दो कमरयां च बंडणे तांई इक बड़े बडे पर्दे जो बणाणे तांई भी बोलया। परमेश्वरे उस पर्दे दे पिच्छे वाले कमरे च ओणा कने ओथु रेणा। जिथू परमेश्वर था उस कमरे च जाणे दी अनुमति सिर्फ महायाजक जो थी।

![](https://cdn.door43.org/obs/jpg/360px/obs-en-13-09.jpg)

उना लोकां जो उस मिलाप वाले तंबू दे सामणे इक बेदी जो बणाणी पोंणी। अगर कोई भी जड़ा परमेश्वरे हुकमा जो नी मंदा है कने पाप करदा है, तां सै उस वेदी पर इक जानवरे जो लेई करी ओऐ। तालू महायाजक उदी बलि दे कने वेदिया पर परमेश्वरे तांई बलिया जो फुके। परमेश्वरे बोलया कि उस जानवरे दे खूने उस माणुऐ दे पापों जो ढकी लेणा। इयां करीरी हुण परमेश्वरे उस पाप जो नी दिखणा। सै माणु परमेश्वरे दिया नजरा च "शुद्ध" होणा। परमेश्वरे मूसा दे भाई हारून जो कने हारून दे वंशजां जो अपणे याजक होणे तांई चुणया।

![](https://cdn.door43.org/obs/jpg/360px/obs-en-13-10.jpg)

परमेश्वरे उना लोकां जो नियम दितयो थे, सै उना जो मनणे तांई राजी होए। सै सिर्फ परमेश्वर दे लोक होणे जो कने सिर्फ उदी आराधना करणे तांई राजी होऐ।

![](https://cdn.door43.org/obs/jpg/360px/obs-en-13-11.jpg)

केई दिना दीकर, मूसा सीनै पहाड़े दिया चोटिया पर ही रिया। सै परमेश्वरे ला गल्लां करा दा था। पर लोक उदे बापिस मुड़ने दा इन्तजार करदे-करदे थकी गे। इस तांई सै हारून बाल सोना लेई करी आऐ कने उसयो इक मूर्ति बणाणे तांई बोलया ताकि सै परमेश्वर दे बदले उदी पूजा करी सकन। इयां करीरी उना बड़ा बडा परमेश्वर दे खिलाफ पाप किता।

![](https://cdn.door43.org/obs/jpg/360px/obs-en-13-12.jpg)

हारूने बछड़े दी सोने दी इक मूर्ति बणाई। उना लोकां उस मूर्तिया दी पूजा करणा शुरू करी दिता कने उसयो बलि चढ़ाई! उना दे इस पाप दिया वजा ला परमेश्वर उना ला बड़ा गुस्सा होया था। सै उना जो खत्म करी देणा चांदा था। पर मूसा उना जो नी मारणे तांई परमेश्वरे ला प्राथना किती। परमेश्वरे उदी प्राथना जो सुणया कने उना जो खत्म नी किता।

![](https://cdn.door43.org/obs/jpg/360px/obs-en-13-13.jpg)

मूसा सीनै पहाड़े ला थले उतरी आया। उनी सै दो पत्थरे दियां पटियां जो हथे पकड़या था, जिना पर परमेश्वरे दस हुकमा को लिखया था। फिरी उनी उसा मूर्तिया जो दिखया। सै इतना गुस्सा होया कि उनी उना पटियां जो तोड़ी दिता।

![](https://cdn.door43.org/obs/jpg/360px/obs-en-13-14.jpg)

फिरी मूसा उसा मूर्तिया जो पि करी उसा दा बुरा बणाई दिता, उस बुरे जो पाणिऐ च मिलाई करी उना लोकां जो पियाई दिता। परमेश्वरे उना लोकां पर इक मुसीबत भेजी कने उना चे मते लोक मरी गे।

![](https://cdn.door43.org/obs/jpg/360px/obs-en-13-15.jpg)

जिना पटियां जो मूसा तोड़ी दितया था, उना दी जगा लेणे तांई मूसा उना दस हुकमा जो लिखणे तांई पत्थरे दियां नोईयां पटियां बणाईयां। तालू सै फिरी पहाड़े पर चढ़ी गिया कने प्रार्थना किती कि परमेश्वर उना लोकां जो माफ करी दे। परमेश्वरे मूसा दी सुणी कने उना जो माफ करी दिता। नोईयां पटियां पर दस हुकमा जो लेई करी मूसा पहाड़े ला थले उतरी आया। तालू परमेश्वरे सीनै पहाड़े ला लेई करी बायदे दे देशे दीकर इस्राएलियां दी अगुवाई किती।

*निर्गमन अध्याय 19-34 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_13_128kbps.m4a

## 14. बणे च भटकणा

https://openbiblestories.org/l/bht/story-14/

![](https://cdn.door43.org/obs/jpg/360px/obs-en-14-01.jpg)

परमेश्वरे इस्राएलियां जो उना नियमा जो दसणा बंद किता, जिना दा उना जो उदे बायदे दिया बजा ला पालन करणा है। फिरी उनी सीनै पहाड़े ला अग्गे उना दी अगुवाई किती। सै उना जो बायदे दे देशे च लेई जाणा चांदा था। इस देशे जो कनान भी बोलदे थे। परमेश्वर बदले दे खम्भे च उना दे अग्गे-अग्गे चलदा था, कने सै उदे पिच्छे-पिच्छे चले।

![](https://cdn.door43.org/obs/jpg/360px/obs-en-14-02.jpg)

परमेश्वरे अब्राहम, इसहाक कने याकूब ने बायदा कितया था कि सै बायदे दा देश उना दे वंशजां जो दिंगा, पर इस बकत ओथु मतियां जाति रे दियां थियां। उना जो कनानी बोलदे थे। ऐ कनानी लोक परमेश्वरे दी आराधना नी करदे थे कने उदे हुकमा जो नी मंदे थे। सै झूठे देवतयां दी पूजा करदे थे कने बड़े बुरे कम्म करदे थे।

![](https://cdn.door43.org/obs/jpg/360px/obs-en-14-03.jpg)

परमेश्वरे इस्राएलियां जो बोलया, "जालू तुसां उस वाचा दे देशे च जा, तां ओथु दे सारे कनानियां ला छुटकारा पाई लेनयो। उना सोगी कोई समझौता मत करदे कने उना सोगी वियाह मत करदे। तुसां उना दियां सारियां मूर्तियां जो तोड़ी दिनयो। अगर तुसां मेरा हुकम नी मनगे, तां तुसां मिंजो छडी करी उना दे देवतयां दी पूजा करणा लगी पोणा।"

![](https://cdn.door43.org/obs/jpg/360px/obs-en-14-04.jpg)

जालू इस्राएली कनान दे बखे पुज्जे, तां मूसा इस्राएल दे हर इक गोत्रे चे इक-इक करीरी बारह मर्दां जो चुणया। उनी उना जो जाई करी उस देशे दा भेद लेणे तांई भेजया, कि दिखा कि सै कदिया देश है। उना जो कनानियां दा ऐ भेद लेणा था कि सै जोरे बाले न की कमजोर न।

![](https://cdn.door43.org/obs/jpg/360px/obs-en-14-05.jpg)

उना बारहा जणया पूरे कनान ला होंदे होए चालियां दिना दी यात्रा किती कने फिरी सै बापिस मुड़ी आऐ। उना लोकां जो दसया, "ऐ देश बड़ा उपजाऊ है कने फसलां बडियां भरियां न!" पर दस भेदियां बोलया, "उना दे शेहर बड़े पक्के न कने सै लोक लंबे-चौड़े न! अगर असां उना पर हमला करदे न, तां पक्का उना सांझो हराई देणा कने सांझो मारी देणा।"

![](https://cdn.door43.org/obs/jpg/360px/obs-en-14-06.jpg)

तालू ही कालेब कने यहोशू कने होर दो भेदियां बोलया, "ऐ सच है कि कनान दे लोक लंबे कने जोरेबाले न, पर असां उना जो पक्का हराई सकदे न! परमेश्वरे साड़े तांई लड़णा!"

![](https://cdn.door43.org/obs/jpg/360px/obs-en-14-07.jpg)

पर लोकां कालेब कने यहोशू दी नी सुणी। सै मूसा कने हारून पर गुस्सा होऐ कने बोलणा लग्गे, "तुसां सांझो इसा भयानक जगा पर कजो लेई करी आऐ? सांझो मिस्र च ही रेणा चाईदा था। अगर असां उस देशे च जांदे न, तां असां लड़ाईया च मरी जाणा, कने कनान दे लोकां साड़ियां लाड़ियां कने बच्चयां जो गुलाम बणाई लेंणा।" सै लोक उना जो वापिस मिस्र लेई करी जाणे तांई इक होर अगुवे जो चुणना चांदे थे।

![](https://cdn.door43.org/obs/jpg/360px/obs-en-14-08.jpg)

जालू उना लोकां ऐसा बोलया तां परमेश्वर बड़ा गुस्सा होई गिया था। सै मिलाप वाले तम्बूऐ च आया कने बोलया, "तुसां मेरे खिलाफ गल्लां कितियां न, इस तांई तुसां सारयां जो इस बणे च भटकणा पोणा। हर इक जणा जड़ा बी सालां दा या उसला जादा उमरा दा है, उनी ओथु मरी जाणा कने कदी भी उस देशे च जाई नी सकणा है, जड़ा मैं तुहांजो देणा है। सिर्फ कालेब कने यहोशू जाई सकदे न।"

![](https://cdn.door43.org/obs/jpg/360px/obs-en-14-09.jpg)

जालू लोकां परमेश्वरे जो इयां बोलदे सुणया, तां सै दुखी होए क्योंकि उना पाप कितया था। इस तांई उना कनान दे लोकां पर हमला करणे दा फेसला किता। मूसा उना जो नी जाणे तांई चेतावनी दिती क्योंकि परमेश्वर उना सोगी नी था, पर उना उदी नी सुणी।

![](https://cdn.door43.org/obs/jpg/360px/obs-en-14-10.jpg)

परमेश्वर इसा लड़ाईया च उना सोगी नी था, इस तांई कनानियां उना जो हराई दिता कने उना चे केईयां जो मारी दिता। तालू इस्राएली लोक कनान ला बापिस मुड़ी गे। अगले चालियां सालां दीकर, सै बणे च रुआं-प्रां भटकदे रे।

![](https://cdn.door43.org/obs/jpg/360px/obs-en-14-11.jpg)

इस्राएली लोक जालू बंणे च चाली साल भटकदे रे, तालू परमेश्वरे उना दियां सारियां जरूरतां जो पूरा किता। उनी उना जो स्वर्ग ला "मन्ना" दिता। उनी बटेरयां दे झुंड भी (जड़े कि छोटे आकारे दे पंछी होंदे न) उना बाल भेजे ताकि उना बाल खाणे तांई मास हो। इना चालियां सालां च, परमेश्वरे उना दे कपड़यां कने जूतयां जो फटणे ला बचाई रखया।

![](https://cdn.door43.org/obs/jpg/360px/obs-en-14-12.jpg)

परमेश्वरे उना जो पीणे तांई चमत्कार करीरी पथरे चे पाणी कडया। पर इना सारियां चीजां बाद भी, इस्राएली लोकां परमेश्वरे दे खिलाफ कने मूसा दे खिलाफ शिकायत किती कने गल्लां कितियां। तमी, परमेश्वर भरोसे लायक था। उनी जड़ा बायदा कितया था कि सै अब्राहम, इसहाक, कने याकूब दे वंशजां तांई करणा है, सै उनी किता।

![](https://cdn.door43.org/obs/jpg/360px/obs-en-14-13.jpg)

इक बरी फिरी जालू उना लोकां बाल पांणी नी था, तां परमेश्वरे मूसा जो बोलया, "सपड़े सोगी गल्लां कर, कने उसला पांणी निकली पोणा।" पर मूसा सपड़े सोगी गल्लां नी कितियां। पर उनी सोठिया ने सपड़े पर दो बरी मारया। इयां करीरी उनी परमेश्वरे दा निरादर किता। सारयां जो पीणे तांई पांणी तां निकली आया, पर परमेश्वर मूसा ने गुस्सा होई गिया। उनी बोलया, "क्योंकि तू इयां कितया है, इस तांई तू बायदे दे देशे च नी जाई सकणा है।"

![](https://cdn.door43.org/obs/jpg/360px/obs-en-14-14.jpg)

जालू इस्राएली लोक चालियां सालां दीकर बणे च भटकी बेठे, तालू जड़े परमेश्वरे दे खिलाफ गियो थे, सै सारे मरी गे। तालू परमेश्वर उना लोकां जो फिरी उस बायदे दे देशे दीकर लेई गिया। हुण मूसा बड़ा बुडा होई गिया था, इस तांई परमेश्वरे लोकां दी अगुवाई करणे तांई कने मूसा दी सहायता करणे तांई यहोशू जो चुणया। परमेश्वरे मूसा ने ऐ बायदा भी कितया था कि इक दिन सै उना लोकां बाल मूसा सांई इक परमेश्वरे दा संदेश देणे बाला भेजणा।

![](https://cdn.door43.org/obs/jpg/360px/obs-en-14-15.jpg)

तालू परमेश्वरे मूसा जो इक पहाड़े दिया चोटिया पर जाणे तांई बोलया ताकि सै बायदे दे देशे जो दिखी सके। मूसा उस प्रतिज्ञा दे देशे जो दिखया, पर परमेश्वरे उसयो उदे च जाणे दी इजाजत नी दिती। तालू मूसा मरी गिया, कने इस्राएलियां ती दिना दीकर दुख मनाया। यहोशू उना दा नोआ अगुवा बणी गिया। यहोशू इक अच्छा अगुवा था क्योंकि उनी परमेश्वरे पर भरोसा किता कने उदियां गल्लां जो मनया।

*निर्गमन अध्याय 16-17; गिनती 10-14; 20; 27; व्यवस्थाविवरण 34 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_14_128kbps.m4a

## 15. बायदे दा देश

https://openbiblestories.org/l/bht/story-15/

![](https://cdn.door43.org/obs/jpg/360px/obs-en-15-01.jpg)

आखिर च, हुण सै बकत आई गिया था कि इस्राएली लोक उस बायदे दे देश कनान च जाई सकन। उस देशे च यरीहो नाऐ दा इक शेहर था। उस शेहरे दिया रक्षा तांई उदे चारो पासे मजबूत दीवारां थियां। यहोशूऐ उस नगर च दो भेदियां जो भेजया। उस शेहरे च राहाब नाऐ दी इक वेश्या रेंदी थी। उना इना भेदियों जो लुकणे तांई जगा दिती, कने फिरी बादे च उनी उना जो शेहरे ला बची करी निकलने च भी सहायता किती। उना ऐसा इस तांई किता क्योंकि सै परमेश्वरे पर भरोसा करदी थी। उना कसम खादी की जालू असां इस्राएलियां यरीहो जो नाश करणा तालू असां राहाब कने उदे परिवारे दी रक्षा करगे।

![](https://cdn.door43.org/obs/jpg/360px/obs-en-15-02.jpg)

इस्राएली लोकां जो बायदे दे देशे च पूजणे तांई यरदन नदी पार करणी पोणी थी। परमेश्वरे यहोशू ने बोलया, "याजकां जो पेहले जाणा दे।" जालू याजकां यरदन नदिया च अपणे पैर रखे तां पांणी रुकी गिया, जिसला कि इस्राएली लोक नदिया दे दूऐ पासे सुकिया जगा पर जाई सके।

![](https://cdn.door43.org/obs/jpg/360px/obs-en-15-03.jpg)

उना लोकां यरदन नदी पार करी लेई, तां परमेश्वरे यहोशू ला बोलया कि यरीहो शेहरे पर हमला करणे तांई तैयार रिया, सै बड़ा पक्का शेहर था। परमेश्वरे उना लोकां ने बोलया कि याजकां कने सैनिकां जो छे दिना दीकर उस शेहरे दे चारों पासे चक्कर लाणा है। याजकां कने सैनिकां इयां ही किता।

![](https://cdn.door43.org/obs/jpg/360px/obs-en-15-04.jpg)

सतमें रोजे, इस्राएलियां उस शेहरे दे चारों पासे सत बरी होर चक्कर लाए। उना दे शेहरे दे चारों पासे सतमी बरी चक्कर लाणे बाद, याजकां अपणियां तुरहियां बजाईयां कने सैनिकां जोरे ने नारे लाए।

![](https://cdn.door43.org/obs/jpg/360px/obs-en-15-05.jpg)

तालू यरीहो दे चारों पासे दियां दीवारां डेई गियां! जियां परमेश्वरे हुकम दितया था, इस्राएलियां शेहरे दिया हर इक चीजा जो खत्म करी दिता। उना सिर्फ राहाब कने उदे परिवारे जो छडी दिता, जड़े इस्राएलियां दां हिस्सा बणी गियो थे। जालू कनान च रेणे वाले होर लोकां सुणया कि इस्राएलियां यरीहो जो खत्म करी दितया है, तां सै डरी गे कि इस्राएली लोकां उना पर भी हमला करणा।

![](https://cdn.door43.org/obs/jpg/360px/obs-en-15-06.jpg)

परमेश्वरे इस्राएलियां जो हुकम दितया था कि कनान च रेंणे बालियां कुसा भी जातिया सोगी शान्ति समझौता मत करदे। पर गिबोनियां नाए दिया इक कनानी जातिया यहोशू ने झूठ बोलया कि सै कनान ला दूर इक जगा च रेणे वाले न। उना यहोशू ने उना सोगी शान्ति समझौता करणे तांई बिनती किती। यहोशू कने होर इस्राएली अगुवयां परमेश्वरे ला नी पूछया कि उना जो क्या करणा चाइदा। कने उना गिबोनियां सोगी शान्ति समझौता करी लिया।

![](https://cdn.door43.org/obs/jpg/360px/obs-en-15-07.jpg)

तिन दिना बाद, इस्राएलियां जो पता लगया कि गिबोनी लोक कनान च ही रेंदे थे। सै गुस्सा होई गे क्योंकि गिबोनियां उना जो धोखा दितया था। पर उना, उना सोगी कितियो उस शान्ति समझौते जो नी तोड़या क्योंकि सै परमेश्वरे सामणे कितया था। तालू कुछ बकते बाद, कनान च रेंणे बाले एमोरिया जातिया दे राजयां सुणया कि गिबोनियां इस्राएलियां सोगी शान्ति समझौता करी लिया है, इस तांई उना अपणियां-अपणियां सेना जो गठेरी करी इक बड़ी बडी सेना बणाई कने गिबोन पर हमला करी दिता। गिबोनिया सहायता तांई यहोशू बाल इक संदेश भेजया।

![](https://cdn.door43.org/obs/jpg/360px/obs-en-15-08.jpg)

यहोशूऐ इस्राएलियां दिया सेना जो गठेरया कने गिबोनियां बाल पुजणे तांई सै पूरी रात चले। भ्यागा तड़के उना एमोरियां दिया सेना जो हेरान करी दिता कने उना पर हमला करी दिया।

![](https://cdn.door43.org/obs/jpg/360px/obs-en-15-09.jpg)

उस दिन परमेश्वर इस्राएलियां तांई लड़या। उनी एमोरियों उपर बडे-बडे ओले सुटी करी मतयां एमोरियां जो मारी दिता।

![](https://cdn.door43.org/obs/jpg/360px/obs-en-15-10.jpg)

परमेश्वरे सुरजे जो भी अम्बरे च इकी जगा रोकी दिता ताकि इस्राएलियां जो काफी बकत मिली जा ताकि सै एमोरियां जो पुरे तरीके ला हराई देन। उस दिन, परमेश्वरे इस्राएलियां तांई इक बड़ी बडी जित हासिल किती।

![](https://cdn.door43.org/obs/jpg/360px/obs-en-15-11.jpg)

जालू परमेश्वरे एमोरी सेना जो हराई दिता, तालू बड़े कनानी जाति दे लोक इस्राएल पर हमला करणे तांई गिठे होए। तालू यहोशू कने इस्राएलियां उना पर हमला करी के उना दा खात्मा करी दिता।

![](https://cdn.door43.org/obs/jpg/360px/obs-en-15-12.jpg)

इना लडाइयां बाद, परमेश्वरे इस्राएल दे हर इक गोत्रे जो बायदे दे उस देशे च उना दा हिस्सा दिता। तालू परमेश्वरे इस्राएल जो उदियां सारियां सीमां पर शान्ति करी दिती।

![](https://cdn.door43.org/obs/jpg/360px/obs-en-15-13.jpg)

जालू यहोशू बुडा होई गिया तां उनी इस्राएल दे सारे लोकां जो सदया। तालू यहोशूऐ उना लोकां जो सै बायदा याद कराया जड़ा उना परमेश्वरे सोगी सीनै दे पहाड़े पर कितया था, कि सै उस बायदे दा पालन करन। उना लोकां परमेश्वरे सोगी बायदा कितया था की असां हमेशा भरोसे दे लायक बणी रेंगे कने उदे हुकमा दा पालन करदे रेंगे।

*यहोशू अध्याय 1-24 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_15_128kbps.m4a

## 16. छुड़ाणे बाले

https://openbiblestories.org/l/bht/story-16/

![](https://cdn.door43.org/obs/jpg/360px/obs-en-16-01.jpg)

यहोशूऐ दे मरणे बाद इस्राएलियां परमेश्वरे दी गल्ल नी मनी। उना परमेश्वरे दे नियमा दा पालन नी किता, कने उना उस बायदे दे देशे च बचयो कनानियां जो बाहर नी कडया। इस्राएलियां अपणे सच्चे परमेश्वर, यहोवा जो छडी करी कनानियां दे देवतयां दी पूजा करणा शुरू करी दिती। इस्राएलियां बाल कोई राजा नी था, इस तांई जिसयो जड़ा ठीक लगा उनी सेई किता।

![](https://cdn.door43.org/obs/jpg/360px/obs-en-16-02.jpg)

परमेश्वरे दा हुकम नी मनणे ला इस्राएलियां इक पद्धति दी शुरूआत करी दिती, जिसया इस्राएलियां केई बरी दोहराया था। ऐ पद्धति इयां चली: कुछ सालां दीकर इस्राएलियां परमेश्वरे दे हुकमा जो नी मनणा, तालू परमेश्वरे उना जो दुशमणा ला हराई करी सजा देणी। दुशमणा इस्राएलियां ला उना दियां चीजां जो लुटी लेणा, उना दिया सम्पत्तिया जो बरबाद करी देणा, कने उना चे मतयां जो मारी देणा। फिरी जालू इस्राएलियां दे दुशमणा उना पर केई सालां दीकर हत्याचार करणा, उदे बाद इस्राएलियां अपणे पापां दा पश्चाताप करणा कने परमेश्वरे ला उना जो बचाणे तांई प्रार्थना करणी।

![](https://cdn.door43.org/obs/jpg/360px/obs-en-16-03.jpg)

हर बरी जालू इस्राएलियां पश्चाताप करणा, तां परमेश्वरे उना जो बचाणा। उनी इक छुड़ाणे बाले जो भेजी करी ऐसा करणा – इक ऐसा जणा जिनी उना दे दुशमणा दे खिलाफ लड़णा कने उना जो हराणा। तालू देश च शान्ति होणी कने उनी छुड़ाणे बाले उना पर अच्छे ला शासन करणा। परमेश्वरे उना लोकां जो बचाणे तांई मते छुड़ाणे बाले भेजे। परमेश्वरे बखे दे ही इकी दुशमण जाति, मिद्यानियां ला इस्राएलियां जो हराई करी दुबारा ला फिरी ऐसा किता।

![](https://cdn.door43.org/obs/jpg/360px/obs-en-16-04.jpg)

मिद्यानियां केई सालां दीकर इस्राएलियां दिया फसलां जो लूटया। इस्राएली लोक बड़े डरी गियो थे, कने सै गुफां च लुकी बेठे, ताकि मिद्यानी लोक उनो जो तोपी नी सकन। आखिरी च उना जो बचाणे तांई उना परमेश्वरे जो पुकारया।

![](https://cdn.door43.org/obs/jpg/360px/obs-en-16-05.jpg)

गिदोन नाऐ दा इक इस्राएली आदमी था। इक दिन सै इक गुप्त जगा च कणका जो झाड़ा था ताकि मिद्यानी लोक चोरी नी सकन। यहोवा दे स्वर्गदूते गिदोन बाल आई करी उसयो बोलया, "हे शूरवीर सूरमा, परमेश्वर तेरे सोगी है। जा कने इस्राएलियां जो मिद्यानियां ला बचा।"

![](https://cdn.door43.org/obs/jpg/360px/obs-en-16-06.jpg)

गिदोने दे पिता मूर्तिया तांई इक वेदी बणाईयो थी। सारयां ला पेहली गल्ल जड़ी परमेश्वरे गिदोने जो करणे तांई बोली कि उसा वेदिया जो तोड़ी दे। पर गिदोन लोकां ला डरदा था, इस तांई उनी रात होणे दा इन्तजार किता। राती उनी उसा वेदी जो तोड़ी करी उसा दे टोटे-टोटे करी दिते। उनी परमेश्वरे तांई इक नोई वेदी बणाई कने उस पर परमेश्वरे तांई बलि चढ़ाई।

![](https://cdn.door43.org/obs/jpg/360px/obs-en-16-07.jpg)

अगले दिने भयागा जालू लोकां दिखया कि कुनी वेदी जो तोड़ी दितया है, इस तांई सै बड़े गुसा होए। कने गिदोन जो मारणे तांई उदे घरे जो गे, पर गिदोन दे पिता बोलया, "तुसां कजो अपणे देवता दी सहायता करणे दी कोशिश करा दे न? अगर सै देवता है तां उसयो अपणी रक्षा अप्पू करणा दिया!" क्योंकि उनी ऐसा बोलया इस तांई लोकां गिदोन जो नी मारया।

![](https://cdn.door43.org/obs/jpg/360px/obs-en-16-08.jpg)

तालू इस्राएलियां जो लूटणे तांई मिद्यानी लोक फिरी आए। सै इतणे भरी थे कि उना दी गिणती भी नी करी सकदे थे। गिदोने उना दे खिलाफ लड़ने तांई इस्राएलियां जो गठेरया। गिदोने परमेश्वरे ला दो निशाणा मंगे ताकि उसयो भरोसा होई जाए कि परमेश्वर उसयो सच्ची इस्राएल जो बचाणे तांई बोला दा है।

![](https://cdn.door43.org/obs/jpg/360px/obs-en-16-09.jpg)

पेहले निशाण तांई, गिदोने भेडा दिया ऊनी जो धरती पर रखी करी परमेश्वरे जो बोलया कि भयागा दा पाला सिर्फ भेडा दिया इसा ऊना पर पोए कने धरती पर नी पोए। परमेश्वरे ऐसा ही किता। अगली राती, उनी परमेश्वरे ला बोलया कि धरती पाले ने सजी जा पर भेडा दी ऊन सुकी रे। परमेश्वरे ऐसा भी किता। इना दो निशाणा दिया बजा ला, गिदोने भरोसा किता कि परमेश्वर सच्ची चांदा है कि सै इस्राएलियां जो मिद्यानियां ला बचाए।

![](https://cdn.door43.org/obs/jpg/360px/obs-en-16-10.jpg)

तालू गिदोने सैनिकां जो अपणे बाल सदया कने 32,000 मर्द आए। पर परमेश्वरे उसयो बोलया कि ऐ बड़े जादा न। गिदोने उना चे 22,000 जो घरे वापिस भेजी दिता जड़े लड़ने ला डरदे थे। परमेश्वरे गिदोन ला बोलया कि ऐ मर्द हले भी जादा न। इस तांई गिदोने 300 सैनिकां जो छडी करी बाकियां जो घरे जो भेजी दिता।

![](https://cdn.door43.org/obs/jpg/360px/obs-en-16-11.jpg)

उस राती परमेश्वरे गिदोने ने बोलया, "मिद्यानियां दिया छावनिया च जा कने और उना जो गल्लां करदे सुण। जालू तू सुणना कि सै क्या गल्लां करा दे न, तां तू उना पर हमला करणे ला नी डरणा।" इस तांई उस राती, गिदोन थले उना दियां छावनियां च गिया कने उनी इक मिद्यानी सैनिके जो अपणे मित्रे सोगी सै गल्लां करदे सुणया जड़ियां उनी सुपने च दिखियां थियां। उस सैनिके दे मित्रे बोलया, "इस सुपने दा मतलब है कि गिदोने दिया सेना सांझो मिद्यानी सेना जो हराई देणा!" जालू गिदोने ऐ सुणया तां उनी परमेश्वरे दी स्तुति किती।

![](https://cdn.door43.org/obs/jpg/360px/obs-en-16-12.jpg)

तालू गिदोन अपणे सैनिकां बाल मुड़ी आया कने उना चे हर इकी जो इक-इक नरसिंगा, इक मिटिया दा भांडा, कने इक मशाल दिती। उना उस छावनिया जो घेरी लिया जिथू मिद्यानी सैनिक सुतयो थे। गिदोने दे 300 सैनिकां अपणियां मशालां जो भांडे ने ढकया था, इस तांई मिद्यानी लोक उना मशालां दिया लौई जो दिखी नी सके थे।

![](https://cdn.door43.org/obs/jpg/360px/obs-en-16-13.jpg)

तालू गिदोन दे सारे सैनिकां अपणे भांडया जो इक ही बकते पर तोड़ी दिता कने मशालां दी लौ चमकणा लगी। उना अपणे नरसिंगे फूँके कने चिल्लाए, "यहोवा दिया तरफा ला गिदोने दी तलवार!"

