# unfoldingWord Open Bible Stories — Chaudangsi

- Language code: `cdn`
- Canonical page: https://openbiblestories.org/l/cdn/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Chaudangsi translation; it is not a translation of the whole Bible.

## 1. दुनिया बनास

https://openbiblestories.org/l/cdn/story-1/

![](https://cdn.door43.org/obs/jpg/360px/obs-en-01-01.jpg)

हिना लेन्ही कि लच्यंग लरी परमेश्वर सै जम्मा बथौ बनास| उस टुगू ज्या ची दुनिया ग जइ खरी अतकू अनि अति जम्मा बथौ जा बनास। परमेश्वर चैन्तु थंगजा बनाम गै निमफन उ वम्बंग तीक्क कल्त निस, हंग खाली निस,खसुंग्य कि इता वास परमेश्वर सै दुनिया कू खरी बथौ जा मुबनास| हंग परमेश्वर गै ल्हेमे ती ग यरतो पसीग निस।

![](https://cdn.door43.org/obs/jpg/360px/obs-en-01-02.jpg)

हजू परमेश्वर सै ल्यैस, “छन्त ल्है!” हंग छन्त कल्च। परमेश्वर सै तिन्स कि छन्त बुद अनि हंग उजा “निछ” ल्यैस| हंग उस उजा वम्बंग सै यकरो कस्युंग, जइजा उस “मुन्छ” ल्यैस। परमेश्वर सै दुनिया बनाम गै लरी ज्या कू छ्न्त जा बनास।

![](https://cdn.door43.org/obs/jpg/360px/obs-en-01-03.jpg)

दुनिया बनाम गै न्युंगज्या परमेश्वर से ल्यैस, “ती गै यरतो तिग छक्का रायंग|” हंग ती तिग दूसरों यकरो ल्यंग हंग हिना ही लिच्च, परमेश्वर सै यकरो कसुंगद छु जा “तिम्भू” ल्यैस।

![](https://cdn.door43.org/obs/jpg/360px/obs-en-01-04.jpg)

सुम ज्या ची परमेश्वर से ल्यैस, जम्मा ती तीग बं कू थूमसियंग, हंग छरत बं तियंग, परमेश्वर सै छरत बं जा थंगजा ल्यैस हंग ती जा “समुद्र” ल्यैस, परमेश्वर से तिन्स कि जई बथौ उस बनास, अति बुद निस।

![](https://cdn.door43.org/obs/jpg/360px/obs-en-01-05.jpg)

हंग परमेश्वर से ल्यैस, थंग्जा कू जम्मारी स्यिन ग बौटू कजूस। हंग हिनाइ लिच्च। परमेश्वर से तिन्स कि जइ उस बनास अति बुद निस ।

![](https://cdn.door43.org/obs/jpg/360px/obs-en-01-06.jpg)

दुनिया बनाम गै पी ज्या ची परमेश्वर से ल्यैस, “तिम्भू कू छन्त तिन्थ ल्है|” हंग नी, लाछन हंग कर्मा प्रकट लिच्च| परमेश्वर सै उसीजा थंगजा कू छन्त दाम दंची निछ हंग मूंछ, छैत्त-खत्त हंग यन कू यकरो स्युंग्म दंची बनास।

![](https://cdn.door43.org/obs/jpg/360px/obs-en-01-07.jpg)

नाज्या ची परमेश्वर से ल्यैस, “टंग्द प्राणी ती जा तीक्क कल्च हंग तिम्मू कू निप्या कउडें। हिना दंची उस ती कू तैरते वाला जन्तु जा हंग निप्या बनास| परमेश्वर से तिन्स कि हिदी बुद निस, हंग उजा आशीर्वाद दास।

![](https://cdn.door43.org/obs/jpg/360px/obs-en-01-08.jpg)

दुनिया बनाम गै दुगूज्या ची परमेश्वर सै ल्यैस, “थंग्जा कू स्योंगसिद वाला जम्मा छन-छन गै जानवर नियंग|” हंग परमेश्वर गै लैम्ह गै अनुसार हिना कल्च। दुमा जानवर ठुंग्द वाला निस, दुमा थंग्जा कू फैरसिदै वाला निस, दूमा सिर कुतु रोकसिद वाला जानवर निस| हंग परमेश्वर सै तिन्स कि हिदी बुद निस।

![](https://cdn.door43.org/obs/jpg/360px/obs-en-01-09.jpg)

हंग परमेश्वर से ल्यैस, “रनि इन मि जा अफीग रूप रंग कू हंग अफी नारुकत बनाम| उसी मि थंगजा कू हंग जम्मा जानवर मंग ती राज स्युंग्यंग।

![](https://cdn.door43.org/obs/jpg/360px/obs-en-01-10.jpg)

हिना दंची परमेश्वर सै सा कौरग मि बनास हंग उजा जीवन गै सॉस फिरस| हिदी मि गै मिन आदम निस| परमेश्वर सै आदम गै स्योंगसिम दंची, तीग पूद सवार जा बनास हंग उजा औंगम दंची आदम जा उग चिकू तास।

![](https://cdn.door43.org/obs/jpg/360px/obs-en-01-11.jpg)

अति सवार मैं गुन्दा कू परमेश्वर सै निस्यी खास स्यिन यिब्स, तीग जीवन गै स्यिन हंग तीग बुद-यद गै ज्ञान दाद वाला स्यिन। परमेश्वर सै आदम जा ल्यैस कि उ अति सवार गै बुद हंग यद गै ज्ञान गै स्यिन जा होतिग जम्मा स्यिन गै फल जातरयंग। हंग उस अति स्यिन गै फल जाम च्यंग उ सिचियंग।

![](https://cdn.door43.org/obs/jpg/360px/obs-en-01-12.jpg)

हजू परमेश्वर सै ल्यैस, “यूरासिरी गै दंची तौंग्मी स्योंगसिम बुद मुनी|” हंग खमि री टंग माला आदम गै साथौ मूल्हेतरन।

![](https://cdn.door43.org/obs/jpg/360px/obs-en-01-13.jpg)

आदम हंग उग रिथिस्या परमेश्वर चैन्तु उसी दंची कस्युंग्द, वाला अति ढंग्त स्वार कू स्योगसिंग मत्त खुश निन्नस। उसी मंग खमि री खसै पुसै मुच्युकसिद निन्नस, हजूरी हिना कथा सै उसी मंग जा राम मुस्युंग्स, खस्युंग कि दुनिया कू पाप मुनीस। उसी ज्या ज्यारी अति स्वार कू फैरसि निन्नस हंग परमेश्वर जा कथा स्युंग तान्नस|

![](https://cdn.door43.org/obs/jpg/360px/obs-en-01-14.jpg)

हंग आदम से उजा तिन्स ता उस ल्यैस, “अरे! हिदी ता जिगनई रुकत अनि! हिदी जा ‘मिनंसिरी’ लेयंग्न्न, खसुंग्य कि हिदी यूरासिरी कू खचि स्युंगस|” हिना दंची युरासिरी अफिग मुमा जी बूबा जा होतीग हंग अफिग रिथिस्या गै जरु तीग कल्च।

![](https://cdn.door43.org/obs/jpg/360px/obs-en-01-15.jpg)

परमेश्वर सै यूरासिरी हंग मिनंसरी जा अफी नारूकत बनास। परमेश्वर सै उसीजा आर्शीवाद दास, हंग उसीस ल्यैस, “मत्त सन्मय खुई खुमै जा जन्म दा, हंग थंग्जा तीक्क स्युंग्ती!” हंग परमेश्वर सै तिन्स कि जइरी बथौ उस बनास अति मत्त बुद निस, हंग परमेश्वर उसी जम्मा स मत्त खुश निस। हिदी जम्मा री दुनिया बनाम गै टुगू ज्या ची कल्त निस।

![](https://cdn.door43.org/obs/jpg/360px/obs-en-01-16.jpg)

हंग निसै ज्या रास, ता जइ खरी परमेश्वर स्युंग्तास उस अति जम्मा री लन पूज्यूस। उस निसै ज्या ची आर्शीवाद दास हंग उजा च्यंग रहाद बनास, खसुंग्य कि निसै ज्या ची उस जम्मा री लन पूरो कसुंग्य| हिना दंची परमेश्वर सै दुनिया जा हंग दुनिया कू जइ खरी बथौ अनि उसी जम्मा बथौ बनास।

*उत्पत्ति अध्याय 1-2 से बाइबल गै तिग कथा*

## 2. पाप संसार कू पिरास

https://openbiblestories.org/l/cdn/story-2/

![](https://cdn.door43.org/obs/jpg/360px/obs-en-02-01.jpg)

आदम हंग उग रिथिस्या परमेश्वर चैन्तु उसी दंची कस्युंग्द, वाला अति ढंग्त स्वार कू स्योगसिंग मत्त खुश निन्नस। उसी मंग खमि री खसै पुसै मुच्युकसिद निन्नस, हजूरी हिना कथा सै उसी मंग जा राम मुस्युंग्स, खस्युंग कि दुनिया कू पाप मुनीस। उसी ज्या ज्यारी अति स्वार कू फैरसि निन्नस हंग परमेश्वर जा कथा स्युंग तान्नस|

![](https://cdn.door43.org/obs/jpg/360px/obs-en-02-02.jpg)

हंग अति स्वार कू तिग नबू निस। उ मत्त यद निस। उस अति मिनंसिरी जा रूस, "खै साचो परमेश्वर सै गनीजा हिदी स्वार कूची खरी स्यिन गै फल जाम सै मना कस्युंगसिद अनि?"

![](https://cdn.door43.org/obs/jpg/360px/obs-en-02-03.jpg)

अति मिनंसिरी सै जवाब दास "परमेश्वर सै इन्जा ल्यैस कि इन अति बुद जी यद गै ज्ञान गै स्यिन गै च्यंग खमि री स्यिन ग फल जा तरनै परमेश्वर सै इन्जा ल्यैस कि हंग गनीस अति फल जाम च्यंग री उजा तम्म च्यंग री ता गनी सिचियंगनी|”

![](https://cdn.door43.org/obs/jpg/360px/obs-en-02-04.jpg)

अति नबू सै मिनंसिरी जा जवाब दास, “हिदी साचो माद! गनी मुसिचियंग। परमेश्वर लाद अनि कि जसौई गनी अति फल जाम च्यंग,गनी परमेश्वर नारुक्त ल्हैयंगनी हंग उग नारुक्त बुद जी यद ग समझ रायंग|”

![](https://cdn.door43.org/obs/jpg/360px/obs-en-02-05.jpg)

अति मिनंसिरी सै तिन्स कि उ फल मनरामना निस हंग नेम्दना तिन्ग निस। उरी लाद ल्हैम चिन्थ निस, हिना दंची उस फल थुग कज्जा। हजू उस अफिग रिथी जा जई उग जरु निस उ फल दास हंग उस री कज्जा|

![](https://cdn.door43.org/obs/jpg/360px/obs-en-02-06.jpg)

उसीग मी झल्ल, कखुलस, हंग उसीजा पत्तो कचलस कि उसी नंगू निन्नश। उसीस पात तीग जरू रूबग उसीग खसै- पसै बनाग अफिग गौबरंग च्यांम ग कोशिश स्युंगस|

![](https://cdn.door43.org/obs/jpg/360px/obs-en-02-07.jpg)

हंग यूरासिरी हंग उग रिथिस्या सै अति स्वार कू फैरसि लंग परमेश्वर ग हार यन्स। उसी निमी परमेश्वर ग नोंकू पकच्यासि। हंग परमेश्वर सै यूरासिरी जा हार स्युंगस, "गै उलौं अनि?" आदम सै जबाब दास, “जिस गजा स्वार कू फैरसिग यन्गस, हंग जी कजेरस, खस्युंग कि जी नंगो निस। हिना दंची जी च्यासियस| "

![](https://cdn.door43.org/obs/jpg/360px/obs-en-02-08.jpg)

हंग परमेश्वर सै रूस,“गजा खमि स बतास कि गै नंगो अनि? खै गस अति फल जानस जइजा जाम दंची जिस गजा मना कस्युंगस?” युरासिरी से जवाब दास,“गस जिजा जइ हिदी मिनंसिरी दानस हिदीस जिजा अति फल दास।" हंग परमेश्वर सै मिनंसिरी जा रूस,"गस हिना खौंग स्युंगनस?” अति मिनंसिरी फाक्स, "नबू से जिजा धोखा दास।"

![](https://cdn.door43.org/obs/jpg/360px/obs-en-02-09.jpg)

परमेश्वर सै नबू जा ल्यैस, "गै शापित अनि! गै अफिग दन स सिसियंग हंग सा लपच्यंग गै हंग हिदी मिनंसिरी तिग दूसरो सै रुसू स्युंगयंग, हंग नग सन्तान हंग उग सन्तान री तिग दूसरो सै रुसू स्युंग्यंग। हिदी मिनंसिरी गै वंशज नग पुस्या कितियंग, हंग गै उग लिकी छोंगतियंग।’’

![](https://cdn.door43.org/obs/jpg/360px/obs-en-02-10.jpg)

हंग परमेश्वर सै मिनंसिरी जा ल्यैस, "जी नग सन्तान जन्माम दंची मत्त दुःखू दायंग| गै अफिग रिथी जा आशा तायंग, हंग उ नग यरतो राज स्युंगयंग ।"

![](https://cdn.door43.org/obs/jpg/360px/obs-en-02-11.jpg)

परमेश्वर सै यूरासिरी जा ल्यैस, "गसै अफिग रिथिस्या गै यन्नस हंग जिग कथा मुमानस। हिना दंची थंगजा शापित लिच्च, हंग गजा जाम दंची मत्त लन स्युंगम परयंग थन गै सिचियंगन, हंग नग गोमरंग सा कू छूसियंग|” अति युरासिरी सै अफिग रिथिस्या ग मिन हव्वा तास, जइग अर्थ अनि “जीवन दाद वाला” खस्युंग कि उ जम्मा जाति ग मूमा ल्हैयंगन्न। हंग परमेश्वर सै आदम हंग हव्वा जा जानवर ग को खंगै खसै-पसै चुकसिस।

![](https://cdn.door43.org/obs/jpg/360px/obs-en-02-12.jpg)

हंग परमेश्वर सै ल्यैस्, “थन बुद हंग यद पैमग निमफन मि इंग नारुक्त कलिच्च, हिना दंची उसीजा अति जीवन ग स्यिन गै फल मुजाम दाम निस कि उसी राज्यारी दंची टांग्द निस ल्है”। हिना दंची परमेश्वर सै आदम हंग हव्वा जा अति स्वार कू खचि छंगपंग कथिरस। हंग परमेश्वर सै खमि जा री अति जीवन गै स्यिन गै फल मुजाम दंची अति स्वार गै मारोंग चीकू कू तरत स्वर्गदूत जा कतास।

*उत्पत्ति अध्याय 3 से बाइबल गै तिग कथा ।*

## 3. गौ

https://openbiblestories.org/l/cdn/story-3/

![](https://cdn.door43.org/obs/jpg/360px/obs-en-03-01.jpg)

मत्त ज्या ची कथा,दुनिया कू मत्त मि मंग स्योंगसिद निन्नस| उसी मत्त यद हंग पापी कल्लैन्नस। हिदी हिलंग यद निस, कि परमेश्वर सै तिग पुद गौ स हिदी पूरो दुनिया जा नाश स्युंगम गै फैसला कस्युंग|

![](https://cdn.door43.org/obs/jpg/360px/obs-en-03-02.jpg)

हंग परमेश्वर नूह जा खुशी कल्त निस। उ यद मि गै गुन्दा स्योंगसिद वाला तिग धर्मी मि निस। परमेश्वर सै नूह जा बतास कि उ तिग लच्यंग पूद गौ राद अनि। हिदी कारण, उस नूह जा तिग पुद नाव बनाम दंची ल्यैस।

![](https://cdn.door43.org/obs/jpg/360px/obs-en-03-03.jpg)

परमेश्वर सै नूह जा लगभग तिग सय यरतो पीसा मीटर बुग्ध, नस्सा सुम मीटर परत हंग,चेसम.ड़ई मीटर थैद नाव बनाम दंची ल्यैस। नूह जा उजा स्यिन ग बनाम निस। हंग अतकु सुम तल, मत्त कमरा, तिग कयर, हंग तीग तैबारी बनाम निस। अति नाव नूह, उग मौमाल हंग थंगजा ची यकरो- यकरो जानवरों जा अति गौ कू खचि बचाग तायंग।

![](https://cdn.door43.org/obs/jpg/360px/obs-en-03-04.jpg)

नूह सै परमेश्वर ग कथा मानस। उस हंग उग सिरि मंग सै हिनाई नाव बनास जसौ परमेश्वर सै बतास। खस्युंग कि अति नाव मत्त पूद निस हिना दंची उजा बनाम दंची उलंग यन कलगै। नूह सै मि मंग जा राद वाला गौ ग बारे कू चेतावनी दास ढंग उसीजा परमेश्वर गै चैन्तु राम दंची कल्यैस, हंग उसीस उजा विश्वास मुस्युंगस|

![](https://cdn.door43.org/obs/jpg/360px/obs-en-03-05.jpg)

परमेश्वर सै नूह हंग उग मौमाल जा अफि दंची हंग जानवर गै दंची पूरो जाम ग फुल थुमग कतासिद ग आदेश री दास। हंग जम्मा री तैयार निस, हंग परमेश्वर सै नूह जा ल्यैस कि हिदी बकतर उ, उग रिथिस्या गै, उग सुम सिरी मंग गै, हंग उसीग रिथिस्या मंग गै, जम्मा जैद मि नाव कू दिम दंची निस।

![](https://cdn.door43.org/obs/jpg/360px/obs-en-03-06.jpg)

परमेश्वर सै जम्मा जानवर हंग निप्या ग सिरी हंग चमे जा नूह गै न्योरो थिरस खस्युंग कि उसी नाव कू दि तरयंग हंग गौ रा लंग बक्तर टंग्द होसिन्न। परमेश्वर सै हिना जम्मा जानवरो मंग गै नीसे सिरी हंग नीसे चमे मंग जा थिरस जइजा बलि चढाम गै दंची लन स्युंगस तरयंग| हंग उसी नाव कू टोनभनेस हंग अफि परमेश्वर सै नाव गै मोरोंग कघरतिस|

![](https://cdn.door43.org/obs/jpg/360px/obs-en-03-07.jpg)

हंग नम राम शुरू लिच्च, हंग नम रागइ निस, रागइ निस। तीज्या री नम मुरुकस पीसा ज्या हंग पीसा मुन्छ वास नम रागइ निस पूरो संसार ग जम्मा तिग बथौ, इता वास कि थैद स थैद दंगयैर री ती कु कचैकसी।

![](https://cdn.door43.org/obs/jpg/360px/obs-en-03-08.jpg)

छरत बं कू स्योंगसिद वाला हर तिग बथौ पझयंगस, उसी मंग हंग ले लूक्च जा होतिग जइ नाव कू निन्नस। उ नाव ती कू दिगइ निस हंग नाव ग चीकू जम्मा बथौ जा च्याकसिम सै बचाग तास।

![](https://cdn.door43.org/obs/jpg/360px/obs-en-03-09.jpg)

नम कधिन्स उग निमफन, नइ ला वास अति नाव ती कू तैरते निस, हंग अति बकतर ती चिथ कल्त निस| हंग तीज्या अति नाव तिग यैयर गै येरतो दिग स्योंगसिस, हिदी संसार इता री ती स कबिन्द अनि। सुम ला ग निमफन यैयर ग यरतो तिंग निस।

![](https://cdn.door43.org/obs/jpg/360px/obs-en-03-10.jpg)

हंग हजू पिसा ज्या ची निमफन, नूह सै तिग का जा हिदी औंगम दंची छंगपंग थिरस कि खै ती छरत निस। अति का छरत बं औंगम दंची तिर-झिर उडेग निस, हंग उजा हिना खरी बं मुतिन्स।

![](https://cdn.door43.org/obs/jpg/360px/obs-en-03-11.jpg)

हंग निंगकूती नूह सै तिग कबूतरी जा छंगपंग थिरस। हंग उजा री खरी छरत बं मुतिन्स, हिना दंची अति नूह ग न्योरो थोकसिग पिरास। तिग हप्ताह गै निमफन उस अति कबूतरी जा हजू थिरस, हंग उ अफिग आकू जैतून ग तिग स्यिन ग डाली चुमग थोकसिग पिरास। ती थिग निस, हंग बौटू हजू जुग निस।

![](https://cdn.door43.org/obs/jpg/360px/obs-en-03-12.jpg)

नूह सै तिग हप्ताह हजू रिहनचिग निस हंग सुम चू अति कबूतरी जा छंगपंग थिरस इतापाली उजा स्योगसिम बं कतिनसिस हंग उ थोकसिग मुरास। ती थीग निस।

![](https://cdn.door43.org/obs/jpg/360px/obs-en-03-13.jpg)

निस्यी ला निमफन परमेश्वर सै नूह जा ल्यैस, “थन गै हंग नग मौमाल हंग जम्मा ले लिंगै नाव कू खचि छंगपंग रनि। मत्त यम्बा सन्मग हंग खुइ-खुमे मंग जन्म दानी हंग थंगजा तीकक स्युंग्नी।" हिना दंची नूह हंग उग मौमाल नाव कू खचि छंगपंग वन्ग पिरन्नस।

![](https://cdn.door43.org/obs/jpg/360px/obs-en-03-14.jpg)

नूह गै नाव कू खचि छंगपंग राम गै निमफन उस तिग दांगसीन बनास हंग बलि दंची लन राद वाला छनछन गै लुक्च गाजी कू खचि दूमा कोरग बलि चढ़ास। परमेश्वर अति बलि स खुश लिच्च हंग नूह हंग उग मौमाल जा आशीर्वाद दास|

![](https://cdn.door43.org/obs/jpg/360px/obs-en-03-15.jpg)

परमेश्वर सै ल्यैस, “जि वादा स्यूंग्तू कि मि मंग ग चैन्तु खचि स्युंग वाला यद लन कू खचि जि हजू खज्या थंग्जा कू कुलू मुदायंग किता गौ चैन्तु संसार जा नाश मुसुग्यंग, खस्युंग कि मि अफिग सैनलं खची ही पापी निस।

![](https://cdn.door43.org/obs/jpg/360px/obs-en-03-16.jpg)

हंग परमेश्वर सै अफिग वादा गै निशानी गै रूप कू लच्यंग लरी मैलागुच्छा बनास। हंग खज्यारी तिम्भू कू मैलागुच्छा कतिन्स, ता परमेश्वर चि स्युंगयंग कि उस खै वादा कस्युंगस हंग हिनाइ उसीग मि मंग री चि स्युंयंग|

*उत्पत्ति अध्याय 6-8 से बाइबल गै तिग कथा*

## 4. अब्राहम गै जरू परमेश्वर गै वाचा

https://openbiblestories.org/l/cdn/story-4/

![](https://cdn.door43.org/obs/jpg/360px/obs-en-04-01.jpg)

गौ रा लंग उलंग यन ग निमफन, संसार कू मथ मि मंग स्योंगसिद निन्नस, हंग उसी स हजू सै परमेश्वर गै हंग तीग दूसरो मि ग चैन्तु पाप कसयुंग। खसयुंग कि उसी जम्मा री तिगइ बोली फाक्क निन्नस, हिना दंची उसी तीग जरु थुमसि निस हंग तिग सौंग कबनास। हिदी दंची उसीस परमेश्वर गै कथा मुरुंगस जइ हिदी संसार तिक्क स्युंगम निस।

![](https://cdn.door43.org/obs/jpg/360px/obs-en-04-02.jpg)

उसी मत्त सेकि निन्नस, हंग उसीजा हना जीवन टांग्म निस हिदी बारे कू परमेश्वर गै कथा मुस्यचिद निन्नस। हिदा वास कि उसीस तिग हिना थेदे चिम बनाम शुरू कस्युंग जइ स्वर्ग वास नभयंग। परमेश्वर सै तिन्स कि उसी तिग जरू स्योंगसिम यद कथा स्युंग तायंग, ता उसी मत्त पापी लन स्युंगतरयंगन्न।

![](https://cdn.door43.org/obs/jpg/360px/obs-en-04-03.jpg)

हिना दंची परमेश्वर सै उसीग बोली जा मत्त सै यकरो-यकरो बोली कू कबदलस हंग उसी मंग जा जम्मा संसार कू हासीन्नस। जइ सौंग जा उसीस बनाम शुरू स्युंग निस अति बाबेल लेन्नस, जइ ग अर्थ ल्है “गड़बड़ी|”

![](https://cdn.door43.org/obs/jpg/360px/obs-en-04-04.jpg)

सय यन गै निमफन, परमेश्वर सै अब्राम मिन गै तिग मि जा कथा स्युंगस। परमेश्वर सै उजा ल्यैस, “अफिग राजू हंग मौमाल जा होतीग अति राजू दी जइ जी गजा दिखायंग। जी गजा आशीर्वाद दायंग हंग गजा तिग पूद जात बनायंग। जी नग मिन महान स्युंगयंग। जइ गजा आशीर्वाद दायंग जी उजा आशीर्वाद दातू, हंग जइ गजा श्राप दायंग उजा श्राप दात। नग कारण संसार गै जम्मा मि जा आशीर्वाद मिलयंग”।

![](https://cdn.door43.org/obs/jpg/360px/obs-en-04-05.jpg)

हिना दंची अब्राम सै परमेश्वर गै कथा मानस। उस अफिग जम्मा ढंग्मी हंग अफिग जम्मा जयजाद गै जरू अफिग रिथिस्या सारै कोरदिस हंग कनान राजू पिदिस जइ परमेश्वर सै उजा दिखास।

![](https://cdn.door43.org/obs/jpg/360px/obs-en-04-06.jpg)

हंग अब्राम कनान नबस ता परमेश्वर सै उजा ल्यैस, “अफिग पि बं औंग। जी गजा हिदी जम्मा राजू दातू हंग नग वंश राज्यारी दंची हिदी कू अखतयार तायंग|” हंग अब्राम अति राज कू स्योंगसिस।

![](https://cdn.door43.org/obs/jpg/360px/obs-en-04-07.jpg)

मलिकिसिदक मिन गै तिग युरासिरी निस जइ लच्यंग पूद परमेश्वर गै पुजारी निस। तिज्या अब्राम घीसिग लंग थोकसिग पिरास उ हंग अब्राम छिस। मलिकिसिदक सै अब्राम जा आशीर्वाद दास हंग ल्यैस, “लच्यंग पूद परमेश्वर जइ स्वर्ग हंग थंगजा गै रिथि अनि उ गजा आशीर्वाद दास|” हजू अब्राम सै घीसिग कज्जीत वाला जम्मा बथौ गै ची छु मलिकिसिदक जा कदास।

![](https://cdn.door43.org/obs/jpg/360px/obs-en-04-08.jpg)

उलंग यन कल्च, इता री अब्राम हंग सारै गै खमीरी सिरी मुनिस। परमेश्वर सै अब्राम जा कथा स्युंगस हंग हजू वादा स्युंग्स कि उग तिग सिरी जन्म रायंग हंग जसौ तिम्भु कू कर्मा अनि अतनइ उग मत्त वंशज लेयंग। अब्राम सै परमेश्वर गै वादा कू विश्वास स्युंग्स। परमेश्वर सै ल्यैस कि अब्राम तिग बुद मि निस खस्युंग कि उस परमेश्वर गै वादा कू विश्वास स्युंग्स।

![](https://cdn.door43.org/obs/jpg/360px/obs-en-04-09.jpg)

हंग परमेश्वर सै अब्राम जा तिग वाचा घिस। साधरण रूप कू, तिग वाचा निस्यी दलों गै गुंदा कू तिग दूसरो गै दंची लन स्युंगम समझौता लिन्ही। परमेश्वर सै अब्राम जा अति वाचा स्युंग्स हंग अब्राम लयक्त निस, हंग उ परमेश्वर जा यन्न तरसिग निस। परमेश्वर सै ल्यैस, “जी नग गोमरंग कू खची तिग सिरी दायंगनौ। जी नग वंशज जा हिदी कनान राजू दात|” हंग इता री अब्राम गै खमी सिरी मुनिस।

*उत्पत्ति अध्याय -11-15 से बाइबल गै तिग कथा*

## 5. वादा गै सिरी

https://openbiblestories.org/l/cdn/story-5/

![](https://cdn.door43.org/obs/jpg/360px/obs-en-05-01.jpg)

अब्राम जी सारै गै कनान नबम ग ची यन गै निंग्म, इता वास री उग खमि री संतान मुनिस। हिना दंची, अब्राम गै रीथिस्या सारै सै उजा ल्यैस, परमेश्वर सै इता वास जीजा संतान जनमाम कू लायक मुस्युंगसिद अनि हंग थन जी संतान जनमाम दंची मत्त स्यांगत अने, औंगयो, जिग ढांग्मि हाजिरा अतकू अनि। उजा री ढामी स्युंगयो कि उ जिग दंची तिग संतान उत्पन्न स्युंग तरयंग|

![](https://cdn.door43.org/obs/jpg/360px/obs-en-05-02.jpg)

हिना दंची अब्राम सै हाजिरा जा ढामि कस्युंगस| हाजिरा गै तिग सिरी जरम रास, हंग अब्राम सै उग मिन इश्माएल तास| हंग सारै हाजिरा स रुसु स्युंग्स| हंग इश्माएल चेसम यन गै निस| परमेश्वर सै हजू अब्राम जा कथा स्युंग्स|

![](https://cdn.door43.org/obs/jpg/360px/obs-en-05-03.jpg)

परमेश्वर सै ल्यैस, “जी अइलंग मत्त तरतै परमेश्वर ल्हीय। जी नगै जरु तिग वाचा घिसियंग|” हंग अब्राम सै थंग्जा कू करचिग ढोग दास। परमेश्वर सै अब्राम जा हिदि री ल्यैस, “गै मत्त जात गै बा ल्यंग्न। जी गजा हंग नग वंशज जा उसीग कोनमचिम बं ल्हैम दंची कनान राजू दायंग हंग जी राज्यारी दंची उसीग परमेश्वर ल्यंगये। नग अफिग चिम मौमाल गै जम्मा यूरासिरी गै खतना स्युंगयंगनि|”

![](https://cdn.door43.org/obs/jpg/360px/obs-en-05-04.jpg)

नग रिथिस्या सारै तिग सिरी जन्म दायंग- उ वादा गै सिरी ल्यंग। उग मिन इसहाक तायंग। जी उग जरू अफिग वाचा बनाग तातू हंग उ तिग पूद जात बनयंग। जी इशमाइल जा री तिग पूद जात बनयंग, हंग जिग वाचा इसहाक गै जरू स्योंगसियंगन|” हंग परमेश्वर सै अब्राम गै मिन बदलग अब्राहम कस्युंग, जइ गै मतलब ल्है “मत्त मि गै बा”। परमेश्वर सै सारै गै मिन री बदलग सारा कस्युंग,जइ गै मतलब ल्है “जम्मा मि गै मूमा”।

![](https://cdn.door43.org/obs/jpg/360px/obs-en-05-05.jpg)

अति ज्या अब्राहम सै अफिग मौमाल गै यूरासिरी गै खतना कस्युं। लगभग तिग यन गै निमफन, हंग अब्राहम सय यन ग उमर गै निस हंग सारा जैछांग ची यन ग निस, हंग सारा सै अब्राहम गै सिरी जा जन्म दास। जसौ परमेश्वर सै उजा ल्यैस उसीस उग मिन इसहाक तास।

![](https://cdn.door43.org/obs/jpg/360px/obs-en-05-06.jpg)

हंग इसहाक ज्यूद कल्च ता परमेश्वर सै हिदी ल्यैग अब्राहम गै विश्वास गै छक्का खंस,“अफिग तिगलौता सिरी जा कोरसिन, हंग उजा जिग दंची बलि गै रूप कू पच्यंगस|” हजू री अब्राहम सै परमेश्वर गै कथा यन्स हंग अफिग सिरि जा बलि स्युंगम दंची तैयार कस्युंग।

![](https://cdn.door43.org/obs/jpg/360px/obs-en-05-07.jpg)

हंग अब्राहम हंग इसहाक बलि चढ़ाम गै बं कू दिग निन्नस ता इसहाक सै रूस, “हे बा, इंग न्योरो बलि दंची स्यिन ता अनि, हंग बलि स्युंगम गै माला उलौ अनि?” अब्राहम सै जवाब दास, “हे जिग सिरि, परमेश्वर बलि स्युंगम दंची माला ग इंतजाम स्युंगयंग”।

![](https://cdn.door43.org/obs/jpg/360px/obs-en-05-08.jpg)

हंग उसी बलि चढ़ाम गै बं कू टोनबस, ता अब्राहम सै इसहाक जा घीघ दंगसिन कू करचिस। उ अफिग सिरि जा पच्यंगम निस कि परमेश्वर सै ल्यैस, “रिनचिन! सिरि जा नुकसान मुस्युंगम! थन जीजा पत्तौ कचल्स कि गै जिग जेरक अनै खस्युंग कि गस अफिग तिगलौता सिरि जा री जीजा री च्याग मुतास।

![](https://cdn.door43.org/obs/jpg/360px/obs-en-05-09.jpg)

न्योरोइ, अब्राहम सै तिग पूद माला गै तिन्स जइ झाडा कू कतोंगसिद निस। परमेश्वर सै इसहाक गै बदला कू बलि दंची तिग पूद माला गै इंतजाम कस्युंगस। अब्राहम सै खुशी- खुशी पूद माला गै बलि कचढ़ातिस।

![](https://cdn.door43.org/obs/jpg/360px/obs-en-05-10.jpg)

हंग परमेश्वर सै अब्राहम जा ल्यैस, “खस्युंग कि गस जिग दंची जम्मा बथौ दाम दंची दुं निस, इता वास कि अपिग ति गलौता सिरि जा री, हिना दंची जी गजा आशीर्वाद दाम गै वादा स्युंगतो। नग वंशज तिम्भु गै कर्मा जा री मत्त ल्यंगन्न। खस्युंग कि गस जिग कथा रूंगसिस हिना दंची जी नग मौमाल गै चैन्तु संसार गै जम्मा मौमाल जा आशीर्वाद दायंग|”

*उत्पत्ति अध्याय 16-22 से बाइबल गै तिग कथा*

## 6. परमेश्वर इसहाक गै दंची इंतजाम कस्युंग अनि

https://openbiblestories.org/l/cdn/story-6/

![](https://cdn.door43.org/obs/jpg/360px/obs-en-06-01.jpg)

हंग अब्राहम मत्त स्यांगत कल्त निस। हंग उग सिरी, इसहाक, तिग यूरासिरी गै उमर गै कल्च निस। हिना दंची अब्राहम सै अफिग तिग ढंग्मी जा अफिग सिरी इसहाक गै दंची अति राजू खचि तिग रीथिस्या रयम दंची थिरस जइ बं उग स्यासि मंग स्योंगसि निन्नस।

![](https://cdn.door43.org/obs/jpg/360px/obs-en-06-02.jpg)

जइ बं अब्राहम गै स्यासिमंग स्योंगसिद निन्नस अति राजू दिम गै तिग पूद वथ यात्रा गै निमफन परमेश्वर सै अति ढंग्मी जा रिबका सै छिनन्स। उ अब्राहम गै पी गै खुमै निस।

![](https://cdn.door43.org/obs/jpg/360px/obs-en-06-03.jpg)

रिबका अफिग मौमाल जा होतिग अति ढंग्मी गै जरू थोकसिग दिम दंची तैयार कल्च। जसौ इ उसी टोनबस इसहाक सै उजा ढामी कस्युंगस।

![](https://cdn.door43.org/obs/jpg/360px/obs-en-06-04.jpg)

तिग बुंग्थ ज्या गै निमफन, अब्राहम पझयंग। हंग परमेश्वर सै अब्राहम गै सिरी इसहाक जा, अब्राहम गै जरू कघिस्दै वाचा गै कारण सै आशीर्वाद दास। अति वाचा कू परमेश्वर गै तिग वादा निस कि अब्राहम गै मत्त संतान नियंगन। हंग इसहाक गै रिथिस्या रिबका गै संतान मुलिच्च।

![](https://cdn.door43.org/obs/jpg/360px/obs-en-06-05.jpg)

इसहाक सै रिबका गै दंची प्रार्थना स्युंगस, हंग परमेश्वर सै उजा जुड़वा सैन्द गै आशीर्वाद दास। जइ वक्त उसी सैन्द रिबका गै दन कू निस उसी आपस कू घीसिग निस, हिना दंची खरी ल्हैग निस रिबका सै अति परमेश्वर जा बता तिस।

![](https://cdn.door43.org/obs/jpg/360px/obs-en-06-06.jpg)

परमेश्वर सै रिबका जा ल्यैस, “गै निस्यी सिरी जा जन्म दायंग। उग संतान निस्यी यकरो-यकरो जाति बनयंग। उसी निमी घिसियंग। हंग पूद सिरि सै पैदा ल्हैम वाला जात जा मिद सिरी सै राद वाला जात गै कथा मानम परयंग|”

![](https://cdn.door43.org/obs/jpg/360px/obs-en-06-07.jpg)

हंग रिबका गै सेन्द ग जन्म लिच्च, ता पूद सिरी मंग्द हंग छम निस, हंग उसिस उग मिन एसाव तास| हंग मिद सिरी एसाव गै लिकी चुमग जन्म रास, हंग उसिस उग मिन याकूब तास|

*उत्पत्ति अध्याय 24:1-25:26 से बाइबल गै तिग कथा*

## 7. परमेश्वर याकूब जा आशीर्वाद दास

https://openbiblestories.org/l/cdn/story-7/

![](https://cdn.door43.org/obs/jpg/360px/obs-en-07-01.jpg)

हंग उसी सैन्द पूद लिच्च, ता याकूब जा चिमजा स्योंगसिम बुद तैस, हंग एसाव जा जानवर जा सतिम बुद तैत| रिबका सै याकूब जा बुदतेस, हंग इसहाक सै एसाव जा बुदतेस|

![](https://cdn.door43.org/obs/jpg/360px/obs-en-07-02.jpg)

तिज्या ची, एसाव सतिम स्युंग थौकसिग रास ता उ मत्त खिग निस। एसाव सै याकूब जा ल्यैस, “जइ गस दुकलंग कस्युंगद अनि उजा खची दुमा दुकलंग जीजा दा”। याकूब सै जवाब दास, “लरी जीजा हिदी वादा स्युंगयो कि लच्यंग पूद सिरि ल्हिम गै कारण स हर ति ग बथौ जइ गजा चींथ निस अति जम्मा गै जीजा दायंग|” हिना दंची एसाव सै अति जम्मा बथौ याकूब जा दाम गै वादा कस्युंग। हंग याकूब सै उजा दुमा दुक्लंग दास।

![](https://cdn.door43.org/obs/jpg/360px/obs-en-07-03.jpg)

इसहाक एसाव जा आशीर्वाद दाम चींथ निस। हंग हिदी च्यंग लरी कि उस हिना स्युंगस, रिबका हंग याकूब सै याकूब जा एसाव लैम्ह गै ढोंग स्युंग उग जरू धोखा स्युंगस। इसहाक स्यांगत निस हंग थन औंग मुतरद निस। हिना दंची याकूब सै एसाव गै खसै-पसै चूकसिग हंग माला गै कौ खंगै अफिग बाना हंग लाकू घिस|

![](https://cdn.door43.org/obs/jpg/360px/obs-en-07-04.jpg)

याकूब इसहाक गै नौंकू रास हंग ल्यैस, “जी एसाव ल्हिय। हिना दंची रयस कि गै जीजा आशीर्वाद दा|” हंग इसहाक सै माला गै छम्म जा महसूस स्युंगता हंग खसै-पसै जा निप्स, ता उस चिचिस कि उ एसाव अनि हंग उजा आशीष दास।

![](https://cdn.door43.org/obs/jpg/360px/obs-en-07-05.jpg)

एसाव सै याकूब जा बैर तास खस्युंग कि याकूब सै उग लरी ची सिरि गै अख्तयार हंग जरूइ उग आशीर्वाद जा री खुग पिकोरस। हिना दंची उस उसीग बा गै सिचिम गै निमफन याकूब जा सतिम दंची चिचिग निस।

![](https://cdn.door43.org/obs/jpg/360px/obs-en-07-06.jpg)

हंग रिबका सै एसाव गै कथा कयन्स। हिना दंची उस हंग इसहाक सै याकूब जा उग स्यासिमंग गै जरू स्योंगसिम दंची मत्त वथ कथिरस।

![](https://cdn.door43.org/obs/jpg/360px/obs-en-07-07.jpg)

याकूब उलंग यन वास रिबका गै स्यासिमंग जरू निस। अति बक्तर उस ढामी कस्यूंगस हंग चैने सिरि मंग जा हंग तिग चमै जन्मास। परमेश्वर सै उजा मत्त स्यंगमी कबनास।

![](https://cdn.door43.org/obs/jpg/360px/obs-en-07-08.jpg)

नस्सा यन वास कनान कू अफिग चिम जा खची वानम स्योंगसिम गै निमफन, याकूब अफिग मौमाल, अफिग ढंगमी मंग, हंग अफिग लै लुकच ग पूरो यम्बा गै जरू थोकसिग पिरास।

![](https://cdn.door43.org/obs/jpg/360px/obs-en-07-09.jpg)

याकूब हिना दंची मत्त कजैरक निस खस्युंग कि उस चिचिस कि एसाव थन री उजा पच्यंगम चींथ निस। हिना दंची उस नासौ नारुक्त लै लुकच गै यम्बा एसाव गै निद कू थिरस। जइ ढंग्मी अति यम्बा कोरगदिस उसीस ल्यैस, “नग ढंग्मी याकूब, हिदी लै लूकच जा गजा दाति। उ छांटोइ राग निस|”

![](https://cdn.door43.org/obs/jpg/360px/obs-en-07-10.jpg)

हंग एसाव थन याकूब जा नुकसान स्युंगम मुचिंथ निस। हिदी गै बदला, उ उजा तिच्चु हजू तिंग मत्त तख्ख निस। उग निमफन याकूब कनान राजू कू शांति स स्योंगसिस। हंग इसहाक पझयंगस हंग याकूब जी एसाव सै उजा सा कू कितांगस। वाचा ग वादा जइ परमेश्वर सै अब्राहम जा कस्युंगसिद निस उसी थन इसहाक स याकूब जा पिराद निस।

