# unfoldingWord Open Bible Stories — Dogri (individual language) (Dogri)

- Language code: `dgo`
- Canonical page: https://openbiblestories.org/l/dgo/
- Stories in this file: 50 of 50
- Published by: translationCore-Create-BCS, OBS-TLF
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Dogri (individual language) translation; it is not a translation of the whole Bible.

## 1. सृष्टि

https://openbiblestories.org/l/dgo/story-1/

![](https://cdn.door43.org/obs/jpg/360px/obs-en-01-01.jpg)

एस लेई शुरू च परमेश्वर नै सारीं चीजे दी सृष्टि किती। ओसने छ: दिने च संसार दी और जे केश उदे विच ऐ उनै सारे दी सृष्टि किती। परमेसर थमां जमीन दी रचना दे बाद ओ नेरे च ते खाली ही, कीके अय्यैं तकर परमेश्वर नै ओदे बेच किसे बी चिजे गी नेई बनादा हा। लेकन परमेश्वर दा आत्मा पानी दे उपर फिरदा हा। पी परमेश्वर नै आख्या, ''लो उए!'' ते लो ओई। परमेश्वर नै दिखया की लो शैल ऐ ते उसी ''देन'' आख्या। ते ओसने उसी नेरा शा लग्ग किता जिसी ओसने '' रात'' आख्या।परमेश्वर नै सृष्टि बनानै थमा पैलें लो च दिने दी रचना किती सृष्टि बनानै दे दुए देन च परमेश्वर नै आख्या, ''पानी दे ऊपर एक अन्तर उए।'' ते अन्तर ओईया। परमेश्वर नै ओस अन्तर गी ''अंबर '' आख्या। त्रिये देन च परमेश्वर नै आख्या, ''पानी एक जगे च किठा ओईया ते सुकी तरती लबे।'' ओसने सुकी तरती गी ''जमीन'' आख्या ते पानी गी ''समुन्दर'' आख्या। परमेश्वर नै दिखया की जे केश ओसने बनाया हा ओ शैल हा। पी परमेश्वर नै आख्या, ''जमीन सारे चाली दे नीके ते बड्डे बूटे उगाए।'' ते इयां गे ओया। परमेश्वर नै दिखया की जे ओसने बनाया हा ओ शैल हा। सृष्टि बनानै दे चोथे देन च परमेश्वर नै आख्या, ''अंबर च ज्योतियाँ ओन।'' ते सूरज, चान ते तारे प्रकट ओए। पंजमे देन परमेश्वर नै आख्या, ''जिंदे प्राणी पानी गी परी देन ते आसमान च पक्षी उड़न''। एस चाली ओसने पानी च तैरनै आले सारे जन्तुए गी ते पखरूएं गी बनाया। परमेश्वर नै दिखया की ए शैल हा ते उनें गी सीस दिती। सृष्टि दे छेंवे देन च परमेश्वर नै आख्या, ''तरती उपर रोनै आले आर चाली दे जानवर ओन।'' ते परमेश्वर दे आखनै मताबक ओइया। केश पालतू हे, केश तरती उपर टेड दे बल चलना ले, ते केश जंगली जानवर हे। ते परमेश्वर नै दिखया की ए शैल हा। पी परमेश्वर नै आख्या, '' आओ आस मानुए गी अपनी शक्ल च ते अपने आले लेखे बनाचे। ओ तरती उपर ते सारे जान्वरे उपर राज करगन।'' ते पी परमेश्वर नै मिट्टी लेइये ओदे कन्नै मानुए गी बनाया ते ओदे च जीवन दे सा गी परी दीता। एस मानुए दा नां आदम हा। परमेश्वर नै आदम दे रोनै आस्ते एक बड्डा बगीचे गी बनाया ते ओदी राखी करनै आस्ते आदम गी उथे रखी दित्ता। ओस बगीचे बेच परमेश्वर नै दो ख़ास बूटे लाये -जीवन दा बूटा ते पले ते बुरे दे ज्ञान दा बूटा। परमेश्वर नै आदम गी आख्या की ओ ओस बगीचे च जीवन दे बूटे ते पले ते बुरे दे ज्ञान दे बूटे गी शुड़ीये बाकी आर एक बूटे दे फल गी खाई सकदा। अगर ओसने ओस बूटे दा फल खादा ते ओ मरीजाग। पी परमेश्वर नै आख्या, '' मड़दे आस्ते इकला रोना ठीक नेई ऐ।'' लेकन कोई वि जानवर ओदा साथी नेई ओई सकया एस चाली परमेश्वर नै आदम गी गैरी निंदर च पायी दित्ता। पी परमेश्वर नै आदम दी एक पसली लेईऐ ओदे विचा एक जनानी गी बनाया ते उसी आदम दे कोल लेई आया। जेस्ले आदम नै उसी दिखया ते ओसने आख्या,'' कम से कम ऐ ते मेरे आले लेखे ऐ! इसी 'जनानी' आखी जाग, की के ऐ मरदे विचा बनाई गेदी ऐ। '' एस कारण मर्द अपनै माँ ते प्यो गी शुड़ी दिंदा ऐ ते अपनी जनानी कन्नै एक ओई जंदा ऐ। परमेश्वर नै मर्द ते जनानी गी अपनी शक्ल च बनाया। ओसने उनै गी सीस दित्ती ते उनै गी आख्या, '' बड़े सारे बच्चे ते पोतरे ते पड्पोतरे जमो ते तरती गी परी दियो!'' ते परमेश्वर नै दिखया की जे केश ओसने बनादा हा ओ बड़ा गै शैल हा, ते ओ उन्दे सारे कोला बड़ा खोश हा। ए सारा केश सृष्टि बनानै दे छेमें दिन ओया हा। जिस्ले सतमा देन आया ते जे केश ओ करादा हा ओसने उसी सारे कम्मे गी मकाया। ओसने सतमें देन गी सीस दित्ती ते उसी पवित्र ठेराया, की के ओस देन ओसने साड़ी चीजे दी सृष्टि बनानै गी खत्म किता हा। एस चाली परमेश्वर नै संसार दी ते जे केश ओदे च ऐ उंदी सारे दी सृष्टि कित्ती। उत्पत्ति ध्याय 1-2 कोला बाईबल दी एक कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_01_96kbps.m4a

## 2. पाप संसार च ओंदा ऐ

https://openbiblestories.org/l/dgo/story-2/

![](https://cdn.door43.org/obs/jpg/360px/obs-en-02-01.jpg)

आदम ते ओदी करेआली परमेसर थमां उन्दे आस्ते बनाए गए ओस शैल बगीचे बेच रोंदे ओए बड़े खोश हे।उन्दे चा कोई भी कपड़े नी लांदा हा, पी बी एस गा्ल नै ओंदे चा कुसे गी बी शर्मिंदा नेई किता हा, किके संसार च पाप नेई हा। ओ रोज ओस बगीचे च सैर करदे हे ते परमेशर कन्नै गल करदे हे। ।लेकन ओस बगीचे च एक साप हा। ओ बड़ा चलाक हा। ओसने उसी जनानी गी पुछया, ''की सचें गें परमेश्वर नै तुसें गी एस बगीचे दे कुसे बी बूटे दे फल गी खानै आस्ते मना किता?'' ओस जनानिये जवाब दिता, ''परमेश्वर नै साड़े कनै आख्या की आस ओस पले ते बुरे दे ज्ञान दे बूटे दे बगैर कुसे बी बूटे दे फल गी खाई सकदे न। परमेश्वर नै साड़े कनै आख्या की अगर तुसै एस फल गी खादा जाँ उसी शुता बी, तां तुसे मरियाना। '' ओस साप नै जनानी गी जवाब दिता, ''ए साच नैईये! तोस नेई मरगे। परमेश्वर जान्दा ऐ की जिंया तोस ओस फल गी खागे, तोस परमेश्वर आले लेखे ओई जागे ते ओदे आले लेखे पले ते बुरे गी समजना लगगे।'' ओस जनानी नै दिखया की ओ फल मनै गी ललचानै आला हा ते स्वाद्ला लबा करदा हा। ओ बी अकलमंद बनना चान्दी ही, एस करी ओसनै फल गी तोड़ियै खाई लेता। पी ओसने अपनै करेआले गी जेका ओदे कन्नै हा ओ फल दित्ता ओसने भी खाई लेता। चानक गै, उंदी अखियाँ खुलियां, ते उनें गी पता चलेया की ओ नंगे हे। उनै पत्तरे गी सीये उन्दे कपड़े बनाईऐ उन्दे कन्नै अपनै तन्न गी खटनै दी कोशठ कित्ती। ओसले मर्दे ते ओदी करेआली नै ओस बगीचे च सैर करदे बेले परमेश्वर दी आवाज़ गी सुनेया। ओ दमै परमेश्वर कोला शापिये। ओस वेले परमेश्वर नै मर्दे गी आला दित्ता, ''तू कुथे ऐ?'' आदम नै जवाब दित्ता, ''मै तुसे गी बगीचे च सैर करदे सुनेया ते आऊ डरी दा हा, किके आऊ नंगा हा। एस करी आऊँ शपिया।'' पी परमेश्वर नै पूछ्या, ''तुकी कोसनै सनाया की तू नंगा ऐ? की तो ओ फल खादा जिसी खानै आस्ते मै तुसे गी मना किता हा?'' मर्दे जवाब दिता, ''तुसे मिगी जेकी ऐ जनानी दिती एसनै गैं मिगी फल दिता।'' ओसले परमेश्वर नै जनानी गी पूछ्या, ''तो ए के किता?'' ओ जनानी बोली, '' साप नै मिगी तोखा दिता।'' परमेश्वर नै साप गी आख्या, ''तू लानती ऐ! तू अपनै टेड दे पार लेट्गा ते मिटटी चट्गा। तू ते ऐ जनानी एक दुए कनै नफरत करगे, ते तेरे बच्चे ते ओदे बच्चे एक दुए कनै नफरत करगन। एस जनानी दा वंश तेरे सिरे गी मींदग, ते तू ओदी खुरिए गी पुड्गा।” ओसले परमेशवर नै जनानी गी ए आख्या, “ आऊँ तेरे बच्चे जम्दे बेले बड़ी पीड़ बधागा। तू अपनै करेआले कोला लालसा करगी, ते ओ तेरे उपर राज करगा।” परमेशवर नै मर्द गी आख्या, “ तो अपनी करेआली दी सुनी ऐ ते मेरे ऊक्म गी नेई मनया। एस करी तरती लानती ओई ऐ, ते तुगी नाज उगानै आस्ते बड़ी मेंनत करनै दी जरूरत ओगी। ऊनं तो मरी आना, ते तेरा शरीर मिट्टी च मिली जाग।” ओस मर्दे अपनी करेआली दा नां हवा रखेया, जेदा मतलब ऐ "जिन्दगी देने आली" किके ओ सारे जातीयें दी माता ओगी। ते परमेशवर नै आदम ते हवा गी जानवर दी खाल दे बने दे कपड़े लुआए। पी परमेशवर नै आख्या, “ ऊनं पले दे बुरे गी जानने कन्नै माणु साड़े आले लेखे ओई दा, एस करी ओनै ओस जीवन दे बूटे दे फल गी नेई खाने देना चाइदा की ओ मेशा आस्ते जिंदे रोण।” एस करी परमेशवर नै आदम ते हवा गी ओस बगीचे कोला बार कड़ेया। ते परमेशवर नै कुसे गी भी ओस जीवन दे बूटे दे फल गी खानै कोला रोकनै आस्ते ओस बगीचे दे दरवाजे दे अंदर जानै आस्ते शक्तिशाली स्वर्गदुते गी बठाई दिता। उत्पति ध्याय 3 कोला एक बाइबल दी कहानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_02_96kbps.m4a

## 3. आड़

https://openbiblestories.org/l/dgo/story-3/

![](https://cdn.door43.org/obs/jpg/360px/obs-en-03-01.jpg)

बड़े चीरे दे बाद, संसार च बड़े सारे लोग रोंदे हे। ओ बड़े गैं दोष्ट ते दंगा फसाद ओइदे हे। ए इना बुरा हा की परमेश्वर नै एक बडे आड़ कोला एस पूरे संसार गी नष्ट करनै दा फैसला लेता। लेकन परमेश्वर नूह कोला खोश हा। ओ दोष्ट मानुए बेच रोनै आला एक तरमी मानु हा। परमेश्वर नै नूह गी सनाया की ओ एक बडे आड़े गी अनने आला ऐ। एस चाली, ओनै नूह गी एक बडी किस्ती बनानै गी आख्या। परमेश्वर नै नूह गी लगपग 140 मीटर लमी, 23 मीटर चोड़ी ते 13.5 मीटर उच्ची किस्ती बनानै गी आख्या। नूह नै उसी लकड़ी कनै बनाना हा ते ओदे च तिन ताल, बड़े सारे कमरे, एक छात्त ते एक शजी बनानी ही। ओ किस्ती नूह, ओदे परिवार, ते तरती दे आर चाली दे जानवर गी ओस आड़ कोला बचाइऐ रखग। नूह नै परमेश्वर दी गल मनी। औसनै ते ओदे पुत्रैं उगै नेई किस्ती बनाई जियां परमेश्वर नै सनायी ही। किके ओ किस्ती बड़ी बडी ही। एस करी उसी बनानै च केई साल लगे। नूह नै लोकें गी औनै आले आड़ दे बारे च चेतावनी दिती ते उनें गी परमेश्वर दी बक्खी फिरनै आस्ते आख्या, लेकन उनै ओदे ऊपर विश्वास नेई किता। परमेश्वर नै नूह ते ओदे परिवार गी अपने आस्तै ते जानवर दे लेई अनाज कीठा करनै दा उकम दिता। जेस्ले सारा केश तयार हा ते परमेश्वर नै नूह गी आख्या ए समां, ओदी करेआली दे, ओदे त्रैं पुत्रें दे, ते उंदी करेआलियें दे - सारे मलाईयै आठ जने किश्ती च जानै हे। परमेश्वर नै आर एक जानवर ते पखरू दे नर ते मादा गी नूह कोल पेजेया किके ओ किश्ती च जाई सकन ते आड़ दे बेले ठीक ठाक रेई सकन। परमेश्वर नै आर एक किस्म दे जान्वरे दे सात नर ते सात मादाएँ गी पेजेया जिनें बलि चडानै दे लेई इस्तेमाल किता जा। जिस्ले सारे किश्ती च पुज्जे ते परमेश्वर नै किश्ती दे सारे दरवाजे बांद करी दित्ते। उसले बरखा ओना शुरू ओई, ते बरखा ओंदी गई ते ओंदी गई,। बगैर रुके चाली देन ते चाली रात बरखा ओंदी रेई। सारे संसार दी आर एक चीज, इथें तकर की उच्चे उच्चे पाड़ बी डूबी गए। सुकी तरती दे ऊपर रोनै आली अर एक चीज मरी, उनै लोकें ते जानबर गी शुड़ीऐ जेड़े किस्ती बीच हे। ओ किस्ती पानी ऊपर तरदी रेई ते किश्ती दे कोल अर एक चीज गी डूबनै कोला बचाईऐ रखेया। बरखा रुकनै कोला बाद, पांज मीनै तकर ओ किस्ती पानी ऊपर तैरदी रेई, ते ओस समें थमां पानी कटना लगी पेया हा। ओस्लै एक देन ओ किस्ती एक पाड़ दी ऊँचाई ऊपर टिकी, लेकन संसार आली तकर पानी कनै डको दा हा।तिन मिनै दे बाद, पाढ़े दी ऊंचाईयां लबियाँ पी चालियें दिने दे बाद, नूह नै एक क़ा गी ए दिखनै आसते बार पेजया की पानी सुकी दा हा। ओ क़ा सुकी तरती दी खोज च इथे उथे उडरदा रिया, लेकन उसी ऐसी कोई जगा नेई लबी। पी नूह नै एक कबूतरी गी बार पेजया। लेकन उसी बी कोई सुकी तरती नेई लबी, एस करी ओ नूह दे कोल बापस आई। एक अफते बाद ओसने ओस कबूतरी गी पी पेजया, ते ओ अपनी चुन्जे कनै जैतून दी एक टाली लेइयै बापस आई। पानी कटदा हा, ते निके बूटे पि जमन लगी दे हे। नूह एक अफता और बलग्या ते त्री बार ओस कबूतरी गी बार पेजया। एस बारी, उसी ठेरनै दी जगा थोई ते ओ बापस नेई आई। पानी सुका दा हा। दो मिनै दे बाद परमेश्वर नै नूह गी आख्या, ''उन तू ते तेरा परिवार ते सारे जानवर किस्ती कोला बार निकली आओ। बड़े सारे बच्चे ते पोतरे पड्पोतरे जमो ते तरती गी परुड़ो।'' ते नूह ते ओदा परिवार किस्ती बिचा बार निकली आए। नूह दे किस्ती चा बार ओनै दे बाद, एक बेदी बनाई ते बलि आस्ते कम्म च लानै आले आर चाल्ली दे जानवर गी लेइये बली चडाया। परमेश्वर ओस बलि कोला खोश ओया ते नूह ते ओदे परिवार गी सीस दिती। परमेश्वर नै आख्या, मैं बायदा करना की मानुए थमां ओनै आले बुरे कम्मे दे कारन आऊ तरती गी कदें लानत नेई देगा जां आड़े थमां संसार गी नष्ट नेई करगा, आलांकी मानु अपने बचपन दे समां कोला गैं पापी ऐ। पी परमेश्वर नै अपने बायदे दे चिन दे रूप च पैला इन्दर तनष बनाया। जेसले कदें बी अंबर च इन्दर तनष लबदा ऐ, ते परमेश्वर चेता करग की ओसने के बायदा किता हा ते उयां गैं ओदे मानु चेता करगन। उत्पति अध्याय 6-8 कोला एक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_03_96kbps.m4a

## 4. अब्राहम दे कनै परमेश्वर दा बायदा

https://openbiblestories.org/l/dgo/story-4/

![](https://cdn.door43.org/obs/jpg/360px/obs-en-04-01.jpg)

आड़ दे बड़े सालें बाद, संसार च बड़े सारे लोग रौंदे हे, ते ओनै पि दवारैं परमेश्वर दे ते एक दुए खलाफ पाप किता। किके ओ सारे एक गै पाशा बोला करदे हे, एस लेई ओ सारे किठे ओये ते संसार गी परी देने ते परमेश्वर दे बजाए एक नगर गी बनाया। ओ बड़े गैं कमंडी हे, ते उनैं कनेया जीवन जीना चायिदा एस बारे वेच परमेश्वर दे उकम गी नेई मन्ना चांदे हे। इथे तकर के उनैं सारैं एक ऐसी मीनार गी बनाना शुरू किता जेड़ी सोर्ग तकर पुजगी। परमेश्वर नै दिखया के ओ सारे मिलियै बुराई करदे रोगे, ते ओ बड़े सारे पापी कम्मे गी करी सकदे न। एस करी परमेश्वर नै उंदी पाषा गी बड़ी सारी लग्ग – लग्ग पाशें च बदली दिता ते उनें लोकें गी सारे संसार च फलाई दिता। जेस लाके गी उनैं बनाना शुरु किता हा ओ बाबेल आख्या गेया, जेदा मतलब ऐ ''गड़बड़ी''। केई सौ सालें दे बाद, परमेश्वर नै अब्राम नां दे एक मानु कनै गल्ल किती। परमेश्वर नै ओदे कनै आख्या, ''अपनै मुलख ते परिवार गी शुडिये ओस मुलख गी जा जेका आऊँ तुगि दस्गा। आऊँ तुगि सीस देगा ते तेरे कोला एक बडी जाति बनागा। आऊँ तेरा नां बडा करगा। जेका तुगी सीस देगा आऊँ उसी सीस देगा, ते जेका तुगी लानत देगा उसी लानत देगा।तेरे कारन संसार दे सारे बंश बरकत पागे। ते अब्राम नै परमेश्वर दी गल्ल मनी। ओसने अपनै सारें नोकरें ते अपनी सारी तन- दौलत कनै अपनी करेयाली सारै गी लेता ते ओस मुलख गी, कनान मुलख गी चलीया जेका परमेश्वर नै उसी दसया हा। जेस्लै अब्राम कनान पुज्या ते परमेश्वर नै ओदे कन्नै आख्या, '' अपनै चोनी पासै देख आऊ तुगी ए सारा मुलख देगा ते तेरे वंश मेषां दे लेई एदे उपर अख्त्यार रखगे। मलिकिसिदक ना दा एक मानु हा जेका सारे कोल बडा याजक हा। एक देन जेस्लै अब्राम योद् करने दे बाद अवा करदा हा ते ओ ते अब्राम मिले। मलिकिसिदक नै अब्राम गी सीस दित्ती ते आख्या ''सारे कोला बडा परमेश्वर जेका स्वर्ग ते तरती दा मालक ऐ ओ तुगि सीस दीयै।''पी अब्राम नै योद् च जित्ती दी सारी चीजें दा दशमांश मलिकिसिदक गी दित्ता। केई साल बीती गे, लेकन अयें तकर अब्राम ते सारे दा कोई जाकत नेई हा। परमेश्वर नै अब्राम कनै गल्ल किती ते पि बायदा किता कि ओदा एक जाकत ओगा ते जियां अंबर च तारे न उयां गैं औदे बड़े सारे बंश ओगे। अब्राम नै परमेश्वर दे बायदे उपर यकीन किता। परमेश्वर नै घोषणा किती की अब्राम एक तरमी मानु हा किके ओसने परमेश्वर दे बायदे उपर यकीन किता हा। ओस बेले परमेश्वर नै अब्राम कनै एक बायदा किता। सामान्य रूप कनै, एक बायदा दो टोलियाँ दे विच एक दुए आस्ते कम्मे गी करनै दा एक सुला ऐ। परमेश्वर नै अब्राम कनै ओस बेले बायदा किता हा जेस्लै अब्राम सवा दा हा,लेकन औ ओस बेले वी परमेश्वर गी सुनी सकदा हा। परमेश्वर नै आख्या, "मै तेरे जेंद कनै पैदा करियै तुगी तेरा अपना जाकत देगा। आऊं तेरे बंश गी ए कनान मुलख दिना।”लेकन अयें तकर अब्राम दा कोई जाकत नेई हा। उत्पति अध्याय 11-15 कोला एक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_04_96kbps.m4a

## 5. बायदा दा जाकत

https://openbiblestories.org/l/dgo/story-5/

![](https://cdn.door43.org/obs/jpg/360px/obs-en-05-01.jpg)

अब्राम ते सारै दे कनान पुजने दे दस् सालें दे बाद, अयें तकर ओंदी कोई वी लोआद नेई ही। एस करी, अब्राम दी करेयाली सारै नै ओदे कनै आख्या ''किके परमेश्वर नै अयें तकर मिगी लोआद जन्मानै दे काबिल नेई किता ऐ ते ऊंन आऊँ लोआद जन्मानै आस्ते बड़ी बुडी ऐ, देख, मेरी नोकरानी हाजिरा इथै गैं। ओदे कनै बी ब्या करुड़ की ओ मेरे आस्ते एक वी बच्चा पैदा करी सकै।'' ते अब्राम नै हाजिरा कनै ब्या करी लैता। हाजिरा दा एक जाकत ओया, ते अब्राम नै ओदा नां इश्माएल रखया। लेकन सारै हाजिरा कनै जलना लगी। जेस्लै इश्माएल तेरां सालें दा हा, परमेश्वर नै अब्राम कनै पि गल्ल किती। परमेश्वर नै आख्या, ''आऊँ सर्व- शक्तिमान परमेश्वर ऐ। आऊँ तेरे कनै एक बायदा करना''। ओसले अब्राम नै तरती उपर किरिये दंडवत किता। परमेश्वर नै अब्राम गी ए वी आख्या, तू बड़ी सारी कोमें दा पयो ओगा। आऊँ तुगी ते तेरे वंश गी उंदी अपनी जमीन ओनै आस्ते कनान मुलख देगा ते आऊँ मेषां आस्ते उंदा परमेश्वर ओगा। तुगी अपने करानै दे आर मर्दे दा खतना करना ऐ।'' ''तेरी करेआली सारै एक पुतर जमंगी- ओ बायदा दा पुतर ओग। ओदा नां इसहाक रखयां। आऊँ ओदे कनै अपनै बायदे गी बनाईयै रखगा। ते ओ एक बडी जाती बनीयागा। आऊँ इश्माएल गी बी एक बडी जाति बनागा, लेकन मेरा बायदा इसहाक कनै रोग।'' ओस बेले परमेश्वर नै अब्राम दा नां बदलीयै अब्राहम रखी दिता, जेदा मतलब ऐ बड़े सारे दा पिता''। परमेश्वर नै सारै दा नां बी बदलीयै सारा करी दिता, जेदा मतलब ऐ ''मूलमाता''। ओस देन अब्राहम नै अपनै करानै दे सारे मर्दे दा खतना किता। लाग्पग्ग एक साले दे बाद, जेस्लै अब्राहम 100 साल दी उम्र दा हा ते सारा 90 साले दी ही ओस्लै सारा नै अब्राहम दे पुतर गी जन्म दिता। जियां परमेश्वर नै ओनै गी आख्या हा ओनै ओदा नां इसहाक रखया। जेस्लै इसहाक जवान ओया ते परमेश्वर नै ए आखियै अब्राहम दे विशवास दी परख किती, ''अपनै इकलोते पुतर गी लै, ते उसी मेरे आस्ते बलि दे रूप च मारी दे'' पि दवारे अब्राहम नै परमेश्वर दी गल्ल मनी ते अपनै पुतर गी बलि करनै आस्ते तैयार किता। जेस्लै अब्राहम ते इसहाक बलि चड़ानै दी जगे दी ओर जान लगे ते इसहाक नै पूछ्या, '' की ऐ पिता साड़े कोल बलि आस्ते लकड़िया ते ऐन, लेकन बलि करनै आस्ते पिडू कुथै?'' अब्राहम नै जवाब दिता, ''ए मेरे पुतर, परमेश्वर बलि करनै आस्ते पिडूआ इंतजाम करग।'' जेस्लै ओ बलि चड़ानै आली जगे उपर पुजिये, ते अब्राहम नै इसहाक गी बनीयै बेदी उपर लेटाई दिता। ओ अपनै पुतर गी मारनै गैं आला हा की परमेश्वर नै आख्या, ''रुकिया! जक्ते गी नुक्सान नेई पुजा! ऊँन मिकी पता लगिया की तू मेरा डार मनना ऐ किके तो अपनै इकलोते पुतर गी बी मेरे कोला बचाईयै नेई रखया।'' कोल गैं अब्राहम नै एक पिडू दिखया जेका चलै बेच फंसा हा। इसहाक दे बदलै बलि करनै आस्ते परमेश्वर नै पिडुए दा इंतजाम किता हा। अब्राहम नै ख़ुशी- ख़ुशी पिडुए गी बलि चदाया। ओस बेले परमेश्वर नै अब्राहम गी आख्या, ''किके तू मेरे आस्ते सारा केश देनै गी तैयार हा, ईथे तकर की अपने इकलोते गी बी, एस करी आऊँ तुकी बरकत देनै दा बायदा करना। तेरे वंश अम्बर दे तारे कोला बी मते ओगे। किके तो मेरे उक्म मनया ऐ एस करी आऊँ तेरे परिवार थमां संसार दे सारे कुलें गी सीस देंग।'' उत्पति अध्याय16-22 कोला एक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_05_96kbps.m4a

## 6. परमेश्वर इसहाक आस्ते इंतजाम करदा ऐ

https://openbiblestories.org/l/dgo/story-6/

![](https://cdn.door43.org/obs/jpg/360px/obs-en-06-01.jpg)

जेस्लै अब्राहम बड़ा बुडा ओइदा हा ओस्ले ओदा पुतर, इसहाक, एक मर्दे दी उम्री दा ओइदा हा। एस करी अब्राहम नै अपनै एक सेवक गी अपनै पुतर इसहाक आस्ते ओस देस चा करेआली अनंनै आस्ते पेज्या जिथे ओदे रिशतेदार रौंदे हे। जिथे अब्राहम दे रिश्तेदार रौंदे हे ओस देस गी जानै दी एक बड़ी लमी यात्रा दे बाद परमेश्वर नै ओस सेवक दा आमना सामना रिबिका कनै कराया। ओ अब्राहम दे पराउ दी पोत्री ही। रिबिका अपनै परिवार गी शुड़ीयै ओस सेवक दे कनै बाप्स जानै दे लेइ मनी। जियां गैं ओ पुजे इसहाक ओदे कने ब्या करी लेता। एक लम्मे समें दे बाद, अब्राहम मरिया। ओस बेले परमेश्वर नै अब्राहम दे पुतर इसहाक गी, अब्राहम दे कनै किते गे बायदे दी बजै कनै सीस दिती। ओस बायदे च परमेश्वर दा एक बचन हा की अब्राहम दे अनगिनत वंश ओगे। लेकन इसहाक दी करेआली रिबका दी लोआद पैदा नेई ओई। इसहाक नै रिबका दे आस्ते प्रार्थना किती, ते परमेश्वर नै उसी जुड़वे बच्चे पैदा करनै दे काबल किता। जेस बेले ओ बच्चे रिबका दे टीडे च हे ओ अप्पु बिचै लड़ना लगे, एस करी जे केश उआदा हा रिबका नै ओ परमेश्वर गी सनाइ दिता। परमेश्वर नै रिबका गी आख्या, ''तू पुतर गी जन्म देगी। ओंदे वंश दो लग्ग -लग्ग जातियां बनग। ओनै एक दुए कनै लड़ना। लेकन बडे पुतर कोला पैदा ओनै आली जाति गी नीके पुतर कोला आनै आली जाति दा उक्म मनना ओगा।'' जेस्लै रिबका दे बच्चे दा जन्म ओया, ते बडा पुतर लाल ते ओदी जिन्दु गी बाल हे, ते ओनै ओदा नां एसाव रखया। ओस बेले निका पुतर एसाव दी खुरिये गी पकड़ियै जम्या, ते ओनै ओदा ना याकूब रखया। उत्पति अध्याय 24:1-25:26 कोला एक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_06_96kbps.m4a

## 7. परमेश्वर याकूब गी सीस दिंदा ऐ

https://openbiblestories.org/l/dgo/story-7/

![](https://cdn.door43.org/obs/jpg/360px/obs-en-07-01.jpg)

जेस्लै ओ बच्चे बडे ओए ते याकूब गी कार रौना शैल लगया, लेकन एसाव गी जानवरें दा शिकार करना पसंद आया। रिबका नै याकूब गी चाया, लेकन इसहाक नै एसाव गी चाया। एक देन, जेस्लै एसाव शिकार करियै बाप्स आया ते ओ बड़ा पुखा हा। एसाव नै याकूब गी आख्या, ''जेका तो पकादा ऐ ओदा बिचा थुड़ी रुट्टी मिकी बी दे।'' याकूब नै जवाब दिता, ''पैलै मेरे कनै बायदा कर की जेठा ओनै दे कारन आर एक चीज जेकी तुकी थोनी चाइदी, ओ सारा केश तू मिकी देगा।'' ते एसाव नै ओनै सारे चिजे गी याकूब गी देनै दा बायदा किता। ओसले याकूब नै उसी केश पोजन दिता। इसहाक एसाव गी सीस देना चांदा हा| लेकन एदै कोला पैले की ओसने ऐसा किता, रिबका ते याकूब नै याकूब दै एसाव ओनै दा नाटक करीयै ओदे कन्नै तोखा किता| इसहाक बुड्डा हा ते ओ दिखी नई सकदा हा| एसकरी याकूब नै एसाव दे कपड़े पाए ते बकरी दी खाल गी अपनै गले ते अत्थें ऊपर लपेटी दिता| याकूब इसहाक दे कोल आया ते आख्या, “आंऊँ एसाव ऐं| आंऊँ एस गल्ले आदा कि तू मिकी सीस दिएं|” जेसले इसहाक नै बकरी दै बालें गी महसूस किता ते कपड़े गी सूंघेया, ते ओसने सोच्या की ऐ एसाव ए ते उसी सीस दिती| एसाव नै याकूब कन्नै जलन किती किके याकूब नै ओदे पैले पुतर ओनै दे अक गी ते कन्नै ओदी सीसें गी बी लेई लेता हा| ते ओसने ओदे प्यो दे मरनै दे बाद याकूब गी मारनै दे बारे च सोची लेता| लेकन रिबका नै एसाव दी एस गल्ले गी सुनी लेता| एस करी ओसने ते इसहाक नै याकूब गी ओदे रिश्तेदारें दे कन्नै रौनै आस्ते बड़ी दूर पेजी दिता| याकूब केई सालें तकर रिबका दे रिश्तेदारें कन्नै रेया| ओस समै दे मताबक ओसने ब्याह किता ते ओदे कर बारा जगत ते एक्क कुड़ी ओई| परमेशवर नै उसी बड़ा मीर बनाऊड़ेया| बी सालें तकर कनान बेच अपनै कर कोला दूर रौनै दे बाद, याकूब अपनै परिवार, अपनै सेवकें ते अपनै जानवरे दे सारे चुंडे दे कन्नै बाप्स आया| याकूब एसकरी बड़ा डरी दा हा किके ओसने सोच्या कि एसाव अयां बी उसी मारना चांदा हा| एस करी ओसने तोफा बेच जनवरे दे चुंडे गी एसव दे कोल पेजेया| जेके सेवक उनै चुंडे गी लेईयै गेदे हे उनै आख्या, "तेरा दास याकूब, इनै जानवरें गी तुकी दिंदा ऐ| ओ तोले गे आवादा ऐ|” लेकन एसाव उन याकूब गी नुसकान पजाना नैई चांदा हा| एसदे बजाए, ओ उसी एक्क बार पी दिखिए खोश हा| ओदे बाद याकूब कनान देश बेच शांति कन्नै रेया| पी इसहाक मरी गेया ते याकूब ते एसाव नै उसी दबेया| करार दे बादे गी जेकियां परमेशवर नै अब्राहम कन्नै किती दीयां हिंया ओ ऊँन इसहाक कोला याकूब दे उपर आई दियां हियां| उत्पति अध्याय 25:27-35:29 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_07_96kbps.m4a

## 8. परमेशवर युसूफ ते ओदे परिवार गी बचादां ऐ

https://openbiblestories.org/l/dgo/story-8/

![](https://cdn.door43.org/obs/jpg/360px/obs-en-08-01.jpg)