![](https://cdn.door43.org/obs/jpg/360px/obs-en-16-14.jpg)

परमेश्वरे मिद्यानियों जो डराई दिता, इस तांई सै घबराई करी इक दुज्जे जो मारणा लगी पे। तालू ही, गिदोन दे संदेश देणे बालयां जो होर मते इस्राएलियां जो मिद्यानियां दा पीछा करणे च उना दी सहायता करणे जो सदणे तांई भेजया। इस्राएलियां उनाचे मतयां जो मारी दिता कने बाकियां दा पिच्छा करीरी उना जो इस्राएल देशे ला बाहर कडी दिता। उस दिन 1,20,000 मिद्यानी मरी गे। इयां परमेश्वरे इस्राएल जो बचाया।

![](https://cdn.door43.org/obs/jpg/360px/obs-en-16-15.jpg)

सै लोक गिदोन जो अपणा राजा बणाणा चांदे थे, पर गिदोने उना जो ऐसा नी करणा दिता, पर उनी उना ला सै सोने दे गेहणे मंगे जड़े उना मिद्यानियां ला लूटयो थे। उना लोकां बड़ा जादा सोना गिदोन जो दिता।

![](https://cdn.door43.org/obs/jpg/360px/obs-en-16-16.jpg)

तालू गिदोने उस सोने ने इक खास कपड़े बणाऐ जीना जो महायाजक पांदे थे। पर लोकां मुर्तिया सांई उदी पूजा करणा शुरू करी दिती। तालू परमेश्वरे फिरी इस्राएल जो सजा दिती क्योंकि उना मूर्ति दी पूजा किती थी। परमेश्वरे उना दे दुशमणा जो शक्तिशाली करी दिता ताकि सै उना जो हराई सकन। आखिरी च उना फिरी परमेश्वरे ने प्राथना किती कि साड़ी सहायता कर, कने परमेश्वरे उना जो बचाणे तांई इक होर छुड़ाणे बाले जो भेजया।

![](https://cdn.door43.org/obs/jpg/360px/obs-en-16-17.jpg)

ऐ गल्ल बड़ी बरी होई: इस्राएली लोकां पाप करणे, परमेश्वरे उना जो सजा देणी, उना पश्चाताप करणा, कने परमेश्वरे उना जो छुड़ाणे तांई कुसी जो भेजणा। केई सालां दीकर, परमेश्वरे मते छुड़ाणे बालयां जो भेजया जिना इस्राएलियां जो उना दे दुशमणा ला बचाया।

![](https://cdn.door43.org/obs/jpg/360px/obs-en-16-18.jpg)

फिरी उना लोकां होर देशां सांई परमेश्वरे ला अपणे तांई इक राजा दी मंग किती। सै इक ऐसा राजा चांदे थे, जड़ा लंबा कने शक्तिशाली हो, कने जड़ा लड़ाईया दे बेले उना दी अगुवाई करी सके। परमेश्वरे जो ऐ निवेदन पसंद नी आया, पर उनी उना जो सियुदा राजा दिता जदिया उना मंग किती थी।

*न्यायियों अध्याय 1-3; 6-8; 1 शमूएल 1-10 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_16_128kbps.m4a

## 17. दाऊद सोगी परमेश्वरे बायदा

https://openbiblestories.org/l/bht/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल दा पेहला राजा था। सै लंबा कने सुंदर था, जदिया सै लोक चांदे थे इकदम तदिया। इस्राएल पर अपणे शासने दे पेहले कुछ सालां च शाऊल इक अच्छा राजा था। पर बादे च सै इक बुरा माणु बणी गिया कने उनी परमेश्वरे दियां गल्लां जो नी मनया, इस तांई परमेश्वरे इक होर माणुऐ जो चुणया, जिनी इक दिन उदिया जगा पर राजा बणना।

![](https://cdn.door43.org/obs/jpg/360px/obs-en-17-02.jpg)

परमेश्वरे दाऊद नाए दे इक जवान इस्राएली माणुऐ जो चुणया कने शाऊल दिया जगा पर राजा बणने तांई उसयो तैयार करणा शुरू करी दिता। दाऊद बैतलहम शेहरे दा इक गवाल था। केई बरी जालू शेर कने भालूऐ भेडां पर हमला किता जीना दी दाऊद रखबाली करदा था, तां दाऊद शेर कने भालू दोनों जो मारी दिता। दाऊद इक नम्र कने धर्मी माणु था। उनी परमेश्वरे पर भरोसा किता कने उदियां गल्लां जो मनया।

![](https://cdn.door43.org/obs/jpg/360px/obs-en-17-03.jpg)

जालू दाऊद हले जवान ही था, तां उनी लंबे-चौड़े गोलियत दे खिलाफ लाड़ाई किती। गोलियत इक बड़ा अच्छा सैनिक था। सै बड़ा जोरे बाला कने लगभग तीन मीटर लंबा था! पर परमेश्वरे गोलियत जो मारणे कने इस्राएल जो बचाणे च दाऊदे दी सहायता किती। इदे बाद, दाऊदे इस्राएल दे दुशमणा जो केई बरी हराया। दाऊद इक बडा सैनिक बणी गिया, कने उनी मतियां लड़ाईयां च इस्राएली सेना दी अगुवाई किती। लोकां उदी बड़ी तारीफ किती।

![](https://cdn.door43.org/obs/jpg/360px/obs-en-17-04.jpg)

लोक दाऊद ने इतणा प्यार करणा लगी पे, कि शाऊल उसला जलन करणा लगा। शाऊल उसयो मारी देणा चांदा था, इस तांई दाऊद उसला कने उदे सैनिकां ला लुकणे तांई बंणे जो नठी गिया। इक दिन, जालू शाऊल कने उदे सैनिक दाऊद दिया तोपा च थे, तां शाऊल इक गुफा च गिया। ऐ सेई गुफा थी जिसा च दाऊद लुकया था, पर शाऊले उसयो नी दिखया। दाऊद शाऊले दे पीछे उदे बखे आया कने उदे कपड़यां ला इक टुकड़ा बडी लिया। बादे च, जालू शाऊल उसा गुफा ला निकलया तां दाऊदे उसयो पुकारी करी उस टुकड़े जो दसया। ऐ दिखी करी, शाऊले जो पता लगी गिया कि दाऊदे राजा बणने तांई उसयो मारणे ला मना करी दितया है।

![](https://cdn.door43.org/obs/jpg/360px/obs-en-17-05.jpg)

कुछ बकत बाद, शाऊल लड़ाईया च मरी गिया, कने दाऊद इस्राएल दा राजा बणी गिया। सै इक अच्छा राजा था, कने लोक उसयो प्यार करदे थे। परमेश्वरे दाऊदे जो आशीषित किता कने उसयो इक सफल राजा बणाया। दाऊदे केई लड़ाईयां लड़ियां, कने परमेश्वरे उसयो इस्राएल दे दुशमणा जो हराणे च मदद किती। दाऊदे यरूशलेम शेहरे जो जीती लिया कने उसयो अपणी राजधानी बणाया, जिथू सै रिया कने शासन किता। दाऊद चालियां सालां दीकर राजा रिया। उस बकत इस्राएल शक्तिशाली कने अमीर बणी गिया।

![](https://cdn.door43.org/obs/jpg/360px/obs-en-17-06.jpg)

दाऊद इक मंदिर बणाणा चांदा था, जिथू सारे इस्राएली लोक परमेश्वरे दी आराधना करी सकन कने उदे तांई बलिदान चढ़ाई सकन। लगभग 400 सालां ला, सै लोक मूसा दे बणायो मिलाप बाले तंबूऐ च परमेश्वरे दी आराधना करा दे थे, कने उदे तांई बलिदान चढ़ा दे थे।

![](https://cdn.door43.org/obs/jpg/360px/obs-en-17-07.jpg)

पर ओथु नातान ना दा इक परमेश्वरे दा संदेश बाला था। परमेश्वरे उसयो दाऊदे ला ऐ बोलणे तांई भेजया: "तू मतियां लड़ाईयां लड़ियां न, इस तांई तू मेरे तांई इस मंदिर जो नी बणाणा। तेरे पुत्रे इसयो बणाणा। तमी, मैं तीजो मती आशीष देणी। तेरे इक वंशजे हमेशा तांई मेरे लोकां पर राजा दे रूपे च शासन करणा।" हमेशा तांई शासन करणे वाला सै दाऊद दा एकलोता वंशज मसीह था। मसीह परमेश्वरे दा चुणया होया जन था, जीनी संसारे दे लोकां जो उना दे पापां ला बचाणा।

![](https://cdn.door43.org/obs/jpg/360px/obs-en-17-08.jpg)

जालू दाऊदे नातान दे संदेशे जो सुणया तां उनी परमेश्वरे दा धन्यवाद किता कने उदी स्तुति किती। परमेश्वर उदिया प्रतिष्ठा जो बदा दा था कने उसयो मतियां आशीषां दे दा था। बेशक, दाऊद नी जाणदा था कि परमेश्वरे इना गल्लां जो कालू करणा। इस बकत असां जाणदे न कि इस्राएलियां जो इक लंबे बकते दीकर, लगभग 1,000 सालां दीकर मसीह दे ओंणे दा इन्तजार करणा पोणा।

![](https://cdn.door43.org/obs/jpg/360px/obs-en-17-09.jpg)

दाऊदे केई सालां दीकर अच्छे ला अपणे लोकां पर शासन किता। उनी बड़िया इमानदारी ला परमेश्वरे दियां गल्लां जो मनया कने परमेश्वरे उसयो आशीषित किता। पर उनी अपणिया जिन्दगिया दे आखरी दिना च उनी परमेश्वरे दे खिलाफ बड़ा बडा पाप किता था।

![](https://cdn.door43.org/obs/jpg/360px/obs-en-17-10.jpg)

एक दिन दाऊदे अपणे मेहले ला बाहर इक सुंदर जनानिया जो नोंदे दिखया। सै उसयो नी जाणदा था, पर उनी पता करी लिया कि उसा दा ना बतशेबा था।

![](https://cdn.door43.org/obs/jpg/360px/obs-en-17-11.jpg)

अपणिया नजरा जो फेरणे दे बदले, दाऊदे उसयो अपणे बाल लोणे तांई कुसी जो भेजया। सै उसा सोगी सुता कने उसा जो वापिस घरे जो भेजी दिता। थोड़े बकत दे बाद बतशेबा ऐ बोली करी दाऊदे बाल संदेश भेजया कि सै गर्भवती है।

![](https://cdn.door43.org/obs/jpg/360px/obs-en-17-12.jpg)

बतशेबा दा घरे बाला ऊरिय्याह ना दा इक माणु था। सै दाऊदे दे अच्छे सैनिकां चे एक था। उस बकत सै लड़ाई करणे तांई बाहर गिया था। दाऊदे ऊरिय्याह जो लड़ाईया ला बापिस सदी करी उसयो अपणिया घरे बालिया सोगी रेणे तांई बोलया। पर होर सैनिक लड़ाईया च ही थे इस तांई ऊरिय्याह घरे जाणे ला मना करी दिता। दाऊदे ऊरिय्याह जो बापिस लड़ाईया च भेजी दिता कने कने सेनापति ला उसयो लड़ाईया च उसा जगा च रखणे तांई बोलया जिथू दुशमण सारयां ला जादा शक्तिशाली होन ताकि सै मरी जाए। तां इयां ही होया कि ऊरिय्याह लड़ाईया च मरी गिया।

![](https://cdn.door43.org/obs/jpg/360px/obs-en-17-13.jpg)

ऊरिय्याह दे लड़ाईया च मरी जाणे बाद दाऊदे बतशेबा ने वियाह करी लिया। बादे च, उना दाऊदे दे पुत्रे जो जन्म दिता। दाऊदे जड़ा कितया उसला परमेश्वर बड़ा गुसा था, इस तांई उनी नातान परमेश्वरे दे संदेश देणे बाले जो दाऊदे जो ऐ दसणे तांई भेजया कि उदा पाप कितणा बुरा था। दाऊदे अपणे पापां दा पश्चाताप किता कने परमेश्वरे उसयो माफ करी दिता। अपणिया बाकी बचियो जिन्दगिया च, कने अपणे मुशकिल हालातां च भी दाऊद परमेश्वरे दे पिच्छे चलया कने उदियां गल्लां जो मनया।

![](https://cdn.door43.org/obs/jpg/360px/obs-en-17-14.jpg)

पर दाऊद दा बच्चा मरी गिया। इयां करीरी परमेश्वरे दाऊदे जो सजा दिती। दाऊदे दे मरणे दीकर, उदे अपणे परिवारे दे कुछ लोकां उदे खिलाफ लड़ाई लड़ी, कने दाऊदे दी अपणी शक्ति घटी गियो थी। पर परमेश्वर भरोसे दे लायक था कने हुण भी उनी सै किता जड़ा उनी दाऊदे ने करणे दा बायदा कितया था, भले ही दाऊदे उदा हुकम नी मनया था। बादे च, दाऊदे कने बतशेबा दी दुज्जी ओलाद पैदा होई, कने उना उदा ना सुलैमान रखया।

*1 शमूएल अध्याय 10; 15-19; 24; 31; 2 शमूएल 5; 7; 11-12 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_17_128kbps.m4a

## 18. इस्राएल देशे दा दो देशां च बटबारा

https://openbiblestories.org/l/bht/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजे चालियां सालां दीकर शासन किता। तालू सै मरी गिया, कने उदे पुत्रे सुलैमाने इस्राएले पर शासन करणा शुरू किता। परमेश्वरे सुलैमान ने गल्ल बात किती कने उसयो पूछया कि तीजो सारयां जादा क्या चाइदा है, कि परमेश्वर तेरे तांई करे। सुलैमाने परमेश्वरे ला मंगया कि सै उसयो बड़ा जादा बुद्धिमान बणाई दे। इसा गल्ला ला परमेश्वर खुश होया, इस तांई परमेश्वरे सुलैमान जो संसारे दा सारयां ला बुद्धिमान मर्द बणाई दिया। सुलैमाने मतियां गल्लां जो सिखया कने सै इक बुद्धिमान शासक था। परमेश्वरे उसयो बड़ा अमीर भी बणाई दितया था।

![](https://cdn.door43.org/obs/jpg/360px/obs-en-18-02.jpg)

यरूशलेम शेहरे च सुलैमाने उस मंदरे जो बणाया जिदे तांई उदे पिता योजना बणाईयो थी कने मंदरे दे समाने जो गठेरया था। हुण लोक मिलाप बाले तंबूऐ दे बजाए मंदरे च परमेश्वरे दी अराधना करदे थे कने उदे तांई बलि चढ़ादें थे। परमेश्वर आइकरी मंदरे च हाजिर रेंदा था, कने ओथु सै अपणे लोकां सोगी वास करदा था।

![](https://cdn.door43.org/obs/jpg/360px/obs-en-18-03.jpg)

पर सुलैमाने दुज्जे देशां दियां जनानियां ने प्यार किता। उनी मतियां, लगभग 1,000 जनानिया सोगी वियाह करीरी परमेश्वरे दे हुकमा जो तोड़या! इना चे मतियां जनानियां होर देशां ला आईयां थियां कने अपणे सोगी अपणे देवतयां जो भी लेई आइयां कने उना दियां पूजा करदियां रियां। जालू सुलैमान बुडा होई गिया तां उनी भी उना दे देवतयां दी पूजा किती।

![](https://cdn.door43.org/obs/jpg/360px/obs-en-18-04.jpg)

इसा बजा ला परमेश्वर सुलैमाने ला गुस्सा होई गिया था। परमेश्वरे उसयो सजा देणे तांई बोलया कि, उनी इस्राएल देशे जो दो राज्यां च बंडी देणा है। उनी ऐ सुलैमाने दे मरणे बाद ऐसा करणा।

![](https://cdn.door43.org/obs/jpg/360px/obs-en-18-05.jpg)

सुलैमान दे मरणे बाद, रहबाम राजा बणया। इस्राएल देशे दे सारे लोक उसयो अपणा राजा बणाणे तांई गिठे होए। उना रहबाम ला शिकायत किती कि सुलैमाने उना ला बड़ा जादा मेहनत कराईयो थी कने बड़े कर वसूलयो थे। उना रहबाम ला बिनती किती कि उना ला घट कम कराऐ।

![](https://cdn.door43.org/obs/jpg/360px/obs-en-18-06.jpg)

पर रहबामे बड़िया ही मूर्खता ला जवाब दिता, "तुसां बोलदे न कि मेरे पिता सुलैमाने तुहांजो ला बड़ी जादा मेहनत करवाई। पर मैं तुहांजो ला होर भी जादा मेहनत करवाणी कने मैं तुहांजो उसला भी जादा दुखी करणा।"

![](https://cdn.door43.org/obs/jpg/360px/obs-en-18-07.jpg)

जालू लोकां उसयो ऐसा बोलदे सुणया तां उना चे केइयां उदे खिलाफ बिरोध किता। दस गोत्रां उसयो छडी दिता; उदे सोगी हुण सिर्फ दो ही गोत्र बचयो थे। इना दो गोत्रां अप्पू जो यहूदा दा राज्य बोलया।

![](https://cdn.door43.org/obs/jpg/360px/obs-en-18-08.jpg)

बाकी दे दस गोत्रां यारोबाम नाऐ दे इक माणुऐ जो अपणा राजा बणाई लिया। ऐ गोत्र देशे दे उत्तर-पूर्वी हिस्से च थे। उना अप्पू जो इस्राएल दा राज्य बोलया।

![](https://cdn.door43.org/obs/jpg/360px/obs-en-18-09.jpg)

पर यारोबाम परमेश्वर दे खिलाफ चली गिया कने लोकां ला पाप करवाया। उनी अपणे लोकां ला पूजा करणे तांई दो मूर्तियां जो बणाया। सै हुण यहूदा दे राज्य च यरूशलेम शेहरे च परमेश्वरे दे मंदरे च उदी आराधना करणे तांई नी गे।

![](https://cdn.door43.org/obs/jpg/360px/obs-en-18-10.jpg)

यहूदा कने इस्राएल दे राज्य अप्पू चे दुशमण बणी गे कने हमेशा इक दुज्जे ने लड़ना लगी पे।

![](https://cdn.door43.org/obs/jpg/360px/obs-en-18-11.jpg)

इस्राएल दे नोऐ राज्य च, सारे ही राजा बुरे थे। इना चे केई राजा उना दिया जगा च राजा बणने दी इच्छा रखणे बाले इस्राएलियां मारी दिते थे।

![](https://cdn.door43.org/obs/jpg/360px/obs-en-18-12.jpg)

इस्राएल राज्य दे सारे ही राजयां कने जादातर लोकां मूर्तियां दी पूजा किती। जालू उना ऐसा किता, तां सै अक्सर बेश्यां सोगी सुते कने एथू दीकर कि केई बरी मूर्तियां अग्गे बच्चयां दियां बलियां भी दितियां।

![](https://cdn.door43.org/obs/jpg/360px/obs-en-18-13.jpg)

इस्राएल राज्य दे राजा, दाऊद दे वंशज थे। इना राजयां चे केई भले माणु थे, जीना अच्छे ने शासन किता कने परमेश्वरे दी आराधना किती। पर यहूदा दे सारे राजा बुरे थे। उना बुराईया ने शासन किता, कने मूर्तियां दी उपासना किती। एथू दीकर कि इना चे कुछ राजयां झूठे देवतयां अग्गे अपणे बच्चयां दी भी बलि देई दिती। यहूदा दे लगभग लोकां भी परमेश्वरे दे खिलाफ पाप किता कने होर देवतायां दी पूजा किती।

*1 राजा अध्याय 1-6; 11-12 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_18_128kbps.m4a

## 19. परमेश्वरे दे संदेश देणे बाले

https://openbiblestories.org/l/bht/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इस्राएलियां बाल परमेश्वरे दा संदेश देणे बालयां जो भेजदा रिया था। परमेश्वरे दा संदेश देणे बाले परमेश्वरे ला संदेशां जो सुणदे कने फिरी उसयो लोकां जो दसदे थे।

![](https://cdn.door43.org/obs/jpg/360px/obs-en-19-02.jpg)

जालू अहाब इस्राएल राज्य पर राजा था, तां उस बकत एलिय्याह परमेश्वरे दा संदेश देणे बाला था। अहाब इक बुरा माणु था। उनी झूठे बाल देवता दी पूजा करणे तांई लोकां जो मजबूर कितया था। इस तांई एलिय्याह अहाब जो बोलया कि परमेश्वर उना लोकां जो सजा देणा लगया। उनी उसयो बोलया, "जालू दीकर मैं दुबारा बरखा होणे तांई नी बोलें, तालू दीकर इस्राएल दे राज्य च बरखा नी होणी कने ना ही ओस पोणी।" इसा गल्ला पर अहाब जो इतणा गुस्सा आया कि उनी एलिय्याह जो मारी देणे दा फेसला करी लिया।

![](https://cdn.door43.org/obs/jpg/360px/obs-en-19-03.jpg)

इस तांई परमेश्वर एलिय्याह ने बोलया कि, सै बंणे जाई करी अहाब ला लुकी बो। एलिय्याह बंणे च उस तलाबे बाल गिया जिथू जाणे तांई परमेश्वरे उसयो बोलया था। हर भयागा कने हर शामी, पंछी एलिय्याह तांई रोटी कने मीट लेई करी ओंदे थे। इस पुरे बकत च, अहाब कने उदी सेना एलिय्याह जो तोपदे रे, पर उसयो तोपी नी सके।

![](https://cdn.door43.org/obs/jpg/360px/obs-en-19-04.jpg)

बरखा नी होणे दिया बजा ला कुछ बकत बाद सै तलाब सूकी गिया। इस तांई एलिय्याह बखे दे ही इकी देशे च चली गिया। उस देश च इक गरीब विधवा थी, जिसा दा इक पुत्र था। उना बाल अनाज लगभग मुकी चलया था क्योंकि ओथु कोई फसल नी थी। पर फिर भी, उना जनानिया एलिय्याह दी देखभाल किती, इस तांई परमेश्वरे उदी कने उसा दे पुत्रे दियां जरूरतां जो पूरा किता, इसा बजा ला उदे आटे दी डरमी कने उसा दे तेले दी केनी कदी खाली नी होई। उस पूरे अकाल दे बकत उना बाल अनाज था। एलिय्याह कुछ सालां दीकर ओथु रिया।

![](https://cdn.door43.org/obs/jpg/360px/obs-en-19-05.jpg)

साडे तीना सालां बाद, परमेश्वरे एलिय्याह ने बोलया कि उनी दुबारा ला बरखा करणी। उनी एलिय्याह जो इस्राएल दे राज्य च जाई करी अहाब ने गल्लां करणे तांई बोलया। इस तांई एलिय्याह अहाब बाल गिया। जालू अहाबे उसयो दिखया तां उनी बोलया, "अच्छा तू है, मुसीबत पैदा करणे बाला!" एलिय्याह जवाब दिता, "मुसीबत पैदा करणे बाला तां तू है! तू यहोवा जो छडी दितया है। सेई सच्चा परमेश्वर है, पर तू बाल देवता दी पूजा करा दा है। हुण तीजो इस्राएल राज्य दे सारे लोकां जो कर्मेल पहाड़े पर लेई करी ओंणा पोंणा।"

![](https://cdn.door43.org/obs/jpg/360px/obs-en-19-06.jpg)

कने सारे लोक कर्मेल पहाड़े पर गे। सै लोक भी आए जड़े बोलदे थे की असां बाल देवता दे संदेशां जो बोलदे न। बाल दे संदेश देणे बाले सारे 450 लोक थे। एलिय्याह लोकां ने बोलया, "कालू दीकर तुसां अपणे मना जो फेरी रखगे? अगर यहोवा परमेश्वर है तां उदी आराधना करा! अगर बाल परमेश्वर है, तां उदी पूजा करा!"

![](https://cdn.door43.org/obs/jpg/360px/obs-en-19-07.jpg)

तालू एलिय्याह बाल दे संदेशां जो देणे बालयां जो बोलया, "इक दांदे जो बलि करीरी उदे मिटे जो बलिदान होणे तांई इक वेदिया पर रखा, पर अग मत लांदे। उदे बाद मैं भी इयां ही करणा, कने इक लग वेदिया पर मैं उस मिटे जो रखणा। तालू अगर परमेश्वर वेदिया पर अग्ग सुटदा है, तां तुहांजो पता लगी जाणा कि सै सच्चा परमेश्वर है।" तालू बाल दे संदेश देणे बालयां बलिया जो तैयार कितया पर अग नी लाई।

![](https://cdn.door43.org/obs/jpg/360px/obs-en-19-08.jpg)

तालू बाल दे संदेश देणे बालयां बाल देवते ने प्रार्थना किती, "हे बाल, साड़ी सुण!" पूरे दिन उना प्रार्थना किती कने चिल्लाए कने एथू दीकर कि उना अपणे आपे जो चाकुआं ने बडी लिया, पर बाल देवते जवाब नी दिता, कने उनी कोई अग नी सुटी।

![](https://cdn.door43.org/obs/jpg/360px/obs-en-19-09.jpg)

बाल दे संदेश देणे बाले लगभग पूरा दिन प्रार्थना करदे रे। आखरी च उना प्रार्थना करणा बंद करी दिता। तालू एलिय्याह दुज्जे दांदे दे मिटे जो परमेश्वरे दिया वेदिया पर रखी दिता। उदे बाद, उनी लोकां जो बोलया कि पांणिऐ दे भरयो बडे-बडे बांडयां जो उस बलिया पर तालू दीकर नियोरदे रिया जालू दीकर कि मिटी, लकड़ियां, कने एथू दीकर कि वेदिया दे अखे बखे दी जगा सीजी ना जाए।

![](https://cdn.door43.org/obs/jpg/360px/obs-en-19-10.jpg)

तालू एलिय्याह प्रार्थना किती, "हे यहोवा, अब्राहम, इसहाक, कने याकूब दे परमेश्वर, सांझो दस कि तू इस्राएल दा परमेश्वर है कने ऐ कि मैं तेरा सेवक है। मिंजो जवाब दे जिसला कि इना लोकां जो पता लगे कि तू ही सच्चा परमेश्वर है।"

![](https://cdn.door43.org/obs/jpg/360px/obs-en-19-11.jpg)

तालू ही, अम्बरे ला आग पेई कने उना मिट, लकड़ियां, चट्टाना, मिट्टी, कने एथू दीकर कि वेदी दे अखे बखे दे पाणिऐ जो भी फुकी दिता। जालू लोकां ऐ दिखया, तां सै थले धरती पर डेई पे कने बोलणा लगे, "यहोवा ही परमेश्वर है! यहोवा ही परमेश्वर है!"

![](https://cdn.door43.org/obs/jpg/360px/obs-en-19-12.jpg)

तालू एलिय्याह बोलया, "बाल दा एक भी संदेश देणे बाला बची करी नी जाई सके!" इस तांई लोकां बाल दे संदेश देणे बालयां जो पकड़ी लिया कने उना जो ओथु ला लग लेई गे कने उना जो मारी दिता।

![](https://cdn.door43.org/obs/jpg/360px/obs-en-19-13.jpg)

तालू एलिय्याह अहाब राजा जो बोलया, "जट अपणे घरे जो नठी जा, क्योंकि बरखा होणे वाली है।" तालू ही बदल घणे होई गे, कने बड़ी भरी बारखा लगी पेई। यहोवा उस सूखे जो मुकाई दिता। इसला पता लगदा है कि यहोवा ही सच्चा परमेश्वर है।

![](https://cdn.door43.org/obs/jpg/360px/obs-en-19-14.jpg)

जालू एलिय्याह अपणे कम्म सारे मुकाई बेठा, तां परमेश्वरे एलीशा नाए दे इक माणुऐ जो अपणा संदेश देणे बाला चुणया। परमेश्वरे एलीशा दे जरिये मते चमत्कार किते। इक चमत्कार नामान सोगी होया। सै इक दुशमणे दिया सेना दा सरदार था, पर उसयो चमड़िया दा इक बुरा रोग होई गिया था। नामाने एलीशा दे बारे च सुणया था, इस तांई सै एलीशा बाल आया कने उसयो ठीक करणे तांई विनती किती। एलीशा नामान जो बोलया कि जाई करी यरदन नदिया दे पाणिऐ च सत बरी डुबकी लाई ले।

![](https://cdn.door43.org/obs/jpg/360px/obs-en-19-15.jpg)

नामान गुस्सा होई गिया। उनी ऐसा करणे ला मना करी दिता, क्योंकि ऐ उसयो मुर्खता दा कम लगा दा था। पर बादे च उनी अपणा मन बदली लिया कने जाइकरी यरदन नदिया दे पाणिऐ च सत बरी डुबकी लाई। जालू सै आखरी बरी पाणिऐ ला बाहर आया, तां परमेश्वरे उसयो ठीक करी दिता।

![](https://cdn.door43.org/obs/jpg/360px/obs-en-19-16.jpg)

परमेश्वरे इस्राएल दे लोकां बाल होर मते परमेश्वरे दे संदेश देणे बालयां जो भेजया। उना सारयां लोकां मूर्तियों दी पूजा करणा बंद करी देणे तांई बोलया। इदे बदले, उना जो इक दुज्जे सोगी अच्छे ला बर्ताव करणा चाइदी कने इक दुज्जे पर दया करणी चाइदा। उना संदेश देणे बालयां, लोकां जो चेतावनी दिती कि बुरे कम्मा जो करणा बंद करी दिया कने इदे बदले परमेश्वरे दियां गल्लां दा पालन करणा है। अगर उना लोकां इयां नी किता तां परमेश्वरे उना जो दोषी मनी करी उना दा न्याय करणा, कने उना जो सजा देणी।

![](https://cdn.door43.org/obs/jpg/360px/obs-en-19-17.jpg)

जादातार उना लोकां परमेश्वरे दे हुकमा दा पालन नी किता। हमेशा उना संदेश देणे बालयां सोगी बुरा व्यवहार किता कने एथू दीकर कि कदी-कदी उना जो मारी दिता। इक बरी, उना यिर्मयाह परमेश्वरे दे संदेश देणे बाले जो सुके खुऐ च सुटी दिता कने उसयो ओथु मरणे तांई छडी दिता। सै खुऐ दे तले च चिकड़े च फसी गिया। पर तालू राजा जो उस पर दया आई कने उनी अपणे सेनिकां जो आदेश दिता कि यिर्मयाह दे मरणे ला पेहले उस खुऐ ला बाहर कडी लेई ओआ।

![](https://cdn.door43.org/obs/jpg/360px/obs-en-19-18.jpg)

परमेश्वरे दे संदेश देणे बाले परमेश्वरे दिया तरफा ला बोलदे रे, भले ही लोकां उना ला नफरत किती। उना लोकां जो चेतावनी दिती कि अगर उना पश्चाताप नी किता, तां परमेश्वरे उना जो खत्म करी देणा। उना लोकां जो ऐ भी याद कराया कि परमेश्वरे उना बाल मसीह जो भेजणे दा बायदा कितया है।

*1 राजा अध्याय 16-18; 2 राजा 5; यिर्मयाह 38 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_19_128kbps.m4a

## 20. बंधुआई कने मुड़ना

https://openbiblestories.org/l/bht/story-20/

![](https://cdn.door43.org/obs/jpg/360px/obs-en-20-01.jpg)

इस्राएल दे राज्य कने यहूदा दे राज्य दोना परमेश्वरे दे खिलाफ पाप किता। उना उस बायदे जो तोड़ी दिता जड़ा परमेश्वरे उना सोगी सीनै पहाड़े पर कितया था। परमेश्वरे उना जो पश्चाताप करणे कने दुबारा ला उदी अराधना करणे तांई चेतावनी देणे तांई अपणे संदेश देणे बालयां जो भेजया, पर उना संदेश देणे बालयां दियां गल्लां जो मनणे ला मना करी दिता।

