# unfoldingWord Open Bible Stories — डोटेली (Dotyali)

- Language code: `dty`
- Canonical page: https://openbiblestories.org/l/dty/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the डोटेली translation; it is not a translation of the whole Bible.

## 1. सृष्टि

https://openbiblestories.org/l/dty/story-1/

![](https://cdn.door43.org/obs/jpg/360px/obs-en-01-01.jpg)

परमेश्वरले सुरुमि सब कुरणी इसेरी बनायो। उनले सारा संसार रे तइमी भया सब चीज छ दिनमी सृष्टि अर्यो। परमेश्‍वरले पृथ्वीको सृष्टि अर्या पछा यो अन्धकार रे शुन्यथ्यो, क्याकी तइमी केइ लगइ चीज सृष्टि अरिया थेइन। तर परमेश्‍वरको आत्मा पानीका मल्तिर घूम्दा थ्या।

![](https://cdn.door43.org/obs/jpg/360px/obs-en-01-02.jpg)

तब परमेश्‍वरले भण्यो, “उजालो होस!” र उजालो भयो। परमेश्वरले उजालोलाइ हेर्यो, त्यो असल थ्यो रे तइलाइ “दिन” भण्यो। उनले उजालोलाइ अनारा बठेइ अलग अर्यो, रे तइलाइ “रात” भण्यो। परमेश्वरले उजालोलाइ सृष्टिको पइलो दिनमी बनायो।

![](https://cdn.door43.org/obs/jpg/360px/obs-en-01-03.jpg)

सृष्टिको दोसरा दिनमी, परमेश्‍वरले भण्यो, “पानिका मल्तिर एक क्षेत्र होउ।“ रे एक क्षेत्र भयो। परमेश्वरले यइ क्षेत्रलाइ “अग्गास” भण्यो।

![](https://cdn.door43.org/obs/jpg/360px/obs-en-01-04.jpg)

तेसरा दिनमी, परमेश्‍वरले भण्यो, अग्गास तल्तिर भया पानी एक ठाउँमि जम्‍मा होउ रे सुख्खा भूमि धेका परउ।“ उनले सुख्खा भूमिलाई “पृथ्वी” भण्यो, रे पानीलाइ “समुद्र” भण्यो। परमेश्‍वरले हेर्यो कि आफले सृष्टि अर्या कुरणी असल थ्यो।

![](https://cdn.door43.org/obs/jpg/360px/obs-en-01-05.jpg)

तइ पछा परमेश्‍वरले भण्यो, “पृथ्वीले हरेक किसिमका बोट रे बिरुवा उमारुन्।” रे तसोइ भयो। परमेश्‍वरले हेर्यो रे आफले सृष्टि अर्या कुरणी असल थ्यो।

![](https://cdn.door43.org/obs/jpg/360px/obs-en-01-06.jpg)

सृष्टिको चौथो दिनमी, परमेश्‍वरले भण्यो, “अग्गासमि ज्योति होउन।“ रे सूर्य, चन्द्रमी, रे तारा धेकिया। परमेश्‍वरले तिननलाइ पृथ्वीलाइ ज्योति दिनाइ रे दिन रे रात, ऋतु रे वर्ष छुट्याउनाइ बनायो। परमेश्‍वरले हेर्यो कि आफले सृष्टि अर्या कुरणी असल थ्यो।

![](https://cdn.door43.org/obs/jpg/360px/obs-en-01-07.jpg)

पाचौँ दिनमी, परमेश्‍वरले भण्यो, “पानी जीवित प्राणीले भौत भरिऊन रे चडाचुडी पृथ्‍वीका मल्तिर अग्गासमि उडून्‌।“ इसेरी परमेश्‍वरले सबइ किसिमका पानीमी पौडीन्या रे पंक्षी बनायो। परमेश्‍वरले हेर्यो, त्यो असल थ्यो, र उनले तिननलाइ आशिस दियो।

![](https://cdn.door43.org/obs/jpg/360px/obs-en-01-08.jpg)

सृष्टिका छैठौँ दिनमी, परमेश्‍वरले भण्यो, “हरेक किसिमका जमिनमी हिट्टया जीवजन्तु होऊन!” रे परमेश्‍वरले भणया जसोइ भइयो। केइ जनावर घर पालुवा थ्या, केइ जमिनमी घसाणीन्या, रे केइ जङ्गली थ्या। परमेश्‍वरले हेर्यो, त्यो असल थ्यो।

![](https://cdn.door43.org/obs/jpg/360px/obs-en-01-09.jpg)

तइपछा परमेश्‍वरले भण्यो, “हाम मान्सलाइ हामराइ स्वरूपमी हाम जसोइ हुनाइ निउती बनाउनाउ। तिननले पृथ्वीमी रे सब जीवजन्तुमी राज्य अद्द्या हुन।”

![](https://cdn.door43.org/obs/jpg/360px/obs-en-01-10.jpg)

तबइकीलाइ परमेश्‍वरले भूमि बठेइ केइ माटी समायो, तइलाइ मान्सको आकार दियो, रे पइ तइमी जीवनको सास हालिदियो। यइ मान्सको नाउँ आदम थ्यो। परमेश्‍वरले एक ठुलो बगैँचा बनायो जाँ आदम रन सक्नथ्यो। बगैँचाको हेरचाह अद्दाइ परमेश्‍वरले उनलाई ताँ राख्‍यो।

![](https://cdn.door43.org/obs/jpg/360px/obs-en-01-11.jpg)

बगैँचाका बीचमी, परमेश्‍वरले दुई विशेष रूख रोप्‍यो-जीवनको रूख रे असल रे खराबको ज्ञान दिन्या रूख। परमेश्‍वरले आदमलाइ भण्यो कि सबइ रूखका फल निसंकोच खाएइ तर असल रे खराबको ज्ञान दिन्या रूखको फल जन खाएइ। यदि उइले तइ रूख बठेइ फल खाएले उ मद्द्या हो।

![](https://cdn.door43.org/obs/jpg/360px/obs-en-01-12.jpg)

पइ परमेश्‍वरले भण्यो, “मान्स एकलो रनु असल आथिन।” तर ताँ भया कोइ लगइ जनावर आदमको सहयोगी बन्‍न सकेइन।

![](https://cdn.door43.org/obs/jpg/360px/obs-en-01-13.jpg)

तबइकीलाइ परमेश्‍वरले आदमलाइ गइली निनमी पार्यो। पइ परमेश्‍वरले आदमको करङ मध्ये बठेइ एक करङ निकाल्यो रे तइ बठेइ एक आइमाइ बनायो रे तिनलाइ आदमका वाँ लेया।

![](https://cdn.door43.org/obs/jpg/360px/obs-en-01-14.jpg)

जब आदमले तिनलाइ धेक्यो, उनले भण्यो, यिन त मइ जसी छन! तिनलाई ‘स्‍त्री’ भणीन्या हो। क्याकी तिन बैकान बठेइ बनाइएकि थिन।“ तबइकिलाइ मान्सले आफ्‍ना इजा -बालाइ छाडन्छ रे आफ्‍नी स्वानीसित मिलिरन्‍छ, र तिनन एकइ शरीर हुनाहान।

![](https://cdn.door43.org/obs/jpg/360px/obs-en-01-15.jpg)

परमेश्‍वरले बैकान रे स्वानीलाई आफ्नाइ स्वरूपमी बनायो। उनले तिननलाई आशिष दियो रे भण्यो, “भौत सन्तान जन्मा रे पृथ्वीमी भरिनाइ जा!” पइ परमेश्‍वरले आफले बनाया सब चीज धेक्यो, रे त्यो भौत असल थ्यो, रे यीन सबइ बठेइ उन भौत खुशी भया। यीन सब सृष्टिको छैठौँ दिन भया थ्या।

![](https://cdn.door43.org/obs/jpg/360px/obs-en-01-16.jpg)

जब सातौँ दिन आयो, परमेश्‍वरले आफ्ना सबइ काम सकी सक्या थ्यो। उनले सातौँ दिनलाई आशिष दियो रे पवित्र बनायो, क्याकि तइ दिन उनले आफ्नो काम बठेइ आराम लियो। इसेरी परमेश्‍वरले सारा संसार रे तइमी भया सबइ कुरणीको सृष्टि अर्यो।

*बाइबलको कथा : उत्पत्ती १-२*

Audio: https://git.door43.org/OBS-TLF/dty_obs/releases/download/v1/dty_obs_v1_01_128kbps.m4a

## 2. संसारमी पापको प्रवेश

https://openbiblestories.org/l/dty/story-2/

![](https://cdn.door43.org/obs/jpg/360px/obs-en-02-01.jpg)

परमेश्‍वरले तिनरि निउती बनाया सुन्दर बगैँचामी आदम रे हव्वा भौत खुशीसित बसिरइथ्या। दुएइ जना केइ लत्ता नलाइबर बस्न्थ्या, पइलगइ यइ कुरणीमी तिननलाइ केइ लाज थेइन, क्याकि संसारमी केइ पाप थेइन। तिनन प्राय जसो बगैँचामी घुम्द्या रे परमेश्‍वरसित कुरणीकानी अरन्थ्या।

![](https://cdn.door43.org/obs/jpg/360px/obs-en-02-02.jpg)

तर त्इ बगैंचामी एक धूर्त स्याप थ्यो। उइले आइमाइलाइ सोध्यो, “की साँच्ची परमेश्‍वरले तुलाइ याँ भया मध्ये कसइ रूखको फल जनखायइ भणया छ?”

![](https://cdn.door43.org/obs/jpg/360px/obs-en-02-03.jpg)

आइमाइले जवाफ दियो, “परमेश्‍वरले हामलाई असल रे खराबको ज्ञान छुट्याउन्या रूखको फल बाहेक और कसइ रूखको फल खायाले हुन्छ भणया छ। परमेश्‍वरले हामलाइ भणया छ, यदि तमनले तइ रूखको फल खाएले अथवा छोएले मान्तर लगइ तमन मद्दया हौ।”

![](https://cdn.door43.org/obs/jpg/360px/obs-en-02-04.jpg)

तइ स्यापले आईमाइलाइ जवाफ दियो, “त्यो सत्य होइन! तमन मद्दानु। परमेश्वरले यो जाणनाहान कि जइ दिन तमन तइ फल खान्छौ, तमन परमेश्वर जसाइ हुन्या हौ, रे उन जति असल र खराबको ज्ञान पाउन्या हौ।“

![](https://cdn.door43.org/obs/jpg/360px/obs-en-02-05.jpg)

आईमाइले त्यो फल हेद्दामी सुन्दर रे स्वादिलो धेखिन्। उनले लगइ बुद्धिमान् हुन्या चाहना अरिन्, तबइकीलाइ उनले बगैंचा बठेइ तइ फल टिप्यो रे खायो। उनले केइ फल आफ्ना बैकानलाइ लगइ दिइन्, जो उनसीतइ थ्या, रे उइले लगइ त्यो फल खायो।

![](https://cdn.door43.org/obs/jpg/360px/obs-en-02-06.jpg)

अचानक तिनरा आँखा खोलिया, पइ आफ नाङ्गाइ भया तिननले था पायो। तिननले पात बुणीबर लत्ता बनाइबर आफ्ना शरीरलाई ढाक्द खोज्यो।

![](https://cdn.door43.org/obs/jpg/360px/obs-en-02-07.jpg)

तब बैकान रे उइकी स्वानीले परमेश्‍वर बगैँचा बठेइ हिटटार्या आवाज सुणयो। तिनन दुएइ जना परमेश्‍वर बठेइ लुग्या। पइ परमेश्‍वरले मानसलाई बोलाइबर भण्यो, “तँ काँ छइ?” आदमले जवाफ दियो, “मैले तमनलाइ बगैंचामी हिटटार्या सुणया, पइ म डराया, क्याकि म नाङ्गोइ थ्या। तबइकीलाइ म लुग्या।”

![](https://cdn.door43.org/obs/jpg/360px/obs-en-02-08.jpg)

पइ परमेश्‍वरले सोदयो, “तु नाङ्गोइ छइ भणीबर तुलाइ कइले भण्यो? की मैले जनखाएइ भणया फल तुइले खाइ?” मानसले जवाफ दियो, “तमले दीएकी आइमाइले मलाई यो फल दियो।” पइ परमेश्‍वरले आइमाइलाइ सोध्‍यो, “तुइले यो की अरी?” आइमाइले जवाफ दियो, “तइ स्यापले मलाई झुक्यायो।”

![](https://cdn.door43.org/obs/jpg/360px/obs-en-02-09.jpg)

परमेश्‍वरले स्यापलाइ भण्यो, “तु श्रापित भया छइ! तु पेटले हिट्टया हइ रे माटि खान्याहइ। तेरो रे स्त्रीको बिचमि, रे तेरो सन्तान रे स्त्रीको सन्तानका बीचमि म दुस्मनी हालिदिन्या हु। स्त्रीको सन्तानले तेरो सिर कचउट्टया हो, रे तुइले तइको कुर्कुचो डससया हइ।“

![](https://cdn.door43.org/obs/jpg/360px/obs-en-02-10.jpg)

त्इ पछा परमेश्‍वरले आइमाइलाइ भण्यो, “म तेरो सुत्केरी वेदना भौत बढाइ दिन्या हु। तेरो इच्छा बैकानइ तीर हुन्या हो, रे तइले तुमी अधिकार अद्द्या हो।”

![](https://cdn.door43.org/obs/jpg/360px/obs-en-02-11.jpg)

परमेश्‍वरले मानसलाइ भण्यो, “तुइले आफ्नी स्वानीकी कुरणी सुणीबर मेरो आज्ञा नमाणया हुनाले यो भूमि तेरा कारणले श्रापित भयाछ। खानाकी निउती तुइले कडा परिश्रम अददु पड्डया हो। तइ पछा तु मद्द्या हइ, रे तेरो शरीर माटीमी मिल्ल्या हो।” मानसले आफ्नी स्वानीको नाउँ हव्वा राखयो, जइको अर्थ हो “जीवन दिन्या”, क्याकि तिन सबइ जातिका मानसनकी इजा गणीइन। रे परमेश्‍वरले आदम रे हव्वालाई पशुको छालाका लत्ता बनाइबर लाइदियो।

![](https://cdn.door43.org/obs/jpg/360px/obs-en-02-12.jpg)

पइ परमेश्‍वरले भण्यो, “आब मान्सन लगइ हाम जसाइ असल रे खराब जाणन्या भया छन्, तबइकीलाइ तिननले आब जीवनको रूखको फल खाइबर तिनन सदाइ जिउना रन नपाउन भणीबर परमेश्‍वरले आदम रे हव्वालाइ तइ त्यो बगैँचा बठेइ निकालि दियो। परमेश्‍वरले जीवनको रूखको निगरानी अददाइ निउती शक्तिशाली स्वर्गदूतलाइ बगैँचाका मूलढोकामी पहरेदारका रूपमी खटायो।

*बाइबल कथा : उत्पत्ति ३*

Audio: https://git.door43.org/OBS-TLF/dty_obs/releases/download/v1/dty_obs_v1_02_128kbps.m4a

## 3. जलप्रलय

https://openbiblestories.org/l/dty/story-3/

![](https://cdn.door43.org/obs/jpg/360px/obs-en-03-01.jpg)

भौत समय पछा, संसारमी भौत मानसन बस्न्थ्या। तिनन भौतइ दुष्ट रे हिंसात्मक हुनाइ गया थ्या। यो आब इति भौत खराब भयो कि परमेश्‍वरले सारा संसारलाई एक ठुलो जलप्रलयले नास अद्द्या निर्णय अर्यो।

![](https://cdn.door43.org/obs/jpg/360px/obs-en-03-02.jpg)

तर परमेश्‍वर नोआ सित खुसी थ्या। दुष्ट मानसनका बीचमी उन एक धर्मी मानस थ्या। परमेश्‍वरले नोआलाइ आफले पठाउन लाग्या जलप्रलयको बारेमी भण्यो। तबइकिलाइ उनले नोआलाइ एक ठुलो जहाज बनाउन लायो।

![](https://cdn.door43.org/obs/jpg/360px/obs-en-03-03.jpg)

परमेश्‍वरले नोआलाई करिब एक सय चालीस मिटर लामो, तेईस मिटर चौडाई, रे चौध मिटर उच्चो जहाज बनाउनाइ भण्यो। नोआले तइ जहाजलाइ काठको प्रयोग अरीबर तीन तहमी बनाउनु पड्डया थ्यो, जाँ भौत कोठा, छत रे एक झ्याल हुनु पड्डया थ्यो। तइ जहाजमी नोआ, उनरा परिवार, रे हरेक किसिमका जमिनमी बस्‍सया जनावर जलप्रलयको समयमी सुरक्षित रनुपड्डया थ्यो।

![](https://cdn.door43.org/obs/jpg/360px/obs-en-03-04.jpg)

नोआले परमेश्‍वरको आज्ञा माणयो। नोआ रे उनरा तीन चेलाले परमेश्‍वरले भणया जसोइ जहाज बनायो। जहाज एकदमै ठूलोभया हुनाले तइलाइ बनाउन भौत वर्षलाग्या थ्यो। नोआले मानसनलाइ आउन्या जलप्रलयको चेतावनी दियो रे तिननलाइ परमेश्‍वर तीर फर्किन सचेत अरायो, तर तिननले उनरा कुरणीमी विश्‍वास अरेइन।

![](https://cdn.door43.org/obs/jpg/360px/obs-en-03-05.jpg)

परमेश्‍वरले नोआलाई रे उनरा परिवारलाइ लगइ आज्ञा दियो कि आफलाइ रे जनावरलाई चाइन्या जति खाने कुरणी जम्मा अर। जब सब कुरणी तयार भयो, परमेश्‍वरले नोआलाई भण्यो कि अब जहाजमी जान्या समय आया छ, रे तिनन जम्मा आठ जना: उन, उनरि स्वानी, उनरा तीन चेला रे तिन बुहारी सबइ जहाजमी चढया।

![](https://cdn.door43.org/obs/jpg/360px/obs-en-03-06.jpg)

परमेश्‍वरले भाले रे पोथी अरीबर सबइ किसिमका पशु पंक्षीको एक-एकजोडा नोआका वाँ पठायो, ताकि जलप्रलयको समयमी ती सबइ जहाजमी सुरक्षित रन सकुन। परमेश्‍वरले बलिका निउती चाइन्या सबइ किसिमका पशु हरेकको सात-सात जोडा भाले रे पोथी अरीबर पठायो। जब तिनन सबइ जहाज भितर गया, तब परमेश्‍वर आफइले जहाजको ढोका बन्द अरि दीयो।

![](https://cdn.door43.org/obs/jpg/360px/obs-en-03-07.jpg)

तइ पछा पानी पड्ड सुरुभयो। चालीस दिन रे चालीस रात सम्म लगातार पानी पडीरयो। पृथ्वीका तलतीर बठेइ लगइ पानी बेगसित उर्लीबर आयो। सारा संसार रे उच्चा चुचुरा समेत पानीले डुबया थ्या।

![](https://cdn.door43.org/obs/jpg/360px/obs-en-03-08.jpg)

सुख्खा जमिनमी रन्या सबइ मर्या, जहाज भितर भया मानस रे पशुपंक्षी जीउना रया। जहाज पानीमी तैरिनोइ गयो रे भितर भया सबइलाइ डुब्द बठेइ जोगाइबर राख्यो।

![](https://cdn.door43.org/obs/jpg/360px/obs-en-03-09.jpg)