केइयें दिने दे बाद, जेसले याकूब बुडा ओईदा हा, ते ओसने अपनै प्यारे पुतर युसूफ गी ओदे प्राऊँ दी जांच करनै आस्ते पेजया जेके जानवरें दे चुड़ें दी देखपाल करादे हे। युसूफ दे प्रा ओदे कन्नै जलदे हे किके ओंदा पयों ओदे कन्नै जादा प्यार करदा हा और एसकरी भी की युसूफ नै सुहना दिखा हा की ओ उंदा आकिम ओईना! जेसले युसूफ ओदें कोल आया ते उसी दासें दा व्यापर करनै आले गी बेचीं दिता। कार वापस ओनै कोला पैले युसूफ दे प्राऊँ नै युसूफ दे कपड़े गी फाटीयै बकरी दे खूनै च डोबी दिता। पी ओनै ओ कपड़े अपनै प्यो गी दसे की ओ ऐ सोचगा की कुसै जंगली जानवर नै युसूफ गी मारी दिता ऐ! याकूब बड़ा दुआस हा। दासें दा व्यापार करनै आले ओ लोक युसूफ गी मिस्त्र लेईये। नील नदी दे कंडे उपर बसा दा मिस्त्र एक बडा ते शक्तिशाली देश हा। उनै दासें दा ब्यापार करनै आले नै युसूफ गी एक तनी सरकार दे प्रधान गी नोकर दे रूप च बेचीं दिता। युसूफ नै अपनै स्वामी दी अशी तरहा कन्नै सेवा किती, ते परमेशवर नै युसूफ गी सीस दिती। ओदे स्वामी दी करेआली नै युसूफ दे कन्नै सोनै दी कोशिश किती, लेकन युसुस्फ़ नै एस रीती कन्नै परमेशवर दे खलाफ पाप लरनै कोला मना करी दिता। ओ रुऐ ओई ते युसूफ दे उपर चुट्ठा इलजाम लाई दिता, एसकरी उसी पकड़ीयै जेलखानै च पेजी दिता। इत्थें तकर गी जेलखानै बेच भी, युसूफ परमेशवर दै कन्नै सच्चा रेया, ते परमेशवर नै उसी सीस दिती। दो साले दे बाद, युसूफ अली तकर जेलखानै च हा, पवां ओ निर्दोष हा। एक राती, फिरौन, जियां की मिस्त्री लोक अपनै राजे गी सद्दे हे ओनै दो सुहनै दिखे जिनै उसी बड़ा बेचैन करी दिता। ओदा कोई भी सलाहकार उसी ओस सुहनै दा मतबल नै ई सनाई सकया। परमेशवर नै युसूफ गी सुहनै दा मतबल सनानै दा वरदान दिता हा, एसकरी फिरौन नै युसूफ गी जेलखानै बिचा अपनै कोल सदया। युसूफ नै उसी ओस सुहनै दा मतबल सनाया ते आख्या, “परमेशवर परपूरी फसले आला सतै साले दे बाद काल दे सात साल पेजनै आला ऐ।" फिरौन उपर युसूफ दा इना असर ओया को ओसने उसी मिस्त्र दा दुआ सारे कोला शक्तिशाली मर्द ठैराई दिता| युसूफ नै लोके गी शैल फसलें आले सात सालें दे थमां बडी मात्रा च पोजन गी जमा करनै आले आस्ते आख्या| जेसले सात सालें दा काल आया| ओस बेले युसूफ नै लोके गी ओ पोजन बेचया की ओनै गी खानै आस्ते थूऐ| ओ काल खाली मिस्त्र च गै नेई हा, लेकन कनान च भी खतरनाक हा जित्थें याकूब ते ओदा परिवार रोंदा हा| एसकरी याकूब नै अपनै सारे कोला बडे पुतरें गी पोजन खरीदनै आस्ते मिस्त्र गी पेजया| जेसले ओ पोजन खरीदनै आस्ते युसूफ दे सामनै खड़ोते ते ओदे प्राऊ नै युसूफ गी नेई पनछानया| लेकन युसूफ नै ओनै पनछानी लेता| एह पता करनै आस्ते की ओ बदली दे नई गे ऐन ओंदी जांच करनै दे बाद, युसूफ नै ओनै गी आख्या, आंऊँ थोड़ा परा युसूफ ऐ| डरो नेई! जेसले तुसैं मिकी दास दे रूप च बेचया हा ते तुसैंबुराई करनै दी ठानी ही, लेकन परमेशवर नै ओस बुराई गी पलाई आस्ते इस्तेमाल किता| आओ ते मिस्त्र च रवो की आंऊँ थोड़े ते थोड़े परिवार आस्ते पोजन दा इंतजाम करी सकां| जेस बेले युसूफ दे परा कर वापस आए ते अपनै प्यो गी सनाया की युसूफ अयां भी जिन्दा ऐ ते ओ बड़ा खोश ओया हा| आलांकी याकूब एक बुडा मानूं हा तां भी ओ अपनै पूरे परिवार दे कन्नै मिस्त्र गी गेया, ते ओ उत्थें बसी गे| याकूब दे मरनै कोला पेलें, ओसने अपनै आर एक पुतर गी सीस दिती| वाचे दे ओ बायदे जेके परमेशवर नै अब्राहम कन्नै किते हे ओ इसहाक पर ते ओदे बाद याकूब, ते ओदे बाद बारां पुतरें ते ओदे परिवार पर आई गेई ही| ओदे बारां पुतरां दे वंश इस्त्राएल दे बारां गोत्र बनी गे| उत्पति अध्याय 37-50 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_08_96kbps.m4a

## 9. परमेशवर मूसा गी बलांदा ऐ

https://openbiblestories.org/l/dgo/story-9/

![](https://cdn.door43.org/obs/jpg/360px/obs-en-09-01.jpg)

युसूफ दे मरनै दे बाद ओसदे सारे रिश्तेदार मिस्त्र मुलख बेच बसी गए| ओ ते उन्दे खानदान केई सालें तकर मिस्त्र च रे ते उनै मता टब्बर पैदा किता| ओ इस्त्राएली आखे गए| केई सौ सालें दे बाद, इस्त्राएली दी गेंनत्री बददी गेई ही| ते मिस्त्री मानूं उन एस गल्ल आस्ते एहसानमंद नेई हे की मदाद करनै आस्ते युसूफ नै मता केश किता हा| ओ इस्त्राएली थमां डरी गए किके ओ गेंनत्री च उन्दे थमां मता हे| एस आस्ते ओस बेले मिस्त्र मुलख पर राज करनै आले फिरौन नै इस्त्राएली गी मिस्त्रियाँ दा सेवक बनाई दिता| मिस्त्रियों नै इस्त्राएलियें गी मती सारी इमारते ते इत्थें तकर की केई शैरे गी बनानै आस्ते मजबूर किता| ओस मुश्कल मेनत नै उंदी जींदड़ी गी दुखी बनाई दिता, लेकन परमेशवर नै उनै गी सीस दिती, ते उन्दे और भी टब्बर पैदा ओया | फिरौन नै दिखया की इस्त्राएलीयें दा मता टब्बर पैदा ओआदा हा| एस आस्ते ओसने अपनै मानूंऐ गी इस्त्राएलियें दे सारे नर बच्चे गी नील दरया च सुट्टीऐ मारनै दा उक्म दिता| एक्क इस्त्राएली जनानी नै एक्क नर बच्चे गी जन्म दिता| ओसने ते ओदे करेआले नै जिन्ना उन्दे कोला ओई स्केया ओस बच्चे गी शपालीयै रखेया| जेसले ओस जगत दे मां प्यो और जादा उसी नेई शपाली सके, तां उनै उसी मारे जानै थमां बचानै आस्ते एक तेरनै आली डल च नील दरया दे कंडे उपर सरकंडे दे बेच रखी दिता| ओसदी बड्डी पैनै ए दिखनै आस्ते ओसदी देखपाल किती के ओदे कन्नै के ओग| फिरौन दी कुड़ीयै ओस डल गी दिखिए ओदे अंदर चांकेया| जेसले ओसने एक्क बच्चे गी दिखया ते ओसने उसी अपनै बच्चे दे रूप च लेई लेता| ओसने एक्क इस्त्राएली जनानी गी उसी दूध पिलानै आस्ते काम पर रखी लेता, ए जानै दे बगैर की ओ ओस बच्चे दी असली माँ ही| जेसले ओ बच्चा इन्ना बडा ओईया की उन उसी अपनी माँ दे दूध दी लोड़ नेई ही, ते ओसने उसी फिरौन दी कुड़ी दे कोल पेजी दिता, ओदा नां मूसा हा| एक्क देन, जेसले मूसा बुड्डा ओइदा हा, ते ओसने दिखया की एक्क मिस्त्री एक इस्त्राएली गी मारदा हा| मूसा नै अपनै साथी इस्त्राएली गी बचानै दी कोष्ठ किती| जेसले मूसा नै सोचेया की उसी कोई नी दिख्गा ते ओसने उसी मिस्त्री गी मारी दिता ते ओदी लाश गी दबूड़ेया| लेकन मूसा नै जे केश किता दा हा उसी कुसै दिखुड़ेया| फिरौन गी पता लगी गेया की मूसा नै के किता है ओसने उसी मारनै दी कोष्ठ किती, लेकन मूसा मिस्त्र च जंगल गी नसी गया| फिरौन दे सैनिक उसी उत्थें तुपी नेई सके| मिस्त्र च दूर जंगल बेच मूसा एक्क गवाल बनी गया हा| ओसने उत्थें एक्क जनानी कन्नै ब्याह करी लेता ते ओदे दो जागत ओए | मूसा अपनै सौरे दे पीडे दे चुंडे दी देखपाल करादा हा| एक्क देन ओसने एक्क जलदी चूड़ी गी दिख्या जेड़ी पस्म ऊए दे बगैरा जला दी ही | उसी दिखनै आस्ते ओ ओस चूड़ी दे काश गेया| जेसले ओ ओदे बड़े कश हा ते परमेशवर नै ओदे कन्नै गल्ल किती| ओसने आख्या, “ ए मूसा, अपनै जूते गी तुआरी दे| तू एक्क पवित्र जगा पर खड़ोता हे|” परमेशवर नै आख्या, मैं अपनै लोकें दे दुखें गी दिखया ए| आंऊँ तुकी फिरौन दे कोल पेजगा तां जे तू इस्त्राएलीयें गी मिस्त्र दी गुलामी कोला कढी ले आए | आंऊँ उन्नै गी कनान देश देगा, ओ देश जेदा मैं अब्राहम, इसहाक ते याकूब कन्नै बादा किता हा| मूसा नै पुछेया, “जेकर लोकें ये जानना चाया की मिकी कोस पेजेया ए तें आंऊं के अखां?” परमेशवर नै आख्या, जेड़ा आंऊँ ए उगे ऐ| उन्नै गी अखो, मैं गै तुकी तेरे कोल पेजेदा ए| उनैगी ये बी अखो, की आंऊँ थोड़े बजुर्गे अब्राहम, इसहाक ते याकूब दा परमेशवर ऐ| मेरा ये नां मेशा दा ऐ| मूसा डरदा हा ते फिरौन दे कोल जाना नेई चांदा हा किके ओसने सोच्या की ओ सही तरीके कन्नै नेई बोली सकग, एसकरी परमेशवर नै मूसा दे प्रा हारून, गी ओदी मदाद करनै आस्ते पेजेया| निर्गमन अध्याय 1-4 कोला एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_09_96kbps.m4a

## 10. दस्स बिपतियां

https://openbiblestories.org/l/dgo/story-10/

![](https://cdn.door43.org/obs/jpg/360px/obs-en-10-01.jpg)

परमेशवर नै मूसा ते हारून गी चेतावनी दिती की फिरोन टीठ ओईपना| जेस बेले ओ फिरोन दे कोल गे ते ओनै आख्या, “इस्राएल दा परमेशवर यहोवा ऐ आख्दा ऐ, 'मेरे लोके गी जाना दे|' ” लेकन फिरोन नै ओदी नेई सुनी ते इस्त्राएली गी जानै आस्ते अजाद करनै दे बजाए ओसने ओनै गी और कड़ी मेहनत करनै आस्ते मजबूर किता| फिरोन ओनै लोके गी जानै आस्ते लगातार मना करदा रेया, एसकरी परमेशवर नै मिस्त्र उपर दस्स खतरनाक बिपतियां पेजी| इनै बिपतियां थमां, परमेशवर नै फिरोन गी दसया की ओ फिरोन ते मिस्त्र दे देवता कोला ज्यादा शक्तिशाली ऐ| परमेशवर नै नील नदी गी खूनै बेच बदली दिता, लेकन फिरोन नै अयें भी इस्त्राएलीऐ गी जाना नेई दिता| परमेशवर नै पूरे मिस्त्र च मिनकियां पेजीयां| फिरोन नै मिनकियां दूर करनै आस्ते मूसा दे कन्नै विनती किती, लेकन सारी मिनकियां मरी जानै बाद, फिरोन नै अपनै मनै गी कठोर करी लेता ते इस्त्रालीऐ गी मिस्त्र चा नेई जाना दिता| एसकरी परमेशवर नै कूटकियों दी बिपति पेजी| ओदे बाद ओसने डांसें दी बिपति पेजी| फिरोन नै मूसा ते हारून गी सदया ते ओदे कन्नै आख्या की अगर ओ ओस बिपति गी रोकी सकदे ते इस्त्राएली मिस्त्र गी छुड़ीयै जाई सकदे न| जेस बेले मूसा नै प्रार्थना किती ते परमेशवर मिस्त्र उपर गी दूर करी दिता, लेकन फिरोन नै अपनै मनै गी कठोर करी लेता ते ओनै लोके गी आजाद ओईयै जाना नेई दिता| एदैं अग्गैं, परमेशवर नै मिस्त्रीयें दे सारे पालतू जानवरें गी बमार ओईयै मरी जाना दिता| लेकन फिरोन दा मन कठोर ओइदा हा ते ओसने इस्त्राएलिये गी जाना नेई दिता| ओस बेले परमेशवर नै मूसा कन्नै फिरोन दे सामनै अवा च सुआ सुटनै आस्ते आख्या| जेस बेले ओसने ऐसा किता ते मिस्त्र दे लोके दी जिन्दू उपर बड़ी पीड़ देनै आले फोड़े निकलीये, लेकन इस्त्राएली केश नई ओया| परमेशवर नै फिरोन दे मनै गी कठोर करी दिता, ते फिरोन नै इस्त्रालिए गी अजाद ओईयै जाना नेई दिता| एदे बाद, परमेशवर नै ऐन सुटी ते मिस्त्र दी सारी फसले गी नस करी दिता ते जेका भी बारे निकलया उसी मारी दिता| फिरोन नै मूसा ते हारून गी सदया ते ओनै गी आख्या, “मैं पाप किता ऐ| तोस लोक जाई सकदे न|” ते मूसा नै प्रार्थना किती, ते अम्बरा दा ऐन किरना बंद ओई| लेकन फिरोन नै पी पाप किता ते अपनै मनै गी कठोर करी लैता| ओसने इस्त्रालिए गी अजाद ओइयै जाना नेई दिता| ते पी परमेशवर नै मिस्त्र उपर त्रिडीयें दी टोली गी आना दिता| इनै त्रिडीयें उनै सारी फसले गी खाई लैता जिनै गी नै नस नै ई किता हा| पी परमेशवर नै नेरा करी दिता जेका त्रै देन ऊऐ नेरा रेया| ए इना खरतनाक हा की मिस्त्री लोक अपनै करां चा बार नेई निकली सके| लेकन जित्थें इस्त्राएली लोक रौंदे हे उत्थें लौ ही| इनै नौ बिपतियां दे बाद वी, फिरोन नै इस्राएलियें गी आजाद ओइयै जानै कोला मना कित्ता| किके फिरौन नै नेई सुना हा एसकरी परमेशवर नै ऍन्त च एक्क बिपति पेजनै दी तरकीब बनाई| ए फिरौन दे मनै गी बदली देग| निर्गमन अध्याय 5-10 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_10_96kbps.m4a

## 11. फसह

https://openbiblestories.org/l/dgo/story-11/

![](https://cdn.door43.org/obs/jpg/360px/obs-en-11-01.jpg)

परमेशवर नै मूसा ते हारून गी फिरौन दे कोल ए अखनै आस्ते पेजया की इसत्रालिएं गी जाना दे| ओनै उसी चेतावनी दिती की अगर ओ ओनै गी जाना नेई देगा, ते परमेशवर मिस्त्र दे लोकें दे ते जानवरें दे सारे बडे-बडे गी मारूड़ग| फिरौन नै ए सुनियै बी परमेशवर उपर विश्वाश करनै कोला ते ओदी गल्ल मन्नै कोला मना किता| परमेशवर नै ओदे उपर विश्वाश करनै आले कुसै दे बी जेठे पुतर गी बचानै आस्ते एक हलकिता| आर परिवार गी एक शोध पिडू लेईयै ओदा कत्ल करना हा| परमेशवर नै इस्त्रालिए कोला ओस पिडूए खूनै गी लेईये अपनै करे ऐ दराजे उपर लानै गी आख्या| ओनै ओदे मांस गी पुनना हा ते पी ओनै गी अखमीरी रुटी दे कन्नै उसी चाटभाट खानी ही| ओसने ओस पोजन दे खानै दे बाद ओनै गी फटाफट मिस्त्र गी शुड़नै आस्ते त्यार रोनै आस्ते आख्या| जे भी करनै आस्ते परमेशवर नै इस्त्रालिए उक्म दिता हा ओनै ओ सब केश किता| आधी राती च परमेशवर आर एक जेठे पुतर गी मारदे मिस्त्र दे बिचे गेया| इस्त्रालिए दे आर एक कर दे दरवाजे उपर खून लगा हा, एसकरी परमेशवर नै ओनै गी छुड़ी दिता| ओदे कोल जेके भी लोग हे ओ सारे बचीदे हे| ओ पिडूऐ खूनै दे करन बचिदे हे| लेकन मिस्त्रीयै परमेशवर उपर विश्वाश नेई किता हा ते ओदे उक्में गी नेईं मनया हा| एसकरी परमेशवर नै उन्दे करे गी नेईं छुड़या| परमेशवर नै मिस्त्रीयै दे आर एक जेठे पूतरें गी मारी दिता| जेलखानै दे कैदीयें दे जेठे कोला लेईये, फिरौन दे जेठे तकर, आर एक जेठा मर्द मरीया| अपनी गैरी पीड़ा दे कारन मिस्त्र दे बड़े सारे लोक रुआदे हे ते कल्पा दे हे| उसै राती फिरौन नै मूसा ते हारून गी सदया ते आख्या, “इस्त्रालिए गी लेईये चाटबाट मिस्त्र चा निकली जाओ|” मिस्त्र दे लोके भी इस्त्रालिए गी चाटबाट निकली जानै गी आख्या| निर्गमन अध्याय 11:1-12:32 कोला एक बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_11_96kbps.m4a

## 12. निर्गमन

https://openbiblestories.org/l/dgo/story-12/

![](https://cdn.door43.org/obs/jpg/360px/obs-en-12-01.jpg)

इस्त्राएली लोक मिस्र बिचा निकलीये बड़े खोश हे| उण ओ नोकर नेई हे, ते ओ बायदे दे देश गी जादे हे| जे केश इस्त्राएलिये मंग्या, मिस्त्रीये उनै ओ सारा केश दिता, इत्थे तकर की सुना ते चांदी ते कीमती चीजा दितियां| दुए देशे दे केश लोके परमेशवर विशवाश किता ते जेसले इस्त्राएली लोक मिस्त्र चा निकले ते ओ भी उन्दे कन्नै ओईये| दिने बदलें दा एक बडा खम्बा ओदे अगे-अगे चलया| ते राती दे बेले ए आग दा खम्बा बनीया परमेशवर ओस बदलें खम्बे च ते अगी ते दे खम्बे च हा, मेशा उन्दे कन्नै हा ते ओसने यात्रा करदे बेले उनै गी आर एक गल्ल सनादा गेया| उनै गी खाली इना करना हा की ओदे पीछे चलना हा| थूड़े चीरैं बाद, फिरौन ते ओदे लोकें अपनै मनै गी बदली दिता | ओ इस्त्राएलीयें गी पी दवारै अपना नोकर बनाना चांदे हे| एसकरी ओनै इस्त्राएलीयें दे पीछे गे ए परमेशवर गै हा जेसनै उन्नै मनै गी बदली दिता हा| ओसने ऐसा एसकरी किता किके ओ चांदा हा की आर कोई ए जानी लै कि फिरौन कोला ते मिस्त्रीयें दे सारे देवता कोला ओ, यहोवा, जादै शक्तिशाली ऐ| जेसले इस्त्राएलीयें मिस्त्र दी सेना गी ओदा दिख्या ते ओनै गी पता चलया की ओ फिरौन दी सेना ते लाल समुंद्र दे बेच फंसी दे| ओ बड़े डरीये ते रोनै लगे, “उसै मिस्त्र गी की छुड़या? आस मरनै आले न! मूसा नै इस्त्रालीए गी आख्या, “डरना बंद करो| परमेशवर आज थोड़े आस्ते लड़गा ते तुसे गी बचाग|” ओस बेले परमेशवर नै मूसा गी आख्या, “इनै लोके गी लाल समुंद्र कोल जानै गी आख|” ओस बेले परमेशवर नै ओस बदले दे खम्बे गी लेईये इस्त्रालीए ते मिस्त्रीयें दे बेच रखी दिता कि मिस्त्री लोक इस्त्रालीए गी दिखी नी सकन| परमेशवर नै मूसा गी उपर अपना आथ बधानै गी आख्या| पी परमेशवर नै अवा कोला समुंद्र दे पानी गी खबै ते सजे बखीये करी दिता, जेड़े कन्नै समुंद्र च ओईये एक रस्ता बनी गेया| इस्त्राएली लोक अपनै दोनों बखीये पीनी दी कंधे कन्नै सुकी तरती उपर समुंद्र च ओइये बदी चले| ओस बेले परमेशवर नै ओस रस्ते चा बदले दे खम्बे गी चुकी लेता की मिस्त्री लोक इस्त्राएलीयें गी बचीयें जदें दिखन| मिस्त्रीयें ओनै गी पकड़नै आस्ते उन्दे पीछे जानै दा फैसला लेता| ते ओनै समुंद्र दे साब च ओस रस्ते उपर इस्त्रालिए दे पीछे गे, लेकन परमेशवर नै मिस्त्रीयें गी कबराट दिती ते उन्दे रथे गी अटकाई दिता| ओ करलान लगे, “नस्सो! इस्त्रालिए दी तरफा परमेशवर लड़ादा!” सारे इस्त्राएली समुंद्र दे दुए पासे पुजीऐ| ओस बेले परमेशवर नै मूसा गी आख्या की ओ पी दबारे पानी उपर आथ बदा| जेसले मूसा नै इंया गै किता, ते पानी मिस्त्रीएं दी सेना उपर पेईया ते पैले आले लेखे ओईया| सारी मिस्त्री सेना डूबी| जेसले इस्त्राएलीये दिख्या की मिस्त्री मरी दे हे ते ओनै परमेशवर उपर विश्वाश किता| ओनै विश्वाश किता की मूसा परमेशवर दी तरफा पविख्व्कता हा| इस्त्राएली लोक एसकरी बी बड़े खोश हे किके परमेशवर नै ओनै गी मरनै कोला ते नोकर बननै कोला बचाई लेता हा| ऊँ ओ परमेशवर दी अराधना करनै ते ओदे उक्म दा पालन करनै आस्ते अजाद हे| इस्त्राएलिये अपनी अजादी दा जशन मनानै आस्ते ते परमेशवर दी तारीफ करनै आस्ते केई गीतें गी गाया किके ओसने उनै गी मिस्त्रीयें दी सेना कोला बचाया हा| परमेशवर नै इस्त्राएलीयें गी आर साल एक पर्व मनानै दा उक्म दिता| ए चेता करनै आस्ते की कियां परमेशवर नै मिस्त्रीयें गी राया ते ओनै गी नोकर बननै कोला अजाद किता| ऐ फसह दा पर्व आख्या गेया हा| एदे च ओनै गी एदा जशन मनानै आस्ते एक तंदरुस्त पिडू गी बली करना हा, उसी पुनना हा, ते उसी बगैर खमीर आली रुटी दे कन्नै खाना हा| निर्गमन अध्याय12:33-15:21 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_12_96kbps.m4a

## 13. इस्राएल दे कन्नै परमेश्वर दी वाचा

https://openbiblestories.org/l/dgo/story-13/

![](https://cdn.door43.org/obs/jpg/360px/obs-en-13-01.jpg)

इस्रालियें गी लाल समुंद्र कोला पार लेइये जानै दे बाद परमेश्वर उनै गी जंगल कोला ओइये सीनै अखनै आले पाड़ दे उपर लेइये चलया| ए उए पाड़ हा जिथे मूसा नै चूडियें गी जलदे दिखया हा| उनै लोके ओस पाडे थले अपनै तन्बुए गी खड़ेरया| परमेश्वर नै मूसा गी ते इस्राएल दे सारे लोके गी आख्या तुसें गी मेशा मेरी गल्ले गी मनना ते जे वाचा आऊँ थोड़े कन्नै बनना ऐ उसी बनाईये रखना ऐ| अगर तोस इयाँ गै करदे न ते तोस मेरा इनाम कीमती तान्न याजके दा राज्य ते एक पवित्र जाती ठैरगे| - परमेश्वर थमां उन्दे कोल आनै आस्ते लोके त्रे देन तकर अपनै आप गी तयार किता| ओस बेले परमेश्वर सीनै पाड़ दी ऊँचाई उपर उतरया| जेसले ओ आया ते पुंजाल ओया, मेल्कया, तूंआ निकलया, ते तुरहिया दा जोरदार शब्द ओया| ओसले मूसा अपु पाड़ उपर चड़ीया| ओस बेले परमेशवर नै लोके कन्नै एक्क वाचा बनी| ओसने आख्या, "आंऊँ परमेशवर, यहोवा ऐ| आंऊँ गै ऐ जेसनै तुसै मिस्त्र दे नोकर बनना कोला छड़ाया| कुसै भी देवता दी पूजा नेई करया|” मूर्तियाँ नेई बनाया ते ओदी पूजा नेई करया, किके आंऊँ यहोवा थोड़ा इकै परमेशवर ऐ| गलत तरहा कन्नै मेरे नां दा इस्तेमाल नेई करया| सब्त दे देन गी पवित्र मन्नै आस्ते चेता रखया| दुएँ शब्दे च, छे दिने च अपनै सारे काम्म करया, सतमां देन तेरे आस्ते अराम करनै ते मिकी चेता करनै दा देन ऐ|” "अपनी मां ते प्यो दा आदर करयां| अत्या नेई करया| चोरी नेई करया| अपनै मल्ले आले दी लाड़ी ओदे कार या ओदे कुसै भी समान गी लेनै दी इच्छा नेई करया |” ओस बेले परमेशवर नै ए दस्स उक्में गी पत्थरें दी दो पटीयें उपर लिखिये मूसा गी देई दिता| परमेशवर नै पालन करनै आस्ते लोकें गी और बड़ी सारी व्यवस्था दिती| अगर ओनै ए व्यवस्था दा पालन किता ते परमेशवर नै उनै लोकें गी सीस देनै ते उन्दी राखी करनै दा बायदा किता| लेकन ओसने आख्या की अगर उनै एदा पालन नेई किता ते ओ ओनै गी दांड देग| परमेशवर नै इस्त्रालीए गी एक बड़ा `तबूं बनानै आस्ते भी आख्या- मिलाप आला तबूं| ओसने ओनै गी ठीक-ठीक सनाया की एस तबूं गी कियां बनाना ऐ, ते ओदे कोल केड़ी चीजे गी रखना ऐ| ओसने ओनै गी ओस तम्बू गी दो कमरें च बडंनै आस्ते एक्क बडा पर्दा बनानै आस्ते भी आख्या| परमेशवर ओस पर्दे दे पिछले आले कमरे च ओग ते उत्थे रोगा| जित्थें परमेशवर हा ओस कमरे च जानै दी इजाजत खाली महायाजके ही| उनै लोके गी ओस मिलाप आले तबूं दे सामनै एक्क बेदी गी बनाना ओग| कोई बी जेका परमेशवर दी व्यवस्था गी नेई मनोग ओ ओस वेदी उपर एक्क जानवर गी लेईये अवै| ओस बेले याजक उसी बलि करोग ते वेदी उपर परमेशवर दे आस्ते बलि दे रूप च जलाग| परमेशवर नै आख्या की ओस जानवर दा खून ओस मानूं दे पापें गी खटी लेग| एस तरह कन्नै उन परमेशवर ओस पाप गी नेई दिखग| ओ मानूं परमेशवर दी नजरी च "शोद्ध " ठैरग | परमेशवर नै मूसा दे प्रा हारून गी ते हारून दे वंश गी अपनै याजक ओनै आस्ते चुनया| परमेशवर नै उनै लोकें गी जेके कनून दिते हे ओ ओदा पालन करनै आस्ते राजी ओए| ओ खाली परमेशवर दे लोक ओनै गी ते खाली ओदी पक्ति करनै आस्ते राजी ओए| केई देन तकर, मूसा सीनै पाड़ दी ऊँचाई उपर गै रेया| ओ परमेशवर कन्नै गल्ल करदा हा| लेकन लोक उसी बापस आनै आस्ते दिखी-दिखी उटीये | एसकरी ओ हारून दे कोल सुना लेईये आए ते उसी एक्क मूर्ति बनानै आस्ते आख्या की ओ परमेशवर दे बजाए ओदी पक्ति सकन| एस तरह कन्नै ओनै परमेशवर दे खलाफ ओनै बड़ा जादा पाप किता| हारून नै बशुए शकली च सुनै दी एक्क मूर्ति बनाई उनैं लोकें ओस मूर्ति दी पगती करना शुरू करी दिता| ते उसी बलि चढ़ाई, उन्दे पाप दी बजा कन्नै परमेशवर उन्दे थमां मता गुस्सा ओया हा, ओ उनै गी नाश करना चांदा हा| लेकन मूसा नै उनैं गी नेई मारनै दा परमेशवर अगें विनती किती| परमेशवर नै ओदी बिनती गी सुनया, ते उनैं नाश नेई किता| आखर बेले मूसा सिनै पाड़ थमां थलै उतरी आया ओ उनैं गै पत्थरें दी पटीयैं गी लेई लेते दे हा| जित्थें उपर परमेशवर नै दस्स उक्में गी लिखेया हा| पी ओसने ओस मूर्ति गी दिख्या ओ इना गुस्से च ओया की ओसने उनैं पटीयैं गी चकना चूर करी दिता| पी मूसा नै ओस ओस मूर्ति गी त्रोड़ीयै ओदा बूरा बनाई दिता ते ओस बूरे गी पानी च मलाईयैं उनैं लोकें गी ओ पानी पलाई दिता| परमेशवर नै उनैं लोकें उपर वेपता पेजी ते उन्दे बीचा मते लोक मरी गे| जिनै पटियें गी मूसा नै त्रोड़ी दिता हा उन्दा थार लेनै आस्ते मूसा नैं उनैं दस्स उक्में दे नमीं पटियें गी बनाया | ओस बेले ओ पी दवारैं पाड़ उपर चढ़ी गया ते प्रार्थना किती के परमेशवर उनैं लोकें गी माफ़ करै| परमेशवर नै मूसा दी सुनी ते उनैं माफ़ करी दिता| नमीं पटीयें उपर दस्स उक्में गी लेते दे मूसा पाड़ थमां थलै उतरी आया ओस बेले परमेशवर नै सिनै पाड़ लेईये बायदे दे मुलख तकर लेईये इस्त्राएलीयें दी अगुवाई किती| निर्गमन अध्याय 19-34 कोला एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_13_96kbps.m4a