![](https://cdn.door43.org/obs/jpg/360px/obs-en-20-02.jpg)

परमेश्वरे उना दे दुशमणा जो उना जो नाश करणे दे काबिल करीरी उना दोना राज्यां जो सजा दिती। अश्शूर इक होर देश था, जड़ा बड़ा शक्तिशाली होई गिया था। सै दुज्जे देशां तांई बड़े निर्दयी थे। उना आईकरी इस्राएल दे राज्यां दा नाश करी दिता। अश्शूरियां आइकरी इस्राएल दे राज्य च मतयां जो मारी दिता, जिसयो दिल किता उसयो लूटी लिया, कने देशे दे केई हिस्सयां जो फुकी दिता।

![](https://cdn.door43.org/obs/jpg/360px/obs-en-20-03.jpg)

अश्शूरियां सारे अगुवां, अमीर लोकां, कने ऐसे लोकां जो जड़े कीमती चीजां जो बणाई सकदे थे, इक सोगी गठेरया कने सै उना जो अश्शूर देशे जो लेई गे। इस्राएल च सिर्फ कुछ गरीब इस्राएली ही बचे।

![](https://cdn.door43.org/obs/jpg/360px/obs-en-20-04.jpg)

फिर अश्शूरी लोक उस देशे च रेणे तांई विदेशियां जो लेई करी आए। उना विदेशियां उना शेहरां जो दुबारा ला बणाया। जड़े इस्राएली ओथु बचयो थे उना सोगी वियाह करी ले। इना लोकां दे वंशज सामरी दे।

![](https://cdn.door43.org/obs/jpg/360px/obs-en-20-05.jpg)

यहूदा दे राज्य दे लोकां दिखया कि कियां परमेश्वरे उस पर भरोसा नी करणे दिया बजा ला कने उदियां गल्लां जो नी मनणे दिया बजा ला इस्राएल दे राज्य दे लोकां जो सजा दिती थी। पर फिरी भी उना कनानियां दे देवतयां दियां मूर्तियां दी पूजा किती। परमेश्वरे उना जो चेतावनी देणे तांई अपणे संदेश देणे बालयां जो भेजया, पर उना सुणने ला मना करी दिता।

![](https://cdn.door43.org/obs/jpg/360px/obs-en-20-06.jpg)

लगभग 100 सालां बाद अश्शूरियां इस्राएल दे राज्य दा नाश करी दिता। परमेश्वरे बेबीलोन दे राजा, नबूकदनेस्सर जो यहूदा दे राज्य पर हमला करणे तांई भेजया। बेबीलोन इक शक्तिशाली देश था। यहूदा दा राजा नबूकदनेस्सर दा गुलाम बणने कने हर साल उसयो मते भरी पेसे देणे तांई राजी होई गिया।

![](https://cdn.door43.org/obs/jpg/360px/obs-en-20-07.jpg)

पर कुछ सालां बाद बाद, यहूदा दे राजा बेबीलोन दे खिलाफ बिद्रोह किता। कने बेबीलोनियां मुड़ी करी यहूदा दे राज्य पर हमला करी दिता। उना यरूशलेम शेहरे पर कब्जा करी लिया, मंदरे जो तोड़ी दिता, कने शेहर कने मंदरे दे खजाने जो लूटी लिया।

![](https://cdn.door43.org/obs/jpg/360px/obs-en-20-08.jpg)

बिद्रोह करणे दिया बजा ला यहूदा दे राजा जो सजा देणे तांई, नबूकदनेस्सर दे सैनिकां राजा दे पुत्रे जो उदे सामणे मारी दिता कने फिरी उसयो अन्ना करी दिता। इदे बाद, सै राजा जो लेइ गे कने उसयो बेबीलोन दिया जेला च बंद करी दिता ताकि सै ओथु ही मरी जा।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर कने उदी सेना यहूदा दे राज्य दे लगभग सारे ही लोकां जो बेबीलोन लेइ गे, सिर्फ सारयां ला गरीब लोकां को पीछे छडी गे ताकि सै खेतरां च फसल उगान। उस बकत जो बंधुआई दा काल बोलया, जिदे च परमेश्वरे लोकां जो बायदे दे देशे ला निकली जाणे तांई मजबूर करी दितया था।

![](https://cdn.door43.org/obs/jpg/360px/obs-en-20-10.jpg)

भले ही परमेश्वर अपणे लोकां जो उना दे पापां दी सजा देणे तांई गुलामी च लेई गिया था, तमी सै उना जो या अपणे लोकां जो नी भूलया था। परमेश्वर अपणे लोकां दी निगरानी करदा रिया कने अपणे संदेश देणे बालयां दे जरिए उना ने गल्लां करदा रिया। उनी बायदा किता कि सत्तर सालां बाद, उना दुबारा फिरी बायदे दे देशे जो चली जाणा।

![](https://cdn.door43.org/obs/jpg/360px/obs-en-20-11.jpg)

लगभग सत्तर सालां बाद, फारस दे राजा कुस्रूऐ बेबीलोन जो हराई दिता, इस तांई बेबीलोन दे साम्राज्य दे बदले फारस दे साम्राज्य केई देशां पर राज किता। इस्राएली लोकां जो हुण यहूदी बोलदे थे। उना चे मतयां अपणी पूरी जिन्दगी बेबीलोन च कटी सड़ी थी। सिर्फ कुछ बुडे यहूदियां जो यहूदा दे देश दी याद थी।

![](https://cdn.door43.org/obs/jpg/360px/obs-en-20-12.jpg)

फारसी लोक बड़े शक्तिशाली थे, पर उना अपणे जीतयो लोकां पर दया किती। फारसी लोकां दा राजा बणने दे थोड़े बकते बाद, कुस्रूऐ इक हुकम दिता कि कोई भी यहूदी जड़ा यहूदा जो बापिस जाणा चांदा है, सै फारस ला निकली करी बापिस यहूदा जो जाई सकदा है। एथू दीकर कि उनी उना जो मंदरे जो फिरी ला बणाणे तांई धन भी दिता। कने गुलामी दे सत्तर सालां बाद, यहूदियां दे थोड़े दे लोक यहूदा च यरूशलेम शेहरे जो मुड़ी करी आए।

![](https://cdn.door43.org/obs/jpg/360px/obs-en-20-13.jpg)

जालू सै लोक यरूशलेम च पुज्जे, तां उना मंदरे जो कने शेहरे दे चारों पासे दिया दीवारां जो दुबारा ला बणाया। फारसी लोक हले भी उना पर शासन करदे थे, पर इक बरी फिरी सै बायदे दे देशे च रे दे थे कने मंदरे च अराधना करा दे थे।

*2 राजा अध्याय 17; 24-25; 2 इतिहास 36; एज़्रा 1-10;*

Audio: https://git.door43.org/OBS-TLF/bht_obs/releases/download/v1/bht_obs_v1_20_128kbps.m4a

## 21. परमेश्वर मसीह दे ओणे दा बायदा करदा है

https://openbiblestories.org/l/bht/story-21/

![](https://cdn.door43.org/obs/jpg/360px/obs-en-21-01.jpg)

जालू परमेश्वरे संसारे दी सृष्टि किती थी, तालू सै जाणदा था, कि बादे च कुसी दिने उसयो मसीह जो भेजणा पोणा। उनी आदम कने हव्वा ने बायदा किता था कि उनी ऐसा करणा। उनी बोलया कि हव्वा ने इक वंशज पैदा होणा जिनी साँपे दे सिरे जो गरेचणा है। जिनी साँपे हव्वा जो धोखा दिता सै पक्का ही शैतान था। परमेश्वरे दिया इसा गल्ला दा मतलब था, कि मसीहे पुरे तरीके ला शैताने जो हराई देणा।

![](https://cdn.door43.org/obs/jpg/360px/obs-en-21-02.jpg)

परमेश्वरे अब्राहमे ने बायदा कितया थी कि उदे जरिये संसारे दियां सारियां जातियां जो आशीष मिलणी। परमेश्वरे बादे च मसीह जो भेजी करी इसा प्रतिज्ञा जो पूरा करणा। उनी मसीहे संसारे दिया हर इक जाति चे लोकां जो उना दे पापां ला छुड़ाणा।

![](https://cdn.door43.org/obs/jpg/360px/obs-en-21-03.jpg)

परमेश्वरे मूसा ने बायदा कितया था कि भविष्य च उनी मूसा सांई इक होर परमेश्वरे दे संदेश देणे बाले जो भेजणा। ऐ परमेश्वरे दा संदेश देणे बाला मसीह होणा। इयां, परमेश्वरे दुबारा ला बायदा किता कि उनी मसीह जो भेजणा।

![](https://cdn.door43.org/obs/jpg/360px/obs-en-21-04.jpg)

परमेश्वरे राजा दाऊदे ने बायदा किता था कि उदा इक वंशज मसीह होणा। सै राजा होणा कने परमेश्वरे लोकां पर हमेशा तांई शासन करणा।

![](https://cdn.door43.org/obs/jpg/360px/obs-en-21-05.jpg)

परमेश्वरे यिर्मयाह परमेश्वरे दे संदेश देणे बाले ने गल्ल किती कने बोलया कि इक दिन उनी इक नोआ बायदा करणा। सै नोआ बायदा इस्राएल सोगी सीनै पहाड़े पर कितयो पुराणे बायदे सांई नी होणा। जालू लोकां सोगी उनी अपणी नोईया वाचा जो बनणा, तां उनी उना पर अप्पू जो व्यक्तिगत रूप च प्रकट करणा। हर इक जणे उसने प्यार रखणा कने उदिया व्यवस्था दा पालन करणे दी इच्छा रखणी। परमेश्वरे बोलया कि ऐ उदिया व्यवस्था दा उना दे दिलां पर लिखणे सांई होणा। सै उदे लोक होणे, कने परमेश्वरे उदे पापां जो माफ करणा। सै मसीह होणा जिनी उना सोगी उस नोऐ बायदे जो करणा।

![](https://cdn.door43.org/obs/jpg/360px/obs-en-21-06.jpg)

परमेश्वरे दे संदेश देणे बालयां ऐ भी बोलया कि मसीह इक परमेश्वरे दा संदेश देणे बाले होणा। इक संदेश देणे बाला सै माणु है, जड़ा परमेश्वरे दे वचना जो सुणदा है कने फिरी लोकां जो परमेश्वरे दे संदेशां जो दसदा है। जिसयो भेजणे दी परमेश्वरे प्रतिज्ञा कितियो थी, सै मसीह इक सिद्ध परमेश्वरे दा संदेश देणे बाला होणा। मतलब कि मसीहे परमेश्वरे दे संदेशां जो अच्छे ने सुणना, कने उनी लोकां जो उना संदेशां जो डंगे ने सिखाणा।

![](https://cdn.door43.org/obs/jpg/360px/obs-en-21-07.jpg)

इस्राएली याजक लोकां तांई परमेश्वरे अग्गे बलि चढ़ादे रे। ऐ बलियां लोकां जो उना दे कितयो पापां दिया सजा ला बचणे तांई परमेश्वरे जो चढ़ादें थे। याजकां लोकां तांई प्रार्थना भी किती। पर सै मसीह सिद्ध महायाजक होणा, जिनी परमेश्वरे जो देणे तांई इक सिद्ध बलि दे रूपे च अपणे आपे जो चढ़ाई देणा। मतलब कि उनी कदी पाप नी करणा कने जालू उनी अपणे आपे जो बलि होणे तांई देणा, तालू संसारे दी कोई भी होर बलि जरूरी नी होणी।

![](https://cdn.door43.org/obs/jpg/360px/obs-en-21-08.jpg)

लोकां पर राजा कने प्रधान शासन करदे न, कने कदी-कदी सै गलतियां करदे न। राजा दाऊदे सिर्फ इस्राएलियां पर शासन किता, पर राजा दाऊदे दे वंशजे मसीहे पूरे संसारे पर शासन करणा, कने उनी हमेशा तांई शासन करणा। इदे इलाबा उनी हमेशा न्याय ने शासन करणा, कने सही फेसले लेणे।

![](https://cdn.door43.org/obs/jpg/360px/obs-en-21-09.jpg)

परमेश्वरे दे संदेश देणे बालयां मसीह दे बारे च मतियां गल्लां बोलियां। उदाहरण तांई, मलाकिए बोलया कि मसीह दे आणे ला पेहले इक होर परमेश्वरे दा संदेश देणे बाले ओणा। सै परमेश्वरे दा संदेश देणे बाला बड़ा जरूरी होणा। इदे इलावा, यशायाह परमेश्वरे दा संदेश देणे बाले लिखया कि मसीहे इक कुआरिया ला पैदा होणा। कने मीका परमेश्वरे दे संदेश देणे बाले बोलया कि मसीहे बैतलहम शेहरे च जन्म लेणा।

![](https://cdn.door43.org/obs/jpg/360px/obs-en-21-10.jpg)

यशायाह परमेश्वरे दा संदेश देणे बाले बोलया कि मसीहे गलील दे इलाके च रेणा। कने जड़े लोक बड़े दुखी न, मसीहे उना जो शान्ति देणी। उनी कैदियां जो भी आजाद करणा। मसीहे बीमारां जो कने जड़े सुणी नी सकदे, दिखी नी सकदे, बोली नी सकदे, या चली नी सकदे उना जो भी ठीक करणा।

![](https://cdn.door43.org/obs/jpg/360px/obs-en-21-11.jpg)

यशायाह परमेश्वरे दे संदेश देणे बाले ऐ भी बोलया कि लोकां मसीह ने नफरत करणी कने उसयो अपनाणे ला मना करी देणा। होर परमेश्वरे दे संदेश देणे बालयां बोलया कि मसीहे दे इक साथिए उदे खिलाफ होणा। जकर्याह परमेश्वरे दे संदेश देणे बालयां बोलया कि उदे इनी साथिऐ ऐसा करणे तांई दुज्जे लोकां ला चाँदी दे ती सिक्के लेणे। इदे इलावा, कुछ परमेश्वरे दे संदेश देणे बालयां बोलया कि लोकां मसीहे जो मारी देणा, कने ऐ कि उना उदे कपड़यां तांई जुआ खेलणा।

![](https://cdn.door43.org/obs/jpg/360px/obs-en-21-12.jpg)

परमेश्वरे दे संदेश देणे बालयां ऐ भी दसया कि मसीहे कियां मरणा। यशायाहे भविष्यद्वाणी किती कि लोकां मसीह पर थूकेणा, उदा मजाक उड़ाणा, कने उसयो कुटणा। उना उसयो बिनी देणा कने बड़े दुखां कने पीड़ा बाद उनी मरी जाणा, कने उनी कुछ भी गलत नी कितया होणा।

![](https://cdn.door43.org/obs/jpg/360px/obs-en-21-13.jpg)

परमेश्वरे दे संदेश देणे बालयां ऐ भी दसया कि मसीहे पाप नी करणा। उनी सिद्ध होणा। पर उनी इस तांई मरणा क्योंकि परमेश्वरे उसयो होर लोकां दे पापां तांई सजा देणी। उदे मरणे ला लोकां परमेश्वरे सोगी मेल करी सकणा। इसी तांई परमेश्वर चांदा था कि मसीह मरे।

![](https://cdn.door43.org/obs/jpg/360px/obs-en-21-14.jpg)

परमेश्वरे दे संदेश देणे बालयां ऐ भी दसया कि परमेश्वरे मसीह जो मरयां चे जिन्दा करणा। ऐ इसा गल्ला जो दसदा है कि ऐ सब कुछ नोऐ बायदे जो करणे दी परमेश्वरे दी योजना थी, ताकि सै उना लोकां जो बचाई सके जिना उदे खिलाफ पाप कितया है।

![](https://cdn.door43.org/obs/jpg/360px/obs-en-21-15.jpg)

परमेश्वरे दे संदेश देणे बालयां पर मसीह दे बारे च मतियां गल्लां जो प्रकट किता, पर मसीह उना परमेश्वरे दे संदेश देणे बालयां चे कुसी दे भी जिन्दे जी नी आया था। इना परमेश्वरे दे संदेश देणे बालयां दे संदेश देणे दे 400 ला जादा सालां बाद, सही बकते पर, परमेश्वरे मसीह जो इस संसारे च भेजया।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_21_128kbps.m4a

## 22. यूहन्ना दा जन्म

https://openbiblestories.org/l/bht/story-22/

![](https://cdn.door43.org/obs/jpg/360px/obs-en-22-01.jpg)

अतीत च, परमेश्वरे अपणे संदेश देणे बालयां सोगी गल्लां कीतियां थियां, इस तांई सै लोकां ने गल्ल करी सके थे। पर उनी उस बकत ला लेई करी फिरी 400 साल होणे दीकर उनी उना सोगी गल्ल नी किती। तालू परमेश्वरे जकर्याह ना दे संदेश देणे बाले बाल इक स्वर्गदूते जो भेजया। जकर्याह कने उदी घरे बाली एलीशिबा परमेश्वरे दी इज्जत करदे थे। सै बड़े बुडे होई गियो थे, कने उना दे कोई बच्चा नी होया था।

![](https://cdn.door43.org/obs/jpg/360px/obs-en-22-02.jpg)

उनी स्वर्गदूते जकर्याह जो बोलया, "तेरिया घरे बालिया इक पुत्र जमणा। तू उदा ना यूहन्ना रखयां। परमेश्वरे उसयो पवित्र आत्मा ने परिपूर्ण करणा, कने यूहन्ना लोकां जो मसीह जो अपनाणे तांई तैयार करणा।" जकर्याहे जवाब दिता, "मैं कने मेरी घरे बाली बच्चा पैदा करणे तांई बड़े बुडे न! मैं कियां मनी लें कि तुसां मिंझो ने सच बोला दे न?"

![](https://cdn.door43.org/obs/jpg/360px/obs-en-22-03.jpg)

उस स्वर्गदूते जकर्याह जो जवाब दिता, "तेरे बाल इस शुभ संदेशे जो देणे तांई मिंजो परमेश्वरे भेजया। क्योंकि तू मिंजो पर भरोसा नी किता, इस तांई जालू दीकर बच्चे दा जन्म नी होई जांदा तू बोली सकणा।" तालू ही, जकर्याह दा बोलणा बंद होई गिया था। तालू सै स्वर्गदूत जकर्याह दे बखे ला चली गिया। इदे बाद, जकर्याह घरे जो मुड़ी आया कने उदी घरे बाली गर्भवती होई।

![](https://cdn.door43.org/obs/jpg/360px/obs-en-22-04.jpg)

जालू एलीशिबा छे महीने दी गर्भवती थी, तां सेई स्वर्गदूत चाण चक एलीशिबा दे रिश्तेदारे पर प्रकट होया, जिदा ना मरियम था। मरियम कुँआरी थी कने वियाह होणे तांई यूसुफ नाऐ दे माणुऐ सोगी उदी मंगणी होई गियो थी। स्वर्गदूते बोलया, "तू गर्भवती होणा कने इक पुत्र जमणा। तु उदा ना यीशु रखयां। सै सर्व-शक्तिमान परमेश्वरे दा पुत्र होणा कने उनी सदा तांई शासन करणा।"

![](https://cdn.door43.org/obs/jpg/360px/obs-en-22-05.jpg)

मरियमा जवाब दिता, "ऐ कियां होणा, क्योंकि मैं तां कुँआरी है?" उनी स्वर्गदूते समझाया, "पवित्र आत्मा तीजो पर ओणा, कने परमेश्वरे दिया शक्तिया तीजो पर छां करणी। इस तांई सै बच्चा पवित्र होणा, कने सै परमेश्वरे दा पुत्र होणा।" जड़ा उनी स्वर्गदूते बोलया उस पर मरियमा भरोसा किता।

![](https://cdn.door43.org/obs/jpg/360px/obs-en-22-06.jpg)

ऐ होणे बाद ही, मरियमा जाई करी एलीशिबा ने मिल्ली। जियां ही मरियमा उसयो नमस्कार किता, एलीशिबा दा बच्चा पेटे अंदर उछलया। उना तांई परमेश्वरे जड़ा कितया था उदे तांई सै दोनों जनानियां खुश होइयां। एलीशिबा सोगी तिन महीने रेणे बाद, मरियम घरे जो मुड़ी आई।

![](https://cdn.door43.org/obs/jpg/360px/obs-en-22-07.jpg)

इदे बाद, एलीशिबा अपणे बच्चे जो जन्म दिता। जकर्याह कने एलीशिबा उस बच्चे दा ना यूहन्ना रखया, जदिया कि उनी स्वर्गदूते बोलया था। तालू परमेश्वरे जकर्याह जो ठीक करी दिता कने सै बोलणा लगी पिया। जकर्याह बोलया, "परमेश्वरे दी स्तुति हो, क्योंकि उनी अपणे लोकां दी मदद करणा याद रखया है! हे मेरे पुत्र, तू सर्व-शक्तिमान परमेश्वरे दा संदेश देणे बाला होणा। तू लोकां जो दसणा है कि सै कियां अपणे पापां तांई माफी मंगी सकदे न! "

*लूका अध्याय 1 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_22_128kbps.m4a

## 23. यीशु दा जन्म

https://openbiblestories.org/l/bht/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाए दे इक धर्मी माणुऐ सोगी मरियम दी मंगणी होई गियो थी। जालू उनी सुणया कि मरियम गर्भवती है तां सै जाणदा था कि सै उदा बच्चा नी है। पर सै मरियम जो बदनाम नी करणा चांदा था, इस तांई उनी उसा जो चुपचाप तलाख देणे दी सोची। पर इसला पेहले कि सै ऐसा करदा, इक स्वर्गदूते उदे सुपने च आई करी उसने गल्ल किती।

![](https://cdn.door43.org/obs/jpg/360px/obs-en-23-02.jpg)

उनी स्वर्गदूते बोलया, "हे यूसुफ, मरियम जो अपणी लाड़ी बणाणे ला मत डर। उदे अंदर जड़ा बच्चा है सै पवित्र आत्मा दिया तरफा ला है। उना इक पुत्रे जो जन्म देणा। उदा ना यीशु रखयां (जिदा मतलब है, 'यहोवा बचादां है'), क्योंकि उनी लोकां जो उना दे पापां ला बचाणा।"

![](https://cdn.door43.org/obs/jpg/360px/obs-en-23-03.jpg)

कने यूसुफे मरियम सोगी वियाह करी लिया कने उसा जो अपणी लाड़ी बणाई करी घरे जो लेई आया, पर बच्चा होणे दीकर सै उसा सोगी नी सुता।

![](https://cdn.door43.org/obs/jpg/360px/obs-en-23-04.jpg)

जालू मरियमा दा बच्चा जमणे दा बकत नेड़े आया था, तालू उना कने यूसुफे बैतलहम शेहरे जो जाणे दा इक लम्बा सफर किता। उना जो ओथु जाणा ही था, क्योंकि रोमी अधिकारी इस्राएल च रेणे वाले सारे लोकां दी गिणती करणा चांदे थे। सै चांदे थे कि सारे लोक ओथु जान जिथू उना दे पूर्वज रेंदे थे। राजा दाऊदे दा जन्म बैतलहम शेहरे च होया था, कने सै मरियम कने यूसुफ दोनों दा पूर्वज था।

![](https://cdn.door43.org/obs/jpg/360px/obs-en-23-05.jpg)

मरियम कने यूसुफ बैतलहम शेहरे च गे, पर ओथु इक गुराला जो दे इलाबा उना जो रेणे तांई कोई जगा नी मिल्ली थी। सेई जगा थी, जिथू मरियमा अपणे बच्चे जो जन्म दिता। उना उसयो खुरलिया च सुआया, क्योंकि ओथु उदे तांई कोई बिस्तर नी था। उना उदा ना यीशु रखया।

![](https://cdn.door43.org/obs/jpg/360px/obs-en-23-06.jpg)

उसा राती, ओथु बखे ही खेतरे च कुछ पुआल अपणिया भेडां दी रखवाली करा दे थे। अचानक, इक चमकदार स्वर्गदूत उना पर प्रकट होया, कने सै डरी गे। उनी स्वर्गदूते बोलया, "मत डरा, क्योंकि मेरे बाल तुहाड़े तांई शुभ संदेश है। बैतलहम शेहरे च मसीह दा जन्म होया है!"

![](https://cdn.door43.org/obs/jpg/360px/obs-en-23-07.jpg)

जाई करी उस बच्चे जो तोपा, कने तुहांजो सै कपड़े च लुपटोया कने खुरलिया च सुतया मिलणा।" चाण चक, अम्बर स्वर्गदूतां ने भरुई गिया। सै परमेश्वरे दी स्तुति करा दे थे। उना बोलया, "सारी महिमा स्वर्गे च विराजमान परमेश्वरे जो मिल्ले। धरती पर उना लोकां च शान्ति हो जिना दी सै चिन्ता करदा है!"

![](https://cdn.door43.org/obs/jpg/360px/obs-en-23-08.jpg)

तालू स्वर्गदूत चली गे। सै पुआल भी अपणियां भेडां जो छडी करी बच्चे जो दिखणा गे। थोड़िया देरा बाद ही सै उसा जगा पर पुज्जे जिथू यीशु था कने उना उसयो खुरलिया च लेटया दिखया, जदिया उनी स्वर्गदूते बोलया था। सै बड़े खुश थे। तालू सै पुआल बापस मुड़ी आए जिथू उना दियां भेडां थियां। उना जड़ा कुछ भी सुणया कने दिखया उस तांई सै परमेश्वरे दी स्तुति करा दे थे।

![](https://cdn.door43.org/obs/jpg/360px/obs-en-23-09.jpg)

पूर्व च दूर इक देशे च कुछ आदमी थे। सै तारयां दे बारे च जाणदे थे कने सै बड़े बुद्धिमान थे। उना इक अजीव तारे जो अम्बरे च दिखया। उना बोलया कि इदा मतलब है कि यहूदियां दे इक नोए राजे दा जन्म होया है। इस तांई उना उस बच्चे जो दिखणे तांई अपणे देशे ला यात्रा करणे दा फेसला किता। एक लंबी यात्रा दे बाद, सै बैतलहम शेहरे च आऐ कने उस घरे जो आए जिथू यीशु कने उदे माता-पिता रे दे थे।

![](https://cdn.door43.org/obs/jpg/360px/obs-en-23-10.jpg)

जालू इना आदमियां यीशुऐ जो अपणिया माऊ सोगी दिखया तां उना गोडयां भार बेई करी उदी आराधना किती। उना यीशुऐ जो कीमती तौफे दिते। फिरी सै चली गे।

*मत्ती अध्याय 1; लूका 2 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_23_128kbps.m4a

## 24. यूहन्ना यीशु जो बपतिस्मा दिंदा है

https://openbiblestories.org/l/bht/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा कने जकर्याह दा पुत्र यूहन्ना, बडा होई करी एक परमेश्वरे दा संदेश देणे बाला बणी गिया। सै बणे च रेंदा था, कने जंगली मखिर कने टिड्डियां खांदा था, कने उंटे दे रोमे ने बणयो कपड़े पेहनदा था।

![](https://cdn.door43.org/obs/jpg/360px/obs-en-24-02.jpg)

मते भरी लोक यूहन्ना दियां गल्लां सुणने तांई बणे च आए। उनी उना जो ऐ बोलीकरी प्रचार किता कि, "पश्चाताप करा, क्योंकि स्वर्गे दा राज्य नेड़े है!"

![](https://cdn.door43.org/obs/jpg/360px/obs-en-24-03.jpg)

जालू लोकां यूहन्ना दे संदेश जो सुणया, तां उना चे मतयां अपणे पापां ला पश्चाताप किता, कने यूहन्ना उना जो बपतिस्मा दिता। यूहन्ना जो दिखणे तांई बड़े धार्मिक अगुवे भी आए, पर उना अपणे पापां ला पश्चाताप नी किता।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक अगुवों जो बोलया, "हे जहरीले सपों! पश्चाताप करा कने अपणे व्यवहारे जो बदला। परमेश्वरे उना सारे रुखां जो बडी देणा है जड़े खरा फल नी दिंदे, कने उनी उना जो अग्गी च सुटी देणा।" जड़ा परमेश्वरे दा संदेश देणे बालयां बोलया था यूहन्ना उसयो पूरा किता, "दिख, जल्दी ही मैं तेरे अग्गे अपणे संदेश देणे बाले जो भेजणा है, जिनी तेरे तांई रस्ता तैयार करणा।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवयां यूहन्ना ला पूछया कि क्या सै मसीह है। यूहन्ना जवाब दिता, "मैं मसीह नी है, पर उनी मेरे बाद ओणा है। सै इतना महान है कि मैं उदे जूतयां दे तस्मयां खोलणे दे भी काबिल नी है।"

![](https://cdn.door43.org/obs/jpg/360px/obs-en-24-06.jpg)

अगले दिने, यीशु बपतिस्मा लेणे तांई यूहन्ना बाल आया। जालू यूहन्ना उसयो दिखया, तां उनी बोलया, "दिखा! परमेश्वरे दा मेमना जिनी संसारे दे पापां जो चुकी करी लेई जाणा।"

![](https://cdn.door43.org/obs/jpg/360px/obs-en-24-07.jpg)

यूहन्ना यीशुऐ ने बोलया, "मैं तीजो बपतिस्मा देणे दे काबिल नी है। जरूरी ऐ है कि तू मिंजो बपतिस्मा दे।" पर यीशुऐ बोलया, "तीजो मिंजो बपतिस्मा देणा चाइदा, क्योंकि करणे तांई ठीक कम्म ऐई है।" फिरी यूहन्ना उसयो बपतिस्मा दिता, कने यीशुऐ कदी भी पाप नी कितया था।

![](https://cdn.door43.org/obs/jpg/360px/obs-en-24-08.jpg)

बपतिस्मा लेणे बाद जालू यीशु पाणिऐ ला बाहर आया, तां परमेश्वरे दी आत्मा कबूतरे दे रूपे च प्रकट होई कने थले आई करी उस पर रुकी गेई। तालू ही, परमेश्वरे स्वर्ग ला गल्ल किती। उनी बोलया, "तू मेरा पुत्र है। मैं तीजो ला प्यार करदा है, कने मैं तीजो ला खुश है।"

![](https://cdn.door43.org/obs/jpg/360px/obs-en-24-09.jpg)

परमेश्वरे यूहन्ना ला बोलया था, "पवित्र आत्मा आई करी कुसी पर रुकी जाणा जिसयो तू बपतिस्मा देणा।" सेई परमेश्वरे दा पुत्र है परमेश्वर इक ही है। पर जालू यूहन्ना यीशुऐ जो बपतिस्मा दिता, तां उनी परमेश्वर पिता जो गल्लां करदे सुणया, पुत्र परमेश्वरे जो दिखया, जड़ा कि यीशु है, कने उनी पवित्र आत्मा जो दिखया।

*मत्ती अध्याय 3; मरकुस 1:9-11; लूका 3:1 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_24_128kbps.m4a

## 25. शैतान यीशुऐ दी परीक्षा लेंदा है

https://openbiblestories.org/l/bht/story-25/

![](https://cdn.door43.org/obs/jpg/360px/obs-en-25-01.jpg)

यीशु दा बपतिस्मा होणे बाद तालू ही, पवित्र आत्मा उसयो बणे च लेई गिया। यीशु ओथु चाली दिन कने चाली राती रिया था। उना दिना उनी बरत रखे, कने शैताने यीशुऐ बाल आई करी पाप कराणे तांई उदी परीक्षा लेई।

![](https://cdn.door43.org/obs/jpg/360px/obs-en-25-02.jpg)

पेहले, शैताने यीशुऐ जो बोलया, "अगर तू परमेश्वरे दा पुत्र है तां इन पत्थरां जो रोटी बणाई दे ताकि तू खाई सके!"

