# unfoldingWord Open Bible Stories — Chambeali - Language code: `cdh` - Canonical page: https://openbiblestories.org/l/cdh/ - Stories in this file: 50 of 50 - Published by: translationCore-Create-BCS, OBS-TLF - Last release: 2026-07-28 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Chambeali translation; it is not a translation of the whole Bible. ## 1. रचना https://openbiblestories.org/l/cdh/story-1/ ![](https://cdn.door43.org/obs/jpg/360px/obs-en-01-01.jpg) इस तरिक्के परमेश्वर ने सुरुआत विच्च सारी चिज्जाँ री रचना कित्ती। उनिये छे दिनां विच्च संसार री अते जे किच्छ उस विच्च है उन्हा सारी चिज्जाँ री रचना कित्ती | परमेश्वर रे धरती बनाणे रे बाद धरती बिलकुल न्याहरी अते खाली थी, किजोकी हाली तांइ परमेश्वर ने उस विच्च कुस्की भी चीज जो नी बणाया थिया। पर परमेश्वर रा आत्मा पाणी रे उपर मण्डरांदा थिया। ![](https://cdn.door43.org/obs/jpg/360px/obs-en-01-02.jpg) फिरी परमेश्वर ने बोल्लेया,” रौसनी होई जाए!” अते रौसनी होई गेई। परमेश्वर ने दिख्खेया की रौसनी खरी है अते उसजो “दिन” बोल्लेया| अते उनिये रौसनी जो न्याहरे का अलग कित्तेया जिसजो उनिये “रात” बोल्लेया। परमेश्वर ने रचना रे पैल्ले दिन विच्च रौसनी री रचना कित्ती। ![](https://cdn.door43.org/obs/jpg/360px/obs-en-01-03.jpg) रचना करणे रे दुज्जे दिन विच्च परमेश्वर ने बोल्लेया,”पाणी रे उप्पर इक्क अंतर हो|” अते इक्क अंतर होई गेया| परमेश्वर ने उस अलग कित्ते रे अंतर जो “आसमान” बोल्लेया| ![](https://cdn.door43.org/obs/jpg/360px/obs-en-01-04.jpg) तिज्जे दिन विच्च परमेश्वर ने बोल्लेया, “पाणी इक्क जगह पर इकठ्ठा होई जाए अते सुक्की जमीन लिब्बे|” उनिये सुक्की जमीन जो “धरती” बोल्लेया अते पाणी जो “समुन्द्र” बोल्लेया। परमेश्वर ने दिख्खेया कि जे उनिये बणाया थिया सेह् सब खरा है। ![](https://cdn.door43.org/obs/jpg/360px/obs-en-01-05.jpg) फिरी परमेश्वर ने बोल्लेया,”धरती सब नसल रे बूट्टे अते पौधे उगांए|” अते इयां ही होया। परमेश्वर ने दिख्खेया कि जे उनिये बणाया थिया सेह् खरा है| ![](https://cdn.door43.org/obs/jpg/360px/obs-en-01-06.jpg) रचना रे चौथे दिन विच्च परमेश्वर ने बोल्लेया,”आसमान विच्च रौसनी दैणे वाली ज्योतियां हो|” अते सूरज,चाँद अते तारागण लिब्बे। परमेश्वर ने उन्हा जो धरती पर रौसनी दैणे तांइ दिन अते रात, मौसम अते साल रे विच्च फरक करणे तांइ बणाया। ![](https://cdn.door43.org/obs/jpg/360px/obs-en-01-07.jpg) पंज्जमें दिन परमेश्वर ने बोल्लेया,” पाणी जिंदे प्राणी कने भरी जाण अते आसमान विच्च पक्सी उडण।” इस तरिक्के कने उनिये पाणी विच्च तैरेणे वाले सब जन्तु अते पक्सियां जो बणाया, परमेश्वर ने दिख्खेया की ए खरा थिया अते उन्हा जो असीस दित्ती। ![](https://cdn.door43.org/obs/jpg/360px/obs-en-01-08.jpg) रचना रे छठ्ठे दिन विच्च परमेश्वर ने बोल्लेया,”धरती पर रैह्णे वाले सारे जानवरां कने भरी जाए।” अते परमेश्वर री बोल्ली री गल्लां रे हिसाब कने इयां ही होई गेया। किच्छ जानवर पालतू थिये, किच्छ जमीन पर रेंगणे वाले, अते किच्छ जंगली जानवर थिये। अते परमेश्वर ने दिख्खेया की ए खरा थिया। ![](https://cdn.door43.org/obs/jpg/360px/obs-en-01-09.jpg) फिरी परमेश्वर ने बोल्लेया,”आओ असी मणू जो अपणी ही छवि विच्च अते अपणे साईं बनांए| सेह धरती पर अते सब्ब जानवरां पर राज करगे| ![](https://cdn.door43.org/obs/jpg/360px/obs-en-01-10.jpg) अते परमेश्वर ने मिट्टी लेई करी उस का मणू जो बणाया अते उस विच्च जिंदगी रे साह् पाई दित्ते। इस मणू रा नाम आदम थिया। परमेश्वर ने आदम रे रैह्णे तांइ इक बड्डे बगीच्चे जो बणाया अते उसेरी देखभाल तांइ आदम जो उत्ते रख्खी दित्तेया। ![](https://cdn.door43.org/obs/jpg/360px/obs-en-01-11.jpg) उस बगीचे रे मझाटे विच्च परमेश्वर ने दो बूट्टे लगाए-जिंदगी रा बूट्टा अते भले अते बुरे रे ज्ञान रा बूट्टा। परमेश्वर ने आदम जो बोल्लेया कि सेह् उस बगीच्चे रे जिंदगी रे बूट्टे अते भले अते बुरे रे ज्ञान रे बूट्टे जो छड्डी करी बाकि कुस्की भी बूट्टे रे फल जो खाई सकदा। जे उनिये उस बूट्टे रा फल खाया ता तिनिये मरी जाणा। ![](https://cdn.door43.org/obs/jpg/360px/obs-en-01-12.jpg) फिरी परमेश्वर ने बोल्लेया,”मरद तांइ कल्ला रैह्णा खरा नी है।” पर कोई भी जानवर आदम रा साथी नी बणी सकेया। ![](https://cdn.door43.org/obs/jpg/360px/obs-en-01-13.jpg) इधेरे तांइ परमेश्वर ने आदम जो गैहरी निंद्र विच्च पाई दित्तेया। फिरी परमेश्वर ने आदम री इक्क पसली लेई करी उस विच्च का इक्क जनानी बणाई अते उसजो आदम का लेई आया। ![](https://cdn.door43.org/obs/jpg/360px/obs-en-01-14.jpg) जां आदम ने उस्जो दिख्खेया ता उनिये बोल्लेया.“घाट का घाट ए ता मेरे सांइ है! इसजो ‘जनानी’ बोल्लेया जाणा, किजोकी ए मरद विच्च का बणाई गेरी है। इस वजह कने मरद अपणे माँ-प्यो जो छड्डी दिंदा अते अपणी लाड़ी कने इक्क होई जांदा। ![](https://cdn.door43.org/obs/jpg/360px/obs-en-01-15.jpg) परमेश्वर ने मरद अते जनानी जो अपणे सांइ बणाया। उनिये उन्हा जो असीस दित्ती अते उन्हा जो बोल्लेया, “मते सारे बच्चे अते पौत्रु-धियायोत्रु पैदा करो अते धरती जो भरी दो!” अते परमेश्वर ने दिख्खेया कि जे किच्छ भी उनिये बणाया थिया सेह् बड़ा छैल थिया, अते सेह् उन सब का बड़ा खुस थिया। ए सब किच्छ रचना करणे रे छठ्ठे दिन होया थिया| ![](https://cdn.door43.org/obs/jpg/360px/obs-en-01-16.jpg) जां सतमां दिन आया ता जे किच्छ परमेश्वर करेया करदे थिये उनिये उन सारे कम्मां जो पूरा कित्तेया। उनिये सतमें दिन जो असीस दित्ती अते उसजो पवित्तर ठैहराया, किजोकी उस दिन उनिये सब चिज्जाँ री रचना करणे रे काम्म जो खत्म कित्तेया थिया। इस तरिक्के परमेश्वर ने दुनियां री अते जे किच्छ उस विच्च है उन्हा सबना री रचना कित्ती। उत्पत्ति अध्याय 1-2 से बाइबल की एक कहानी उत्पत्ति अध्याय 1-2 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_01_128kbps.m4a ## 2. दुनियां विच्च पाप री सुरुआत https://openbiblestories.org/l/cdh/story-2/ ![](https://cdn.door43.org/obs/jpg/360px/obs-en-02-01.jpg) आदम अते उसेरी लाड़ी परमेश्वर रे जरिये बणाए रे छैल बगीचे विच्च रेह्ई करी बड़े खुस थिये। उन्हा विच्च का कोई भी कपड़े नी पांदा थिया, फिरी भी इस गाल्ल ने उन्हा विच्च का कुस्की जो भी शर्मिंदा नी कित्तेया थिया, किजोकी दुनियां विच्च पाप नी थिया। सेह् अक्सर उस बगीच्चे विच्च घुमदे-फिरदे थिये अते परमेश्वर कने गल्लां करदे थिये। ![](https://cdn.door43.org/obs/jpg/360px/obs-en-02-02.jpg) पर उस बगीच्चे विच्च इक्क साँप थिया। सेह् बड़ा चलाक थिया| उनिये उस जनानी का पुच्छेया,”कै सच्ची विच्च परमेश्वर ने तिज्जो इस बगीच्चे रे कुस्की भी बूट्टे रे फल खाणे का मन्हा कित्तेया है? ![](https://cdn.door43.org/obs/jpg/360px/obs-en-02-03.jpg) उस जनानी ने जवाब दित्तेया,“परमेश्वर ने असा जो बोल्लेया है कि असी भले अते बुरे रे ज्ञान रे बूट्टे रे अलावा कुस्की भी बूट्टे रे फल जो खाई सकदे हिन। परमेश्वर ने असा जो बोल्लेया है कि जे तुसा ने उस फल जो खाया या उसजो छुत्तेया भी, ता तुसी मरी जाणा।” ![](https://cdn.door43.org/obs/jpg/360px/obs-en-02-04.jpg) उस साँप ने जनानी जो जवाब विच्च बोल्लेया,”ए सच्च नी है! तुसा नी मरणा। परमेश्वर जाणदा कि जियां ही तुसी उस फल जो खांगे, ता तुसी परमेश्वर रे सांइ होई जाणा अते उसेरे सांइ भले अते बुरे जो समझणा लगी पैणा। ![](https://cdn.door43.org/obs/jpg/360px/obs-en-02-05.jpg) उस जनानी ने दिख्खेया की सेह् फल मन जो छुई जाणे वाला थिया अते सुआद लगेया करदा थिया| सेह् भी समजदार बणना चांह्दी थी, इधेरे तांइ उनिये फल तोड़ी करी खाई लित्तेया। फिरी उसने अपणे लाड़े जो जे उसेरे कने थिया सेह् फल दित्तेया अते उनिये भी खाई लित्तेया। ![](https://cdn.door43.org/obs/jpg/360px/obs-en-02-06.jpg) इक्कदम ही, उन्हेरी हाख्खियाँ खुली गेई, अते उन्हा जो पत्ता लगेया कि सेह् नंगे हिन। उन्हा ने पत्तेयाँ जो इकठ्ठे बुणी करी उन्हेरे कपड़े बणाई करी अपणे सरीर जो ढकणे री कोसिस कित्ती। ![](https://cdn.door43.org/obs/jpg/360px/obs-en-02-07.jpg) तां मरद अते उसेरी लाड़ी ने उस बगीच्चे विच्च परमेश्वर जो घुमदे होए उन्हेरी अवाज जो सुणेया| सेह् दोन्नों परमेश्वर का लुकी गे| तां परमेश्वर ने मरद जो आवाज लगाई,“तू कुते है?” आदम ने जवाब दित्तेया,”मैं तुसा जो बगीच्चे विच्च घुमदे-फिरदे होए सुणेया, अते मैं डरी गेया थिया, किजोकी मैं नंगा थिया। इधेरे तांइ मैं लुकी गेया। ![](https://cdn.door43.org/obs/jpg/360px/obs-en-02-08.jpg) फिरी परमेश्वर ने पुच्छेया, “तिज्जो कुसने दस्सेया कि तू नंगा है? कै तू सेह् फल खाया जिसजो खाणे तांइ मैं तिज्जो मन्हा कित्तेया थिया?” मरद ने जवाब दित्या,” तुसा ने जे जनानी मिंजो दित्ती इनिये ही मिंजो ए फल दित्तेया|” तां परमेश्वर ने जनानी का पुच्छेया, “तैं ए कै कित्तेया?” तिस जनानी ने बोल्लेया,” साँप ने मिंजो धोख्खा दित्तेया|” ![](https://cdn.door43.org/obs/jpg/360px/obs-en-02-09.jpg) परमेश्वर ने साँप जो बोल्लेया,“तू शापित है! तू अपणे पेट रे भारे लेटगा अते मिट्टी चटगा। तू अते इस जनानी ने इक्क दुज्जे का नफरत करणी, अते तेरे बच्चे अते उसेरे बच्चेयाँ ने भी इक्क दुज्जे का नफरत करणी। इस जनानी रे वंश ने तेरे सिर जो कुचलणा, अते तू उसेरी ऐड़ी जो ड़सणा|” ![](https://cdn.door43.org/obs/jpg/360px/obs-en-02-10.jpg) तां परमेश्वर ने जनानी जो बोल्लेया,“मैं तेरे बच्चे जमणे रे वक्त जो बड़ा तकलीफदायक करणा। तू अपणे लाड़े कने लालसा करणी, अते तिस ने तेरे पर राज करणा। ![](https://cdn.door43.org/obs/jpg/360px/obs-en-02-11.jpg) परमेश्वर ने मरद जो बोल्लेया,“तैं अपणी लाड़ी री सुणी अते मेरे हुकम जो नी मन्नेया। इधेरे तांइ जमीन शापित होई, अते तिज्जो खाणे री चिज्जाँ उगाणे तांइ बड़ी जादा मैहनत करणा पैणी। अवे तू मरी जाणा, अते तेरा सरीर मिट्टी विच्च मिली जाणा।” उस मरद ने अपणी लाड़ी रा नां हव्वा रख्खेया, जिसेरा मतलब,“जिंदगी दैणे वाली”, किजोकी सेह् सब जातियां री माँ हूणी| अते परमेश्वर ने आदम अते हव्वा जो जानवर री चमड़ी का बणे रे कपड़े पुआए। ![](https://cdn.door43.org/obs/jpg/360px/obs-en-02-12.jpg) फिरी परमेश्वर ने बोल्लेया, “अवे भले अते बुरे जो जाणने कने मणू असा सांइ होई गेरा है, इधेरे तांइ उन्हा जो उस जिंदगी रे बूट्टे रे फल जो खाणे नी दैणा चंहिदा ताकि सेह् हमेसा तांइ जिंदे रैह्ण|” इधेरे तांइ परमेश्वर ने आदम अते हव्वा जो उस बगीच्चे का बार निकाली दित्तेया। अते परमेश्वर ने कुस्की जो भी उस जिंदगी रे बूट्टे रे फल जो खाणे का रोकणे तांइ उस बगीच्चे रे दरवज्जे पर सक्तिसाली स्वर्गदूतां जो बिठाई दित्तेया। उत्पत्ति अध्याय 3 से एक बाइबल की कहानी उत्पत्ति अध्याय 3 का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_02_128kbps.m4a ## 3. बाढ़ https://openbiblestories.org/l/cdh/story-3/ ![](https://cdn.door43.org/obs/jpg/360px/obs-en-03-01.jpg) बड़े वक्त बाद, दुनियां विच्च बड़े सारे मणू रैंह्दे थिये। सेह् बड़े दुष्ट अते बागी होई गे थिये। ए इस हद तक बुरा थिया कि परमेश्वर ने इक्क बड्डी बाढ़ कने इस पूरी दुनियां जो खत्म करणे रा फैसला लित्तेया। ![](https://cdn.door43.org/obs/jpg/360px/obs-en-03-02.jpg) पर परमेश्वर नूह का खुस थिया। सेह् दुष्ट मणुआं रे विच्च रैह्णे वाला इक्क नेक मणू थिया। परमेश्वर ने नूह जो दस्सेया कि सेह् इक्क बड्डी बाढ़ जो लियाणे वाला है। इधेरे तांइ, उनिये नूह जो इक्क बड्डी किस्ती बणाणे जो बोल्लेया। ![](https://cdn.door43.org/obs/jpg/360px/obs-en-03-03.jpg) परमेश्वर ने नूह जो लगभग 140 मीटर लम्बी, 23 मीटर चौड़ी अते 13.5 मीटर उच्ची किस्ती बणाणे जो बोल्लेया। नूह ने उसजो लकड़ी कने बणाणा थिया अते उस विच्च तिन तल, मत्ते सारे कमरे, इक्क छात्त अते इक्क खिड़की बणाणी थी। तिस किस्ती ने नूह, उसेरे परिवार, अते जमीन रे हर नसल रे जानवरां जो उस बाढ़ का महफूज रखणा| ![](https://cdn.door43.org/obs/jpg/360px/obs-en-03-04.jpg) नूह ने परमेश्वर री गाल्ल मन्नी। उसने अते उसेरे मुन्डेयाँ ने तदेयी ही किस्ती बणाई जदेयी परमेश्वर ने बोल्लेया थिया। किजोकी सेह् किस्ती बड़ी बड्डी थी इधेरे तांइ उसजो बणाणे विच्च बड़े साल लगी गे। नूह ने मणुआं जो आणे वाली बाढ़ रे बारे चेतावनी दित्ती अते उन्हा जो परमेश्वर रे पास्से फिरणे तांइ बोल्लेया, पर उन्हा ने उस पर भरोसा नी कित्तेया। ![](https://cdn.door43.org/obs/jpg/360px/obs-en-03-05.jpg) परमेश्वर ने नूह अते उसेरे टब्बर जो अपणे अते जानवरां तांइ खाणे री चिज्जाँ जो इकठ्ठा करणे रा हुकम भी दित्तेया। जां सब किच्छ तियार थिया, तां परमेश्वर ने नूह जो बोल्लेया कि ए वक्त उसेरे, उसेरी लाड़ी, उसेरे तिन मुन्डे, अते उन्हेरी लाड़ियां जो मिलाई करी कुल आठ्ठ जणे जो किस्ती विच्च जाणे रा थिया| ![](https://cdn.door43.org/obs/jpg/360px/obs-en-03-06.jpg) परमेश्वर ने हर जानवर अते पक्सी रे नर अते मादा जो नूह का भेजेया ताकि सेह् किस्ती विच्च जाई सकण अते बाढ़ रे वक्त महफूस रेह्ई सकण। परमेश्वर ने इदेये हर नसल रे सात्त नर अते मादा जो भेजेया, जिन्हा जो बलि चढ़ाणे रे वक्त इस्तेमाल कित्तेया जाई सके। जां सेह् सारे किस्ती विच्च पुज्जी गे तां परमेश्वर ने अप्पु किस्ती रा दरवज्जा बांद्द करी दित्तेया। ![](https://cdn.door43.org/obs/jpg/360px/obs-en-03-07.jpg) तां बरख्खा लगणा सुरु होई, अते बरख्खा हूंदी गेई, हूंदी गेई। चाली दिन अते चाली रातां तांइ बिना रुके बरख्खा हूंदी रेह्ई। पूरी दुनियां री हर इक्क चीज, इत्ते तांइ की उच्चे का उच्चे पहाड़ भी पाणी विच्च डुबी गे। ![](https://cdn.door43.org/obs/jpg/360px/obs-en-03-08.jpg) सूक्की जमीन पर रैह्णे वाली हर इक्क चीज मरी गेई, उन्हा मणुआं अते जानवरां जो छड्डी करी जे किस्ती विच्च थिये। सेह् किस्ती पाणी पर तैरदी रेह्ई अते किस्ती रे अंदर री हर इक्क चीज डुबणे का बची रेह्ई। ![](https://cdn.door43.org/obs/jpg/360px/obs-en-03-09.jpg) बरख्खा रे रुकणे रे बाद, पांज्ज महीने तांइ सेह् किस्ती पाणी पर तैरदी रेह्ई, अते उस वक्त रे दौरान पाणी घटणे लग्गेया थिया। तां इक्क दिन सेह् किस्ती इक्क पहाड़ री चोटी पर टिकी गेई, पर दुनियां हल्ले भी पाणी कने ढक्के री थी। तिन महीने रे बाद, पहाड़ां री चोटियां लिब्बणा लगी थिया। ![](https://cdn.door43.org/obs/jpg/360px/obs-en-03-10.jpg) फिरी होर चाली दिनां बाद, नूह ने इक्क काह् जो ए दिख्खणे तांइ बार भेज्जेया कि कै पाणी सुक्की गेया कि नी। सेह् काह् सुक्की जमीन री तोप विच्च इत्ते-उत्ते उड़दा रेह्या, पर उसजो इदेयी कोई जगह नी मिल्ली। ![](https://cdn.door43.org/obs/jpg/360px/obs-en-03-11.jpg) फिरी बाद विच्च नूह ने इक्क कबूतरी जो बार भेजेया| पर उसजो भी कोई सुक्की जमीन नी मिली, इधेरे तांइ सेह नूह का वापस आई गेई। इक्क हफ्ते बाद उनिये उस कबूतरी जो फिरी भेजेया, अते सेह् अपणी चोंच विच्च इक्क जैतून री डाली लेई करी वापस आई। पाणी घट्टेया करदा थिया, अते बूट्टे फिरी का उगणा लगे थिये। ![](https://cdn.door43.org/obs/jpg/360px/obs-en-03-12.jpg) नूह ने इक्क हफ्ता होर इंतजार कित्तेया अते तिज्जी वरी उस कबूतरी जो बार भेजेया। इस वरी, उसजो जमीन पर रुकणे री जगह मिली गेई अते सेह वापस नी आई। पाणी सुक्केया करदा थिया। ![](https://cdn.door43.org/obs/jpg/360px/obs-en-03-13.jpg) दो महीने बाद परमेश्वर ने नूह जो बोल्लेया, “अवे तू अते तेरा परिवार अते सारे जानवर किस्ती का बार निकली आओ। मत्ते सारे बच्चे अते पौत्रु-धियोतरु पैदा करो अते धरती जो भरी दो।” इधेरे तांइ नूह अते उसेरा परिवार किस्ती का बार निकली आया। ![](https://cdn.door43.org/obs/jpg/360px/obs-en-03-14.jpg) नूह ने किस्ती का बार आणे का बाद, उनिये इक्क वेदी बणाई अते बलि तांइ इस्तेमाल कित्ते जाणे वाले हर इक्क जानवर विच्च का किच्छ जानवर लेई करी बलि चढ़ाई। परमेश्वर उस बलि का खुस होया अते नूह अते उसेरे परिवार जो असीस दित्ती। ![](https://cdn.door43.org/obs/jpg/360px/obs-en-03-15.jpg) परमेश्वर ने बोल्लेया, “मैं वादा करदा कि मणुआं रे जरिये कित्ते जाणे वाले बुरे कम्मां री वजह कने मैं फिरी कदी जमीन जो श्राप नी दिंगा या बाढ़ रे जरिये दुनिया जो खत्म नी करगा, हालाँकि मणू अपणे बचपन का ही पापी है। ![](https://cdn.door43.org/obs/jpg/360px/obs-en-03-16.jpg) फिरी परमेश्वर ने अपणे वादे री निसानी रे रुप विच्च इन्द्रधनुष जो बणाया। जां भी आसमान विच्च इन्द्रधनुष लिब्बे, तां परमेश्वर ने याद करणा कि उनिये कै वादा कित्तेया है अते तियां ही उसेरे मणुआं ने भी याद करणा। उत्पत्ति अध्याय 6-8 से एक बाइबल की कहानी उत्पत्ति अध्याय 6-8 का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_03_128kbps.m4a ## 4. अब्राहम कने परमेश्वर रा वादा https://openbiblestories.org/l/cdh/story-4/ ![](https://cdn.door43.org/obs/jpg/360px/obs-en-04-01.jpg) बाढ़ रे केई सालां बाद, दुनियां विच्च मत्ते सारे मणू रेह्या करदे थिये, अते उन्हा ने फिरी परमेश्वर रे अते एक दुज्जे रे खिलाफ पाप कित्तेया। किजोकी सेह् सारे इक्क ही भासा बोल्लेया करदे थिये, इधेरे तांइ सेह् सब इकठ्ठे होए अते दुनियां री होर जगह विच्च फैली जाणे रे परमेश्वर रे हुकम रे बजाए इक्क ही सैह्र बणाया। ![](https://cdn.door43.org/obs/jpg/360px/obs-en-04-02.jpg) सेह् बड़े घमण्डी थिये, अते उन्हा जो कदेयी जिंदगी जीणी चंहिदी इस बारे विच्च सेह् परमेश्वर रे हुकम जो नी मनणा चांह्दे थिये। इत्ते तांइ की उन्हा ने इक्क ऐसी मीनार जो बनाणा सुरु कित्तेया जे स्वर्ग तक पुज्जे। परमेश्वर ने दिख्खेया कि जे सेह् इकठ्ठे मिली करी बुराई करदे रैंह्गे, ता सेह् होर भी मत्ते सारे पाप्पी कम्मां जो करी सकदे हिन। ![](https://cdn.door43.org/obs/jpg/360px/obs-en-04-03.jpg) इधेरे तांइ परमेश्वर ने उन्हेरी इक्क भासा जो अलग-अलग भासा विच्च बदली दित्तेया अते उन्हा मणुआं जो पूरी दुनियां विच्च फैलाई दित्तेया जिस सैह्र जो उन्हा ने बणाणा सुरु कित्तेया थिया सेह् बाबेल कैहलाया गेया, जिसेरा मतलब “ गड़बड़ी” है। ![](https://cdn.door43.org/obs/jpg/360px/obs-en-04-04.jpg) केई सौ सालां रे बाद, परमेश्वर ने अब्राहम नां रे इक्क मणू कने गाल्ल कित्ती। परमेश्वर ने उसजो बोल्लेया, “अपणे देस अते परिवार जो छड्डी करी उस देस जो चली जा जे मैं तिज्जो दिखांगा। मैं तिज्जो इदेयी असीस दिंगा अते तेरे का इक्क बड्डी जाति बणागा। मैं तेरा नां महान करगा। जे तिज्जो असीस दिंगा, मैं उसजो असीस दिंगा, अते जे तिज्जो श्राप दिंगा उसजो श्राप दिंगा। तेरी वजह कने दुनियां रे सारे कुल ने असीस पाणी|” ![](https://cdn.door43.org/obs/jpg/360px/obs-en-04-05.jpg) इधेरे तांइ अब्राहम ने परमेश्वर री गाल्ल मन्नी। उनिये अपणे सारे सेवकां अते अपणी सारी धन-दौलत समेत अपणी लाड़ी सारै जो अपणे कने लित्तेया अते उस देस जो, कनान देस जो चली गेया जे परमेश्वर ने उसजो दिखाया थिया। ![](https://cdn.door43.org/obs/jpg/360px/obs-en-04-06.jpg) जां अब्राम कनान पुज्जेया तां परमेश्वर ने उसजो बोल्लेया, “अपणे चारों पास्से दिख्ख। मैं तिज्जो ए सारा देस दिंगा अते तेरे वंश हमेसा तांइ इस पर अधिकार रख्खणा।” तां अब्राम उस देस विच्च बसी गेया। ![](https://cdn.door43.org/obs/jpg/360px/obs-en-04-07.jpg) मलिकिसिदक नां रा एक मणू थिया जे परमेश्वर रा पुरोत थिया। इक्क दिन जां अब्राम युद्ध करणे का बाद आया करदा थिया तां सेह् अते अब्राम मिले। मलिकिसिदक ने अब्राम जो असीस दित्ती अते बोल्लेया ”महान परमेश्वर जे स्वर्ग अते धरती रा मालक है सेह् तिज्जो असीस दे।” फिरी अब्राम ने युद्ध विच्च जीत्ते री सारी चिज्जाँ रा दसमा हिस्सा मलिकिसिदक जो दित्तेया। ![](https://cdn.door43.org/obs/jpg/360px/obs-en-04-08.jpg) केई साल बीती गे, पर हल्ले भी अब्राम अते सारै रे कोई मुंडा नी थिया। परमेश्वर ने अब्राम कने गाल्ल कित्ती अते फिरी का वादा कित्तेया कि उसजो इक्क मुंडा हूणा अते जियां आसमान विच्च तारे हिन तियां ही उसेरे भी मत्ते सारे वंशज हूणे। अब्राम ने परमेश्वर रे वादे पर भरोसा कित्तेया। परमेश्वर ने घोषणा कित्ती कि अब्राम इक्क नेक जन थिया किजोकी उनिये परमेश्वर रे वादे पर भरोसा कित्तेया थिया। ![](https://cdn.door43.org/obs/jpg/360px/obs-en-04-09.jpg) तां परमेश्वर ने अब्राम कने इक्क वादा कित्तेया। आम तोर पर, इक्क वादा दो दलां विच्च इक्क दुज्जे तांइ कम्मां जो करणे रा इक्क समझौता हूंदा। परमेश्वर ने अब्राम कने ए वादा तां कित्तेया जां अब्राम सोया करदा थिया, पर सेह् तां भी परमेश्वर जो सुणी सकदा थिया। परमेश्वर ने बोल्लेया, “मैं तेरे सरीर का पैदा करी के तिज्जो तेरा अपणा इक्क मुंडा दिंगा। मैं तेरे वंशजां जो ए कनान देस दिंदा|” पर हल्ले भी अब्राम रा कोई मुंडा नी थिया। उत्पत्ति अध्याय 11-15 से एक बाइबल की कहानी उत्पत्ति अध्याय 11-15 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_04_128kbps.m4a ## 5. वादे रा मुंडा https://openbiblestories.org/l/cdh/story-5/ ![](https://cdn.door43.org/obs/jpg/360px/obs-en-05-01.jpg) अब्राम अते सारै रे कनान देस विच्च पुज्जणे रे दास साल बाद, हल्ले तांइ भी उन्हेरी कोई उलाद नी थी। इधेरे तांइ, अब्राम री लाड़ी सारै ने उसजो बोल्लेया, “किजोकी परमेश्वर ने हल्ले तांइ मिंजो बच्चा जमणे तांइ सक्षम नी कित्तेया है अते अवे मैं बच्चा जमणे तांइ बड़ी बुजुर्ग है, दिख्ख, मेरी नौकराणी हाजिरा इत्ते है। उस कने ब्याह करी लै ताकि सेह् मेरे तांइ इक्क बच्चा पैदा करी सके।” ![](https://cdn.door43.org/obs/jpg/360px/obs-en-05-02.jpg) इधेरे तांइ अब्राम ने हाजिरा कने ब्याह करी लित्तेया। हाजिरा रा इक्क मुंडा होया, अते अब्राम ने उसेरा नां इश्माएल रख्खेया। पर सारै हाजिरा का जलना लग्गी। जां इश्माएल तेराह् साल रा थिया, परमेश्वर ने फिरी अब्राम कने गाल्ल कित्ती। ![](https://cdn.door43.org/obs/jpg/360px/obs-en-05-03.jpg) परमेश्वर ने बोल्लेया,” मैं सबका जादा सक्तिसाली परमेश्वर है। मैं तेरे कने इक्क वादा करगा।” तां अब्राम ने जमीन पर गिरी करी मत्था टेकेया। परमेश्वर ने अब्राम कने ए भी बोल्लेया,” तू बड़ी सारी जातियां रा प्यो हूणा। मैं तिज्जो अते तेरे वंशजा जो उन्हेरी अपणी जमीन होणे तांइ कनान देस दिंगा अते मैं हमेसा तांइ उन्हेरा परमेश्वर हूणा। तिज्जो अपणे टब्बर रे हर इक्क मरद रा खतना करणा है। ![](https://cdn.door43.org/obs/jpg/360px/obs-en-05-04.jpg) “तेरी लाड़ी सारै रा इक्क मुंडा हूणा- सेह् वादे रा मुंडा हूणा। उसेरा नां इसहाक रख्खेयां। मैं उस कने अपणे वादे जो बणाई रख्खगा अते सेह् इक्क बड़ी जाति बणनी। मैं इश्माएल जो भी इक्क बड्डी जाति बणांगा, पर मेरा वादा इसहाक कने हूणा|” तां परमेश्वर ने अब्राम रा नां बदली करी अब्राहम रख्खी दित्तेया, जिसेरा मतलब “मत्ते सारेयां रा प्यो”। परमेश्वर ने सारै रा नां भी बदली करी सारा रख्खी दित्तेया, जिसेरा मतलब “मूलमाता”। ![](https://cdn.door43.org/obs/jpg/360px/obs-en-05-05.jpg) उस दिन अब्राहम ने अपणे टब्बर रे सारे मरदां रा खतना कित्तेया। लगभग इक्क साल रे बाद, जां अब्राहम 100 साल री उम्र रा थिया अते सारा 90साल री थी, तां सारा ने अब्राहम रे मुंडे जो जन्म दित्तेया। जियां परमेश्वर ने उन्हा जो बोल्लेया थिया उन्हा ने उसेरा नां इसहाक रख्खेया। ![](https://cdn.door43.org/obs/jpg/360px/obs-en-05-06.jpg) जां इसहाक जवान होया तां परमेश्वर ने ए बोल्ली करी अब्राहम रे भरोसे रा इन्तेहाम लित्तेया,”अपणे इक्क लौते मुंडे जो लै, अते उसजो मेरे तांइ बलि रे रुप विच्च मारी दे।” फिरी अब्राहम ने परमेश्वर री गाल्ल मन्नी अते अपणे मुंडे जो बलि करणे तांइ तियार कित्तेया। ![](https://cdn.door43.org/obs/jpg/360px/obs-en-05-07.jpg) जां अब्राहम अते इसहाक बलि चढ़ाणे री जगह री तरफ जाणा लगे तां इसहाक ने पुच्छेया,” ओ पिता, असा का बलि तांइ लकड़ियाँ ता हिन, पर बलि चढ़ाणे तांइ बछ्छू कुते है?” अब्राहम ने जवाब दित्तेया,” ओ मेरे मुंडे, परमेश्वर बलि तांइ बछ्छू रा इन्तेजाम करगा|” ![](https://cdn.door43.org/obs/jpg/360px/obs-en-05-08.jpg) जां सेह् बलि चढ़ाणे री जगह पर पुज्जी गे, तां अब्राहम ने इसहाक जो बन्नी करी वेदी पर लेटाई दित्तेया। सेह् अपणे मुंडे जो मारणे ही वाला थिया कि परमेश्वर ने बोल्लेया, रुकी जा! मुंडे जो मत मार! अवे मैं जाणी गेया कि तू मेरा डर मंदा किजोकी तू अपणे इक्कलोते मुंडे जो भी मेरे का बचाई करी नी रख्खेया।” ![](https://cdn.door43.org/obs/jpg/360px/obs-en-05-09.jpg) नेड़े ही अब्राहम ने इक्क बकरे जो दिख्खेया जे झाड़ियां विच्च फसे रा थिया। इसहाक रे बदले बलि तांइ परमेश्वर ने बकरे रा इन्तेजाम कित्तेया। अब्राहम ने खुसी-खुसी बकरे री बलि चढ़ाई दित्ती। ![](https://cdn.door43.org/obs/jpg/360px/obs-en-05-10.jpg) तां परमेश्वर ने अब्राहम जो बोल्लेया, “किजोकी तू मेरे तांइ सब किच्छ दैणा चांह्दा थिया, इत्ते तांइ कि अपणे इक्कलौते मुंडे जो भी, इधेरे तांइ तिज्जो असीस दैणे रा वादा करदा। तेरे वंशज आसमान रे तारेयां का भी जादा हूणे। किजोकी तू मेरे हुकम जो मन्नेया है इधेरे तांइ मैं तेरे परिवार रे जरिये दुनियां रे सब कुलां जो असीस दिंगा|” उत्पत्ति अध्याय 16-22 से एक बाइबल की कहानी उत्पत्ति अध्याय 16-22 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_05_128kbps.m4a ## 6. परमेश्वर इसहाक तांइ इंतजाम करदा। https://openbiblestories.org/l/cdh/story-6/ ![](https://cdn.door43.org/obs/jpg/360px/obs-en-06-01.jpg) जां अब्राहम बड़ा बुजुर्ग होई गेया तां उसेरा मुंडा, इसहाक, इक्क मरद री उम्र रा होई गेया थिया। इधेरे तांइ अब्राहम ने अपणे इक्क नौकर जो अपणे मुंडे इसहाक तांइ उस देस का इक्क लाड़ी लियाणे तांइ भेज्जेया जित्ते उसेरे रिश्तेदार रैंह्दे थिये। ![](https://cdn.door43.org/obs/jpg/360px/obs-en-06-02.jpg) जित्ते अब्राहम रे रिश्तेदार रैंह्दे थिये उस देस जो जाणे तांइ बड़ा लम्बा सफर करणे रे बाद परमेश्वर ने उस नौकर री मुलाकात रिबका कने कराई। सेह् अब्राहम रे भाई री पोती थी। ![](https://cdn.door43.org/obs/jpg/360px/obs-en-06-03.jpg) रिबका अपणे परिवार जो छड्डी करी उस नौकर कने वापस जाणे तांइ मनी गेई। जियां ही सेह् पुज्जे इसहाक ने उस कने ब्याह करी लित्तेया। ![](https://cdn.door43.org/obs/jpg/360px/obs-en-06-04.jpg) इक्क लम्बे वक्त का बाद, अब्राहम मरी गेया। तां परमेश्वर ने अब्राहम रे मुंडे इसहाक जो, अब्राहम कने कित्ते रे वादे री वजह कने असीस दित्ती। उस वादे विच्च परमेश्वर रा इक्क वादा थिया कि अब्राहम रे अणगिणत वंशज हूणे। पर इसहाक री लाड़ी रिबका री उलाद नी होई। ![](https://cdn.door43.org/obs/jpg/360px/obs-en-06-05.jpg) इसहाक ने रिबका तांइ प्रार्थना कित्ती, अते परमेश्वर ने उसजो जुड़वा बच्चे कने दुपराणी कित्तेया। जिस वक्त से बच्चे रिबका रे पेट विच्च ही थिये सेह् आपस विच्च लड़णा लगे, इधेरे तांइ जे किच्छ होया करदा थिया सेह् रिबका ने परमेश्वर जो दस्सी दित्तेया। ![](https://cdn.door43.org/obs/jpg/360px/obs-en-06-06.jpg) परमेश्वर ने रिबका जो बोल्लेया,”तू दो मुंडेयां जो जन्म दैणा। उन्हेरे वंशज दो अलग-अलग जातियां बणनी। तिन्हा इक्क दुज्जे कने लड़ना। पर बड्डे मुंडे का पैदा होणे वाली जाति जो छोटे मुंडे का आणे वाली जाति रा हुकम मनणा पैणा।” ![](https://cdn.door43.org/obs/jpg/360px/obs-en-06-07.jpg) जां रिबका रे बच्चे पैदा होए, तां बड्डा वाला मुंडा लाल अते रूईदार थिया, अते उन्हा ने उसेरा नां एसाव रख्खेया। तां छोटा मुंडा एसाव री ऐड़ी पकड़े रे पैदा होया, अते उन्हा ने उसेरा नां याकूब रख्खेया। उत्पत्ति अध्याय 24:1-25:26 से एक बाइबल की कहानी उत्पत्ति अध्याय 24:1-25:26 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_06_128kbps.m4a ## 7. परमेश्वर याकूब जो असीस दिंदा. https://openbiblestories.org/l/cdh/story-7/ ![](https://cdn.door43.org/obs/jpg/360px/obs-en-07-01.jpg) जां सेह् बच्चे बड्डे होए तां याकूब जो घरे रैह्णा खरा लगेया, पर एसाव जो जानवरां रा सिकार करणा अच्छा लगेया। रिबका ने याकूब कने जादा प्यार रख्खेया, पर इसहाक ने एसाव कने प्यार रख्खेया। ![](https://cdn.door43.org/obs/jpg/360px/obs-en-07-02.jpg) इक्क दिन, जां एसाव सिकार करी के वापस आया ता तिसजो बड़ी भुख्ख थी लगे री। एसाव ने याकूब जो बोल्लेया,”जे रोटी तैं पकाई री है उस विच्च का थोड़ी रोटी मिंजो भी दे।” याकूब ने जवाब दित्तेया,”पैल्ले मेरे कने ए वादा कर की पैहलौठा होणे री वजह कने जे चिज्जाँ तिज्जो मिलणी चंहिदी, सेह् सब चिज्जाँ तू मिंजो दिंगा।” इधेरे तांइ एसाव ने सारी चिज्जाँ जो याकूब जो दैणे तांइ वादा कित्तेया। तां याकूब ने उसजो किच्छ रोटी दित्ती। ![](https://cdn.door43.org/obs/jpg/360px/obs-en-07-03.jpg) इसहाक एसाव जो असीस दैणा चांह्दा थिया। पर इस का पैल्ले कि उनिये इयां कित्तेया, रिबका अते याकूब ने याकूब रे एसाव हूणे रा ढोंग करी के उस कने धोख्खा कित्तेया। इसहाक बुजुर्ग थिया अते अवे तिसजो किच्छ लिबदा नी थिया। इधेरे तांइ याकूब ने एसाव रे कपड़े पाई करी अते बकरी री खाल जो अपणे गले अते हत्थां पर लपेटी लित्तेया। ![](https://cdn.door43.org/obs/jpg/360px/obs-en-07-04.jpg) याकूब इसहाक रे करीब आया अते बोल्लेया, “मैं एसाव है। मैं इधेरे तांइ आया की तू मिंजो असीस दे।” जां इसहाक ने बकरी रे बालां जो महसूस कित्तेया अते कपडेयां जो सूंघेया, तां उनिये सोच्चेया की ए एसाव है अते उसजो असीस दित्ती। ![](https://cdn.door43.org/obs/jpg/360px/obs-en-07-05.jpg) एसाव ने याकूब का जलन कित्ती किजोकी याकूब ने उसेरे पैल्ले मुंडे हूणे रे हक जो अते उसेरी असीसां जो भी चोरी लित्तेया थिया। इधेरे तांइ उनिये अपणे प्यो रे मरणे का बाद याकूब जो जान का मारणे री योजना बणाई। ![](https://cdn.door43.org/obs/jpg/360px/obs-en-07-06.jpg) पर रिबका ने एसाव री योजना जो सुणी लित्तेया। इधेरे तांइ उनिये अते इसहाक ने याकूब जो उसेरे रिश्तेदारां कने रैह्णे तांइ बड़ी दूर भेजी दित्तेया। ![](https://cdn.door43.org/obs/jpg/360px/obs-en-07-07.jpg) याकूब केई सालां तांइ रिबका रे रिश्तेदारां कने रेह्या| उस वक्त रे दौरान उनिये ब्याह कित्तेया अते उसेरे बारा मुंडे अते इक्क कुड़ी होई। परमेश्वर ने उसजो बड़ा अमीर बणाई दित्तेया। ![](https://cdn.door43.org/obs/jpg/360px/obs-en-07-08.jpg) बिह् सालां तांइ कनान विच्च अपणे घर का दूर रैह्णे का बाद, याकूब अपणे परिवार, अपणे सेवकां, अते अपणे जानवरां रे सारे झुण्डा कने वापस आई गेया। ![](https://cdn.door43.org/obs/jpg/360px/obs-en-07-09.jpg) याकूब इधेरे तांइ बड़ा डरे रा थिया किजोकी उनिये सोच्चेया कि एसाव हल्ले भी उसजो मारणा चांह्दा थिया। इधेरे तांइ उनिये तोफे रे रुप विच्च जानवरां रे झुण्ड जो एसाव का भेज्जेया। जे सेवक उन झुण्डा जो लेई करी गे थिए उन्हा ने बोल्लेया,”तेरा दास