## 14. जंगल च पड़कना

https://openbiblestories.org/l/dgo/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर नै इस्राएलिए गी ओ कनून सनाना खत्म किता जेदा ओनै गी बनी गेदी बाचा दे कारण पालन करना ऐ| पि ओनै सीनै पाड़ दे अग्गे उंदी अगुवाई किती| ओ ओनै गी बायदे दे देश च लेई जाना चान्दा हा| ऐ देश कनान बी आख्या जन्दा हा| परमेश्वर बदले दे खम्बे च उन्दे अग्गे-अग्गे चलेया, ते ओ ओदे पीशै-पिशै चले! परमेश्वर नै अब्राहम, इसहाक ते याकूब कनै बायदा किता हा की ओ बायदे दा ओ देश उन्दे खानदान गी देग, लेकन एस बेले उथें बड़ी सारी जाती रवा दी ही! ओ कनानी अखे जनदे हे! ओ कनानी लोग परमेश्वर दी आराधना नेई करदे हे ते ओदे उक्में गी नेई मनंदे हे! ओ चुठे देवतें दी पक्ति करदे हे ते बड़े सरे बुरे काम्म करा करदे हे! परमेश्वर नै इस्रालियें गी आख्या, “जेस्लै तोस ओस बाचा दे देश गी जाओ ते उथे दे सारे कनानियाँ कोला छुटकारा पाई लैयो! उन्दे कन्नै संधि नेई करयो ते ओंदे कन्नै ब्या नेई करयो| तुसें गी उंदी सारीयें मुर्तियें गी नाश करना ऐ| अगर तोस मेरा उक्म नेई मन्गे, ते तुसें मेरे बगैर उन्दे देव्तें दी पकती करनै लगीयाना|” जेस बेले इसराएली कनान कोल पूजे, मूसा नै इस्राएल दे अर एक्क़ गोत्र बिचा एक्क़-एक्क़ करीयै बारां मरदे गी चुन्या| ओसने ओनै गी जाइयै ओस देश डा पेद लेनै दी विधि दिति की ओ देश कनीया ऐ! उनै गी ओस कनानियें दा पेद बी लेना हा की ओ ताकतबर न यां कमज़ोर हे| उनै बारां मर्द नै पुरे कनान दा आंदे ओए चालियें दिने दी यात्रा किती ते पि ओ बापस आईये| उनै लोकें गी सनाया, “ओ देश बड़ा गै उपजाऊ ऐ ते फसलें बड़ी जादा ऐ|” लेकन दस पेदियें आख्या, “ उन्दे लाके बड़े मजबूत ऐ ते ओ लोग बड़े लमें-चोडे ऐ| अगर अस उन्दे उपर अमला करनै ऐ, ते पक्का ओनै असें गी राइ लेना ते असें मारी देना|” उसे बेले गै कालेव ते यहोशु ते बाकी पेदियें आख्या, “ए साच ऐ की कनानी लोग लमें ते ताकतबर ऐ, लेकन पक्का अस उनै गी राइ स्कनै ! परमेश्वर साड़े आस्ते लड़ग!” लेकन लोकै कालेव ते यहोशु दी नेई सुनी| ओ मूसा ते हारून उपर गुस्सा ओईये ते आख्या, “तोस असें गी एस डरोनी जगह पर की लेईये आए? असें मिस्र च गै रोना हा, अगर ओस देश च जनै न ते अस योद्ध च मरोईयाना, ते कनान दे लोकै साड़ी करेआली ते बचें गी नोकर बनाई लेना|” ओ लोग ओनै गी बापस मिस्र च लेई ये जानै आस्ते एक दुए अगुबे गी चुनना चांदे हे| जेस्लें उनै लोकें इयां आख्या ते परमेश्वर बड़ा गुस्सा ओया हा| ओ मिलाप आले तम्बू च आया ते आख्या, “तुसें मेरे खलाफ लड़ाई चगडा किता ऐ, एसकरी तुसें सारे गी एस जंगल च पटकना ओग| अर एक जन जेका बियां सालां डा यां ओदे कोला जादा साले डा ऐ उथें मरी जाग ते कदे बी ओस देश च परवेश नेई करी सकग जेका आऊँ तुसें गी दिना ऐ| खाली कालेव ते यहोशु ओदे च परवेश करगे|” जेसले लोकै परमेश्वर गी इयां अख्दे सुन्या, ते ओ दुखी ओए| किके उनै पाप किता हा| एस्करी उनै कनान दे लाके उपर अमला करनै डा फैसला किता| मूसा नै उनै गी नेई जानै दी चेतावनी दिति किके परमेश्वेअर नै उन्दे कनै नेई जाना हा, लेकन उनै ओदी नेई सुनी|- परमेश्वर एस योद्ध च उदें कनै नेई हा, एसकरी कनानियें ओनै गी राऊड़या ते उदें चा बड़े सरे गी मारी दिता| ओस बेले इस्राएली लोग कनान बिचा बापस मुड़ीये| अगले चालियें साले तकर,ओ इथे -उथे पटकगे| इस्राएली लोके थमा जंगल च पटकनै दे चालियें साले दे थमा, परमेश्वर नै ओदी जरूरते गी पूरा किता| ओसने ओनै गी स्वर्ग चा ‘’मना’’ अखनै आली रुटी दिति| ओसने बटेरें दे चूंड बी (जेके मध्यम शकली दे पक्षी ओंदे न ) उन्दे डेरे च पेजे कि उन्दे कोल खानै आस्ते मास उए| ओस पुरे समां च परमेश्वर नै उन्दे कपड़े ते जूते गी फटनै कोला बचाइये रख्या| इथे तकर कि परमेश्वर नै उन्दे पीनै आस्ते चमत्कारी रूप च पत्थर बिचा पानी कडया| लेकन इनै सारे दे बाद, इस्राएली लोके परमेश्वर दे खलाफ ते मूसा दे खलाफ शिकायत किती ते बोड़बड़ाए| तां भी परमेश्वर बिश्बासयोग्य हा| ओसने जेका बायदा किता हा कि ओ अब्राहम ,इसहाक ,ते याकूब दे खानदान आस्ते करग ओसने ओ किता| इक ओर समां च जेस्लै उनै लोकै कोल पानी नेई हा, परमेश्वर नै मूसा गी आख्या, ‘’चट्टान कनै गल्ल कार, ते ओदे चा पानी निकलगा| लेकन मूसा नै चट्टान कनै गल्ल नेई किती| बगैर एदे,ओसने सोटिये कनै चट्टान उपर दो बारी मारी| एस रीती कनै ओसने परमेश्वर डा आदर नेई किता| सारे दे पीनै आस्ते चट्टान बिचा पानी ते निकली आया, लेकन परमेश्वर मूसा उपर गुस्सा ओइया| ओसने आख्या, ‘’किके तो इयां किता ऐ,एसकरी तूं बायदे दे देश च प्रवेश नेई करी सकग|’’ जेस्लै इस्राएली लोग चाली साले तक जंगल च पटके हे, ओस बेले जिनै परमेश्वर दे खलाफ लड़ाई चगड़ा किता हा ओ सारे मरिये हे| ओस बेले परमेश्वर उनै लोके गी बायदे दे देश च लेइया| उन मूसा बड़ा बुढा ओइदा हा, एसकरी परमेश्वर नै लोके दी अगुवाई करनै च उंदी मदद करनै आस्ते यहोशु गी चुनया| परमेश्वर नै मूसा कनै ए बायदा भी किता हा कि इक देन ओ उनै लोके दे कोल मूसा आले लेखे इक पविख्व्कता पेजग| ओसले परमेश्वर नै मूसा गी इक पाड़ दी ऊंचाई उपर जानै आस्ते आख्या कि ओ बायदे दे देश गी दिखी सकै| मूसा नै ओस बायदे दे देश गी दिखया| लेकन परमेश्वर नै उसी ओदे बेच जानै दी जाजत नेई दिती| ओसले मूसा मरी गेया, ते इस्राएलियें तिन देन तकर रोना पीटना किता| यहोशु उंदा नमा अगुवा बनी गेया| यहोशु इक सेई अगुवा हा किके ओसने परमेश्वर उपर परोसा किता ते ओदी गल्ले गी मनया| निर्गमन ध्याय 16-17 ;गिनती 10;14 ;20 :22 व्यवस्थाविवरन 34 कोला इक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_14_96kbps.m4a

## 15. बायदे दा देश

https://openbiblestories.org/l/dgo/story-15/

![](https://cdn.door43.org/obs/jpg/360px/obs-en-15-01.jpg)

ऐतं च, ओ समां आईदा हा कि इस्राएली लोग बायदे दे देश कनान च प्रेवश करन| ओस देश च यरीहो ना दा इक शैर हा| ओदी राखी आस्ते ओदे चोनी पासे मजबूत कन्धा ही| यहोशु नै ओस नगर च दो पदियें गी पेजया| ओस नगर च राहाब ना दी इक वेश्या रौंदी ही ओसने इनै पेदियें गी श्पाल्या, ते बाद च ओसने ओनै गी नगर बिचा बचीयै निकलनै च मदद किती| ओसने ऐसा एसकरी किता किके ओ परमेश्वर उपर बिश्बास करदी ही| जेस बेले इस्राएली लोग यरीहो गी नास करगे ओस बेले ओनै राहाब ते ओदे परिवार दी राखी करनै दा बायदा किता हा| इस्राएली लोके गी बायदे दे देश च परवेश करनै आस्ते यरदन नदी पार करनी ही परमेश्वर नै यहोशु गी आख्या, ‘’याजके गी पैलें जाना दे जेस्लै याजके नै यरदन नदी च अपनै कदमें गी रख्या ते पानी दा उछलना थमियां, जेदे कनै इस्राएली लोग नदी दे दूए पासे सुकी तरती दे पार जाई सकन| उनै लोकै यरदन नदी पार करी लेती ते परमेश्वर नै यहोशु गी आख्या यरीहो उपर अमला करनै आस्ते तयार रोण, इयां कि ओ मजबूत लाका हा| परमेश्वर नै उनै लोके गी आख्या कि ओदे याजके गी ते सैनिके गी छे देन तकर ओस लेक दे चोनी पासे ते याजके ते सैनिक नै इय्यां गे किता| ओस बेले सतमें देन, इस्राएलियें ओस लाके दे चोनी पासे सात्त बार चकर लाए उन्दे लाके दे चोनी पासे चकर लानै दे बाद, याजकै अपनी तुरहियाँ बजाई ते सनिक नै जोरदार शब्द किता| ओस बेले यरीहो दे चोनी पासे दी कन्धा कीरियां| जियां परमेश्वर नै उक्म दिता हा इस्राएलियै लाके दी आर इक चीज नास करी दिती| उनै खाली राहाब ते ओदे परिवार गी शुडी दित्ता,जेढ़े इस्राएलिए दे इस्से बनिदे हे| जेस्लै कनान दे रोनै आले बाकी लोकै सुनेया कि इस्राएलीयै यरिहों गी नास करी दिता ऐ, ते ओ डरिये कि इस्राएली लोग उन्दे उपर अमला करगन| परमेश्वर नै इस्राएलियें गी उक्म दिता हा कि कनान च रोनै आली कुसे भी जाति दे कनै शान्तिसंधि नेई करनी ऐ| लेकन गिबोनियो नां दी इक कनानी जाति नै यहोशु कनै चूठ बोल्या कि ओ कनान कोला दूर इक जगा दे रोनै आले ऐ| उनै यहोशु कोला उन्दे कनै शान्तिसंधि करनै दी बिनती किती| यहोशु ते बाकी इस्राएली अगुवे नै परमेश्वर गी नेई पूछया कि उनै के करना चाइदा| एदे बगैर, उनै गिबोनिये कनै शान्तिसंधि करी लेती | तिन दें दे बाद, इस्राएलियें गी पता चलया कि गिबोनी लोग कनान च गै रोंदे हे| ओ गुस्सा ओइये किके गिबोनीयै ओनै गी तोखा दिता हा|लेकन उनै उन्दे कनै किती गेई ओस शान्तिसधी गी बनाईयै रख्या किके ओ परमेश्वर दे सामनै किती गेदी ही| ओस बेले केश समां दे बाद कनान च रोनै आली इक जाति एमोरियों दे राजा नै सुन्या कि गिबोनीयै इस्राएलियै कनै शान्तिसंधि करी लेती ऐ| एसकरी उनै अपनी अपनी सेना गी इक-इक करीयै इक बडी सेना बनाई ते गिबोन उपर अमला करी दिता| गिबोनीयै उंदी मदद करनै आस्ते यहोशु दे कोल इक संदेशा पेजया| ते यहोशु नै इस्राएलियें दी सेना गी किठा किता ते गिबोनिये दे कोल पुजनै आस्ते ओ पूरी रत चले| सबेरे लोई च ओनै एमोरियो दी सेना गी राण करी दिता ते उन्दे उपर अमला करी दिता| ओस देन परमेश्वर इस्राएलिये आस्ते लड़या| ओसने एमोरिये गी कबराई दिता ते ओसने बडी-बडी ऐन गी केरिये बड़े सार एमोरिये गी मारी दिता| परमेश्वर नै सूरज गी अम्बर च इक जगा उपर टकाई दिता किके इस्राएलिये गी पूरा समां थोइया कि एमोरिये गी पूरी तरह कनै राई देन| ओस देन परमेश्वर नै इस्राएलिये आस्ते इक बडी जीत आसिल कराई| जेस्लै परमेश्वर नै ओ सेना गी राणे दे बाद, बड़े सारे कनानी जाति दे लोग इस्राएलिये उपर अमला करनै आस्ते किठा ओए| यहोशु ते इस्राएलिये नै अमला करिये उन्दा सत्यनाश करी दिता| इनै योद्ध दे बाद, परमेश्वर नै इस्राएल दे आर इक गोत्र गी बायदे दे ओस देश च उन्दा इस्सा दिता| ओस बेले परमेश्वर नै इस्राएल गी उंदी सारी सीमा उपर शान्ति दिती| जेस्लै यहोशु बुढा ओइया ते ओसने इस्राएल दे सारे लोके गी सध्या| ओस्ले यहोशु नै उनै लोके गी चेता नुआया कि उनै ओस बाचा गी मननै डा बायदा किता हा कि जे परमेश्वर नै उन्दे कनै सीनै पाड़ उपर बनी ही| उनै लोकै परमेश्वर दे आस्ते बिश्बासयोग्य रोनै ते ओदी व्यवस्था गी मननै डा बड़ा किता| यहोशु ध्याय 1-24 थमा इक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_15_96kbps.m4a

## 16. परमेश्वर मूसा गी सददा ऐ

https://openbiblestories.org/l/dgo/story-16/

![](https://cdn.door43.org/obs/jpg/360px/obs-en-16-01.jpg)

यूसुफ दे मरनै दे बाद ओदे सारे रिश्तेदार मिस्त्र च बसी गे| ओ ते ओदा खानदान केई साले तकर मिस्त्र च गै रे ते उनै बड़े सारे बच्चे पैदा किते| ओ इस्राएली आखे गे| केई साले दे बाद, इस्राएलिये दी गिनती बदी गेई ही| ते मिस्त्री लोग उन एस गल्ले आस्ते आभारी नेई हे कि उंदी मदद करनै आस्ते यूसुफ नै बड़ा केश किता हा| ओ इस्राएलियें कोला डरी पे किके ओ गिनती च उन्दे कोला बड़े जादा हे| एसकरी ओस समां च मिस्त्र उपर राज करनै आले फिरोन नै इस्राएलियें गी मिस्त्रियें डा नोकर बनाई दिता| मिस्त्रिये नै इस्राएलियें गी बड़ी सारी मंजिला ते इथे तकर कि केई लाके गी बनानै आस्ते मजबूर किता| ओस मुश्कल मेंनत गी उन्दे जिन्दगियें गी बड़ा दुखी बनाई दिता, लेकन परमेश्वर नै उनै गी बड़ी सीस दिती ते उंदी जादा लोआद पैदा ओई| फिरोन नै दिखया कि इस्राएलियें दी बड़ी सारी लोआद पैदा उआदी ही, एसकरी ओसने अपनै लोके गी इस्राएलियें दे सारे मर्द बच्चे गी नील नदी च सुटीयै मारी देनै डा उक्म दिता| इक खास इस्राएली जनानी नै इक जाकते गी जन्म दिता| ओसने ते ओदे करेआली नै जिना उन्दे कोला ओई सक्या ओस बच्चे गी छपालीयै रख्या| जेस्लै ओस निके बच्चे दे माँ प्यो उसी और जादा नेई छपाली सके, ते ओनै उसी मरनै कोला बचानै आस्ते इक तैरनै आली टोकरी च नील नदी दे कंडे सरकनै दे बेच राखी दिता| ओदी बडी पैन नै ए दिखनै आस्ते ओदी राखी किती कि ओदे कनै के ओगा| फिरोन दी कुड़ीयै उसी टोकरी गी दिखीयै ओदे कोल चांकेया| जेसनै ओसने ओस बच्चे गी दिखया ते ओसने उसी अपना बच्चा समझीयै लेई लेता| ओसने इक इस्राएली जनानी गी उसी दुध पलानै आस्ते काम्म उपर राखी लेता, बगैर एदे जाननै कि ओ ओदी असली माँ ही| जेस्लै ओ बच्चा इना बडा ओइया कि उन उसी अपनै माँ दे दुधे दी लोड़ नेई ही, ते ओसने फिरोन दी कुड़ीयै दे कोल पुजाई दिता,ओदा नां मूसा हा| इक देन, जेस्लै मूसा बडा ओइदा हा, ते ओसने दिखया कि इक मिस्त्री इक इस्राएली गी मारदा हा| मूसा नै अपनै साथी इस्राएलिए गी बचानै दी कोशिश किती| जेस्लै मूसा नै सोचया कि उसी कोई नेई दिखादा ते ओसने ओस मिस्त्री गी मारी दिता ते ओदी लाश गी दबी दिता| लेकन मूसा नै जे किता हा उसी कुसै दिखी लेता हा| फिरोन गी पता चलिया कि मूसा नै के किता हा ऐ| ओसने उसी मारी देनै दी कोशिश किती लेकन मूसा मिस्त्र बिचा जंगल च नसिया| फिरोन दे सिपाही उसी तुपी नेई सके| मिस्त्र कोला दूर इक जंगल च इक गुआल बनीदा हा| ओसने उथे इक कुड़ी कनै ब्या करी लेता ते पुतर पैदा किते| मूसा अपनै सोरे दी पिडें दी देखपाल करदा हा| इक देन, ओसने इक जल्दे चाल्ल गी दिखया जेकी बगैर पस्म उए जलदी ही| ओ दिखनै आस्ते ओस चाल्ल दे कोल गेया| जेस्लै ओ ओदे बड़ा कोल हा ते परमेश्वर नै ओदे कनै गल्ल किती| ओसने आख्या ‘’ऐ मूसा, अपनै जूते गी तुआरी दे तूं इक पवित्र जगा उपर खड़ोता ऐ|’’ परमेश्वर नै आख्या, ‘’मै अपनै लोके दे दुखे गी दिखया ऐ| आऊँ तुकी फिरोन दे कोल पेजगा तां कि तू इस्राएली गी मिस्त्र दी गुलामी बिचा कडी सकै| आऊँ उनै गी कनान देश देगा, ओ जेदा मै अब्राहम ते इसहाक ते याकूब कनै बायदा किता हा|’’ मूसा नै पुछया, “अगर लोकै जानना चाया कि मिकी कोसनै पेजया ऐ ते आऊँ के अखगा?” परमेश्वर नै आख्या, “जे आऊँ ऐ ते आऊँ ऐ| उन्दे कनै आख, “जेका आऊँ ऐ मिकी थोड़े कोल पेजया हा उन्दे कनै ए भी अखया, ‘आऊँ थोड़े दादे-पड़दादे अब्राहम, इसहाक ते याकूब डा परमेश्वर यहोवा ऐ|’ मेरा ए नां मेशा डा ऐ|” मूसा डरदा हा ते फिरोन दे कोल जाना नेई चान्दा हा किके ओसने सोचया कि ओ शैल करियै नेई बोली सकग,एसकरी परमेश्वर नै मूसा दे परा, हारून गी ओदी मदद करनै आस्ते पेजया| निर्गमन ध्याय 1-4 थमा इक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_16_96kbps.m4a

## 17. दाउद दे कन्नै परमेशवर दी

https://openbiblestories.org/l/dgo/story-17/

![](https://cdn.door43.org/obs/jpg/360px/obs-en-17-01.jpg)

शाउल इस्त्राएल दा पैला राजा हा| ओह लमा ते शैल हा, जनेया ओह लोग चांदे हे पूरा ऊए नेया| इस्त्राएल उपर अपनै राज करनै दे पैले केश सालें बेच शाउल एक्क अच्छा राजा रेया| लेकन बाद बेच ओह एक्क दुष्ट मानूं बनी गेया| जेस परमेशवर दी गल्ले गी नेई मनेया, एस करी परमेशवर नै एक और मानूं गी चुनेया जेका एक्क देन उस मानूं दी जगहा उपर राजा बनग| परमेशवर नै दाउद नाम दे एक्क जुआन इस्त्राएली मानूं गी चुनिये एक्क देन शाउल दे जगह उपर राजा ओनै आस्ते तेयार करना शुरू करी दिता| दाऊद बैतलहम नगर दा एक्क चरवाहा हा| कई बारी दाउद नै शैर ते भालू दोनों गी मारी दिता हा| किके दाऊद द्वारा रखवाली करदे बेले ओदे प्यो दी पिडें उपर उनै अमला किता हा| दाऊद एक्क दीन ते तरमी मानूं हा| ओसने परमेशवर उपर परोसा किता और ओदी गल्लें गी मनेया हा| जेसले दाऊद एक्क अय्याँ तक जवान मानूं गै हा, ओसने लम्मे चोड़े गोलियत दे खलाफ लड़ाई किती| गोलियत एक्क अच्छा सैनिक हा| ओह बड़ा मजबूत ते लमसम त्रे मीटर लमा हा| लेकन परमेशवर नै गोलियत गी मारनै ते इस्त्राएल गी बचानै आस्ते दाऊद दी मदद किती| ओदे बाद दाउद नै इस्त्राएल दे दुश्मन उपर केई बार जीत हासल किती| दाऊद एक बडा सैनिक बनी गेया और ओसने बड़े सारे युद्धे च इस्त्राएली सेना दी अगुवाई किती| लोकें ओदी बड़ी तारीफ किती| लोकें दाउद कन्नै इना इरख किता की शाउल ओदे कन्नै जलन लगेया| आखरकर शाउल उसी मारना चांदा हा एसकरी दाऊद ओदे कोला ते ओदे सैनिके कोला छपनै आस्ते जंगल दी तरफ नस्सी गेया| एक्क देन, जेसले शाउल ते ओदे सैनिक दाऊद दी तुपदे लगे| ते शाऊल एक्क गुफा च गेया| एह ऊए गुफा ही जेड़े च दाऊद छुपा दा हा लेकन शाऊल नै उसी नेई दिखेया | दाऊद शाऊल दे पीछे ओदे बिलकुल काश पुजीया और ओदे कपड़े बिचा एक्क टुकड़ा कटी लेता| बाद च जेसले शाऊल ओस गुफा बिचा निकलेया ते दाऊद नै उसी आला देइयै उस कपड़े दे टुकड़े गी दसेया| एस तरह कन्ने, शाउल समझिया कि दाऊद नै राजा बननै आस्ते उसी मारनै कोला मना करी दिता ऐ| केश समै दे बाद, शाउल युद्ध च मरी गेया और दाऊद इस्त्राएल दा राजा बनी गेया, ओह एक अच्छा राजा हा, लोकें ओदे कन्नै इरख रखेया| परमेशवर नै दाऊद गी सीस दिती ते उसी कामजाब बनाया| दाऊद नै केई योद्ध लड़े, और परमेशवर नै इस्त्राएल दे दुश्मनै गी रानै आस्ते ओदी मदद किती| दाऊद नै यरूशलेम नगर गी जीतियै उसी अपनी राजधानी बनाया, जित्थें ओह रेया ते राज किता| दाऊद चाली साला तोड़ी राजा रेया| एस समै दे साव कन्ने, इस्त्राएल शक्तिशाली ते अमीर बनी गेया| दाऊद एक्क मंदर बनाना चांदा हा जित्थें सारे इस्त्राएली परमेशवर दी आराधना करी सकन, ते ओदे आस्ते बलिदान चढ़ाई सकन | लमसम 400 सालें कोला लेईयै, ओह लोग मूसा दे बनाए दे मिलाप आले तबूं च परमेशवर दी आराधना करा दे हे, और ओदे आस्ते बलिदान चढ़ा दे हे| लेकन उत्थें नातान नां दा एक्क पविख्व्कता हा| परमेशवर नै उसी दाऊद गी एह आखनै आस्ते पेजेया: “तो बड़े सारे योद्ध लड़े दे न, एस करी तू मेरे आस्ते एह मंदर नेई बनाग| तेरा पुतर इसी बनागा तां भी आंऊँ तुकी बड़ी जादा सीसा देगा| तेरा एक्क वशंज मेशा आस्ते मेरे लोकें उपर राजा दे रूपा च र्काज करगा|” मेशा आस्ते राज करनै आला ओह दाऊद दा इकै इक वंशज मसीहा हा| मसीह परमेशवर दा चुना दा जन हा जेका संसार दे लोकें गी उन्दे पापें कोला बचागा| जेसले दाऊद नै नातान दे संदेश गी सुनेया ते ओसने परमेशवर दा तनबाद किता ते ओदी स्तुति किती| परमेशवर ओदे इंतजार गी बदादा हा और उसी बड़ी सारी सीसां देया दा हा| बेशक्क, दाऊद नेई जानदा हा कि परमेशवर इनै गल्लें गी कदु पूरा करगा| एस बेले अस जाननै हा कि इस्त्राएलियें गी एक्क लमें समै तक, लमसम 1000 सालें तक मसीह दे ओनै दा इंतजार करना पोना दाऊद नै केई सालें तक न्यायपूर्वक अपनै लोकें उपर राज किता| ओसले बड़े निष्ठा कन्नै परमेशवर दी गल्लें गी मनेया और परमेशवर नै उसी सीसां दितियां| आलांकी, ओसने अपनै जीवन दे एन्त च परमेशवर दे खलाफ एक बडा पारी पाप किता हा| एक्क देन दाऊद नै अपनै मैहल चा बारे चांकिये दिखेया ते एक्क शैल जनानी गी स्नान करदे दिख्या| ओह उसी नेई जानदा हा| लेकन ओसने पता करी लेता की ओदा नां बेतशेबा हा| अपनी नजर गी ओदे उपरा फेरी लेनै दी जगह दाऊद नै उसी अपनै कोल आननै आस्ते कुसै गी पेजेया| ओह ओदे कन्नै सुता ते उसी बापस कर पेजुड़ेया| थुड़े समै दे बाद बेतशेबा नै एह अखिक्यें दाऊद दे कोल एह संदेश पेजेया की ओह माँ बननै आली ऐ| बेतशेवा दा करे आला उरिय्याह नां दा एक्क मानूं हा| ओह दाऊद दे उक्म सैनिके चा एक्क हा| एस बेले ओह योद्ध करनै आस्ते बाहर गेदा हा | दाऊद नै उरिय्याह गी बापस सदीयै उसी अपनी करेआली कन्नै रोनै गी आख्या| लेकन बाकी सैनिक योद्ध च हे एस करी उरिय्याह नै कार जानै आस्ते मना करी दिता| ते दाऊद नै उसी बापस योद्ध च पेजुड़ेया और सेनापति गी उसी योद्ध बेच ऐसी जगह रखनै आस्ते आख्या जित्थें दुश्मन सारा कुला जांदे शक्तिशाली हे तां जे ओह मारेया जा| ते ऐसा ओया कि ओह योद्ध च मारेया गेया| उरिय्याह दे योद्ध च मरनै दे बाद दाऊद नै बेतशेबा कन्नै ब्याह करी लेता | बाद च, ओसने दाऊद दे पुतर गी जन्म दिता| दाऊद नै जे किता परमेशवर ओदे कन्नै बड़ा रुऐ हा, एस करी ओसने नातान पविख्व्कता गी दाऊद गी एह सनानै आस्ते पेजेया की ओदा पाप किन्ना बुरा हा| दाऊद नै अपनै पाप दा पश्चाताप किता ते परमेशवर नै उसी माफ़ करी दिता | अपनै बचे जीवन च, अपनै मुशकल बेले बी दाऊद परमेशवर दे पीछे-पीछे चलेया ते ओदी गल्लें गी बी मनया| लेकन दाऊद दा बच्चा मरी गेया| एस चाली परमेशवर नै दाऊद गी सजा दिती| एदे अलावा, दाऊद दे मरनै तक, ओदे अपनै परिवार दे कैश लोकें ओदे खलाफ लड़ाई किती ते दाऊद दी अपनी शक्ति कट ओईदी ही| लेकन परमेशवर विश्वाश्योग्य हा ते ऊँ बी ओस उचै किता जेका ओसने दाऊद कन्नै वादा किता हा, कि ओह करगा, पावें दाऊद नै ओदी आज्ञा तोड़ी ही| बाद च, दाऊद ते बेतशेबा दी दुई सन्तान ओई, ते उनै ओदा नां सुलेमान रखेया | 1 शमूएल अध्याय 10:15-19:24:31; 2 शमूएल 5; 7;11-12 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_17_96kbps.m4a

## 18. बंडे दी रियासत

https://openbiblestories.org/l/dgo/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा नै चाली साल तकर राज किता| ओसले ओ मरिया, पी ओदे पुतर सुलेमान नै इस्त्राएल पर राज्य करना शुरू किता| परमेशवर नै सुलेमान कन्नै गल्ल किती ते पी उसी पुछेया के ओ सारा कोला जादा के चांदा ऐ के परमेशवर ओदे आस्ते करै| सुलेमान नै परमेशवर कोला मंग्या की ओ उसी बड़ा बुद्धिमान बनाई दियै| एस गल्ल नै परमेशवर गी खोश करी दिता, एस करी परमेशवर नै सुलेमान गी दुनिया बेच सारा कोला जादा बुद्धिमान मर्द बनाई दिता| सुलेमान नै बड़ी सारी गल्लें गी सिखेया ते ओ एक्क बुद्धिमान शासक हा| परमेशवर नै उसी बड़ा पैसे आला बनाई दिता हा| यरूशलेम च सुलेमान नै उस मंदर गी बनाया जेड़े लेई ओदे प्यो नै बनानै दि सोची ही ते समान बी किटठा किता हा | ओ लोग मिलाप आले तंबू गी शुड़ीयै मंदर बेच आरधना करदे हे ते उदे आस्ते बलि चढ़ादें हे| परमेशवर आईऐ मंदर च आजर ओदा हा ते उत्थें ओ अपनै लोकें कन्नै रोंदा करदा हा| लेकन सुलेमान नै दुगे मुल्खें दी जनानियें कन्नै इरख किता| ओसने बड़ी सारी लमसम 1,000 जनानियें कन्नै ब्याह करीयै परमेशवर दा अनादर किता|इंदे बेच मती सारी जनानिया बखरे मुल्खें चा आईयां ते कन्नै अपनै देवतें गी अनया ते उंदी पूजा करना जारी रखेया| जेसले सुलेमान बुडा ओईया ते ओसने बी उन्दे देवतें दी पूजा किती| एस कारण परमेशवर सुलेमान कन्नै रोंऐं हा | ओसने आख्या की ओ इस्त्राएल मुलख गी दो राज्य च बंडीयै उसी दंड देगा| ओ सुलेमान दे मरनै हा बाद ऐसा करगा| सुलेमान दे मरनै हा बाद रहबाम राजा बनया| इस्त्राएल मुलख ऐ लोग अपनै राजा दे रूप गी स्वीकार करनै आस्ते सारे किट्ठा ओए| उनै रहबाम गी आख्या की ओ साड़े कोला कट काम्म करा| लेकन रहबाम नै उंदी बड़ी मूर्खता दे कन्नै जबाब दिता तोस्स आखनै की मेरे पिता सुलेमान नै थोड़े कोला बड़ी जादा मैनत कराई| लेकन मैं ओदे कोला बी जादा मुश्किल काम्म थोड़े कोला कराना, ते मैं ओदे कोला बी जादा पीढ़ देगा| जेसले कोलें उसी ऐ आखदे सुनेया ते उन्दे बिचा केईयें उदे विरुद्ध बलवा किता| दस गोत्रें उसी शुड़ी दिता, उदे कन्नै शड़े दो गोत्र गै बचे| इनै दो गोत्रें अपनै गी यहूदा दा राज्य आख्या| बाकी दे दस गोत्रें यारोबाम नां दा एक्क मर्द गी अपना राजा बनाई दिता| ऐ गोत्र मुलख दे उत्तर-पूर्वी भाग दे हे उनै अपनै गी इस्त्राएल दा राज्य आख्या | लेकन यारोबाम नै परमेशवर दे विरुद्ध बलवा किता ते लोकें कोला पाप कराया| ओसने अपनै लोकें कोला पूजा करनै आस्ते दो मुर्तियें गी बनाया| ओ ऊँ यहूदा दे राज्य च यरूशलेम च परमेशवर दे मंदर च ओदी आराधना करनै आस्ते नेई गै| यहूदा ते इस्त्राएल दुश्मन बनी गे ते एक्क दुष्ट दे कन्नै लड़ना लगीये| इस्त्राएल दे नमें राज्य, च सारे राजा दुष्ट हे| इंदे चा केश राजा उंदी जगा उपर राजा बननै दी चाह रखनै आले केश इस्त्राएलियें दे द्वारा मारे गे हे| इस्त्राएल राज्य दे सारे गै राजें नै ते उदे कोला जादा लोकें मुर्तियें दी पूजा किती| जेसले उनै ऐसा किता, ते ओ वेशयाएं दे कन्नै सुत्ते ते इत्त्थें तकर के केई बार मुर्तियें दे अग्गें बच्चे गी बलि कित्ता| यहूदा राज्य दे राजा, दाऊद दे खानदान हे| इनै राजाएं बिचा केश पले मानूं हे| जिनै सेही न्याय कित्ता ते परमेशवर दी आराधना कित्ती| लेकन यहूदा दे केई राजा दुष्ट हे| उनै गलत राज कित्ता, ते मुर्तियें दी पूजा कित्ती | इत्थें तकर के इंदे च केश राजा नै चुठे देवतांऐ दे अग्गें अपनै बच्चें गी बलि करी दित्ता| यहूदा दे अद्दे कोला जादा लोकें परमेशवर दे विरुद्ध बलवा कित्ता ते केई सारे देवतांऐ दी पूजा किती| 1 राजा अध्याय 1-6;11-12 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_18_96kbps.m4a

## 19. परमेशवर मेशा इस्त्राएलियें दे कोल पविख्व्कतें गी पेजदा रौंदा हा| पविख्व्कता परमेशवर कोला संदेशे गी सुनदे हे ते पी उसी लोकें गी सुनादे हे|

https://openbiblestories.org/l/dgo/story-19/

![](https://cdn.door43.org/obs/jpg/360px/obs-en-19-01.jpg)