पानी थामिया पाँच महिना सम्म जहाज तैरिरह्यो, रे तइ समयका बिचमी पानी सुकीबर जन्नाथ्यो। पइ एक दिन एक पाहाडका टुप्पामी जहाज रोकियो, तर पृथ्वी आजी सम्म लगइ पानीमी डुबिरइथ्यो। और तीन महिना पछा, अन्य पहाडका मालतीरका भाग धेकिन पस्या।

![](https://cdn.door43.org/obs/jpg/360px/obs-en-03-10.jpg)

और चालीस दिन पछा नोआले एउटा कव्वालाइ पानी सुक्या छ कि छैन भणी हेद्दाइ बाहिर पठायो। कव्वा इथ-उथ अद्दोइ सुख्खा जमिनका खोजीमी उड्डलाग्यो, तर तइले सुख्खा जमिन नभेट्या हुनाले फर्कीबर आयो।

![](https://cdn.door43.org/obs/jpg/360px/obs-en-03-11.jpg)

पछा नोआले एक ढुकुरलाइ पठायो। तर तइले लगइ काइ सुख्खा जमिन पाउन सकेइन, तबइकीलाइ त्यो नोआका वाँ फर्कीबर आयो। तइको एक हप्ता पछा उनले आजी तइ ढुकुरलाइ बाहिर पठायो, रे तइले आफ्ना ठुङमी एक जैतुनको हाँगा लेइबर आयो। पानी सुकीबर जन्नाथ्यो, रे बिरुवा आजी पलाउन्ना थ्या।

![](https://cdn.door43.org/obs/jpg/360px/obs-en-03-12.jpg)

अर्खो एक हप्ता पछा नोआले तेसरा बेर तइ ढुकुरलाइ बाइर पठायो। यइ बेर तइले आराम अद्द्या ठाउँ पायो रे त्यो फर्कीबर आएइन। पानी सुकीबर जन्नाथ्यो।

![](https://cdn.door43.org/obs/jpg/360px/obs-en-03-13.jpg)

दुई महिना पछा, परमेश्‍वरले नोआलाइ भण्यो, “तु रे तेरा परिवार सबइ पशु पंक्षी जहाज बठेइ बाइर निक्कल स्क्न्छौ। तुइले भौत सन्तान रे नाति पनाती जन्मा रे आजी सारा पृथ्वीमी भरिनाइ जा।” पइ नोआ रे उनरा परिवार जहाज बठेइ बाहिर आया।

![](https://cdn.door43.org/obs/jpg/360px/obs-en-03-14.jpg)

जहाज बठेइ बाइरआया पछा नोआले परमेश्‍वरकी निउती एक वेदी बनायो रे तइ वेदीमी बलिकी निउती राखिया केइ जनावरको बलि चढायो। परमेश्‍वर तइ बलि बठेइ खुशी भया रे नोआ रे उनरा परिवारलाइ आशिष दियो।

![](https://cdn.door43.org/obs/jpg/360px/obs-en-03-15.jpg)

परमेश्‍वरले प्रतिज्ञा अर्यो, “आब आजी म कभइ लगइ मानसका दुष्टताका खातिर यइ पृथ्वीलाइ श्रापित बनाउन्या आथिन, अथवा जलप्रलय बठेइ संसारलाइ नास अद्द्या आथिन, पइलगइ मानसन बाल्यकाल बठेइ पापी हुनाहान।”

![](https://cdn.door43.org/obs/jpg/360px/obs-en-03-16.jpg)

पइ परमेश्‍वरले प्रतिज्ञाको चिन्ह स्वरूप पइलो इन्द्रेणी बनायो। हरेक बेर जब अग्गासमी इन्द्रेणी धेकीन्छ, परमेश्‍वरले आफ्ना मानसनसित अर्या प्रतिज्ञा सम्झनाहान।

*बाइबल कथा : उत्पत्ति६-८*

Audio: https://git.door43.org/OBS-TLF/dty_obs/releases/download/v1/dty_obs_v1_03_128kbps.m4a

## 4. अब्राहामसित परमेश्‍वरको करार

https://openbiblestories.org/l/dty/story-4/

![](https://cdn.door43.org/obs/jpg/360px/obs-en-04-01.jpg)

जलप्रलयको भौत वर्ष पछा, संसारमी मानसनको संख्या आजी बड्डोइ गयो, पइलगइ तिननले एक आपसमि रे परमेश्वरको विरुद्धमि पाप अर्यो। रे तिनन सबइ एकइ भाषा बोल्नथ्या, तर तिनन परमेश्‍वरले आज्ञा अर्या अनसार पृथ्वीमी भरिनुको सट्टा तिनन एक ठाउँ जम्मा भइबर एक सहर बनाउन लाग्या।

![](https://cdn.door43.org/obs/jpg/360px/obs-en-04-02.jpg)

तिनन भौत घमण्डी भया, रे तिननले कसेरी जीवन जिउनु पणन्छ भणन्या परमेश्वरको आज्ञा माणन चाएइन। तिननले स्वर्ग सम्म पुग्‍दाइ निउती उच्चो धरहरा लगइ बनाउन लाग्या। यदि तिनन आजीलगइ एकइ भइबर दुष्ट काम अददाइ गया भणया तिनन आजी बडता पाप अद्दया हुन भणी परमेश्‍वरले धेक्यो।

![](https://cdn.door43.org/obs/jpg/360px/obs-en-04-03.jpg)

तबइकीलाइ परमेश्‍वरले तिनरा भाषालाई और धेरै भाषामी बदलिदियो,रे मानसनलाई सारा संसारभरि तितर-बितर पारिदियो। तिननले बनाउन सुरु अर्या सहरको नाउँ “बाबेल” थ्यो, जसको अर्थ “अलमल्लमी पड्डू”थ्यो।

![](https://cdn.door43.org/obs/jpg/360px/obs-en-04-04.jpg)

सयौँ वर्ष पछा, परमेश्‍वर अब्राम नाउँ अर्या एकजना मानससित बोल्या। परमेश्‍वरले उनलाई भण्यो, “तेरो देश रे परिवारलाइ छाडीबर मैले तुलाइ धेखाउन लाग्या ठाउँमी जा। म तुलाइ आशिष दिन्या हु रे तु बठेइ एक ठूलो जाति खडा अद्दया हु। म तेरो नाउँ महान बनाउन्या हु। तुलाइ आशिष्‌ दिन्यालाइ म आशिष्‌ दिन्या हु, रे तुलाइ सराप दिन्यालाइ म सराप दिन्या हु।तु बठेइ पृथ्‍वीका सब परिवारले आशिष पाउन्या हुन।”

![](https://cdn.door43.org/obs/jpg/360px/obs-en-04-05.jpg)

पइ अब्रामले परमेश्‍वरको आज्ञा माणयो। उनले आफ्नी स्वानी साराइ, आफ्ना सारा नौकर रे आफ्नो सबइ चीज लइजाइबर परमेश्‍वरले धेकाया देश कनान तिर लाग्या।

![](https://cdn.door43.org/obs/jpg/360px/obs-en-04-06.jpg)

जब अब्राम कनान देशमी पुग्या, परमेश्‍वरले भण्यो, “आफ्नो चारैतिर हेर। म तुलाइ यो सबै ठाउँ दिन्या हु, रे तेरा सन्तान सदाइ एइको हकवाला हुन्या हुन।” पइ अब्राम तइ देशमी बस्‍स लाग्या।

![](https://cdn.door43.org/obs/jpg/360px/obs-en-04-07.jpg)

एक दिन अब्रामले सर्वोच्च परमेश्‍वरका पूजाहारी, मल्कीसेदेकलाई भेटयो। मल्कीसेदेकले अब्रामलाई आशिष् दिबर भण्यो, “अग्गास रे पृथ्वीका मालिक, सर्वोच्चका परमेश्‍वरले तुलाइ आशिष् दिऊन्।” पइअब्रामले मल्कीसेदेकलाइ युद्द बठेइ जितिबर आया सारा सम्पत्तिको दशौं हिस्सा दियो।

![](https://cdn.door43.org/obs/jpg/360px/obs-en-04-08.jpg)

भौत वर्ष भया तर अब्राम रे साराइको केइ सन्तान भयाको थेइन। परमेश्‍वर अब्रामसित बोल्या रे आजी प्रतिज्ञा अर्यो कि उइको एक चेलो हुन्या हो रे उइका सन्तान अग्गासका तारा सरह हुन्या हुन। अब्रामले परमेश्‍वरको प्रतिज्ञामी विश्‍वास अर्यो। परमेश्‍वरले अब्रामलाई धर्मी ठहरायो,क्याकि अब्रामले परमेश्‍वरको प्रतिज्ञामी विश्‍वास अर्यो।

![](https://cdn.door43.org/obs/jpg/360px/obs-en-04-09.jpg)

पइ परमेश्‍वरले अब्रामसित एक करार बाँध्‍यो। करारचाहिँ दुई पक्षबीचको सम्झौता हो। तर याँ, अब्राम गइलि निनमि भया बेला परमेश्‍वरले अब्रामसित प्रतिज्ञा अर्यो, तर उइले परमेश्वरको आवाज सुणनाथ्यो परमेश्‍वरले भण्यो, “तेरो आफ्नइ शरीर बठेइ म तुलाइ एक चेलो दिन्या हु। कनान देश म तेरा सन्तानलाइ दिनउ।” तर अब्रामसित आजी लगइ चेलो थेइन।

*बाइबलकथा : उत्पत्ति ११-१५*

Audio: https://git.door43.org/OBS-TLF/dty_obs/releases/download/v1/dty_obs_v1_04_128kbps.m4a

## 5. प्रतिज्ञाको सन्तान

https://openbiblestories.org/l/dty/story-5/

![](https://cdn.door43.org/obs/jpg/360px/obs-en-05-01.jpg)

कनानमि बसाई सर्या दस वर्ष पछा लगइ अब्राम र साराइको केइ सन्तान भया थेइन। तबइकिलाइ अब्रामकी स्वानी साराइले उनलाई भण्यो, “परमेश्‍वरले मेरो कोख बन्द अरी दिया छ रे आब सन्तान पाउनाइ निउति म बुढी भइसक्या छु, तबइकिलाइ मेरो दासी हागारसित ब्या अर रे तिनले मेरो निउति एक सन्तान जन्माउनेइ हुन।”

![](https://cdn.door43.org/obs/jpg/360px/obs-en-05-02.jpg)

तबइकिलाइ अब्रामले हागारसित ब्या अर्यो। हागारले एक चेलो जन्मायो, रे अब्रामले तइको नाउँ इश्माएल राख्यो। तर साराइले हागारको डाह अद्द लागिन। रे इश्माएल तेर बर्षका हुन्ज्या परमेश्‍वर आजि अब्रामसित बोल्या।

![](https://cdn.door43.org/obs/jpg/360px/obs-en-05-03.jpg)

परमेश्‍वरले भण्यो, “म सर्वशक्तिमान परमेश्‍वर हुँ। म तुसित एक करार बाँध्‍या हु।” पइ अब्रामले भुइँमि घोप्टो पडीबर दण्डवत अर्यो। परमेश्‍वरले आजि अब्रामलाई भण्यो, “तु भौत राष्ट्रका पिता हुन्या हइ। कनान देश म तु रे तेरा सन्तानलाई तिनरो सम्पतिका रुपमी दिन्या हु, रे म सदाइ भरि तिनरा परमेश्‍वर हुन्या हु। तुइले आफ्नो परिवारका हरेक बैकानको खतना अददु पड्डया हो।”

![](https://cdn.door43.org/obs/jpg/360px/obs-en-05-04.jpg)

“तेरी स्वानी साराइले एक चेलो जन्माउने हो, त्यो चाइ प्रतिज्ञा अरिया सन्तान हुन्या हो। तुइले तइको नाउँ इसहाक राखेइ। तइसित म मेरो करार बाँध्या हु, रे तइको एक ठुलो राष्ट्र हुन्या हो। म इश्माएललाई लगइ ठुलो राष्ट्र बनाउन्या हु, तर म मेरो करार चाइ इसहाक सितइ बाँध्‍या हु।” तइ पछा परमेश्‍वरले अब्रामको नाउँ ‘अब्राहाम’ राखिदियो, जइको अर्थ हो “भौतका पिता”। परमेश्‍वरले साराइको लगइ नाउँ आब ‘सारा’ राखिदियो, जइको अर्थ हो “राजकुमारी”।

![](https://cdn.door43.org/obs/jpg/360px/obs-en-05-05.jpg)

तइ दिन अब्राहामले आफ्ना घरानाका सबइ बैकानको खतना गरिदियो। तइको करिब एक वर्ष पछा, अब्राहाम सय वर्षका रे सारा नब्बे वर्षकी हुँन्ज्या, साराले अब्राहामको चेलो जन्मायो। परमेश्‍वरले भणया जसेरी उनले तइको नाउँ इसहाक राख्यो।

![](https://cdn.door43.org/obs/jpg/360px/obs-en-05-06.jpg)

जब इसहाक बालकइ थ्या, परमेश्‍वरले अब्राहामको विश्‍वासको जाँच अर्यो रे भण्यो, “तेरो एकइ चेलो इसहाकलाई लइजाइबर जा रे तइलाई मेरि निउती बलि चढा।” आजि अब्राहामले परमेश्‍वरले भणया कुरणी माणयो। रे आफ्नो चेलालाई बलिदान दिनाइ तयार भया।

![](https://cdn.door43.org/obs/jpg/360px/obs-en-05-07.jpg)

जब अब्राहाम रे इसहाक वेदी तिर जन्नाथ्या, इसहाकले सोध्यो, “बा, हामसित बलिकि निउती दरुवा त छन, तर थुमा चाइ काँ छ?” अब्राहामले जवाफ दियो, “हे मेरो चेला, परमेश्‍वरइले बलिकि निउती थुमा जुटाउन्या हुन।”

![](https://cdn.door43.org/obs/jpg/360px/obs-en-05-08.jpg)

जब उनन बलि अद्द्या ठाउँमि पुग्या, अब्राहामले आफ्नो चेलालाई बाँध्यो रे उइलाई वेदीमि राख्यो। जब उनले आफ्नो चेलालाई बलि दिनाइ बटिया, तब परमेश्‍वरले भण्यो, “पख! तेरा चेलालाइ चोट जनलाइ! आब मलाइ था भया छ कि तु मेरो डर माणन्छइ, क्याकी तुइले मेरि निउति आफ्नो एक मान्तर चेलो लगइ राखीनि।“

![](https://cdn.door43.org/obs/jpg/360px/obs-en-05-09.jpg)

ता नजिकै अब्राहामले एक भेडालाई झाडीमि फस्या धेक्यो। परमेश्‍वरले तइ भेडालाई इसहाकका सट्टामि बलिदानकि निउती ता जुटाया थ्यो। अब्राहामले खुशीसित तइ भेडालाई बलि चढायो।

![](https://cdn.door43.org/obs/jpg/360px/obs-en-05-10.jpg)

पइ परमेश्‍वरले अब्राहामलाई भण्यो, “तुइले मेरि निउती आफ्ना सबइ चिज दिनाइ तयार भया हुनाले, रे तेरो एकइ मानतर चेलो लगइ बाँकी नराख्या हुनाले, म तुलाई आशिष् दिन्या प्रतिज्ञा अद्दउ। तेरा सन्तान अग्गासका तारा हइ बडता हुन्या हुन। तुइले मेरो आज्ञा माणया हुनाले, संसारका सबइ परिवारहरुलाइ म तेरो परिवार बठेइ आशिष दिन्या हु।

*बाइबल कथा : उत्पत्ति १६-२२*

Audio: https://git.door43.org/OBS-TLF/dty_obs/releases/download/v1/dty_obs_v1_05_128kbps.m4a

## 6. परमेश्वरले इसहाकलाइ जुटाइ दियो

https://openbiblestories.org/l/dty/story-6/

![](https://cdn.door43.org/obs/jpg/360px/obs-en-06-01.jpg)

अब्राहाम बुढा हुन्ज्या, उनरो चेलो इसहाक एक परिपक्क मान्स भइसक्या थ्यो। तबइकिलाइ अब्राहामले आफ्नो एक नौकरलाइ आफ्ना आफन्त भया देशमि इसहाककि निउती एक स्वानी खोजीबर ल्याउनाइ पठायो।

![](https://cdn.door43.org/obs/jpg/360px/obs-en-06-02.jpg)

अब्राहामका आफन्त बसस्या देशतिरको लामो यात्रा पछा, परमेश्वरले तइ नौकरलाइ रिबेका नाउँकी एकजना केटिका वा लेया। उन अब्राहामका भाइकी नातनी थिन।

![](https://cdn.door43.org/obs/jpg/360px/obs-en-06-03.jpg)

रिबेका आफ्ना परिवारलाइ छाडीबर त्इ नौकरसित इसहाकका घर जानाइ राजी भइ। उन पुग्‍न्जेइ इसहाकले उनसित ब्या अर्यो।

![](https://cdn.door43.org/obs/jpg/360px/obs-en-06-04.jpg)

भौत समय पछा, अब्राहामको मृत्यु भयो। तब परमेश्वरले अब्राहामसित अर्या प्रतिज्ञाका लाग्दा तिनरा चेला इसहाकलाई आशिष् दियो। तिन मध्य परमेश्वरको एक प्रतिज्ञा थ्यो कि अब्राहामका असंख्य सन्तान हुन्या हुन। तर इसहाककी स्वानी रिबेकाको केइ सन्तान भया थेइन।

![](https://cdn.door43.org/obs/jpg/360px/obs-en-06-05.jpg)

इसहाकले रिबेकाकि निउती प्रार्थना अर्यो, रे परमेश्वरले उनरा कोखमि जुम्ल्याह बच्चा दियो। तिन दुइ बच्चाले रिबेकाको गर्भ भितर हुन्ज्या एक-अर्कासित लडड लाग्या, तबइकिलाइ रिबेकाले परमेश्‍वसित यो कि हुन्नारया हो भणीबर सोद्यो।

![](https://cdn.door43.org/obs/jpg/360px/obs-en-06-06.jpg)

परमेश्वरले रिबेकालाइ भण्यो, “तुइले दुई चेला जन्माउनेइ हइ। तिनरा सन्तान दुई फरक राष्ट्र हुन्या हुन। तिनन एकअर्कासित संघर्ष अद्दया हुन्। तर जेठो चेला बठेइ आउन्या राष्ट्रले कान्छो चेला बठेइ आउन्या राष्ट्रको आज्ञापालन अद्दु पणन्छ।”

![](https://cdn.door43.org/obs/jpg/360px/obs-en-06-07.jpg)

जब रिबेकाका चेला जन्मिया, जेठो चेलो रातो रे रौँइ रौँ भया थ्यो, रे तिननले तइको नाउँ एसाव राख्यो। तब कान्छो चाहिँ जेठाको कुर्कुचो समाइबर निक्ल्यो, रे तिननले तइको नाउँ याकूब राख्यो।

*बाइबल कथा : उत्पत्ति २४:१-२५:२६*

Audio: https://git.door43.org/OBS-TLF/dty_obs/releases/download/v1/dty_obs_v1_06_128kbps.m4a

## 7. परमेश्वरले याकूबलाइ आशिष दियो

https://openbiblestories.org/l/dty/story-7/

![](https://cdn.door43.org/obs/jpg/360px/obs-en-07-01.jpg)

जब याकूब रे एसाव बडडाइ गया, याकूब घरइमि बस्‍स निको माणनथ्या, तर एसाव भणया शिकार अद्द निको माणनथ्या। रिबेका याकूबलाइ माया अर्थिन, तर इसहाकले एसावलाइ माया अर्नथ्या।

