# unfoldingWord Open Bible Stories — Darmiya

- Language code: `drd`
- Canonical page: https://openbiblestories.org/l/drd/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Darmiya translation; it is not a translation of the whole Bible.

## 1. दुनिया घासु

https://openbiblestories.org/l/drd/story-1/

![](https://cdn.door43.org/obs/jpg/360px/obs-en-01-01.jpg)

सूरु रु परमेश्‍वर सू भिरछन गाछु इदु सू टुकू ज्यारु रु दुनिया घासु। खेरी लिलो दुनिया जो बिर छन गाछु। सू दुनिया गाम कू बाद नीमांग नीचू बिर भड़ं हुमाड़ं अज्यु खाली नीजु खलन की इता परमेश्‍वर सू धरती रु खेरी मुघासु इदू हन्दू परमेश्‍वर सू लेमे ती रु फेरसी निजू।

![](https://cdn.door43.org/obs/jpg/360px/obs-en-01-02.jpg)

इता परमेश्‍वर सु लिसू की छाजु लिलो अज्यू छाजु कलजु। परमेश्‍वर सु ताड़ंसु छाजु जेनू लि परमेश्‍वर सू छाजु जो नुक्छु लिजु। अज्यु इदु सु नुक्छु सु मुंछू खिजु घासु। इदजो मुंछु लिसु परमेश्‍वर सु दुनिया बनेमु कु तुकतू ज्या छाजु घासु।

![](https://cdn.door43.org/obs/jpg/360px/obs-en-01-03.jpg)

दुनिया घामु कु खिजु ज्यारु परमेश्‍वर सु लिसु ती कु घुन्दा ताकु खाली लयाड़ं अज्यु ती कु ताकु खिजु जो अलग लिलो अनमा लिजु परमेश्‍वर सु खिजु घायनु भांड़ं जो तुखू लिसु।

![](https://cdn.door43.org/obs/jpg/360px/obs-en-01-04.jpg)

सुम ज्या सु परमेश्‍वर सु लिसु ती ताकु भड़ं रु थुमसिलो अज्यु छरनु भड़ं ताड़ंयो परमेश्‍वर सु छरनु भड़ं जो धरती लिसु अज्यु ती जो यागंती लिसु। परमेश्‍वर सु ताड़ंसु कि अल्या इदसु बनेसु इदु जेनु निजु।

![](https://cdn.door43.org/obs/jpg/360px/obs-en-01-05.jpg)

तब परमेश्‍वर सु लिसु धरती रु बिर सिड़ं झिलो अज्यु अनमा लियो। परमेश्‍वर सु ताड़ंसु कि अल्या इदसु बनेसु इदु जेनु निजु।

![](https://cdn.door43.org/obs/jpg/360px/obs-en-01-06.jpg)

दुनिया बनेमु पि ज्या रु परमेश्‍वर सु लिसु तुखू रु रोशनी धामु तब नी ,चॉद अज्यु तारे पिराचु। परमेश्‍वर सु उइ रोशनी जो नी उजाला दामु हन्दु बनेसु अज्यु नुक्छू अज्यु मुन्छू अज्यु सिलाड़ं अज्यु छिलाड़ं अज्यु हिड़ं खिजु घामु हन्दु बनेसु।

![](https://cdn.door43.org/obs/jpg/360px/obs-en-01-07.jpg)

नाई ज्या परमेश्‍वर सु लिसु यंगती रु जीव जन्तु भुयाहन अज्यु तुखू रु पक्षी जो बनेसु। अनमा घालन ती रु भोयडा छानु बिर जानवर अज्यु पक्षी बनेसु। परमेश्‍वर सु ताड़ंसु इदु जेनु ले अज्यु आशिर्वाद दासु।

![](https://cdn.door43.org/obs/jpg/360px/obs-en-01-08.jpg)

धरती घामु हन्दु टुकू ज्या परमेश्‍वर सु लिसु धरती रु सियनू खिजु खिजु रे माला रायाड़ं। परमेश्‍वर सु लिसु इदमा ना कलचु। अल्या रे माला ढुड़ंमु निजु। धरती रु पेथे पेथे दिजु। अज्यु अल्या रे माला निजु। परमेश्‍वर सु ताड़ंसु इदु जेनु ले।

![](https://cdn.door43.org/obs/jpg/360px/obs-en-01-09.jpg)

तब परमेश्‍वर सु लिसु योनी निड़ं अफी रुप रंग अज्यु अफी माघरतु बनेसु। इदु मी धरती रु अज्यु बिर रे माला जो राज घाघदा।

![](https://cdn.door43.org/obs/jpg/360px/obs-en-01-10.jpg)

परमेश्‍वर सु सा कुरलन इदु मी बनेसु अज्यु इदु जीवन कु सॉस किघादुसु। अन्दु मी कु मुड़ं आदम निजु। परमेश्‍वर सु आदम सुयमु हन्दु ताकु पुनु बगीचा बनेसु अज्यु उकु देखभाल घामु हन्दु आदम तासु।

![](https://cdn.door43.org/obs/jpg/360px/obs-en-01-11.jpg)

इदु बगीचा कु घुनदा रु परमेश्‍वर सु निसु जैनु सिड़ं लगेसु। ताकु जीवन कु सिड़ं अज्यु खिजु जेनु यानु समझेनु सिड़ं लगेसु। परमेश्‍वर सु आदम जो लिसु गे इदु जेनु यानु समझेनु सिड़ं कु फल मुजा तरसड़ं। गे बिर कु सिड़ं कु फल जा तरसन। अज्यु इदु सिड़ं फल जायजे गे सिजायहन।

![](https://cdn.door43.org/obs/jpg/360px/obs-en-01-12.jpg)

तब परमेश्‍वर सु लिसु होरासिरी जो तामिना सुड़ंनु जेनु महा। खलन कि घबरी रे माला आदम कु साथु मुनिजु।

![](https://cdn.door43.org/obs/jpg/360px/obs-en-01-13.jpg)

इदुसु परमेश्‍वर सु आदम जो दलना इफा रु किघानिजु। परमेश्‍वर सु आदम जो ताकु खासया सु ताकु भुदाचुमे बनेसु अज्यु इदु आदम कु लगान्दी रेलन राजु।

![](https://cdn.door43.org/obs/jpg/360px/obs-en-01-14.jpg)

इदु आदम जो भुदाचुमे ताड़ंसु ते इदसु लिसु अन्दु जिकु माघरतु ले। इदुजो भुदाचुमे लाड़ंदा। खलन कि अन्दु होरासिरी अफी मिना भा सिदिसु। अज्यु अफी भुदाचुमु रकसा निनि।

![](https://cdn.door43.org/obs/jpg/360px/obs-en-01-15.jpg)

परमेश्‍वर सु होरासिरी अज्यु भदाचुमे जो अफी रुप रंग बनेसु। परमेश्‍वर इदजो आशिर्वाद दासु। अज्यु उसु लिसु दलना सिरी खि खेमे जो जन्म दा अज्यु धरती रु भुड़ंलो। परमेश्‍वर सु उड़ंसु जो ले बनेसु इदु जेनु निनि। अज्यु परमेश्‍वर इदुसु दलना खुश निजु। इदु बिर झन टुकु ज्या रिजु।

![](https://cdn.door43.org/obs/jpg/360px/obs-en-01-16.jpg)

जेयदु ज्या परमेश्‍वर सु अफी बिर लन पुरकुजु। इदसु जेयदु ज्या रु आशिर्वाद दासु अज्यु शुद्ध घासु खलन कि इदसु 7 जेयदु ज्या अफी बिर लन पुरकुजु। इदु हन्दु परमेश्‍वर सु दुनिया जो अज्यु जो ले दुनिया रु निनि इदु बनेसु।

*बाइबल की लुभुडं उत्पत्ति अध्याय 1.2 सू कथा*

Audio: https://git.door43.org/OBS-TLF/drd_obs/releases/download/v1/drd_obs_v1_01_128kbps.m4a

## 2. पाप दुनिया रु पिरा चू।

https://openbiblestories.org/l/drd/story-2/

![](https://cdn.door43.org/obs/jpg/360px/obs-en-02-01.jpg)

आदम अज्यु भुदाचुमे परमेश्‍वर जो बनेमु हन्दु ढाड़ंनु बगीचा रु सुड़ंलन र्खचु दलना खुश निजु। इदु र्खचु खमरी ले घे मुचुकसी निजु। अज्युले इदु काड़ंथे इदसु उइ राहुड़ंनु मुनिजु खलन कि दुनिया रु पाप मुनिजु। बिर ताकु ज्या बगीचा रु फेरसी निजु अज्यु परमेश्‍वर जो काड़ंथे घा निजु।

![](https://cdn.door43.org/obs/jpg/360px/obs-en-02-02.jpg)

खलन कि इदु बगीचा रु ताकु खोबु निजु। इदु दलना चालक निजु। इदसु भुदाचुमे सु रुसु कि हुचना परमेश्‍वर सु घनीजो बगीचा रु घुबरी ले सिड़ं कु फल जामु हन्दु महा लिसु?

![](https://cdn.door43.org/obs/jpg/360px/obs-en-02-03.jpg)

इदु भुदाचुमे सु जवाब दासु , परमेश्‍वर सु निड़ं जो लिसु निड़ं घुबरी ले सिड़ं कु फल जा तरसड़ं। खलन कि निड़ं यानु जेनु कु ज्ञान कु सिड़ं कु फल मुजातरसड़ं। परमेश्‍वर सु निड़ं जो लिसु घनसु इदु फल धमसु या जानसु ते गे इदु वक्त पुड़ंजु।

![](https://cdn.door43.org/obs/jpg/360px/obs-en-02-04.jpg)

खबु सु भुदाचुमे जो जवाब दासु अन्दु हुचना गे मुसिजायाड़ंन परमेश्‍वर पयदा इदु फल झाजे। परमेश्‍वर गरतु लयाड़ंन। अज्यु इदकु समान यानु जेनु कु समज रायाड़ं।

![](https://cdn.door43.org/obs/jpg/360px/obs-en-02-05.jpg)

इदू भुदाचुमे सू जैनू फल ताड़ंसु झेनू निचू अज्यु उड़ंमु रु नयमनू ताड़ंसु। इदु होशियार बनेमु चिड़ं निजु इदु हन्दु फल जालन किजासु अज्यु अफी होरासीरी जो रकसा निजु इदु फल दासु अज्यु इदसु ले किजासु। ताड़ंसु

![](https://cdn.door43.org/obs/jpg/360px/obs-en-02-06.jpg)

छाटो इदु मी किबेजु ,अज्यु इदु पता चलेजु इदु नागो निजु। निसरी सु पात रुबलन घे बनेसु अफी कु शरीर खबमु कु कोशिश घासु।

![](https://cdn.door43.org/obs/jpg/360px/obs-en-02-07.jpg)

होरासीरी अज्यु इदकु भुदाचुमे सु बगीचा रु फेरीसिलन परमेश्‍वर कु हर यनसु। निसरी परमेश्‍वर ताड़ंलन किचादुसु। परमेश्‍वर सु होरासीरी हरतेसु घे हुदी निहेन?आदम सु जवाब दासु जिसु घे बगीचा रु फेरीसिलन यनसु। अज्यु जी किजीयरो ,खलन कि जी नंगो निनि। इदु हन्दु जी किचाहीयो।

![](https://cdn.door43.org/obs/jpg/360px/obs-en-02-08.jpg)

परमेश्‍वर सु रुसु घे जो खमसु बतेसु कि घे नागो निहन?खा घेसु इदु फल जानसु इदु जामु महा लिसु ?होरासीरी सु जवाब दासु जो भुदाचुमे जिजो दासु इदसु ना जि फल दासु। परमेश्‍वर सु भुदाचुमे जो रुसु घेसु खा घानसु ?इदु भुदाचुमे सु जवाब दासु ,खोबु सु जी धोखा दासु।

![](https://cdn.door43.org/obs/jpg/360px/obs-en-02-09.jpg)

परमेश्‍वर सु फाइ खबु शा्प दासु। घे धनसु घमजायड़ं अज्यु सा जायड़ं। घे अज्यु भुदाचुमे ताकु खिजु रिस घाघदा। घेघु सेनु अज्यु भुदाचुमे कु सेनु ताकु खीजु रकसा रिस घाघदा। इदु भुदाचूमे कु वंश घेघु पिसया ताअड़ंदा। अज्यु घे इदकु लिगे चिदा।

![](https://cdn.door43.org/obs/jpg/360px/obs-en-02-10.jpg)

परमेश्‍वर सू लिसू जब सेनू डूगसू की दलना इदू नोगोन्दी दलना कग लिजू। घेघु इच्छा घेघु होरासिरी तरफ निनि अज्यु घेघु होरासीरी घेरु राज घाघदा।

![](https://cdn.door43.org/obs/jpg/360px/obs-en-02-11.jpg)

परमेश्‍वर सु हुरासीरी सु लीजु घे सु भुदाचुमे कु काड़ंथे यनसु अज्यु जिकु आदेश मुमानिजु इदु हन्दु धरती शा्प निजु। घेजो झाती जुलाड़ं दलना मेहनत घा पड़ंयड़ं। घे सिजाड़ंहन अज्यु घुघु शरीर सारु दुसाड़ं। इदु हुरासारी सु अफी भदाचुमे कु मुड़ं हव्वा ताजु इदकु मतलब जीवन दानु खलन कि बिर जाती कु मिना कलजु। परमेश्‍वर सु आदम अज्यु हव्वा जो जानवर कु लिफे सु चुकसीदुसू।

![](https://cdn.door43.org/obs/jpg/360px/obs-en-02-12.jpg)

परमेश्‍वर सु लिसु ,जेनु अज्यु यानु सु पेनु मी निड़ंमा घरतु कलजु। इदु हन्दु इदजो जीवन कु सिड़ं कु फल जामु मुदामु अनमा था लिलो कि इदु हमेषा टाड़ंलो। इदु हन्दु आदम अज्यु हव्वा जो इदु बगीचा र्खचु भाड़ंरु कुपाड़ंदुसु। जीवन कु सिड़ं कु फल खमरी ले मुजायड़ं इदु हन्दु परमेश्‍वर सु बगीचा कु दारम रु शक्तिषाली थोलोग ताड़ंसु।

*बाइबल की लुभुडं उत्पत्ति अध्याय 3 से कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_02_128kbps.m4a

## 3. घू रालन

https://openbiblestories.org/l/drd/story-3/

![](https://cdn.door43.org/obs/jpg/360px/obs-en-03-01.jpg)

होनम ज्या कु नोगोन्दी धरती रु दलना मीजन कल निजु। इदु यानु अज्यु दाकक्षीमु मीजन कल निजु। इदु अलाड़ं यानु निजु परमेश्‍वर सु भुड़ंना धरती घु सु खत्म घामु कु फैसला घासु।

![](https://cdn.door43.org/obs/jpg/360px/obs-en-03-02.jpg)

इदु हन्दु परमेश्‍वर नूह जो खुश निजु। इदु यानु मीजन कु घुन्दा रु सुड़ंनु ताकु जेनु मी निजु। परमेश्‍वर सु नूह जो बतेसु ताकु दलना पुनु घु पाड़ंनु निनि। इदु वजह सु इदजो नूह जो पुनु नाव बनेमु हन्दु लिसु।

![](https://cdn.door43.org/obs/jpg/360px/obs-en-03-03.jpg)

परमेश्‍वर सू नूह से लिसू कि 140 ताकु पीसा ताकु मीटर भुनू निचू 23मीटर परनू ताकू 13'5 चेसम बिन्दु नाई पुनु सिड़ं कु नाव गामू हन्दू लिसू। सुम मंजिला चिम ,अज्यु दलना कमरा ,ताकु छत ,अज्यु खोली। इदु नाव नूह ,इदकु खु अज्यु धरती कु बिर जन जानवर जो घू सु बचेमु हन्दु लिजु।

![](https://cdn.door43.org/obs/jpg/360px/obs-en-03-04.jpg)

इदू हन्दु नुह परमेश्‍वर काड़थे मानुसु। इदसु नूह अज्यु सिरी जो इताना नाव बनेसु जो परमेश्‍वर सु लिसु इदु नाव पुनु निजु इदु बनेमु हन्दु दलना हिड़ं लागेसु। नूह सु मीजन जो रानु घू कु बारे रु चेतावनी दासु। अज्यु इदु परमेश्‍वर चन्दु धिनी,खलन कि मीजन सु विश्‍वाश मुघासु खलन कि इता होना धरती रु मु मुराजु।

![](https://cdn.door43.org/obs/jpg/360px/obs-en-03-05.jpg)

परमेश्‍वर सु नूह अज्यु खु अफी हन्दु अज्यु रे माला हुलाड़ंरी झाती चिड़ंमु कु आदेश दासु। जब बिर जन कियाड़ंसिजु तब परमेश्‍वर सु नूह जो लिसु इदु ज्या इदकु ,इदकु भुदाचुमे ,इदकु सुम सेयजन अज्यु इदकु भुदाचुमे जन नाव रु दिमु निजु। जो इदु घुई मीजन निजु।

![](https://cdn.door43.org/obs/jpg/360px/obs-en-03-06.jpg)

परमेश्‍वर बिर रे माला अज्यु पक्षी नर अज्यु मादा जो नूह दरु पाड़ंसु कि उइ नाव रु दि तरलो इदु घू सु टाड़ंसीलो। परमेश्‍वर सु अनमा घालन बिर जानवर कु जेयदु नर जेयदु मादा पाड़ंसु। इदु नाव रु भुतरु पिराजु तब परमेश्‍वर सु नाव कु दारम बन्द किघादुसु।

![](https://cdn.door43.org/obs/jpg/360px/obs-en-03-07.jpg)

तब मु पिराजु ,अज्यु मु रालना पिसा ज्या होना अज्यु पिसा मुन्छू होना मु रालना सिड़ंजु। धरती कु बिर झन अज्यु पुनु धाड़ंरु ती रु डुबेजु।

![](https://cdn.door43.org/obs/jpg/360px/obs-en-03-08.jpg)

धरती रु सुड़ंनु बिर जन पुड़ंजू इदू जो मिजन अज्यु रे माला नाव रु निजु इद बिर कुटाड़ंजु इदू नाव रु तीरु भोटया छा निजू अज्यु नाब रु भुतरु बिरझन बिर डुबने सु कुटाड़चु।

![](https://cdn.door43.org/obs/jpg/360px/obs-en-03-09.jpg)

मु थमलन वक्त नाइ ला होना सु नाव ती रु भोटया छा निजु अज्यु नाइ ला कु ज्या नोगोन्दी ती अल्या कलजु। तब ताकु ज्या इदु नाव ताकु धाड़ंरु कु चोटी रु कुसुड़ंजु। इता धरती ती सु कुभड़ं निजु। सुम ला नोगोन्दी धाडंरु कु चोटी तन निजु।

![](https://cdn.door43.org/obs/jpg/360px/obs-en-03-10.jpg)

इदु पीसा ज्या कु नुक्छु नूह सु ताकु कौवा जो इदु उड़ंमु हन्दु भाड़ंरु दिसु इदु ती किछरजु। इदु कौवा छरनु धरती मासीमु हन्दु तिखाड़ं दिखाड़ं दिसु ,इदु घुबरी ले भड़ं मुताड़ंजु।

![](https://cdn.door43.org/obs/jpg/360px/obs-en-03-11.jpg)

ताकु ज्या नूह सु कबुतर भाड़ंरु पाड़ंसु। इदु हन्दु घुबरी ले छरनु धरती मुताड़ंसु। इदु हन्दु नूह दरो कुहनसु। ताकु हप्ता ज्या नूह सु इदु कबुतर दुबारा पाड़ंसु। इदु अफी आरु रु जैतून सिड़ं कु मिनु ढाली रेलन थोकते राजु। इदु नूह जो पते लगेसु कि ती अल्या ली निजु अज्यु सिड झुलन रानी।

![](https://cdn.door43.org/obs/jpg/360px/obs-en-03-12.jpg)

नूह सू ताकू हप्ता ज्या कुरुड़ंजि निजु। सुम ज्या सू इदू कबूतर भाड़ंरु पाड़ंसु अन्दु ज्या इदु सुड़ंमु कु भड़ं कुतड़ंसु। इदु र्खचु थोकते मुराजु। इदु पते चलेसु बिर ती छर निजु।

![](https://cdn.door43.org/obs/jpg/360px/obs-en-03-13.jpg)

निसु ला नोगोन्दी परमेश्‍वर सु नूह जो लिसु ,घे अज्यु घे कु खु अज्यु बिर रे माला नाव र्खचु भाड़ंरु राजु। अज्यु आदेश दासु कि दलना संयजन अज्यु खी खीमे ढुड़ंनी अज्यु धरती भुड़ंदेया। नूह अज्यु इदकु खु नाव र्खचु भाड़ंरु राजु।

![](https://cdn.door43.org/obs/jpg/360px/obs-en-03-14.jpg)

नूह कु नाव सु भाड़ंरु कु नोगोंन्दी इदसु ढाड़ंसिड़ं बनेसु। बली दानु रे माला जन अल्या कुरलन बली दासु। परमेश्‍वर इदु बली सु खुश लिजु अज्यु नूह अज्यु इदु खु आशिर्वाद दासु।

![](https://cdn.door43.org/obs/jpg/360px/obs-en-03-15.jpg)

परमेश्‍वर सु लिसु जी वादा घादी मीजन यानु लन घादा इदकु वजह सु जी खजारी धरती जो खजारी शा्प मुदाड़ंदा अज्यु दुनिया घु वजह सु नाश मुलायड़ंन। खलन कि मीजन अफी मिलाड़ं र्खचु पाप घालना राजु।

![](https://cdn.door43.org/obs/jpg/360px/obs-en-03-16.jpg)

तब परमेश्‍वर सु अफी वादा कु निशान कु हन्दु तुकतू इन्द्र धनुष जो बनेसु। जब खजारी ले तुखु रु इन्द्र धनुष तन निजु। तब परमेश्‍वर अफी वादा ची घाघदा। इदमा ले मीजन ची घाघदा।

*बाइबल की लुभुडं उत्पत्ति अध्याय 6.8 से कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_03_128kbps.m4a

## 4. परमेश्‍वर अब्राहम के साथु कू वादा घा निजु।

https://openbiblestories.org/l/drd/story-4/

![](https://cdn.door43.org/obs/jpg/360px/obs-en-04-01.jpg)

घु कु हुलाड़ं हिड़ं नोगोन्दी ,दुबारा धरती रु मीजन कलजु अज्यु उइसु दुबारा परमेश्‍वर कु अज्यु ताकु खिजु रकसा पाप घासु। खलन कि इदु बिर मीजन ताकु भाषा फा निजु इदु हन्दु इदु बिर थुमसीजु अज्यु इदु ताकु भड़ं बनेसु। अनमा घालन धरती रु भुड़ंयाड़ं जो आदेश परमेश्‍वर सु दासु इदु मु मानेसु।

![](https://cdn.door43.org/obs/jpg/360px/obs-en-04-02.jpg)

इदु दलना ठारसी निजु अज्यु उइसु घुम घालन जीवन ढुड़ंमु चिहनी। इदु हन्दु परमेश्‍वर कु आदेश मु मानेसु। अज्यु इदसु पुनु चिम घामु शुरु घासु जो थो लोग दियाड़ं। परमेश्‍वर सु ताड़ंसु कि ताकु राकसा पाप घा तरसयड़ं , अनमा घालन दलना पाप घानु लन घा तरसयड़ं।

![](https://cdn.door43.org/obs/jpg/360px/obs-en-04-03.jpg)

इदु हन्दु परमेश्‍वर सु इदकु भाषा गड़बड़ घालन दलना भाषा किखीदिसु। परमेश्‍वर इदोजो बिर धरती रु किफेदिसु। इदु भड़ं बनेमु शुरु घासु इदु बाबेल लिदा। इदकु अर्थ ली गड़बड़।

![](https://cdn.door43.org/obs/jpg/360px/obs-en-04-04.jpg)

हुलाड़ं ला हिड़ं कु नोगोन्दी परमेश्‍वर सु अब्राम मुड़ं ताकु मी रकसा काड़ंथे घासु। परमेश्‍वर सु लिसु अफी देश अज्यु खु सीलन इदु देश रु दी जो जी घे दाड़ंदी जी घे आशिर्वाद दाड़ंदी अज्यु घेजो पुनु जाती बनेड़ंदा। जी घेघु मुड़ं पुनु घाड़ंदा। जो घेजो आशिर्वाद दादे जी घेजो आशिर्वाद दाड़ंदी ,अज्यु जी जो शा्रप धाडंदा जी घे शा्प धाड़ंदी। घेघु वजह सु धरती बिर जन आशिर्वाद धाड़ंदा।

![](https://cdn.door43.org/obs/jpg/360px/obs-en-04-05.jpg)

तब अब्राम सु परमेश्‍वर कु काड़ंथे मानुसु अज्यु अफी भुदाचुमे बिर अफी बिर सेवा घानु अज्यु जो ले इदकु निजु कुरसु अज्यु कनान देश रु ताजु। जो परमेश्‍वर सु इदु थेयसु।

![](https://cdn.door43.org/obs/jpg/360px/obs-en-04-06.jpg)

जब अब्राम कनान देश होनसु। परमेश्‍वर सु इदजो लिसु पी भड़ं उड़ंसु जी घेजो अन्दु बिर देश दाड़ंदी। अज्यु घेघु वंष नोगोन्दी होना अधिकार ताड़ंदा। तब अब्राम इदु देश रु कुसुड़ंजु।

![](https://cdn.door43.org/obs/jpg/360px/obs-en-04-07.jpg)

मलिकिसिदक मुड़ं कु ताकु हुरासीरी निजु। इदु मुड़ं कु ताकु होरासीरी निजु। जो पुनु परमेश्‍वर पुजारी निनि। ताकु ज्या जब अब्राम दाकसिमु कु नोगोन्दी थोकते रा निजु। अब्राम अज्यु इदु छियजु। मलिकिसिदक सु अब्राम जो आशिर्वाद दासु अज्यु लिसु पुनु परमेश्‍वर जो थो लोग अज्यु दुनिया कु मालिक निनि। इदु घेजो आशिर्वाद घाड़ंदा। तब अब्राम सु दाकसिलन जो जीतनु बिर जन 10 ची हिस्सा मलिकिसिदक जो दासु।

![](https://cdn.door43.org/obs/jpg/360px/obs-en-04-08.jpg)

हुलाड़ं हिड़ं नोगोन्दी अब्राम अज्यु सारै कु घुबरी ले सेयनु मुनीजु। परमेश्‍वर सु अब्राम सु काड़ंथे घासु अज्यु वादा घासु दुबारा वादा घासु कि इदकु सेनु ढुड़ंसु अज्यु तुखू रु तारे मा घरतु इदकु दलना वंश लिलो। अब्राम सु परमेश्‍वर कु वादा रु विश्‍वाश घासु। परमेश्‍वर जो लिसु अब्राम ताकु धर्मी मी निजु। खलन कि इदसु परमेश्‍वर कु वादा रु विश्‍वाश घासु।

![](https://cdn.door43.org/obs/jpg/360px/obs-en-04-09.jpg)

तब परमेश्‍वर अब्राम सु वादा घासु। वादा कु अर्थ खिजु खिजु कु घुन्दा घुबरी ले लन घायनु कु समझैता लि। तब अब्राम किया निजु तब परमेश्‍वर सु वादा किघा निजु। खलन कि अब्राम परमेश्‍वर यन निजु। परमेश्‍वर सु लिसु जी घेजो ताकु सेयनु दाड़ंदी जो घेजो पेदा लिलो। जी घेजो वंष जो कनान देश दाड़ंदी। खलन इता होना अब्राम जो घुबरी ले सेनु मुदाड़ंदा।

*बाइबल की लुभुडं उत्पत्ति अध्याय 11.15 ताकू कथा*

Audio: https://git.door43.org/OBS-TLF/drd_obs/releases/download/v1/drd_obs_v1_04_128kbps.m4a

## 5. वादा कु सेनु।

https://openbiblestories.org/l/drd/story-5/

![](https://cdn.door43.org/obs/jpg/360px/obs-en-05-01.jpg)

अब्राम ताकू सारै कु कनान देश कुहोनचू , ची हिड़ ज्या इता तक इदू कु घूबरी सेनु मुनिजु। इदु हन्दू अब्राम कु भुदाचूमे सारै सु इदो जो लिचू खलन की परमेश्‍वर सु इता होना जिजो सेनु ढुडमू रु सक्षम मुनिजु। इदु हन्दू जी जन्म दामू रु इदु हन्दू सयानू निजु जिगू भुदाचूमे ढड़ं मी हाजिरा दो निनी। इदू सू ब्या घा। इदू जी हन्दू ताकू सेनु पेदा लिहेयन।

![](https://cdn.door43.org/obs/jpg/360px/obs-en-05-02.jpg)

इदु अब्राम सु हाजिरा सु ब्या किघासु। हाजिरा कु ताकु सेनु जन्म दासु अज्यु अब्राम सु इदु मुड़ं इश्‍माएल तासु। खलन कि सारै हाजिरा जो ढासी निजु। जब इश्‍माएल कु 13 चेसम हिड़ं निजु। परमेश्‍वर सु दुबारा अब्राम सु काड़ंथे घासु।

![](https://cdn.door43.org/obs/jpg/360px/obs-en-05-03.jpg)

परमेश्‍वर सु लिसु जी दलना शक्तिशाली परमेश्‍वर ले। जी घेजो वादा घादी। तब अब्राम सु थागरु रु लेलन प्रणाम घासु। परमेश्‍वर सु अब्राम सु इदु ले लिसु घे दलना जाती जो भा लिलो। घे घेजो घेघु वंश जो कनान देश दाड़ंदा जो इदकु अफी कु धरती लयड़ं अज्यु जी सदा होना घेघु परमेश्‍वर लयड़ं। घेजो अफी खु कु बिर होरासीरी खतना घामु निनि।

![](https://cdn.door43.org/obs/jpg/360px/obs-en-05-04.jpg)

घेघु भुदाचुमे बिर ताकु सेनु ढुड़ंदा। इदु वादा कु सेनु निनि इदकु मुड़ं इसहाक तामु। जी इदु रकसा अफी वादा बनेमु खियाड़ं अज्यु इदु ताकु पुनु जाती लयाड़ं। जी इश्‍माएल जो पुनु जाती बनयाड़ं। खलनकि जी कु वादा इसहाक कु रकसा रायाड़ं। तब परमेश्‍वर सु अब्राम कु मुड़ं किखीदिनिजु अब्राहम किघादुसु इदु कु अर्थ निनि दलना जो भा। परमेश्‍वर सु सारै कु मुड़ं किखीदिनिजु सारा तामु। इदुकु अर्थ ली बिर कु मिना।

![](https://cdn.door43.org/obs/jpg/360px/obs-en-05-05.jpg)

इदु अब्राहम अफी खु कु बिर हुरासीरी कु खतना घासु। लगभग ताकु हिड़ं होना इदु अब्राहम 100 रा हिड़ं कु निजु अज्यु सारा 90 टुकसा सुम हिड़ं कु निजु तब सारा सु ताकु सेनु ढुड़ंसु अनमा परमेश्‍वर सु उइजो लिसु उइसु इदु सेनु कु मुड़ं इसहाक तासु।

![](https://cdn.door43.org/obs/jpg/360px/obs-en-05-06.jpg)

जब इसहाक जियनु लीजु परमेश्‍वर सु अब्राहम कु विश्‍वाश कु परीक्षा कुरमु हन्दु अफी कु ताकुना सेनु कु जि हन्दु बली कु रुप रु सेदुसु। फिर सु अब्राहम परमेश्‍वर कु काड़ंथे मानुसु अज्यु अफी सेनु बली दामु हन्दु किहायनसी निजु।

![](https://cdn.door43.org/obs/jpg/360px/obs-en-05-07.jpg)

जब अब्राहम अज्यु इसहाक बली दामु कु भड़ं चेन्दु धी निजु तब इसहाक सु रुसु है भा जिकु दरु बली हन्दु सिड़ं निनि खलन कि बली हन्दु पाठो वा। अब्राहम सु जवाब दासु है जिकु सेनु परमेश्‍वर बली हन्दु पाठो कु व्यवस्था घाघदा।

![](https://cdn.door43.org/obs/jpg/360px/obs-en-05-08.jpg)

इदु बली दामु भड़ं रु पिराजु अब्राहम सु इसहाक जो गुलन दाड़ंसिड़ं रु किचादुसु। इदु अफी सेनु सेयदी निजु परमेश्‍वर सु लिसु रुड़ंजन सेनु था कमा। थन जी किपेयो घे जिकु सम्मान घादन। खलन कि घेजो अफी सेनु जो बली दामु हन्दु कियाहनसी निजु।

![](https://cdn.door43.org/obs/jpg/360px/obs-en-05-09.jpg)

अब्राहम सु उड़ंसु कि लगान्दी ज्या कु घुनदा रु ताकु करच्या ताडयो। परमेश्‍वर सु इसहाक कु बदला बली दामु हन्दु करच्या कु व्यवस्था घासु। अब्राहम सु खुश लिलन करच्या कु बली किघादुसु।

![](https://cdn.door43.org/obs/jpg/360px/obs-en-05-10.jpg)

परमेश्‍वर सु अब्राहम जो लिसु कि घे जी हन्दु बिर झन दामु हन्दु तैयार निजु। दो होना सु अफी ताकु सेनु जो जी हन्दु बली दामु कियाहनसी निजु। जी घेजो आशिर्वाद धामु कु वादा घा निजु घेघु वंश तुखू कु तारा सु दलना निहेन। खलन कि घेसु जिकु आदेश मानुमु लि। इदु हन्दु जी घेघु खु हन्दु दुनिया कु बिर जाती जो आशिर्वाद धाड़ंदी।

*बाइबल की लुभुडं उत्पत्ति अध्याय 16.22 कथा*

Audio: https://git.door43.org/OBS-TLF/drd_obs/releases/download/v1/drd_obs_v1_05_128kbps.m4a

## 6. परमेश्‍वर इसहाक हन्दू व्यवस्था घादा।

https://openbiblestories.org/l/drd/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम सयाइनु कलचु तब इदकु सेनु इसहाक ताकु होरासीरी कु उमर कलनिजु इदु हन्दु अब्राहम सु अफी सेवा घानु मी अफी सेनु इसहाक कु हन्दु भुदाचुमे रेमु हन्दु इदु देश रु पाड़ंसु जो अब्राहम कु सयासी सुड़ं निजु।

![](https://cdn.door43.org/obs/jpg/360px/obs-en-06-02.jpg)

इदु देश धीमु हन्दु ताकु पुनु यात्रा कु नोगोन्दी परमेश्‍वर इदु सेवा घानु मी जो रिबका कु दरु दिजु। इदु अब्राहम कु नुनु कु पोती निजु।

![](https://cdn.door43.org/obs/jpg/360px/obs-en-06-03.jpg)

रिबका अफ़ी खु कु सीलन इदु सेवक कु साथु वापस दिमु हन्दु मानजु। इदु होनसु इदसु इसहाक सु ब्या किघासु।

![](https://cdn.door43.org/obs/jpg/360px/obs-en-06-04.jpg)

ताकु पुनु ज्या कु नोगोन्दी अब्राहम पुड़ंचु। तब परमेश्‍वर सु अब्राहम कु सेनु इसहाक जो आशिर्वाद दासु ,खलन कि परमेश्‍वर सु अब्राहम जो वादा घानिजु। इदु वादा रु परमेश्‍वर सु लिसु अब्राहम कु वंष अनगिनत निजु। खलन कि इसहाक कु भुदाचुमे रिबका कु सेनु मुनिजु।

![](https://cdn.door43.org/obs/jpg/360px/obs-en-06-05.jpg)

इसहाक कु रिबका हन्दू प्रार्थना गासू अज्यु परमेश्‍वर इदू ताकू जुड़वाँ सेयनू धनरू तामु रु ताकत दासु। इदु ज्या रु इदु सेयनु रिबका धनरु निजु। आपसरु दागसी निजु जो ले ली निजु रिबका सु परमेश्‍वर सु लिसु।

![](https://cdn.door43.org/obs/jpg/360px/obs-en-06-06.jpg)

परमेश्‍वर रिबका सु लिसू गे निसु सेयनु दाड़ंदा। इदु कु सेयनु निसु खिजु खिजु जाती रु बनयाड़ं। इदु ताकू खिचू दाकसी निजु। खलन कि पुनु सेनु जो पेदा निनि जाती जो मीनु सेनु जो पेदा निनि जाती कु आदेश मानुमु निजु

![](https://cdn.door43.org/obs/jpg/360px/obs-en-06-07.jpg)

जब रिबका कु सेनु कु जन्म लिचु इदु पुनु सीरी माड़ंनु निजु अज्यु भलझम सु कुभुड़ं निजु अज्यु इदकु मुड़ं एसाव तासु। तब मीनु सेनु एसाव कु एड़ी चुमलन सु ढड़ंसु अज्यु इदु मुड़ं याकूब

*बाइबल की लुभुडं उत्पत्ति अध्याय 24:1.25:26 कु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_06_128kbps.m4a

## 7. परमेश्‍वर सु याकूब सु आशिर्वाद धासु।

https://openbiblestories.org/l/drd/story-7/

![](https://cdn.door43.org/obs/jpg/360px/obs-en-07-01.jpg)

जब इदु संजन पुनू लिजु ते याकूब सु सुड़ंरू सुड़ंमु जेनु खिसु , खलन कि एसाव जानवर सेयमु जेनु खेनी। रिबका सु याकूब सु जेनु खीसु खलन इसहाक सु एसाव जो जेनु खि निजु।

![](https://cdn.door43.org/obs/jpg/360px/obs-en-07-02.jpg)

ताकू ज्या एसाव शिकार गलान थोकते राजू इदु हलाड़ं फ़ि निजु। एसाव सु याकूब सु लिसू गे सु कोयन अल्या जाती जिझो ले दा। याकूब सु जवाब दासु तकुतु जो वादा गा तुकुतु पुनु सेयुनु लिमु कु कारण सु बिर ताकू चीज़ घेजो छिमु चिहनी इदु बिर छन जो दाड़ंदन। एसाव सु इदु बीर चीज झन रु याकूब को दामु वादा गासू तकचा याकूब सु इदु अल्या झाती दासु।

![](https://cdn.door43.org/obs/jpg/360px/obs-en-07-03.jpg)

इसहाक एसाव कु आशिर्वाद दामु चिड़ं निजु। इन्दु हन्दू अनमा घासु रिबका अज्यु याकुब सु याकूब के एसाव हो लिमु कु ढ़ोंग घासु इदु कु इसहाक धोखा दासू। इसहाक सयाइनू निजु उगं मूनिचू निजु इदु हन्दू याकूब सू एसाव कू घे चुकसीम अज्यु मला कु लेफ़े अफ़ी भना अज्यु लारू कुथमसु।

![](https://cdn.door43.org/obs/jpg/360px/obs-en-07-04.jpg)

याकुब इसहाक कु दरू राजू अज्यु सु लिसू एसाव ली इदु हन्दू राजू की गे झीझो आशिर्वाद दा। इसहाक सू मला कू बलझम धमसु अज्यु गे निघसु निजु इदु सोच सु की एसाव निनी इदु आशिर्वाद दासु।

![](https://cdn.door43.org/obs/jpg/360px/obs-en-07-05.jpg)

एसाव नु याकूब सु जलन गानी याकूब सु एसाव जो तुकतू सेनु कु अधिकार अज्यु आशिर्वाद कुखेयजु। इता बा जन सिजन कु नोगोन्दी एसाव सु याकूब सेमु किखि निजु।

![](https://cdn.door43.org/obs/jpg/360px/obs-en-07-06.jpg)

रिबका सु एसाव कु बारे रु पते चलेसु। इदसु इसहाक अज्यु इदसु याकूब जो सयासी दरो फानम पाड़ंसु।

![](https://cdn.door43.org/obs/jpg/360px/obs-en-07-07.jpg)

याकूब हुलाड़ं हिड़ं हुना रिबका कु सयासी कु साथु निजु इदु ज्या रु इदु याकूब सु ब्या किगाचू अज्यु जयदे सियनू कु अज्यु चूमे ढुइसू परमेश्‍वर इदु सु हूलाइ जोड़ं दासु।

![](https://cdn.door43.org/obs/jpg/360px/obs-en-07-08.jpg)

20 नसा हीइ हुना कनान देश रु अफ़ी सुघरु सु हनुमू कु झाय याकूब अफ़ी खु अफ़ी सेवा घानु मीजन अज्यु रे माला झामारी झुडो कु साथु थोकते ताजू।

![](https://cdn.door43.org/obs/jpg/360px/obs-en-07-09.jpg)

याकूब इदु हन्दु दलना कीजयर जू खलन ईदू सु सोचु सु एसाव अब इदोजो सेदमु चीड़ निजु। इदु हन्दू इदु नासो कु रुप रु रे माला कु भीड़ एसाव दरो पाड़ंसु। जो सेवा घानु मीजन इदु रे माला रेलन दिजु इदजो लिसु। घेघु गुलाम याकूब इदु रे माला गे दादी झी झाटोना राई।

![](https://cdn.door43.org/obs/jpg/360px/obs-en-07-10.jpg)

इदु हन्दू एसाव सु याकूब जो सेमु मुचिड़ं निजु इदु कु बाद ईदुसू ताकुचू उगसू दलना खुश निजु। इदु कु बाद याकूब कानन देश रु आराम सु कुसुड़ं निजु। इदु इसहाक पुड़ं निजु। याकूब अज्यु एसाव सु इदु तागलन ताजु नोगोन्दी वादा परमेश्‍वर अबा्हम जो घा निजु इदु वादा इसहाक सु याकूब दर पि रा निजु।

*बाइबल की लुभुडं उत्पत्ति अध्याय 25:27.35:29 कु कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_07_128kbps.m4a

## 8. परमेश्‍वर सु युसुफ कु खु टांगसू।।

https://openbiblestories.org/l/drd/story-8/

![](https://cdn.door43.org/obs/jpg/360px/obs-en-08-01.jpg)

हुलांग हिंग लागन्दी याकूब स्यांगनू कलचू। इदु सु अफी जेनू सिरि यूसुफ कु नुनु कु मासिम हन्दू पांगसू जानवरु कु झुंड रु उंग निजू।

![](https://cdn.door43.org/obs/jpg/360px/obs-en-08-02.jpg)

यूसुफ कु नुनु इदू कु रिस गा निजू खलन कि इदू कु भा यूसूफ जेनु खीन निजू ताकू इदू माखुड़ं तांगसू खलन की इदू राजा बनेसु। यूसुफ अफी कू नुनु धबो रासु इदू सू कुचुमसू ताकू इदु गुलाम कू पन घानू जन कुरांगदसू।

