# unfoldingWord Open Bible Stories — Basketo

- Language code: `bst`
- Canonical page: https://openbiblestories.org/l/bst/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Basketo translation; it is not a translation of the whole Bible.

## 1. ኮቺንት

https://openbiblestories.org/l/bst/story-1/

![](https://cdn.door43.org/obs/jpg/360px/obs-en-01-01.jpg)

ዓኒፖ ጌዳ ኑ ቤቃዚንዳ ጾሲ ዎይሶ ባዛፖ ቲኖ ማቂኖንዶ። ማቂናካሬ ጾሳዲ ሳዝኤሺንዲኬ ኢዝ ጋርታ ዎዶ ባዛንስ ሌሂ ቃም ጋርታ ኮቺዴ። ጾሲ ሳዚን ኮቺኖፖ ዓኒ ሳዚንዳ ዹሚ ማ ኢዝ ጋልዳ ኣባካር ባዬ። ኢዝ ጋልዳ ኣባካር ቢርት ኮቺንታካዬ። ማቂናካሬ ጾሳ ሜናዲ ዋሳ ጋልዳ ኣፋ ዎዼ።

![](https://cdn.door43.org/obs/jpg/360px/obs-en-01-02.jpg)

ኢናፖ ጾሳዲ«ፎኢን»ማቆ ጌይን ፎኢን ማቃዴ።ጾሳዲ ፎኢንንዳ ኮሽ ማቂኖን ቤቃሪ «ጋላስ» ማቆ ጋይዴ።ጾሳዲ ጋላሲንዶ ዹሚፖ ፓጋሪ ኮሺንቺ ቤቃሪ ዹሚንዶ ቃሜ ጋይዴ ።ጾሳዲ ቲኒታሪ ጋላስ ፎኢንን ኮቺዴ ።

![](https://cdn.door43.org/obs/jpg/360px/obs-en-01-03.jpg)

ናምኢ ጋላስ ጾሳዲ ሳዛጋልዳፖ ፉዳ ሾክ ጌይኖ ኣፎ ሳዚን ኮቺዴ።ማቂነካሬ ጾሳዲ ዋንዶ ሳዚን ጋልዳፖ ፓጊዴ።

![](https://cdn.door43.org/obs/jpg/360px/obs-en-01-04.jpg)

ዓይዚ ቃምንባራ ጾሳዲ ዋንዶ ሜል ሳዚንጋልዳፖ ፓጊንታምፔን ዎቲዴ ።ጾሳዳሬ ሜል ሳዚንዶ «ሳዚንዶ» ዋንዳሬ፤ «ባሃራ»ጋይዴ ።ጾሳዳሬ ፌ ኮቺኖ ባዛን ኮሽ ማቂኖን ቤቂዴ።

![](https://cdn.door43.org/obs/jpg/360px/obs-en-01-05.jpg)

ኢናፖ ጾሳዲ ሳዚንዳ ዎይ ኮች ሚንኬ ዱጫን ፉዳጋቤ ጌይዴ ።ኢ ጌይኖንዲፌን ማቃዴ።ጾሳዳሬ ፌ ኮቺኖ ባዛን ኮሽ ማቂኖን ቤቂዴ።

![](https://cdn.door43.org/obs/jpg/360px/obs-en-01-06.jpg)

ኦይዲ ኮቺንት ቃሚንባራ ጾሳዲ ኣዋፊንዶ፤ኣጋኒንዲኬ ቤርሳን ኮቺዴ።ጾሳዲ ቃሚንዲኬ ጋላሲንዳሬ ማ ኬላንኬ ላይን ፓጊንታምፔን ዎቲዴ ።ጾሳዲ ፌ ኮቺኖ ባዛን ኮሽማቂኖን ቤቂዴ።

![](https://cdn.door43.org/obs/jpg/360px/obs-en-01-07.jpg)

ኢሺቻ ቃሚንባራ ጾሳዲ ዋ ጋርታ ዶኢዛንኬ ካፋን ዎይ ኮቺዴ።ጾሳዲ ዪና ኮሽ ማቂኖን ቤቂዴ ።ኮቺንቲኖ ባዛን ኣንጂዴ።

![](https://cdn.door43.org/obs/jpg/360px/obs-en-01-08.jpg)

ሌሂ ቃሚንባራ ጾሳዲ« ሳዛ ጋልዳ ዎይ ኮች ሜሃ ማቆ» ጌይዴ።ጾሲ ጌይኖንዲፌን ማቃዴ።ፔታን ፔታናን ዎት ዎቲዝ ሜሃን ፔታን ፔታናን ሳዛ ጋልዳ ፔ ሚልባር ዬዺዛን ፔታን ፔታናን ማታ ባዜ። ጾሳዳሬ ኢ ጌይኖንዳ ኮሽ ማቂኖን ቤቂዴ።

![](https://cdn.door43.org/obs/jpg/360px/obs-en-01-09.jpg)

ጾሳዲ «ኣሳን ኑና ፌንኬ ኑና ማይጺሳር ኮቺስቶ ኢንታሬ ሳዛ ጋልዳ ዎይኬ ሜሃ ዎይ ላ ማቃምፔን ስልጣና ኢንታብ ዶኦጋቤ» ጌይዴ።

![](https://cdn.door43.org/obs/jpg/360px/obs-en-01-10.jpg)

ዪኮታቦ ጾሳዲ ስዳፖ ሳዝ ኤካሪ ኣስ ማሃር ኮቺኖፖ ዓኒ ሼምፓ ፌና ኢሚዴ ።ዪ ናሳ ሱምዲ ኣዳማ ጌይንቲዴ።ጾሳዲ ኣዳሚ ዶኣዝ ቤሲን ኣታኪልታ ቶካሪ ኢዝ ጋርሲን ዎታምፔን ኢና ኢያ ጋዲዴ።

![](https://cdn.door43.org/obs/jpg/360px/obs-en-01-11.jpg)

ኣታኪልቲምቦ ጊዲን ጋርታ ጾሳዲ ናምኢ ዱማ ዱማ ሚንስ ቶኪዴ።ሼምፓ ሚኬ ኮሺንዲኬ ኢቲን ኤርሳንዳብ ዳንዳኢስዝ ኤሪቲ ሚን ዎዴ።ጾሳዳሬ ኣዳማ ኣታኪልቲን ጋርታ ዎዾ ኮሺንዲኬ ኢቲን ኤርሳንዳብ ዳንዳኢስዝ ኤርቲስ ሚሳንሳፖ ኣቲን ኣታኪልታን ጋርታ ዎዾ ሜላ ሚን ዎይን ኣፊን ሞንዳብ ዳንዳኣዚን ሶሊዴ። ዎቲናካሬ ኢቲንዲኬ ኮሺን ኤርሳንዳብ ዳንዳኢሳዝ ሚን ሙዬጌይን ዓይቃዚን ኢብ ሶሊኔ።

![](https://cdn.door43.org/obs/jpg/360px/obs-en-01-12.jpg)

ጾሳዲ ኣሲ ፌብዶር ዶኣዚን ኮሽባዮን ሶሊዴ።ሜሃን ጋርታፖ ፔታናር ኣዳማ ማዲዛን ማቃንዳብ ዳንዳኣካዬ።

![](https://cdn.door43.org/obs/jpg/360px/obs-en-01-13.jpg)

ጾሳዳሬ ኣዳማቦ ጴች ሱርስ ኢሚኖፖ ዓኒ ኢ ሱርቂ ኣቲን ኢ ባሪንን ጋልዳፖ ፔቲ ሜቃ ኤካሪ ማጫ ማሃሪ ኦኖፖ ዓኒ ኣዳማክ ኤኪ ዬይዴ

![](https://cdn.door43.org/obs/jpg/360px/obs-en-01-14.jpg)

ኣዳማሬ ኢዞ ቤቃሪ ዪዝጌይዴ።«ዓና ታና ማይጻሬ ኢዛ ኣቲና ጋልዳፖ ቤንቲኖ ኮታቦ ማጫ ጌይንቶ ።ዪ ኮታቦ ኣሲ ፌ ባባኬ ፌ ኢንዲክ ኣሺሬ ፌ ማጪምባር ፔታን ማቂሬ።

![](https://cdn.door43.org/obs/jpg/360px/obs-en-01-15.jpg)

ጾሳዲ ኣቲናኬ ማጫኬ ፌና ማይጺሳር ኮቺዴ። ጾሳዳሬ ኢንታ ኣንጂዴ፤ ማ ኢንታክ ጌርዶሪ «ዎይሊን ናኬ ናኣ ናኣሬ ዪንታብ ዶኦጋቤ ሳዚንዳር ኩሚብቴ» ጾሳዳሬ ኦኖ ባዛን ዎይሊን ኮሽ ማቂኖን ቤቂዴ።ዎይ ባዛንባር ኡፋይቲዴ ዪን ዎይ ሌሂ ቃምባር ማቂዴ።

![](https://cdn.door43.org/obs/jpg/360px/obs-en-01-16.jpg)

ታብዚ ቃሚንባራ ጾሲ ፌ ኮቻዝ ኦሲን ዉርሲዴ። ዪኮታቦ ጾሲ ኦሲሙታ ዎዾ ኦሳ ዎይ ጋልዳፖ ሼምፒዴ፤ ታብዚ ቃሚንዳር ኣንጂዴ ማ ጌሺዴ።ኣባ ጌይን ዪኒ ቃሚንባራ ፌ ኦሲን ዎይን ጋልዳፖ ሼምፒኖን ኮታቦ። ጾሲ ኣፎ ሳዚዲኬ ሳዶ ሳዚን ኢዝ ጋርታ ዎዾን ኮቺኖኬሊምባራ ማቂኖ ባዛን ዪንዲዜ።

*ጌሻ ማጻፋ ኮቺንት ማጻፋ ጋልዳ 1-2*

## 2. ናጋሮ ሳዛ ጋልዳ ጌልዴ

https://openbiblestories.org/l/bst/story-2/

![](https://cdn.door43.org/obs/jpg/360px/obs-en-02-01.jpg)

አዳማኬ ማጪንዲኬ ጾሲ ኢንታብ ቶኪኖ ዱጪን ጋርታ ዶኢዶሪ ዎይልን ኡፋይስባር ዎዼ። ማ ኢንቲ ዎልኣ ካላ ዎዼ ማቂናካሬ ኢንቲ ካላ ዎዾንዳ ኢንታ ዬልባሴ፤ ኣባ ጌይን ናጋሮ ሳዛ ጋልዳ ባዬ። ኢንታሬ ፌ ዱጫ ጋርታ ብርንቲ ሙታ ጾሳ ባር ሶልቲሬ።

![](https://cdn.door43.org/obs/jpg/360px/obs-en-02-02.jpg)

ዎቲናካሬ ውጫባሮ ሾሻዲ ዱጪን ጋርታ ዎዼ። ኣሲንዳር ኦይጪዴ «ጾሲ ኪንባራ ዱጪን ጋርታ ዎዾ ሚ ኣፋን ዎይ ሞፒቴ ጌይና?» ጌይዴ።

![](https://cdn.door43.org/obs/jpg/360px/obs-en-02-03.jpg)

ኣሲንዳሬ «ጾሲ ኢቲንዲኬ ኮሺንዲኪ ኤርሳዝ ኤራ ሚምፖ ኣቲን ሜላ ሚ ዎይ ኣፍ ጋልዳፖ ሞንዳብ ዳንዳኣዚን ሶልኔ። ዎቲናካሬ ኢዝ ኣፍን ሙይጌንዶ ዎይ ዎሼጌይናሬ ዪንቲ ዓይቂሬ ኑክ» ጌይኔ።

![](https://cdn.door43.org/obs/jpg/360px/obs-en-02-04.jpg)

ሾሻዳሬ ኣሲንኮ «ዪ ኪን ጊዳካዬ ዪንቲ ዓይቂባሴ ዪንቲ ኢዝ ኣፊን ጋልዳፖ ሙዬጌይንዶ ዪንታ ኣፊን ቤቃ ኮሺንዲኬ ኢቲን ኤራሪ ጾስ ፌን ማቃዚን ጾሲ ኤራዛኮታቦ ዪንቲ ሞፒቴ ጌይኖንዳ»ጌይዴ።

![](https://cdn.door43.org/obs/jpg/360px/obs-en-02-05.jpg)

ኣሲንዳሬ ሚን ኣፊንዳ ሞንዳብ ኮሺ፤ማ ቤቂን ኡፋይሳሪ ኤራ ዲጛንዳ ዳንዳኢስዛ ማቂኖን ቤቃራ ኣፊን ጋልዳፖ ኤካር ሞዴ ፌ ባር ዎዾ ፌ ኣሲናባር ኢማዴ ኢያር ሚን ኣፊን ሙይዴ።

![](https://cdn.door43.org/obs/jpg/360px/obs-en-02-06.jpg)

ኤልባራ ኢንቲ ናምኣን ኣፊን ቤቃዴ ።ኢንቲ ካላ ማቂኖን ኤሪዴ።ፋሻ ኤካር ኣፊላፌን ሲካር ፌ ካሊን ካጚዴ።

![](https://cdn.door43.org/obs/jpg/360px/obs-en-02-07.jpg)

ናሳዲኬ ኢ ማጪንዲኬ ጾሳ ቆ ዱጫ ጋርታ ብርንቲርዶር ሲስካሪ ዎይን ጾሳ ቲናፖ ባይዴ።ጾሳዲ ኣዳማ ጼጋሪ ኔ ዎይዲ ዎዻ?ጌይዴ።ኣዳማሬ «ኔኒ ዱጫ ጋርታ ብርንታምባራ ሲስካዴ,ታኒ ካላ ማቂኖን ኮታቦ ኢጫራ ባያዴ ጋሪ ማሂዴ።

![](https://cdn.door43.org/obs/jpg/360px/obs-en-02-08.jpg)

ጾሳዳሬ ኢኮ «ኔ ካላ ማቂኖን ኦ ኔብ ሶሌ?ኢዝ ጋልዳፖ ሞፔ ጌያ ኪቲኖ ሚን ሙዪ?ጌይዴ።ኣዳማሬ ዓና ታባር ዶኣምፔን ኢሚኖ ማጪን ኢዛ ሚን ኣፊን ታብ ኢሚን ሞዴ ጌይዴ ።ማጪንዳሬ ኣሽ ዓና ኔ ዎቲኖንዳ ኣብዛ ጌይዴ።ኢዛሬ «ሾሺ ታና ባሊን ቴ ሞዴ»ጋዴ።

![](https://cdn.door43.org/obs/jpg/360px/obs-en-02-09.jpg)

ጾሲ ሾሺንኮ ይዝጌይዴ «ኔኒ ባ̈ዲንቲኔ ኔ ሚልባር ዬቤ ሳዝ ሞቤ ኔናኬ ኣሲንዲኬ ዎልኣ ጎይል ማቂብቴ ኔ ናኣንኬ ኢዝ ናኣንባራ ዎልኣ ጎይል ማቂሬ ኣሲን ማጪን ኮቻን ኔ ቆሚን ቡካጋቤ ኔናሬ ኢንታ ቶሂን ቃቤ»።

![](https://cdn.door43.org/obs/jpg/360px/obs-en-02-10.jpg)

ጾሲ ኣሲንኮ «ኔ ዬላዝምባራ ዋያ ኔብ ዎልሳንዳ ኔ ባዚ ዎይ ኔ ኣሲና ጻና ማቆ ኢ ኔፖ ሾክ ጌይኖ ማቆ ጋቤ»።

![](https://cdn.door43.org/obs/jpg/360px/obs-en-02-11.jpg)

ጾሳሬ ኣዳማኮ «ኔ ማጪን ሶላ ሲስካራ ቴ ኔና ሞፔ ጋራ ኪቲኖ ሚን ኣፊን ሙይኖ ኮታቦ ሳዚንዳ ባ̈ዲንቲኔ።ኔ ዶኣዝ ላይን ዎይ ዋያባር ዶኣቤ ዋያር ሞቤ ኢናፖ ዓይቃሬ ኔ ሳዜ ኔ ሳዚንኮ ማቃሬ።ኣዳማሬ ፌ ማጪን ሼምፓባሮን ዎይንቦ ኢንዶ ዪኮታቦ ሔዋኖ ጌዪ ጼጊዴ ብርሺቺንዳሬ ሼምፓ ኢማሬ ጌንቴ፤ ጾሳሪ ሜሃ ጋማ ጋልዳፖ ኮቻር ማኢስዴ።

![](https://cdn.door43.org/obs/jpg/360px/obs-en-02-12.jpg)

ጾሳሬ ኣሲ ኮሺንዲኬ ኢቲን ኤርዝ ጎይባራ ዓት ኑ ጋሪታፖ ፌታናዲፌን ማቂኔ ማ ዓቲ ሼምፓ ሚን ኣፊን ፌ ኩሺባራ ዱ ኤካር ሞካፌንኬ ሜናብ ዶኣካይፌን ኣዳማኬ ሄዋንክ ቆይሳዝ ዱጫ ቤስን ጋልዳፖ ኢንታ ኬሲኔ። ኢናፖ ሼምፓ ሚንኮ ኤጛዝ ጎይን ናጋንዳብኬ ኦናካሬ ይና ሼምፓ ሚን ዱ ሞካይፌን ዎልቃማ ኪታንቻ ዱጫ ቤሲን ጋልዳ ጋዲዴ።

*ጌሻ ማጻፋ ጋልዳ ኮችንት ማጻፋ 3*

## 3. ይስ ዋ

https://openbiblestories.org/l/bst/story-3/

![](https://cdn.door43.org/obs/jpg/360px/obs-en-03-01.jpg)

ዎይልን ኬላፖ ዎሃ ዎይልን ዎሪዦ ሳዝ ኤሻ ጋልዳ ዎ። ኢንታሬ ዎይልን ኢትኬ ዎልቃማ ማቅዴ ኢቲቲሬ ዎይልን ዎይልሙታ ዬይኖ ኮታቦ ጾሳዲ ሳዝ ኤሺን ዎይ ይስዝ ዋባር ይሳንዳ ጋዪ ጊጺ ዲንዲዴ።

![](https://cdn.door43.org/obs/jpg/360px/obs-en-03-02.jpg)

ኖሂ ጾሳ ቲን ቦንች ዲዴ።ኖሂ ፌ ዶኣዝ ላይን ጋርታ ዎ ኣሳን ዎይንፖ ሺ ጺላኬ ኢት ኦዝባዝ ጋልዳፖ ጎቲኖ ኣሴ።ጾሳዳሬ ይሳ ዋን ሚሻንዳብ ቆፒኖን ኖሃብ ሶሊዴ።ኖሂ ጴች ጎ ኦምፔን ጾሳዲ ኢብ ሶሊዴ

![](https://cdn.door43.org/obs/jpg/360px/obs-en-03-03.jpg)

ጾሳዳሬ ኖሂ ጎ ኦምፔን ሶሊዴ።ጎንዳሬ ናምኢ ጼታኬ ላማካይ ታጳ ዋ ጳርን ጌዳኬ ዓኒክ ኦይዲ ታጶ ሌሂዋ ዳልጊ ማ ላምታም ታብዛ ዋ ፉዳ ሾኪ ጌይኖ ማቃጋቤ ጌይዴ።ኖሂ ኦዝ ጎንዳ ሚባር ኦኖ ማቃራ ኢዛ ዓይዝ ፖቃ ዎይልን ክፊላ ኣፎ ኬማስቶታ ካራ ዎ ኬ።ጎንዳሬ ኖሂኬ ኢ ኣሎ ኣሳን ሳዛ ጋልዳ ዎ ዎይ ባዝ ሜሃ ጋይዛ ዎይ ይሳዋንዳ ናጋምፔን ሶሊዴ።

![](https://cdn.door43.org/obs/jpg/360px/obs-en-03-04.jpg)

ኖሃሬ ጾሳቦ ኪቲንታሪ ጾሲ ሶሊኖንዲፌን ኖሂኬ ኢ ናኣን ዓይዛን ጎን ኦዴ።ጎንዳ ዎይሊን ጴች ማቂኖኮታቦ ኦ ዉርሳንዳቦ ዎይሊን ላይ ዉርሲኔ።ኖሂ ይሳ ዋን ዬዚን ዎርዣቦ ሶሊሙታዶሪ ኢንቲ ጾሳኮ ማቃምፔን ሶሊንዶኒ ኣሳን ሲሳካዬ።

![](https://cdn.door43.org/obs/jpg/360px/obs-en-03-05.jpg)

ጾሲ ኖሂኬ ኢ ኣሎ ኣሳን ኢንታብ ጊዲዝ ፊሺ ፌባኪ ሜሃንቦ ሺሻምፔን ኪቲዴ ዎይ ባዚ ጊጊኖፖ ዓኒ ጎን ጋርታ ጌላምፔኒ ኖሂቦ ኢ ማጪምቦ ኢ ናኢ ኣቲና ዓይዛንቦ ማ ኢንታ ማጫንቦ ኬሊን ዬሊኖን ሶሊዴ።ላማካይ ኣሳንጎን ጋርታ ጌሊዴ።

![](https://cdn.door43.org/obs/jpg/360px/obs-en-03-06.jpg)

ጾሲ ይሳ ዋን ጋልዳፖ ናጋምፔን ዎይ ባዝ ጋርታፖ ማጫኬ ኣቲናክ ሜሃ ማ ካፋንር ጉጃር ኖሃክ ሚሺዴ።ዣርሻቦ ማቃምፔኖ ታብዛ ማጫኬ ታብዛ ኣቲና ዎ ኮች ሜሃ ኖሃክ ሚሺዴ,ዎይን ጎን ጋርታ ጌሊኖፖ ዓኒ ጾሲ ፌብ ጎን ካሪን ይብጺዴ።

![](https://cdn.door43.org/obs/jpg/360px/obs-en-03-07.jpg)

ኢናፖ ዓኒ ኢሪን ኬዲ ኤዴ።ኢሪን ኬዳ ኬዳ ሻካይ ሙታ ኦይዲ ታጳ ጋላስኬ ቃምኬ ኬዳዴ ሳዳፓሬ ቱታ ኬስኪዴ ሳዝ ኤሻ ጋልዳ ዎ ባዚ ዎይ ዋ ካዴ,ጴች ኢንዳንር ኣታካይዶን ዋ ካዴ።

![](https://cdn.door43.org/obs/jpg/360px/obs-en-03-08.jpg)

ን ጋርታ ዎ ኣሳንኬ ሜሃንፖ ኣቲን ሳዛ ጋልዳ ዎ ባዚ ዎይ ዓይቂዴ።ጎንዳሬ ዋ ጋልዳ ኣፋ ፋጎላራ ኢዝ ጋርታ ዎ ሼምፓባሮ ባዚ ዎይ ዓይቃ ጋርታፖ ፋዴ/ቡቲሳዴ

![](https://cdn.door43.org/obs/jpg/360px/obs-en-03-09.jpg)

ኢሪን ኬዳዚን ሻኖፖ ዓኒ ጎንዳ ኢሺን ኣጋን ማቃምፔን ዋ ጋልዳ ኣፋ ጋምኣዴ።ይና ኢዝ ኬልምባራ ዋንዳ ዲሪ ጉጻሙታ ዬዴ። ፔቲ ቃም ጎንዳ ኢንዲን ሲንን ጋልዳ ዶኣዴ። ማቂናካሬ ሳዝ ኤሺንዳ ዓታር ዋባር ካንቲኔ።ዓይዚ ኣጋናፖ ዎሃ ኢንዲን ሲንሲን ቤንቲ ኤዴ

![](https://cdn.door43.org/obs/jpg/360px/obs-en-03-10.jpg)

ኦይዲ ታጳ ቃማፖ ዓኒ ኖሂ ዋን ሳዛ ጋልዳፖ ሚጪኔኮ ቤቃምፔን ቁራ ጋዝ ካፊን ሚሺዴ። ቁሪንዳ ዓያሬ ጌዳሬ ፋራር ቢርንቲ ቤቃምባራ ሜሊኖ ሳዝ ኮያር ዲንዳብ ዳንዳኣካዬ።

![](https://cdn.door43.org/obs/jpg/360px/obs-en-03-11.jpg)

ዎሃፖ ኖሂ ዶላ ጋዝ ካፊን ሚሺዴ።ማቂናካሬ ኢዛ ሉካራ ዶኢዝ ሳዝ ዲንዳብ ዳንዳኣካዮ ኮታቦ ኖሂክ ማቃር ዬዴ።ማ ታብዛ ቃም ዶኢኖፖ ዓኒ ኖሂ ማቃር ዶሊን ሚሺዴ።ኢዛሬ ዎይራ ጋዝ ሚን ዋይን ፌ ኖኒን ጋርታ ኤካር ማቃዴ ዋንዳሬ ዲሪሙታ ዎኮታቦ ማታር ፉዲ ኤዴ

![](https://cdn.door43.org/obs/jpg/360px/obs-en-03-12.jpg)

ኖሂ ሜላ ፔቲ ሳሚንታ ጋምኣሪ ዶሊን ዓይዝ ጎይ ሚሺዴ፤ይና ኢዝኬልምባራ ኢዛ ሼምፒዝ ቤስ ዲኖኮታቦ ማቃ ዬካይ ኣታዴ፤ዋንዳሬ ሜላሙታ ዎ

![](https://cdn.door43.org/obs/jpg/360px/obs-en-03-13.jpg)

ናምኢ ኣጋናፖ ዎሃ ጾሳዲ ኖሂኮ ኔኒ ኔ ኣሎ ኣሳንኬ ሜሃን ዎይ ጎን ጋርታፖ ኬስኪብቴ ጌይዴ።ኢ ዳባን ጎን ጋርታፖ ኬስኪዴ።ዎዪልን ናኣንኬ ኢ ናኣናኣን ዬሊዴ ሳዚን ኤሺን ኩሚዴ።

![](https://cdn.door43.org/obs/jpg/360px/obs-en-03-14.jpg)

ኖሃሬ ጎን ጋርታፖ ኬስኪኖፖ ዓኒ ካሻቤስ ኮቻሪ ዱማ ዱማ ሜሃን ጋርታፖ ዣርሽብ ማቃንዳብ ዳንዳኢዛንጾሳቦ ዣርሻ ሺሺዴ።ጾሳዳሬ ኢ ሺሺኖ ዣሪሺምባራ ኡፋይታር ኖሂኬ ኢ ኣሎ ኣሳንኣንጂዴ።

![](https://cdn.door43.org/obs/jpg/360px/obs-en-03-15.jpg)

ጾሳዳሬ«ኣሳን ኦዝ ኢታ ባዛንቦ ዎሃ ማቃር ባዳካዮዲፌን ታኒ ቃላ ጌላሬ።ኣባካር ማቂን ኣሳን ፌ ናኣቲፖ ኤር ዎርዳ ማቂናካሬ ሳዝ ኤሺን ማቃር ይሳ ዋባር ይሳባሴ»ጌይዴ።

![](https://cdn.door43.org/obs/jpg/360px/obs-en-03-16.jpg)

ጾሳዲ ፌ ጫቂን ማላ ማቃምፔን ቲኖ ዙሊን ኦዴ።ዎይ ጋላስ ዙሎ ኣፋ ቤንቲሬ።ጾሳዲ ይና ዙሊን ጎይባራ ዎርዣቦ ጌሊኖ ጫቂን ቃሊን ኤልቅ ዎቲሬ/ቦቲባሴ።

*ጌሻ ማጻፋ ጋልዳ ኮችንት ማጻፋ 6-8*

## 4. ጾሳዲ ኣብራሃማብ ጌልኖ ጫቃ ቃላ

https://openbiblestories.org/l/bst/story-4/

![](https://cdn.door43.org/obs/jpg/360px/obs-en-04-01.jpg)

ይሳ ዋን ኣን ዎይሊን ላይፖ ዎሃ ዎርዣን ሳዝ ኤሻ ጋልዳ ማቃር ዎይሊዴ።ዎይንፔቲ ኖና ሶሊሬ።ጾሲ ኢንታ ኪቲኖንዲፌን ሳዛ ጋልዳ ዎይላዚምፖ ሺ ዎልኣ ፔታን ማቃር ሺቃሪ ካታማ ኤሲዴ

![](https://cdn.door43.org/obs/jpg/360px/obs-en-04-02.jpg)

እንታሬ ዎይሊን ኦቲርቂዛን ጾሲ ሶሊኖ ባዛን ናጊባሴ ይፓር ኣሪ ፉዳ ኣፋ ዬላንዳቦ ጳሪን ኬ ኬጺ ኤዴ።ጾሳዳሬ ዓን ኣሳን ኢት ኦዚንዲኬ ጌዳ ኦሙታ ዶኣዚን ቤቂዴ።ዓኒፖ ሺ ኢታ ናጋራ ኦንዳብ ዳንዳኢሬ።

![](https://cdn.door43.org/obs/jpg/360px/obs-en-04-03.jpg)

ዪኮታቦ ጾሳዲ ኢንታ ኖኒን ዱማ ዱማ ኖናባር ቡሻሪ ዎርዣ ዎይ ሳዝ ኤሻ ዎይ ጋልዳ ላልዴ።ኢንቲ ኦንዳብ ኤኖ ካታሚን ሱምንዳ ባብሎና ጋይንታሬ።ኢዝ ሱምን ቢርሺቺንዳ ቡሺንቲኖዳ ዎይ ማላጋምኖዳ ጌንቴ።

![](https://cdn.door43.org/obs/jpg/360px/obs-en-04-04.jpg)

ፔቲ ጼታ ላይፖ ዎሃ ጾሳዲ ኣብራማ ጋይዛ ናሳቦ ሶሊዴ።ጾሳዲ ኢኮ ኔ ጋዲንዲኬ ኔ ኣሎ ኣሳን ኣሻራ ቴ ኔና ቤይሲኖ ቤሲን ሉካቤ።ኢና ቴ ኔና ኣንጃንዳ,ቴ ኔና ዎይሊ ዎርዣ ማሃዳ,ኔና ኣንጂዛ ቴ ኣንጃንዳ ኔና ባዲዛን ቴ ባዳንዳ ኔ ጎይባራ ሳዛ ጋልዶ ኣሲ ዎይ ኣንጂንቲሬ።

![](https://cdn.door43.org/obs/jpg/360px/obs-en-04-05.jpg)

ኣብራማሬ ጾሳቦ ኪቲንቲዴ ፌ ማጪን ሳሪኬ ፌ ኣሽካራን ዎይኬ ፌ ቆሊንን ዎይ ኤካሪ ጾሲ ኢያ ቤይሲኖ ቤሲን ካናና ጋዳ ሉኪዴ።

![](https://cdn.door43.org/obs/jpg/360px/obs-en-04-06.jpg)

ኣብራሚ ካናና ዬሊን ጾሲ ኢኮ«ኔ ቡጊዲባር ዎን ዎይ ቤቃቤ ኔ ቤቂዛን ሳዚን ዎይ ኔብኬ ኔ ዜርንብ እማሬ» ጌይዴ። ኣብራማሬ ሳዝ ጋልዳ ዶኢዴ።

![](https://cdn.door43.org/obs/jpg/360px/obs-en-04-07.jpg)

ፌት ቃሚ ሜልኬ ጼዴቅ ጌይንቲኖ ቻ ጾሳ ቄሳን ኣላቃ ዬሊዴ። ሜልኬ ጼዴቃሬ ኣብራማ ኣንጂዴ ማ«ኣፎ ሳንብኬ ሳዶ ሳዝንቦ ጎዳ ጾሳ ቻዲ ኣብራማ ኣንጆ» ኣብራማሬ ዎዾን ዎይን ጋልዳፎ ኣሲራታ መልኬ ጼዴቃብ ኢሚዴ።

![](https://cdn.door43.org/obs/jpg/360px/obs-en-04-08.jpg)

ዎይሊን ላይ ኣናካሬ ኣብራማኬ ሳርኬ ዓታር ናኤቤይ ዶኢንዶኒ ጾሳዲ ኣብራማቦ ማቃር ታስፋ ኢሚዴ ናኢ ኢብ ኢማዚንዲኬ ኢ ዜር ኣፋ ቤርስፌን ዎይላዚን ሶሊዴ።ኣብራማሬ ጾሲ ኢብ ኢሚኖ ታስፊንባር ኣማኒዴ።ኣብራማሬ ጾሳ ኢብ ኢሚኖ ታስፊምባር ኣማኒኖኮታቦ ኢብ ጺላ ማቃር ፋይዲንታዴ።

![](https://cdn.door43.org/obs/jpg/360px/obs-en-04-09.jpg)

ጾሳዳሬ ኣብራማባራ ጫቃ ቃላ ጌሊዴ ጫቃ ቃሎ ናምኢ ኣሳን ጊዳጋርታ ዎልኣ ዶሳር ዎቲዝ ባዜ ጾሳሬ ኣብራማኮ«ቴ ኔጋርታፖ ኔብ ናኢ ኢማንዳ»ጌይዴ«ኔ ዜርንቦ ኬናና ሳዚን ኢማንዳ ኣብራም ዎቲናካሬ ዪና ኢዝ ኬልምባራ ናኢ ባይዶን ጋምእኔ።

*ጌሻ ማጻፋ ጋልዳ ኮቺንት ማጻፋ 11-15*

## 5. ታስፋ ናኢ

https://openbiblestories.org/l/bst/story-5/

![](https://cdn.door43.org/obs/jpg/360px/obs-en-05-01.jpg)

ታጳ ላይፖ ዎሃ ኣብራማኬ ሳርክ ካናና ዬሊዴ።ዪኖ ዬላዚምባራ ናኢ ኢንታብ ባዬ። ዪኮታቦ ኣብራም ማቻ ሳራ ዪዝ ጋዴ«ጾሲ ናኢ ኑብ ዶኣካይፌን ካይኖ ኮታብኬ ታናሬ ጪኖኮታቦ ታ ኣሽካሪን ኣጋራ ዓኒሼ ኢዞ ኤካቤ ታቦ ናኢ ዬላጋቤ»ጋዴ።

![](https://cdn.door43.org/obs/jpg/360px/obs-en-05-02.jpg)

ማቂኔካሬ ኣብራሚ ኣጋራ ኤኪዴ።ኣጋራሬ ኣቲና ዬላዴ።ኣብራማሬ «ኢስማኤላ ጋይ ሱም ጋዲዴ፤ማቂናካሬ ሳራ ኣጋሪባር ጋሂታዴ፤ኢስማኤሊ ታጶ ዓይዚ ላይ ማቂን ጾሳዲ ኣብራማኮ ይዝ ጋይዴ።

![](https://cdn.door43.org/obs/jpg/360px/obs-en-05-03.jpg)

ጾሳዲ ኣብራማኮ«ታኒ ኤልሻዳያ ጾሳ ታና ኔባራ ጫቃ ቃላ ጌላንዳ»ጌይዴ።ኣብራማሬ ፌ ዴሚንባራ ሳዛጋልዳ ጉፕ ጋይዴ።ጾሳዳሬ ኣብራማኮ«ኔኒ ዎይሊን ዎርዣቦ ባባ ማቃሬ።ካናና ሳዚንዶ ኔባኬ ኔ ዜርቦ እርስታ ማሃር ኢማንዳ፤ታናሬ ሜናብ ኢንታ ጾስ ማቃንዳ፤ኔናሬ ኔ ኣሎ ኣሳ ጋርታ ቤንቲኖ ኣቲና ዎይ ጋራዛቤ»ጌይዴ።

![](https://cdn.door43.org/obs/jpg/360px/obs-en-05-04.jpg)

ጾሳሬ ኣብራማኮ«ኔ ማጪን ሳራ ኣቲና ዬላሬ ኢያሬ ታስፋ ናኣ ማቂሬ ኢ ሱምንዶ ይሳቃ ጋያ ጼጋሬ ቴ ጫቃ ቃሊንዳሬ ኢ ጋልዳ ጋድንዳ።ኢያሬ ዎይሊን ዎርዣ ማቂሬ።ኢስማኤላሬ ጴች ዎርዣ ማሃንዳ፤ማቂናካሬ ታኒ ጫቃ ቃላ ጌላዚንዳ ይሳቃባራ»ጌይዴ።ጾሳዳሬ ኣብራማ ሱምን «ኣብራሃማ»ጋይ ላሚዴ፤ኢዝ ብርሺቺንዳሬ«ዎይሊንንቦ ባባ»ጌንቴ።ጾሳዲ ሶሪ ሱምንዳሬ «ሳራ»ጋይ ላሚዴ።ኢዝ ብርሺቺንዳሬ«ዎይልንቦ ኢንዶ»ጌንቴ፤ጌይዴ።

![](https://cdn.door43.org/obs/jpg/360px/obs-en-05-05.jpg)

ዪና ኢዝ ጋላሲን አብራሃሚ ፌ ኣል ዎ ኣቲናን ዎይ ቃሪሲዴ።ፔቲ ላይፖ ዎሃ ኣብራማቦ ፔቲ ጼታ ላይ ማቂን ማሳሪቦ ሳካሊታጶ ሳካሊ ላይ ማቂን ኣብራማቦ ኣቲና ዬላዴ።ጾሳሬ ኢንታክ ጌይኖንዲፌን ናኣ ሱም«ዪሳቃ»ጋዪ ጋዲዴ።

![](https://cdn.door43.org/obs/jpg/360px/obs-en-05-06.jpg)

ዪሳቆ ዲጪኖፖ ዓኒ ጾሳዲ ኣብራማ ኣማኒን ፋጪ ቤቃንዳብ ኮያሪ ኢኮ፤«ኔ ናኣ ፔታና ኢያ ታብ ሹካራ ዣርሻ ዎታቤ»ጌይዴ፤ማቃሪ ኣብራሚ ጾሳቦ ኪቲንታሪ ፌ ናኣ ሹካንዳቦ ጊግንቲዴ።

![](https://cdn.door43.org/obs/jpg/360px/obs-en-05-07.jpg)

ኣብራሃማኬ ዪሳቃክ ዎልኣ ዣርሻ ሹካዝ ቤሲን ሉኪርዶሪ ዪሳቂ ፌ ባባኮ «ኣባቦ ዣርሻኮ ሚ ዓዲሼ ዶራ ዎይዲ ዎ ? ጋር ኦይጪዴ ኣብራማሬ ኢኮ«ታ ናኣዶ ዣርሻ ዶራ ጾሲ ጊግሲሬ»ጋሪ ማሂዴ።

![](https://cdn.door43.org/obs/jpg/360px/obs-en-05-08.jpg)

ዣርሻ ሺሻዝ ቤሲንኮ ዬላሪ ኣብራሚ ፌ ዪሳቃ ቃቻሪ ዣርሻብ ሹካዝ ቤሲን ጋልዳ ሱርሲዴ።ኣብራማሬ ፌ ናኣ ሹካንዳብ ማሺን ኤኪን ፤ጾሲ ኢኮ «ኣሻቤ ናኣ ጋልዳ ኢታ ባዝ ዬልፔ ኔ ታብ ኢጫዚንኬ ኔ ናኣ ፔታና ታብ ሱቂታካይኬ ታና ካያካዮን ታ ዓት ኤራዴ ጌይዴ።

![](https://cdn.door43.org/obs/jpg/360px/obs-en-05-09.jpg)

ጌዳ ኢንታ ላፊን ጋልዳ ኣብራሚ ሻይዳ ጋርታ ቃቺንታር ዎ ዶሪ ቤቂዴ።ጾሲ ዪሳቃ ቤሲን ዣርሻብ ማቂዝ ዶሪ ጊግሲኔ።ኣብራማሬ ኡፋይስባራ ዶራዳ ዣርሻብ ሹኪዴ።

![](https://cdn.door43.org/obs/jpg/360px/obs-en-05-10.jpg)

ጾሳዳሬ ኣብራማኮ«ኔ ናኣ ፔታናዳር ኣታካይዶር ኔብ ዎ ባዝ ዎይ ታብ ኢማንዳብ ኮይኖኮታቦ ቴ ኔና ኣንጃንዳቦ ቃላ ጌላሬ።ኔ ዜር ኣፎ ቤርሳፖ ሺ ዎይሊሬ ታብ ኔ ኪቲንቲኖ ኮታቦ ሳዝ ኤሻ ጋልዳ ዎ ዎርዣ ዎይ ኔ ጎይባራ ኣንጂንቲሬ።»

*ጌሻ ማጻፋ ጋልዳ ኮቺንት ማጻፋ 16-22*

## 6. ጾሳዲ ዪሳቃብ ማጫ ጊግሲዴ

https://openbiblestories.org/l/bst/story-6/

![](https://cdn.door43.org/obs/jpg/360px/obs-en-06-01.jpg)

ኣብራሃሚ ዎሊን ጪን ዪሳቂ ዲጫር ኬሲኪዴ።ዪኮታቦ ኣብራሚ ፌ ኣሽካራን ጋርታፖ ፔታና ፌ ዳባን ጋዳ ፌ ናኣ ዪሳቃብ ማጫ ኤካር ዬምፔን ሚሺዴ።

![](https://cdn.door43.org/obs/jpg/360px/obs-en-06-02.jpg)

ኣብራሃማ ዳባን ዶኣዝ ጋዲንዶ ዎይሊን ዬኖፖ ዓኒ ዬሊዴ።ጾሳሬ ኪቲንታር ሉኪኖ ኣብራማ ኣሽካራዳ እርብቂ ኣሊን ቤይሲዴ።እርብቃ ኣብራማ ኢሻቦ ናኣ ናኤ።

![](https://cdn.door43.org/obs/jpg/360px/obs-en-06-03.jpg)

እርብቃ ፌ ኣሎ ኣሳን ኣሻራ ናሳ ኣሽካራባራ ዪሳቃ ኣል ሉካንዳቦ ኤኤ ጋዴ።ሉካር ዬሊኖንዲፌን ዪሳቂ ኢዞ ኤኪዴ።

![](https://cdn.door43.org/obs/jpg/360px/obs-en-06-04.jpg)

ዎይሊን ኬላፖ ዎሃ ኣብራሚ ዓይቂን ጾሲ ኣብራማባር ጌሊኖ ታስፋ ቃላ ዎይ ዪሳቃብ ኣዴ።ጾሳዲ ኣብራማቦ ፋይዲን ዉርባሶ ዜር ዶኣዚን ታስፋ ኢብ ኢሚኔ።ማቂናካሬ ዪሳቃ ማጪን እርብቃ ናኢ ዬላንዳብ ዳንዳኣካዬ።

![](https://cdn.door43.org/obs/jpg/360px/obs-en-06-05.jpg)

ዪሳቂ እርብቂብ ጾሳ ዎሲን ጾሲ ኢዛ ሜንቲ ናኣን ዎዳጻምፔን ዎቲኔ።ናምኢ ናኣን እርብቂ ጋርታ ዎምባራ ዎልዎልኣ ቡቲቲሬ።እርብቃሬ ፌ ጋርታ ዎቲሙታ ዎን ኣብዝኮ ጾሳ ዎሳዴ።

![](https://cdn.door43.org/obs/jpg/360px/obs-en-06-06.jpg)

ጾሳዳሬ እርብቂኮ«ኔ ጋርታ ዎ ናምኢ ናኣን ጋርታፖ ናምኢ ዎርዣ ኬስኪሬ፤ኢንታሬ ዎልዎልኣ ቡቲቲሬ ኢሻዳሬ ፌ ጌዳቦ ኦ ኢያ ማዲሬ»ጋይዴ።

![](https://cdn.door43.org/obs/jpg/360px/obs-en-06-07.jpg)

እርብቂ ናኣንዬሊንቲኖፖ ዓኒ ናኣ ኢሻዲ ኣርሲ ማ ጋላዳሪ ቡርቡራባር ማቃር ዬሊንቲዴ ኢ ሱምዳሬ«ኤሳ»ጋዪ ጋዲዴ።ጌዳዳሬ ፌ ኢሻ ኤሳ ጋኒን ኤር ኬስኪዴ ኢ ሱምዳሬ«ዓይቆባ»ጋይ ጋዲዴ።

*ጌሻ ማጻፋ ታሪካ፤ኮቺንት ማጻፋ 24፤1-25፤26።*

## 7. ጾሳዲ ዓይቆባ ኣንጂዴ

https://openbiblestories.org/l/bst/story-7/

![](https://cdn.door43.org/obs/jpg/360px/obs-en-07-01.jpg)

ናኣንሬ ዲጪኖንዲፌን ዓይቆቢ ፌ ኢንዲባር ኣል ዶኣዚን ዶሲሬ።ኤሳ ዎቲናካሬ ኦይ ኦይታንዳብ ዶሲሬ።እርብቃ ዓቆባ ዶሳሬ፤ዪሳቆ ኤሳ ዶሲሬ።

![](https://cdn.door43.org/obs/jpg/360px/obs-en-07-02.jpg)

ፔቲ ጋላስ ኤሶ ኦይ ጋርትፖ ማቃር ዬዚምባራ ዎይሊን ኢያ ጋብሳዴ።ዪኮታቦ ኤሶ ዓይቆባኮ«ኣን ዋዴ ኔ ካኖ ፊሺን ጋርታፖ ጊላ ታና ሙሲሼ»ጌይዴ።ዓቆባሬ ኢኮ ቲኒታራ ኔ ባይሪን ታብ ኢማቤ ጋር ማሂዴ።ዪኮታቦ ኤሶ ፌ ባይሪን ዓይቆባብ ኢሚዴ።ኢናፖ ዓቆቢ ፌ ኦኖ ፊሺን ኢብ ኢሚዴ።

![](https://cdn.door43.org/obs/jpg/360px/obs-en-07-03.jpg)

ዪሳቂ ፌ ኣንጂን ኤሳብ ኢማንዳብ ኮይዴ።ማቂናካሬ ዪኖ ዎታናፖ ቲን እርቢቂኬ ዓይቆባኪ ዎልኣ ዪሳቃ ማቂዴ።ዓይቆቢ ኤሳ ማይጻሪ ዪሳቃክ ዬይዴ ፤ዪሳቂ ዎይሊን ጪኖኮታቦ ቤቃንዳብ ዳንዳኢባሴ።ዪኮታቦ ዓይቆቢ ኤሳ ማኢኖ ኣፊላን ማኣሪ ማ ዴይሻ ሻች ኤካሪ ፌ ቆታኬ ፌ ኩሺን ሾካሪ ዪሳቃክ ዬሪ ዪሳቃ ማቂዴ።

![](https://cdn.door43.org/obs/jpg/360px/obs-en-07-04.jpg)