![](https://cdn.door43.org/obs/jpg/360px/obs-en-07-02.jpg)

एकदिन, जब एसाव शिकार बठेइ घर फर्किया, उन भौत भोकाया थ्या। एसावले याकूबलाइ भण्यो, “तुइले बनाया केइ खान्या कुरा मलाइ लगइ दे।” याकूबले जवाफ दियो, “पइला तु जेठो बइबर पाउनु पड्डया सब अधिकार मलाइ दिय।” तबइकिलाइ एसावले आफ्नो जेठो अधिकार याकूबलाइ दिन्या प्रतिज्ञा अर्यो। तब याकूबले उनलाइ केइ खान्या कुरणी दियो।

![](https://cdn.door43.org/obs/jpg/360px/obs-en-07-03.jpg)

इसहाकले आफ्नो आशिष एसावलाइ दिन चाहान्थ्या। तर उनले तसो अददु भणना पइल्ली, रिबेका रे याकूब मिलिबर याकूब एसाव बनीबर इसहाकलाइ झुक्यायो। इसहाक बुढा भइसक्या थ्या रे केइ लगइ देख्‍द सक्दैन थ्या। तबइकिलाइ याकूबले एसावको लत्ता लायो रे बाख्राका पाठाको छालाले आफ्नो गलो रे हात ढोक्या थ्यो।

![](https://cdn.door43.org/obs/jpg/360px/obs-en-07-04.jpg)

याकूब इसहाकका वाँ आया रे भण्यो, “म एसाव हु। तमरो आशिष् लिनाइ म आया छु।” जब इसहाकले बाख्राको रौँ छाम्यो रे लत्ताकि बास सुम्यो, उनले त्यो एसाव हो भणी सोच्यो रे उनलाइ आशीर्वाद दियो।

![](https://cdn.door43.org/obs/jpg/360px/obs-en-07-05.jpg)

एसावले याकूबलाइ घृणा अर्नथ्या क्याकी याकूबले उइको जेठो अधिकार रे उइले पाउनु पडडया आशिष खोस्या थ्यो। तबइकिलाइ उनले बाको मृत्यु पछा याकूबलाइ माद्द्या योजना बनायो।

![](https://cdn.door43.org/obs/jpg/360px/obs-en-07-06.jpg)

तर रिबेकाले एसावको योजनाका बारेमि था पायो। तबइकिलाइ इसहाक रे रिबेकाले याकूबलाइ तइ ठाउँ बठेइ टाढा आफ्ना आफन्तका वा पठाइदियो।

![](https://cdn.door43.org/obs/jpg/360px/obs-en-07-07.jpg)

याकूब भौत वर्षसम्म रिबेकाको आफन्तसित बस्या। तइ बेलामि उनले ब्या अर्यो रे उनरा बार जना चेला रे एक चेली भइ। परमेश्वरले उनलाइ भौत धनी बनाया थ्यो।

![](https://cdn.door43.org/obs/jpg/360px/obs-en-07-08.jpg)

बीस वर्ष पछा कनानमि आफ्नो घर बठेइ टाढा बसिसक्या पछा, याकूब आफ्नो परिवार, आफ्ना नौकर रे आफ्ना सब बगाल रे पशुको बथान संगइ लैइजाइबर कनान फर्किया।

![](https://cdn.door43.org/obs/jpg/360px/obs-en-07-09.jpg)

याकूब भौत डराया थ्या क्याकी एसावले उनलाइ आजि लगइ मदद खोज्जाछन भणी उनले सोच्या थ्या। तबइकिलाइ याकूबले भौत पशु उपहार स्वरूप एसावका वाँ पठायो। पशु लैइजाइबर गया नौकरले एसावलाइ भण्यो, “तमरो दास, याकूबले तमलाइ यीन पशु पठायाछ। उन छिट्टाइ आउन्ना छन।”

![](https://cdn.door43.org/obs/jpg/360px/obs-en-07-10.jpg)

तर एसावले आब याकूबलाई हानि पुर्‍याउन चाएइन। बरु, याकूबलाई आजि धेक्द पाउन्ज्या एसाव भौत खुशी भया, रे तिनन कनानमि शान्तिसित बस्या। तइपछा इसहाक मर्या, याकूब रे एसावले उनलाइ गाड्यो। परमेश्वरले अब्राहामसित अर्या बाचा आब इसहाक बठेइ याकूबमि सर्‍यो।

*बाइबल कथा : उत्पत्ति २५:२७-३५ :२९*

Audio: https://git.door43.org/OBS-TLF/dty_obs/releases/download/v1/dty_obs_v1_07_128kbps.m4a

## 8. परमेश्वरले योसेफ रे उनरा परिवारलाइ बचायो

https://openbiblestories.org/l/dty/story-8/

![](https://cdn.door43.org/obs/jpg/360px/obs-en-08-01.jpg)

भौत वर्ष पछा, जब याकूब बुदा भया थ्या, उनले आफ्नो मन पड्डया चेलो योसेफलाइ भेडाबाख्रा चराउन गया आफ्ना दाइनलाइ हेद्दाइ पठायो।

![](https://cdn.door43.org/obs/jpg/360px/obs-en-08-02.jpg)

योसेफका दाइनले उनलाइ घृणा अर्नथ्या, क्याकी तिनरा बाले योसेफलाइ सब भन्दा बरता माया अर्न्थ्या, क्याकी योसेफले आफ उनरा शासक भया सपना धेक्या थ्यो। जब योसेफ उनरा दाइका वा आया, तिननले उइको अपहरण अर्यो रे केइ दास व्यापारी सित बेचिदियो।

![](https://cdn.door43.org/obs/jpg/360px/obs-en-08-03.jpg)

योसेफका दाइले घर फर्कना हइ अगाडी योसेफका लत्ता चिरी दियो रे तइलाइ बाख्राका रगतमि दुबाइ दियो। पइ तिननले तइ लबेदा आफ्ना बालाइ धेकायो ताकी योसेफलाइ कसइ जंगली जनावरले मर्या रइछ भणी तिनले सोचुन। यो धेकीबर याकूब भौत दुःखी भया।

![](https://cdn.door43.org/obs/jpg/360px/obs-en-08-04.jpg)

तिन दास व्यापारीले योसेफलाइ मिश्रदेशमि लैया। मिश्र देश नील नदिका किनारमि पणन्थ्यो, यो भौत ठुलो रे शक्तिशाली देश थ्यो। तिन व्यापारीले योसेफलाइ एक जना धनी सरकारी कर्मचारीका हातमि बेचिदियो। योसेफले आफ्नो मालिकको निक्केरि हेरचाह अर्यो, रे परमेश्वरले उइलाइ आशिष दियो।

![](https://cdn.door43.org/obs/jpg/360px/obs-en-08-05.jpg)

योसेफका मालिककी स्वानीले योसेफसित सिन चाहिन, तर परमेश्वरको विरुद्ध इसेरी पाप अद्द उनले इन्कार अर्यो। यइका लाग्दा उन रिसाइन रे योसेफको विरुद्धमि झुटो आरोप लाइन, जइको कारण योसेफलाइ समाइयो रे झ्यालखानामि हालियो। झ्यालखानामि हुन्ज्या लगइ योसेफले परमेश्वरमि विश्वासयोग्य रहयो, रे परमेश्वरले योसेफलाइ आशिष दियो।

![](https://cdn.door43.org/obs/jpg/360px/obs-en-08-06.jpg)

दुइ वर्ष पछा, निर्दोष भयालगइ योसेफ आजी झेलखानाइमि थ्या। एक रात मिश्रीका राजा जइलाई तिननले फारो भणन्थ्या, उनले दुइ सपना धेक्यो रे तइले उनलाइ भौत सतायो। उनरा कसइ सल्लाहकारले लगइ तइ सपनाको रहस्य बताउन सकेइन।

![](https://cdn.door43.org/obs/jpg/360px/obs-en-08-07.jpg)

परमेश्वरले योसेफलाइ सपनाको अर्थ बताउन स्क्द्या वरदान दिया थ्यो, तबइकिलाइ फारोले योसेफलाइ झेल बठेइ बोलाउन लायो। योसेफले फारोको सपनाको अर्थ बताइदियो रे भण्यो, “परमेश्वरले आबको सात वर्षसम्म भौत अन्‍न दिन्या हुन रे तइ पछाका सात वर्ष अनिकाल हुन्या हो।”

![](https://cdn.door43.org/obs/jpg/360px/obs-en-08-08.jpg)

योसेफसित फारो इति खुशी भया कि उनले योसेफलाइ सारा मिश्र देशभरिका दोसरो शक्तिशाली मान्स नियुक्त अर्यो।

![](https://cdn.door43.org/obs/jpg/360px/obs-en-08-09.jpg)

योसेफले मान्सनलाइ भौत फसलको सात वर्षमि भौत अन्‍न जम्मा अद्द लायो। पइ सात वर्ष अनिकालको समयमि योसेफले तिन अन्‍न बेच्यो ताकि मान्सनकि निउती चाइन्या जति खान्या कुरणी पुगउ।

![](https://cdn.door43.org/obs/jpg/360px/obs-en-08-10.jpg)

अनिकाल मिश्र देशमामि मान्तर नभइबर कनान देशमि लगइ भया थ्यो जाँ याकूब रे उनरा परिवार बसन्थ्या।

![](https://cdn.door43.org/obs/jpg/360px/obs-en-08-11.jpg)

तबइकिलाइ याकूबले आफ्ना जेठा चेलानलाइ मिश्र देशमि खानेकुरा किन्‍नाइ पठायो। दाइन खाने कुरणी किन्‍नाइ योसेफका अगाडी कलिया लगइ तिननले योसेफलाइ चिनेइन, तर योसेफले तिननलाइ चिनिहाल्यो।

![](https://cdn.door43.org/obs/jpg/360px/obs-en-08-12.jpg)

पइ आफ्ना दाइन परिवर्तन भया छन कि छैनन् भणीबर जाँच अर्या पछा योसेफले तिननलाइ भण्यो, “म तमरो भाइ योसेफ हुँ! जनडरा! तमले मलाइ दासका रूपमि बेचिबर मेरो ननिको अद्द खोज्‍या, तर परमेश्वरले त्यो ननिको लाइ असलमि बदल्यो अर्यो! आस रे मिश्र देशमा बस ताकि तमनलाइ रे तमरा परिवारलाइ मैले जुटाउन सकु।”

![](https://cdn.door43.org/obs/jpg/360px/obs-en-08-13.jpg)

जब योसेफका दाइन घर फर्क्या योसेफ आजिलगइ जिउनोइ भया खबर आफ्ना बा याकूबलाइ सुणायो, उन भौत खुशी भया।

![](https://cdn.door43.org/obs/jpg/360px/obs-en-08-14.jpg)

याकूब बुढा भया लगइ आफ्ना सारा परिवारलाइ लइजाइबर उन मिश्रदेशमि गया रे तिनन सब ताइ बस्‍स लाग्या। मद्दा हइ अगाडी याकूबले आफ्ना सब चेलालाइ आशिष दियो।

![](https://cdn.door43.org/obs/jpg/360px/obs-en-08-15.jpg)

परमेश्वरले अब्राहामलाइ प्रतिज्ञा अर्या करार अब्राहाम बठेइ इसहाकमि, पइ याकूबमि, रे याकूबका बाह्र चेला रे उनरा परिवारमि भइ रह्यो। तिन बाह्र चेलाका सन्तान बठेइ इस्राएलका बाह्र कुल भया।

*बाइबल कथा : उत्पत्ति ३७-५०*

Audio: https://git.door43.org/OBS-TLF/dty_obs/releases/download/v1/dty_obs_v1_08_128kbps.m4a

## 9. परमेश्‍वर बठेइ मोशालाइ बोलावट

https://openbiblestories.org/l/dty/story-9/

![](https://cdn.door43.org/obs/jpg/360px/obs-en-09-01.jpg)

योसेफ मर्या पछा, तिनरा सब आफन्त मिश्र देशइमि बस्‍स पस्या। तिनन रे तिनरा सन्तान लगइ भौत वर्षसम्म ताइ बसोबास अद्द लाग्या रे उनरा भौत सन्तान भया। तिननलाइ ‘इस्राएली’ भणीन्थ्यो।

![](https://cdn.door43.org/obs/jpg/360px/obs-en-09-02.jpg)

सयौं वर्ष पछा इस्राएलीको संख्या भौत बडी भइसक्या थ्यो। योसेफले अर्या सब असल काम बिसरि सक्या थ्या रे मिश्री तिनन सित धन्यवादी थेइन। उनन इस्राएलीसित डराउन पस्या क्याकी उनन संख्यामि भौत बरता थ्या। तबइकिलाइ तइ समयमि मिश्रदेशमि राज्य अद्दार्या फारोले इस्राएलीलाइ मिश्रीका दास बनायो।

![](https://cdn.door43.org/obs/jpg/360px/obs-en-09-03.jpg)

मिश्रीले इस्राएलीलाइ भौत भवन रे पुराइ सहर समेत बनाउन लायो। कडा परिश्रमले उनरो जीवनलाइ दयनीय बनायो, तर परमेश्‍वरले उननलाइ आशिष् दियो, रे उनरा सन्तान आजि बढ्डाइ गया।

![](https://cdn.door43.org/obs/jpg/360px/obs-en-09-04.jpg)

इस्राएलीले भौत बच्चा जन्माउनार्या फरोले धेक्यो, तबइकिलाइ उनले आफ्ना मान्सनलाइ सब इस्राएलीका भर्खर जन्मिया चेलालाइ नील नदीमा खितीबर माद्द्या आदेश दियो।

![](https://cdn.door43.org/obs/jpg/360px/obs-en-09-05.jpg)

कसइ एक इस्राएली आइमाइले एक चेलो जन्मायो। उनले आफले सक्नज्या सम्म तइ बालकलाइ लुकाइबर राख्यो।

![](https://cdn.door43.org/obs/jpg/360px/obs-en-09-06.jpg)

जब तइ बालकका इजाले उइलाइ और भौत समय लुकाउन सकेइन, उइलाइ मारिना बठेइ जोगाउनाइ तिननले एक कोक्रो बनाइबर बालकलाइ तइ भितर राखिदियो रे नील नदीका किनारमि नर्कटका झाडीका बीचमि छाडिदियो। बालककी दिदीले उसलाइ कि हुन्या रइछ भणीबर हेरिरइ।

![](https://cdn.door43.org/obs/jpg/360px/obs-en-09-07.jpg)

फारोकी चेलीले तइ कोक्रोलाइ धेकी रे तइ भीतर कि रइछ भणी खोलिबर हेरि। जब उनले बालकलाइ धेकि, उनले तइलाइ आफ्नोइ चेलाका रूपमि राखि। उनले एक इस्राएली आइमाइलाइ तइ बालकको हेरचाह अद्दाइ ज्याला दिइबर राख्यो तर त्यो आइमाइ बालककि आफ्नि आमा थिइ भणन्या कुरणी उनलाइ था थेइन। जब त्यो बालक आब दूध खान नपड्डया जति ठूलो भयो, उनरि आमले उइलाइ फारोकी चेलीका वाँ पठाइदियो, जइले उइको नाउँ मोशा राख्यो।

![](https://cdn.door43.org/obs/jpg/360px/obs-en-09-08.jpg)

एकदिन, जब मोशा ठूला भइसक्या थ्यो, एक मिश्रीले एक इस्राएली दासलाइ चुट्टार्या धेक्यो। मोशाले आफ्नो इस्राएली मान्सलाइ बचाउन खोज्यो।

![](https://cdn.door43.org/obs/jpg/360px/obs-en-09-09.jpg)

जब मोशाले आफलाइ कसैले धेक्दइन भणन्या सोच्यो, तब तइ मिश्रीलाइ मारिबर तइलाइ गाडीदियो। तर मोशाले तइ मिश्रीको हत्या अर्या कसैइले धेक्या थ्यो।

![](https://cdn.door43.org/obs/jpg/360px/obs-en-09-10.jpg)

जब फारोले मोशाले अर्या हत्याका बारेमि था पायो, तब उनले मोशालाइ माद्द खोज्यो, तर मोशा मिश्रदेश बठेइ भागीबर उजाड स्थान तिर गयो। फारोका सैनिकले उनलाइ ता भेटेइन

![](https://cdn.door43.org/obs/jpg/360px/obs-en-09-11.jpg)

मिश्रदेश बठेइ टाढा तइ उजाड स्थानमि मोशा एक ग्वालो बन्यो। उइले तइ ठाउँकी एकजना केटिसित ब्या अर्यो रे उइका दुई चेला भया।

![](https://cdn.door43.org/obs/jpg/360px/obs-en-09-12.jpg)

मोशाले आफ्ना ससुरोको भेडाबाख्रा चराउन्थ्या। एकदिन जब मोशा आफ्ना भेडाबाख्राको हेरचाह अद्दाथ्या, उनले एउटा पोथ्रा धेक्यो जो आगाले बल्ला थ्यो, तर त्यो पोथ्रा बलीबर भस्म भएइन। तइ पोथ्रालाई और निकेरी हेद्दाइ मोशा तइका नजिकै गया। जब उन तइ बल्लार्या पोथ्राका नजिक पुग्या, परमेश्‍वरले भण्यो, “मोशा, तेरा जुत्ता खोल। क्याकी तु पवित्र भूमिमि कल्लीरइछइ।”

![](https://cdn.door43.org/obs/jpg/360px/obs-en-09-13.jpg)

तब परमेश्‍वरले भण्यो, “मैले मेरा मान्सनका कष्टलाइ धेक्या छु। म तुलाइ फारोका वाँ पठाउन्या हु ताकि तुइले इस्राएलीलाइ मिश्रदेशको दासत्व बठेइ छुटाइबर ल्याउन्या हइ। म तिननलाइ कनान देश दिन्या हु, त्यो देश जो मइले अब्राहाम, इसहाक रे याकूबसित प्रतिज्ञा अर्या थ्या।”

![](https://cdn.door43.org/obs/jpg/360px/obs-en-09-14.jpg)

मोशाले सोध्यो, “मान्सनले मलाई कइले पठाया हो भणी सोध्यले, म कि भणलो?” परमेश्‍वरले भण्यो, “म हुँ, जो म हुँ। तिननलाइ इसो भणी दियइ, ‘म हुँ भणन्याले मलाइ तमरा वा पठाया हो।‘ तिननलाइ यो लगइ भणीदिएइ, ‘म याहोवे हुँ, तमरा पूर्खा अब्राहाम, इसहाक, रे याकूबका परमेश्‍वर।‘ मेरो नाउँ सदा-सर्वदाकि निउती यइ हो।”

![](https://cdn.door43.org/obs/jpg/360px/obs-en-09-15.jpg)

मोशा डराया थ्या रे फारोका वा जान खोज्जा थेइन, क्याकी आफ ठिकसित बोल्ल नसक्द्या उनले सोच्या थ्यो, तबइकिलाइ परमेश्‍वरले मोशाका भाइ हारूनलाइ उनसित सहयोगकि निउती पठायो।

*बाइबल कथा : प्रस्थान १-४*

Audio: https://git.door43.org/OBS-TLF/dty_obs/releases/download/v1/dty_obs_v1_09_128kbps.m4a

## 10. दश विपत्ति

https://openbiblestories.org/l/dty/story-10/

![](https://cdn.door43.org/obs/jpg/360px/obs-en-10-01.jpg)

परमेश्वरले मोशा रे हारुनलाइ चेतावनी दियो कि फारोका हृदय हठी हुन्या हुन। जब तिनन फारोका वा गया, तिननले भण्यो, “इस्राएलका परमेश्‍वर इसो भणनाहान, ‘मेरा मानसनलाइ जान दे!’ “तर फारोले तिननले भणया कुरणी सुणेइन। इस्राएलीलाइ जान दिनुको सट्टा, उनले तिननलाइ आजि बरता कठिन परिश्रम अद्दाइ बाध्य अर्यो!