*उत्पत्ति अध्याय 25:27-35:29 से बाइबल गै तिग कथा*

## 8. परमेश्वर यूसुफ हंग उग मौमाल जा बचाग तास

https://openbiblestories.org/l/cdn/story-8/

![](https://cdn.door43.org/obs/jpg/360px/obs-en-08-01.jpg)

उलंग यन गै निमफन, हंग याकूब स्यांगत कल्त निस, ता उस अफिग बुद सिरि यूसुफ जा उग पी मंग जा औंगम दंची थिरस जइ लै लुकच गै यम्बा ओंग तान्नस।

![](https://cdn.door43.org/obs/jpg/360px/obs-en-08-02.jpg)

यूसुफ गै पि मंग सै उजा नफरत स्युंग निस खस्युंग कि उग बा उजा मत्त प्रेम स्युंगद निस हंग हिना दंची री कि यूसुफ सै मं तिंख निस कि उ उसीग राजा ल्हैयंग। हंग यूसुफ अफिग पि मंग गै नीद कू रास ता उसीस उजा बंदी बनाग कोरस हंग उजा ढंग्मी गै व्यापार स्युंगद वाला मि मंग जा करांगतिस।

![](https://cdn.door43.org/obs/jpg/360px/obs-en-08-03.jpg)

चिमजा थोकसिग मूरालंग लरी यूसुफ गै पि मंग सै यूसुफ गै खसै-पसै पिग लाग माला गै सि कू कच्याकतिस। हंग उसीस अति खसै-पसै अफिग बा जा दिखास खस्युंग उ हिदी चिचियंग कि खमि सिर ची जानवर सै यूसुफ जा पच्यांगतिस| याकूब मत्त दु;खु निस|

![](https://cdn.door43.org/obs/jpg/360px/obs-en-08-04.jpg)

गुलाम मंग गै व्यापार स्युंग्द अति मंग यूसुफ जा कोरग दिस। नील यंगती गै खास्या कू स्योंगसिद वाला मिस्र तीग पूद हंग तरत राजू निस। अति गुलाम मंग गै व्यापार स्युंगद वाला सै यूसुफ जा तिग स्यांगमी सरकारी अधिकारी जा गुलाम गै रूप कू करांगतिस। यूसुफ सै अफिग रीथि गै अच्छौ मत्त ढंग सै सेवा स्युंगस, हंग परमेश्वर सै यूसुफ जा आशीर्वाद दास।

![](https://cdn.door43.org/obs/jpg/360px/obs-en-08-05.jpg)

उग रीथि गै रीथिस्या सै यूसुफ गै जरू ह्याम गै कोशिश स्युंग्स, हंग यूसुफ सै हिदी रीति सै परमेश्वर गै खिलाफ पाप स्युंगम स मना कस्यूंग तिस। उजा रुसु पिरास हंग यूसुफ जा झूठी दोष लगा तिस, हिना दंची उजा बंदी स्युंग जेलखाना कू कथिरतिस। इता वास कि जेलखाना कू री यूसुफ परमेश्वर गै दंची साचौ निस, हंग परमेश्वर सै उजा आशीर्वाद दास।

![](https://cdn.door43.org/obs/jpg/360px/obs-en-08-06.jpg)

निस्यी यन गै निमफन, यूसुफ इता री जेलखाने कू इन बुद सै उ निर्दोष निस। तिग मुन्छ, राजा फिरौन, जसौ कि मिस्री ची मी मंग अफिग राजा मंग जा तान्नस, सै निस्यी मं औंग्स जइ मि स उजा मत्त गला फिन्नस। उग खमि री सलाहकार उजा अति मं ग अर्थ मल्है तरस।

![](https://cdn.door43.org/obs/jpg/360px/obs-en-08-07.jpg)

परमेश्वर सै यूसुफ जा मं ग अर्थ ग बताम गै तरत कदास, हिना दंची फिरौन राजा सै यूसुफ जा जेलखाने स अफिग न्योरो हुईस। यूसुफ सै उजा अति मं ग अर्थ बतास हंग ल्यैस, “परमेश्वर मत्त खेती वाला निसे यन गै निमफन अकाल गै निसै यन थिरद वाला अनि|”

![](https://cdn.door43.org/obs/jpg/360px/obs-en-08-08.jpg)

फिरौन राजा कौ यूसुफ जा अइलंग असर लिच्च कि उस उजा मिस्र गै दुसरौ लच्यंग तरत यूरासिरी कबनातिस।

![](https://cdn.door43.org/obs/jpg/360px/obs-en-08-09.jpg)

यूसुफ सै मि मंग स बुद खेति निसे यन गै दौरान पूद मात्रा कू दुकलंग जा थुम्म दंची ल्यैस। हंग निसे यन ची अकाल रास हंग यूसुफ सै मि मंग जा अति दुकलंग रांगस ताकि उसीग न्योरो जाम दंची पूरो ल्यंग।

![](https://cdn.door43.org/obs/jpg/360px/obs-en-08-10.jpg)

अति अकाल तिगइ मिस्र कू हि मुनि, हंग कनान कू री मत्त यद निस जइ बं कू याकूब हंग उग मौमाल स्युोंगसिद निस।

![](https://cdn.door43.org/obs/jpg/360px/obs-en-08-11.jpg)

हिना दंची याकूब सै अफिग लच्यंग पूद सिरि मंग जा जाम दुकलंग तूम दंची मिस्र कू थिरस। हंग उसि दुकलंग तूम दंची यूसुफ गै नोकू कयबतिस ता अति पी मंग सै यूसुफ जा मुसिस। हंग यूसुफ सै उसी जा कसीस।

![](https://cdn.door43.org/obs/jpg/360px/obs-en-08-12.jpg)

हिदी पत्तो स्युंगम दंची कि खै उसी कबदलस उसीग परख स्युंगम गै निमफन, यूसुफ सै उसीस ल्यैस, “जी नग पी यूसुफ ल्हिय! मु जेरम। हंग गनिस जीजा गुलाम गै रूप कू रांगतिस ता गस यद स्युंगम गै तैस, हंग परमेश्वर सै अति यद जा बुद दंची लन स्युंग्स! रनि हंग मिस्र कू स्योंगसिनि ताकि जी गनिग हंग गनिग मौमाल दंची दुकलंग गै इंतजाम स्युंग तरनै |”

![](https://cdn.door43.org/obs/jpg/360px/obs-en-08-13.jpg)

हंग यूसुफ गै पी चिम्जा थोकसिग रास हंग अफिग बा याकूब जा बतास कि यूसुफ इता री टांग्द अनि ता उ मत्त खुशी लित्त निस।

![](https://cdn.door43.org/obs/jpg/360px/obs-en-08-14.jpg)

खस्युंग कि याकूब तिग स्यांगत मि निस हजू री उ अफिग पूरो मौमाल गै जरू मिस्र कू पिदिस, हंग उसी मिस्र कू कस्योंगसि। याकूब गै सिचिम गै लरी, उस अफिग हर तिग सिरि जा आशीर्वाद दास।

![](https://cdn.door43.org/obs/jpg/360px/obs-en-08-15.jpg)

वाचा गै अति वादा जइ परमेश्वर सै अब्राहम जा स्युंगस उसी इसहाक जा हंग उग निमफन याकूब, हंग उग निमफन उग चैने सिरी मंग हंग उसीग मौमाल जा पिरास। अति चैने सिरी मंग गै वंशज इस्राएल गै जात कबनस।

*उत्पत्ति अध्याय 37-50 से बाइबल गै तिग कथा*

## 9. परमेश्वर मूसा जा हुइग तास

https://openbiblestories.org/l/cdn/story-9/

![](https://cdn.door43.org/obs/jpg/360px/obs-en-09-01.jpg)

यूसुफ गै सिचिम गै निमफन उग जम्मा स्यासिमंग मिस्र कू स्योंगसिनन्स। उसी हंग उग वंशज उलंग यन वास मिस्र कू हि स्योंगसिनन्स हंग उसीस मत्त सन्मंग जन्म दास। उसी इस्राएली ल्हैनन्स।

![](https://cdn.door43.org/obs/jpg/360px/obs-en-09-02.jpg)

सय यन गै निमफन, इस्राएलियों गै संख्या मत्त कबढ़स। हंग मिस्री मंग थन हिदी कथा गै दंची धन्यवादी मुनिस कि उसीग सहायता स्युंग्म दंची यूसुफ सै उलंगन स्युंग्स। उसी इस्राएली मंग सै कजेरस खस्युंग कि उसी संख्या कू उसी जा मत्त अछो निस। हिना दंची अति वक्त मिस्र कू राज स्युंग्म वाला फिरौन राजा सै इस्राएलि मंग जा मिस्री मंग जा गुलाम कबनास।

![](https://cdn.door43.org/obs/jpg/360px/obs-en-09-03.jpg)

मिस्री मंग सै इस्राएलि मंग जा मत्त स चिम हंग इता वास कि मत्त सौंग बनाम दंची मजबूर स्युंगनन्स। अति मत्त मेहनत सै उसी जीवन कू पूद दु:खु कबनातिस, हंग परमेश्वर सै उसी जा आशीर्वाद दास हंग उसीग मत्त संतान पैदा लित।

![](https://cdn.door43.org/obs/jpg/360px/obs-en-09-04.jpg)

फिरौन राजा सै कतिन्स कि इस्राएलि मंग गै मत्त संतान पैदा ल्हैग निस, हिना दंची उस अफिग मि मंग जा इस्राएलि मंग गै जम्मा सिरि संतान जा नील यंगती कू थितिग लग पचयंगम दंची फिन्सयद कदास।

![](https://cdn.door43.org/obs/jpg/360px/obs-en-09-05.jpg)

तिग खास इस्राएलि मिनंसिरी सै तिग सिरि जा जन्म दास। उस हंग उग रीथि सै उलंग उसीजा ल्है तरस अति सेंद जा च्याग तास।

![](https://cdn.door43.org/obs/jpg/360px/obs-en-09-06.jpg)

हंग अति सेंद गै मुमा -बूबा उजा हंग मत्त च्यासि मुतरस, ता उसीस उजा सिचिम सै बचाम दंची तिग तैरते वाला छापरी कू नील यंगति गै सिन गै बोटु गै गुंदा कतातिस। उग पूद तता सै हिदी औंग तास कि उग जरू खै ल्हिनि।

![](https://cdn.door43.org/obs/jpg/360px/obs-en-09-07.jpg)

फिरौन राजा गै चमै सै अति छापरी जा औंग तिस उग भीतरु तिन्स। हंग उस तिग सैन्द जा तिन्स ता उस उजा अफिग सैन्द नारुकत पिकोरस। उस तिग इस्राएली रीथिस्या जा नू पीलाम दंची लन कू कतास, उजा खरी पत्तो मुनिस कि उ अति सैन्द गै सांक मुमा निस। हंग उ सैन्द हिलंग पूद कल्च कि थन उजा अफिग मुमा गै नू गै जरूरत मुनिस, ता उस फिरौन राजा ग चमै गै न्योरो उजा ल्याकतिस, उग मिन मूसा निस।

![](https://cdn.door43.org/obs/jpg/360px/obs-en-09-08.jpg)

तिज्या, हंग मूसा पूद कल्त निस, ता उस तिन्स कि तिग मिस्री तिग इस्राएली जा लुब्ग तास। मूसा सै अफिग साथौ इस्राएली जा बचाम गै कोशिश स्युंग्स।

![](https://cdn.door43.org/obs/jpg/360px/obs-en-09-09.jpg)

हंग मूसा सै चिचिस कि उजा खमी री मुतिन्न ता उस उ मिस्री जा पच्यंगतिस हंग उजा सा कू कतांगतिस। हंग मूसा सै कस्युंगसिद निस उजा खमिस कतिन्स।

![](https://cdn.door43.org/obs/jpg/360px/obs-en-09-10.jpg)

फिरौन राजा जा पत्तौ कचल्स कि मूसा सै खै स्युंग्स। उस उजा पच्यंगम दंची कोशिश स्युंग्स, हंग मूसा मिस्र कू खची फोंग सिर पिदिस। फिरौन राजा गै सिपाही उजा अतकू मासिमुतरस।

![](https://cdn.door43.org/obs/jpg/360px/obs-en-09-11.jpg)

मिस्र स वानम सीर कू मूसा तिग रोहक्चा कबनस। उस अतकू तिग मिनंसिरि जा ढामी कस्युंग हंग निस्यी सिरि पैदा कस्युंग।

![](https://cdn.door43.org/obs/jpg/360px/obs-en-09-12.jpg)

मूसा अफिग थंग्मी गै माला गै यम्बा औंग तास। तिज्या, उस तिग रूम वाला झाड़ा जा तिन्स जइ मि लुकइ निस। उजा औंग्म दंची उ अति झाड़ा गै न्योरो दिस। हंग उ उग मत्त न्योरो निस ता परमेश्वर सै उजा कथा स्युंग्स। उस ल्यैस, “हे मूसा, अफिग पौला ठुल्ग। गै तीग शुद्ध बं कू कयबत अनि।

![](https://cdn.door43.org/obs/jpg/360px/obs-en-09-13.jpg)

परमेश्वर सै ल्यैस, “जीस अफिग मि मंग गै दु:खु तिन्स। जी गजा फिरौन राजा गै न्योरो थिरयंग ताकि गै इस्राएली मंग जा गुलामी स आंग रतिग रायंग। जी उसीजा कनान राजू दायंग, अति राजू जइग जिस अब्राहम, इसहाक हंग याकूब स वादा कस्युंगसिद निस|”

![](https://cdn.door43.org/obs/jpg/360px/obs-en-09-14.jpg)

मूसा सै रुस, “हंग पत्तो स्युंग्म चिंथ निस कि जीजा खमि स थिरस ता जी खै ल्हैम?” परमेश्वर सै ल्यैस, “जइ जी ल्हिय सो जी ल्हिय। उसिजा ल्हैयो, “जी ल्हिय सै जीजा गनिग न्योरो कथिरस”। उसीस हिना री ल्हैनि, “जी नग पूर्वज अब्राहम, इसहाक हंग याकूब गै परमेश्वर यहोवा ल्हिय।’ जिग हिदी मिन राज्या दंची अनि।

![](https://cdn.door43.org/obs/jpg/360px/obs-en-09-15.jpg)

मूसा जेरक निस हंग फिरौन राजा गै न्योरो दिम मुचिन्थ निस खस्युंग कि उस चिचिस कि उ बुद स फा मुतरयंग, हिना दंची परमेश्वर सै मूसा गै पी, हारून, जा उग सहायता स्युंग्म दंची थिरस।

*निर्गमन अध्याय 1-4 से बाइबल गै तिग कथा*

## 10. ची न्येला

https://openbiblestories.org/l/cdn/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर सै मूसा हंग हारून जा चेतावनी दास कि फिरौन राजा सारो ल्यंग। हंग उसी फिरौन राजा गै न्योरो दिस ता उसीस ल्यैस, “इस्राएल गै परमेश्वर हिना ल्यैग तास, “जिग मि मंग जा दिम दायो!”’ हंग फिरौन राजा सै उग मुयंस हंग इस्राएली मंग जा दिम दंची आजाद स्युंग्म गै बदला उस उसीजा हजू मत्त मेहनत स्युंग्म दंची मजबूर कस्युंग।

![](https://cdn.door43.org/obs/jpg/360px/obs-en-10-02.jpg)

फिरौन राजा उसि मि मंग जा दिम दंची ज्या ज्यारी मना स्युंग तास, हिना दंची परमेश्वर सै मिस्र कू ची मत्त यद न्येला थिरस। हिदी यद न्येला गै चैन्तु, परमेश्वर सै फिरौन राजा जा दिखास कि उ फिरौन राजा हंग मिस्र गै सेमा च्यंग मत्त तरत अनि।

![](https://cdn.door43.org/obs/jpg/360px/obs-en-10-03.jpg)

परमेश्वर सै नील यंगती जा सी कू कबलस, हंग फिरौन राजा सै इता री इस्राएली मंग जा दिम मुदास।

![](https://cdn.door43.org/obs/jpg/360px/obs-en-10-04.jpg)

परमेश्वर सै पूरोइ मिस्र कू भेक्तौ थिरस। फिरौन राजा सै भेक्तौ जा वानम थिरम दंची मूसा जा होस्यी स्युंग्स। हंग जम्मा भेक्तौ गै सिचिम गै निंग्म, फिरौन सै अफिग मन सारो कस्यूंग हंग इस्राएलि मंग जा मिस्र स दिम मुदास।

![](https://cdn.door43.org/obs/jpg/360px/obs-en-10-05.jpg)

हिना दंची परमेश्वर सै चीथ वाला छोकच गै न्येला थिरस। उग निमफन उस डांस गै न्येला थिरस। फिरौन राजा सै मूसा हंग हारून जा हुइस हंग उसिजा ल्यैस कि हंग उसि अति न्येला जा रुकातीम च्यंग इस्राएली मिस्र जा होतिग दिनी| हंग मूसा सै प्रार्थना स्युंग्स ता परमेश्वर सै मिस्र कू खची डांस जा कफितिस हंग फिरौन राजा सै अफिग मन सारो कस्युंग हंग उसी मंग जा आजाद ल्हैग दिम मुदास।

![](https://cdn.door43.org/obs/jpg/360px/obs-en-10-06.jpg)

हिदि ग लरी, परमेश्वर सै मिस्री मंग गै जम्मा चिमजा ची ले लुकच कांग्त ल्हैग सिचिम दास। हंग फिरौन गै मन सारो कल्त निस हंग उस इस्राएमी मंग जा दिम मुदास।

![](https://cdn.door43.org/obs/jpg/360px/obs-en-10-07.jpg)

हंग परमेश्वर सै मूसा स फिरौन गै निद कू नलन कू फा चांग्म दंची ल्यैस हंग उस हिना स्युंगस ता मिस्र गै मंग गै बे कू कांगत वाला छीने वंक रास, हंग इस्राएली मंग जा खरी मुल्च। परमेश्वर सै फिरौन राजा गै मन सारो कस्युंग, हंग फिरौन राजा सै इस्राएली मंग जा आजाद ल्हैग दिम मुदास।

![](https://cdn.door43.org/obs/jpg/360px/obs-en-10-08.jpg)

हिदी ग निमफन, परमेश्वर सै डालू पिरास हंग फिरौन गै मत्त ग्येरा जा नाश कस्युंगति हंग जइ खमी री छंगपंग रास उजा पच्यंग तिस। फिरौन राजा सै मूसा हंग हारून जा हुइस हंग उजा ल्यैस, “जिस पाप कस्युंगद अनि। गनि दि तरनी”। हिना दंची मूसा सै प्रार्थना स्युंगस, हंग तिम्भु खची डालू राम बंद कल्च।

![](https://cdn.door43.org/obs/jpg/360px/obs-en-10-09.jpg)

परन्तु फिरौन राजा सै हजू पाप स्युंग्स हंग अफिग मन सारो कस्यूंग। उस इस्राएली मंग जा आजाद ल्हैग दिम मुदास।

![](https://cdn.door43.org/obs/jpg/360px/obs-en-10-10.jpg)

हिना दंची परमेश्वर सै मिस्र कू मत्त माछया जा राम दास। हिदी माछया सै अति जम्मा ग्येरा कज्जातिस जइ जा डालू सै नाश मुस्युंगसिद निस।

![](https://cdn.door43.org/obs/jpg/360px/obs-en-10-11.jpg)

हजू परमेश्वर सै सुम ज्या वास वम्बंग कस्युंगतिस। हिदी हिलंग वम्बंग निस कि मिस्री मंग अफिग चिमजा खची छंगपंग रा मतरस। हंग जइ बं इस्राएली मंग स्योंगसिद निन्नस अति बं कू छन्त निस।

![](https://cdn.door43.org/obs/jpg/360px/obs-en-10-12.jpg)

हिदी गुइ न्येला गै निमफन री, फिरौन राजा सै इस्राएलियों मंग जा आजाद ल्हैग दिम मुदास। खस्युंग कि फिरोन राजा सै मुयन्स हिना दंची परमेश्वर सै तिग आखरी न्येला थिरम ग योजना बनास। हिदी फिरौन गै मन बदल तियंग।

*निर्गमन अध्याय 5-10 से बाइबल गै तिग कथा*

## 11. फसह गै त्यार

https://openbiblestories.org/l/cdn/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर सै मूसा हंग हारून जा फिरौन गै न्योरो हिदी ल्हैम दंची थिरस कि इस्राएली मंग जा दिम दा। उसीस उजा चेतावनी दास कि उ उसीजा मुदेम दास ता परमेश्वर मिस्र गै मि मंग गै हंग ले लुक्च गै जम्मा लच्यंग लरी जा पच्यांगन्नस| फिरौन सै हिदि यन्ग री ची परमेश्वर जा विश्वास स्युंग्म स हंग उग कथा मानम स मना कस्युंगतिस|

![](https://cdn.door43.org/obs/jpg/360px/obs-en-11-02.jpg)

परमेश्वर सै उजा विश्वास स्युंग्म वाला खमि ग री लच्यंग लरी ची सिरी जा बचाम दंची तिग इंतजाम स्युंग्स। हर मौमाल जा तिग निर्दोष माला जा कौरग उजा सतिम निस।

![](https://cdn.door43.org/obs/jpg/360px/obs-en-11-03.jpg)

परमेश्वर सै इस्त्राएली मंग जा अति माला गै सी कोरग अफिग चिम गै मौरोंग कू कतौन्नस। उसीजा उग स्या रूम निस हंग उसीजा मुसिरत कूटु गै जरू उजा सरासर जाम निस। उस अति दुकलंग जा जाम गै निग्म उसीजा झट मिस्र जा हौतिम दंची यंगसिनिनि।

![](https://cdn.door43.org/obs/jpg/360px/obs-en-11-04.jpg)

जसौ सुंगम दंची परमेश्वर सै इस्त्राएली मंग जा फिन्स्यद दास उसीस जम्मा हिनइ स्युंग्स। फेमुन्छ कू, परमेश्वर हर तिग लच्यंग लरी ची सिरी जा पच्यंग निस मिस्र गै गुन्दा कू खची पिदिस।

![](https://cdn.door43.org/obs/jpg/360px/obs-en-11-05.jpg)

इस्त्राएली मंग गै जम्मा ति तिग चिम गै मोरोंग कूतु कतोगसिद निस, हिना दंची परमेश्वर सै अति चिम जा होतिस| उसी चीकू ची मि मंग संगद निन्नस | उसी माला ग सी ग कारण कटांगन्नस|

![](https://cdn.door43.org/obs/jpg/360px/obs-en-11-06.jpg)

हंग मिस्री मंग सै परमेश्वर जा विश्वास मुस्युंग्स हंग उग फिन्स्यद जा मु मान्नस। हिना दंची परमेश्वर सै उसीग चिम जा मु होइन्नस। परमेश्वर सै मिस्री हंग जा हर तिग पूद सिरी जा पच्यंगतिस।

![](https://cdn.door43.org/obs/jpg/360px/obs-en-11-07.jpg)

जेलखाने गै कैदियों जा पूद सिरि कोरग, फिरौन गै पूद सिरी वास, हर तिग पूद सिरी पच्यंगस। अफिग मत्त दुःख गै कारण मिस्र गै मत्त मि मंग ति निन्नस हंग उसी विलाप स्युंग तानन्स।

![](https://cdn.door43.org/obs/jpg/360px/obs-en-11-08.jpg)

अति मुन्छ फिरौन सै मूसा हंग हारून जा हुइस हंग ल्यैस, “इस्त्राएली मंग जा कोरग छाटोइ मिस्र राजू स दिनी!” मिस्र राजू ची मि मंग सै री इस्राएली मंग स छाटोइ दिम दंची होस्यी स्युंग्स।

*निर्गमन अध्याय 11:1-12:32 से बाइबल गै तिग कथा*

## 12. इस्राएली ची मि मंग गै मिस्र राजू स दिन्नस।

https://openbiblestories.org/l/cdn/story-12/

![](https://cdn.door43.org/obs/jpg/360px/obs-en-12-01.jpg)

इस्त्राएली मंग मिस्र कू खची दिग खुश निन्नस। उसी थन गुलाम मुनिन्नस, हंग उसी वादा गै राजू कू दिग निन्नस! खरी बथौ इस्त्राएली मंग सै थोचीन्नस, मिस्री मंग सै उसी जा जम्मा बथौ कदातिस, इता वास कि झांग हंग मुल्ह खइ अकरो बथौ। दूसरो राजू गै दूमा मि मंग सै परमेश्वर जा विश्वास स्युंग्स हंग इस्राएली मि मंग मिस्र स रन्नस ता उसी री उग जरू पिरन्नस।

![](https://cdn.door43.org/obs/jpg/360px/obs-en-12-02.jpg)

निछ ज्या कस्सा गै तिग पूद खम्बा उग लरी-लरी यनसिस। हंग मुन्छ बकतर हिदी मैं गै खम्बा कबन्स। परमेश्वर जइ कि अति कस्सा गै खम्बा कू हंग मैं गै खम्बा कू निस, राज्यारी उसीग जरू निस हंग उस यात्रा दिम बकतर उसीग लरी-लरी दिस। उसीजा हिनाइ स्युंग्म निस कि उसीग निमफन दिम निस।

![](https://cdn.door43.org/obs/jpg/360px/obs-en-12-03.jpg)

दूमा ज्या ची निमफन, फिरौन राजा हंग उसीग मि मंग सै अफिग मन कबदलस। उसी इस्राएली मंग जा हजू अफिग ढांग्मी बनाम चिनथ निन्नस। हिना दंची उसीस इस्राएली मंग गै पीछा स्युंग्स। हिदी परमेश्वर हि निस जइस उसीग मन कबदलतिस। उस हिना हिना दंची स्युंग्स खस्युंग कि उ चिनथ निस जम्मा मि मंग जा हिदी पता कचलयंग कि यहोवा परमेश्वर फिरौन राजा स हंग मिस्री मंग गै जम्मा सेमा स मत्त तरतै अनि।

![](https://cdn.door43.org/obs/jpg/360px/obs-en-12-04.jpg)

निर्गमन अध्याय 11:1-12:32 से बाइबल गै तिग कथा

![](https://cdn.door43.org/obs/jpg/360px/obs-en-12-05.jpg)

मूसा सै इस्राएली मंग जा ल्यैस, “झैरम बंद स्युंगनि! परमेश्वर थिंया गनि दंची घिसियंग हंग गनिजा बचायंग”। हंग परमेश्वर सै मूसा जा ल्यैस, “हिदी मंग जा मंग्द पूद यंगती गै चैन्तु लरी बढ़म दंची ल्है|”

![](https://cdn.door43.org/obs/jpg/360px/obs-en-12-06.jpg)

हंग परमेश्वर सै अति कस्सा गै खम्बा जा कोरग इस्राएली मंग हंग मिस्री मंग गै गुन्दा कू तातिस ताकि मिस्री मंग इस्राएली मंग जा औंग मुतरन्न।

![](https://cdn.door43.org/obs/jpg/360px/obs-en-12-07.jpg)

परमेश्वर सै मूसा जा पूद यंगति कू अफिग ला यंम दंची ल्यैस। हंग परमेश्वर सै नलन स पूद यंगति गै ति जा ति झिर,जइ स कि पूद यंगती कू गुन्दा अम कल्च।

![](https://cdn.door43.org/obs/jpg/360px/obs-en-12-08.jpg)

इस्राएली मंग अफिग निसि बं ती गै बंगफल जा जरू छरत बं कू समुद्र स लरी पी दिन्नस।

![](https://cdn.door43.org/obs/jpg/360px/obs-en-12-09.jpg)

हंग परमेश्वर सै अति अम कू खची कस्सा अं पिकोरस ताकि मिस्र ची मंग जा इस्राएली मंग जा तंग्द दिद उसीस तिन्स। मिस्री मंग सै उसीस चुम्म दंची उसीग पीछा स्युंग्म गै फैसला पिकोरस|

![](https://cdn.door43.org/obs/jpg/360px/obs-en-12-10.jpg)

हिना दंची उसीस समुद्र गै गुंदा स अति अम कू खची इस्राएली मंग गै पीछा स्युंग्स हंग परमेश्वर सै मिस्री मंग जा जरन्नस हंग उसीग रथ फसातिस। उ हार स्युंगतास, फोंगदिनी! इस्राएली मंग गै दंची परमेश्वर घीसिग अनि!”

![](https://cdn.door43.org/obs/jpg/360px/obs-en-12-11.jpg)

जम्मा इस्राएली समुद्र गै तपो टौनभन्नस। हंग परमेश्वर सै मूसा जा ल्यैस कि उ हजू ती कु ला यब्स। हंग मूसा सै हिना स्युंग्स, ता ती मिस्री सेना मंग जा टौनभन्नस हंग जसौ लरी निस अतनइ कल्च। जमा मिस्री सेना कच्याकसिस।

![](https://cdn.door43.org/obs/jpg/360px/obs-en-12-12.jpg)

हंग इस्राएली मंग सै तिन्स कि मिस्री ची मंग पझयंगस ता उसीस परमेश्वर जा विश्वास स्युंग्स। उसीस विश्वास स्युंग्स कि मूसा परमेश्वर गै चैन्तु सै भविष्य औंग्द मि निस।

![](https://cdn.door43.org/obs/jpg/360px/obs-en-12-13.jpg)

इस्राएली मंग हिना दंची री मत्त खुशी निन्नस खस्युंग कि परमेश्वर सै उसीजा सिचिम सै हंग ढंग्मी ल्हैम स री कबचास। थन उसी परमेश्वर गै सेवा स्युंग्म हंग उग फिन्स्यद गै स्यर चिद स्युंग्म दंची आजाद निन्नस। इस्राएली मंग सै अफिग अजादि ग त्यार मनाम दंची हंग परमेश्वर गै तारीफ स्युंगम दंची उलंग बयरा तुनन्स खस्युंग कि उस उसीजा मिस्री सेना स बचास।

![](https://cdn.door43.org/obs/jpg/360px/obs-en-12-14.jpg)

परमेश्वर सै इस्राएली मंग जा हर यन तिग त्यार मनाम गै फिन्स्यद दास हिदी ची स्युंग्म दंची कि हना परमेश्वर सै मिस्री मंग जा हरातिस हंग उसीजा ढंग्मी ल्हैम स आजाद स्युंग्स। हिदी फसह गै त्यार कल्लैन्नस। हीदुंग उसीजा हिदीग त्यार मनाम दंची तिग बुद माला गै बलि स्युंग्म निस, उजा रुम निस, हंग उजा मुसिरत कूटू गै जरू जाम निस।

*निर्गमन अध्याय 12:33-15:21 से बाइबल गै तिग कथा*

## 13. इस्राएल ची मि मंग गै जरू परमेश्वर गै वाचा

https://openbiblestories.org/l/cdn/story-13/

![](https://cdn.door43.org/obs/jpg/360px/obs-en-13-01.jpg)

इस्राएली मंग जा मंग्द समुद्र स तपो कोरग दिम गै निमफन, परमेश्वर उसीजा सीर खचि लिग सीनै लिह्द वाला येयर गै चैन्तु कोरग दिस| हिदी उहि येयर निस जइ बं कू मूसा सै लूत वाला झाड़ा कतिन्स| उसी मंग सै अति येयर गै छंकू आफिग ढंग्स तैयार स्युंगस|

![](https://cdn.door43.org/obs/jpg/360px/obs-en-13-02.jpg)

परमेश्वर सै मूसा जा हंग इस्राएल गै जम्मा मि मंग जा ल्यैस, गनीजा ज्या-ज्यारी जिग कथा रुंगसिम परयंग हंग जइ वाचा जी गनिग जरू स्युंगतातू उजा बनाग ताम| हंग गनी हिना स्युंगम च्यंग ता गनी जिग इनाम लचयंग पूद सम्पति, परमेश्वर गै पुजारी मंग गै राज्य हंग तिग पवित्र जाति स्योंगसियंग्नी|”

![](https://cdn.door43.org/obs/jpg/360px/obs-en-13-03.jpg)

परमेश्वर चैन्तू उसिग न्योरो राम दंची मि मंग सै सुम ज्या वास आफि जा तैयार स्युंगस| हंग परमेश्वर सीनै यैयर कू खचि युकू रास| हंग उ रास ता रूम्म रास, मिल्डोकच, खू रास, हंग धोतार गै लच्यंग पूद हार लिच्च| हंग मूसा आफि येरतो यैयर कू कचढ़स|

![](https://cdn.door43.org/obs/jpg/360px/obs-en-13-04.jpg)

हंग परमेश्वर सै मि मंग गै जरू तिग वाचा घिस| उस ल्यैस, “जी नग परमेश्वर, यहोवा ल्हीये| जी ल्हिये जइस गनिजा मिस्र गै गुलामी ल्हैम स छुड़ान्नस| खमी दूसरो सैमा गै भक्ति मुस्युंगम|’’

![](https://cdn.door43.org/obs/jpg/360px/obs-en-13-05.jpg)

“मूर्तियाँ मु बनाम हंग उसिग भक्ति मुस्युंम, खस्युंग कि जी यहोवा, गनिग तिगमात्र परमेश्वर ल्हिये| यद रीति स जिग मिन मूटोमो| सब्त गै ज्या ची शुद्ध मानम दंची ची ताम| दुसरो शब्द कू, टुगु ज्या ची आफिग जम्मा लन्न स्युंगम, निसै ज्या ची गनिग दंची आराम स्युंग्म हंग जीजा ची स्युंग्म गै ज्या अनि|’’

![](https://cdn.door43.org/obs/jpg/360px/obs-en-13-06.jpg)

“आफिग मुमा हंग बूबा गै आदर स्युंग्म| हत्या मुस्युंगमो| यद लन्न मुस्युंगम| मु खुमो| झूठी मु फाम| आफिग पड़ोसी गै खुथिस्या,उसिग चिमजा, किता उसिग खरी बथो आंगम गै सुचा मुस्युंगम|’’

![](https://cdn.door43.org/obs/jpg/360px/obs-en-13-07.jpg)

हंग परमेश्वर सै हिदी ची आज्ञाओ जा ऊँग गै निस्यी पटाल कू ऋग मूसा जा कददा| परमेश्वर सै स्यरचिद स्युंगम दंची मि मंग जा यकरो मत्त व्यवस्थाएँ दास| हंग उसिस हिदी व्यवस्थाओ गै स्यरचिद स्युंग्म च्यंग ता परमेश्वर सै उसी मंग जा आशीर्वाद दाम हंग उसिग सुरक्षा स्युंग्म गै वादा स्युंगस| हंग उस ल्यैस कि हंग उसिस हिदीग स्यरचिद मुस्युंगम च्यंग उ उसीजा सजा दायंग|

![](https://cdn.door43.org/obs/jpg/360px/obs-en-13-08.jpg)

परमेश्वर सै इस्राएली मंग स तिग पूद ढाँगस बनाम दंची रि ल्यैस-छिम वाला ढाँगस| उस उसीजा ठीक-ठीक बतास कि हिदी ढाँगस जा हना बनाम अनि, हंग उग भीतरु खै बथो जा ताम अनि| उस उसीजा अति ढाँगस जा निस्यी चीकू कू यकरो स्युंग्म दंची तिग पूद पर्दा जा बनाम दंची री ल्यैस| परमेश्वर अति पर्दा गै निमफन वाला चीकू कू रायंग हंग अतकू स्योंगसियंग| जइ बं कू परमेश्वर निस अति चीकू दिम गै फिनस्यद तिगई यहूदी पूद पुजारी जा निस|

![](https://cdn.door43.org/obs/jpg/360px/obs-en-13-09.jpg)

उसी मंग जा अति छीस वाला ढाँगस गै न्योरो तिग वेदी जा बनाम परयंग| खमी री जइ परमेश्वर गै व्यवस्था गै स्यरचीन मुस्युंगम च्यंग उ अति वेदी कू तिग जानवर रयैग रास| हंग यहूदी पुजारी उजा बलि स्युंगयंग हंग वेदी कू परमेश्वर गै दंची बलि गै रूप कू रूयंग| परमेश्वर सै ल्यैस कि अति जानवर गै सी अति मि गै पाप जा च्यायंग| हिदी रीति स,थन परमेश्वर अति पाप जा मुतिंगयंग | उ मि परमेश्वर गै मी कू “रहाद” ल्हैयंग| परमेश्वर सै मूसा गै पी हारून जा हंग हारून गै संतान जा आफिग पुजारी ल्हैम दंची किलस|

![](https://cdn.door43.org/obs/jpg/360px/obs-en-13-10.jpg)

परमेश्वर सै उसी मि मंग जा जइ नियम दास उसी उग स्यरचिद स्युंग्म दंची रुंगसिस| उसी तिगई परमेश्वर गै मि मंग ल्हैम गै हंग तिगई उग भक्ति स्युंग्म दंची रुंगसिस|

![](https://cdn.door43.org/obs/jpg/360px/obs-en-13-11.jpg)

उलंग ज्या वास, मूसा सीनै यैयर गै दंगयर कू स्योंगसिस| उ परमेश्वर जरू फाग निस| हंग मि उसिग न्योरो थोकसिग राम दंची रिंचिग रिंचिग पुरयंस| हिना दंची उसी हारून गै न्योरो झांग रयग रास हंग उजा तिग मूर्ति बनाम दंची ल्यैस ताकि उसी परमेश्वर गै बदला कू उग आदर स्युंग तरयंगनी| हिदी रीति स उसीस झेरमना रूप स परमेश्वर गै विरुद्ध पाप स्युंगस|

![](https://cdn.door43.org/obs/jpg/360px/obs-en-13-12.jpg)

हारून सै लुक्च गै रूप कू झांग गै तिग मूर्ति बनास| उसी मंग सै अति मूर्ति गै पूजा स्युंगम शुरू कस्युंग हंग उग दंची बलि चढास! उसिग पाप गै कारण स परमेश्वर उसीजा मत्त रुसू पिराद निस| उ उसीजा नाश स्युंगम चींथ निस| हंग मूसा सै उसीजा मु सैम गै परमेश्वर जा होस्यी स्युंगस| परमेश्वर सै उग होस्यी जा यन्स हंग उसीजा नाश मुस्युंगस|

![](https://cdn.door43.org/obs/jpg/360px/obs-en-13-13.jpg)

आखिरकार मूसा सिनै यैयर स यूकू पिरास| उ अति निस्यी ऊँग चूमग पिरसीद निस जइ ऊँग कू परमेश्वर सै ची आज्ञाओ जा करिसिद निस हंग उस अति मूर्ति जा तिन्स| उ हिलंग रुसू पिराद निस कि उस अति सयांग कूछयाकतीस|

![](https://cdn.door43.org/obs/jpg/360px/obs-en-13-14.jpg)

हजू मूसा सै अति मूर्ति जा हिग लाग उग भूसु बनातीस, हंग अति भूसु जा ती कू छुग उसी मंग जा उ ती तुग्म दंची कदास| परमेश्वर सै उसी मंग जा तिग न्येला थिरस हंग उसी मंग जा खचि मत्त मि पझयंगन्नस|

![](https://cdn.door43.org/obs/jpg/360px/obs-en-13-15.jpg)

जइ सयांग जा मूसा सै कूछयाकतीस उग बं कोरम दंची मूसा सै ची आज्ञाओ गै ऊँग गै नुद सयांग जा बनास| हंग उ हजू यैयर कू पिदिस हंग प्रार्थना स्युंगस कि परमेश्वर उसी मंग जा माफ स्युंगती| परमेश्वर सै मूसा गै यन्स हंग उसीजा माफ कस्युंग| नुद सयांग कू ची आज्ञाओ जा कोरग मूसा यैयर खचि यूकू पिरास| हंग परमेश्वर सै सिनै यैयर स कोरग वादा गै राजू वास इस्राएलीयो गै अगवाई स्युंगस|

*निर्गमन अध्याय 19-34 से तिग बाइबल ग कथा*

## 14. सीर कू तू भटकैग निस

https://openbiblestories.org/l/cdn/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर सै इस्राएलियों मंग जा उ नियम जा बताम पूज्यूस| जइग उसीजा गिगतास उसिग वाचा गै कारण स्यरचीद स्युंगम अनि| हजू उस सीनै यैयर स लरी उसिग अगुवाई स्युंगस| उ उसिजा वादा गै राजू कू कोरग दिम चींथ निस| हिदी राजू कनान री लिगतास| परमेश्वर कस्सा गै खंबा कू उसिग लरी लरी दिस, हंग उसी उग निमफन निमफन दिस|

![](https://cdn.door43.org/obs/jpg/360px/obs-en-14-02.jpg)

परमेश्वर सै अब्राहम, इसहाक हंग याकूब जा वाचा स्युंग निस कि उ वादा गै उ राजू उग संतान जा दायंग, हंग हिदी बकतर अतकू मत्तइ जाति स्योंगसिग निन्नस| उसी कनानी लिगतानन्स| हिदी कनानी मंग परमेश्वर गै आदर सम्मान मुस्युंगन्नस हंग उसीग आज्ञा जा मुरूंगन्नस| उसी झूठी सैमा गै पूजा स्युंगन्नस हंग मत्त स यद लन्न स्युंगन्नस|

![](https://cdn.door43.org/obs/jpg/360px/obs-en-14-03.jpg)

परमेश्वर सै इस्राएलियों मंग जा ल्यैस, “हंग गनी अति वाचा गै राजू कू दिनी ता अतकू ची जम्मा कनानियों मंग स वानम स्योंगसिनी | उसिग जरू मेल मुस्युंगम हंग उसी ती ढामी मुस्युंगम| गनीजा उसिग जम्मा मूर्तियों जा पूरो दंची नाश स्युंगतीम| हंग गनी जिग आज्ञा मुरुंगसिम च्यांग,ता गनि जिग बदला उसिग सैमा गै भक्ति स्युंगयंगनी|”

![](https://cdn.door43.org/obs/jpg/360px/obs-en-14-04.jpg)

हंग इस्राएली मंग कनान राजू कू टोनभन्नस, मूसा सै इस्राएल मंग गै जम्मा जाति कू खचि तिग तिग स्युंग चेन्नै यूरासिरी जा किलस| उस उसीजा दिग अति राजू गै छक्का कोरम गै दंची बतास कि अति हना राजू अनि| उसीजा अति कनानियों मंग गै छक्का री कोरम निस कि ओंग्यो कि उसी तरतै निन्नस ला मुतरतै निन्नस|

![](https://cdn.door43.org/obs/jpg/360px/obs-en-14-05.jpg)

उसी चैनै यूरासिरी सै पुरोइ कनान राजू स रागइ निन्नस पीसा ज्या गै यात्रा स्युंगस हंग हजू उसी थोकसिग रन्नस| उसिस मि मंग जा ल्हैन्नस, “अति राजू मत्त मेलो अनि हंग ग्येरा मत्तइ कल्त अनि!” हंग ची भेदि मंग सै ल्यैस, “उसिग सोंग मत्त सारो अनि हंग उसी मंग बुंथ परत अनि! हंग इंग उसीजा घिसिने, ता पूरो रूप स उसी इंजा हरातीयंग हंग इंजा सतीयंग|”

![](https://cdn.door43.org/obs/jpg/360px/obs-en-14-06.jpg)

छांटोइ कालेब हंग यहोशू हंग दूसरों निस्यी भेदि मंग सै ल्यैस, “हिदी साचो अनि कि कनान राजू ची मि बुंथ हंग बलशाली अनि, हंग पूरो रूप स इंग उसीजा हरातरयंगने! परमेश्वर इंग दंची घिसीयंग!”