![](https://cdn.door43.org/obs/jpg/360px/obs-en-25-03.jpg)

पर यीशुऐ शैताने जो बोलया, "परमेश्वरे दे वचन च ऐ लिखया है, 'जिन्दा रेणे तांई माणुऐ जो सिर्फ रोटी दी जरूरत नी है, पर उसा हर गल्ला दी जरूरत है जड़ा परमेश्वर उना जो बोलदा है!'"

![](https://cdn.door43.org/obs/jpg/360px/obs-en-25-04.jpg)

तालू शैतान यीशुऐ जो मंदरे दी सारयां ला उच्चिया जगा पर लेई गिया। उनी यीशुऐ जो बोलया, "अगर तू परमेश्वरे दा पुत्र है तां एथू ला ही थले छाल मारी दे, क्योंकि लिखया है, 'परमेश्वरे तीजो बचाणे तांई अपणे स्वर्गदूतां जो हुकम देणा कि तेरे पैरां च पत्थरे ने चोट ना लग्गे।'"

![](https://cdn.door43.org/obs/jpg/360px/obs-en-25-05.jpg)

पर यीशुऐ सै नी किता जड़ा शैताने उसयो करणे तांई बोलया था। इदे बदले, उनी बोलया, "परमेश्वर हर इकी जो बोलदा है, 'तू अपणे परमेश्वरे दी परीक्षा मत लेंदा।'"

![](https://cdn.door43.org/obs/jpg/360px/obs-en-25-06.jpg)

फिरी शैताने उसयो संसार दे सारे राज्य दस्से। उनी उसयो दसया कि सै कितणे शक्तिशाली थे, कने सै कितणे खरे थे। उनी यीशुऐ जो बोलया, "मैं तीजो ऐ सब दिंगा अगर तू गोडे भार बेई करी मेरी भक्ति करे।"

![](https://cdn.door43.org/obs/jpg/360px/obs-en-25-07.jpg)

यीशुऐ जवाब दिता, "हे शैतान, मेरे बखे ला चली जा! परमेश्वरे दे वचने च सै लोकां जो हुकम दिंदा है, 'सिर्फ अपणे प्रभु परमेश्वरे दी आराधना करा। परमेश्वरे दे रूपे च सिर्फ उदा ही आदर करा।'"

![](https://cdn.door43.org/obs/jpg/360px/obs-en-25-08.jpg)

यीशुऐ शैताने दिया परीक्षा ला हार नी मनी, इस तांई शैतान उदे बखे ला चली गिया। तालू स्वर्गदूत आई करी यीशुऐ दी सेवा करणा लगे।

*मत्ती अध्याय 4:1-11; मरकुस 1:12-13; लूका 4:1-13 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_25_128kbps.m4a

## 26. यीशु अपणी सेवा शुरू करदा है

https://openbiblestories.org/l/bht/story-26/

![](https://cdn.door43.org/obs/jpg/360px/obs-en-26-01.jpg)

शैताने ला परीक्षा लेणे बाद बाद, यीशु वापिस गलील दे इलाके च आया। ऐई सै जगा है जिथू सै रेंदा था। पवित्र आत्मा उसयो बड़ी शक्ति दे दा था, कने यीशु इकी जगा ला दुज्जी जगा जो गिया कने लोकां जो शिक्षा दिती। सारयां उदे बारे च खरियां गल्लां कीतियां।

![](https://cdn.door43.org/obs/jpg/360px/obs-en-26-02.jpg)

यीशु नासरत शेहरे च गिया। ऐ सै ग्रां है, जिथू सै छोटे होंदे रेंदा था। सब्त दे दिने, सै आराधना करणे दिया जगा पर गया। अगुवयां उसयो यशायाह परमेश्वरे दा संदेश देणे बाले दी इक कताब दिती। सै चांदे थे कि सै उसा कताबा चे पढ़े। कने यीशुऐ उसा कताबा जो खोली करी उदे इक हिस्से जो लोकां तांई पढ़या।

![](https://cdn.door43.org/obs/jpg/360px/obs-en-26-03.jpg)

यीशुऐ पढ़या, "परमेश्वरे मिंजो अपणा आत्मा दितया है ताकि मैं कंगालां च शुभसमाचार दा प्रचार करी सकें। उनी मिंजो इस तांई भेजया है कि कैदियों जो आजाद करां, अनन्यां जो ह्खी दें, कने उना जो छुटकारा दें जीना जो दुज्जे लोक सता दे न। ऐ सै बकत है जालू परमेश्वरे सांझो पर दया करणी कने साड़ी सहायता करणी।"

![](https://cdn.door43.org/obs/jpg/360px/obs-en-26-04.jpg)

फिरी यीशु बेई गिया। सारे लोक उसयो बड़े ध्याने ला दिखा दे थे। सै जाणदे थे कि पवित्रशास्त्र दा जड़ा हिस्सा उनी हुण पढ़या था सै मसीह दे बारे च था। यीशुऐ बोलया, "जड़ियां गल्लां मैं हुण तुहाड़े तांई पढ़ियां न, सै इस बकत होआ दियां न।" सारे लोक हेरान थे। उना बोलया, "क्या ऐ यूसुफे दा पुत्र नी है?"

![](https://cdn.door43.org/obs/jpg/360px/obs-en-26-05.jpg)

तालू यीशुऐ बोलया, "ऐ सच है कि लोक कुसी ऐसे संदेश देणे बाले जो नी अपनांदे जड़ा उना दे शेहरे च पलया-बडूया हो। एलिय्याह परमेश्वरे दा संदेश देणे बाले दे बकते च, इस्राएल च मतियां विधवा जनानियां थियां। पर जालू साढ़े तिना सालां दीकर बरखा नी होई तां परमेश्वरे एलिय्याह जो इस्राएल च कुसी विधवा दी सहायता करणे तांई भेजया। इदे बजाए, उनी एलिय्याह जो कुसी होर देशे दियां विधवा बाल भेजा।"

![](https://cdn.door43.org/obs/jpg/360px/obs-en-26-06.jpg)

यीशु बोलदा रिया, "कने एलीशा परमेश्वरे दे संदेश देणे बाले दे बकते च, इस्राएल च मते लोक चमड़िया दे रोगे ने बीमार थे। पर एलीशा उना चे कुसी जो भी ठीक नी किता। उनी सिर्फ इस्राएल दे दुशमणा दे सेनापति नामान जो ठीक किता।" पर जड़े लोक यीशु जो सुणा दे थे सै यहूदी थे। इस तांई जालू उना उसयो ऐ बोलदे सुणया तां सै उस पर गुस्सा होए।

![](https://cdn.door43.org/obs/jpg/360px/obs-en-26-07.jpg)

नासरत दे लोकां यीशुऐ जो पकड़ी लिया कने उसयो आराधना दिया जगा ला घसीटी करी बाहर लेई गे। सै उसयो मारी देणे तांई थले फेंकणे जो इक चट्टाना पर लेई गे। पर यीशु भिड़ा चे निकली गिया कने नासरत शेहरे जो छडी करी चली गिया।

![](https://cdn.door43.org/obs/jpg/360px/obs-en-26-08.jpg)

फिरी यीशु सारे गलील दे इलाक्यां च गिया, कने बड़ी भीड़ उदे बाल आई। सै ऐसे मते लोकां जो लेई करी आए जड़े बीमार कने विकलांग थे। उना चे कुछ दिखी, चली, सुणी या बोली नी सकदे थे, कने यीशुऐ उना जो ठीक किता।

![](https://cdn.door43.org/obs/jpg/360px/obs-en-26-09.jpg)

इदे ईलावा, मते ऐसे लोक यीशुऐ बाल आए, जिना च बुरियां आत्मा थियां। यीशुऐ उना चे बुरियां आत्मा जो निकली जाणे दा हुकम दिता। सै बुरियां आत्मा हमेशा चिल्लादियां थियां, "तू परमेश्वरे दा पुत्र है!" भिड़ा दे लोक हेरान थे, कने उना परमेश्वरे दी स्तुति किती।

![](https://cdn.door43.org/obs/jpg/360px/obs-en-26-10.jpg)

फिरी यीशुऐ बारहा चेलयां जो चुणया जिना जो उनी अपणे प्रेरित बोलया। उना प्रेरितों उदे सोगी यात्रा किती कने उसला शिक्षा लेई।

*मत्ती अध्याय 4:12-25; मरकुस 1:14-15, 35-39; 3:13-21: लूका 4:13-30, 38-34: ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_26_128kbps.m4a

## 27. दयालु सामरी दी कहाणी

https://openbiblestories.org/l/bht/story-27/

![](https://cdn.door43.org/obs/jpg/360px/obs-en-27-01.jpg)

इक दिन, यहूदी व्यवस्था दा इक जाणकार यीशुऐ बाल आया। सै सारयां जो ऐ दसणा चांदा था कि यीशु गलत तरीके ने शिक्षा दे दा था। उनी बोलया, "हे गुरु, हमेशा दी जिन्दगी तांई मैं क्या करें?" यीशुऐ जवाब दिता, "परमेश्वरे दिया व्यवस्था च क्या लिखया है?"

![](https://cdn.door43.org/obs/jpg/360px/obs-en-27-02.jpg)

उनी आदमिये बोलया, "व्यबस्था बोल्दी है कि अपणे परमेश्वरे सोगी सारे मन, प्राण, शक्ति, कने बुद्धि ने प्यार रख। कने अपणे पड़ोसिए सोगी अपणे सांई प्यार रख।" यीशुऐ जवाब दिता, "तू एकदम सही है! अगर तू ऐसा करे, तां तीजो हमेशा दी जिन्दगी मिलणी।"

![](https://cdn.door43.org/obs/jpg/360px/obs-en-27-03.jpg)

पर सै व्यवस्था दा जाणकार लोकां जो दसणा चांदा था, कि उदा जिन्दगी जिणे दा तरीका खरा था। इस तांई उनी यीशुऐ ला पूछया, "ठीक है, तां मेरा पड़ोसी कुण है?"

![](https://cdn.door43.org/obs/jpg/360px/obs-en-27-04.jpg)

यीशुऐ उस व्यवस्था दे जाणकारे जो इक कहाणी सुणाई करी जबाब दिता। "इक यहूदी माणु था जड़ा इक रस्ते ला होई करी यरूशलेम शेहरे ला यरीहो शेहरे जो चलया था।"

![](https://cdn.door43.org/obs/jpg/360px/obs-en-27-05.jpg)

पर कुछ डाकुआं उसयो दिखया कने उस पर हमला करी दिता। उना उदा सब कुछ लेई लिया कने उसयो मारी-कुटी करी अधमरा करी री ओथु ला चली गे।

![](https://cdn.door43.org/obs/jpg/360px/obs-en-27-06.jpg)

उदे थोड़े दे बकते बाद, इक यहूदी याजक उसा ही सड़का ला होकरी गिया। उनी याजके उस आदमिए जो सड़का पर पिया दिखया। जालू उनी उसयो दिखया तां सै सड़का दे पासे ला होई करी अग्गे चली गिया। उनी उस आदमिए जो दिखी करी अणदिखा करी दिता।

![](https://cdn.door43.org/obs/jpg/360px/obs-en-27-07.jpg)

इदिया थोड़िया देरा बाद, इक लेवी उसा सड़का पर आया। (लेवी यहूदियों दा इक गोत्र था जीना मंदरे च याजकां दी सहायता किती थी।) सै लेवी भी सड़का दे दुज्जे पासे ला होई करी चली गिया। उनी भी उस आदमिए जो अणदिखा करी दिता।

![](https://cdn.door43.org/obs/jpg/360px/obs-en-27-08.jpg)

अगला बन्दा जड़ा उसा सड़का पर आया सै सामरियां दा इक मर्द था। (सामरी कने यहूदी इक दुज्जे ने नफरत करदे थे।) उनी सामरिए सड़का पर उस आदमिए जो दिखया। उनी दिखया कि सै यहूदी था, पर फिरी भी उनी उस पर तरस खादा। कने सै उदे बखे गिया कने उदे जखमा पर पट्टियां बनियां।

![](https://cdn.door43.org/obs/jpg/360px/obs-en-27-09.jpg)

फिरी उनी सामरिए उस माणुऐ जो अपणे गधे पर रखया कने उसयो उसा सड़का ला इक सरां च लेई गिया। जिथू सै उदी देखभाल करदा रिया।

![](https://cdn.door43.org/obs/jpg/360px/obs-en-27-10.jpg)

अगले रोजे, उस सामरिए जो जाणा जरूरी था जिथू सै चलया था। उनी उस सरां दे मालिके जो कुछ पैसे दिते। उनी उसयो बोलया, "इस माणुऐ दी देखभाल करयां। अगर इस पैसे दे इलाबा तेरा कोई होर खर्च होंगा तां मैं से मुड़ी करी जालू ओंगा तां देई दिंगा।"

![](https://cdn.door43.org/obs/jpg/360px/obs-en-27-11.jpg)

फिरी यीशुऐ उस व्यवस्था दे जाण कारे ला पूछया, "तू क्या सोचदा है? इना तिना लोकां चे कुण उस माणुऐ दा पड़ोसी है जिसया लूटया कने मारया था?" उनी जवाब दिता, "सेई जिनी उस पर दया किती।" यीशुऐ उसयो बोलया, "तू जा कने ऐसा ही कर।"

*लूका अध्याय 10:25-37; ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_27_128kbps.m4a

## 28. धनी जवान शासक

https://openbiblestories.org/l/bht/story-28/

![](https://cdn.door43.org/obs/jpg/360px/obs-en-28-01.jpg)

इक दिन, इक अमीर जवान शासके यीशुऐ बाल आई करी उसयो पूछया, "हे उत्तम गुरु, हमेशा दी जिन्दगी जिणे तांई मिंजो क्या करणा चाइदा?" यीशुऐ उसयो बोलया, "तू मिंजो 'उत्तम' कजो बोलदा है? सिर्फ इक ही उत्तम है कने सै परमेश्वर है। पर अगर तू हमेशा दी जिन्दगी पाणा चांदा है तां परमेश्वरे दिया व्यवस्था दा पालन कर।"

![](https://cdn.door43.org/obs/jpg/360px/obs-en-28-02.jpg)

उनी पूछया, "मिंजो कुण-कुण दे हुकमा जो मनणे दी जरूरत है?"। यीशुऐ जवाब दिता, "कुसी दी हत्या नी करणी, व्यभिचार नी करणा, चोरी नी करणी, झूठ नी बोलणा, अपणे पिता कने माता दा आदर करयां, कने अपणे पड़ोसी ने अपणे सांई प्यार करयां।"

![](https://cdn.door43.org/obs/jpg/360px/obs-en-28-03.jpg)

पर उनी जवान मर्दे बोलया, "मैं अपणे बचपन ला ही इना सारे हुकमा जो मंदा आया है। मिंजो हमेशा तांई जिन्दा रेणे जो हले भी क्या करणे दी जरूरत है?" यीशुऐ उस पासे प्यारे ने दिखया।

![](https://cdn.door43.org/obs/jpg/360px/obs-en-28-04.jpg)

यीशुऐ जवाब दिता, "अगर तू सिद्ध होणा चांदा है तां जाई करी अपणा सब कुछ बेची दे कने सै धन गरीबां च बंडी दे, कने तीजो स्वर्गे च धन मिलणा। तां फिरी आई करी मेरे पीछे चली पोयां।"

![](https://cdn.door43.org/obs/jpg/360px/obs-en-28-05.jpg)

यीशुऐ जड़ा बोलया सै जालू उनी जवान मर्दे सुणया तां बड़ा उदास होई गिया, क्योंकि सै बड़ा अमीर था कने सै अपणिया सारिया धन दौलता जो देणा नी चांदा था। सै मुड़ी करी यीशुऐ बखे ला चली गिया।

![](https://cdn.door43.org/obs/jpg/360px/obs-en-28-06.jpg)

तालू यीशुऐ अपणे चेलयां जो बोलया, "परमेश्वरे दे राज्य च अमीर लोकां दा जाणा बड़ा मुश्किल है! हाँ, इक अमीर मर्दे दे परमेश्वरे दे राज्य च प्रवेश करणे दी तुलना च कुसी ऊँटे दा सूईया दे नके च निकली जाणा आसान है।"

![](https://cdn.door43.org/obs/jpg/360px/obs-en-28-07.jpg)

जड़ा यीशुऐ बोलया सै जालू चेलयां सुणया तां सै हेरान थे। उना बोलया, "अगर ऐसा है तां परमेश्वरे कुसयो बचाणा?"

![](https://cdn.door43.org/obs/jpg/360px/obs-en-28-08.jpg)

यीशुऐ चेलयां पासे दिखया कने बोलया, "लोकां तांई अपणा उद्धार करणा नामुनकिन है। पर परमेश्वरे तांई कुछ भी करणा नामुनकिन नी है।"

![](https://cdn.door43.org/obs/jpg/360px/obs-en-28-09.jpg)

पतरसे यीशुऐ ने बोलया, "असां चेले अपणा सब कुछ छडी करी तेरे पीछे चलयो न। तां साड़ा इनाम क्या होणा?"

![](https://cdn.door43.org/obs/jpg/360px/obs-en-28-10.jpg)

यीशुऐ जवाब दिता, "हर एक जणा जिनी मेरिया बजा ला घर, भाई, बेहण, पिता, माता, बच्चे, या अपणिया जगा जमिना जो छड़या है, उसयो 100 गुणा जादा मिलणा कने हमेशा दी जिन्दगी भी मिलणी। पर मते जड़े पेहले न सै पिछले होंणे, कने मते जड़ पिछले न सै पेहले होंणे।"

*मत्ती अध्याय 19:16-30; मरकुस 10:17-31; लूका 18:18-30 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_28_128kbps.m4a

## 29. निर्दयी नोकरे दी कहाणी

https://openbiblestories.org/l/bht/story-29/

![](https://cdn.door43.org/obs/jpg/360px/obs-en-29-01.jpg)

इक दिन, पतरसे यीशुऐ ला पूछया, "हे मालिक, मिंजो अपणे भाईए जो कितनी बरी माफ़ करणा चाइदा, जालू सै मेरे खिलाफ कोई पाप करदा है? क्या सत बरी दीकर?" यीशुऐ बोलया, "सत बरी नी, पर सत दे सत्तर बार!" यीशुऐ दा बोलणे दा मतलब है कि सांझो हमेशा माफ करणा चाईदा। तालू यीशुऐ इक कहाणी सुणाई।

![](https://cdn.door43.org/obs/jpg/360px/obs-en-29-02.jpg)

यीशुऐ बोलया, "परमेश्वरे दा राज्य इक राजा सांई है जड़ा अपणे नोकरे ला लेखा जोखा लेणा चांदा था। उदा इक नोकर दस हजार तोड़यां दे इक बडे कर्ज दा कर्जदार था।"

![](https://cdn.door43.org/obs/jpg/360px/obs-en-29-03.jpg)

पर सै नोकर अपणे कर्जे जो नी देई सकया, इस तांई राजे बोलया, "इदा कर्ज चुकाणे तांई इस नोकरे जो कने इदे परिवारे जो नोकरां दे रूपे च बेची दिया।"

![](https://cdn.door43.org/obs/jpg/360px/obs-en-29-04.jpg)

उनी नोकरे राजे सामणे गोडे भार बेई करी बोलया, 'मिंजो पर दया कर कने सबर रख, मैं अपणे सारे कर्जे जो चुकाई दिंगा।' राजे उस पर दया किती, कने उनी उदे सारे कर्जे जो माफ करी दिता कने उसयो जाणा दिता।

![](https://cdn.door43.org/obs/jpg/360px/obs-en-29-05.jpg)

पर जालू सै नोकर राजा दे दरबारे ला बाहर गिया, तां उसयो उदा इक साथी नोकर मिला जड़ा उदे चार सौ दिनारा दा कर्जदार था। उनी नोकरे अपणे साथी नोकरे जो पकड़ी लिया कने बोलया, 'जड़ा तेरे ऊपर मेरा कर्ज है मिंजो उदा भुगतान कर!

![](https://cdn.door43.org/obs/jpg/360px/obs-en-29-06.jpg)

उनी साथी नोकरे पैरां पेई करी बोलया, 'मिंजो पर दया कर, कने मैं अपणे कर्ज दिया पुरिया रकमा दा भुगतान करी दिंगा।' पर उनी नोकरे अपणे साथी नोकरे जो जेला च पाई दिता, जालू दीकर कि सै उस कर्जे दा भुगतान नी करी दे।

![](https://cdn.door43.org/obs/jpg/360px/obs-en-29-07.jpg)

जड़ा कुछ होया था उसयो कुछ होर नोकरां दिखया कने सै बड़े परेशान होए। सै राजा बाल गे कने उसयो सब कुछ दसया।

![](https://cdn.door43.org/obs/jpg/360px/obs-en-29-08.jpg)

राजे उस नोकरे जो सदी करी बोलया, 'हे दुष्ट नोकर! मैं तेरा कर्ज इस तांई माफ किता था क्योंकि तू मिंजो ने विनती किती थी। तीजो भी इयां ही करणा चाइदा था।' राजा इतणा गुस्सा था कि उनी उस दुष्ट नोकरे जो जेला च पाई दिता जालू दीकर कि सै अपणे सारे कर्जे दा भुगतान नी करी दे।

![](https://cdn.door43.org/obs/jpg/360px/obs-en-29-09.jpg)

तालू यीशुऐ बोलया, "मेरा स्वर्गे च विराजमान पिता भी तुहांजो चे हर इकी सोगी इयां करणा अगर तुसां अपणे भाईऐ जो दिले ला माफ नी करदे।"

*मत्ती अध्याय 18:21-35; ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_29_128kbps.m4a

## 30. यीशु पंज हजार लोकां जो खाणा खुआंदा है

https://openbiblestories.org/l/bht/story-30/

![](https://cdn.door43.org/obs/jpg/360px/obs-en-30-01.jpg)

यीशुऐ अपणे प्रेरितां जो प्रचार करणे तांई कने लोकां जो शिक्षा देणे तांई मतियां लग-लग जगा च भेजया। जालू सै उना जगा ला बापिस मुड़ी करी यीशु बाल आए तां उना उसयो दसया कि उना क्या- क्या कितया था। तालू यीशुऐ उना जो झीला दे दुऐ पासे उदे सोगी इक शान्त जगा पर जाई करी कुछ बकत आराम करणे तांई सदया। कने सै इकी किस्तिया पर चड़ी करी झिला दे दुज्जे पासे गे।

![](https://cdn.door43.org/obs/jpg/360px/obs-en-30-02.jpg)

पर ओथु मते ऐसे लोक थे जीना यीशु कने चेलयां जो किस्तिया च जांदे दिखया था। ऐ लोक उना ला पेहले झिला दे दुज्जे पासे जाणे तांई झिला दे बखे-बखे ला दौड़े। कने जालू यीशु कने चेले ओथु पुज्जे तां लोकां दी इक बड़ी बडी भीड़ ओथु पहले ला इन्तजार करा दी थी।

![](https://cdn.door43.org/obs/jpg/360px/obs-en-30-03.jpg)

उसा भिड़ा च जनानियां कने बच्चयां जो गिणयो बिना 5,000 ला जादा मर्द थे। यीशुऐ उना लोकां पर बड़ा तरस आया। यीशुऐ तांई सै लोक बिना पुहाले दियां भेडां सांई थे। इस तांई उनी उना जो शिक्षा दिती कने उना दे बीच जड़े लोक बीमार थे उना जो ठीक किता।

![](https://cdn.door43.org/obs/jpg/360px/obs-en-30-04.jpg)

संझा चेलयां यीशुऐ ने बोलया, "हुण देर होई गियो है कने अखे बखे कोई शेहर नी है। इना लोकां जो भेजी दे ताकि ऐ जाई करी कुछ अपणे खाणे दा इंतजाम करन।"

![](https://cdn.door43.org/obs/jpg/360px/obs-en-30-05.jpg)

पर यीशुऐ चेलयां जो बोलया, "तुसां उना जो खाणे तांई दिया!" उना जवाब दिता, "असां ऐसा कियां करी सकदे न? साड़े बाल सिर्फ पंज रोटियां कने दो छोटियां मच्छियां न।"

![](https://cdn.door43.org/obs/jpg/360px/obs-en-30-06.jpg)

यीशुऐ अपणे चेलयां जो बोलया कि इना लोकां जो घाऐ पर पंजां-पंजा करी री बोणे तांई बोला।

![](https://cdn.door43.org/obs/jpg/360px/obs-en-30-07.jpg)

तालू यीशुऐ पंज रोटियां कने दो मछियां लियां कने स्वर्गे पासे दिखया, कने उस खाणे तांई परमेश्वरे जो धन्यवाद किता।

![](https://cdn.door43.org/obs/jpg/360px/obs-en-30-08.jpg)

फिरी यीशुऐ रोटी कने मच्छियां दे दुकड़े किते। उनी लोकां जो देणे तांई अपणे चेलयां जो सै टुकड़े दिते। चेले उस खाणे जो बंडदे रे, कने सै कदी मुकया नी! सै सारे लोक खाई करी रजी गे।

![](https://cdn.door43.org/obs/jpg/360px/obs-en-30-09.jpg)

उदे बाद, चेलयां उस खाणे जो गठेरया जिसयो लोकां खादया नी था कने उसने बारा टोकरियां भरुई गियां! सै सारा खाणा उना पंज रोटियां कने दो मच्छियां ला आया था।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_30_128kbps.m4a

## 31. यीशु पाणिऐ पर चलदा है

https://openbiblestories.org/l/bht/story-31/

![](https://cdn.door43.org/obs/jpg/360px/obs-en-31-01.jpg)

पंज हजार लोकां जो खाणा खुआणे बाद, यीशुऐ अपणे चेलयां जो किस्तिया च जाणे तांई बोलया। उनी उना जो झीला दे दुज्जे पासे चली जाणे तांई बोलया कने सै थोड़े बकते तांई ओथु ही रुकी गिया। चेले चली गे कने यीशुऐ भिड़ा जो विदा किता ताकि सै अपणे घरे जो जान। इदे बाद, यीशु प्रार्थना करणे तांई इकी पहाड़े पर चली गिया। ओथु सै किला ही था, कने उनी देर राती दीकर प्रार्थना किती।

![](https://cdn.door43.org/obs/jpg/360px/obs-en-31-02.jpg)

उस बकत, चेले अपणिया किस्तिया जो चपू मारी करी चलयो थे, पर होआ उना दे खिलाफ बड़ी जोरे ला चलियो थी। रात बड़ी जादा होई जाणे पर भी सै सिर्फ झीला दे बीच ही पुजयो थे।

![](https://cdn.door43.org/obs/jpg/360px/obs-en-31-03.jpg)

उस बकत यीशुऐ प्रार्थना करणा खत्म किता कने अपणे चेलयां बाल बापिस जाणा शुरू किता। सै किस्तिया पासे जाणे तांई पाणिऐ पर चलणा लग्गा।

![](https://cdn.door43.org/obs/jpg/360px/obs-en-31-04.jpg)

तालू चेलयां उसयो दिखया। सै बड़े डरी गे क्योंकि उना सोचया था कि सै कोई भूत है। यीशु जाणदा था कि सै डरी गियो थे, इस तांई उनी उना जो हक पाई करी बोलया, "डरा मत, ऐ मैं ही है!"

![](https://cdn.door43.org/obs/jpg/360px/obs-en-31-05.jpg)

तालू पतरसे यीशुऐ बोलया, "हे प्रभु, अगर ऐ तू है तां मिंजो पाणिऐ पर चली करी तेरे बाल आणे दा हुकम दे।" यीशुऐ पतरसे जो बोलया, "आ!"

![](https://cdn.door43.org/obs/jpg/360px/obs-en-31-06.jpg)

पतरस किस्तिया ला उतरी गिया कने यीशुऐ बाल जाणे तांई पाणिऐ पर चलणा शुरू किता। पर थोड़ी दूर जाई करी, उनी अपणिया हखी यीशुऐ ला फेरी लियां कने लेहरां जो दिखणा कने तेज होआ जो मेहसूस करणा शुरू करी दिता।

![](https://cdn.door43.org/obs/jpg/360px/obs-en-31-07.jpg)

तालू पतरस डरी गिया कने डूबणा लगी पिया। से चिल्लाया, "हे प्रभु, मिंजो बचा!" यीशुऐ तालू ही हथ अग्गे करी उसयो पकड़ी लिया। तालू उनी पतरसे बोलया, "तेरा भरोसा बड़ा घट है! तू भरोसा कनी किता की मैं तीजो बचाई लेणा है?"

![](https://cdn.door43.org/obs/jpg/360px/obs-en-31-08.jpg)

तालू यीशु कने पतरस किस्तिया पर चढ़ी गे, कने तालू ही होआ चलणा बंद होई गेई। पाणी शान्त होई गिया। चेले हेरान होई करी यीशुऐ अग्गे झुकी गे। उना उदी आराधना किती कने उसयो बोलया, "सच्ची तू परमेश्वरे दा पुत्र है।"

*मत्ती अध्याय 14:22-33; मरकुस 6:45-52; यूहन्ना 6:16-21 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_31_128kbps.m4a

## 32. यीशु इक बुरिया आत्मा ने दुखी बंदे जो कने इक बुरिया जनानिया जो ठीक करदा है

https://openbiblestories.org/l/bht/story-32/

![](https://cdn.door43.org/obs/jpg/360px/obs-en-32-01.jpg)

यीशु कने उदे चेले अपणिया किस्तिया च उसा जगा पर गे जिथू गिरासेनी लोक रेंदे थे। सै उसा जगा च पुज्जी करी किस्तिया ला उतरी गे।

![](https://cdn.door43.org/obs/jpg/360px/obs-en-32-02.jpg)

ओथु इक माणु था जड़ा बुरिया आत्मा ने दुखी था।

![](https://cdn.door43.org/obs/jpg/360px/obs-en-32-03.jpg)

ऐ माणु इतणा जोरे बाला था कि कोई भी उसयो काबू च नी करी सकदा था। केई बरी लोकां उदे हथा कने पैरां जो सुंगला ने भी बनया, पर सै उना जो तोड़ी दिंदा था।

![](https://cdn.door43.org/obs/jpg/360px/obs-en-32-04.jpg)

सै माणु उस इलाके दे कब्रिस्तान च रेंदा था। ऐ माणु पूरा दिन कने पूरी रात बकदा रेंदा था। सै कपड़े नी पेहनदा था कने अपु जो पत्थरां ने मारदा रेंदा।

![](https://cdn.door43.org/obs/jpg/360px/obs-en-32-05.jpg)

सै माणु दौड़ी करी यीशुऐ बाल आया कने उदे सामणे गोडे भार बेई गिया। तालू यीशुऐ उस माणुऐ दे अंदरे दिया बुरिया आत्मा ने गल्ल किती कने बोलया, "इस माणुऐ ला बाहर निकली आ!"