याकूब, इन जानवरां जो तिज्जो दिंदा। सेह् जल्दी ही आया करदा है।” ![](https://cdn.door43.org/obs/jpg/360px/obs-en-07-10.jpg) पर एसाव अवे याकूब जो नुकसान नी पुजाणा चांह्दा थिया। इसेरे बजाए, सेह् उसजो इक्क वरी फिरी दिख्खी करी बड़ा खुस होया। उसेरे बाद याकूब कनान विच्च सांति कने रेह्या। फिरी इसहाक मरी गया अते याकूब अते एसाव ने उसजो दफनाया। जे वादा परमेश्वर ने अब्राहम कने कित्तेया थिया सेह् अवे इसहाक का याकूब पर आई गेया थिया। उत्पत्ति अध्याय 25:27-35:29 से एक बाइबल की कहानी उत्पत्ति अध्याय 25:27-35:29 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_07_128kbps.m4a ## 8. परमेश्वर यूसुफ अते उसेरे टब्बर जो बचांदा https://openbiblestories.org/l/cdh/story-8/ ![](https://cdn.door43.org/obs/jpg/360px/obs-en-08-01.jpg) केई सालां बाद, जां याकूब बुजुर्ग होई गया थिया, तां उनिये अपणे प्यारे मुंडे युसफ जो उसेरे भाइयां जो दिख्खणे भेज्जेया जे जानवरां रे झुण्डा री देखभाल करदे थिये। ![](https://cdn.door43.org/obs/jpg/360px/obs-en-08-02.jpg) युसूफ रे भाई उसका नफरत करदे थिये किजोकी उन्हेरा प्यो उस कने जादा प्यार करदा थिया अते इधेरे तांइ भी की युसूफ ने सुपना दिख्खेया थिया कि सेह् उन्हा रा राज्जा होई जाणा। जां यूसुफ अपणे भाइयां का गेया तां उन्हा ने उसजो कैदी बणाई लित्तेया अते उसजो दासां रा व्यापार करणे वालेयां का बेच्ची दितेया। ![](https://cdn.door43.org/obs/jpg/360px/obs-en-08-03.jpg) घर वापस आणे का पैल्ले यूसुफ रे भाइयां ने यूसुफ रे कपड़े जो फाड़ी करी बकरी रे खून विच्च डोब्बी दित्तेया। फिरी उन्हा ने सेह् कपड़ा अपणे प्यो दिख्खाया ताकि सेह् ए सोच्चे की कुस्की जंगली जानवर ने उसजो मारी दित्तेया। याकूब बड़ा उदास थिया। ![](https://cdn.door43.org/obs/jpg/360px/obs-en-08-04.jpg) दासां रा व्यापार करणे वाले सेह् मणू यूसुफ जो मिस्र लेई गे। नील नदी रे किनारे पर बसे रा मिस्र इक्क बड़ा बड्डा अते सक्तिसाली देस थिया। उन्हा दासां रा धंधा व्यापार करणे वालेयां ने यूसुफ जो इक्क अमीर सरकारी प्रधान जो दास रे रुप विच्च बेच्ची दित्तेया। यूसुफ ने अपणे मालक री खरे तरिक्के सेवा कित्ती, अते परमेश्वर ने यूसुफ जो असीस दित्ती। ![](https://cdn.door43.org/obs/jpg/360px/obs-en-08-05.jpg) उसेरे मालक री लाड़ी ने यूसुफ कने सोणे री कोसिस कित्ती, पर यूसुफ ने इस तरिक्के कने परमेश्वर रे विरुद्ध पाप करणे का मन्हा करी दित्तेया। सेह् गुस्सा होई अते यूसुफ पर झूठ्ठा इल्जाम लगाई दित्तेया, इधेरे तांइ उसजो पकड़ी करी जेल विच्च पाई दित्तेया। इत्ते तांइ की जेल विच्च भी, यूसुफ परमेश्वर रे प्रति सच्चा रेह्या, अते परमेश्वर ने उसजो असीस दित्ती। ![](https://cdn.door43.org/obs/jpg/360px/obs-en-08-06.jpg) दो सालां बाद, यूसुफ हल्ले भी जेल विच्च थिया, भले ही सेह् बेकसुर थिया। इक्क रात, फिरौन, जियां कि मिस्री मणू अपणे राज्जेयां जो पुकारदे थिये, ने दो सुपने दिख्खे जिसेरी वजह कने सेह् बैचैन होई गेया। उसेरा कोई भी सलाहकार उन्हा सुपनेयां रा मतलब नी दस्सी सकेया। ![](https://cdn.door43.org/obs/jpg/360px/obs-en-08-07.jpg) परमेश्वर ने यूसुफ जो सुपनेयां रा मतलब बताणे री क्षमता दित्ती थी, इधेरे तांइ फिरौन ने यूसुफ जो जेल का वापस सद्देया। यूसुफ ने उन्हा जो उन्हा सुपनेयां रा मतलब दस्सेया अते बोल्लेया, “परमेश्वर ने सात साल दैणे जिस विच्च बड़ी सारी फसल उगणी अते उसेरे बाद सात साल अकाल पैणा। ![](https://cdn.door43.org/obs/jpg/360px/obs-en-08-08.jpg) फिरौन यूसुफ का इन्ना खुस होया कि उनिये उसजो मिस्र रा दुज्जा सबका सक्तिसाली मणू बणाई दित्तेया। ![](https://cdn.door43.org/obs/jpg/360px/obs-en-08-09.jpg) यूसुफ ने मणुआं जो ए बोल्लेया की खरी फसल वाले सात सालां रे दौरान जादा का जादा फसल इकठ्ठी करो। जां सात साल रा अकाल आया तां यूसुफ ने मणुआं जो सेह् फसल बेच्ची ताकि उन्हा का खाणे तांइ हो। ![](https://cdn.door43.org/obs/jpg/360px/obs-en-08-10.jpg) सेह् अकाल सिर्फ मिस्र विच्च ही नी थिया, पर कनान विच्च भी बड़ा जादा थिया जित्ते याकूब अते उसेरा परिवार रैंह्दा थिया। ![](https://cdn.door43.org/obs/jpg/360px/obs-en-08-11.jpg) इधेरे तांइ याकूब ने अपणे सबका बड्डे मुंडेयां जो रोटी खरीदणे तांइ मिस्र जो भेज्जेया। जां सेह् रोटी तांइ फसल खरीदणे तांइ यूसुफ रे सामणे खड़े होए तां उन्हा भाइयां ने यूसुफ जो नी पछाणेया। पर यूसुफ ने उन्हा जो पछाणी लित्तेया। ![](https://cdn.door43.org/obs/jpg/360px/obs-en-08-12.jpg) अपणे भाइयां जो परखणे का बाद ए पता लगाणे तांइ की कै सेह् बदली गेरे हिन, यूसुफ ने उन्हा जो बोल्लेया, “मैं तुसां रा भाई यूसुफ है! डरो मत। जां तुसा ने मिंजो दास रे रुप विच्च बेचेया थिया ता तुसा ने बुरा करणे री ठाणी थी, पर परमेश्वर ने उस बुराई जो भलाई तांइ इस्तेमाल कित्तेया! आओ अते मिस्र विच्च रेह्यो ताकि मैं तुसा रे अते तुसां रे टब्बर तांइ रोटी रा इंतजाम करी सकां।” ![](https://cdn.door43.org/obs/jpg/360px/obs-en-08-13.jpg) जां यूसुफ रे भाई घर वापस आए अते अपणे प्यो याकूब जो दस्सेया कि यूसुफ हल्ले तांइ जिंदा है ता सेह् बड़ा जादा खुस होया थिया। ![](https://cdn.door43.org/obs/jpg/360px/obs-en-08-14.jpg) बल्कि याकूब इक्क बुजुर्ग मणू थिया तां भी सेह् अपणे पूरे टब्बर समेत मिस्र जो चली गेया, अते सेह् उत्ते बसी गे। याकूब रे मरणे का पैल्ले, उनिये अपणे इक्क इक्क बच्चे जो असीस दित्ती। ![](https://cdn.door43.org/obs/jpg/360px/obs-en-08-15.jpg) परमेश्वर ने जे वादे अब्राहम कने कित्ते थिए सेह् इसहाक पर अते उसेरे बाद याकूब, अते उसेरे बाद उसेरे बारा मुंडेयां अते उन्हेरे टब्बरां पर होए थिए। उन्हा बारा मुंडेयां रे वंशज इस्राएल रे बारा गोत्र बणी गे। उत्पत्ति अध्याय 37-50 से एक बाइबल की कहानी उत्पत्ति अध्याय 37-50 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_08_128kbps.m4a ## 9. परमेश्वर मूसा जो सद्ददा https://openbiblestories.org/l/cdh/story-9/ ![](https://cdn.door43.org/obs/jpg/360px/obs-en-09-01.jpg) यूसुफ रे मरणे का बाद उसेरे सब रिश्तेदार मिस्र विच्च बसी गे। सेह् अते उसेरे वंशज केई सालां तांइ मिस्र विच्च ही रेह् थिये अते उन्हेरे मत्ते बच्चे पैदा होए। सेह् सब इस्राएलि केहलाए गे। ![](https://cdn.door43.org/obs/jpg/360px/obs-en-09-02.jpg) केई सौ सालां का बाद, इस्राएलियां री गिणती बड़ी बद्धी गेई थी। अते मिस्री मणू अवे इस गाल्ल तांइ सुकर गुजार नी थिये की उन्हेरी मदत तांइ यूसुफ ने बड़ा किच्छ कित्तेया। सेह् इस्राएलियां का डरी गे किजोकी सेह् गिणती विच्च उन्हा का जादा थिये। इधेरे तांइ उस वक्त मिस्र पर राज करणे वाला फिरौन ने इस्राएलियां जो मिस्रियां रे दास बणाई दित्तेया। ![](https://cdn.door43.org/obs/jpg/360px/obs-en-09-03.jpg) मिस्रियां ने इस्राएलियां जो मत्ते सारे भवन अते केई सैह्रां जो बणाणे तांइ मजबूर करी दित्तेया। उस मुस्किल मैहनत ने उन्हेरी जिंदगी बड़ी दुखदाई बणाई दित्ती, पर परमेश्वर ने उन्हा जो असीस दित्ती अते उन्हेरे होर भी बच्चे पैदा होए। ![](https://cdn.door43.org/obs/jpg/360px/obs-en-09-04.jpg) फिरौन ने दिख्खेया कि इस्राएलियां रे मत्ते बच्चे पैदा होया करदे हिन, इधेरे तांइ उनिये अपणे मणुआं जो इस्राएलियां रे सारे नर बच्चेयां जो नील नदी विच्च सुट्टी करी मारणे रा हुकम दित्तेया। ![](https://cdn.door43.org/obs/jpg/360px/obs-en-09-05.jpg) इक्क इस्राएली जनानी ने इक्क नर बच्चे जो जन्म दित्तेया। उनिये अते उसेरे लाड़े ने जिन्ना होई सकदा थिया उन्हा उस बच्चे जो लुकाई करी रख्खेया। ![](https://cdn.door43.org/obs/jpg/360px/obs-en-09-06.jpg) जां उस बच्चे रे माँ-प्यो उसजो जादा नी लुकाई सके, तां उन्हा ने उसजो मारे जाणे का बचाणे तांइ इक्क तैरणे वाली टोकरी विच्च रख्खी करी नदी रे किनारे झाड़ियां विच्च रख्खी दित्तेया। उसेरी बड्डी भैंण ने ए दिख्खणे तांइ निगरानी कित्ती कि उस कने कै हूंगा। ![](https://cdn.door43.org/obs/jpg/360px/obs-en-09-07.jpg) फिरौन री कुड़ी ने उस टोकरी जो दिख्खी करी उसेरे अंदर नजर मारी। जां उनिये इक्क बच्चे जो दिख्खेया तां उनिये उस बच्चे जो अपणे रे रुप विच्च अपणाई लित्तेया। उनिये इक्क इस्राएली जनानी जो उस बच्चे जो दुद्द पियाणे तांइ काम्म पर रख्खेया, बिना जाणे की ए जनानी ही उस बच्चे री असली माँ है। जां सेह् बच्चा इन्ना बड्डा होई गया कि अवे उसजो अपणी माँ रे दुद्द री जरुरत नी रेह्ई थी, तां उनिये फिरौन री कुड़ी रे नेड़े उसजो लेटाई दित्तेया, उसेरा नां मूसा थिया। ![](https://cdn.door43.org/obs/jpg/360px/obs-en-09-08.jpg) इक्क दिन, जां मूसा बड्डा होई गेया, तां उनिये दिख्खेया कि इक्क मिस्री एक इस्राएली जो मारेया करदा है। मूसा ने अपणे साथी इस्राएली जो बचाणे री कोसिस कित्ती। ![](https://cdn.door43.org/obs/jpg/360px/obs-en-09-09.jpg) जां मूसा ने सोच्चेया कि उसजो कोई नी दिख्खगा तां उनिये उस मिस्री जो मारी दित्तेया अते उसेरी लाह्स जो दफन करी दित्तेया। पर मूसा ने जे कित्तेया थिया उसजो कुस्की ने दिख्खी लित्तेया थिया। ![](https://cdn.door43.org/obs/jpg/360px/obs-en-09-10.jpg) फिरौन जो पत्ता चली गेया कि मुसा ने कै कित्तेया है। उनिये उसजो मारणे री कोसिस कित्ती, पर मूसा मिस्र रे जंगल जो नह्सी गेया। फिरौन रे सपाही उसजो तोप्पी नी पाए। ![](https://cdn.door43.org/obs/jpg/360px/obs-en-09-11.jpg) मिस्र का दूर जंगल विच्च मूसा एक पुहाल बणी गेया थिया। उनिये उत्ते इक्क जनानी कने ब्याह करी लित्तेया अते उसेरे दो मुंडे पैदा होए। ![](https://cdn.door43.org/obs/jpg/360px/obs-en-09-12.jpg) मुसा अपणे सौरे री भेड़ां री देखभाल करदा थिया। इक्क दिन, उनिये बलदी झाड़ी दिख्खी जे राख होए बिना बलेया करदी थी। उसजो दिख्खणे तांइ सेह् उस झाड़ी रे करीब गेया। जां सेह उसेरे बड़े नेड़े थिया तां परमेश्वर ने उस कने गाल्ल कित्ती। उनिये बोल्लेया, “ओ मूसा, अपणे जुत्तेयां जो खोली दे। तू इक्क पवित्तर जगह पर खड़ा है।” ![](https://cdn.door43.org/obs/jpg/360px/obs-en-09-13.jpg) परमेश्वर ने बोल्लेया, “मैं अपणे मणुआं रे दुखां जो दिख्खेया है। मैं तिज्जो फिरौन का भेजगा ताकि तू इस्राएलियां जो मिस्र री गुलामी का बार निकाली लियाए। मैं उन्हा जो कनान देस दिंगा जिसेरा मैं अब्राहम, इसहाक अते याकूब कने वादा कित्तेया थिया।” ![](https://cdn.door43.org/obs/jpg/360px/obs-en-09-14.jpg) मूसा ने पुच्छेया, “अगर मणुआं ने जाणना चाह्या कि मिंजो कुनिये भेज्जेया तां मैं कै बोल्लां?” परमेश्वर ने बोल्लेया, “जे मैं है सेह् मैं है। उन्हा जो बोल्लेयां, मैं है ने मिंजो तुसा का भेज्जेया है।” उन्हा जो ए भी बोल्लेयां, ”मैं तुसा रे पुरखे अब्राहम, इसहाक अते याकूब रा परमेश्वर यहोवा है।’ मेरा ए नां हमेसा तांइ है।” ![](https://cdn.door43.org/obs/jpg/360px/obs-en-09-15.jpg) मूसा डरदा थिया अते फिरौन का वापस नी जाणा चांह्दा थिया किजोकी उनिये सोच्चेया की तिसने खरे तरिक्के कने नी बोल्ली पांणा, इधेरे तांइ परमेश्वर ने मूसा रे भाई, हारून, जो उसेरी मदत करणे तांइ भेज्जेया। निर्गमन अध्याय 1-4 से एक बाइबल की कहानी निर्गमन अध्याय 1-4 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_09_128kbps.m4a ## 10. दास्स बिपत्ता https://openbiblestories.org/l/cdh/story-10/ ![](https://cdn.door43.org/obs/jpg/360px/obs-en-10-01.jpg) परमेश्वर ने मूसा अते हारून जो समजाया कि फिरौन रा मन ढीठ होई जाणा। जां सेह् फिरौन का गे तां उन्हा ने बोल्लेया, “इस्राएल रा परमेश्वर इयां बोलदा, ‘मेरे मणुआं जो जाणे दे!’” पर फिरौन ने उन्हेरी गाल्ल नी सुणी अते इस्रएलियां जो भेजणे तांइ आजाद करणे री बजाए उनिये उन्हा जो होर जादा कड़ी मैहनत करणे तांइ मजबूर कित्तेया। ![](https://cdn.door43.org/obs/jpg/360px/obs-en-10-02.jpg) फिरौन उन्हा मणुआं जो भेजणे तांइ घड़ी-घड़ी मन्हा करदा रेह्या, इधेरे तांइ परमेश्वर ने मिस्र पर दास्स खतरनाक बिपत्तां भेज्जी। इन्हा बिपत्तां रे जरिये, परमेश्वर ने फिरौन जो दस्सेया कि सेह् फिरौन अते मिस्र रे देवतेयां का जादा सक्तिसाली है। ![](https://cdn.door43.org/obs/jpg/360px/obs-en-10-03.jpg) परमेश्वर ने नील नदी जो खून विच्च बदली दित्तेया, पर फिरौन ने हल्ले भी इस्राएलियां जो जाणे नी दित्तेया। ![](https://cdn.door43.org/obs/jpg/360px/obs-en-10-04.jpg) परमेश्वर ने पूरे मिस्र देस विच्च मेंढक भेज्जे। फिरौन ने मेंढकां जो दूर करणे तांइ मूसा का बिनत्ती कित्ती। पर सब मेंढकां रे मरणे का बाद, फिरौन ने अपणे मन जो सख्त करी लित्तेया अते इस्राएलियां जो मिस्र का बार जाणे नी दित्तेया। ![](https://cdn.door43.org/obs/jpg/360px/obs-en-10-05.jpg) इधेरे तांइ परमेश्वर ने चच्चड़ा री बिपत्ता भेज्जी। उसेरे बाद उनिये बड्डी मक्खियाँ री बिपत्ता भेज्जी। फिरौन ने मूसा अते हारून जो सद्दॆया अते उन्हा जो बोल्लेया की जे सेह् उस बिपत्ता जो रोकी देण तां इस्राएली मिस्र जो छड्डी करी जाई सकदे हिन्। जां मूसा ने प्रार्थना कित्ती तां परमेश्वर ने मिस्र पर का बड्डी मक्खियाँ जो हटाई दित्तेया। पर फिरौन ने अपणे मन जो सख्त करी लित्तेया अते उन्हा मणुआं जो आजाद होई करी जाणे नी दित्तेया। ![](https://cdn.door43.org/obs/jpg/360px/obs-en-10-06.jpg) इसेरे अग्गे, परमेश्वर ने मिस्रियां रे सब पालतू जानवरां जो बमार करी के मरणा दित्तेया। पर फिरौन रा मन सख्त होई गेया थिया अते उनिये इस्राएलियां जो जाणे नी दित्तेया। ![](https://cdn.door43.org/obs/jpg/360px/obs-en-10-07.jpg) तां परमेश्वर ने मूसा जो फिरौन रे सामणे हवा विच्च धुड़ सुटणे तांइ बोल्लेया। जां उनिये इयां कित्तेया तां मिस्र रे मणुआं री चमड़ी पर पीड़ वाले दाणे निकली आए, पर इस्राएलियां जो किच्छ नी होया। परमेश्वर ने फिरौन रे मन जो सख्त करी दित्तेया, अते फिरौन रे इस्राएलियां जो आजाद होई करी जाणे नी दित्तेया। ![](https://cdn.door43.org/obs/jpg/360px/obs-en-10-08.jpg) इसेरे बाद, परमेश्वर नेे ऐण रे गोल्ले गिराए अते मिस्र री सारी फसलां जो तबाह करी दित्तेया अते जे कोई भी बार निकलेया उसजो मारी दित्तेया। फिरौन ने मूसा अते हारून जो सदवाया अते उन्हा जो बोल्लेया, “मैं पाप्प कित्तेया है। तुसी मणू जाई सकदे हिन|’ इधेरे तांइ मूसा ने प्रार्थना कित्ती, अते आसमान का ऐण रे गोल्ले गिरणा रुकी गे। ![](https://cdn.door43.org/obs/jpg/360px/obs-en-10-09.jpg) पर फिरौन ने फिरी का पाप्प कित्तेया अते अपणे मन जो सख्त करी लित्तेया। उनिये इस्राएलियां जो आजाद करी के जाणे नी दित्तेया। ![](https://cdn.door43.org/obs/jpg/360px/obs-en-10-10.jpg) इधेरे तांइ परमेश्वर ने मिस्र पर टिड्डियां रे झुंड जो आणे दित्तेया। इन टिड्डियां ने उन्हेरी सारी फसलां जो खाई लित्तेया जे ऐण री बिपत्ता रे बाद बची गेई थी। ![](https://cdn.door43.org/obs/jpg/360px/obs-en-10-11.jpg) फिरी परमेश्वर ने न्याहरा करी दित्तेया जे तिन्न दिनां तांइ बणी रेह्या| ए इन्ना जादा थिया कि मिस्री मणू अपणे घरां का नी निकली पाए| पर जित्ते इस्राएली मणू रैंह्दे थिये, उत्ते रौसनी थी। ![](https://cdn.door43.org/obs/jpg/360px/obs-en-10-12.jpg) इन्हा नौ बिपत्तां का बाद भी, फिरौन ने इस्राएलियां जो आजाद होई करी जाणे नी दित्तेया। किजोकि फिरौन ने नी सुणेया थिया इधेरे तांइ परमेश्वर ने इक्क आखरी बिपत्ता जो भेजणे री सोच्ची। ए फिरौन रे मन जो बदली दिंगी। निर्गमन अध्याय 5-10 से एक बाइबल की कहानी निर्गमन अध्याय 5-10 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_10_128kbps.m4a ## 11. फसह https://openbiblestories.org/l/cdh/story-11/ ![](https://cdn.door43.org/obs/jpg/360px/obs-en-11-01.jpg) परमेश्वर ने मूसा अते हारून जो फिरौन का ए बोलणे तांइ भेज्जेया कि इस्राएलियां जो जाणे दे। उन्हा ने उसजो चेतावनी दित्ती कि जे सेह् उन्हा जो नी जाणे दिंगा, ता परमेश्वर ने मिस्र रे मणुआं रे अते जानवर रे सब पैल्ले बच्चेयां जो मारी दिंगा। फिरौन ने ए सुणी करी भी परमेश्वर पर भरोसा करणे का अते उसेरी गाल्ल मनणे का मन्हा करी दित्तेया। ![](https://cdn.door43.org/obs/jpg/360px/obs-en-11-02.jpg) परमेश्वर ने उस पर भरोसा करणे वाले रे कुस्की भी पैल्ले मुंडे जो बचाणे तांइ इक्क उपाय रा इन्तेजाम कित्तेया। हर टब्बर जो बिना नुख्स रे इक्क छेलु लेई करी उसेरी बलि दैणी पैणी। ![](https://cdn.door43.org/obs/jpg/360px/obs-en-11-03.jpg) परमेश्वर ने इस्राएलियां जो उस बलि कित्ते रे छेलु रे खून जो अपणे घरे रे दरवज्जे री चौखट पर लगाणे जो बोल्लेया। उन्हा जो उसेरे मांस जो भुनणा थिया अते फिरी उन्हा जो बिना खमीर री रोटी कने उसजो जल्दी-जल्दी खाणा थिया। उनिये उस रोटी जो खाणे का बाद उन्हा जो फौरन मिस्र छड़णे तांइ तियार रैह्णे तांइ बोल्लेया। ![](https://cdn.door43.org/obs/jpg/360px/obs-en-11-04.jpg) जियां परमेश्वर ने इस्राएलियां जो करणे तांइ हुकम दित्तेया थिया उन्हा ने उसेरे हिसाब कने सब किच्छ कित्तेया। अद्दी रात्ती, परमेश्वर हर इक्क रे मुंडे जो मारदे होए मिस्र देस रे विच्च का होई करी गुजरेया। ![](https://cdn.door43.org/obs/jpg/360px/obs-en-11-05.jpg) इस्राएलियां रे हर इक्क घर पर खून लग्गे रा थिया, इधेरे तांइ परमेश्वर ने उन्हा घरां जो छड्डी दित्तेया। उन्हेरे अन्दर रे सब मणू महफूस थिये। सेह् छेलु रे खून री वजह कने बची गे थिये। ![](https://cdn.door43.org/obs/jpg/360px/obs-en-11-06.jpg) पर मिस्रियां ने परमेश्वर पर भरोसा नी कित्तेया थिया अते उसेरे हुकमां जो नी मन्नेया थिया। इधेरे तांइ परमेश्वर ने उन्हा रे घरां जो नी छड्डेया। परमेश्वर ने मिस्रियां रे हर इक्क पैल्ले पैदा होए रे मुंडेयां जो मारी दित्तेया। ![](https://cdn.door43.org/obs/jpg/360px/obs-en-11-07.jpg) जेल रे कैदियां रे पैल्ले बच्चेयां का लेई करी, फिरौन रे पैल्ले बच्चे तांइ, हर इक्क पैल्ला मुंडा मरी गेया। अपणी गेहरी वेदना री वजह कने मिस्र रे बड़े मणू रोया करदे थिये अते जोरे-जोरे रुंदै थिये। ![](https://cdn.door43.org/obs/jpg/360px/obs-en-11-08.jpg) उस्सी रात्ती, फिरौन ने मूसा अते हारून जो सदवाया अते बोल्लेया, “इस्राएलियां जो लेई करी जल्दी ही मिस्र का निकली जाओ|” मिस्र रे मणुआं ने भी इस्राएलियां जो जल्दी जाणे तांइ बिनत्ती कित्ती। निर्गमन अध्याय 11:1-12:32 से एक बाइबल की कहानी निर्गमन अध्याय 11:1-12:32 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_11_128kbps.m4a ## 12. निर्गमन https://openbiblestories.org/l/cdh/story-12/ ![](https://cdn.door43.org/obs/jpg/360px/obs-en-12-01.jpg) इस्राएली मिस्र का बार निकली करी बड़े खुस थिये। सेह् अवे गुलाम नी थिये, अते सेह् वादे कित्ते रे देस जो जाया करदे थिये! जे किच्छ भी इस्राएलियां ने मंगेया, मिस्रियां ने उन्हा जो सेह् सब किच्छ देई दित्तेया, इत्ते तांइ कि सोन्ना अते चाँदी अते होर मैंहगी चिज्जाँ।| दुज्जे देसां रे किच्छ मणुआं ने परमेश्वर पर भरोसा कित्तेया अते जां इस्राएली मणू मिस्र का निकले ता सेह् भी उन्हेरे कने आई गे। ![](https://cdn.door43.org/obs/jpg/360px/obs-en-12-02.jpg) दिन रे वक्त बदल रा इक्क बड्डा खम्बा उसेरे अग्गे-अग्गे चलेया। अते रात्ती रे वक्त ए आग्ग रा खम्बा बणी गेया। परमेश्वर जे कि उस बदल रे खम्बे विच्च अते आग्ग रे खम्बे विच्च थिया, हमेसा उन्हेरे कने थिया अते उनिये सफर करदे वक्त उन्हेरी अगुवाई कित्ती। उन्हा जो बस्स इन्ना करणा थिया कि सेह् उन्हेरे पिच्छे चलण। ![](https://cdn.door43.org/obs/jpg/360px/obs-en-12-03.jpg) थोड़े वक्त का बाद, फिरौन अते उसेरे मणुआं ने अपणे मन जो बदली दित्तेया। सेह् इस्राएलियां जो फिरी का अपणा दास बणाणा चांह्दे थिये। इधेरे तांइ उन्हा ने इस्राएलियां रा पिच्छा कित्तेया। ए परमेश्वर ही थिया जिनिये उन्हेरे मनां जो बदली दित्तेया थिया। उनिये इदेया इधेरे तांइ कित्तेया किजोकी सेह् चांह्दा थिया कि हर कोई जाणी ले कि फिरौन का अते मिस्रियां रे सब देवतां का जादा सक्तिसाली यहोवा है। ![](https://cdn.door43.org/obs/jpg/360px/obs-en-12-04.jpg) जां इस्राएलियां ने मिस्र री सेना जो आंदे दिख्खेया ता उन्हा जो पत्ता लग्गेया की सेह् फिरौन री सेना अते लाल समुंद्र रे बिच्च विच्च फसी गे। सेह् बड़े डरी गे अते रोणा लग्गे, “असा ने मिस्र किजो छड्डेया? असी मरणे वाले हिन।” ![](https://cdn.door43.org/obs/jpg/360px/obs-en-12-05.jpg) मूसा ने इस्राएलियां जो बोल्लेया, “डरो मत! परमेश्वर आज्ज तुसा तांइ लड़गा अते तुसा जो बचांगा।” तां परमेश्वर ने मूसा जो बोल्लेया, “इन्हा मणुआं जो लाल समुंद्र रे पास्से बढ़ने तांइ बोल|” ![](https://cdn.door43.org/obs/jpg/360px/obs-en-12-06.jpg) तां परमेश्वर ने उस बदल रे खम्बे जो लेई करी इस्राएलियां अते मिस्रियां रे बिच्च रख्खी दित्तेया ताकि मिस्री मणू इस्राएलियां जो दिख्खी ना सकण। ![](https://cdn.door43.org/obs/jpg/360px/obs-en-12-07.jpg) परमेश्वर ने मूसा जो समुंद्र रे पास्से अपणा हात्थ बढ़ाणे तांइ बोल्लेया। फिरी परमेश्वर ने हवा जो समुंद्र रे पाणी जो सिद्दे पास्से अते पूठ्ठे पास्से करवाई दित्तेया, जिस कने कि समुंद्र रे बिच्च का रस्ता बणी गेया। ![](https://cdn.door43.org/obs/jpg/360px/obs-en-12-08.jpg) इस्राएली मणू अपणे दोन्नों तरफ पाणी री खड़ी दवारां रे बिच्च सुक्की जमीन का होई करी निकले। ![](https://cdn.door43.org/obs/jpg/360px/obs-en-12-09.jpg) तां परमेश्वर ने उस रस्ते का बदल जो उठाई लित्तेया ताकि मिस्री मणू इस्राएलियां जो बच्ची करी जांदे दिख्खें। मिस्रियां ने उन्हा जो पकड़ने तांइ उन्हेरा पिच्छा करणे रा फैंसला लित्तेया। ![](https://cdn.door43.org/obs/jpg/360px/obs-en-12-10.jpg) इधेरे तांइ उन्हा ने समुंद्र रे बिच्च का उस रस्ते पर इस्राएलियां रा पिच्छा कित्तेया, पर परमेश्वर ने मिस्रियां जो डराई दित्तेया अते उन्हेरे रथां जो फसाई दित्तेया। सेह् लेरां मारणे लग्गे, “नह्सो! इस्राएलियां रे पास्से का परमेश्वर लड़ेया करदा है!” ![](https://cdn.door43.org/obs/jpg/360px/obs-en-12-11.jpg) सारे इस्राएली समुंद्र रे दुज्जे पास्से पुज्जी गे। तां परमेश्वर ने मूसा जो बोल्लेया कि सेह् फिरी का पाणी रे पास्से अपणा हात्थ बढ़ाए। जां मूसा ने इयां कित्तेया, ता पाणी मिस्र रे सेना रे उप्पर पेई गेया अते पाणी जियां पैल्ले थिया तियां ही होई गेया। सारी मिस्र री सेना रे सिपाही पाणी विच्च डुबी गे। ![](https://cdn.door43.org/obs/jpg/360px/obs-en-12-12.jpg) जां इस्राएलियां ने दिख्खेया कि मिस्री मरी गे ता उन्हा ने परमेश्वर पर भरोसा कित्तेया। उन्हा ने भरोसा कित्तेया की मूसा परमेश्वर रे पास्से का भेज्जे रा भविष्यद्वक्ता थिया। ![](https://cdn.door43.org/obs/jpg/360px/obs-en-12-13.jpg) इस्राएली मणू इधेरे तांइ भी बड़े खुस थिये किजोकी परमेश्वर ने उन्हा जो मरणे का अते गुलाम हूणे का बचाई लित्तेया थिया। अवे सेह् परमेश्वर री आराधना करणे अते उसेरे हुकमां जो मनणे तांइ सेह् आजाद थिये इस्राएलियां ने अपणी आजादी रा जश्न मनाणे तांइ अते परमेश्वर री तारिफ करणे तांइ मत्ते गाणेयां जो गाया किजोकी उनिये उन्हा जो मिस्रियां री सेना का बचाया थिया। ![](https://cdn.door43.org/obs/jpg/360px/obs-en-12-14.jpg) परमेश्वर ने इस्राएलियां जो हर साल इक्क तिहार मनाणे रा हुकम दित्तेया ए याद करणे तांइ कि कियां परमेश्वर ने मिस्रियां जो हराया अते उन्हा जो गुलाम हूणे का आजाद कित्तेया। ए फसह रे तिहार रे नां कने जाणेया जांदा थिया। उन्हा जो इस तिहार मनाणे तांइ इक्क बिना नुख्स रे छेलु री बलि करणी थी, उसजो भुनणा थिया, अते उसजो बिना खमीर री रोटी कने खाणा थिया। निर्गमन अध्याय 12:33-15:21 से एक बाइबल की कहानी निर्गमन अध्याय 12:33-15:21 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_12_128kbps.m4a ## 13. इस्राएल कने परमेश्वर रा वादा https://openbiblestories.org/l/cdh/story-13/ ![](https://cdn.door43.org/obs/jpg/360px/obs-en-13-01.jpg) इस्राएलियां जो लाल समुंद्र रे पार लेई करी जाणे का बाद, परमेश्वर उन्हा जो बियावान का लेई करी सीनै पहाड़ री तरफ लेई चलेया। ए सेई पहाड़ थिया जित्ते मूसा ने बलदी झाड़ी जो दिख्खेया थिया। उन्हा मणुआं ने उस पहाड़ रे थल्ले पास्से अपणे तम्बू लगाए। ![](https://cdn.door43.org/obs/jpg/360px/obs-en-13-02.jpg) परमेश्वर ने मूसा कने अते इस्राएल रे सब मणुआं जो बोल्लेया, “तुसा जो हमेसा मेरी गल्लां जो मनणा है अते जे वादा मैं तुसा कने करदा है उस वादे जो बणाई रख्खेयो। जे तुसी इयां करदे, ता तुसी मेरा इनाम कीमती धन-दौलत, परोतां रा देस, अते इक्क पवित्तर जाति बणना।” ![](https://cdn.door43.org/obs/jpg/360px/obs-en-13-03.jpg) परमेश्वर रे जरिये उन्हेरे का आणे वाले मणुआं ने तिन्न दिन तांइ अपणे आप जो तियार कित्तेया। तां परमेश्वर सीनै पहाड़ री चोटी का थल्ले उतरेया। जां सेह् आया ता हिल्लण आया, बिजलियाँ चमकी, धुँआ उठेया, अते तुरहियां का उच्ची अवाज निकली। तां मूसा अपु पहाड़ रे उप्पर चढ़ी गेया। ![](https://cdn.door43.org/obs/jpg/360px/obs-en-13-04.jpg) तां परमेश्वर ने मणुआं कने इक्क वादा कित्तेया। उनिये बोल्लेया, “मैं तुसा रा परमेश्वर, यहोवा है। मैं ही है जिनिये तुसा जो मिस्र री गुलामी का छुड़ाया। कुस्की दुज्जे देवते री आराधना मत करदे।” ![](https://cdn.door43.org/obs/jpg/360px/obs-en-13-05.jpg) “ मूर्तियां मत बणांदे अते उन्हेरी पूजा मत करदे, किजोकी मैं, यहोवा, तुसा रा इक्क ही इक्क परमेश्वर है। गलत तरिक्के कने मेरे नां रा इस्तेमाल मत करदे। याद रख्खेयो की सब्त रा दिन पवित्तर है। दुज्जे तरिक्के विच्च, छै दिनां विच्च अपणे सारे काम्म करेयो, सतमा दिन तुसा तांइ अराम करणे अते मिंजो याद करणे रा दिन है।” ![](https://cdn.door43.org/obs/jpg/360px/obs-en-13-06.jpg) “अपणे माँ अते प्यो री इज्जत करेयो। कुस्की रा खून मत करदे। व्यभिचार मत करदे। चोरी मत करदे। अपणे पड़ोसी री लाड़ी, उसेरे घर, या उसेरी कुस्की भी चीज जो लैणे री इच्छा मत करदे।” ![](https://cdn.door43.org/obs/jpg/360px/obs-en-13-07.jpg) तां परमेश्वर ने इन्हा दास्स हुकमां जो पत्थर री दो पटियां पर लिख्खी करी मूसा जो देई दित्तेया। परमेश्वर ने मणुआं जो बड़े सारे होर हुकमां जो दित्तेया की सेह् उन्हा जो मन्ने। जे उन्हा ने इन्हा हुकमां जो मन्नेया ता परमेश्वर ने उन्हा मणुआं जो असीस दैणी अते उन्हेरी रक्षा करणे रा वादा कित्तेया। पर उनिये बोल्लेया कि जे उन्हा ने इन्हा हुकमां जो नी मन्नेया तां तिसने उन्हा जो सज्जा दैणी। ![](https://cdn.door43.org/obs/jpg/360px/obs-en-13-08.jpg) परमेश्वर ने इस्राएलियां जो इक्क बड्डा तम्बू बणाणे तांइ भी बोल्लेया - मिलाप रा तम्बू। उनिये उन्हा जो सही सही दस्सेया कि इस तम्बू जो कियां बणाणा है, अते उसेरे अंदर कुण जणी चिज्जाँ रख्खणी हिन। उनिये उन्हा जो उस तम्बू जो दो कमरेयां विच्च बंडणे तांइ इक्क बड़े बड्डे पर्दे जो बणाणे तांइ भी बोल्लेया। परमेश्वर ने उस पर्दे रे पिच्छे वाले कमरे विच्च आंणा अते उत्ते रैह्ना। जित्ते परमेश्वर थिया उस कमरे रे अंदर जाणे री इजाजत सिरफ बड्डे परोत जो थी। ![](https://cdn.door43.org/obs/jpg/360px/obs-en-13-09.jpg) उन्हा मणूआं जो उस मिलाप वाले तम्बू रे सामणे इक्क वेदी जो बणाणा पैणा। कोई भी जे परमेश्वर रे हुकम जो तोड़े सेह् उस वेदी पर इक्क जानवर जो लेई करी आए। तां परोत उसजो बलि करे अते वेदी पर परमेश्वर तांइ बलि रे रुप विच्च उसजो आग्ग पर फुक्के। परमेश्वर ने बोल्लेया कि उस जानवर रे खून ने उस मणू रे पाप्पां जो छुपाई लैणा। इस तरिक्के कने, अवे परमेश्वर ने उस पाप जो नी दिख्खणा। सेह् मणू परमेश्वर री नजर विच्च “सुद्ध” हूना। परमेश्वर ने मूसा रे भाई हारून जो अते हारून रे वंशज जो अपणे परोत बणने तांइ चुणी लित्तेया। ![](https://cdn.door43.org/obs/jpg/360px/obs-en-13-10.jpg) परमेश्वर ने उन्हा मणुआं जो हुकम दित्तेया थिया अते सेह् उन्हेरे जो मनणे तांइ राजी होए। सेह् सिरफ परमेश्वर रे मणू बनणे तांइ अते सिरफ उसेरी आराधना करणे तांइ राजी होए। ![](https://cdn.door43.org/obs/jpg/360px/obs-en-13-11.jpg) केई दिनां तांइ, मूसा सीनै पहाड़ री चोटी पर ही रेह्या। सेह् परमेश्वर कने गाल्ल करेया करदा थिया। पर मणू उसेरे वापस हटणे री भाल करदे करदे थक्की गे। इधेरे तांइ सेह् हारून का सोन्ना लेई करी आए अते उसका इक्क मूर्ति बणाणे जो बोल्लेया ताकि सेह् परमेश्वर रे बजाए उस मूर्ति री पूजा करी सकण। इस तरिक्के कने, उन्हा ने भयंकर तरिक्के कने परमेश्वर रे खिलाफ पाप कित्तेया। ![](https://cdn.door43.org/obs/jpg/360px/obs-en-13-12.jpg) हारून ने बछ्छू रे आकार विच्च सोन्ने री इक्क मूर्ति बणाई। उन्हा मणुआं ने उस मूर्ति री पूजा करणा सुरु करी दित्ती अते उसेरे सामणे बलि चढ़ाई! उन्हेरे पाप री वजह कने परमेश्वर उन्हा का बड़ा गुस्सा होया थिया। परमेश्वर उन्हा जो मारी दैणा चांह्दा थिया। पर मूसा ने परमेश्वर का बिनत्ती कित्ती की उन्हा जो ना मारे। परमेश्वर ने उसेरी बिनत्ती सुणी अते उन्हा जो खत्म नी कित्तेया। ![](https://cdn.door43.org/obs/jpg/360px/obs-en-13-13.jpg) आखिर कार मूसा सीनै पहाड़ का थल्ले उतरी आया। सेह् उन्हा दो पथर री पटियां जो लेई करी आया जिस पर परमेश्वर ने दास्स हुकम जो लिख्खेया थिया। फिरी उनिये उस मूर्ति जो दिख्खेया। सेह् इतणा गुस्सा होया कि उन्हा पटियां जो तोड़ी करी चकना चूर करी दित्तेया। ![](https://cdn.door43.org/obs/jpg/360px/obs-en-13-14.jpg) फिरी मूसा ने उस मूर्ति जो तोड़ी करी उसजो राख्ख बणाई दित्तेया, अते उस राख्ख जो पाणी विच्च मिलाई करी उन मणुआं जे सेह् पाणी पियाई दित्तेया। परमेश्वर ने उन्हा मणुआं पर इक्क बिपत्ती भेजी अते उस विच्च बड़े मणू मरी गे। ![](https://cdn.door43.org/obs/jpg/360px/obs-en-13-15.jpg) जिन्हा पटियां जो मूसा ने तोड़ी दित्तेया थिया उन्हा पटियां री जगह मूसा ने दास्स हुकमां री नौई पत्थर री पटियां जो बणाया। तां सेह् फिरी पहाड़ पर चढ़ी गेया अते प्रार्थना कित्ती कि परमेश्वर उन्हा मणुआं जो माफ करे। परमेश्वर ने मूसा री सुणी अते उन्हा जो माफ करी दित्तेया। नौई पटियां पर दास्स हुकमां जो लेई करी मूसा पहाड़ का उतरी करी थल्ले आया।