![](https://cdn.door43.org/obs/jpg/360px/obs-en-14-07.jpg)

हंग मि मंग सै कालेब हंग यहोशू गै कथा मुयंस| उसी मूसा हंग हारून जा रुसू पिरास हंग ल्यैस, “गनी इंजा हिदी जैरमना बं कू खोंग रैग रनिस? इंजा मिस्र कू ही स्योंगसिम चींथ निस| हंग इन अति राजू कू दिम अनि ता इन घिसीम बं कू सिचियंगनी, हंग कनान राजू गै मि मंग इंग रीथिस्या मंग हंग सन्मंग जा ढ़ग्मी बनायंग|”उसी मंग उसीजा थोकसिग मिस्र कू कोरम दंची तिग दूसरो प्रधान जा किलम चींथ निन्नस|

![](https://cdn.door43.org/obs/jpg/360px/obs-en-14-08.jpg)

हंग उसी मि मंग सै हिना ल्यैस ता परमेश्वर मत्त रुसू पिराद निस| उ छिम वाला ढंगस कू रास हंग ल्यैस, “गनिस जिग दंची बलवा स्युंगस, हिना दंची गनी जम्मा जा हिदी सीर कूतु भटगैग नियंग| हर तिग मि जइ नस्सा यन किता अति च्यांग मत्त यन गै अनि उ सिचियंग हंग खज्यारी अति राजू कू दी मुतरयंग जइ जी गजा दाग तातू| तोंमि कालेब हंग यहोशू अतकू दी तरयंग|”

![](https://cdn.door43.org/obs/jpg/360px/obs-en-14-09.jpg)

हंग मि मंग सै परमेश्वर जा हिना ल्यैम यंस,ता उसी दु;खु लीच्च खस्युंग कि उसिस पाप स्युंगस| हिना दंची उसिस कनान राजू गै मि मंग जा घिसीम दंची फैसला कस्युंग| मूसा सै उसीजा मुदिम दंची चैतावनी दास खस्युंग कि परमेश्वर उसी ती जरू मुदीयंग, हंग उसिस उसिग मुयंस|

![](https://cdn.door43.org/obs/jpg/360px/obs-en-14-10.jpg)

परमेश्वर हिदी घिसीम कू उग जरू मुदिस,हिना दंची कनानियों मंग सै उसीजा हरातिस हंग उसी मंग स मत्त मि जा पचयंगन्नस| हंग इस्राएली मंग कनान राजू खचि थोकसिग पिरन्नस निग्म ची पीसा यन वास, उसी सीर कू ती झिर भटगयंगन्न|

![](https://cdn.door43.org/obs/jpg/360px/obs-en-14-11.jpg)

इस्राएली मि मंग चैन्तू सीर कू भटकैम गै पीसा यन गै दौरान,परमेश्वर सै उसिग चींथ बथो जा पूरो स्युंगस| उस उसीजा स्वर्ग खचि “मन्ना” ल्हैम वाला कूटू दास| उस बटेरों गै यम्बा री [जइ कि गुन्दा ची आकार गै निप्या ल्हैग निस ] उसिग खास्या कू लायन्नस ताकि उसी निद कू जाम दंची स्या लयंग| अति पूरो बकतर,परमेश्वर सै उसिग खसै पसै हंग पोला जा पैम स बचाग तास|

![](https://cdn.door43.org/obs/jpg/360px/obs-en-14-12.jpg)

इता वास कि परमेश्वर सै उसिग तुगम दंची चमत्कारी रूप स बियर कू खचि ती व्होंक रास| हंग हिदी जम्मा गै निमफन, इस्राएली मि मंग सै परमेश्वर गै विरुद्ध हंग मूसा गै विरुद्ध हासीनिस हंग मत्त फाग अनि हंग हजू री परमेश्वर विश्वासयोग्य निस| उस जइ वादा स्युंग निस कि अति अब्राहम, इसहाक, हंग याकूब गै संतान गै दंची स्युंगयंग उस अति स्युंगस|

![](https://cdn.door43.org/obs/jpg/360px/obs-en-14-13.jpg)

तिग बकतर उसी मंग जा ती मुनिस, परमेश्वर सै मूसा जा ल्यैस, “ बियर जा कथा फाय, हंग उजा ती व्होंग रायंग| हंग मूसा सै बियर जा कथा मुस्युंगस| हिदी च्यंग री उस दुली स बियर कू निच्चू लूब्स| हिदी रीति स उस परमेश्वर जा हेला स्युंगस| जम्मा गै तुग्म दंची बियर खचि ती ता कव्होंस, हंग परमेश्वर मूसा स रुसू पिराद निस| उस ल्यैस, “खस्युंग कि गस हिना स्युंग अनि, हिना दंची ग्यै वादा गै सोंग कू दी मुतरयंग|”

![](https://cdn.door43.org/obs/jpg/360px/obs-en-14-14.jpg)

हंग इस्राएली मंग पीसा यन वास सीर कू भटगेमग पुझूस, हंग जइमिसै परमेश्वर गै विरुद्ध बलवा स्युंगस उसी जम्मा पझयंगन्नस| हंग परमेश्वर उसी मंग जा हजू स अति वादा गै सोंग गै सिवाने वास कोर दिस| थन मूसा मत्त स्यांगत कल्च, हिना दंची परमेश्वर सै मि मंग गै अगुवाई स्युंम दंची उग सार स्युंगम दंची यहोशू जा किलस| परमेश्वर सै मूसा जा हिदी वादा री स्युंग निस कि तीज्या उसी मि मंग गै न्योरो मूसा नारूकत तिग भविष्य बताद मि थिरयंग|

![](https://cdn.door43.org/obs/jpg/360px/obs-en-14-15.jpg)

हंग परमेश्वर सै मूसा जा तिग यैयर गै दंगयर कू दिदंची ल्यैस ताकि उ वादा गै सोंग जा ओंग तियंग| मूसा सै अति वादा गै सोंग जा तिन्स हंग परमेश्वर सै उजा अतकू दिम गै आज्ञा मुदास| हंग मूसा पझयंग, हंग इस्राएलियों सै सुमसा ज्या वास शोक मना| यहोशू उसिग नुद प्रधान कबनस| यहोशू तिग बुद प्रधान निस खस्युंग कि उस परमेश्वर जा विश्वास स्युंगस हंग उग कथा जा रुंगस|

*निर्गमन अध्याय 16-17; गिनती 10-14; 20; 27; व्यवस्थाविवरण 34 से  बाइबल गै तिग कथा*

## 15. वादा गै सोंग

https://openbiblestories.org/l/cdn/story-15/

![](https://cdn.door43.org/obs/jpg/360px/obs-en-15-01.jpg)

अन्त कू, थन अति ज्या पिरास कि इस्राएली मंग वादा गै सोंग,कनान राजू कू दीनी| अति सोंग कू यरीहो मिन गै तिग सोंग निस| उग हिबाजत स्युंगम दंची उग पी बं सारो बंगफल निस| यहोशू सै अति सोंग कू निस्यी भेदियों जा थिरस| अति सोंग कू राहाब मिन गै तिग वेश्या स्योंगसी निन्नस| उस हिदी भेदियों जा पकच्यास, हंग निंगकुती उस उसीजा सोंग कू खचि बचाम दंची सार स्युंगस| उस हिना हिना दंची स्युंगस खस्युंग कि उ परमेश्वर जा विश्वास स्युंगद निस| जइ बकतर इस्राएली मंग यरीहो जा नुकसान स्युंगयंग हंग उसीस राहाब हंग उग मोमाल गै रक्षा स्युंगम गै वादा स्युंग तास|

![](https://cdn.door43.org/obs/jpg/360px/obs-en-15-02.jpg)

इस्राएली मंग जा वादा गै राजू कू दिम दंची यरदन यंगती तपो टोनभस| परमेश्वर सै यहोशू जा ल्यैस, “यहूदी पुजारी मंग जा लरी दिम दानी| हंग यहूदी पुजारी मंग सै यरदन यंगती कू आफिग लिकी तान्नस ता ती गै धारु बोम करुकस, ज़इस कि इस्राएली मंग यंगती गै दूसरो चेन्तु छरत बं कू तपो दी तरने|

![](https://cdn.door43.org/obs/jpg/360px/obs-en-15-03.jpg)

उसी मंग सै यरदन यंगती तपो पिद्दी ता परमेश्वर सै यहोशू जा ल्यैस कि यरीहो जा घिसिम दंची तैयार ल्हिनी उ मत्त सारो सोंग निस| परमेश्वर सै उसी मंग जा ल्यैस कि उसिग यहूदी पुजारी मंग हंग सिपाही मंग जा टुगु ज्या वास ति ज्या ची तीच्चू अति सोंग गै पी बं चैन्तू गमचिग नियंगन| हिना दंची यहूदी पुजारी मंग हंग सिपाही मंग सै हिनाई स्युंगन्नस|

![](https://cdn.door43.org/obs/jpg/360px/obs-en-15-04.jpg)

परमेश्वर सै इस्राएलियों जा हिना री ल्यैस, कि नीसै ज्या ची, सोंग गै पी बं चैन्तू नीसै चू फेरसिग अनि| हंग यहूदी पुजारी अफ़ि आफिग धोतार जा फिरग तुयंग हंग मि मंग जोर स यरयंग| हंग उसिस हिनाई स्युंगस|

![](https://cdn.door43.org/obs/jpg/360px/obs-en-15-05.jpg)

हंग यरीहो गै पी बं गै बंगफल चिरगनस! जसो परमेश्वर सै आज्ञा दास इस्राएलियों मंग सै सोंग गै हर तिग बथो जा नाश कस्युंगतिस| उसिस तोंग्मि राहाब हंग उग मोमाल जा होतिग, उसी इस्राएलियों मंग गै हिस्सा कबनस| हंग कनान राजू कू स्योंगसिद वाला गार मि मंग सै यन्स कि इस्राएलियों मंग सै यरीहो जा नाश कस्युंगतिस ता उसी कजेर कि इस्राएली मंग उसीजा री घिसिगनिन्नस|

![](https://cdn.door43.org/obs/jpg/360px/obs-en-15-06.jpg)

परमेश्वर सै इस्राएलियों मंग जा आज्ञा दास कि कनान राजू कू स्योंगसिद वाला खमी री जाति गै जरू शांति समझोता मुस्युंगम अनि| हंग गिबोनियों मिन गै तिग कनानी जाति सै यहोशू जा झूठी फाकस कि उसी कनान सोंग खचि वथे तिग बं गै स्योंगसिम वाला अनि| उसिस यहोशू स उग जरू शांति समझोता स्युंगम गै होस्यी स्युंगस| यहोशू हंग गार इस्राएली प्रधान सै परमेश्वर जा मुरुस कि उसीजा खै स्युंगम चिन्नी| हिदि गै बदला, उसिस गिबोनियों मंग गै जरू शांति समझोता कस्युंग|

![](https://cdn.door43.org/obs/jpg/360px/obs-en-15-07.jpg)

सुम ज्या ची निमफन, इस्राएलियों जा पत्तो कल्च कि गिबोनी मंग कनान सोंग कू स्योंगसिद निन्नस| उसी रुसू पिरास खस्युंग कि गिबोनियों मंग सै उसीजा धोखा कद्दास| हंग उसिस उसिग जरू कस्युंग अति शांति समझोता बनागइ तास खस्युंग कि उ परमेश्वर गै न्योरो स्युंग तास| हंग दूमा ज्या गै निमफन, कनान सोंग कू स्योंगसीद वाला तिग गार जाति, एमोरियों गै राजा मंग सै यन्स कि गिबोनियों सै इस्राएलियों मंग गै जरू शांति समझोता कस्युंगद अनि, हिना दंची उसिस अफि-अफि सिपाही जा तिग स्युंग तिग पूद सेना बनास हंग गिबोन जा घिसीन्नस| गिबोनियों सै उग सार स्युंगम दंची यहोशू गै न्योरो तिग फिन्न थिरस|

![](https://cdn.door43.org/obs/jpg/360px/obs-en-15-08.jpg)

हिना दंची यहोशू सै इस्राएलियों मंग गै सेना जा तिकट्टा स्युंगस हंग गिबोनियों गै न्योरो नभम दंची उसी पूरो मुन्छ दीग निस| बंखर कलच हंग उसिस एमोरियों गै सेना जा हा कल्लेन्नस हंग उसी ती घिसीन्नस|

![](https://cdn.door43.org/obs/jpg/360px/obs-en-15-09.jpg)

अति ज्या परमेश्वर इस्राएलियों गै दंची घिसिन्नस| उस एमोरियों जा कझैरन्नस हंग उस पूद-पूद डालू चांगन्नस मत्त एमोरियों मंग जा पचयंगन्नस|

![](https://cdn.door43.org/obs/jpg/360px/obs-en-15-10.jpg)

परमेश्वर सै नी जा री तिम्भू कू तिग बं कू कतान्नस ताकि इस्राएलियों मंग जा पूरो ज्या ची बकतर कमिलै कि एमोरियों जा पूरो दंची कहरान्नस| अति ज्या, परमेश्वर सै इस्राएलियों गै दंची तिग पूद जीत तिन्नैस|

![](https://cdn.door43.org/obs/jpg/360px/obs-en-15-11.jpg)

हंग परमेश्वर सै उसी सेनाओं मंग जा हराम गै निमफन, मत्त स कनानी जाति गै मि इस्राएल कू घिसीम दंची थुमसीन्नस| यहोशू हंग इस्राएलियों सै घिसिग उसिग पूरो नाश कस्युंगतिस|

![](https://cdn.door43.org/obs/jpg/360px/obs-en-15-12.jpg)

हिदि घिसीम गै निमफन, परमेश्वर सै इस्राएल गै जम्मा जाति जा वादा गै अति सोंग कू उसिग छू दास | हंग परमेश्वर सै इस्राएल जा उसिग जम्मा सोंग कू शांति कदास |

![](https://cdn.door43.org/obs/jpg/360px/obs-en-15-13.jpg)

हंग यहोशू स्यांगत कल्च ता उस इस्राएल गै जम्मा मि मंग जा तिग जरू हुईस| हंग यहोशू सै उसी मंग जा ची स्युंग कि उसिस अति वाचा गै रिंचीम स्युंगम गै वाचा स्युंन्नस जइ परमेश्वर सै उसिग जरू सीनै यैयर कू घिन्नस| उसी मंग सै परमेश्वर गै पूर्ति विश्वासयोग्य स्योंगसिम हंग उग नियम जा स्यरचिद स्युंगम गै वादा स्युंगस|

*यहोशू अध्याय 1-24 से तिग बाइबल गै कथा*

## 16. छुड़ान्नस

https://openbiblestories.org/l/cdn/story-16/

![](https://cdn.door43.org/obs/jpg/360px/obs-en-16-01.jpg)

यहोशू गै सिचिम गै निमफन इस्राएलियों सै परमेश्वर गै कथा मूरुंगस| उसीस परमेश्वर गै नियम गै स्यरचिद मुस्युंगन्नस| हंग उसीस अति वाचा गै राजू खचि कबचे वाला कनानियों मंग जा छंगपंग दिम मुवोम्मो इस्राएलियों मंग सै आफिग साचो परमेश्वर यहोवा जा होतिग कनानियों मंग गै सेमा गै भक्ति शुरू स्युंगन्नस| इस्राएलियों गै न्योरो खमिरी राजा मुनिस हिना दंची जइजा जइ बुदतेस उस अति स्युंगस|

![](https://cdn.door43.org/obs/jpg/360px/obs-en-16-02.jpg)

परमेश्वर गै आज्ञा मुमानम गै चेन्तू इस्राएलियों मंग सै तिग हिना तरीका शुरू स्युंगस| जइजा उलंग चू दोहरान्नस उ नमूना हिदि प्रकार सै चलस: अति यन वास इस्राएलियों सै परमेश्वर गै आज्ञा मुमानस, हंग उजा उसिग बयरी मंग गै पराजित स्युंम गै चैन्तू सजा दायंग| हिदि बयरी इस्राएलियों मंग जा उसिग बथो खुग कोरयंग उसिग सम्पति जा नाश स्युंगतीयंगन्न, हंग उसिस मत्त मि मंग जा पच्यंगन्न| हंग इस्राएलियों मंग गै बयरी उसीजा उलंग यन वास जूलम स्युंगतायंग,उग निमफन इस्राएली आफिग पापों गै पछताव स्युंगतान्नस हंग परमेश्वर स उसी बचाम दंची प्रार्थना स्युंगयंग|

![](https://cdn.door43.org/obs/jpg/360px/obs-en-16-03.jpg)

हुई जूरी इस्राएली मंग पछतावा स्युंगता ता परमेश्वर उसीजा बचागतायंग| उ तिग छुड़ाद वाला मि गै चेन्तू खचि हिना स्युंगयंग-तिग हिना मि जइ उसीग बयरी मंग गै विरुद्ध घिसियंग हंग उसीजा पराजित स्युंगयंग| हंग राजू कू सुखु लिच्च हंग उ छुड़ाद वाला उसीजा बुद सै राज स्युंगयंग| परमेश्वर सै उसीजा बचाम दंची मत्त स छुड़ाद मि जा थिरस परमेश्वर सै न्योरो गै तिग बयरी जाति, मिद्यानियों गै चेन्तू इस्राएलियों मंग जा हराम गै निमफन हजू हिना स्युंगतान्न|

![](https://cdn.door43.org/obs/jpg/360px/obs-en-16-04.jpg)

मिद्यानियो मंग सै नीसे यन वास इस्राएलियों मंग गै खेती पाती लुटन्नस| इस्राएली ची मंग मत्त जेरन्नस हंग अति फू भीतरु च्यासीन्नस| हंग मिधयानी मंग जा मासि मुतरयंग आखरी ज्या बचाम दंची उसी सै परमेश्वर जा हार स्युंगस|

![](https://cdn.door43.org/obs/jpg/360px/obs-en-16-05.jpg)

गिदोन मिन गै तिग इस्राएली यूरासिरी निस| तिग ज्या, उ तिग मूतन्द बं कू रजे पिग निस| हंग मिद्यानी मंग उजा खू मुतरयंगन्न| यहोवा गै स्वर्गदूत सै गिदोन गै न्योरो राग उजा ल्यैस, “हे तरत परमेश्वर गति जरू इन दि हंग इस्राएलियों मंग जा मिध्यानियों मंग सै बचायो|”

![](https://cdn.door43.org/obs/jpg/360px/obs-en-16-06.jpg)

गिदोन गै बा ग न्योरो मूर्ति जा समर्पित तिग वेदी निस| लच्यंग लरी ची कथा जइ परमेश्वर सै गिदोन जा स्युंगम दंची ल्यैस| उ अति वेदी जा झयाम निस| हंग गिदोन मि मंग जा खचि जेरक निस, हिना दंची उस मुंछ ल्हैम दंची रिहनचिग निस| हंग उस अति वेदी जा कूझयाकस हंग टुकरा टुकरा कस्युंग उस परमेश्वर गै दंची तिग नुद वेदी स्युंगस हंग अति गै यरतो बलि चढ़ास|

![](https://cdn.door43.org/obs/jpg/360px/obs-en-16-07.jpg)

न्यार ची बंखर मि मंग सै तिन्नस कि खमी सै वेदी जा कूझयाकस| हंग टुकरा टुकरा कस्युंग हिना दंची उजा खचि मत्त रुसू पिराद निस| उ गिदोन जा पच्यंगम दंची उसिग चिमजा दिन्नस, हंग गिदोन गै बा सै ल्यैस गनी खोंग आफिग सेमा ग सहायता स्युंगम ग कोशिश स्युंगतास? हंग उ सेमा अनि ता उजा आफिग रक्षा अफी स्युंगम दायों!” खस्युंग कि उस हिना ल्यैस हिना दंची मि मंग सै गिदोन जा मुसत्तनिस|

![](https://cdn.door43.org/obs/jpg/360px/obs-en-16-08.jpg)

हंग इस्राएलियों जा खुम दंची मिधयनी मंग जा हजू रन्नस| उसी हिलंग मत्त निन्नस कि उसिग रुहम री मुतरसिग निस| गिदोन सै उसिग विरुद्ध घिसिम दंची इस्राएलियों जा तिग जरू हुईन्नस| गिदोन सै परमेश्वर जा निस्यी निशानी थोचि निस खस्युंग कि उजा विश्वास लयंग कि परमेश्वर साचो उजा इस्राएल जा बचाम दंची ल्हैतान्नस |

![](https://cdn.door43.org/obs/jpg/360px/obs-en-16-09.jpg)

लरी ची निशानी दंची, गिदोन सै माला गै छम्म जा थंगजा कू तास परमेश्वर सै ल्यैस कि बंखर ची ओस तिग माला गै अति छम्म कू बूरस| हंग थंगजा कू मुबुरस परमेश्वर सै हिनाइ स्युंगस| न्यार ची मुंछ, उस परमेश्वर जा ल्यैस कि थंगजा थिद कल्च| हंग माला गै छम्म छरत ल्हीलों| परमेश्वर सै हिना री स्युंगस हिदि निस्यी निशानी गै दंची, गिदोन सै विश्वास स्युंगस कि परमेश्वर साचो चिनख निस कि उ इस्राएलियों मंग जा मिध्यनियों मंग स बचायो|

![](https://cdn.door43.org/obs/jpg/360px/obs-en-16-10.jpg)

हंग गिदोन सै सिपाही मंग जा आफिग न्योरो हुईस हंग सुमसा ग निस्यी हजार यूरासिरी रास |हंग परमेश्वर सै उजा ल्यैस कि हिदि मत्त अनि| हिना दंची गिदोन सै उसी जम्मा नस्सा ग निस्यी हजार जा चिमजा थोकसिग कथिरस जइ घिसिम स जेरक निस परमेश्वर सै गिदोन जा ल्यैस कि हिदि यूरासिरी इता री मत्त इन्न| हिना दंची गिदोन सै सुम सय सिपाही मंग जा होतिग उसी जम्मा जा चिमजा कथिरस |

![](https://cdn.door43.org/obs/jpg/360px/obs-en-16-11.jpg)

अति मुंछ परमेश्वर सै गिदोन जा ल्यैस, “मिध्यानियों मंग ग डेरा कू दि हंग उसीग कथा रुंगसिग रा| हंग गै सै रुं गसिग कि खै कथा फ़ान्नस ता गै उसीजा घिसिम दंची मुजेरयंग|” हिना दंची अति मुंछ, गिदोन यूकू उसिग डेरा कू दिस| हंग उस तिग मिध्यानी सिपाही मंग जा आफिग स्यासि जा उ कथा कल्यैसद यन्स जइ उस मं कू तिन्स अति यूरासिरी गै स्यासि स ल्यैस, “हिदि मं ग अर्थ निस कि गिदोन गै सिपाही अनि मिध्यानी सिपाही जा कहरातिस| हंग गिदोन सै हिना यन्स ता उस परमेश्वर गै धन्यवाद स्युंगस|रो रास हंग उसीजा जम्मा री तिग तिग नरसिंगा तिग सा गै भन्डू हंग तिग मशाल दास| उसिस अति डेरा कू घेरा कस्युंगन्नस| अतकू मिधयानी सिपाही लयकत निन्नस, गिदोन गै सुम सय सिपाही सै आफिग मशालों गै भन्डू स च्याग तान्नस हिना दंची मिधयानी मंग उसी मशालों गै छंत मुतिन्नस|

![](https://cdn.door43.org/obs/jpg/360px/obs-en-16-12.jpg)

हंग गिदोन आफिग सिपाहीयों मंग गै न्योरो रास हंग उसीजा जम्मा री तिग तिग नरसिंगा तिग सा गै भन्डू हंग तिग मशाल दास| उसिस अति डेरा कू घेरा कस्युंगन्नस| अतकू मिधयानी सिपाही लयकत निन्नस, गिदोन गै सुम सय सिपाही सै आफिग मशालों गै भन्डू स च्याग तान्नस हिना दंची मिधयानी मंग उसी मशालों गै छंत मुतिन्नस|

![](https://cdn.door43.org/obs/jpg/360px/obs-en-16-13.jpg)

हंग गिदोन गै जम्मा सिपाही मंग सै आफिग भन्डू जा तिच्चू बकतर कूझयान्नस झल्ल सै मशालों गै मि जा छंत कस्युंग| उसिस आफिग नरसिंगा फिरन्नस हंग कल्लाट स्युंगन्नस, यहोवा गै हंग गिदोन गै तलवार|!”

![](https://cdn.door43.org/obs/jpg/360px/obs-en-16-14.jpg)

परमेश्वर सै मिधयानियों मंग जा कजेरन्नस, हिना दंची तिग दुसरो मि जा दागसिग निन्नस| छाँटोइ गिदोन उसी फिन कवरचा जा मत्त गार इस्राएलियों जा मिधयानियों मंग गै निमफन दिम दंची उसिग सार स्युंगम हुईम दंची थिरस| उसिस उसी मंग जा खचि म मि मंग जा पच्यंगन्नस हंग बाकी मि मंग ग निमफन निमफन दिग उसीजा इस्राएल राजू खचि छंगपंग फ़िन्नस| अति ज्या तिग लाख नस्सा हजार मिधयानी पच्यांगन्नस| हिना दंची परमेश्वर सै इस्राएल जा बचान्नस |

![](https://cdn.door43.org/obs/jpg/360px/obs-en-16-15.jpg)

उसी मंग गिदोन जा आफिग राजा बनाम चींथ निस, हंग गिदोन सै उसीजा हिना मुस्युंगम दास,हंग उस उसीजा अति मुल गै ज्योहर थोचिन्नस जइ उसीजा जम्मा सै मिधयानियों जा छिनग कोरन्नस उसी मंग सै पूद मात्रा कू गिदोन जा मुल दास|

![](https://cdn.door43.org/obs/jpg/360px/obs-en-16-16.jpg)

हंग गिदोन सै अति मुल गै तिग खास खसै पसै बनास| जसों कि यहूदी पूद पुजारी चुकसीद निस,हंग मि मंग सै उग पूजा स्युंग्म शुरू कस्युंगन्नस जसों कि उ तिग मूर्ति ल्है| हंग परमेश्वर सै हजू इस्राएल जा सजा कदास खस्युंग कि उसिस मूर्ति ग पूजा स्युंग निस| परमेश्वर सै उसिग बयरी मंग जा उसीजा पराजित स्युंगम कू सफल स्युंगस| लच्यंग लरी उसिस हजू स परमेश्वर जा सार स्युंगम दंची प्रार्थना स्युंगस, हंग परमेश्वर सै उग न्योरो उसीजा बचाम दंची तिग गार छुड़ाद वाला मि जा थिरस|

![](https://cdn.door43.org/obs/jpg/360px/obs-en-16-17.jpg)

हीनाई कथा उलंग चू घटित कल्च: इस्राएली मंग पाप स्युंगयंगन्न, परमेश्वर उसीजा सजा दायंग, उसी पछताव स्युंगयंग, हंग परमेश्वर उसीजा छुड़ाम दंची खमी जा थिरयंग| उलंग यन वास, परमेश्वर सै मत्त स छुड़ाद वाला मि मंग जा थिरस जइ मि स इस्राएलियों मंग जा उसिग बयरी मंग स बचान्नस|

![](https://cdn.door43.org/obs/jpg/360px/obs-en-16-18.jpg)

अंत कू, उसी मंग सै गार राजू नारुक्त परमेश्वर स आपिग दंची तिग राजा जा थोचिन्नस| उसी तिग हिना राजा चींथ निस जइ बुंग्थ हंग तरत ल्है, हंग जइ घिसिम कू उसिग अगवाई स्युंगतरयंग| परमेश्वर जा हिदि होस्यी मन मुरास, हंग उस उसीजा अतनाई राजा दास जसों उसिस थोन्नस|

*न्यायियों  अध्याय 1-3; 6-8; 1 शमूएल 1-10 से तिग बाइबल गै कथा*

## 17. दाऊद गै जरू परमेश्वर गै वाचा

https://openbiblestories.org/l/cdn/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल गै लरीची राजा निस| उ बुंग्थ हंग च्योसीद निस, जसो उसी मंग चींथ निस अतनाइ निस| इस्राएल जा आफिग शासन गै लरी उलंग यन ची शाऊल तिग बुद राजा निस| हंग निग्म उ तिग यद मि कबनस जइ मि सै परमेश्वर गै कथा मुमान्स, हिना दंची परमेश्वर सै तिग गार मि जा किलस जइ कि तीज्या ची उग बं कू राजा बनयंग|

![](https://cdn.door43.org/obs/jpg/360px/obs-en-17-02.jpg)

परमेश्वर सै दाऊद मिन गै तिग ज्यूद इस्राएली यूरासिरी जा किलग तीज्या शाऊल गै बं कू राजा ल्हैम दंची तैयार स्युंगम शुरू कस्युंग| दाऊद बैतलहम सोंग गै तिग रोहकचा निस| उलंग ज्या ची, दाऊद सै व्हा हंग व्होम निमी जा पच्यंगनिस खस्युंग कि दाऊद चैंतू देखभाल स्युंगम गै बकत उग बा गै माला मंग जा उसिस घिसीन्नस| दाऊद तिग नग्त हंग धर्मी मि निस| उस परमेश्वर जा भरोसा स्युंगस हंग उग कथा जा मानस|

![](https://cdn.door43.org/obs/jpg/360px/obs-en-17-03.jpg)

हंग दाऊद इता ज्यूद यूरासिरी निस, उस पूद-बुंथ गोलियत गै विरुद्ध घिसिस| गोलियत तिग मत्त बुद सिपाही निस| उ मत्त सारो हंग लगभग सुम मीटर बुंग्थ निस! हंग परमेश्वर सै गोलियत जा पच्यंगम हंग इस्राएली मंग जा बचाम दंची दाऊद गै सार स्युंगस| हिदीग निमफन, दाऊद सै इस्राएल गै बयरी मंग जा उलंग चू जीत गै रन्नस| दाऊद तिग पूद सिपाही कबनस, हंग उस मत्त स घिसीम कू इस्राएली सेना गै अगुवाई स्युंगस| मि मंग सै उग मत्त तारीफ स्युंगस|

![](https://cdn.door43.org/obs/jpg/360px/obs-en-17-04.jpg)

मि मंग सै दाऊद जा हिलंग प्रेम स्युंगस कि शाऊल उजा चीड़ग निस| आखिरकार शाऊल उजा सतीम चींथ निस, हिना दंची दाऊद उजा हंग उग सिपाही मंग स च्यासिम दंची सीर कू फोंग दिस| तिज्या, ची शाऊल हंग उग सिपाही दाऊद जा मसीम कू निन्नस ता शाऊल तिग फू कू दिस| हिदी ऊई फू निस जइ बं कू दाऊद च्यासिद निस, हंग शाऊल सै उजा मुतिन्स| दाऊद शाऊल गै निमफन उग मत्त न्योरो दिस हंग उग खसै पसै स तिग टुकड़ा चेतीस| निग्म हंग शाऊल अति फू स छंगपंग वंस ता दाऊद सै उजा हार स्युंग अति कचूमसिद निस खसै पसै गै टुकड़ा जा दिखास| हीदी रीति स, शाऊल जा पत्तो क्लच कि दाऊद सै राजा बनम दंची उजा समौ दंची मना कस्युंगद अनि|

![](https://cdn.door43.org/obs/jpg/360px/obs-en-17-05.jpg)

दुमा ज्या गै निमफन, शाऊल घिसिग लं पझयंग, हंग दाऊद इस्राएल गै राजा कबनस| उ तिग बुद राजा निस, हंग मि मंग सै उजा प्रेम तास परमेश्वर सै दाऊद जा आशीषित स्युंगस हंग उजा लायक बनास| दाऊद सै उलंग युद्ध घिसिस, हंग परमेश्वर सै इस्राएल गै बयरी मंग जा पराजित स्युंग्म कू उसिग सार स्युंगस| दाऊद सै यरूशलेम सोंग जा जीत गै उजा आफिग राजधानी बनास, जइ बं उ निस हंग राज स्युंगस| दाऊद पीसा यन वास राजा निस| हिदी बकतर गै दोरान, इस्राएल तरतै हंग स्यांगमी कबनस|

![](https://cdn.door43.org/obs/jpg/360px/obs-en-17-06.jpg)

दाऊद तिग मंदिर बनाम चींथ निस जइ बं जम्मा इस्राएली परमेश्वर गै भक्ति स्युंग तरयंग हंग उग दंची बलिदान दा तरयंग| लगभग पिसय यन स, उसी मंग मूसा गै कबनासिद छिम वाला ढंगस कू परमेश्वर गै भक्ति स्युंगतान्नस हंग उग दंची बलि दाग तान्नस|

![](https://cdn.door43.org/obs/jpg/360px/obs-en-17-07.jpg)

हंग अतकू नातान मिन गै तिग भाविष्य बताद मि निस| परमेश्वर सै उजा दाऊद जा हीदी ल्हैम दंची थिरस: “गस मत्त स युद्ध घिन्नस, हिना दंची गै जिग दंची हीदी मंदिर जा मुबनामों नग सिरी हीदी बनायंग| हंग जी गजा मत्त स आशीषित स्युंगयंग| नग तिग संतान राज्यारी दंची जिग मि मंग कू राजा गै रूप कू राज स्युंगयंग|”राज्यारी दंची राज स्युंगम वाला उ दाऊद गै तिगमात्र संतान मसीह निस| मसीह परमेश्वर गै किलसीद वाला मि निस जइ संसार गै मि मंग जा उसीजा पाप स बचायंग|

![](https://cdn.door43.org/obs/jpg/360px/obs-en-17-08.jpg)

हंग दाऊद सै नातान गै फिन्न जा यंस ता उस परमेश्वर जा धन्यवाद स्युंगस हंग उग गुण गान स्युंगस| परमेश्वर उसिग मान सम्मान बढाग तास हंग उजा मत्त आशीष दाग तातू| साचो ल्ही दाऊद मुलासिद निस कि परमेश्वर हीदी कथा जा उलंग पाजा स्युंगयंग| हीदी बकतर इन्जा पत्तो निस कि इस्राएलियों जा तिग बूंथ ज्या वास, लगभग तिग हजार यन वास मसीह गै राम गै रिहनचिग निन्नस |

![](https://cdn.door43.org/obs/jpg/360px/obs-en-17-09.jpg)

दाऊद सै उलंग यन वास न्याय गै जरू आफिग मि मंग जा राज स्युंगस| उस पुद निष्ठा स परमेश्वर गै कथा जा मानस हंग परमेश्वर सै उजा आशीषित स्युंगस| हंग, आफिग जीवन गै अंत कू उस परमेश्वर गै विरुद्ध झेरमना पाप कस्युंगस|

![](https://cdn.door43.org/obs/jpg/360px/obs-en-17-10.jpg)

तीज्या ची दाऊद सै आफिग महल कू खचि छंगपंग ओंगस हंग तिग ढंगत रीथिस्या जा येरसिग तिन्स| उ उजा मुसित्त निस, हंग उस पत्तो कस्युंग कि उग मिन बतशेबा निस|

![](https://cdn.door43.org/obs/jpg/360px/obs-en-17-11.jpg)

आफिग मी जा हटाम गै बदला दाऊद सै उजा आफिग न्योरो रमो दंची खमी जा थिरस| उ उग जरू यागस हंग उजा थोकसिग चिमजा कथिरस| दुमा ज्या गै निमफन बतशेबा सै हिदि ल्हेग दाऊद गै न्योरो फिन्न थिरस कि उ सैन्द लित्त अनि|

![](https://cdn.door43.org/obs/jpg/360px/obs-en-17-12.jpg)

बतशेबा गै रीथि ऊरिय्याह मिन गै तिग मि निस| उ दाऊद गै बुद सिपाही कू खचि तिग निस| हिदि बकतर उ घिसिम दंची वथे पिददै निस| दाऊद सै ऊरिय्याह जा घिसिम स थोकसिग हुईग उजा आफिग रीथिस्या गै जरू स्योंगसिम दंची ल्यैस| हंग गार सिपाही घिसिम कू निन्नस हिना दंची ऊरिय्याह सै चिमजा दिम स मना कस्युंग |हिना दंची दाऊद सै ऊरिय्याह जा थोकसिग घिसिम बं कू थिरतिस हंग सेनापति स उजा घिसिम कू हिना बं कू ताम दंची ल्यैस जइ बं कू मत्त तरते बयरी ल्है ताकि उ सतयंगन्न| ता हिना लिच्च कि ऊरिय्याह घिसिम बं कू पझयंगस |

![](https://cdn.door43.org/obs/jpg/360px/obs-en-17-13.jpg)

ऊरिय्याह गै घिसिम बं कू सिचिम गै निमफन दाऊद सै बतशेबा स ढामि कस्युंग|अति गै निमफन उस दाऊद गै सिरी जा जन्म दास| दाऊद सै जइ स्युंगस उजा परमेश्वर मत्त रुसू पिराद निस, हिना दंची उस नातान भविष्य बताद मि जा दाऊद जा हिदि बताम दंची थिरस कि उग पाप उलंग यद निस| दाऊद सै आफिग पाप गै पछताव स्युंगस हंग परमेश्वर सै उजा माफ कस्युंग| दाऊद सै आफिग पूरो जीवन कू, हिदूँग वास कि मुश्किल ज्या ची री परमेश्वर गै निमफन निमफन दियस हंग उग कथा जा मानस|

![](https://cdn.door43.org/obs/jpg/360px/obs-en-17-14.jpg)

हंग दाऊद गै सैन्द पझयंग| हिदि रीति स परमेश्वर सै दाऊद जा सजा दास| हिदि च्यंग री, दाऊद गै सिचिम वास, उग आफिग मोमाल गै बाकी मि मंग सै उग विरुद्ध घिसीन्नस, हंग दाऊद गै आफिग शक्ति चिथ कल्त निस| हंग परमेश्वर विश्वासयोग्य निस हंग इता री उस उ स्युंगस जइ उस दाऊद स स्युंगम गै वादा स्युंग निस कि उ स्युंगयंग, बुद स दाऊद सै उग कथा मुरुंगस| निंकुति, दाऊद हंग बतशेबा गै दुसरो संतान पैदा लिच्च, हंग उसिस उग मिन सुलैमान तास|

*1 शमूएल अध्याय 10; 15-19; 24; 31; 2 शमूएल 5; 7; 11-12 से तिग बाइबल गै कथा*

## 18. इस्राएल राज्य ग यकरो – यकरो  लेम

https://openbiblestories.org/l/cdn/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा सै पीसा यन वास राज स्युंगस| हंग उ पझयंगस, हंग उग सिरी सुलैमान सै इस्राएल कू राज स्युंगम शुरू कस्युंग| परमेश्वर सै सुलैमान जा कथा स्युंगस हंग उजा रूस कि उ लच्यंग लरी खै चींथ अनि कि परमेश्वर उग दंची स्युंगयंग| सुलैमान सै परमेश्वर स थोस कि उ उजा मत्त बुद्धिमान स्युंगति| हिदि कथा सै परमेश्वर जा खुश स्युंगस, हिना दंची परमेश्वर सै सुलैमान जा दुनिया गै लच्यंग बुद्धिमान यूरासिरी बनास| सुलैमान सै मत्त स कथा जा कल्लासी हंग उ तिग बुद्धिमान राजा निस| परमेश्वर सै उजा मत्त स्यांगमी री कबनातिस|

![](https://cdn.door43.org/obs/jpg/360px/obs-en-18-02.jpg)

यरूशलेम कू सुलैमान सै अति मंदिर जा बनास जइ गै दंची उग बा सै योजना बनाग तास हंग उ बथो जा तिग जरू तास| थन मि छिम वाला ढंगस गै बदला मंदिर कू परमेश्वर ग सेवा स्युंगतान्नस हंग उग दंची बलि चढान्नस| परमेश्वर राग मंदिर कू स्योंगसि निस, हंग अथूंग उ आफिग मि मंग गै जरू स्योंगसिद निस|

![](https://cdn.door43.org/obs/jpg/360px/obs-en-18-03.jpg)

हंग सुलैमान सै मि मंग राजू ची मिनंसिरी जा प्रेम स्युंगस| उस मत्त स, लगभग तिग हजार मिनंसिरी जा ढामि स्युंग परमेश्वर गै कथा मुरुंगस! हिदि मंग सै मत्त स मिनंसिरी मंग मि मंग राजू खचि रास हंग आफिग जरू आफिग सैमा जा रयग रन्नस हंग उसिग पूजा स्युंगतान्नस| हंग सुलैमान स्यांगत क्लच ता उस री उग सैमा गै पूजा स्युंगस |

![](https://cdn.door43.org/obs/jpg/360px/obs-en-18-04.jpg)

हिना वजह स परमेश्वर सुलैमान स रुसू पिरास| उस ल्यैस कि उ इस्राएल राजू जा निस्यी राजू कू यकरो स्युंग्म गै द्वारा उजा सजा दायंग| उ सुलैमान गै सिचिम गै निमफन हिना स्युंगयंग|

![](https://cdn.door43.org/obs/jpg/360px/obs-en-18-05.jpg)

सुलैमान गै सिचिम गै निमफन, उग सिरी रहबाम राजा कबनस| इस्राएल राजू गै जम्मा मि मंग उजा आफिग राजा गै रूप कू स्वीकार स्युंग्म दंची तिग जरू जम्मा री निन्नस| उसिस रहबाम स यद कथा हासिग निस कि सुलैमान सै उजा मत्त मुतरत वाला सारो लन स्युंग निस हंग मत्त स ठल वसूल निन्नस| उसिस रहबाम स होस्यी स्युंगस कि उजा चीथ लन स्युंगयंग|

