# unfoldingWord Open Bible Stories — Koraputia Desia

- Language code: `dso-x-korapdesia`
- Canonical page: https://openbiblestories.org/l/dso-x-korapdesia/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Koraputia Desia translation; it is not a translation of the whole Bible.

## 1. ୧. ବନା୍ଏବାଟା

https://openbiblestories.org/l/dso-x-korapdesia/story-1/

![](https://cdn.door43.org/obs/jpg/360px/obs-en-01-01.jpg)

ଅନ୍ତିକରି ପରମେଶ୍ବର ଆରମ୍ଭତି ସବୁଜିନିଷ୍କେ ସୃଷ୍ଟି (ବନାଏଲା)କରଲା। ହାଏ ଛ ଦିନ ଭିତରେ ଜଗତ ଆରି ଏଥିରେବା ସବୁ ଜିନିଷକେ ସୃଷ୍ଟି କରଲା। ପରମେଶ୍ବର ପୃଥିବୀକେ ସୃଷ୍ଟି କରଲାର ପାଚେ, ଏଟା ଅନ୍ଧକାର ଆରି ଖାଲି ରେଲା, କାଏକାଚେବଲେ୍ ପରମେଶ୍ବର ହାଏତି କାଇଟା ନା ବନାଏ ରେଲା। ମାତର ପରମେଶ୍ବର ର ଆତ୍ମା ଜଳ ଉପରେ ବୁଲ୍ତେରେଲା।

![](https://cdn.door43.org/obs/jpg/360px/obs-en-01-02.jpg)

ତାରପାଚେ ପରମେଶ୍ବର ବଲା୍, "ଉଜ୍ୱଲ ହୋଓ!" ଆଓରି ଉଜ୍ୱଲ ହୋଏଲା୍। ପରମେଶ୍ବର ଦୋଖାଲେ ଯେ ଉଜ୍ୱଲ ଅଚ୍ଛା ଆଏ ତେବେବଳି ଏଟାକେ "ଦିନ" ବୋଲି ବଲା୍। ଆରି ହାଏ ଏଟାକେ ଅନ୍ଧାରତିଲେ ଅଲଗା କରଲା ଯନଟାକେ ହାଏ "ରାତି" ବୋଲି ବଲା୍। ସୃଷ୍ଟିର୍ ପ୍ରଥମ ଦିନତି ପରମେଶ୍ବର ଉଜ୍ୱଲକେ ବନାଏଲା।

![](https://cdn.door43.org/obs/jpg/360px/obs-en-01-03.jpg)

ସୃଷ୍ଟିର ଦ୍ୱିତୀୟ ଦିନତି ପରମେଶ୍ବର ବଲା୍, "ଜଳ ଭିତର୍ଲେ ଗଟକ ଫାଙ୍କା ହୋଓ ଆଓରି ପାଣିକେ ଦୁଇ ଭାଗକର।” ଆଓରି ଗଟକ ଫାଙ୍କା ହୋଏଲା। ପରମେଶ୍ବର ହାଇ ଫାଙ୍କାକେ “ଆକାଶ” ବୋଲି ବଲା୍।

![](https://cdn.door43.org/obs/jpg/360px/obs-en-01-04.jpg)

ତୃତୀୟ ଦିନତି ପରମେଶ୍ବର ବଲା୍, "ପାଣି ଗଟକି୍ ଲଗେ ରୁଣ୍ଡା ହୋଓ ଆଓରି ଶୁକ୍ଳା ଭୂମି ଦୋଖାଦଓ।” ହାଏ ଶୁକ୍ଳା ଭୂମିକେ “ପୃଥିବୀ” ଆଓରି ପାଣିକେ “ସମୁଦ୍ର” ବୋଲି ବଲା୍। ପରମେଶ୍ବର ଦୋଖାଲା ଯେ ହାଏ ଯନ୍ଟା ବନାଏରେଲା ହାଏଟାମନ ସବୁ ଅଛା୍ରେଲା୍।

![](https://cdn.door43.org/obs/jpg/360px/obs-en-01-05.jpg)

ଆଓରି ପରମେଶ୍ୱର ବଲା୍, "ପୃଥିବୀ ସବୁ ପ୍ରକାର ଗଛ ଆରି ଲାଟାବୁଟାକେ ଅକ୍ରାଓ।” ଆଓରି ଅନ୍ତି ଆକା ହୋଏଲା। ପରମେଶ୍ବର ଦୋଖଲା ଯେ ହାଏ ଯନ୍ଟା ବନାଏରେଲା ହାଏଟା ଅଚ୍ଛାରେଲା।

![](https://cdn.door43.org/obs/jpg/360px/obs-en-01-06.jpg)

ସୃଷ୍ଟିର୍ ଚତୁର୍ଥ ଦିନତି୍, ପରମେଶ୍ବର ବଲା୍, "ଆକାଶତି ଆଲୋକ ହୋଓ।” ଆରି ବେଲ୍, ଯୋନ୍ ଆରି ତାରାମନ୍ ଦୋଖାଦେଲା। ପୃଥିବୀକେ ଆଲୋକ ଦେବା କାଚେ ଆରି ଦିନରାତି, ଋତୁ ଆଓରି ବର୍ଷ ଭିତରେ ପ୍ରଭେଦ କରିବା କାଚେ ପରମେଶ୍ବର ହାଏଟାମନକେ ସୃଷ୍ଟି କରଲା।

![](https://cdn.door43.org/obs/jpg/360px/obs-en-01-07.jpg)

ପଞ୍ଚମ ଦିନତି୍ ପରମେଶ୍ବର ବଲା୍, "ଜୀବମନ୍ ଜଳକେ ଭରି ଦିଅତ ଆରି ପକ୍ଷୀମାନେ (ଚେଢ଼େମନ) ଆକାଶରେ ଉଡ଼ତ୍। ଅନ୍ତିକରି ହାଏ ସବୁ ପ୍ରାଣୀକେ ସୃଷ୍ଟି କରଲା ଯନଟା କି ପାଣିତି ପହଁରୁଆତ୍ ଆରି ଚେଢ଼େମନ ଆକାଶ ତି ଉଡ଼ଆତ୍ ପରମେଶ୍ବର ଏଟା କେ ଭଲ ବୋଲି ଦେଖଲା ଆରି ହାଏଟାମନକେ ଆଶୀର୍ବାଦ କରଲା।

![](https://cdn.door43.org/obs/jpg/360px/obs-en-01-08.jpg)

ସୃଷ୍ଟିର ଷଷ୍ଠ ଦିନ୍ତି ପରମେଶ୍ବର ବଲା୍, "ମାଟିତି ରଙ୍ଗାବା ସବୁ ପ୍ରକାର ପ୍ରାଣୀ ହୋଓତ୍।”ଏଟା ପରମେଶ୍ୱର ବାକ୍ୟ ଅନୁସାରେ ହୋଏଲା। କେତେକ ପଶୁ ଘରେପଷବାଟା ହୋଇରେଲା, କେତେକ ମାଟିତି ରଙ୍ଗାବାଟା ଆରି କେତେକ ଜାର ଜୀବଜନ୍ତୁ ରେଲାଏ। ଆରି ପରମେଶ୍ବର ଦେଖଲା ଯେ ଏଟା ଅଚ୍ଛା ଆଚେ।

![](https://cdn.door43.org/obs/jpg/360px/obs-en-01-09.jpg)

ତାରପାଚେ ପରମେଶ୍ବର ବଲା୍, "ଆସା୍, ଆମି ମନୁଷ୍ୟକେ ଆମର ନିଜର ପ୍ରତିମୂର୍ତ୍ତିରେ ଆରି ଆମର ଅନ୍ତି ହୋଏସି। ହାଏ ପୃଥିବୀ ଆରି ସବୁ ପଶୁମାନ ଉପରେ ଶାସନ କରସି୍।”

![](https://cdn.door43.org/obs/jpg/360px/obs-en-01-10.jpg)

ତେଣୁ ପରମେଶ୍ବର ମାଟି ନେଇକରି ମନୁଷ୍ୟକେ ହାଇତିଲେ ସୃଷ୍ଟି କରଲା ଆରି ହାଇତି ଜୀବନର ନିଶ୍ୱାସ ପ୍ରଶ୍ୱାସ କର୍ଲା। ଇ ପୁରଷର ନାମ ଆଦମ ରେଲା୍। ଆଦମର ବାସ କରିବା କାଚେ ପରମେଶ୍ବର ଗୋଟକ୍ ବଡ଼ ଉଦ୍ୟାନ ତିଆର୍ କର୍ଲା ଆରି ଏଟାକେ ଯତ୍ନ କର୍ବାକାଚେ ଆଦମକେ ହାଇତାନେ ସଙ୍ଗାଏଲା।

![](https://cdn.door43.org/obs/jpg/360px/obs-en-01-11.jpg)

ହାଇ ବଗିଚାର୍ ମଜିତି ପରମେଶ୍ବର ଦୁଇଟା ବିଶେଷ ଗଛ ରୋପଲା୍ - ଜୀବନର ଗଛ୍ ଆରି ଭଲମନ୍ଦ ଜ୍ଞାନର ଗଛ୍। ପରମେଶ୍ବର ଆଦମକେ ବଲିରେଲା ଯେ ହାଏ ବଗିଚାର ଜୀବନର ଆରି ଭଲମନ୍ଦ ଜ୍ଞାନର ଗଛର ଛାଢି ହାଇ ବଗିଚାର୍ ରେବା କନିଚ୍ ଗଛର ଫଳକେ ଖାଏକେ ପାରସି୍। ଯଦି ହାଏ ହାଇ ଗଛର ଫଳ ଖାଏସି୍, ତେବେ ହାଏ ମରିଯାଏସି୍।

![](https://cdn.door43.org/obs/jpg/360px/obs-en-01-12.jpg)

ତାର୍ପାଚେ ପରମେଶ୍ବର ବଲା୍, ଗୋଟକ୍ ପୁରଷ ଏକ୍ଲା ରଏବାଟା ଅଚ୍ଛା ନୁଆଏ। ମାତର କନି ପ୍ରାଣୀ ଆଦମର ସାଥୀ ହୋଏକେ ନାପାରେତେ।

![](https://cdn.door43.org/obs/jpg/360px/obs-en-01-13.jpg)

ହାଇଟାକାଚେ ପରମେଶ୍ବର ଆଦମକେ ଭୟାଙ୍କାର ନିଦ୍ରାତି ଶୁଆଏଲା। ତାର୍ପାଚେ ପରମେଶ୍ବର ଆଦମର ଗୋଟକ୍ ହାଢାକେ ନେଇ ହାଇତାନ୍ଲେ ଗୋଟକ୍ ନାରୀ ସୃଷ୍ଟି କରି ଆଦମ ଲଗେ ଆଣଲା।

![](https://cdn.door43.org/obs/jpg/360px/obs-en-01-14.jpg)

ଆଦମ ତାକେ ଦୋଖି ବଲା୍, କନ୍ତିଚ ହୋ ଏ ତ ମୋର ଅନ୍ତା ଆଏ! ତାକେ 'ନାରୀ' ବଲାଯାଏସି, କାରଣ ହାଏ ନର ତାନଲେ ବନାଗଲାଆଚେ।” ଇଟାକାଚେ ପୁରୁଷ ନିଜର ଆୟା୍ବୁଆକେ ଛାଡ଼ି ନିଜର ସ୍ତ୍ରୀ ସଙ୍ଗେ ଏକ ହୋଇଯିବାଏ।

![](https://cdn.door43.org/obs/jpg/360px/obs-en-01-15.jpg)

ପରମେଶ୍ବର ନିଜର ପ୍ରତିମୂର୍ତ୍ତୀତି ନର ଆରି ନାରୀ କେ ସୃଷ୍ଟି କରଲା। ହାଏ ହାଏମନ୍କେ ଆଶୀର୍ବାଦ କରଲା ଆରି ହାଏମନ୍କେ ବଲା୍, ଠଖା ପିଲାଟକିକେ, ନାତିନାତନି୍ ଜନମ କରା ଆରି ପୃଥିବୀତି ପୂର୍ଣ୍ଣ କରା! ଆରି ପରମେଶ୍ବର ଦଖଲା ଯେ ହାଏ ସୃଷ୍ଟି କରିରେବା ସବୁ ଜିନିଷ ବହୁତ ଭଲରେଲା, ଆରି ହାଏ ସବୁର୍ ଉପରେ ଅଧିକ ସରଧା ହୋଏଲା। ସୃଷ୍ଟିର୍ ଷଷ୍ଠ ଦିନତି ଇ ସବୁ ଘଟ୍ଲା।

![](https://cdn.door43.org/obs/jpg/360px/obs-en-01-16.jpg)

ଯଡ଼ଦାଏ ସପ୍ତମ ଦିନ୍ ଆସଲା, ପରମେଶ୍ବର ଯନ୍ଟା କର୍ତେରେଲା ହାଏଟାକେ ସରାଏଲା। ହାଏ ସପ୍ତମ ଦିନ୍କେ ଆଶୀର୍ବାଦ କରଲା ଆରି ଏଟାକେ ପବିତ୍ର କରଲା, କାରଣ ହାଇ ଦିନେ ହାଏ ସବୁ ଜିନିଷ ସୃଷ୍ଟି କରି ସରାଏରେଲା। ଅନ୍ତିକରି ପରମେଶ୍ବର ଜଗତ ଆରି ହାଇତି ରେବା ସବୁ ବିଷୟ ସୃଷ୍ଟି କରଲା।

*ଆଦିପୁସ୍ତକ ଅଧ୍ୟାୟ ୧-୨ ତାନର୍ ଗୋଟକ୍ ବାଇବଲର କାଓନି ।*

## 2. ୨. ପାପ୍ ଜଗତତି୍ ଓଳୁଆଏ

https://openbiblestories.org/l/dso-x-korapdesia/story-2/

![](https://cdn.door43.org/obs/jpg/360px/obs-en-02-01.jpg)

ପରମେଶ୍ବର ହାଏମନ କାଚେ୍ ତିଆରି କରିରେବା ସୁନ୍ଦର ଉଦ୍ୟାନତି ଆଦମ ଆରି ତାର ସ୍ତ୍ରୀ ବହୁତ ସରଦା୍ ରେଲାଏ। ତିକର ଭିତରେ କୋନୀ ପୋଷାକ ନାପିନ୍ଧ୍ତେ ରେଲାଏ, ତଥାପି ଏଟା ହାଏମନ୍କେ କାକେ ଲଜ୍ଜିତ ନାକରଲା, କାରଣ ଦୁନିଆତି କାଇ ପାପ ନାରେଲା। ହାଏମନ୍ ପ୍ରାୟତ ହାଇ ବଗିଚାତି ବୁଲି ପରମେଶ୍ବର ସଙ୍ଗେ କଥାବାର୍ତ୍ତା ହୋଏଥେରେଲାଏ।

![](https://cdn.door43.org/obs/jpg/360px/obs-en-02-02.jpg)

ମାତର ହାଇ ବଗିଚାତି ଗୋଟକ୍ ସାପ ରେଲା। ହାଏଟା ବହୁତ ଚତୁର ରେଲା। ହାଏ ମହିଳାକେ ପଚାର୍ଲା, ପରମେଶ୍ବର ତମ୍କେ ଇ ବଗିଚାଲେ କଣୀ ଗଛର ଫଳ ଖାଏବାକାଚେ ମନା କର୍ଲା ଆଚ୍ଚେ କି?

![](https://cdn.door43.org/obs/jpg/360px/obs-en-02-03.jpg)

ହାଇ ସ୍ତ୍ରୀ ଉତ୍ତର ଦେଲା, "ପରମେଶ୍ବର ଆମକେ ବଲା୍ଆଚେ ଯେ ଆମି ଜୀବନର ଗଛ୍ ଆରି ଭଲମନ୍ଦ ଜ୍ଞାନର ଗଛ। ହାଇ ଗଛକେ ଛାଡ଼ି ଦେଇ ଅଳଗା କନିଚ୍ ଗଛର ଫଳ ଖାଏକେ ପାରବାସ୍। ପରମେଶ୍ବର ଆମ୍କେ ବଲା୍ଆଚେ ଯେ ଯଦି ତମି ହାଇ ଫଳକେ ଖାଏବାସ୍, କି ତମି ଛିଇବାସ୍ ତ ତମି ମରିବାସ୍।”

![](https://cdn.door43.org/obs/jpg/360px/obs-en-02-04.jpg)

ସାପ ହାଇ ସ୍ତ୍ରୀକେ ଉତ୍ତର ଦେଲା, "ଏଟା ସତ୍ ନୁଆଏ! ତମି ନାମରାଆସ୍। ପରମେଶ୍ବର ଜାଣେ ଯେ ତମି ହାଇ ଫଳକେ ଖାଇବାର୍ ସଙ୍ଗେ ସଙ୍ଗେ ତମି ପରମେଶ୍ବର ଅନ୍ତା ହୋଏବାସ୍ ଆରି ତାରଅନ୍ତା ଭଲ ଆରି ମନ୍ଦ୍ କେ ବୁଝ୍କେ ପାରବାସ୍।”

![](https://cdn.door43.org/obs/jpg/360px/obs-en-02-05.jpg)

ହାଇ ସ୍ତ୍ରୀ ଦୋଖାଲା୍ ଯେ ଫଳ ଟକା୍ ସୁନ୍ଦର ଆରି ସ୍ୱାଦ୍ ଦେଖାଯାଏଥେରେଲା। ହାଏ ମିଶା ଜ୍ଞାନୀ ହୋଏବାକାଚେ୍ ଚାହେଁଥେରେଲା, ହାଇଟାକାଛେ୍ ହାଏ ଫଳକେ ତଳା୍ ଆରି ଖାଏଲା। ତାର୍ପାଚେ ହାଏ ତାର ଖାଇରେବା ଫଳକେ ତାର ସ୍ୱାମୀକେ (ମୁନୁଷ)ଦେଲା ଆରି ହାଇ ମିଶା ଏଟାକେ ଖାଏଲା।

![](https://cdn.door43.org/obs/jpg/360px/obs-en-02-06.jpg)

ହଠାତ୍ ତିକର୍ ଆଖି ଖୋଲିଗଲା, ଆରି ହାଏମନ୍ ଜାଣକେ୍ ପାଏଲା ଯେ ନାଙ୍ଗ୍ଡା ଆଚେତ। ହାଏମନ ନିଜର ପୋଷାକ ତିଆରି କରି ପତ୍ରକେ ସିଲାଏ କରି ନିଜର ଶରୀରକେ ଡାପା୍ କାଚେ ଚେଷ୍ଟା କର୍ଥେରେଲାଏ।

![](https://cdn.door43.org/obs/jpg/360px/obs-en-02-07.jpg)

ତାର୍ପାଚେ ହାଇ ବ୍ୟକ୍ତି ଆରି ତାର ପତ୍ନୀ ବଗିଚାତି ବୁଲ୍ବା ସମୟତି ପରମେଶ୍ବର ସ୍ୱର୍ ଶୁଣଲାଏ। ଦୁନୋଓ ପରମେଶ୍ୱର ଲଗ୍ଲେ ଲୁକି୍ରେଲାଏ। ତାର୍ପାଚେ ପରମେଶ୍ୱର ହାଇ ପୁରୁଷକେ ଡାକ୍ଲା, “ତମି କୋନ୍ଲେଗେଆଚ୍ସ୍?” ଆଦମ ଉତ୍ତର ଦେଲା, "ମୁଁ ଶୁଣ୍ଲି ତୁଇ ବଗିଚାତି ବୁଲବିଆସ୍, ଆରି ମୁଇ ଡରିଗଲି, କାରଣ ମୁଇ ଲାଙ୍ଗ୍ଡା୍ ରେଲି। ହାଇଟାକାଚେ୍ ମୁଇ ଲୁକିରେଲି।”

![](https://cdn.door43.org/obs/jpg/360px/obs-en-02-08.jpg)

ତାର୍ପାଚେ ପରମେଶ୍ବର ପଚାର୍ଲା, "ତମି ଲାଙ୍ଗ୍ଡା ଆଚ୍ସ୍ ବୋଲି କନାଏ ସାଙ୍ଗ୍ଲା? ମୁଇ ତମ୍କେ ଖାଏବାକାଚେ୍ ମନା କରିରେବା ଫଳକେ ଖାଏଲାସ୍ କି?" ହାଏ ଉତ୍ତର ଦେଲା, ତୁଇ ମୋକେ ଦେଇରେବା ସ୍ତ୍ରୀ ମୋକେ ହାଇ ଫଳ ଦେଲା। ତାର୍ପାଚେ ପରମେଶ୍ୱର ସ୍ତ୍ରୀକେ ପଚାରିଲା, “ତୁ ଏଟା କନ୍ତା କର୍ଲିସ୍?” ସ୍ତ୍ରୀ ବଲା୍, ସାପ ମୋକେ ଠଗ୍ଲା ଆଚେ।”

![](https://cdn.door43.org/obs/jpg/360px/obs-en-02-09.jpg)

ପରମେଶ୍ବର ସାପକେ ବଲା୍, "ତୁଇ ଶ୍ରାପିତ ଆସ୍! ତୁଇ ତର ପେଟଦେଇ ବୁଲାବୁଲି କରବିସ୍ ଗଡ଼ି ମାଟିକେ ଚାଟିବିସ୍। ତୁଇ ଆରି ଇ ସ୍ତ୍ରୀ ପରସ୍ପରକେ ଘୃଣା କର୍ବାସ୍, ଆରି ତର ବଂଶ ଆରି ଏତାର୍ ପିଲାଟକିମନ ପରସ୍ପରକେ ଘୃଣା କର୍ବାଏ। ଇ ସ୍ତ୍ରୀର ବଂଶର ଲୋକ ତର ମୁଣ୍ଡକେ ଚୂର୍ଣ୍ଣ କରବାଏ ଆରି ତୁଇ ତାର ଗୋଇଠା କେ ଛାବସି୍।”

![](https://cdn.door43.org/obs/jpg/360px/obs-en-02-10.jpg)

ତାର୍ପାଚେ ପରମେଶ୍ୱର ହାଇ ସ୍ତ୍ରୀକେବଲା୍, "ମୁଇ ତର ସନ୍ତାନ ପ୍ରସବ କରିବାଟାକେ ବହୁତ କଷ୍ଟଦାୟକ କରିବି। ତୁଇ ତର ସ୍ୱାମୀ କାଚେ ବହୁତ ଇଚ୍ଛା କରବିସ୍ ଆରି ହାଏ ତର ଉପରେ ଶାସନ କରସି୍।”

![](https://cdn.door43.org/obs/jpg/360px/obs-en-02-11.jpg)

ପରମେଶ୍ୱର ହାଇ ପୁରଷ୍କେ ବଲା୍, "ତୁଇ ତୋର ସ୍ତ୍ରୀର କଥାକେ ଶୁଣଲିସ୍ ଆରି ମୋର କଥାକେ ନା ମାନ୍ଲିସ୍। ହାଇଟାକାଚେ ଭୂମି ଶ୍ରାପିତ ହୋଏଲା, ଆରି ଖାଦ୍ୟ ବଇବା କାଚେ ତକେ କଠିନ ପରିଶ୍ରମ କର୍ବାକାଚେ ପଡ଼୍ସି। ବର୍ତ୍ତମାନ ତୁଇ ମର୍ବିସ୍, ଆରି ତର୍ ଶରୀର ଧୂର୍ଳିତି ମିଶି୍ଯାଏସି। ଇ ବ୍ୟକ୍ତି ତାର ପତ୍ନୀର ନାମ ହବା ଦେଲା, ଯାହାର ଅର୍ଥ ଆଏ "ଜୀବନ ପ୍ରଦାନକାରୀ", କାରଣ ହାଏ ସବୁ ଜାତିର ମାତା ହୋଏସି୍। ଆରି ପରମେଶ୍ବର ଆଦମ ଆରି ହବାକେ ପଶୁ ଚାମଢା଼ର ତିଆରିହୋଇରେବା ପୋଷାକ ପିନ୍ଧାଏଲା।

![](https://cdn.door43.org/obs/jpg/360px/obs-en-02-12.jpg)

ତାର୍ପାଚେ ପରମେଶ୍ବର ବଲା୍, “ଏବେ ମନୁଷ୍ୟ ଭଲ ଆରି ମନ୍ଦ ଜାଣ୍ବା୍ ଦ୍ୱାରା ଆମର ଅନ୍ତା ହୋଇଗଲାଆଚେ, ହାଇଟାକାଚେ ହାଏମନ୍କେ ଜୀବନର ଗଛର ଫଳକେ୍ ଖାଏବାକାଚେ ନାଦିଆସ୍, ନୋଏଲେ ହାଏମନ୍ ଚିରକାଳ ଜୀଇବାଏ।” ତେଣୁ ପରମେଶ୍ବର ଆଦମ ଆରି ହବାକେ ହାଇ ଉଦ୍ୟାନଲେ ନିକ୍ରାଏଦେଲା। ଆରି ଶକ୍ତିଶାଳୀ ଦୂତମନକେ ହାଇ ଉଦ୍ୟାନର ପ୍ରବେଶ ଦ୍ୱାରତି ଜାଗା୍ଏଲା ଯନ୍ତାକି ହାଇ ଗଛର ଫଳକେ ଆରି କନି ତଳିକରି ନା ଖାଏବାଏ।

*ଆଦିପୁସ୍ତକ ଅଧ୍ୟାୟ ୩ ତାନର୍ ଗୋଟକ୍ ବାଇବଲର କାଓନି।*

## 3. ୩. ବନ୍ୟା୍

https://openbiblestories.org/l/dso-x-korapdesia/story-3/

![](https://cdn.door43.org/obs/jpg/360px/obs-en-03-01.jpg)

ବହୁତ ସମୟର ପାଚେ, ଦୁନିଆତି ଅନେକ ଲୋକ ବାସ କର୍ତେରେଲାଏ। ହାଏମନ୍ ଅଧିକ ଦୁଷ୍ଟ ଆରି ବଧ୍ମାସ୍ ହୋଇଯାଇରେଲାଏ। ଏଟା ଅତକ୍ ଖରାପ ରେଲା, ଯେ ପରମେଶ୍ବର ଗୋଟକ୍ ବଡେ ବନ୍ୟା ସଙ୍ଗେ ବିଶ୍ୱସାରାକେ ଧ୍ୱଂସ କର୍ବାକାଚେ ସ୍ଥିର କର୍ଲା।

![](https://cdn.door43.org/obs/jpg/360px/obs-en-03-02.jpg)

ମାତର ପରମେଶ୍ୱର ନୋହର କାଚେ ସର୍ଧା ରେଲା। ହାଏ ଦୁଷ୍ଟ ଲୋକମନ ଭିତ୍ରେ ବାସ କରବା ଗୋଟକ୍ ଧାର୍ମିକ ବ୍ୟକ୍ତି ରେଲା। ପରମେଶ୍ବର ନୋହକେ ବଲିରେଲା, ଯେ ହାଏ ଗୋଟକ୍ ବଡେ ବନ୍ୟାକେ ପୃଥିବୀତି ଆଣସି୍ବେ। ଏଟା କାଚେ ହାଏ ନୋହକେ ଗୋକଟ ବଡେ ଡଙ୍ଗା ବନାଏବା କାଚେ୍ ବଲିରେଲା।

![](https://cdn.door43.org/obs/jpg/360px/obs-en-03-03.jpg)

ପରମେଶ୍ବର ନୋହକେ ପାଖାପାଖି ୧୪୦ ମିଟର ଲମ୍ବା, ୨୩ ମିଟର ଚଉଡା(ଅସାର) ଆରି ୧୩.୫ମିଟର ଉଚ୍ଚାର୍ ଗୋଟକ୍ ଡଙ୍ଗା ବନାଏବା କାଚେ ବଲିରେଲା। ନୋହ ଏଟାକେ କାଠ ସଙ୍ଗେ ବନାଏକରି, ଏଟାକେ ୩(ତିନ୍) ମହଲା, ବାକାରାମନ, ଗୋଟକ୍ ଛତ ଆରି ଝରକା ତିଆର୍ କର୍ବାକେ ପଡ୍ଲା। ହାଇ ଡଙ୍ଗା ନୋହ, ତାର ପରିବାର ଆରି ସବୁ ପ୍ରକାରର ପ୍ରାଣୀକେ ହାଇ ବନ୍ୟାତାନ୍ଲେ ସୁରକ୍ଷିତ ରଖ୍ସ୍।

![](https://cdn.door43.org/obs/jpg/360px/obs-en-03-04.jpg)

ନୋହ ପରମେଶ୍ୱର କଥା ମାନଲା। ପରମେଶ୍ବର ଯନ୍ତା ବଲିରେଲା, ହାଏ ଆରି ତାର ପିଲାମନ୍ ଡଙ୍ଗା ବନାଏଲାଏ। ଡଙ୍ଗା ଏତ୍କ ବଡେ ରେଲା ଯେ ଏଟାକେ ବନାଏ ବାକାଚେ ବହୁତ ବର୍ଷ ଲାଗ୍ଲା। ନୋହ ଲୋକମନ୍କେ ଆସ୍ଥେରେବା ବନ୍ୟ ବିଷୟତି ଚେତାବନୀ ଦେଇ ହାଏମନ୍କେ ପରମେଶ୍ବର ଲଗେ୍ ଲେଓଟିଯିବା କାଚେ ବଲିରେଲା, ମାତର୍ ହାଏମନ୍ ତାକେ ବିଶ୍ୱାସ ନା କର୍ଲାଏ।

![](https://cdn.door43.org/obs/jpg/360px/obs-en-03-05.jpg)

ପରମେଶ୍ବର ନୋହ ଆରି ତାର ପରିବାରକେ ନିଜର କାଚେ ଆରି ପଶୁମନ୍ କାଚେ ପର୍ଯ୍ୟାପ୍ତ ଖାଦ୍ୟ ରୁନ୍ଡାଏବା କାଚେ ଆଦେଶ ଦେଲା। ଜଡ଼ଦାଏ ସବୁଟା ପ୍ରସ୍ତୁତ ହୋଏଲା, ପରମେଶ୍ବର ନୋହକେ ବଲିରେଲା ଯେ, ତାର ବାଏଲେ୍, ତିନ୍ଟା ପିଲାମନ ଆରି ହାଏମନର୍ ବାଏଲେମନ୍ ଡଙ୍ଗାତି ଯିବାର ସମୟ ରେଲା - ସବୁ ଆଠ ଲୋକ ରେଲା୍ଏ।

![](https://cdn.door43.org/obs/jpg/360px/obs-en-03-06.jpg)

ପରମେଶ୍ବର ସବୁ ପ୍ରକାର ପଶୁ ଆରି ପକ୍ଷୀର ପୁରୁଷ ଆରି ସ୍ତ୍ରୀକେ ନୋହର ଲଗେ ପଠାଏଲା ଯନ୍ତାକି ହାଏମନ୍ ଡଙ୍ଗାତି ପ୍ରବେଶ କରି ବନ୍ୟା ସମୟତି ସୁରକ୍ଷା ରେବାଏ। ପରମେଶ୍ବର ସାତ୍ଟା ପୁରୁଷ ଆରି ସାତ୍ଟା ସ୍ତ୍ରୀ ସବୁ ପ୍ରକାରର ପଶୁ ପଠାଏଲା ଯନ୍ଟାକେ ବଳିଦାନ୍ତି ବ୍ୟବହାର ହୋଏକେ ପାରେ। ସବୁ ଡଙ୍ଗାତି ପହଞ୍ଚ୍ବାର ପାଚେ ପ୍ରଭୁ ନିଜେ ଡଙ୍ଗାର କବାଟକେ ବନ୍ଦ କରିଦେଲା।

![](https://cdn.door43.org/obs/jpg/360px/obs-en-03-07.jpg)

ତାର୍ପାଚେ ବର୍ଷା ଆରମ୍ଭ ହୋଇଗଲା, ଆରି ବର୍ଷା ହୋଏତେ ଗଲା, ଚାଳିଶ ଦିନ୍ ଚାଳିଶ ରାତି ଲଗାତର୍ ବର୍ଷା ହୋଏଲା। ଦୁନିଆସାରାର୍ ସବୁଟା, ଅନ୍ତାକି ବଡେବଡେ ପର୍ବତମନ ମିଶା ପାଣିତି ବୁଡ଼ି ଗଲା।

![](https://cdn.door43.org/obs/jpg/360px/obs-en-03-08.jpg)

ଡଙ୍ଗାତି ରେବା ଲୋକ ଆରି ପଶୁମନ୍ କେ ଛାଡ଼ି ଶୁଷ୍କ ଭୂମିତି ବାସ କର୍ତେ ରେବା ସବୁ ଜିନିଷ ମରିଗଲାଏ। ଡଙ୍ଗା ପାଣି ଉପରେ ଭାସ୍ତେରେଲା ଆରି ଡଙ୍ଗା ଭିତରେ ରେବା ସବୁ ଜିନିଷ ବୁଡ଼ବା ଥା୍ନ୍ଲେ ବାଛଲାଏ।

![](https://cdn.door43.org/obs/jpg/360px/obs-en-03-09.jpg)

ବର୍ଷା ବନ୍ଦ ହୋଏବା ପାଚେ ଡଙ୍ଗା ପାଞ୍ଚ ମାସ ପାଣି ଉପରେ ଭାସ୍ତେରେଲା ଆରି ହାଇ ସମୟତି ପାଣି କମ୍ତେ ଗଲା। ତାର୍ପାଚେ ଗୋଟଦିନ୍ ଡଙ୍ଗା ଗୋଟକ୍ ପର୍ବତର ଟିପେ ଆସ୍ଲା, ମାତର୍ ପୂରା ଜଗତ ପାଣିତି ଢାପି ହୋଇରେଲା୍। ତିନ୍ମାସ ପାଚେ ପର୍ବତମନର ଟିପ୍ ଦଖାଏ ଦେଏତେରେଲା।

![](https://cdn.door43.org/obs/jpg/360px/obs-en-03-10.jpg)

ତାର୍ପାଚେ ଆଓରି ଚାଳିଶ୍ ଦିନର ପାଚେ ନୋହ ଜାଣ୍ବାକାଚଜ ଗୋଟକ୍ କାବାକେ ପଠାଏଲା ପାଣି ଶୁଖ୍ଲା ଆଚେ କି ନାଇ। କାବା ଶୁଖ୍ଲା ଜମିକେ ଡଗ୍ରା ଡଗ୍ରା ଏବାଟେ ହାଏବାଟେ ଉଡ୍ତେ ରେଲା, ମାତର ହାଏ ଶୁକ୍ଳା ଭୂମି ନା ପାଏଲା।

![](https://cdn.door43.org/obs/jpg/360px/obs-en-03-11.jpg)

ତାର୍ପାଚେ ନୋହ ଗୋଟକ୍ କପୋତକେ(ପାରା) ପଠାଏଲା। ମାତର୍ ହାଇଟାମିଶା କାଇ ଶୁଖ୍ଲା ଜମି ନାପାଏଲା, ତେଣୁ ହାଇଟା ନୋହ ଲଗେ ଉଟିଗଲା। ଗୋଟ୍ ସପ୍ତାହର ପାଚେ ହାଏ ଆଓରି ହାରକ୍ କପୋତକେ ପଠାଏଲା, ଆରି ହାଏ ତାର ଟୋନ୍ଡେ ଗୋଟକ୍ ଅଲିଭ୍ ଖେନ୍ଦା ନେଇକରି ଆସ୍ଲା। ପାଣି କମ୍ତେରେଲା ଆରି ଲାଟାବୁଟା ସବୁ ଅକର୍ତେରେଲା।

![](https://cdn.door43.org/obs/jpg/360px/obs-en-03-12.jpg)

ନୋହ ଆଓରି ଗୋଟକ୍ ସପ୍ତାଆ ଜାଗିକରି ତୃତୀୟ ହାରକାଚେ କପୋତକେ ପଠାଏଲା। ଇହାର ହାଏ ରହ୍ବାକାଚେ ଗୋଟକ୍ ଜାଗା ପାଏଲା ଆରି ହାଏ ଲେଓଟି କରି ନାଆସଲା। ପାଣି ଶୁଖ୍ତେରେଲା।

![](https://cdn.door43.org/obs/jpg/360px/obs-en-03-13.jpg)

ଦୁଇମାସ ପାଚେ ପରମେଶ୍ବର ନୋହକେ ବଲା୍, "ବର୍ତ୍ତମାନ୍ ତୁଇ ଆରି ତୋର ପରିବାର ଆରି ସବୁ ପ୍ରାଣୀ ଡଙ୍ଗାତିଲେ ନିକ୍ରା। ଅନେକ ପିଲଟକି ଆରି ନାତି ନାତୁଣୀ ଜନମ କରା ଆରି ପୃଥିବୀକେ ଭରିଦିଆସି୍।” ହାଇଟାକାଚେ ନୋହ ଆରି ତାର ପରିବାର ଡଙ୍ଗାତିଲେ ବାହାରିଗଲାଏ।

![](https://cdn.door43.org/obs/jpg/360px/obs-en-03-14.jpg)

ନୋହ ଡଙ୍ଗାଲେ ନିକ୍ରୀ ଆସ୍ବା ପାଚେ ହାଏ ଗୋଟକ୍ ବେଦୀ ତିଆର୍ କର୍ଲା ଆରି ବଳିଦାନ (ପୂଜବା) କାଚେ ବ୍ୟବହାର୍ ହୋଏବା ସବୁ ପ୍ରକାରର ପଶୁ ତାନ୍ଲେ ଅଳପ ଲାକା ନେଇ ବଳି ଉତ୍ସର୍ଗ କର୍ଲା। ହାଇ ବଳିଦାନତି ପରମେଶ୍ବର ସନ୍ତୁଷ୍ଟ ହୋଏଲା ଆରି ନୋହ ଆରି ତାର ପରିବାରକେ ଆଶୀର୍ବାଦ କର୍ଲା।

![](https://cdn.door43.org/obs/jpg/360px/obs-en-03-15.jpg)

ପରମେଶ୍ବର ବଲା୍, ମୁଇ ପ୍ରତିଜ୍ଞା କରବି ଆଚ୍ଚି ଯେ ମାନେଲୋକ କର୍ତେରେବା ଖରାପ କାମ କାଚେ ମୁଇ ଆରି ଭୂମିକେ ଅଭିଶାପ ନାଦିଇ କି ବନ୍ୟା ଦ୍ୱାରା ଜଗତକେ ବିନାଶ ନାକରି, ଯଦିଓ ମଣିଷମନ୍ ପିଲାଦିନଲେ ପାପୀ ଆଏ।

![](https://cdn.door43.org/obs/jpg/360px/obs-en-03-16.jpg)

ତାର୍ପାଚେ ପରମେଶ୍ବର ତାର୍ ଚୁକ୍ତିର ସଙ୍କେତ ହିସାବ୍ତି ପ୍ରଥମେ ଇନ୍ଦ୍ରଧନୁ ବନାଏଲା। ଜଡ଼କି୍ଦାଏ ମିଶା ଆକାଶତି ଇନ୍ଦ୍ରଧନୁ ଦୋଖାଦେଏସି, ପରମେଶ୍ବର ଯନ୍ଟା ପ୍ରତିଜ୍ଞା କର୍ଲା ଆଚେ ହାଏଟାକେ ହେତ୍କର୍ସି୍ ଆରି ହାନ୍ତି ଆକା ତାର ଲୋକମନ୍ ମିଶା ହେତ୍ କରବାଏ।

*ଆଦିପୁସ୍ତକ: ୬-୮ ତାନର୍ ଗୋଟକ୍ ବାଇବଲର କାଓନି।*

## 4. ୪. ଅବ୍ରାହାମ ସଙ୍ଗେ ପରମେଶ୍ବରର ନିୟମ୍

https://openbiblestories.org/l/dso-x-korapdesia/story-4/

![](https://cdn.door43.org/obs/jpg/360px/obs-en-04-01.jpg)

ବନ୍ୟାର ଅନେକ ବର୍ଷର ପାଚେ, ଠକା୍ ଲୋକ ଜଗତ୍ ତି ବାସ କର୍ତେରେଲାଏ, ଆରି ହାଏମନ୍ ଆଓରିହାରକ୍ ପରମେଶ୍ବର ର ବିରୁଦ୍ଧତି ଆଓରି ପରସ୍ପର ବିରୁଦ୍ଧତି ପାପ କର୍ଲାଏ। କାରଣ ହାଏମନ୍ ସବୁଲୋକ ଗୋଟକି୍ ଭାଷା ବଲ୍ତେ ରେଲାଏ, ହାଇଟାକାଚେ ହାଏମନ୍ ଗୋଟକି୍ ଲଗେ ରୁଣ୍ଡା ହୋଏଲାଏ ଆଓରି ଜଗତକେ ଭରବାର୍ ପରମେଶ୍ବରର ଆଦେଶର ବଦଳେ ଗୋଟକ୍ ସହର ନିର୍ମାଣ କର୍ଲାଏ।

![](https://cdn.door43.org/obs/jpg/360px/obs-en-04-02.jpg)

ହାଏମନ୍ ବହୁତ ଗର୍ବୀ ରେଲାଏ, ଆରି ତିକେ କନ୍ତା ଜୀବନ ଜୀଇବା ଉଚିତ୍ ହାଇ ବିଷୟତି ପରମେଶ୍ବର ଆଦେଶ ପାଳନ କର୍ବାକାଚେ ନା ଚାହେଁତେରେଲାଏ। ଅନ୍ତାକି ହାଏମନ ଗୋଟକ୍ ଟାୱାର ବନାଏବାଟା ଆରମ୍ଭ କରିଦେଲାଏ ଯନ୍ଟା କି ସ୍ୱର୍ଗଲଗେ କେଟ୍ସି୍। ପରମେଶ୍ବର ଦୋଖ୍ଲା ଯେ ଯଦି ହାଏମନ୍ ମିଶିକରିମନ୍ଦ କାମ କରବାଏ, ତେବେ ହାଏମନ୍ ଅନେକ ପାପପୂର୍ଣ୍ଣ କାମ କରେକେପାର୍ବାଏ।

![](https://cdn.door43.org/obs/jpg/360px/obs-en-04-03.jpg)

ତେଣୁ ପରମେଶ୍ବର ତିକର ଭାଷାକେ ଅଳାଗା ଅଳାଗା ଭାଷାତି ବଦଲାଏ ଦେଲା ଆରି ହାଇ ଲୋକମନକେ ବିଶ୍ୱସାରାତି ବିସ୍ତାର କରିଦେଲା। ଯନ୍ ସହରକେ ହାଏମନ୍ ବନାଏବାଟା ଆରମ୍ଭ କରିରେଲାଏ ହାଇଟାକେ ବାବେଲ ବଲା୍ ଯାଏତେରେଲା ଯାହାର ଅର୍ଥ ଆଏ“ବିଶୃଙ୍ଖଳା”।

![](https://cdn.door43.org/obs/jpg/360px/obs-en-04-04.jpg)

ଶହ ଶହ ବର୍ଷର ପାଚେ, ପରମେଶ୍ବର ଅବ୍ରାମ ନାମର ଗୋଟକ୍ ବ୍ୟକ୍ତି ସଙ୍ଗେ କଥା ହୋଏଲା। ପରମେଶ୍ୱର ତାକେ ବଲା୍, "ତୋର ଦେଶ ଆରି ପରିବାରକେ ଛାଡ଼ି ହାଇ ଦେଶତି ଯା, ଯନ୍ଟା କେ ମୁଇ ତକେ ଦୋଖାଏବି। ମୁଇ ତକେ ଆଶୀର୍ବାଦ କର୍ବି ଆରି ଗୋଟକ୍ ମହାନ ରାଷ୍ଟ୍ରରେ ପରିଣତ କର୍ବି। ମୁଇ ତୋର ନାମକେ ମହାନ କର୍ବି। ଜନମନ ତକେ ଆଶୀର୍ବାଦ କର୍ବାଏ ମୁଇ ହାଏମନକେ ଆଶୀର୍ବାଦ କର୍ବି, ଆରି ଯନାଏ ତକେ ଅଭିଶାପ ଦେଏସି ମୁଇ ତାକେ ଅଭିଶାପ ଦେବି। ତୋରଲାଗି ଜଗତର ସବୁ ପରିବାର ଆଶୀର୍ବାଦ ପାଏବାଏ।”

![](https://cdn.door43.org/obs/jpg/360px/obs-en-04-05.jpg)

ହାଇଟାକାଚେ ଅବ୍ରାମ ପରମେଶ୍ୱରର୍ କଥା ମାନ୍ଲା। ହାଏ ତାର୍ ସ୍ତ୍ରୀ ସାରା ଆରି ତାର ସବୁ ଚାକରମନ ଆରି ସବୁ ସମ୍ପତ୍ତିକେ ଧରି। କିଣାନ ପରମେଶ୍ୱର ଦୋଖାଏରେବା ଦେଶତି ଗଲାଏ।

![](https://cdn.door43.org/obs/jpg/360px/obs-en-04-06.jpg)

ଅବ୍ରାମ କିଣାନ ଦେଶେ ପହଞ୍ଚିବାର ପାଚେ ପରମେଶ୍ୱର ତାକେ ବଲା୍, "ଚାରବାଟେ ଦୋଖ୍। ମୁଇ ତକେ ଇସବୁ ଦେଶ୍ ଦେବି ଆରି ତୋର ବଂଶଧରମନ ସବୁଦିନ କାଚେ ଇଟାକେ ଅଧିକାର କରବାଏ।” ତାର୍ପାଚେ ଅବ୍ରାମ ହାଇ ଦେଶତି ବାସ କର୍ଲା।

![](https://cdn.door43.org/obs/jpg/360px/obs-en-04-07.jpg)

ମଲକୀଷେଦକ ନାମର ଗୋଟକ୍ ବ୍ୟକ୍ତି ରେଲା ଯନାଏ ପରମେଶ୍ୱରର ପୁରୋହିତ ରେଲା। ଗୋଟଦିନ୍ ଯଡ଼ଦାଏ ଅବ୍ରାମ ଯୁଦ୍ଧ କରି ଆସ୍ଥେରେଲା, ହାଏ ଆରି ଅବ୍ରାମ ଭେଟିରେଲାଏ। ମଲ୍କୀଷେଦକ ଅବ୍ରାମକେ ଆଶୀର୍ବାଦ କରି ବଲିରେଲାଏ, "ସର୍ବୋପରିସ୍ଥ ପରମେଶ୍ୱର, ସ୍ୱର୍ଗ ଆରି ପୃଥିବୀର ପ୍ରଭୁ ତକେ ଆଶୀର୍ବାଦ ଦେଓ।” ତାର୍ପାଚେ ଅବ୍ରାମ ମଲ୍କୀଷେଦକେ ଯୁଦ୍ଧତାନ୍ଲେ ଜିତିରେବା ସବୁ ଜିନିଷର ଗୋଟକ୍ ଦଶମାଂଶ ଦେଲା।

![](https://cdn.door43.org/obs/jpg/360px/obs-en-04-08.jpg)

ଟକା୍ ବର୍ଷ ହୋଇଗଲା, ମାତର ଅବ୍ରାମ ଆରି ସାରାକେ ଗଟକି ପିଲାଟକି ନାରେଲାଏ। ପରମେଶ୍ବର ଅବ୍ରାମ ସଙ୍ଗେ କଥାବାର୍ତ୍ତା କର୍ଲା। ଆରି ଆଓରିହାରକ ପ୍ରତିଜ୍ଞା କର୍ଲା ଯେ ତାର ଗୋଟକ୍ ବେଟା ହୋଏସି ଆରି ହାଏ ଆକାଶତି ତାରାଗଣ ଅନ୍ତା ବଂଶଧର ହୋଏବାଏ। ଅବ୍ରାମ ପରମେଶ୍ବରର ପ୍ରତିଜ୍ଞାକେ ବିଶ୍ୱାସ କର୍ଲା। ପରମେଶ୍ବର ଘୋଷଣା କର୍ଲା ଯେ ଅବ୍ରାମ ଗୋଟକ୍ ଧାର୍ମିକ ବ୍ୟକ୍ତି ଆଏ କାରଣ ହାଏ ପରମେଶ୍ବର ପ୍ରତିଜ୍ଞାକେ ବିଶ୍ୱାସ କରିରେଲା।

![](https://cdn.door43.org/obs/jpg/360px/obs-en-04-09.jpg)

ପରମେଶ୍ବର ଅବ୍ରାମ ସଙ୍ଗେ ଗୋଟକ୍ ନିୟମ୍ କର୍ଲା। ଉଦାହରନ୍ ହିସାବତି୍ ଦୁଇଲକ୍ କାଇଟା ନିୟମ୍ କର୍ବା କାଚେ୍ ଗଟୋକ୍ ନିୟମ୍ ବୋଲେ୍ ଦୁନ୍ ବାଟ୍ର ନିୟମ୍, ଅବ୍ରାମ ଶୋଇରେବା ସମୟତି ଅବ୍ରାମକେ ହାଇ ପ୍ରତିଜ୍ଞା କରିରେଲା, ମାତର ହାଏ ତଥାପି ପରମେଶ୍ବର କଥାକେ ହାଏ ଶୁଣିକେ ପାର୍ତେରେଲା। ପରମେଶ୍ବର ବଲାଆଚେ, "ମୁଇ ତୋର ଶରୀରଲେ୍ ଜନ୍ମ ଦେବି ଆରି ତୋର ନିଜର ପୁତ୍ର ହୋଏସି। ମୁଇ କିଣାନର ଇ ଦେଶମନକେ ତୋର ବଂଶଧରମନକେ ଦେବି।” ମାତର ଅବ୍ରାମର କୈଣସି ପୁତ୍ର ନା ରେଲା।

*ଆଦିପୁସ୍ତକ:୧୧-୧୫ ତାନ୍ଲେ ଗୋଟକ୍ ବାଇବଲର  କାଓଣୀ।*

## 5. ୫. ପ୍ରତିଜ୍ଞାର୍ ବେଟା୍

https://openbiblestories.org/l/dso-x-korapdesia/story-5/

![](https://cdn.door43.org/obs/jpg/360px/obs-en-05-01.jpg)

ଅବ୍ରାମ ଆରି ସାର କିଣାନତି ପହଞ୍ଚବାର ଦଶ ବର୍ଷର ପାଚେ ମିଶା ତିକେ ଗୋଟକି୍ ପିଲାଟକି ନାରେଲାଏ। ହାଇଟାକାଚେ, ଅବ୍ରାମର ପତ୍ନୀ ସାର ତାକେ ବଲା୍, "ଯେହେତୁ ପରମେଶ୍ବର ମୋକେ ଗର୍ବବତି ହୋଏବାକାଚେ ଯଗ୍ୟ ନା କର୍ଲାଆଚେ ଆରି ମୁଇ ସନ୍ତାନକେ ଗର୍ବେ ଧରବା କାଚେ ଡକ୍ରୀ ଆଏ, ହାଇଟାକାଚେ ମୋର ଦାସୀ ହାଗାର ଏଥି ଅଆଛେ। ତାକେ ତୁଇ ବିବାହ କର ଯନ୍ତାକି ହାଏ ସନ୍ତାନ ପାଏକେ ପାର୍ସି।” ମୋର କାଚେ ଗୋଟକ୍ ପିଲା ଜନମ କର୍ସି।”

![](https://cdn.door43.org/obs/jpg/360px/obs-en-05-02.jpg)

ହାଇଟାକାଚେ ଅବ୍ରାମ ହାଗାରକେ ବିବାହ କର୍ଲା। ହାଗାରକେ ଗୋଟକ୍ ପିଲା ଜନମ ହୋଏଲା ଆରି ଅବ୍ରାମ ତାର ନାଓ ଇଶ୍ମାୟେଲ ରଖ୍ଲା। ମାତର ସରା ହାଗାରକେ ଇର୍ଷା ହୋଏବାଟା ଆରମ୍ଭ କର୍ଲା। ଜଡ଼ଦାଏ ଇଶ୍ମାୟେଲକେ ତେର (୧୩) ବର୍ଷ ହୋଇରେଲା, ପରମେଶ୍ବର ଆଓରିହାରକ ଅବ୍ରାମ ସଙ୍ଗେ କଥା ହୋଏଲା।

![](https://cdn.door43.org/obs/jpg/360px/obs-en-05-03.jpg)

ପରମେଶ୍ବର ବଲା, "ମୁଇ ସବୁଲେଶକ୍ତିମାନ ପରମେଶ୍ୱର ଆଏ। ମୁଇ ତର ସଙ୍ଗେ ଗୋଟକ୍ ଚୁକ୍ତି କର୍ବି।”ତାର୍ପାଚେ ଅବ୍ରାମ ତଳେ ମାଡିଖୁଠା ଦେଲା। ପରମେଶ୍ବର ଅବ୍ରାମକେ ମିଶା ବଲିରେଲା, "ତୁଇ ଅନେକ ଜାତିର ପିତା ହୋଏବିସ୍। ମୁଇ ତକେ ଆରି ତୋର ବଂଶଧରମାନକେ କିଣାନ ଦେଶକେ ଆରି ହାଏତିର ସମ୍ପତ୍ତିକେ ତମ୍କେ ଦେବି, ଆରି ମୁଇ ସବୁଦିନ କାଚେ ତମର ପରମେଶ୍ୱର ହୋଏବି। ତୁଇ ତୋର ପରିବାରର ସବୁ ପୁରଷ ଲୋକେ୍ ସୁନ୍ନତ କର୍ବାର ଆଛେ।” " ତୋର ପତ୍ନୀ ସାରୀ ଗୋଟକ୍ ପିଲାକେ ଜନ୍ମ ଦେଏସି୍ - ହାଏ ପ୍ରତିଜ୍ଞାର ପୁତ୍ର ହୋଏସି୍। ତାକେ ଇସ୍‍ହାକ ବଲି ନାମ ଦେସ୍। ମୁଇ ତାର ସଙ୍ଗେ ମୋର ଚୁକ୍ତି କର୍ଲାଟାକେ ପାଳନ କର୍ବି ଆରି ହାଏ ଗୋଟକ୍ ମହାନ ରାଷ୍ଟ୍ର ହୋଏସି୍। ମୁଇ ମିଶା ଇଶ୍ମାୟେଲକେ ଗୋଟକ୍ ମହାନ ରାଷ୍ଟ୍ର କର୍ବି, ମାତର ମୋର ଚୁକ୍ତି। ଇସ୍ହାକ ସଙ୍ଗେ ରଏସି୍।”ତାର୍ପାଚେ ପରମେଶ୍ବର ଅବ୍ରାମର ନାମ ଅବ୍ରହାମ ନାମତି ବଦଲାଏ ଦେଲା, ଯାହାର ଅର୍ଥ ଆଏ “ଅନେକଲୋକର ପିତା।” ପ୍ରଭୁ ମିଶା ସାରୀ ନାମକେ ସାରାତି ବଦ୍ଲାଏଦେଲା, ଯାହାର ଅର୍ଥ ହୋଏସି୍ ଆଛେ ଆଦିମାତା""। "

![](https://cdn.door43.org/obs/jpg/360px/obs-en-05-04.jpg)

ହାଇ ଦିନେ ଅବ୍ରହାମ ନିଜର ପରିବାରର ସବୁ ପୁରୁଷ ଲୋକେ ସୁନ୍ନତ କର୍ଲା। ପାକାପାକି ଗୋଟ୍ ବର୍ଷର ପାଚେ, ଯଢ଼ଦାଏ ଅବ୍ରହାମକେ ୧୦୦ବର୍ଷ ଆରି ସାରାକେ ୯୦ ବର୍ଷ ହୋଇ ରେଲା, ସାରା ଅବ୍ରହାମର ପୁତ୍ରକେ ଜନ୍ମ ଦେଲା। ପରମେଶ୍ୱର ଯନ୍ତା ବଳିରେଲା, ହାଏମନ ତାର ନାମ ଇସ୍‍ହାକ ରଖ୍ଲାଏ।

![](https://cdn.door43.org/obs/jpg/360px/obs-en-05-05.jpg)

ଯଢ଼ଦାଏ ଇସ୍‍ହାକ ସାନ୍ ରେଲା, ପରମେଶ୍ବର ଅବ୍ରହାମର ବିଶ୍ୱାସକେ ପରୀକ୍ଷା କର୍ବାକାଚେ ବଲା୍, "ତୋର ଗୋଟକି ବେଟାକେ ନେଇ ମୋର କାଚେ ବଳି ହିସାବ୍ତି ହତ୍ୟା କରିଦେସ୍।” ଆଓରି ହାରକ୍ ଅବ୍ରହାମ ପରମେଶ୍ବର କଥାକେ ମାନ୍ଲା ଆରି ତାର୍ ବେଟାକେ ବଳିଦାନ କାଚେ ପ୍ରସ୍ତୁତ କର୍ଲା।

![](https://cdn.door43.org/obs/jpg/360px/obs-en-05-06.jpg)

ଅବ୍ରହାମ ଆରି ଇସ୍ହାକ ବଳିଦାନ କର୍ବା ଜାଗାତି ଯିବା ଦାଏ, ଇସ୍ହାକ ପଚାର୍ଲା, "ପିତା, ବଳିଦାନ କାଚେ ଦାରୁ ଆଛେ, ମାତର ବଳିଦାନ କରିବା କାଚେ ମେଣ୍ଡାଛୁଆ କନ୍ଲେଗେଆଛେ?" ଅବ୍ରହାମ ଉତ୍ତର ଦେଲା, "ହେ ମୋର ବେଟା, ପରମେଶ୍ୱର ଗୋଟକ୍ ମେଣ୍ଡାଛୁଆ ବଳି ଉତ୍ସର୍ଗ କର୍ବା କାଛେ ଦେଏସି।”

![](https://cdn.door43.org/obs/jpg/360px/obs-en-05-07.jpg)

ହାଏମନ୍ ବଳିଦାନ କର୍ବାର ଜାଗାତି ପହଞ୍ଚିଲାର୍ ପାଚେ ଅବ୍ରହାମ ଇସ୍ହାକେ ବାନ୍ଧିକରି ଯଜ୍ଞତି ଢଢୁଲାଏ ଦେଲା। ହାଏ ତାର ବେଟାକେ ମାର୍ବାର୍ ଉପରେ ରେଲା ଆରି, ପରମେଶ୍ୱର ବଲା୍, "ତେବ୍! ପିଲାକେ କାଇନାକର୍! ଅବର ମୁଇ ଜାଣ୍ଲି ତୁଇ ମୋକେ ମାନ୍ବିଆସ୍ କାରଣ ତୁଇ ଗୋଟକ୍ ବୋଲି ପିଲାକେ ମିଶା ମକେଦେବା କାଚେ ପ୍ରସ୍ତୁତ ଆସ୍।”

![](https://cdn.door43.org/obs/jpg/360px/obs-en-05-08.jpg)

ଅବ୍ରହାମ ଏକ ମେଣ୍ଡାଛୁଆକେ ଦୋଖ୍ଲା ଯନ୍ଟା କି ବୁଦା ଭିତରେ ଫସି ରେଲା। ପରମେଶ୍ବର ଇସ୍ହାକର ବଦ୍ଲେ ବଳି କରବାକାଛେ ଗୋଟକ୍ ମେଣ୍ଡାଛୁଆକେ ଯୋଗାଏଦେଲା। ଅବ୍ରହାମ ସରଧା ସରଧା ମେଣ୍ଡାଛୁଆକେ ବଳି କର୍ଲା।

![](https://cdn.door43.org/obs/jpg/360px/obs-en-05-09.jpg)

ତାର୍ପାଚେ ପରମେଶ୍ବର ଅବ୍ରହାମକଜ ବଲା୍, "କାରଣ ତୁଇ ମୋର ଲାଗି ସବୁଟା ଦେବା। କାଚେ ଇଚ୍ଛୁକ ଆସ୍, ଅନ୍ତାକି ତୋର ଗୋଟକି ବଲି ପିଲାକେ ମିଶା, ଇଟାକାଚେ ମୁଇ ତକେ ଆଶୀର୍ବାଦ କର୍ବାକାଚେ ପ୍ରତିଜ୍ଞା କର୍ବିଆଚି। ତୋର ବଂଶଧରମନ୍ ଆକାଶର ତାରାମନ୍ଲେ ଅଧିକ ହୋଏବାଏ। କାରଣ ତୁଇ ମୋର ଆଦେଶକେ ପାଳନ କର୍ଲିଆସ୍, ହାଇଟାକାଚେ ମୁଇ ତୋର ପରିବାର ଦ୍ୱାରା ଜଗତର ସବୁ ପରିବାରକେ ଆଶୀର୍ବାଦ କର୍ବି।”

*ଆଦିପୁସ୍ତକ ୧୬-୨୨ ତାନର୍ ଗୋଟକ୍ ବାଇବଲର କାଓନି।*

## 6. ୬. ପରମେଶ୍ବର ଇସ୍ହାକ କାଚେ ଯୋଗାଉ ଆଏ

https://openbiblestories.org/l/dso-x-korapdesia/story-6/

![](https://cdn.door43.org/obs/jpg/360px/obs-en-06-01.jpg)

ଯଢ଼ଦାଏ ଅବ୍ରହାମ ବହୁତ ଡକ୍ରା ହୋଏଲା, ତାର ବେଟା ଇସ୍ହାକ ବିବାହ ବୟସର ହୋଏଲା। ହାଇଟାକାଛେ ଅବ୍ରହାମ ତାର ଗୋଟକ୍ ଦାସକେ ତାର ବେଟା ଇସ୍ହାକ କାଚେ ପତ୍ନୀ ଆଣବା କାଛେ ପଠାଏଲା ଯନ୍ତାନେ ତାର ଲୋକବାକମ୍ନ ବାସ କର୍ତେରଲାଏ।

![](https://cdn.door43.org/obs/jpg/360px/obs-en-06-02.jpg)

ଅବ୍ରହାମର ଲୋକବାକମନ୍ ବାସ କର୍ଥେରେବା ଦେଶକେ ଦୀର୍ଘ ଯାତ୍ରା କର୍ବା ପାଛେ, ପରମେଶ୍ବର ସେବକକେ୍ ରିବିକା ସଙ୍ଗେ ମିଶାଏ ଦେଲା। ହାଏ ଅବ୍ରହାମର ଭାଇର ନାତ୍ଣୀ ରେଲା।

![](https://cdn.door43.org/obs/jpg/360px/obs-en-06-03.jpg)

ରିବିକା ନିଜର ପରିବାରକେ ଛାଡ଼ି ହାଇଦାସ ସଙ୍ଗେ ଯିବାକାଚେ ରାଜି ହୋଏଲା। ହାଏମନ କେଟ୍ବାଛିକେ ଇସ୍ହାକ ତାକେ ବିବାହ କର୍ଲା।

![](https://cdn.door43.org/obs/jpg/360px/obs-en-06-04.jpg)

ବହୁତ ବର୍ଷର ପାଚେ ଅବ୍ରହାମ ମରିଗଲା। ଅବ୍ରହାମ ସଙ୍ଗେ କରିରେବା ଚୁକ୍ତିର୍ ଲାଗି ପରମେଶ୍ୱର ଅବ୍ରହାମର ପୁତ୍ର ଇସ୍ହାକେ ଆଶୀର୍ବାଦ କର୍ଲା। ହାଇ ଚୁକ୍ତିତି ପରମେଶ୍ବର ଗୋଟକ୍ ପ୍ରତିଜ୍ଞା ରେଲା ଯେ ଅବ୍ରହାମର ଅଗଣିତ ବଂଶ ହୋଏବାଏ। ମାତର ଇସ୍ହାକର ପତ୍ନୀ ରିବିକାର୍ ବେଟାବେଟି ନା ରେଲାଏ।

![](https://cdn.door43.org/obs/jpg/360px/obs-en-06-05.jpg)

ଇସ୍ହାକ ରିବିକା କାଚେ ପ୍ରାର୍ଥନା କର୍ଲା, ଆରି ପରମେଶ୍ବର ତାକେ ଯାଆଁଳା ପିଲାର୍ ଗର୍ଭବତି ହୋଏବାକାଚେ ସକ୍ଷମ କର୍ଲା। ହାଇ ଶିଶୁମନ ରିବିକାର ଗର୍ଭତି ରେଲାଦାଏ ଆକା ହାଏମନ୍ ନିଜର ଭିତ୍ରେ ଯୁଦ୍ଧ ଆରମ୍ଭ କର୍ଲାଏ, ହାଇକାଚେ ରେବିକା ପରମେଶ୍ବରକେ ସବୁ ସାଙ୍ଗ୍ଲା ଯନ୍ଟା ତାର ସଙ୍ଗେ ଘଟ୍ତେରେଲା।

![](https://cdn.door43.org/obs/jpg/360px/obs-en-06-06.jpg)

ପରମେଶ୍ବର ରିବିକାକେ ବଲା୍, "ତୁଇ ଦୁଇଟା ପୁତ୍ରକେ ଜନ୍ମ କର୍ବିସ୍। ହାଇମନର ବଂଶଧର ଦୁଇଟା ଅଳଗା ଅଳଗା ଜାତି ହୋଏବାଏ। ହାଏମନ୍ ପରସ୍ପର ସଙ୍ଗେ ଯୁଦ୍ଧ କର୍ବାଏ। ମାତର ବଡ଼ପୁଅଲେ ଜନମ ହୋଇରେବା ଜାତି ସାନପୁଅଲେ ଆସିରେବା ଜାତିର୍ ଆଜ୍ଞାକେ ମାନ୍କେ ପଢ଼ସି।”

![](https://cdn.door43.org/obs/jpg/360px/obs-en-06-07.jpg)

ଯଢ଼ଦାଏ ରିବିକାର ପିଲାମନ୍ ଜନ୍ମ ହୋଏଲାଏ, ବଡେପିଲା ଲାଲ ଆରି ଲୋମଶାଳୀ ହୋଇ ହାଏମନ୍ ତାର ନାମ ଏଷୈ ଦେଲାଏ। ତାର୍ପାଚେ ସାନପିଲା ମିଶା ଏଷୈର ଗୋଡ଼ ଧରି କରି ଜନ୍ମ ହୋଏଲା, ଆରି ହାଏମନ୍ ତାର ନାମ ଯାକୁବ ରଖ୍ଲାଏ।

*ଆଦିପୁସ୍ତକ ୨୪:୧-୨୫:୨୬ ତାନର୍ ଗୋଟକ୍ ବାଇବଲର କାଓନି।*

## 7. ୭. ପରମେଶ୍ୱର ଯାକୁବକେ ଆଶୀର୍ବାଦ କରୁଆଏ

https://openbiblestories.org/l/dso-x-korapdesia/story-7/

![](https://cdn.door43.org/obs/jpg/360px/obs-en-07-01.jpg)

ଯଢ଼ଦାଏ ପିଲାମନ ବଡେ ହୋଏଲାଏ, ଯାକୁବ ଘରେ ରହିବାକାଚେ ପସନ୍ଦ କର୍ଲା, ମାତର୍ ଏଷୈ ପଶୁ ଶିକାର କର୍ବାକାଚେ ପସନ୍ଦ କର୍ତେରେଲା। ରିବିକା ଯାକୁବକେ ମୟା କର୍ତେରେଲା, ମାତର ଇସ୍ହାକ ଏଷୈକେ ମୟା କର୍ତେରେଲା।

![](https://cdn.door43.org/obs/jpg/360px/obs-en-07-02.jpg)

ଗୋଟଦିନ୍, ଏଷୈ ଶିକାର କରି ଆସି୍ରେଲା, ତ ହାଢ଼କିଦାଏ ତାକେ ଟକ୍ ଭୂକ୍ ଲାଗିରେଲା। ଏଷୈ ଯାକୁବକେ ବଲା୍, "ତୁଇ ଯନ୍ଟା ରାନ୍ଧ୍ଲିଆସ୍ ହାଏତିର୍ ମୋକେ କିନ୍କି ଖାଏବାକାଚେ ଦେ।” ଯାକୁବ ଉତ୍ତର ଦେଲା, "ପ୍ରଥମେ ମୋକେ ପ୍ରତିଜ୍ଞା କର ଯେ ତୁଇ ବଡେପିଲା ହୋଏଲା କାଚେ ତକେ ଯନ୍ଟାମିଶା ମିଲ୍ଶି ହାଇ ସବୁ ତୁଇ ମକେ ଦେଏକେ ପଢ଼ସି"। ହାଇଟାକାଚେ ଏଷୈ ଯାକୁବକେ ହାଇ ସବୁ ଜିନିଷ ଦେବାକାଚେ ପ୍ରତିଜ୍ଞା କର୍ଲା। ତେବେ ଯାକୁବ ତାକେ କିନ୍କି ଖାଏବା କାଚେ ଦେଲା।

![](https://cdn.door43.org/obs/jpg/360px/obs-en-07-03.jpg)

ଇସ୍ହାକ ଏଷୈକେ ଆଶୀର୍ବାଦ କର୍ବାକାଚେ ଚାହେଁ ତେରେ୍ଲା। ମାତର ଏଟା କର୍ବାର ଆଗେ, ରିବିକା ଆରି ଯାକୁବକେ ଏଷୈ ବୋଲି ଦର୍ଶାଇ ଯାକୁବକେ ଧଖା୍ ଦେଲାଏ। ଇସ୍ହାକ ଡକ୍ରା ରେଲା ଆରି ଆଖି ଦେଖ୍କେ ନା ପାର୍ତେରେଲା। ହାଇଟା କାଚେ ଯାକୁବ ଏଷୈର ପୋଷାକ୍କେ ପିନ୍ଧ୍ଲା ଛେଳିର ଚାମଢାକେ ଟନ୍ଡ୍ରାତି ଆରି ହାତେ ଗୁଡ଼ାଏ ଦେଲା।

![](https://cdn.door43.org/obs/jpg/360px/obs-en-07-04.jpg)

ଯାକୁବ ଇସ୍ହାକ ଲଗେ ଆସି ବଲା୍, "ମୁଇ ଏଷୈ ଆଏ। ମୁଇ ଏଟାକାଚେ ଆସ୍ଲିଆଚି କି, ତୁଇ ମକେ ଆଶୀର୍ବାଦ କର।” ଯଢ଼ଦାଏ ଇସ୍ହାକ ଛେଳିର୍ ବାଳକେ ଅନୁଭବ କର୍ଲା ଆରି ପୋଷାକର ବାସ୍ନାକେ ସୁଙ୍ଗ୍ଲା, ହାଢ଼କିଦାଏ ହାଏ ଏଷୈ ବୋଲି ଭାବି ତାକେ ଆଶୀର୍ବାଦ କର୍ଲା।

![](https://cdn.door43.org/obs/jpg/360px/obs-en-07-05.jpg)

ଏଷୈ ଯାକୁବକେ ଇର୍ଷା ହୋଏଲା କାରଣ ଯାକୁବ ତାର୍ ବଡେ ପିଲା ହୋଏବାର୍ ଅଧିକାର କେ ତଥା ଆଶୀର୍ବାଦକେ ଚୋରିକରି ନେଇରେଲା। ହାଇଟାକାଚେ ତାର ବାପାର ମରବାର୍ ପାଚେ ହାଏ ଯାକୁବକେ ହତ୍ୟା କରିବାକାଚେ ଯୋଜନା କର୍ରେଲା।

![](https://cdn.door43.org/obs/jpg/360px/obs-en-07-06.jpg)

ମାତର ରିବିକା ଏଷୈର ଯୋଜନାକେ ଶୁଣ୍ଲାଏ। ହାଇଟାକାଚେ ହାଏ ଆରି ଇସ୍ହାକ ଯାକୁବକେ ତିକର୍ ଲୋକବାକ୍ ସଙ୍ଗେ ରଏବାକାଚେ ବହୁତ ଦୂର୍କେ ପଠାଏ ଦେଲା।

![](https://cdn.door43.org/obs/jpg/360px/obs-en-07-07.jpg)

ଯାକୁବ ରିବିକାର ଲୋକବାକ୍ ସଙ୍ଗେ ବହୁତ ବର୍ଷ ରେଲା। ହାଇ ସମୟତି ହାଏ ବିବାହ କରି ବାରଟା ବେଟା ଆରି ଗୋଟକ୍ ଟଖୀ ଜନମ କର୍ଲା। ପରମେଶ୍ୱର ତାକେ ବଢେ ଧନୀ ବନାଏଲା।

![](https://cdn.door43.org/obs/jpg/360px/obs-en-07-08.jpg)

କିଣାନତି ରେବା ତାର ଘରଲେ କୋଡେ ବର୍ଷ ବାହାରେ ରଏବାର୍ ପାଚେ, ଯାକୁବ ନିଜର ପରିବାର, ଦାସ ଆରି ତାର ସବୁ ପଶୁ ସଙ୍ଗେ କିଣାନତି ଲେଓଟି ଗଲାଏ।

![](https://cdn.door43.org/obs/jpg/360px/obs-en-07-09.jpg)

ଯାକୁବ ଡରି୍ ଗଲା କାରଣ ହାଏ ଭାବ୍ଲା ଯେ ଏବେ ମିଶା ଏଷୈ ତାକେ ହତ୍ୟା କର୍ବାକାଚେ ଚାହେଁତେରେଲା। ତେଣୁ ହାଏ ଉପହାର ଭାବେ ଏଷୈ ଲଗେ ପଶୁପଲକେ ପଠାଏଲା। ଜନ୍ ସେବକମନ ପଳକେ ନେଇ ଦେଇରେଲାଏ, ହାଏମନ୍ ବଲା୍ଏ "ତୋର ଦାସ ଯାକୁବ ଇ ପଶୁମନକେ ତୋକେ ଦେଉଆଏ। ହାଏ ଝପ୍କେ ଆଏସିଆଚେ।”

![](https://cdn.door43.org/obs/jpg/360px/obs-en-07-10.jpg)

ମାତ୍ର ଏଷୈ ଏବେ ଯାକୁବକେ କ୍ଷତି କର୍ବାକାଚେ ଇଚ୍ଛା ନା କର୍ତେରେଲା। ମାତର ହାଏ ଆଓରି ହାରକ୍ ତାକେ ଦୋଖିକରି ବହୁତ ସରଧା ହୋଏଲା। ଏତାର୍ପାଚେ ଯାକୁବ କିଣାନତି ଶାନ୍ତିତି ବାସ କର୍ଲା। ତାର୍ପାଚେ ଇସ୍ହାକ ମରିଗଲା, ଯାକୁବ ଆରି ଏଷୈ ତାକେ କବର ଦେଲା। ପରମେଶ୍ବର ଅବ୍ରହାମକେ ଦେଇରେବା ଚୁକ୍ତି ବର୍ତ୍ତମାନ ଇସ୍ହାକତାନ୍ଲେ ଯାକୁବତି ଯାଇରେଲା।

*ଆଦିପୁସ୍ତକ ୨୫:୨୭-୩୫:୨୯ ତାନର୍ ଗୋଟକ୍ ବାଇବଲର କାଓନି।*

## 8. ୮. ପରମେଶ୍ବର ଯୋଷେଫ ଆରି ତାର୍ ପରିବାରକେ ରକ୍ଷା କରୁଆଏ

https://openbiblestories.org/l/dso-x-korapdesia/story-8/

![](https://cdn.door43.org/obs/jpg/360px/obs-en-08-01.jpg)

ବହୁତ୍ ବର୍ଷର ପାଚେ, ଯଢ଼ଦାଏ ଯାକୁବ ଡକ୍ରା ହୋଏଲା, ହାଏ ତାର୍ ଲାଡଲା୍ ବେଟା ଯୋଷେଫକେ ତାର ପଶୁମନର ଯତ୍ନ ନେଏତେ ରେବା ଭାଇମାନକେ ଯାଞ୍ଚ(ଦଖ୍ବାକାଚେ) ପଠାଏଲା।

![](https://cdn.door43.org/obs/jpg/360px/obs-en-08-02.jpg)