तां परमेश्वर ने सीनै पहाड़ का लेई करी वादे रे देस तांइ इस्राएलियां री अगुवाई कित्ती। निर्गमन अध्याय 19-34 से एक बाइबल की कहानी निर्गमन अध्याय 19-34 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_13_128kbps.m4a ## 14. बियावान विच्च भटकणा https://openbiblestories.org/l/cdh/story-14/ ![](https://cdn.door43.org/obs/jpg/360px/obs-en-14-01.jpg) परमेश्वर ने इस्राएलियां जो उन्हा हुकमां जो दस्सणा बांद्द कित्तेया, जिन्हा जो कित्ते रे वादे री वजह कने मनणा थिया। फिरी उनिये सीनै पहाड़ का अग्गे उन्हेरी अगुवाई कित्ती। सेह् उन्हा जो वादे कित्ते रे देस विच्च लेई जाणा चांह्द थिया। ए देस कनान भी केहलाया जांदा थिया। परमेश्वर बदल रा खम्बा बणी करी उन्हेरे अग्गे-अग्गे चलेया, अते सेह् उसेरे पिच्छे-पिच्छे चले। ![](https://cdn.door43.org/obs/jpg/360px/obs-en-14-02.jpg) परमेश्वर ने आब्राहम, इसहाक अते याकूब कने वादा कित्तेया थिया कि सेह् वादे रे देस उन्हेरे वंशजा जो दिंगा, पर इस्स वक्त उत्ते बड़ी सारी जाति रे मणू रैंह्दे थिये। सेह् कनानी रे नां कने जाणे जांदे थिये। ए कनानी मणू परमेश्वर री आराधना नी करदे थिये अते उसेरे हुकमां जो नी मंदे थिये। सेह् झूठे देवतेयां री पूजा करदे थिये अते बड्डे बुरे काम्म करदे थिये। ![](https://cdn.door43.org/obs/jpg/360px/obs-en-14-03.jpg) परमेश्वर ने इस्राएलियां जो बोल्लेया, “जां तुस्सी उस वादे रे देस विच्च जांगे तां उत्ते तुसी सब कनानियां का आजाद होई जांगे। उन्हेरे कने दोस्ती मत करदे अते ना उत्ते रे मणुआं कने अपणे बच्चेयां रे ब्याह करायो। तुसा जो उन्हेरी सारी मूर्तियाँ जो पूरे तरिक्के कने तोड़ी दैणा है। अगर तुस्सी मेरे हुकम नी मनगे, तां तुस्सी मेरे बजाए उन्हेरे देवतेयां री पूजा करणा लगगे।” ![](https://cdn.door43.org/obs/jpg/360px/obs-en-14-04.jpg) जां इस्राएली कनान देस री सीमा पर पुज्जे, मूसा ने इस्राएल रे हर इक्क गोत्र विच्च का इक्क-इक्क करी के बारा मरदां जो चुणेयां। उनिये उन्हा जो जाई करी उस देस रा भेद लैणे रा हुकम दित्तेया कि दिख्खे की सेह् देस कुदेया है। उन्हा जो उन्न कनानियां रा भेद भी लैणा थिया कि दिख्खे कि सेह् ताकतवर हिन या कमजोर हिन। ![](https://cdn.door43.org/obs/jpg/360px/obs-en-14-05.jpg) उन्हा बारा मरदां ने पूरे कनान का होई करी चाली दिन रा सफर कित्तेया अते फिरी सेह् वापस आई गे। उन्हा ने मणुआं जो दस्सेया, “सेह् देस बड़ा उपजाऊ है अते तित्ते बड़ी जादा फसलां उग्गे री थी!” पर दास्स भेदियां ने बोल्लेया, “उन्हेरा सैह्र बड़ा मजबूत है अते सेह् मणू लम्बे-चोड़े हिन! अगर असी उन्हा पर हमला करदे हिन, ता पक्का तिन्हा असा जो हराई दैणा अते असा जो मारी दैणा।” ![](https://cdn.door43.org/obs/jpg/360px/obs-en-14-06.jpg) उस्सी बेल्ले कालेब अते यहोशू अते होर दो भेदियां ने बोल्लेया, “ए सच्च है कि कनान रे मणू लम्बे अते ताकतवर हिन, पर असी बिल्कुल उन्हा जो हराई सकदे हिन! परमेश्वर असां तांइ लड़गा!” ![](https://cdn.door43.org/obs/jpg/360px/obs-en-14-07.jpg) पर मणुआं ने कालेब अते यहोशू री गाल्ल नी सुणी। सेह् मूसा अते हारून पर गुस्सा होई गे अते बोल्ले, “तुसी असा जो खतरनाक जगह पर किजो लेई करी आए? असा जो मिस्र विच्च ही रैह्णा चंहिदा थिया। अगर असी उस देस विच्च जांदे हिन ता असी लड़ाई विच्च मारे जाणे, अते कनान रे मणुआं ने असा री लाड़ियां अते बच्चेयां जो गुलाम बणाई लैणा। ”सेह् मणू उन्हा जो मिस्र विच्च लेई करी जाणे तांइ इक्क होर अगुवा चुणना चांह्दे थिये। ![](https://cdn.door43.org/obs/jpg/360px/obs-en-14-08.jpg) जां उन्हा मणुआं ने इयां बोल्लेया तां परमेश्वर बड़ा गुस्सा होई गेया थिया। सेह् मिलाप वाले तम्बू विच्च आया अते बोल्लेया, “तुसी मेरे खिलाफ बगावत कित्ती, इधेरे तांइ तुसा सबनां जो इस बियावान विच्च भटकणा पैणा। हर इक्क मणू जे बिह् साल या उसका जादा उम्र रा है तिसने इस बियावान विच्च मरी जाणा अते कद्दी भी उस देस विच्च नी पुज्जणा जे मैं तुसा जो देया करदा है। सिरफ कालेब अते यहोशू ने उस देस विच्च पुज्जणा।” ![](https://cdn.door43.org/obs/jpg/360px/obs-en-14-09.jpg) जां मणुआं ने परमेश्वर जो इयां बोलदे सुणेया, तां सेह् दुखी होए किजोकी उन्हा ने पाप कित्तेया थिया। इधेरे तांइ उन्हा ने कनान रे मणुआं पर हमला करणे रा फैसला कित्तेया। मूसा ने उन्हा जो नी जाणे तांइ समझाया किजोकी परमेश्वर उन्हा मणुआं कने नी थिया, पर उन्हा ने ने उसेरी गाल्ल नी सुणी। ![](https://cdn.door43.org/obs/jpg/360px/obs-en-14-10.jpg) परमेश्वर इस लड़ाई विच्च उन्हा कने नी गेया थिया, इधेरे तांइ कनानियां ने उन्हा जो हराई दित्तेया अते उन्हा विच्च का बड़े सारे मरी गे। तां इस्राएली मणू कनान का वापस मुड़ी गे। अगले चाली सालां तांइ, सेह् बियावान विच्च इत्ते-उत्ते भकटदे रेह्। ![](https://cdn.door43.org/obs/jpg/360px/obs-en-14-11.jpg) इस्राएली मणुआं रे चाली साल तांइ बियावान विच्च भटकणे रे दौरान, परमेश्वर ने उन्हेरी जरूरतां जो पूरा कित्तेया। उनिये उन्हा जो स्वर्ग का “मन्ना” कहलाणे वाली रोटी दित्ती। उनिये बटेरेयाँ रे झुंड जो भी उन्हेरी छावनी विच्च भेज्जेया ताकि उन्हेरे का खाणे तांइ मास हो। उस पूरे वक्त, परमेश्वर ने उन्हेरे कपड़ेयां अते जुतेयां जो फटणे नी दित्तेया। ![](https://cdn.door43.org/obs/jpg/360px/obs-en-14-12.jpg) इत्ते तांइ कि परमेश्वर ने उन्हेरे पीणे तांइ चमत्कारी रुप विच्च चट्टान विच्च का पाणी कड्डेया। पर इन्हा गल्लां रे बावजूद, इस्राएली मणुआं ने परमेश्वर रे खिलाफ अते मूसा रे खिलाफ सिकायत कित्ती अते कुड़कुड़ाए। तां भी, परमेश्वर भरोसे रे लायक थिया। उनिये जे वादा कित्तेया थिया कि सेह् अब्राहम, इसहाक, अते याकूब रे वंशजा तांइ करगा उनिये सेह् कित्तेया। ![](https://cdn.door43.org/obs/jpg/360px/obs-en-14-13.jpg) इक्क होर वक्त जां उन्न मणुआं का पीणे रा पाणी नी थिया, परमेश्वर ने मूसा जो बोल्लेया, “चट्टान कने गल्लां कर, अते उसका पाणी निकलगा।” पर मूसा ने चट्टान कने गल्लां नी कित्ती। बजाए इधेरे, उनिये सोठ्ठी जो चट्टान पर दो बारी मारेया। इस तरिक्के कने उनिये परमेश्वर री बेज्जती कित्ती। सारेयां तांइ पीणे रा पाणी ता निकली आया, पर परमेश्वर मूसा कने गुस्सा होई गेया। उनिये बोल्लेया, “किजोकी तू इयां कित्तेया, इधेरे तांइ तू वादे रे देस रे अंदर नी जाई पाणा।” ![](https://cdn.door43.org/obs/jpg/360px/obs-en-14-14.jpg) जां इस्राएली मणू चाली सालां तांइ बियावान विच्च भटकी चुक्के थिये, तां जिन्हा ने परमेश्वर रे खिलाफ बलवा कित्तेया थिया सेह् सब मरी गे थिये। तां परमेश्वर फिरी उन्हा मणुआं जो वादे कित्ते रे देस रे करीब लेई गेया। अवे मूसा बड़ा जादा बुजुर्ग होई गेया थिया, इधेरे तांइ परमेश्वर ने मणुआं री अगुवाई करणे तांइ मूसा री मदत तांइ यहोशू जो चुणेया। परमेश्वर ने मूसा कने ए वादा भी कित्तेया थिया कि इक्क दिन उन्हा मणुआं का मूसा सांइ इक्क भविष्यवक्ता भेजगा। ![](https://cdn.door43.org/obs/jpg/360px/obs-en-14-15.jpg) तां परमेश्वर ने मूसा जो इक्क पहाड़ री चोटी पर जाणे तांइ बोल्लेया ताकि सेह् वादे रे देस जो दिख्खी सके। मूसा ने उस वादे रे देस जो दिख्खेया पर परमेश्वर ने उसजो उस विच्च जाणे तांइ मंजूरी नी दित्ती। तां मूसा मरी गेया, अते इस्राएलियां ने तीह् दिनां तांइ सोक मनाया। यहोशू उन्हेरा नौआ अगुवा बणी गेया। यहोशू इक्क अच्छा अगुवा थिया किजोकी उनिये परमेश्वर पर भरोसा कित्तेया अते उसेरी गल्लां जो मनेया। निर्गमन अध्याय 16-17; गिनती 10-14; 20; 27; व्यवस्थाविवरण 34 से एक बाइबल की कहानी निर्गमन अध्याय 16-17; गिनती 10-14; 20; 27; व्यवस्थाविवरण 34 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_14_128kbps.m4a ## 15. वादे रा देस https://openbiblestories.org/l/cdh/story-15/ ![](https://cdn.door43.org/obs/jpg/360px/obs-en-15-01.jpg) आखरी विच्च, अवे ओ वक्त आई गेया कि इस्राएली मणू वादे रे देस, कनान विच्च जांगे। उस देस विच्च यरीहो नां रा इक्क सैह्र थिया। उसेरी रक्षा तांइ उसेरे चारों पास्से पक्की दवारां थी। यहोशू ने उस सैह्र विच्च दो भेदियां जो भेज्जेया। उस सैह्र विच्च राहाब नां री इक्क वेश्या रैंदी थी। उनिये इन्हा भेदियां जो छुपाया, अते फिरी बाद विच्च उनिये उन्हा जो सैह्र का बची निकलणे विच्च मदत कित्ती। उनिये इयां इधेरे तांइ कित्तेया किजोकी सेह् परमेश्वर पर भरोसा रख्खदी थी। जिस वक्त इस्राएली मणू यरीहो जो खत्म करगे तां उन्हा ने राहाब अते उसेरे परिवार री रक्षा करणे रा वादा कित्तेया थिया। ![](https://cdn.door43.org/obs/jpg/360px/obs-en-15-02.jpg) इस्राएली मणुआं जो वादे रे देस विच्च जाणे तांइ यरदन नदी जो पार करणा थिया। परमेश्वर ने यहोशू जो बोल्लेया, “परोतां जो पैल्ले जाणा दे।” जां परोतां ने यरदन नदी विच्च अपणे कदमां जो रख्खेया तां पाणी री धार बांद्द होई गेई, जिस कने इस्राएली मणू नदी रे पार सुक्की जमीन पर जाई सकण। ![](https://cdn.door43.org/obs/jpg/360px/obs-en-15-03.jpg) उन्हा मणुआं ने यरदन नदी पार करी लित्ती तां परमेश्वर ने यहोशू जो बोल्लेया कि यरीहो पर हमला करणे तांइ तियार रेह्, बल्कि सेह् बड़ा मजबूत सैह्र थिया। परमेश्वर ने उन्हा मणुआं जो बोल्लेया कि उन्हेरे परोतां अते सिपाहियां जो छे दिनां तांइ उस सैह्र रे चारों पास्से चक्कर लगाणे हिन। इधेरे तांइ परोतां अते सिपाहियां ने इयां ही कित्तेया। ![](https://cdn.door43.org/obs/jpg/360px/obs-en-15-04.jpg) तां सतमें दिन, इस्राएलियां ने उस सैह्र रे चारों पास्से सात्त वरी होर चक्कर लगाए। उन्हेरे सैह्र रे चारों पास्से सतमी वरी चक्कर लगाणे का बाद, परोतां ने अपणी तुरहियां जो बजाया अते सिपाहियां ने उच्चे शब्द विच्च जै-जैकार भरे। ![](https://cdn.door43.org/obs/jpg/360px/obs-en-15-05.jpg) तां यरीहो रे चारों पास्से री दवारां गिरी गेई! जियां परमेश्वर ने हुकम दित्तेया थिया इस्राएलियां ने सैह्र री हर इक्क चीज जो खत्म करी दित्तेया। उन्हा ने सिरफ राहाब अते उसेरे परिवार जो छड्डी दित्तेया, जे इस्राएलियां रा हिस्सा बणी गे थिये। जां कनान विच्च रैह्णे वाले होर मणुआं ने सुणेया कि इस्राएलियां ने यरीहो जो खत्म करी दित्तेया है, तां से डरी गे कि इस्राएली मणुआं ने उन्हा पर भी हमला करणा। ![](https://cdn.door43.org/obs/jpg/360px/obs-en-15-06.jpg) परमेश्वर ने इस्राएलियां जो हुकम दित्तेया थिया कि कनान विच्च रैह्णे वाली कुस्की भी जाति कने सांति री संधि नी करणी। पर गिबोनियां नां री इक्क कनानी जाति ने यहोशू कने झूठ बोल्लेया कि सेह् कनान का दूर इक्क जगह रे रैह्णे वाले हिन। उन्हा ने यहोशू कने सांति संधि करणे री बिनत्ती कित्ती। यहोशू अते होर इस्राएली अगुवां ने परमेश्वर का नी पुच्छेया की उन्हा कने कै करणा चंहिदा। इसेरे बजाए, उन्हा ने गिबोनियां कने सांति री संधि करी लित्ती। ![](https://cdn.door43.org/obs/jpg/360px/obs-en-15-07.jpg) तिन्न दिन बाद, इस्राएलियां जो पता चलेया कि गिबोनी मणू कनान विच्च रैंह्दे थिये। सेह् गुस्सा होई गे किजोकी गिबोनियां ने उन्हा जो धोख्खा दित्तेया थिया। पर उन्हा ने उन्हेरे कने कित्ती री सांति संधि जो बणाए रख्खेया किजोकी सेह् परमेश्वर रे सामणे कित्ती गेई थी। तां किच्छ वक्त का बाद, कनान विच्च रैह्णे वाली इक्क होर जाति, एमोरियाँ रे राज्जेयां ने सुणेया कि गिबोनियां ने इस्राएलियां कने सांति री संधि करी लित्ती, इधेरे तांइ उन्हा ने अपणी-अपणी सेना जो इकठ्ठा करी के इक्क बड्डी सेना बणाई अते गिबोन पर हमला करी दित्तेया। गिबोनियां ने उन्हेरी मदत करणे तांइ यहोशू का इक्क बसेख भेज्जेया। ![](https://cdn.door43.org/obs/jpg/360px/obs-en-15-08.jpg) इधेरे तांइ यहोशू ने इस्राएलियां री सेना जो इकठ्ठा कित्तेया अते गिबोनियां का पुज्जणे तांइ तिन्हा ने पूरी रात सफर कित्तेया। तड़के भ्यागा उन्हा ने एमोरियां री सेना जो हैरान करी दित्तेया अते उन्हा पर हमला करी दित्तेया। ![](https://cdn.door43.org/obs/jpg/360px/obs-en-15-09.jpg) उस दिन परमेश्वर इस्राएलियां तांइ लड़ेया। उनिये एमोरियां जो डराई दित्तेया अते उनिये बड्डे-बड्डे ऐण रे गोले गिराई करी बड़े सारे एमोरियां जो मारी दित्तेया। ![](https://cdn.door43.org/obs/jpg/360px/obs-en-15-10.jpg) परमेश्वर ने सूरज जो भी आसमान विच्च इक्क जगह पर रोक्की दित्तेया ताकि इस्राएलियां जो ठीक वक्त मिली जाए कि एमोरियां जो पूरे तरिक्के कने हराई दित्तेया। उस दिन, परमेश्वर ने इस्राएलियां तांइ इक्क बड्डी जीत हासल कित्ती। ![](https://cdn.door43.org/obs/jpg/360px/obs-en-15-11.jpg) जां परमेश्वर ने उन्हा सेनाओं जो हराने का बाद, बड़े सारे कनानी जाति रे मणू इस्राएल पर हमला करणे तांइ इकठ्ठे होए। तां यहोशू अते इस्राएलियां ने हमला करी के उन्हा जो खत्म करी दित्तेया। ![](https://cdn.door43.org/obs/jpg/360px/obs-en-15-12.jpg) इन्हा लड़ाइयां का बाद, परमेश्वर ने इस्राएल रे हर इक्क गौत्र जो वादे रे उस देस विच्च उन्हा जो उन्हेरा हिस्सा दित्तेया। तां परमेश्वर ने इस्राएल जो उसेरी जमीन री सारी सीमा पर सांति दित्ती। ![](https://cdn.door43.org/obs/jpg/360px/obs-en-15-13.jpg) जां यहोशू सियाणा होई गेया तां उनिये इस्राएल रे सारे मणुआं जो इकठ्ठे सद्देया। तां यहोशू ने उन्हा मणुआं जो याद कराया कि उन्हाने उस वादे जो मनणे तांइ वादा कित्तेया थिया कि जे परमेश्वर ने उन्हेरे कने सीनै पहाड़ पर कित्तेया थिया। उन्हा मणुआं ने परमेश्वर रे अग्गे वफादार रैह्णे अते उसेरे नियमां जो मनणे रा वादा कित्तेया। यहोशू अध्याय 1-24 से एक बाइबल की कहानी यहोशू अध्याय 1-24 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_15_128kbps.m4a ## 16. छुटकारा करणे वाले https://openbiblestories.org/l/cdh/story-16/ ![](https://cdn.door43.org/obs/jpg/360px/obs-en-16-01.jpg) यहोशु रे मरणे का बाद, इस्राएलियां ने हुकम नी मन्ने। उन्हा ने परमेश्वर रे नियम जो नी मन्नेया, अते उन्हा ने बाक्की बच्चे रे कनानीयां जो वादे रे देस का बार नी निकालेया। इस्राएली मणू यहोवा, सच्चे परमेश्वर रे बजाए कनानी देवतेयां री पूजा करणा लगी पेह्। इस्राएलियां रा कोई राज्जा नी थिया, तां सारेयां ने जे उन्हा जो ठीक लगदा थिया सेह् उन्हा ने कित्तेया। ![](https://cdn.door43.org/obs/jpg/360px/obs-en-16-02.jpg) परमेश्वर रे हुकम नी मन्नी करी, इस्राएलियां ने अपणी रीती सुरु कित्ती जिस्सो उन्हा ने घड़ी-घड़ी कित्तेया। ए रीती किच्छ इस तरिक्के कने थी: इस्राएली परमेश्वर रे हुकम केई सालां तांइ नी मन्ने, फिरी परमेश्वर उन्हा जो उन्हेरे दुस्मणां का हराई करी सजा दिंदा थिया। ए दुस्मण इस्राएलियां का उन्हेरी चिज्जां चोरी करदे थिये, उन्हेरी जायदाद तबाह करदे, अते मतेयां जो मारी दिंदे थिये। इस्राएल दुस्मणां का सताए जाणे रे मते साल्लां का बाद, इस्राएली अपणे पाप्पां जो मंदे अते परमेश्वर जो बचाणे तांइ बोलदे। ![](https://cdn.door43.org/obs/jpg/360px/obs-en-16-03.jpg) हर वरी इस्राएलियां ने पाप्पां जो मन्नेया, ताकि परमेश्वर उन्हा जो छुड़ाए। ए उनिये इक्क छुटकारे दैणे वाले रे जरिये कित्तेया। इक्क मणू जे उन्हेरे दुस्मण कने लड़दा अते उन्हा जो हराई दिंदा। फिरी उसका बाद उत्ते सांति हूंदी अते छुड़ाणे वाला उन्हा पर राज भी करदा। परमेश्वर ने मते मणू भेज्जे जे मणुआं जो छुड़ाई सके। परमेश्वर ने ए इयां फिरी कित्तेया जां उनिये मिदिअनीयां, जे उन्हेरे पड़ोसी दुस्मण थिए, इस्राएलियां जो हराणे तांइ भेज्जेया। ![](https://cdn.door43.org/obs/jpg/360px/obs-en-16-04.jpg) मिद्दीयानी इस्राएलियां री सात्त साल री सारी फसलां लेई गे। इस्राएली मणू बड़े जादा डरे थिये, सेह् गुफा विच्च लुक्की गे ताकि मिद्दीयानी उन्हा जो तोप्पी ना सकण। आखरी विच्च, सेह् परमेश्वर रे सामणे मदत तांइ रोए। ![](https://cdn.door43.org/obs/jpg/360px/obs-en-16-05.jpg) गिदोन नां रा इक्क आदमी थिया। इक्क दिन, लुक्के री जगह, जित्ते का मिद्दीयानी चोरी ना करी सकण, विच्च सेह् अनाज जो साफ थिया करदा। यहोवा रा दूत गिदोन का आया अते बोल्लेया, “परमेश्वर तेरे कने है, ताकतवर योद्धा जा अते इस्राएल जो मिद्दीयानीयां का बचा। ![](https://cdn.door43.org/obs/jpg/360px/obs-en-16-06.jpg) गिदोन रे प्यो ने मूर्ति तांइ इक्क वेदी थी बणाए री। गिदोन जो परमेश्वर ने पैल्ली गाल्ल उसेरे प्यो री बणाई री वेदी तोड़ने जो बोल्लेया। पर गिदोन मणुआं का डरदा थिया, तां उनिये रात रे वक्त रा इन्तेजार कित्तेया। फिरी उनिये वेदी जो टुकड़ेयां विच्च तोड़ी दित्तेया। उनिये नेड़े ही परमेश्वर तांइ इक्क वेदी बणाई अते परमेश्वर तांइ बलि चढ़ाई। ![](https://cdn.door43.org/obs/jpg/360px/obs-en-16-07.jpg) अगली भ्यागा मणुआं ने दिख्खेया कि कुस्की ने वेदी जो तोड़ी दित्तेया, अते सेह् इस गाल्ल पर बड़े गुस्सा थिये। सेह् गिदोन रे टब्बर जो मारणे तांइ गे, पर गिदोन रे प्यो ने बोल्लेया, “तुसी अपणे देवते री मदत किज्जो हिन करदे? अगर सेह् परमेश्वर है, तां उस्सो अपणी रक्सा अपु करणा दो!” इसेरे ए बोलणे कने मणुआं ने गिदोन जो नी मारेया। ![](https://cdn.door43.org/obs/jpg/360px/obs-en-16-08.jpg) मिद्दयानी फिरी इस्राएलियां जो लुटणे जो आए। सेह् बड़े सारे मणू थिए कि उन्हेरी गिणती भी कित्ती नी जाई सके। गिदोन ने इसरालियां जो उन्हा कने लड़ने तांइ सद्देया। गिदोन ने परमेश्वर का दो चिन्ह जो मंगेया ताकि सेह् इस गाल्ल पर पक्का भरोसा करी ले कि परमेश्वर ने उस्सो इस्राएल जो बचाणे तांइ बोल्लेया। ![](https://cdn.door43.org/obs/jpg/360px/obs-en-16-09.jpg) पैल्ली निसानी तांइ, गिदोन ने इक्क भेड़ री चमड़ी फर्स पर रख्खी अते परमेश्वर जो बोल्लेया कि भ्यागा री ओस सिर्फ भेड़ री चमड़ी पर गिरे, ना कि फर्स पर। परमेश्वर ने तियां ही कित्तेया। अग्गली रात, उनिये बोल्लेया कि फर्स गिला हो पर भेड़ री चमड़ी नी। परमेश्वर ने फिरी तियां ही कित्तेया। इन्हा दो निसानी री वजह कने, गिदोन ने विश्वास कित्तेया कि परमेश्वर सच्ची चांह्दा कि सेह् इस्राएल जो मिद्दयानियां का बचाए। ![](https://cdn.door43.org/obs/jpg/360px/obs-en-16-10.jpg) तां गिदोन ने सपाहीयां जो अपणे आप का सदेया, अते 32,000 मरद आए। पर परमेश्वर ने उस्सो बोल्लेया कि ए मत्ते हिन। तां गिदोन ने 22,000 मरदां जो घरे भेज्जी दित्तेया, जे लडणे का डरे रे थिए। परमेश्वर ने गिदोन जो बोल्लेया कि ए हल्ले भी मते हिन। तां गिदोन ने 300 सपाहीयां जो रख्खी करी बाकि सारेयां जो घरे भेज्जी दित्तेया। ![](https://cdn.door43.org/obs/jpg/360px/obs-en-16-11.jpg) उस रात परमेश्वर ने गिदोन जो बोल्लेया, “थल्ले मिद्दयानी रे तम्बू का जा अते उन्हा जो गल्लां करदे सुण। जां तू उन्हा जो सुणगा कि सेह् कै बोलदे, तां तू उन्हा पर हमला करणे का जरा भी नी डरगा।” तां उस रात, गिदोन उन्हेरे तम्बू का थल्ले गेया अते मिद्दयानी सपाही जे अपणे दोस्त जो अपणे सूपणे रे बारे विच्च दस्सदे सुणेया। उस मणू रे दोस्त ने बोल्लेया, “इस सुपने रा मतलब कि गिदोन री सेना असां जो हराई दिंगी, मतलब कि मिद्दयानी सेना!’ जां गिदोन ने ए सुणेया, तां उनिये परमेश्वर री आराधना कित्ती। ![](https://cdn.door43.org/obs/jpg/360px/obs-en-16-12.jpg) ए गिदोन अपणे सपाही का वापस आया अते हर इक्क जो सिंग दित्तेया, इक्क मिट्टी रा भाण्डा, अते बलदी मसाल। जित्ते मिद्दयानी सपाही सोया करदे थिए उन्हा ने उन्हेरे तम्बू जो घेरी लित्तेया। गिदोन रे 300 सपाही ने मसालां अपणे मिट्टी रे भाण्डे विच्च रख्खी लित्ती ताकि मिद्दयानी उन्हेरी मसालां री रोसनी जो ना दिख्खी सकण। ![](https://cdn.door43.org/obs/jpg/360px/obs-en-16-13.jpg) तां, गिदोन रे सारे सपाहियां ने इक्क वक्त पर अपणे भाण्डे तोड़े, इक्क दम आग्ग री मसालां जो बार कड्डेया। उन्हा ने नरसिंगे विच्च फुक्क मारी अते चिल्लाए, “यहोवा अते गिदोन तांइ तलवार।” ![](https://cdn.door43.org/obs/jpg/360px/obs-en-16-14.jpg) परमेश्वर ने मिद्दयानियां जो उलझन विच्च पाई दित्तेया ताकि सेह् इक्क दुज्जे पर हमला करे अते इक्क दुज्जे जो मारी देण। इक्क दम गिदोन ने बसेख दैणे वाल्ले जो भेज्जेया कि सेह् इस्राएलियां जो उन्हेरे घरां का सदे अते उन्हेरी मदत करण मिद्दयानियां जो नस्साणे तांइ। उन्हेंने मत्ते जणेया मारी दित्तेया अते जे बची गे थिए उन्हा जो इस्राएलियां री जगह का नह्साया परमेश्वर ने उस दिन 120,000 मिद्दयानियां जो मारी दित्तेया। इस तरिक्के कने परमेश्वर ने इस्राएल जो बचाया। ![](https://cdn.door43.org/obs/jpg/360px/obs-en-16-15.jpg) मणू चांह्दे थिए कि गिदोन उन्हेरा राज्जा बणे। गिदोन ने उन्हा जो ए करणे का मन्हा कित्तेया, पर उनिये सबना का सोन्ने री अंगूठी मंगी जे उन्हा ने मिद्दयानी का लित्ती थी। मणुआं ने गिदोन जो बड़ा जादा सोन्ना दित्तेया। ![](https://cdn.door43.org/obs/jpg/360px/obs-en-16-16.jpg) तां गिदोन ने सेह् सोन्ना इक्क खास कपड़े बनाणे तांइ इस्तेमाल कित्तेया जियां बड्डा परोत पाया करदे थिए। पर मणुआं ने उसेरी पूजा करणा सुरु करी दित्तेया कि सेह् जियां इक्क मूर्ति थी। तां परमेश्वर ने इस्राएल जो फिरी का सज्जा दित्ती किजोकी उन्हा ने मूर्ति री पूजा कित्ती थी। परमेश्वर ने फिरी होणा दित्तेया कि सेह् अपणे दुस्मणां का हारे। आखरी विच्च उन्हा ने फिरी का परमेश्वर का मदत मंगी, अते परमेश्वर ने इक्क होर मणू जो भेज्जेया जे उन्हा जो छुडाई सके। ![](https://cdn.door43.org/obs/jpg/360px/obs-en-16-17.jpg) एही गाल्ल कई वरी होई इस्राएली पाप करदे, परमेश्वर उन्हा जो सज्जा दिंदा, सेह् फिरी पाप्पां री तौबा करदे, अते परमेश्वर फिरी का कुस्सी जो उन्हेरे छुटकारे तांइ भेज्जदा। कई सालां तांइ, परमेश्वर ने कई मणू भेज्जे जिन्हा ने उन्हा जो उन्हेरे दुस्मणां का छुड़ाया। ![](https://cdn.door43.org/obs/jpg/360px/obs-en-16-18.jpg) आखरी विच्च, मणुआं ने परमेश्वर का इक्क राज्जे जो मंगेया जियां होर देस का राज्जे थिए। सेह् इक्क इदेया राज्जा चाहंदे थिए जे लम्बा अते ताकतवर, अते जे उन्हा जो लडाई विच्च अगुवाई करी सके। परमेश्वर जो ए बिनती पसंद नी आई, पर उनिये उन्हा जो इक्क राज्जा देई दित्तेया जदेया सेह् चांह्दे थिए। न्यायीयों 1-3; 1 शमुएल 1-10 विच्च का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_16_128kbps.m4a ## 17. दाऊद कने परमेश्वर रा वादा https://openbiblestories.org/l/cdh/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएल रा पैल्ला राज्जा थिया। सेह् लम्बा अते छैल थिया, जदेया मणू चांह्दे थिये इक्क दम तदेया थिया। इस्राएल पर अपणे राज्ज रे पैल्ले किच्छ सालां विच्च शाऊल इक्क खरा राज्जा थिया। पर बाद विच्च सेह् इक्क दुष्ट मणू बणी गेया जिनिये परमेश्वर री गल्लां जो नी मन्नेया, इधेरे तांइ परमेश्वर ने इक्क होर मणू जो चुणेया जे कि इक्क दिन उसेरी जगह पर राज्जा बणना। ![](https://cdn.door43.org/obs/jpg/360px/obs-en-17-02.jpg) परमेश्वर ने दाऊद नां रे इक्क जुआन इस्राएली मरद जो चुणी करी इक्क दिन शाऊल री जगह पर राज्जा होणे तांइ तियार करणा सुरु कित्तेया दाऊद बैतलहम सैह्र रा इक्क पुहाल थिया। केई वरी, दाऊद ने शेर अते भालू दोन्नों जो मारी दित्तेया थिया। किजोकी जां दाऊद अपणे प्यो री भेड़ां री रखवाली करेया करदा थिया तां उन्हा ने हमला कित्तेया थिया। दाऊद इक्क नम्र अते नेक मणू थिया। उनिये परमेश्वर पर भरोसा कित्तेया अते उसेरी गल्लां जो मन्नेया। ![](https://cdn.door43.org/obs/jpg/360px/obs-en-17-03.jpg) जां दाऊद हल्ले जुआन ही थिया, उनिये लम्बे-चोडे गोलियत रे खिलाफ़ लड़ाई कित्ती। गोलियत इक्क बड़ा बदीया सिपाही थिया। सेह बड़ा मजबूत अते लगभग तिन्न मीटर लम्बा थिया! पर परमेश्वर ने गोलियत जो मारणे अते इस्राएल जो बचाणे विच्च दाऊद री मदद कित्ती। इसका बाद , दाऊद ने इस्राएल रे दुसमना पर कई बारी जीत हासल कित्ती। दाऊद इक्क बड़ा सिपाही बणी गेया, अते उनिये बड़ी लडाइयां विच्च इस्राएली सेना री आगुवाई कित्ती। लोक्कां ने उसेरी बड्डी तारिफ़ कित्ती। ![](https://cdn.door43.org/obs/jpg/360px/obs-en-17-04.jpg) मणुआं ने दाऊद कने इन्ना प्यार कित्तेया की शाऊल उसका जलणा लगेया। अते शाऊल उसजो मारी दैणा चांह्दा थिया, इधेरे तांइ दाऊद उसका अते उसेरे सिपाहियां का छिपणे तांइ जंगल विच्च नह्सी गेया। इक्क दिन, जां शाऊल अते उसेरे सिपाही दाऊद री तोप्प विच्च थिये तां शाऊल इक्क गुफा विच्च गेया। ए सेई गुफा थी जिस विच्च दाऊद लुक्के रा थिया, पर शाऊल ने उसजो नी दिख्खेया। दाऊद शाऊल रे पिच्छे उसेरे बड़े करीब चली गेया अते उसेरे कपड़े विच्च का इक्क टुकड़ा कटी लित्तेया। बाद विच्च, जां शाऊल उस गुफा का निकलेया तां दाऊद ने उसजो पुकारी करी उस कपड़े रे टुकड़े जो दिख्खाया। इस तरिक्के कने, शाऊल जाणी गेया कि दाऊद ने राज्जा बणने तांइ उसजो जान का मारणे तांइ मन्हा करी दित्तेया। ![](https://cdn.door43.org/obs/jpg/360px/obs-en-17-05.jpg) किच्छ वक्त बाद, शाऊल लड़ाई विच्च मारेया गेया, अते दाऊद इस्राएल रा राज्जा बणी गेया। सेह् इक्क खरा राज्जा थिया, अते मणुआं ने उस कने प्यार रख्खेया। परमेश्वर ने दाऊद जो आसीस कित्तेया अते उसजो कामयाब बणाया। दाऊद ने केई लडाइयां लड़ी, अते परमेश्वर ने इस्राएल रे दुस्मणां जो हराणे विच्च उसेरी मदत कित्ती। दाऊद ने यरूशलेम सैह्र जो जीत्ती करी उसजो अपणी राजधानी बणाया, जित्ते सेह् रेह्या अते राज कित्तेया। दाऊद चाली सालां तांइ राज्जा रेह्या। इस वक्त रे दौरान, इस्राएल बड़ा सक्तिसाली अते अमीर थिया। ![](https://cdn.door43.org/obs/jpg/360px/obs-en-17-06.jpg) दौड़ इक्क मंदिर बणाणा चांह्दा थिया जित्ते सारे इस्राएल रे मणू परमेश्वर री आराधना करी सकण अते उसेरे तांइ बलिदान चढ़ाई सकण। लगभग 400 सालां का, सेह मणू मूसा रे बणाए रे मिलाप वाले तम्बू विच्च परमेश्वर री आराधना करेया करदे थिये अते उसेरे तांइ बलिदान चढ़ाया करदे थिये। ![](https://cdn.door43.org/obs/jpg/360px/obs-en-17-07.jpg) पर तित्ते नातान नां रा इक्क भविष्यवक्ता थिया। परमेश्वर ने उसजो दाऊद जो ए बोलणे तांइ भेज्जेया: “तैं बड्डे सारी लडाइयां लड़ी हिन, इधेरे तांइ तू मेरे तांइ इस मंदिर जो नी बणवाणा। तेरे मुंडे ने इसजो बणाणा। तां भी, मैं तिज्जो बड़ी जादा असीसी दिंगा। तेरे इक्क वंशज ने हमेसा तांइ मेरे मणुआं पर राज्जा रे रुप विच्च राज करणा।” हमेसा तांइ राज करणे वाला सेह् दाऊद रा इक्कलौता वंशज मसीह थिया। मसीह परमेश्वर रा चुणे रा जन थिया जिसने दुनियां रे मणुआं जो उन्हेरे पाप्पां का बचाणा। ![](https://cdn.door43.org/obs/jpg/360px/obs-en-17-08.jpg) जिस बेल्ले दाऊद ने नातान रा बसेख सुणेया, तिसने परमेश्वर रा धन्यवाद कित्ता ते तिसेरी महिमा कित्ती। परमेश्वर तिसेरा आदर करदा थिया ते तिसजो मती असीसा दिंदा थिया। दाऊद जो पता ही नी चलदा थिया कि परमेश्वर कुस बेल्ले ए सारी चिज्जाँ करदा थिया। असी अवे जाणदे थिये कि इस्रालियां जो लम्बे समय तक मसीहा जो भालणा पैणा थिया, लगभग 1000 सालां तांइ। ![](https://cdn.door43.org/obs/jpg/360px/obs-en-17-09.jpg) दाउद ने ईमानदारी कने अपणे मणुआं पर मत्ते साल राज कित्ता। तिसने परमेश्वर रे हुकमां जो वफादारी कने मन्नेया, ते परमेश्वर ने तिसजो असीस दित्ती। फिरी भी अपणे अंत रे सालां विच्च तिनिए परमेश्वर रे खिलाफ भयानक पाप कित्ता। ![](https://cdn.door43.org/obs/jpg/360px/obs-en-17-10.jpg) इक्क दिन, दाउद ने अपणे मैहल का बार दिख्खेया, ते इक्क बड़ी छैण जनानी जो नहांदे दिख्खेया। सेह् तिसजो नी जाणदा थिया, पर तिसने पता लेया कि तिसेरा नां बतशेबा थिया।। ![](https://cdn.door43.org/obs/jpg/360px/obs-en-17-11.jpg) होरथी दिख्खणे रे बजाये, दाऊद ने तिसजो अपणे का लियाणे तांइ कुस्की जो भेज्जेया। सेह् तिस कने सोया ते तिसजो घरे भेजी दित्ता। थोड़े समय का बाद, बतशेबा ने दाऊद जो बसेख भेज्जेया कि सेह् दुप्राणी है। ![](https://cdn.door43.org/obs/jpg/360px/obs-en-17-12.jpg) अतः दाऊद ने ऊरिय्याह को वापिस युद्ध में भेज दिया और सेनापति से उसे युद्ध में ऐसे स्थान पर रखने के लिए कहा जहाँ शत्रु सबसे शक्तिशाली हो ताकि वह मारा जाए। तो ऐसा हुआ कि ऊरिय्याह युद्ध में मारा गया। बतशेबा रे लाड़े रा नां ऊरिय्याह थिया। सेह् दाऊद रे सबका वदिया सैनिकां विच्च का इक्क थिया। तिस बेल्ले सेह् घरे का दूर युद्ध विच्च लड़दा थिया। दाऊद ने ऊरिय्याह जो लड़ाई का वापस सद्दी लेया अते बोल्लया कि अपणी लाड़ी कने रेह्। पर ऊरिय्याह ने घरे जाणे का मन्हा करी दित्तेया किजोकी बाक्की सैनिक लड़ाई विच्च थिए। तां दाऊद ने ऊरिय्याह जो वापस लड़ाई विच्च भेजी दित्तेया अते सेनापति जो बोल्लेया कि इसजो उत्ते रख्खेयां जिते दुस्मणां री सक्ति जादा हो ताकि सेह् मरी जाओ। तां ए होया कि ऊरिय्याह मरी गया। ![](https://cdn.door43.org/obs/jpg/360px/obs-en-17-13.jpg) ऊरिय्याह रे लड़ाई विच्च मरणे का बाद दाऊद ने बतशेबा कने ब्याह करी लेया। थोड़े समय का बाद, तिसने दाऊद रे मुंडे जो जम्मेया। दाऊद ने जे कित्ता परमेश्वर तिस्का बड़ा नराज थिया, तां तिसने भविष्यद्वक्ता नातान जो दाऊद जो ए बोलणे तांइ भेज्जेया कि तिसेरा पाप कितना बुरा थिया। दाऊद ने अपणे पाप रा पश्चाताप कित्ता ते परमेश्वर ने तिसजो मा करी दित्ता। अपणी बची री जिंदगी, दाऊद परमेश्वर रे पिच्छे-पिच्छे चलेया अते अपणे बुरे वक्त भी तिसेरी गल्लां जो मन्नेया। ![](https://cdn.door43.org/obs/jpg/360px/obs-en-17-14.jpg) 1 शमूएल अध्याय 10; 15-19; 24; 31; 2 शमूएल 5; 7; 11-12 से एक बाइबल की कहानी पर दाऊद रा बच्चा मरी गेया। इयां परमेश्वर ने दाऊद जो सजा दित्ती। इसेरे अलावा, जां तांइ दाऊद नी मरेया, तिसेरे परिवार रे किच्छ मणू उसेरा विरोध करदे रेह्, अते दाऊद री अपणी सक्ति कम होई गेई थी। पर परमेश्वर वफादार रेह्या अते तिसने फिरी भी अपणे वादे जो पूरा कित्ता चाए दाऊद ने परमेश्वर रे हुकम जो नी मन्नेया थिया। किच्छ समय बाद, बतशेबा ने होर मुण्डा जम्मेया, अते उन्हा ने तिसेरा नां सुलैमान रख्खेया। बाइबिल री कहाणी : 1 शमूएल 10; 15-19,24; 31; 2 शमूएल 5;7; 11-12 Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_17_128kbps.m4a ## 18. बंड्डिते रे देस https://openbiblestories.org/l/cdh/story-18/ ![](https://cdn.door43.org/obs/jpg/360px/obs-en-18-01.jpg) दाऊद राज्जा ने चाली साल्लां तांइ राज कित्तेया। तां सेह् मरी गेया, अते उसेरे मुंडे सुलैमान ने इस्राएल पर राज्ज करणा सुरु कित्तेया। परमेश्वर ने सुलैमान कने गाल्ल कित्ती अते उसका पुच्छेया कि सेह् सबका जादा कै चांह्दा कि परमेश्वर उसेरे तांइ करे। सुलैमान ने परमेश्वर का मंगेया कि सेह् उस्सो बड़ा जादा बुद्धिमान बणाई दे। इस गाल्ल ने परमेश्वर जो खुस कित्तेया, इधेरे तांइ परमेश्वर ने सुलैमान जो दुनिया रा सबका बुद्धिमान मरद बणाई दित्तेया। सुलैमान ने मत्ती सारी गल्लां जो सिख्खेया अते सेह् इक्क बुद्धिमान राज्जा थिया। परमेश्वर ने उस्सो बड़ा जादा अमीर भी बणाई दित्तेया थिया। ![](https://cdn.door43.org/obs/jpg/360px/obs-en-18-02.jpg) यरूशलेम विच्च सुलैमान ने उस मंदिर जो बणाया जिसेरे तांइ उसेरे प्यो ने योजना बनाई थी अते समान जो इकठ्ठा कित्तेया थिया। अवे मणू मिलाप वाले तम्बू रे बजाए मंदिर विच्च परमेश्वर री आराधना करदे थिए अते उसेरे तांइ बलि चढ़ांदे थिए।