![](https://cdn.door43.org/obs/jpg/360px/obs-en-18-06.jpg)

हंग रहबाम सै उसीजा पूद नासमझी स जबाब दास, “गनी ल्हेता कि जिग बा सुलैमान सै गनी जा मुतरत वाला लन दास| हंग जी गनिजा अति च्यंग री अछो मुतरत वाला लन दायंग हंग जी गनीजा अति च्यंग री अछो दु:खु दातु|

![](https://cdn.door43.org/obs/jpg/360px/obs-en-18-07.jpg)

हंग मि मंग सै उजा हिना ल्हैम यन्स ता उसी मंग सै उलंग मंग सै उग विरुद्ध बलवा स्युंगस| ची जाति सै उजा होतीस उग जरू थन तोंगमी निस्यी जातिया ही कबचतै| हिदि निस्यी जातिया मंग सै आफी आफिजा यहूदा गै राजू ल्यैस|

![](https://cdn.door43.org/obs/jpg/360px/obs-en-18-08.jpg)

बाकी गै ची जातियो मंग सै यारोबाम मिन गै तिग यूरासिरी जा आफिग राजा कबनास| हिदि जाति राजू गै उत्तर पूर्वी हिस्सा कू निन्नस| उसिस आफि जा इस्राएल ची राजू ल्यैस|

![](https://cdn.door43.org/obs/jpg/360px/obs-en-18-09.jpg)

हंग यारोबाम सै परमेश्वर गै विरुद्ध बलवा स्युंगस हंग मि मंग जा पाप स्युंगयो ल्यैस| उस आफिग मि मंग गै चैन्तु पूजा स्युंगम दंची निस्यी मूर्तियों जा बनास| उसी थन यहूदा गै राज्य कू यरुशलेम कू परमेश्वर गै मंदिर कू उसिग भक्ति स्युंगम दंची मुदिनेस|

![](https://cdn.door43.org/obs/jpg/360px/obs-en-18-10.jpg)

यहूदा हंग इस्राएल गै राज्य बयरी कबनस हंग खज्या खज्या निमि गै विरुद्ध घिसीन्नस|

![](https://cdn.door43.org/obs/jpg/360px/obs-en-18-11.jpg)

इस्राएल गै नूद राज्य कू, जम्मा री राजा यद निन्नस| हिदि मंग स उलंग राजा उसिग बं कू राजा बनमगै आशा ताम वाला गार इस्राएलियों गै चेन्तु पझयंगन्नस|

![](https://cdn.door43.org/obs/jpg/360px/obs-en-18-12.jpg)

इस्राएल राज्य गै जम्मा री राजाओं सै अछो बाकी मि मंग सै मूर्तियों गै पूजा स्युंगस| ता उसी खज्या खज्या वेश्याओं मंग गै जरू यागस हंग इता वास कि उलंग चू मूर्तियों गै लरी संमंग जा बलि री स्युंगस|

![](https://cdn.door43.org/obs/jpg/360px/obs-en-18-13.jpg)

यहूदा राज्य गै राजा, दाऊद गै संतान निन्नस| हिदि राजाओं कू खचि उलंग बुद मि निन्नस जइ मि सै न्याय गै जरू राज स्युंगस हंग परमेश्वर गै तारीफ स्युंगस| हंग यहूदा गै मत्त राजा यद निन्नस| उसिस यद ठारसिग राज स्युंगस, हंग मूर्तियों गै पूजा स्युंगस| इता वास कि हिदि मंग सै दूमा राजाओं सै झूठी सैमा गै लरी आफिग संमंग जा री बलि कद्दा| यहूदा गै बाकी मि मंग सै री परमेश्वर गै विरुद्ध बलवा स्युंगस हंग गार सैमाओं गै पूजा स्युंगस|

*1 राजा अध्याय 1-6; 11-12 से तिग बाईबल गै कथा*

## 19. परमेश्वर गै  चैन्तु भविष्य बताद मि जा थिरम

https://openbiblestories.org/l/cdn/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर राज्या री इस्राएलियों गै नीद कू भविष्य बताद मि जा थिरग तान्नस| भविष्य बताद मि परमेश्वर स फिन्न यंग निन्नस| हंग हजू उजा मि मंग जा बताग निन्नस| " हंग अहाब इस्राएल राज्य कू राजा निस ता अति ज्या एलिय्याह भविष्य बताद मि निस| अहाब तिग यद मि निस| उस झूठी बाल सैमा गै पूजा स्युंगम दंची मि मंग जा मजबूर स्युंग निस| हिना दंची एलीय्याह सै अहाब जा ल्यैस कि परमेश्वर उसी मंग जा सजा दाम दंची दिन्नस| उस उजा ल्यैस, “ जइ ज्या वास जी हजू नम राम दंची मु ल्हैयंग अति ज्या वास इस्राएल गै राज्य कू नम री मुरायंग हंग ओस री मुभुरयंग|” हिदि कथा सै अहाब जा हिलंग रुसू पिराद कि उस एलीय्याह जा सत्तीम गै फैसला कस्युंग| "

![](https://cdn.door43.org/obs/jpg/360px/obs-en-19-02.jpg)

हिना दंची परमेश्वर सै एलिय्याह जा ल्यैस कि उ सीर कू दिग अहाब जा च्यासीस| एलीय्याह सीर कू अति ती वंत बं कू दिस जइ बं दिम दंची परमेश्वर सै उजा बतास| ज्या ज्या री बंखर हंग ज्या ज्या री मूंछ, निप्या एलीय्याह गै दंची कूटू हंग स्या रयग रन्नस| हिदि पूरो ज्या, अहाब हंग उग सेना एलिय्याह जा मासिग निस, हंग उसी उजा मासि मुतरस|

![](https://cdn.door43.org/obs/jpg/360px/obs-en-19-03.jpg)

नम मुराम गै लरी ज्या गै निमफन उ ती कछर| हिना दंची एलिय्याह न्योरोइ गै तिग सोंग कू पिदिस अति सोंग कू तिग राड़ीस्या निस जइग तिग सिरी निस| उसिग न्योरो जामफुल लगभग पूजयुस खस्युंग कि अतकू खरी मूलित्तनिस| हंग हजू री, अति खुतिस्या सै एलिय्याह गै खबर स्युंगस, हिना दंची परमेश्वर सै उग हंग उग सिरी गै चींथ बथो जा पूरो स्युंगस, हिदि दंची उग आटो ग भंडु हंग उग जाम मरती गै कुप्पी खज्या खाली मुलिच्च | अति पूरो अकाल गै ज्या उग निद कू जाम फुल्ल निस | एलिय्याह सुम यन वास अतकू निस |

![](https://cdn.door43.org/obs/jpg/360px/obs-en-19-04.jpg)

साढ़े सुम यन गै निमफन, परमेश्वर सै एलिय्याह जा ल्यैस कि उ हजू री नम रायंग| उस एलिय्याह जा थोकसिग इस्राएल गै राजू कू दिग अहाब जा कथा स्युंगम दंची ल्यैस| हिना दंची एलिय्याह अहाब गै न्योरो दिस| हंग अहाब सै उजा तिन्स ता उस ल्यैस, “गइ लिनो जिजा गला रा फिन्नस वाला!”एलिय्याह सै जबाब दास,“ गला रा फिन्नस वाला ता गइ लिनो! गस यहोवा जा होतिनस| उइ साचो परमेश्वर ल्है, हंग गै बाल गै गुनू स्युंग तातन| थन गजा इस्राएल राजू गै जम्मा मि मंग जा कर्मेल यैयर कू रकराम |”

![](https://cdn.door43.org/obs/jpg/360px/obs-en-19-05.jpg)

हिना दंची जम्मा मि कर्मेल यैयर कू दिस| उसी यूरासिरी री रन्नस जइ ल्यैन्नस कि उसी बाल गै फिन्न फाक निन्नस| हिदि बाल गै भविष्य बताद मि निन्नस| उसी जम्मा पीसय नासा निन्नस| एलिय्याह सै मि मंग जा ल्यैस, “उलंग वास गनी आफिग चीस्यो जा फिराग तायंगन? हंग यहोवा परमेश्वर ल्हैम च्यंग ता उग गुनू स्युंगनी! हंग बाल परमेश्वर ल्हैम च्यंग ता उग गुनू स्युंगनि !”

![](https://cdn.door43.org/obs/jpg/360px/obs-en-19-06.jpg)

हंग एलिय्याह सै बाल गै भविष्य बताद मि मंग जा ल्यैस , “ तिग लिंगे जा बलि स्युंग उग स्या जा बलिदान ल्हैम च्यंग तिग वेदी जा तायो, हंग मैं मुचिम| उग निग्म जी री हिनाइ स्युंगयंग, हंग तिग यकरो वेदी जा जी अति स्या तायंग| हंग परमेश्वर वेदी जा मैं चांगस ता गनीजा पत्तो चलयंग कि उ साचो परमेश्वर अनि|” हंग बाल गै भविष्य बताद मि सै तिग बलि जा तैयार कस्युंग हंग मैं मुचिस|

![](https://cdn.door43.org/obs/jpg/360px/obs-en-19-07.jpg)

हंग बाल गै भविष्य बताद मि सै बाल जा प्रार्थना स्युंगस, “ हे बाल इंग रुगसिन!” पूरो ज्या उसिस प्रार्थना स्युंगस हंग यरछ हंग हिदा वास कि आफिजा खुइ स चेग तास, हंग बाल सै जबाब मुदास, हंग उस मैं मुचांगस|

![](https://cdn.door43.org/obs/jpg/360px/obs-en-19-08.jpg)

बाल सेमा गै भविष्य बताद मि सै बाल जा प्रार्थना स्युंगम ग लगभग तीज्या पूरो कलगान्नस| हिना दंची उसिस प्रार्थना स्युंगम बंद कस्युंग| हंग एलिय्याह सै दुसरो लिंगे गै स्या जा परमेश्वर गै वेदी जा कतातिस| उग निग्म, उस मि मंग जा ती गै पूद भन्डू जा अति बलिदान कू अति वास पोंगतिम दंची ल्यैस अति वास कि स्या,स्यिन, हंग इता वास कि वेदी गै खास्या कुतू गै पूरो बं थित मुल्है वास ती पोंगताम|

![](https://cdn.door43.org/obs/jpg/360px/obs-en-19-09.jpg)

हंग एलिय्याह सै प्रार्थना स्युंगस, “हे यहोवा ,अब्राहम, इसहाक, हंग याकूब गै परमेश्वर, इंजा होंय्यो कि गनी इस्राएल गै परमेश्वर ल्है हंग हिदि कि जी नग सेवक ल्हिय | जीजा जबाब दायो जइ स कि हिदि मंग जा पत्तो चलयंग कि गनीइ साचो परमेश्वर ल्है|”

![](https://cdn.door43.org/obs/jpg/360px/obs-en-19-10.jpg)

छाटोई, तिम्भू स मैं बुरस हंग उस स्या, स्यिन, बियर, सा हंग हिदि वास कि वेदी गै खास्या कुतू ती री पुझिन| हंग मि मंग सै हिदि तिन्स, उसी बं कू करचिस हंग फानी, “यहोवा ही परमेश्वर अनि! यहोवा ही परमेश्वर अनि!”

![](https://cdn.door43.org/obs/jpg/360px/obs-en-19-11.jpg)

हंग एलिय्याह सै ल्यैस, “ बाल गै तिग री भविष्य बताद मि बचगै मुदिम निस!” हिना दंची मि मंग सै बाल गै भविष्य बताद मि मंग जा कचुम्मस हंग उसीजा अतकू खचि यकरो कोरग दिन्नस हंग उसीजा पच्यंगन्नस|

![](https://cdn.door43.org/obs/jpg/360px/obs-en-19-12.jpg)

हंग एलिय्याह सै अहाब राजा जा ल्यैस, “छाटो आफिग चिमजा फोंग दिनी, खस्युंग कि नम राद अनि छाटोइ कस्सा मत्त पिरास, हंग मत्त नम राम शुरू कल्च| यहोवा अति छरत पुझयूग निस| हिदीस पत्तो कचल कि यहोवा ही साचो परमेश्वर अनि|

![](https://cdn.door43.org/obs/jpg/360px/obs-en-19-13.jpg)

हंग एलिय्याह सै आफिग लन पुझूस, ता परमेश्वर सै एलीशा मिन गै तिग यूरासिरी जा आफिग भविष्य बताद मि ल्हैम दंची किलस| परमेश्वर सै एलीशा गै चैन्तू खचि मत्त स चमत्कार कस्युंग| तिग चमत्कार नामान गै जरू लिच्च| उ तिग बयरी गै सेना गै सरदार निस, हंग उजा को गै तिग यद रोग कलीच्च| नामान सै एलीशा गै बारे कू यंग निस, हिना दंची उ एलीशा गै निद कू रास हंग उस उजा बुद स्युंगम दंची होस्यी स्युंगस| एलीशा सै नामान जा ल्यैस कि दिग यरदन यंगती गै ती कू निच्चू च्यागसिम |

![](https://cdn.door43.org/obs/jpg/360px/obs-en-19-14.jpg)

नामान जा रुसू पिरास| उस हिना स्युंगम स मना कस्युंग, खस्युंग कि उजा हिदि लन उजा बुद मुलगैस | हंग निग्म उस आफिग मन कबदलस हंग दिग यरदन यंगती गै ती कू निच्चू च्यागसिस |हंग आखरी चू उ ती स छंगपंग वन्स ता परमेश्वर सै उजा बुद कस्युंग |

![](https://cdn.door43.org/obs/jpg/360px/obs-en-19-15.jpg)

परमेश्वर सै इस्राएल गै मि मंग गै न्योरो गार मत्त स भविष्य बताद मि जा थिरस| उसी जम्मा सै मि मंग जा मूर्तियों गै पूजा स्युंगम बंद स्युंगम दंची ल्यैस| हिदि गै बदला, उसीजा निमी गै जरू बुद व्यवहार स्युंगम चिंखन हंग निमी जा स्योकांगम चिंखन| उसी भविष्य बताद मि सै मि मंग जा चेतावनी दास कि उसीजा यद लन जा स्युंगम बंद स्युंगती हंग हीदि गै बदला परमेश्वर गै कथा मानम परयंग| उसी मंग सै हिना मुस्युंगम च्यंग ता परमेश्वर उसिजा दोषी मानग उसिग न्याय स्युंयंग, हंग उसीजा सजा दायंग|

![](https://cdn.door43.org/obs/jpg/360px/obs-en-19-16.jpg)

मत्त बक्तर, उसी मि मंग सै परमेश्वर गै आज्ञा मुस्यरचिस| राज्यारी उसिस भविष्य बताद मि मंग गै जरू यद व्यवहार स्युंगस हंग इता वास कि खज्या खज्या उसिजा पच्यंगन्नस| तीच्चू, उसिस यिर्मयाह भविष्य बताद मि जा छरत कुआ कू चांगतिन्न्स हंग उजा अतकू सिचिम दंची होतिन्नस| उ कुआ गै थंगजा कू थित बं कू कडूबस हंग राजा जा उजा स्योकांगस हंग उस आफिग सिपाही मंग जा फिनस्यद दास कि यिर्मयाह गै सिचिम गै लरी उजा कुआ कू खचि खंग पिरन्नस |

![](https://cdn.door43.org/obs/jpg/360px/obs-en-19-17.jpg)

भविष्य बताद मि सै परमेश्वर गै चैन्तु खचि फागइ तास उलंग री मि मंग सै उजा रुसू स्युंगन्नस| उसिस मि मंग जा चेतावनी दास कि हिदि च्यंग री उसिस पछताव मुस्युंगम च्यंग ता परमेश्वर उसीजा नाश स्युंगयंग उसिस मि मंग जा हिदि री हैक्का स्युंगयो कि परमेश्वर सै उसिग न्योरो मसीह जा थिरम गै वादा स्युंगस |

*1 राजा अध्याय 1-6; 11-12 से तिग बाईबल गै कथा*

## 20. इस्राइल गै मि मंग ग गुलामी कू दिम हंग थोकसिग राम |

https://openbiblestories.org/l/cdn/story-20/

![](https://cdn.door43.org/obs/jpg/360px/obs-en-20-01.jpg)

इस्राएल गै राज्य हंग यहूदा गै राज्य निमी सै परमेश्वर गै विरुद्ध पाप स्युंगस| उसिस अति वाचा जा कुछ्याकतिस जइ परमेश्वर सै उग जरू सीनै कू घिघतान्नस| परमेश्वर सै उसीजा पछताव स्युंगम हंग हजू स उसिग भक्ति स्युंगम दंची चेतावनी दाम दंची आफिग भविष्य बताद मि जा थिरस, हंग उसिस उग कथा जा मानम स मना कस्युंगस|

![](https://cdn.door43.org/obs/jpg/360px/obs-en-20-02.jpg)

हिना दंची परमेश्वर सै उसिग बयरी मंग जा उजा नाश स्युंगम कू सफल स्युंगम गै चैन्तु निस्यी राज्यों जा सजा दान्नस| अश्शूर तिग गार राजू निस जइ मत्त तरत कल्त निस| उसी दुसरो राजू गै चैन्तु मत्त यद री निन्नस| उसिस राग इस्राएल गै राज्य जा नाश कस्युंगस| अश्शूरियों सै राग इस्राएल गै राज्य कू मत्त मि मंग पच्यंगन्नस,खइ चिन्स अति कलुटस, हंग राजू गै उलंग छू जा चिनतिस |

![](https://cdn.door43.org/obs/jpg/360px/obs-en-20-03.jpg)

अश्शूरियों सै जम्मा प्रधानों स्यांगमी मि मंग, हंग हिना मि मंग जा जइ अकरो बथो स्युंगतरन्नस तिग जरू थुमगतान्नस हंग उसी उसीजा अश्शूर राजू कोरग दिन्नस| इस्राएल कू दूमा गरीब इस्राएली ही होसीन्नस |

![](https://cdn.door43.org/obs/jpg/360px/obs-en-20-04.jpg)

हजू अश्शूरी ची मि मंग अति राजू कू स्योंगसिम दंची विदेशियों मंग जा रचिग रास| उसी विदेशियों मंग सै उसी सोंग हजू बनास| जइ इस्राएली अतकू होसीन्नस उजा उसिस ढामी स्युंगस हिदि मंग गै संतान सामरी ल्होन्नस |

![](https://cdn.door43.org/obs/jpg/360px/obs-en-20-05.jpg)

यहूदा गै राज्य गै मि मंग सै तिन्स कि हना परमेश्वर सै उजा विश्वास मुस्युंगस हंग उसिग कथा मुयम्म गै कारण इस्राएल गै राजू ची मि मंग जा सजा दान्न्स | हंग हजू री उसिस कनानियों गै सेमाओं गै मूर्तियों गै पूजा स्युंगस| परमेश्वर सै उसीजा चेतावनी दाम दंची भविष्य बताद मि जा थिरस, हंग उसिस यम्म सै मना कस्युंग|

![](https://cdn.door43.org/obs/jpg/360px/obs-en-20-06.jpg)

लगभग सय यन गै निग्म अश्शूरियों सै इस्राएल गै राजू जा नाश कस्युंग| परमेश्वर सै बेबीलोन गै राजा, नबूकदनेस्सर जा यहूदा गै राजू कू घिसिम दंची थिरस| बेबीलोन तिग तरत राजू निस| यहूदा गै राजा नबूकदनेस्सर गै गुलाम बनम हंग रा यन उजा मत्त धन गै पूरो स्युंगम दंची कथा करुंगस|

![](https://cdn.door43.org/obs/jpg/360px/obs-en-20-07.jpg)

हंग दूमा यन गै निग्म, यहूदा गै राजा सै बेबीलोन गै विरुद्ध बलवा स्युंगस| हिना दंची बैबीलोनियों मंग सै थोकसिग राग यहूदा गै राजू कू घिसिस| उसिस यरूशलेम सोंग कू कब्जा कस्युंगस, मंदिर जा नाश कस्युंगतिस, हंग सोंग ची मंदिर गै बथो आंग पिकोरन्नस |

![](https://cdn.door43.org/obs/jpg/360px/obs-en-20-08.jpg)

बलवा स्युंगम गै कारण यहूदा गै राजा जा सजा दाम दंची, नबूकदनेस्सर गै सिपाही मंग सै राजा गै सिरी जा उग नोकु पच्यंगन्नस हंग हजू उजा काना कस्युंगतिस| हिदि गै निग्म, उसी राजा जा पिकोरस ताकि उ बेबीलोन गै जेलखाने कू पझयंग|

![](https://cdn.door43.org/obs/jpg/360px/obs-en-20-09.jpg)

नबूकदनेस्सर हंग उग सेना यहूदा गै राज्य गै जम्मा मि मंग जा बेबीलोन पिकोरस, तोंग्मी बुदस गरीब मि मंग जा निमफन होके ताकि उसी खेती कू लन स्युंगम दंची होतिन्नस ज्या गै हिदि काल जा बंधुआई ल्होन्नस जइ कू परमेश्वर गै मि मंग जा वादा गै राजू खचि दिम दंची गला रा फिन्नस|

![](https://cdn.door43.org/obs/jpg/360px/obs-en-20-10.jpg)

बुद स परमेश्वर सै आफिग मि मंग जा उसिग पाप दंची बंधुआई कू कोरम दंची सजा दान्नस, हंग उ उसीजा किता आफिग वादाओ जा मुलोसिद निस| परमेश्वर सै आफिग मि मंग जा ओंग्म दंची कथा स्युंग तास हंग आफिग भविष्य ओंगद मि गै चैन्तु उसीजा कथा स्युंग तास| उस वादा स्युंगस कि निसैज्यांगछी यन गै निग्म, उसी हजू स वादा गै राजू कू थोकसीन्नस |

![](https://cdn.door43.org/obs/jpg/360px/obs-en-20-11.jpg)

निसैज्यांग ची यन गै निग्म, फारस गै राजा कुस्रू सै बेबीलोन जा कहरातिस, हिना दंची बेबीलोन गै साम्राज्य गै बदला फारस गै साम्राज्य सै उलंग राजू कू राज स्युंगस| इस्राएली मंग थन यहूदी ल्होन्नस| उसी मंग जा मत्त मि सै आफिग पूरो जीवन बेबीलोन कू बितान्नस| तिगइ मत्त चीथ सयांगत यहूदियों जा ही यहूदा राजू ची निस|

![](https://cdn.door43.org/obs/jpg/360px/obs-en-20-12.jpg)

फारसी मंग मत्त तरत निन्नस, हंग उसिस आफिग कजीत मि मंग जा स्योकंगत स्युंगस| फारसी मि मंग गै राजा बनम गै दूमा ज्या गै निग्म, कुस्रू सै तिग लैसिद दास कि खमी री यहूदी जइ यहूदा जा थोकसिम चींथ निस, उ फारस कू खचि थोकसिग यहूदा जा दि तरन| इता वास कि उस उसिजा मंदिर जा हजू बनाम दंची रुपया री दास| हिना दंची निसैज्यांग ची यन गै निमफन,यहूदियों ग चीथ मि मंग यरुशलेम सोंग कू थोकसीग पिरास |

![](https://cdn.door43.org/obs/jpg/360px/obs-en-20-13.jpg)

हंग उसी मंग यरूशलेम नभस ता उसिस मंदिर जा हंग सोंग गै पी बं गै बंफल जा हजू बनास| फारसी मंग थन री उसी जा राज स्युंगन्नस हंग तिच्चू हजू स यहूदी लोग उसी वादा गै राजू कू स्योंगसिग निन्नस| हंग मंदिर कू भक्ति स्युंगतान्नस|

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से तिग बाईबल गै कथा*

## 21. परमेश्वर मसीह गै वादा स्युंगता|

https://openbiblestories.org/l/cdn/story-21/

![](https://cdn.door43.org/obs/jpg/360px/obs-en-21-01.jpg)

हंग परमेश्वर सै दुनिया जा बनास, उजा पत्तो निस कि उजा निग्म खज्या निछ मसीह जा थिरम परयंग| उस आदम हंग हव्वा जा वादा स्युंगस कि उ हिना स्युंगयंग| उस ल्यैस कि हव्वा जा तिग संतान जन्म रायंग जइ नबू गै पूस्या कितियंग| जइ नबू सै हव्वा जा धोका दास उ साचो सीना निस| परमेश्वर गै अर्थ निस कि मसीह पूरोइ सीना जा हरातीस|

![](https://cdn.door43.org/obs/jpg/360px/obs-en-21-02.jpg)

परमेश्वर सै अब्राहम जा वादा स्युंग तास कि उग चैन्तु दुनिया गै जम्मा जाति आशीर्वाद तियंगन्न| परमेश्वर निग्म खइ बकतर मसीह जा थिरम गै चैन्तु हिदि वादा जा पूरो स्युंगयंग| उ मसीह दुनिया गै जम्मा तिग जाति ची मि मंग जा उसिग पाप स छुटायंग |

![](https://cdn.door43.org/obs/jpg/360px/obs-en-21-03.jpg)

परमेश्वर सै मूसा जा वादा स्युंग निस कि उ मूसा नारुक्त तिग गार भविष्य बताद मि जा थिरयंग| हिदि भविष्य बताद मि मसीह नियंग| हिदि रीति स, परमेश्वर सै हजू वादा स्युंगस कि उ मसीह जा थिरयंग|

![](https://cdn.door43.org/obs/jpg/360px/obs-en-21-04.jpg)

परमेश्वर सै राजा दाऊद जा वादा स्युंगस कि उग तिग वंशज मसीह नियंग| हंग परमेश्वर गै मि मंग जा राज्या री दंची राज स्युंगयंग|

![](https://cdn.door43.org/obs/jpg/360px/obs-en-21-05.jpg)

परमेश्वर सै यिर्मयाह भविष्य बताद मि जा कथा स्युंगस हंग ल्यैस कि तीज्या उ तिग नूद वादा घिसियंग| उ नूद वादा इस्राएल गै जरू सीनै कू घिघ तान्नस यीद वादा नारुक्त मूल्हैयंग| हंग मि मंग ती जरू उ आफि ग नुद वादा जा घिसियंग, ता उ उसिजा आफिग कोनमचिम रूप कू तियंग| हर तिग मि उजा प्रेम तायंग हंग उग व्यवस्था गै स्यरचिद स्युंगम गै इच्छा तायंग| परमेश्वर सै ल्यैस कि हिदि उग व्यवस्था गै उसिग मन कू रिमना रुक्त अनि| उ उसिग मि नियंगन्न, हंग परमेश्वर उसिग पापों जा माफ स्युंगयंग| उ मसीह नियंग जइ उसिग जरू अति नुद वादा जा गियंग|

![](https://cdn.door43.org/obs/jpg/360px/obs-en-21-06.jpg)

परमेश्वर गै भविष्य बताद मि मंग सै हिदि री ल्यैस कि मसीह तिग भविष्य बताद मि नियंग| तिग भविष्य बताद उ मि अनि जइ परमेश्वर गै कथा यन्स हंग हजू मि मंग जा परमेश्वर गै फिन गै ऐलान कस्युंगस जइ जा थिरम दंची परमेश्वर सै वादा स्युंगस उ मसीह तिग सिद्ध भविष्य बताद मि नियंग| हजू री उ मसीह परमेश्वर गै फिन बुदस ययंग, हंग उ मि मंग जा अति फिन बुदस रिसिम|

![](https://cdn.door43.org/obs/jpg/360px/obs-en-21-07.jpg)

इस्राएली यहूदी पुजारी मंग सै मि मंग दंची परमेश्वर गै लरी बलिदान चढ़ागइ तास| हिदि बलिदान मि मंग गै पापों गै दंची उसिजा परमेश्वर चैन्तु सजा दाम बं कू कचढ़ान्नस| पूद यहूदी पुजारी मंग सै मि मंग गै दंची प्रार्थना री स्युंगन्नस| हंग उ मसीह सिद्ध पूद यहूदी पुजारी नियंग जइ परमेश्वर जा दाम दंची तिग सिद्ध बलि गै रूप कू अपिजा चढ़ातियंग| मतलब हिदि कि उ खज्या पाप मुस्युंगयंग, हंग उ आपिजा बलि ल्हैम दंची दायंग ता दुनिया गै खमीरी गार बलि दाम गै जरूरत मुनियंग|

![](https://cdn.door43.org/obs/jpg/360px/obs-en-21-08.jpg)

मि मंग गै यंबा कू राजा हंग प्रधान राज स्युंगन्नस, हंग खज्या खज्या उसी यद स्युंगतान्न| राजा दाऊद सै तिगइ इस्राएलियों मंग जा राज स्युंगस, हंग राजा दाऊद गै संतान मसीह पूरो दुनिया कू राज स्युंगयंग, हंग उ राज्या री दंची राज स्युंगयंग| हिदि गै च्यंग, उ राज्या री न्याय पूरो रीति स स्युंगयंग, हंग सांगद फैसला कोरयंग|

![](https://cdn.door43.org/obs/jpg/360px/obs-en-21-09.jpg)

परमेश्वर गै भविष्य बताद मि सै मसीह गै बारे कू मत्त कथा जा ल्यैस| रक्त दंची, मलाकी सै ल्यैस कि मसीह गै राम्ह गै लरी तिग गार भविष्य बताद मि रायंग| उ भविष्य बताद मि मत्त खास नियंग| हिदि च्यंग, यशायाह भविष्य बताद मि सै रीस कि मसीह तिग कुँआरी चमै स जन्म कोरयंग| हंग मीका भविष्य बताद मि सै ल्यैस कि मसीह बैतलहम सोंग कू जन्म कोरयंग|

![](https://cdn.door43.org/obs/jpg/360px/obs-en-21-10.jpg)

यशायाह भविष्य बताद मि सै ल्यैस कि मसीह गलील गै सोंग कू स्योंगसियंग| जइ मंग मत्त दु:खू अनि मसीह उसिजा शांति दायंग| उ कैदियों जा री आजाद स्युंगयंग| मसीह कांगत मंग जा हंग जइ यन्न मूतरद, ओंग मूतिन्द ,फा मूतरद, किता यन्सी मूतरद, उसीजा री बुद स्युंगयंग|

![](https://cdn.door43.org/obs/jpg/360px/obs-en-21-11.jpg)

यशायाह भविष्य बताद मि सै हिदि री ल्यैस कि मि मसीह जा रुसू स्युंगयंग हंग उजा स्वीकार स्युंग दंची मना स्युंगयंग| गार भविष्य बताद मि मंग सै ल्यैस कि मसीह ग तिग साथो उग खिलाफ रचियंग| जकर्याह भविष्य बताद मि सै ल्यैस कि उग हिदि साथो हिना स्युंगम दंची गार मि मंग स हेली गै सुम सिक्का कोरयंग| हिदि च्यांगरी, दूमा भविष्य बताद मि मंग सै ल्यैस कि मि मसीह जा पच्यंगन्न, हंग हिदि कि उसिग खसै पसै गै दंची जुआ लाँगयंगन्न|

![](https://cdn.door43.org/obs/jpg/360px/obs-en-21-12.jpg)

भविष्य बताद मि सै हिदि री बतास कि मसीह हना सिचियंग| यशायाह भविष्यवानी फाकस कि मि मंग मसीह जा खुति थूबयंगन्न उसिग बट्टा उड़ायंगन्न, हंग उसिजा लूब्यंगन्न| उसी उजा ढोंगठों स्युंगयंग हंग उ मत्त कंगत हंग मत्त दु:खु कू पझयंग, खस्युंग कि उस खरी यद मुस्युंग नियंग|

![](https://cdn.door43.org/obs/jpg/360px/obs-en-21-13.jpg)

भविष्य बताद मि मंग सै हिदि री बतास कि मसीह पाप मुस्युंगयंग |उ सिद्ध नियंग| हंग उ हिना दंची सिचियंग परमेश्वर उजा गार मि मंग गै कारण सजा दायंग| उग सिचिम स मि मंग परमेश्वर गै जरू मेल स्युंगम कू तरत नियंग| हिना दंची परमेश्वर चींथ निस कि मसीह सिचिम|

![](https://cdn.door43.org/obs/jpg/360px/obs-en-21-14.jpg)

भविष्य बताद मि सै हिदि री बतास कि परमेश्वर मसीह जा सीचीद कू खचि टागंद स्युंगयंग| हिना बताग अनि कि हिदि जम्मा नूद वाचा जा गिम ग परमेश्वर गै, योजना निस,ताकि उसी मि मंग जा बचा तरन्नस जइ मि सै उग विरुद्ध पाप स्युंगन्नस|

![](https://cdn.door43.org/obs/jpg/360px/obs-en-21-15.jpg)

परमेश्वर सै भविष्य बताद मि मंग जा मसीह गै बारे कू मत्त कथा स्युंगस, हंग मसीह उसी भविष्य बताद मि मंग कू खचि खमी ग री जीवन काल कू मुरास| हिदि भविष्यवानी कदासिद गै पीसय स यंबा यन गै निग्म ठीक बकतर परमेश्वर मसीह जा हिदि दुनिया कू थिरयंग|

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से तिग बाइबल गै कथा*

## 22. यूहन्ना गै जन्म

https://openbiblestories.org/l/cdn/story-22/

![](https://cdn.door43.org/obs/jpg/360px/obs-en-22-01.jpg)

अतीत कू, परमेश्वर सै आफिग भविष्य बताद मि मंग जा कथा स्युंग निस हिना दंची उसी मि मंग जा कथा स्युंग तरनिस| हंग अति बकतर खचि हजू पी सय यन वास उस उजा कथा मुस्युंगस| हंग परमेश्वर सै जकर्याह मिन यहूदी पुजारी गै निद कू तिग स्वर्गदूत जा थिरस| जकर्याह हंग उग रिथिस्या एलीशिबा परमेश्वर ग इज्जत स्युंगतान्नस| उसी मत्त सयांगत कलीच्च, हंग उग खरी संतान जन्म मूलत निस|

![](https://cdn.door43.org/obs/jpg/360px/obs-en-22-02.jpg)

अति स्वर्गदूत सै जकर्याह जा ल्यैस,“नग रीथिस्या गै तिग सिरी सेंद जन्म लयंग गै उग मिन यूहन्ना ताम| परमेश्वर उजा पवित्र ल्हेमे स पूरो स्युंगयंग, हंग मि मंग जा मसीह जा आफिग स्युंगम दंची तैयार स्युंगयंग| “जकर्याह सै जबाब दास, जी हंग जिग रिथिस्या संतान जन्म दाम दंची मत्त स्यांगत कल्लेनस! जी हना पेतू कि गस जीजा साचो फाक अनि?”

![](https://cdn.door43.org/obs/jpg/360px/obs-en-22-03.jpg)

अति स्वर्गदूत सै जकर्याह जा जबाब दास, “नग नीद कू हिदि बुद फिन रयम दंची जी परमेश्वर गै चैन्तु थिरन्नस| खस्युंग कि गस जीजा विश्वास मुस्युंगनस, हिना दंची सैंद गै जन्म रा वास गै फा मुतरयंगन| अति बकतरइ जकर्याह फा मुतर निस| हंग उ स्वर्गदूत जकर्याह गै नीद कू खचि पिदिस| हिदि गै निमफन जकर्याह चिमजा थोकसिग पिरास हंग उग रिथिस्या गोबरंग कू सेंद लित्त कल्ले|

![](https://cdn.door43.org/obs/jpg/360px/obs-en-22-04.jpg)

हंग एलीशिबा टुगु ला ची सेंद लित्त गोबरंग कू निस, ता अतकू स्वर्गदूत झल्ल स एलीशिबा गै स्यासी गै निद कू रास, जइ ग मिन मरियम निस मरियम कुँआरी चमै निस हंग ढामी ल्हैम दंची यूसुफ मिन गै यूरसीरी गै जरू उग थोचिन्नस| स्वर्गदूत सै ल्यैस, “ गै गोबरंग कू नियंगनो हंग तिग सिरी सैंद जा जन्म दायंग| गस उग मिन यीशु तायंगनों| उ मत्त-तरत परमेश्वर गै सिरी नियंग हंग राजयारी दंची राज स्युंगयंग|”

![](https://cdn.door43.org/obs/jpg/360px/obs-en-22-05.jpg)

मरियम सै जबाब, “हिदि हना ल्हैयंग, खस्युंग कि जी ता कुँआरी नियस?” अति स्वर्गदूत सै समझास, “पवित्र ल्हेमे गजा रायांग, हंग परमेश्वर गै सामर्थ्य गजा सैलू स्युंगयंग| हिना दंची उ सैंद पवित्र नियंग, हंग उ परमेश्वर गै सिरी नियंग| “जइ अति स्वर्गदूत सै ल्यैस उजा मरियम सै विश्वास स्युंगस|

![](https://cdn.door43.org/obs/jpg/360px/obs-en-22-06.jpg)

हिदि ल्हैम गै ठीक अति बकतर, मरियम सै दिग एलीशिबा जा छिस| जसोइ मरियम सै उजा ढोग दास, एलीशिबा गै सेंद उग भीतरु लांगस| उसिग दंची परमेश्वर सै जइ स्युंगस उग बारे कू उसी मिंगसिरी मंग ती जरू खुशी निन्नस| एलीशिबा गै जरू सुम ला स्योंगसिम गै निग्म ,मरियम चिमजा पिदिस|

![](https://cdn.door43.org/obs/jpg/360px/obs-en-22-07.jpg)

उग निमफन, एलीशिबा सै आफिग सेंद जा जन्म दास| जकर्याह हंग एलीशिबा सै अति सेंद गै मिन यूहन्ना तास, जसो कि अति स्वर्गदूत सै आदेश दास| हंग परमेश्वर सै जकर्याह जा फाम ग तरत कल्च| जकर्याह सै ल्यैस, “परमेश्वर गै गुनु ल्हैयंग, खस्युंग कि उस आफिग मि मंग गै सहायता स्युंगम दंची ची स्युंगतन्नस! हे जिग सिरी, गै मत्त तरत परमेश्वर गै भविष्य बताद मि नियंग| गै मि मंग जा बतायंग कि हना आफिग पापों गै दंची माफ़ी तीयंगन्न!”

*लूका अध्याय 1 से तिग बाइबल गै कथा*

## 23. यीशु गै जन्म

https://openbiblestories.org/l/cdn/story-23/

![](https://cdn.door43.org/obs/jpg/360px/obs-en-23-01.jpg)

यूसुफ मिन गै तिग धर्मी मि गै जरू मरियम जा कथोचिन्नस| हंग उस यन्स कि मरियम गोबरंग कू अनि ता उजा पत्तो निस कि उ उग सैंद माद| हंग, उ मरियम जा बदनाम मुस्युंगम चींथ निस, हिना दंची उस उजा कृपा स्युंगम गै हंग उजा मुफाग होतिम दंची चिचिस हंग हिदि च्यंग लरी कि उ हिना स्युंगता, तिग स्वर्गदूत सै उग मं कू राग उजा कथा स्युंगस|

![](https://cdn.door43.org/obs/jpg/360px/obs-en-23-02.jpg)

अति स्वर्गदूत सै ल्यैस, “ऐ यूसुफ, मरियम जा आफिग रिथिस्या गै रूप कू रतिग राम्ह दंची मुजेरम| उग भीतरु जइ सेंद अनि उ पवित्र ल्हेमे गै चैन्तू अनि| उ तिग सिरी सेंद जा जन्म दायंग| उग मिन यीशु ताम [जइग अर्थ अनि, ‘यहोवा बचायंग], खस्युंग कि उ मि मंग जा उसिग पापों स बचायंग|”

![](https://cdn.door43.org/obs/jpg/360px/obs-en-23-03.jpg)

हिना दंची यूसुफ सै मरियम जा ढामि स्युंगस हंग उजा आफिग रीथिस्या गै रूप कू चिमजा पिरयस, हंग उग सेंद जा जन्म रा वास उ उग राक्त मुह्यागस|

![](https://cdn.door43.org/obs/jpg/360px/obs-en-23-04.jpg)

हंग मरियम गै जन्म दाम गै ज्या न्योरो निस, ता उस हंग यूसुफ सै बेतलहम दिम गै तिग बुंग्थ यात्रा स्युंगस| उस अछै दिम निस खस्युंग कि रोमी अफसर इस्राएल कू स्योंगसिदै वाला जम्मा मि मंग गै गिनती स्युंगम चींथ निस| उसी चींथ निस कि जम्मा मि मंग अतकू दिनी जइ सोंग कू उसिग पूर्वज स्योंगसिद निन्नस राजा दाऊद गै जन्म बेतलहम कू लिच्च, हंग उ मरियम ची यूसुफ निमी गै पूर्वज निस|

![](https://cdn.door43.org/obs/jpg/360px/obs-en-23-05.jpg)

मरियम हंग यूसुफ बेतलहम दिन्नस, हंग अतकू ले लुकच ताम वाला बं गै च्यंग उसिग स्योंगसिम दंची खरी बं मुनिस| अति बं निस जइ बं कू मरियम सै आफिग सेंद जा जन्म दास उस उजा दरफी कू करचिस खस्युंग कि अतकू उग दंची खइ पस्स लांगबे मुनिस| उसिस उग मिन यीशु तास|

![](https://cdn.door43.org/obs/jpg/360px/obs-en-23-06.jpg)

अति मुंछ, अतकू न्योरो रिह कू दूमा रोहकचा आफिग माला गै यंबा जा खबर स्युंगतास| झल्ल स, तिग डोकत स्वर्गदूत उसीजा प्रकट लिच्च हंग उसी कजैरन्नस| अति स्वर्गदूत सै ल्यैस, “मुजेरम, खस्युंग कि जीग न्योरो गनी दंची बुद फिन्न अनि| बेतलहम कू मसीह, राजा गै जन्म कल्त अनि!”

![](https://cdn.door43.org/obs/jpg/360px/obs-en-23-07.jpg)

दिग अति सेंद मासी दिनी, हंग गनी उजा लाडम कू कतूमसिद हंग दरफी कू लयकत तीयंग|” झल्ल स, तिमभू स्वर्गदूतों मंग स तीक्क कल्ले| उसी परमेश्वर गै गुनू स्युंग तान्नस| उसिस ल्यैस, जम्मा महिमा स्वर्ग कू स्योंगसिद वाला परमेश्वर जा मिलियंग| थंगजा कू उसी मि मंग कू शांति ल्हैयंग जइ ग उ झिरकों स्युंता!”