ଯୋଷେଫର ଭାଇମନ ତାକେ କୁଚର ହୋଏତେ ରେଲାଏ କାରଣ ତିକର ବୁଆଆ ତାକେ ଅଧିକ ମୟା କର୍ତେରେଲାଆ ଆରି ଯୋଷେଫ ସ୍ୱପ୍ନା ଦୋଖିରେଲା ଯେ ହାଏ ତିକର ଶାସକ ହୋଏସି। ଯୋଷେଫ ତାର ଭାଇମାନର ଲଗେ ଆସିଲେ, ହାଏମନ୍ ତାକେ ବନ୍ଧୀ କରି ଦାସ ବ୍ୟବସାୟୀମନ ଲଗେ ବିକିଦେଲାଏ।

![](https://cdn.door43.org/obs/jpg/360px/obs-en-08-03.jpg)

ଘରେ ଫେର୍ବାର ଆଗେ ଯୋଷେଫର ଭାଇମନ ଯୋଷେଫର ପୋଷାକ୍ କେ ଚିରି ଛେଳିର ବନିତି ଭିଜାଏଲାଏ। ତାର୍ପାଚେ ହାଏମନ ହାଇମନ ବସ୍ତ୍ରକେ ତିକର ପିତାକେ ଦୋଖାଏଲାଏ ଯନ୍ତାକି ହାଏ ଭାବସି ଯେ କନି୍ ଜାରପଶୁ ଯୋଷେଫକେ ହତ୍ୟା କର୍ଲାଆଚେତ୍। ଯାକୁବ ବହୁତ ଦୁଖଃ କର୍ଲା।

![](https://cdn.door43.org/obs/jpg/360px/obs-en-08-04.jpg)

ଦାସ ବ୍ୟବସାୟୀମନ ଯୋଷେଫକେ ମିଶରତି ନେଲାଏ। ମିଶର ଦେଶ୍ ନୀଳ ନଦୀର୍ କନ୍ଡି ପାଳିକେ ରେଲା, ଆରି ଏଟା ଗୋଟକ୍ ବଡେ ଆରି ଶକ୍ତିଶାଳୀ ଦେଶ ରେଲା। ହାଇ ଦାସ ବ୍ୟବସାୟୀମନ ଜୋସେଫକେ ଗୋଟକ୍ ଧନୀ ସରକାରୀ ଅଧିକାରୀର ଦାସଭାବେ ବିକି ଦେଲାଏ। ଯୋଷେଫ ତାର ମାଳିକର ଭଲ ଭାବେ ସେବା କର୍ଲା, ଆରି ପରମେଶ୍ବର ଯୋଷେଫକେ ଆଶୀର୍ବାଦ କର୍ଲା।

![](https://cdn.door43.org/obs/jpg/360px/obs-en-08-05.jpg)

ତାର ମାଲିକର ସ୍ତ୍ରୀ ଯୋଷେଫ ସଙ୍ଗେ ଶୋଇବା କାଚେ ଚେଷ୍ଟା କର୍ଲା, ମାତର ଯୋଷେଫ ଅନ୍ତି କରି ପରମେଶ୍ବର ବିରୁଦ୍ଧ ଆନେ ପାପ କରିବା କାଚେ ମନା କର୍ଲା। ହାଇ ରିଶାହୋଇ ଯୋଷେଫ ର ନାମତି ମିଥ୍ୟା ଅଭିଯୋଗ କରିରେଲା, ହାଇଟାକାଚେ ତାକେ ଗିରଫ କରି ଜେଲତି ପଠାଏ ଦିଆଯାଇରେଲା। ଜେଲତାନେ ମିଶା ଯୋଷେଫ ପରମେଶ୍ବର ଲଗେ ସତ୍ୟତି ରେଲା, ଆରି ପରମେଶ୍ବର ତାକେ ଆଶୀର୍ବାଦ କର୍ଲା।

![](https://cdn.door43.org/obs/jpg/360px/obs-en-08-06.jpg)

ଦୁଇ ବର୍ଷର ପାଚେ, ଯୋଷେଫ ନିର୍ଦ୍ଦୋଷି ହାଇ ମିଶା ଜେଲତି ରେଲା। ଗୋଟକ୍ ରାତି, ଫାରୋ, ଯୋନ୍ତା ମିଶରୀୟମନ ହାଏମନର ରାଜାମନକେ ଡାକ୍ତେରେତ୍, ଦୁଇଟା ସ୍ୱପ୍ନ ଦୋଖ୍ଲା ଯନ୍ଟା କି ତାକେ ବହୁତ ବିଚଳିତ କରିଦେଲା। ତାର କନି ପରାମର୍ଶଦାତା ତାର ହାଇ ସ୍ୱପ୍ନର ଅର୍ଥ ସାଙ୍ଗ୍କେ ନାପାରଲାଏ ।

![](https://cdn.door43.org/obs/jpg/360px/obs-en-08-07.jpg)

ପରମେଶ୍ବର ଯୋଷେଫକେ ସ୍ୱପ୍ନର ଅର୍ଥକେ ବ୍ୟଖ୍ୟା କରବା କାଚେ କ୍ଷମତା ଦେଇରେଲା, ହାଇଟାକାଚେ ଫାରୋ ଯୋଷେଫକେ ଜେଲ୍ତିଲେ ଡାକ୍ଲା। ଯୋଷେଫ ତାର ହାଇ ସ୍ୱପ୍ନର ଅର୍ଥକେ ସାଙ୍ଗ୍ଲା ଆରି ବଲା୍, ସାତ ବର୍ଷ ଅଧିକ ଫସଲର ପାଚେ ପରମେଶ୍ବର ସାତ ବର୍ଷ ଦୁର୍ଭିକ୍ଷ ପଠାଏ ବାକାଚେ ଯାଏସିଆଚେ।

![](https://cdn.door43.org/obs/jpg/360px/obs-en-08-08.jpg)

ଫାରୋ ଯୋଷେଫର ଉପରେ ଏତକ୍ ପ୍ରଭାବିତ ହୋଏଲା ଯେ ହାଏ ତାର ମିଶରର ଦ୍ୱିତୀୟ ଶକ୍ତିଶାଳୀ ବ୍ୟକ୍ତି ହିସାବେ ନିଯୁକ୍ତ କର୍ଲା।

![](https://cdn.door43.org/obs/jpg/360px/obs-en-08-09.jpg)

ଯୋଷେଫ ଲୋକମନର ଭଲ ଫସଲର ସାତ ବର୍ଷ ଦାଏ ବହୁତ ପରିମାଣତି ଖାଦ୍ୟ ସଙ୍ଗାଏବା କାଚେ ବଲିରେଲା। ଯଢ଼ଦାଏ ସାତ ବର୍ଷର ଦୁର୍ଭିକ୍ଷ ହୋଏଲା, ଯୋଷେଫ ଲୋକମନକେ ହାଇ ଖାଦ୍ୟକେ ବିକ୍ଲା ଯାହା ଦ୍ୱାରା ହାଏମନ୍ ଖାଇବାକାଚେ ଟକା୍ ହୋଏସି।

![](https://cdn.door43.org/obs/jpg/360px/obs-en-08-10.jpg)

ଦୁର୍ଭିକ୍ଷା ଖାଲି ମିଶର ତାନେ ଆକା ନୁଆଏ, ମାତର କିଣାନ ତାନେ ମିଶା ହୋଇରେଲା ଯନ୍ତି୍ ଯାକୁବ ଆରି ତାର ପରିବାର ରଏତେରେଲାଏ।

![](https://cdn.door43.org/obs/jpg/360px/obs-en-08-11.jpg)

ହାଇଟାକାଚେ ଯାକୁବ ତାର ବଡ଼ପିଲାମାନକେ ଖାଦ୍ୟ ଘେନ୍ବାକାଚେ ମିଶର ଦେଶତି ପଠାଏଲା। ଯଢ଼ଦାଏ ହାଏମନ୍ ଖାଦ୍ୟ ଘେନ୍ବାକାଚେ ଯୋଷେଫର ଆଗେ ଠିଆ ହୋଏଲାଏ, ଭାଇମନ ଯୋଷେଫକେ ଚିତ୍ଆଏକେ ନା ପାର୍ଲାଏ। ମାତର ଯୋଷେଫ ହାଏମନକେ ଚିତ୍ଆଲା।

![](https://cdn.door43.org/obs/jpg/360px/obs-en-08-12.jpg)

ହାଏମନ୍ ବଦଳାଆତ୍ କି ନାହିଁ ଦେଖ୍ବା କାଚେ ହାଏମନ କେ ପରୀକ୍ଷା କର୍ବାର ପାଚେ, ଯୋଷେଫ ତିକେ ବଲା୍, "ମୁଇ ତମର ଭାଇ ଯୋଷେଫ ଆଏ! ନା ଡରା। ତମି ମୋକେ ଦାସ ଭାବେ ବିକ୍ବାଦାଏ ତମି ମନ୍ଦ କାମ କର୍ବାକାଚେ ସ୍ଥିର କରିରେଲା ଆସ୍, ମାତର ପରମେଶ୍ବର ହାଇ ମନ୍ଦକେ ଅଚ୍ଛା କାଚେ ବ୍ୟବହାର କର୍ଲା! ଆସା ଆରି ମିଶରତାନେ ରାଆ, ଯଦ୍ୱାରା ମୁଇ ତମର ଆରି ତମରପରିବାର କାଚେ ଖାଦ୍ୟ ଯୋଗାକେ ପାରିବି।”

![](https://cdn.door43.org/obs/jpg/360px/obs-en-08-13.jpg)

ଯୋଷେଫର ଭାଇମନ ଘର ଲେଓଟି ଆସି ହାଏମନ ତିକର ବୁଆକେ ସାଙ୍ଗଲାଏ ଯେ ଯୋଷେଫ ଏବେ ମିଶା ଜୀବିତ ଆଚେ ତ ଯାକୁବ ବହୁତ ସରଧା ହୋଏଲା।

![](https://cdn.door43.org/obs/jpg/360px/obs-en-08-14.jpg)

ଯାକୁବ ଡକ୍ରା ରେଲା ହୋଏଲେ ମିଶା, ହାଏ ତାର ସବୁ ପରିବାର ସଙ୍ଗେ ମିଶରତି ଗଲା ଆରି ହାଏମନ ହାଏତି ବାସ କର୍ଲା। ଯାକୁବ ମରବାର ଆଗେ ହାଏ ତାର ସବୁ ପିଲାମନକେ ଆଶୀର୍ବାଦ କର୍ଲା।

![](https://cdn.door43.org/obs/jpg/360px/obs-en-08-15.jpg)

ପରମେଶ୍ବର ଅବ୍ରହାମକେ ଦେଇରେବା ପ୍ରତିଜ୍ଞା ଇସ୍ହାକ ଆରେ ପାଚେ ଯାକୁବ ଆରି ପାଚେ ତାର ବାରଟା ବେଟା ଆରି ହାଇମନର ପରିବାରତି ଆସିଲା। ହାଇ ବାରଟା ପିଲାମନର ବଂଶ ଧରମନ ଇସ୍ରାଏଲର ବାରଗୋଷ୍ଠୀ ହୋଏଲାଏ।

*ଆଦିପୁସ୍ତକ ୩୭-୫୦ ତାନର୍ ଗୋଟକ୍ ବାଇବଲର କାଓନି।*

## 9. ୯. ମା୍ପୃ ମଶାକେ ଡାକୁଆଏ

https://openbiblestories.org/l/dso-x-korapdesia/story-9/

![](https://cdn.door43.org/obs/jpg/360px/obs-en-09-01.jpg)

ଯୋସେପ ମରଲାକେ ତାର ସବୁ ଲୋକବାକମନ ମିସର ଥାନେ ରେଇଲାଏ। ସେ ଆରି ତାର ବଶର ଲୋକମନେ ଖୁବେ ଦିନ ମିସର ଦେଶେ ରେଲାଏ ଆରି ହାଇମନ ଖୁବେ ପିଲାଟକିକେ ଜନମ କରଲାଏ। ହାଏମନକେ ଇସ୍ରାଏଲ ଡାକ୍ଲାଏ।

![](https://cdn.door43.org/obs/jpg/360px/obs-en-09-02.jpg)

ଖୁବେ ବରଷର ପାଚେ, ଇସ୍ରାଏଲ ଲୋକମନ ଅଧୀକ ହଇରେଲାଏ। ମିସର ଦେଶର ଲୋକମନ ଏ କତାକେ ଭାବତେ ନା ରତ କି ଯସେପ ହାଏମନକାଜେ ଖୁବେ କାମମନ କରିଦେଇରେ ହାଏମନଥାନୁ ଇସ୍ରାଏଲ ଲୋକମନ ଖୁବେ ଥିଲେ ହାଏଟା କାଜେ ଏମନ ହାଇମନକେ ଡରତେରେତ। ହାଇଟା କାଜେ ହାଇ ସମୟନେ ମିସରଥାନେ ଶାସନ କରତେରେବା ରାଜା ଫାର ଇସ୍ରାଏଲ ଲୋକମାନକେ ମିସରର ଦାସ ବନାଏଲା।

![](https://cdn.door43.org/obs/jpg/360px/obs-en-09-03.jpg)

ମିସର ଦେଶର ଲୋକମନ ଇସ୍ରାଏଲକେ ବଡେ ବଡେ ଘରମନ ଆରି ନଗର ବନାଇବାକାଜେ ଜବଡଦସ୍ତ କରତେରତେ। ହାଏ ହାବଡ କାମମନ ତାକର ଜୀବନକେ ବେଶୀ ଦୁଃଖ ଦେଲା, ମାତର ମାପୃ ତାଙ୍କେ ଆଶୀର୍ବାଦ ଦେଲାୟ ଆରି ତାଙ୍କେ ଅଦିକ ସନାନ୍ତନ ଜନମ ହେଲାଏ।

![](https://cdn.door43.org/obs/jpg/360px/obs-en-09-04.jpg)

ଫାର ରାଜା ଦେଖଲା କି ଇସ୍ରାଏଲମନର ଖୁବେ ପିଲାଟକିମନ ଜନମ କରବାଆତ, ହାୟଟାକାଜେ ସେ ନିଜର ଲୋକମାନକେ ଇସ୍ରାଏଲର ସବୁ ଜନମଲା ପିଲାମାନକେ ନିଲଥାନେ ଫିଙ୍ଗିକରି ମାରବାକାଜେ ଅଡର ଦେଲା।

![](https://cdn.door43.org/obs/jpg/360px/obs-en-09-05.jpg)

ଗୋଟେକ ଇସ୍ରାଏଲ ବାୟଲେ ଗୋଟକ୍ ପିଲାକେ ଜନମ ଦେଲା। ହାଏ ବାୟଲେ ଆରି ତାର ମୁନୁଷ ଯେତେକ ଦିନତକ ହେଲା ହାତକି ଦିନତକ ହାଏ ପିଲାକେ ଲୁଚାଏ ରଖଲାୟ।

![](https://cdn.door43.org/obs/jpg/360px/obs-en-09-06.jpg)

ଯେବେ ହାଏ ପିଲାର ମା-ବୁଆ ତାକେ ଲୁଚାଏ ବାକେ ନା ପାରଲାୟ, ହାୟମନ ମରବାଥାନୁ ବଚାୟବା କାଜେ ପାଣିଆନେ ନା ବୁଡଵା ବକ୍ସାଥାନେ ନିଲ ନଦୀର କିନାରେ ହାଏ ବକ୍ସାକେ ରକିଦେଲାୟ। ତାର ବଡ ଭାଇନି ହାଏ ଥାନୁ କାଏଁହେସି ବଲି ଦେଖବାକେ ହାଏଲଗେ ରେଲା।

![](https://cdn.door43.org/obs/jpg/360px/obs-en-09-07.jpg)

ଫରର ଟକି ହାଏ ଟକରିକେ ଦେକିକରି ତାର ଭିତରେ ଦେକଲା। ଯେଡ଼େକଦାୟ ହାଏ ପିଲାକେ ଦେକଲା ହାଏ ତାକେ ନିଜର ପିଲା ନେଲାପରା ନେଲା। ସେ ଗଟକ ଇସ୍ରାଏଲ ମାଇଜିକେ ଖୀର ପିଆଇବାକାଜେ କାମଥାନେ ରକଲା। ହାଏ ଏଟା ନଜାନି କରି କି ହାଏ ମାଇଜି ହାଏ ପିଲାର ମା। ଯେବେ ହାଏ ପିଲା ଏତେକ ବଡ ହେଇଗଲା କି ତାକେ ଆରି ଖୀର ଦରକାର ନା ହେଲା, ହାଏ ମାଇଜି ଫାରର ଟକିଲଗେ ହାଏ ପିଲାକେ ପୋଟାଇ ଦେଲା, ହାଏ ପିଲାର ନା ମୋଶା।

![](https://cdn.door43.org/obs/jpg/360px/obs-en-09-08.jpg)

ଗଟକ ଦିନ, ଯେବେ ମୋଶା ବଡେ ହେଇରେଲା, ତ ହାଏ ଦିଖଲା କି ଗଟକ ମିଶରର ଲୋକ ଗଟକ ଇସ୍ରାଏଲ ବାଲେୟକେ ମାରତେ ରେଲା। ମୋଶା ନିଜର ଇସ୍ରାଏଲ ସାଙ୍ଗକେ ବଚାଇବା ଚେଷ୍ଟା କରଲା।

![](https://cdn.door43.org/obs/jpg/360px/obs-en-09-09.jpg)

ଯେବେ ମୋଶା ଚିନ୍ତା କରଲା କି ମକେ କିଏ ନାହିଁ ଦେଖବାର ତ ମୋଶା ହାଏ ମିସରର ଲୋକକେ ମାରିଦେଲା ଆରି ହାଇ ଲାସକେ ତପିଦେଲା। ମାତର ମୋଶା ଯାଇଟା କରରେଲା ହଇଟା କନି ନା ଦେକିରେଲାୟେ।

![](https://cdn.door43.org/obs/jpg/360px/obs-en-09-10.jpg)

ଫାର ଯାନଲା ଯେ ଏଟା ମୋଶା କର୍ଲା ଅଚେ। ହାଏ ତାକେ ମାରବାକେ ଚେଷ୍ଟା କରଲା, ମାତର ମୋଶା ମିସର୍ ଥାନୁ ଜଙ୍ଗଲ ନେ ପଲାଇଲା। ଫାରର ସୈନିକ ମନ ଖାଜକେ ନା ପାର୍ଲାୟ।

![](https://cdn.door43.org/obs/jpg/360px/obs-en-09-11.jpg)

ମିସରର ଦୁର ଜଙ୍ଗଲ ଆନେ ମୋଶା ଗଟକ ଛେଳି ଚତାଉ ବନି ଗଲା। ହାଇଥାନେ ସେ ଗଟକ ବାଇଲେ କେ ବିବା ହେଲା ଆରି ଦୁଇଟା ପିଲା ଜନମ କାରଲା

![](https://cdn.door43.org/obs/jpg/360px/obs-en-09-12.jpg)

ମଶା ନିଜର ଶଶୁରର ଭେଡ୍ ମନକେ ଦେଖ ଭାଲ କର୍ତେ ରେଲା। ଗଟକ୍ ଦିନ, ହାଏ ଜଲ୍ ତେ ରେବା ଝାଡକେ ଦେକ୍ ଲା ଭସ୍ମ ନା ହେତେ ରେଲାଆ। ହାଏଟା କେ ଦେକବା କାଜେ ଲଗେ ଗଲା। ଯେବେ ହାଏ ଅଧିକ୍ ପାଲିକେ ଗଲା ପରମେଶ୍ବର କତା ହେଲା। ହାଏ କାଇଲା, ମଶା, ତର ଯୁତା ଉତାରି ଦେସ। ତୁଇ ଗଟକ୍ ପବିତ୍ର ଜାଗା ଆନେ ଠିଆ ହେଲିଆସ୍

![](https://cdn.door43.org/obs/jpg/360px/obs-en-09-13.jpg)

ପରମେଶ୍ବର କାଈଲା, ମୁଇ ମର୍ ଲୋକମାନର ଦୁକ୍ କେ ଦେଖଲି। ମୁଇ ତକେ ଫାରର ପାକେ ପଟାଇବି ଆରି ତୁଇ ଇସ୍ରାଏଲକେ ମିସରର ଦାସତ୍ପନୁ ମୁକ୍ଲାଇ ଅନବିସ। ମୁଇ ତାକେ କିନାନ ଦେଶ ଦେବି, ହାଏ ଦେଶ ଜୁନଟା କେ ମୁଇ ଅବ୍ରହମ୍, ଇସକ୍ ଆରି ଯାକୁବ କେ ଦେବାକେ ମୁଇ କଇରେଲି।

![](https://cdn.door43.org/obs/jpg/360px/obs-en-09-14.jpg)

ମୋଶା ପଚାରଲା, ଯଦି ଲୋକମନ ଯାନବା ଚାଇଲେ କି ତକେ କାନୟ ପଟାଇଲାଏ ତେବେ ମୁଇ କାଏ ବଲି କଇବି ? ପରମେଶ୍ବର କାଇଲା, ମୁଇ ଜନାୟ ଆୟେ ମୁଇ ସେଆୟ। ସେ କାଇଲା, ମୁଇ ଆକା ମକେ ତମର ପାକେ ପଟାଇଲା ଆଚେ। ସେ ଏଟା ମିସ କଇଲା କି, ମୁଇ ତମର ଅବ୍ରହମ, ଇସାକ ଆରି ଜାକୁବ ର ପରମେଶ୍ବର ୟାହବା। ମର ଏ ନାମ ସବୁ ଦିନ କାଯେ।

![](https://cdn.door43.org/obs/jpg/360px/obs-en-09-15.jpg)

ମଶା ଡରତେ ରେଲା ଆରି ଫାର ପାକେ ଜିବାକେ ଇଛା ନାରେଲା ହାଏ ନୁକୁ ବାଲକେ ପାରତେ ରେଲା, ହାଏଟାକାଜେ ପରମେଶ୍ବର ମଶାର ଭାଇ, ହାରଣକେ ତାର ସଙ୍ଗେ ରେବାକେ ପଟାଇଲା।

*ଯାତ୍ରା ପୁସ୍ତକ ପର୍ବ ୧-୪ ତାନର୍ ଗଟେକ୍ ବାଇବଲର କାଓନି*

## 10. ୧୦. ଦଶ୍ ଟା ମହାମାରୀ

https://openbiblestories.org/l/dso-x-korapdesia/story-10/

![](https://cdn.door43.org/obs/jpg/360px/obs-en-10-01.jpg)

ପରମେଶ୍ବର ମଶା ଆରି ହାରଣ କଇଲାୟ କି ଫାର ହଟଲା ହଇସି। ଯେବେ ହାଇମନ୍ ଫାର ଲଗେ ଗଲାଏ ତାକେ କାଈଲାଏ, ଇସ୍ରାଏଲର ପରମେଶ୍ବର କାଇଲାନି କି ମୋର ଲୋକମାନକେ ଯିବାକେ ଦେଷ୍। ମାତର ଫାର ତାକର କତାକେ ନା ସୁନଲା ଆରି ଇସ୍ରାଏଲ ନା ଛାଡ଼ି କରି ତଙ୍କେ ଅଦିକ କଟିନ କାମ କରବା କଅଜେ ବାଧ୍ୟ କରିଲାୟ

![](https://cdn.door43.org/obs/jpg/360px/obs-en-10-02.jpg)

ଫାର ହାଇମନକେ ଯିବାକେ ଦେବକେ ବାର ବାର ମନା କରଲା, ହାଇଟାକାଜେ ପରମେଶ୍ୱର ଦଶଟା ବିପତି ପଟାଇଲା। ଏ ବିପତି ଥାନୁ, ପରମେଶ୍ୱର ଫାରକେ ଦେକାଇଲା କି ହାଏ ଫାର ଆରି ମିଶରର ଦେବତାମାନ ଥାନୁ ଆଦିକା ଶକ୍ତିଶାଳୀ।

![](https://cdn.door43.org/obs/jpg/360px/obs-en-10-03.jpg)

ପରମେଶ୍ୱର ନିଲ ନଦିକେ ରକତ ନଦୀ ବନାଇଲା, ମାତର ଫାର ଏବେ ମିଶା ଇସ୍ରାଏଲକେ ଯିବାକେ ନାଇଁ ଦେଲା।

![](https://cdn.door43.org/obs/jpg/360px/obs-en-10-04.jpg)

ପରମେଶ୍ୱର ମିଶରର ସବୁ ଜାଗାନେ ମେଣ୍ଡକମନ ପଟାଇଲା। ଫାର ମେଣ୍ଡାକ ମାନକେ ଦୂର କରବାକାଜେ ମଶାକେ ଡାକଲା। ମାତର ସବୁ ମେଣ୍ଡାକ ମରଲା ପଚେ, ଫାର ନିଜର ମନକେ କଟର କରଲା ଆରି ଇସ୍ରାଏଲକେ ମିଶର ଥାନୁ ଯିବାକେ ନା ଦେଲା।

![](https://cdn.door43.org/obs/jpg/360px/obs-en-10-05.jpg)

ହାଇଟାକାଜେ ପରମେଶ୍ୱର କିଡାମନର ବିପତି ପଟେଇଲା, ଫାର ମଶା ଆରି ହରଣକେ ଡାକି କଇଲା କି ଯଦି ଏ ବିପତି କେ ବନ୍ଦକରଲେ ଇସ୍ରାଏଲକେ ମିଶରଥାନୁଯିବାକେ ଦେବି। ଯେବେ ମଶା ପାରତନା କରଲା ପରମେଶ୍ୱର ହାଏ ବିପତିକେ ଗୁଚଇଦେଲା। ମାତର ଫାର ନିଜର ମନକେ କଟର କରି ହଇମାନକେ ଯିବାକେ ନା ଦେଲା।

![](https://cdn.door43.org/obs/jpg/360px/obs-en-10-06.jpg)

ତାର ଆଗେ, ପରମେଶ୍ୱର ମିଶରର ସବୁ ପଇଲା ପଶୁମାନକେ ବିମାର କରି ମରି ଯିବାକେ ଦେଲାମ। ମାତର ଫାରର ମନ କଟର ହେଇରେଲା ଆରି ଇସ୍ରାଏଲକେ ଯିବାକେ ନା ଦେଲା।

![](https://cdn.door43.org/obs/jpg/360px/obs-en-10-07.jpg)

ତେବେ ପରମେଶ୍ୱର ମଶାକେ ଫାରର ଛୁମେ ଜୟ ହଲା ପକାଇବାକେ କଇଲା। ତେବେ ହାଏ ଏନ୍ତା କରଲା ମିଶରର ଲୋକମାନକେ ଆଦିକ ଦରଦ ଦେବା ଫାଟକମନ ହେଲା। ପରମେଶ୍ୱର ଫାରର ମନକେ ଆଦିକ କଟର କରଲା, ଆରି ଫାର ଇସ୍ରାଏଲକେ ସୁକେ ଯିବାକେ ନା ଦେଲା।

![](https://cdn.door43.org/obs/jpg/360px/obs-en-10-08.jpg)

ତାର ପଚେ, ପରମେଶ୍ୱର ଜୟ ହଲା ପଟାଇ ମିଶରର ଅଦିକ ଫସଲକେ ଆରି ନଷ୍ଟ କରିଦେଲା ଆରି ଯିଏ ବାରେ ଭରଲା ତାକେ ମିଶା ମାରିଦେଲା। ଫାର ମଶାକେ ଆରି ହରଣକେ ଡାକି ତାଙ୍କେ ସଙ୍ଗଲା କି, ମୁଇ ପାପ କରିଲିଆଚେ। ତମେ ଯାଇକେ ପାରାସ। ମଶା ପାରାତନା କରିଲା, ଆରି ଆକାଶଥାନୁ ଜୟହଲା ଘସରବାଟା ବନ୍ଦ ହେଲା।

![](https://cdn.door43.org/obs/jpg/360px/obs-en-10-09.jpg)

ମାତର ଫାର ଆରି ଗଟକଥର ପାପ କରିଲା ଆରି ନିଜର ମନକେ କଟର କରିଲା। ସେ ଇସ୍ରାଏଲକେ ସୁକେ ଯିବାକେ ନା ଦେଲା।

![](https://cdn.door43.org/obs/jpg/360px/obs-en-10-10.jpg)

ପରମେଶ୍ୱର ମିଶର ଦେଶେ ଝିଟିକାମନକେ ପଟାଇଲା। ଏ ଝିଟକାମନ ସବୁ ଚାଷକେ ଖାଇ ପକାଇଲାୟ ଯାର ଅଲେମନକେ ନାଶ ନା କରିରେଲାୟ।

![](https://cdn.door43.org/obs/jpg/360px/obs-en-10-11.jpg)

ଆରି ଗଟଥର ପରମେଶ୍ୱର ତିନି ଦିନତକ ଅନ୍ଦାର କରିଦେଲା। ଏଟା ଏତେକ ଅନ୍ଦାର ରେଲ କି ମିଶରର ଲୋକମନ ପଦାୟ ଭାରି ନା ପାରିଲାୟ। ମାତର ଜନଥାନେ ଇସ୍ରାଏଲ ଲୋକମନ ରେଲାୟ ହାଇଥାନେ ଉଜାଲା ରେଲା।

![](https://cdn.door43.org/obs/jpg/360px/obs-en-10-12.jpg)

ଏମନ ବିପଦର ପଚେ ମିଶା, ଫାର ଇସ୍ରାଏଲ ଲୋକମନକେ ଆରାମସେ ଯିବାକେ ନା ଦେଲା। ମାତର ଫାର ନା ସୁନିରେଲା କି ପରମେଶ୍ୱର ଆରି ଗଟକ ଶେଷ ବିପତି ପଟାଇସି ବୋଲି। ଆରି ଏଟା ଫାରର ମନକେ ବଦଲସି ବୋଲି।

*ଯାତ୍ରା ପୁସ୍ତକର୍ ଅଧ୍ୟାୟ ୫-୧୦ ତାନର୍ ବାଇବଲର କାଓନି।*

## 11. ୧୧. ନିସ୍ତାର ପରବ୍

https://openbiblestories.org/l/dso-x-korapdesia/story-11/

![](https://cdn.door43.org/obs/jpg/360px/obs-en-11-01.jpg)

ଇସ୍ରାଏଲୀୟମନର ଯିବାକାଚେ ଫାରୋ ଲଗେ ପଚାର୍ବା କାଚେ ପରମେଶ୍ବର ମୋଶା ଆରି ହାରୋଣକେ ପଠାଏଲା। ହାଏମନ୍ ତାକେ ଚେତାବନୀ ଦେଲାଏ ଯେ, ଯଦି ହାଏ ତିକେ ଯିବାକାଚେ ନା ଦେ, ତେବେ ପରମେଶ୍ବର ମିଶରୀୟମନର ଆରି ସବୁ ପଶୁମନର ପ୍ରଥମ ଜାତକେ ହତ୍ୟା କର୍ସି। ଏଟାକେ ଶୁଣବାର ପାଚେ ମିଶା ଫାରୋ ପରମେଶ୍ବରକେ ବିଶ୍ୱାସ କର୍ବା କାଚେ ମନା କରିଦେଲା ଆରି ତାରକଥା ମାନ୍ବା କାଚେ ମନା କର୍ଲା।

![](https://cdn.door43.org/obs/jpg/360px/obs-en-11-02.jpg)

ପରମେଶ୍ବର ତାର ଉପରେ ବିଶ୍ୱାସ କର୍ଥେରେବା ଲୋକମନର ପ୍ରଥମଜାତ ବେଟାକେ ବଞ୍ଚାଇବା କାଚେ ଗୋଟକ୍ ଉପାୟ କର୍ଲା। ସବୁ ପରିବାର କେ ଗୋଟକ୍ ଦାଗହୀନ ମେଣ୍ଢ ନେଇ ହତ୍ୟା କର୍ବାକେ ପଡ୍ଲା।

![](https://cdn.door43.org/obs/jpg/360px/obs-en-11-03.jpg)

ପରମେଶ୍ୱର ଇସ୍ରାଏଲୀୟମନକ ମେଷଶାବକର ରକ୍ତକେ ନେଇ ନିଜର ଘରର ଦ୍ୱାରବନ୍ଦତି ରଛାଏବା କାଚେ ବଲିରେଲା। ହାଏମନକେ ଏତାର ମାଂସକେ ଭାଜା କର୍ବାକାଚେ ପଡ୍ଲା ଆରି ପାଚେ ଖମୀରଶୂନ୍ୟ ରଟୀ ସଙ୍ଗେ ଏଟାକେ ଝପକେ ଖାଇବାକାଚେ ପଡ୍ଲା। ହାଇ ଖାଦ୍ୟ ଖାଇବାର ପାଚେ ତୁରନ୍ତ ମିଶରକେ ଛାଡିବା କାଚେ ପ୍ରସ୍ତୁତ ହୋଏବା କାଚେ ହାଏ ତିକେ ବଲିରେଲା।

![](https://cdn.door43.org/obs/jpg/360px/obs-en-11-04.jpg)

ପରମେଶ୍ୱର ଇସ୍ରାଏଲୀୟମନ ଯନ୍ଟା କର୍ବାକାଚେ ଆଦେଶ ଦେଇରେଲା, ହାଇ ଅନୁସାରେ ହାଏମନ୍ ସବୁକିଛି କର୍ଲାଏ। ମଜିରାତ୍ରିତି, ପରମେଶ୍ବର ମିଶରର ସବୁଲୋକର ବଡେ ପିଲାମନକେ ହତ୍ୟା କରି କରି ଗଲା।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲର ସବୁଘରର ଦ୍ୱାରବନ୍ଦତି ରକ୍ତକେ ରଛାଏ ରେଲାଜ, ହାଇଟାକାଚେ ପରମେଶ୍ୱର ହାଇ ଘରସବୁକେ ଛାଡ଼ି ଦେଲା। ତିକର ଭିତରେ ସବୁ ସୁରକ୍ଷିତ ରେଲାଏ। ମେଷଶାବକର ରକ୍ତର ଲାଗି ହାଏମନ ସବୁ ଉଦ୍ଧାର ପାଏଲାଏ।

![](https://cdn.door43.org/obs/jpg/360px/obs-en-11-06.jpg)

ମାତର ମିଶରୀୟମନ ପରମେଶ୍ୱରକେ ବିଶ୍ୱାସ ନା କର୍ଲାଏ ଆରି ତାର ଆଦେଶକଜ ପାଳନ ନା କର୍ଲାଏ। ହାଇକାଚେ ପରମେଶ୍ୱର ତିକର ଘରକେ ନା ଛାଡ଼ଲା। ମିଶରୀୟମନର ସବୁ ପ୍ରଥମ ଜାତ ପିଲାମନକେ ପରମେଶ୍ୱର ହତ୍ୟା କର୍ଲା।

![](https://cdn.door43.org/obs/jpg/360px/obs-en-11-07.jpg)

କାରାଗାରର କଏଦୀମାନର ପ୍ରଥମଜାତଲେ ନେଇକରି ଫାରୋର ପ୍ରଥମଜାତଲେ ପରମେଶ୍ବର ସବୁ ବଡେ ପୁରୁଷର ମୃତ୍ୟୁ ହୋଇରେଲା। ଅନେକ ମିଶରୀୟ ଲୋକ ତିକର ଗଭୀର ଯନ୍ତ୍ରଣାର ଲାଗି କାନ୍ଦେ୍ତେରେଲାଏ।

![](https://cdn.door43.org/obs/jpg/360px/obs-en-11-08.jpg)

ହାଇ ଦିନର ରାତିର ଦାଏ ଫାରୋ ମୋଶା ଆରି ହାରୋଣକେ ଡାକିକରି ବଲା୍, "ଇସ୍ରାଏଲ ଲୋକେ ତୁରନ୍ତ ମିଶରତାନ୍ଲେ ବାହାର କରି ନେଇ ଯା!" ମିଶରୀୟ ଲୋକମନ ମିଶା ଇସ୍ରାଏଲୀୟମନକେ ତୁରନ୍ତ ଚାଲିଯିବାକାଚେ ଅନୁରୋଧ କର୍ଲାଏ।

*ଯାତ୍ରା ୧୧:୧-୧୨:୩୩ ତାନର୍ ଗୋଟକ୍ ବାଇବଲର କାଓନି।*

## 12. ୧୨. ଯାତ୍ରା (ଯିବାଟା)

https://openbiblestories.org/l/dso-x-korapdesia/story-12/

![](https://cdn.door43.org/obs/jpg/360px/obs-en-12-01.jpg)

ଇସ୍ରାଏଲୀୟମନ ମିଶର ଛାଡବାକେ ବହୁତ ଖୁସି ରେଲାଏ। ହାଏମନ୍ ଆରି ଦାସ ନରେଲାଏ, ଆରି ହାଏମନ୍ ପ୍ରତିଜ୍ଞା କରିରେବା ଦେଶତି ଯାଏତେରେଲାଏ! ଇସ୍ରାଏଲୀୟମନ ଯନ୍ଟା ମାଗ୍ଲାଏ, ମିଶରୀୟମନ ହାଇଟାମନକେ ଦେଏତେରେଲାଏ, ସୁନା, ରୂପା ଆରି ଅଳଗା ଅଳଗା ମୂଲ୍ୟବାନ ଜିନିଷମନ ମିଶା ଦେଲାଏ। ଅନ୍ୟ ଦେଶର କିଛି ଲୋକ ପରମେଶ୍ବର କେ ବିଶ୍ୱାସ କର୍ଲାଏ ଆରି ଯଢ଼ଦାଏ ଇସ୍ରାଏଲୀୟମନ ମିଶର ଛାଡ୍ଲାଏ, ହାଇମନ ମିଶା ତିକର ସଙ୍ଗେ ଯୋଗଦାନ(ଗଲାଏ) କର୍ଲାଏ।

![](https://cdn.door43.org/obs/jpg/360px/obs-en-12-02.jpg)

ଦିନବେଲା ତିକର ଆଗେ ଆଗେ ବଡେ ମେଘ ଖମ୍ଭା ଯାଏତେରେଲା। ଆରି ରାତିର୍ଦାଏ ଏଟା ଅଗ୍ନି ଖମ୍ଭା ହୋଏତେରେଲା। ହାଇ ମେଘ ଖମ୍ଭା ଆରି ଅଗ୍ନି ଖମ୍ଭାତି ପରମେଶ୍ବର ସବୁଦାଏ ତିକର ସଙ୍ଗେ ରେଲା ଆରି ଯାତ୍ରାକରବା ସମୟତି ତିକେ ବାଟ ଦଖାଏତେ ରେଲା। ତିକେ କାଲି ହାଇ ବାଟେ ଯାଏକେ ପଡ଼ତେରେଲା।

![](https://cdn.door43.org/obs/jpg/360px/obs-en-12-03.jpg)

ଅଳପ ସମୟର ପାଚେ, ଫାରୋ ଆରି ତାର ଲୋକମନ ତିକର ମନକେ ବଦଲାଏ ଦେଲାଏ। ହାଏମନ୍ ଆଓରିହାରକ ଇସ୍ରାଏଲୀୟମନକେ ତିକର ଦାସ କର୍ବାକାଚେ ଚାହେଁତେରେଲାଏ। ହାଇଟାକାଚେ ହାଏମନ ଇସ୍ରାଏଲର ପିଟିପିଟି ଗଲାଏ। ପରମେଶ୍ବର ଆକା ତିକର ମନକେ ବଦଳାଏଲା। ହାଏ ଇଟା କାଚେ ଅନ୍ତି କରିରେଲା କାରଣ ହାଏ ଚାହେଁତେରେଲା ଯେସବୁ ଜାଣତ୍ କି ଯିହୋବା ଆଏ, ଫାରୋଲେ ଆରି ମିଶରର ସବୁ ଦେବତାମନ୍ଲେ ଅଧିକ ଶକ୍ତିଶାଳୀ ଆଏ।

![](https://cdn.door43.org/obs/jpg/360px/obs-en-12-04.jpg)

ଯଢ଼ଦାଏ ଇସ୍ରାଏଲୀୟମନ ମିଶର ସେନାମନ କେ ତିକର ଲଗେ ଆଏବାଟାକେ ଦୋଖ୍ଲାଏ, ତ ହାଏମନ୍ ଜାଣ୍ଲାଏ ଯେ ହାଏମନ୍ ଫାରୋର ସେନାମନର ଆରି ଲାଲ୍ ସାଗର ମଜିତି ଧରାପଡ଼ଲା ଆତ। ହାଏମନ୍ ବହୁତ ଡରିକରି କାନ୍ଦଲାଏ, "ଆମି କାଏକାଚେ ମିଶରକେ ଛାଡ୍ଲୁ? ଆମି ମରି ଯିବୁବେ!"

![](https://cdn.door43.org/obs/jpg/360px/obs-en-12-05.jpg)

ମୋଶା ଇସ୍ରାଏଲୀୟମନକେ ବଲା୍, ନା ଡରା! ଆଜି ପରମେଶ୍ୱର ତମର କାଚେ ଯୁଦ୍ଧ କରସି ଆରି ତମକେ ରକ୍ଷା କରସି। ତାର୍ପାଚେ ପରମେଶ୍ବର ମୋଶାକେ ବଲା୍ "ଏହି ଲୋକମନକେ ଲାଲ୍ ସାଗର ବାଟେ ଯିବାକାଚେ ବଲ୍।”

![](https://cdn.door43.org/obs/jpg/360px/obs-en-12-06.jpg)

ତାର୍ପାଚେ ପରମେଶ୍ବର ହାଇ ମେଘର ଖମ୍ଭାକେ ନେଇ ଇସ୍ରାଏଲୀୟ ଆରି ମିଶରୀୟମନର ମଜିତି ରଖ୍ଲା ଯନ୍ତା କି ମିଶରୀୟମନ ଇସ୍ରାଏଲୀୟମନକେ ଦୋଖେ ନା ପାରତ୍।

![](https://cdn.door43.org/obs/jpg/360px/obs-en-12-07.jpg)

ପରମେଶ୍ବର ମୋଶାକେ ସମୁଦ୍ର ଉପରେ ତାରହାତକେ ବଡ଼ାଏବା କାଚେ ବଲା୍। ତାର୍ପାଚେ ପରମେଶ୍ବର ସମୁଦ୍ରର ପାଣିକେ ପବନ ଦ୍ୱାରା ଡେବିରିବାଟେ ଆରି ବୁଜନିବାଟେ ବୁଆଏଲା, ଯାର ଲାଗି ସମୁଦ୍ର ଦେଇ ଯିବାକାଚେ ଗୋଟକ୍ ରାସ୍ତା ହୋଏଲା।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲୀୟମନ ସମୁଦ୍ରର ଦୁଇପାକେ ପାଣିର କାନ୍ଥ ଦେଇ ଶୁଖ୍ଲା ଭୂମି ତାନ୍ଲେ ଗଲାଏ।

![](https://cdn.door43.org/obs/jpg/360px/obs-en-12-09.jpg)

ତାର୍ପାଚେ ପରମେଶ୍ୱର ହାଇ ରାସ୍ତାତିଲେ ମେଘ୍କେ ଉଠାଏଲା ଯନ୍ତା କି ମିଶରୀୟମନ ଇସ୍ରାଏଲୀୟମନକେ ସୁରକ୍ଷା ହୋଇ ଯିବାଟାକେ ଦୋଖ୍ବାଏ। ମିଶରୀୟମନ ତିକେ ଧର୍ବା କାଚେ ତିକର ପିଟିପିଟି ଯିବାକାଚେ ହୋଏଲା।

![](https://cdn.door43.org/obs/jpg/360px/obs-en-12-10.jpg)

ହାଇଟାକାଚେ ହାଏମନ୍ ସମୁଦ୍ର ଦେଇ ହାଇ ରାସ୍ତା ଦେଇ ଇସ୍ରାଏଲୀୟମନକେ ଧର୍ବାକାଚେ ଗଲାଏ, ମାତର ପରମେଶ୍ବର ମିଶରୀୟମନକେ ଗାବ୍ରା କରିଦେଲା ଆରି ତିକର ରଥକେ ଅଟକାଏ ଦେଲା। ହାଏମନ୍ କଳାର ହୋଇ ବଲା୍ ଏ, "ପଲାଏ! ପରମେଶ୍ବର ଇସ୍ରାଏଲୀୟମନ କାଚେ ଯୁଦ୍ଧ କର୍ସିଆଚେ!"

![](https://cdn.door43.org/obs/jpg/360px/obs-en-12-11.jpg)

ସବୁ ଇସ୍ରାଏଲୀୟମନ ସମୁଦ୍ରର ହାଏଖାପ ଖେଟ୍ଲାଏ। ତାର୍ପାଚେ ପରମେଶ୍ବର ମୋଶାକେ ଆଓରିହାରକ ପାଣି ଉପରେ ତାର ହାତ ବଡ଼ାଏବା କାଚେ ବଲା୍। ଯଢ଼ଦାଏ ମୋଶା ଅନ୍ତି କର୍ଲା, ପାଣି ମିଶର ସେନାମନର ଉପରେ ପଡ଼ଲା ଆରି ପାଣି ଆଗର ଅନ୍ତା ହୋଇଗଲା। ମିଶର ସବୁ ସେନାମନ ବୁଡ଼ିଗଲାଏ।

![](https://cdn.door43.org/obs/jpg/360px/obs-en-12-12.jpg)

ଇସ୍ରାଏଲୀୟମନ ଦେଖ୍ଲାଏ ଯେ ମିଶରୀୟମନ ମରିଗଲାଏ, ହାଏମନ୍ ପରମେଶ୍ୱରକେ ବିଶ୍ୱାସ କର୍ଲା। ହାଏମନ୍ ବିଶ୍ୱାସ କର୍ଲାଏ ଯେ ମୋଶା ପରମେଶ୍ବର ବାଟଲେ ଗୋଟକ୍ ଭବିଷ୍ୟ‌ଦ୍‌ବକ୍ତା ଆଏ।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲୀୟମନ ଏଟାକାଚେ ମିଶା ଅଧିକ ସରଧା ହୋଏଲାଏ କାରଣ ପରମେଶ୍ବର ହାଏମନ୍କେ ମରବାତାନ୍ଲେ ଆରି ଦାସ ହୋଏବା ତାନ୍ଲେ ରକ୍ଷା କରିରେଲା। ଏବେ ହାଏମନ୍ ପରମେଶ୍ବର ଉପାସନା ଆରି ତାର ଆଜ୍ଞାକେ ପାଳନ କର୍ବାକାଚେ ମୁକ୍ତ ରେଲାଏ। ଇସ୍ରାଏଲୀୟମନ ତିକର ସ୍ୱାଧୀନତାକେ ପାଳନ କର୍ବାକାଚେ ଆରି ପରମେଶ୍ବରର ପ୍ରଶଂସା କରିବା କାଚେ ଅନେକ ଗୀତ ଗାଏଲାଏ ଯନ୍ତା କି ହାଏ ତିକେ ମିଶରର ସେନାମନ୍ ତାନ୍ଲଜ ଉଦ୍ଧାର କରିରେଲା।

![](https://cdn.door43.org/obs/jpg/360px/obs-en-12-14.jpg)

ପରମେଶ୍ବର କନ୍ତାକରି ମିଶରୀୟମନକେ ପରାସ୍ତ କର୍ଲା ଆରି ହାଏମନକେ ଦାସତ୍ୱ ତାନ୍ଲେ ମୁକ୍ତ କର୍ଲା ଏଟାକେ ହେତରକବା କାଚେ ସବୁବର୍ଷେ ଇସ୍ରାଏଲୀୟମନକେ ଗୋଟକ୍ ପର୍ବ ପାଳନ କରିବାକାଚେ ଆଦେଶ ଦେଲା। ଏଟାକେ ନିସ୍ତାର ପର୍ବ ବୋଲି ବଲାଯାଏତେ ରେଲା। ଏଟାକେ ପାଳନ କର୍ବା କାଚେ ତିକେ ଗୋଟକ୍ ସୁସ୍ଥ ମେଣ୍ଢା ଛୁଆକେ ବଳି ଦେବାକେ ପଡ଼ତେରେଲା, ଏଟାକେ ଭାଜିକରି, ଖମୀରଶୂନ୍ୟ ରୋଟି ସଙ୍ଗେ ଖାଏବାକାଚେ ପଡ଼ତେରେଲା।

*ଯାତ୍ରା ୧୨:୩୩-୧୫:୨୧ ତାନର୍ ଗୋଟକ୍ ବାଇବଲର କାଓନି।*

## 13. ୧୩. ଇସ୍ରାଏଲ ସଙ୍ଗେ ପରମେଶ୍ବର ର ନିୟମ୍

https://openbiblestories.org/l/dso-x-korapdesia/story-13/

![](https://cdn.door43.org/obs/jpg/360px/obs-en-13-01.jpg)

ଇସ୍ରାଏଲୀୟମନକେ ଲାଲ୍ ସାଗରକେ ପାର କର୍ବାର ପାଚେ, ପରମେଶ୍ବର ତିକେ ମରୁଭୂମି ଦେଇକରି ସିନାଇ ପର୍ବତତି ନେଲା। ହାଇ ସମାନ ପର୍ବତତି ଯନ୍ତାନେ ମୋଶା ଜଳ୍ତେରେବା ବୁଦା ଦୋଖିରେଲା। ହାଏମନ୍ ହାଇ ପର୍ବତର ତଳେ ତିକର ତମ୍ବୁ ବନାଏଲାଏ।

![](https://cdn.door43.org/obs/jpg/360px/obs-en-13-02.jpg)

ପରମେଶ୍ବର ମୋଶାକେ ଆରି ଇସ୍ରାଏଲର ସବୁ ଲୋକ ବଲିରେଲା, "ତମି ସବୁଦାଏ ମୋର ବାକ୍ୟକେ ପାଳନ କରିବା ଉଚିତ୍ ଆଏ ଆରି ମୁଇ ତମର ସଙ୍ଗେ କରିରେବା ଚୁକ୍ତି ପାଳନ କରିବା ଉଚିତ୍। ଯଦି ତମି ଅନ୍ତି କରବାସ, ତେବେ ତମି ମୂଲ୍ୟବାନ ଧନ, ଯାଜକମନର ରାଜ୍ୟ ଆରି ମୋର ପୁରସ୍କାର ପାଏବାସ, ପବିତ୍ର ରାଷ୍ଟ୍ର ହୋଏବାସ।”

![](https://cdn.door43.org/obs/jpg/360px/obs-en-13-03.jpg)

ଲୋକମନ୍ ପରମେଶ୍ବର ଲଗେ ଆସିବା କାଚେ ତିନିଦିନ ଯାକ ନିଜକେ ପ୍ରସ୍ତୁତ କର୍ଲାଏ। ତାର୍ପାଚେ ପରମେଶ୍ବର ସିନାଇ ପର୍ବତର ଟିପ୍ଲେ ଉତ୍ରଲା। ହାଏ ପହଞ୍ଚବାର ପାଚେ ହାଏତି ଗୋଟକ୍ ଭୂକମ୍ପ ହୋଏଲା, ବଜ୍ରପାତ ହୋଏଲା, ଧୂଆଁ ଉଠ୍ଲା ଆରି ତୂରୀ ଉଚ୍ଚ ସ୍ୱରରେ ବଜାଗଲା। ଏତାର ପାଚେ ମୋଶା ପର୍ବତ ଉପରେ ଗଲା।

![](https://cdn.door43.org/obs/jpg/360px/obs-en-13-04.jpg)

ତାର୍ପାଚେ ପରମେଶ୍ୱର ଲୋକମନ ସଙ୍ଗେ ଗୋଟକ୍ ଚୁକ୍ତି କର୍ଲା। ହାଏ ବଲା୍, "ମୁଇ ତମର ପରମେଶ୍ୱର, ସଦାପ୍ରଭୁ ଆଏ। ମୁଇ ତମକେ ମିଶରର ଦାସତ୍ୱ ତାନ୍ଲେ ଉଦ୍ଧାର କର୍ଲି। ଅଳଗା କନି ଦେବତାକେ ଉପାସନା ନା କରା।”

![](https://cdn.door43.org/obs/jpg/360px/obs-en-13-05.jpg)

"ମୂର୍ତ୍ତି ତିଆରି ନା କରା ଆରି ତିକର ଉପାସନା ନା କରା, କାରଣ ମୁଇ, ପ୍ରଭୁ, ତମର ଏକମାତ୍ର ପରମେଶ୍ୱର ଆଏ। ମୋର ନାମକେ ଅନୁପଯୁକ୍ତ ଭାବେ ବ୍ୟବହାର ନାକରା। ବିଶ୍ରାମ ଦିନକେ ପବିତ୍ର ବୋଲି ମନେରଖା। ଅଳଗା ଅର୍ଥତି, ଛଅ ଦିନତି୍ ତମର ସବୁ କାମ କରା, ସପ୍ତମ ଦିନ ତମର ବିଶ୍ରାମ ନେବାର ଆରି ମୋକେ ହେତ କରବା ଦିନ ଆଏ।”

![](https://cdn.door43.org/obs/jpg/360px/obs-en-13-06.jpg)

"ତମର ମା ଆରି ବାପାକଜ ସମ୍ମାନ ଦିଅଆସ। ହତ୍ୟା ନା କରା। ବ୍ୟଭିଚାର ନା କରା। ଚୋରି ନା କରା। ତମର ପଡ଼ୋଶୀର ପତ୍ନୀ, ଘର କି ଅଳଗା କଣି ଜିନିଷକେ ନେବାକାଚେ ଇଚ୍ଛା ନାକରା।”

![](https://cdn.door43.org/obs/jpg/360px/obs-en-13-07.jpg)

ତାର୍ପାଚେ ପରମେଶ୍ୱର ଇ ଦଶଟା ଆଦେଶକେ ଦୁଇଟା ପକ୍ନାତି ପଟା ଉପରେ ଲେଖିକରି ମୋଶାକେ ଦେଲା। ଲୋକମନକେ ପାଳନ କର୍ବାକାଚେ ପରମେଶ୍ବର ଅଳଗା ଅଳଗା ଅନେକ ନିୟମ ଦେଲା। ପରମେଶ୍ବର ହାଇ ଲୋକମନ ଆଶୀର୍ବାଦ ଆରି ସୁରକ୍ଷା ଦେବା କାଚେ ପ୍ରତିଜ୍ଞା କର୍ଲା ଯଦି ହାଏମନ୍ ଇ ନିୟମ ମନକେ ମାନବାଏ। ମାତର୍ ଯଦି ହାଏମନ ହାଇଟାମନକେ ପାଳନ ନା କରତେ ତେବେ ହାଏ ତିକେ ଦଣ୍ଡ ଦେଏସି ବୋଲି ହାଏ ବଲା୍ ଆଚେ।

![](https://cdn.door43.org/obs/jpg/360px/obs-en-13-08.jpg)

ପରମେଶ୍ବର ଇସ୍ରାଏଲୀୟମନକେ ଗୋଟକ୍ ବଡେ ତମ୍ବୁ - ସଭା ତମ୍ବୁ ନିର୍ମାଣ କର୍ବାକାଚେ ବଲିରେଲା। ଇ ତମ୍ବୁ କନ୍ତା କରି ତିଆର ହୋଏସି ଆରି ହାଏତି କାଏ କାଏଟା ସଙ୍ଗାଏବାଏ ହାଏ ତିକେ ଠିକ୍ ଭାବେ ସାଙ୍ଗିରେଲା। ତମ୍ବୁକେ ଦୁଇଟା ବାକ୍ରାତି ଭାଗ କର୍ବା କାଚେ, ହାଏ ଗୋଟକ୍ ବଡେ ପରଦା ତିଆର କର୍ବାକାଚେ ମିଶା ସାଙ୍ଗିରେଲା। ପରମେଶ୍ବର ହାଇ ପରଦାର୍ ପିଟିବାଟେ ରଇ ବାକ୍ରାତି ଆସି ହାଏତି ରଏସି। ମାତର ମହାଯାଜକେ ଆକା ଯନ୍ତାନେ ପରମେଶ୍ବର ରେଲା ହାଇ ବାକ୍ରାତି ଯିବାକାଚେ ଅନୁମତି ଦିଆଗଲା।

![](https://cdn.door43.org/obs/jpg/360px/obs-en-13-09.jpg)

ତିକେ ହାଇ ସଭାର ତମ୍ବୁର ଆଗେ ଗୋଟକ୍ ବେଦୀ ବନାଏକେ ପଡ଼ସି। ଯନିଚ୍ ହୋ ପରମେଶ୍ବର ନିୟମକେ ନା ମାନ୍ସି ହାଏ ହାଇ ଯଜ୍ଞତି ଗୋଟକ୍ ପଶୁକେ ଆଣ। ତାର୍ପାଚେ ଯାଜକ ହାଇଟାକେ୍ ବଳିଦେଏସି ଆରି ବେଦୀ ଉପରେ ପରମେଶ୍ବର ଲଗେ ବଳିଦାନ(ପୂଜ୍ସି) କର୍ସି। ପରମେଶ୍ବର ବଲା୍ ଆଛେ ଯେ ହାଇ ପଶୁର ରକ୍ତ ହାଏ ବ୍ୟକ୍ତିର ପାପକେ ଡାପ୍ସି। ଅନ୍ତିକରି, ପରମେଶ୍ବର ଆରି ହାଇ ପାପକେ ନା ଦୋଖେ। ହାଇ ବ୍ୟକ୍ତି ପରମେଶ୍ବରର ଦୃଷ୍ଟିତି “ଶୁଦ୍ଧ” ହୋଏସି। ପରମେଶ୍ବର ମୋଶାର ଭାଇ ହାରୋଣ ଆରି ହାରୋଣର ବଂଶଧରମନକେ ତାର ଯାଜକ ହୋଏବାକାଚେ ବାଛ୍ଲା।

![](https://cdn.door43.org/obs/jpg/360px/obs-en-13-10.jpg)

ପରମେଶ୍ବର ତିକେ ଦେଇରେବା ନିୟମକେ ମାନ୍ବାକାଚେ ହାଏମନ୍ ରାଜି ହୋଏଲାଏ। ହାଏମନ୍ ଖାଲି ପରମେଶ୍ବରର ଲୋକ ହୋଏବା କାଚେ ଆରି ଖାଲି ତାର ଉପାସନା କର୍ବା କାଚେ ରାଜି ହୋଏଲାଏ।

![](https://cdn.door43.org/obs/jpg/360px/obs-en-13-11.jpg)

ମୋଶା ବହୁତ ଦିନଲେ ସିନାଇ ପର୍ବତର ଟିପ୍ଲେ ରେଲା। ହାଏ ପରମେଶ୍ୱର ସଙ୍ଗେ କଥାବାର୍ତ୍ତା କର୍ତେରେଲା। ମାତର ଲୋକମନ ତାର ଆସବାଟାକେ ଜାଗି ଜାଗି ଥାକି ଗଲାଏ। ହାଇଟାକାଚେ ହାଏମନ୍ ହାରୋଣର ଲଗେ୍ ସୁନା ଆଣି ତାକେ ଗୋଟକ୍ ମୂର୍ତ୍ତି ତିଆରି କରିବା କାଚେ ବଲା୍ଏ ଯନ୍ତାକି ହାଏମନ୍ ପରମେଶ୍ୱର ବଦଳତି ହାଇ ମୂର୍ତ୍ତିକେ ଉପାସନା କର୍କେ ପାରବାଏ। ଅନ୍ତିକରି, ହାଏମନ୍ ପରମେଶ୍ବର ବିରୁଦ୍ଧତି ଭୟାଙ୍କାର ପାପ କର୍ଲାଏ।

![](https://cdn.door43.org/obs/jpg/360px/obs-en-13-12.jpg)

ହାରୋଣ ବାଛିର୍ ଅନ୍ତା ଗୋଟକ୍ ସୁନାର ମୂର୍ତ୍ତି ବନାଏଲା। ହାଏମନ୍ ହାଇ ମୂର୍ତ୍ତିର ପୂଜା କର୍ବାଟା ଆରମ୍ଭ କର୍ଲାଏ ଆରି ଏଟାକେ ବଳିଦାନ ଦେଲାଏ! ତିକର ପାପ ଲାଗି ପରମେଶ୍ୱର ତିକର ଉପରେ ବହୁତ କ୍ରୋଧିତ ହୋଏଲା। ହାଏ ତିକେ ବିନାଶ କର୍ବାକାଚେ ଚାହେଁତେ ରେଲା। ମାତର ମୋଶା ପରମେଶ୍ବରକେ ନିବେଦନ କର୍ଲା ଯେ ତିକେ ତୁଇ ହତ୍ୟା ନା କର। ପରମେଶ୍ବର ତାର ଅନୁରୋଧକେ ଶୁଣ୍ଲା ଆରି ତିକେ ବିନାଶ ନା କର୍ଲା।

![](https://cdn.door43.org/obs/jpg/360px/obs-en-13-13.jpg)

ଶରାଶରିକେ ମୋଶା ସୀନୟ ପର୍ବତଲେ ଉତ୍ରି ଆଏଲା। ହାଏ ଦୁଇଟା ପକ୍ନାର ପଟା ଧରିରେଲା ଯନ୍ତାନେ ପରମେଶ୍ବର ଦଶଟା ଆଜ୍ଞା ଲେଖିରେଲା। ତାର୍ପାଚେ ହାଏ ହାଇ ମୂର୍ତ୍ତି କେ ଦୋଖ୍ଲା। ହାଏ ଏତକ ରିଶା ହୋଏଲା ଯେ ହାଏ ହାଇ ଫଳକମନ୍କେ ଭାଙ୍ଗିଦେଲା।

![](https://cdn.door43.org/obs/jpg/360px/obs-en-13-14.jpg)

ତାର୍ପାଚେ ମୋଶା ମୂର୍ତ୍ତିକେ ପିଶିକରି ପାଉଡର ବନାଏଦେଲା ଆରି ପାଣିତି ମିଶାଏ କରି ହାଇ ପାଣିକେ ଲୋକମନକେ ପିଆଏଲା। ପରମେଶ୍ବର ହାଇ ଲୋକମନର ଉପରେ ଗୋଟକ୍ ମହାମାରୀ ପଠାଏଲା ଆରି ତିକର ଭିତର୍ଲେ ବହୁତ ଲୋକ ମରିଗଲାଏ।

![](https://cdn.door43.org/obs/jpg/360px/obs-en-13-15.jpg)

ମୋଶା ଭାଙ୍ଗିରେବା ଫଳକମନକେ ବଦଳାଏବା କାଚେ, ମୋଶା ଦଶଆଜ୍ଞା ଲେଖବାକାଛେ ପକ୍ନାର ଫଳକ ବନାଏଲା। ତାର୍ପାଚେ ହାଏ ଆଓରିହାରକ ପର୍ବତ ଉପରେ ଯାଇ ପ୍ରାର୍ଥନା କର୍ଲା ଯେ, ପରମେଶ୍ବର ତିକେ କ୍ଷମା କର। ପରମେଶ୍ବର ମୋଶାର କଥା ଶୁଣଲା ଆରି ତିକେ କ୍ଷମା କର୍ଲା। ନୂଆ ଫଳକତି ଦଶଆଜ୍ଞାକେ ଧରି କରି ମୋଶା ପର୍ବତ ତାନ୍ଲେ ଉତ୍ରି ଆଏଲା। ତାର୍ପାଚେ ପରମେଶ୍ୱର ଇସ୍ରାଏଲୀୟମନକେ ସୀନୟ ପର୍ବତ ତିଲେ ପ୍ରତିଜ୍ଞା କରିରେବା ଦେଶତି ନେଲା।

*ଯାତ୍ରା ୧୯-୩୪ ତାନର୍ ଗୋଟକ୍ ବାଇବଲର୍ କାଓନି।*

## 14. ୧୪. ଜଙ୍ଗଲତି ବୁଲୁଆତ୍

https://openbiblestories.org/l/dso-x-korapdesia/story-14/

![](https://cdn.door43.org/obs/jpg/360px/obs-en-14-01.jpg)

ପରମେଶ୍ବର ଇସ୍ରାଏଲୀୟମନକେ ତାର ଚୁକ୍ତିର ଲାଗି ତିକେ ମାନବାର ନିୟମନକେ ଜଣାଏଲା। ତାର୍ପାଚେ ହାଏ ତିକେ ସୀନାଇ ପର୍ବତର ହାଏପାକେ୍ ନେଲା। ହାଏ ତିକେ ପ୍ରତିଜ୍ଞା କରିରେବା ଦେଶତି ନେବାକାଚେ ଚାହେଁତେ ରେଲା। ଇ ଦେଶକେ କିଣାନ ମଶି ବଲା୍ ଯାଏତେରେଲା। ପରମେଶ୍ବର ମେଘ ଖମ୍ଭାତି ତିକର ଆଗେ ଆଗେ ଗଲା, ଆରି ହାଏମନ୍ ତାର ପିଟିପିଟି ଗଲାଏ।

![](https://cdn.door43.org/obs/jpg/360px/obs-en-14-02.jpg)

ପରମେଶ୍ବର ଅବ୍ରହାମ, ଇସ୍ହାକ ଆରି ଯାକୁବକେ ପ୍ରତିଜ୍ଞା କରିରେଲା ଯେ, ହାଏ ହାଇ ପ୍ରତିଜ୍ଞା କରିରେବା ଦେଶକେ ତିକର ବଂଶଧର ମନକେ ଦେଏସି, ମାତର ଇ ସମୟତି ହାଏତି ଅନେକ ଜାତିର ଲୋକ ହାଇ ଦେଶତି ବାସ କରିରେଲାଏ । ତିକେମନ କିଣାନୀୟ ବଲା ଯାଏତେରେଲା। ଇ କିଣାନୀୟମନ ପରମେଶ୍ୱରର ଉପାସନା ନା କର୍ତେ ରେଲାଏ ଆରି ତାର କଥାକେ ନା ମାନ୍ତେ ରେଲାଏ। ହାଏମନ୍ ମିଥ୍ୟା ଦେବତାମନକେ ପୂଜା କର୍ତେରେଲାଏ ଆରି ଅନେକ ଖରାପ କାମ କର୍ତେ ରେଲାଏ।

![](https://cdn.door43.org/obs/jpg/360px/obs-en-14-03.jpg)

ପରମେଶ୍ବର ଇସ୍ରାଏଲୀୟମନକେ ବଲା୍, "ଯଢ଼ଦାଏ ତମି ହାଇ ଚୁକ୍ତି କରିରେବା ଦେଶତି ଯିବାସ୍, ତ। ସବୁ କିଣାନୀୟମନ ତାନ୍ଲେ ମୁକ୍ତି ପାଆ। ତିକର ସଙ୍ଗେ ଚୁକ୍ତି ନା କରା କି ବିବାହ ମିଶା ନା କରା। ତମ୍କେ ତିକର ସବୁ ମୂର୍ତ୍ତିମନକେ ସମ୍ପୂର୍ଣ୍ଣ ରୂପେ ଧ୍ୱଂସ କର୍କେ ପଡ଼ସି୍। ଯଦି ତମି ମୋର କଥାକେ ନା ମାନାଆସ୍, ତେବେ ତମି ମୋର ବଦଳତି ତିକର୍ ଦେବତାମନକେ ପୂଜାପାଟ କର୍ବାସ୍।”

![](https://cdn.door43.org/obs/jpg/360px/obs-en-14-04.jpg)

ଯଢ଼ଦାଏ ଇସ୍ରାଏଲୀୟମନ କିଣାନର ସୀମାତି କେଠ୍ଲାଏ, ମୋଶା ଇସ୍ରାଏଲର ସବୁ ଗୋଷ୍ଠୀର୍ ଗୋଟ୍ଲାକା କରି ବାର ଲୋକେ ବାଛ୍ଲା। ହାଏ ତିକେ ହାଇ ଦେଶର ହାଳ୍ଚାଲ ନେବାକାଚେ ଆରି ଦୋଖିକରି ଆସତ୍ କି ହାଏଟା କନ୍ତା ଦେଶ ଆଏ ବୋଲି ତିକେ ବଲା୍ ଆଛେ। ହାଏମନ୍ କିଣାନୀୟ ମନର ମିଶା ହାଳ୍ଚାଲ ନେଏକେ ପଡ଼ସି କି ହାଏମନ ଶକ୍ତିଶାଳୀ କି ଦୁର୍ବଳ ଆତ୍।

![](https://cdn.door43.org/obs/jpg/360px/obs-en-14-05.jpg)

ହାଇ ବାର ଲୋକପୂରା କିଣାନ ଦେଇ ଚାଳିଶ ଦିନ ଯାତ୍ରା କର୍ଲାଏ ଆରି ପାଚେ ଲେଓଟି ଆଏଲାଏ। ହାଏମନ୍ ଲୋକମାନକେ ସାଙ୍ଗଲାଏ ହାଏତିର "ଜମି ମନ ବହୁତ ଉର୍ବର ଆଏ ଆରି ଫସଲ ପ୍ରଚୁର ଆଏ!" ମାତର ଦଶ ଗୁପ୍ତଚର ମନ ବଲା୍ଏ, "ତିକର ସହର ବହୁତ ଶକ୍ତିଶାଳୀ ଆଏ ଆରି ହାଏତିର ଲୋକ ମନ ଲମ୍ବାଚଉଢା ଆତ! ଯଦି ଆମି ତିକର ଉପରେ ଆକ୍ରମଣ କର୍ବୁ, ତେବେ ହାଏମନ୍ ନିଶ୍ଚିତ ଭାବେ ଆମକେ ପରାସ୍ତ କର୍ବାଏ ଆରି ମାର୍ବାଏ।”

![](https://cdn.door43.org/obs/jpg/360px/obs-en-14-06.jpg)

ହଢ଼କିଛ୍ଦାଏ କାଲେବ, ଯିହୋଶୂୟ ଆରି ଅଳଗା ଦୁଇଟା ଗୁପ୍ତଚର ବଲା୍ଏ, "ଏଟା ସତ୍ ଆଏ ଯେ କିଣାନର ଲୋକମନ ଡେଙ୍ଗା ଆରି ଶକ୍ତିଶାଳୀ ଆତ, ମାତର ନିଶ୍ଚିତ ଭାବେ ଆମି ହାଏମନକେ ପରାସ୍ତ କର୍କେପାର୍ବୁ! ପରମେଶ୍ବର ଆମର କାଚେ ଯୁଦ୍ଧ କର୍ସି!"