![](https://cdn.door43.org/obs/jpg/360px/obs-en-32-06.jpg)

उना बुरिया आत्मा जोरे ने चिंड मारी करी बोलया, "हे यीशु, परम प्रधान परमेश्वरे दे पुत्र, तीजो मिंजो ने क्या कम्म? दया कर मिंजो मत सता!" तालू यीशुऐ उस बुरिया आत्मा ला पूछया, "तेरा ना क्या है?" उनी जवाब दिता, "मेरा ना सेना है, क्योंकि असां मते न।" (रोमी सेना च केई हजार सैनिकां दे झुंडे जो "सेना" बोलदे थे।)

![](https://cdn.door43.org/obs/jpg/360px/obs-en-32-07.jpg)

उना बुरियां आत्मा यीशुऐ ला विनती किती, "सांझो इस इलाके ला बाहर मत भेज!" ओथु ही बखे पहाड़े पर सूअरां दा एक झुंड चुगा दा था। इस उना बुरियां आत्मा यीशुऐ ने विनती किती, "की सांझो उना सूअरां च भेजी दे!" यीशुऐ बोलया, "ठीक है, उना च चली जा!"

![](https://cdn.door43.org/obs/jpg/360px/obs-en-32-08.jpg)

सै बुरियां आत्मा उस माणुऐ ला निकली करी उना सूअरां च चली गियां। उना सूअरां दौड़ी करी इक खड़े सपड़े ला झीला च छाल मारी दिती कने डूबी मरे। उस झुंडे च लगभग 2,000 सूअर थे।

![](https://cdn.door43.org/obs/jpg/360px/obs-en-32-09.jpg)

ओथु उना सूअरां दी देखभाल करणे बाले लोक थे। जड़ा कुछ होया था, जालू उना दिखया तां सै लोक अपणे ग्रां जो नठी गे। यीशुऐ जड़ा कितया था ओथु उना सबना जो दसया। उस ग्रां दे लोक ओथु आए कने उस माणुऐ जो दिखया जिदे च बुरियां आत्मा थियां। सै शान्ति ने, कपड़े पेहनी करी, कने इक आम बंदे सांई बैठया था।

![](https://cdn.door43.org/obs/jpg/360px/obs-en-32-10.jpg)

सै लोक बड़े डरयो थे कने उना यीशुऐ जो एथू ला चली जाणे तांई बोलया। यीशु किस्तिया पर चढ़ी गिया। सै माणु जिदे च बुरियां आत्मा थियां उनी यीशुऐ सोगी जाणे दी विनती किती।

![](https://cdn.door43.org/obs/jpg/360px/obs-en-32-11.jpg)

पर यीशुऐ उसयो बोलया, "नी। मैं चांदा है कि तू घरे जाई करी सारयां जो दस कि परमेश्वरे तेरे तांई क्या कितया है। उना जो दस कि कियां परमेश्वरे तीजो पर दया किती थी।"

![](https://cdn.door43.org/obs/jpg/360px/obs-en-32-12.jpg)

इस तांई सै माणु ओथु ला चली गिया कने सारयां जो इस बारे च दसया जड़ा यीशुऐ उदे तांई कितया था। उदी कहाणी सुणने वाला हर एक जणा हेरान होआ दा था।

![](https://cdn.door43.org/obs/jpg/360px/obs-en-32-13.jpg)

यीशु झीला दे दुज्जे पासे आया। ओथु पुजणे बाद, इक बड़ी बडी भीड़ उदे बखे गठोई गेई। उस भिड़ा चे इक जनानी थी जिसा जो बारहा सालां ला खून चलणे दी बिमारी थी। उनी अपणा सारा पैसा ठीक होणे च लाइ दितया था ताकि सै उसयो ठीक करी सकन, पर उदा रोग होर भी बिगड़ी गिया था।

![](https://cdn.door43.org/obs/jpg/360px/obs-en-32-14.jpg)

उना सुणया था कि यीशुऐ केई बीमार लोकां जो ठीक कितया था कने उना सोचया, "मिंजो यकीन है कि अगर मैं सिर्फ यीशुऐ दे कपड़यां जो ही छूई लें, तां मैं भी ठीक होई जाणा!" इस तांई सै यीशु दे पीछे ला आई कने उदे कपड़यां जो छूई लिया। जियां ही उना यीशुऐ दे कपड़यां जो छुता, उसा दा खून चलणा बंद होई गिया।

![](https://cdn.door43.org/obs/jpg/360px/obs-en-32-15.jpg)

तालू ही, यीशुऐ जो पता लगी गिया कि उदे ला शक्ति निकली है। इस तांई उनी पीछे मुड़ी करी पूछया, "मिंजो कुनी छूता?" चेलयां जवाब दिता, "एथू इतणे सारे लोकां तेरे चारो पासे भीड़ लाईयो है, कने तीजो धके दे द न। तां तू कजो पूछा दा है कि मिंजो कुनी छूता है?"

![](https://cdn.door43.org/obs/jpg/360px/obs-en-32-16.jpg)

सै जनानी यीशुऐ सामणे कमदी कने डरदी होई गोडे भार बेई गेई। तालू उनी उसयो बोली दिता कि उनी क्या कितया है, कने ऐ भी कि सै ठीक होई गेई है। यीशुऐ उसयो बोलया, "तेरे भरोसे तीजो ठीक कितया है। शान्ति ने जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_32_128kbps.m4a

## 33. इक किसान दी कहाणी

https://openbiblestories.org/l/bht/story-33/

![](https://cdn.door43.org/obs/jpg/360px/obs-en-33-01.jpg)

इक दिन, यीशु झीला दे बखे था। सै लोकां दी इक बड़ी बडिया भिड़ा जो शिक्षा दे दा था। उसयो सुणने तांई इतणे सारे लोक आयो थे कि यीशुऐ बाल उना सारयां ने गल्ल बात करणे तांई जगा नी बची। इस तांई सै पाणिऐ च खड़ोतियो किस्तियो पर चढ़ी गिया। ओथु सै बैई गिया कने लोकां जो शिक्षा दिती।

![](https://cdn.door43.org/obs/jpg/360px/obs-en-33-02.jpg)

यीशुऐ उना जो ऐ कहाणी सुणाई, "इक किसान बी राणे तांई बाहर निकलया। जालू सै हथां ने बी रा दा था, तां कुछ बी रस्ते पर पे। पर पंछिया आई करी उना सारयां बीयां जो खाई लिया।"

![](https://cdn.door43.org/obs/jpg/360px/obs-en-33-03.jpg)

थोड़े बी पथरीलिया धरतिया पर पे जिथू बड़ी घट मिट्टी थी। पथरीलिया धरतिया पर पियो बी बड़ी तोली लुंगी पे, पर मिटी घट होणे दिया बजा ला उना दियां जड़ा डुगियां नी गियां। जालू सूरज निकलया कने गर्मी होई तां सै बूटे मुरझाई गे कने मरी गे।

![](https://cdn.door43.org/obs/jpg/360px/obs-en-33-04.jpg)

कने कुछ बी झाड़ियां बीच पे। उना बियां बदणा शुरू किता, पर कंडयां उना जो दबाई दिता। इस तांई झाड़ियां बालिया जगा पर पियो बियां चे कोई भी अनाज पैदा नी करी सकया।

![](https://cdn.door43.org/obs/jpg/360px/obs-en-33-05.jpg)

कुछ बी खरिया धरतिया पर पे। सै बी बदे कने जितणे बी रायो थे उना 30, 60, कने 100 गुणा अनाज पैदा किता। जड़ा कोई भी परमेश्वरे पीछे चलना चांदा है, सै उना गल्लां पर ध्यान दे जड़ा मैं बोला दा है!

![](https://cdn.door43.org/obs/jpg/360px/obs-en-33-06.jpg)

इना कहाणिया चेलयां जो उलझन च पाई दिता। इस तांई यीशुऐ इसा कहाणिया दा मतलब दसया की, "सै बी परमेश्वरे दा वचन है। सै रस्ता इक ऐसा माणु है जड़ा परमेश्वरे दे वचने जो सुणदा है, पर उसयो समझदा नी है। तालू शैतान उदे ला वचने जो चोरी लेई जांदा है। शैतान उसयो वचन समझणे ला दूर रखदा है।"

![](https://cdn.door43.org/obs/jpg/360px/obs-en-33-07.jpg)

सै पथरीली जगा ऐसा माणु है जड़ा परमेश्वरे दे वचने जो सुणदा है कने खुशिया सोगी उसयो अपनाई लेंदा है। पर जालू मुश्किल बकत ओंदा है, या जालू होर लोक उसयो सतांदे न, तां सै परमेश्वरे ला दूर चली जांदा है। मतलब की सै परमेश्वरे पर भरोसा करणा बंद करी दिंदा है।

![](https://cdn.door43.org/obs/jpg/360px/obs-en-33-08.jpg)

सै झाड़ियां बाली जगा ऐसा माणु है जड़ा परमेश्वरे दे वचन जो सुणदा है। पर मतियां गल्लां दे बारे च चिन्ता करणा शुरू करी दिंदा है, कने मता पैसा कमाणे दी कोशिश करदा है, कने सै मतियां चीजां जो पाणे दी कोशिश करदा है। कुछ बकत दे बाद, हुण सै परमेश्वरे जो खुश करणे दे काबिल नी है। इस तांई जड़ा उनी परमेश्वरे दे वचने ला सीखया था सै उसयो परमेश्वरे जो खुश करणे दे काबिल नी करदा है। सै कणका दे डंठलां सांई है जड़ा कोई अनाज पैदा नी करदियां न।

![](https://cdn.door43.org/obs/jpg/360px/obs-en-33-09.jpg)

पर खरी जगा सै माणु न जड़े परमेश्वरे दे वचन जो सुणदे न, कने उस पर भरोसा करदे न, कने फल पैदा करदे न।

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_33_128kbps.m4a

## 34. यीशु होर कहाणियां दी शिक्षा दिंदा है

https://openbiblestories.org/l/bht/story-34/

![](https://cdn.door43.org/obs/jpg/360px/obs-en-34-01.jpg)

यीशुऐ परमेश्वरे दे राज्य दे बारे च होर मतियां कहाणियां सुणाईयां। उदाहरण तांई, उनी बोलया, "परमेश्वरे दा राज्य इक राई दे बीए सांई है जिसयो कुनी अपणे खेतरे च राई दिता। तुसां जाणदे न कि राईया दा बी सारे बियां ला छोटा होंदा है।"

![](https://cdn.door43.org/obs/jpg/360px/obs-en-34-02.jpg)

पर जालू राई दा बी बडा होई जांदा है तां सै बगीचे दे सारे रुखां चे सारयां ला बडा होई जांदा है, इतना बडा कि पंछी आई करी उदियां डालियां पर आराम करदे न।

![](https://cdn.door43.org/obs/jpg/360px/obs-en-34-03.jpg)

यीशुऐ इक होर कहाणी दस्सी, "परमेश्वरे दा राज्य खमीरे सांई है जिसयो इकी जनानिया आटे च मिलाई दिन्दी है तालू सै सारे पेड़े च होई जांदा है।"

![](https://cdn.door43.org/obs/jpg/360px/obs-en-34-04.jpg)

स्वर्ग दा राज्य उस खजाने सांई है जिसयो कुनी खेतरे च लुकाई दितया। कुसी होर बंदे जो सै खजाना मिली गिया कने उनी उसयो पाणे दी बड़ी इच्छा किती। इस तांई उनी उसयो फिरी दबी दिता। सै खुशिया ने इतना भरुया था कि उनी जाई करी अपणा सारा कुछ बेची दिता ताकि सै उस खेतरे जो खरीदी सके जिथू सै खजाना था।

![](https://cdn.door43.org/obs/jpg/360px/obs-en-34-05.jpg)

स्वर्गे दा राज्य इक बड़े कीमती शुद्ध मोतिए सांई भी है। जालू कोई मोतियों दा व्यापारी उसयो पाई लेंदा है तां सै उसयो खरीदणे तांई अपणा सारा कुछ बेची दिंदा है।

![](https://cdn.door43.org/obs/jpg/360px/obs-en-34-06.jpg)

ओथु कुछ लोक थे जड़े सोचदे थे कि परमेश्वरे उना जो इस तांई अपनाणा क्योंकि सै भले कम्म करा दे न। ऐ लोक ऐसे लोकां जो तुच्छ मंदे थे जड़े उना भले कमा जो नी करदे थे। इस तांई यीशुऐ उना जो ऐ कहाणी सुणाई, "दो मर्द थे कने दोनों ही प्रार्थना करणे तांई मंदरे च गे। उना चे इक चुंगी लेणे वाला था, कने दुज्जा इक धार्मिक अगुवा था।"

![](https://cdn.door43.org/obs/jpg/360px/obs-en-34-07.jpg)

उस धार्मिक अगुवे ऐ बोली करी प्रार्थना किती, 'हे परमेश्वर, तेरा धन्यवाद हो कि मैं होर लोकां सांई –जियां कि डाकू, अन्यायी माणु, व्यभिचारी, या एथू दीकर कि जड़ा एथू चुंगी लेणे बाले सांई पापी नी है।'

![](https://cdn.door43.org/obs/jpg/360px/obs-en-34-08.jpg)

उदाहरण तांई, मैं हर हप्ते दो बरी बरत रखदा है, कने मिंजो मिलणे बाले पैसे कने चीजां दां दसमा हिस्सा तीजो दिंदा है।

![](https://cdn.door43.org/obs/jpg/360px/obs-en-34-09.jpg)

पर सै चुंगी लेणे बाला उस धार्मिक अगुवे ला बड़ा दूर खड़ोई गिया। उनी ऊपर स्वर्गे पासे हखी भी नी चुकियां। इदे बजाए, उनी अपु मुट्ठी ला अपणिया छाती जो पिटया कने प्रार्थना किती, 'हे परमेश्वर, मिंजो पर दया कर क्योंकि मैं इक पापी है।'

![](https://cdn.door43.org/obs/jpg/360px/obs-en-34-10.jpg)

फिरी यीशुऐ बोलया, "मैं तुहांजो सच बोलदा है, परमेश्वरे उस चुंगी लेणे बाले दी प्रार्थना जो सुणया कने उसयो धर्मी घोषित किता। पर उनी उस धार्मिक अगुवे दिया प्रार्थना जो पसंद नी किता। परमेश्वरे हर इकी घमंडी दे सिरे जो थले करणा, पर उनी हर उस बंदे जो आदर देणा जड़ा अप्पू जो नम्र करदा है।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_34_128kbps.m4a

## 35. दयालु पिता दी कहाणी

https://openbiblestories.org/l/bht/story-35/

![](https://cdn.door43.org/obs/jpg/360px/obs-en-35-01.jpg)

इक दिन, यीशु उना मतयां लोकां जो शिक्षा दे दा था जड़े उदी सुणने तांई गिठे होयो थे। ऐ लोक चुंगी लेणे बाले कने उना सोगी होर लोक भी थे जिना मूसा दिया व्यवस्था दा पालन करणे दी कोशिश नी कीतियो थी।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगुवयां दिखया कि यीशु इना लोकां सोगी एक मित्रे सांई गल्ल करा दा था। इस तांई उना इक दुज्जे ला ऐ बोलणा शुरू करी दिता कि सै गलत करा दा है। यीशुऐ उना जो गल्लां करदे सुणया, इस तांई उनी उनो जो ऐ कहाणी सुणाई।

![](https://cdn.door43.org/obs/jpg/360px/obs-en-35-03.jpg)

एक माणु था जिदे दो पुत्र थे। छोटे पुत्रे अपणे पिता जो बोलया, 'हे पिता, मिंजो हुण मेरा हिस्सा चाइदा!' पिता अपणे दोनों पुत्रां बीच अपणी सम्पत्तिया दा बटवारा करी दिता।

![](https://cdn.door43.org/obs/jpg/360px/obs-en-35-04.jpg)

थोड़े दिना बाद ही छोटा पुत्र अपणा सारा कुछ गठेरी करी दूर देशे जो चली गिया कने उनी पापी जिन्दगी जिणे च अपणी सारी धन दौलत बर्बाद करी दिती।

![](https://cdn.door43.org/obs/jpg/360px/obs-en-35-05.jpg)

इदे बाद, जिथू छोटा पुत्र था उस देशे च इक भयंकर अकाल पिया, कने उदे बाल खाणा खरीदणे तांई पैसे नी थे। तालू उसयो जड़ा कम्म मिलया सै सूअरां जो चुगाणे दा था। सै इतणा दुखी कने भूखा था कि सै सूअरां जो दितयो खाणे जो खाणा चांदा था।

![](https://cdn.door43.org/obs/jpg/360px/obs-en-35-06.jpg)

आखरी च उनी छोटे पुत्रे अप्पु ने बोलया, 'मैं क्या करा दा है? मेरे पिता दे सारे नोकरां बाल खाणे तांई मता है, फिरी भी मैं ऐथू भूखा मरा दा है। मैं अपणे पिता बाल वापिस जाणा कने अपणे पिता दा इक नोकर बणने तांई उसने विनती करणी।'

![](https://cdn.door43.org/obs/jpg/360px/obs-en-35-07.jpg)

कने उनी छोटे पुत्रे वापिस अपणे पिता दे घरे पासे जाणा शुरू किता। सै हले दूर ही था, उदे पिता उसयो ओंदे दिखया कने उस पर तरस खादा। सै दौड़ी करी अपणे पुत्रे बाल गिया कने उसयो गले ने लाई करी चूमा दिता।

![](https://cdn.door43.org/obs/jpg/360px/obs-en-35-08.jpg)

उनी पुत्रे बोलया, 'हे पिता, मैं परमेश्वरे दे कने तेरे खिलाफ पाप कितया है। मैं तेरा पुत्र बोलणे दे लायक भी नी है।'

![](https://cdn.door43.org/obs/jpg/360px/obs-en-35-09.jpg)

पर पिता अपणे इक सेवके जो बोलया, 'तोल्ली जाई करी सारयां छेल कपड़े लेई करी ओआ कने मेरे पुत्रे जो पेहना! उदिया उंगली च गूठी कने उदे पैरों च जूते पेहना। फिरी सारयां छेल बकरा बडा कने त्यौहार मना, क्योंकि मेरा पुत्र मरी गिया था, पर हुण सै जिन्दा है! सै ग्बाची गिया था, पर हुण सांझो मिल्ली गिया है!'

![](https://cdn.door43.org/obs/jpg/360px/obs-en-35-10.jpg)

इस तांई लोकां त्यौहार मनणा शुरू किता। थोड़े बकते बाद, बडा पुत्र खेतरे ला कम्म करी के घरे जो आया। उनी गाणे बजाणे दी अवाज सुणी कने हेरान होया कि ऐ क्या होआ दा था।

![](https://cdn.door43.org/obs/jpg/360px/obs-en-35-11.jpg)

जालू बडे पुत्रे जो पता लग्गा कि सै इस तांई त्यौहार मना दे थे क्योंकि उदा भाई घरे जो आई गिया था, तां सै बड़ा गुस्सा होया कने घरे अंदर नी आया। उदे पिता बाहर आई करी उसयो उना सोगी त्यौहार मनाणे तांई मनाया, पर उनी मना करी दिता।

![](https://cdn.door43.org/obs/jpg/360px/obs-en-35-12.jpg)

उनी बडे पुत्रे अपणे पिता जो बोलया, 'इना सारे सालां च मैं तेरे तांई इमानदारिया ने कम्म किता! कदी भी तेरिया गल्ला जो नी टालया, पर तू कदी भी मिंजो इक छोटा बकरा भी नी दिता ताकि मैं अपणे मित्रां सोगी दावत करी सकें। पर तेरे इनी पुत्रे तेरे पैसे जो पापी कम्म करणे च बर्बाद करी दितया है। कने हुण जालू सै आया है तां उदे तांई खुशी मनाणे जो तू सारयां ला खरे बकरे जो बडी दिता!'

![](https://cdn.door43.org/obs/jpg/360px/obs-en-35-13.jpg)

पिता उसयो जवाब दिता, 'हे मेरे पुत्र, तू हमेशा मेरे सोगी है, कने जड़ा कुछ मेरा है सै सब तेरा है। पर साड़े तांई ख़ुशी मनाणा सही है क्योंकि तेरा भाई मरी गिया था, पर हुण सै जिन्दा है। सै गबाची गिया था, पर हुण सांझो मिली गिया है!'

*लूका अध्याय 15:11-32 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_35_128kbps.m4a

## 36. रूप बदलणा

https://openbiblestories.org/l/bht/story-36/

![](https://cdn.door43.org/obs/jpg/360px/obs-en-36-01.jpg)

इक दिन, यीशुऐ अपणे तीन चेले, पतरस, याकूब, कने यूहन्ना जो अपणे सोगी लिया। (ऐ यूहन्ना नाऐ दा चेला सै माणु नी है जिनी यीशुऐ जो बपतिस्मा दितया था।) सै प्रार्थना करणे तांई इक उच्चे पहाड़े पर गे।

![](https://cdn.door43.org/obs/jpg/360px/obs-en-36-02.jpg)

जालू यीशु प्रार्थना करा दा था तां उदा चेहरा सुरजे सांई चमकीला होई गिया। उदे कपड़े लौइ सांई चिटे होई गे, जियां धरती पर कोई करी नी सके उसला भी बदी करी चिट्टे।

![](https://cdn.door43.org/obs/jpg/360px/obs-en-36-03.jpg)

तालू मूसा कने एलिय्याह परमेश्वरे दे संदेश देणे बाले प्रकट होए। ऐ बंदे इसा धरती पर बड़े सालां पेहले रेंदे थे। उना यीशुऐ ने उदिया मौता दे बारे च गल्ल किती, क्योंकि उनी थोड़े बकते बाद ही यरूशलेम शेहरे च मरी जाणा था।

![](https://cdn.door43.org/obs/jpg/360px/obs-en-36-04.jpg)

जालू मूसा कने एलिय्याह यीशुऐ सोगी गल्लां करा दे थे तालू पतरसे यीशुऐ ने बोलया, "साड़े तांई ऐथू होणा खरा है। असां तीन वेदियां बणादें, इक तेरे तांई, इक मूसा तांई, इक एलिय्याह तांई।" पर पतरस नी जाणदा था कि सै क्या बोला दा है।

![](https://cdn.door43.org/obs/jpg/360px/obs-en-36-05.jpg)

जालू पतरस गल्लां करा दा था, तां इक चमकीले बदले थले आई करी उना पर छां किती। फिरी उना बदले चे इक आवाजा जो सुणया। उनी बोलया, "ऐ मेरा पुत्र है जिसला मैं प्यार करदा है। मैं इसला खुश है। उदी सुणा।" सै तीनों चेले डरी गे कने धरती पर लेटी गे।

![](https://cdn.door43.org/obs/jpg/360px/obs-en-36-06.jpg)

तालू यीशुऐ उना जो छूता कने बोलया, "डरा मत। उठी जा।" जालू उना चारों पासे दिखया, तां सिर्फ यीशु ही ओथु था सै सिर्फ यीशु था।

![](https://cdn.door43.org/obs/jpg/360px/obs-en-36-07.jpg)

यीशु कने सै तीनों चेले उस पहाड़े ला थले उतरी आए। तालू यीशुऐ उना ने बोलया, "हुण जड़ा एथू होया उदी चर्चा कुसी ने मत करदे। मैं तोल्ली ही मरी जाणा कने फिरी जिन्दा होई जाणा। उदे बाद, तुसां लोकां जो दसी सकदे न।"

*मत्ती अध्याय 17:1-9; मरकुस 9:2-8; लूका 9:28-36 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_36_128kbps.m4a

## 37. यीशु लाज़र जो जिन्दा करदा है

https://openbiblestories.org/l/bht/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाऐ दा इक माणु था। उदियां दो बेहणा थियां जीना दे ना मरियम कने मार्था थे। सै सारे यीशुऐ दे खरे मित्र थे। इक दिन, कुनी यीशुऐ जो दसया कि लाज़र बड़ा बीमार है। जालू यीशुऐ ऐ सुणया तां उनी बोलया, "ऐ बीमारी लाज़रे दे मरणे सोगी नी मुकणी है। इदे बजाए, इना गल्लां लोकां जो परमेश्वरे दा आदर करणे तांई प्रेरित करणा।"

![](https://cdn.door43.org/obs/jpg/360px/obs-en-37-02.jpg)

यीशु अपणे मित्रां ने प्यार करदा था, पर जिथू सै था ओथु उनी दो दिना दीकर इंतजार किता। उना दो दिना बाद, उनी अपणे चेलयां ने बोलया, "ओआ, मुड़ी करी यहूदिया प्रदेशे जो चलदे।" चेलयां जवाब दिता, "पर हे गुरु, हुण ही कुछ बकत पेहले ओथु दे लोक तीजो मारी देणा चांदे थे!" यीशुऐ बोलया, "साड़ा मित्र लाज़र सोई गिया है, कने मिंजो उसयो जगाणा है।"

![](https://cdn.door43.org/obs/jpg/360px/obs-en-37-03.jpg)

यीशुऐ दे चेलयां जवाब दिता, "हे प्रभु, अगर लाज़र सोआ दा है, तां उनी ठीक होई जाणा।" तालू यीशुऐ उना जो साफ-साफ बोली दिता, "लाज़र मरी गिया है। मैं खुश है कि मैं ओथु नी था, ताकि तू मिंजो पर भरोसे करी सके।"

![](https://cdn.door43.org/obs/jpg/360px/obs-en-37-04.jpg)

जालू यीशु लाज़र दे ग्रां च पुज्जा तां लाज़रे जो मरयो पेहले ला ही चार दिन होई गिया थे। मार्था यीशुऐ ने मिलणे तांई बाहर आई कने बोलया, "हे प्रभु, अगर तू एथू होंदा तां मेरा भाई नी मरदा। पर मैं भरोसा करदी है कि जड़ा कुछ भी तू परमेश्वरे ला मंगगा उनी तीजो देणा।"

![](https://cdn.door43.org/obs/jpg/360px/obs-en-37-05.jpg)

यीशुऐ जवाब दिता, "मरणे बाद जिन्दा होणा कने जिन्दगी मैं है। जड़ा कोई मिंजो पर भरोसा करदा है, अगर सै मरी भी जाए तमी उनी जी पोणा। जड़ा कोई मिंजो पर भरोसा करदा है उनी कदी नी मरणा। क्या तू इस पर भरोसा करदी है?" मार्था जवाब दिता, "हे प्रभु, मैं भरोसा करदी है कि तू परमेश्वरे दा पुत्र मसीह है।"

![](https://cdn.door43.org/obs/jpg/360px/obs-en-37-06.jpg)

तालू मरियम आई। उनी यीशुऐ दे पैरां च पेई करी बोलया, "हे प्रभु, अगर तू ऐथू होन्दा तां मेरा भाई नी मरदा।" यीशुऐ उसयो पूछया, "तुसां लाज़रे जो कुथू रखया है?" उना उसयो दसया, "कब्रा च। आ कने दिखी ले।" तालू यीशु रोणा लग्गा।

![](https://cdn.door43.org/obs/jpg/360px/obs-en-37-07.jpg)

सै कब्र इक गुफा थी जिसा दे दरवाजे पर इक पत्थर रखया था। जालू यीशु कब्रा पर पुज्जा तां उनी उना ने बोलया, "पत्थरे जो हटाई दिया।" पर मार्था बोलया, "उसयो मरयो चार दिन होई गियो न। हुण तां उदे च बदबु ओआ दी होणी।"

![](https://cdn.door43.org/obs/jpg/360px/obs-en-37-08.jpg)

यीशुऐ जवाब दिता, "क्या मैं तीजो नी बोलया था कि अगर तुसां मिंजो पर भरोसा करगे तां परमेश्वरे दिया शक्तिया जो दिखगे?" इस तांई उना पत्थरे जो हटाई दिता।

![](https://cdn.door43.org/obs/jpg/360px/obs-en-37-09.jpg)

तालू यीशुऐ ऊपर स्वर्गे पासे दिखी करी बोलया, "हे पिता, मेरी सुणने तांई मैं तेरा धन्यवाद करदा है। मैं जाणदा है कि तू हमेशा मेरी सुणदा है, पर मैं एथू खड़ोत्यो सारे लोकां दिया सहायता करणे तांई बोलया ताकि ऐ भरोसा करन कि तू मिंजो भेजया है।" तालू यीशुऐ अबाज लाई, "हे लाज़र, बाहर निकली आ!"