ዓይቆቢ ዪሳቃኮ ዬሪ «ታኒ ኤሳ ቴ ኔክ ዬዪኔ ኔ ታና ኣንጃንዳብ ዳንዳኣሬ»ጌይን ዪሳቆ ዴይሻ ሻቺን ኤ ቤቂ ማ ኢ ኣፊሊን ሲ ዎታሪ ዓ ኤሳዶኔ ጌይ ቆፓሪ ኣንጂዴ።

![](https://cdn.door43.org/obs/jpg/360px/obs-en-07-05.jpg)

ዓይቢ ባራቲንዲኬ ኣንጂን ማቃባር ኤኪዴ።ዪኒኮታቦ ኤሶ ዓይቆባ ኢጺዴ።ኢንታ ባባ ዓይቂኖፖ ዓኒ ኢያ ዎንዳብ ቆፒዴ።

![](https://cdn.door43.org/obs/jpg/360px/obs-en-07-06.jpg)

ዎቲናካሬ እርብቃ ኤሳኮን ቆፊን ሲስካዴ።ይኮታቦ ኢዚኬ ዓይቆባክ ፌ ዳባንባራ ዶኣምፔን ጎት ጋዳ ዓይቆባ ሚሺዴ።

![](https://cdn.door43.org/obs/jpg/360px/obs-en-07-07.jpg)

ዓይቆቢ ዎይሊን ላይ እርብቂ ዳባንባር ዶኢዴ።ይናኢዝባራ ማጫ ኤኪ ታጶ ናምኢ ኣቲና ናኣንኬ ፔቲ ማጫና ናኢ ዬልዴ። ጾሳዲ ኢያ ዎይሊን ዱሪሲዴ።

![](https://cdn.door43.org/obs/jpg/360px/obs-en-07-08.jpg)

ካናና ጋዳ ላምታም ላይ ዶኢኖፖ ዓኒ ዓይቆቢ ፌ ኣሎ ኣሳን፤ኣሽካራን፤ፌ ሜሃን ዎይ ኤካሪ ካናና ጋዳ ማቃንዳቦ ጊጺ ዲንዲዴ።

![](https://cdn.door43.org/obs/jpg/360px/obs-en-07-09.jpg)

ኤሶ ዓታሬ ታና ዎንዳቦ ኮይር ዶኢሬ ጋር ፌ ቡዳ ጋርታ ቆፓሪ ዓይቆቢ ኢጪዴ፤ዪኮታቦ ኢብ ኪልስ ማቃምፔን ዎይሊን ሜሃ ኢብ ክልስ ኤሳብ ሚሺዴ። ሜሃን ኢብ ኤኪዬምፔን ዓይቆባ ኣሽካራን ኤሳኮ «ኔ ኣሽካራ ዓይቆቢ ዓን ሜሃን ኔብ ሚሽኔ ኢያሬ ኡክባር ጋምኣካይዶር ዬይሬ» ጌይዴ።

![](https://cdn.door43.org/obs/jpg/360px/obs-en-07-10.jpg)

ማቂናካሬ ኤሶ ቲኒታር ዓይቆባ ማርኖ ኮታቦ ማቃር ኢያ ዬላንዳቦ ኡፋይቲሬ። ዓይቆቢ ካናና ጋዳ ኮሽባር ዶኢዴ ኢናፖ ዪሳቆ ዓይቂዴ ዓይቆባኬ ኤሳኬ ዎልኣ ፌ ባባ ዱኪዴ ጾሳዲ ኣብራሃማቦ ዴልኖ ጫቃ ቃልን ዓት ይሳቃፖ ዓይቆባክ ኣዴ።

*ጌሻ ማጻፋ ታሪካ ኮቺንት ማጻፋ 25፡27-33፡20።*

## 8. ጾሳዲ ዮሶፋኬ ኢዳባን ፋዴ

https://openbiblestories.org/l/bst/story-8/

![](https://cdn.door43.org/obs/jpg/360px/obs-en-08-01.jpg)

ኢንታ ባባ ዓይቆቢ ዮሴፋ ኢ ኢሺንታን ዎይን ጋርታፖ ሽ(ኣር) ካዝን ኮታብኬ ኢንታብ ኣላቃ ማቃዚን ኣይባባር ቤቂኖ ኮታብ ኢስንታን ዮሴፋ ኢጺዴ። ዮሴፋሬ ፌ ኢሽንታንኮ ዬይን ኢንቲ ኢያ ኣይላ ዛልኢዛንቦ ኣር ዎዴ።

![](https://cdn.door43.org/obs/jpg/360px/obs-en-08-02.jpg)

ዎይልን ላይፖ ዎሃ ዓይቆቢ ጪኖ ኬልባራ ኢሜሃን ዉዳናጊዛን ኢ ኢሽንታንዎዛርፌን ኢንቲ ዎኮ ቤቃምፔን ፌ ካን ናኣ ዮሴፋ ሚሽዴ።

![](https://cdn.door43.org/obs/jpg/360px/obs-en-08-03.jpg)

ዮሴፋ ኢሽንታን ኣል ማቂ ዬዚንምፖ ቲን ዮሴፋ ኣፊልን ዳርሳር ዴይሽ ሱባር ዲርኪዴ። ኢናፖ ሱባር ዲርኪንቲኖን ዮሴፋ ኣፊልን ኣል ኤኪ ዬር ፌ ባባ ቤይሲዴ። ኢያሬ ማታ ባዚ ዮሴፋ ዎንባያ ጌይ ቆፒዴ ዎይልን ሙዲዲዴ።

![](https://cdn.door43.org/obs/jpg/360px/obs-en-08-04.jpg)

ኣይላ ዛልኢዝ ኣሳን ዮሴፋ ጊብጻ ጋዳ ኤኪ ሉኪዴ ይና ኢዝ ኬልምባራ ጊብጻ ኣባያ ዋን ላፍ ዎ ችኬ ሚን ጋዴ። ኣይላ ዛልኢዝ ኣሳን ዮሴፋ ኣይላ ማሃር ፔቲ ዱር ኣስ ማንግስት ሥልጣና ባሮ ኣስዶን ኢብ ዎዴ። ዮሴፋ ፌ ላ ኮሺንቺ ኦባር ኢያ ማድዴ ጾሳሬ ዮሴፋ ኣንጂዴ።

![](https://cdn.door43.org/obs/jpg/360px/obs-en-08-05.jpg)

ኢ ላ ማጪንዳ ዮሴፋባር ሱርቃንዳብ ኮያዴ ዮሴፋ ዎቲናካሬ ጾሳ ቲን ናጋራ ኦብዳ ጋር ኣቶ ጌይ ኢጺዴ። ኢዛሬ ዛልቃራ ዎርዳባር ሞትራ ኤንታ ቃሺ ኣል ጌልሳዴ። ቃሻ ኣልዶራሬ ጾሳቦ ኣማንቲሪ ቤንቲኖ ኮታብ ጾሲ ኢያ ኣንጂዴ።

![](https://cdn.door43.org/obs/jpg/360px/obs-en-08-06.jpg)

ዮሴፊ ኣባካር ጽላ ማቂናካሬ ናምኢ ላይፖ ዎሃ ዓታሬ ቃሺ ኣል ዎ ፔቲ ቃም ጊብጻ ጋዳ ኣሳን <ኑ ካታዳ> ጌይዛ ፋሮና ኢሺቺኖ ናምኢ ኣይባን ኣይብቲዴ። ኢያ ዞርዝ ኣሳንጋርታፖ ፔታኒ ሜላ ኣቲን ኣይብን ብርሺቺን ሶላንዳቦ ዳንዳኣካዬ።

![](https://cdn.door43.org/obs/jpg/360px/obs-en-08-07.jpg)

ጾሳዲ ዮሴፋቦ ኣይባ ብላዝ ኤራ እምዴ ይኮታብ ፋሮኒ ዮሴፋ ቃሺ ኣላፖ ኬሳር ፌ ኣል ኤሄይዴ ዮሴፊ ኢብ ኣይብን ብርቺርዶሪ «ጾሳድ ታብዛ ሚሽ ላይ ማቂሬ» ጌይዴ።

![](https://cdn.door43.org/obs/jpg/360px/obs-en-08-08.jpg)

ፋሮና ዮሴፋ ባዚ ዎይልን ጋራሚሳዴ ጊብጻ ጋዳ ዎይ ጋልዳ ፌፖ ጻና ናምኢ ስልጣናባሮ ኣስ ማሃር ሹሚዴ።

![](https://cdn.door43.org/obs/jpg/360px/obs-en-08-09.jpg)

ዮሴፋሬ ዎርዣኮ ታብዛ ኮሽ ካ ላይ ጋርታ ዎይልን ካ ዲእ ጋርታ ሺሻፔን ሶልዴ። ታብዛ ጋፍ ላይ ዬልኖ ኬል ባራ ዮሴፊ ዲኢ ጋርታፖ ዎርዣ ካ ዎኖ ኮታቦ ጊድዝ ሙይዝ ፊሽ ዲዴ።

![](https://cdn.door43.org/obs/jpg/360px/obs-en-08-10.jpg)

ጋፊን ሜቲንዳ ጊብፃ ጋዳ ሙታ ጊዳካይዶን ዓይቆባኬ ኢ ኣሎ ኣሳን ዶኢኖ ጋዲን ኬናናር ዎ።

![](https://cdn.door43.org/obs/jpg/360px/obs-en-08-11.jpg)

ዓይቆብ ናኣን ካ ኮይ ዎምፔን ጊብጻ ጋዳ ሚሺዴ ዮሴፋ ኢሺንታን ካ ዎዳቦ ሉካሪ ኢቲን ኤቂኖ ኬልባራ ዮሴፋ ማቂኖን ቆፓካዬ ዎቲናካሬ ዮሴፊ ኢንታ ኤሪኔ።

![](https://cdn.door43.org/obs/jpg/360px/obs-en-08-12.jpg)

ዮሴፊ ፌ ኢሺንታን ማሊ ቤቂኖፖ ዓኒ ኢንቲ ላሚንቲንካሬ ላሚንታካያክር ኤራንዳቦ ኢናትኮ« ኢጫፒቴ ታኒ ይንታ ኢንናኣ ዮሴፋ ይንቲ ታና ኣይላብ ዎንቲ ኢትባዝ ት ጋልዳ ኦንዳብ ይንቲ ኮይንዶን ዎቲናካሬ ጾሳዲ ኢቲንዶ ኮሽ ማሂዴ ይዚ ይንቲ ዬሪ ጊብፃ ጋዳ ዶኢብቴ ታናር ይንታብኬ ይንታ ኣሎ ኣሳንቦ ኮሻዝ ባዚን ይንታብ ሺሻንዳ» ጌይዴ።

![](https://cdn.door43.org/obs/jpg/360px/obs-en-08-13.jpg)

ዮሴፋ ኢሽንታን ፌ ጋዳ ማቃሪ ዮሴፊ ሼምፓባር ዎን ፌ ባባ ዓይቆባብ ሶልኖ ኬልባራ ዓይቆብ ዎይልን ኡፋይትዴ።

![](https://cdn.door43.org/obs/jpg/360px/obs-en-08-14.jpg)

ዓይቆቢ ኣባካር ጪናካርዶን ውይን ፌ ዳባንባር ዎልኣ ሉካር ዶኢዴ። ዓይቆብ ዓይቃናፖ ቲን ፌ ናኣን ዎይን ኣንጂዴ።

![](https://cdn.door43.org/obs/jpg/360px/obs-en-08-15.jpg)

ጾሲ ኣብራማቦ ጌልኖ ጫቃ ቃልን ታስፋን ዎይ ይሳቃቦ ኣዴ ኢናፖ ዓይቆባቦ ኢዛፖ ታ ናምኢ ዓይቆባ ናኣንብኬ ኢንታ ኣሎ ኣሳንቦ ኣኔ። ታ ናምኢ ናኣን ኢንቲ ዜርን ታ ናምኢ ኢሲሬላ ኮቻን ማቂኔ።

*ጌሻ ማጻፋ ታሪካ ኮቺንት ማጻፋ 37-50።*

## 9. ጾስዲ ሙሳ ጼጊዴ

https://openbiblestories.org/l/bst/story-9/

![](https://cdn.door43.org/obs/jpg/360px/obs-en-09-01.jpg)

ዮሴፊ ዓይቂኖፖ ዓኒ ኢ ዳባን ዎይ ጊብጻ ጋዳ ጋምኢዴ። ኢንታኬ ኢንታ ዜርን ዎይሊን ላይ ኢ ጋምኢዴ። ኢና ዎይሊን ናኣር ዬልዴ ኢንታሬ ኢሲራኤላን ጌይ ጼጊንቲዴ።

![](https://cdn.door43.org/obs/jpg/360px/obs-en-09-02.jpg)

ጼታ ላይፖ ዓኒ ኢስሬላን ፓይዳ ዎይልሙታ ዬይዴ። ጊብጻ ጋዶ ኣሳንሬ ዮሴፋኬ ኢንታ ማዳንዳቦ ዎታዝ ባዛን ዎይ ቦቲዴ። ኢስሬላን ዎይሊሙታ ዬይኖ ኮታቦ ጊብጻ ኣሳን ኢንታብ ኢጪዴ። ይኮታቦ ይናኢዝ ኬልምባራ ጊብጻ ጋዲን ኣቂሲዛ ፋሮኒ ኢስሬላ ኣሳን ጊብጻ ጋዳ ኣሳንቦ ኣይላ ማሂዴ።

![](https://cdn.door43.org/obs/jpg/360px/obs-en-09-03.jpg)

ጊብጻ ኣሳን ኢስሬላ ኣሳን ጊምባ ኦሳ ኦምፔን ካታሚን ዎይ ጊምባባር ኦምፔን ዎልቃባር ኢንታ ዋይሬ። ች ኦሳ ባራ ሼምፒን ሜቲንታፔን ዎቲዴ። ጾሲ ዎቲኒካሬ ኢንታ ኣንጂዴ ዎይሊን ናኣሬ ኢንታብ ዎ።

![](https://cdn.door43.org/obs/jpg/360px/obs-en-09-04.jpg)

ፋሮኒ ኢስሬላንቦ ዎይሊን ኣቂሊ ናኢ ኢንታብ ዎን ቤቂዴ ይኮታቦ ፋሮኒ ኢስሬላ ኣሳን ኣቲና ናኣን ዬልንታምባራ ኣባያ ዋን ጋርታ ዡጊዳር ዎምፔን ዎርዣ ኪቲዴ።

![](https://cdn.door43.org/obs/jpg/360px/obs-en-09-05.jpg)

ፔቲ ኢስሬላ ማጪንዳ ኣቲና ዬላዴ ኢዚኬ ኢዝ ኣስናዲኬ ዎልኣ ማቃር ፌብ ዳንዳኢንቲኖዲፌን ዎታር ናኣ ኣቺዴ።

![](https://cdn.door43.org/obs/jpg/360px/obs-en-09-06.jpg)

ናኣ ዬልኖን ናኣ ኣቻንዳብ ዳንዳኣካዮ ኬልምባራ ናኣዳ ዋ ጋልዳ ኣፋ ፓላል ጌይዝ ዳቻ ጋርታ ጋዳሪ ኣባያዋን ቡጊድ ዎ ጎን ቲን ዎካይፌን ኢያ ፋንዳብ ጋር ዋን ጋልዳ ኢያ ሚሺ ኣሺዴ። ኢ ሚሺንዳ ማቃዝ ባዝን ቤቃንዳቦ ኡክ ቤሳ ጋልዳ ጎኣር ቤቃሬ።

![](https://cdn.door43.org/obs/jpg/360px/obs-en-09-07.jpg)

ፋሮኒ ናኢን ማጪኒንዳ ዳች ቤቃራ ኢዝ ጋርታ ዎ ባዝን ቤቃዴ ናኣ ኣቂላ ቤቃራ ፌ ናኢፌን ማሃራ ኤካዴ። ኢዛሬ ናኣ ናጋምፔን ኢስሬላ ማጫ ቃጣራዴ። ኢዛ ቃጣርኖ ማጪንዳ ናኣ ዬልኖ ኢንድ ማቃኖን ኤርካዬ ናኣዲ ዲጫሪ ፌ ኢንዲ ኣምን ኣማዝን ኣሺኖፖ ዓኒ ኣሲንዳ ናኣዳ ፋሮና ናኢምቦ ማሃር ኢማዴ ኢ ሱምስ-ኢን «ሙሳ» ጌይ ጼጊዴ።

![](https://cdn.door43.org/obs/jpg/360px/obs-en-09-08.jpg)

ሙስ ዲጪኖፖ ዓኒ ፔቲ ጋላስ ፔቲ ጊብጻ ጋዶ ናሳዲ ኢስሬላ ጋዶ ፔቲ ኣይላ ቡካምባራ ቤቂዴ ሙሳሬ ኢስሬላ ጋዶ ማዳንዳብ ኮይዴ።

![](https://cdn.door43.org/obs/jpg/360px/obs-en-09-09.jpg)

ሙሶ ኦናካር ቤቃካዬ ጋር ጊብጻ ጋዶ ናሳ ዎር ዱኪዴ ዎቲናካር ሙስ ዎቲኖን ፔቲ ኣሲ ቤቂኒ።

![](https://cdn.door43.org/obs/jpg/360px/obs-en-09-10.jpg)

ሙሶ ዎቲኖን ፋሮኒ ሲስካሪ ኢያ ዎንዳብ ኮይዴ። ሙሶ ዎቲናካር ፋሮና ፖሊሳን ጋላጋፖ ፌ ሼምፒን ቡቲሳንዳቦ ጊብጻፖ ኬስካሪ ባራሃ ጋርታ ዎጺ ሉኪዴ።

![](https://cdn.door43.org/obs/jpg/360px/obs-en-09-11.jpg)

ጊብጻፖ ጎቲ ዎ ባራሃ ጋርታ ሙሶ ዶሪ ዬዝ ጋይጫ ናኢ ማቂዴ ኢና ጋዳፖ ማጫ ኤካሪ ናኣም ኣቲና ናኣን ዬልዴ።

![](https://cdn.door43.org/obs/jpg/360px/obs-en-09-12.jpg)

ፔቲ ጋላስ ሙሶ ዶራን ናዝምባራ ታማ ኤይቲዝ ሻይዳ ቤቂዴ ማቂናካሬ ሻይዲን ሚጫካዬ ሙሳሬ ኮሽንቺ ቤቃንዳቦ ሻይዲንኮ ኡኪዴ ሚጫዝ ሻይዲንኮ ኢ ኡካምባራ ጾስ ቆዲ «ሙሶ ጌሻ ቤስ ጋልዳ ኔ ኤቂኔ ኔ ቶሂን ጋርታፖ ቻሚን ኬሳቤ» ጌይዴ።

![](https://cdn.door43.org/obs/jpg/360px/obs-en-09-13.jpg)

ጾሳሬ ሙሳኮ «ቴ ዎርዣ ሜቲን ቴ ቤቂኔ ቴ ኔና ፋሮናኮ ሚሻሬ ኢስሬላን ጊብጻ ኣይልቲን ጋርታፖ ኬሳሬ። ኣብራማቦ ይሳቃቦ ኣቆባቦ ታስፋ ኢምኖ ካናና ሳዚን ኢንታብ ኢማንዳ።»

![](https://cdn.door43.org/obs/jpg/360px/obs-en-09-14.jpg)

ዎርዣዲ ኔና ኦሚሼ ጋር ኦይጪጌን ቴ ኣብህ ጋኖ ጋር ጾሳ ኦይጪን ጾሳዳሬ ሙሳኮ «ታኒ ዎድኬ ዶኢዛዳ ይ ኮታቦ <ዎዲኬ ዶኢዛ> ታና ሚሽኔ ጋር ኢንታብ ሶላቤ» ጌይዴ።

![](https://cdn.door43.org/obs/jpg/360px/obs-en-09-15.jpg)

ሙሶ ኢጪኖ ኮታቦ ፋሮናክ ሉካንዳብ ኮያካዬ። ኣባ ጌይን ሶላንዳብ ዳንዳኣባሴ ይዝጋር ቆፒኖንኮታቦ ይኮታቦ ጾሲ ሙሳ ጌዳ ኣሮና ኢባር ዎልኣ ሉካር ሙሳ ማዳምፔን ሚሽዴ። ጾሳዳሬ ሙስኮ ኣሮና ፋሮኒ ዎርዣዳ ኣሻብዳ ጋር ፌ ብዳ ሚንንዳብ ዳንዳኣዝን ኢንታብ ሶልኔ።

*ጌሻ ማጻፋ ታሪካ ኬሲ ማጻፋ ጋልዳ 1-4።*

## 10. ታ ጎይላን

https://openbiblestories.org/l/bst/story-10/

![](https://cdn.door43.org/obs/jpg/360px/obs-en-10-01.jpg)

ሙስኬ ኣሮናክ ዎልኣ ማቃሪ ፋሮናክ ሉኪዴ። «ኢስሬላ ጾሳ<ቴ ዎርዣ ኣሻቤ>» ይዝጌይሬ ጌይዴ። ፋሮኒ ኢንታኮን ሲካካዬ ። ኢስሬላ ኣሳን ናጻ ማቃሪ ሉካምፔን ዎታዝ ቤሲን ቲኖንፖ ሺ ሚን ኦ ኦምፔን ኢንታ ዋይሬ።

![](https://cdn.door43.org/obs/jpg/360px/obs-en-10-02.jpg)

ፋሮኒ ዎርዣ ኣሻዳ ጌንቲን ኣሻካዬ። ይኮታቦ ጾሳዲ ጊብጻ ጋልዳ ታ ጎይላን ሚሺዴ። ጾሳ ይን ጎይላንባራ ፋሮኒኬ ጊብጻ ጋዶ ማቃ ጾሳን ዎይንፖ ሺ ጴች ማቂኖኒ ፋሮና ቤይሲዴ።

![](https://cdn.door43.org/obs/jpg/360px/obs-en-10-03.jpg)

ጾስ ኣባያ ዋንዶ ሱ ማሂዴ። ዎቲናካሬ ፋሮኒ ኢስሬላን ኣሻካዬ።

![](https://cdn.door43.org/obs/jpg/360px/obs-en-10-04.jpg)

ጾሳ ጊብጻ ዎይን ጋልዳ ጎባርስ ሚሺዴ። ፋሮኒ ሙሶ ጎባርሳን ጎቲሳምፔን ጌሺዴ። ማቂናካሬ ኣቲናሬ ጎባርሳን ዎይ ዓይቂዴ። ፋሮኒ ፌ ቡዳ ሚንር ኢስሬላን ጊብጻ ጋዳፖ ኬስካምፔን ኣሻካዬ።

![](https://cdn.door43.org/obs/jpg/360px/obs-en-10-05.jpg)

ይኮታቦ ጾሲ ቢና ሚሺዴ ኢናፖ ዉጺላን ሚሺዴፋሮኒ ሙሳኬ ኣሮና ጼጋሪ ይኒቲ ጎይሊን ኤሴጌይን ኢስሬላን ጊብጻፖ ኬስካር ሉካንዳብ ዳንዳኣዚን ሶልዴ። ሙሶ ጾሳ ጌሺዴ ዉጺላን ዎይ ጊብጻ ጋዳፖ ይስዴ። ዎቲናካሬ ፋሮኒ ፌ ቡዲን ዛብሳሪ ዎርዣን ኣሻካዬ።

![](https://cdn.door43.org/obs/jpg/360px/obs-en-10-06.jpg)

ኢዛፖ ጾሳዲ ጊብጻ ጋዳ ሜሃን ዎይ ዓይቃፔን ዎቲዴ። ዎቲናካሬ ፋሮኒ ፌ ቡዲን ዛብሳር ኢስሬላን ኣሻካዬ።

![](https://cdn.door43.org/obs/jpg/360px/obs-en-10-07.jpg)

ኢናፖ ጾሳዲ ፋሮና ቲኒ ቡዳ ፉዳ ኣፋ ላላምፔን ሙሳብ ሶልዴ። ቡዲን ላልኖፖ ዓኒ ጊጻን ጋሊዳ ዎይልን ኡሺዚ ኪሲ ኬሲኪዴ ኢስሬላን ጋልዳ ኪሲን ኬሲካካዬ። ጾሳዲ ፋሮና ቡዲን ሚንዴ ፋሮኒ ኢስሬላን ኣሻክዬ።

![](https://cdn.door43.org/obs/jpg/360px/obs-en-10-08.jpg)

ኢናፖ ዓኒ ጾሳዲ ጊብጻ ጋዳ ዎ ዎይሊን ጪቻን ይሳንዳብኬ ኬፖ ዛና ዎ ባዝ ዎይ ኣሳሬ ዎዝ ሻች ሚሺዴ። ፋሮኒ ሙሳኬ ኣሮና ጼጋሪ «ቴ ይንታ ባልኔ። ይንቲ ሉካንዳብ ዳንዳኢሬ» ጋር ሶሊዴ። ይኮታቦ ሙሶ ዎሲዴ ሻቻዳሬ ኣፋፖ ኬዳዝን ኤቃዴ።

![](https://cdn.door43.org/obs/jpg/360px/obs-en-10-09.jpg)

ዎቲናካሬ ፋሮኒ ማቃር ናጋራ ኦዴ ፌ ቡዲን ሚንዴ ኢስሬላን ኣሻካዬ።

![](https://cdn.door43.org/obs/jpg/360px/obs-en-10-10.jpg)

ይኮታቦ ጾሳዲ ጊብጻ ጋልዳ ዉዳፔታን ቦላ ሚሺዴ። ኢንቲ ቦላን ሻኢ ይሳካይ ኣቲኒ ካን ዎይ ሙይዴ።

![](https://cdn.door43.org/obs/jpg/360px/obs-en-10-11.jpg)

ኢናፖ ጾሲ ዓይዚ ቃም ጋምኢዝ ም ሚሽዴ። ጊብጻን ፌ ኣላፖ ኬስካንዳቦ ዳንዳኢባሶ ም ማቃዴ። ኢስሬላን ዶኣዝ ቤሲን ጋልዳ ማ ፎኢን።

![](https://cdn.door43.org/obs/jpg/360px/obs-en-10-12.jpg)

ዓን ሳካሊ ጎይላንፖ ዎሃ ፋሮኒ ኣታሪ ኢስሬላን ኣሻብዳ ጌይዴ። ፋሮኒ ሲሲኪባሶ ኮታቦ ጾሳዲ ዉርሲ ፔቲ ጎይል ሚሻንዳብ ቆፒዴ ። ይና ፋሮና ቆፊን ላማሬ።

*ጌሻ ማጻፋ ታሪካ ኬሲ ማጻፋ ጋልዳ 5-10*

## 11. ፋሲጋ

https://openbiblestories.org/l/bst/story-11/

![](https://cdn.door43.org/obs/jpg/360px/obs-en-11-01.jpg)

ኢስሬላን ኣሺንታካይ ኣቴጌይን ኣሳንኬ ሜሃን ማጫንር ኡሳንር ዎይን ዓቃዚን ጾሳዲ ፋሮና ዬኢር ሶልዴ። ፋሮኒ ይኖ ሲስካሪ ዓታር ጾሳቦ ኪቲንታንዳብኬ ኣማናንዳብ ኢጽዴ።

![](https://cdn.door43.org/obs/jpg/360px/obs-en-11-02.jpg)

ጾሳዲ ኢባር ኣማኒቲኖ ኦባካር ማቂን ኣቲና ኡስ ናኢን ፉንብ ጎይ ጊግስዴ ዎይን ኣል ዉርሲ ጌሽ ማቂኖ ማርዛናኢ ማራጻር ሹኪዴ።

![](https://cdn.door43.org/obs/jpg/360px/obs-en-11-03.jpg)

ጾሳዲ ኢስሬላን ዶራ ሱን ፌ ኣል ካርን ጋልዳ ድርካምፔኒ ኣይሺን ሚቻሪ ሹሚሚሻካይዶር ኡኪኖ ሳልዳ ቂጻባር ኤልር ሞምፔን ኢንታቦ ሶልዴ። ማ ሙይኖፖ ጊብጻፖ ኬስካንዳቦ ጊግንታምፔኒ ኢንታቦ ሶልዴ።

![](https://cdn.door43.org/obs/jpg/360px/obs-en-11-04.jpg)

ኢስሬላን ኪን ጾሲ ኢንቲ ዎታምፔኒ ኪቲኖን ዎይ ባዛን ዎቲዴ። ቃም ጊዲብላሃ ጋልዳ ጊብጻን ዎይን ኣል ኣቲና ማቂኖን ዎይ ዎዴ።

![](https://cdn.door43.org/obs/jpg/360px/obs-en-11-05.jpg)

ኢስሬላን ኣል ካራ ዎይ ሱ ዲርኪንቲኔ ይኮታቦ ጾስ ኢንታኣል ካርምባራ ኣዴ ኢንታ ኣል ጋርታ ዎ ኣሳን ዎይ ፋጽዴ። ኢስሬላን ዶራ ሱን ጎይባራ ጻጺዴ።

![](https://cdn.door43.org/obs/jpg/360px/obs-en-11-06.jpg)

ጊብጻን ዎቲናካሬ ጾሳባር ኣምንታካዬ ኢ ኪቲንዳር ፎታካዬ ይኮታቦ ጾሳድ ኢንታኣል ካርምባር ኣኣክዬ ጾሳዲ ጊብጻን ኡስ ኣቲና ናኣን ዎይ ዎዴ።

![](https://cdn.door43.org/obs/jpg/360px/obs-en-11-07.jpg)

ቃሺ ኣል ዎ ኡሳንፖ ኤር ፋሮኒ ናኣ ኡሳ ጉጃራ ዎይን ጊብጻን ኡስ ማቂኖ ኣቲና ናኣን ዎይ ዓይቂዴ። ኢንቲ ሚን ሞርኢኖ ኮታቦ ጊብጻ ጋዶ ዎይሊን ኣሳን ዬኪ ዉይስዴ።

![](https://cdn.door43.org/obs/jpg/360px/obs-en-11-08.jpg)

ይና ኢዝ ቃም ፋሮኒ ሙሳኬ ኣሮናክ ጼጋሪ ኢስሬላን ኤካ ዓት ይዚ ሉኪብቴ ጌይዴ።

*ጌሻ ማጻፋ ታሪካ ኬሲ ማጻፋ ጋልዳ 11፡1-12፡32።*

## 12. ኢስሬላን ጊብጻፖ ኬ

https://openbiblestories.org/l/bst/story-12/

![](https://cdn.door43.org/obs/jpg/360px/obs-en-12-01.jpg)

ኢስሬላን ጊብጻ ጋዳፖ ኢንቲ ኬስኪኖዳ ዎይሊኒ ኡፋይሳዴ። ይዚ ዓኒፖ ጌዲ ኣይላ ጊዳካይዬ። ኢንታቦ ታስፋ ኢምኖ ጋዲን ዬላንዳቦ ዬ ጋልዳ ዎ ጊብጻን ኢስሬላንቦ ዎርቃኬ ብራ ሜላንሬ ቦንቺንቲኖ ባዛን ማ ኢንቲ ኦይጪኖ ባዝ ኣባካር ማቂን ኢንታቦ ኢሚዴ። ኢንቲ ጊብጻፖ ኬስካምባራ ሜላ ዜርንሬ ፔቲ ፔቲ ኣን ጾሳ ኣማናር ኢንታባር ሉኪዴ።

![](https://cdn.door43.org/obs/jpg/360px/obs-en-12-02.jpg)

ጾሳዲ ኢንቲ ሉካዝ ቃም ኢንቲ ቲኒን ጳርን ሻራባር ዲርቂ ቃሚኒ ታማባር ዲርቂ ሙታ ኢንታ ቲኒዴ። ጾሲ ዎይ ጋላስ ኢንታባር ዎኮታቦ ኢንቲ ዬዻምባራ ኢንታ ቲንሬ ኢንቲ ዎታንዳብ ኮሻዝንዳ ኢ ዎሂን ዬኬ ኢ ባር ኣማንታዚን ሙታ።

![](https://cdn.door43.org/obs/jpg/360px/obs-en-12-03.jpg)

ጊላናግምኢኖፖ ዓኒ ፋሮናኬ ዎርዣዲ ፌ ቆፋ ኦሃሪ ኢስሬላን ማቃር ኢንታብ ኣይላ ማቃፕፔን ኮይዴ። ጾሲ ፌብ ኪን ጾስ ማቂኖን ዎርዣ ቤቃምፔኒ ይኒፓሬ ኢ ዎይን ዳንዳኢዛዳ ፋሮናኬ ኢ ጽስ ጌይዛንፖ ሺ ጴች ማቂኖን ኤራፔን ፋሮና ቡዳ ምን ዎቲዴ።

![](https://cdn.door43.org/obs/jpg/360px/obs-en-12-04.jpg)

ይኮታቦ ፋሮናኬ ኢዎታዴራን ማቃር ፌብ ኣይላማሃንዳቦ ጋር ኢስሬላን ዎሂን ዳስ ኤዴ።ኢስሬላን ጊብጻ ዎታዴራን ዬዚን ቤቃሪ ፋሮና ዎታዴራንኬ ቃይ ባሓርፖ ጊዳ ማቂኖን ኤሪዴ። ይኮታቦ ዎይልን ኢጫሪ «ኒ ኣባብ ጊብጻፖ ኬስኪዶኔ ? ይዚ ኑ ዓይቂርባያ ጋር ዉይሲዴ።

![](https://cdn.door43.org/obs/jpg/360px/obs-en-12-05.jpg)

ሙሶ ኢስሬላንኮ «ኢጫፒቴ  ዓታቦ ጾሲ ይንታ ጊሻቦ ኦሊንታሪ ይንታ ፍኒሬ» ጋር ሶልዴ። ኢናፖ ጾሳዲ «ቃይ ባሕርንኮ ጎይ ሉካምፔን ዎርዣቦሶላቤ» ጋር ሙሳቦ ሶልዴ። ኢናፖ ጾሳዲ ጊብጻን ኢስሬላን ቤቃንዳብ ዳንዳኣካይፌን ሻራባር ኢስሬላንብኬ ጊብጻንብ ጊድን ምሲዴ።

![](https://cdn.door43.org/obs/jpg/360px/obs-en-12-06.jpg)

ጾሳዲ ሙሳቦ ባሃሪን ጋልዳ ፌ ኩሺን ሚቻምፔንኬ ዋን ፋጋምፔን ሶልዴ። እናፖ ጾሳዲ ባሃሪን ግዳ ኣዝ ጎይ ዶኣምፔን ዋንዶ ኣይጊ ዓዲርስኬ ኡሻች ጎይ ኤቃምፔን ዎቲዴ።

![](https://cdn.door43.org/obs/jpg/360px/obs-en-12-07.jpg)

ኢስሬላንቦ ዋንዳ ዓዲርስኬ ኡሻች ጎይ ኢንታብ ጎፓፌን ማቂን ባሃሪን ጋርታ ሜል ሳዚ ማቂን ዬዴ።

![](https://cdn.door43.org/obs/jpg/360px/obs-en-12-08.jpg)

ኢናፖ ጾሳዲ ጊብጻን ኢስሬላን ቡቲኖን ቤቃፔኒ ሻርን ጎይምኒ ጋልዳፖ ፉዳ ኣፋ ዓሪቃቂ ዎቲዴ። ጊብጻን ኢንታ ኡንካ ዶሪ ኢንታ ዳካንዳብ ጊጺ ዲንዲዴ ።

![](https://cdn.door43.org/obs/jpg/360px/obs-en-12-09.jpg)

ይኮታቦ ባሃሪን ጋርታ ጎይምባር ኢስሬላን ዎሂን ዳኪዴ ዎቲናካሬ ጾሳዲ ጊብጻን ሜቲታምፔንኬ ኢንታ ፋራሬ ቃጪንታምፔን ዎቲዴ። «ዎጺዴ ጾሳዲ ኢስሬላንቦ ኦልንቲሙታ» ጋር ውይሲዴ።

![](https://cdn.door43.org/obs/jpg/360px/obs-en-12-10.jpg)

ኢሲሬላ ባሃሪን ኮሽባር ፊጚኖፖ ዓኒ ጾሲ ማቃሪ ፌኩሽን ዋን ጋልዳ ሚጫሞፔን ሙሳብ ሶልዴ። ኢያሬ ኪቲንቲን ዋንዳ ጊብጻን ጋላዳ ማቃራ ቲኖ ፌ ቤሲን ማቃዴ። ጊብጻ ኣሳን ዎይ ዋን ቆዴ።

![](https://cdn.door43.org/obs/jpg/360px/obs-en-12-11.jpg)

ኢስሬላን ጊብጻን ዓይቂኖን ቤቃሪ ጾሳባር ኣማኒዴ ሙሳሬ ጾሳ ናቢ ማቂኖን ኣማኒዴ።

![](https://cdn.door43.org/obs/jpg/360px/obs-en-12-12.jpg)

ማ ኢስሬላን ጾሳዲ ኢንታ ዓይቃ ጋርታፓኬ ኣይላቲን ጋርታፖ ፋኖ ኮታቦ ኡፋይስ ኡፋይቲዴ ይዚ ዓቲ ጾሳቦ ኦንዳቦ ዳንዲዴ። ኢስሬላን ጾሲ ኢንታ ጊብጻ ዎታዴራን ጋላዳፖ ቡቲሲኖምቦ ማ ፌ ሳርቲ ዲኖ ኦራ ቃምን ቦንቻንዳብኬ ጾሳ ጋላታንዳቦ ዎይሊን ዬ ዬጽዴ።

![](https://cdn.door43.org/obs/jpg/360px/obs-en-12-13.jpg)

ጾሳዲ ዎዛታር ጊብጻን ጋሚንታምፔን ዎቲኒኮ ኣይላማቂኖን ጋርታፖ ኢንቲ ኬሲኪኒኮ ኢንቲ ቆፓምፔን ላይን ላይምባራ ፋስጋ ባል ቦንቻምፔን ኢስሬላን ኪቲዴ ኮሽ ማቂኖ ዶሪ ናኢ ሹካሪ ሹካዮ ሳልዳ ቂጻባር ሞር ኡፋይቲብቴ።

*ጌሻ ማጻፋ ታሪካ፦ኬሲ ማጻፋ ጋልዳ 12፡33-15፡21።*

## 13. ጾሳዲ ኢስሬላንባር ጌልኖ ጫቃ ቃላ

https://openbiblestories.org/l/bst/story-13/

![](https://cdn.door43.org/obs/jpg/360px/obs-en-13-01.jpg)

ጾሳዲ ኢስሬላን ቃይባሂሪን ጎይባር ቲኒኖፖ ዎሃ ባራሃ ጋርስባር ሲና ጌይ ጼግንታዝ ኢንዲን ጋላዳ ኤዴ። ይናሬ ሙሶ ሚጫምባር ቤቂኖ ሻይዲንኮ ኢንዲዶ። ዎርዣዳሬ ኢንኢን ጻኒን ጋርታ ፌ ውዳን ቶሊዴ።

![](https://cdn.door43.org/obs/jpg/360px/obs-en-13-02.jpg)

ጾሳዲ ኢንታኮ «ይንቲ ታቦ ኪቲንቴጌንኬ ታ ጫቃ ቃሊን ናጋጌይንዶ ቦንቺንቲኖ ቤስኬ ይፓሬ ጌሻ ዎርዣ ታብ ማቂሬ» ጋር ሙሳብኬ ኢስሬላ ዎርዣቦ ሶልዴ።

![](https://cdn.door43.org/obs/jpg/360px/obs-en-13-03.jpg)

ዎርዣዲ ኣያና ጎይባራ ፌና ጊግስኖፖ ዓይዝ ቃማፖ ዓኒ ጾሲ ዜልንባራ ዳዳባራ ጩይዢባራ ይፓሬ ሾክ ጌይኖ ዛያ ጊርስባራ ሲና ኢንዲን ጋልዳ ሶብዴ ፉዳ ኢንዲን ጋልዳ ኬስካምፔን ፋቃዲኖንዳ ሙሳብ ሙታ።

![](https://cdn.door43.org/obs/jpg/360px/obs-en-13-04.jpg)

ኢናፖ ጾሲ ኢንታብ ቃላ ጌልሪዶሪ «ታኒ ይንታ ጊብጻንቦ ኣይላ ማቂኖን ጋርታፖ ይንታ ፋኖ ጾሳ ዎይን ዳንዳኢኖዳ ይዚህ ሜላ ጾሳብ ጎሺታፒቴ።» ጌይዴ።

![](https://cdn.door43.org/obs/jpg/360px/obs-en-13-05.jpg)

«ማቃጾስ ኦፒቴ ኢብ ጎሽታፒቴ ኣባ ጌይን ታኒ ዎዳ ማ ዶኢዛዲ ቃናኢዛ ጾሳዳ።ቴ ሱሚን ሜላ ዓሪ ጼጋፔ ፤ታ ሳምባታ ቃሚን ቦንቻንዳብ ቆፓቤ፤ዪኒቦ ኔ ኦሳ ዎይን ሌሂ ቃሚን ጋርታ ኦቤ ኣባጌይን ታብዝ ቃሚን ኔ ሼምፓራ ታና ቦንቻ ታና ቆፒዝ ቃሜ።»

![](https://cdn.door43.org/obs/jpg/360px/obs-en-13-06.jpg)

«ኔ ባባኬ ኔ ኢንዲኬ ቦንቻቤ ኣስ ዎፔ ማጫ ላማፔ ውቃፔ ማቃፔ ኔ ላጋ ማጪንዶ ኢ ኣልንዶ ኢባዝ ጌይዚ ባዝ ዎይ ኣባካር ማቂን ኤካንዳብ ኢንታፔ።

![](https://cdn.door43.org/obs/jpg/360px/obs-en-13-07.jpg)

ኢናፖ ጾሳዲ ዓን ታጳ ኪታን ናምኢ ላብች ጌይኖ ሹቻን ጋልዳ ጻፋሪ ሙሳብ ኢምዴ። ማ ጾሳዲ ይንፖ ዎሃ ሜላ ዎይልን ሂጋንኬ ዴምባን ኢምዴ። ዎርዣዲ ይን ሂጋን ናጊ ጌይንዶ ጾሲ ኢንታ ኣንጃዝንዲኬ ኢንታ ናጋዝን ታስፋ ኢንታብ ኢምዴ ሂዲን ኢንቲ ናጋካይ ኣቲጌይን ጾሲ ኢንታ ዓጊሬ።

![](https://cdn.door43.org/obs/jpg/360px/obs-en-13-08.jpg)

ማ ጾሳዲ ኢስሬላን ዱንካኒን ዎዛርፌን ኦንዳብ ኮሽርኮ ኢንታብ ሶልዴ። ኢ ዎልኣ ዬልዝ ዱንክማና ጋር ሶልዴ ጴች ማጋራጂባር ፋጊንትኖ ናምኢ ኪፊላ ዎ ጾሳዲ ኢና ዶኢዛ ኮታቦ ማጋራጂምፖ ጌዳ ኡናካ ዎጶ ቤስን ጋርታ ጌልዛንቄሳ ኣላቃን ሙታ ጌልሬ።

![](https://cdn.door43.org/obs/jpg/360px/obs-en-13-09.jpg)

ጾሳ ሂጊን ናጋካይ ኦናካር ኣሲ ዎልኣ ዬልዝ ዱንካኒምፖ ቲና ጎይ ዎ ካሻ ቤስን ጋልዳ ጾሳቦ ጃርሽ ማቃምፔን ሜሃ ኤሄንዳብ ዳንዳኢሬ ቄሳዲ ሜሂን ሹካሪ ካሻ ቤሲን ጋልዳ ሚችዴ። ሹኪንቲኖ ሜሃ ሱንዳ ናሳ ናጋርን ኣቻራ ይ ናሳዳ ጾሳ ቲን ጌሻሬ። ጾሳዲ ኢንቲ ቄሳ ማቃምፔንሙስሳ ኢናኣ ፋሮና ማ ኢ ኣሎ ኣሳን(ኢዜርን ዎይ ማራጺዴ።

![](https://cdn.door43.org/obs/jpg/360px/obs-en-13-10.jpg)

ዎርዣ ዎይዲ ጾሲ ኢንታቢ ኢምኖ ኪቲን ፎታንዳቦ ጾሳቦ ሙታ ጎሺታንዳቦ ማ ኢብ ቆርንቲኖ ማቃር ዶኣንዳብ ዎልኣ ሳማማኢዴ። ዎቲናካሬ ጾሳቦ ኪቲንታዳቦ ቃላ ጌላሪ ሙቃ ጋምኢኖፖ ዓኒ ኢታ ናጋራ ኦዴ።

![](https://cdn.door43.org/obs/jpg/360px/obs-en-13-11.jpg)

ሙሶ ዎይስን ቃም ሲና ኢንዲን ጋልዳ ዶኣሪ ጾሳባር ሶልንቲሬ ዎርዣዲ ኢ ማቂ ዬይእ ዲሬስ ናጋንዳቦ ሶሊዴ። ይኮታቦ ኣሮናኮ ዎርቃ ኤሄሪ ማቃጾሲ ኢንታብ ኮቻምፔን ኦይጪዴ።

![](https://cdn.door43.org/obs/jpg/360px/obs-en-13-12.jpg)

ኣሮኒ ኢንታቦ ዎርቃባራ ኦጋና ማይጽሳር ማቃጾስ ኮቺዴ። ዎርዣዲ ውርሲ ፌና ቦቲሪ ማቃጾሳቦ ጎሺቲ ኤዺዴ። ዣርሻር ኢሚዴ ኢንቲ ኦኖ ናጋሪን ጊሻቦ ጾሳ ኢንታ ዎይልን ጎይልዴ። ኢንታ ይሳንዳባር ቆፒዴ። ዎቲናካሬ ሙሶ ኢንቲ ጊሻብ ጌሺዴ ጾሳዳልሬ ኢ ጌሺን ስሲኪዴ ኢንታ ይሳካዬ።

![](https://cdn.door43.org/obs/jpg/360px/obs-en-13-13.jpg)

ሙሶ ኢንዲን ጋልዳፖ ሶባሪ ኢንታ ማቃጾሳ ቤቃሪ ዎይልን ጎይላሪ ጾሳዲ ታጳ ኪታን ጻፊኖ ሹቻን ሜይሲዴ።

![](https://cdn.door43.org/obs/jpg/360px/obs-en-13-14.jpg)

ኢናፖ ሙሶ ማቃጾሳን ዎንቲዴ ዋ ጋልዳ ኣፋ ላሊዴ ዎርዣዳ ኡሺዴ ጾሳዲ ዎርዣ ጋልዳ ጎይል ሚሻ ዎይልንን ዓይቂዴ።

![](https://cdn.door43.org/obs/jpg/360px/obs-en-13-15.jpg)