![](https://cdn.door43.org/obs/jpg/360px/obs-en-14-07.jpg)

ମାତର ଲୋକମନ୍ କାଲେବ ଆରି ଯିହୋଶୂୟର କଥାକେ ନା ଶୁଣ୍ଲାଏ। ହାଏମନ ମୋଶା ଆରି ହାରୋଣର ଉପରେ ରିଶା ହୋଏଲାଏ ଆରି ବଲା୍ଏ, "ତମି କାଏଟା କାଚେ ଆମକେ ଇ ଭୟଙ୍କର ସ୍ଥାନତି ଆଣ୍ଲା ଆସ? ଆମକେ ମିଶର ତି ଆକା ରଏବାର ରେଲା। ଯଦି ଆମି ହାଇ ଦେଶତି ଯିବୁ ତେବେ ଆମି ଯୁଦ୍ଧତି ହାରବୁ ଆରି କିଣାନର ଲୋକମନ ଆମର ପତ୍ନୀ ଆରି ପିଲାମନକେ ଦାସ ବନାଏବାଏ। ହାଏମନ୍ ମିଶରତି ଲେଓଟି ଯିବାକାଚେ ଗୋଟକ୍ ଅଳଗା ଲୋକେ ନେତା ବାଛବାକାଛେ ହାଏମନ୍ ଚାହେଁତେରେଲାଏ।

![](https://cdn.door43.org/obs/jpg/360px/obs-en-14-08.jpg)

ଯଢ଼ଦାଏ ହାଇ ଲୋକମନ ଏଟା ବଲିରେଲାଏ, ପରମେଶ୍ବର ବହୁତ ରିଶା ହୋଏଲା। ହାଏ ସଭାର ତମ୍ବୁତି ଆସି କରି ବଲା୍, "ତମି ମୋର ବିରୁଦ୍ଧତି ବିଦ୍ରୋହ କର୍ଲାଆସ୍, ହାଇଟାକାଚେ ତମ୍କେସବୁକେ ଇ ମରୁଭୂମିତି ଭ୍ରମଣ କରକେ ପଡ଼ସି। କୋଡ଼ିଏ ବର୍ଷ ହୋ କି ତାରଲେ ଅଧିକ ବୟସ୍କର ଲୋକ ସବୁ ହାଏତି ମରିଯିବାଜ ଆରି ହାଇ ଦେଶ୍ତି ଓଲ୍କେ ନା ପାରାସ୍ ଯନ୍ଟା ମୁଇ ତମ୍କେ ଦେବିଆଛି। ଅବଗ କାଲେବ ଆରି ଯିହୋଶୂୟ ଓଲ୍ବାଏ।”

![](https://cdn.door43.org/obs/jpg/360px/obs-en-14-09.jpg)

ଯଢ଼ଦାଏ ଲୋକମନ ପରମେଶ୍ବରର କଥାକେ ଶୁଣ୍ଲାଏ, ତେବେ ତିକର ପାପ କରିରେବାର୍ ଲାଗି ଦୁଃଖିତ ହୋଏଲାଏ। ହାଇକାଚେ ହାଏମନ୍ କିଣାନର ଲୋକମନକେ ଆକ୍ରମଣ କର୍ବାକାଚେ ସ୍ଥିର କର୍ଲାଏ। ମୋଶା ତିକେ ନା ଯିବାକାଚେ ଚେତାବନୀ ଦେଇରେଲା କାରଣ ପରମେଶ୍ବର ତିକର ସଙ୍ଗେ ନା ଯାଏ, ମାତର୍ ହାଏମନ୍ ତାର କଥାକେ ନା ଶୁଣ୍ଲାଏ।

![](https://cdn.door43.org/obs/jpg/360px/obs-en-14-10.jpg)

ଇ ଯୁଦ୍ଧ ତାନେ ପରମେଶ୍ବର ତିକର ସଙ୍ଗେ ନା ଯାଇ ରେଲା, ତେଣୁ କିଣାନୀୟମନ ହାଏମନ୍ କେ ପରାସ୍ତ କରି ତିକର ଭିତରର ଅନେକ୍ ଲୋକେ ହତ୍ୟା କର୍ଲାଏ। ହାଇଟାକାଚେ ଇସ୍ରାଏଲୀୟମନ କିଣାନ ତାନ୍ଲେ ଲେଓଟି ଗଲାଏ। ପାଚେ ଚାଳିଶ ବର୍ଷ ଯାକ, ହାଏମନ୍ ମରୂଭୂମିତି ଏବାଟେ ହାଏବାଟେ ଭୁଲ୍ତେ ରେଲାଏ।

![](https://cdn.door43.org/obs/jpg/360px/obs-en-14-11.jpg)

ଇସ୍ରାଏଲୀୟମନର ଚାଳିଶ ବର୍ଷ ମରୁଭୂମି ଦେଇ ଯିବାଦାଏ, ପରମେଶ୍ବର ତିକର ସବୁ ଦରକାର ଜିନିଷ୍କେ ଯୋଗାଏଦେଲା। ହାଏ ତିକେ ସ୍ୱର୍ଗଲେ “ମାନ୍ନା” ନାମର ରଟି ଦେଲା। ହାଏ ମିଶା ତିକର ଛାଉଣୀ ଲଗେ ପକ୍ଷୀ ପଠାଏଲା (ଯନ୍ଟା ମଜି ଆକାର ପକ୍ଷୀ ଆତ) ଯାହା ଦ୍ୱାରା ହାଏମନ୍ ମାଂସ ଖାଏବାଏ। ହାଇ ସମୟ ଭିତରେ୍, ପରମେଶ୍ବର ତିକର୍ ପୋଷାକ ଆରି ଜୋତାକେ ଛିଣ୍ଡାଇକେ ନା ଦେଲା।

![](https://cdn.door43.org/obs/jpg/360px/obs-en-14-12.jpg)

ଅନ୍ତାକି ପରମେଶ୍ବର ଚମତ୍କାର ଭାବେ ପକ୍ନା ତିଲେ ପାଣି ନିକ୍ରାଏ କରି ତିକେ ପିଇବାକାଚେ ଦେଲା। ମାତର ଇସବୁର ପାଚେ ମିଶା ଇସ୍ରାଏଲୀୟମନ ପରମେଶ୍ୱରର ବିରୁଦ୍ଧତି ଆରି ମୋଶାର ବିରୁଦ୍ଧତି ଅଭିଯୋଗ କର୍ଲାଏ। ତଥାପି, ପରମେଶ୍ବର ବିଶ୍ୱସ୍ତ ରେଲା। ଅବ୍ରହାମ, ଇସ୍ହାକ ଆରି ଯାକୁବର ବଂଶଧରମନକେ ହାଏ ଯନ୍ଟା ପ୍ରତିଜ୍ଞା କରିରେଲା ହାଏ ହାଏଟା କର୍ଲା।

![](https://cdn.door43.org/obs/jpg/360px/obs-en-14-13.jpg)

ଅନ୍ୟ ଗୋଟକ୍ ସମୟତି ଯଢ଼ଦାଏ ହାଇ ଲୋକମନର ଲଗେ ପାଣି ନା ରେଲା, ପରମେଶ୍ବର ମୋଶାକେ ବଲା୍, “ପକ୍ନା ସଙ୍ଗେ କଥା ହୋଅ, ଆରି ହାଏତିଲେ ପାଣି ନିକର୍ସି” ମାତର ମୋଶା ପକ୍ନା ସଙ୍ଗେ କଥା ନା ହୋଏଲା। ବରଂ ହାଏ ଗୋଟକ୍ ଡାଙ୍ଗ୍ ସଙ୍ଗେ ଦୁଇହାର ପକ୍ନାକେ ମାର୍ଲା। ଅନ୍ତି କରି ହାଏ ପରମେଶ୍ବର ଅପମାନ କର୍ଲା। ସବୁର ପିଇବା କାଚେ ପକ୍ନାତିଲେ ପାଣି ବାହାର୍ଲା, ମାତର ପରମେଶ୍ବର ମୋଶାକେ କ୍ରୋଧିତ ହୋଏଲା। ହାଏ ବୋଲି ରେଲା, କାରଣ ତୁଇ ଏଟା କର୍ଲିଇସ୍, ଏଟାକାଚେ ତୁଇ ପ୍ରତିଜ୍ଞା କରିରେବା ଦେଶ୍ତି ଓଲ୍କେ ନା ପାରି୍ଇସ୍।

![](https://cdn.door43.org/obs/jpg/360px/obs-en-14-14.jpg)

ଯଢ଼ଦାଏ ଇସ୍ରାଏଲୀୟମନ ଚାଳିଶ ବର୍ଷ ମରୁଭୂମିତି ଭ୍ରମଣ କରିରେଲାଏ, ଯନମନ ପରମେଶ୍ବର ବିରୁଦ୍ଧତି ବିଦ୍ରୋହ କରିରେଲାଏ, ହାଏମନ୍ ସବୁ ମରିଗଲାଏ। ତାର୍ପାଚେ ପରମେଶ୍ବର ତିକେ ଆଓରିହାରକ ହାଇ ପ୍ରତିଜ୍ଞା କରିରେବା ଦେଶର ସୀମାଲଗେ ନେଲା। ବର୍ତ୍ତମାନ ମୋଶା ବହୁତ ଡକ୍ରା ରେଲା, ହାଇକାଚେ ପରମେଶ୍ବର ଯିହୋଶୂୟକେ ଲୋକମନକେ ଆଗେ ନେବା କାଚେ ସାହାଯ୍ୟ କର୍ଲା। ପରମେଶ୍ବର ମଧ୍ୟ ମୋଶାକେ ପ୍ରତିଜ୍ଞା କରିରେଲା ଯେ, ଗୋଟଦିନ୍ ହାଏ ହାଇ ଲୋକମନ ଲଗେ ମୋଶାର ଅନ୍ତା ଗୋଟକ୍ ଭବିଷ୍ୟ‌ଦ୍‌ବକ୍ତା କେ ପଠାଏସି।

![](https://cdn.door43.org/obs/jpg/360px/obs-en-14-15.jpg)

ତାର୍ପାଚେ ପରମେଶ୍ବର ମୋଶାକେ ଗୋଟକ୍ ପର୍ବତର ଶିଖରତି ଯିବାକାଚେ ବଲା୍ ଯନ୍ତାକି ହାଏ ପ୍ରତିଜ୍ଞା କରିରେବା ଦେଶ୍କେ ଦୋଖେ୍ ପାରିସି୍। ମୋଶା ପ୍ରତିଜ୍ଞା କରିରେବା ଦେଶ୍କେ ଦୋଖ୍ଲା ମାତର ପରମେଶ୍ବର ତାକେ ଓଲବା କାଚେ ଅନୁମତି ନା ଦେଲା। ଏତାର୍ ପାଚେ ମୋଶା ମରିଗଲା, ଆରି ଇସ୍ରାଏଲୀୟମନ ତିରିଶ ଦିନ ଯାକ ଶୋକ କର୍ଲାଏ। ଯିହୋଶୂୟ ତିକର ନୂଆ ନେତା ହୋଏଲା। ଯିହୋଶୂୟ ଗୋଟକ୍ ଭଲ ନେତା ରେଲା କାରଣ ହାଏ ପରମେଶ୍ବରକେ ବିଶ୍ୱାସ କର୍ତେରେଲା ଆରି ତାର କଥା ମାନ୍ତେରେଲା।

*ଯାତ୍ରା ୧୬-୧୭; ଗଣନା ୧୦-୧୪; ୨୦; ୨୭; ଦ୍ୱିତୀୟ ବିବରଣ ୩୪ ତାନର୍ ଗୋଟକ୍ ବାଇବଲର କାଓନି।*

## 15. ୧୫. ପ୍ରତିଜ୍ଞାର ଦେଶ୍

https://openbiblestories.org/l/dso-x-korapdesia/story-15/

![](https://cdn.door43.org/obs/jpg/360px/obs-en-15-01.jpg)

ଶେଷରେ, ଇସ୍ରାଏଲୀୟମନକେ ପ୍ରତିଜ୍ଞା କରିରେବା ଦେଶ, କିଣାନତି ଓଲବର ସମୟ ଆସ୍ଲା। ହାଇ ଦେଶତି ଯିରୀହୋ ନାମର ଗୋଟକ୍ ନଗର ରେଲା। ହାଇଟାକେ୍ ସୁରକ୍ଷା ଦେବା କାଚେ ତାର ଚାର୍ବାଟେ ମଜ୍ଭୂତ କାତି ରେଲା। ଯିହୋଶୂୟ ଦୁଇଟା ଗୁପ୍ତଚରକେ ହାଇ ନଗରତି ପଠାଏଲା। ହାଇ ସହରତି ରାହାବ ନାମର ଗୋଟକ୍ ବେଶ୍ୟା ବାସ କର୍ତେରେଲେ। ହାଇ ଇ ଗୁପ୍ତଚରମନକେ ଲୁକା୍ଏଲା, ଆରି ପାଚେ ହାଏ ତିକେ ସହରରୁ ରକ୍ଷା କର୍ବାତି ସାହାଯ୍ୟ କର୍ଲା। ହାଏ ପରମେଶ୍ବରକେ ବିଶ୍ୱାସ କର୍ତେରେବାର ଲାଗି ହାଏ ଏଟା କର୍ଲା। ଯୋଢ଼ଦାଏ ଇସ୍ରାଏଲୀୟମନ ଯିରୀହୋକେ ଧ୍ୱଂସ କର୍ଲାଏ ହାଢ଼କିଦାଏ ହାଏମନ୍ ରାହାବ ଆରି ତାର ପରିବାରକେ ସୁରକ୍ଷା ଦେବି ବୋଲି ପ୍ରତିଜ୍ଞା କରିରେଲାଏ।

![](https://cdn.door43.org/obs/jpg/360px/obs-en-15-02.jpg)

ପ୍ରତିଜ୍ଞା କରିରେବା ଦେଶତି ଓଲବା କାଚେ ଇସ୍ରାଏଲୀୟମନକେ ଯର୍ଦ୍ଦନ ନଦୀକେ ପାରକର୍କେ ପଡ଼ତେରେଲା। ପରମେଶ୍ୱର ଯିହୋଶୂୟକେ ବଲା୍, ଯାଜକମନ ପ୍ରଥମେ ଯାଓତ। ଯାଜକମନ ଯର୍ଦ୍ଦନ ନଦୀତି ପାଦ ରଖ୍ଲାଏ, ପାଣି ବଏବାଟା ବନ୍ଦ ହୋଏଲା ଯନ୍ତାକି ଇସ୍ରାଏଲୀୟମନ ନଦୀର ହାଏଖାପ ଶୁଖିଲା ଭୂମି ଦେଇ ପାର ହୋଏକେ ପାର୍ବାଏ।

![](https://cdn.door43.org/obs/jpg/360px/obs-en-15-03.jpg)

ଯଢ଼ଦାଏ ହାଏମନ୍ ଯର୍ଦ୍ଦନ ନଦୀକେ ପାର ହୋଏଲାଏ, ପରମେଶ୍ବର ଯିହୋଶୂୟକେ ଯିରୀହୋ ଉପରେ ଆକ୍ରମଣ କରିବାକାଚେ ପ୍ରସ୍ତୁତ ହୋଏବାକାଚେ ବଲିରେଲା, ଯଦିଓ ଏଟା ଗୋଟକ୍ ଶକ୍ତିଶାଳୀ ସହର ରେଲା। ପରମେଶ୍ବର ତିକେ ବଲିରେଲା ଯେ, ତିକର ଯାଜକ ଆରି ସୈନିକମନ ଛଅ ଦିନ ଯାକ ନଗର ଚାର୍ବାଟେ ବୁଲ୍ବାର ଆଛେ। ତେବେ ଯାଜକ ଆରି ସୈନିକମନ ଅନ୍ତି ଆକା କର୍ଲାଏ।

![](https://cdn.door43.org/obs/jpg/360px/obs-en-15-04.jpg)

ସପ୍ତମ ଦିନତି ଇସ୍ରାଏଲୀୟମନ ସାତହାର ନଗରକେ ଗୁରିବୁଲା୍ଏ। ହାଏମନ୍ ସପ୍ତମ ହାର ନଗରକେ ଗୁରିବୁଲ୍ବାର ପାଚେ ଯାଜକମନ ତିକର ତୂରୀକେ ପୂଓକ୍ଲାଏ ଆରି ସୈନିକମନ ଠ୍କା କଲାର ହୋଏଲାଏ।

![](https://cdn.door43.org/obs/jpg/360px/obs-en-15-05.jpg)

ତାର୍ପାଚେ ଯିରୀହୋର ଚାର୍ବାଟର କାତିମନ ଭାଙ୍ଗିଗଲା! ଯନ୍ତାକି ପରମେଶ୍ୱର ଇସ୍ରାଏଲୀୟ ମନକେ ଆଦେଶ ଦେଲା, ନଗରର ସବୁ ଜିନିଷକଜ ନଷ୍ଟ କରିଦେଲାଏ। ହାଏମନ୍ ଖାଲି୍ ରାହାବ ଆରି ତାର ପରିବାରକେ ଛାଡିଦେଲାଏ, ଜନମନକି ଇସ୍ରାଏଲର ଅଂଶ ହୋଇରେଲାଏ। ଯଢ଼ଦାଏ କିଣାନତି ବାସ କର୍ତେରେବା ଅଳଗା ଲୋକମନ ଶୁଣ୍ଲାଏ ଯେ, ଇସ୍ରାଏଲୀୟମନ ଯିରୀହୋକେ ଧ୍ୱଂସ କର୍ଲାଆତ, ହାଏମନ୍ ଡରି ଗଲାଏ କି, ଇସ୍ରାଏଲୀୟମନ ତିକର ଉପରେ ମିଶା ଆକ୍ରମଣ୍ କର୍ବାଏ।

![](https://cdn.door43.org/obs/jpg/360px/obs-en-15-06.jpg)

ପରମେଶ୍ବର ଇସ୍ରାଏଲୀୟମନକେ କିଣାନତି ରେବା ସବୁ ଜାତିର୍ ଲୋକସଙ୍ଗେ ଶାନ୍ତିର ଚୁକ୍ତି ନା କର୍ବାକାଛେ ଆଦେଶ ଦେଲା। ମାତର ଗିବିୟାନୀୟ ନାମର ଗୋଟକ୍ କିଣାନୀୟ ଗୋଷ୍ଠୀ ଯିହୋଶୂୟକେ ମିଛ(ଠଗ୍ଲା) ବଲା୍, ଯେ ହାଏମନ୍ କିଣାନତାନ୍ଲେ ବହୁତ ଦୂରରଆତ। ହାଏମନ୍ ଯିହୋଶୂୟକେ ତିକର ସଙ୍ଗେ ଶାନ୍ତି ଚୁକ୍ତି କର୍ବାକାଛେ ଅନୁରୋଧ କର୍ଲାଏ। ତେବେ ଯିହୋଶୂୟ ଆରି ଇସ୍ରାଏଲର ଅଳାଗା ନେତାମନ ପରମେଶ୍ବରକେ ନା ପଚା୍ର୍ଲାଏ କି, ହାଏମନ୍ କାଏ କର୍ବା ଉଚିତ୍ ଆଏ। ଏତାର ପରିବର୍ତ୍ତେ, ହାଏମନ୍ ଗିବିୟାନୀୟମନ ସଙ୍ଗେ ଗୋଟକ୍ ଶାନ୍ତିର ଚୁକ୍ତି କର୍ଲାଏ।

![](https://cdn.door43.org/obs/jpg/360px/obs-en-15-07.jpg)

ତିନି ଦିନର ପାଚେ, ଇସ୍ରାଏଲୀୟମନ ଜାଣ୍ବାକେ ପାଏଲାଏ ଯେ, ଗିବିୟାନୀୟମନ କିଣାନତି ବାସ କର୍ତେରେଲାଏ। ହାଏମନ୍ ରିଶା ହୋଇଗଲାଏ କାରଣ ଗିବିୟୋନୀୟମନ ତିକେ ଧଖା ଦେଲାଆଛେତ୍। ମାତର୍ ତିକେ ତିକରସଙ୍ଗେ କରିରେବା ଶାନ୍ତି ଚୁକ୍ତିକେ ରକ୍ଷା କର୍ଲାଏ କାରଣ ଏଟା ପରମେଶ୍ବର ଆଗେ କରାଯାଇରେଲା। କିଛି ସମୟର ପାଚେ, କିଣାନତି ବାସ କର୍ତେରେବା ଅନ୍ଳଗା ଗୋଟକ୍ ଜାତି ଇମୋରୀୟ ରାଜାମନ ଶୁଣ୍ଲାଏ ଯେ, ଗିବିୟୋନୀୟମନ ଇସ୍ରାଏଲୀୟମନର ସଙ୍ଗେ ଶାନ୍ତିର ଚୁକ୍ତି କର୍ଲାଆଛେତ୍, ହାଏଟାକାଚେ ହାଏମନ୍ ତିକର୍ ସୈନ୍ୟବାହିନୀକେ ଗୋଟକିଲେଗେ ରୁଣ୍ଡାଏକରି ଗିବିୟୋନ ଉପରେ ଆକ୍ରମଣ କର୍ଲାଏ। ଗିବିୟୋନୀୟମନ ଯିହୋଶୂୟକେ ସାହାଯ୍ୟ କର୍ବାକାଛେ ଗୋଟକ୍ ବାର୍ତ୍ତା ପଠାଏଲାଏ।

![](https://cdn.door43.org/obs/jpg/360px/obs-en-15-08.jpg)

ହାଇଟାକାଚେ ଯିହୋଶୂୟ ଇସ୍ରାଏଲର ସେନାମନକେ ଗୋଟକି ଲଗେ ରୁଣ୍ଡାଲା ଆରି ରାତିସାରା ହିଣ୍ଡିହିଣ୍ଡ ଗିବୀୟମନ ଲଗେ ପହଞ୍ଚ୍ଲାଏ। ସକାଳେ ହାଏମନ୍ ଆମୋରୀୟର ସେନାମନକେ ବକୁଆ କରି ତିକର ଉପରେ ଆକ୍ରମଣ କର୍ଲାଏ।

![](https://cdn.door43.org/obs/jpg/360px/obs-en-15-09.jpg)

ହାଇଦିନେ ପରମେଶ୍ୱର ଇସ୍ରାଏଲୀୟମନକାଚେ ଯୁଦ୍ଧ କର୍ଲାଏ। ହାଏ ଅମୋରୀୟମାନକେ ଡରାଏ ଦେଲାଏ ଆରି ଭୟଙ୍କର କୁଆପଥର(କରାଗଟି) ସଙ୍ଗେ ହାଏ ଅନେକ ଅମୋରୀୟମନକେ ହତ୍ୟା କର୍ଲା।

![](https://cdn.door43.org/obs/jpg/360px/obs-en-15-10.jpg)

ଇସ୍ରାଏଲୀୟମନ ଆମୋରୀୟମନକେ ଯନ୍ତା ସମ୍ପୂର୍ଣ୍ଣ ଭାବେ ପରାସ୍ତ କର୍ବାକାଛେ ଯଥେଷ୍ଟ ସମୟ ପାଏବାଏ ହାଇଟାର୍ଲାଗି ପରମେଶ୍ବର ଆକାଶର ଗୋଟକ୍ ଜାଗାଲଗେ ସୂର୍ଯ୍ୟକେ(ବେଲ୍) ସଙ୍ଗାଏ ଦେଲା। ହାଇଦିନେ, ପରମେଶ୍ବର ଇସ୍ରାଏଲୀୟମନର କାଚେ ଗୋଟକ୍ ବଡେ ବିଜୟ ଲାଭ କର୍ଲା

![](https://cdn.door43.org/obs/jpg/360px/obs-en-15-11.jpg)

ଯଢ଼ଦାଏ ପରମେଶ୍ବର ହାଇ ସୈନ୍ୟବାହିନୀକେ ପରାସ୍ତ କର୍ଲା, ବହୁତ କିଣାନୀୟମନ ଇସ୍ରାଏଲ ଉପରେ ଆକ୍ରମଣ କର୍ବାକାଚେ ରୁଣ୍ଡାହୋଏଲାଏ। ଯିହୋଶୂୟ ଆରି୍ ଇସ୍ରାଏଲୀୟମନ ତିକେ ଆକ୍ରମଣ କରି ବିନାଶ କର୍ଲାଏ।

![](https://cdn.door43.org/obs/jpg/360px/obs-en-15-12.jpg)

ଇ ଯୁଦ୍ଧର ପାଚେ, ପରମେଶ୍ବର ଇସ୍ରାଏଲର ସବୁ ଗୋଷ୍ଠୀକେ ପ୍ରତିଜ୍ଞା କରିରେବା ଦେଶର ଭାଗକେ ଦେଲାଏ। ତାର୍ପାଚେ ପରମେଶ୍ବର ଇସ୍ରାଏଲର ସବୁ ସୀମାତି ଶାନ୍ତି ଦେଲା।

![](https://cdn.door43.org/obs/jpg/360px/obs-en-15-13.jpg)

ଯଢ଼ଦାଏ ଯିହୋଶୂୟ ଅଧିକ ଡକ୍ରାହୋଏଲା, ହାଏ ଇସ୍ରାଏଲର ସବୁ ଲୋକେ ଗୋଟକି ଲଗେ ରୁଣ୍ଡାଏଲା। ତାର୍ପାଚେ ଯିହୋଶୂୟ ଲୋକମନକେ ହେତ୍କରାଏଦେଲା ଯେ, ହାଏମନ୍ ସୀନାଇ ପର୍ବତତି ପରମେଶ୍ବର ତିକର ସଙ୍ଗେ କରିରେବା ଚୁକ୍ତି ପାଳନ କର୍ବାକାଚେ ପ୍ରତିଜ୍ଞା କରିରେଲା। ହାଏମନ୍ ପରମେଶ୍ବର ପ୍ରତି ବିଶ୍ୱସ୍ତ ରଏବା ଆରି ତାର ନିୟମକେ ମାନ୍ବାକାଚେ ପ୍ରତିଜ୍ଞା କରିରେଲା।

*ଯିହୋଶୂୟ ୧-୨୪ ତାନର୍ ଗୋଟକ୍ ବାଇବଲର୍ କାଓନି।*

## 16. ୧୬. ମୁକ୍ତିଦାତା୍

https://openbiblestories.org/l/dso-x-korapdesia/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶୂୟର ମର୍ଲାପାଛେ ଇସ୍ରାଏଲୀୟମନ ପରମେଶ୍ବର ଅପମାନ କର୍ଲାଏ। ହାଏମନ୍ ପରମେଶ୍ବର ନିୟମକେ ନା ମାନ୍ଲାଏ ଆରି ବାକିରେବା କିଣାନୀୟମନକେ ହାଇ ଚୁକ୍ତି ଦେଶତିଲେ ନା ନିକ୍ରାଏ ଦେଲାଏ। ଇସ୍ରାଏଲୀୟମନ ତିକର ପ୍ରକୃତ ପରମେଶ୍ୱର ଯିହୋବାକେ ପୂରାଛାଡି ଦେଇକରି କିଣାନୀୟ ଦେବତାମନର ଉପାସନା କର୍ବାର ଲାଗ୍ଲାଏ। ଇସ୍ରାଏଲତି ଗୋଟକି ରାଜା ନାରେଲାଏ, ହାଇଟା କାଚେ ହାଏମନ୍ ଯନ୍ଟା ତିକେ ଭାଏଲା ହାଇଟାକେ ହାଏମନ୍ କର୍ଲାଏ।

![](https://cdn.door43.org/obs/jpg/360px/obs-en-16-02.jpg)

ପରମେଶ୍ବର ଅପମାନ୍ନ କରି ଇସ୍ରାଏଲୀୟମନ ଗୋଟକ୍ ପଦ୍ଧତି ଆରମ୍ଭ କର୍ଲାଏ ଯନ୍ଟା ବହୁତ ହାର ପୁନରାବୃତ୍ତି ହୋଏଲାଲା। ଅନ୍ତି କରି ଚାଲ୍ତେରେଲା: ଇସ୍ରାଏଲୀୟମନ କତ୍ ବର୍ଷ ପରମେଶ୍ବରକେ ନା ମାନ୍ତେରେଏତ, ତାର୍ପାଛେ ହାଏ ତିକର୍ ଶତ୍ରୁମନର ଦ୍ୱାରା ପରାସ୍ତ କରି ତିକେ ଦଣ୍ଡ ଦେଏସି। ଇ ଶତ୍ରୁମନ ଇସ୍ରାଏଲୀୟମନକେ ତିକର୍ ଜିନିଷପତ୍ରକେ ଚରି ନେବାଏ, ତିକର୍ ସମ୍ପତ୍ତିକେ ନଷ୍ଟ କର୍ବାଏ ଆରି ତିକର ଭିତରର ଅନେକେ ହତ୍ୟା କର୍ବାଏ। ତାର୍ପାଛେ ଇସ୍ରାଏଲର ଶତ୍ରୁମନ ତିକେ ବହୁତ ବର୍ଷ ଧରି ନିର୍ଯ୍ୟାତନା ଦେବାଏ ପାଚେ, ଇସ୍ରାଏଲୀୟମନ ତିକର ପାପର୍ ଲାଗି ଅନୁତାପ କର୍ବାଏ ଆରି ତିକେ ଉଦ୍ଧାର କର୍ବା କାଛେ ପରମେଶ୍ବର ଲଗେ ପ୍ରାର୍ଥନା କର୍ବାଏ।

![](https://cdn.door43.org/obs/jpg/360px/obs-en-16-03.jpg)

ସବୁହାର ଇସ୍ରାଏଲମନ ଅନୁତାପ କର୍ଲେ, ପରମେଶ୍ବର ତିକେ ରକ୍ଷା କର୍ସି। ହାଏ ଗୋଟକ୍ ମୁକ୍ତିଦାତା ଦ୍ୱାରା ଏଟା କର୍ସି - ଗୋଟକ୍ ବ୍ୟକ୍ତି ଯନାଏ ତିକର ଶତ୍ରୁମନର ବିରୁଦ୍ଧତି ଯୁଦ୍ଧକର୍ସି ଆରି ପରାସ୍ତ କର୍ସି। ତାର୍ପାଚେ ଦେଶତି ଶାନ୍ତି ରଏସି ଆରି ମୁକ୍ତିଦାତା ତିକେ ଭଲ ଭାବେ ଶାସନ କର୍ସି। ହାଇ ଲୋକମନକେ ବଞ୍ଚାଏବା କାଛେ ପରମେଶ୍ବର ଅନେକ ମୁକ୍ତିଦାତା ପଠାଏଲା। ଇସ୍ରାଏଲୀୟମନ ତିକର ଲଗେରେବା ଶତ୍ରୁ ଦେଶ ମିଦିୟନୀୟମନର ଦ୍ୱାରା ପରାସ୍ତ ହୋଇ ଆଓରିହାରକ ଏଟା କର୍ଲାଏ।

![](https://cdn.door43.org/obs/jpg/360px/obs-en-16-04.jpg)

ମିଦିୟନୀୟମନ ସାତ ବର୍ଷ ଯାକ ଇସ୍ରାଏଲୀୟ ମନର ଫସଲକେ ଚରିକର୍ଲାଏ। ଇସ୍ରାଏଲୀୟମନ ବହୁତ ଡରି୍ ଗଲାଏ ଆରି ହାଏମନ୍ ଗୁମ୍ଫାତି ଲୁକି ରେଲାଏ ଯନ୍ତାକି ମିଦିୟନୀୟମନ ତିକେ ନା ପାଓତ୍। ଶରାଶରିକେ, ହାଏମନ୍ ତିକେ ଉଦ୍ଧାର କର୍ବା କାଚେ ପରମେଶ୍ବର ଲଗେ ପ୍ରାର୍ଥନା କର୍ଲାଏ।

![](https://cdn.door43.org/obs/jpg/360px/obs-en-16-05.jpg)

ଗିଦିୟୋନ ନାମର ଗୋଟକ୍ ଇସ୍ରାଏଲୀୟ ଲୋକ ରେଲା। ଗୋଟଦିନ୍ ହାଏ ମିଦିୟନୀମନ ଯନ୍ତା ଚୋରି କରି ନାନେବାଏ ହାଇକାଚେ ଗୋଟ ଗୁପ୍ତ ଜାଗାତି ଗୋଉଁକେ ପେଟତେ ରେଲା। ପ୍ରଭୁର ଗୋଟକ୍ ଦୂତ ଗିଦିୟୋନ ଲଗେ ଆସି ତାକେ ବଲା୍, "ପରମେଶ୍ୱର ତର ସଙ୍ଗେ ଆଛେ, ବୀର ଯୋଦ୍ଧା। ଯାଆ ଆରି ଇସ୍ରାଏଲୀୟମନକେ ମିଦିୟନୀୟମନ ତାନ୍ଲେ ରକ୍ଷା କର।”

![](https://cdn.door43.org/obs/jpg/360px/obs-en-16-06.jpg)

ଗିଦିୟୋନର ବାପାର ଲଗେ ମୂର୍ତ୍ତିକେ ଉତ୍ସର୍ଗୀକର୍ବା କାଛେ ଗୋଟକ୍ ଯଜ୍ଞ(ବେଦି) ରେଲା। ପରମେଶ୍ବର ଗିଦିୟୋନକେ ପ୍ରଥମେ ହାଇ ଯଜ୍ଞ କେ ଭାଙ୍ଗ୍ବାକାଛେ ବଲିରେଲା। ମାତର ଗିଦିୟୋନ ଲୋକମନକେ ଡର୍ତେରେଲା, ହାଏଟାକାଛେ ହାଏ ରାତି ହୋଏବାଟେକେ ଜାଗି ରେଲା। ତାର୍ପାଛେ ହାଏ ହାଇ ଯଜ୍ଞକେ ଖଣ୍ଡ ଖଣ୍ଡ କରିଦେଲା। ହାଏ ପରମେଶ୍ବର କାଛେ ଗୋଟକ୍ ନୂଆ ଯଜ୍ଞ ବନାଏଲା ଆରି ଏତାର ଉପରେ ପରମେଶ୍ବର କାଛେ ବଳି ଉତ୍ସର୍ଗ କର୍ଲା।

![](https://cdn.door43.org/obs/jpg/360px/obs-en-16-07.jpg)

ତାର ସକାଳ୍ ପାଏବାକେ ଲୋକମନ ଦୋଖ୍ଲା ଯେ, କନାଏ ଗୋଟକ୍ ଯଜ୍ଞକେ ଭାଙ୍ଗି ଦଲା ଆଛେ, ହାଇଟାକାଚେ ହାଇମନ ବହୁତ ରିଶାହୋଇଗଲାଏ। ହାଏମନ୍ ତାକେ ହତ୍ୟା କର୍ବା କାଚେ ଗିଦିୟୋନର ଘରେ ଗଲାଏ, ମାତର ଗିଦିୟୋନର ବାପା ବଲା୍, "ତମି ତମର ପରମେଶ୍ବରକେ କାଏକାଚେ ସାହାଯ୍ୟ କର୍ବାକାଚେ ଚେଷ୍ଟା କର୍ବାଆସ୍? ଯଦି ହାଏ ଗୋଟକ୍ ସତେ ଇଶ୍ୱର ଆଏ, ତେବେ ହାଏ ନିଜକେ ରକ୍ଷା କର!" ଲୋକମନ ଗିଦିୟୋନକେ ହତ୍ୟା ନା କର୍ଲାଏ କାରଣ ହାଏ ଇ କଥା ବଲ୍ବାକେ।

![](https://cdn.door43.org/obs/jpg/360px/obs-en-16-08.jpg)

ଏତାର୍ ପାଚେ ମିଦିୟନୀୟମନ ଇସ୍ରାଏଲୀୟମନର ଜିନିଷପତ୍ରକେ ଚୋର୍ବା କାଛେ ଆଓରିହାରକ ଆଏଲାଏ। ହାଏମନ୍ ଅତକ୍ ସଂଖ୍ୟକତି ରେଲାଏ ଯେ, ତିକେ ହିସାବ୍ ମିଶା କର୍କେ ନା ପାରଲାଏ। ଗିଦିୟୋନ ଇସ୍ରାଏଲୀୟମନକେ ଗୋଟକି ଲଗେ ରୁଣ୍ଡାଏଲା ତିକର ସଙ୍ଗେ ଯୁଦ୍ଧ କରବାକାଛେ। ଗିଦିୟୋନ ନିଜ୍କେ ବିଶ୍ୱାସ କର୍ବା କାଚେ ପରମେଶ୍ବରକେ ଦୁଇଟା ଚିହ୍ନ ମାଗିରଲା କି, ପରମେଶ୍ବର ସତେ ତାକେ ଇସ୍ରାଏଲକେ ଉଦ୍ଧାର କର୍ବାକାଛେ ବୋଲ୍ସିଆଛେ।

![](https://cdn.door43.org/obs/jpg/360px/obs-en-16-09.jpg)

ପ୍ରଥମ ଚିହ୍ନି କାଚେ ଗିଦିୟୋନ ମେଣ୍ଢାର ବାଲ୍କେ ଭୂମିତି ସଙ୍ଗାଏକରି ବୋଲା, ଯେ ସକାଳର ଅସ୍ (କାକର) ଖାଲି ମେଣ୍ଢାର (ପଶମ) ବାଲ ଉପରେ ପଡ଼ ମାତର ଭୂମିତି ନା ପଡ଼। ପରମେଶ୍ୱର ହାନ୍ତି ଆକା କର୍ଲା। ପରଦିନର ରାତିର୍ ଦାଏ ହାଏ ପରମେଶ୍ବର କେ ବୋଲିରେଲା ଯେ, ଜମି ଆକା ଭିଜ ମାତର ମେଣ୍ଢାର ଲୋମ ଶୁଖ୍ଲା ରୋଓ। ପରମେଶ୍ବର ଏଟା ମିଶା ଅନ୍ତି ଆକା କର୍ଲା। ଇ ଦୁଇଟା ଚିହ୍ନ ହୋଏବାକେ ଗିଦିୟୋନ ବିଶ୍ୱାସ କର୍ଲା ଯେ, ପରମେଶ୍ବର ସତେଆକା ଚାହେଁତେରେଲା ଯେ, ହାଏ ଇସ୍ରାଏଲୀୟମନକେ ମିଦିୟନୀୟମନ ତାନ୍ଲେ ରକ୍ଷା କର।

![](https://cdn.door43.org/obs/jpg/360px/obs-en-16-10.jpg)

ଏତାର୍ ପାଚେ ଗିଦିୟୋନ ସୈନିକମନକେ ତାର ଲଗେ ଡାକ୍ଲା ଆରି ୩୨, ୦୦୦ ପୁରୁଷ ଲୋକ ଆସ୍ଲାଏ। ମାତର୍ ପରମେଶ୍ବର ତାକେ ବୋଲା୍ କି ଏମନତ ଅଧିକ୍ ଆଛେତ୍। ହାଇକାଚେ ଗିଦିୟୋନ ହାଇ ୨୨, ୦୦୦ ଲୋକେ ଘରେ ପଠାଏଲା ଯନ୍ମନ୍ ଯୁଦ୍ଧ କର୍ବା କାଛେ ଡର୍ତେରେଲାଏ। ପରମେଶ୍ବର ଗିଦିୟୋନକେ ବଲା୍ ଅତ୍କି ଲୋକମିଶା ଅଧିକ୍ ଆତ୍। ହାଇଟାକାଚେ ଗିଦିୟୋନ ୩୦୦ ସୈନିକେ ଛାଡି ସବୁକେ ଘରେ ପଠାଏ ଦେଲା।

![](https://cdn.door43.org/obs/jpg/360px/obs-en-16-11.jpg)

ହାଇ ରାତି ପରମେଶ୍ୱର ଗିଦିୟୋନକେ ବୋଲା୍ "ମିଦିୟନୀୟମାନର ଶିବିରକୁ ଯାଆ ଆରି ତିକର୍ କଥାକେ ଶୁଣ। ହାଇଟାକାଚେ ହାଇ ଦିନର ରାତିର୍ ଦାଏ ଗିଦିୟୋନ ତିକର ଶିବିରକୁ ଗଲା ଆରି ଗୋଟକ୍ ମିଦିୟାନୀୟ ସୈନିକ ତାର ସାଙ୍ଗକେ ସ୍ୱପ୍ନାତି ଯନ୍ଟା ଦୋଖିରେଲା ହାଇଟାକେ ସାଙ୍ଗତେ୍ରେଲା। ହାଇ ବ୍ୟକ୍ତିର ସାଙ୍ଗ ବଲା୍, "ଇ ସ୍ୱପ୍ନର ଅର୍ଥ ହୋଏସି ଆଛେ, ଗିଦିୟୋନର ସୈନିକ ମନ୍ ଆମକେ(ମିଦିୟନୀୟ ସୈନିକ ମନ)ପରାସ୍ତ କର୍ବାଏ"। ଗିଦିୟୋନ ଏଟା ଶୁଣିକରି ପରମେଶ୍ୱରର ପ୍ରଶଂସା କର୍ଲା।

![](https://cdn.door43.org/obs/jpg/360px/obs-en-16-12.jpg)

ଏତାର୍ ପାଚେ ଗିଦିୟୋନ ତାର ସୈନିକମନ ଲଗେ ଲେଓଟି ଆସ୍ଲା ଆରି ସବୁକେ ଗୋଟଲାକା ତୂରୀ, ମାଠିର ପାତ୍ର ଆରି ମଶାଲ ଦେଲା। ମିଦିୟନୀୟ ସୈନିକମନ ଶୋଇରେବା ଶିବିରକେ ହାଏମନ୍ ଘେରି ରେଲାଏ। ଗିଦିୟୋନର ୩୦୦ ସୈନିକ ତିକର ମଶାଲ ପାତ୍ରକେ ଡାପିରେଲାଏ, ହାଇଟାକାଚେ ମିଦିୟନୀୟମନ ହାଇ ମଶାଲତାନର୍ ଉଜ୍ଜ୍ବଳକେ ଦୋଖେ ନାପାର୍ଲାଏ।

![](https://cdn.door43.org/obs/jpg/360px/obs-en-16-13.jpg)

ତାର୍ପାଚେ ଗିଦିୟୋନର ସବୁ ସୈନିକମନ ଗୋଟକି ସମୟତି ତିକର ମଶାଲକେ ଭାଙ୍ଗି ହଠାତ୍ ମଶାଲତାନର୍ ନିଆଁକେ ଦୋଖାଏଲାଏ। ହାଏମନ୍ ତିକର୍ ତୂରୀ ବାଜାଇ କଲା୍ର ହୋଇ ବଲାଏ, "ସଦାପ୍ରଭୁର। ଆରି ଗିଦିୟୋନର ଖଣ୍ଡା!"

![](https://cdn.door43.org/obs/jpg/360px/obs-en-16-14.jpg)

ପରମେଶ୍ୱର ମିଦିୟନୀୟମନକେ ଘାବରା କର୍ଲା, ହାଇକାଚେ ହାଏମନ୍ ପରସ୍ପରକେ ମାର୍ବାକେ ଲାଗ୍ଲାଏ। ସଙ୍ଗେ ସଙ୍ଗେ ଗିଦିୟୋନ ଅଳଗା ଇସ୍ରାଏଲୀୟମନକେ ଡାକ୍ବା କାଚେ ଦୂତ ପଠାଏଲା କି ହାଏମନ୍ ଆସି ତିକେ ସାହାଯ୍ୟ କର୍ବାଏ। ହାଏ ତିକର ଭିତର୍ ଅନେକ ଲୋକେ୍ ହତ୍ୟା କରି ବାକି ଲୋକେ ଇସ୍ରାଏଲ ଦେଶ ତାନ୍ଲେ ନିକ୍ରାଏଦେଲା। ହାଇଦିନେ ୧, ୨୦, ୦୦୦ ମିଦିୟନୀୟକେ ହତ୍ୟା କରାଗଲା। ଅନ୍ତି କରି ପରମେଶ୍ବର ଇସ୍ରାଏଲକେ ରକ୍ଷା କର୍ଲା।

![](https://cdn.door43.org/obs/jpg/360px/obs-en-16-15.jpg)

ହାଏମନ୍ ଗିଦିୟୋନକେ ତିକର ରାଜା ବନାଏବାକାଚେ ଚାହେଁତେରେଲାଏ, ମାତର ଗିଦିୟୋନ ତିକେ ଅନ୍ତି କର୍ବାକାଛେ ମନା କର୍ଲା, ମାତର ହାଏ ତିକେ ମିଦିୟନୀୟମନ ଲଗେଲେ ଚୋରି କରିରେବା ସୁନା ଅଳଙ୍କାରକେ ମାଗ୍ଲାଏ। ହାଏମନ୍ ଗିଦିୟୋନକେ ବହୁତ ପରିମାଣତି ସୁନା ଦେଲାଏ।

![](https://cdn.door43.org/obs/jpg/360px/obs-en-16-16.jpg)

ଏତା୍ର ପାଛେ ଗିଦିୟୋନ ସୁବର୍ଣ୍ଣ ତାନର୍ ଗୋଟକ୍ ବିଶେଷ ପୋଷାକ ତିଆର୍ କର୍ଲା ଯନ୍ତାକି ମହାଯାଜକମନ ପିନ୍ଧ୍ତେରେଲାଏ। ଲୋକମାନେ ତାକେ ପୂଜା କର୍ବାଟା ଆରମ୍ଭ କର୍ଲାଏ ଯନ୍ତା କି ହାଏ ଗୋଟକ୍ ମୂର୍ତ୍ତି ଆଏ। ତାର୍ପାଛେ ପରମେଶ୍ବର ପୁନର୍ବାର ଇସ୍ରାଏଲକେ ଦଣ୍ଡ ଦେଲା କାରଣ ହାଏମନ୍ ଗୋଟକ୍ ମୂର୍ତ୍ତିକେ ପୂଜା କରିରେଲାଏ। ପରମେଶ୍ବର ତିକର ଶତ୍ରୁମନକେ ତିକେ ପରାସ୍ତ କର୍ବାକାଛେ ସକ୍ଷମ କର୍ଲା। ଶରାଶରିକେ ଆଓରିହାରକ ହାଏମନ୍ ପରମେଶ୍ବରକେ ସାହାଯ୍ୟକର ବୋଲି ପ୍ରାର୍ଥନା କର୍ଲାଏ, ଆରି ପରମେଶ୍ବର ତିକେ ଉଦ୍ଧାର କର୍ବାକାଛେ ଗୋଟକ୍ ଅଳାଗା ମୁକ୍ତିଦାତାକେ ପଠାଏଲା

![](https://cdn.door43.org/obs/jpg/360px/obs-en-16-17.jpg)

ସମାନ ଘଟଣା ଅନେକ ହାର ଘଟିରେଲା: ଇସ୍ରାଏଲୀୟମନ ପାପ କର୍ବାଏ, ପରମେଶ୍ବର ତିକେ ଦଣ୍ଡ ଦେଏସି, ହାଏମନ୍ ଅନୁତାପ କର୍ବାଏ ଆରି ପରମେଶ୍ବର ତିକେ ଉଦ୍ଧାର କର୍ବା କାଚେ କାକେନଏଲେ କାକେ ପଠାଏସି। ବହୁତ ବର୍ଷ ଧରି, ପରମେଶ୍ବର ଅନେକ ମୁକ୍ତିଦାତା କେ ପଠାଏଲା, ଯନ୍ମନ୍ ଇସ୍ରାଏଲୀୟମନକେ ତିକର୍ ଶତ୍ରୁମନତାନ୍ଲେ ରକ୍ଷା କର୍ଲାଏ।

![](https://cdn.door43.org/obs/jpg/360px/obs-en-16-18.jpg)

ସର୍ବଶେଷରେ, ଅଳଗା ଜାତିର ଅନ୍ତା ହାଇ ଲୋକମନ ମିଶା ପରମେଶ୍ବରକେ ନିଜର କାଚେ ଗୋଟକ୍ ରାଜା ମାଗ୍ଲାଏ। ହାଏମନ୍ ଅନ୍ତା ଗୋଟକ୍ ରାଜା ଚାହେଁତେରେଲାଏ ଜନ୍କି ଲମ୍ବା ଆରି ଶକ୍ତିଶାଳୀ ଆରି ତିକେ ଯୁଦ୍ଧ କର୍ବା କାଚେ ବାଟ ଦୋଖାଏସି। ପରମେଶ୍ବର ଇ ଅନୁରୋଧକେ ପସନ୍ଦ ନା କର୍ଲା, ମାତର ହାଏ ତିକର୍ ମାଗିରେବା ଅନ୍ତା ରାଜାକେ ତିକେ ଦେଲା।

*ବିଚାରକର୍ତ୍ତା ୧-୩; ୬-୮; ୧ ମଶାମୁୟେଲ ୧-୧୦ ତାନର୍ ଗୋଟକ୍ ବାଇବଲର କାଓନି।*

## 17. ୧୭. ଦାଉଦର ସଙ୍ଗେ ପରମେଶ୍ବରର୍ ନିୟମ୍

https://openbiblestories.org/l/dso-x-korapdesia/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ ଇସ୍ରାଏଲର ପ୍ରଥମ ରାଜା ରେଲା। ହାଏ ଲମ୍ବା ଆରି ସୁନ୍ଦର ରେଲା, ହାଏମନ୍ ଯନ୍ତା ଚାହିଁରେଲାଏ ଠିକ୍ ହାନ୍ତି ଆକା। ଇସ୍ରାଏଲ ଉପରେ ଶାସନ କରବାର ପ୍ରଥମ ବର୍ଷେ ଶାଉଲ ଗୋଟକ୍ ଅଚ୍ଛା ରାଜା ରେଲା। ମାତର ପାଚେ ହାଏ ଗୋଟକ୍ ଦୁଷ୍ଟ ବ୍ୟକ୍ତି ହୋଇଗଲା ଯନକି ପରମେଶ୍ବର ବାକ୍ୟ ନାଶୁଣଲା, ହାଏଟାକାଚେ ଅଳଗା ଗୋଟକ୍ ବ୍ୟକ୍ତିକେ ବାଛଲାଏ ଯନକି ଗୋଟଦିନ୍ ତାର୍ ଜାଗାତି ରାଜା ହଏସି୍।

![](https://cdn.door43.org/obs/jpg/360px/obs-en-17-02.jpg)

ପରମେଶ୍ବର ଦାଉଦ ନାମର ଗୋଟକ୍ ଯୁବକ ଇସ୍ରାଏଲୀକେ ବାଛଲାଏ ଆଓରି ତାକେ ଦିନକ ଶାଉଲକେ ରାଜା ଭାବେ ବଦଳାଏବା କାଚେ ତିଆର କରିବାଟା ଆରମ୍ଭ କରଲା। ଦାଉଦ ବେଥଲିହିମ ସହରର ଗୋଟକ୍ ମେଷପାଳକ ରେଲା। ବହୁତ ହାର, ଦୁନଓ ସିଂହ ଆଓରି ଭାଲୁକେ ଦାଉଦ ହତ୍ୟା କରିରେଲା କାଏକାଚେ ବଲେ ଇ ପଶୁମନ ଦାଉଦର ମେଣ୍ଡାମେଣ୍ଢି ଉପରେ ଚରାଏବାଦାଏ ଆକ୍ରମଣ କରିରେଲାଏ। ଦାଉଦ ଗୋଟକ୍ ନମ୍ର ଆରି ଧାର୍ମିକ ବ୍ୟକ୍ତି ରେଲା। ହାଏ ପରମେଶ୍ବର ଉପରେ ଭରସା କରତେରେଲା ଆରି ତାରକଥା ମାନତେରେଲା।

![](https://cdn.door43.org/obs/jpg/360px/obs-en-17-03.jpg)

ଯଡ଼ଦାଏ ଦାଉଦ ଯୁବକ(ବେଣ୍ଡିଆ) ରେଲା, ହାଏ ଡେଙ୍ଗା ଗଲିୟାତ ବିରୁଦ୍ଧତି ଯୁଦ୍ଧ କରଲା। ଗଲିୟାତ୍ ବହୁତ ଭଲ ସୈନିକ ରେଲା। ହାଏ ବହୁତ ଶକ୍ତିଶାଳୀ ଆଓରି ପ୍ପାକାପାକି ତିନି ମିଟର ଡେଙ୍ଗା ରେଲା! ମାତର ପରମେଶ୍ବର ଦାଉଦକେ ଗଲିୟାତକେ ହତ୍ୟା କରିବାକାଚେ ଆଓରି ଇସ୍ରାଏଲକେ ରକ୍ଷା କରିବାକାଚେ ସାହାଯ୍ୟ କରଲା। ଏତର ପାଚେ ଦାଉଦ ବହୁତ ହାର ଇସ୍ରାଏଲର ଶତ୍ରୁମାନକେ ପରାସ୍ତ (ହାରାଏଲା) କରଲା। ଦାଉଦ। ଗୋଟକ୍ ମହାନ ସୈନିକ ହୋଏଲା ଆଓରି ହାଏ ବହୁତ ଯୁଦ୍ଧତି ଇସ୍ରାଏଲର ସୈନ୍ୟବାହିନୀର ନେତୃତ୍ୱ ନେଲା। ଲୋକମନ ତାକେ ବହୁତ ପ୍ରଶଂସା କରଲାଏ।

![](https://cdn.door43.org/obs/jpg/360px/obs-en-17-04.jpg)

ଲୋକମନ ଦାଉଦକେ ଅତକ ମୟା କରତେରେଲାଏ ଯେ ଶାଉଲ ତାକେ ଜଳାଇବାକାଚେ ଯାଇରେଲା। ଶରାଷରିତି ଶାଉଲ ତାକେ ହତ୍ୟା କରିବାକାଚେ ଚାହେଁତେରେଲା, ହାଇଟାକାଚେ ଦାଉଦ ତାର ଆରି ତାରସୈନିକମନର ଲଗେଲେ ଲୁକ୍ବାକାଚେ ମରୁଭୂମିତି ପଳାଏଲା। ଗୋଟଦିନ ଶାଉଲ ଆରି ତାର ସୈନିକମନ ଦାଉଦକେ ଡଗରାଏବାଦାଏ ଶାଉଲ ଗୋଟକ୍ ଗୁମ୍ଫାତି ଗଲା। ହାଇ ଗୁମ୍ଫାତି ଦାଉଦ ଲୁକିରେଲା, ମାତର ଶାଉଲ ତାକେ ନା ଦଖଲା। ଦାଉଦ ଶାଉଲର ପୂରା ଲଗା ଯାଇ ଅନୁସରଣ କରଲା ଆରି ତାର ପୋଷାକେ ଗୋଟ୍କ ଖଣ୍ଡ କାଟ୍ଲା। ପାଚେ, ଶାଉଲ ଗୁମ୍ଫାଲେ ବାହାରେ ଆସବାର ପାଚେ ଦାଉଦ ତାକେ ଡାକ୍ଲା ଆରି ତାର ଧରିରେବା କପଡା ଖଣ୍ଡେକେ ଦୋଖାଏଲା। ଅନ୍ତି ହୋଏବାକେ, ଶାଉଲ ଜାଣବାକେ ପାଏଲା ଯେ ରାଜା ହୋଏବାକାଚେ ଦାଉଦ ତାକେ ହତ୍ୟା କରିବାକାଚେ ମନା କରିଦେଲାଆଚେ।

![](https://cdn.door43.org/obs/jpg/360px/obs-en-17-05.jpg)

କିଛି ସମୟର ପାଚେ ଶାଉଲ ଯୁଦ୍ଧତି ମରିଗଲା ଆଓରି ଦାଉଦ ଇସ୍ରାଏଲର ରାଜା ହୋଏଲା। ହାଏ ଗୋଟକ୍ ଭଲ ରାଜା ରେଲା ଆରି ଲୋକମନ ତାକେ ଭଲ ପାଏତେରେଲାଏ। ପରମେଶ୍ବର ଦାଉଦକେ ଆଶୀର୍ବାଦ କରଲା ଆଓରି ତାକେ ସଫଳ କରଲା। ଦାଉଦ ଅନେକ ଯୁଦ୍ଧ କରଲା, ଆରି ପରମେଶ୍ବର ତାକେ ଇସ୍ରାଏଲର ଶତ୍ରୁମନକେ ପରାସ୍ତ କରବାତି ସାହାଯ୍ୟ କରଲା। ଦାଉଦ ଯିରୁଶାଲମକେ ପରାସ୍ତ କରି ଏକେ ତିକର ରାଜଧାନୀ ବନାଏଲା, ଯନ୍ତି ହାଏ ବାସ କରତେରେଲାଏ ଆରି ଶାସନ କରତେରେଲାଏ। ଦାଉଦ ଚାଳିଶ ବର୍ଷ ରାଜା ରେଲା। ଇ ସମୟ ଭିତରେ, ଇସ୍ରାଏଲ ଶକ୍ତିଶାଳୀ ଆରି ଧନୀ ହୋଏଲା।

![](https://cdn.door43.org/obs/jpg/360px/obs-en-17-06.jpg)

ଦାଉଦ ଗୋଟକ୍ ମନ୍ଦିର ନିର୍ମାଣ କରବାକାଚେ୍ ଚାହେଁତେରେଲା ଯନତାନେ ସବୁ ଇସ୍ରାଏଲୀୟମନ ପରମେଶ୍ବର ଉପାସନା କରି ତାରକାଚେ ବଳି ଉତ୍ସର୍ଗ କରକେପାରବାଏ। ପାକାପାକି ୪୦୦ ବର୍ଷ ଧରି, ହାଏମନ୍ ପରମେଶ୍ବରର ଉପାସନା କରତେରେଲାଏ ଆରି ମୋଶା ବନାଏରେବା ତମ୍ବୁରେ ତାରକାଚେ ବଳି ଉତ୍ସର୍ଗ କରତେରେଲାଏ।

![](https://cdn.door43.org/obs/jpg/360px/obs-en-17-07.jpg)

ମାତର ନାଥନ୍ ନାମର ଗୋଟକ୍ ଭବିଷ୍ୟ‌ଦ୍‌ବକ୍ତା ରେଲା। ପରମେଶ୍ବର ତାକେ ଦାଉଦ ଲଗେ ଏଟା ବଲବାକାଚେ ପଠାଏଲା: "ତୁଇ ଅନେକ ଯୁଦ୍ଧ କରଲିଆଚି୍ସ, ହାଇଟାରଲାଗି ତୁଇ ମୋରକାଚେ ଇ ମନ୍ଦିରକେ ନିର୍ମାଣ ନା କରବିସ୍। ତର ବେଟା ଏଟାକେ ନିର୍ମାଣ କରସି। ହୋଏଲେମିଶା, ମୁଇ ତକେ ବହୁତ ଆଶୀର୍ବାଦ କରବି। ତର ବଂଶଧରମନର ଭିତରଲେ ଗୋଟଲୋକ ସବୁଦିନ କାଚେ୍ ମୋର ହୋଏସି। ରାଜା ଭାବେ ହାଏ ମୋର ଲୋକମନର ଉପରେ ଶାସନ କରସି।”ହାଏ ଦାଉଦର ଗଟକି ଆକା ବଂଶଧର ରେଲା, ଯନ କି ସବୁଦିନ କାଚେ ଶାସନ କରିରେଲା। ଖ୍ରୀଷ୍ଟ ପରମେଶ୍ବର ବାଛିରେଲା ବ୍ୟକ୍ତି ଯନାଏ ଜଗତର ଲୋକମନକେ ତିକର ପାପତାନଲେ ରକ୍ଷା କରସି।

![](https://cdn.door43.org/obs/jpg/360px/obs-en-17-08.jpg)

ଜଡ଼ଦାଏ ଦାଉଦ ନାଥନର ବାର୍ତ୍ତା ଶୁଣଲା, ହାଏ ପରମେଶ୍ବରକେ ଧନ୍ୟବାଦ ଦେଲା ଆରି ତାକେ ପ୍ରଶଂସା କରଲା। ପରମେଶ୍ବର ଦାଉଦର ଗୈରବକେ ବଡ଼ାଏତେରେଲା ଆରି ତାକେ ଅନେକ ଆଶୀର୍ବାଦ ଦେଏତେରେଲା। ଅବଶ୍ୟ, ପରମେଶ୍ବର ଇସବୁ କାମ କରସି ବୋଲି ଦାଉଦ ନା ଜାଣିରେଲା। ମାତର ଇ ସମୟତି ଆମି ଜାଣୁ ଯେ ଇସ୍ରାଏଲୀୟମନକେ ଖ୍ରୀଷ୍ଟର ଆସବାଟା କାଚେ ପାକାପାକି ୧୦୦୦ ବର୍ଷ ତିକେ ଯାଗବାକେ ପଡ଼ସି।

![](https://cdn.door43.org/obs/jpg/360px/obs-en-17-09.jpg)

ଦାଉଦ ଅନେକ ବର୍ଷଧରି ନିଜର ଲୋକମନକେ ନ୍ୟାୟସଙ୍ଗେ ଶାସନ କରଲା। ହାଏ ବିଶ୍ୱସ୍ତ ଭାବେ ପରମେଶ୍ବର ବାକ୍ୟକେ ପାଳନ କରଲା(ମନଲା) ଆରି ପରମେଶ୍ବର ତାକେ ଆଶୀର୍ବାଦ କରଲା। ହୋଏଲେମିଶା, ଜୀବନର ଶରାଷରି ଭାଗତି ହାଏ ପରମେଶ୍ବର ବିରୁଦ୍ଧତି ଗୋଟକ୍ ଭୟଙ୍କର୍ ପାପ କରିରେଲା।

![](https://cdn.door43.org/obs/jpg/360px/obs-en-17-10.jpg)

ଗୋଟଦିନ ଦାଉଦ ତାର ରାଜପ୍ରାସାଦତିଲେ ବାହାରେ ଗୋଟକ୍ ସୁନ୍ଦର ସ୍ତ୍ରୀକେ ପାଣି ଦୈଏ ତେରେବାଟା କେ ଦଖ୍ଲା। ହାଏ ତାକେ ଜାଣି ନାରେଲା, ମାତର ଜାଣବାକେ ପାଏଲା ଯେ ତାର ନାମ ବତ୍‍ଶେବା ଆଏ।

![](https://cdn.door43.org/obs/jpg/360px/obs-en-17-11.jpg)

ଦାଉଦ ଆଖି ବୁଜି ଦେବାର ଛାଡ଼ି ପରିବର୍ତ୍ତେ ତାକେ ତାର ଲଗେ ଆଣବା କାଚେ କାହାକେ ଗୋଟକ୍ ପଠାଏଲା। ହାଏ ତାର ସଙ୍ଗେ ଶୋଏଲା ଆରି ତାକେ ତାର ଘରେ ପଠାଏଦେଲା। ଅଳପ ସମୟ ପାଚେ ବତ୍‍ଶେବା ଦାଉଦ ଲଗେ ଗଟକ ଖବର ପଠାଏଲା ଯେ ହାଏ ଗର୍ଭବତୀ ଆଚେ।

![](https://cdn.door43.org/obs/jpg/360px/obs-en-17-12.jpg)

ବତ୍‍ଶେବାର ସ୍ୱାମୀ ଊରୀୟ ନାମର ଗୋଟକ୍ ବ୍ୟକ୍ତି ରେଲା। ହାଏ ଦାଉଦର ସବୁଲେଅଚ୍ଛା ସୈନିକମନର ଭିତରଲେ ଗୋଟକ୍ ସୈନିକ ରେଲା। ଇ ସମୟତାନେ ହାଏ ଯୁଦ୍ଧ କରବାକାଚେ ଯାଇରେଲା। ଦାଉଦ ଉରିୟକେ ଯୁଦ୍ଧତାନ୍ଲେ୍ ଡାକ୍ଲା ଆରି ତାର ପତ୍ନୀ ସଙ୍ଗେ ରଏବାକାଚେ ବଲା୍। ମାତର ଅଳଗା ସୈନିକମନ ଯୁଦ୍ଧ କରବାତି ରେଲାଏ ହାଇଟାକାଚେ ଉରିୟ ଘରେ ଯିବାକାଚେ ମନା କରିଦେଲା। ହାଇଟାକାଚେ ଦାଉଦ ଉରିୟକେ ପୁନର୍ବାର (ଆଓରି ହାରକ) ଯୁଦ୍ଧତି ପଠାଏଲା ଆରି ସେନାଧ୍ୟକ୍ଷଙ୍କୁ ତାକେ ଯୁଦ୍ଧତି ରଖବାକାଚେ ବଲିରେଲା ଜନଲେଗେ ଶତ୍ରୁମନ ଅଧିକ ଶକ୍ତିଶାଳୀ ରେଲାଏ ଯନ୍ତାକି ତାକେ ହତ୍ୟା କରବାଏ। ହାଇକାଚେ ଉରିୟ ଯୁଦ୍ଧଆନା ମରିଗଲା।

![](https://cdn.door43.org/obs/jpg/360px/obs-en-17-13.jpg)

ଯୁଦ୍ଧତି ଉରିୟ ମରିବା ପାଚେ ଦାଉଦ ବତ୍ଶେବାକେ ବିବାହ କରଲା। ପାଚେ ହାଏ ଦାଉଦର ବେଟାକେ ଜନ୍ମ ଦେଲା। ଦାଉଦ ଯନଟା କରିରେଲା, ହାଟାକାଚେ ପରମେଶ୍ବର ଭୟଙ୍କାର କ୍ରୋଧିତ ହଏଲା, ତେବେ ହାଏ ନାଥନ୍ ଭବିଷ୍ୟ‌ଦ୍‌ବକ୍ତାକେ ପଠାଏଲା। ଦାଉଦ ନିଜର ପାପ୍ ତିଲେ ଅନୁତାପ କରଲା ଆରି ପରମେଶ୍ବର ତାକେ କ୍ଷମା କରଲା। ତାର ଜୀବନସାରା, କଠିନ ସମୟତି ମିଶା, ଦାଉଦ ପରମେଶ୍ବର ଅନୁସରଣ କରଲା ଆରି ତାକେ ମାନିଲା।

![](https://cdn.door43.org/obs/jpg/360px/obs-en-17-14.jpg)

ମାତର ଦାଉଦର ପିଲା(ସନ୍ତାନ) ମରିଗଲା। ଅନ୍ତି କରି ପରମେଶ୍ବର ଦାଉଦକେ ଦଣ୍ଡ ଦେଲା। ଅଧିକନ୍ତୁ, ଦାଉଦରୄ ହର୍ବା ତକ୍, ତାର୍ କିଛି ପରିବାର୍ ତାର୍ ବିରୁଦ୍ତି ଯୁଦ୍ଧ କର୍ଲାଏଲ, ଆଓରି୍ ଦାଉଦର୍ ନିଜର ଶକ୍ତି କମିଗଲା। ମାତର୍ ପରମେଶ୍ବର ବିଶ୍ୱସ୍ତ ରେଲା୍ ଆରି୍ ତଥାପି ହାଏ ଦାଉଦକେ ଯନ୍ଟା ପ୍ରତିଜ୍ଞା କରି୍ରେଲା୍ ହାଇଟାକେ୍ କରିରେ୍ଲା, ଯଦିଓ ଦାଉଦ ତାକେ୍ ଅପମାନ୍ କରିରେଲା୍ ପାଚେ୍, ଦାଉଦ ଓ ବାଥଶେବାର୍ ଦ୍ୱିତୀୟ ବେଟା ରେଲା୍ ଆରି୍ ହାଏମନ୍ ତାକେ୍ ଶଲୋମନ ନାଓ ସଙ୍ଗାଏ ଲାଏ୍।

*୧ ମଶାମୁୟେଲ ଅଧ୍ୟାୟ ୧୦;  ୧୫-୧୯;  ୨୪;  ୩୧;  ୨ଶାମୁୟେଲ ୫;  ୭; ୧୨-୧୨ ରତିଲେ ଗୋଟକ୍ ବାଇବଲର କାଓନି।*

## 18. ୧୮. ଭାଗ୍ ହୋଏଲା ରାଜ୍ୟ

https://openbiblestories.org/l/dso-x-korapdesia/story-18/

![](https://cdn.door43.org/obs/jpg/360px/obs-en-18-01.jpg)

ରାଜା ଦାଉଦ ଚାଳିଶ ବର୍ଷ ଶାସନ କରଲା। ତାର୍ପାଚେ ହାଏ ମରିଗଲା, ଆଓରି ତାର ବେଟା ଶଲୋମନ ଇସ୍ରାଏଲ ଉପରେ ଶାସନ କରବାଟା ଆରମ୍ଭ କରଲା। ପରମେଶ୍ବର ଶଲୋମନ ସଙ୍ଗେ କଥାବାର୍ତ୍ତା କରଲା ଆଓରି ପରମେଶ୍ୱର ତାକେ ପଚାରଲା କି ତୁଇ କାଏଟା ଅଧିକରି ଚାହିଁବିଇସି୍ କି ମୁଇ ତରକାଚେ କରବି ବୋଲି। ଶଲୋମନ ପରମେଶ୍ବରକେ ବଲା୍ କି ମକେ ବହୁତ ଜ୍ଞାନ ଦେ। ଏଟା ପରମେଶ୍ବରକେ ଶରଦା କରଲା, ତେବେ ପରମେଶ୍ବର ଶଲୋମନକେ ଦୁନିଆର ସବୁଲେ ଅଧିକ ଜ୍ଞାନୀ ବ୍ୟକ୍ତି ବନାଏଲା। ଶଲୋମନ ଅନେକ କଥା ଶିଖ୍ଲା ଆଓରି ଗୋଟକ୍ ଜ୍ଞାନୀ ଶାସକ ରେଲା। ପରମେଶ୍ବର ମିଶା ତାକେ ବହୁତ ଧନୀ ବନାଏରେଲା।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଳମତି ଶଲୋମନ ହାଇ ମନ୍ଦିରକେ ବନାଏଲା ଯନଟାକାଚେ ତାର ପିତା ଯୋଜନା ବନାଏରେଲା ଆଓରି ଶାମାନକେ ମିଶା ଗୋଟକି ଲଗେ ଶଙ୍ଗାଏରେଲା। ବର୍ତ୍ତମାନ ଲୋକମନ ପରମେଶ୍ବରର ଉପାସନା କରତେରେଲାଏ ଆଓରି ସଭା ତମ୍ବୁ ପରିବର୍ତ୍ତେ ମନ୍ଦିରତି ତାକେ ବଳି ଉତ୍ସର୍ଗ କରତେରେଲାଏ। ପରମେଶ୍ୱର ମନ୍ଦିରତି ଉପସ୍ଥିତ ହୋଏତେରେଲା ଆଓରି ତାର ଲୋକମନ ସଙ୍ଗେ ବସବାସ କରତେରେଲା।

![](https://cdn.door43.org/obs/jpg/360px/obs-en-18-03.jpg)

ମାତ ଶଲୋମନ ଅଳଗା ଦେଶର ମହିଳାମନକେ ଭଲ ପାଏତେରେଲା। ହାଏ ଅନେକ, ପାକାପାକି ୧୦୦୦ ମହିଳା ସଙ୍ଗେ ବିବାହ କରି ପରମେଶ୍ବରର ଅବମାନନା କରଲା! ଇ ମହିଳାମନର ଭିତରଲେ ବହୁତ ବିଦେଶୀ ଦେଶଲେ ଆସି ହାଏମନର ଦେବତାମନକେ ସଙ୍ଗେ ଆଣି ତିକର ପୂଜା ଜାରି ରଖିରେଲାଏ। ଯଡ଼ଦାଏ ଶଲୋମନ ବୃଦ୍ଧ(ବୁଢ଼ା) ହୋଏଲା, ହାଇ ମିଶା ତିକର ଦେବତାମନକେ ପୂଜା କରଲା।

![](https://cdn.door43.org/obs/jpg/360px/obs-en-18-04.jpg)

ଇଟାକାଚେ ପରମେଶ୍ୱର ଶଲୋମନର ଉପରେ କ୍ରୋଧିତ(ରିଶା) ହୋଏଲା। ପରମେଶ୍ବର ବଲାଆଚେ ଯେ ହାଏ ଇସ୍ରାଏଲକେ ଦୁଇଟି ରାଜ୍ୟରେ ବିଭକ୍ତ କରି ଦଣ୍ଡ ଦେଏସି୍। ଶଲୋମନର ମରଲା ପାଚେ ହାଏ ଅନ୍ତି କରିସି୍।

![](https://cdn.door43.org/obs/jpg/360px/obs-en-18-05.jpg)

ଶଲୋମନର ମରଲା ପାଚେ ରିହବୀୟାମ ରାଜା ବନଲା। ଇସ୍ରାଏଲର ସବୁଲୋକ ରୁଣ୍ଡିକରି ତାକେ ତିକର ରାଜା ଭାବେ ଗ୍ରହଣ କରଲାଏ। ହାଏମନ ରିହବୀୟାମ ଲଗେ ଅଭିଯୋଗ କରିରେଲାଏ ଯେ ଶଲୋମନ ତିକେ ବହୁତ ପରିଶ୍ରମ କରଏରେଲା ଆଓରି ବହୁତ କର ଆଦାୟ କରିରେଲା। ତିକେ କମ୍ କାମ କରବାକାଚେ ରିହବୀୟାମକେ ଅନୁରୋଧ କରିରେଲାଏ।

![](https://cdn.door43.org/obs/jpg/360px/obs-en-18-06.jpg)

ମାତର୍ ରିହବୀୟାମ ତିକେ ଭାରି ମୂର୍ଖ ଭାବେ ଉତ୍ତର ଦେଲା, "ତମି ବଲବାଆସ୍ ମୋର ପିତା ଶଲୋମନ ତମକେ ଅଧିକ ପରିଶ୍ରମ କରାଏ ରେଲା। ମାତର୍ ମୁଇ ତମକେ ଏତାରଲେ ଅଧିକ ପରିଶ୍ରମ କରାଏବି ଆଓରି ମୁଇ ତମକେ ଅଧିକ କଷ୍ଟ ଦେବି।”

![](https://cdn.door43.org/obs/jpg/360px/obs-en-18-07.jpg)

ଜଡ଼ଦାଏ ଲୋକମନ ଏଟା ଶୁଣଲାଏ, ତିକର ଭିତରଲେ ଅନେକ ଲୋକ ତାର ବିରୁଦ୍ଧତି ବିଦ୍ରୋହ କରଲାଏ। ଦଶ ଗୋଷ୍ଠୀ ତାକେ ଛାଡ଼ି ଚାଲିଗଲାଏ। ବର୍ତ୍ତମାନ ତାର ସଙ୍ଗେ ଅବଗ ଦୁଇଟା ଗୋଷ୍ଠୀ ବାକି ରେଲାଏ। ଇ ଦୁଇଟା ଗୋଷ୍ଠୀ ନିଜକେ ଯିହୁଦା ରାଜ୍ୟ ବୋଲି ଘୋଷଣା କରଲାଏ।

![](https://cdn.door43.org/obs/jpg/360px/obs-en-18-08.jpg)

ବାକି୍ ଦଶ ଗୋଷ୍ଠୀ ଯାରବୀୟାମ ନାମର ଗୋଟକ୍ ବ୍ୟକ୍ତିକେ ତିକର ରାଜା କରଲାଏ। ଇ ଗୋଷ୍ଠୀସବୁ ଦେଶର ଉତ୍ତର-ପୂର୍ବ ଭାଗବାଟେ ରେଲା। ହାଏମନ ନିଜକେ ଇସ୍ରାଏଲ ରାଜ୍ୟ ବୋଲି ଘୋଷଣା କରଲାଏ।

![](https://cdn.door43.org/obs/jpg/360px/obs-en-18-09.jpg)

ମାତର୍ ଯାରବୀୟାମ ପରମେଶ୍ୱରର ବିରୁଦ୍ଧତି ବିଦ୍ରୋହ କରଲା ଆଓରି ଲୋକମନକେ ପାପ କରାଏଲା। ହାଏ ତାର ଲୋକମନର ପୂଜା କରିବା କାଚେ ଦୁଇଟା ମୂର୍ତ୍ତି ତିଆର କରଲା। ହାଏମନ୍ ଆରି ଯିରୁଶାଲମର ମନ୍ଦିରତି ପରମେଶ୍ବର ଉପାସନା କରିବାକାଚେ ଯିହୁଦା ରାଜ୍ୟତି ନାଗଲାଏ।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ଆଓରି ଇସ୍ରାଏଲର ରାଜ୍ୟସବୁ ଶତ୍ରୁ ହୋଇଗଲାଏ ଆଓରି ଅନେକ ସମୟତି ପରସ୍ପର ବିରୁଦ୍ଧତି ଯୁଦ୍ଧ କରଲାଏ।

![](https://cdn.door43.org/obs/jpg/360px/obs-en-18-11.jpg)

ଇସ୍ରାଏଲର ନୂଆ ରାଜ୍ୟତି ସବୁ ରାଜାମନ ଦୁଷ୍ଟ ରେଲାଏ। ଇ ରାଜାମନ ଭିତରଲେ ଅନେକ ଇସ୍ରାଏଲୀୟମନକେ ହତ୍ୟା କରିରେଲାଏ ଜନମନ କି ତିକର ଜାଗାତି ରାଜା ହୋଏବାକାଚେ ଚାହେଁତେରେଲାଏ।

![](https://cdn.door43.org/obs/jpg/360px/obs-en-18-12.jpg)

ଇସ୍ରାଏଲର ସବୁ ରାଜା ଆଓରି ଅଧିକାଂଶ ଲୋକ ମୂର୍ତ୍ତି ପୂଜା କରଲାଏ। ଜଡ଼ଦାଏ ହାଏମନ୍ ଅନ୍ତି କରଲାଏ, ହାଏମନ୍ ପ୍ରାୟତ ବେଶ୍ୟାମନ ସଙ୍ଗେ ଶୋଏତେରେତ୍ ଆଓରି ସମୟ ସମୟତି ପ୍ରତିମା ମନର ଛମେ ପିଲାମନକେ ବଳି ମିଶା ଦେଏତେରେଏତ୍।

![](https://cdn.door43.org/obs/jpg/360px/obs-en-18-13.jpg)

ଯିହୁଦା ରାଜ୍ୟର ରାଜା, ଦାଉଦ ବଂଶର ରେଲାଏ। ଇ ରାଜାମନ ଭିତେରେ ଅନେକ ଭଲ ରାଜା ରେଲାଏ ଜନମନକି ଧାର୍ମିକ ଭାବେ ଶାସନ କରତେରେଲାଏ ଆଓରି ପରମେଶ୍ବରର ଉପାସନା(ପୂଜା) କରତେରେଲାଏ। ମାତର ଯିହୁଦାର ଅଧିକାଂଶ ରାଜା ଦୁଷ୍ଟ ରେଲାଏ। ହାଏମନ୍ ଦୁଷ୍ଟ ଭାବେ ଶାସନ କରଲାଏ ଆଓରି ପ୍ରତିମା ପୂଜା କରଲାଏ। ଇ ରାଜାମନ ଭିତରଲେ କେତେକ ନିଜର ପିଲାମନକେ ମିଥ୍ୟା ଦେବତାମନ ଲଗେ ବଳିଦାନ ଦେଇରେଲାଏ। ଯିହୁଦାର ଅଧିକାଂଶ ଲୋକ ମିଶା ପରମେଶ୍ବରର ବିରୁଦ୍ଧତି ବିଦ୍ରୋହ କରଲାଏ ଆଓର ଅଳଗା ଦେବତାମନକେ ପୂଜା କରଲାଏ।

*୧ମରାଜା ଅଧ୍ୟାୟ :୧-୬; ୧୧-୧୨ ରତିଲେ ବାଇବଲର ଗୋଟକ୍ କାଓନି।*

## 19. ୧୯. ଭବିଷ୍ୟ‌ଦ୍‌ବକ୍ତା

https://openbiblestories.org/l/dso-x-korapdesia/story-19/

![](https://cdn.door43.org/obs/jpg/360px/obs-en-19-01.jpg)

ପରମେଶ୍ବର ସବୁଦାୟ ଇସ୍ରାଏଲୀୟମନ ଲଗେ ଭବିଷ୍ୟ‌ଦ୍‌ବକ୍ତାମନକେ ପଠାଏତେରେବାର ଆଏ। ଭବିଷ୍ୟ‌ଦ୍‌ବକ୍ତାମନ ପରମେଶ୍ବରର ବାର୍ତ୍ତା ଶୁଣତେରେଲାଏ ଆରି ପାଚେ ହାଇଟାକେ ଲୋକମନକେ ସାଙ୍ଗ୍ତେରେଲାଏ।

![](https://cdn.door43.org/obs/jpg/360px/obs-en-19-02.jpg)

ଯୋଡ଼ଦାଏ ଆହାବ ଇସ୍ରାଏଲର ରାଜା ରେଲା ହାଡ଼କିଦାଏ ଏଲିୟ ଭବିଷ୍ୟ‌ଦ୍‌ବକ୍ତା ରେଲା। ଆହାବ ଗୋଟକ୍ ଖରାପ ଲୋକ ରେଲା। ହାଏ ଲୋକମନକେ ମିଥ୍ୟା ବାଲ୍ ଦେବତାର ପୂଜା କରିବାକାଚେ ବାଧ୍ୟ କରଲା। ଇଟାକାଚେ ଏଲିୟ ଆହାବକେ ବଲିରେଲା ଯେ ପରମେଶ୍ବର ହାଇ ଲୋକମନକେ ଦଣ୍ଡ ଦେବାକେ ଯାଏସି ଆଚେ। ହାଏ ତାକେ ବଲା୍, "ଯୋଡ଼ଦାଏଲେ ମୁଇ ବର୍ଷା ହୋ ବଲି ନାବଲି ହାଡ଼କିଦାଏଲେ ବର୍ଷା ନାହୋଏ କି ଅସ ମିଶା ନା ପଡେ।” ଇକଥା ଆହାବକେ ଅତକ ରିଶା କରାଏଲା ଯେ ହାଏ ଏଲିୟକେ ହତ୍ୟା କରବାକାଚେ ସ୍ଥିର କରଲା।