![](https://cdn.door43.org/obs/jpg/360px/obs-en-10-02.jpg)

फारोले इस्राएलीलाइ छाड्ड इन्कार अरीराख्यो, तबइकिलाइ परमेश्‍वरले मिश्रदेशमि डरलाग्दा दश विपत्ति पठाइदियो। परमेश्‍वरले यीन विपत्ति बठेइ फारोलाइ उन फारो रे सब मिश्री देवता हइ शक्तिशाली छन भणी धेकायो।

![](https://cdn.door43.org/obs/jpg/360px/obs-en-10-03.jpg)

परमेश्‍वरले नील नदीलाइ रगतमि परिवर्तन अरिदियो, तर फारोले आजि लगइ इस्राएलीलाइ जान दिएइन।

![](https://cdn.door43.org/obs/jpg/360px/obs-en-10-04.jpg)

परमेश्‍वरले सारा मिश्र देशभरि भ्यागता पठायो। फारोले मोशालाइ भ्यागता हटाइ दिनाइ विन्ती अर्यो। तर सब भ्यागता मर्या पछा, फारोले आफ्नो हृदय आजि कठोर बनायो रे इस्राएलीलाइ जान दिएइन।

![](https://cdn.door43.org/obs/jpg/360px/obs-en-10-05.jpg)

तबइकिलाइ परमेश्‍वरले भुसुनाको विपत्ति पठायो। तइ पछा उनले झिंगाको विपत्ति पठायो। फारोले मोशा रे हारूनलाइ बोलायो रे भण्यो यदि तिननले तइ विपत्तिलाई रोक्यो भणया म इस्राएलीलाइ जान दिनउ। जब मोशाले प्रार्थना अर्यो, परमेश्‍वरले सारा झिंगाहरू मिश्र बठेइ हटाइदियो। तर फारोले आजि आफ्नो हृदयलाइ कठोर बनायो रे इस्राएलीलाइ जान दिएइन।

![](https://cdn.door43.org/obs/jpg/360px/obs-en-10-06.jpg)

तइ पछा, परमेश्‍वरले मिश्रीका सब गाईवस्तुमि विपत्ति पठायो र तिनन सब मर्या। तर फारोको हृदय कठोर भयो, र उनले इस्राएलीलाइ जान दिएइन।

![](https://cdn.door43.org/obs/jpg/360px/obs-en-10-07.jpg)

पइ परमेश्‍वरले मोशालाइ फारोका अगाडि हावामि छार खित भण्यो। जब उनले तसो अर्यो, मिश्रीका शरीरमि कष्ट दिन्या खटिरा धेकिया, तर इस्राएलीलाइ केइ भएइन। परमेश्‍वरले फारोको हृदय कठोर बनाइदियो, रे फारोले इस्राएलीलाइ जान दिएइन।

![](https://cdn.door43.org/obs/jpg/360px/obs-en-10-08.jpg)

इसो भइसक्या पछा परमेश्‍वरले अठ्ठा वर्षायो जइले मिश्रदेशका भौत जसो अन्‍नबाली नास अर्यो रे बाइर निकलल्या कोइ लगइ मारिया। फारोले मोशा रे हारूनलाइ बोलायो रे भण्यो, “मइले पाप अर्या छु। तमन या बठेइ जान सक्न्छौ।” पइ मोशाले प्रार्थना अर्यो, रे अग्गास बठेइ अठ्ठा पड्ड बन्द भयो।

![](https://cdn.door43.org/obs/jpg/360px/obs-en-10-09.jpg)

तर फारोले आजि लगइ पाप अर्यो रे आफ्नो हृदयलाई कठोर बनायो। उनले इस्राएलीलाइ जान दिएइन।

![](https://cdn.door43.org/obs/jpg/360px/obs-en-10-10.jpg)

तबइकिलाइ परमेश्‍वरले सलहका हुललाइ मिश्रदेमि पठाई दियो। यीन सलहले अठ्ठा बठेइ बच्या सब बाली खाइदियो।

![](https://cdn.door43.org/obs/jpg/360px/obs-en-10-11.jpg)

पइ परमेश्‍वरले अनारोलाइ पठायो जुन तीन दिनसम्म रइरह्यो। त्यो इति अनारो थ्यो कि मिश्री आफ्ना घर छाडीबर बाहिर निकल्ल सक्दाइनथ्या। तर इस्राएली बस्या ठाउँमि भणया उजालो थ्यो।

![](https://cdn.door43.org/obs/jpg/360px/obs-en-10-12.jpg)

यीन नौ विपत्ति भइसक्या लगइ फारोले आजिलगइ इस्राएलीलाइ मिश्रदेश बठेइ जान दिएइन। फारोले परमेश्‍वरकि कुरणी नसुणया हुनाले आब उनले एक अन्तिम विपत्ति ल्याउन्या योजना अर्यो। यइ विपत्तिले भणया फारोको मन परिवर्तन अर्यो।

*बाइबल कथाः प्रस्थान ५-१०*

Audio: https://git.door43.org/OBS-TLF/dty_obs/releases/download/v1/dty_obs_v1_10_128kbps.m4a

## 11. निस्तार चाड

https://openbiblestories.org/l/dty/story-11/

![](https://cdn.door43.org/obs/jpg/360px/obs-en-11-01.jpg)

परमेश्वरले फारोलाइ इस्राएलीलाई जान दिय भणनाइ मोशा रे हारूनलाई पठायो। तिननले फारोलाइ चेतावनी दियो कि यदि आजि लगइ उनले इस्राएलीलाइ मिश्रदेश बठेइ जान दिएन भणया, परमेश्वरले मान्स रे पशुका जेठा पुरुष सन्तानलाइ मारिदिन्या हुन। जब फारोले यो सुणयो, आजि लगइ परमेश्‍वरलाइ विश्वास अद्द रे उनरो आज्ञा माणन उनले इन्कार अर्यो।

![](https://cdn.door43.org/obs/jpg/360px/obs-en-11-02.jpg)

परमेश्‍वरले उनमि विश्वास अद्द्याकि निउती आफ्नो जेठो सन्तानलाइ बचाउन सक्द्या एक तरिका दियो। हरेक परिवारले एक खोट नभया थुमालाइ छानिबर तइलाइ माद्दु पड्डया थ्यो।

![](https://cdn.door43.org/obs/jpg/360px/obs-en-11-03.jpg)

परमेश्‍वरले इस्राएलीलाई तइ थुमाको रगत तिनरा घरका मुल ढोकाका चारै तिर लाउनाइ भण्यो। पइ तइको मासु पोलिबर तसइ बेला खमिर नहाल्या रोटासित खा भण्यो। पइ आजि तइ खाइसक्या पछा उननलाइ मिश्रदेश छाड्ड तयार हुन लगइ उनले भण्यो।

![](https://cdn.door43.org/obs/jpg/360px/obs-en-11-04.jpg)

इस्राएलीले परमेश्‍वरले भणया जसोइ अर्यो। आधारातमि परमेश्‍वर पुरै मिश्र भइबर गया रे सब जेठा चेलालाइ मार्यो।

![](https://cdn.door43.org/obs/jpg/360px/obs-en-11-05.jpg)

सबइ इस्राएलीका घरका ढोकामि रगत लाया थ्यो, तबइकिलाइ परमेश्‍वरले तिन घरलाइ छाडीबर गया। तिन घर भितर भया सब जना सुरक्षित थ्या। थुमाको रगतका कारण तिनन बचाइया थ्या।

![](https://cdn.door43.org/obs/jpg/360px/obs-en-11-06.jpg)

तर मिश्रीले परमेश्‍वरमि विश्‍वास अरेइन न त उनरो आज्ञा माणयो। तबइकिलाइ परमेश्‍वरले तिनरा घरलाइ छाडेइन। परमेश्‍वरले मिश्रीका जेठा चेला सबइलाइ मार्यो।

![](https://cdn.door43.org/obs/jpg/360px/obs-en-11-07.jpg)

कैदीको जेठो चेला बठेइ फारोको जेठो चेलो सम्म सारा मिश्रीका जेठा चेला मर्या। मिश्रदेशमि भौत मानस वेदनाका लाग्दा रुनाइ कला हाल्ला थ्या।

![](https://cdn.door43.org/obs/jpg/360px/obs-en-11-08.jpg)

तसइ रात फारोले मोशा रे हारूनलाइ बोलाइबर भण्यो, “इस्राएलीलाइ लइजा, रे तुरुन्तै मिश्रदेश छाडीबर गइजा!” मिश्री देशका मान्सनले लगइ इस्राएलीलाइ तुरन्तइ जान्या विन्ती अर्यो।

*बाइबल कथाः प्रस्थान ११:१-१२:३२*

Audio: https://git.door43.org/OBS-TLF/dty_obs/releases/download/v1/dty_obs_v1_11_128kbps.m4a

## 12. प्रस्थान

https://openbiblestories.org/l/dty/story-12/

![](https://cdn.door43.org/obs/jpg/360px/obs-en-12-01.jpg)

इस्राएली मिश्रदेश छाडीबर जान पाउँन्ज्या भौत खुशी थ्या। तिनन आब दास रएइन, रे तिनन प्रतिज्ञा अरियाको देशमि जान्ना थ्या! इस्राएलीले माग्या सब कुरणी मिश्रीले दियो, या सम्म कि सुन, चाँदी रे और मुल्यवान चिज लगइ दियो। और राष्ट्रका केइ मान्सनले परमेश्वरमि विश्वास अर्यो रे इस्राएली संग मिश्र देश छाडीबर गया।

![](https://cdn.door43.org/obs/jpg/360px/obs-en-12-02.jpg)

दिनमि बादलको उच्चो खाँबो, रे रातमि आगोको खाँबोले तिननलाइ डोर्‍यायो। परमेश्‍वर बादल रे आगोको खाँबोमि भइबर सदाइ तिननसित थ्या रे यात्राका बेला तिननलाइ अगुवाइ अर्यो। इस्राएलीले परमेश्वरलाइ मान्तर पछ्याउनु पड्डया थ्यो।

![](https://cdn.door43.org/obs/jpg/360px/obs-en-12-03.jpg)

केइ बेर पछा, फारो रे उनरा मान्सनले आफ्ना विचार परिवर्तन अर्यो। तिननले इस्राएलीलाई आजि आफ्ना दास बनाउन चायो। तबइकिलाइ तिनन इस्राएलीका पछाडी लाग्या। परमेश्‍वरइले तिनरा विचारलाइ परिवर्तन अर्यो। उनले इसो अर्यो क्याकी उनले चायो सब मान्सनले यो जाणून कि उन, याहोवे फारो रे उनरा देवता भणना भौत शक्तिशाली छन।

![](https://cdn.door43.org/obs/jpg/360px/obs-en-12-04.jpg)

जब इस्राएलीले मिश्री फौज आउनार्या धेक्यो, तब तिननले आफैलाई फारोका सेना रे लाल समुद्रका बीचमि फस्या चाल पायो। तिनन भौत डराया रे इसो भणनाइ कला हाल्यो, “हामले क्याइ मिश्रदेश छाड्या? आब हाम मद्दाउ!”

![](https://cdn.door43.org/obs/jpg/360px/obs-en-12-05.jpg)

मोशाले इस्राएलीलाई भण्यो, “जनडरा! परमेश्वर आज तमरा निउती लड्डया रे बचाउन्या हुन।“ तब परमेश्वरले मोशालाइ भण्यो, “मान्सनलाइ लाल समुद्र तिर जानाइ निउती भण।“

![](https://cdn.door43.org/obs/jpg/360px/obs-en-12-06.jpg)

पइ दिनमि बादलको खाँबो रे रात आगोको खाँबो इस्राएली रे मिश्रीका बिचमि भइबर गयो। मिश्री रातभरि इस्राएलीका नजिक आउन सकेइन।

![](https://cdn.door43.org/obs/jpg/360px/obs-en-12-07.jpg)

परमेश्‍वरले मोशालाई उइको हात समुद्र तिर उठा भण्यो। तब परमेश्‍वरले दाइन रे वाउतिर शक्तिशाली हावा चलाइबर समुद्रको बिच बठेइ एक बाटो बनायो।

![](https://cdn.door43.org/obs/jpg/360px/obs-en-12-08.jpg)

इस्राएली सुख्खा भूमिमि पानीको पर्खालका विच बठेइ हिटिबर गया।

![](https://cdn.door43.org/obs/jpg/360px/obs-en-12-09.jpg)

पइ मिश्रीले इस्राएलीलाई जन्नार्या धेक्यो।

![](https://cdn.door43.org/obs/jpg/360px/obs-en-12-10.jpg)

तबइकीलाइ तिनन समुद्रको बाटो भइबर इस्राएलीलाइ खेद्यो रे तिनरा पछा लाग्या, तर परमेश्‍वरले मिश्रीलाई अलमलमि पारिदियो रे उनरा रथका घुरुडा फुस्काइदियो, र उननलाइ त्यो चलाउनाइ असजि भयो। तिननले कला हालिबर भण्यो, “भाग! परमेश्वर इस्राएलीकि निउती लड्डा छन।

![](https://cdn.door43.org/obs/jpg/360px/obs-en-12-11.jpg)

सबइ इस्राएली समुद्रको पल्ला किनार पुग्या पछा, परमेश्‍वरले आजि मोशालाई आफ्नो हात पानि तिर तनकाउनाइ भण्यो। जब उनले तसो अर्यो, आजि समुद्र जसाको तसोइ भयो। रे सारा मिश्री फौज डुब्या।

![](https://cdn.door43.org/obs/jpg/360px/obs-en-12-12.jpg)

जब इस्राएलीले सबै मिश्रीको मृत्यु भया धेक्यो, तिननले परमेश्‍वरमि आराम अर्यो। रे मोशा एक अगमवक्ता रइछन भणीबर लगइ विश्‍वास अर्यो।

![](https://cdn.door43.org/obs/jpg/360px/obs-en-12-13.jpg)

इस्राएलीले भौत आनन्द लगइ मनायो क्याकी परमेश्‍वरले तिननलाई मृत्यु रे दासत्व बठेइ बचाया थ्यो। अब तिनन परमेश्वरको आराधना अद्दाइ रे उनरो आज्ञा पालन अद्दाइ स्वतन्त्र थ्या। इस्राएलीले आफ्नो स्वन्त्रता मनाउनाइ रे परमेश्वरको प्रशंसा अद्दाइ भौत गीत गायो, क्याकी उनले तिननलाइ मिश्री सैनिक बठेइ बचायो थ्यो।

![](https://cdn.door43.org/obs/jpg/360px/obs-en-12-14.jpg)

इस्राएलीलाई परमेश्‍वरले मिश्रीको विरुद्ध विजय दियो रे तिननलाई दासत्व बठेइ बचाया सम्झनाकि निउति हरेक बर्ष निस्तार चाड मनाउनाइ आज्ञा दियो। तिननले त्यो पर्व एक मोटो थुमा मारिबर पोलेर तइलाई खमिर नहाल्या रोटासित खाइबर मनाउनु पड्डया थ्यो।

*बाइबल कथाः प्रस्थान १२:३३-१५:२१*

Audio: https://git.door43.org/OBS-TLF/dty_obs/releases/download/v1/dty_obs_v1_12_128kbps.m4a

## 13. इस्राएलसित परमेश्‍वरको करार

https://openbiblestories.org/l/dty/story-13/

![](https://cdn.door43.org/obs/jpg/360px/obs-en-13-01.jpg)

परमेश्वरले इस्राएलीलाई लाल समुद्रमि अगुवाइ अर्या पछा, उनले तिननलाई उजाड ठाउँ बठेइ भइबर सिनै पर्वतमि डोर्‍यायो। यो तेइ पर्वत थ्यो जाँ मोशाले बल्लार्या झाडी धेक्या थ्यो। मानसनले आफ्ना पाल पर्वतको फेदमि टाँङयो।

![](https://cdn.door43.org/obs/jpg/360px/obs-en-13-02.jpg)

परमेश्‍वरले मोशा रे इस्राएलका सब मानसनलाई भण्यो, “तमनले सदाइ मेरो आज्ञा पालन अद्दु रे मैले तमनसित अर्या करार पालन अर। यदि तमनले इसो अर्या भणया, तमनले मेरा सम्पति ईनामको रुपमि पाउन्या हौ, पूजारिनको राज्य रे एक पवित्र जाति हुन्या हौ।”

![](https://cdn.door43.org/obs/jpg/360px/obs-en-13-03.jpg)

तीन दिन सम्म मानसनले आफलाई परमेश्वरको नजिक आउनाइ निउती तयार अर्यो। तब परमेश्वर सिनै पर्वतका टाकुरामि आया। जब उन आया, ताँ गर्जन, चट्याङ, धुँवा रे चर्को तुरहीको आवाज आउन्नाथ्यो। पइ मोशा मान्तर पर्वतमि उकल्या।

![](https://cdn.door43.org/obs/jpg/360px/obs-en-13-04.jpg)

पइ परमेश्‍वरले मान्सनसित एक करार बाँध्यो। उनले भण्यो, “म याहोवे हुँ, तमरा परमेश्‍वर। मइ हु जइले तमनलाई मिश्रदेशको दासत्व बठेइ बचायो। तमनले और कसइ देवता जनपूज्या।”

![](https://cdn.door43.org/obs/jpg/360px/obs-en-13-05.jpg)

“मूर्ति जनबनाया रे तिननलाई जनपूज्या, क्याकी म, याहोवे, मान्तर तमरा परमेश्‍वर हुँ। मेरो नाउँ अपमानजनक रूपमि प्रयोग जन अरेइ। विश्रामका दिन पवित्र राख्‍द जन भूल्या। त्यो चाहिँ, तमरा सब काम ६ दिनसम्म अर, तर सातौँ दिनचाहिँ तमरा निउती आराम अद्द्या रे मलाई सम्झन्या दिन हो।”

![](https://cdn.door43.org/obs/jpg/360px/obs-en-13-06.jpg)

“आफ्ना आमा-बुबाको आदर अददु। हत्या नअददु। व्यभिचार नअददु। चोरी नअददु। झुटि नबोल्लु। आफ्नो पडउसीको स्वानी, उइका घर, अथवा उसका केइ कुरणीको इच्छा नअददु।”

![](https://cdn.door43.org/obs/jpg/360px/obs-en-13-07.jpg)

मान्सन सब परमेश्वरले तिननलाइ दियाको नियम पालन अद्दाइ सहमत भया। तिनन एक मान्तर परमेश्वरको हुन रे उनरो मान्तर आराधना अद्दाइ सहमत भया

![](https://cdn.door43.org/obs/jpg/360px/obs-en-13-08.jpg)

परमेश्‍वरले इस्राएलीलाई एक ठूलो भेट हुने पाल बनाउनाइ लगइ भण्यो। उनले तिननलाई यो पाल कसेरी बनाउन्या रे यइमि कि कसा चीज राख्दया भणीबर भण्यो। उनले पाललाई दुई कोठामि विभाजन अद्दाइ ठूलो पर्दा बनाउनाइ भण्यो। परमेश्वर पर्दा पछाडिको कोठामि आउन्थ्या रे ताँ बसन्थ्यो। केवल प्रधान पुजारीलाई तइ कोठामि जान्या अनुमति दिइया थ्यो जा परमेश्वर थ्या।