![](https://cdn.door43.org/obs/jpg/360px/obs-en-08-03.jpg)

सुंगरु रालंग बक्त तुक्तु यूसुफ सू नुनु कू घै पैलन चू मला कू सी कूढुबदिजू। अफी भा जो घै थैसू इदू सू साचेसू कि घेकू सिरि जानवरु यूसुफ कू सैदूसू याकूब दल ना उदास निजू।

![](https://cdn.door43.org/obs/jpg/360px/obs-en-08-04.jpg)

गुलाम कू पन घान मिजन सू यूसुफ मिस्र देश कूरसु। मिस्र देश नील यांगती कू थमरु सुड़ंनी नीजू अज्यु पूनू अई शक्तिशाली देश निजू। इदू गुलाम कू पन घानू जन सू यूसुफ कू ताकू स्यांग मी अधिकारी जन गुलाम कू रुप कूरांगदसू। यूसुफ सू अफी कू मालिक हन्दू झेन सेवा घासू अज्यु परमेश्‍वर सू यूसुफ ये आशिर्वाद धासू।

![](https://cdn.door43.org/obs/jpg/360px/obs-en-08-05.jpg)

इदू कू मालिक कु बूदाचमे सु यूसुफ कू साथु कियानी कू जबरदसती घान निजू इदू हन्दू यूसुफ सू अन्दू रीति सू परमेश्‍वर कू विरुद्ध पाप मूघांगदी। इदू रिश पिराचू अज्यु यूसुफ रु यानु आरोप कूलगेदसू उदे चूमलन सू जेलखाना रु कूपांगदसू। इदू कू बाद जेलखाना रु यूसुफ परमेश्‍वर कू प्रति जेनु ली अज्यु परमेश्‍वर सू आशिर्वाद धासू।

![](https://cdn.door43.org/obs/jpg/360px/obs-en-08-06.jpg)

2 निसू हिज्या कू नोगोन्दी यूसुफ इता ले जेलखाना रु निजू तबले उदू निर्दाश निजू। ताकू मून्झू फिरौन घूमरी कि मिस्र देश रु अफी राजा जो हरता निजू इदू सू निसू माखुड़ं तांगसू माखुड़ं तांगलन किजरजु। उदू कू सलाह धाम मीजन सू माखुड़ं कू मतलब ना मूबतेसू।

![](https://cdn.door43.org/obs/jpg/360px/obs-en-08-07.jpg)

परमेश्‍वर यूसुफ कू माखुड़ं कू मतलब बतेमू कू शक्ति दासू , इदू हन्दू राजा सू यूसुफ कू जेलखाना रु अफी दरो विसू। यूसुफ सू इदू सू माखुडं कू मतलब बतेसू अज्यु निसू परमेश्‍वर लिसू ज्यादू हिंग फसल थूंग्मू घामू रामू कू ज्यादू हिंग नोगोन्दी अकाल रानू निनी।

![](https://cdn.door43.org/obs/jpg/360px/obs-en-08-08.jpg)

राजा यूसुफ तांगलन ढोजू इदू कू मिस्र देश कू खिजू मी शक्तिशाली कू घादसू।

![](https://cdn.door43.org/obs/jpg/360px/obs-en-08-09.jpg)

जब जेनु फसल 7 ज्यादू हिंग होना निजु तब यूसुफ सू पुनु जाती थूंग्मू हन्दु लिसु। इदू कू बाद 7 ज्यादू हिंग कू अकाल पिराचू यूसुफ सू जाति रंगसू इदू जामु हन्दु जाति लिलो।

![](https://cdn.door43.org/obs/jpg/360px/obs-en-08-10.jpg)

इदू अकाल मिस्र देश रकसा रकसा कनान देश रु ले निजू जो भांग याकूब अज्यु उदूकू खु सुड़ं निजू।

![](https://cdn.door43.org/obs/jpg/360px/obs-en-08-11.jpg)

इदू हन्दू याकूब सू अफी कू पूनू सीरि जन जाति तूमू हदू मिस्र देश पांगसू। इदू जाति तूमू हन्दू अनूमा ली यूसुफ कू लगांदी कने निजू इदू नुनु सू यूसुफ कू मूसिचू। इदू यूसुफ सू किसूचू।

![](https://cdn.door43.org/obs/jpg/360px/obs-en-08-12.jpg)

अनमा लिचू कि खा घै किखिंगचू इदू कू जॉच घामू कू बाद यूसुफ सू लिसू कि जी घनिकू पू यूसुफ ली मू जैरमू। झी गुलाम कू रुप रु रांगसू ताकू घै सू यानू खी निजु इदू हन्दू परमेश्‍वर सू यानू जो झैनु घाम हन्दू कूघान्सू रामू अज्यु मिस्र देश रु सूंगमू इदू हन्दू झी घनिकू अज्यु भीर जन मी कू जाति घा तरनी।

![](https://cdn.door43.org/obs/jpg/360px/obs-en-08-13.jpg)

इदू यूसुफ कू नुनु सूंगरु राजू अफी भा याकूब कू बतेसू यूसुफ इता ले टाड़ंना निजू इदू दलना खूश निजू।

![](https://cdn.door43.org/obs/jpg/360px/obs-en-08-14.jpg)

इदू सू याकूब ताकू सयानू मी निजू इदू हन्दू भुंगना अफी खु कू साथु मिस्र देश ताचू अज्यु इदाइ किबसेचू। याकूब कू सेजमु तूकतु अफी कू भीर सीरि कू आशिर्वाद धासू।

![](https://cdn.door43.org/obs/jpg/360px/obs-en-08-15.jpg)

परमेश्‍वर सू जो अब्राहम सू वादा किघान निजू इदू वादा इसहाक अज्यु याकूब अज्यु उदूकू 12 चने सीरि जन उदूकू खु रु पिराचू। इदू 12 चने सीरि जन इस्राएल देश वंश कू 12 चने जाती कलचू।

*बाइबल की लुभुडं उत्पत्ति अध्याय 37.50 कु कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_08_128kbps.m4a

## 9. परमेश्‍वर मूसा ये वियदा।

https://openbiblestories.org/l/drd/story-9/

![](https://cdn.door43.org/obs/jpg/360px/obs-en-09-01.jpg)

यूसुफ सिजिलिंग कू नोगोन्दी उदू कू भीर सायसीजन मिस्र देश रु सिड़ंचु। इदू अज्यु उदूकू वंशज हुलाड़ं हिंग मिस्र रु सिड़ंचु अज्यु उदू सू सयैंजन ढड़ंसु इदू कू नोगोन्दी अंजन जो इस्राएली लीदा।

![](https://cdn.door43.org/obs/jpg/360px/obs-en-09-02.jpg)

हूलांग 100 रा हिंग इस्राएलियों कू मीजन कू दलना कूबड़ेनिजू। अज्यु मिस्री देश कू मीजन अन्दू कांगथे सू मूढोनिजू इदू कू साथु घामू हन्दू यूसुफ सू भीरछन घासू। इस्राएलियों तांगलन किजरसू इदू हन्दू उदू कू दलना मी निजू। इदू हन्दू उई ज्या मिस्र रु राज घामू राजा सू इस्राएलियो देश कू मिस्रि देश कू गुलाम कूघादूसू।

![](https://cdn.door43.org/obs/jpg/360px/obs-en-09-03.jpg)

मिस्रियों सू इस्राएलियों कू पूनू चिम अज्यु धो होना सू हूलांग भाड़ं घामू हन्दू मजबूर घासू। इदू कठिन लन रु इदू कू जीवन दलना दुःख कूघादसू इदू हन्दू परमेश्‍वर सू आशिर्वाद धासू इदू सू दलना सैंजन ढुंगसू।

![](https://cdn.door43.org/obs/jpg/360px/obs-en-09-04.jpg)

राजा सू उंगसू कि इस्राएलियों कू भीर सिरीजन कलनी इदू हन्दू उसू अफी कू मी जो लीसू कि इस्राएलियों कू भीर सिरीजन ये नील यांगती रु चांगलन सिदेमू अमा लीसू।

![](https://cdn.door43.org/obs/jpg/360px/obs-en-09-05.jpg)

ताकू इस्राएली भूदाचूमै सू ताकू सिरि ढूंगसू। इदू अज्यु उदू कू होरासिरि सू हूलांगरि ली तरनी इदू कू सैनू च्यालन तासू।

![](https://cdn.door43.org/obs/jpg/360px/obs-en-09-06.jpg)

इदू कू भा मिना सू अफी कू सिरि दलना मू च्याक्सी निजू उदू हन्दू सिमू हन्दू कूबचे हन्दू ताकू रौ रु नील यांगती कू थमरु ची गूंदा रु तासू। इदू कू पूनू अता सू उंगमू हन्दू इदू कू नजर तासु इदू रक्सा खा ल्यांग।

![](https://cdn.door43.org/obs/jpg/360px/obs-en-09-07.jpg)

राजा कू चूमै सू रौ भूतरु तांगसू। इदू सू ता सैनू तांगसू इदू सू अफी कू सैनू गौद पूकूरसू। इदू सू ता इस्राएली भूदाचूमै नू धाम हन्दू कूतासू इदू जौ पता मूनिजू झी हूच्चना कू मिना ली लीलनचू। इदू सैनू पुनु कलचू की इदू अफी कू मिना कू नु मूचिंग, इदू सू राजा कू चूमै रक्सा पांगदयो उदू कू मूंग मूसा निजू।

![](https://cdn.door43.org/obs/jpg/360px/obs-en-09-08.jpg)

ता ज्या जब मूसा पूनू कलचू उदू सू उंगसू कि ता मिस्र देश कू मी ताकू इस्राएली देश कू मी कमदा। मूसा सू अफी कू साथ इस्राएली देश मी बचामू कू कोषिष घासू।

![](https://cdn.door43.org/obs/jpg/360px/obs-en-09-09.jpg)

उदू सू खिसू कि उदू खमरी मू तंगगदा इदू मिस्री सैदुसू अज्यु उदू कू कुड़ंरु किछदिपसु। मूसा सू जो कूघान निजू खिजू मी सू कूतांगसू।

![](https://cdn.door43.org/obs/jpg/360px/obs-en-09-10.jpg)

राजा जो पता कलचू कि मूसा सू खा घासू। इदू सू सैमू हन्दू किखिन निजू मूसा मिस्र कू सिरु फुंगलन ताचू। राजा कू सैनिक इदू भांग मासी मूतरनिजू।

![](https://cdn.door43.org/obs/jpg/360px/obs-en-09-11.jpg)

मिस्र सू हानम सिरु मूसा ताकू ढाड मी कल निजू। इदू सू ता भुदाचूमै रक्सा बक्चा किघासू अज्यु निसू सिरि कूघासू।

![](https://cdn.door43.org/obs/jpg/360px/obs-en-09-12.jpg)

मूसा अफी कू पैमा कू मला कू झुंड उंग निजू। ता ज्या उदु सू ताकू म्ही कूपूनू भूठू तांगसू बिना फा कु धुंई निजू। इदू उंगमू हन्दू भूठू रु धीजू। इदू उदू कू लगांन्दी निजू इदू सू परमेश्‍वर सू उई रक्सा फासू। उदू सू लिसू हे मूसा अफी कू पोला ठिलदया। घै ताकू शुद्ध भांगरु कनै निहेन।

![](https://cdn.door43.org/obs/jpg/360px/obs-en-09-13.jpg)

परमेश्‍वर सु लिसु जिसू अफी कू मीजन कू दुःख तांगयो। जी घै यै राजा धबौ पांगगदी खलन कि घै इस्राएलियों जो मिस्र देश कू गुलाम जन रैलन रामू। झी उई जन कनान देश धाड़ंदी उदू देश जो जीसू अब्राहम इसहाक अज्यु याकूब सू वादा घासू।

![](https://cdn.door43.org/obs/jpg/360px/obs-en-09-14.jpg)

मूसा सू रुसू मीजन सू रुहांदा कि झी खमसू पांगसू कि जी खा ल्यांगदी। परमेश्‍वर सू लिसू जो जी ली इदू जी ना ली। इदूजा ल्या कि जी ली इदू सू जी घै धरौ पांगसू। इदू जो अनमा ल्या जी घनिकू पूर्वजों अब्राहम इसहाक अज्यु याकूव कू परमेश्‍वर यहोवा ली। जी कू मूंग तूक्तू जू ली।

![](https://cdn.door43.org/obs/jpg/360px/obs-en-09-15.jpg)

मूसा जेरमु निजू अज्यु राजा कू लगांन्दी धीमू मू चिंग निजू खलन कि इदू सू खियांग कि जेनू फा मूतरङसी इदू हन्दू परमेश्‍वर सू मूसा कू नुनु हारुन इदू कू साथू घामू हन्दू पांङसू।

*बाइबल की लुभुडं निर्गमन अध्याय 1.4 कू कथा*

Audio: https://git.door43.org/OBS-TLF/drd_obs/releases/download/v1/drd_obs_v1_09_128kbps.m4a

## 10. परमेश्‍वर मिस्त्र देश 10 ची मुसिबत पाड़ंसु।

https://openbiblestories.org/l/drd/story-10/

![](https://cdn.door43.org/obs/jpg/360px/obs-en-10-01.jpg)

परमेश्‍वर सू मूसा अज्यु हारुन जो चेतावनीं दासु कि राजा जिद्धि ली तरनी। जब इदु राजा धबो धीसू उदू सू लीसू इस्राएल कू परमेश्‍वर यों लिदा जिघु मीजन धीमु दा खलन इदू सू राजा सू इदूकू काड़ंथे मुयनसु अज्यु इस्राएलियों कू धीमू हन्दू आजाद घाम हन्दू इदुजो उइजो अज्यु कठिन मेहनत घाम हन्दू मजबूर घासू।

![](https://cdn.door43.org/obs/jpg/360px/obs-en-10-02.jpg)

राजा उइ मीजन जो धीम हन्दू ज्यारी ना मना घा निजू इदू हन्दू परमेश्‍वर सू मिस्र देश रु ची खतरनाक मुसिबत पाड़ंसु। इदू मुसिबत हन्दू परमेश्‍वर सू राजा जो थेसू इदू राजा अज्यु मिस्र देश कू देवता सू दल शक्तिशाली झी ली।

![](https://cdn.door43.org/obs/jpg/360px/obs-en-10-03.jpg)

परमेश्‍वर सू नील यांगती रु शी रु की खिदुसू , इदू हन्दू राजा सू इता ले इस्राएलियों मीजन धीम मूधासू।

![](https://cdn.door43.org/obs/jpg/360px/obs-en-10-04.jpg)

परमेश्‍वर सू भीर मिस्र देश रु भेघनो पांगसू। राजा सू भेघनो हानम घाम हन्दू मूसा सू विनती घासू। खलन कि भीर भेघनो सिजमु कू नोगोन्दी राजा सू अफी कू सिस्यो सारु कूघासू अज्यु इस्राएलियों मीजन जो मिस्र देश सू धीमू मूधासू।

![](https://cdn.door43.org/obs/jpg/360px/obs-en-10-05.jpg)

इदु हन्दू परमेश्‍वर सू छकचु कू मुसिबत पाड़ंसु। इदू कु नोगोन्दी इदसु डॉसों कू मुसिबत पाड़ंसु। राजा सू मूसा अज्यु र् हारुन कु हुइसु अज्यु उदूसू लिसू कि अलड़ं मुसिबत रुकोया इदू इस्राएली मीजन मिस्र देश सिलन दि तरयाड़ं। इदू हन्दू मूसा सू प्रार्थना घासू परमेश्‍वर सू मिस्र रु डॉसों तिदाड़ं किघादुसू। इदू हन्दू राजा सू अफी सिस्यो सारु घासु। अज्यु इदू जन आजाद घालन धिमु मूदासु।

![](https://cdn.door43.org/obs/jpg/360px/obs-en-10-06.jpg)

इदू कू तुकतू परमेश्‍वर सू मिस्रि देश रू भीर कुढुयमनु रे माला काडंलन सु सिजम दासु। खलन राजा कू सिस्यो सारु कलचू अज्यु उदूसू इस्राएलियों मीजन जो धीमु मूदासू।

![](https://cdn.door43.org/obs/jpg/360px/obs-en-10-07.jpg)

तब परमेश्‍वर सु मूसा सू राजा कू लगांन्दी हुई रु फा चाड़ंमु हन्दु लिसू। इदूसू अनमा घासू मिस्र देश कू मीजन कू घुराड़ं रु काड़ंलन घुराड़ं रु झिना लिलन राजु खलन इस्राएलियों मी खैरी मूलिजू। परमेश्‍वर सू राजा कू सिस्या सारु कूघासू अज्यु राजा सू इस्राएलियों मीजन रु आजाद लिलन दिमु मूघादसू।

![](https://cdn.door43.org/obs/jpg/360px/obs-en-10-08.jpg)

इदू हन्दू नोगोन्दी परमेश्‍वर सू ढाल किगिचेसू अज्यु र् मिस्र देश कू दलना घेरा बरबाद कूघादूसू अज्यु खमरी ले भांगरु राजै इदु सेदसु। राजा सू मूसा अज्यु हारुन ये वियसू अज्यु उदूजो लिसू जीसू पाप घायो। घनी जन धी तरनी। इता मूसा सू प्रार्थना घासू अज्यु तूंखू सू ढाल थीमु कुरोकदीसु।

![](https://cdn.door43.org/obs/jpg/360px/obs-en-10-09.jpg)

खलन राजा सू अज्यु र् पाप घासू अज्यु अफी कू सिस्यो सारु किघासू। इदूसू इस्राएलियों कू मीजन आजाद लिलन धीमु मूधासू।

![](https://cdn.door43.org/obs/jpg/360px/obs-en-10-10.jpg)

इदू हन्दू परमेश्‍वर सू मिस्र देश रु दलना भु राम धासू। इदू भु सू दलना घेरा कूझादसू जो ढाल सु नाश मूघासु।

![](https://cdn.door43.org/obs/jpg/360px/obs-en-10-11.jpg)

इदू सू परमेश्‍वर सू हुमाड़ं कूघासू जो सूम ज्या होना लिजू। अलांग हुमाड़ं निजू कि मिस्री जन अफी कू सूंगरु सू भांगरु मूरा तरसु। खलन जो इस्राएली मीजन सूंड़ं निजू इदोड़ं भांड़ं नी निजू।

![](https://cdn.door43.org/obs/jpg/360px/obs-en-10-12.jpg)

इदू 9 गूई मुसिबत नोगोन्दी ले राजा सू इस्राएलियों मीजन कू आजाद लिलन दिमु हन्दु महा लिसु। खलन राजा सू मूयन्सु इदू हन्दू परमेश्‍वर सू ताकू लास्ट ज्या रु मुसिबत पांगमू हन्दू योजना घासू। इदू राजा कू सिस्यो खिदङदा।

*बाइबल की लुभुडं निर्गमन अध्याय 5.10 कु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_10_128kbps.m4a

## 11. फसह कु त्यार

https://openbiblestories.org/l/drd/story-11/

![](https://cdn.door43.org/obs/jpg/360px/obs-en-11-01.jpg)

परमेश्‍वर सू मूसा अज्यु हारुन सू राजा कू लगांन्दी अनमा लिमू हन्दू पांगसू इस्राएलियों सू धीम धा। इदू सू इदू चेतावनी धासू इदू हन्दू इदू धीम मूधाजे परमेश्‍वर मिस्र देश कू मीजन अज्यु रे माला कू भीर सैंजन सै दंगदा। राजा सू हयनलन परमेश्‍वर रु विश्‍वाश घालन अज्यु इदू कू कांगथे मानमू हन्दू मना कूघादसू।

![](https://cdn.door43.org/obs/jpg/360px/obs-en-11-02.jpg)

परमेश्‍वर इदू रु विश्‍वाश घालन घूबरी बिर सेयजन कू सैनू टांगमू हन्दू ताकू उपाय कू व्यवस्था घासू। भीर खू कू ताकू इदरु घुबरी ले दोष मुनी पाठो रु कूरलन इदू सैम निजू।

![](https://cdn.door43.org/obs/jpg/360px/obs-en-11-03.jpg)

परमेश्‍वर सु इस्राएलियों सु इदु पाठो कु सी कुरलन अफी सुड़ंरु कु र्दाफा लगेमु हन्दु लिसु। इदु कू सया रूमू निजू अज्यु इदु सु उइकु मुलिनु सिरनु रोठा कु साथ इदु छाटो रोठा जामू निजु। इदु जाती कु नोगोन्दी इदकू छाटो मिस्त्र देश कु सेमु हन्दु तैयार लिमु हन्दु लिसू।

![](https://cdn.door43.org/obs/jpg/360px/obs-en-11-04.jpg)

परमेश्‍वर सु इस्राएलियों जो घुमरी घामु हन्दु आदेश किदा निजु ! इदकु अनुसार बिरछन गासु। प्येल मुनछु रु परमेश्‍वर बिर ताकु सैंयजन सीरी कु सेमु हन्दु मिस्त्र देश गूनदा खरचु लेलन दिचू!

![](https://cdn.door43.org/obs/jpg/360px/obs-en-11-05.jpg)

इस्राएलियों कु बिर ताकु सुड़ंरु फु दारफा रु सि कुदो निचु, इदु हन्दु परमेश्‍वर सु इदु सुड़ंरु किसीदिसु। इदु कु भुदरु यु बिर मी ठिक निजू!इदु पाठो कु सी कु ओजयसु की टागसु !

![](https://cdn.door43.org/obs/jpg/360px/obs-en-11-06.jpg)

इदु मिस्त्रियों सु परमेश्‍वर रु भरोसा मूघासू अज्यु इदूकू कहना मूमानेजू इदू हन्दू परमेश्‍वर सू इदू कू संड़ंरु मूपांङसू। परमेश्‍वर सू मिस्रियो देश कू भीर ताकू सैंजन सिरि कू सैदूसू।

![](https://cdn.door43.org/obs/jpg/360px/obs-en-11-07.jpg)

जेलखाना रु केदी कू सैंजन सू कूरलन राजा कू सैंजन कू भीर ताकू सैजन सिरिजन कूसेदूसु। अफी कू दलना तकलीफ कू कारण मिस्र कू दल ना मीजन ती निजू अज्यु शौक रु निजू।

![](https://cdn.door43.org/obs/jpg/360px/obs-en-11-08.jpg)

इदू मून्छू राजा सू मूसा अज्यु हारुन कू विसू अज्यु लिसू इस्राएलियों कूरलन छाटो होना मिस्र देश सू धीनी। मिस्र देश कू मीजन सू इस्रसएलियों सू छोटो होना धीमू कू विनती घासू।

*बाइबल की लुभुड़ं निर्गमन अध्याय 11:1.12:32 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_11_128kbps.m4a

## 12. इस्त्राएलियो कु मिस्त्र देश सु धीनया।

https://openbiblestories.org/l/drd/story-12/

![](https://cdn.door43.org/obs/jpg/360px/obs-en-12-01.jpg)

इस्राएली मीजन मिस्र देश सू धीलन दलना खुश निजू। इदू इता गुलाम मू निजू अज्यु उदू वादा किघायनु देश रु धी निजु। जो अल्या ले इस्राएलियों सू थोजूसु मिस्रियों जन सू उदू भीर झन धासू धो होना सू झांङ अज्यु मूल ताकू खिचू दलना अकरो सामान निजु। खिजू देश कू मीजन सू परमेश्‍वर रु विश्‍वाश घासू अज्यु इदू इस्राएली मीजन धीजू उई मिस्त्र देश दिजु ते उइ इदू रक्सा पिराचू।

![](https://cdn.door43.org/obs/jpg/360px/obs-en-12-02.jpg)

निकछू ज्या रु तुखू कू ताकू पूनू खम्भा इदकू तूकतू तूकतू धीसू। अज्यु मून्छू बक्त म्ही कू खम्भा कलचू। परमेश्‍वर इदू तुखू कू खम्भा रु अज्यु म्ही कू खम्भा रु नीजू। परमेश्‍वर इदू कू रक्सा नीजू अज्यु उदूसू यात्रा घालन बकत अम थै निजू इदूसू अनमा घाम निजू की इदूकू नोगोन्दी गमजीनी।

![](https://cdn.door43.org/obs/jpg/360px/obs-en-12-03.jpg)

अल्या ज्या रु राजा अज्यु उई कू मीजन सू अफी कू सिसौ किखैदूसू। इदू इस्राएलियों कू अफी कू गुलाम घाम चिंङ निजू। इदू हन्दू इस्राएलियों कू निगोन्दी दिसू। अन्दू परमेश्‍वर निजू इदूसू उदूकू सिसौ किखैदचू। इदूसू अनमा घासू कि खलन कि इदू खी निजू भीर ताकु पेनु जन कि राजा अज्यु मिस्र देश रु भीर देवता सू इदू यहोवा परमेश्‍वर, दलना शक्तिषाली निजू।

![](https://cdn.door43.org/obs/jpg/360px/obs-en-12-04.jpg)

इदु हन्दु इस्राएलियों सू मिस्र देश कू सेना कू रानु ताड़ंसु उइसु किपे निजु कि इदू राजा कू सेना अज्यु मांगनू यांगती निसु गुंदा रु कूफसेजू। इदू दल ना किजर निजु अज्यु तीमू लागजू निंगसू मिस्र देश खलन सिन्सु ? निंग सिजन निहन।

![](https://cdn.door43.org/obs/jpg/360px/obs-en-12-05.jpg)

मूसा सू इस्राएलियों जो लिसू जेरमु बंद घानी। परमेश्‍वर थिया घनी हन्दू दाकस्यांग अज्यु घनी टङगदा। इदू परमेश्‍वर सू मूसा जो लिसू अन्दु मिजन जो मांगनू यांगती कु चेनदु धीमू हन्दु लिसू।

![](https://cdn.door43.org/obs/jpg/360px/obs-en-12-06.jpg)

इता परमेश्‍वर सू उदू तुखू कू खम्भा कूरलन इस्राएलियों अज्यु मिस्त्रिं जन कू गुंदा तासू खलन कि मिस्री देश कू जन इस्राएलियों कू उंगमू था तांगलो।

![](https://cdn.door43.org/obs/jpg/360px/obs-en-12-07.jpg)

परमेश्‍वर सू मूसा जो यांगती रु अफी कू ला तूकतू घामू हन्दू लिसू। इदू सू परमेश्‍वर सू हुई जो यांगती धीकांग अज्यु तिकांग कूघादसू इदू हन्दू यांगती रु ताकू अम कूबनेजू।

![](https://cdn.door43.org/obs/jpg/360px/obs-en-12-08.jpg)

इस्राएली मीजन अफी कू निसूरी चेनदु ती कू भाड़ंभाल कू साथु छरनू धरती रु यांगती सू लीलन ताचू।

![](https://cdn.door43.org/obs/jpg/360px/obs-en-12-09.jpg)

इदू सू परमेश्‍वर सू इदू अमसू तुखू कुअन्सु इदू सू मिस्री देश कू मीजन इस्राएलियों कू टांगलन धीनु तांगसु। मिस्री देश कू मीजन सू इदु चुमलन हन्दु उदूकू नोगोन्दी घीमु हन्दू फैसला घासू।

![](https://cdn.door43.org/obs/jpg/360px/obs-en-12-10.jpg)

इदू हन्दू उदूसू यांगती कू सहारे सु उदू अमरु इस्राएलियों कू नोगोदी धीजू इदू हन्दू परमेश्‍वर सू मिस्री देश कू मीजन किझर निजु अज्यु उदू कू रथ रु अम बंद कूघासू। उई ढासी निजू फूंड़ंनी इस्राएलियों कू चेन्दु सू परमेश्‍वर दाक्सै निजू।

![](https://cdn.door43.org/obs/jpg/360px/obs-en-12-11.jpg)

भीर इस्राएली यांगती कू खिजू चेन्दु कूहंनंजू। तब परमेश्‍वर सू मूसा जो लिसू कि उदू सू ती सू ला तामू। इदू सू मूसा सू अनमा घासू इदू बक्त ती मिस्री सेना रु येरतो पिराचू अज्यु अफी कू बराबर रु पिराचु। भीर मिस्री सेना जन कू डूबेजू।

![](https://cdn.door43.org/obs/jpg/360px/obs-en-12-12.jpg)

जब इस्राएलियों सू ताड़ंसु कि मिस्री देश कू मीजन किसिजी निजू। इदू हन्दू परमेश्‍वर रु विश्‍वाश घासू। इदूसू विश्‍वाश घासू कि मूसा परमेश्‍वर कू चेनदु सू भविष्य पेनू मी निजू।

![](https://cdn.door43.org/obs/jpg/360px/obs-en-12-13.jpg)

इस्राएली जन इदू हन्दू दलना खुश निजू खलन कि परमेश्‍वर सू इदू कू सिजूमू अज्यु गुलाम लिमु सू कूबचेसू। थन इदु परमेश्‍वर कू सेवा घामू हन्दू इदू कू आदेश मानमु हन्दू आजाद निजू। इस्राएलियजन सू अफी कू आजादी कू त्यार घा निजू अज्यु परमेश्‍वर कू जेनू खिमू हूलांग ना भैरा घासू इदू हन्दू इदकू मिस्रि देश कू सेना कूबचेसू।

![](https://cdn.door43.org/obs/jpg/360px/obs-en-12-14.jpg)

परमेश्‍वर सु इस्राएलि जनं बिर हिंग ताकु त्यार घामू कू आदेश धासू इदू ची घामू हन्दू घूमरी परमेश्‍वर सू मिस्रियों देश कू किहारन्चू अज्यु उइकू गुलाम लिलनचू आजाद घासू। इदू फसह कू त्यार लिंसू। नै त्यार कू ज्यारु ताकू जेनू पाठौ कू बलि धामू निजू इदू रु निजू अज्यु इदू मूघोलनू ही अज्यु मुलिनु सिरनु रोठा कू रक्सा झामू निजू।

*बाइबल कु लुभुड़ं निर्गमन अध्याय 12:33.15:21 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_12_128kbps.m4a

## 13. इस्राएल कू साथू परमेश्‍वर जो वादा घासू।

https://openbiblestories.org/l/drd/story-13/

![](https://cdn.door43.org/obs/jpg/360px/obs-en-13-01.jpg)

इस्राएलिजन कू माङनू यांगती सू तीबा कूरमू कू नोगोन्दी, परमेश्‍वर सिरु खरचू कूरलन सीनै धाड़ंरु रु खरचू कूरलन धीजू। अन्दू इदू ना धांड़ंरु निजू ताकू मूसा मीधुइनू झेरा ताङसू। इदू मीजन सू इदू धांड़ंरु कू यूगांङ अफी कू डेरा ठांगसू।

![](https://cdn.door43.org/obs/jpg/360px/obs-en-13-02.jpg)

परमेश्‍वर सू मूसा जो अज्यु इस्राएल भीर मीजन सू लीसू घनी तूकतू जीकू आदेश मनेमू अज्यु जो वादा रु जि घनिकू रकसा रु इदू घुइलन तांगदा इदू घुइलन तामू। इदू घे अनूमा घांजे घनी परमेश्‍वर कु राज्य कु पुजारी अज्यु जेनू जाति लयाड़ंन।

![](https://cdn.door43.org/obs/jpg/360px/obs-en-13-03.jpg)

परमेश्‍वर दरु इदू लगान्दी रामू हन्दू मीजन सू सूम ज्या वना अफी यागसु। तब परमेश्‍वर सीनै धांड़ंरु कु चोटी रु राचु। उदू राचु ते धरती लुकसिजु , चाल चमकी, खू रिजेसू अज्यु बाजा कू दलना वयडो रानिजु। इदू मूसा अफी थो धांड़ंरु ताजु।

![](https://cdn.door43.org/obs/jpg/360px/obs-en-13-04.jpg)

इदू सू परमेश्‍वर सू मीजन कू साथू रु ताकू वादा घासू। इदू सू लिसू जी घनीकू परमेश्‍वर यहोवा ली। जी ना ली घनीकू मिस्र देश कू गुलाम सू आजाद घासू। खमरी खिजू देवता कू भक्ति मुघाड़ंदा।

![](https://cdn.door43.org/obs/jpg/360px/obs-en-13-05.jpg)

मूर्ति मू ठंगमू अज्यु इदू कू भक्ति मूघामू इदू हन्दू जी यहोवा घनीकू ताकूना परमेश्‍वर ली। घूमरी रीति रीवाज सू झी कू मूंग मू लीमू। छनछर ज्या सब्त आराम कु ज्या कु नुकछू शुद्ध घाम हन्दू याद घामू। 2 नीसू श ब्दु रु 6 टुकु ज्या रु अफी कु बिर लन घामु छनछर 7 ज्यादु ज्या गनी हन्दु आराम घानजे अज्यु झी याद गामु ज्या ले।

![](https://cdn.door43.org/obs/jpg/360px/obs-en-13-06.jpg)

अफी मिना भा कु जैनु खिमु। मुसेमु। यानु लन मुगामू। मु खुसीमु। अफी कु सुखुड़ं कु भुदाचुमे उदकु सूगरुं या इदु कु खेरी सामान लेमु कु मन मुगामू।

![](https://cdn.door43.org/obs/jpg/360px/obs-en-13-07.jpg)

परमेश्‍वर इदु मी जन जौ नियम कदा निजु इदु मानेमु हन्दु कियाहसी निजु। इदु ताकु परमेश्‍वर कु मीजन लिमु अज्यु केवल इदकु आदर घामु हन्दु कियानसि निजु।

![](https://cdn.door43.org/obs/jpg/360px/obs-en-13-08.jpg)

परमेश्‍वर सु इस्त्राएलियों ताकु पुनु ढांड़ंसु गामु हन्दु लिसु लगादी ढांड़ंसु। उदुसु इदजो जेनु जेनु लिसु अन्दु ढांड़ंस गुम गालन तगतन,अज्यु इदु बुतरु खा ताम निजो। उइ उइकु ढांड़ंसु कु निसु कमरा छुसुमु गामु इदु हन्दु ताकु पुनु पर्दा गामु लिसु। परमेश्‍वर इदु पर्दा कु निगोन्दी सुखुड़ं रु रायाडं अज्यु इदु सुड़ंयाडं। जो भड़ं परमेश्‍वर निजु इदु सुखुड़ं कु इजाजत ताकु पुनु यहुदी पुजारी निजु।

![](https://cdn.door43.org/obs/jpg/360px/obs-en-13-09.jpg)

इदु मि जन कु लगादी कू ढांड़ंस कु लगादी ताकु दाड़ंसिघ गामु लयाडं। खमरी ले परमेश्‍वर कु नियम मुमानुमू इदु दाड़ंसिघ कु ताकु रे माला रेलन राचु। इदु यहूदी पुजारी बली दाड़ंदा अज्यु दाड़ंसिघ सु परमेश्‍वर हन्दु बलि कु रुप रु कुरुदुसु। परमेश्‍वर सु लिसू रे माला कु सी इदु मी कु पाप खपमु हन्दु घादा। इदु रीति सु इता परमेश्‍वर उडंमु पाप मुतडंदा। इदु मी परमेश्‍वर मेरु जैनु लयाडं। परमेश्‍वर सु मुसा कु नुनु हारुन ताकु अज्यु हारुन कु वंश कु अफी पुजारी लिमु हन्दु चुनेसु।

![](https://cdn.door43.org/obs/jpg/360px/obs-en-13-10.jpg)

परमेश्‍वर सु ची आदेश मानलन सु उड़ं कु निसु पाथर रु रीलन सु मूसा जे किदादसु। परमेश्‍वर सु डुगमु हन्दु बिर मी दलना नियम दासु। इदु हन्दु नियम कु मानमु इदु सु परमेश्‍वर इदु मी आशिर्वाद दाघदा अज्यु इदकु रक्षा गामु हन्दु प्रार्थना गासु। लिसु की इदु हन्दु अन्दु नियम मुमानुसू इदु उइजो सजा दादगदा।

![](https://cdn.door43.org/obs/jpg/360px/obs-en-13-11.jpg)

हुलांग ज्या मुसा सीनै धांड़ंरु कु चोटी कुसूड़ं निजु। उदु परमेश्‍वर सु कांड़ंथे गा निजु। खलन मीजन कु लगांन्दी इदु कू रुड़ंलजन कुक्षेयगजु। इदु हारुन कु लगान्दी झोड़ं रेलन राचु अज्यु इदु ताकु मूर्ति ठाड़ंमु हन्दु लिसु ताकु परमेश्‍वर कु लागान्दी जी कु भक्ति गा तरसन। इदु रीती सु इदु भयंकर रुप सु परमेश्‍वर खिलाप पाप गासु।

![](https://cdn.door43.org/obs/jpg/360px/obs-en-13-12.jpg)

हारुन सू ताकू कूली कू रुप रु झांग कू मूर्ति घासू। इदू मीजन सू मूर्ति कू पुजा घामू शुरु घासू इदू बलि दासू इदू कू पाप कू वजह सू परमेश्‍वर दलना रीस पिरा निजू। इदू नष्ट घाम चिंग निजू। इदू हन्दू मूसा सू उइ मूसैमू कू परमेश्‍वर जो विनती घासू। परमेश्‍वर सू इदू कू विनती यंनसू इदू नष्ट मूघासू।

![](https://cdn.door43.org/obs/jpg/360px/obs-en-13-13.jpg)

नोगोन्दी मूसा सीनै धांड़ंरु खरचु यु राजु। इदू निसू उंग कू पाथर पूकर निजू इदू रु परमेश्‍वर कू ची आदेश रिसू। इदू सू इदू मूर्ति तांगलन। इदू दलना रिस रु निजू इदू सू इदू पाथर कू टुकड़ा टुकड़ा कूघादसू।

![](https://cdn.door43.org/obs/jpg/360px/obs-en-13-14.jpg)

इदू मूसा सू इदू मूर्ति कू हीललन सु फा कूघादसू, अज्यु इदू फा कू ती रु धूलन इदू मीजन जो ती पीलेदूसू। परमेश्‍वर सू इदू मीजन ताकू मुसिबत पांगसू इदूरु खरचू दलना मी पुंगचू।

![](https://cdn.door43.org/obs/jpg/360px/obs-en-13-15.jpg)

इदू पाथर मूसा सू छयालन इदू कू भागरु कूरमू हन्दू मूसा सू इदू 10 ची आदेश कू उंग कू नुनु पाथर ठांगसू। इदू ताकू धांड़ंरु रु ता निजू अज्यु प्रार्थना घालन अज्यु परमेश्‍वर इदू मीजन क्षमा घासू। परमेश्‍वर सू मूसा कू यनसू ताकू इदू क्षमा घादसू। नुनु पाथर रु 10 ची आदेश हन्दू मूसा धांगरु खरचू यू राजू। इदू परमेश्‍वर सीनै धांड़ंरु रु सू कूरलन वादा कू देश होना इस्राएल कू तुकतू दिसु।

*बाइबल कु लुभुड़ं निर्गमन अध्याय 19.34 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_13_128kbps.m4a

## 14. सिरु फैरसेमू निजु।

https://openbiblestories.org/l/drd/story-14/

![](https://cdn.door43.org/obs/jpg/360px/obs-en-14-01.jpg)

परमेश्‍वर सू इस्राएल कू इदू नियम बतेमू बन्द घासू इदू कुघूयनु निजू इदू कू वादा कु वजह मानेमु लि। इदू हन्दू उदूसू सीनै धांड़ंरु कू तूकतू इदू तुकतू दिसु। इदू वादा कू देश रु कूरमू चिंग निजू। अन्दू देश कनान ली निजू। परमेश्‍वर तुखू कू खम्भा रु इदूकू तूकतू तूकतू धीजू अज्यु इदूकु नोगोन्दी नोगोन्दी धीजू।

![](https://cdn.door43.org/obs/jpg/360px/obs-en-14-02.jpg)

परमेश्‍वर सू अब्राहम, इसहाक अज्यु याकूब सू वादा किदा निजू इदू वादा कू देश इदूकू वंश दांगदा , खलन अन्दु ज्या इदोड़ं रु दलना जाति स्युंड़ं निजू। अन्दू कनानी ली निजू। अन्दू कनानी जन परमेश्‍वर कू आदर मू घान निजू अज्यु इदू कू नियम मू माने निजू। इदू आलानू देवता कू पुजा घा निजू अज्यु दलना यानू लन घा निजू।

![](https://cdn.door43.org/obs/jpg/360px/obs-en-14-03.jpg)

परमेश्‍वर सु इस्राएलियजन सु लिनसु जौ वादा इदु देश रु धीमु इदु बिर मी कनानि सु छुटकारा कुरुमु चिड़ं निजु। इदु रकषा काडंथे मुगामू अज्यु इदु रकशा बक्चा मुगामू। घनसु उदकु बिरना मूर्तियों बरबाद घामू। घे जिगु आदेश मु मानजे, घे जिकु अलवा उइकु देवता कु भक्ति घांमु लागायादां।

![](https://cdn.door43.org/obs/jpg/360px/obs-en-14-04.jpg)

इदु इस्राएल जन कनान कु सीमा रु वन राजु मूसा सु इस्राइल कू भीर जाती सु ताकू ताकू घालन 12 चने मी चुनेसु। इदू सू इदोडं धीमु इदू देश रु उड़ंलन रामू हन्दू आदेश धासू ताकू उंडमु हन्दु इदू घूमा देश निनि। इदूकू कनानियों कू उड़ंलन कूरमू निजू उंगमू निजू उइ ताकतवर निजू या कमजोर निजू।

![](https://cdn.door43.org/obs/jpg/360px/obs-en-14-05.jpg)

इदू 12 चने मी सू भूंगना कनान लीलन सु 40 पिसा ज्या कू यात्रा घासु अज्यु फिर उई थौकते राचू। इदू सू मीजन सू लिसू इदू देश हूलांग खेती लिनि अज्यु दलना घेरा लिनि। खलन कि ची जासूस लिसु, इदु सारु शहर निजु अज्यु उइ मी जन भुलनु भुंगलु निजु। इदु हन्दु निंग उइ रक्सा दाक्सिंजै पक्का निग रांङहन अज्यु निड़ं सेदेंगदा।

![](https://cdn.door43.org/obs/jpg/360px/obs-en-14-06.jpg)

इलाड़ं वक्त कालेब अज्यु यहोशू अज्यु खिजु निसो जासूस लिसु अन्दु हुचना लि की कनान कु मी जन भुगनू अज्यु शक्तिशाली निजु ,इदु पक्का रुप निंग उइकु हरे तगने। परमेश्‍वर निघ हन्दु दरशड़ं।

![](https://cdn.door43.org/obs/jpg/360px/obs-en-14-07.jpg)