![](https://cdn.door43.org/obs/jpg/360px/obs-en-37-10.jpg)

कने लाज़र बाहर निकली आया! सै हले भी कफने च लिपटया था। यीशुऐ बोलया, "इस कफने ला निकालने च उदी सहायता करा कने उसयो अजाद करा।" इस चमत्कारे दिया बजा ला मते यहूदियां यीशुऐ पर भरोसा किता।

![](https://cdn.door43.org/obs/jpg/360px/obs-en-37-11.jpg)

पर यहूदियां दे धार्मिक अगुवे यीशुऐ ने जलना लगे, इस तांई सै गिठा होए कने योजना बणाणा लगे की कियां यीशु कने लाज़रे जो मारी देन।

*यूहन्ना 11:1-46 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_37_128kbps.m4a

## 38. यीशुऐ दा पकड़वाया जाणा

https://openbiblestories.org/l/bht/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी लोक फसह दा त्योहार मनांदे थे। ऐ त्योहार इस तांई मनांदे थे क्योंकि केई शताब्दियां पेहले परमेश्वरे उना दे पूर्वजों जो मिस्र दिया गुलामिया ला छुड़ाया था। लगभग तीन सालां बाद यीशुऐ सारयां सामणे प्रचार करणा कने शिक्षा देणा शुरू किता। यीशुऐ अपणे चेलयां जो दसया कि सै उना सोगी यरूशलेम शेहरे च फसह दे त्योहारे जो मनाणा चांदा है, कने ऐ भी कि उसयो ओथु मारी भी देणा।

![](https://cdn.door43.org/obs/jpg/360px/obs-en-38-02.jpg)

यीशुऐ दे चेलयां च इक यहूदा नाऐ दा बंदा था। यहूदा प्रेरितां दे पैसयां दिया थेलिया जो रखदा था, पर अक्सर सै उसा थेलिया चे पैसे कडी लेदां था। यीशु कने उदे चेलयां जो यरूशलेम शेहरे च पुजणे बाद यहूदा यहूदी अगुवयां बाल गिया। उनी पैसयां दे बदले च यीशुऐ जो उना दे हथे च पकड़वाणे तांई बोलया। सै जाणदा था कि यहूदी अगुवे मंदे नी थे कि यीशु ही मसीह था। सै जाणदा था कि सै उसयो मारी देणा चांदे थे।

![](https://cdn.door43.org/obs/jpg/360px/obs-en-38-03.jpg)

महायाजके दे बोलणे पर यहूदी अगुवयां यीशुऐ जो उना दे हथां च पकड़वाणे तांई यहूदा जो ती चाँदिए दे सिक्के दिते। ऐ तियां ही होया जदिया कि संदेश देणे बालयां बोलया था कि होणा। यहूदा मनी गिया कने ती सिक्के लेई करी चली गिया। सै यीशुऐ जो गिरफ्तार कराणे तांई कुसी मोके दिया तोपा च था।

![](https://cdn.door43.org/obs/jpg/360px/obs-en-38-04.jpg)

यरूशलेम शेहरे च, यीशुऐ अपणे चेलयां सोगी फसह दा त्योहार मनाया। फसह दे खाणे दे बेले, यीशुऐ रोटी लेई करी तोड़ी। उनी बोलया, "इसयो ले कने खा। ऐ मेरा शरीर है जड़ा मैं तुहाड़े तांई दिंदा है। इसयो मेरिया यादा च करयां।" इयां यीशुऐ बोलया कि उनी उना तांई मरी जाणा, मतलब की उना तांई उनी अपणे शरीरे जो बलि चढ़ाई देणा।

![](https://cdn.door43.org/obs/jpg/360px/obs-en-38-05.jpg)

फिरी यीशुऐ एक दाखरस दा गलास लिया कने बोलया, "इसेयो पी लिया। ऐ नोऐ बायदे दा मेरा खून है जड़ा मैं नियोरना है ताकि परमेश्वर तुहाड़े पापां जो माफ करे। हर बरी इसयो पिंदे बकत मेरी याद च इसयो करा जड़ा मैं हुण करा दा है।"

![](https://cdn.door43.org/obs/jpg/360px/obs-en-38-06.jpg)

तालू यीशुऐ अपणे चेलयां ने बोलया, "तुसां चे इकी जणे मिंजो पकड़वाणा।" चेले हेरान होई गे, कने पूछणा लगे कि कुनी ऐसा कम करणा। यीशुऐ बोलया, "मिंजो पकड़वाणे बाला माणु सै है जिसयो मैं ऐ रोटिया दा टुकड़ा दिंदा है।" तालू उनी सै रोटी यहूदा जो दिती।

![](https://cdn.door43.org/obs/jpg/360px/obs-en-38-07.jpg)

उसा रोटिया जो लेणे बाद, यहूदा च शैतान बड़ी गिया। यहूदा निकली करी यीशुऐ जो गिरफ्तार करणे तांई यहूदी अगुवयां दी सहायता करणे तांई चली गिया। ऐ राती दा बकत था।

![](https://cdn.door43.org/obs/jpg/360px/obs-en-38-08.jpg)

खाणा खाणे बाद, यीशु कने उदे चेले जैतून पहाड़े पर चली गे। यीशुऐ बोलया, "तुसां सारयां अज राती मिंजो छडी देणा। ऐ लिखया है, 'मैं चरवाहे जो मारणा कने सारियां भेडां बिखरी जाणा।'"

![](https://cdn.door43.org/obs/jpg/360px/obs-en-38-09.jpg)

पतरसे जवाब दिता, "भले ही बाकी दे सारे तीजो छडी देन, मैं नी छडणा!" तालू यीशुऐ पतरसे जो बोलया, "शैतान तुसां सारयां जो लेणा चांदा है, पर हे पतरस, मैं तेरे तांई प्रार्थना किती कि तू भरोसे ला चुकी नी जाऐ। फिरी भी, आज दी राती, मुर्गे दे बाँग देणे ला पेहले तू तिन बरी मना करणा कि तू मिंजो जाणदा भी नी है।"

![](https://cdn.door43.org/obs/jpg/360px/obs-en-38-10.jpg)

पतरसे तालू यीशुऐ ने बोलया, "भले ही मैं मरी भी जां, मैं कदी भी तीजो मना नी करणा!" बाकी दे सारे चेलयां भी ऐई बोलया।

![](https://cdn.door43.org/obs/jpg/360px/obs-en-38-11.jpg)

तालू यीशु अपणे चेलयां सोगी गतसमनी नाऐ दिया जगा पर गिया। यीशुऐ अपणे चेलयां जो प्रार्थना करणे तांई बोलया ताकि शैतान उना दी परीक्षा ना करे। तालू यीशु अप्पू भी प्रार्थना करणे तांई चली गिया।

![](https://cdn.door43.org/obs/jpg/360px/obs-en-38-12.jpg)

यीशुऐ तीन बरी प्रार्थना किती, "हे मेरे पिता, अगर होई सके तां कृपा करिके ऐ दुखे दा कटोरा पीणे तांई मिंजो मत दे। पर अगर लोकां दे पाप माफ करणे तांई कोई होर रस्ता नी है, तां तेरी ही इच्छा पूरी हो।" यीशु बड़ा व्याकुल था कने उदा पसीना खूने दियां बूँदा सांई था। उसयो शक्ति देणे तांई परमेश्वरे इक स्वर्गदूते जो भेजी दिता।

![](https://cdn.door43.org/obs/jpg/360px/obs-en-38-13.jpg)

हर बरी प्रार्थना दे बाद, यीशु अपणे चेलयां बाल आया, पर सै सोई गियो थे। जालू यीशु तीजी बरी बापिस आया कने बोलया, "जागी जा! मेरा पकड़वाणे बाला एथू है।"

![](https://cdn.door43.org/obs/jpg/360px/obs-en-38-14.jpg)

यहूदी अगुवयां, सैनिकां, कने इक बड़ी बडी भिड़ा सोगी यहूदा आया। उना तलवारां कने लाठियां लियां थियां। यहूदा यीशुऐ बाल आई करी उसयो बोलया, "हे गुरु, नमस्कार," कने उदी चूमी लेई। उनी ऐसा इस तांई किता ताकि यहूदी अगुवयां जो पता लगी जा कि एई यीशु है। तालू यीशुऐ बोलया, "हे यहूदा, क्या तू इक चूमे ला मिंजो पकड़वा दा है?"

![](https://cdn.door43.org/obs/jpg/360px/obs-en-38-15.jpg)

जालू सै सैनिक यीशुऐ जो पकड़ा दे थे, तां पतरसे अपणी तलवार निकाली कने महायाजके दे इकी सेवके दा कन बडी दिता। यीशुऐ बोलया, "तलवारा जो दूर कर! मैं अपणे पिता ला मिंजो बचाणे तांई स्वर्गदूतां दी इक सेना तांई विणती करी सकदा है। पर मिंजो मेरे पिता दी गल्ल मनणी है।" तालू यीशुऐ उस माणुऐ दे कने जो ठीक करी दिता। तालू सारे चेले नठी गे।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_38_128kbps.m4a

## 39. यीशु पर मुकद्दमा चलदा है

https://openbiblestories.org/l/bht/story-39/

![](https://cdn.door43.org/obs/jpg/360px/obs-en-39-01.jpg)

हुण ऐ अधिया राती दा बकत था। सै सैनिक यीशुऐ जो महायाजके दे घरे जो लेई आऐ, क्योंकि सै यीशुऐ ला सवाल करणा चांदा था। पतरस दूरे ला उना दा पीछा करा दा था। जालू सैनिक यीशुऐ जो घरे अंदर लेई गे, तां पतरस बाहर रुकी करी अग्ग तपणा लगा।

![](https://cdn.door43.org/obs/jpg/360px/obs-en-39-02.jpg)

घरे दे अंदर, यहूदी अगुवयां यीशुऐ पर मुकद्दमा चलाया। सै उदे खिलाफ झुठियां गल्लां बोलणे तांई मते झूठे गवाहां जो लेई करी आए। हालाँकि, उना दियां गल्लां इकी दुज्जे ला सेहमत नी थियां, इस तांई यहूदी अगुवे ऐ साबित नी करी सके कि यीशु कुसी गल्ला दा दोषी था। यीशुऐ कुछ नी बोलया।

![](https://cdn.door43.org/obs/jpg/360px/obs-en-39-03.jpg)

आखरी च, महायाजके सीधे यीशुऐ पासे दिखी करी बोलया, "सांझो दस कि क्या तू ही जिन्दे परमेश्वरे दा पुत्र मसीह है?"

![](https://cdn.door43.org/obs/jpg/360px/obs-en-39-04.jpg)

यीशुऐ बोलया, "मैं ही है, कने तुसां मिंजो परमेश्वरे सोगी बैठया होया कने स्वर्गे ला ओंदा भी दिखणा।" महायाजके अपणे कपड़े फाड़ी ले क्योंकि जड़ा यीशुऐ बोलया उसा गल्ला पर बड़ा गुस्सा था। सै होर अगुवयां जो बकया, "सांझो ऐ दसणे तांई कुसी होर गवाह दी जरूरत नी है कि इनी माणुऐ क्या कितया है! तुसां अप्पू ही उसयो ऐ बोलदे सुणया है कि सै परमेश्वरे दा पुत्र है। उदे बारे च तुहाड़ा क्या फेसला है?"

![](https://cdn.door43.org/obs/jpg/360px/obs-en-39-05.jpg)

सारे यहूदी अगुवयां महायाजक जो जवाब दिता, "सै मरणे दे काबिल है!" तालू उना यीशुऐ दियां हखी पर पट्टी बनी दिती, उस पर थुक्या, उसयो मारया, कने उदा मजाक उड़ाया।

![](https://cdn.door43.org/obs/jpg/360px/obs-en-39-06.jpg)

कने पतरस, जालू सै घरे बाहर इन्तजार करा दा था। तालू इकी दासिया उसयो दिखया। उनी उसयो बोलया, "तू भी यीशुऐ सोगी था!" पतरसे मना करी दिता। बादे च, कुनी होर कुड़िया भी एई गल्ल बोली, कने पतरसे फिरी मना करी दिता। आखीर च, कुछ लोकां बोलया, "असां जाणदे न कि तू यीशुऐ सोगी था क्योंकि तुसां दोनों गलील ला न।"

![](https://cdn.door43.org/obs/jpg/360px/obs-en-39-07.jpg)

तालू पतरसे बोलया, "अगर मैं इस माणुऐ जो जाणदा है तां परमेश्वर मिंजो श्राप दे!" तालू ही पतरसे जो इयां बोलणे बाद, इक मुर्गे बाँग दिती। यीशुऐ पीछे मुड़ी करी पतरसे जो दिखया।

![](https://cdn.door43.org/obs/jpg/360px/obs-en-39-08.jpg)

पतरस ओथु ला चली गिया कने जोरे-जोरे ने रोया। तालू ही, यीशुऐ जो पकड़ाणे वाले यहूदा दिखया कि यहूदी अगुवयां यीशुऐ जो मौत दी सजा दिती है। यहूदा बड़ा दुखी होई गिया कने उनी जाई करी खुदखुशी करी लेई।

![](https://cdn.door43.org/obs/jpg/360px/obs-en-39-09.jpg)

हुण उस देशे दा राज्यपाल पिलातुस था। सै रोम तांई कम्म करदा था। यहूदी अगुवे यीशुऐ जो उदे बाल लेई करी आए। सै चांदे थे कि पिलातुस उसयो मौत दी सजा दे कने उसयो मारी दे। तालू पिलातुसे यीशुऐ ला पूछया, "क्या तू यहूदियां दा राजा है?"

![](https://cdn.door43.org/obs/jpg/360px/obs-en-39-10.jpg)

यीशुऐ जवाब दिता, "तू सच ही बोलया है। पर मेरा राज्य एथू धरती दा नी है। अगर होंदा तां मेरे दास मेरे तांई लड़ाई करदे। मैं धरती पर परमेश्वरे दे बारे च सच दसणे तांई आया है। हर इक जणा जड़ा सच ने प्यार करदा है सै मेरी सुणदा है।" पिलातुसे बोलया, "तां सच क्या है?"

![](https://cdn.door43.org/obs/jpg/360px/obs-en-39-11.jpg)

यीशुऐ सोगी गल्ल करणे बाद, पिलातुस बाहर लोकां दिया भिड़ा बाल आया कने बोलया, "मिंजो एसी कोई बजा नी पता लगी की जिस तांई इस माणुऐ जो मौत दी सजा हो।" पर यहूदी अगुवयां कने भिड़ा जोरे ने बोलया, "उसयो सूली पर चड़ाई दिया!" पिलातुसे जवाब दिता, "उनी कुछ भी गलत नी कितया है।" पर सै होर भी उचिया आवाज च बोलणा लगे। तालू पिलातुसे तीजी बरी बोलया, "सै दोषी नी है!"

![](https://cdn.door43.org/obs/jpg/360px/obs-en-39-12.jpg)

पिलातुस डरी गिया कि कुथी भीड़ दंगे शुरू नी करी दे, इस तांई सै अपणे सैनिकां ने यीशुऐ जो सूली पर चढ़ाणे तांई मनी गिया। रोमी सैनिकां यीशुऐ जो कोड़े लाए, कने उसयो राजे दे कपड़े पहनाए, कने उदे सिरे पर कंडयां ने बणया मुकुट रखया। तालू सै ऐ बोली करी उदा मजाक उड़ाणा लगे, "दिखा, यहूदियां दा राजा!"

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_39_128kbps.m4a

## 40. यीशुऐ जो सूलिया पर चढ़ाया जादां है

https://openbiblestories.org/l/bht/story-40/

![](https://cdn.door43.org/obs/jpg/360px/obs-en-40-01.jpg)

यीशुऐ दा मजाक उड़ाणे बाद, सैनिक उसयो सूलिया पर चढ़ाणे तांई लेई गे। उना उस सूली जो भी उसी ला चुकवाया जिस पर उना उसयो मारणा था।

![](https://cdn.door43.org/obs/jpg/360px/obs-en-40-02.jpg)

सै सैनिक यीशुऐ जो उसा जगा पर लेई करी आए जिसयो "खोपड़ी" बोलदे न कने उदे हथां कने पैरां जो सूलिया पर किलां ने ठोकी दिता। पर यीशुऐ बोलया, "हे पिता, इना जो माफ कर, क्योंकि ऐ नी जाणदे कि ऐ क्या करा दे न।" उना इक तख्ती बणाई कने उदे सिरे ऊपर टंगी दिती। उस पर लिखया था, "यहूदियां दा राजा।" पिलातुसे उना जो एई लिखणे तांई बोलया था।

![](https://cdn.door43.org/obs/jpg/360px/obs-en-40-03.jpg)

तालू सैनिकां यीशुऐ दे कपड़यां जो लेणे तांई चिट्ठियां पाइयां। जालू उना ऐसा किता तां उना उस भविष्यद्वाणिया जो पूरा किता जड़ी बोलदी थी, "उना मेरे कपड़यां जो अप्पू चे बंडी लिया, कने मेरे कपड़यां तांई चिट्ठियां पाईयां।"

![](https://cdn.door43.org/obs/jpg/360px/obs-en-40-04.jpg)

ओथु दो डाकू भी थे, जीना जो सैनिकां तालू ही सूलिया पर चढ़ाया था। उना डाकूआं जो यीशुऐ दिया दोनों तरफा रखया था। उना चे इकी डाकूऐ यीशुऐ दा मजाक उड़ाया, पर दुज्जे बोलया, "क्या तू नी डरदा कि परमेश्वरे तीजो सजा देणी? असां तां बड़े बुरे काम्म करणे तांई दोषी न, पर ऐ माणु निर्दोष है।" फिरी उनी यीशुऐ ने बोलया, "जालू तू अपणे राज्य च ओंगा तां कृपया मिंजो याद रखयां।" यीशुऐ जवाब दिता, "आज ही तू मेरे सोगी स्वर्गलोक च होणा।"

![](https://cdn.door43.org/obs/jpg/360px/obs-en-40-05.jpg)

यहूदी अगुवयां कने भिड़ा चे होर लोकां यीशुऐ दा मजाक उड़ाया। उना उसयो बोलया, "अगर तू परमेश्वरे दा पुत्र है, तां सूली ला थले उतरी आ कने अप्पू जो बचाई ले! तालू असां तीजो पर भरोसा करणा।"

![](https://cdn.door43.org/obs/jpg/360px/obs-en-40-06.jpg)

तालू उस सारे देशे दा अम्बर पूरा काला होई गिया, कने सै दोपेरा दा बकत था। कने तीन घंटे दीकर इयां ही रिया था।

![](https://cdn.door43.org/obs/jpg/360px/obs-en-40-07.jpg)

तालू यीशुऐ पुकारी करी बोलया, "पूरा होया! हे पिता, मैं अपणी आत्मा तेरे हथां च दिंदा है।" तालू उनी अपणे सिरे जो झुकाया कने अपणे प्राण छडी दिते। जालू सै मरया तां इक हिलण होया। सै बडा पर्दा जड़ा परमेश्वरे दिया हजुरी ला लोकां जो लग करदा था ऊपरे ला थले दीकर फटी करी दो हिस्सयां च होई गिया।

![](https://cdn.door43.org/obs/jpg/360px/obs-en-40-08.jpg)

अपणी मौत दे जरिये, यीशुऐ लोकां तांई परमेश्वरे बाल ओणे दा रस्ता खोली दिता। जालू यीशुऐ दी निगरानी करणे वाले इकी सैनिके जड़ा कुछ होया था ऐ सब दिखया तां उनी बोलया, "पक्का ही ऐ माणु निर्दोष था। ऐ परमेश्वरे दा पुत्र है।"

![](https://cdn.door43.org/obs/jpg/360px/obs-en-40-09.jpg)

तालू यूसुफ कने नीकुदेमुस नाऐ दे दो यहूदी अगुवे आए। सै भरोसा करदे थे कि यीशु ही मसीह था। उना पिलातुसे ला यीशुऐ दिया लाशा जो मंगया। उना उदे शरीरे जो कपड़े च लपेटया। तालू सै उसयो इकी कब्रा च लेई गे कने उदे अंदर रखी दिता, सै कब्र सपड़े जो कटी करी बणाईयो थी। तालू उना उस कब्रा दे दरबाजे जो बंद करणे तांई इक बडे पत्थरे जो रखी दिता।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_40_128kbps.m4a

## 41. परमेश्वर यीशुऐ जो मरयां चे जिन्दा करदा है

https://openbiblestories.org/l/bht/story-41/

![](https://cdn.door43.org/obs/jpg/360px/obs-en-41-01.jpg)

यीशुऐ जो सूली पर चढ़ाणे बाद, यहूदी अगुवयां पिलातुसे ने बोलया, "उनी झूठे, यीशुऐ बोलया था कि मैं तीन दिना बाद मरयां चे जिन्दा होई जाणा। इस तांई कुसी जो ऐ दिखणे तांई कब्रा दी निगरानी करणी पोणी कि उदे चेले उदिया लाशा जो चोरी करी नी लेई जान। अगर सै इयां करदे न तां उना बोलणा कि सै मरयां चे जिन्दा होई गिया है।"

![](https://cdn.door43.org/obs/jpg/360px/obs-en-41-02.jpg)

पिलातुसे बोलया, "कुछ सैनिकां जो लेई जा, कने जियां तुसां करी सकदे तियां कब्रा दी निगरानी करा।" इस तांई उना उस कब्रा दे दरबाजे दे पत्थरे पर इक मोहर लाई दिती। उना ऐ पक्का करणे तांई ओथु सैनिकां जो भी बैठाई दिता कि कोई भी उदिया लाशा जो चोरी नी सके।

![](https://cdn.door43.org/obs/jpg/360px/obs-en-41-03.jpg)

यीशुऐ दे मरणे दे दो दिन बाद सब्ते दा दिन था। कोई भी सब्ते दे दिने कम्म नी करी सकदा था, इस तांई यीशुऐ दा कोई भी साथी कब्रा पर नी आया था। पर सब्ते दे दिने बाद, भ्यागा तड़के, कुछ जनानियां यीशुऐ दिया कब्रा पर जाणे तांई तैयार होईयां। सै उदे शरीरे पर होर भी मसालयां जो लाणा चादियां थियां।

![](https://cdn.door43.org/obs/jpg/360px/obs-en-41-04.jpg)

उना जनानिया दे पुज्जणे ला पेहले कब्रा पर इक बड़ा बडा भूकम्प होया। स्वर्गे ला इक स्वर्गदूते आइकरी उस पत्थरे जो हटाई दिता जड़ा कब्रा दे दरबाजे पर था कने उस पर बैई गिया। ऐ स्वर्गदूत लौई सांई चमका दा था। कब्रा पर जड़े सैनिक थे उना उसयो दिखया। सै इतणे डरी गियो थे कि मरयां सांई धरती पर डेई पे।

![](https://cdn.door43.org/obs/jpg/360px/obs-en-41-05.jpg)

जालू सै जनानियां कब्रा पर पुज्जियां तां उनी स्वर्गदूते उना ने बोलया, "मत डरा। यीशु ऐथू नी है। सै मरयां चे जी पिया है, जियां उनी बोलया था की उनी जिन्दा होई जाणा! कब्रा च तोपा कने दिखा।" उना जनानिया कब्रा दे अंदर कने जिथू यीशुऐ दा शरीर रखया था ओथु तोपया कने उना जो ओथु उदा शरीर नी मिल्ला था!

![](https://cdn.door43.org/obs/jpg/360px/obs-en-41-06.jpg)

तालू उनी स्वर्गदूते उना जनानिया जो बोलया, "जाई करी उदे चेलयां जो दसा, 'यीशु मरयां चे जिन्दा होई गिया है कने उनी तुहाड़े अगे-अगे गलील जो जाणा।'"

![](https://cdn.door43.org/obs/jpg/360px/obs-en-41-07.jpg)

सै जनानियां हेरान भी होईयां कने खुश भी होईयां। सै चेलयां जो ऐ शुभ संदेश सुणाणे तांई दौड़ियां।

![](https://cdn.door43.org/obs/jpg/360px/obs-en-41-08.jpg)

जालू सै जनानियां चेलयां जो ऐ शुभ संदेश दसणे तांई अपणे रस्ते पर थियां, तां यीशु उना बाल प्रकट होया। सै उदे पैरां पर पेई गियां। तालू यीशुऐ बोलया, "मत डरा। जाई करी मेरे चेलयां जो गलील जाणे जो बोला। उना ओथु मिंजो दिखणा।"

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_41_128kbps.m4a

## 42. यीशु स्वर्गे जो बापिस चली जांदा है

https://openbiblestories.org/l/bht/story-42/

![](https://cdn.door43.org/obs/jpg/360px/obs-en-42-01.jpg)

जिस दिने परमेश्वरे यीशुऐ जो मरयां चे जिन्दा कितया था, उदे दो चेले बखे दे ग्रां च चलयो थे। चलदे-चलदे सै यीशु सोगी जड़ा होया था। उदे बारे च गल्लां करा दे थे, उना जो आस थी कि सै मसीह था, पर तमी उसयो मारी दिता। हुण सै जनानियां बोलदियां न कि सै फिरी जिन्दा होई गिया है। सै नी जाणदे थे कि कुसा गल्ला पर भरोसा करणा है।

![](https://cdn.door43.org/obs/jpg/360px/obs-en-42-02.jpg)

यीशुऐ उना बाल आई करी उना सोगी चलना शुरू किता, पर सै उसयो पछेणी नी सके। उनी पूछया कि सै कुस बारे च गल्लां करा दे थे। उना उसयो पिछले दिना च यीशुऐ सोगी होईयां सारियां घटना दे बारे च दसया। उना सोचया कि सै कुसी परदेसिए ने गल्लां करा दे थे जड़ा नी जाणदा था कि यरूशलेम शेहरे च क्या होया था।

![](https://cdn.door43.org/obs/jpg/360px/obs-en-42-03.jpg)

तालू यीशुऐ उना जो समझाया कि परमेश्वरे दा वचन मसीह दे बारे च क्या बोलदा है। बड़े पेहले, परमेश्वरे दे संदेश देणे बालयां बोलया था कि बुरे लोकां मसीह जो सताणा कने मारी देणा। पर परमेश्वरे ऐ भी बोलया था कि उनी तिज्जे दिने जी पोणा।

![](https://cdn.door43.org/obs/jpg/360px/obs-en-42-04.jpg)

जालू सै उस शेहरे च पुज्जे जिथू सै दोनो जणे रुकणा चांदे थे, तालू दीकर लगभग संज होई गियो थी। उना यीशुऐ जो उना सोगी रेणे तांई बोलया, कने यीशु उना सोगी इकी घरे च गिया। अपणा संजा दा खाणा खाणे तांई सै बैई गे। यीशुऐ इक रोटी लेई करी उदे तांई परमेश्वरे दा धन्यवाद किता, कने फिरी उसयो तोड़या। अचानक उना जो पता लगी गिया कि सै यीशु था। पर तालू ही यीशु उना दिया हखी अगे ला गायब होई गिया।

![](https://cdn.door43.org/obs/jpg/360px/obs-en-42-05.jpg)

उना दो जणयां इक दुज्जे ने बोलया, "सै यीशु था! इस तांई जालू उनी सांझो परमेश्वरे दे वचन जो समझाया था तां असां बड़े उत्साहित थे!" तालू ही, सै निकली करी वापिस यरूशलेम शेहरे जो चली गे। जालू सै पुज्जे तां उना चेलयां जो दसया, "यीशु जिन्दा है! असां उसयो दिखया है!"

![](https://cdn.door43.org/obs/jpg/360px/obs-en-42-06.jpg)

जालू चेले गल्ल करा दे थे, यीशु अचानक उस कमरे च उना सोगी प्रकट होया। उनी बोलया, "तुहांजो शान्ति मिले!" चेलयां सोचया कि सै कोई भूत था, पर यीशुऐ बोलया, "तुसां कजो डरदे न? तुसां ऐ कजो नी सोचदे न कि मैं सच्ची यीशु है? मेरे हथां कने पैरां जो दिखा। भूतां बाल ऐसा शरीर नी होंदा जदिया मेरे बाल है।" ऐ दसणे तांई कि सै कोई भूत नी था, उनी खाणे तांई कुछ मंगया। उना उसयो मछिया दा इक टुकड़ा दिता, कने उनी उसयो खाई लिया।

![](https://cdn.door43.org/obs/jpg/360px/obs-en-42-07.jpg)

यीशुऐ बोलया, "मेरे बारे च परमेश्वरे दा वचन जड़ा कुछ भी बोलदा है सै पक्का होणा। मैं तुहांजो दस्सी दितया था कि इदा होणा जरूरी है।" तालू यीशुऐ उना जो परमेश्वरे दा वचन अच्छे ने समझाया। उनी बोलया, "बड़े पेहले परमेश्वरे दे संदेश देणे बालयां लिखया था कि मिंजो, मसीह जो दुख झेलणा पोणा, मरणा पोणा कने फिरी तिज्जे दिने मरयां चे जिन्दा होई जाणा।"

![](https://cdn.door43.org/obs/jpg/360px/obs-en-42-08.jpg)

उना परमेश्वरे दे संदेश देणे बालयां ऐ भी लिखया था कि मेरे चेलयां परमेश्वरे दे वचने जो लोकां सुणाणा। उना हर इक जणे जो पश्चाताप करणे तांई दसणा। अगर सै ऐसा करदे न तां परमेश्वरे उना दे पापां जो माफ करणा। मेरे चेलयां इस शुभ सन्देशे दा प्रचार यरूशलेम शेहरे ला करणा। तालू उना सारियां जगा कने जातियां च जाणा। तुसां सारे मेरिया हर इक गल्ला कने कम्मा दे गवाह न जड़े मैं बोलयो कने कितयो थे, कने उस सारे दे भी जड़ा मेरे सोगी होया।

![](https://cdn.door43.org/obs/jpg/360px/obs-en-42-09.jpg)

अगले चाली दिना दीकर, यीशु अपणे चेलयां पर केई बरी प्रकट होया। इक बरी सै इक ही बकते पर 500 ला जादा लोकां पर प्रकट होया! उनी अपणे चेलयां पर केई तरीकयां ने साबित किता कि सै जिन्दा था, कने उनी उना जो परमेश्वरे दे राज्य दे बारे च शिक्षा दिती।

![](https://cdn.door43.org/obs/jpg/360px/obs-en-42-10.jpg)

यीशुऐ अपणे चेलयां ने बोलया, "परमेश्वरे मिंजो स्वर्गे कने धरती दे हर इक जणे पर शासन करणे दा हक दितया है। इस तांई हुण मैं तुसां ने बोलदा है: जाइकरी सारी जातियां दे लोकां जो चेला बणा। ऐसा करणे तांई, तुहांजो उना जो पिता, पुत्र, कने पवित्र आत्मा दे नाऐ ने बपतिस्मा देणा है। जड़ा कुछ भी मैं तुहांजो हुकम दितया है उना सारियां गल्लां जो मनणा भी तुहांजो उना जो सिखाणा है। याद रखा, मैं हमेशा तुहाड़े सोगी रेणा।"

![](https://cdn.door43.org/obs/jpg/360px/obs-en-42-11.jpg)

यीशुऐ मरयां चे जिन्दा होणे दे चाली दिना बाद, उनी अपणे चेलयां ने बोलया, "जालू दीकर कि मेरा पिता तुहांजो शक्ति नी दिंदा है तालू दीकर यरूशलेम शेहरे च रिया। उनी तुहांजो पर पवित्र आत्मा भेजी करी इयां करणा।" तालू यीशु स्वर्गे च चली गिया, कने इकी बदले उसयो उना दिया नजरा ला लुकाई लिया। स्वर्गे च यीशुऐ सारियां चीजां पर शासन करणे तांई परमेश्वरे दे सजे पासे बैई गिया।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_42_128kbps.m4a

## 43. कलीसिया दी शुरुआत

https://openbiblestories.org/l/bht/story-43/

![](https://cdn.door43.org/obs/jpg/360px/obs-en-43-01.jpg)

यीशुऐ जो स्वर्ग बापिस जाणे बाद, चेले यरूशलेम शेहरे च ही रुकी गे जियां यीशुऐ उना जो करणे जो बोलया था। ओथु दे यीशुऐ पर भरोसा करणे बाले लोक लगातार सोगी गिठे होई करी प्रार्थना करदे थे।

![](https://cdn.door43.org/obs/jpg/360px/obs-en-43-02.jpg)

हर साल, फसह दे त्योहारे दे 50 दिना बाद, यहूदी लोक पिन्तेकुस्त नाऐ दे इक जरूरी दिने जो मनांदे थे। पिन्तेकुस्त सै बकत था जालू यहूदी लोक कणका दी बडाई करदे थे। सारे संसारे ला यहूदी लोक पिन्तेकुस्त दे दिने जो सोगी मनाणे तांई यरूशलेम शेहरे च आयो थे। इस साल, पिन्तेकुस्त मनाणे दा बकत यीशुऐ दे स्वर्ग जो चली जाणे दे लगभग इक हफ्ते बाद आया था।

![](https://cdn.door43.org/obs/jpg/360px/obs-en-43-03.jpg)

जिस बकत सारे यीशुऐ पर भरोसा करणे बाले लोक इक जगा गिठे थे, तां जिस घरे च सै थे अचानक ओथु तेज होआ दी आवाज होणा लगी। तालू अगी दियां लपटां सांई मिलणे बाली कोई चीज सारे भरोसा करणे बालयां दे सिरां पर प्रकट होई। सै सारे पवित्र आत्मा ने बरुई गे कने उना होर-होर भाषां च परमेश्वरे दी स्तुति किती। ऐ सै भाषां थियां जीना जो बोलणे तांई उना जो पवित्र आत्मा सहायता किती थी।

![](https://cdn.door43.org/obs/jpg/360px/obs-en-43-04.jpg)

जालू यरूशलेम शेहरे च रेणे बाले लोकां उस शोरे जो सुणया, तां सै भीड़ ऐ दिखणे तांई आई कि क्या होआ दा था। उना विश्वासियां जो परमेश्वरे दे कितयो बडे-बडे कमा दी घोषणा करदे सुणया। सै हेरान थे क्योंकि सै उना कमा जो अपणिया ही भाषा च सुणा दे थे।

![](https://cdn.door43.org/obs/jpg/360px/obs-en-43-05.jpg)

इना चे कुछ लोकां बोलया कि सै चेले नशे च थे। पर पतरस खड़ोता कने उना ने बोलया, "मेरी गल्ल सुणा! ऐ लोक नशे च नी न! जड़ा तुहांजो मिल्ला दा है सै सेई न जड़ा योएल परमेश्वरे दे संदेश देणे बाले बोलया था कि होणा: परमेश्वरे बोलया, 'आखरी दे दिना च, मैं अपणा आत्मा देणा।'"

![](https://cdn.door43.org/obs/jpg/360px/obs-en-43-06.jpg)

हे इस्राएली लोको, यीशु इक ऐसा माणु था जिनी ऐ दसणे तांई कि सै कूण था बड़े अनोखे कम किते थे। उनी परमेश्वरे दिया शक्तिया ने बड़े अद्भुत कमा जो किता था। तुसां ऐ जाणदे न, क्योंकि तुसां इना कमा जो दिखया है। पर तुसां उसयो सूली पर चढ़ाई दिता!