![](https://cdn.door43.org/obs/jpg/360px/obs-en-13-09.jpg)

मान्सनले भेट हुन्या पालका अगाडि एक वेदी लगइ बनाउनु पणन्छ। परमेश्‍वरको व्यवस्था नमाणन्या जो कसइले लगइ तइ वेदीमि पशु ल्याउनु पणन्छ। तब पूजारीले तइ पशुलाइ मार्न्थ्या रे परमेश्वरलाइ बलिका रुपमि वेदीमि राखीबर जलाइदिन्थ्या। परमेश्वरले भण्यो कि पशुका रगतले तइ व्यक्तिको पाप ढाकिन्छ। इसेरी, परमेश्वरले तइ पाप आब बठेइ धेक्द्या थेइन। परमेश्‍वरका नजरमि त्यो मान्स शुद्ध हुन्थ्यो। परमेश्‍वरले मोशाका भाइ हारून रे उनका सन्तानलाई आफ्नो पूजाहारी हुनाइ नियुक्त अर्यो।

![](https://cdn.door43.org/obs/jpg/360px/obs-en-13-10.jpg)

परमेश्वरले यी दस आज्ञा दुईव ढुङ्गाका पाटीमि लेखीबर मोशालाई दियो। परमेश्वरले मान्सनलाई पालन अद्दाइ निउती और भौत व्यवस्था रे नियम लगइ दियो। तिननले यी नियम पालन अरेले परमेश्‍वरले मान्सनलाई आशिष्‌ दिन्या रे तिनरो सुरक्षा अद्द्या प्रतिज्ञा अर्यो। तर उनले आज्ञा नमाणया खण्डमि दण्ड दिन्या भण्यो।

![](https://cdn.door43.org/obs/jpg/360px/obs-en-13-11.jpg)

भौत दिनसम्म, मोशा सिनै पर्वतका टाकुरामि बस्या। उनले परमेश्‍वरसित बात-चित अद्दा थ्या। तर मानसन उन फर्क्न्या प्रतीक्षा अद्दा अद्दा थग्या। तबइकिलाइ तिननले हारूनका वा सुन लेया रे तिनरि निउती एक मूर्ति बनाउन बिन्ती अर्यो ताकि तिननले परमेश्वरका सट्टा मूर्ति पूजा अद्द सकुन। इसेरी तिननले परमेश्वरको विरुद्धमि भयानक पाप अर्यो।

![](https://cdn.door43.org/obs/jpg/360px/obs-en-13-12.jpg)

हारूनले बाछाको आकारमि सुनको एक मूर्ति बनायो। मान्सनले मूर्तिको पूजा अद्दाइ रे बलि चढाउन पस्या! तिनरो पापका लाग्दा परमेश्‍वर तिननसित भौत क्रोधित भया। परमेश्वरले मोशालाई भण्यो कि उन तिननलाई नष्ट अद्द चाहानाहान। तर मोशाले तिननलाइ जन मारउ भणी परमेश्वरलाई बिन्ति अर्यो। परमेश्वरले उनरो प्रार्थना सुणयो र तिननलाई नष्ट अर्यो।

![](https://cdn.door43.org/obs/jpg/360px/obs-en-13-13.jpg)

जब मोशा सीनै पर्वत बठेइ ओल्या, उनले ती दुई ढुङ्गाका पाटी बोक्या थ्यो जइमि परमेश्वरले दस आज्ञा लेख्या थ्य्यो। जब मोशाले मूर्ति धेक्यो, उन इति रिसाकि उनले पाटी चकनाचूर अर्यो।

![](https://cdn.door43.org/obs/jpg/360px/obs-en-13-14.jpg)

पइ मोशाले मूर्ति जलायो र तइलाइ चुटिबर धुलो बनायो। उनले तइ धुलोलाई खोलामि हाल्यो रे मानसनलाई त्यो पानी पिउन लायो। परमेश्‍वरले मानसनमि विपत्ति लेइदियो रे उननमि हइ भौत जना मर्या।

![](https://cdn.door43.org/obs/jpg/360px/obs-en-13-15.jpg)

मोशाले दस आज्ञाकि निउती नयाँ ढुङ्गाका पाटी बनायो। तइ पछा मोशा आजि पर्वतमि चढया रे परमेश्‍वरले मान्सनलाई क्षमा अरिदिनु भणी प्रार्थना अर्यो। परमेश्‍वरले मोशाको बिन्ती सुणयो रे उनलाई क्षमा दियो। मोशा नयाँ पाटी दस आज्ञा लेइबर पर्वत बठेइ ओल्या। पइ परमेश्‍वरले इस्राएलीलाई सिनै पर्वत बठेइ प्रतिज्ञा अरिया देशतिर डोर्‍यायो।

*बाइबल कथाः प्रस्थान १९-३४*

Audio: https://git.door43.org/OBS-TLF/dty_obs/releases/download/v1/dty_obs_v1_13_128kbps.m4a

## 14. उजाडस्थानमि भौँतारिया

https://openbiblestories.org/l/dty/story-14/

![](https://cdn.door43.org/obs/jpg/360px/obs-en-14-01.jpg)

परमेश्‍वरले इस्राएलीलाइ सब नियमको बारेमि बतायो जो तिननसित उनरो करारको कारणले तिनीले पालन अद्दु पणन्छ। तइ पछा उनले तिननलाई सीनै पर्वत बठेइ डोर्‍यायो। उन तिननलाई प्रतिज्ञा अरिया देशमि लैजानाइ चाहान्थ्या। यइ देशलाई कनान लगइ भणीन्थ्यो। परमेश्‍वर बादलको खामोमि तिनरा अगाडि गया, रे तिनन उनरा पछा लाग्या।

![](https://cdn.door43.org/obs/jpg/360px/obs-en-14-02.jpg)

परमेश्‍वरले अब्राहाम, इसहाक रे याकूबसित तइ देश तिनरा सन्तानलाई दिन्या हु भणीबर प्रतिज्ञा अर्या थ्यो, तर तइ समयमि ता भौत समुदायका मानसन बसीरइथ्या।तिननलाई कनानी भणीन्थ्यो।कनानीले परमेश्‍वरलाई आराधना अद्दाइन थ्या न त उनरो आज्ञा माणन्थ्या।तिननले झूटा देवतालाई पूज्नथ्या रे भौत दुष्ट काम अद्दया अर्नथ्या।

![](https://cdn.door43.org/obs/jpg/360px/obs-en-14-03.jpg)

परमेश्‍वरले इस्राएलीलाई भणयो, “तमन प्रतिज्ञा अरिया देशमि गया पछा, तमनले ता का सब कनानीलाई हटाउनु पणन्छ। तिननसित कसइ प्रकारको सम्झौता अथवा ब्या जनअर्या। तिनरा मूर्तिलाई पूरा रूपले ध्वस्त पारिदियो।यदि तमनले मेरो आज्ञा पालना अर्यानु भणया तमनले मेरा सट्टामि तिनरा मूर्ति पूज्‍ज्या हौ।”

![](https://cdn.door43.org/obs/jpg/360px/obs-en-14-04.jpg)

जब इस्राएली कनानको सीमानामि पुग्या, मोशाले इस्राएलका प्रत्येक कूल बठेइ एक-एक जना अरिबर बाह्रजना मानसन छान्यो।उनले तिन मानसनलाई तइ देशको खबर बुझ्‍जाइ जासूसका रूपमि पठायो।कनानी बलिया छन अथवा कमजोर छन भणन्या विषयमि पत्ता लाउनाइ निउती लगइ तिननलाई पठाइया थ्यो।

![](https://cdn.door43.org/obs/jpg/360px/obs-en-14-05.jpg)

ती बाह्रजना मानसन चालीस दिन सम्म कनानमि घुमिरया रे तइ पछा तिनन फर्किबर आया।तिननले मानसनलाई भणयो, “ताको जमिन त भौत मलिलो रे अन्न-बाली प्रशस्त छ!” तर दस जना जासुसले भणयो, “शहर ठूला-ठूला छन रे मान्सन भौत बलिया छन्! यदि हामीले तिननलाइ आक्रमण अर्यो भणया तिननले हामलाई हराउन्या हुन रे हामलाई माद्दया हुन!”

![](https://cdn.door43.org/obs/jpg/360px/obs-en-14-06.jpg)

तब तुरुन्तै अर्का दुई जासूस, कालेब रे यहोशूले भणया इसो भणयो, “यो सहि हो कि कनानका मानसन ठुला रे बलिया छन, तर पक्का लगइ हामले तिननलाई हाराउन सक्दाउ! परमेश्वर हामरा निउती लड्डया हुन!”

![](https://cdn.door43.org/obs/jpg/360px/obs-en-14-07.jpg)

तर मानसनले कालेब रे यहोशूकि कुरणी सुणेइन।तिनन मोशा रे हारूनसित रिसाया रे भणयो, “तमनले क्याइ हामलाई इसो भयानक ठाउँमि लेया? हाम मिश्र देशइमि बस्या भया हुनेइथ्यो। यदि हाम तइ देशमि गया भणया, हाम लडाईंमि मद्दया हौ, रे कनानीले हामरि स्वानी रे बालबच्चालाई दास बनाउन्या हुन।” मिश्रदेशमि फर्काइबर लैजानाइ निउती इस्राएलीले एक जना नयाँ अगुवा नियुक्त अद्द चायो।

![](https://cdn.door43.org/obs/jpg/360px/obs-en-14-08.jpg)

जब मान्सनले इसो भणयो, परमेश्‍वर भौत रिसाया। उन भेटहुन्या पालमि आया रे भणयो, “मेरा विरुद्धमि विद्रोह अर्या हुनाले तमन सबइ जना यइ उजाड ठाउमि भौँतारिबर हिँटटया हौ। २०बर्ष भणना मलतिरका सबइ यइ मद्द्या हुन् रे प्रतिज्ञाको देश भितर छिद्द पाउन्या छैन। यहोशू रे कालेब मान्तर छिद्द पाउन्या हुन।”

![](https://cdn.door43.org/obs/jpg/360px/obs-en-14-09.jpg)

जब मानसनले परमेश्वरले इसो भणया सुणयो, आफले पाप अर्यामि तिनन दुःखीभया। तबइकीलाई तिननले कनानका मानसनलाई आक्रमण अद्दया निर्णय अर्यो। मोशाले तिननलाई ता नजान्या चेतावनी दियो क्याकी परमेश्‍वर तिनसित जान्या थेइन, तर तिननले उनरा कुरणी सुणेइन।

![](https://cdn.door43.org/obs/jpg/360px/obs-en-14-10.jpg)

तइ लडाईंमि परमेश्‍वर इस्राएलीसित गयइन, तबइकिलाइ कनानीहरुले तिननलाइ हराया रे तिनन मध्ये भौत जनालाइ मार्यो।तइपछा इस्राएली कनान बठेइ फर्किया। रे चालिस वर्ष सम्म उजाड ठाउँमि भौँतारिरया।

![](https://cdn.door43.org/obs/jpg/360px/obs-en-14-11.jpg)

चालिस वर्ष सम्म उजाडठाउँमि भैँतारिन्ज्या परमेश्‍वरइले इस्राएलीलाई जुटाइ दियो।उनले तिननलाई स्वर्ग बठेइ रोटी दियो, तइ रोटीलाई “मन्‍न” भणीन्थ्यो।उनले तिनन बस्या पालमि खानाकि निउति मासु लगइ होउ भणन्या हिसाबले बट्टाईका झुण्ड लगइ पठाइदियो।तिन सबइ समयमि परमेश्‍वरले तिनरा लत्ता रे जुत्ता चिरिना बठेइ जोगाइ दियो।

![](https://cdn.door43.org/obs/jpg/360px/obs-en-14-12.jpg)

तिनीहरूलाई पिउनको लागि पानी उपलब्ध गराउनको लागि, परमेश्‍वरले चमत्कार अरीबर तिननलाई चट्टान बठेइ निकाल्यो।इति हुना हुनाइ लगइ, इस्राएलीले परमेश्‍वर रे मोशाका विरुद्धमि गुनासो रे गनगन अर्या। पइलगइ परमेश्वर आजि लगइ विश्‍वासयोग्य थ्या। उनले अब्राहाम, इसहाक र याकूबका सन्तानकि निउती अर्या वाचा पुरा अर्यो।

![](https://cdn.door43.org/obs/jpg/360px/obs-en-14-13.jpg)

अर्खो समय जब मानसन सित खानाइ निउती पानी थेइन, परमेश्‍वरले मोशालाई भणयो, “चट्टानलाई भण रे तइ बठेइ पानी आउन्या हो।” तर मोशाले चट्टानसित बोलेइन। बरु, उनले दुईबेर लठ्ठीले चट्टानमि हाणयो।यसरी उनले परमेश्‍वरको अनादर अर्यो।चट्टान बठेइ सबइकि निउति पिन्या पानी त आयो तर परमेश्‍वर मोशासित रिसाया रे भणयो, “क्याकी तुइले इसो अरी, तु प्रतिज्ञाका देश भितर पस्‍स पाउन्या हइनि।”

![](https://cdn.door43.org/obs/jpg/360px/obs-en-14-14.jpg)

उजाडठाउँमि चालिस वर्ष सम्म भौँतारिया पछा, परमेश्‍वरका विरुद्धमि विद्रोह अद्द्या सबइ इस्राएली मरि सक्याथ्या।तइ पछा परमेश्‍वरले आजि मानसनलाई प्रतिज्ञा अरिया देशका किनारमि लइया।मोशा आब भौत बूढा भइसक्या थ्या, तबइकिलाइ परमेश्‍वरले यहोशूलाई तिन मन्सनको नेतृत्व अद्दाइ छान्‍यो।परमेश्‍वरले मोशालाई यो लगइ प्रतिज्ञा अर्यो कि एक दिन उनले मोशा जसोइ अर्को एक जना अगमवक्ता पठाउन्या हुन।

![](https://cdn.door43.org/obs/jpg/360px/obs-en-14-15.jpg)

पइ परमेश्‍वरले मोशालाई पहाडका टुप्पामि जानाइ भणयो, ताकि उनले प्रतिज्ञा अरिया देश हेद्द सकून्।मोशाले प्रतिज्ञा अरिया देश धेक्द पायो तरपरमेश्‍वरले मेशालाई प्रवेश अद्द दिएइन।तइ पछा मोशाको मृत्यु भयो, रे तीस दिन सम्म इस्राएलीले उनरि निउती शोक मनायो।यहोशू तिनरा नयाँ अगुवा भया।यहोशू एक असल अगुवा थ्या क्याकी उन परमेश्‍वरमि भर पणन्थ्या रे परमेश्वरको आज्ञा माणन्थ्या।

*बाइबल कथा: प्रस्थान १६-१७, गन्ती १० -१४;२०;२७, व्यवस्था ३४*

Audio: https://git.door43.org/OBS-TLF/dty_obs/releases/download/v1/dty_obs_v1_14_128kbps.m4a

## 15. प्रतिज्ञाको देश

https://openbiblestories.org/l/dty/story-15/

![](https://cdn.door43.org/obs/jpg/360px/obs-en-15-01.jpg)

छाड्डीबेर, इस्राएलीको प्रतिज्ञाको देश कनान भितर प्रवेश अद्द्या समय आया थ्यो। ता यरीहो भणन्या सहर थ्यो, जो चारै तिर बठेइ बलिया पर्खालले संरक्षित थ्यो। यहोशूले दुई जना जासूसलाई तइ शहरमि पठायो। तइ शहरमि राहाब नाउँ गरेकी एकजना व्यभिचारी स्वानी बस्नथी, जइले तिन जासूसलाई लुक्दाइ रे पछा तिननलाई भाग्‍दाइ सहायता अरिन। उनले परमेश्‍वरमि विश्‍वास अर्या हुनाले यीन सबइ काम अर्यो। जासूसले यरीहो शहरलाई ध्वस्त पर्न्ज्या राहाब रे उइका परिवारलाई चाइ सुरक्षित राख्‍द्या बाचा अर्यो।

![](https://cdn.door43.org/obs/jpg/360px/obs-en-15-02.jpg)

इस्राएली प्रतिज्ञाको देश भितर पस्‍स अगाडी यर्दन नदी पार अददु पडडया थ्यो। परमेश्‍वरले यहोशूलाई भणयो, “पइला पूजारीलाई जान दिय।” जब पूजारीले यर्दन नदीमि खुट्टा राख्यो, बग्दार्या पानी बग्‍द रोकियो रे इस्राएली नदीका पल्ला किनार सुख्खा जमिनतिर जान सक्या।

![](https://cdn.door43.org/obs/jpg/360px/obs-en-15-03.jpg)

यर्दन नदी पार अरीसक्या पछा, यरीहो शहर शक्तिशाली भया लगइ परमेश्‍वरले यहोशूलाई आक्रमण अद्द तैयार हौ भणीदियो। परमेश्‍वरले मानसनलाई भणयो कि सिपाही रे पूजारीले छ दिनसम्म लगातार यरीहोको शहरलाई घेरा हालीबर तइका वरिपरि घुम्दु पणन्छ। तबइकिलाइ सिपाही रे पूजारीले तसोइ अर्यो।

![](https://cdn.door43.org/obs/jpg/360px/obs-en-15-04.jpg)

परमेश्वरले यो लगइ भणयो कि सातौँ दिनमि इस्राएलीले सात बेर शहरका वरिपरि घुम्दु। तब पूजारीले आफ्ना तुरही फुक्नु रे सबइ मान्सन ठुला स्वरले कला हालुन ततबइकिलाइ तिननले तसोइ अर्यो।

![](https://cdn.door43.org/obs/jpg/360px/obs-en-15-05.jpg)

पइ यरीहोका चारै तिरका पर्खाल ढल्या! इस्राएलीले परमेश्‍वरले भणया जसेरी शहरमि भया सब थोक नास अर्यो। तिननले केवल राहाब रे उइका परिवारलाई मानतर छाडिदियो, उनन पछा जाइबर इस्राएलीका हिस्सा बन्या। जब कनानमि बस्या और मानसनले इस्राएली बठेइ यरीहो शहर ध्वस्त भया था पायो, इस्राएलीले आब तिनरो शहरलाई लगइ आक्रमण अद्द्या हुन भणीबर तिनन डराया।

![](https://cdn.door43.org/obs/jpg/360px/obs-en-15-06.jpg)

परमेश्‍वरले इस्राएलीलाई कनान देशमा बसोबास अद्दार्या कसइ लगइ समूहका मानसनसित केइ लगइ सन्धि नअद्द्या आज्ञा दिया थ्यो। तर कनान देशका एक गिबोनी नाउँ जातका मानसनले यहोशूसित छल अर्यो रे आफ कनान देश भणना टाढा ठाउँ बठेइ आया हुन् भणीबर ठग्यो। तिननले यहोशूसित सन्धि अद्दाइ प्रस्ताव राख्यो। यहोशू रे इस्राएलीका अगुवानले यसबारेमि तिननले कि अद्दु पणन्छ भणीबर परमेश्‍वरलाई सोधेइन। तर तिननले गिबोनीसित सन्धि अर्यो।

![](https://cdn.door43.org/obs/jpg/360px/obs-en-15-07.jpg)