इदू हन्दू मीजन सू कालेब अज्यु यहोशू कू कांड़ंथे मुयनसू। इदू मूसा अज्यु हारुन रु कूफरसिजू अज्यु लिसू घै निंग यानू भांग रु खलन रेलन रांजू। निंगु अन्दु मिस्र देश रु ना सिंगमू चिंग ली। इदू सू निंग अन्दू कू देश रु धीजे निंग दाक्सीजै सिझाड़ंहन अज्यु कनान कू मीजन निंगू बुदाचिमै अज्यु सैंजन कू गुलाम घामू हन्दू। इदू मीजन थोक्ते मिस्र देश रु कूरलन ताकू प्रधान चूनेमू निजू।

![](https://cdn.door43.org/obs/jpg/360px/obs-en-14-08.jpg)

जब उइसू अनमा लिसू कि परमेश्‍वर दलना रिस पिरा निजू। इदू लगान्ंदी वाला ढाड़ंसु रु राजू अज्यु लिसू घैसू झी कू खिलाप दिजु , इदू हन्दू घनी भीर मी सीरु फैरसीमु चिंडयांग। भीर ताकू मी रु नसा हिंग या इदू सू दलना ज्या कू लिजै इदू सिझाड़ं अज्यु घूबज्या ले इदू देश रु रा मूतरयंग जो झि घनी दाती। केवल कालेब अज्यु यहोशू दूरु दायाहन।

![](https://cdn.door43.org/obs/jpg/360px/obs-en-14-09.jpg)

जब मीजन सू परमेश्‍वर सू अनमा लीमु यनसु ते उइ दुख लिजु खलन कि उइसु पाप किघा निजु। इदू हन्दू उइसु कनान कु मीजन रकशा दाकसिजु कू फैसला घासू। मूसा सू उइ मुधेमु हन्दू चेतावनी दासु खलन कि परमेश्‍वर उइकु रक्सा मूधियांग, खलन कि उइसु उइकु मुयनसु।

![](https://cdn.door43.org/obs/jpg/360px/obs-en-14-10.jpg)

परमेश्‍वर अन्दू दाकसिजे उईकु साथु मूनिजू, इदू हन्दू कनानियों जन सू उइकु कहारदसू अज्यु इदू रु खरचू दलना मीजन किसिदसू। तब इस्राएली मीजन कनान सू थौकते पिराचू। रानू पिसा हिंड़ं वना सू सीरु तिकांग धिकांग फैयसी निजु।

![](https://cdn.door43.org/obs/jpg/360px/obs-en-14-11.jpg)

इस्राएली मीजन सू सिरु फैसिलन 40 पिसा हिंग होना सू, परमेश्‍वर सू उइकु चिड़ंमु चिज पूरो घासू। उदूसू उइजो थो लोग र्खचु सू मन्ना लीनु रोठा धासू। उदू सू बटेरों प्या कू थूंमसीमु कू रक्सा पांगसू खलन कि ढाडंसु दरौ पाड़ंसु उइकु लगान्दी जामु हन्दु स्या लिलो। इदू भुडना ज्या रु, परमेश्‍वर सू उ गै अज्यु पोला बैमू सू कूबचेसू।

![](https://cdn.door43.org/obs/jpg/360px/obs-en-14-12.jpg)

धो वना सू परमेश्‍वर सू उइकु तूंगमू हन्दू अफी कू शक्ति सू दघरु खरचू ती भोसु। खलन अन्दु भीर कु नोगोन्दी इस्राएली मी सू परमेश्‍वर कु खिलाफ अज्यु मूसा कू खिलाफ हासिजु लीसू अज्यु दलना फालना सुड़ंनी। इदू हन्दू परमेश्‍वर विश्‍वाश घाम निजू। इदू सू वादा घासू इदू अब्राहम, इसहाक, अज्यु याकूब कू वंष हन्दू घांगदा इदू सू अनमा घासू।

![](https://cdn.door43.org/obs/jpg/360px/obs-en-14-13.jpg)

ताकू ज्या रु इदू मीजन कू लगांन्दी ती मूनिजू परमेश्‍वर सू मूसा जो लिसु दघरु रक्सा कांगथे घा , अज्यु इदोजो इदोड़ं खरचू ती भोयांग। इदू हन्दू मूसा सू दघरु रु रक्सा कांगथे मूघासू। इदू हन्दू लाठी सू नूक्चौ बार कमसो। इदू रीती सू परमेश्‍वर कू कदर मूघासू। बिर विजन तुंगमू हन्दु धांगरु खरचु ती भौयांग खलन परमेश्‍वर मूसा ताडलन रिस पिराचु। इदु हन्दु गेसु अमा घानसु ,इदु हन्दु गे वादा कु देश रु रा मुतरयंग।

![](https://cdn.door43.org/obs/jpg/360px/obs-en-14-14.jpg)

जब इस्राएली मीजन 40 पिसा हिंग वना सिरु फेरसी निजु ,उइसु परमेश्‍वर कू खिलाफ दंगा घासु इदु भिर कु पुंगची निजू। तकचौ परमेश्‍वर सु इदु मी जन सु फन इदु वादा कु देश रु लास्ट वना कुरसु। इदु मूसा दलना स्यांगमी कलचु ,इदु हन्दु परमेश्‍वर सु मी जन कु तुकतू दिसु इदकु साथु घाम हन्दु यहोशू कु होना चुनेसु। परमेश्‍वर सु मूसा सु इदु वादा घासु इदु ताकु ज्या इदू मीजन धबो मूसा कू माघरतु ताक्चौ ताकू भविष्य पेनु मी पाआड़ंदा।

![](https://cdn.door43.org/obs/jpg/360px/obs-en-14-15.jpg)

ताकचौ परमेश्‍वर सू मूसा कू ताकू धाड़ंरु कू चोटी रु धीमू हन्दू लिसू इदू वादा कू देश उंगमू। मूसा सू इदू वादा कू देश उंगसू ताकचौ परमेश्‍वर सू इदू राम हन्दू अनुमति मूधासू। ताकचौ मूसा पूंगचू, अज्यु इस्राएलियो सू 30 नासा सुम ज्या शोक घासू। यहोशू इदू कू नुनु प्रधान मी कलचू। यहोशू ताकू जेनु प्रधान निजू इदू हन्दू इदू परमेश्‍वर सू विश्‍वाश घासू अज्यु इदू कू कांड़ंथे मानेजू।

*बाइबल कु लुभुडं निर्गमन अध्याय 16.17; गिनती 10.14; 20; 27; व्यवस्थाविवरण 34 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_14_128kbps.m4a

## 15. वादा कु देश

https://openbiblestories.org/l/drd/story-15/

![](https://cdn.door43.org/obs/jpg/360px/obs-en-15-01.jpg)

अन्त इदु ज्या पिराजु ताकु इस्राएली कु मी वादा कु देश कनान रु पिराचु। इदु देश रु यरीहो मुड़ं कु ताकु भंड़ं निजु। उघु रक्षा घाम हन्दु इदु पी भड़ं सारु भगबल निजु। यहोशू सु इदु भाडं रु निसु जासुस पाङसू। इदु भंग रु राहाब मुडं कु ताकु वेष्या सुयडं निचु। उइसु निसु जासुस चाया सु ,इदु नोगोन्दी इदु सु उइकु भाडं टाङलन राजु मदद घासु। इदु सु अनुमा घासु इदु परमेश्‍वर रु विश्‍वाश घा निजु। इदु झायरु इस्राएली मी जन यरीहो कु नाश घादन ,इदु हन्दु राहाब ताकु इदु खू कु रक्षा घामु वादा घासू।

![](https://cdn.door43.org/obs/jpg/360px/obs-en-15-02.jpg)

इस्राएली कु मीजन सु वादा कु देश रु रा निजु हन्दु यरदन ती याडंती कु तिबा घामू निजु। परमेश्‍वर सू यहोशू सु लिसू बिर ,यहूदी पुजारी कु तुकतू दिम दा। इदु पुजारी कु यरदन याडंती रु अफी लिगी तासु उदु ती कु भोनू कि थूमसु इदु कु इस्राएली मी याडंती कु खीजू ताकु छरनू धरती रू तिबा दी तरजु निजु।

![](https://cdn.door43.org/obs/jpg/360px/obs-en-15-03.jpg)

इदु मी जन सु यरदन ती तिभा किघा सु ते परमेश्‍वर यहोशू सु लिसू यरोही भंड़ं रु दकक्षाडंमू घामू हन्दु कियाङसी निजु अइ दलना सारु भडं निजु। परमेश्‍वर सू इदु मी जन सु लिसु कि उइकु यहूदी पुजारी अज्यु सैना कु 6 टुकू ज्या होना सु भाडं रु पी भंड़ं फेरसीन लगसु। यहूदी पुजारी अज्यु सैना सु अनमा घासु।

![](https://cdn.door43.org/obs/jpg/360px/obs-en-15-04.jpg)

इदु 7 जेयदु ज्या इस्राएलियो सु इदु पी भंड़ं फेरसीजु अज्यु 7 जेयदु बार अज्यु फेरसीजू। इदु भंड़ं पी भांड़ं ताकु जेयदू बार फेरसिमु कु नोगोन्दी यहूदी पुजारी सू अफी बाजा बजेसु अज्यु सैना सु जोर सु फासू।

![](https://cdn.door43.org/obs/jpg/360px/obs-en-15-05.jpg)

इदु यरीहो भड़ं कु पी भंड कु भडबल किलेजु। इदु परमेश्‍वर सु आदेश दासु इस्राएलियो कु भंड बिर ताकु चीज बरबाद किधादासु। इदु सु राहाब अज्यु इदु कु खु जन पाकसी दिसु , इदु इस्राएलियो कु साथु कि सिड़ंजु। इदु कनान देश रु सुघमु मी जन यनसू कि इस्राएलियो मिजन यरीहो भड़ं कु बरबाद घाम निजू ,उइ इदु किजयरसू ,इस्राएलि मिजन दाकसी राजु।

![](https://cdn.door43.org/obs/jpg/360px/obs-en-15-06.jpg)

परमेश्‍वर इस्राएलियों आदेश दासू कि कनान देश रु सुयनुजन घुबरी ले जाति कु रगसा शान्ति समझौता मुघा निजु। इदु हन्दु गिबोनियों मुघ अइ ताकु कनानी जाति सु यहोशू सु आला निजु कनान सु हानम ताकु भड़ं सुयनु निजु। ताकचा यहोशू सु उइकु साथु शान्ति समझौता घाम विनती घासु। यहोशू अज्यु खिजु मी इस्राएलियो प्रधान सु परमेश्‍वर सु मुरुसू की उइ सु खा घामु चिडंयाडं। उइकु गिबोनियों कु साथू शान्ति समझौता कि घासु।

![](https://cdn.door43.org/obs/jpg/360px/obs-en-15-07.jpg)

3 सुम ज्या कु नोगोन्दी इस्राएलियों सु पेसु कि गिबोनी मीजन कनान देश रु सुडं निजु। उइ रिस पिराचु खलन की गिबोनियों सु इदु धोखा दासु। खलन इदु सु उइ कु साथू घालन उदु शान्ति समझौता कु घालन तासू खलन कि परमेश्‍वर कु लगाती किघा निचु। बिर जन ज्या कु बाद कनान रु सुडंनु जन ताकु अइ जाती एमोरियो कु राजा सु यनसू कि गिबोनियों सु इस्राएलियों कु साथू शान्ति समझौता किघासु। इदु हन्दु अफी अफी सेना कु ताकु घालन ताकु पुनु सेना घासु ,अज्यु गिबोन रक्सा दागसी निजु। गिबोनियों सु मदद घामू हन्दु यहोशू कु धरु ताकु भूडं पाडंसू।

![](https://cdn.door43.org/obs/jpg/360px/obs-en-15-08.jpg)

तब यहोशू सु इस्राएलियों कु सेना थुमलन गासु अज्यु गिबोनियों कु लगान्दी रेलनचू कुरमू हन्दु भुडंना मुन्छु घमजुसु। छाजू वक्त इदु सु एमोरियों कु सेना हा किपेडेजु अज्यु इदु रकसा दाकसीजु।

![](https://cdn.door43.org/obs/jpg/360px/obs-en-15-09.jpg)

इदु ज्या परमेश्‍वर इस्रालियों कु चेनदु दाघसुजू। उइ एमोरियों किझरसू इदुसु पुनु पुनु ढाल लेजू उइ दलना एमोरियों कू सेदिचू।

![](https://cdn.door43.org/obs/jpg/360px/obs-en-15-10.jpg)

परमेश्‍वर सु नी तूंखू रु ताकु भंङ किरोकदुसु खलन की इस्राएलियों अल्या दलना ज्या छुयाड़ं की एमोरियों कु भुडंना खर्चु किहरेदिसु। इदु ज्या परमेश्‍वर सु इस्राएलियों कु हन्दु ताकु पुनु जीत घासु।

![](https://cdn.door43.org/obs/jpg/360px/obs-en-15-11.jpg)

तकचा परमेश्‍वर सु उइ सेना कु हरमु कु नोगान्दी ताकु कनानी जाती कु मीजन इस्राएल रु दाकसिमू हन्दु थमसिजु। यहोशू अज्यु इस्राएलियो सु दागसलनचू उगु खत्म किघादुचू।

![](https://cdn.door43.org/obs/jpg/360px/obs-en-15-12.jpg)

अन्दु दाकसीमु कु नोगोन्दी परमेश्‍वर इस्राएल कु भीर जाती कु वादा कु इदु देश रु उइकु भंड कु छुजिसु। इदु परमेश्‍वर सु इस्राएल कु इदु कु बिर लास्ट रु उदु शान्ति निजु।

![](https://cdn.door43.org/obs/jpg/360px/obs-en-15-13.jpg)

इदु यहोशू किसायडजु इदुसु इस्राएल के बिर मीजन हुलन राजु। इदु यहोशू सू इदु मी जो ची घासू इदु सु अइ वादा कु मानेमु हन्दु वादा घासु इदु परमेश्‍वर सु इदु साथू सीनै धांड़ंरु घुलन तासु। उइ मी जन सु परमेश्‍वर साथु कु विश्‍वाश घामु हन्दु अज्यु उइकु नीयमो कु मानेमु कु वादा दासु।

*बाइबल कु लुभुडं यहोशू अध्याय 1.24 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_15_128kbps.m4a

## 16. छुडेनू मीजन

https://openbiblestories.org/l/drd/story-16/

![](https://cdn.door43.org/obs/jpg/360px/obs-en-16-01.jpg)

यहोशू सीजम कु नोगोन्दी इस्राएलियो सु परमेश्‍वर कु काडथे मुमानसु। इदसु परमेश्‍वर कु नियम कु पालन मुघासु , अज्यु इदसु इदु वचन कु देश रु बचे कनानियो जो भाड़ंरु मुघासु। इस्राएलियो सु अफी सच्चे परमेश्‍वर यहोवा थुमलन कनानियों कु देवता कु भक्ति घामु शुरु घासु। इस्राएलियो कु लगान्दी खमरी राजा मुनिजु , इदु हन्दु जो जेनु लिहे इदसु अनमा घासु।

![](https://cdn.door43.org/obs/jpg/360px/obs-en-16-02.jpg)

परमेश्‍वर कु वादा मुमानमु कु हन्दु इस्राएलियो सु ताकु नियम सु शुरु घासु हुलाचोना कु बते निजु। इदु नियम इदु प्रकार रिहो अल्या हिड़ं होना इस्राएली परमेश्‍वर कु वादा मुमानसु , तब इदुसु इदजो दुश्मन जो हारयाड़ं इदु सजा लिलो। इदु दुष्मन इस्राएलियो जो भिर समान खुयाड़ंदा , इदकु सम्पती खत्म घालो , अज्यु इदजो भिर सेदड़ंदा। फिर इदु इस्राएलियो कु दुश्मन इदजो हुलाड़ं ज्या होना पाप घालो, इदु नोगोन्दी इस्राएली अफी पाप कु पक्षताप घालो अज्यु इदु बचमु हन्दु परमेश्‍वर कु प्रार्थना घालो।

![](https://cdn.door43.org/obs/jpg/360px/obs-en-16-03.jpg)

जारी ना इदु इस्राएली पक्षताप घालो तो परमेश्‍वर इदजो टआड़ंदा। इदु ताकु सिमु हन्दु अनमा घालो -ताकु अनमा मी जो इदकु दुष्मन कु खिलाफ दाक्षलन अज्यु इदजो हरे दड़ंदा। तब देश रु शान्ति लिलो अज्यु इदु सिमु मीजन इदुरु जेनु सु राज घाघदा। परमेश्‍वर सु इदु मीजन जो बचेमु हन्दु दलना मी थेमु हन्दु पाड़ंसु। परमेश्‍वर कु लगान्दी ताकु दुश्मन जाती , मिघानियो सु इदु हन्दु इस्राएलियो जो हरेमु हन्दु फिर सु अनमा घासु।

![](https://cdn.door43.org/obs/jpg/360px/obs-en-16-04.jpg)

मिघानियो सु जेदु हिड़ं होना तक इस्राएलियो कु घेरा लुटजु। इस्राएल मीजन दलना किजरजु निजु , अज्यु इदु फु रु किचादिसु ताकि मिघानी मीजन इदु मासी मुतरयाड़ं। नोगोन्दी इदु टआड़ंमु कु हन्दु परमेश्‍वर हरतेसु।

![](https://cdn.door43.org/obs/jpg/360px/obs-en-16-05.jpg)

गिदोन मुड़ं कु ताकु इस्राएली होरासीरी निजु। ताकु ज्या , इदु ताकु गुप्त जगरु रिजे झान निजु ताकि मिघानी मीजन इदसु खुसी मुतरयाड़ं। यहोवा कु थो लोग गिदोन कु लगान्दी रालन इदसु रुसु , "हे शुरवीर सूरमा , परमेश्‍वर घेघु रकसा निनि। दिम अज्यु इस्राएलियो जो मिघानियो सु बचेमु"।

![](https://cdn.door43.org/obs/jpg/360px/obs-en-16-06.jpg)

गिदोन कु भा कु लगान्दी मूर्ति जो दामु हन्दु ताकु दाघसिड़ं निजु। हिजाड़ं तुकतू काड़ंथे जो परमेश्‍वर सु गिदोन जो घामु हन्दु लिसु इदु दाघसिड़ं छायमु निजु। खलन कि गिदोन मीजन जो जरमु निजु इदु हन्दु इदसु मुन्छु कु इंतजार घासु। तब इदसु इदु दाघसिड़ं कु छायलन टुकड़ा -टुकड़ा किघादुसु। इदसु परमेश्‍वर कु हन्दु ताकु नुनु दाघसिड़ं बनेसु अज्यु इदुरु परमेश्‍वर हन्दु बली दासु।

![](https://cdn.door43.org/obs/jpg/360px/obs-en-16-07.jpg)

खिजु छाजु मीजन सु ताड़ंसु खमरी ले दाड़ंसिड़ं छायलन टुकड़ा-टुकड़ा किघादुसु , इदु दलना रिस रु निजु। गिदोन जो सेयमु हन्दु इदकु सुड़ंरु दि निजु , इदकु गिदोन कु भा सु लिसु , घे खा अफी देवता कु मदद घामु कु कोशिश घा निजु। इदु इदनो देवता ले इदु अफी रक्षा अफी घालो। खलन कि इदसु अनमा लिसु खमरी मीजन सु गिदोन जो मुसेसु।

![](https://cdn.door43.org/obs/jpg/360px/obs-en-16-08.jpg)

तब इस्राएली जो खुसिमु हन्दु मिघानी मीजन अइ राजु। इदु दलना निजु इदकु गिनती मुघा तरनी निजु। गिदोन सु इदकु खिलाफ दाकसिमु हन्दु इस्राएलियो जो ताकु साथु दो यो लिसु। गिदोन सु परमेश्‍वर सु निसु चिन्ह कु मॉग घासु ताकि इदाजो विश्‍वाश लिलो कि परमेश्‍वर हुचना इदु इस्राएल जो बचेमु हन्दु फा निजु।

![](https://cdn.door43.org/obs/jpg/360px/obs-en-16-09.jpg)

तुकतू कु चिन्ह हन्दु , गिदोन सु मला कु छम थाड़ंरु तामलन परमेश्‍वर सु लिसु कि छाजो कु बुरती मला कु इदु छम रु सुड़ंलो अज्यु थाड़ंरु मुलायड़ं। परमेश्‍वर सु अनमा घासु। खिजु मुन्छू , इदसु परमेश्‍वर सु लिसु इदु थाड़ंरु थिनु लयाड़ं खलन कि मला कु छम छरनु लिलो। परमेश्‍वर सु अनमा ले घासु। इदु निसु चिन्हो कु कारण , गिदोन सु विश्‍वाश घासु कि परमेश्‍वर हुचना खि निजु कि इदु इस्राएलियो जो मिघानियो सु बचेयड़ंदा।

![](https://cdn.door43.org/obs/jpg/360px/obs-en-16-10.jpg)

इदु गिदोन सु सैनिक जो अफी दरो हुयसु अज्यु 32000 होरासीरी राजु। खलन कि परमेश्‍वर सु इदुसु लिसु कि इदु दलना निनि। गिदोन सु इदु बिर 22000 जो सुड़ंरु पाड़ंसु जो दाकसिमु मुजरमु निजु। परमेश्‍वर सु गिदोन जो लिसु इदु होरासीरी इदोड़ं ले दलना निनि। इदु हन्दु गिदोन सु 300 सैनिक सिलन इदु बिर जो सुड़ंरु पाड़ंसु।

![](https://cdn.door43.org/obs/jpg/360px/obs-en-16-11.jpg)

इदु मुन्छू परमेश्‍वर सु गिदोन सु लिसु , मिघानियो कु ढाड़ंसु रु दी अज्यु इदकु काड़ंथे घामु रुड़ंस्यन। जब घे यनाड़ंदन कि खा काड़ंथे घादा घे इदरु दाकक्षी ते मुजरमु। इदु हन्दु मुन्छू , गिदोन युड़ांघ इदुकु ढाड़ंसु रु दिसु अज्यु इदसु ताकु मिघानी सेना रु अफी साथु जो काड़ंथे घामु यनसु इदु जेनु तड़ं निजु। इदु होरासीरी कु साथु सु लिसु , इदु जेनु कु अर्थ ले कि गिदोन कु सेना जी मिघानी सेना जो हरे तारयाड़ं। जब गिदोन सु यनसु ते इदसु परमेश्‍वर जो धन्यावद दासु।

![](https://cdn.door43.org/obs/jpg/360px/obs-en-16-12.jpg)

तब गिदोन अफी सेना दरु थोकते राजु अज्यु इदसु सु प्रत्येक जो ताकु - ताकु नरसिंगा , ताकु सा कु भडु , अज्यु ताकु मशाल दासु। इदुजो इदु ढाड़ंसु जो किघेरदुसु इदु मिघानी किया निजु। गिदोन कु 300 सेना सु अफी मसाल कु भडु जो कुखब निजु इदु हन्दु मिघानी मीजन इदु मशाल कु मी उड़ं मुनिजू।

![](https://cdn.door43.org/obs/jpg/360px/obs-en-16-13.jpg)

तब गिदोन कु बिर सेना अफी पात्रो जो ताकु ज्या छायलन छाटो सु मशाल रु मी किचीसु। इदुसु अफी नरसिगे जो फुकेसु अज्यु हरतेसु , यहोवा कु अज्यु गिदोन कु तलवार।

![](https://cdn.door43.org/obs/jpg/360px/obs-en-16-14.jpg)

परमेशवर सु मेघानियो जो जरनु किघादुसु , इदु ताकु निसरु जो सेमु -ची निजु। छटना , गिदोन कु फुड़ं मी जो दलना खिजु इस्राएलियो जो मिघानियो कु नोगोन्दी रामु इदकु मदद घालन हुमु हन्दु पाड़ंसु। इदसु इदु दलना मीजन सेयदा अज्यु घघ मीजन कु नोगोन्दी रालन इस्राएल देश र्खचु भाड़ंरु किखेदुसु। इदु ज्या 1,20,000 मिघानी पुड़ंचु। इदु वजह सु परमेश्‍वर सु इस्राएल जो बचेसु।

![](https://cdn.door43.org/obs/jpg/360px/obs-en-16-15.jpg)

इदु मीजन गिदोन जो अफी राजा बनेमु चिड़ं निजु , खलन कि गिदोन सु अनमा घालन मुघासु , इदु हन्दु इदोजो जड़ं कु घे थुमसू जो ताकु मिघानियो सु थुमसी निजु। इदु मीजन सु दलना मात्रा रु गिदोन जो जड़ं दासु।

![](https://cdn.door43.org/obs/jpg/360px/obs-en-16-16.jpg)

तब गिदोन सु इदु जड़ं सु ताकु अकरो घे बनेसु खलन कि यहदी पुनु पुजारी चुसकी निजु। खलन कि मीजन सु इदकु पुजा घामु शुरु घासु अनमा निनी इदु ताकु मूर्ति निनि। तब परमेश्‍वर सु इदु खर्चु इस्राएल जो सजा दासु खलन कि इदसु मूर्ति कु पुजा शुरु घासु। परमेश्‍वर जो इदकु दुश्मन जो हरेमु हन्दु ताकत दासु। नोगोन्दी होना इदु खर्चु परमेश्‍वर सु मदद घामु प्रार्थना घा निजु , अज्यु परमेश्‍वर सु उइ कु लगान्दी इदु बचेमु हन्दु ताकु इदु छुड़मु हन्दु पाड़ंसु।

![](https://cdn.door43.org/obs/jpg/360px/obs-en-16-17.jpg)

इदु काड़ंथे हुलाड़ं चुनो लिजु रू इस्राएली मीजन पाप घाघदा , परमेश्‍वर इदोजो सजा दाड़ंदा , इदु पक्षताप घालो अज्यु परमेश्‍वर इदुजो थेलन हन्दु खमरी पयड़ंदा। हुलाड़ं ज्या होना , परमेश्‍वर सु दलना थेलन जन पाड़ंसु इदु इस्राएलियो जो इदु दुश्मन सु बचेसु।

![](https://cdn.door43.org/obs/jpg/360px/obs-en-16-18.jpg)

नोगान्दी होना इदु मीजन सु खिजु देश माघरतु परमेश्‍वर सु अफी हन्दु ताकु राजा कु चिड़ंनी। इदु ताकु अनमा राजा चिड़ं निजु जो भुड़ंनु अज्यु ताकतवर ली , अज्यु इदु दाकक्षि ते उइकु मदद घालो। परमेश्‍वर जो इदु फुड़ं जेनु लागेसु , खलन कि इदोजो अनमा राजा दासु इदसु जो थो निजु।

*अध्याय 1-3,6-8,षमूएल 1-10 सु ताकु बाइबल कु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_16_128kbps.m4a

## 17. दाऊद कु साथु परमेश्‍वर कु वाचा

https://openbiblestories.org/l/drd/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल देश कु तुकतु राजा निजु। इदु भुडंनु अज्यु ढांडनू निजु, खलन इदु मी खी नीजु ताकचो इदमा निनि। इस्राएल रु अफी राज जो तुकतू अल्या हिडं रु शाऊल ताकु जेनू राजा निजु। इदु कु नोगोन्दी इदु ताकु यानु मी कलनिचु उइसु परमेश्‍वर कु काडंथे मुमानुसू ,इदु हन्दु परमेश्‍वर सू ताकु खीजु मी चुमसू खलन की ताकु ज्या इदु कु भांड रु राजा बनयाड़ं।

![](https://cdn.door43.org/obs/jpg/360px/obs-en-17-02.jpg)

परमेश्‍वर सू दाऊद मुडं कु ताकु जीयनु इस्राएली मीजन चुनेसु। ताकु ज्या शाऊल कु भंडं रु राजा लिमू हन्दु याङसिमु शुरु घासु। दाऊद बैतलहम भांड़ं ताकु मला रोनु मी निजु। हुलाडं ज्या होना सू दाऊद कु वा अज्यु होमं सु निसु किसेदिसु निजु ताकचो दाऊद कु चेनदु रक्षा गालन वक्त ज्या उइकु भा कु मला रु वा अज्यु होमं सु कमसु। दाऊद ताकु जेनु मी अज्यु धर्मी मी निजु। इदु सु परमेश्‍वर रु विश्‍वाश घासु ताकु इदु कू कडथे मानिसु।

![](https://cdn.door43.org/obs/jpg/360px/obs-en-17-03.jpg)

जब इदु दाऊद इता जिनू हुरासीरी निजु , इदु सु झांङ भुडनु - भुलनु गोलियत कु खिलाफ दाकसिजु। गोलियत ताकु दलना जेनु सैनिक निजु। इदु दलना सारु ताकु लगभग सुम मीटर भडनू निजु, इदु हन्दु परमेश्‍वर सू गोलियत कु सेमु अज्यु इस्राएल कु टाडमु हन्दु दाऊद कु मदद घासु ,इदु कु नोगोन्दी ए दाऊद सु इस्राएल सु दुश्मन रु हुलाड़ंचोना जीतसु। दाऊद ताकु पुनु सैनिक किबनसु,अज्यु इदु सु दलना दाकसिलन सु इस्राएली सेना कु तुकतू दिसु। मीजन झनसु इदु कु दलना तारीफ घासु।

![](https://cdn.door43.org/obs/jpg/360px/obs-en-17-04.jpg)

मी जन सु अलाडं झेनू खीसु की शाऊल इदु मी दुइजू निजू। लास्ट रु शाऊल इदु सेदम चिङ निजु इदु हन्दु दाऊद इदोजो अज्यु इदु कु सैनिको सु चायसीमू हन्दु सिरु फुंडंलन ताजु। ताकु झाया उइ शाऊल अज्यु इदु कु सेनिक दाऊद की मासी रु निजु अज्यु शाऊल ताकु फू रु तानिजु अन्दु इदु ना फु ली इदरु दाऊद किचाही निजु,इदु सु शाऊल सु इदु ताडंसु। दाऊद शाऊल इदु नोगोन्दी इदुकु दलना लगान्दी ताजु इदु कु गे कु टुकड़े कु थेलन। अन्दु रीती शाऊल किपे सु कि ताकु दाऊद राजा बनेमु हन्दु इदु मुसायड़ंदा।

![](https://cdn.door43.org/obs/jpg/360px/obs-en-17-05.jpg)

अल्या ज्या नोगोन्दी ए शाऊल दाकसिलन वक्त पुडंजु , अज्यु दाऊद इस्राएल कु राजा कल निजु। इदु ताकु जेनु राजा निजु। ताकु मी जन उइसु जैनु खिसु। परमेश्‍वर सु दाउ्रद सु आशिर्वाद दासु अज्यु सफल बनेसु। दाउद सु हुलाडं ना दाकक्षीचु अज्यु परमेश्‍वर सु इसा्रएल कु दुश्मन कु हरेमु हन्दु मदद घासु। दाउद सु यरुशलेम भंड़ं जीतमु हन्दु इदु अफी कु राजधानी बनेसु जो भंड़ं इदु सिड़ंसु, अज्यु राज गासु। दाउद पीसा हिडं होना राजा निजु। अन्दु ज्या कु दौरान इस्राएल देश शक्तिशाली अज्यु सड़ंमी किबेनिजु।

![](https://cdn.door43.org/obs/jpg/360px/obs-en-17-06.jpg)

दाउद ताकु मंदिर बनेमु चिड़ं निजु बिर ताकु परमेश्‍वर कु पुजा घामु चिड़ं निजुं अज्यु इदु कु बलिदान चडेंमु चिड़ं निजु। अइ 400 पी से हिंडं सु इदु मुसा कु किघायनु लगान्दी ढांड़ंसु रु परमेश्‍वर कु पुजा घा निजु ,अज्यु इदु हन्दु बलिदान दासु।

![](https://cdn.door43.org/obs/jpg/360px/obs-en-17-07.jpg)

इदु हन्दु नातान मुडं कु भविष्य पेनु मी निजु। परमेश्‍वर सु इदु दाउद सु अनुमा लिमु हन्दु पाडंसू घेसु दलना सु दाकसुजू ,इदु हन्दु घेसु जि हन्दु मंदिर मुघासु। घेगु सेनु अन्दु बनेयइदा। इदु जी गन्ेजो दलना आशिर्वाद दालन। घेगु ताकु वंशज नोगोन्दी होना हन्दु जिकु मीजन रु राजा कु रुप रु राज घाडंदा। तुकतु होना सु राज घानु वाला इदु दाउद ताकचो वंशज मसीह निजु। मसीह परमेश्‍वर कु छाटनु जन निजु जो संसार कु मी जन उइकु पाप घालन सु बचयडंता।

![](https://cdn.door43.org/obs/jpg/360px/obs-en-17-08.jpg)

इदु दाउद सु नातान सु फुंड यनसु ते इदुसु परमेश्‍वर कु धन्यवाद घासु अज्यु उइकु तारिफ घासु। परमेश्‍वर इदकु इज्जत बडे़ निजु अज्यु इदु दलना आशिर्वाद दा निजु। खलन कि दाउद मीपे निजु अन्दु परमेश्‍वर अन्दु काडंथे हुम्बा घाइता अन्दु ज्या निडं पेदन कि इस्राएलियों कु ताकु भुडंनु ज्या होना लगभग 1000 ताकु फा हिडं होना मसीह कु रामु कु सुमूजूम पड़े निजु।

![](https://cdn.door43.org/obs/jpg/360px/obs-en-17-09.jpg)

दाउद सु हुलाडं हिडं न्याय कु साथु अफी मी रु राज घासु। उइसु पुनु विश्‍वाश सु परमेश्‍वर कु काडंथे मानसु ताकु परमेश्‍वर सु इदु आशिर्वाद दासु। खलन कि अफी जीवन कु अन्ंतः रु इदरु परमेश्‍वर कु खिलाफ भयानक पाप घासु।

![](https://cdn.door43.org/obs/jpg/360px/obs-en-17-10.jpg)

ताकु ज्या दाउद सु अफी चिम र्खचू यु उघसु अज्यु ताकु जेनू ढाडनू भुदाचुमे कु उरसीनु ताडंसु उदु सु इदु मिपे निजु खलन की इदोजो किपे निजु कि इदु कु मुडं बतशेबा निजु।

![](https://cdn.door43.org/obs/jpg/360px/obs-en-17-11.jpg)

अफी मी कु फेरसीलड़ं खर्चुए दाऊद सु इदुजो अफी लगान्दी रेमु हदु खमरी पाडसु। उइ इदु साथु कियानसु अज्यु इदो थोकते सुडंरु किपांडदिचु। अल्या ज्या नोगोन्दी बतशेबा सु अनुमा लिसु दाउद दरु फुडं पाडसु कि इदु सयनु दानु नीनी।

![](https://cdn.door43.org/obs/jpg/360px/obs-en-17-12.jpg)

बतशेबा कु हुरासीरी उरिययाह मुड़ं कु ताकु मी निजु। दाउद कु पुनु सैनिक र्खचु ताकु निजु। इदु ज्या रु दाकसीमु हन्दु भाडरु दिसु दाउद सु उरिययाह कु दाकसीमु हन्दु हुयलन रेसु अफी भुदाचुमे कु साथु सिड़ंमु हन्दु लिसु इदु हन्दु बिर सैनिक दाकसुमू रु उरिययाह कु सुडंरु दिमु महा किलेदुसु। अन्तः दाउद सु उरिययाह थोकते रालन सु दाकसीम हन्दु किपाड दिसु अज्यु सेनापती सु इदु दाकक्षम हन्दु थाडंरु तामु हन्दु कीलिसु इदो दुश्मन दलना शक्तिशाली लिलो खलन कि इदो सेदम चिइनी। की अनुमा उरिययाह दाकक्षिलन वक्त किसेदिसु।

![](https://cdn.door43.org/obs/jpg/360px/obs-en-17-13.jpg)

उरिययाल दाकक्षिम वक्त सिजमु कु नोगोन्दी दाउद सु बतशेबा रकसा भकचा घासु नोगोन्दी इदु सु दाउद कु सेयनु ढडसु। दाउद सु जो घासु इदु परमेश्‍वर दलना रिस रु निजु इदु हन्दु उइसु नातान भविष्य पेनु मी कु दाउद कु अनुमा बतेमु हन्दु पाडसु पाप हुलाडं यानु निजु दाउद अफी पाप कु पक्षाताप घासु। ताकु परमेश्‍वर सु इदु माफ किघादुचु अफी कु बाकी जिन्दगी रु अफी कठिन ज्या जि दाउद परमेश्‍वर कु नोगोन्दी नोगोन्दी गमजीसु अज्यु इदु कु काड़ंथे मानुजु।

![](https://cdn.door43.org/obs/jpg/360px/obs-en-17-14.jpg)

खलन कि दाउद कु सीरी पुड़ंजु नीजु। अन्दु रीति सु परमेश्‍वर सु दाउद जो सजा दासु। इदु कु नोगोन्दी दाउद कु सीजम होना सु इदु कु अफी खु बिर मी उगु खिलाफ दाक़़क्षीजु अज्यु दाउद कु अफी शक्ति अल्या कम कलजु इदु परमेश्‍वर विश्‍वाश योग्य हन्दु निजु। ताकु इदु सु अनुमाघासु जौ इदकु दाउद सु वादा घासु की इदु घाइदा खलन की दाउद सु उदकु काडंथे मानेजु की नोगोन्दी अज्यु दाउद ताकु बतशेबा कु खीजु सेनु ढुड़ं निजु अज्यु इदुकु मुडं सुलैमान तासु।

*बाइबल कु लुभुडं 1 शमूएल अध्याय 10; 15.19; 24; 31; 2 शमूएल 5; 7; 11.12 से कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_17_128kbps.m4a

## 18. इस्त्राएल राज्य कु छुयसुमु।

https://openbiblestories.org/l/drd/story-18/

![](https://cdn.door43.org/obs/jpg/360px/obs-en-18-01.jpg)

दाउद राजा सु 40 पीसा हिंड होना राज घासु। तब इदु पुडंजु अज्यु इदकु सिरी सुलैमान सु इस्राएल रु राज शुरु घासु। परमेश्‍वर सु सुलैमान जौ काडथे घासु अज्यु इदो जौ रुसु भिरजो दल खा चिडं निजु परमेश्‍वर इदु हन्दु घाघदा। सुलैमान सु परमेश्‍वर जो थोजीसु कि इदोजौ दल होषियार किघादुसू। इदु काडंथे सु परमेश्‍वर खुष घासु ,इदु हन्दु परमेश्‍वर सु सुलैमान कु दुनिया बझयाडं होषियार होराषिरी बनेसु। सुलैमान सु दलना काडथे सीखेजु अज्यु इदु हन्दु होषियार राजा निजु। परमेश्‍वर सु इदु दलना जोड़ं मी बनेसु।

![](https://cdn.door43.org/obs/jpg/360px/obs-en-18-02.jpg)

यरुशलेम भंड़ं सु सुलैमान जौ इदो मंदिर ठाडंसु खिजू हन्दु इदु बा सु योजना घासु अज्यु बिरझन सामान थुमलन तासु। इदु मी लगानंदी ढाड़ंसु कु लगान्दी कु मंदिर रु परमेश्‍वर कु पुजा घानिजु ताकु इदु हन्दु बलि दामु। सु परमेश्‍वर रालन मंदिर रु पिरा निजु ,अज्यु इदुघ अफी मीजन कु साथु सुड़ं निजु।

![](https://cdn.door43.org/obs/jpg/360px/obs-en-18-03.jpg)

इदु हन्दु सुलैमान सु खिजु देश कु भुदाचुमे सु झेनु खिसु। इदु सु दलना लगभग 1000 ताकुफा भुदाचुमे सु ब्या गालन सु परमेश्‍वर कु कांडंथे मुमानजु अन्दु हन्दु दलना सु भुदाचुमे खिजु देश रु राजु ताकु अफी साथु अफी देवता रेलन राजु अज्यु उईकु पुजा घासु। इदु सुलैमान कु स्यानु कलचु इदु सु इदु कु देवताओं कु भक्ति घासु।

![](https://cdn.door43.org/obs/jpg/360px/obs-en-18-04.jpg)

अन्दु वजे सु परमेश्‍वर सुलैमान सु रिसरु निजु। इदुसु लिसु कि उइ इस्राएल देश कु निसु राज्य रु खिजु खिजु घामु हन्दु इदु सजा दाड़ंदा। इदु सुलैमान कु सिजम कु नोगोन्दी अनुमा घाङदा।

![](https://cdn.door43.org/obs/jpg/360px/obs-en-18-05.jpg)

सुलैमान कु सीजम कु नोगोन्दी रहबाम राजा बनेजु। इस्राएल देश कु बिर जन इदु सु अफी राजा कु रुप रु स्वीकार घामू ताकु साथु कुथुमसि निजु। उइसु रहबाम सु हासीजु की सुलैमान सु इदु दलना कठिन मेहनत घाफुडसू अज्यु दलना सु कर वसुलु घासु। इदोजो रहबाम झो अनुरोध घासु की इदजो अल्या लन घा फुंडंसू।

![](https://cdn.door43.org/obs/jpg/360px/obs-en-18-06.jpg)

खलन कि रहबाम सु उइजो पुनु मुसमजमु मी सु जवाब दासु ,"घनि लिदन की जीकु भा सुलैमान सु घनिजो कठिन मेहनत घा फुडंसू। घनीजो जी दलना कठिन मेहनत गा फुड़ांघदी ,अज्यु जी घनुकु इदु दलना काड़ंनु घाडंदी"।

![](https://cdn.door43.org/obs/jpg/360px/obs-en-18-07.jpg)

जब मीजन सु इदु जो अनमा लिनु यनुसु ते इदरु सु हुलाडं सु इदकु खिलाफ दंगा घासु। ची जाती सु इदोजो पाकसीदीसु इदु कु साथु केवल निसु जाती टाडंसु। अन्दु निसु सु अफी कु यहूदा कु राज्य लयंडंदा।

![](https://cdn.door43.org/obs/jpg/360px/obs-en-18-08.jpg)

बाकी कु 10 ची जाती सु यारोबाम मुड़ं कु ताकु हुरासीरी कु अफी राजा कीघादिसु। अन्दु सेनु देश कु उत्तर पूर्वी भाग रु निजु। उइसु अफी सु इस्राएल कु अफी राज्य लिसु।

![](https://cdn.door43.org/obs/jpg/360px/obs-en-18-09.jpg)

इदु हन्दु यारोबाम सु परमेश्‍वर कु खिलाफ दंगा घासु अज्यु मीजन सु पाप घा फुडंसु। इदु सु अफी मीजन सु उइकु चन्दु भक्ति घामु हन्दु निसु मुर्तियों ठांडंसु। इदु यहूदा कु राज्य कु यरुशलेम भंड रु परमेश्‍वर कु मंदिर रु भक्ति घामु हन्दु मुदिचू।

![](https://cdn.door43.org/obs/jpg/360px/obs-en-18-10.jpg)

यहूदा अज्यु इस्राएल कु राज्य दुश्मन कलजु अज्यु अक्सर ताकु खीजु कु खिलाफ दाकक्षी निजु।