![](https://cdn.door43.org/obs/jpg/360px/obs-en-19-03.jpg)

ଇଟାକାଚେ ପରମେଶ୍ବର ଏଲିୟକେ ମରୁଭୂମିତି ଯାଇ ଆହାବ ଲଗଲେ ଲୁକ୍ବାକାଚେ ବଲିରେଲା। ଏଲିୟ ମରୁଭୂମିତାନର୍ ହାଇ ନଦୀ ଲଗେ ଗଲା। ପରମେଶ୍ବର ତାକେ ଯନ୍ତି୍ ଯିବାକାଚେ ବଲିରେଲା। ସବୁଦିନ୍ ସକାଳେ ସଞ୍ଜେ ଚେଢ଼େମନ ଏଲିୟ କାଚେ ମଉସ ଆରି ରଟୀ ଆଣିଦେଏତେରେଲାଏ। ଇ ସମୟତି, ଆହାବ ଆଓରି ତାର ସୈନିକମନ ଏଲିୟକେ ଡଗ୍ରାଏତେ ରେଲାଏ, ମାତର ହାଏମନ ତାକେ ନା ପାଏଲାଏ।

![](https://cdn.door43.org/obs/jpg/360px/obs-en-19-04.jpg)

ବର୍ଷା ନା ହୋଏବାର ଲାଗି କିଛି ସମୟ ପାଚେ ହାଇ ନଦୀ ଶୁଖିଗଲା। ଇଟାକାଚେ ଏଲିୟ ହାଇ ପାକପାକିର ଦେଶତି ଗଲା। ହାଇ ଦେଶତି ଗୋଟକ୍ ଗରିବ ବିଧବା ରେଲା ଯାକେ ଗୋଟକ୍ ବେଟା ରେଲା। ଚାଷ ନା ହୋଏବାର ଲାଗି ତିକର ଖାଦ୍ୟ ପାକାପାକି ସରିଯାଇରେଲା। ହୋଏଲେ ମିଶା, ହାଇ ବିଧବା ଏଲିୟର ଯତ୍ନ ନେଲା, ହାଇଟାକାଚେ ପରମେଶ୍ବର ତାକେ ଆଓରି ତାର ବେଟାର ଆବଶ୍ୟକତା ଯୋଗାଏଦେଲା, ଜନ୍ତାକି ତାର ଅଟା ହାଣ୍ଡି ଆଓରି ତେଲ ବୋତଲ କେବେ ଖାଲି ନା ହୋଏଲା। ହାଇ ଦୁର୍ଭିକ୍ଷ ସମୟତି ତିକର ଲଗ ଖାଦ୍ୟ ରେଲା। ଏଲିୟ ହାଏତି କିଛି ବର୍ଷ ରେଲା।

![](https://cdn.door43.org/obs/jpg/360px/obs-en-19-05.jpg)

ସାଢେ଼ ୩ବରଷ ପାଚେ, ପରମେଶ୍ବର ଏଲିୟକେ ବଲା୍ କି ପୁନର୍ବାର ହାଏ ବର୍ଷା ବର୍ଷାଏସି। ହାଏ ଏଲିୟକେ ଆହାବ ସଙ୍ଗେ କଥାବାର୍ତ୍ତା କରବାକାଚେ ଇସ୍ରାଏଲର ରାଜ୍ୟତି ଫେରିଯିବା କାଚେ ବଲା୍। ହାଇଟାକାଚେ ଏଲିୟ ଆହାବର ଲଗେ ଗଲା। ଯେବେ ଆହାବ ତାକେ ଦଖଲା ତ ହାଇ ବଲା୍, "ଆଚ୍ଛା ତୁଆସ୍ ଅସୁବିଧାକାରୀ!" ଏଲିୟ ଉତ୍ତର ଦେଲା, ତୁଇତଆସ୍ ଅସୁବିଧାକାରୀ! ତୁଇ ପ୍ରଭୁକେ ପରିତ୍ୟାଗ କରଲିଆଚି୍ସ। ହାଏ ପ୍ରକୃତ(ସତେ) ପରମେଶ୍ୱର ଆଏ, ମାତର ତୁଇ ବାଲଦେବତାର ପୂଜା କରବିଆସ୍। ବର୍ତ୍ତମାନ ତକେ ଇସ୍ରାଏଲର ସବୁ ଲୋକେ କର୍ମିଲ ପର୍ବତତି ଆଣକେ ପଡସି୍।”

![](https://cdn.door43.org/obs/jpg/360px/obs-en-19-06.jpg)

ହାଇଟାକାଚେ ସବୁଲୋକ କର୍ମିଲ ପର୍ବତତି ଗଲାଏ। ହାଇ ପୁରୁଷମନ ମିଶା ଆସିରେଲାଏ ଯୋନମନ ବଲ୍ତେରେଲାଏ ଯେ ହାଏମନ ବାଲର ବାର୍ତ୍ତା(ଖବର)ବଲ୍ତେରେଲାଏ। ଏମନ ବାଲ୍ ଭବିଷ୍ୟ‌ଦ୍‌ବକ୍ତା ରେଲାଏ। ହାଏମନସବୁ ୪୫୦ ଲୋକ ରେଲାଏ। ଏଲିୟ ଲୋକମନକେ ବଲା୍, “ତୁମ୍ଭେ କତ୍ ଦିନତକ ହୃଦୟକେ ବୁଲାଇବ?ଯଦି ସଦାପ୍ରଭୁ ପରମେଶ୍ୱର ଆଏ, ତେବେ ତାର ଉପାସନା (ପୂଜା)କରା! ଯଦି ବାଲ୍ ଭଗବାନ ଆଏ, ତେବେ ତାର ଉପାସନା କରା! "

![](https://cdn.door43.org/obs/jpg/360px/obs-en-19-07.jpg)

ଏଲିୟ ବାଲ୍ ଭବିଷ୍ୟ‌ଦ୍‌ବକ୍ତାମନକେ ବଲା୍, ଗୋଟକ୍ ବୁଇଲ(ବଳଦ)କେ ବଳି ଦିଅ ଆଓରି ଏତାର ମାଂସକେ ବଳିଦାନ କାଚେ ଗୋଟକ୍ ଯଜ୍ଞତି ସଙ୍ଗାଆ, ମାତର ନିଆଁ ନା ଲଗାଆ। ଏତାରପାଚେ ମୁଇମିଶା ହାଇଅନ୍ତି କରିବି। ଆଓରି ଏକ ଅଲଗା ବେଦୀ ଉପରେ ମୁଇ ହାଇ ମାଂସକେ ସଙ୍ଗାଏବି। ତାରପାଚେ ଯଦି ପରମେଶ୍ବର ଯଜ୍ଞତି ଅଗ୍ନି ପକାଏସି୍, ତେବେ ତମି ଜାଣବାସ୍ ଯେ ହାଇ ଆକା ପ୍ରକୃତ ପରମେଶ୍ୱର ଆଏ।” ତାରପାଚେ ବାଲର ଭବିଷ୍ୟ‌ଦ୍‌ବକ୍ତାମନ ଗଟକ୍ ବଳିଦାନ ତିଆର କରଲାଏ ମାତର ତାର ଉପରେ ନିଆଁ ନାଲଗାଏଲାଏ।

![](https://cdn.door43.org/obs/jpg/360px/obs-en-19-08.jpg)

ତାରପାଚେ ବାଲର ଭବିଷ୍ୟ‌ଦ୍‌ବକ୍ତାମନ ବାଲକେ ପ୍ରାର୍ଥନା କରଲାଏ, "ହେ ବଲ, ଆମର କଥା ଶୁଣ!" ଦିନସାରା ହାଏମନ୍ ପ୍ରାର୍ଥନା କରି କାନ୍ଦଲାଏ ଆଓରି ଛୁରୀସଙ୍ଗେ ନିଜକେ କାଟିହୋଏଲାଏ, ମାତର ବାଲ୍ କାଇ ଉତ୍ତର ନାଦେଲା ଆଓରି ହାଏ କାଇ ନିଆଁ ନାପକାଏଲା।

![](https://cdn.door43.org/obs/jpg/360px/obs-en-19-09.jpg)

ବାଲର ଭବିଷ୍ୟ‌ଦ୍‌ବକ୍ତାମନ ବାଲର ଲଗେ ପାକାପାକି ଦିନସାରା ପ୍ରାର୍ଥନା କରଲାଏ। ଶରାସରିକେ ହାଏମନ୍ ପ୍ରାର୍ଥନା କରବାଟା ବନ୍ଦ କରିଦେଲାଏ। ତାରପାଚେ ଏଲିୟ ଦ୍ୱିତୀୟ ବଳଦର ମାଂସକେ ପରମେଶ୍ବରର ଯଜ୍ଞତି ସଙ୍ଗାଏଲା। ତାରପାଚେ୍, ମାଂସ, କାଠ, ଆଓରି ବେଦୀ ଚାର୍ବାଟେଏ ରେବା ଜମି ପୂରାପୂରି ଓଦା ନାହୋଏବା ତକ୍ ହାଇ ବଳିଦାନତି ବଡେ ବଡେ ଜଳ ପାତ୍ର ସଙ୍ଗେ ପାଣି ରକାଏବାକାଚେ ଲୋକମନକେ ବଲା୍।

![](https://cdn.door43.org/obs/jpg/360px/obs-en-19-10.jpg)

ଏଲିୟ ପ୍ରାର୍ଥନା କରଲା, "ହେ ପ୍ରଭୁ, ଅବ୍ରହାମ, ଇସ୍ହାକ ଆଓରି ଯାକୁବର ପରମେଶ୍ୱର, ଆମକେ ଦୋଖାଅ ଯେ ତୁଇ ଇସ୍ରାଏଲର ପରମେଶ୍ୱର ଆଓରି ମୁଇ ତୋର ସେବକ ଆଏ। ମୋକେ ଉତ୍ତର ଦେସ୍, ଯୋନ୍ତାକି ଇ ଲୋକମନ ଜାଣବାଏ ଯେ ତୁଇ ପ୍ରକୃତ ପରମେଶ୍ୱର ଆସ୍।”

![](https://cdn.door43.org/obs/jpg/360px/obs-en-19-11.jpg)

ସଙ୍ଗେ ସଙ୍ଗେ ଆକାଶତିଲେ ନିଆଁ ଅଦରଲା ଆଓରି ବେଦୀର ଚାରବାଟେ ମାଂସ, କାଠ, ପଥର, ମାଟି, ଅମ୍ତାକି ଜଳ ଜଳିଗଲା। ଲୋକମନ ଏଟାକେ ଦୋଖି ତଳେ ପଡ଼ିଗଲାଏ ଆଓରି ବଲା୍ଏ, "ସଦାପ୍ରଭୁ ଆକା ପରମେଶ୍ବର ଆଏ! ସଦାପ୍ରଭୁ ପରମେଶ୍ବର ଆଏ!।”

![](https://cdn.door43.org/obs/jpg/360px/obs-en-19-12.jpg)

ପାଚେ ଏଲିୟ ବଲା, "ବାଲର ଗୋଟକ୍ ମିଶା ଭବିଷ୍ୟ‌ଦ୍‌ବକ୍ତାକେ ପଳାଏକେ ନାଦିଆସ୍!" ହାଇଟାକାଚେ ଲୋକମାନେ ବାଲର ଭବିଷ୍ୟ‌ଦ୍‌ବକ୍ତାମନେକେ ଦରଲାଏ ଆଓରି ହାଇତିଲେ ଅଳଗା ଲେଗେ ନେଇ ମରତେ ମାରଲାଏ।

![](https://cdn.door43.org/obs/jpg/360px/obs-en-19-13.jpg)

ଏଲିୟ ରାଜା ଆହାବକେ ବଲା୍, "ତୁଇ ଘରେ ଝପକେ୍ ଯା, କାରଣ ବର୍ଷା ହୋଏସିବେ।”ଖୁବ୍ ଶୀଘ୍ର ମେଘ ଘନୀଭୂତ ହୋଏଲା ଆଓର ଭୟଙ୍କର ବର୍ଷା ଆରମ୍ଭ ହଏଲା। ଯିହୋବା ହାଇ ମରୁଡ଼ିକେ ସମାପ୍ତ କରତେରେଲା। ଏଟା ଦର୍ଶାଇଲା ଯେ ଯିହୋବା ଆକା ଏକମାତ୍ର ପ୍ରକୃତ ପରମେଶ୍ବର ଆଏ।

![](https://cdn.door43.org/obs/jpg/360px/obs-en-19-14.jpg)

ଯଡ଼ଦାଏ ଏଲିୟ ତାର କାମକେ ସରାଏଲା, ପରମେଶ୍ବର ଇଲୀଶାୟ ନାମର ଗୋଟକ୍ ବ୍ୟକ୍ତିକେ ତାର ଭବିଷ୍ୟ‌ଦ୍‌ବକ୍ତା ଭାବେ ବାଛଲା। ପରମେଶ୍ବର ଇଲୀଶାୟର ଦ୍ୱାରା ଅନେକ ଚମତ୍କାର କରଲା। ନାମାନ ସଙ୍ଗେ ଗୋଟକ୍ ଚମତ୍କାର ଘଟଣା ଘଟିରେଲା। ହାଏ ଗୋଟକ୍ ଶତ୍ରୁ ସୈନ୍ୟବାହିନୀର ସେନାଧ୍ୟକ୍ଷ ରେଲା, ମାତର ତାକେ ଖରାପଚର୍ମ(କୁଷ୍ଠି)ରୋଗ ହୋଇରେଲା। ନାମାନ୍ ଇଲୀଶାୟର ବିଷୟତି ଶୁଣିରେଲା, ହାଇଟାକାଚେ ହାଏ ଇଲୀଶାୟ ଲଗେ ଆସି ତାକେ ସୁସ୍ଥ କରବା କାଚେ ଅନୁରୋଧ କରଲା। ଇଲୀଶାୟ ନାମାନକେ ସାତହାର ଯର୍ଦ୍ଦନ ନଦୀତି ଉବକବୁଡ଼କ ହୋଏବାକାଚେ ବଲା୍।

![](https://cdn.door43.org/obs/jpg/360px/obs-en-19-15.jpg)

ନାମାନ କ୍ରୋଧିତ ହୋଏଲା। ହାଏ ଅନ୍ତା କରବା କାଚେ୍ ମନା କରିଦେଲା, କାଏକାଚେବଲେ୍ ଏଟା ତାକେ ଗୋଟକ୍ ମୂର୍ଖତା ଅନ୍ତା ଲାଗତେରେଏ। ମାତର ପାଚେ ହାଏ ନିଜର ମନକେ ବଦଳାଏ କରି ସାତହାର ଯର୍ଦ୍ଦନ ନଦୀତି ଉବକବୁଡ଼କ ହୋଏଲା ଜଡ଼ଦାଏ ହାଏ ଶେଷ୍ ହାରକାଚେ ପାଣିତି ବୁଡ଼ି ବାହାରି ଆସଲା, ପରମେଶ୍ବର ତାକେ ସୁସ୍ଥ କରଲା।

![](https://cdn.door43.org/obs/jpg/360px/obs-en-19-16.jpg)

ପରମେଶ୍ୱର ଇସ୍ରାଏଲର ଲୋକମନ ଲଗେ ଅନେକ ଭବିଷ୍ୟ‌ଦ୍‌ବକ୍ତାକେ ପଠାଏଲା। ହାଏମନ୍ ସବୁଲୋକେ ମୂର୍ତ୍ତି ପୂଜା ବନ୍ଦ କରବାକାଚେ୍ ବଲେତେରେଲାଏ। ଏହା ପରିବର୍ତ୍ତେ, ହାଏମନ୍ ପରସ୍ପରକେ ନ୍ୟାୟ ଦେବା ଉଚିତ ଆଓରି ପରସ୍ପର ପ୍ରତି ଦୟାଳୁ ହେବା ଉଚିତ୍। ହାଇ ଭବିଷ୍ୟ‌ଦ୍‌ବକ୍ତାମନ ଲୋକେ୍ ଚେତାବନୀ ଦେଲାଏ ଯେ ତିକେ ଖରାପ କାମ କରବାଟା ବନ୍ଦକରା ଆଓରି ଏହା ପରିବର୍ତ୍ତେ ପରମେଶ୍ବର ବାକ୍ୟକେ ପାଳନ କରା। ଯଦି ହାଇ ଲୋକମନ ହାଇଟା ନାକରେତେ, ପରମେଶ୍ବର ହାଏମନକେ ଦୋଷୀ ବୋଲି ବିଚାର କରସି୍ ଆଓରି ତିକେ ଦଣ୍ଡ ଦେଏସି୍।

![](https://cdn.door43.org/obs/jpg/360px/obs-en-19-17.jpg)

ଅଧିକାଂଶ ସମୟତି, ହାଇ ଲୋକମନ ପରମେଶ୍ବରର କଥାକେ ନା ମାନଲାଏ। ପ୍ରାୟତ ହାଏମନ୍ ଭବିଷ୍ୟ‌ଦ୍‌ବକ୍ତାମନକେ ଖରାପ ବ୍ୟବହାର କରତେରେଲାଏ ଆଓରି ସମୟ ସମୟତି ତିକେ ହତ୍ୟା ମିଶା କରତେରେଲାଏ। ଗୋଟହାର, ହାଏମନ୍ ଭବିଷ୍ୟ‌ଦ୍‌ବକ୍ତା ଯିରିମିୟକେ ଗୋଟକ୍ ଶୁଖିଲା ଚୁଆଁତି(କୂଅରେ) ଫିଙ୍ଗିଦେଲାଏ ଆଓରି ହାଏତି ତାକେ ମରିବାକାଚେ ଛାଡିଦେଲାଏ। ହାଇ ଚୁଆଁ ତଳେ ରେବା କାଦତି ବୁଡ଼ିଗଲା। ମାତର ତାରପାଚେ ରାଜା ତାରକାଚେ ଦୟା ଦଖାଏଲା ଆଓରି ତାର ସୈନିକମନକେ ଯିରିମିୟର ମରିବାର ଆଗେ ଯିରିମିୟକେ ଚୁଆଁତିଲେ ବାହାର କରବାକାଚେ୍ ଆଦେଶ ଦେଲା।

![](https://cdn.door43.org/obs/jpg/360px/obs-en-19-18.jpg)

ଭବିଷ୍ୟ‌ଦ୍‌ବକ୍ତାମନ ପରମେଶ୍ୱରର ବାଟଲେ ବଲ୍ତେଚେରେଲାଏ ଭଲେ୍ ଲୋକ ତିକେ ଘୃଣା କରଲେ ମିଶା। ହାଏମନ ଲୋକମନକେ ଚେତାବନୀ ଦେଲାଏ ଯେ ଯଦି ହାଏମନ ଅନୁତାପ ନାକରେତ୍, ତେବେ ପରମେଶ୍ବର ହାଏମନକେ ବିନାଶ କରିଦେଏସି। ହାଏମନ ଲୋକମନକେ ଏଟାମିଶା ହେତକରାଦେଲାଏ ଯେ ପରମେଶ୍ବର ଖ୍ରୀଷ୍ଟକେ ତିକରଲଗେ ପଠାଏବାକାଚେ ପ୍ରତିଜ୍ଞା କରିରେଲା।

*୧ ରାଜା ଅଧ୍ୟାୟ ୧୬-୧୮;  ୨ ରାଜା ୫;  ଯିରିମିୟ ୩୮ ତାନଲେ ଗୋଟକ୍ ବାଇବଲର କାଓନି।*

## 20. ୨୦. ଚାକର୍ ହୋଏବାଟା୍ ଆଓରି୍ ଚାକର୍ ତାନ୍ଲେ ଲେଓଟ୍ବାଟା

https://openbiblestories.org/l/dso-x-korapdesia/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ ରାଜ୍ୟ ଆରି ଯିହୂଦାରାଜ୍ୟ ଦୁନରାଜ୍ୟ ପରମେଶ୍ବର ବିରୁଦ୍ଧତି ପାପ୍ କରଲାଏ। ହାଏମନ୍ ସୀନୟ ତାନେ ପରମେଶ୍ୱରଙ୍କ ସଙ୍ଗେ କରିରେବା ଚୁକ୍ତିକେ(ନାମାନଲାଏ) ଭଙ୍ଗ କରଲାଏ। ପରମେଶ୍ବର ତାର ଭବିଷ୍ୟ‌ତ ବକ୍ତାମନକେ ହାଏମନକେ ଅନୁତାପ କରବାକାଚେ ଆରି ପୁନର୍ବାର ତାକେ ଉପାସନା କରବାକାଚେ ଚେତାବନୀ ଦେବାକାଚେ ପଠାଏଲା, ମାତର ହାଏମନ ତିକର କଥାକେ ଗ୍ରହଣ କରିବାକାଚେ ମନା କରିଦେଲାଏ।

![](https://cdn.door43.org/obs/jpg/360px/obs-en-20-02.jpg)

ହାଇଟାକାଚେ ପରମେଶ୍ବର ଦୁନ୍ଓ ରାଜ୍ୟକେ ହାଏମନର ଶତ୍ରୁମନକେ ବିନାଶ କରିବାକାଚେ ଯୋଗ୍ୟ କରି ଦଣ୍ଡିତ କରଲାଏ। ଅଶୂର ଅଳଗା ଏକ ଦେଶ ରେଲା ଯୋନଟା ବହୁତ ଶକ୍ତିଶାଳୀ ହୋଇରେଲା। ହାଇଦେଶ ଅଳଗା ଦେଶ କାଚେ ମିଶା ଭାରି ଦୟାଳୁ ରେଲା। ହାଇମନ ଆସି ଇସ୍ରାଏଲର ରାଜ୍ୟକେ ଧ୍ୱଂସ କରଲାଏ। ଅଶୂରୀୟମନ ଆସି ଇସ୍ରାଏଲର ରାଜ୍ୟତି ଅନେକ ଲୋକେ ହତ୍ୟା କରଲାଏ, ଯୋନଟାକେ ଚାହେଁଲାଏ ଲୁଣ୍ଠନ କରଲାଏ ଆରି ଦେଶର ଅନେକ ଜାଗାକେ ପୋଡ଼ାଏ ଦେଲାଏ।

![](https://cdn.door43.org/obs/jpg/360px/obs-en-20-03.jpg)

ଅଶୂରୀୟମନ ସବୁ ନେତା, ଧନୀ ଆରି ମୂଲ୍ୟବାନ ଜିନିଷ ତିଆର କରକେ ପାରତେରେବା ଲୋକମାନକେ ଗଟକିଲୋଗେ ରୁଣ୍ଡା କରଲାଏ ଆରି ହାଏମନକେ ଅଶୂର ଦେଶେ ନେଇଗଲାଏ। ମାତର କେତେକ ଗରିବ ଇସ୍ରାଏଲ ଲୋକଆକା ଇସ୍ରାଏଲତି ବାଚିରେଲାଏ।

![](https://cdn.door43.org/obs/jpg/360px/obs-en-20-04.jpg)

ତାରପାଚେ ଅଶୂରୀୟମନ ବିଦେଶୀମନକେ ହାଇ ଦେଶେ ରଏବାକାଢଚେ ଆଣଲାଏ। ହାଏ ବିଦେଶୀମନ ହାଇ ସହରମନକେ ପୁନର୍ବାର ନିର୍ମାଣ କରଲାଏ। ହାଏମନ ହାଇତାନେ ବାଚିରେବା ଇସ୍ରାଏଲୀୟ ମନ ସଙ୍ଗେ ବିବାହ କରଲାଏ। ଇ ଲୋକମାନର ବଂଶରଲୋକେ ଶମିରୋଣୀୟ ବଲତେରେଲାଏ।

![](https://cdn.door43.org/obs/jpg/360px/obs-en-20-05.jpg)

ଯିହୁଦା ରାଜ୍ୟର ଲୋକମନ ଦଖଲାଏ ଯେ, ପରମେଶ୍ୱର ଇସ୍ରାଏଲ ରାଜ୍ୟର ଲୋକମନକେ କନ୍ତା ବିଶ୍ୱାସ ନାକରବାକାଚେ ଆରି ତାର ବାକ୍ୟକେ ନାମାନବାକାଚେ ଦଣ୍ଡ ଦେଇରେଲା। ମାତର ତାରପାଚେ ମିଶି ହାଏମନ କିଣାନୀୟ ଦେବତାମନର ମୂର୍ତ୍ତିମନକେ ପୂଜା କରତେ ରେଲାଏ। ଚେତାବନୀ ଦେବା କାଚେ ମାପୃ ଭବିଷ୍ୟ‌ତ ବକ୍ତାମନକେ ପଠାଏଲା, ମାତର ହାଏମନ ଶୁଣବାକାଚେ ମନା କରିଦେଲାଏ।

![](https://cdn.door43.org/obs/jpg/360px/obs-en-20-06.jpg)

ପାକାପାକି ୧୦୦ ବର୍ଷର ପାଚେ, ଅଶୂରୀୟମନ ଇସ୍ରାଏଲର ରାଜ୍ୟକେ ଧ୍ୱଂସ କରଲାଏ। ପରମେଶ୍ୱର ବାବିଲର ରାଜା ନବୂଖଦ୍ନିତ୍ସରକେ ଯିହୁଦାର ରାଜ୍ୟ ଉପରେ ଆକ୍ରମଣ କରବା କାଚେ ପଠାଏଲା। ବାବିଲ ଗୋଟକ୍ ଶକ୍ତିଶାଳୀ ଦେଶ ରେଲା। ଯିହୁଦାର ରାଜା ନବୂଖଦ୍ନିତ୍ସରର ଦାସ ହୋଏବାକାଚେ ରାଜି ହୋଏଲା ଆଓରି ତିକେ ବରଷକେ ବହୁତ ପଇସା ଦେବାକାଚେ ମିଶା ରାଜି ହୋଏଲା।

![](https://cdn.door43.org/obs/jpg/360px/obs-en-20-07.jpg)

ମାତର କତକ ବର୍ଷରପାଚେ ଯିହୁଦାର ରାଜା ବାବିଲ ବିରୁଦ୍ଧତି ବଲା୍। ହାଇକାଚେ ବାବିଲୀୟମନ ଫେରି ଆସି ଯିହୁଦା ରାଜ୍ୟ ଉପରେ ଆକ୍ରମଣ କରଲାଏ। ହାଏମନ ଯିରୁଶାଲମ ନଗରକେ ଦଖଲ କରଲାଏ, ମନ୍ଦିରକେ ଧ୍ୱଂସ କରଲାଏ ଆଓରି ନଗର ଆରି ମନ୍ଦିରର ଭଣ୍ଡାରକେ ଚୋରି କରଲାଏ।

![](https://cdn.door43.org/obs/jpg/360px/obs-en-20-08.jpg)

ଯିହୁଦାର ରାଜାକେ ତାର ବିରୁଦ୍ତି ବଲା୍ ବଲି୍ ଦଣ୍ଡ ଦେବା କାଚେ ନବୂଖଦ୍ନିତ୍ସରର ସୈନିକମନ ରାଜାର୍ ବେଟାକେ ତାର ସମ୍ମୁଖରେ(ଛମେ) ହତ୍ୟା କରଲାଏ ଆଓରି ପାଚେ ତାକେ ଅନ୍ଧ(କାଣା) କରିଦେଲାଏ। ଏତାରପାଚେ ହାଏମନ ରାଜାକେ ନେଇଗଲାଏ ଯନ୍ତାକି ହାଏ ବାବିଲର କାରାଗାରତି ମରଯାଏସି।

![](https://cdn.door43.org/obs/jpg/360px/obs-en-20-09.jpg)

ନବୂଖଦ୍ନିତ୍ସର ଆଓରି ତାର ସୈନିକମନ ଯିହୁଦା ରାଜ୍ୟର ପାକାପାକି ସବୁଲୋକେ ବାବିଲ ଦେଶେ ନେଇଗଲାଏ, ମାତର ଅଧିକ ଗରିବ ଲୋକେ ଛାଡିଦେଲାଏ ଯନ୍ତାକି ହାଏମନ ଜମିତାନେ ଫସଲ ଚାଷ କରେକେପାରବାଏ। ଇ ସମୟକେ ନିର୍ବାସନ ବଲତେରେଲାଏ ଯନସମୟତି ମାପୃର ଲୋକମନ ପ୍ରତିଜ୍ଞା କରିରେବା ଦେଶକେ ଛାଡ଼ବାକାଚେ ବାଧ୍ୟ ହୋଇରେଲାଏ।

![](https://cdn.door43.org/obs/jpg/360px/obs-en-20-10.jpg)

ଯଦିଓ ପରମେଶ୍ବର ତାର ଲୋକମନକେ ତିକର ପାପ୍ କାଚେ ବନ୍ଦୀ କରି ଦଣ୍ଡିତ କରଲା, ହୋଏଲେମିଶା ହାଏ ହାଏମନକେ କି ତାର କରିରେବା ପ୍ରତିଜ୍ଞାକେ ଭୁଲ୍କି ନାରେଲା। ପରମେଶ୍ବର ତାର ଲୋକମନର ଦଖାରଖା ଜାରି ରଖଲା ଆଓରି ହାଏମନକେ ଭବିଷ୍ୟ‌ତ ବକ୍ତାମାନର ଦ୍ୱାରା ତିକର ସଙ୍ଗେ କଥାବାର୍ତ୍ତା କରତେରେଲା। ହାଏ ତିକେ ଆଶାଦେଇରେଲା ଯେ ସତୁରି ବର୍ଷରପାଚେ ହାଏମନ୍ ପୁନର୍ବାର (ଆଓରିହାରକ) ପ୍ରତିଜ୍ଞା କରିରେବା ଦେଶତି ଫେରିଯିବାଏ।

![](https://cdn.door43.org/obs/jpg/360px/obs-en-20-11.jpg)

ପାକାପାକି ସତୁରି ବର୍ଷର ପାଚେ, ପାରସ୍ୟର ରାଜା ସାଇରସ୍ ବାବିଲକେ ପରାସ୍ତ କରଲା, ଏଟାକାଚେ ବାବିଲ ସାମ୍ରାଜ୍ୟ ବଦଳେ ପାରସ୍ୟ ସାମ୍ରାଜ୍ୟ ଅନେକ ଦେଶ ଉପରେ ଶାସନ କରଲା। ଇସ୍ରାଏଲୀୟମନକେ ବର୍ତ୍ତମାନ ଯିହୁଦୀ ବଲାଯାଏତେରେଲା। ହାଇମନର ଭିତରଲେ ଅନେକ ଲୋକ ବାବିଲତି ତିକର ସବୁ ଜୀବନ ବିତାଇରେଲାଏ। ମାତର ଖୁବ୍ କମ୍ ପୁରୁଣା ଯିହୁଦୀମନକେ ଆକା ଯିହୁଦା ଦେଶକେ ହେତରେଲା।

![](https://cdn.door43.org/obs/jpg/360px/obs-en-20-12.jpg)

ପାରସ୍ୟମନ ବହୁତ ଶକ୍ତିଶାଳୀ ରେଲାଏ, ମାତର ହାଏମନ ଜିତିରେବା ଲୋକମନକେ ଦୟା ଦଖାଏଲାଏ। ପାରସ୍ୟର ରାଜା ହୋବାର ଅଳପ ସମୟ ପାଚେ, ସାଇରସ୍ ଗୋଟକ୍ ଆଦେଶ ଦେଲା ଯେ ଯିହୁଦାକୁ ଲେଓଟି ଯିବାକାଚେ ଇଚ୍ଛା କରତେରେବା ଯୋନିଚ୍ ଯିହୁଦୀ ପାରସ୍ୟକେ ଛାଡି ଯିହୁଦାକୁ ଲେଓଟି ଯାଏକେ ପାରେ। ଅମତାକି ହାଏ ମନ୍ଦିରର ଆଓରିହାରକ ବନାଏବା କାଚେ ପଏସା ମିଶା ଦେଇରେଲା। ହାଇଟାକାଚେ ସତୁରି ବର୍ଷର ନିର୍ବାସିତ ହୋଇବା ପାଚେ, ଅଳପମା ଯିହୁଦୀ ଯିହୁଦାର ଯିରୁଶାଲମତି ଉଟିଗଲାଏ।

![](https://cdn.door43.org/obs/jpg/360px/obs-en-20-13.jpg)

ହାଏମନ ଯିରୁଶାଲମନେ କେଟବାର ପାଚେ ମନ୍ଦିର ଆରି ନଗରର କାତି(କାନ୍ଥ)ମନକେ ପୁନର୍ବାର ବନାଏଲାଏ କରଲାଏ। ହୋଏଲେମିଶା ପାରସ୍ୟମନ ତିକର ଉପରେ ଶାସନ କରତେରେଲାଏ ମାତର ପୁନର୍ବାର ହାଏମନ ପ୍ରତିଜ୍ଞା କରାଯାଇରେବା ଦେଶତି ରହିକରି ମନ୍ଦିରତି ପୂଜା କରତେରେଲାଏ।

*୨ ରାଜା:୧୭; ୨୪-୨୫ ;  ୨ ବଂଶାବଳି:୩୬;  ଏଜ୍ରା:୧-୧୦;  ନିହିମିୟା ୧-୧୩ ତାନର୍  ଗୋଟକ୍ ବାଇବଲର କାଓନି।*

## 21. ୨୧. ମାପୃ ଖ୍ରୀଷ୍ଟର ପ୍ରତିଜ୍ଞା କରୁଆଏ

https://openbiblestories.org/l/dso-x-korapdesia/story-21/

![](https://cdn.door43.org/obs/jpg/360px/obs-en-21-01.jpg)

ଯେବେ ମାପୃ ସଂସାରକେ ବନାଏଲା, ହାଏ ଜାନତେରେଲା କି ହାଏ ଖ୍ରୀଷ୍ଟକେ କେବେନାକେବେ ତାକେ ପଟାଏକେ ପଢ଼ଶି। ହାଏ ଆଦମ ଆରି ହବାକେ ପ୍ରତିଜ୍ଞାକରଲା କି ହାଏ ଅନ୍ତି କରସି। ହାଏବଲାକି ହବାର ତାନଲେ ଗୋଟକ୍ ପିଢ଼ି ଜନମସି୍ ଜନକି ସାପର ମୁଣ୍ଡକେ ଲାତମାରସି। ଜନ ସାପ ହବାକେ ଦଖାଦେଇରେଲା ହାଇ ସାପ ଶୟତାନ ରେଲା। ମାପୃର ବଲବାର ଅର୍ଥରେଲା କି ଖ୍ରୀଷ୍ଟ ଶୟତାନକେ ସମ୍ପୂର୍ଣ୍ଣ ଭାବେ ହାରାଏସି (ପରାଜିତ) କରସି୍।

![](https://cdn.door43.org/obs/jpg/360px/obs-en-21-02.jpg)

ମାପୃ ଅବ୍ରହାମକେ ପ୍ରତିଜ୍ଞା କରିରେଲା କି ତାର (ଦ୍ୱାରା)ବାଟଲେ ସଂସାର ର ସବୁ ଜାତି ଆଶୀର୍ବାଦ ପାଏସି। ପାଚେ ମାପୃ କନିସମୟ ତାନେ ଖ୍ରୀଷ୍ଟକେ ପଟାଏ କରି ଇ ପ୍ରତିଜ୍ଞା ପୂରା (ସଫଳ) କରସି। ହାଇ ଖ୍ରୀଷ୍ଟ ଜଗତର ସବୁ ଜାତିର ଲୋକେ ତିକର ପାପତାନଲେ ଉଦ୍ଧାର କରସି।

![](https://cdn.door43.org/obs/jpg/360px/obs-en-21-03.jpg)

ପରମେଶ୍ବର ମୋଶାକେ ପ୍ରତିଜ୍ଞା କରିରେଲା କି ଭବିଷ୍ୟତ ତି ହାଏ ମୋଶାର ଆଗେ ଗୋଟକ୍ ଅଳାଗା ଭବିଷ୍ୟତବକ୍ତାକେ ପଟାଏସି। ଇ ଭବିଷ୍ୟତ ବକ୍ତା ଖ୍ରୀଷ୍ଟ ହୋଇସି। ଅନ୍ତିକରି, ମାପୃ ଆଓରି ହାରକ ପ୍ରତିଜ୍ଞା କରଲା କି ହାଏ ଖ୍ରୀଷ୍ଟ କେ ପଟାଏସି।

![](https://cdn.door43.org/obs/jpg/360px/obs-en-21-04.jpg)

ମାପୃ ରାଜାଦାଉଦକେ ମିଶା ପ୍ରତିଜ୍ଞା କରିରେଲା କି ତାର ଗୋଟକ୍ ପିଢ଼ି ଖ୍ରୀଷ୍ଟ ହୋଏସି। ହାଇ ରାଜା ହୋଏସି ଆରି ମାପୃର ଲୋକେ ସବୁଦାୟ୍ କାଚେ ଶାସନ କରସି।

![](https://cdn.door43.org/obs/jpg/360px/obs-en-21-05.jpg)

ପରମେଶ୍ବର ଯିରିମିୟ ଭବିଷ୍ୟତ ବକ୍ତା ସଙ୍ଗେ କଥା ହୋଏଲା ଆଓରି ବଲା୍ କି ଗୋଟ୍ ଦିନ୍ ହାଏ ଗୋଟକ୍ ନୁଆ ପ୍ରତିଜ୍ଞା କରସି। ହାଇ ନୁଆ ଚୁକ୍ତି ଇସ୍ରାଏଲ୍ ଆଓରି ସାଇନାର ପୁରନା ଚୁକ୍ତି ଅନ୍ତା ନାହୋଏ। ଯେବେ ହାଏ ଲୋକସଙ୍ଗେ ତାର ଚୁକ୍ତି କରସି, ତେବେ ହାଏ ନିଜକେ ବ୍ୟକ୍ତିଗତ ଭାବେ ହାଏମନକେ ଦଖାଏହୋଏସି। ସବୁଲୋକ ତାକେ ମୟା କରବାଏ ଆଓରି ତାର ନିୟମକେ ମାନବାକାଚେ ଇଚ୍ଛା ରକବାଏ। ମାପୃ ବଲା କି ଏଟା ତାର ନିୟମକେ ତିକର ହୃଦୟ ତି ଲେଖଲା ଅନ୍ତା ହୋଏସି। ହାଏମନ୍ ତାର ଲୋକ ହୋଏବାଏ, ଆଓରି ପରମେଶ୍ବର ତିକର ପାପକେ କ୍ଷମା କରସି। ହାଇ ଖ୍ରୀଷ୍ଟ ଆଏ ଯନକି ତିକର ସଙ୍ଗେ ହାଇ ନୁଆ ଚୁକ୍ତିକେ ଚୁକ୍ତି କରସି।

![](https://cdn.door43.org/obs/jpg/360px/obs-en-21-06.jpg)

ମାପୃର ବଭିଷ୍ୟତ ବକ୍ତାମନ ଏଟାମିଶା ବଲାଏ କି ଖ୍ରୀଷ୍ଟ ଗୋଟକ୍ ବଭିଷ୍ୟତ ବକ୍ତା ହୋଏସି। ବଭିଷ୍ୟତ ବକ୍ତା ହାଇ ଆଏ ଯନକି ପରମେଶ୍ବର ର ବାକ୍ୟକେ ଶୁନୁଆଏ ଆଓରି ଲୋକମନକେ ମାପୃର କବରକେ ସାଙ୍ଗୁଆଏ। ଯାକେ ପଠାବା କାଚେ ମାପୃ ପ୍ରତିଜ୍ଞା କରିରେଲା ହାଇ ଖ୍ରୀଷ୍ଟ ଗୋଟକ୍ ସିଦ୍ଧ୍ ବଭିଷ୍ୟତ ବକ୍ତା ହୋଏସି। ଏତାର ଅର୍ଥ ହାଇ ଖ୍ରୀଷ୍ଟ ମାପୃର ବାକ୍ୟ(କବର)କେ ଅଛା କରି ଶୁନସି, ଆଓରି ହାଇ କବରକେ ଲୋକମନେକେ ଅଚ୍ଛା କରି ଶିକ୍ଷାଦେଏସି।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲ୍ ପୂଜାରୀମନ ଲୋକମନକାଚେ ମାପୃ ଆଗେ ବଳିଦାନ କରତେରେଲାଏ। ଇ ବଳିଦାନ ଲୋକମନର ପାପକାଚେ ଆଏ ତିକେ ମାପୃ ବାଟଲେ ଦଣ୍ଡଦେବାଜାଗା ତାନେ ଏଟାମନକେ ହାଏମନ ବଳି ଦେଏତେରେଲାଏ। ପୂଜାରୀମନ ଲୋକମନର କାଚେ ପ୍ରାର୍ଥନା ମିଶା କରଲାଏ। ମାତର, ହାଇ ଖ୍ରୀଷ୍ଟ ସିଦ୍ଧ ମହାଯାଜକ ହୋଏସି ଜନକି ମାପୃକେ ଦେବାକାଚେ ଗୋଟକ୍ ସିଦ୍ଧବଳି (ହିଷାବେ) ରୂପେ ନିଜକେ ବଳି ଦେଇଦେଏସି। ଅର୍ଥାତ, ହାଏ କେବେମିଶା ପାପ ନାକରେ, ଆରି ଯେବେ ହାଏ ନିଜକେ ବଳି ହୋଏବାକାଚେ ନିଜକେ ଦେଏସି, ତେବେ ସଂସାରର ଆରି ଅଳାଗା ବଳିରି୍ ଦରକାର ନାପଡେ।

![](https://cdn.door43.org/obs/jpg/360px/obs-en-21-08.jpg)

ରାଜା ଆରି ଅଧିପତିମନ ଲୋକମନର ଗୋଷ୍ଠୀ ଉପରେ ଶାସନ କରୁଆତ, ଆରି କେବ କେବେ ହାଏମନ ଭୂଳକରୁଆତ। ରାଜା ଦାଉଦ ଅବଗ୍ ଇସ୍ରାଏଲ୍ ଉପରେ ଶାସନ କରଲା, ମାତର ଦାଉଦ ବଂଶର ଖ୍ରୀଷ୍ଟ ପୂରା ସଂସାରକେ ଶାସନ କରସି, ଆଓରି ହାଏ ସବୁଦାୟକାଚେ ଶାସନ କରସି। ଏକେଚାଢି, ହାଏ ସବୁଦାଏ ନ୍ୟାୟପୂର୍ଣ୍ଣ ଶାସନ ଆରି ଠିକ୍ ନିଷ୍ପତ୍ତି ନେଏସି।

![](https://cdn.door43.org/obs/jpg/360px/obs-en-21-09.jpg)

ମାପୃର ଭବିଷ୍ୟତ ବକ୍ତାମ ଖ୍ରୀଷ୍ଟର ବିଷୟତି ବହୁତ କଥା ସାଙ୍ଗିରେଲାଏ। ଉଦାହରଣ କାଚେ, ମଳାଖି ବଲିରେଲା କି ଖ୍ରୀଷ୍ଟର ଆସବାର ଆଗେ ଗୋଟକ୍ ଅଳାଗା ଭବିଷ୍ୟତ ବକ୍ତା ଆଏସି। ହାଏ ଭବିଷ୍ୟତ ବକ୍ତା ବହୁତ ମହତ୍ତ୍ୱପୂର୍ଣ୍ଣ ହୋଏସି। ଆଓରି, ଯିଶାଇୟ ଭବିଷ୍ୟତ ବକ୍ତାମିଶା ଲେଖଲା କି ଖ୍ରୀଷ୍ଟ ଗୋଟକ୍ କୁମାରିଗର୍ବ ତାନଲେ୍ ଜନମ ନେଇସି। ଆଓରି ମିଖା ଭବିଷ୍ୟତ ବକ୍ତାମିଶା ବଲିରେଲା କି ଖ୍ରୀଷ୍ଟ ବେଥଲିହିମ୍ ନଗରତି ଜନମ ନେଏସି।

![](https://cdn.door43.org/obs/jpg/360px/obs-en-21-10.jpg)

ଯିଶାଇୟ ଭବିଷ୍ୟତ ବଲିରେଲା କି ଖ୍ରୀଷ୍ଟ ଗାଳିଲୀ ଅଞ୍ଚଳତି ବସବାସ କରସି। ଜନମନ ଅଧିକ ଦୁଃଖତି ଆଚେତ ଖ୍ରୀଷ୍ଟ ହାଏମନକେ ଶାନ୍ତି ଦେଏସି। ହାଏ ବନ୍ଦୀମନକେମିଶା ମୁକ୍ତ କରସି। ଖ୍ରୀଷ୍ଟ ରୋଗୀମାନକେ ଆରି ଜନମନ ଶୁଣକେ ନାପାରତେ, ଦଖେ ନାପାରତେ, ବଳେକେ ନାପାରତେ, ହିଣ୍ଡେକେ ନାପାରତେ ହାଇସବୁକେ ସୁସ୍ଥକରସି।

![](https://cdn.door43.org/obs/jpg/360px/obs-en-21-11.jpg)

ଯିଶାଇୟ ଭବିଷ୍ୟତ ବକ୍ତା ଏଟାମିଶା ବଲା କି ଲୋକମାନେ ଖ୍ରୀଷ୍ଟକେ ଘୃଣା କରବାଏ ଆଓରି ଅଳଗା ଭବିଷ୍ୟତ ବକ୍ତାମନ ବଲାଏ କି ଖ୍ରୀଷ୍ଟର ଗୋଟକ୍ ସାଥି ତାର ବିରୁଦ୍ଧତି ଉଟସି। ଜିଖରିୟ ଭବିଷ୍ୟତ ବକ୍ତାବଲା୍ କି ହାତାର ହାଇ ସାଥି ଏଟା କରବାକାଚେ ହାଇ ଅଳଗା ଲୋକତାନଲେ ୩୦ ଟା ରୂପାମୁଦ୍ରା ନେଏସି। ଏକେଛାଡ଼ି, କେତେକ ଭବିଷ୍ୟତ ବକ୍ତାମନ ମିଶା ବଲିରେଲାଏ ଯେ ଲୋକମନ ଖ୍ରୀଷ୍ଟର ହତ୍ୟା କରବାଏ, ଆଓରି ହାଏମନତାର ବସ୍ତ୍ର କାଚେ ଜୁଆ ଖେଳବାଏ।

![](https://cdn.door43.org/obs/jpg/360px/obs-en-21-12.jpg)

ଭବିଷ୍ୟ‌ଦ୍‌ବକ୍ତାମନ ଏଟାମିଶା ସାଙ୍ଗଲାଏ କି ଖ୍ରୀଷ୍ଟ କନ୍ତାକରି ମରସି। ଯିଶାଇୟ ଭବିଷବାଣୀ କର୍ଲା କି ଲୋକମନ ଖ୍ରୀଷ୍ଟ ଉପରେ ତୁକ୍ବାଏ, ମଜକ ଉଢାଏବାଏ, ଆଓରି ମାରବାଏ। ହାଏମନ ତାକେ ବିଦ୍ଧ କରବାଏ ଆରି ହାଏ ବଢେ କଷ୍ଟ ଆରି ଯନ୍ତ୍ରଣା ତି ମରିଯାଏସି, ଜେବେକି ହାଏ କାଇମିଶା ଭୂଳ ନାକରିସିବେ।

![](https://cdn.door43.org/obs/jpg/360px/obs-en-21-13.jpg)

ବଭିଷ୍ୟତବକ୍ତା ମନ ଏଟାମିଶା ସାଙ୍ଗଲାଏ କି ଖ୍ରୀଷ୍ଟ ପାପ୍ ନାକରସି। ହାଏ ସିଦ୍ଧ ହୋଏସି। ମାତର ହାଏ ଇଟାକାଚେ ମରସି ପରମେଶ୍ବର ତାକେ ଅଳାଗା ଲୋକର ପାପର କାଚେ ଦଣ୍ଡ ଦେଏସି। ତାର ମରବା ଦ୍ୱାରା ଲୋକମନ ପରମେଶ୍ବର ସଙ୍ଗେ ମିଶବାକାଚେ ଯଗ୍ୟ ହୋଏବାଏ। ଇଟାକାଚେ ମାପୃ ଇଚ୍ଛା କରସିଆଛେ କି ଖ୍ରୀଷ୍ଟ ମରିଯାଓ।

![](https://cdn.door43.org/obs/jpg/360px/obs-en-21-14.jpg)

ବଭିଷ୍ୟତ ବକ୍ତାମନ ଏଟାମିଶା ସାଙ୍ଗିରେଲାଏ କି ମାପୃ ଖ୍ରୀଷ୍ଟକେ ମରଲାତାନଲେ ଜୀବିତ ଉଟାଏସି। ଏଟା ଦର୍ଶାଉ ଆଏ କି ଏସବୁ ନୁଆ ଚୁକ୍ତି କରବାର ମାପୃର ଯୋଜନା ରେଲା, ଯନ୍ତାକି ହାଏ ହାଇସବୁକେ ଉଦ୍ଧାର(ବାଚାଏସି)କରସି ଜନମନ ପରମେଶ୍ବରର ବିରୁଦ୍ଧତି ପାପ କରଲାଆତ୍।

![](https://cdn.door43.org/obs/jpg/360px/obs-en-21-15.jpg)

ପରମେଶ୍ବର ଭବିଷ୍ୟତ ବକ୍ତାମନକେ ଖ୍ରୀଷ୍ଟର ବିଷୟତି ଅନେକ ବିଷୟକେ ପ୍ରକାଶ କରଲା, ମାତର ଖ୍ରୀଷ୍ଟ ହାଇ ଭବିଷ୍ୟତ ବକ୍ତାମନର କାଆରି ଜୀବନ କାଳତି ନାଆସିରେଲା। ଏହି ଭବିଷ୍ୟବାଣୀମନର ଦିଆଯିବାର ୪୦୦ ବର୍ଷଲେ ଅଧିକ ସମୟ ପାଚେ, ଠିକ୍ ସମୟତି, ମାପୃ ଖ୍ରୀଷ୍ଟକେ ଜଗତ ତି ପଠାଇସି।

*ଆଦି ୩:୧୫; ୧୨:୧-୩; ଦିତୀୟବିବରଣ ୧୮:୧୫; ୨ ୟଶାମୁଏଲ ୭; ମଲାଖି ୪:୫; ଯିଶାଇୟ ୭:୧୪; ମିଖା ୫:୨; ଯିଶାଇୟ ୯:୧-୭; ୩୫:୩-୫; ୬୧:୫୩; ଗୀତସଂଗିତା ୨୨:୧୮; ୩୫:୧୯; ୬୯:୪; ୪୧:୯; ଜିଖରିୟ ୧୧:୧୨-୧୩; ଯିଶାଇୟ ୫୦:୬; ଗୀତସଂଗିତା ୧୬:୧୦-୧୧ ତାନଲେ ବାଇବଲର ଗୋଟକ୍ କାଓନି।*

## 22. ୨୨.ବାପ୍ତିଜକ ଯୋହନର୍ ଜନମ୍

https://openbiblestories.org/l/dso-x-korapdesia/story-22/

![](https://cdn.door43.org/obs/jpg/360px/obs-en-22-01.jpg)

ଆଗେ, ମାପୃ ( ପରମେଶ୍ବର)ନିଜର ଭବିଷ୍ୟତବକ୍ତା ମନ ସଙ୍ଗେ କଥା୍ ହୋଇରେଲା ଇଟାକାଜେ ହାଏମନ୍ ଲୋକ୍ ସଙ୍ଗେ କଥା ହୋଇରେଲାଏ। ମାତର ହାଇ ସମୟ ତିଲେ ନେଇକରି ୪୦୦ ବରଷ୍ ବିତ୍ବାବାତକ୍ ହାୟ୍ ହାଏମନ୍ ସଙ୍ଗେ କଥା ନା ହୋଏଲା୍। ପାଛେ ମାପୃ ଜିଖରୀୟ ନାମର୍ ଭବିଷ୍ୟତବକ୍ତା ଲଗେ ଗଟକ୍ ସରଗ୍ ଦୂତ୍ କେ ପଟାଏଲା୍। ଜିଖରୀୟ ଆରି ତାର୍ କନୀଆ (ସ୍ତ୍ରୀ) ଏଲିଶାବେଥ ମାପୃ ର୍ ପୂଜା କର୍ତେ ରେତ୍। ହାଏମନ୍ ଅଧିକ ବୁଢ଼ା ବୁଢ଼ୀ ହୋଇରେଲାଏ, ଆରି ତିକେ ଗଟେକ୍ ମିଶା ବେଟାବେଟି ନାରେଲା୍ଏ।

![](https://cdn.door43.org/obs/jpg/360px/obs-en-22-02.jpg)

ହାଇ ସରଗ୍ ଦୂତ୍ ଜିଖରୀୟ କେ ବଲା୍, "ତର୍ କନୀଆ କେ ଗଟେକ୍ ପିଲା ହୋଇସି୍। ତୁଇ ତାର ନାଓ ଯୋହନ୍ ସଙ୍ଗାଇବିସ୍। ମାପୃ ତାକେ ପବିତ୍ର ଆତ୍ମା ସଙ୍ଗେ ଭରିଦେଇସି୍, ଆଓରି ଯୋହନ ଯୀଶୁ କେ ଗ୍ରହଣ୍ କରବାକାଛେ ତିଆର୍ କରସି୍।” ଜିଖରୀୟ ବଲା୍, "ମୁଇ ଆରି ମୋର୍ କନୀଆ(ସ୍ତ୍ରୀ) ସନ୍ତାନ୍ ଜନମ୍ କରବାକାଛେ ଅଧିକ ବୁଢ଼ା ବୁଢ଼ୀ ଆଏ !ମୁଇ କନ୍ତାକରି ଜାନବି୍ କି ତୁଇ ମକେ ସତ୍ ବଲ୍ବିଆଛ୍ଇସ୍? "

![](https://cdn.door43.org/obs/jpg/360px/obs-en-22-03.jpg)

ଯେବେ ସରଗ୍ ଦୂତ୍ ଜିଖରୀୟ କେ ଉତ୍ତର୍ ଦେଲା୍, "ତର୍ ଲଗେ ଇ ଅଛା ଖବର କେ ଆନ୍ ବା କାଛେ ମୁଇ ମାପୃ ଦ୍ୱାରା ପଠାଗଲିଆଛି୍। କାଏକାଜେ ତୁଇ ମକେ ବିଶ୍ବାସ ନାକରଲିସ୍, ଇଟାକାଜେ ତୁଇ ପିଲାର ଜନମ୍ ବା ତକ୍ କଥା୍ ହୋଏକେ ନାପାରିସ୍।” ହଢ଼୍ କିଚ୍ ଦାୟ୍ ଲେ୍, ଜିଖରୀୟ କଥା୍ ହୋଏକେ ନାପାରଲା୍। ତାର୍ ପାଛେ୍ ହାଇ ସରଗ୍ ଦୂତ୍ ଜିଖରୀୟ ଲଗଲେ୍ ଗଲା୍। ଏତାର୍ ପାଚେ୍, ଜିଖରୀୟ ମିଶା ଘରେ୍ ଆଏଲା୍ ଆଓରି୍ ତାର୍ କନୀଆ ଗର୍ବବତି ହୋଏଲା୍।

![](https://cdn.door43.org/obs/jpg/360px/obs-en-22-04.jpg)

ଯେବେ ଏଲୀଶାବେଥ ଛଅ ମାଷର୍ ଗର୍ବବତି ହୋଇରେଲା୍, ତ ହାଇଚ୍ ସରଗ୍ ଦୂତ୍ ଅଚାନକ୍ ଏଲୀଶାବେଥର୍ ଲୋକବାକ୍ ତି ଦକାୟ୍ ହୋଇଲା୍, ଯାର୍ ନାଓ ମରିୟମ ରେଲା୍। ମରିୟମ କୁମାରୀ ରେଲା୍ ଆଓରି୍ ବିବାହ ହୋଏବାକାଚେ୍ ଯୋଷେଫ ନାମର୍ ବ୍ୟକ୍ତି ସଙ୍ଗେ ତାର୍ ମାଗ୍ନି୍ ହୋଇରେଲା୍। ସରଗ୍ ଦୂତ୍ ବଲା୍, " ତୁଇ ଗର୍ବବତି ହୋଇବିସ୍ ଆଓରି୍ ଗଟେକ୍ ପିଲା୍ କେ ଜନମ୍ ଦେବିସି୍। ତୁଇ ତାର୍ ନାଓ ଯୀଶୁ ରକ୍ ବାର୍ ଆଚେ୍। ହାଏ ସବୁଲେ ଶକ୍ତିଶାଳୀ ମାପୃ (ପରମେଶ୍ବର)ର ବେଟା ହୋଇସି୍ ଆରି ସବୁଦାୟ୍ କାଚେ୍ ଶାସନ୍ କର୍ସି।”

![](https://cdn.door43.org/obs/jpg/360px/obs-en-22-05.jpg)

ମରିୟମ ବଲା୍, " ଏଟା କନ୍ତାକରି ହୋଇସି୍, କାଏକାଜେ ବଲେ୍ ମୁଇ ତ କୁମାରୀ ଆଏ?"ହାଇ ସରଗ୍ ଦୂତ୍ ତାକେ ବୁଝାୟ୍ଲା, "ପବିତ୍ର ଆତ୍ମା ତର ଉପରେ ଆୟସି୍, ଆଓରି୍ ମାପୃ ର ଶକ୍ତି ତକେ ଗୁଢା୍ଇସି୍। ଇଟାକାଜେ ହାଇ ପିଲା୍ ପବିତ୍ର ହୋଇସି୍, ଆଓରି୍ ମାପୃ ର ବେଟା ହୋଇସି୍।” ଜନଟା୍ ହାଇ ସରଗ୍ ଦୂତ୍ ବଲା୍ ହାଇଟାକେ୍ ମରିୟମ ବିଶ୍ବାସ୍ କର୍ଲା୍।

![](https://cdn.door43.org/obs/jpg/360px/obs-en-22-06.jpg)

ଏଟା ହୋଇବାର୍ ତୁରନ୍ତର୍ ପାଚେ୍, ମରିୟମ ଯାଇ କରି ଏଲିଶାବେଥ ସଙ୍ଗେ ଭେଟ୍ ହୋଏଲା୍। ଯମତି୍ ମରିୟମ ତାକେ ଯୁଆର୍ କର୍ଲା୍, ଏଲିଶାବେଥର୍ ପିଲା ତାର୍ ଭିତ୍ରେ ଡଗା୍ଇଲା୍। ତିକର୍ କାଚେ୍ ମାପୃ ଜନଟା୍ କରିରେଲା୍ ହାଇଟାକାଛେ୍ ହାଏମନ୍ ଦୁନ୍ଓ ବେସି୍ ଶରଧା୍ ହଏଲା୍ୟ୍। ଏଲିଶାବେଥ ସଙ୍ଗେ ତିନ୍ ମାସ୍ ରଏଲା୍ ପାଚେ୍, ମରିୟମ ଘରେ ଗଲା୍।

![](https://cdn.door43.org/obs/jpg/360px/obs-en-22-07.jpg)

ଏତାର୍ ପାଚେ୍, ଏଲିଶାବେଥ ନିଜର ବେଟା କେ ଜନମ୍ ଦେଲା୍। ଜିଖରୀୟ ଆଓରି୍ ଏଲିଶାବେଥ ହାଇ ପିଲାର୍ ନାଓ ଯୋହନ ରକ୍ ଲାଏ, ଯନ୍ତା୍ କି ହାଇ ସରଗ୍ ଦୂତ୍ ତିକେ ଆଦେଶ ଦେଇରେଲା୍। ତାର୍ ପାଚେ୍ ମାପୃ ଜିଖରୀୟ କେ କଥା୍ ହୋଏବାକାଚେ୍ ଶକ୍ତି ଦେଲା୍। ଜିଖରୀୟ ବଲା୍, "ମାପୃ ର୍ ଧନ୍ୟବାଦ ହୋ, କାୟ୍କାକାଚେ୍ ବଲେ୍ ହାଏ ହାତାର୍ ଲୋକ୍ ସାହାଯ୍ୟ କରବାକାଛେ ହେତ୍ ରକ୍ଲା ଆଚେ୍! ହେ ମୋର୍ ବେଟା, ତୁଇ ସବୁଲେ ଶକ୍ତିଶାଳୀ ମାପୃ ର ବଭିଷ୍ୟତ୍ ବକ୍ତା ହୋଇବିସ୍। ତୁଇ ଲକେ୍ ସାଙ୍ଗ୍ବିସ୍ କି ହାଏମନ୍ କନ୍ତାକରି ନିଜର୍ ପାପ୍ ଥାନେ୍ଲେ କ୍ଷମା ପାଏବାଏ।”

*ଲୂକ ଲିଖିତ ସୁସମାଚାର ୧ ଅଧ୍ୟାର୍ ଗୋଟକ୍ ବାଇବଲର୍ କାଓନି।*

## 23. ୨୩. ଯୀଶୁର୍ ଜନମ୍

https://openbiblestories.org/l/dso-x-korapdesia/story-23/

![](https://cdn.door43.org/obs/jpg/360px/obs-en-23-01.jpg)

ଯୋଷେଫ ନାମର୍ ଏକ ଧର୍ମି ବ୍ୟକ୍ତି (ମାନେ) ସଙ୍ଗେ ମରିୟମର୍ ମାଗ୍ନି୍ ହୋଇରେଲା୍। ଯେବେ ହାଏ ଶୁନ୍ଲା୍ କି ମରିୟମ ଗର୍ବବତି ଆଚେ୍ ତ ହାଏ ଜାନ୍ତେ୍ ରେଲା୍ କି ହାଏ ହାତାର୍ ପିଲା ନୁଆଏ। ମାତର୍ ହାଏ ମରିୟମ କେ ଲାଜ୍ କରବାକାଚେ୍ ଇଛା ନା କରତେ୍ ରେଲା୍, ଏଟାକାଚେ୍ ହାଏ ହାକେ୍ ଦୟା୍ କରି ଆଓରି୍ ତାକେ ଭିତର୍ ଭିତର୍ ଛାଢ଼୍ ବା କାଚେ୍ ଭାବଲା୍। ମାତର୍ ଏତାର୍ ଆଗେ ହାଏ ଅନ୍ତା କରତା୍, ଗଟେକ୍ ସରଗ୍ ଦୂତ୍ ତାର୍ ସପ୍ନା ତି ଆଶି ତାକେ କଥା୍ ହୋଏଲା୍।

![](https://cdn.door43.org/obs/jpg/360px/obs-en-23-02.jpg)

ହାଇ ସରଗ୍ ଦୂତ୍ ବଲା୍, " ହେ ଯୋଷେଫ, ମରିୟମ କେ ନିଜର୍ କନୀଆ ଭାବେ ଗ୍ରହଣ୍ କରିବା କାଚେ୍ ନା ଡର୍। ହାତାର୍ ଭିତରେ ଯୋନ୍ ପିଲା ଆଚେ୍ ହାଏ ପବିତ୍ର ଆତ୍ମା ତାନ୍ ଲେ ଆଏ। ହାଏ ଗଟେକ୍ ପିଲା କେ ଜନମ୍ ଦେସି୍। ତାର୍ ନାଓ ଯୀଶୁ ରକ୍ତୁନ୍ (ଯାର୍ ନାଓ ର ଅର୍ଥ ଆଏ, 'ମାପୃ ରକ୍ଷା କରୁ ଆଏ'), କାଏକାଜେ ବଲେ୍ ହାଏ ଲକେ୍ ତିକର୍ ପାପ୍ ତାନଲେ୍ ରକ୍ଷା କରସି୍।”

![](https://cdn.door43.org/obs/jpg/360px/obs-en-23-03.jpg)

ପାଚେ୍ ଯୋଷେଫ ମରିୟମ କେ ବିବାହ କରଲା୍ ଆରି୍ ତାକେ ନିଜର୍ କନୀଆ ଭାବେ ଘରେ ଆନ୍ଲା୍, ମାତର୍ ତାର୍ ବେଟା କେ ଜନମ୍ ଦେବା ତକ୍ ହାଏ ତାର ସଙ୍ଗେ୍ ନା ଶୋଇଲା।

![](https://cdn.door43.org/obs/jpg/360px/obs-en-23-04.jpg)

ଯେବେ ମରିୟମ ର ଜନମ କରବା ସମୟ କେଟିରେଲା୍, ତ ହାଏ ଆରି୍ ଯୋଷେଫ ବେଥଲିହିମ ଯିବାର୍ ଗଟେ୍କ୍ ଲମ୍ବା ଯାତ୍ରା କରଲା୍ଏ। ତିକେ ହାଏତି ଯିବାର୍ ରେଲା୍ ଆକା୍ କାଏକାଚେ୍ ବଲେ୍ ରୋମୀୟ ଅଧିକାରୀ ଇସ୍ରାଏଲ୍ ତି ରେବା ସବୁ ଲୋକେ୍ ହିସାବ୍ କରବା କାଚେ୍ ଇଚ୍ଛା କରତେ୍ ରେଲା୍। ହାଏମନ୍ ଚାହେଁ ତେରେଲାଏ କି ସବୁ ଲୋକ୍ ହାଇ ତି ଯାଓତ ଯନ୍ତି୍ ତିକର୍ ପାର୍ ପୁଟକା୍ ରଏତେ୍ ରେଲାଏ। ରାଜା ଦାଉଦର୍ ଜନମ୍ ବେଥଲିହିମ ତି ହୋଇରେଲା୍, ଆଓରି୍ ହାଏ ମରିୟମ ଆରି ଯୋଷେଫ ର୍ ଦୁନ୍ଓର୍ ପୂର୍କାର୍ ରଲା୍।

![](https://cdn.door43.org/obs/jpg/360px/obs-en-23-05.jpg)

ମରିୟମ ଆରି୍ ଯୋଷେଫ ବେଥଲିହିମ ତି ଗଲା୍ଏ, ମାତର୍ ହାଏତି୍ ପଶୁ ରଖବା ଜାଗା୍ ଛାଢି୍ ତିକର୍ ରଇବା୍ କାଚେ୍ ଅଳ୍ଗା୍ ଜାଗା୍ ନା ରଲା୍। ହାଈ ଜାଗା୍ ରେଲା୍ ଯନ୍ତି୍ ମରିୟମ ନିଜର ପିଲା୍ କେ ଜନମ୍ ଦେଲା୍। ହାଏ ହାକେ୍ ଡଙ୍ଗାତି ଶୁଆଇଲା୍ କାଏକାଜେ ବଲେ୍ ହାଏତି୍ ହାତାର୍ କାଚେ୍ କାଈ ଅଛନା୍ ନାରେଲା୍। ହାଏମନ୍ ତାର୍ ନାଓ ଯୀଶୁ ଦେଲା୍ଏ।

![](https://cdn.door43.org/obs/jpg/360px/obs-en-23-06.jpg)

ହାଇ ଦିନର୍ ରାତି, ହାଇଲେଗର୍ କ୍ଷେତ୍ ତି କେତେକ୍ ଗାଈଧରୀମନ୍ ନିଜର୍ ଛେଳି ମେଡିକେ୍ ଜାଗିରେଲା୍ଏ। ଅଚାନକ୍ ତି, ଗଟେକ୍ ଚକ୍ ମକିଆ ସରଗ୍ ଦୂତ୍ ତିକେ ଦକାୟ୍ ହୋଏଲା୍, ଆଓରି୍ ହାଏମନ୍ ଡେରି ଗଲା୍ଏ। ହାଇ ସରଗ୍ ଦୂତ୍ ବଲା୍, "ନା ଡରା୍, କାଏକାଜେ ବଲେ୍ ମୋର୍ ଲଗେ୍ ତମର୍ କାଚେ୍ ଅଛା ଖବର୍ ଆଚେ୍। ବେଥଲିହିମ ତି ମସିହା, ମାଳିକର୍ ଜନମ୍ ହୋଏଲା୍ ଆଚେ୍!"

![](https://cdn.door43.org/obs/jpg/360px/obs-en-23-07.jpg)

ଯାଇ କରି୍ ହାଇ ବାଳକ କେ ଡଗରା, ଆଓରି୍ ତମି୍ ତାକେ ଲୁଗା ତି ଗୁଢାଇ ହୋଇ ଆରି ଡଙ୍ଗାତି ଶୋଇ ରେବାର୍ ପାଏବାସ୍।” ଅଚାନକ୍ ତି, ଆଖାଶେ୍ ସରଗ୍ ଦୂତତି ଭରିଗଲା୍। ହାଏମନ୍ ମାପୃକେ ଗୀତ ଗାଇ ସ୍ତୁତି କର୍ତେ ରେଲାଏ। ହାଏମନ୍ ବଲା୍ଏ, " ସବୁ ମହିମା ସରଗେ୍ ରେବା ମାପୃ କେ ମିଳ। ପୃଥିବୀ ତି ହାଇମନ କେ ଶନ୍ତି ମିଳ ଯାଆର୍ କାଚେ୍ ହାଏ ଚିନ୍ତା କରୁଆଏ!"

![](https://cdn.door43.org/obs/jpg/360px/obs-en-23-08.jpg)

ପାଚେ୍ ସରଗ୍ ଦୂତ୍ ଗଲାଏ। ହାଇ ଗାଈଧରୀମନ୍ ମିଶା ତିକର୍ ଛେଳି ମେଣ୍ଢାକେ ଛାଢି୍ ବାଳକେ ଦକେ୍ ଗଲା୍ଏ। ଝପେକେ ହାଇ ଜାଗା୍ ତି କେଟ୍ ଲାଏ ଯନ୍ତି ଯୀଶୁ ରେଲା୍ ଆରି୍ ହାଏମନ୍ ତାକେ ଡଙ୍ଗାତି ଶୋଇ ରେବାର୍ ପାଏଲାଏ, ଯନ୍ତା କି ହାଏ ସରଗ୍ ଦୂତ୍ ବୋଲିରେଲା। ହାଏମନ୍ ବହୁତ ଖୁସି ହୋଇଗଲାଏ। ପାଚେ୍ ହାଇ ଗାଈଧରୀମନ୍ ହାଏତି୍ ଗଲା୍ଏ ଯନ୍ତି ତିକର୍ ଛେଳି ମେଣ୍ଢା ରେଲାଏ। ହାଏମନ୍ ଯନ୍ଟା ମିଶା ଶୁନ୍ଲାଏ ଆରି ଦକ୍ଲାଏ ହାଇ ସବୁ କାଚେ୍ ହାଏମନ୍ ପରମେଶ୍ବର କେ ସ୍ତୁତି କର୍ତେ ରେଲାଏ।

![](https://cdn.door43.org/obs/jpg/360px/obs-en-23-09.jpg)

ପୂର୍ବ ଦିଗର୍ ଗଟେକ୍ ଦୂର ଦେଶ୍ କେତେକ୍ ପୁରଷ ରେଲାଏ। ହାଏମନ୍ ତାରା ବିଷୟତି ପଢି ରେଲାଏ ଆରି୍ ହାଏମନ୍ ବହୁତ ଜ୍ଞାନୀ ରେଲାଏ ହାଏମନ୍ ଗଟେକ୍ ଅଲଗା ପ୍ରକାର୍ ତାରା ଆଖାଶ୍ ତି ଦକ୍ଲାଏ। ହାଏମନ୍ ବଲା୍ଏ କି ଏତାର ଅର୍ଥ ଆଏ ଯୀହୂଦି ମନର୍ ଗଟେକ୍ ନୁଆ ରାଜା ଜନମ୍ଲା୍ ଆଚେ୍। ଏଟାକାଚେ୍ ହାଏମନ୍ ହାଇ ବାଳକେ ଦକବା କାଚେ୍ ନିଜର ଦେଶ୍ ତିଲେ ନିକ୍ରୀ ଯିବୁ ବଲି୍ ନିର୍ଣୟ୍ କର୍ଲାଏ। ଗଟେ୍କ୍ ଲମ୍ବା ଯାତ୍ରା ପାଚେ୍, ହାଏମନ୍ ବେଥଲହିମ ଆଏଲା୍ଏ ଆରି୍ ହାଇ ଘର୍ କେ ପାଏଲାଏ ଯନ୍ତି୍ ଯୀଶୁ ଆଓରି ତାର୍ ମାତା ପିତା ଥେବିରଲାଏ।

![](https://cdn.door43.org/obs/jpg/360px/obs-en-23-10.jpg)

ଯେବେ ଈ ପୁରଷ ମନ୍ ଯୀଶୁ କେ ତାର୍ ମା ସଙ୍ଗେ ଦକିକରି ହାଏମନ୍ ମାଣ୍ଡିଗୁଟା ଦେଇ ତାର୍ ଆରାଧନା କରଲା୍ଏ। ହାଏମନ୍ ଯୀଶୁ କେ ବହୁମୂଲ୍ୟ ଦାନ୍ ଦେଲା୍ଏ। ପାଛେ୍ ହାଏମନ୍ ଘର୍ ଲେଓଠିଗଲାଏ।

*ମାଥିଉ ୧ ; ଲୂକ ୨ ତାନର୍ ଗୋଟକ୍ ବାଇବଲର୍ କାଓନି।*

## 24. ୨୪. ବାପ୍ତିଜକ ଯୋହନ ଯୀଶୁ କେ ବାପ୍ତିସ୍ମ ଦେଉଆଏ

https://openbiblestories.org/l/dso-x-korapdesia/story-24/

![](https://cdn.door43.org/obs/jpg/360px/obs-en-24-01.jpg)

ଏଲିଶାବେଥ ଆରି୍ ଜିଖରୀୟ ର ବେଟା ଯୋହନ, ବଢେ ହୋଇକରି ଗଟେ୍କ୍ ଭବିଷ୍ୟତ ବକ୍ତା ବନ୍ଲା୍। ହାଏ ଜଙ୍ଗଲ୍ ତି ରଏତେ୍ ରେଲା୍, ଆଓରି୍ ବଣ୍ ମଧୁ ଆରି ପଙ୍ଗପାଳ ଖାଏତେ୍ ରେଲା୍, ଆଓରି୍ ଓଠର୍ ଚାମଢା଼ ତି ବନିରେବା ଲୁଗା ପିନ୍ଦ୍ ତେରେଲା୍।

![](https://cdn.door43.org/obs/jpg/360px/obs-en-24-02.jpg)

ବହୁତ ଲୋକ ବାପ୍ତିଜକ ଯୋହନର୍ କଥା୍ ଶୁନବା କାଚେ୍ ମରୂଭୂମି ଲଗେ ଆଏଲାଏ। ହାଏମନ୍କେ୍ ଏଟା ବଲି୍କରି ତିକେ ପ୍ରଚାର୍ କର୍ଲା, "ପଷ୍ତା୍, କାଏକାଜେ ବଲେ୍ ସରଗ୍ ରାଜ୍ୟ ଲଗେ୍ କେଟ୍ଲା୍ ଆଚେ୍!"