![](https://cdn.door43.org/obs/jpg/360px/obs-en-23-08.jpg)

हंग स्वर्गदूत पिदिस| उसी रोहकचा री आफिग माला जा होतिग सेंद जा ओंगम दंची दिन्नस छाटोइ उसी अति बं कू टोनभन्नस जइ बं कू यीशु निस हंग उसीस उजा दरफी कू लयकत तिन्नस, जसों कि अति स्वर्गदूत सै कल्यैद निस उसी मत्त खुशी निन्नस| हंग उसी रोहकचा थोकसिग अति बं कू कन्नभस जइ बं कू उग माला निस| उसिस जइ खरी यन्स हंग तिन्स अति जम्मा दंची उसी परमेश्वर गै गुनू स्युंगतास|

![](https://cdn.door43.org/obs/jpg/360px/obs-en-23-09.jpg)

पूर्व कू वथे तिग सोंग कू दूमा यूरासिरी निन्नस| उसिस कर्मा जा रिसिस हंग उसी मत्त लाद मि निन्नस| उसिस तिग खास कर्मा जा तिमभू कू तिन्स| उसिस ल्यैस कि हिदि ग अर्थ लिन्ही कि यहूदीयों गै तिग नुद राजा ग जन्म कलत अनि| हिना दंची उसिस अति सेंद जा ओंगम दंची आफिग राजू खचि यात्रा स्युंग गै फैसला कस्युंग| तिग बुंग्थ यात्रा गै निग्म, उसी बेतलहम रास हंग अति चिमजा तिन्नेस जइ बं कू यीशु हंग उग मुमा जी बूबा स्योंगसिग निन्नस |

![](https://cdn.door43.org/obs/jpg/360px/obs-en-23-10.jpg)

हंग हिदि यूरासिरी मंग सै यीशु जा आफिग मुमा गै जरू तिन्स ता उसिस पै चुग उसिग आदर सम्मान स्युंगन्नस| उसिस यीशु जा अकरो नासो दास| हंग उसी चिमजा थोकसिग पिदिस

*मत्ती अध्याय तिग; लूका निस्यी कू खचि तिग बाइबल गै कथा*

## 24. यूहन्ना यीशु जा पवित्र च्यागसिम दाग तास

https://openbiblestories.org/l/cdn/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा हंग जकर्याह गै सिरी यूहन्ना, पूद ल्हेग तिग भविष्य बताद मि कबनस| उ सीर कू स्योंगसिद निस, हंग सीर कुतू व्हा हंग माछ्या जाग निस, हंग ऊँट गै छम्म स कबंद वाला खसै -पसै चुकसीद निस|

![](https://cdn.door43.org/obs/jpg/360px/obs-en-24-02.jpg)

मत्त स मि मंग यूहन्ना गै कथा यन्म दंची सीर कू खचि वंग पिरन्नस| उस हिदि ल्हेग उसीजा प्रचार स्युंगस, “पछताव स्युंगनी, खस्युंग कि स्वर्ग गै राज्य न्योरो अनि!”

![](https://cdn.door43.org/obs/jpg/360px/obs-en-24-03.jpg)

हंग मि मंग सै यूहन्ना गै फिन जा यन्स ता उसी मंग स मत्त मंग सै आफिग पापों स पछताव स्युंगस, हंग यूहन्ना सै उसीजा पवित्र च्यागसिम दास| यूहन्ना जा ओंगम दंची मत्त स धार्मिक प्रधान मंग री रन्नस, हंग उसिस आफिग पापों गै पछताव किता अंगीकार मुस्युंगस|

![](https://cdn.door43.org/obs/jpg/360px/obs-en-24-04.jpg)

यूहन्ना सै धार्मिक प्रधान मंग जा ल्यैस, “ऐ बिसूति नबू! पछताव स्युंगयो हंग आफिग व्यवहार बदलयों| परमेश्वर हर अति स्यिन जा चैतीयंग जइ बुद फल मुरयम, हंग उ उसीजा मैं कू चांगतीयंग|” जइ भविष्य बताद मि मंग सै कलैसद यद गुलाम ग कथा निस यूहन्ना सै उजा पूरो स्युंगस, “ओंगयों, छाँटोइ जी नग लरी आफिग फिन्न कवरद जा थिरयंग जइ नग दंची अम्म तैयार स्युंगयंग|

![](https://cdn.door43.org/obs/jpg/360px/obs-en-24-05.jpg)

खमी धर्मिक प्रधान मंग सै यूहन्ना जा रूस कि खै उ मसीह ल्है| यूहन्ना सै जबाब दास, “जी मसीह मुल्हेय, हंग उ जिग निग्म राग अनि| उ हिलंग लाद अनि कि जी उग प्वला गै तन्ना ठूल्म गै री लायक मुनीय|”

![](https://cdn.door43.org/obs/jpg/360px/obs-en-24-06.jpg)

न्यार ची, यीशु पवित्र च्यागसिम कोरम दंची यूहन्ना गै न्योरो रास| हंग यूहन्ना सै उजा तिन्स, ता उस ल्यैस, “ओंगयों! परमेश्वर गै माला जइ दुनिया गै पापों जा आंग कोरदीयंग|”

![](https://cdn.door43.org/obs/jpg/360px/obs-en-24-07.jpg)

यूहन्ना सै यीशु जा ल्यैस, “ जी गजा पवित्र च्यागसिम दाम गै लायक मुनीय| बदला हिदि ग जरूरी अनि कि गै जीजा पवित्र च्यागसिम दायंगन| “ हंग यीशु सै ल्यैस, “गस जीजा पवित्र च्यागसिम दाम चिन्नी खस्युंग कि स्युंगम दंची बुद लन हिदि अनि|” हिना दंची यूहन्ना सै उजा पवित्र च्यागसिम दास,खस्युंग कि यीशु सै खज्या पाप मुस्युंगस|

![](https://cdn.door43.org/obs/jpg/360px/obs-en-24-08.jpg)

पवित्र च्यागसिम कोरम गै निग्म हंग यीशु ती खचि छंगपंग रास ता परमेश्वर गै ल्हेमै कबूतर गै रूप कू प्रकट लिच्च हंग छंकू राग उजा स्योंगसिस| अति बकतर, परमेश्वर सै स्वर्ग ती कथा स्युंगसस| उस ल्यैस, “ गै जिग सिरी ल्हेन जी गजा प्रेम स्युंगता| हंग जी गजा खुशी इय्ये|”

![](https://cdn.door43.org/obs/jpg/360px/obs-en-24-09.jpg)

परमेश्वर सै यूहन्ना जा ल्यैस, “पवित्र ल्हैमै छंकू राग खमी जा स्योंगसियंग जइजा गै पवित्र च्यागसीम दायंगन| “ऊई परमेश्वर गै सिरी अनि परमेश्वर तिगई अनि| हंग यूहन्ना सै यीशु जा पवित्र च्यागसीम दास, ता उस परमेश्वर बूबा जा कथा स्युंगम यंगस, सिरी परमेश्वर जा तिन्स, जइ कि यीशु अनि, हंग उस पवित्र ल्हैमै जा तिन्स|

*मत्ती अध्याय 3; मरकुस 1:9-11; लूका 3:1 से तिग बाइबल गै कथा*

## 25. सीना ग सरदार  यीशु गै छक्का खनस

https://openbiblestories.org/l/cdn/story-25/

![](https://cdn.door43.org/obs/jpg/360px/obs-en-25-01.jpg)

यीशु ग पवित्र च्यागसिम ल्हैम गै अति बकतरइ, पवित्र ल्हेमे उजा सीर कू कोरग दिस| यीशु अतकू पीसा ज्या हंग पीसा मुंछ निस| अति बकतर उस उपवास स्युंगस, हंग सीना सै यीशु गै न्योरो राग पाप स्युंगम दंची उग छक्का खनस|

![](https://cdn.door43.org/obs/jpg/360px/obs-en-25-02.jpg)

लरी, सीना सै यीशु जा ल्यैस, “ हंग गै परमेश्वर ग सिरी ल्हैम च्यंग ता हिदि ऊँग जा कुटू स्युंगती ताकि कि गै जा तरयंगन!”

![](https://cdn.door43.org/obs/jpg/360px/obs-en-25-03.jpg)

हंग यीशु सै सीना जा ल्यैस, “परमेश्वर गै बचन कू हिदि करिसिद अनि, ‘टांगद होसिम दंची मि जा तिग कूटू ग जरूरत मुनिय, खस्युंग कि उसीजा हर अति कथा ग जरूरत अनि जइ परमेश्वर उजा ल्हेता !’”

![](https://cdn.door43.org/obs/jpg/360px/obs-en-25-04.jpg)

हंग सीना यीशु जा मंदिर गै लच्यंग थेद बं कू कोरदिस| उस उजा ल्यैस, “हंग गै परमेश्वर ग सिरी ल्हैम च्यंग हिदुंग खचि छंकू फटकू दा, खस्युंग कि रिसिद अनि, ‘परमेश्वर गजा आंग कोरम दंची आफिग स्वर्गदूतों जा आज्ञा दायंग कि नग लिकी कू ऊँग स मुदोकसियंग|’’’

![](https://cdn.door43.org/obs/jpg/360px/obs-en-25-05.jpg)

हंग यीशु सै अति मुस्युंगस जइ सीना सै उजा स्युंगम दंची ल्यैस| हिदि ग बदला, उस ल्यैस, “परमेश्वर हर तिग जा ल्हेता, ‘गै प्रभु आफिग परमेश्वर ग छक्का मुस्युंगम|’”

![](https://cdn.door43.org/obs/jpg/360px/obs-en-25-06.jpg)

हजु सीना सै उजा दुनिया गै जम्मा राजू दिखास| उस उजा दिखास कि उसी उलंग तरत निन्नस, हंग उसी उलंग बुद निन्नस| उस यीशु जा ल्यैस, “जी गजा हिदि जम्मा दातो हंग गै पै चुग जिग भक्ति स्युंगयो|”

![](https://cdn.door43.org/obs/jpg/360px/obs-en-25-07.jpg)

यीशु सै जबाब दास, “हे सीना, जिग खास्या खचि दि! परमेश्वर गै बचन कू उ मि मंग जा फिनस्यद दायंग, ‘तिगई आफिग प्रभु परमेश्वर ग भक्ति स्युंगयो| परमेश्वर गै रूप कू तिगई उसिग आदर स्युंगयो|’”

![](https://cdn.door43.org/obs/jpg/360px/obs-en-25-08.jpg)

यीशु सै सीना ग छक्का स हार मुमानस, हिना दंची सीना उग नोकु खचि पिदिस| हंग स्वर्गदूत राग यीशु ग सेवाटहल स्युंगतान्नस|

*मत्ती अध्याय 4:1-11; मरकुस 1:12-13; लूका 4:1-13 से तिग बाइबल गै कथा*

## 26. यीशु आफिग सेवा शुरू स्युंगताग निस

https://openbiblestories.org/l/cdn/story-26/

![](https://cdn.door43.org/obs/jpg/360px/obs-en-26-01.jpg)

सीना ग कथा मुरुंगम गै निग्म, यीशु थोकसिग गलील गै सोंग कू रास| हिदि अति बं ल्है जइ बं उ स्योंगसिग निस| पवित्र ल्हेमे उजा मत्त तरत दास, हंग यीशु तिग बं होइग दुसरो बं कू दिस हंग मि मंग जा शिक्षा दास| जम्मा मि मंग सै उग बारे कू बुद कथा फान्नस|

![](https://cdn.door43.org/obs/jpg/360px/obs-en-26-02.jpg)

यीशु नासरत सोंग कू दिस| हिदि उ सोंग अनि जइ बं कू उ आफिग सेनलांग खचि स्योंगसिद निस| सब्त गै ज्या, उ यहूदियों गै सभागर गै बं कू दिस| यहूदी प्रधान मंग सै उजा यशायाह भविष्य बताद मि गै फिन ग तिग लिबिन दास| उसी तख निन्नस कि उ अतकू खचि स लबसियंग| हिना दंची यीशु सै अति लिबिन फांग उग तिग भाग जा मि मंग दंची लबसिस|

![](https://cdn.door43.org/obs/jpg/360px/obs-en-26-03.jpg)

यीशु सै लबसिस, “परमेश्वर सै जीजा आफिग ल्हेमे दास खस्युंग कि जी कंगालों मंग जा बुद कथा प्रचार स्युंग तरनी| उस जीजा हिना दंची लायन्नस कि कैदियों मंग जा आजाद स्युंगत, काना मि जा छंत दा तरतो हंग उसीजा छुटकारा दात जइ मि जा गार मि तांग ताता| हिदि उ बकतर अनि हंग परमेश्वर इंजा स्योंकांगत नियंग हंग इंग सहायता स्युंगयंग|”

![](https://cdn.door43.org/obs/jpg/360px/obs-en-26-04.jpg)

हंग यीशु स्योंगसिस| जम्मा मि मंग उजा बुदस ओंगतान्नस| उसीजा पत्तो निस कि परमेश्वर बचन ग जइ भाग उस इता लबसिस उ मसीह गै बारे कू निस| यीशु सै ल्यैस, “जइ कथा जीस इता गनी दंची कलबसीद निस, उसी हिदि बकतर घटित ल्हेग अनि|” जम्मा मि मंग हा कल्त निस| उसिस ल्यैस, “खै हिदि यूसुफ ग सिरी मुनीय ?”

![](https://cdn.door43.org/obs/jpg/360px/obs-en-26-05.jpg)

हंग यीशु सै ल्यैस, “हिदि साचो ल्है कि मि मंग खमी हिना भविष्य बताद मि जा खज्या स्वीकार मुस्युंगनस जइ उसिग सोंग कू ठूंग लाग| एलिय्याह भविष्य बताद मि गै ज्या कू, इस्राएल कू मत्तइ राड़ीस्या मंग निन्नस| हंग साढ़े सुम यन वास नम मुरास ता परमेश्वर सै एलिय्याह जा इस्राएल कू खमि राड़ीस्या ग सहायता स्युंगम दंची मुथिरस| हिदि च्यंग री, उस एलिय्याह जा खमि गार राजू ग राड़ीस्या गै न्योरो थिरस|”

![](https://cdn.door43.org/obs/jpg/360px/obs-en-26-06.jpg)

यीशु सै फामग जारी तास, हंग एलीशा भविष्य बताद मि गै ज्या कू मत्त स मि कोढ़ रोग स कांगत निस| हंग एलीशा सै उसी खमि जा री बुद मुस्युंगस| उस तिगई इस्राएल गै बयरी मंग गै सेनापति नामान जा बुद कस्युंगस|” हंग जइ मि मंग यीशु जा यंगतास उसी यहूदी निन्नस| हिना दंची उसिस उजा हिदि ल्हैद यन्स ता उसी उजा रुसू पिरास|

![](https://cdn.door43.org/obs/jpg/360px/obs-en-26-07.jpg)

मत्ती अध्याय पी:चैनै-नस्सा ड़ई; मरकुस तिग:चेपी-चेबंग,सुमसा ड़ई-B371सुमसा गुई; सुमसा:चेसम-नस्सा तिग; लूका पी:चेपी-सुमसा, सुमसा ज्यद-पीसा पी कू ची तिग बाइबल गै कथा

![](https://cdn.door43.org/obs/jpg/360px/obs-en-26-08.jpg)

हंग यीशु पूरो गलील गै सोंग कू दिस, हंग पूद भीड़ उग न्योरो रास| उसी हिना मत्त स मि मंग जा रयग रास जइ कांगत हंग यन्सी मुतरसिन्न| उसी मंग गै गुंदा खचि खमी, ओंग, यन्सी, यन्न हंग फा मुतरद निन्नस, हंग यीशु सै उसीजा बुद स्युंगस|

![](https://cdn.door43.org/obs/jpg/360px/obs-en-26-09.jpg)

हिदि गै च्यंग, मत्त स हिना मि यीशु गै न्योरो रयग रास जइ मि कू यद ल्हेमे मंग निन्नस| यीशु सै यद ल्हेमे मंग जा उसी मंग कू खचि दिम ग फिन्स्यद दास| उसी यद ल्हेमे मंग मत्त कल्लाट स्युंगस, “गै परमेश्वर ग सिरी अनि!” भीड़ कू ची मंग हा कल्लेन्नस, हंग उसिस परमेश्वर ग गुनू स्युंगस|

![](https://cdn.door43.org/obs/jpg/360px/obs-en-26-10.jpg)

हंग यीशु सै चैनै यूरासिरी मंग जा किलस जइ जा उस आफिग प्रेरित ल्यैस| उसी प्रेरितों मंग सै उग जरू यात्रा स्युंगस हंग उजा खचि शिक्षा तिन्स|

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से तिग बाइबल गै कथा*

## 27. स्योकांगत सामरी ग कथा

https://openbiblestories.org/l/cdn/story-27/

![](https://cdn.door43.org/obs/jpg/360px/obs-en-27-01.jpg)

तीज्या, यहूदी व्यवस्था ग तिग लाद मि यीशु गै न्योरो रास| उ जम्मा जा हिदि दिखाम चींथ निस कि यीशु गलत रीति स शिक्षा दाग तास| हिना दंची उस ल्यैस, “ऐ रीथि, अनंत जीवन तिम्म दंची जी खै स्युंगम?” यीशु सै जबाब, “परमेश्वर ग व्यवस्था कू खै करिसिद अनि?”

![](https://cdn.door43.org/obs/jpg/360px/obs-en-27-02.jpg)

अति मि सै ल्यैस, “उ ल्हेता कि आफिग परमेश्वर स आफिग पूरो मन, प्राण, सामर्थ, हंग बुद्धि स प्रेम स्युंगनी| हंग आफिग पड़ोसी स आफि नारुक्त प्रेम स्युंगनी|” यीशु सै जबाब दास, “गै साचो ल्हेन! हंग गै हिना स्युंगम च्यंग, ता गजा अनंत जीवन मिलियंग|”

![](https://cdn.door43.org/obs/jpg/360px/obs-en-27-03.jpg)

हंग उ व्यवस्था ग लाद मि मंग जा दिखाम चींथ निस कि उग जीवन टंगम ग ढंग बुद निस| हिना दंची उस यीशु जा रूस, “ठीक अनि, ता जिग पड़ोसी खमी ल्है?”

![](https://cdn.door43.org/obs/jpg/360px/obs-en-27-04.jpg)

यीशु सै अति व्यवस्था गै लाद मि जा तिग कथा बताम गै चैन्तू जबाब दास| “तिग यहूदी मि निस जइ तिग अम कू खचि दिग यरुशलेम खचि यरीहो ग यात्रा दिग निस|”

![](https://cdn.door43.org/obs/jpg/360px/obs-en-27-05.jpg)

“हंग दूमा खूद मंग सै उजा तिन्स हंग उजा धुंगन्नस| उसिस उसिग जम्मा बथो पिकोरस हंग उजा लगभग सिचिवास लूबन्नस| हंग उसी पिदिन्नस|”

![](https://cdn.door43.org/obs/jpg/360px/obs-en-27-06.jpg)

“उग निमफन, तिग यहूदी पुजारी अति अम कू खचि दिस| अति पुजारी सै अति मि जा अम कू करचिद तिन्स| हंग उस उजा तिन्स ता उ अम कू खचि दुसरो अम कू पिदिस| उस अति मि जा अति अम कू खचि मुतिंग पिदिस|”

![](https://cdn.door43.org/obs/jpg/360px/obs-en-27-07.jpg)

“हिदिग निमफन दूमा ज्या ची दिम गै कथा तिग लेवी अति अमकू रास| (लेवी यहूदीयों ग तिग जात निस जइ मि सै मंदिर कू यहूदी पुजारी मंग ग सहायता स्युंग निस|”) अति लेवी री अम कू खचि दुसरो अम पिदिस| उस री अति मि जा मुतिंग पिदिस|”

![](https://cdn.door43.org/obs/jpg/360px/obs-en-27-08.jpg)

“दुसरो मि जइ अति अम कू खचि रास| उ सामरिया ग तिग यूरासिरी निस| ( सामरी हंग यहूदी तिग दुसरो मि स रुसू स्युंगतान्नस|) अति सामरी सै अम कू अति मि जा तिन्स| उस तिन्स कि उ यहूदी निस, परंतु हजूरी उस उजा बुद स्योकांगस, हिना दंची उ उग निद कू दिस हंग उग गैनै कू लाडम स गितिस|”

![](https://cdn.door43.org/obs/jpg/360px/obs-en-27-09.jpg)

“हजू अति सामरी सै अति मि जा आफिग गधा कू तास हंग उजा अति अम कू खचि तिग मि स्योंगसिम बं कू कोरग दिस जइ बं कू उस उग ओंगम गै खबर स्युंग तास|”

![](https://cdn.door43.org/obs/jpg/360px/obs-en-27-10.jpg)

मूची ज्या, अति सामरी जा आफिग कूंचा कू दिम गै दिग निस| उस अति स्योंगसिम बं कू लन स्युंगद मि जा दूमा रुपया दास उस उजा ल्यैस, “अति मि ग खबर स्युंग ताम| हंग हिदि रुपया गै यंबा नग बाकी रुपया खर्च ल्हैम च्यंग जी थोकसिग रालंग बकतर गजा दाग हंग दिय|”

![](https://cdn.door43.org/obs/jpg/360px/obs-en-27-11.jpg)

हंग यीशु सै अति व्यवस्था गै लाद मि जा रूस, “गनी खै चिचिग अनि? हिदि सुम मि मंग कू खचि खमी अति मि ग पड़ोसी अनि जइ मि जा लुटेने हंग लूब निस?” उस जबाब दास, “उइ जइ अति स्योकांगद निस|” यीशु सै उजा ल्यैस, “ गै दि हंग हिनाइ स्युंगयो|”

*लूका अध्याय 10:25-37  से तिग बाइबल गै कथा*

## 28. स्यांगमी ज्यूद राजा

https://openbiblestories.org/l/cdn/story-28/

![](https://cdn.door43.org/obs/jpg/360px/obs-en-28-01.jpg)

तीज्या, तिग स्यांगमी ज्यूद राजा सै यीशु गै न्योरो राग उजा रूस, “हे लाद रीथि, अनंत जीवन तिम्म दंची जीजा खै स्युंगम परयंग?” यीशु सै उजा ल्यैस, “गै जीजा ‘लच्यंग बुद खोंग ल्हैतातन? तोंगमी तिगई लच्यंग बुद अनि, हंग उ परमेश्वर ल्है| खस्युंग कि गै अनंत जीवन थोचिम दंची ता परमेश्वर गै व्यवस्था ग स्यरचिद स्युंग |”

![](https://cdn.door43.org/obs/jpg/360px/obs-en-28-02.jpg)

“जीजा खै खै आज्ञाओं ग स्यरचिद स्युंगम ग जरूरत अनि?” उस रूस| यीशु सै जबाब दास, “ हत्या मुस्युंगम| यद लन मुस्युंगम, मुखुम| झूठी मुफाम| आफिग बूबा हंग मुमा ग इज्जत स्युंगम, हंग आफिग पड़ोसी जा अफि नारुक्त प्रेम स्युंग्म|”

![](https://cdn.door43.org/obs/jpg/360px/obs-en-28-03.jpg)

खस्युंग कि अति ज्यूद यूरासिरी सै ल्यैस, “जी आफिग सेनलंग खचि हिदि जम्मा आज्ञाओं ग स्यरचिद स्युंग तात| जीजा राज्या री दंची टांगद नीम ग होसिम दंची इता री खै स्युंगम ग जरूरत अनि?” यीशु सै उजा ओंग तास हंग उजा प्रेम स्युंगस|

![](https://cdn.door43.org/obs/jpg/360px/obs-en-28-04.jpg)

यीशु सै जबाब दास, “हंग गै सिद्ध ल्हैम चींथ अनि ता दिग आफिग जम्मा बथों रंगती हंग उ धन गरीब मि मंग जा छुतियों, हंग गजा स्वर्ग कू धन मिलियंग| हंग जिग निमफन रा|”

![](https://cdn.door43.org/obs/jpg/360px/obs-en-28-05.jpg)

जइ यीशु सै ल्यैस अति ज्यूद यूरासिरी सै यन्स ता उ मत्त मंगलातत कल्च, खस्युंग कि उ मत्त स्यांगमी निस हंग उस आफिग जम्मा संपती जा दास मुचिनस| उ निमफन थोकसिग यीशु गै खास्या कू खचि पिदिस|

![](https://cdn.door43.org/obs/jpg/360px/obs-en-28-06.jpg)

हंग यीशु सै आफिग चेलों जा ल्यैस, “परमेश्वर गै राजू कू स्यांगमी मंग ग चीकू दिम मत्त दुखु अनि! हाँ, तिग स्यांगमी यूरासिरी गै परमेश्वर गै राजू कू दिम ग किराक्त कू खमी ऊँट ग छेब गै डोंगठो खचि भीतरु वोम्म सांगद अनि |”

![](https://cdn.door43.org/obs/jpg/360px/obs-en-28-07.jpg)

जइ यीशु सै ल्यैस हंग चेलों मंग सै यन्नस ता उसी हा निन्नस| उसिस ल्यैस, हंग हिदि हिना अनि ता परमेश्वर खमी जा बचायंग?”

![](https://cdn.door43.org/obs/jpg/360px/obs-en-28-08.jpg)

यीशु सै चेलों जा तिन्स हंग ल्यैस, “मि मंग गै दंची आफिग उद्धार स्युंगम मुश्किल अनि| खस्युंग कि परमेश्वर गै दंची खरी स्युंगम मुश्किल मुनिस|”

![](https://cdn.door43.org/obs/jpg/360px/obs-en-28-09.jpg)

पतरस सै यीशु जा ल्यैस, “इंग चेले आफिग जम्मा बथो होतिग नग निमफन पिरयस ता इंग इनाम खै लयंग?”

![](https://cdn.door43.org/obs/jpg/360px/obs-en-28-10.jpg)

यीशु सै जबाब दास, “हर तिग मि जइस जिग दंची चिम, बनम, पुस्या,बूबा, मुमा,सन्मंग, हंग सम्पति जा होतिस, उ उजा सय गुना अछो तिन्यंग हंग अनंत जीवन जा री तिन्यंग| हंग मत्त स जइ लरी अनि उसी निमफन नियंगन्न, हंग मत्त स जइ निमफन अनि उसी लरी नियंगन्न|”

*मत्ती अध्याय19:16-30; मरकुस 10:17-31; लूका 18:18-30 से तिग कथा*

## 29. यद गुलाम ग कथा

https://openbiblestories.org/l/cdn/story-29/

![](https://cdn.door43.org/obs/jpg/360px/obs-en-29-01.jpg)

तीज्या, पतरस सै यीशु जा रूस, “ऐ रीथि, जीजा आफिग पी जा उलंग चू माफी दाम परयंग हंग उ जिग विरुद्ध पाप स्युंगता? खै निसै चू वास? “यीशु सै ल्यैस, “निसै चू माद, हंग निसै गै टुगच्छा ची चू !”हिदि गै चैन्तु, यीशु ग मतलब अनि कि इनजा राज्यारी माफ स्युंगम चिन्नी| हंग यीशु सै हिदि कथा बतास|

![](https://cdn.door43.org/obs/jpg/360px/obs-en-29-02.jpg)

यीशु सै ल्यैस, “परमेश्वर ग राजू तिग राजा ना अनि जइ आफिग ढंगमी स हिसाब कोरम चींथ निस| उग तिग ढंगमी निस्यी लाख यन ग मजदूरी गै तिग पूद तौ ग तौ खंद मि निस|”

![](https://cdn.door43.org/obs/jpg/360px/obs-en-29-03.jpg)

हंग अति ढंगमी आफिग तौ जा दा मुतरस, हिना दंची राजा सै ल्यैस, “हिदि ग तौ चुकाम दंची हिदि यूरासिरी जा हंग हिदिग मोमाल जा ढंगमी मंग ग रूप कू करांगति|”

![](https://cdn.door43.org/obs/jpg/360px/obs-en-29-04.jpg)

“अति ढंगमी सै राजा गै न्योरो आफिग पै चुग करचिग ल्यैस।‘कृपा जिग जरू रिनचिनी, हंग जी आफिग तौ ग पूरो तौ दातियंग|’ राजा सै ढंगमी जा स्योकंगस, हिना दंची उस उग जम्मा तौ जा माफ कस्युंगस हंग उजा दिम दास|”

![](https://cdn.door43.org/obs/jpg/360px/obs-en-29-05.jpg)

“हंग उ ढंगमी राजा गै न्योरो खचि छंगपंग दिस, ता उजा उग तिग साथो ढंगमी छिस जइ उग पी ला ची मजदूरी ग तौ खंद निस| अति ढंगमी सै आफिग साथो ढंगमी जा कचुमस हंग ल्यैस, ‘जइ नग यरतो जिग तौ अनि जीजा उग तौ चुकता स्युंगनी!”

![](https://cdn.door43.org/obs/jpg/360px/obs-en-29-06.jpg)

“अति साथो ढंगमी सै पै चुग करचिग ल्यैस, ‘कृपा जिग जरू रिनचिनी हंग जी आफिग तौ ग पूरो चुकता स्युंगतियंग| ‘हंग हिदि गै बदला अति ढंगमी सै आफिग साथो ढंगमी जा जेल कू कमोकतीस जइ वास अति तौ चुकता मुस्युंगस|”

![](https://cdn.door43.org/obs/jpg/360px/obs-en-29-07.jpg)

“खरी लिच्च उजा खमी गार ढंगमी मंग सै तिन्स हंग उसी मत्त दु:खु निस| उसी राजा गै न्योरो दिस हंग उजा जम्मा कथा बतास|”

![](https://cdn.door43.org/obs/jpg/360px/obs-en-29-08.jpg)

“राजा सै अति ढंगमी जा हुईग ल्यैस, ‘ऐ यद ढंगमी! जीस नग तौ जा हिना दंची माफ कस्युंगती खस्युंग कि गसे जीजा होस्यी ल्हेनस| गस री हिनाइ स्युंगम चींथ निस| ‘ राजा हिलंग रुसू पिराद निस कि उस अति यद ढंगमी जा जेल कू कमोकतीस जइ वास कि उ आफिग जम्मा तौ थोकसिग पूरो मुस्युंगमो|”

![](https://cdn.door43.org/obs/jpg/360px/obs-en-29-09.jpg)

हंग यीशु सै ल्यैस, “जिग स्वर्ग कू स्योंगसिद बूबा गनी कू खचि हर तिग गै जरू हिनाइ स्युंगयंग हंग गनी आफिग पी जा आफिग मन स माफी मुदाम च्यंग|

*मत्ती अध्याय18:21-35 से तिग बाइबल गै कथा*

## 30. यीशु नइ हजार मि मंग जा दुकलंग दाता

https://openbiblestories.org/l/cdn/story-30/

![](https://cdn.door43.org/obs/jpg/360px/obs-en-30-01.jpg)

यीशु सै आफिग प्रेरितों मंग जा प्रचार स्युंगम हंग मि मंग जा शिक्षा दाम दंची मत्त स यकरो-यकरो सोंग कू थिरस| हंग उसी अतकू नभस जइ बं कू यीशु निस ता उसिस उजा बतास कि उसिस खै स्युंग तास| हंग यीशु सै उसीजा यंगती गै दुसरो बं कू उग जरू तिग शांत बं कू दिग दूमा करचीम दंची रा ल्हैन| हिना दंची उसी तिग नाव कू स्योंगसिन्नस हंग यंगती गै दुसरो बं कू पिदिन्नस|

![](https://cdn.door43.org/obs/jpg/360px/obs-en-30-02.jpg)

परंतु अतकू मत्त हिना मि मंग निन्नस जइ मि सै यीशु हंग चेलों मंग जा नाव कू दीद तिन्नेस| हिदि मंग उसी च्यंग लरी यंगती गै दुसरो बं दिम दंची यंगती गै खास्या खास्या कू खचि फोंग दिन्नस| हिना दंची यीशु हंग चेले नभम च्यंग ता मि मंग गै तिग पूद भीड़ उसिग रिहनचिम स्युंग अतकू लरी खचि निस|

![](https://cdn.door43.org/obs/jpg/360px/obs-en-30-03.jpg)

अति भीड़ कू मिंगसिरी मंग हंग संमंग ग रुम्म गै च्यंग री नई हजार च्यंग री मत्त यूरासिरी निन्नस| यीशु सै उसी मंग जा मत्त स्योकंगस| यीशु गै दंची उसी मंग रोहकचा मून्द माला नारुक्त निन्नस| हिना दंची उस उसीजा शिक्षा दास हंग उसिग गुंदा कू जइ मि मंग कांगत निनेस उसीजा बुद स्युंगस|

![](https://cdn.door43.org/obs/jpg/360px/obs-en-30-04.jpg)

न्यांगछ बकतर चेलों मंग सै यीशु जा ल्यैस, “थन यिल्त क्लच हंग खास्या कुतू खमी सोंग मुनिस| हिदि मंग जा दि ल्है खस्युंग कि उसी दिग जाम दंची खइ कोरग दि|”

![](https://cdn.door43.org/obs/jpg/360px/obs-en-30-05.jpg)

हंग यीशु सै चेलों मंग जा ल्यैस, “गनी उसीजा जाम दंची खइ दा!” उसिस जबाब दास, “इन हिना खोंग स्युंगतन? इंजा ता नयी कूटू हंग निस्यी मिद न्या अनि|”

![](https://cdn.door43.org/obs/jpg/360px/obs-en-30-06.jpg)

यीशु सै आफिग चेलों मंग जा ल्यैस कि उसी भीड़ गै मि मंग जा ची कुतू नासा-नासा गै यंबा कू स्योंगसिम दंची ल्है|

![](https://cdn.door43.org/obs/jpg/360px/obs-en-30-07.jpg)

हंग यीशु सै नयी कूटू हंग निस्यी न्या कोरग स्वर्ग चैन्तु ओंगस, हंग अति दुकलंग दंची परमेश्वर जा धन्यवाद दास|

![](https://cdn.door43.org/obs/jpg/360px/obs-en-30-08.jpg)

हंग यीशु सै कूटू ची न्या जा टुकरा स्युंगतास| उस मि मंग जा दाम दंची आफिग चेलों मंग जा उसी टुकरा दास| चेले मंग अति दुकलंग जा छुगइ तास, हंग उ खज्या मुज्यूस! उसी जम्मा मि मंग जाग कोत्त कज्जा|

![](https://cdn.door43.org/obs/jpg/360px/obs-en-30-09.jpg)

अति गै निमफन, चेलों मंग सै अति दुकलंग जा थुमग तान्नस अति दुकलंग कनचिद निस हंग अति चेथे टोकरियों जा तीक्क कल्त निस! अति जम्मा दुकलंग उसी नयी कूटू हंग निस्यी न्या स पिराद निस|

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 से तिग बाइबल गै कथा*

## 31. यीशु ती कू यन्सीग अनि

https://openbiblestories.org/l/cdn/story-31/

![](https://cdn.door43.org/obs/jpg/360px/obs-en-31-01.jpg)

नयी हजार मि मंग जा दुकलंग खिलाम गै निमफन, यीशु सै आफिग चेलों मंग जा नाव कू दिम दंची ल्यैस| उस उसीजा यंगती गै दुसरो बं कू दिम दंची ल्यैस हंग उ दूमा ज्या दंची अतकू स्योंगसिस| हिना दंची चेले मंग पिदिन्नस हंग यीशु सै भीड़ जा दि लोन्नस कि उसी आफिग चिमजा दिनी| हिदि गै निमफन, यीशु प्रार्थना स्युंगम दंची तिग यैयर कू पिदिस अतकू उ तोंगमी निस, हंग उस मुंछ वास होस्यी स्युंगस|

![](https://cdn.door43.org/obs/jpg/360px/obs-en-31-02.jpg)

अति बकतर, चेले मंग आफिग नाव जा ति ग यरतो चलाग दिग निन्नस हंग खस्युंग कि नलन उसिग चैन्तु मत्त जोर स बोग निस मत्त मुंछ ल्हेग री उसी यंगती गै गुंदा कू इ टोनभद निस|

![](https://cdn.door43.org/obs/jpg/360px/obs-en-31-03.jpg)

अति बकतर यीशु सै प्रार्थना स्युंगम पूरो कस्युंग हंग आफिग चेलों मंग गै न्योरो थोकसिग दिम शुरू स्युंगस| उ नाव ग चैन्तु दिम दंची ती ग यरतो यन्सी निस|

![](https://cdn.door43.org/obs/jpg/360px/obs-en-31-04.jpg)

हंग चेलों मंग सै उजा तिन्स| उसी मत्त कजेरन्नस खस्युंग कि उसिस चिचिग निस कि उ खमी सीना ल्है| यीशु जा पत्तो निस कि उसी जेरक निस, हिना दंची उस उसीजा हार स्युंग ल्यैस, “मुजेरम, हिदि जी ल्हैय|

![](https://cdn.door43.org/obs/jpg/360px/obs-en-31-05.jpg)

हंग पतरस सै यीशु जा ल्यैस, “ऐ प्रभु, हिदुंग गै ल्हैम च्यंग ता जीजा ती ग यरतो यन्सी ग नग खास्या कू राम दंची फिन्स्यद दा|” यीशु सै पतरस जा ल्यैस, “रा!”

![](https://cdn.door43.org/obs/jpg/360px/obs-en-31-06.jpg)

हिना दंची पतरस नाव खचि छंगपंग पिरास हंग यीशु गै न्योरो दिम दंची ती ग यरतो यन्सीम शुरू स्युंगस| हंग दूमा वथे दिग, उस आफिग मैं स यीशु जा मुतिंग दिस हंग लहरों जा ओंगम हंग मत्त तेज नलन जा छक्का स्युंगम शुरू कस्युंग|

![](https://cdn.door43.org/obs/jpg/360px/obs-en-31-07.jpg)

हंग पतरस कजेरस हंग ती कू च्यागसिग निस| उ कलाट स्युंगस, “ऐ प्रभु, जीजा बचायो!” यीशु सै अति बकतर ला चुमग उजा आंगस| हंग उस पतरस जा ल्यैस, “ नग विश्वास बुदस चीथ अनि! गजा सांगद ताम दंची गस जीजा भरोसा खोंग मुस्युंगन्स?”

![](https://cdn.door43.org/obs/jpg/360px/obs-en-31-08.jpg)

हंग यीशु ची पतरस नाव कू कस्योंगसि, हंग अति बकतर नलन तोम बंद कल्च| ती शांत कल्च| चेलों मंग सै हा ल्हैग यीशु गै लरी पै चुग उसिस उग भक्ति स्युंगस हंग ल्यैस, “साचो ल्हिनी गै परमेश्वर ग सिरी ल्है|”

*मत्ती अध्याय 14:22-33;  मरकुस 6:45-52;  यूहन्ना 6:16-21 से तिग बाइबल ग कथा*

## 32. यीशु यद ल्हेमे स कांगत मि जा हंग तिग मिंगसिरी जा बुद स्युंगता

https://openbiblestories.org/l/cdn/story-32/

![](https://cdn.door43.org/obs/jpg/360px/obs-en-32-01.jpg)

यीशु हंग उग चेले आफिग नाव कू अति सोंग कू दिन्नस जइ बं कू गिरासेनी मंग निनेस| उसी अति सोंग कू नभग नाव कू खचि कउतरनेस|

![](https://cdn.door43.org/obs/jpg/360px/obs-en-32-02.jpg)

अतकू तिग मि निस जइ मि जा यद ल्हैमे स चुमस|

![](https://cdn.door43.org/obs/jpg/360px/obs-en-32-03.jpg)

हिदि मि हिलंग तरत निस कि खमी री उजा बसकु स्युंग मुतरस| उलंग चू मि मंग सै उग ला ची लिकी जा सांगली स री घिस, हंग उ उजा कुछयाकत निस|

![](https://cdn.door43.org/obs/jpg/360px/obs-en-32-04.jpg)

उ मि अति सोंग कू कब्रिस्तान कू स्योंगसि निनेस| हिदि मि पूरो निछ हंग पूरो मुंछ कल्लाट स्युंग निस| उ खसै पसै मुचूकसिद निस हंग ज्या ज्या री आफी जा ऊँग स गैनै ल्है वास स्युंगस|

![](https://cdn.door43.org/obs/jpg/360px/obs-en-32-05.jpg)

उ मि झयंगई यीशु गै न्योरो रास हंग उग निद कू पै चुग हंग यीशु सै अति मि गै भीतरु गै यद ल्हैमे स कथा स्युंग हंग ल्यैस, “हिदि मि कू खचि छंगपंग रा!”

![](https://cdn.door43.org/obs/jpg/360px/obs-en-32-06.jpg)

अति यद ल्हैमे पूद कल्लाट स्युंग, “है यीशु, लच्यंग पूद परमेश्वर सिरी, नग जीजा खै लन? कृपा स्युंग जीजा मुसताम!” हंग यीशु सै अति यद ल्हैमे जा रूस, “नग मिन खै ल्है?” उस जबाब दास, “जिग मिन सेना ल्है, खस्युंग कि इन मत्त अनि|” (रोमी सेना कू उलंग हजार सिपाही मंग ग तिग यंबा तिग “सेना” लित्त निस| )

![](https://cdn.door43.org/obs/jpg/360px/obs-en-32-07.jpg)

उस यद ल्हैमे मंग सै यीशु जा होस्यी स्युंगस, “कृपा स्युंग इंजा हिदि सोंग कू खचि छंगपंग मुथिरम!” अतकू खास्या गै बियर कू सुभरों ग तिग यंबा जाग निन्नस| हिना दंची उसी यद ल्हैमे मंग सै यीशु जा होस्यी स्युंगस, “कृपा स्युंग इंजा उसी सुभरों कू लायतीय, यीशु सै ल्यैस, “ ठीक अनि, उसी कू दि!”