![](https://cdn.door43.org/obs/jpg/360px/obs-en-18-11.jpg)

इस्राएल कु नुनु राज्य रु बीरना राजा पापी निजु। अन्दु र्खचु बिर राजा बनेमु इच्छा ली निजु खिजु इस्राएलियो जन सु किसेदी नीजु।

![](https://cdn.door43.org/obs/jpg/360px/obs-en-18-12.jpg)

इस्राएल राज्य रु बिर राजाओं सु अज्यु दल मीजन सु मूर्तियों कु पुजा घासु। ताकचा उइसु अनुमा घासु इदु तुकतू र्खचना वेश्‍योओ कु साथु निजु अज्यु तगजो दोहना सु हुलाडं बार मूर्तियो कु तुकुतू स्यनू कु बलि ले घासु।

![](https://cdn.door43.org/obs/jpg/360px/obs-en-18-13.jpg)

यहूदा राज्य कु राजा दाउद कु संतान निजु। इदु राजाओ सु हुलाडं ना झेनु मी निजु खिजु मी जन इन्साफ कु राज घासु अज्यु परमेश्‍वर कु पुजा घासु। इदु हन्दु यहूदा कु दलना सु राजा पापी निजु। खलन की पापी सु राज गासु अज्यु मूर्ति कु भक्ति गासु। दोहना सु अल्या राजा सु हासीनु देवता कु तुकतू अफी संजयंन कु बली किदासू। यहूदा कु दलना मी जन सु परमेश्‍वर कु साथु दंगा घासु अज्यु खीजु देवताओ कु पुजा घासु।

*बाइबल कु लुभुडं 1 राजा अध्याय 1.6; 11.12 से कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_18_128kbps.m4a

## 19. परमेश्‍वर कु भविष्य पेनु मी।

https://openbiblestories.org/l/drd/story-19/

![](https://cdn.door43.org/obs/jpg/360px/obs-en-19-01.jpg)

परमेश्‍वर तुकतू इस्राएलियों कु दरु भविष्य पेनु मी पांडंसु नीजु। भविष्य पेनु मी परमेश्‍वर सु फुडं यन निजु अज्यु इदु मीजन बते निजु।

![](https://cdn.door43.org/obs/jpg/360px/obs-en-19-02.jpg)

खलन की अहाब इस्राएल राज्य रु राजा निजु इदु ज्या एलिययाह भविष्य पेनु मी निजु। अहाब ताकु यानु मी निजु। इदु आलानु बाल देवता कु पुजा घामु हन्दु मी जन जो जबरदसती घासु। इदु हन्दु एलिययाह सु अहाब सु लिसु की परमेश्‍वर इदु मी जन कु सजा दामु हन्दु दी नीजु। "इदसु इदोजो लिसु जब होना सु जी मु रामु हन्दु मुलियो इलाडं होना सु इस्राएल कु राज्य रु ना मु रायाडं अज्यु ना भुरती लेयांडं"। इदु काडंथे रु अहाब कु अलाडं रिस पिरा निचु कि एलिययाह कु सेयमु हन्दु फैसला घासु।

![](https://cdn.door43.org/obs/jpg/360px/obs-en-19-03.jpg)

इदु हन्दु परमेश्‍वर सु एलिययाह सु लिसु कि इदु सीरु दिलन अहाब ताडंलन चासिलो। एलिययाह सिरु इदु सोते कु दरो दिजु जौ भांडं दिमु हन्दु परमेश्‍वर सु इदु भते निजु। ताकु छान्जु अज्यु नडंथाबा पेया एलिययाह हन्दु रोठा अज्यु स्या रेलन रानिजु। अलाड़ं वक्त ,अहाब अज्यु उसीकु सेना एलिययाह कु मासि निजु ,इदु हन्दु उइ मासी मुत्तर निजु।

![](https://cdn.door43.org/obs/jpg/360px/obs-en-19-04.jpg)

मु मुरालाड़ं र्खचु अल्या ज्या नोगोन्दी इदु सोता किछर निजु। इदु हन्दु एलिययाह दरु ताकु थोना देश रु ताचु। इदु देश रु ताकु गरीब विधवा निजु इदु कु ताकु सेनू निजु। उइ दरु झाती लगभग पुरकिनीचु ,खलन की उइ कु फसल मुलिजु। इदु हन्दु भुदाचुमे सु एलिययाह कु देखभाल घासु ,इदु हन्दु परमेश्‍वर सु उईकु अज्यु इदु कु सेनु कु जरुरत पुरा घासु ,अन्दु कु कारण सु उइकु ही कु कठा अज्यु मरती कु कुप्पी कजेयारी खाली मुलिजु। इदु भुडंना अकाल कु ज्या रु उइकु लगान्दी झाती निजु। एलिययाह अल्या हिंघ होना इदो निजु।

![](https://cdn.door43.org/obs/jpg/360px/obs-en-19-05.jpg)

साढें 3 सुम हिडं नोगोन्दी परमेश्‍वर सु एलिययाह जो लिसु थन र्खचु मु मुरायाड़ं। इदु सु एलिययाह जो थोकते जु इस्राएल कु राज्य रु दिलन अहाब जो काडथे धामु हन्दु लिसु। इदु हन्दु अहाब कु दरु दिजु जब अहाब सु इदु ताडंसु ते इदु सु लिसु जैनु,, गे निहेन मुसीबत ढुडनु घानु हन्दु ,, एलिययाह सु जवाब दासु मुसीबत ढुडनु घानु ते घेलि। घेसु यहोवा जो किसिदिसु। इदु हुचाना कु परमेश्‍वर ली खलन की बाल देवता कु भक्ति घा निचु। थन गे इस्राएल राज्य कु भिर मी कर्मेल धाड़ंरु रु रेलन रामु निनि।

![](https://cdn.door43.org/obs/jpg/360px/obs-en-19-06.jpg)

अतःभिर मी कर्मेल धाड़ंरु रु दिचु। इदु हुरासीरी ले राचु जो लि निसु कि इदु बाल देवता कु भुडं कु फानिचु अन्दु बाल देवता कु भविष्य पेनु मी निजु। इदु बिर 450 पीसा कु नासा मीजन निजु। एलिययाह सु मीजन जो लिसु हुम्बा होना अफी मन रु फेरसीलन ताडंदनघ् अन्दु यहोवा परमेश्‍वर ली ते इदु कु भक्ति घामु। बाल देवता ली ते इदु कु भक्ति घामु।

![](https://cdn.door43.org/obs/jpg/360px/obs-en-19-07.jpg)

इदु एलिययाह सु बाल देवता कु भविष्य पेनु मी सु लिसु ,ताकु लाडं कु बली दालन चु इदु कु स्या कु बलिदान घामु हन्दु ताकु अलग दाड़ंसिड़ं तामु इदु हन्दु मीह मुदुमु। इदकु नोगोन्दी जी ले इदमा घंडंदी ताकु खिजु दाड़ंसिड़ं रु जी इदु स्या ताइदी। इदु परमेश्‍वर दाड़ंसिड़ं रु मि चाड़ंदा ते गे पेयाडदन कि इदु झेनु परमेश्‍वर ली इदु बाल देवता कु भविष्य पेनु मी सु ताकु बली तैयार घासु इदु हन्दु मी मुलेगेसु।

![](https://cdn.door43.org/obs/jpg/360px/obs-en-19-08.jpg)

इदु बाल देवता कु भविष्य पेनु मी सु बाल जो प्रार्थना घासु ,है बाल देवता निगु यना ,,उइ सु भुडंना झया उसु प्रार्थना घा निजु अज्यु ढाहीजु अज्यु दोहना सु अफी कु चाकु सु थुमसु इदु हन्दु बाल देवता सु फुंडं मुदासु अज्यु इदु गुबरी मी मलगे सु।

![](https://cdn.door43.org/obs/jpg/360px/obs-en-19-09.jpg)

बाल देवता कु भविष्य पेनु मी सु बाल देवता सु प्रार्थना घामु रु भुडना ज्या किलगे सु। इदु सु प्रार्थना घामु बंद किघादीचु तब एलिययाह सु खिजु लंयड़ं कु स्या परमेश्‍वर कु दाड़ंसिड़ं रु कितादुजु इदकु नोगोन्दी उइकु मी सु ती कु विशाल भंन्ढुरु कु इदु बलिदान रु ती दासु तक घामु हन्दु लिसु जब होना स्या सीघं अज्यु दो होना सु दाडंसिड़ं तिघड दिघाड कु धरती रु भुडना घालन थीनु कल निचु।

![](https://cdn.door43.org/obs/jpg/360px/obs-en-19-10.jpg)

इदु एलिययाह सु प्रार्थना घासु ,,हे यहोवा,अब्राहम,इसहाक,अज्यु याकूब उकु परमेश्‍वर निडं थेया कि घे इस्राएल कु परमेश्‍वर ली अज्यु अनुमा ली जी घनकु सेवा घानु लि। जी जवाब दामु चिडंयांडं खमजो की अन्दु जन पेयदा की घे झीकु हुचना कु परमेश्‍वर लि।

![](https://cdn.door43.org/obs/jpg/360px/obs-en-19-11.jpg)

इदु हन्दु तूंखु सु मी लेजु अज्यु इदु सु स्या ,सिघं ,दाडरु,सारु अज्यु दोहना तुकतू दाड़ंसिडं नोगोन्दी कु ती जो किचेदिसु। जब मी जन सु अनुमा ताडंसु इदु थांडंरु किलेजु अज्यु फासु ,यहोवा परमेश्‍वर ली। यहोवा परमेश्‍वर ली।

![](https://cdn.door43.org/obs/jpg/360px/obs-en-19-12.jpg)

इदु एलिययाह सु लिसु बाल देवता कु ताकु भविष्य पेनु मी टाड़ंलन दिमु मुचिङ इदु हन्दु मी जन बाल देवता कु भविष्य पेनु मी कुचूमसु अज्यु इदोघ खर्चु खिजु किघादुसु अज्यु उई किसेदीचु।

![](https://cdn.door43.org/obs/jpg/360px/obs-en-19-13.jpg)

इदु एलिययाह सु अहाब राजा सु लिसु ,छाटो सु अफी सुडंरु फुंडंलन दी ,खलन कि मु रानू नीनी छाटो ही खु धुमसीलन रानी अज्यु दालना मु शरु कलजु। यहोवा ती कु अकाल पुरकू निजु। अन्दु सु प्रकट लिजु यहोवा हुचना कु परमेश्‍वर ली।

![](https://cdn.door43.org/obs/jpg/360px/obs-en-19-14.jpg)

ताकचो एलिययाह सु अफी लन पुराकिनीजु परमेश्‍वर सु एलीषा मुडं कु ताकु हुरासीरी सु अफी भविष्य पेनु मी लीमु हन्दु कुचमे निजु। परमेश्‍वर सु एलीषा कु द्वारा दलना चमत्कार निजु। ताकु चमत्कार नामान कु साथु लिजु। इदु ताकु दुश्मन कु सेना सरदार निजु। इदु रु ताकु यानु छिना कल निजु। नामान सु एलीशा कु बारी रु यहनजु कि इदु हन्दु उइ एलीशा कु दरु राजु अज्यु इदुसु उइजो जेनु घामु हन्दु विनती घासु। एलीशा सु नामान सु लिसु की दिलन यरदन ती रु जेयदु बार ढुबकी लगे सु।

![](https://cdn.door43.org/obs/jpg/360px/obs-en-19-15.jpg)

नामान रिस पीराजु इदु सु अनूमा घामु हन्दु महा लिसु खलन की उई सु ना समज मी कु लन लागे निजु। इदु हन्दु नोगोन्दी जी अफी मन किखी दुचु अज्यु दिलन यरदन ती रु 7 जेयदु बार ढुबकु लगेसु। जब अंतिम बार इदु ती सु भांडंरु राजु ताकचा परमेश्‍वर सु इदु जेनु की घा दिचु।

![](https://cdn.door43.org/obs/jpg/360px/obs-en-19-16.jpg)

परमेश्‍वर सु इस्राएल सु मी कु दरु इदु दलना सु भविष्य पेनु मी पांडंसु इदु बिर झन सु मूर्ति कु भक्ति घामु बंद घामु हन्दु लिसु। इदु कु ओजेसु उइकु ताकु खिजु कु रकसा जेनु बोली घामु चिडंनी। अज्यु खीजु रु जेनु दया घामु चिडंनी। इदु भविष्य पेनु मी सु मीजन रु चेतावनी दासु की इदु कु यानू लन कु घामू बंद घामु नीनी अज्यु इदु ओजेसु परमेश्‍वर कु काडथे कु मानमु ली। उई मीजन सु अनमा मुघाजे परमेश्‍वर इदु उई कु फैसला घाडदा ,अज्यु उइकु सजा दाडंदा।

![](https://cdn.door43.org/obs/jpg/360px/obs-en-19-17.jpg)

अल्या ज्या इदु मीजन परमेश्‍वर कु आदेश कु पालन मुघासु। अक्सर उईसु भविष्य पेनु मी कु साथु यानु व्यवहार घासु अज्यु दो होना सु गुबज्या गुबज्या उइ सु सेदडंदा। ताकु बार इदु सु यिर्मयाह भविष्य पेनु मी कु जरनु कुऑ किघादुचू अज्यु इदु सेमु कु हन्दु पाकसी दीचु। इदु कुऑ कु थाडरु कच्चार रु किदसजु इदु हन्दु तब राजा सु इदरु दया राचु अज्यु उइ अफी सैनिक कु आदेश दासु कि यिर्मयाह सिजम सु तुकतू इदु कुऑ र्खचु भाडरु रेलन राजु।

![](https://cdn.door43.org/obs/jpg/360px/obs-en-19-18.jpg)

भविष्य पेनु मी सु परमेश्‍वर कु अज्यु सु फालन चिंडं निजु खलन कि मीजन सु उइ जौ रीस घा निजु इदु सु मीजन जौ चेतावनी दासु खलन की उइसु पक्षाताप मुघासु ते परमेश्‍वर उइकु नाश घादडंदां। इदु हन्दु मीजन कु अनुमा ची घासु की परमेश्‍वर सु उई कु लगान्दी मसीह कु पांडंमु वादा घासु।

*बाइबल कु लुभुडं 1 राजाओ अध्याय 16.18; राजाओ 5; ताकु यिर्मयाह 38 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_19_128kbps.m4a

## 20. इस्त्राएल कु गुलाम बनेमु हन्दु कुरमू अज्यु थोकते

https://openbiblestories.org/l/drd/story-20/

![](https://cdn.door43.org/obs/jpg/360px/obs-en-20-01.jpg)

इस्राएल कु राज्य अज्यु यहूदा कु राज्य नीसरी सु परमेश्‍वर कु खिलाफ पाप घासू। उइ सु वादा क छयादुसु इदु परमेश्‍वर सु उइकु साथु सीनै पुनु धांड़ंरु रु वादा घासु। परमेश्‍वर सु उइकु पक्षाताप घाम हन्दु सु इदुकु भक्ति घासु हन्दु चेतावनी दासु हन्दु कु अफी भविष्य पेनु मी सु पाडसु इदु हन्दु उइकु कांडंथे मानमू हन्दु महा लिसु।

![](https://cdn.door43.org/obs/jpg/360px/obs-en-20-02.jpg)

अतः परमेश्‍वर सु इदु कु दुश्मन जौ उइ खत्म घामु हन्दु इदु शक्तिशाली निजु हन्दु निसु राज्यो कु सजा दासु। अश्‍शुर ताकु खिजु देश रु निजु दलना शक्तिशाली कलजु निजु इदु खिजु देश रु प्रती दलना गुण्डा घरती मी निजु। उइसु रालन इस्राएल कु राज्य कु खत्म किघादुसू। अश्‍शुर सु रालन इस्राएल कु राज्य रु दलना जन सेदिसू इदु चिडंजे उकु लुट दीचु अज्यु देश रु हुलाडं भांडं कु जलेसु।

![](https://cdn.door43.org/obs/jpg/360px/obs-en-20-03.jpg)

अश्‍शुरियों सु बिर प्रधान ,जोड़ं मीजन अज्यु अनुमा भीरजन कु ओकरो सामान ले निजु बिर ताकु रकसा थुमसु अज्यु उइ अश्‍शुर देश रु कुरलन ताजु। इस्राएल रु अल्या गरीब इस्राएली मी बचेनु निजु।

![](https://cdn.door43.org/obs/jpg/360px/obs-en-20-04.jpg)

इदु अश्‍शुर मी इदु देश रु सुयंडंमु कु हन्दु विदेशियो कु रेलन राजु उइ विदेशियो इदु भड़ं रु झेनु घासु जौ इस्राएली इदोडं किनेजी निचु इदु सु उइजो ब्या घासु। अन्दु मीजन सु संतान सामरी जाती लिसु।

![](https://cdn.door43.org/obs/jpg/360px/obs-en-20-05.jpg)

यहूदा कु राज्य रु मीजन सु उडंसु की घुम घालन परमेश्‍वर सू इदरु विश्‍वाश मुघालन उकु काडंथे मुमानलनचु कारण इस्राएल कु राज्य कु मीजन सजा दासु। इदु हन्दु तब उई सु इदोजो कनानियों कु देवता कु मुर्तियो कु पुजा घासु। परमेश्‍वर सु उइकु चेतावनी दामु हन्दु भविष्य पेनु मी दरु पाडंसु इदु हन्दु उइ यनमु हन्दु महा लिसु।

![](https://cdn.door43.org/obs/jpg/360px/obs-en-20-06.jpg)

लगभग 100 रा हिडं कु ज्या अश्‍शुरियो सु इस्राएल कु राज्य कु खत्म किघादुचू। परमेश्‍वर सु बेबीलोन कु राजा नबूकदनेस्सर कु यहूदा कु राज्य रु दाकक्षी हन्दु पांडंसु। बेबीलोन ताकु शक्तिशाली देश निजु। यहूदा कु राजा नबूकदनेस्सर कु दास बनमू हन्दु अज्यु प्रति हिंडं इदु दलना बिर धन कु भुगतान घामु हन्दु कीयाडंसी निजु।

![](https://cdn.door43.org/obs/jpg/360px/obs-en-20-07.jpg)

इदु हन्दु अल्या हिंडं कु नोगोन्दी यहूदा कु राजा सु बेबीलोन कु खिलाफ दंगा घासु। अतःबेबीलोनियों सु थोकते रालनचु यहूदा कु राज्य रु हमला किघादुसु ताकु यरुशलेम भाड़ं रु कब्जा किघादुसु। मंदिर कु खत्म किघादुसू ,ताकु भाडं अज्यु मंदिर कु खजना रु खुईलन पुकरसु

![](https://cdn.door43.org/obs/jpg/360px/obs-en-20-08.jpg)

दंगा घामु कु कारण यहूदा कु राजा सजा घामू हन्दु नबूकदनेस्सर राजा कु सेना सु यहूदा कु राजा कु सेनु किसेदुसू अज्यु इदु मीमुबेनु किघादुसु। उकु बाद राजा कुरलन ताजु खलन कि इदो बेबीलोन जेलखाने रु पुड़ंचु।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर अज्यु उकु सेना यहूदा कु राज्य कु लगभग बीर मीजन कु बेबीलोन पुकरसु केवल बिरचो गरीब मीजन नोगोन्दी पाकसी दीचु खलन की इदु रिरु खेती घासु। ज्या कु इदु काल गुलाम लीसु ताकचा परमेश्‍वर कु बिर कु वादा कु देश र्खचु दिमु हन्दु किलिसु मजबूर घानिजु।

![](https://cdn.door43.org/obs/jpg/360px/obs-en-20-10.jpg)

तुकतू परमेश्‍वर सु अफी मीजन उइकु पाप हन्दु गुलाम लिमु कु सजा दासु ,इदु उइ इदकु अफी वादा कु मुलेसीजु। परमेश्‍वर सु अफी मीजन कु नजर तासु अज्यु अफी भविष्य पेनु मी इदु जन रकसा कंडंथे घासु। इदुसु वादा घाम कु 70 टुकसा नासा हिंडं कु नोगोन्दी फिर सु वादा कु देश रु थोकते रायाड़ं।

![](https://cdn.door43.org/obs/jpg/360px/obs-en-20-11.jpg)

लगभग 70 टुकसा नासा हिंडं कु नोगोन्दी फारस कु राजा कुस्त्रू सु बेबीलोन कु हरेसु ,इदु हन्दु बेबीलोन कु पुनु राज्य कु इदु हन्दु फारस कु पुनु राज्य हुलाडं देषो रु राज घासु। इस्राएली मीजन थन यहूदी लि निजु। इदरर्खचू दलना सू अफी कु भुंडंना जीवन बेबीलोन रु कि बतेसु। खलन कि अल्या साड़ंनु यहूदियों जो यहूदा कु देश ची घा निजु।

![](https://cdn.door43.org/obs/jpg/360px/obs-en-20-12.jpg)

फारसी मीजन दलना शक्ति निजु,इदु हन्दु अफी जीत रु मीजन जो दया घासु। फारसी मी जन कु राजा बनेमु कु अल्या ज्या कु नोगोन्दी कुस्त्रू राजा सु ताकु आदेश दासु की खमरी कु यहूदी जो यहूदा कु थोकसमु चिडं निजु। इदु फारस देश सु सिलन खरचु थोक्ते यहूदा दी तरसयड़ं। इदोगु उइकु मंदिर कु थन र्खच बनेमु हन्दु जौग ले दासु। गुलामी 70 टुकसा नासा हिडं नोगोन्दी यहूदियों कु ताकु मीनु अल्या मीजन यहूदा देश रु यरुशलेम भंड़ं थोकते राजु।

![](https://cdn.door43.org/obs/jpg/360px/obs-en-20-13.jpg)

इदु मीजन यरुशलेम कुरलन ते इदुकु मंदिर कु अज्यु भड़ं कु पी भड़ं सारु भगबल दुबारा खर्चु सु बनेसु। फारसी मीजन थन ले उइसु राज घा निजु खलन की ताकु बार फिर सु वादा कु देश रु सुयंडं निजु ताकु मंदिर रु पुजा घा निजु।

*बाइबल कु लुभुडं 2 राजा अध्याय 17; 24.25; 2 इतिहास 36; एज़्रा 1.10; नहेम्याह 1.13 से कथा*

Audio: https://git.door43.org/OBS-TLF/drd_obs/releases/download/v1/drd_obs_v1_20_128kbps.m4a

## 21. परमेश्‍वर मसीह कु वादा घालन।

https://openbiblestories.org/l/drd/story-21/

![](https://cdn.door43.org/obs/jpg/360px/obs-en-21-01.jpg)

थन परमेश्‍वर सु दुनिया बनेसु,इदु पे निजु की घुबरी ज्या इदु कु नोगोन्दी गुबझायारी ज्या मसीह जौ पांडंमू निजु। उइसु आदम अज्यु हव्वा सु वादा घासु की इदु अनमा घाडंदा इदु सु लिसु कि हव्वा जौ ताकु सेनु जन्म कुरगंदा ताकचा खोबु कु पिसारु कमडंदा। इदु खबु सु हव्वा कु धोखा दालन इदु सचमुच शीनु निजु। परमेश्‍वर खि निजु मसीह भुडंना घालन सु शीनु कु हरेदाघदा।

![](https://cdn.door43.org/obs/jpg/360px/obs-en-21-02.jpg)

परमेश्‍वर सु अब्राहम सु वादा घा निजु इदु कु द्वारा दुनिया रु भीर जाती आशिर्वाद ताअडंदा। परमेश्‍वर नोगोन्दी जी घुबरी रु मसीह कु पांडंसु इदु कु द्वारा अन्दु वादा कु पुरा घासु। इदु मसीह धरती कु बीर ताकु जाति कु मीजन इदु कु पाप सु खिजु घाड़ंदा।

![](https://cdn.door43.org/obs/jpg/360px/obs-en-21-03.jpg)

परमेश्‍वर सु मूसा जौ वादा घासु की भविष्य रु इदु मूसा कु लगान्दी ताकु किसी भविष्य पेनु मी कु पाडंसु। अन्दु भविष्य पेनु मी मसीह लयडं। अन्दु रीती सु परमेश्‍वर सु इदु हन्दु सु वादा घासु की उकु मसीह पडंगदा।

![](https://cdn.door43.org/obs/jpg/360px/obs-en-21-04.jpg)

परमेश्‍वर सु राजा दाउद जौ वादा घासु की उकु वंश जो सेनु मसीह लयंडं। इदु राजा लयडं अज्यु परमेश्‍वर कु मीजन रु लगातार इदु हन्दु राज घांडंदा।

![](https://cdn.door43.org/obs/jpg/360px/obs-en-21-05.jpg)

परमेश्‍वर सु यिर्मयाह भविष्य पेनु मी सु काडंथे घासु अज्यु लिसु कि ताकु ज्या नुनु वादा घुयडंदा। इदु नुनु वादा इस्राएल कु साथु सीनै धाड़ंरु हुईनू वादा मा घरतु मुल्याडं। जब मीजन कु साथु इदु अफी नुनु वादा कु घुयलन ते इदु उइ रु अफी कु अनमा प्रकट घाड़ंदा। बिर ताकु जन उइजो जेनु खियाड़ं ताकु उइकु नियम कु मानेमु कु मन घाडंदा। परमेश्‍वर सु लिसु कि अन्दु उकु नियम उइकु सिसोय रु रियदां। उइकु बीर मी लयडं अज्यु परमेश्‍वर उइकु पाप कु माफ घडंदा। इदु मसीह लयडं जौ उइकु साथु इदु नुनु वादा कु घुयडंदा।

![](https://cdn.door43.org/obs/jpg/360px/obs-en-21-06.jpg)

परमेश्‍वर कु भविष्य पेनु मी सु अनुमा ले लिसु कि मसीह ताकु भविष्य पेनु मी लयंडं। ताकु भविष्य पेनु मी इदु मी जौ परमेश्‍वर कु वचनो यनगंदा अज्यु बिर मीजन रु परमेश्‍वर कु वचन फाइनु निजु। खिजु पाडमु कु परमेश्‍वर सु वादा घासु इदु मसीह ताकु बजायड़ं जेनु भविष्य पेनु मी लंयडं। खलन की इदु मसीह परमेश्‍वर कु फुडं कु झेनु घालन यनाडंदा, अज्यु उइ मीजन कु इदु फुडं जेनु घालन सु रियाड़ंदा।

![](https://cdn.door43.org/obs/jpg/360px/obs-en-21-07.jpg)

इस्राएली यहूदी पुजारी सु मीजन हन्दु परमेश्‍वर कु हन्दु बली दासु हन्दु दालना सुड़ंजु। अन्दु बली मीजन कु पाप कु हन्दु उकु परमेश्‍वर गरतु सजा दामु हन्दु की इदु भंड रु सेमु हन्दु किदानिजु। यहूदी पुजारी सू मीजन हन्दु प्रार्थना ले घासु इदु हन्दु उइ मसीह सिद्व यहूदी पुनु पुजारी लयंडं परमेश्‍वर जौ दामु हन्दु ताकु जेनु बलि कु रुप रु अफी कु चढयदा। खलन इदु खजारी ले पाप मु घाडंदा अज्यु जब इदु अफी कु बलि दामु कु हन्दु दाडंदा। ते इदु दुनिया कु घुबरी खिजु बलि आवश्‍यक मुयघदा।

![](https://cdn.door43.org/obs/jpg/360px/obs-en-21-08.jpg)

मीजन रु राजा अज्यु प्रधान राज घा निजु ,अज्यु घुबरी घुबरी ले इदु गलती ले घा निजु। राजा दाउद सु ताकचो ना इस्राएलियो रु राज घासु इदु हन्दु राजा दाउद कु सेनु मसीह भुंडंना संसार रु राज घाडंदा। अज्यु तुकतू र्खचुना राज घडंदा। अन्दु कु खीचु इदु तुकतुना जेनु रीती सु राज घालन ,अज्यु जेनु फैसला कुराडंदा।

![](https://cdn.door43.org/obs/jpg/360px/obs-en-21-09.jpg)

परमेश्‍वर कु भविष्य पेनु मी सु मसीह कु बारी रु दलना काडथे लिसु। उदारहरण कु हन्दु मलाकी सु लिसु कि मसीह कु अफी कु तुकतू ताकु खीजु भविष्य पेनु मी रायडं। इदु भविष्य पेनु मी दलना खास नियाडं। उकु अलवा ,यशायाह भविष्य पेनु मी सु रिसु उइ मसीह ताकु कुँआरी सु जन्म कुराडंदा। अज्यु मीका भविष्य पेनु मी सु लिसु कि मसीह बैतलहम भंड़ं रु जन्म कुराडंदा।

![](https://cdn.door43.org/obs/jpg/360px/obs-en-21-10.jpg)

यशायाह भविष्य पेनु मी सु अनुमा लिसु कि मसीह गलील कु प्रदेश सुगसु। जो मी दलना दुखी नीनी मसीह उइजो शान्ति दडंदा। उइ कैदियो कु आजाद ले घादडंदा। मसीह बीमारो कु जो मुयंन निजु ,मुबे निजु ,फा मुतर निजु,अज्यु धीम मुतर निजु उइयो जैनु घाघदा।

![](https://cdn.door43.org/obs/jpg/360px/obs-en-21-11.jpg)

यशायाह भविष्य पेनु मी सु अनुमा ले लिसु कि बीर मिजन मसीह जौ रीस घाडंदा अज्यु इदोजो अफी घामु हन्दु महालयघदा। ,अइ भविष्य पेनु मी सु लिसू कि मसीह कु ताकु साथु उइकु खिलाफ नेयाडं। जकर्याह भविष्य पेनु मी सु लिसु उइकु ताकु साथु अनुमा घामु हन्दु खिजु मीजन सु मुल कु 30 नासा सुमसा सिक्के कुराडंदा इदु कु अलवा अलया भविष्य पेनु मी सु लिसु कि मीजन मसीह जो सेदाडदा ,अज्यु अनुमा कि उइकु घे हन्दु जुआ छायाडं।

![](https://cdn.door43.org/obs/jpg/360px/obs-en-21-12.jpg)

भविष्य पेनु मी सु अनुमा ले बतेसू कि मसीह घुम घालन सिजायडां यशायाह सु भविष्य पेनु मी कि मीजन मसीह रु खुती इदु कु मजाक घाडंदा अज्यु इदु कमडंदा। उई सु छेबंदडंदा अज्यु पुनु काडंमू तकलीफ रु सिजीयाडं खलन कि उईसु अल्या ले यानु घयनु मुनिजू।

![](https://cdn.door43.org/obs/jpg/360px/obs-en-21-13.jpg)

भविष्य पेनु मी सु अनुमा ले बतेसू कि मसीह सु पाप मु घाडंदा इदु जेनु लयाडं खन कि उईसु इदु हन्दु सिजीयाडं परमेश्‍वर इदु खिजु मीजन कु पाप कु कारण सजा घाडंदा इदु कु सिजमु सु मीजन परमेश्‍वर कु साथु मेल घाडंदा रु क्षमताशाली लयाडं। इदु हन्दु परमेश्‍वर खिनिजु कि मसीह सिजोलो।

![](https://cdn.door43.org/obs/jpg/360px/obs-en-21-14.jpg)

भविष्य पेनु मी ले अनुमा ले बतेसू कि परमेश्‍वर मसीह सीजलंड र्खचु टाडंलन रायाडं। अनुमा थेता कि अन्दु बिर नुनु वादा कु घुइलन कु परमेश्‍वर कु व्यवस्था निजु ,खलन कि उइ मी टाडंमू चीडंनी उइसु इदु खिलाफ पाप घासु।

![](https://cdn.door43.org/obs/jpg/360px/obs-en-21-15.jpg)

परमेश्‍वर सु भविष्य पेनु मी रु मसीह कु बारी रु दलना काडंथे बतेसु ,खलन कि मसीह उइ भविष्य पेनु मी ओ सु खमरील टाड़ंलन जु ले मुराजु निजु। अन्दु भविष्य कु बतेसु कु दामु हन्दु सु 400 पीसा हिड़ं सु दलना हिडं कु नोगोन्दी जेनु ज्या परमेश्‍वर मसीह कु अन्दु दुनिया रु पाडांसु।

*बाइबल कु लुभुडं उत्पत्ति 3:15; 12:1.3; व्यवस्थाविवरण 18:15; 2 शमूएल 7; यिर्मयाह 31;यशायाह 59:16;दानिय्येल 7;मलाकी 4:5;यशायाह 7:14;मीका 5:2;यशायाह 9:1.7;35:3.5;61;53;भजन संहिता 22:18;35:19;69:4;41:9;जकर्याह 11:12.13;यशायाह 50:6; भजन संहिता 16:10.11 सु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_21_128kbps.m4a

## 22. युहन्ना कु जन्म।

https://openbiblestories.org/l/drd/story-22/

![](https://cdn.door43.org/obs/jpg/360px/obs-en-22-01.jpg)

खिजु ज्या रु परमेश्‍वर सु अफी भविष्य पेनु मी जौ काडंथे घासु की इदु हन्दु इदु मीजन काडंथे घामु चीडंनी। खलन इदु ज्या र्खचू 400 पिसा हिडं लागया होना सु परमेश्‍वर इदु रखसा काडंथे मुघासु। तब परमेश्‍वर सु जकर्याह मुडं कु यहूदी पुजारी कु लगान्दी ताकु थो लोग रु पाडंसु। जकर्याह अज्यु इदु कु भुदाचुमे एलीशिबा परमेश्‍वर कु आदर घा निजु। इदु दलना सयानु कल निजु अज्यु उइकु घुबरी ले सेनु पैदा मुलिजु।

![](https://cdn.door43.org/obs/jpg/360px/obs-en-22-02.jpg)

इदु थो लो सू जकर्याह सू लिसु घुघु भुदाचुमे कु ताकु सेनु ढुड़ंदा। घे इदुकु मुडं यूहना तामु। परमेश्‍वर इदु ष्शुद्ध लेमे सु भुड़ंयाड़ं ,अज्यु यूहना मीजन मसीह कु अफी रु घाड़ंदा इदु यघसड़ं। जकर्याह सु जवाब दासु जी अज्यु जिकु भुदाचुमे सेनु ढुड़ंमु घाड़ंदा हन्दु दलना सयानु निनी। जी घुम घालन पेयाडंदी कि घे जी रखसा हुचना लीदन।

![](https://cdn.door43.org/obs/jpg/360px/obs-en-22-03.jpg)

इदु थो लोग सु जकर्याह जौ जवाब दासु कि घेजो अनुमा जेनु फुंडं रेलनचु इदु हन्दु परमेश्‍वर कु दरु किपाडंदसु खलन की घे सु झीरु विश्‍वाश मुघानसु ,इदु हन्दु सेनु कु जन्म होना सु घे फामरु मुताडं। छाटोना जकर्याह लाटो कलजु। तब थो लोग जकर्याह कु लगादी सु ताचु। उकु बाद जकर्याह सुघरु थोकते राजु अज्यु इदकु भुदाचुमे गुराड़ंयानु निजु।

![](https://cdn.door43.org/obs/jpg/360px/obs-en-22-04.jpg)

जब एलीशिबा 6 टुकू ला कु गुराड़ंयानु निजु। इदु थो लोग छाटो सु एलीशिबा कु सयासी रु राजु,इदु कु मुडं मरियम निजु। मरियम कुॅआरी निजु अज्यु ब्या घामु हन्दु यूसुफ मुडं कु हुराशीरी कु साथु इदकु थोजी ता निजु। थो लोग सु लिसु घे गुराड़ंयानु निया ले अज्यु ताकु सेनु जन्म दाडंदा। घे सू इदु कु मुडं यीशु तामू। इदु बजयाड़ं जेनु परमेश्‍वर कु सेनु लयाडं अज्यु नोगोन्दी होना हमेषा राज घालन।

![](https://cdn.door43.org/obs/jpg/360px/obs-en-22-05.jpg)

मरियम सु जवाब दासु अन्दु घुम लयाडं खलन की जी ते कुँआरी ली। इदु थो लोग सु समझेसु शुद्ध लेमे घे रु रायाडं अज्यु परमेश्‍वर कु ताकत घे रु रायाड़ं। इदु हन्दु उई सेनु शुद्ध लयाडं अज्यु उई परमेश्‍वर कु सेनु लयाडं। जौ उकु थो लोग सु लिसु इदु मरियम सु विश्‍वाश घासु।

![](https://cdn.door43.org/obs/jpg/360px/obs-en-22-06.jpg)

अनुमा लिमु कु नोगोन्दी मरियम सु दिलन एलीशिबा सु छिसु। खलन की मरियम सु इदोजो ढोक दासु ,एलीशिबा कु सेनु इदु कु धनकु भुदरु छानिजु। परमेश्‍वर सु जौ ले घासु इदु कु बारी रु उइ भुदाचुमे ताकु साथु खुश निजु। एलीशिबा कु साथु 3 सुम ला होना सियमु कु नोगोन्दी मरियम सुडंरु थोकते राजु।

![](https://cdn.door43.org/obs/jpg/360px/obs-en-22-07.jpg)

अन्दु कु नोगोन्दी एलीशिबा सु अफी सेनु जन्म दासु। जकर्याह अज्यु एलीशिबा इदु सेनु कु मुडं यूहना तासु खलन कि उई थो लोग सु आदेश किदा निजु। इदु परमेश्‍वर सु जकर्याह कु फामरु ताकत दासु। जकर्याह सु लिसु परमेश्‍वर जो गुण घामु निनि,खलन कि इदुकु अफी मीजन कु मदद घामु हन्दु ची तासु। हे जिकु सीरी घे बजयाड़ं जेनु परमेश्‍वर कु भविष्य पेनु मी लयंड। घे मीजन जौ बतेडंदन कि घे घुमरी अफी पाप कु माफ थोजी तरसडं।

*बाइबल कु लुभुडं लूका अध्याय 1 से कु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_22_128kbps.m4a

## 23. यीशु कु जन्म लिसु।

https://openbiblestories.org/l/drd/story-23/

![](https://cdn.door43.org/obs/jpg/360px/obs-en-23-01.jpg)

यूसुफ मुघं कु ताकु धर्मी मी कु साथु मरियम कुथोजी कल निजु। जब इदु सु यंनसू की मरीयम गुराड़ंयानु निजु ते इदु पे निजु इदु उइकु सेनु महा। इदु मरियम कु बदनाम मु घामु चीडं निजु। इदु हन्दु उई रु दया घामु कु अज्यु उइसु हघु मुघामु सु तलाक दामु हन्दु सोची निजु। खलन अन्दजो तुकतू की इदु अनुमा घाडदा ताकु थो लोग सु माखुडं रु रालन इदो जौ काडथे घासु।

![](https://cdn.door43.org/obs/jpg/360px/obs-en-23-02.jpg)

इदु थो लोग सु लिसु "हे यूसुफ ,मरियम कु अफी भुदाचुमे घामु हन्दु मुजरमु। उइकु भुतरु जौ सेनु नीनी इदु शुद्ध लेमे कु ओर सु ली ताकु सेनु जौ जन्म दाडंदा इदु कु मुडं यीशु तामु( खिजु अर्थ रु,' हे यहोवा टाडंदा') खलन की इदु मीजन कु उइकु पाप सु बचायागदा।"

![](https://cdn.door43.org/obs/jpg/360px/obs-en-23-03.jpg)

अन्तः यूसुफ सु मरियम रकसा ब्या घासु अज्यु इदु अफी भुदाचुमे कु रुप रु सुडंरु रेलन राजु ,खलन उइकु सेनु कु जन्म दाया होना सु इदकु साथु मुयानिजु।

![](https://cdn.door43.org/obs/jpg/360px/obs-en-23-04.jpg)

जब मरियम कु जन्म दामु कु ज्या राजु ते इदुसु अज्यु यूसुफ सु बैतलहम दिमु कु ताकु भुडनु यात्रा घासु। उइकु इदोघ दीमु निजु खलन की रोमी अधिकारी इस्राएल रु सुड़ंनु भिर मीजन कु रुमु चिडनीं निजु। उई खी निजो भीर मी इदोडं धिलो जौ भाडं रु उकु हुयनू सुयडंनू निजु। राजा दाउद कु जन्म बैतलहम भड़ं रु लिजु ताकु इदु मरियम अज्यु युसूफ निसरी हुयनू निजु।

![](https://cdn.door43.org/obs/jpg/360px/obs-en-23-05.jpg)

मरियम अज्यु यूसुफ बैतलहम दिसु,खलन की इदु रे माला कु तामु कु भाड़ं कु खीजु उइकु सुयमु कु हन्दु गुबरी ले भडं मुनिजू। इदु थाडंरु जौ भंडं मरियम सु अफी सेनु कु जन्म दासु। इदसु दुरुखुड़ंरु सायसु खलन की उई उकु हन्दु गुबरी ले यभाडं मुनिजू। इदुसु उइकु मुडं यीशु तासु।

![](https://cdn.door43.org/obs/jpg/360px/obs-en-23-06.jpg)

इदु मुछू इदु लगान्दी कु रिरु अल्या ढाड़ं अफी मला कु देखभाल घामु निजु। अचानक सु ढो निजु थो लेमे इदु रु प्रकट लिजु अज्यु उइ किजरजु निजु। इदु थो लेमे सु लिसु ,"मुझरमु खलन, कि जिकु लगान्दी घे हन्दु ताकु जैनु फुड़ं निनि। बैतलहम रु मसीह ,प्रभु कु जन्म लिसु।"

![](https://cdn.door43.org/obs/jpg/360px/obs-en-23-07.jpg)

दीलन इदु सेनु कु मासीमु अज्यु घे इदो घेरु थुमलन अज्यु दुरुखुड़ं रु कियानु ताआड़ंदन।। अचानक सु तुंखू रु थो लोग सु कुभूडजु़ं। जु परमेश्‍वर कु गुण घामु घा निजु इदुसु लिसु भीर आदर थो रु परमेश्‍वर कु छुयाड़ं। इदु मीजन सु दुनिया इदु मीजन शान्ति लीलो इदुकु चिन्ता घादा।

![](https://cdn.door43.org/obs/jpg/360px/obs-en-23-08.jpg)

इदु थो लोग ता निजु। इदु ढाड़ंमी अफी मला ले सिलन सेनु उड़ंमु हन्दु ताजु। छाटो ही उइ उसु थांड़ंरु कुजयाजु इदु यीशु निजु अज्यु उइसु इदो दुरुखुड़ं रु किपासुनु ताड़ंसु खलन की उई थो लो सु लिसु। की उई दलना खुश निजु। अल्या ले यनसु ताकचो तंड़ंसु इदु भिर हन्दु उइ परमेश्‍वर कु गुणघान घा निजु।

![](https://cdn.door43.org/obs/jpg/360px/obs-en-23-09.jpg)