![](https://cdn.door43.org/obs/jpg/360px/obs-en-24-03.jpg)

ଯେବେ ଲୋକ ବାପ୍ତିଜକ ଯୋହନର୍ ପ୍ରଚାର କେ ଶୁନ୍ଲାଏ, ତ ତିକର୍ ଭିତର୍ ଲେ ବହୁତ ଲୋକ ନିଜର ପାପ୍ ତାନ୍ଲେ୍ ପଷ୍ତା୍ଏ ଲାଏ, ଆଓରି ବାପ୍ତିଜକ ଯୋହନ ତିକେ ବାପ୍ତିସ୍ମ ଦେଲା୍। ବାପ୍ତିଜକ ଯୋହନ କେ ଦକବା କାଚେ୍ ବହୁତ ଧର୍ମୀ ନେତା ମନ ମିଶା ଆସିରେଲାଏ, ମାତର ହାଏମନ୍ ନିଜର ପାପ୍ ତିଲେ ନା ପଷ୍ତା୍ଏଲାଏ କି ନା ମାନଲାଏ।

![](https://cdn.door43.org/obs/jpg/360px/obs-en-24-04.jpg)

ବାପ୍ତିଜକ ଯୋହନ ଧାର୍ମିକ ନେତାମନ୍ କେ ବଲା୍, "ହେ ବିଷ୍ ରେଲା୍ ସାପ ମନ୍! ପଷ୍ତା୍ ଆଓରି ନିଜର ଚାଳି୍ ଚଲନ୍ କେ ବଧଲା୍। ମାପୃ ହାଇ ସବୁ ଗଛକେ କାଠି ଦେଏସି୍ ଯନଟା୍ ଅଛା୍ ପାକ୍ ନାଆନେ, ଆରି୍ ହାଏ ହାଇସବୁକେ ଜୟ୍ ତି ପଖାଏଦେଏସି୍।” ଜନ୍ଟା୍ ଭବିଷ୍ୟତ ବକ୍ତା ମନ୍ ବଲିରେଲାଏ ବାପ୍ତିଜକ ଯୋହନ ହାଇଟାକେ୍ ପୂରା କରଲା୍, "ଦକ୍ ଝପକେ୍ ଆକା ମୁଇ ତର୍ ଆଗେ ମୋର୍ ଖବର୍ ନେଉକେ ପଠାଇବି୍ ଜନ୍ ତୋର୍ ବାଟକେ ତିଆର୍ କରସି୍।”

![](https://cdn.door43.org/obs/jpg/360px/obs-en-24-05.jpg)

କେତେକ୍ ଧାର୍ମିକ ନେତା ମନ୍ ବାପ୍ତିଜକ ଯୋହନ କେ ପଚାରଲାଏ କି ହାଏ ମସିହା ଆଏ। ବାପ୍ତିଜକ ଯୋହନ ଉତ୍ତର୍ ଦେଲା୍, "ମୁଇ ମସିହା ନୁଆଏ, ମାତର୍ ହାଏ ମୋର୍ ପାଚେ ଆଏସି୍ ଆଛେ। ହାଏ ଅତକ୍ ମହାନ୍ କି ମୁଇ ତାର ଜୁତାର୍ ଡରି ହିଟାଏବାକାଚେ ଯଗ୍ୟ ନୁଆଏ।”

![](https://cdn.door43.org/obs/jpg/360px/obs-en-24-06.jpg)

ତାର୍ ପାଚର୍ ଦିନେ୍, ଯୀଶୁ ବାପ୍ତିସ୍ମ ନେବାକାଚେ ବାପ୍ତିଜକ ଯୋହନ ଲଗେ ଆଏଲା୍। ଯେବେ ବାପ୍ତିଜକ ଯୋହନ ତାକେ ଦକ୍ଲାଆ, ତ ହାଏ ବଲା୍, "ଦକା୍ !ମାପୃ ର୍ ମାଣ୍ଢାଛୁଆ ଜନକି୍ ସଂସାରର୍ ପାପକେ ନେଇଯାଇସି୍।”

![](https://cdn.door43.org/obs/jpg/360px/obs-en-24-07.jpg)

ବାପ୍ତିଜକ ଯୋହନ ଯୀଶୁ କେ ବଲା୍, "ମୁଇ ତକେ ବାପ୍ତିସ୍ମ ଦେବାକାଚେ ଯଗ୍ୟ ନୁଆଏ। ମାତର୍ ଏତାର୍ ଦରକାର ଆଏ କି ବାପ୍ତିସ୍ମ ତୁଇ ମକେଦେ।” ମାତର୍ ଯୀଶୁ ବଲା୍, "ତୁଇ ମକେ ବାପ୍ତିସ୍ମ ଦେଏକେ ପଡ଼ସି୍ , କାଏକାଜେ ବଲେ୍ କରିବା କାଚେ ଏଟା ଠିକ୍ କାମ ଆଏ।” ପାଛେ ବାପ୍ତିଜକ ଯୋହନ ତାକେ ବାପ୍ତିସ୍ମ ଦେଲା୍, ଯେବେ କି ଯୀଶୁ କେବେମିଶା ପାପ ନାକରିରେଲା୍।

![](https://cdn.door43.org/obs/jpg/360px/obs-en-24-08.jpg)

ବାପ୍ତିସ୍ମ ଦେଲାର୍ ପାଚେ ଯେବେ ଯୀଶୁ ପାଣି ଥାନ୍ ଲେ ଉଠି ବାହାରେ ଆସଲା୍, ତ ମାପୃ ର ଆତ୍ମା ପାରା ଅନ୍ତା ହୋଇ ଦକାଏ ହୋଏଲା ଆରି ତଳେ ଆସି ତାର ଉପରେ ବସଲା୍। ହାଏ ବଲା୍, "ତୁଇ ମୋର ବେଟା ଆସ୍। ମୁଇ ତକେ ପ୍ରେମ୍ କରୁଆଏ, ଆରି ମୁଇ ତରତି ବହୁତ ସରଦା୍ ଆଏ।”

![](https://cdn.door43.org/obs/jpg/360px/obs-en-24-09.jpg)

ମାପୃ ବାପ୍ତିଜକ ଯୋହନକେ ବଲିରେଲା, "ପବିତ୍ର ଆତ୍ମା ତଳେ ଆସି ଯାଆର୍ ଉପରେ ବସି୍ ଯାକେ ତୁଇ ବାପ୍ତିସ୍ମ ଦେବିସ୍।” ହାଇ ମାପୃ ର୍ ବେଟାଆଏ ମାପୃ ଗୋଟକ୍ ଆକା ଆଏ। ମାତର୍ ଯେବେ ବାପ୍ତିଜକ ଯୋହନ ଯୀଶୁକେ ବାପ୍ତିସ୍ମ ଦେଲା, ତ ହାଏ ପରମେଶ୍ବର (ମାପୃ) ପିତା (ବାବା) କେ କଥା ହୋଏତେରେବାର୍ ଶୁନଲା, ପୁତ୍ର (ବେଟା) (ମାପୃ) କେ ଦକଲା, ଯନକି ଯୀଶୁ ଆଏ, ଆରି ହାଏ ପଵିତ୍ର ଆତ୍ମା କେ ଦକଲା।

*ମାଥିଉ ୩ ; ମାର୍କ ୧:୯-୧୧; ଲୂକ ୩:୧ ତିଲେ ଗୋଟକ୍ ବାଇବଲର କାଓନି।*

## 25. ୨୫. ଶୟତାନ୍ ଯୀଶୁ କେ ପରୀକ୍ଷା କରୁଆଏ

https://openbiblestories.org/l/dso-x-korapdesia/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁର ବାପ୍ତିସ୍ମ ନେବାର୍ ତୁରନ୍ତ୍ ପାଚ, ପବିତ୍ର ଆତ୍ମା ତାକେ ମରୂଭୂମି ତାନେ୍ ନେଲା। ଯୀଶୁ ହାଏତି ୪୦ ଦିନ ଆରି ୪୦ ରାତି ରେଲା। ହାଇ ସମୟତି ହାଏ ଉପାସ୍ କରଲା୍, ଆଓରି ଶୟତାନ ଯୀଶୁର୍ ଲଗେ ଆସିକରି ପାପ କରାଏବାକାଚେ ପରୀକ୍ଷା କରଲା୍।

![](https://cdn.door43.org/obs/jpg/360px/obs-en-25-02.jpg)

ଆଗେ, ଶୟତାନ ଯୀଶୁକେ ବଲା୍, "ଯଦି ତୁଇ ମାପୃର୍ ବେଟାଆସ୍ ତେବେ ଇ ପକନାମନକେ ରଟୀ ବନାଏଦେସ୍ ଯନ୍ତାକି ତୁଇ ଖାଏକେ ସକ୍ବିସ୍!"

![](https://cdn.door43.org/obs/jpg/360px/obs-en-25-03.jpg)

ମାତର୍ ଯୀଶୁ ଶୟତାନ କେ ବଲା, "ମାପୃର ବାକ୍ୟ ତାନେ ଏଟା ଲେକାଆଚେ, 'ଜୀବନ ରେବାକାଚେ ମାନେଲକେ ଖାଲି ରଟୀ ଆକା ଦରକାର ନୁଆଏ, ମାତର ହାଏମନ୍କେ ହାଇସବୁ କଥା ଦରକାର ଆଏ ଯନଟା୍ ମାପୃ ତିକେ ବଳୁଆଏ!'"

![](https://cdn.door43.org/obs/jpg/360px/obs-en-25-04.jpg)

ପାଚେ ଶୟତାନ ଯୀଶୁକେ ମନ୍ଦିରର ସବୁଳେ ଡେଙ୍ଗ୍ ଜାଗାତି ନେଲା। ହାଏ ତାକେ ବଲା୍,।”ଯଦି ତୁଇ ମାପୃର୍ ବେଟାଆସ୍ ତ ଇତିଲେ ତଳେ ଡଗାଓ, କାଏକାଜେ ବଲେ୍ ଲେଖା୍ ଆଛେ, 'ମାପୃ ତକେ ଉଠାଏବାକାଛେ ନିଜର ସରଗ୍ ଦୂତ୍ ମନକେ ଆଦେଶ୍ ଦେଏସି୍ କି ତର ପାଓଁମନ୍ ପକନା୍ ଥାନଲେ୍ ମାଢ଼୍ ନା ହୋଏ। '"

![](https://cdn.door43.org/obs/jpg/360px/obs-en-25-05.jpg)

ମାତର ଯୀଶୁ ହାଏଟା ନାକରଲା ଯନଟା ଶୟତାନ ତାକେ କରବାକାଛେ ବଲିରେଲା। ଏତାର ବଦଳେ, ହାଏ ବଲା୍, "ମାପୃ ସବୁକେ ବଲୁଆଏ, 'ତୁଇ ତର ମାପୃକେ ପରୀକ୍ଷା ନାକର। '"

![](https://cdn.door43.org/obs/jpg/360px/obs-en-25-06.jpg)

ଆଓରି ଶୟତାନ ତାକେ ସଂସାରର ସବୁ ରାଜ୍ୟ କେ ଦକାୟ୍ଲା। ହାଏ ତାକେ ଦକାୟ୍ ଲା କି ହାଏଟାମନ କେତକ୍ ଶକ୍ତିଶାଳୀ ରେଲାଏ ଆରି ହାଏଟାମନ କେତକ୍ ଧନୀ (ଶାଓକାର୍) ରେଲାଏ। ହାଏ ଯୀଶୁ କେ ବଲା୍, "ମୁଈ ତକେ ଏ ସବୁ ଦେବି ଯଦି ତୁଈ ମକେ ମାଡିକୁଠା ଦେଈ ଉପାସନା (ପୂଜା) କରଲେ୍।”

![](https://cdn.door43.org/obs/jpg/360px/obs-en-25-07.jpg)

ଯୀଶୁ ଉତ୍ତର୍ ଦେଲା, "ହେ ଶୟତାନ, ମୋର୍ ଲଗଲେ ଭାଗ୍! ମାପୃର ବାକ୍ୟତି ହାଏ ଲୋକେ ଆଦେଶ ଦେଉଆଏ, 'ଖାଲି ନିଜର ମାପୃ ଇଶ୍ବରକେ ଆରାଧନା (ପୂଜା) କର୍। ମାପୃ ବଲି ଖାଲି ତାକେ ଆକା ଆରାଧନା (ପୂଜା) କର। '"

![](https://cdn.door43.org/obs/jpg/360px/obs-en-25-08.jpg)

ଯୀଶୁ ଶୟତାନର୍ ପରୀକ୍ଷା ତାନଲେ୍ ନାହାରଲା୍, ଏଟାକାଚେ୍ ଶୟତାନ ତାରଲଗଲେ ଉଠିଗଲା। ତାରପାଛେ ସରଗ୍ ଦୂତ୍ ଆସି୍ ଯୀଶୁକେ ସେବାକରଲାଏ।

*ମାଥିଉ ୪:୧-୧୧; ମାର୍କ ୧:୧୨-୧୩; ଲୂକ ୪:୧-୧୩ ତିଲେ ଗଟେକ ବାଇବଲର୍ କାଓନି।*

## 26. ୨୬. ଯୀଶୁ ନିଜର ସେବା ଆରମ୍ଭ କରୁଆଏ

https://openbiblestories.org/l/dso-x-korapdesia/story-26/

![](https://cdn.door43.org/obs/jpg/360px/obs-en-26-01.jpg)

ଶୟତାନର୍ ପରୀକ୍ଷାମନକେ ଜିତବାର ପାଚେ, ଯୀଶୁ ଗାଳିଲୀର ଅଞ୍ଚଳମନତି ଲେଓଟି ଆଏଲା୍। ଏଟା ହାଇ ଜାଗାଆଏ ଯନ୍ତି୍ ହାଏ ରଏତେରେଲା। ପବିତ୍ର ଆତ୍ମା ତାକେ ବହୁତ ଶକ୍ତି ଦେଏତେରେଲା, ଆରି ଯୀଶୁ ଏଜାଗାଲେ ଅଳଗା ଜାଗା ତି ଗଲା ଆରି ଲୋକେ ଶିକ୍ଷା ଦେଲା। ସବୁଲୋକ ତାର ବିଷୟ ତି ଅଛା ବଲଲାଏ।

![](https://cdn.door43.org/obs/jpg/360px/obs-en-26-02.jpg)

ଯୀଶୁ ନାଜରିତ ନଗରତି ଗଲା। ଏଟା ହାଇ ଗାଁ ଆଏ ଯନ୍ତି୍ ପିଲଦାୟ୍ ହାଏ ରଏତେରେଲା। ବିଶ୍ରାମଦିନତି, ହାଏ ଆରାଧନା କରବା ଜାଗାତି ଗଲା। ନେତାମନ ତାକେ ଯିଶାଇୟ ବାଭବାଦିଙ୍କ ପୁସ୍ତକକେ ଦେଲାଏ। ହାଏମନ୍ ଇଚ୍ଛା କରତେ ରେଲାଏ କି ହାଏ ହାଇତିଲେ ପଢ଼। ଇଟାକାଜେ ଯୀଶୁ ହାଇ ପୁସ୍ତକେ୍ ଖଲିକରି ହାଇତିର ଗୋଟକ୍ ଭାଗ୍କେ ତିକରକାଛେ ପଢ଼ଲା।

![](https://cdn.door43.org/obs/jpg/360px/obs-en-26-03.jpg)

ଯୀଶୁ ପଢ଼ଲା, "ମାପୃ ମକେ ତାର ନିଜର ଆତ୍ମା ଦେଲାଆଚେ କି (ହାଇଟାକାଛେ୍) ମୁଇ ଦରିଦ୍ର ମନଲୋଗେ ପ୍ରଚାର କରକେ ପାରବି। ହାଏ ମକେ ଏଟାକାଚେ୍ ପଠାଏଲା ଆଛେ କି ମୁଇ ବନ୍ଦୀ ମନକେ ମୁକ୍ତ କରବି, କାଣାକେ ଆଓରି ହାରକ ଦୃଷ୍ଟି ଦେବି, ଆଓରି ଅତ୍ୟାଚାର ସଏବାଲକେ ମୁକଲାଏବି। ଏଟା ହାଏ ସମୟ ଆଏ ଯେବେ ମାପୃ ହାମକେ୍ ଦୟା କରସି୍ ଆରି ଆମର ସାହାଯ୍ୟ କରସି୍।”

![](https://cdn.door43.org/obs/jpg/360px/obs-en-26-04.jpg)

ପାଚେ ଯୀଶୁ ବସଲା୍। ସବୁଲୋକ ତାକେ ଧ୍ୟାନତି ଦକତେରେଲାଏ। ହାଏମନ୍ ଜାନତେରେଲାଏ କି ପବିତ୍ର ଶାସ୍ତର ଯନ ଭାଗକେ ହାଏ ଏବେ ପଢ଼ଲା ହାଏଟା ମସିହାର ବିଷୟତି ରେଲା୍। ଯୀଶୁ ବଲା୍, "ଯନଟା ଏବେ ମୁଇ ତମରକାଚେ ପଢ଼ଲି, ହାଇଟା ସବୁ ଏବେ ଘଟସି୍ ଆଛେ।”ସବୁ ଲୋକ ବକୁଆ ହୋଇଗଲାଏ। ହାଇସବୁ ବଲାଏ, "ଏଟା କାଏ ଯୋଷେଫର ପିଲା ନୁଆଏ?"

![](https://cdn.door43.org/obs/jpg/360px/obs-en-26-05.jpg)

ତେବେ ଯୀଶୁ ବଲା୍, "ଏଟା ସତେ୍ ଆଏ କି ଲୋକ ଅନ୍ତା ବଭିଷ୍ୟତ୍ ବକ୍ତା କେବେ ନାମାନେତ ଯନମନ ତିକର ନଗରତି ବଡ଼ଲା ଆଚେ। ଏଲିୟ ବଭିଷ୍ୟତ୍ ବକ୍ତାର ସମୟତି, ଇସ୍ରାଏଲତି ବହୁତ ବିଧବା ରେଲାଏ। ମାତର ଯେବେ ସାଢ଼େ ତିନ ବର୍ଷର ତକ ବର୍ଷା ନାହୋଏଲ ତେବେ ମାପୃ ଏଲିୟକେ ଇସ୍ରାଏଲର କନି ବିଧବା ମନ ଲଗେ ସାହାଯ୍ୟ କରବାକାଛେ ନାପଟାଏଲା। ଇଟାକାଜେ, ହାଏ ଏଲିୟକେ ଗୋଟକ୍ ଅଳଗା ଦେଶର ବିଧବା ଲୋଗେ ପଟାଏଲା।”

![](https://cdn.door43.org/obs/jpg/360px/obs-en-26-06.jpg)

ଯୀଶୁ ବଲତେରେଲା, "ଆଓରି ଇଲୀଶାୟ ବଭିଷ୍ୟତ ବକ୍ତା ସମୟତି, ଇସ୍ରାଏଲତି ବହୁତ କୁଷ୍ଠି ରଗି ରେଲାଏ। ମାତର ଇଲୀଶାୟ ତିକେ କାକି ମିଶା ସୁସ୍ଥ(ଭଲ) ନାକରଲା। ହାଏ କାଲି ଇସ୍ରାଏଲର ଶତ୍ରୁର ସେନାପତୀ ନାମାନ କେ ସୁସ୍ଥ(ଭଲ)କରଲା।” ମାତର ଜନମନ ଯୀଶୁକେ ଶୁନତେରେଲାଏ ହାଏମନ୍ ଯିହୂଦୀ ଲୋକ ରେଲାଏ। ଏଟାକାଚେ ଯେବେ ହାଏମନ୍ ତାକେ ଅନ୍ତି ବଲବାର ଶୁନଲାଏ ତେବେ ହାଏମନ ତାର ଉପରେ ବୁହୁତ ରିଷା ହୋଏଲାଏ।

![](https://cdn.door43.org/obs/jpg/360px/obs-en-26-07.jpg)

ନାଜରୀତୟର ଲୋକ ଯୀଶୁକେ ଦରଲାଏ ଆଓରି ତାକେ ଆରାଧନା କରବା ଜାଗା୍ତିଲେ ଜିକ୍ତେ ବାହାରେ ନେଲାଏ। ହାଏମନ୍ ତାକେ ମାରବା କାଚେ ତଳେ ପକାଏବାକାଚେ ଗଟକ୍ ପକନା୍ର ଉପରେ ନେଲାଏ। ମାତର ଯୀଶୁ ଭିଢ଼ ଭିତରଲେ ନିକିରି ଗଲା ଆଓରି ନାଜରୀତ ନଗରକେ ମିଶା ଛାଢୀକରି ଉଟିଗଲା।

![](https://cdn.door43.org/obs/jpg/360px/obs-en-26-08.jpg)

ଏତାରପାଚେ ଯୀଶୁ ଗାଲିଲୀର ସବୁ ଜାଗାତି ଗଲା, ଆରି ବହୁତ ବଢେ ଭିଢ଼୍ ଯୀଶୁର ଲଗେ ଆଏଲା। ହାଏମନ୍ ଅନ୍ତା ବହୁତ ଲୋକେ ଆନଲାଏ ଜନମନ ରଗୀ ଆରି ଭିନ୍ନକ୍ଷମତାର ରେଲାଏ। ତିକର ଭିତରେ କେତକ, ଦଖେ, ହିଣ୍ଡେକେ, ଶୁନକେ ଆରି ବଲକେ ନାପାରତେ ରେଲାଏ, ଆରି ଯୀଶୁ ହାଇସବୁକେ ଭଳ୍ କରଲା୍।

![](https://cdn.door43.org/obs/jpg/360px/obs-en-26-09.jpg)

ଏଟା ସଙ୍ଗେ ସଙ୍ଗେ, ବହୁତ ଅନ୍ତା ଲୋକେ୍ ଯୀଶୁର୍ ଲଗେ ଆନଲାଏ ଯାକେ ଭୂତ ଲାଗିରଲା। ଯୀଶୁ ଭୁତମନକେ ଆଦେଶ ଦେଲା ତିକରତାନଲେ ଛାଢି ଯିବାକଛେ। ହାଏ ଭୂତମନ୍ ସବୁଦାୟ୍, "ତୁଇ ମାପୃର୍ (ପରମେଶ୍ବର)ବେଟା ଆସ୍!" ଭିଢ଼ଲକ୍ ସବୁ ଭକୁଆ ହୋଇ, ମାପୃ ସ୍ତୁତି କରଲାଏ।

![](https://cdn.door43.org/obs/jpg/360px/obs-en-26-10.jpg)

ତାରପାଛେ ଯୀଶୁ ୧୨ଲକେ୍ ବାଚଲା ଯାକେ ହାଏ ନିଜର ପ୍ରେରିତ ବଲା। ହାଇ ପ୍ରେରିତ ମନ ଯୀଶୁର ସଙ୍ଗେ ଯାତ୍ରା କରଲାଏ ଆରି ତାରତାନଲେ ଶିକ୍ଷା କରଲାଏ।

*ମାଥିଉ ୪:୧୨-୨୫; ମାର୍କ ୧:୧୪-୧୫, ୩୫-୩୯; ୩:୧୩-୨୧; ଲୂକ ୪:୧୪-୩୦, ୩୮-୪୪ ତିଲେ ଗୋଟକ୍ ବାଇବଲର କାଓନି।*

## 27. ୩୭. ଯୀଶୁ ଲାଜାରକେ ମର୍ଲାତାନ୍ଲେ ଜୀଉଁଆଏ

https://openbiblestories.org/l/dso-x-korapdesia/story-27/

![](https://cdn.door43.org/obs/jpg/360px/obs-en-27-01.jpg)

ଲାଜାର୍ ନାମର୍ ଗୋଟ୍କ ମାନେ ରେଲା। ତାର୍ ଦୁଇଟା ଭଇନି ରେଲାଏ ଯାର୍ ନାଓ ମରିୟମ ଆରି ମାର୍ଥା ରେଲା। ହାଏମନ ସବୁ ଯୀଶୁର୍ ଘନିଷ୍ଠ ସାଙ୍ଗ ରେଲାଏ। ଗୋଟ୍ଦିନ୍, କୋନି ଗୋଟ୍କ ଯୀଶୁକେ ସାଙ୍ଗ୍ଲାଏ ଯେ ଲାଜାର୍ କେ ରୋଗ୍ ହୋଏଲାଆଚେ। ଯୀଶୁ ଇଟା ଶୁଣିକରି ତିକେ ବଲା୍, "ଇ ରୋଗ ଲାଜାରର ମର୍ବାଟା ସଙ୍ଗେ ନା ସରେ। ମାତର୍ ଇଟା, ଲୋକେ୍ ମାପୃର ପୂଜାକର୍ବା କାଚେ ରାସ୍ତା ଦଖାଏସି।”

![](https://cdn.door43.org/obs/jpg/360px/obs-en-27-02.jpg)

ଯୀଶୁ ନିଜ୍ର ସଙ୍ଗ୍ମନ୍କେ ମୟା କର୍ତେରେଲା, ମାତର୍ ଯନ୍ତି ହାଏ ରେଲା ହାଏତି ଆଓରି ଦୁଇ ଦିନ ଜାଗ୍ଳା। ହାଇ ଦୁଇ ଦିନର ପାଚେ, ହାଏ ନିଜର୍ ଚେଲାମନ୍କେ ବଲା୍, ଆସା, ଯିହୁଦାଦେଶ୍ତି ଲେଓଟି ଜୋ। ଚେଲାମନ୍ ଉତ୍ତର ଦେଲା୍ଏ, "ଗୁରୁ, ଅଳପ ସମୟର୍ ଆଗେ ହାଏତିର୍ ଲୋକ୍ମନ ତକେ ମାର୍ବା କାଚେ ଚାହେଁତେରେଲାଏ!" ଯୀଶୁ ବଲା୍, "ଆମର ସାଙ୍ଗ୍ ଲାଜାର ଶୋଏଲାଆଚେ, ଆଓରି ମୁଇ ତାକେ ଉଠାଏବାକେ ପଡ଼ସି୍।”

![](https://cdn.door43.org/obs/jpg/360px/obs-en-27-03.jpg)

ଯୀଶୁର୍ ଚେଲାମନ୍ ଉତ୍ତର ଦେଲାଏ, ଏ ପ୍ରଭୁ, ଯଦି ଲାଜାର୍ ଶୋଏଲାଆଚେ୍, ତେବେ ହାଏ ଅଚ୍ଚା ହୋଇଯାଏସି। ତାର୍ପାଚେ ଯୀଶୁ ତିକେ ଅଚ୍ଛାକରି ସାଙ୍ଗ୍ଲା, "ଲାଜାର୍ ମର୍ଲା ଆଚେ। ମକେ ସର୍ଦା ଲାଗ୍ଲାନି କି ମୁଇ ହାଇଲଗେ ଭଲେ ନାରେଲି, ଏବେ ତମି ମୋର ଉପରେ ବିଶ୍ୱାସ କର୍କେପାର୍ବାସ୍।”

![](https://cdn.door43.org/obs/jpg/360px/obs-en-27-04.jpg)

ଯୋଢ଼ଦାଏ ଯୀଶୁ ଲାଜାରର ଗାଁଓତି କେଟ୍ଲା, ଲାଜାରର ମରିକରି ଚାରି ଦିନ ହୋଇରେଲା। ମାର୍ଥା ଯୀଶୁକେ ଭେଟ୍ବାକାଚେ ବାରେ ଆସି ବଲା୍, "ପ୍ରଭୁ, ଯଦି ତୁଇ ଇ ତାନେ୍ ରେଏତିସ୍ ତେବେ ମର ଭାଇ ନା ମର୍ତାବେ। ମାତର୍ ମୁଇ ବିଶ୍ୱାସ କରୁଆଏ କି ତୁଇ ମାପୃକେ ଯନ୍ଟା ମାଗ୍ବିସ୍ ହାଏ ତକେ ହାଇଟାକେ ଦେଉଆଏ।”

![](https://cdn.door43.org/obs/jpg/360px/obs-en-27-05.jpg)

ଯୀଶୁ ଉତ୍ତର ଦେଲା, "ମୁଇ ପୁନରୁତ୍ଥାନ ଆଓରି ଜୀବନ ଆଏ। ଜନ୍ଆଏ ମୋର ଉପରେ ବିଶ୍ୱାସ କରୁଆଏ, ହାଏ ମରି୍ଗଲେ ମିଶା ଜୀଉଁଆଏ। ଜନା୍ଏ ମୋର ଉପରେ ବିଶ୍ୱାସ କରୁଆଏ ହାଏ କେବେଚ୍ ନା ମରେ। ତୁଇ ଏତାର୍ ଉପରେ ବିଶ୍ୱାସ କର୍ବିସ୍ କି?" ମାର୍ଥା ଉତ୍ତର ଦେଲା, ହେ ପ୍ରଭୁ, ମୁଇ ବିଶ୍ୱାସ କରୁଆଏ କି ତୁଇ ପର୍ମେଶ୍ବରର ବେଟା ଖ୍ରୀଷ୍ଟ ଆସ।

![](https://cdn.door43.org/obs/jpg/360px/obs-en-27-06.jpg)

ତାର୍ପାଚଜ ମରିୟମ ଆସ୍ଲା। ହାଏ ଯୀଶୁର ଗଢ଼ତଲେ ପାଟାପଢି ବଲା୍, ହେ ପ୍ରଭୁ, ଯଦି ତୁଇ ଏଥାନେ ରଏତିସ୍ ବଲେ୍ ମୋର ଭାଇ ନା ମର୍ତାବେ। ଯୀଶୁ ତାକେ ପଚା୍ର୍ଲା, "ତମି ଲାଜାରକେ କନ୍ତି ସଙ୍ଗାଏଲାଆସ୍?" ହାଏମନ ତାକେ ବଲା୍ଏ, "କବର ତାନେ। ଆଓ ଆରି ଦକ୍।” ତାର୍ପାଚେ ଯୀଶୁ କାନ୍ଦ୍ଲା।

![](https://cdn.door43.org/obs/jpg/360px/obs-en-27-07.jpg)

ସମାଧି ଗୋଟ୍କ ଗୁମ୍ଫା ରେଲା ଜନ୍ତି ଗୋଟ୍କକ ପକ୍ନାକେ ଢାପିରେଲାଏ। ଯୀଶୁ କବର ଲଗେ କେଟ୍ଲାର୍ ପାଚେ ତିକେ ବଲା୍, "ପକ୍ନାକେ ଗୁଚା୍ଏ ଦିଆସ୍। ମାତର୍ ମାର୍ଥା ବଲା୍, "ହାଏ ମରିକର୍ ଚାର୍ ଦିନ୍ ହୋଏଲାବେ। ଏବେ ଇଟା ବାସ୍ଦେଏତେ ରେଏସି୍।”

![](https://cdn.door43.org/obs/jpg/360px/obs-en-27-08.jpg)

ଯୀଶୁ ଉତ୍ତର ଦେଲା, "ମୁଇ ତମ୍କେ ନା ବଲି୍ରେଲି ଯେ ଯଦି ତମି ମୋର ଉପରେ ବିଶ୍ୱାସ କର୍ବାସ୍ ତେବେ ତମି ମାପୃର ଶକ୍ତିକେ ଦକ୍ବାସ୍?" ହାଇକଚେ ହାଏମନ ହାଇ ପକ୍ନାକେ ଗୁଚାଏଦେଲାଏ।

![](https://cdn.door43.org/obs/jpg/360px/obs-en-27-09.jpg)

ତାର୍ପାଚେ ଯୀଶୁ ସରଗ୍ ବାଟେ ଦୋକିକରି ବଲା୍, "ବୁଆ, ମୋର କଥା ଶୁଣ୍ବାବା କାଚେ ମୁଇ ତକଜ ଧନ୍ୟବାଦ ଦେବିଆଛି। ମୁଇ ଜାନି ତୁଇ ସବୁଦାଏ ମୋର କଥା ଶୁନୁଆସ୍, ମାତର୍ ମୁଇ ଇଲଗେ ଠିହା ହୋଇରେବା ଇ ସବୁ ଲୋକେ୍ ସାହାଯ୍ୟ କର୍ କି ଇମନ୍କେ ବିଶ୍ବାସ କରତ୍ କି ତୁଇ ମକେ ପଟାଇଲିସ୍।” ତାର୍ପାଚେ ଯୀଶୁ ଡାକ୍ଲା, “ଲାଜାର, ନିକ୍ରିକରି ଆଓ!”

![](https://cdn.door43.org/obs/jpg/360px/obs-en-27-10.jpg)

ତାର୍ପାଚେ ଲାଜାର ନିକ୍ରିକରି ଆସ୍ଲା! ହାଏ ଗୋଟ୍କ କଫାଢାତି ଗୁଡ଼ାଇ ହୋଇ ରେଲା। ଯୀଶୁ ତାକେ କଲା୍, "ତାକେ ଇ କଫଡ଼ାକେ ହିଟାଏଦିଆସ୍।” ଇ ଚମତ୍କାର କାଚେ ବୋଲି ଅନେକ୍ ଯିହୁଦୀଲୋକୄ ଯୀଶୁକେ ବିଶ୍ୱାସ କର୍ଲାଏ।

![](https://cdn.door43.org/obs/jpg/360px/obs-en-27-11.jpg)

ମାତର୍ ଯିହୁଦୀ ଧାର୍ମିକ ନେତାମନ୍ ଯୀଶୁକେ କୁଚର ହୋଏଲାଏ, ହାଇଟା କାଚେ ହାଏମନ୍ ଗୋଟ୍କିଲଗେ ରୁଣ୍ଢା ହୋଇ ଯୀଶୁ ଆରି ଲାଜାରକେ କନ୍ତା କରି ମର୍ତେ ମାରବୁ ବୋଲି ଯୋଜନା ବନାଏଲାଏ।

*ଯୋହନ ୧୧:୧-୪୬ ତାନର୍ ଗୋଟକ୍ କାଓନି*

## 28. ୨୮. ବେଣ୍ଡିଆ ଶାଅକାର ଧର୍ମଗୁରୁ

https://openbiblestories.org/l/dso-x-korapdesia/story-28/

![](https://cdn.door43.org/obs/jpg/360px/obs-en-28-01.jpg)

ଗୋଟକ୍ ଦିନ, ଗୋଟକ୍ ଭେଣ୍ଡିଆ ଧର୍ମଗୁରୁ ଶାଅକାର ଯୀଶୁର ଲଗେ ଆସି ତାକେ ପଚାରଲା, "ହେ ଅଛା ଆଜ୍ଞା, ଅନନ୍ତଜୀବନ ପାଏବା କାଚେ ମକେ କାଏ କରକେ ପଡ଼ସି୍?" ଯୀଶୁ ତାକେ ବଲା୍, "ତୁଇ ମକେ 'ଅଛା'କାଏକାଚେ ବଲବିଆସ୍? ମାତର ଏକଲା ଆକା ଆଛା ଆଏ ଆରି ହାଏ ମାପୃ ଆଏ। ମାତର ତୁଇ ଅନନ୍ତ ଜୀବନ ପାଏବା କାଚେ ଚାହେଁବିସ୍ ତେବେ ମାପୃର୍ ବ୍ୟବସ୍ଥା କେ ମାନ୍।"

![](https://cdn.door43.org/obs/jpg/360px/obs-en-28-02.jpg)

ମକେ କନ୍ କନ୍ ଆଜ୍ଞାମନକେ ମାନବାର ଦରକାର ଆଏ? ହାଏ ପଚାରଲା। ଯୀଶୁ ଉତ୍ତର ଦେଲା, "ହତ୍ଯା ନା କର। ବେବିଚାର ନାକର। ଚରି ନା କର। ମିଛ କଥା ନା ବଲ। ନିଜର ପିତା ମାତର୍ ସନମାନ୍ କର, ଆରି ନିଜର ପଢ଼ଶି କେ ନିଜର ଅନ୍ତା ପ୍ରେମ କର।"

![](https://cdn.door43.org/obs/jpg/360px/obs-en-28-03.jpg)

ମାତର୍ ହାଇ ଭେଣ୍ଡିଆ ମାନେ ବଲା୍, "ମୁଇ ପିଲା ଦାଏଲେ ଆକା ଏସବୁ ଆଜ୍ଞାମନକେ ମାନତେ ଆଏଲିନି। ମକେ ସବୁଦାୟ୍ ଜିବନ ରେବାକାଚେ ଏବେ ମିଶା କାଏଟା କରବାର ଦରକାର ଆଚେ?" ଯୀଶୁ ତାକେ ଦଖଲା ଆରି ତାକେ ପ୍ରେମ କରଲା।

![](https://cdn.door43.org/obs/jpg/360px/obs-en-28-04.jpg)

ଯୀଶୁ ଉତ୍ତର ଦେଲା, "ଯଦି ତୁଇ ସିଦ୍ଦ୍ ହୋଏବାକାଚେ ଚାହେଁବିସ୍ ତେବେ ଯାଇକରି ନିଜର ସବୁଟାକେ ବିକିଦେଶ୍ ଆରି ହାଇ ପଇସାକେ ଗରିବ ଲୋକେ ଦେଇଦେଶ, ଆଓରି ତକେ ସରଗେ୍ ଧନ ମିଲସି୍। ଆରି ଆସିକରି ମୋର ଅନଗମନ କର।”

![](https://cdn.door43.org/obs/jpg/360px/obs-en-28-05.jpg)

ଯନଟା ଯୀଶୁ ବଲା ଯେବେ ହାଇ ଭେଣ୍ଡିଆ ମାନେ ଶୁନ୍ଲା ତେବେ ବହୁତ ଉଦାସ ହୋଏଲା, କାଏକାଚେବଲେ୍ ହାଏ ବଡେ ଶାଅକାର ରେଲା ଆରି ତାର ସବୁ ସମ୍ପତି ଦେବା କାଚେ ନା ଚାହେଁତେରେଲା। ହାଏ ଯୀଶୁର ଲଗଲେ୍ ବାଆଢି୍ କରି ଉଠିଗଲା।

![](https://cdn.door43.org/obs/jpg/360px/obs-en-28-06.jpg)

ତାରପଚେ ଯୀଶୁ ନିଜର ଚେଲାମନେକେ ବଲା, "ପରମେଶ୍ବର ରାଜ୍ୟତି ଶାଅକାର ଲୋକ ଅଲବାଟା ବଡେ କଷ୍ଠ ଆଏ! ହା, ଗୋଟକ୍ ଶାଅକାର ଲୋକର୍ ମାପୃର୍ ରାଜ୍ୟତି ଅଲବାର ତୁଲନାତି କନି ଗୋଟକ୍ ଓଟ ସୁଯିର କାଣା ବାଟଲେ ଚିଙ୍ଗ୍ଡଡି୍ଯିବାଟା ସହଯ ଆଏ।"

![](https://cdn.door43.org/obs/jpg/360px/obs-en-28-07.jpg)

ଯନଟା୍ ଯୀଶୁ ବଲା ଯେବେ ଚେଲାମନଶୁନ୍ଲାଏ ତେବେ ହିଏମନ ଭକୁଆ ହୋଏଲାଏ, "ଯଦି ଏଟା ଅନ୍ତି ଆଏ ତେବେ ମାପୃ କାକେ ବାଚାଏସି୍ବେ?"

![](https://cdn.door43.org/obs/jpg/360px/obs-en-28-08.jpg)

ଯୀଶୁ ଚେଲାମନେକେ ଦଖଲା ଆରି ବଲା୍, "ଲୋକମନେକାଚେ ନିଜେ ନିଜକେ ବାଛାଏ ବାଟା ଅସମ୍ଭବ ଆଏ। ମାତର ମାପୃ କାଚେ କାଇଟା ମିଶା ଅସମ୍ଭବ ନୁଆଏ।”

![](https://cdn.door43.org/obs/jpg/360px/obs-en-28-09.jpg)

ପିତର ଯୀଶୁକେ ବଲା୍, "ହାମିସବୁ ଚେଲାମନ ନିଜର ସବୁଟା ଛାଢି୍ ତର ଅନୁଗମନ କରବୁଆଛୁ। ତେବେ ଆମର ପୁରୁଷ୍କାର କାଏଟା ହୋଏସିବବେ?"

![](https://cdn.door43.org/obs/jpg/360px/obs-en-28-10.jpg)

ଯୀଶୁ ଉତ୍ତର୍ ଦେଲା, "ହାଇ ସବୁ ଲୋକ ଯନମନ ମୋରଲାଗି ଘର, ଭାଇ, ଭଉଣୀ, ପିତା, ମାତା, ବେଟାବେଟି କି ସମ୍ପତିକେ ଛାଢ଼ଲାଆଚେ, ହାଏ ହାତାର୍ଲେ ୧୦୦ଗୁନା ଅଧିକ ପାଏସି୍ ଆଓରି ଅନନ୍ତଜୀବନ କେ ମିଶା ପାଏସି୍। ମାତର ବହୁତ ଲୋକ ଜନମନ ଆଗେ ଆଚେତ ହାଏମନ ପିଟିବାଟେ ହୋଏବାଏ ଆଓରି ବହୁତ ଲୋକ ଜନମନ ପିଟିବାଟେ ଆଚେତ ହାଏମନ ଆଗେ ହୋଏବାଏ।”

*ମାଥିଉ ୧୯:୧୬-୩୦; ମାର୍କ ୧୦:୧୭-୩୧; ଲୂକ ୧୮:୧୮-୩୦ ତିଲେ ଗୋଟକ୍ ବାଇବଲର୍ କାଓନି।*

## 29. ୨୯. ଦୟା ନା କର୍ବା ଦାସର୍ କାଓନି

https://openbiblestories.org/l/dso-x-korapdesia/story-29/

![](https://cdn.door43.org/obs/jpg/360px/obs-en-29-01.jpg)

ଗଟ୍ ଦିନ୍, ପିତର ଯୀଶୁକେ ପଚାରଲାଏ, "ହେ ପ୍ରଭୁ, ମୋର ଭାଇ ଯେବେମୋର ବିରୁଦ୍ଧତି ପାପ କରସି୍ ତେବେ ତାକେ ମୁଇ କେତେହାର କ୍ଷମା କରକେ ପଡ଼ସି୍? ସାତହାରଲେ କି? ଯୀଶୁ ଉତ୍ତର ଦେଲା, "ସାତହାର ନୁଆଏ, ମାତର ସାତକେ ସତରିହାର!" ଏତାର ଦ୍ୱାରା ଯୀଶୁର୍ ଅର୍ଥ ଆଏ କି ହାମକେ୍ ସବୁଦାୟ୍ କ୍ଷମାକରକେ ପଡ଼ସି୍। ତେବେ ଯୀଶୁ ଏ କାଓନି ସାଙ୍ଗ୍ଲା୍।

![](https://cdn.door43.org/obs/jpg/360px/obs-en-29-02.jpg)

ଯୀଶୁ ବଲା୍, "ପରମେଶ୍ବରର ରାଜ୍ୟ ଗୋଟକ୍ ରାଜାର ସମାନ ଆଏ ଯନ୍କି ନିଜର ଦାସମନ ତାନଲେ ହିସାବ ନେବାକାଚେ ଚାହେଁଥେରେଲା। ତାର୍ ଗୋଟକ୍ ଦାସ ୨, ୦୦, ୦୦୦ ବର୍ଷର ମଜୁରୀର ଏକ ବଡ଼ ଋଣର ଋଣୀ ରେଲା।”

![](https://cdn.door43.org/obs/jpg/360px/obs-en-29-03.jpg)

ମାତର ହାଏ ଦାସ ନିଜର ଋଣକେ। ଦେଏକେ ନାପାରଲା, ଇଟାକାଜେ ରାଜା ବଲା୍, "ଏତାର ଋଣ ଭରବା କାଚେ ଏକେ ଆରି ଏତାର୍ ପରିବାରକେ ଚାକରଭାବେ ବିକିଦିଆସ୍।”

![](https://cdn.door43.org/obs/jpg/360px/obs-en-29-04.jpg)

ହାଇ ଦାସ(ଚାକର)ରାଜାର ଆଗେ ମାଡିକୁଠା ଦେଇ ବଲା୍, 'ମକେ ଦୟାକର ମୋର ସବୁ ଋଣ ପଇସା ଦେଇଦେବି। 'ରାଜା ତାକେ ଦୟାକରଲା, ଏଠାକାଚେ ହାଇ ତାର ସବୁ ଋଣକେ ଛାଢିଦେଲା ଆରି ତାକେ ଯାଏକେ ଦେଲା।

![](https://cdn.door43.org/obs/jpg/360px/obs-en-29-05.jpg)

ମାତର୍ ଯେବେ ହାଇ ଦାସ ରାଜାଲଗଲେ୍ ବାହାରି ଗଲା, ତେବେ ତାରିସଙ୍ଗର ଗୋଟକ୍ ଦାସକେ ବେଟପାଏଲା ଯନକି ତାର ଚାର ମାସର କାମକରଲା ପଇସା ନାଦେଇରେଲା। ହାଇ ଦାସ ତାକେ ଦରଲା ଆରି ବଲା୍, 'ମୋର ଯନ ପଇସା ତୁଇ ଲାଗିଲିଆଚିସ୍ ହାଇଟା ମକେଦେ!

![](https://cdn.door43.org/obs/jpg/360px/obs-en-29-06.jpg)

ତାର ସଙ୍ଗର ଦାସ ତାର ଆଗେ ମାଡିକୁଠା ଦେଇ ବଲା୍, 'ମୋକ ଦୟାକର ମୁଇ ସବୁ ପଇସା ଦେଇଦେବି।' ମାତର୍ ଏତାର ବଦଲେ ହାଇ ଦାସ ତାର ସାଥି ଦାସକେ ଥାନାତି ଦେଇଦେଲା ଜଡ଼ଦାଏଲେ ତାର ସବୁ ପଇସାକେ ହାଏ ନାଦେ।

![](https://cdn.door43.org/obs/jpg/360px/obs-en-29-07.jpg)

ଜନଟା୍ ହୋଏଲା୍ କେତେକ ଅଳାଗା ଦାସମନ ଦଖଲାଏ ଆରି ରିଶା ହୋଏଲାଏ। ହାଏମନ୍ ରାଜା ଲଗେ ଯାଇ ସବୁ କଥାକେ ସାଙ୍ଗଲାଏ।

![](https://cdn.door43.org/obs/jpg/360px/obs-en-29-08.jpg)

ରାଜା ହାଇ ଦାସକେ ଡାକିକରି ବଲା୍, 'ହେଏ ଦୁଷ୍ଟ ଦାସ! ତର ଋଣକେ ମୁଇଏଟା କାଚେ୍ କ୍ଷମା କରିରଲି କି ତୁଈ ମକେ ଅନୁରୋଧ କରିରେଲସି୍। ତକେ ମିଶା ଅନ୍ତି ଆକା କରବାର ରେଲା।' ରାଜା ଅତକ ରିଷା ରେଲା୍ କି ହାଇ ଦୁଷ୍ଟ ଦାସକେ ଥାନାତି ଦେଇଦେଲା ଜଢ଼ଦାଏଲେ ହାଏ ସବୁଋଣ ପଇସା ନାଦେ।

![](https://cdn.door43.org/obs/jpg/360px/obs-en-29-09.jpg)

ତାରପାଚେ ଯୀଶୁ ବଲା୍, "ଯଦି ତମି୍ ତମର ଭାଈକେ ହୃଦୟ ସଙ୍ଗେ କ୍ଷମାନାକରାସ୍ ତେବେ ମୋର ସରଗର ପିତା ମିଶା ତମକେ ଅନ୍ତି କରସି୍।”

*ମାଥିଉ ୧୮:୨୧-୩୫ ତିଲେ ଗୋଟକ୍ ବାଇବଲର କାଓନି।*

## 30. ୩୦. ଯୀଶୁ ୫ହଜାର ଲୋକେ୍ ଖାଦି ଖୁଆଉଆଏ

https://openbiblestories.org/l/dso-x-korapdesia/story-30/

![](https://cdn.door43.org/obs/jpg/360px/obs-en-30-01.jpg)

ଯୀଶୁ ନିଜର ପ୍ରେରିତମନକେ ପ୍ରଚାର କରବା କାଚେ୍ ଆରି ଶିକ୍ଷାଦେବାକାଚେ ଅଳଗା ଅଳଗା ଗାଁଓମନତି ପଟାଏଲା୍। ଯେବେ ହାଏମନ୍ ଯୀଶୁର୍ ଲଗେ୍ ଲେଓଟି ଆସ୍ଲାଏ ତେବେ ହାଇସବୁକେ ସାଙ୍ଗ୍ଲା୍ଏ ଜନଟା୍ ହାଇମନ କରିରେଲାଏ। ତାରପଚେ ଯୀଶୁ ସମୁଦ୍ରର ହାଏପାକ ଗୋଟକ୍ ଶୂନଶାନ ଜାଗାତି ବିସାଏବା କାଚେ୍ ତିକେ ବଲା୍। ହାଇଟାକାଛେ୍ ହାଏମନ୍ ଗୋଟକ୍ ଡଙ୍ଘାତାନେ ଚେଗି ହାଏଖାପ ଗଲାଏ।

![](https://cdn.door43.org/obs/jpg/360px/obs-en-30-02.jpg)

ମାତର ହାଇଲେଗେ ଠଖାଲୋକ୍ ରେଲାଏ ଜନମନ ଯୀଶୁ ଆରି ଚେଲାମନେକେ ଡଙ୍ଘାତି ଯିବାର୍ ଦଖଲାଏ। ଇମନ ତିକରଲେ ଆଗେ ସମୁଦ୍ରର ହାଏକାପ କେଟବାକାଚେ ପାଲିପାଲି ପଲାଏଲାଏ। ଯେବେ ଯୀଶୁ ଆରି ଚେଲାମନ କେଟଲାଏ ତେବେ ହାଏତି ଠଖାଲୋକ୍ ତିକେ ଜାଗିରେବାର ଦକଲାଏ।

![](https://cdn.door43.org/obs/jpg/360px/obs-en-30-03.jpg)

ହାଇଲୋକମନ୍ ସ୍ତ୍ରୀ ଆରି ପିଲଟକେ ଛାଡିକରି ୫, ୦୦୦ଲେ ଅଧିକ ମାନେମନ ରେଲାଏ। ଯୀଶୁ ତିକେ ବଡେ ଦୟାଦଖାଏଲା। ଯୀଶୁରକାଚେ ହାଏମନ୍ ବିନା ଗାଏଦରିର ମେଣ୍ଢାମେଣ୍ଢି ଅନ୍ତା ରଲାଏ। ହାଇଟାକାଛେ୍ ହାଏମନକେ ହାଇ ଶିକ୍ଷା ଦେଲା ଆରି ଜତକ ଲୋକେ ତିକର ଭିତେରେ ରଗୀ ରେଲାଏ ହାଏମନକେ ସବୁକେ ଠିକ୍ କରଲା।

![](https://cdn.door43.org/obs/jpg/360px/obs-en-30-04.jpg)

ସଞ୍ଜଦାଏ, ଚେଲାମନ ଯୀଶୁକେ ବଲାଏ, "ଏବେ ଦେର ହୋଏଲାବେ ଆରି ଇଲଗାଲଗି କନି ଗାଓ ନିଆଏ। ଇକେମନ ଯାଏକେଦେଶ ଯମତା କି ଏମନ ନିଜରକାଚେ ଖାଦି ଗେନବାଏ।"

![](https://cdn.door43.org/obs/jpg/360px/obs-en-30-05.jpg)

ମାତର ଯୀଶୁ ଚେଲାମନେକେ ବଲା୍, "ତମି ଏମନେକେ ଖାଏବାକାଚେ କାଇଟା ଦିଆସ!" ହାଏମନ ଉତ୍ତର ଦେଲାଏ, "ହାମିଏଟା କନ୍ତାକରି କରକେ ପାରୁ? ହାମର ଲଗେ କଲି ୫ଟା ରଟୀ ଆରି ଦୁଇଟା ସାନ ମାଛ ଆଚେତ।”

![](https://cdn.door43.org/obs/jpg/360px/obs-en-30-06.jpg)

ଯୀଶୁ ନିଜର ଚେଲାମନେକେ ବଲା ତମି ଇ ଲୋକମନକେ ଚାରାତି ପଚାଶ ପଚାଶ ଲୋକର ଦଳ ହୋଇ ବସବା କାଚେ ବଲା।

![](https://cdn.door43.org/obs/jpg/360px/obs-en-30-07.jpg)

ପାଚେ ଯୀଶୁ ହାଇ ୫ଟା ରଟୀ ଆରି ୨ଟା ମାଛ କେ ନେଇକରି ସରଗ୍ ବାଟେ ଦଖଲା, ଆରି ହାଇ ଖାଦି କାଚେ ପରମେଶ୍ବରକେ ଧନ୍ୟବାଦ ଦେଲା।

![](https://cdn.door43.org/obs/jpg/360px/obs-en-30-08.jpg)

ତାର୍ପାଚେ ଯୀଶୁ ରଟୀକେ ଆରି ମାଛକେ ଖଣ୍ଡ ଖଣ୍ଡ କରଲା। ହାଏ ଲୋକମନକେ ଦେବାକାଚେ ନିଜର ଚେଲାମନେକେ ହାଇଟାକେ ଦେଲା। ଚେଲାମନ ହାଇ ଖାଦ୍ୟକେ(ଭଜନ)କେ ବାଟା କରତେରେଲାଏ, ଆରି ହାଇଟା ନାଶରଲା! ହାଏମନ ସବୁ ଖାଇକରି ତୃପ୍ତ ହୋଏଲାଏ।

![](https://cdn.door43.org/obs/jpg/360px/obs-en-30-09.jpg)

ଏତାରପାଚେ, ଚେଲାମନ ହାଇ ଖାଦିକେ ଗଟକି ଲଗେକରଲାଏ ଯନଟାକେ ହାଏଲୋକମନ ଖାଏକେ ନାପାରଲାଏ ଆରି ହାଇ ଖାଦ୍ୟ ୧୨ ଟପଳିତି ଭରତି ହୋଏତା! ଇସବୁ ଖାଦ୍ୟ ହାଇ ୫ଟା ରଟୀ ଆରି ୨ଟା ମାଛତାନଲେ ହୋଇରେଲାଏ।

*ମାଥିଉ ୧୪:୧୩-୨୧; ମାର୍କ ୬:୩୧-୪୪;  ଲୂକ ୯:୧୦-୧୭; ଯୋହନ ୬:୫-୧୫ ତାନଲେ ଗୋଟକ୍ ବାଇବଲର କାଓନି।*

## 31. ୩୧. ଯୀଶୁ ପାଣି ଉପରେ ହିଣ୍ଡଲା

https://openbiblestories.org/l/dso-x-korapdesia/story-31/

![](https://cdn.door43.org/obs/jpg/360px/obs-en-31-01.jpg)

ଯୀଶୁ ପାଂଚ ହଜାର୍ ଲୋକ୍ କେ ଖୁଆୟେଲା ପାଚେ, ଯୀଶୁ ନିଜର୍ ଚେଲାମନ୍ କେ ଦଂଗା ତି ଯିବାକାଜେ କଏଲା। ଯୀଶୁ ହାଏମନ୍ କେ ସମୁଦର୍ ହାଏପାଟ୍ ଯିବା କାଜେ କଏଲା ଜେଡ୍ ଦାଏ କୋଲ୍ ହାଏଲେଗେ ରେଇ ଗଲାଏ। ଅଉରି ଚେଲାମନ୍ ଉଟିଗଲାଏ ଅଉରି ଯୀଶୁ ଲୋକ୍ ମନ୍ କେ କଏଲା ନିଜର୍ ନିଜର୍ ଘୋରେ ଯା। ତାର୍ ପାଚେ, ଯୀଶୁ ପାର୍ଥନା କରବାକାଜେ ଗଟେକ୍ ଦଂଗରୀ ଉପରେ ଗଲା। ହାଏଥାନେ ଯୀଶୁ ଏକେଲା ରେଲା, ଅଉରି ଯୀଶୁ କେତେକ୍ ରାତି ଲେ ପାର୍ତନା କର୍ ଲା।

![](https://cdn.door43.org/obs/jpg/360px/obs-en-31-02.jpg)

ହାଡ଼କିଦାଏ, ଚେଲମନର୍ ଦଂଗା ସମୁଦର୍ ମଜୀ ଲେଗେ ରେଲା, ମାତର୍ ପବନ୍ ଅଧିକ୍ ତଲମଲ୍ ହେତେ ରେଲା। ଅଧିକ ରାତି ହେଲା ପାଚେ ମିସା ସମୁଦର୍ ମଜୀ ଲେଗେ ଆକା ରେଲାଏ।

![](https://cdn.door43.org/obs/jpg/360px/obs-en-31-03.jpg)

ହଡିକିଦାଏ ଯୀଶୁ ପାରଥନା କରବାଟା ସରାଏ ରେଲା ଅଉରି ନିଜର୍ ଚେଲାମନ୍ ଲେଗେ ଯିବା କାଜେ ଆରମ୍ କର୍ ଲାଏ। ହାଏ ଦଂଗା ବାଟେ ଯିବା କାଜେ ପାନୀ ଉପରେ ହିଂଡିତେ ରେଲା।

![](https://cdn.door43.org/obs/jpg/360px/obs-en-31-04.jpg)

ହଡିକିଦାଏ ଚେଲାମନ୍ ତାକେ ଦକ୍ ଲାଏ। ହାଏ ମନ୍ ଦରି ଗଲାଏ ହାଏମନ୍ ଭାବଲାଏ କି ହାଏଟା ଗଟକ୍ ଭୁତ୍ ଆଏ। ଯୀଶୁ ଜାନତେ ରେଲା କି ହାଏମନ୍ ଡରି ଯାଇ ରେଲାଏ, ହାଏଟା କାଜେ ହାଏ ହାଏମନ୍ କେ କଲାର୍ ହେଇ କରି କଇଲାଏ, ”ନା ଡରା ଏଟା ମୁଇ ଆଏ।”

![](https://cdn.door43.org/obs/jpg/360px/obs-en-31-05.jpg)

ତେବେ ପିତର୍ ଯୀଶୁ କେ କଇଲା, “ ହେ ଗୁରୁ, ଯଦି ଏଟା ତୁଇ ଆସ୍, ତେବେ ମକେ ପାନୀ ଉପରେ ହିଂଡି କରି ତର୍ ଲେଗେ ଆଏବା କାଜେ ଅଦେଶ୍ ଦେ।” ଯୀଶୁ ପିତର୍ କେ କଇଲା “ଆଅ!”

![](https://cdn.door43.org/obs/jpg/360px/obs-en-31-06.jpg)

ତେବେ ପିତର୍ ଦଂଗା ତିଲେ ଉତରି ଅଉରି ଯୀଶୁ ଲେଗେ ଯିବା କାଜେ ପାନୀ ଉପରେ ହିଣ୍ଡବା କାଜେ ଆରମ୍ କାର୍ଲା। ମାତର୍ କେତେକ୍ ଦୁର୍ ହିଂଡି କରି, ହାଏ ତାର୍ ଅକି କେ ଯୀଶୁ ଲେଗଲେ ଗୁଚାଏଲା ଅଉରି ପାନୀର୍ ଟଲମଲ୍ ଅଉରି ଅଧିକ ପବନ୍ ଆଏବାଟା ଟା କେ ଦକ୍ ବା ଟା ଆରମ୍ କାର୍ଲା।

![](https://cdn.door43.org/obs/jpg/360px/obs-en-31-07.jpg)

ତେବେ ପିତର୍ ଦରିଗଲା ଅଉରୀ ପନିତି ବୁଡ଼ତେ ଗଲା। ହାଏ କଲାର୍ ହେଇ, “ହେ ଗୁରୁ ମକେ ବାଚା!” ଯୀଶୁ ହଡକି ଦାଏ ହାଥ୍ ଲମାଏ କରି ତାକେ ଧରଲା। ତେବେ ହାଏ ପିତର୍ କେ କଏଲା, “ତର୍ ବିସବାସ୍ ବହୁତ୍ କମ୍ ଆଚେ! ମୁଇ ଯେ ତକେ ରକ୍ୟା କରବୀ ଏଟା ତୁଇ କାଏକାଜେ ସମପୁରନ୍ ବିସବାସ୍ ନା କରବି ଅଚିସ୍?”

![](https://cdn.door43.org/obs/jpg/360px/obs-en-31-08.jpg)

ହଦିକୀଦାଏ ଯୀଶୁ ଅଉରୀ ପିତର୍ ଦଂଗା ଉପ୍ରେ ଚେଗ୍ ଲାଏ, ଅଉରି ହଡିକିଦାଏ ପବନ୍ ଆଏବାଟା ଥେବଲା। ପାନୀ ସାନ୍ତି ହେଇଗଲା। ଚେଲାମନ୍ ଯିଶୁର୍ ଛାମେ ପାଏପଡିଲାଏ। ହାଏମନ୍ ତାର୍ ଆରାଧନା କର୍ ଲାଏ ଅଉରି ତାକେ କଏଲାଏ, ସତ୍ କତା ତୁଇ ପରମେସ୍ବରର୍ ବେଟା ଆସ୍।”

*ମାଥିଉ ୧୪ :୨୨-୨୩, ମାର୍କ୍ ୬:୪୫ -୫୨, ଯୋହନ୍ ୬:୧୬ -୨୧ ତାନର୍ ଗୋଟୋକ୍ ବାଇବଲର୍ କାଓନି।*

## 32. ୩୨. ଯୀଶୁ ଭୁତ୍ ଧରଲା ମାନେକେ ଅଉରି ଗଟକ୍ ବିମାର୍ ବାଏଲେ କେ ସୁସ୍ଥ କର୍ଲା

https://openbiblestories.org/l/dso-x-korapdesia/story-32/

![](https://cdn.door43.org/obs/jpg/360px/obs-en-32-01.jpg)

ଯୀଶୁ ଅଉରି ତାର୍ ଚେଲାମନ୍ ନିଜର୍ ଦଂଗାତି ହାଏ ଜାଗାଥାନେ ଗଲାଏ ଜନ୍ଥାନେ ଗୋଦରିମନ୍ ରେତେ ରେଲାଏ ହାଏମନ୍ ହାଏ ଜାଗାତି ଖେଟିକରି ଦଂଗା ତିଲେ ଉତର୍ ଲାଏ।

![](https://cdn.door43.org/obs/jpg/360px/obs-en-32-02.jpg)

ହାଏତି ଗଟକ୍ ମାନେକେ୍ ଭୁତ୍ ଧରିରେଲା।

![](https://cdn.door43.org/obs/jpg/360px/obs-en-32-03.jpg)

ହାଏ ମାନେ ଏତିକି ଶକ୍ତିଶାଳୀ ରେଲା ଅଉରି କନୀ ମିଶା ତାକେ ଶିକିଲେ ସେଂଗେ ବାଂଦୀ ଆରାଏ କେ ନା ପାର୍ତେ ରେଲାଏକେତେକ୍ ହାର୍ ଲୋକମନ୍ ତାର୍ ହାଥ୍ ଅଉରି ଗଡ୍ କେ ଶିକିଲାତି ମିଶା ବନ୍ଦେଲାଏ, ମାତର୍ ହାଏ ହାଏଟା କେ ମିଶା ଛିଡାଏ ଦେତେରେଲା।

![](https://cdn.door43.org/obs/jpg/360px/obs-en-32-04.jpg)

ହାଏ ମାନେ ହାଏଥାନର୍ ମଡାଭାଟି ତି ରେତେରେଲା ହାଏ ମାନେ ସବୁ ଦନଗରୀ ପରବତ୍ ଥାନେ କଲାର୍ ହଇ ହଇ ବୁଲତେ ରେଲା ହାଏ ଫାଟି ପିନ୍ଦେତେ ନା ରେଲା ଆଉରି ନିଜେ ପକନା ତି ମାରୀ ହଇ ତାର୍ ଗାଗର୍ କେ ଖଣ୍ଡିଆ କର୍ ତେ ରେଲା।

![](https://cdn.door43.org/obs/jpg/360px/obs-en-32-05.jpg)

ହାଏ ମାନେ ପଲାଏ କରି ଯୀଶୁ ଲେଗେ ଆଏଲା ଅଉରି ତାର୍ ଆଗେ ପାଏପଡିଲା ତେବେ ଯୀଶୁ ହାଏ ମାନେ ଭିତ୍ ରେ ରେଲା ଭୁତ୍ ସେଂଗେ କତାହେଲା ଅଉରି କଇଲା, ଏ ମାନେ ତିଲେ ବାରେ ନିକିରୀ ଆଅ!”

![](https://cdn.door43.org/obs/jpg/360px/obs-en-32-06.jpg)

ହାଏ ଭୁତ୍ କଲାର୍ ହଏଲା, “ହେ ଯୀଶୁ, ଶକ୍ତିମାନ୍ ପରମେସ୍ବରର୍ ବେଟା ମୋର୍ ସେଂଗେ ତୋର କାୟ କାମ୍? ଦୟାକରି ମକେ ନା ତଡପା ତେବେ ଯୀଶୁ ହାଏ ଭୁତ୍ କେ ପଚାର୍ ଲା ତୋର୍ ନାଅ କାଏଟା ଆୟ?”ହାଏ କଏଲା, ମୋର୍ ନାଆ ବାହିନୀ ଆଏ, କେନ୍ତାବଲେ ଆମି କେତେକ୍ ଆଚୂ।”

![](https://cdn.door43.org/obs/jpg/360px/obs-en-32-07.jpg)

ହାଏ ଭୁତ୍ ମନ୍ ଯୀଶୁ କେ ବିନତୀ କର୍ ଲାଏ, “ଦୟାକରି ହାମକେ ଏ ଜାଗା ତିଲେ ନିକ୍ ରାଏ ନା ଦେଶ୍!”ହାଏ ଲେଗେ ବରିଆ ମନର୍ ଗଟକ୍ ଭିଡ୍ ରେଲା। ହାଏଟାକାଜେ ହାଏ ଭୁତ୍ ମନ୍ ଯୀଶୁ କେ ବିନତୀ କର୍ ଲାଏ କି ହାମ୍ କେ ଦୟାକରି ହାଏ ବରିଆ ମନତି ପଟାଏ ଦେଶ୍! ”ଯୀଶୁ କଏଲା, ଭୋଲ୍ ଆଏ ହାଏତି ଯାଅ!”

![](https://cdn.door43.org/obs/jpg/360px/obs-en-32-08.jpg)

ଏବେ ହାଏ ଭୁତ୍ ମନ୍ ହାଏ ମାନେ ତିଲେ ନିସ୍ କି କରି ହାଏ ବରିଆ ମନ୍ ବିତରେ ଗଲାଏ। ହାଏ ବରିଆ ମନ୍ ପଲାଏ ଯାଇ ଗଟକ୍ ନଦୀତି ଡଗାଏଲାଏ ଅଉରି ବୁଡି ମର୍ ଲାଏ। ହାଏ ଭିଡ୍ ଥାନେ ଅଧିକ୍ ଲେ ଅଧିକ୍ ୨୦୦ ଟା ବରିଆ ମନ୍ ରେଲାଏ।

![](https://cdn.door43.org/obs/jpg/360px/obs-en-32-09.jpg)

ହାଏ ଥାନେ ବୋରିଆ ଚରାଉ ମାନେମୋନ୍ ରେଲାଏ ଜନ୍ ଟା ହାଏତି ହେଏତେ ରେଲା ହାଏ ମନ୍ ଦକ୍ ବା କାଜେ ସହରେ ପଲାଏଲା ଯିଶୁ ଜନ୍ କତା ବଲି ରେଲାଏ ଇ କତା ଲକ୍ ମନ୍ କେ କଏଲା। ଆରି ଜନ୍ ମନ୍ ଦକି ରେଲାଏ ହାଏ ମନ୍ ଭୁତ୍ ଧରଲା ମାନେ କେ କେନ୍ ତା ହଇ କାଏ ଘଟନା ଘଟ ଲା ଆଚେ ବଲି ଦକେ ଆଏଲା। ହାଏ ଭୁତ୍ ଧରଲା ମାନେକେ ଫାଟି ପିନ୍ଦୀ ଭଲ ମନ ତି ବସି ରେଲା।

![](https://cdn.door43.org/obs/jpg/360px/obs-en-32-10.jpg)

ହାଏ ଲକ୍ କେତେକ୍ ଡୋରୀ ରେଲାଏ ଆଉରି ହାଏମନ ଯୀଶୁ ଥାନଲେ ଉଟି ଯିବା କାଜେ କୋହିଳାଏ, ତେବେ ଯୀଶୁ ଦଂଗା ଥାନେ ଚେଗ୍ ଲା। ହାଏ ମାନେ ଜାକେ ଭୁତ୍ ଧରିରେଲା ହାଏ ଯୀଶୁ ସେଂଗେ ଯିବା କାଜେ ବିନ୍ତି କାର୍ଲା।

![](https://cdn.door43.org/obs/jpg/360px/obs-en-32-11.jpg)

ମାତର୍ ଯୀଶୁ ହାଏ ମାନେ କେ କଏଲା, “ନାହି ମୁଇ ଚାଇବି ଆଚି କି ତୁଇ ଘରେ ଯାଇକରି ସବୁକେ ସାଂଗ୍ କି ପରମେସ୍ବର୍ ତର୍ କାଜେ କାଏଟା କର୍ଲା। ହାଏମନ୍ ସାଂଗ୍ କି ପରମେଶ୍ବର୍ କେନ୍ତା ତର୍ ଉପରେ ଦୟା କର୍ଲା।”

![](https://cdn.door43.org/obs/jpg/360px/obs-en-32-12.jpg)

ଇଟା କାଜେ ହାଏ ମାନେ ଉଟି ଗଲା ଅଉରି ସବୁକେ ଏ କତା ସାଂଗ୍ ଲା ଜନ୍ଟା ଯୀଶୁ ତାର୍ ସେଂଗେ କରି ରେଲା ତାର୍ କତାନୀ ସୁନୀବା ଲୋକ୍ ମନ୍ କାବା ହଇ ଗଲାଏ।

![](https://cdn.door43.org/obs/jpg/360px/obs-en-32-13.jpg)

ଯୀଶୁ ସମୁନ୍ଦର୍ ଆଲଗା ବାଟେ ଲେଉଟି ଆସ୍ ଲାଏ ତାର୍ ହାଏତି ଖେଟ୍ ଲା ପାଚେ, ଗଟକ୍ ବଡ଼େ ଲୋକ୍ ମନ୍ ଗାଦା ହଇ ରେଲାଏ ଅଉରି ତାକେ ଠେଗ୍ ଲା ଠେଗଲୀ କରତେ ରେଲାଏ ହାଏ ଲୋକ୍ ମନର୍ ଭିଡ୍ ତାନେ ଗଟକ୍ ବାଏଲେ ରେଲା ହାଏ ବାର ବରସ୍ ଲେ ତରନୀ ବେମାର୍ ଥାନେ ପଡିରେଲା। ହାଏ ତାର୍ ସବୁ ଦାବୁ କାସୁ ନୁକୁ ହେବାକାଜେ ସରାଏ ଦେଇ ରେଲା। ହାଏମନ୍ ତାକେ ଭୋଲ୍ କରି ପାର୍ ବାଏ, ମାତର୍ ତାର୍ ବେମାର୍ ଅଉରି ଅଧିକ୍ ବିଗଡ଼ ତେ ଗଲା।

![](https://cdn.door43.org/obs/jpg/360px/obs-en-32-14.jpg)

ହାଏ ସୁନୀ ରେଲା କି ଯୀଶୁ କେତେକ୍ ବେମାର୍ ଲୋକ୍ କେ ଭଲ୍ କରି କାର୍ଲା ଆଚେ ଅଉରି ହାଏ ବବ୍ଲା, “ ତେବେ ମୁଇ ଯଦି ଯିଶୁର୍ ଫାଟିକେ ମିଶା ଚିଇଲୀ ବଲେ ତେବେ ମୁଇ ଭଲ୍ ହୋଇ ଜୀବୀ!”ହାଏଟା କାଜେ ହାଏ ଯୀଶୁର୍ ପିଟିବାଚେ ଆସି ତାର୍ ଫାଟିକେ ଛି ଦେଲା। ଜେନ୍ତି ହାଏଯୀଶୁ କେ ଛିଲା, ତାର୍ ବେମାର୍ ଭଲ୍ ହେତେଗଲା।

![](https://cdn.door43.org/obs/jpg/360px/obs-en-32-15.jpg)

ସଂଗେ ସଂଗେ ଯୀଶୁ ଜାନଲା କି ତାର ଥାନଲେ ଶକ୍ତି ନିକର୍ଲା ହାଏଟା କାଜେ ପିଟି ଉଲଟୀ କରି ପଚାରଲ୍, ”ମୋକେ କନାଏହେଲେ ଛିଇଁଲାଏ?” ଚେଲାମନ୍ ଉତର୍ ଦେଲାଏ, ଇଥାନେ କେତେକ୍ ଲୋକ୍ ତର ଚାରିବେର୍ନେଏଟା କେ ଭିଡ଼ହେଲା ଆଚତ୍, ଅଉରି ତକେ ଠେଗଲ୍ ବା ଆଚତ୍ ତେବେ ତୁଇ କାଏଟା କାଜେ ପଚାରବୀଆସିସ୍ କି ମକେ କନାଏ ଛିଇଁଲାଏ?”