तीन दिन पछि इस्राएलीले गिबोनी कनान देशका रइछन भणन्या था पायो। तिनन आफ तिन गिबोनी बठेइ छलिया था पाइबर तिनन भौत क्रोधित भया। तर इस्राएलीले तिननसित राख्या सन्धि कायमै राख्यो, क्याकी त्यो चाइ परमेश्‍वरका अगाडी अरिया प्रतिज्ञा थ्यो। केइ समय पछा, कनान देशमा भया और जाति अम्मोनीका राजाले गिबोनीले इस्राएलीसित सन्धि अर्या सुणयो, तबइकिलाइ तिननले आफ्ना सैनिकलाई एकहटटा अरीबर एक ठुलो फौज बनायो रे गिबोनलाइ आक्रमण अर्यो। गिबोनीले यहोशूलाई सहायताकि निउती सन्देश पठायो।

![](https://cdn.door43.org/obs/jpg/360px/obs-en-15-08.jpg)

तबइकिलाइ यहोशूले इस्राएलका सैनिकलाई जम्मा अरायो। तिनन गिबोनीका वाँ पुग्‍दाइ निउती पुरा रात हिँट्या। झिसमिसे उजालामि तिननले अचानक अम्मोनी फौजलाइ आक्रमण अर्यो।

![](https://cdn.door43.org/obs/jpg/360px/obs-en-15-09.jpg)

तइ दिन परमेश्‍वरले इस्राएलीका निउती लडिदियो। उनले अम्मोनीलाई अन्योलमि पारिदियो रे ठूलाठूला अठ्ठा वर्षाइदियो, जइ बठेइ भौत अम्मोनी मर्या।

![](https://cdn.door43.org/obs/jpg/360px/obs-en-15-10.jpg)

परमेश्‍वरले सूर्यलाई अग्गासमि एकइ ठाउँमि स्थिर अरिबर राखिदियो, ताकि इस्राएलीसित अम्मोनीलाई हाराउनाइ भौत समय रउ। तइ दिन, इस्राएलका निउती परमेश्‍वरले ठुलो जित दियो।

![](https://cdn.door43.org/obs/jpg/360px/obs-en-15-11.jpg)

परमेश्‍वरले तिन फौजलाई हाराया पछा कनान देशका और भौत समुह इस्राएललाई आक्रमण गर्न एकहटटा भया। यहोशू रे इस्राएलीले तिननमि आक्रमण अर्यो रे तिननलाई ध्वस्त अर्यो।

![](https://cdn.door43.org/obs/jpg/360px/obs-en-15-12.jpg)

यो लडाइ पछा, परमेश्‍वरले इस्राएलका प्रत्येक कुललाई प्रतिज्ञा अरिया देशमि अलग अलग ठाउँ दियो। तब परमेश्‍वरले सारा इस्राएलका सीमानामि शान्ति दियो।

![](https://cdn.door43.org/obs/jpg/360px/obs-en-15-13.jpg)

जब यहोशू बुढा भया, उनले इस्राएलका सारा मानसनलाइ एकइठाउँमि जम्मा अरायो। पइ उनले तिन मानसनलाई सिनै पर्वतमि इस्राएलीसित परमेश्‍वरले राख्‍या करार पालना अददु पड्डया याद दिलायो। मानसनले परमेश्‍वरसित विश्‍वासयोग्य हुन्या रे उनरा व्यवस्था पालन अद्द्या प्रतिज्ञा अर्यो।

*बाइबल कथा: यहोशू १-२४*

Audio: https://git.door43.org/OBS-TLF/dty_obs/releases/download/v1/dty_obs_v1_15_128kbps.m4a

## 16. छुटकारा दिन्यावाला

https://openbiblestories.org/l/dty/story-16/

![](https://cdn.door43.org/obs/jpg/360px/obs-en-16-01.jpg)

यहोशूको मृत्यु पछा, इस्राएली परमेश्वरको अनाज्ञाकारी भया। तिननले परमेश्‍वरका कानुन माणेइन, रे तिननले प्रतिज्ञा अरिया देश बठेइ बाँकी कनानीलाई धपाएन। इस्राएलीले याहोवे, एकइ साँचो परमेश्‍वरको आराधना अद्दुको सट्टामि कनानी देवतालाई पूज्ज पस्या। इस्राएलीको कोइ राजा थेइन, तबइकिलाइ सबइले आफलाई जी ठिक लाग्न्छ, तेइ अर्यो।

![](https://cdn.door43.org/obs/jpg/360px/obs-en-16-02.jpg)

परमेश्वरको अनाज्ञाकारी भएर, इस्राएलीले धेरै बेर तिनइ कुरणी दोहराई रया। तिन कुरणी यीनै हुन्: भौत वर्षसम्म इस्राएली परमेश्‍वरका अनाज्ञाकारी भया, तबइकिलाइ उनले शत्रुलाई इस्राएलीमि विजय दिइबर तिननलाइ दण्ड दियो। यीन शत्रुले इस्राएली बठेइ समान लुट्यो, तिनरा सम्पति नाश गरिदियो रे तिनन मध्ये भौतलाइ मारिदियो। तइ पछा भौत वर्षसम्म इस्राएलीका शत्रुले तिननलाइ अत्यचार अर्यो, इस्राएलीले पाप अर्या हुनाले पश्‍चाताप अर्यो रे छुट्काराकि निउती परमेश्‍वरलाई प्रार्थना अर्यो।

![](https://cdn.door43.org/obs/jpg/360px/obs-en-16-03.jpg)

हरेक बेर इस्राएलीले पश्चात्ताप अर्यो, परमेश्वरले तिननलाई बचायो। उनले एक जना छुटकारा दिन्यावाला प्रदान अरिबर यो अर्यो एक मान्स जइले तिनरा शतुरका विरुद्ध लडीबर तिननलाई पराजित अद्द्या हो। तब देशमि शान्ति हुन्या हो रे छुटकारा दिन्याले तिननमि निक्केरि शासन अद्दया हुन। मान्सनलाइ बचाउनाइ परमेश्वरले भौत छुटकारा दिन्यावाला पठायो। नजिकैको शतुरको समूह मिद्यानीलाई इस्राएलीलाई पराजित अद्दाइ अनुमति दिया पछा परमेश्वरले आजि यो अर्यो।

![](https://cdn.door43.org/obs/jpg/360px/obs-en-16-04.jpg)

सात वर्षसम्म मिद्यानीले इस्राएलीका सबइ अन्‍नबाली लइया। इस्राएली इति त्रसित थ्या कि मिद्यानीले आफलाई नभेट्टाऊन् भणीबर तिनन गुफामि लुक्द्या अर्नथ्या। आखिरमि तिननले बचाऊनाइ निउती परमेश्‍वरलाई पुकार्यो।

![](https://cdn.door43.org/obs/jpg/360px/obs-en-16-05.jpg)

एकदिन, गिदोन नाउँ भया इस्राएलका एकजना मानस गुप्त रूपमि अन्‍न कुट्टा थ्या ताकि मिद्यानी आइबर अन्‍न चोरद्द जनपाऊन। तसइ बेला याहोवेको एक दूत गिदोनका वा आइबर भणयो, “परमेश्‍वर तु सित छन, वीर योद्धा। जा रे इस्राएललाई मिद्यानीका हात बठेइ बचा।”

![](https://cdn.door43.org/obs/jpg/360px/obs-en-16-06.jpg)

गिदोनका बाका वा मूर्तिलाई अर्पण अर्या एक वेदी थ्यो। परमेश्‍वरले गिदोनलाई पइलो कुरणी तइ मूर्तिलाई भत्काउन लायो। तर गिदोन मानसन बठेइ डराया थ्या, तबइकिलाइ रात नपरन्ज्या उन पखीर्या। पइ उनले तइ वेदीलाई भत्काइदियो रे तइलाई टुक्रा-टुक्रा पारिदियो। उनले नजिकइ परमेश्‍वरको निउती एक नयाँ वेदी बनायो रे परमेश्‍वरका तिउती बलि चढायो।

![](https://cdn.door43.org/obs/jpg/360px/obs-en-16-07.jpg)

अर्खा बिहान कसइले तिनरा वेदी भत्काइदिया मानसनले धेक्यो रे उनन भौत रिसाया। गिदोनलाई माद्दाइ निउती तिनन उइका घर गया, तर उइका बाले तिननलाई भणयो, “तमन क्याइ आफ्ना देवतालाई सहयोग अद्द खोज्नछौ? यदि उ देवता हो भणया त, उइले आफैँलाई बचाओस!” तिनले इसो भया हुनाले मान्सनले गिदोनलाई मारेइन।

![](https://cdn.door43.org/obs/jpg/360px/obs-en-16-08.jpg)

तइ पछा मिद्यानी आजि इस्राएली बठेइ चोरी अद्दाइ आया। तिनन इति भौत थ्या कि तिननलाई गन्‍न लगइ साध्य थेइन। तिननसित लडाईं अद्दाइ निउती गिदोनले इस्राएलीलाई एक ठाउँमि जम्मा अर्यो। गिदोनले परमेश्‍वरसित दुई चिन्ह माग्यो ताकि इस्राएलको बचाउकि निउती परमेश्‍वरले उइलाई चलाया हो भणी उन पक्का हुन सकुन।

![](https://cdn.door43.org/obs/jpg/360px/obs-en-16-09.jpg)

पहिलो चिन्हकि निउती, गिदोनले एक भेडाको ऊन भुईँमि बिछायो रे परमेश्‍वरलाई बिहानको शीत भुईँमि नभईबर केवल तइ ऊनमि मान्तर पारिदिनाइ बिन्ति अर्यो। परमेश्‍वरले तसोइ अरी दियो। अर्खा दिन राति चाइ उनले भुईँ भिजाइदिनाइ रे भेडाको ऊनलाई चाइ सुक्का पारिदिनाइ परमेश्‍वरलाई बिन्ति अर्यो। परमेश्‍वरले त्यो लगइ अरिदीयो। यीन दुई चिन्हको कारण गिदोनले विश्वास अर्यो कि परमेश्वरले साच्ची उनले इस्राएललाई मिद्यानी बठेइ बचाउन चाहानाहान।

![](https://cdn.door43.org/obs/jpg/360px/obs-en-16-10.jpg)

तब गिदोनले सिपाहीलाई आफूकहाँ आउन बोलाए, र ३२,००० मानिसहरू आए।तर परमेश्‍वरले उइलाई यो संख्या अति भौत भयो भणयो। तबइकिलाइ गिदोनले लडाईं अद्द डराया २२,००० जनालाई घर पठाईदियो। परमेश्‍वरले गिदोनलाई मानसनको संख्या और भौत भया भणयो। तबइकिलाइ गिदोनले ३०० सैनिकलाई बाहेक बाँकी सबइलाई घर पठाईदियो।

![](https://cdn.door43.org/obs/jpg/360px/obs-en-16-11.jpg)

तइ रात परमेश्‍वरले गिदोनलाई भणयो, “तल मिद्यानीका पालमि जा रे उनरा कुरणी सुण। जब तुइले तिननले भणया कुरणी सुणन्या हइ, तु आजि तिननलाई आक्रमण अद्दाइ डराउन्या हइनी।” तबइकिलाइ तइ रात गिदोन तलतिर पालमि आयो रे एकजना मिद्यानी सैनिकले आफ्ना मित्रलाई सपनामि धेक्या केइ कुरणी भणनार्या सुणयो। तइ मान्सको मित्रले इसो भन्यो, “यइ सपनाको अर्थ हो कि गिदोनका फौजले हाम मिद्यानी फौजलाई परास्त अद्दया हुन!” जब गिदोनले यो सुणयो, उनले परमेश्वरको आराधना अर्यो।

![](https://cdn.door43.org/obs/jpg/360px/obs-en-16-12.jpg)

तइ पछा गिदोन आफ्ना सैनिकका वा फर्किया रे प्रत्येकलाई एक-एक तुरही, माटिका फोला रे राँको दियो। तिननले मिद्यानी सियाका शिविरलाई घेरा हाल्यो। गिदोनका ३०० सैनिकले आफ्ना राँका फोला भितर राख्या थ्या तबइकीलाई मिद्यानीले राँकोको प्रकाश धेक्द सकेइन।

![](https://cdn.door43.org/obs/jpg/360px/obs-en-16-13.jpg)

पइ गिदोनका सबइ सैनिकले एकइबेर आफ्ना फोला फुटायो, रे अचानक बल्लार्या राँको धेकायो। तिननले आफ्ना तुरही फुक्यो रे कला हाल्यो, “याहोवे रे गिदोनकि निउती तरवार!”

![](https://cdn.door43.org/obs/jpg/360px/obs-en-16-14.jpg)

परमेश्‍वरले मिद्यानीलाई अन्योलमि पारिदियो, तबइकिलाइ तिननले एक-अर्खालाइ आक्रमण अद्द पस्या रे माद्द लाग्या। उत्नजेइ गिदोनले और इस्राएलीलाई तिनरा घर बठेइ आउन र मिद्यानीलाई खेद्दाइ दूत पठायो। तिननले भौतलाई मार्यो रे बाँकी रयालाई इस्राएलीको भूमि बठेइ बाइर धपाइदियो। तइ दिन १,२०,००० मिद्यानी मर्या। इसेरी इस्राएलीलाई परमेश्‍वरले बचाया थ्यो।

![](https://cdn.door43.org/obs/jpg/360px/obs-en-16-15.jpg)

मानसनले गिदोनलाई तिनरा राजा बनाउन चाया थ्यो। गिदोनले तिननलाई तसो अद्द दिएइन, तर उनले तिनन मध्ये प्रत्येक मिद्यानी बठेइ लिया केइ सुनका औँठी माग्यो। मानसनले गिदोनलाई भौत सुन दियो।

![](https://cdn.door43.org/obs/jpg/360px/obs-en-16-16.jpg)

पइ गिदोनले तइ सुनलाई प्रधान पूजारीले लाउन्या जसोइ एक विशेष कपडा बनाउनाइ निउती प्रयोग अर्यो। तर मानसनले तइलाई पूज्‍ज लाग्या मानौँ कि त्यो एक मूर्तिइ थ्यो। तबइकिलाइ परमेश्‍वरले आजि इस्राएललाई दण्ड दियो क्याकी तिननले मूर्तिलाई पुज्यो। परमेश्‍वरले तिनरा शत्रुलाई उननमि विजयी हुनदियो। आखिरमि तिननले आजि परमेश्‍वरलाई सहयोगकि निम्ति पुकार अर्यो, रे परमेश्‍वरले तिननलाई अर्खो एकजना छुट्कारा दिन्या मानस पठाइदियो।

![](https://cdn.door43.org/obs/jpg/360px/obs-en-16-17.jpg)

यइ प्रकारको कुरणी भौत बेर दोर्‍होरियो: इस्राएलीले पाप अर्नथ्या, परमेश्‍वरले तिननलाई दण्ड दिनथ्या, तिननले पश्‍चाताप अर्नथ्या रे परमेश्‍वरले तिननलाई बचाउनाइ निउती छुटकारा दिन्या मानसन पठाउनथ्या। भौत वर्षको अन्तरालमि, परमेश्‍वरले भौत छुटकारा दिन्यावाला पठायो जइले इस्राएलीलाई तिनरा शत्रु बठेइ बचायो।

![](https://cdn.door43.org/obs/jpg/360px/obs-en-16-18.jpg)

छाड्डीबेर, मानसनले और देशमि भया जसेरी परमेश्‍वरसित एकजना राजाको माग अर्यो। तिनन इसो राजा चाहन्थया जो उच्चा रे बलिया हुन, रे जइले तिननलाई लडाईंमि अगुवाई अद्द सकुन। परमेश्‍वरले यो अनुरोध मन पराया थेइन, पइलगइ उनले तिननलाई खोजया जसोइ राजा दियो।

*बाइबल कथा: न्यायकर्ता १-३; ६-८; १ शमूएल १-१०*

Audio: https://git.door43.org/OBS-TLF/dty_obs/releases/download/v1/dty_obs_v1_16_128kbps.m4a

## 17. दाऊदसित परमेश्‍वरको करार

https://openbiblestories.org/l/dty/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएलका पइलो राजा थ्या। उन मानसनले चाया जसाइ उच्चा रे सुन्दर मानस थ्या। पइलिका केइ वर्ष शाऊल इस्राएलमि शासन अद्द्या एक असल राजा थ्या। तर पछा उन एक दुष्ट मानस बन्या रे परमेश्‍वरको अनाज्ञाकारी भया, तबइकिलाइ परमेश्‍वरले अर्खा मानसलाई चुन्‍यो जो एकदिन उइको सट्टामि राजा हुन्नाथ्यो।

![](https://cdn.door43.org/obs/jpg/360px/obs-en-17-02.jpg)

परमेश्‍वरले दाऊद नाउँ भया एक जवान इस्राएलीलाई शाऊल पछा राजा हुनाइ निउती चुन्‍यो रे तयार अद्द लाग्यो। दाऊद बेथलेहम नाउँ अर्या गाँउमि बस्‍सया एक ग्वाला थ्या। आफ्ना बाका भेडाको हेरचाह अर्न्ज्या बेर बेरी उनले आफ्ना भेडालाइ आक्रमण अद्द खोज्‍जया सिंह रे भालुलाई मार्या थ्यो। दाऊद नम्र रे धर्मी मान्स थ्या। उन परमेश्‍वरमि आराम अर्नथ्या रे उनरो आज्ञा माणन्‍थ्या।

![](https://cdn.door43.org/obs/jpg/360px/obs-en-17-03.jpg)

जब दाऊद जवान नै थ्या, उनले गोल्यत नाउँ भया एकजना वीरका विरुद्ध लडाईं अर्यो। गोल्यत एक योद्धा थ्या। उन भौत बलियो रे करिब तीन मिटर जति उच्चो मान्स थ्यो! तर परमेश्वरले गोल्यतलाइ मद्दाइ इस्राएलीलाइ बचाउनाइ निउती दाउदलाइ सहायता अर्यो। तइ पछा दाऊदले इस्राएलीका भौत शतुरमि विजय पायो। दाऊद एक ठुला योद्धा भया, रे उनले भौत युद्धमि अगुवाइ अर्यो। मान्सनले दाउदको भौत प्रशंसा अर्यो।

![](https://cdn.door43.org/obs/jpg/360px/obs-en-17-04.jpg)

मानसनले दाउदलाइ इति प्रेम अर्यो कि शाऊल उनलाइ डाह अर्न्थ्या। रे शाऊलले दाऊदलाई माद्द खोज्यो, तबइकिलाइ दाऊद शाऊल रे तिनरा सैनिक बठेइ लुक्दाइ निउती उजाड ठाउँतिर भाग्यो। एक दिन जब शाऊल रे तिनरो सैनिक दाऊदलाई खोज्जा थ्या तिन एक गुफामि गया। यो तेइ गुफा थ्यो, जा दाऊद लुगीरइथ्या, शाऊलले उनलाई धेकेइन। दाऊद शाऊलका पछिबाट भौत नजिक गया रे तिनको लत्ताको एक भाग चिर्यो। शाऊल गुफा बठेइ गइ सक्या पछा दाऊदले कलाहलिबर उनले समाया कपडालाइ हेद्दाइ निउती भणयो। इसेरो शाऊलले था पायो कि राजा हुनाइ निउती दाउदलाइ माद्दु पड्डइन।

![](https://cdn.door43.org/obs/jpg/360px/obs-en-17-05.jpg)