पूर्व रु हानम ताकु देश रु अल्या हुरासीरी निजु। उइसु सितारों कु पै नियु अज्यु दलना होशियार निजु। इदसु ताकु खिजु तारा जो तुखू रु ताड़ंसु। उइसु लिसु कि इदुसु अर्थ ली की यहूदियों जो ताकु नुनु राजा कु जन्म लिजु इदु हन्दु उइसु इदु सेनु उडंमु हन्दु अफी देश कु यात्रा घामु कु निर्णय घासु। ताकु भुलना यात्रा कु नोगोन्दी ,उई बैतलहम राजु अज्यु इदु सुड़ंरु ताड़ंयो इदु यीशु ताकु इदकु मिना भा सुघं निजु।

![](https://cdn.door43.org/obs/jpg/360px/obs-en-23-10.jpg)

जब अन्दु मी सु यीशु जौ अफी मीना कु साथु ताड़ंसु उइसु पुकटो टेक कर इदकु पुजा घासु। उइसु यीशु जौ खास सामान दासु। इदू उई सुड़ंरु थोकते राजु।

*बाइबल कु लुभुडं मत्ती अध्याय 1; लूका 2 कु कहानी*

Audio: https://git.door43.org/OBS-TLF/drd_obs/releases/download/v1/drd_obs_v1_23_128kbps.m4a

## 24. यूहन्ना यीशु जौ शुद्ध ढुबकी दासु।

https://openbiblestories.org/l/drd/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा अज्यु जकर्याह कु सेनु यूहन्ना,पुनु लिलन ताकु भविष्य पेनु मी बनेसु। इदु सिरु सुयड़ं निजु अज्यु सिरु शहद अज्यु सिरु बु झा निजु ,अज्यु ऊँट कु बलछम कु बनमु गे चुकसी निजु।

![](https://cdn.door43.org/obs/jpg/360px/obs-en-24-02.jpg)

दलना मी जन यूहन्ना कु काड़ंथे यनमु हन्दु सीरु दीलन राजु। इदसु जौ अनुमा लिन सु उइकु प्रचार घासु , पश्चाताप घानी खलन की थो कु राज्य लगान्दी निनि।

![](https://cdn.door43.org/obs/jpg/360px/obs-en-24-03.jpg)

जब मीजन सु यूहना कु फुडं यनुसु ते इदुरु सु दलना अफी पाप सु पश्चाताप घासु अज्यु यूहना सु इदोजो ती रु शुद्ध ढुबकी दासु। यूहन्ना कु उडंमु हन्दु दलना सु यहूदी धार्मिक प्रधान ले राजु ,खलन कि उइसु अफी पाप कु पक्षाताप मुमानुसु।

![](https://cdn.door43.org/obs/jpg/360px/obs-en-24-04.jpg)

यूहन्ना सु यहूदी धार्मिक प्रधान सु लिसु , हे खोबु मा घरतु जहरीले मीजन अफी पाप पक्षाताप घामु अज्यु अफी जीवन टाड़ंमु कु तरीका खीनी। परमेश्‍वर बिर इदु सिघं थुमड़ंदा जौ झेनु फल मुधा ,अज्यु इदुकु मीरु किचाडं दिचु। उइ भविष्य पेनु मी सु लिसु यूहना सु इदु पुरो घासु ,यननी छाटो ही जी घेघु तुकतू फुड़ं दानु जन पाड़ंदी जो घे हन्दु अम ठंडंगदा।

![](https://cdn.door43.org/obs/jpg/360px/obs-en-24-05.jpg)

अल्या यहूदी धार्मिक प्रधान सु यूहन्ना जौ रुसु खा इदु मसीह ली यूहन्ना सु जवाब दासु जी मसीह महा इदु जीकु नोगोन्दी रानी। इदु अलडं महान निनि कि जी उइकु पोला कु तनी खोलम कु ले लायक मुनिजु।

![](https://cdn.door43.org/obs/jpg/360px/obs-en-24-06.jpg)

खिजु ज्या ,यीशु ती शुद्ध ढुबकी कुरमु हन्दु यूहन्ना दरु राजु। थन यूहना सु इदु तांडंसु ते उइजो लिसू ,उघां परमेश्‍वर कु पाठो जौ दुनिया कु पाप कु अलन कुरलन दिजु।

![](https://cdn.door43.org/obs/jpg/360px/obs-en-24-07.jpg)

यूहन्ना सु यीशु जौ लिसु ,जी गे ती रु शुद्ध ढुबकी दामु कु लायक मुनियो। बजाए इदकु जरुरत निनि गे जीजो ती रु शुद्ध ढुबकी दा खलन की यीशु सु लिसु गे जी ती रु शुद्ध ढुबकी दामु चिड़ंनी खलन की घामू हन्दु झेनु लन अनदुना लि। यूहना सु ती रु शुद्ध ढुबकी दासु खलन की यीशु सु घुबझायरी ले पाप मुघासु।

![](https://cdn.door43.org/obs/jpg/360px/obs-en-24-08.jpg)

ती रु शुद्ध ढुबकी दामु कु नोगोन्दी जब यीशु ती र्खचु भांडंरु राजु , परमेश्‍वर कु लेमे कबूतर कु रुप रु राजु अज्यु यु रालन यीशु रु कुसुड़ंजुं। इलाडं वक्त परमेश्‍वर सु स्वर्ग जौ काड़ंथे घासु। इदु सु लिसु घे जिकु सेनु ली। जी घे जेनु खियाड़ंदी ,अज्यु जी घेजो दलना जेनु खिही।

![](https://cdn.door43.org/obs/jpg/360px/obs-en-24-09.jpg)

परमेश्‍वर सु यूहन्ना स लिसु जब घे शुद्ध ढुबकी दाड़ंदा यरतो शुद्ध लेमे यु रालन सुड़ंयाड़ं।। इदु परमेश्‍वर कु सेनू ली परमेश्‍वर ताकु ही ना ली। खलन की यूहन्ना सु यीशु जौ ती रु शुद्ध ढुबकी दासु ,ते इदोजो परमेश्‍वर बा कु काडंथे यनसु ,सेनु परमेश्‍वर बा जौ काड़ंथे यनसु ,सेनु परमेश्‍वर कु ताड़ंसू जौ कि यीशु ली ,अज्यु इदसु शुद्ध लेमे ताडंसु।

*बाइबल कु लुभुडं मत्ती अध्याय 3; मरकुस 1:9.11; लूका 3:1 कु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_24_128kbps.m4a

## 25. शीनु सु यीशु कु परीक्षा कुरता।

https://openbiblestories.org/l/drd/story-25/

![](https://cdn.door43.org/obs/jpg/360px/obs-en-25-01.jpg)

यीशु कु तीरु शुद्ध ढुबकी कु नोगोन्दी लीमु शुद्ध लेमे सु इदु सिरु कुरलन ताजु। यीशु इदोघ पीसा ज्या अज्यु पीसा मुछु निजु। इदु ज्या बर्त तासु, अज्यु शीनु सु यीशु लगान्दी रालन पाप घामु हन्दु इदुकु परीक्षा कुरसु।

![](https://cdn.door43.org/obs/jpg/360px/obs-en-25-02.jpg)

तुकतू शीनु सु यीशु जौ लिसु खलन कि घे परमेश्‍वर कु सेनु लीजे अन्दु उंड़ं कु गे रोठा घादया खलन कि घे झा तरसयाड़ंन।

![](https://cdn.door43.org/obs/jpg/360px/obs-en-25-03.jpg)

खलन की यीशु सु शीनु जौ लिसु परमेश्‍वर वचन रु अनुमा कीरी नीनी की टाड़ंमु हन्दु मीजन कु केवल रोठा कु जरुरत मुनी, खलन उइसु बिर इदु काडंथे कु जरुरत निनि जौ परमेश्‍वर इदसु जौ लिनिजु।

![](https://cdn.door43.org/obs/jpg/360px/obs-en-25-04.jpg)

तब शीनु यीशु कु मंदिर रु दलना पुनु किलो कुरलन दिजु। इदु सु उइ जौ अनुमा लिसु खलन कि गे परमेश्‍वर कु सेनु ली ते घे दो र्खचु यु लड़ां, खलन की किरीनीजु कि परमेश्‍वर गे अनमु हन्दु अफी कु थो लोग जौ आज्ञा दासु की घेघू लिगुरु था लगेलो।

![](https://cdn.door43.org/obs/jpg/360px/obs-en-25-05.jpg)

खलन कि यीशु सु इदु मुघासु जौ शीनु सु उइजो घामू हन्दु लीसु। अन्दु कु नोगोन्दी यीशु जो लीसु परमेश्‍वर बिर ताकु जो लिसु कि घे प्रभु अफी परमेश्‍वर कु परीक्षा मुकरमु।

![](https://cdn.door43.org/obs/jpg/360px/obs-en-25-06.jpg)

इदो शीनु सु इदु धरती कु बिर राज्य थेसु। उइसु इदो थेसु कि इदु राज्य हुलाड़ंना ताकत वाला निजु अज्यु हुलाड़ं जोड़ं मी निजु। इदुसु यीशु जौ लिसु जी गे बिरझन दांड़ंदी गे पुकटो टेकलन सु जीकु पुजा घा।

![](https://cdn.door43.org/obs/jpg/360px/obs-en-25-07.jpg)

यीशु सु फुड़ं दासु है शीनु गे जी दोर्खचू थोकते दी परमेश्‍वर कु वचन रु इदु मीजन कु आदेश दा निजु ,केवल अफी प्रभु परमेश्‍वर कु पुजा घानी। परमेश्‍वर कु रुप रु इदुकु आदर घामु।

![](https://cdn.door43.org/obs/jpg/360px/obs-en-25-08.jpg)

यीशु सु शीनु कु परीक्षा सु हार मुमानिसु इदु हन्दु शीनु इदु लगान्दी र्खचु ताजु। जब थो लोग रालन यीशु कु सेवा घामु लागेसु।

*बाइबल कु लुभुडं मत्ती अध्याय 4:1.11; मरकुस 1:12.13; लूका 4:1.13 कु कथा*

Audio: https://git.door43.org/OBS-TLF/drd_obs/releases/download/v1/drd_obs_v1_25_128kbps.m4a

## 26. यीशु अफी सेवा शुरु घासु।

https://openbiblestories.org/l/drd/story-26/

![](https://cdn.door43.org/obs/jpg/360px/obs-en-26-01.jpg)

शीनु कु परीक्षाओ कु महा लिमु कु नोगोन्दी , यीशु थोकते गलील कु प्रदेश लगान्दी रु राजु। इदु यीशु कु सुड़ं निजु। शुद्ध लेमु इदु दलना ताकत दा निजु ताकु यीशु ताकु भांड़ं र्खचु भंड़ं रु दिजु ताकु मीजन जौ सिखेसु। मीजन सु उकु बारी रु जेनु कांड़ंथे घासु।

![](https://cdn.door43.org/obs/jpg/360px/obs-en-26-02.jpg)

यीशु नासरत भाड़ं रु दिसु। अन्दु इदु गॉव नीनी इदोड़ं उइ अफी बचपन रु सुयड़ं निजु। सब्त यहूदी कु आराम कु ज्या इदु पुजा घामु कु भंड़ं रु दिसु। यहूदी प्रधान सु इदु यशायाह भविष्य पेनु मी कु फुंड़ं कु ताकु लुभुड़ं दासु। इदु खी निजु कि इदु लुयाड़ं। यीशु सु इदु लुभुड़ं थेलनसू इदु कु ताकु भाग मीजन हन्दु लुसु।

![](https://cdn.door43.org/obs/jpg/360px/obs-en-26-03.jpg)

यीशु सु लुसु ,परमेश्‍वर सु जी अफी लेमे दा निनि खलन जी कंगालो सु जेनु फुड़ं प्रचार घा तरनी। उइसु जी इदु हन्दु पांडंसु कि कैदियो जो आजाद घामु ,मी मिबेनू कु फिर सु अुग तरनी , अज्यु उइजो छुटकारा दानी , खिजु मी सते नीजु। अन्दु कु इदु ज्या नीनी जब परमेश्‍वर निड़ं रु दया लयांडं अज्यु निगु मदद घांडंदा।

![](https://cdn.door43.org/obs/jpg/360px/obs-en-26-04.jpg)

फिर यीशु कुसडंजु। बिर मी दलना ध्यान सु उंडं निजु। उइ पे निजु कि शुद्धलुफुड़ं कु जौ भाग उदुसु इता ले किरी निजु इदु मसीह कु बारी रु निजु। यीशु सु लिसु , जौ काडंथे जिसु इता गे हन्दु कुरीहीनिजु अन्दु ज्या अल्या निनी। " बिर मी हा किपेड़ंजु। उइसु लिसु " खा अन्दु यूसुफ कु सेनु ली?"

![](https://cdn.door43.org/obs/jpg/360px/obs-en-26-05.jpg)

तब यीशु सु लिसु ,‘‘ अन्दु हुचाना ली कि मीजन खमरी ले भविष्य पेनु मी जो खजायरी ले स्वीकार मुघानी खलन कि इदुना ढड़ंसु निनि। एलिययाह भविष्य पेनु मी कु ज्या रु , इस्राएल देश रु दलना राढी निजु। खलन की जब 3 सुम हिड़ं पेलस्यो कु हिड़ं होना सु मु मुराचु , इदु परमेश्‍वर सु एलिययाह जो इस्राएल देश रु गुबरीले राढी कु मदद घामु हन्दु मुपांडंसु। अन्दु कु बजाए इदसु एलिययाह जो गुबरी खिजु देश कु राढी दरु पांडंसु।

![](https://cdn.door43.org/obs/jpg/360px/obs-en-26-06.jpg)

यीशु फालना सिड़ंसु , अज्यु एलीशा भविष्य पेनु मी कु ज्या रु , इस्राएल देश रु दलना मी कोढी कु रोग सु काड़ंनु निजु। खलन की एलीशा सु इदरु र्खचु गुबरीले जेनु मुघासु। उइसु ताकचो इस्राएल देश कु दुश्मन कु सेनापती नामान कु जेनु घासु। खलन जो मीजन यीशु जो यन निजु इदु यहूदी जन नीनी। इदु हन्दु जब उइसु यीशु अनमा लिमु यनसु , तो इदु रु रीस पीराजु।

![](https://cdn.door43.org/obs/jpg/360px/obs-en-26-07.jpg)

नासरत भाड़ं कु मीजन सु यीशु कुचमसु अज्यु इदु पुजा कु भांड़ं सु नोओलन सु भाड़ंरु कुरसु। इदु उइजो सेयमु हन्दु यु चाड़ंमु हन्दु ताकु धाड़ं कु यरतो कुरसु। इदु हन्दु यीशु भीड़ र्खचु राजु अज्यु नासरत भाड़ं सु सिलन ताजु।

![](https://cdn.door43.org/obs/jpg/360px/obs-en-26-08.jpg)

इदु यीशु बिर गलील प्रदेश रु दिसु ,ताकु दलना भीड़ इदुकु लगान्दी राजु। इदु अनमा दलना मीजन कुरलन राजु जो काड़ंनु निजु अज्यु विकलांग निजु। इदु र्खचु सु अल्या मी भे निजु ,दी मुनीजु , यन अज्यु फा मुतर निजु, अज्यु यीशु सु उइजो जेनु घासु।

![](https://cdn.door43.org/obs/jpg/360px/obs-en-26-09.jpg)

अन्दु कु अलावा दलना अनमा मीजन यीशु दरु राजु इदुरु अशुद्ध लेमे निजु। यीशु सु अशुद्ध लेमे सु लिसु इदुरु र्खचु दीम कु आदेश दासु। ते अशुद्ध लेमे जोर सु ढानीजु ,‘‘ घे परमेश्‍वर कु सेनु ली ‘‘। भीड़ कु मीजन हा किपेड़ंजु निजु , अज्यु उइसु परमेश्‍वर कु तारिफ घासु।

![](https://cdn.door43.org/obs/jpg/360px/obs-en-26-10.jpg)

इदु यीशु सु 12 चने हुरासीरी कु चुनेसु उइकु उइजो अफी कु खास सेनु लीसु। इदु खास सेनु जो उइकु साथु यात्राए घासु अज्यु यीशु सु उइजो रीसु।

*मत्ती अध्याय 4:12.25; मरकुस 1:14.15, 35.39; 3:13.21; लूका 4:14.30, 38.44 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_26_128kbps.m4a

## 27. जेनु सामरी कु कथा।

https://openbiblestories.org/l/drd/story-27/

![](https://cdn.door43.org/obs/jpg/360px/obs-en-27-01.jpg)

ताकु ज्या यहूदी धार्मिक नियम कु ताकु पेनु यीशु दरु राजु। उइ बिर जौ अनमा थेम चिड़ं निजु की यीशु यानु रीती सु परमेश्‍वर कु ज्ञान दा निजु। इदु हन्दु उइसु लिसु हे गुरु खजारी था घिलो जीवन थोजम हन्दु जी खा घामु। यीशु सु जवाब दासु , परमेश्‍वर कु धार्मिक नियम रु खा किरी निजु।

![](https://cdn.door43.org/obs/jpg/360px/obs-en-27-02.jpg)

इदु मी सु लिसु इदु लिसु की परमेश्‍वर सु अफी बिर सीसो ,प्राण, शक्ति ,अज्यु होशियार सु प्रेम तामु। अज्यु अफी सुखुड़ं जो अफी बराबर प्रेम घा। यीशु सु जवाब दासु घे ताकचोना जेनु निहेन। खलन की घे अनमा घाजे ते घे खजारी था घिलो जीवन छुयाड़ं।

![](https://cdn.door43.org/obs/jpg/360px/obs-en-27-03.jpg)

खलन इदु धार्मिक नियम कु पेनु मीजन कु थेमु चिड़ं निजु कि उइकु जीवन टाडंमु कु तरीका जेनु निजु। इदु हन्दु उइसु यीशु जो रुसु , जेनु निहेन, ते जिकु सुखुड़ं खमी ली?

![](https://cdn.door43.org/obs/jpg/360px/obs-en-27-04.jpg)

यीशु सु उइ धार्मिक नियम जो ताकु कथा बतेमु हन्दु जवाब दासु। ताकु यहूदी मी निजु जौ ताकु रोड सु लिलन यरुशलेम भाड़ं सु यरीहो भाड़ं कु यात्रा घा निजु।

![](https://cdn.door43.org/obs/jpg/360px/obs-en-27-05.jpg)

खलन अल्या गुण्डा सु इदु ताड़ंसु ताकजो इदु रु कमनु हन्दु दिसु। उइसु उइकु बिरझन पुकरसु अज्यु सीजम होना सु कमसु। सु उई ताजु।

![](https://cdn.door43.org/obs/jpg/360px/obs-en-27-06.jpg)

इदकु इतम ज्या कु बाद ताकु यहूदी पुजारी इदु रोड सु लीलन दिजु। इदु पुजारी सु इदु मी कु रोड रु पाकसीनु ताड़ंसु। जब इदुसु उइ ताडंसु ते इदु रोड सु खिजु अम दिलन तुकतु दी ताजु। उइसु इदु मी सु मुपेमु बेस घासु।

![](https://cdn.door43.org/obs/jpg/360px/obs-en-27-07.jpg)

"इदुकु नोगोन्दी अल्या ज्या होना सु ताकु लेवी इदु रोड रु राजु (लेवी यहूदियों कु ताकु जाती निजु खलन की मंदिर रु यहूदी पुजारी कु मदद घासु ) । इदु लेवी ले रोड कु खिजु र्खचु दी ताजु। इदु सू इदु मी जो मुताड़ंमु कु बेस घासु। "

![](https://cdn.door43.org/obs/jpg/360px/obs-en-27-08.jpg)

"खिजु मी जौ रोड रु राजु इदु सामरिया भाड़ं कु ताकु हुरासीरी निजु (सामरी अज्यु यहूदी ताकु खिजु सु रिस घा निजु द्ध ) इदु सामरी सु रोड रु इदु मी ताड़ंसु इदु सु ताडंसु की इदु यहूदी निजु , खलन फिर ले इदुसु इदु रु दलना सोयकांड़सु। इदु दरु दिसु अज्यु इदु कु घावो रु पटियॉ घुयलन। "

![](https://cdn.door43.org/obs/jpg/360px/obs-en-27-09.jpg)

इदु सामरी सु इदु मी जो अफी गधे रु तासु अज्यु इदु रोड सु ताकु यात्री कु सुड़ंमुजन रु कुरलन दिजु। इदोड़ं इदसु उड़ंमु ना सुड़ंचु।

![](https://cdn.door43.org/obs/jpg/360px/obs-en-27-10.jpg)

खिजु ज्या सामरी कु अफी यात्रा रु दीमु निजु। उइसु इदुजो मालिक जो अल्या जोड़ं दासु। इदु सु उइजो फासु घे उइ मी जो उड़ंमु। खलन कि अन्दु जोड़ं कु अलावा घुघु अल्या अज्यु जोड़ं र्खच लिजे वापस रालन र्खचु जी घेगु इदु र्खचा दाडंदी।

![](https://cdn.door43.org/obs/jpg/360px/obs-en-27-11.jpg)

इदु यीशु ने उइ धार्मिक नियम कु पेनु मी सु रुसु ,"घे खा खिसन? अन्दु सुम मीजन र्खचु खमी इदु मी कु सुखुड़ं निजु जो लूटलन अज्यु कमलन घासु ?" उइसु जवाब दासु ,"उई जौ इदु सोयकाड़ंसु घासु।" यीशु सु इदोजो लिसु , "घे दी अज्यु अमा ना घा।"

*लूका अध्याय 10:25.37 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_27_128kbps.m4a

## 28. ताकु जोड़ं मी अधिकारी।

https://openbiblestories.org/l/drd/story-28/

![](https://cdn.door43.org/obs/jpg/360px/obs-en-28-01.jpg)

ताकु ज्या , ताकु जोड़ं मी अधिकारी राजु सु यीशु कु लगान्दी रालन सु रुसु, हे जेनु गुरु खजारी था घिलो जीवन थोजमु हन्दु जीसु खा घामु चीड़ंनी ? यीशु सु इदोजो लिसु , " घे जीजो जेनु खलन लिदन ?केवल ताकु ही जेनु ली अज्यु इदु परमेश्‍वर ली। खलन की अन्दु घे खजारी था घिलो जीवन छिड़ंमु चिड़ंनी ते परमेश्‍वर कु नियम कु पालन घामु।"

![](https://cdn.door43.org/obs/jpg/360px/obs-en-28-02.jpg)

"जी खम खम कु आज्ञाओ कु पालन घामु चिड़ंनी ?" इदु सु रुसु। यीशु सु जवाब दासु , " अफी जिन्दगी सु मुसेयमु। यानु काड़ंथे मुघामू। यानु लन मुगामु। मुआलामु। अफी बा अज्यु मिना कु आदर घामु , अज्यु अफी सुखुड़ं जो अफी बराबर प्यार खीमु।"

![](https://cdn.door43.org/obs/jpg/360px/obs-en-28-03.jpg)

खलन की इदु जुयनु हुरासीरी सु लिसु," जी अफी मीलाड़ं सु ना जी बिर आज्ञा कु पालन घा निनि। जीजो जारीना हन्दु टाड़ंमु हन्दु जी सु थन खा घामु कु जरुरत निनि? यीशु सु उइजो उड़ांसु अज्यु उइसु जेनु खिसु।"

![](https://cdn.door43.org/obs/jpg/360px/obs-en-28-04.jpg)

यीशु सु जवाब दासु , थन घे जेनु लिम चिड़ंहन नीनी ते दिलन बिरछन राड़ंदया अज्यु इदु जोड़ं गरीबो जो दाघदा , अज्यु घे जो थो सु जोड़ं छुयाड़ं। तब रालन सु जीकु नोगोन्दी रानी।

![](https://cdn.door43.org/obs/jpg/360px/obs-en-28-05.jpg)

जौ यीशु सु लिसु जब इदु जिनु हुरासीरी सु यंनसु ते इदु दलना उदास कलजु , खलन कि इदु दलना जोड़ं नीनी अज्यु उइसु अफी बिर सम्पति जो दामु मुचिड़ं निजु। इदु र्खचु यीशु कु लगान्दी सु दी ताजु।

![](https://cdn.door43.org/obs/jpg/360px/obs-en-28-06.jpg)

ते यीशु सु अफी सेनु जौ लिसु परमेश्‍वर कु राज्य रु जोड़ं मीजन कु रामु नामुकिन कठिन ली। हॉ ताकु जोड़ं हुरासीरी कु परमेश्‍वर कु राज्य रु रालन की तुलना मे खिजु उॅट कु सुई कु टोटो सु दिलन दिमु आसान ली। ‘‘

![](https://cdn.door43.org/obs/jpg/360px/obs-en-28-07.jpg)

जो यीशु सु लिसु जब सेनु सु यनसु ते उइ हा किपडेंजु। उइसु लिसु अन्दु अनमा ली परमेश्‍वर खमी बचेड़ंदा ?

![](https://cdn.door43.org/obs/jpg/360px/obs-en-28-08.jpg)

यीशु सु चेलो रु उगसु अज्यु लिसु ,"मीजन हन्दु अफी कु उद्वार घामु मुश्किल नीनी। खलन परमेश्‍वर हन्दु खेरीले घामु मुश्किल मुनी।"

![](https://cdn.door43.org/obs/jpg/360px/obs-en-28-09.jpg)

पतरस सु यीशु जौ लिसु निड़ं चेले अफी बिर झन सिलन घेगु नोगोन्दी नीनी। ते जीकु इनाम खा लंयाड़ं।

![](https://cdn.door43.org/obs/jpg/360px/obs-en-28-10.jpg)

यीशु सु जवाब दासु , बिर ताकु जन खिजु सु जिकु कारण सुडंरु , पु ,अता ,बा, मीना ,संजयन या सम्पत्ति कु सिलन रा नीनी , उइ सु इदजो 100 रा गुना दलना छुयाड़ं अज्यु खजारी जीवन छुयाड़ं। खलन सु दलना सु जो तुकतू नीनी इदु नोगोन्दी लंयाड़ं , अज्यु दलना सु जो नोगोन्दी नीनी इदु तुकतू लंयाड़ं।

*मत्ती अध्याय 19:16.30; मरकुस 10:17.31; लूका 18:18.30 से ताकु बाइबल की कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_28_128kbps.m4a

## 29. स्योमुकाड़ं ढाड़ंमी कु कथा।

https://openbiblestories.org/l/drd/story-29/

![](https://cdn.door43.org/obs/jpg/360px/obs-en-29-01.jpg)

ताकु ज्या ,पतरस सु यीशु जौ रुसु, "हे स्वामी ,जी अफी पु जो हुलाड़ं बार माफ चिड़ंनी जब उइसु जीकु खिलाफ पाप घा निचु? खा 7 जेयदु बार होना ?" यीशु सु लिसु , " 7 जेयदु बार महा , खलन कि 7 जेयदु कु 70 टुकसा ची गुना।" अन्दु कु द्वारा यीशु कु मतलब ली कि तुकतू र्खचुना माफ घामु चिडंनी। ते यीशु सु अन्दु कथा बतेसु।

![](https://cdn.door43.org/obs/jpg/360px/obs-en-29-02.jpg)

यीशु सु लिसु परमेश्‍वर कु राज्य ताकु अनमा राजा कु बराबर लि जो अफी ढाड़ंमी सु हिसाब किताब घामु लागेसु। इदुकु ताकु ढाड़ंमी दलना कर्ज रु निजु जो 2,00,000 नीसु फा हिंड़ं होना लन घामु बराबर निजु।

![](https://cdn.door43.org/obs/jpg/360px/obs-en-29-03.jpg)

खलन इदु ढाड़ंमी अफी कर्ज दामु मुतरसु , इदु हन्दु राजा सु लिसु , " अन्दु कु कर्ज चुकेमु हन्दु अन्दु हुरासीरी जो अज्यु अन्दु कु खु जो गुलाम कु रुप रु राड़ंसु।"

![](https://cdn.door43.org/obs/jpg/360px/obs-en-29-04.jpg)

इदु ढाड़ंमी सु राजा कु लगान्दी अफी पुकटो रु लेलन सु लिसु , खलन कि अल्या रुड़ंजुम पड़ंयाड़ं ,अज्यु जी अफी कर्ज दलना जोड़ं दाड़ंदा। राजा सु ढाड़ंमी रु सोयोकाडंलन , इदु हन्दु उइसु इदुकु बिर कर्ज माफ किघादुसु अज्यु उइजो दिमु दासु।

![](https://cdn.door43.org/obs/jpg/360px/obs-en-29-05.jpg)

खलन जो इदु ढाड़ंमी राजा कु लगान्दी सु भाड़ंरु दिसु , ते इदुसु उइजो ताकु साथु ढाड़ंमी छिइसु जो इदकु 4 पी हिड़ं कु लन घानु मी कर्जदार निजु। इदु ढाड़ंमी सु अफी साथु ढाड़ंमी कु कुचुमसु अज्यु लिसु , घेघु योरतो जिकु कर्ज निनि जी दाड़ंदा।

![](https://cdn.door43.org/obs/jpg/360px/obs-en-29-06.jpg)

इदुकु साथु ढाड़ंमी सु उइजो पुकटो रु लेलन सु लिसु , खलन कि अल्या रुड़ंजुम पड़ंयाड़ं ,अज्यु जी अफी कर्ज दलना जोड़ं दाड़ंदा। खलन की अन्दु कु बजाय इदु ढाड़ंमी सु अफी साथु ढाड़ंमी कु जेल रु पांडंदुसु जब होना सु उइसु इदु कर्ज मुदाड़ंदा ते जेल रु सुड़ंयाड़ं।

![](https://cdn.door43.org/obs/jpg/360px/obs-en-29-07.jpg)

जो खे ले लिजु इदु खिजु ढाड़ंमी सु ताड़ंसु अज्यु उइसु दलना परेषान लिजु। इदु राजा कु लगान्दी दरु दिजु ताकु इदु सु बिर बतेसु।

![](https://cdn.door43.org/obs/jpg/360px/obs-en-29-08.jpg)

राजा सु इदु ढाड़ंमी कु हुलेन रेसु लिसु हे यानु ढाड़ंमी। जिसु घेघु कर्ज कु इदु हन्दु माफ घादियो की खलन की घे सु जिजो विनती घानसू। घे ले इदमना माफ घामु चिड़ंनी निजु। राजा अलाड़ं रिस रु निजु कि इदसु इदु यानु ढाड़ंमी ये जेलखाना रु कुपाड़ं दीसु जब होना इदु अफी बीर कर्ज मुदाड़ंदा।

![](https://cdn.door43.org/obs/jpg/360px/obs-en-29-09.jpg)

जब यीशु सु लिसु , " जिकु भा जो थो रु निनि घेजो माफ मुघाड़ंदा घे अफी नुनु जो अफी सिसो सु माफ मुघाड़ंदा।"

*मत्ती अध्याय 18:21.35 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_29_128kbps.m4a

## 30. यीशु 5000 ना सा फा मीजन कु छेगु दाड़ंदा।

https://openbiblestories.org/l/drd/story-30/

![](https://cdn.door43.org/obs/jpg/360px/obs-en-30-01.jpg)

यीशु सु अफी खास चेले कु प्रचार घामु अज्यु मीजन जो परमेश्‍वर कु ज्ञान दामु हन्दु पाड़ंसु दलना सु खीजु - खीजु गॉव पाड़ंसु। जब इदु इदोड़ं र्खचु थोकते राजे इदोड़ं यीशु निजु ते उइसु उइजो बतेसु कि उइसु खा घा निजु। ते यीशु सु उइ झील कु खिजु भंड़ं उइकु साथु ताकु शान्त जगह रु दिलन अल्या ज्या नेसमु हन्दु हुइसु। इदु ताकु नाव रु सुयडंन दिसु अज्यु झील कु खीजु भाड़ं रु ताजु।

![](https://cdn.door43.org/obs/jpg/360px/obs-en-30-02.jpg)

खलन कि इदोड़ं दलना सु अनमा मी निजु उइसु यीशु अज्यु चेले नाव दिमु तांडसु। अन्दु मीजन उइजो तुकतु झील कु खीजु भांड़ं रु दिमु हन्दु झील कु थमरु - थमरु फुडंसू। जब यीशु अज्यु चेले होनसु ते मीजन कु ताकु पुनु भीड़ उइकु कुरुनजी निजु।

![](https://cdn.door43.org/obs/jpg/360px/obs-en-30-03.jpg)

इदु भीड़ रु भुदाचुमे अज्यु सजंयन जो मुरुमु निजु 5000 ना साफा दलना हुरासीरी निजु। यीशु सु उई मीजन रु दलना तरस काड़ंसु। इदु मीजन यीशु कु हन्दु अनमा मला घुबरी रोनु मुनी निजु। खलन इदुसु यीशु परमेश्‍वर कु ज्ञान दासु अज्यु इदुकु घुन्दा रु जो मीजन काड़ंनु निनि उइजो जेनु घासु।

![](https://cdn.door43.org/obs/jpg/360px/obs-en-30-04.jpg)

मुन्छु वक्त चेलो सु यीशु जो लिसु थन ढिल कलजु अज्यु तुकतू लगान्दी रु घबरी ले भाड़ं रु मुनिजु। अन्दु मीजन जो पाड़ंसु की खलन उई दिलन झामु हन्दु खेरी रेलन जालो।

![](https://cdn.door43.org/obs/jpg/360px/obs-en-30-05.jpg)

ताकचा यीशु सु चेले जो लिसु ,घे उइजो झामु हन्दु खेरी दा, उइसु जवाब दासु निड़ं अनुमा घुम घा तेरसन ? जीकु लगान्दी नाही रोठा निनि अज्यु निसु न्या निनि।

![](https://cdn.door43.org/obs/jpg/360px/obs-en-30-06.jpg)

यीशु सु अफी चेलो जो लिसु कि उइ भीड़ कु मीजन ची रु पचास - पचास कु बराबर रु सुयमु हन्दु लिसु।

![](https://cdn.door43.org/obs/jpg/360px/obs-en-30-07.jpg)

तब यीशु सु 5 नाही रोठा अज्यु 2 निसु न्या कुरलन थो रु उड़ंसु अज्यु उदु जाती कुरलन परमेश्‍वर जौ धन्यवाद घासु।

![](https://cdn.door43.org/obs/jpg/360px/obs-en-30-08.jpg)

इदो सु यीशु सु रोठा अज्यु न्या कु टुकड़ा घाल छायासु। उइसु मीजन दामु हन्दु अफी चेले कु इदु टुकड़ा दादसु। चेले इदु झाती कु छुजलन निजु अज्यु इदु खजायारी खत्म मुलिजु। इदु बिर मी झालन मजा राजु।

![](https://cdn.door43.org/obs/jpg/360px/obs-en-30-09.jpg)

उदु नोगोन्दी चेले सु झाती ज कनेजी निजु इदु जा मुनिजु अज्यु चने 12 टोकरी रु तामु हन्दु जमा घासु। इदु बिर झाती उदु 5 नाही रोठा अज्यु 2 निसु न्या सु रा निजु।

*मत्ती अध्याय 14:13.21; मरकुस 6:31.44; लूका 9:10.17; यूहन्ना 6:5.15 से कथा बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_30_128kbps.m4a

## 31. यीशु ती रु घमजी नीजु।

https://openbiblestories.org/l/drd/story-31/

![](https://cdn.door43.org/obs/jpg/360px/obs-en-31-01.jpg)

5000 ना साफा मीजन कु झाती जामु कु नोगोन्दी , यीशु सु अफी चेले जो नाव रु दिमु हन्दु लिसु उइसु उइजो झील कु खीजु भांड़ं रु दीमु हन्दु लिसु खलन की इदु अल्या ज्या कु हन्दु इदोड़ंना किसुयजु। खलन चेले दिसु अज्यु यीशु सु भीड़ जो विदा घासु की उई अफी सुड़ंरु दिलो। इदु कु नोगोन्दी यीशु सु प्रार्थना घामु हन्दु ताकु धाड़ंरु ताजु इदोड़ं इदु तामिना निजु अज्यु इदुसु ढिल मन्छु होना प्रार्थना घासु।

![](https://cdn.door43.org/obs/jpg/360px/obs-en-31-02.jpg)

इदु ज्या सेनु अफी नाव ती रु दी नीजु , खलन कि हुई उइकु खिलाफ दलना जोर सु पोलन रा निजु। दलना मुन्छु लीलन सु ले उइ झील कु घुन्दा रु दी नीजु।

![](https://cdn.door43.org/obs/jpg/360px/obs-en-31-03.jpg)

इदु ज्या रु यीशु सु प्रार्थना घालन किसु अज्यु अफी चेले कु दरो दिसु। इदु नाव कु लगान्दी दिमु हन्दु ती कु योरतो घमजी लागेसु।

![](https://cdn.door43.org/obs/jpg/360px/obs-en-31-04.jpg)

ते चेले सु इदु दलना किजरजु खलन की उइसु सोचीसु की इदु भूत नीनी। यीशु पे निजु कि उइ किजरजु इदु हन्दु उइसु उइजो हरतेलन सु लिसु कि मुझरमु अन्दु जी ना ली।

![](https://cdn.door43.org/obs/jpg/360px/obs-en-31-05.jpg)

ते पतरस सु यीशु जो लिसु ," हे प्रभु , घे लिजे ते जी ती रु दीम कु आज्ञा दा। "यीशु ने पतरस सु लिसु , "यो।

![](https://cdn.door43.org/obs/jpg/360px/obs-en-31-06.jpg)

पतरस नाव सु यो पिराजु अज्यु यीशु कु लगान्दी दिमु कु हन्दु ती कु यरतो सु राजु। खलन अल्या होनम दिलन इदसु यीशु जो उड़ंमु किसीजुसु अज्यु यंगती छरती उड़ंसु अज्यु दलना हुई रामु शुरु कलजु।

![](https://cdn.door43.org/obs/jpg/360px/obs-en-31-07.jpg)

ते पतरस किजरजु अज्यु ती रु डूब निजु। इदु ढासीनीजु," हे प्रभु जी ये बचे।" यीशु सु इतम ज्या ला तुकतू घालन इदु कुचमसु। ते उइसु पतरस जो लिसु " घेगु विश्‍वाश दलना अल्या निजु ! जी घे बचेड़ंदी घे सु जी रु भरोसा खलन मुघासु ?"

![](https://cdn.door43.org/obs/jpg/360px/obs-en-31-08.jpg)

ते यीशु अज्यु पतरस नाव रु दिसु , अज्यु हुइ रानु बंद कलजु ती शान्त कलजु। चेले सु हाकिपड़े निजु यीशु कु लगान्दी पुकटो कितासु। उइसु कुपेसु अज्यु इदसु लिसु हुचानासू घे परमेश्‍वर कु सेनु ली।

*मत्ती अध्याय 14:22.33; मरकुस 6:45.52; यूहन्ना 6:16.21 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_31_128kbps.m4a

## 32. यीशु सु अशुद्ध लेमे मीजन नीजु इदरु अज्यु ताकु काड़ंनु भुदाचुमे जेनु घासु।

https://openbiblestories.org/l/drd/story-32/

![](https://cdn.door43.org/obs/jpg/360px/obs-en-32-01.jpg)

यीशु अज्यु इदकु चेले अफी नाव सु उइ थाड़ंरु दिजु गिरासेनी मीजन सुयड़ंमु निजु। इदु थाड़ंरु खर्चु होलन नाव सु यु पिराजु।

![](https://cdn.door43.org/obs/jpg/360px/obs-en-32-02.jpg)

इदोघ ताकु मीजन निजु जो अशुद्ध लेमे सु कुचम निजु।

![](https://cdn.door43.org/obs/jpg/360px/obs-en-32-03.jpg)

अन्दु मी अलाड़ं ताकत निजु कि खमरी ले इदु चुम मुतर निजु। हुलाड़ं जो ना मी जन सु उइकु ला अज्यु लिगे जंजीर सु घुयलन सु छाटोना किछायादुसु।

![](https://cdn.door43.org/obs/jpg/360px/obs-en-32-04.jpg)

इदु मीजन इदु थमरु कब्रों रु सुयड़ंमु निजु। अन्दु मी भुड़ंना नुन्छु अज्यु भुड़ंना मुन्छु ढासीजु। इदु घे मुचूकसी निजु अज्यु अक्सर अफी उंड़ं सु कमसु घायल घाघदा।

![](https://cdn.door43.org/obs/jpg/360px/obs-en-32-05.jpg)

इदु मीजन घुयलन यीशु दरु राजु अज्यु इदकु लगान्दी पुकटो कितासु। ते यीशु सु इदु मी जो भुदरु कु अशुद्ध लेमे जो काड़ंथे घासु ,अज्यु लिसु अन्दु मी सु भाड़ंरु दी लीसु !