परमेश्वर मंदिर विच्च हाजिर रैंह्दा थिया, अते उत्ते सेह् अपणे मणुआं कने रैंह्दा थिया। ![](https://cdn.door43.org/obs/jpg/360px/obs-en-18-03.jpg) पर सुलैमान ने दुज्जे देसां री जनानियां कने प्यार कित्तेया। उनिये मत्ती सारी, लगभग 1,000 जनानियां कने ब्याह करी के परमेश्वर रे हुकम जो नी मन्नेया। इन्हा विच्च का मत्ती सारी पराए देसां का आई अते अपणे देवतेयां जो कने लियाई अते उन्हेरी पूजा करणा जारी रख्खेया। जां सुलैमान बुजुर्ग होई गेया तां उनिये भी उन्हेरे देवतेयां री पूजा कित्ती। ![](https://cdn.door43.org/obs/jpg/360px/obs-en-18-04.jpg) इस वजह कने परमेश्वर सुलैमान कने गुस्सा थिया। उनिये बोल्लेया कि सेह् इस्राएल देस जो दो हिस्सेयां विच्च बंड्डी करी उस्सो सजा दिंग्गा। सेह् सुलैमान रे मरणे रे बाद इयां करगा। ![](https://cdn.door43.org/obs/jpg/360px/obs-en-18-05.jpg) सुलैमान रे मरणे रे बाद, रहबाम राज्जा बणेया। इस्राएल देस रे सब मणू उस्सो अपणे राज्जे रे रुप विच्च स्वीकार करणे तांइ सब इकठ्ठे होए। उन्हा ने रहबाम का सिकायत कित्ती कि सुलैमान ने उन्हा का बड़ी जादा मेहनत कराई थी अते बड़ा जादा पैसा वसूलेया थिया। उन्हा ने रहबाम का बिनत्ति कित्ती कि उन्हा का घाट्ट काम्म कराए। ![](https://cdn.door43.org/obs/jpg/360px/obs-en-18-06.jpg) पर रहबाम ने उन्हा जो बड़ी ही बेवकूफी कने जबाव दित्तेया, “तुसी बोलदे कि मेरे प्यो सुलैमान ने तुसा का बड़ा जादा काम्म कराया। पर मैं तुसा का उसका भी जादा काम्म करवांगा, अते मैं तुसा जो उसका भी जादा दुखी करगा।” ![](https://cdn.door43.org/obs/jpg/360px/obs-en-18-07.jpg) जां मणुआं ने उस्सो इयां बोलदे सुणेया ता उन्हा विच्च का केईयां ने उसेरे खिलाफ बलवा कित्तेया। दास्स गौत्रां ने उस्सो छड्डी दित्तेया; उस कने अवे सिर्फ दो गौत्र ही बचे। इन्न दोनां गौत्रां ने अपणे आप जो यहूदा रा देस बोल्लेया। ![](https://cdn.door43.org/obs/jpg/360px/obs-en-18-08.jpg) बाकी रे दास्स गौत्रां ने यारोबाम नां रे इक्क मरद जो अपणा राज्जा बणाई लित्तेया। ए गौत्र देस उत्तर-पूर्वी रे हिस्से विच्च थिया। उन्हा ने अपणे आप जो इस्राएल देस बोल्लेया। ![](https://cdn.door43.org/obs/jpg/360px/obs-en-18-09.jpg) पर यारोबाम ने परमेश्वर रे खिलाफ बलवा कित्तेया अते मणुआं का पाप करवाया। उनिये अपणे मणुआं रे जरिये पूजा करणे तांइ दो मूर्तियाँ जो बणाया। सेह् अवे यहूदा रे देस यरूशलेम विच्च परमेश्वर रे मंदिर विच्च उसेरी आराधना करणे तांइ नी गे। ![](https://cdn.door43.org/obs/jpg/360px/obs-en-18-10.jpg) यहूदा अते इस्राएल रे देस अप्पू विच्च दुसमण बणी गे अते अक्सर इक्क दुज्जे रे खिलाफ लड़ना लगे। ![](https://cdn.door43.org/obs/jpg/360px/obs-en-18-11.jpg) इस्राएल रे नौए देस विच्च, सारे ही दुष्ट राज्जे थिए। इन्हा विच्च का केई राज्जे उन्हेरी जगह पर राज्जा बणने री चाह् रख्खणे वाले होर इस्राएलियां रे जरिये मारे गे थिए। ![](https://cdn.door43.org/obs/jpg/360px/obs-en-18-12.jpg) इस्राएल देस रे सारे ही राज्जेयां ने अते जादातर मणुआं ने मूर्तियां री पूज्जा कित्ती। जां उन्हा ने इयां कित्तेया, तां से अक्सर वेश्यां रे कने सोए अते इत्ते तांइ कि कई बारी मूर्तियां रे आग्गे बच्चेयां री बलि भी दित्ती। ![](https://cdn.door43.org/obs/jpg/360px/obs-en-18-13.jpg) यहूदा देस रे राज्जा, दाऊद रे वंशज थिए। इन्हा राज्जेयां विच्च का केई भले मणू थिए जिन्हा ने सच्चे न्याय कने राज कित्तेया अते परमेश्वर री आराधना कित्ती। पर यहूदा रे जादातर राज्जा दुष्ट थिए। उन्हा ने दुष्टता कने राज कित्तेया, अते मूर्तियाँ री पूजा कित्ती। इत्ते तांइ कि इन्हा विच्च का किच्छ राज्जेयां ने झूठे देवतेयां रे आग्गे अपणे बच्चेयां जो बलि भी करी दित्तेया। यहूदा रे जादातर मणुआं ने भी परमेश्वर रे खिलाफ बलवा कित्तेया अते होर देवतेयां री पूजा कित्ती। 1 राजा अध्याय 1-6; 11-12 से एक बाइबल की कहानी 1 राजा अध्याय 1-6; 11-12 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_18_128kbps.m4a ## 19. भविष्यद्वक्ता https://openbiblestories.org/l/cdh/story-19/ ![](https://cdn.door43.org/obs/jpg/360px/obs-en-19-01.jpg) परमेश्वर हमेसा इस्राएलियां का भविष्यद्वक्तां जो भेज्जदा रैंदा थिया। भविष्यद्वक्ता परमेश्वर रे बसेख जो सुणादे थिए अते फिरी उस्सो मणुआं जो दस्सदे थिए। ![](https://cdn.door43.org/obs/jpg/360px/obs-en-19-02.jpg) जां अहाब इस्राएल देस पर राज्जा थिया तां उस वक्त एलिय्याह भविष्यद्वक्ता थिया। अहाब इक्क बुरा मणू थिया। उनिये झूठ्ठे बाल देवता री पूजा करवाणे तांइ मणुआं जो मजबूर कित्तेया थिया। इधेरे तांइ एलिय्याह ने अहाब जो बोल्लेया कि परमेश्वर उन्हा मणुआं जो सजा दैणे जाया करदा है। उनिये उस जो बोल्लेया, “जां तांइ मैं फिरी बरखा होणे तांइ ना बोलूं तां तांइ इस्राएल देस विच्च ना बरखा हूणी अते ना ही ओस पैणी।” इस गाल्ल कने अहाब जो इतणा गुस्सा दिलाई दित्तेया कि उनिये एलिय्याह जो मारी रख्खणे रा फैसला कित्तेया। ![](https://cdn.door43.org/obs/jpg/360px/obs-en-19-03.jpg) इधेरे तांइ परमेश्वर ने एल्लियाह जो बोल्लेया कि सेह् जंगल विच्च जाई करी लुक्की जाए। एलिय्याह जंगल विच्च उस पाणी रे सोते का गेया जित्ते परमेश्वर ने जाणे तांइ दस्सेया थिया। रोज भ्यागा अते शाम, पक्सी एल्लियाह तांइ रोटी अते मांस लेई करी आंदे थिए। इस पूरे वक्त विच्च, अहाब अते उसेरी सेना एलिय्याह री तोप विच्च लगी रेह्ई, पर सेह् उस्सो तोप्पी नी पाए। ![](https://cdn.door43.org/obs/jpg/360px/obs-en-19-04.jpg) बरखा ना होणे री वजह कने पाणी रा सोता सुक्की गेया। इधेरे तांइ एलिय्याह अपणे नेड़े इक्क देस विच्च चली गेया। उस देस विच्च इक्क गरीब विधवा थी जिसेरा इक्क मुंडा थिया। उन्हेरे का खाणे री चिज्जां लगभग खत्म होई गेई थी, किजोकी उत्ते कोई फसल नी उगी थी। पर फिरी भी, उस जनानी ने एलिय्याह री देखभाल कित्ती, इधेरे तांइ परमेश्वर ने उसेरी अते उसेरे मुंडे री जरुरतां जो पूरा कित्तेया, इस वजह कने उसेरे आटे रा भाण्डा अते उसेरे तेल री कुप्पी कदी भी खाली नी होई। उस पूरे अकाल रे दौरान उन्हा का रोटी थी। एलियाह किच्छ सालां तांइ उत्ते ही रुकी रेह्या। ![](https://cdn.door43.org/obs/jpg/360px/obs-en-19-05.jpg) साढ़े तिन्न सालां का बाद, परमेश्वर ने एलिय्याह जो बोल्लेया कि सेह् फिरी का बरखा करगा। उनिये एलिय्याह जो वापस इस्राएल रे देस विच्च जाई करी अहाब कने गाल्ल करणे तांइ बोल्लेया। इधेरे तांइ एलिय्याह अहाब का गेया। जां अहाब ने उस्सो दिख्खेया तां उनिये बोल्लेया,”अच्छा तू है, मुसीबत पैदा करणे वाला।” एलिय्याह ने जवाब दित्तेया, “मुसीबत पैदा करणे वाला ता तू है! तैं यहोवा जो छड्डी दित्तेया। सेई सच्चा परमेश्वर है, पर तू बाल री पूजा करेया करदा है। अवे तिज्जो इस्राएल देस रे सारे मणुआं जो कर्मेल पहाड़ पर लेई करी आणा है।” ![](https://cdn.door43.org/obs/jpg/360px/obs-en-19-06.jpg) इधेरे तांइ सारे मणू कर्मेल पहाड़ जो गे। सेह् मरद भी आए जे बोलदे थिए कि सेह् बाल रे बसेख जो बोलदे थिए। ए बाल रे भविष्यद्वक्ता थिए। सेह् सारे 450 थिए। एलिय्याह ने मणुआं जो बोल्लेया, “कधाड़ी तांइ तुसी अपणे मनां जो परमेश्वर का दूर रख्खगे? अगर यहोवा परमेश्वर है ता उसेरी आराधना करो! अगर बाल परमेश्वर है ता उसेरी पूजा करो!” ![](https://cdn.door43.org/obs/jpg/360px/obs-en-19-07.jpg) तां एलिय्याह ने बाल रे भविष्यद्वक्ता जो बोल्लेया, “इक्क बैल जो बलि करी के उसेरे मांस जो बलिदान होणे तांइ इक्क वेदी पर रख्खो, पर आग्ग मत लगांदे। उसेरे बाद मैं भी तियां ही करगा, अते इक्क अलग वेदी पर मैं उस मांस जो रख्खगा। तां अगर परमेश्वर वेदी पर आग्ग सुटदा है तां तुसी जाणी लैणा कि सेह् सच्चा परमेश्वर है।” तां बाल रे भविष्यद्वक्तां ने इक्क बलि जो तियार कित्तेया पर आग्ग नी लगाई। ![](https://cdn.door43.org/obs/jpg/360px/obs-en-19-08.jpg) तां बाल रे भविष्यद्वक्तां ने बाल का प्रार्थना कित्ती, “ओ बाल, असा री सुण!” पूरे दिन उन्हा ने प्रार्थना कित्ती अते चिलांदे अते इत्ते तांइ कि अपणे आप जो छुरियां कने कटी लित्तेया, पर बाल ने जवाब नी दित्तेया, अते उनिये कोई आग्ग नी सुट्टी। ![](https://cdn.door43.org/obs/jpg/360px/obs-en-19-09.jpg) बाल रे भविष्यद्वक्तां ने बाल का प्रार्थना करणे विच्च लगभग पूरा दिन लगाई दित्तेया। आखरी विच्च उन्हा ने प्रार्थना करणा बांद्द करी दित्तेया। तां एलिय्याह ने दुज्जे बैल रे मांस जो परमेश्वर री वेदी पर रख्खी दित्तेया। उसेरे बाद, उनिये मणुआं का पाणी रे बड्डे भाण्डेयां जो उस बलिदान पर तां तांइ रख्खणे तांइ बोल्लेया जां तांइ कि मांस, लकड़ियां, अते इत्ते तांइ कि वेदी रे नेड़े री जमीन पूरे तरिक्के कने गीली नी होई गेई। ![](https://cdn.door43.org/obs/jpg/360px/obs-en-19-10.jpg) तां एलिय्याह ने प्रार्थना कित्ती, “ओ यहोवा, अब्राहम, इसहाक, अते याकूब रे परमेश्वर, असा जो दस्सो कि तुसी इस्राएल रे परमेश्वर हिन अते ए कि मैं तुसा रा दास है। मिंजो जवाब दो जिस कने कि ए मणू जाणी लैण कि तुसी ही सच्चे परमेश्वर हिन।” ![](https://cdn.door43.org/obs/jpg/360px/obs-en-19-11.jpg) इकदम ही, आसमान का आग्ग पेई अते उनिये मांस , लकड़ियां, पहाड़ां, मिट्टी, अते इत्ते तांइ कि वेदी रे आसपास रा पाणी भी फुक्की दित्तेया। जां मणुआं ने ए दिख्खेया, सेह् जमीन पर गिरी गे अते बोल्ले, “यहोवा ही परमेश्वर है! यहोवा ही परमेश्वर है!” ![](https://cdn.door43.org/obs/jpg/360px/obs-en-19-12.jpg) तां एलिय्याह ने बोल्लेया, “बाल रा इक्क भी भविष्यद्वक्ता बची करी नी जाणे पाए!” इधेरे तांइ मणुआं ने बाल रे भविष्यद्वक्तां जो पकड़ी लित्तेया अते उन्हा जो उत्ते का दूर लेई गे अते उन्हा जो मारी दित्तेया। ![](https://cdn.door43.org/obs/jpg/360px/obs-en-19-13.jpg) तां एलिय्याह ने अहाब राज्जा जो बोल्लेया, “जल्दी अपणे घर जो नह्सी जा, किजोकि बरख्खा होणे वाली है।” जल्दी ही बदल घणे होई गे, अते बड़ी तेज बरख्खा सुरु होई गेई। यहोवा उस अकाल जो खत्म करेया करदा थिया। इस कने पत्ता चलेया कि यहोवा ही सच्चा परमेश्वर है। ![](https://cdn.door43.org/obs/jpg/360px/obs-en-19-14.jpg) जां एलिय्याह ने अपणे काम्म जो खत्म करी दित्तेया, तां परमेश्वर ने एलिशा नां रे इक्क मरद जो अपणा भविष्यद्वक्ता होणे तांइ चुणी लित्तेया। परमेश्वर ने एलिशा रे जरिए बड़े चमत्कार कित्ते। इक्क चमकार नामान कने होया थिया। सेह् इक्क दुस्मण री सेना रा सरदार थिया, पर उस्सो चमड़ी री इक्क बुरी बमारी होई गेई थी। नामान ने एलिशा रे बारे विच्च सुणेया थिया, इधेरे तांइ सेह् एलिशा का आया अते उस्सो उसेरी बमारी जो ठीक करणे तांइ बिनत्ती कित्ती। एलिशा ने नामान जो बोल्लेया कि जाई करी यरदन नदी रे पाणी विच्च सात्त बारी डुबकी लगाई लै। ![](https://cdn.door43.org/obs/jpg/360px/obs-en-19-15.jpg) नामान गुस्सा होई गेया। उनिये इयां करणे का मन्हा करी दित्तेया, किजोकी ए उस्सो बेवकूफी रा काम्म लगदा थिया। पर बाद विच्च उनिये अपणे मन जो बदलेया अते जाई करी यरदन नदी विच्च सात्त बरी डुबकी लगाई। जां आखरी बारी सेह् पाणी का बार निकलेया तां परमेश्वर ने उस्सो ठीक करी दित्तेया। ![](https://cdn.door43.org/obs/jpg/360px/obs-en-19-16.jpg) परमेश्वर ने इस्राएल रे मणुआं का होर भविष्यद्वक्तां जो भी भेज्जेया। उन्हा सारेयां ने मणुआं जो मूर्तियाँ री पूजा बांद्द करणे तांइ बोल्लेया। इसेरे बजाए, उन्हा जो इक्क दुज्जे कने न्याय कने सलूख करणा चंहिदा अते इक्क दुज्जे पर दया करणी चंहिदी। उन्हा भविष्यद्वक्तां ने मणुआं जो चेतावनी दित्ती कि उन्हा जो बुरे कम्मां जो करणा बांद करणा चंहिदा अते इसेरे बजाए परमेश्वर री गल्लां रा पालन करणा है। अगर उन्हा मणुआं ने इदेया नी कित्तेया तां परमेश्वर उन्हा जो दोसी जाणी करी उन्हेरा न्याय करगा, अते उन्हा जो सजा दिंगा। ![](https://cdn.door43.org/obs/jpg/360px/obs-en-19-17.jpg) जादातर वक्त, उन्हा मणुआं ने परमेश्वर रे हुकमां जो नी मन्नेया। अक्सर उन्हा ने भविष्यद्वक्तां कने बुरा सलूख कित्तेया अते इत्ते तांइ कि उन्हा जो मारी रख्खेया। इक्क बरी, उन्हा ने यिर्मयाह भविष्यद्वक्ता जो सुक्के कुएँ विच्च पाई दित्तेया अते उस्सो उत्ते मरणे तांइ छड्डी दित्तेया। सेह् कुएं रे अंदर चिकड़ विच्च फसी गेया थिया। पर तां राज्जा जो उस पर दया आई अते उनिये अपणे सिपाहियां जो हुकम दित्तेया कि यिर्मयाह रे मरणे का पैल्ले उस्सो कुएं का बार निकाली ले। ![](https://cdn.door43.org/obs/jpg/360px/obs-en-19-18.jpg) भविष्यद्वक्तां ने परमेश्वर रे पास्से का बोलणा जारी रख्खेया भले ही मणुआं ने उन्हा का नफरत कित्ती। उन्हा ने मणुआं जो चेतावनी दित्ती कि अगर उन्हा ने पाप करणा बांद्द नी कित्तेया ता परमेश्वर ने उन्हा जो खत्म करी दैणा। उन्हा ने मणुआं जो ए भी याद कराया कि परमेश्वर ने उन्हा तांइ मसीह जो भेज्जणे रा वादा कित्तेया है। 1 राजा अध्याय 16-18; 2 राजा 5; यिर्मयाह 38 से एक बाइबल की कहानी 1 राजा अध्याय 16-18; 2 राजा 5; यिर्मयाह 38 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_19_128kbps.m4a ## 20. गुलामी अते उत्ते का वापस आणा https://openbiblestories.org/l/cdh/story-20/ ![](https://cdn.door43.org/obs/jpg/360px/obs-en-20-01.jpg) इस्राएल रे देस अते यहूदा रे देस दोन्नां ने परमेश्वर रे खिलाफ पाप कित्तेया। उन्हा ने उस वादे जो तोड़ी दित्तेया जे परमेश्वर ने उन्हेरे कने सीनै पहाड़ पर कित्तेया थिया। परमेश्वर ने उन्हा जो उन्हेरे पाप्पां जो छडणे तांइ अते फिरी का उसेरी आराधना करणे तांइ चेतावनी दैणे तांइ भविष्यद्वक्तां जो भेज्जेया, पर उन्हा ने उन्हेरी गल्लां जो मनणे का मन्हा करी दित्तेया। ![](https://cdn.door43.org/obs/jpg/360px/obs-en-20-02.jpg) इधेरे तांइ परमेश्वर ने उन्हेरे दुस्मणां जो सक्तिसली बणाया ताकि उन्हेरे जरिये उन्हा जो खत्म करी के दोन्नां देसां जो सजा दित्ती। अश्शूर इक्क होर देस थिया जे बड़ा सक्तिसली होई गेया थिया। सेह् दुज्जे दोन्नां देसां कने बड़ा निर्दयी भी थिया। उन्हा ने इस्राएल रे देसां जो खत्म करी दित्तेया। अश्शूरियां ने आई करी इस्राएल रे देस विच्च मते सारेयां जो मारी दित्तेया, जे चाह्या सेह् लुटी लित्तेया, अते देस रे केई हिस्सेयां जो फुक्की दित्तेया। ![](https://cdn.door43.org/obs/jpg/360px/obs-en-20-03.jpg) अश्शूरियां ने सब प्रधानां, अमीर मणुआं, अते इदेय मणुआं री मैंह्गी चिज्जाँ बणाई सकदे थिए, सबनां जो इकठ्ठा कित्तेया अते सेह् उन्हा जो अश्‍शूर देस लेई गे। इस्राएल विच्च सिर्फ किच्छ गरीब इस्राएली ही बची थिए। ![](https://cdn.door43.org/obs/jpg/360px/obs-en-20-04.jpg) फिरी अश्शूरी मणू उस देस विच्च रैह्णे तांइ विदेसियां जो लेई करी आए। उन्हा विदेसियां ने उन सैह्रां जो फिरी का बणाया। जे इस्राएली उत्ते बची गे थिए उन्हा ने बचे रे इस्राएली कने ब्याह कित्तेया। इन्हा मणुआं रे वंशज सामरी जाणे गे। ![](https://cdn.door43.org/obs/jpg/360px/obs-en-20-05.jpg) यहूदा रे देस रे मणुआं ने दिख्खेया कि कियां परमेश्वर ने उस पर भरोसा ना करणे अते उसेरी गल्लां जो ना मनणे रे वजह कने इस्राएल रे देस रे मणुआं जो सजा दित्ती थी। पर तां भी उन्हा ने कनानियां रे देवतेयाँ री मूर्तियाँ री पूजा कित्ती। परमेश्वर ने उन्हा जो चेतावनी दैणे तांइ भविष्यद्वक्तां जो भेज्जेया, पर उन्हा ने उन्हेरी सुनणे का मन्हा करी दित्तेया। ![](https://cdn.door43.org/obs/jpg/360px/obs-en-20-06.jpg) लगभग सौ सालां रे बाद अश्शूरियां ने इस्राएल रे देस जो खत्म करी दित्तेया। परमेश्वर ने बेबीलोन रे राज्जा, नबूकदनेस्सर जो यहूदा रे देस पर हमला करणे तांइ भेज्जेया। बेबीलोन इक्क सक्तिसाली देस थिया। यहूदा रा राज्जा नबूकदनेस्सर रा दास बणने अते हर साल उस्सो बड़े जादा पैसे रा भुगतान करणे तांइ राजी होई गेया। ![](https://cdn.door43.org/obs/jpg/360px/obs-en-20-07.jpg) पर किच्छ साल्लां रे बाद, यहूदा रे राज्जा ने बेबीलोन रे खिलाफ बलवा कित्तेया। इधेरे तांइ बेबीलोनियां ने वापस आई करी यहूदा रे देस पर हमला करी दित्तेया। उन्हा ने यरुशलेम सैह्र पर कब्जा करी लित्तेया, मंदिर जो तबाह करी दित्तेया, अते सैह्र अते मंदिर रे खजाने जो लुट्टी करी लेई गे। ![](https://cdn.door43.org/obs/jpg/360px/obs-en-20-08.jpg) बलवा करणे री वजह कने यहूदा रे राज्जा जो सजा दैणे तां, नबूकदनेस्सर रे सिपाहियां ने राज्जा रे पुत्तर जो उसेरे सामणे मारी दित्तेया अते फिरी उस्सो अह्न्ना करी दित्तेया। इसेरे बाद, सेह् राज्जे जो लेई गे ताकि सेह् बेबीलोन रे जेलखाने विच्च मरी जाए। ![](https://cdn.door43.org/obs/jpg/360px/obs-en-20-09.jpg) नबूकदनेस्सर अते उसेरी सेना यहूदा रे देस रे लगभग सारे ही मणुआं जो बेबीलोन लेई गे, सिर्फ सबका गरीब मणुआं जो पिच्छे छड्डी करी ताकि सेह् खेतां विच्च फसल उगाण। वक्त रे इस काल जो गुलामी बोल्लेया गेया है। जिस विच्च परमेश्वर रे मणुआं जो वादे रे देस का निकाली जाणे तांइ मजबूर कित्तेया गेया थिया। ![](https://cdn.door43.org/obs/jpg/360px/obs-en-20-10.jpg) भले ही परमेश्वर ने अपणे मणुआं जो उन्हेरे पाप तांइ गुलामी विच्च लेई जाणे रे जरिये सजा दित्ती, तां भी सेह् उन्हा जो या अपणे वादे जो नी भुल्लेया थिया। परमेश्वर ने अपणे मणुआं री निगरानी करणा नी छड्डेया अते अपणे भविष्यद्वक्तां रे जरिये उन्हा कने गल्लां कित्ती। उनिये वादा कित्तेया कि सत्तर सालां रे बाद, सेह् फिरी का वादे रे देस विच्च वापस आंगे। ![](https://cdn.door43.org/obs/jpg/360px/obs-en-20-11.jpg) लगभग सत्तर सालां रे बाद, फारस रे राज्जा कुस्रू ने बेबीलोन जो हराई दित्तेया, इधेरे तांइ बेबीलोन रे सम्राज्य रे बजाए फारस रे सम्राज्य ने केई देसां पर राज कित्तेया। इस्राएली मणू अवे यहूदा जाणे जांदे थिए। उन्हा विच्च का मत्तेयां ने अपणी पूरी जिंदगी बेबीलोन विच्च बिताई दित्ती थी। सिर्फ थोड़े यहूदियां जो ही यहूदा रा देस याद थिया। ![](https://cdn.door43.org/obs/jpg/360px/obs-en-20-12.jpg) फारसी मणू बड़े जादा ताकतवर थिए, पर उन्हा ने अपणे जिते रे मणुआं पर दया कित्ती थी। फारसी मणुआं रा राज्जा बणने रे किच्छ वक्त का बाद, कुस्रू ने इक्क आदेस दित्तेया कि कोई भी यहूदी जे यहूदा जो वापस जाणा चांह्दा थिया, सेह् फारस का निकली करी वापस यहूदा जो जाई सकदा है। इत्ते तांइ कि उनिये उन्हा जो मंदिर जो फिरी का बणाणे तांइ पैसे भी दित्ते। इधेरे तांइ गुलामी रे सत्तर सालां रे बाद, यहूदियां रा इक्क छोटा झुंड यहूदा विच्च यरूशलेम विच्च वापिस आया। ![](https://cdn.door43.org/obs/jpg/360px/obs-en-20-13.jpg) जां सेह् मणू यरूशलेम पुज्जे तां उन्हा ने मंदिर जो अते सैह्र रे चारों पास्से री दवार जो फिरी का बणाया। फारसी मणू हाल्ले भी उन्हा पर राज करदे थिए पर इक्क वरी फिरी का सेह् वादे रे देस विच्च रेह् थिए अते मंदिर विच्च आराधना कित्ती थी। 2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से एक बाइबल की कहानी 2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_20_128kbps.m4a ## 21. परमेश्वर मसीह रा वादा करदा है https://openbiblestories.org/l/cdh/story-21/ ![](https://cdn.door43.org/obs/jpg/360px/obs-en-21-01.jpg) जां परमेश्वर ने दुनियां जो बणाया थिया, सेह् जाणदा थिया कि उस्सो बाद विच्च कुस्सी दिन मसीह जो भेज्जणा पैणा। उस विच्च आदम अते हवा कने वादा कित्तेया थिया कि सेह् इयां करगा। उनिये बोल्लेया कि हव्वा रा इक्क वंशज पैदा हूणा जे साँप रे सर जो कुचलगा। जिस साँप ने हव्वा जो धोख्खा दित्तेया सेह् पक्का ही शैतान थिया। परमेश्वर रा मतलब थिया कि मसीह पूरे तरिक्के कने शैतान जो हराई दिंगा। ![](https://cdn.door43.org/obs/jpg/360px/obs-en-21-02.jpg) परमेश्वर ने अब्राहम कने वादा कित्तेया थिया कि उसेरे जरिये दुनियां री सारी जातियां असीस पांगी। परमेश्वर बाद विच्च कुस्सी वक्त मसीह जो भेजणे रे जरिये इस वादे जो पूरा करगा। सेह् मसीह दुनियां री हर इक्क जाति विच्च का मणुआं जो उन्हेरे पाप का छुड़ांगा। ![](https://cdn.door43.org/obs/jpg/360px/obs-en-21-03.jpg) परमेश्वर ने मूसा कने वादा कित्तेया थिया कि भविष्य विच्च सेह मूसा सांइ इक्क होर भविष्यद्वक्ता जो भेजगा। ए भविष्यद्वक्ता मसीह हूंगा। इस तरिक्के कने, परमेश्वर ने फिरी का वादा कित्तेया कि सेह् मसीह जो भेजगा। ![](https://cdn.door43.org/obs/jpg/360px/obs-en-21-04.jpg) परमेश्वर ने राज्जा दाऊद कने वादा कित्तेया थिया कि उसेरा इक्क वंशज मसीह हूणा। सेह् राज्जा हूंगा अते परमेश्वर रे मणुआं पर हमेसा तांइ राज करगा। ![](https://cdn.door43.org/obs/jpg/360px/obs-en-21-05.jpg) परमेश्वर ने यिर्मयाह भविष्यद्वक्ता कने गाल्ल कित्ती अते बोल्लेया कि इक्क दिन सेह् इक्क नौआ वादा करगा। सेह् नौआ वादा इस्राएल कने सीनै पहाड़ पर कित्ते रे पुराणे वादे सांइ नी हूंगा। जां मणुआं कने सेह् अपणे नौआ वादे जो करगा, तां सेह् उन्हा पर अपणे आप जो व्यक्तिगत रुप कने प्रगट करगा। हर इक्क मणू उस कने प्यार रख्खगा अते उसेरे नियम जो मनणे री इच्छा रख्खगा। परमेश्वर ने बोल्लेया कि ए उसेरे नियम रा उन्हेरे दिलां पर लिख्खी दैणे सांइ हूंणा। सेह् उसेरे मणू हूणे, अते परमेश्वर उन्हेरे पाप्पां जो माफ करगा। सेह् मसीह हूणा जे उन्हा कने नौए वादे जो करगा। ![](https://cdn.door43.org/obs/jpg/360px/obs-en-21-06.jpg) परमेश्वर रे भविष्यद्वक्तां ने ए भी बोल्लेया कि मसीह इक्क भविष्यद्वक्ता हूणा। इक्क भविष्यद्वक्तां सेह् मणू है जे परमेश्वर रे वचनां जो सुणदा है अते फिरी मणुआं जो परमेश्वर रे बसेख दस्सदा है। जिस्सो भेजणे रा वादा परमेश्वर ने कित्तेया थिया सेह् मसीह इक्क भविष्यद्वक्ता हूणा। मतलब सेह् मसीह परमेश्वर रे बसेख जो खरे तरिक्के कने सुणांगा, अते सेह् मणुआं जो उन्हा बसेखां जो खरे तरिक्के सिख्खांगा। ![](https://cdn.door43.org/obs/jpg/360px/obs-en-21-07.jpg) इस्राएली परोतां ने मणुआं तांइ परमेश्वर रे अग्गे बलिदान चढ़ाणा बांद्द नी कित्ते। ए बलिदान मणुआं रे पाप्पां तांइ उन्हा जो परमेश्वर रे जरिये सजा दैणे री जगह पर चढ़ाए गे थिए। परोतां ने मणुआं तांइ प्रार्थना भी कित्ती। पर, सेह् मसीह सिद्ध बड़ा परोत हूणा जे परमेश्वर जो दैणे वाली बलि तांइ इक्क सिद्ध बलि रे रुप विच्च अपणे आप जो चढ़ाई दिंगा। अते, सेह् कदी पाप नी करगा, अते जां सेह अपणे आप जो बलि होणे तांइ दिंगा, तां दुनियां जो होर कोई भी बलि दैणे री जरूरत नी पैणी। ![](https://cdn.door43.org/obs/jpg/360px/obs-en-21-08.jpg) मणुआं रे झुंड पर राज्जा अते प्रधान राज करदे हिन, अते कदी-कदी सेह् गलतियां करदे हिन। राज्जा दाऊद ने सिर्फ इस्राएलियां पर राज कित्तेया, पर राज्जा दाऊद रा वंशज पूरी दुनियां पर राज करगा, अते सेह् हमेसा तांइ राज करगा। इसेरे अलावा, सेह् हमेसा न्याय कने राज करगा, अते सही फैसले जो लिंगा। ![](https://cdn.door43.org/obs/jpg/360px/obs-en-21-09.jpg) परमेश्वर रे भविष्यद्वक्तां ने मसीह रे बारे विच्च बड़ी सारी गल्लां बोल्ली। उदाहरण तांइ, मलाकी ने बोल्लेया कि मसीह रे आणे का पैल्ले इक्क होर भविष्यद्वक्ता आणा। सेह् भविष्यद्वक्ता बड़ा खास हूणा। इसेरे अलावा, यशायाह भविष्यद्वक्ता ने लिख्खेया कि मसीह इक्क कुँआरी का पैदा हूणा। अते मीका भविष्यद्वक्ता ने बोल्लेया कि मसीह बैतलहम सैह्र विच्च पैदा हूणा। ![](https://cdn.door43.org/obs/jpg/360px/obs-en-21-10.jpg) यशायाह भविष्यद्वक्ता ने बोल्लेया कि मसीह गलील नां री जगह विच्च वास करगा। जे मणू बड़े दुखी हिन मसीह उन्हा जो सांति दिंगा। सेह् कैदियां जो भी आजाद करगा। मसीह बमारां जो अते जे सुणी नी सकदे, दिख्खी नी सकदे, बोल्ली नी सकदे, या चली नी सकदे उन्हा जो भी ठीक करगा। ![](https://cdn.door43.org/obs/jpg/360px/obs-en-21-11.jpg) यशायाह भविष्यद्वक्ता ने ए भी बोल्लेया कि मणू मसीह का नफरत करगे अते उस्सो अपनाणे का मन्हा करी दिंगे। होर भविष्यद्वक्ता ने बोल्लेया कि मसीह रा इक्क साथी उसेरे खिलाफ होई जाणा। जकर्याह भविष्यद्वक्ता ने बोल्लेया कि उसेरा ए साथी इयां करणे तांइ दुज्जे मणुआं का चांदी रे तीह् सिक्के लिंगा। इसेरे अलावा, किच्छ भविष्यद्वक्ता ने बोल्लेया कि मणू मसीह जो मारी रख्खगे, अते ए कि सेह् उसेरे कपड़ेयां तांइ जुआ खेलगे। ![](https://cdn.door43.org/obs/jpg/360px/obs-en-21-12.jpg) भविष्यद्वक्तां ने ए भी बताया कि मसीह कियां मरगा। यशायाह ने भविष्यद्वाणी कित्ती कि मणू मसीह पर थुकगे, उसेरा मजाक उड़ांगे, अते उस्सो मारगे। सेह् उस्सो छेदी दिंगे अते सेह् बड़ी पीड़ा अते यातना विच्च मरी जांगा, जां कि उनिये किच्छ भी गलत नी कित्तेया हूणा। ![](https://cdn.door43.org/obs/jpg/360px/obs-en-21-13.jpg) भविष्यद्वक्तां ने ए भी द्स्सेया कि मसीह पाप नी करगा। सेह् सिद्ध हूणा। पर सेह् इधेरे तांइ मरगा परमेश्वर उस्सो होर मणुआं रे पाप री वजह कने सजा दिंगा। उसेरे मरणे री वजह कने मणू परमेश्वर रे कने मेल मिलाप करणे विच्च सक्षम हूंगे। इधेरे तांइ परमेश्वर चांह्दा कि मसीह मरे। ![](https://cdn.door43.org/obs/jpg/360px/obs-en-21-14.jpg) भविष्यद्वक्तां ने ए भी बोल्लेया कि परमेश्वर मसीह जो मरेयां विच्च का जिंदा करगा। ए दस्सदा कि ए सब नौए वादे परमेश्वर री योजना थी, ताकि सेह् उन्हा मणुआं जो बचाई सके जिन्हा ने उसेरे खिलाफ पाप्प कित्तेया है। ![](https://cdn.door43.org/obs/jpg/360px/obs-en-21-15.jpg) परमेश्वर ने भविष्यद्वक्तां पर मसीह रे बारे विच्च बड़ी सारी गल्लां जो प्रकट कित्तेया, पर मसीह जां सेह् भविष्यद्वक्तां जिंदे थिए तिस वक्त नी आया थिया। इन्हा भविष्यद्ववाणी रे होणे रे 400 साल्लां का बाद, सही वक्त पर, परमेश्वर मसीह जो दुनियां विच्च भेजगा। उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से एक बाइबल की कहानी उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_21_128kbps.m4a ## 22. यूहन्ना रा जन्म https://openbiblestories.org/l/cdh/story-22/ ![](https://cdn.door43.org/obs/jpg/360px/obs-en-22-01.jpg) पिछले दिनां विच्च, परमेश्वर ने अपणे भविष्यद्वक्तां कने गाल्ल कित्ती थी इधेरे तांइ कि सेह् मणुआं कने गाल्ल करी सके। पर उस वक्त का लेई करी फिरी 400 साल बीतणे तांइ उनिये उन्हा कने गाल्ल नी कित्ती। तां परमेश्वर ने जकर्याह नां रे भविष्यद्वक्ता का इक्क स्वर्गदूत भेज्जेया। जकर्याह अते उसेरी लाड़ी एलिशिबा परमेश्वर री इज्जत करदे थिये। सेह् बड़े बुजुर्ग होई गे थिये, अते उसेरे कोई बच्चा पैदा नी होया थिया। ![](https://cdn.door43.org/obs/jpg/360px/obs-en-22-02.jpg) उस स्वर्गदूत ने जकर्याह जो बोल्लेया, “तेरी लाड़ी जो इक्क मुंडा होणा। तू उसेरा नां यूहन्ना रख्खेयां। परमेश्वर उस्सो पवित्तर आत्मा कने भरगा, अते यूहन्ना लोक्कां जो मसीह जो अपनाणे तांइ तियार करगा। जकर्याह ने जवाब दित्तेया, “मैं अते मेरी लाड़ी बच्चा पैदा करणे तांइ बड़े बुजुर्ग हिन! मैं कियां पता लगां कि तुसी मेरे कने सच्च बोल्लेया करदे हिन?” ![](https://cdn.door43.org/obs/jpg/360px/obs-en-22-03.jpg) उस स्वर्गदूत ने जकर्याह जो जवाब दित्तेया, “तेरे का इस खरे समाचार जो लियाणे तांइ मैं परमेश्वर रे जरिये भेज्जेया गेरा है। किजोकी तुसी मेरे पर भरोसा नी कित्तेया, इधेरे तांइ बच्चे रे पैदा होणे तांइ तू बोलणे विच्च सक्षम नी हूणा।” इक्क दम ही, जकर्याह बोलणे विच्च असमर्थ थिया। तां सेह् स्वर्गदूत जित्ते जकर्याह थिया उत्ते का चली गेया। इसेरे बाद, जकर्याह घरे वापस आया, अते उसेरी लाड़ी दुपराणी होई गेई। ![](https://cdn.door43.org/obs/jpg/360px/obs-en-22-04.jpg) जां एलिशिबा छे महीने का दुपराणी थी, तां सेही स्वर्गदूत इक्कदम एलिशिबा रे रिश्तेदार पर प्रकट होया, जिसेरा नां मरियम थिया। मरियम कुँआरी थी अते ब्याह होणे तांइ युसूफ नां रे मरद कने उसेरी मंगनी होई गेई थी। स्वर्गदूत ने बोल्लेया, तू दुपराणी हूणी अते तू इक्क मुंडे जो पैदा करणा। तिज्जो उसेरा नां यीशु रख्खणा है। सेह् सर्व-शक्तिमान परमेशवर रा मुंडा हूणा अते हमेसा तांइ राज करगा। ![](https://cdn.door43.org/obs/jpg/360px/obs-en-22-05.jpg) मरियम ने जवाब दित्तेया, “ए कियां हूणा, किजोकी मैं ता कुँआरी है?” उस स्वर्गदूत ने समजाया, “ पवित्तर आत्मा तेरे पर आणा, अते परमेश्वर री सक्ति ने तेरे पर छां करणी। इधेरे तांइ सेह् बच्चा पवित्तर हूणा, अते सेह् परमेश्वर रा मुंडा हूणा।” जे उस स्वर्गदूत ने बोल्लेया उस पर मरियम ने भरोसा कित्तेया। ![](https://cdn.door43.org/obs/jpg/360px/obs-en-22-06.jpg) ए हूणे का बाद उसी बेल्ले, मरियम जाई करी एलिशिबा कने मिली। जियां ही मरियम ने उस्सो नमस्ते कित्ती, एलिशिबा रा बच्चा उसेरे पेटा अंदर उछलेया। उन्हेरे तांइ परमेश्वर ने जे कित्तेया थिया उसेरे बारे विच्च सेह् जनानियां इकठ्ठे खुस होई। एलिशिबा कने तिन्न महीने रैह्णे का बाद, मरियम घरे वापस आई। ![](https://cdn.door43.org/obs/jpg/360px/obs-en-22-07.jpg) इसेरे बाद, एलिशिबा ने अपणे मुंडे जो पैदा कित्तेया। जकर्याह अते एलिशिबा ने उस मुंडे रा नां यूहन्ना रख्खेया, जियां कि उस स्वर्गदूत ने हुकम दित्तेया थिया। तां परमेश्वर ने जकर्याह जो बोलणे विच्च सक्षम कित्तेया। जकर्याह ने बोल्लेया, परमेश्वर री तारिफ हो, किजोकी उनिये अपणे लोक्कां री मदत करणे जो याद रख्खेया। ओ मेरे मुंडे, तू सर्व-शक्तिमान परमेश्वर रा भविष्यद्वक्ता हूणा। तू लोक्कां जो दस्सणा कि सेह् कियां अपणे पाप्पां रे माफी पाई सकदे।” लूका अध्याय 1 से एक बाइबल की कहानी लूका अध्याय 1 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_22_128kbps.m4a ## 23. यीशु रा पैदा हूणा https://openbiblestories.org/l/cdh/story-23/ ![](https://cdn.door43.org/obs/jpg/360px/obs-en-23-01.jpg) यूसुफ नां रे इक्क नेक मणू कने मरियम री मंगनी होई गेई थी। जां उनिये सुणेया कि मरियम दुपराणी है ता सेह् जाणदा थिया कि सेह् उसेरा बच्चा नी है। पर, सेह् मरियम जो बदनाम नी करणा चांह्दा थिया, इधेरे तांइ उनिये उस पर दया करणे री अते चुप चाणे तलाक दैणे री सोच्ची। पर इसका पैल्ले कि सेह् इयां करदा, इक्क स्वर्गदूत ने उसेरे सुपने विच्च आई करी गाल्ल कित्ती। ![](https://cdn.door43.org/obs/jpg/360px/obs-en-23-02.jpg) उस स्वर्गदूत ने बोल्लेया, “ओ यूसुफ, मरियम जो अपणी लाड़ी रे रुप विच्च लेई करी आणे का मत डर। उसेरे पेट्टा विच्च जे बच्चा है सेह् पवित्तर आत्मा रे पास्से का है। तिसने इक्क मुंडे जो पैदा करणा। उसेरा नां यीशु रख्खणा (जिसेरा मतलब, ‘यहोवा बचांदा’), किजोकी सेह् मणुआं जो उन्हेरे पाप्पां का बचांगा।” ![](https://cdn.door43.org/obs/jpg/360px/obs-en-23-03.jpg) इधेरे तांइ यूसुफ ने मरियम कने ब्याह कित्तेया अते उस्सो अपणी लाड़ी रे रुप विच्च घरे लेई आया, पर उसेरे बच्चे जो पैदा दैणे तांइ सेह् उसेरे कने नी सोया। ![](https://cdn.door43.org/obs/jpg/360px/obs-en-23-04.jpg) जां मरियम रा जन्म दैणे रा वक्त नेड़े थिया, तां उनिये अते यूसुफ ने बैतलहम जाणे तांइ इक्क लम्बा सफर कित्तेया। उन्हा जो उत्ते जाणा ही थिया किजोकी रोमी अधिकारी इस्राएल विच्च रैह्णे वाल्ले मणुआं री गिणती करणा चांह्दे थिये। सेह् चांह्दे थिये कि सारे मणू उत्ते जाण जित्ते उन्हेरे पूर्वज रैंह्दे थिये। राज्जा दाऊद रा जन्म बैतलहम विच्च होया थिया, अते सेह् मरियम अते यूसुफ दोन्नां रा पूर्वज थिया। ![](https://cdn.door43.org/obs/jpg/360px/obs-en-23-05.jpg) मरियम अते यूसुफ बैतलहम गे, पर उत्ते जानवरां जो रख्खणे वाली जगह रे अलावा उन्हेरे रुकणे तांइ कोई जगह नी थी। सेई जगह थी जित्ते मरियम ने अपणे बच्चे जो जन्म दित्तेया थिया। उनिये उस्सो गुआड़ी विच्च लेटाया किजोकी उत्ते उसेरे तांइ कोई बिस्तर नी थिया। उन्हा ने उसेरा नां यीशु रख्खेया। ![](https://cdn.door43.org/obs/jpg/360px/obs-en-23-06.jpg) उस