केइ बेर पछा, शाऊल लडाईंमि मर्या, रे दाऊद इस्राएल देशका राजा भया। उन एक असल राजा थ्या, रे मान्सनले उनलाई प्रेम अर्नथ्या। परमेश्‍वरले दाऊदलाई आशिष् दियो रे उनलाई सफल बनायो। दाऊदले भौत लडाइ लड्यो रे परमेश्‍वरले उनलाई इस्राएलका दुस्मनलाई हराउन सहयोग अर्यो। दाऊदले येरुशलेम सहर कब्जा अर्यो रे तइलाइ उनरो राजधानी शहर बनायो, जा उन रइबर शासन अर्यो। दाऊदले चालीस वर्ष सम्म राजा भइबर शासन अर्यो। उनरो शासनकालमि इस्राएल एक शक्तिशाली रे सम्पन्‍न देश बन्यो।

![](https://cdn.door43.org/obs/jpg/360px/obs-en-17-06.jpg)

दाऊदले एक मन्दिर बनाउन चाहन्थया जाँ सब इस्राएलीले परमेश्‍वरको आराधना अद्द सकुन रे उनलाई बलि चढाउन सकुन। करिब चार सय वर्षसम्म मान्सनले परमेश्‍वरको आराधना अद्द रे बलि चढाउन्या काम मोशाले निर्माण अर्या पालमि अद्दा थ्या।

![](https://cdn.door43.org/obs/jpg/360px/obs-en-17-07.jpg)

तर परमेश्‍वरले नातान नाउँ भया एकजना अगमवक्तालाई दाऊदका वाँ यो खबर पठायो, “तुइले भौत युद्धमि लडया हुनाले मेरि निउती तुइले यइ मन्दिरको निर्माण अद्द्या आथिनि। तेरा चेलाले यइको निर्माण अद्द्या हो। तर म तुलाई भौत आशिष् दिन्या हु। तेरा सन्तान मध्ये एकजनाले चाहिँ सदाको निउती राजाका रूपमि मेरा मान्सनमि राज्य अद्दया हो!” सदाइकि निउती राज्य अद्द सक्दया दाऊदको सन्तान ख्रीष्टइ हुन। ख्रिस्ट परमेश्वरका चुनिया जन थ्या, जसले संसारका मान्सनलाइ तिनरा पाप बठेइ बचाउन्या हुन।

![](https://cdn.door43.org/obs/jpg/360px/obs-en-17-08.jpg)

जब दाऊदले नातानको संदेश सुणयो, उनले परमेश्‍वरलाई धन्यवाद दियो रे उनरो प्रशंसा अर्यो। परमेश्‍वरले उनलाइ आदर अर्यो रे भौत आशिष दियो। बेशक, दाऊदलाई था थेइन कि परमेश्वरले यीन कुरणी कब अद्दया हुन। हाम अइल जाणनाउ कि इस्राएलीले ख्रिस्ट आउना हइ अगाडी करिब एक हजार वर्ष समय कुद्दु पड्डया थ्यो।

![](https://cdn.door43.org/obs/jpg/360px/obs-en-17-09.jpg)

दाऊदले भौत वर्षसम्म न्यायसित राज्य अर्यो। उन विश्‍वासयोग्यतासित परमेश्वरको आज्ञाकारी भया, रे परमेश्‍वरले उइलाई आशिष् दियो। पइ लगइ आफ्नो जीवनकालको छाड्डीबार उनले परमेश्‍वरको विरुद्धमि ठूलो पाप अर्यो।

![](https://cdn.door43.org/obs/jpg/360px/obs-en-17-10.jpg)

एकदिन, दाऊदले आफ्नो दरबार बठेइ बाइर हेर्यो रे एक जना सुन्दरी आइमाइलाई नाउनारएइ धेक्यो। उनले तिनलाई चिन्या थेइन, तर उनले पता लायो कि उइको नाउँ बेतशेबा हो।

![](https://cdn.door43.org/obs/jpg/360px/obs-en-17-11.jpg)

आन्ति हेद्दका सट्टा, दाऊदले कसइलाई तइ आइमाइलाई उनरा वाँ ल्याउनाइ पठायो। दाऊद तिनसित सिया रे तिनलाई उसका घर फिर्ता पठाइदियो। केइ समय पछा बेतशेबाले दाऊदलाई आफ गर्भवती भया खबर पठायो।

![](https://cdn.door43.org/obs/jpg/360px/obs-en-17-12.jpg)

बेतशेबाको बैकान उरियाह नाउँ भया मान्स थ्या। उन दाऊदका सेना मध्येमिका एक उत्तम सैनिक थ्या। यो घटना भया बेला उरियाह युद्धमि लड्डा थ्या। दाऊदले उरियाहलाई लडाईं बठेइ फिर्ता बोलायो रे उइलाई आफ्नी स्वानीका वाँ जानाइ भणयो। तर उरियाले लडाईमि बाँकी रया आफ्ना सिपाहीलाई छाडीबर आफ्ना घर जानाइ इन्कार अर्यो। तबइकिलाइ दाऊदले उरियाहलाई लडाईमि फिर्ता पठायो रे प्रधान सेनापतिलाई जाँ सत्तुर सब भणना बलिया छन्, ताँ उइलाई पठाउन्या आदेश दियो ताकि उ मारियोस। र उरियाह युद्धमि मर्या।

![](https://cdn.door43.org/obs/jpg/360px/obs-en-17-13.jpg)

उरियाह युद्दमि मारिया पछा, दाऊदले बेतशेबासित ब्या अर्यो। पछा, उनले दाऊदकि निउती चेलो जन्मायो। दाऊदले अर्या कामसित परमेश्‍वर भौत क्रोधित भया, तबइकिलाइ उनले नातान अगमवक्तालाई उनरो पाप कति दुष्ट थ्यो भणीबर बताउनाइ दाऊदका वाँ पठायो। दाऊदले आफ्नो पापका निउती पश्‍चाताप अर्यो रे परमेश्‍वरले उनलाई क्षमा दियो। आफ्नो बाँकी जीवनभरि दाऊदले कष्टको बेला लगइ परमेश्‍वरलाई पछ्यो रे आज्ञाकारी भया।

![](https://cdn.door43.org/obs/jpg/360px/obs-en-17-14.jpg)

तर दाऊदको चेलो मर्‍यो। इसेरी परमेश्वरले दाउदलाइ दण्ड दिनुभयो। र दाऊदको बाँकी जीवनभरि आफ्नाइ परिवार मध्य कसइले उनरो विरुद्ध विद्रोह अरी राख्यो रे दाऊदले आफ्नो तागत लगइ हरायो। तर परमेश्वर विश्वासयोग्य थ्या, र दाउदले परमेश्वरको आज्ञा नमाणया लगइ परमेश्वरले दाऊदसित अर्या प्रतिज्ञा पुरा अर्यो। पछा, दाऊद रे बेतशेबाको अर्खो चेलो भयो रे तिननले तइको नाउँ सोलोमन राख्यो।

*बाइबल कथाः १ शमुएल १०; १५-१९; २४; ३१; २ शमुएल ५; ७; ११-१२*

Audio: https://git.door43.org/OBS-TLF/dty_obs/releases/download/v1/dty_obs_v1_17_128kbps.m4a

## 18. विभाजित राज्य

https://openbiblestories.org/l/dty/story-18/

![](https://cdn.door43.org/obs/jpg/360px/obs-en-18-01.jpg)

राजा दाऊदले ४० वर्ष शासन अर्यो। तइ पछा दाऊदको मृत्यु भयो, रे उनरा चेला सोलोमनले इस्राएलमि शासन अद्द पस्या। परमेश्‍वर सोलोमनसित बोल्या रे उसलाई सबहइ बडता कि कुरणीको चाहना छ भणी सोध्‍यो। सोलोमनले बुद्धि माग्यो। यइमि परमेश्‍वर प्रसन्‍न भया, तबइकिलाइ उनले उइलाई संसारकै सबहइ बुद्धिमान मान्स बनायो। सोलोमनले भौत कुरणी सिक्यो रे एक बुद्धिमान न्यायकर्ता भया। परमेश्‍वरले उनलाई भौत सम्पन्‍न लगइ बनायो।

![](https://cdn.door43.org/obs/jpg/360px/obs-en-18-02.jpg)

यरुशलेममि, सोलोमनले तइ मन्दिरको निर्माण अर्यो जो उनरा बा दाऊदले बनाउन्या योजना अर्या थ्यो रे तइकि निउती सामान जम्मा अर्या थ्यो। मान्सनले आब परमेश्‍वरलाई आराधना अर्न्थ्या रे भेट हुन्या पालको सट्टा मन्दिरमि बलि चढायो। परमेश्‍वर आए रे तइ मन्दिरमि उपस्थित थ्या, रे उन त्याहा आफ्ना मान्सनसित रया।

![](https://cdn.door43.org/obs/jpg/360px/obs-en-18-03.jpg)

तर सोलोमनले और देशकि स्वानीलाइ प्रेम अर्यो। उनले करिब १,००० जना स्वानी सित ब्या अर्यो! रे परमेश्‍वरको अनाज्ञाकारी भया। यीन स्वानी मध्ये भौत जना और देश बठेइ आएकि थिन रे आफसित आफ्ना देवता लगइ लेएकि थिन, जइलाई तिननले पूजि राख्यो। जब सोलोमन बुढा भया, उनले लगइ तिनरा देवतालाई पूज्‍ज पस्या।

![](https://cdn.door43.org/obs/jpg/360px/obs-en-18-04.jpg)

तबइकिलाइ परमेश्‍वर सोलोमनसित रिसाया। उनले इस्राएल राष्ट्रलाई दुई राज्यमि विभाजन अरिबर सजाय दिन्या भणयो। उनले यो सोलोमनको मृत्यु पछा अर्यो।

![](https://cdn.door43.org/obs/jpg/360px/obs-en-18-05.jpg)

सोलोमन मर्या पछा उनरा चेला, रहोवाम इस्राएलका राजा भया। इस्राएल राष्ट्रका सब मान्सन उनलाई आफ्नो राजाका रूपमि स्वीकार अद्दाइ भेला भया। तिननले रहोवामलाई सोलोमन राजाले कडा परिश्रम अद्द लायाको रे भौत कर तिद्द लायाको भणीबर गुनासो अर्यो। तिननले रहोवामलाई हामलाई कम काम अद्द ला भणयो।

![](https://cdn.door43.org/obs/jpg/360px/obs-en-18-06.jpg)

तर रहोवामले मूर्खतासित उनलाई जवाफ दियो। उनले भणयो, “मेरा बा सोलोमनले कडा परिश्रम अद्द लाया हो भणी तमनले भणनाछौ। तर म तमनलाइ उणले भणना बढी परिश्रम अद्द लाउन्या हु, रे उनले भणना बढी सजाय दिन्या हु।”

![](https://cdn.door43.org/obs/jpg/360px/obs-en-18-07.jpg)

जब मान्सनले उनलाई इसो भणया सुणयो, तिनन मध्ये भौतले उनरो विरुद्धमि विद्रोह अर्यो। दश कुलले तिनलाई छोड्यो। केवल दुई कुल मान्तर उनसित बाँकी रया। यीन दुई कुलले आफलाइ यहूदाको राज्य भणन्थ्या।

![](https://cdn.door43.org/obs/jpg/360px/obs-en-18-08.jpg)

रहोबामको विरुद्धमि विद्रोह अर्या इस्राएलका और दश कुलले, यरोबाम नाउँ भया एकजना मान्सलाई आफ्नो राजा हुनाइ नियुक्त अर्यो। यीन कुल भूमिको उत्तरी भागमि थ्या। तिननले आफलाई इजरायलको राज्य भणन्थ्या

![](https://cdn.door43.org/obs/jpg/360px/obs-en-18-09.jpg)

यरोबामले परमेश्‍वरको विरुद्धमा विद्रोह अर्यो रे मानसनलाई पाप अद्द लायो। तिनले आफ्ना मान्सनलाई पूजा अद्दाइ निउती दुई मूर्ति बनायो। तिनन आब यहूदाको राज्यमि भया यरूशलेम मन्दिरमि परमेश्वरको आराधना अद्दाइ गएइन।

![](https://cdn.door43.org/obs/jpg/360px/obs-en-18-10.jpg)

यहूदा रे इस्राएलका राज्य दुश्मन भया रे बेरबेरी एक-अर्काको विरुद्धमि लडाईं अरीराख्यो।

![](https://cdn.door43.org/obs/jpg/360px/obs-en-18-11.jpg)

इस्राएलको नयाँ राज्यमि, सब राजा दुष्ट थ्या। यीन राजामि हइ भौत जना और इस्राएली बठेइ मारिया जो उनरा ठाँउमि राजा हुन चाइराइथ्यो।

![](https://cdn.door43.org/obs/jpg/360px/obs-en-18-12.jpg)

इस्राएल राज्यका सब राजा र धेरैजसो मानसनले मूर्तिपूजा अर्यो। तिननले इसो अर्यो, तिनन प्रायः वेश्यासित सिया रे कभइ कभइ मूर्तिलाई बच्चा बलि चढाउँनन्थ्या।

![](https://cdn.door43.org/obs/jpg/360px/obs-en-18-13.jpg)

यहूदाका राजा दाऊदका सन्तान थ्या। यीन राजा मध्ये कोइ असल मान्स थ्या, जइले न्यायपुर्वक राज्य अर्यो रे परमेश्‍वरको आराधना अर्न्थ्या। तर यहूदाका धेरै जसो राजा दुष्ट थ्या। तिननले ननिका तरिकाले शासन अर्यो रे तिननले मूर्तिपूजा अर्यो।। यीन मध्ये केइ राजाले त झूटा देवताका निउती आफ्नै बालबच्चाको समेत बलि दियो। यहूदाका धेरैजसो मानसनले लगइ परमेश्‍वरको विरुद्धमि विद्रोह अर्यो रे और देवतालाई पूज्यो।

*बाइबल कथा: १ राजा १-६; ११-१२*

Audio: https://git.door43.org/OBS-TLF/dty_obs/releases/download/v1/dty_obs_v1_18_128kbps.m4a

## 19. अगमवक्ता

https://openbiblestories.org/l/dty/story-19/

![](https://cdn.door43.org/obs/jpg/360px/obs-en-19-01.jpg)

परमेश्‍वरले सधै इस्राएलीका वाँ अगमवक्ता पठाइ राख्या थ्या। अगमवक्ताले परमेश्‍वर बठेइ सन्देश सुन्थ्या र उनरा सन्देश मान्सनलाइ बताइदिन्थ्या।

![](https://cdn.door43.org/obs/jpg/360px/obs-en-19-02.jpg)

आहाब राजाले इस्राएलमि शासन अरीराख्या बेलामि एलिया एक अगमवक्ता थ्या। आहाब एक दुष्ट मानस थ्या। उनले मानसनलाइ बाल नाउँ अर्या देवताको मूर्ति पूजा अद्द प्रोत्साहन अर्न्थ्या।तबइकिलाइ एलियालेराजा आहाबलाई भणयो कि परमेश्वर मान्सनलाइ दण्ड दिनाइ जन्नाछन। एलियाले तिनलाइ भणयो, “मइले आजि पानि पणउ नभणया सम्म इस्राएलको राज्य भरि नत शीत पड्डया हो न पानी नै पड्डया हो।” यइले आहाबलाई इति क्रोधित बनायो कि उनले एलियालाई मार्द्दया निर्णय अर्यो।

![](https://cdn.door43.org/obs/jpg/360px/obs-en-19-03.jpg)

तबइकिलाइ परमेश्‍वरले एलियालाई आहाब बठेइ लुगदाइलाइ उजाडस्थानमि एक खोल्सा भया ठाउँमि जानाइ भणयो, र एलिया गया।हरेक बिहान रे हरेक वसा क्व्वाले उनलाई रोटी रे मासु लेइदिन्थ्‍यो।तइ बेला आहाब रे उनरा सैनिकले एलियाको खोजी अर्यो तर तिननले उनलाई भेटेइन।

![](https://cdn.door43.org/obs/jpg/360px/obs-en-19-04.jpg)

पानि नपर्या हुनाले केइ समय पछा त्यो खोल्सा सुकिबर गयो।तबइकिलाइ एलिया एक छिमेकी देशमि गया।तइ देशमि एक जना विधवा रे उइको चेलो रनथ्या। अनिकाल भया हुनाले तिनरो खानेकुरणी लगभग सकि सक्या थ्यो।पइलगइ तिनले एलियाको ख्याल राख्यो, परमेश्‍वरले तिन रे तिनरा चेलाकि निउति जुटाइ दियो।तिनरा आरीकोधुलो रे ढुङग्रोको तेलकभइ सकीएन।पुराइ अनिकालको समय भरि तिननसित खान्या कुरणी थ्यो।एलिया ताँ लगभग तीन बर्ष सम्म रया।

![](https://cdn.door43.org/obs/jpg/360px/obs-en-19-05.jpg)

साढे तीन वर्ष पछा, परमेश्‍वरले एलियालाई भणयो कि उनले आजि पानि बर्साउन्या हुन। उनले एलियालाई इस्राएलको राज्यमि फर्किब रजानाइ रे आहाब सित कुरणी अद्दाइ भणयो। तबइकिलाइ एलिया आहाब का वा गया।जब आहाबले एलियालाई धेक्यो, उनले भणयो, “तुइ हइ योसबइ समस्या निम्त्याउन्या मान्स! र आहाबले भणयो, “तुइले याहोवेलाइ छाड्या छइ। उनइ साचो परमेश्वर हुन, तर तु बाल देवताको पुजा अद्दा छै। आब तुइले सबइ इस्राएल राज्यका मान्सनलाइ कर्मेल डाँडामि लैइजाइबर र आउनु पणन्छ।“

![](https://cdn.door43.org/obs/jpg/360px/obs-en-19-06.jpg)

तबइकिलाइ इस्राएल राज्यका सबै मान्सन कर्मेल डाँडामि गया। रे तिनन लगइ आया थ्या जइले बाल देवताको संदेश भणन्छौ भणन्थ्या। तिनन बाल देवताका अगमवक्ता थ्या। तिनन चार सय पचास जना थ्या।एलियाले मान्सनलाइ भणयो, “तमन कब सम्म आफ्नो मन बदली राखन्छौ? यदि याहोवे परमेश्‍वर हुन भणया, उनरो आराधना अर! तर यदि बाल परमेश्‍वर हुन भणया, उनरो आराधना अर!

![](https://cdn.door43.org/obs/jpg/360px/obs-en-19-07.jpg)

पइ एलियाले बालका अगमवक्तालाई भणयो, “एक साँढे मारीबर तइलाई काटेर टुक्रा-टुक्रा बना रे बलिका रूपमि बेदीमा चढा, तर तइलाई आगोले जनबालेइ। म लगइ पछा तसोइ अद्दा हु,र म मासु अर्को बेदीमा चढाउन्या हु।तब यदि परमेश्वरले बेदीमि आगो पठायो भणया तम्नले था पाउन्या हो कि उन साचो परमेश्वर हुन।”तबइकिलाइ बालका पूजारीले बलि तयार अर्यो तर तइमि आगो लागेइन।

![](https://cdn.door43.org/obs/jpg/360px/obs-en-19-08.jpg)

पइ बालका अगमवक्ताले इसो भणनाइ प्रार्थना अर्यो, “हेबाल, हामलाई सुण!”पुराइ दिन तिननले प्रार्थना अर्यो रे कला लाग्यो रे याँ सम्म कि तिननले आफइलाइ चक्कुले काटयो, तर बालले उत्तर दिएन, रे आगो लगइ पठाएन।

![](https://cdn.door43.org/obs/jpg/360px/obs-en-19-09.jpg)

बालका अगमवक्ताले लगभग पुराइ दिन बाल सित प्रार्थना अरीबर बितायो। अन्त्यमि तिननले प्रार्थना अद्द बन्द अर्यो। तब एलियाले परमेश्वरकि निउती साढेको मासु बेदीमि चढायो पइ उनले मान्सनलाई बाह्र ठूला फोला पानी लेइबर बलिको मासुका मल्तिर, काठ रे भुईँ समेत अरीबर वेदीका वाल्तिर पल्तिरका सबइ भाग पूरा रूपले नभिज्या सम्म खणयाउनला यो।

![](https://cdn.door43.org/obs/jpg/360px/obs-en-19-10.jpg)

पइ एलियाले प्रार्थना अर्यो, “याहोवे,अब्राहाम, इसहाक रे याकूबका परमेश्‍वर, आजहामलाई तमइ इस्राएलका परमेश्‍वरहौ रे म तमरो दास हुँ भणीबर धेकाइदिय।मलाई उत्तर दिय ताकि यीन मानसनले यो जाणून कि तमइ एकमान्तर सत्य परमेश्‍वर हौ।”

![](https://cdn.door43.org/obs/jpg/360px/obs-en-19-11.jpg)

उत्न्जेइ, अग्गास बठेइ आगो झणयो। रे मासु, काठ, ढुङ्गा, माटोरे वेदीका वाल्तिर पल्तिर भया पानी समेत जलाइ दियो।जब मानसनले यो धेक्यो, तिनन जमिनमि घोप्टो पडीबर भणयो, “याहोवे परमेश्‍वर हुन! याहोवे परमेश्‍वर हुन!’’