![](https://cdn.door43.org/obs/jpg/360px/obs-en-32-16.jpg)

ହାଏ ବାଏଲେ ଯିଶୁର୍ ଛମେ ଥର୍ ଥରି କରି ଅଉରି ଭାରୀ ଡୋରୀ କରି ନିଜେ ମାଣ୍ଡି ଖୁଟା ଦି ବସଲା ତେବେ ହାଏ ତାକେ କହିଦେଲା ହାଏ କାଏ କର୍ଲା ଆଚେ, ଆଉରି ଏଟାମିସା ଆଏକି ହାଏ ଠିକହେଲା ଯୀଶୁ ତାକେ ବଲ୍ଲା, “ତର୍ ବିଶବାସ୍ ତକେ ଶୁସ୍ତୋ କର୍ଲା ଶାନ୍ତି ଥାନେ ଯା। ଗୋଟକ୍

*ମାଥିଉ ୮:୨୮-୩୪ ; ୯:୨୦ -୨୨; ମାର୍କ ୫:୧-୨୦; ୫:୨୪-୩୪; ଲୁକ୍ ୮:୨୬-୩୯; ୮:୪୨-୪୮ ବାଇବଲର୍ କାଓନି।*

## 33. ୩୩. ଗଟେକ୍  ବିଆନ୍ ବୁନୁର୍ କଥାନି

https://openbiblestories.org/l/dso-x-korapdesia/story-33/

![](https://cdn.door43.org/obs/jpg/360px/obs-en-33-01.jpg)

ଗଟକ ଦିନ ଯୀଶୁ ଗାଲିଲି ସମୁଦ୍ ପାଲିକେ ରେଲା ଅଉରୀ ଖୁବେ ଲୋକ ତାର ଲଗେ ବେରନେ କେ ରୁଣ୍ଡ୍ଳାୟ ଅଉରୀ ଯୀଶୁ ସମୁଦର୍ ଡୋଂଗା ତି ଯାଇ ବସଲା ଅଉରି ସବୁ ଲକ୍ ସମୁଦ୍ ପାଲିକେ ଠିଆ ଉଟି ରେଲୟା ତେବେ ହାଇ ହାଇମୋନକେ ଶିକ୍ଷା ଦେବାର୍ ମୁଲାଏଲା।

![](https://cdn.door43.org/obs/jpg/360px/obs-en-33-02.jpg)

ଯୀଶୁ ସେମାନଙ୍କୁ ଏହି କାହାଣୀ କହିଥିଲେ, "ଜଣେ କୃଷକ ମଞ୍ଜି ବୁଣିବାକୁ ବାହାରକୁ ଗଲା। ସେ ନିଜ ହାତରେ ମଞ୍ଜି ବିଛାଇ ଦେଉଥିବା ବେଳେ କିଛି ମଞ୍ଜି ରାସ୍ତାରେ ପଡିଗଲା। କିନ୍ତୁ ପକ୍ଷୀମାନେ ଆସି ସମସ୍ତଙ୍କୁ ଖାଇଲେ।”

![](https://cdn.door43.org/obs/jpg/360px/obs-en-33-03.jpg)

ଦୂତିୟ ବିୟାନ ପକନା ରେଲା ଭୂମି ଥାନେ ଘସରଲା ଜନତି କି ବହୁତ କମ ମାଟି ରେଲା ପକନା ରେଲା ଭୂଈ ଥାନେ ଗସରଲା ବିୟାନ ଯପରୀ ଆକରଲା, ମାତର ତାକର ଚେର ଭୁଈ ଭିତରେ ଯାଇ ନା ରେଲା ଯେବେ ବେଲ ଉଦଲା ଆଉରି ଖରା ଛେକବା କେ ମୁରଜି କରି ମରିଗଲା।

![](https://cdn.door43.org/obs/jpg/360px/obs-en-33-04.jpg)

ଆଉରି କେତେକ ବିୟାନ ଲଟା ବୁଟା ଭିତରେ ଘସରଲା ହାଇ ବିୟାନ ମନ ଆକରବାର ଆରମ ହେଲା, ମାତର କାଟାବୁଟା ମନ ହାଏଟା କେ ଚାପିଦେଲା ହାଇଟା କାଜେ କାଟା ରେଲା ଭୂମି ଥାନେ ଗସରଲା ବିୟାନ ଥାନଲେ କୋନି ଟା ମିଶା ଫଲ ଦରକେ ନା ପାରଲା।

![](https://cdn.door43.org/obs/jpg/360px/obs-en-33-05.jpg)

ଆଉରି କେତକ ବିୟାନ ଭଲ ଭୂଈ ଥାନେ ଗସରଲା ଆଉରି ଗାଜା ହଈ କନଟା ୩୦, ୬୦, ଆଉରି ୧୦୦ଗୁନ ଉତ୍ପ୍ନ କରଲା କନୀ ମିଶା ପରମେଶ୍ଵରର ପିଛେ ଚାଲବାକେ ଚାହେବା ଆଚାସ ହାଇମନ ହାଇକଥାକେ ଧୀୟାନ ଦୀୟାସ ଯନଟା ମୁଇ କହିବୀ ଆଛି।

![](https://cdn.door43.org/obs/jpg/360px/obs-en-33-06.jpg)

ଏ କଥାନୀ ଚେଲାମୋନକେ ଗୋଡବଡଥାନେ ଡାଲିଦେଲା ହାଇଟାକାଜେ ଯୀଶୁ ବୁଜାଇଲା”ହାଇ ବିୟାନପରମେଶ୍ଵରର୍ ବାକ୍ୟ ଆହେ ଆହେ ବାଟ୍ ଗୋଟକ୍ ଅନ୍ତି ମାନେ ଆହେ, ଜନ୍ ପରମେଶ୍ବରର୍ ବାକ୍ୟ କେ ସୁନୁଆ, ମାତର୍ ହାଏଟାକେ ନା ବୁଜେ ତେବେ ସୟତାନ୍ ତାରଲେଗଲେ ବାକ୍ୟକେ ଚରିନେସୀ ମାତର୍ ସୟତାନ୍ ତାକେ ବାକ୍ୟ ବୁଯବାକଯେ ଧୁର୍ ରକସୀ।

![](https://cdn.door43.org/obs/jpg/360px/obs-en-33-07.jpg)

ହାଏ ପକନା ଭୁମିର୍ ଜେନ୍ତା ମାନେ ଆଏ ଜେ ପରମେଶ୍ବେରର୍ ବକ୍ୟକେ ସୁନୁଆଏ ଆଉରି ସର୍ଦାତି ତାକେ ମନେରକବାୟ ମାତର୍ ଜେବେ ହରବରର୍ ବେଲ୍ ଆଏସି, ଅଉରୀ ଜେବେ ଭିନଲୋକ ତାକେ ତାଡନା କରବାଏ, ତେବେ ହାଏ ପରମେଶ୍ବେର୍ ଲେଗଲେ ଧୁରେ ଉଟିଜିବାଏ ଅଉରୀ ହାଏ ପରମେଶ୍ବେରର୍ ଉପରେ ଭରସା କରବାଟା ଚାଡିଦେବାଏ।

![](https://cdn.door43.org/obs/jpg/360px/obs-en-33-08.jpg)

ହାଏ କାଟା ଭୁମିର୍ ପରା ମାନେ ଆଏ, ହାଏ ପରମେଶ୍ବେରର୍ ବାକ୍ୟକେ ସୁନୁଆଏ ମାତର୍ ହାଏ କେତେକ୍ କତାଲେଗେ ଚିନ୍ତା କରସୀ, ଅଉରୀ ହାଏ ଅଧିକ ଧନ କମାୟବାକାଜେ ଚେଷ୍ଟା କରସୀ, ଅଉରୀ ହାଏ ଅଦିକ୍ ଜିନିସ୍ କେ ପାଏବାକାଜେ ଚେଷ୍ଟା କରସୀ କେତେକ୍ ବେଲର୍ ପାଚେ, ତାର ଜଗ୍ୟ ନିଆଏ। ହାଇଟା କାଜେ ଜନାଏ ପରମେଶ୍ବେରର୍ ବାକ୍ୟ କେ ସିକିରେସୀ ହାଏ ତାର ପରମେଶ୍ବେର୍ କେ ସରଦା କରବାକାଜେ ଲଭନା କରୁ ଆଏ। ହାଏ ଗଉର୍ ଚପା ସମାନ୍ ଆଏ ଜେନ୍ତାକି ଖାଦିୟ ଉତ୍ପନ୍ ନା କରେ।

![](https://cdn.door43.org/obs/jpg/360px/obs-en-33-09.jpg)

ମାତର୍ ଜନ ମାନେ ନୁକୁ ମାଟିର୍ ଆଏ ହାଏ ପରମେଶ୍ବେରର୍ ବାକ୍ୟ କେ ସୁନୁଆଏ, ତାର ଉପରେ ବିସ୍ବାସ୍ କରୁଆଏ, ଅଉରୀ ଫଲ୍ ଧରୁ ଆଏ।”

*ମାଥିଉ ୧୩:୧-୮, ୧୮-୨୩; ମାର୍କ ୪;୧-୮, ୧୩-୨୦; ଲୁକ ୮:୪-୧୫ ଗୋଟକ୍ ବାଇବଲର୍ କାଓନି।*

## 34. ୩୪. ଯିଶୁ ଦୁତିୟ କତାନିର୍ ସିକାଏସି ଆଚେ୍

https://openbiblestories.org/l/dso-x-korapdesia/story-34/

![](https://cdn.door43.org/obs/jpg/360px/obs-en-34-01.jpg)

ଯୀଶୁ ପରମେଶପରର୍ ରାଜ୍ ବିସୟ ଲଗେ ଅଉରୀ କେତେକ୍ ଭିନ୍ ଭିନ୍ କତାନୀ ସୁନାଲାଏ। ଉଦାହରଣ କାଜେ, ହାଏ କୋହେଲା, ”ପରମେଶ୍ବେରର ରାଜ ଗଟକ୍ ସରସୁ ବିୟାନ୍ ସମାନ୍ ଆଏ ତାକେ କୋନୀମିସା ନିଜର୍ ବେଡା ତାନେ ବୁନିଦେଲେ ତୋମୀ ଯାନସ୍ ଯେ ସବୁବିୟାନ୍ ଲେ ସରସୁ ବିୟାନ୍ ସାନ୍ ଆଏ।”

![](https://cdn.door43.org/obs/jpg/360px/obs-en-34-02.jpg)

ମାତର୍ ଏଟା ବାଡ଼ଲା ବଲେ ସବୁ ବୁଟାତିଲେ ବଡ଼େ ହେଇସି ଏଟାଗୋଟକ୍ ଗଛ ହୋଇସି ତେବେ ଝାରର୍ ଚେଡେମୋନ ଆଏବାଏ ଅଉରୀ ଏତାର୍ ଖେନ୍ଧା ମନତୀ ଗୁଡା ବାନ୍ଦବାଏ।

![](https://cdn.door43.org/obs/jpg/360px/obs-en-34-03.jpg)

ଯୀଶୁ ଅଉରୀ ଗୋଟୋକ୍ କତାନୀ ବଲ୍ଲା ‘’ପରମେଶ୍ପରର୍ ରାଜ୍ ଏନ୍ତି ଆଏ ଗୋଟୋକ୍ ବାଏଲେ ଖୀନିକ୍ ପରା ଆମଟି ଗୁଣ୍ଡ୍ ନେଲା ଆଓରୀ ଆଦା ବାସ୍ତା ଗଉଁ ଗୁଣ୍ଡତି ମିଶାଏଲା ସରସରୀ ଦାଏ ସବୁ ଗଉଁ ଗୁଣ୍ଡ୍, ଆମଟି ଗୁଣ୍ଡ୍ ପାରା ହି ଗଲା।

![](https://cdn.door43.org/obs/jpg/360px/obs-en-34-04.jpg)

ସରଗପୁରର୍ ରାଜ୍ ଜମିତି ତପିରେବା ଧନ୍ ପାରା ଆଏ ଗୋଟୋକ୍ ମାନେ ହାଏଟାକେ ଦକଲା ମାତର୍ ମାଟିତି ଆକା ହାଏ ଟାକେ ତପିଦେଲା ହାଏ ଭାରୀ ସରଦାତି ଗଲା ଅଉରୀ ତାର ସବୁ ଜିନିସ୍ କେ ବିକି ଦେଲା ଅଉରୀ ହାଇ ଜୋମୀ ସାଓକାର ଲଗେ ଲେଉଟି ଯାଇ ହାଇ ଜୋମୀକେ ଘେନଲା ଜନ୍ତି ହାଏ ଧନ୍ ରେଲା।

![](https://cdn.door43.org/obs/jpg/360px/obs-en-34-05.jpg)

ସରଗପୁରର୍ ରାଜ୍ ଗୋଟୋକ୍ ଭୁଁଏତେ ମୋତି ମୁକୁତା ସମାନ୍ ଆଏ ମୋତି ମୁକୁତା ଡୋଗ୍ରାଏ ବୁଲତେରେବା ଗୋଟୋକ୍ ବେପାରୀ ପାରା ଆଏ ଅଉରୀ ହାଏ ଗଟୋକ୍ ଭାରୀ ଦାମୋର୍ ମୋତି ମୁକୁତା ପାଏସି ଅଉରୀ ତାକେ ଯେତକୀ ଧନ୍ ସମ୍ପତି ରେଲା ସବୁକେ ବିକି କରି ହାଏଟାକେ ଘେନଲା।

![](https://cdn.door43.org/obs/jpg/360px/obs-en-34-06.jpg)

ହାଏଥାନେ କେତେକ୍ ଲୋକ ଜନମନ୍ ନିଜେ ନିଜେ ଧାର୍ମିକ୍ ବଲାଏ ହୋଈ ଭିନ୍ ଲୋକମୋନକେ ଘୀନାଏତେ ରେଲାଏ ତିକର୍ କାଜେ ପରମେଶ୍ପର୍ ଇ କତାନୀ ବଲା୍ ଗୋଟୋକ୍ ଦିନ ଦୁଇଟା ମାନେମୋନ୍ ଦୁଇଲୋକ ପାର୍ତନା କରବାକାଜେ ମୋନ୍ଦୀର୍ ଗଲାଏ ଗୋଟୋକ୍ ଫାରୁଶୀ ରେଲା, ଅଉରୀ ଗୋଟୋକ୍ ମାଶୁଲ୍ ଧରୁ ଅଧିକାରୀ ରେଲା।

![](https://cdn.door43.org/obs/jpg/360px/obs-en-34-07.jpg)

"ହାଏ ଧାର୍ମିକ୍ ଗୁରୁ ଏନ୍ତି ପାର୍ତନା କର୍ଲା, 'ହେ ପରମେସ୍ବର୍ ମୁଇ ତକେ ଧନ୍ୟବାଦ ଦେବୀ ଆଚି ଯେ ମୁଇ ଭିନ୍ ଲୋକମନ ପାରା ଜେନ୍ତାକି ଡାକୁ ଅଧାର୍ମିକ୍ ମାନେ, ବେବୀଚାର ନୁଆଏ ମାସୁଲ୍ ଧରୁ ଅଦିକାରୀ ପାରା ପାପୀ ନୁଆଏ। '"

![](https://cdn.door43.org/obs/jpg/360px/obs-en-34-08.jpg)

"ଉଦାହରଣ କାଜେ, ମୁଁଇଁ ସାତ୍ ଦିନ୍ ଭିତ୍ରେ ଦୁଇ ଥର୍ ଉପାସ୍ ପାର୍ତନା କରବି ଆଚି ଅଉରୀ ମୋର କମାନିର୍ ଦଶ ଭାଗଲେ ଗୋଟୋକ୍ ଭାଗ ଦାନ ଦେବୀ ଆଚି।”

![](https://cdn.door43.org/obs/jpg/360px/obs-en-34-09.jpg)

ମାତର୍ ମାଶୁଲ୍ ଧରୁ ଅଦିକାରୀ ଧୁରିଆତି ଠିଆ ଉଟଲା ଆଉରି ସରଗପୁର୍ ଉପ୍ରେ ଦୋକବା କାଜେ ମିସା ସାହାସ୍ ନାକର୍ଲା ଆଉରି ହାଥ୍ ସଂଗେ ଛାତିତି ମାରୀ ହଇ ପାର୍ତନା କରି ବଲ୍ଲା 'ଏ ପରମେଶ୍ବର୍ ମୁଇ ଗୋଟୋକ୍ ପାପୀ ଲୋକ ଆଏ ମକେ ମର ପାପ୍ କ୍ଷମା କର୍। '

![](https://cdn.door43.org/obs/jpg/360px/obs-en-34-10.jpg)

ଆଓରି୍ ଯୀଶୁ ବଲା୍ "ମୁଇ ତମକେ ସତକତା କଇବି ଆଚି ପରମେଶ୍ବର୍ ମାଶୁଲ୍ ଧରୁର୍ ଅଧିକାରୀର୍ ପାର୍ତନା କେ ସୁନଲା ଆଉରି ତାକେ ଧର୍ମିକ୍ ଆଏ ବଲଲା ମାତର୍ ଫାରୁସିର୍ ପାର୍ତନା କେ ମନକେ ନା କାର୍ଲା ପରମେଶ୍ବର୍ ଲେଗେ ଜନ୍ ଲୋକ ବୋଡ଼ ହେବା କାଜେ ମନ କରସୀ ତାକେ ସାନ୍ କରସୀ ମାତର୍ ଜନ୍ ଲୋକ ସାନ୍ ହେବା କାଜେ ମନ କରସୀ ପରମେଶ୍ବର୍ ତାକେ ବୋଡ଼ କରସୀ।”

*ମାଥିଉ ୧୩:୩୧-୩୩, ୪୪-୪୬; ମାର୍କ୍ ୪:୩୦-୩୨; ଲୁକ୍ ୧୩:୧୮-୨୧; ୧୮:୯-୧୪ ତାନର୍ ବାଇବଲର୍ କାଓନି।*

## 35. ୩୫. ଦୟାଲୁ ପିତାର୍ କତାନୀ

https://openbiblestories.org/l/dso-x-korapdesia/story-35/

![](https://cdn.door43.org/obs/jpg/360px/obs-en-35-01.jpg)

ଗଟକ୍ ଦିନ୍ ଯୀଶୁ ହାଏ ଅଦିକ୍ ଲୋକ୍ ମନକେ ଶିକ୍ଷିୟା ଦେତେରେଲା ଜନମନ୍ ହାଏଟାକେ ସୁନବା କାଜେ ଗଟେକ୍ ଲେଗେ ରୁଣ୍ଡିରେଲାଏ ହାଏ ଅଉରୀ ତାକର୍ ସେଂଗେ ଅଲଗା ଲୋକ୍ ମନ ମିସାର୍ ରେଲାଏ ଜନ ଲୋକ୍ ମନ ମଶାର୍ ନିୟମ କେ ପାଲନ୍ କରବାକାଜେ ନା ଚାଏତେ ରେଲାଏ।

![](https://cdn.door43.org/obs/jpg/360px/obs-en-35-02.jpg)

କେତେକ୍ ଧର୍ମିକ୍ ଗୁରୁମନ୍ ଦକ୍ଳାଏ କି ଯୀଶୁ ଏ ଲୋକମନ ସେଂଗେ ଗଟେକ୍ ସାଂଗଜେନ୍ତି କତାବାରତା ହେତେରେଲାଏ ଏଟାକାଜେ ହାଏମନ ନିଜେ ନିଜେ କତାହେବାର୍ ଆରମ୍ କର୍ ଲାଏ କି ହାଏ ଭୁଲ୍ କର୍ ଲା ନି ଯୀଶୁ ହାଏମନର୍ କତା ହେବାଟା ଶୁନି ହାଏଟା କାଜେ ଯୀଶୁ ହାଏମନ ଏ କତା କୟେଲାଏ।

![](https://cdn.door43.org/obs/jpg/360px/obs-en-35-03.jpg)

ଗଟକ୍ ଲୋକ୍ ରେଲା ତାର୍ ଦୁଇଟା ବେଟା ରେଲାଏ। ସାନ୍ ବେଟା ତାର୍ ପିତା କେ କଏଲା, ’ହେ ପିତା, ମକେ ଏବେ ମର୍ ବାଟା ଦରକାର୍” ତେବେ ପିତା ତାର୍ ଧନ୍ କେ ଦୁଇଟା ବେଟା ମନ୍ କେ ତାର୍ ସମ୍ପତି କେ ବାଟା କରି ଦେଲା।”

![](https://cdn.door43.org/obs/jpg/360px/obs-en-35-04.jpg)

ଝବକେ ଆକା ସାନ୍ ବେଟା ନିଜର୍ ସବୁକେ ରୁଣ୍ଡାୟେ କରି ଦୁର୍ ଦେଶ୍ ଥାନେ ଉଟି ଗଲା ଅଉରି ପାପି ଜୀବନ୍ ଜିବା ଥାନେ ନିଜର୍ ସବୁ ଧନ୍ କେ ସରାଏ ଦେଲା।”

![](https://cdn.door43.org/obs/jpg/360px/obs-en-35-05.jpg)

ତାର୍ ପାଚେ, ଜନତି ସାନ୍ ବେଟା ରେଲା ହାଏ ଦେଶ୍ ଥାନେ ଗଟେକ୍ ଭୟଂକାର୍ ଭୁକ୍ ପଡଲା, ଅଉରି ତାର୍ ଲେଗେ ଖାଏବାଟା ଘେନେବା କାଜେ ଧନ୍ ନା ରେଲା।

![](https://cdn.door43.org/obs/jpg/360px/obs-en-35-06.jpg)

ମାତର୍ ହାଏ ସରାସରିଦାଏ ହେତ୍ କୋରୀ ମନେ ମନେ ଭାବଲା ମୁଁଇ, ‘ଏଥାନେ କାଏ କୋରବୀ ଆଚି “ମୋର ବୁଆ ଘୋରେ ତ କେତେକ୍ କୋମିଆମନ, ଅଉରୀ ହାଏମନ୍ ଖାଦୀ ଖାଇ ସରାଏକେ ନା ପାର୍ବା ଅଚେତ୍, ମାତର୍ ଇ ଥାନେ ମୁଈଁ ଭୁକ୍ କାଜେ ମରବା ଉପ୍ରେ ଆଚି ମୁଇଁ ଏବେ ମର ବୁଆ ଘରେ ଲେଉଟି ଯିବି, ଅଉରୀ ତାକେ ବଲବୀ ବୁଆ ତୁଇ ମକେ ଦୟା ଦକାଏ କୋରୀ ମକେ ତୋର୍ କୋମିଆ ପାରା ମିସା ସଂଗା ବୋଲି ଗୁୟାରୀ କୋରବୀ।

![](https://cdn.door43.org/obs/jpg/360px/obs-en-35-07.jpg)

“ପଚେ ତାର ସାନ୍ଟା ବେଟା ତାର ବୁଆ ଘରେ ଲେଉଟି ଯିବା କାଜେ ଅରୋମ୍ କୋର୍ଲା ତାର ବୁଆ କେତେକ୍ ଧୁରିଆ ତିଲେ ତାକେ ଦକଲା ଅଉରୀ ପଲାଏତେ ଜାଇ ତାର ବେଟାକେ ଦୟା ଦକାଏ କରି ଲେପ୍ ଟାଏ କରି କେତେକ୍ ପେରୋମ୍ ଲଗେ ତାକେ ଚୁମଲା।

![](https://cdn.door43.org/obs/jpg/360px/obs-en-35-08.jpg)

ହାଏ ପିଲା କଇଲା, “ବୁଆ ମୁଇ ପାରମେଶ୍ବର୍ ଅଉରି ତୋର୍ ବିରୁଦ୍ଧ ପାପ୍ କରଲି ମୁଇ ତୋର୍ ବେଟା ବଲାଏ ହେବାର୍ ମୁଲ୍ୟା ନୁଆଏ।

![](https://cdn.door43.org/obs/jpg/360px/obs-en-35-09.jpg)

ମାତର୍ ତାର୍ ବୁଆ ଗଟେକ୍ କମିଆ ଡାକି କରି କଇଲା, “ଝପକେ ଯାଇ କରି ଭଲ୍ ଫାଟି ଅନି କରି ମର୍ ବେଟାକେ ପିନ୍ଧା! ତାର୍ ଆଣ୍ଡ୍ କିତି ମୁଦି ଅଉରି ତାର୍ ଗଡ଼େ ପନି ପିନ୍ଦାଅ। ପଚେ ଭଲ୍ ମେଣ୍ଡା କେ ମାରା ହାମୀ ଖାଉ ଅଉରି ଅନନ୍ଦ ହେଉ, କେନ୍ତା ବଲଲେ ମର୍ ବେଟା ମରି ଯାଇ ରେଲା, ମାତର୍ ହାଏ ଏବେ ଜିଲା ଆଚେ! ହାଏ ହାଜୀ ଯାଇ ରେଲା, ମାତର୍ ଏବେ ହାମୀ ତାକେ ପାଇଲୁ ଆଚୁ!”

![](https://cdn.door43.org/obs/jpg/360px/obs-en-35-10.jpg)

ହାଇଟା କାଜେ ଲୋକ୍ ପରବ୍ ବନାୟବାଟା ଆରମ୍ କର୍ ଲାୟ କେତେକ୍ ଦିନ୍ ପଚେ, ବଡ୍ ବେଟା ବେଡା ଲେ କାମ କରି ଘରେ ଅଏଲା ହାଏ ଗୀତ୍ ଅଉରି ନାଚ୍ ବା ସବଦ୍ ଶୁନଲା ଅଉରି ହେଲା ଏଟା କାୟ ହେୟତେ ରେଲା।”

![](https://cdn.door43.org/obs/jpg/360px/obs-en-35-11.jpg)

”ଯେଡ୍କିଦାଏ ବଡ ବେଟା ଜାନ୍ଲା କୀ ହାଏ ମନ୍ ଇଟାକାଜେ ଆନନ୍ଦ ମନାତେରେଲାଏ କେନ୍ତାବଲ୍ଲେ ତାରଭାଇ ଘରେ ଆସି ରେଲା, ତେବେ ହାଏ ଭାରୀ ରିସା ହେଲା ଆଉରି ଘର ଭିତ୍ରେ ଯିବା କାଜେ ମନ୍ ନା କର୍ଲା ତାର ବୁଆ ବାରିଆ ଆସି ତାକେ ତାକର୍ ସଂଗେ ଆନନ୍ଦ ମନାଏବାକାଜେ ଗୁଆରି କର୍ଲା, ମାତର୍ ହାଏ ନାଇଁ ବଲଲା।”

![](https://cdn.door43.org/obs/jpg/360px/obs-en-35-12.jpg)

ତାର ବଡ଼େ ବେଟା ତାର ବୁଆ କେ ବଲ୍ଲା, ଏତ୍ କି ବରଷ ହେଲା ମୁଇଁ ତର୍ କାଜେ ବିଶବାସ୍ କରି କାମ କରତେ ରେଲି !କେବେ ମିସା ତର୍ କଥା କେ ମାନା ନା କରି, ମାତର୍ ତୁଇ କେବେ ମିସା ମରକାଜେ ଗୋଟେକ୍ ସାନ୍ ଟା ଛେଲି ପିଲା ମିସା ନା ଦେଲି ଆସିସ୍ ଜେନ ତାକି ମର୍ ସାଂଗ୍ ମନ ସେଂଗେ ଆନନ୍ଦ ହେକେ ନା ଦେଲିସ୍ ମାତର୍ ତର୍ ଇ ବେଟା ତର୍ ସବୁ ଧନ୍ କେ ପାପ୍ କାମ ଥାନେ ବର୍ ବାଦ୍ କରି ଦେଲା ଆଉରି ହାଏ ଘରେ ଲେଉଟି ଆଏବାକେ ତୁଇ ଆନନ୍ଦ ହେବାକାଜେ ତୁଇ ସବୁଲେ ଭଲ ମେଣ୍ଡା ମାରଲିସ୍ !”

![](https://cdn.door43.org/obs/jpg/360px/obs-en-35-13.jpg)

”ତାର ବୁଆ ତାକେ ବଲ୍ଲା ବେଟା ତୁଇ ତ ସବୁ ଦିନ୍ ମର୍ ସଂଗେ ଆଚିସ୍, ଆଉରି ଯେତ କି ଧନ୍ ମର୍ ଆଏ ହାଏ ସବୁ ତର୍ ଆଏ ମାତର୍ ହାମୀ ଭଜି କରକେ ପଡସି, କେନ୍ତା ବଲଲେ ତର୍ ଭାଇ ମରି ଯାଇ ରେଲା, ମାତର୍ ହାଏ ଏବେ ଜୀବନ୍ ଆଚେ ହାଏ ହାଜୀ ଯାଇ ରେଲା ମାତର୍ ଏବେ ହାମୀ ତାକେ ମିଲାଏଲୁ!”

*ଲୁକ୍ ୧୫:୧୧-୩୨ ତାନର୍ ଗଟକ୍ ବାଇବଲର୍ କାଓନି।*

## 36. ୩୬. ଯୀଶୁର୍ ରୂପ୍ ବଦଲ୍ବାଟା

https://openbiblestories.org/l/dso-x-korapdesia/story-36/

![](https://cdn.door43.org/obs/jpg/360px/obs-en-36-01.jpg)

ଗୋଟ୍ଦିନ୍, ଯୀଶୁ ନିଜର ତିନ୍ଟା ଚେଲା, ପିତର, ଯାକୁବ ଆଓରି ଯୋହନକେ ସଙ୍ଗେ ନେଲା। (ଯୋହନ ନାମର ଇ ଚେଲା ଯୀଶୁକେ ବାପ୍ତିସ୍ନ ଦେଇରେବା ହାଇ ଯୋହନ ନୁଆଏ) ହାଏମନ ପ୍ରାର୍ଥନା କର୍ବାକାଚେ ଗୋଟ୍କ ଡେଙ୍ଗ୍ ପର୍ବତ ତି ଗଲାଏ।

![](https://cdn.door43.org/obs/jpg/360px/obs-en-36-02.jpg)

ଯୀଶୁ ପ୍ରାର୍ଥନା କର୍ଥେରେବା ସମୟତି ତାର ମୁହୁଁ ବେଲ୍ ଅନ୍ତା ଉଜଳ୍ ହୋଇଗଲା। ତାର ପିନ୍ଧି ରେଲା କପଢା ଭୟଙ୍କର ପନ୍ଡାରା ହୋଏଲା, ଯନ୍ତା କି ପୃଥିବୀର୍ର କଓନିଚ କରବାଏ ତାରଲେ ମିଶା ଟକା୍ ହୋଏଲା।

![](https://cdn.door43.org/obs/jpg/360px/obs-en-36-03.jpg)

ଏତାର୍ ପାଚେ ମୋଶା ଆରି ଏଲିୟ ଭବିଷ୍ୟ‌ଦ୍‌ବକ୍ତାମନ ଆଏଲାଏ। ଇ ମନ ବହୁତ ଆଗେ ଇ ପୃଥିବୀତି ବାସ କର୍ତେରେଲାଏ। ହାଏମନ୍ ଯୀଶୁର ସଙ୍ଗେ ତାର ମର୍ବାର୍ ବିଷୟତି କଥାବାର୍ତ୍ତା କର୍ଲାଏ, କାଏକାଚେ ବଲେ୍ ହାଏ ଝପ୍କେ ଯିରୁଶାଲମତି ମର୍ସିବେ।

![](https://cdn.door43.org/obs/jpg/360px/obs-en-36-04.jpg)

ଯଡ୍ଦାଏ ମୋଶା ଆରି ଏଲିୟ ଯୀଶୁର୍ ସଙ୍ଗେ କଥାବାର୍ତ୍ତା ହୋଏତେ୍ରେଲାଏ, ପିତର ଯୀଶୁକେ ବଲା୍, "ଇତି ରେବାଟା ଆମର କାଚେ ଅଛା ଆଏ। ତିନ୍ଟା କୁଢିଆ ବନାଉ, ଗୋଟ୍କ ତର କାଚେ, ଗୋଟ୍କ ମୋଶାର କାଚେ ଆଓରି ଗୋଟ୍କ ଏଲିୟର କାଚେ।” ମାତର୍ ହାଏ କାଏ ବଲ୍ସିଆଚେ ହାଇଟାକେ ପିତର ନିଜେ ଜାନେକେ ନା ପାର୍ତେରେଲା।

![](https://cdn.door43.org/obs/jpg/360px/obs-en-36-05.jpg)

ପିତର କଥାବାର୍ତ୍ତା କର୍ତେରେବା ସମୟତି ଗୋଟ୍କ ଉଜ୍ଲ୍ ବାଦ୍ଲି ତଳେ ଆସି ହାଏମନ୍କେ ଢାପି ଦେଲା। ତାର୍ପାଚେ ହାଇ ବାଦ୍ଲିତିଲେ ଗୋଟ୍କ ସ୍ୱର ହାଏମନ ଶୁଣ୍ଲାଏ। ହାଏ ବଲା୍, "ଏଟା ମୋର ବେଟା ଆଏ ଯାକେ ମୁଁଇ ମୟା କରୁଆଏ। ମୁଁ ତାର୍ ଉପରେ ସର୍ଦା ଆଏ। ତାର୍ କଥାକେ ଶୁନ୍।” ହାଇ ତିନ୍ଟା ଚେଲା ଡରିକରି୍ ତଳେ ଅଧର୍ଲାଏ।

![](https://cdn.door43.org/obs/jpg/360px/obs-en-36-06.jpg)

ତାର୍ପାଚେ ଯୀଶୁ ହାଏମନ୍କେ ଛିଇଁଲା ଆରି ବଲା୍, "ନା ଡରା ଉଠା"। ଝଡ଼ଦାଏ ହାଏମନ୍ ଚାର୍ବାଟେ ଦଖ୍ଲାଏ, ହାଏତି କାଲି ଯୀଶୁ ରେଲା।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ଆରି ହାଇ ତିନ୍ଟା ଚେଲା ହାଇ ପର୍ବତ ତିଲେ ଉତର୍ଲାଏ। ତାର୍ପାଚେ ଯୀଶୁ ହାଏମନ୍କେ ବଲା୍, "ଇଥି ଘଟିରେବା ଘଟ୍ନା ବିଷୟତି କାଆରି ସଙ୍ଗେ କଥାବାର୍ତ୍ତା ନା କରା। ମୁଇ ଝପ୍କେ ମର୍ବିବେ ଆରି ଆଓରି ଜୀବନ୍ ହୋଇ ଉଟବି। ଏତା୍ର ପାଚେ, ତମି ଲୋକମନ୍କେ ସାଙ୍ଗେ୍ପାରାଆସ୍।”

*ମାଥିଉ ୧୭:୧-୯; ମାର୍କ ୯:୨-୮; ଲୂକ ୯:୨୮-୩୬ ତାନର୍ ଗୋଟକ୍ ବାଇବଲର କାଓନି।*

## 37. ୩୭. ଯୀଶୁ ଲାଜାରକେ ମର୍ଲାତାନ୍ଲେ ଜୀଉଁଆଏ

https://openbiblestories.org/l/dso-x-korapdesia/story-37/

![](https://cdn.door43.org/obs/jpg/360px/obs-en-37-01.jpg)

ଲାଜାର୍ ନାମର୍ ଗୋଟ୍କ ମାନେ ରେଲା। ତାର୍ ଦୁଇଟା ଭଇନି ରେଲାଏ ଯାର୍ ନାଓ ମରିୟମ ଆରି ମାର୍ଥା ରେଲା। ହାଏମନ ସବୁ ଯୀଶୁର୍ ଘନିଷ୍ଠ ସାଙ୍ଗ ରେଲାଏ। ଗୋଟ୍ଦିନ୍, କୋନି ଗୋଟ୍କ ଯୀଶୁକେ ସାଙ୍ଗ୍ଲାଏ ଯେ ଲାଜାର୍ କେ ରୋଗ୍ ହୋଏଲାଆଚେ। ଯୀଶୁ ଇଟା ଶୁଣିକରି ତିକେ ବଲା୍, "ଇ ରୋଗ ଲାଜାରର ମର୍ବାଟା ସଙ୍ଗେ ନା ସରେ। ମାତର୍ ଇଟା, ଲୋକେ୍ ମାପୃର ପୂଜାକର୍ବା କାଚେ ରାସ୍ତା ଦଖାଏସି।”

![](https://cdn.door43.org/obs/jpg/360px/obs-en-37-02.jpg)

ଯୀଶୁ ନିଜ୍ର ସଙ୍ଗ୍ମନ୍କେ ମୟା କର୍ତେରେଲା, ମାତର୍ ଯନ୍ତି ହାଏ ରେଲା ହାଏତି ଆଓରି ଦୁଇ ଦିନ ଜାଗ୍ଳା। ହାଇ ଦୁଇ ଦିନର ପାଚେ, ହାଏ ନିଜର୍ ଚେଲାମନ୍କେ ବଲା୍, ଆସା, ଯିହୁଦାଦେଶ୍ତି ଲେଓଟି ଜୋ। ଚେଲାମନ୍ ଉତ୍ତର ଦେଲା୍ଏ, "ଗୁରୁ, ଅଳପ ସମୟର୍ ଆଗେ ହାଏତିର୍ ଲୋକ୍ମନ ତକେ ମାର୍ବା କାଚେ ଚାହେଁତେରେଲାଏ!" ଯୀଶୁ ବଲା୍, "ଆମର ସାଙ୍ଗ୍ ଲାଜାର ଶୋଏଲାଆଚେ, ଆଓରି ମୁଇ ତାକେ ଉଠାଏବାକେ ପଡ଼ସି୍।”

![](https://cdn.door43.org/obs/jpg/360px/obs-en-37-03.jpg)

ଯୀଶୁର୍ ଚେଲାମନ୍ ଉତ୍ତର ଦେଲାଏ, ଏ ପ୍ରଭୁ, ଯଦି ଲାଜାର୍ ଶୋଏଲାଆଚେ୍, ତେବେ ହାଏ ଅଚ୍ଚା ହୋଇଯାଏସି। ତାର୍ପାଚେ ଯୀଶୁ ତିକେ ଅଚ୍ଛାକରି ସାଙ୍ଗ୍ଲା, "ଲାଜାର୍ ମର୍ଲା ଆଚେ। ମକେ ସର୍ଦା ଲାଗ୍ଲାନି କି ମୁଇ ହାଇଲଗେ ଭଲେ ନାରେଲି, ଏବେ ତମି ମୋର ଉପରେ ବିଶ୍ୱାସ କର୍କେପାର୍ବାସ୍।”

![](https://cdn.door43.org/obs/jpg/360px/obs-en-37-04.jpg)

ଯୋଢ଼ଦାଏ ଯୀଶୁ ଲାଜାରର ଗାଁଓତି କେଟ୍ଲା, ଲାଜାରର ମରିକରି ଚାରି ଦିନ ହୋଇରେଲା। ମାର୍ଥା ଯୀଶୁକେ ଭେଟ୍ବାକାଚେ ବାରେ ଆସି ବଲା୍, "ପ୍ରଭୁ, ଯଦି ତୁଇ ଇ ତାନେ୍ ରେଏତିସ୍ ତେବେ ମର ଭାଇ ନା ମର୍ତାବେ। ମାତର୍ ମୁଇ ବିଶ୍ୱାସ କରୁଆଏ କି ତୁଇ ମାପୃକେ ଯନ୍ଟା ମାଗ୍ବିସ୍ ହାଏ ତକେ ହାଇଟାକେ ଦେଉଆଏ।”

![](https://cdn.door43.org/obs/jpg/360px/obs-en-37-05.jpg)

ଯୀଶୁ ଉତ୍ତର ଦେଲା, "ମୁଇ ପୁନରୁତ୍ଥାନ ଆଓରି ଜୀବନ ଆଏ। ଜନ୍ଆଏ ମୋର ଉପରେ ବିଶ୍ୱାସ କରୁଆଏ, ହାଏ ମରି୍ଗଲେ ମିଶା ଜୀଉଁଆଏ। ଜନା୍ଏ ମୋର ଉପରେ ବିଶ୍ୱାସ କରୁଆଏ ହାଏ କେବେଚ୍ ନା ମରେ। ତୁଇ ଏତାର୍ ଉପରେ ବିଶ୍ୱାସ କର୍ବିସ୍ କି?" ମାର୍ଥା ଉତ୍ତର ଦେଲା, ହେ ପ୍ରଭୁ, ମୁଇ ବିଶ୍ୱାସ କରୁଆଏ କି ତୁଇ ପର୍ମେଶ୍ବରର ବେଟା ଖ୍ରୀଷ୍ଟ ଆସ।

![](https://cdn.door43.org/obs/jpg/360px/obs-en-37-06.jpg)

ତାର୍ପାଚଜ ମରିୟମ ଆସ୍ଲା। ହାଏ ଯୀଶୁର ଗଢ଼ତଲେ ପାଟାପଢି ବଲା୍, ହେ ପ୍ରଭୁ, ଯଦି ତୁଇ ଏଥାନେ ରଏତିସ୍ ବଲେ୍ ମୋର ଭାଇ ନା ମର୍ତାବେ। ଯୀଶୁ ତାକେ ପଚା୍ର୍ଲା, "ତମି ଲାଜାରକେ କନ୍ତି ସଙ୍ଗାଏଲାଆସ୍?" ହାଏମନ ତାକେ ବଲା୍ଏ, "କବର ତାନେ। ଆଓ ଆରି ଦକ୍।” ତାର୍ପାଚେ ଯୀଶୁ କାନ୍ଦ୍ଲା।

![](https://cdn.door43.org/obs/jpg/360px/obs-en-37-07.jpg)

ସମାଧି ଗୋଟ୍କ ଗୁମ୍ଫା ରେଲା ଜନ୍ତି ଗୋଟ୍କକ ପକ୍ନାକେ ଢାପିରେଲାଏ। ଯୀଶୁ କବର ଲଗେ କେଟ୍ଲାର୍ ପାଚେ ତିକେ ବଲା୍, "ପକ୍ନାକେ ଗୁଚା୍ଏ ଦିଆସ୍। ମାତର୍ ମାର୍ଥା ବଲା୍, "ହାଏ ମରିକର୍ ଚାର୍ ଦିନ୍ ହୋଏଲାବେ। ଏବେ ଇଟା ବାସ୍ଦେଏତେ ରେଏସି୍।”

![](https://cdn.door43.org/obs/jpg/360px/obs-en-37-08.jpg)

ଯୀଶୁ ଉତ୍ତର ଦେଲା, "ମୁଇ ତମ୍କେ ନା ବଲି୍ରେଲି ଯେ ଯଦି ତମି ମୋର ଉପରେ ବିଶ୍ୱାସ କର୍ବାସ୍ ତେବେ ତମି ମାପୃର ଶକ୍ତିକେ ଦକ୍ବାସ୍?" ହାଇକଚେ ହାଏମନ ହାଇ ପକ୍ନାକେ ଗୁଚାଏଦେଲାଏ।

![](https://cdn.door43.org/obs/jpg/360px/obs-en-37-09.jpg)

ତାର୍ପାଚେ ଯୀଶୁ ସରଗ୍ ବାଟେ ଦୋକିକରି ବଲା୍, "ବୁଆ, ମୋର କଥା ଶୁଣ୍ବାବା କାଚେ ମୁଇ ତକଜ ଧନ୍ୟବାଦ ଦେବିଆଛି। ମୁଇ ଜାନି ତୁଇ ସବୁଦାଏ ମୋର କଥା ଶୁନୁଆସ୍, ମାତର୍ ମୁଇ ଇଲଗେ ଠିହା ହୋଇରେବା ଇ ସବୁ ଲୋକେ୍ ସାହାଯ୍ୟ କର୍ କି ଇମନ୍କେ ବିଶ୍ବାସ କରତ୍ କି ତୁଇ ମକେ ପଟାଇଲିସ୍।” ତାର୍ପାଚେ ଯୀଶୁ ଡାକ୍ଲା, “ଲାଜାର, ନିକ୍ରିକରି ଆଓ!”

![](https://cdn.door43.org/obs/jpg/360px/obs-en-37-10.jpg)

ତାର୍ପାଚେ ଲାଜାର ନିକ୍ରିକରି ଆସ୍ଲା! ହାଏ ଗୋଟ୍କ କଫାଢାତି ଗୁଡ଼ାଇ ହୋଇ ରେଲା। ଯୀଶୁ ତାକେ କଲା୍, "ତାକେ ଇ କଫଡ଼ାକେ ହିଟାଏଦିଆସ୍।” ଇ ଚମତ୍କାର କାଚେ ବୋଲି ଅନେକ୍ ଯିହୁଦୀଲୋକୄ ଯୀଶୁକେ ବିଶ୍ୱାସ କର୍ଲାଏ।

![](https://cdn.door43.org/obs/jpg/360px/obs-en-37-11.jpg)

ମାତର୍ ଯିହୁଦୀ ଧାର୍ମିକ ନେତାମନ୍ ଯୀଶୁକେ କୁଚର ହୋଏଲାଏ, ହାଇଟା କାଚେ ହାଏମନ୍ ଗୋଟ୍କିଲଗେ ରୁଣ୍ଢା ହୋଇ ଯୀଶୁ ଆରି ଲାଜାରକେ କନ୍ତା କରି ମର୍ତେ ମାରବୁ ବୋଲି ଯୋଜନା ବନାଏଲାଏ।

*ଯୋହନ ୧୧:୧-୪୬ ତାନର୍ ଗୋଟକ୍ କାଓନି*

## 38. ୩୮. ଯୀଶୁକେ ଧରାଏ ଦେଉଆତ

https://openbiblestories.org/l/dso-x-korapdesia/story-38/

![](https://cdn.door43.org/obs/jpg/360px/obs-en-38-01.jpg)

ସବୁବର୍ଷେ ଯିହୁଦୀ ଲୋକମନ୍ ନିସ୍ତାରପର୍ବ କେ ମାନ୍ତେ ରେଲାଏ। ଇଟା ଏଟାକାଚେ ଗୋଟ୍କ ପରବ ରେଲା କି କତକ୍ ବରଷର୍ ଆଗେ ପରମେଶ୍ବର ତିକର୍ ଆଇ ଦାଦିମନ୍କେ ମିଶର ଦେଶର କମିଆ ତାନ୍ଲେ ଉଦାର କରିରେଲା। ପାକାପାକି ତିନ୍ ବରଷର ପାଚେ, ଯୀଶୁ ସବୁବାଟେ ପ୍ରଚାର ଓ ଶିକାଏବାଟା ଆରମ୍ କର୍ଲା । ଯୀଶୁ ନିଜର୍ ଚେଲାମନ୍କେ ବଲା୍ କି ହାଏ ଯିରୁଶାଲମତି ତିକର୍ ସଙ୍ଗେ ନିସ୍ତାରପର୍ବ ମାନ୍ବାକାଚେ ଚାହିଁସିଆଚେ ଛନ୍ ଆରି ତାକେ ହାଏତି ତାକେ ମର୍ତେମାରବାଏବେ।

![](https://cdn.door43.org/obs/jpg/360px/obs-en-38-02.jpg)

ଯୀଶୁର୍ ଯିହୂଦା ନାମର ଗୋଟ୍କ ଚେଲା ରେଲା। ପେରିତ୍ମନର ପଏସା ସଙ୍ଗାଏବା ତଏଲିର ଦାଇତ୍ତତି ରେଲା, ମାତର୍ ହାଏ ସବୁଦାଏ ହାଏତିଲେ ପଏସା ନିକ୍ରାଏତେରେଲା। ଯୀଶୁ ଆରି ତାର୍ ଚେଲାମନ୍ ଯିରୁଶାଲମତି କେଟବାର୍ ପାଚେ ଯିହୁଦା ଯିହୁଦୀ ନେତାମନର୍ ଲଗେ ଗଲା। ହାଏ ପଏସା ଦେଲେ ଯୀଶୁକେ ତିକର୍ ହାତେ ଦରାଏଦେଏସି୍ ବୋଲି ବଲା୍। ହାଏ ଜାନିରେଲା ଯେ ଯିହୂଦୀ ନେତାମନ୍ ଯୀଶୁକେ୍ ଖ୍ରୀଷ୍ଟ ବୋଲି ନା ମାନତେ୍ ରେଲାଏ। ହାଏ ଜାନିରେଲା ଯେ ହାଏମନ ତାକେ ମାର୍ବାକାଚେ ଚାହେଁବା ଆଚେତ୍।

![](https://cdn.door43.org/obs/jpg/360px/obs-en-38-03.jpg)

ମହାଯାଜକମନର୍ ବଲ୍ବାକେ ଯିହୁଦୀ ନେତାମନ୍ ଯିହୁଦାକେ ତିରିଶ୍ଟା ରୂପା ଶିକ୍କା ଦେଲାଏ। ଏଟା ଅନ୍ତି ଆକା ହୋଏଲା ଯନ୍ତା କି ଭବିଷ୍ୟ‌ଦ୍‌ବକ୍ତାମନ ହୋଏସି ବୋଲି ବୋଲିରେଲାଏ। ଯିହୁଦା ରାଜି ହୋଇ ପଏସା ନେଇଗଲା। ହାଏ ଯୀଶୁକେ ଗିରଫ କର୍ବାର ସାହାଯ୍ୟ କର୍ବାକାଚେ ଗୋଟ୍କ ମଓକା ଡଗ୍ରାଏତେରେଲା।

![](https://cdn.door43.org/obs/jpg/360px/obs-en-38-04.jpg)

ଯିରୁଶାଲମତି, ଯୀଶୁ ନିଜର୍ ଚେଲାମନ୍କେ ସଙ୍ଗେ ନିସ୍ତାରପର୍ବ ମନା୍ଏଲା। ନିସ୍ତାରପର୍ବର ଖାଏବାଦାଏ, ଯୀଶୁ ରୋଟି ନେଇ କରି ଏଟାକେ ଭାଙ୍ଗ୍ଲା। ହାଏ ବଲା୍, "ଏଟାକେ ନିଆ ଆରି ଖାଅ। ଏଟା ମୋର ଶରୀର ଆଏ ଜନ୍ଟା ମୁଇ ତମ୍ରକାଚେ ଦେବିଆଚି। ମୋକେ ହେତକର୍ବା କାଚେ ଏଟା କରା।” ଅନ୍ତି ଆକା, ଯୀଶୁ ହାଏମନ୍କେ ବଲା୍ କି ତମର କାଚେ ମୁଇ ମରି୍ବେ, ବଲେ୍ ହାଏ ତିକରକାଚେ୍ ତାର ନିଜର୍ ଶରୀରକେ ବଳିଦାନ ଦେଏସି୍।

![](https://cdn.door43.org/obs/jpg/360px/obs-en-38-05.jpg)

ତାର୍ପାଚେ ଯୀଶୁ ଗୋଟ୍କ ଦ୍ରାକ୍ଷାରସର୍ ଦରି ବଲା୍, "ଇଟାକେ ପିଆ। ଏଟା ହୋଏସି ଆଚେ ନୂଆ ଚୁକ୍ତି ଜନ୍ଟା ମୋର ବନିଆଏ ଏଟାକେ ମୁଇ ଝରାଏଦେବି ଜନ୍ଟାର୍ ଲାଗି ମାପୃ ତମର ପାପକେ କେମା କରସି୍। ସବୁହାର ଇଟାକେ ପିଇବା ଦାଏ ମକେ ହେତ୍ କରବାକାଚେ କରା ଜନ୍ଟା ଏବେ ମୁଇ କର୍ଲିଆଚି।

![](https://cdn.door43.org/obs/jpg/360px/obs-en-38-06.jpg)

ତାର୍ପାଚେ ଯୀଶୁ ନିଜର ଚେଲାମନ୍କେ ବଲା୍, “ତୁମର୍ ଭିତର୍ର ଗୋଟ ଲୋକ୍ ମକେ ଦରାଏଦେବାସ୍ବେ।” ଚେଲା ମନ୍ ବକୁଆ ହୋଇଗଲାଏ, ଆରି ପଚାର୍ଲାଏ କନାଏ ଅନ୍ତି କର୍ସି। ଯୀଶୁ ବଲା୍, "ଜନାଏ ମକେ ଅନ୍ତି କର୍ସି, ମୁଇ ତାକେ ଇ ରୋଟି ଦେବି।” ତାର୍ପାଚେ ହାଏ ହାଇ ରୋଟିକେ ଯିହୁଦାକେ ଦେଲା।

![](https://cdn.door43.org/obs/jpg/360px/obs-en-38-07.jpg)

ହାଇ ରୋଟି କେ ନେଲାର୍ ପାଚେ ଶୟତାନ ଯିହୁଦାର୍ ଭିତରେ୍ ଓଲା୍। ଯିହୂଦା ନିକ୍ରିକରି ଯିହୂଦୀ ନେତାମନର୍ ଲଗେ ଯୀଶୁକେ ଧରାଏଦେବା କାଚେ ଗଲା। ଏଟା ରାତିର୍ ଦାଏ ହୋଇରେଲା।

![](https://cdn.door43.org/obs/jpg/360px/obs-en-38-08.jpg)

ଖାଏଲାର୍ ପାଚେ, ଯୀଶୁ ଆରି ତାର୍ ଚେଲାମନ୍ ଜୀତ୍ ପର୍ବତତି ଗଲାଏ। ଯୀଶୁ ବଲା୍, "ତମି ସବୁ ଆଜି ରାତିକେ ମୋକେ ଛାଡି କରି ଯିବାସବେ। ଶାସ୍ତ୍ରତି ଲେଖାଆଛଜ, 'ମୁଇ ଗାଇଦରିକେ ମାର୍ବି ଆରି ସବୁ ମେଣ୍ଢମେଣ୍ଢି ଏନ୍ ହାନେ ପଲାଏବାଏ।

![](https://cdn.door43.org/obs/jpg/360px/obs-en-38-09.jpg)

ପିତର ଉତ୍ତର ଦେଲା, " ସବୁ ତକେ ଛାଡ଼ଲେ ମିଶା, ମୁଇ ତକେ ନା ଛାଡି!" ତାର୍ପାଚେ ଯୀଶୁ ପିତରକେ ବଲା୍, "ଶୟତାନ ତମକେ ସବୁକେ ନେବାକାଚେ ଚାଏଶି ଆଚେ, ମାତର୍ ହେ ପିତର, ମୁଇ ତର କାଚେ ପାର୍ଥନା କର୍ଲି ଆଚି ଯନ୍ତାକି ତୁଇ ବିଶ୍ବାସ ତାନ୍ଲେ ନାଗୁଛବିସ୍। ହୋଏଲେମିଶା, ଆଜି ରାତିର୍ କୁକୁଡ଼ା ଡାକ୍ବାର ଆଗେ, ତୁଇ ତିନ୍ ହାର ମୁଇ ତାକେ ନା ଜାନି ବୋଲି ବୋଲବିସି୍।”

![](https://cdn.door43.org/obs/jpg/360px/obs-en-38-10.jpg)

ପାଚେ ପିତର ଯୀଶୁକେ ବଲା୍, "ମୁଇ ମର୍ଲେ ମିଶା, ତକେ 'ମୁଇ ନା ଜାନି ବୋଲି' ନା ବୋଲି!" ଅଲ୍ଗା ସବୁ ଚେଲାମନ ମିଶା ଅନ୍ତି ଆକା ବଲା୍ଏ।

![](https://cdn.door43.org/obs/jpg/360px/obs-en-38-11.jpg)

ତାର୍ପାଚେ ଯୀଶୁ ନିଜର ଚେଲାମନସଙ୍ଗେ ଗେଥ୍ସେମନି ନାମର୍ ଗୋଟକ୍ ଜାଗାତି ଗଲାଏ। ଯୀଶୁ ଚେଲା୍ମନକେ ପ୍ରାର୍ଥନା କର୍ବାକାଚେ ବଲା୍ ଯନ୍ତା କି ଶୟତାନ ତିକେ ପରୀକ୍ଷା ନା କର। ତାର୍ପାଚେ ଯୀଶୁ ନିଜେ ମିଶା ପ୍ରାର୍ଥନା କର୍ବାକାଚେ ଗଲା।

![](https://cdn.door43.org/obs/jpg/360px/obs-en-38-12.jpg)

ଯୀଶୁ ତିନ୍ ହାର୍ ପ୍ରାର୍ଥନା କର୍ଲା, "ଏ ମର ବୁଆ, ଯଦି ହୋଏସି ବୋଲେ୍, ଦୟାକରି ମକେ ଇ ଦୁଃକର୍ ପାନୀ ପିଇବାକାଚେ ନା ଦେଏ। ମାତର୍ ଯଦି ଲୋକମନର୍ ପାପକେ କ୍ଷମା କର୍ବାକାଚେ ଅଳଗା କାଇ ଉପାୟ ନିଆଏ ବ୍ଲେ, ତେବେ ତର ଇଚ୍ଛା ଅନୁସାରେ ହୋ। ଯୀଶୁ ଠକ୍ ଗାବ୍ରା ହୋଇରେଲା ଆରି ପସନା ବନି ଅନ୍ତା ହୋଇଯାଇରେଲା। ମାପୃ ତାକେ ଶକ୍ତି ଦେବାକାଚେ ଗୋଟ୍କ ଦୂତକେ ପଟାଏଲା।

![](https://cdn.door43.org/obs/jpg/360px/obs-en-38-13.jpg)

ସବୁହାର ପ୍ରାର୍ଥନାର୍ କରି୍, ଯୀଶୁ ନିଜର୍ ଚେଲାମନ୍ ଲଗେ ଆସିଲା୍, ମାତର୍ ହାଏମନ ଶୋଇରେଲାଏ। ଜଡ଼ଦାଏ ଯୀଶୁ ତୃତୀୟ ହାର କାଚେ ଆସିଲା, ଯୀଶୁ ବଲା୍, "ଉଟାବେ! ଇ ତାନେ ମକେ ଦରାଏଦେବା ମାନେ ଆଚେ।”

![](https://cdn.door43.org/obs/jpg/360px/obs-en-38-14.jpg)

ଯିହୁଦୀ ନେତାମନ୍, ସେନା ଆରି ଠକା୍ ଲୋକ ସଙ୍ଗେ ଆସ୍ଲାଏ। ହାଏମନ ଖଣ୍ଡା ଆରି ଡା୍ଙ୍ଗ ଧରିରେଲାଏ। ଯିହୂଦା ଯୀଶୁର ଲଗେ ଆସି ତାକେ୍ ବଲା୍, “ଗୁରୁ, ଜୁଆର୍” ଆରି ତାକେ ଚୁମା୍ଲା୍। ଯିହୁଦୀ ନେତାମନ୍ ଲଗେ ଗିରଫ ହଏବା ଲକେ୍ ଦକାଏବାକାଚେ ହାଏ ଅନ୍ତି କରିରେଲା। ତାର୍ପାଚେ ଯୀଶୁ ବଲା୍, “ଯିହୂଦା, ତୁଇ ମକେ ଚୁମା ଦେଇ ଦରାଏଦେବି ଆସ୍ କି?”

![](https://cdn.door43.org/obs/jpg/360px/obs-en-38-15.jpg)

ଜଡ଼ଦାଏ ହାଏ ସେନାମନ୍ ଯୀଶୁକେ ଧର୍ବାଦାଏ ପିତର ଖଣ୍ଡା ନିକ୍ରାଏ କରି୍ ମହାଯାଜକର ଗୋଟକ୍ ଦାସର୍ କାନ୍ କେ କାଟି ଦେଲା। ଯୀଶୁ ବଲା୍, "ଖଣ୍ଡା କେ ସଙ୍ଗାଓ! ମୁଇ ମୋର ବୁଆକେ ବଲେ୍କେ ପରତି ମକେ ରକ୍ଷା କର୍ବା କାଚେ ସରଗ୍ ଦୂତ ମନ୍କେ ପଠାଏତା। ମାତର୍ ମକେ ମୋର ବୁଆର କଥା ମାନ୍ବାକେ ପଡିସି୍।” ତାର୍ପାଚେ ଯୀଶୁ ହାଇ ଲୋକର କାନ୍କେ ଅଚ୍ଚାକରି ଦେଲା। ଏତାର୍ ପାଚେ ସବୁ ଚେଲାମନ୍ ପଲା୍ଏଲାଏ।

*ମାଥିଉ ୨୬:୧୪-୫୬; ମାର୍କ ୧୪:୧୦-୫୦ ; ଲୂକ ୨୨:୧-୫୩; ଯୋହନ ୧୨:୬; ୧୮:୧-୧୧ ତାନର୍ ଗୋଟକ୍ କାଓନି।*

## 39. ୩୯. ଯୀଶୁର ବଏଟକ୍ ଚଲୁଆଏ

https://openbiblestories.org/l/dso-x-korapdesia/story-39/

![](https://cdn.door43.org/obs/jpg/360px/obs-en-39-01.jpg)

ଏଟା ମଜି ରାତି୍ ରେଲା। ହାଇ ସେନାମନ ଯୀଶୁକେ ମହାଯାଜକର ଘରେ ଆନ୍ଲା୍ଏ, ହାଏମନ ଯୀଶୁକେ ପ୍ରଶ୍ନ ପଚା୍ର ବାକେ ହୋଏତେରେଲା୍ଏ। ଦୂର୍ଲେ ପିତର ତିକର୍ ପିଟିପିଟି ଯାଏତେ ରେଲା। ଜଡ଼ଦାଏ ସେନାମନ ଯାଶୁକେ ଘରେ ନେଲା୍ଏ, ପିତର ବାହାରେ ତେବ୍ଲା ଆରି ଜଏ୍ ଛେକ୍ତେରେଲା୍।

![](https://cdn.door43.org/obs/jpg/360px/obs-en-39-02.jpg)

ଘର ଭିତ୍ରେ, ଯିହୁଦୀ ନେତାମନ୍ ଯୀଶୁର ବିରୁଦ୍ତି କାମ୍ କର୍ଲାଏ। ହାଏମନ୍ ତାର ବିରୁଦ୍ତି ମିଚ୍ ବଲ୍ବାବା କାଚେ ଠକା୍ ମିଥ୍ୟା ସାକ୍ଷୀମନ୍କେ ଆନି୍ରେଲାଏ। ହୋଏଲେମିଶା୍, ତିକର୍ କଥାବାର୍ତ୍ତା ତିକର ଭିତରେ୍ ନା ମିଶ୍ତେ ରେଲା୍, ହାଇଟାକାଚେ୍ ଯିହୂଦୀ ନେତାମନ୍ ଦୋଷୀ ଆଏ ବଲି୍ ପ୍ରମାଣ କର୍କେ ନା ପାର୍ଲାଏ। ଯୀଶୁ କାଇଚି୍ ନା ବଲା୍।

![](https://cdn.door43.org/obs/jpg/360px/obs-en-39-03.jpg)

ଶରା୍ଶରିକେ, ମହାଯାଜକ ସିଦା ଯୀଶୁର ବାଟେ ଦକି୍ କରି ବଲା୍, "ଆମ୍କେ ସାଙ୍ଗ୍, ତୁଇ ଜୀବ୍ତ୍ ମାପୃର୍ ବେଟାଆସ୍ କି?

![](https://cdn.door43.org/obs/jpg/360px/obs-en-39-04.jpg)

ଯୀଶୁ ବଲା୍, “ମୁଇ ଆଏ, ଆରି ତମି ମକେ ପରମେଶ୍ୱର୍ ସଙ୍ଗେ ବସି୍ରେବାଟା ଆରି ସରଗ୍ ତାନ୍ଲେ ଆସ୍ବାଟା ଦକ୍ବାସ୍।” ମହାଯାଜକ ଯୀଶୁର କଥା ଉପରେ ଠକା୍ ରିଶା ହୋଇ ନିଜର ପୋଷାକ୍କେ ଚିରି୍ ପକାଏଲା। ହାଏ ଅଲ୍ଗା ନେତାମନ୍କେ କଲା୍ର ହୋଇ ବଲା୍, "ଇ ଲକ୍ କାଏ କର୍ଲାଆଚେ ହାଇଟା ସାଙ୍ଗ୍ବାବା କାଚେ ଆମ୍କେ ଆରି ସାକ୍ଷୀର ଦରକାର୍ ନିଆଏ!ତମି୍ ନିଜେ ଶୁନ୍ଲାଆସ୍ ତାର୍ ବଲା୍ଟା କି ହାଏ ମାପୃ ବେଟା ଆଏ ବୋଲି। ତମି ତାର୍ ବିଷୟତି କାଏ ବଲ୍ବାସ୍?"

![](https://cdn.door43.org/obs/jpg/360px/obs-en-39-05.jpg)

ସବୁ ଯିହୁଦୀ ନେତାମନ୍ ମହାଯାଜକକେ ଉତ୍ତର ଦେଲାଏ, "ହାଏ ମର୍ବାର୍ ଯୋଗ୍ୟ ଆଏ!" ତାର୍ପାଚେ ହାଏମନ ଯୀଶୁର୍ ଆଖିତି ପାଟି ବାନ୍ଦିଦେଲାଏ, ତାର ଉପ୍ରେ ତୁକ୍ଲାଏ, ତାକେ ମାର୍ଲାଏ, ଆରି ତାର୍ ମଜା୍କ୍ ଉଢାଏ ଲାଏ।

![](https://cdn.door43.org/obs/jpg/360px/obs-en-39-06.jpg)

ଆରି ପିତର ଘରର ବାଆରେ ଜାଗି ରଲାଦାଏ। ଗୋଟ୍କ ସାନ୍ ଚାକର୍ନି ଟକି୍ ତାକେ ଦକ୍ଲା। ହାଏ ତାକେ୍ ବଲା୍, "ତୁଇ ମିଶା ଯୀଶୁର୍ ସଙ୍ଗେ୍ ରେଲିଇସ୍!" ପିତର୍ ନୁଆଏ ବଲା୍। ତାର୍ପାଚେ ଅଲଗା୍ ଟକି୍ ଗୋଟକ୍ ଅନ୍ତି ଆକା ବଲା୍ ମାତର୍ ପିତର୍ ଆଓରିହାରକ୍ ନୁଆଏ ବଲି ବଲା୍। ଶରାଶରିକେ୍, କନ୍ କନ୍ ବଲା୍ଏ "ହାମି ଜାନୁ ତୁଇ ଯୀଶୁର୍ ସଙ୍ଗେ୍ ରେଲିଇସ୍, ତମି ଦୁନ୍ ଗାଲିଲୀଲେ ଆସ୍।

![](https://cdn.door43.org/obs/jpg/360px/obs-en-39-07.jpg)

ତର୍ପାଚେ ପିତର୍ ବଲା୍, “ଯଦି ମୁଇ ଇ ଲୋକେ୍ ଜାନି ଆଲେ, ପରମେଶ୍ୱର ମକେ ଶରାପ୍ ଦେଓ!" ପିତର୍ ଅନ୍ତି କିର୍ଆ ପାଢୁ ପାଢୁ ଗୋଟ୍କ କୁକ୍ଡ଼ା ଡାକ୍ଲା। ଯୀଶୁ ପିଟି ଉଲ୍ଟି କରି୍ ପିତର୍କେ ଦକ୍ଲା।

![](https://cdn.door43.org/obs/jpg/360px/obs-en-39-08.jpg)

ପିତର ହାଇଲଗଲେ ଉଟିଗଲାଆ ଆରି ସୁଇକି ସୁଇକି କାନ୍ଦ୍ଲା। ହାଡ଼କି୍ଚ୍ ଦାଏ, ଯିହୂଦା ଜନାଏ ଯୀଶୁକେ ଦରାଏଦେଇରେଲା୍, ଯିହୁଦୀ ନେତାମନ ଯୀଶୁକେ ମର୍ତେ ମାର୍ବାଟା ଦକିକରି। ହାଏ ଠକା୍ ଦୁକ୍ ହୋଏଲା ଆରି ଯାଇକରି ନିଜେ ଉଚ୍କି ହୋଏଲା।

![](https://cdn.door43.org/obs/jpg/360px/obs-en-39-09.jpg)

ହଡ଼କିଦାଏ ହାଇ ଦେଶର୍ ରାଜା ପୀଲାତ ରେଲା। ହାଏ ରୋମରାଜ୍ୟର କାଚେ୍ କାମ କର୍ତେରେଲା। ଯିହୂଦୀ ନେତାମନ ଯୀଶୁ ତାର୍ ଲଗେ୍ ଆନ୍ଲାଏ। ତିକର୍ ଇଚାରେଲା କି ପୀଲାତ ତାକେ ଫାସି୍ ଦଣ୍ଡ୍ ଦେଓ ଆରି ତାକେ ମର୍ତେ ମାରିଦୋ। ପୀଲାତ ଯୀଶୁକେ ପଚାର୍ଲା, "ତୁଇ ଯିହୂଦୀମନର୍ ରାଜା ଆସ୍ କି?"

![](https://cdn.door43.org/obs/jpg/360px/obs-en-39-10.jpg)

ଯୀଶୁ ଉତ୍ତର ଦେଲା, "ତୁଇ ସତ ବଲ୍ସି। ମାତର୍ ମର୍ ରାଜ୍ୟ ପୃଥିବୀତି ନିଆଏ। ଯଦି ରେଏତା ବଲେ୍ ମର୍ ସେନାମନ ମର୍ କାଚେ ଯୁଦ୍ଧ କର୍ତାଏ। ମୁଇ ମାପୃର ବିଶୟତି ସତେ ବଲ୍ବାକାଚେ ପୁର୍ତୀବିତି ଆଇଲି ଆଚି। ଜନ୍ମନ୍ ସତେ୍ଟାକେ ପସନ୍ଦ କରବାଏ ହାଏମନ ମର୍ କଥାକେ ଶୁନବାଏ। ପୀଲାତ୍ ବଲା୍, “ତେବେ ସତେ୍ କାଏଟା ଆଏ?”

![](https://cdn.door43.org/obs/jpg/360px/obs-en-39-11.jpg)

ଯୀଶୁର ସଙ୍ଗେ କଥାବାର୍ତ୍ତା କର୍ଲା ପାଚେ୍, ପୀଲାତ ନିକ୍ରି କରି ଲୋକମନ ଲଗେ ଯାଇ ବଲା୍, “ମୁଇ ପାଶି ଦଣ୍ଡ ଦେବା ଲାଇଗର୍ କାଇ ଦଷ୍ ଏତାର୍ ତାନ୍ଲେ ନା ପାଏଲି।” ମାତର୍ ଯିହୂଦୀ ନେତାମନ୍ ଆରି ଲୋକ୍ମନ୍ କଲା୍ର ହୋଇ ହୋଇ ବଲା୍ଏ "ତାକେ କୁରୁଶ୍ ତାନେ ଚେଗାଆ!" ପୀଲାତ ଉତ୍ତର ବଲା୍, "ହାଏ କାଇଚ୍ ଦୋଶ୍ ନା କର୍ଲା ଆଚେ୍।”ମାତର୍ ହାଏମନ୍ ଆଓରି ଠକା୍ କଲାର ହୋଇ ବଲା୍ଏ। ତାର୍ପାଚେ ପୀଲାତ୍ "ହାଏ ଦୋଷୀ ନୁଆଏ କି କାଇଚ୍ ଦୋଷ୍ ନା କର୍ଲା ଆଚେ।” ଅନ୍ତି ପୀଲାତ୍ ତିନ୍ ହାର ତକ୍ ବଲା୍ ଆରି ଏଟା ତିନ୍ ହାର ଟା ଆଏ।

![](https://cdn.door43.org/obs/jpg/360px/obs-en-39-12.jpg)

ପୀଲାତ ଡରିଗଲା୍ କି ଲକ୍ ମନ୍ ଦଙ୍ଗାକର୍ବାଏ ବଲି, ହାଇଟାକାଚେ୍ ହାଏ ଯୀଶୁକେ ତାର୍ ସେନାମନ୍ ଯୀଶୁକେ କୁରୁଶ୍ ତି ଚେଗାଓତ୍ ବୋଲି ମାନ୍ଲା। ରୋମୀୟ ସେନାମନ ଯୀଶୁକେ ଚାପ୍ଡ଼ା ମାରି ତାକେ ରାଜା ଲୋକର୍ ପଷାକେ୍ ପିନ୍ଦାଏ ତାର୍ ମୁଣ୍ଡେ୍ କାଟାତି ବନାଏରେବା୍ ମୁକୁଟ୍ କେ ପିନ୍ଦାଏଲା୍ଏ, ଆରି ତାର୍ ମଜାକ୍ ଉଢାଏ, ବୋଲା୍ଏ "ଦକି୍ଦକାରେ୍ ଯୀହୂଦି ମନର୍ ରାଜାକେ!"