![](https://cdn.door43.org/obs/jpg/360px/obs-en-32-06.jpg)

इदु अशुद्ध लेमे पुनु सु ढा निजु ,है यीशु पुनु परमेश्‍वर कु सेनु , घेगु जी रगसा खा लन निनि ? जी विनती घादी जी था सेतया। ते यीशु जो इदु अशुद्ध लेमे जो रुसु घेगु मुड़ं खा ली ? इदुसु जवाब दासु , ‘‘जीकु मुड़ं सेना ली , खलन निगं दलना नीनी ‘‘ ,, ;रोमी सेना रु हुलाड़ंना हजार कु सैनिक कु ताकु समुह निजु ,,इदु समुह जो सेना लीदा।

![](https://cdn.door43.org/obs/jpg/360px/obs-en-32-07.jpg)

उई पापी लेमे सु यीशु जो विनती घासु अमा घालन सु निड़ं अन्दु भाड़ं खर्चु भाडंरु मुपाडंमु। इदु कु लगान्दी कु दागंरु सुअरों कु ताकु भिड़ रो निजु। खलन कि अन्दु अशुद्ध आत्मा कु यीशु सु विनती घासु निड़ं इदु सुअरों दरो पडंदया। यीशु सु लिसु ठिक निनि इदुरु दरो दिलो।

![](https://cdn.door43.org/obs/jpg/360px/obs-en-32-08.jpg)

खलन अशुद्ध आत्मा उदु मी जो दिलन र्खचु सूअरों दरो ताजु। इदु सूअर भुड़ंलन र्खचु ताकु मिनु थाड़ं रु सु झील रु कुलाड़ंसीजु ती रु डुबलन पुड़ंजु। उदु भीड़ रु लगभग 2000 ना साफा सूअर निजु।

![](https://cdn.door43.org/obs/jpg/360px/obs-en-32-09.jpg)

इदु रु उइ सूअरों कु उड़ंमु हन्दु मी निजु। जो ले लिजु जब उइसु ताड़ंसु ते उइ भाड़ं फुड़ंलन दिजु। यीशु सु जो ले घासु इदोड़ं उइसु बिरजो लिसु उदु भाड़ं सु मीजन पिरानिजु अज्यु इदु मी सु ताड़ंसु इदरु अशुद्ध लेमे निजु उइ शान्ति सु घे चुकसीमु हन्दु अज्यु ताकु जेनु मी कु मा घरतु फामू हन्दु कसुड़ं निजु।

![](https://cdn.door43.org/obs/jpg/360px/obs-en-32-10.jpg)

उई मीजन दलना किजयर निजु अज्यु उइसु यीशु जो दिमु हन्दु लिसु। खलन यीशु नाव रु कुसयड़ं निजु। इदु मी खिजरु अशुद्ध लेमे निजु। इदु सु यीशु कु साथु दिमु हन्दु विनती घासु।

![](https://cdn.door43.org/obs/jpg/360px/obs-en-32-11.jpg)

इदु हन्दु यीशु सु इदोजो लिसु ,महा। जी खीही कि घे सुड़ंरु दिलन बिरजो बतेसु कि परमेश्‍वर सु घे हन्दु खा घासु। उइजो बतेसु कि हुमा परमेश्‍वर सु घे रु सोयकाड़ंसु काड़ंसु।

![](https://cdn.door43.org/obs/jpg/360px/obs-en-32-12.jpg)

इदु हन्दु उइ मी ता निजु अज्यु बिर जो अन्दु बारी रु बतेसु जो यीशु सु इदु हन्दु घासु की उइकु कथा यनु जन भिर ताकु मीजन हाकिपेड़े निजु।

![](https://cdn.door43.org/obs/jpg/360px/obs-en-32-13.jpg)

यीशु झील कु खीजु भाड़ं थोकते राजु। इदु कु दरु होनसु कु नोगोन्दी ताकु पुनु भीड़ उकु तुकतू नोगोन्दी थुमसीजु अज्यु लीगी सु ताड़ंसु। इदु भीड़ रु ताकु भुदाचुमे निजु जो 12 चत हिग सु सी बोनु कु काडनु़ं निजु। इदुसु अफी कु भीर जोड़ं डाक्टर जो दासु खलन की इदुजो जेनु मुघातयाड़ं खलन इदुकु रोग अज्यु दलना कलचु।

![](https://cdn.door43.org/obs/jpg/360px/obs-en-32-14.jpg)

इदु सु यनसु की यीशु सु हुलाड़ं ना काडंनु मीजन जेनु घासु अज्यु इदसु सोचसु जी विश्‍वाश निही की अनमा जी ताकचो यीशु कु घे दमाड़ंदी ते जी ले जेनु लयाड़ं ही इदु हन्दु इदु यीशु कु नोगोन्दी सु राजु अज्यु इदुकु घे किदमसु गुमरी ले इदुसु उइकु कुदमसु सी बहनु बंद कलजु।

![](https://cdn.door43.org/obs/jpg/360px/obs-en-32-15.jpg)

खलन की यीशु सु किपेसु कि इदरु र्खचु शक्ति पिराजु। इदु हन्दु इदु सु नोगोन्दी फन्दे सु रुसु जी खमसु दमसु ,चेले सु जवाब दासु ,दो अलाड़ं मी जन सु गेघु पी भंड़ सु भीड़ की ले गी निजु अज्यु घे दर निजु। ते घेसु खलन रुसु कि जी खमसु दुमसू ली ?

![](https://cdn.door43.org/obs/jpg/360px/obs-en-32-16.jpg)

इदु भुदाचुमे यीशु कु लगान्दी ढिड़ंलन अज्यु दलना किज्यर निजु अफी पुकटो रु कुसड़ंजु। ते इदुसु इदोजो बतेसु कि इदुसु खा घासु। अज्यु अनमा ले लिसु कि इदु जेनु कलजु ली इदुजो लिसु घेगु विश्‍वाश सु झी झेनु घासु। शान्ति सु दी।

*मत्ती अध्याय 8:28.34; 9:20.22; मरकुस 5:1.20; 5:24इ.34; लूका 8:26.39; 8:42इ.48 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_32_128kbps.m4a

## 33. ताकु किसान कु कथा।

https://openbiblestories.org/l/drd/story-33/

![](https://cdn.door43.org/obs/jpg/360px/obs-en-33-01.jpg)

ताकु ज्या यीशु झील कु थमरु पिरा निजु। उइ मीजन सु ताकु दलना पुनु भीड़ को ज्ञान दा निजु। उइसु यनसु हन्दु अलाड़ं दलना मी रायड़ं की यीशु दरु बिर जो काड़ंथे घामु हन्दु भांड़ं मुनिजु। इदु हन्दु इदु ती रु नेलन नाव रु कुसयंजु। इदोड़ं इदु सु कुसयंजु अज्यु मी जन सु ज्ञान दासु।

![](https://cdn.door43.org/obs/jpg/360px/obs-en-33-02.jpg)

यीशु सु उइजो अन्दु कथा बतेसु ," ताकु मी री हीबनु पिजे फिमु हन्दु भाड़ंरु दिसु। जब इदोसु ला सु पिजे फी नीजु ते अल्या पिजे अम रु थेसु ते खलन की प्या रालन सु बीर पीजे किजासु ।"

![](https://cdn.door43.org/obs/jpg/360px/obs-en-33-03.jpg)

खीजु पीजे उड़ंवाला भाड़ं रु किदेसु जो भांड़ं सा अल्या निनि। उड़ं कु थाड़ंरु लेलन पीजे अज्यु इदु छटोना पेयालन राजु। खलन की जड़ थाड़ंरु भुदरु दिमु रु योग्य मुलिजु। जब लंकर राजु अज्यु छेलन सु पौधे ना कछरजु अज्यु पुड़ं निजु।

![](https://cdn.door43.org/obs/jpg/360px/obs-en-33-04.jpg)

इदु खिजु पिजे जेरा कु गुन्दा रु लेलो पीजे सु पुनु लिलन राजु। खलन की चुय सु की ताड़ं निजु इदु पिजे सु जो चुय दरो भाड़ं सु इदुसु खे री ले फल मुराजु।

![](https://cdn.door43.org/obs/jpg/360px/obs-en-33-05.jpg)

खीजु पीजे जेनु थाड़ंरु लेलो। इदु पीजे बुड़ंलो अज्यु हुलाडंरी पीजे हिपनसु इदुसु 30 नासा सुमसा गुना ,60 टुकसा गुना , अज्यु 100 रा गुना गेरा लिजु। खमरीले परमेश्‍वर कु नोगोन्दी दीमु चिड़ंनी इदु काड़ंथे रु ध्यान घा जो जिसु ली नीनी।

![](https://cdn.door43.org/obs/jpg/360px/obs-en-33-06.jpg)

इदु कथा चेले समझ मुराजु। अन्दु हन्दु यीशु सु समजेसु ,,इदु पीजे परमेश्‍वर कु वचन सु इदु अम ताकु अनुमा मी निनि जो परमेश्‍वर कु काड़ंथे यन निजु। खलन इदु मुपे निजु। ते शीनु इदु मी कु लगान्दी सु वचन खुयलन कुरसु। शीनु इदु मी जो वचन समज मुदा निजु।

![](https://cdn.door43.org/obs/jpg/360px/obs-en-33-07.jpg)

इदु उड़ं वाला भाड़ं मी निनि। जो परमेश्‍वर कु वचन काडथे यन निजु अज्यु अन्दु कु साथु इदु स्वीकार किघा निजु खलन की जब मुश्किल ज्या रानी ते जब खिजु मी उइजो सतेमु निनी ,इदु परमेश्‍वर जो सीलन ता निजु। इदु परमेश्‍वर रु भरोसा घामु बंद किघादुसु।

![](https://cdn.door43.org/obs/jpg/360px/obs-en-33-08.jpg)

इदु चुय भाड़ं रु अनमा मी नीनी जो परमेश्‍वर कु काड़ंथे यनदा। इदु दलना बीर कांडंथे कु बारी रु चिन्ता घामु किलागी निनि। अज्यु दलना जोड़ कमेमु खि निजु। अज्यु दलना चीज ताडमु चिड़ं निजु। अल्या ज्या कु नोगोन्दी थन इदु परमेश्‍वर कु जेनु खिमु सिदड़ंदा। इदु हन्दु जौ इदुसु परमेश्‍वर कु वचन यनदा इदु इदु परमेश्‍वर कु खुश घामु मुखिनिजु निजु। इदु रिजे कु सिड़ं कु मा गरतु निजु जो खमरीले गेरा मुहिब निजु।

![](https://cdn.door43.org/obs/jpg/360px/obs-en-33-09.jpg)

परन्तु जेनु भाड़ं रु इदु मी निनि जो परमेश्‍वर कु वचन काड़ंथे यन्दा नीनी , इदरु विश्‍वाश घानिजु , अज्यु फल ढुड़ंसु।

*मत्ती अध्याय 13:1.8, 18.23; मरकुस 4:1.8, 13.20; लूका 8:4.15 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_33_128kbps.m4a

## 34. यीशु खिजु कथा कु ज्ञान दा निजु।

https://openbiblestories.org/l/drd/story-34/

![](https://cdn.door43.org/obs/jpg/360px/obs-en-34-01.jpg)

यीशु सु परमेश्‍वर कु राज्य कु बारी रु खिजु दलना कथा यनसु। इदु हन्दु इदु सु लेसु परमेश्‍वर कु राज्य ताकु राई कु पिजे मा गरतु निजु खिजु बिर अफी रेरु की हिपतजु। घे पेदन की राई कु पिजे बिर पिजे रु बिजयड़ं मिनु लिनी ली।

![](https://cdn.door43.org/obs/jpg/360px/obs-en-34-02.jpg)

खलन जब राई कु पिजे पुनु लिलन सु इदु बगीचे कु बिर सिड़ं रु बिजयड़ं पुनु लिनी ,अलाड़ं प्या रालन इदु ढाली रु आराम घा निजु।

![](https://cdn.door43.org/obs/jpg/360px/obs-en-34-03.jpg)

यीशु सु ताकु खिजु कथा बतेसु "परमेश्‍वर कु राज्य सीरनु रोठा कु बराबर नीनी गुबरी ले ताकु भुदाचुमे ही कु दुदसु इदु बिर किफीसु निजु।"

![](https://cdn.door43.org/obs/jpg/360px/obs-en-34-04.jpg)

थो लोग कु राज्य इदु खजाना कु बराबर निजु घुबरे ले रेरु किचादिसु। घुबरी खिजु मी इदु खजाना कुताड़ंसु अज्यु इदसु इदु ताड़ंमु कु दलना इछा निजु। खलन इदुसु थन सु खजाना किचायादुसु। इदु कुढोजु अलाड़ं कुभो निजु कि इदसु दिलन अफी कु बिरछन किराड़ंदीसु खलन इदु रे जो तरसयड़ं जो भाड़ रु खजाना निजु।

![](https://cdn.door43.org/obs/jpg/360px/obs-en-34-05.jpg)

थो लोग कु राज्य ताकु दलना अकरो साफ मोती कु बराबर निजु। जब खिजु मोतियो कु व्यापार उदु छुयड़ं ते उसी तुं़मु हन्दु विरछन किराड़ं दिसु।

![](https://cdn.door43.org/obs/jpg/360px/obs-en-34-06.jpg)

इदुघ अल्या मीजन सोचे निजु कि परमेश्‍वर इदजो खलन थो रु रामु खलन की जेनु लन घा निजु। अन्दु मीजन अनमा मिजन यानी मी खी निजु इदु जेनु लन मुघा निजु। इदु यीशु सु उदु कथा बतेसु निसु हुरासीरी निजु अज्यु निसुरी प्रार्थना घामु हन्दु मंन्दिर रु दिसु। इदु सु ताकु टेक्स जोड़ं कुरनु मी निजु , अज्यु खिजु ताकु यहूदी धार्मिक प्रधान मी निजु।

![](https://cdn.door43.org/obs/jpg/360px/obs-en-34-07.jpg)

इदु यहूदी धार्मिक प्रधान मी इदु खर्च सु प्रार्थना घासु ,हे परमेश्‍वर घेघु धन्यवाद ली कि जी खिजु मिजन कु बराबर अनमा ,घुबरी कि गुण्डा ,ढगेमु मी ,यानु मी, अज्यु टेक्स जोड़ं कुरमु मी बराबर जी महा ली जी पापी मी मुनि।

![](https://cdn.door43.org/obs/jpg/360px/obs-en-34-08.jpg)

घुम घालन जी बिर हप्ता रु निसु बार बरत तादी अज्यु जी छीसु थोजनु जोड़ं अज्यु सामान कु ची हिस्सा घे जो दादी।

![](https://cdn.door43.org/obs/jpg/360px/obs-en-34-09.jpg)

खलन टेक्स जोड़ं कुरमु मी इदु यहूदी धार्मिक प्रधान सु दलना हानम निजु। उइसु यरतो थो लोग रु अज्यु मि ले थो मुगासु। अन्दु कु मा गरतु इदुसु अफी मुठी सु सिसोयो रु कमसु अज्यु प्रार्थना घासु ,हे परमेश्‍वर विनती घानी जी रु सोयकाड़ंयाड़ं खलन की जी ताकु पापी नीनी।

![](https://cdn.door43.org/obs/jpg/360px/obs-en-34-10.jpg)

इदु यीशु सु लिसु ,जी घेजो हुचना लिदी ,परमेश्‍वर सु टेक्स जोड़ं कुरमु मी कु प्रार्थना यनसु अज्यु उसी धर्मी मानेजु। खलन इदु यहूदी र्धामिक प्रधान कु प्रार्थना जेनु मुखिसु। परमेश्‍वर बिर ताकु घमंड कु पिसा यु घासु , परमेश्‍वर बिर जन कु आदर घालो जो अुफी जेनु घा निजु।

*मत्ती अध्याय 13:31.33, 44.46; मरकुस 4:30.32; लूका 13:18.21; 18:9.14 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_34_128kbps.m4a

## 35. सोयकाड़ंनु बा कु कथा।

https://openbiblestories.org/l/drd/story-35/

![](https://cdn.door43.org/obs/jpg/360px/obs-en-35-01.jpg)

ताकु ज्या ,यीशु इदु दलना मीजन जो ज्ञान दा निजु जो उदकु यनुसु नीनी थुमसीजु। मी जन टेक्स जोड़ं कुरमु मी अज्यु साथु रु खिजु मिजन निजु उइसु मूसा कु नियम मुमाने निजु।

![](https://cdn.door43.org/obs/jpg/360px/obs-en-35-02.jpg)

अल्या यहूदी धार्मिक प्रधान सु ताड़ंसु की यीशु अन्दु मिजन कु रकसा अनमा फासु कि अनमा साथु काड़ंथे घा निजु। इदु हन्दु ताकु खिजु सु अनमा लिमु शुरु किघादुसु इदु यानु घा निजु। यीशु सु कांड़ंथे घामु यनसु इदु हन्दु उइसु उइजो अनमा कथा बतेसु।

![](https://cdn.door43.org/obs/jpg/360px/obs-en-35-03.jpg)

ताकु मी निजु इदकु निसु सेनु निजु। मिनु सेनु सु अफी बा से लिसु हे बा जी जो इता जिघु हिस्सा चिड़ंनी। खलन बा कु अफी निसु सेनु जो अफी सम्पत्ति किदाड़ंदसु।

![](https://cdn.door43.org/obs/jpg/360px/obs-en-35-04.jpg)

छाटोना मिनु सेनु अफी बिरझन कुरलन सु खिजु देश रु ताचु अज्यु पापी जीवन टाड़ंमु अफी बिर जोड़ं खत्म किघादुसु।

![](https://cdn.door43.org/obs/jpg/360px/obs-en-35-05.jpg)

इदुकु नोगोन्दी जो भांड़ं मिनी सीरी निजु उसी देश रु ताकु भजयाड़ं अकाल कलनिजु ,अज्यु इदु कु लगान्दी राषन तुमु हन्दु जौड़ं मुनिजु। इदु हन्दु इदोजो लन छुझु इदु सूअर रो निजु। हुलाड़ं दुख अज्यु किफीनु निजु इदु सुअर कु झाती जामु चिड़ं निजु।

![](https://cdn.door43.org/obs/jpg/360px/obs-en-35-06.jpg)

"हुलाड़ं र्खचु इदु मिनु सीरी अफी ज लिसु ,जी खा घामु 'जिघु बा कु बिर ढाड़ंमी कु दरो जामु हन्दु दलना निनि ,फिर ले जी दोयो फिलन नीनी। जी अफी बा लगान्दी थोकते दी अज्यु अफी बा जो ताकु ढाड़ंमी बनेमु हन्दु इदजो विनती घाघदी।"'

![](https://cdn.door43.org/obs/jpg/360px/obs-en-35-07.jpg)

इता मिनु सीरी थोकते सु अफी बा कु सुड़ंरु धीमु हन्दु दी निजु। इदु अल्या हानम निजु ,इदु कु बा जो इदु ताड़ंसु अज्यु इदुरु सोयो कयाड़ं। इदु घुयलन सु अफी सीरी दरो दिजु अज्यु इदु गले लगेसु।

![](https://cdn.door43.org/obs/jpg/360px/obs-en-35-08.jpg)

इदु सीरी सु लिसु हे बा जिसु परमेश्‍वर अज्यु घेघु खिलाफ पाप घाय निजु। जी घेघु सीरी लिमु कु जरुरत मुनि।

![](https://cdn.door43.org/obs/jpg/360px/obs-en-35-09.jpg)

खलन बा सु अफी ताकु ढोड़ंमी घानु ज छाटो दिलन भिजायाड़ं जेनु घे कुरलन योनी अज्यु जिघु सीरी चुकसिमु ,,इदकु उंगली रु अंगूठी अज्यु इदकु लिगी रु पोला चुक सिदीनी। इता बिरजो जेनु पाठो सेयमु ताकी निड़ं झाजे अज्यु जेनु खिमु ,खलन की जिगु सीरी पुड़ं निजु खलन थन टाड़ंमु निनि। इदु कोहे निजु ,खलन इदु निड़ं कुताड़ंसु।

![](https://cdn.door43.org/obs/jpg/360px/obs-en-35-10.jpg)

इदु हन्दु मीजन खुषी मनेमु शुरु घासु। अल्या ज्या लीमु कु नोगोन्दी रु पुनू सेनु रे रु लन घालन सुड़ंरु राजु उईसु बेरा अज्यु ढीमु यनसु अज्यु हैरान लिजु कि दो खा लि निजु।

![](https://cdn.door43.org/obs/jpg/360px/obs-en-35-11.jpg)

ते पुनु सीरी सी पेयसु कि इदु हन्दु खुशी मने निजु खलन कि उइकु नुनु सुड़ंरु पिरानिजु ते इदु दलना रिस पिरा निजु अज्यु सुडंरु भुदरु दिमु मिलिजु। इदुकु बा सु भाड़ंरु रालन इदुसु उइकु साथु खुशी घामु कु विनती घासु ,परन्तु उइसु महा लिसु।

![](https://cdn.door43.org/obs/jpg/360px/obs-en-35-12.jpg)

इदु पुनु सीरी सु अफी बा जो लिसु , अन्दु भिर हिडं रु जीसु घे हन्दु जेनु सीसो सु लन घायो खजयारी ले घेगु काड़ंथे महा मुलीयो खलन घेसु खजयारी झीजो ताकु मिनु पाठो ले मुदानसु खलन जी अफी साथु कु रकसा झाती जानी खलन घेघु अन्दु सीरी सु घेघु जोड़ं पापी लन रु र्खचु घासु अज्यु थन जब इदु राजु ते खुशी मानमु कु गेसु भजायाड़ं पुनु कुली कु सेदीसु।

![](https://cdn.door43.org/obs/jpg/360px/obs-en-35-13.jpg)

बा सु जवाब दासु ,जिकु सीरी घे तुकतू र्खचु जीकु साथु ली अज्यु जो अल्या जिकु ली इदु बिर घेघु ली। खलन निड़ं हन्दु खुशी मनेमु जेनु ली खलन कि घेघु पु पुड़ं निजु , खलन थन टाड़ंमु निनि। इदु कोहे निजु ,खलन इदु निड़ं कुताड़ंसु।

*लूका अध्याय 15:11.32 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_35_128kbps.m4a

## 36. यीशु मसीह जो रुप खिमु

https://openbiblestories.org/l/drd/story-36/

![](https://cdn.door43.org/obs/jpg/360px/obs-en-36-01.jpg)

ताकु ज्या यीशु सु अफी सुम चेले ,पतरस ,याकुब,अज्यु यूह़न्ना कु अफी साथु रु कुरलन दिजु (अन्दु यूहन्ना मुड़ं कु चेला इदु मी महा खिजु यीशु जो शुद्ध ढुबकि दा निजु) प्रार्थना घामु हन्दु ताकु पुनु थाड़ंरु दिसु।

![](https://cdn.door43.org/obs/jpg/360px/obs-en-36-02.jpg)

जब यीशु प्रार्थना घा निजु ते इदु कु होमी नी कु गरतु ढो निजु। इदकु घे ढोनु सु सीनु कलजु। खलन धरती रु खमरी ले मी इदसु दलना सीनु मुघा तरयाड़ं।

![](https://cdn.door43.org/obs/jpg/360px/obs-en-36-03.jpg)

ते मूसा अज्यु एलिययाह भविष्य पेनु मी प्रकट लिजु। अन्दु हुरासीरी अन्दु धरती रु अन्दु ज्या हुलाडं ना हिड़ं तुकतू सुडमुं निजु। इदसु यीशु जो इदकु सिजीमु कु काडंथे घा निजु खलन की उसी छाटो ना यरुशलेम रु सीजायाड़ं।

![](https://cdn.door43.org/obs/jpg/360px/obs-en-36-04.jpg)

जब मूसा अज्यु एलिययाह यीशु जो काड़ंथे घा निजु तब पतरस सु यीशु जो लिसु निड़ं हन्दु दो लिमु जेनु ली। नीड़ं सुम ढाड़ंसु घामु , ताकु घे हन्दु ताकु मुसा कु हन्दु अज्यु ताकु एलिययाह कु हन्दु। परन्तु पतरस मुपे निजु कि इदु खा लिनिजु।

![](https://cdn.door43.org/obs/jpg/360px/obs-en-36-05.jpg)

ते पतरस काड़ंथे घा निजु ते, ताकु सीनु खु इदु दरो पिराजु। बीर खु खर्चु रानु यनसु। इदुसु लिसु अन्दु जिकु सीरी ली जी| इदु जेनु खिही," जी इदोजो खुश निही। उइकु यना।" उइ सुम सेनु किजयरजु अज्यु थाडंरु किपाकसीजु।

![](https://cdn.door43.org/obs/jpg/360px/obs-en-36-06.jpg)

तब यीशु सु उई दमसू अज्यु लिसु मुजरमु थु रिजन। जब उइसु पी बिर भांड़ं उड़ंसु , ते ताकुना निनि इदोड़ं निजु केवल यीशु निजु।

![](https://cdn.door43.org/obs/jpg/360px/obs-en-36-07.jpg)

यीशु अज्यु उई सुम चेले इदु दाड़ंरु सु थोकते यु राजु। तब यीशु सु उइजो लिसु इता जो दो लिजु उइकु अफवा खमजो मुलिमु। जी इतम ज्या सिजायड़ंही अज्यु फिरसु टाडांही। इदुकु नोगोन्दी घनी मीजन जो बतेमु।

*मत्ती अध्याय 17:1.9; मरकुस 9:2.8; लूका 9:28.36 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_36_128kbps.m4a

## 37. यीशु लाज़र कु सिजलाड़ं खर्चु टाड़ंमु कलजु।

https://openbiblestories.org/l/drd/story-37/

![](https://cdn.door43.org/obs/jpg/360px/obs-en-37-01.jpg)

लाज़र मुड़ं कु ताकु मी निजु। इदकु निसु रीड़ंस्या निजु इदकु मुड़ं मरियम अज्यु मार्था निजु। इदु बिर यीशु कु जेनु साथु निजु ताकु ज्या गुबरी ले यीशु जो बतेसु कि लाज़र दलना काड़ं निजु। जब यीशु सु अनमा यनसु ते इदु सु लिसु अन्दु काड़ंमु ते लाज़र कु साथु मुगियाड़ं अन्दु कु बजाय अन्दु मीजन कु परमेश्‍वर कु आदर घामु सीखेसु।

![](https://cdn.door43.org/obs/jpg/360px/obs-en-37-02.jpg)

यीशु अफी साथी जो झेनु खी निजु ,परन्तु जो भाड़ं उई निजु इदु सु निसु ज्या होना कुरुड़ंसी निजु। इदु निसु ज्या कु नोगोन्दी इदसु अफी चेले जो लिसु योनी थोकते यहूदिया प्रदेश छम दिनिया। चेले सु जवाब दासू परन्तु हे गुरु ,इता अल्या ही तुकतु इदोग जो मीजन घे सेदम चीड़ं निजु। यीसु सु लिसु निघु साथु लाज़र कियानी अज्यु जी इदु रुमनि।

![](https://cdn.door43.org/obs/jpg/360px/obs-en-37-03.jpg)

यीशु कु चेले सु जवाब दासु हे प्रभु ,अन्दु लाज़र कियानि ते इदु जेनु लयाड़ं। तब यीशु सु हुचाना लिदीसु लाज़र पुड़ं निजु। जी खुश निही कि जी इदोड़ं मुनिजु खलन घे जिजो रु विश्‍वाश घा तरसन।

![](https://cdn.door43.org/obs/jpg/360px/obs-en-37-04.jpg)

जब यीशु लाज़र कु सुखुड़ं होनसु ते लाज़र सिजम 4 पी ज्या कल निजु। मार्था यीशु जो छिमु हन्दु भाड़ंरु राजु लिसु , हे प्रभु इता घे दो लिजे जिकु पु मुसिजी। खलन जी विश्‍वाश घादी कि जो अल्या ले घे परमेश्‍वर जो थोजयनजे इदु घे दाड़ंदा।

![](https://cdn.door43.org/obs/jpg/360px/obs-en-37-05.jpg)

यीशु सु जवाब दासु ,"पुनरुत्थान( सिजलाड़ं मी खर्चु टाड़ंमु रामु) अज्यु जीवन जी ली। जो ले जीकु विश्‍वाश घादा ते इदु सिजलायाड़ं ते इदु टाड़ंयाड़। खमरीले जीकु विश्‍वाश घादा इदु खजायारी मुसिझायड़ं। खा घे इदरु विश्‍वाश घादन ?" मार्था सु जवाब दासु , " हे प्रभु जी घेरु विश्‍वाश घादी कि घे परमेश्‍वर कु सीरी मसीह ली। "

![](https://cdn.door43.org/obs/jpg/360px/obs-en-37-06.jpg)

ते मरियम राजु। इदु सु कु लीगरु लेलन सू लिसु ,‘‘ हे प्रभु घे धो लिजो ते जिकु पु मूसिजीली। यीशु जो इदुसु रुस , घेसु लाज़र कु हुदी तासु ? उइसु इदोजो बतेसु क्रब रु। यो अज्यु उड़ां। इलाड़ं बकत यीशु तीमु लगसु।

![](https://cdn.door43.org/obs/jpg/360px/obs-en-37-07.jpg)

इदु क्रब ताकु फु निजु। खमरी ताकु पुनु उड़ं किचाड़ं निजु। जब यीशु क्रब रु होनसू उइसु उइजो लिजु उड़ं तिगाड़ं घादाया लिसु। खलन मार्था सु लिसु इदु सिजमु 4 पी ज्या कलजु इदरु र्खचु ला निजु।

![](https://cdn.door43.org/obs/jpg/360px/obs-en-37-08.jpg)

यीशु सु जवाब दासु , खा जिसु मिलोयो कि इता घे झी रु विश्‍वाश घाजे ते घा तरजेय परमेश्‍वर कु शक्ति कु तडागदन ? इदु हन्दु उइसु उड़ं तीगाड़ं किघादिसु।

![](https://cdn.door43.org/obs/jpg/360px/obs-en-37-09.jpg)

तब यीशु सु योरतो थोलोक चन्दु उड़ंसु लिसु , हे भा जीकु यन हन्दु जी घेगु धन्यवाद घादी। जी पेदी कि घे तुकतू र्खचु जिकु यनदन, खलन जिसु अनमा दो रु नेलन अन्दु विर मी जन कु मदद घामु हन्दु लिसु खलन की अन्दु विश्‍वाश घालो कि घेसु जी पाड़ंसु ली। तब यीशु सु हरतेसु हे लाज़र बाड़ंरु यो।

![](https://cdn.door43.org/obs/jpg/360px/obs-en-37-10.jpg)

लाज़र भाड़ंरु राजु इदु इता ले क्रब किपाकसीदी निजु। यीशु सु इदोजो लिसु अन्दु कफन कु थेमु रु इदकु साथु घामु अज्यु आजाद घानी। अन्दु चमत्कार कु हन्दु दलना सु यहूदियो जन सु यीशु रु विश्‍वाश घासु।

![](https://cdn.door43.org/obs/jpg/360px/obs-en-37-11.jpg)

खलन यहूदियो कु यहूदि धार्मिक प्रधान मी यीशु जो रिस घानिजु , इदु हन्दु उई ढिलन सु घालन हन्दु ताकु साथु थुमसीजु कि घुम यीशु अज्यु लाज़र कु सेदमु चिड़ंनी।

*यूहन्ना 11:1.46 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_37_128kbps.m4a

## 38. यीशु जो धोखा सु चुमसीजु।

https://openbiblestories.org/l/drd/story-38/

![](https://cdn.door43.org/obs/jpg/360px/obs-en-38-01.jpg)

हर हिड़ं यहूदी जन फसह कु त्यार मने निजु। इदु त्यार इदु खुशी रु मने निजु जब परमेश्‍वर सु हुलाड़ं हिड़ं होना उइकु हुयनु मी मिस्त्र देश कु गुलाम सु थेयसु।। लगभग 3 सुम हिड़ं कु नोगोन्दी यीशु सु मीजन कु घुन्दा रु प्रचार घामु अज्यु परमेश्‍वर कु ज्ञान शुरु घासु। यीशु सु अफी चेले जो बतेसु कि इदु उइकु साथु यरुशलेम रु फसह कु त्योर कु मनेमु चिड़ं निजु अज्यु अनमा ली लीदी इदु यरुशलेम रु सेयमु चिड़ं निजु।

![](https://cdn.door43.org/obs/jpg/360px/obs-en-38-02.jpg)

हर हिड़ं यहूदी जन फसह कु त्यार मने निजु। इदु त्यार इदु खुशी रु मने निजु जब परमेश्‍वर सु हुलाड़ं हिड़ं होना उइकु हुयनु मी मिस्त्र देश कु गुलाम सु थेयसु।। लगभग 3 सुम हिड़ं कु नोगोन्दी यीशु सु मीजन कु घुन्दा रु प्रचार घामु अज्यु परमेश्‍वर कु ज्ञान शुरु घासु। यीशु सु अफी चेले जो बतेसु कि इदु उइकु साथु यरुशलेम रु फसह कु त्योर कु मनेमु चिड़ं निजु अज्यु अनमा ली लीदी इदु यरुशलेम रु सेयमु चिड़ं निजु।

![](https://cdn.door43.org/obs/jpg/360px/obs-en-38-03.jpg)

यहूदी पुनु पुजारी सु लिसु रु यहूदी प्रधान सु यीशु चुमू हन्दु यहूदा कु 30 नासा सुमसा मुल कु ढोलर दासु अन्दु अनमा सु घुमरी भविष्य पेनु सु लि निजु। यहूदा किमानेजु अज्यु झोड़ं कुरलन ताजु। इदु यीशु कु चुमू हन्दु उइकु मदद घामु कु घुबरी मोका मासिजु निजु।

![](https://cdn.door43.org/obs/jpg/360px/obs-en-38-04.jpg)

यरुशलेम रु यीशु सु अफी चेले कु साथु फसह कु त्यार मनेसु। फसह कु झाती हन्दु यीशु सु रोठा कुरलन छायासु। इदसु लिसु अन्दु कुरा अज्यु झा। अन्दु जिकु गुराड़ ली जो ले जी घनी हन्दु दादी। अन्दु जीकु ची घामु हन्दु। अनमा घालन यीशु सु लिसु कि इदु उइकु हन्दु सीझायाड़ अन्दु उइकु हन्दु उई अफी गुराड़ं कु बलि दाड़ंदा।

![](https://cdn.door43.org/obs/jpg/360px/obs-en-38-05.jpg)

इदु नोगोन्दी यीशु सु ताकु अंगुर कु रस कुरचु अज्यु लिसु अन्दु तुड़नी। अन्दु नुनु वाचा कु जीकु सी ली , जो कि जी भोदाडंदी खलन परमेश्‍वर घनी कु पाप जो माफ घाड़ंदा। लगातार ना अन्दु तुड़ंलन बकत जीकु ची रु अन्दु घामु जो जी इता घा नीनी।

![](https://cdn.door43.org/obs/jpg/360px/obs-en-38-06.jpg)

जब यीशु सु अफी चेले जो लिसु , घनी र्खचु ताकु ले जी चुमही फुड़ंजे चेले हा किपड़ंजु , अज्यु रुमु किलागी निजु कि खमी अनमा लन घाड़ंदा यीशु सु लिसु जिकु चुमसीनु झन मी इदु ली खमरी ले अन्दु पेलछो रोठा दासु। इदसु रोठा यहूदा जो दासु।

![](https://cdn.door43.org/obs/jpg/360px/obs-en-38-07.jpg)

अन्दु रोठा कु कुरमु कु नोगोन्दी यहूदा रु शीनु पिराजु यहूदा दीलन सु यीशु चुमसु हन्दु यहूदी प्रधान कु मदद घामु हन्दु दिसु। मुछु कु बकत निजु।

![](https://cdn.door43.org/obs/jpg/360px/obs-en-38-08.jpg)

अज्यु इदकु सीरी जैतून कु दाड़ंरु ताजु। यीशु सु लिसु घनी बीर झन मुन्छु झी सीदाड़ंदा , अनमा किरी नीनी , जी चरवाह कमाड़ंदी अज्यु बिर माला तितर बितर लयाड़ं।

![](https://cdn.door43.org/obs/jpg/360px/obs-en-38-09.jpg)

पतरस सु जवाब दासु खलन की बीरझन घे सीदीजे ते जी मुसीयाड़ंदी। तब यीशु सु पतरस जो लिसु शीनु घनी बिर जो कुरमू नीनी खलन हे पतरस , जीसु घे हन्दु प्रार्थना घायो की विश्‍वाश सु महा लेयड़ंदा। फिर ले थीया कु मुन्छु , रोनु प्या फामु ज्या तुकतू घे सुम बार महा लयाड़ं कि घे मुपेनियो।

![](https://cdn.door43.org/obs/jpg/360px/obs-en-38-10.jpg)

पतरस सु जब यीशु जो लिसु खलन की जी सीजयाड़ं ते जी खजयारी ले महा मुलयाड़ंदी बाकी बीर चेले सु अनमाना लिसु।

![](https://cdn.door43.org/obs/jpg/360px/obs-en-38-11.jpg)

तब यीशु अफी चेले कु साथु गतसमनी मुड़ं कु भड़ रु दिसु। यीशु सु अफी चेले जो प्रार्थना घामु हन्दु लिसु शीनु उइकु परीक्षा ना घालो। यीशु इलाड़ं बकत अफी प्रार्थना घाम हन्दु दी नीचु।

![](https://cdn.door43.org/obs/jpg/360px/obs-en-38-12.jpg)

यीशु सु सुम जो प्रार्थना घासु ,हे जीकु भा अलाड़ं ठिक लिजे जीरु कृपा घालन अन्दु दुःख कु कोटोरा तुड़ंमु हन्दु जी मुदामू। खलन अलाड़ं मी कु पाप माफ घामु कु हन्दु घुबरीले भंड़ं मुनी लीजे। घेघु ले इच्छा पुरो लयाड़ं। यीशु दलना आतास रु निजु अज्यु इदकु छेती सी कु बुद कु बराबर निजु। इदु शक्ति दामु कु हन्दु परमेश्‍वर सु ताकु थो लोग मी पाड़ंसु।

![](https://cdn.door43.org/obs/jpg/360px/obs-en-38-13.jpg)

तुकतू र्खचु प्रार्थना कु नोगोन्दी यीशु अफी चेले कु लगान्दी थोकते राजु खलन कि उइ कियानिजु। जब यीशु सुम बार थोकते राजु ते यीशु सु लीसु रीजनी जी चुमनू मी दो निनि।

![](https://cdn.door43.org/obs/jpg/360px/obs-en-38-14.jpg)

यहूदी प्रधान ,सैना ,अज्यु ताकु पुनू भीड़ कु साथु यहूदा राजु। उइसु तलवार अज्यु लाठि कुरलन दिसु। यहूदा सु यीशु कु लगान्दी रालन इदजो लिसु हे गुरु जेनु नीनी अज्यु इदु हु घासु। इदसु चुमलन कुरलन दिमु मी जो यहूदी प्रधान रु प्रकट घामु हन्दु अनमा घासु। तब यीशु सु लिसु हे यहूदा खा घे ताकु हु सु जी चुमलन हन्दु घादन ?

![](https://cdn.door43.org/obs/jpg/360px/obs-en-38-15.jpg)

जब इदु सैना यीशु कु चुम निजु ते पतरस सु अफी तलवार थेलन अज्यु यहूदी पुनु पुजारी कु ताकु सेवा घानू कु रजू किचेदिसु। यीशु सु लिसु तलवार होनम घा जी अफी श जो जीकु टाकमु घामु कु हन्दु थो लोग कु ताकु सैना हन्दु विनती घा तरसायाड़ं। खलन जी भा कु काड़ंथे मानमु ली तब यीशु सु इदु मी कु रजु झेनु घादुसु। तब बीर चेले फुड़ंलन ताजु।

*मत्ती 26:14.56; मरकुस 14:10.50; लूका 22:1.53; यूहन्ना 12:6; 18:1.11 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_38_128kbps.m4a

## 39. यीशु रु कैष किचेली निजु।

https://openbiblestories.org/l/drd/story-39/

![](https://cdn.door43.org/obs/jpg/360px/obs-en-39-01.jpg)

थन अन्दु प्यल मुनछु कु बकत निजु। उइ सैना यीशु कु यहूदी पुनु पुजारी कु सुड़ंरु रेलन दीसु। खलन की यीशु सू रुमु चिड़ंनिजु। पतरस हानम खर्चु नोगोन्दी दी निजु। जब सेना यीशु ज सुड़ंरु कुरलन दिसु, ते पतरस भाडरु कुरसीजु अफी मि लागेसु।

![](https://cdn.door43.org/obs/jpg/360px/obs-en-39-02.jpg)

सुड़ंरु कु भुतरु यहूदी प्रधान मी सु यीशु रु कैश चलेसु। उइसु इदु खिलाफ आलानु काड़ंथे फामु हन्दु दलना आलानु गवाही रेलन राजु। तकचा उइकु काड़ंथे ताकु खिचु रु मेलमुनिजु इदु हन्दु यहूदी प्रधान अनमा साबित मुघा तरसु कि इदु खीजु काड़ंथे कु गलती निजु यीशु सु खेरी ले मुलिसु।

![](https://cdn.door43.org/obs/jpg/360px/obs-en-39-03.jpg)

यहूदी पुनु पुजारी सु यीशु कु उड़ं सु लिसु निड़ं बते सु खा घे ना टाड़ंनु परमेश्‍वर कु सेनु मसीह ली?

![](https://cdn.door43.org/obs/jpg/360px/obs-en-39-04.jpg)

यीशु सु लिसु जी ली , परमेश्‍वर कु साथु जी नीही अज्यु थो लोग सु रानु ले ताड़ंागदन। यहूदी पुनु पुजारी सु अफी घे पेयलन खलन कि जो यीशु सु लिसु इदु काड़ंथे रु दलना रिस किघानिजु। इदु खिजु प्राधनो रु ढासीनिजु ,निड़ं अनमा बतेमु हन्दु खमरी अज्यु बतेमु कु जरुरत मुनि ली कि अन्दु मी सु खा घासु ली। घनसु ,अफी उइसु सु अनमा लिजु यन निजु ली इदु परमेश्‍वर कु सेनु ली। इदकु बारी रु खा घनिकु खा विचार निनि ?

![](https://cdn.door43.org/obs/jpg/360px/obs-en-39-05.jpg)

बिर यहूदी प्रथान सु यहूदी पुनु पुजारी जो जवाब दासु। इदु सीजमु ना निनि तब उइसु यीशु कु मी रु पट्टी गुइदुसु। इदसु खुती थुपतीजु, इदु कमसु , अज्यु इदकु मजाक घासु।

![](https://cdn.door43.org/obs/jpg/360px/obs-en-39-06.jpg)

अज्यु पतरस ,जब इदु चिम कु भाड़ंरु कुरुसीनिजु। इलाड़ं बकत ताकु गुलाम चुमे सु इदु ताड़ंसु। इदु सु उइजो लिसु घे ले यीशु कु रकसा नीनी। पतरस सु महा लि लिलन किलेदीसु। नोगोन्दी खिजु चुमे सु इदु काड़ंथे लिसु , अज्यु पतरस सु थन महा लिलन किलेसु। अंत रु अल्या मीजन सु लिसु निड़ं पेदन ली कि घे यीशु कु रकसा नीनी खलन कि घनी निसु गलील कु नीनी।

![](https://cdn.door43.org/obs/jpg/360px/obs-en-39-07.jpg)

तब पतरस सु लिसु खलन कि जी अन्दु मीजन पेदी ली ते परमेश्‍वर झिजो श्राप दालो ,छटोना सु पतरस कु अनमा घालन कसम झामु कु नोगोन्दी ताकु प्या सु हरतेसु। यीशु सु नोगोन्दी उड़ंलन पतरस कु ताड़ंसु।

![](https://cdn.door43.org/obs/jpg/360px/obs-en-39-08.jpg)

पतरस इदोड़ं सु ताजु अज्यु दलना ती निजु। इलाड़ं बकत यीशु कु चुमनू जन यहूदा सु ताड़ंसु कि यहूदी प्रधान सु यीशु कु सिजम कु दंड दासु। यहूदा दलना उदास कल निजु अज्यु दिलन अफी कु सेदिसु।

![](https://cdn.door43.org/obs/jpg/360px/obs-en-39-09.jpg)

थन इदु देश कु राज्यपाल पिलातुस निजु। इदु रोम हन्दु लन घा निजु। यहूदी प्रधान यीशु कु इदु कु लगान्दी रेलन राजु। इदु चिड़ंनिजु कि पिलातुस इदु सिजम कु दंड दालो अज्यु इदु सेदमु ली। तब पिलातुस सु यीशु जो रुसु ,खा घे यहूदियो कु राजा ली?