रात, उत्ते नेड़े रे खेतर विच्च किच्छ पुहाल अपणी भेड़ां री रखवाली करया करदे थिये। इक्क दम कने, इक्क चमकदार स्वर्गदूत उन्हा पर प्रकट होया, अते सेह् डरी गे। उस स्वर्गदूत ने बोल्लेया, “मत डरो, किजोकी मेरे का तुम्हारे तांइ खरा बसेख है। बैतलहम विच्च मसीह, मालक रा जन्म होया।” ![](https://cdn.door43.org/obs/jpg/360px/obs-en-23-07.jpg) जाई करी उस मुंडे री खोज करो, अते तुसी उस्सो कपड़े विच्च लिपटे रा अते गुआड़ी विच्च लेटा रा पाणा।” इक्क दम कने, आसमान स्वर्गदूतां कने भरी गेया। सेह् परमेश्वर री तारिफ करेया करदे थिये। उन्हा ने बोल्लेया,” सारी महिमा स्वर्ग विच्च विराजमान परमेश्वर जो मिले। धरती पर उन्हा मणुआं जो सांति मिल्ले जिन्हेरी सेह् चिंता करदा।” ![](https://cdn.door43.org/obs/jpg/360px/obs-en-23-08.jpg) तां स्वर्गदूत चली गे। सेह् पुहाल भी अपणी भेड़ां जो छड्डी करी मुंडे जो तोपणा गे। तोले ही सेह् उस जगह विच्च पुज्जे जित्ते यीशु थिया अते उन्हा ने उस्सो गुआड़ी विच्च लेटे रा दिख्खेया, जियां कि उस स्वर्गदूत ने बोल्लेया थिया। सेह् बड़े जादा खुस थिये। तां सेह् पुहाल उत्ते वापस चली गे जित्ते उन्हेरी भेड़ां थी। उन्हा ने जे किच्छ भी सुणेया अते दिख्खेया उस सारेयां तांइ परमेश्वर री तारिफ करया करदे थिये। ![](https://cdn.door43.org/obs/jpg/360px/obs-en-23-09.jpg) पूर्व विच्च दूर कुते इक्क देस विच्च किच्छ मरद थिये। उन्हा ने तारेयां री पढ़ाई कित्ते री थी अते सेह् बुद्धिमान थिये। उन्हा ने आसमान विच्च इक्क अलग तारे जो दिख्खेया। उन्हा ने बोल्लेया कि इसेरा मतलब है कि यहूदियां रे इक्क नौए राज्जा रा जन्म होया है। इधेरे तांइ उन्हा ने उस मुंडे जो दिख्खणे तांइ अपणे देस का सफर करणे रा फैसला कित्तेया। इक्क लम्बे सफर रे बाद, सेह् बैतलहम आए अते उस घर जो तोप्पी लित्तेया जित्ते यीशु अते उसेरे माँ-प्यो रुके रे थिये। ![](https://cdn.door43.org/obs/jpg/360px/obs-en-23-10.jpg) जां इन्हा मरदां ने यीशु जो अपणी मां कने दिख्खेया तां उन्हा ने गोड्डे टेकी करी उसेरी आराधना कित्ती। उन्हा ने यीशु जो मैंह्गे तोफे दित्ते। फिरी सेह् घर वापस आई गे। मत्ती अध्याय 1; लूका 2 से एक बाइबल की कहानी मत्ती अध्याय 1; लूका 2 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_23_128kbps.m4a ## 24. यूहन्ना यीशु जो बपतिस्मा दिंदा https://openbiblestories.org/l/cdh/story-24/ ![](https://cdn.door43.org/obs/jpg/360px/obs-en-24-01.jpg) एलिशिबा अते जकर्याह रा मुंडा यूहन्ना, बड्डा होई करी इक्क भविष्यद्वक्ता बणी गेया। सेह् जंगल विच्च रैंह्दा थिया, अते जंगली मखीर अते टिड्डियाँ खाया करदा थिया, अते ऊंट री ऊन्न कने बणे रे कपड़े पांदा थिया। ![](https://cdn.door43.org/obs/jpg/360px/obs-en-24-02.jpg) मत्ते लोक्क यूहन्ना री गल्लां सुनणे ताइ जंगल विच्च चली गे| उनिये ए बोल्ली करी उन्हा जो प्रचार कित्तेया, “अपणे पाप्पां जो मनो, किजोकी स्वर्ग रा राज नेडे है|” ![](https://cdn.door43.org/obs/jpg/360px/obs-en-24-03.jpg) जां मणुआं ने यूहन्ना रे बसेख जो सुणेया, ता उन्हा विच्च बड़े जणेयां ने अपणे पाप्पां का पश्चाताप कित्तेया, अते यूहन्ना ने उन्हा जो बपतिस्मा दित्तेया। यूहन्ना जो दिख्खणे तांइ बड़े सारे नेक अगुवे भी आए, पर उन्हा ने अपणे पाप्पां का पश्चाताप या अंगीकार नी कित्तेया। ![](https://cdn.door43.org/obs/jpg/360px/obs-en-24-04.jpg) यहून्ना ने नेख अगुवां जो बोल्लेया, “ओ जहरीले साँपो! पश्चाताप करो अते अपणे स्वभाव जो बदलो। परमेश्वर ने हर उस बुट्टे जो कटी दैणा जे खरा फल नी लिहांदा, अते उसने उन्हा जो आग्ग विच्च पाई दैणा।” जे भविष्यद्वक्तां ने बोल्लेया थिया यूहन्ना ने उसजो पूरा कित्तेया, “दिख्ख, जल्दी ही मैं तेरे आग्गे अपणे बसेख दैणे वाले जो भेजणा जिसने तेरे तांइ रस्ते जो तियार करणा।” ![](https://cdn.door43.org/obs/jpg/360px/obs-en-24-05.jpg) किच्छ धर्मी अगुवां ने यूहन्ना का पुच्छेया कि कै सेह् मसीह है। यूहन्ना ने जवाब दित्तेया, “मैं मसीह नी है, पर सेह् मेरे बाद आया करदा है। सेह् इतणा महान है कि मैं उसेरे जुत्तेयां रे तस्में भी खोलणे रे लायक नी है।” ![](https://cdn.door43.org/obs/jpg/360px/obs-en-24-06.jpg) अगले दिन, यीशु बपतिस्मा लैणे तांइ यहून्ना का आया। जां यहून्ना ने उसजो दिख्खेया, तां उनिये बोल्लेया, तां उनिये बोल्लेया, “दिख्खो! परमेश्वर रा मेमना जिसने दुनियां रे पाप्पां जो उठाई करी लेई जाणा।” ![](https://cdn.door43.org/obs/jpg/360px/obs-en-24-07.jpg) यूहन्ना ने यीशु जो बोल्लेया, “मैं तिज्जो बपतिस्मा दैणे रे लायक नी है। बजाए इधेरे जरूरी ए है कि तू मिंजो बपतिस्मा दे।” पर यीशु ने बोल्लेया, तू मिंजो बपतिस्मा दे, किजोकी ए करणा ही सही काम्म है।” इधेरे तांइ यूहन्ना ने उसजो बपतिस्मा दित्तेया, जबकि यीशु ने कदी भी पाप नी कित्तेया थिया। ![](https://cdn.door43.org/obs/jpg/360px/obs-en-24-08.jpg) बपतिस्मा दैणे रे बाद जां यीशु पाणी का बार निकली आया, ता परमेश्वर रा आत्मा कबूतर रे रुप विच्च प्रकट होया अते थल्ले उतरी करी उस पर ठैहरी गेया। उस्सी वक्त, परमेश्वर ने स्वर्ग का गाल्ल कित्ती। उनिये बोल्लेया, “तू मेरा मुंडा है। मैं तेरे कने प्यार करदा, अते मैं तेरे का बड़ा खुस है।” ![](https://cdn.door43.org/obs/jpg/360px/obs-en-24-09.jpg) परमेश्वर ने यूहन्ना जो बोल्लेया थिया, “पवित्तर आत्मा थल्ले आई करी कुस्की पर ठैहरी जिसजो तू बपतिस्मा दैणा|” सेई परमेश्वर रा मुंडा है। पर जां यूहन्ना ने यीशु जो बपतिस्मा दित्तेया, ता उनिये परमेश्वर पिता जो गल्लां करदे सुणेया, मुंडा परमेश्वर जो दिख्खगा, जे कि यीशु है, अते उनिये पवित्तर आत्मा जो दिख्खेया। मत्ती अध्याय 3; मरकुस 1:9-11; लूका 3:1 से एक बाइबल की कहानी मत्ती अध्याय 3; मरकुस 1:9-11; लूका 3:1का बाइबल री इक्क की कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_24_128kbps.m4a ## 25. शैतान यीशु रा इन्तेहाम लिंदा https://openbiblestories.org/l/cdh/story-25/ ![](https://cdn.door43.org/obs/jpg/360px/obs-en-25-01.jpg) यीशु रा बपतिस्मा होणे रे इक्क दम बाद ही, पवित्तर आत्मा उसजो बियाबान विच्च लेई गेया। यीशु उत्ते चाली दिन अते चाली रात तांइ थिया। उस वक्त उनिये उपवास कित्तेया, अते शैतान ने यीशु का जाई करी यीशु का पाप करवाणे तांइ उसेरा इन्तेहाम लित्तेया। ![](https://cdn.door43.org/obs/jpg/360px/obs-en-25-02.jpg) पैल्ले, शैतान ने यीशु जो बोल्लेया, “अगर तू परमेश्वर रा मुंडा है ता इन्हा पत्थरां जो रोटी बणँई दे ताकि तू खाई सके!” ![](https://cdn.door43.org/obs/jpg/360px/obs-en-25-03.jpg) पर यीशु ने शैतान जो बोल्लेया, “परमेश्वर रे वचन विच्च ए भी लिख्खेया है, जिंदा रैह्णे तांइ मणू जो सिर्फ रोटी री ही जरूरत नी है, पर उन्हा जो हर उस गाल्ल री जरूरत है जे परमेश्वर उन्हा जो बोलदा है!” ![](https://cdn.door43.org/obs/jpg/360px/obs-en-25-04.jpg) तां शैतान यीशु जो मंदिर रे सबका उच्ची जगह पर लेई गेया। उनिये उसजो बोल्लेया, “अगर तू परमेश्वर रा मुंडा है ता इते का थल्ले छाल मारी दे, किजोकी लिख्खे रा है, ‘परमेश्वर तिज्जो उठाणे तांइ अपणे स्वर्गदूतां जो हुकम दिंगा कि तेरे पैरां पर पत्थर कने नुकसान ना हो।” ![](https://cdn.door43.org/obs/jpg/360px/obs-en-25-05.jpg) पर यीशु ने सेह् नी कितेया जे शैतान ने उसजो करणे तांइ बोल्लेया थिया। इसेरे बजाए, उनिये बोल्लेया, “परमेश्वर हर इक्क जो बोलदा है, ‘तू प्रभु अपणे परमेश्वर रा इन्तेहाम मत करेयां।’” ![](https://cdn.door43.org/obs/jpg/360px/obs-en-25-06.jpg) फिरी शैतान ने उसजो दुनियां रे सारे देस दस्से। उनिये उसजो दिख्खाया कि सेह् कितणे सक्तिसाली थिए, अते सेह् कितणे सम्पन्न थिये। उनिये यीशु जो बोल्लेया, “मैं तिज्जो ए सब दिंगा अगर तू गोड्डेयां रे भारे बेई करी मेरी पूजा करगा।” ![](https://cdn.door43.org/obs/jpg/360px/obs-en-25-07.jpg) यीशु ने जवाब दित्तेया, “ओ शैतान, मेरे नेड़े का दूर चली जा! परमेश्वर रे वचन विच्च सेह् मणुआं जो हुकम दिंदा, ‘सिर्फ अपणे प्रभु परमेश्वर री अराधना करेयां। परमेश्वर रे रुप विच्च सिर्फ उसेरा ही आदर करो|’” ![](https://cdn.door43.org/obs/jpg/360px/obs-en-25-08.jpg) यीशु ने शैतान रे इन्तेहाम का हार नी मन्नी, इधेरे तांइ शैतान उसेरे का दूर चली गेया। तां स्वर्गदूत आई करी यीशु री सेवा टहल करणा लगे। मत्ती अध्याय 4:1-11; मरकुस 1:12-13; लूका 4:1-13 से एक बाइबल की कहानी मत्ती अध्याय 4:1-11; मरकुस 1:12-13; लूका 4:1-13का बाइबल री इक्क की कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_25_128kbps.m4a ## 26. यीशु अपणी सेवा सुरु करदा https://openbiblestories.org/l/cdh/story-26/ ![](https://cdn.door43.org/obs/jpg/360px/obs-en-26-01.jpg) शैतान रे जरिये इन्तेहाम जो मन्हा करणे रे बाद, यीशु वापस गलील जगह विच्च आया। एही ए जगह है जित्ते सेह् रैंह्दा थिया। पवित्तर आत्मा उस्सो बड़ी सक्ति देया करदा थिया, अते यीशु इक्क जगह का दुज्जी जगह जो गेया अते मणुआं जो सिक्सा दित्ती। सारेयां ने उसेरे बारे विच्च खरी गल्लां बोल्ली। ![](https://cdn.door43.org/obs/jpg/360px/obs-en-26-02.jpg) यीशु नासरत नगर विच्च गेया। ए सेह् ग्रां है जित्ते सेह् अपणे बचपन विच्च रेह्या करदा थिया। सब्त रे दिन, सेह् अराधना करणे तांइ उस जगह पर गेया। अगुवों ने उस्सो भविष्यद्वक्ता रे बसेखां री इक्क कताब दित्ती। सेह् चांह्दे थिये कि सेह् उस विच्च का पढ़े। इधेरे तांइ यीशु ने उस कताब जो खोली करी इक्क हिस्से जो मणुआं तांइ पढ़ेया। ![](https://cdn.door43.org/obs/jpg/360px/obs-en-26-03.jpg) यीशु ने पढ़ेया, “परमेश्वर ने मिंजो अपणा आत्मा दित्तेया है कि मैं कंगालां जो खरे बसेख रा प्रचार करी सकां। उनिये मिंजो इधेरे तांइ भेज्जेया है कि गुलामां जो आजाद करां, अन्नेयां जो दिख्खणे तांइ फिरी का रौसनी देयां, अते उन्हा जो छुटकारा देयां जिन्हा जो दुज्जे मणू दबाया करदे हिन। ए ओ वक्त है जां परमेश्वर असा पर दयालु हूणा अते असा री मदत करगा।” ![](https://cdn.door43.org/obs/jpg/360px/obs-en-26-04.jpg) फिरी यीशु बैई गेया। सारे मणू उस्सो बड़े ध्यान कने दिख्खेया करदे थिये। सेह् जाणदे थिये कि पवित्तरशास्त्र रा जे हिस्सा उनिये पढ़ेया थिया सेह् मसीह रे बारे विच्च थिया। यीशु ने बोल्लेया, “जे गल्लां मैं अब्बे तुसां तांइ पढ़ी हिन, सेह् इस वक्त होया करदी हिन।” सारे मणू हैरान थिए। उन्हा ने बोल्लेया, “कै सेह् यूसुफ रा मुंडा नी है?” ![](https://cdn.door43.org/obs/jpg/360px/obs-en-26-05.jpg) तां यीशु ने बोल्लेया, “ए सच्च है कि मणू कुस्की इदेय भविष्यद्वक्ता जे कदी भी नी अपनांदे जे उन्हेरे सैह्र विच्च पलेया हो। एलिय्याह भविष्यद्वक्ता रे वक्त विच्च, इस्राएल विच्च मत्ती सारी विधवां थी। पर जां साढ़े तिन्न साल तांइ बरखा नी होई तां परमेश्वर ने एलिय्याह जो इस्राएल विच्च कुस्सी विधवा री मदत करणे तांइ नी भेज्जेया। इसेरे बजाए, उनिये एलिय्याह जो कुस्की होर देस री विधवा का भेज्जेया।” ![](https://cdn.door43.org/obs/jpg/360px/obs-en-26-06.jpg) यीशु ने बोलणा जारी रख्खेया, “अते एलिशा भविष्यद्वक्ता रे वक्त विच्च, इस्राएल विच्च मत्ते मणू चमड़ी री बमारी कने बमार थिये। पर एलिशा ने उन्हा विच्च का कुस्की जो ठीक नी कित्तेया। उनिये सिरफ इस्राएल रे दुस्मणां रे सेनापति नामान जो ठीक कित्तेया।” पर जे मणू यीशु जो सुणेया करदे थिए सेह् यहूदी थिये। इधेरे तांइ जां उन्हा ने उसजो ए बोलदे होए सुणेया तां सेह् उस पर गुस्सा होए। ![](https://cdn.door43.org/obs/jpg/360px/obs-en-26-07.jpg) नासरत रे मणुआं ने यीशु जो पकड़ी लित्तेया अते उसजो अराधना री जगह का खिच्ची करी बार लेई गे। सेह् उसजो मारी रख्खणे तांइ पहाड़ का थल्ले सुटणे तांइ पहाड़ रे कनारे पर लेई गे। पर यीशु भीड़ विच्च का निकली गेया अते नासरत सैह्र जो छड्डी करी चली गेया। ![](https://cdn.door43.org/obs/jpg/360px/obs-en-26-08.jpg) फिरी यीशु सारे गलील री जगह विच्च गेया, अते बड्डी भीड़ उसेरे का आई। सेह् इदेय मते सारे मणुआं जो लेई करी आए जे बमार अते जिन्हेरे हात्थ पैर नी थिये। उन्हा विच्च का किच्छ, दिख्खी, चली सुणी या बोल्ली नी सकदे थिये, अते यीशु ने उन्हा जो ठीक कित्तेया। ![](https://cdn.door43.org/obs/jpg/360px/obs-en-26-09.jpg) इसेरे अलावा, मते सारे इदेय मणू यीशु का लियाये गे जिन्हा विच्च बुरी आत्मा थी। यीशु ने बुरी आत्मा जो उन्हा विच्च का निकली जाणे रा हुकम दित्तेया। सेह् बुरी आत्मा चिल्लाई, “तू परमेश्वर रा मुंडा है!” भीड़ रे मणू हैरान थिये, अते उन्हा ने परमेश्वर री तारिफ कित्ती। ![](https://cdn.door43.org/obs/jpg/360px/obs-en-26-10.jpg) फिरी यीशु ने बारा मरदां जो चुणेया जिन्हा जो उनिये अपणे प्रेरित बोल्लेया। उन्हा प्रेरितां ने उसेरे कने सफर कित्तेया अते उसका सिक्सा पाई थी। मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से एक बाइबल की कहानी मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_26_128kbps.m4a ## 27. दयालु सामरी री कहाणी https://openbiblestories.org/l/cdh/story-27/ ![](https://cdn.door43.org/obs/jpg/360px/obs-en-27-01.jpg) इक्क दिन, यहूदी व्यवस्था रा इक्क गुरु यीशु का आया। सेह् सारेयां जो दिख्खाणा चांह्दा थिया कि यीशु गलत तरिक्के कने सिक्सा देया करदा थिया। इधेरे तांइ उनिये बोल्लेया, ओ गुरु, हमेसा री जिंदगी पाणे तांइ मैं कै करां?” यीशु ने जवाब दित्तेया, “परमेश्वर री व्यवस्था विच्च कै लिख्खे रा है?” ![](https://cdn.door43.org/obs/jpg/360px/obs-en-27-02.jpg) उस मणू ने बोल्ल्येया, “सेह् दस्सदी है कि अपणे परमेश्वर कने अपणे सारे मन, प्राण, सक्ति, अते समज कने प्यार रख्ख। अते अपणे पड़ोसी कने अपणे सांइ प्यार रख्ख।” यीशु ने जवाब दित्तेया, “तू इक्कदम सही है! अगर तू इदेया करे, ता तिज्जो हमेसा री जिंदगी मिलणी।” ![](https://cdn.door43.org/obs/jpg/360px/obs-en-27-03.jpg) पर सेह् व्यवस्था रा गुरु मणुआं जो दस्सणा चांह्दा थिया कि उसेरी जिंदगी जिणे रा तरिक्का सही थिया इधेरे तांइ उनिये यीशु का पुच्छेया, “ठीक है, ता मेरा पड़ोसी कुण है?” ![](https://cdn.door43.org/obs/jpg/360px/obs-en-27-04.jpg) यीशु ने उस व्यवस्था रे गुरु जो इक्क कहाणी सुनाणे रे जरिये जवाब दित्तेया। “इक्क यहूदी मणू थिया जे इक्क सड़क का होई करी यरूशलेम रा सफर करेया करदा थिया। ![](https://cdn.door43.org/obs/jpg/360px/obs-en-27-05.jpg) “पर किच्छ डाकुआं ने उसजो दिख्खेया अते उस पर हमला करी दित्तेया। उन्हा ने उसेरा सब किच्छ लेई लित्तेया अते उसजो इतणा मारेया कि सेह् अधमरा होई गेया। तां सेह् उत्ते का चली गे।” ![](https://cdn.door43.org/obs/jpg/360px/obs-en-27-06.jpg) “उसेरे इक्क दम बाद, इक्क यहूदी परोत उसी सड़क का होई करी निकलेया। उस परोत ने उस मणू जो सड़क पर पेरा दिख्खेया। जां उनिये उसजो दिख्खेया ता सेह् सड़क रे दुज्जे पास्से जाई करी अग्गे जो चली गेया। उनिये उस मणू जो पूरे तरिक्के अणदिख्खा करी दित्तेया।” ![](https://cdn.door43.org/obs/jpg/360px/obs-en-27-07.jpg) “इसेरे बाद थोड़ी हाण बाद, इक्क लेवी उस सड़क पर आया। (लेवी यहूदियाँ रा इक्क गौत्र थिया जिन्हा ने मंदिर विच्च परोतां री मदत कित्ती थी।) सेह् लेवी भी सड़क रे दुज्जे पास्से का निकली गेया। उनिये भी उस मणू जो अणदिख्खा करी दित्तेया।” ![](https://cdn.door43.org/obs/jpg/360px/obs-en-27-08.jpg) “अगला मणू जे उस सड़क पर आए सेह् सामरिया रा इक्क मणू थिया। सामरी अते यहूदी इक्क दुज्जे का नफरत करदे थिए।) उस सामरी ने सड़क पर उस मणू जो दिख्खेया। उनिये दिख्खेया कि सेह् यहूदी थिया, पर फिरी भी उनिये उस पर बड़ा तरस खाया। इधेरे तांइ सेह् उस का गेया अते उसेरे जख्मां पर पट्टी कित्ती।” ![](https://cdn.door43.org/obs/jpg/360px/obs-en-27-09.jpg) फिरी उस सामरी ने उस मणू जो अपणे गधे पर रख्खेया अते उसजो उस सड़क का इक्क सराय विच्च लेई गेया। जित्ते उनिये उसेरी देखभाल करणा जारी रख्खी।” ![](https://cdn.door43.org/obs/jpg/360px/obs-en-27-10.jpg) अगले दिन, उस सामरी जो अपणा सफर करणा जरूरी थिया। उनिये उस सराय रे मालक जो किच्छ पैसे दित्ते। उनिये उसजो बोल्लेया, “इस मणू री देखभाल करेयां। अगर इस पैसे रे अलावा तेरा किच्छ होर पैसे खर्च हो ता वापस आणे पर मैं तेरे उन्हा खर्चे रा भुगतान करी दिंगा। ![](https://cdn.door43.org/obs/jpg/360px/obs-en-27-11.jpg) फिरी यीशु ने उस व्यवस्था रे गुरु का पुच्छेया, तू कै सोचदा? इन्हा तिन्न मणुआं विच्च का कुण उस मणू रा पड़ोसी है जिसजो लुटेया अते मारेया गेया थिया?” उनिये जवाब दित्तेया, “सेही जे उस पर दयालु थिया।” यीशु ने उस्सो बोल्लेया, “तू जा अते इदेया ही कर।” लूका अध्याय 10:25-37 से एक बाइबल की कहानी लूका अध्याय 10:25-37 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_27_128kbps.m4a ## 28. जवान अमीर शासक https://openbiblestories.org/l/cdh/story-28/ ![](https://cdn.door43.org/obs/jpg/360px/obs-en-28-01.jpg) इक्क दिन, इक्क धनी जवान शासक ने यीशु का आई करी उसका पुच्छेया, “ओ भले गुरु, हमेसा री जिंदगी पाणे तांइ मिंजो कै करणा चंहिदा ?” यीशु ने उस्सो बोल्लेया, “तू मिंजो ‘भला’ किजो बोलदा? सिरफ इक्क ही भला है अते सेह् परमेश्वर है। पर अगर तू हमेसा री जिंदगी पाणा चांह्दा है ता परमेश्वर री व्यवस्था जो मन्नेया कर।” ![](https://cdn.door43.org/obs/jpg/360px/obs-en-28-02.jpg) मिंजो कुण-कुण हुकमां जो मनणे री जरूरत है?” उनिये पुच्छेया| यीशु ने जवाब दित्तेया, “खून मत करदा। व्यभिचार मत करदा। चोरी मत करदा। झूठ मत बोलदा। अपणे प्यो अते मां री इज्जत करेयां, अते अपणे पड़ोसी कने अपणे सांइ प्यार करेयां।” ![](https://cdn.door43.org/obs/jpg/360px/obs-en-28-03.jpg) पर उस जवान मणू ने बोल्लेया, “मैं अपणे बचपन का ही इन्हा हुकमां जो मंदे आया करदा है। मिंजो हमेसा जिंदे रैह्णे तांइ कै करणे री जरूरत है? यीशु ने उस्सो दिख्खेया अते उस्सो प्यार कित्तेया। ![](https://cdn.door43.org/obs/jpg/360px/obs-en-28-04.jpg) यीशु ने जवाब दित्तेया, “अगर तू सिद्ध होणा चांह्दा है ता जाई करी अपणा सब किच्छ बेच्ची दे अते सेह् पैसा गरीबां विच्च बंडी दे, अते तिज्जो स्वर्ग विच्च धन मिलणा। तां वापस आई करी मेरे पिच्छे आई जा।” ![](https://cdn.door43.org/obs/jpg/360px/obs-en-28-05.jpg) जे यीशु ने बोल्लेया जां उस जवान मणू ने सुणेया ता सेह् बड़ा उदास होई गेया, किजोकी सेह् बड़ा अमीर थिया अते उनिये अपणी सारी धन-दौलत जो दैणा नी चाह्या थिया। सेह् मुड़ी करी यीशु जो छड्डी करी चली गेया। ![](https://cdn.door43.org/obs/jpg/360px/obs-en-28-06.jpg) तां यीशु ने अपणे चेल्लेयां जो बोल्लेया, “परमेश्वर रे राज्य विच्च अमीर मणुआं रा आणा बड़ा ही मुस्किल है! हाँ, इक्क धनी मणू रा परमेश्वर रे राज्य विच्च आणे री तुलना कुस्सी ऊंट रा सुई रे नाक विच्च का होई करी निकली जाणा आसान है।” ![](https://cdn.door43.org/obs/jpg/360px/obs-en-28-07.jpg) जां चेल्लेयां ने यीशु जो सुणेया ता सेह् हैरान होई गे। उन्हा ने बोल्लेया, “अगर ए इयां है ता परमेश्वर कुस्सो बचांगा?” ![](https://cdn.door43.org/obs/jpg/360px/obs-en-28-08.jpg) यीशु ने चेल्लेयां जो दिख्खेया अते बोल्लेया, “मणुआं तांइ अपणे आप रा छुटकारा करणा असम्भव है। पर परमेश्वर तांइ किच्छ भी करणा मुस्किल नी है।” ![](https://cdn.door43.org/obs/jpg/360px/obs-en-28-09.jpg) पतरस ने यीशु जो बोल्लेया, “असी चेल्ले अपणा सब किच्छ छड्डी करी तेरे पिच्छे होई गे। ता असा रा इनाम कै हूणा?” ![](https://cdn.door43.org/obs/jpg/360px/obs-en-28-10.jpg) यीशु ने जवाब दित्तेया, “हर इक्क जन जिनिये मेरी वजह कने अपणा घर, भाई, भैण, प्यो, माँ, बच्चे या जमीन-जायदाद जो छड्डेया है, सेह् उसका 100 गुणा जादा मिलणा अते हमेसा री जिंदगी जो भी पाणा। पर बड़े सारे जे पैल्ले थिये सेह पिच्छे हूणे, अते बड़े सारे जे पिच्छे थिये सेह् पैल्ले हूणे।” मत्ती अध्याय 19:16-30; मरकुस 10:17-31; लूका 18:18-30 से एक बाइबल की कहानी मत्ती अध्याय 19:16-30; मरकुस 10:17-31; लूका 18:18-30 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_28_128kbps.m4a ## 29. निर्दयी दास री कहाणी https://openbiblestories.org/l/cdh/story-29/ ![](https://cdn.door43.org/obs/jpg/360px/obs-en-29-01.jpg) इक्क दिन, पतरस ने यीशु का पुच्छेया, “ओ स्वामी, मिंजो अपणे भाई जो कितणी बार माफ करणा चंहिदा जां सेह् मेरे खिलाफ पाप करदा है? कै सात्त वरी तांइ?” यीशु ने बोल्लेया, “सात्त वरी नी, पर सात्त रे सत्तर वरी!” इसेरे जरिये, यीशु रा मतलब है कि असा जो हमेसा माफ करणा चंहिदा। तां यीशु ने ए कहाणी दस्सी। ![](https://cdn.door43.org/obs/jpg/360px/obs-en-29-02.jpg) यीशु ने बोल्लेया, “परमेश्वर रा राज्य इक्क राज्जे सांइ है जे अपणे दास रा लेख्खा लैणा चांह्दा थिया। उसेरा इक्क दास 2,00,000 सालां री मजदूरी रे इक्क बड्डे कर्जे रा कर्जदार थिया।” ![](https://cdn.door43.org/obs/jpg/360px/obs-en-29-03.jpg) पर सेह् दास अपणे कर्ज जो चुकाई नी पाया, इधेरे तांइ राज्जे ने बोल्लेया, “इसेरा कर्ज चुकाणे तांइ इस मणू जो अते इसेरे परिवार जो दास रे रुप विच्च बेच्ची देयो।” ![](https://cdn.door43.org/obs/jpg/360px/obs-en-29-04.jpg) “उस दास ने राज्जे रे सामणे अपणे गोड्डे पर गिरी करी बोल्लेया, ‘मेहरबानी करी के मेरे पर सब्र खा, अते मैं अपणे कर्ज री पूरी रकम रा भुगतान करी दिंगा।’ राज्जे ने दास पर दया कित्ती, इधेरे तांइ उसेरे सारे कर्ज जो माफ करी दित्तेया अते उसजो जाणे दित्तेया।” ![](https://cdn.door43.org/obs/jpg/360px/obs-en-29-05.jpg) “पर जां सेह् दास बार गेया, तां उस्सो उसेरा साथी इक्क दास मिलेया जे उसेरे चार महिनेयां री मजदूरी रा कर्जदार थिया। उस दास ने अपणे साथी दास जो पकड़ी लित्तेया अते बोल्लेया, ‘जे तेरे उप्पर मेरा कर्ज है मिंजो उसेरा भुगतान दे।” ![](https://cdn.door43.org/obs/jpg/360px/obs-en-29-06.jpg) “उस साथी दास ने गोड्डे पर आई करी बोल्लेया, ‘बिनत्ती करी के मेरे कने सब्र कने पेस आ, अते मैं अपणे कर्ज री पूरी रकम रा भुगतान करी दिंगा।’ पर इसेरे बजाए, उस दास ने अपणे साथी दास जो जेल विच्च पाई दित्तेया जां तांइ कि सेह् उस कर्ज रा भुगतान न करी दिंदा।” ![](https://cdn.door43.org/obs/jpg/360px/obs-en-29-07.jpg) “जे किच्छ होया थिया उस्सो किच्छ होर दासां ने दिख्खेया अते सेह् बड़े परेसान होए। सेह् राज्जा का गे अते उस्सो सब किच्छ दस्सेया।” ![](https://cdn.door43.org/obs/jpg/360px/obs-en-29-08.jpg) “राज्जे ने उस दास जो सद्दी करी बोल्लेया, ‘ओ दुष्ट दास! मैं तेरे कर्ज जो इधेरे तांइ माफ कित्तेया थिया किजोकी तैं मेरे छंदे कित्ते थिये। तिज्जो भी तियां ही करणा चंहिदा थिया।’ राज्जा इतणा गुस्सा थिया कि उस दुष्ट दास जो जेल विच्च पाई दित्तेया जां तांइ कि सेह् अपणे सारे कर्ज रा वापस भुगतान नी करी दिंदा।” ![](https://cdn.door43.org/obs/jpg/360px/obs-en-29-09.jpg) तां यीशु ने बोल्लेया, “मेरा स्वर्ग विच्च विराजमान पिता तुसा विच्च का हर इक्क कने इयां ही करगा अगर तुसी अपणे भाई जो अपणे दिल कने माफ नी करगे।” मत्ती अध्याय 18:21-35 से एक बाइबल की कहानी मत्ती अध्याय 18:21-35 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_29_128kbps.m4a ## 30. यीशु पांज्ज हजार मणुआं जो रोटी खुआंदा https://openbiblestories.org/l/cdh/story-30/ ![](https://cdn.door43.org/obs/jpg/360px/obs-en-30-01.jpg) यीशु ने अपणे प्रेरितां जो प्रचार करणे अते मणुआं जो सिक्स दैणे तांइ बड़े सारे अलग-अलग ग्रां विच्च भेजेया। जां सेह् उत्ते का वापस आए जित्ते यीशु थिया तां उन्हा ने दस्सेया कि उन्हा ने कै कित्तेया थिया। तां यीशु ने उन्हा जो झील रे दुज्जे पास्से उस कने इक्क सांत जगह पर जाई करी किच्छ वक्त आराम करणे तांइ न्योता दित्तेया। इधेरे तांइ सेह् इक्क किस्ती विच्च चढ़ी गे अते झील रे दुज्जे पास्से चली गे। ![](https://cdn.door43.org/obs/jpg/360px/obs-en-30-02.jpg) पर उत्ते बड़े सारे इदेय मणू थिये जिन्हा ने यीशु अते चेल्लेयां जो किस्ती विच्च जांदे दिख्खेया थिया। ए मणू उन्हा का अग्गे झील रे दुज्जे पास्से जाणे तांइ झील रे कनारे-कनारे पर दोड़े। इधेरे तांइ जां यीशु अते चेल्ले पुज्जे तां मणुआं रा इक्क बड़ा बड्डा झुंड उन्हेरा इन्तेजार करदा होए उत्ते पैल्ले का थिया। ![](https://cdn.door43.org/obs/jpg/360px/obs-en-30-03.jpg) उस भीड़ विच्च जनानियां अते बच्चे री गिणती रे बिना 5,000 का जादा मरद थिये। यीशु ने उन्हा मणुआं पर बड़ा तरस दिख्खाया। यीशु तांइ सेह् मणू बिना पुहाल री भेड़ां सांइ थिये। इधेरे तांइ उनिये उन्हा जो सिक्सा दित्ती अते उन्हेरे विच्च जे मणू बमार थिये उन्हा जो ठीक कित्तेया। ![](https://cdn.door43.org/obs/jpg/360px/obs-en-30-04.jpg) दिन रे आखरी विच्च, चेल्लेयां ने यीशु जो बोल्लेया, “अवे देर होई गेई है अते आस्से-पास्से कोई भी सैह्र नी है। इन्हा मणुआं जो भेज्जी दे ताकि सेह् जाई करी खाणे तांइ किच्छ लेई लेण।” ![](https://cdn.door43.org/obs/jpg/360px/obs-en-30-05.jpg) पर यीशु ने चेल्लेयां जो बोल्लेया, “तुसी उन्हा जो किच्छ खाणे तांइ देयो!” उन्हा ने जवाब दित्तेया, “असी ए कियां करी सकदे हिन? असा का सिर्फ पांज्ज रोट्टी अते दो छोटी मछलियां हिन।” ![](https://cdn.door43.org/obs/jpg/360px/obs-en-30-06.jpg) यीशु ने अपणे चेल्लेयां जो बोल्लेया कि सेह् भीड़ रे मणुआं जो घा पर पंजाह्-पंजाह् री पांदी विच्च बेह्णे तांइ बोल्ले। ![](https://cdn.door43.org/obs/jpg/360px/obs-en-30-07.jpg) तां यीशु ने पांज्ज रोटी अते दो मछलियाँ जो लेई करी स्वर्ग रे पास्से दिख्खेया, अते उस रोटी तांइ परमेश्वर जो धन्यवाद दित्तेया। ![](https://cdn.door43.org/obs/jpg/360px/obs-en-30-08.jpg) फिरी यीशु ने रोटी अते मछलियाँ जो टुकड़ेयां विच्च तोड़ेया। उनिये मणुआं जो दैणे तांइ अपणे चेल्लेयां जो सेह् टुकड़े देई दित्ते। चेले उस रोटी जो बंडदे रेह्, अते सेह् कदी भी खत्म नी होए! सेह् सारे मणू खाई करी रज्जी गे। ![](https://cdn.door43.org/obs/jpg/360px/obs-en-30-09.jpg) उसेरे बाद, चेल्लेयां ने उस रोटी जो इकठ्ठा कित्तेया जे खाई नी गेई थी अते सेह् बारा टोकरियाँ पूरी भरी गेई थीं। सेह् सारी रोटी उन पांज रोटी अते दो मछलियाँ का आई थी। मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 से एक बाइबल की कहानी मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 का बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_30_128kbps.m4a ## 31. यीशु पाणी पर चलदा https://openbiblestories.org/l/cdh/story-31/ ![](https://cdn.door43.org/obs/jpg/360px/obs-en-31-01.jpg) पांज्ज हजार मणुआं जो खाणा खुआणे रे बाद, यीशु ने अपणे चेल्ले जो किस्ती विच्च जाणे तांइ बोल्लेया। उनिये उन्हा जो झील रे दुज्जे पास्से चली जाणे तांइ बोल्लेया बल्कि सेह् थोड़े वक्त तांइ उत्ते ही रुक्की रेह्या। इधेरे तांइ चेल्ले चली गे अते यीशु ने भीड़ जो विदा कित्तेया कि सेह् अपणे घरां जो जाए। इसेरे बाद, यीशु प्रार्थना करणे तांइ इक्क पहाड़ पर चली गेया। उत्ते सेह् कल्ला थिया अते उनिये देर रात तांइ प्रार्थना कित्ती। ![](https://cdn.door43.org/obs/jpg/360px/obs-en-31-02.jpg) उस वक्त, चेले अपणी नाव जो खेंदे होए जाया करदे थिए, पर हवा उन्हेरे पास्से बड़ी तेज आया थी करदी। बड़ी रात होई जाणे पर भी सेह् सिर्फ झील रे मझाटे ही पुज्जे थिए। ![](https://cdn.door43.org/obs/jpg/360px/obs-en-31-03.jpg) उस वक्त यीशु ने प्रार्थना करणा खत्म कित्तेया अते अपणे चेल्लेयां का वापस चलणा सुरु कित्तेया। सेह् किस्ती रे पास्से जाणे तांइ पाणी रे उप्पर चलणे लगेया। ![](https://cdn.door43.org/obs/jpg/360px/obs-en-31-04.jpg) तां चेल्लेयां ने उस्सो दिख्खेया। सेह् बड़े डरी गे किजोकी उन्हा ने सोचेया थिया कि कोई भूत है। यीशु जाणदा थिया कि सेह् डरी गे थिए, इधेरे तांइ उनिये उन्हा जो आवाज देई करी बोल्लेया, “डरो मत, ए मैं ही है!” ![](https://cdn.door43.org/obs/jpg/360px/obs-en-31-05.jpg) तां पतरस ने यीशु ने बोल्लेया, “ओ प्रभु, अगर ए तू ही है तां मिंजो पाणी पर चली करी तेरे का आणे रा हुकम दे।” यीशु ने पतरस जो बोल्लेया, “आ!” ![](https://cdn.door43.org/obs/jpg/360px/obs-en-31-06.jpg) इधेरे तांइ पतरस किस्ती का उत्तरी गेया अते यीशु का जाणे तांइ पाणी पर चलणा सुरु कित्तेया। पर थोड़ी दूर जाई करी, उनिये अपणी हाख्खी जो यीशु रे पास्से का फेरी लित्तेया अते लैहरां जो दिख्खणा अते तेज हवा जो महसूस करणा सुरु करी दित्तेया। ![](https://cdn.door43.org/obs/jpg/360px/obs-en-31-07.jpg) तां पतरस डरी गेया अते पाणी विच्च डुबणा लग्गेया। सेह् चिल्लाया, “ओ प्रभु, मिंजो बचा!” यीशु ने उस्सी वक्त हात्थ बढ़ाई करी उस्सो पकड़ी लित्तेया । तां उनिये पतरस जो बोल्लेया, “तेरा भरोसा बड़ा घाट है! तिज्जो मेह्फुस रख्खणे तांइ तैं मेरे पर भरोसा किज्जो नी कित्तेया?” ![](https://cdn.door43.org/obs/jpg/360px/obs-en-31-08.jpg) तां यीशु अते पतरस किस्ती पर चढ़ी गे, अते इक्कदम हवा रा चलणा बांद्द होई गेया। पाणी सांत होई गेया। चेल्लेयां ने हैरान होई करी यीशु रे आग्गे गोड्डे टेकी दित्ते। उन्हा ने उसेरी आराधना कित्ती अते उस्सो बोल्लेया, “सच्ची विच्च तू परमेश्वर रा मुंडा है।” मत्ती अध्याय 14:22-33; मरकुस 6:45-52; यूहन्ना 6:16-21 से एक बाइबल की कहानी मत्ती अध्याय 14:22-33; मरकुस 6:45-52; यूहन्ना 6:16-21 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_31_128kbps.m4a ## 32. यीशु बुरी आत्मा कने फस्से रे मणू जो अते इक्क बमार जनानी जो ठीक करदा https://openbiblestories.org/l/cdh/story-32/ ![](https://cdn.door43.org/obs/jpg/360px/obs-en-32-01.jpg) यीशु अते उसेरे चेल्ले अपणी किस्ती विच्च उस जगह जो गे जित्ते गिरासेनी मणू रैंह्दे थिये। सेह् उस जगह विच्च पुज्जी करी किस्ती का उतरी गे। ![](https://cdn.door43.org/obs/jpg/360px/obs-en-32-02.jpg) उत्ते इक्क मणू थिया जिसेरे अंदर बुरी आत्मा थी। ![](https://cdn.door43.org/obs/jpg/360px/obs-en-32-03.jpg) ए मणुणू इतणा ताकतवर थिया कि कोई भी उस्सो वश विच्च नी करी सकदा थिया। केई वरी मणुआं ने उसेरे हत्थां अते पैरां जो बेढ़ियां कने भी बन्नेया , पर सेह् उन्हा जो तोड़ी दिंदा थिया। ![](https://cdn.door43.org/obs/jpg/360px/obs-en-32-04.jpg) सेह् मणू उस जगह विच्च कबरां विच्च रैंह्दा थिया। ए मणू पूरे दिन अते पूरी रात लैरां मारदा थिया। सेह् कपड़े नी पांदा थिया अते अक्सर अपणे आप जो पत्थरां कने जख्मी करदा थिया। ![](https://cdn.door43.org/obs/jpg/360px/obs-en-32-05.jpg) सेह् मणू दौड़ी करी यीशु का आया अते उसेरे सामणे गोड्डे टेकी दित्ते। तां यीशु ने उस मणू रे अंदर री बुरी आत्मा कने गाल्ल कित्ती अते बोल्लेया, “इस मणू विच्च का बार निकली आ!” ![](https://cdn.door43.org/obs/jpg/360px/obs-en-32-06.jpg) सेह् बुरी