ሙሶ ማቂ ኢንዲን ጋልዳ ኬስካሪ ጾሳዲ ዎርዣብ ኣቶ ጋምፔን ጌሽዴ። ጾሳዲ ሙሲኮን ሲሲካሪ ኢንታብ ኣቶጌይዴ። ሙሶ ፌ ሜይሲኖን ሹቻን ቤሲን ሜላ ኦራ ላብች ጌይኖ ሹች ጋልዳ ታጳ ኪታን ጻፊዴ።

![](https://cdn.door43.org/obs/jpg/360px/obs-en-13-16.jpg)

ኢናፖ ጾሳዲ ኢስሬላን ሲና ኢንዲን ጋልዳፖ ኢንታብ ታስፋ ቃላባር ኢምኖ ቤሲን ኤንዳብ ቲንዴ።

*ጌሻ ማጻፋ ታርካ ፦ ኬሲ ማጻፋ ጋልዳ 19-34*

## 14. ምዲራባዳ ጋልዳ ጌዲክ ዓንክ ጌይ ዋይዴ

https://openbiblestories.org/l/bst/story-14/

![](https://cdn.door43.org/obs/jpg/360px/obs-en-14-01.jpg)

ጾሲ ኢንቲባር ጌልኖ ጫቃ ቃሊንባር ዎልፌን ማቂእ ሂጋንቦ ኪቲንታምፔኒ ኢስሬላንቦ ሶሊኖፖ ዓኒ ሲና ኢንዲን ጋልዳፖ ሉኪዴ። ጾሳዲ ዎርዣዳ ሲና ኢንዲን ጋልዳፖ ካናና ጌያ ጼጊንታ ዎ ታስፋ ኢንታብ ኢማንዳ ጌይኖ ጋዲን ዬልንዳቦ ቲኒ ኤዴ። ሻራ ኣምዲንዳሬ ኢንታ ቲኒን ኣሪ ካናና ሉኪዴ ኢንታሬ ኢዎሂን ሉኪዴ።

![](https://cdn.door43.org/obs/jpg/360px/obs-en-14-02.jpg)

ጾሳዲ ኢንታብ ታስፋ ኢምኖ ጋዲን ኢንታ ዜርንቦ ኢማዝን ኣብራሃማቦ ይሳቃብኬ ዓይቆባብ ኢማንዳብ ታስፋ ቃላ ጌሊኔ ዎቲናካሬ ዓት ይና ጋዲን ጋልዳ ዎይልን ዎርዣ ዶኢሬ። ኢንታሬ ካናናን ጌይንቲ ጼጊንቲሬ። ካናናን ጾሳቦ ጎሺቲባሴ ማ ኢብ ኪቲንቲባሴ ዎርዳ ጾሳን ጎሺቲዴ ዎይልን ባዛንር ዎቲዴ።

![](https://cdn.door43.org/obs/jpg/360px/obs-en-14-03.jpg)

ጾሳዲ ኢስሬላንኮ «ታስፋ ኢምኖ ሳዚንጋልዳ ዎ ኣሳን ካናናን ዎይ ይስብቴ። ኢንታባር ሳርቲ ባዝ ኦፒቴ ኢንታ ጋርታፖ ኤካፒቴ ኢንቲኮ ማቃ ጾሳን ውርሲ ይሲብቴ። ታብ ኪቲንቲባስኮ ታብ ጎሺታዝ ቤሲን ማቃጾሳቦ ጎሺቲሬ።» ጌይዴ።

![](https://cdn.door43.org/obs/jpg/360px/obs-en-14-04.jpg)

ኢስሬላን ካናና ጋዲን ቡጊዲ ዬልኖ ኬልባራ ሙሶ ፔታን ፔታናን ኢስሬላን ኮቺ ፔቲ ፔቲ ኣሲ ታጶ ናምኢ ኣሳን ማራጺዴ። ሉካሪ ጋዲን ኣብዝ ማይጻርኮ ሉካር ሜዛምፔን ኢንታብ ኪታ ኢሚዴ። ይን ኣሳን ሚንቤ ዎይ ሊቂ ማቂኖን ኤራንዳብ ካናናን ሜዛንብ ኮሽሬ።

![](https://cdn.door43.org/obs/jpg/360px/obs-en-14-05.jpg)

ታጶ ናምኢ ኣሳን ካናና ጋዳ ኦይዲ ታጳቃም ዬሪ ማቂ ዬይዴ። «ጋዲንዳ ዎይልን ኢጊሴ ኢና ካንር ጫላ ዎይን ጋር ዎርዣ ሶሊዴ ታ ሜዛ ኣሳን «ካታሚን ጋርታ ዎንፖ ሚን ኣሳን ጴቺ ኑ ኢንቲባር ኦልንቲጌይናሬ ኪንባር ኑና ጋሚሬ ። ኑና ዎሬ » ጌይዴ።

![](https://cdn.door43.org/obs/jpg/360px/obs-en-14-06.jpg)

ኤልር ኢዚባር ናምኢ ሜዛ ኣሳን ካሌብኬ ኢያሳኬ ።«ካናና ኣሳን ጳርን ማ ሚን ማቂኖን ኪን ዎቲናካሬ ኪንባር ኑ ኢንትጋ ጋሚሬ ጾሳዲ ኑ ጊሻብ ኦልንቲሬ» ጌይዴ።

![](https://cdn.door43.org/obs/jpg/360px/obs-en-14-07.jpg)

ዎርዣዲ ዎቲናካሬ ካሌባኮንዲኬ ኢያሳኮን ሶልን ኤካካዬ ሙሳኬ ኣሮናክ ኢንታ ጎይልን « ዓይዳ ኢታ ቤሳጋልዳ ኑና ኣባብ ኤኪ ዬይቴ? ኑ ኦልባር ዓይቃምፔንኬ ኑ ማጫን ማ ኑና ናኣን ማቂንካሬ። ኑ ጊብጻ ጋዳ ዶኢንኮ ኑብ ኮሺዶን»ጌይዴ ። ዎርዣዲ ጊብጻ ማሃር ኢንታ ኤዝ ሜላ ማራጻንዳብ ኮይዴ።

![](https://cdn.door43.org/obs/jpg/360px/obs-en-14-08.jpg)

ጾሲ ዎይሊን ጎይላሪ ዎልኣዬላዝ ዱንካንኮ ዬይዴ ኢንትጋኮ ዪንቲታብ ኪቲንታብዳ ጌይኖ ኮታቦ ዎርዣ ዎይ ባራሃ ጋርታ ጌዳክ ዓኒክ ጌይ ዋይሬ። ኢያሳኬ ካሌባፖ ኣቲን ላምታም ላይኬ ኢዛፖር ኣኖን ዎይ ይን ኢዚባር ዓይቂርዶኬ ውርሲ ኢንታብ ታስፋ ኢምኖ ጋዲን ጋርታ ጌልባሴ።

![](https://cdn.door43.org/obs/jpg/360px/obs-en-14-09.jpg)

ዎርዣ ዪኖ ሲስኪኖ ኬል ናጋራ ኦኖ ኮታቦ ሺርሚዴ።ፌ ኦል ቶራን ኤካሪ ካናና ኣሳን ኦላንዳቦ ሉኪዴ።ሙሶ ጾሲ ኢንታባር ባዮኮታቦ ኢንቲ ሉካካይፌኒ ኢንታብ ሶሊዴ።ዎቲናካሬ ኢንቲ ኢኮን ሲስካካዬ።

![](https://cdn.door43.org/obs/jpg/360px/obs-en-14-10.jpg)

ጾሲ ኢንታባር ዎልኣ ኦል ቤሲን ጋርታ ሉካካዬ።ዪኮታቦ ጋሚንቲዴ።ዎይሊንን ዎንቲዴ።ኢናፖ ኢሲሬላን ካናናፖ ማቃሪ ባራሃ ጋርታ ኦይዲታጳ ላይ ዋይዴ።

![](https://cdn.door43.org/obs/jpg/360px/obs-en-14-11.jpg)

ኢስሬላ ዎርዣዲ ባሃራ ጋርታ ኦይዳ ታጳ ላይ ጾሲ ኢንታ ፊሻ ሙሲዴ ኣፋ ማና ይዝጌይን ጼጊንታዝን ሶሊን ኢንታብ ኢሚዴ። ማ ኣይሽ ሞምፔኒ ኢኒቲ ዎ ቤሲን ጋልዳ ዲርጪታ ጌይዛን ማሺዴ። ይና ኢዝባራ ዎይ ጾሲ ኢንታ ኣርልንዲኬ ኢንታ ኮባን ዉራካይፌን ዎቲዴ።

![](https://cdn.door43.org/obs/jpg/360px/obs-en-14-12.jpg)

ጾስ ጋራምስዝ ባዝ ምቂኖ ጎይባራ ዋ ሹች ላሊ ጋር ኬሳር ኢንታብ ኢሚዴ። ይዎይ ማቂናሬ ኢስሬላ ዎርዣዲ ጾሳ ጋልዲኬ ሙሳ ጋልዳ ሽርምዴ ጉንዲሚዴ ማቂናካሬ ጾሳዲ ኣብራማቦ ይሳቃብኬ ዓይቆባብ ኢማንዳብ ጌይኖ ታስፊን ዓታር ኣማንታሬ።

![](https://cdn.door43.org/obs/jpg/360px/obs-en-14-13.jpg)

ዎርዣ ኣባካር ዋ ባዮ ኬልባራ ጾሳዲ ሙስኮ « ሹቺምቦ ሶላቤ ኢዝ ጋርታፖ ዋ ኬስካሬ» ጌይዴ። ዎቲናካሬ ሙሶ ሹእምቦ ሶላዝን ኣሻሪ ጉፋ ባር ናም ቶሂ ቡኪኖ ኮታቦ ዎርዣ ዎይ ቲን ጾሳዳ ዬልዴ። ዎይ ኣሳ ኡሺካምፔኒ ሹችን ጋርታፖ ዋ ኬስኪዴ። ዎቲናካሬ ጾሲ ሙሳ ጎይላሪ «ታሲፋ ኢምኖ ጋዲን ጋርታ ጌላባሴ» ጌይዴ።

![](https://cdn.door43.org/obs/jpg/360px/obs-en-14-14.jpg)

ኢስሬላን ኦይዲ ታጳ ላይ ባሃራ ጋርታ ዋይኖፖ ዓኒ ጾሳዳ ማቃር ኢምኖ ታስፋ ሳዚን (ጋዲን) ጋርታ ቲኒዴ ዓታሬ ሙሶ ጪጚዴ ይኮታቦ ዎርዣ ቲኒሙታ ማዳምፔን ጾሳዲ ኢያሳ ማራጽዴ ማ ጾሳዲ ፔቲ ቃም ሙሲፌኖ ሜላ ናቢ ሚሽኣዝን ሙሳቦ ታሲፋ ኢምኔ።

![](https://cdn.door43.org/obs/jpg/360px/obs-en-14-15.jpg)

ኢናፖ ጾሳዲ ታሲፋ ኢምኖ ጋድን ቤቃንዳብ ዳንዳኣምፔን ኢንዲ ሲን ጋልዳ ኬስካምፔን ሙስቦ ሶልዴ። ሙሶ ታስፋ ኢምኖ ጋዲን ቤቂዴ። ዎቲናካሬ ጾሳዲ ኢ ኢና ጌልምፔን ኢብ ፋቃዳካዬ። ኢናፖ ሙሶ ዓይቂዴ። ኢስሬላን ዓይዚ ታጳ ቃም ሙርሚዴ። ኢንታ ኦራ ቲንኣዲ ኢያሳ ማቂዴ። ኢያሶ ጾሳባር ኣማንቲር ማ ኪቲንቲዝ ኣስ ማቂኖ ኮታቦ ኮሽ ቲንዝ ኣሴ።

*ጌሻ ማጻፋ ታርካ ፦ ኬሲ ማጻፋ 16-17፤ፋይዳ ማጻፋ 10-14፤ 20፤ 27፤ማቂ ኪታ ማጻፋ ጋልዳ 34።*

## 15. ታሲፋ ኢምኖ ጋዲንዶ

https://openbiblestories.org/l/bst/story-15/

![](https://cdn.door43.org/obs/jpg/360px/obs-en-15-01.jpg)

ዉርስ ጋልዳ ኢስሬልን ታስፋ ኢምኖ ጋዲን ካናና ጌይዝ ኬልን ዬልዴ። ኢያሶ ሚን ጊምባ ኣጺራባር ናጊንታር ዎን ካናና ካታሚን ሜዛሚፔን ናምኢ ሜላ ኣሳን ሚሺዴ። ይና ካታሚን ጋርታ ሜዛ ኣሳን ኣቻራ ዎሃ ኢንቲ ቡታምፔን ማዲኖንዳ ኣሲን ራብ ጋዝ ቡዲና ዶር ዎ ኢዛ ጾሳ ኣማንዛ ኮታቦ ይኒፌን ዎታዴ ሜዛ ኣሳን ኢስሬላን ኢያርካ ካታሚን ይሲርዶሪ ራብኬ ኢዝ ኣሎ ኣሳን ኣሽኣዝን ኢዛባር ቃላ ጌልዴ።

![](https://cdn.door43.org/obs/jpg/360px/obs-en-15-02.jpg)

ኢስሬላን ታስፋ እምኖ ጋዲን ጋርታ ጌላንዳቦ ዮርዳኖሳ ዋን ፊጛንዳብ ኮሺሬ።

![](https://cdn.door43.org/obs/jpg/360px/obs-en-15-03.jpg)

ዎርዣን ዮርዳኖሳ ዋን ፊጚኖፖ ዎሃ ጾሳዲ ጴቻ ካታሚን ኢያካ ዎዛርታሪ ኦላር ጋምርፌንኮ ኢያስብ ሶላዴ ዎርዣድ ጾሳቦ ኪቲንቲዴ ዎታዳራንኬ ቄሳን ኪን ጾሲ ኢንታብ ሶልኖዲፌን ቃናባራ ፔታን ፔታን ሌሂ ቃም ኢያርካ ካታሚን ቡርንታዴ።

![](https://cdn.door43.org/obs/jpg/360px/obs-en-15-04.jpg)

ኢናፖ ታብዝ ቃምንባራ ኢስሬልን ታብዛ ቶህ ካታሚን ቡርንታዴ። ዉርሲን ጋልዳ ኢንቲ ካትሚን ብርንታምባራ ዎታዴራን ዉይሲዴ ቄሳንሬ ፌ ናሳ ፑጊዴ።

![](https://cdn.door43.org/obs/jpg/360px/obs-en-15-05.jpg)

ኢናፖ ኢያርካ ካታሚን ቡጊድባር ዎዾ ሹቻ ኣጺራ ኬዲዴ ጾሳዲ ኪቲኖዲፌን ኢስሬላን ካታሚን ጋርታ ዎዾ ባዛ ዎይ ይስዴ ኢስሬላንቦ ኣላስ ማቂኖን ራብኬ ኢዝ ኣሎ ኣስን ሙታ ኣሺዴ። ካናና ዳዚ ሜላ ዎርዣዲ ኢስሬላን ኢያርካ ይስኖን ሲሲኪኖፕፖ ዓኒ ኢስሬላን ኢንታ ማ ኣላዝን ቆፓር ኢጪዴ።

![](https://cdn.door43.org/obs/jpg/360px/obs-en-15-06.jpg)

ጾሳዲ ካናና ዎዾ ኦናካር ዎርዣ ዜርንባር ሳርቲቲኬ ኮሺቲናር ዳኦምፔን ኢስሬላን ኪቲኔ። ዎቲናካሬ ጋባኣና ኣሳን ካናና ዎርዣ ጋርታፖ ፔታንዲ ካናና ኣሳፖ ጎቲ ቤሳ ጋልዳፖ ዬይኖ ማቂኖን ኢያሳብ ማምቃር ሶልዴ። ኢንቲባራ ሳርቲባር ኮሽባራ ዶ ኣምፔን ኢይሳ ኦይጪዴ ጋባኣና ኣሳን ኢንት ዎይዳፒኮ ኢያሳኬ ኢስሬልን ጾሳዲ ኦይጫካዬ። ይኮታቦ ኢያስ ኢንቲባራ ሳርቲባርኬ ኮሽቲባራ ዶኢዴ።

![](https://cdn.door43.org/obs/jpg/360px/obs-en-15-07.jpg)

ጋባኣና ኢንታ ማቂኖን ኤራሪ ኢስሬላን ዛልቂዴ። ዎቲናካሬ ጾሳ ቲን ኢንቲ ጌልኖ ቃላ ዎዾ ኮታቦ ኢንቲባር ኦኖ ሳርቲንዲኬ ኮሽቲን ናጊዴ። ማ ጋምኣሪ ሜላ ጋላስ ካናና ዎ ሜላ ኣሳን ዎርዣንቦ ካቲንታን ኣምራዋን ጋባኣና ኣሳን ኢስሬላንባራ ሳርቲኬ ኮሺት ዎቲኖን ሲስኪዴ። ይኮታቦ ፌ ዎታዴራን ዎልኣ ፔታን ሽሻር ጋባኣናን ኦልዴ። ጋባኣናን ፔና ማዳምፔን ኢይሳኮ ኪታ ሚሺዴ።

![](https://cdn.door43.org/obs/jpg/360px/obs-en-15-08.jpg)

ይኮታቦ ኢያሶ ኢስሬላ ዎታዴራን ሺሻር ጋባኣና ኣሳን ዬላንዳቦ ቃሚን ዎይ ዬዴ። ጌሺ ቃምን ጋርታ ኢንቲ ቆፓካይዶን ኣሞራን ዎታዴራን ኦልዴ።

![](https://cdn.door43.org/obs/jpg/360px/obs-en-15-09.jpg)

ይና ኢዝ ቃሚንባራ ጾሳዲ ኢስሬላን ጊሻቦ ኢንቲባር ኦልንትዴ። ኣሞራ ዎታዴራን ቱቲንር ጴች ሻቻ ሹች ሚሻሪ ኣሞራን ኣሳን ዎይልን ዎዴ።

![](https://cdn.door43.org/obs/jpg/360px/obs-en-15-10.jpg)

ማ ጾሳዲ ኢስሬላን ኣሞራ ኣሳን ውርሳር ጋማንዳብ ጊድዝ ኬል ዶኣምፔን ኣፋ ኣዋ ኣፍን ፔቲ ቤስ ኤቃር ዳምፔን ዎቲዴ። ይና ኢዝ ቃምባር ጾሳዲ ኢስሬላንቦ ጋሚዝ ዎልቃ ሚን ኢምዴ።

![](https://cdn.door43.org/obs/jpg/360px/obs-en-15-11.jpg)

ጾሳዲ ይን ዎታዴራን ጋምኖፖ ዓኒ ዎይልን ካናና ዎርዣዲ ኢስሬላን ኦላንዳቦ ዎልፔታን ሺቂዴ። ኢያሳኬ ሜላን ኢስሬላን ኦላር ጋሚዴ።

![](https://cdn.door43.org/obs/jpg/360px/obs-en-15-12.jpg)

ይና ኦልንፖ ዎሃ ጾሳዲ ፔታን ፔታን ኢንታ ኮቻንቦ ታስፋ ኢሚኖ ጋዲን ጋርታ ዬላዝን ኢሚዴ። ኢናፖ ጾሳዲ ኢስሬላቦ ኢንታ ዎሳልን ሳርቲ ኢሚዴ።

![](https://cdn.door43.org/obs/jpg/360px/obs-en-15-13.jpg)

ኢያሶ ጪጚኖ ኬልምባራ ኢስሬላ ዎርዣን ዎይ ዎልፔታን ጼጊዴ። ኢናፖ ኢያሶ ጾሳዲ ሲና ኢንዲን ጋልዳዶር ኢስሬላንባር ጌልኖ ጫቃ ቃልምቦ ኪቲንታምፔን ዎርዣዳ ኤርስዴ። ዎርዣዳሬ ጾሳቦ ኣማኒንቲኖ ማቃሪ ዶኣምፔንኬ ሂጋን ጋዝምፔን ዶኣንዳብ ቃላ ጌልዴ።

*ጌሻ ማጻፋ ታሪካ፦ ኢያሳ 1-24*

## 16. ናጻ ኬሲዛን

https://openbiblestories.org/l/bst/story-16/

![](https://cdn.door43.org/obs/jpg/360px/obs-en-16-01.jpg)

ኢያሶ ዓይቂኖፖ ዎሃ ኢስሬላን ጾሳቦ ኪቲንታካዬ ኣቲኖ ካናና ኣሳን ፌ ጋርታፖ ኬሳካይ ዎይ ኢንቲ ጾሳ ሂጊንቦ ኪቲንታካዬ። ኢስሬላን ኪን ጾሲ ማቂኖ ያህዌ/ ማ ዶኢዛዳ ኢያ ጎሺታናፖ ሺዻ ካናና ጋዳ ዎዾ ማቃ ጾሳን ጎሽቲ ኤዽዴ። ኢስሬላንቦ ካቲ ባዬ ይኮታቦ ዎይን ፔብ ማይጺኖ ባዝ ዎይ ዎቲሬ።

![](https://cdn.door43.org/obs/jpg/360px/obs-en-16-02.jpg)

ኢስሬላን ጾሳቦ ኪቲንታብዳ ጋዚን ኣሻካዮኮታቦ ጾሲ ኢንታ ጻላታን ኢንታ ኦላምፔን ዎቲዴ ይን ኢንታ ጻላታን ኢስሬላን ባዛን ዎይ ውቂዴ። ኢንታብ ዎ ቆልንን ዎይ ኢንታ ይሲዴ ዎይልንን ዎዴ። ኢስሬላን ጾሳቦ ኪቲንታካዮ ኮታብኬ ፌ ጻላታንባር ዋይሙታ ዎይልን ላይ ኣኖፖ ዎሃ ማርቲ ጌልዴ ጾሳዲ ኢንታ ጻላታጋልዳፖ ቡቲሳምፔን ኦይጪዴ።

![](https://cdn.door43.org/obs/jpg/360px/obs-en-16-03.jpg)

ኢናፖ ጾሳዲ ኢንታ ጻላታን ጋልዳፖ ቡቲስዚ ኣስ ኢንታብ ሚሺዴ ጋድን ጋልዳሬሳርቲ ኤሄይዴ። ዎቲናካሬ ኣሳን ጾሳዳ ማቃር ቦቲጚዴ። ማቃ ጾሳባር ጎሺቲ ኤዴ ይማቂኖ ኮታቦ ጾሳዲ ኢንታ ላፍር ቤንቲዝ ጻላታን ምዳሞ ኣሳን ኦል ዲንዴ ጋምዴ።

![](https://cdn.door43.org/obs/jpg/360px/obs-en-16-04.jpg)

ሚዳማን ኢስሬላን ካን ዎይ ፌብ ታብዛ ላይብ ጊዳዝን ሙንት ኤኪዴ። ኢስሬል ዎይልን ኢጪዴ ዶች ቤሳን ጋርቲኬ ጋዋን ጋርታ ባያር ዎዶን ምዳማን ኢንታ ዲጛንዳብ ዳንዳኣካዬ ዉርስን ጋልዳ ፌና ፋምፔን ጾሳኮ ዉይስዴ።

![](https://cdn.door43.org/obs/jpg/360px/obs-en-16-05.jpg)

ፔቲ ቃም ጌዶና ጌይዛዲ ኢስሬላ ኣስዶሪ ምዳማን ኢ ካን ኤካካይፌኒ ባያሪ ካ ቡኪሬ። ጾሳ ኪታንቻ ጌዶን ዬሪ «ኢንቲ ሚን ኦል ኣባዳ ጾሲ ኔባር ዎ ሉካራ ኢስሬላን ምዳማን ኩሽታፖ ቡቲሳቤ»ጌይዴ።

![](https://cdn.door43.org/obs/jpg/360px/obs-en-16-06.jpg)

ጌዶና ባቦ ማቃ ጾሳብ ጌዝንኖ ካሻ ቤሲ ዎ ጾሳዲ ጌዶናኮ ይኖ ካሻ ቤስን ፋራሳምፔን ሶልዴ። ዎቲናካሬ ጌዶን ዎርዣብ ኢጪኖ ኮታቦ ሳዝን ቃምዝ ድሬስ ናጊዴ። ኢናፖ ካሽ ቤስን ፋራስዴ ኢዛ ሊቂዝ ዲሬስ ሜይስዴ። ኢዝ ላፍን ጋልዳ ጾሳቦ ኦራ ዣርሽ ቤስ ኮቺዴ ጾሳብ ዣርሽ ኢሚዴ።

![](https://cdn.door43.org/obs/jpg/360px/obs-en-16-07.jpg)

ኢዝ ዎንን ጌሻ ዎርዣ ፔቲ ኣሲ ኢንታ ዣርሽ ቤስን ፋራስኖን ቤቃሪ ዎይልን ዛልቂዴ። ጌዶና ዎንዳቦ ጌዶና ኣል ሉኪዴ ዎቲናካሬ ጌዶን ባ፟ቦ «ኣባቦ ይንታ ጾሳ ማዳንዳብ ኮይራ? ኢ ጾስኮ ፌና ቡቲሲጋቤ» ጌይዴ። ይኖ ጌይኖ ኮታቦ ዎርዣዲ ጌዶና ዎካይ ኣሺዴ።

![](https://cdn.door43.org/obs/jpg/360px/obs-en-16-08.jpg)

ምዳማን ኢስሬላን ቡሪሳንዳቦ ማቃር ዬይዴ። ፋይዲ ባራ ዎይልን ኣስ ማቂኖ ኮታቦ ኦናካ ኢንታ ፋይዳንዳብ ዳንንዳኣካዬ። ጌዶናሬ ሚዳማን ኦላንዳቦ ኢስሬላን ጼጊዴ። ጾሳዲ ኢባር ማቃር ኢስሬላን ማዲርፌንኮ ኤራንዳቦ ጌዳኒ ናምኢ ማላን ጾሳ ኢይጪዴ።

![](https://cdn.door43.org/obs/jpg/360px/obs-en-16-09.jpg)

ቲኖ ማልንዶ ጪርቃ ሳዛ ጋልዳ ጋዳር ጌሽ ኮያ ጪርቂን ጋልዳ ሙታ ማቄጌይንዶ ሳዚን ጋልዳ ማቃካዶፌኒ ጋር ኦይጪዴ። ጾሲ ኢ ጌይኖዲፌን ዎቲዴ። ማ ኢዚፖ ዎሆ ቃሚን ጌዶኒ ጾሳዳ ሳዝንዳ ጌሽ ኩይምባር ዎቃራ ጪርቂንዳ ካሊ ማቆ ጌይ ኦይጪዴ ጾሲ ኢጌይኖዲፌን ዎቲዴ። ይን ናምኢ ማላን ጾሲ ኢባር ማቂሪ ኢስሬላን ሚድማን ጋልዳፖ ቡቲሳዝን ጌዶናብ ማርካ ቤይሲዴ።

![](https://cdn.door43.org/obs/jpg/360px/obs-en-16-10.jpg)

ዓይዚ ታጳ ናምኢ ሙኪላ ኢስሬላ ዎታዴራን ጌዶናክ ዬይዴ። ዎቲናካሬ ጾስ ኢንታ ፋይዳዲ ዎይልን ጌይዴ ይኮታቦ ጌዶኒ ኦላንዳብ ኢጪኖን ላምታም ናምኢ ሙኪላ ዎታዴራን ኢንታ ኣል ማሃር ኢንታ ሚሽዴ። ጾሳዲ ጌዶናኮ ዓታር ዎታዴራን ፋይዳ ዎይልን ጌይዴ ማቂኖ ኮታቦ ጌዶኒ ዓይዚ ጼታ ዎታዴራን ኣሻሪ ሜላን ኢንታ ኣል ማሃር ሚሺዴ።

![](https://cdn.door43.org/obs/jpg/360px/obs-en-16-11.jpg)

ይና ኢዝ ጋላስ ቃም ጾሳዲ ጌዶናኮ «ሚዳማ ዎታዴራንሶኮ ሶባቤ ኢንታ ጋዚን ስሲካራ ዉርሳ ኢጫፔ» ጌይዴ። ማቂናካሬ ጌዶኒ ሚዳማ ዎታዴራንኮ ኢዚጋላስን ቃም ሶብዴ ፔቲ ሚዳማ ዎታዴራ ኢላጋቦ ኣይባባራ « ጌዶና ዎታዴራን ሚዳማ ዎታዴራን ጋሚዴ ጌይ ቤይሲን» ፌ ቤቂኖን ሶልን ሲስኪዴ ጌዶን ይኖ ሲሲካሪ ጾሳቦ ጎሺቲዴ።

![](https://cdn.door43.org/obs/jpg/360px/obs-en-16-12.jpg)

ኢናፖ ጌዶና ዎታዴራንኮ ማቃሪ ፔታን ፔታን ቆም ቆምን ኡሺን ናሳ ዣባ ኢሚዴ ሚዳማ ዎታዴራን ሱርቂ ዎዶን ኢንቲ ዎ ኦልን ቤሲን ቃጺ ማሂዴ ጌዶናኮ ዓይዚ ጼታ ዎታዴራን ኦቲ ጋርታ ዣባ ኤዴ። ሚዳማ ዎታዴራን ዎትናካሬ ዣቢን ፎኢንን ቤቃንዳብ ዳንዳኣካዬ።

![](https://cdn.door43.org/obs/jpg/360px/obs-en-16-13.jpg)

ኢናፖ ጌዶማ ዎታዴራን ዎይ ፔቲ ቶህ ፌ ኦታን ዎዴ ይና ኢዝባር ኤልር ዣባን ፎኢን ኢንታ ቆፓካይዶን ፎኣዴ። ፌ ኡሹንች ናሲን ፉጊሙታ «ጾሳዲኬ ጌዶና ዎታዴራን» ጌይሙታ ዉይስዴ።

![](https://cdn.door43.org/obs/jpg/360px/obs-en-16-14.jpg)

ጾሳዳሬ ሚዳማ ኣሳን ባልዴ ጌይዴ ኢንቲ ዎል ዎክኣ ዎጽዴ ጌይዴ ኤልባር ፌ ኣል ዎጽን ኢስሬላን ጼጋሪ ሚዳማ ኣሳን ዳካንዳቦ ዎል ዎልኣ ማንዲንቲዴ። ዎይልንን ዎጺዴ ኣቲኖን ኢስሬላ ጋዳፖ ዳኪዴ ይና ኢዚባራ ፔቲ ጼታኬ ላምታም ሙኪላ ሚዳማ ዎታዴራን ዓይቂዴ። ጾሳዲ ኢስሬላን ፋዴ።

![](https://cdn.door43.org/obs/jpg/360px/obs-en-16-15.jpg)

ዎርዣዲ ጌዶኒ ኢንታብ ካቲ ማቃምፔን ኮይዴ ጌዶኒ ዎቲናካሬ ይኖ ኢንቲ ዎታምፔን ኮያካዬ ዎቲናካሬ ቆም ቆምን ሚዳማን ጋልዳፖ ኤኪኖ ዎርቃ ቃላባቲን ኤሄምፔን ኦይጪዴ ዎርዣዲ ጌዶናቦ ዎልን ዎርቃ ኢምዴ።

![](https://cdn.door43.org/obs/jpg/360px/obs-en-16-16.jpg)

ጌዶናሬ ዎርቂን ቴልጊሳር ቄሳ ኣላቃዲ ማኣዝንዲፌን ዱማ ኣፍላ ማሃር ኢሲዴ። ዎቲናካሬ ዎርዣዲ ይና ኣፌልን ዱማ ማቃ ጾስ ፌን ማሃር ኢዛቦ ጎሽቲ ኤዴ ይኒፖ ዲንዲኖ ኮታቦ ጾሳዲ ኢንታ ጻላታን ኢንታ ጋማምፔን ዎቲዴ ኢንታ ዓጊዴ ዉርሲ ጋልዳ ዎርዣዲ ዓታር ጾሲ ኢንታ ፋምፔን ኦይጪዴ ጾሳዲ ኢንታቦ ሜላ ፋዛ ሚሺዴ።

![](https://cdn.door43.org/obs/jpg/360px/obs-en-16-17.jpg)

ይፌኖ ባዛዲ ዎይልን ጎይ ማቃር ማቃር ኢስሬላን ናጋራ ኦዴ ጾሲ ኢንታ ዓጊዴ ማቃር ማርቲ ጌልሪ ጾሳዳሬ ኢንታ ፋምፔን ፋዛ ኢንታብ ሚሺሬ ዎይልን ላይ ጾሳዲ ኢስሬላን ፋንዳቦ ዎይልን ናጻ ኬሲዛን ኢንታብ ሚሺኔ።

![](https://cdn.door43.org/obs/jpg/360px/obs-en-16-18.jpg)

ዉርሲ ጋልዳ ዎርዣዲ ሜላን ኣማንባሶን ኢንታብ ዎጺን ካቲ ኢንታብ ካዉቲሳምፔን ጾሳ ኦይጪዴ ኦልባር ኢንታ ቲኒዛ ጳርንኬ ሚን ማቂኖ ካቲ ኢንታብ ዶኣምፔን ኮይዴ ጾሲ ዎቲናካሬ ይና ኢንታ ኦይቺን ካካዬ ማቂናካሬ ኢንቲ ኮይኖዲፌኒ ካታ ኢንታብ ኣዴ

*ጌሻ ማጻፋ ታሪካ፦ መሳፍንታ 1-3፤ 6-8፤ 1ኛ ሳሞላ 1-10*

## 17. ጾሳዲ ዳዉታባር ጌልኖ ጫቃ ቃላ

https://openbiblestories.org/l/bst/story-17/

![](https://cdn.door43.org/obs/jpg/360px/obs-en-17-01.jpg)

ሳኦል ቲኖ ኢስሬላን ካታ ኢያ ኢ ኪን ዎርዣ ኮይኖንዲፌን ጳርንኬ ኮሽ ቆይስዛዳ ሳኦሊ ኢስሬላን ጋላዳ ካዉታናፖ ቲኖ ጊላ ላይን ጋርታ ኮሻ ካቴ ይኒፖ ዎሃ ጾሳቦ ኪቲንታካዮ ኢታ ኣሲ ማቂዴ ይኮታቦ ጾሳዲ ፔቲ ጋልሲ ሳኢላ ቤሲን ካቲ ማቂዛ ሜላ ኣሲ ማራጺዴ።

![](https://cdn.door43.org/obs/jpg/360px/obs-en-17-02.jpg)

ጾሳዲ ሳኦላፖ ዎሃ ካቲ ማቃምፔን ዳዉታ ጌይዛ ኢስሬላ ጋዶ ናኢቲ ማራጺዴ ዳዉቲ ቤቲሊሄማ ካታማፖ ዶሪ ዬጚዝ ጋይጪ ናኤ። ዳውቲ ዱማ ዱማ ኬላ ጋርታ ፌ ባባ ዶራን ናጋምባራ ዶራን ሞንዳብ ዞብኬ ዲብ ጌይዝ ማታ ባዚን ውኔ ዳዉቲ ጾሳባራ ኣማኒንቲ ኢብ ኪቲንቲ ማ ኮሽዴ ጺላ ኣሴ።

![](https://cdn.door43.org/obs/jpg/360px/obs-en-17-03.jpg)

ዳዉቲ ጴች ዎታዳራኬ ቲብዝ ኣስ ማቂዴ ዳዉቲ ቢርቲ ናኢቲዶሪ ጎላዳ ጌይ ጼጊንቲዛ ጴች ናሳባር ኦልንቲዴ። ጎላዲ ዎይልን ታማሪኖ ዎታዴራ ዎይልን ሚን ይናሬ ዎይልን ጳርን ሌሂ ዋዽ ማቃምፔን ጳርን ዎቲናካሬ ጾሳዲ ጎላዳ ዎዽሬ ኢስሬላን ፋንዳቦ ዳዉታ ማዲዴ። ኢናፖ ዓኒ ዳዉቲ ዎርዣ ቲን ኣንጂኖን ኢስሬላን ጻላታን ጋልዳ ዎይልን ጺላ ዲጚዴ።

![](https://cdn.door43.org/obs/jpg/360px/obs-en-17-04.jpg)

ሳኦል ዎርዣ ዳዉታብ ዎ ካንን ቤቃሪ ቃናኢዴ። ሳኦል ዎይልን ጎይ ዳዉታ ዎዻንዳቦ ኮይዴ። ይኮታቦ ዳዉቲ ሳኦላ ጋልዳፖ ባይዴ። ፔቲ ጋልስ ሳኦል ዳዉታ ዎዻንዳብ ኮይሙታ ዎዼ ሳኦሊ ዳዉቶ ባያር ዎዾ ጋዊን ጋርታ ሉኪዴ። ዎቲናካሬ ሳኦል ቤቃካዬ ዳዉቲ ሳኦላኮ ኮሺንች ኡካሪ ዎዻንዳብ ዳንዳኢርዶን ዎቲናካሬ ዎዻካዬ ይና ኢዝኮታቦ ዳዉቲ ካቲ ማቃንዳቦ ዎዻካይ ኣቲኖን ሳኦላ ቤይሳንዳቦ ሳኦላ ኣፊላ ማጫሪን ቃጺዴ።

![](https://cdn.door43.org/obs/jpg/360px/obs-en-17-05.jpg)

ዉርሲ ጋልዳ ሳኦሊ ኦልባር ዓይቂዴ። ዳዉታሬ ኢስሬላንቦ ካቲ ማቂዴ። ዳዉቲ ኮሺ ካቴ ዎርዣዳር ኢያ ዶሲዴ። ጾሲ ዳዉታ ኣንጂዴ ኢባዛን ዎይ ፎቲንትጋምፔን ዎቲዴ። ዳዉቲ ዎይልን ኦል ኦልንቲዴ ኢስሬላ ጻላታን ጋማምፔን ጾሲ ኢንታ ማዲዴ። ዳዉቲ ሩሳላማ ጋሚ ኤዻሪ ኢዞ ጴች ካታማ ማሂዴ። ዳዉቲ ካታ ማቂኖ ኬልባራ ኢስሬላን ጴችኬ ዱር ማቂዴ።

![](https://cdn.door43.org/obs/jpg/360px/obs-en-17-06.jpg)

ዳዉቲ ኢስሬላን ዎይልን ጾሳቦ ጎሺታዝንዲኬ ኢብ ዣርሺ ኢምዝ ጾስ ኬ ኬጻንዳብ ኮይዴ ዎርዣዲ ኦይዲ ጼታ ላይ ማቃፔኒ ሙሶ ኬጺኖ ዎል ዬልዛ ዱንካኒን ጋርታ ጾሳቦ ጎሽቲ ማ ዣርሻር ሺሺ ዎቲ ዎ።

![](https://cdn.door43.org/obs/jpg/360px/obs-en-17-07.jpg)

ዎቲናካሬ ጾሳዲ ይኖ ኪቲን ኤይሪ ናባ ናታና ዳዉታክ ሚሺዴ። «ኔኒ ኦል ኦሊዝ ኣስ ማቂኖ ኮታቦ ዓና ጾሳ ኬን ኔ ታብ ኬጻባሴ ኔ ናኣ ኬጺሬ ዎቲናካሬ ዎይልን ኔና ኣንጃንዳ። ኔ ዜር ጋርታፖ ፔታኒ ቴ ዎርዣ ጋልዳ ካቲ ማቃሪ ሜናብ ቴ ዎርዣ ኣቂስሬ ሜናብ ኣቂስዛዲ ፌብ ሙታ ማቂኖ ዳዉታ ዜር ማሳዳ። ማሳዲ ኣምና ዎርዣ ኢንታ ናጋራጋር ታፖ ኢንታ ፋዛዲ ጾሲ ማራጺኖዳ።

![](https://cdn.door43.org/obs/jpg/360px/obs-en-17-08.jpg)

ዳዉቲ ይን ቃላን ሲሲኪኖፖ ዎሃ ጴች ቦንቻንዲኬ ዎይልን ኣንጃን ኢብ ኢማንዳብ ቃላ ጌልኖ ኮታቦ ኤልባር ጾሳ ጋላቲዴ ሾኪሾክ ዎቲዴ። ዳዉቲ ጾሲ ይን ባዛን ኢንታ ዎቲርኮ ኤራካዬ ዎቲናካሬ ኪንንዲፌንኮ ኢስሬላን ማሳ ዬዚምፖ ቲን ዻርን ቃም ጉጺዴ ጌይን ፔቲ ሙኪላ ላይ ናጋንዳብ ኮሽሬ።

![](https://cdn.door43.org/obs/jpg/360px/obs-en-17-09.jpg)

ዳዉቲ ኪንባር ኣምንታር ዎይልን ላይ ኣቂስዴ ጾስር ኢያ ኣንጂዴ። ማቂናካሬ ኢ ዶኢን ዉርሲን ጋልዳ ጾስ ጋልዳ ኢታ ናጋራ ኦዴ።

![](https://cdn.door43.org/obs/jpg/360px/obs-en-17-10.jpg)

ፔቲ ጋላስ ዳዉቲ ዎታዴራን ዎይ ፌ ኣላፖ ሉካሪ ኦል ኦላምባራ ኢ ካታ ኬፖ ዛና ዶኣሪ ፔቲ ቆይስዝ ማጪዶራ ፌ ጋል ሜጫምባር ቤቂዴ። ኢዝ ሱሚንዳር ቤርሳባ ጌይንታሬ።

![](https://cdn.door43.org/obs/jpg/360px/obs-en-17-11.jpg)

ዳዉቲ ፌ ኣፍን ዓኒ ማሃዝ ኣሻሪ ፌብ ኢዞ ኤኪ ዬምፔን ኣስ ሚሽዴ። ኢዝባር ሱርቃሪ ማሂ ኢዝ ኣል ሚሺዴ። ጊላ ቃማፖ ዎሃ ቤርሳባ ቴ ዎዳጺኔ ይዝጋራ ዳዉታብ ኪታ ሚሻዴ።

![](https://cdn.door43.org/obs/jpg/360px/obs-en-17-12.jpg)

ኦራ ጌይ ጼጊንቲዛ ቤርሳባ ኣስናዳ ዳዉቲ ማራጺኖ ዎታዴራን ጋርታፖ ፔታናዳ። ዳዉቲ ኦልን ጋርታፖ ኦራ ጼጋሪ ኢ ፌ ማጪምባር ዶኣምፔን ሶልዴ ዎቲናካሬ ኢሮ ጌይርዶሪ ኣቲኖ ሜላ ዎታዴራን ኦል ጋልዳ ዶኢን ታኒ ኣል ሉካብዳ ጌይዴ። ይኮታቦ ዳዉቲ ኦራ ኦል ቤሲን ማሂ ሚሽርዶሪ ኢያ ዎምፔን ጻላታ ዎይልን ሚን ማቂኖ ቤሳ ጋልዳ ሚሻምፔን ኣላቃቦ ሶሊዴ።

![](https://cdn.door43.org/obs/jpg/360px/obs-en-17-13.jpg)

ኦሮ ዎንቲኖፖ ዎሃ ዳዉቲ ቤርሳባ ፌብ ማጫ ማሂ ኤኪዴ። ዎሃ ኢዛ ዳዉታብ ኣቲና ናኢ ዬላዴ። ጾሳዲ ዳዉቲ ዎቲኖ ባዛንቦ ዎይልን ጎይልዴ ኢ ኦኖ ናጋርን ዎዛርፌን ኢቲኮ ዳዉታብ ሶላምፔን ጾሳዲ ናባ ናታና ሚሽዴ። ዳዉቲ ፌ ናጋሪን ቡጺን ጾሲ ኢብ ኣቶ ጌይዴ ዳዉቲ ኣቲኖ ፌ ዶኢ ላይን ኢት ዋይዝ ኬል ጋርታ ሜላ ኣቲን ጾሳ ዎሂን ዬ ኢብ ኪቲንቲዴ።

![](https://cdn.door43.org/obs/jpg/360px/obs-en-17-14.jpg)

ዎቲናካሬ ? ኦኖ ናጋርምቦ ዓጋ ማቃራ ናኣ ዓይቂዴ። ማ ፌ ዶኣዝ ላይን ዳዉቲ _ኣላሳ_ ጋርታ ኣሊ ዎ ዳዉታብ ዎዾ ዎልቃ ዎይልን ዳቡርዴ ዳዉቲ ጾሳቦ ኣማንታካይካሬ ጾሲ ፌ ኢምኖ ታስፋ ቃላንቦ ኣማንቲዴ። ዎሃ ዳዉቲኬ ቤርሳቢክ ሜላ ኣቲና ናኢ ዬልዴ ኢ ሱምን ሶሎሞና ጌይዴ።

*ጌሻ ማጻፋ ታሪካ፦ 1ኛ ሳሞላ 10፤ 15-19፤ 24፤ 31፤ 2ኛ ሳሞላ 5-7፤ 11-12*

## 18. ፋጊንቲኖ ካቲ

https://openbiblestories.org/l/bst/story-18/

![](https://cdn.door43.org/obs/jpg/360px/obs-en-18-01.jpg)

ዎይልን ላይፖ ዎሃ ዳዉቲ ዓይቂዴ ናኣ ሶሎሞናሬ ኢስሬላን ጋልዳ ካቲ ማቃሪ ኣቂስ ኤዴ። ጾሳዲ ሶሎሞናብ ሶልሪዶሪ ኢ ኣብዝ ሺ ኮይርኮ ኣያ ኦይጪዴ። ሶሎሞኒ ኤጫቲ ጌሺን ሳዝ ኤሻ ጋልዳ ኢያ ዎይልን ኤጫ ኣስ ማሂዴ ሶሎሞኒ ዎይልን ባዛን ታማሪ ዎይልን ኤጫኬ ፋራዲዝ ኣስ ማቂዴ ማ ጾሲ ኢያ ዎይልን ዱር ማሂዴ።

![](https://cdn.door43.org/obs/jpg/360px/obs-en-18-02.jpg)

ሶሎሞኒ ሩሳላማ ኢባ፟ባ ዳዉቲ ቆፒኖዲፌንኬ ኬ ኬጻንዳብ ኮሺዝ ባዛን ሺሺኖን ጾሳ ኬን ኬጽዴ። ዓቲ ዎርዣዲ ዎል ዬልዝ ዱንካና ጊሻቦ ጾሳ ኬሳ ጋርታ ጾሳቦ ጎሽቲዴ ዣርሻር ሺሺዴ ጾሲ ዬሪ ጾሳ ኬ ጋርታ ቤንቲዴ ኢና ዎርዣባራ ዶኢዴ።