जेसले अहाब इस्त्राएल राज्य पर राजा हा ते ओस बेले एलिय्याह पविख्व्कता हा| अहाब एक्क बुरा मानूं हा| ओसने चुठे बाल देवता दी पूजा करानै आस्ते लोकें गी मजबूर किता हा| एसकरी एलिय्याह नै अहाब गी आख्या कि परमेशवर उनै लोकें गी सजा देनै जादा हा | ओसने उसी आख्या, “जिनै चेर तोड़ी आंऊँ पी दबारे बरखा ओनै आस्ते नेई आखग उनै चेर तकर इस्त्राएल दे राज्य च बरखा नेईं ओग ते न गै त्रेल पोग|” एस गल्ल नै अहाब गी इना रो चढ़ाऊड़ेया कि ओसने एलिय्याह गी मारनै आस्ते फैसला किता| एस करी परमेशवर नै एलिय्याह गी आख्या कि ओह जंगल बेच जाईए अहाब कोला छपी जा| एलिय्याह जंगल बेच उस सोते दे कोल गेया जित्थें जानै आस्ते परमेशवर नै उसी सनादा हा| अर बडलै ते अर शामी, पखरू एलिय्याह दे आस्ते रुटी ते मांस लेईयै ओंदे हे| इस पूरे समै, अहाब ते ओदी सेना एलिय्याह दी खोज करदे रे, लेकन ओह उसी तुपी नेईं सके| बरखा नेई ओनै दी वजह कन्नै केश समै दे बाद च ओह सोता सुक्की गेया| एसकरी एलिय्याह करा गै एक्क देश च चली गेया| उस देश च एक्क गरीब विधवा ही जेदा एक्क पुतर हा| उन्दें कोल रुटी लमसम मुक्की होदी ही| किके उत्थें कोई फसल नैई ओई दी ही| लेकन पी बी, उस जनानी नै एलिय्याह दी देखपाल किती, इस करी परमेशवर ओंदी ते ओदे पुतर दी जरूरतें गी पूरा किता, एस दे कारण ओदे आटे दा पात्र ते ओंदे तेल दी कुप्पी कदै खाली नी ओई| ओस पूरे अकाल दे बेले उन्दें कोल पोजन हा| एलिय्याह केश सालें तक उत्थें गै रेया| साढ़े त्रे सालें दे बाद, परमेशवर नै एलीय्याह गी आख्या की ओह पी दबारे बरखा बरागा | ओसने एलिय्याह गी बाप्स इस्त्राएल दे राज्य च जाईयै अहाब कन्नै गल्लां करनै आस्ते आख्या| एसकरी एलिय्याह अहाब दे कोल गेया| जेसले अहाब नै उसी दिख्या ते ओसने आख्या, “अच्छा तू ऐ मुसीबत पैदा करनै आला|” एलीय्याह नै जबाब दिता, “मुसीबत पैदा करनै आला ते तू ऐ| तो यहोवा गी छुड़ी दिता ऐ| ऊए सच्चा परमेशवर ऐ, लेकन तू बाल दी पूजा कराना ऐ| उन तुकी इस्त्राएल राज्य दे सारे लोकें गी कर्मेल पाड़ उपर लेईयै ओना ऐ| ते सारे लोग कर्मेल पाड़ उपर गए| ओह मानूं बी आए जेड़े अख्दे हे कि बाल दे संदेशे गी बोलदे हे| एह बाल दे पविख्व्कता हे| ओह सारे 450 हे| एलीय्याह नै लोकें गी आख्या, “कदों तक तोस्स अपनै मनै गी फराए रखगे? अगर यहोवा परमेशवर ऐ ता ओदी अराधना करो| जेकर बाल परमेशवर ऐ ता ओदी पूजा करो|” ओसले एलिय्याह नै बाल दे पविख्व्कतें गी आख्या, “एक्क बैल गी बलि करीयै ओदे मांस गी बलिदान ओनै गी एक्क्क वेदी उपर रखो, लेकन आग नेई लायो| ओदे आंऊँ बी उयां गै करगा, ते एक्क बखरी वेदी पर आंऊँ उसी मांस गी रखगा| ओसले जेकर परमेशवर वेदी उपर आग सुटगा ते तुस्स जानी लेगे की ओह सच्चा परमेशवर ऐ|” ओसले बाल दे पविख्व्कतें एक्क बलि गी तेयार किता पर आग नी लाई| ओसले बाल दे पविख्व्कतें बाल दे अगैं प्रार्थना किती, "ऐ बाल साड़ी सुन|” पूरै देन उनै प्रार्थना किती ते करलाएं ते इत्थैं तक की अपनै आप गी चाकूएं कन्नै कटुड़ेया लेकन बाल नै जबाब नैई दिता और ओसने आग नेई सुट्टी | बाल दे पविख्व्कतें बाल दे अगैं प्रार्थना करनै आस्ते लमसम पूरा देन लाऊड़ेया| ते उनै प्रार्थना करना बंड करी दिती| ओसले एलिय्याह नै दुए बैल दे मांस गी परमेशवर दी वेदी उपर रखी दिता| ओदे बाद, ओसने पानी दे बडे पांडे गी उस बलिदान ऊपर ओसले तक सूटनै गी आख्या जिनै चेर तक की मांस, बसाठीयाँ और इत्थें तक की वेदी दे कोल दी पोंज पुरी तरह कन्नै गीली नी ओई| ओसले एलिय्याह नै प्रार्थना किती, “हे यहोवा, अब्राहम, इसहाक, और याकूब दे परमेशवर असें गी दसो की तोस्स इस्त्राएल दे परमेशवर न ते कन्नै ऐह की आंऊँ थोडा दास हां| मिकी जबाब दियो जेड़े कन्नै एह लोग जानी लैन की तोस गै सच्चे परमेशवर ओ| एकदम गै आसमान उपरा आग किरी ते ओसने मांस, बसाठियां, चट्टान, मट्टी ते इत्त्थें तक के वेदी दे आसे पासे दे पानी गी बी जलाऊड़ेया | जेसले लोकें एह दिख्या ते ओ जमीन उपर किरे ते अख्दे लगे, “यहोवा गै परमेशवर ऐ| यहोवा गै परमेशवर ऐ|” ओसले एलिय्याह नै आख्या, “बाल दा एक्क भी पविख्व्कता बचीए जानै नी पाए एस करी लोकें बाल दे पविख्व्कतें गी पकड़ी लेता और उनेगी उत्था बखरे लेईयै उनै गी मारी दिता| ओसले एलिय्याह नै अहाब राजा गी आख्या, “तौले गै अपनै करे नसी जा, किके बरखा ओनै आली ऐ|” तौले गै बदल कन्नै ओई गे न, और बड़ी पारी बरखा ओना शुरू ओई दी| यहोवा ओस सुक्के गी खत्म करादा ऐ| इत्थां दा ए प्रगट ओया की यहोवा गै सच्चा परमेशवर ऐ| जेसले एलिय्याह नै अपनै काम गी खत्म किता, ते परमेशवर नै एलिशा नां दे एक्क मानूं गी अपना पविख्व्कता ओनै आस्ते चुनेया| परमेशवर नै एलिशा दे दबारा बड़े सारे चमत्कार किते| एक्क चमत्कार नामान दे कन्नै ओया| ओ एक्क दुशमन दी सेना दा सरदार हा, लेकन उसी चमड़ी दा एक्क बुरा रोग लगी गेया हा| नामान नै एलीशा दे बारै च सुना दा हा| इस करी ओ एलीशा दे कोल आया और ओदे कोला उसी ठीक करनै आस्ते बिनती किती| एलीशा नै नामान गी आख्या कि जाईयै यरदन नदी च पानी बेच सात बार डुबकी लाई लै| नामान रुए ओई गेया| ओसने ऐसा करनै कोला मना करी दिता, किके एह उसी मूर्खता दा काम लगदा हा| लेकन बाद बेच ओसने अपना मन बनाई लेता ते जाईयै यरदन नदी दे पानी बेच सात बारी डुबकी लाई| जेसले सतमी बारी ओ पानी बिचा बारे निक्लेया ते परमेशवर नै उसी ठीक करी दिता| परमेशवर नै इस्त्राएल दे लोकें दे कोल केई सारें पविख्व्कतें गी पेजेया| उनैं सारे लोकें गी मुर्तियें दी पूजा बंद करनै आस्ते आखी दिता| इसदी जगह उनेगी एक दुए दे कन्नै सेई तरीके कन्नै रौना चाईदा ते एक्क दुए उपर दया करनी चाईदी| उनैं पविख्व्कतें लोकें गी चेतावनी दिती की उनेगी गलत कम करनै बंद करी देनै ते एदी जगह परमेशवर दी गल्लें दा पालन करना ऐ| ते जेकर उनैं ऐसा नेई किता ते परमेशवर उनेगी दोषी मनीऐ उन्दा न्याय करगा, ते उनेगी सजा देगा| आधे कोला जादा समै, उनैं लोकें परमेशवर दी आज्ञा दा पालन नेई किता| ज्यादातर उनैं पविख्व्कतें कन्नै बुरा सलूक किता ते इत्थें तक की कदैं-कदैं उनेगी मारी दिता | एक्क बार, उनैं यिर्मयाह पविख्व्कतें गी सुक्के दे खू च सुटूड़ेया ते उसी उत्थें मरनै आस्ते छोड़ी दिता| ओ खू दे बेच चिकड़ बेच फसी गेया| लेकन ओसले राजे गी ओदे उपर तरस आया ते ओसने अपनै सैनिके गी उक्म दिता की यिर्मयाह दे मरनै कोला पैले उसी खुए च बाहर कडी दे | पविख्व्कतें परमेशवर दी तरफा बोलना जारी रखेया| बेशक लोकें उन्दे कन्नै नफरत किती| उनैं लोकें गी चेतावनी दिती की जेकर उनै पश्चाताप नेई किता ते परमेशवर नै उनेगी नाश करी देना| उनैं लोकें गी ऐ चेता दलाया की परमेशवर नै उन्दे कोल मसीह गी पेजनै दा वादा किता दा ऐ| 1 राजा अध्याय 16-18; 2 राजा 5; यिर्मयाह 38 कोला एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_19_96kbps.m4a

## 20. बंधुआई ते ओना

https://openbiblestories.org/l/dgo/story-20/

![](https://cdn.door43.org/obs/jpg/360px/obs-en-20-01.jpg)

इस्त्राएल दे राज्य ते यहूदा दे राज्य दोनों नै परमेशवर दे खलाफ पाप किता| उनैं ओस करार गी तोड़ी दिता जेकी परमेशवर नै उन्दे कन्नै सीनै उपर बन्नी ही| परमेशवर नै उनैं पश्चाताप करनै ते पी आराधना करनै दे लेई चेतावनी देनै गी अपनै पविख्व्कतायें गी पेजेया लेकन उनै उंदी गल्लें गी मनना हा इंकार करी दिता| ते परमेशवर नै उन्दे दुश्मनै गी उन्नै नाश करनै दे द्वारा दोनों राज्यें गी सजा दिती| अश्शुर एक्क और देश हा जेका बड़ा ताकतवर ओई दा हा| ओ दुए देश दे लेई बड़े दया करनै आले नेई हे| उनै आईये इस्त्राएल दे राज्य गी खत्म करी दिता | अश्शुरियें आईयै इस्त्राएल दे राज्य च बड़े सारे लोकें गी मारी दिता, जे उनै शैल लगेया, उसी लुटी भी लेता, ते देश दे केई इस्से जलाई दिते| अश्शुरियों नै सारे अगुवों ते पैसे आले लोकें, ते ऐसे लोग जेके कीमती चीजां बनाई सकदे ऐ सारे किट्ठे किते ते ओ उनै अश्शुर देश गी लेईये| इस्त्राएल च शड़े केश गरीब इस्त्राएली बचीए| पी अश्शुरी लोग देश च रौनै दे लेई विदेशियें गी लेईयै आए| उनै विदेशियें उनै जगें गी पी दबारे बनाया| जेके इस्त्राएली उत्थें बचे ए उन्दे कन्नै उनै ब्याह किता| इनै लोकें दे वंशज सामरी अखगे | यहूदा दे राज्य दे लोकें दिखेया के कियां परमेशवर नै ओदे उपर विश्वाश नेई करनै ते ओदी गल्ले गी नेई मननै दे कारण इस्त्राएल दे राज्य दे लोकें गी सजा दिती ही| लेकन ओसले बी उनै कनानियो दे देवताऐ दी मुर्तियें दी आराधना किती ही| परमेशवर नै उनै चेतावनी देनै दे लेई पविख्व्कता गी पेजेया, लेकन उनै सुननै हा मना करी दिता| लमसम 100 सालें दे बाद अश्शुरियें नै इस्त्राएल दे राज्य गी नाश करी दिता| परमेशवर नै बेबीलोन दे राजा नबुकदनेसर गी यहूदा दे राज्य उपर अमला करनै दे लेई पेजेया| बेबीलोन एक ताकतवर देश हा| यहूदा दा राजा नबुकदनेसर दा दास बननै ते आर साल उसी बड़े सारे पैसे लेनै दे लेई मन्नी गेया| लेकन केश सालें दे बाद यहूदा दे राजा नै बेबीलोन दे विरुद्ध तोखा किता| ते बेबीलोन दे लोकें बाप्स आईयै यहूदा दे राज्य उपर अमला करी दिता| उनै यरूशलेम नगर उपर कब्जा करी दिता, मंदरे दे खजानै गी लूटी लेईये| तोखा करनै दे कारण यहूदा दे राजा गी सजा देनै दे लेई नबुकदनेसर दे सैनिके नै राजा दे पुतर गी ओदे सामनै मारी दिता| ते पी उसी अन्ना करी दिता| ऐदे बाद ओ राजा गी लेईये एस करी ओ बेबीलोन दे जेलखानै च मारी जान| नबूकदनेसर ते ओदी सेना यहूदा दे राज्य दे लमसम सारे लोकें गी बेबीलोन लेई गेई केवल सारे गरीब लोकें गी पीछे शुड़ीये, किके ओ खुम्बे च फसल लान| समै दे एस काल गी बंधुआई अख्या गया ऐ जेड़े च परमेशवर दे लोकें गी बायदे दे देश च निकली जानै आस्ते मजबूर किता गेया हा| बेशक परमेशवर नै अपनै लोकें गी उन्दे पाप दे लेई बंधुआई च लेई जानै दे द्वारा सजा दिती| तां की ओ उन्दे या अपनी कसमें गी नेई पुला हा| परमेशवर नै अपनै लोकें दी देखपाल करना जारी रखया ते अपनै पविख्व्कता दे द्वारा उन्दे कन्नै गल्ला करदा रेया| ओसने कसम किती के सत्तर साल दे बाद, ओ पी कसम किते दे देश च जागे| लमसम सत्तर सालें दे बाद कारस दे राजा कुसू नै बेबीलोन गी जीती लेता, एस करी बेबीलोन दे राज दे बजाए कारस दे राज नै केई देश पर शासन किता| इस्त्राएली लोग उन यहूदी अखे जंदे हे| उन्दे च बड़े सारे अपनी पूरी जिन्दगी बेबीलोन च कट्टी शुड़ी | शड़े थोड़े बूढ़े यहुदियें गी यहूदा दा देश चेता हा| फारसी लोग बड़े ताकतवर हे, लेकन उनै अपनै जिंदे लोकें पर दया किती ही| फारसी लोकें दा राजा बननै दे थोड़े समै दे बाद कुसू नै एक्क आदेश दिता की कोई बी यहूदी जेका यहूदी गी जाना चांदा हा, ओ फारस च निकलिये बाप्स यहूदा गी जाई सकदा ऐ| इथैं तकर के ओसने उनै मंदर पी बनानै आस्ते पैसे बी दिते| ते बंधुआई दे सत्तर सालें दे बाद, यहुदियें दा एक्क निक्का समूह यहूदा च यरूशलेम नगर गी वापस आईये| जेसले ओ लोग यरूशलेम पुज्जे उनै मंदर गी ते नगर दे चोनी दीवारें गी पी बनाया| फ़ारसी लोग अंये बी उन्दे पर शासन करदे हे, लेकन एक्क बार पी ओ कसम आले देश च खादे हे, ते मंदर च आराधना करादे हे| 2 राजा अध्याय 17; 24-25; 2 इतिहास 36; एज्रा 1-10; नहेम्याह 1-13 कोला एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_20_96kbps.m4a

## 21. परमेश्वर मसीह डा बायदा करदा ऐ

https://openbiblestories.org/l/dgo/story-21/

![](https://cdn.door43.org/obs/jpg/360px/obs-en-21-01.jpg)

जेस बेले परमेश्वर नै संसार दी सृष्टि किती ही, ओ जानदा हा कि उसी बाद च, कुसे देन मसीह गी पेजना ओग| ओसने आदम ते हवा कनै बायदा किता कि ओ इयां करोग| ओसने आख्या कि हवा कोला इक वंश जन्म लेग जेका सपे दे सिरे गी कुचलग| जेस साप नै हवा गी तोखा दिता ओ शैतान गै हा परमेश्वर दा मतलब हा कि मसीह पूरी तरह कनै शैतान गी राइ देग| परमेश्वर नै अब्राहम कनै बायदा किता हा कि ओदे थमा संसार दी सारी जातियें गी सीस मिलग| परमेश्वर बाद च कुसे समां च मसीह गी पेजनै थमा एस बायदे गी पूरा करग| ओ मसीह संसार दी आर इक जाति दे लोके गी उन्दे पाप कोला छुड़ाग| परमेश्वर नै मूसा कनै बायदा किती हा कि आनै आले समां च मूसा आले लेखे इक पविख्व्कता गी पेजगा| ए पविख्व्कता मसीह ओग| एस रीती कने, परमेश्वर नै पि दवारे बायदा किता कि ओ मसीह गी पेजगा| परमेश्वर नै राजा दाउद कनै बायदा किता हा कि ओदा इक वंश मसीह ओग| ओ राजा ओग ते परमेश्वर दे लोकै उपर मेशा आस्ते राज करोग| परमेश्वर नै यिर्मयाह पविख्व्कता कनै गल्ल किती कि इक देन ओ नमी बाचा बनोग| ओ नमी बाचा इस्राएल दे कनै सीनै उपर बनी गेदी परानी बाचा आले लेखे नेई ओग| जेस्लै लोकै कनै ओ अपनी नमी बाचा बनग, ते ओ उन्दे उपर अपनै आप गी व्यक्तिगत रूप कनै जार करग| आर इक मानु ओदे कनै इरख रखोग ते ओदी व्यवस्था दा पालन करनै दी इच्छा रखोग| परमेश्वर नै आख्या कि ए ओदी व्यवस्था दा उन्दे दिले उपर लिखी देनै दे जियां ओग| ओ ओदे लोग ओगे, ते परमेश्वर उन्दे पापें गी माफ़ करग| ओ मसीह ओग जेका उन्दे कनै ओस नमी बाचा गी बनग| परमेश्वर दे पविख्व्कतें नै ए भी आख्या कि मसीह इक पविख्व्कता ओग| इक पविख्व्कता ओ मानु ऐ जेका परमेश्वर दे वचनै गी सुन्दा ऐ ते पि लोके परमेश्वर दे सन्देशे दा एलान करदा ऐ| जिसी पेजनै दा परमेश्वर नै बायदा किता हा कि ओ मसीह इक सेई पविख्व्कता ओग| मतलब कि ओ मसीह परमेश्वर दे सन्देशे गी सेई तरह कनै सुनाग, ते ओ लोके गी उनै सन्दे श सेई तरह कनै सिखाग| इस्राएली याजकें नै लोके आस्ते परमेश्वर दे अग्गे बलिदान चड़ाना जारी रख्या| ए बलिदान लोके दे पापें आस्ते परमेश्वर थमा दांड किते गेदी जगा उपर उपर चड़ाए गेदे हे| याजकें नै लोके आस्ते प्राथना भी किती| लेकन ओ मसीह सेई महायाजक ओग जेका परमेश्वर गी देनै आस्ते इक सेई बलि दे रूप च अपनै आप गी चड़ाई देग| मतलब कि ओ कदें भी कोई पाप नेई करग, ते ओ अपनै आप गी बली ओनै आस्ते देग, ते संसार दी कोई भी दुई बलि दी लोड़ नेई ओग| लोकै दे चूंडै उपर राजा ते प्रधान राज करदे न, ते कदें-कदें ओ गलतियाँ करदे ऐ| राजा दाउद नै खली इस्राएलियें दे उपर राज किता, लेकन राजा दाउद डा वंश मसीह सारे संसार उपर राज करग, ते ओ मेशा आस्ते राज करग| एदे अलावा, ओ मेशा सेई तरीके कनै राज करग, ते सेई फैसले गी लेग| परमेश्वर दे पविख्व्कतै मसीह दे बारे च बड़ी सारी गल्लें गी आख्या| उदारण आस्ते, मलाकी नै आख्या कि मसीह दे ओनै कोला पैले इक दुआ पविख्व्कता ओग| ओ पविख्व्कता बड़ा खास ओग|एदे अलावा, यशायाह पविख्व्कता नै लिख्या कि मसीह इक कुवारीं कोला जन्म लैग ते मिका पविख्व्कता नै आख्या कि मसीह बैतलहम लाके च जन्म लेग| यशायाह पविख्व्कता नै आख्या कि मसीह गलील दे लाके च बास करग| जेके लोग बड़े दुखी न मसीह ओनै गी बड़ी शान्ति देग| ओ कैदियें गी भी आजाद करग| मसीह बमारे गी ते जेके सुनी नेई सकदे, दिखी नेई सकदे, बोली नेई सकदे, यां चली नेई सकदे उनै गी भी चंगा करोग| यशायाह पविख्व्कता नै ए भी आख्या कि लोग मसीह कनै नफरत करगन ते उसी स्वीकार करनै गी मना करी देगन| दुए पविख्व्कता नै आख्या कि मसीह दा इक साथी ओदे खलाफ उठग| जकर्याह पविख्व्कता नै आख्या कि ओदा ए साथी ए करनै आस्ते दुएं लोकें कोला चांदी दे त्री ठीपे लेग| एदे अलावा, केश पविख्व्कता नै आख्या लोग मसीह गी मारी देगे, ते ए कि ओदे कपड़े आस्ते जुआ खेलगे| पविख्व्कतै ए भी सनाया कि मसीह कियां मरग| यशायाह नै पविख्वानी भी किती कि लोग मसीह उपर थुकगे, ओदा मजाक लेगे, ते उसी मारगे| ओ उसी छेदगे ते ओ बड़ी पीड़ा ते दुखे कनै मरी जाग, आलंकी ओसने केश भी गलत नेई किता ओग| पविख्व्कतै ए भी सनाया कि मसीह पाप नेई करग ओ सिद्ध ओग| लेकन ओ एसकरी मरग परमेश्वर उसी दुए लोके दे पाप दे कारण दण्ड देग ओदे मरनै उपर लोग परमेश्वर दे कनै मेल करनै च काबल ओगन| एसकरी परमेश्वर चांदा ऐ कि मसीह मरै| पविखवकतै नै ए भी सनाया कि परमेश्वर मसीह गी मरे बिचा जिन्दा करग| ए दर्शान्दा ऐ कि ए साब नमी बाचा गी बननै दी परमेश्वर दी जोजना ही, तां कि ओ उनै लोके गी बचाई सकै जिनै ओदे खलाफ पाप किता ऐ| परमेश्वर नै पविख्व्कतै उपर मसीह दे बारे च बड़ी सारी गल्लें गी जार किता, लेकन मसीह उनै पविख्वकतां बिचा कुसे दे भी जीवनकाल च नेई आदा हा| इनै पविख्व्कते दे दिए जानै दे 400 कोला जादा सालें दे बाद,सेई समां उपर, परमेश्वर मसीह गी एस संसार च पेजग| उत्पति 3 :15 ;12 :1-3;व्यवस्थाविवरण 18 :15 ;2 शमूएल 7 ;यिर्मयाह 31 ;यशायाह 59 :16 दानिएल 7 ;मलाकी 4:5;यशायाह 7 :14 ;मीका 5:2 यशायाह 9 :1 -7 ;35 :3 -5 ;61 ;53 ;भजन सहिंता 22 :18 ;35 :19 ;69 :4 ;41 :9 ;जकर्याह 11 :12 -13 यशायाह 50 :6 ;भजन सहिंता 16 :10 -11 थमा इक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_21_96kbps.m4a

## 22. यहुना दा जन्म

https://openbiblestories.org/l/dgo/story-22/

![](https://cdn.door43.org/obs/jpg/360px/obs-en-22-01.jpg)

बीती गेदे समें च,परमेश्वर नै अपनै पविख्व्कते कनै गल्ल किती ही एसकरी ओ लोके कनै गल्ल करी सके हे| लेकन ओस समां कोला लेइये पि 400 सालें दे बीतनै तकर ओसने उन्दे कनै गल्ल नेई किती| ओस बेले जकर्याह नां दे पविख्व्कता दे कोल इक स्वर्गदूत गी पेजया| जकर्याह ते ओदी करेआली एलिशिबा परमेश्वर दा आदर करदे हे| ओ बड़े बुढे ओइदे हे, ते उंदी कोई भी लोआद पैदा नेई ओदी ही| ओस बेले स्वर्गदूत नै जकर्याह गी आख्या, “तेरी करेआली दा इक पुतर पैदा ओग| तू ओदा नां यहुना रख्या| पवित्र आत्मा कनै परग, ते यहुना लोके गी मसीह गी ग्रैन करनै आस्ते त्यार करग|” जकर्याह नै जवाब दिता, “आऊँ ते मेरी करेआली लोआद पैदा करनै आस्ते बड़े बुडे न! आऊँ कियां जाना कि तोस मेरे कनै साच अखा दे न?” ओस स्वर्गदूत नै जकर्याह गी जवाब दिता,”तेरे कोल ए शोभ सनीया गी अननै आस्ते आऊँ परमेश्वर थमा पेजा गेदा ऐ| किके तो मेरे उपर बिश्बास नेई किता, एसकरी बच्चे दे जन्म लेनै तकर तूं बोलनै दे काबल नेई ओगा|” उसे बेले गै, जकर्याह बोलना बंद ओइया हा|ओस बेले ओ स्वर्गदूत जकर्याह दे कोला चलिया|एदे बाद, जकर्याह कार बापस आइया ते ओदी करेआली गर्भवती ओई| जेस्लै एलीशिबा छे:मिनै दी गर्भवती ही, ते उए स्वर्गदूत चानक गै एलीशिबा दी रिश्तेदार उपर जार ओया, जेदा नां मरियम हा| मरियम कुवारीं ही ते ब्या ओनै आस्ते यूसुफ नां दे मर्द कनै कड़माई ओइदी ही| स्वर्गदूत नै आख्या, “तूं गर्भवती ओगी ते इक पुतर जन्म देगी| तो ओदा नां यीशु रखना ऐ| ओ सर्व-शक्तिमान परमेश्वर दा पुतर ओगा ते मेष आस्ते राज करग|’’ ए ओनै दे उसे बेले दे बाद, मरियम नै जाइये एलीशिबा गी पेंट किती| जियां गै मरियम नै उसी नमस्ते किते, एलीशिबा दा बच्चा ओदे टीडे च उछलया| उन्दे आस्ते परमेश्वर नै जे किता हा ओदे बारे च ओ जनानियां बड़ी खोश ओईयां| एलीशिबा दे कनै तिन मिनै दे बाद,मरियम कार बापस आई| एदे बाद, एलीशिबा नै अपनै बच्चे गी जन्म दिता| जकर्याह ते एलीशिबा नै ओस बच्चे दा नां यहुना रख्या, जियां कि ओस स्वर्गदूत नै उक्म दिता हा| ओसलै परमेश्वर नै जकर्याह गी बोलनै दे कबल किता| जकर्याह नै आख्या, “परमेश्वर दी स्तुति उऐ, किके ओसने अपनै लोके दी मदद करनै गी चेता रखा ऐ|’’ लुका ध्याय 1 थमा बाईबल दी इक कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_22_96kbps.m4a

## 23. यीशु दा जन्म

https://openbiblestories.org/l/dgo/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नां दे इक तर्मी मानु दे कनै मरियम दी कड़माई ओइदी ही| जेस्लै ओसने सुनया कि मरियम गर्भवती ऐ ते ओ जानदा हा कि ओ ओदा बच्चा नेई ऐ| लेकन, ओ मरियम गी बदनाम नेई करना चांदा हा, एसकरी ओसने ओदे उपर दया करनै दी ते उसी चोपचाप फारगदी देनी दी सोची| लेकन एदे कोला पैलै कि ओ इयां करदा, इक स्वर्गदूत नै ओदे सुहनै च आइये ओदे कनै गल्ल किती| ओस स्वर्गदूत नै ओदे कनै आख्या, “ए यूसुफ, मरियम गी अपनी करेआली दे रूप च लेईये आनै गी नेई डार| ओदे कोल जेका बच्चा ऐ ओ पवित्र आत्मा दी तरफा ऐ| ओ इक पुतर गी जन्म देगी| ओदा नां यीशु रख्या (जेदा मतलब ऐ, ‘यहोवा बचांदा ऐ’), किके ओ लोके गी उन्दे पापें कोला बचाग|” ते यूसुफ नै मरियम कनै ब्या किता ते उसी अपनी करेआली दे रूप च करे लेई आया, लेकन ओदे बच्चे गी जन्म देनै तकर ओ ओदे कनै नेई सुता| जेस्लै मरियम दा जन्म देनै दा समां कोल हा, ते ओसने ते यूसुफ नै बैतलहम जानै दी इक लम्मी यात्रा किती| उनै उथे जाना गै हा किके रोमी अधिकारी इस्राएल च रोनै आले सारे लोके दी गिनती करना चांदे हे| ओ चांदे हे कि सारे लोग उथे जान जिथे उन्दे दादे-पड़दादे रोंदे हे| राजा दाउद दा जन्म बैतलहम च ओय हा, ते ओ मरियम ते यूसुफ दोनों दा पूर्वज हा| मरियम ते यूसुफ बैतलहम गे, लेकन उथे जानवरें गी रखनै आली जगा दे बगैर उन्दे ठेरनै आस्ते कोई जगा नेई ही| उए जगा ही जिथे मरियम नै अपनै बच्चे गी जन्म दिता |ओसने उसी गोड़ लटाया किके उथे ओदे आस्ते कोई बिस्तरा नेई हा| उनै ओदा नां यीशु रख्या| ओस राती, उथे कोल दे खम्बे दे कोल केश गुआल अपनी पिडें दे चूंडे दी राखी करा दे हे| चानक गै इक चमकदार स्वर्गदूत उन्दे उपर जार ओया, ते ओ डरिये| ओस स्वर्गदूत नै आख्या, “नेई डरो, किके मेरे कोल थोड़े आस्ते शोभ सनीया ऐ| बैतलहम च मसीह, स्वामी दा जन्म ओया ऐ|” जाईयै ओस बच्चे गी तुपो, ते तोस उसी कपड़े च लपटोंदा ते गोड़ च लेटा मिलग|” चानक गै, अम्बर स्वर्गदूतै कनै परोइया| ओ परमेश्वर दी स्तुति करा दे हे| उनै आख्या, “सारी महिमा स्वर्ग च आजर परमेश्वर गी थुऐ| तरती उपर उनै लोके गी शान्ति उऐ जेदी ओ चेतां करदा ऐ|” ओसले स्वर्गदूत चलिये| ओ गुआल भी अपनी पिडें गी छुड़ीयै बच्चे गी दिखनी गे| उसे बेले ओ ओस जगा उपर पुजे जिथे यीशु हा ते उनै उसी गोड़ च लेटा दिखया, जियां कि ओस स्वर्गदूत नै आख्या हा| ओ बड़े गै उत्साहित हे| ओसले ओ गुआल बापस उथे गे जिथे उंदी पिडा ही| ओनै जे केश भी सुनया ते दिखया ओस सारे आस्ते ओ परमेश्वर दी स्तुति करा दे हे| चढ़दी आली बखिया दूर इक देश च केश मर्द हे| उनै तारे दे ज्ञान दी पड़ाई किती ही ते ओ बड़े बुद्धिमान हे| उनै इक अजीब तारे गी अम्बर च दिखया| उनै आख्या कि एदा मतलब ऐ कि यहुदियें दे इक नमें राजा दा जन्म ओया ऐ| एसकरी उनै उसी बच्चे गी दिखनै आस्ते अपनै मुल्ख दा यात्रा करनै दा फैसला लेता| इक लम्मी यात्रा दे बाद, ओ बैतलहम आए ते ओस करे गी तुप्या जिथें यीशु दे माँ-प्यो रुके दे हे| जेस्लै इनै मानुए नै यीशु गी अपनी माँ दे कनै दिखया ते ओनै गोडे टेकीयै ओदी आराधना किती| उनै यीशु गी कीमती तोफे दिते| पि ओ कार बापस आइये| मती ध्याय 1 ;लूका 2 थमा इक बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_23_96kbps.m4a

## 24. यहुन्ना यीशु गी बपतिस्मा दिंदा ऐ

https://openbiblestories.org/l/dgo/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा ते जकर्याह दा पुतर यहुन्ना, बडा ओईए एक पविख्कता बनी गया। ओ जंगल च रोहंदा हा, ते जंगली खमीर ते त्रिड्डीयां खंदा हा, ते ऊंट दे खाल दे बनै कपड़े लांदा हा। बड़े सारे लोक यहुन्ना दी गल्ले गी सुननै आस्ते जंगल च आए। ओसने ऐ अख्खीये प्रचार किता, “ तोबा करो, किके स्वर्ग दा राज्य कोल ऐ!” जेसले लोकै यहुन्ना दे सदेश गी सुनेया, ते उन्दे चा बड़े सारे नै अपनै पापे कोला तोबा किती, ते यहुन्ना नै ओनै गी बपतिस्मा दिता। यहुन्ना गी दिखनै आस्ते बड़े सारे तार्मिक अगुवे भी आए, लेकन ओनै अपनै पापे दी तोबा जा अंगीकार नेई किता। यहुन्ना नै तार्मिक अगुवे गी आखेया, “ ओ जरीले सपों! तोबा करो ते अपनै व्यवहार गी बदलो। परमेशवर अर ओस बूटे गी कटी देग जेका शैल फल नेई अनदा, ते ओ उसी अगी च सुट्टी देगा।” जेका पविख्व्कता नै आखेया हा यहुन्ना नै उसी पूरा किता, “ देख, तोले गे आँऊ तेरे अगे अपनै संदेश देनै आले गी पेजगा जेका तेरे आस्ते रस्ते गी तेयार करग।” केछ तार्मिक अगुवे नै यहुन्ना नै यहुन्ना गी पुछया की के ओ मसीह ऐ। यहुन्ना नै जबाब दिता, “आँऊं मसीह नेईऐ , लेकन ओ मेरे बाद च आवदा ऐ। ओ इन्ना बडा ऐ की आँऊँ ओदे जूते दे तस्मे खोलनै दे काबल भी नेई ऐ।” अगले देन, यीशु बपतिस्मा लेनै आस्ते यहुन्ना दे कोल आया। जेसले यहुन्ना नै उसी दिखया, ते ओसने अखया, “दिखो! परमेशवर दा मेमना जेका संसार दे पापे गी चुकीऐ लेई जागा।” यहुन्ना नै यीशु गी अख्या, “ आँउ तुकी बपतिस्मा देनै दे काबल नेई ऐ। बजाए एदे जरूरी ऐ की तू मिकी बपतिस्मा दे।” लेकन यीशु नै अख्या, “ तो मिकी बपतिस्मा देना चाहिदा, किके करनै आस्ते सेही काम्म ईयै।” ते यहुन्ना नै उसी बपतिस्मा दिता, आलांकी यीशु नै कदै भी पाप नेई किता हा। बपतिस्मा देनै दे बाद जेसले यीशु पानी बीचा बाहर आया, ते परमेशवर दा आत्मा कबूतर दे रूप च प्रकट ओया ते थले आई ऐ ओदे उपर रुकी गया। उसै बेले, परमेशवर नै स्वर्ग बिचा गल्ल किती। ओसने अख्या, “ तू मेरा पुतर ऐ। आँउ तेरे कन्नै प्यार करना ऐ, ते आँउ तेरे कोला बड़ा खोश ऐ।” परमेशवर नै यहुन्ना गी अख्या हा, “ पवित्र आत्मा थले आईऐ कुसै उपर रुकी जाग जिसी तू बपतिस्मा देग।” ऊऐ परमेशवर दा पुतर ऐ परमेशवर ईक ग ऐ। लेकन जेसले यहुन्ना नै यीशु गी बपतिस्मा दिता, ते ओसने परमेशवर पिता गी गल्ल करदे सुनेया, पुतर नै परमेशवर गी दिख्या, जेका की यीशु ऐ, ते ओसने पवित्र आत्मा गी दिख्या। मती अध्याय 3; मरकुस 1:9-11; लूका 3:1 कोला इक बाइबल दी कहानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_24_96kbps.m4a

## 25. शैतान यीशु दी परीक्षा करदा ऐ

https://openbiblestories.org/l/dgo/story-25/

![](https://cdn.door43.org/obs/jpg/360px/obs-en-25-01.jpg)