![](https://cdn.door43.org/obs/jpg/360px/obs-en-32-08.jpg)

हिना दंची उसी यद ल्हैमे अति मि कू खचि छंगपंग राग उसी सुभरों गै भीतरु पिदिस| उसी सुभर झयंगइ बंफल कू खचि यंगती कू फटकू कद्दा हंग ती कू च्याकसिग पझयंग अति यंबा कू लगभग निस्यी हजार सुभर निन्नस|

![](https://cdn.door43.org/obs/jpg/360px/obs-en-32-09.jpg)

अतकू उसी सुभरों ग खबर स्युंद वाला मि निन्नस| जइ खरी लिच्च हंग उसी सै तिन्स ता उसी सोंग कू फोंग्न्नस| यीशु सै जइ स्युंगस अतकू उसिस जम्मा जा बतास| अति सोंग कू ची मि मंग पिरन्नस, हंग अति मि जा तिन्स जइ मि ग भीतरु यद ल्हैमे मंग निन्नस| उ शांति स, खसै पसै चुकसिग हंग तिग बुद मि नारुक्त व्यव्हार स्युंग कस्योंगसिद निस|

![](https://cdn.door43.org/obs/jpg/360px/obs-en-32-10.jpg)

उसी मंग मत्त जेरक निन्नस हंग उसिस यीशु जा दिम दंची ल्यैस| हिना दंची यीशु नाव कू स्योंगसिस| उ मि जइ जा यद ल्हैमे निस उस यीशु गै जरू दिम ग होस्यी स्युंगस|

![](https://cdn.door43.org/obs/jpg/360px/obs-en-32-11.jpg)

हंग यीशु सै उजा ल्यैस, “माद| जी चींथ निस कि गै चिमजा दिग जम्मा जा बताम कि परमेश्वर सै नग दंची खै स्युंगस| उसीजा बताम कि हना परमेश्वर सै गजा स्योकंग स्युंग निस|”

![](https://cdn.door43.org/obs/jpg/360px/obs-en-32-12.jpg)

हिना दंची उ मि पिदिस हंग जम्मा जा हिदि बारे कू बतास जइ यीशु सै उग दंची स्युंग निस| उग कथा यन्म वाला हर तिग मि हा कल्त निस|

![](https://cdn.door43.org/obs/jpg/360px/obs-en-32-13.jpg)

यीशु यंगती ग दुसरो बं कू खचि थोकसिग पिरास| उग अतकू नभम गै निमफन, तिग पूद भीड़ उग खास्या कुतू तीक्क कल्च हंग उजा तांगन्नस| अति भीड़ कू तिग मिंगसिरी निस जइ चैथै यन स सी बोम ग समस्या स दु:खु निस| उस आफिग जम्मा रुपया डाक्टरमंग जा कदास| खस्युंग कि उसी उजा बुद स्युंगयंग, हंग उग रोग हजूरी कबिगड़स|

![](https://cdn.door43.org/obs/jpg/360px/obs-en-32-14.jpg)

उस यन्ग निस कि यीशु सै उलंग कांगत मि मंग जा बुद स्युंग निस हंग उस चिचिस, “जीजा झिरको मुनि जी यीशु गै खसै पसै जा ला तम्म च्यंग ता जी री बुद ल्हैयंग!” हिना दंची उ यीशु गै निमफन खचि रास हंग उग पसै जा ला तम्मस| जसोइ उस उजा ला तम्मस, सी बोम बंद कल्च|

![](https://cdn.door43.org/obs/jpg/360px/obs-en-32-15.jpg)

अति बकतरइ, यीशु जा पत्तो कल्च कि उजा खचि सामर्थ कवन्स| हिना दंची उस निमफन ओंग रूस, “जीजा खमी सै ला तम्मस?” चेलों मंग सै जबाब दास, “हिदुंग जम्मा मि मंग सै नग पी बं कू खचि भीड़ कल्त अनि, हंग गजा दरग तान्न| हंग गस खोंग रून्नस कि जीजा खमिस ला तम्म्स?”

![](https://cdn.door43.org/obs/jpg/360px/obs-en-32-16.jpg)

उ मिंगसिरी यीशु गै नोकु ढंक हंग मत्त जेरक आफिग पै चुग स्योंगसिस| हंग उस उजा बतास कि उस खै स्युंगनस, हंग हिना री कि उ बुद कल्च| यीशु सै उजा ल्यैस, “नग विश्वास सै गजा बुद कस्युंगस शांति स दि|”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 33. तिग किसान गै कथा

https://openbiblestories.org/l/cdn/story-33/

![](https://cdn.door43.org/obs/jpg/360px/obs-en-33-01.jpg)

तीज्या, यीशु यंगती गै खास्या गै न्योरो निस| उ मि मंग ग तिग मत्त पूद भीड़ जा शिक्षा दाग तास| उजा यन्म दंची हिलंग मत्त मि मंग रनेस यीशु गै न्योरो उसी जम्मा जा री कथा स्युंगम दंची बं मुनिस| हिना दंची उ ती ग यरतो नाव कू कचढ़स| अतकू उ कस्योंगसिस हंग मि मंग जा शिक्षा दास|

![](https://cdn.door43.org/obs/jpg/360px/obs-en-33-02.jpg)

यीशु सै उसीजा हिदि कथा सुनास, “तिग किसान पिजे यिबम दंची छंगपंग वन्स| हंग उ आफि ला स पिजे जा चांग तास, ता दूमा पिजे अम कुतू टुभुरस| हंग निप्या स राग अति जम्मा पिजे कज्जाती|”

![](https://cdn.door43.org/obs/jpg/360px/obs-en-33-03.jpg)

“दुसरो पिजे ऊँग कुतू टुभुरस जइ बं कू दूमा सा निस| ऊँग कुतू टुभुरत वाला पिजे छाटो कजूस हंग उग जड़ी युकत दिम गै बं मुनिस| हंग नी कतुस हंग छैत्त कल्च ता उ बोटू कछरस हंग उ पझयंग|”

![](https://cdn.door43.org/obs/jpg/360px/obs-en-33-04.jpg)

“हंग दुसरो पिजे झाड़ा गै गूंदा कू टुभुरस| अति पिजे सै पूद ल्हैम शुरू स्युंगस, हंग नची सै उसीजा कतांगतिस| हिना दंची नची गै बं कू टुभुरत पिजे कजूस बोटू कू खचि खरी गेयरा मुजूस|”

![](https://cdn.door43.org/obs/jpg/360px/obs-en-33-05.jpg)

“दुसरो पिजे बुद बं कू भुरस| अति पिजे पूद कल्च हंग उलंग पिजे कयिब्स| अति पिजे कू खचि 30,60, हंग हिदूंग वास सय गुणा मत्त गेयरा कल्च| जइ खमी री परमेश्वर गै निमफन दिम चिम्म च्यंग| उ अति कथा कू ध्यान दाम जइ जी ल्है तातू!”

![](https://cdn.door43.org/obs/jpg/360px/obs-en-33-06.jpg)

हिना कथा सै चेलों मंग जा चिचिम कूइ निनस| हिना दंची यीशु सै बतास, “अति पिजे परमेश्वर ग बचन ल्है| अति अम तिग हिना मि अनि जइ परमेश्वर गै बचन यन्स , हंग उजा समझम मुचिन| हंग सीना उग न्योरो ची कथा खुग पिकोरस| हिदि कि सीना उजा बचन समझम गै दंची वथे ताम|”

![](https://cdn.door43.org/obs/jpg/360px/obs-en-33-07.jpg)

“अति ऊँग वाला बं हिना मि अनि जइ परमेश्वर गै बचन यन्ग अनि हंग खुशी गै जरू उजा हा ल्यैस| हंग जब मुश्किल ज्या रागन, किता जब गार मि मंग उजा सतान्न, ता उ परमेश्वर स वथे पिदिस| हिदि कि उ परमेश्वर जा भरोसा स्युंगम बंद कस्युंगस|”

![](https://cdn.door43.org/obs/jpg/360px/obs-en-33-08.jpg)

अति नची वाला बं हिना मि अनि जइ परमेश्वर गै बचन जा यन्ग अनि| हंग उ मत्त कथा गै बारे कू झिरको स्युंगम शुरू कस्युंगस, हंग उ मत्तइ रुपया कमाम दंची कोशिश स्युंगता, हंग उ मत्त स बथो जा तीम्म ग कोशिश स्युंगता| दूमा ज्या ची निमफन, थन उ परमेश्वर जा प्रेम स्युंगम दंची योग्य मुनिस| हिना दंची जइ उस परमेश्वर गै कथा कू कलबस निस| उ उजा परमेश्वर जा खुशी स्युंगम दंची योग्य मुस्युंगस| उ रजे गै स्यिन नारुक्त अनि| जइ खरी गेयरा झू मुतर|

![](https://cdn.door43.org/obs/jpg/360px/obs-en-33-09.jpg)

“हंग बुद बं उ मि अनि जइ परमेश्वर गै कथा यन्ग अनि, उजा विश्वास स्युंगता| हंग फल कद्दास|”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 34. यीशु दुसरो कथाओ ग शिक्षा दागतात

https://openbiblestories.org/l/cdn/story-34/

![](https://cdn.door43.org/obs/jpg/360px/obs-en-34-01.jpg)

यीशु सै परमेश्वर गै राजू गै बारे कू गार मत्तइ कथा सुनास| रुक्त दंची, उस ल्यैस, “परमेश्वर ग राजू तिग राई गै पिजे नारुक्त अनि, जइ जा खमी सै आफिग री कू कयिबतीस| गनी जा पत्तो अनि कि राई ग पिजे जम्मा पिजे कू खचि लचयंग मिद ल्हीनि|”

![](https://cdn.door43.org/obs/jpg/360px/obs-en-34-02.jpg)

“हंग जब राई ग पिजे पूद ल्हैम च्यंग ता उ सवार गै जम्मा बोटू कू खचि लचयंग पूद कल्च, हिलंग पूद कि निप्या राग उग स्यिन ग डाली कू आराम स्युंगन्नस|”

![](https://cdn.door43.org/obs/jpg/360px/obs-en-34-03.jpg)

यीशु सै तिग यकरो कथा बतास, “परमेश्वर ग राजू सिरत नारुक्त अनि जइजा कोरग तिग मिंगसिरी लादू गै कलीन कू कछूतिस हंग उ जम्मा कलीन कू कफेलस|”

![](https://cdn.door43.org/obs/jpg/360px/obs-en-34-04.jpg)

“स्वर्ग ग राजू अति खजाने गै नारुक्त अनि जइजा खमी सै री कू पकच्यातिस| खमी दुसरो मि जा खजाना कमिलेस हंग उस उजा तिम्म दंची मत्त चींथ निस| हिना दंची उस उजा हजू पकच्यातिस| उ खुशी स हिलंग तीक्क कल्त निस कि उस दिग आफिग जम्मा बथो करांगतिस खस्युंग कि उ अति री जा तूम दंची जइ बं अति खजाना निस|”

![](https://cdn.door43.org/obs/jpg/360px/obs-en-34-05.jpg)

“स्वर्ग ग राजू तिग मत्त अकरो रहाद मोती नारुक्त री अनि| हंग खमी मोतियों ग व्यापारी उजा कतिनस ता उ उजा तूम दंची आफिग जम्मा बथो रांगतियंग|

![](https://cdn.door43.org/obs/jpg/360px/obs-en-34-06.jpg)

अतकू दूमा मि मंग निन्नस जइ चिचिग निन्नस कि परमेश्वर उसीजा हिना दंची हाँ ल्हैयंग खस्युंग कि उसी बुद लन स्युंगतान्न, हिदि मंग हिना मि मंग जा यद मानगतान्न जइ उसी बुद लन जा मुस्युंगतान्न| हिना दंची यीशु सै उसीजा हिदि कथा बतास: “निस्यी यूरासिरी निन्नस निमी री प्रार्थना स्युंगम दंची मंदिर कू दिस| उसी मंग जा तिग ठल कोरद मि निस, हंग दुसरा तिग यहूदी धार्मिक प्रधान निस|”

![](https://cdn.door43.org/obs/jpg/360px/obs-en-34-07.jpg)

“अति धार्मिक प्रधान सै हिना दंची स प्रार्थना स्युंगस, ‘हे परमेश्वर, नग धन्यवाद ल्है कि जी गार मि मंग नारुक्त - जसो कि खूद, यद मि, यद लन स्युंगद वाला, किता हिदा वास कि हिदि मि नोकू अनि अति ठल कोरद मि नारुक्त तिग पापी मुनीय|’”

![](https://cdn.door43.org/obs/jpg/360px/obs-en-34-08.jpg)

“रुक्त दंची, जी हर हफ्ता कू निच्चू उपवास तातू, हंग जी जीजा मिलत वाला रुपया हंग बथो ग ची छू गजा|”

![](https://cdn.door43.org/obs/jpg/360px/obs-en-34-09.jpg)

“हंग उ ठल कोरद मि अति धार्मिक प्रधान स मत्त वथे तांगयब्स| उस थू स्वर्ग ग चैन्तु मि री मुओंगस| हिना चैन्तु, उस आफिग ला तम्म ग आफिग सीमे कू धुंग हंग प्रार्थना स्युंगस, ‘हे परमेश्वर, कृपा स्युंग जीजा स्योकांगयो खस्युंग कि जी तिग पापी ल्है|’”

![](https://cdn.door43.org/obs/jpg/360px/obs-en-34-10.jpg)

हंग यीशु सै ल्यैस, “जी गजा साचो ल्हेग तातू, परमेश्वर सै अति ठल कोरद वाला मि ग प्रार्थना यन्स हंग उजा धर्मी मि घोषित स्युंगस हंग उस यहूदी धार्मिक प्रधान ग प्रार्थना जा बुदमूतेस| परमेश्वर हर तिग कठारस्यद मि गै पुस्या जा यू स्युंगयंग, हंग उ हर तिग मि जा इज्जत दायंग| जइ आफिजा स्योकंगत स्युंगयंग|”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 35. स्योकंगत बूबा ग कथा

https://openbiblestories.org/l/cdn/story-35/

![](https://cdn.door43.org/obs/jpg/360px/obs-en-35-01.jpg)

तीज्या, यीशु उसी मत्त स मि मंग जा शिक्षा दाग तास जइ उजा यन्म दंची तीक्क ल्हैन्नस| हिदि मंग ठल कोरद मि हंग जरूइ गार मि मंग री निनेस| जइ मि स मूसा ग व्यवस्था ग स्यरचिद स्युंगम ग कोशिश मुस्युंगन्नस|

![](https://cdn.door43.org/obs/jpg/360px/obs-en-35-02.jpg)

दूमा यहूदी धार्मिक प्रधान मंग सै तिन्स कि यीशु हिदि मंग जा तिग स्यासि मंग नारुक्त कथा स्युंगतान्नस| हिना दंची उसिस तिग दुसरो मि जा हिदि ल्हैम शुरू कस्युंग कि उ यद स्युंगतास| यीशु सै उसीजा कथा स्युंगम यन्स, हिना दंची उस उसीजा हिदि कथा बतास|

![](https://cdn.door43.org/obs/jpg/360px/obs-en-35-03.jpg)

“तिग मि निस जइ गै निस्यी सिरी निस| मिद सिरी सै आफिग बूबा जा ल्यैस, ‘हे बूबा, जीजा इता जिग छू चिन्नी!’हिना दंची बूबा सै आफिग निस्यी सिरी मंग गै गूंदा कू आफिग सम्पति जा कछूती|”

![](https://cdn.door43.org/obs/jpg/360px/obs-en-35-04.jpg)

“छाटोई मिद सिरी आफिग जम्मा बथो थुमग लाग वथे राजू पिदिस हंग पापी जीवन टांगम दंची आफिग जम्मा धन बर्बाद कस्युंग|”

![](https://cdn.door43.org/obs/jpg/360px/obs-en-35-05.jpg)

“ हिदि ग निमफन, जइ बं मिद सिरी निस अति राजू कू तिग पूद अकाल कपड़ेस, हंग उग न्योरो दुकलंग तूम दंची धन मुनिस| हिना दंची उजा जइ लन कमिलस उ सुभरों जा रोम ग निस| उ हिलंग दुखु हंग रोई होसिस हंग उ सुभरों ग दुकलंग जाम चींथ निस|”

![](https://cdn.door43.org/obs/jpg/360px/obs-en-35-06.jpg)

“निमफन, अति मिद सिरी सै अफी जा ल्यैस, ‘जी खै स्युंग तातू? जिग बूबा गै जम्मा ढंगमी मंग गै न्योरो जाम दंची मत्त अनि, हजूरी जी हिदूंग होसिग निय जी आफिग बूबा गै न्योरो थोकसिग दियंग हंग आफिग बूबा ग तिग ढंगमी बनम दंची उजा होस्यी स्युंगयंग|”

![](https://cdn.door43.org/obs/jpg/360px/obs-en-35-07.jpg)

हिना दंची अति मिद सिरी सै थोकसिग आफिग बूबा गै चिमजा दिम शुरू कस्युंग| हंग उ इता वथेइ निस, उग बूबा सै उजा कतिन्स हंग उजा स्योकंगस| उ झेंगई आफिग सिरी गै न्योरो दिस हंग उजा फाकू चूमग हु कद्दा|”

![](https://cdn.door43.org/obs/jpg/360px/obs-en-35-08.jpg)

“अति सिरी सै ल्यैस, ‘हे बूबा, जिस परमेश्वर गै हंग नग चैन्तु पाप कस्युंगस| जी नग सिरी ल्हैम गरी लायक मुनीय|’”

![](https://cdn.door43.org/obs/jpg/360px/obs-en-35-09.jpg)

“हंग बूबा सै आफिग तिग ढंगमी जा ल्यैस, छाटो दिग लच्यंग बुद खसै पसै रयग राय हंग जिग सिरी जा चुकतीयो! उग लागसिम कू अंगुठी हंग उग लिकी कू प्व्ला चुकतीयो|हंग लच्यंग बुद लुक्च सतियो हंग इन जा तरयंगनै हंग खुशी मनायंग, खस्युंग कि जिग सिरी पझयंगस, हंग थन उ टांगद अनि! उ पुनैरत निस, हंग थन इन सै उजा कतिन्स!’”

![](https://cdn.door43.org/obs/jpg/360px/obs-en-35-10.jpg)

“हिना दंची मि मंग सै त्यार मनाम शुरू कस्युंग| दूमा ज्या वास पूद सिरी री कू लन स्युंग चिमजा रास| उस बयरा हंग ठुम्म ग हार यन्स हंग हा ल्हैन्नस कि हिदि खै ल्हेग अनि|”

![](https://cdn.door43.org/obs/jpg/360px/obs-en-35-11.jpg)

“हंग पूद सिरी जा पत्तो कचलस कि उसी हिना दंची त्यार मनागतान्नस खस्युंग कि उग पी चिमजा पिराद निस, ता उ मत्त रुसू राग निस, हंग चिकू ची मि मंग जा मुछिस| उग बूबा सै छंगपंग राग उजा उग जरू त्यार मनाम दंची होसि रा ल्यैस हंग उस मना कस्युंग|”

![](https://cdn.door43.org/obs/jpg/360px/obs-en-35-12.jpg)

“अति पूद सिरी सै आफिग बूबा जा ल्यैस,हिदि जम्मा यन कू जिस नग दंची खरी मूतेग लन् स्युंगस! खज्या री नग कथा मा मूलोस, हंग गस खज्या जीजा तिग मिद माला री मुदानस| खस्युंग कि जी आफिग साथो मंग जा जाम दा तरतो| हंग नग हिदि सिरी सै नग धन पापी लन स्युंगम कू बर्बाद स्युंगन्नस| हंग थन उ रास ता उग दंची त्यार मनाम दंची गस लच्यंग बुद लुक्च सेनस!’”

![](https://cdn.door43.org/obs/jpg/360px/obs-en-35-13.jpg)

“बूबा सै जबाब दास, ‘हे जिग सिरी, गै राज्यारी जिग जरू निसिम, हंग जइरी बथो जिग अनि अति जम्मा नग ल्है| हंग इन दंची त्यार मनाम ठीक अनि खस्युंग कि नग पी पझयंगस, हंग थन उ टांगद अनि| उ पुनैरत निस, हंग थन इन सै उजा कतिन्स!’”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 36. यीशु ग रूप कबदलेस

https://openbiblestories.org/l/cdn/story-36/

![](https://cdn.door43.org/obs/jpg/360px/obs-en-36-01.jpg)

तीज्या,यीशु सै आफिग सुम चेलों मंग पतरस, याकूब हंग यूहन्ना जा आफिग जरू कोरग दिस| (हिदि यूहन्ना मिन ग चेला अति मि मुनिस| जइ सै यीशु जा पवित्र चयागसिम दास|) उसी प्रार्थना स्युंगम दंची तिग थेद दंगयर कु दिस|

![](https://cdn.door43.org/obs/jpg/360px/obs-en-36-02.jpg)

हंग यीशु प्रार्थना स्युंग तास ता उग हुमै नी नारुक्त छंत कल्ले| उग खसै पसै छंत नारुक्त सीद कल्च, जसो थंगजा कू खमी स्युंग तरम च्यंग उ च्यंग री मत्त सीद|

![](https://cdn.door43.org/obs/jpg/360px/obs-en-36-03.jpg)

हंग मूसा हंग एलिय्याह भविष्य बताद मि नोकु रास| हिदि यूरासिरी हिदि थंगजा कू हिदि ज्या खचि सैकड़ों यन लरी स्योंगसिग निनेस| उसिस यीशु स उसिग सिचिम गै बारे कू कथा स्युंगस, खस्युंग कि उ छाटोइ यरुशलेम कू सिचियंग|

![](https://cdn.door43.org/obs/jpg/360px/obs-en-36-04.jpg)

हंग मूसा ची एलिय्याह यीशु जा कथा स्युंग तास, हंग पतरस सै यीशु जा ल्यैस, “इंग दंची हिदा ल्हैम बुद अनि| इन सुम ढंगस जा बनायंग, तिग नग दंची, तिग मूसा गै दंची, तिग एलिय्याह गै दंची|” हंग पतरस जा पत्तो मुनिस कि उ खै स्युंग तान्नस|

![](https://cdn.door43.org/obs/jpg/360px/obs-en-36-05.jpg)

हंग पतरस कथा स्युंग तास, ता तिग डोकत वाला कसा छंकू राग उसी जा सैलू पिरास| हजू उसिस कसा कू खचि तिग हार राद कयन्स| उस ल्यैस, “हिदि जिग सिरी ल्है जइजा जी बुदतेम| जी उजा खुशी अये| उग यन्यो|” उसी सुम चेले मंग कजेरन्नस हंग थंगजा कू करचिन्नस|

![](https://cdn.door43.org/obs/jpg/360px/obs-en-36-06.jpg)

हंग यीशु सै उसीजा तम्मस हंग ल्यैस, “मुजेरम| रचिनी|” हंग उसिस पी बं ओंगन्नस, ता जइ री अथुंग निस अति तिगई यीशु निस|

![](https://cdn.door43.org/obs/jpg/360px/obs-en-36-07.jpg)

यीशु हंग उसी सुम चेले मंग बियर कू खचि थोकसिग यूकू पिरास| हंग यीशु सै उसीजा ल्यैस, “इता जइ हिदूंग लिच्च उग कथा खमी जा मूल्हेम जी छाटोइ सिचिद इय हंग हजू टांगद ल्हैयंग| उग निमफन, गनी मि मंग जा हासी तरनी|”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 37. यीशु लाजर जा सिचिम कू खचि स टांगद कस्युंगस,

https://openbiblestories.org/l/cdn/story-37/

![](https://cdn.door43.org/obs/jpg/360px/obs-en-37-01.jpg)

लाजर मिन ग तिग मि निस| उग निस्यी पूस्या निस जइग मिन मरियम ची मार्था निस| उसी जम्मा यीशु गै बुद स्यासि निस तीज्या, खमी सै यीशु जा बतास कि लाजर मत्त कांगत निस| हंग यीशु सै हिदि यन्स ता उस ल्यैस, “हिदि रोग लाजर गै सिचिम गै दंची मुनीय| हिदिस परमेश्वर गै आदर गै दंची अनि|

![](https://cdn.door43.org/obs/jpg/360px/obs-en-37-02.jpg)

यीशु आफिग सिस्या मंग जा बुदतैग, हंग जइ बं उ निस अतकू उस निज्या वास रिहनचिस| अति निज्या गै निमफन, उस आफिग चेलों मंग जा ल्यैस, रनि थोकसिग यहूदिया दिम|” चेलों मंग सै जबाब दास, “ हंग हे रीथि इता दूमा ज्या लरी अतकू ची मि मंग गजा सतिम दंची तेग निस!” यीशु सै ल्यैस, “ इंग सिस्या लाजर लयकत अनि, हंग जीजा उजा रची ल्हैम अनि|”

![](https://cdn.door43.org/obs/jpg/360px/obs-en-37-03.jpg)

यीशु गै चेलों मंग सै जबाब दास, “हे प्रभु, लाजर लयकत निस, ता उ बुद ल्हैयंग|” हंग यीशु सै उसीजा साफ मन स कल्यैसिद, “लाजर पझयंगस| जी खुशी इय कि जी अतकू मुनियस खस्युंग कि गनी जीजा विश्वास स्युंग तरयंगन्न|”

![](https://cdn.door43.org/obs/jpg/360px/obs-en-37-04.jpg)

हंग यीशु लाजर गै सोंग टोनभस ता लाजर सिचिग पी ज्या कल्त निस| मार्था यीशु जा छिम दंची छंगपंग रास हंग ल्यैस, “हे प्रभु, गै हिदा ल्हैम च्यंग जिग पी मुसिचिद ल्है| हंग जी विश्वास स्युंगतो कि खरी ल्हैम च्यंग री गै परमेश्वर जा थोमच्यंग उ गजा दायंग|”

![](https://cdn.door43.org/obs/jpg/360px/obs-en-37-05.jpg)

यीशु सै जबाब दास, “पुनरुत्थान (सिचिम कू खचि टँगद लीच्च्) हंग जीवन जी ल्हिय| जइ खमी जीजा विश्वास स्युंगता उ सिचिम च्यंग री हजू टांगयंग| जइ खमी जीजा विश्वास स्युंगता उ खज्या री मुसिचियंग| खै गै हिदि जा स्युंगतन?” मार्था सै जबाब दास, “हे प्रभु, जी विश्वास स्युंगता कि गै परमेश्वर ग सिरी मसीह ल्हैन|

![](https://cdn.door43.org/obs/jpg/360px/obs-en-37-06.jpg)

हंग मरियम रास, उस यीशु ग लिकी कू करचिग ल्यैस, “हे प्रभु गै हिदूंग ल्हैम च्यंग ता जिग पी मुसिचिस| “यीशु सै उजा रूस, “ गस लाजर जा उलो तानस?” उसिस उजा बतास, “कब्र कू| राय हंग ओंगयो|” हंग यीशु तीग नि|

![](https://cdn.door43.org/obs/jpg/360px/obs-en-37-07.jpg)

अति कब्र तिग फू निस जइग मोरोंग कू तिग ऊँग चांगतिन्नस| हंग यीशु कब्र कू टोनभस ता उस उसीजा ल्यैस, “ऊँग जा आंग्तनि|” हंग मार्था सै ल्यैस, “उजा पझयंगद पी ज्या कल्च| उजा खचि थन लताग नियंग|”

![](https://cdn.door43.org/obs/jpg/360px/obs-en-37-08.jpg)

यीशु सै जबाब दास, “खै जिस गनीजा मुल्हैगस कि गनी जीजा विश्वास स्युंगनि ता परमेश्वर गै सामर्थ्य तियंगनी?” हिना दंची उसिस ऊँग कआंगतिन्नस|

![](https://cdn.door43.org/obs/jpg/360px/obs-en-37-09.jpg)

हंग यीशु सै थू स्वर्ग ओंगचिग ल्यैस, “हे बूबा, जिग यन्म दंची जी नग धन्यवाद ल्हैग तातू| जीजा पत्तो अनि| कि गै राज्यारी जिग यन्नो, हंग जिस हिदि हिदूंग टांगयबत जम्मा मि मंग ग सार सहायता साथो स्युंगम दंची ल्यैता कि हिदि मंग विश्वास स्युंगनि कि गस जीजा थिरन्नस|” हंग यीशु सै हार स्युंगस| “ हे लाजर, छंगपंग रा!”

![](https://cdn.door43.org/obs/jpg/360px/obs-en-37-10.jpg)

हिना दंची लाजर छंगपंग वोन रास! उ इतारी कातरी कू कघिसिद निस| यीशु सै उजा ल्यैस, “हिदि कातरी जा फरम कू उग साथो स्युंगयो हंग उजा आजाद स्युंगयो| “हिदि चमत्कार गै कारण मत्त स यहूदियों मंग सै यीशु जा विश्वास स्युंगन्नस|

![](https://cdn.door43.org/obs/jpg/360px/obs-en-37-11.jpg)

हंग यहूदियों गै धार्मिक प्रधान मंग यीशु स डासिन्नस, हिना दंची उसी योजना बनाम दंची तिग जरू तीक्क कल्त निन्नस कि हना यीशु हंग लाजर जा पझयंगम ना निस|

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 38. यीशु जा धोखा स चुमग कोरन्नस

https://openbiblestories.org/l/cdn/story-38/

![](https://cdn.door43.org/obs/jpg/360px/obs-en-38-01.jpg)

रा यन, यहूदी मंग फसह त्यार मनाग तान्नस| हिदि हिना बारे कू तिग त्यार निस कि उलंग स्य यन लरी परमेश्वर सै उसिग पूर्वजों मंग जा मिस्र गै गुलामी स छुड़ान्नस | लगभग सुम यन गै निमफन यीशु सै मि मंग गै गूंदा कू प्रचार स्युंगम हंग शिक्षा दाम शुरू कस्युंग| यीशु सै आफिग चेलों मंग जा बतास कि उ उसिग जरू यरुशलेम कू फसह गै त्यार मनाम चींथ निस, हंग हिदि री कि उ अतकू पच्यंगन्नस|

![](https://cdn.door43.org/obs/jpg/360px/obs-en-38-02.jpg)

यीशु गै चेलों मंग गै तिग यहूदा मिन ग मि निस| यहूदा खास चेला मंग गै धन ग थैली ताम ग लन-पन स्युंगद वाला निस, हंग ज्या ज्या री उ अति थैली कू खचि रुपया खंग कोरग निस| यीशु हंग चेलों मंग गै यरुशलेम कू नभम गै निमफन यहूदा यहूदी प्रधान मंग गै न्योरो दिस| उस धन गै बदला कू यीशु जा उसिग ला चुम्मग कथा तास| उजा पत्तो निस कि यहूदी प्रधान हा मुल्हैन्नस कि यीशु हि मसीह निस| उसीजा पत्तो निस कि उसी उजा पच्यंगम चींथ निस|

![](https://cdn.door43.org/obs/jpg/360px/obs-en-38-03.jpg)

यहूदी पूद पुजारी गै ल्हैम ग यहूदी प्रधान मंग सै यीशु जा उसी गै ला कू चुम्म दंची यहूदा जा सुमसा म्हल गै सिक्का कद्दा| हिना हिदि दंची लिच्च जसो कि भविष्य बताद मि सै ल्यैस कि लयंग| यहूदा करुंगस हंग रुपया कोरग पिदिस| उ यीशु जा चुमग कोरम दंची उसिग सहायता स्युंगम दंची खमी मौका ग मासिग निनेस|

![](https://cdn.door43.org/obs/jpg/360px/obs-en-38-04.jpg)

यरुशलेम कू, यीशु सै आफिग चेलों मंग गै जरू फसह ग त्यार मनास| फसह गै जाम गै ज्या, यीशु सै कुटु कोरग छ्याग| उस ल्यैस, “हिदि कोरग हंग जनी| हिदि जिग गोमरंग अनि जइ जी गनी दंची दातू| हिदि जिग ची स्युंगनि|” हिना दंची, यीशु सै ल्यैस कि उ उसी दंची सिचियंग, हंग उसी दंची उ आफिग गोमरंग जा बलि चढ़ातियंग|

![](https://cdn.door43.org/obs/jpg/360px/obs-en-38-05.jpg)

हजू यीशु सै तिग अंगूर ग रस ग कंच कोरस हंग ल्यैस, हिदि तुंगयो| हिदि नुद वाचा ग जिग सी ल्है जइ कि जी गियंग खस्युंग कि परमेश्वर गनिग पापों ग माफी स्युंगयंग| गुईचूरी हिदि तुंगम बकतर जिग ची कू स्युंग तानी जइ जी इता स्युंगतातू|”

![](https://cdn.door43.org/obs/jpg/360px/obs-en-38-06.jpg)

हंग यीशु सै आफिग चेलों मंग जा ल्यैस, “गनी कू खचि तिग मि जीजा चुमयंगन्न| “चेले मंग हा कल्लेन्नस, हंग रून्नस कि खमी हिना लन स्युंगयंग| यीशु सै ल्यैस, “जिग चुमदवाला मि अति अनि जइजा जी हिदि कुटु ग टुकड़ा दाग तातू|” हंग उस अति कुटु यहूदा जा दास|

![](https://cdn.door43.org/obs/jpg/360px/obs-en-38-07.jpg)

अति कुटु कोरम गै निमफन, यहूदा जा सीना स कचुमस| यहूदा रची राग यीशु जा चुम्म दंची यहूदी प्रधान ग सहायता स्युंगम दंची पिदिस| हिदि मुंछ ग ज्या निस|

![](https://cdn.door43.org/obs/jpg/360px/obs-en-38-08.jpg)

जाम गै निग्म, यीशु हंग उग चेले मंग जैतून यैयर कू पिदिस| यीशु सै ल्यैस, “गनी जम्मा थिया मुंछ जीजा होतियंगन्न| हिदि करिसिद अनि, ‘जी रोहकचा जा सतियंग हंग जम्मा माला छतन बतन ल्हैयंग|’”

![](https://cdn.door43.org/obs/jpg/360px/obs-en-38-09.jpg)

पतरस सै जबाब दास, “ बुद हि बाकी गै जम्मा गजा होतिम च्यंग री जी गजा मूहोतियंग!” हंग यीशु सै पतरस जा ल्यैस, “सीना गनी जम्मा जा री कोरग दिम चींथ अनि,हंग हे पतरस, जिस नग दंची प्रार्थना स्युंगस कि गै विश्वास स यकरो मुल्हैयंगनौ| हजूरी, थिया ची मुंछ, निप्या गै लैम गरी गै सुम चू मना स्युंगयंग कि गै जीजा मुसितन|”

![](https://cdn.door43.org/obs/jpg/360px/obs-en-38-10.jpg)

पतरस सै अति बकतर यीशु जा ल्यैस, “बुद स जी सिचिम च्यंग री, जी खज्या री गजा मना मुस्युंगयंग!” बाकी ग जम्मा चेलों मंग सै री हिनाई ल्यैस|

![](https://cdn.door43.org/obs/jpg/360px/obs-en-38-11.jpg)

हंग यीशु आफिग चेलों मंग गै जरू गतसमनी मिन गै बं कू दिस| यीशु सै आफिग चेलों मंग जा प्रार्थना स्युंगम दंची ल्यैस खस्युंग कि सीना उसिग छक्का मुस्युंगयंग| हंग यीशु आफ़ी प्रार्थना स्युंगम दंची पिदिस|

![](https://cdn.door43.org/obs/jpg/360px/obs-en-38-12.jpg)

यीशु सै सुम चू प्रार्थना स्युंगस, “हे जिग बूबा, हंग सम्भव ल्हैम च्यंग ता कृपा स्युंग ,हिदि दु:खु ग लिंच तुंगम दंची जीजा मुदाम| खस्युंग कि मि मंग गै पाप माफी स्युंगम दंची खरी दुसरो अम मुनिस, ता नगइ इच्छा पूरो ल्है|” यीशु मत्त मंगला कतेग निस हंग उग छेती सी छरती नारुक्त निस| उजा शक्ति दाम दंची परमेश्वर सै तिग स्वर्गदूत जा थिरस|

![](https://cdn.door43.org/obs/jpg/360px/obs-en-38-13.jpg)

गुईचू री प्रार्थना गै निग्म, यीशु आफिग चेलों मंग गै निद कू थोकसिग पिरास खस्युंग कि उसी पुयकत निन्नस| हंग यीशु सुमचू थोकसिग रास ता यीशु सै ल्यैस, “रचिनी! जीजा चुमदवाला हिदूंग अनि|”

![](https://cdn.door43.org/obs/jpg/360px/obs-en-38-14.jpg)

यहूदी प्रधान मंग सिपाही मंग, हंग तिग पूद भीड़ गै जरू यहूदा रास| उसिस तलवार हंग दुली कचूमद निस| यहूदा सै यीशु गै न्योरो राग उजा ल्यैस, “हे रीथि, प्रणाम,” हंग उजा हू दास| उस चुमग दीद मि जा यहूदी प्रधान गै नोकु प्रकट स्युंगम दंची हिना स्युंग निस| हंग यीशु सै ल्यैस, “हे यहूदा खै गै तिग हू स जीजा चुमन्नस?”

![](https://cdn.door43.org/obs/jpg/360px/obs-en-38-15.jpg)

हंग उसी सिपाही यीशु जा चुमगतान्नस, ता पतरस सै आफिग तलवार खंग हंग यहूदी पूद पुजारी गै तिग सिपाही ग रचे कचेती| यीशु सै ल्यैस, “तलवार जा वानम ताते! जी आफिग बूबा जा जिग बचाव स्युंगम दंची स्वर्गदूतों ग तिग सेना दंची होस्यी स्युंग तरये| खस्युंग कि जीजा जिग बूबा ग कथा रुंगसिम अनि|” हंग यीशु सै अति मि गै रचे बुद कस्युंग| हंग जम्मा चेले मंग फोंग पिददै|

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 39. यीशु जा मुकद्दमा चलयंग

https://openbiblestories.org/l/cdn/story-39/

![](https://cdn.door43.org/obs/jpg/360px/obs-en-39-01.jpg)

थन हिदि फै मुंछ ग ज्या निस| उसी सिपाही यीशु जा यहूदी पूद पुजारी गै चिमजा रयग रास, खस्युंग कि उ यीशु जा कथा स्युंगम चींथ निस| पतरस वानम खचि उसिग निमफन निमफन दिग निनेस| हंग सिपाही यीशु जा चिमजा कोरदिन्नस, ता पतरस छंगपंग यब्ग आफिजा मी छांगसिग निस|

![](https://cdn.door43.org/obs/jpg/360px/obs-en-39-02.jpg)

चिमजा चीकू, यहूदी प्रधान मंग सै यीशु जा मुकद्दमा चलान्नस| उसी उग विरुद्ध झूठी कथा फाम दंची मत्त झूठी गवाहों जा रयग रास| हंग उसिग कथा तिग दुसरो मि जा विश्वास मुनिस, हिना दंची यहूदी प्रधान हिदि साबित मुस्युंग तरयंग कि उ खइ कथा ग दोषी निस| यीशु सै खरी मुल्यैस|

![](https://cdn.door43.org/obs/jpg/360px/obs-en-39-03.jpg)

अंत कू, यहूदी पूद पुजारी सै सीधा यीशु ग चेन्तू ओंग ल्यैस, “इंजा बतायो कि खै गई टांगद परमेश्वर ग सिरी मसीह ल्हिनि?”

![](https://cdn.door43.org/obs/jpg/360px/obs-en-39-04.jpg)

यीशु सै ल्यैस, “जी ल्हीये, हंग गनी जीजा परमेश्वर गै जरू कस्योंगसिद हंग स्वर्ग खचि राद री तियंगनी|” यहूदी पूद पुजारी सै आफिग खसै पसै कपितिस खस्युंग कि जइ यीशु सै ल्यैस उ अति कथा कू मत्त रुसू पिराद निस| उ गार प्रधान मंग जा यरकतास, “इंजा हिदि बताम दंची खमी दुसरो गवाह ग जरूरत मुनीय कि हिदि मि सै खै स्युंगस! गनिस आफ़ी उजा हिदि ल्हैम कयन्स कि उ परमेश्वर ग सिरी ल्है| उग बारे कू गनिग खै फैसला ल्है?”

![](https://cdn.door43.org/obs/jpg/360px/obs-en-39-05.jpg)

जम्मा यहूदी प्रधान मंग सै यहूदी पूद पुजारी जा जबाब दास, “उ सिचिम ग लायक अनि! हंग उसिस यीशु ग मैं कू लाडम गितीस, उजा खुती थूब्स, उजा लूब्स हंग उग ठट्टा स्युंगन्नस|

![](https://cdn.door43.org/obs/jpg/360px/obs-en-39-06.jpg)

हंग पतरस, अति चिम गै छंगपंग रिहनचिग निस| हंग तिग ढंगमी चमै सै उजा तिन्स| उस उजा ल्यैस, “गरी यीशु गै जरू निस! “पतरस सै मना कस्युंग| निंकुति, खमी दुसरो चमै सै हिनई कथा जा ल्यैस, हंग पतरस सै हजू मना कस्युंग| अंत कू, दूमा मि मंग सै ल्यैस, “इंजा पत्तो निस कि गै यीशु तीजरू निस खस्युंग कि गनी निमी गलील ची ल्हिनी|”

![](https://cdn.door43.org/obs/jpg/360px/obs-en-39-07.jpg)

हंग पतरस सै ल्यैस, “जी हिदि मि जा पेतू ता परमेश्वर जीजा श्राप दायंग!” छाटोई पतरस गै हिना च्यंग री कसम जाम गै निग्म, तिग नप्या सै लैम दास| यीशु सै निमफन फनसिग पतरस जा तिन्स|

![](https://cdn.door43.org/obs/jpg/360px/obs-en-39-08.jpg)

पतरस अतकू खचि पिदिस, हंग मत्त तिग निस| अति बकतर, यीशु जा चूमद वाला यहूदा सै तिन्स कि यहूदी प्रधान सै यीशु जा सिचिम ग सजा दास| यहूदा मत्तइ दु:खु कल्त निस हंग दिग अफी जा पच्यंगस|

![](https://cdn.door43.org/obs/jpg/360px/obs-en-39-09.jpg)

थन यहूदिया राजू ग राजा पिलातुस निस| उ रोम राजू ग दंची लन स्युंगतास| यहूदी प्रधान यीशु जा उसीग न्योरो रयग रास| उसी चींथ निस पिलातुस उजा पच्यंगस| हंग पिलातुस सै यीशु जा रूस, “ खै गै यहूदियों ग राजा ल्हिन?”

![](https://cdn.door43.org/obs/jpg/360px/obs-en-39-10.jpg)

यीशु सै जबाब दास, “गस साचोइ ल्हेनह| हंग जिग राज्य हिदूंग थंगजा ग मुनिय| हंग ल्हैम च्यंग जिग गुलाम जिग दंची गिसीग अनि| जी थंगजा कू परमेश्वर गै बारे कू साचो बताम दंची रयस| जम्मा ती तिग मि जइ साचो स बुदतैस उ जिग यन्ता|” पिलातुस सै ल्यैस, “ता साचो खै ल्है ?”