आत्मा उच्ची आवाज विच्च चिल्लाई, “ओ यीशु, परम प्रधान परमेश्वर रे मुंडे, तेरा मेरे कने कै काम्म? छन्दे करी के मिंजो परेसान मत कर!” तां यीशु ने उस बुरी आत्मा का पुच्छेया, “तेरा नां कै है?” उनिये जवाब दित्तेया, “मेरा नां सेना है, किजोकी असी मते हिन।” (रोमी सेना विच्च केई हजार सपाही रा इक्क झुंड “सेना” हूंदा थिया।) ![](https://cdn.door43.org/obs/jpg/360px/obs-en-32-07.jpg) उन्हा बुरी आत्मा ने यीशु कने छंदे कित्ते, “छंदे करी के असा जो इस जगह का बार मत भेज!” तित्ते ही नेड़े इक्क सुअर रा झुंड चरेया करदा थिया। इधेरे तांइ उन्हा बुरी आत्मा ने यीशु कने छंदे कित्ते, “छंदे असा जो उन्हा सुअरां विच्च भेज्जी दे!” यीशु ने बोल्लेया, “ठीक है, उन्हा विच्च चली जाओ!” ![](https://cdn.door43.org/obs/jpg/360px/obs-en-32-08.jpg) इधेरे तांइ बुरी आत्मा उस मणू विच्च का निकली करी उन्हा सुअरां रे अंदर चली गेई| सेह् सुअर दौड़ी करी इक्क खड़े टीले पर का झील विच्च कुद्दी गेई अते डूबी करी मरी गे। उस झुंड विच्च लगभग 2,000 सुअर थिये। ![](https://cdn.door43.org/obs/jpg/360px/obs-en-32-09.jpg) उत्ते उन्हा सुअर री देखभाल करणे वाले किच्छ मणू थिये। जे किच्छ होया थिया जां उन्हा ने दिख्खेया ता सेह् सैह्र विच्च नह्सी गे। यीशु ने जे कित्तेया थिया उत्ते उन्हा ने सब किच्छ दस्सेया। उस सैह्र रे मणू निकली आए अते उस मणू जो दिख्खेया जिस विच्च बुरी आत्मा थी। सेह् सांति कने, कपड़े पाए रे, अते इक्क आम मणू सांइ बर्ताव करदे होए बैठे रा थिया। ![](https://cdn.door43.org/obs/jpg/360px/obs-en-32-10.jpg) सेह् मणू बड़े डरे रे थिये अते उन्हा ने यीशु जो उत्ते का चली जाणे तांइ बोल्लेया। इधेरे तांइ यीशु किस्ती पर चढ़ी गेया। सेह् मणू जिस विच्च बुरी आत्मा थी उनिये यीशु कने जाणे री बिनती कित्ती। ![](https://cdn.door43.org/obs/jpg/360px/obs-en-32-11.jpg) पर यीशु ने उस्सो बोल्लेया, “नी। मैं चांह्दा कि तू घरे जाई करी सब जो दस्से कि परमेश्वर ने तेरे तांइ कै कित्तेया है। उन्हा जो दस्स कि कियां परमेश्वर ने तेरे पर दया कित्ती थी।” ![](https://cdn.door43.org/obs/jpg/360px/obs-en-32-12.jpg) इधेरे तांइ सेह् मणू चली गेया अते सारेयां जो इस बारे विच्च दस्सेया जे यीशु ने उसेरे तांइ कित्तेया थिया। उसेरी कहाणी जो सुणने वाला हर इक्क जन हैरान होया थिया। ![](https://cdn.door43.org/obs/jpg/360px/obs-en-32-13.jpg) यीशु झील रे दुज्जे पास्से वापस आया। उसेरे उत्ते पुजणे रे बाद, इक्क बड़ी भीड़ उसेरे आस्से- पास्से इकठ्ठा होई अते उस्सो दबाणा लगी। उस भीड़ विच्च इक्क जनानी थी जे बारा सालां का खून निकलणे री बमारी का परेसान थी। उनिये अपणा सारा धन वैदां जो देई दित्तेया थिया ताकि सेह् उस्सो ठीक करी सके, पर उसेरी बमारी होर भी बिगड़ी गेई थी। ![](https://cdn.door43.org/obs/jpg/360px/obs-en-32-14.jpg) उनिये सुणेया थिया कि यीशु ने केई बमार मणुआं जो ठीक कित्तेया थिया अते उनिये सोच्चेया, “मैं जाणदी है कि अगर मैं सिर्फ यीशु रे कपड़े जो ही छुई लेयां, तां मैं भी ठीक होई जाणा!” इधेरे तांइ सेह् यीशु रे पिच्छे का आई अते उसेरे कपड़े जो छुई लित्तेया| जियां ही उनिये उस्सो छुया, तियां ही खून रा निकलणा बांद्द होई गेया। ![](https://cdn.door43.org/obs/jpg/360px/obs-en-32-15.jpg) इक्क दम ही, यीशु ने जाणी लित्तेया कि उस विच्च का सामर्थ निकली है। इधेरे तांइ उनिये पिच्छे मुड़ी करी पुच्छेया, “मिंजो कुनिये छुया?” चेल्लेयां ने जवाब दित्तेया, “इत्ते इतणे सारे मणू ने तेरे चारों पास्से भीड़ लगाई री है, अते तिज्जो धक्के देया करदे हिन। तां तू किज्जो पुच्छेया कि मिंजो कुनिये छुया?” ![](https://cdn.door43.org/obs/jpg/360px/obs-en-32-16.jpg) सेह् जनानी यीशु रे सामणे कम्दे-कम्दे होए अते बड़ी डरे री अपणे गोड्डेयां रे भारे बेई गेई। तां उनिये उस्सो दस्सेया कि उनिये कै कित्तेया है, अते ए भी कि सेह् ठीक होई गेई है। यीशु ने उस्सो बोल्लेया, “तेरे विश्वास ने तिज्जो ठीक कित्तेया है। सांति कने जा।” मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_32_128kbps.m4a ## 33. इक्क किसान री कहाणी https://openbiblestories.org/l/cdh/story-33/ ![](https://cdn.door43.org/obs/jpg/360px/obs-en-33-01.jpg) इक्क दिन, यीशु झील रे कनारे रे नेड़े थिया। सेह् मणुआं री इक्क बड़ी बड्डी भीड़ जो सिक्सा देया करदा थिया। उस्सो सुणने तांइ इतणे सारे मणू आए कि यीशु का उन्हा कने गाल्ल करणे तांइ कोई जगह ही नी बची। इधेरे तांइ सेह् पाणी विच्च रुक्के री किस्ती पर चढ़ी गेया। उत्ते सेह् बेई गेया अते मणुआं जो सिक्सा दित्ती। ![](https://cdn.door43.org/obs/jpg/360px/obs-en-33-02.jpg) यीशु ने उन्हा जो ए कहाणी सुणाई, “इक्क किसान बीह् बोणे तांइ बार निकलेया। जां सेह् हत्थां कने बीह् जो बिखेरेया करदा थिया तां किच्छ बीह् रस्ते पर पेह्। पर पक्सियाँ ने आई करी उन्हा सारे बीह् जो खाई लित्तेया।” ![](https://cdn.door43.org/obs/jpg/360px/obs-en-33-03.jpg) “दुज्जे बीह् पथरीली जमीन पर पेह् जित्ते बड़ी घाट मिट्टी थी। पथरीली जमीन पर पेरे बीह् बड़े जल्दी फली गे, पर उन्हेरी जड़ां जमीन री गेहराई विच्च नी जाई सकी। जां सूरज निकलेया अते गर्मी होई ता सेह् बूट्टे मुरझाई गे अते मरी गे।” ![](https://cdn.door43.org/obs/jpg/360px/obs-en-33-04.jpg) “तां भी दुज्जे बीह् झिल्लां रे मझाटे पेह्। उन्हा बीयां ने उगणा सुरु कित्तेया, पर कंडेयां ने उन्हा जो दबाई दित्तेया। इधेरे तांइ कंडे कने भरे री जमीन पर पेरे बीह् विच्च का निकले रे बूट्टेयां का कोई भी अनाज नी उगी पाया।” ![](https://cdn.door43.org/obs/jpg/360px/obs-en-33-05.jpg) “दुज्जे बीह् अच्छी जमीन पर पेह्। सेह् बीह् उगे अते जितणे बीह् बोए गे थिये उन्हा विच्च का 30, 60, अते इत्ते तांइ कि 100 गुणा अनाज उगाया। जे कोई भी परमेश्वर रे पिच्छे चलणा चांह्दा है, सेह् उस गाल्ल पर ध्यान दे जे मैं करेया करदा है।” ![](https://cdn.door43.org/obs/jpg/360px/obs-en-33-06.jpg) इस कहाणी ने चेल्लेयां जो सोच विच्च पाई दित्तेया। इधेरे तांइ यीशु ने इसजो समजाया, “सेह् बीह् परमेश्वर रा वचन है। सेह् रस्ता इक्क इदेया मणू है जे परमेश्वर रे वचन जो सुणदा, पर उस्सो समजदा नी है। तां शैतान उस का वचन जो चोरी करी लेई जांदा। मतलब शैतान उसजो वचन जो समजणे का दूर रख्खदा।” ![](https://cdn.door43.org/obs/jpg/360px/obs-en-33-07.jpg) “सेह् पथरीली जमीन इदेया मणू है जे परमेश्वर रे वचन जो सुणदा है अते खुशी कने उस्सो अपणाई लिंदा है। पर जां मुस्किल वक्त आंदा, या जां होर मणू उस्सो तांग करदे हिन, तां सेह् परमेश्वर का दूर चली जांदा। अते सेह् परमेश्वर पर भरोसा करणा बांद्द करी दिंदे हिन।” ![](https://cdn.door43.org/obs/jpg/360px/obs-en-33-08.jpg) “सेह् कंडेदार जमीन इदेया मणू है जे परमेश्वर रा वचन सुणदे हिन। पर सेह् बड़ी सारी गल्लां रे बारे विच्च सोच-विचार करणा सुरु करी दिंदा है, अते सेह् मती सारी धन-दौलत कमाणे री कोसिस करदा, अते सेह् मती सारी चिज्जाँ जो पाणे री कोसिस करदा है। किच्छ वक्त रे बाद, अवे सेह् परमेश्वर जो प्यार करणे रे लायक नी है। इधेरे तांइ जां उनिये परमेश्वर रे वचन का सिख्खेया थिया सेह् उस्सो परमेश्वर जो खुस करणे विच्च सक्षम नी करदा। सेह् कणक री डालियां रे सांइ है जे कोई अनाज नी उगांदी।” ![](https://cdn.door43.org/obs/jpg/360px/obs-en-33-09.jpg) “पर खरी जमीन सेह् मणू है जे परमेश्वर रे वचन जो सुणदा है, उस पर भरोसा करदा है, अते फल उगांदा है।” मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से एक बाइबल की कहानी मत्ती अध्याय 13:1-8, 18-23; मरकुस 4:1-8, 13-20; लूका 8:4-15 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_33_128kbps.m4a ## 34. यीशु दुज्जी कहाणी री सिक्सा दिंदा। https://openbiblestories.org/l/cdh/story-34/ ![](https://cdn.door43.org/obs/jpg/360px/obs-en-34-01.jpg) यीशु ने परमेश्वर रे राज्य रे बारे विच्च होर मती सारी कहाणीयां सुणाई। उदाहरण तांइ, उनिये बोल्लेया, “परमेश्वर रा राज्य इक्क राई रे दाणे सांइ है जिस्सो कुस्की ने अपणे खेत्तर विच्च बोई दित्तेया। तुसी जाणदे हिन कि राई रा दाणा सारे बीह् विच्च का सबका छोटा है।” ![](https://cdn.door43.org/obs/jpg/360px/obs-en-34-02.jpg) “पर जां राई रा बीह् उग्गी जांदा ता सेह् खेत्तर रे सारे बूट्टेयां विच्च सबका बड्डा होई जांदा, इतणा बड्डा कि पक्सी आई करी उसेरी डालियां पर आराम करदी हिन।” ![](https://cdn.door43.org/obs/jpg/360px/obs-en-34-03.jpg) यीशु ने इक्क होर कहाणी सुणाई, “परमेश्वर रा राज्य खमीर सांइ है जिस्सो इक्क जनानी गुह्न्ने रे आट्टे विच्च मिलाई दिंदी तां सेह सारे आट्टे विच्च फैली जांदा।” ![](https://cdn.door43.org/obs/jpg/360px/obs-en-34-04.jpg) “स्वर्ग रा राज्य उस खजाने सांइ है जिस्सो कुस्की ने खेत्तर विच्च लुकाई दित्तेया है। कुस्की होर मणू जे सेह् खजाना मिली गेया अते उनिये उस्सो पाणे री बड़ी चाहत कित्ती। इधेरे तांइ उनिये उस्सो फिरी का दबाई दित्तेया। सेह् खुशी कने इतणा भरे रा थिया कि उनिये जाई करी अपणा सब किच्छ बेच्ची दित्तेया ताकि सेह् उस खेत्तर जो खरीदी सके जित्ते सेह् खजाना थिया।” ![](https://cdn.door43.org/obs/jpg/360px/obs-en-34-05.jpg) “स्वर्ग रा राज्य एक बड़ी कीमती सुद्ध मोती सांइ भी है। जां कोई मोतियाँ रा व्यापारी उस्सो पाई लिंदा तां सेह् उस्सो खरीदणे तांइ अपणा सब किच्छ बेच्ची दिंदा।” ![](https://cdn.door43.org/obs/jpg/360px/obs-en-34-06.jpg) उत्ते किच्छ मणू थिये जे सोचदे थिये कि परमेश्वर उन्हा जो इधेरे तांइ अपनांगा किजोकी सेह् भले काम्म करेया करदे हिन। ए मणू इदेय मणू जो तुच्छ मंदे थिये जे उन्हा भले कम्मां जो नी करदे थिये। इधेरे तांइ यीशु ने उन्हा जो ए कहाणी दस्सी। “दो मणू थिये अते दोन्नो ही प्रार्थना करणे तांइ मंदिर विच्च गे। उस विच्च का इक्क चुंगी लैणे वाला थिया, अते दुज्जा इक्क धर्मी अगुवा थिया।” ![](https://cdn.door43.org/obs/jpg/360px/obs-en-34-07.jpg) “उस धर्मी अगुवे ने इस तरिक्के कने प्रार्थना कित्ती, ‘ओ परमेश्वर, तेरा धन्यवाद हो कि मैं होर मणुआं सांइ जियां कि डाकू, अन्यायी मणू, व्यभिचारी, या इत्ते तांइ कि इत्ते मौजूद उस चुंगी लैणे वाले सांइ इक्क पापी नी है।” ![](https://cdn.door43.org/obs/jpg/360px/obs-en-34-08.jpg) “उदाहरण तांइ, मैं हर हफ्ते विच्च दो वरी उपवास रख्खदा, अते मैं मिंजो मिलणे वाले पैसे अते समान रा दसमां हिस्सा तिज्जो दिंदा है।” ![](https://cdn.door43.org/obs/jpg/360px/obs-en-34-09.jpg) “पर सेह् चुंगी लैणे वाला उस धर्मी अगुवे का बड़ा दूर खड़े रा थिया। उनिये उप्पर स्वर्ग रे पास्से हाख्खियाँ भी नी उठाई। इसेरे बजाए, उनिये अपणी मुठ्ठी कने अपणी छाती जो मारेया अते प्रार्थना कित्ती, ‘ओ परमेश्वर, मेहरबानी करी के मेरे पर दया कर किजोकी मैं इक्क पाप्पी है।” ![](https://cdn.door43.org/obs/jpg/360px/obs-en-34-10.jpg) फिरी यीशु ने बोल्लेया, “मैं तुसा कने सच्च बोलदा, परमेश्वर ने उस चुंगी लैणे वाले री प्रार्थना जो सुणेया अते उस्सो धर्मी ठहराई दित्तेया। पर उनिये उस धर्मी अगुवे री प्रार्थना जो पसंद नी कित्तेया। परमेश्वर ने हर इक्क घमण्डी रा सर थल्ले करणा, पर सेह् हर उस जन री इज्जत करगा जे अपणे आप जो नम्र करदा है।” मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एक बाइबल की कहानी मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_34_128kbps.m4a ## 35. दयालु प्यो री कहाणी https://openbiblestories.org/l/cdh/story-35/ ![](https://cdn.door43.org/obs/jpg/360px/obs-en-35-01.jpg) इक्क दिन, यीशु उन्हा मते सारे मणुआं जो सिक्सा देया करदा थिया जे उसेरी सुणने तांइ इकठ्ठे होये थिये। सेह् मणू चुंगी लैणे वाले अते कने ही होर मणू भी थिये जिन्हा ने मूसा रे नियम जो मनणे री कोसिस नी कित्ती थी। ![](https://cdn.door43.org/obs/jpg/360px/obs-en-35-02.jpg) किच्छ धर्मी अगुवेयां ने दिख्खेया कि यीशु इन्हा मणुआं कने इक्क दोस्त सांइ गाल्ल करेया करदा है। इधेरे तामि उन्हा ने इक्क दुज्जे कने ए बोलणा सुरु करी दित्तेया कि सेह् गलत करेया करदा है। यीशु ने उन्हा जो गल्लां करदे सुणेया, इधेरे तांइ उनिये उन्हा जो ए कहाणी दस्सी। ![](https://cdn.door43.org/obs/jpg/360px/obs-en-35-03.jpg) “इक्क मणू थिया जिसेरे दो मुंडे थिये। छोटे मुंडे ने अपणे प्यो जो बोल्लेया, ‘पापा जी, मिंजो अवे मेरा हिस्सा चंहिदा!’ इधेरे तांइ प्यो ने अपणे दोन्नों पुत्तर रे बिच्च अपणी जमीन रा बंटवारा करी दित्तेया।” ![](https://cdn.door43.org/obs/jpg/360px/obs-en-35-04.jpg) “जल्दी ही छोटा पुत्तर अपणा सब किच्छ इकठ्ठा करी के दूर देस जो चली गेया अते पापी जिंदगी जीणे विच्च अपणी सारी धन-दौलत जो बर्बाद करी दित्तेया।” ![](https://cdn.door43.org/obs/jpg/360px/obs-en-35-05.jpg) “इसेरे बाद, जित्ते छोटा मुंडा थिया उस देस विच्च इक्क बड़ा बड्डा अकाल पेया, अते उसेरे का रोटी खरीदणे तांइ पैसे नी थिये। इधेरे तांइ उस्सो जे काम्म मिलेया सेह् सूअरां जो चराणे रा थिया। सेह् इतणा दुखी अते भुख्खा थिया कि सेह् सूअरां री रोटी खाणा चांह्दा थिया।” ![](https://cdn.door43.org/obs/jpg/360px/obs-en-35-06.jpg) “आखिर कार, उस छोटे मुंडे ने अपणे आप कने बोल्लेया, ‘मैं कै करेया करदा है? मेरे प्यो रे सब नौकर का खाणे तांइ बहुतायात कने है, फिरी भी मैं इत्ते भुख्खा मरेया करदा है। मैं अपणे प्यो का वापस चली जाणा अते अपणे प्यो रा इक्क नौकर बणने तांइ उसका बिनती करणी।” ![](https://cdn.door43.org/obs/jpg/360px/obs-en-35-07.jpg) “इधेरे तांइ उस छोटे मुंडे ने वापस अपणे प्यो रे घरे जाणा लगेया| बल्कि जां सेह् हल्ले दूर ही थिया, उसेरे प्यो ने उस्सो दिख्खेया अते उस पर तरस खाया। सेह् दौड़ी करी अपणे मुंडे का गेया अते उस्सो गले लगाई करी सुन्ना दित्तेया।” ![](https://cdn.door43.org/obs/jpg/360px/obs-en-35-08.jpg) “उस मुंडे ने बोल्लेया, ‘पापा जी, मैं परमेश्वर रे अते तेरे खिलाफ पाप कित्तेया है। मैं तेरा मुंडा केहलाणे रे लायक भी नी है।” ![](https://cdn.door43.org/obs/jpg/360px/obs-en-35-09.jpg) “पर प्यो ने अपणे इक्क सेवक जो बोल्लेया, ‘जल्दी जाई करी सबका अच्छे कपड़े लेई करी आ अते मेरे मुंडे जो पेहनाओ! उसेरी उंगली विच्च अंगूठी अते उसेरे पैरां विच्च जुत्ते पुआओ। फिरी सबका खरा बछु मारो ताकिअसी खाण अते असी जसन मनाण, किजोकी मेरा मुंडा जे मरी गेया थिया, पर अवे सेह् जिंदा है! सेह् गुम होई गेया थिया, पर अवे असी उस्सो पाई लित्तेया है।” ![](https://cdn.door43.org/obs/jpg/360px/obs-en-35-10.jpg) “इधेरे तांइ मणुआं ने जसन मनाणा सुरु कित्तेया। किच्छ वक्त गुजरणे का बाद, बड्डा मुंडा खेत्तर विच्च का काम्म करी के घरे वापस आया। उनिये गाणा अते नाच री आवाज जो सुणेया अते हैरान होया कि ए कै होया करदा थिया।” ![](https://cdn.door43.org/obs/jpg/360px/obs-en-35-11.jpg) “जां बड्डे मुंडे जो पत्ता चलेया कि सेह् इधेरे तांइ जसन मनाया करदे हिन किजोकी उसेरा भाई घरे वापस आई गेया थिया, तां सेह् बड़ा गुस्सा होया अते घर रे अंदर नी गेया। उसेरे प्यो ने बार आई करी उस्सो उन्हेरे कने जसन मनाणे तांइ सद्देया, पर उनिये मन्हा करी दित्तेया।” ![](https://cdn.door43.org/obs/jpg/360px/obs-en-35-12.jpg) “उस बड्डे मुंडे ने अपणे प्यो जो बोल्लेया, ‘इतणे सारे सालां विच्च मैं तेरे तांइ इतणी मेहनत कने काम्म कित्तेया। कदी भी तेरी गाल्ल जो मैं मन्हा नी कित्तेया, पर तैं कदी भी मिंजो इक्क छोटी बकरी भी नी दित्ती ताकि मैं अपणे दोस्तां कने दावत करी सकां। पर तेरे इस मुंडे ने तेरी धन-दौलत जो गल्त काम्म करणे विच्च बर्बाद करी दित्तेया। अते अवे जां सेह् आया है ता उसेरे तांइ जसन मनाणे तांइ तुसी सबका खरे बछु जो मारी दित्तेया।’” ![](https://cdn.door43.org/obs/jpg/360px/obs-en-35-13.jpg) “प्यो ने जवाब दित्तेया, ‘ओ मेरे मुंडे, तू हमेसा मेरे कने है, अते जे किच्छ मेरा है सेह् सब तेरा है। पर असां तांइ जसन मनाणा सही है किजोकी तेरा भाई मरी गेया थिया, पर अवे सेह् जिंदा है। सेह् गुम होई गेया थिया, पर अवे असा जो वापस मिली गेया है!” लूका अध्याय 15:11-32 से एक बाइबल की कहानी लूका अध्याय 15:11-32 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_35_128kbps.m4a ## 36. रुप रा बदलणा https://openbiblestories.org/l/cdh/story-36/ ![](https://cdn.door43.org/obs/jpg/360px/obs-en-36-01.jpg) इक्क दिन, यीशु ने अपणे तिन्न चेल्ले, पतरस, याकूब, अते यहून्ना जो अपणे कने लेई गेया। (ए यहून्ना नां रा चेल्ला सेह् मणू नी है जिनिये यीशु जो बपतिस्मा दित्तेया थिया।) सेह् प्रार्थना करणे तांइ इक्क उच्चे पहाड़ पर गे। ![](https://cdn.door43.org/obs/jpg/360px/obs-en-36-02.jpg) जां यीशु प्रार्थना करेया करदा थिया ता उसेरा मुँह सूरज सांइ चमकीला होई गेया। उसेरे कपड़े रौसनी सांइ सफेद होई गे, जियां धरती पर कोई करी सके उसका भी जादा बढ़ी करी सफेद थिया। ![](https://cdn.door43.org/obs/jpg/360px/obs-en-36-03.jpg) तां मूसा अते एलिय्याह भविष्यद्वक्ता प्रकट होए। ए मणू इस धरती पर उस वक्त का सैकड़ों साल पैल्ले रैंह्दे थिये। उन्हा ने यीशु का उसेरी मौत रे बारे विच्च गाल्ल कित्ती, किजोकी सेह् जल्दी ही यरुश्लेम विच्च मरणे वाला थिया। ![](https://cdn.door43.org/obs/jpg/360px/obs-en-36-04.jpg) जां मूसा अते एलिय्याह यीशु कने गल्लां करेया करदे थिये तां पतरस ने यीशु जो बोल्लेया, “असा रा इत्ते हूणा भला है। असी तिन्न मंडप जो बणांदे, इक्क तेरे तांइ, इक्क मूसा तांइ, अते इक्क एलिय्याह तांइ।” पर पतरस नी जाणदा थिया कि सेह् कै बोल्लेया करदा है। ![](https://cdn.door43.org/obs/jpg/360px/obs-en-36-05.jpg) जां पतरस गाल्ल करेया करदा थिया, ता इक्क चमकदार बदल थल्ले आया अते उन्हा जो ढक्की लित्तेया। फिरी उन्हा ने बदल विच्च का इक्क आवाज जो आंदे सुणेया। उनिये बोल्लेया, “ए मेरा प्यारा मुंडा है जिस कने मैं प्यार करदा। मैं इस का खुस है। उसेरी सुणो।” सेह् तिन्नों चेल्ले डरी गे अते जमीन पर लेटी गे। ![](https://cdn.door43.org/obs/jpg/360px/obs-en-36-06.jpg) तां यीशु ने उन्हा जो छुया अते बोल्लेया, “डरो मत। उठी जाओ।” जां उन्हा ने चारों पास्से दिख्खेया, तां जे भी उत्ते थिये सेह् सिर्फ यीशु थिया। ![](https://cdn.door43.org/obs/jpg/360px/obs-en-36-07.jpg) यीशु अते सेह् तिन्न चेल्ले उस पहाड़ का वापस थल्ले उतरी आए। तां यीशु ने उन्हा जो बोल्लेया, “अब्बे जे इत्ते होया उसेरी चर्चा कुस्की कने मत करदे। मैं जल्दी हो मरणे वाला है अते फिरी जिंदा होई जाणा। उसेरे बाद, तुसी मणुआंं जो दस्सी सकदे हिन|” मत्ती अध्याय 17:1-9; मरकुस 9:2-8; लूका 9:28-36 से एक बाइबल की कहानी मत्ती अध्याय 17:1-9; मरकुस 9:2-8; लूका 9:28-36 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_36_128kbps.m4a ## 37. यीशु लाजर जो मरेयां रे विच्च का जिंदा करदा https://openbiblestories.org/l/cdh/story-37/ ![](https://cdn.door43.org/obs/jpg/360px/obs-en-37-01.jpg) लाजर नां रा इक्क मणू थिया। उसेरी दो भैणा थी जिन्हेरे नां मरियम अते मार्था थिया। सेह् सब यीशु रे पक्के दोस्त थिये। इक्क दिन, कुस्की ने यीशु जो दस्सेया कि लाजर बड़ा बमार थिया। जां यीशु ने ए सुणेया ता उनिये बोल्लेया, “ए बमारी लाजर रे मरणे कने खत्म नी हूणी। इसेरे बजाए, ए मणुआं जो परमेश्वर री इज्जत करणे तांइ प्रेरित करणी।” ![](https://cdn.door43.org/obs/jpg/360px/obs-en-37-02.jpg) यीशु अपणे दोस्तां कने प्यार करदा थिया, पर जित्ते सेह् थिया उत्ते उनिये दो दिनां तांइ इन्तेजार कित्तेया। उन्ना दो दिनां रे बाद, उनिये अपणे चेल्लेयां जो बोल्लेया, “आओ, वापस यहूदिया जो चलण।” चेल्लेयां ने जवाब दित्तेया, “पर ओ गुरु, हल्ले किच्छ ही वक्त पैल्ले उत्ते रे मणू तिज्जो मारी दैणा चांह्दे थिये!” यीशु ने बोल्लेया, “असां रा दोस्त लाजर सोई गेया है, अते मिंजो उस्सो जगाणा है।” ![](https://cdn.door43.org/obs/jpg/360px/obs-en-37-03.jpg) यीशु रे चेल्लेयां ने जवाब दित्तेया, “ओ प्रभु, अगर लाजर सोया करदा है, ता तिसने ठीक होई जाणा।” तां यीशु ने उन्हा जो साफ- साफ बोल्ली दित्तेया, “लाजर मरी गेया है। मैं खुस है कि मैं उत्ते नी थिया, ताकि तुसी मेरे पर भरोसा करी सको।” ![](https://cdn.door43.org/obs/jpg/360px/obs-en-37-04.jpg) जां यीशु लाजर रे ग्रां पुज्जेया तां लाजर जो मरे रे चार दिन होई चुक्के रे थिये। मार्था यीशु का मिलणे तांइ बार आई अते बोलणे लगी, “ओ प्रभु, अगर तू इत्ते हूंदा ता मेरा भाई नी मरदा। पर मैं भरोसा करदी है कि जे किच्छ भी तू परमेश्वर का मंगगा सेह् तिज्जो देई दैणा।” ![](https://cdn.door43.org/obs/jpg/360px/obs-en-37-05.jpg) यीशु ने जवाब दित्तेया, “मुर्देयां का जिंदे हूणा अते जिंदगी मैं ही है। जे कोई मेरे पर भरोसा करदा है अगर सेह् मरी भी जाए तां भी तिसने जिंदा रैंह्णा। जे कोई मेरे पर भरोसा करदा है तिसने कदी नी मरणा। कै तू इस पर भरोसा करदी?” मार्था ने जवाब दित्तेया, “ओ प्रभु, मैं भरोसा करदी कि तू परमेश्वर रा मुंडा मसीह है।” ![](https://cdn.door43.org/obs/jpg/360px/obs-en-37-06.jpg) तां मरियम आई। उनिये यीशु रे पैरां पर गिरी करी बोल्लेया, “ओ प्रभु, अगर तू इत्ते हूंदा ता मेरा भाई नी मरदा।” यीशु ने उसका पुच्छेया, “तुसा ने लाजर जो कुत्ते रख्खेया है?” उन्हा ने उस्सो दस्सेया, “कब्र विच्च। आ अते दिख्खी लै।” तां यीशु रोणा लगेया। ![](https://cdn.door43.org/obs/jpg/360px/obs-en-37-07.jpg) सेह् कब्र इक्क गुफा थी जिसेरे दवार पर इक्क पत्थर जो रख्खे रा थिया। जां यीशु कब्र का पुज्जेया ता उनिये उन्हा जो बोल्लेया, “पत्थर जो हटाई देयो।” पर मार्था ने बोल्लेया, “उस्सो मरे रे चार दिन होई चुक्के रे हिन। उस विच्च का बदबू हूणी आंदी।” ![](https://cdn.door43.org/obs/jpg/360px/obs-en-37-08.jpg) यीशु ने जवाब दित्तेया, “कै मैं तुसा जो नी बोल्लेया थिया कि तुसी मेरे पर भरोसा करो ता परमेश्वर री सक्ति जो दिख्खगे?” इधेरे तांइ उन्हा ने पत्थर जो हटाई दित्तेया। ![](https://cdn.door43.org/obs/jpg/360px/obs-en-37-09.jpg) तां यीशु ने उप्पर स्वर्ग रे पास्से दिख्खी करी बोल्लेया, “ओ पिता, मेरी सुणने तांइ मैं तेरा धन्यवाद करदा। मैं जाणदा कि तू हमेसा मेरी सुणदा है, पर मैं ए इत्ते खड़े रे इन्हा सारे मणुआं री मदत करणे तांइ बोल्लेया ताकि ए भरोसा करे कि तू ही मिंजो भेज्जेया है।” तां यीशु ने आवाज लगाई, “ओ लाजर, बार आई जा!” ![](https://cdn.door43.org/obs/jpg/360px/obs-en-37-10.jpg) इधेरे तांइ लाजर बार निकली आया! सेह् हल्ले भी कफन विच्च लिपटे रा थिया। यीशु ने उस्सो बोल्लेया, “इस जो कफन विच्च का निकलणे विच्च उसेरी मदत करो अते उस्सो अजाद करो।” इस चमत्कार री वजह कने बड़े सारे यहूदियां ने यीशु पर भरोसा कित्तेया। ![](https://cdn.door43.org/obs/jpg/360px/obs-en-37-11.jpg) पर यहूदियां रे धर्मी अगुवे यीशु का जलणे लगे, इधेरे तांइ सेह् साजिस करणे तांइ इकठ्ठे होए कि कियां यीशु अते लाजर जो मारी दित्तेया जाए। यूहन्ना 11:1-46 से एक बाइबल की कहानी यूहन्ना 11:1-46 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_37_128kbps.m4a ## 38. यीशु जो पकड़वाया जांदा। https://openbiblestories.org/l/cdh/story-38/ ![](https://cdn.door43.org/obs/jpg/360px/obs-en-38-01.jpg) हर साल, यहूदी मणू फसह रा तिहार मनांदे थिये। ए तिहार इधेरे तांइ मनाया जांदा थिया किजोकी केई शताब्दियां पैल्ले परमेश्वर ने उन्हेरे पुरखेयां जो मिस्र री गुलामी का छुड़ाया थिया। लगभग तिन्न साल रे बाद यीशु ने मणुआं रे विच्च प्रचार करणा अते सिक्सा दैणा सुरु कित्तेया। यीशु ने अपणे चेल्लेयां जो दस्सेया कि सेह् उन्हेरे कने यरूशलेम विच्च फसह रा तिहार मनाणा चांह्दा है अते ए भी कि तिसजो उत्ते मारी दित्तेया जाणा। ![](https://cdn.door43.org/obs/jpg/360px/obs-en-38-02.jpg) यीशु रे चेल्लेयां विच्च का इक्क यहूदा नां रा मणू थिया। यहूदा प्रेरितां रे पैसे री थैली जो सम्भालदा थिया, पर अक्सर सेह् उस थैली विच्च का पैसे निकाली लिंदा थिया। यीशु अते चेल्लेयां रे यरूशलेम पुज्जणे रे बाद यहूदा यहूदी प्रधान का गेया। उनिये पैसे रे बदले यीशु जो उन्हेरे हात्थ गिरफ्तार कराणे रा न्यौता रख्खेया। सेह् जाणदा थिया कि यहूदी अगुवे ए नी मंदे थिये कि यीशु मसीह थिया। सेह् जाणदा थिया कि सेह् उस्सो मारी रख्खणा चांह्दे हिन। ![](https://cdn.door43.org/obs/jpg/360px/obs-en-38-03.jpg) बड्डे परोत रे बोलणे पर यहूदी अगुवेयां ने यीशु जो उन्हेरे हात्थ गिरफ्तार कराणे तांइ यहूदा जो तीह् चाँदी रे सिक्के दित्ते। ए उस्सी तरिक्के कने होया जियां कि भविष्यद्वक्ता ने बोल्लेया थिया कि इयां हूणा। यहूदा मन्नी गेया अते पैसे लेई करी चली गेया। सेह् यीशु जो गिरफ्तार करणे विच्च उन्हेरी मदत करणे तांइ कुस्की मोके री भाल विच्च थिया। ![](https://cdn.door43.org/obs/jpg/360px/obs-en-38-04.jpg) यरूशलेम विच्च, यीशु ने अपणे चेल्लेयां कने फसह रा तिहार मनाया। फसह री धाम रे वक्त, यीशु ने रोटी लेई करी तोड़ी। उनिये बोल्लेया, “इस्सो लो अते खाओ। ए मेरा जिस्म है जे मैं तुसा तांइ दिंदा। इस्सो मेरी याद विच्च इयां ही करेयो।” इस तरिक्के कने, यीशु ने बोल्लेया कि सेह् उन्हेरे तांइ मारेया जाणा, मतलब उन्हेरे तांइ अपु जो बलि चढ़ाई दैणा। ![](https://cdn.door43.org/obs/jpg/360px/obs-en-38-05.jpg) फिरी यीशु ने इक्क अंगूर रे रास्स रा कटोरा लित्तेया अते बोल्लेया, “इस्सो पी लेयो। ए नौए वादे रा मेरा खून है जे कि मैं उंडेलगा ताकि परमेश्वर तुसा रे पाप्पा जो माफ करे। हर वरी इस्सो पिंदे वक्त मेरी याद विच्च इस्सो करो जे मैं अबे करेया करदा है।” ![](https://cdn.door43.org/obs/jpg/360px/obs-en-38-06.jpg) तां यीशु ने अपणे चेल्लेयां जो बोल्लेया, “तुसा विच्च इक्क जणे ने मिंजो गिरफ्तार करवाणा|” चेल्ले हैरान होई गे, अते पुच्छणा लगे कि कुण इदेया काम्म करगा। यीशु ने बोल्ल्लेया, “मिंजो गिरफ्तार करवाणे वाला मणू सेई है जिस्सो मैं ए रोटी रा टुकड़ा दिंग्गा। ”तां उनिये सेह् रोटी यहूदा जो दित्ती। ![](https://cdn.door43.org/obs/jpg/360px/obs-en-38-07.jpg) उस रोटी जो लैणे रे बाद, यहूदा विच्च शैतान आई गया। यहूदा उत्ते का निकली करी यीशु जो गिरफ्तार कराणे तांइ यहूदी अगुवेयां री मदत करणे जो चली गेया। ए रात रा वक्त थिया। ![](https://cdn.door43.org/obs/jpg/360px/obs-en-38-08.jpg) रोटी खाणे रे बाद, यीशु अते उसेरे चेल्ले जैतून पहाड़ पर चली गे। यीशु ने बोल्लेया, “तुसी सारेयां ने आज्ज रात्ती मिंजो छड्डी दैणा। ए लिख्खे रा है, ‘मैं पुहाल जो मारगा अते सारी भेड़ां तित्तर-बित्तर होई जाणी।’” ![](https://cdn.door43.org/obs/jpg/360px/obs-en-38-09.jpg) पतरस ने जवाब दित्तेया, “भले ही बाकी सब तुसा जो छड्डी देण, पर मैं तुसा जो नी छड्डी सकदा!” तां यीशु ने पतरस जो बोल्लेया, “शैतान तुसा सारेयां जो लैणा चांह्दा है, पर ओ पतरस, मैं तेरे तांइ प्रार्थना कित्ती है कि तू भरोसा करणे का पिच्छे ना हटे। फिरी भी, आज्ज री रात, मुर्गे री बांग दैणे का पैल्ले तू तिन्न बारी मेरा इन्कार करणा कि तू मिंजो जाणदा भी नी है।” ![](https://cdn.door43.org/obs/jpg/360px/obs-en-38-10.jpg) पतरस ने तां यीशु जो बोल्लेया, “भले ही मैं मरी जां, मैं कदी भी तेरा इन्कार नी करणा!” बाकी रे सब चेल्लेयां ने भी एई बोल्लेया। ![](https://cdn.door43.org/obs/jpg/360px/obs-en-38-11.jpg) तां यीशु अपणे चेल्लेयां कने गतसमनी नां री जगह पर गेया। यीशु ने अपणे चेल्लेयां कने प्रार्थना करणे तांइ बोल्लेया ताकि शैतान उन्हेरा इन्तेहाम ना लें। तां यीशु अपु प्रार्थना करणे चली गेया। ![](https://cdn.door43.org/obs/jpg/360px/obs-en-38-12.jpg) यीशु ने तिन्न वरी प्रार्थना कित्ती, “ओ मेरे प्यो, अगर होई सके तां मेहरबानी करी के ए दुख रा प्याला मिंजो पीणे तांइ मत दे। पर अगर मणुआं रे पाप माफ कित्ते जाणे तांइ कोई होर रस्ता नी है, ता तेरे ही मर्जी पूरी हो।” यीशु बड़ा जादा घबराए रा थिया अते उसेरा पसीना खून री बूंदां सांइ थिया। उस्सो सक्ति दैणे तांइ परमेश्वर ने इक्क स्वर्गदूत भेज्जेया। ![](https://cdn.door43.org/obs/jpg/360px/obs-en-38-13.jpg) हर वरी प्रार्थना करणे रे बाद, यीशु अपणे चेल्लेयां का वापस आया, पर सेह् सब सोई गे थिये। जां यीशु तिज्जी वरी वापस आया ता यीशु ने बोल्लेया, “जागी जाओ! मिंजो गिरफ्तार करवाणे वाला इत्ते है।” ![](https://cdn.door43.org/obs/jpg/360px/obs-en-38-14.jpg) यहूदी अगुवेयां, सपाहियां, अते इक्क बड़ी बड्डी भीड़ कने यहूदा आया। उन्हा ने तलवारां अते सोठ्ठियां लित्ते री थी। यहूदा ने यीशु रे नेड़े आई करी बोल्लेया, “ओ गुरु, नमस्ते,” अते उस्सो सुन्ना दित्तेया। उनिये ए इधेरे तांइ कित्तेया ताकि अगुवेयां जो पता चली जाए कि कुस्सो गिरफ्तार कित्तेया जाणा है। तां यीशु ने बोल्लेया, “ओ यहूदा, कै तू मिंजो इक्क सुन्ने कने गिरफ्तार करवाया करदा है?” ![](https://cdn.door43.org/obs/jpg/360px/obs-en-38-15.jpg) जां सेह् सिपाही यीशु जो पकड़ेया करदे थिये, ता पतरस ने अपणी तलवार कडी अते बड्डे परोत रे इक्क सेवक रा कान्न कटी दित्तेया। यीशु ने बोल्ल्लेया, “तलवार जो दूर रख्ख! मैं अपणे प्यो का अपणा बचाव करणे तांइ इक्क स्वर्गदूतां री सेना तांइ बिनती करी सकदा। पर मिंजो मेरे प्यो री गाल्ल मनणी है।” तां यीशु ने उस मणू रे कान्न जो ठीक करी दित्तेया। तां सारे चेल्ले नह्सी गे। मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से एक बाइबल की कहानी मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_38_128kbps.m4a ## 39. यीशु पर मुकद्दमा चलदा https://openbiblestories.org/l/cdh/story-39/ ![](https://cdn.door43.org/obs/jpg/360px/obs-en-39-01.jpg) अवे ए अध्धी रात्ती रा वक्त थिया। सेह् सपाही यीशु जो बड्डे परोत रे घरे लेई आए, किजोकी सेह् यीशु का सवाल करणा चांह्दे थिये। पतरस दूर का उन्हेरा पिच्छा करेया करदा थिया। जां सपाही यीशु जो घर विच्च लेई गे, ता पतरस बार रुकी करी अपु जो आग्ग कने गरम करणे लग्गेया। ![](https://cdn.door43.org/obs/jpg/360px/obs-en-39-02.jpg) घर रे अंदर, यहूदी अगुवेयां ने यीशु पर मुकद्दमा चलाया। सेह् उसेरे खिलाफ झूठ्ठी गल्लां बोलणे तांइ बड़े सारे झूठ्ठे गवाह जो लेई करी आए। बल्कि, उन्हेरी गल्लां इक्क दुज्जे कने सहमत नी थियां, इधेरे तांइ यहूदी अगुवे ए साबित नी करी पाए कि सेह् कुस गाल रा दोषी थिया। यीशु ने किच्छ नी बोल्लेया। ![](https://cdn.door43.org/obs/jpg/360px/obs-en-39-03.jpg) आखरी विच्च, बड्डे परोत ने सिद्दे यीशु रे पास्से दिख्खी करी बोल्लेया, “असा जो दस्स कि तू ही जिंदे परमेश्वर रा मुंडा मसीह है?” ![](https://cdn.door43.org/obs/jpg/360px/obs-en-39-04.jpg) यीशु ने बोल्लेया, “मैं ही है, अते तुसी मिंजो परमेश्वर कने बैठ्ठे रे अते स्वर्ग का आंदे होए भी दिख्खणा|” बड्डे परोत ने अपणे कपड़े फाड़ी दित्ते किजोकी