यीशु दा बपतिस्मा ओनै दे उसै बेले गे बाद च, पवित्र आत्मा उसी जंगल च लेईया। यीशु उत्थे चाली देन ते चाली रात हा। ओस बेले ओसने ब्रत रखे, ते शैतान नै यीशु दे कोल आईये पाप करानै आस्ते ओदी परीक्षा किती। पैले, शैतान नै यीशु गी अख्या, “अगर तू परमेशवर दा पुतर हे ते इनै पत्थरे दी रुट्टी बनाई ले तां की तू खाई सकें!” लेकन यीशु नै शैतान गी अख्या, “परमेशवर दे बचन च ऐ लिखा ऐ, 'जिन्दा रौनै आस्ते मांनुए गी खाली रुट्टीऐ दी लोड़ नैई ऐ, लेकन उसी अर एक गल्ले दी लोड़ ऐ जेका परमेशवर उनै गी अख्दा ऐ!” ओसले शैतान यीशु गी मंदर दे कोनै उपर लेईया। ओसने ओदे कन्नै आख्या, “अगर तू परमेशवर दा पुतर हे ते इत्थूआं थले शाल मारी दे, किके लिखा ऐ, 'परमेशवर तुकी चुकनै आस्ते अपनै स्वर्गदुते गी हुक्म देग की तेरे पैरें गी ठोकर नी लगे।' ” लेकन यीशु नै ओ नैई किता जेका शैतान नै उसी करनै आस्ते अखा हा। एदे बगैर, ओसने अख्या, “परमेशवर अर एक गी अख्दा ऐ, ' तू प्रभु अपनै परमेशवर दी परीक्षा नैई करेयां।' ” पी शैतान नै उसी संसार दे सारे राज्य दसे। ओसने उसी दसेया की ओ किन्नै शक्तिशाली हे, ते ओ किन्नै मीर ऐ। ओसने यीशु गी आख्या, “आँउ तुकी ऐ सारा केश देगा अगर तू गोडे टेकिये मेरी पक्ती करें।” यीशु नै जबाब दिता, ऐ शैतान, मेरे कोला चलीया! परमेशवर दे बचन च ओ लोके गी ऊक्म दिंदा ऐ, 'खाली अपनै प्रभु परमेशवर दी अराधना करो। परमेशवर दे रूप च खाली ओदा गै आदर करो।' “ यीशु नै शैतान दी परीक्षा कोला आर नैई मनी, एसकरी शैतान ओदे कोला चलीया। ओस बेले स्वर्गदूत आइए यीशु दी सेवा करनै लगे। मती अध्याय 4:1-11; मरकुस 1:12-13; लूका 4:1-13 कोला एक बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_25_96kbps.m4a

## 26. यीशु अपनी सेवा शुरू करदा ऐ

https://openbiblestories.org/l/dgo/story-26/

![](https://cdn.door43.org/obs/jpg/360px/obs-en-26-01.jpg)

शैतान दी परीक्षे दा सामना करनै दे बाद, यीशु बाप्स गलील दे लाके च आया। इये ओ जगा ही जिथे ओ रौंदा हा। पवित्र आत्मा उसी बड़ी सामर्थ दिया दा हा, ते यीशु इक जगा चा दुए जगे गी गेया ते लोके गी शिक्षा दिती। सारे ओदे बारे च अच्छी गल्लां कितियाँ। यीशु नासरत लाके च गेया। ए ओ ग्रां ऐ जिथे ओ बचपन च रौंदा हा। आराम दा देन, ओ आराधना करनै दे जगा बेच गेया। अगुवे नै उसी यशायाह पविख्वकता दे सन्देश दी कताब दिती। ओ चांदे हे की ओ ओदे बिचा पड़े। ते यीशु नै ओस कताब गी खोलिये ओदे इक इस्से गी लोके आस्ते पड़या। यीशु नै पड़या, ''परमेश्वर नै मिकी अपना आत्मा दिता ऐ तां कि आऊँ कंगाले च सुसमाचार प्रचार करी सका। ओसने मिकी एसकरी पेजया ऐ कि कैदीये गी अजाद करा, अनै गी पि दिख्ननै आस्ते मदद करा, ते ओनै गी छुटकारा दियां जेनै गी दुए लोग कुचला दे न। ए ओ समां ऐ जेसले परमेश्वर साड़े उपर किरपालु ओगा ते साड़ी सायता करग।'' पि यीशु बैठिया। सारे लोग उसी बड़े त्यांन कनै दिखा दे हे। ओ जानदे हे कि पवित्रशास्तर दा जेका इस्सा ओसने उन पड़या हा ओ मसीह दे बारे च हा। यीशु नै आख्या, ''जेकी गल्लां मैं उन थोड़े आस्ते पड़ी ऐ, ओ एस बेले पूरी उआदीया ऍन।'' सारे लोग राण हे। ओनै आख्या, ''के ओ युसफ दा पुत्तर नेई हा? यीशु नै आखना जारी रखया, “ते एलिशा पविख्वकता दे समें च, इस्राएल च मते सारे मानु चमड़ी दे रोग कन्नै पीड़ा च हे। लेकन एलिशा नै उन्दे बिचा कुसे गी वी चंगा नेई कित्ता। ओसने सिर्फ इस्राएल दे दुश्म्नै दे सूबेदार नामान गी चंगा कित्ता।" लेकन जेड़े मानु यीशु गी सुना करदे हे ओ यहूदी हे। एस आस्ते जेसलै उनैं उसी ऐ आखदे सुनेया तां ओ ओदे उपर गुस्से ओए। नासरत दे मानुऐं यीशु गी पकड़ी लेता ते उसी अराधना दे थार बीचा कसीटीयै बार लेई गे। ओ उसी मारनै आस्ते थले सुटनै गी एक्क चट्टान दे सिरे उपर लेई गे। लेकन यीशु पीड़ थमां निकली गया ते नासरत गी छुड़ीयै चली गया। पी यीशु सारे गलील दी जगा च गया, ते बड्डी पीड़ ओदे कोल आई। ओ ऐ जे मते सारे मानुएं गी लेई आए जेड़े बमार ते लंगड़े हे। उन्दे बीचा केछ मानु दिखी,चली, सुनी, जाँ बोली नेई सकदे हे, ते यीशु नै उनै गी चंगा कित्ता। इसदे बजाय, मते सारे ऐसे मानु यीशु दे कोल लेई आंदे जिंदे बेच दुष्टात्मां हियाँ। यीशु नै दुष्टात्मा गी उन्दे बीचा निकली जानै दा उक्म दित्ता ओ दुष्टात्मा करलाईयां "तू परमेसर दा पुत्तर ऐ।!” पीड़ दे मानु अरान हे ते उनैं परमेसर दी स्तुति कित्ती। पी यीशु नै बारां 4-15,35-39; लूका 4:14-30, 38-44 थमां एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_26_96kbps.m4a

## 27. दयालु सामरी दी कानी

https://openbiblestories.org/l/dgo/story-27/

![](https://cdn.door43.org/obs/jpg/360px/obs-en-27-01.jpg)

इक देन,यहूदी ब्यबस्था दा इक ज्ञानी येशु दे कोल आया। ओं सारे गी ऐ दसना चांदा हा की यीशु गलत रीति कनै शिक्षा दियदा हा। एसकरी ओसने आख्या, “ ऐ गुरु, मेशा दी जिंदगी पानै आस्ते आउ के करा?” यीशु नै जवाब दीता, “परमेश्वर दी ब्यबस्था च के लिखा ऐ?” ओस मानुऐ आख्या,”ओ अख्दी ऐ की अपनै परमेश्वर कनै अपनै सारे मान,प्राण,सामर्थ,ते बुद्धि कनै इर्ख कर। ते अपनै मले आले कनै अपनै समान इर्ख राख।” यीशु नै जवाब दिता, “तू बिलकुल सेई ऐ! अगर तू इयाँ करें, ते तुकी मेशा दी जिंदगी मिलग।” लेकन ओ ब्यबस्था दा ज्ञानी लोके गी दसना चांदा हा की ओदी जिंदगी जीनै दा तरीका सेई हा। एसकरी ओसने यीशु गी पुष्या" ठीक ऐ, ते मेरा मले आला कोण ऐ?” यीशु नै ओस ब्यबस्था दे ज्ञानी गी एक कानी सनानै थमां जवाब दिता। “एक यहूदी मानु हा जेका एक रस्ता कोला ओईया येरयेरुशलम कोला यरीहो दी यात्रा करा दा हा।” ''लेकन केश डाकूएं नै उसी दिखया ते ओदे उपर अमला किता। ओनै ओदा सारा केश लेई लेता ते उसी लग्पाग मरनै तकर मार्या-पिटया। पी ओ चलिये।'' “ओदे उसे बेले दे बाद, इक यहूदी याजक उसे रस्ते च ओइया निकलया। ओस याजक नै ओस मानुऐ गी रस्ते पर पेदा दिखया। जेस्लै ओसने उसी दिखया ते ओ रस्ते दी दुई वखिया जाइये अगे चलिया। ओसने ओस मानुऐ गी पूरी तरह कनै अनदेखा करी दिता।” “एदे बाद केश समां बीतनै पर, इक लेवी ओस रस्ते च आया। (लेवी यहुदियें दा इक गोत्र हा जेनै मंदर च याजकें दी सायता किती ही।) ओ लेवी भी रस्ते दी दुई बखिया निकलीया। ओसने भी ओस मानुऐ गी अनदेखा करी दिता।” “अगला मानु जेका ओस रस्ते पर आया ओ सामरिया दा इक मर्द हा। (सामरी ते यहूदी इक दुए कनै नफरत करदे हे।) ओस सामरी नै रस्ते बेच ओस मानुऐ गी दिखया। ओसने दिखया की ओ यहूदी हा, लेकन पी भी ओसने ओदे उपर तरस खादा। ते ओ ओदे कोल गया ते ओदे पैरे उपर पटियां बनियाँ।” “ पी ओस सामरी नै ओस मानुऐ गी अपनै गधे उपर चडाया ते उसी ओस रस्ते चा इक सरां गी लेईया। जिथे ओसने ओदी देख्पाल करना जारी रखी।” अगले दिन, ओस सामरी गी अपनी यात्रा गी जारी रखनै दी जरूरत ही। ओसने ओस सरां दे माल्क गी केश पैसे दिते। ओसने उसी आख्या, “ एस मानुऐ दी देख्पाल करयां। अगर एस पैसे दे आलावा तेरा केश और तन खर्च उए ते बापस ओनै उपर आऊँ तेरे खर्च गी चकाउड़गा।” पी यीशु नै ओस ब्यबस्था दे ज्ञानी गी पुश्या,” तोस के सोचनै न? एनै तीन मानुऐ बिचा कौन ओस मानुऐ दा मले आला ऐ जिसी लुट्या ते मार्या हा?” ओसने जवाब दिता, “ ओउए जेका ओदे उपर कृपालु हा।” यीशु नै उसी आख्या, “तू जा ते इयाँ गे कर।” लूका अध्याय 10:25-37 थमां इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_27_96kbps.m4a

## 28. तनी जवान शासक

https://openbiblestories.org/l/dgo/story-28/

![](https://cdn.door43.org/obs/jpg/360px/obs-en-28-01.jpg)

इक दिन, इक तनी जवान शासक नै यीशु दे कोल आइये उसी पुष्या,”ऐ उत्तम गुरु, मेशा दी जिंदगी पानै आस्ते मिकी के करना चायदा?” यीशु नै उसी आख्या, “तू मिकी 'उतम' की अखना ऐ? खाली इक गे उतम ऐ ते ओ परमेश्वर ऐ। लेकन अगर तू मेशा दी जिंदगी पाना चांदा ऐ ते परमेश्वर दी ब्यबस्था दा पालन कर।” “मिकी कोके कोके उक्मे दा पालन करनै दी लोड़ ऐ?” ओसन पुष्या यीशु नै जवाब दिता,”अत्या नेई करयां,चोरी नेई करयां चुठ नेई बोल्यां अपनै माँ ते प्यो दा आदर करयां, ते अपनै मले आले गी अपनै समान प्यार करयां।” लेकन ओस जवान ज्कते नै आख्या, आऊँ अपनै बचपन कोला ऐ सारे उक्मे दा पालन करदा आया ऐ। मिकी मेशा आस्ते जिन्दा रौनै आस्ते अयें बी के करनै दी लोड़ ऐ?” यीशु नै उसी दिखया ते उसी प्यार किता। यीशु नै जवाब दिता, “अगर तू सिद्ध ओना चाना ऐ ते जाइये अपना साब केश बेचीं दे ते ओ तन गरीबे गी बंडी दे, ते तुकी स्वर्ग च तन मिलग। ते उन मेरे पीछे चली पो।” जे यीशु नै आख्या जेसले ओस जवान जकते सुन्या ते ओ बड़ा उदास ओईया, किके ओ बड़ा तनी हा ते ओसने अपनी तन दोलत गी देना नेई चाया हा। ओ मुड़ीये यीशु कोल चलीया। ओसले यीशु नै अपनै चेले गी आख्या, “परमेश्वर दे राज्य च तनी लोके दा प्रवेश करना मुश्कल ऐ! आँ, इक तनी मानुऐ दा परमेश्वर दे राज्य च प्रवेश करनै दी मसाल च कुसे ऊँट दा सुई दे नके च ओएये निकलना असान ऐ।” जे यीशु नै आख्या जेस्लै चेले नै सुन्या ते ओ राण हे। उनै आख्या, “अगर ऐ इयाँ ऐ ते परमेश्वर कुसी बचाग?” यीशु नै चेलें गी दिखया ते आख्या, “लोके आस्ते अपना उदार करना मुश्कल ऐ। लेकन परमेश्वर आस्ते केश बी करना मुशक्ल नेईयें।” पतरस नै यीशु गी आख्या, “अस चेले अपना सब केश शुडीये तेरे पीछे ओई दे न। ते साड़ा इनाम के ओग?” यीशु नै जवाब दिता, "हर इक मानु जेसनै मेरे कारन कार, परा, पैन, माँ, प्यो, बचे, यां तन दोलत गी शुडया ऐ, ओ ओदे च 100 गुना जादे आसिल करग ते मेशा दी जिंदगी भी पाग। लेकन बड़े सारे जेके पैलें ऍन,ओ पिछले ओगें, ते बड़े सारे जेके पिछले ऍन ओ पैलें ओगे।” मती अध्याय 19:16 -30 ; मरकुस10:17-31 ;लूका 18:18-30 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_28_96kbps.m4a

## 29. निर्दयी दास दी कानी

https://openbiblestories.org/l/dgo/story-29/

![](https://cdn.door43.org/obs/jpg/360px/obs-en-29-01.jpg)

इक देन, पतरस नै यीशु गी पुष्या, ''ऐ स्वामी, मिकी अपनै परा गी किनी बार माफ़ करना चाईदा जेस्ले ओ मेरे खलाफ पाप करदा ऐ? के सात बारी तकर?'' यीशु नै आख्या, '' सात बारी नेई, लेकन सात दे सतर बारी!'' एदे थमां, यीशु दा मतलब ऐ की असें मेंशा माफ़ करना चाईदा। ओस बेले यीशु नै ऐ कानी सनाई। यीशु नै आख्या, ''परमेश्वर दा राज्य इक राजा आले लेखे ऐ जेका अपनै नौकर कोला साब लेना चांदा हा। ओदा इक नौकर2,00,000 साले दी मजदुरी दे इक बडे कर्जे दा कर्जदार हा।'' लेकन ओ नौकर अपनै कर्ज गी मुकाई नेई सकया, एसकरी राजा नै आख्या, ''एदा कर्ज मुकानै आस्ते एस मर्द गी ते एस परिवार गी नौकर दे रूप च बेचीं दे।'' ''ओस नौकर नै राजा दे सामनै अपनै गोडे दे पार किरिये आख्या, कृपा करिये मिकी बालग, ते आऊँ अपनै कर्ज दी पूरी रक्म चुकाऊड़गा। 'राजा नै नौकर उपर दया किती, एसकरी ओसने ओदे सारे कर्ज गी माफ़ करी दिते ते उसी जान दिता।'' “लेकन जेसले ओ नोकर राजा दे कोला बार गिया, ते उसी ओदा इक साथी नोकर लब्या जेकी ओदी चार मिनै दी मजदुरी दा कर्जदार हा। ओस नोकर नै अपनै साथी नोकर गी पकड़ी लेता ते आख्या, “जेका तेरे उपर मेरा क़र्ज़ ऐ मिकी ओ चुगाउड़!” “ओस साथी नौकर नै गोडे दे पार किरिये आख्या, 'कृपा करियै मिकी बालग, ते आऊँ अपनै कर्ज दी पूरी रक्म चुकाउड़गा।” लेकन एदे बजाए, ओस नोकर नै अपनी साथी नोक्र्र गी जेलखानै च पाउड़या जेस बेले तकर ओ ओस कर्ज़ गी चुकाई नेई देग।” “ जे केश ओया हा उसी केश दुए नोकरें दिखया ते ओ बड़े परेशान ओए। ओ राजा दे कोल गे ते उसी सारा केश सनाया।” “राजा नै ओस नोकर गी सदिए आख्या, 'ऐ दुष्ट दास! मैं तेरे कर्ज़ गी एसकरी माफ़ किता हा किके तो मेरे अगे बिनती किती ही। तो बी इयाँ गैं करना चायदा हा।' राजा इना गुस्से च हा की ओसने ओस दुष्ट दास गी जेलखानै च पाउड़या जेस बेले तकर ओ अपनै कर्ज़ गी बाप्स नई चुकाई देगा।” ओस बेले यीशु नै आख्या, “मेरे स्वर्ग च आजिर पिता थोड़े बिचा अर इक दे कनै इये करोग। अगर तोस अपनै परा गी दिला कोला माफ़ नेई करगे।” मती अध्याय 18:21-35 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_29_96kbps.m4a

## 30. यीशु पांज ज़ार लोके गी रुट्टी खलान्दा ऐ

https://openbiblestories.org/l/dgo/story-30/

![](https://cdn.door43.org/obs/jpg/360px/obs-en-30-01.jpg)

यीशु नै अपनै चेले गी परचार करनै ते लोके गी शिक्षा देनै आस्ते बड़े सारे लग-लग ग्रां च पेजया। जेसले ओ उथे पूजे जिथे यीशु हा ते उनै उसी सनाया की उनै के किता हा। ओस बेले यीशु नै उनै गी नदी दे दुई तरफ ओदे कनै इक शांत जगह उपर जाइये केश समां आराम करनै आस्ते सदया। ते ओ इक किश्ती उपर चड़ीये ते नदे दे दुई तरफ चलीये। लेकन उथे बड़े सारे ऐसे लोक हे जेनै यीशु ते चेले गी किशती उपर जांदे दिखया हा।ओ लोक उन्दे कोला अगे नदी दे दुई तरफ जानै आस्ते नदी दे कंडे-कंडे उपर नसे। ते जेसले यीशु ते चेले पूजे ते लोक़े दा इक चुंड उंदा इंतजार करदा ओया उथें पेलें दा हा। ओस पीड च जरानियाँ ते बचे दी गिनती दे बगेर 5,000 कोला जादा मर्द हे। यीशु नै उनै लोके उपर बडा तरस खादा। यीशु दे आस्ते ओ लोग बगैर गुआल दी पीडा दे लेखे हे। एसकरी ओनै उनै गी शिक्षा दिती ते उन्दे बेच जेके लोक बमार हे उनै गी चंगा किता। दिने दे ऐतं च, चेले नै यीशु गी आख्या, “उन चेर ओई दा ऐ ते आसे पासे च कोई लाका नेई ऐ। इनै लोके गी पेज तां की ओ जाइये खानै आस्ते केश लेन।” लेकन यीशु नै चेले गी आखिया, “तोस इनै गी खानै आस्ते केश दियो!” उनै जवाब दिता, “अस इयाँ कियां करी सकनै न? साड़े कोल खाली पांज रुटीयां ते दो निकियाँ मशलियाँ ऐ।” यीशु नै अपनै चेले गी आख्या की ओ पीड़ दे लोके गी का उपर पंजा-पंजा दे चुंड च बैठनै आस्ते आख। ओस बेले यीशु नै पांज रुटीयां ते दो मशलियाँ गी लेइये स्वर्ग दी तरफ दिखया, ते ओस रुटी दे आस्ते परमेशवर दा तनवाद किता। पी यीशु नै रुटी ते मशलियें गी टुकड़े च तोड़या। ओसने लोके गी देनै आस्ते अपनै चेले गी ओ टुकड़े दिते। चेले ओस रुटी गी बंडदे रे, ते ओ कदे बी खत्म नेई ओइ! ओ सारे लोक खाईये रजीये। ओदे बाद, चेले नै ओस रुटी गी कीठा किता जेका खाया नेई गेदा हा ते ओ बारह टोकरियें परनै आस्ते बचा हा! ओ सारा पोजन उनै पांज रुटी ते दो मशलियाँ कोला आया हा। मती अध्याय 14:13 -21; मरकुस 6 :31-44; लूका 9:10-17; यहूना6:5-15 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_30_96kbps.m4a

## 31. यीशु पानी उपर चलदा ऐ

https://openbiblestories.org/l/dgo/story-31/

![](https://cdn.door43.org/obs/jpg/360px/obs-en-31-01.jpg)

पांज ज़ार लोके गी पोजन करानै दे बाद, यीशु नै अपनै चेले गी किश्ती उपर जानै गी आख्या। ओसने उनै गी चील दे दुई बखिये जानै आस्ते आख्या तां की ओ थोड़े समे आस्ते उथे गैं ठेरीयै। ते चेले चलीये ते यीशु नै पीड गी बिदा किता की ओ अपनै कार जान। एदे बाद, यीशु प्राथना करनै आस्ते इक पाड उपर चलीया। उथे ओ इकला हा, ते ओसने राती बड़े चेर तकर प्राथना किती। ओस समे, चेले अपनी किश्ती गी चलाइए जा दे हे, लेकन अवा उन्दे बिरोध च बड़ी जोर कनै चला दी ही। बडी रात ओई जानै उपर बी ओ खाली चील दे बेच गैं पूजे हे। ओस समें च यीशु नै प्राथना करना खत्म किती ते अपनै चेले कोल बापस जाना शुरू किता।ओ किस्ती कोल जानै आस्ते पानी दे उपर चलना लगेया। ओस बेले चेलें नै उसी दिखया। ओ बड़े डरिये किके ओनै सोचा हा कि ओ कोई पूत ऐ। यीशु जान्दा हा कि ओ डरी दे हे, एसकरी ओनै उसी आला देइया आख्या, ''डरो नेई, ऐ आऊँ ऐ!'' ओस बेले पतरस नै यीशु गी आख्या, ''ऐ प्रभु, अगर ऐ तू ऐ ते मिकी पानी उपर चलिये तेरे कोल आनै दा उक्म दे। '' यीशु नै पतरस गी आख्या, ''आ!'' ते पतरस किस्ती उपर दा उतरिया ते यीशु दे कोल जानै आस्ते पानी सतह उपर चलना शुरू किता। लेकन थोड़ी दूर जाइए ,ओसने अपनी अंखि गी यीशु कोला फेरी दिता ते लैरे गी दिखना ते तेज अवा गी महसूस करना शुरू करी दिता। ओस बेले पतरस डरीया ते पानी च डूबन लगया। ओ करलाया, “ऐ प्रभु, मिकी बचा!” यीशु नै उसे बेले आथ बदाइये उसी पकड़ी लेता। ओस बेले ओसने पतरस गी आख्या, “तेरा विश्वास बड़ा कट्ट ऐ! तुकी स्म्बालीये रखनै आस्ते तो मेरे उपर परोसा की नेई किता?” ओसले यीशु ते पतरस किश्ती उपर चड़ीये, ते उसे बेले अवा दा चलना बंद ओईया। पानी शांत ओईया। चेले राण ओईये यीशु दे अगे गोडे टेकी दिते। उनै ओदी अराधना किती ते उसी आख्या, “सचें गैं तू परमेश्वर दा पुतर ऐ।” मती अध्याय 14:22-; 33; मरकुस 6:45-52 ;यहूना 6:16-21 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_31_96kbps.m4a

## 32. यीशु दुष्टआत्मा कोला पीड़ित मानुऐ गी ते इक बमार जनानी गी चंगा करदा ऐ

https://openbiblestories.org/l/dgo/story-32/

![](https://cdn.door43.org/obs/jpg/360px/obs-en-32-01.jpg)

यीशु ते ओदे चेले अपनी किश्ती बिचा ओस लाके गी गे जीथें गिरासेनी लोक रोंदे हे। ओ ओस लाके च पुजिया किश्ती कोला उतरी ये। उथे इक मानु हा जेका दुष्टात्मा कोला पीड़ित हा। इक मानु इनना ताकतवर हा की कोई भी उसी वश च नेई करी सकदा हा। केई बार लोके उसी ओदे अथे गी ते पैरे गी जंजीरे कनै भी बनया, लेकन ओ उसी तोड़ी दिंदा हा। ओ मानु ओस लाके च कब्रे च रौंदा हा। ओ मानु पूरे देन ते पूरी रात करलांदा हा। ओ कपड़े नेई लांदा हा आर बेले अपनै आप गी पथरें कनै मारदा हा। ओ मानु खेट मारिये यीशु दे कोल आया ते ओदे सामनै गोडे टेकी दिते। ओस बेले यीशु नै ओस मानुऐ दे अंदर दी दुष्टात्मा कनै गल्ल किती ते आख्या, ''एस मानुऐ चा बार निकली आ!'' ओ दुष्टात्मा उची वाज कनै करलाई, ''ऐ यीशु, परम प्रधान परमेश्वर दे पुतर, तेरा मेरे कनै के कम्म? कृपा करियै मिकी नेई सता!'' ओस बेले यीशु नै ओस दुष्टात्मा गी पुष्या, ''तेरा ना के ऐ?'' ओसने जवाब दिता, ''मेरा ना सेना ऐ, किके आस बड़े ऐ।'' (रोमी सेना च केई जार सैनिक दा इक चुंड इक ''सेना'' ओंदी ही।) उनै दुष्टात्मा नै यीशु अग्गे बिनती किती, ''किरपा करिये असे एस लाके चा बार नेई पेज!'' उथे गै पाड़ उपर सुअरे दा इक चुंड चरा दा हा। एसकरी उनै दुष्टात्मा नै यीशु अग्गे बिनती किती, ''किरपा करियै असे उनै सुअरे दे बेच पेजी दे!'' यीशु नै आख्या, ''ठीक ऐ, ''ओदे च चलियाओ!'' ते ओ दुष्टात्में ओस मानुए बिचा निकलिये उनै सुअरे च गेइठी। ओ सूअर खेट मारीये इक पाड़ दी चोटी उपरा चील बेच कूदिये ते डूबीए मरीऐ। ओस चुंड च लग्पाग 2,000 सूअर हे। उत्थें उन्नै सुअरें दी देखपाल करनेआले लोग हे। जे केश ओया हा जेसले उन्नै दिख्या ते ओ च शैरे गी नसी ऐ। यीशु नै जे किता हा उत्थें उन्नै सारे गी सनाया। ओस शैरे दे लोग निकली आए ते ओस मानूंऐ गी दिख्या जेदे च दुष्टात्मा ही ओ शांति कन्ने, कपड़े लांदे ओए, ते एक्क आम आदमी दी तरहा व्यवहार करदे ओए बैठा हा। ओ लोग बड़े डरीदे हे ते उन्नै यीशु गी चली जानै आस्ते आख्या। ते यीशु किश्ती उपर चड़ीया। ओ मानूं जेदे च दुष्टात्मा ही ओसने यीशु दे कन्नै जानै दी बिनती किती। लेकन यीशु नै उसी अख्या, “नैई। आँउ चान्ना ऐ की तू कार जाईऐ सारे गी सन्ना की परमेशवर नै तेरे आस्ते के किता हे। उन्नै गी सन्ना की कियां परमेशवर नै तेरे उपर दया किती ही।” एसकरी ओ मानूं गया ठी ते सारे गी ओदे बारे च सनाया जेका यीशु नै ओदे आस्ते किता हा। ओदी कानी गी सुननै आला अर एक्क जन राण ओया हा। यीशु चील दी दूई वखीये वापस आया। ओदे उत्थें पुजनै दे बाद, एक्क बडी पीड़ ओदे आसेपासे किट्ठी ओई ते उसी दबानै लगी। ओस पीड़ च एक्क जनानी ही जेकी बारां साले कोला खून बहनै दी बमारी कोला परेशान ही। ओसने अपना सारा तन डाक्टरे गी देई दिता हा ता की ओ उसी ठीक करी सकण, लेकन ओदी बमारी और भी बिगड़ी गेदी ही। ओसने सुना हा की यीशु नै केई बमार लोके गी ठीक किता हा ते ओसने सोचेया, “ आऊँ निश्चिन्त ऐ की अगर आऊँ खाली यीशु दे कपड़े गी शुई लै, ते आऊँ भी ठीक ओईया गी!” एसकरी ओ यीशु दे पिछुआँ आई ते ओदे कपड़े गी शुई लेता जियां गे ओसने उसी शुता, खून दा बहना बंद ओईया। ओस बैले गे, यीशु नै जानी लेता की ओदे चा सामर्थ निकली ऐ। एसकरी ओसने पीशे मुड़ीये पुशेया, “मिकी कोसनै शुता?” चेलें नै जबाब दिता, “उत्थें इन्नै सारे लोकें तेरे चोनी पासे पीड़ लादी ऐ, ते तुकी दबा दे न। ते तो की पुशेया की मिकी कोंसनै शुता ऐ?” ओ जनानी यीशु दे सामनै कम्ब्दी ओई ते बड़ी डरदी ओई अपनै गोडे दे पार बेई। ओसले उसनै उसी सनाउड़या की ओसने के किता हा, ते ये भी की ओ ठीक ओई दी ऐ। यीशु नै उसी अख्या, "तेरे विश्वाश नै तुकी ठीक किता ऐ। शांति कन्नै जा।” मती ध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 थमां एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_32_96kbps.m4a

## 33. इक किसान दी कानी

https://openbiblestories.org/l/dgo/story-33/

![](https://cdn.door43.org/obs/jpg/360px/obs-en-33-01.jpg)

इक देन, यीशु चील दे कंडे हा। ओ लोके दे इक बडी पीड गी शिक्षा देया दा हा। उसी सुननै आस्ते इनै सारे लोक आए की यीशु दे कोल उनै सारे कनै गल करनै आस्ते जगह नई बची। एसकरी ओ पानी च खड़ोती दी किश्ती उपर चड़ीया। उथे ओ बेइया ते लोके गी शिक्षा दिती। यीशु नै उनै गी ओ कानी सनाइ, “ एक्क किसान बी राणे आस्ते बार निकलेया। जेसले ओ अथें कनै बी गी सुटा दा हा ते केश बी रस्ते बेच कीरे। लेकन पखरुऐ आइये उनै सारे बीऐ गी खाई लेता।” “दुए बी पथर आली तरती उपर कीरे जीथें बड़ी काट मिटटी ही। पथर आली तरती उपर कीरे बी बड़ी जल्दी पैदा ओए, लेकन ओदी जड़ें तरती दे गैंरी जगह च जानै आस्ते काबल नेई ही। जेस बेले सूरज निकलेया ते गर्मी ओई ते ओ बूटे सुकीये ते मरीये।” “ तां भी दुए बी चाल दे बेच कीरे। उनै बियें दा उगना शुरू किता, लेकन कंडै उनै गी दवाउड़या। एसकरी कंडे आली तरती च कीरे बियें बिचा निकले बूटे बिचा कोई बी नाज नेई उगाई सकया।” “दुए बी शैल तरती उपर कीरे। ओ बी बदे ते जिनै बी राऐ हे उन्दे चा 30, 60, ते इथे तकर की 100 गुना नाज पैदा किता। जेका कोई भी परमेश्वर दे पीछे चलना चांदा ऐ, ओ ओस गल्ल उपर तयांन दिये जेकी आऊँ अखा ना !” एस कानी नै चेले गी प्लेखे च पाई दिता। एसकरी यीशु नै उन्हें गी समजाया की, “ओ बी परमेश्वर दा बचन ऐ। ओ रस्ता एक्क ऐसा मानु ऐ जेका परमेश्वर दे बचन गी सुनदा ऐ, लेकन उसी समजदा नेई ऐ। ओस बेले शैतान ओदे कोला बचन गी चुराई लेंन्दा ऐ। मतलब शैतान उसी बचन गी समजना कोला दूर रखदा ऐ।” ''ओ पत्थर आली तरती एक्क ऐसा मानु ऐ जेका परमेश्वर दे बचन गी सुनदा ऐ ते ख़ुशी कनै अपनांई लेंदा ऐ। लेकन जेस्लै ओ मुश्कल कड़ी ओंदी ऐ, या दुए मानु उसी स्तांदे न, ते ओ परमेश्वर कोला दूर चलिंदा ऐ। मतलब ओ परमेश्वर उपर परोसा करना बांद करी दिंदा ऐ।'' ''ओ कंडे आली तरती एक्क ऐसा मानु ऐ जेका परमेश्वर दे बचन गी सुनदा ऐ। लेकन ओ बड़ी सारी गल्लें दे बारे च चेंता करना शुरू करी दिंदा ऐ, ते ओ बड़ा सारा ताण कमानै दी कोशिश करदा ऐ, ते ओ बड़ी सारी चिजे गी पानै दी कोशिश करदा ऐ। केश समां दे बाद, उन ओ परमेश्वर गी प्रेम करनै दे काबल नेई ऐ। एसकरी जे ओसने परमेश्वर दे बचन च सिखा हा ओ उसी परमेश्वर गी खोश करनै दे काबल नेई करदा ऐ। ओ कनके दी पतली डंडी आले लेखे ऐ जेकी नाज पैदा नेई करी सकदी ऐ।'' ''लेकन शैल तरती ओ मानु ऐ जेका परमेशवर दे बचन गी सुनदा ऐ, ओदे उपर बिश्बास करदा ऐ, ते फाल्ल पैदा करदा ऐ।'' मति ध्याय 13 :1-8 ,18 -23 ;मरकुस 4 : 1 -8 ,13 -20 ; लूका 8 :4 -15 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_33_96kbps.m4a

## 34. यीशु दुई कानियें दी शिक्षा दिंदा ऐ

https://openbiblestories.org/l/dgo/story-34/

![](https://cdn.door43.org/obs/jpg/360px/obs-en-34-01.jpg)