*ମାଥିଉ ୨୬:୫୭-୨୭:୨୬; ମାର୍କ ୧୪:୫୩-୧୫:୧୫; ଲୂକ ୨୨:୫୪-୨୩:୨୫; ଯୋହନ ୧୮:୧୨-୧୯:୧୬ ତାନର୍ ଗୋଟକ୍ ବାଇବଲର୍ କାଓନି।*

## 40. ୪୦. ଯୀଶୁକେ କୁରୁଶ୍ ତାନେ ଚେଗାଉ ଆତ୍

https://openbiblestories.org/l/dso-x-korapdesia/story-40/

![](https://cdn.door43.org/obs/jpg/360px/obs-en-40-01.jpg)

ଯୀଶୁର ମଜାକ୍ ଉଢାଏଲା ପାଚେ୍, ସେନାମନ୍ ତାକେ କୁରୁଶ୍ ତି ମାର୍ବାକାଚେ୍ ନେଲାଏ୍। କୁରୁଶ୍ କେ ନିଜେ ବଇକରି ନେଲା୍ ଜନ୍ କୁରୁଶ୍ ତି ହାଏ ମର୍ସିବେ।

![](https://cdn.door43.org/obs/jpg/360px/obs-en-40-02.jpg)

ହାଇ ସେନାମନ୍ ଯୀଶୁକେ “ଖପୁରୀ” ବଲ୍ବା ଜାଗାତି ଆନି୍ ତାର ହାତ୍ ଗଢ଼କେ କୁରୁଶ୍ ତାନେ୍ ଟାଙ୍ଗ୍ଲାଏ। ମାତର୍ ଯୀଶୁ ବଲା୍, ବୁଆ, ଇକେ କ୍ଷମା କର୍, କାରଣ ଏମନ୍ କାଏକର୍ବାତ୍ ହାଇଟା ନା ଜାନେଏତ୍। ହାଏମନ୍ ତାର୍ ମୁଣ୍ଡେ ଉପରେ୍ ଗୋଟ୍କ୍ ଫାରା ମିଶା୍ ଟାଙ୍ଗିରେଲା୍ଏ। ହାଏତି ଏଟା ଲେକାରେଲା୍, "ଯିହୂଦୀମନର ରାଜା।” ପୀଲାତ ତିକେ ଲେକ୍ବା କାଚେ୍ ବଲିରେ୍ଲା।

![](https://cdn.door43.org/obs/jpg/360px/obs-en-40-03.jpg)

ଏତାର୍ ପାଚେ୍ ସେନାମନ୍ ଯୀଶୁର୍ ପଶା୍କେ କାଚେ୍ ଚିଟି ପକାଏଲା୍ଏ। ଜଡ଼ଦାଏ ହାଏମନ୍ ଅନ୍ତି କର୍ଲାଏ, ତେବେ ଗୋଟ୍କ୍ ଭବିଷ୍ବାନିକେ ହାଏମନ୍ ପୂରା କର୍ଲାଏ, ଜନ୍ଟା ବଲା୍ ଯାଇରେଲା୍, "ହାଏମନ୍ ମର ପଷାକେ୍ ତିକର୍ ଭିତରେ୍ ବାଟା କର୍ବାଏ, ଆରି ମର୍ ପଷାକ୍ କାଚେ୍ ଚିଟି ପକା୍ଏ ବାଏ।

![](https://cdn.door43.org/obs/jpg/360px/obs-en-40-04.jpg)

ହାଏତି୍ ଦୁଇଟା ଚୋର୍ମନ୍ ମିଶା ରେଲା୍ଏ, ଜନ୍ମନ୍କେ ହାଢ଼କିଦାଏ ଆକା କୁରୁଶ୍ତି ଟାଙ୍ଗି୍ରେଲାଏ। ତିକେ ଯୀଶୁର୍ ଦୁଇବାଟେ ଚେଗାଏରେଲାଏ ଗୋଟ୍କେ ଡେବ୍ରୀ ଆରି ବୁଜ୍ନି ବାଟେ। ତିକର୍ଭିତ୍ରଲେ ଗୋଟକ୍ ଚୋର୍ ଯୀଶୁର୍ ମଜାକ୍ ଉଢାଏଲା୍, ମାତର୍ ଅଲ୍ଗା ଚୋର୍ ବଲା୍, "ତୁଇ ମାପୃକେ ନା ଡରିସି୍ କି, ହାଏ ତକେ୍ ଦଣ୍ଡ ଦେଏକେ୍ ପରେ୍? ଆମି ଠକା୍ ଖରାପ୍ କାମ କର୍ବାର୍ ଲାଗିବଲି୍ ଦୋଷୀ ଆଏ, ମାତର୍ ଇ ମାନେ୍ ନିର୍ଦ୍ଦୋଷ ଆଏ।” ତାର୍ପାଚେ୍ ହାଏ ଯୀଶୁକେ୍ ବଲା୍, “ତୁଇ ଜଢ଼ଦାଏ ତର୍ ରାଜ୍ୟତି ଆସ୍ବିସ୍, ଦୟାକରି ମୋକେ ହେତ୍କର୍।” ଯୀଶୁ ଉତ୍ତର ଦେଲା୍, ଆଜି ତୁଇ ମୋର୍ ସଙ୍ଗେ ସର୍ଗେ ରଏବିସ୍।

![](https://cdn.door43.org/obs/jpg/360px/obs-en-40-05.jpg)

ଯିହୂଦୀ ନେତା ଆରି ଅଲ୍ଗା ଲୋକ୍ମନ୍ ଯୀଶୁର୍ ମଜାକ୍ ଉଡାଏଲା୍ଏ। ହାଜମନ୍ ତାକେ୍ ବଲା୍ଏ, "ଯଦି ତୁଇ ମାପୃର୍ ବେଟା ଆସ୍, କୁରୁଶ୍ ତାନ୍ଲେ ଉତରି୍ ନିଜ୍କେ ରକ୍ଷା କର! ତେବେ ଆମି ତକେ ବିଶ୍ୱାସ କର୍ବୁ।”

![](https://cdn.door43.org/obs/jpg/360px/obs-en-40-06.jpg)

ତାର୍ପାଚେ ହାଇ ଦେଶ୍ ଉପରେ ବାଦ୍ଲି ସବୁ କାଲା୍ ହୋଇଗଲା୍, ଇ ଘଟନ୍ ମୁଣ୍ଡେବେଲା୍ର ଦାଏ ହୋଇରେଲା୍ ହଏଲେ ମିଶା୍ ହାଇ ଦିନର୍ ମୁଣ୍ଡେବେଲାର୍ ଦାଏ ଅନ୍ଦାର୍ ହଈରେଲା୍। ଆରି ତିନ୍ ଘଣ୍ଟା ତକ୍ ଅନ୍ଧାର ହଇରେଲା୍।

![](https://cdn.door43.org/obs/jpg/360px/obs-en-40-07.jpg)

ତାର୍ପଚେ ଯୀଶୁ କଲା୍ର ହଇକରି ବଲା୍, "ଏଟା ସର୍ଲା! ବାବା, ମୁଇ ମର୍ ଆତ୍ମାକେ ତର ହାତେ ଦେବିଛି।” ତାର୍ପାଚେ ହାଏ ମୁଣ୍ଡକେ ଲୁଆଁଲା୍ ଆରି ନିଜର୍ ଜୀବନକେ ତିଆଗ୍ଲା୍। ଜଢ଼ଦାଏ ହାଏ ମରି୍ଗଲା୍ ହାଇଲେଗେ୍ ଭୂକମ୍ପ ହୋଇଲା। ମାପୃର ଆରି ମାନେର୍ ମଜେକେ ରେବା ପରଦା ଜନ୍ଟା ମାନେକେ। ଆରଗ ମାପୃକେ ଅଲଗ୍ କର୍ତେ ରେଲା ହାଇଟା ଉପର୍ଲେ ତଲେ ଚିରି ହୋଇ ଦୁଇ ଭାଗ ହୋଏଲା୍।

![](https://cdn.door43.org/obs/jpg/360px/obs-en-40-08.jpg)

ତାର୍ ମର୍ବାର ଲାଗି ବଲି, ଯୀଶୁ ଲୋକମନ୍କେ ମାପୃର୍ ଲଗେ ଆସ୍ବାବା କାଚେ ବାଟ କଲିଦେଲା। ଯୀଶୁକେ୍ ଦକାରାକା କର୍ତେ ରେବା ଗୋଟ୍କ ସେନା ଇ ସବୁ ଗଟ୍ନା ଦକି ବଲା୍, "ସତେ ଆକା ଏ ନିର୍ଦ୍ଦୋଷ ରେଲା୍। ଏ ପରମେଶ୍ବର ର ବେଟା ଆଏ୍।

![](https://cdn.door43.org/obs/jpg/360px/obs-en-40-09.jpg)

ତାର୍ପାଚେ ଯୋସେଫ ଆରି ନିକଦିମ ନାମର ଦୁଇଟା ଯିହୁଦୀ ନେତା ଆସ୍ଲାଏ। ହାଏମନ୍ ଯୀଶୁକେ୍ ଖ୍ରୀଷ୍ଟ ଆଏ ବଲି ବିଶ୍ବାସ୍ କର୍ତେରେଲାଏ। ହାଇମନ୍ ପୀଲାତକେ ଯୀଶୁର୍ ମଢ଼୍ଆକେ ମାଗ୍ଲାଏ। ହାଏମନ୍ ତାର୍ ଶରୀରକେ ପାଟିତି୍ ଗୁଡ଼୍ଏ ଦେଲା୍ଏ। ତାର୍ପାଚେ ହାଏମନ୍ ତାକେ ଗଟ୍କ ପକ୍ନାତି କାଟି କରି। ବନାଏ ରେବା କବରତି ନେଇ ଭିତରେ୍ ସଙ୍ଗାଏଲାଏ। ତାର୍ପାଚେ ହାଇ କବରକେ ଡାପ୍ କାଚେ୍ ଗୋଟକ୍ ବଡେ୍ ପକ୍ନାକେ ଆନି ଡାପ୍ଲାଏ।

*ମାଥିଉ ୨୭:୨୭-୬୧; ମାର୍କ ୧୫:୧୬-୪୭; ଲୂକ ୨୩:୨୬-୫୬; ଯୋହନ ୧୯:୧୭-୪୨ ତାନର୍ ଗୋଟକ୍ ବାଇବଲର କାଓନି।*

## 41. ୪୧. ପରମେଶ୍ବର ଯୀଶୁକେ୍ ମର୍ଲାତାନ୍ଲେ୍ ଉଠାଉଆଏ

https://openbiblestories.org/l/dso-x-korapdesia/story-41/

![](https://cdn.door43.org/obs/jpg/360px/obs-en-41-01.jpg)

ସେନା୍ମନ୍ ଯୀଶୁକେ୍ କୁରୁଶ୍ତି ଟାଙ୍ଗ୍ବାର୍ ପାଚେ୍, ଯିହୂଦୀ ନେତାମନ୍ ପୀଲାତକେ୍ ବଲା୍ଏ, "ହାଇ ଟଗ୍ରା, ଯୀଶୁ ବଲିରେ୍ଲା ମରିକରି୍ ତିନ୍ ଦିନର୍ ପାଚେ ଝୀଁ ଉଟ୍ସି୍। ଇଟା ସତେ୍ ଆଏ କି ନୁଆଏ ଜନ୍ବାକାଚେ ତାର୍ କବର୍ ଲଗେ୍ ଜାଗ୍କେ୍ ପଢ଼ସି୍ ନାଇତ୍ ବଲେ୍ ତାର୍ ଚେଲା୍ ମନ୍ ଆସି୍ ତାକେ ଚରିକରି୍ ନେବାଏ। ଯଦି ହାଏମନ୍ ଅନ୍ତି କର୍ବାଏ ତେବେ ହାଏମନ୍ ବଲ୍ବାଏ କି ହାଏ ମର୍ଲା ତାନ୍ଲେ ଜୀଁ ଉଟଲା୍ ଆଚେ।”

![](https://cdn.door43.org/obs/jpg/360px/obs-en-41-02.jpg)

ପୀଲାତ୍ ବଲା୍, “କେତ୍ଟାମା ସେନାମନ୍କେ ନିଆ, ଆରି ଜନ୍ତା ତମି୍ କର୍ବାକାଚେ୍ ହୋଏବାଆସ୍ ହାନ୍ତି କରା୍।” ଇଟାକାଚେ ହାଏମନ୍ କବର୍ର୍ କବାଟ୍ତି ଗୋଟ୍କ୍ ସିଲ୍ ମାର୍ଲାଏ। ହାଏମନ୍ ଆରି୍ ସେନା୍ମନ୍କେ ଜାଗା୍ଏଲାଏ କି କନି୍ ଆସିକରି୍ ତାର୍ ଶରି୍ରକେ ଚରିକରି୍ ନା ପାର୍ତ୍।

![](https://cdn.door43.org/obs/jpg/360px/obs-en-41-03.jpg)

ଯୀଶୁର୍ ମର୍ବାଦିନ୍ ବିଶ୍ରାମବାର୍ ରେଲା୍। କନିମିଶା୍ ହାଇଦିନେ୍ କାମ୍ ନା କର୍ତେ ରେଏତ୍, ଇଟାକାଚେ୍ ଯୀଶୁର୍ କନି୍ଚ୍ ସଙ୍ଗା୍ମନ୍ କବର୍ତି ନା ଆସି୍ରଜଲାଏ। ମାତର୍ ବିଶ୍ରାମବାର୍ ପାଚର୍ ଦିନେ୍, ସକାଳ୍ ସକାଳ୍, ଯୀଶୁର୍ କବର୍ ଲଗେ୍ ଜିବାକାଚେ୍ କେତ୍କ ବାଏଲେ୍ମନ୍ ତିଆର୍ ହଏଲାଏ। ହାଏମନ୍ ତାର୍ ଶରୀର୍ତି ଆରି ଗନ୍ଦରସ୍ ଲଗାଏବା କାଚେ ହୋଏତେରେଲାଏ।

![](https://cdn.door43.org/obs/jpg/360px/obs-en-41-04.jpg)

ବାଏଲେ୍ମନର୍, କେଟ୍ବାର୍ ଆଗେ, କବର୍ ବାଟାଏ ଗଟ୍କ୍ ବଡ଼ ଭୂମିକମ୍ପ ହଏଲା୍। ସର୍ଗର ଗୋଟକ୍ ଦୂତ ଆସି କବରର୍ ଦୁଆର୍ ତି ଡାପିରେବା୍ ପକ୍ନାକେ ଗୁଚାଏଦେଇ ହାଇଟାର୍ ଉପରେ୍ ବସ୍ଲା। ସର୍ଗ ଦୂତ ଉଜ୍ଲ୍ ଅନ୍ତା ଚମକ୍ତେ ରେଲା୍। କବର୍ ଲଗେ୍ ଜନ୍ ସେନା୍ ମନ୍ ଜାଗି୍ରେଲାଏ ହାଏମନ୍ ଦକ୍ଲାଏ ଆରି ଅତ୍କ ଡରିଗଲା୍ଏ କି ମର୍ଲା ଲୋକ୍ ଅନ୍ତା ହୋଇ ତଲେ୍ଅଧ୍ରିଗଲା୍ଏ।

![](https://cdn.door43.org/obs/jpg/360px/obs-en-41-05.jpg)

ବାଏଲେ୍ ମନ୍ ଜଡ଼ଦାଏ କବର୍ ଲଗେ୍ କେଟ୍ଲାଏ ତ ସର୍ଗ ଦୂତ୍ ତିକେ ବଲା୍, " ନା ଡରା୍। ଯୀଶୁ ଇତି ନିଆଏ। ହାଏ ମର୍ଲାତାନ୍ଲେ ଜୀଁ ଉଟ୍ଲା ଆଚେ, ଜନ୍ତା କି ହାଏ ବଲି୍ରେଲା ଜୀଁ ଉଟ୍ବି ବଲି୍! କବର୍ ତି ଓଲି୍ କରି୍ ଡଗ୍ରା।” ହାଇ ବାଏଲେମନ୍ ବିତ୍ରେ ଗଲା୍ଏ ଆରି ଜନ୍ତି ଯୀଶୁର୍ ଶରୀର୍କେ ସଙ୍ଗା୍ଏ ରେଲାଏ ହାଇତି ଯାଇ କରି୍ ଦକ୍ଲାଏ ମାତର୍ ଶରିର୍ ହାଇତି ନାରେଲା୍!

![](https://cdn.door43.org/obs/jpg/360px/obs-en-41-06.jpg)

ତାର୍ପାଚେ୍ ସ୍ୱର୍ଗଦୂତ୍ ବାଏଲେ୍ମନ୍ କେ ବଲା୍, "ଯାଆ ଆଓରି ତାର୍ ଚେଲାମନ୍କେ ସାଙ୍ଗା୍, ଯୀଶୁ ମର୍ଲାତାନ୍ଲେ୍ ଜୀଁ ଉଟ୍ଲା୍ ଆଚେ ଆରି ତମର୍ ଆଗେ ଆଗେ ଗାଲିଲୀତି ଯାଏସି୍ବ। '"

![](https://cdn.door43.org/obs/jpg/360px/obs-en-41-07.jpg)

ହାଇ ବାଏଲେ୍ମନ୍ ଭକୁଆ ଆରି ଟକା୍ ସର୍ଦା ହଏଲା୍ଏ। ହାଏମନ୍ ଚେଲାମନ୍କେ ଇ ସର୍ଦାର୍ ଖବର୍ ସାଙ୍ଗ୍ବା କାଚେ ପଲାଏଲା୍ଏ।

![](https://cdn.door43.org/obs/jpg/360px/obs-en-41-08.jpg)

ଜଡ଼ଦାଏ ହାଇ ବାଏଲେ୍ମନ୍ ଚେଲାମନ୍ କେ ଇ ସର୍ଦାର୍ ଖବର୍ ସାଙ୍ଗବା କାଚେ ଯାଏତେ୍ ରେଲା୍ଏ, ଯୀଶୁ ତିକେ ଦଖାଏ ହଏଲା୍। ହାଏମନ୍ ତାର୍ଗଢ଼ ତଲେ ଅଦର୍ଲାଏ। ତେବେ ଯୀଶୁ ତିକେ୍ ବଲା୍, "ନା ଡରା୍। ଯାଇ କରି୍ ମର୍ ଚେଲା୍ ମନ୍କେ ଗାଲିଲୀତି ଯିବା କାଚେ ସାଙ୍ଗା୍। ହାଏମନ୍ ହାଏତି ମକେ ଦଖ୍ବାଏ।”

*ମାଥିଉ ୨୭:୬୨-୨୮:୧୫; ମାର୍କ ୧୬:୧-୧୧; ଲୂକ ୨୪:୧-୧୨;  ଯୋହନ ୨୦:୧-୧୮ ତାନର୍ ଗୋଟକ୍ ବାଇବଲର୍ କାଓନି।*

## 42. ୪୨. ଯୀଶୁ ସର୍ଗେ ଲେଓଟିଗଲା୍

https://openbiblestories.org/l/dso-x-korapdesia/story-42/

![](https://cdn.door43.org/obs/jpg/360px/obs-en-42-01.jpg)

ଯନ୍ ଦିନେ ପରମେଶ୍ବର୍ ଯୀଶୁକେ ମୃତ୍ୟୁରୁ ପୁନରୁ‌ତ୍‌ଥିତ କରଳାଏ, ହାଏ ଦିନେ ତାକର୍ ଦୁଇଟା ଶିଷ୍ୟ ଲେଗର୍ ଗାଁ ଯାଏତେରେଲାଏ ହାଏ ମନ୍ ହିଣ୍ଡି ହିଣ୍ଡି ଯୀଶୁ ସଂଗେ ଯନ୍ ଟା ହଇ ରେଲା, ତାକର୍ ବିଷୟରେ କଥାବାର୍ତ୍ତା ହେତେରେଳାଏ, ହାଏ ମନ୍ ଆଶା କରତେ ରେଲାଏ କି ହାଏ ମଶିଆ ଆଏ, ମାତର୍ ତାର ପଚେ ମିସା ମାରୀରେଲାଏ ଏବେ ହାଇ ବାଏଲେ ମନ୍ କଏତେରେଲାଏ ଯେ ହାଏ ଜୀବନ୍ ଆଚେହାଏ ମନ୍ ନା ଜାନତେ ରେଲାଏ କି କାଏ କତାକେ ବିଶ୍ୱାସ କରବାଏ।

![](https://cdn.door43.org/obs/jpg/360px/obs-en-42-02.jpg)

ଯୀଶୁ ହାଏ ମନ୍ ଲେଗେ ଆସି କରି ତାକର୍ ସଂଗେ ହିଣ୍ଡିବାଟା ଆରମ କର୍ଲାଏ ମାତର୍ ହାଏ ମନ୍ ତାକେ ଚିତାଏକେ ନା ପାର୍ଳାଏ ହାଏ ପଚାରଳାଏ କି ତମି କାର କତା ହେବା ଆଚାସ୍ ହାଏ ମନ୍ ତାକେ କେତେକ ଦିନ୍ ତଳେ ଯୀଶୁ ସଂଗେ ହି ରେଲା ଘଟନା ର୍ କତା ତାକେ ବଲ୍ ଲାଏ ହାଏ ମନ୍ ଭାବ ଲାଏ କି ହାଏ ଗଟେକ୍ ପରଦେସୀ କତା ହେୟସୀ ଆଚେ ବଲି ହାଏ ନା ଯାନେ କି ଯିରୁଶାଲୋମ୍ ଥାନେ କାଇଟା ହିରେଲା।

![](https://cdn.door43.org/obs/jpg/360px/obs-en-42-03.jpg)

ତେବେ ଯୀଶୁ ହାଏ ମନ୍ କେ ବୁଯାଏଲା କି ପରମେଶ୍ବର୍ ବାକ୍ୟ ମଶିଆର୍ ବିଷୟ ଲଗେ କାଏ ବଲ୍ ଲାନୀ। କେତେକ୍ ଦିନର୍ ଆଗେ, ଭାବବାଦୀ ମନ୍ ବଲିରେଲାଏ କି ଖରାପ୍ ଲକ୍ ମଶିଆ କେ ଦୋଣ୍ଡ୍ ଦେବାୟ ଅଉରି ମାରିଦେବାଏ ମାତର୍ ଭାବବାଦିମନ୍ ଏତାମିସା ବଲି ରେଲାଏ କି ହାଏ ତିନ୍ ଦିନ୍ କେ ଜୀବନ୍ ହେସି।

![](https://cdn.door43.org/obs/jpg/360px/obs-en-42-04.jpg)

ଜେଡ୍ କି ଦାଏ ହାଏ ମନ୍ ହାଏ ଗାଁଅ ଥାନେ ଖେଟଳାଏ ଜନ ଥାନେ ଦୁଇ ଲୋକ୍ ଠେବ୍ ବାକଯେ ହେତେ ରତ୍ ହଡ୍ କି ଦାଏ ଅନ୍ଦାର୍ ହିରେଲା। ହାଏ ମନ୍ ଯୀଶୁ କେ ହାଏ ମନ୍ ସଂଗେ ରେବା କାଜେ ଗୁଆରୀ କରଳାଏ, ତେବେ :ହାଏ ତାକର୍ ସଂଗେ ଗଟକ୍ ଘରେ ଗଲା ତିକର୍ ସଂଗେ ଖାଏକେ ବସଲା ଯୀଶୁ ଗଟକ୍ ରୋଟି ଧରି ପରମେଶ୍ବର୍ କେ ଧନ୍ୟବାଦ ଦେଲା, ଅଉରି ହାଇ ରୋଟି କେ ଗନ୍ଦା କାର୍ଲା ହଟାତ ହାଏ ମନ୍ ଜାନ୍ଲାଏ କି ଯୀଶୁ ଆଏବଲି ଚିତାଏଲାଏ। ମାତର୍ ହାଏ ସମୟ, ଥାନେ ହାଏ ତାକର୍ ଆଖି ଥାଣୁ ମାୟା ହଇ ଗଲା।

![](https://cdn.door43.org/obs/jpg/360px/obs-en-42-05.jpg)

ହାଏ ଦୁଇ ଲୋକ୍ କୁଆକୁଇ ହେଲାଏ, ”ହାଏ ଯୀଶୁ ରେଲାଏ !ହାଇଟା କାଜେ ଯେଡ୍ଦାଏ ହାଏ ହାମକେ ପରମେଶର୍ ର୍ ବାକ୍ୟ କେ ବୁଯାଏଲା ହଡକୀଦାଏ ହାମୀ କେତେକ୍ ଆନନ୍ଦ ରେଲୁ!”ହଡ଼କିଦାଏ, ହାଏ ମନ୍ ନିକିରିକରୀ ଯିରୁଶଲୋମ୍ ଲେଉଟି ଗଲାଏ। ଯେଡ୍କି ଦାଏ ହାଏ ମନ୍ ଖେଟି କରି ଚେଲା ମନ୍ କେ କଏଲାଏ, ”ଯୀଶୁ ଜୀବନ୍ ଆଚେ!ହାମୀ ତାକେ ଦକ୍ଲୁ!”

![](https://cdn.door43.org/obs/jpg/360px/obs-en-42-06.jpg)

ଯେଡ୍ ଦାଏ ଚେଲା ମନ୍ କତା ହେତେ ରେଲାଏ, ଯୀଶୁ ହତାଟ୍ କିନା ହାଏ ଘରେ ହାଏ ମନ୍ ସଂଗେ ଦକାଏ ଦେଲା ହାଏ କଏଲା, ”ତମି ଶାନ୍ତି ପା !”ଚେଲା ମନ୍ ଭାବଲାଏ କି ହାଏଟା ଗଟକ୍ ଭୁତ୍ ଆଏ, ମାତର୍ ଯୀଶୁ କଏଲା, ”ତମି କାଏ କାଜେ ଡରବା ଆଚସ୍?ତମି କାଏ କାଜେ ଏତକୀ ନା ଭାବାସ୍ କି ଇଟା ସତେ ମୁଇଁ ଯୀଶୁ ଆଏ, ମର୍ ହାତ୍ ଆଉରି ଗଡ୍ କେ ଦକା ଭୁତ୍ ଲେଗେ ଏନ୍ତି ଶରିର୍ ନା ରେ, ଜେନ୍ତା ମର୍ ଲେଗେ ଆଚେ ”ଇଟା ଦକାଏବା କାଜେ କି, ହାଏ ଟା କନୀ ଭୁତ୍ ନା ରେଲାଏ, ହାଏ ଖାଏବା କାଜେ ଖୀନିକ୍ ମାଂଗଲା ହାଏ ମନ୍ ତାକେ ମାଛ ଗନ୍ଦେକ୍ ଦେଲାଏ ଅଉରି ହାଏ, ହାଏଟା ଖାଏଲା।

![](https://cdn.door43.org/obs/jpg/360px/obs-en-42-07.jpg)

ଯୀଶୁ କଏଲାଏ, ମର୍ ବିଷୟ ଲଗେ ପରମେଶ୍ବର୍ ର୍ ବାକ୍ୟ ଜନଟା ମିସା କଇସି, ହାଏଟା ଘଟ୍ସି ମୁଇଁ ତମକେ କଇରେଲି ଯେ ଏତାର୍ ହେବାର୍ ଆବଶ୍ୟକ୍ ଆଏ ”ତେବେ ଯୀଶୁ ହାଏ ମନ୍ କେ ପରମେଶ୍ବର୍ ର୍ ବାକ୍ୟ କେ ଭଲ କରି, ହାଏ ମନ୍ କହେଲା, ”କେତେକ୍ ଆଗେ ଭାବବାଦୀ ମନ୍ ଲେଖିରେଲାଏ କି ମଶିଆ କେ ଦୁଃକ ଉଠାଏ କେ ପଡସୀ, ମରକେ ପଡସୀ, ଆଉରି ତିନ୍ ଦିନ୍ ତି ମରନା ତିଲେ ଜୀଉଠକେ ହେସି।”

![](https://cdn.door43.org/obs/jpg/360px/obs-en-42-08.jpg)

"ହାଏ ଭାବବାଦୀମନ୍ ଇଟା ମିସା ଲେଖି ରେଲାଏ କି ମର୍ ଚେଲା ମନ୍ ପରମେଶ୍ବର୍ ର୍ ବାକ୍ୟ କେ ଘଷଣ କର୍ ବାଏ। ହାଏ ମନ୍ ସବୁ ଲକ୍କେ ମନ୍ ଫେରାଏବା କାଜେ କଇବୁଲଲାଏ ଯଦି ହାଏ ମନ୍ ଏନ୍ତି କର୍ ବାଏ ତେବେ ପରମେଶ୍ବର୍ ତାକର୍ ପାପ କେ କ୍ଷମା କରସୀ ମର୍ ଚେଲାମନ୍ ଇ ଶୁସମାଚାର କେ ପ୍ରଚାର୍ କରି ଯିରୁଶାଲୋମ୍ ତିଲେ ଆରମ୍ବ କରି। ତେବେ ହାଏ ମନ୍ ସବୁ ଜଗ ସବୁ ଜାତି ଲେଗେ ଜିବାଏ। ତମି ସବୁ ଲକ୍ ମୋର ସବୁ କଥା ଅଉରି ସବୁ କାମର୍ ସାଖୀ ଆଏ ଜନଟା ମୁଇଁ କଇରେଲି ଆଉରି କରିରେଲି, ଅଉରି ହାଏ ସବୁ କେ ମିସା ଜନଟା ମୋର ସଂଗେ ଘଟି ରେଲା।”

![](https://cdn.door43.org/obs/jpg/360px/obs-en-42-09.jpg)

ଆଉରି ୪୦ ଦିନ୍ ଭିତ୍ରେ, ଯୀଶୁ ତାକର୍ ଚେଲା ମନ୍ କେ କେତେକ୍ ଥର୍ ଦକାଏ ହଏତେ ରେଲାଏ । ଗୋଟକ୍ ହାର୍ ତ ହାଇ ସମୟ ଦାଏ ୫୦୦ ଲେ ଅଧିକ୍ ଲକ୍ କେ ଦକା ଦେଲାଏ !ହାଏ ତାର ଚେଲା ମନ୍ କେ କେତେକ୍ ତରିକା ଲଗେ ସାବିତ୍ କାର୍ଲା ହାଏ ଜୀବନ୍ ରେଲା, ଆଉରି ହାଏ, ହାଏ ମନ କେ ପରମେଶ୍ବର୍ ର୍ ରାଜ୍ୟ ବିଷୟ ଥାନେ ଶିକ୍ଷା ଦେଲା।

![](https://cdn.door43.org/obs/jpg/360px/obs-en-42-10.jpg)

ଯୀଶୁ ତାର ଚେଲା ମନ୍ କେ କଏଲା, ”ପରମେଶ୍ବର୍ ମକେ ସରଗ୍ ଅଉରି ପୃଥିବୀ ର୍ ସବୁ ଲକ କେ ଶାସନ୍ କର୍ ବା କାଜେ ମକେ ଅଧିକାର ଦେଲା ଆଚେ ଇଟା କାଜେ ମୁଇଁ ତମକେ କଇବୀ ଆଚି:ଯାଇକରି ସବୁ ଜାତିର୍ ଲକ୍ କେ ଚେଲା ବନାଓ ଏନ୍ତି କର୍ବା କାଜେ ତମକେ ବୁଆ, ବେଟା, ଆଉରି ପବିତ୍ର ଆତମାର୍ ନା ତି ହାଏ ମନ୍ କେ ଡୁବନ୍ ଦିଆସ୍। ଜନଟା ମିସା ମୁଇଁ ତମକେ ଆଦେସ୍ ଦେଲି ଆଚି ହାଏ ସବୁ କେ ମାନବା କାଜେ ହାଏ ମନ୍ କେ ଶିକ୍ଷା ଦିଆସ୍ ମନେ ରଖା ମୁଇଁ ସବୁ ଦାଏ ତମୋର୍ ସଂଗେ ରେବୀ।”

![](https://cdn.door43.org/obs/jpg/360px/obs-en-42-11.jpg)

ଯୀଶୁ ତାର ମର୍ଲା ପାଚେ ଜୀବନ୍ ହେଲା ପଚେ ୪୦ ଦିନ୍ ପଚେ “ହାଏ ନିଜର୍ ଚେଲା ମନ୍ କେ କଏଲା ଜେଡ୍କି ଦାଏଲେ କି ମୋର ବୁଆ ତମକେ ଶକ୍ତି ନା ଦେ, ହାଡ଼ କି ଦାଏଲେ ତମି ଯିରୁଶାଲୋମ୍ ଥାନେ ଆକା ରାଆ। ହାଏ ତମର୍ ଉପରେ ପବିତ୍ର ଆତ୍ମ ପଟାଏସି ତେବେ ଯୀଶୁ ସରଗ୍ ଥାନେ ଉଠି ଗଲା, ଆଉରି ଗୋଟେକ୍ ପାନୀ ବାଦଲୀ ହାଏ ମନ୍ କେ ଢପିଦେଲା ସରଗ୍ ଥାନେ ଯୀଶୁ ସବୁ ବିଷୟ କେ ଶାସନ୍ କର୍ବା କାଜେ ପରମେଶ୍ବର୍ ବୁଦନୀ ବାଟେ ବସଲା ଆଚେ

*ମାଥିଉ ୨୮:୧୬-୨୦; ମାର୍କ୍ ୧୬:୧୨-୨୦; ଲୁକ୍ ୨୪:୧୩-୫୩; ଯୋହନ୍ ୨୦:୧୯-୨୩; ପ୍ରେରିତ୍ ୧:୧-୧୧ ବାଇବଲର୍ କାଓନି*

## 43. ୪୩. ବିଶ୍ବାସୀ ମନର୍ ଆରମ୍ ଆଏ

https://openbiblestories.org/l/dso-x-korapdesia/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁ ସରଗେ ଗଲା ପଚେ, ଚେଲା ମନ୍ ଯିରୁଶାଲୋମ୍ ଥାନେ ରେଲାଏ ଜେନ୍ତା କି ଯୀଶୁ ହାଏ ମନ୍ କେ କରବାଟା ଆଦେଶ୍ ଦେଇ ରଲା ହାଇଥାନର୍ ବିଶ୍ବାସୀ ଲୋକ୍ ଲଗାତାର ପାରତନା କରବା କାଜେ ଗଟେକ୍ ଲେଗେ ରୁଣ୍ଡା ହଇ ରେଲାଏ

![](https://cdn.door43.org/obs/jpg/360px/obs-en-43-02.jpg)

ସବୁ ବରଷ୍ ଆମଟି ଗୁଣ୍ଡ ର୍ ପରବ୍ ୫୦ ଦିନର୍ ପଚେ, ଯିହୁଦୀ ଲୋକ୍ ପେଣ୍ଟିକୋଷ୍ଟୋ ନାମର୍ ଗଟକ୍ ମହାନ ଦିନ୍ କେ ମନାଏତେ ରେଲାଏ ହାଏ ଟା ପେଣ୍ଟିକୋଷ୍ଟୋ ସମୟ ରେଲା ଜେଡ୍କିଦାଏ ଯିହୁଦିଲୋକ୍ ଗଉଁର୍ କାଟ୍ ବାର ଦିନ୍ ମନାଏତେ ରେଲାଏ। ସାରା ଦୁନିଆର୍ ଲୋକ୍ ପଣ୍ଟିକୋଷ୍ଟୋ ଦିନକେ ଗୋଟେକ୍ ସଂଗେ ମନାଏବା କାଜେ ଯିରୁଶାଲୋମ୍ ଆଇ ରେଲାଏ “ଈ” ବରଷ, ପେଣ୍ଟିକୋଷ୍ଟୋ ସମୟ ଦାଏ ଯୀଶୁ ସରଗେ ଗଲା ପୋଚେ ଲଗ ଭଗ୍ ଗଟେକ୍ ସପ୍ତାହ ପଚେ ଆସି ରେଲାଏ।

![](https://cdn.door43.org/obs/jpg/360px/obs-en-43-03.jpg)

ହାଏ ସମୟ ଦାଏ ସବୁ ବିଶ୍ବାସି ଲୋକ୍ ଏକ ଝୁଟ୍ ହଇ ରେଲାଏ, ଜନ୍ ଘରେ ହାଏ ମନ୍ ରେଲାଏ ହଟାତ କିନା ଭାରୀ ପବନ୍ ବଏତେ ରେବା ଗର୍ ଜନ୍ ସବୁ ବାଟେ ପୁରୀ ଗଲା ପାଚେ ହାଏ ମନ୍ ଜୟ ପରା ଦକ୍ ତେ ରେବା କେତେକ୍ ବିଶ୍ବାସୀ ମନର୍ ମୁଣ୍ଡ୍ ଉପରେ ଉତର୍ ଲା। ହାଏ ମନ୍ ସବୁ ପବିତ୍ର ଆତମା ଥାନେ ଭରି ଗଲାଏ, ଆଉରି ହାଏ ମନ୍ ଅନ୍ୟ ଭାଷା ଥାନେ ପରମେଶ୍ବର୍ ସ୍ତୁତି କର୍ଲାଏ ହାଏ ମନ୍ ଏ ଭାଷା କେ ନା ଜାନତେ ରେଲାଏ ଏ ଭାଷା ରେଲା ଜନମନ୍ କେ ବଲ୍ବାକାଜେ ପବିତ୍ର ଆତମା ଶକ୍ତି ଦେଲା।

![](https://cdn.door43.org/obs/jpg/360px/obs-en-43-04.jpg)

ଜେଡକିଦାଏ ଯିରୁଶାଲୋମ୍ ତି ରେବା ଲୋକ୍ ମନ୍ ହାଏ କଲାର୍ କେ ସୁନ୍ ଲାଏ, ତେବେ ହାଏ ମନ୍ ରୁଣ୍ଡି ରେବା ଲୋକ୍ କେ ଦକି ସଂଗେ ଆଏଲାଏ କି କେନ୍ତା ହେଲାଣି ହାଏ ମନ୍, ବିଶ୍ବାସୀମନକେ ପରମେଶ୍ବର୍ ଦ୍ବାରା କରିରେଲା ବଡ଼େ -ବଡ଼େ କାମ କେ ପରଚାର କର୍ତେ ରେବାଟା ସୁନଳାଏହାଏ ମନ୍ ଆଚମ୍ବିତ ରେଲାଏ କାଏକାଜେ କି ହାଏ ମନ୍ ଭିନ୍ -ଭିନ୍ ଦେଶର୍ ରେଲାଏ ଆଉରି କେତେକ୍ ଭିନ୍- ଭିନ୍ ଭାଷା ବଲତେ ରେଲାଏ ହେଲେ ମିସା କାମ କେ ନିଜର୍ ଭାଷା ପାରା ସୁନତେରେଳାଏ ଚେଲାମନ୍ ଇସ୍ରାଏଲ୍ ଥାନର୍ ରେଲାଏ ଆଉରି ଆରାମିକ୍, ଇବ୍ରାନୀ, ଗ୍ରୀକ୍ ବଲ୍ତେ ରେଲାଏ, ମାତର୍ ଲୋକ୍ ନିଜର୍ ନିଜର୍ ମାତୃ ଭାଷା ଲେଗେ ସୁନତେ ରେଲାଏ କି ପରମେଶ୍ବର୍ କାଏ କାଏ ଟା କରି ରେଲାଏ।

![](https://cdn.door43.org/obs/jpg/360px/obs-en-43-05.jpg)

ହାଏମନ୍ଥାନଲେ କେତେକଲୋକ୍ କଏଲାଏ କି ହାଏ ଚେଲାମନ ନିଶା ଲଗେ ରେଲାଏ ମାତେର୍ ପିତର୍ ଠିଆ ଉଠଲା ଆଉରି ହାଏ ମନ୍ କେ ବଲ୍ଲା, “ମର୍ କଥା କେ ସୁନା! ଏ ମନ୍ ନିଶା ଥାନେ ନିଆଓତ!ଏ ତାର କାରଣ, ଜନଟା ତମି ଦୋକବା ଆଚସ୍ ହାଏଟା ଇଟା ଆଏ କି ଜୋଏଅଲ୍ଭ ଭାବବାଦୀ କଇରେଲା କି ହେସି:ପରମେଶ୍ବର୍ କଏଲା, ”ସରାସରି ଦାଏ ମୁଇଁ ମର୍ ଆତମା ସବୁ ସବୁଲୋକର୍ ଉପ୍ରେ ଡାଲିଦେବୀ

![](https://cdn.door43.org/obs/jpg/360px/obs-en-43-06.jpg)

ହେ ଇସ୍ରାଏଲ୍ ମାନେମନ ଯୀଶୁ ଗୋଟୋକ୍ ଅନ୍ତି ମାନେ ରେଲା ହାଏ ଇଟା ଦକାଏ ବା କାଜେ କି ହାଏ କନାଏ ରେଲା ଭାରୀ କେତେକ୍ ଅଧଭୁତ କାମ୍ କରିରେଲାଏ ତମି ଇଟା ଜାନାସ୍, କାଏ କାଜେ ବଲ୍ଲେ ତମି ଇ ସବୁ କାମ୍ କେ ଦକ୍ଲା ଆଚାସ୍। ମାତର୍ ତମି ତାକେ କୁରଶ୍ ଉପରେ ଚଡୟା ଦେଲାଏ!”

![](https://cdn.door43.org/obs/jpg/360px/obs-en-43-07.jpg)

ଯୀଶୁ ମରି ଗଲା ମାତର୍ ପରମେଶ୍ବର୍ ତାକେ ମର୍ଲା ଥାଣୁ ଉଠାଏଲାଏ ହାଏ ଇ କଥା କେ ପୁରା କର୍ଲା କି ଜନଟାକେ ଗଟେକ୍ ଭାବବାଦୀ ଲେଖି ରେଲା କି: ”ତୁଇ ନିଜର୍ ପବିତ୍ର ଲୋକ୍ କେ ମୋଡାଭାଟିଥାନେ କୁଏଁକେ ନା ଦିସ୍”ହାମୀ ସାଖୀ ଆଚୂ କି ପରମେଶ୍ବର୍ ଯୀଶୁ କେ ପୁନର୍ଜିବିତ କରିଦେଲା।”

![](https://cdn.door43.org/obs/jpg/360px/obs-en-43-08.jpg)

ପରମେଶ୍ବର୍ ପିତାଏବେ ଯୀଶୁ କେ ନିଜର୍ ବୁଦନୀ ହାତ୍ ବାଟେ ବସାଏ କରି ପେରମ୍ କାର୍ଲା ଆଉରି ଯୀଶୁ ହାମର୍ କାଜେ ପବିତ୍ର ଆତ୍ମା ପଟାଏଲାଏ ଜେନ୍ତା କି ହାଏ କିରିଆ କରି ରେଲା ମୁଇଁ ପଟାଏବି। ପବିତ୍ର ଆତ୍ମା ଆକା ହାଇ ସବୁ କାମ ହେକେ ଦେଇସୀ ଆଚେ ଜାକେ ତମି ଦକବା ଆଚସ୍ ଆଉରି ସୁନବା ଆଚସ୍।”

![](https://cdn.door43.org/obs/jpg/360px/obs-en-43-09.jpg)

ତମି ହାଏ ମାନେ [ଯୀଶୁ ], କେ କୁରଶୋ କାଟ୍ ତି ଚେଗାଏଲାସ୍ ମାତର୍ ନିଶ୍ଚୟ ତମି ଜାନା କି ପରମେଶ୍ବର୍ ଯୀଶୁ କେ ସବୁ ବିଷୟ ଲେଗେ ପ୍ରଭୂ ଆଉରି ମଶିହା ଦୁଇଟା ବନାଏଲା ଆଚେ!”

![](https://cdn.door43.org/obs/jpg/360px/obs-en-43-10.jpg)

ପିତର୍ ର୍ ସୁନବା ଲୋକ୍ ତାର ଦ୍ବାରା କଏଲା କଥା କେ ପୁରାଡରି ଯାଇରେଲାଏ ଇଟା କାଜେ ହାଏ ମନ୍ ପିତର୍ ଆଉରି ଚେଲାମନ୍ କେ ପଚାରଳାଏ, ”ହେ ଭାଇ ମନ୍, ହାମ୍ କେ କାଏକର୍ କେ ପଡସି?

![](https://cdn.door43.org/obs/jpg/360px/obs-en-43-11.jpg)

ପିତର୍ ତାଏଁକେ ଯବାବ୍ ଦେଲା, ”ତମିସବୁଲୋକ୍ ନିଜର୍ ନିଜର୍ ପାପ୍ ତିଲେ ଫେରା ଜେନ୍ତା କି ପରମେଶ୍ବର୍ ତମର୍ ପାପ୍ କେ କ୍ଷମା କରସୀ, ଆଉରି ଯୀଶୁ ଖ୍ରୀଷ୍ଟର୍ ନାଅଂ ଥାନେ ଡୁବନ୍ ନିଆ ତେବେ ହାଏ ତମକେ ଉପହାର୍ ସ୍ପରୁପେ ପବିତ୍ର ଆତ୍ମା ପାଏବାସ୍।”

![](https://cdn.door43.org/obs/jpg/360px/obs-en-43-12.jpg)

ପିତର ଜନଟା ଵଳଲା ହାଏ ଥାନେ ପାକାପାକି ତିନି ହଜାର ଲୋକ ବିଶ୍ୱାସ କରଲାଏ। ଆଉରି ଯିଶୁର ଚେଲା ଵନଲାଏ। ହାଏ ମନ ଡୁବନ ନେଲାଏ ଆଉରି ଯିରୁଶାଲମ ର ଵିଶ୍ଵାସ ସି ବନିଗଲାଏ।

![](https://cdn.door43.org/obs/jpg/360px/obs-en-43-13.jpg)

ଜେଡ଼ଦାଏ ପ୍ରେରିତ ମନ ହାଏମନ କେ ଶିକ୍ଷା ଦେଲାଏ ତେବେ ଵିଶ୍ଵାସ ସି ମନ ସଵୁ ଦାଏ ସୁନଲାଏ। ହାଏମନ୍ ଅଧିକ କରି ମିଶ ତେ ରେଲା ଆଉରି ଗଟେକ ଲଗେ ଭୋଜନ କରତେରେଲାଏ, ଆଉରି ହାଏମନ ଅଧିକ କରି ଏତାର ହାତର କାଜେ ପାର୍ଥନା କରଲାଏ। ହାଏ ମନ ମିସିକରି ପରମେଶ୍ବର କେ ସ୍ତତି କରତେରେଲାଏ। ଆଉରି ଜନ ଟା ମିସା ତାକର ଲଗେ ରେଲା ଷମଜାଵୁଜା ହେଲାଏ। ସହରର ସବୁ ଲୋକ ତାକର କାଜେ ନୁକୁ ଵିଚାର କରତେରେଲାଏ। ସବୁ ଦିନ ଅଧିକ ଲେ ଅଧିକ ଲୋକ୍ ବିଶ୍ବାସୀ ବନତେ ଗଲାଏ।

*ପ୍ରେରିତ ୨ ର ଗୋଟେକ ଵାଇଵଲର କାଓନି।*

## 44. ୪୪. ପିତର ଆଉରି ଯହନ ଗଟେକ ଭିକାରି କେ ନୁକୁ କରଲାଏ

https://openbiblestories.org/l/dso-x-korapdesia/story-44/

![](https://cdn.door43.org/obs/jpg/360px/obs-en-44-01.jpg)

ଗଟେକ ଦିନ, ପିତର ଆଉରି ଯହନ ମନ୍ଦିର୍ ଥାନେ ଗଲାଏ। ଗଟେକ ଛଟା-କଲା ମାନେ ଭିକ ମାଗଵା କାଜେ ଦୁଆରବନ୍ଦ ଲେଗେ ଠିଆ ହୋଇ ରଲା।

![](https://cdn.door43.org/obs/jpg/360px/obs-en-44-02.jpg)

ପିତର ହାଏ ଛଟା ମାନେଵାଟେ ଦକଲା ଆଉରି କଏଲା, "ମୋର ଲଗେ ତକେ ଦେବାକାଜେ ଡାଵୁତ ନିଆଏ। ମାତର ଜନଟା ମୋର ଲଗେ ଆଚେ ହାଏଟା ମୁଇଁ ତକେ ଦେବିଆଚି। ଯିଶୁର ନାଆଁ ତି ଉଠ ଆଉରି ହିଣ୍ଡା -ବୁଲା ହୋ!"

![](https://cdn.door43.org/obs/jpg/360px/obs-en-44-03.jpg)

ସଂଗେ ସଂଗେ, ପରମେଶ୍ବର ହାଇ ଛଟା ମାନେ କେ ନୁକୁ କରିଦେଲା। ହାଏ ଏନେ -ତେନେ ହିଣ୍ଡ୍ଲା-ଆଉରି ଡଗାଏଲା, ଆଉରି ପରମେଶ୍ବରର ସ୍ତୂତି କରଵାଟା ଆରମ୍ କରି ଦେଲା। ଗୁଡି ଥାନେ ଆଏଲା ଲୋକ ଭକୁଆ ହୋଇ ରେଲାଏ।

![](https://cdn.door43.org/obs/jpg/360px/obs-en-44-04.jpg)

ହାଏ ମାନେ କେ ଦକଵା କାଜେ ଵେଗି ଲୋକ ମନ ରୁଣ୍ଡାହେଲାଏ। ଜନାଏ କି ନୁକୁ ହୋଇ ରେଲା। ପିତର ତାକେ ବଳଲା, "ଏ ମାନେ ନୁକୁ ହି ଗଲା, ମାତର ଇ କତା ଲଗେ ଭକୁଆ ନା ହୁଆ। ହାମି ଏକେ ହାମର ନିଜର ବପୁ ଲଗେ ନୁକୁ ନା କରଲୁ ଆଚୁ, କି ଏଟା କାଜେ ନୁଆଁଏ ହାମି ପରମେଶ୍ବର କେ ପେରମ କରଵୁଆଚୁ। ମାତର ହାଏ ଯିଶୁ ଆଏ, ଯନାଏ ନିଜର ଵପୁ ଲଗେ ନୁକୁ କରଲା, ଜେନତା କି ହାମି ଯିଶୁ କେ ଭରଷା କରଵୁଆଚୁ।”

![](https://cdn.door43.org/obs/jpg/360px/obs-en-44-05.jpg)

ହାଏ ତମି ଆକା ଆୟ ଜନମନ୍ ହାଏ ରମ୍ ରାଜ୍ୟପାଲ୍ କେ ଯୀଶୁ କେ ମାରବା କାଜେ କହି ରେଲା ତମି ତାକେ ମାରଲାସ୍ ଜନାଏ ସବୁ କେ ଜୀବନ୍ ଦେଲା। ମାତର୍ ପରମେଶ୍ବର୍ ତାକେ ମର୍ଲା ଥାନଲେ ଜୀବନ୍ କର୍ଲା। ତମି ନା ବୁଯଲାସ୍ କି ତମି କାଏଟା କରବୁ ଆଚୁ, ମାତର୍ ଯେବେ ତମି ହାଏ କାମ କେ କର୍ତେ ରେଲାସ୍ ତେବେ ଜନ୍ ଭାବବାଦିମନ କଇ ରେଲାଏ ହାଏଟା ପୁରା ହେଲା ହାଏ ମନ କହି ରେଲାଏ କି ଖ୍ରୀଷ୍ଟୋ ଦୁଃଖ୍ ଉଠାଏସି ଆଉରି ମରି ଯାଏସି ପରମେଶ୍ପର୍ ଏନତିକରୀ ହାଇ ଘଟନାକେ ଘଟାଏଲା ଇଟାକାଜେ ଏବେ ମନ ଫେରା ଆଉରି ପରମେଶ୍ବର୍ ଲେଗେ ଲେଉଟିଆସା, ତେବେ ହାଏ ତମର୍ ପାପ୍ କେ ଧଇଦେଇସୀ“

![](https://cdn.door43.org/obs/jpg/360px/obs-en-44-06.jpg)

ଯେବେ ଗୁଡିରର୍ ପୁଜାରୀ ମନ ପିତର୍ ଅଉରି ଯୋହନ କେ ସୁନଲାଏ, ତେବେ ହାଏ ମନ ଅଦିକ୍ ଡରିଗଲାଏ ହାଏଟାକାଜେ ହାଏମନ୍ ତାୟଂକେ ବାନ୍ଦୀକରି ଜଇଲ୍ ଘରେ ଡାପିଦେଲାଏ। ମାତର୍ ଯନ୍ଟା ପିତର୍ କହିରେଲା ହାଏଟାକେ ଅଦିକ୍ ବିଶ୍ବାସ୍ କରଲାଏ ଯୀଶୁ କେ ବିଶ୍ବାସ୍ କରବା ଲୋକ୍ ମନର ହିସାବ୍ ବଡୀକରି ଅନୁମାନ୍ ରେ ୫, ୦୦୦ ହେଇଗଲାଏ।

![](https://cdn.door43.org/obs/jpg/360px/obs-en-44-07.jpg)

ତାର ପାଚର୍ ଦିନେ, ହାଏ ଯିହୂଦିମନ ପିତର୍ ଅଉରି ଯହନ କେ ମୁକିଆ ଲୋକ୍ ମନ ଅଉରି ଆଇନ୍ ଗୁରୁମନର୍ ଛମେ ଆନ୍ ଲାଏ ହାଏ ମନ ହାଏ ଲୋକ୍ କେ ମିସାର୍ ଆନ୍ ଲାଏ ଜନ ନିଜର୍ ରେଲା ହାଏ ମନ ପିତର୍ ଅଉରି ଯହନ୍ କେ ପଚାର୍ ଲାଏ, “କାଏ ଅଧିକାର ଥାନେ ତମି ଇ ଛୋଟା ମାନେକେ ସୁସ୍ତ କରଲାସ୍?”

![](https://cdn.door43.org/obs/jpg/360px/obs-en-44-08.jpg)

ପିତର୍ ହାଏ ମନ କେ କଏଲା, “ଏ ମାନେ ଜନ ତମର୍ ଛମେ ଠିଆ ହେଲା ଆଚେ ତାକେ ଯୀଶୁ ଖ୍ରୀଷ୍ଟୋର୍ ଶକ୍ତି ତି ସୁସ୍ତ କର୍ଲା ଆଚେତ ତମି ଯୀଶୁ କେ କୁରୁଶ୍ କାଟ୍ ତି ଚେଗାୟଲାସ୍, ମାତର୍ ପରମେଶ୍ବର୍ ତାକେ ଆଉରି ଜୀବନ୍ କରି ଦେଲାତମି ତାକେ ନା ଜାନଲାଶ୍, ମାତର୍ ଯୀଶୁର୍ ଶକ୍ତି ଦୁଆରା ଉଧାର୍ ପାଏବାର କାଇ ଅଲଗା ବାଟ ନିଆଏ।”

![](https://cdn.door43.org/obs/jpg/360px/obs-en-44-09.jpg)

ହାଏ ପୁଜାରୀ ମନ କାବା ହି ଗଲାଏ ପିତର୍ ଆଉରି ଯୋହନ୍ ର୍ କଥା ହେବାର୍ ସାହାସ୍ ଦକି ହାଏ ମନ୍ ଦକ୍ ଲାଏ କି ଏମନ୍ ସାଦାରଣ ଆଉରି ଅଜ୍ଞାନୀ ମାନେ ରେଲାଏ ମାତର୍ ଆରି ହାଏମନ୍ ହେତାଏଲାଏ କି ଏ ମାନେମନ୍ ଯୀଶୁ ସଂଗେ ରେଲାଏ ଇଟା କାଜେ ହାଏମନ୍ ତାଏଁକେ କଏଲା।”ହାମୀ ତମକେ ଅଦିକ୍ ଦଣ୍ଡ୍ ଦେବୁ ଯଦି ତମି ଇ ମାନେ ଯୀଶୁ ବିଷୟ ଲୋକ୍ ମନକେ କାଇଟା ଆଉରି ପରଚାର୍ କର୍ଲେ ”ଏନ୍ତି କେତେକ୍ କତା କଏଲାର୍ ପଚେ, ହାଏମନ୍ ପିତର୍ ଆଉରି ଯୋହନ୍ କେ ଯାଏକେ ଦେଲାଏ।

*ପ୍ରେରିତ୍ ୩:୧-୪:୨୨ ବାଇବଲର୍ କାଓନି।*

## 45. ୪୫. ସ୍ତିପାନ୍ ଆଉରି ଫିଲୀଫ୍

https://openbiblestories.org/l/dso-x-korapdesia/story-45/

![](https://cdn.door43.org/obs/jpg/360px/obs-en-45-01.jpg)

ପ୍ରଥମ ଯୀଶୁର୍ ପେରିତ୍ ମନ୍ର୍ ମଜିରେ ସ୍ତିପାନ୍ ନାଅର୍ ଗଟେକ୍ ମାନେ, ରେଲା ସବୁ ଲୋକ୍ ତାକେ ମୟା କର୍ତେ ରେଲାଏ ପବିତ୍ର ଆତ୍ମା ତାକେ କେତେକ୍ ଶକ୍ତି ଆଉରି ବୁଦି ଦେଏତେ ରେଲା ସ୍ତିପାନ୍ କେତେକ୍ ବଡ଼େ- ବଡ଼େ ଚମତକାର କର୍ଲା ଯେବେ ହାଏ ଯୀଶୁ ଉପରେ ଭରଷା କରବା କାଜେ ତାଏଁକେ ଶିକ୍ଷା ଦେଲା ତେବେ କେତେଲୋକ୍ ତାର୍ ଉପ୍ରେ ବିଶ୍ବବାଶ୍ କର୍ ଲାଏ।

![](https://cdn.door43.org/obs/jpg/360px/obs-en-45-02.jpg)

ଗଟେକ ଦିନ, ସ୍ତିପନ ଯିଶୁର ବିଷୟ ଥାନେ ଶିକ୍ଷା ଦେତେରେଲା। ଆଉରି କେତେକ ଏନତି ଯିୟୁଦୀ ଆଏଲା ଜନମନ କି ଯିଶୁ ଉପ୍ରେଵିଶ୍ଵାସ ନା କରତେ ରେଲାଏ। ଆଉରି ତାର ସଙ୍ଗେ ଝୁକ୍ତି ତରକ କର୍ବା ଟା ଆରମ୍ଭ କରଲାଏ। ହାଏ ମନ ଭାରି ରିସା ହୋଇ ଗଲାଏ।”ଇଟା କାଜେ କି ହାଏମନ ଧାର୍ମିକ ଗୁରୁ ଲଗେ ଗଲାଏ, ଆଉରି ତାକର ଵିଷୟ ଲଗେ ମିଚ କଏଲା। ହାଏ ମନ କଏଲା, "ହାମି ସ୍ତିପନକେ ମୋଶା ଆଉରି ପରମେଶ୍ବରର୍”!ବିରୁଧେ କତା କଏବାଦାଏ ସୁନଲୁ ଆଚୁ !"ହାଇଟା କାଜେ ଧାର୍ମିକ ଗୁରୁ ମନ ସ୍ତିପାନ୍ କେ ବାନ୍ଦିକରି ଆରି ତାକେ ମୁକିଆ ପୁଜାରିମନ୍ ଆଉରି ଯିହୁଦିମନ୍ର୍ ଭିନ୍ନ ଆଇନ୍ ଗୁରୁମନର୍ ଛମେ ଆନଲାଏ। ଆଉରି ତାର ବିରୁଧେ ଫନ୍ଦି କତା ହେବା ଲୋକ୍ ଆଏଲାଏ ଆଉରି ହାଏମନ୍ ସ୍ତିପାନ୍ର୍ ବିଷୟ ଥାନେ ମିଚ୍ କତା ହେଲାଏ।

![](https://cdn.door43.org/obs/jpg/360px/obs-en-45-03.jpg)

ମୁଖୀଆ ପୁଜାରୀ ମନ୍ ସ୍ତିପାନ୍ କେ ପଚାରଲାଏ, ”କେନ୍ତା ଇ ଲୋକ୍ ତର୍ ବିଷୟ ଥାନେ ସତ୍ କତା ହେଲାଏ ନିକୀ ?”ସ୍ତିପାନ୍ ମୂଖୀଆ ପୁଜାରୀକେ ଜବାବ ଦେବାକାଜେ କେତେକ୍ କତା କେ କଏକେ ଆରମ କର୍ଲାହାଏ କଏଲା କି ଅବ୍ରାମ୍ର୍ ସମୟ ଦାଏଲେ ଯୀଶୁର୍ ସମୟ ଦାଏ ପରମେଶ୍ବର୍ ଇସ୍ରାଏଲ୍ ଲୋକ୍ର୍ କାଜେ କେତେକ୍ ଅଦଭୂତ କାମ୍ ମନ୍ କର୍ଲାଏ। ମାତର୍ ଲୋକ୍ ମନ୍ ସବୁଦାଏ ପରମେଶ୍ବରର୍ ଆଜ୍ଞାକେ ନା ମାନଲାଏ ସ୍ତିପାନ୍ କଏଲା, ” ତମି ମନ୍ ପରମେଶ୍ବରର୍ ବିରୁଦେ ଅପ୍ ମାନ୍ ଆଉରି ନୀନ୍ଦା କରବା ଲୋକ୍ ଆସ୍ ତମି ସବୁ ଦାଏ ପବିତ୍ର ଆତ୍ମାର୍ ବିରୁଦ କରବା ଆଚାସ୍, ଆଉରି ସବୁ ଦାଏ ତାକର୍ ଭାବବାଦୀମନ୍ କେ ଆଉରି ସବୁ ଦାଏ ମରନେ ମାର୍ ଲାସ୍ ମାତର୍ ଯନ୍ଟା ହାଏ ମନ୍ କରି ରେଲାଏ ତାକର୍ ତୁଲନା ଥାନଲେ ଆଉରି ଅଦିକ୍ ଖରାପ୍ କର୍ଲା ଆଚାସ୍! ତମି ଖ୍ରୀଷ୍ଟୋ କେ ମରନେ ମାର୍ ଲାସ୍!”

![](https://cdn.door43.org/obs/jpg/360px/obs-en-45-04.jpg)

ଯେବେ ହାଏ ଧାରମିକ୍ ଗୁରୁ ଏଟା ସୁନଲା, ତେବେ ହାଏ ଏତକୀ ରିସା ହେଲା କି ହାଏ ମନ୍ ନିଜର୍ ନିଜର୍ କାନ୍ ମନ୍ କେ ଚୁଟି ହେଲାଏ ଆଉରି ଭାରୀ କଲାର୍ ହେଲାଏ ହାଏ ସ୍ତିପାନ୍ କେ ଝିକୀ ଆନୀ ସହରର ବାହାରେ ନୀ ଗଲାଏ ଆଉରି ତାକେ ମର୍ ନେ ମାରବା କାଜେ ହାଏ ମନ୍ ପକନା-ପକନା ମାର୍ କେ ମୁଲାଏ ଲାଏ।

![](https://cdn.door43.org/obs/jpg/360px/obs-en-45-05.jpg)

ଜେଡ୍ କି ଦାଏ ସ୍ତିପାନ୍ ମରତେ ରେଲା, ହାଏ ଡାକଲା, ହେ ଯୀଶୁ, ମର୍ ଆତ୍ମାକେ ନେ !”ତେବେ ହାଏ ନିଜର୍ ମାଣ୍ଡି ଖୁଟା ଦି ରେଲା ଆଉରି ଅଦ୍ରୀ ଗଲା ଆଉରି ହାଏ କଲାର୍ ହି ଡାକ୍ଲା “ହେ ପ୍ରଭୁ, ଏ ପାପ କେ ହାଏ ମନର୍ ଉପ୍ରେ ନା ଲେଦ୍।” ତେବେ ହାଏ ମରି ଗଲା।

![](https://cdn.door43.org/obs/jpg/360px/obs-en-45-06.jpg)

ହାଏ ଦିନେ ଯିରୁଶାଲୋମର୍ ଥାନେ ରେବା କେତେକ୍ ଲୋକ୍ ଯୀଶୁର୍ ପଚେ ଚାଲବା ଲୋକେ ତାଡ଼ନା କରକକେ ଆରମ୍ କରଳାଏ, ଇଟା କାଜେ ବିଶ୍ବାସୀ ମନ୍ ସବୁ ବାଟେ ପଲାଏ ଗଲାଏ ମାତର୍ ହେଲେ ମିସା, ଜନ ଥାନେ ମିସା ହାଏ ମନ୍ ଗଲାଏ ହାଏ ମନ୍ ଯିଶୁର୍ ବିଷୟ ଥାନେ ପ୍ରଚାର୍ କାରଲାଏ।

![](https://cdn.door43.org/obs/jpg/360px/obs-en-45-07.jpg)

ଫିଲିପ୍ ନାମର୍ ଯିଶୁର୍ ଗଟେକ ବିଶ୍ବାସୀ ରେଲା ଜେନତାକୀ ଭିନ୍ ଭିନ୍ କେତେକ୍ ବିଶ୍ବାସୀ ମନ କରି ରେଲାଏ ହାଏ ମିସା ଯିରୁଶଲୋମ୍ ଥାନ୍ନୁ ପଲାଏ ଯାଇ ସମିରନ୍ ବଡ଼ ସହରେ ଉଟି ଗଲା ହାଏ ଥାନେ ହାଏ ଲୋକ୍ ମନକେ ଯିଶୁର୍ ବିଷୟ ଥାନେ ପ୍ରଚାର୍ କାର୍ଲା କେତେକ୍ ଲୋକ୍ ତାର ଉପରେ ବିଶ୍ବାସ୍ କରଳାଏ ଆଉରି ଉଧାର୍ ପାଏଲା ଗଟେକ୍ ଦିନ୍ ଫିଲିପ୍ ଲେଗେ ପରମେଶ୍ବର୍ ବାଟଲେ ଗଟେକ୍ ସରଗ୍ ଦୁତ୍ ଆଏଲା ଆଉରି ତାକେ ଝାର୍ ଥାନେ ଯିବା କାଜେ ଆଉରି ଗଟେକ୍ ରୋଡ୍ ଉପରେ ହିଣ୍ଡିବା କାଜେ କଏଲା ତେବେ ହାଏ ଗଟେକ୍ ମାନେ କେ ନିଜର୍ ରତ୍ ଥାନେ ଯିବାଟା ଦକଲା ହାଏ ମାନେ କୃଶ୍ ଦେସର୍ ଗଟେକ୍ ବଡ଼େ ଅଦିକାରୀ ରେଲା ପବିତ୍ର ଆତ୍ମା ଫିଲିପ୍ କେ କଏଲା କି ତୁଇ ଯାଇ କରି ହାଏ ମାନେ କେ କତା ହୋ।

![](https://cdn.door43.org/obs/jpg/360px/obs-en-45-08.jpg)

ତେବେ ଫିଲିପ୍ ରତ୍ ଲେଗେ ଗଲା ହାଏ ସୁନଲା କି ନଂପୁସକ ପରମେଶ୍ବରର୍ ବାକ୍ୟ କେ ପଡତେ ରେଲା ଜନଟା ଯିଶାଏ ଭାବବାଦୀ ଲେଖିରେଲା ହାଏ ଟାକେ ହାଏ ପଡ ତେ ରେଲା ହାଏ ପଡ଼ତେ ରେଲା, "ହାଏ ତାକେ ପୁଜବା କାଜେ ମେଣ୍ଡା ସମାନ୍ ଟା ନି କରି ଗଲାଏ ଆଉରି ଜେନ୍ତା କି ଗଟେକ୍ ମେଣ୍ଡା ଶାନ୍ତି ରେଏସି, ହାଏ ମିସା ଗଟକ୍ ପଦ କତା ମିସା ହାଏ ନାବଲ୍ଲା ହାଏ ମନ୍ ତାକେ ଅପମାନ୍ କରଲାଏ ଆଉରି ତାକେ ସନମାନ ନା ଦେଲାଏ”ହାଏ ମନ୍ ତାର ଜୀବନ୍ କେ ନେଲାଏ।”

![](https://cdn.door43.org/obs/jpg/360px/obs-en-45-09.jpg)

ଫିଲିପ୍ ହାଏ ନଂପୁସକ୍କେ ପଚାର୍ଲା, "ଜନଟା ତୁଇ ପଡବି ଆଚିସ୍ ହାଏଟା କେ ତୁଇ ବୁଜ୍ କେ ପାର୍ ବି ଆଚିସ୍ କି ?” ହାଏ ନଂପୁସକ କଏଲା, ନାଇଁ ଯେଡ୍ କି ଦାଏ କନୀ ମିସା ମକେ ନା ବୁଜାଏ ଦେଲେ, ମୁଇଁ କେନ୍ତା କରି ବୁଜ୍ ବି ଦୟାକରି ମର୍ ଲଗେ ଆସି ବସ୍।

![](https://cdn.door43.org/obs/jpg/360px/obs-en-45-10.jpg)

ଫିଲିପ ରଥ ଉପରେ ଚେଗି୍ ବସଲା୍। ତାର୍ପାଚେ୍ ହାଏ ହାଇ ନଂପୁସକ କେ ସାଙ୍ଗଲା୍ ଜନ୍ଟା ଯିଶାଇୟ ଯୀଶୁର୍ ବିଷୟତି୍ ଲେକିରେଲା୍। ଫିଲିପ୍ ପରମେଶ୍ବର ର୍ ବାକ୍ୟର୍ ଅଲ୍ଗା ଅଲ୍ଗା ଅଂଶ ବିଷୟତାନର୍ ମିଶା୍ କତାବାର୍ତା କରିରେଲା୍ଏ। ଅନ୍ତିକରି୍, ହାଏ ହାଇ ନଂପୁସକ କେ୍ ଯୀଶୁର୍ ବିଷୟର୍ ସୁସମାଚାର କେ୍ ଜନାଏଲା୍।

![](https://cdn.door43.org/obs/jpg/360px/obs-en-45-11.jpg)

ଫିଲିପ ଆରି୍ ହାଇ ପାଣି ଲଗେ୍ ଆସ୍ଲାଏ। ହାଇ ବଲା୍, "ଦକ୍!, ଇଲଗେ୍ ପାନି୍ ଆଚେ୍! ମୁଇ ବାପ୍ତିଜିତ୍ ହଏକେ୍ ପାର୍ବି କି?" ଆରି୍ ହାଇ ରଥକେ୍ ତେବାଏବା କାଚେ୍ ବଲା୍।

![](https://cdn.door43.org/obs/jpg/360px/obs-en-45-12.jpg)

ତେବେ୍ ହାଇମନ୍ ପାନି୍ ଭିତ୍ରେ ଗଲା୍ଏ ଆରି୍ ଫିଲିପ୍ ହାଇ ନଂପୁସକ୍ କେ ବାପ୍ତିସ୍ମ ଦେଲା୍। ଜଡ଼ଦାଏ ହାଏମନ୍ ପାନି୍ ତାନ୍ଲେ ନିକ୍ରି ଆଏଲା୍ଏ, ପବିତ୍ର ଆତ୍ମା ହଠାତ୍ ଫିଲିପକେ୍ ଅଲ୍ଗା ଜାଗାତି୍ ନେଲା୍। ହାଏତି୍ ଫିଲିପ୍ ଲକମନକେ୍ ଯୀଶୁର୍ ବିଷୟତି୍ ଶାଙ୍ଗ୍ବାକେ ଲାଗ୍ଲା୍।

![](https://cdn.door43.org/obs/jpg/360px/obs-en-45-13.jpg)

ହାଇ ନଂପୁସକ୍ ନିଜର୍ ଘରେ୍ ଗଲା୍। ହାଏ ଟକା୍ ସର୍ଦା ହଇରେଲା୍ କାରନ୍ ହାଏ ଏବେ ଯୀଶୁକେ୍ ଜାନ୍ଲା୍।

*ପେରି୍ତ ୬:୮-୮:୫; ୮:୨୬-୪୦ ତାନର୍ ବାଇବଲର୍ ଗୋଟକ୍ କାଓନି।*

## 46. ୪୬. ପାଉଲ  ଖ୍ରୀଷ୍ଟିଆନ ହଉଆଏ

https://openbiblestories.org/l/dso-x-korapdesia/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ ନାମର୍ ଗଟକ୍ ମାନେ୍ ରେଲା୍ ଯନା୍ଏ ଯୀଶୁକେ୍ ବିଶ୍ୱାସ ନା କରି୍ରେଲା୍। ହାଏ ଜଡ଼ଦାଏ ସାନ୍ ରେଲା୍, ହାଏ ସ୍ତିପାନର୍ ହତ୍ୟାଆରା୍ ମନର୍ ପଷାକେ୍ ଦକାରାକା୍ କରି ରେଲା୍। ପାଚେ୍, ବିଶ୍ବାସ୍ ମନ୍କେ ତାଡ଼ନା କରି୍ ରେଲା୍। ହାଏ ଯିରୁଶାଲମତି୍ ଘରେ୍ ଘରେ୍ ଯାଇ ବାଏଲେ୍ ମୁନୁଷ୍ କେ ବାନ୍ଦି କରି ଜେଲ୍ତି ଡାପ୍ତେରେଲା୍। ତାର୍ପାଚେ୍ ମହାଯାଜକ ଶାଉଲକେ୍ ଦମ୍ମେସକ ସହରତି ଯିବାକାଚେ୍ ଅନୁମତି୍ ଦେଲା୍। ହାଏ ଶାଉଲକେ୍ ହାଏତି ରେବା୍ ଖ୍ରୀଷ୍ଟିଆନମନକେ୍ ବାନ୍ଦି କରି୍ ଯିରୁଶାଲମତି୍ ଆନ୍ବାକାଚେ୍ ବଲି୍ରେଲା୍।

![](https://cdn.door43.org/obs/jpg/360px/obs-en-46-02.jpg)

ତେବେବଲି୍ ଶାଉଲ ଦମ୍ମେସକତି୍ ଯିବା୍ଟା ଆରମ୍ଭ କର୍ଲା। ହାଇ ସହରତି କେଟବା୍ର ଅଲପ୍ ଆଗେ୍ ତାକେ୍ ଆକାଶତିଲେ୍ ଗଟକ୍ ଉଜ୍ଜ୍ୱଳ ତାର୍ ଚାର୍ ବାଟେ ଚମ୍କଲା୍, ତେବେ୍ ହାଏ ତଲେ୍ ଅଦର୍ଲା। ଶାଉଲ କାଆର୍ ଗଟକ୍ ବଲା୍ବାଟାକେ୍ ଶୁନ୍ଲା, "ଏ ଶାଉଲ! ଏ ଶାଉଲ! ତୁଇ ମକେ୍ କାଏକାଚେ୍ ତାଡ଼ନା କର୍ବିସ୍?" ଶାଉଲ ପଚା୍ରଲା୍, "ପ୍ରଭୁ, ତୁଇ କନାଆସ୍?" ଯୀଶୁ ଉତ୍ତର ଦେଲା, "ମୁଇ ଯୀଶୁ ଆଏ। ତୁଇ ମକେ୍ ଯନ୍ତ୍ରନା ଦେବି୍ଇସି୍।”

![](https://cdn.door43.org/obs/jpg/360px/obs-en-46-03.jpg)

ଜଡ଼ଦାଏ ଶାଉଲ ଉଟଲା୍ ତ କାଇଟା୍ ଦଖେ୍ ନାପାର୍ଲା। ତାର୍ ସାଙ୍ଗ୍ ମନ୍ ତାକେ୍ ଦମ୍ମେସକତି ନେଲା୍ଏ। ଶାଉଲ ତିନ୍ ଦିନ୍ ତକ୍ କାଇଚ୍ ଟା ନା ଖାଏଲା୍ କି ନା ପିଇଲା୍।

![](https://cdn.door43.org/obs/jpg/360px/obs-en-46-04.jpg)

ଦମ୍ମେସକତି୍ ହନାନିଅ ନାମର୍ ଗଟକ୍ ଚେଲା୍ ରେଲା୍। ପରମେଶ୍ୱର୍ ତାକେ୍ ବଲା୍, "ଶାଉଲ୍ ଜନ୍ ଘରେ୍ ଆଚେ୍, ହାଇ ଘରେ୍ ଯାଆ। ତର୍ ହାତ୍କେ ତାର୍ ଉପରେ୍ ରଖ୍ ଜନ୍ଟାର୍ ଲାଗି୍ ଆଓରି୍ ହାର୍କ ହାଏ ଦଖେ୍ ପର୍ସି।” ମାତର୍ ହନାନିୟ ବଲା୍, ପ୍ରଭୁ, ମୁଇ ଶୁନ୍ଲିଆଛି କି ହାଇ ମାନେ କନ୍ତା ବିଶ୍ବାସ୍ ମନ୍କେ ମାର୍ତେରେଲା୍।” ପରମେଶ୍ୱର ତାକେ୍ ଉତ୍ତର ଦେଲା୍, "ଯାଆ! ମୁଇ ତାକେ୍ ଯିହୁଦୀ ଆରି ଅଲଗା୍ ଜାତିର୍ ଲଗେ୍ ମର୍ ନାଓକେ ପ୍ରଚାର୍ କର୍ବାକାଚେ୍ ତାକେ୍ ବାଛଲି୍ଆଚି୍। ହାଏ ମର୍ ନାଓ କାଚେ୍ ଟକା୍ କଷ୍ଟ୍ ଉଟାଏସି୍।”

![](https://cdn.door43.org/obs/jpg/360px/obs-en-46-05.jpg)

ତେବେ ହନନିୟ ଶାଉଲ୍ ଲଗେ୍ ଯାଇ ତାର୍ ଉପରେ ହାତ ରଖି କରି୍ ବଲା୍, "ଯୀଶୁ, ଇତି ଆଏବା ବାଟେ ତକେ୍ ଦଖା୍ଏ ହଏଲା୍, ମକେ୍ ତର୍ ଲଗେ୍ ପଟାଏଲା୍ ଆଚେ୍ ଜନ୍ଟଟାର୍ ଲାଗି୍ ତୁଇ ଆଓରିହାରକ୍ ଦଖେ୍ ପର୍ବିସ୍, ଆରି୍ ପବିତ୍ର ଆତ୍ମା ତକେ୍ ଭରି୍ଦେଓ।” ସଙ୍ଗେ୍ ସଙ୍ଗେ୍ ଶାଉଲ ଆଓରିହାରକ୍ ଦଖେ୍ ପର୍ଲା, ଆରି ହନାନିୟ ତାକେ୍ ବାପ୍ତିସ୍ମ ଦେଲା୍। ତେବେ ଶାଉଲ୍ ତାର୍ ଭାତ୍ ଖାଇ ଆଓରି୍ ଶକ୍ତି ପାଏଲା୍।

![](https://cdn.door43.org/obs/jpg/360px/obs-en-46-06.jpg)

ହାଇଦିନ୍ଲେ ଶାଉଲ୍ ଦମ୍ମେସକତି୍ ରଏତେ୍ରେବା ଯିହୁଦୀମନ୍ ଲଗେ୍ ପ୍ରଚାର୍ କର୍ବାଟା ଆରମ୍ଭ କର୍ଲା। ହାଏ ବଲା୍, "ଯୀଶୁ ହଏସି୍ ଆଚେ୍ ପରମେଶ୍ବରର୍ ବେଟା!" ଯିହୁଦୀ ଲକ୍ମନ୍ ବକୁଆ ହଏଲା୍ଏ, କାରଣ ଶାଉଲ୍ ବିଶ୍ବାସି୍ ମନ୍କେ ମର୍ତେ ମାର୍ବାକାଚେ୍ ଚେଷ୍ଟା କରି୍ରେଲା, ମାତର୍ ଏବେ ହାଏ ଯୀଶୁକେ୍ ବିଶ୍ୱାସ କରି୍ରେ୍ଲା୍। ଶାଉଲ ଯିହୂଦୀମନ୍ ସଙ୍ଗେ ଯୁକ୍ତିତର୍କ କର୍ଲା। ହାଏ ଯୀଶୁକେ୍ ଖ୍ରୀଷ୍ଟ ଆଏ ବଲି୍ ଦକାଏଲା୍।

![](https://cdn.door43.org/obs/jpg/360px/obs-en-46-07.jpg)

କତ୍କ ଦିନ୍ ଯିବାକେ୍ ଯିହୁଦୀମନ୍ ଶାଉଲକେ୍ ମର୍ତେମାର୍ବା କାଚେ୍ ଶଢ଼ଯନ୍ତ୍ର କର୍ଲାଏ। ହାଏମନ୍ ତାକେ୍ ମାର୍ବାକାଚେ୍ ନଗର୍ ଫାଟକ୍ତି ଲକେ୍ ପଟାଏଲାଏ ତାକେ୍ ଲୁକିକରି୍ ଦକ୍ବାକାଚେ୍। ମାତର୍ ଶାଉଲ୍ ହାଇ ଶଢଢ଼ୟନ୍ତ୍ରର ବିଷୟତି୍ ଶୁନଲା୍, ତାର୍ ସଙ୍ଗମନ୍ ତାକେ୍ ବାଚା୍ଏବା କାଚେ୍ ସାହାଯ୍ୟ କର୍ଲାଏ। ଗଟ୍ଦିନ୍ ରାତ୍ର୍ ଦାଏ ହାଏମନ୍ ତାକେ୍ ଗଟୋକ୍ ଡାଲାତି୍ ବସା୍ଏ କରି୍ ନଗର୍ କାତି ତିଲେ୍ ଉତ୍ରାଏ ଦେଲା୍ଏ। ଦମ୍ମେସକତାନ୍ଲେ ପଲାଏ କରି୍ ଶାଉଲ ଯୀଶୁର୍ ବିଷୟତି୍ ପ୍ରଚାର୍ କର୍ବାଟା୍ ଜାରି୍ ରକା୍ଲା।

![](https://cdn.door43.org/obs/jpg/360px/obs-en-46-08.jpg)

ଶାଉଲ୍ ପେରି୍ତମନକେ୍ ଭେଟ୍ବା କାଚେ୍ ଯିରୁଶାଲମତି୍ ଗଲା୍, ମାତର୍ ହାଏମନ୍ ତାକେ୍ ଡର୍ତେ ରେଲା୍ଏ। ହାଇଟାକାଚେ୍ ବର୍ଣ୍ଣବାବ୍ ନାଓର୍ ଗଟକ୍ ବିଶ୍ୱାସୀ ଶାଉଲକେ୍ ପେରି୍ତମନ୍ ଲଗେ୍ ନେଲା୍। ହାଏ ତିକେ୍ ଶାଉଲ୍ କନ୍ତା ଦମ୍ମେସକତି୍ ସାହସ୍ ସଙ୍ଗେ୍ ପ୍ରଚାର୍ କରି୍ରେଲା୍, ହାଇଟାକେ୍ ସାଙ୍ଗଲା୍। ଏତା୍ର୍ପାଚେ୍ ପେରି୍ତମନ୍ ଶାଉଲକେ୍ ଗ୍ରହଣ୍ କର୍ଲାଏ।