![](https://cdn.door43.org/obs/jpg/360px/obs-en-43-07.jpg)

यीशु मरी गिया पर परमेश्वरे उसयो मरयां चे जिन्दा करी दिता। उनी उसा गल्ला जो पूरा करी दिता जिसयो इक परमेश्वरे दे संदेश देणे बाले लिखया था: 'तू अपने पवित्र बंदे जो कब्रा च सड़ना नी देणा।' असां गवाह न कि परमेश्वरे यीशुऐ जो फिरी जिन्दा करी दिता।

![](https://cdn.door43.org/obs/jpg/360px/obs-en-43-08.jpg)

परमेश्वर पिता हुण यीशुऐ जो अपणे सजे पासे बैठाई करी उसयो आदर दिता है। कने यीशुऐ साड़े तांई पवित्र आत्मा भेजया जियां कि उनी बायदा कितया था कि उनी भेजणा। पवित्र आत्मा ही उना कमा जो होणा दे दा है जिना जो तुसां दिखा दे कने सुणा दे न।

![](https://cdn.door43.org/obs/jpg/360px/obs-en-43-09.jpg)

तुसां यीशुऐ जो सूली पर चढ़ाई दिता। पर पक्का ही जाणी लिया कि परमेश्वरे यीशुऐ जो सारियां चीजां पर प्रभु कने मसीह दोनों बणाया है!

![](https://cdn.door43.org/obs/jpg/360px/obs-en-43-10.jpg)

पतरसे जो सुणने बाले लोक उदियां गल्लां ने अंदरे दीकर हिली गियो थे। इस तांई उना पतरस कने चेलयां ला पूछया, "हे भाइयो, सांझो क्या करणा चाइदा?"

![](https://cdn.door43.org/obs/jpg/360px/obs-en-43-11.jpg)

पतरसे उना जो जवाब दिता, "तुसां चे हर इक अपणे पापां तांई पश्चाताप क ताकि परमेश्वर तुहाड़े पापां जो माफ करे, कने यीशु मसीह दे ना ला बपतिस्मा लिया। तालू उनी तुहांजो वरदान दे रुपे च पवित्र आत्मा भी देणा।"

![](https://cdn.door43.org/obs/jpg/360px/obs-en-43-12.jpg)

पतरसे जड़ा बोलया उस पर लगभग 3,000 लोकां भरोसा किता कने यीशुऐ दे चेले बणी गे। उना बपतिस्मा लिया कने यरूशलेम शेहरे दिया कलीसिया दा हिस्सा बणी गे।

![](https://cdn.door43.org/obs/jpg/360px/obs-en-43-13.jpg)

जालू प्रेरितां उना जो शिक्षा दिती तां विश्वासियां लगातार सुणया। सै हमेशा मिलदे थे कने सोगी रोटियां खांदे थे, कने हमेशा इक दुज्जे तांई प्रार्थना करदे थे। उना मिली करी परमेश्वरे दी स्तुति किती कने जड़ा कुछ भी उना बाल था उना इक दुज्जे सोगी साझा किता। शेहरे दा हर इक माणु उना तांई अच्छा विचार रखदा था। हर दिन, जादा ला जादा लोक विश्वासी बणदे गे।

*प्रेरितों दे कम्म 2 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_43_128kbps.m4a

## 44. पतरस कने यूहन्ना इकी भिखारिए जो ठीक करदे न

https://openbiblestories.org/l/bht/story-44/

![](https://cdn.door43.org/obs/jpg/360px/obs-en-44-01.jpg)

इक दिन, पतरस कने यूहन्ना मंदिरे च गे। इक लंगड़ा माणु भीख मगणे तांई दरबाजे पर बैठया था था।

![](https://cdn.door43.org/obs/jpg/360px/obs-en-44-02.jpg)

पतरसे उस लंगड़े माणुऐ पासे दिखया कने बोलया, "मेरे बाल तीजो देणे तांई पैसे तां है नी न। पर जड़ा मेरे बाल है सै मैं तीजो दिंदा है। यीशु दे ना ने, उठ कने चल-फिर!"

![](https://cdn.door43.org/obs/jpg/360px/obs-en-44-03.jpg)

तालू ही, परमेश्वरे उस लंगड़े माणुऐ जो ठीक करी दिता। उनी चलणा कने कूदना, कने परमेश्वरे दी स्तुति करणा शुरू करी दिता। मंदिरे दे अंगणे च हाजिर लोक हेरान थे।

![](https://cdn.door43.org/obs/jpg/360px/obs-en-44-04.jpg)

तालू ही लोकां दी इक भीड़ उस माणुऐ जो दिखणे तांई आई जड़ा ठीक होई गिया था। पतरसे उना ने बोलया, "ऐ माणु ठीक है, पर इसा गल्ला पर हेरान मत होंदे। असां इसयो अपणिया शक्तिया ला ठीक नी कितया है, या इस तांई नी कि असां परमेश्वरे दा आदर करदे न। बल्कि, सै यीशु है जिनी इस माणुऐ जो अपणिया शक्तिया ने ठीक कितया है, क्योंकि असां यीशु पर भरोसा करदे न।"

![](https://cdn.door43.org/obs/jpg/360px/obs-en-44-05.jpg)

सै तुसां ही न जिना उस रोमी राज्यपाल जो यीशुऐ जो मारणे तांई बोलया था। तुसां उसयो मारी दिता जड़ा सबना जो जिन्दगी दिंदा है। पर परमेश्वरे उसयो मरयां चे जिन्दा किता। तुहांजो नी समझ लगी कि तुसां क्या करा दे थे, पर जालू तुसां उना कमा जो करा दे थे, तां जड़ा परमेश्वरे दे संदेश देणे बालयां बोलया था सै पूरा होया। उना बोलया था कि मसीह जो दुख झेलणे पोणे कने मरी जाणा। परमेश्वरे इसयो होणा दिता। इस तांई हुण, पश्चाताप करा कने परमेश्वरे पासे फिरा, ताकि सै तुहाड़े पापां जो धोई करी साफ करे।

![](https://cdn.door43.org/obs/jpg/360px/obs-en-44-06.jpg)

जालू मंदरे दे अगुवयां पतरसे कने यूहन्ना जो सुणया, तां सै बड़े घबराई गे। इस तांई उना उना जो गिरफ्तार करीरी जेला च पाई दिता। पर जड़ा पतरसे बोलया था उस पर मतयां लोकां भरोसा किता। यीशुऐ पर भरोसा करणे बालयां दी गिणती बदी करी लगभग 5,000 होई गेई।

![](https://cdn.door43.org/obs/jpg/360px/obs-en-44-07.jpg)

अगले दिने, सै यहूदी अगुवे पतरस कने यूहन्ना जो महायाजक कने होर धार्मिक अगुवयां दे सामणे लेई करी आए। सै उस माणुऐ जो भी लेई करी आए जड़ा लंगड़ा था। उना पतरस कने यूहन्ना ला पूछया, "कुदे अधिकारे ने तुसां उस लंगड़े माणुऐ जो ठीक किता?"

![](https://cdn.door43.org/obs/jpg/360px/obs-en-44-08.jpg)

पतरसे जवाब दिता, "ऐ माणु जड़ा तुहाड़े सामणे खड़ोतया है उसयो यीशु मसीह दिया शक्तिया ने ठीक कितया है। तुसां यीशुऐ जो क्रूस पर चढ़ाई दिता, पर परमेश्वरे उसयो फिरी जिन्दा करी दिता! तुसां उसयो अपनाया नी, पर यीशु दे इलावा उद्धार पाणे दा होर कोई दुज्जा रस्ता नी है!"

![](https://cdn.door43.org/obs/jpg/360px/obs-en-44-09.jpg)

सै अगुवे हैरान थे कि पतरस कने यूहन्ना बड़े साहसे ने गल्ल किती थी। उना दिखया कि ऐ तां सीधे साधे अनपढ़ माणु थे। पर फिरी उना जो याद आया कि ऐ दोनों यीशुऐ सोगी रियो थे। इस तांई उना दोनों जो बोलया, "असां तुहांजो होर भी जादा सजा देणी अगर तुसां यीशुऐ दे बारे च लोकां जो कोई होर संदेश दिता तां।" एसियां मतियां गल्लां बोलणे बाद, उना पतरस कने यूहन्ना जो जाणा दिता।

*प्रेरितों दे काम 3:1-4:22 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_44_128kbps.m4a

## 45. स्तिफनुस कने फिलिप्पुस

https://openbiblestories.org/l/bht/story-45/

![](https://cdn.door43.org/obs/jpg/360px/obs-en-45-01.jpg)

पेहले मसीही अगुवयां बीच स्तिफनुस नाऐ दा इक माणु था। सारे लोक उदी इज्जत करदे थे। पवित्र आत्मा उसयो बड़ी शक्ति कने बुद्धि दीतियो थी। स्तिफनुसे मते चमत्कार कितयो थे। जालू उनी यीशुऐ पर भरोसा करणे दे बारे च उना जो शिक्षा दिती तां मतयां लोकां उस पर भरोसा किता।

![](https://cdn.door43.org/obs/jpg/360px/obs-en-45-02.jpg)

इक दिन, स्तिफनुस यीशु दे बारे च शिक्षा दे दा था, कने कुछ ऐसे यहूदी आए जीना यीशुऐ पर भरोसा नी कितया था कने उदे सोगी सबाल जबाब करणा शुरू करी दिता। सै बड़े गुस्सा होई गे, इस तांई सै धार्मिक अगुवयां बाल गे कने उदे बारे च झूठ बोलया। उना बोलया, "असां स्तिफनुसे जो मूसा कने परमेश्वरे दे बारे च बुरियां गल्लां बोलदे सुणया है!" इस तांई धार्मिक अगुवयां स्तिफनुस जो गिरफ्तार करी लिया कने उसयो महायाजक कने यहूदियां दे होर अगुवयां दे सामणे लेईकरी आए। कने होर भी झूठे गवाह आए कने उना स्तिफनुसे दे बारे च झूठ बोलया।

![](https://cdn.door43.org/obs/jpg/360px/obs-en-45-03.jpg)

महायाजके स्तिफनुसे ला पूछया, "क्या ऐ लोक तेरे बारे च सच बोला दे न?" स्तिफनुसे महायाजक जो जवाब देणे तांई मतियां गल्लां बोलणा शुरू कितियां। उनी बोलया अब्राहम दे बकते ला यीशुऐ दे बकते दीकर परमेश्वरे इस्राएल दे लोकां तांई मते अनोखे कम्म किते न। पर लोकां हमेशा परमेश्वरे दे हुकमा जो नकारया है। स्तिफनुसे बोलया, "तुसां लोक परमश्वरे दे खिलाफ जिदी कने बलवा करणे वाले न। तुसां हमेशा पवित्र आत्मा जो नी अपनाया, जियां साड़े पूर्वजां हमेशा पवित्र आत्मा जो नी अपनाया था कने हमेशा उदे संदेश देणे बालयां जो मारी दितया था। पर जड़ा उना कितया था उदी तुलना च तुसां होर भी बुरा कितया है! तुसां मसीह जो मारी दिता!"

![](https://cdn.door43.org/obs/jpg/360px/obs-en-45-04.jpg)

जालू उना धार्मिक अगुवयां ऐ सुणया, तां सै इतणा गुस्सा होई गे कि उना अपणे कना जो बंद करी लिया कने जोरे ने चिल्लाए। सै स्तिफनुसे जो घसीटी करी शेहरे ला बाहर लेई गे कने उसयो मारी देणे तांई उसयो पत्थर मारे।

![](https://cdn.door43.org/obs/jpg/360px/obs-en-45-05.jpg)

जालू स्तिफनुस मरा दा था, सै पुकारी करी उठया, "हे यीशु, मेरिया आत्मा जो ग्रहण कर!" तालू सै अपणे गोडे भार पेई गिया कने फिरी पुकार करी बोलया, "हे प्रभु, ऐ पाप इना पर मत लांदा।" तालू सै मरी गिया।

![](https://cdn.door43.org/obs/jpg/360px/obs-en-45-06.jpg)

उस दिन, यरूशलेम शेहरे च रेणे बाले मतयां लोकां यीशुऐ दे चेलयां जो सताणा शुरू करी दिता, इस तांई यीशुऐ पर भरोसा करणे बाले लोक होर जगां जो नठी गे। पर इदे बावजूद भी, जिथू भी सै गे उना यीशुऐ दे बारे च प्रचार किता।

![](https://cdn.door43.org/obs/jpg/360px/obs-en-45-07.jpg)

फिलिप्पुस नाऐ दा यीशुऐ दा इक चेला था। जियां होर मते भरोसा करणे बाले यरूशलेम शेहरे ला नठी गियो थे, तियां ही सै भी यरूशलेम शेहरे ला नठी गिया। सै सामरिया दे इलाके च चली गिया। ओथु उनी लोकां च यीशु दे बारे च प्रचार किता। मतयां लोकां उस पर भरोसा किता कने उना जो उद्धार मिला। इक दिन, फिलिप्पुसे बाल परमेश्वरे दिया तरफा ला इक स्वर्गदूत आया कने उनी बणे च इक रस्ते पर चलणे तांई बोलया। फिलिप्पुस ओथु चली गिया। जालू सै उस रस्ते पर चलया था, तां उनी इक माणुऐ जो अपणे रथे च जांदे दिखया। ऐ माणु कूश देशे दा जरूरी अधिकारी था। पवित्र आत्मा फिलिप्पुसे जो बोलया कि जाई करी उस माणुऐ सोगी-सोगी चल।

![](https://cdn.door43.org/obs/jpg/360px/obs-en-45-08.jpg)

इस तांई फिलिप्पुस रथे बाल गिया। उनी सुणया कि सै कूशी परमेश्वरे दे वचने जो पढ़ा दा था। जड़ा यशायाह भविष्यद्वक्ता लिखया था सै उसयो पढ़ा दा था। सै पढ़ा दा था, "सै उसयो मारी देणे बालिया भेडा सांई लेई गिया, कने जियां इक मेमना शान्त होंदा है, उनी भी इक शब्द नी बोलया। उना उदे सोगी बुरा व्यवहार किता कने उदा आदर नी किता। उना उदे प्राण लेई ले।"

![](https://cdn.door43.org/obs/jpg/360px/obs-en-45-09.jpg)

फिलिप्पुसे उस कूशी ला पूछया, "जड़ा तू पढ़ा दा है क्या तू उसयो समझदा भी है?" उस कूशीऐ जवाब दिता, "नी। जालू दीकर कोई इसयो मिंजो नी समझाए, तालू दीकर मैं इसयो नी समझी सकदा। कृपा करीरी मेरे बाल आई करी बो। यशायाह ऐ अपणे बारे च लिखा दा था या कुसी होर दे?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथे पर चड़ी करी बैई गिया। तालू उनी उस कूशी माणुऐ जो ऐ दसया जड़ा यशायाहे यीशुऐ दे बारे च लिखया था। फिलिप्पुसे परमेश्वरे दे वचने ला होर मते बचना दी भी चर्चा किती। इयां उनी उस माणुऐ जो यीशुऐ दे बारे च शुभ संदेश सुणाया।

![](https://cdn.door43.org/obs/jpg/360px/obs-en-45-11.jpg)

फिलिप्पुस कने सै कूशी चलदे-चलदे इक पाणिऐ दे तलाबे बाल पुज्जे। उनी कूशीऐ बोलया, "दिख! एथू पाणी है! क्या मैं बपतिस्मा लेई सकदा है?" कने उनी सारथी जो रथ रोकणे तांई बोलया।

![](https://cdn.door43.org/obs/jpg/360px/obs-en-45-12.jpg)

सै पाणिऐ च गे, कने फिलिप्पुसे उस कूशी जो बपतिस्मा दिता। जालू सै पाणिऐ ला बाहर आए, तां पवित्र आत्मा अचानक ही फिलिप्पुसे जो चुकी करी कुसी होरसी जगा पर लेई गेई। ओथु फिलिप्पुस लोकां जो यीशुऐ दे बारे दसदा रिया।

![](https://cdn.door43.org/obs/jpg/360px/obs-en-45-13.jpg)

सै कूशी अपणे घरे जो चली गिया। सै खुश था कि सै हुण यीशुऐ जो जाणदा था।

*प्रेरितां दे काम 6:8-8:5; 8:26-40 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_45_128kbps.m4a

## 46. पौलुस मसीही विश्वासी बणी जांदा

https://openbiblestories.org/l/bht/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाऐ दा एक माणु था जिनी यीशुऐ पर भरोसा नी कितया था। जालू सै जवान था, तालू उनी स्तिफनुसे जो मारणे बाले लोकां दे कपड़यां दी निगरानी किती थी। बादे च, उनी विश्वासियों जो सताया था। उनी यरूशलेम शेहरे च घरे-घरे जाई करी मर्द कने जनानियां दोनों जो गिरफ्तार करीरी जेला च पाई दितया था। तालू महायाजके शाऊले जो दमिश्क शेहरे च जाणे दी आज्ञा दिती। उनी ओथु दे मसीहियां जो गिरफ्तार करणे कने उना जो वापिस यरूशलेम शेहर लेई करी ओणे तांई शाऊले जो बोलया।

![](https://cdn.door43.org/obs/jpg/360px/obs-en-46-02.jpg)

शाऊले दमिश्क शेहर जाणे दी यात्रा शुरू किती। उस शेहरे जो पुजणे ला थोड़ा ही पेहले, उदे चारों पासे अम्बरे ला इक चमकीली लौ चमकी, कने सै थले जमिना पर डेई पिया। शाऊले कुसी जो बोलदे सुणया, "हे शाऊल! हे शाऊल! तू मिंजो कजो सता दा है?" शाऊले पूछया, "हे प्रभु, तू कुण है?" यीशुऐ उसयो जवाब दिता, "मैं यीशु हूँ। तू मुझे सता दा है!"

![](https://cdn.door43.org/obs/jpg/360px/obs-en-46-03.jpg)

जालू शाऊल उठया तां उसयो मिल्ला दा नी था। उदे मित्र उसयो दमिश्क शेहरे च लेई करी गे। शाऊले तीन दिना दीकर कुछ भी खादा पिता नी था।

![](https://cdn.door43.org/obs/jpg/360px/obs-en-46-04.jpg)

दमिश्क शेहरे च हनन्याह नाऐ दा इक चेला था। परमेश्वरे उसने बोलया, "उस घरे जो जा जिथू शाऊल रुकया है। अपणे हथां जो उस पर रख ताकि उदियां हखी ठीक होई जान।" पर हनन्याह बोलया, "हे प्रभु, मैं सुणया है कि इनी माणुऐ भरोसा करणे बालयां जो बड़ा सताया है।" परमेश्वरे उसयो जवाब दिता, "जा! मैं उसयो यहूदियां च कने होर जातियां दे लोकां च मेरे नाऐ दी घोषणा करणे तांई चुणया है। उनी मेरे ना तांई बड़े दुख सेहणे।"

![](https://cdn.door43.org/obs/jpg/360px/obs-en-46-05.jpg)

कने हनन्याह शाऊले बाल गिया, अपणे हथां जो उस पर रखया, कने बोलया, "यीशुऐ जड़ा एथू ओणे दे तेरे रस्ते च तीजो पर प्रकट कितया था, मिंजो तेरे बाल भेजया है ताकि तू दुबारा ला दिखणा लगे, कने पवित्र आत्मा तीजो भरी दे।" तालू ही शाऊले जो मिलणा लगी पिया, कने हनन्याह उसयो बपतिस्मा दिता। तालू शाऊले रोटी खादी कने ठीक होई गिया।

![](https://cdn.door43.org/obs/jpg/360px/obs-en-46-06.jpg)

तालू ला ही, शाऊले दमिश्क शेहरे च रेणे बाले यहूदियां च प्रचार करणा शुरू किता। उनी बोलया, "यीशु ही परमेश्वरे दा पुत्र है!" यहूदी लोग हेरान थे, क्योंकि शाऊले तां विश्वासियों जो मारणे दी कोशिश कीतियो थी, पर हुण उनी यीशुऐ पर भरोसा कितया था। शाऊले यहूदियां सोगी वाद-विवाद किता। उनी दसया कि यीशु ही मसीहा था।

![](https://cdn.door43.org/obs/jpg/360px/obs-en-46-07.jpg)

बड़े दिना बाद, यहूदियां शाऊले जो मारी देणे दी योजना बणाई। उना उसयो मारणे तांई शेहरे दे फाटके पर लोकां जो भेजया। कि उदी निगरानी करे पर शाऊले उस योजना दे बारे च सुणी लिया, कने उदे मित्रां बची करी निकलने च उदी सहायता किती। इकी राती उना उसयो टोकरिया च बैठाया कने शेहरे दिया दीवारा च उसयो थले उतारी दिता। दमिश्क शेहरे ला बची करी निकलने बाद शाऊले यीशुऐ दे बारे च प्रचार करणा बंद नी किता।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितों ने मिलणे तांई यरूशलेम शेहरे जो गिया, पर सै उसला डरदे थे। तालू बरनबास नाऐ दा इक विश्वासी शाऊल जो प्रेरितों बाल लेई करी गिया। उनी उना जो दसया कि शाऊले कियां साहसी होई करी दमिश्क शेहरे च प्रचार कितया था। उदे बाद, प्रेरितां शाऊले जो अपनाई लिया।

![](https://cdn.door43.org/obs/jpg/360px/obs-en-46-09.jpg)

कुछ विश्वासी जड़े यरूशलेम शेहरे दे सताव ला नठी गियो थे सै दूर अंताकिया शेहरे च चली गियो थे कने यीशुऐ दे बारे च प्रचार करदे थे। अंताकिया शेहरे च रेणे बाले लोक जादा यहूदी नी थे, पर पेहली बरी, उना चे मतयां लोकां यीशुऐ पर भरोसा किता। बरनबास कने शाऊल इना नोए विश्वासियां जो यीशुऐ दे बारे च होर जादा सिखाणे तांई ओथु गे कने कलीसिया जो मजबूत किता। यीशुऐ पर भरोसा करणे बालयां जो पेहली बरी अंताकिया शेहरे च ही "मसीही" बोलया।

![](https://cdn.door43.org/obs/jpg/360px/obs-en-46-10.jpg)

इक दिन, अंताकिया शेहरे दे मसीही लोक बरत रखी करी प्रार्थना करा दे थे। पवित्र आत्मा उना ने बोलया, "मेरे तांई बरनबास कने शाऊले जो इस कमे जो करणे तांई लग करी दिया जिसयो करणे तांई मैं उना जो सदया है।" इस तांई अंताकिया दिया कलीसिया बरनबास कने शाऊल तांई प्रार्थना किती कने उना पर अपणे हथां जो रखया। तालू उनाजो होर मतियां जगा पर यीशुऐ दे बारे च शुभ समाचार दा प्रचार करणे तांई भेजी दिता। बरनबास कने शाऊले लग-लग जातियां दे लोकां जो शिक्षा दिती, कने मते लोकां यीशुऐ च भरोसा किता।

*प्रेरितों दे काम 8:3; 9:1-31; 11:19-26; 13:1-3 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_46_128kbps.m4a

## 47. फिलिप्पी शेहरे च पौलुस कने सीलास

https://openbiblestories.org/l/bht/story-47/

![](https://cdn.door43.org/obs/jpg/360px/obs-en-47-01.jpg)

जालू शाऊले सारे रोमी साम्राज्य च यात्रां कितियां तां उनी अपणे रोमी ना "पौलुस" दा इस्तेमाल करणा शुरू करी दिता। इक दिन, पौलुस कने उदा मित्र सीलास फिलिप्पी शेहरे च यीशुऐ दे बारे च शुभ संदेश सुणाणे तांई गे। सै शेहरे दे बाहर नदिया दे बखे इक जगा पर गे जिथू लोक प्रार्थना करणे तांई गिठा होयो थे। ओथु सै लुदिया नाऐ दी इक जनानिया ला मिले जड़ी इक व्यापारी थी। सै परमेश्वरे ला प्यार करदी थी कने उदी आराधना करदी थी।

![](https://cdn.door43.org/obs/jpg/360px/obs-en-47-02.jpg)

परमेश्वरे लुदिया जो यीशुऐ दे बारे च संदेश सुणाया कने उना यीशु मसीह पर भरोसा किता। पौलुस कने सीलासे उसयो कने उदे परिवारे जो बपतिस्मा दिता। उना पौलुस कने सीलासे जो अपणे घरे रुकणे तांई सदा दिता, इस तांई सै ओथु रुकी गे।

![](https://cdn.door43.org/obs/jpg/360px/obs-en-47-03.jpg)

पौलुस कने सीलास लोकां ने अक्सर उसा जगा पर मिलदे थे जिथू यहूदी लोक प्रार्थना करदे थे। हर रोज सै जालू ओथु जांदे थे तां इक गुलाम कुड़ी जिसा अंदर बुरी आत्मा थी, सै उना दा पीछा करदी थी। बुरिया आत्मा दे जरिये सै लोकां दा भविष्य दसदी थी, लोकां दा भविष्य दसी करी सै अपणे मालिकां तांई बड़े पैसे कमांदी थी।

![](https://cdn.door43.org/obs/jpg/360px/obs-en-47-04.jpg)

उना दे जांदे बकत ऐ गुलाम कुड़ी चिल्लाई करी बोलदी थी कि, "ऐ मर्द परम पिता परमेश्वरे दे सेवक न। ऐ तुहांजो उद्धार पाणे दा रस्ता दसा दे न!" सै रोज ही ऐसा करदी थी जिसा बजा ने पौलुस नाराज़ होई गिया।

![](https://cdn.door43.org/obs/jpg/360px/obs-en-47-05.jpg)

आखरी च, इक दिन जालू उना गुलाम कुड़िया चिल्लाणा शुरू किता, तां पौलुस उसा बाल मुड़ी करी आया कने उसा दे अंदरे दिया बुरिया आत्मा जो बोलया, "यीशुऐ दे ना ला इदे चे निकली जा।" तालू ही सै बुरी आत्मा उसा जो छडी करी चली गेई।

![](https://cdn.door43.org/obs/jpg/360px/obs-en-47-06.jpg)

उसा गुलाम कुड़िया दे मालिक बड़े गुस्सा होई गे। उना जो पता लगी गिया कि बिना उसा बुरिया आत्मा दे ऐ कुड़ी लोकां दा भविष्य नी दस्सी सकदी थी। इदा मतलब था कि लोकां हुण उदे मालिकां जो पैसा नी देणा।

![](https://cdn.door43.org/obs/jpg/360px/obs-en-47-07.jpg)

इस तांई उसा गुलाम कुड़िया दे मालिक पौलुस कने सीलास जो रोमी अधिकारियों बाल लेई गे। उना पौलुस कने सीलासे जो मारया कुटया, कने फिरी उना जो जेलखाने च पाई दिता।

![](https://cdn.door43.org/obs/jpg/360px/obs-en-47-08.jpg)

उना पौलुस कने सीलासे जो जेला च एसिया जगा पर रखया जिथू सारयां ला जादा सिपाही थे।सिपाईयां उना दे पैरां जो लकड़िया दे बडे-बडे टुकड़यां च बन्नी दिता। पर पौलुस कने सीलास आधिया राती दीकर, परमेश्वरे दे भजन गा दे थे।

![](https://cdn.door43.org/obs/jpg/360px/obs-en-47-09.jpg)