यीशु नै परमेश्वर दे राज्य दे बारे च दुई बड़ी सारी कानियां सनाईयां। उदारण आस्ते, ओसने आख्या, ''परमेश्वर दा राज्य एक्क राई दे बी आले लेखे ऐ जिसी कुसै अपनै खुम्बे च राया हा। तोस जानदे ओ की राई दा बी सारे बीए बिचा सारा कोला निक्का ओंदा ऐ।'' ''लेकन जेस्लै राई दा बी बदी जंदा ऐ ते ओ बगीचे दे सारे बूटे कोला बडा ओई जंदा ऐ, इना बडा की पखरू आइये ओदी टालिए उपर आराम करदे ऐ।'' यीशु नै एक्क दुई कानी सनाई, ''परमेश्वर दा राज्य खमीर आले लेखे ऐ जिसी लेईयै एक्क जनानी आटे दे बेच मिलाई लेंदी ऐ ओस बेले ओ सारे आटे च फैली जंदा ऐ।'' ''सवर्ग दा राज्य ओस खजानै आले लेखे ऐ जिसी कुसै खुम्बे च शपाली दिता। कुसे दुए मानु गी ओ खजाना थोईया ते ओसने उसी पानै दी बड़ी चाह किती। एसकरी ओसने उसी पि दवारे शपाली दिता। उसी इनी ख़ुशी ओदी ही की ओसने जाईयै अपना सारा केश बेचीं दिता तां कि ओ उसी खुम्बे गी लेई सकै जिथे ओ खजाना हा।'' ''स्वर्ग दा राज्य एक्क बड़ी कीमती शोद्ध मोती आले लेखे बी ऐ। जेस्लै कोई मोतियें दा बयापारी उसी लेई लेंदा ऐ ते ओ उसी खरीदनै आस्ते अपना सारा केश बेचीं दिंदा ऐ।'' उथे केश लोग हे जेके सोचदे हे कि परमेश्वर ओनै एसकरी अपनागा किके ओ पले कम्म करादे न। ओ लोग निए लोके गी बेकार समजदे हे जेके उनै पले कम्म गी नेई करदे हे। एसकरी यीशु नै ओनै गी ए कानी सनाई: ''दो मर्द हे ते दवें जनै प्राथना करनै आस्ते मंदर च गे। ओंदे चा एक्क चुंगी लेनै आला हा, ते दुआ एक्क तार्मिक अगुवा हा।'' ओस तार्मिक अगुवे नै एस तरीके कनै प्राथना किती, 'ऐ परमेशवर तेरा तनबाद ऊए की आँऊँ दुए लोके आले लेखे _जियां की डाकू, अन्यायी मानूं, व्यभिचारी, जा इत्त्थे तकर की इत्थें आजर ओस चुंगी लेनै आले दे लेखे एक्क पापी नैई ऐ।' ” “उदारण आस्ते, आँऊँ अर अफ्ते दो बार बरत रखना ऐ, ते आंऊँ मिकी मिलनै आले तान्न ते समानै दा दसमां इस्सा तुकी दिना ऐ।” “लेकन ओ चुंगी लेनै आले ओस तार्मिक अगुवे कोला बड़े दूर खड़ोईया। ओसने उपर स्वर्गे दी तरफ अख्खीयां भी नैई चुकीयाँ। एदे बगैर, ओसने अपनी मुठ्ठी कन्नै अपनी शाती गी पीटया ते प्राथना किती, 'ऐ परमेशवर, कृपा करिये मेरे उपर दया कर किके आँऊँ एक पापी ऐ।' ” पी यीशु नै आख्या, ''आऊँ थोड़े कनै साच आखना ऐ, परमेश्वर नै ओस चुंगी लेनै आले दी प्राथना गी सुनया ते उसी तर्मी आख्या गेया। लेकन ओसने ओस तार्मिक अगुवे दी प्राथना गी पसंद नेई किता। परमेश्वर आर एक्क कमंडी दे सिरे गी थल्ले करग, लेकन ओ आर ओस मानु दा आदर करग जेका अपनै आप गी दीन करदा ऐ।'' मती ध्याय 13 :31 -33,44 -46 ;मरकुस 4:30 -32 ;लूका 13 :18 -21 ;18 :9-14 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_34_96kbps.m4a

## 35. दयालु प्यो दी कानी

https://openbiblestories.org/l/dgo/story-35/

![](https://cdn.door43.org/obs/jpg/360px/obs-en-35-01.jpg)

इक दिन, यीशु उनै बड़े सारे लोके गी शिक्षा दिया दा हा जेके ओदी सुननै आस्ते किठे ओदे हे। ऐ लोग चुंगी लेनै आले ते कनै गैं दुए लोग बी हे जीनै मूसा दी ब्यबस्था दा पालन करनै दी कोशिश नेई किती ही। केश तार्मिक अगूवे नै दिखया की यीशु इनै लोके कनै दोस्त आले लेखे गल करा दा हा। एसकरी ओनै एक दुए कनै ऐ अखना शुरू करी दिता की ओ गलत करा दा हा। यीशु नै उनै गी गलां करदे सुन्या, एसकरी ओस उनै गी ऐ कानी सनाइ। “एक्क मानु हा जेदे दो पुतर हे। नीके पुतर नै अपनै प्यो गी आख्या, 'ऐ पिता, मिकी उन मेरा इसा चाइदा!' ते प्यो नै अपनै दोनी पूतरें दे बेच अपनी जाईदाद गी बंडउड़या।” “जल्दी गैं निका पुतर अपना सारा केश किठा करीये दूर देश गी चलीया ते पापी जिंदगी जीनै च अपना सारा तान बर्बाद करी दिता।” “एदे बाद, जिथें निका पुतर हा ओस देश च एक्क डरोना काल पेया, ते ओदे कोल पोजन लेनै आस्ते तान नेई हा। एसकरी उसी जेका काम थोया ओ सुरें गी चरानै दा हा। ओ इना दुही ते पुखा हा की ओ सुरें दा पोजन खाना चांदा हा।” “आखरकार, ओस नीके पुतर नै अपनै आप कनै आख्या, 'आऊँ के करा ना? मेरे प्यो दे सारे नोकरें कोल खानै गी बडा जादा ऐ, पी बी आऊँ इथें पुखा मरा ना। मैं अपनै प्यो दे कोल बापस जाना ते अपनै प्यो दा एक्क नोकर बननै आस्ते ओदे कोल बिनती करगा।” “ते ओस नीके पुतर नै बाप्स अपनै प्यो दे कार दी तरफ जाना शुरू किता। अयें तकर की ओ अयें दूर गैं हा, ओदे प्यो नै उसी दिखया ते ओदे उपर तरस खादा। ओ खेट मारीये अपनै पुतर दे कोल गेया ते उसी गले लाईये उसी चुम्या।” “ ओस पुतर नै आख्या, “ऐ पिता, में परमेश्वर दे ते तेरे खलाफ पाप किता ऐ। आऊँ तेरा पुतर अखनै दे लायक बी नेई ऐ।” “ लेकन प्यो नै अपनै एक्क नोकर गी आख्या, 'तोलै जाइये सारें कोला शैल कपड़े लेईये आओ ते मेरे पुतर गी लूआओ! ओदी ओंगली च नुठी ते ओदे पैरें च बूट लूआओ। पी सारें कोला शैल बशु मारो तां की अस खाचे ते जशन मनाचे, किके मेरा पुतर मरी दा हा, लेकन उन जिन्दा ऐ! ओ गवाची दा हा, लेकन उन असें उसी तुपी लेता ऐ!” ''एसकरी लोके जशन मनाना शुरू किता। केश समां बीतनै उपर, बडा पुतर खुम्बे चा कम्म करीयै कार आया। ओसने गानै ते नचनै दी बाय गी सुनया ते राण ओया कि ए के उआदा हा।'' ''जेस्ले बडे पुतर गी पता चलया कि ओ एसकरी जशन मना दे हे किके ओदा परा कार आईदा हा, ते ओ बड़ा गुस्सा ओया ते कार च दाखल नेई ओया। ओदे प्यो नै बार आइये ओदे कनै उसी जशन मनानै दी बिनती किती, लेकन ओसने मना करी दिता।'' ''ओस बड़े पुतर नै अपनै प्यो गी आख्या, 'इनै सारे साले च मै तेरे आस्ते मनै कनै कम्म किता! कदें बी तेरी गल्ले गी नेई टाल्या, लेकन तो कदें भी मिकी एक्क निकी बकरी भी नेई दिती ता कि आऊँ अपनै दोस्त दे कनै ताम करी सका। लेकन तेरे पुतर नै तेरे ताण गी पापी कम्म करनै च बर्बाद करी दिता ऐ। ते उन जेस्लै ओ आया ऐ ते ओदे आस्ते जशन मनानै गी तो सारे कोला शैल बशुऐ गी मारी दिता!''' '' प्यो नै जवाब दिता, 'ऐ मेरे पुतर, तू मेशा मेरे कनै ऐ, ते जे केश मेरा ऐ ओ सारा केश तेरा ऐ। लेकन साड़े आस्ते जशन मनाना सेई ऐ किके तेरा परा मरी गेदा हा, लेकन उन ओ जिन्दा ऐ। ओ गुआची दा हा, लेकन उन असे उसी तुपी लेता ऐ!''' लूका ध्याय 15 :11 -32 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_35_96kbps.m4a

## 36. रूप बदलना

https://openbiblestories.org/l/dgo/story-36/

![](https://cdn.door43.org/obs/jpg/360px/obs-en-36-01.jpg)

एक्क देन, यीशु नै अपमे त्रे चेलें, पतरस, याकूब, ते यहुंना गी अपनै कनै लेता। (ए यहूना नां दा चेला उए मानु नेईऐ जेसनै यीशु गी बपतिस्मा दिता हा।) ओ प्राथना करनै आस्ते एक्क उचे पाड़ उपर गे। जेस्लै यीशु प्राथना करा दा हा ते ओदा चैरा सूरज आले लेखे चमकिया। ओदे कपड़े लोई आले लेखे चिट्टे ओइये, जियां तरती उपर कोई करी सकै ओदे कोला भी जादा चिट्टे। ओस बेले मूसा ते एलियाह पविक्ख्वाकता प्रकट ओए। ऐ मर्द एस तरती उपर एस समें च सेंकोड़ो साल पैलें रौंदे हे। उनै यीशु कनै ओदी मोत दे बारे च गल्ल किती, किके ओ जल्दी गैं यरूशलेम च मरीयाग। जेस्लै मूसा ते एलियाह यीशु कनै गल्ल करादे हे ओस बेले पतरस नै यीशु गी आख्या, '' साड़े आस्ते इथें रौना ठीक ऐ। अस त्रे बेदी गी बनाचे, एक्क तेरे आस्ते, एक्क मूसा आस्ते, ते एक्क एलियाह आस्ते।'' लेकन पतरस नेई जान्दा हा कि ओ के आखदा ऐ। ओस बेले पतरस गल्ल करादा हा, ते एक्क चमकीला बदल थले आईये उन्दे उपर शाइया। पि ओनै बदल बिचा एक्क बाय गी ओंदे सुनया। ओसने आख्या, '' ए मेरा पुतर ऐ जेदे कनै आऊँ प्रेम करना ऐ। आऊँ एदे कोला खोश ऐ। ओदी सुनो।'' ओ त्रवे चेले डरिये ते तरती उपर लेटिये। ओस बेले यीशु नै ओनै गी शुता ते आख्या, ''डरो नेई। उठीयाओ।'' जेस्लै ओनै चोनी पासे दिखया, ते जेके भी उथे हे ओ खाली यीशु हा। यीशु ते त्रवें चेले ओस पाड़ कोला बाप्स थले उतरीये। ओस बेले यीशु नै आख्या, ''उन जे इथें ओया ओदी चर्चा कुसे कनै भी नेई करयो। मैं जल्दी गैं मरीयाना ते पि जिन्दा ओईयाना। एदे बाद, तोस लोके गी सनाइ सकनै न।'' मती ध्याय 17: 1-9 ; मरकुस 9: 2-8 ; लूका 9:28 -36 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_36_96kbps.m4a

## 37. यीशु लाजर गी मुर्दे बिचा जिन्दा करदा ऐ।

https://openbiblestories.org/l/dgo/story-37/

![](https://cdn.door43.org/obs/jpg/360px/obs-en-37-01.jpg)

लाजर नां दा एक्क मानूं हा। ओदी दो पैना ही जिंदे ना मरियम ते मारथा हे। ओ सारे यीशु दे जिगरी दोस्त हे। एक्क देन, कुसै यीशु गी सनाया की लाजर बड़ा बमार हा। जेसले यीशु नै ऐ सुनेया ते ओसने अख्या, “ ऐ बमारी लाजर दे मरनै दे कन्नै खत्म नैई ओगी। एदे बगैर, ओ लोकें गी परमेशवर दा आदर करनै आस्ते प्रेरित करग।” यीशु अपनै दोस्ता कन्नै इरख करदा हा, लेकन जिथ्तें ओ हा उत्थें ओसने दो देना तकर ब्लगया। उन्नै दो दिना दे बाद, ओसने अपनै चेलें गी आख्या, “आओ वापस यहूदिया गी चल्चे।” चेलें जबाब दिता, "लेकन ऐ गुरु, ऊँण केश गे समें पैले उत्थें दे लोक तुकी मारी देना चान्दें हे!” यीशु नै अख्या, "साड़ा दोस्त लाजर सोईदा ऐ, ते मिकी उसी ब्जालना ऐ।” यीशु दे चेलें जबाब दिता, “ऐ प्रभु, अगर लाजर सवा दा ऐ, ते ओ ठीक ओईयाना।” ते यीशु नै ओनै गी साफ साफ अखी दिता, “लाजर पूरा ओइदा ऐ। आंऊँ खोश ऐ की आंऊँ उत्थें नैई हा, ता की तोस मेरे उपर बिश्बास करी सको।'' जेस्लै यीशु लाजर दे ग्रां पूज्या ते लाजर गी मुके ओए पेले दे चार देन ओइदे हे। मार्था यीशु कनै मिलनै आस्ते बार आई ते आख्या, ''ऐ प्रभु, अगर तू इथे ओंदा ते मेरा परा नेई मरदा। लेकन आऊँ बिश्बास करनी ऐ कि जे केश भी तू परमेश्वर कोला मंगगा ओ तुकी देग।'' यीशु नै जवाब दिता, ''पुनरुत्था(मरे बिचा जिन्दा ओना) ते जिन्दगी आऊँ ऐ। जेका भी मेरे उपर बिश्बास करदा ऐ अगर ओ मरी भी जग ता भी जीग। जेका भी मेरे उपर बिश्बास करदा ऐ ओ कधें भी नेई मरग। के तू एस उपर बिश्बास करनी ऐ?'' मार्था नै जवाब दिता, '' ऐ प्रभु, आऊँ बिश्बास करनी ऐ की तू परमेश्वर दा पुतर मसीह ऐ।'' ओस बेले मरियम आई। ओसने यीशु दे चरणे च किरिये आख्या, ''ऐ प्रभु, अगर तू इथे ओंदा ते मेरा परा नैई मरदा।'' यीशु नै उसी पुष्या, ''तुसे लाजर गी कुथें रखा ऐ?'' उनै उसी सनाया, ''कबर च। आ ते दिखी लै।'' ओस्लै यीशु रोना लगेया। ओ कबर एक्क गुफा ही जेधे दरवाजे उपर एक्क पथर गी लटकादा हा। जेस्लै यीशु कबर च पूज्या ते ओसने उनै गी आख्या, ''पथर गी पासे करुड़ो।'' लेकन मार्था नै आख्या, '' उसी मरे दे चार देन ओइदे न। ओदे चा मुश्क अवा दी ओनी।'' यीशु नै जवाब दिता, ''के मै तुसे गी नेई आख्या हा कि अगर तोस मेरे उपर बिश्बास करगे ते परमेश्वर दी सामर्थ गी दिखगे?'' एसकरी ओनै पथर गी पासे करी दिता। ओस बेले यीशु नै उपर स्वर्ग दी तरफ दिखयै आख्या, '' ऐ पिता, मेरी सुननै आस्ते आऊँ तेरा तनबाद करना ऐ। आऊँ जानना कि तू मेशा मेरी सुनदा ऐ, लेकन मै ऐ इथें खड़ोते इनै लोके दी सायता करनै आस्ते आख्या ता कि ए बिश्बास करन कि तो मिकी पेजा ऐ।'' ओस बेले यीशु नै आला दिता, '' ऐ लाजर, बार निकलिया!'' ते लाजर बार निकली आया! ओ उन बी कफन च लपेटा ओदा हा। यीशु नै उसी आख्या, '' एस कफन गी निकलनै च ओदी सायता करो ते उसी अजाद करो।'' एस चमत्कार दे कारन बड़े सारे यहुदियें नै यीशु दे उपर बिश्बास किता। लेकन यहदीयें दे तार्मिक अगुवे यीशु कनै जलनै लगे, एसकरी ओ जोजना बनानै आस्ते सारे किठे ओए कि कियां यीशु ते लाजर गी मारचे। यहूना 11 :1-46 थमां बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_37_96kbps.m4a

## 38. यीशु गी पड़काया जंदा ऐ

https://openbiblestories.org/l/dgo/story-38/

![](https://cdn.door43.org/obs/jpg/360px/obs-en-38-01.jpg)

आर साल, यहूदी लोग फसह दा त्यार मनदे हे। ए एस बारे च एक्क जशन हा कि केई साल पैलें परमेश्वर नै ओंदे पुर्वजें गी मिस्र दी गुलामी कोला शुड़ाया हा। लाग्पाग तिन साले दे बाद यीशु नै लोके बेच प्रचार करना ते शिक्षा देना शुरू किती। यीशु नै अपनै चेले गी सनाया कि ओ उन्दे कनै यरूशलेम च फसह दे त्यार गी मनाना चांदा ऐ, ते ए भी की ओ उथे मरी दिता जाग। यीशु दे चेलें च एक्क यहूदा ना दा एक्क मानु हा। यहूदा प्रेरिते दे ताण दी थैली मुखिया हा, लेकन कधें-कधें ओ ओस थैली बिचा पैसे कडी लेंदा हा। यीशु ते चेले यरूशलेम च पुजनै दे बाद यहूदा यहूदी अगुवें दे कोल गेया।ओसने ताण दे बदले च यीशु गी ओंदे आथ पकड़ानै चिन्न रख्या। ओ जान्दा हा कि यहूदी अगुवे स्वीकार नेई करदे हे कि यीशु गैं मसीह हा। ओ जान्दा हा की ओ उसी मारना चांदे हे। महायाजक दे अखनै पर यहूदी अगुवे नै यीशु गी उन्दे आथ च पकड़ानै आस्ते यहूदा गी त्री चाँदी दे सिक्के दिते। ऐ उसे तरीके कनै ओया जियां कि पविख्वाकता नै आख्या हा कि इयाँ गैं ओग। यहूदा मनिया ते ताण लेइये गेयाठी। ओ यीशु गी गेरफतार करनै च उंदी सायता करनै आस्ते कुसे समें गी तुपा दा हा। यरूशलेम च, यीशु नै अपनै चेलें कनै फसह दा त्यार मनाया। फसह दे पोजन दे थमां, यीशु नै रुट्टी लेइयै तोड़ी। ओसने आख्या, ''इसी लियो ते खाओ। ए मेरा शरीर ऐ जेका आऊँ थोड़े आस्ते दिना ए। इसी मेरी याद च करयो।'' एस तरीके कने, यीशु नै आख्या कि ओ उन्दे आस्ते मरीयना, मतलब उन्दे आस्ते ओ अपनै शरीर गी बलि चड़ाई देग। पि यीशु नै एक्क दाखरस दा प्याला लेता ते आख्या, ''इसी पी लैओ। ए नमी वाचा दा मेरा खून ऐ जेका कि आऊँ सुटगा ता कि परमेश्वर थोड़े पापें गी माफ़ करै। आर बार इसी पीदें बेले मेरी याद च इसी करयो जेका आऊँ उन करा ना ऐ।'' ओस बेले यीशु नै अपनै चेलें गी आख्या, '' थोड़े चा एक्क जण मिकी पकड़ाग।'' चेले राण ओइये, ते पुशनै लगे कि कुन ए कम्म करग। यीशु नै आख्या, ''मिकी पकड़ानै आला मानु ओ ऐ जिसी आऊँ ऐ रुट्टीया ग्रा देगा ए।'' ओस बेले ओसने ओ रुट्टी यहूदा गी दिती। ओस रुट्टी गी लेनै दे बाद, यहूदा च शैतान आईया। यहूदा निकलीयै यीशु गी गेरफतार करनै आस्ते यहूदी अगुवे दी सायता करनै गी गेयाठी। ए राती दा समां हा। पोजन दे बाद, यीशु ते ओदे चेले जैतून पाड़ गी चलिये। यीशु नै आख्या, '' तोस सारे आज्ज राती मिकी शुड़ी देगे। ए लिखा दा ऐ, 'मैं गुआलुए गी मारगा ते पीडा तितर-बितर ओइयानी।'' पतरस नै जवाब दिता, ''पवां बाकी सारे लोग तुकी शुड़ी देगे, आऊँ नेई शुड़गा!'' ओस बेले यीशु नै पतरस गी आख्या, ''शैतान तुसे सारे गी लेई लेना चांदा ऐ, लेकन ऐ पतरस, मै तेरे आस्ते प्राथना किती ऐ की तू बिश्बास कोला मुड़ी नी जा। पि भी, आज्ज दी राती, मुर्गे दे बांग देनै कोला पैलें तू तिन बारी मना करगा कि तू मिकी जान्दा भी नेईयें।'' पतरस नै ओस बेले यीशु गी आख्या, ''पवां आऊँ मरी भी जाग, आऊँ कधें भी तेरा इंकार नेई करगा!''बाकी दे सारे चेले नै भी इये आख्या। ओस बेले अपनै चेलें दे कनै गतसमनी ना दे जगा उपर गेया। यीशु नै अपनै चेले गी प्राथना करनै आस्ते आख्या ता कि शैतान उंदी परीक्षा नेई करै। ओस बेले यीशु अपु गैं प्राथना करनै आस्ते चलिया। यीशु नै तिन बारी प्राथना किती, ''ऐ मेरे पिता, अगर ओई सकै ते कृपा करिये ए दुहे दा प्याला पीनै आस्ते मिकी नेई दे। लेकन अगर लोके दे पाप माफ़ करनै आस्ते कोई ओर रस्ता नेई ऐ, ते तेरी गैं मर्जी पूरी उए।'' यीशु बड़ा उदास हा ते ओदा परसीना खूनै दे तोपे आले लेखे हा। उसी सामर्थ देनै आस्ते परमेश्वर नै एक्क स्वर्गदूत गी पेजया। आर बार प्राथना दे बाद, यीशु अपनै चेलें दे कोल बाप्स आया, लेकन ओ सोईदे हे। जेस्लै यीशु त्री बार आया ते यीशु नै आख्या, ''जागियो! मेरा पकड़ानै आला इथे ऐ।'' यहूदी अगुवे, सैनिक, ते एक्क बडी पीड़ दे कनै यहूदा आया। उनै तलवारा ते डांगा लेती दी ही। यहूदा नै यीशु दे कोल आईये ओदे कनै आख्या, ''ऐ गुरु, नमस्ते,'' ते उसी चूमी लेता। ओसने गेरफतार करनै आले मानु गी यहूदी अगुवे उपर प्रकट करनै आस्ते इयाँ किता हा। ओस बेले यीशु नै आख्या, ''ऐ यहूदा, के तू एक्क चुमा कनै मिकी पकड़ा ना ऐ?'' जेस्लै ओ सैनिक यीशु गी पकड़ा दे हे, ते पतरस नै अपनी तलवार कडी ते महायाजक दे एक्क सेवक दा कान बडी दिता। यीशु नै आख्या, '' तलवार गी दूर कर! आऊँ अपनै पिता कोला ब्चा करनै आस्ते स्वर्गदुते दी सेना आस्ते बिनती करी सकना ऐ! लेकन मिकी मेरे पिता दी गल्ल मननी ऐ।'' ओस्लै यीशु नै ओस मानु दे कन गी ठीक करी दिता। ओस बेले सारे चेले नसिये। मती 26 :14 -56 ;मरकुस 14 :10 -50 ; लूका 22 :1 -53 ;यहूना 12 :6 ;18 :1-11 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_38_96kbps.m4a

## 39. यीशु उपर मुकदमा चलदा ऐ

https://openbiblestories.org/l/dgo/story-39/

![](https://cdn.door43.org/obs/jpg/360px/obs-en-39-01.jpg)

ऊंन ये अधी राती दा समां हा। ओ सैनिक यीशु गी महायाजक दे कर लेई आए, किके ओ यीशु कन्नै सुआल करना चांदा हा। पतरस दूरा ओन्दा पिशा करादा हा। जेसले सैनिक यीशु गी कर च लेईये, ते पतरस बार बलगीऐ अपनै आप गी गर्म करनै लगेया। कर दे अंदर, यहूदी अगुवे नै यीशु उपर मुकदमा चलाया। ओ ओदे खलाफ चुठी गल्लें गी बोलनै आस्ते बड़े सारे चुठे गवाही बोलनै आले गी लेई आए। आलांकी, उन्दी गल्ला एक्क दुगे कन्नै मिलदी नैई ही, एसकरी यहूदी अगुवे ये साबत नैई करी सके की ओ कुसे गल्लें दा दोषी हा। यीशु नै केश नैई अख्या। ऐन्त्तं च, महायाजक नै सीधे यीशु दी तरफ दिखिए अख्या, “अस्से सना की के तू गैं परमेशवर दा पुतर मसीह ऐ?” यीशु नै अख्या, “ आंऊँ ऐ,ते तोस मिकी परमेशवर कन्नै बैठे दा ते स्वर्ग चा ओंदे ओऐ भी दिखगे।” महायाजक नै अपनै कपड़े फाटुड़े किके जे यीशु नै अख्या ओ ओस गल्ल पैर बड़ा गुस्सा हा। ओ दुए अगुवे पर करलाया, “असे ऐ स्नानै आस्ते कुसे और गवाही देनै आले दी लोड़ नैई ऐ की एस मानूं नै के किता ऐ! तुससे अपु गे उसी ये अख्दे सुनी लेता ऐ की ओ परमेशवर दा पुतर ऐ। ओदे बारे च थोड़ा के फैसला ?” सारे यहूदी अगुवे नै महायाजक गी जवाब दिता, ''ओ मरनै दे योग्य ऐ!'' ओस बेले यीशु दी अंखि उपर पट्टी बनुड़ी, ओदे उपर थुक्या, उसी मारया, ते ओदा मजाक डुआया। ते पतरस, जेस्लै ओ कार दे बार बल्गा दा हा। ओस बेले एक्क नौकरानी कुड़िये उसी दिखया। ओसने उसी आख्या, '' तूमी यीशु दे कनै जा!'' पतरस नै मना करी दिता। बाद च, कुसे दुई कुड़िये इये गल्ल अखी, ते पतरस नै पि मना करी दिता। एतं च, केश लोके आख्या, ''आस पता कि तू यीशु दे कनै हा किके तोस दवें गलील कोला न।'' ओस बेले पतरस नै आख्या, ''अगर आऊँ एस मानुए गी जान्दा ऐ ते परमेश्वर मिकी सराप दियें!'' उसै बेले गे पतरस दे एस तरह कन्नै कसम खानै दे बाद, एक्क कुक्कड़ नै बांग दिती। यीशु नै पीशे मुड़िये पतरस गी दिख्या। पतरस उत्थुंआँ गेयाठी ते डोसकी- डोसकी रोया। उसै बेले यीशु गी पकड़ानै आले यहुदे नै दिख्या की यहूदी अगुवे नै यीशु गी मौती दी सजा दिती हे। यहूदा बड़ा दुखी ओईया ते जाईऐ अपनै आप गी मारूड़या।। ऊण ओस देश दा राज्यपाल पिलातुस हा। ओ रोम देश आस्ते काम्म करदा हा। यहूदी अगुवे यीशु गी ओदे कोल लेई आए। ओ चांदे हे की पिलातुस उसी मौती दी सजा दिए ते उसी मारी देण। ओस बेले पिलायुस नै यीशु गी पुशेया, “ के तू यहुदियें दे राजा ऐ?” यीशु नै जबाब दिता, “तो सच गे अख्या हे। लेकन मेरा राज्य इत्थें तरती उपर नैई ऐ। अगर ओंदा ते मेरे दास मेरे आस्ते योद्ध करदे। आऊँ तरती उपर परमेश्वर दे बारे च साच सनानै आस्ते आदा ऐ। आर एक्क जन जेका परमेशवर कन्नै प्यार करदा ऐ ओ मेरी सुनदा ऐ।” पिलातुस नै आख्या, “ ते सच के ऐ ?” यीशु दे कनै गल्ल करनै दे बाद, पिलातुस नै बार पीड दे कोल जाइये आख्या, ''आऊँ ऐसा कोई भी कारन नेई पाना की ए मानु मारे जानै दे लायक ओये।'' लेकन यहूदी अगुवे ते पीड नै करलाई यै आख्या, ''इसी क्रूस पर चड़ाउड़ओ !'' पिलातुस नै जवाब दिता, '' ओ केश भी करनै दा दोषी नेईयें।'' लेकन ओ ओर भी जोरीयै करलान लगे। ओस बेले पिलातुस नै त्री बारी आख्या, '' ओ दोषी नेईयें!'' पिलातुस डरिया कि ओ पीड लड़ाई शुरू करी देनी, एसकरी ओ सैनिक थमां यीशु गी क्रूस पर चड़ानै आस्ते मनिया। रोमी सैनिक नै यीशु गी कोड़े लुआऐ, ते उसी राजा आले कपड़े लुआए, ते ओदे सिरे उपर कंडे दा बना मुकट रखया। ओस बेले ओ ए अखियै ओदा मजाक ड़ुआन लगे, ''दिखो यहुदियें दा राजा!'' मती 26:57 -27 :26 ;मरकुस 14 :53 -15 :15 ;लूका 22 :54 -23 :25 ;यहूना 18 :12 -19 :16 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_39_96kbps.m4a

## 40. `

https://openbiblestories.org/l/dgo/story-40/

![](https://cdn.door43.org/obs/jpg/360px/obs-en-40-01.jpg)

यीशु गी क्रूस पर चड़ाया जंदा ऐ यीशु दा मजाक डुआनै दे बाद, सैनिक उसी क्रूस पर चड़ानै गी लेईये। उनै ओस क्रूस गी ओदे कोला गैं चकाया जेदे उपर ओस मरना हा। ओ सैनिक यीशु गी ओस जगा उपर लेईये आए जेका ''खोपड़ी '' आख्या जन्दा ऐ ते ओदे अथे ते पैरें गी क्रूस चड़ाई दिता। लेकन यीशु नै आख्या, ''ऐ पिता, इनै माफ़ कर, एकक ए नेई जानदे कि ए के करा दे न।'' उनै एक्क पट्टी गी भी ओदे सेर उपर टंगी दिता। ओदे उपर लिखा दा हा, ''यहुदियें दा राजा।'' पिलातुस उनै गी इयै लिखनै आस्ते अखा हा। ओस बेले सैनिक नै यीशु दे कपड़े आस्ते चिठियाँ पाई। जेस्लै उनै इयाँ किता ते उनै ओस भविष्यवाणी गी पूरा किता जेकी अख्दी ही, ''उनै मेरे कपड़े अपु बिचे बंडी लैते, ते मेरे कपड़े आस्ते चिठियाँ पाई।'' उथै दो डाकू भी हे, जेनै गी सैनिक नै उसै बेले क्रूस उपर चड़ाया हा। उनै ओनै गी यीशु दी दोनी पासे राख्य हा। ओंदे चा एक्क डाकू नै यीशु दा मजाक डूआया, लेकन दुए आख्या, ''के तू नेई डरना ऐ की परमेश्वर तुकी सजा देग?आस बड़े सारे बुरे कम्म गी करनै दे दोषी एन, लेकन ए मानु निर्दोष ऐ।'' पी ओनै यीशु गी आख्या, ''जेस्लै तू अपनै राज्य च ओगा ते मिकी चेता रख्या।'' यीशु नै जवाब दिता, ''अज्ज गैं तू मेरे कनै स्वर्गलोक च ओगा।'' यहूदी अगुवे ते पीड ते दुए लोके नै यीशु दा मजाक डुआया। उनै उसी आख्या, ''अगर तू परमेश्वर दा पुतर ऐ, ते क्रूस कोला थले उतरिया ते अपनै आप गी बचाई लै! ओस बेले आस तेरे उपर बिश्बास करगे।'' ओस बेले ओस देश दा अम्बर पूरी तरह कनै काला ओइया,पवां ओ देन दा बेच आला समां हा। ए दपैरी दे समे काला ओया हा ते तिन कैंटे तकर इयाँ गैं रेया हा। ओस बेले यीशु नै जोरे कनै आख्या, ''पूरा ओया!'' ओस बेले ओसने अपनै सिरे गी चुकाया ते अपनै प्राण गी शुड़ी दिता। जेस्लै ओ मरया ते एक्क पुंजाल ओया। ओ बड़ा पर्दा जेका परमेश्वर दी मौजूदगी च लोके गी लग्ग करदा हा उपरा थले दी ओर फटीयै दो इस्से ओइया। यीशु मौती थमां, यीशु नै लोके आस्ते परमेश्वर दे कोल ओनै गी रस्ता खोली दिता। जेस्लै यीशु दी देखपाल करनै आले एक्क सैनिक नै जे केश ओया हा ए सारा दिखया ते ओसने आख्या, ''पक्का गे, ऐ मानूं बेकसूर हा। ओ परमेशवर दा पुतर ऐ।” ओस बेले युसूफ ते निकुदेमुस नां दे दो यहूदी अगुवे आए। ओ विश्वाश करदे हे की यीशु गैं मसीह हा। उन्नै पिलातुस कोला यीशु दा शरीर गी मंगया। उन्नै ओदे शरीर गी कपड़े च लपेटया। ओस बेले ओस उसी एक्क चट्टान बीचा कट्टीये बनादी गेदी क्रब च लेईए ते ओदे अंदर रखी दिता। ओस बेले उन्नै क्रब के दरबाजे गी बंद करनै आस्ते एक्क बडे पत्थर गी लुढ़काई दिता। मत्ती 27:27-61; मरकुस 15 :16-47; लूका 23:26-56; यहुन्ना 19:17-42 थमां एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_40_96kbps.m4a

## 41. परमेश्वर यीशु गी मरे बिचा जिन्दा करदा ऐ

https://openbiblestories.org/l/dgo/story-41/

![](https://cdn.door43.org/obs/jpg/360px/obs-en-41-01.jpg)