![](https://cdn.door43.org/obs/jpg/360px/obs-en-46-09.jpg)

କତ୍କ ବିଶ୍ବାସ୍ ମନ୍ ଯିରୁଶାଲମର୍ ତାଢ଼ନା୍ ତାନଲେ୍ ପଲା୍ଏକରି୍ ଦୂର୍ର ଆନ୍ତିୟଖିଆ ସହରକେ୍ ଯାଇ ଯୀଶୁର୍ ବିଷୟତି୍ ପ୍ରଚାର କର୍ଲାଏ। ଅଧିକରି୍ ଆନ୍ତିୟଖିଆତି୍ ଯିହୂଦୀ ଲକ୍ ବସ୍ବାସ ନା ରେଲା୍ଏ, ମାତର୍ ପର୍ତମ୍ ହାର୍ କାଚେ୍ ତିକର୍ ଭିତର୍ଲେ ଟକା୍ ଲକ୍ ବିଶ୍ୱାସୀ ହଏଲା୍ଏ। ବର୍ଣ୍ଣବାବ୍ ଆଓରି୍ ଶାଉଲ୍ ଇ ନୂଆ ବିସ୍ବାସି୍ ମନ୍କେ ଯୀଶୁର୍ ବିଷୟତି୍ ଟକା୍ ଶିକାଏବା୍ କାଚେ୍ ହାଏତି ଗଲା୍ଏ ଆଓରି୍ ମଣ୍ଡଲୀ୍କେ ମଜଭୁତ୍ କର୍ଲାଏ। ଜନମନ୍ ଯୀଶୁକେ୍ ବିଶ୍ୱାସ କର୍ତେରେଲା୍ଏ ତିକେ୍ ପର୍ତମ୍ ତର୍ କାଚେ୍ ଆନ୍ତିୟଖିଆତି୍ “ଖ୍ରୀଷ୍ଟିଆନ” ବଲା୍ଏ ହଏଲା୍ଏ।

![](https://cdn.door43.org/obs/jpg/360px/obs-en-46-10.jpg)

ଗଟ୍ଦିନେ୍ ଆନ୍ତିୟଖିଆର୍ ଖ୍ରୀଷ୍ଟିଆନମନ୍ ଉପବାସ କରି୍ ପ୍ରାର୍ଥନା କର୍ତେରେ୍ଲାଏ। ପବିତ୍ରଆତ୍ମା ତିକେ୍ ବଲା୍, "ବର୍ଣ୍ଣବାବ୍ ଆଓରି୍ ଶାଉଲକେ୍ ଅଲଗା୍ କରା୍, ଜନ୍ କାମ୍ କର୍ବା କାଚେ୍ ମୁଇ ତିକେ୍ ଡାକ୍ଲିଆଚି୍।” ଇଟାକାଚେ୍ ଆନ୍ତିୟଖିଆର୍ ମଣ୍ଡଳୀ୍ ବର୍ଣ୍ଣବାବ୍ ଆଓରି୍ ଶାଉଲ୍ କାଚେ୍ ପାର୍ତନା୍ କର୍ଲା ଆଓରି୍ ତିକର୍ ଉପରେ ହାତ ରକ୍ଲାଏ। ତାର୍ପାଚେ୍ ତିକେ୍ ଯୀଶୁର୍ ବିଷୟର୍ ସୁସମାଚାର୍ ପ୍ରଚାର କର୍ବାକାଚେ୍ ତିକେ୍ ଅଲଗା୍ ଅଲଗା୍ ଜାଗାମନତି୍ ପଟାଏଲା୍ଏ। ବର୍ଣ୍ଣବା୍ ଆଓରି୍ ଶାଉଲ୍ ଅଲଗା୍ ଅଲଗା୍ ଜାତିର୍ ଲୋକକେ୍ ଶିକାଏଲା୍ଏ, ଆଓରି୍ ଅନେକ୍ ଲୋକମନ୍ ଯୀଶୁକେ ବିଶ୍ୱାସ କର୍ଲାଏ।

*ପ୍ରେରିତ ୮:୩; ୯:୧-୩୧; ୧୧:୧୯-୨୬; ୧୩:୧-୩ ତାନର୍ ଗୋଟକ୍ ବାଇବଲର୍ କାଓନି।*

## 47. ୪୭. ଫିଲିପୀୟତି ପାଉଲ ଆଓରି ସିଲା

https://openbiblestories.org/l/dso-x-korapdesia/story-47/

![](https://cdn.door43.org/obs/jpg/360px/obs-en-47-01.jpg)

ଜଡ଼ଦାଏ ଶାଉଲ ରୋମୀୟ ସାମରା୍ଜତି ବୁଲ୍ଲା, ହାଡ଼କିଦାଏ ହାଏ ତର୍ ରୋମୀୟ୍ ନାଓ "ପାଉଲ" ବ୍ୟବ୍ହାର୍ କର୍ବାଟା ଆରମ୍ କର୍ଲା। ଗୋଟ୍ଦିନ୍, ପାଉଲ ଆଓରି ତାର୍ ସାଙ୍ଗ୍ ସିଲା ଫିଲିପ୍ପି ସହର୍ତି ଯାଇ ଯୀଶୁର୍ ସୁସମାଚାର୍ ପ୍ରଚାର କର୍ଲାଏ। ହାଏମନ୍ ସହର୍ର ବାଆରେ ନଦୀର୍ ବାଲିପାଟାଏ ଗଲା୍ଏ ଜନ୍ତାନେ ଲୋକମନ୍ ପ୍ରାର୍ଥନା କର୍ବାକାଚେ ରୁଣ୍ଢା ହଇରେଲା୍ଏ। ହାଏତି ହାଏ ଲୂଦିଆ ନାମର୍ ଗୋକ୍କ ବାଏଲେକେ ଭେଟ୍ଲାଏ ଜନ୍ ଗୋଟକ୍ ବେବାର୍ନି ରେଲା୍। ହାଏ ପରମେଶ୍ୱରକେ୍ ମୟା୍ କର୍ତେରେଲା୍ ଆଓରି ପୂଜା କର୍ତେରେଲା୍।

![](https://cdn.door43.org/obs/jpg/360px/obs-en-47-02.jpg)

ପରମେଶ୍ବର ଲିଦୂଆକେ ଯୀଶୁର୍ ବିଷୟତି୍ର ଖବର୍କେ ବିଶ୍ୱାସ କର୍ବାକାଚେ ସକ୍ଷମ କର୍ଲା। ପାଉଲ ଆଓରି ସିଲା ତାକେ୍ ଆଓରି ତାର୍ ପରିବାରକେ ବାପ୍ତିସ୍ମ ଦେଲାଏ। ହାଏ ପାଉଲ ଆଓରି ସିଲାସ୍କଜ ତାର୍ ଘରେ୍ ରବା କାଚେ ଡାକ୍ଲା, ହାଇଟାକାଚେ୍ ହାଏମନ୍ ତିକର୍ ଘରେ୍ ରେଲା୍ଏ।

![](https://cdn.door43.org/obs/jpg/360px/obs-en-47-03.jpg)

ଯିହୁଦୀମନର୍ ପ୍ରାର୍ଥନା କର୍ବା ଜାଗାତି ପାଉଲ ଆଓରି ସିଲାସ୍ ଲୋକମନ୍କେ ଅଧିକରି୍ ଭେଟ୍ତେରେଲାଏ। ସବୁଦିନ୍ ଜଡ଼ଦାଏ ହାଏମନ୍ ହାଏତି ଯାଏତେରେଲା୍ଏ ତ ଗଟକ୍ ଚାକର୍ନି ଟକି ଜାକେ୍ ମନ୍ଦ୍ ଆତ୍ମା ଲାଗି୍ରେଲା ତିକର୍ ପିଟି୍ପିଟି୍ ହୋଏତେରେଲା୍। ଇ ମନ୍ଦ୍ ଆତ୍ମା ଦ୍ୱାରା ହାଇ ଲୋକମନର୍ ଭବିଷର୍ କଥାକେ ସାଙ୍ଗ୍ତେରେଲା, ଇଟାକାଚେ୍ ହାଏ ଭବିଷ୍ତ ସାଙ୍ଗି୍କରି ତାର୍ ଶାଓକାର୍ ମନ୍କାଚେ୍ ପଏସା୍ କମାଏତେରେଲା୍।

![](https://cdn.door43.org/obs/jpg/360px/obs-en-47-04.jpg)

ତିକର୍ ଯିବାଦାଏ ଇ ଚାକର୍ନି କଲା୍ଆର୍ ହଇ ବଲ୍ତେରେଲା୍, "ଇ ମନ୍ ସବୁଲେ ଅଧିକ ଅଧିକାରୀ ପରମେଶ୍ବରର୍ ସେବକ୍ ମନ୍ ଆତ୍। ଇ ମନ୍ ତମକେ୍ ଉଦ୍ଧାର୍ ପାଏବା ରାସ୍ତା ସାଙ୍ଗ୍ବାଆତ୍!" ହାଏ ସବୁଦିନ୍ ଅନ୍ତି କର୍ତେରେଲା୍ ଜନ୍ଟାର୍ ଲାଗି୍ ପାଉଲ ରିଶା୍ ହଏଲା୍।

![](https://cdn.door43.org/obs/jpg/360px/obs-en-47-05.jpg)

ଶରା୍ଶରିକେ୍, ଗଟ୍ଦିନ୍ ଜଡ଼ଦାଏ ଚାକ୍ରନି ଟକି୍ କଲା୍ର ହଏବାଟା୍ ଆରମ୍ କର୍ଲା, ପାଉଲ୍ ତାର୍ବାଟେ ଉଲ୍ଟି କରି୍ ତାର୍ ଭିତ୍ରେ ରେବା୍ ମନ୍ଦ ଆତ୍ମାକେ୍ ବଲା୍, "ଯୀଶୁର୍ ନାଓତି୍ ଏତା୍ର ତାନ୍ଲେ ନିକରି୍ ଯା।” ହଡ଼କିଚ୍ଦାଏ ହାଇ ମନ୍ଦଆତ୍ମା ତାର୍ତାନେଲେ୍ ନିକରି୍ ଗଲା୍।

![](https://cdn.door43.org/obs/jpg/360px/obs-en-47-06.jpg)

ହାଇ ଚାକ୍ରନିର୍ ମାଲିକ୍ ଟକା୍ ରିଶା୍ ହଏଗଲା୍। ହାଏମନ୍ ଜାନ୍ଲାଏ ଯେ ହାଇ ମନ୍ଦ ଆତ୍ମା ବିନା ଚାକ୍ରନି ଟକି୍ ଲକ୍ମନର୍ ଭବିଷ୍ୟତକେ ସାଙ୍ଗ୍କେ ନା ପାରେବେ୍। ଏତାର୍ ଅର୍ଥ ଲୋକମନ୍ ତାର୍ ମାଲିକମନ୍କେ ପଏସା୍ ନା ଦେଏତ୍ବେ କି ତିକର୍ ଭବିଷତ୍ ସାଙ୍ଗସି୍ କି ତିକର୍ ସଙ୍ଗେ କାଏ ହଏସି୍ବେ୍।

![](https://cdn.door43.org/obs/jpg/360px/obs-en-47-07.jpg)

ହାଇଟାକାଚେ୍ ଚାକ୍ରନିର୍ ମାଲିକମନ୍ ପାଉଲ ଆଓରି ସିଲାସକେ୍ ରୋମୀୟ ଅଧିକାରୀ ମନଲେଗେ୍ ନେଲାଏ। ହାଏମନ୍ ପାଉଲ ଆଓରି ସିଲାସକେ୍ ମାଡମାର୍ଲାଏ, ଆରି ତିକେ ଜେଲ୍ତି ପୁରଏଲା୍ଏ।

![](https://cdn.door43.org/obs/jpg/360px/obs-en-47-08.jpg)

ହାଏମନ୍ ପାଉଲ ଆଓରି ସିଲାସକେ୍ ଜେଲ୍ତିର୍ ଗଟକ୍ ଅନ୍ତା ଜାଗାତି୍ ସଙ୍ଗାଏରେଲା୍ଏ ଜନ୍ତି ସବୁଲେ ଅଧିକ୍ ସେନାମନ୍ ରେଲା୍ଏ। ଅନ୍ତାକି୍ ହାଏମନ୍ ତିକର୍ ଗଡ଼ମନକେ୍ ବଡେ ଦାରୁ ସଙ୍ଗେ ବାନ୍ଦିରେଲା୍ଏ। ମାତର୍ ମଜିରାତି୍ତି ପାଉଲ୍ ଆଓରି ସିଲାସ୍ ପରମେଶ୍ବର ମହିମାକର୍ବା ଗିତ୍ ଗାଏତେ ରେଲା୍ଏ।

![](https://cdn.door43.org/obs/jpg/360px/obs-en-47-09.jpg)

ହଠାତ୍ ଗଟ୍କ ଭୟଙ୍କର ଭୂକମ୍ପ ହଏଲା୍! ଜେଲ୍ ତାନର୍ ସବୁ ଦୁଆରର୍ କପାଟ୍ ଖଲି୍ ହୋଇଗଲା୍ ଆଓରି ବନ୍ଦୀମାନର୍ ଶିକୁଳିମନ୍ ହିଟି୍ ଗଲା୍।

![](https://cdn.door43.org/obs/jpg/360px/obs-en-47-10.jpg)

ତାର୍ପାଚେ୍ ଅଧିକାରୀ ଉଠ୍ଲା। ହାଏ ଦଖ୍ଲା ଜେଲ୍ର କବାଟ୍ ସବୁ ଉଗାଢି ହଏଲା୍ ଆଚେ୍। ହାଏ ଭାବ୍ଲା୍ ଯେ ସବୁ ବନ୍ଦୀମନ୍ ପଳାଏରେବା୍। ହାଏ ଡର୍ତେ ରେଲା୍ କି ରୋମିୟ୍ ଅଧିକାରୀମନ୍ ତିକର୍ ପଲାଏଲା୍ କାଚେ ତାକେ ମର୍ତେ ମାର୍ବାଏବେ, ହାଇକାଚେ ହାଏ ନିଜେ୍ ମରିଯିବା୍ କାଚେ୍ ତିଆର୍ ହଏଲା୍! ମାତର୍ ପାଉଲ ତାକେ ଦଖି କଲା୍ର ହଇ ବଲା୍, "ତେବ୍! ନିଜକେ୍ ନା ମାରିହୋ୍। ଆମି ସବୁଲୋକ୍ ଇତାନେ ଆଚୁ।”

![](https://cdn.door43.org/obs/jpg/360px/obs-en-47-11.jpg)

ହାଇ ଅଧିକାରୀ ଥର୍ତରି୍ ଥର୍ତରି୍ ପାଉଲର୍ ଲଗେ ଆସି୍ ପଚାର୍ଲା, "ଉଦ୍ଧାର ପାଏବା କାଚେ୍ ମୁଇ କାଏକର୍ବି? ପାଉଲ ଉତ୍ତର ଦେଲା, "ପ୍ରଭୁ ଯୀଶୁକେ ବିଶ୍ବାସ୍ କର୍, ତେବେ ତୁଇ ଆଓରି ତର୍ ପରିବାର୍ ଉଦ୍ଧାର ପାଏବାସ୍।” ତାର୍ପାଚେ୍ ହାଇ ଅଧିକାରୀ ପାଉଲ ଆଓରି ସିଲାସକେ୍ ତାର୍ ଘରେ ନେଇ ତିକର୍ ଘାଓକେ ଧଏଲା୍। ପାଉଲ ତାର ପରିବାରର୍ ସବୁକେ ଯୀଶୁର୍ ବିଷୟର୍ ସୁସମାଚାର ପ୍ରଚାର କର୍ଲା।

![](https://cdn.door43.org/obs/jpg/360px/obs-en-47-12.jpg)

ଅଧିକାରୀ ଆଓରି୍ ତାର୍ ପରିବାର ଯୀଶୁକେ ବିଶ୍ୱାସ କର୍ଲାଏ, ଇଟାକାଚେ୍ ପାଉଲ ଆଓରି ସିଲାସ୍ ତିକର୍ ପରିବାରର୍ ସବୁକେ୍ ବାପ୍ତିଜିତ କର୍ଲାଏ। ତାର୍ପାଚେ ଅଧିକାରୀ ପାଉଲ ଆଓରି ସିଲାସକେ୍ ଖାଇବାକାଚେ୍ ଦେଲା୍, ଆଓରି ହାଏମନ୍ ସବୁମିଶିକରି୍ ସର୍ଦା ହଏଲାଏ।

![](https://cdn.door43.org/obs/jpg/360px/obs-en-47-13.jpg)

ପର୍ଦିନ ସହରର ନେତାମନ୍ ପାଉଲ ଆଓରି ସିଲାସକେ ଜେଲ୍ ତାନ୍ଲେ ନିକରାଏଲା ଆରି ଫିଲିପ୍ପି ତାନଲେ ଛାଢ଼ବାକାଚେ୍ ବଲା୍ଏ। ପାଉଲ ଆଓରି୍ ସିଲାସ୍ ଲୂଦିଆ ଆରି ଅଲଗା୍ କତଟା୍ ସାଙ୍ଗମନ୍କେ ଭେଟ୍ଲାଏ ଆରି ପାଚେ୍ ସହରତିଲେ୍ ଉଟିଗଲା୍ଏ। ଯୀଶୁର୍ ବିଷୟର୍ ସୁସମାଚାର୍ ସବୁବାଟେ୍ ପେଏଲିଗଲା୍ ଆଓରି୍ ମଣ୍ଡଳୀ ବଢ଼ତେ୍ ଗଲା୍।

![](https://cdn.door43.org/obs/jpg/360px/obs-en-47-14.jpg)

ପାଉଲ ଆଓରି୍ ଅଲଗା୍ ଖ୍ରୀଷ୍ଟିଆନ ନେତାମନ୍ ଅନେକ ସହରମନ୍ତି ଯାତ୍ରା କର୍ଲାଏ। ହାଏମନ୍ ଲୋକମନ୍କେ ଯୀଶୁର୍ ବିଷୟର୍ ସମାଚାର୍ ଶୁନାଏଲା୍ଏ। ହାଏମନ୍ ମଣ୍ଡଳୀର୍ ବିଶ୍ୱାସୀମନ୍କେ ସର୍ଦା ଆଓରି୍ ଶିକ୍ଷିତ କରିବା କାଚେ୍ ଅନେକ ଚିଠି ମିଶା ଲେଖ୍ଲାଏ। ଇ ଚିଠି ମନ୍ ଭିତ୍ରଲେ୍ କେତ୍ଟା ବାଇବଲର୍ ପୁସ୍ତକ ହୋଏଲା୍

*ପ୍ରେରିତ ୧୬:୧୧-୪୦ ତାନର୍ ଗୋଟକ୍ ବାଇବଲର୍ କାଓନି।*

## 48. ୪୮. ଯୀଶୁ ହଏସି୍ ଆଚେ୍ ପ୍ରତିଜ୍ଞା କରି୍ରେବା ଖ୍ରୀଷ୍ଟ

https://openbiblestories.org/l/dso-x-korapdesia/story-48/

![](https://cdn.door43.org/obs/jpg/360px/obs-en-48-01.jpg)

ଜଡ଼ଦାଏ ପରମେଶ୍ବର ଜଗତକେ୍ ବନାଏଲା୍ ହାଡ଼କିଦାଏ ସବୁକିଛି୍ ଅଚା୍ରେଲା୍। କାଇ ପାପ୍ ନା ରେଲା୍। ଆଦମ ଆଓରି୍ ହବା ଦୁଇଲକ୍ ମୟା୍ କରାକରି୍ ହଏତେ୍ ରେଓତ୍, ଆରି ହାଏମନ୍ ପରମେଶ୍ବରକେ୍ ମୟା୍ କର୍ତେରେଲା୍ଏ। କାଇ ରୋଗ ଆରି୍ ମରନ୍ ନା ରେଲା୍। ପରମେଶ୍ବର ଜଗତ୍କେ ଅନ୍ତି ବନାଏରେଲା୍।

![](https://cdn.door43.org/obs/jpg/360px/obs-en-48-02.jpg)

ଶୟତାନ ହବା ସଙ୍ଗେ୍ ସାପଦେଇ ବଗିଚାତାନେ୍ କଥା ହଏଲା୍, କାରଣ ହାଏ ତାକେ୍ ଦଖା୍ ଦେବାକାଚେ୍ ହୋଏତେରେଲା୍ଏ। ତାର୍ପାଚେ୍ ହବା ଆଓରି୍ ଆଦମ ପରମେଶ୍ବର ବିରୁଦତି୍ ପାପ କର୍ଲାଏ। କାରଣ ହାଇମନ୍ ପାପ କର୍ଲାଏ, ଇଟାର୍ଲାଗି ପୃଥିବୀର ସବୁ ଲୋକ ମରୁଆତ୍।

![](https://cdn.door43.org/obs/jpg/360px/obs-en-48-03.jpg)

କାରଣ ଆଦମ ଆଓରି୍ ହବା ପାପ କରି୍ରେଲା୍ଏ, ଇଟାକାଚେ୍ ଆଓରି୍ କିଛି ଖରାପ୍ ଘଟନା୍ ଘଟ୍ଲା। ହାଏମନ୍ ପରମେଶ୍ୱରର୍ ଶତ୍ରୁ ହଏଲା୍ଏ। ଫଳସ୍ୱରୂପ, ହାଇଦିନଲେ୍ ସବୁ ପାପ୍ କର୍ଲାଆଚେ୍ତ୍। ଜନ୍ମତାନ୍ଲେ ସବୁ୍ ପରମେଶ୍ବରର୍ ଶତ୍ରୁ ଆତ୍। ପରମେଶ୍ବର ଆଓରି୍ ଲୋକର୍ ଭିତ୍ରେ ଶାନ୍ତି ନାରେଲା୍। ମାତର୍ ପରମେଶ୍ବର ଶାନ୍ତି ରକ୍ବାକାଚେ୍ ହଏତେ୍ରେଲା୍।

![](https://cdn.door43.org/obs/jpg/360px/obs-en-48-04.jpg)

ପରମେଶ୍ବର୍ ପ୍ରତିଜ୍ଞା କର୍ଲାଆଚେ ଯେ ହବାର୍ ଗଟ୍କ ବଂଶ ଶୟତାନର୍ ମୁଣ୍ଡକେ୍ ବିଲାସି୍। ହାଏ ଏଟା ମିଶା ବଲା୍ଆଚ୍ ଯେ ଶୟତାନ ତାର୍ ପଦ୍କେ ଚାବ୍ସି୍। ଅଲଗା୍ ଅର୍ଥତି ବଲେ୍, ଶୟତାନ ଖ୍ରୀଷ୍ଟକେ ମର୍ତେମାରସି୍, ମାତର୍ ପରମେଶ୍ବର ତାକେ ମର୍ଲାତାନ୍ଲେ ଉଟାଏସି୍। ଏତାର୍ ପାଚେ୍, ଖ୍ରୀଷ୍ଟ ଶୟତାନର୍ ଶକ୍ତିକେ୍ ସବୁଦିନ୍ କାଚେ୍ ଶରାଏଦେଏସି୍। ବହୁତ୍ ବର୍ଷର୍ ପାଚେ୍, ପରମେଶ୍ବର ପ୍ରକାଶ କର୍ଲା ଯେ ହାଇ ଖ୍ରୀଷ୍ଟ ଯୀଶୁ ଆଏ।

![](https://cdn.door43.org/obs/jpg/360px/obs-en-48-05.jpg)

ପରମେଶ୍ବର ତାର୍ ପରିବାରକେ୍ ବନ୍ୟା ତାନ୍ଲେ ରକ୍ଷା କରି୍ରେଲା୍ ଯାକେ୍ ହାଏ ଆନବା୍ କାଚେ୍ ହଇରେଲା୍। ନେହାକେ୍ ଗଟ୍କ ଡଙ୍ଗା ବନାଏବା କାଚେ୍ ବଲା୍ କି ପରମେଶ୍ବର ଅନ୍ତିକରି୍ ହାଇ ଲକମନକେ୍ ଉଦ୍ଧାର୍ କର୍ଲା ଜନମନ୍ ତାକେ୍ ବିଶ୍ବାସ୍ କର୍ତେରେଏତ୍। ହାଇଅନ୍ତି ଆକା, ହାଇମନ୍ ସବୁ ପରମେଶ୍ବର ଦ୍ୱାରା ମୃତ୍ୟୁଦଣ୍ଡ ପାଏବାକାଚେ୍ ଯୋଗ୍ୟ ରେଲା୍ଏ କାରଣ ହାଏମନ୍ ସବୁ ପାପ୍ କରିରେଲା୍ଏ। ମାତର୍ ଜନମନ୍ ତାକେ୍ ବିଶ୍ୱାସ କରୁଆତ୍ ତିକେ୍ ଉଦ୍ଧାର୍ କର୍ବାକାଚେ୍ ପରମେଶ୍ବର ଯୀଶୁକେ ପଟା୍ଏଲା୍।

![](https://cdn.door43.org/obs/jpg/360px/obs-en-48-06.jpg)

ବରଷ୍ ବରଷ୍ ଧରି ଯାଜକମନ୍ ପରମେଶ୍ବରକେ୍ ବଳି ଦେଏତେ୍ ରେଲା୍ଏ। ଏଟା ଦକାଉଆଏ ଯେ ଲୋକମନ୍ ପାପ୍ କର୍ଲାଏ, ଆଓରି୍ ହାଏମନ୍ ପରମେଶ୍ବର ବାଟ୍ଲେ ଦଣ୍ଡ ପାଏବାକାଚେ୍ ଯୋଗ୍ୟ ଆତ୍। ମାତର୍ ହାଇ ବଳିଦାନ୍ ତିକର୍ ପାପ କ୍ଷମା କର୍କେ ନା ପାର୍ତେରେଲା୍। ଯୀଶୁ ସବୁଲେ୍ ବଡେ ମହାଯାଜକ ଆଏ। ହାଏ ହାଇଟା କର୍ଲା ଯନ୍ଟାକି କନି୍ ଯାଜକ କର୍କେ ନା ପର୍ଲାଏ। ହାଜ ନିଜକେ ଗଟ୍କି ବଲି୍ ବଳିଦାନ ହଏବାକାଚେ୍ ଦେଇଦେଲା ଯନ୍ଟା କି ସବୁଲକର୍ ପାପ୍କେ ଦଏକେ ପାରେ୍। ହାଏ ମାନ୍ଲା କି ପରମେଶ୍ବର ସବଙଲକର୍ ପାପ୍ କାଚେ୍ ତାକେ୍ ଦଣ୍ଡ ଦେଲା୍। ଇଟାକାଚେ୍ ବଲି ଯୀଶୁ ସିଦ୍ଧ ମହାଯାଜକ ରେଲା୍।

![](https://cdn.door43.org/obs/jpg/360px/obs-en-48-07.jpg)

ପରମେଶ୍ବର ଅବ୍ରହାମକେ୍ ବଲା୍, "ମୁଇ ତର୍ ବାଟ୍ଲେ ଜଗତର୍ ସବୁ ଜନ୍ଜାତିକେ୍ ଆଶୀର୍ବାଦ କର୍ବି"। ଯୀଶୁ ଇ ଅବ୍ରହାମର୍ ବଂଶଧର ରେଲା୍। ପରମେଶ୍ବର ଅବ୍ରହାମର ବାଟ୍ଲେ ସବୁ ପରିବାରକେ୍ ଆଶୀର୍ବାଦ କରୁଆଏ, କାରଣ ଜନମନ୍ ଯୀଶୁକେ୍ ବିଶ୍ୱାସ କରୁଆତ୍ ତିକେ ସବୁକେ୍ ପରମେଶ୍ବର ପାପ୍ ତାନ୍ଲେ ରକ୍ଷା କରୁଆଏ। ଜଡ଼ଦାଏ ଇ ଲୋକମନ୍ ଯୀଶୁକେ୍ ବିଶ୍ୱାସ କରୁଆତ୍, ପରମେଶ୍ବର ତିକେ୍ ଅବ୍ରହାମର୍ ବଂଶଧର ହିସାବ୍ତି ମାନୁଆଏ।

![](https://cdn.door43.org/obs/jpg/360px/obs-en-48-08.jpg)

ପରମେଶ୍ବର ଅବ୍ରହାମକେ୍ ତାର୍ କାଚେ୍ ନିଜର୍ ବେଟାକେ ବଳି ଦେବାକେ୍ ବଲା୍। ମାତର୍ ତାର୍ପାଚେ୍ ଇସ୍ହାକ୍ର ବଦଲେ୍ ବଳି ଦେବାକାଚ୍ ଗଟକ୍ ମେଣ୍ଡାପିଲା୍କେ ଦେଲା୍। ଆମି ସବୁ ନିଜର୍ ପାପ କାଚେ୍ ମର୍ବାଦଣ୍ଡ ପାଏବାର୍ ଯୋଗ୍ୟ! ମାତର୍ ପରମେଶ୍ବର ଆମର୍ ଜାଗାତି୍ ମର୍ବା କାଚେ୍ ଯୀଶୁକେ୍ ବଲିଦାନ୍ ହିଶାବ୍ତି ମରି୍ଦେଲା୍। ଇଟାକାଚେ୍ ଆମି ଯୀଶୁକେ୍ ପରମେଶ୍ବରର୍ ମିଣ୍ଡାପିଲା୍ ବଲି୍ ବଲୁଆଏ।

![](https://cdn.door43.org/obs/jpg/360px/obs-en-48-09.jpg)

ଜଡ଼ଦାଏ ପରମେଶ୍ୱର ମିଶର୍ ତି ଶରାଶରି୍ ମହାମାରୀ ପଠାଏଲା୍, ହାଡ଼କିଦାଏ ହାଏ ସବୁ ଇସ୍ରାଏଲୀୟ ପରିବାରକେ୍ ଗଟ୍କ ମେଣ୍ଡାପିଲା୍ ପୂଜ୍ବା କାଚେ୍ ବଲି୍ରେଲା୍। ହାଇ ମେଣ୍ଡାପିଲା୍ର୍ କାଇଟା ନା ହଇରେବାର୍ ଆଚେ୍। ତାର୍ପାଚେ୍ ହାଏମନ୍ ତାର୍ ବନି୍କେ ଦୁଆର୍ର ଉପରେ୍ ଆରି୍ ଦୁଆର୍ବନ୍ଦତି ରଚାଏବାର୍ ରେଲା୍। ଜଡ଼ଦାଏ ପରମେଶ୍ୱର ହାଇ ବନି୍କେ ଦଖ୍ଲା, ତ ହାଇ ଘରମନ୍କେ ଜିତିଜିତି୍ ଗଲା୍ ଆରି ତିକର୍ ବଡେ ପିଲାକେ୍ ନା ମାର୍ଲା। ଜଡ଼ଦାଏ ଏଟା ହଏଲା୍, ପରମେଶ୍ବର ଏଟାକେ୍ ନିସ୍ତାରପର୍ବ ବୋଲି ନାଓ ଦେଲା୍।

![](https://cdn.door43.org/obs/jpg/360px/obs-en-48-10.jpg)

ଯୀଶୁ ନିସ୍ତାରପର୍ବର୍ ମେଣ୍ଢାପିଲା ଅନ୍ତାଆଏ। ହାଏ କେବେଚି୍ ପାପ୍ ନା କର୍ଲା, ଇଟାକାଚେ୍ ତାର୍ତି କାଇ ଭୂଲ୍ ନା ରେଲା୍। ନିସ୍ତାରପର୍ବର୍ ଦାଏ ହାଏ ମରିରେଲା୍। ଜଡ଼ଦାଏ କନି ଗଟକ୍ ଯୀଶୁକେ୍ ବିଶ୍ୱାସ କରୁଆଏ, ହାଡକିଦାଏ ଯୀଶୁର୍ ବନି୍ ହାଇ ଲକର୍ ପାପର୍ ମୂଲ୍ୟକେ ଦେଉଆଏ। ଏଟା ଅନ୍ତା ଆଏ କି ପରମେଶ୍ବର ହାଇ ଲକେ୍ ଜିତିକରି୍ ଯାଉଆଏ, କାଏକାଚେ ବଲେ୍ ପରମେଶ୍ବର ତାକେ୍ ଆରି ଦଣ୍ଡ୍ ନା ଦେବେ।

![](https://cdn.door43.org/obs/jpg/360px/obs-en-48-11.jpg)

ପରମେଶ୍ୱର ଇସ୍ରାଏଲୀୟମନ୍ ସଙ୍ଗେ ଗଟକ୍ ଚୁକ୍ତି କର୍ଲା, କାରଣ ହାଏମନ୍ ଅନ୍ତା ଲକ୍ ରେଲାଏ ଯାକେ ପରମେଶ୍ବର ତାର୍ ଲକ୍ ହଏବାକାଚେ୍ ବାଚିରେଲା୍। ମାତର୍ ପରମେଶ୍ବର ଏବେ ଗଟକ୍ ଅନ୍ତା ଚୁକ୍ତି କର୍ଲା ଯନ୍ଟା ସବୁ ଲକ୍ କଛେ ଆଏ। ଯଦି କନିଚ୍ ଜାତି୍ର କନିଚ୍ ଲକ୍ ଇ ନୂଆ ଚୁକ୍ତିକେ ମାନସି୍, ତେବେ ହାଏ ପରମେଶ୍ବରର୍ ଲକ୍ତି ମିଶସି୍ ଯାଏସି୍। ହାଏ ଯୀଶୁର୍ ତାନେ ବିଶ୍ବାସ୍ କରବା୍ର ଲାଗି୍ ହାଏ ଅନ୍ତା କରୁଆଏ। ।

![](https://cdn.door43.org/obs/jpg/360px/obs-en-48-12.jpg)

ମୋଶା ଗଟକ୍ ଅନ୍ତା ଭବିଷ୍ୟ‌ଦ୍‌ବକ୍ତା ରେଲା୍, ଜନାଏ ପରମେଶ୍ବର ର ବାକ୍ୟକେ୍ ଟକା୍ ଶକ୍ତିର୍ ସଙ୍ଗେ ପ୍ରଚାର୍ କରିରେ୍ଲା। ମାତର୍ ଯୀଶୁ ସବୁ ଭବିଷ୍ୟ‌ଦ୍‌ବକ୍ତାମନ୍ଲେ ଶ୍ରେଷ୍ଠ(ବଡେ) ଆଏ। ହାଏ ନିଜେ ମାପୃ ଆଏ, ହାଇଟାକାଚେ୍ ଜନ୍ଟା ମିଶା ହାଏ କର୍ଲା ଆରି୍ ବଲା୍ ହାଇଟା୍ ସବୁ ପରମେଶ୍ବର ବାକ୍ୟ ଆରି କାମ୍ ଆଏ। ଇଟାକାଚେ୍ ପବିତ୍ର ଶାସ୍ତର୍ ଯୀଶୁକେ୍ ପରମେଶ୍ବରର୍ ବାକ୍ୟ ବଲି ବଲୁଆଏ।

![](https://cdn.door43.org/obs/jpg/360px/obs-en-48-13.jpg)

ପରମେଶ୍ବର ରାଜା ଦାଉଦକେ୍ ପ୍ରତିଜ୍ଞା କରିରେଲା୍ କି ତାର୍ ଗଟକ୍ ବଂଶଧର ରାଜା ହିଶାବ୍ତି ପରମେଶ୍ବରର୍ ଲୋକମନର୍ ଉପରେ ସବୁଦିନ୍ କାଚେ୍ ଶାସନ କର୍ସି। ଯୀଶୁ ପରମେଶ୍ବରର୍ ବେଟା ଆଓରି ଖ୍ରୀଷ୍ଟ ଆଏ, ଇଟାକାଚେ୍ ହାଏ ରାଜା ଦାଉଦର୍ ବଂଶଧର୍ ଆଏ ଜନ୍ ସବୁଦିନ୍ କାଚେ୍ ଶାସନ୍ କର୍କେପାରେ।

![](https://cdn.door43.org/obs/jpg/360px/obs-en-48-14.jpg)

ଦାଉଦ ଇସ୍ରାଏଲର ଆକା ରାଜା ରେଲା୍, ମାତର୍ ଯୀଶୁ ସମଗ୍ର ଜଗତର୍ ରାଜା ଆଏ! ହାଏ ଆଓରିହାରକ୍ ଆସି ନ୍ୟାୟ ଆଓରି୍ ଶାନ୍ତି ସଙ୍ଗେ୍ ତାର୍ ରାଜ୍ କେ ଶାସନ୍ କର୍ସି।

*ଆଦିପୁସ୍ତକ ୧-୩, ୬, ୧୪, ୨୨;  ଯାତ୍ରା ୧୨, ୨୦;  ୨ ଶାମୁୟେଲ ୭; ଏବ୍ରୀ ୩:୧-୬, ୪:୧୪-୫:୧୦, ୭:୧-୮, ୧୩, ୯:୧୧-୧୦:୧୮; ପ୍ରକାଶିତ ୨୧ ତାନର୍  ଗୋଟକ୍ ବାଇବଲର୍ କାଓନି।*

## 49. ୪୯. ପରମେଶ୍ବରର  ନୂଆ ନିୟମ୍

https://openbiblestories.org/l/dso-x-korapdesia/story-49/

![](https://cdn.door43.org/obs/jpg/360px/obs-en-49-01.jpg)

ଗୋଟକ୍ ଦୂତ ମରିୟମ ନାମର ଜଣେ ଯୁବତୀକେ ବଲିରେଲା ଯେ ହାଏ ପରମେଶ୍ବର ପୁତ୍ରକେ ଜନ୍ମ କର୍ସି। ହାଏ କୁମାରୀ ଆକା ରେଲା, ମାତର ପବିତ୍ରଆତ୍ମା ତାରଭିତରେ ଆଏଲା ତେବେ ହାଏ ଗର୍ଭବତୀ ହୋଏଲା। ହାଏ ଗୋଟ୍ ପିଲା୍କେ ଜନମ୍ ଦେଲା। ଜାର୍ ନାଓ ଯୀଶୁ ରକ୍ଲା। ଇଟାକାଛେ ଯୀଶୁ ମାପୃ ଆଏ ଆରୀ ମାନେ୍ ମିଶା ଆଏ।

![](https://cdn.door43.org/obs/jpg/360px/obs-en-49-02.jpg)

ଯୀଶୁ ଠକା୍ ଚମତ୍କାର କର୍ଲା ଯାନ୍ଟା ଯୀଶୁକେ ମାପୃ ଆଏ ବୋଲି୍ ସାଙ୍ଗୁଆଏ। ହାଏ ପାଣି ଉପରେ ହିଣ୍ଢଲା୍ ଆରୀ ଝଡ଼କେ ଥେବାଏଲା୍। ହାଏ ଠକା୍ ରୋଗୀମନ୍କେ ଅଚ୍ଛା କର୍ଲା ଆରି ଲୋକମନ୍ତାନ୍ଲେ ଭୂତମନ୍କେ ନିକ୍ରାଏଲା୍। ହାଏ ମର୍ଲା ଲୋକ୍ମନ୍କେ ଜୀଆଁଏଲା୍। ହାଏ ୫୦୦୦ ଲକେ୍ ୫ଟା ରଟି ଆରି ୨ଟା ମାଛ୍ ତିଲେ୍ ତିକେ ପେଟ୍ ଭର୍ ଖୁଆଲା୍।

![](https://cdn.door43.org/obs/jpg/360px/obs-en-49-03.jpg)

ଯୀଶୁ ମିଶା ଗୋଟ୍କ ମହାନ ଗୁରୁ ରେଲା। ହାଏ ଯନ୍ଟା ମିଶା ଶିଖାଇଲା୍, ହାଏ ବିଲ୍କୁଲ୍ ଠିକ୍ ଠାକ୍ ସଙ୍ଗେ ଶିକାଏଲା୍। ଲକେ୍ ଯୀଶୁ ଜନ୍ଟା କର୍ବାକାଚେ ବଲେ୍ ହାଇଟି ତିକେ୍ କରାବା୍ କତା ଆଏ କାଐକଚେ ବଲେ ହାଏ ପରମେଶ୍ବର ର୍ ବେଟା ଆଏ। ଦକ୍ବା ହିସାବ୍ତି, ହାଏ ଶିକା୍ଏଲା କି ତମି ନିଜ୍କେ ଜନ୍ତା ମୟା କର୍ବାସ୍ ହାନ୍ତିଆକା ଅଲା୍ଗା ଲକେ୍ ମିଶା ମୟା୍ କରା୍।

![](https://cdn.door43.org/obs/jpg/360px/obs-en-49-04.jpg)

ହାଏ ଆହୁରି ମିଶା ଶିକ୍ଷା ଦେଲାଆଛେ ଯେ ତମି ପରମେଶ୍ବରକେ ସବୁ ଜିନିଷତାନ୍ଲେ ଅଧିକ ଆରି ତମର ସମ୍ପତ୍ତିଲେ ଅଧିକ ଭଲ ପାଇବା ଉଚିତ୍ ଆଏ।

![](https://cdn.door43.org/obs/jpg/360px/obs-en-49-05.jpg)

ଯୀଶୁ ବଲିରେଲା ଯେ ଦୁନିଆରେ କିଛି ପାଇବା ଅପେକ୍ଷା ପରମେଶ୍ବର ରାଜ୍ୟତି ରହିବା ଭଲ ଆଏ। ତମି ତାର ରାଜ୍ୟତି ପ୍ରବେଶ କର୍ବା କାଛେ, ପରମେଶ୍ବର ତମ୍କେ ତମର୍ ପାପ୍ ତାନ୍ଲେ ରକ୍ଷା କର୍ଓତ୍।

![](https://cdn.door43.org/obs/jpg/360px/obs-en-49-06.jpg)

ଯୀଶୁ ବଲା୍ କି କିନ୍କିମା ଲକ୍ ତାକେ୍ ବିଶ୍ୱାସ୍ କର୍ବାଏ। ପରମେଶ୍ବର ହାଇ ଲୋକମନ୍କେ ରକ୍ଷା କର୍ସି। ମାତ୍ର ଅଲଗା ଲୋକେ୍ ତାକେ୍ ଗ୍ରହଣ ନା କରେଏତ୍। ହାଏ ଏଟା ମିଶା ବଲା୍ କି କତ୍କ୍ ଲୋକ ଅଚ୍ଛା ମାଟିର୍ ଅନ୍ତା ଆତ୍, କାରଣ୍ ହାଏମନ୍ ଯୀଶୁର ବିଷୟର ସୁସମାଚାରକେ ମାନୁଆତ୍ ଆଓରି ପରମେଶ୍ବର ତିକେ୍ ବାଚାଉ ଆଏ। ମାତର୍ କତ୍କ ଲୋକ୍ ବାଟର୍ କଢା ମାଟି୍ ଅନ୍ତା ଆତ୍। ପରମେଶ୍ବର ବାକ୍ୟ ମଞ୍ଜି ଅନ୍ତା ବାଟେ ବୁନାଯାଉ ଆଏ ମାତର ହାଏତିଲେ କାଇଟା ନା ଅକ୍ରେ। ଇ ମନ୍ ଯୀଶୁର୍ ବିଷୟର୍ ସମାଚାର୍ କେ ନା ମାନେତ୍। ଯୀଶୁର୍ ରାଜ୍ତି ଓଲ୍ବାକାଚେ ମିଶା ନାଇ ବଲୁଆତ୍।

![](https://cdn.door43.org/obs/jpg/360px/obs-en-49-07.jpg)

ଯୀଶୁ ଶିକ୍କାଏଲା୍ କି ପରମେଶ୍ବର ପାପିକେ ଟକା୍। ମୟା୍ କରୁଆଏ। ହାଏ ତିକେ କ୍ଷେମା କରାବାକାଚେ ହୋଉଆଏ ଆରି ବେଟାବେଟି ବନାଏବା କାଚେ ମିଶା।

![](https://cdn.door43.org/obs/jpg/360px/obs-en-49-08.jpg)

ଯୀଶୁ ଏଟା ମିଶା ବଲା୍ କି ପରମେଶ୍ବର ପାପ୍କେ ଘୃଣା କରୁଆଏ। କାରଣ ଆଦମ ଆରି ହବା ପାପ କର୍ଲାଏ, ହାଇଟାର୍ ଲାଗି ତାର୍ ସବୁ ବଂଶ ମିଶା ପାପି ହୋଇଗଲାଏ୍। ଇ ଦୁନିଆତି୍ ରେବା ସବୁ ପାପ୍ କରୁଆତ୍ ଆରି୍ ପରମେଶ୍ବରତାନ୍ଲେ ଦୂରୁ୍ ହୋଏଲାଏ। ସବୁଲୋକ୍ ମାପୃର୍ ଶତ୍ରୁ ଆତ୍।

![](https://cdn.door43.org/obs/jpg/360px/obs-en-49-09.jpg)

ମାତର୍ ପରମେଶ୍ବର ଇ ଜଗତ୍ ତାନେ ରେବା ସବୁକେ ଅନ୍ତା ମୟା୍ କର୍ଲା କି ତାର୍ ଗୋଟ୍କ ବଲି୍ ବେଟାକେ ଦେଇଦେଲା ଜନ୍ଟାର୍ ଲାଗି ପରମେଶ୍ବର ତିକେ୍ ଦଣ୍ଡ ନାଦେଏ ଜନ୍ମନ୍ ତାକେ ବିଶ୍ବାସ୍ କର୍ବାଏ। ମାତର୍ ହାଏ ତାର୍ ସଙ୍ଗେ୍ ସବଙଦାଏ୍କାଚେ ରେଏସି୍।

![](https://cdn.door43.org/obs/jpg/360px/obs-en-49-10.jpg)

ତମି ପାପ କର୍ତେରେବାର୍ ଲାଗି ତମି ମର୍ବାକାଛେ ଯୋଗ୍ୟ ଆସ୍। ପରମେଶ୍ବର ତମର ଉପରେ କ୍ରୋଧ କର୍ବାଟା କେବଳ ଠିକ୍ଆଏ, ଏହା ପରିବର୍ତ୍ତେ, ହାଏ ଯୀଶୁର ଉପରେ କ୍ରୋଧିତ ହୋଏଲା। ହାଏ କ୍ରୁଶ ଉପରେ ଯୀଶୁକେ ମୃତ୍ୟୁଦଣ୍ଡ ଦେଲା।

![](https://cdn.door43.org/obs/jpg/360px/obs-en-49-11.jpg)

ଯୀଶୁ କେବେଚି୍ ପାପ୍ ନା କର୍ଲା, ମାତର ହାଏ ପରମେଶ୍ବର ତାକେ ଦଣ୍ଡ ଦେବାକାଛେ ଅନୁମତି ଦେଲା। ହାଏ ମର୍ବାକାଛେ ଗ୍ରହଣ କର୍ଲା। ଅନ୍ତାକି, ହାଏ ତମର ପାପ ଆରି ଇ ଦୁନିଆତି ବାସ୍ କର୍ତେରେବା ସବୁଲୋକ୍ର ପାପକେ ଦୂର କର୍ବା କାଛେ ହାଏ ଏକ ସମ୍ପୂର୍ଣ୍ଣ ବଳିଦାନ ରେଲା। ଯୀଶୁ ନିଜ୍କେ ପରମେଶ୍ବର ଲଗେ ବଳିଦାନ ଦେଲା, ତେଣୁ ପରମେଶ୍ବର କାଇଛ ପାପ, ଅନ୍ତାକି ଭୟଙ୍କର ପାପକେ ମିଶା କ୍ଷମା କରୁଆଏ।

![](https://cdn.door43.org/obs/jpg/360px/obs-en-49-12.jpg)

ଯଦିଓ ତମି ଅନେକ ଭଲ କାମ କରୁଆସ, ପରମେଶ୍ବର ତମ୍କଜ ଏତା୍ର ଦ୍ୱାରା ରକ୍ଷା ନା କରେ। ତାର ବନ୍ଧୁ ହୋଏବା କାଚେ ତମି କାଇଚ୍ କରକେ ନା ପାରା୍ଆସ୍। ଏତାର ପରିବର୍ତ୍ତେ, ତମ୍କେ ବିଶ୍ୱାସ କର୍କେ ପଡିସି୍ ଯେ ଯୀଶୁ ହୋଏସିଆଛେ ପରମେଶ୍ବରର ପୁତ୍ର, ଆରି ହାଏ ତମର କାଚେ କ୍ରୁଶତି ମର୍ଲା ଆଛେ ଆରି ପରମେଶ୍ବର ତାକେ ଜୀବନ କରି ଉଠାଇଲା ଆଛେ। ଯଦି ତମି ଏତାର ଉପରେ ବିଶ୍ୱାସ କର୍ବାସ୍, ପରମେଶ୍ବରଶ୍ବର ତମର ପାପକେ କ୍ଷମା କର୍ସି।

![](https://cdn.door43.org/obs/jpg/360px/obs-en-49-13.jpg)

ପରମେଶ୍ବରଶ୍ବର ଯୀଶୁକଜ ବିଶ୍ବାସ କର୍ତେରେବା ଆରି ତାକେ ପ୍ରଭୁ ଭାବେ ଗ୍ରହଣ କର୍ତେରେବା ସବୁକେ ଉଦ୍ଧାର କର୍ସି। ମାତର ଯୋନ୍ମନ ତାକେ ବିଶ୍ୱାସ ନା କରେତ୍ ହାଏ ତିକେ ରକ୍ଷା ନା କରେ। ତମି ଧନୀ କି ଗରିବ, ମୁନୁଷ୍ କି ବାଏଲେ, ଡକ୍ରା କି ଧାଙ୍ଗ୍ଡା, କି ତମି କନି୍ଚତାନେ ରାଆ ହାଏତିଲେ କାଇଛ୍ ଫରକ ନା ପଡ଼େ। ପରମେଶ୍ବର ତମ୍କେ ଭଲ ପାଉଆଏ ଆରି ଚାହୁଁଆଏ ଯେ ତମି ତମର ବନ୍ଧୁ ହୋଏବା କାଛେ ଯୀଶୁର୍ ତାନେ ବିଶ୍ୱାସ କରା।

![](https://cdn.door43.org/obs/jpg/360px/obs-en-49-14.jpg)

ଯୀଶୁ ତମ୍କେ ବିଶ୍ୱାସ କର୍ବାକାଛେ ଆରି ବାପ୍ତିଜିତ ହୋଏବାକାଛେ ଆହ୍ୱାନ କର୍ସି ଆଛେ। ତମି ବିଶ୍ୱାସ କରା ଯେ ପରମେଶ୍ବରଙ୍କ ଗୋଟକି୍ବୋଲି ପୁତ୍ର ଯୀଶୁ ହୋଏସିଆଛେ ଖ୍ରୀଷ୍ଟ? ତମି ବିଶ୍ୱାସ କରା ଯେ ତମି ଜଣେ ପାପୀ ଆରି ତୁମେ ପରମେଶ୍ବରଙ୍କ ଦ୍ୱାରା ଦଣ୍ଡ ପାଏବାକାଛେ ଯୋଗ୍ୟ? ତମର ପାପ ଦୂର କର୍ବା କାଛେ ଯୀଶୁ କ୍ରୁଶ୍ ଉପରେ ମର୍ଲାଆଛେ କି?

![](https://cdn.door43.org/obs/jpg/360px/obs-en-49-15.jpg)

ଯଦି ତମି ଯୀଶୁଙ୍କ ଉପରେ ବିଶ୍ୱାସ କରୁଆସ୍ ଆରି ହାଏ ତମର କାଛେ କଣ କର୍ଲାଆଛେ, ତେବେ ତମି ଜଣେ ଖ୍ରୀଷ୍ଟିଆନ! ଅନ୍ଧକାରର ରାଜ୍ୟତି ଶୟତାନ ଆରି ତମର ଉପରେ ଶାସନ ନା କରେ। ବର୍ତ୍ତମାନ ପରମଶ୍ବର ତାର ଆଲୋକ ରାଜ୍ୟତି ତମର ଉପରେ ଶାସନ କରୁ ଆଏ। ହାଏ ତମକେ କରିରେବା ପାପ୍ ତାନ୍ଲେ ନିବୃତ୍ତ କର୍ଲାଆଛେ। ହାଏ ତମକେ ଗୋଟକ୍ ନୂଆ, ଉପଯୁକ୍ତ ଜୀବନ ଦେଲାଆଛେ।

![](https://cdn.door43.org/obs/jpg/360px/obs-en-49-16.jpg)

ଯଦି ତମି ଗୋଟକ୍ ଖ୍ରୀଷ୍ଟିଆନ, ଯୀଶୁ ଯନ୍ଟା କର୍ଲାଆଛେ ହାଇଟାକାଛେ ପରମେଶ୍ବର ତମର ପାପ କ୍ଷମା କରି ଦେଲାଆଛେ। ଏବେ, ପରମେଶ୍ବର ତମକେ ଶତ୍ରୁ ଅପେକ୍ଷା ଘନିଷ୍ଠ ବନ୍ଧୁ ଭାବେ ବାଭୁଆଏ।

![](https://cdn.door43.org/obs/jpg/360px/obs-en-49-17.jpg)

ଯଦି ତମି ପରମେଶ୍ବରର ବନ୍ଧୁ ଆରି ପ୍ରଭୁ ଯୀଶୁଙ୍କର୍ ସେବକ, ତମି ଯୀଶୁ ଯନ୍ଟା ଶିଖାଏଲା ଆଛେ ତାକେ ଅନୁସରଣ କର୍ବାକାଛେ ଇଚ୍ଛା କର୍ବାସ୍। ଯଦିଓ ତୁମେ ଖ୍ରୀଷ୍ଟିଆନ ଆସ୍, ଶୟତାନ ତମ୍କେ ପାପ କର୍ବାକାଛେ ପ୍ରଲୋଭିତ କର୍ସି। ମାତର ପରମେଶ୍ବର ସବୁଦାଏ ଯାହା କରୃଆଜ ହାଏ ଯାହା କରନ୍ତି ତାହା କରନ୍ତି। ହାଏ ବଲୁଆଏ ଯଦି ତମି ତମର ପାପ ସ୍ୱୀକାର କର୍ବାସ୍, ହାଏ ତମକେ କ୍ଷମା କର୍ସି। ପାପ ବିରୁଦ୍ଧତି ଲଢ଼ବା କାଛେ ହାଏ ତମକେ ଶକ୍ତି ଦେଏସି।

![](https://cdn.door43.org/obs/jpg/360px/obs-en-49-18.jpg)

ପରମଶ୍ବର ତମ୍କେ ପ୍ରାର୍ଥନା କର୍ବାକାଛେ ଆରି ତାର ବାକ୍ୟ ପଢ଼ବାକାଛେ ବଲୁଆଏ। ଅଳଗା ବିଶ୍ବାସି ମନ୍ ସଙ୍ଗେ ତାକେ ଉପାସନା କର୍ବାକାଛେ ମିଶା ବଲୁଆଏ। ହାଏ ତମର କାଛେ କ’ଣ କରିଛନ୍ତି ଅଳଗା ଲୋକ୍କେ ମିଶା କହିବାକାଛେ ପଡିସି। ଯଦି ତମି ଇ ସବୁ କାମ କର୍ବାସ, ତେବେ ତମି ତାର ଅଚ୍ଛାସାଙ୍ଗ୍ ହୋଏବାସ୍।

*ରୋମୀୟ ୩:୨୧-୨୬, ୫:୧-୧୧; ଯୋହନ ୩:୧୬ ମାର୍କ ୧୬:୧୬  କଲସୀୟ ୧:୧୩-୧୪;  ୨ କରିନ୍ଥୀୟ ୫:୧୭-୨୧ ;୧ ଯୋହନ ୧-୫-୧୦ ତାନର୍  ଗୋଟକ୍ ବାଇବଲର କାଓନି।*

## 50. ୫୦. ଯୀଶୁ ଲେଓଟି ଆସୁ ଆଏ

https://openbiblestories.org/l/dso-x-korapdesia/story-50/

![](https://cdn.door43.org/obs/jpg/360px/obs-en-50-01.jpg)

ପାକା୍ପାକି୍ ୨, ୦୦୦ ବରଷ୍ ଧରି, ସଂସାରର୍ ପ୍ରାୟ୍ ଜାଗାମନତି୍ ଅଧିକ୍ଲେ ଅଧିକ ଲୋକମନ୍ ଖ୍ରୀଷ୍ଟ ଯୀଶୁର୍ ବିଷୟତିର ସୁସମାଚାରକେ ଶୁଣ୍ବାଆଛେତ୍। ମଣ୍ଡଳୀ୍ ମନର୍ ଉନ୍ନତି ହଏତେ୍ ଯାଏସି୍ ଆଚେ୍। ଯୀଶୁ ଜଗତର ଶରାଶରିକେ ଲେଓଟି ଆସବି ବୋଲି ପ୍ରତିଜ୍ଞା କର୍ଲା ଆଛେ। ହଏକେ ପାରେ। ହାଏ ଏବ୍ଲେ ନାଆଏଲା ଆଛେ, ମାତର୍ ହାଏ ତାର୍ ପ୍ରତିଜ୍ଞାକେ୍ ପାଳନ କର୍ସି।

![](https://cdn.door43.org/obs/jpg/360px/obs-en-50-02.jpg)

ଜଡ଼ଦାଏ ଆମି ଯୀଶୁର୍ ଲେଓଟି ଆସ୍ବାଟାକେ ଜାଗ୍ଲୁଆଛୁ, ପରମେଶ୍ବର ଚାହାଁନ୍ତି ଯେ ଆମି ଅନ୍ତା ବଞ୍ଚିବା ଦରକାର ଆଏ ଯନ୍ଟାକି ପବିତ୍ର ଆରି ତାକେ ଭାଏସି୍। ଜଡ଼ଦାଏ ଯୀଶୁ ପୃଥିବୀତି୍ ରେଲା୍ ହାଏ ବଲା୍, ସେତେବେଳେ ହାଏ ବଲିରେଲା, ମୋର ଚେଲା୍ମନ୍ ଜଗତର୍ ସବୁବାଟେ ପରମେଶ୍ବରର୍ ରାଜ୍ୟର୍ ବିଷୟତି୍ ସୁସମାଚାର ପ୍ରଚାର କର୍ବାଏ ଆରି ତାର୍ପାଛେ ଜଗତର ଅନ୍ତ ଆଏସି।”

![](https://cdn.door43.org/obs/jpg/360px/obs-en-50-03.jpg)

ଟକା୍ ଜାତି୍ ଏବେଲେ୍ ମିଶା୍ ଯୀଶୁର୍ ବିଷୟତି ନା ଶୁଣ୍ଲାଆତ୍। ସ୍ୱର୍ଗେ ଯିବାର୍ ଆଗେ, ଯୀଶୁ ଖ୍ରୀଷ୍ଟିଆନ ମନ୍କେ ହାଇ ସୁସମାଚାକେ ପ୍ରଚାର କର୍ବା କାଛେ ବଲିରେଲା ଯନ୍ମନ ଇଟାକେ୍ କେବେ ନା ଶୁନାଲା ଆତ୍। ହାଏ ବଲା୍, “ଯାଆ ଆରି ସବୁ ଜାତିର ଲୋକ୍କେ ଚେଲା୍ ବନାଆ।” "ଆରି କାଟ୍ବାକାଛେ ବେଢ଼ା ତାନେ୍ ତାନେ୍ ପାକି୍ଗଲାବେ!"

![](https://cdn.door43.org/obs/jpg/360px/obs-en-50-04.jpg)

ଯୀଶୁ ଏଟା ମିଶା ବଲିରେଲା, "ଗଟ୍ ଲୋକର୍ ଚାକର୍ ତାର ମାଲିକ୍ଲେ ବଡେ ନୁଆଏ। ଏହି ଜଗତର ବଡେ ବଡେ ଲକ୍ମନ୍ ମକେ ଘୃଣା କର୍ଲାଏ, ଆଓରି୍ ହାଏମନ୍ ମର୍ କାଚେ୍ ବଲି୍ ତମକେ୍ ତାଡ଼ନା କର୍ବାଏ ଆଓରି୍ ମର୍ତେ ମାର୍ବାଏ। ଇ ଜଗତତି୍ ତମି୍ ଯନ୍ତ୍ରଣା ବଗ୍ବାସ୍, ମାତର୍ ଶକ୍ତିଶାଳୀ ହୁଆ, କାରଣ ମୁଇ ଶୟତାନକେ୍ ହାରାଏଲି୍ ଆଚି୍ ଜନ୍ କି ଇ ଜଗତକେ୍ ଶାସନ କରୁଆଏ। ଯଦି ତମି ଶରାଶରି୍ ତକ୍ ମର୍ ସଙ୍ଗେ୍ ବିଶ୍ୱସ୍ତ ରେବାସ୍, ତେବେ୍ ପରମେଶ୍ବର ତମକେ୍ ରକ୍ଷା କର୍ସି! "

![](https://cdn.door43.org/obs/jpg/360px/obs-en-50-05.jpg)

ଜଡ଼ଦାଏ ଜଗତର୍ ଅନ୍ତ ହଏସି୍ ହାଡ଼କିଦାଏ ଲକର୍ ସଙ୍ଗେ୍ କନ୍ତା ହଏସି୍ବେ୍ ହାଇଟାକେ୍ ବୁଜାଏବାକାଚେ୍ ଯୀଶୁ ନିଜର୍ ଚେଲା୍ମାନକେ୍ ଗଟକ୍ କାଓନି ସାଙ୍ଗଲା୍। ହାଏ ବଲା୍, "ଗଟକ୍ ମାନେ୍ ନିଜର୍ ବେଡାତି ଅଛା ମଜି ବୁନ୍ଲା। ତାର୍ ଶୋଇରେବା୍ ଦାଏ ତାର୍ ଗଟକ୍ ଶତ୍ରୁ ଆସି ଗଉଁ ବୁନଲା୍ତି ଜାରେରେବା୍ ମଜି ଆନିକରି୍ ବୁନିଦେଲା୍, ଆରି୍ ହାଏ ଉଟି ଗଲା୍।

![](https://cdn.door43.org/obs/jpg/360px/obs-en-50-06.jpg)

"ଜଡ଼ଦାଏ ଗାଜା ଅକର୍ଲା, ତ୍ ଚାକରମନ୍ ହାଇ ମାନେକେ୍ ବଲା୍ଏ, "ଏ ମାଲିକ୍, ତୁଇତ୍ ନିଜର୍ ବେଡାତି୍ ଅଛା ମଜି୍ ବୁନି ରେଇସି୍। ହଏଲେ୍ ଇତି୍ ଜାରର୍ ବୁଟାଲାଟା୍ କନ୍ତା କରି୍ ଆଏଲା୍? " ହାଇ ମାନେ୍ ଉତ୍ତର୍ ଦେଲା, କାଲି୍ ମୋର ଶତ୍ରୁମନ୍ ଆକା ଅନ୍ତିଟା ବୁନୁ୍ ବାଏ। ଇଟା କନି୍ ମର୍ ଶତ୍ରୁ ହଇରେଏସି୍ ଜନ୍ କି ଅନ୍ତି କର୍ଲା ଆଚେ୍।

![](https://cdn.door43.org/obs/jpg/360px/obs-en-50-07.jpg)

"ଚାକର୍ମନ୍ ତିକର୍ ମାଲିକେ ଉତ୍ତର ଦେଲାଏ, "ଜାରର୍ ଅନ୍ତା ଲାଟା ବୁଟାକେ୍ ଜିକିକରି୍ ପକାଏ ଦେବୁକି?" ହାଇ ମାଲିକ୍ ବଲା୍, 'ନାଇ। ଯଦି ତମି୍ ଅନ୍ତି କର୍ବାସ୍ ତେବେ ହାଇଟାକେ ଜିକ୍ବି ଆଚି୍ ବଲି୍ ଗଉଁକେ ମିଶା୍ ଜିକି୍ ଦେବାସ୍। କାଟ୍ବା ସମୟ୍ ତକ୍ ଜାଗାତା୍। ତାର୍ପାଚେ ହାଇ ଲାଟାବୁଟାକେ୍ ଗଟକ୍ ବରା୍ ତାନେ୍ ବର୍ବାସ୍ ଜନ୍ଟାକେ୍ ତମି୍ ପାଚେ୍ ପଡାଏ ବାସ୍। ମାତର୍ ଗଉଁକେ୍ ମର୍ ପାଲ୍ ତାନେ୍ ଆନି ସଙ୍ଗାଏ ବାସ୍। '"

![](https://cdn.door43.org/obs/jpg/360px/obs-en-50-08.jpg)

ଚେଲାମନ୍ ଇ କାଓନିର ଅର୍ଥକେ ବୁଜକେ୍ ନା ପାର୍ଲାଏ, ତେବେ ହାଇମନ୍ ଯୀଶୁକେ୍ ହାଇ କାଓନିକେ୍ ତିକେ ବୁଜାଏବା କାଚେ୍ ବଲା୍ଏ? ଯୀଶୁ ବଲା୍, "ଅଛା ମଜି ବୁନିରେବା୍ ମାନେ ଖ୍ରୀଷ୍ଟକେ୍ ବୁଜାଉ ଆଏ। ବେଡା ଜଗତକେ୍ ବୁଜାଉ ଆଏ। ଅଛା ମଜି ପରମେଶ୍ବରର୍ ରାଜ୍ୟର୍ ଲକେ୍ ବୁଜାଉ ଆଏ।”

![](https://cdn.door43.org/obs/jpg/360px/obs-en-50-09.jpg)

"ଜାରର୍ ଲାଟାବୁଟା୍ ହାଇ ମନ୍ଦ ଲୋକ, ଶୟତାନର୍ ଲୋକମନକେ୍ ବୁଜାଉ ଆଏ। ହାଇ ମାନେର୍ ଶତ୍ରୁ ଶୟତାନକେ୍ ବୁଜାଉ ଆଏ, ଜନ୍ କି ଜାରର୍ ଲାଟା୍ ବୁଟା୍ କେ ବୁନିରେଲା୍। କାଟବା୍ ସମୟ୍ ଇ ଜଗତର୍ ଅନ୍ତକେ୍ ବୁଜାଉ ଆଏ ଆଓରି୍ କାଟ୍ବା ଲକ୍ ପରମେଶ୍ବରର୍ ଦୂତମନକେ୍ ବୁଜାଉ ଆଏ।”

![](https://cdn.door43.org/obs/jpg/360px/obs-en-50-10.jpg)

"ଜଡଦାଏ ଜଗତର୍ ଅନ୍ତ ହଏସି୍, ସ୍ୱର୍ଗଦୂତମନ୍ ଶୟତାନର୍ ସବୁ ଲୋକେ୍ ଗଟ୍କି ଲଗେ୍ ରୁନଣ୍ଡାଏବାଏ। ହାଇ ଦୂତମନ୍ ତିକେ୍ ଟକା୍ ଗରମ୍ ରେବା୍ ଜୟତି୍ ପକାଏ ବାଏ। ହାଏତି ହାଏମନ୍ ଭୟଙ୍କାର୍ ତାଡ୍ନାତି ରଏବା୍ଏ ଆରି୍ ଦତ୍କେ କଟର୍ ବାଏ। ମାତର୍ ଜନ୍ମନ୍ ଧାର୍ମିକ୍ ଆତ୍ ଜନ୍ମନ୍ ଯୀଶୁକେ୍ ମାନୁଆତ୍, ହାଏମନ୍ ପରମପିତା ପରମେଶ୍ବରର୍ ରାଜ୍ୟତି୍ ବେଲ୍ ଅନ୍ତା ଚମ୍କବାଏ।”

![](https://cdn.door43.org/obs/jpg/360px/obs-en-50-11.jpg)

ଯୀଶୁ ଏଟା ମିଶା ବଲା୍ ଯେ ଜଗତର୍ ଅନ୍ତ ହଏବାର୍ ଆଗେ୍ ପୃଥିବତି୍ ଲେଓଟି ଆଏସି୍। ହାଏ ଯନ୍ତା ହଇ ଗଲା୍ ହାନ୍ତିଆକା ଆଏସି୍। ଅର୍ଥାତ୍ ତାର୍ ଆଗର୍ ଶରୀର ରଏସି୍, ଆରି୍ ଆକାଶର୍ ବଦ୍ଲି ଉପରେ୍ ବସି୍କରି୍ ଆଏସି୍। ଜଡ଼ଦାଏ ଯୀଶୁ ଲେଓଟସି୍, ମରି୍ରେବା ସବୁ ଖ୍ରୀଷ୍ଟିଆନ ମନ୍ ମର୍ଲାତାନ୍ଲେ ଜୀଁଇ ଉଟବାଏ ଆରି ହାଏମନ୍ ଯୀଶୁକେ ଆକାଶ୍ତି ଭେଟବାଏ।

![](https://cdn.door43.org/obs/jpg/360px/obs-en-50-12.jpg)

ତାର୍ପାଚେ ଜତକ୍ ଖ୍ରୀଷ୍ଟିଆନମନ୍ ଜୀଁଇରେବାଏ ହାଏମନ୍ ଆକାଶ୍ତି ଉଟାନିଆଯିବାଏ ଆଓରି୍ ମର୍ଲାତାନ୍ଲେ ଜୀଁଇ ଉଟଲା୍ ଖ୍ରୀଷ୍ଟିଆନମନ୍ ସଙ୍ଗେ ମିଶି୍ଯିବା୍ଏ। ହାଏମନ୍ ସବୁ ଯୀଶୁର୍ ସଙ୍ଗେ ରେବା୍ଏ। ଏତା୍ର ପାଚେ୍, ଯୀଶୁ ତାର୍ ନିଜର୍ ଲୋକ୍ ସଙ୍ଗେ ରଏସି୍। ଜଡ଼ଦାଏ ହାଏମନ୍ ସବୁ ଗଟକି୍ଲଗେ୍ ରେବା୍ଏ ତେବେ୍ ହାଏମନ୍ ସବୁଦିନ୍ କାଚେ୍ ପୂରା୍ପୂରି୍ ଶାନ୍ତି ପାଏବାଏ।

![](https://cdn.door43.org/obs/jpg/360px/obs-en-50-13.jpg)

ଯୀଶୁ ତାକେ୍ ବିଶ୍ୱାସ କରିରେବା୍ ସବୁଲକେ୍ ମୁକୁଟ୍ ଦେବାକାଛେ ପ୍ରତିଜ୍ଞା କର୍ଲାଆଛେ। ହାଏମନ୍ ପରମେଶ୍ବର୍ ସଙ୍ଗେ୍ ସବୁତି୍ ଶାସନ କର୍ବାଏ। ତିକର୍ଲଗେ ପୂରାପୂରି୍ ଶାନ୍ତି ରେଏସି୍।

![](https://cdn.door43.org/obs/jpg/360px/obs-en-50-14.jpg)

ମାତର୍ ଜନ୍ମନ୍ ଯୀଶୁକେ୍ ବିଶ୍ୱାସ୍ ନା କରେଏତ୍, ପରମେଶ୍ୱର ତିକେ୍ ବିଚାର୍ କର୍ସି। ହାଏ ତିକେ୍ ନର୍କତି ପକାଏସି୍। ହାଏତି ହାଏମନ୍ କାନ୍ଦିବାଏ ଆରେ ଦତ୍କେ କଟର୍ବାଏ, ଆରି ହାଏମନ୍ ସବୁଦାଏ ଯନ୍ତ୍ରଣା ପାଏବାଏ। କେବେ୍ ନା ଶର୍ବା ଜଏ ତିକେ୍ ସବୁଦାଏ ଜଲାଏତ୍ ରଏସି୍ ଆଓରି୍ କିଢା ମାକଢା ତିକେ୍ ଖାଇବା କାଛେ ବନ୍ଦ୍ ନା କରେତ୍।

![](https://cdn.door43.org/obs/jpg/360px/obs-en-50-15.jpg)

ଜଡ଼ଦାଏ ଯୀଶୁ ଲେଓଟି ଆଏସି୍, ହାଏ ଶୟତାନ ଆରି ତାର୍ ରାଜ୍ୟକେ୍ ପୂରା୍ପୂରି୍ ଦଙ୍ଗ୍ସ୍ କର୍ସି। ହାଏ ଶୟତାନକେ୍ ନର୍କତି ପକାଏସି୍। ହାଏତି୍ ଶୟତାନ୍ ସବୁଦିନ୍ କାଚେ୍ ଜଏତି ପଡ଼ତେ ରେଏସି୍, ହାଇସବୁ୍ ସଙ୍ଗେ୍ ଜନ୍ମନ୍ ପରମେଶ୍ବରକେ୍ ମାନ୍ବାର୍ ଚାଡି ଶୟତାନର୍ ମାନ୍ଲାଏ ଆରି ତାର୍ ବାଟେ ଚଲ୍ବାକାଚେ୍ ବାଚି୍ରେଲା୍ଏ।

![](https://cdn.door43.org/obs/jpg/360px/obs-en-50-16.jpg)

କାରଣ ଆଦମ ଆଓରି୍ ହବା ପରମେଶ୍ବରର୍ କତା ନା ମାନି୍କରି୍ ଇ ଜଗତ୍ତି ପାପ ଆନି୍ରେଲାଏ, ପରମେଶ୍ବର ତିକେ୍ ଶ୍ରାପ୍ ଦେଲା୍ ଆରି୍ ତିକେ୍ ଧ୍ୱଂସ୍ କର୍ବାକାଚେ୍ ନିର୍ଣ୍ଣୟ ନେଲା୍। ମାତର୍ ଗଟଦିନ୍ ପରମେଶ୍ବର ଗୋଟକ୍ ନୂଆ ସ୍ୱରଗ୍ ଆଓରି୍ ଗୋଟକ୍ ନୃଆ ପୃଥିବୀ ବନାଏସି୍ ଯନ୍ଟା ସିଦ୍ଧ ହୋଏସି୍।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ଆରି ତାର୍ ଲୋକମନ୍ ହାଇ ନୂଆ ପୃଥିବୀତି୍ ରଜବାଏ ଆରି୍ ସବୁଦିନ୍ କାଚେ୍ ସବୁଟାକେ୍ ଶାସନ୍ କର୍ବାଏ। ହାଏ ଲୋକର୍ ଆଖିର୍ ସବୁ ଆସୁକେ୍ ପଚିଦେଏସି୍। ଏବେ୍ କନିମିଶା୍ ଦୁକ୍ତି କି ଯନ୍ତ୍ରଣାତି୍ ନା ହଏତେ୍। ହାଏମନ ନା କାନ୍ଦେ୍ତ। ହାଏମନ୍ କେବେ ନା ମରେ୍ତ୍ କି ଅସୁସ୍ଥ ନା ହୋଏତେ। ଆରି ହାଏତି କାଇ ଖରାପ୍ ଘଟଣା ନା ଘଟେ। ଯୀଶୁ ନ୍ୟାୟ ଆରି ଶାନ୍ତିତି୍ ତାର୍ ରାଜ୍ୟକେ୍ ଶାସନ୍ କର୍ସି। ହାଏ ତାର୍ ଲକ୍ ସଙ୍ଗେ ସବୁଦିନ୍ କାଚେ୍ ରେଏସି୍।

*ମାଥିଉ:୨୪:୧୪; ୨୮:୧୮; ଯୋହନ:୧୫:୨୦, ୧୬:୩୩; ପ୍ରକାଶିତ ବାକ୍ୟ:୨:୧୦; ମାଥିଉ ୧୩:୨୪-୩୦, ୩୬-୪୨;  ୧ ଥେସଲନୀକୀୟ ୪:୧୩-୫:୧୧; ଯାକୁବ ୧:୧୨; ମାଥିଉ ୨୨:୧୩ ପ୍ରକାଶିତ ୨୦:୧୦, ୨୧:୧-୨୨:୨୧ ତାନର୍ ଗୋଟକ୍ ବାଇବଲର କାଓନି।*