अचानक, इक भयानक भूकम्प होया! जेला दे सारे दरबाजे खुली गे, कने सारे कैदियां दे सुंगल खुली गे जीना ने सै बनयो थे।

![](https://cdn.door43.org/obs/jpg/360px/obs-en-47-10.jpg)

तालू दरोगा जो जाग आई गेई। उनी दिखया कि जेला दे सारे दरबाजे खुले न। उनी सोचया कि सारे कैदी बची करी नठी गियो होणे। सै डरी गिया कि उना दे नठी जाणे दिया बजा ला रोमी अधिकारियां उसयो मारी देणा, इस तांई सै अप्पू जो मारी देणे तांई तैयार होई गिया! पर पौलुसे उसयो दिखी करी बोलया, "रुकी जा! कुछ मत करदा। असां सारे एथू ही न।"

![](https://cdn.door43.org/obs/jpg/360px/obs-en-47-11.jpg)

उनी दरोगा कमदे-कमदे पौलुस कने सीलासे बाल आई करी पूछया, "उद्धार पाणे तांई मैं क्या करें?" पौलुसे जवाब दिता, "प्रभु यीशु पर भरोसा कर, तां तू कने तेरे घराने दा उद्धार होणा।" तालू सै दरोगा पौलुस कने सीलासे जो अपणे घरे जो लेई आया कने उना दे जखमा च दवाई लाई। पौलुसे उदे घरे दे सारे लोकां जो यीशु दे बारे च शुभ संदेश सुणाया।

![](https://cdn.door43.org/obs/jpg/360px/obs-en-47-12.jpg)

दरोगा कने उदे पूरे परिवारे यीशुऐ पर भरोसा किता, इस तांई पौलुस कने सीलासे उना जो बपतिस्मा दिता। उदे बाद दरोगे पौलुस कने सीलास जो खाणा खुआया, कने उना सारयां खुशी मनाई।

![](https://cdn.door43.org/obs/jpg/360px/obs-en-47-13.jpg)

अगले दिन शेहरे दे अगुवयां पौलुस कने सीलास जो जेला ला आजाद करी दिता कने फिलिप्पी ला चली जाणे तांई बोलया। पौलुस कने सीलास लुदिया कने कुछ होर मित्रां सोगी मिल्ले उदे बाद ओथु ला चली गे। यीशुऐ दे बारे च शुभ संदेश फैलदा गिया, कने कलीसिया बददी गेई।

![](https://cdn.door43.org/obs/jpg/360px/obs-en-47-14.jpg)

पौलुसे कने होर मसीही अगुवयां मतयां शेहरां दी यात्रा किती। उना लोकां जो यीशु दे बारे च शुभ संदेश सुणाया। उना कलीसिया दे विश्वासियां जो उत्साहित करणे कने शिक्षा देणे तांई केई चिठियां भी लिखियां। इना चे केई चिठियां बाइबल दियां कताबां बणी गियां।

*प्रेरितां दे कम्म 16:11-40 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_47_128kbps.m4a

## 48. यीशु ही सै मसीह है जिस मसीह दा बायदा परमेश्वरे कितया है

https://openbiblestories.org/l/bht/story-48/

![](https://cdn.door43.org/obs/jpg/360px/obs-en-48-01.jpg)

जालू परमेश्वरे संसारे जो बणाया तां सारा कुछ खरा था। कने कोई पाप नी था। आदम कने हव्वा इक दुज्जे जो प्यार करदे थे, कने सै परमेश्वरे ने प्यार करदे थे। कोई बीमारी या मौत नी थी। परमेश्वर इयां ही संसारे जो चांहदा था।

![](https://cdn.door43.org/obs/jpg/360px/obs-en-48-02.jpg)

शैताने साँपे दे जरिये बागे च हव्वा ने गल किती, क्योंकि सै उसयो धोखा देणा चांदा था। तालू हव्वा कने आदमे परमेश्वरे खिलाफ पाप किता। क्योंकि उना पाप कितया था इस तांई धरती पर रेणे बाले सारे जणे मरदे न।

![](https://cdn.door43.org/obs/jpg/360px/obs-en-48-03.jpg)

क्योंकि आदम कने हव्वा पाप कितया था, इस तांई कुछ होर भी बुरा होया। सै परमेश्वरे दे दुशमण बणी गे। जिदिया बजा ने, तालू ला हर इक जणे पाप कितया है। हर इक जणा जन्म ला ही परमेश्वरे दा दुशमण है। परमेश्वर कने लोकां बीच शान्ति नी थी। पर परमेश्वर शान्ति करणा चांहदा था।

![](https://cdn.door43.org/obs/jpg/360px/obs-en-48-04.jpg)

परमेश्वरे बायदा किता कि हव्वा दे इकी वंशजे शैताने दे सिरे जो गरेचणा। उनी ऐ भी बोलया कि शैताने उदिया एड़िया जो डसणा। दुज्जे अखरां च, शैताने मसीह जो मारी देणा, पर परमेश्वरे उसयो दुबारा ला जिन्दा करी देणा। इदे बाद, मसीहे शैताने दिया शक्तिया जो हमेशा तांई मुकाई देणा। केई सालां बाद, परमेश्वरे प्रकट किता कि सै मसीह यीशु है।

![](https://cdn.door43.org/obs/jpg/360px/obs-en-48-05.jpg)

परमेश्वरे उसा बाड़ा ला अपणे परिवारे जो बचाया। परमेश्वरे नूह जो इक किस्ती बणाणे तांई बोलया कि इयां करी री परमेश्वरे उना लोकां जो बचाया जड़े उस पर भरोसा करदे थे। बाकी सारे दे सारे परमेश्वरे दे हथे मारी देणे दे काबील थे क्योंकि उना पाप कितया था। पर परमेश्वरे उना सारयां जो बचाणे तांई यीशुऐ जो भेजया जड़े उस पर भरोसा करदे न।

![](https://cdn.door43.org/obs/jpg/360px/obs-en-48-06.jpg)

मतयां सालां बाद, याजक परमेश्वरे तांई बलिदान चढ़ादें रे। ऐ द्र्शांदा है कि लोकां पाप कितया। पर सै बलिदान उना दे पापां जो माफ नी करी सकयो थे। यीशु सारयां ला बडा महायाजक है। उनी सै किता जड़ा कोई याजक नी करी सकदा था। उनी बलिदान होणे तांई अपणे आप जो देई दिता जड़ा हर कुसी दे पापां जो मिटाई सकदा था। उनी स्वीकार किता कि परमेश्वर उना सारयां दे पापां तांई उसयो सजा दे। इसा बजा ने, यीशु सिद्ध महायाजक था।

![](https://cdn.door43.org/obs/jpg/360px/obs-en-48-07.jpg)

परमेश्वरे अब्राहम ने बोलया, "मैं तेरे जरिये संसारे दे सारे कुलां जो आशीष देणी।" यीशु इसी अब्राहम दा वंशज था। परमेश्वर अब्राहम दे जरिये सारे कुलां जो आशीष दिंदा है, क्योंकि जड़े यीशुऐ पर भरोसा करदे न, परमेश्वर उना सारयां जो पापां ला बचादां है। जालू ऐ लोक यीशुऐ पर भरोसा करदे न, तां परमेश्वर उना जो अब्राहम दे वंशज मनदा है।

![](https://cdn.door43.org/obs/jpg/360px/obs-en-48-08.jpg)

परमेश्वरे अब्राहम जो बोलया कि सै अपणे पुत्रे जो मेरे तांई बलिदान करी दे। पर फिरी परमेश्वरे इसहाक दे बदले च बलि करणे तांई इक मेमना दिता। असां सारे अपणे पापां तांई मारी देणे दे कबिल थे! पर परमेश्वरे साड़िया जगा पर मरणे तांई यीशुऐ जो बलिदान दे रूपे च देई दिता। इसा बजा ला असां यीशुऐ जो परमेश्वरे दा मेमना बोलदे न।

![](https://cdn.door43.org/obs/jpg/360px/obs-en-48-09.jpg)

जालू परमेश्वरे मिस्र देशे पर आखरी विपत्ति भेजी तां उनी हर इक इस्राएली परिवारे ने बोलया कि सै इक मेमने दी बलि देन। उस मेमने च कोई दोष नी होणा चाइदा। तालू अपणे दरवाजे दिया चौखटा दे ऊपर कने अखे बखे उस मेमने दे खूने जो लगानयो। जालू परमेश्वरे उस खूने जो दिखया तां सै उना दे घरां ला अगे बदी गिया कने उना दे पेहलौठे पुत्रे जो नी मारया। जालू ऐ होया तां परमेश्वरे इसयो फसह दा त्यौहार बोलया।

![](https://cdn.door43.org/obs/jpg/360px/obs-en-48-10.jpg)

यीशु फसह दे त्योहारे दे इक मेमने सांई है। उनी कदी पाप नी किता, इस तांई उदे च कुछ भी गलत नी था। सै फसह दे त्योहारे दे बकते पर मरया। जालू कोई यीशुऐ पर भरोसा करदा है, तालू यीशुऐ दा खून उस माणुऐ दे पापां दी कीमत चुकांदा है। ऐ ऐसा है जियां कि परमेश्वर उस माणुऐ दे बखे ला अगे बदी गिया, क्योंकि सै उसयो सजा नी दिंदा है।

![](https://cdn.door43.org/obs/jpg/360px/obs-en-48-11.jpg)

परमेश्वरे इस्राएली लोकां सोगी इक बायदा किता, क्योंकि सै ऐसे लोक थे जिना जो परमेश्वरे अपणा होणे तांई चुणया था। पर हुण परमेश्वरे इक ऐसा बायदा कितया है जड़ा सारयां तांई है। अगर कुसी भी जाति दा कोई भी जणा इस नोऐ बायदे जो अपनांदा है, तां सै परमेश्वरे दे लोकां च शामिल होई जांदा है। सै ऐसा इस तांई करदा है क्योंकि सै यीशुऐ पर भरोसा करदा है।

![](https://cdn.door43.org/obs/jpg/360px/obs-en-48-12.jpg)

मूसा इक ऐसा परमेश्वरे दा संदेश देणे बाला था जिनी परमेश्वरे दे वचने जो बड़े जोर शोरे सोगी प्रचार कितया था। पर यीशु सारे परमेश्वरे दे संदेश देणे बालयां चे सारयां ला बडा है। सै परमेश्वर है, इस तांई जड़ा कुछ भी उनी कितया कने बोलया सै परमेश्वरे दे कम्म कने वचन थे। इसी तांई पवित्र-शास्त्र यीशुऐ जो परमेश्वरे दा वचन बोलदा है।

![](https://cdn.door43.org/obs/jpg/360px/obs-en-48-13.jpg)

परमेश्वरे राजा दाऊदे ने बायदा कितया था कि राजा दे रूप च उदा इक वंशज परमेश्वरे दे लोकां पर सदा तांई शासन करणा। यीशु परमेश्वरे दा पुत्र कने मसीह है, इस तांई सै राजा दाऊद दा वंशज है जड़ा सदा तांई राज्य करी सकदा है।

![](https://cdn.door43.org/obs/jpg/360px/obs-en-48-14.jpg)

दाऊद तां इस्राएल दा राजा था, पर यीशु सारे जगत दा राजा है! उनी फिरी ओणा कने सदा तांई न्याय कने शान्ति सोगी अपणे राज्य पर शासन करणा।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी*

Audio: https://git.door43.org/OBS-TLF/bht_obs/releases/download/v1/bht_obs_v1_48_128kbps.m4a

## 49. परमेश्वरे दा नोआ बायदा

https://openbiblestories.org/l/bht/story-49/

![](https://cdn.door43.org/obs/jpg/360px/obs-en-49-01.jpg)

इकी स्वर्गदूते इक जवान कुड़िया ने बोलया कि उना परमेश्वरे दे पुत्रे जो जन्म देणा। सै हले कुँआरी थी, पर पवित्र आत्मा उदे बाल आई कने सै गर्भवती होई। उना इक पुत्रे जो जन्म दिता जिदा ना उना यीशु रखया। इस तांई, यीशु परमेश्वर कने माणु दोनों है।

![](https://cdn.door43.org/obs/jpg/360px/obs-en-49-02.jpg)

यीशुऐ मते चमत्कार किते जड़े दसदे न कि सै परमेश्वर है। सै पाणिऐ पर चलया कने नेहरिया जो शान्त किता। उनी मते बीमार लोकां जो ठीक किता कने मते लोकां चे बुरियां आत्मा जो कडया। उनी मरयो लोकां जो जिन्दा करी दिता, कने उनी पंज रोटियां कने दो मच्छियां ने 5,000 लोकां जो खाणा खुआया।

![](https://cdn.door43.org/obs/jpg/360px/obs-en-49-03.jpg)

यीशु इक महान शिक्षक भी था। जड़ा कुछ भी उनी सिखाया, सै उनी सिद्धता सोगी सिखाया। जड़ा सै लोकां जो करणे तांई बोलदा है सै उना जो करणा चाईदा क्योंकि सै परमेश्वरे दा पुत्र है। उदाहरण तांई, उनी लोकां जो सिखाया कि तुहांजो होर लोकां ने तियां ही प्यार करणे दी जरूरत है जियां तुसां अप्पू जो प्यार करदे न।

![](https://cdn.door43.org/obs/jpg/360px/obs-en-49-04.jpg)

उनी ऐ भी सिखाया कि तुहांजो सारियां चीजां ला जादा कने अपणी संपत्ति ला भी जादा परमेश्वरे जो प्यार करणा चाइदा।

![](https://cdn.door43.org/obs/jpg/360px/obs-en-49-05.jpg)

यीशु बोलया है कि संसारे च कुसी भी चीजा जो पाणे ला जादा अच्छा है परमेश्वरे दे राज्य च होणा। उदे राज्य च तुहाड़े प्रवेश करणे तांई जरूरी है कि परमेश्वर तुहांजो तुहाड़े पापां ला बचाए।

![](https://cdn.door43.org/obs/jpg/360px/obs-en-49-06.jpg)

यीशुऐ बोलया कि कुछ लोकां उसयो ग्रहण करणा। परमेश्वरे उना लोकां जो बचाणा। पर केई लोकां उसयो ग्रहण नी करणा। उनी ऐ भी बोलया कि कुछ लोक खरिया जमीना सांई न, क्योंकि सै यीशुऐ दे बारे च शुभ संदेश जो स्वीकार करी लेंदे न, कने परमेश्वर उना जो बचादां है। पर कुछ लोक रस्ते दिया सकत जमिना सांई न। परमेश्वरे दा वचन बीऐ सांई रस्ते पर पौंदा है, पर ओथु कुछ भी नी उगदा है। ऐ लोक यीशु दे बारे च संदेश जो अस्वीकार करी दिंदे न। सै उदे राज्य च प्रवेश करणे ला मना करी दिंदे न।

![](https://cdn.door43.org/obs/jpg/360px/obs-en-49-07.jpg)

यीशुऐ सिखाया कि परमेश्वर पापियों ने बड़ा प्यार करदा है। सै उना जो माफ करणा चांदा है कने उना जो अपणी संतान बणाणा चांदा है।

![](https://cdn.door43.org/obs/jpg/360px/obs-en-49-08.jpg)

यीशुऐ ऐ भी दसया कि परमेश्वर पाप ने नफरत करदा है। क्योंकि आदम कने हव्वा पाप कितया, इस तांई उदे सारे वंशजां भी पाप किता। इस संसारे च रेणे बाला हर इक जणा पाप करदा है कने परमेश्वरे ला दूर है। हर इक जणा परमेश्वरे दा दुशमण है।

![](https://cdn.door43.org/obs/jpg/360px/obs-en-49-09.jpg)

पर परमेश्वरे इस संसारे च रेणे वाले हर इक जणे ने इतणा प्यार किता; उनी अपणे इकलौते पुत्रे जो देई दिता ताकि परमेश्वर उना जो सजा ना दे जड़े उस पर भरोसा करदे न। बल्कि सै उदे सोगी हमेशा तांई रेन।

![](https://cdn.door43.org/obs/jpg/360px/obs-en-49-10.jpg)

तुसां मरणे दे काबिल न, क्योंकि तुसां पाप कितया है। तुहांजो ने परमेश्वरे दा गुस्सा होणा ठीक ही है, पर इदे बदले, परमेश्वर यीशुऐ पर गुस्सा होया। उनी यीशुऐ जो सूली पर चड़ाई करी मौत दी सजा दिती।

![](https://cdn.door43.org/obs/jpg/360px/obs-en-49-11.jpg)

यीशुऐ कदी पाप नी किता, पर उनी परमेश्वरे जो उसयो सजा देणा दिती। उनी मरी जाणा स्वीकार करी लिया। इयां करी री, तुहाड़े पापां जो कने इस संसारे च रेणे बाले हर इकी जणे दे पापां जो चुकी करी लेई जाणे तांई इक सिद्ध बलिदान था। यीशुऐ अप्पू जो परमेश्वरे तांई बलिदान करी दिता, इस तांई परमेश्वर कुसी भी पाप जो, एथू दीकर कि बड़े बडे पापां जो भी माफ करदा है।

![](https://cdn.door43.org/obs/jpg/360px/obs-en-49-12.jpg)

भले ही अगर तुसां बड़े खरे कम करदे न, तमी परमेश्वरे तुहांजो नी बचाणा। उदा दोस्त बणने तांई ऐसा कुछ भी नी है जड़ा तुसां करी सकदे न। सिर्फ तुहांजो भरोसा करणा है कि यीशु परमेश्वरे दा पुत्र है, कने सै तुहाड़े बदले च सूली पर मरी गिया, कने ऐ भी कि परमेश्वरे उसयो फिरी जिन्दा करी दिता। अगर इस पर भरोसा करा, तां परमेश्वरे तुहाड़े पापां जो माफ करी देणा।

![](https://cdn.door43.org/obs/jpg/360px/obs-en-49-13.jpg)

परमेश्वरे हर उस जणे जो बचाणा जड़े यीशुऐ पर भरोसा करदा है कने उसयो अपणा प्रभु मनदा है। पर उनी उना जो नी बचाणा जड़े उस पर भरोसा नी करदे न। ऐ कोई मायने नी रखदा कि तुसां अमीर न या गरीब न, मर्द न या जनानिया, बुडे न या जवान न, या तुसां कुथू रेंदे न। परमेश्वरे तुहांजो ने प्यार करदा है कने चांदा है कि तुम यीशुऐ पर भरोसा करा ताकि सै तुहाड़ा मित्र बणी सके।

![](https://cdn.door43.org/obs/jpg/360px/obs-en-49-14.jpg)

यीशु तुहांजो सदा दा है कि उस पर भरोसा करा कने बपतिस्मा लिया। क्या तुसां भरोसा करदे न कि परमेश्वरे दा एकलौता पुत्र, यीशु ही मसीह है? क्या तुसां भरोसा करदे न कि तुसां इक पापी न कने ऐ कि तुसां परमेश्वरे ला सजा दे काबिल न? क्या तुसां भरोसा करदे न कि तुहाड़े पापां जो मिटाणे तांई यीशु सूली पर मरया?

![](https://cdn.door43.org/obs/jpg/360px/obs-en-49-15.jpg)

अगर तुसां यीशुऐ पर कने जड़ा उनी तुहाड़े तांई कितया है उस पर भरोसा करदे न, तां तुसां इक मसीही न! शैतान अपणे अंधकार दे राज्य च हुण तुहांजो पर शासन नी करदा है। हुण परमेश्वर अपणे प्रकाश दे राज्य च तुहांजो पर शासन करदा है। उनी तुहांजो पाप करणे ला रोकी दितया है, जिसयो तुसां करदे थे। उनी तुहांजो इक नोई कने सही जिन्दगी दीतियो है।

![](https://cdn.door43.org/obs/jpg/360px/obs-en-49-16.jpg)

अगर तुसां इक मसीही न तां जड़ा यीशुऐ कितया है उदिया बजा ने परमेश्वरे तुहाड़े पापां जो माफ करी दितया है। हुण परमेश्वर तुहाड़ा दुशमण नी पर इक पक्का दोस्त है।

![](https://cdn.door43.org/obs/jpg/360px/obs-en-49-17.jpg)

अगर तुसां परमेश्वरे दे दोस्त न कने प्रभु यीशु दे सेवक न तां तुसां उना दा गल्लां दा पालन करणा जड़ा यीशु तुहांजो सिखादां है। भले ही तुसां इक मसीही न, शैताने हल्ले भी पाप करणे तांई तुहाड़ी परीक्षा करणी। पर परमेश्वर हमेशा सै करदा है जड़ा सै बोलदा है। सै बोलदा है कि अगर तुसां अपणे पापां जो मनी लिया, तां उनी तुहांजो माफ करी देणा। उनी तुहांजो पाप दे खिलाफ लड़ने दी शक्ति देणी।

![](https://cdn.door43.org/obs/jpg/360px/obs-en-49-18.jpg)

परमेश्वर तुहांजो प्रार्थना करणे जो कने उदे वचने जो पढ़ने तांई बोलदा है। सै तुहांजो होर विश्वासियां सोगी मिली करी उदी आराधना करणे तांई भी बोलदा है। तुहांजो होर लोकां जो भी दसणा है कि उनी तुहाड़े तांई क्या कितया है। अगर तुसां इना सारे कम्मा जो करा, तां तुसां उदे इक पक्के मित्र बणी जाणा।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_49_128kbps.m4a

## 50. यीशु वापिस ओंदा है

https://openbiblestories.org/l/bht/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 सालां ला, संसारे दियां सारियां जगां च जादा ला जादा लोक मसीह यीशुऐ दे बारे च शुभ संदेश जो सुणा दे न। कलीसिया उन्नति करा दी है। यीशुऐ वायदा कितया है कि उनी संसारे दे आखरी च वापिस ओणा। पर सै हले दीकर बापिस नी आया है, तमी उनी अपणे बायदे जो पूरा करणा।

![](https://cdn.door43.org/obs/jpg/360px/obs-en-50-02.jpg)

असां यीशुऐ दे वापिस ओणे दा इंतजार करदे न, परमेश्वर सांझो ने ऐसे तरीके ने जिंदगी जीणे दी इच्छा करदा है जड़ी पवित्र है कने जड़ी उदी इज्जत करदा है। जालू यीशु धरती पर रे दा था तालू उनी बोलया, " मेरे चेलयां जालू संसारे दियां सारियां जगा दे लोकां जो परमेश्वरे दे राज्य दे बारे च शुभ संदेश दा प्रचार करी बोणा, तालू अंत आई जाणा।"

![](https://cdn.door43.org/obs/jpg/360px/obs-en-50-03.jpg)

मतियां जातियां न जीना हली दीकर यीशुऐ दे बारे च नी सुणया है। स्वर्गे जो बापिस चली जाणे ला पेहले, यीशुऐ मसीहियां जो उन लोकां जो शुभ संदेश सुणाणे जो बोलया जिना इसयो कदी नी सुणया है। उनी बोलया, "जा कने सारी जातियां दे लोकां जो चेला बणा!" कने "बडाई करणे तांई खेतर पकी गियो न!"

![](https://cdn.door43.org/obs/jpg/360px/obs-en-50-04.jpg)

यीशुऐ ऐ भी बोलया, "कुसी माणुऐ दा सेवक अपणे मालिके ला बडा नी होंदा। इस संसारे दे जरूरी लोकां मिंजो ने नफरत किती, कने मेरिया बजा ने उना तुहांजो भी सताणा कने मारी देणा। इस संसारे च तुहांजो दुख तकलीफ होणी, पर मज़बूत बणा, क्योंकि मैं शैताने जो हराई दितया है जड़ा इस संसारे पर शासन करदा है। अगर तुसां आखरी दीकर मिंजो पर भरोसा करगे, तां परमेश्वरे तुहांजो बचाणा!"

![](https://cdn.door43.org/obs/jpg/360px/obs-en-50-05.jpg)

यीशुऐ अपणे चेलयां जो ऐ समझाणे तांई इक कहाणी सुणाई कि जालू संसारे दा अंत होणा है तां लोकां सोगी क्या होणा। उनी बोलया, "कुनी माणुऐ अपणे खेतरे च खरा बी राया। जालू सै सोआ दा था तां उदा दुशमण आया कने कणका दे बियां बीच जंगली बुटयां दे बियां जो भी राई दिता, कने फिरी चली गिया।"

![](https://cdn.door43.org/obs/jpg/360px/obs-en-50-06.jpg)

जालू बूटे अंकुरित होए तां सेवकां उस माणुऐ जो बोलया, 'हे मालिक, तू तां अपणे खेतरे च खरा बी राय था। तां फिरी इदे च जंगली बूटे कजो न?' उनी माणुऐ जवाब दिता, 'ऐ मेरा कोई दुशमण है जिनी ऐसा कितया है।'

![](https://cdn.door43.org/obs/jpg/360px/obs-en-50-07.jpg)

उना सेवकां अपणे मालिकां जो जवाब दिता, 'क्या सांझो जंगली बूटयां जो उखाड़ी देणा चाइदा?' उनी मालिके बोलया, 'नी। अगर तुसां ऐसा करगे तां तुसां कुछ कणका दे बूटे भी उखाड़ी देणे। बडाईया दे बकते दीकर इन्तजार करा। जालू कणक पक्की जांगी तालू जंगली बूटयां जो गठेरी करी फुकी दिया। पर कणका जो मेरे गोदामे च लेईकरी ओआ।'

![](https://cdn.door43.org/obs/jpg/360px/obs-en-50-08.jpg)

चेलयां इसा कहाणिया दे मतलबे जो नी समझया, इस तांई उनी यीशुऐ जो उना जो समझाणे तांई बोलया। यीशुऐ बोलया, "खरा बी राणे बाला माणु मसीह सांई है। खेतर संसारे सांई है। खरा बी परमेश्वरे दे राज्य दे लोकां सांई है।"

![](https://cdn.door43.org/obs/jpg/360px/obs-en-50-09.jpg)

जंगली बूटे उस बुरे जन, शैताने दे लोकां सांई न। उस माणुऐ दा दुशमण शैताने सांई है, जिनी जंगली बूटयां जो राई दितया था। बडाई इस संसारे दे अंत है, कने बडाई करणे बाले परमेश्वरे दे स्वर्गदूतां सांई न।

![](https://cdn.door43.org/obs/jpg/360px/obs-en-50-10.jpg)

जालू संसारे दा अंत होणा तालू स्वर्गदूतां उना सारे लोकां जो गठेरणा जड़े शैताने दे न। स्वर्गदूतां उना जो इक बड़िया ही गर्म अग्गी च फेंकी देंणा। ओथु लोकां जो भयंकर सताव होणा कने रोणा कने अपणे दंद पीणे। पर जड़े लोक धर्मी न, जीना यीशुऐ पर भरोसा कितया है, उना परमेश्वर पिता दे राज्य च सुरजे सांई चमकणा।

![](https://cdn.door43.org/obs/jpg/360px/obs-en-50-11.jpg)

यीशुऐ ऐ भी बोलया कि उनी संसारे दा अंत होणे ला पेहले धरती पर बापिस मुड़ना है। उनी तियां ही वापिस ओणा जियां सै गिया था। मतलब की उदे बाल असली शरीर होणा, कने उनी अम्बरे च बदलां पर सवार होई करी ओणा। जालू यीशु बापिस मुड़दा है, तां हर इकी मसीही जड़ा मरी गियो न उना जिन्दा होई जाणा कने यीशुऐ ने अम्बरे च मिलणा।

![](https://cdn.door43.org/obs/jpg/360px/obs-en-50-12.jpg)

तालू जड़े मसीही हले दीकर जिन्दा न उना जो अम्बरे च चुकी लेई जाणा कने उना दुज्जे मसीहियां सोगी शामिल होई जाणा जड़े मरयां चे जिन्दा होणे न। उना सारयां ओथु यीशुऐ सोगी होणा। उदे बाद, यीशुऐ अपणे लोकां सोगी रेणा। जालू सै सोगी रेंदे न, तां उना बाल हमेशा दी शान्ति होणी।

![](https://cdn.door43.org/obs/jpg/360px/obs-en-50-13.jpg)

यीशुऐ उस पर भरोसा करणे बाले हर इक जणे जो इक मुकुट देणे दा बायदा कितया है। उना हमेशा तांई परमेश्वरे सोगी हर इक चीजा पर शासन करणा। उना बाल सिद्ध शान्ति होणी।

![](https://cdn.door43.org/obs/jpg/360px/obs-en-50-14.jpg)

पर परमेश्व उना सारयां दा न्याय करणा जड़े यीशुऐ पर भरोसा नी करदे न। उनी उना जो नरके च फेंकी देणा। ओथु उना रोणा कने अपणे दंद पीणे, कने उना जो हमेशा सजा मिलदी रेणी। कदी नी बुझणे बालिया अगी उना जो हमेशा फुकदे रेणा, कने कीड़यां उना जो खाणे ला कदी नी रुकणा।

![](https://cdn.door43.org/obs/jpg/360px/obs-en-50-15.jpg)

जालू यीशुऐ बापिस ओणा है, तां वह उनी शैताने जो पुरे तरीके ने हराई देणा कने उदे राज्य जो बर्बाद करी देणा। उनी शैताने जो नरके च पाई देणा। ओथु शैताने हमेशा तांई फकुंदे रेणा, उना सबना सोगी जिना परमेश्वरे दिया गल्लां जो मनणे दिया बजाए शैताने दे पीछे चलणे का फेसला किता था।

![](https://cdn.door43.org/obs/jpg/360px/obs-en-50-16.jpg)

क्योंकि आदम कने हव्वा परमेश्वरे दे हुकमे जो तोड़या था कने पाप जो इस संसारे च लेई करी आयो थे, परमेश्वरे उना जो श्राप दिता कने उनो जो खत्म करणे दा फेसला किता। पर कुसी दिने परमेश्वरे इक नोए स्वर्ग कने इक नोई धरती बणाणी।

![](https://cdn.door43.org/obs/jpg/360px/obs-en-50-17.jpg)

यीशुऐ कने उदे लोकां उसा नोईया धरती पर रेणा, कने उनी सदा तांईसारियां चीजां पर शासन करणा। उनी लोकां दियां ह्खी ला हर इक आँसू जो पूंजी देणा। हुण कुनी दुःखी नी होणा। हुण उना रोणा नी। उना बीमार नी होणा कने मरणा नी। कने ओथु कोई भी बुराई नी होणी। यीशुऐ अपणे राज्य पर न्यायपूर्वक, कने शान्तिया सोगी शासन करणा। उनी हमेशा तांई अपणे लोकां सोगी रेणा।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 ला इक बाइबल दी कहाणी*

Audio: https://git.door43.org/OBS-TLF/bht_obs/releases/download/v1/bht_obs_v1_50_128kbps.m4a