सैनिकें थमा यीशु गी क्रूस उपर चड़ानै दे बाद, यहूदी अगुबे नै पिलातुस गी आख्या, “ ओस चुठे, यीशु नै आख्या हा की ओ तिन दिन दे बाद मरे बिचा जी उठग। कुसे गी पक्का करनै आस्ते कब्र दी देखपाल करनी ओगी की ओदे चेले ओदे शरीर गी चोरिये लेई नेई जान। अगर ओ इयाँ करदे न ते ओ अखगे की ओ मरे बिचा जिन्दा ओई दा ऐ।” पिलातुस नै आख्या, “केश सेनिकें गी लेई जाओ ते जियां तोस करी स्कन उयां गे कब्र दी देखपाल करो।” एसकरी ओनै ओस कब्र दे जानै आले दरबाजे दे पत्थर उपर इक मोहर लाउड़ीं। उनै ऐ पक्का करनै आस्ते उथें सेनिकें गी बठाई दिता की कोई बी ओदे शरीर दी चोरी नेई करी सकै यीशु दे मरनै दे बाद दा देनं अराम दा देनं हा। कोई बी अराम आले देनं काम्म नेई करी सकदा हा, एसकरी यीशु दा कोई बी मितर कब्र उपर नेई आया हा। लेकन अराम आले देनं दे बाद दे देनं, सवेरे बडी लोई च, केश जरानियां यीशु दी कब्र उपर जानै आस्ते त्यार ओई। ओ ओदे शरीर उपर और बी मसालें गी लाना चांदियाँ ही। उनै जरानियें दे पुजनै कोला पैले, कब्र उपर एक्क बड़ा पुंजाल ओया। स्वर्ग बिचा एक्क स्वर्गदूत नै आईये ओस पथर गी बखिये करूड़या जेका कब्र दे जानै आले दरबाजे गी डके दा हा ते ओदे उपर बेइया। ऐ स्वर्गदूत लोई आले लेखै चमका दा हा। कब्र उपर जेके सेनिक हे उनै उसी दिखया। ओ इना डरी दे हे की मरनै आले दे लेखै तरती उपर किरी ये। जेसलै ओ जरानियाँ कब्र पर पुजियां ते ओस स्र्ग्दुत नै उनै गी आख्या, “नेई डरो। यीशु इथे नेई ऐ। ओ मरे दा बिचा जिन्दा ओई दा ऐ, जियां की ओसने अखा हा की ओ जिन्दा ओई याग! कब्र च तुपो ते दिखो।” उनै जरानियें कब्र दे अंदर ते जिथें यीशु दा शरीर रखा हा उथे तुप्या ते दिखया की ओदा शरीर उथें नेई हा! ओस बेले ओस स्वर्गदूत नै उनै जरानियें गी आख्या, “जाइये ओदे चेले गी सनाओ, 'यीशु मरे दे बिचा जिन्दा ओई दा ते ओ थोड़े अग्गे-अग्गे गलील गी जाग।” ओ जरानियाँ रान ओई यां ते बड़ी खोश ओई यां। ओ चेले गी ऐ शोभ संदेश सनानै आस्ते खेट लाइ। जेसले ओ जरानियाँ चेले गी ऐ शोभ संदेश सनानै आस्ते अपनै रस्ते पर ही, ते यीशु उन्दे उपर प्रकट ओया ओ ओदे पैरें उपर किरी यां। ओस बेले यीशु नै आख्या, “नेई डरो। जाइये मेरे चेले गी गलील जानै गी अखो। ओ मिकी उथे दिखगे।” मती 27:62-28:15; मरकुस 16:1-11;लूका 24:1-12;यहूना 20:1-18 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_41_96kbps.m4a

## 42. यीशु स्वर्ग गी बाप्स जन्दा ठी

https://openbiblestories.org/l/dgo/story-42/

![](https://cdn.door43.org/obs/jpg/360px/obs-en-42-01.jpg)

जेस दिन परमेश्वर नै यीशु गी मुर्दे बिचा जिन्दा किता हा, ओदे दो चेले कोल दे एक्क ग्रां च जा दे हे। चलदे ओए यीशु दे कनै जे ओया हा। ओदे बारे च गल्ल करा दे हे, ओनै गी उम्मीद ही की ओ मसीह हा, लेकन पी बी ओ मरी दिता गेदा हा। उन ओ जरानियाँ अख्दियाँ न की ओ पी दवारे जिन्दा ओई दा। ओ नेई जानदे हे की केस गल्ल उपर विश्वास करना ऐ। यीशु नै उन्दे कोल आइये उन्दे कनै चलना शुरू किता, लेकन ओ उसी पनछानी नेई सके। ओसने पुश्या की ओ कोदे बारे च गल्ल करा दे हे। ओनै उसी पिछले दिने च यीशु दे कनै ओदी सारी कटना दे बारे च सनाया। उनै सोच्या की ओ कुसै परदेसी कनै गलां करा दे हे जेका नेई जान्दा हा की यरूश्लेम च के ओदा हा। ओस बेले यीशु नै उनै गी समजाया की परमेश्वर दा बचन मसीह दे बारे के अख्दा ऐ।.बड़े पैले, पविख्वकतें नै आख्या हा की बुरे लोग मसीह गी पीड़ित करगे ते मारी सुटगे। लेकन पविख्वकतें नै ऐ भी अखा हा की ओ त्रीये देन जिन्दा ओई याग। जेस बेलै ओ ओस लाके च पूजे जिथें ओ दो जनै ठेरना चांदे हे, तैलूँ तकर लग्पाग तरकालां ओई दी ही। उनै यीशु गी उन्दे कनै ठेरनै आस्ते सदया, ते ओ उन्दे कनै एक्क करे च गेया। अपनै शामी आला पोजन खानै आस्ते ओ बैठी गे। यीशु नै एक्क रुटी गी लेईये ओदे आस्ते परमेश्वर दा तनवाद किता, ते पी उसी तोड़या। चानक गैं, ओनै जानी लेता की ओ यीशु हा। लेकन उसै बेले, ओ उंदी अखी कोला गैब ओई या। ओनै दो जनै एक्क दुए कनै आख्या, ''ओ यीशु हा! एसकरी जेस्लै ओसने असे परमेश्वर दे बचन गी समजाया हा ते आस बड़े उत्साहित हे!'' उसै बेले गैं, ओ निकलीये बाप्स यरूशलेम च गे। जेस्लै ओ पूजे ते उनै चेले गी स्नाया, “यीशु जिन्दा ऐ! असें उसी दिखया!” जेसलै चेले गल्ल करा दे हे, यीशु चानक गैं ओस कमरे च उन्दे कनै ओया। ओसने आख्या, “तुसें शांति थूऐ!” चेलें सोच्या की ओ कोई पूत हा, लेकन यीशु नै आख्या, तोस की डरनै ओ? तोस ऐ की नेई सोचदे ओ की ऐ सचमुच आऊँ यीशु ऐ? मेरे अथें ते पैरें गी दिखो। पुतें दे कोल ऐसा शरीर नेई ओंन्दा जियां मेरे कोल ऐ।” ऐ डसनै आस्ते की ओ कोई पूत नेई हा, ओसने खानै आस्ते केश मंग्या। उनै उसी मशीया इक टुकड़ा दिता, ते ओसने उसी खाई लेता। यीशु नै आख्या, “ मेरे बारे च परमेश्वर दा बचन जे केश भी अख्दा ऐ ओ पूरा ओगा। मैं तुसें गी सनाउड़या हा की एदा ओना जरूरी ऐ।” ओस बेले यीशु नै ओनै गी परमेश्वर दा बचन शैल करीये समजाया। ओसने आख्या, “बड़े पैलें पविख्वकतें नै लिख्या हा की मिकी, मसीह गी दुःख चूकना ओग, मरना ओग ते पी त्रीये देन मुर्दे बिचां जिन्दा ओना ओग।।” “ओनै पविख्वकतें नै ऐ बी लिख्या हा की मेरे चेले परमेश्वर दे बचन दी गोशना करगन। ओ अर इक गी तोभा करनै आस्ते सनागे। अगर ओ इयाँ करदे न ते परमेश्वर उन्दे पापें गी माफ़ करग। मेरे चेले एस संदेश दा परचार करना यरूश्लेम कोला शुरू करगन।ओस बेले ओ सारी जगा सारीयें जातियें च जागे। तोस लोग मेरी अर इक गल ते कम दे गवाह ओ जे मैं आख्या ते किता हा, ते ओस सारे दे बी जेका मेरे कनै ओय चाली देन दे थमा, यीशु अपनै चेलें उपर कई बार प्रकट ओया। एक्क बार ते ओ एक गैं समां उपर 500 कोला जादा लोकें उपर प्रकट ओया! ओसने अपनै चेलें उपर केइ तरीकें कनै सापत किता हा की ओ जिन्दा हा, ते ओसने उनै गी परमेश्वर दे राज्य दे बारे च शिक्षा दिती। यीशु नै अपनै चेलें की आख्या, “ परमेश्वर नै मीकी स्वर्ग ते तरती दे अर इक जन उपर राज करनै दा आक्क दिता ऐ। एसकरी आऊँ तुसें की अखना ऐ: जाइये सारे जातियें दे लोके गी चेला बनाओ। ऐसा करनै आस्ते तुसें गी ओनै पिता, पुतर, ते पवित्र आत्मा दे ना उपर बपतिस्मा देना ऐ। जे केश बी मैं तुसें उक्म दिता ऐ उनै सारें गलें गीमन्ना बी तुसें उनै गी स्खाना ऐ। चेता रखो, आऊँ मेशा थोड़े कनै रोगा।” यीशु दे मरे ओए दे बिचा जिन्दा ओनै दे चालियें देना दे बाद, ओसने अपनै चेलें गी आख्या, “जेसले तकर मेरा पिता तुसें गी सामर्थ नेई दिंदा ऐ ओस बेले तकर यरूश्लेम च ठेरे रवो। ओ थोड़े उपर पवित्र आत्मा पेजनै दे थमा एसा करगा।” ओस बेले यीशु स्वर्ग च चलीया, ते एक्क बदलै उसी उंदी नजरी चा उसी शपाली दिता। स्वर्ग चे यीशु सारी चीजें उपर राज़ करनै परमेश्वर दी सजी बखिये बेईया।। मती 28:16-20; मरकुस 16:12-20; लूका 24:13-53; यहूना 20:19-23; Acts 1:1-11 थमा इक बाइबिल दी कानी ?

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_42_96kbps.m4a

## 43. कलीसिया दी शुरुआत ओंदी ऐ

https://openbiblestories.org/l/dgo/story-43/

![](https://cdn.door43.org/obs/jpg/360px/obs-en-43-01.jpg)

यीशु दा स्वर्ग जानै दे बाद, चेले यरूशलेम च गैं रुके जियां की यीशु नै ओनै गी करनै दा उक्म दिता हा। उथे दे बिशवासी लोग लगातार प्राथना करनै आस्ते किठे ओया करदे हे। आर साल, फसह दे त्यार दे 50 दिने दे बाद, यहूदी लोग पिन्तेकुस्त नां दे एक्क खास देन गी मनाया करदे हे। पिन्तेकुस्त ओ समां हा जेस्लै यहूदी लोग कनके गी बडनै गी मनाया करदे हे। सारे संसार चा यहूदी लोग पिन्तेकुस्त दे देन गी कनै ओइये मनानै आस्ते यरूशलेम च आए हे। एस साल, पिन्तेकुस्त मनानै दा समा यीशु दे स्वर्ग जानै दे लग्ग्पाग एक्क अफ्ते दे बाद आया हा। जेस बेले सारे बशबासी लोग किठे हे, ते जेस कार ओ हे चानक गैं ओ तेज अवा दी बाय कनै परोईया। ओस बेले आग्ग दी लपटे आले लेखे दिखनै आला केश सारे कलीसिया दे सिरे उपर प्रकट ओया। ओ सारे पवित्र आत्मा कनै परोईये ते ओनै अन्य पाषा च परमेश्वर दी स्तुति किती। ऐ ओ पाषा ही जिनै बोलनै आस्ते ओनै गी पवित्र आत्मा नै लायक किता हा। जेस्लै यरूशलेम च रौनै आले लोकै ओस रोले गी सुनया, ते ओ पीड़ दे रूप च ऐ दिखनै आस्ते किठे आए कि के उआदा हा। ओनै बिशबासीये गी परमेश्वर थमां किते गेदे बडे-बडे कम्मे दी गोशना करदे सुनया। ओ राण हे ओ उनै कम्मे गी अपनी गैं पाषा च सुना दे हे। एंदे चा केश लोके आख्या कि चेले नशे च हे। लेकन पतरस खड़ोता ते ओनै गी बोल्या, '' मेरी गल्ल सुनो! ए लोग नशे च नेईयै न। एदै बगैर, जे तोस दिखनै न ओ इये जे योयल पविख्वकता नै आख्या हा कि ओग: ऐतं दे दिने च, आऊँ अपनी आत्मा उंडेलगा।'' '' ए इस्राएली मर्दों, यीशु एक्क ऐसा मानु हा जेसनै ए डसनै आस्ते कि ओ कुन हा बड़े सारे अनोखे कम्म किते हे। ओसने परमेश्वर दी सामर्थ कनै बड़े सारे अध्बुत कम्मे गी किता हा। तोस ऐ जानदे ओ, किके तुसे इनै कम्मे गी दिखा ऐ। लेकन तुसे उसी क्रूस उपर चड़ाउड़या !'' ''यीशु मरिया लेकन परमेश्वर नै उसी मरे बिचा जिन्दा करूड़या। एसनै ओस गल्ल गी पूरा करी दिता जिसी एक्क पविख्वकता नै लिख्या हा: 'तू अपनै पवित्र जन गी सड़नै नेई देगा।' आस गवाह ऐ कि परमेश्वर नै यीशु गी पी दवारे जिन्दा करूउड़या।'' ''परमेश्वर पिता नै यीशु गी अपनी सजी बखि बठालीयै आदर दिता ऐ। ते यीशु नै साड़े आस्ते पवित्र आत्मा दिता पेजा ऐ जियां जी ओसने बेड़ा किता हा कि ओ पेजग। पवित्र आत्मा गैं इनै कम्मे गी ओनै दियदा ऐ जेनै गी तोस दिखदा न ते सुना दे न।'' ''तुसे ओस मानु गी, यीशु गी क्रूस उपर चड़ाउया। लेकन ऐ पक्का जानी लैओ कि परमेश्वर नै यीशु गी सारी चीजे उपर प्रभु ते मसीह दोनों ठेराया ऐ!'' पतरस दी सुननै आले लोग ओदे थमां अखी गेदी गल्ले गी अंदर तकर इली दे हे। एसकरी ओनै पतरस ते चेले गी पुष्या, ''ए प्रवो,असे के करना चाइदा?'' पतरस नै उनै गी जवाब दिता, '' थोड़े बिचा आर एक्क जन अपनै पापें दी तोबा करै तां की परमेश्वर थोड़े पापें गी माफ़ करै, ते यीशु मसीह दे नां च बपतिस्मा लैओ। ओस बेले ओ तुसे गी बरदान दे रूप च पवित्र आत्मा भी देग।'' पतरस नै जे आख्या ओदे उपर लाग्पाग 3,000 लोके बिश्बास किता ते यीशु दे चेले बनिये। ओनै बपतिस्मा लेता ते यरूशलेम दी कलीसिया दा इस्सा बनिए। जेस्लै प्रेरीतै ओनै गी शिक्षा दिती ते बिशबासीये नै लगातार सुनया। ओ जादा तर मिलदे हे ते कनै पोजन करदे हे, ते ओनै एक्क दुए आस्ते प्राथना किती। ओनै मिलियै परमेश्वर दी स्तुति किती ते जे केश उन्दे कोल हा ओनै एक्क दुए कनै बंडया। शैरे दा आर एक्क मानु उन्दे आस्ते शैल बिचार रखदा हा। आर देन, जादे कोला जादे लोग बिशबासी बनदे गे। प्रेरितों के काम 2 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_43_96kbps.m4a

## 44. पतरस ते यहूना एक्क पेख मन्गनै आले गी चंगा करदा ऐ

https://openbiblestories.org/l/dgo/story-44/

![](https://cdn.door43.org/obs/jpg/360px/obs-en-44-01.jpg)

एक्क देन, पतरस ते यहूना मंदर च गे। एक्क अपंग मानु पेख मंगनै आस्ते दरवाजे उपर बैठा दा हा। पतरस नै ओस लंगड़े मानु दी तरफ दिखया ते आख्या, ''मेरे आस्ते तुकी देनै आस्ते पैसे ते नेईयें। लेकन जे मेरे कोल ऐ ओ आऊँ तुकी दिना ऐ। यीशु दे नां च, उठ ते चल-फेर!'' उसै बेले गैं, परमेश्वर नै ओस लंगड़े मानु गी करूड़या। ओसने इथे-उथे चलना ते कूदना, ते परमेश्वर दी स्तुति करना शुरू करी दिती। मंदर दे बार च आजर लोग राण हे। उसै बेले लोके दी एक्क पीड़ ओस मानु गी दिखनै आस्ते आई जेका चंगा ओइदा हा। पतरस नै ओनै गी आख्या, '' ऐ मानु ठीक ऐ, लेकन एस गल्ल उपर राण नेई ओयो। असै इसी अपनी शक्ति कनै चंगा नेई किता ऐ, या एसकरी नेई कि आस परमेश्वर दा आदर करदे न। लेकन, ओ यीशु ऐ जेसनै एस मानु गी अपनी शक्ति कनै चंगा किता ऐ, किके आस यीशु उपर परोसा करदे न।'' '' ओ तोस गैं ओ जेनै ओस रोमी राज्यपाल गी यीशु गी मारी देनै गी आख्या हा। तुसै उसी मारी दिता जेका सारे गी जिन्दगी दिंदा ऐ। लेकन परमेश्वर नै उसी मरे दे बिचा जिन्दा किता ऐ। तुसै नेई समजया की तोस के करादे हे, लेकन जेस्लै तोस उनै कम्मे गी करा दे हे, ते जे पविख्वकते नै आख्या हा ओ पूरा ओया। उनै आख्या हा की मसीह गी दोख चूकना ओग ते मरी जाग। परमेश्वर नै इसी एस तरीके कनै ओना दिता। एसकरी उन, तोबा करो ते परमेश्वर दी तरफ फिरो, तां कि ओ थोड़े पापें गी तोईये साफ करी दियै।'' जेस्लै मंदर दे अगुवे नै पतरस ते यहूना गी सुनया, ते ओ बड़े कबराईये। एसकरी ओनै उनै गी गेरफतार करीयै जेलखानै च पाई दिता। लेकन जे पतरस नै आख्या हा ओदे उपर बड़े सारे लोकै बिशबास किता। यीशु दे उपर बिश्बास करनै आले दी गिनती बधीयै लग्ग्पाग 5,000 ओई। अगले देन, ओ यहूदी अगुवे पतरस ते यहूना गी महायाजक ते दुए तार्मिक अगुवे दे सामनै लेइयै आए। ओ ओस मानु गी लेइयै आए जेका अपंग हा। ओनै पतरस ते यहूना गी पुष्या, '' केस्स अक्क कनै तुसै ओस अपंग मानु गी चंगा किता?'' पतरस नै जवाब दिता, '' ए मानु जेका थोड़े सामनै खड़ोता ऐ उसी यीशु मसीह थमा चंगा किता गेदा ऐ। तुसै यीशु गी क्रूस उपर चड़ाई दिता, लेकन परमेश्वर नै उसी पि दवारे जिन्दा करूड़या! तुसै उसी असवीकार करूड़या, लेकन यीशु दे सामर्थ दे जरिये दे अलावा उधार पानै दा कोई दुआ रस्ता नेईयें।'' ओ अगुवे राण हे कि पतरस ते यहूना नै बड़े तरीके कनै गल्ल किती ही। ओनै दिखया कि ए साधे मानु हे जियां की आनपड़ हे। लेकन पि ओनै चेता आया की ए मानु यीशु कनै रोंन्दे हे। एसकरी ओनै उसी आख्या, '' आस तुसे गी बड़ी जादा सजा देगे अगर तोस एस मानु यीशु दे बारे च लोके गी कोई ओर सन्देश दिंदे ओ।'' ए नेई बड़ी सारी गल्लां अखनै दे बाद, ओनै पतरस ते यहूना गी जान दिता। प्रेरितों के काम 3:1-4 :22 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_44_96kbps.m4a

## 45. स्तिफनुस ते फिलिप्पुस

https://openbiblestories.org/l/dgo/story-45/

![](https://cdn.door43.org/obs/jpg/360px/obs-en-45-01.jpg)

पैलें मसीह अगुवे दे बेच स्तिफुनुस ना दा एक्क मानु हा। सारे लोग ओदा आदर करदे हे। पवित्र आत्मा नै उसी बड़ी सामर्थ ते बुधि दिती ही। स्तिफनुस नै बड़े चमत्कार किते हे। जेसले ओसने यीशु उपर परोसा करनै दे बारे च ओनै गी शिक्षा दिती ते बड़े सारे लोके ओदे उपर बिश्बास किता। एक्क देन, स्तिफनुस यीशु दे बारे च शिक्षा दियादा हा, ते केश ऐसे यहूदी आए जिनै यीशु उपर बिश्बास नेई किता हा ते ओदे कनै बैस करना शुरू किती। ओ बड़े गुस्सा ओइये, एसकरी ओ तार्मिक अगुवे दे कोल गे, ते ओदे बारे च चुठ बोलया। ओनै आख्या, '' असै स्तिफनुस गी मूसा ते परमेश्वर दे बारे च बुरी गल्लां करदे सुनया!'' एसकरी तार्मिक अगुवे नै स्तिफनुस गी गेरफतार करी लैता ते उसी महायाजक ते यहुदिए दे दुए अगुवे दे सामनै लेईये आए। ते ओर भी चुठे गवाह आए ते ओनै स्तिफनुस दे बारे च चुठ बोलया। महायाजक नै स्तिफनुस गी पुष्या, “ के ऐ लोग तेरे बारे च साच अखा दे न?” स्तिफनुस नै महायाजक गी जवाब देनै आस्ते बड़ी सारी गलें गी बोलना शुरू करी दिता। ओसने आख्या की अब्राहम दे समां कोला यीशु दे समां तकर परमेश्वर नै इस्राएल दे लोकें आस्ते बड़े सारे अनोखे काम किते ऐ। लेकन लोकें मेशा परमेश्वर दा उक्म नेई मन्या हा। स्तिफनुस नै आख्या, “तोस लोग परमेश्वर दे खलाफ टीठ ते बलबा करनै आले ओ। तुसें मेशा पवित्र आत्मा गी अस्वीकार किता, जियां की साड़े पुर्बजें नै मेशा पवित्र आत्मा गी अस्वीकार किता हा ते मेशा ओदे पविख्वाक्तें गी मरी दिता हा। लेकन जे उनै किता हा ओदे तुलनै च तुसें ओर बी बुरा किता ऐ! तुसें मसीह की मारी दिता!” जेस्लै उनै तार्मिक अगुवे नै सुनाया, ते ओ इनै गुस्सा ओइये उनै अपनै कनै गी बंद करी दिता ते जोरे करलाए। ओ स्तिफनुस गी कसीटीयै शैरे दे बार लेइयै ते उसी मारी देनै आस्ते उसी पत्थर मारे। जेस्लै स्तिफनुस मरा दा हा, ओ जोरे बोल्या, '' ए यीशु, मेरी आत्मा गी ग्रैन कर!'' ओस बेले ओ अपनै गोडे पार किरिया ते पि बोलया, '' ऐ प्रभु, ए पाप इंदे उपर नेई लाया।''ओस बेले मरीया। ओस देन, यरूशलेम च रौनै आले बड़े सारे लोकै नै यीशु दी शिक्षा उपर चलनै आला दा सताना शुरू ओइया, एसकरी बिशबासी लोग दुइ जगा गी नस्सी ये। लेकन एदे बाद भी, जिथे भी ओ गे उनै यीशु दे बारे च प्रचार किता। फिलिप्पुस नां दा यीशु दा एक्क बिशबासी हा। जियां की बाकी बड़े सारे बिशबासीयै किता हा ओ भी यरूशलेम चा नस्सीया। ओ सामरिया दे लाके च गेयाठी। उथें ओसने लोके च यीशु दे बारे च प्रचार किता। बड़े सारे लोके नै ओदे उपर बिश्बास किता ते उदार पाया। एक्क देन, फिलिप्पुस दे कोल परमेश्वर दी तरफ दा एक्क स्वर्गदूत आया ते उसी जंगल च जानै आस्ते, ते एक्क रस्ते उपर चलनै आख्या। फ्लिप्पुस उथें गेयाठी। जेस्लै ओ ओस रस्ते उपर चला दा हा, ते ओसने एक्क मानु गी अपनै रथ च जन्दे दिखया। ए मानु कूश देश दा एक्क खास अधिकारी हा। पवित्र आत्मा नै फ्लिप्पिस गी आख्या कि जाईयै ओस मानु कने-कनै चाल्ल। एसकरी फिलिप्पुस रथ दे कोल गेया। ओसने सुन्या कि ओ कूशी परमेश्वर दे बचन गी पड़ा दा हा। जेका यशायाह पविख्वकता नै लिखा हा उसी पड़ा दा हा। ओ पड़ा दा हा, '' ओ उसी वध किती जानै आले पेड आले लेखे लेईये, ते जियां एक्क पिडू शांत ओंदा ऐ, ओसने भी एक्क शब्द नेई आख्या। ओनै ओदे कनै बुरा बर्ताव किता ते ओदा आदर नेई किता। ओनै ओदा प्राण लेइ लैता।'' फिलिप्पुस नै ओस कूशी गी पुश्या, '' जे तू पड़ा ना के तू उसी समजना भी ऐ?'' ओस कूशी नै जवाब दिता, ''नेई। जेस बेले तकर कोई मिकी नेई समझाग, ओस बेले तकर आऊँ इसी नेई समझी सकना। कृपा करीयै मेरे कोल आइये बो यशायाह ए अपनै बारे च लिखा दा हा या कुसे ओर दे?'' फिलिप्पुस रथ उपर चड़ीयै बेईया। ओस बेले ओसने ओस कूशी मानु गी ओ सनाया जेका यशायाह नै यीशु दे बारे च लिखा हा। फिलिपुस नै परमेश्वर दे बचन दे बड़े सारे दुए इस्से दी बी चर्चा किती। एस तरह कने, ओसने ओस मानु गी यीशु दे बारे च शोभ संदेश सनाया। फिलिपुस ते ओ कूशी चलदे-चलदे पानी कोल आए। ओस कूशी नै आख्या, “देख! इथें पानी ऐ! के आऊँ बपतिस्मा लेई सकना ऐ?” ते ओसने सारथी कोला रथ गी रोकनै आस्ते आख्या। ते ओ पानी च चलीये, ते फिलिपुस नै ओस कूशी गी बपतिस्मा दिता। जेसले ओ पानी दे बार आए, ते पवित्र आत्मा चानक गैं फिलिपुस गी चूकिये कुसे दुई जगह गी लेईया। उथें फिलिपुस नै लोके गी यीशु दे बारे च सनाना जारी रखया। ओ कूशी अपनै कार दी यात्रा गी अगे बदी गेया। ओ खोश हा की ओ यीशु गी जानदा हा। प्रेरितों के काम 6:8-8:5;8:26-40 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_45_96kbps.m4a

## 46. पोलुस मसीही विश्वाशी बनीआंदा

https://openbiblestories.org/l/dgo/story-46/

![](https://cdn.door43.org/obs/jpg/360px/obs-en-46-01.jpg)

शाउल नां दा एक मानूं हा। जेसनै यीशु उपर विश्वास नैई किता हा। जेसले ओ जुआन हा, ओस बेले ओसने सितफनुस गी मरनै आले लोकें दे कपड़े दी देखपाल किती। बाद च, ओसने विश्वासियें गी सताया हा। ओसने यरूशलेम च कर-कर जाईये मरदें ते जनानियें दोनों गी गेरफ्तार करिये जेलखानै च पाई दिता हा। ओस बेले महायाजक नै शाउल गी दमिश्क शैर च जानै दी जाजत दिती। ओसने उत्थें दे मसीहीयें गी गेरफतार करनै ते ओनै वापस यरूशलेम लेईये आनै आस्ते शाउल गी अख्या। ते शाउल नै दमिश्क जानै दी यात्रा शुरू किती। ओस शैर च पुजनै दे थोड़े गे पैले, ओदे चोनी पासे अम्बर चा एक चमकदार रौशनी चमकी, ते ओ तरती उपर किरिया। शाउल नै कुसै गी अख्दे सुनेया, “ऐ शाउल! ऐ शाउल! तू मिकी की सताना ऐ?” शाउल नै पुछेया, “ ऐ प्रभु, तू कुण ऐ?” यीशु नै उसी जबाब दिता, “आंऊँ यीशु ऐ। तू मिकी सतां ना !” जेसले शाउल उठेया ते ओ दिखी नई सकदा हा। ओदे मीतर उसी दमिश्क च लेईये गे हे। शाउल नै तिन देन तकर केछ भी खादा पीता नैई हा। दमिश्क च हनन्याह नां दा एक चेला हा। परमेशवर नै उसी अख्या, “ ओस कर च जा जित्थें शाउल रुका ऐ। अपनै अत्थें गी ओदे उपर रख तां की ओ पी दबारा दिखना लगे" लेकन हनन्याह नै अख्या, “ ऐ प्रभु, मैं सुनेया ऐ की एस मानूंऐ विश्वासियें गी कियां सताया ऐ।” परमेशवर नै उसी जबाब दिता, “जा!मैं उसी यहूदिया च ते दुईं जातीया दे लोकें च मेरे नां दी घोषणा करनै आस्ते चुनी लेता ऐ। ओ मेरे नां आस्ते बड़ा कष्ट सहग।” ते हनन्याह शाउल दे कोल गेया, अपनै अत्थें गी ओदे उपर रखया, तेअख्या, “ यीशु नै, जेका इत्तथें आनै दे तेरे रस्ते च तेरे उपर प्रकट ओया हा, मिकी तेरे कोल पेजेया ऐ तां की तू पी दबारा दिखन लगीया, ते पवित्र आत्मा तुकी परी दिए। ओस बेले गे शाउल पी दबारे दिखनै दे लायक ओईया , ते हनन्याह नै उसी बपतिस्मा दिता। ओस बेले शाउल नै पोजन किता ते पी दबारा शक्तिशाली ओईया। ओस समां कोला गे, शाउल; नै दमिश्क च रोनै आले यहूदियें च प्रचार करना शुरू करी दिता। ओसने अख्या, “येशु गैं परमेशवर दा पुतर ऐ!”यहूदी लोग राण हे, किके शाउल नै ते विश्वासियें गी मारनै दी कोशिश किती ही, लेकन ऊंण ओसने यीशु पर विश्वास किता हा। शाउल नै यहुदियें कन्नै बैहस किती। ओसने दसया की यीशु गै मसीह हा। बड़े देन दे बाद, यहूदीयें नै शाउल गी मारनै दी जोजना बनाई। उनै उसी मारनै आस्ते शैर दे दरवाजे उपर लोके गी पेजया। कि ओदी देखपाल करन लेकन शाउल नै ओस जोजना दे बारे च सुनी लेता, ते ओदे मीतरै बचीयै निकलनै च ओदी सायता किती। एक्क राती च ओनै उसी टोकरी च बठाइयै शैरे दी कन्धा उपरा उसी थले तुआरी दिता। दमिश्क कोला बचीयै निकलनै दे बाद शाउल नै यीशु दे बारे च प्रचार करना जरी रख्या। शाउल प्रेरिते कनै मिलनै आस्ते यरूशलेम च गेया, लेकन ओ ओदे कोला डरदे हे। ओस बेले बरनबास नां दा एक्क बिशबासी शाउल गी प्रेरिते दे कोल लेइये गेया। ओसने गी सनाया कि शाउल नै कियां इम्मत करियै दमिश्क च प्रचार किता हा। ओदे बाद, प्रेरीतै शाउल गी स्वीकार करी लेता। केश बिशबासी जेके यरूशलेम दे स्ताव कोला निस्सी दे हे ओ दूर अन्ताकिया शैर च चली दे हे ते यीशु दे बारे च प्रचार करदे हे। अन्ताकिया च रौनै आले लोग सारे गै यहूदी नेई हे, लेकन पैली बार, उन्दे चा बड़े सारे लोग बिशबासी बनिये। बरनबास ते शाउल इनै नमें बिशबासीयें गी यीशु दे बारे च ओर जादा सखानै आस्ते उथे गे ते कलीसिया गी मजबूत किता। यीशु उपर बिश्बास करनै आले पैली बार अन्ताकिया च गै ''मसीह'' आखे गे। एक्क देन, अन्ताकिया दे मसिह लोग बर्त्त रखीयै प्राथना करा दे हे। पवित्र आत्मा नै उसी आख्या, ''मेरे आस्ते बरनबास ते शाउल गी ओस कम्मे गी करनै आस्ते लग्ग करी दो जिसी करनै आस्ते मै उसी सधा ऐ।''एसकरी अन्ताकिया दी कलीसिया नै बरनबास ते शाउल आस्ते प्राथना किती ते उन्दे उपर अथें गी रख्या। ओस बेले दुई बड़ी सारी जगा पर यीशु दे बारे च शोभ सन्देश दा प्रचार करनै आस्ते पेजी दिता। बरनबास ते शाउल नै लग्ग-लग्ग जातियें दे लोके गी शिक्षा दिती, ते बड़े सारे लोकै यीशु उपर बिश्बास किता। प्रेरितों के काम 8 :3 ;9 :1 -31 ;11 :19 -26;13 :1-3 थमां एक्क बाईबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_46_96kbps.m4a

## 47. फिलिप्पि च पोलुस ते सीलास

https://openbiblestories.org/l/dgo/story-47/

![](https://cdn.door43.org/obs/jpg/360px/obs-en-47-01.jpg)