![](https://cdn.door43.org/obs/jpg/360px/obs-en-18-03.jpg)

ዎቲናካሬ ሶሎሞኒ ሜላን ጋዳን ጋርቶ ማጫን ዶሶዴ ጉጺናካሬ ፔቲሙኩላ ማቃምፔኖ ዎይልን ማጫን ኤካሪ ጾሳቦ ኪቲንታካዬ። ይን ማጫን ጋርታፖ ዎይልንን ዛና ኣሳ ጋዳፖ ዬይኔ። ኢንታሬ ማቃጾሳ ኤክዬሪ ጎሺቲ ኤዴ። ሶሎሞኒ ጪጚኖ ኬልባር ኢ ማ ኢንታኮ ማቃ ጾሳቦ ጎሺቲዴ።

![](https://cdn.door43.org/obs/jpg/360px/obs-en-18-04.jpg)

ጾሳዲ ሶሎሞና ጎይልዴ። ሶሎሞኒ ጾሳባራ ኣማንታካዮ ኮታቦ ኢያ ዓጋፌኒ ሶሎሞኒ ዓይቂኖፖ ዎሃ ኢስሬላ ዎርዣዳ ናምኢ ካቲ ማቃር ፋጊታዚን ሶሊዴ።

![](https://cdn.door43.org/obs/jpg/360px/obs-en-18-05.jpg)

ሶሎሞኒ ዓይቂኖፖ ዎሃ ኢ ናኣ ሮባሚ ኢቤሲን ካዉቲዴ። ሮባሚ ዳሻ ኣሴ። ኢስሬላ ዎርዣ ዎይ ኢያ ካቲ ማቂኖን ሚንንዳቦ ሺቃር ዬይዴ። ሶሎሞኒ ዎይልን ኢቲ ኦሳ ኦኖ ኮታቦ ዎይልን ጊራ ጪጊሺኖን ሮባማብ ፌ ጋርታ ዎን ሶልዴ።

![](https://cdn.door43.org/obs/jpg/360px/obs-en-18-06.jpg)

ሮባሚ ፌዳሺቲምባራ ኢንታኮ«ታ ባ፟ባ ሶሎሞኒ ሚን ኦሳ ኑና ኦሲኔ ጋር ቆፒኔ ዎቲናካሬ ታኒ ኢፖ ሺ ሚን ኦሳ ኦሳንዳ ኢፖ ሺ ዎልቂባር ይንታ ዓጋንዳ» ጋር ማሂዴ።

![](https://cdn.door43.org/obs/jpg/360px/obs-en-18-07.jpg)

ታጳ ኢስሬላ ዎርዣን ኮራን ሮባም ጋልዳ ዉጪቲዴ። ናምኢ ኮራን ሙታ ፌብ ዎ ኣማኒንታዝንዲፌን ዎጴ ይን ናምኣን ኮ፟ራን ይሁዳ ካቲ ማቂዴ።

![](https://cdn.door43.org/obs/jpg/360px/obs-en-18-08.jpg)

ሮባማ ጋልዳ ዉጪትኖ ሜላን ታጳ ኢስሬላ ዎርዣ ኮራን ኢ ሮባማ ጌይዛ ናሳ ፌብ ካቲ ማሃር ካዉቲስዴ። ጋዲን ጋልዳ ሲጛል ጎይምቦ ፌብ ካቲ ማሃር ካዉቲሲዴ ኢስሬላ ካቴ ጌይ ጼጊዴ።

![](https://cdn.door43.org/obs/jpg/360px/obs-en-18-09.jpg)

ኢሮባሞ ጾሳ ጋልዳ ዉጪታሪ ዎርዣዲ ናጋራ ኦምፔን ዎቲዴ ይሁዳ ካታ ጋዳ ዎ ጾሳ ኬ ጋርታ ጾሳቦ ጎሺቲዝ ቤሲንዶ ዎርዣ ጎሽታምፔን ናሞኢ ማቃ ጾስ ኮቺዴ።

![](https://cdn.door43.org/obs/jpg/360px/obs-en-18-10.jpg)

ይሁዳኬ ኢስሬላ ካቲንታንቦ ጻላታ ማቂኖን ዎይሊን ኬል ዎል ዎልኣ ኦልንቲዴ።

![](https://cdn.door43.org/obs/jpg/360px/obs-en-18-11.jpg)

ኦራ ኢስሬላ ካቲ ካቲንታን ዎይ ኢቴ ይን ካቲንታን ጋርታፖ ዎይሊንን ኢንታ ቤሲን ካዉታንዳብ ኮይዛን ሜላን ኢስሬላን ዎንቲዴ።

![](https://cdn.door43.org/obs/jpg/360px/obs-en-18-12.jpg)

ካቲንታን ዎይኬ ዎይሊንን ኢስሬላ ካቲ ዎርዣ ማቃጾሳቦ ጎሽቲዴ ማቃጾሳቦ ጎሽታዝንዳ ዎይልን ኬል ጾሲ ዶስባሶ ጎይባራ ማጫኬ ኣቲናክ ዎል ሱርቂ ማ ፔቲ ፔቲ ቃም ናኢ ዣርሽ ኢሚ ዎቲሬ።

![](https://cdn.door43.org/obs/jpg/360px/obs-en-18-13.jpg)

ይሁዳ ጋዳ ካታን ዳዉታ ዜር ይን ካቲንታን ጋርታፖ ዶካን ኮሽ ኣቂስኖን ጾሳዳር ጎሽቲ ኮሽ ኦሳን ዎቲናካሬ ዎይልንን ካቲንታን ኢትኬ ኮሽ ማቃካዮ ኦሳን። ማቃጾሳቦ ዣርሽ ሹኪኔ ማ ዎይሊንን ይሁዳ ዎርዣዲ ጾሳ ቲን ዉጪቲዴ ሜላን ማቃ ጾሳቦ ሉካር ጎሺቲዴ።

*ጌሻ ማጻፋ ታሪካ፦ 1ኛ ካቲንታ 1-6፤ 11-12*

## 19. ናባን

https://openbiblestories.org/l/bst/story-19/

![](https://cdn.door43.org/obs/jpg/360px/obs-en-19-01.jpg)

ጾሳዲ ኢስሬላን ታሪራ ጋርታ ዎይ ናባን ኢንታብ ሚሺዴ ጾሳ ቲናፖ ዬይኖ ኪቲን ሲሲኪዴ ኢናፖ ጾሲ ኪቲኖ ኪቲን ዎርዣቦ ሶልዴ።

![](https://cdn.door43.org/obs/jpg/360px/obs-en-19-02.jpg)

ኣካብ ጌይዛ ኢስሬላ ጋድ ጋልዳ ካዉቲኖ ኬልባራ ዎ ናባዲ ኤላሳ ኣካቢ ባላ ጌይ ጼጊንታዛ ዎርዳ ጾሳብ ጎሽታፔን ዎርዣ ዳንኖ ኢታ ኣሲ ዎ ኤላሲ ኣካባኮ«ቴ ሶልዝ ዲሬስ ኢስሬላ ጋዳ ኢሪዎይ ኩዮ ዲኢባሴ» ጌይዴ። ይና ኣካባ ዎይሊን ጎይሊስዴ።

![](https://cdn.door43.org/obs/jpg/360px/obs-en-19-03.jpg)

ጾሲ ዎንዳብ ኮይዛ ኣካባ ጋልዳፖ ባይንታምፔን ባራሃ ጋርታ ዎ ዎንኮ ሉካምፔን ኤልሳብ ሶልዴ ኢቦ ዎይ ጋላስ ጌሽኬ ኦማ ካፋን ኡፋኬ ኣይስ ኤሄይሬ። ኣካባኬ ኢ ዎታዴራን ኤልሳ ኮይዴ ዎቲናካሬ ዲጛንዳብ ዳንዳኣካዬ ኣዋዲ ዎይልን ዴጺዛ ኮታቦ ዉርሲ ዋ ሜልዴ።

![](https://cdn.door43.org/obs/jpg/360px/obs-en-19-04.jpg)

ይኮታቦ ኤልሲ ሜላ ኡክ ዎ ጋዲ ጋርታ ሉኪዴ ይና ጋዲን ጋርታ ጋፍ ጊሻቦ ፔቲ ቡዲንዲኬ ኢዝ ናኣዲኪ ኢንቲ ሙይዝ ባዝ ዉራንዳብ ዬልን ዎቲናካሬ ኤልሳ ኮሺንቺ ናጊዴ ጾሳዲ ልንዳ ኦቲ ጋርታፖ ዛይቲንዳሬ ኦቲን ጋርታፖ ዲርጛካይፌን ዎታሪ ኢንታ ሙሲዴ ጋፍ ኬልምባራ ዎይ ሙይዛ ባዝ ኢንታብ ዎ። ኤላሶ ኢና ዎይልንኬል ጋምኢዴ።

![](https://cdn.door43.org/obs/jpg/360px/obs-en-19-05.jpg)

ዓይዚ ላይኬ ባጋፖ ዎሃ ኢር ኬርሳንዳብ ዳንዳኣዚን ኢስሬላ ጋዳ ማቃሪ ኣካባብ ሶላምፔን ጾሳዲ ኤልሳብ ሶልዴ ኣካቢ ኤልሳ ቤቃሪ ኢኮ« ኣን ኔ ሜታ ኤይዛዲ ኔ ዬይኔባያ?» ጌይዴ ኤልሶ ኢክ« ሜታ ኤሄይዛዲ ኔና ኪን ጾሳ ያህዋ ኔ ኣሽኔ ባኣላብቦ ኔ ጎሺቲኔ ኢስሬላ ጋዳ ዎርዣድ ዎይ ቄርሜሎሳ ኢንዳ ጋልዳ ሺሻቤ።»

![](https://cdn.door43.org/obs/jpg/360px/obs-en-19-06.jpg)

ኦይዲ ጼታኪ ኢሽን ታጳ ባኣላ ናባን ጉጃሪ ኢስሬላ ዎርዣ ዎይ ቄርሜሎሳ ኢንዲን ጋልዳ ዬይዴ ኤላሲ ዎርዣቦ «ኣፊን ጎይ ይንቲ ይንታ ቆፊን ላሚራ። ጾሲ ኢ ጾስኮ ኢብ ኦብቴ ጌይዴ።

![](https://cdn.door43.org/obs/jpg/360px/obs-en-19-07.jpg)

ኢናፖ ኤልሶ ባኣላ ናባንኮ«ፔቲ ቡቲላጌን ሹካሪ ዣርሻ ሺሺብቴ ዎቲናካሬ ታማ ኤይፒቴ ታናር ይና ኢዝፌን ዎታንዳ ታማባር ማሂዛዲ ጾሳ ኢ ኪን ጾሴ» ጌይዴ። ይኮታቦ ባኣል ቄሳን ዣርሽ ጊግሲዴ ዎቲናካሬ ታማ ኤይካዬ።

![](https://cdn.door43.org/obs/jpg/360px/obs-en-19-08.jpg)

ኢናፖ ዎሃ ባኣላ ናባን «ባኣሎ ሲሲካቤ» ጋር ባኣላ ጌሺዴ ጌሻፖ ኦማ ዬላር ጌሺን ዉይሲን ይፖር ኣር ፌ ጋላዳር ማሽባር ቃጺዴ ዎቲናካሬ ኣባካር ማልሳ ባዬ።

![](https://cdn.door43.org/obs/jpg/360px/obs-en-19-09.jpg)

ዉርሲ ጋልዳ ኤልሲ ጾሳቦ ዣርሻ ሺሺዴ ኢንፖ ኣይሻዳ ሚ ይፓሬ ኮስ ቤሲን ቡጊድምባር ዎ ቤሳን ኣታካይዶን ዉርሲ ዋጻር ኦብጭ ኦብጭ ዎታንዳቦ ታ ናምኢ ኮል ዎይ ዋ ኤካሪ ዣርሺን ዉላምፔን ዎርዣቦ ሶልዴ።

![](https://cdn.door43.org/obs/jpg/360px/obs-en-19-10.jpg)

ኢናፖ ኤልሲ «ያሂዌ ኣብራማቦ ይሳቃብኬ ዓይቆባብ ጾሳዶ ኔኒ ኤስሬልብ ጽሲ ማቂኖዲኬ ታናሬ ኔብ ኦዝ ኢሳ ማቂኖን ዓ ዎርዣ ኤራምፔን ታብ ማልሳ ማሃቤ» ጋሪ ጌሺዴ።

![](https://cdn.door43.org/obs/jpg/360px/obs-en-19-11.jpg)

ኤልባራ ታማ ኣፋፖ ኬዳሪ ኦይሺንዶ ሚንዳ ሹቺንዶ ኢት ባዛንሬ ይኒፓሬ ካሽቤሲን ቡጊድባር ዎን ዋር ኣታካይዶን ሚቻዴ። ዎርዣዲ ይኖ ቤቃሪ ሳዛ ጋልዳ ኬዳሪ «ያሂዌ ጾሴ ያሂዊ ጾሴ »ጌይዴ።

![](https://cdn.door43.org/obs/jpg/360px/obs-en-19-12.jpg)

ኢናፖ ኤልሲ«ባኣላ ናባን ጋርታፖ ፔታናር ቡታካይፌኒ»ጌይዴ። ይኮታቦ ዎርዣዲ ባኣላ ናባን ኤ ዎዴ።

![](https://cdn.door43.org/obs/jpg/360px/obs-en-19-13.jpg)

ኢናፖ ዎሃ ኤላሲ ካታ ኣካባቦ «ኢሪ ዬይኔ ኤልር ካታማ ማቃቤ» ጌይዴ። ኤልባር ኣፋ ሳዚን ካርታዴ ሚን ኢሪ ኬዲ ኤዴ ያሂዌ ኣዋን ኤሲዴ ኢ ኪን ጾስ ማቂኖን ኤርዴ።

![](https://cdn.door43.org/obs/jpg/360px/obs-en-19-14.jpg)

ኤላሳ ላይምፖ ዎሃ ጾሲ ናቢ ማቃምፔኒ ኤልሳ ጌይዛ ናሳ ማራጺዴ ጾሳዲ ኤልሳ ጎይባራ ዎይልን ጋራምሲዝ ባዝ ዎትኔ። ጋራምሲዝ ጋርታፖ ፔታንኒዳ ዎይልን ኢት ማቂኖ ቁራ ዓርጋባር ኤንቲኖ ጻላታቦ ኦል ኦልዛንቦ ኣላቃ ማቂኖ ኒማና ጋልዳ ማቂኔ። ኤልሳ ጎይ ስሲኪኖ ኮታቦ ኢያ ፋምፔኒ ሉካሪ ኤልሳ ኦይጪዴ ኤልሶ ዮርዳኖሳ ዋን ጋርታ ታብዛ ቶህ ጌላ ኬስካ ዎታምፔን ኒማናብ ሶልዴ።

![](https://cdn.door43.org/obs/jpg/360px/obs-en-19-15.jpg)

ቲን ኒማኒ ጎይላሪ ኢብ ማቃ ማይጺን ኤልሳ ኢብ ሶልኖን ባዚን ኦካይ ኣቲዴ። ዎሃፖ ዎቲናካሬ ፌ ቆፊን ላማሪ ዮርዳኖሳ ዋን ጋርታ ታብዛ ቶህ ጌል ኬስኪዴ ዉርስ ድልዳ ዋን ጋርታፖ ኬሲኖፖ ዓኒ ኢ ቁራዲ ዉርሳ ፋጺዴ ጾሲ ኢያ ፋዴ።

![](https://cdn.door43.org/obs/jpg/360px/obs-en-19-16.jpg)

ጾሲ ሜላ ዎይልን ናባን ሚሺዴ ዎይን ማቃ ጾሳብ ጎሽታዝን ኣሻምፔን ሜላንቦ ኪንንዲኬ ማርቲን ቤይሳምፔን ዎርዣቦ ሶልዴ። ናባን ኢት ኦዚን ኣሻካይ ኣቲጌይን ጾሳቦ ኪቲንታካይ ኣቲጌይን ጾሲ ኢንታ ኢሲኔ ጌይ ኢንታ ጋልዳ ፋራዳዝን ኢንታ ዓጋዝን ዎርዣቦ ዬኢር ሶልዴ።

![](https://cdn.door43.org/obs/jpg/360px/obs-en-19-17.jpg)

ዎይልን ኬል ዎርዣዲ ጾሳቦ ኪቲንታካዬ ዎይልን ኬል ናባንቦ ዎ ቆፊንዳ ኢቴ ፔቲ ፔቲ ቶህ ኢንታ ዎሬ ፔቲ ኬል ናባ ኤርማሶ ሜል ማቂኖ ዋ ዶች ጋርታ ቲጚንታር ዓይቃምፔን ኢና ኣሺኔ ዶቺንቦ ዉርሲን ጋልዳ ዎዾ ቲቂላ ጋርታ ጌልዴ ዎቲናካሬ ዝቃንታ ካታዲ ኢብ ሚጪንታሪ ኢ ዓይቃናፖ ቲን ዶችን ጋርታፖ ኬሲካምፔን ፌ ኣሽካራን ኪቲዴ።

![](https://cdn.door43.org/obs/jpg/360px/obs-en-19-18.jpg)

ናባን ዎርዣ ኢንታ ኢጺናካሬ ጾሳ ኮታቦ ጋር ሶላ ኤዴ። ማርቲ ጌላካይ ኣቲጌይን ጾሲ ኢንታ ይሳዚን ዎርዣቦ ሚንሳር ሶልዴ። ማ ጾሳ ማሲ ዬዚን ታስፋ ኢሚኖን ዎርዣዳ ቆፊስዴ።

*ጌሻ ማጻፋ ታሪካ፦ 1ኛ ካቲንታ 16-18፤ 2ኛ ካቲንታ 5፤ ኤርማሳ 38*

## 20. ካቲንትኬ ካቲንታፖ ማቂ

https://openbiblestories.org/l/bst/story-20/

![](https://cdn.door43.org/obs/jpg/360px/obs-en-20-01.jpg)

ኢስሬላ ካቲኬ ይሁዳ ካቲ ናምኣን ጾሳ ቲን ናጋራ ኦዴ። ጾስ ኢንቲባራ ሲና ኢንዲን ጋልዳ ጌልኖን ጫቃ ቃልን ኣሽዴ ጾስዲ ኢንቲ ማርት ጌላምፔንኬ ማቃር ኢብ ጎሽታምፔን ሶሎ ጌይ ናብን ሚሽኔ ኢንቲ ዎትናካሬ ኪቲንቲባዳ ጌይዴ።

![](https://cdn.door43.org/obs/jpg/360px/obs-en-20-02.jpg)

ይኮታቦ ጾስዲ ኢንታ ጻላታን ኢንታ ይሳምፔን ጋር ናምኢ ካታን ዓጊዴ። ዎልቃባሮንዶ ዛብስ ማቂኖጋዲን ጋርታፖ ዎይልንን ሚሽዴ።

![](https://cdn.door43.org/obs/jpg/360px/obs-en-20-03.jpg)

ኢስሬላን ቲንዛን ዱራን ማ ኮሻ ኦ ኢንታብ ዎ ኣሳን ዎይ ሺሻሪ ኣሶራ ጋዳ ኤጚዴ ዎንታካይ ኣቲኖን ዎንታካዮን ዎይሊን ዎርባያንኬ ኢስሬላን ሙታ ኢስሬላን ጋዳ ኣትኔ።

![](https://cdn.door43.org/obs/jpg/360px/obs-en-20-04.jpg)

ኢናፖ ኣሶራን ኢስሬላ ጋዲን ዎ ሳዚን ጋልዳ ዶኣምፔን ኦሳ ጋዶ ኣሳን ኤኔይዴ። ኣሳ ጋዶ ኣስን ላልንቲኖ ካታምን ማቂ ኦሪ ኢና ኣቲኖ ኢስሬላን ማጫ ኤኪዴ ኣሳጋዶ ኣሳን ኤኪኖ ኢስሬላ ኣስን ዜርን ሳማራ ጋዶ ኣሳን ጌይ ጼጊንቲሬ።

![](https://cdn.door43.org/obs/jpg/360px/obs-en-20-05.jpg)

ኢስሬላ ጋዶ ዎርዣዲ ጾሳ ኣማናካይ ኣቲኖ ኮታብኬ ኪቲንታካይ ኣቲኖ ኮታቦ ዎዛርፌን ዚንታ ዓጊንኮ ይሁዳ ጋዶ ዎን ጾሳዳ ጉጃር ማቃ ጾሳንቦ ጎሽቲዴ ጾሳዳሬ ኢንታ ዬኢምፔን ናባን ኪቲ ሚሺዴ። ኢንቲ ዎቲናካሬ ናባንኮን ሲሲካብዳ ጌይዴ።

![](https://cdn.door43.org/obs/jpg/360px/obs-en-20-06.jpg)

ኣሶራ ጋዶ ኣስን ኢስሬላ ጋዶ ኣስን ይስኖፖ ጼታ ላይፖ ዎሃ ይሁዳ ጋዳ ኣስን ኦላምፔን ጾሳዲ ባቢሎና ኣሳን ሚሽዴ። ባቢሎና ዎልቃማ ካቲንታ ጋዴ። ይሁዳ ካታዲ ናቡኬዶናጾራ ኣሽካራ ማቃንዳቦ ላይ ላይ ባራ ዎይልን ሚሽ ጪጋንዳቦ ኤኤ ጌይዴ።

![](https://cdn.door43.org/obs/jpg/360px/obs-en-20-07.jpg)

ዎቲናካሬ ጊላ ላይፖ ዎሃ ይሁዳ ካታዲ ባቢሎና ጋልዳ ዉጪቲዴ። ይኮታቦ ባቢሎና ጋዶ ኣሳን ማቂ ዬሪ ይሁዳ ጋዲን ኦልዴ። ሩሳሌማ ካታሚን ኤዺዴ ጾሳ ኬን ይሲዴ። ይንፓሬ ካታሚንዲኬ ጾሳ ኬ ጋርታ ዎ ቆልን ዎይ ኤኪዴ።

![](https://cdn.door43.org/obs/jpg/360px/obs-en-20-08.jpg)

ይሁዳ ካታዲ ዉጪቲኖ ኮታቦ ዓጋንዳቦ ናባኬዲንጾራ ዎታዴራን ይሁዳ ካታቦ ኣቲና ናኣን ኢንቲ ዎዴ። ኢብ ኣፊን ዎብሲዴ። ይፖ ዎሃ ባቢሎና ቃሺ ኣል ዓይቃምፔኒ ካታ ኤኪዴ።

![](https://cdn.door43.org/obs/jpg/360px/obs-en-20-09.jpg)

ናቡኬዳናጾሮኬ ኢ ዎታዴራን ዎት ዎታምፔን ዎይልን ዎርባያ ማቂኖ ኣሳን ሙታ ኣሻር ጉጽናካሬ ይሁዳ ጋዶ ዎርዣን ዎይባቢሎና ካቲ ኤኪዴ። ጾሳ ዎርዣዲ ታስፋ ኢምኖ ሳዝን ዎልቃባር ኢንታ ኣሻምፔን ዎቲዴ። ይና ኬልንዳ ካቲ ጋያ ጼጊንታሬ።

![](https://cdn.door43.org/obs/jpg/360px/obs-en-20-10.jpg)

ኣባካር ማቂን ጾሲ ኢንቲ ካቲንታር ሉኪንካሬ ዎርዣዲ ኢንቲ ኦኖ ናጋራ ጊሻብ ዓጊናካሬ ኢንታኬ ኢንታብ ጌልኖ ታስፋን ጾሲ ቦቲጛካዬ። ጾሳዲ ፌ ዎርዣ ናጋዝንዲኬ ናባን ጎይባራ ኢንታባር ሶልንታዝን ኣሻካዬ። ታብዛ ላፖ ዎሃ ኢንታብ ኢምኖ ታስፋ ሳዝን ጋልዳ ማቃምፔን ኢንታብ ታስፋ ኢሚዴ።

![](https://cdn.door43.org/obs/jpg/360px/obs-en-20-11.jpg)

ታብዛ ላይ ማቂኖፖ ዎሃ ፋርሳ ካታዲ ባቢሎና ጋሚዴ ይኮታቦ ፋርሳ ካታዲ ባቢሎና ካታ ቤሲን ኤዺዴ ዓቲ ኢስሬላን ኣይሁዳን ጌይ ጼጊንቲዴ። ዎይልን ዎይልን ላይ ዌይ ፌ ላይን ዎይ ባቢሎና ዶኢኖ ኣሳን ዎይልንስ ጪጚኖ ጊላ ኣይሁዳን ሙታ ይሁዳ ጋዶን ኤልቅ ዎቲዴ።

![](https://cdn.door43.org/obs/jpg/360px/obs-en-20-12.jpg)

ፋርሳ ካታዲኬ ኢ ኤኖ ጋዲንዳ ሚን ዎቲናካሬ ፌ ኤኖ ዎርዣንቦ ምጪንቲሬ። ቂሮስ ፋርሳ ኣስን ጋልዳ ካቲ ማቃር ጊላ ኬል ጋምኢኖፖ ዓኒ ይሁዳ ጋዳ ማቃንዳብ ኮይኖ ኣስ ኦናካር ኣይሁዳ ኣስ ፋርሳ ጋዲን ኣሻር ይሁዳ ጋዳ ማቃንዳብ ዳንዳኣዝን ኪታ ኢምዴ። ጾሳ ኬን ኦምፔኒ ሚሽ ጎይባራር ማዲዝ ባዝ ዎይ ዎቲዴ ይኮታቦ ካቲንቲኖ ቤሳ ጋልዳ ታብዛ ላይ ጋምኢኖፖ ዎሃ ጊላ ኣይሁዳን ጩጋ ዎጾ ይሁዳ ዋጳ ሩሳሌማ ካታም ማቂዴ።

![](https://cdn.door43.org/obs/jpg/360px/obs-en-20-13.jpg)

ዎርዣዲ ሩሳሌማ ዬሊኖ ኬልባራ ጾሳ ኬንዲኬ ካታሚ ቡጊድባር ዎ ኣጺርን ማቃር ኢዴ። ኦባካር ማቂን ዓኖዬላር ሜላን ዎርዣን ጻና ኣቂኖ ማቂናካሬ ማ ማቃሪ ታስፋ ኢምኖ ቤሲን ጋልዳ ዶኣንዳቦ ጾሳ ኬ ጋርታ ጾሳብ ጎሽቲዴ።

*ጌሻ ማጻፋ ታሪካ፦ 2ኛ ካቲንታ 17፤ 24-25፤ 2ኛ ዜና መዋዕላ 36፤ ዕዝራ 1-10፤ ነህምያ 1-13*

## 21. ጾሳዲ ማሳቦ ታስፋ ቃላ ኢሚዴ።

https://openbiblestories.org/l/bst/story-21/

![](https://cdn.door43.org/obs/jpg/360px/obs-en-21-01.jpg)

ቢርት ኤን ጋልዳ ጾሳዲ ማሳ ሚሻንዳብ ቆፒዴ ማሳቦ ኢሚንቲኖ ታስፊን ቲኖኒዳ ኣዳማኬ ሔዋንክ ዬዴ። ጾሳዲ ሾሻ ቆምን ቡኪዝ ኣስ ሔዋኒ ዜር ጋርታፖ ዬልንቲዝን ታስፋ ኢሚዴ። ሔዋና ማቂኖን ሾሻዲ ሴጣና። ታስፋ ኢሚኖ ማሲዴ ሴጣና ዉርሲ ጋሚሬ ጌንቴ።

![](https://cdn.door43.org/obs/jpg/360px/obs-en-21-02.jpg)

ኢ ጎይምባራ ሳዝ ኤሻ ጋልዳ ዎርዣዲ ማ ዜርን ዎይ ኣንጃ ኤካምፔን ጾሳዲ ኣብራማብ ታስፋ ኢሚዴ። ይና ኣንጂንዳ ጊዳክ ማሳ ዬዬጌይን ፎቲንታሬ። ኢ ሳዝ ኤሻ ጋልዳ ዎ ዎይ ዎርዣፖ ማ ዜር ማቂኖ ዎርዣ ፋጻምፔን ዎቲሬ።

![](https://cdn.door43.org/obs/jpg/360px/obs-en-21-03.jpg)

ጊዳክ ሙሳፌኖ ሜላ ናቢ ዲንዳዚን ጾሳዲ ሙሳቦ ታስፋ ኢሚዴ ይና ጋምኣራ ዬይዛ ኮታቦ ማሲ ኢምኖ ሜላ ታስፋ ዎ።

![](https://cdn.door43.org/obs/jpg/360px/obs-en-21-04.jpg)

ኢንቲ ዜር ጋርታፖ ፔታናዲ ጾሳ ዎርዣ ጋልዳ ካቲ ማቃሪ ሜዽናብ ዎርዣ ኣቂስዛን ጾሳዲ ካታ ዳዉታብ ታስፋ ኢሚኔ ይዳሬ ማሳዲ ዳዉቲ ዜርን ጋራታፖ ፔታና ማቂሬ ጌንቴ።

![](https://cdn.door43.org/obs/jpg/360px/obs-en-21-05.jpg)

ጾሳዲ ኦራ ጫቃ ቃላ ጌላዝን ናባ ኤርማሳ ጎይባር ታሳፋ ኢሚዴ ይና ጫቃ ቃልንዳ ሲና ኢንዲን ጋልዳ ኢስሬላንባራ ጌልኖ ጫቃ ቃልንዲፌን ባዬ። ኦራ ጫቃ ቃልምባራ ጾሳዲ ፌ ሂጊን ፌ ዎርዣ ቡዳ ጋርታ ጻፊሬ ዎርዣዲ ፌ ቆማብ ጾሳ ኤሪሬ ኢ ዎርዣ ማቂሬ ጾሳዲ ኢንታ ናጋርን ኣቶ ጌይሬ ማሳዲ ኦራ ጫቃ ቃሊን ኦሳ ኤሬ።

![](https://cdn.door43.org/obs/jpg/360px/obs-en-21-06.jpg)

ማ ጾሳ ናቢ ማሳ ናቢ ቄሳ ይፓሬ ካቲ ማቂሬ ጌይዴ። ናባዲ ጾሳ ቃሊን ሲሲካሪ ኢናፖ ጾሳ ቃሊን ዎርዣብ ጬቂ ሶሊዝ ኣሴ። ጾሳ ካቲ ሚሻንዳብ ታስፋ ኢሚኖ ማሳ ዉርሳ ናቢ ማቂሬ።

![](https://cdn.door43.org/obs/jpg/360px/obs-en-21-07.jpg)

ኢስሬላን ቄሳን ኢንታ ናጋሪን ጊሻቦ ኢንታ ጋልዳ ዬልዝ ዓጊን ክኮታ ዎርዣ ጊሽ ጾሳቦ ዣርሽ ሺሺሬ። ማ ቄሳንሬ ዎርዣ ኮታቦ ጾሳቦ ጌሺሬ። ማሳዳሬ ዉርሲ ዣርሳ ማሃሪ ፌና ጾሳቦ ሺቂዝ ፎት ቄስ ኣላቃ ማቂሬ።

![](https://cdn.door43.org/obs/jpg/360px/obs-en-21-08.jpg)

ካታዲ ፌ ኣቂሳዝ ጋዲን ጋልዳ ዎርዣ ኣቂሳንዳብኬ ፊርዳንዳብ ዎዾ ኣሴ። ማሳዲ ሚኖ ማይንታን ባራ ዳዉታ ዙፋና ጋልዳ ዶኣዝ ዉር ፎቲ ኣስ ማቂሬ ሳዝ ኤሻ ዎይ ጋልዳ ሜዽናብ ኣቂሳሬ ይኒፓሬ ዎይ ጋላስ ኪን ባር ፋራዲ ኪን ፍርዳ ኢሚሬ።

![](https://cdn.door43.org/obs/jpg/360px/obs-en-21-09.jpg)

ጾሳ ናባን ማሳ ጎይ ሜላ ዎይሊን ባዝ ሶሊኔ ናባ ሚልካሳሬ ማሳ ዬዚምፖ ቲን ጴች ናቢ ዬኢን ቲንታር ሶልኔ ማሳዲ ፔቲ ዉዲር ና ኢንዳ ዬላዚን ናባ ኢሳሲ ሶልኔ ናባ ሚካሲ ማሳዲ ቤቴላም ካታማ ዬልንቲሬ ጌይኔ።

![](https://cdn.door43.org/obs/jpg/360px/obs-en-21-10.jpg)

ናባ ኢሳሲ ጌይርዶሪ ማሳዲ ጋልሳ ዶኢሬ ቡዳ ሜቂኖ ሙዳዲኖ ኦሳን ሚንሬ ይፓሬ ካትንቲኖን ናጻ ኬሲሬ ቃቺንቲኖንር ኢንቲ ብልንታዝን ሶልሬ ማናባዲ ጌይር ዶሪ ማሳዲ ማዽኖን ሲስኪን ፋጻዝን ሶልኔ።

![](https://cdn.door43.org/obs/jpg/360px/obs-en-21-11.jpg)

ማ ናባ ኢሳሲ ማሳዲ ጋሻ ቤይ ኢጺንታ ዝንዲ ኢሲ ኢ ጋልዳ ኢቲ ባዝ ሶላዝንዶ ሶልኔ። ሜላን ናባን ማሳ ዎዺኖን ኢንቲ ኢ ኣፊልን ጋልዳ ኢጻ ቶጚንታዝንዶ ኢ ላጋን ኢያ ካዳእንዶ ቲንታሪ ሶልኔ ናባ ዛካራሲ ማሳ ካዲዛን ኢ ላጋንቦ ኣይዛ ታጳ ጪግዝንዶ ሶልኔ።

![](https://cdn.door43.org/obs/jpg/360px/obs-en-21-12.jpg)

ማ ናባዲ ማሳ ዓይቃዝ ጎይን ሶልኔ ኢሳሲ ኣሳን ማሳ ጋልዳ ጩታዝንዶ ኢ ጋልዳ ሚጫዝንዶ ኢያ ቡካዝንዶ ሶልኔ ኢ ኣባካር ኢታ ባዝ ኦካይካሬ ኢያ ጫዲሬ ዎይልን ኡሽንታሪ ሜቲባር ዓይቂሬ።

![](https://cdn.door43.org/obs/jpg/360px/obs-en-21-13.jpg)

ማ ናባን ማሳዲ ናጋራ ኢጋልዳ ባዮን ፎቲ ኣስ ማቂሬ ጌይዴ ሜላ ኣሳን ናጋሪን ጊሻብ ዓጋ ኤካንዳብ ኢ ዓይቂዴ። ዓጊንታዚንዳ ጾሳቢኬ ኣሳንቦ ጊዳኪ ሳርቲ ኤካዬሬ። ይኒ ጊሻቦ ማሳዲ ቆጺንቲ ሊቃዝንዳ ጾሳ ፊቃዳ።

![](https://cdn.door43.org/obs/jpg/360px/obs-en-21-14.jpg)

ማሳ ዓይቃዝንዲኬ ጾሳዲ ማ ኢያ ዓይቃ ጋርታፖ ዲንዝን ናባን ቲንታር ሶልኔ ጾሳዲ ማሳ ዓይቃምባርኬ ዲንዲን ጌይ ጋራንቻን ፋንዳብ ቆፒኖን ፎታሪ ኦራ ጫቃ ቃሊንዌዺሬ።

![](https://cdn.door43.org/obs/jpg/360px/obs-en-21-15.jpg)

ጾሳዲ ናባንቦ ማሳ ጎይን ዎይልን ባዝ ቤይሲኔ። ዎቲናካሬ ማሳዲ ይን ናብንኮን ጋርታፖ ኦናካር ፔታናኮምባር ዬካዬ። ይን ኢንታ ሶልኔ ቲንቢታን ዉርስን ሶልንቲኖፖ ኦይዳ ጼታ ላይፖ ዎሃ ኪን ፌ ጌይኖ ኬልምባራ ጾሳዲ ማሳዳ ኣላማ ጋልዳ ሚሺሬ።

*ጌሻ ማጻፋ ታሪካ፦ ኮችንቲ ማጻፋ ጋልዳ 3፤15፤ 12፤ 1-3፤ ሚሂ 18፤15፤ 2 7፤ ኤር31፤ ኢሳ59፤ 16፤ ዳንላ 7፤ ሚል 4፤5 ኢሳ7፤ 14፤ ሚክ 5፤2*

## 22. ዋኒሳ ዬሊቲ?

https://openbiblestories.org/l/bst/story-22/

![](https://cdn.door43.org/obs/jpg/360px/obs-en-22-01.jpg)

ቲንታር ጾሲ ፌ ኪታንባርኬ ፌ ናባን ጌይባራ ዎርዣቦ ሶሊኔ ዎቲናካሬ ኢንታቦ ሶልንታካዬ ኦይዲ ጼታ ላይ ኣዺዴ ኢንቲ ቆፓካይዶን ፔቲ ኪታንቻ ዶሪ ዛካራሳ ጌይ ጼጊንቲዝ ፔቲ ጪጛሺ ቄሳቦ ጾሳ ቲናፖ ኪታ ኤካር ዬይዴ። ዛካራስኬ ማጪንዲኬ ማ ኤልሳቤጥቦ ጾሳቦ ኢጪዝ ኣሳን ዎዼ ዎቲናካሬ ኢዛ ናእ ዬላንዳብ ዳንዳኣካዬ።

![](https://cdn.door43.org/obs/jpg/360px/obs-en-22-02.jpg)

ኪታንቻዲ ዛካራስኮ«ኔ ማቻ ኣቲና ናኢ ዬላሬ ኢ ሱምን ዋኒሳ ጌያ ጼጋሬ(ጋዳሬ) ኢ ጌሻ ኢያ ናባር ኩሚሬ ዎርዣዳ ማሳቦ ጊጊሬ ዛካራሲ « ታ ማቺኬ ታናክ ናኢ ዬላንዳቦ ኑ ዎይልን ጪጚኔ ይዲ ማቃዝን ቴ ዎዛታር ኤራራ?» ጋር ማሂዴ።

![](https://cdn.door43.org/obs/jpg/360px/obs-en-22-03.jpg)

ኪታንቻዲ ዛካራሳኮ ዓና ኮሻ ሶልንይንታብ ሶላምፔኒ ጾሲ ታና ሚሽኔ ኔ ታና ኣምናካዮ ኮታቦ ናኣ ዬልንትዚ ዲራስ ሶላንዲ ዳንዳኢባሴ ይዝ ጌይን ኤልባራ ዛካራሲ ሶላንዳብ ዳንዳኣካዬ። ኢናፖ ዎሃ ኪታንቻዲ ዛካራሳ ኣሻር ሉኪዴ ዛካራሳሬ ፌ ኣል ሉኪዴ ኢ ማጪንዳሬ ዎዳጻዴ።

![](https://cdn.door43.org/obs/jpg/360px/obs-en-22-04.jpg)

ኤልሳቤጣ ሌሂ ኣጋን ዎዳዶን ይ ኪታንቻዲ ኢንቲ ቆፓካይዶን ኢዝ ሱምንዳ ማራሞ ጋዚንዳ ኤልሳቤጥቦ ዳብንቦ ቤንቲዴ። ኢዛሬ ብርቲ ዉዲርዶን ኢስታንዳቦ ዮሴፋ ግርይዛባራ ሳ ኤዻር ዎዼ። ኪታንቻዲ «ኔ ዎዳጿሬ ኣትና ናኣ ዬላሬ ኢ ሱምንዶ ዬሱሳ ጌያ ጼጋሬ። ኢያሬ ዎይን ዳንዳኢኖ ጾሳ ናኢ ጌይንቲሬ ሜዽናብ ላ ማቂሬ» ጌይዴ።

![](https://cdn.door43.org/obs/jpg/360px/obs-en-22-05.jpg)

ማራማ «ታኒ ዉዲር ማቂኖ ኮታቦ ይ ዎዛርታር ማቂራ?» ጋር ማሃዴ። ኪታንቻዲ ኢዛኮ «ጌሻ ኣያና ኔክ ዬይሬ ዎይን ዳንዳኢኖ ኔ ባር ማቂሬ ይኮታቦ ናኣዲ ጌሻ ጾሳ ናኢ ማቂሬ» ጌይዴ ማራማ ኣማናዴ ኪታንቻዲ ጌይኖን ኢዛ ኤካዴ።

![](https://cdn.door43.org/obs/jpg/360px/obs-en-22-06.jpg)

ኪታንቻ ማራሚቦ ሶልኖፖ ዎሃ ኤልባራ ሉካራ ኤልሳቤጦ ኦይጫዴ ኤልሳቤጣ ማራሚኮ ሳራቲን ሲስኪኖንፌን ኤልሳቤጢ ናኣዲ ኢዝ ሚላ ጋርታ ዶሪ ዾጊዴ። ማጫን ጾሳ ኢንታብ ዎቲኖ ባዛቦ ዎልኣ ማቃሪ ኡፋይቲዴ። ማራማ ኤልሳቤጦ ዓይዚ ኣጋን ኢዝባር ዶኢኖፖ ዎሃ ማራም ፌ ኣል ማቃር ሉካዴ።

![](https://cdn.door43.org/obs/jpg/360px/obs-en-22-07.jpg)

ኤልሳቤጣ ኣቲና ናኣ ዬልኖፖ ዎሃ ዛካራስኬ ኤልሳቤጣኬ ኪታንቻ ኢንታ ኪቲኖንዲፌን ናኣ ኣቂላ ሱምን ዋንሳ ጌይ ጋዳዴ ይና ኢዝ ኬልምባራ ጾሳዲ ዛካራሲ ማቃር ሶላምፔኒ ዎቲዴ። ዛካራሲ «ዎርዣቦ ቆፒኔ ጾሳቦ ጋላታ ኔናሬ ታ ናኣዶ ኢንታሬ ናጋራቦ ማርትዎዛርፌን ኤካንዳብ ዳንዳኢርኮ ዎርዣቦ ሶልዛ ዎይን ዳንዳኢዛ ጾሳ ናቢ ጌይንቲሬ»

*ጌሻ ማጻፋ ታሪካ፦ ሉቃሳ 1*

## 23. ዬሱሳ ዬልቲ

https://openbiblestories.org/l/bst/story-23/

![](https://cdn.door43.org/obs/jpg/360px/obs-en-23-01.jpg)

ማራማ ዮሴፋ ጌይዛ ጺላ ናሳባራ ሳ ኤዺኖ ኔ ኢዝ ሳ ኣስና ዮሶፊ ማራማ ዎዳጺኖን ሲስካሪ ናኣ ኣቂላ ኢ ናኢ ባዮን ኤርዴ። ማራሞ ዬልንዳብ ኮያካዬ። ይኮታቦ ዝም ዶኣሪ ኢዞ ኣሻንዳብ ቆፒዴ ይኖ ኢ ዎታናፖ ቲን ኪታንቻ ዬሪ ኣይባባር ኢብ ሶልዴ።

![](https://cdn.door43.org/obs/jpg/360px/obs-en-23-02.jpg)

ኪታንቻዲ «ዮሴፋ ማራሞ ኔ ማጫ ማሃር ኤካንዳቦ ኢጫፔ ኢዝ ጋርታ ዎዾ ኣቂሊ ናኣዲ ጌሻ ኣያናፖ ይዚ ኢዛ ኣቲና ዬልሬ ኢ ሱምንዶ ዬሱሳ ጌያ ጋዳቤ ( ኢዝ ቢርሺቺንዳ ያህዌ ፋሬ ጌንቴ) ኣባ ጌይን ዎርዣዳ ኢንታ ናጋራ ጋርታፖ ፋሬ»

![](https://cdn.door43.org/obs/jpg/360px/obs-en-23-03.jpg)

ይኮታቦ ዮሴፍ ማራማ ኤካር ፌ ኣል ኤጚዴ ዎቲናካሬ ናኣ ዬልዝ ዲራስ ኢዞ ዬላካዬ።

![](https://cdn.door43.org/obs/jpg/360px/obs-en-23-04.jpg)

ማራማዬልዝ ኬል ዬልን ሮማ ካታ ጋዳ ዎይ ኣሲ ፋይዲንታምፔኒ ሚኖ ማይንታን ዶኢኖ ካታሚን ጋርታ ሉካምፔን ሶልዴ። ዮሴፋኬ ማራሚክ ፌ ዎዾ ቤሲን ናዝሬታፖ ቤቴልሄማ ጎቲ ጎይ ዬዺዴ ኣባ ጌይን ቤቴሊሄማ ዬልንቲኖ ሚኖ ማያዲ ዳዉታ።

![](https://cdn.door43.org/obs/jpg/360px/obs-en-23-05.jpg)

ኢንቲ ቤቴላሄማ ዬላሪ ሼምፒዛ ቤሲ ባዬ ኢንቲ ዲጛንዳብ ዳንዳኣዝን ሜሃን ኣቂዝ ቤሲን ሙታ ሜላ ዎይዲካሬ ባዬ። ናኣ ኣቂላ ዬልንቲኖ ኬልምባራ ኢያ ሱሪስዝ ኣርሳ ባዮ ኮታቦ ኢንዲንዳ ሜሃንር ፊቲ ሙሲዛ ጎጛ ጋርታ ሱርሳዴ ኢ ሱምን ዬሱሳ ጌይዴ።

![](https://cdn.door43.org/obs/jpg/360px/obs-en-23-06.jpg)

ኢዝቃምን ጋላስን ቃም ኢና ላፍባር ዎዾ ቡጫ ጋልዳ ፌ ሜሃ ናጊዝ ጋይጫና ሙቆዶር ዎዼ ኢንቲ ቆፓካይዶን ፎኢሲዝ ኪታንቻ ኢንታክ ቤንቲዴ። ኢንታር ኢጪዴ ኪታንቻዳሬ ኢንታኮ«ኢጫፒቴ ኣባጌይን ይንታቦ ቴ ሶልዝ ኮሻ ሶሎ ዎ። ማሳ ጎዳ ቤቴልሄማ ዬልንቲኔ» ጌይዴ።

![](https://cdn.door43.org/obs/jpg/360px/obs-en-23-07.jpg)

«ሉካሪ ናኣ ኣቂላ ኮብይቴ ጫርቃባራ ቁርቃሪ ሜሃን ፊ ሙሲዝ ጎጛ ጋርታ ሱርቂኖ ይንቲ ዲጚሬ።» ጌይዴ።ኢንቲ ቆፓካይዶን ኣፋ ሳዚ ኪታንቻባር ኩማዴ ጾሳ ጋላቲሙታ «ቦንቺ ጾሳብ ኣፋ ማቆ ሳርቲ ሳዛ ጋልዳ ኣሳቦ ኮሽ ቆፊ ማቆ» ጌይዴ።