![](https://cdn.door43.org/obs/jpg/360px/obs-en-39-10.jpg)

ते हुचना खा ली ?यीशु सु जवाब दासु गेसु हुचना लिसु ली। खलन की जीकु राज्य इदु धरती कु महा ली। अन्दु लिजे ते झीकु गुलाम झी हन्दु दाक्स्याड़ं। झी धरती रु परमेश्‍वर कु बारी रु हुचना काडथे लिमु हन्दु रा नीजु। ताकु मी सु हुचना सु झेनु खिदा इदु जीकु यन्दा ली। पिलातुस सु लिसु

![](https://cdn.door43.org/obs/jpg/360px/obs-en-39-11.jpg)

यीशु कु साथु काड़ंथे घामु कु नोगोन्दी , पिलातुस भाड़ंरु भीड़ रु लगान्दी दिलन लिसु झी अनमा घुमरी कारण मु पेदी कि इदु मी सेदमु चिड़ंनी ली। यहूदी प्रधान अज्यु भीड़ सु ढासीलन लिसु इदु क्रुश रु टाड़ंदया पिलातुस सु जवाब दासु इदु अल्या ले यानु घामु कु अपराधी महा ली। खलन उइ अज्यु ले पुनु हर रु ढासीमु लागी सु। तब पिलातुस सु सुम बार लिसु इदु अपराधी महा ली।

![](https://cdn.door43.org/obs/jpg/360px/obs-en-39-12.jpg)

पिलातुस किजर निजु इदु भीड़ भाड़ं थकसुम शुरु घा नीनी निजु ,इदु हन्दु इदु अफी सैना जन कु रकसा यीशु कु क्रुश रु टादमू हन्दु लिसु। रोमी सैना सु यीशु जो कोड़े लगेसु अज्यु इदजो राजा कु गे चुकदीसु अज्यु इदकु पिस्या रु चुयू कु मुकुट घालन तासु तब अनमा लीलन उसु कु मजाक घामु लागुसु उडां यहूदियो कु राजा।

*मत्ती 26:57.27:26; मरकुस 14:53.15:15; लूका 22:54.23:25; यूहन्ना 18:12.19:16 से ताकु बाइबल की कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_39_128kbps.m4a

## 40. यीशु जो क्रुश रु किटाड़ं निजु।

https://openbiblestories.org/l/drd/story-40/

![](https://cdn.door43.org/obs/jpg/360px/obs-en-40-01.jpg)

यीशु कु मजाक घामु कु नोगोन्दी , सैना इदु क्रुश रु ताम हन्दु कुरलन दिसु। उइसु इदु क्रुश कु इदसु अनसु इदसु सिजायाड़ं।

![](https://cdn.door43.org/obs/jpg/360px/obs-en-40-02.jpg)

उई सैना यीशु कु इदु भड़ं रु रेलन राजु जो पिस्या लिदा। अज्यु इदकु ला अज्यु लिगी कु क्रुश रु किटादीसु खलन यीशु सु लिसु है भा अन्दु माफ घादया खलन कि अन्दु मुपेनिजु कि अन्दु खा घानिजु ली। उइसु 1 ताकु तख्ती रु इदकु पिस्या थु टादिसु इदरु किरी निजु यहूदा कु राजा। पिलातुस सु उइजो अनमा रिमु हन्दु किली निजु।

![](https://cdn.door43.org/obs/jpg/360px/obs-en-40-03.jpg)

तब सैना सु यीशु कु गे हन्दु चिट्ठि पाड़ंसु जब उइसु अनमा घासु ते उइसु सु इदु भविष्यवाणी जो पुरो घासु जो ली निजु उइसु जिकु घे ताकु खीजुरु कुछुदुसु अज्यु जिकु घे कु हन्दु चिट्ठि घासु।

![](https://cdn.door43.org/obs/jpg/360px/obs-en-40-04.jpg)

इदोड़ं निसु डाकू ले निजु , खमरी सैना सु इतम ज्या रु क्:स रु किडाड़ं निजु। उइसु उइकु यीशु कु निसरी चेन्दु तासु ली। इदरु सु ताकु डाकू सू यीशु कु मजाक घासु ,खलन कि खिजु सु लिसु खा घे मुजर निजु कि परमेश्‍वर घे जो सजा दाड़ंदा। निड़ं दलना सु यानु लन कु अपराधी निहेन खलन अन्दु मी निर्दोश ली। ते इदसु यीशु सु लिसु जब घे अफी राज्य रु राजे ते कृपा जी ची घामु। यीशु सु जवाब दासु थियाना घे जी रकसा थौ लोक रु लेयाड़ंहेन।

![](https://cdn.door43.org/obs/jpg/360px/obs-en-40-05.jpg)

यहूदी प्रधान अज्यु भीड़ कु खिजु मी जन सु यीशु कु मजाक उडे़सु। उइसु इदुजो लिसु अनमा घे परमेश्‍वर कु सिरी लिजे क्रुश सु यू रानी अज्यु अफी टाड़ां , घे तब निड़ं घेरु विश्‍वाश घादन।

![](https://cdn.door43.org/obs/jpg/360px/obs-en-40-06.jpg)

तब इदु दलना देश खु भुड़ंना घालन होमनु कलचु ,दलाड़ं वक्त नुकछु हुम्ड़ं कु वक्त निजु। अन्मा नुकछु जया होमनु कलजु अज्यु 3 सुम घंटा होना अनमा निजु।

![](https://cdn.door43.org/obs/jpg/360px/obs-en-40-07.jpg)

तब यीशु सु हरतेलन सु लिसु , पुरो लिजू हे भा जी अफी कु लेमे घेगु लारु दादी ली। तब इदु सु अफी कु पिस्या कु यु घासु अज्यु अफी जो सेदसु। तब इदु सियचु ते ताकु धरती लुक्सिजलन राजु। इदु पुनु पर्दा जो परमेश्‍वर कु इदोड़ं लिमु जो मीजन खिजु घा निजु , थो खर्चु यु पिलेन जु निसु भाग कल निजु।

![](https://cdn.door43.org/obs/jpg/360px/obs-en-40-08.jpg)

अफी सीजयाड़ं , वक्त यीशु सु मीजन हन्दु परमेश्‍वर कु दरु रामु कु अम कु खोल दिचु। जब यीशु सु उड़ंनु मी जन ताकु सैना सु जो खेले लिजु अन्दु बीर ताड़ंसु ते इदजो लिसु हुचना सु अनमा मी अपराधी मु निजु। अन्दु परमेश्‍वर कु सीरी ली।

![](https://cdn.door43.org/obs/jpg/360px/obs-en-40-09.jpg)

तब यूसुफ अज्यु नीकुदेमुस मुड़ं कु निसु यहूदी प्रधान राजु। उई विश्‍वाश घा निजु कि यीशु मसीह निजु। उइसु पिलातुस सु यीशु कु शरीर कु थोजिसु। उइसु इदकु शरीर घे रु किथमदिसु तब उसु ताकु दाड़ंरु सु खोयलन ठाड़ंसु कब्र कुरलन दिसु अज्यु इदकु भुदरु कितादिसु। तब उइसु इदु कब्र कु दारम बंद घामु कु हन्दु ताकु पुनु उड़ं किचाड़ं दिसु।

*मत्ती 27:27.61; मरकुस 15:16.47; लूका 23:26.56; यूहन्ना 19:17.42 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_40_128kbps.m4a

## 41. परमेश्‍वर यीशु सिजलाड़ं र्खचु टाड़ंलन घानी।

https://openbiblestories.org/l/drd/story-41/

![](https://cdn.door43.org/obs/jpg/360px/obs-en-41-01.jpg)

सैना हन्दु यीशु जो क्:स रु तामु कु नोगोन्दी यहूदी प्रधानो सु पिलातुस जो लिसु ,इदु अलानु यीशु सु लिसु कि उइ 3 सुम ज्या कु नोगोन्दी सिजीलाड़ं र्खचु टाड़ंलन रिजीयाड़। खमरी ले क्रब उड़ंमु पडीयाड़ं इदकु चेले इदकु गुराड़ं कु खुयलन मुकरुरमु , अनमा घाजे ते इदु कु चेले लयड़ंदा इदु सिजलाड़ं र्खचु टाड़ंलन थु रिजुसू।

![](https://cdn.door43.org/obs/jpg/360px/obs-en-41-02.jpg)

पिलातुस सु लिसु अल्या सैना कुरलन दिनी अज्यु घुमरी घा तरजे इदमा कब्र मीं ता। इदु हन्दु उइसु इदु कब्र रामु लागजू उड़ं रु ताकु मोहर लगेदुसू। इदोड़ं सैना ले सुयमू हन्दु किलेसु कि खमरीले गुराड़ं कुखुयलन मु तरस्याड़ं।

![](https://cdn.door43.org/obs/jpg/360px/obs-en-41-03.jpg)

यीशु कु सिजम कु नोगोन्दी कु ज्या यहूदी आराम (सब्त) कु ज्या निजु। खमरीले आराम कु ज्या ज्या लन घामु मुपडीयाड़ं ली इदु हन्दु यीशु कु खमरी ले साथु कब्र मुराजु। खलन आराम कु ज्या कु नोगोन्दी ज्या छाजु दलना नुकछु कु अल्या भुदाचुमे यीशु कु क्रब दिमु हन्दु कियाड़ंसी निजु। इदु कु गुराड़ं रु अज्यु ले मरती लगमु चिड़ं निजु।

![](https://cdn.door43.org/obs/jpg/360px/obs-en-41-04.jpg)

उदु भुदाचुमे होनमं तुकतू कब्र ताकु पुनु धरती लुकसीजु। थो लोक सु ताकु थो मीजन सु रालन इदु उड़ं ती किघादीजु। जो कब्र कु लगान्दी कु दारफा किखफसी निजु अज्यु इदरु किसुयजु अन्दु थो लोग छडंलाड़ं होना ढो निजु। कब्र रु जो सैना सु उइसु इदु ताड़ंसु उई उलाड़ं किजर निजु कि सिजम कु गरतु थाड़ंरु किलेजु।

![](https://cdn.door43.org/obs/jpg/360px/obs-en-41-05.jpg)

जब उदु भुदाचुमे कब्र रु होनसु ते इदु थो लोग सु इदोजो लिसु मुजरमु। यीशु दो मुनी ली इदु सिजलाड़ं खर्चु सु किटाडं नीनी खलन कि इदु सु लिसु कि इदु टाड़ंलन रिजियाड़ं कब्र मासीनी अज्यु उडां इदु भुदाचुमे सु कब्र भुतरु अज्यु बिर यीशु कु गुराड़ं किता निजु इदोड़ं मासीनी अज्यु ताड़सु कि इदकु गुराडं इदोड़ं मुनिजु।

![](https://cdn.door43.org/obs/jpg/360px/obs-en-41-06.jpg)

तब इदु थो लोग सु इदु भुदाचुमे सु लिसु ,दिलन इदु कु चेले ज बतेदा ,यीशु सिजलाड़ं र्खचु टाड़ंलन रिजुसु अज्यु इदु घनकु तुकतू तुकतू गलील कु धयाड़ं।

![](https://cdn.door43.org/obs/jpg/360px/obs-en-41-07.jpg)

उइ भुदाचुमे हा लेलन अज्यु दलना खुश लिजु। उइ चेले जो अनमा जेनु फुडं सुनेमु हन्दु फुड़ंलन दीसु।

![](https://cdn.door43.org/obs/jpg/360px/obs-en-41-08.jpg)

जब इदु भुदाचुमे चेले जो अनमा जेनु फुडं बतेमु हन्दु अफी अम रु निजु ,ते यीशु प्रकट रिजु। उइ इदु कु लिगी रु किगेजु। तब यीशु लिसु मुजरमु। दीलन जिकु चेले ज तुकतू गलील दिमु। उइ इदोग जी उड़ंदी।

*मत्ती 27:62.28:15; मरकुस 16:1.11; लूका 24:1.12; यूहन्ना 20:1.18 से ताकु बाइबल की कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_41_128kbps.m4a

## 42. यीशु थो रु दीनी।

https://openbiblestories.org/l/drd/story-42/

![](https://cdn.door43.org/obs/jpg/360px/obs-en-42-01.jpg)

घुबू ज्या परमेश्‍वर सु यीशु कु सिजीनिजु ते टाड़ंनु घासु , इदकु नीसु चेले लगान्दी कु सुखुड़ं दी निजु दीलन र्खचु इदु यीशु कु साथु जो लिजु इदु कु बारी रु काडंथे घा निजु इदजो यकीन निजु कि इदु मसीह निजु। खलन कि तब ले इदु किसेदिजु थन इदु भुदाचुमे लीदा कि दुबारा खर्चु किटाड़ंसु उइ मुपेनिजु कि घुबु काड़ंथे रु विश्‍वाश घामु ली।

![](https://cdn.door43.org/obs/jpg/360px/obs-en-42-02.jpg)

यीशु कु उइकु लगान्दी रालन उइकु साथु दिमु हन्दु घासु खलन इदु मुसीतरयो ताड़ंयो। इदसु रुसु कि उइ खमकु बारी काडंथे घा निजु। उइसु इदोजो तुकतू ज्या रु यीशु कु साथु लिइनु बीर घटना कु बारी रु बतेसु। उइसु सोचुसू कि उइ खमरी परदेशी जो काड़ंथे घा निजु। जो मुपेनिजु कि यरुशलेम रु खा लिजु ली

![](https://cdn.door43.org/obs/jpg/360px/obs-en-42-03.jpg)

तब यीशु सु उई समझेसु कि परमेश्‍वर कु वचन मसीह कु बारी रु खा लिसु खलन कि दलना नोगोन्दी भविष्य पेनु मी सु ली निजु कि यानु मीजन यीशु जो सतेसु अज्यु सेदमु। अज्यु अनमा ले लिसु कि इदु सुम ज्या रु रिझीयाड़ं।

![](https://cdn.door43.org/obs/jpg/360px/obs-en-42-04.jpg)

जब उइ इदु भाड़ं होनसु जो भंड़ं निसु मी सीड़ंमु चिड़ं निजु। तब होना मुन्छु कल निजु। उइसु यीशु जो उइकु साथु सुयमू हन्दु यो लिसु खलन इदु उइकु साथु ताकु सुड़ंरु दिसु। अफी मुन्छु कु झाती झामु हन्दु इदु कुसयड़ंजु। यीशु सु ताकु रोठा कु कुरलन इदु हन्दु परमेश्‍वर कु धन्यावाद घासु, अज्यु इदु छायासु। अचानक उइसु किपेसु कि इदु यीशु निजु। खलन कि इतमझाया इदु उइकु मी कु लगान्दी कुहेजु।

![](https://cdn.door43.org/obs/jpg/360px/obs-en-42-05.jpg)

इदु निसु मी सु ताकु खिजुजो लिसु इदु यीशु निजु। इदु हन्दु जब इदुसु नीड़ं परमेश्‍वर कु वचन कु समझेसु ते निड़ं दलना खुश निजु। खलन कि उई दिलन र्खचु थोकते यरुशलेम कु दिसु। जब उइ होनसु ते उइसु सीरी जो बतेसु यीशु टाडंना निनि निड़ं इदु ताड़ंसु ली।

![](https://cdn.door43.org/obs/jpg/360px/obs-en-42-06.jpg)

जब चेले काड़ंथे घा निजु , यीशु अचानक सु सुड़ंरु इदकु साथु प्रकट लिसु। इदुसु लिसु घे जो शान्ति छुयालो , चेले सोचुसू कि इदु घुबरी भुत निजु , खलन यीशु सु लिसु घनी खलन जरनी, ली घनी अनमा खलन मु मुसोचोनु अनम हुचाना लि जी यीशु ली ? झिकु ला लिगी कु उड़ंनी भुत कु माघरतु अनमा गुराड़ं मुनी लिदी घुबरी ले जिकु लगान्दी ली। अनमा थेमु हन्दु कि भुत मुनिजु इदुसु झामु कु हन्दु अल्या थोजिसु उइसु इदोजो न्या कु ताकु टुकड़ा दासु अज्यु इदसु झासु।

![](https://cdn.door43.org/obs/jpg/360px/obs-en-42-07.jpg)

यीशु सु लिसु जिकु बारी रु परमेश्‍वर कु वचन जो ली नीनी इदु पुरो कलजु। जीसु घनी कि बतेसु कि अनुजन कु लिम जोरुरी ली। तब यीशु सु उइजो परमेश्‍वर कु वचन झेनु सु समझेसु। इदसु लिसु दलना तुकतू भविष्य पेनु मी सु रिसु कि जि मसीह कु दुख अनमु पडियाड़ं सिजिमु पडियाड़ं अज्यु सु सुमझाया सिजलाड़ं र्खचु टाड़ंलन रिजम पडियाड़ं।

![](https://cdn.door43.org/obs/jpg/360px/obs-en-42-08.jpg)

इदु भविष्य पेनु मी सु अनमा लिसु की जीकु चेले परमेश्‍वर कु वचन कु बतेड़ंदा। इदु बिर ताकु कु पक्षताप घामु हन्दु बतेड़ंदा। खलन की इदु अनमा लिजे परमेश्‍वर इदु कु पाप माफ घाघदा। जिकु चेले फुड़ं कु प्रचार घामु यरुशलेम शुरु घाघदन। तब अुइ बिर श्ग बिर जाती रु दंयाड़ं। घनी जन जिकु बिर ताकु काड़ंथे अज्यु लन कु गवाह लीलो जिसु लियो अज्यु घायो अज्यु इदु बिर काड़ंथे जिकु साथु लिजु।

![](https://cdn.door43.org/obs/jpg/360px/obs-en-42-09.jpg)

खिजु 40 पिसा ज्या होना ,यीशु अफी चेले रु हुलाडं प्रकट लिजु। ताकु बार ते उसु ताकु ज्या रु 500 नाइ रा सु ज्याडं दल मी रु प्रकट लिजु। इदु सु अफी चेले रु हुलाडं तरीका सु साबित घासु इदु टाडंना घासु ,अज्यु इदुसु उइकु परमेश्‍वर कु राज्य कु बारी मे ज्ञान दासु।

![](https://cdn.door43.org/obs/jpg/360px/obs-en-42-10.jpg)

यीशु सु अफी चेले सु लिसु ,परमेश्‍वर सु झिझो थो लोग अज्यु संसार कु बिर ताकु जन रु राज घामु कु अधिकार दासु। इदु हन्दु थन जी घनीजो लिदी की दिलन बिर जाति कु मिजन जो चेलो बनेमु। अनमा घामु कु हन्दु घनिजो उइकु भा ,सीरी अज्यु शु़द्व लिमे कु मुघं सु शुद्ध ढुबकि दामु लि। जो अल्या ले जिसु घनिजो आज्ञा दा नीनी बिर काडंथे मनेमु ले घनी उइ सिखेमु ली। चि घामु जि नोगोन्दी होना सु घनी रकसा सुयाडंसी।

![](https://cdn.door43.org/obs/jpg/360px/obs-en-42-11.jpg)

यीशु कु सिजलडं खर्चु टाड़ंनु 40 पिसा ज्या कु नोगोन्दी ,इदु सु अफी चेले जो लिसु जब होना सु जिकु भा घनी ताकत मुदाडंदा तब होना यरुशलेम रु सियमु। उइ घनी रु शुद्ध लेमु पाड़ंमु कु हन्दु अनमा घाघदा। तब यीशु थो लोग रु ताजु। अज्यु ताकु खु सु इदु उइकु मीरु किचाहिजु। थो लोग यीशु बिर चीज रु राज घामु परमेश्‍वर कु दाहिनी रु कुस्यड़ंजु।

*मत्ती 28:16.20; मरकुस 16:12.20; लूका 24:13.53; यूहन्ना 20:19.23;। बजे 1:1.11 ताकु से बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_42_128kbps.m4a

## 43. कलीसिया कु शुरु लिजु।

https://openbiblestories.org/l/drd/story-43/

![](https://cdn.door43.org/obs/jpg/360px/obs-en-43-01.jpg)

यीशु कु थो लोग धोकते कु नोगोन्दी चेले यरुशलेम रु सिडंजु घुबरी ले यीशु सु उइजो घामु कु आज्ञा दा निजु। इदाडं ज विश्‍वाश जन लगातार ताकु साथु रु प्रार्थना घामु हन्दु थुमसी निजु।

![](https://cdn.door43.org/obs/jpg/360px/obs-en-43-02.jpg)

अल्या हिडं ,फसह कु त्योर कु 50 नासा ज्या कु नोगोन्दी ,यहूदी मी पिन्तेकुस्त मुडं कु ताकु खास ज्या रु मने निजु। पिन्तेकुस्त इदु ज्या निजु जब यहूदी मीजन रिजे झपमु घामु चिडं निजु। दलना संसार रु यहूदी जन पिन्तेकुस्त कु ज्या कु साथ मनेमु हन्दु यरुशलेम रु राजु। अदु हिडं पिन्तेकुस्त मेनमु कु ज्या यीशु कु थो लोग धीमु कु लगभग ताकु हप्ता कु नोगोन्दी राजु।

![](https://cdn.door43.org/obs/jpg/360px/obs-en-43-03.jpg)

खिजु ज्या बिर विश्‍वाश मीजन ताकु साथ थुमसिलन निजु, इदु कु सुडंरु अचानक सु दलना हुइ कु हर सु कुथुसीजु। तब मी मा घरतु तडं निजु अल्या बिर विश्‍वाश पिस्या कु यरतो प्रकट लिजु। उइ बिर शुद्ध लेमे सु किभुड़ं निजु अज्यु उइसु खिजु भाषा परमेश्‍वर कु तारीफ घायो। इदु भाषा निजु खीजु फामु हन्दु उइकु शुद्ध लेमे सु लीमु कु शक्ति दासु।

![](https://cdn.door43.org/obs/jpg/360px/obs-en-43-04.jpg)

जब यरुशलेम रु सुयमुजन मी सु इदु होटे यनसु ,ते इदु भिड़ रु अनमा हन्दु ताकु रकसा राजु। की खा ली निजु। उइसु विश्‍वाशियो कु परमेश्‍वर साथु रु घायनु पुनु पुनु लन कु बतेसु यनसु। उइ हा किपड़े निजु। खलन कि उइकु लन कु अफी कु भाषा रु यन निजु। इदु बिर मीजन खीजु -खीजु भाषा फामु अज्यु खीजु देश रु सुड़ंमु नीनी।

![](https://cdn.door43.org/obs/jpg/360px/obs-en-43-05.jpg)

अन्दु सु अल्या मिजन जो लिसु कि इदु चेले नशा रु निजु। खलन पतरस कने निजु अज्यु इदजो फासु जिकु काड़ंथे यना अन्दु मीजन नशा रु मुनी। अन्दु कु नोगोन्दी जो घे ताडंदन इदु इदुनाली ले जो योएल भविष्य पेनु मी सु लिसु कि लयडं परमेश्‍वर सु लिसु अतः कु ज्या रु जी अफी लेमे अफी फाडंही।

![](https://cdn.door43.org/obs/jpg/360px/obs-en-43-06.jpg)

हे इस्राएली हुरासिरी , यीशु ताकु अनमा मी निजु कि खमरी सु अनमा थायमु कु हन्दु कि इदु खमी ले दलना सु जेनु लन किघा निजु। इदु परमेश्‍वर कु शक्ति सु दलना चमत्कार नीनी। घनी अनमा पे निजु कि खलन घनसु अन्दु लन ताकसु ले। खलन घनी सु इदु क्रुश किटादिसु।

![](https://cdn.door43.org/obs/jpg/360px/obs-en-43-07.jpg)

यीशु किसीसुजु खलन परमेश्‍वर सु इदु सीजालडं खर्चु टाडंमु किघादुसु। इदु कु काडंथे पुरो किघादुसु खिजु ताकु भविष्य पेनु मी सु रिसु कि घे अफी शुद्ध मीजन क्रब रु पक्सीनु मुघादंदा। निड़ं गवाह नीनी परमेश्‍वर यीशु ज दुबारा टाडंन किघादुसु।

![](https://cdn.door43.org/obs/jpg/360px/obs-en-43-08.jpg)

परमेश्‍वर बा सु थन यीशु कु अफी दाहिनी लगान्दी सुम ज्या सुड़ंलन इदु जो आदर घासु। अज्यु यीशु निडं हन्दु शुद्ध लेमु पाडंसु घुबरी ले इदसु प्रतिज्ञा घासु कि इदु पाडंदा। शुद्ध लेमे उइकु लन दाघंदा खमरी ले अुड़ं निजु अज्यु यन निजु।

![](https://cdn.door43.org/obs/jpg/360px/obs-en-43-09.jpg)

घनी सु इदु मी यीशु कु क्रुश रु टाड़ंसु। खलन की जैनु गालन पेया की परमेश्‍वर यीशु जो बीरजन रु प्रभु अज्यु मसीह बनेसु।

![](https://cdn.door43.org/obs/jpg/360px/obs-en-43-10.jpg)

पतरस कु यनु मीजन इदु कु लगान्दी कलेनु काडथे बुदरु होना कुढोड़ंजु। इदु हन्दु पतरस अज्यु चेले जो रुसु ,हे पु ,निडं खा घामु पडींयाड़ं।

![](https://cdn.door43.org/obs/jpg/360px/obs-en-43-11.jpg)

पतरस सु उइ सु जवाब दासु ,घनी र्खचु बिर ताकु अफी पाप हन्दु पक्षाताप घानी खलन परमेश्‍वर घनकु पाप माफ घालो,अज्यु यीशु मशीह कु मुडं ,शुद्ध ढुबकि दामु। तब उइ घनी वरदान कु रुप रु शुद्ध लेमे दाडंदा।

![](https://cdn.door43.org/obs/jpg/360px/obs-en-43-12.jpg)

पतरस सु ज लिसु इदरु लगभग 3000 सुम साफा मी जन सु विश्‍वाश घासु अज्यु यीशु कु चेले कलजु। उइसु ष्शुद्ध ढुबकि दासु अज्यु यरुषलेम रु विश्‍वाशीयो कु समुह इदु कलीसिया लीमु इदकु कलजु।

![](https://cdn.door43.org/obs/jpg/360px/obs-en-43-13.jpg)

जब खास चेले उइजो ज्ञान दासु विश्‍वाश घानु सु लगातार यनसु। उइ तुकतू खर्चु छीसी निजु अज्यु ताकु रकसा झाती जा निजु ,अज्यु उइसु ताकु खिजु हन्दु प्रार्थना घा निजु। उइ ढिलन सु परमेश्‍वर कु तारिफ घा निजु अज्यु जो अल्या ले उइकु साथ रु निजु उइकु ताकु खिजु कु साथु कुदुदिसु। सुखुडं कु बिर ताकु मी उइकु हन्दु जेनु काड़ंथे घा निजु। ज्या री दल सु दल मी विश्‍वाशी किबने निजु।

*प्रेरितों के काम 2 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_43_128kbps.m4a

## 44. पतरस अज्यु यूहन्ना ताकु थोजनु जेनु घासु।

https://openbiblestories.org/l/drd/story-44/

![](https://cdn.door43.org/obs/jpg/360px/obs-en-44-01.jpg)

ताकु ज्या पतरस अज्यु यूहन्ना मंदिर रु दिसु। ताकु ढुणो मी थोजुनू मी दारफा रु कुसडंजु निजु।

![](https://cdn.door43.org/obs/jpg/360px/obs-en-44-02.jpg)

पतरस सु इदु ढुणो मी कु लगान्दी उडसु ,अज्यु लिसु जिकु लगान्दी जी दामु हन्दु जुड़ं मुनिजु। खलन की जिघु लगान्दी निनि इदु घेजो दादी। यीशु कु मुड़ं रु रिजन अज्यु घजेन फेरिसन।

![](https://cdn.door43.org/obs/jpg/360px/obs-en-44-03.jpg)

छाटो ही परमेश्‍वर सु इदु ढुणो मी जेनु घासु। इदु सु तिगडं दिगडं घमजिमू अज्यु लाडंमु अज्यु परमेश्‍वर कु तारीफ घामु शुरु घासु। मंदिर कु थागरु रानु मीजन हा किपडंजु।

![](https://cdn.door43.org/obs/jpg/360px/obs-en-44-04.jpg)

छाटो सु मीजन कु ताकु भिड़ उदु मी उडंमु हन्दु राजु जो जेनु कल निजु। पतरस सु इदु ज लिसु अन्दु मी जेनु निनि ,खलन काडथे रु हा मुपडेनु। नुडसु अफी शक्ति सु जेनु मुघानुसु इदु हन्दु महा कि निड परमेश्‍वर आदर घादन। खलन इदु यीशु ली इदु मीजन जो अफी शक्ति सु जेनु घासु, खलन कि निड़ं यीशु रु भरोशा घादन ली।

![](https://cdn.door43.org/obs/jpg/360px/obs-en-44-05.jpg)

इदु घनी ली खमरी ले इदु रोमी राज्यपाल सु यीशु सेदमु हन्दु लिसु। घनसु इदु सेदन्सु जो बिर जो जीवन दानी। खलन परमेश्‍वर सु इदु सेदलन र्खचु टाडंनु घानसु घनसु मुसमझी सु कि घनी खा घानिजु, खलन कि जब घनी इदु लन घा निजु ते जो भविष्य पेनु सु लिसु कि इदु पुरो कलजु। इदु हन्दु थन पछताप घानी अज्यु परमेश्‍वर कु लगान्दी योनी खलन इदु घनी पाप उरलन साफ घानी।

![](https://cdn.door43.org/obs/jpg/360px/obs-en-44-06.jpg)

जब मंदिर रु प्रधानो सु पतरस अज्यु यूहन्ना कु यना ,ते उइ दलना किजर निजु। इदु हन्दु उइसु उइजो चुमलन जेलखाना रु किघादुसु। खलन जो पतरस सु लिसु इदु रु दलना मीजन सु विश्‍वाश घासु। यीशु रु विश्‍वाश घानु जन कु दलना लिलन लगभग 5000 ना साफा कलजु।

![](https://cdn.door43.org/obs/jpg/360px/obs-en-44-07.jpg)

खीजु ज्या इदु यहूदी धार्मिक प्रधान पतरस अज्यु यूहन्ना कु यहूदी पुनु पुजारी अज्यु खीजु धार्मिक प्रधान मी कु लगान्दी कुरलन राजु। इदु मीजन ले कुरलन राजु जो ढुणो निजु। उइसु पतरस अज्यु यूहन्ना जो रुसु ,"खमकु अधिकार सु घेसु इदु ढुणो मी जेनु घानसु। "

![](https://cdn.door43.org/obs/jpg/360px/obs-en-44-08.jpg)

पतरस सु जवाब दासु "अन्दु मी जो घनकु लगान्दी कने निनि इदु यीशु मसीह कु शक्ति कु मा गरतु जैनु घासु। घनसु यीशु क्रुश कुटाडंसु ,खलन कि परमेश्‍वर सु इदु दुबारा सु टाडंनु किघादुसु घनसु इदु स्वीकार मुघानसु , खलन यीशु कु शक्ति कु बिना पापी जो माफ थोजनु कु खिजु अम मुनी ली।"

![](https://cdn.door43.org/obs/jpg/360px/obs-en-44-09.jpg)

इदु प्रधान हा किपेडंजु निजु कि पतरस अज्यु यूहन्ना सु दलना हिम्मत घालन सु काडंथे घासु। उइसु ताडंसु कि अन्दु अनमा हुरासिरी निजु खलन कि अनपढ़ निजु। खलन कि इदु उई ची राजु कि अन्दु हुरासिरी यीशु कु साथु रु निजु। इदु हन्दु उइजो इदजो लिसु निडं घनी ज दलना सजा दाडंदन घनी अन्दु मी यीशु कु बारी मीजन घुबरी ले फुडं दाड़ंदन ते। अनमा दलना सु काडंथे लिमु कु नोगोन्दी उइसु पतरस अज्यु यूहन्ना ज दिमु दासु।

*प्रेरितों के काम 3:1.4:22 से ताकु बाइबल की कथा।*

Audio: https://git.door43.org/OBS-TLF/drd_obs/releases/download/v1/drd_obs_v1_44_128kbps.m4a

## 45. स्तिफनुस अज्यु फिलिप्पुस।

https://openbiblestories.org/l/drd/story-45/

![](https://cdn.door43.org/obs/jpg/360px/obs-en-45-01.jpg)

तुकतू मसीही प्रधान कु घुन्दा रु स्तिफनुस मुड़ं कु ताकु हुरासीरी निजु। बिर मी इदुकु जैनु खी निजु। शुद्ध लेमे सु इदु दलना शक्ति अज्यु बुद्वि दासु कि। स्तिफनुस सु दलना सु चमत्कार किघानिजु। जब इदसु यीशु रु भरोसा घामु कु बारी रु उइजो ज्ञान दासु दलना सु मिजन सु विश्‍वाश घासु।

![](https://cdn.door43.org/obs/jpg/360px/obs-en-45-02.jpg)

ताकु ज्या स्तिफनुस यीशु कु बारी रु ज्ञान दा निजु अज्यु अल्या यहूदी राजु खमरी ले यीशु रु विश्‍वाश मुघासु अज्यु इदु ताकु खिजु रकसा फासीमु शुरु घासु। उई दलना रिस रु निजु इदु हन्दु इदु यहूदी धार्मिक प्रधान कु लगान्दी राजु अज्यु इदु कु बारी आ लाजु। उइसु लिजु निड़ं सु स्तिफनुस कु मूसा अज्यु परमेश्‍वर कु बारी रु यानु काडंथे फामु यनसु। इदु हन्दु यहूदी धार्मिक प्रधान सु स्तिफनुस जो कुचुमजु अज्यु यहूदी पुनु पुजारी अज्यु यहूदियो कु खिजु प्रधान लगान्दी रेलन राजु। अज्यु उइसु स्तिफनुस कु बारी रु आ लाजु।

![](https://cdn.door43.org/obs/jpg/360px/obs-en-45-03.jpg)

यहूदी पुनु पुजारी सु स्तिफनुस जो रुजु खा अनमा मी घेघु बारी रु हुचना ली निजु कि स्तिफनुस सु यहूदी पुनु पुजारी जवाब दामु हन्दु दलना सु काडंथे फामु शुरु घासु। इदसु लिसु कि अब्राहम कु ज्या सु यीशु कु ज्या होना परमेश्‍वर सु इस्त्राएल मीजन हन्दु दलना सु जेनु लन घासु। खलन कि मीजन सु तुकतू सु ना परमेश्‍वर जो मुमानिजु। स्तिफनुस सु लिजु घनी जन परमेश्‍वर कु खिलाफ दाकछुनु अज्यु परमेश्‍वर कु काड़ंथे मुमानेजु। घनसु तुकतू र्खचु शुद्ध लेमे जेनु मुखिजु ,घमुरी ले निडं हुइनू मीजन तुकतू र्खचु शुद्ध लेमे जेनु मुखिजु अज्यु तुकतू सु ना इदु भविष्य पेनु मी जो सेदुसु। खलन जो उइसु घासु उइकु बराबर रु घनी अज्यु ले दलना यानु घादनी। घनसु मसीह जो सेदन्सु।

![](https://cdn.door43.org/obs/jpg/360px/obs-en-45-04.jpg)

जब उइ यहूदी धार्मिक प्रधान सु अनमा यनसु ,ते अलाडं रिस पिरा निजु इदसु अफी रजु बंद किघा निजु अज्यु दलना हरतलन सु ढालन। इदु स्तिफनुस ज सिलन सु भाड़ं सु कुरलन बघरु दिजु। अज्यु इदु सेदमु हन्दु इदरु उड़ं कमसु।

![](https://cdn.door43.org/obs/jpg/360px/obs-en-45-05.jpg)

जब स्तिफनुस सिजी निजु ,इदु हरतेलन सु रिजुसू ,है यीशु जीकु लेमे कुरा ,,तब इदु अफी कुबटो रु किघेदिजु अज्यु सु हरतेलन है प्रभु अनमा पाप इदरु मुलघेमु। तब इदु किसीजु।

![](https://cdn.door43.org/obs/jpg/360px/obs-en-45-06.jpg)

इदु ज्या यरुशलेम सुडंनु जन दलना मिजन यीशु कु नोगोन्दी दीमु मीजन सतेमु शुरु घासु , इदु हन्दु विश्‍वाश मी जन खिजु भाड़ंरु फुडंलन ताजु। खलन अन्दु कु बाद ले घुबरी ले भाड़ं इदु दिसु , उइसु यीशु कु बारी रु प्रचार घासु।

![](https://cdn.door43.org/obs/jpg/360px/obs-en-45-07.jpg)

फिलिप्पुस मुड़ं कु यीशु कु ताकु विश्‍वाशी निजु। घुमरी ले खिचु दलना सु विश्‍वाश घासु इदु ले यरुशलेम सु फुडंलन ताजु। इदु सामरिया कु भाडं रु ताजु। इदडं मीजन सु यीशु कु बारी रु प्रचार घासु दलना मी सु इदरु विश्‍वाश घासु अज्यु पापी कु माफ ताड़ंसु। ताकु ज्या फिलिप्पुस कु लगान्दी परमेश्‍वर कु इदु खर्चु ताकु थो लोग र्खचु राजु अज्यु इदसु सेरु दीमु हन्दु अज्यु ताकु रोठ रु दिमु हन्दु लिसु। फिलिप्पुस इदड़ं ताजु। ते इदु रोठ रु दी निजु इदसु ताकु मी अफी रथ रु दिनु ताड़ंसु। अनमा मी कूशी देश कु ताकु दलना पुनु अधिकारी निजु। शुद्ध लेमे सु फिलिप्पुस सु लिसु कि दिलन इदु मी कु साथु साथु दिन्या।

![](https://cdn.door43.org/obs/jpg/360px/obs-en-45-08.jpg)

इदु हन्दु फिलिप्पुस रथ कु लगान्दी दिसु। इदसु यनसु कि इदु कूषी परमेश्‍वर कु वचन जो लु निजु। जो यषायाह भविष्य पेनु मी सु किरी निजु इदु लु निजु। इदु लु निजु ,इदु उइजो बली घामु हन्दु मला मा घरतु चुमलन पुकुरसु अनमा। अज्यु घबरी ताकु पाठो शान्त लि निजु,इदसु ताकु शब्द मुलिसु। उइसु उइजो साथु यानु काड़ंथे घासु अज्यु इदकु आदर मुघासु। उइसु उइकु किसेदिसु।

![](https://cdn.door43.org/obs/jpg/360px/obs-en-45-09.jpg)

फिलिप्पुस सु इदु कूशी जो रुसु ,जो घे लुदंन खा घे इदु घे पेदन खा, इदु कूशी सु जवाब दासु महा जब होना घुबरी अन्दु जी मुसमंझी लो ते होना जी अन्दु मुसमझी तरनी। विनती नीनी जिकु लगान्दी सुडां। यषायाह अन्दु बारी रु रीनिजु कि या घुबरी अज्यु कु बारी रु।

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ रु कुसुयजु। तब इदसु इदु कूशी मीजन इदु काड़ंथे यषायाह सु यीशु कु बारी रु किरि निजु। फिलिप्पुस सु परमेश्‍वर कु बोली रु दलना सु खिजु हिस्सा रु काड़ंथे घासु। अनमा घालन इदु सु इदु मी यीशु कु बारी रु जेनु फुड़ं यनसु।

![](https://cdn.door43.org/obs/jpg/360px/obs-en-45-11.jpg)

फिलिप्पुस अज्यु इदु कूशी दिलन ती कु लगान्दी राजु। इदु कूशी जो लेसु , "धो ,ती नीनी खा ,जी शुद्ध ढुबकी कुर तरसा खा ?" अज्यु इदसु रथ चनेमु मी रथ रोकमु हन्दु लिसु।

![](https://cdn.door43.org/obs/jpg/360px/obs-en-45-12.jpg)

इदु रु ती रु ताजु ,अज्यु फिलिप्पुस इदु कूशी जो शुद्ध ढुबकी दासु। जब इदु ती रु सु बाड़ंरु राजु शुद्ध लेमे अचानकसु फिलिप्पुस जो रीजन खिजु भड़ं रु पुकरसु। इदोडं फिलिप्पुस सु मिजन जो यीशु कु बारी बतेमु लिसु।

![](https://cdn.door43.org/obs/jpg/360px/obs-en-45-13.jpg)

इदु कूशी अफी सुड़ंरु कु यात्रा रु तुकतू ताजु। जेनु खि निजु इदु थन यीशु पे निजु।

*प्रेरितों के काम 6:8.8:5; 8:26.40 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_45_128kbps.m4a

## 46. पौलुस मसीही कु विश्‍वाश कल निजु।

https://openbiblestories.org/l/drd/story-46/

![](https://cdn.door43.org/obs/jpg/360px/obs-en-46-01.jpg)

शाउल मुड़ं कु ताकु मी निजु खिजु यीशु रु विश्‍वाश मुघासु। जब इदु जियनु निजु, तब इदसु स्तिफनुस जो सेयनु मीजन सु गे कु देखभाल घासु। नोगोन्दी इदसु विश्‍वाश जो सतेसु निजु। इदसु यरुशलेम रु सुड़ंरु सुड़ंरु दिलन हुरासिरी भुदाचुमे निसरी चुमलन जेलखाना रु किछुधिपदसु। तब यहूदी पुनु पुजारी सु शाउल कु दमिश्‍क भाड़ं दिमु कु आज्ञा दासु। इदसु इदोड़ं कु मसीहि जन चुमलन अज्यु उइकु दोकते यरुशलेम रेलन रामु हन्दु शाउल जो लिसु।

![](https://cdn.door43.org/obs/jpg/360px/obs-en-46-02.jpg)

शाउल सु दमिश्‍क दिमु कु यात्रा शुरु घासु। इदु भाड़ं होलन सु अल्या तुकतू इदकु पि भाड़ं सु तुंखू सु ताकु दलना नि ढो निजु , अज्यु इदु धरती रु किघेदिचु। शाउल सु घुबरी ले लिनु यनसु, "हे शाउल ,हे शाउल ,घे जी खलन सतेदन?" शाउल सु रुसु, "है प्रभु , घे खमी ली?" यीशु सु इदु जवाब दासु, "जी यीशु ली। जी घे सतेदन ली।"

![](https://cdn.door43.org/obs/jpg/360px/obs-en-46-03.jpg)

जब शाउल रिजेसु ते इदु उड़ं मुतर निजु। उइकु साथु इदकु दमिश्‍क कुरलन दिसु। षाउल सु सुम ज्या होना अल्या ले झालन तुड़ंलन मुजानिजु।

![](https://cdn.door43.org/obs/jpg/360px/obs-en-46-04.jpg)