जेसले शाउल नै पूरे रोमी राज्य च यात्रा किती ते ओसने अपनै रोमी नां "पोलुस" दा इस्तेमाल करना शुरू करी दिता। एक्क देन, पोलुस ते ओदा मीतर सिलास फिलिप्पि शैर च यीशु दे बारे च शोभ सन्देश सनानै आस्ते गे। ओ शैर दे बार नदी दे कंडे एक्क जगा पर गे जित्थें लोग प्राथना करनै आस्ते किट्ठे हे। उत्थें ओ लुदिया नां दी एक्क जनानी कन्नै मिले जेकी एक्क व्यापारी ही। ओ परमेशवर कन्नै प्यार करदी ही ते ओदी अराधना करदी ही। परमेशवर नै लुदिया गी यीशु दे बारे च संदेश उपर विश्वाश करनै आस्ते काबल किता। पोलुस ते सिलास नै उसी ते ओदे परिवार गी बपतिस्मा दिता। ओसने पोलुस ते सिलास गी अपनै कर रुकनै आस्ते सादा दिता, एसकरी ओ उत्थें रुकी गे। पोलुस ते सिलास लोकें कन्नै आइए ओस जगा पर मिलदे हे जित्थें यहूदी लोग प्रार्थना करदे हे। आर देन जेसले ओ उत्थें जांदे हे ते एक्क दासी कुड़ी जेकी दुष्टात्मा दे काबू च ही उन्दें पीछे-पीछे जन्दी ही। एस दुष्टात्मा दे थमां ओ लोकें दा भविष्य सनाया करदी ही, एसकरी ओ भविष्य सनानै आले दे रूप च अपनै स्वामी आस्ते बड़ा तन कमाया करदी ही। उन्दे जांदे बेले ए दासी कुड़ी करलाया करदी ही, “ ये मानूं परम प्रधान परमेशवर दे सेवक न। ए तुस्सें गी उद्धार पानै दा रस्ता सना दे न!” ओ आर देन इयाँ गे करदी ही जेस करी की पोलुस नराज ओईया। ऐतं च, एक्क देन ओस दासी कुड़ी नै करलाना शुरू किता, ते पोलुस नै ओदी वखीये मुड़ीये ओदे अंदर दी दुष्टआत्मा गी अख्या, “ यीशु दे नां च एदे च निकली या।” उसै बेले ओस दुष्टात्मा नै उसी शुड़ी दिता। ओस दासी कुड़ी दे स्वामी बड़े गुस्सा ओइये। ओनै गी पता चलिया की बगैर ओस दुष्टात्मा दे ओ दासी कुड़ी लोकें दे भविष्य नैई सनाई सकदी ही। एदा मतलब हा की लोग ऊंण ओदे स्वामी गी पैसे नैई देगे की ओ उन्नै गी भविष्य सनाए की उन्दें कन्नै के ओगा। एसकरी ओस दासी कुड़ी दे स्वामी पोलुस ते सिलास गी रोमी अधिकारियें दे कोल लेईये। उन्नै पोलुस दे सिलास गी मारेया, ते पी ओनै गी जेलखानै च पाऊड़या। ओनै पोलुस ते सिलास गी जेलखानै दे ऐसे ईस्से च रखया जित्थें सारे कोला जादा सपाही हे। इत्त्थें तकर की उन्दें पैरे गी लकड़ी दे बड्डे टुकड़े च जोड़ी दिता। लेकन पोलुस ते सिलास अधी रात दे समां, परमेशवर दी स्तुति दे गीत गा दे हे। चानक गै, एक्क खतरनाक पुन्जाल ओया! जेलखानै दे सारे दरबाजे खुलिये, ते सारे कैदीये दी जंजीरा खुलियै कीरियां। ओस बेले चोकीदार जागिया। ओसने दिखया कि जेलखानै दे दरवाजे खुले दे हे। ओसने सोच्या कि सारे कैदी बचियै नस्सी दे न। ओ डरिया कि उन्दे नस्सनै दी वजह कन्नै रोमी अधिकारी नै उसी मारी सुटना, एसकरी ओ अपनै आप गी मारनै आस्ते तयार ओइया! लेकन पोलुस उसी दिखयै करलाया, ''रुकिया! अपनै आप गी नुकसान नेई प्या। आस सारे इथै गै न।' ओस चोकीदार नै कबंदे ओए पोलुस ते सिलास कोल आईयै पुश्या, ''उद्धार पानै आस्ते आऊँ के करां?'' पोलुस नै जवाब दिता, '' प्रभु यीशु उपर बिश्बास कार, ते तू ते तेरा कराना उद्धार पाग।'' ओस बेले ओ चोकीदार पोलुस ते सिलास गी अपनै कार लेइया ते उन्धे जख्मे गी तोता। पोलुस नै ओदे कार दे सारे लोके गी यीशु दे बारे च शोभ सन्देश सनाया। चोकीदार ते ओदे पूरे परिवार नै यीशु उपर बिश्बास किता, एसकरी पोलुस नै ते सिलास नै ओनै गी बपतिस्मा दिता। ओस बेले चोकीदार नै पोलुस ते सिलास गी पोजन कराया, ते ओ सारे खोश ओए। अगले देन शैर दे अगुवे नै पोलुस ते सिलास गी जेलखानै बिचा अजाद करी दिता ते फिलिप्पि चली जानै आस्ते आख्या। पोलुस ते सिलास लुदिया ते केश दुए मित्रे कन्नै मिले ते ओदा बाद शैर च निकली गे। यीशु दे बारे च शोभ संदेश फैल्दा गेया, ते कलीसिया बददी गेई। पोलुस ते दुए मसीही अगुवे नै बड़े सारे शैरे दी यात्रा किती। उन्नै लोकें गी यीशु दे बारे च शोभ संदेश सनाया। उन्नै कलीसिया दे विश्वासियें गी उत्साहित करनै ते शिक्षा देनै आस्ते केई चिट्ठियाँ भी लिखी। इन्दे चा केश चिट्ठियाँ बाइबल दी कताबा बनीयां। प्रेरितों के काम 16:11-40 थमां एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_47_96kbps.m4a

## 48. यीशु गे वायदा किता ओया मसीह ऐ

https://openbiblestories.org/l/dgo/story-48/

![](https://cdn.door43.org/obs/jpg/360px/obs-en-48-01.jpg)

जेसले परमेशवर नै संसार गी बनाया ते सारा केश शैल हा। कोई पाप नैई हा। आदम ते हव्वा एक्क दुए कन्नै प्यार करदे हे, ते ओ परमेशवर कन्नै प्यार करदे हे। कोई बमारी जा मोत नैई ही। परमेशवर इयाँ गे संसार गी चांदा हा। शैतान नै साप्प दे थमां बगीचे च हव्वा कन्नै गल्ल किती, किके ओ उसी तोखा देना चांदा हा। ओस बेले हव्वा ते आदम नै परमेशवर दे खलाफ पाप किता हा। किके उन्नै पाप किता हा। एसकरी तरती पर रौणे आले सारे जन मरदे न। किके आदम ते हव्वा नै पाप किता हा, एसकरी केश ओर भी बुरा ओया। ओ परमेशवर दे दुश्मन बनी गे। जेदा नतीजा, ओस बेले कोला आर एक्क जन नै पाप किता ऐ। आर एक्क जन जन्म कोला गै परमेशवर दा दुश्मन ऐ। परमेशवर ते लोकें दे बेच शांति नैई ही। लेकन परमेशवर शांति बनाना चांदा हा। परमेशवर नै बायदा किता की हव्वा दा एक्क वंश शैतान दे सेर गी कुचलग। ओसने ये भी अख्या की शैतान ओदी खुरिये गी पुड़ग। दुए शव्द च, शैतान मसीह गी मारी सूटग, लेकन परमेशवर उसी पी दबारा जिन्दा करी देग। एदे बाद मसीही शैतान दी शक्ति गी मेशा आस्ते खत्म करी देग। कई सालें दे बाद, परमेशवर नै प्रकट कित्ता की ओ मसीह यीशु ऐ। परमेश्वर नै ओस आड़ कोला अपनै परिवार गी बचाया जिसी ओ अननै आले हे। नूह गी एक्क किस्ती बनानै आस्ते आख्या की ओ एस तरीके कन्नै परमेशवर नै उन्नै लोकें गी बचाया जेके ओदे पर वि+श्वाश करदे हे। एस तरहा कन्ने, ओ सारे दे सारे परमेशवर दे थमां मारनै दे लायक हे। किके उन्नै पाप किता हा। लेकन परमेशवर नै उन्नै सारे गी बचानै आस्ते यीशु गी पेजेया जेके ओदे उपर विश्वाश करदे न। केई सालें तकर, याजक परमेशवर आस्ते बलिदान चड़ान्दें रें। ए दरशान्दा ऐ की लोकें पाप किता, ते ए की परमेशवर दे थमां ओ सजा पानै दे लायक हे। लेकन ओ बलिदान उन्दे पापें गी माफ़ नेई करी सकदे हे। यीशु सारे कोला बडा महायाजक ऐ। ओसने ओ किता जेका याजक नेई करी सकदे हे। ओसने एक्क्मात्र बलिदान ओनै आस्ते अपनै आप गी देई दिता जेका आर कुसै दे पापें गी मिटाई सकदा हा। ओसने स्वीकार किता की परमेशवर उन्न्दे सारे दे पापें आस्ते उसी सजा देन। एस वजा कन्ने, यीशु सिद्ध महायाजक हा। परमेशवर नै अब्राहम गी अख्या, “ मैं तेरे थमां संसार दे सारे कुलें गी सीस देंग।” यीशु इसै अब्राहम दे वंश दा हा। परमेशवर अब्राहम दे थमां सारे कुलें गी सीस दिंदा ऐ, किके जेके यीशु दे उपर बिश्बास करदे ऐ परमेश्वर उनै सारे गी पापें कोला बचांदा ऐ। जेस्लै ए लोग यीशु दे उपर बिश्बास करदे ऐ, ते परमेश्वर ओनै गी अब्राहम दा वंश मनदां ऐ। परमेश्वर नै अब्राहम गी आख्या कि ओ अपना पुतर,ओदे आस्ते बलिदान करी दै। लेकन पि परमेश्वर नै इसहाक दे बदले बलि करनै आस्ते एक्क पिडू दिता। सारे अपनै पापें आस्ते मारी सुटनै दे लायक हे! लेकन परमेश्वर नै साड़ी जगा पर मरनै आस्ते यीशु गी बलिदान दे रूप देई दिता। एस बजै कनै आस यीशु गी परमेश्वर दा मेमना अखनै न। जेसले परमेश्वर नै मिस्र उपर आखरी बिपति पेजी ते ओसने अर एक्क इस्राएली परिवार की आख्या की ओ एक्क पिडू दी बलि करन। ओस पिडू च कोई दोष नेई ओना चायदा। ओस बेले अपनै दरबाजे दे उपर ते बखिये च उनै ओदे खून गी लाना हा। जेसले परमेश्वर नै ओस खून की दिखया ते ओ उन्दे करे कोला अगे चलीया ते उन्दे जेठे पुत्रें गी नेई मारेया। जेसले ऐ ओया ते परमेश्वर नै इस्सी फसह दा त्यार आख्या। यीशु फसह दे त्यार दे एक्क मेमनै आले लेखे ऐ। ओसने क्दें पाप नेई किता, एसकरी ओदे बेच केश बी गलत नेई हा। ओ फसह दे तयार दे समां पर मरेया। जेसले कोई यीशु पर विश्वास करदा ऐ, ओस बेले यीशु दा खून ओस मानुऐ दे पापें दी कीमत चुकांदा ऐ। ए इयां ऐ जियां की परमेश्वर ओस मानुऐ दे कोला अगे बदी या, किके ओ उसी सजा नेई दिंदा ऐ। परमेश्वर नै इस्राएली लोके कन्नै एक्क नवीं बाचा बनी, किके ओ एस तरां दे लोग हे जीनै गी परमेश्वर नै अपना ओनै आस्ते चुन्या हा। लेकन उन परमेश्वर नै एस तरां दी बाचा बनी ऐ जेकी की सारे आस्ते ऐ। अगर कुसे बी जाती दा कोई बी जन एस नवीं बचा गी स्वीकार करदा ऐ, ते ओ परमेश्वर दे लोकें कन्नै शामिल ओई जंदा ऐ। ओ ऐसा एसकरी करदा ऐ किके ओ यीशु पर विश्वास करदा ऐ। मूसा इक ऐ नियां प्विख्वाखता हा जेसनै परमेश्वर दे बचन गी बड़ी सामर्थ कन्नै परचार किता हा। लेकन यीशु सारे पविखवख्तें कोला बडा ऐ। ओ परमेश्वर ऐ, एसकरी जे केश बी ओसने किता ते आख्या ओ परमेश्वर दे कम्म ते बचन हे। एसकरी पवित्र शास्त्र यीशु गी परमेश्वर दा बचन अख्दा ऐ। परमेश्वर नै राजा दाउद कन्नै बाइदा किता हा की राजे दे रूप च ओदा एक्क वंश परमेश्वर दे लोकें आस्ते मेशा आस्ते राज करग। यीशु परमेश्वर दा पुतर ते मसीह ऐ, एस्करी ओ राजा दाउद दा बंश ऐ जेका मेशा आस्ते राज्य करी सकदा ऐ। दाउद ते इस्राएल दा राजा हा, लेकन यीशु सारे संसार दा राजा ऐ! ओ पी दवारे ओग ते मेशा आस्ते न्याय ते शांति कन्नै अपनै राज्य उपर राज करग\ उत्पति 1-3,6,14,22; निर्गमन 12, 20; श्मुएल 7; इब्रानियों 3:1-6, 4:14-5:10, 7:1-8:13,9:11-10:18; प्रकाशितबाक्य 21 थमा इक बाइबिल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_48_96kbps.m4a

## 49. परमेशवर दी नमी वाचा

https://openbiblestories.org/l/dgo/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूत नै एक्क जवान कुड़ी मरियम गी अख्या की ओ परमेशवर दे पुतर गी जन्म देगी। ओ अयें कुँवारी ही, लेकन पवित्र आत्मा ओदे कोल आया ते ओ गर्भवती ओई। ओसने एक्क पुतर गी जन्म दिता जेदा नां ओसने यीशु रख्या। एसकरी, यीशु परमेशवर ते मानूँ दवें ए। यीशु नै बड़े सारे चमत्कार किते जेके दसदे न की ओ परमेशवर ऐ। ओस पानी पर चलया ते तूफान गी शांत किता। ओसने बड़े सारे बमार लोकें गी ठीक किता ते बड़े सारे लोकें दे बीचा दुष्टात्मा कडी। ओसने मरें दे लोकें गी ज़िंदा किता, ते ओसने पांज रुट्टीयां ते दो मछीयें गी 5,000 लोकें गी खलानै आस्ते पूरे पोजन च बदली दिता। । यीशु एक्क बडा शिक्षक भी हा। जे केश भी ओसने सखाया, ओ ओसने पूरे सेई तरीके कन्नै सखाया। जे ओ लोकें गी करनै आस्ते अख्दा हा ओ उन्नै करना चाहिदा किके ओ परमेशवर दा पुतर ऐ। उदाहरन आस्ते।, ओसने सखाया की तुस्से दुएँ लोकें गी उसै तरहा कन्नै प्यार करनै दी लोड़ ए जियां तुस्स अपनै आप गी प्यार करदे ओ। ओसने ये सखाया की तुस्सें गी सारे चिजा कोला जादा ते अपनी तन दोलत कोला भी जादा परमेशवर गी प्यार करना चाईदा। यीशु नै अख्या की संसार च कुसै भी चीज़े गी पानै कोला जादा शैल ऐ परमेशवर दे राज्य च ओना। ओदे राज्य च थोड़े प्रवेश करनै आस्ते जरूरी ऐ की परमेशवर तुस्सें गी थोड़े पापें कोला बचा। यीशु नै आख्या की केश लोग उसी ग्रैन करग। परमेश्वर उनै लोके गी ब्चाग। लेकन दुए लोग उसी ग्रैन नेई करगन। ओसने ए भी आख्या कि केश लोग शैल तरती आले लेखे ऐ, किके ओ यीशु दे बारे च शोभ सन्देश गी स्वीकार करी लेंदे न, ते परमेश्वर ओनै गी बचांदा ऐ। लेकन केश लोग रस्ते दी कठोर तरती आले लेखे न। परमेश्वर दा बचन बी आले लेखे रस्ते उपर किरदा ऐ, लेकन उथें केश बी नेई उगदा ऐ। ए लोग यीशु दे बारे च सन्देश गी ग्रैन नेई करदे न। ओ ओदे राज्य च प्रवेश करनै गी मना करी दिंदे न। यीशु नै सखाया कि परमेश्वर पापियें गी बड़ा प्यार करदा ऐ। ओ ओनै गी माफ़ करना चांदा ऐ ते ओनै गी अपनी लोआद बनाना चांदा ऐ। यीशु नै ए भी स्नाया कि परमेश्वर पाप कोला नफरत करदा ऐ। किके आदम ते हवा नै पाप किता, एसकरी ओंदे सारे वंश नै बी पाप किता। एस संसार च रौनै आला आर एक्क जन पाप करदा ऐ ते परमेश्वर कोला दूर ऐ। आर एक्क जन परमेश्वर दा दुश्मन ऐ। लेकन परमेश्वर नै एस संसार च रोनै वाले आर एक जन कन्नै एस रीती कन्नै प्यार किता: ओसने अपनै एक्लोते पुतर गी देई दिता तां जे परमेश्वर उनै सजा नेई दै जेड़े ओदे उपर विश्वास करदे न। ओ ओदे कन्नै मेषां आस्तै रौंघन। तोस मरनै दे काबल ओ, किके तुसैं पाप कित्ता ऐ। थुआड़े कन्नै परमेश्वर दा रोएं ओना ठीक गै ऐ, एसदी उमीद, ओ यीशु उपर रोएं ओया। ओसने यीशु गी क्रूस दी मौत देईयै सजा दित्ती। यीशु नै कदें पाप नेई कित्ता, लेकन ओसने परमेश्वर गी उसी सजा देनै दित्ती। ओसने मरनै गी अपनाया। इस तरीके कन्ने, थुआड़े पापें गी ते एस संसार च रौनै आले अर एक्क जन दे पापें गी चुकनै आस्ते ओ एक्क सिद्ध बलिदान हा। यीशु नै अपनै आप गी परमेश्वर आस्ते बलिदान करी दित्ता, एस आस्ते परमेश्वर किसे वी पाप गी, इत्थें तकर के खतरनाक पापें गी वी माफ़ करदा ऐ। मनया के तोस मते अच्छे कम्में गी करदे ओ, तां एस दे द्वारा परमेश्वर तुसें गी नेई बचाग। ओदा मित्र बननै आस्ते ऐसा केछ वी नेईऐ जेड़ा तोस करी सकदे ओ। एसदी उमीद, तुसें गी विशवास करना ऐ के यीशु परमेशवर दा पुत्तर ऐ, ते ओ थुआड़े बदले च क्रूस उपर मरी गया, ते ए वी के परमेश्वर नै उसी परतीयै ज़िंदा कित्ता। जे तोस एस उपर विशवास करो, तां परमेश्वर थुआड़े पापेन गी माफ़ी देग। परमेश्वर उसी अर एक्क जन गी बचाग जेड़ा यीशु उपर विशवास करदा ऐ ते उसी अपना प्रभु आखीयै अपनांदा ऐ। लेकन ओ उनै गी नेई बचाग जेड़े ओदे उपर विशवास नेई करदे न। ए कोई माइनै नेई रखदा के तोस अमीर जाँ गरीब ओ, मड़द उवै जाँ जनानी उवै, बुड्डे ओन जाँ जवान ओन, जाँ तोस कुत्थें रौंदे ओ। परमेशवर थुआड़े कन्नै प्रेम करदा ऐ ते चांदा ऐ के तोस यीशु उपर विशवास करो के ओ थुआड़ा मित्र बनी सके। यीशु तुसें गी सदे करदा ऐ के ओदे उपर विशवास करो ते बपतिस्मा लियो। के तोस विशवास करदे ओ के परमेशवर दा इकला पुत्तर,यीशु गै मसीह ऐ? के तोस विशवास करदे ओ के तोस एक्क पापी ओ ते ए के तोस परमेशवर द्वारा तुसें सजा दित्ते जानै दे काबल ओ? के तोस विशवास करदे ओ के थुआड़े पापें गी मटानै आस्ते यीशु क्रूस उपर मरया? जे तोस यीशु उपर ते जे किश ओसने थुआड़े आस्ते कित्ता ऐ ओस उपर विशवास करदे ओ, तां तोस एक्क मसीह ओ! शैतान अपनै नेरे दे राज च ऊँन थुआड़े उपर राज नेई करदा ऐ। ऊँन परमेशवर अपनी लो दे राज च थुआड़े उपर राज करदा ऐ। ओसने तुसें गी पाप करनै आस्ते रोकी लेते दा ऐ, जिसी तोस करदे हे। ओसने तुसें एक्क नमीं, ठीक जींदड़ी दित्ती ऐ। जे तोस एक्क मसीह ओ तां जेड़ा ईसू नै कित्ता ऐ ओसदी बजा कन्नै परमेश्वर नै थुआड़े पापें गी माफ़ करी दित्ता ऐ। ऊँन, परमेशवर एक्क दुश्मन दे बदले तुसें एक्क गैरा मित्र मनदा ऐ। जे तोस परमेश्वर दे मित्र ओ ते प्रभु यीशु दे सेवक ओ तां तोस उनै गल्लें दा पालन करनै दी इच्छा करगे जेड़ीयां यीशु तुसें सखांदा ऐ। मनया तोस एक्क मसीह ओ, शैतान अय्यें वी पाप करनै आस्ते थुआड़ी परख करग। लेकन परमेश्वर मेषां ओ करदा ऐ जेड़ा ओ आखदा ऐ के ओ करग। ओ आखदा ऐ के जे तोस अपनै पापें गी मनी लियो, तां ओ तुसें गी माफ़ करी देग। ओ तुसें पाप दे खलाफ लड़नै दी समर्थ देग। परमेशवर तुसें प्रार्थना करनै ते ओदे वचन गी पड़नै लेई आखदा ऐ। ओ तुसें गी बाकी विश्वासियें दे कन्नै मिलीयै ओदी अराधना करनै आस्ते वी आखदा ऐ। तुसें बाकी लोकें गी वी सनाना ऐ के ओसने थुआड़े आस्ते के कित्ता ऐ। जे तोस इनै सबनी कम्में गी करो, तां तोस ओदे एक्क पक्के मित्र बनी जागे। रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरुन्थियों 5:17-21; 1 यूहन्ना 1:5-10 थमां एक्क बाइबल दी कानी

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_49_96kbps.m4a

## 50. यीशु बाप्स ओंदा ऐ

https://openbiblestories.org/l/dgo/story-50/

![](https://cdn.door43.org/obs/jpg/360px/obs-en-50-01.jpg)

लग्ग्पाग 2,000 सालें कोला, संसार दे सारे जगा उपर जादा कोला जादा लोग मसीह यीशु दे बारे च शोभ सन्देश गी सुना दे। कलीसिया तरकी करा दी ऐ। यीशु नै बादा किता कि ओ संसार दे ऐतं च बाप्स ओग। अगर ओ बाप्स नेई आदा ऐ, तां भी ओ अपनै बादे गी पूरा करग। जेस्लै की आस यीशु दे बाप्स आनै दा इतंजार करदे न, परमेश्वर साड़े कोला एस तरीके कनै जिंदगी जीनै दी इच्छा करदा ऐ जेका की पवित्र ऐ ते ओ जेका की ओदा आदर करदा ऐ। जेस्लै यीशु तरती उपर रवा दा हा ओस बेले ओसने आख्या, ''मेरे चेले संसार च सारी जगा दे लोके गी परमेश्वर दे राज्य दे बारे च शोभ सन्देश प्रचार करगे, ते ओस बेले ऐतं आई जाग।'' बड़ी सारी जातियें नै अयां तकर यीशु दे बारे च नेई सुन्या ऐ। सवर्ग गी जानै कोला पैले, यीशु नै मसिहियें गी उनै लोके गी शोभ सन्देश सनानै गी आख्या जेनै इसी कदें भी नेई सुन्या ऐ। ओसने आख्या, '' जाओ ते सारे जातियें दे लोके गी चेला बनाओ!'' ते ''बडनै आस्ते खुम्बे पकी दे न!'' यीशु नै ए भी आख्या, '' कुसे मानु दा सेवक अपनै स्वामी कोला बडा नेई ओंदा। एस संसार दे खास लोकै मेरे कनै नफरत किती, ते मेरी बजा कनै ओ तुसे गी भी स्ताग ते मारी सुटग। एस संसार च तोस जख्मी ओगे, लेकन मजबूत बनो, किके मै शैतान गी राउड़ा जेका एस संसार च राज करदा ऐ। अगर तोस ऐतं तकर मेरे कनै बिश्बासयोग्य बनै रोगे, ते परमेश्वर तुसै गी बचाग!'' यीशु नै अपनै चेलें गी ए समझानै आस्ते एक्क कानी सनाई कि जेस्लै संसार दा ऐतं ओंदा ए ते संसार दे कनै के ओगा। ओसने आख्या, ''कुसै मानुए अपनै खुम्बे च शैल बी राया। जेस्लै ओ सवा दा हा ते ओदा दुश्मन आया ते कनके दे बीए दे बेच जंगली बूटे दे बीए गी राई दिता, ते पि ओ चलिया।'' ''जेस्लै बूटे उगन लगे ते सवेक नै ओस मानुए गी आख्या, 'ए स्वामी, तो ते अपनै खुम्बे च शैल बी रादा हा। ते पि एदा च जंगली बूटे कि न?' ओस मानु नै जवाब दिता, 'खाली मेरे दुश्मन गै ओनै गी राणा चागे। ए मेरा कोई दुश्मन ऐ जेसनै ऐसा किता ऐ।''' ''उनै सेवकै अपनै स्वामी गी जवाब दिता, 'के असे जंगली बूटे गी पुटना चाइदा?' ओस स्वामी नै आख्या, 'नेई। अगर तोस इयाँ करगे ते तोस कनके भी पुटी देगे। बडनै दे बेले तकर बलगो। ओस बेले जंगली बुटें गी खडे च किठा करी लैओ तां कि तोस ओनै गी जाली सको। लेकन कनके गी मेरे कोल लेइये आओ।''' चेलें नै एस कानी दे मतलब गी नेई समझया, एसकरी ओनै यीशु कोला समझनै दी बिनती किती। यीशु नै आख्या, ''शैल बी राणे आला मानु मसीह दा प्रतिनिधित्व करदा ऐ। खुम्बा संसार दा प्रतिनिधित्व करदा ऐ। शैल बी परमेश्वर दे राज्य दे लोके दा प्रतिनिधित्व करदा ऐ।'' '' जंगली बुटें ओस दुष्ट जन, शैतान दे लोके दा प्रतिनिधितव करदे ऐ। ओस मानु दा दुश्मन शैतान दा प्रतिनिधितव करदा ऐ, जेसनै जंगली बुटें दे बी गी राई दिता हा। बडना एस संसार दे ऐतं दा प्रतिनिधितव करदी ऐ, ते बडनै आले लोग परमेश्वर दे सवर्गदुतें दा प्रतिनिधितव करदे ऐ।'' ''जेस्लै संसार दा ऐतं ओगा। ओस बेले सवर्गदुत उनै सारे लोके गी किठा करगे जेके शैतान दे ऐ। ओ स्वर्गदुत ओनै गी एक्क गर्म अग्गी च सुट्टी देंगन। उथे ओ लोग खतरनाक स्ताव च रोगे ते अपनै दन्दें गी पिस्गे। लेकन जेके लोग तरमी ऐनं, जेके यीशु दे पीछे चलदे न, ओ परमेश्वर पिता दे राज्य च सूरज आले लेखे चमकगे।'' यीशु नै ए भी आख्या की ओ संसार दा ऐतं ओनै दे पैले तरती दे उपर बाप्स ओग। ओ उसै तरीके कन्नै बाप्स ओग जियां ओ गिया हा। मतलब, ओदे कोल असली शरीर ओगा, ते ओ अम्बरे उपर बदले च सवार ओइया ओग। जेस्लै यीशु बाप्स ओंदा ऐ, ते आर एक्क मसीही जेके मरी दे न मरे दे बिचा जिंदे ओइयागे ते ओदे कन्नै अम्बर च मिलगे। ओस बेले जेके मसीही उन भी जिंदे ऐ ओ अम्बर च चकोइ जागे ते उनै दुए मसीही कनै शामल ओइयागे जेके मरे बिचा जिंदे ओइन्दे न। ओ सारे उथे यीशु दे कन्नै ओगे। ओदे बाद, यीशु अपनै लोके कन्नै रोग। जेस्लै ओ किठे रौंदे न ते उन्दे कोल मेशा आस्ते पूरी शांति ओगी। यीशु नै ओदे उपर बिश्बास करनै आले आर एक्क जन गी एक्क मुकूट देनै दा बायदा किता ऐ। ओ मेशा आस्ते परमेश्वर दे कन्नै आर एक्क चिजे उपर राज करगे। ओंदे कोल सेई शांति ओगी। लेकन परमेश्वर उनै सारे दा न्याय करग जेके यीशु उपर बिश्बास नेई करदे न। ओ ओनै गी नरक च सुटी देग। उथे ओ रोन गे ते अपनै दन्दें गी पिस्गे, ते ओ मेशा जख्मी ओंदे रोगे। कदे भी नेई इस्लनै आली अग्ग उनै गी लगातार जलान्दी रोग, ते कीड़े ओनै खानै गी कदे भी नेई रुकगे। जेस्लै यीशु ओंदा ऐ, ते ओ पूरी तरह कन्नै शैतान गी ते ओदे राज्य गी नास करी देग। ओ शैतान गी नरक च सुटी देग। उथे शैतान मेशा आस्ते जलदा रोग, उनै सारे दे कन्नै जेनै परमेश्वर दी गल्लां मननै दे बजाए शैतान दे पीछे चलनै गी चुन्या हा। किके आदम ते हवा नै परमेश्वर दे उक्म दा पालन नेई किता हा ते पाप गी एस संसार च लेइये आए हे, परमेश्वर नै उसी सराप दिता ते उसी नास करनै दा फैसला किता। लेकन कुसै देन परमेश्वर एक्क नमें स्वर्ग ते एक्क नमी तरती दी रचना करग जेके सिद्ध ओगे। यीशु ते ओदे लोग ओस नमी तरती उपर रोगे, ओ मेशा आस्ते सारी चिजे उपर राज करग। ओ लोके दी अखियाँ चा आर एक्क अथरूं पुंजी देग। उन कोई भी जख्मी जा दुखी नेई ओगा। ओ रोंगे नेई। ओ बमार नेई ओगे जा मरगे नेई। ते उथे कोई भी बुराई नेई ओगी। यीशु अपनै राज्य उपर न्याय कन्नै ते शांति दे कन्नै राज करग। ओ मेशा आस्ते अपनै लोके दे कन्नै रोगे। मती 24 :14 ;28:18 ;यहूना 15 :20 , 16 :33 ;प्रकाशितवाक्य 2 :10 ;मती 13 :24 -30 ,36 -42 ; 1 थिस्सलुनीकियों 4:13 -5:11 ;याकूब 1:12 ; मती 22:13 ;प्रकाशितवाक्य 20 :10 ,21 :1-22 :21 थमां एक्क बाईबल दी कानी Introduction 1 शामल ओ! आस्स एस विजुअल मिनी-बाइबल गी संसार दी अर पाषा च आसल कराणा चांदे न ते तोस मदद करी सकदे न! ऐ असान नई ऐ-आस्स सोचनै की ऐ ओई सकदा ऐ अगर मसीह दी पूरी शरीर कन्ने-कन्नै एस संसाधन गी तर्जमा ते बंडनै आस्ते कम्म करै। Share Freely तुस्स बगैर कीसे प्रतिबन्ध दै एस कताब दी जिन्नी चाहो उन्नी प्रतियाँ बंडो। सारे डिजिटल संस्करण आनलाईन मोफ्त न, ते किके आस्स ओपन लाइसेंस इस्तेमाल करा करनेयां न, ओसदी वजा कन्नै तुस्स unfoldingWord ओपन बाइबल कानी गी संसार च कुते वी बगैर राँय्लीटीज दा भुगतान कित्ते व्यवसायिक रूप थमां दोबारें छापी सकदे ओ। मती जानकारी आस्ते openbiblestories.org upr जाँन। Extend! unfoldingWordओपन बाइबल कानीयें गी वीडियोज ते मोबाइल फ़ोन एपलीकेशन दे रूप च दुई पाषा च तरजमा करनै आस्ते तुस्स मदाद वी आसल करी सकदे ओ। introduction 2 unfoldingWord ओपन बाइबल कानीयां किसे वी पाषा च एक्क प्रतिबन्ध ना लाइ गेई विजूअल मिनी-बाइबल https://openbiblesstori.org 2019 unfoldingWord थमां सर्वाधिकार सुरक्षित ए कम्म creative Common Attribution-ShareAlike 4.0 International License (CC BY-SA) दे लीम मजूद कराया गेया ऐ। एस लाइसेंस दी प्रति गी दिखनै आस्ते, http://creativecommons.org /License/by-sa/4.0/ उपर जाएं जां creative commons,PO Box 1866,Mountain View, CA 94042, USA गी एक्क चीठी पेजन। unfoldingWord दा एक्क रजिस्टर्ड ट्रेडमार्क unfoldingWord ऐ। unfoldingWord दे नां जां चेन्न दे इस्तेमाल आस्ते unfoldingWord दी लिखे दा उक्म जरूरी ऐ। CC BY-SA लाइसेंस दे नियमें दे अधीन, तुस्स असंशोधित कम्म दी नकल करी सकदे न ते पी दवारें वितरीत करी सकदे न, जेसले तकर के तुस्स unfoldingWord दे ट्रेडमार्क गी बरकरार रखदे न। जे तुस्स किसे प्रति संशोधित करदे न जां एस कम्म गी तरजमा करदे न तां तुसें unfoldingWord दे ट्रेडमार्क गी अटानै देना ऐ। यौगीक कम्म उपर, तुसें उनै बद्लावें दी बक्खी संकेत करना जरूरी ऐ जेड़े तुसै कित्ते न ते निम्न चाल्ली थमां आरोपीत करना ऐ: “The original work by unfoldingWord is available from https://openbiblestories.org”। तुसें अपनै योघिक कम्म गी उसे लाइसेंस दे लीम आसल कराना ऐ (CC BY-SA )। जे तुस्स unfoldingWord गी एस कम्म दे तरजमा दे बारे च सूचित करना चाघंन, तां मेरबानी करीयै (https://unfolding.org/contact/ उपर साड़े कन्नै संपर्क करयो। आर्टवर्क दा आरोपण: इंदे कानीयें च इस्तेमाल कित्ती गयीं सारी तस्वीरें Sweet Publishing (www.sweetpublishing.com) थमां ऐ ते a creative Common Attribution-Share Alike License (https://creativecommons Attribution-Share Alike License (https://creativecommon.org/licenses/by-sa/3.0) दे अधीनता च आसल कराई गयी न। पूरा संसार- वैश्विक कलीसिया च मसीह च साड़े प्रा ते पैनै आस्ते। साड़ी ए प्रार्थना ऐ के एस विजूअल अवलोकन दा इस्तेमाल तुसें गी सीस, मजबूत, ते उत्साहित करनै दे लेई करग।

Audio: https://git.door43.org/translationCore-Create-BCS/dgo_obs/releases/download/v1/dgo_obs_v1_50_96kbps.m4a