![](https://cdn.door43.org/obs/jpg/360px/obs-en-23-08.jpg)

ጋይጫ ናኣን ዬሱስ ዎ ቤስ ኤልር ዬላሪ ኪን ኪታንቻ ኢንታብ ሶሊኖንዲፌን ሜሃን ፊቲ ሙይዝ ጎጛ ጋርታ ሱርቂንዶን ዲጚዴ። ዎይልን ኢንታ ኡፋይሳዴ ማራማሬ ማ ዎይልን ኡፋይታዴ። ጋይጫናኣን ሲስኪኖ ኮታብኬ ቤቂኖ ኮታቦ ዎይ ጾሳዳ ጋላቲሙታ ፌ ዶራን ዎ ቤሲን ቡጪን ጋልዳ ማቂዴ።

![](https://cdn.door43.org/obs/jpg/360px/obs-en-23-09.jpg)

ጊላ ቃማፖ ዎሃ ሩቅምስራቃ ጌይዝ ጋዳን ጋርታፖ ኤጫን ኣፋር ቲናፖ ቤንታካዮብፔቲ ቤርስ ቤቂዴ። ኣራ ኣይሁዳ ካቲ ዬልንቲኖን ማቂኖን ቤይሳዝን ቆፒዴ። ይኮታቦ ይካታ ቤቃንዳቦ ዎይልን ጎቲ ጎይም ዬዴ። ቤቴልሄማ ዬሪ ዬሱሳኬ ኢያ ዬልኖን ዎ ኬን ዲጚዴ።

![](https://cdn.door43.org/obs/jpg/360px/obs-en-23-10.jpg)

ኤጫን ዬሱሳ ፌ ኢንዲባር ዎልኣ ዎን ቤቃሪ ኢንታ ኬዳር ሞጊቲዴ። ዬሱሳቦ ኣልኣ ማቂኖ ኪሳን ኢምዴ ኢናፖ ፌ ጋዳ ማቂዴ

*ጌሻ ማጻፋ ታሪካ፦ማቶሳ ማጻፋ ጋልዳ 1፤ ሉቃ 2*

## 24. ዋንሶ ዬሱሳ ጻማቂዴ

https://openbiblestories.org/l/bst/story-24/

![](https://cdn.door43.org/obs/jpg/360px/obs-en-24-01.jpg)

ዛካራስብኬ ኤልሳቤጢ ናኣ ዋኒስ ዲጫሪ ናቢ ማቂዴ ኣሳሬ ኣባካር ባዮ ቤሳ ባራሃ ጋርታ ዶኢዴ። ባራሆ ኤስኬ ቦላክ ሙይዴ። ጊማላ እስንባር ኦኖ ኣፊላ ማኢዴ።

![](https://cdn.door43.org/obs/jpg/360px/obs-en-24-02.jpg)

ዎይልን ዋኒስኮ ስሲካንዳቦ ባራሃ ጋርታ ዬይዴ። ኢያሬ «ጾሳ ካቲቲ ኡኪኔ ማርቲ ጌልብቴ» ጌይ ኢንታብ ሶልዴ።

![](https://cdn.door43.org/obs/jpg/360px/obs-en-24-03.jpg)

ዎርዣዲ ዋንሳ ኪቲን ሲስካሪ ዎይልን ፌ ናጋሪን ፋጺዴ ዋኒሳሬ ኢንታ ጻማቂዴ። ዎይልን ሃይማኖታ ቲንዛን ማ ዋንሳ ኩሽታ ጻማቂንታንዳብ ዬይዴ። ዎቲናክካሬ ማርቲ ጌላካዮ ፌ ናጋሪን ፋጻካዬ።

![](https://cdn.door43.org/obs/jpg/360px/obs-en-24-04.jpg)

ዋኒስ ሃይማኖታ ቲንኣንኮ «ይንቲ ማርዛባር ሾሽን ማርቲ ጌላሪ ይንቲ ኦሲን ኣሽብቴ ኮሽ ኣፋ ካፊባሶ ሚ ውይ ቃጺንታሪታማ ጋርታ ቶጚንቲሬ» ዋኒሲ ናቢ «ዓዲሼ ኔ ጌይን ጊግሲዛ ኪታንቻ ኔ ቲን ቴ ሚሻንዳ ጋር ሶልኖን ፎቲዴ።

![](https://cdn.door43.org/obs/jpg/360px/obs-en-24-05.jpg)

ፔቲ ፔቲ ኣይሁዳን ማሳ ማቂኖን ዋኒሳ ኦይጪዴ ዋኒስ ኢንታኮን «ታኒ ማሳዳ ጊዳካዬ ዎቲናካሬ ታፖ ጋስ ዬይዛዲ ፔቲ ኣሲ ዎ ኢ ጫሚን ቃቺን ቴ ብላንዳብ ኮሻባሶ ዎይልን ጴቼ።

![](https://cdn.door43.org/obs/jpg/360px/obs-en-24-06.jpg)

ኢዝ ዎንስ-ኢን ዬሱስ ዋኒሳ ኩሽታ ጻማቂንታንዳብ ዬይዴ። ዋኒሲ ቤቂኖፖ ዎሃ «ቤቂብቴ» ዓዲሼ ዎይን ናጋሪን ፋይዛ ጾሳ ዶራ ዎ።

![](https://cdn.door43.org/obs/jpg/360px/obs-en-24-07.jpg)

ዋኒሲ ዬሱሳኮ «ቴ ኔና ጻማቃንዳቦ ማቂኖ ኣስ ጊዳካዬ ይኒ ጊሻቦ ኔ ታና ጻማቃንዳቦ ኮሻር ዶኬ» ጌይዴ ዬሱሲ ማቂናካሬ «ዎታንዳብ ኮሻዝን ኪን ባዝንዶ ዎቲናካሬ ኔኒ ጻማቃንዳብ ኮሻሬ» ጌይዴ። ይኮታቦ ዬሱሲ ዉርሲ ናጋራ ኦካይካሬ ዋኒሲ ዬሱሳ ጻማቂዴ።

![](https://cdn.door43.org/obs/jpg/360px/obs-en-24-08.jpg)

ዬሱሲ ጻምቂንቲኖፖ ዎሃ ዋን ጋርታፖ ኢ ኬስኪኖንዲፌን ጾሳ ኣያናዲ ዶላ ማይጻሪ ቤንታሪ ሶባር ኢጋልዳ ዶኣዴ። ይና ኢዝ ኬልምባራ ጾሳ ቆዲ ኣፋፖ «ኔኒ ቴ ዶስዝ ናኤ ታኒ ኔባር ዎይልን ኡፋይታሬ» ጋር ሶልዴ።

![](https://cdn.door43.org/obs/jpg/360px/obs-en-24-09.jpg)

ጾሳዲ ዋኒሳኮ «ጌሻ ኣይና ሶባሪ ኔ ጻማቂዛ ናሳ ጋልዳ ሼምፒሬ ናባዲ ጾሳ ናኤ ጌይ ኢብ ሶልንቲኔ። ፔቲ ጾሳ ሙታ ዎ ዎቲናካሬ ዋኒሲ ዬሱሳ ጻማቂኖ ኬል ጾሳ ባባዲ ሶላምባር ሲስኪዴ። ጾሳ ናኣዲ ቤቂዴ ኢያሬ ዬሱሳ። ይፓሬ ጌሻ ኣያና ቤቂዴ።

*ጌሻ ማጻፋ ታሪካ፦ ማቶሳ 3፤ ማርቆሳ1፤9-11፤ሉቃ 3፤1-23።*

## 25. ሴጣኖ ዬሱሳ ፋጪዴ።

https://openbiblestories.org/l/bst/story-25/

![](https://cdn.door43.org/obs/jpg/360px/obs-en-25-01.jpg)

ዬሱሳ ጻማቂንቲኖፖ ዎሃ ጌሻ ኣያኖ ኤልባር ኢያ ኣስ ባዮ ቤሲ ኤጚዴ። ኢና ኦይዲ ታጳ ቃሚኬ ኦይዲ ታጳ ጋላስ ጾሚዴ። ኢናፖ ሴጣኖ ዬሱሳክ ዬሪ ኢ ናጋራ ኦምፔን ዬሱሳ ፋጪዴ።

![](https://cdn.door43.org/obs/jpg/360px/obs-en-25-02.jpg)

«ኔን ጾሳ ናኣኮ ሞንዳብ ዳንዳንፔኒ ዓን ሹቻን ኡፋ ማሃራ ጌይ ሴጣኖ ዬሱሳ ፋጪዴ።

![](https://cdn.door43.org/obs/jpg/360px/obs-en-25-03.jpg)

ዬሱስ ኢኮ «ኣሳ? ዶኣንዳቦ ኡፋ ሙታ ኮሽባሴ ዎቲናካሬ ጾሳ ሶልዛ ቃላ ባራ ጋር ጻፊንቲኔ» ጋር ማሂዴ።

![](https://cdn.door43.org/obs/jpg/360px/obs-en-25-04.jpg)

ኢናፖ ሴጣኖ ዬሱሳ ጾሳ ኬ ኩሲቲን ጋልዳ ዓጛራ «ኔኒ ጾሳ ናኣኮ ኔና ጎርጋራ ጁጊዳቤ ኣባ ጌይን ሹቺ ኔቶሂን ቡካካይፌን ኔና ቶካምፔኒ ጾሳዲ ፌ ኪታንቻ ኔብ ኪቲሬ ጋር ጻፍኒቲኔ» ጌይዴ።

![](https://cdn.door43.org/obs/jpg/360px/obs-en-25-05.jpg)

ዎቲናካሬ ዬሱሲ ጾሳ ቃላ ጋልዳፖ ሶላር ሴጣናኮ ማሂዴ «ጾሳ ቃላ ጋልዳ ኔ ጎዳ ጾሳ ፋጫፔ ጋር ዎርዣ ኪቲኔ» ጌይዴ

![](https://cdn.door43.org/obs/jpg/360px/obs-en-25-06.jpg)

ኢናፖ ሴጣኖ ሳዛ ጋልዳ ዎዾ ካቲንታንኬ ኢንታ ዎ ቦንችን ዎይ ቤይሳር «ኔ ኬዳራ ታብ ሞጊንቲንኮ ዓ ዎይ ቴኔብ ኢማንዳ » ጌይዴ።

![](https://cdn.door43.org/obs/jpg/360px/obs-en-25-07.jpg)

ዬሱስ ኢኮ «ሉካቤ ኔ ሴጣናዲ ጾሳ ቃላ ጋልዳ ዎርዣኮ ኔ ጎዳ ጾሳቦ ሞጊንታቤ ኢብ ሙታ ጊሽታቤ ጋር ኪቲኔ»ጌይዴ።

![](https://cdn.door43.org/obs/jpg/360px/obs-en-25-08.jpg)

ዬሱስ ሴጣና ኢያ ፋጪን ኢ ጋሚንታካዬ ይኮታቦ ሴጣኖ ኢያ ይና ኬልምበራ ኣሺዴ ኢናፖ ዎሃ ኪታንቻ ዬር ዬሱሳ ማዲዴ።

*ጌሻ ማጻፋ ታሪካ ፦ ማቶሳ 4፤ 1-11፤ ማርቆሳ 1፤12-12፤ ሉቃሳ 4፤1-13*

## 26. ዬሱስ ፌ ኦሳ ኤዴ

https://openbiblestories.org/l/bst/story-26/

![](https://cdn.door43.org/obs/jpg/360px/obs-en-26-01.jpg)

ዬሱስ ሴጣና ፋጪን ጋሚኖፖ ዎሃ ጌሻ ኣያና ዎልቃ ባራ ፌ ዶኣዝ ቤሲን ጋሊላ ኣውራጃ ማቂዴ ዬሱስ ቤስ ሜልን ጋልዳፖ ቤስ ሜልን ሉኪ ሙታ ታማርሲዴ ዎይ ኦሲ ኢ ኮሽ ማቂኖን ሶልሬ።

![](https://cdn.door43.org/obs/jpg/360px/obs-en-26-02.jpg)

ዬሱስ ናኣቲዶር ዶኢኖ ናዝሬታ ካታሚን ካታሚን ጋርታ ማቂዴ። ሳንባታ ባራ ጾሳቦ ጎሽታንዳቦ ሉኪዴ ናባ ኢሳሳ ማጻፊን ናባባምፌን ኢምዴ። ዬሱስ ቁርቂ ማጻፊን ፊርቃሪ ዶኪን ዎርዣቦ ናባቢዴ።

![](https://cdn.door43.org/obs/jpg/360px/obs-en-26-03.jpg)

ዬሱስ «ዎርባያንቦ ኮሽ ሶላ ካቲንቲኖንቦ ናጻ ኬሳካዝን ኣፋ ዎባን ቤቃዚን ቃቺንቲኖን ባልንታዝን ሳባካምፔኒ ጾሳዲ ፌ ኣያና ታብ ኢምኔ ይና ዶሲቲኖ ጎዳ ላይ» ጋር ናባቢዴ።

![](https://cdn.door43.org/obs/jpg/360px/obs-en-26-04.jpg)

ኢናፖ ዬሱስ ዶኢዴ። ዎይን ኡክባር ቤቂዴ። ኪን ዓት ናባቢኖ ጾሳ ቃላ ንባባዲ ማሳ ቤይሳሬ ዬሱስ «ፋና ቴ ይን ታብ ናባቢኖ ቃል ኪን ዓት ፎቲንቲሙታ ጌይዴ ዎርዣ ዎይ ጋራሚንቲዴ። «ይ ዮስፋ ናኣዳባያ?» ጌይዴ።

![](https://cdn.door43.org/obs/jpg/360px/obs-en-26-05.jpg)

ኢናፖ ዬሱስ «ናቢ ፌ ጋዳ ቦንቺቲባሶን ኪን። ናባ ኤላሳ ኬልባራ ኢስሬላ ጋዳ ዎይልን ኣሲኒ ባዮ ማጫን ዎ ዎቲናካሬ ኣይዚ ላይኬ ባጋክ ኢሪ ኬዳካዮ ኬልባራ ጾሳዲ ኤላሳ ሜላ ጋዳ ዶኬ ኢስሬላ ጋዳ ዎ ኣሲን ማዳምፔን ሚሻካዬ።» ጌይዴ።

![](https://cdn.door43.org/obs/jpg/360px/obs-en-26-06.jpg)

ዬሱስ ናባ ኤልሳኢ ላይባራሬ ኢስሬላ ጋዳ ቁራ ዓርጋ ኤንቲኖ ዎይልን ኣሳን ዎዼ ዎቲናካሬ ኤልሳኢ ፔታናር ፋካዬ። ኢስሬላ ጻላታንቦ ኣላቃ ማቂኖ ኒኢማኒ ቁራ ዓርጊን ሙታ ፋጺዴ። ዬሱሳኮን ሲሲኪኖ ዎርዣን ኬልባራ ጎይልዴ።

![](https://cdn.door43.org/obs/jpg/360px/obs-en-26-07.jpg)

ናዝሬቶ ዎርዣ ዬሱስ ጾሳ ጎሽቲዝ ቤሳ ጋልዳፖ ጋቺ ዡጊዳሪ ዎጻንዳብ ኢንዳ ስን ጋልዳ ኤኪ ሉኪዴ ዎቲናካሬ ዬሱስ ዎርዣ ጊዳ ዬጺሙታ ናዝሬታ ካታማ ሉኪዴ።

![](https://cdn.door43.org/obs/jpg/360px/obs-en-26-08.jpg)

ኢናፖ ዬሱስ ጌሊላ ኣዉራጃ ዎይ ቢርንቲ ዎይልን ዎርዣሬ ኢክ ዬይዴ ቤቂ ኢና ቢርንቲ ዬ ሲሲኪ ወይ ሶላንዳቦ ዳንዳኢባሶን ጉጃር ዎይልን?ማቂኖን ኣሳን ኤሄይዴ።

![](https://cdn.door43.org/obs/jpg/360px/obs-en-26-09.jpg)

ኢታ ኣያናባር ኤንቲኖ ዎይልን ኣሳን ዬሱሳክ ኤሄይዴ ዬሱሳ ኪታባር ኢታ ኣያናዲ ኣሳን ጋልዳፖ ኬሲኪዴ። ዎይሊን ጎይ «ኔኒ ጾሳ ናኤ» ጋሪ ዉሲዴ። ዎርዣ ጋራምንታሪ ጾሳቦ ጎሺቲዴ።

![](https://cdn.door43.org/obs/jpg/360px/obs-en-26-10.jpg)

ኢናፖ ዬሱሲ ፌ ታማራን ጌይ ጼጊንቲዛን ታጶ ናምኢ ኦሳን ማራጺዴ። ኪቲንታር ኬሲኪኖን ዬሱባር ዬሪ ኢጋልዳፖ ታማሪዴ።

*ጌሻ ማጻፋ ታሪካ፦ ማቶስ 4፤ 12-25 ማርቆሳ 1፤14-15፤ 35-39፤3፤13-21፤ ሉቃሳ 4፤14-30፤38-44።*

## 27. ሳማራ ጋዳ ናሳ ኮሽ ታሪካ

https://openbiblestories.org/l/bst/story-27/

![](https://cdn.door43.org/obs/jpg/360px/obs-en-27-01.jpg)

ፔቲ ጋላሲ ፔቲ ናሳ ኣይሁዳን ሕጊን ኤሪዝ ኣስዶሪ ኢያ ፋጪ ቤቃንዳብ ዬሱሳክ ዬይዴ። «ኣስታማራዶ ሜናብ ሼምፖ ዲጛንዳቦ ቴ ኣብዝ ዎታኖ?» ጌይዴ። ዬሱስ ኢኮ «ጾሳ ሕጋ ጋልዳ ጻፊንቲኖዲ ኣብዛ? ጋር ማሂዴ።

![](https://cdn.door43.org/obs/jpg/360px/obs-en-27-02.jpg)

ሕጊን ኤሪዝ ናሳዲ ጾሳ ሕጋዲ «ኔ ጎዳ ጾሳዳ ፎቲ ቡዳባራ ፎቲ ሼምፓባራ ፎቲ ዎልቃባራ ፎቲ ቆፊባራ ካቤ። ኔላጋዳ ኔ ኔና ካዝንዲፌን ካቤ» ጋር ማሂዴ። ዬሱስ «ኪን ይኖ ዎታቤ ኔ ሼምፓባር ዶኣሬ» ጌይዴ።

![](https://cdn.door43.org/obs/jpg/360px/obs-en-27-03.jpg)

ዎቲናካሬ ሕጊን ኤሪዛዲ ጺላ ማቂኖን ኤራንዳቦ ኮይዴ። ይኮታቦ «ታ ላጋ ኦኖ?» ጋር ኦይጪዴ።

![](https://cdn.door43.org/obs/jpg/360px/obs-en-27-04.jpg)

ዬሱስ ታሪካ ሶላምባራ ሂጋ ኤርዛቦ ማሂዴ «ሩሳሌማፖ ኢያርካ ሉካዝ ፔቲ ኣይሁዳ ኣሲ ዎዼ»

![](https://cdn.door43.org/obs/jpg/360px/obs-en-27-05.jpg)

«ናሳዲ ሉኪ ሙታ ዎዺዶን ኣሳ ቡሪዛን ኢያ ኤዴ። ዎ ባዛን ዎይ ኢ ጋልዳፖ ኤካሪ ማ ኢያ ቡኪ ቡካሪ ዎንዳብ ዬልር ኣሺ ሉኪዴ።

![](https://cdn.door43.org/obs/jpg/360px/obs-en-27-06.jpg)

ኢናፖ ዎሃ ኤልባራ ፔቲ ኣይሁዳ ጋዳ ቄሳዶር ይና ኢዝ ጎይምባር ሉኪሬ ይ ሃይማኖታ ቲኒዛዲ ቡርንቲኖ ባዛንኬ ቡርንቲኖ ናሳ ቤቃር ሜላ ጎይባር ኣዺዴ ማዳንታንዳቦ ኮሺዝ ናሳ ኣሻር ፌ ጎይን ሉኪዴ።

![](https://cdn.door43.org/obs/jpg/360px/obs-en-27-07.jpg)

ኢናፖ ዎሃ ዎይልን ጋም ኣካይዶሪ ፔቲ ላዊዶር ዬይዴ ላዋን ጾሳ ኬ ጋርታ ቄሳን ማዲዛኣይህሁዳ ኮቼ ሌዋዲ ማ ሜላ ጎይባር ኣሪ ቡርንቲኖዳኬ ቡርንቲኖ ናሳ ቤቃር ኣሻር ኣዴ።

![](https://cdn.door43.org/obs/jpg/360px/obs-en-27-08.jpg)

ይና ኢዝ ጎይባር ሶብኖ ሳማራ ኣስ ዎ ሳማራ ጋዶ ኣሳንሬ ኤኪኖ ኣይሁዳ ዜርን ዎ ሳምራ ጋዶ ኣስኬ ኣይሁዳ ጋዶ ኣሲ ዎልኣ ጎይይልሬ። ዎቲናካሬ ሳማሮ ናሳ ኣይሁዶ ቤቃሪ ዎይልን ሚጪንቲዴ ይኮታቦ ኢያ ናጊ ኢ ኪሲንዳር ሜጪ ዎቲዴ።

![](https://cdn.door43.org/obs/jpg/360px/obs-en-27-09.jpg)

ኢናፖ ዎሃ ሳማሮ ናሳዲ ኢያ ዲንሪ ፌ ዬራ ጋልዳ ጋድሪ ዛቃ ሼምፒቺዝ ቤስ ኤጚዴ ኢና ማዲዴ።

![](https://cdn.door43.org/obs/jpg/360px/obs-en-27-10.jpg)

«ኢዝ ዎንን ሳማሮ ናሳ ፌ ጎይን ሉካንዳብ ኮይዴ ዛቃን ኣቃዝ ኣል ባባቦ ጊላ ሚሽ ኢማሪ« ኢያ ናጋቤ ዓኒፖ ሜላ ሚሽ ኔኒ ኬሲሳምፔን ማቄ ጌይን ቴ ማቃርዶራ ኔብ ጪጋንዳ ጌይዴ።

![](https://cdn.door43.org/obs/jpg/360px/obs-en-27-11.jpg)

ኢናፖ ዎሃ ዬሱስ ሂጋ ኤሪዛኮ «ኔ ኣብዝ ቆፓራ? ቡሪንቲ ቡኪንቲኖ ንሳቦ ኢ ላጋዲ ዓይዝ ኣሳን ጋርታፖ ዎዲያ? ጋር ኦይጪዴ ኢያሬ « ማርቲ ባር ቤቂኖዳ ጋር ማሂዴ ዬሱሲ ኢኮ « ኔናሬ ሉካራ ይና ኢዝፌን ዎታቤ» ጋሪ ሶልዴ።

*ጌሻ ማጻፋ ታሪካ ፦ ሉቃሳ 10፤25-37።*

## 28. ናሳ ዱራ ናኢቲዳ

https://openbiblestories.org/l/bst/story-28/

![](https://cdn.door43.org/obs/jpg/360px/obs-en-28-01.jpg)

ፔቲ ጋላስ ፔቲ ናኢቲ ዱርዶሪ ዬሱሳክ ዬይዴ «ኮሽ ኣሳታማራዶ ሜናብ ሼምፖ ኤካንዳቦ ታኒ ኣብዝ ዎታኖ? ጋር ኦይጪዴ። ዬሱስ ኢኮ «ኔታክ ኣባቦ ኮሻዳ ጋራ? ኮሻዲ ፔታኒ ሙታ ኢያሬ ጾሳዳ። ዎቲናካሬ ኔኒ ሜናብ ሼምፓ ኔብ ዶኣምፔኒ ኮያዲኮ ጽሳ ሂጋቦ ኪቲንታቤ» ጌይዴ።

![](https://cdn.door43.org/obs/jpg/360px/obs-en-28-02.jpg)

«ታኒ ዎንቦ ኪቲንታኖ? ጋር ኦይጪዴ። ዬሱስ ኢቦ «ዎፔ ላማፔ ዉቃፔ ማቃፔ። ኔባባኬ ኔ ኢንዲኪ ቦንቻቤ ኔ ላጋዳ ኔ ኔና ካዝንዲፌን ካቤ።» ጋር ማሂዴ።

![](https://cdn.door43.org/obs/jpg/360px/obs-en-28-03.jpg)

ዎቲናካሬ ናራ ናኢቲዲ ኢብ «ቴ ናኢቲፖ ኤራ ይን ሂጋን ዎይ ቴ ፋጊኒሽዋ። ሜናብ ዶኣንዳቦ ሜላ ኣብዝ ዎታንዳብ ኮሻራ ?» ጌይዴ። ዬሱስ ኢያ ቤቃሪ ካዺዴ።

![](https://cdn.door43.org/obs/jpg/360px/obs-en-28-04.jpg)

ዬሱስ ኢኮ «ኔኒ ፎቲ ማቃንዳቦ ኮያዲኮ ኔብ ዎ ቆልንን ዎይ ዎጛራ ሚሽንዶ ዎርባያንቦ ኢማቤ። ኔኒ ኣፋፖ ኤካሬ ኢናፖ ዎሃ ዓይዬራ ቴ ዎሂን ዬቤ » ጋር ኢብ ማሂዴ።

![](https://cdn.door43.org/obs/jpg/360px/obs-en-28-05.jpg)

ናራ ናኢቲዲ ዬሱስ ኢብ ሶልኖን ሲስካሪ ኢ ዎይላን ዱሪ ማቂኖኮታቦ ፌብ ዎ ባዚን ዎይ ኢማንዳቦ ኮያካዮኮታቦ ዎይልን ሞርኢዴ። ዬሱሳ ጋልዳፖ ፌ ኣፊን ጌዳ ማሃር ሉኪዴ።

![](https://cdn.door43.org/obs/jpg/360px/obs-en-28-06.jpg)

ይን ኢዝ ኬልምባራ ዬሱስ ፌ ታማራንቦ «ዱራን ጾሳ ኬ ጋርታ ጌላንዳቦ ዎይልን ዋይሬ። ኣ ዱሪ ጾሳ ካቲቲ ጋርታ ጌላዝምፖ ጌላዝናዳ ቃላላ»

![](https://cdn.door43.org/obs/jpg/360px/obs-en-28-07.jpg)

ኢታማራን ኢ ሶልኖን ሲስካሪ ዲርጭ ጋር «ዓት ይዲኮ ኦኖ ፋጻንዳብ ዳንዳኢዛዲ? ጌይዴ።

![](https://cdn.door43.org/obs/jpg/360px/obs-en-28-08.jpg)

ዬሱስ ፌ ታማራን ቤቃሪ ኢንታኮ «ይዲ ኣሳብ ዳንዳኢንቲባሴ ጾሳብ ዎቲናካሬ ዎይ ባዚ ዳንዳኢንቲሬ» ጌይዴ።

![](https://cdn.door43.org/obs/jpg/360px/obs-en-28-09.jpg)

ጴጢሮሲ ዬሱሳኮ « ኑኒ ዎይ ባእ ኣሻሪ ኔ ዎሂን ዬሬ ኑ ጋቲን ኣብዝ ዶኔ» ጌይዴ።

![](https://cdn.door43.org/obs/jpg/360px/obs-en-28-10.jpg)

ዬሱስ ኢኮ «ቴጊሻቦ ጋር ፌ ኣልንዶ ፌ ኢሺንታን ፌ ሚሽንታን ፌ ባባ ፌ ኢንዶ ዎይ ፌብ ዎ ቆልንን ኣሽኖ ኣሲ ዎይ ጼታ ቶህ ኤኪሬ ሜናብ ሼምፓሬ ኤኪሬ ዎቲናካሬ ቲን ማቂኖን ዎይልንን ጋስ ማቂሬ ጋስ ማቂኖን ዎልንን ቲን ማቂሬ» ጋር ኢብ ማሂዴ።

*ጌሻ ማጻፋ ታሪካ፦ ማቶሳ 19፤ 16-30 ማርቆሳ 10፤ 17-31፤ ሉቃሳ 18፤ 18-30*

## 29. ማርቲ ባዮ ኣይላ ታሪካ

https://openbiblestories.org/l/bst/story-29/

![](https://cdn.door43.org/obs/jpg/360px/obs-en-29-01.jpg)

ፔቲ ጋላስ ጴጥሮሲ ዬሱሳኮ «ኣስታማራዶ ቴ ኢሻ ታና ባላጌይን ኣፊን ቶህ ኢብ ኣቶ ጋኖ ? ዓጛር ታብዛ ቶህ ጋኒቤ ጋር ኦይጪዴ ዬሱሲ ኢኮ « ታብዛ ቶህ ጊዳካዬ ታብዛ ታጳ ታብዛ ጎይ ዶኬ» ጌይዴ ዬሱሲ ይኖ ጋዚንዳ ዎይ ጋላስ ኣቶ̇ ጋንዳብ ኮሺሬ ጌንት ኢናፖ ዬሱስ ይኖ ታሪኪን ሶልዴ።

![](https://cdn.door43.org/obs/jpg/360px/obs-en-29-02.jpg)

ዬሱስ ኢንታኮ «ጾሳ ካቲቲዲ ፌ ኣይላን ናጊ ኣቂሳንዳብ ኮይኖኮታ ማይጻሬ ኢ ኣይላን ጋርታፖ ፔታናዲ ታጳ ሙኪላ ማቂዝ ሚስ ጴች ኣጫ ዎዲፌኔ።

![](https://cdn.door43.org/obs/jpg/360px/obs-en-29-03.jpg)

ይ ኣይላዲ ኣጪን ጪጋንዳቦ ዳንዳኣካዮ ኮታቦ ካታዲ «ኣጪን ጪጋምፔን ይ ናሳዳ ኢ ኣሎ ኣሳን ዎጚብቴ» ጌይዴ።

![](https://cdn.door43.org/obs/jpg/360px/obs-en-29-04.jpg)

«ኣይላዲ ካታ ቲን ፌ ቡቂምባር ቡቂንታር ኬዳር<ዋዴ ኔ ጊላ ጋርዢሼ ታጋልዳ ዎ ኣጪን ዎይ ቴ ጪጋንዳ ጌይዴ ካታዲ ፌ ኣይላቦ ሚጪንታሪ ኣጪን ዎይ ቁቺ ፋይር ሉካምፔን ኣሺዴ።»

![](https://cdn.door43.org/obs/jpg/360px/obs-en-29-05.jpg)

ዎቲናካሬ ይ ኣይላዲ ካታ ቲናፖ ኬሲካሪ ኦይዲ ኣጋና ዳሞዛ ማቂዝ ኣጫ ዎ ፌ ላጋ ማቂኖን ኣይላን ጋርታፖ ፔታና ዲጚዴ ይ ኣይላዲ ፌ ላጋ ማቂኖ ኣይላ ኤዻሪ ቴ ኣጪን ታብ ጪጋቤ » ጌይዴ።

![](https://cdn.door43.org/obs/jpg/360px/obs-en-29-06.jpg)

«ይ ኢ ላጋ ኣይላዲ ፌ ቡቂንባር ኢቲን ኬዳሪ ዋዴ ኔ ጊላ ጋርዢሼ ታጋልዳ ዎ ኣጪን ዎይ ቴጪጋንዳ ጌይዴ ዎቲናካሬ ይጊሻቦ ይ ኣይላ ኢ ላጋ ኣይላ ኢ ኣጪን ጪጊ ዉርሲዝ ዲራስ ቃሺ ኣል ጌልሲዴ።

![](https://cdn.door43.org/obs/jpg/360px/obs-en-29-07.jpg)

«ሜላን ኣይላን ማቂኖ ባዚን ቤቃሪ ዎይልን ዋይዴ። ካታኮ ሉካሪ ማቂኖ ባዚን ዎይ ሶልዴ።»

![](https://cdn.door43.org/obs/jpg/360px/obs-en-29-08.jpg)

«ካታዲ ፌ ኣይላ ጼጋር < ኣን ኔ ኢታ ኣይላዶ ኔ ታና ጌሺኖ ኮታቦ ኔ ኣጪን ቴ ኔና ማራዶኬ ኔናር ይና ኢፌን ዎታንዳቦ ኮሻርዶኬ »ጌይዴ ካታ ዎይሊን ጎይላሪ ኣጪን ዎይ ጪጊ ዉርሲዝ ዲራስ ይ ኢታ ኣይላ ቃሺ ኣል ጌልስዴ።

![](https://cdn.door43.org/obs/jpg/360px/obs-en-29-09.jpg)

ኢናፖ ዬሱስ ኢንታኮ «ይንታ ጋርታ ዎይን ፌ ኢሻቦ ኣቶ ጋካይ ኣቴ ጌይን ይኒፌን ማ ኣፎ ቴ ባባዳ ኣቶ ጋባሴ።

*ጌሻ ማጻፋ ታሪካ ፦ ማቶሳ 18፤ 21-*

## 30. ዬሱስ ኢሺን ሙኪላ ኣሳን ሙሲዴ።

https://openbiblestories.org/l/bst/story-30/

![](https://cdn.door43.org/obs/jpg/360px/obs-en-30-01.jpg)

ዬሱሲ ዱማ ዱማ ዎይልን ማንዳራን ሳባ ካምፔኒኬ ኣሳን ታማርሳምፔን ኪቲቲንቲኖ ሚሺዴ። ኢንታሬ ዬሱሲ ዎ ቤስ ማቂኖ ኬልባራ ፌ ዎቲኖ ባዚን ሶልዴ። ኢናፖ ዎሃ ዬሱሲ ዋን ፋጛሪ ዝም ጌይኖ ቤስ ኢባር ሉካምፔን ጊላ ሼምፓምፔን ጌሺዴ ይኮታቦ ጎጛ ጋርታ ጌላሪ ዋን ፊጚዴ።

![](https://cdn.door43.org/obs/jpg/360px/obs-en-30-02.jpg)

ዎትናካሬ ጎጚምባር ኢንቲ ሉካምባራ ዬሱሳኬ ኢ ታማራን ቤቂኖ ዎይልን ኣሳን ዎ። ይን ኣሳን ኢታፖ ቲንታንዳቦ ባሃሪን ቡጊዲን ኤር ዎጺሬ። ይኮታቦ ዬሱሳኬ ኢ ታምራን ጌዳ ፊን ዬልኖፓ ዎይልንኣሳን ቲንታሪ ኢና ቤንቲሪ ኢንታ ናጊ ዎ።

![](https://cdn.door43.org/obs/jpg/360px/obs-en-30-03.jpg)

ዎይልን ማጫንኬ ናኣን ፋይዲንታካይዶን ኢሺን ሙኩላፖ ሲንኣቲና። ዬሱስ ዎርዣቦ ዎይልን ሚጪንቲዴ። ዬሱሳክ ይ ዎርዣዳ ዬጚዝ ጋይጫ ናኢ ባዮ ዶሪፌንዬ። ይኮታቦ ኢንታ ታማሪሳሪ ኢንታ ጊዳ ዎን ማዝ ኣሳን ፋዴ።

![](https://cdn.door43.org/obs/jpg/360px/obs-en-30-04.jpg)

ይና ኢዝ ጋላስን ቃም ኢ ታማራን ኢብ «ሳዚን ቃምኔ ላፍጋልዳ ካታማ ባዬ ኢንቲ ፌ ሙይዝ ባዝ ኮይ ዎጛምፔን ዎርዣ ሚሻቤ» ጌይዴ።

![](https://cdn.door43.org/obs/jpg/360px/obs-en-30-05.jpg)

ዬሱሲ ዎቲናካሬ ፌ ታማራን «ኢንቲ ሙይዝ ባዝን ይንቲ ኢንታብ ኢምብቴ» ጌይዴ። ኢንታሬ «ይኖ ዎታንዳብ ኑ ዎዛታር ዳንዳኢራ? ኑክ ዎንዳ ኢሺን ኡፋኬ ናምኢ ሞላክ ሙታ ዎ።» ጋሪ ማሂዴ።

![](https://cdn.door43.org/obs/jpg/360px/obs-en-30-06.jpg)

ኢሺን ታጳ ኢሺን ታጳ ማቃሪ ማታ ጋልዳ ዶኣምፔን ዎርዣቦ ሶላምፔን ዬሱሲ ፌ ታማራቦ ሶልዴ።

![](https://cdn.door43.org/obs/jpg/360px/obs-en-30-07.jpg)

ኢናፖ ዬሱሲ ኢሺን ኡፊንዲኬ ናምኢ ሞሊን ኤሪ ፉዳ ኣፋ ቤቃሪ ፊሺን ጊሻቦ ጾሳ ጋላቲዴ።

![](https://cdn.door43.org/obs/jpg/360px/obs-en-30-08.jpg)

ኢናፖ ዬሱሲ ኡፊንዲኬ ሞሊን ዱ ዱሪ ዎርዣቦ ሺሻምፔን ፌ ታማራንቦ ኢምዴ ኢ ታማራን ዎርዣ ቃጊ ኤዴ ዉርሲ ዉራካዬ ዎርዣ ዎይ ሙይ ሚሺኪዴ።

![](https://cdn.door43.org/obs/jpg/360px/obs-en-30-09.jpg)

ኢናፖ ዎሃ ኢ ታማራን ኣሳን ሙይን ሺኖ ፊሽ ሺሺዴ ይዳሬ ታጶ ናምኢ ሌማታ ኩሼ ፊሻ ዎይ ዬይኖዲ ኢሺን ኡፊንዲኬ ናምኢ ሞሊንዶ።

*ጌሻ ማጻፋ ታሪካ፦ማቶሳ 14፤ 13-21፤ ማርቆሳ 6፤31-44 ኩቃሳ 9፤ 10-17፤ ዋንሳ 6፤ 5-15።*

## 31. ዬሱስ ዋ ጋልዳ ዬዴ

https://openbiblestories.org/l/bst/story-31/

![](https://cdn.door43.org/obs/jpg/360px/obs-en-31-01.jpg)

ኢናፖ ዬሱሲ ዎርዣ ሚሺሙታ ዶሪ ጎጛ ጋርታ ጌላሪ ዋጺሙታ ጌዳ ፊጛምፔን ፌ ታማራንቦ ሶልዴ። ዬሱሲ ዎርዣ ሚሽኖፖ ዎሃ ጾሳ ጌሻንዳቦ ኢንዲጋልዳ ኬሲኪዴ። ኢና ዬሱሲ ፌብሙታ ዶዎ ሜሺሙታ ጊድብላሃ ጋምኢዴ።

![](https://cdn.door43.org/obs/jpg/360px/obs-en-31-02.jpg)

ይና ኢዝ ኬልምባራ ኢ ታማራን ጌጚን ዋ ሙታ ዎ። ኢንቲ ጊዲብላሃ ዬልኖንዳ ባሃሪምቦ ባጊን ጋልዳ ሙታ ዎ ሚን ኣይጊ ኢንታ ጋልዳ ባቂርዶን ጎጚን ዋዝንዳ ዎይልን ዋያባራ።

![](https://cdn.door43.org/obs/jpg/360px/obs-en-31-03.jpg)

ይኒ ኬልምባራ ዬሱሲ ጌሻዝን ዉርሳሪ ፌ ታማራንኮ ሉኪዴ። ዋን ጋልዳ ዬሙታ ዉርሳሪ ጎጚንኮ ዬልዴ።

![](https://cdn.door43.org/obs/jpg/360px/obs-en-31-04.jpg)

ኢ ታማራን ዬሱሳ ቤቃሪ ዎይልን ኢጪዴ። ኣባ ጌይን ኢንቲ ዛዉላ ቤቂኖዲፌን ማይጺኔ ዬሱሲ ኢንቲ ኢጪኖን ኤርዴ። ይኮታቦ ኢንታ ጼጋሪ «ኢጫፒቴ። ታና»ጌይዴ።

![](https://cdn.door43.org/obs/jpg/360px/obs-en-31-05.jpg)

ይና ኢዝ ኬልምባራ ጴጥሮስዬሱሳኮ «ኣስታማራዶ ኔናኮ ዋን ጋልዳ ዬሙታ ኔክ ዬምፔን ኪታቤ» ጌይዴ ዬሱሲ ጴጥሮሳኮ «ዓይ ዬቤ» ጌይዴ።

![](https://cdn.door43.org/obs/jpg/360px/obs-en-31-06.jpg)

ይ ኮታቦ ጴጥሮሲ ጎጚን ጋርታፖ ኬሲካሪ ዋ ጋልዳ ዬ ሙታ ዬሱሳክዬንት ኤዴ ዎቲናካሬ ቃብን ጎይ ዬኖፖ ዎሃ ፌ ኣፊን ዬሱሳ ጋልዳፖ ጌዳ ማሃሪ ዉርጊን ቤቃሪ ሚን ዉርጊ ሲሲኪንቲ ኤዺዴ።

![](https://cdn.door43.org/obs/jpg/360px/obs-en-31-07.jpg)

ይን ኢዝ ኬልምባራ ጴጥሮሲ ኢጫሪ ዋምባር ቶኪንቲ ኤዴ። «ኣሳታማራዶ ታና ቡቲሳቤ» ጋር ዉይሲዴ። ዬሱሲ ኤልባር ፌ ኩሺን ቤይሳሪ ኢያ ኤዴ። ኢናፖ ጴጥሮሳኮ«ኣኖ ኣማና ባዮዶ ኣባብ ሲጽራ?» ጌይዴ።

![](https://cdn.door43.org/obs/jpg/360px/obs-en-31-08.jpg)

ጴጥሮሳኬ ዬሱሳክ ጎጚን ጋርታ ጌላሪ ዉርጊንዶኦዉላዶ ኤልባር ኤሲዴ ዎይ ባዚ ዚክ ጌይዴ ኢ ታማራን ጋራሚቲዴ «ኪንባራ ኔኒ ጾሳ ኔ» ጋሪ ዬሱሳብ ሞጊንቲዴ።

*ጌሻ ማጻፋ ታሪካ፦ ማቶሳ 14፤22-23፤ ማርቆሳ 6፤ 45-52፤ ዋንሳ 6፤ 16-21።*

## 32. ዬሱሲ ኢታ ኣያና ኤኖ ናሳዲኬ ማኖ ኣሲን ፋዴ።

https://openbiblestories.org/l/bst/story-32/

![](https://cdn.door43.org/obs/jpg/360px/obs-en-32-01.jpg)

ፔቲ ጋላስ ዬሱሳኬ ኢ ታማራንኬ ጎጛባራ ባሃሪን ፊጛር ጌርጌስኖና ኣስን ዶኣዝ ቤሲን ሉኪዴ።

![](https://cdn.door43.org/obs/jpg/360px/obs-en-32-02.jpg)

ባሃሪን ፊን ዬልኖፖ ኢታ ኣያና ኤኖ ኣሲ ዎባራ ዬሱሳክ ዬይዴ።

![](https://cdn.door43.org/obs/jpg/360px/obs-en-32-03.jpg)

ይ ናሳዲ ኦናካር ኢያ ናጋንዳቦ ዳንዳኢባሶ ዎይልን ሚን ኣሴ ኣሳን ኢ ኩሺንዲኬ ኢ ቶሂን ሳንላታባር ቃቺኔ ዎቲናካሬ ሳንላቲን ዱሬ።

![](https://cdn.door43.org/obs/jpg/360px/obs-en-32-04.jpg)

ናሳዲ ኢና ላፍባር ዎዽ ጎሪ ጋርሳባር ዶኢሬ። ይ ናሳዲ ጋላስንዲኬ ቃሚን ዎይ ዉይሲሬ ኣፊላ ማኢባሲ ፌ ጋልንዳር ሚኒ ማሃር ሹችባር ጻሪሬ።

![](https://cdn.door43.org/obs/jpg/360px/obs-en-32-05.jpg)

ናሳዲ ዬሱሳክ ዬሪ ኢቲን ፌ ቡቂምባር ቡቂንታሪ ኢብ ሞጊንቲዴ ዬሱሲ ኢታ ኣያናኮ «ዓ ናሳ ጋልዳፖ ኬሲካቤ» ጌይዴ።

![](https://cdn.door43.org/obs/jpg/360px/obs-en-32-06.jpg)

ኢታ ኣያና ዎ ናሳዲ ፌ ቆ ሾክ ዎታር ዎይን ዳንዳኢኖ ጾሳ ናኣ ዬሱሶ ኔ ታጋልዳፖ ኣብዝ ኮያራ ዋዴ ታና ዎይፒሼ ጋር ዉይሲዴ ኢናፖ ዬሱሲ ኢታ ኣያናኮ «ኔ ሱም ኦኖ? » ጋር ኦይጪዴ። ኢያሬ «ኑኒ ዎይልን ማቂኖ ኮታቦ ቴ ሱምዲ ሌጎና» ጋር ማህሂዴ። «ሌጎና» ሮማ ዎታዳራን ጋርታ ዎይሊን ሙኩላ ዎታዳራ ኤኖ ኪፊላ።

![](https://cdn.door43.org/obs/jpg/360px/obs-en-32-07.jpg)

ኢታ ኣያናን «ዋዴ ዓንዳፖ ኑና ጎቲሳፔ» ጋር ጌሺዴ ኢና ላፍ ጋልዳ ዎ ጌርባች ጋልዳጉዲን ዉዳ ዎ ይኮታቦ ኢታ ኣያናዲ ዬሱሳኮ « ዋዴ ዓ ናሳ ጊሻቦ ኑና ጉዲንንኮ ሚሺሼ» ጋሪ ጌሺዴ ዬሱሳር ኢንታኮ « ሉኪብቴ» ጌይዴ።

![](https://cdn.door43.org/obs/jpg/360px/obs-en-32-08.jpg)

ኢታ ኣያን ናሳ ጋልዳፖ ኬሲካሪ ጉዳንንኮ ሉካር ጌልዴ ጉዲንን ጋጊን ጋልዳፖ ጎርጎራ ዎጻሪ ባሃርን ጋርታ ጌልዴ ዉዲንዳ ናምኢ ሙኩላ ማቃምፔኖ ጉዲንሴ።

![](https://cdn.door43.org/obs/jpg/360px/obs-en-32-09.jpg)

ጉዳንን ናጊዝ ኣሳን ማቂኖ ባዛን ቤቃር ዎባር ካትታማ ሉካሪ ዬሱሲ ዎቲኖ ባዛን ፌ ዲጚኖ ኣሲ ዎይቦ ሶልዴ። ካታማ ዎ ኣሲ ዎይ ዬሪ ኢታ ኣያና ዎ ናሳ ቤቂዴ። ፌ ኣፊልን ማኣሪ ኮሽ ኣስፌን ማቃሪ ዝም ጋር ዶኢኔ።