जे यीशु ने बोल्लेया सेह् उस गाल्ल पर बड़ा गुस्सा थिया। सेह् होर अगुवेयां पर चिल्लाया, “असा जो ए दस्सणे तांइ कुस्की होर गवाह री जरूरत नी है कि इस मणू ने कै कित्तेया है! तुसा ने अपणे आप्प ही ए गाल्ल बोलदे सुणेया है कि सेह् परमेश्वर रा मुंडा है। उसेरे बारे विच्च तुसा रा कै फैसला है?” ![](https://cdn.door43.org/obs/jpg/360px/obs-en-39-05.jpg) सारे यहूदी अगुवेयां ने बड्डे परोत जो जवाब दित्तेया, “सेह् मरणे रे लायक है!” तां उन्हा ने यीशु री हाख्खियाँ पर पट्टी बह्न्नी दित्ती, उस पर थुक्केया, उस्सो मारेया, अते उसेरा मजाक उड़ाया। ![](https://cdn.door43.org/obs/jpg/360px/obs-en-39-06.jpg) अते पतरस, जां सेह् घर का बार इन्तेजार थिया करदा। तां इक्क दासी जनानी ने उस्सो दिख्खेया। उनिये उस्सो बोल्लेया, “तू भी यीशु कने थिया!” पतरस ने मन्हा करी दित्तेया। बाद विच्च, कुस्की होर कुड़ी ने इस्सी गाल्ल जो बोल्लेया, अते पतरस ने फिरी का मन्हा करी दित्तेया। आखरी विच्च, किच्छ मणुआं ने बोल्लेया, “असी जाणदे हिन कि तू यीशु कने थिया किजोकी तुसी दोन्नों गलील का हिन।” ![](https://cdn.door43.org/obs/jpg/360px/obs-en-39-07.jpg) तां पतरस ने बोल्लेया, “अगर मैं इस मणू जो जाणदा हूंदा ता परमेश्वर मिंजो श्राप दे!” पतरस री इदेयी शपत खाणे रे इक्क दम बाद ही, इक्क मुर्गे ने बांग दित्ती। यीशु ने पिच्छे मुड़ी करी पतरस जो दिख्खेया। ![](https://cdn.door43.org/obs/jpg/360px/obs-en-39-08.jpg) पतरस उत्ते का चली गेया अते जोरे-जोरे रोया| उस्सी वक्त, यीशु जो गिरफ्तार करवाणे वाला यहूदा ने दिख्खेया कि यहूदी अगुवेयां ने यीशु जो मौत री सजा सुणाई दित्ती। यहूदा बड़ा दुखी होई गेया अते जाई करी अपणे आप जो मारी दित्तेया। ![](https://cdn.door43.org/obs/jpg/360px/obs-en-39-09.jpg) अवे उस देस रा राज्यपाल पिलातुस थिया। सेह् रोम तांइ काम्म करदा थिया। यहूदी अगुवे यीशु जो उसका लेई आए। सेह् चांह्दे थिए कि पिलातुस उस्सो मोत री सजा दे अते उस्सो मारी रख्खे। तां पिलातुस ने यीशु का पुच्छेया, “कै तू यहूदियां रा राज्जा है?” ![](https://cdn.door43.org/obs/jpg/360px/obs-en-39-10.jpg) यीशु ने जवाब दित्तेया, “तू सच्च ही है बोल्लेया करदा। पर मेरा राज्य इत्ते धरती रा नी है। अगर हूंदा ता मेरे दास मेरे तांइ युद्ध करदे। मैं धरती पर परमेश्वर रे बारे विच्च सच्च बताणे तांइ आया। हर इक्क जन जे सच्च कने प्यार करदा है सेह् मेरी सुणगा।” पिलातुस ने बोल्लेया, “तां सच्च कै है?” ![](https://cdn.door43.org/obs/jpg/360px/obs-en-39-11.jpg) यीशु कने गाल्ल करणे का बाद, पिलातुस ने बार भीड़ का जाई करी बोल्लेया, “मैं इदेयी कोई वजह नी दिख्ख्दा कि इस मणू जो मारी दित्तेया जाए।” पर यहूदी अगुवेयां अते भीड़ ने चिल्लाई करी बोल्लेया, “उस्सो क्रूस पर चढ़ाई देयो!” पिलातुस ने जवाब दित्तेया, “सेह् किच्छ भी करणे रा दोषी नी है।” पर सेह् होर भी उच्ची अवाज विच्च चिल्लाणा लगे। तां पिलातुस ने तिज्जी वरी बोल्लेया, “सेह् दोषी नी है।” ![](https://cdn.door43.org/obs/jpg/360px/obs-en-39-12.jpg) पिलातुस डरी गेया कि सेह् भीड़ दंगे सुरु ना करी दे, इधेरे तांइ सेह् सपाहियां रे बोल्ले यीशु जो क्रूस पर चढ़ाणे तांइ मन्नी गेया। रोमी सपाहियां ने यीशु जो कोड़े मारे, अते उस्सो राज्जे रे कपड़े पुआए, अते उसेरे सर पर कंडेयां कने बणे रा मुकुट रख्खेया। तां सेह् ए बोल्ली करी मजाक उड़ाणा लगे, “दिख्खो यहूदियां रा राज्जा!” मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एक बाइबल की कहानी मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 बाइबल री इक्क कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_39_128kbps.m4a ## 40. यीशु जो सूली पर चढ़ाणा https://openbiblestories.org/l/cdh/story-40/ ![](https://cdn.door43.org/obs/jpg/360px/obs-en-40-01.jpg) यीशु मसीह रा मजाक बणाणे का बाद सैनिक तिसजो सूली चढ़ाणे तांइ लेई गे। तिन्हा तिसजो सूली चुकाई जिस पर सेह् मरणे वाला थिया। ![](https://cdn.door43.org/obs/jpg/360px/obs-en-40-02.jpg) सैनिक यीशु जो खोपड़ी नां री जगह पर लेई आये अते तिसरे पैरां अते हत्थां, सूली पर किल्लां ठोकी दित्तियां। पर यीशु ने बोलेया, "पिता इन्हा जो माफ कर, किजोकी ए नी जाणदे की ए कै हिन करदे।" तिन्हा ने सूली पर तिसेरे सरा पर इक्क निसान बणाया, जे बोलदा, " यहूदियां रा राजा"। पिलातुस ने तिन्हा जो ए लिखणे तांइ बोल्लेया थिया। ![](https://cdn.door43.org/obs/jpg/360px/obs-en-40-03.jpg) फिरी सैनिकां ने यीशु रे कपड़ेयां तांइ जुआ खेलया। जिस बेल्ले तिन्हा ने इयां कित्तेया, तिन्हा ने इक्क भविष्यवाणी पूरी करी दित्ती जे ए बोलदी थी, "तिन्हा ने मेरे कपड़े बंड्डी लैणे अते मेरे कपड़ेयां तांइ जुआ खेलणा।" ![](https://cdn.door43.org/obs/jpg/360px/obs-en-40-04.jpg) तित्ते दो डाकू भी थिये जिन्हा जो सैनिकां ने तिसी बेल्ले सूली ते चढ़ाया, तां यीशु रे दोन्नों पासे रख्खेया| तिन्हा विच्च का इक्क चोर ने यीशु रा मजाक बणाया, पर दुज्जे ने तिसजो बोलेया, " तू डरदा नी की परमेश्वर ने तिज्जो सजा दैणी? असी बुरे कम्मा जो करणे तांइ दोषी हिन, पर ए बेकसूर है।" फिरी तिनिये यीशु जो बोलेया, "छंदे मिंजो याद रख्खेयां, जिस बेल्ले तू अपणे राज्य विच्च राजा बणी जाणा।"| यीशु ने तिसजो जबाब दित्ता, "आज्ज ही तू मेरे कने स्वर्ग विच्च होणा।" ![](https://cdn.door43.org/obs/jpg/360px/obs-en-40-05.jpg) यहूदी अते भीड़ विच्च होर मणुआं ने यीशु रा मजाक पाया। तिन्हा ने तिसजो बोलेया, जे तू परमेश्वर रा पुत्तर है, ता सूली का उत्तरी आ अते अपणे आप जो बचायी ले। फिरी असी तेरे पर विश्वास करणा। ![](https://cdn.door43.org/obs/jpg/360px/obs-en-40-06.jpg) फिरी तिस जगह रे उप्पर रा सारा आसमान पूरा काला होई गेया, जदकी अद्दा दिन थिया होए रा। धियाड़ी न्यहारा होई गया अते त्रै घंटे तांइ न्यहारा होई गया ![](https://cdn.door43.org/obs/jpg/360px/obs-en-40-07.jpg) फिरी यीशु चिल्लाई उठया, "पूरा होई गया, पिता मैं अपणी आत्मा तेरे हत्थां दिंदा।" फिरी तिनिये अपणा सिर झुकाया अते अपणी आत्मा छड्डी दित्ती। जिस बेल्ले सेह् मरेया, ता मंदर विच्च इक्क हिल्लण आया, बड्डा पड़दा जे मणू जो परमेश्वर री हजूरी का अलग करदा थिया सेह् उप्पर का थल्ले तक फटी गेया। ![](https://cdn.door43.org/obs/jpg/360px/obs-en-40-08.jpg) अपणी मौत रे जरिए यीशु ने मणुआं तांइ परमेश्वर का आणे तांइ इक्क रस्ता खोली दित्ता। जिस बेल्ले इक्क सैनिक यीशु रा पैहरा थिया दिंदा तिसने सब किच्छ दिख्खया जे होया, अते तिसने बोल्लेया, " जरूर ए मणू बेकसूर थिया। ए परमेश्वर रा पुत्तर थिया।" ![](https://cdn.door43.org/obs/jpg/360px/obs-en-40-09.jpg) फिरी दो यहूदी युसूफ अते निकोदेमुस, पिलातुस का आये अते यीशु रे शरीर तांइ पुच्छणे लगे। तिन्हा ने विश्वास कित्ता की यीशु ही मसीह थिया। तिन्हा ने यीशु रा शरीर इक्क कपड़े विच्च लपेटेया, अते पत्थर विच्च का कट्टी करी बणाई गेई कबर का लेई गे अते तिस अन्दर रख्खी दित्ता। तिन्हा ने उस कबर रे मुँह जो बांद्द करणे तांइ इक्क बड्डा पत्थर रुलकाई दित्ता। मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी मत्ती 27:27-61 ; मरकुस 15:16-47; लुका 25: 26-56; यूहन्ना 19:17-47 का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_40_128kbps.m4a ## 41. परमेश्वर ने यीशु जो मुर्देयाँ विच्च का जिलाया https://openbiblestories.org/l/cdh/story-41/ ![](https://cdn.door43.org/obs/jpg/360px/obs-en-41-01.jpg) सैनिकां रा यीशु जो सूली चढ़ाणे का बाद यहूदियां ने पिलातुस जो बोल्लेया," तिस झूठ्ठे यीशु ने बोल्लेया थिया की तिसने त्रै दिनां बाद मुर्देयाँ विच्च का जी उठणा है। कुसकी जो कबर रा पैहरा दैणा चंहिदा, ए पक्का करणे तांइ की तिसेरे चेल्ले तिसेरे शरीर जो ना चोरी लेई जाण। जे तिन्हा ने इंया कित्ता , तां तिन्हा ने बोलणा यीशु मुर्देयाँ विच्च का जिन्दा होई गेया।" ![](https://cdn.door43.org/obs/jpg/360px/obs-en-41-02.jpg) पिलातुस ने बोल्लेया," थोड़े सैनिक लेई जाई करी जिन्नी खरी तरहा होई सकदा तुसी कबर रा पैहरा देयो।" तां तिन्हा ने कबर रे दरवाज्जे रे पत्थर पर मौहर लगायी दित्ती। तित्ते तिन्हा ने सिपाई भी रख्खे ताकि कोई शरीर जो चोरी करी ना लेई जाए। ![](https://cdn.door43.org/obs/jpg/360px/obs-en-41-03.jpg) जिस दिन यीशु मरेया, सेह् सब्त रा दिन थिया। कोई भी सब्त रे दिन किच्छ भी काम्म नी करदा थिया, ता यीशु रा कोई भी मितर कबर का नी गेया | पर सब्त रे बाद अगले दिन बड़े तड़के, किच्छ जनानियाँ यीशु री कबर का जाणे जो तियार होईं गेइयां। सेह् तिसेरे शरीर पर होर बी मसाले लगाणा चांह्दी थियां। ![](https://cdn.door43.org/obs/jpg/360px/obs-en-41-04.jpg) जनानियाँ का आणे का पैल्ले, कबर पर इक्क बड़ा बड्डा हिल्लण आया। इक्क स्वर्गदूत स्वर्ग का आया। तिसने कबर रे पत्थर जो रुलकाई दित्ता जे कबर जो बांद्द करणे तांइ थिया अते तिस पर बेई गेया। स्वर्गदूत बिजली सांइ थिया चमकदा। कबर का खड़ितेरे सैनिकां ने तिसजो दिख्खेया, सेह् इतने डरी गे की सेह् मुर्दे मणू सांइ जमीन पर पेई गे। ![](https://cdn.door43.org/obs/jpg/360px/obs-en-41-05.jpg) जिस बेल्ले जनानियाँ कबर का आईयां, स्वर्गदूत ने तिन्हा जो बोलेया, " डरो मत। यीशु इत्ते नी है। सेह् मुर्देयाँ विच्च का जिन्दा होई गेरा है, जियां तिसने बोलया थिया। कबर रे अन्दर दिख्खो।" जनानियाँ ने कबर रे अन्दर जाई करी दिख्खेया जिते यीशु रा शरीर थिया लेटे रा। तिसेरा शरीर तित्ते नी थिया। ![](https://cdn.door43.org/obs/jpg/360px/obs-en-41-06.jpg) फिरी स्वर्गदूत ने तिन्हा जो बोल्लेया, जाओ अते चेल्लेयां जो बोल्लो, " यीशु मुर्देयाँ विच्च का जिन्दा होई गेया अते तिसने तुसा रे अग्गे गलील जो जाणा।" ![](https://cdn.door43.org/obs/jpg/360px/obs-en-41-07.jpg) जनानियाँ बड़ी हैरान अते खुसी कने भरी थियां गेरी। सेह् चेल्लेयां जो खुशखबरी सुणाणे तांइ दौड़ी गेईयां। ![](https://cdn.door43.org/obs/jpg/360px/obs-en-41-08.jpg) जां जनानियाँ अपणे रस्ते पर थियां, चेल्लेयां जो खुशखबरी सुणाणे तांइ, यीशु तिन्हा जो लिब्बेया| सेह् तिसेरे पैरां पेई गेइयां। फिरी यीशु ने बोल्लेया, "डरो मत। जाओ अते मेरे चेल्लेयां जो बोल्लो की गलील जो जाओ। मै तिन्हा जो तित्ते मिलणा।" मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी मत्ती 27:27-62-28:15 ; मरकुस 16:1-11; लुका 24: 1-17; यूहन्ना 20:1-18 का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_41_128kbps.m4a ## 42. यीशु रा स्वर्ग जो वापस जाणा https://openbiblestories.org/l/cdh/story-42/ ![](https://cdn.door43.org/obs/jpg/360px/obs-en-42-01.jpg) इक्क दिन जां परमेश्वर ने यीशु जो मुर्देयाँ विच्च का जिन्दा कित्तेया थिया, तिसेरे चेल्लेयां विच्च का दो जणे नेड़े रे ग्रां जो थिये चले रे। सेह् यीशु रे बारे विच्च गल्ला करदे जाया करदे थिये कि कै होया। उन्हा जो उम्मीद थी की सेह् मसीह थिया, पर फिरी भी सेह् मारी रख्खेया गेया थिया। अवे सेह् जनानियाँ बोलदी हिन की सेह् फिरी का जिन्दा होई गेया है।| सेह् नी जाणदे थिये की कुस गाल्ल पर विश्वास करणा। ![](https://cdn.door43.org/obs/jpg/360px/obs-en-42-02.jpg) यीशु तिन्हा का पुज्जेया अते तिन्हा कने चलणा लगेया, पर तिन्हा ने तिसजो नी पछाणेया। तिसने तिन्हा जो पुच्छेया की सेह् कै गल्लां हिन करदे। तिन्हा ने तिसजो सारी गल्लां दस्सियां जे किच्छ भी यीशु कने पिछले दिन होया। तिन्हा ने सोच्चेया सेह् कुस्की परदेसी कने गल्लां हिन करदे जिसजो किच्छ नी पता की यरुशलेम विच्च कै होया। ![](https://cdn.door43.org/obs/jpg/360px/obs-en-42-03.jpg) फिरी यीशु ने तिन्हा जो समजाया की परमेश्वर रा वचन यीशु रे बारे विच्च कै बोलदा। बड़े पैल्ले भविष्यवक्ता ने बोल्लेया की बुरे मणुआं ने यीशु जो बड़ा सताणा अते तिसने मरी जाणा। पर भविष्यवक्ता ने ए भी बोल्लेया थिया की तिसने तिज्जे दिन जिन्दा होई जाणा। ![](https://cdn.door43.org/obs/jpg/360px/obs-en-42-04.jpg) जिस बेल्ले सेह् अपणे सैह्र जो पुज्जे जित्ते सेह् दोन्नो मणू रैह्णा चांह्दे थिये, सांज्ज थी होई चले री। तिन्हा ने यीशु जो अपणे कने रैह्णे जो सद्देया, तां यीशु तिन्हा कने घर विच्च गेया। सेह् संज्जा री रोटी खाणे तांइ बेई गे| यीशु ने इक्क रोटी लेई, परमेश्वर रा धन्यावाद कित्ता अते तोड़ी। उसी बेल्ले तिन्हा जो ए महसूस होया की ए यीशु है| पर तिस्सी बेल्ले सेह्, तिन्हेरे सामणे का गायब होई गया। ![](https://cdn.door43.org/obs/jpg/360px/obs-en-42-05.jpg) फिरी सेह् दो जणे इक्क दुए जो बोलणा लगे, "सेह् ता यीशु थिया। इस तांइ असी बड़े उत्साहित थिये जिस बेल्ले तिसने असा जो परमेश्वर रा वचन समजाया।" झाट्ट सेह् यरुशलेम वापस जाणे जो निकली गे। जिस बेल्ले सेह् पुज्जे तिन्हा ने चेल्लेयां जो बोल्लेया, "यीशु जिन्दा है। असा ने तिसजो दिख्खेया!" ![](https://cdn.door43.org/obs/jpg/360px/obs-en-42-06.jpg) चेल्ले गल्लां ही करदे थिये, यीशु कमरे विच्च तिन्हा सामणे उन्हेरे कने आई गेया| तिसने बोल्लेया, तुसा जो सांति मिल्ले।" चेल्लेयां ने सोच्चेया सेह् कोई भुत है, पर यीशु ने बोल्लेया, तुसी" किजो हिन डरदे? तुसी ए किजो नी सोचदे की सच्च अंदर मै है, यीशु? मेरे हत्थां अते पैरां जो दिख्खो।" भूतां रा शरीर इदेया नी हूंदा, जिदेया मेरा है। तिन्हा जो ए दसणे तांइ की सेह् भूत नी है, तिसने तिन्हा का किच्छ खाणे तांइ मंगेया। तिन्हा ने तिसजो मच्छी रा टुकड़ा दित्ता, अते तिसने खाया। ![](https://cdn.door43.org/obs/jpg/360px/obs-en-42-07.jpg) यीशु ने बोल्लेया," जे किच्छ भी परमेश्वर रा वचन मेरे बारे बोलदा सेह् होणा।" फिरी यीशु ने तिन्हा जो परमेश्वर रा वचन अच्छी तरह समजाया। तिसने बोल्लेया," बड़े पैल्ले भविष्यवक्ता ने लिख्खेया की मैं, जे मसीह है, ने दुख उठाणा, मरणा अते मुर्देयां विच्च का तिज्जे दिन जी उठणा।" ![](https://cdn.door43.org/obs/jpg/360px/obs-en-42-08.jpg) भविष्यवक्ता ने ए भी लिख्खेया थिया की मेरे चेल्लेयां ने परमेश्वर रा वचन सुनाणा। तिन्हा ने हर इक्क जो मन फिराणे तांइ बोलणा। जे तिन्हा ने मन फिराया ता परमेश्वर ने तिन्हेरे पाप माफ करी दैणे। मेरे चेल्लेयां ने ए बसेख यरुशलेम विच्च सुणाणा शुरू करणा। तिन्हा ने सारे मणुआं रे झुण्ड का सब जगह जाणा। जे किच्छ भी मैं बोल्लेया अते कित्तेया, अते जे किच्छ भी मेरे कने होया, तुसी उन्हा सारी गल्लां रे गवाह हिन| ![](https://cdn.door43.org/obs/jpg/360px/obs-en-42-09.jpg) 40 दिनां तांइ सेह्, मती बारी अपणे चेल्लेयां जो लिब्बदा रेह्या| इक्क बारी सेह् इकठे 500 मणुआं जो लिब्बेया| मते तरिकेयां कने तिसने अपणे चेल्लेयां जो समजाया की सेह् जिन्दा थिया, अते तिसने परमेश्वर रे राज्य रे बारे तिन्हा जो सिखाया। ![](https://cdn.door43.org/obs/jpg/360px/obs-en-42-10.jpg) यीशु ने अपणे चेल्लेयां जो बोल्लेया, "परमेश्वर ने मिन्जो हर इक्क पर, स्वर्ग विच्च अते धरती पर राज करणे रा हक्क है दित्ते रा। इधेरे तांइ मैं तुसा जो अवे बोलदा: जाओ अते सब जातियां विच्च चेल्ले बणाओ। ए करणे तांइ, तुसी तिन्हा जो पिता, पुत्र अते पवित्र आत्मा रे नां रा बपतिस्मा दैणा। तुसी तिन्हा सब गल्लां जो जे मैं तुसा जो हुकम दित्तेया है मनणे तांइ सिखाणा है| याद रख्खो, की मैं हमेशा तुसा कने है।" ![](https://cdn.door43.org/obs/jpg/360px/obs-en-42-11.jpg) यीशु रे जी उठणे रे 40 दिनां बाद, यीशु ने अपणे चेल्लेयां जो बोल्लेया, यरुशेलम विच्च रेह्यो, जां तक मेरा पिता तुसा जो सामर्थ नी दिन्दा। तिसने तुसा पर पवित्र आत्मा भेजी करी ए करणा है। फिरी यीशु स्वर्ग जो उप्पर चली गेया अते बद्दल ने तिसजो तिन्हेरी हाख्खियाँ का लुकाई लेया। यीशु स्वर्ग विच्च सारी चिज्जाँ पर राज करणे तांइ परमेश्वर रे सिद्दे हात्थ बैठे रा है। मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 से एक बाइबल की कहानी मत्ती 28:16-20 ; मरकुस 16:12-20; लुका 24:13-53; यूहन्ना 20:19-23; प्रेरितां रे काम्म 1:1-11 विच्च का बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_42_128kbps.m4a ## 43. कलीसिया री शुरुआत https://openbiblestories.org/l/cdh/story-43/ ![](https://cdn.door43.org/obs/jpg/360px/obs-en-43-01.jpg) यीशु रे स्वर्ग वापस जाणे का बाद, चेल्ले यरुशलेम विच्च ही रुके जियां यीशु ने तिन्हा जो करणे तांइ बोल्लेया थिया। तित्ते रे विश्वासी मणू लगातार प्रार्थना करणे तांइ इकट्ठा होया करदे थिये। ![](https://cdn.door43.org/obs/jpg/360px/obs-en-43-02.jpg) हर साल, फसह रे तिहार रे 50 दिनां बाद, यहूदी इक्क खास दिन मनांदे थिये,जिसजो पिन्तेकुस्त बोलदे थिये। पिन्तेकुस्त ओ बेल्ला हूंदा थिया जिस बेल्ले यहूदी कणक री फसल रा तिहार मनांदे थिये यहूदी दुनियां रे हर कोणे का पिन्तेकुस्त जो इकठ्ठे मनाणे तांइ यरूशलेम आए रे थिये। इस साल, पिन्तेकुस्त जो मनाणे रा वक्त लगभग यीशु रे स्वर्ग जो चली जाणे रे इक्क हफ्ते का बाद आया। ![](https://cdn.door43.org/obs/jpg/360px/obs-en-43-03.jpg) जिस बेल्ले सारे विश्वासी इकठ्ठे थिए, चाण-चक्के घर विच्च जित्ते कठितेरे थिये बड़ी जोर री तेज हवा सांइ अवाज कने भरी गेया। फिरी किच्छ आग्ग री जिब्ब सांइ सारे विश्वासियां रे सरा पर आई करी ठैहरी गेई। सेह् सारे पवित्र आत्मा कने भरी गे अते अलग बोल्ली विच्च परमेश्वर री स्तुति करणा लगे। सेह् ए बोलियां नी जाणदे थिये, पर ए सेह् बोलियां थियां जे पवित्र आत्मा री मदत कने बोलदे थिये। ![](https://cdn.door43.org/obs/jpg/360px/obs-en-43-04.jpg) जिस बेल्ले यरूशलेम रे मणुआं ने ए अवाज सुणी, सेह् सारे इकठ्ठे होई करी भीड़ बणाई करी दिख्खणे जो आये कि कै होया करदा है। तिन्हा ने सुणेया कि विश्वासी परमेश्वर रे जरिए कित्ते रे बड्डे- बड्डे कम्मां जो बोलेया हिन करदे। सेह् हैरान थिये किजोकी सेह् समजी सकदे थिये कि मणू परमेश्वर रे काम्म रे बारे अपणी बोली विच्च थिये सुणदे। ![](https://cdn.door43.org/obs/jpg/360px/obs-en-43-05.jpg) किच्छ मणुआं ने बोल्लेया कि इन्हा चेल्लेयां ने पीत्ते री है। पर पतरस खड़ा होया अते तिन्हा जो बोल्लेया, “मेरी गाल्ल सुणो। इन्हा मणुआं ने नी है पित्ते री। इसेरे अलावा, जे तुसी दिख्खेया हिन करदे भविष्यवक्ता योएल ने बोल्लेया थिया कि इयां होणा है। परमेश्वर ने बोल्लेया, ‘आखरी दिनां विच्च मैं अपणा पवित्र आत्मा उंडेलगा।’” ![](https://cdn.door43.org/obs/jpg/360px/obs-en-43-06.jpg) “इस्राएल रे मणुओं, यीशु ओ मणू थिया जिसने महान काम्म कित्ते ए दसणे तांइ कि सेह् कुण थिया। तिसने परमेश्वर री सामर्थ कने बड़े सारे गजब रे काम्म कित्ते। तुसी ए जाणदे किजोकी तुसा ने इन्हा चिज्जाँ जो दिख्खेया। पर तुसा ने तिसजो सूली चढ़ाई दित्ता।” ![](https://cdn.door43.org/obs/jpg/360px/obs-en-43-07.jpg) “यीशु मरी गेया पर परमेश्वर ने तिसजो मुर्देयां विच्च का जिंदा करी दित्तेया। ए सच्च होई गेया जे इक्क भविष्यवक्ता ने लिख्खेया थिया। तू अपणे पवित्र जन जो कबर विच्च नी सड़णा दैणा। असी गवाह हिन कि परमेश्वर ने यीशु जो फिरी का जिंदा कित्तया।” ![](https://cdn.door43.org/obs/jpg/360px/obs-en-43-08.jpg) “परमेश्वर पित्ता ने अवे यीशु रा आदर कित्ता तिसजो अपणे सिद्दे हात्थ पास्से बिठाई करी। अते यीशु ने असा का पवित्र आत्मा भेजया जियां तिनिए वादा कित्तेया थिया कि करणा। पवित्र आत्मा रे जरिए ही ए सारी चिज्जाँ होया करदी हिन जे तुसी सुणी अते दिख्खेया करदे हिन।” ![](https://cdn.door43.org/obs/jpg/360px/obs-en-43-09.jpg) तुसी इस मणू यीशु जो सूली चढ़ाई दित्ता। पर ए जाणी लेयो कि परमेश्वर ने यीशु जो सारी चिज्जाँ पर प्रभु अते मसीह दोन्नों बणाया।” ![](https://cdn.door43.org/obs/jpg/360px/obs-en-43-10.jpg) जे मणू पतरस जो सुणेया करदे थिये बड़े प्रभावित होई करी अंदर तक हिल्ली गे जे गल्लां पतरस थिया बोलदा। तां तिन्हा ने पतरस अते चेल्लेयां जो पुच्छेया , “भाई, असा जो कै करणा चंहिदा?” ![](https://cdn.door43.org/obs/jpg/360px/obs-en-43-11.jpg) पतरस ने तिन्हा सारेयां जो जवाब दित्ता,” तुसा सारेयां जो चंहिदा कि परमेश्वर तुसा रे पाप्पां जो माफ करे। ता मन फिराओ अते तुसी सारे यीशु रे नां रा बपतिस्मा लेयो। फिरी परमेश्वर ने तुसा जो भी तोफे रे रुप विच्च पवित्र आत्मा दैणी।” ![](https://cdn.door43.org/obs/jpg/360px/obs-en-43-12.jpg) पतरस ने जे बोल्लेया उस पर लगभग 3000 मणुआं ने विश्वास कित्तेया अते यीशु रे चेल्ले बणी गे। तिन्हा ने बपतिस्मा लेया अते यरूशलेम री कलीसिया रा हिस्सा बणी गे। ![](https://cdn.door43.org/obs/jpg/360px/obs-en-43-13.jpg) विश्वासी लगातार सुणदे थिये जियां प्रेरित तिन्हा जो सिखांदे थिये। सेह् अकसर इकठ्ठे मिलदे थिये अते इकठ्ठे खांदे थिये अते सेह् अकसर इक्क दुज्जे तांइ प्रार्थना करदे थिये। सेह् परमेश्वर री आराधना इकठ्ठे करदे थिये अते जे किच्छ बी तिन्हा का हूंदा थिया इक्क दुज्जे कने बंडदे थिये। हर इक्क सैह्र विच्च तिन्हेरे बारे खरा सोचदे थिये। हर दिन जादा का जादा मणू विश्वास करदे थिये। प्रेरितों के काम 2 से एक बाइबल की कहानी प्रेरितां रे काम्म 1:12-14; 2 विच्च का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_43_128kbps.m4a ## 44. पतरस अते यूहन्ना रा बिखारी जो ठीक करणा https://openbiblestories.org/l/cdh/story-44/ ![](https://cdn.door43.org/obs/jpg/360px/obs-en-44-01.jpg) इक्क दिन पतरस अते यूहन्ना मंदर जो गे। इक्क पंगु आदमी फाटक का बेई करी भीख थिया मंगदा। ![](https://cdn.door43.org/obs/jpg/360px/obs-en-44-02.jpg) पतरस ने उस पंगु मणू जो दिख्खेया अते बोल्लेया, "मेरका तिज्जो दैणे तांइ कोई पैसा नी है। पर मैं तिज्जो ओ दैणा जे मेरका है। यीशु रे नां कने उठ अते चल।" ![](https://cdn.door43.org/obs/jpg/360px/obs-en-44-03.jpg) तिस्सी बेल्ले परमेश्वर ने तिस पंगु आदमी जो ठीक करी दित्ता। सेह् चलणा अते छाला मारणा लगेया। मंदर रे अंगणा विच्च खड़ितेरे मणू हैरान होई गे। ![](https://cdn.door43.org/obs/jpg/360px/obs-en-44-04.jpg) इकदम मणुआं री भीड़ उस मणू जो दिख्खणे तांइ आई जे ठीक कित्तेया गेया थिया पतरस ने तिन्हा जो बोल्लेया, ए मणू ठीक होई गेया पर इस गाल्ल पर हैरान मत हो। असा ने अपणी सामर्थ कने इसजो ठीक नी कित्ता, असी परमेश्वर रा आदर करदे। बल्कि ए यीशु है जिसने अपणी सामर्थ कने इस मणू जो ठीक कित्ता, किजोकी असी तिस पर विश्वास करदे।" ![](https://cdn.door43.org/obs/jpg/360px/obs-en-44-05.jpg) तुसी ओ हिन जिन्हा ने रोम री सरकार जो यिशु जो मारणे तांइ बोल्लेया। तुसा ने उस जो मारेया जे हर इक्क जो जीवन दिंदा। पर परमेश्वर ने तिसजो जिन्दा कित्तेया। तुसा जो समज नी आई की तुसी कै हिन करदे, पर जिस बेल्ले तुसा ने सेह् काम्म कित्ते, जे भविष्यवक्ता ने बोलेया थिया सेह् पूरा होई गेया| तिन्हा ने बोलेया मसीह ने दुख सैह्णा अते मरी जाणा। परमेश्वर ने इयां होणा दित्ता। ता अवे , मन फिराओ अते परमेश्वर रे पास्से मुड़ो, ताकि सेह् तुसा रे पापां जो धोई दे।" ![](https://cdn.door43.org/obs/jpg/360px/obs-en-44-06.jpg) जिस बेल्ले मंदर रे अगुवेयां ने पतरस अते यूहन्ना जो इयां बोलदे सुणेया, सेह् बड़े नराज होई गे। तां तिन्हा ने उन्हा जो पकड़ी लित्ता अते कैद विच्च पाई दित्ता। पर मते सारे मणुआं ने विश्वास कित्ता जे पतरस ने बोलेया थिया| जिन्हा ने यीशु पर विश्वास कित्ता सेह् लगभग 5,000 होई गे थिये। ![](https://cdn.door43.org/obs/jpg/360px/obs-en-44-07.jpg) अगले दिन यहूदियां ने पतरस अते यूहन्ना जो बड्डे परोता अते दुज्जे धर्म रे अगुवेयां का लेई गे। सेह् तिस मणू जो भी लियाये जे पंगु थिया। तिन्हा ने पतरस अते यूहन्ना जो पुच्छेया," कुस अधिकार कने तुसा ने इस पंगु मणू जो ठीक कित्तेया?" ![](https://cdn.door43.org/obs/jpg/360px/obs-en-44-08.jpg) पतरस ने उत्तर दित्तेया, "ए मणू जे तुसा रे सामणे है खड़ीतेरा ए यीशु मसीह है तिसेरी सामर्थ कने ठीक होया। तुसा ने यीशु जो सूली चढ़ाया, पर परमेश्वर ने तिसजो फिरी का जिन्दा करी दित्ता। तुसा ने तिसजो नकारेया, पर होर कोई रस्ता नी है बचणे रा सिवाए यीशु री सामर्थ रे।" ![](https://cdn.door43.org/obs/jpg/360px/obs-en-44-09.jpg) अगुवे हैरान होई गे की पतरस अते यूहन्ना निडर होई करी बोल्ले। तिन्हा ने दिख्खेया की ए मणू आम आदमी हिन अते अनपढ हिन| पर तिन्हा जो याद आया की ए मणू यीशु कने हूंदे थिये। तां तिन्हा उन्हा जो बोलेया, "असा ने तुसा जो बड़ी सजा दैणी जे तुसी यीशु नां रे मणू रा प्रचार कित्तया।" इदेई मती गल्ला बोलणे रे बाद तिन्हा ने पतरस अते यूहन्ना जो जाणे दित्तया। प्रेरितों के काम 3:1-4:22 से एक बाइबल की कहानी प्रेरिता रे काम्म 3-4:22 का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_44_128kbps.m4a ## 45. स्तिफनुस अते फिलिप्पुस https://openbiblestories.org/l/cdh/story-45/ ![](https://cdn.door43.org/obs/jpg/360px/obs-en-45-01.jpg) पैल्ले मसीही अगुवां विच्च का का इक्क मणू जिसेरा नां स्तिफनुस थिया। सारे तिसेरी इज्जत करदे थिये पवित्र आत्मा ने तिसजो मती सामर्थ अते बुद्धी दित्ती। स्तिफनुस ने मते चमत्कार कित्ते। मते मणुआं ने तिस पर विश्वास करणे जो सिखाया। ![](https://cdn.door43.org/obs/jpg/360px/obs-en-45-02.jpg) इक्क दिन स्तिफनुस यीशु रे बारे विच्च सिखाया करदा थिया, किच्छ यहूदी जे यीशु पर विश्वास नी करदे थिये आए अते तिस कने बैहस करणा लगी पेह्। सेह् बड़े गुस्से होई गे अते सेह् धार्मिक अगुवेयां का गे अते तिन्हेरे बारे विच्च झूठ बोल्ले। तिन्हा ने बोल्लेया, "असा ने स्तिफनुस जो मूसा अते परमेश्वर रे बारे गलत गल्लां बोलदे सुणेया।" तां धार्मिक अगुवेयां ने स्तिफनुस जो पकड़ी लेया अते तिन्हा जो बड्डे परोतां का अते दुज्जे यहूदियां का लेई आये। मते झूठे गवाह आए अते स्तिफनुस रे बारे विच्च झूठ बोलेया। ![](https://cdn.door43.org/obs/jpg/360px/obs-en-45-03.jpg) बड्डे परोत ने स्तिफनुस का पुच्छेया, "कै ऐ मणू तेरे बारे विच्च सच्च हिन बोलदे?" स्तिफनुस मती गल्लां बोलणा लगेया, बड्डे परोत जो जवाब दैणे तांइ। तिसने बोलेया की परमेश्वर ने मते अदभुत काम्म हिन कित्ते रे इस्राइलियां तांइ, अब्राहम रे वक्त का लेई करी यीशु रे वक्त तक। पर मणुआं ने हमेशा ही परमेश्वर रा हुकम नी मन्नेया। स्तिफनुस ने बोल्लेया , "तुसी मणू परमेश्वर तांइ ढीट अते विरोधी हिन। तुसा ने हमेशा पवित्र आत्मा जो नकारेया, जियां असा रे पुरखेयां ने हमेशा परमेश्वर जो नकारेया अते तिसेरे भविष्यवक्ता जो मारेया। पर तुसा ने तिन्हा का भी बुरा काम्म कित्ता। तुसा ने मसीह जो मारेया।" ![](https://cdn.door43.org/obs/jpg/360px/obs-en-45-04.jpg) जिस बेल्ले धार्मिक अगुवेयां ने ए सुणेया, सेह् इतणे गुस्सा होए की तिन्हा ने अपणी कन्नां जो बांद्द करी लित्तेया अते तिसजो जोरे बकणा लगे। तिन्हा ने स्तिफनुस जो धरीड़ी करी सैह्र का बार लेई गे अते उसजो मारणे तांइ तिस पर बट्टे मारे। ![](https://cdn.door43.org/obs/jpg/360px/obs-en-45-05.jpg) स्तिफनुस मरणे वाला थिया, सेह् चिल्लाई उठया, "यीशु मेरी आत्मा जो लेई ले।" सेह् गोड्डेयां रे भारे बेई गेया अते फिरी का चिल्लाया, “मालक इन्हा जो तू माफ कर।" फिरी से मरी गेया। ![](https://cdn.door43.org/obs/jpg/360px/obs-en-45-06.jpg) तिस दिन यरुशलेम विच्च मते मणुआं ने यीशु रे पिच्छे चलणे वालेयां जो सताणा शुरू करी दित्ता, तां सेह् विश्वासी दुज्जी जगह जो नह्सी गे| पर बजाये इसेरे जित्ते भी सेह् गे तिन्हा ने यीशु रा प्रचार कित्तेया। ![](https://cdn.door43.org/obs/jpg/360px/obs-en-45-07.jpg) इक्क वरी इक्क यीशु रा विश्वासी थिया जिसेरा नां फिलिप्पुस थिया| सेह् यरुशलेम का नह्सी गेया जियां दुज्जे विश्वासी थिए नह्सदे। सेह् सामरियां रे इलाके विच्च गेया जित्ते तिसने मते मणुआं विच्च यीशु रा प्रचार कित्तेया अते बड़े जणेया ने विश्वास कित्तेया अते उद्धार पाया। इक्क दिन परमेश्वर ने इक्क स्वर्गदूत जो फिलिप्पुस का भेजेया अते जिसजो जंगल विच्च जाणे जो बोलेया अते इक्क रस्ते पर जाणे जो बोलेया| फिलिप्पुस तिते गेया। जियां सेह् तिस रस्ते पर चलेया करदा थिया, तिसने इक्क आदमी अपणे रथ पर जांदे दिख्खेया। ए मणू कुश देश रा बड्डा अधिकारी थिया। पवित्र आत्मा ने फिलिप्पुस जो बोलेया जा अते तिस मणू कने गाल्ल कर। ![](https://cdn.door43.org/obs/jpg/360px/obs-en-45-08.jpg) इधेरे तांइ फिलिप्पुस तिस रथ का गेया। तिसने तिस कुश देश रे मणू जो परमेश्वर रा वचन पड़दे दिख्खेया। सेह् भविष्यवक्ता यशायाह ने जे लिखेरा थिया सेह् पढ़दा थिया| मणू ने पढ़ेया, "सेह् उसजो वध कित्ते जाणी वाली भेड़ सांइ लेई गेया, अते जियां भेडू शांत रैंह्दा, तिसने भी इक्क शब्द नी बोलेया। तिन्हा ने तिसा कने अन्याय कित्ता अते तिसदा अनादर कित्तेया। तिन्हा ने तिसजो मारी दित्तेया।" ![](https://cdn.door43.org/obs/jpg/360px/obs-en-45-09.jpg) फिलिप्पुस ने तिस कुशी जो पुच्छेया, "तिज्जो समज आया जे तू पढ़दा है?" अते कुशी ने बोलेया ना।" मैं नी समजी सकदा जां तक मिंजो कोई ना समजाये। छंदे मेरे कने बेई जा। कै यशायाह अपणे बारे विच्च है लिखदा की कुस्की होर रे बारे?" ![](https://cdn.door43.org/obs/jpg/360px/obs-en-45-10.jpg) फिलिपुस रथ विच्च बेई गेया। फिरी तिसने तिस कुशी जो बोलेया यशायाह ने यीशु रे बारे विच्च लिखेया है। फिलिप्पुस ने परमेश्वर रे होर भी वचनां रे बारे विच्च तिसजो दस्सेया। इंया ही तिसने तिस मणु जो यीशु रे बारे सुब बसेख दस्सेया। ![](https://cdn.door43.org/obs/jpg/360px/obs-en-45-11.jpg) जियां ही फिलिप्पुस अते सेह् कुशी जाया करदे थिए, सेह् इक्क पाणी वाली जगह का आये। कुशी ने बोलेया, "दिख, इत्ते पाणी है। कै मैं बपतिस्मा लेई लेयां?" अते तिसने रथ चलाणे वाले जो रथ रोकणे जो बोलेया। ![](https://cdn.door43.org/obs/jpg/360px/obs-en-45-12.jpg) ता सेह् पाणी विच्च गेय अते फिलिप्पुस ने कुशी जो बपतिस्मा दित्ता। तिन्हेरे पाणी रे बार आणे का बाद, पवित्र आत्मा फिलिप्पुस जो कुस्की होर जगह लेई गेया। तित्ते फिलिप्पुस मणुआं जो यीशु रे बारे विच्च दसदा रेह्या। ![](https://cdn.door43.org/obs/jpg/360px/obs-en-45-13.jpg) कुशी अपणे घर रे सफर पर अग्गे बड़ी गेया। सेह् खुश थिया की तिसने यीशु जो जाणेया। प्रेरितों के काम 6:8-8:5; 8:26-40 से एक बाइबल की कहानी प्रेरितों रे काम्म 6:8-8:5; 8:26-40 का इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_45_128kbps.m4a ## 46. शाऊल रा यीशु रा चेल्ला बनणा https://openbiblestories.org/l/cdh/story-46/ ![](https://cdn.door43.org/obs/jpg/360px/obs-en-46-01.jpg) इक्क वरी इक्क आदमी थिया जिसेरा नां शाऊल थिया सेह् यीशु पर विश्वास नी करदा थिया। जिस बेल्ले सेह् जुआन आदमी थिया तिसने उन्हा आदमियां रे कपड़ेयां री निगरानी कित्ती जिन्हा ने स्तिफनुस जो मारेया थिया। बाद विच्च तिसने विश्वासियां जो परेसान कित्तेया। सेह् यरूशलेम विच्च घरे-घरे जाई करी जनानी अते मरद दोन्नों जो कैद विच्च पाणे तांइ पकड़ी लिंदा थिया। फिरी