![](https://cdn.door43.org/obs/jpg/360px/obs-en-39-11.jpg)

यीशु गै जरू कथा स्युंगम गै निग्म, पिलातुस सै छंगपंग गै न्योरो दिग ल्यैस, जी हिना खइ कारण मुतिन्स कि हिदि मि पच्यंगम गै लायक ल्है| “परंतु यहूदी प्रधान मंग हंग भीड़ सै यरक ल्यैस, “उजा क्रूस कू चढ़ातियों!” पिलातुस सै जबाब दास, “उ खरी यद स्युंगम ग दोषी मुनिस|” हंग उसी मत्त जोर स यरक निन्नस| हंग पिलातुस सै सुमचू ल्यैस, “उ दोषी मुनिस!”

![](https://cdn.door43.org/obs/jpg/360px/obs-en-39-12.jpg)

पिलातुस कजेरस उ भीड़ गिसीम शुरू स्युंगतियंग, हिना दंची उ आफिग सिपाही मंग ग चेन्तू यीशु जा क्रूस कू चढ़ाम कमानस| रोमी सिपाही मंग सै यीशु जा कोढ़े लगान्नस, हंग उजा राजा नारुक्त खसै पसै चुकतिन्नस, हंग उग पूस्या कू नची स कबनाद वाला मुकुट तास| हंग उसी हिना ल्हैग उग ठट्टा स्युंगन्नस, “ओंगनी, यहूदियों ग राजा!”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 40. यीशु जा क्रूस कू चढ़ातिन्नस

https://openbiblestories.org/l/cdn/story-40/

![](https://cdn.door43.org/obs/jpg/360px/obs-en-40-01.jpg)

यीशु गै ठट्टा स्युंगम गै निमफन, सिपाही उजा क्रूस कू चढ़ाम दंची पिकोरन्नस| उसि मंग सै उजा क्रूस जा उजाई आंगफिन्नस अति कू उ सिचियंग|

![](https://cdn.door43.org/obs/jpg/360px/obs-en-40-02.jpg)

उसी सिपाही मंग यीशु जा अति बं कू रयग रास जइ “खोपड़ी” ल्हैतातने हंग उग ला लिकी जा किलो स क्रूस कू टाकतिन्नस| हंग यीशु सै ल्यैस, “हे बूबा, हिदि मंग जा माफ स्युंगयो, खस्युंग कि हिदि खरी मु पेतने हिदि खै स्युंगतातने|” उसिस तिग तख्ता जा री उग पूस्या गै यरतो टांगतिन्नस| अथुंग करिसिद निस, “यहूदियों मंग गै राजा” पिलातुस सै उसीजा हिनाई रीम दंची कल्यैसिद निस|

![](https://cdn.door43.org/obs/jpg/360px/obs-en-40-03.jpg)

हंग सिपाही मंग सै यीशु गै खसै पसै दंची चिट्टी मोकतिन्नस| हंग उसिस हिना स्युंगन्नस ता उसिस अति भविष्य गै कथा पूरा स्युंगन्नस जइ ल्हैता, “उसिस जिग खसै पसै कोनमचिम छून्नस, हंग जिग खसै पसै गै दंची चिट्टी मोकतिन्नस|”

![](https://cdn.door43.org/obs/jpg/360px/obs-en-40-04.jpg)

अतकू निस्यी खूद मंग री निन्नस, जइ जा सिपाही मंग सै अति ज्या क्रूस कू चढ़ान्नस| उसिस उसीजा यीशु ग निस्यी बं कू तान्नस| उसी मंग कू खचि तिग खूद सै यीशु ग ठट्टा उड़ास, हंग दुसरो मि सै ल्यैस, “खै गै मुजेरकन कि परमेश्वर गजा सजा दायंग ? इन मत्त स यद लन स्युंगम गै दोषी ल्है, हंग हिदि मि निर्दोष अनि|” हजू उस यीशु जा ल्यैस, गै आफिग राजू कू राम च्यंग ता कृपया जीजा हेका स्युंगताम| “यीशु सै जबाब दास, “थिया गै जिग जरू स्वर्गलोक कू निसियंगन|”

![](https://cdn.door43.org/obs/jpg/360px/obs-en-40-05.jpg)

यहूदी प्रधान मंग हंग भीड़ गै गार मि मंग सै यीशु ग ठट्टा उड़ान्नस| उसिस उजा ल्यैस, “ हंग परमेश्वर ग सिरी ल्हैम च्यंग क्रूस स छंकू रा हंग अफी जा बचायो! हंग इंग गजा विश्वास स्युंगयंग|”

![](https://cdn.door43.org/obs/jpg/360px/obs-en-40-06.jpg)

हंग अति जम्मा राजू ग तिम्भू पूरोई वम्द कल्च, बुद स अति ज्या गै गूंदा ग बकतर निस| हिदि निंछ बकतर वम्द लिच्च हंग सुम घंटा वास हिनाई निस

![](https://cdn.door43.org/obs/jpg/360px/obs-en-40-07.jpg)

हंग यीशु सै हार स्युंग ल्यैस, “पूरो लिच्च! हे बूबा, जी आफिग ल्हेमे नग ला कू दातू|” हंग उस आफिग पूस्या फुंगसा स्युंगस हंग आफिग प्राण होतिस| हंग उ सिचिस ता तिग रुम्म रास| उ पूद पर्दा जइ परमेश्वर ग निद कू खचि मि मंग जा यकरो स्युंगतास थू खचि यूकू वास बीग निस्यी टुकड़ा कल्च|

![](https://cdn.door43.org/obs/jpg/360px/obs-en-40-08.jpg)

आफिग सिचिम गै चैन्तु, यीशु सै मि मंग गै दंची परमेश्वर गै न्योरो राम ग अम कखोलतिस| हंग यीशु जा ओंगद वाला मि तिग सिपाही सै जइ खरी ल्हैम च्यंग हिदि जम्मा तिन्स ता उस ल्यैस, “साचो, हिदि मि निर्दोष निस| हिदि परमेश्वर ग सिरी ल्है|”

![](https://cdn.door43.org/obs/jpg/360px/obs-en-40-09.jpg)

हंग यूसुफ ची नीकुदेमुस मिन गै निस्यी यहूदी प्रधान रास| उसी विश्वास स्युंद निस यीशुई मसीह निस| उसिस पिलातुस स यीशु गै गोमरंग जा थोचिस| उसिस उग गोमरंग लाडम कू तुमस| हंग उसी उजा तिग बियर चेग लाग कब्र कू कोरदिस हंग उग चीकू कत्तातिईग स| हंग उसिस अति कब्र गै मरोंग बंद स्युंगम दंची तिग पूद ऊँग जा चिरकन्तिस |

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 41. परमेश्वर यीशु जा सिचिद कू खचि टांगद कल्च

https://openbiblestories.org/l/cdn/story-41/

![](https://cdn.door43.org/obs/jpg/360px/obs-en-41-01.jpg)

सिपाही मंग चैन्तु यीशु जा क्रूस कू चढ़ाम गै निमफन, यहूदी प्रधानों मंग सै पिलातुस जा ल्यैस, “अति झूठा, यीशु सै कलेसिद निस कि उ सुम ज्या गै निग्म सिचिद कू खचि टांगद रचियंग| खमी जा हिदि सारो स्युंगम दंची कब्र ग निगरानी स्युंगम नियंग कि उग चेले उग गोमरंग जा खुग मु कोरयंगन्न| हंग उसी हिना स्युंगम च्यंग उसी ल्हैयंगन्न कि उ सिचिद कू खचि टांगद ल्हैग करचिस|”

![](https://cdn.door43.org/obs/jpg/360px/obs-en-41-02.jpg)

पिलातुस सै ल्यैस, “दूमा सिपाही मंग जा कोरदिनी, हंग जसो गनी स्युंग ताम अतनाई कब्र जा ओंग ताम|” हिना दंची उसिस अति कब्र गै चीकू देम मोरोंग गै ऊँग कू तिग मोहर कलगातिस| उसिस हिदि सारो स्युंगम दंची अथुंग सिपाही मंग जा कस्योंगसि खमी री उग गोमरंग जा खु मुतरयंग|

![](https://cdn.door43.org/obs/jpg/360px/obs-en-41-03.jpg)

यीशु गै सिचिम गै न्यूंगज्या सब्त गै ज्या निस| खमी री सब्त गै ज्या लन मुस्युंगतरन्न, हिना दंची यीशु ग खमी री साथो मंग कब्र कू मुरानस| हंग सब्त गै निग्म गै ज्या, बंखर मत्त वम्मंग कल्त निस, दूमा मिंगसिरी यीशु ग कब्र कू दिम दंची यंगसिग निन्नस| उ उग गोमरंग कू हजू री मसालों जा सिम चींथ निस|

![](https://cdn.door43.org/obs/jpg/360px/obs-en-41-04.jpg)

उसी मिंगसिरी मंग गै नभम च्यंग लरी, कब्र कू तिग पूद रुम्म लिच्च| स्वर्ग खचि तिग स्वर्गदूत सै राग अति ऊँग चांगतिस जइ कब्र गै चीकू दिम वाला मोरोंग जा कग्रसिद निस हंग अतकू कस्योंगसिस| हिदि स्वर्गदूत छंत नारुक्त डोकत निस| कब्र कू जइ सिपाही निस उसिस उजा तिन्स| उसी हिलंग कजेरन्नस पझयंगद नारुक्त थंगजा कू करचिस|

![](https://cdn.door43.org/obs/jpg/360px/obs-en-41-05.jpg)

हंग उ मिंगसिरी मंग कब्र कू कनभस ता अति स्वर्गदूत सै उजा ल्यैस, “मुजेरम| यीशु हिदा मुनि| उ पझयंगस निस हंग टांगद कल्च, जसो कि उस कल्यैसिद निस उ टांगद ल्हैग रचियंग! कब्र कू मासिनी हंग ओंगनी|” उसी मिंगसिरी मंग सै कब्र गै भीतरु हंग जइ बं यीशु ग गोमरंग कतासिद निस अतकू मासिन्नस हंग तिन्स कि उग गोमरंग अतकू मुनिस!

![](https://cdn.door43.org/obs/jpg/360px/obs-en-41-06.jpg)

हंग अति स्वर्गदूत सै उसी मिंगसिरी मंग जा ल्यैस, “दिग उग चेलों मंग जा बतायो, ‘यीशु पझयंगद निस हंग टांगद कल्ले हंग उ गनिग लरी लरी गलील कू दियंग |’”

![](https://cdn.door43.org/obs/jpg/360px/obs-en-41-07.jpg)

उसी मिंगसिरी मंग हा कल्ले हंग मत्त खुशी कल्च| उसी चेलों मंग जा हिदि बुद फिन सुनाम दंची झयंग दिन्नस

![](https://cdn.door43.org/obs/jpg/360px/obs-en-41-08.jpg)

हंग उसी मिंगसिरी मंग चेलों मंग जा हिदि बुद फिन बताम दंची आफिग अम कू निस, हंग यीशु उसी नोकु पिरास| उसी उग लिकी कू चिरगन| हंग यीशु सै ल्यैस, “मुजेरम| दिग जिग चेलों मंग जा गलील दिम ल्यैस| उसी अतकू जीजा तियंगन्न|”

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से तिग बाइबल गै कथा*

## 42. यीशु स्वर्ग कू थोकसिग पिदि

https://openbiblestories.org/l/cdn/story-42/

![](https://cdn.door43.org/obs/jpg/360px/obs-en-42-01.jpg)

जइ ज्या परमेश्वर सै यीशु जा कसिचिद कू खचि टांगद कस्युंगस, उग निस्यी चेले न्योरो गै सोंग कू दिग निन्नस| दिलंग दिलंग उसी यीशु गै जरू जइ लिच्च| उग बारे कू कथा स्युंग तान्नस, उसीजा आशा निस कि उ मसीह निस, हंग हजूरी उ पच्यंगन्नस| थन उसी मिंगसिरी ल्हैग तान्नस उ हजू टांगद कल्च| उसी मुपैत निस कि खै कथा कू विश्वास स्युंगम अनि|

![](https://cdn.door43.org/obs/jpg/360px/obs-en-42-02.jpg)

यीशु सै उसिग न्योरो राग उसी तीजरू दिम कस्युंग, हंग उसी उजा मुसित्त कल्ले| उस रूस उसी खै बारे कू कथा स्युंगतान्नस| उसिस उजा न्यूंगज्या ची यीशु गै जरू कल्त वाला जम्मा घटना गै बारे कू बतास| उसिस चिचिस कि उ खमी परदेशी जा कथा स्युंग तान्नस जइजा पत्तो मुनिस कि यरुशलेम कू खै कल्त निस|

![](https://cdn.door43.org/obs/jpg/360px/obs-en-42-03.jpg)

हंग यीशु सै उसीजा समझास कि परमेश्वर ग बचन मसीह गै बारे कू खै ल्हैग तान्नस, उलंग लरी, भविष्य बताद मि सै कल्यैसिद निस यद मि मसीह जा दु:खु दायंग हंग पच्यंगन्न| हंग भविष्य बताद मि सै हिना री ल्यैस उ सुम ज्या ची टांगद लयंग|

![](https://cdn.door43.org/obs/jpg/360px/obs-en-42-04.jpg)

हंग उसी अति सोंग कू नभस जइ बं उ निस्यी मि स्योंगसिम चींथ निस, अथुंग वास लगभग मुंछ ल्हिग निस| उसिस यीशु जा उसी तीजरू स्योंगसिम दंची यचा स्युंगन्नस, हिना दंची उ उसिग जरू तिग चिम कू दिनह| आफिग मुंछ गै दुकलंग जाम दंची उसी स्योंगसिन्नस| यीशु सै तिग कुटु चुमग उग दंची परमेश्वर ग धन्यवाद दास, हंग उजा छयागस| झल्ल स उसीजा पत्तो कचलस उ यीशु निस| अति बकतर, उ उसिग मैं स पुनैरस|

![](https://cdn.door43.org/obs/jpg/360px/obs-en-42-05.jpg)

उसी निमि सै तिग दुसरो जा ल्यैस, “उ यीशु निस! हिनाई दंची उस इनजा परमेश्वर गै बचन समझास हंग इन मत्त खुशी निन्नस!” छाटोइ, उसी वंग थोकसिग यरुशलेम कू दिस| उसी नभम ता उसिस चेलों मंग जा बतास, “यीशु टांगद अनि! इनसै उजा तिन्नेस!”

![](https://cdn.door43.org/obs/jpg/360px/obs-en-42-06.jpg)

हंग चेले मंग फाग निन्नस, यीशु झल्ल स अति चीकू कू उग जरू प्रकट लिच्च| उस ल्यैस, “गनीजा शांति मिलयंग!” चेलों मंग सै चिचिस कि उ खमी सीना निस, हंग यीशु सै ल्यैस, “गनी खोंग जेरकनी? गनी हिना खोंग मुचिचिन हंग हिदि साचो, जी यीशु ल्हिय? जिग ला हंग लिकी ओंगनी| सीना गै न्योरो हिना गोमरंग मूलहेनि जसो जिग न्योरो अनि|” हिदि ओंगम दंची कि उ खमी सीना मुनिस, उस जाम दंची खइ थोचिस| उसिस उजा न्या ग तिग टुकड़ा दास, हंग उस उजा कज्जा|

![](https://cdn.door43.org/obs/jpg/360px/obs-en-42-07.jpg)

यीशु सै ल्यैस, “जिग बारे कू परमेश्वर ग बचन जइ खरी ल्हेता उ पूरो लयंग| जिस गनीजा कबतास कि हिदिग ल्हैम जरूरी अनि|” हंग यीशु सै उसीजा परमेश्वर ग बचन बुदस समझास| उस ल्यैस, “लरी ची कथा भविष्य बताद मि सै ऋग निस कि जी, मसीह जा दु:खु आंगम परयंग, सिचिम परयंग हंग हजू सुम ज्या ची सिचिम कू खचि टांगम परयंग|”

![](https://cdn.door43.org/obs/jpg/360px/obs-en-42-08.jpg)

उसी भविष्य बताद मि सै हिना री करिसिद निस कि जिग चेले परमेश्वर गै बचन ग लयरी मि मंग गै निद कू कथा स्युंगयंग| उ जम्मा तिग तिग मि जा पछताव स्युंगम दंची, बताम परयंग| हंग उ हिना स्युंगम च्यंग हंग परमेश्वर उसी ग पापों जा माफ स्युंगयंग| जिग चेले मंग हिदि फिन्न ग प्रचार स्युंगनि यरुशलेम खचि शुरू स्युंगयंग| हंग उसी जम्मा बं जम्मा जाति मंग कू दियंगन्न| गनी मंग जिग जम्मा तिग कथा हंग लन गै गवाह नियंगनी जइ जिस ल्यैस हंग स्युंगस, हंग अति जम्मा गै री जइ जिग जरू लिच्च|”

![](https://cdn.door43.org/obs/jpg/360px/obs-en-42-09.jpg)

लरी पीसा ज्या गै चेन्तू, यीशु आफिग चेलों मंग जा उलंग चू प्रकट लिच्च| तिच्चू उ तिगई बकतर ड़ई सय च्यंग मत्त मि मंग जा प्रकट लिच्च! उस आफिग चेलों मंग जा उलंग तरीका स साबित स्युंगस कि उ टांगद निस, हंग उस उसीजा परमेश्वर गै राजू गै बारे कू शिक्षा दास|

![](https://cdn.door43.org/obs/jpg/360px/obs-en-42-10.jpg)

यीशु सै आफिग चेलों मंग जा ल्यैस, “परमेश्वर सै जीजा स्वर्ग ची थंगजा गै जम्मा री तिग तिग मि जा राज स्युंगम ग अकत्यार दास| हिना दंची थन जी गनी जा ल्हैतातू : गनी जम्मा जाति गै मि मंग जा चेला बनानी| हिना स्युंगम दंची गनीजा उसीजा बूबा, सिरी, हंग पवित्र ल्हेमे गै मिन स पवित्र च्यागसीम दाम अनि| जइ खरी जिस आज्ञा दास उसी जम्मा कथा जा मानम री गनी स उसीजा रीम परयंग| ची ताम, जी राज्यारी गनीग जरू निसियंग|”

![](https://cdn.door43.org/obs/jpg/360px/obs-en-42-11.jpg)

यीशु गै सिचिम कू खचि टांगद ल्हैम गै पीसा ज्या गै निग्म, उस आफिग चेलों मंग जा ल्यैस, “जइ ज्या वास जिग बूबा गनीजा सामर्थ्य मु दाता अथुंग वास यरुशलेम कू स्योंगसि निसिम| उ गनी जा पवित्र ल्हेमे थिरम गै चेन्तू हिना स्युंगयंग|” हंग यीशु स्वर्ग कू पिदिस, हंग तिग कसा सै उजा उसिग मैं स पकच्याति| स्वर्ग कू यीशु जम्मा बथो जा राज स्युंगम परमेश्वर ग सेनला चेन्तू कस्योंगसिस|

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 से तिग बाइबल गै कथा*

## 43. कलिसिया ग शुरू कल्च

https://openbiblestories.org/l/cdn/story-43/

![](https://cdn.door43.org/obs/jpg/360px/obs-en-43-01.jpg)

यीशु गै स्वर्ग दिम गै निमफन, चेले यरुशलेम कू स्योंगसिस जसो कि यीशु सै उसीजा स्युंगम ग फिन्स्यद दाग तास| अछै ची विश्वासी मंग लगाची तिग जरू प्रार्थना स्युंगम दंची थुमसिन्नस|

![](https://cdn.door43.org/obs/jpg/360px/obs-en-43-02.jpg)

रा यन, ची फसह गै तयार गै नासा ज्या ची निमफन, यहूदी मंग पिन्तेकुस्त मिन गै तिग खास ज्या ची मनाग तान्नस| पिन्तेकुस्त अति ज्या निस जइ बकतर यहूदी मंग रजे छोंगम जा मनाग तान्नस| जम्मा दुनिया स यहूदी मंग पिन्तेकुस्त गै ज्या तिग जरू मनाम दंची यरुशलेम कू रन्नस| हिदि यन, पिन्तेकुस्त मनाम ग ज्या यीशु गै स्वर्ग कू दिम गै लगभग तिग हफ्ता गै निग्म रास|

![](https://cdn.door43.org/obs/jpg/360px/obs-en-43-03.jpg)

जइ ज्या जम्मा विश्वासी मंग तिग जरू थुमसी निन्नस, जइ चिमजा कू उसी निन्नस झल्ल स उ मत्त नलन ग हार स तीक्क कल्च| हंग मैं ग छंत नारुक्त तिंद वाला खै जम्मा विश्वासी मंग गै पूस्या गै यरतों तिन्ग निस| उसी जम्मा पवित्र ल्हेमे स तीक्क कबिन्नस हंग उसिस गार ल्वू कू परमेश्वर ग गुनू स्युंगन्नस| उसी हिना ल्वू मुसित्त निन्नस, हिदि अति ल्वू निस जइजा फाम दंची उसीजा पवित्र ल्हेमे सै सामर्थ्य दास|

![](https://cdn.door43.org/obs/jpg/360px/obs-en-43-04.jpg)

हंग यरुशलेम कू स्योंगसिद वाला मि मंग सै अति हार यन्स, उसी भीड़ गै रूप कू हिदि ओंगम दंची ती जरू रन्नस कि खै ल्हैग निस| उसिस विश्वासी मंग जा परमेश्वर चेन्तू स्युंगन्नस पूद–पूद लन गै कथा स्युंगम यन्स| उसी हा निन्नस खस्युंग कि उसी अति लन जा अफिगई ल्वू यंग निन्नस| उसी मि मंग उलंग राष्टों गै निन्नस| हंग यकरो यकरो ल्वू फाग निन्नस|

![](https://cdn.door43.org/obs/jpg/360px/obs-en-43-05.jpg)

हिदि मंग कू खचि खमी मि मंग सै ल्यैस कि उसी चेले मंग नशा कू निन्नस| हंग पतरस यब्स हंग उस फाकस, “जिग कथा यन्नी! हिदि मंग नशा कू मुनीस! हिदि ग बदला, जइ गनी ओंग तानी उ अति ल्हि जइ योएल भविष्य बताद मि सै ल्यैस कि लयंग: परमेश्वर सै ल्यैस, ‘अंत गै ज्या कू, जी आफिग ल्हेमे फुंगसा पोंगतियंग|”’

![](https://cdn.door43.org/obs/jpg/360px/obs-en-43-06.jpg)

“हे इस्राएली यूरासिरी मंग, यीशु तिग हिना मि निस जइ सै हिदि ओंगम दंची कि उ खमी निस मत्त स यकरो लन स्युंग तास| उस परमेश्वर गै सामर्थ्य स मत्त मतरत लन स्युंगस| गनी हिदि पेतनी, खस्युंग गनी सै हिदि लन कतिन्सिद अनि| हंग गनी सै उजा क्रूस कू कचढ़ातिस!”

![](https://cdn.door43.org/obs/jpg/360px/obs-en-43-07.jpg)

“यीशु कसिचिस हंग परमेश्वर सै उजा सिचिम कू खचि टांगद कस्युंग| हिदि स अति कथा जा पूरो कस्युंग जइ तिग भविष्य बताद मि सै करिसिद निस: ‘गै आफिग पवित्र मि जा कब्र कू सैम मुदायंग|’ इन गवाह अनि कि परमेश्वर सै यीशु जा हजू टांगद कस्युंग|”

![](https://cdn.door43.org/obs/jpg/360px/obs-en-43-08.jpg)

“परमेश्वर बूबा सै थन यीशु जा आफिग सैन ला चेन्तू स्योंगसिग उजा इज्जत दास| हंग यीशु सै इंग दंची पवित्र ल्हेमे थिरस जसो कि उस वादा कस्युंगसिद निस उ थिरयंग| पवित्र ल्हेमेई उग लन ल्हैगई अनि जइजा गनी ओंग री तानी हंग यन्ग री तानी|

![](https://cdn.door43.org/obs/jpg/360px/obs-en-43-09.jpg)

“गनी सै अति मि, यीशु जा क्रूस कू कचढ़ातिस| हंग पूरो रूप स पेतनी कि परमेश्वर सै यीशु जा जम्मा बथो जा प्रभु हंग मसीह निस्यी खन कस्योंगसिद अनि!”

![](https://cdn.door43.org/obs/jpg/360px/obs-en-43-10.jpg)

पतरस ग यन्द वाला मंग उग चेन्तू कल्यैसिद कथा स भीतरु वास क्लोसिग निस| हिना दंची उसिस पतरस हंग चेलों मंग जा रूस, “हे पी मंग, इन्स खै स्युंगम चिन्नी?”

![](https://cdn.door43.org/obs/jpg/360px/obs-en-43-11.jpg)

पतरस सै उसीजा जबाब दास, “गनी कू खचि जम्मा तिग आफिग पापों गै दंची पछताव स्युंगनि खस्युंग कि परमेश्वर गनिग पापों जा माफ स्युंगयंग, हंग यीशु मसीह गै मिन स पवित्र च्याकसीम कोरनी| हंग उ गनीजा वरदान स्वरूप पवित्र ल्हेमे री दायंग|’’

![](https://cdn.door43.org/obs/jpg/360px/obs-en-43-12.jpg)

पतरस सै जइ ल्यैस उजा लगभग सुम हजार मि मंग सै विश्वास स्युंगस हंग यीशु गै चेले कबनस| उसिस पवित्र च्याकसिम कोरस हंग यरुशलेम ग कलिसिया ग छू कबनस|

![](https://cdn.door43.org/obs/jpg/360px/obs-en-43-13.jpg)

हंग प्रेरितों मंग सै उसीजा शिक्षा दास हंग विश्वासियों मंग सै ज्या ज्यारी यन्स| उ राज्यारी छिगई निस हंग तिग जरू दुकलंग जाग निन्नस, हंग उसिस ज्या ज्यारी तिग दुसरो गै दंची प्रार्थना स्युंगस| उसिस छिग परमेश्वर ग गुनू स्युंगन्नस हंग जइ बथो री उसिग जरू निस उसिस तिग दुसरो ग जरू छूचिन्नस| सोंग ग जम्मा तिग मि उग दंची बुद कथा ताग निस| ज्या ज्या री, मत्त स मत्त मि मंग विश्वासी बनग निस|

*प्रेरितों के काम 2 से तिग बाइबल ग कथा*

## 44. पतरस हंग यूहन्ना तिग थोचिद मि  जा बुद स्युंगतन्न|

https://openbiblestories.org/l/cdn/story-44/

![](https://cdn.door43.org/obs/jpg/360px/obs-en-44-01.jpg)

तीज्या, पतरस हंग यूहन्ना मंदिर कू दिन्नस| तिग यन्सी मुतरद मि भीख थोचिम दंची मोरोंग कू कस्योंगसिद निस|

![](https://cdn.door43.org/obs/jpg/360px/obs-en-44-02.jpg)

पतरस सै अति डूडा मि ग चेन्तू ओंगस हंग ल्यैस, “जिग न्योरो गजा दाम दंची रुपया ता मुनि| हंग जइ जिग न्योरो अनि अति जी गजा दाग तातू| यीशु गै मिन स, रचि हंग यन्सी!”

![](https://cdn.door43.org/obs/jpg/360px/obs-en-44-03.jpg)

अति बकतर, परमेश्वर सै अति यन्सीमुतरद मि जा बुद स्युंगस| उस ती-झीर यंसिम हंग झयंगम, हंग परमेश्वर ग गुनू स्युंगम शुरू कस्युंग| मंदिर गै खलु कू स्योंगसिद मंग हा कल्त निस|

![](https://cdn.door43.org/obs/jpg/360px/obs-en-44-04.jpg)

छाटोई मि मंग ग तिग भीड़ अति मि जा ओंगम दंची रन्नस जइ बुद कल्त निस| पतरस सै उसीजा ल्यैस, “हिदि मि ठीक अनि, हंग हिना कथा कू हा मुलेम| इन सै उजा आफिग शक्ति स बुद मुस्युंगसिद अनि, हिना दंची माद कि इंग परमेश्वर ग इज्जत स्युंगतने| खस्युंग कि, उ यीशु अनि जइस हिना मि जा आफिग शक्ति स बुद स्युंगस, खस्युंग कि इंग यीशु जा भरोसा स्युंगता|”

![](https://cdn.door43.org/obs/jpg/360px/obs-en-44-05.jpg)

“उ गई लेन्ह उसी मंग सै अति रोमी राजा जा यीशु जा पच्यंगम दंची ल्यैस| गस उजा पच्यंगन्स जइ जम्मा जा जीवन दास| हंग परमेश्वर सै उजा पझयंगद कू खचि टांगद कस्युंग| गनीस मुसमझेनस कि गनी खै स्युंगताग निस, हंग गनी हूदी लन स्युंगतान्नस, ता जइ भविष्य बताद मि मंग सै ल्यैस उ पूरो लिच्च| उसिस ल्हैग निस कि मसीह दु:खु आंगयंग हंग सिचियंग| परमेश्वर सै हिदि हिना दंची स ल्हैम दास| हिना दंची थन, पछताव स्युंगनि हंग परमेश्वर ग चेन्तू ओंगनी, खस्युंग कि उ गनिग पापों जा यरसिग साफ स्युंगनि|”

![](https://cdn.door43.org/obs/jpg/360px/obs-en-44-06.jpg)

हंग मंदिर गै प्रधानों मंग सै पतरस हंग यूहन्ना जा यन्स, ता उसी मत्त कजेरन्नस| हिना दंची उसिस उसीजा गिरफ्तार स्युंग जेलखाने कू कमोकतिन्नस| हंग जइ पतरस सै ल्यैस उजा मत्त स मि मंग सै विश्वास स्युंगस| यीशु जा विश्वास स्युंगद वाला मि मंग ग संख्या लगभग ड़ई हजार कल्च|

![](https://cdn.door43.org/obs/jpg/360px/obs-en-44-07.jpg)

न्यार ची, उसी यहूदी प्रधान पतरस हंग यूहन्ना जा यहूदी पूद पुजारी हंग गार यहूदी धार्मिक प्रधानों मंग गै नोकु रचिग रास| उ अति मि जा री रचिग रास जइ यन्सीमुतरद निस| उसिस पतरस हंग यूहन्ना जा रूस, “खै अकत्यार स गनीस अति यन्सीमुतरद मि जा बुद स्युंगस?”

![](https://cdn.door43.org/obs/jpg/360px/obs-en-44-08.jpg)

पतरस सै जबाब दास, “हिदि मि जइ गनिग न्योरो टांगयब्त अनि उजा यीशु मसीह ग सामर्थ्य गै चेन्तू बुद स्युंगस| गनी सै यीशु जा क्रूस कू कचढ़ातिस, हंग परमेश्वर सै उजा हजू टांगद कस्युंग! गनिस उजा माद ल्यैस, हंग यीशु गै सामर्थ्य गै माध्यम गै च्यंग मुक्ति तिम्म ग खइ दुसरो अम मुनिस!”

![](https://cdn.door43.org/obs/jpg/360px/obs-en-44-09.jpg)

उसी प्रधान मंग हा कल्त निन्नस कि पतरस हंग यूहन्ना सै मत्त सांगद रूप स कथा स्युंग निस| उसिस तिन्नस कि हिदि सीधा साधा यूरासिरी निस जइ कि अनपड़ निस| हंग हजू उसीजा ची रास कि हिदि यूरासिरी यीशु गै जरू स्योंगसिग निन्नस| हिना दंची उसिस उजा ल्यैस, “इंग गनीजा मत्त सजा दायंग हंग गनी हिदि मि यीशु गै बारे कू मि मंग जा खइ गार फिन दातियंग|” हिना मत्त स कथा लेम गै निमफन,उसिस पतरस हंग यूहन्ना जा दिम दास|

*प्रेरितों के काम 3:1-4:22 से तिग बाइबल ग कथा  "*

## 45. स्तिफनुस हंग फिलिप्पुस	"

https://openbiblestories.org/l/cdn/story-45/

![](https://cdn.door43.org/obs/jpg/360px/obs-en-45-01.jpg)

लरी मसीही प्रधान मंग गै गुंदा कू स्तिफनुस मिन ग तिग यूरासिरी निस| जम्मा मि उग इज्जत स्युंगन्नस| पवित्र ल्हेमे सै उजा मत्त सामर्थ्य हंग बुद्धि दास| स्तिफनुस सै मत्त चमत्कार स्युंगन्नस| हंग उस यीशु जा भरोसा स्युंगम गै बारे कू उसीजा शिक्षा दास हंग मत्त मि मंग सै उजा विश्वास स्युंगस|

![](https://cdn.door43.org/obs/jpg/360px/obs-en-45-02.jpg)

तीज्या, स्तिफनुस यीशु गै बारे कू शिक्षा दाग तास, हंग खमी हिना यहूदी रास जइ मि सै यीशु जा विश्वास मुस्युंगन्नस हंग उग झिसिम स्युंगम शुरू कस्युंग| उसी मत्तइ रुसू पिरास, हिना दंची उसी यहूदी धार्मिक प्रधान मंग गै न्योरो दिस हंग उग बारे कू झूठी फाकस| उसिस ल्यैस, “इन्स स्तिफनुस जा मूसा हंग परमेश्वर गै बारे कू यद कथा फाकत यन्नस!” हिना दंची यहूदी धार्मिक प्रधान मंग सै स्तिफनुस जा गिरफ्तार स्युंग कोरन्नस हंग उजा यहूदी पूद पुजारी हंग यहूदियों मंग गै गार प्रधान मंग गै नोकु रचिग रास| गार री झूठी गवाह रास हंग उसिस स्तिफनुस गै बारे कू झूठी फाकस|

![](https://cdn.door43.org/obs/jpg/360px/obs-en-45-03.jpg)

यहूदी पूद पुजारी सै स्तिफनुस जा रूस, “खै हिदि मंग नग बारे कू साचो लेतातने?” स्तिफनुस सै यहूदी पूद पुजारी जा जबाब दाम दंची मत्त स कथा फाम शुरू कस्युंग| उस ल्यैस कि अब्राहम गै ज्या स यीशु गै ज्या वास परमेश्वर सै इस्राएल गै मि मंग दंची मत्त स यकरो लन स्युंगस| हंग मि मंग सै ज्या ज्यारी परमेश्वर ग कथा मुरुंगस| स्तिफनुस सै ल्यैस, “गनीस परमेश्वर गै विरुद्ध जिद्दी हंग बलवा स्युंगम वाला ल्है गनीस राज्यारी पवित्र ल्हैमै जा माद कल्यैस हंग राज्यारी उग भविष्य बताद मि मंग जा पच्यंगन्नस| हंग जइ उसिस स्युंगन्नस उग किरक्त कू गनीस गार री यद स्युंगनिस! गनीस मसीह जा पच्यंगनस!”

![](https://cdn.door43.org/obs/jpg/360px/obs-en-45-04.jpg)

हंग उसी यहूदी धार्मिक प्रधानों मंग सै हिदि यन्स, हंग उसी हिलंग रुसू पिरास कि उसिस आफिग रच बंद कस्युंग हंग हिलंग जोर स यरस | उसी स्तिफनुस जा सिसिग सोंग कू खचि छंगपंग पिकोरन्नस हंग उजा पच्यंगम दंची उजा ऊँग थिन्नस |

![](https://cdn.door43.org/obs/jpg/360px/obs-en-45-05.jpg)

हंग स्तिफनुस सिचिग निस, उ हार स्युंग करचि, “हे यीशु, जिग ल्हेमे जा आफिग स्युंग!” हंग उ आफिग पै चुग लघैस हंग हजू हार स्युंग करचि, “हे प्रभु, हिदि पाप उसीजा मुलगाम |” हंग उ कसिचि|

![](https://cdn.door43.org/obs/jpg/360px/obs-en-45-06.jpg)

अति ज्या, यरुशलेम कू स्योंगसिद वाला मत्त स मि मंग सै यीशु गै चेलों मंग जा सताम शुरु कस्युंग, हिना दंची विश्वासी मंग दुसरो बं फोंग पिदिन्नस| हंग हिना ल्हैम गै निमफन री उलो दिम च्यंग री उसिस यीशु गै बारे कू प्रचार स्युंगतान्नस|

![](https://cdn.door43.org/obs/jpg/360px/obs-en-45-07.jpg)

फिलिप्पुस मिन ग यीशु ग तिग विश्वासी निस| जसो कि गार मत्तइ विश्वासी मंग सै कल्यैसिद निस उ री यरुशलेम खचि फोंग पिदिन्नस| उ सामरिया गै सोंग कू कनभन्नस| अतकू उस मि मंग कू यीशु गै बारे कू प्रचार स्युंगस| मत्त मि मग सै उजा विश्वास स्युंगस हंग मुक्ति तिन्स| तिज्या, फिलिप्पुस गै न्योरो परमेश्वर ग चेन्तू खचि तिग स्वर्गदूत रास हंग उजा सीर दिम दंची, हंग तिग अम कू यनसिम दंची ल्यैस| फिलिप्पुस अथुंग पिदिस| हंग उ अति अम्म कू यन्सीग निस, हंग उस तिग मि जा आफिग रथ कू दीद तिन्स| हिदि मि कूश राजू ग तिग लच्यंग पूद अधिकारी निस| पवित्र ल्हेमे सै फिलिप्पुस जा ल्यैस कि दिग अति मि गै जरु जरू दि|

![](https://cdn.door43.org/obs/jpg/360px/obs-en-45-08.jpg)

हिना दंची फिलिप्पुस रथ गै न्योरो दिस| उस यन्स कि उ कूशी परमेश्वर गै बचन लबसिग निस| जइ यशायाह भविष्य बताद मि सै करिसिद निस उ उजा लबसिग निस, “उ उजा पझयंगद वाला माला नारुक्त कोरग दिन्नस, हंग जसो तिग माला शांत कल्त निस, उस तिच्चू री मुल्यैस| उसिस उग जरू यद व्यवहार स्युंगस हंग उग इज्जत मुस्युंगस | उसिस उजा पझयंगतिस |”

![](https://cdn.door43.org/obs/jpg/360px/obs-en-45-09.jpg)

फिलिप्पुस सै अति कूशी जा रूस, “जइ गै लबसिग इनो खै गै उजा पैग तातन?” अति कूशी सै जबाब दास, “माद| जइ वास खमी हिदिजा जीजा मुसमझायंग, अति वास जी हिदिजा मुसमझैस| कृपा स्युंग जिग न्योरो राग स्योंगसीन| यशायाह हिदि आफिग बारे कू ऋग तास किता खमी गार गै?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ कू आंगसिग स्योंगसिस| हंग उस अति कुशी मि जा उ बतास जइ यशायाह सै यीशु गै बारे कू ऋग निस| फिलिप्पुस सै परमेश्वर गै बचन गै मत्त गार छू ग री कथा स्युंगस| हिना दंची उस अति मि जा यीशु गै बारे कू बुद फिन सुनास|

![](https://cdn.door43.org/obs/jpg/360px/obs-en-45-11.jpg)

फिलिप्पुस हंग उ कुशी यन्सीग ती ग न्योरो रास| अति कुशी सै ल्यैस, “ओंगयो! हिदूँग ती अनि! खै जी पवित्र च्यागसीम कोर तरये ?” हंग उस सारथी जा रथ रोकम दंची ल्यैस|

![](https://cdn.door43.org/obs/jpg/360px/obs-en-45-12.jpg)

हिना दंची उसी ती कू पिदिस, हंग फिलिप्पूस सै अति कुशी जा पवित्र च्याकसिम दास| हंग उसी ती कू खचि छंगपंग रास, ता पवित्र ल्हेमे अति बकतर फिलिप्पुस जा आंग खमी गार बं पिकोरस| अतकू फिलिप्पुस सै मि मंग जा यीशु गै बारे कू प्रचार स्युंगतास|

![](https://cdn.door43.org/obs/jpg/360px/obs-en-45-13.jpg)

उ कुशी आफिग चिमजा ग यात्रा नबद अनि| उ खुश निस कि थन यीशु जा पैग निस|

*प्रेरितों के काम 6:8-8:5; 8:26-40 से तिग बाइबल गै कथा*

## 46. शाऊल  मसीही विश्वासी कबनस

https://openbiblestories.org/l/cdn/story-46/

![](https://cdn.door43.org/obs/jpg/360px/obs-en-46-01.jpg)

शाऊल मिन ग तिग मि निस जइ सै यीशु जा विश्वास मुस्युंगस| हंग उ ज्यूद निस, हंग उस स्तिफनुस जा पच्यंगद वाला मि मंग गै खसै पसै ग निगरानी स्युंग निस| निंगकुती, उस विश्वासियों मंग जा सतान्नस| उस यरुशलेम कू चिमजा चिमजा दिग यूरासिरी हंग रीथिस्या निमी जा चुमग जेल भीतरु कमोकतिस| हंग यहूदी पूद पुजारी सै शाऊल जा दमिश्क सोंग कू दिम दंची आज्ञा दास, उस अछै ची मसीही मंग जा चुमग उसीजा थोकसिग यरुशलेम रयग राम दंची शाऊल जा ल्यैस|

![](https://cdn.door43.org/obs/jpg/360px/obs-en-46-02.jpg)

हिना दंची शाऊल सै दमिश्क दिम ग यात्रा शुरू कस्युंग| अति सोंग कू नभग दूमाइ लरी, उग पी बं चेन्तू तिमभू खचि तिग मत्त प्रकाश छंत डोकस, हंग उ थंगजा कू गिन्स| शाऊल सै खमी जा फाकत यन्स, “हे शाऊल! हे शाऊल! गै जीजा खोंग सताग तातन?” “हे प्रभु, गै खमी ल्हैन?” यीशु सै उजा जबाब दास, “जी यीशु ल्हिय| गै जीजा सताग तातन!”