![](https://cdn.door43.org/obs/jpg/360px/obs-en-32-10.jpg)

ኣሳን ዎይልንን ኢጫሪ ዬሱሲ ሉካምፔን ኦይጪዴ ይኮታቦ ዬሱሲ ጎጛ ጋርታ ጌላሪ ሉካንዳቦ ጊጊንቲዴ። ኢታ ኣያና ዎ ናሳዲ ዬሱሳባራ ሉካንዳቦ ኢያ ጌሺዴ።

![](https://cdn.door43.org/obs/jpg/360px/obs-en-32-11.jpg)

ዎቲናካሬ ዬሱሲ «ዋኣኬ ኔ ኣል ሉካራ ጾሲ ኔብ ኦኖ ባዝ ዎይቦ ዎዛርፌን ቤና ማርኒኮ ኔ ባባብኬ ኔ ኢንዳብኬ ኔ ኣሎ ኣሳብ ሶላምፔን ኮያሬ» ጌይዴ።

![](https://cdn.door43.org/obs/jpg/360px/obs-en-32-12.jpg)

ይኮታቦ ናሳዲ ሉካሪ ዬሱሲ ኢብ ኦኖ ባዝ ዎይቦ ዎይ ኣሳብ ሶልዴ ሶሊን ሲስኪኖ ኣሲ ዎይ ጋራሚንቲ ፖራ ጌይዴ።

![](https://cdn.door43.org/obs/jpg/360px/obs-en-32-13.jpg)

ዬሱሲ ጌዳ ፊን ዋንኮ ማቂዴ። ኢና ዬላሪ ዎይልን ዎርዣ ኢ ቡጊድባር ሺቃሪ ኢያ ዋይዴ። ዎርዣ ጊዳ ታጶ ናምኢ ላይ ሱ ጎጊንቲኖ ፔቲ ማጫ ዎ ኢዛ ፋምፔኒ ፌ ሚሺን ዎይ ኣኪማብኬ ጋላብ ኬስናሬ ቲኖም ሺዴ።

![](https://cdn.door43.org/obs/jpg/360px/obs-en-32-14.jpg)

ዬሱሲ ማኖ ዎይልን ኣስ ፋኖን ሲስካራ « ታኒ ዬሱሳ ኣፊልን ሙታ ዎሼጌኝ ይኒባራ ታናር ፋጻዝን ኪን» ጋራ ቆፓዴ። ይኮታቦ ዬሱሳፖ ዎሂ ጋሳ ጎይ ዬራ ኢ ኣፊልን ዊሻዴ። ኢ ኣፊልን ዎሽኖዲፌኒ ኤልባር ጎጋዝ ሱን ኤቃዴ።

![](https://cdn.door43.org/obs/jpg/360px/obs-en-32-15.jpg)

ኤልባራ ዬሱሲ ኢጋልዳፖ ኣባክ ዎልቃ ባዚ ኬሲኪኖን ኤርዴ። ይኮታቦ ጋስ ብርንታሪ « ኣኖ ታና ዎሺኖዲ» ጋር ኦይጪዴ። ኢ ታማራን ኢኮ « ኔ ቡጊዳባር ሺቂኖዲኬ ሱግዛ ዎይልን ኣሲ ዎ « ኣባቦ ኦ ታና ዎሼ> ጋር ኦይጫራ?» ጋር ማሂዴ።

![](https://cdn.door43.org/obs/jpg/360px/obs-en-32-16.jpg)

ኣሲን ማጪንዳሬ ጋንዳ ሙታዶራ ዎይልን ኢጫራ ዬሱሳ ቲ ዬራ ጉጲጛዴ። ኢናፖ ፌ ዎቲኖንዶ ማ ፌ ፋጺኖንዳሬ ሶላዴ። ዬሱሲ ኢዛኮ «ኔ ኣማኒን ኔና ፋኔ ሳራ ሉካቤ» ጌይዴ።

*ጌሻ ማጻፋ ታሪካ ፦ማቶሳ 8፤ 28-34፤ 9፤ 20-22፤ ማርቆሳ 5፤ 1-20፤ 5፤ 24-34፤ ኩቃሳ 8፤ 26-39፤ 8፤ 42-48።*

## 33. ዎቲባር ኣቂዛን ታሪካ

https://openbiblestories.org/l/bst/story-33/

![](https://cdn.door43.org/obs/jpg/360px/obs-en-33-01.jpg)

ፔቲ ጋልስ ዬሱሲ ባሃሪን ቡጊዲን ላፍ ዎይልን ዎርዣ ታማርሲሙታ ዎ ዬሱሲ ኢንብ ሶላምፔኒ ጊዲዝ ቤሲ ዲጛንዳቦ ዋን ቡጊዲ ጎጛ ጋርታ ጌላሪ ዶኢዝ ዲራስ ዎይልን ኣሳን ኢኮን ሲስካንዳብ ዬይዴ። ጎጚን ጋርታ ዶኣር ውርዣ ታማርሲዴ።

![](https://cdn.door43.org/obs/jpg/360px/obs-en-33-02.jpg)

ዬሱሲ ይኖ ታሪኪን ሶልዴ «ፔቲ ዎቲባር ኣቂዛዲ ዜር ዜርቃንዳቦ ኬሲኪዴ ፌ ኩሽታ ዜርን ዜርቃምባራ ፔታን ፔታናን ጎይ ቡጊዲ ኬዲዴ ካፊ ዬሪ ይኖ ዜርን ዎይ ሙይዴ።

![](https://cdn.door43.org/obs/jpg/360px/obs-en-33-03.jpg)

«ሜላን ዜርን ዎይልን ሳዚ ዎ ቤስ ሹችባሮ ሳዝ ጋልዳ ኬዲዴ። ዎቲናካሬ ጻጲንዳ ሳዳ ሲኪል ጌላንዳብ ዳንዳኣካዬ። ኣዋ ኬሲኪን ሳዚን ሶላራ ካ ጫቻን ሹልሪ ሜልዴ።

![](https://cdn.door43.org/obs/jpg/360px/obs-en-33-04.jpg)

«ዓታር ሜላን ዜርን ኣጚ ባላ ጋርታ ኬዲዴ ይኖ ዜርን ፉዲ ኤዴ ። ዎቲናካሬ ኣጚ ጩልዴ ይኮታቦ ኣጚባሮ ሳዚንጋልዳ ፉዲኖ ካምቦ ኣባካር ኣፊ ካጻካዬ።

![](https://cdn.door43.org/obs/jpg/360px/obs-en-33-05.jpg)

«ሜላ ዜርን ኮሽ ሳዚ ዎ ቤስ ጋልዳ ኬዳዴ። ይና ዜርንዳ ፉዳራፔታኒንዳ ዓይዚ ታጳ ፔታኒንዳ ሌሂ ታጳ ፔታኒንዳ ጼታ ኣፍ ካጻዴ ዋይ ዎ ኣሲ ስስካጋቤ።

![](https://cdn.door43.org/obs/jpg/360px/obs-en-33-06.jpg)

ይና ታሪኪዳ ኢ ታማራንቦ ጎይ ያዴ ። ይኮታቦ ዬሱሲ ኢንታኮ «ዜርዲ ጾሳ ቃላዳ። ጎይ ቡጊዲንዳ ጾሳ ቃሊን ሲስኪዝ ኣሴ ዎቲናካሬ ኢዝ ቆፒባሴ ኢታ ኣያናዳሬ ቃሊን ኢጋልዳ ኤኪሬ።

![](https://cdn.door43.org/obs/jpg/360px/obs-en-33-07.jpg)

«ሹችባሮ ሳዚን ጋልዳ ዜርቂንቲኖ ዜር ጾሳ ቃሊን ሲስካሪ ኡፋይስባራ ኤኪዝ ኣሴ ዎቲናካሬ ሜታ ዬዚምባርኬ ጾሲ ዬላዚምባራ ፌ ኣማኒን ኣሺሬ።

![](https://cdn.door43.org/obs/jpg/360px/obs-en-33-08.jpg)

«ኣጚባሮ ሳዚንዳ ጾሳ ቃሊን ሲሲኪዝ ኣሴ ዎቲናካሬ ዎሃፖ ሳዛ ጋልዳ ቆፊ ዱርቲኬ ኡፋይሲ ጾሳቦ ዎ ካን ጩላሬ ይኮታቦ ኢሲስኪኖ ቲሞርታ ኣፊ ካጽባሴ።»

![](https://cdn.door43.org/obs/jpg/360px/obs-en-33-09.jpg)

«ኮሽ ሳዝንዳ ጾሳ ቃሊን ሲሲኪ ኣማኒዝዳ ኣፋ ካጺዛዳ ናሳዳ።»

*ጌሻ ማጻፋ ታሪካ፦ ማቶሳ 13፤ 1-8፤ 18-28፤ ማርቆሳ፤ 1-8፤ 13-20፤ ሉቃሳ 8፤ 4-15።*

## 34. ዬሱሲ ሜላን ታሪካን ታማርሲዴ።

https://openbiblestories.org/l/bst/story-34/

![](https://cdn.door43.org/obs/jpg/360px/obs-en-34-01.jpg)

ዬሱሲ ጾሳ ካቲቲ ጎይኬ ሜላዎይልን ታሪካን ጎይ ታማርሲዴ «ጾሳ ማርቲንዳ ኣሲ ፌ ዎኑ ጋዳ ዜርቅኖ ማይጻፋ ዜርን ማይሬ። ኢዛሬ ዎይ ዜርፖ ጉጻሬ።

![](https://cdn.door43.org/obs/jpg/360px/obs-en-34-02.jpg)

«ዎቲናካሬ ማይጽፌኖ ዜርን ዲጫራ ኣፎ ካፋን ዬር ዚእ ጋላዳ ዶኢዝ ዲራስ ኣታኪልታ ቤሲን ጋልዳ ዎ ታክልታን ዎይንፖ ሺ.

![](https://cdn.door43.org/obs/jpg/360px/obs-en-34-03.jpg)

ዬሱሲ ሜላ ታሪካ ሶልዴ «ጾሳ ካቲቲዲ ማጮ ል ኤካር ፋርኪኖ ሊጺን ማይጻሬ።

![](https://cdn.door43.org/obs/jpg/360px/obs-en-34-04.jpg)

«ማ ጻሳ ካቲቲንዳ ኣሲ ፌ ዎት ጋዲን ጋርታ ኦቺኖ ማዝጋቢን ማይጻሬ። ሜላ ኣሲ ይና ማዝጋቢን ዲጛሪ ማ ማሃር ዱኪዴ ኢ ዎይልን ኡፋይቲኖ ኮታቦ ኣል ሉካሪ ፌብ ዎ ባዚ ዎይ ዎጛሪ ጋዲን ኢዛ ፌ ሚሻባር ዎጚዴ።

![](https://cdn.door43.org/obs/jpg/360px/obs-en-34-05.jpg)

«ማ ጾሳ ካቲቲንዳ ኢዝ ጋሪን ዎይልን ኣልኣ ማቂኖ ኢንቃ ጋዝ ጌጺን ማይጻሬ ኢንቁ ጋዝን ዛልኢዝ ኣሳን ኢዛ ዲጛሪ ፌብ ዎ ባዝ ዎይ ጌጻ ዎጛሪ ኢዞ ፌብ ዎጚ ኤኪዴ።

![](https://cdn.door43.org/obs/jpg/360px/obs-en-34-06.jpg)

ይኒፖ ዎሃ ዬሱሲ ፌና ኮሽ ባዝ ኦኔ ይዝጌይ ኣማኒንቲዝ ሜላን ሌቂዝ ፔቲ ፔቲ ኣሳን ባዚ ሶልዴ «ናምኢ ኣሳን ጌሻዬዳቦ ጾሳ ኬ ጋርታ ሉኪዴ ፔታናዲ ቃራዥፋ ቃጺዝ ኣሲ ሜላዲ ሃይማኖታ ቲኒዝ ኣሴ» ጌይዴ።

![](https://cdn.door43.org/obs/jpg/360px/obs-en-34-07.jpg)

«ሃይማኖታ ቲኒዝ ናሳዲ ጌሺርዶሪ ጾሳዶ ሜላንኣሳንፌን ቡሪዛን ዉጫን ላሚዛን ማ ናሳ ዓ ዲፌንቃራጻ ቃጺሲዝ ኣስ ማቃካዮ ኮታቦ ቴ ኔና ጋላታሬ» ጌይዴ። ጋር ጌሺዴ።

![](https://cdn.door43.org/obs/jpg/360px/obs-en-34-08.jpg)

«ማ ታኒ ሳምንታ ጋርታ ናምኢ ቶህ ጻማሬ ቴ ዲጚዝ ማሽ ጋልዳፓኬ ቆሊን ዎይ ጋልዳፓኬ ታጳ ጋልዳፖ ፔታን ኬሳሬ።

![](https://cdn.door43.org/obs/jpg/360px/obs-en-34-09.jpg)

«ቃራጻ ቃጺስዝ ናሳዲ ዎቲናካሬ ሃይማኖታ ቲንዚ ናሳፖ ጎቲ ዓር ጋር ኤቂዴ ፉዳ ኣፋ ሾኪ ጋር ቤቃካዬ ይን ጊሻቦ ፌ ቲርን ፌ ኪሺምባር ቆጺሙታዶሪ «ጾሳዶ ታኒ ናጋራቻ ማቂኖ ኮታቦ ዋዴ ኔ ታና ማራቤ» ጋር ጌሺዴ።

![](https://cdn.door43.org/obs/jpg/360px/obs-en-34-10.jpg)

ኢናፖ ዎሃ ዬሱሲ ኢንታኮ «ቴ ይንታኪ ኪን ጋሬ ጾሳዲ ቃራጻ ቃጺስዝ ጌሺን ሲሲካሪ ኣን ኔኒ ጺላ ጌይዴ ሃማኖታ ቲንዛ ናሳ ጌሺን ዶሳካ ጾሳዲ ኣስ ፌብ ፌና ሾክ ዎቲዝ ኣስ ዎይ ዬልቂሬ ኣስ ፌብ ፌና ይርኪ ዎቲዛዳ ዎቲናካሬ ሾኪዎቲሬ» ጌይዴ።

*ጌሻ ማጻፋ ታሪካ፦ ማቶሳ 13፤31-33፤ 44-46፤ ማርቆሳ 30፤ 32-34፤ ሉቃሳ 13፤18-21፤ 18፤ 9-14።*

## 35. ሚጪንቲዛ ባባ ታሪካ

https://openbiblestories.org/l/bst/story-35/

![](https://cdn.door43.org/obs/jpg/360px/obs-en-35-01.jpg)

ፔቲ ጋላስ ዬሱስ ቃራጻ ቃጽስዝ ኣሳን ዎይልንኬ ኢኮን ሲስካንዳቦ ሺቂኖ ሜላ ናጋራንቻን ታማርሲዴ።

![](https://cdn.door43.org/obs/jpg/360px/obs-en-35-02.jpg)

ማ ኢና ዎ ፔቲ ፔቲ ሃይማኖታ ቲንዛን ዬሱሲ ናጋራንቻን ፌ ላጋ ማሳር ሞኪ ኤኬምባር ቤቂዴ። ፌብ ዎል ዎልኣ ሌቂ ኤዴ ይኮታቦ ዬሱሲ ይኖ ታሪኪን ሶልዴ።

![](https://cdn.door43.org/obs/jpg/360px/obs-en-35-03.jpg)

ናምኢ ናኢ ዎ ፕቲ ኣሲ ዎ ናኣ ጌዳዲ ፌ ባባኮ ኣባቦ ኔ ሚሽ ጋርታፖ ታና ዬላዝን ዓት ታብ ኢማቤ» ጌይዴ። ይኮታቦ ባባዲ ሚሺንዶ ናምኢ ናኣንቦ ፋጊዴ።

![](https://cdn.door43.org/obs/jpg/360px/obs-en-35-04.jpg)

«ናኣ ጌዳዲ ኤልባራ ዎባዝን ዎይ ሺሻሪ ጎቲ ጋዳ ሉካሪ ናጋራባራ ዶኣሪ ሚሺን ይሲዴ።

![](https://cdn.door43.org/obs/jpg/360px/obs-en-35-05.jpg)

ይኒና ዎሃ ናኣ ጌዳዲ ፌ ዎ ጋዲን ጋርታ ሚን ጋፊ ጌልዴ ፊሽዎጚዝ ሚሽ ባዬ ይኮታቦ ፌብ ሙታ ዎንዳ ጉዲን ዬጛዝ ኦሲን ኢዛ ኤዴ። ኢ ኢና ዎይልን ዎይዴ ጋፍሲንትኖ ኮታቦ ጉዲንን ሞዝ ፊሺን ሞንዳብ ኢንቲዴ።»

![](https://cdn.door43.org/obs/jpg/360px/obs-en-35-06.jpg)

«ዉርሲ ጋልዳ ናኣ ጌዳዲ ፌብ ይዝ ጌይዴ ታ ኣብዝ ዎታሙቲያ ታባባ ኣሻካራን ዎይ ሙይዛዲ ዎይሊን ፊሽ ዎዼ ታ ዓይ ጋፍሲንታዴ ታ ባባ ኣል ማቃ ሉካራ ፌ ኣሻካራን ጋርታፖ ፔታናዲ ፌን ታና ፋይዳቤ ጋር ጌሽዛቶጌይዴ።

![](https://cdn.door43.org/obs/jpg/360px/obs-en-35-07.jpg)

ይኮታቦ ናኣ ጌዳዲ ፌ ባባ ኣል ማቂ ዬንት ኤዴ ብርት ጎት ዎዶሪ ባባ ቤቃሪ ሚጪንቲዴ። ፌ ናኣኮ ዎጻሪ ኢርጚዴ ዬርቂዴ።

![](https://cdn.door43.org/obs/jpg/360px/obs-en-35-08.jpg)

«ናኣዳሬ ፌ ባባኮ ቴ ባባዶ ታኒ ጾሳዲኬ ኔናክ ባዳልኔ። ኔብ ኔ ጌይንታንዳብ ኮሺባሴ።

![](https://cdn.door43.org/obs/jpg/360px/obs-en-35-09.jpg)

«ዎቲናካሬ ባባዲ ፌ ኣሻካራን ጋርታፖ ፔታናኮ « ኤልባር ሉካራ ቆይስዛ ኣፊላ ኤኪዬራ ታናኣ ማኢሳቤ ኢ ጊልኢምባር ቃልባታ ኢቆሂምባ ኮባ ኣብቴ ኢናፖ ሞሪ ኡፋይታንዳቦ ኮሽ ዱዲኖ ማርዝ ኤኪ ይቅሪ ሹኪብቴ። ኣባ ጌይን ዓ ታና ኣዲ ኣይቂንዳን ፋጺኔ ይዶን ዓትቤንቲኔ።

![](https://cdn.door43.org/obs/jpg/360px/obs-en-35-10.jpg)

ይኮታቦ ኣሳን ኡፋይት ኤዴ። ዎይልን ጋምኣካይዶር ፌ ዎቲ ዎ ዎትን ጋዳፖ ናራ ኢሻ ኣል ዬይዴ። ማዝሙራኬ ዬኬ ጊርቂዛ ሲስኪዴ ኣባቦ ይ ማቄ ጋር ጋራሚንቲዴ።

![](https://cdn.door43.org/obs/jpg/360px/obs-en-35-11.jpg)

ናራ ኢሻዲ ዬይኖኮታቦ ኣፋይቲሙታ ማቂኖን ኤራር ዎይልን ጎይላሪ ኣል ጌላንዳቦ ኢጺዴ። ባባ ኬሲካሪ ኢ ጌላር ኢንታባር ኡፋይታምፔን ጌሺዴ ኢዎቲናካሬ ኢጺዴ።

![](https://cdn.door43.org/obs/jpg/360px/obs-en-35-12.jpg)

ናራ ኢሻዲ ዓን ላይን ጋርታብዎይ ኣማንታር ኔብ ኦኔ ዉርሳ ቴኔ ኪቲን ጋልዳፖ ኬሲካካዬ ዓኖ ዬላር ታ ላጋንባር ቴ ኡፋይታምፔን ፔቲ ኮላ ናኢ ኔ ታብ ኢማካዬ ናጋራ ኣ ኣሪ ሚሺን ይሲኖንድዳ ዓ ናኣዲ ኔ ኣል ዬይን ዱዲኖ ማርዛ ኔ ሹካዴ።

![](https://cdn.door43.org/obs/jpg/360px/obs-en-35-13.jpg)

ባባዲ ኢኮ «ታ ናኣዶ ኔን ዎይ ጋላስ ታባር ዎ ታብዎ ባዝ ዎይ ኔዬ። ኑ ኡፋይታ ዝንዳ ኪን ኣባ ጌይን ኔ ኢናኣዲ ዓይቂንዶር ዓቲ ሼምፓባሮ ማቂኔ ይንዶሪ ዓት ቤንቲኔ።

*ጌሻ ማጻፋ ታሪካ፦ ሉቃሳ፤ 15፤ 11-32።*

## 36. ዬሱስ ማልካ ላምንቲዴ

https://openbiblestories.org/l/bst/story-36/

![](https://cdn.door43.org/obs/jpg/360px/obs-en-36-01.jpg)

ፔቲ ጋላስ ዬሱሲ ፌ ታማን ዓይዛን ኢንታሬ ጴጥሮሳ ዓይቆባኬ ዋኒሳኬ ኤካሪ ጾሳ ጌሻንዳቦ ች ኢንዳ ጋልዳ ኬሲኪዴ ዋንሳ ጌይዛ ኢታማራዲ ኢያ ጻማቂኖ ናሳዳ ጊዳካዬ።

![](https://cdn.door43.org/obs/jpg/360px/obs-en-36-02.jpg)

ዬሱሲ ጌሻ ጋልዳ ዎዶን ኢ ኣፋዲ ኣዋ ኣፍፌን ፎኢዴ ኢ ኣፍልንዳ ፌ ፎኢንፌን ቦርስ ማቃዴ። ሳዛ ጋልዳ ዎ ኣሲ ኦናካሬ ጌሻንዳብ ዳንዳኣባሶ ጴች ቦርስ ማቂዴ።

![](https://cdn.door43.org/obs/jpg/360px/obs-en-36-03.jpg)

ይና ኢዝ ኬልምባራ ሙሳኬ ናባ ኤላስኬ ቤንቲዴ ይን ኣሳን ጼታ ላይ ማቃምፔን ሳዛ ጋልዳ ዶኢኔ ቢርትፌኒ ሩሳላማ ጋልዳ ማቂዝ ዓይቃን ዬይ ዬሱሳባር ስልንቲዴ።

![](https://cdn.door43.org/obs/jpg/360px/obs-en-36-04.jpg)

ሙሳኬ ኤላሳክ ዬሱሳባር ሶልንትሙታ ዎዶን ጴጥሮሲ ዬሱሳኮ « ኑ ዓንዳ ዶኢርኮ ኑብ ኮሼ ኔቦ ፔቲ ሙሳቦ ማ ፔታን ኤላሳቦ ዓይዝ ዉዳ ዉዲስስቶ ጌይዴ ጴጥሮሲ ፌ ሶላዝ ባዝን ኤርባሴ።

![](https://cdn.door43.org/obs/jpg/360px/obs-en-36-05.jpg)

ጴጥሮሲ ሶሊሙታ ዎዶን ቦርስ ሻራ ዬሪ ኢንታ ቡጊድምባር ቂርጽ ጌይን ሻርን ጋርታፖ «ቴ ኢባር ኡፋይቲዝ ቴ ዶሲዝ ናኣ ዓዳ ኢኮን ሲስኪብቴ» ጌይዴ። ኢ ታማራን ዓይዛን ኢጫሪ ሳዛ ጋላዳ ኬዲዴ።

![](https://cdn.door43.org/obs/jpg/360px/obs-en-36-06.jpg)

ዚቃንታ ዬሱሲ ኢንታ ፎታሪ «ኢጫፒቴ ዳንዳብቴ» ጌይዴ ኢንታ ቡጊዲንባር ቤቃምባራ ዬሱሳፖ ሜላ ኦናካር ባዬ።

![](https://cdn.door43.org/obs/jpg/360px/obs-en-36-07.jpg)

ዬሱሳኬ ዓይዚ ኢታማራን ኢንዲን ጋልዳፖ ሶብዴ።ይና ኢዝ ኬልምባራ ዬሱሲ ኢንታኮ «ዓንዳ ማቂኖ ባዛን ኦባካር ሶላፒቴ ቴ ኤልባር ዓይቃሬ ማ ሼምፓባር ማቃሬ ይኒፖ ዎሃ ኣሳንቦ ሶላንዳብ ዳንዴሬ።

*ጌሻ ማጻፋ ታሪካ፦ ማቶሳ፤ 17፤ 1-9፤ ማርቆሳ፤ 9፤ 2-8፤ ሉቃሳ፤ 9፤ 28-36።*

## 37. ዬሱሲ ኣላዛራ ዓይቃጋርፖ ዲንዴ።

https://openbiblestories.org/l/bst/story-37/

![](https://cdn.door43.org/obs/jpg/360px/obs-en-37-01.jpg)

ፔቲ ጋላስ ዬሱሲ ኣላዛሪ ዎይልን ማኔ ጌይዝ ክቶ ዬልዴ ኣላዛራኬ ኢ ሚሺንታ ናምኣን ማራሚኬ ማርቲኬ ዬሱሲ ኢንታ ኩሻ ላጋ ዬሱሲ ይኖ ዎሪን ሲሲካሪ «ይና ዓርጊንዶ ጾሳ ቦንቻብዶኬ ዓይቃብ ጊዳካዬ» ጌይዴ። ዬሱሲ ፌ ላጋን ካሬ ዎቲናካሬ ናምኢ ቃም ፌ ዎዾ ቤስ ጋምኢዴ።

![](https://cdn.door43.org/obs/jpg/360px/obs-en-37-02.jpg)

ናምኢ ቃማን ጵኖፖ ዎሃ ዬሱሲ ፌ ታማራንኮ «ኑኒ ይሁዳ ሉኪስቶ» ጌይዴ። «ዎቲናካሬ ኣስታማራዶ ዓቲ ጊላ ጊዛፖ ቲን ኢና ዎን ዎርዣን ኔና ዎንዳቦ ኮይሬ ጋር ኢታማንቦ ማሂዴ ዬሱሲ «ኑ ላጋ ኣላዛሪ ሱርቂኔ ኢ ሱርሲን ጋርታፖ ቴ ኢያ ዲንንዳብ ሉካሬ» ጌይዴ።

![](https://cdn.door43.org/obs/jpg/360px/obs-en-37-03.jpg)

ዬሱሳ ታማራን «ጎዳዶ ኣላዛር ሱርቂንኮ ዲንዳሬ» ጋሪ ማሂዴ። ይና ኢዝባራ ዬሱሲ ፋል ሶልዴ «ኣላዛር ዓይቂኔ ይንቲታባር ኣማኒንታምፔኒ ቴ ኢና ባዮንዶ ታና ኡፋይሲኔ።

![](https://cdn.door43.org/obs/jpg/360px/obs-en-37-04.jpg)

ዬሱሲ ኣላዛር ዬሊንቲኖ ካታሚን ዬላሪ ኣላዛር ዓይቂኖፖ ኦይዲ ቃም ማቂኔ። ማርታ ዬሱሳ ዬላንዳብ ኬስካራ ጎዳዶ ኔ ዓዲ ዎፌንኮ ቴ ኢናኣ ዓይቂባስዶን ዎቲናካሬ ጾሳዲ ኔጎሻዚን ዎይ ሲስካዚን ታኒ ኣምማናሬ።

![](https://cdn.door43.org/obs/jpg/360px/obs-en-37-05.jpg)

ዬሱሲ ኢዝኮ «ታኒ ዲንዳኬ ሼምፖዲኬ ታባር ኣማኒሃ ዎይ ዓይቄ ጌይናር ሜላኣቲን ሼምፓባር ማቂሬ ታባር ኣማኒዛ ዎይ ዉርሲ ዓይቂባሴ ይኖ ኔኒ ኣማናራ? ማርታሬ « ኣሃ ጎዳዶ ኔኒ ማሳ ጾሳ ናኣ ማቂኖን ታ ኣማናሬ» ጋራ ማሃዴ።

![](https://cdn.door43.org/obs/jpg/360px/obs-en-37-06.jpg)

ኢናፖ ማራማ ዬዴ ዬሱሳ ቶሂን ጋልዳ ኬዳራ «ጎዳዶ ኔኒ ዓይዲ ዎኮ ቴ ኢናኣ ዓይቂባስዶን » ጋዴ ዬሱሲ «ኣላዛር ዎዲ ጋዲና ?» ጋር ኦይጪዴ «ጎሪ ጋርታ ዓይ ዬር ቤቃቤ» ጋር ሶልዴ ኢናፖ ዬሱሲ ዬኪዴ።

![](https://cdn.door43.org/obs/jpg/360px/obs-en-37-07.jpg)

ጎራዲ ጋዊዬ ኢዝ ካሪን ጋልዳ ሹች ኤይኔ ዬሱሲ ጎሪንኮ ዬላሪ ሹቺን ፋራሲብቴ ይዝጋር ሶልዴ። ዎቲናካሬ «ዓይቂኖፖ ኦይዲ ቃም ማቂኔ ዓት ዛይቂሬ» ጋዴ።

![](https://cdn.door43.org/obs/jpg/360px/obs-en-37-08.jpg)

ዬሱሲ «ኔ ታባር ኣማኒንኮ ጾሳ ቦንችን ቤቃዝን ቴ ኔብ ሶላካያ ? ጌይዴ ይኮታቦ ሹቺን ፋራሲዴ።

![](https://cdn.door43.org/obs/jpg/360px/obs-en-37-09.jpg)

ይኒፖ ዎሃ ዬሱሲ ፉዳ ኣፋ ቤቃሪ «ታ ባባዶ ኔ ታኮን ሲሲካዝን ኮታቦ ቴ ኔና ጋላታሬ። ኔኒ ዎይ ጋላስ ታኮን ሲሲካዝን ኤኣራሬ ዎቲናካሬ ኔኒ ታና ሚሽኖን ኢንቲ ኣማናምፔን ዓንዳ ኤቂኖ ኣሳን ዎይን ጊሻቦ ታኒ ዓና ኔኮ ጋሬ» ጌይዴ። ኢናፖ ዬሱሲ «ኣሌሮ ዓይ ዛና ዬ» ጋር ዉይሲዴ።

![](https://cdn.door43.org/obs/jpg/360px/obs-en-37-10.jpg)

ይኮታቦ ኣልዛሪ ኬሲኪዴ ፋላባር ሲፊንቲኖንዲፌኔ ዬሱሳሬ ኢንታብኮ «ብላጌይዶ ሉካቤ ኣሺብቴ » ጌይዴ ኣይሁዳን ጋርታፖ ዎይሊን ይ ኦቲኖ ታምራታ ጎይባራ ዬሱሳባር ኣማኒዴ።

![](https://cdn.door43.org/obs/jpg/360px/obs-en-37-11.jpg)

ዎቲናካሬ ኣይሁዳ ሃይማኖታ ቲኒዛን ቃናኢዴ። ይኮታቦ ዬሱሳኬ ኣላዝራ ዎዛርታር ዎንዳብ ኮሺርኮ ቶባንዳቦ ዎልፔታን ሺቂዴ።

*ጌሻ ማጻፋ ታሪካ ፦ ዋኒሳ 11፤ 1-46።*

## 38. ዬሱሲ ኣር ኢምንቲዴ

https://openbiblestories.org/l/bst/story-38/

![](https://cdn.door43.org/obs/jpg/360px/obs-en-38-01.jpg)

ኣይሁዳን ላይባራ ፋስጋ ባል ቦንቺሬ። ይ ባላዲ ዎይሊን ላይፖ ቲን ጾሲ ሚኖ ማይንታን ጊብጻ ጋዳ ኣይላ ማቃር ዎን ጋርታፖ ዎዛርታር ፋሲኖኮ ቦንቺሬ ዬሱሲ ትኒ ፋላ ጋልዳ ሳባካዚንዲኬ ታማርሳዚን ኤኖን ማ ኣዝባር ኢና ኢያ ዎዝንዳር ፌ ታማራንቦ ሶልዴ።

![](https://cdn.door43.org/obs/jpg/360px/obs-en-38-02.jpg)

ዬሱሳ ታማራን ጋርታፖ ፔታና ይሁዳ ጌይ ጼጊንቲዛ ናሳዳ ይሁዳ ኢታማራንቦ ሚሽ ኤዝ ቃርጺሪቲን ኤዛ ኢያ ዎቲናካሬ ኢ ሚሽ ዶሳዝን ኮታቦ ዎይልን ቶህ ቃርጺሪቲን ጋርታፖ ሚሽ ዉቂሬ። ዬሱሳኬ ኢ ታማራን ሩሳሌማ ዬሊኖፖ ዎሃ ይሁዳ ኣይሁዳን ቲኒዝ ኣሳንኮ ሉካሪ ዬሱሳ ሚሻባር ኢንታብ ኣ ኢማንዳብ ሶልንቲዴ። ዬሱሲ ማሳ ማቂኖን ኣይሁዳን ቲኒዛን ካዲዴ ኢያ ዎንዳቦ ጎይ ኮያዛን ኤርዴ።

![](https://cdn.door43.org/obs/jpg/360px/obs-en-38-03.jpg)

ኣይሁዳን ቲኒዝ ኣስን ቄሳ ኣላቃባራ ቲኒንቲሙታ ዬሱሳ ኣ ኢማፔኒ ይሁዳቦ ዓይዚ ታጳ ቢራ ጪጊዴ። ኪን ናባን ሶልኖንዲፌኒ ማቃዴ። ይሁዳሬ ኤኤ ጌይዴ ሚሽን ኤካር ሉክዴ ዬሱሳ ኤምፔኒ ኢንታ ማዳንዳቦ ጎይ ኮይ ኤዴ።

![](https://cdn.door43.org/obs/jpg/360px/obs-en-38-04.jpg)

ሩሳላማ ዬሱሲ ፌ ታማራንባራ ዎልኣ ፋሲጋ ባሊን ቦንቺዴ። ፋስጋ ፊሺን ዬሱሲ ኡፊን ዲንሪ ዳርሳሪ «ዓሺቴ ኣኖ ሙብቴ ዓና ይንታ ጊሻቦ ኢምንቲኖ ታ ኣይሽንዶ ጌይዴ። ይና ይንታቦ ቆፊብ ማሂብቴ» ይኒባራ ዬሱሲ ፌ ኣይሺን ይንታኮታቦ ዣርሻዝን ሶልዴ።

![](https://cdn.door43.org/obs/jpg/360px/obs-en-38-05.jpg)

ኢናፖ ዬሱሲ ጺዊን ዲንሪ «ዓና ኡሽኪብቴ ይንታ ናጋሪምቦ ኣቶ ጌይንታምፔን ዉሊንታዝ ኦራ ጫቃ ቴ ሱንዶ። ይኖ ኡሽካሪ ዎይ ጋላስ ይንታቦ ቆፊብ ዎቲብቴ።

![](https://cdn.door43.org/obs/jpg/360px/obs-en-38-06.jpg)

ኢናፖ ዬሱሲ ፌ ታማራንኮ «ይንታ ጋርታፖ ፔታናዲ ታና ኣ ኢምሬ» ጌይዴ ኢታማራንሬ ዲርጭ ጋሪ ይፌኖ ባዝ ኦ ዎቲራ ጋር ኦይጪዴ ዬሱሲ «ይኖ ዳርሲ ኡፋ ኢምዝ ኣሲ ታና ኣ ኢምሬ» ጌይዴ ኢናፖ ዎሃ ኡፊን ይሁዳብ ኢምዴ።

![](https://cdn.door43.org/obs/jpg/360px/obs-en-38-07.jpg)

ይሁዶ ኡፊን ኤኪኖፖ ዎሃ ሴጣኖ ኢ ጋርታ ጌልዴ ይሁዳ ዬሱሳ ኤምፔን ኣይሁዳን ትኒዛን ማዳንድቦ ሉኪዴ ኬላዳ ኣማ

![](https://cdn.door43.org/obs/jpg/360px/obs-en-38-08.jpg)

ዬሱሳኬ ኢ ታማራን ኣራት ሙይኖፖ ዎሃ ዳብርዛይታ ሉኪዴ ዬሱሲ ኢንታኮ «ዓትብ ኦማ ይንቲ ዎይን ታና ኣሺሬ። ጋይጫና ቡካናዳ ዶራን ዎይ ላሊንቲሬ ጌይ ጻፊንቲኔ» ጌይዴ።

![](https://cdn.door43.org/obs/jpg/360px/obs-en-38-09.jpg)

ጴጥሮሲ ኢኮ «ሜላን ዎይ ኔና ኣሼ ጌይን ዎቲናካሬ ቴ ይ ዎታባሴ» ጋር ማሂዴ። ይኒ ኬልምባራ ዬሱሲ ጴጥሮሳኮ «ሴጣኖ ይንታ ዎይን ኤካንዳብ ኮይሬ ዎቲናካሬ ጴጥሮሲ ኔ ኦማኒን ዳቡራካይፌን ቴ ኔብ ዎሲኔ ይፌን ዎቲናካሬ ዓታብ ኦማ ኮቶ ኦላዚምፖ ቲን ኔ ታና ኤራባሶዲፌን ዓይዚ ቶህ ማልቲታሬ።

![](https://cdn.door43.org/obs/jpg/360px/obs-en-38-10.jpg)

ይኒባራ ጴጥሮሲ ዬሱሳኮ «ዓይቂዝ ባዝ ማቄ ጌይን ዉርሳ ማ ልቲታባሴ» ጌይዴ። ሜላን ኢ ታማራን ዎይ ይና ኢዝ ጌይዴ።

![](https://cdn.door43.org/obs/jpg/360px/obs-en-38-11.jpg)

ይኒፖ ዎሃ ዬሱሲ ፌ ታማራንባር ዎልኣ ጌቲ ማና ጌይዝ ቤስ ሉኪዴ ዬሱሲ ኢንቲ ሜታ ጋልዳ ኬዳካዮዲፌን ዎሳምፔን ፌ ታማራንቦ ሶልዴ።

![](https://cdn.door43.org/obs/jpg/360px/obs-en-38-12.jpg)

ዬሱሲ ዓይዚ ቶህ ዎሲዴ «ታ ባባዶ ጌብ ዳንዳኢንታርኮ ዓና ሜቲን ጺዊን ቴ ኡሻካይፌኒ ዎታቤ ዎቲናካሬ ኣሳን ናጋራ ኣቶ ጌይንቲዝ ሜሎ ጎይ ባይኮ ኔ ጌኖን ማቆጋቤ» ዬሱሲ ዎይልን ዎይዴ ኢ ጫዊንዳሬ ሱ ማቃዴ። ጾሳዳሬ ኢያ ሚንምፔን ኢብ ኪታንቻ ሚሺዴ።

![](https://cdn.door43.org/obs/jpg/360px/obs-en-38-13.jpg)

ዱማ ዱማ ኢ ጌሺኖ ጌሺምፖ ዎሃ ኢዬሱሲ ፌ ታማራንኮ ብርንቲዴ ኢንቲ ሱርቂኔ ዓይዚ ማቃር ዬሪ «ዳንዳብቴ» ታና ኣ ኢሚዛ ዓይዲ ዎ» ጌይዴ።

![](https://cdn.door43.org/obs/jpg/360px/obs-en-38-14.jpg)

ይሁዳ ኣሁዳን ቲኒዝ ኣሳንባራ ዎታዳራንባር ዎይልን ዎርዣባር ዎልኣ ማቃር ዬይዴ። ማሽኬ ጉፋኬ ኤኔ ይሁዳ ዬሱሳክ ዬሪ «ኣስታማራዶ ሳሪቲ ኔብ ማቆ» ጌይዴ። ዬርቂዴ ይዳሬ ኣይሁዳን ቲንዛን ኢንቲ ኦና ኤርኮ ማላቦ። ኢናፖ ዬሱሲ ኢኮ «ይሁዳ ጌ ታና ዬርሳባር ኣር ኢማኔ?» ጌይዴ።

![](https://cdn.door43.org/obs/jpg/360px/obs-en-38-15.jpg)

ዎታዴራን ዬሱሳ ኤዲፌኒ ጴጥሮሶ ፌ ማሺን ጎቺ ኬሳሪ ቄሳን ኣላቃ ኣሽካራ ዋይን ቃጺዴ ዬሱሲ «ኢኮ ማሺን ኢዝ ቤስን ማሃቤ ታና ቦቲሳምፔን ኪታንቻ ታብ ሚሻምፔን ታባባ ኦይጫንዳብ ዳንዳኣሬ» ጌይዴ። ኢናፖ ዬሱሲ ናሳ ዋይን ፋዴ። ዬሱስ ኤዴ ቲኖፖ ዎሃ ኢ ታማራን ዎይ ኢያ ኣሻር ዎጺ ዴ።

*ጌሻ ማጻፋ ታሪካ፦ ማቶሳ 26፡14-56፤ ማርቆሳ 14፡10-50፡ሉቃሳ 22፡1-53፤ ዋንሳ 12፤ 6፤18፡1-11።*

## 39. ዬሱሲ ፊርዳብ ሺቂዴ

https://openbiblestories.org/l/bst/story-39/

![](https://cdn.door43.org/obs/jpg/360px/obs-en-39-01.jpg)

ዓት ኬላዲ ጊዲብላሃ ቄሳ ኣላቃ ኦይጫምፔኒ ዎታዳራን ዬሱሳ ቄሳ ኣላቃን ኦል ኤጚዴ። ጴጥሮሲ ጎቲባር ኢ ዎሂን ዬሬ ዬሱሲ ኣል ኬ ጌልሳሪ ጴጥሮሲ ዛናዶሪ ታማ ካሽኪሬ።

![](https://cdn.door43.org/obs/jpg/360px/obs-en-39-02.jpg)

ኬ ጋርታ ኣይሁዳን ቲኒዛን ዬሱሳ ፊርዳብ ሺሺዴ ኢጎይባር ማቂባር ዎይሊን ዎርዳ ማርካን ኤሄይዴ ማቂናካሬ ኢንታ ቃላዲ ዎልዎልኣ ሳማማኣካዬ ይኮታቦ ኣይሁዳን ትኒዝ ዬሱሳ ዎይ ባዝባር ዎርዳ ማቂኖን ኤራንዳብ ዳንዳኣካዬ።

![](https://cdn.door43.org/obs/jpg/360px/obs-en-39-03.jpg)

ዉርስ ጋልዳ ቄሳ ኣላቃን ዬሱሳ ኮሺንቺ ቤቃሪ ኑብ ሶላቤ ኔኒ ማሳዲያ? ዎይን ዳንዳኢኖ ጾሳ ናኣ? ጌይዴ።

![](https://cdn.door43.org/obs/jpg/360px/obs-en-39-04.jpg)

ዬሱሲ «ኣዓ» ኢፓሬ ጾሳባር ዎልኣ ዶኣራ ታ ኣፋፖ ዬዚምባር ኔ ቤቃሬ» ጌይዴ። ኤቅሳ ኣላቃን ጎይልባራ ኣፊልን ዳርሳሪ ሜላ ሃይማኖታ ቲኒዛን «ሜላ ጉጃ ማርካ ኮይሲባሴ ቴ ጾሳ ናኤ ጋዝን ይንቲ ሲሲኪኔ ይንቲ ኣብዝ ጌይ ፋራዲራ? ጋር ዉይሲዴ።

![](https://cdn.door43.org/obs/jpg/360px/obs-en-39-05.jpg)

ኣይሁዳን ቲንዛን ዎይ «ዓይቃ ኢብ ኮሺሬ» ጋር ቄሳ ኣላቃንቦ ማሂዴ ኢናፖ ዬሱሲ ኦፊን ቃቻሪ ኢ ጋልዳ ጩታሪ ቡካሪ ኢ ጋልዳ ቃላዲዴ።

![](https://cdn.door43.org/obs/jpg/360px/obs-en-39-06.jpg)

ጴጥሮሲ ኬምፖ ዛና ናጋ ጋልዳ ዎዶን ኣሎ ጋራ ማቂኖ ናኢን ቤቃራ «ኔናሬ ማ ዬሱሳባራ ዎባያ » ጋዴ ጴጥሮሲ ኢዛ ሶልኖን ማልቲቲዴ ኢናፖ ዎሃ ሜላ ኢና ኣል ኦዝ ናኢንዳ ዎኖን ኢዞ ሶላዴ ጴጥሮሳሬ ማቃር ማልቲቲዴ። ዉርሲ ጋልዳ ዎርዣዲ «ይንቲ ናምኣን ጋሊላ ጋዳፖ ማቂኖ ኮታቦ ኔኒ ዬሱሳባሮ ኣስ ማቂኖን ኑ ኤሪሬ።

![](https://cdn.door43.org/obs/jpg/360px/obs-en-39-07.jpg)

ኢናፖ ጴጥሮሲ «ዓናሳ ቴ ኤራዚንዲፌንኮ ጾሳ ጎይላ ታብ ማቆ ጋር ጫቂዴ ኤልባራ ኩቶ ኦልዴ ዬሱሳሬ ቢርንታሪ ጴጥሮሳ ቤቂዴ።

![](https://cdn.door43.org/obs/jpg/360px/obs-en-39-08.jpg)

ጴጥሮሲ ሉካሪ ሲክ ሲክ ዬኪዴ ይና ይንፌን ዶኣምባራ ዬሱሳ ኣሪ ኢምኖ ይሁዳ ኣይሁዳን ቲኒዛን ዓይቃምፔን ዬሱሳ ጋልዳ ፋርዳምፔን ቤቂዴ። ይሁዳሞርኢባር ኩማሪ ሉኪዴ ፌና ዎዴ።

![](https://cdn.door43.org/obs/jpg/360px/obs-en-39-09.jpg)

ኢዝ ዎንን ጌላፋ ኣይሁዳን ቲኒዛን ዬሱሳ ሮማ ጋዲን ኣቂስኖ ጲላጦሳክ ኤሄይዴ። ጲላጦሲ ዬሱሳ ኔ ኢሲኔ ጋርፋራዳንዳቦ ዓይቃንርዳብ ኮሺሬ ጌይሬ ጋሪ ታስፋ ጋዲዴ። ጲላጦሲ ዬሱሳኮ «ኣን ኔ ኣይሁዳ ካታ?» ጋር ኦይጪዴ።