बड्डे परोत ने शाऊल जो यीशु रे पिच्छे चलणे वालेयां जो पकड़ने जो बोल्लेया अते तिन्हा जो यरूशलेम विच्च वापस लियाणे जो बोलेया। ![](https://cdn.door43.org/obs/jpg/360px/obs-en-46-02.jpg) ता शाऊल ने दमिश्क जाणे रा सफर शुरू कित्ती। सैह्र पुज्जणे का थोड़े पेल्ले, आसमान विच्च इक्क तेज रौसनी तिसेरे चारों पास्से फैली गेई, अते सेह् जमीन पर भुइयां पेई गेया। शाऊल ने कुस्की जो ए बोलदे सुणेया, "शाऊल! शाऊल! तू मिंजो किजो परेसान है करदा?" शाऊल ने पुच्छेया, “ओ प्रभु, तुसी कुण हिन, यीशु ने उसजो जवाब दित्ता, "मैं यीशु है। तू मिंजो किजो परेसान करेया करदा है।" ![](https://cdn.door43.org/obs/jpg/360px/obs-en-46-03.jpg) जिस बेल्ले शाऊल उठेया, तिसजो किच्छ बी नी थिया लिब्बेया करदा। तिसेरे मित्र तिसजो दमिश्क जो लेई गे। शाऊल ने त्रै दिनां तांइ किच्छ बी नी खाया पीत्ता। ![](https://cdn.door43.org/obs/jpg/360px/obs-en-46-04.jpg) दमिश्क विच्च हनन्याह नां रा इक्क चेल्ला थिया। परमेश्वर ने तिसजो बोल्लेया, "उस घरे जा जीत्ते शाऊल रेह्या करदा है। अपणा हात्थ तिस पर रख्ख ताकि सेह् फिरी का दिख्खी सके।" पर हनन्याह ने बोलेया, "स्वामी मैं सुणे रा है की इस्स आदमी ने कियां विश्वासियां जो परेसान कित्तेया। परमेश्वर ने तिसजो उत्तर दित्ता ,"जा| मै तिसजो यहूदियां विच्च अपणा नां दसणे जो अते जे मणू दुज्जी जाति रे हिन तिन्हा जो अपणा नां दसणे तांइ तिसजो चुणे रा है। तिसने मेरे नां पर मती गल्लां पर सताव सैहणा है।" ![](https://cdn.door43.org/obs/jpg/360px/obs-en-46-05.jpg) तां हनन्याह शाऊल का गेया, अपणे हात्थ तिस पर रख्खे, अते बोलेया, यीशु ने, जिन्ने इत्ते आंदे बेल्ले रस्ते विच्च तेरे पर प्रकट होया, मिंजो तेरे का भेज्जेया की तू फिरी का दिख्खी सके, अते तिज्जो पवित्र आत्मा कने भरी दे।" तिस्सी बेल्ले शाऊल फिरी का दिख्खणा लगेया, अते हनन्याह ने तिसजो बपतिस्मा दित्ता। फिरी शाऊल ने रोटी खायी अते सामर्थ पाई। ![](https://cdn.door43.org/obs/jpg/360px/obs-en-46-06.jpg) तिसका बाद ही दमिश्क रे यहूदियां विच्च शाऊल ने प्रचार करणा शुरू करी दित्ता। तिसने बोलेया ,"यीशु परमेश्वर रा पुत्र है।" यहूदी हैरान रेह्ई गे किजोकी शाऊल विश्वासियां जो मारदा थिया अते अवे सेह् यीशु पर विश्वास करणा लगे। शाऊल ने यहूदियां कने बैहस कित्ती तिसने दस्सेया की यीशु ही मसीह थिया। ![](https://cdn.door43.org/obs/jpg/360px/obs-en-46-07.jpg) मते दिनां बाद यहूदियां ने शाऊल जो मारणे री तरकीब सोची। तिन्हा ने किच्छ मणू सैह्र रे फाटक का भेज्जे शाऊल पर नजर रख्खणे तांइ ताकि सेह् तिसजो मारी सकण। पर शाऊल ने तिन्हेरी तरकीब रे बारे सुणी लेया थिया अते तिसेरे मित्रां ने तिसजो तित्ते का नह्सणे तांइ मदत कित्ती। इक्क रात तिसेरे मित्रां ने तिसजो टोकरी विच्च पाई करी सैह्र री दुआल का थल्ले लटकाई दित्ता। शाऊल रे दमिश्क का नह्सणे का बाद, सेह् यीशु रे बारे विच्च प्रचार करदा रेह्या। ![](https://cdn.door43.org/obs/jpg/360px/obs-en-46-08.jpg) शाऊल प्रेरितां का मिलणे तांइ यरूशलेम गेया, पर सेह् उसका डरदे थिये। तां बरनबास नां रा इक्क विश्वासी शाऊल जो प्रेरितां का लेई गेया। उनिये उन्हा जो दस्सेया कि शाऊल ने कियां हिम्मत दस्सी करी दमिश्क विच्च प्रचार कित्तेया थिया। उसेरे बाद, प्रेरितां ने शाऊल जो अपनाई लित्तेया। ![](https://cdn.door43.org/obs/jpg/360px/obs-en-46-09.jpg) किच्छ विश्वासी जे यरुशलेम विच्च थिये अते सताव का नह्सी करी बड़ी दूर अन्ताकिया रे सैह्र जो चली गे अते यीशु रा प्रचार कित्ता। अन्ताकिया रे जादातर मणू यहूदी नी थिये, पर पैल्ली वरी जे यहूदी नी थिये सेह् विश्वासी बणी गे। बरनबास अते शाऊल तित्ते गे अते नौए विश्वासियां जो यीशु रे बारे विच्च होर बी सिखाणे लगे, कलीसिया जो मजबूत बणाणे तांइ। ए अन्ताकिया विच्च थिया जे तित्ते रे विश्वासी पैल्ली वरी “ईसाई" बोले गे। ![](https://cdn.door43.org/obs/jpg/360px/obs-en-46-10.jpg) इक्क दिन अन्ताकिया विच्च यीशु जो मनणे वालेयां ने ब्रत थिया रख्खेरा, अते प्रार्थना थिये करदे। पवित्र आत्मा ने तिन्हा जो बोल्लेया, "बरनबास अते शाऊल जो मेरे काम्म करणे तांइ अलग करी देयो जे काम्म मैं तिन्हा जो करणे तांइ सद्दे रा है।" इधेरे तांइ अन्ताकिया विच्च कलीसिया ने बरनबास अते शाऊल पर अपणे हात्थ रख्खी करी प्रार्थना कित्ती। फिरी तिन्हा ने तिन्हा जो होर दुज्ज जगह विच्च प्रचार करणे तांइ अते यीशु रे बारे खुशखबरी सुणाणे जो भेजी दित्ता। बरनबास अते शाऊल ने मते मणुआं जो सिखाया अते मतेयां ने यीशु पर विश्वास कित्ता। प्रेरितों के काम 8:3; 9:1-31; 11:19-26; 13:1-3 से एक बाइबल की कहानी प्रेरितां रे काम्म 8:3; 9:1-31, 11:19-26; 13-14 विच्च इक्क बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_46_128kbps.m4a ## 47. पौलुस अते सीलास फिलिप्पी बिच्च https://openbiblestories.org/l/cdh/story-47/ ![](https://cdn.door43.org/obs/jpg/360px/obs-en-47-01.jpg) जां शाऊल रोम रे साम्राज्य का होई करी थिया जाया करदा, ता तिसने अपणा रोम वाला नां, पौलुस चलाणा शुरु कित्ता। इक्क दिन पौलुस अते तिसेरा मित्र सीलास फिलिप्पी रे सैह्र जो गे, यीशु मसीह रे बारे खुशखबरी सुणाणे जो। सेह् सैह्र रे बार नदी रे कनारे का गे जित्ते मणू प्रार्थना करणे जो थिये कठितेरे। तित्ते सेह् इक्क जनानी कने मिले जिसेरा नां लुदिया थिया कने सेह् इक्क व्यापारी थी। सेह् परमेश्वर जो प्यार करदी थी अते आराधना करदी थी। ![](https://cdn.door43.org/obs/jpg/360px/obs-en-47-02.jpg) परमेश्वर ने लुदिया जो यीशु रे बारे बसेख पर विश्वास करणे तांइ सक्षम कित्ता। पौलुस अते सीलास ने तिसजो अते तिसेरे परिवार जो बपतिस्मा दित्ता। तिसने पौलुस अते सीलास जो अपणे घरे रैह्णे तांइ सद्देया, तां सेह् तित्ते रेह्। ![](https://cdn.door43.org/obs/jpg/360px/obs-en-47-03.jpg) पौलुस अते सीलास अकसर मणुआं कने उन्हा जगह पर मिलदे थिये जित्ते यहूदी प्रार्थना करदे थिये। हर रोज सेह् तित्ते चलदे थिये अते इक्क' दासी जिस विच्च दुष्ट आत्मा थी अते सेह् तिन्हेरा पिच्छा करदी थी। दुष्ट आत्मा रे जरिए सेह् मणुआं रा भविष्य दसदी थी, तां तिसने अपणे मालक अते भविष्य दसणे वाले तांइ बड़ा पैसा कमाया। ![](https://cdn.door43.org/obs/jpg/360px/obs-en-47-04.jpg) उन्हेरे जांदे बेल्ले ए दासी कुड़ी चिलांदी रैंह्दी थी, " ए मणू परमप्रधान परमेश्वर रे दास हिन। ए तुसा जो बचणे रे रस्ते रे बारे विच्च हिन दसदे।" सेह् हर रोज इयां करदी थी जिस कने पौलुस नराज होई गेया। ![](https://cdn.door43.org/obs/jpg/360px/obs-en-47-05.jpg) आखर विच्च, इक्क दिन उस दासी कुड़ी ने चिलाणा सुरु कित्ता, ता पौलुस तिस पास्से मुड़ेया अते तिस दुष्ट आत्मा जे तिस विच्च थी बोलेया, "यीशु रे नां का इस्स विच्च का निकली जा।" तिस्सी बेल्ले सेह् दुष्ट आत्मा तिस अंदर का चली गेई। ![](https://cdn.door43.org/obs/jpg/360px/obs-en-47-06.jpg) जे आदमी तिस दासी रे मालक थिये सेह् बड़े गुस्से होई गे| तिन्हा जो ए महसूस होया की बिना दुष्ट आत्मा रे सेह् दासी मणुआं रा भविष्य नी दस्सी सकदी। इसदा मतलब ए थिया अवे मणुआं ने तिसेरे मालकां जो भविष्य दसणे तांइ कोई पैसे नी दैणे। ![](https://cdn.door43.org/obs/jpg/360px/obs-en-47-07.jpg) तां सेह् तिस दासी रे मालक पौलुस अते सीलास जो रोमी अधिकारियां का लेई गेई , तिन्हा ने पौलुस अते सीलास जो कुट्टेया अते तिन्हा जो कैद खाने विच्च सुट्टी दित्ता। ![](https://cdn.door43.org/obs/jpg/360px/obs-en-47-08.jpg) तिन्हा ने पौलुस अते सीलास जो कैद खान्ने रे उस हिस्से विच्च पाया जित्ते मते सिपाई थिये। तिन्हा ने तिन्हेरी जंगा कने लकड़ी रे बड्डे टुकड़े बन्नी दित्ते। पर अध्धी रात्ती पौलुस अते सीलास परमेश्वर री महिमा रे भजन गांदे थिये। ![](https://cdn.door43.org/obs/jpg/360px/obs-en-47-09.jpg) इकदम, तित्ते बड्डे जोर रा हिल्लण होया। कैद खान्ने रे सारे दरवाज्जे खुल्ली गे अते सारे कैदियां रे संगल खुल्ली करी पेई गे। ![](https://cdn.door43.org/obs/jpg/360px/obs-en-47-10.jpg) फिरी दरोगा उठी गेया। तिसने दिख्खेया की कैद खान्ने रे सारे दरवज्जे खुल्ले थिये। तिसने सोच्चेया की सारे कैदी नह्सी गे। सेह् डरी गेया की रोम रे अधिकारियां ने तिसजो मारी दैणा किजोकी तिसने तिन्हा जो नह्साई दित्ता, तां सेह् अपणे आप जो मारणा लगी पेया। पौलुस ने तिसजो दिख्खी लेया अते चिल्लाया, "रुकी जा। अपणे आप जो मत मार, असी सारे इत्ते ही हिन।" ![](https://cdn.door43.org/obs/jpg/360px/obs-en-47-11.jpg) दरोगा कम्मणा लगेया अते सेह् पौलुस अते सीलास का आया अते पुच्छेया ,"मिंजो बचणे तांइ कै करणा चंहिदा?" पौलुस ने जवाब दित्ता, "यीशु पर विश्वास कर, तां तू अते तेरा परिवार बची जाणे।" फिरी सेह् दरोगा पौलुस अते सीलास जो अपणे घरे लेई गेया अते तिन्हेरे पैर धुआए। पौलुस ने यीशु रे बारे खुशखबरी घरे विच्च सबणा जो सुणाई। ![](https://cdn.door43.org/obs/jpg/360px/obs-en-47-12.jpg) दरोगा अते तिसेरे परिवार ने यीशु पर विश्वास कित्ता, तां पौलुस अते सीलास ने तिन्हा जो बपतिस्मा दित्ता। फिरी तिस दरोगा ने पौलुस अते सीलास जो रोट्टी खुआई अते सेह् इकठ्ठे बड़े खुश होए। ![](https://cdn.door43.org/obs/jpg/360px/obs-en-47-13.jpg) अगले दिन सैह्र रे अगुवेयां ने पौलुस अते सीलास जो छड्डी दित्ता अते तिन्हा जो फिलिप्पी सैह्र छडणे तांइ बोलेया। पौलुस अते सीलास, लुदिया अते होर मित्रां जो मिल्ले अते सैह्र छड्डी करी चली गे। यीशु रे बारे विच्च खुशखबरी फैलदी गेई अते कलीसिया बदधी गेई। ![](https://cdn.door43.org/obs/jpg/360px/obs-en-47-14.jpg) पौलुस अते दुज्जे अगुवे मते सैह्रां जो सफर करदे गे। तिन्हा ने यीशु रे बारे री खुशखबरी रा प्रचार कित्ता अते मणुआं जो सिखाया। तिन्हा ने मती सारी चिठ्ठियां भी लिख्खियां, कलिसियां विच्च विश्वासियां जो होंसला दैणे तांइ। किच्छ चिठ्ठियां बाईबल री कताबां बणी गेइयां। प्रेरितों के काम 16:11-40 से एक बाइबल की कहानी प्रेरितां रे काम्म 16:11-40विच्च का बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_47_128kbps.m4a ## 48. यीशु ही वादा कितेरा मसीह है https://openbiblestories.org/l/cdh/story-48/ ![](https://cdn.door43.org/obs/jpg/360px/obs-en-48-01.jpg) जिस बेल्ले परमेश्वर ने दुनियां बणाई, तां सब किच्छ अच्छा थिया। आदम अते हव्वा इक्क दुज्जे कने प्यार करदे थिये अते परमेश्वर कने प्यार करदे थिये। कोई बमारी अते मौत नी थी। परमेश्वर इदेया संसार चांह्दा थिया। ![](https://cdn.door43.org/obs/jpg/360px/obs-en-48-02.jpg) शैतान ने हव्वा कने बग्गीचे विच्च साँप रे जरिये गाल्ल कित्ती किजोकी सेह् तिसजो धोख्खा दैणा चांह्दा थिया। फिरी तिसने अते आदम ने परमेश्वर रे खिलाफ पाप कित्ता। किजोकी तिन्हा ने पाप कित्ता, तां हर कोई धरती पर मरणा लगेया। ![](https://cdn.door43.org/obs/jpg/360px/obs-en-48-03.jpg) किजोकी आदम अते हव्वा ने पाप कित्तेया थिया, इधेरे तांइ किच्छ होर भी बुरा होया। सेह् परमेश्वर रे दुस्मण बणी गे। तिसेरा ए परिणाम होया, तां का हर कोई पाप करणा लगेया। हर इक्क मणू जन्म का परमेश्वर रा दुस्मण है। परमेश्वर अते मणुआं विच्च शान्ति नी थी। पर परमेश्वर शान्ति चांह्दा थिया। ![](https://cdn.door43.org/obs/jpg/360px/obs-en-48-04.jpg) परमेश्वर ने वादा कित्ता की हव्वा रे इक्क वंशज ने शैतान रा सिर कुचली दैणा, उनिये ए भी बोल्लेया कि शैतान उसेरी एड़ी जो डस्से। दुज्जे शब्दां विच्च शैतान ने मसीह जो मारी दैणा, पर परमेश्वर ने तिसजो फिरी का जिन्दा करी दैणा। मसीह ने शैतान री शक्ति हमेशा तांइ लेई जाणी। मत्ते सालां बाद परमेश्वर ने ए दस्सेया की मसीह ही यीशु है। ![](https://cdn.door43.org/obs/jpg/360px/obs-en-48-05.jpg) परमेश्वर ने नूह जो किस्ती बनाणे जो बोलेया की तिसेरे परिवार जो बाड़ का बचाई ले जे सेह् भेजणे वाला थिया। इयां परमेश्वर ने उन्हा मणुआं जो बचाया जे तिस पर विश्वास करदे थिये। तियां ही हर कोई परमेश्वर रे पास्से का मौत रा भागीदार है किजोकी तिन्हा ने पाप कित्तेया। पर परमेश्वर ने यीशु जो सबणा जो बचाणे तांइ भेज्जेया जे तिस पर विश्वास करदे। ![](https://cdn.door43.org/obs/jpg/360px/obs-en-48-06.jpg) सौ सालां तक परोत परमेश्वर तांइ बली चढ़ांदे रेह्। इस कने ए पता चलदा की मणुआं ने पाप कित्ता अते सेह् परमेश्वर री सजा रे भागीदार हिन। पर सेह् बलियां तिन्हेरे पाप माफ नी करी सकदी। यीशु ने ओ कित्तेया जे परोत नी करी सकदे थिये। तिसने अपणे आप जो बलि तांइ देई दित्ता जे सबणा रे पाप दूर करी सकदा थिया। तिसने सेह् सजा अपणे उप्पर लेई लित्ती जे असा जो असा रे पाप्पां तांइ मिलणी थी। इस वजह कने यीशु सबका बड्डा परोत थिया। ![](https://cdn.door43.org/obs/jpg/360px/obs-en-48-07.jpg) परमेश्वर ने अब्राहम जो बोलेया ,"मैं तेरे जरिए धरती रे सारे मणुआं जो असीस दैणी। “यीशु इस्सी आब्राहम रा वंशज थिया। परमेश्वर अब्राहम रे जरिये सारे कुलां जो असीस दिंदा है, किजोकी परमेश्वर हर इक्क जो बचान्दा जे यीशु पर विश्वास करदा। जिस बेल्ले कोई मणू यीशु पर विश्वास करदा ता परमेश्वर तिसजो अब्राहम रा वंशज मंदा। ![](https://cdn.door43.org/obs/jpg/360px/obs-en-48-08.jpg) परमेश्वर ने अब्राहम जो अपणे मुंडे जो, उसेरे तांइ बलि करणे तांइ बोलेया। पर फिरी परमेश्वर ने इसहाक रे बदले विच्च बलि करणे तांइ इक्क छेलु दित्ता। असी सारे अपणे पाप्पां री वजह कने मरणे रे लायक हिन। पर परमेश्वर ने यीशु जो असा री जगह बलि तांइ मरणे जो देई दित्ता। इस्स तांइ असी यीशु जो परमेश्वर रा छेलु बोलदे हिन। ![](https://cdn.door43.org/obs/jpg/360px/obs-en-48-09.jpg) जिस बेल्ले परमेश्वर ने मिस्र पर आखरी बिपत्ता भेजी थी, तिसने इस्राइली परिवारां जो इक्क छेलु मारणे जो बोलेया। सेह् छेलु बिल्कुल ठीक-ठाक हूणा चंहिदा। फिरी तिन्हा जो तिसेरा खुन अपणे दरवज्जे रे आस्से-पास्से अते उप्पर लगाणा थिया। जिस बेल्ले परमेश्वर ने सेह् खुन दिख्खेया सेह् तिन्हेरे घरां रे उप्पर का चली गेया अते तिन्हेरे पैहलौठेयां जो नी मारेया। जिस बेल्ले इयां होया, ता परमेश्वर ने इसजो फसह रा पर्व बोलेया। ![](https://cdn.door43.org/obs/jpg/360px/obs-en-48-10.jpg) यीशु फसह रे पर्व रे छेलु सांइ है| तिसने कदी भी पाप नी कित्ता, इधेरे तांइ तिस विच्च किच्छ भी गलत नी थिया। सेह् फसह रे पर्व रे बेल्ले मारेया गेया थिया। जिस बेल्ले कोई यीशु पर विश्वास करदा, यीशु रा खून तिस मणू रे पाप्पां जो लेई लिंदा अते मिटाई दिंदा। ए तियां है जियां की परमेश्वर तिस मणू रे करीब का होई करी चली गेया, किजोकी सेह् तिसजो सजा नी दिंदा। ![](https://cdn.door43.org/obs/jpg/360px/obs-en-48-11.jpg) परमेश्वर ने इस्राएलियां कने वादा थिया कित्ते रा किजोकी सेह् ओ मणू थिये जे परमेश्वर ने अपणे तांइ चुणे रे थिये। पर परमेश्वर ने नौआ वादा कित्ते रा है जे हर इक्क तांइ है। चाए कोई भी है जे, सेह् इस्स नौए वादे जो अपनांदा ता सेह् परमेश्वर रे मणुआं विच्च जुड़ी जांदा सेह् इयां इस्स तांइ करदा किजोकी सेह् यीशु पर विश्वास करदा। ![](https://cdn.door43.org/obs/jpg/360px/obs-en-48-12.jpg) मूसा इक्क भविष्यवक्ता थिया जिसने परमेश्वर रा वचन बड़ी सामर्थ कने सुणाया। पर यीशु सबनां का बड्डा भविष्यवक्ता है। सेह् परमेश्वर है, अते सारी चिज्जाँ जे तिसने कित्तियां अते बोली सेह् परमेश्वर रे काम्म अते वचन थिये। इस्स तांइ पवित्र शास्त्र यीशु जो परमेश्वर रा वचन बोलदा। ![](https://cdn.door43.org/obs/jpg/360px/obs-en-48-13.jpg) परमेश्वर ने दाऊद कने वादा कित्ता की तिसेरे वंशज विच्च का इक्क हूणा, जिसने परमेश्वर रे मणुआं पर राज्जा बणी करी हमेशा तांइ राज करणा। यीशु परमेश्वर रा पुत्र है अते मसीह है, इधेरे तांइ सेह् दाऊद रा वंशज है जे हमेशा तांइ राज करी सकदा। ![](https://cdn.door43.org/obs/jpg/360px/obs-en-48-14.jpg) दाऊद इस्रायल रा राज्जा थिया। पर यीशु पूरी सृष्टि रा राज्जा है। तिसने फिरी आणा अते अपणे राज्य पर न्याय अते शान्ति कने हमेशा तांइ राज करणा। उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी उत्पत्ति 1-3,6,14,22; निर्गमन 12,20; 2शमुएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 विच्च का बाइबल री कहाणी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_48_128kbps.m4a ## 49. परमेश्वर रा नौआ वादा https://openbiblestories.org/l/cdh/story-49/ ![](https://cdn.door43.org/obs/jpg/360px/obs-en-49-01.jpg) इक्क स्वर्गदूत ने इक्क जुआन जनानी मरियम जो बोलेया, की तिसने परमेश्वर रे पुत्र जो जन्म दैणा। सेह् तिस बेल्ले कुवांरी थी, पर पवित्र आत्मा उसका आया अते सेह् दुप्राणी होई गेई। तिसने इक्क मुंडा जम्मेया अते तिसेरा नां यीशु रख्खेया। इस्स तांइ यीशु परमेश्वर अते मणू दोन्नों ही है। ![](https://cdn.door43.org/obs/jpg/360px/obs-en-49-02.jpg) यीशु ने मते चमत्कार कित्ते जे ए दसदा की सेह् परमेश्वर है। सेह् पाणी पर चलेया अते आंधी जो रोक्केया। तिसने मते बमार मणू ठीक कित्ते अते मतेयां का दुष्ट आत्मा निकाली। तिसने मुर्दे जिन्दा कित्ते अते तिसने पांज्ज रोटियां अते दो छोट्टी मच्छियां का 5,000 मणुआं जो रोटी खुआई। ![](https://cdn.door43.org/obs/jpg/360px/obs-en-49-03.jpg) यीशु इक्क बड्डा गुरु भी थिया। जे किच्छ भी तिसने सिखाया सेह् बिल्कुल सही सिखाया। मणुआं जो ओ करणा चंहिदा थिया जे सेह् बोलदा थिया किजोकी सेह् परमेश्वर रा पुत्र है। जियां की तिसने सिखाया की तुसा जो दुज्जेयां जो भी प्यार करणा चंहिदा जियां असी अपु जो प्यार करदे। ![](https://cdn.door43.org/obs/jpg/360px/obs-en-49-04.jpg) तिसने ए भी सिखाया की तुसा जो परमेश्वर जो कुस्की भी चीज का जादा प्यार करणा चंहिदा। अपणी जमीन जायेदाद का भी जादा। ![](https://cdn.door43.org/obs/jpg/360px/obs-en-49-05.jpg) यीशु ने बोल्लेया की संसार विच्च असा का सब किच्छ होणे का अच्छा है की असी परमेश्वर रे राज्य विच्च होण। परमेश्वर ने तुसा जो पाप का जरुर बचाणा की तुसी तिसेरे राज्ये विच्च आई सकण। ![](https://cdn.door43.org/obs/jpg/360px/obs-en-49-06.jpg) यीशु ने बोल्लेया किच्छ मणुआं ने तिसजो अपनाणा। परमेश्वर ने इन्हा मणुआं जो बचाणा। तां भी किच्छ मणुआं ने तिसजो नी अपनाणा। तिसने ए भी बोल्लेया की किच्छ मणू अच्छी मिट्टी सांइ हूंदे। किजोकी सेह् यीशु रे बारे खुशखबरी जो अपनांदे, परमेश्वर तिन्हा जो बचांदा। जदकी बाकि मणू रस्ते री सख्त मिट्टी सांइ हूंदे। परमेश्वर रा वचन उस सांइ भी है जे रस्ते पर पैंदा, पर तित्ते किच्छ नी उगदा। इदेये मणू यीशु रे बारे विच्च बसेख जो नी अपनांदे। सेह् तिसेरे राज्य विच्च आणे जो ना करी दिंदे। ![](https://cdn.door43.org/obs/jpg/360px/obs-en-49-07.jpg) यीशु ने ए सिखाया की परमेश्वर पाप्पियां जो बड़ा प्यार करदा। सेह् तिन्हा जो माफ करणा चांह्दा अते अपणे बच्चे बणाणा चांह्दा। ![](https://cdn.door43.org/obs/jpg/360px/obs-en-49-08.jpg) यीशु ने असा जो ए भी दस्सेया की परमेश्वर पाप जो नफरत करदा। किजोकी आदम अते हव्वा ने पाप कित्ता, अते तिन्हेरे सारे वंशजां ने भी पाप कित्तेया। संसार विच्च हर इक्क मणू पाप करदा अते परमेश्वर का दूर है। हर इक्क परमेश्वर रा दुस्मण है। ![](https://cdn.door43.org/obs/jpg/360px/obs-en-49-09.jpg) पर परमेश्वर ने इस्स दुनियां विच्च हर इक्क जो इयां प्यार कित्तेया। तिसने अपणा इकलौता पुत्र देई दित्ता, ता की परमेश्वर उन्हा जो सजा ना दे जिन्हा ने यीशु पर विश्वास कित्तेया। इसेरे बजाये विश्वासियां ने तिस कने हमेशा तांइ रैणा। ![](https://cdn.door43.org/obs/jpg/360px/obs-en-49-10.jpg) तुसी मरणे रे हकदार हिन किजोकी तुसा ने पाप कित्तेया। तुसा परमेश्वर रा गुस्सा हूणा ठीक थिया, पर इसेरे बजाए, सेह् यीशु पर गुस्सा होया। उसने यीशु जो सूली पर मौत देई करी सजा दित्ती। ![](https://cdn.door43.org/obs/jpg/360px/obs-en-49-11.jpg) यीशु ने कदी भी पाप्प नी कित्तेया। उसने पाप री सजा जो अते सबका भयंकर मौत जो स्वीकारेया। इयां करी के, सेह् इक्क सिद्ध बलिदान होया तुसा रे पाप्पां जो अते संसार विच्च हर इक्क मणू रे पाप्पां जो दूर करणे तांइ। यीशु ने परमेश्वर जो अपणा बलिदान देई दित्तया, इधेरे तांइ परमेश्वर कोई भी पाप जो, इत्ते तक भयंकर पाप्पां जो माफ करदा। ![](https://cdn.door43.org/obs/jpg/360px/obs-en-49-12.jpg) चाए तुसी मते खरे काम्म करण, इस्स कन्ने परमेश्वर ने तुसा जो नी बचाणा। इदेया किच्छ भी नी है जे तुसी अपणे आप करी सकण यीशु रे मित्र बणने तांइ। इसेरे बजाये तुसा जो विश्वास करणा चंहिदा यीशु परमेश्वर रा पुत्र है, अते सेह् तुसा री जगह सूली पर मरी गेया, अते परमेश्वर ने तिसजो फिरी का जीवन दित्ता। जे तुसी ए विश्वास करगे ता परमेश्वर ने तुसा जो पाप्प करणे तांइ माफ करी दैणा। ![](https://cdn.door43.org/obs/jpg/360px/obs-en-49-13.jpg) परमेश्वर ने हर इक्क जो बचाणा जिसने यीशु पर विश्वास करणा अते तिसजो अपणा प्रभु मन्नेया। पर तिसने तिन्हा जो नी बचाणा जिन्हा ने तिस पर विश्वास नी कित्तेया। ए कोई माइने नी रख्खदा की तुसी पैसे वाले हिन, गरीब हिन, आदमी या जनानी, सियाणे या जुआन, या तुसी कुते रैंह्दे हिन। परमेश्वर तुसा कने प्यार करदा अते चांह्दा की तुसी यीशु पर विश्वास करण ताकि सेह् तुसा रा मित्र बणी सके। ![](https://cdn.door43.org/obs/jpg/360px/obs-en-49-14.jpg) यीशु तुसा जो सददा है तिस पर विश्वास करणे तांइ अते बपतिस्मा दैणे तांइ। कै तुसी ए विश्वास करदे की यीशु ही मसीह है, अते परमेश्वर रा इकलौता पुत्र है? कै तुसी ए विश्वास करदे की तुसी इक्क पाप्पी हिन अते परमेश्वर री सजा तुसा रे पाप्पां तांइ मिलणी चंहिदी? कै तुसी ए विश्वास करदे की यीशु सूली पर मरेया तुसा रे पाप्प दूर करणे तांइ? ![](https://cdn.door43.org/obs/jpg/360px/obs-en-49-15.jpg) जे तुसी यीशु पर अते जे तिसने तुसा तांइ कित्तेया उस पर विश्वास करदे हिन, अते तुसी इक्क मसीही हिन। शैतान तुसा पर अवे कोई राज नी करदा अपणे अंधकार रे राज्य विच्च। अवे परमेश्वर तुसा पर राज करदा है अपणे रौशनी रे राज्य विच्च। परमेश्वर ने तुसा जो इदेया बणाई दित्ता की अवे तुसी फिरी का पाप नी करण जियां तुसी पैल्ले करदे थिये। तिसने तुसा जो जिन्दगी जीणे रा इक्क नौआ अते सही रस्ता देई दित्ता। ![](https://cdn.door43.org/obs/jpg/360px/obs-en-49-16.jpg) जे तुसी यीशु रे पिच्छे चलणे वाले हिन, ता परमेश्वर तुसा रे पाप्प माफ करी दित्तेया है, किजोकी यीशु ने जे कित्ता। अवे परमेश्वर तुसा जो अपणा दुस्मण समजणे रे बजाये अपणा मित्र समजदा। ![](https://cdn.door43.org/obs/jpg/360px/obs-en-49-17.jpg) जे तुसी परमेश्वर रे मित्र हिन, अते यीशु रे सेवक हिन, ता तुसा ने ओ सारी गल्लांमनणे री इच्छा रख्खणी जे यीशु ने तुसा जो सिखाई। भले ही तुसी इक्क मसीही हिन, शैतान ने तुसा जो पाप्प करणे तांइ ललचाणा। पर परमेश्वर हमेशा ओ करदा जे से बोलदा की तिसने करणा है। सेह् बोलदा जे तुसी अपणे पाप्पां जो मन्नी लिंगे ता तिसने तुसा जो माफ करी दैणा। तिसने तुसा जो पाप कने लड़ने री सामर्थ दैणी। ![](https://cdn.door43.org/obs/jpg/360px/obs-en-49-18.jpg) परमेश्वर तुसांजो प्रार्थना करणे तांइ ते तिसेरे वचनां जो पड़णे तांइ बोलदा। से तुसांजो ऐ बी बोलदा की तिसेरी अराधना करो , यीशु रे दुज्जे मनणे वालेयां कने इकठ्ठे मिली करी। तुसांजो दुज्जे लोक्कां जो बी दसणा चायिदा की तिसने तुसां तांइ क्या कित्तेया। जे तुस्सी ऐ सारी चीज्जां करगे तां तुस्सी तिसेरे पक्के मित्र बणी जाणा। रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से एक बाइबल की कहानी बाइबिल री कहाणी : उत्पत्ति 3; मत्ती 13:4, मरकुस 10:17-31; लुका 2; 10:25-37; 15, यहुन्ना 3:16; रोमियों 3:21-26, 5:1-11; 2 कुरिन्थियों 5:17-21; कुलुस्सियों 1:13-14; 1यूहन्ना 1:5-10 Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_49_128kbps.m4a ## 50. यीशु रा वापस आणा https://openbiblestories.org/l/cdh/story-50/ ![](https://cdn.door43.org/obs/jpg/360px/obs-en-50-01.jpg) लगभग 2,000 सालां का, पूरे संसार विच्च जादा का जादा मणू, यीशु जे मसीह है तिसेरे बारे विच्च खुशखबरी हिन सुणदे। कलीसिया बढ़ेया करदी है। यीशु ने वादा कित्ता की तिसने संसार रे अंत तक वापस आणा। फिरी भी सेह् हल्ले तक नी आया, पर तिसने अपणा वादा पूरा करणा। ![](https://cdn.door43.org/obs/jpg/360px/obs-en-50-02.jpg) जियां असि यीशु जो भालदे हिन, परमेश्वर चांह्दा की असी इक्क पवित्र जीवन जीण जे तिसजो आदर दिंदा हो| सेह् भी चांह्दा की असी दुज्जेयां जो तिसेरे राज्य रे बारे विच्च दसण। जिस बेल्ले यीशु जमीन पर रैंह्दा थिया, तिसने बोल्लेया, "मेरे चेल्लेयां ने परमेश्वर रे राज्य री खुशखबरी रे बारे विच्च मणुआं जो संसार विच्च हर जगह प्रचार करणा, अते तिस बेल्ले अन्त हूणा। ![](https://cdn.door43.org/obs/jpg/360px/obs-en-50-03.jpg) मते मणुआं ने हल्ले तांइ यीशु रे बारे नी है सुणे रा। स्वर्ग वापस जाणे का पैल्ले यीशु ने अपणे पिच्छे चलणे वालेयां जो बोल्लेया की जिन्हा ने खुशखबरी जो कदी नी सुणया तिन्हा जो दस्सो। तिसने बोलेया, "जाओ अते सब जाति चिच्च चेले बणाओ!" अते “खेतर पक्की गेय रे हिन कटणी तांइ।" ![](https://cdn.door43.org/obs/jpg/360px/obs-en-50-04.jpg) यीशु ने ए भी बोल्लेया, "इक्क आदमी रा दास अपणे मालक का बड्डा नी हूंदा। इस्स संसार रे बड्डे मणुआं ने मेरे कने नफरत कित्ती, अते तिन्हा ने तुसा जो भी मेरी वजह कने सताणा अते मारी दैणा। इस्स संसार विच्च तुसा परशानी झेलणी, पर हिम्मत मत हारो, किजोकी मैं शैतान जो हराई बैठ्ठे रा है जे इस्स संसार पर राज करदा। जे तुसी मेरे तांइ अन्त तांइ ईमानदार हूंगे, ता परमेश्वर ने तुसा जो बचाणा>" ![](https://cdn.door43.org/obs/jpg/360px/obs-en-50-05.jpg) यीशु ने अपणे चेल्लेयां जो इक्क कहाणी सुणाई ए समजाणे तांइ की मणुआं जो कै हूणा जिस बेल्ले संसार रा अन्त हूणा। तिसने बोल्लेया इक्क आदमी ने अपणे खेतर विच्च खरे बीज बोय। जिस बेल्ले सेह् सोया थिया करदा, तिसेरा दुस्मण आया अते तिसने कणक रे बीज रे विच्च जंगली घा रे बीज बोई करी चली गेया। ![](https://cdn.door43.org/obs/jpg/360px/obs-en-50-06.jpg) जिस बेल्ले पौधे उगे, ता तिस आदमी रे नौकर ने बोल्लेया, “मालक तैं खरे बीज थिये बोये रे खेत्तर विच्च। ता फिरी जंगली घा किजो है इत्ते?" आदमी ने जवाब दित्ता, सिर्फ मेरे दुस्मण ए बीज बोई सकदे। मेरे दुस्मणां विच्च का इक्क ने इयां कित्ता।" ![](https://cdn.door43.org/obs/jpg/360px/obs-en-50-07.jpg) "नौकरां ने अपणे मालक जो बोलेया, "असी जंगली घा पुट्टी दैण?" मालक ने बोलेया, "ना"। जे तुसी इयां कित्ता, ता तुसी कणक भी पुट्टी दैणी। कटणी रे बेल्ले तक भालो। फिरी जंगली घा जो इक्क ढेर लाई करी इकठ्ठी करी लेयो ताकी तुसी तिसजो फुक्की सको। पर कणक मेरे का लेई आओ अते खत्ते विच्च रख्खो।" ![](https://cdn.door43.org/obs/jpg/360px/obs-en-50-08.jpg) चेल्ले कहाणी रा मतलब नी समजे, तां तिन्हा यीशु जो बोल्लेया तिन्हा जो समझाणे री दरखावास कित्ती। यीशु ने बोल्लेया, "अच्छा बीज बोणे वाला मणू मसीह जो बतांदा। खेत्तर संसार जो बतांदा। अते खरा बीज परमेश्वर रे राज्य रे मणुआं जो बतांदा।" ![](https://cdn.door43.org/obs/jpg/360px/obs-en-50-09.jpg) " जंगली घा उन्हा मणुआं जो बतांदा जे शैतान रे मणुआं प्रतिनिधित्व करदे हिन। उस मणू रा दुस्मण शैतान रा प्रतिनिधित्व करदा, जिसने जंगली घा बोया थिया। कटणी दुनियां रा अन्त बतांदी, अते कटणे वाले परमेश्वर रे स्वर्गदूत जो बतांदे हिन।" ![](https://cdn.door43.org/obs/jpg/360px/obs-en-50-10.jpg) जिस बेल्ले दुनियाम रा अन्त हूणा, स्वर्गदुतां ने उन्हा सारे मणुआं जो इकठ्ठे करणा जे शैतान रे हिन। स्वर्गदुतां ने तिन्हा जो धधकती आग्ग विच्च सुट्टी दैणा। तित्ते तिन्हा मणुआं ने रोणा, अते अपणे दुख पीड़ा विच्च उन्हा ने अपणे दंद्दा जो पीह्णा। पर जे मणू नेक हिन, जे यीशु रे पिच्छे चले, तिन्हा ने उन्हेरे परमेश्वर पिता रे राज्य विच्च सूरज सांइ चमकणा।" ![](https://cdn.door43.org/obs/jpg/360px/obs-en-50-11.jpg) यीशु ने ए भी बोल्लेया कि तिसने दुनियां रे खत्म हूणे का पैल्ले धरती जो वापस हटणा। तिसने तियां ही वापस हटणा जियां सेह् गेया थिया। मतलब तिसेरा असली शरीर हूणा, अते तिसने आसमान विच्च बद्दलां पर आणा। जिस बेल्ले यीशु ने वापस आणा, यीशु रे पिच्छे चलणे वाला हर मणू जे मरी गेया तिसने मुर्देयां का जी उठणा अते तिसजो आसमान विच्च मिलणा। ![](https://cdn.door43.org/obs/jpg/360px/obs-en-50-12.jpg) यीशु रे पिच्छे चलणे वाले जे हल्ले भी जिन्दे हिन सेह् आसमान विच्च उठाई लित्ते जाणे अते तिन्हा दुज्जे मसीहियां कने जाई मिलणा जे मुर्दे का जिन्दा होये। सेह् सारे यीशु कने तित्ते हूणे। जियां तिन्हा इकठ्ठे रैह्णा तिन्हा जो हमेशा तांइ पूरी शान्ति मिलणी। ![](https://cdn.door43.org/obs/jpg/360px/obs-en-50-13.jpg) यीशु ने हर इक्क जो मुकुट दैणे रा वादा कित्ता जिन्हा ने तिस पर विश्वास कित्तेया। तिन्हा ने परमेश्वर कने हरेक चीज पर हमेशा तांइ राज करणा। तिन्हा जो सिद्ध शान्ति मिलणी। ![](https://cdn.door43.org/obs/jpg/360px/obs-en-50-14.jpg) पर परमेश्वर ने उन्हा सारेयां रा न्याय करणा जिन्हा ने यीशु पर विश्वास नी कित्तेया तिसने तिन्हा जो नरक विच्च सुट्टी दैणा। तित्ते तिन्हा ने रोणा अते अपणे दांद्द पीह्णे, अते हमेशा तांइ दुख सैह्णा। आग्ग जे कदी भी नी बुझणी, तिन्हा जो लगातार फुकदे रैह्णा, अते कीड़ेयां ने तिन्हा जो कदी भी खाणा बांद्द नी करणा। ![](https://cdn.door43.org/obs/jpg/360px/obs-en-50-15.jpg) जिस बेल्ले यीशु ने वापस आणा, तिसने शैतान अते तिसेरे राज्य जो पूरी तरह नष्ट करी दैणा। तिसने शैतान जो नरक विच्च सुट्टी दैणा। शैतान ने हमेशा तांइ उन्हा मणुआं कने फुकीणा जिन्हा परमेश्वर जो मनणे रे बजाये तिसेरे पिच्छे चलणा चुणेया। ![](https://cdn.door43.org/obs/jpg/360px/obs-en-50-16.jpg) किजोकी आदम अते हव्वा ने परमेश्वर रा हुकम नी मन्नेया अते पाप जो दुनियां विच्च लियाए। परमेश्वर ने इसजो श्राप दित्ता अते इसजो नष्ट करणे रा फैसला लेया। पर इक्क दिन परमेश्वर ने नौया स्वर्ग अते नौई धरती रचणी जे सिद्ध होणी। ![](https://cdn.door43.org/obs/jpg/360px/obs-en-50-17.jpg) यीशु अते तिसेरे मणुआं ने नौई धरती पर रैह्णा, अते तिसने हमेशा तांइ सब चिज्जां पर राज करणा। तिसने मणुआं री हाख्खियां का हर इक्क आंसू पुंज्जी दैणा। कुस्की ने भी कदी कोई दुख नी सैह्णा अते ना उदास हूणा तिन्हा ने रोणा नी। तिन्हा ने बमार नी होणा ना मरणा। अते तित्ते कोई बुराई नी हूणी। यीशु ने अपणे राज्य विच्च न्याय अते शान्ति कने राज करणा। तिसने अपणे मणुआं कने हमेशा तांइ रैह्णा। मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 से एक बाइबल की कहानी मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 विच्च का बाइबल री इक्क कहानी Audio: https://git.door43.org/translationCore-Create-BCS/cdh_obs/releases/download/v1/cdh_obs_v1_50_128kbps.m4a