![](https://cdn.door43.org/obs/jpg/360px/obs-en-46-03.jpg)

हंग शाऊल रचीस हंग उ मुतिंग निस| उग स्यासि उसीजा दमिश्क कोरग दिन्नस| शाऊल सै सुम ज्या वास खरी मुजास हंग ती री मुतुंगस|

![](https://cdn.door43.org/obs/jpg/360px/obs-en-46-04.jpg)

दमिश्क कू हनन्याह मिन ग तिग चेला निस| परमेश्वर सै उजा ल्यैस, “अति चिमजा कू दि जइ बं शाऊल कस्योंगसिद अनि| आफिग ला उग चेन्तू तायो खस्युंग कि उ हजू मैं तिंग निस|” हंग हनन्याह सै ल्यैस, “हे प्रभु, जिस यन्गस कि हिदि मि सै विश्वासी मंग जा हना सताग तास|” परमेश्वर सै उजा जबाब दास, “दि! जिस उजा यहूदियों मंग कू हंग दुसरो जाति गै मि मंग कू जिग मिन ग कथा स्युंगम दंची किलग तास| उ जिग मिन गै दंची मत्त दु:खु सहयंग|”

![](https://cdn.door43.org/obs/jpg/360px/obs-en-46-05.jpg)

हिना दंची हनन्याह शाऊल गै निद कू दिस, आफिग ला उजा तम्मस, हंग ल्यैस, “यीशु सै, जइ हिदा राम गै नग अम कू नग नोकु पिरास, जीजा नग न्योरो थिरस खस्युंग कि गै हजू मैं तिंग निस, हंग पवित्र ल्हेमे तीक्क लयंग|” अति बकतर शाऊल हजू मैं कतिन्स, हंग हनन्याह सै उजा पवित्र च्यासिम दास| हंग शाऊल सै दुकलंग कज्जा हंग हजू उ तरत कल्च|

![](https://cdn.door43.org/obs/jpg/360px/obs-en-46-06.jpg)

अति ज्या स, शाऊल सै दमिश्क कू स्योंगसिद वाला यहूदियों मंग जा प्रचार स्युंगम शुरू कस्युंग| उस ल्यैस, “यीशु हि परमेश्वर ग सिरी ल्है!” यहूदी मंग हा कल्त निन्नस, खस्युंग कि शाऊल सै विश्वासी मंग जा पच्यंगम दंची कोशिश स्युंगस, हंग थन उस यीशु जा विश्वास स्युंग निस| शाऊल सै यहूदी मंग गै जरू झीसीग निन्नस| उस दिखास कि यीशु हि मसीह निस|

![](https://cdn.door43.org/obs/jpg/360px/obs-en-46-07.jpg)

मत्त ज्या ची निमफन, यहूदी मंग सै शाऊल जा पच्यंगम दंची कथा स्युंगतान्नस| उसिस उजा पच्यंगम दंची सोंग गै मोरोंग कू मि मंग जा थिरस| उजा ओंगताम हंग शाऊल सै अति कथा गै बारे कू कयन्स, हंग उग स्यासी मंग सै बचग दिम दंची सहायता स्युंगस| तिग मुंछ उसिस उजा टोकरी कू स्योंगसिग सोंग ग बंगफल कू खचि छंकू कउतारस दमिश्क स बचग दिम गै निमफन शाऊल सै यीशु गै बारे कू प्रचार स्युंगइ तास|

![](https://cdn.door43.org/obs/jpg/360px/obs-en-46-08.jpg)

शाऊल खास चेलों जा छिम दंची यरुशलेम दिस, हंग उ उजा खचि जेरक निन्नस हंग बरनबास मिन ग तिग विश्वासी शाऊल जा खास चेलों गै न्योरो कोरग दिस| उस उजा बतास कि शाऊल सै हना मुजेरक दमिश्क कू प्रचार स्युंगतास उग निग्म खास चेलों सै शाऊल जा आफिग कस्युंग|

![](https://cdn.door43.org/obs/jpg/360px/obs-en-46-09.jpg)

दूमा विश्वासी जइ यरुशलेम गै सताव सै फोंग दिन्नस उसी वानम अंताकिया सोंग कू पिदिन्नस हंग यीशु गै बारे कू प्रचार स्युंगतान्नस| अंताकिया कू स्योंगसिद वाला मि मत्त मि मंग यहूदी मु निन्नस, हंग लच्यंग लरी उसी मंग जा खचि मत्त मि मंग यहूदी कबनस| बरनबास हंग शाऊल हिदि नुद विश्वासि मंग जा यीशु के बारे कू गार मत्त रिद दंची अतकू दिन्नस हंग कलिसिया मंग जा सारो स्युंगस| यीशु जा विश्वास स्युंगद वाला लच्यंग लरी अंताकिया कू हि “मसीही’’ ल्हेन|

![](https://cdn.door43.org/obs/jpg/360px/obs-en-46-10.jpg)

तीज्या, अंताकिया गै मसीही मंग उपवास गै जरू प्रार्थना स्युंगतान्नस पवित्र ल्हेमे सै उजा ल्यैस, “जिग दंची बरनबास हंग शाऊल जा अति लन स्युंगम दंची यकरो स्युंगती जइ लन स्युंगम दंची जिस उसीजा हुईगस| “हिना दंची अंताकिया गै कलिसिया सै बरनबास हंग शाऊल गै दंची प्रार्थना स्युंगस हंग उसीजा आफिग ला तास| हंग उसिस उसीजा गार मत्त बं कू यीशु गै बारे कू बुद फिन ग प्रचार स्युंगम दंची कथिरस| बरनबास हंग शाऊल सै यकरो-यकरो जाति ची मि मंग जा शिक्षा दास, हंग मत्त स मि मंग सै यीशु जा विश्वास स्युंगस|

*प्रेरितों के काम 8:3; 9:1-31; 11:19-26; 13:1-3 से तिग बाइबल गै  कथा*

## 47. फिलिप्पी सोंग कू पौलुस हंग सीलास

https://openbiblestories.org/l/cdn/story-47/

![](https://cdn.door43.org/obs/jpg/360px/obs-en-47-01.jpg)

हंग शाऊल सै पूरो रोमी साम्राज्य कू यात्रा स्युंगस ता उस आफिग रोमी मिन “पौलुस” ग उपयोग स्युंगम शुरू कस्युंग| तीज्या, पौलुस हंग उग स्यासि सीलास फिलिप्पी सोंग कू यीशु गै बारे कू बुद फिन सुनाम दंची दिस| उसी सोंग ग छंगपंग यंगती गै खास्या तिग बं कू दिस जइ बं मि मंग प्रार्थना स्युंगम दंची जम्मा री तिग बं कू निन्नस| अतकू उसी लुदिया मिन ग तिग मिंगसिरी जा छिस जइ तिग व्यापारी निस| उ परमेश्वर जा प्रेम स्युंग निस हंग उग कथा मानग निस|

![](https://cdn.door43.org/obs/jpg/360px/obs-en-47-02.jpg)

परमेश्वर सै लुदिया जा यीशु गै बारे कू फिन जा विश्वास स्युंगम दंची पूरो कल्च| पौलुस हंग सीलास सै उजा हंग उग मौमाल जा पवित्र च्यागसीम दास| उस पौलुस हंग सिलास जा आफिग चिमजा स्योंगसिम दंची न्योता दास, हिना दंची उसी अति बं कू स्योंगसिन्नस|

![](https://cdn.door43.org/obs/jpg/360px/obs-en-47-03.jpg)

पौलुस हंग सीलास मि मंग जा ज्या ज्यारी अति बं कू छिन्नस जइ बं यहूदी मंग प्रार्थना स्युंगतान्नस| ज्या ज्यारी उसी अतकू दिग निन्नस हंग तिग ढंगमी चमे जइजा यद ल्हेमे सै कचूमसीद निस उसिग निमफन निमफन दिग निन्नस| हिदि यद ल्हेमे गै चेन्तू खचि उ मि मंग जा भविष्य बताग तास, हिना दंची उ भविष्य बताद मि गै रूप कू आफिग रीथि मंग गै दंची मत्त धन कमाग तान्नस|

![](https://cdn.door43.org/obs/jpg/360px/obs-en-47-04.jpg)

उसीग दिम बकतर हिदि ढंगमी चमै यरक निस, “हिदि यूरासिरी लच्यंग पूद परमेश्वर गै सेवक अनि| हिदि गनीजा मुक्ति तिम्म ग अम बताग तान्नस!” उ ज्या ज्यारी हिना स्युंगतास जइस कि पौलुस रुसू पिरास|

![](https://cdn.door43.org/obs/jpg/360px/obs-en-47-05.jpg)

अंत कू, तीज्या अति ढंगमी चमे सै यरम शुरू कस्युंग, हंग पौलुस सै उग चेन्तू ओंग उग भीतरु ग यद ल्हेमे जा ल्यैस, “यीशु गै मिन स हिदूँग खचि गै दि|” अति बकतर अति यद ल्हेमे सै उजा कहोतिस|

![](https://cdn.door43.org/obs/jpg/360px/obs-en-47-06.jpg)

अति ढंगमी चमे गै रीथि मत्त रुसू कल्च| उसीजा पत्तो कल्च अति ल्हेमे मून्द उ ढंगमी चमे मि मंग जा भविष्य मुबता तरद निस हिदिग अर्थ निस कि मि मंग थन उग रीथि मंग जा रुपया मुदायंग कि उ उसीजा भविष्य बताएंग कि उग जरू खै लयंग |

![](https://cdn.door43.org/obs/jpg/360px/obs-en-47-07.jpg)

हिना दंची अति ढंगमी चमे गै रीथि पौलुस हंग सीलास जा रोमी अधिकारी मंग गै न्योरो कोरग दिस, उसिस पौलुस हंग सीलास जा धुंगस, हंग हजू उसीजा जेल कू कमोकतीस|

![](https://cdn.door43.org/obs/jpg/360px/obs-en-47-08.jpg)

उसीसै पौलुस हंग सीलास जा जेलखाने गै हिना छू कू तास जइ बं कू मत्त सिपाही निन्नस| हिदा वास कि उसीस उसीग लिकी कू स्यिन गै बुंग्थ टुकड़ा कू कघिस| हंग पौलुस हंग सीलास फै मुंछ गै बकतर, परमेश्वर ग गुनू गै भयरा तुग निन्नस|

![](https://cdn.door43.org/obs/jpg/360px/obs-en-47-09.jpg)

झल्ल स, तिग बुदस जेरमना रुम्म रास! जेल कू ची जम्मा मोरोंग कफोकस, हंग जम्मा कैदी मंग गै सांगली कूच्या टुभ्भर|

![](https://cdn.door43.org/obs/jpg/360px/obs-en-47-10.jpg)

हंग दरोगा करचिस| उस तिन्स कि जेलखाने गै मोरोंग कफोकस्द निस| उस तैयस कि जम्मा कैदी बचैम दंची कफोंगन्नस| उ कजेरस कि उग फोंग्म गै कारण रोमी अधिकारी उजा पच्यांगयंग, हिना दंची उ अफीजा पच्यंगम दंची तैयार कल्च! हंग पौलुस उजा तिंग यरस, “रिनचिन! अफीजा नुकसान मुस्युंगम| इन जम्मा हिदूँगई अनि|”

![](https://cdn.door43.org/obs/jpg/360px/obs-en-47-11.jpg)

अति दरोगा सै ढ़ंगतास पौलुस हंग सीलास गै न्योरो राग रूस, “मुक्ति तिम्म दंची जी खै स्युंगम?” पौलुस सै जबाब दास, “प्रभु यीशु जा विश्वास स्युंग, ता गै हंग नग मौमाल मुक्ति तियंग|” हंग उ दरोगा पौलुस हंग सीलास जा आफिग चिमजा कोरदिस हंग उग गैन्या यरस| पौलुस सै उग चिमजा ची जम्मा मि मंग जा यीशु गै बारे कू बुद फिन सुनास|

![](https://cdn.door43.org/obs/jpg/360px/obs-en-47-12.jpg)

दरोगा हंग उग पूरो मौमाल सै यीशु जा विश्वास स्युंगस, हिना दंची पौलुस हंग सीलास सै उसीजा पवित्र च्यागसीम दास| हंग दरोगा सै पौलुस हंग सीलास जा दुकलंग खिलास, हंग उ तिगजरू खुशी निन्नस|

![](https://cdn.door43.org/obs/jpg/360px/obs-en-47-13.jpg)

तीज्या लरी सोंग गै प्रधान मंग सै पौलुस हंग सीलास जा जेल कू खचि आजाद कस्युंगति हंग फिलीप्पी खचि दिम दंची ल्यैस| पौलुस हंग सीलास लुदिया हंग दूमा गार स्यासि मंग जा छिस हंग उग निमफन सोंग कू खचि पिदिन्नस| यीशु गै बारे कू बुद फिन कफेलस, हंग कलिसिया बढ़ेग दिस|

![](https://cdn.door43.org/obs/jpg/360px/obs-en-47-14.jpg)

पौलुस हंग गार मसीही प्रधान मंग सै मत्त स सोंग ग यात्रा स्युंगस| उसिस मि मंग जा यीशु गै बारे कू बुद फिन सुनास| उसिस कलिसिया गै विश्वासियों मंग जा लरी बढ़ेम हंग शिक्षा दाम दंची उलंग चिट्ठी री रिस| हिदि मंग कू खचि दूमा चिट्ठी बाइबल ग लिबिन कबनस|

*प्रेरितों के काम 16:11-40 से तिग बाइबल ग कथा*

## 48. यीशु हि वादा कस्युंगद वाला मसीह ल्है

https://openbiblestories.org/l/cdn/story-48/

![](https://cdn.door43.org/obs/jpg/360px/obs-en-48-01.jpg)

हंग परमेश्वर सै दुनिया जा बनास ता जम्मा बथो बुद निस| खरी पाप मुनिस| आदम हंग हव्वा तिग दुसरो जा बुदतेग निस, हंग उसी परमेश्वर जा बुदतेग निस| खरी काँगत री मुनिस हंग सिचिद री मुनिस, परमेश्वर हिनाई दुनिया चींथ निस|

![](https://cdn.door43.org/obs/jpg/360px/obs-en-48-02.jpg)

सीना सै नबू गै चेन्तू खचि सवार कू हव्वा जा कथा स्युंगस, खस्युंग कि उ उजा धोखा दाम चींथ निस| हंग हव्वा हंग आदम सै परमेश्वर गै विरुद्ध पाप स्युंगस| खस्युंग कि उसिस पाप स्युंगन्नस हिना दंची थंगजा कू स्योंगसिद वाला जम्मा मि सिचियंगन्न|

![](https://cdn.door43.org/obs/jpg/360px/obs-en-48-03.jpg)

खस्युंग कि आदम हंग हव्वा सै पाप स्युंग निस, हिना दंची खरी गार री यद लिच्च| उसी परमेश्वर गै बयरी कबनस| जइग परिणाम-स्वरूप, अति ज्या खचि जम्मा तिग मि सै पाप स्युंगस| जम्मा तिग मि जन्म कू खचि परमेश्वर ग बयरी अनि, परमेश्वर हंग मि मंग गै गूँदा कू शांति मुनिस| हंग परमेश्वर शांति दाम चींथ निस|

![](https://cdn.door43.org/obs/jpg/360px/obs-en-48-04.jpg)

परमेश्वर सै वादा स्युंगस कि हव्वा ग तिग बंश सीना गै पूस्या कितियंग| उस हिना री ल्यैस कि सीना उग लिकी छोंगतियंग| दुसरो कथा कू, सीना मसीह जा पच्यंगयंग, हंग परमेश्वर उजा हजू टांगद स्युंगयंग| हिदिग निमफन मसीह सीना गै शक्ति जा राज्या री दंची पूझयूस| उलंग यन गै निमफन, परमेश्वर सै प्रकट स्युंगस कि उ मसीह यीशु ल्है|

![](https://cdn.door43.org/obs/jpg/360px/obs-en-48-05.jpg)

परमेश्वर सै नूह जा तिग नाव बनाम दंची ल्यैस कि उ हिना दंची परमेश्वर सै उसी मंग जा बचास जइ उजा विश्वास स्युंग निस| हिना दंची, उसी जम्मा जा री परमेश्वर गै चेन्तू खचि सिचिम गै लायक निन्नस खस्युंग कि उसिस पाप कस्युंगद निस| हंग परमेश्वर सै उसी जम्मा जा बचाम दंची यीशु जा थिरस जइ उसीजा विश्वास स्युंगतान्नस |

![](https://cdn.door43.org/obs/jpg/360px/obs-en-48-06.jpg)

सैकड़ों यन वास, यहूदी पुजारी परमेश्वर गै दंची बलि चढ़ागई तास| हिदि दिखाम कि मि मंग सै पाप स्युंगन्नस, हंग कि उसी परमेश्वर गै चेन्तू उसीजा सजा दामना लायक निन्नस| हंग उसी बलिदान उसीग पाप जा माफ मुस्युंग तरन्नस| यीशु लच्यंग पूद यहूदी पूद पुजारी अनि| उस उ स्युंगस जइ खमी यहूदी पुजारी मुस्युंगतर निस| उस तिगमात्र बलिदान ल्हैम दंची अफीजा कदा जइ जम्मा मि मंग गै पापों जा मिटा तरत निस| उस हाँ ल्यैस कि परमेश्वर उसी जम्मा मि मंग गै पाप गै दंची उजा सजा दायंग| हिना कारण यीशु सिद्ध यहूदी पूद पुजारी निस|

![](https://cdn.door43.org/obs/jpg/360px/obs-en-48-07.jpg)

परमेश्वर सै अब्राहम जा ल्यैस, “जी नग चेन्तू दुनिया गै जम्मा जाति जा आशीर्वाद दायंग| यीशु हिदि अब्राहम गै बंश निस| परमेश्वर अब्राहम गै चेन्तू स जम्मा जाति जा आशीर्वाद दाद अनि, खस्युंग कि जइ यीशु जा विश्वास स्युंगन्न परमेश्वर उसी जम्मा मि मंग जा पाप स बचाग तास| हंग हिदि मंग यीशु जा विश्वास स्युंगन्न, ता परमेश्वर उसीजा अब्राहम गै बंश मानगतास|

![](https://cdn.door43.org/obs/jpg/360px/obs-en-48-08.jpg)

परमेश्वर सै अब्राहम जा ल्यैस कि उ आफिग कोनमचिम सिरी इसहाक, उग दंची बलिदान स्युंगनि| हंग हजू परमेश्वर सै इसहाक गै बदला कू बलि स्युंगम दंची तिग माला दास| इन जम्मा आफिग पापों गै दंची सिचिम गै लायक निन्नस! हंग परमेश्वर सै इंग बं कू सिचिम दंची यीशु जा बलिदान गै रूप कू दास| हिदि कारण स इन यीशु जा परमेश्वर ग माला ल्हेतने|

![](https://cdn.door43.org/obs/jpg/360px/obs-en-48-09.jpg)

हंग परमेश्वर सै मिस्र कू योंकती न्येला थिरस ता उस जम्मा तिग इस्राएली मौमाल जा ल्यैस कि उसी तिग माला ग बलि स्युंगनि| अति माला कू खमी दोष मुलेम चिन्नी| हंग परमेश्वर मोरोंग ग चलखै गै यरतों हंग खास्या कू उस उग सी तोम निस| हंग परमेश्वर सै अति सी तिन्स ता उ उसीग चिम खचि लरी कबढ़स हंग उसीग लच्यंग लरी ची सिरी मुसैनस| हंग हिना लिच्च ता परमेश्वर सै हिदि जा फसह गै त्यार ल्यैस|

![](https://cdn.door43.org/obs/jpg/360px/obs-en-48-10.jpg)

यीशु फसह गै त्यार गै तिग माला नारुक्त अनि| उस खज्या पाप मुस्युंगस, हिना दंची उसिजा खरी यद मुनिस| उ फसह गै त्यार गै ज्या मून्द कल्च| जइ खमी यीशु जा विश्वास स्युंगता, ता यीशु ग सी अति मि ग मोलु पूरो स्युंगताता| हिदि हिना अनि जसो कि परमेश्वर अति मि गै खास्या कू खचि लरी कबढ़स, खस्युंग कि उ उजा सजा मुदास|

![](https://cdn.door43.org/obs/jpg/360px/obs-en-48-11.jpg)

परमेश्वर सै इस्राएली मि मंग गै जरू तिग वाचा स्युंगस, खस्युंग कि उसी हिना मि निन्नस जइजा परमेश्वर सै आफिग ल्हैम दंची कचुन्द निस| हंग थन परमेश्वर सै तिग हिना वाचा स्युंगस जइ कि जम्मा दंची अनि| खमी री जाति ग खरी मि हिदि नुद वाचा जा हाँ ल्यैस, ता उ परमेश्वर गै मि मंग कू शामिल कल्लेन्नस| उ हिना हिदि दंची स्युंगता खस्युंग कि उ यीशु जा विश्वास स्युंगता|

![](https://cdn.door43.org/obs/jpg/360px/obs-en-48-12.jpg)

मूसा तिग हिना भविष्य बताद मि निस जइ सै परमेश्वर गै जा पूद सामर्थ्य गै जरू प्रचार स्युंगनिस| हंग यीशु जम्मा भविष्य बताद मंग जा खचि लच्यंग पूद अनि| उ परमेश्वर ल्है, हिना दंची जइ खरी उस स्युंगस हंग ल्यैस उ परमेश्वर गै लन हंग बचन निन्नस| हिना दंची पवित्र -शास्त्र यीशु जा परमेश्वर ग बचन ल्हेता|

![](https://cdn.door43.org/obs/jpg/360px/obs-en-48-13.jpg)

परमेश्वर सै राजा दाऊद जा वादा कस्युंगसिद निस कि राजा गै रूप कू उग तिग बंश परमेश्वर गै मि मंग जा ज्या ज्यारी दंची राज स्युंगयंग| यीशु परमेश्वर ग सिरी हंग मसीह अनि, हिना दंची उ राजा दाऊद ग बंश ल्है जइ ज्या ज्यारी दंची राज्य स्युंगतरयंग|

![](https://cdn.door43.org/obs/jpg/360px/obs-en-48-14.jpg)

दाऊद ता इस्राएल ग राजा निस, हंग यीशु पूरो दुनिया ग राजा ल्है! उ हजू रायंग हंग ज्या ज्यारी न्याय हंग शांति गै जरू आफिग राज्य कू राज स्युंगयंग|

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से तिग बाइबल ग कथा*

## 49. परमेश्वर ग नुद वाचा

https://openbiblestories.org/l/cdn/story-49/

![](https://cdn.door43.org/obs/jpg/360px/obs-en-49-01.jpg)

तिग स्वर्गदूत सै तिग ज्यूद मिंगसिरी मरियम जा ल्यैस कि उ परमेश्वर गै सिरी जा जन्म दायंग| उ इता कुँआरी निस, हंग पवित्र ल्हैमै उग न्योरो रास हंग उ गोमरंग कू लिच्च| उस तिग सिरी जा जन्म दास जइग मिन उस यीशु तास| हिना दंची, यीशु परमेश्वर हंग मि निमी अनि |

![](https://cdn.door43.org/obs/jpg/360px/obs-en-49-02.jpg)

यीशु सै मत्त स चमत्कार स्युंगस जइ दिखास कि उ परमेश्वर ल्है| उ ती कू गमचीस हंग नलन जा शांत स्युंगस| उस मत्त स कांगत मि मंग जा बुद स्युंगस हंग मत्त स मि मंग कू खचि यद ल्हेमे मंग जा खनस| उस पझयंगद मि मंग जा टांगद स्युंगस, हंग उस निई कुटु हंग निस्यी न्या जा नई हजार मि मग जा खिलाम दंची पूरो दुकलंग कू कबदलस|

![](https://cdn.door43.org/obs/jpg/360px/obs-en-49-03.jpg)

यीशु तिग लच्यंग पूद शिक्षक री निस| जइ खरी उस सिखास, उ उस सिद्धता गै जरू सिखास| जइ उ मि मंग जा स्युंगम दंची ल्हेता उ उसीजा स्युंगम चिन्नी खस्युंग कि उ परमेश्वर ग सिरी ल्है| रुक्त दंची, उस सिखास कि गनीजा गार मि मंग जा अति रीति स प्रेम स्युंगम ग जरूरत अनि जसो गनी अफीजा प्रेम स्युंगतनी|

![](https://cdn.door43.org/obs/jpg/360px/obs-en-49-04.jpg)

उस हिदि री सिखास कि गनीजा जम्मा बथो स अछो हंग आफिग सम्पति स री अछो परमेश्वर जा प्रेम स्युंगम चिन्नी|

![](https://cdn.door43.org/obs/jpg/360px/obs-en-49-05.jpg)

यीशु सै ल्यैस कि दुनिया कू खरी बथो तिम्म स अछो बुद निस परमेश्वर गै राज्य कू ल्हैम| उग राज्य कू गनिग राम दंची जरूरी अनि कि परमेश्वर गनीजा गनिग पाप स बचायंग| ताकि गनी उग राज्य कू दि तरने|

![](https://cdn.door43.org/obs/jpg/360px/obs-en-49-06.jpg)

यीशु सै ल्यैस कि खमी मि उजा आफिग स्युंगयंग| परमेश्वर उसी मि मंग जा बचायंग| परंतु दुसरो मि उजा आफिग मुस्युंगयंग| उस हिना री ल्यैस कि दूमा मि बुद बं नारुक्त अनि, खस्युंग कि उसी यीशु गै बारे कू बुद फिन जा हाँ लेन्नस, हंग परमेश्वर उसीजा बचाग तायंग| हंग खमी मि अम्म ग सारो बं नारुक्त अनि| परमेश्वर ग बचन पिजे नारुक्त अम्म कू टुभुरस, हंग अतकू खरी मुजूस| हिदि मंग यीशु गै बारे कू फिन जा हाँ मुलेन्नस| उसी उसीग राज्य कू राम दंची माद लेन्नस|

![](https://cdn.door43.org/obs/jpg/360px/obs-en-49-07.jpg)

यीशु सै सिखास कि परमेश्वर पापी मंग जा मत्त बुदतैद निस| उ उजा माफ स्युंग्म चींथ अनि हंग उसीजा आफिग संतान बनाम चींथ अनि|

![](https://cdn.door43.org/obs/jpg/360px/obs-en-49-08.jpg)

यीशु सै हिदि री बतास कि परमेश्वर पाप स बुदस यदतेम| खस्युंग कि आदम हंग हव्वा सै पाप स्युंगस, हिना दंची उसीग जम्मा वंश मंग सै री पाप स्युंगन्नस| हिदि दुनिया कू स्योंगसिद वाला हर तिग मि पाप स्युंगतान्न हंग परमेश्वर स वथे अने| हर तिग मि परमेश्वर ग बयरी अनि|

![](https://cdn.door43.org/obs/jpg/360px/obs-en-49-09.jpg)

हंग परमेश्वर सै हिदि दुनिया कू स्योंगसिम वाला हर तिग मि स हिना रीति स प्रेम स्युंगस: उस आफिग तिगलौता सिरी जा दास ताकि परमेश्वर उसीजा सजा मुदायंग जइ उजा विश्वास स्युंगता हिदि गै बदला उसी उग जरू ज्या ज्यारी दंची स्योंगसियंग|

![](https://cdn.door43.org/obs/jpg/360px/obs-en-49-10.jpg)

गनी सिचिम गै लायक अनि, खस्युंग कि गनिस पाप स्युंगयंग| गनी स परमेश्वर ग रुसू लेम साचोइ ल्है, हिदिग आशा, उ यीशु जा रुसू रास| उस यीशु जा क्रूस कू पच्यंगस हंग सजा दास|

![](https://cdn.door43.org/obs/jpg/360px/obs-en-49-11.jpg)

यीशु सै खज्या पाप मुस्युंगस, परंतु उस परमेश्वर जा उजा सजा दाम दास| उस सिचिम दंची हाँ ल्यैस| हिदि रीति स, गनिग पाप जा हंग हिदि दुनिया कू स्योंगसिद वाला हर तिग मि जा आंगसिग पिकोरम दंची उ तिग सिद्ध बलिदान निस| यीशु सै अफी जा परमेश्वर गै दंची बलिदान कस्युंगस, हिना दंची परमेश्वर खमी री पाप जा, हिदूँग वास कि मत्त जेरमना पाप जा री माफ स्युंगयंग जइ यीशु जा विश्वास स्युंगता|

![](https://cdn.door43.org/obs/jpg/360px/obs-en-49-12.jpg)

बुदस जइ गनी मत्त स बुद लन स्युंगनिस, ता हिदिग चैन्तु परमेश्वर गनीजा मुबचायंग| उग स्यासी ल्हैम दंची हिना खरी मुनि जइ गनी स्युंगतरनी| हिदिग आशा, गनीजा विश्वास स्युंग्म परयंग कि यीशु परमेश्वर ग सिरी अनि, उ गनिग बदला कू क्रूस कू पझयंगस, हंग हिना री कि परमेश्वर सै उजा हजू स टँगद कल्ले| जइ गनी हिदि जा विश्वास स्युंगनि, ता परमेश्वर गनिग पाप गै माफ स्युंगतियंग|

![](https://cdn.door43.org/obs/jpg/360px/obs-en-49-13.jpg)

परमेश्वर अति जम्मा तिग मि जा बचायंग जइ यीशु जा विश्वास स्युंगता हंग उजा आफिग प्रभु स्वीकार स्युंगता| हंग उ उसीजा मुबचायंग जइ उजा विश्वास मुस्युंगतियंग| हिदि खमी सुचा मुस्युंगता कि गनी सयांगमी ल्है या गरीब ल्है, यरासिरी ल्है या मिंगसिरी ल्है, स्यांगत ल्है या ज्यूद ल्है, या गनी उलो स्योंगसिनी| परमेश्वर गनी प्रेम स्युंगता हंग चींथ अनि कि गनी यीशु जा विश्वास स्युंगनि कि उ गनिग स्यासि बनयंग|

![](https://cdn.door43.org/obs/jpg/360px/obs-en-49-14.jpg)

यीशु गनीजा हुईग ताता कि उजा विश्वास स्युंगनि हंग पवित्र च्यागसिम कोरनी| खै गनी विश्वास स्युंगनि कि परमेश्वर ग तीगलौता सिरी, यीशु हि मसीह ल्है? खै गनी विश्वास स्युंगनि कि गनी तिग पापी ल्हिनी हंग हिदि कि गनी परमेश्वर चेन्तू गनीजा सजा दाम गै लायक अनि? खै गनी विश्वास स्युंगतनी कि गनिग पाप जा मिटाम दंची यीशु क्रूस कू सिचिस?

![](https://cdn.door43.org/obs/jpg/360px/obs-en-49-15.jpg)

हंग गनी यीशु जा हंग जइ उस गनिग दंची स्युंगस उजा विश्वास स्युंगतन, ता गनी तिग मसीही ल्हिनी! सीना आफिग वमबंग गै राज्य कू थन गनीजा राज मुस्युंगयंग| थन परमेश्वर आफिग छंत गै राज्य कू गनी जा राज स्युंगयंग| उस गनीजा पाप स्युंगम स करुकातीस, जइजा गनी स्युंगतानी| उस गनीजा तिग नुद, बुद जीवन दास|

![](https://cdn.door43.org/obs/jpg/360px/obs-en-49-16.jpg)

हंग गनी तिग मसीही ल्हिनि ता जइ यीशु सै स्युंगस उग कारण परमेश्वर सै गनिग पाप जा माफ कस्युंगतिस| थन, परमेश्वर तिग बयरी ग आशा गनीजा तिग बुद स्यासी मानगतास|

![](https://cdn.door43.org/obs/jpg/360px/obs-en-49-17.jpg)

हंग गनी परमेश्वर गै स्यासि ल्हिनि हंग प्रभु यीशु गै सेवक अनि गनी अति कथा गै स्यरचिद स्युंग्म ग मन स्युंग्म परयंग जइ यीशु गनीजा सिखान्नस| बुदइ तिग मसीही ल्हिनि,सीना इता री पाप स्युंग्म दंची गनिग छक्का खइयंग| हंग परमेश्वर ज्या ज्यारी अति स्युंगता जइ उ ल्हैता कि उ स्युंगयंग| उ हंग गनी आफिग पाप जा मानेनी, ता उ गनीजा माफ स्युंगयंग| उ गनीजा पाप गै विरुद्ध घिसिम गै सामर्थ्य दायंग|

![](https://cdn.door43.org/obs/jpg/360px/obs-en-49-18.jpg)

परमेश्वर गनीजा प्रार्थना स्युंग्म हंग उग बचन लबसीम गै दंची लैगताता| उ गनीजा गार विश्वासी मंग गै जरू छिग उग भक्ति स्युंग्म दंची री लेगतास| गनीजा गार मि मंग जा री बताम परयंग कि उस गनिग दंची खै स्युंगस| हंग गनी हिदि जम्मा लन स्युंग्म च्यंग, ता गनी उसीग तिग साचो स्यासी बनयंगनी|

*रोमियों  3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से तिग बाइबल ग कथा*

## 50. यीशु थोकसिग राग अनि

https://openbiblestories.org/l/cdn/story-50/

![](https://cdn.door43.org/obs/jpg/360px/obs-en-50-01.jpg)

लगभग निस्यी हजार यन स, दुनिया कू जम्मा बं कू मत्त स मत्त मंग मसीह यीशु गै बारे कू बुद फिन्न जा यंग तान्नस| कलीसिया उन्नति स्युंगतान्नस| यीशु सै वादा स्युंगस कि उ दुनिया गै अंत कू थोकसिग रायंग| हिना ल्हेग री उ इता थोकसिग मुराद अनि, हंग री उ आफिग वादे जा पूरो स्युंगयंग|

![](https://cdn.door43.org/obs/jpg/360px/obs-en-50-02.jpg)

हिना अनि कि इंग यीशु गै थोकसिग रामग रिहनचिम स्युंगतातने, परमेश्वर इंग जा हिदि रीति स जीवन टांगम दंची इच्छा स्युंगता जइ पवित्र अनि हंग जइ उग इज्जत स्युंगता, हंग यीशु थंगजा कू स्योंगसी निस, हंग उस ल्यैस, “जीग चेले दुनिया कू जम्मा बं कू ची मि मंग जा परमेश्वर गै राज्य गै बारे कू बुद फिन प्रचार स्युंगयंग, हंग अंत रायंग|”

![](https://cdn.door43.org/obs/jpg/360px/obs-en-50-03.jpg)

मत्तइ जाति मंग सै इता वास यीशु गै बारे कू मुयंग निस| स्वर्ग कू थोकसिग दिम ग लरी, यीशु सै मसीहियों मंग स उसी मि मंग जा बुद फिन सुनाम दंची ल्यैस जइ मि स हिदि खज्या मुयन्स| उस ल्यैस, “ दिनी हंग जम्मा जाति चि मि मंग जा चेला बनाम!“ हंग “जैम्म दंची खेती छत्त क्लच!”

![](https://cdn.door43.org/obs/jpg/360px/obs-en-50-04.jpg)

यीशु सै हिदि री ल्यैस, “खमी मि ग ढंगमी आफिग रीथि च्यंग री पुद मुल्हैतरनी| हिदि दुनिया गै लच्यंग बुद मि मंग सै जीजा रुसू स्युंगस, हंग जिग कारण उसी गनीजा री सतायंगन्न हंग पच्यंगन्न| हिदि दुनिया कू गनी कांगत ल्यंगनी, हंग सारो ल्हीनी, खस्युंग कि जिस सीना जा कहरातीस जइ हिदि दुनिया कू राज स्युंगयंग हंग गनी अंत वास जीग विश्वासयोग्य बनेग निसिम, ता परमेश्वर गनीजा बचायंग!”

![](https://cdn.door43.org/obs/jpg/360px/obs-en-50-05.jpg)

यीशु सै आफिग चेलों मंग जा हिदि संझाम दंची तिग कथा सुनास हंग दुनिया ग अंत ल्हैयंग ता मि मंग गै जरू खै ल्हैयंग, “खमी मि सै आफिग री कू बुद पिजे यिब्स| हंग उ लयकत निस ता उग बयरी रास हंग रजे गै पिजे गै गुन्दा कू सीर खचि पिजे रयग कयिबतिस, हंग हजू उ पिदिस|”

![](https://cdn.door43.org/obs/jpg/360px/obs-en-50-06.jpg)

“हंग अति पिजे कजूस हंग ढंगमी मंग सै अति मि जा ल्यैस, ‘हे रीथि, गस ता आफिग री कू बुद पिजे यिब्स, हजू हिदूंग सीर ची पिजे खोंग जूस? ‘अति मि सै जबाब दास, ‘तिगई जीग बयरी उसीजा यिब्म चिंथ निस| हिदि जिग खमी बयरी अनि जइ मि स हिना स्युंगस|”’

![](https://cdn.door43.org/obs/jpg/360px/obs-en-50-07.jpg)

उसी ढ़ंगमी मंग सै आफिग रीथि जा जबाब दास, ‘खै इंग्स सीर ची बोटू जा ठूग चांगतीम?’ अति रीथि सै ल्यैस, “माद| खस्युंग कि गनी हिना स्युंगनी ता गनी दूमा रजे री ठूंगतीयंग| चेतिम ज्या वास रिहनचिनी| हंग सीर ची बोटू जा किलग लाग फर स्युंगतानी खस्युंग कि गनी उसीजा मैं चितनी हंग रजे जिग बूंग कू रयग रा|’”

![](https://cdn.door43.org/obs/jpg/360px/obs-en-50-08.jpg)

चेलों मंग सै हिदि कथा गै अर्थ मुसमझैस,हिना दंची उसिस यीशु स उसीजा संझाम दंची होस्यी स्युंगस| हंग,यीशु सै ल्यैस, “बुद पिजे यिब्द वाला मि मसीह अनि| री दुनिया अनि| बुद पिजे परमेश्वर गै राज्य गै मि मंग अनि |

![](https://cdn.door43.org/obs/jpg/360px/obs-en-50-09.jpg)

“सीर ची बोटू अति यद मि, सीना गै मि मंग अनि, जइ सै सीर ची बोटू जा कयब्तीस| अति मि ग बयरी सीना अनि, चेतिम हिदि दुनिया गै अंत अनि|, हंग चेतिम स्युंगम वाला परमेश्वर गै स्वर्गदूतों अनि|”

![](https://cdn.door43.org/obs/jpg/360px/obs-en-50-10.jpg)

“हंग दुनिया ग अंत ल्हैयंग हंग स्वर्गदूत उसी जम्मा मि मंग जा तिग जरू तीक्क स्युंगयंग जइ सीना ग अनि| उसी स्वर्गदूत उसीजा तिग मत्तइ लूंद मी कू चांगतीयंग| अतकू उसी मंग मत्त जेरमना दु:खु कू तीयंगन्न हंग आफिग सू घीयंग| हंग जइ मंग धर्मी अनि, जइ मि मंग सै यीशु ग स्यरचिद स्युंगस, उसी उसिग परमेश्वर बा गै राज्य कू नी नारुक्त चमकयंग|”

![](https://cdn.door43.org/obs/jpg/360px/obs-en-50-11.jpg)

यीशु सै हिदि री ल्यैस कि उ दुनिया ग अंत ल्हैम स लरी थंगजा कू रायंग| उ हिना तरीका स थोकसिग रायंग जसो उ दिस| अर्थ, उग न्योरो उग गोमरंग नियंग, हंग उ तिम्भू कू कसा कू स्योंगसिग रायंग| हंग यीशु थोकसिग रायंग हंग, हर तिग मसीही जइ पझयंगद नीस| पझयंगद खचि टांगद ल्हैयंग हंग उजा तिम्भू कू छियंग|

![](https://cdn.door43.org/obs/jpg/360px/obs-en-50-12.jpg)

हंग जइ मसीही इता री टांगद अनि उसी तिम्भू कू आंग कोरग दियंग हंग उसी गार मसीही मंग गै जरू नियंगन्न जइ सिचिम कू खचि टांगद कल्च| उसी जम्मा अतकू यीशु गै जरू नियंगन्न| उग निमफन, यीशु आफिग मि मंग गै जरू नियंगन्न| हंग उसी तिग जरू निसियंगन्न उसिग न्योरो राजयारी दंची पूरो शांति नियंग|

![](https://cdn.door43.org/obs/jpg/360px/obs-en-50-13.jpg)

यीशु सै उसीजा विश्वास स्युंगद वाला हर तिग मि जा तिग मुकुट दाम ग वादा स्युंगस| उसी राजयारी दंची परमेश्वर गै जरू हर तिग बथो जा राज स्युंगन्न| उग न्योरो सिद्ध शांति ल्हैयंग|

![](https://cdn.door43.org/obs/jpg/360px/obs-en-50-14.jpg)

हंग परमेश्वर उसी जम्मा ग न्याय स्युंगयंग जइ यीशु जा विश्वास मुस्युंगयंग| उ उसीजा नरक कू चांगतीयंग| अतकू उसी तीयंगन्न हंग आफिग सु घियंग, हंग उसी ज्या ज्यारी कांगत नियंगन्न| खज्या मुपुझूद वाला मी उसीजा लगाची कचिसीदीनियंग, हंग नबू उसीजा जाम स खज्या बंद मुलयंग|

![](https://cdn.door43.org/obs/jpg/360px/obs-en-50-15.jpg)

हंग यीशु थोकसिग रायंग, हंग उ पूरो रीति स सीना जा हंग उसिग राजू जा नाश स्युंगतियंग| उ सीना जा नरक कू चांगतियंग| अतकू सीना ज्या ज्यारी दंची चिसीगनियंग, उसी जम्मा गै जरू जइ मि सै परमेश्वर ग कथा जा मानम गै बदला सीना गै निमफन दिमग चुनाव स्युंग निस|

![](https://cdn.door43.org/obs/jpg/360px/obs-en-50-16.jpg)

खस्युंग कि आदम हंग हव्वा सै परमेश्वर ग आज्ञा मुमानस हंग पाप जा हिदि दुनीया कू रयग रास, परमेश्वर सै उजा श्राप दास हंग उजा नाश स्युंगम ग फैसला स्युंगस, हंग खज्या निछ परमेश्वर तिग नुद स्वर्ग हंग तिग नुद थंगजा ग रचना स्युंगयंग जइ सिद्ध ल्हैयंग|

![](https://cdn.door43.org/obs/jpg/360px/obs-en-50-17.jpg)

यीशु हंग उसिग मि मंग अति नुद थंगजा कू स्योंगसियंग हंग उ राज्यारी दंची जम्मा बथों जा राज स्युंगयंग| उ मि मंग ग मैं स हर तिग मित्ती जा साफ स्युंगतियंग| थन खमी री कांगत री दुखु री मुलयंग| उसी मुतीयंगन्न|उसी मुकांगयंगन्न, हंग मुसिचियंगन्न, हंग अतकू खरी यद मुलयंग| यीशु आफिग राजू कू न्याय गै जरू, हंग शांति गै जरू राज स्युंगयंग| उ ज्या ज्यारी दंची आफिग मि मंग गै जरू स्योंगसियंग|

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 से तिग बाइबल गै कथा*