दमिश्‍क सु हनन्याह मुड़ं कु ताकु चेला निजु। परमेश्‍वर सु इदजो लिसु ,इदु सुड़ंरु दे जो भांड़ं शाउल कुसूड़ं निजु। अफी ला इदरु तासु खलन की इदु फिर सु उड़ंमु लगेलो। ,खलन कि हनन्याह सु लिसु , "हे प्रभु, जिसु यनसु लि कि अन्दु मीजन सु विश्‍वाश जन दलना सतेसु नीनी।" परमेश्‍वर सु इदु जवाब दासु , "दि। जिसु इदु यहूदियो रु अज्यु खिजु जाति कु मिजन रु जिगु मुड़ं बतेमु कु हन्दु चुने निजु। इदु जिगु मुड़ं हन्दु दलना दुखः सहेन घालो।"

![](https://cdn.door43.org/obs/jpg/360px/obs-en-46-05.jpg)

अन्तःहनन्याह शाउल कु लगान्दी दिसु, अफी ला इदरु तासु , अज्यु लिसु, "यीशु सु जो दो रामु कु घेघु अम रु प्रकट लिजु। जि घे दरो पाड़सु खलन घे फिर सु उड़ंमु लागेलो ,अज्यु शुद्ध लेमे भुड़ंलो।" छाटो ना शाउल फिर सु उड़ंमु रु किलागिजु, अज्यु हनन्याह सु इदु ती रु शुद्ध ढुबकि दासु। तब शाउल सु झाती जासु अज्यु ताकत पिराजु।

![](https://cdn.door43.org/obs/jpg/360px/obs-en-46-06.jpg)

थन शाउल सु दमिश्‍क रु सुडंमु जन यहूदियो रु प्रचार घामु शुरु घासु। इदसु लिसु यीशु ना परमेश्‍वर कु सीरी ली। यहूदी जन हा किपड़ंजु ,खलन कि शाउल सु विश्‍वाश कु सेयमु कु कोशिश घासु ,खलन थन यीशु रु विश्‍वाश घासु। शाउल सु यहूदियो कु साथु फासिमु छोकिसिमु घासु। इदसु थेसु कि यीशु ना मसीह ली।

![](https://cdn.door43.org/obs/jpg/360px/obs-en-46-07.jpg)

दलना नोगोन्दी यहूदियो सु शाउल सेयमु हन्दु कियान्सी निजु। उइसु सेयमु हन्दु सुखूड़ं कु दरफा रु मिजन पाड़ंसु। इदरु मी किता निजु खलन कि शाउल इदु लन कु बारी रु कुयन निजु। अज्यु इदकु साथु टाघलन सु रामु कु उइकु मदद घासु। ताकु मुन्छू उइसु इदु ढालो रु सुड़ंलन भाड़ं कु भाडंफल खर्चु यु किघादिसु। दमिश्‍क टाड़ंलन दिमु कु नोगोन्दी शाउल सु यीशु कु बारी प्रचार घामु शुरु घासु।

![](https://cdn.door43.org/obs/jpg/360px/obs-en-46-08.jpg)

शाउल खास चेले जो छिमु हन्दु यरुशलेम दिसु ,खलन कि इदुजो किजर निजु। तब बरनबास मुड़ं कु ताकु विश्‍वाश शाउल कु खास कु लगान्दी कुरलन दिसु। इदसु उइजो लिसु शाउल सु घुम घालन हिम्मत घालन सु दमिश्‍क रु प्रचार किघा निजु। इदु कु नोगोन्दी खास चेले शाउल जो अफी चेन्दु घासु।

![](https://cdn.door43.org/obs/jpg/360px/obs-en-46-09.jpg)

अल्या विश्‍वाशी जो यरुशलेम सु सताव फुड़ंलन ता निजु इदु हानम अंताकिया भाड़ं रु ता निजु अज्यु यीशु कु बारी रु प्रचार घा निजु। अंताकिया रु सुड़ंमु जन मी दलना सु यहूदी मुनीजु ,तुकतू र्खचु इदसु दलना मी विश्‍वाश कल निजु। बरनबास अज्यु शाउल अन्दु नुनु विश्‍वाशी जो यीशु कु बारी रु अज्यु दलना बतमे हन्दु इदड़ं दिसु अज्सु कलीसिया जो सारु घासु। यीशु जो विश्‍वाश घामु जन अल्या तुकतू अंताकिया रु मसीही लायडं।

![](https://cdn.door43.org/obs/jpg/360px/obs-en-46-10.jpg)

ताकु ज्या अंताकिया मसीही जन र्बत कु साथु प्रार्थना घा निजु। शुद्ध लेमे इदजो लिसु जि हन्दु बरनबास अज्यु शाउल कु इदु लन घामु हन्दु खिजु घादया खिजु घामु हन्दु जिसु इदु हुयो ली। इदु हन्दु अंताकिया कु कलीसिया सु बरनबास अज्यु शाउल हन्दु प्रार्थना घासु अज्यु इदरु अफी ला तासु। तब उइजो इदकु खिजु दलना भाड़ं यीशु कु बारी रु जैनु फुड़ं कु प्रचार घामु हन्दु किपाड़ंदिसु। बरनबास अज्यु शाउल खिजु खिजु जाति कु मिजन जो ज्ञान दासु अज्यु दलना मीजन जो यीशु जो विश्‍वाश घासु।

*प्रेरितों के काम 8:3; 9:1.31; 11:19.26; 13:1.3 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_46_128kbps.m4a

## 47. फिलिप्पी भाड़ं रु पौलुस अज्यु सीलास।

https://openbiblestories.org/l/drd/story-47/

![](https://cdn.door43.org/obs/jpg/360px/obs-en-47-01.jpg)

जब शाउल सु बिर रोमी राज्य रु फरेसी निजु ते इदसु अफी रोमी मुड़ं "पोलुस" लीमु शुरु घासु। ताकु ज्या पौलुस अज्यु साथु सीलास फिलिप्पी भाड़ं रु यीशु जो बारे रु जेनु फुडं सुनमे हन्दु दिसु। इदु भाड़ं कु बाड़ंरु यड़ं ती कु थमरु ताकु भंड़ं रु दिजु जो भंड़ं र्प्राथना घामु हन्दु दुमसि निजु। इदुड़ं उइ लुदिया मुड़ं कु ताकु भुदाचुमे जो छियनजु ताकु पन घानु निजु। इदु परमेश्‍वर जो जेनु खी निजु अज्यु इदकु काड़ंथे मानेजु निजु।

![](https://cdn.door43.org/obs/jpg/360px/obs-en-47-02.jpg)

परमेश्‍वर सु लुदिया सु यीशु कु बारी रु फुड़ं रु विश्‍वाश घामु हन्दु लन घामु योग्य निजु। पौलुस अज्यु सीलास सु इदु अज्यु इदकु खु जो शुद्ध ढुबकि दासु। इदसु पौलुस अज्यु सीलास जो अफी सुड़ंरु सुडंमु हन्दु विलन रेसु ,इदु हन्दु इदोड़ं कुसूड़ंजु।

![](https://cdn.door43.org/obs/jpg/360px/obs-en-47-03.jpg)

पौलुस अज्यु सीलास मीजन सु ज्यारी इदु भंड़ं रु छीही निजु जो भंड़ं यहूदी मीजन प्रार्थना घा निजु। ज्यारी जब इदोडं दी निजु ते गुलाम चुमे रु अशुद्ध लेमे नीजु इदकु नोगोन्दी दि निजु। इदु अशुद्धलेमे कु बारी इदु मीजन भविष्य रु बते निजु ,इदु हन्दु इदु भविष्य बते कु रुप रु अफी स्वामि कु हन्दु दलना जोड़ं कमेलन रामु निजु।

![](https://cdn.door43.org/obs/jpg/360px/obs-en-47-04.jpg)

इदकु दिमु कु ज्या गुलामचुमे ढासी निजु ,अन्दु हुरासीरी परम प्रधान परमेश्‍वर कु सेवा घानु मी ली। पापो कु माफ घामु कु अम बते निजु। इदु झारी अनमा घा निजु उइकु पौलुस कुफरसी जु।

![](https://cdn.door43.org/obs/jpg/360px/obs-en-47-05.jpg)

ताकु ज्या इदु गुलामचुमे ढासिमु शुरु घासु ,ते पौलुस सु उसीकु इदकु चेनदु फेरिसीलन अशुद्धलेमे जो लिसु ,यीशु कु मुड़ं सु अन्दु र्खचु दी। इलाड़ं व्क्त इदु अशुद्धलेमे सु इदु किसेदिसु।

![](https://cdn.door43.org/obs/jpg/360px/obs-en-47-06.jpg)

इदु गुलामचुमे कु स्वामी दलना रिस पिरानिजु। उइसु कुपेनिजु कि खिजु इदु पापीलेमे उसी गुलामचुमे जन कु भविष्य बते मुतर निजु। अन्दु कु अर्थ निजु कि मीजन थन इदकु स्वामि कु जोड़ं मुदाघदा कि उइ इदकु भविष्य बतेलो कि उइकु रकसा रु खा लयाड़ं।

![](https://cdn.door43.org/obs/jpg/360px/obs-en-47-07.jpg)

इदु हन्दु गुलाम चुमे कु स्वामी पौलुस अज्यु सीलास जो रोमी अधिकारि कु लगान्दी कुरलन दिजु। उइसु पौलुस अज्यु सीलास कमसु ,अज्यु इदु जेलखाना कु भुदरु किघादुसु।

![](https://cdn.door43.org/obs/jpg/360px/obs-en-47-08.jpg)

उइसु पौलुस अज्यु सीलास कु जेलखाना कु अनमा भड़ं रु तासु जो भंड़ं रु भजाड़ं दल सैना निजु। दो होना की उइसु उइकु लिगी कु सिड़ं रु कुगेदिसु। खलन कि पौलुस अज्यु पेल मुन्छू कु वक्त परमेश्‍वर कु तारीफ घा निजु।

![](https://cdn.door43.org/obs/jpg/360px/obs-en-47-09.jpg)

अचानक सु ताकु पुनु धरती लुकसिलन। जेल कु बिर दारम कुफुसू ,अज्यु बिर कैदि जन कु जंजीर फुलन सु किघेदिचू।

![](https://cdn.door43.org/obs/jpg/360px/obs-en-47-10.jpg)

तब दरोगा रीजीसु। इदसु ताड़ंसु की जेलखाना कु दारफा कुफु निजु। इदसु सोचु कि बिर कैदी टाड़ंलन फुड़ंलन ताजु। इदु किजरजू कि इदकु फुड़ंलन दिमु कु कारण रोमी अधिकारी इदु सेदघदा ,इदु हन्दु इदु अफी सेयमु हन्दु कियानसी निजु। खलन कि पौलुस इदु ताड़ंलन ढासिजु। रुमजन। अफी नुकसान मुकरमू। निड़ं बिर दोना नियड़ं।

![](https://cdn.door43.org/obs/jpg/360px/obs-en-47-11.jpg)

इदु दरोगा ढिड़ंलन सु पौलुस अज्यु सीलास कु लगान्दी रालन रुसु ,पापो कु माफ हन्दु जी खा घामु ? पौलुस सु जवाब दासु ,प्रभु यीशु रु विश्‍वाश घा ,ते घे अज्यु घेघु खु पापो कु माफ ताआड़ंदा। तब इदु दरोगा पौलुस अज्यु सीलास कु अफी सुड़ंरु कुरसू अज्यु इदकु टोला उरसु। पौलुस सु इदकु सुड़ंरु बिर मीजन यीशु कु बारी रु जेनु फुड़ं यनसु।

![](https://cdn.door43.org/obs/jpg/360px/obs-en-47-12.jpg)

दरोगा अज्यु उइकु बिर खु सु यीशु रु विश्‍वाश घासु इदु हन्दु पौलुस अज्यु सीलास उइजो ष्शुद्ध ढुबकि दासु। तब दरोगा सु पौलुस अज्यु सीलास जो झाती दासु ,अज्यु उइ ताकु साथु रु खुष कल निजु।

![](https://cdn.door43.org/obs/jpg/360px/obs-en-47-13.jpg)

खिजु ज्या भाड़ं कु प्रधान सु पौलुस अज्यु सीलास जो जेलखाना सु आजाद किघादुसू अज्यु फिलिप्पी सु दिमु हन्दु लिसु। पौलुस अज्यु सीलास लुदिया अज्यु अल्या खिजु साथु जो छियजु अज्यु इदकु नोगोन्दी भाड़ं सु ताजु। यीशु कु बारी जेनु फुड़ं दालन दिसु अज्यु कलीसिया रु विश्‍वाशी कु गिनती कुबढ़ निजु।

![](https://cdn.door43.org/obs/jpg/360px/obs-en-47-14.jpg)

पौलुस अज्यु खिजु मसीही प्रधान सु दलना भाड़ं कु फेरसी निजु। उइसु मीजन जो यीशु कु बारी रु जेनु फुड़ं बतेसु। उइसु कलीसियाओ जो विश्‍वाश कु तुकतू दीमु हन्दु अज्यु ज्ञान दामु हन्दु हुलाडं ना चिठी रे रिसु। इन्दु खर्चो चिठी बाइबल किताब कलजु।

*प्रेरितों कु लन 16:11.40 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_47_128kbps.m4a

## 48. यीशु जो वादा घासु जी मसीह ली।

https://openbiblestories.org/l/drd/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्‍वर सु संसार बनेसु ते बिर जेनु निजु। घुबरी पाप मूनिजु। आदम अज्यु हव्वा ताकु खिजु जो जैनु खी निजु। अज्यु इदु परमेश्‍वर सु जेनु खी निजु। घुबरी ले काड़ंनु या सिजमू मुनिजु। परमेश्‍वर अनमा ना संसार चिड़ं निजु।

![](https://cdn.door43.org/obs/jpg/360px/obs-en-48-02.jpg)

शीनु सु खबु कु रुपु बगीचा रु हव्वा जो काड़ंथे घासु। खलन इदु उसी जो धोखा दामु चिड़ं निजु। तब हव्वा अज्यु आदम सु परमेश्‍वर कु खिलाफ पाप घासु। खलन कि उइसु पाप किघा निजु इदु हन्दु धरती रु सुडंनू बिर जन सिजनी नीनी।

![](https://cdn.door43.org/obs/jpg/360px/obs-en-48-03.jpg)

खलन कि आदम ताकु हव्वा सु पाप घासु ,इदु हन्दु अल्या ले यानी निजु। उसी परमेश्‍वर कु दुश्मन कल निजु। इदकु कारण इलाड़ं वक्त बिर ताकु मी रु पाप किघा निजु। बिर ताकु जन जन्म र्खचु परमेश्‍वर कु दुश्मन निजु। परमेश्‍वर अज्यु मीजन कु घुनदा रु शान्त मुनिजु। खलन परमेश्‍वर शान्त घामु चिड़ं निजु।

![](https://cdn.door43.org/obs/jpg/360px/obs-en-48-04.jpg)

परमेश्‍वर सु प्रतिज्ञाया घासु कि हव्वा कु ताकु वंश शीनु कु पिस्या रु कमड़ंदा। इदु सु अनमा ले लयडांदा कि लिगी रु चियाडंदा। खिजु बोली रु जी शीनु मसीह सु सेदाडंदा,खलन कि परमेश्‍वर इदु नोगोन्दी टाड़ंनु घादड़ंदा। इदकु नोगोन्दी मसीह शीनु कु शक्ति सु सेदडंदा। हुलाड़ं हिडं कु नोगोन्दी परमेश्‍वर सु प्रकट घासु कि इदु मसीह यीशु ली।

![](https://cdn.door43.org/obs/jpg/360px/obs-en-48-05.jpg)

नूह सु ताकु नाव बनेमु हन्दु लिसु कि इदु हन्दु परमेश्‍वर सू मीजन बचेसु जो इदु रु विश्‍वाश घा निजु। इदु हन्दु इदु बिर कु बिर परमेश्‍वर हन्दु सेयमु कु योग्य नीनी खलन कि इदु सु पाप किघा निजु। खलन कि परमेश्‍वर सु इदु बिर बचेमु हन्दु यीशु कु पाड़ंसु इदु रु विश्‍वाश घा निजु।

![](https://cdn.door43.org/obs/jpg/360px/obs-en-48-06.jpg)

चुयड़ं हिड़ं होना सु यहूदी पुजारी परमेश्‍वर कु हन्दु बलि चढेना नीनी। अनमा थेसु कि मी जन सु पाप घासु , अज्यु अनमा कि इदु परमेश्‍वर कु लगान्दी कु द्वारा उइको सजा दाम कु लायक निजु। खलन कि उइ बलि इदु कु पाप माफ मुघा मुतरसु। यीशु भजाड़ं पुनु पुनु यहूदी पुजारी ली। इदसु इदमा घासु जो खमरी यहूदी पुजारी मुघा तरीयाड़ं। इदसु उसु ताकु मात्र अफी बली दासु हन्दु जो घुबरी कु पाप खत्म घा तरसायाड़ं। इदसु कुमानसू कि परमेश्‍वर इदु बिर कु पाप हन्दु इदु सजा घालो। अनमा कारण यीशु जेनु इलना पुनु यहूदी पुजारी निजु।

![](https://cdn.door43.org/obs/jpg/360px/obs-en-48-07.jpg)

परमेश्‍वर सु अब्राहम जो लिसु ,जी घेघु द्वारा संसार रु बिर मी आशिर्वाद दाड़ंदी। यीशु अनमा अब्राहम कु वंश निजु। परमेश्‍वर अब्राहम माध्यम सु बिर बिर मी जो आशिर्वाद दाड़ंदा। खलनकि इदु यीशु जो विश्‍वाश घा निजु ली परमेश्‍वर उदु बिर कु पाप बचेता। अन्दु मीजन यीशु रु विश्‍वाश घादा ते परमेश्‍वर उदकु अब्राहम कु सेनु मानेदा ली।

![](https://cdn.door43.org/obs/jpg/360px/obs-en-48-08.jpg)

परमेश्‍वर सु अब्राहम सु लिसु कि अफी सीरी जी हन्दु बलि दा। थन परमेश्‍वर सु इसहाक कु बदला बलि दामु कु हन्दु माला दासु। निड़ं बिर अफी पाप कु कारण सेदम कु योग्य निजु। खलन परमेश्‍वर सु निघु भड़ं रु सेयमु हन्दु यीशु कु बलि कु रुप रु दासु। अनमा घालन सु निड़ं यीशु जो परमेश्‍वर कु माला लेदन।

![](https://cdn.door43.org/obs/jpg/360px/obs-en-48-09.jpg)

ते परमेश्‍वर सु मिस्त्र देश रु लास्ट रु विपत्ति पाडंसु इदुसु बिर ताकु इस्त्राएली खु जो लिसु कि इदु ताकु माला कु बलि दालो। इदु माला रु खेरी घुबरी पाप मुलीम चिड़ंनी। अफी दारफा कु पि भड़ं कु यरतो अज्यु तिदड़ं धिदड़ं इदकु सी लगेमु निजु। जब परमेश्‍वर सू इदु सी पाड़ंसु ते इदु उइकु सुड़ंरु कु तुकतू रा निजु। अज्यु इदकु तुकतू सेनु मुसेयनु। जब अनमा लिजु ते परमेश्‍वर सु अन्दु फसह कु त्योर लिजु।

![](https://cdn.door43.org/obs/jpg/360px/obs-en-48-10.jpg)

यीशु फसह कु त्योर कु ताकु माला कु घरतु ले। इदसु खजारी पाप मुघासु , इदु हन्दु इदरु अल्या ले यानु मुनिजु। इदु फसह कु त्योर रु सियजु। खमरी ले यीशु जो विश्‍वाश घा निजु , ते तब यीशु कु सी इदु मी कु पाप कु कीमत दा नीनी। अनमा ली कि परमेश्‍वर इदु मीजन कु लगान्दी तुकतू ता निजु। खलन कि इदु सजा मुदा निजु।

![](https://cdn.door43.org/obs/jpg/360px/obs-en-48-11.jpg)

परमेश्‍वर सु इस्त्राएल मी जन कु साथु ताकु वाचा , खलन कि इदु अनमा मीजन निजु इदसु परमेश्‍वर जो अफी लिम हन्दु चुनेसु। खलन कि परमेश्‍वर जो ताकु वाचा ली जो बिर मी जन लियो। इदु खमरी ले जाती कु खमरी ले मीजन इदु नुनु वाचा अफी चेन्दु नीनी , ते इदु परमेश्‍वर के मीजन कु लगान्दी रु पिरा निजु। इदु अन्मा घा निजु कि खलन इदु यीशु रु विश्‍वाश घा निजु।

![](https://cdn.door43.org/obs/jpg/360px/obs-en-48-12.jpg)

मूसा ताकु अनमा भविष्य पेनु मी निजु घुबरी ले परमेश्‍वर कु काडथे रु पुनु शक्ति कु साथु प्रचार घासु। खलन कि यीशु बिर भविष्य पेनु मी सु भंजाड़ं पुनु ली। इदु परमेश्‍वर ली इदु हन्दु अल्या ले इदुसु घासु अज्यु लिसु परमेश्‍वर कु लन अज्यु वचन निजु। इदु हन्दु शुद्ध बाइबल यीशु कु परमेश्‍वर कु वचन लिदा।

![](https://cdn.door43.org/obs/jpg/360px/obs-en-48-13.jpg)

परमेश्‍वर सु राजा दाउद जो प्रतिज्ञा घा निजु राजा कु रुप रु इदकु ताकु सेनु परमेश्‍वर कु मीजन रु नोगोन्दी होना राज घाघदा। यीशु परमेश्‍वर कु सेनु अज्यु मसीह ली , इदु हन्दु राजा दाउद कु सेनु ली नोगोन्दी होना सु राज घाघदा।

![](https://cdn.door43.org/obs/jpg/360px/obs-en-48-14.jpg)

दाउद ते इस्राएल कु राजा निजु ,खलन यीशु बिर संसार कु राजा ली। इदु दुबारा सु रायाड़ं अज्यु नोगोन्दी होना सु न्याय अज्यु शान्त कु साथु अफी राज्य रु राज घाघदा।

*उत्पत्ति 1.3, 6, 14, 22; निर्गमन 12, 20; 2 शमूएल 7; इब्रानियों 3:1.6, 4:14.5:10, 7:1.8:13, 9:11.10:18; प्रकाशितवाक्य 21 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_48_128kbps.m4a

## 49. परमेश्‍वर कु नुनु वाचा।

https://openbiblestories.org/l/drd/story-49/

![](https://cdn.door43.org/obs/jpg/360px/obs-en-49-01.jpg)

ताकु थो लोग सु ताकु जुनु भुदाचुमे मरियम जो लिसू कि इदु परमेश्‍वर कु सेनु जन्म दासु। इता इदु कुँआरी निजु। खलन कि शुद्ध लेमे इदुकु लगान्दी राजु अज्यु इदु घुराड़ं यानु निजु। ताकु सेनु जन्म दासु इदकु मुड़ं यीशु तासु। इदु हन्दु यीशु परमेश्‍वर अज्यु मी निसरी निनि।

![](https://cdn.door43.org/obs/jpg/360px/obs-en-49-02.jpg)

यीशु सु दलना ढोनु घासु जो ताड़ंदा कि इदु परमेश्‍वर ले। इदु ती रु घमजिसु अज्यु हुइ कु शान्त घासु। उइ दलना सु काड़ंनु मी जेनु घासु अज्यु दलना सु मी जन सु यानु लेमे किथेदिसु। इदसु सिजलड़ं र्खचु टाडंनु किघादुसू , अज्यु इदु सु नाई रोठा अज्यु निसु न्या कु 5000 ना साफा मी जो जामु कु हन्दु झाती कु व्यवस्था घासु।

![](https://cdn.door43.org/obs/jpg/360px/obs-en-49-03.jpg)

यीशु ताकु पुनु रिसु नीनी। जो अल्या ले इदु रिसु इदुसु अल्या जेनु ना रिसु। इदु मीजन सु घामु कु हन्दु लिसु इदु घामु चिड़ंनी खलन की इदु परमेश्‍वर कु सेनु ली। ताकु काडंथे निनि इदसु रिसु कि घनीजो खीजु मीजन सु इदुना रीत रु जेनु खिमु जरुरत निनि घुम घालन सु अफी मा घरतु जेनु खियन ली।

![](https://cdn.door43.org/obs/jpg/360px/obs-en-49-04.jpg)

इदसु अनमा ले रिसु कि घनकु बिर सामान सु दलना अज्यु अफी संपत्ति सु दलना परमेश्‍वर सु जेनु खी चिडंनी।

![](https://cdn.door43.org/obs/jpg/360px/obs-en-49-05.jpg)

यीशु सु लिसु कि संसार रु घुबरी ले चीज छियमु झायाड़ं सु परमेश्‍वर कु राज्य रु नीनी जेनु ली। इदकु राज्य रु घनकु रामु हन्दु जरुरीना निनि कि परमेश्‍वर घनकु पाप सु बचेड़ंदा।

![](https://cdn.door43.org/obs/jpg/360px/obs-en-49-06.jpg)

यीशु सु लिसु कि अल्या मी इदु अफी चेन्दु। परमेश्‍वर मीजन बचेड़ंदा। खलन कि खिजु मी अफी चेन्दु मुघाड़ंदा। इदसु अनमा लिसु कि अल्या मी जेनु धरती कु बराबर ली , खलन कि यीशु कु बारे रु जेनु फुड़ं कु माने निजु ,अज्यु परमेश्‍वर उसी बचेता ली। खलन इदोड़ं अल्या ले मीजन रोठ कु सारु धरती कु मा घरतु निनि। परमेश्‍वर कु बोली पिजे कु मा घरतु थड़ंरु लेनी ली ,खलन इदोड़ं अल्या ले मुनीजो ली। अन्दु मी जन यीशु कु बारी रु फुड़ं मु मानेजु। इदकु राज्य रु रामु हन्दु महा लिसु।

![](https://cdn.door43.org/obs/jpg/360px/obs-en-49-07.jpg)

यीशु सु रिसु कि परमेश्‍वर पापी जन जो दलना जेनु खी निजु। इदु उइजो माफ घाम चिड़ं निजु अज्यु उइजो अफी सेनु घामु चिड़ं निजु।

![](https://cdn.door43.org/obs/jpg/360px/obs-en-49-08.jpg)

यीशु सु अनमा लिसु कि परमेश्‍वर पाप ताड़ंलन यानु खी निजु। खलन कि आदम अज्यु हव्वा सु पाप घासु इदु हन्दु बिर संजन सु ले पाप घासु। अदु संसार ले सियमु जन बिर ताकु मी जन सु पाप घादा अज्यु परमेश्‍वर सु हानम निनि। बिर ताकु मीजन परमेश्‍वर कु दुश्मन ली।

![](https://cdn.door43.org/obs/jpg/360px/obs-en-49-09.jpg)

खलन कि परमेश्‍वर इदु संसार रु सुडंमु जन बिर ताकु मीजन सु अन्दु रिती सु जेनु खिसु अफी कु ताकुना सीरी किदादीयो। खलन कि परमेश्‍वर उइजो सजा था घालो जो इदु जो विश्‍वाश घा निजु। इदकु बजाए उइजो साथु रु नोगोन्दी लेयडंहन।

![](https://cdn.door43.org/obs/jpg/360px/obs-en-49-10.jpg)

घे सिजमु कु लायक निहन , खलन कि घेसु पाप किघाइन। घेसु परमेश्‍वर जो रिस घामु जेनु निनि, इदकु बदला रु , इदु यीशु रु रिस लिजु। इदसु यीशु जो क्रुश सिजनु ताड़ंलन सजा दासु।

![](https://cdn.door43.org/obs/jpg/360px/obs-en-49-11.jpg)

यीशु सु खजारी पाप मुघासु ,खलन इदसु परमेश्‍वर जो इदु सजा दाम दासु। उइसु सिजमु जेनु खियसु। अन्दु रिती सु घनी पाप अज्यु अनदु संसार सुयडंमु जन बिर ताकु पाप कु अनमु हन्दु इदु ताकु जेनु बलीदान निजु। यीशु सु अफी परमेश्‍वर हन्दु बली किघादिसु ,इदु हन्दु परमेश्‍वर घुबरी ले पाप दो होना की खतरनाक पाप ले माफ घासु।

![](https://cdn.door43.org/obs/jpg/360px/obs-en-49-12.jpg)

अल्या ले घे जेनु लन घानी ते अन्दु र्खचु परमेश्‍वर घनी मुबचेड़ंदा। इदकु साथी बनेमु हन्दु अनमा अल्या ले मुनी घायो। जो घे घा तरसयड़ं। अन्दु कु नोगोन्दी ,घे नी विश्‍वाश घामु ली कि यीशु परमेश्‍वर कु सेनु ली ,अज्यु इदु घनकु बदला रु क्रुश किसीजु , अज्यु अनमा ले परमेश्‍वर सु इदु दुबारा सु टाड़ंमु किघादुसु। घनी अन्दु रु विश्‍वाश घा दे ते घनी पाप माफ घादड़ंदा।

![](https://cdn.door43.org/obs/jpg/360px/obs-en-49-13.jpg)

परमेश्‍वर इदु बिर ताकु बचेड़ंदा जो यीशु जो विश्‍वाश घादा ली अज्यु इदु अफी प्रभु जो मानेदा। खलन इदु उइ मुबचेडंदा जो इदरु विश्‍वाश मुघादा ली। अनसु खेरी र्फक मुपडें कि घे जोड़ं मी ली या गरीब ली ,हुरासीरी ली या भुदाचुमे ली ढेरा या जिनु ली या घे हुदी सुयड़ंन। परमेश्‍वर घनी जेनु खिदा कि अज्यु खिदा कि घे यीशु जो विश्‍वाश घा उसी घनकु साथी ली तरनी।

![](https://cdn.door43.org/obs/jpg/360px/obs-en-49-14.jpg)

यीशु घनी हुयदा कि इदु रु विश्‍वाश घानी अज्यु शुद्ध ढुबकि कुरनी। खा घा विश्‍वाश घा दनी लो परमेश्‍वर ताकु सेनु यीशु मसीह ली। खा घे विश्‍वाश घादन कि घे ताकु पापी ली अज्यु अनमा ले कि घे परमेश्‍वर कु रकसा घनी सजा दामु कु मा घरतु निहन। खा घे विश्‍वाश घादन ली घनकु पाप माफ घामु हन्दु कू्रस रु किसीजीजु।

![](https://cdn.door43.org/obs/jpg/360px/obs-en-49-15.jpg)

थन घनी यीशु रु अज्यु इदसु घनी हन्दु घासु ले इदरु विश्‍वाश घादनी ते ,घे ताकु मसीह ली। षीनु अफी मुन्छू कु राज्य रु घनी रु राज मुघाघदा। थन परमेश्‍वर अफी नीरु कु राज्य रु घेनी रु राज घाघदा। इदसु घनीजो पाप घामु हन्दु महा लिसु , घुम घालन घनी घा निचु। इदसु घनीजो ताकु नुनु जेनु जीवन दासु।

![](https://cdn.door43.org/obs/jpg/360px/obs-en-49-16.jpg)

अनमा निनि घनी ताकु मसीह ली ते जो यीशु सु घासु इदकुमा घरतु परमेश्‍वर सु पाप माफ किघादसू। थन दुष्मन कु बदला रु घनी ताकु जेनु साथी खिनी।

![](https://cdn.door43.org/obs/jpg/360px/obs-en-49-17.jpg)

खलन कि घनी परमेश्‍वर कु सायसी लिजे अज्यु प्रभु यीशु कु सेवा घानु ली घनी इदु काड़ंथे कु मानमु कु इच्छा घानदनी जो यीशु घनी रिदा ली। चाहे घेना ताकु मसीह ली ,षीनु इता ले पाप घामु हन्दु घनिकु परीक्षा कुराघदा। खलन परमेश्‍वर तुकतू र्खचु ली निजु जो इदु रिदा कि इदु घाघदा। इदु लिदा कि घे अफी पापो जो मानिजे ते घे माफ घाघदा ते पापो दाकक्षिमु कु शक्ति दाघदा।

![](https://cdn.door43.org/obs/jpg/360px/obs-en-49-18.jpg)

परमेश्‍वर घनिजो प्रार्थना घामु अज्यु इदकु वचन लिमु हन्दु रिदा। इदु घनिजो खिजु विश्‍वाश जन कु साथु ढिलन सु इदुकु भक्ति घामु हन्दु रिदा ली। घनीकु खिजु मिजन कु ले बतेमु लिनी कि इदसु घनी हन्दु खा घासु। खलन घनी अन्दु बिर लन घानी , ते घनी इदुकु कु ताकु जेनु साथी लयड़ंहनी।

*रोमियों 3:21.26, 5:1.11; यूहन्ना 3:16; मरकुस 16:16; कुलुस्सियों 1:13.14; 2 कुरिन्थियों 5:17.21; 1 यूहन्ना 1:5.10 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_49_128kbps.m4a

## 50. यीशु थोकते रानी।

https://openbiblestories.org/l/drd/story-50/

![](https://cdn.door43.org/obs/jpg/360px/obs-en-50-01.jpg)

लगभग 2000 ना साफा हिड़ं सु संसार रु बिर भड़ं रु दल सु दल मीजन मसीह यीशु कु बारी रु जेनु फुड़ं यन निजु। कलीसिया किबेडे निजु। यीशु सु वादा घासु कि इदु संसार कु लास्ट रु थोकते रायाड़ं। खलन इदु इता थोकते मुराजु ते इदु अफी वादा पुरा घालो।

![](https://cdn.door43.org/obs/jpg/360px/obs-en-50-02.jpg)

जब कि निड़ं यीशु कु थोकते रानु कु इंताजार घालन , परमेश्‍वर चिड़ंनी जी इदु हन्दु जीवन टाड़ंमु नीनी जो शुद्ध निनि अज्यु जो इदकु इज्जत घादा ली। जब यीशु धरती सुड़ं निजु इदसु रिदु जिकु चेले संसार भर रु बिर संसार कु मीजन जो परमेश्‍वर कु राज्य कु बारी रु जेनु फुड़ं प्रचार घाघदा ,तब इलाडं वक्त अंत रायड़ं।

![](https://cdn.door43.org/obs/jpg/360px/obs-en-50-03.jpg)

दलना सु जाती सु इता हुना यीशु कु बारी मुयनसु ली। थो लोक थोकते दिमु झायड़ं तुकतू यीशु सु मसीह जन जो इदु मी कु जेनु फुड़ं सुनेमु हन्दु लिसु। उइसु अन्दु सु खजारी मियनसु ली। इदसु लिसु दिनी अज्यु बिर जाती मीजन जो चेले बनेमु। अज्यु झमु हन्दु री रु कुमजू ली।

![](https://cdn.door43.org/obs/jpg/360px/obs-en-50-04.jpg)

यीशु सु अनमा लिसु , घुबरी ले दास अफी मालिक पुनु मुलेनु। अन्दु संसार कु खास मीजन सु जीजो रीस घासु , अज्यु जीकु कारण सु इदु घनी सतेसु अज्यु सेदडंदा। अन्दु संसार रु घनी सतेजु नीनी , खलन कि सारु लीनी ,खलन कि जिसु शीनु हरे दिसु जो संसार रु राज घादा ली। अनमा घनी लास्ट होना जीरु विश्‍वाश घामु मी बनेमु , ते परमेश्‍वर घनी बचेडंदा।

![](https://cdn.door43.org/obs/jpg/360px/obs-en-50-05.jpg)

यीशु सु अफी चेले कु अनमा समझमे हन्दु ताकु कथा बतेसु जब संसार कु अंत निनि ते मी कु साथु खा लयड़ं। इदसु लिसु घुबरी ले मी सु अफी री रु जेनु पिजे हिबाड़ंदा। जब इदु किया निजु ते उइकु बेरी राजु अज्यु रीजे कु पीजे कु घुन्दा रु सीरु कु सिड़ं कु घुदा रु किहेदसु , अज्यु थन ताजु।

![](https://cdn.door43.org/obs/jpg/360px/obs-en-50-06.jpg)

जब सिड़ं ढोजु ते सेवा घानु इदु मी जो लिसु हे स्वामी घेसु अफी री रु जेनु पिजे किहिबी निजु। ते अन्दु सेरु सिड़ं खलन निनि। इदु मी सु जवाब दासु ताकुचना जिकु बेरी उइ हिमु चिहनी। अन्दु जिकु घुबरी ले बेरी ले घुबरी सु अनमा घासु।

![](https://cdn.door43.org/obs/jpg/360px/obs-en-50-07.jpg)

इदु सेवक सु अफी स्वामी जो जवाब दासु सेरु कु सिडं फोमु चियहन। इदु स्वामी सु लिसु महा। अनमा घनी अनमा घाजे ते घनी अल्या रीजे ले फोदाड़ंनी। जबलड़ं जमु कु ज्या होना रुड़ंजम पड़ंयड़ं। तब सेरु सिड़ं सिडं थुमलन तादनी खलन घनी ची तरसनी। खलन कि रिजे जिकु गोठ रेलन योनी।

![](https://cdn.door43.org/obs/jpg/360px/obs-en-50-08.jpg)

चेले सु अन्दु कु कथा कु मतलब मुसमजेसु ,इदु हन्दु उइसु यीशु सु उइजो समझमे हन्दु कोशिश घासु। यीशु सु लिसु जेनु निजे हिबनु मी मसीह जो थेमु ली। री कु संसार रु थेमु। जेनु पीजे परमेश्‍वर कु राज्य रु मीजन थेयदी।

![](https://cdn.door43.org/obs/jpg/360px/obs-en-50-09.jpg)

सेरु कु सिडं पापी जन ,शीनु कु मीजन थेयदी। इदु मी कु बेरी शीनु जो थेसु , घुबरी सु सेरु सिडं किहीबदजु निजु। झमु अन्दु संसार कु अंत थेयदी, अज्यु झमु र्खचु परमेश्‍वर थोलोग जो थेसी।

![](https://cdn.door43.org/obs/jpg/360px/obs-en-50-10.jpg)

जब संसार कु अंत लयाड़ं तब थो लोग इदु बिर मीजन कु ताकु साथु थुमसयड़ं इदु शीनु कु नीनी। उइ थो लोग ताकु दलना लुड़ंनु मी रु चड़ंदा। इदोड़ं उइ मी दलना र्दद रु तियाड़ं अज्यु अफी सु हियाडंदा। खलन जो मी जेनु निनि घुबरी यीशु मा घरतु जीवन जीयसु ,इदकू परमेश्‍वर भा कु राज्य रु नि कु मा घरतु ढोयाड़ं।

![](https://cdn.door43.org/obs/jpg/360px/obs-en-50-11.jpg)

यीशु सु अनमा लिसु कि इदु संसार कु अंत लिमु जयाड़ं तुकतू धरती रु थोकसायड़ं। इदु तरीका सु थोकते रायड़ं घुबरी इदु ता निजु। खलन इदु कु लगान्दी अनमा हुराड़ं लयाड़ं अज्यु इदु खु रु तुखू रु सुड़ंलन रायाड़ं। जब यीशु थोकते सु बिर ताकु मसीह जो किसेजुचु लि सिजलाड़ं र्खचु रीजाड़ं अज्यु इदजु खु रु छियाड़ंहन।

![](https://cdn.door43.org/obs/jpg/360px/obs-en-50-12.jpg)

तब जो मसीह जन इता ले टाडंना निनि उइ खु रु अलन दीसु अज्यु इदु खीजु मसीहजन कु साथु ताकु लयहन जो सिजलाड र्खचु टाडंलन रिजीनी। उइसु बिर यीशु कु साथु लयाड़ं। इदकु नोगोन्दी यीशु अफी मीजन कु साथु रु सुयाड़ं। जब इदु साथु रु सुयड़ंनी ते इदु कु लगान्दी नोगोन्दी भुडंन आराम लयाड़ं।

![](https://cdn.door43.org/obs/jpg/360px/obs-en-50-13.jpg)

यीशु सु इदु विश्‍वाश घानु बिर जन ताकु मुकुट दामु कु कुरीहमजी निजु। उइसु नोगोन्दी होना सु परमेश्‍वर कु साथु बिर ताकु चीज रु राज घाघदा। इदकु लगान्दी दलना शान्ती लयाड़ं।

![](https://cdn.door43.org/obs/jpg/360px/obs-en-50-14.jpg)

खलन कि परमेश्‍वर इदु बिर कु न्याय घाघदा जो यीशु जो विश्‍वाश मुघा। उइसु उइ नरक रु घाघनदा। इदु उइ तियाड़ं अज्यु अफी सु हियाड़ंदा अज्यु नोगोन्दी होना काडंना सुयाड़ं। खजारी ना बुझने मी उइकु लगातार चिसालना सियाडंन अज्यु बु उइ जालन सु खजारी मुरुजाड़ं।

![](https://cdn.door43.org/obs/jpg/360px/obs-en-50-15.jpg)

जब यीशु थोकते रानी ते इदु भुड़ंना रीती शीनु कु अज्यु इदकु राज्य खत्म घालो। इदु शीनु जो नरक घादघदा। इदु शीनु नोगोन्दी होना सु चिसलना सुयाड़ं , इदु बिर कु साथु घुबरी परमेश्‍वर कु काडंथे मनेमु कु नोगोन्दी शीनु कु काड़ंथे दीम कु चुनाव घासु।

![](https://cdn.door43.org/obs/jpg/360px/obs-en-50-16.jpg)

खलन की आदम अज्यु हव्वा सु परमेश्‍वर कु काडंथे मुमानेसु अज्यु पाप जो संसार रु रेलन पिरा निजु। परमेश्‍वर सु उइ क्षाप दासु अज्यु उइ नष्ट घामु कु कोशिश घासु। खलन घुबरी ज्या परमेश्‍वर ताकु नुनु थो लोग अज्यु ताकु नुनु धरती कु रचना घाघदा जो शुद्ध लयाड़ं।

![](https://cdn.door43.org/obs/jpg/360px/obs-en-50-17.jpg)

यीशु अज्यु इदकु मी नुनु धरती रु सुयाड़ं ,अज्यु उसी नोगोन्दी होना बिर चीज रु राज घाघदा। इदु मी जन सु मी रु ताकु मती सिदाघदा। थन घुबरी ले कमनु या दुखी ले मुलाड़ं उइ तियाड़ं। उइ काडंनु मुलाड़ं या मुसेजाड़ं। अज्यु इदोडं यानु मुलाड़ं। यीशु अफी राज्य रु न्याय अज्यु शान्ति कु साथु राज घाघदा। इदु नोगोन्दी होना अफी मीजन रकसा सुयाड़ं।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24.30, 36.42; 1 थिस्सलुनीकियों 4:13.5:11; याकूब 1:12; मत्ती 22:13; प्रकाशितवाक्य 20:10, 21:1.22:21 से ताकु बाइबल की कथा*

Audio: https://git.door43.org/OBS-TLF/drd_obs/releases/download/v1/drd_obs_v1_50_128kbps.m4a