![](https://cdn.door43.org/obs/jpg/360px/obs-en-39-10.jpg)

ዬሱሲ ኢኮ «ኔ ጋዶኬ ዎቲናካሬ ታ ካቲቲንድዳ ሳዛጋልዳ ካቲቲ ባዬ። ማ ይዲፌን ማቂኒኮ ታ ኣሽካራን ቴ ጊሻብ ኦልንቲርዶን ጾሳ ጊሻቦ ኪንን ሶላንዳቦ ሳዛ ጋልዳ ቴ ዬይኔ ኪንን ካዛዲ ዎይ ታኮን ሲሲኪሬ» ጲላጦሲ «ኪንን ኣብዛ?» ጌይዴ።

![](https://cdn.door43.org/obs/jpg/360px/obs-en-39-11.jpg)

ጲላጦሲ ዬሱሳባር ሶልንቲኖፖ ዎሃ ዎርዣኮ ኬሲካሪ «ዓ ናሳ ጋልዳ ታኒ ኣባካር ኢታ ባዝ ዲጛካዬ» ጌይዴ። ኣይሁዳን ቲኒዛንኬ ዎርዣዲ ሶታቤ ጋሪ ዉይሲዴ ጲላጦሲ ኢንታኮ «ኣባካር ኢሳካዬ ጋሪ ይንታብ ማህዴ። ኢንቲ ጉጃር ቲኖምፓ ሺ ዉይሲዴ። ኢናፖ ጲላጥሲ ዓይዚ ቶህ «ኢ ጋልዳ ኢታ ባዚ ባዬ ጌይዴ።

![](https://cdn.door43.org/obs/jpg/360px/obs-en-39-12.jpg)

ጲላጦሲ ዎርዣዲ ዋይዝዳ ጋር ኢጪዴ ይኮታቦ ዬሱሳ ሶታምፔን ዎታዳራን ኪቲዴ። ሮማ ጋዶ ዎታዳራን ዬሱሳ ጋራፋሪ ዞቃ ኣፊላ ማኢሲዴ ይፓሬ ኣጚባር ኮቺኖ ባርኔጻ ኢ ቆማ ጋልዳጋዲዴ ኢናፖ ዓዲሼ ኣይሁዳ ካታዲ ጋሪ ኢባር ቃልዲዴ።

*ጌሻ ማጻፋ ታሪካ፦ ማቶሳ 26፡57-27፡26፤ ማርቆሳ 14፡53-15፡15 ሉቃሳ 22፡54-23፡25 ዋንሳ 18፡12-19፡16።*

## 40. ዬሱሲ ሶቲንቲዴ።

https://openbiblestories.org/l/bst/story-40/

![](https://cdn.door43.org/obs/jpg/360px/obs-en-40-01.jpg)

ዎታዳራን ዬሱሳ ጋልዳ ቃልዳፖ ዎሃ ኢያ ሶታንዳብ ኤጚዴ። ፌ ዓይቃዚን ቶካምፔኒ ዎቲዴ።

![](https://cdn.door43.org/obs/jpg/360px/obs-en-40-02.jpg)

ዎታዴራን ዬሱሳ «ቆም ጎይስ ጌያ ጼጊንታን ቤሲን ኤሄሪ ኢኩሽንዲኬ ኢ ቶሂን ማስቃላ ጋልዳ ቃቺዴ ዬሱሲ ዎቲናካሬ ታባባዶ ኢንቲ ፌ ዎታዝ ባዚን ኤሪባሴ ኢንታ ኣቶ ጋቤ » ጌይዴ ጲላጦሲ ማላባራ «ኣይሁዳ ካቴ ጋሪ ጻፋሪዬሱሳ ቆማቺን ጋልዳ ማስቃሊን ጋልዳ ጋዳምፔን ኪቲዴ።

![](https://cdn.door43.org/obs/jpg/360px/obs-en-40-03.jpg)

ዎታዳራን ዬሱሳ ኣፊልን ጋልዳ ዎልኣ ኢጻ ቃጺዴ። ይኖ ዎቲኖ ኬልምባራ «ኣላፋን ፋጊንቲዴ ታ ኣፊልን ጋልዳ ኢጻ ቃጺዴ» ይዝ ጋዚን ሚን ናቢ ሶሊኖን ፎቲንታዴ።

![](https://cdn.door43.org/obs/jpg/360px/obs-en-40-04.jpg)

ዬሱሲ ናምኢ ፋናን ጊዳ ሶቲንቲዴ። ፔታናዲ ዬሱሳ ጋልዳ ቃላዲዴ ሜላዲ «ኣን ኔኒ ጾሳቦ ኢጫባሳ ኑኒ ኢታን ዓ ናሳዲ ኣባካር ኢትባዝ ኢ ጋልዳ ባዬ ጌይዴ ኢናፖ ዬሱሳኮ «ዋዴ ኔ ካቲቲን ጋርታ ታብ ቆፓቤ»ጌይዴ ዬሱሳሬ «ዓታብ ኔ ታባር ዶኣሬ» ጋሪ ማሂዴ።

![](https://cdn.door43.org/obs/jpg/360px/obs-en-40-05.jpg)

ኣይሁዳን ቲንዝንኬ ዎርዣ ጊዳ ዎሜላን ኣሳን ዬሱሳ ጋልዳ ቃልዲዴ «ኔኒ ጾሳ ናኢኮ ማስቃልን ፋልዳፖ ሶባራ ኔና ፋቤ ኢናፖ ዎሃ ኔና ኣማናንዳ» ጌይዴ።

![](https://cdn.door43.org/obs/jpg/360px/obs-en-40-06.jpg)

ይና ኢዝባራብጋላስ ኣዋ ኮሊ ማቂኔካሬ ላፍባር ዎይቤሲ ኣፎ ሳዝን ዹም ማቃዴ። ጋላስ ኣዋ ኮሊፖ ኤር ሳካል ሳኣታ ዬላር ዹሚኖንዲፌን ጋማኣዴ።

![](https://cdn.door43.org/obs/jpg/360px/obs-en-40-07.jpg)

ይኒፖ ዎሃ ዬሱሲ «ፎቲንቲዴ ታባባዶ ቴ ሼምፒን ኔ ኩሽታ ቴ ኢምኔ ጋሪ ዉይሲዴ ኢናፖ ፌ ቆሚን ዴሽ ዎታሪ ፌ ሼምፒን ኢምዴ። ዓይቂኖፖ ሳዚ ኤንኢ ጾሳ ኬ ጋርታ ዎ ዎርዣዲ ጾሳዲኬ ፋጊኖ ጴች ማጋራጂንዳ ኖናፖ ጻና ዬላር ናምኢ ቆቂንታዴ።

![](https://cdn.door43.org/obs/jpg/360px/obs-en-40-08.jpg)

ዬሱሲ ፌ ዓይቂን ጎይባር ጾሳኮ ዬምፔኒ ኣሳንቦ ጎይ ፊርቂዴ ዬሱሳ ናጊዛ ዎታዳራን ማቂኖ ባዚን ዎይ ቤቃሪ «ኪንባራ ዓ ናሳዲ ኢ ጋልዳ ኢት ባዚ ባዬ ጾሳ ናኤ» ጌይዴ።

![](https://cdn.door43.org/obs/jpg/360px/obs-en-40-09.jpg)

ይና ኢዝባራ ዬሱሲ ማሳ ማቂኖን ኣማኒኖ ናምኢ ኣይሁዳን ቲኒዛን ዮሶፋኬ ኒቆድማሳኬ ዬሱሳ ኣህን ኢማፔን ጲላጦሳ ጌሽዴ ኣሂን ጫርቃባር ቃቻሪ ሹች ቦኪኖ ጎሪ ጋርታ ዱኪዴ ኢናፖ ዊራ ቤሲን ይብጻንዳብ ጎርምፖ ቲን ጴች ሹች ፍርሲዴ።

*ጌሻ ማጻፋ ታሪካ፦ ማቶሳ 27፡27-61፤ ማርቆሳ 15፡16-47፤ ሉቃሳ 23፡26-56፤ ዋኒሳ 19፡17-42።*

## 41. ጾሳዲ ዬሱሳ ዓይቃ ጋርታፖ ዲንዴ

https://openbiblestories.org/l/bst/story-41/

![](https://cdn.door43.org/obs/jpg/360px/obs-en-41-01.jpg)

ዎታዴራን ዬሱሳ ሶቲኖፖ ዎሃ ኣማንባሶ ኣይሁዳን ቲኒዛን ጲላጦሳኮ «ይ ናሳ ማቃ ማቂዛ ዬሱሲ ዓይዚ ቃማፖ ዎሃ ዓይቃ ጋርታፖ ዲንዲሬ ጌይኔ ኢ ታማራን ኣህን ዉቃካይፌን ዓይቃ ጋርታፖ ዲንዲዴ ጋካይፌን ኤራንዳቦ ፌቲ ኣስ ጎርን ናጋንዳቦ ኮሽሬ ጌይዴ።

![](https://cdn.door43.org/obs/jpg/360px/obs-en-41-02.jpg)

ጲላጦስ «ፔቲ ፔቲ ዎታዴራን ኤካሪ ጎሪን ይንታብ ዳንዳኢንቲኖንዲፌን ናጋምፔን ዎቲብቴ» ጌይዴ። ይኮታቦ ጎርን ጋርታ ጌላዝ ካሪን ጋልዳ ሹችን ጋልዳ ማይቴማ ጋዳሪ ኣህን ኦናካ ዉቃካይፌን ኤራንዳቦ ኢና ዎታዴራንስ ኣቂስዴ።

![](https://cdn.door43.org/obs/jpg/360px/obs-en-41-03.jpg)

ዬሱሲ ሶቲንቲኖፖ ዎሃ ዎ ቃምንዳ ሳንባታ ኣይሁዳን ይና ኢዝ ቃምባራ ጎሪን ጋርታ ሉካንቦ ዳንዳኢባሴ ይኮታቦ ሳንባታ ቃምንፖ ዎሃ ጌሺ ጌላፋ ዎይልን ማጫን ኢ ኣይሺን ጋልዳ ጉጃ ሺታ ፋቻንዳቦ ዬሱሳኪ ጎሪን ጋርታ ሉካንዳቦ ጊጊነቲዴ።

![](https://cdn.door43.org/obs/jpg/360px/obs-en-41-04.jpg)

ኢንቲ ኣባካር ቆፓካይዶን ጴች ሳዚ ኤንኢዴ ዜልንፌን ፎኢዛ ኪታንቾ ኣፋፎ ቤንቲዴ ጎሪን ጋርታ ጌላዝ ካርን ካጚኖ ሹችን ፊርሳሪ ኢዚ ጋልዳ ዶኢዴ ጎሪን ናጊዛን ዎታዴራን ኢጫሪ ዓይቂኖ ኣሳን ፌን ማቃሪ ሳዛ ጋልዳ ኬዲዴ።

![](https://cdn.door43.org/obs/jpg/360px/obs-en-41-05.jpg)

ማጫን ጎርንኮን ዬልምባራ ኪታንቻዲ ኢንፍታኮ «ኢጫፒቴ ዬሱሲ ዓይዲ ባዬ ኪን ዲንድሬ ጋሪ ሶልኖዲፌን ዓይቃ ጋርታፖ ዲንድኔ ጎርን ኮሺንቻር ቤቂቢቴ» ጋር ሶልዴ። ኣህንዳ ኢና ባዬ።

![](https://cdn.door43.org/obs/jpg/360px/obs-en-41-06.jpg)

ኢናፖ ኪታንቻዲ ማጫንኮ «ሉካሪ ዬሱሳ ዓይቃ ጋርታፖ ዲንድኔ ይንታፖ ቲንታር ጋልላ ሉኪሬ ጋር ኢ ታማራንቦ ሶልብቴ» ጋር ሶልዴ።

![](https://cdn.door43.org/obs/jpg/360px/obs-en-41-07.jpg)

ማጫን ኢቺባርኬ ማ ዎይልን ኡፋይስ ባር ኩሚዴ ይና ኮሽ ሶልንዳ ኢ ታማራንቦ ሶላንዳቦ ዎባር ሉኪዴ።

![](https://cdn.door43.org/obs/jpg/360px/obs-en-41-08.jpg)

ማጫን ይና ኮሽ ሶልን ኢ ታማራንቦ ሶላንዳቦ ሉኪሙታ ዎዶን ዬሱሲ ኢንታባር ቤንቲዴ ኢንታሬ ኢብ ማኪቲዴ ዬሱሲ ኢንታኮ «ኢጫፊቴ ጋሊላ ሉኪኖን ኢ ታማራንቦ ሶልብቴ ኢና ታና ቤቂሬ» ጌይዴ።

*ጌሻ ማጻፋ ታሪካ፦ ማቶ 27፡62-28፡15፤ ማር 16፡1-11፤ ሉቃ 24፡1-12፤ ዋኒሳ 20፡1-18።*

## 42. ዬሱሲ ፉዳ ኣፋ ማቂዴ

https://openbiblestories.org/l/bst/story-42/

![](https://cdn.door43.org/obs/jpg/360px/obs-en-42-01.jpg)

ዬሱሲ ዓይቃ ጋርታፖ ዲንድኖ ቃምን ኢ ታማራን ጋርታፖ ናምኣም ኢና ላፊ ጋልዳ ካታምን ጋርታ ሉኪሙታ ዎ ሉካዝምባራ ዬሱሳ ጋልዳ ዬልኖ ባዝን ሶልንቲዴ ኢያሬ ማሳ ማቂኖን ታስፋ ጋዲኔ ዎቲናካሬ ዚቃንታ ኢ ዓይቂዴ ዓቲ ማጫን ማቃር ሼምፓ ባር ማቂኔ ጌይዴ ናምኣን ኢ ታማራን ኣማናንዳቦ ኮሻዝ ባዝን ኤራካዬ።

![](https://cdn.door43.org/obs/jpg/360px/obs-en-42-02.jpg)

ዬሱሲ ኢንታኪ ኡካሪ ኢንቲባር ዎልኣ ዬ ኤዴ ዎቲናካሬ ኢንቲ ኢያ ኤራካዬ ኢንቲ ኣብዝ ጎይ ሶልንቲሙታ ዎኮ ኢንታ ኦይጪዴ ኢንታሬ ዝቃንታ ኣኖ ሳምንታ ጋርታ ዬሱሲ ፌኖ ጋልዳ ዎቲንቶኖ ጋራምስዝ ባዛን ዎይ ሶልዴ ሩሳሌማ ማቂኖ ባዛን ኤርባሶ ዛቃባር ሶልዛዲፌን ቆፒዴ።

![](https://cdn.door43.org/obs/jpg/360px/obs-en-42-03.jpg)

ኢናፖ ዬሱሲ ማሳ ጎይ ጾሳ ቃላ ሶልኖን ኢንታብ ብላር ሶልዴ ማሳ ሜታ ኤካዝንዶ ዎንታዝንዶ ዎቲናካሬ ዓይዝ ቃምባር ዲንዳዝንዶ ናባን ሶልኖ ሶልኖ ባዛን ኢንታብ ኤልቂ ዎቲዴ ናምኢ ኣሳን ኣቃንዳብ ቆፒኖ ካታምን ዬላሪ ሳዝን ቃማንዳብ ዬሊንዶን።

![](https://cdn.door43.org/obs/jpg/360px/obs-en-42-04.jpg)

ናምኢ ኣሳን ፌ ባር ኣቃምፔን ኢብ ሶልዴ ኢያር ኢንታ ሶልን ሲሲካሪ ኤኤ ጌይዴ ዎልኣ ኢራታ ሞንዳቦ ጊጊንቲኖ ኬልባራ ዬሱሲ ኡፊን ዲንሪ ጾሳ ጋላቲዴ ኢናፖ ዳሪስዴ ኢንቲ ኢናፖ ኢ ዬሱሳ ማቂኖን ኤሪዴ ዎቲናካሬ ኔ ይና ኢዝባራ ኢ ኢንታ ኣፊን ጋልዳፖ ጌምቲዴ።

![](https://cdn.door43.org/obs/jpg/360px/obs-en-42-05.jpg)

ናምኢ ኣሳን «ዬሱሳ ጾሳ ቃላ ኑብ ብርቻዝምባራ ኑቡዲን ጋርታ ምቻዝንዳሪ ዓኒ ኮታቦ ዎሎልኣ ይዝ ጌይዴ ኤልባራ ሩሳሌማ ማቂዴ ዬሊኖ ኬልምባራ ኢ ታማራንኮ «ዬሱሲ ፋጺኔ ኑኒ ኢያ ቤቂዴ» ጋር ሶልዴ።

![](https://cdn.door43.org/obs/jpg/360px/obs-en-42-06.jpg)

ኢ ታማራን ሶልንቲሙታ ዎ ኪልን ጋርታ ዬሱሲ ኢንቲ ጊዳ ቤንታሪ «ሳርቲ ይንታብ ማቆ» ጌይዴ። ኢ ታማራን ኣባኪ ኢንታኪ ኣያና ማይጺዴ ዎቲናካሬ ዬሱሲ ኢንታኮ «ኣባቢ ኢጪራ፤ ኣባቢ ሲራ ቴ ኩሻንኬ ቶሃን ቤቂብቴ ኣያኖ ቴፌን ጋሊ ኢብ ባዬ» ጌይዴ። ኣያና ማቃካዮን ኤራንዳቦ ሙይዝ ባዝ ፌብ ኢማምፔን ኢንታ ኦይጭዴ ኢንታሬ ሚችኖ ሞላ ፌታን ዱ ኢምን ሙይዴ።

![](https://cdn.door43.org/obs/jpg/360px/obs-en-42-07.jpg)

ዬሱሲ ኢንታኮ «ጾሳ ቃላ ጋልዳ ቴ ጎይ ጻፊንቲኖ ባዛን ዎይ ፎቲንቲሬ ጋራ ሶልኔ» ጌይዴ። ይና ኢዝባራ ጾሳ ቃልን ኢንታብ ጌልምፔን ኢንታ ቡዲን ፊሪቂዴ «ማሳዲ ሜታ ኤካዝንዶ ዓይቃዚንዶ ዓይዚ ቃምባር ዓይቃ ጋርታፒ ዲንዳዝንዶ ጋዝን ጻፊንቲኖፖ ዎይልን ላይ ጋምኢኔ» ጌይዴ።

![](https://cdn.door43.org/obs/jpg/360px/obs-en-42-08.jpg)

ማ ማጻፋ ጋልዳ ኢንታ ናጋሪን ኢንታብ ኣቶ ጌይንታምፔን ኣሲ ዎይ ማርቲ ጌላምፔን ኢ ታማራን ሶላዚዳ ጻፊንቲኔ ኢንቲ ሩሳሌማፒ ኤሪ ዓኖ ዎቲሬ ኢናፖ ዎይ ቤሲ ዎርዣ ኮች ዎይ ሉኪሬ ኢንታ ባዛን ይንቦ ማርካ።

![](https://cdn.door43.org/obs/jpg/360px/obs-en-42-09.jpg)

ዓኒፖ ጌዳ ኦይዲ ታጳ ቃሚ ዬሱሲ ዎይልን ቶህ ፌ ታማራንቦ ቤንቲኔ ፔቲ ቶህ ኢሽን ጼታፖ ሺዝ ኣሳንቦ ፔቲ ቶህ ቤንቲኔ ሼምፓ ባር ማቂኖን ዎይልን ጎይ ባራ ፌ ታማራንቦ ኤርንቲኔ ጾሳ ካቲቲ ጎይ ኢንታ ታምርሲዴ።

![](https://cdn.door43.org/obs/jpg/360px/obs-en-42-10.jpg)

ዬሱሲ ፌ ታማራንኮ «ሲልጣና ዎይ ኣፋሬ ሳዳሬ ታብ ኢምንቲኔ ይኮታቦ ሉካሪ ኣምናካዮ ኣሳን ዎይ ባባ፤ ናኣ፤ ጺላ ኣያና ሱም ባር ጻማቂ ሙታ ኪቲኖ ባዛን ዎይ ዎታምፔን ታማርስሙታ ቴ ታማሪ ማሂብቴ ታኒ ዎይ ጋላስ ይንታባር ዶኣዝን ቆፒብቴ።

![](https://cdn.door43.org/obs/jpg/360px/obs-en-42-11.jpg)

ዬሱሲ ዓይቃ ጋርታፖ ዲዲኖፖ ኦይዲ ታጳ ቃማፖ ዎሃ ፌ ታማራንኮ «ጺላ ኣያና ይንቲ ጋልዳ ዬይኖ ኬልባራ ታባብዲ ዎልቃ ይንታብ ኢምዝ ዲራስ ሩሳሌማ ጋምኢብቴ» ጌይዴ። ኢናፖ ዎሃ ዬሱሲ ፉዳ ኣፋ ኬሲኪዴ ሻሮ ዬሪ ኢንታ ኣፊን ጋልዳፖ ጌምዴ ዬሱሲ ኮችንቲ ዎይ ኣቂሳንዳቦ ጾሳቦ ኡሻቺ ጎይ ዶኢዴ።

*ጌሻ ማጻፋ ታሪካ፦ ማቶ 28፡16-20፤ ማር 16፡12-20፤ ሉቃ 24፡13-53፤ ዋኒሳ 20፡19-23 ሓዋ 1፡1-11።*

## 43. ጌሻ ኬ ኤንቲዴ

https://openbiblestories.org/l/bst/story-43/

![](https://cdn.door43.org/obs/jpg/360px/obs-en-43-01.jpg)

ዬሱሲ ፉዳ ኣፋ ማቂኖፖ ዎሃ ኢ ታማራን ዬሱሲ ኢንታ ኪቲኖንዲፌን ሩሳሌማ ጋምኢዴ ኢና ዎ ኣማንዝ ኣሳን ቃጻካይ ጌሻንዳብ ሺቂዴ።

![](https://cdn.door43.org/obs/jpg/360px/obs-en-43-02.jpg)

ኣይሁዳን ላይ ላይ ባራ ፋስጋ ባኣላፖ ዎሃ ኢሺን ታጳ ቃም ጴንጣቆስታ ጌይ ጼጊንታዝን ኮሻዝ ቃሚን ቦንቺሬ ጴንጣቆስታ ኣይሁዳን ካ ሺሻዝ ባል ቦንቺዝ ቃሜ ኣይሁዳን ጴንጣቆስታ ዎል ፌታን ማቃሪ ቦንቻንዳቦ ሳዚ ኤሻ ዎይ ጋልዳፖ ሩሳሌማ ዬይሬ ዓኒ ላይን ጋርታ ዬሱሲ ፉዳ ኣፋ ማቂኖፖ ታብዛ ቃማፖ ዎሃ ጴንጣቆስታ ኬል ማቃዴ።

![](https://cdn.door43.org/obs/jpg/360px/obs-en-43-03.jpg)

ኣማንኖ ዎይ ዎል ፌታን ሺቃሪ ዎዶን ኢንቲ ቆፓካይዶን ኢንቲ ዎ ኬንዳ ጴች ጊርቂ፤ ሚን ኣይጊባር ኩማዴ ኢናፖ ኣማኒኖን ዎይን ቆማ ጋልዳ ታማ ላ ፌን ማይጽዝ ባዝ ቤንቲዴ ዎይን ጺላ ኣያና ባር ኩማር ሜላ ኖና ባር ሶል ኤዴ።

![](https://cdn.door43.org/obs/jpg/360px/obs-en-43-04.jpg)

ሩሳሌማ ዎ ኣሳን ጊርቂዝ ባዝ ሲሲካሪ ኢና ዎ ባዝን ቤቃንዳቦ ዎይልን ኣስ ዬይዴ ኣማንዛን ጾሳ ታሚራታ ኦሳ ሶሊን ኣሳን ሲሲካሪ ይ ባዛን ፌኖና ባር ሶልንቲኖ ሲሲካሪ ጋራምንቲዴ።

![](https://cdn.door43.org/obs/jpg/360px/obs-en-43-05.jpg)

ፔቲ ፔቲ ኣሳን ኢ ታማራን ማሲቲኔ ጋር ኢንታ ኪዴ ዎቲናካሬ ጴጥሮስ ኤቃሪ ኢንታኮ «ታኮን ሲሲኪብቴ ዓን ኣሳን ማሲታካዬ ጾሳዲ ናባ ዩኤላባር ዉርስ ቃሚን ጋልስ ቴ ጺላ ኣያና ኢንታ ጋልዳ ዉላንዳ ጌይኖ ቲምቢታ ሶላዲ ዓኒባር ፎቲንታሬ።

![](https://cdn.door43.org/obs/jpg/360px/obs-en-43-06.jpg)

«ኢሲሬላ ኣሳን ዪንቲ ቤቂኖንዲፌንኬ ቲኒታር ዪንቲ ኤራዚዲፌን ዬሱሲ ጾሳ ዎልቃባራ ዎይሊን ጴች ማላንኬ ጋራምሲዝ ባዝ ኦኖ ኣሴ፤ዎቲናካሬ ዪንቲ ኢያ ሶቲዴ።

![](https://cdn.door43.org/obs/jpg/360px/obs-en-43-07.jpg)

«ዬሱሲ ዓይቂናካሬ ሜላኣቲን ጾሲ ኢያ ዓይቃጋርታፖ ዲንኔ ዪዲ ጌሺቲንዳ ጎሪ ጋርታ ዎቃምፔን ኣሻባሴ ጋዝ ቲምቢታ ሶሊን ፎቲንታምፔን ጾሳዲ ዬሱሳ ሼምፓባር ማሃሪ ዲንኖን ኑኒ ማርካ»ጌይዴ

![](https://cdn.door43.org/obs/jpg/360px/obs-en-43-08.jpg)

«ዬሱሲ ዓት ጾሳ ባባቦ ኡሻች ጎይ ሾክ ጋር ዎዼ ማ ዬሱሲ ኪን ታስፋ ኢብ ኢሚኖንዲፌኒ ጺላ ኣያና ሚሺኔ ዓት ዪንቲ ቤቂዛንኬ ዪንቲ ሲስኪዛን ባዛን ጺላ ኣያናዳ ዎቲኖዲ።

![](https://cdn.door43.org/obs/jpg/360px/obs-en-43-09.jpg)

«ዬሱሳ ዪንቲ ኢያ ሶቲዴ ዎቲናካሬ ጾሲ ዬሱሳ ጎዲኬ ማሳ ማሂኖን ኪንባር ኤርብቴ»ጌይዴ

![](https://cdn.door43.org/obs/jpg/360px/obs-en-43-10.jpg)

ጴጥሮሳኮን ሲስኪሙታ ዎ ኣሳን ማ ኢንቲ ፌ ሶሊኖባዛንባራ ኢንታብ ዎይሊን ሲስኪንታዴ፤ዪኮታቦ ጴጥሮሳኬ ዬሱሳ ታማራን«ቴ ኢሺንታን ኑ ኣብዝ ዎታኔ ? ጋሪ ኦይጪዴ።

![](https://cdn.door43.org/obs/jpg/360px/obs-en-43-11.jpg)

ጴጥሮሲ ኢንታቦ «ጾሲ ዪንታ ናጋሪን ኣቶ ጋምፔኒ ዎይን ማሪቲ ጌላሪ ዬሱስ ኪርስቶሳ ሱምባር ጻማቂንቲብቴ ።ዪኒፖ ዎሃ ኢ ጺላ ኣያና ኪልሲን ማ ዪንታብ ኢምሬ።

![](https://cdn.door43.org/obs/jpg/360px/obs-en-43-12.jpg)

ዓይዚ ሙኩላ ማቂዝ ኣሳን ጴጥሮሲ ሶልኖን ኣማናሪ ዬሱሳ ታማሪ ማቂዴ።ኢንቲ ጻማቂንታሪ ሩሳላማ ዎ ጌሻኬምባራ ዎልኣ ፔታን ማቂዴ።

![](https://cdn.door43.org/obs/jpg/360px/obs-en-43-13.jpg)

ኢ ታማራን ቃጻካይዶር ሃዋራታን ቲምርቲን ሲስኪዴ ዎልኣ ጋምኢዴ፤ሙይዴ፤ፔታናዲ ሜላቦ ጌሺዴ ዎልኣ ማቃር ጾሲ ኦኖ ባዛብ ጾሳ ጋላቲዴ፤ፌብ ዎ ባዚን ዎይ ዎል-ዎልኣ ፋጊንቲዴ ዎይ ኣሲ ኢንታባዝ ኮሽ ቆፒሬ ዎይ ጋላስ ዎይሊን ኣሳን ኣማና ማቂዴ

*ጌሻ ማጻፋ ታሪካ ሃዋራታን ኦሳ 2*

## 44. ጴጥሮሳኬ ዋኒሳክ ጌሽዝ ናሳ ፋ

https://openbiblestories.org/l/bst/story-44/

![](https://cdn.door43.org/obs/jpg/360px/obs-en-44-01.jpg)

ፔቲ ጋላስ ጴጥሮሳኬ ዋኒሳክ ጾሳ ኬ ጋርታ ሉኪሬ ጾሳ ኬን ካሪን ጋልዳ ኡኪንዶሪ ሚሽ ጌሽዝ ፔቲ ዎብ ኣስ ቤቂዴ።

![](https://cdn.door43.org/obs/jpg/360px/obs-en-44-02.jpg)

ጴጥሮስ ናሳ ዎባ ቤቃሪ ኢኮ «ኔብ ኢምዝ ምሽ ኣካር ታኪ ባዬ ታብ ዎ ባዚን ኢማንዳ ጋር ዬሱሲ ሱምምባር ዲንዳር ዬ ብሪንታቤ» ጌይዴ።

![](https://cdn.door43.org/obs/jpg/360px/obs-en-44-03.jpg)

ኤልባራ ጾሳዲ ናሳ ዎባዳ ፋዴ ኢያሬ ዲንዳሪ ዬኬ ዶን ጾሳዳር ጋልቲ ኤዴ ጾሳ ኬ ኣጺራ ጋርታ ዎ ኣስን ጋርምንቲዴ

![](https://cdn.door43.org/obs/jpg/360px/obs-en-44-04.jpg)

ዎርዣሬ ፋጺኖ ናሳ ቤቃንዳቦ ኤልር ሺቂዴ ጴጥሮሲ ኢታኮ «ዓ ናሳ ፋጺኖቦ ኣባብ ይንቲ ጋራምንቲራ? ኑኒ ኑ ዎልቃ ባራ ዎይ ኮሽቲ ባር ፋካዬ ይኒፓሬ ኣናሳ ፋጺኖዳ ዬሱሳ ዎልቃባርኬ ዬሱሲ ኢሚኖ ኣማና ባራ» ጌይዴ።

![](https://cdn.door43.org/obs/jpg/360px/obs-en-44-05.jpg)

«ዬሱሳ ዎምፔን ሮማ ጋዲን ኣቂሲዛቦ ሶልኖን ዪንታ ሼምፒ ኤኖ ይንቲ ዎዴ ዎቲናካሬ ጾሲ ዓይቃ ጋርታፖ ኢያ ዲንዴ ዪንቲ ዎታዝ ባዝ ዪንታ ዓይታር ጌላካይካሬ ማሳዲ ሜታ ኤካዚን ማ ዓይቃዝን ሶልንቲኖ ባዛን ፎቲንታዳቦ ጾሳዲ ዪንታ ዎታዝምባራ ኤኪዴ። ይኮታቦ ይንታ ናጋሪን ሜጪንታፌን ዓቲ ማርቲ ጌላር ጾሳኮ ማቂብቴ» ጌይዴ።

![](https://cdn.door43.org/obs/jpg/360px/obs-en-44-06.jpg)

ጾሳ ኬን ቲንዛን ጴጥሮሳኬ ዋኒሳ ሶልሙታ ዎ ባዛን ባራ ዎይልን ጎይልዴ ዪኮታቦ ኢንታ ኤሪ ቃሺ ኣል ጌልሲዴ ዎቲናካሬ ዎይልን ኣሳን ጴጥሮሳ ኪቲን ኣማንዴ ዬሱሳ ኣማኒኖ ኣሳን ፋይዲዴ ኢሺን ሙኩላ ማቃፌኔ።

![](https://cdn.door43.org/obs/jpg/360px/obs-en-44-07.jpg)

ኢዝ ዎን ኣይሁዳን ቲንዛን ጴጥሮሳኪ ዋኒሳኪ ቄሳ ኣላቃዲኬ ሜላን ሃይማኖታ ቲንዛን ኤሄይዴ ጴጥሮሳኬ ዋኒሳኬ «ይ ዎባ ናሳ ኣ ዎልቃ ባር ፋቴ» ጋር ኦይጪዴ።

![](https://cdn.door43.org/obs/jpg/360px/obs-en-44-08.jpg)

ጴጥሮሲ ኢንታኮ «ይ ናሳዲ ማሳ ዬሱሳ ዎልቃ ባር ፋጻሪ ኢንቲቲን ኤቂኔ ዪንቲ ዬሱሳ ሶቲኔ ጾሳዲ ዎቲናካሬ ማሃር ዲንዴ ዪንቲ ኢኮን ሲሲካካዬ ዎቲናካር ዬሱሳ ዎልቃባር ማቃካይ ኣቲጌን ሜላ ጎይ ባዬ።

![](https://cdn.door43.org/obs/jpg/360px/obs-en-44-09.jpg)

ጴጥሳኬ ዋኒሳክ ዎይሊን ኢጫካይዶር ሶሊኖ ኮታቦ ዪን ቲንዛን ዲርጭ ጌይዴ ኣባ ጌይን ይን ኣሳን ታማራካዮ ሜሎ ኣስ ማቂኖን ቤቃንዳብ ዳንዳኢኔ ዎቲናካር ዪና እ ኢዝ ኬልምባራ ዪን ኣሳን ዬሱሳ ባር ዎን ኤልቂ ዎቲዴ ጴጥሮሳኬ ዋኒሳክ ኢንቲ ኢሺቺኖፖ ዎሃ ኢንቲ ሉካምፔን ጋር ኣሺዴ።

*ጌሻ ማጻፋ ታሪካ፦ ሃዋራታን ኦሳ 3፡1-4፤ 22*

## 45. ፊልጶሳኬ ኢቶጳ ጋዶ ባላሲልጣናዳክ

https://openbiblestories.org/l/bst/story-45/

![](https://cdn.door43.org/obs/jpg/360px/obs-en-45-01.jpg)

ሚኖ ጌሻኬን ጋርታ ዎ ቲንዛን ጋርታፖ ፔታናዲ ኢሲጤፋኖሳ ጌይ ጼጊንታዛ ናሳዳ ኢብ ኮሽ ሱም ዎ ጺላ ኣያናኬ ኢቺት ኩሚኖ ኣሴ ኢስታፋኖስ ዎይልን አታሚራታ ኦኒ ኣሳን ዬሱሳ ኣማናፔን ኮሻባዝ ሶሊ ሺሺዝ ኣሴ።

![](https://cdn.door43.org/obs/jpg/360px/obs-en-45-02.jpg)

ፔቲ ጋላስ ኢስጣፋኖስ ዬሱሳ ጎይ ሶሊ ታማራሳምባራ ዬሱሳ ባር ኣማናካዮ ፔቲ ፔቲ ኣሁዳን ኢስጣፋኖሳባር ዎች ኤዴ ዎይልን ጎይላሪ ኢስጣፋኖሳ ጎይ ሃይማኖታ ቲኒዛንኮ ማቃር ሶሊዴ «ሙሲ ጎይኬ ጾሳ ጎይ ኢታ ባዛን ሶላምባራ ኑ ሲሲኪኔ» ጌይዴ ይኮታቦ ሃይማኖታ ቲኒዛን ኤዴ ማ ሜላ ዎርዳ ማርካን ኢስጥፋኖሳ ጎይ ማቃር ሶሊኖ ቄሳ ኣላቃንኬ ሜላን ኣይሁዳን ቲንዛንኮ ኤሄይዴ።

![](https://cdn.door43.org/obs/jpg/360px/obs-en-45-03.jpg)

ቄሳ ኣላቃዲ ኢስጣፋኖሳኮ«ዓን ባዛን ኪን ?ጋር ኦይጪዴ፤ኢስጣፋኖሲ ኣብራማ ኬላፖ ኤር ዬሱሳ ኬል ዬላር ጾሲ ዎቲኖ ዎይሊን ጴች ጴች ባዛን ዪፓሬ ጾሳ ዎርዣ ማቂ ማቃር ጾሳ ቲን ዉጪቲኖን ኤልቅ ዎታሪ ማልሳ ኢሚዴ።ኢናፖ ኢንታኮ «ዪንቲ ጋና ዛቢሳን፤ዉጫ ማቂኖ ዎርዣን ኪን ሚኖ ዪንታ ባቢንታንፌኒ ጾሳኮን ኢጺኖንዲፌንኬ ናባን ዎኖንዲፌን ዎይ ጋላስ ጺላኣያና ዪንቲ ኢጺሬ ፤ዪንቲ ዎቲናካሬ ኢንታፖ ሺ ኢታባዝ ኦዴ ዪንቲ ማሳ ዎዴ።

![](https://cdn.door43.org/obs/jpg/360px/obs-en-45-04.jpg)

ሃማኖታ ቲኒዛን ዪኖ ሲስካሪ ኢንታ ዋይን ዱሊዝ ዲራስ ሾክ ጌይኖ ቆባር ዉይሳሪ ዎይሊን ጎይልዴ ኢስጣፋኖሲ ካታሚንፖ ጎቺ ዛና ኬሳር ዎንዳብ ሹችባር ቆጺዴ።

![](https://cdn.door43.org/obs/jpg/360px/obs-en-45-05.jpg)

ኢስጣፋኖሲ ዓይቃ ጋልዳ ዎዶን «ዬሱሶ ቴ ሼምፒን ኤካቤ» ጋር ኤኡይስዴ ኢናፖ ፌ ቡቂምባራ ቡቂንታሪ «ጎዳጎ ዓና ኢንታ ናጋርን ፋይዳፌ» ጋር ማቃር ዉይስዴ ኢናፖ ዓይቂዴ።

![](https://cdn.door43.org/obs/jpg/360px/obs-en-45-06.jpg)

ሳኦላ ጌይዛ ናኢቲዲ ኢስጣፋኖሳ ዎኖ ኣሳን ባር ዎልኣ ዞሪንታር ኢጋልዳ ሹች ጁጊዳምባራ ኢ ኢንታ ኣፊልን ናጊሬ ይና ኢዝ ቃምን ሩሳሌማ ዎ ዎይልን ኣስዬሱሳ ዎሂን ዬዝ ኣሳን ዳስ ኤዴ ይኮታቦ ኣማንዛን ሜላቤስ ዎጺዴ ዎቲናካሬ ዳስ ዎካሬ ሉኪኖ ቤስ ዎይ ዬሱሳ ባዝ ሳባኪ ታማሪስዴ።

![](https://cdn.door43.org/obs/jpg/360px/obs-en-45-07.jpg)

ፊሊጶሳ ጌይዛ ዬሱሳ ታማሪዶር ይና ዳስን ኬልባራ ሩሳሌማፖ ዎጺኖ ኣማንዝ ኣሳን ጋርታፖ ፔታናዳ ኢ ሳማራ ሉካር ዬሱሳ ጎይ ሳባኪ ታማርሲን ዎይልን ኣሳን ፋጺዴ ይኒፖ ዎሃ ፌቲ ጋላስ ጾሳ ቲናፖ ኪቲንቲኖ ኪታንቻዲ ኣባኪ ባዮ ቤስ ዎ ፔቲ ጎይ ሉኪስቶ ጋር ጲሊጶሳብ ሶልዴ ጲሊጶስ ጎይን ዬ ጋልዳ ዎዶን ኤርንቲኖ ኢቶጳ ጋዳ ዎ ፔቲ ኣስ ዶሪ ኢያሬ ባሌ ስሊጣና ዶሪ ሳራጋላ ጋልዳ ሉካምባራ ቤቂዴ ናሳ ኢኮ ሉካር ኢባር ሶልንታምፔን ጺላ ኣያናዲ ጲሊጶሳብ ሶሊዴ።

![](https://cdn.door43.org/obs/jpg/360px/obs-en-45-08.jpg)

ጲኂጶስ ሳራጋሊንኮ ኡካር ኢቶጳ ጋዶ ናሳዲ ናባ ኢሳሳ ጻፊኖን ጋርታፖ ፔቲ ኪፊልን ናባባምራ ሲስኪዴ ናሳዲ «ሹኪንቲዝ ዶርፌን ዎዴ ዶር ዝም ዶኣዝንዲፌን ፔቲባዛር ሶላካዬ ፊርዳባር ኤኪንቲዴ ቦንቻካዬ ሼምፓባሮ ሳዝን ጋልዳፖ ፓይዴ» ጋር ናባቢዴ።

![](https://cdn.door43.org/obs/jpg/360px/obs-en-45-09.jpg)

ፊሊጶስ ኢቶጳ ጋዶ ናሳኮ «ናባዚን ኔቆፓራ?» ጋር ኦይጪዴ ኢቶጳ ጋዶ ናሳዲ «ዋኣኬ ታብ ብርቻር ሶሊዝ ኣስ ባይዶን ቆፓንዳብ ዳንዳኣባሴ ዋዴ ኔ ዓይ ዬራ ታላፊ ዶኣቤ ኤሳሲ ጻፊኖዳ ኢ ፌ ቆምንኮን ጻፊና ዎይ ሜላ ኣሳ ባዝ ጻፊና?» ጌይዴ

![](https://cdn.door43.org/obs/jpg/360px/obs-en-45-10.jpg)

ኤሳሲ ጻፊንዳ ዬስሲ ጎይ ማቂኖን ፊሊጶስ ኢቶጳ ጋዶናሳብ ባርቻር ሶልዴ። ማ ፊሊጶስ ዬሱሳ ጎይ ሶሊኖን ኮሻ ሶላ ሶላንዳቦ ሜላን ጾሳ ቃላ ኪፊላን ዎ።

![](https://cdn.door43.org/obs/jpg/360px/obs-en-45-11.jpg)

ፊልጶሳኬ ኢቶጳ ጋዶ ናሳዲኬ ዎልኣ ዬሙታ ዋ ዎ ቤስ ዬልዴ ኢቶጳ ጋዶ ናሳዲ ዓዲሼ ዋ ዓይዲ ዎ ታኒ ጻማቂንታኖ? ጌይዴ ሴሬጌሊን ዋዝ ናሳ ሴሬጌሊን ኤቂሳምፔን ሶሊዴ።

![](https://cdn.door43.org/obs/jpg/360px/obs-en-45-12.jpg)

ይኮታቦ ዋንኮ ሶፊዴ ፊሊጶሳሬ ኢቶጳ ጋዶ ናሳዳ ጻማቂዴ ዋን ጋርታፖ ኬሲኪኖፖ ዎሃ ጺላ ኣያኖ ኢቆፓካይዶን ፊሊጶሳ ሜላ ጎይ ኤጚዴ ዬሱሳ ጎይ ኣሳንቦ ሶላዚን ኣሻካዬ።

![](https://cdn.door43.org/obs/jpg/360px/obs-en-45-13.jpg)

ኢቶጳ ጋዶ ናሳዲ ዬሱሳ ኤርኖ ኮታቦ ኡፋይቲ ሙታ ዶር ፋጋዳ ማቂ ሉካንዳቦ ዬ ኤዴ።

*ጌሻ ማጻፋ ታሪካ፦ ሓዋራታን ኦሳ 6፡8-8፡5፤ 5፡26-40።*

## 46. ጳዉሎሲ ኣማና ማቂዴ።

https://openbiblestories.org/l/bst/story-46/

![](https://cdn.door43.org/obs/jpg/360px/obs-en-46-01.jpg)

ሳኦል ኢስጣፋኖሳ ዎኖ ኣሳን ኣፊላ ናጊዝ ናኢቲዳ ዬሱሳ ኣማናካዬ ይኮታቦ ኣማንዛን ዳኪሬ ኣቲናንሬ ማጫን ኤር ቃሽ ኣል ሚሻንዳቦ ሩሳሌማ ኣሳን ኣል ካሪን ካርን ሉኪሬ። ቄሳ ኣቃዲ ኢና ዎ ኣማንኖን ኤሪ ሩሳሌማ ማሃር ኤሄምፔን ዴማስቃ ካታማ ሉካምፔን ሳኦላ ሚሺዴ።

![](https://cdn.door43.org/obs/jpg/360px/obs-en-46-02.jpg)

ሳኦል ዴማስቃ ሉካንዳብ ዬ ጋልዳ ዎዶን ኣፋፎ ጌሽ ፎኢን ኢቡጊዲምባር ዎይ ፎኢሲዴ ኢያሬ ሳዳ ኬዲድ ፔቲ ኣስ «ሳኦል ሳኦል ኣባብ ኔ ታና ዳካራ?» ጌይን ሲሲኪዴ ሳኦል «ጎዳዶ ኔ ኦኖ?» ጋር ኦይጪዴ ዬሱሲ ኢኮ «ታኒ ዬሱሳ ኔን ታና ዳኪሙታ ዎ» ጋር ማሂዴ።

![](https://cdn.door43.org/obs/jpg/360px/obs-en-46-03.jpg)

ሳኦሊ ዲድኖፖ ዎሃ ቤቃንዳብ ኢያ ጋማዴ ኢባር ዎ ኢላጋን ኢያ ቲናር ዴማስቃ ኤጚዴ ሳኦሊ ኣይዚ ቃሚ ኩም ኣባኪ ሞካይ ኡሽካካይ ጋምኢዴ።

![](https://cdn.door43.org/obs/jpg/360px/obs-en-46-04.jpg)

ዳማስቃ ሃናና ጌይዛ ዬሱሳ ታምሪዶር ዎ ጾሳዲ ሃናናቦ «ሳኦሊ ዎ ኣልን ጋርታ ሉካቤ ማቃር ኢቤቃምፔን ኔኦሊ ኩሽን ኢጋልዳ ጋዳር ጌሻቤ» ጌይዴ። ሃናኖ ዎቲናካሪ «ጎዳዶ ይ ናሳዲ ኣማንዝ ኣሳን ዎዛርፌን ዳኪሙታ ዎኮ ቴ ሲሲኪኔ» ጌይዴ። ጾሳዲ «ሉካቤ ኣይሁዳንኬ ሜላን ዎርዛን ማቂኖንቦ ቴ ሱምን ሶላምፔን ቴ ኣያ ማራጺኔ ቴ ሱምን ኮታቦ ኢ ዎይሊን ሜታ ኤኪሬ» ጌይዴ።

![](https://cdn.door43.org/obs/jpg/360px/obs-en-46-05.jpg)

ይኮታቦ ሃናኖ ሳኦላኪ ሉኪዴ ፌ ኩሺን ኢጋልዳ ጋድር ኔን ዓይዲ ዬዚምባራ ኔባር ቤንቲኖ ዬሱሲ ዓቲ ኔን ማቃር ቤቃምፔንኬ ጺላ ኣያናባር ኩማምፔን ኔክ ታና ሚሽኔ» ጌይዴ ሳኦሊ ኤልባራ ቤቃንዳብ ዳንዳኢዴ ሃናናር ኢያ ጻማቂዴ ኢናፖ ዎሃ ሳኦሊ ፊሻር ሙይዴ ዎሊቃር ዲጚ ምጚዴ።

![](https://cdn.door43.org/obs/jpg/360px/obs-en-46-06.jpg)

ሳኦሊ ኤልባራ «ዬሱሲ ጾሳ ናኤ ጋር ዴማስቃ ዎ ኣዩዳንቦ ሶሊ ኤዴ ኣይሁዳን ኣማንዚ ኣሳን ይሳንዳቦ ኮይኖ ናሳ ዓት ማ ዬሱሳ ኣማንኖቦ ጋራሚንቲዴ ሳኦሊ ዬሱሲ ማሳ ማቂኖን ኤራር ኣይሁዳን ኣማንዴ።

![](https://cdn.door43.org/obs/jpg/360px/obs-en-46-07.jpg)

ዎይልን ቃማፖ ዎሃ ኣይሁዳን ሳኦላ ዎንዳቦ ቆፒዴ። ኢያ ዎንዳቦ ካታሚን ቡጊዲምባር ናጊዛንኮ ኣሳን ሚሽዴ ዎቲናካሬ ሳኦሊ ኢንቲ ቆፒኖን ሲሲኪዴ ኢላጋን ኢቡታምፔን ኢያ ማዲዴ ፔቲ ቃሚ ዳቻ ጋርታ ሚሻር ካታሚ ኣጺርን ጋልባር ሶብሲዴ ሳኦሊ ዴማስቃፖ ቡቲኖፖ ዎሃ ዬሱሳ ጎይ ሶላዚን ኣሻካዬ።

![](https://cdn.door43.org/obs/jpg/360px/obs-en-46-08.jpg)

ሳኦሊ ዬሱሳ ታማራን ባር ዬላንዳቦ ሩሳሌማ ሉኪዴ ኢንቲ ዎቲናካሬ ኢጪዴ ዪና ኢዝ ኬልምባራ ባርናባሳ ጌይዝዲ ኣማናዛዲ ሳኦላ ኪቲንቲኖ ኣሳንኮ ኤጛር ሳኦሊ ዴማስቃ ዎዛርታር ኣጫካይዶር ሳባኪኖኮ ሶሊዴ ኢናፖ ዎሃ ዬሱሳ ታማራን ሳኦላ ፌክ ኤኪዴ።

![](https://cdn.door43.org/obs/jpg/360px/obs-en-46-09.jpg)

ሩሳሌማ ዎ ዳስን ጋልዳፖ ዎጺኖ ፔታን ፔታን ኣምኒኖ ኣሳን ኣንጾካ ጋዝ ቤስን ጎቲ ሉካር ዬሱሳ ባዝ ሳባኪዴ ኣንጾካ ዎ ዎይልን ኣሳን ኣይሁዳ ኣስ ጊዳካዬ ዎቲናካር ቲንታር ዎይሊን ማ ኣማና ማቂዴ ባርናባሳኬ ሳኦላክ ይን ብርቲ ኣማንኖን ጉጃር ዬሱሳ ጎይ ታማርሳንስዳብኬ ጌሻ ኬን ሚንንዳቦ ኢና ሉኪዴ ዬሱሳ ባር ኣማንዛን ቲንታር ኣንጾካ ኣምንኖ ጌይንቲዴ።

![](https://cdn.door43.org/obs/jpg/360px/obs-en-46-10.jpg)

ፔቲ ጋላስ ኣንጾካ ዎ ኣማንኖን ጾሚሙታ ጌሽሙታ ዎዶን ጺላ ኣያናዲ «ኢንቲ ጼጊንቲኖ ኦሲን ኦምፔን ባርናባሳኬ ሳኦላክ ቆራር ኢምብቴ» ጌይዴ። ይኮታቦ ኣንጾካ ጌሻ ኬን ጋርቶ ጪጛሻን ባርናባሳብኬ ሳኦላብ ጾሳ ጌሽዴ ፌ ኩሽን ኢንታ ጋልዳ ጋዳር ኢንታብ ጌሽዴ ኢናፖ ሜላን ዎይልን ቤስ ዬሱሳ ጎይ ሶላዚን ኮሻ ሶሊን ሳባካምፔን ኪቲ ምሽዴ ባርናባሳኪ ሳኦላኪ ዱማ ዱማ ዎርዣ ካንታ ማቂኖ ኣሳን ታማርሲዴ ዎይልን ኣሳን ዬሱሳ ባር ኣማንዴ።

*ጌሻ ማጻፋ ታሪካ ፦ ሓዋራታን ኦሳ 8፤ 3፤ 9፡1-31፤ 11፡19-26፤ 13፡1-3።*

## 47. ጳዉሎሳኬ ስላሳኬ ፊልጲሱሳ ካታማ

https://openbiblestories.org/l/bst/story-47/

![](https://cdn.door43.org/obs/jpg/360px/obs-en-47-01.jpg)

ሳኦሊ ሮማ ካታ ኣቂሳዝ ጋዲን ጋርታ ዎይ ዬዝምባራ ሮማ ጋዶ ናሳዲ ኢሱምን ጳዉሎሳ ጌይ ጼጊ ኤዴ ፔቲ ጋላስ ጳዉሎሳኬ ኢላጋ ስላስኬ ዬሱሳ ጎይ ሶላዝን ኮሻ ሶሊን ሶላንዳቦ ፊልጶሳ ካታማ ሉኪዴ ኣሳን ጾሳ ጌሻንዳቦ ሽቂኖ ቤስ ካታሚንፖ ቡጊዲ ዋ ላፍ ዎ ቤስ ሉኪዴ ኢና ዛላ ባር ኣቃ ዎ ኣስን ልዲ ጋዚን ፔቲ ማጪን ዲጚዴ ኢዛሬ ጾሳ ካ ጾሳቦ ጎሽታዝ ኣሴ።

![](https://cdn.door43.org/obs/jpg/360px/obs-en-47-02.jpg)

ዬሱሳ ሶሊንቲዝ ኪታን ኣማንዝን ጾሳዲ ሊዲ ቡዲን ፊርቂዴ ኢዝኬ ኢዝ ኣሎ ኣሳን ጻማቂንቲዴ ጳዉሎሳኬ ስላሳኬ ፌ ኣል ዶኣምፔን ኢንታብ ሶላዴ ይኮታቦ ኢንቲ ኢዝባርኬ ኢዝ ኣሎ ኣሳን ባራ ዶኢዴ።

![](https://cdn.door43.org/obs/jpg/360px/obs-en-47-03.jpg)

ጳዉሎሳኬ ስላስኬ ዎይልን ጋላስ ጌሻ ቤስ ጋልዳ ኣሳን ባር ዎልኣ ዬልሬ ዎይ ጋላስ ኢና ሉኪር ዶሪ ኢታ ኣያና ኤኖ ፌቲ ኣይላ ዉዲር ዶር ኢንታ ዎሂን ዬሬ ኢዛሬ ይ ኢታ ኣያና ጎይ ባራ ብርቲ ቲን ዬይዚ ኬላቦ ኣሳን ቦቲንብታ ሶላሬ ይኮታቦ ጆቂባራ ፌ ላንቦ ዎይልን ሚሽ ቤይሳሬ።

![](https://cdn.door43.org/obs/jpg/360px/obs-en-47-04.jpg)

ኣይላ ዉዲርንዳ ኢንቲ ብርንታምባራ ኢንታ ዎሂን ዬሙታ «ዓን ኣሳን ዎይን ዳንዳኢኖ ጾሳ ኣይላ ፋት ጎይን ይንታብ ሶሊሬ ይዝ ጋራ ዎይሳ ኤዴ ጳዉሎስ ኢዛ ጎይልዝ ዲራስ ዪኖ ማሃር ማሃር ኦዴ።

![](https://cdn.door43.org/obs/jpg/360px/obs-en-47-05.jpg)

ዉርስ ጋልዳ ፔቲ ቃሚ ዪና ኣይላ ዉዲርንዳ ዉይሳ ኤን ጳዉሎስ ኢዝ ጋልዳፖ ዴሽ ጋር ኢዝ ጋልዳ ዎ ኢታ ኣያናዳ «ዬሱሳ ሱም ባር ኢዝ ጋልዳፖ ኬስካቤ ጌይዴ ኤልባር ኢታ ኣያና ኢዛ ኣሽዴ።

![](https://cdn.door43.org/obs/jpg/360px/obs-en-47-06.jpg)

ኣይሊን ዉዲርንዳ ላ ዎ ኣሳን ዎይልን ጎይልዴ ኢታ ኣያና ባይ ማቂጌይን ናኢን ኣይልንዳ ኣሳንቦ ጊዳክ ማቂዝ ባዝ ሶላንዳብ ዳንዳኣባሶን ኤርዴ ዪናሬ ኣሳን ኢንታ ዬልዝ ባዛቦ ኢንታብ ሶላንዳብ ዳንዳኣባሶን ኮታቦ ኢዝ ላንሳቦ ሚሽ ጌልባሴ ጌይንቴ።

![](https://cdn.door43.org/obs/jpg/360px/obs-en-47-07.jpg)

ዪኮታቦ ኣይልን ዉዲርን ላን ጳዉሎሳኬ ስላስኬ ሮማ ጋዶ ዳይና ኮ ኤጚዴ ኢንታሬ ቡኪ ቡካር ቃሽ ኣል ጌልስዴ።

![](https://cdn.door43.org/obs/jpg/360px/obs-en-47-08.jpg)

ኢንታሬ ጳዉሊስኬ ስላስኬ ቃሽ ኣል ጋርቶ ኪፊላ ጋርታ ቃችኔ ኢንታ ቶህን ዱርሚባር ዎል ኤይር ቃቺዴ ማቂናካሬ ጊዲብላሃ ጋልዳ ጾሳብፖ ጋላታ ማዝሙራ ዬጺዴ።

![](https://cdn.door43.org/obs/jpg/360px/obs-en-47-09.jpg)

ኢንቲ ቆፓካይዶን ሳዝ ኤንኢዴ ቃሽን ኣሎ ካራን ዎይ ዋካክ ጋር ፊርቂንቲዴ ቃሽ ኣሳንኮ ቶህዶንዲኬ ኩሽቶ ስላ ዎይ ይልስኪ ጋር ጋርንቲዴ።

![](https://cdn.door43.org/obs/jpg/360px/obs-en-47-10.jpg)

ቃሽ ኣልን ናጊዛዲ ፌ ሱርስን ጋርታፖ ባርካዝምባራ ቃሽ ኣሎ ካራ ዎይ ፊርቂንቲኖን ቤቃሪ ኢጪዴ ቃሺንቲኖ ኣሳ ዎይ ቡቲ ሉኪኖ ማጺኔ ዪኮታቦ ፌና ዎንዳቦ ቆፒዴ ቃሽንቲኖ ኣሳን ቡታምፔን ዎቴ ጌይን ሮማ ጋዶ ዳይናን ኢያ ዎምፔኖን ኤርዴ ዎቲናካሬ ጳዉሎስ ኢያ ቤቃሪ «ኣሻቤ ኔና ዎ ፌ ኑ ዎይን ዓይ ዎ ጋር ዎይስዴ።

![](https://cdn.door43.org/obs/jpg/360px/obs-en-47-11.jpg)

ቃሽ ኣልን ናጊዛዲ ጳዉሎሳኬ ስላስኬ ዬይሙታ ዎዶር ጋዲሙታ «ታን ፋጻንዳብ ኣብዝ ዎታኖ?» ጋር ኦይጪዴ። ጳዎሎስ ኢኮ «ጎዳ ዬሱሳ ኣማንቤ ኔናኬ ኔ ኣሎ ኣሳን ዎይ ፋጺሬ» ጋር ማሂዴ። ኢናፖ ቃሽ ኣልን ናጊዛዲ ጳዉሎሳኬ ስላስኬ ፌ ኣል ኤጛሪ ኢንታ ኪሳን ሜጪዴ ጳዉሎሳ ፌ ኣል ዎን ዎይንቦ ዬሱሳ ጎይ ሶላዚን ኮሻ ሶሊን ሶልዴ።

![](https://cdn.door43.org/obs/jpg/360px/obs-en-47-12.jpg)

ቃሽ ኣልን ናጊዛዲኬ ኢ ኣሎ ኣሳን ዎይ ዬሱሳ ኣማን ጻማቂቲዴ ኢናፖ ቃሽ ኣልን ናጊዛዲ ጳዉሎሳብኬ ስላስቦ ሙይዝ ባዝ ኢንታብ ሺሺዴ ዎልኣ ፔታን ኢንታ ኡፋይሲዴ።

![](https://cdn.door43.org/obs/jpg/360px/obs-en-47-13.jpg)

ኢዝ ዎንን ፊልጲሱሳ ቲንዛን ጳዉሎሳኬ ስላስኬ ቃሽ ኣላፖ ብልዴ ፊልጲሱሳ ሉካምፔን ኦይጪዴ ጳዉሎሳኬ ስላስኬ ሊዲኬ ፔቲ ፔቲ ሜላን ላጋን ኢንታ ኦይጫንዳቦ ካታሚን ኣሻር ሉኪዴ ዬሱሳ ጎይ ሶላዝ ኮሻ ሶልንኮን ዳልጋምፔን ዎቲዴ ጌሻ ኬንዳሬ ዲጭሙታ ሉካዴ።

![](https://cdn.door43.org/obs/jpg/360px/obs-en-47-14.jpg)

ጳዉሎሳኬ ሜላን ቲንዛን ዬሱሳ ጎይ ሶልኖን ኮሻ ሶልን ሳባኪሙታ ታማርስሙታ ዎይልን ካታምን ጋርታ ዬዴ ማ ሜላ ኣማና ኬን ጋርታ ዎ ኣማንዛን ሚንንዳብኬ ታማርሳዳቦ ዎይልን ኪታን ኢንታብ ጻፊዴ ይን ኪታን ጋርታፖ ፔታን ፔታናን ጌሻ ማጻፋ ጋርታ ዎ ማጻፋ ማቂዴ።

*ጌሻ ማጻፋ ታሪካ ፦ ሓዋራታን ኦሳ 16፡11-40።*

## 48. ዬሱሲ ታስፋ ኢምኖ ማሳዳ።

https://openbiblestories.org/l/bst/story-48/

![](https://cdn.door43.org/obs/jpg/360px/obs-en-48-01.jpg)

ጾሲ ሳዝ ኤሽን ኮቺኖ ኬልባራ ዎይ ባዝ ፎቲ ኮሼ። ናጋራ ባይ ኣዳማኬ ሄዋኒኬ ዎል ዎልኣ ካሬ ኢንቲ ጾሳዳር ካሬ ዓርጋ ዎይ ዓይቃ ባዬ ጾሳዲ ኣላምን ዶኣምፔን ኮይኖንዳ ዓን ፌኔ።

![](https://cdn.door43.org/obs/jpg/360px/obs-en-48-02.jpg)

ሴጣኖ ጋናታ ጋርታ ሔዋኒቦ ሶላምፔን ሾሽ ባራ ሶልዴ። ኢናፖ ዎሃ ኢዝኬ ኣዳማኬ ጾሳ ቲን ናጋራ ኦዴ ኢንቲ ናጋራ ኦኖ ኮታቦ ሳዛ ጋልዳ ዎ ኣስ ዎይ ማሬ ዓይቂሬ።

![](https://cdn.door43.org/obs/jpg/360px/obs-en-48-03.jpg)

ኣዳማኬ ሔዋኒኬ ናጋራ ኦኖ ጊሻቦ ይንፖ ሺ ኢንታ ባዝ ማቂናካሬ ኢንቲ ጾሳቦ ጻላታ ማቂዴ ዪኮታቦ ዪና ኢዝ ኬልምፖ ኤር ዎይ ኣስ ናጋራ ባር ዬልንቲዴ ማ ጾሳቦ ጻላታ ማቂዴ ጾሳብኬ ኣሳንቦ ጊዳ ዎ ዎልኣ ዬላዝንዳ ናጋራ ጎይ ባራ ቃጺንታ ኣታዴ ዎቲናካሬ ጾሳዲ ዬን ኢዛ ማሃንዳቦ ቆፊ ዎ።

![](https://cdn.door43.org/obs/jpg/360px/obs-en-48-04.jpg)

ሔዋኒ ዜርን ጋርታፖ ፔታናዲ ሴጣና ቆምን ቆጻዝንዶ ሴጣኖ ማኢቶህን ቃዝንዶ ጾስ ታስፋ ኢምዴ ዪናሬ ሴጣኖ ማሳ ዎሬ ዎቲናካሬ ጾሲ ማሃር ዲንሬ ጌንቴ ። ኢናፖ ማሳዲሴጣና ዎልቂን ሜናብ ቆጺሬ ዎይልን ላይፖ ዎሃ ጾሳዲ ማሳዲ ዬሱሳ ማቂኖን ቤይሲዴ።

![](https://cdn.door43.org/obs/jpg/360px/obs-en-48-05.jpg)

ጾሲ ሳዚን ዎይ ይስዝ ዎባር ይስኖ ኬልባራ ኢያ ኣማንኖን ኣስን ፋጻንዳቦ ጎጛ ኤሄይዴ ዪና ኢዛ ማይጺዝ ጎይ ባራ ኣስ ዎይ ፌ ናጋርምባራ ያንዳብ ኮሽርዶን ዎቲናካሬ ጾሳዲ ኢባር ኣማንዛን ዎይ ፋንዳቦ ዬሱሳ ኢምዴ።

![](https://cdn.door43.org/obs/jpg/360px/obs-en-48-06.jpg)

ዎይልን ጼታ ላይ ቄሳን ኢንታ ናራርምቦ ኮሻዝ ጎይሊን ቤይሳንዳቦ ዎርዣ ኮታቦ ዎይ ጋላስ ቃጻካይዶር ጾሳቦ ዣርሽ ሺሺሬ። ዎቲናካሬ ዪን ዣርሻን ኢንታ ናጋርን ኢንታ ጋልጋፖ ፋይንዳብ ዳንዳኣካዬ። ዬሱሲ ጴቻ ቄሳ ኣላቃዳ። ሜላን ቄሳንፖ ዱማ ጎይ ባራ ፌና ሳዝ ኤሻ ጋልዳ ዎ ኣሳን ዎይን ናጋራ ፋይንዳብ ዳንዳኣዝ ዣርሻ ማሃር ሺሺዴ ዬሱሲ ኦናካር ኣስ ዎይ ኦኖ ዎይን ናጋርምቦ ጎይል ኤኪኖ ኮታቦ ኪን ቄሳ ኣላቃ።

![](https://cdn.door43.org/obs/jpg/360px/obs-en-48-07.jpg)

ጾሳዲ ኣብራሃማቦ «ጾሳዲ ዎርዣ ዳባን ዎይ ኔ ጎይ ባራ ኣንጅንቲሬ» ጋር ሶሊዴ ዬሱሲ ኣብራሃማ ዜርን ጋርታፖ ኢ ጎይ ባራ ዎርዣዳባ ዎይ ኣንጅንቲኔ ኣባ ጌይን ዬሱሳ ባር ኣማንዝ ዎይ ኣስ ናጋራ ጋርታፖ ፋጺኔ ዪፓሬ ኣብራሃማ ኣያና ዬላ ማቂሬ።

![](https://cdn.door43.org/obs/jpg/360px/obs-en-48-08.jpg)

ናኣ ይሳቃ ዣርሻ ማሃር ሺሻምፔን ጾሳዲ ኣብራሃማብ ሶሊኖ ኬልባራ ጾሳዲ ናኣ ይሳቃ ጊሽን ዣርሻ ዶሪ ሺሺዴ ኑ ዎይን ኑ ናጋርን ጎይ ባራ ዓይቃንዳብ ኮሽሬ ጾሳዲ ዣርሻ ማቃር ኑ ቤስን ዓይቃምፔን ጾሳ ዶር ማቂኖ ዬሱሳ ኢምዴ።

![](https://cdn.door43.org/obs/jpg/360px/obs-en-48-09.jpg)

ጾሳዲ ጊብጻ ጋልዳ ዉርስ ጎይልን ምሽኖ ኬልባራ ኣባካር ኢታ ባዝ ባዮ ዶሪ ናኢ ሹካር ሱን ፌ ካር ሾንችንዲኬ ቃጺን ዲርካምፔን ኢሲሬላሎ ኣሳንቦ ሶልዴ ጾሳዲ ሱን ቤቃር ኣሳን ኬን ኣሻር ኣ ሉካሪ ፌ ኡስ ናኣንሬ ዎካዬ ዪዲታርካ ኦሳዲ ፋስካ ጌይንቲሬ።

![](https://cdn.door43.org/obs/jpg/360px/obs-en-48-10.jpg)

ዬሱሲ ፋስካ ዶራዳ ኢፎቲኬ ኢጋልዳ ናጋራ ባዬ ፋስካ ባኣል ኬልባራ ዎንቲዴ ኦናካሬ ኣስ ዬሱሳ ባር ኣማኒኖ ኬልባራ ዬሱሳ ሱዲ ዪንሳ ናጋርምቦ ጪጋ ጾሳ ጎይላ ዪናሳ ጋልባር ኣሬ።

![](https://cdn.door43.org/obs/jpg/360px/obs-en-48-11.jpg)

ጾሳዲ ማራጺንቲኖ ዎርዣ ማቂኖን ኢስሬላን ባራ ጫቃ ቃላ ጌልዴ ጫቃ ቃላባራ ዎቲናካሬ ዓቲ ጾሳዲ ዎይ ኣስ ማቃምፔን ኦራ ጫቃ ቃላ ጌልኔ ዪ ኦራ ጫቃ ቃላ ጎይ ባራ ኦናካር ዎርዣ ዳባ ማቂኖ ኦናካር ኣስ ዬሱሳ ኣማናር ጾሳ ዎርዣ ዳባ ማቃንዳብ ዳንዳኢሬ።

![](https://cdn.door43.org/obs/jpg/360px/obs-en-48-12.jpg)

ሙሶ ጾሳ ቃላ ሶልኖ ጴች ናብዬ ዬሱሲ ማቂናካሬ ዎይፖ ሽ ናብዬ ኢ ጾሴ ዪኮታቦ ኢ ዎቲኖንዲኬ ሶልኖ ባዝን ዎይ ጾሳ ኦሳኬ ቃላ ኢ ዪኮታብሿ ዬሱሲ ጾሳ ቃላ ጌይ ጼጊንቲሬ።

![](https://cdn.door43.org/obs/jpg/360px/obs-en-48-13.jpg)

ዜርን ጋርታፖ ፔቲ ካቲ ማቂኖ ጾሳ ዎርዣ ጋልዳ ሜናብ ኣቂስዛዲፌን ጾሳዲ ካታ ዳዊታብ ታስፋ ኢምኔ ዬሱሲ ጾሳ ናኢኬ ማስ ማቂኖ ኮታቦ ሜናብ ኣቂሳንዳብ ዳንዳኢዛ ዪ ዱሞ ዳዊቲ ዜር።

![](https://cdn.door43.org/obs/jpg/360px/obs-en-48-14.jpg)

ዳዉቲ ኢስሬላንቦ ካቴ ዬሱሲ ዎቲናካሬ ኮቺንቲ ዎይቦ ካቴ ማቃር ዬር ኪን ጎይብራ ሳርቲባር ፌ ላይን ዎይ ኣቂስሬ።

*ጌሻ ማጻፋ ታሪካ፦ ኮቺንት 1-3፤ 6፤ 14፤ 22፤ ኬሲ 12፤ 20፤ 2 ሳሞ 7፤ ኢብሮ 3፡1-6፤ 4፡14-5፡10፤ 7፡1-8፡13፤ 9፡11-10፡18፤ ዋን ኢ 21።*

## 49. ኦራን ጾሳ ጫቃ ቃላ

https://openbiblestories.org/l/bst/story-49/

![](https://cdn.door43.org/obs/jpg/360px/obs-en-49-01.jpg)

ፔታኒን ማልካ ማራሚ ጋዚን ዉዲርዶር ጾሳ ናኣ ዬላዚን ኢዝብ ሶልዴ። ዪኮታቦ ኢዛ ቢርቲ ዉዲር ዳራ ኣቲና ዬላዴ ኢሱምዳሬ ዬሱሳ ጌያ ጋዳዴ ዪኮታቦ ዬሱሲ ጾስኬ ማ ኣሴ።

![](https://cdn.door43.org/obs/jpg/360px/obs-en-49-02.jpg)

ዬሱሲ ጾሳ ማቂኖን ኤርሳዚንዳ ዎይሊን ታምራታ ኦኔ ዋ ጋልዳ ዬኔ ዉርጊ ዚክ ዎቲ ኤሲኒ ዎይልን ማኖን ፋኒ ኢታ ኣያና ኬሲኔ ዓይቂኖ ኣስ ዲንኔ ዪፖሬ ኢሺን ሙኩላ ኣሳን ኢሺን ኡፋኬ ናምኢ ጊልግ ጊልግ ሞላ ?ሙሲ ሚሲካምፔን ዎቲዴ።

![](https://cdn.door43.org/obs/jpg/360px/obs-en-49-03.jpg)

ማ ዬሱሲ ጴች ኣስታማሪዬ ጾሳ ናኢ ማቂኖ ኮታቦ ኢጫካይ ሶልዴ። ዪንቲ ዪንታ ካዝንዲፌን ሜላን ኣሳን ካብቴ ጋር ታማርሲዴ።

![](https://cdn.door43.org/obs/jpg/360px/obs-en-49-04.jpg)

ማ ኢ ዪንታ ቆልንንባር ጉጂን ኣባካር ማቂን ዪንታ ዶሳዝን ዲፌን ጾሳ ዶሳንዳብ ኮሽሬ ጋር ታማርሲዴ።

![](https://cdn.door43.org/obs/jpg/360px/obs-en-49-05.jpg)

ዬሱሲ ጾሳ ካቲቲንዳ ሳዛ ጋልዳ ዎ ኣባኪፌኖ ባዛፖ ሺ ቦንቺንቲ ኔ ጌይዴ ኦናካር ኣሲ ዎይልን ኮሺዝ ባዚ ጾሳ ካቲቲ ባር ማቃዝንዳ ጾሳ ካቲቲን ጋርታ ጌላንዳቦ ዪንታ ናጋሪን ጋርታፖ ፋጻንዳቦ ኮሻሬ።

![](https://cdn.door43.org/obs/jpg/360px/obs-en-49-06.jpg)

ዬሱሲ ፔቲ ፔቲ ኣሳን ኢያ ኣማናር ፋጻዝንዶ ሜላን ዎቲናካር ኢያ ኣማንባሶን ታማርሲዴ ፔቲ ፔቲ ኣሳን ኮሽ ሳዝፌኔ ጌይዴ ዬሱሳ ኮሽ ባዝፌን ኤኬጌይን ፋጺሬ ሜላን ኣስን ጾሳ ቃላ ዜር ጌልባሶዲፌኒ ኣባካር ኣፍ ካጺባሶዲፌን ጎይ ቡጊዲ ጋልዳ ዎ ሹች ባሮ ሳዜ ዪን ኣሳን ዬሱሳ ጎይ ሶላዚን ኪቲን ኤኪባሶንኬ ጾሳ ካቲቲቦ ኮሽባሶ ኣሴ።

![](https://cdn.door43.org/obs/jpg/360px/obs-en-49-07.jpg)

ዬሱሲ ጾሳዲ ናጋራንቻን ዎይሊን ዶሳዝን ታማርሲዴ ኢንታብ ኣቶ ጋንዳብኬ ፌ ናኢ ማሃንዳብ ኮይሬ።

![](https://cdn.door43.org/obs/jpg/360px/obs-en-49-08.jpg)

ማ ዬሱሲ ጾሳዲ ናጋራ ሺርንታዝን ኑብ ሶልኔ ኣዳማኬ ሄዋኒኬ ናጋራ ኦኖ ኬልባራ ኢናጋራንዳ ኢ ዜር ዎይን ኢሳዴ ዪንፖ ዲዲኖ ኮታቦ ሳዛ ጋልዳ ዎ ዎይ ኣስ ናጋራ ኦሬ ጾሳጋዳፓሬ ፓጊንቲሬ ዪኮታቦ ዎይ ኣስ ጾሳቦ ጻላታ ምቂኔ።

![](https://cdn.door43.org/obs/jpg/360px/obs-en-49-09.jpg)

ዎቲናካሬ ኢባር ኣምንዝ ኣስ ዎይ ሜናብ ሼምፓ ዶኣምፔንዶኬ ያካይፌን ጾሲ ፌናኣ ፌታና ኢያ ኣ ኢምዝ ዲራስ ሳዝ ኤሽን ሜላ ዓር ዶስዴ።

![](https://cdn.door43.org/obs/jpg/360px/obs-en-49-10.jpg)

ዪንታ ናጋርምባራ ኢስኖ ኮታቦ ዓይቃንዳቦ ኮሽሬ ጾሳ ዪንቲ ጋልዳ ጎይላንዳብ ኮሽርዶን ዎቲናካሬ ጎይልንዶ ዪንታ ጋልዳ ማሃዚን ጊሻቦ ዬሱሳ ጋልዳ ማሂዴ ዬሱሲ ማስቃላ ግልዳ ዓይቂኖባራ ይንታ ጎይልን ኤኪዴ።

![](https://cdn.door43.org/obs/jpg/360px/obs-en-49-11.jpg)

ዬሱሲ ዉርስ ናጋራ ኦካዬ ዎቲናካሬ ዪንታ ናጋርንዲኬ ሳዝ ጋልዳ ዎ ዎይ ኣስ ናጋራ ይሳንዳቦ ዓግንታንዳብኬ ዉርስ ዣርሻ ማቃር ዓይቃንዳብማራጺዴ ዬሱሲ ፌና ኣ ኢምኖ ኮታቦ ጾሳዲ ኣባካፌቦ ናጋራ ኢት ማቂኖ ናጋርን ሜላ ኣቲን እቲ ጋንዳቦ ዳንዳኢሬ።

![](https://cdn.door43.org/obs/jpg/360px/obs-en-49-12.jpg)

ኮሽ ኦሳን ዪንታ ፋንዳብ ዳንዳኢባሴ ጾሳባር ዬላንዳብ ዳንዳኢንታምፔን ዎታንዳብ ዳንዳኢዝ ባዝ ኣባክር ባዬ ዬሱሲ ሙታ ዪንታ ናጋርን ሜጫንዳብ ዳንዳኢሬ። ዬሱሲ ጾሳ ናኢ ማቂኖን ዪንታ ጊሻብ ማስቃላ ጋልዳ ዓይቂኖን ጺሲ ኢያ ዓይቃ ጋልዳፖ ዲንኖዲፌን ሙታ ዪንቲ ኣማንዳብ ኮሽሬ።

![](https://cdn.door43.org/obs/jpg/360px/obs-en-49-13.jpg)

ጾሳዲ ዬሱሳ ኣማንዝንኬ ፌብ ጎዲ ማሃር ኤክኖ ኦናካር ኣስ ፋሬ ዱራንሬ ዎይ ዎይርባያንሬ ኣቲናሬ ዎይ ማጫሬ ጪጛሻሬ ዎይ ኤርዳሬ ዎይዲካር ማቂን ኣባካር ባዬ ጾሳዳ ዪታባር ኡክ ላጋ ማቃምፔን ዪንታ ካሬ ዪንቲ ዬሱሳ ኣምንፔን ኮይሬ።

![](https://cdn.door43.org/obs/jpg/360px/obs-en-49-14.jpg)

ዬሱሲ ኣምንፔንኬ ጻማቂታምፔን ዪንታ ዎስዴ። ዬሱሲ ማሳ ኢ ፌብ ሙታ ዶር ጾሳ ናኢ ማቂኖን ኣማንራ ዪንቲ ናጋራንቻን ማቂኖን ጾሲ ዪንታ ዓጌጌናሬ ኮሽዛ ማቂኖን ኣማንራ? ዬሱሲ ዪንታ ናጋርን ፋይንዳቦ ማስቃላ ጋልዳ ዓይቂኖን ዪንቲ ኣማንራ?።

![](https://cdn.door43.org/obs/jpg/360px/obs-en-49-15.jpg)

ዬሱሳኬ ኢ ይንታቦ ኦኖ ኦሳ ዪንቲ ኣማንርኮ ዪንቲ ኣማናን ጾሳዲ ሴጣናፒኬ ም ካቲቲ ዪንቲ ጋልዳፖ ኬሳር ጾሳ ፎኢን ካቲቲ ጋራታ ጋዲኔ ጾሲ ባዛን ዪንቲ ዎቲዛን ስላንኬን ናጋራንቻን ዪንታ ጎይን ፋይር ኦራኬ ጺላ ማቂኖ ኦሳ ጎይ ዪንታብ ኢምኔ።

![](https://cdn.door43.org/obs/jpg/360px/obs-en-49-16.jpg)

ዪንቲ ኣማኖን ዬሱሲ ኦኖ ኦሳ ኮታቦ ጾሲ ዪንታ ናጋርን ኣቶ ጌይኔ ዓቲጾሲ ዪንታ ጻላታን ጊሻቦ ኡክ ላጋ ማሃር ይንታ ፋይዲሬ።

![](https://cdn.door43.org/obs/jpg/360px/obs-en-49-17.jpg)

ጾሳቦ ላጋን ጎዳ ዬሱሳ ኣሽካራን ማቂንኮ ዬሱሲ ታማርስዚ ባዛንቦ ኪቲንትሬ ኣማንኖ ኣስ ማቂናካሬ ዓት ናጋራ ኦንዳቦ ኮይርሬ ዎቲናካሬ ጾሲ ኣማንቲኖዳ ዪንታ ናጋርን ፋጺንኮ ዪንታብ ኣቶ ጋንዳ ጌይሬ ናጋራ ኢጺዝ ሚቲ ኢምሬ።

![](https://cdn.door43.org/obs/jpg/360px/obs-en-49-18.jpg)

ጾሲ ዪንታ ጌሻምፔን ፌ ቃልን ናባባምፔን ሜላን ኣማንኖ ባራ ጾሳቦ ጎሽታምፔን ይንታብ ዎቲኖ ባዛን ሜንንቦ ሶልስምፔን ዪንታ ኦይጫሬ ዪን ባዛን ዎይ ኢባር ኩሻ ላጋ ማቃር ዶኣምፔን ዪንታ ማዳሬ።

*ጌሻ ማጻፋ ታሪካ፦ ሮማ 3፡21-26፤ 5፡1-11፤ ዋኒሳ 3፡16 ማር 16፡16፤ ቆላ 1፡13-14፤ 2 ቆሮ 5፡17-21፤ 1 ዋኒሳ 1፡5-10።*

## 50. ዬሱሲ ማቂሬ

https://openbiblestories.org/l/bst/story-50/

![](https://cdn.door43.org/obs/jpg/360px/obs-en-50-01.jpg)

ናምኢ ሙኩላ ላይ ማቃምፔን ሳዝ ኤሻ ጋልዳ ዎ ዎይልን ኣሳን ማሳ ጎይ ዬሱሲ ሶላዚን ኮሽ ሶልን ሲስኪሙታ ጋምኢዴ ጌሻ ኬን ዲጪሙታ ጋምኢኔ ዬሱሲ ላይ ዉርስ ጋልዳ ፎቲንቲዝ ማይጺዝ ታስፋ ኢምኔ ኢብርቲ ማቃካይካሬ ሜላ ኣቲን ፌ ኢምኖ ታፊን ናግሬ።

![](https://cdn.door43.org/obs/jpg/360px/obs-en-50-02.jpg)

ዬሱሳ ማይጻንዳብ ናጊሙታ ዶኣምባራ ጾሲ ጌሽ ማቂኖ ጎይ ባራ ኢያ ቦንሽዝ ጎይ ዶኣምፔን ኮይሬማ ፌ ካቲቲን ጎይ ሜላንቦ ሶላምፔን ኮይሬ ዬሱሲ ሳዛ ጋልዳ ዶኢኖ ኬልባራ «ኢ ታማራን ጾሳ ካቲቲ ጎይ ሶላዝን ኮሽ ሶልን ሳዝ ኤሻ ዎይ ቤስ ዎ ኣሳንቦ ሶልሬ ዪን ኬልምባራ ዉርስን ላይን ዬላሬ» ጌይዴ

![](https://cdn.door43.org/obs/jpg/360px/obs-en-50-03.jpg)

ዎይልን ዎርዣ ዳባን ዓታር ዬሱሳ ጎይን ሲሲካዬ ዬሱሲ ፉዳ ኣፋ ማቃዝንፖ ቲን ኮሽ ሶልን ዉርሲ ሲሲካካዮንቦ ኣሳንቦ ሶላምፔን ኣማንኖንቦ ሶልዴ «ሉካር ዎርዣ ዳባን ዎይ ኢታማር ማህብቴ» «ካ ዬልኔ» ጌይዴ።

![](https://cdn.door43.org/obs/jpg/360px/obs-en-50-04.jpg)

ማ ዬሱሲ «ኣሽካሮ ፌ ላፖ ሽባሴ ኪን ዓኒ ሳዚን ጋልዳ ኢታ ኣያናን ታና ኢጺኖንዲፌን ቴ ጊሻቦ ይንታ ብጻ ቤይስሙታ ዎሬ ኣባካር ማቂን ሜላ ኣቲን ዓን ሳዚን ጋልዳ ሜታ ኤኪናካሬ ኣባክ ባዬ ኣባጌይን ታኒ ዓና ሳዝን ኣቂስዝ ሴጣና ጋምኔ ዪንቲ ቴ ባር ኣማናር ዉርስን ዬላር ሚጚንኮ ዪን ኬልምባራ ጾሲ ፋሬ።

![](https://cdn.door43.org/obs/jpg/360px/obs-en-50-05.jpg)

ዬሱሲ ሳዝን ዉርስን ዬላዝምባራ ኣሳን ጋልዳ ዬልዝ ባዛን ብላር ሶላንዳቦ ፌ ታማራንቦ ፔቲ ታርካ ሶልዴ ፔቲ ኣስ ፌ ዎት ጋዳን ጋርታ ኮሽ ዜርን ዜርቂዴ ቃም ኢ ሱርቂን ኢ ጻላታ ዬሪ ዜርቂን ጋልዳ ሃ /ማታ/ዜር ዜርቃሪ ሉኪዴ።

![](https://cdn.door43.org/obs/jpg/360px/obs-en-50-06.jpg)

«ዜርቂቲኖ ዜርቂንዳ ፉዲኖ ኬልባራ ናሳ ኣሽካራን ኢኮ ጎዳዶ ኔን ሴካንዳ ኔጋዲን ጋርታ ኮሽ ዜር ዜርቃዴ ዓት ዪዲኮ ኢዝ ጋርታ ኣብዛብያ ሆ ዎይዲፕ ዬዬ? ጋር ኦይጪዴ ላዳሪ ዪ ዜርቂኖ ጻላታ ማቃንዳብ ዳንዳኢሬ» ጋር ማሂዴ።

![](https://cdn.door43.org/obs/jpg/360px/obs-en-50-07.jpg)

«ኢ ኣሽካራን ፌ ላኮ ኑ ሂን ሃኔ? ጋር ማሂዴ ላዲ ኢንታኮ «ዋኣኬ ዪኖ ዪንቲ ዎቲጌንዶ ዜርቂንዳሬ ሚዲንታሬ ዪኮታቦ ካን ካጻራ ዬል ጌይንዶ ቡርኢን ሽሻር ሚችብቴ ዜርቂንዶ ታብ ዲኢ ጋርታ ሚሽብቴ።

![](https://cdn.door43.org/obs/jpg/360px/obs-en-50-08.jpg)

ኢ ታማራን ኢ ሶልኖ ታርኪን ብርሽችን ኢንታብ ጌላካዬ ይኮታቦ ኢንታብ ባርቻር ሶላምፔን ዬሱሳ ኦይጪዴ ዬሱሲ ኢታኮ «ኮሽ ዜርን ዜርቂኖ ናሳዲ ማሳ ቤስን ማቂሬ ዎቲን ጋዲዳ ዓና ኣላሚን ቤስ ማቃሬ ኮሽ ዜርንዳ ጾሳ ካቲቲን ጋርቶ ኣሳን ማቂሬ።

![](https://cdn.door43.org/obs/jpg/360px/obs-en-50-09.jpg)

«ቡርኢንዳ ኢታ ኮቻን ማቂኖ ኣሳን ማይጻሬ ቡርኢን ዜርቂኖ ጻላታዲ ዳብሎሳ / ኢታ ኣያና ማይጺሬ። ካ ጋዚንዳ ዓና ሳዝን ዉርስን ማይጻሬ ቴይስዛን ጾሳ ኪታንቻ ማይጺሬ።

![](https://cdn.door43.org/obs/jpg/360px/obs-en-50-10.jpg)

ዓና ሳዚን ዉርሲን ጋልዳ ኪታንቻ ዳብሎሳቦ ዳባ ማቂኖ ኣሳን ዎይ ዎልኣ ፔታን ሺሻር ፖልፖልኢ ኤይቲዝ ታማ ጋራት ሚሺሬ ኢና ዎይሲሬ ጴች ዋይዝ ቢጻ ቤቂ ኣች ሙይሬ። ዪና ኢዝ ኬልምባር ጺላን ፌ ባባ ካቲቲ ጋርታ ኣዋ ኣፍፌን ?

![](https://cdn.door43.org/obs/jpg/360px/obs-en-50-11.jpg)

ማ ዬሱሲ ኪን ዓና ሳዝ ኤሺን ኢዝ ፎቲን ዬላዚምፖ ቲን ሳዛ ጋልዳ ማቃዚን ሶልዴ ፌ ሉኪኖንዲፌኒ ማቃር ዬይሬ። ይዳሬ ቤቂን ቤንቲዛ ጋሊ ዴኢሬ ኣፎ ሻራባር ዬይሬ። ዬሱሲ ማቂ ዬዚምባራ ኣማንኖ ዓይቂኖ ኣሳን ዓይቃ ጋርታፖ ዲንዳሪ ኣፋ ዎልኣ ዬልሬ።

![](https://cdn.door43.org/obs/jpg/360px/obs-en-50-12.jpg)

ዪና ኢዝ ኬልምባራ ብርቲ ሼምፓባር ዎ ኣማንዝ ኣሳን ፉዳ ኣፋ ዲን ኤኪንቲሬ ኢናፖ ዓይቃ ጋራትፖ ዲዲኖንባራ ቡሽንቲሬ። ኢና ዎይን ዬሱሳ ባራ ማቃር ኢናፖ ዎሃ ዬሱሲ ዎርዣባራ ፎቲ ማቂኖ ሳርቲ ፔቲቲ ሜናብ ዶኢሬ።

![](https://cdn.door43.org/obs/jpg/360px/obs-en-50-13.jpg)

ዬሱሲ ኢባር ኣማንዛንቦ ዎይ ቦንች ባርኔጻ ኢማንዳብ ታስፋ ኢምኔ ኢንቲ ፎቲ ማቂኖ ሳርቲ ጾሳባራ ሜናብ ዶኢሬ ካዉቲሬ።

![](https://cdn.door43.org/obs/jpg/360px/obs-en-50-14.jpg)

ዎቲናካሬ ጾሲ ዬሱሳ ባር ኣማንባሶን ዎይን ጋልዳ ፋራዲሬ። ኢንቲ ሜናብ ዬኪዚ ቤስኬ ቢጻ ቤቂ ኣች ሙይንቲዝ ቤስ ስኦላ ዶቺ ጋርታ ቶጚሬ። ዉርስ ቴይቂ ባሶ ታማ ጋርታ ቶጚሬ ዎይ ጋላስ ሚጪንቲ ዶኢሬ ጉጺንንሳር ኢንታ ሞዚን ዉርስ ኣሽባሴ።

![](https://cdn.door43.org/obs/jpg/360px/obs-en-50-15.jpg)

ዬሱሲ ማቂ ዬዚምባራ ሴጣናኬ ኢ ካቲቲ ዎይ ይስሬ ሴጣናዲኬ ጾሳቦ ኪቲንቲዝንፖ ሺ ኢዎሂን ዬንዳብ ኮይዛንር ዎይን ሜናብ ሚጪዝ ሲኦላ ጋርታ ቲጚሬ።

![](https://cdn.door43.org/obs/jpg/360px/obs-en-50-16.jpg)

ኣዳሚኬ ሄዋንኬ ጾሳቦ ኪቲንታካዮ ኮታብኬ ናጋር ዓኒ ሳዚን ጋልዳ ኤሄይኖ ኮታቦ ጾሲ ዓን ሳዝን ባዲዴ ኢዛ ይሳንዳቦ ቆፒዴ ዎቲናካሬ ፔቲ ጋላስ ጾሳዲ ፖቲ ማቂኖ ኦራ ኣፎ ሳዚኬ ኦራ ሳዶ ሳዝ ኮቺሬ።

![](https://cdn.door43.org/obs/jpg/360px/obs-en-50-17.jpg)

ዬሱሳኬ ዎርዣዲኬ ኦራን ሳዚን ጋልዳ ዶኢሬ ዎ ባዝ ዎይ ጋልዳ ካዉቲሬ። ኢ ኣብ ዎይ ቁቺሬ ዓኒፖ ጌዳ ቢጻ ሞርኢ ዬፊ ኢቲቲ ዓርጋ ዎይ ዓይቃ ዶኢባሴ። ዬሱሲ ፌ ካቲቲን ሳርቲ ባርኬ ኪንቲባር ኣቂስሬ ሜናብ ዎርዣባር ማቂሬ።

*ጌሻ ማጻፋ ታሪካ፦ ማቶሳ 24፡14፤ 28፡18፤ ዋኒሳ 15፡20፤ 16፡33 ዋኒ 2፡10፤ ማቶሳ 13፡24-30፤ 1 ቶሶ 4፡13-5፡11፤ ዓይ 1፡12፤ ማቶሳ 22፡13፤ ዋን 20፡10፤ 21፡1-22፡21።*