![](https://cdn.door43.org/obs/jpg/360px/obs-en-19-12.jpg)

पइ एलियाले भणयो, “बालका कोइ लगइ अगमवक्तालाई उम्किन जन sदिय!” बालका अगमवक्तालाई पकोडीबर ता बठेइ लजाइबर मर्यो।

![](https://cdn.door43.org/obs/jpg/360px/obs-en-19-13.jpg)

तब एलियाले राजा आहाबलाई भणयो, “तुरुन्तै आफ्ना घर फर्कीबर जा, क्याकी पानी आउना छ।” एकइ बेरमि अग्गास कालोभइबर आयो, रे ठूलो पानी पड्ड लाग्यो। याहोवेले खडेरीको अन्त्य अर्या थ्यो। यइले यो लगइ प्रमाणित अर्यो कि उनइ एक मान्तर सत्य परमेश्‍वर हुन।

![](https://cdn.door43.org/obs/jpg/360px/obs-en-19-14.jpg)

जब एलियाले आफ्नो काम पूरा अर्यो, परमेश्‍वरले एलिशा नाउँ भया मानसलाई उनरो अगमवक्ताका रूपमि छान्‍यो। परमेश्‍वरले एलिशा बठेइ भौत आश्‍चर्यकर्म अर्यो। जइ मध्ये एक आश्‍चर्यकर्म नामान सित भयो। उन शत्रुका एक सैन्य उच्चाधिकारी थ्या, तर उन एक डर लाग्दो छालाका रोगले ग्रस्त थ्या।उनले एलिशाका बारेमी सुणया हुनाले उनरा वा गया रे आफलाई निको पारिदिन अनुरोध अर्यो।एलिशाले नामानलाई सात बेर सम्म यर्दन नदीमा डुबुल्की अद्दाइ निउती भणयो।

![](https://cdn.door43.org/obs/jpg/360px/obs-en-19-15.jpg)

नामान रिसायो रे इसो अद्द राजी थेइन क्याकी योत एक मुर्खता जसोइ धेकिया थ्यो। तर पछा उनले आफ्नो मन परिवर्तन अर्यो। तिनी यर्दन नदीमा गए र पानीमा सात पल्ट डुबुल्की लायो। जब नामान छाड्डी बेर पानी बठेइ मल्तिर आया, परमेसवरले उनलाइ पूरा रूपमि निको बनाइ सक्या थ्यो।

![](https://cdn.door43.org/obs/jpg/360px/obs-en-19-16.jpg)

परमेश्‍वरले और भौत अगमवक्तालाई लगइ इस्राएलका मान्सनका वा पठायो। तिनन सबइले मानसनलाइ मूर्तिपूजालाइ त्याग्यो भणया, मान्सनले एक अर्खासित न्यायसित व्यवहार अद्दु पणन्छ रे एक अर्खालाई दया अद्दु पणन्छ भणयो। अगमवक्ताले मानसनलाइ चेतावनी दियो कि तिननले खराबी अद्द छाड्ड पणन्छ रे यइका सट्टामि परमेश्वरको आज्ञा पालन अद्दु पणन्छ। यदि मानसनले इसो अरेइन भणयो, परमेश्वरले तिननलाई दोषी ठहराउन्या हुन, रे उनले तिननलाई दण्ड दिन्या हुन।

![](https://cdn.door43.org/obs/jpg/360px/obs-en-19-17.jpg)

भौत जसो समय, मानसनले परमेश्‍वरको आज्ञा मानेनन।तिननले प्राय अगमवक्तालाइ दुर्‍व्‍यवहार अर्यो रे कभइ काइ त तिननलाई मार्यो लगइ। एक बेर, तिननले यर्मिया अगमवक्तालाई सुख्खा इनारमा हालि दियो रे मद्दाइ ताइ छाडिदिये। उन इनारको ढकनाइनि भया हिलोमि भासिए। तर राजाले तिनमि दया धेकायो रे आफ्ना नोकरलाई यर्मिया मद्दु भणना पइल्लीक्वा बठेइ निकाल्न लायो।

![](https://cdn.door43.org/obs/jpg/360px/obs-en-19-18.jpg)

मानसनले अगमवक्तालाई घृणा अर्या लगइ उनले परमेश्‍वरका निउती बोलीर्या। पश्‍चाताप नअरेले परमेश्‍वरले मानसनलाई नाश अद्दया हुन भणीबर उनले चेतावनीदिइ राख्यो। उनले परमेश्‍वरले ख्रीष्ट पठाउन्या अर्या प्रतिज्ञा लगइ मानसनलाइ याद अरायो।

*बाइबल कथा: १राजा१६-१८; २राजा५; यर्मिया३८*

Audio: https://git.door43.org/OBS-TLF/dty_obs/releases/download/v1/dty_obs_v1_19_128kbps.m4a

## 20. प्रस्थान रे फिर्ता आउनु

https://openbiblestories.org/l/dty/story-20/

![](https://cdn.door43.org/obs/jpg/360px/obs-en-20-01.jpg)

इस्राएलको राज्य रे यहूदाको राज्य दुएइले परमेश्‍वरको विरुद्धमि पाप अर्यो।परमेश्‍वरले तिनन सित सिनै पर्वतमि बाँध्‍या करार तिननले भंग अर्यो।परमेश्‍वरले तिननलाई पश्‍चाताप अद्द रे आजि उनरो आराधना गरुन भणी चेतावनी दिनाइ निउती आफ्ना अगमवक्तानलाई पठायो, तर तिननले आज्ञाकारी हुन इन्कार अर्यो।

![](https://cdn.door43.org/obs/jpg/360px/obs-en-20-02.jpg)

तबइकिलाइ परमेश्‍वरले दुएइ राज्यलाई तिनरा शत्रु बठेइ नष्ट हुन दिबर दण्ड दियो। अश्शूर अर अर्खो राज्य थ्यो जो भौत शक्तिशाली भयो। अश्शूरीन लगइ अन्य राज्य प्रति भौत क्रूर थ्या। तिनन आया रे इस्राएलको राज्यलाई नष्ट अर्यो। अश्शूरीले इस्राएल राज्यका भौत मान्सन मार्यो, उनले चायाको सबइ कुरणी खोसीबर लैया, रे राज्यका भौत भाग जलाइ दियो।

![](https://cdn.door43.org/obs/jpg/360px/obs-en-20-03.jpg)

अश्शूरीले सबइ अगुवा, धनी मान्स, रे सीप भया मान्सनलाई जम्मा अर्यो रे उनलाई अश्शूर देशमि लैइजाइबर गया भौत गरीब इस्राएली मान्तर इस्राएलको राज्यमि बाँकी रया।

![](https://cdn.door43.org/obs/jpg/360px/obs-en-20-04.jpg)

पइ अश्शूरीले इस्राएलको राज्यमि विदेशीलाई लेइबर राख्यो।विदेशीले भत्किएका शहरको पुनर्निर्माण अर्यो। तिननले ताँ छाडिया इस्राएलीसित अन्तर जातीय ब्या अर्यो।यिननका सन्तानलाइ ‘सामरी’ भनिन्थ्यो।

![](https://cdn.door43.org/obs/jpg/360px/obs-en-20-05.jpg)

यहूदाका मान्सनले परमेश्‍वरमि विश्‍वास नअर्या रे उनरो आज्ञाकारी नभया हुनाले कसेरी उनले इस्राएलको राज्यलाई दण्ड दियो भणी धेक्यो।पइलगइ तिननले आजि कनानी देवता रे मूर्ति पूज्यो।परमेश्‍वरले तिननलाई चेतावनी दिनाइ अगमवक्ता पठायो, तर तिननले सुणन इन्कार अर्यो।

![](https://cdn.door43.org/obs/jpg/360px/obs-en-20-06.jpg)

अश्शुरीले इस्राएल राज्य नष्टअर्याको १००वर्षपछा, परमेश्‍वरले बेबिलोनका राजा, नबूकदनेसरलाई यहूदाको राज्यमि आक्रमण अद्दाइ पठायो। बेबिलोन एक शक्तिशाली राष्ट्र थ्यो। यहूदाका राजाले नबूकदनेसरको दास हुनाइ रे हरेक वर्ष उनलाई भौत पैसा तिद्द सहमत भया।

![](https://cdn.door43.org/obs/jpg/360px/obs-en-20-07.jpg)

तर केइ वर्षपछा, यहूदाका राजाले बेबिलोनको विरुद्धमि विद्रोहअर्यो।तबइकिलाइ, बेबिलोनी आजि आया रे यहूदाको राज्यलाई आक्रमण अर्यो।तिननले यरुशलेमको शहर कब्जा अर्यो, मन्दिर भत्काइ दियो, पइ शहर रे मन्दिरमि भया सबइ सम्पत्ति लइय्या।

![](https://cdn.door43.org/obs/jpg/360px/obs-en-20-08.jpg)

विद्रोह अर्या हुनाले यहूदाका राजालाई दण्ड दिनकि निउती नबूकदनेसरका सिपाहीले उनरा चेलालाई उनराइ साम्ने मारिदियो रे उनलाई अन्धा बनाइ दियो।तइपछा, तिननले राजालाई बेबिलोनको झ्यालखानाइमि मरउ भणीबर लइय्या।

![](https://cdn.door43.org/obs/jpg/360px/obs-en-20-09.jpg)

नबूकदनेसर रे उनरा फौजले बाली लाउनाइ निउती गरीब भन्दा गरीबलाई बाहेक यहूदाको राज्यका प्रायःसब मान्सनलाई बेबिलोनमि लइय्या।समयको यइ अवधि जाँ परमेश्‍वरका मान्सन प्रतिज्ञाको मुलुक छाड्ड बाध्य भया, इसैलाई प्रस्थान भणीया हो।

![](https://cdn.door43.org/obs/jpg/360px/obs-en-20-10.jpg)

परमेश्‍वरले मान्सनलाई तिनरा पापका कारण प्रस्थानमि टाढा लइजाइबर दण्ड दिया लगइ उनले तिननलाई अथवा आफ्ना प्रतिज्ञालाई भुल्या थेइन।परमेश्‍वरले निरन्तर रूपमि आफ्ना मान्सनको रेखदेख अर्यो रे आफ्ना अगमवक्ता बठेइ तिननसित बोल्या। उनले प्रतिज्ञा अर्यो कि सत्तरी वर्ष पछा तिनन आजि प्रतिज्ञाको मुलुकमि फर्कन्या हुन।

![](https://cdn.door43.org/obs/jpg/360px/obs-en-20-11.jpg)

करिब सत्तरी वर्ष पछा फारसका राजा, कोरेसले बेबिलोनलाई हरायो। तबइकिलाइ बेबिलोनियन साम्राज्यको सट्टामि, फारसी साम्राज्यले अइल भौत राष्ट्रमि शासन अर्या थ्यो। आब इस्राएलीलाई यहूदी भणीन्थ्यो रे तिनन मध्ये भौत जसोले आफ्नो पुराइ जीवन बेबिलोनमि बिताया थ्यो।केइ बुढा यहूदीलाई मान्तर यहूदाको मुलुक याद थ्यो।

![](https://cdn.door43.org/obs/jpg/360px/obs-en-20-12.jpg)

फारसी भौत शक्तिशाली थ्यो, तरतिनन आफले कब्जा अर्या मान्सनसित कृपालु थ्या। केइ समय पछा कोरेस फारसका राजा भया, उनले जो कोइ यहूदी यहूदा फर्किबर जान चाहानाहान भणया फारस साम्राज्य छाडीबर यहूदा फर्कन सक्दया आदेश जारी अरीदियो।उनले तिननलाई मन्दिरको पुनर्निर्माण अद्दाइ रुपिँया-पैसा लगइ दियो! तबइकिलाइ ७० वर्षको प्रस्थान पछा, यहूदीको एक नानो समूह यहूदाको यरूशलेम सहरमि फर्कियो।

![](https://cdn.door43.org/obs/jpg/360px/obs-en-20-13.jpg)

जब मान्सनये रुशलेममि पुग्या, तिननले मन्दिर रे शहरको वाल्तिर पल्तिरका पर्खालको पुननिर्माण अर्यो। फारसीले आजि लगइ तिननमि शासन अद्दा थ्या, तर एक बेर आजि यहूदी प्रतिज्ञा अरिया भूमिमि बसिरइ थ्या रे मन्दिरमि आराधना अद्दा थ्या।

*बाइबल कथा: २राजा१७; २४-२५; २इतिहास३६; एज्रा१-१०; नेहम्याह १-१३*

Audio: https://git.door43.org/OBS-TLF/dty_obs/releases/download/v1/dty_obs_v1_20_128kbps.m4a

## 21. परमेश्‍वरले ख्रीष्टको प्रतिज्ञा अर्यो

https://openbiblestories.org/l/dty/story-21/

![](https://cdn.door43.org/obs/jpg/360px/obs-en-21-01.jpg)

परमेश्‍वरले संसार सृष्टि अर्न्ज्या लगइ उनले ख्रिस्टलाई केइ समय पछा पठाउन्या हुन भणीबर उनलाई था थ्यो। उहाँले आदम रे हव्वालाई यो अद्दया प्रतिज्ञा अर्यो। उनले भणयो कि हव्वाको वंश बठेइ एक जना सन्तान जन्मन्या छ, जइले स्यापको मुन्टो पेच्याउन्या हो। पक्का, हव्वालाई धोका दिनाइ शैतान स्यापका रूपमि धेका पणयो। ख्रीष्टले शैतानलाई पूरा हाराउन्या हुन भणन्या परमेश्वरको अर्थ थ्यो।

![](https://cdn.door43.org/obs/jpg/360px/obs-en-21-02.jpg)

परमेश्‍वरले अब्राहामलाई प्रतिज्ञा अर्यो कि उइ बठेइ संसारका सबइ जातिका मान्सनले आशिष पाउन्या हुन। परमेश्‍वरले केइ समय पछा ख्रिस्टलाई पठाया यो प्रतिज्ञा पूरा अद्दया हुन। ख्रिस्टले संसारको हरेक समूह बठेइ मान्सनलाई तिनरो पाप बठेइ बचाउन्या हुन।

![](https://cdn.door43.org/obs/jpg/360px/obs-en-21-03.jpg)

परमेश्‍वरले मोशालाई प्रतिज्ञा अर्यो कि भविष्यमि उनले मोशा जसोइ अर्खो एक जना अगमवक्ता पठाउन्या हुन। यो अगमवक्ता ख्रिस्ट हुन्या हुन। इसेरी, परमेश्वरले आजि ख्रिस्टलाई पठाउने प्रतिज्ञा गर्नुभयो।

![](https://cdn.door43.org/obs/jpg/360px/obs-en-21-04.jpg)

परमेश्‍वरले दाऊद राजालाई प्रतिज्ञा अर्यो कि उइको आफ्नै वंश बठेइ ख्रिस्ट हुन्या हुन। उन राजा हुन रे परमेश्‍वरका मान्सनमि सदा-सर्वदा राज्य अद्दया।

![](https://cdn.door43.org/obs/jpg/360px/obs-en-21-05.jpg)

परमेश्वरले अगमवक्ता यर्मियासित कुरणी अर्यो रे उनलाई भणयो कि एक दिन उनले एक नयाँ करार स्थापित अद्द्या हुन। नयाँ करार परमेश्वरले इस्राएलसित सिनै पर्वतमि अर्या पुरानो करार जसो हुन्या आथिन। यइ नयाँकरारमि मान्सनले परमेश्‍वरलाई व्यक्तिगत रूपले जाणन्या हुन। प्रत्येक व्यक्तिले उनलाई प्रेम अद्दया हो रे उनरा नियम पालन अद्द चाहन्छ। परमेश्वरले भणयो यो तिनरा हृदयमि उनरो व्यवस्था लेख्या जसोइ हुन्या हो। तिनन उनरा मान्सन हुन्या हुन, रे परमेश्‍वरले तिनरा पाप क्षमा अरी दिन्या हुन। तिननसित नयाँ करारको शुरूवात अद्द्या ख्रिस्टइ हुन।

![](https://cdn.door43.org/obs/jpg/360px/obs-en-21-06.jpg)

परमेश्‍वरका अगमवक्ताले इसो लगइ भणयो कि ख्रिस्ट एक अगमवक्ता, एक पूजारी रे एक राजा हुन्या हुन।अगमवक्ता त्यो मान्स हो जइले परमेश्‍वरका वचन सुणन्छ रे परमेश्‍वरका वचन मान्सनका बिचमी घोषणा अरिदिन्छ।परमेश्‍वरले पठाउन्या हु भणीबर प्रतिज्ञा अर्या ख्रिस्ट चाइ एक मान्तर सिद्ध अगमवक्ता हुन्या हुन। त्यो भणया ख्रिस्टले परमेश्‍वरका सन्देश सिद्ध रूपमि सुणन्या हुन, उनले तइलाई सिद्द रूपमि बुज्जया हुन, रे मान्सनलाई सिद्द रूपमि सिकाउन्या हुन।

![](https://cdn.door43.org/obs/jpg/360px/obs-en-21-07.jpg)

इस्राएली पूजारीले मान्सनका तर्फ बठेइ परमेश्वरलाई बलि चढाइरया। यीन बलि परमेश्वरले मान्सनलाई तिनरा पापको खातिर दण्डको सट्टा क्षमाकि निउती थ्यो। पूजारीले मान्सनका निउती परमेश्‍वरसित प्रार्थना लगइ अरीदिन्थ्या। जब कि ख्रिस्ट एक मान्तर प्रधान प्रधानपूजारी थ्या जइले आफइलाई एक सिद्द बलिका रूपमि परमेश्‍वरका वाँ अर्पण अर्या थ्यो। त्यो भणया उनले कभइ पाप अद्दया होइन, रे जब उनले आफइलाई बलिका रूपमी अर्पण अद्दया हुन, पापकि निउती कोइ और बलि कभइ आवश्यक पड्डया आथिन।

![](https://cdn.door43.org/obs/jpg/360px/obs-en-21-08.jpg)

राजान रे प्रमुख मान्सनको समूहमि शासन अरन्छ, रे कभइ काइ तिननले गल्ती अद्दया हुन। राजा दाऊदले इस्राएलीमि मान्तर शासन अर्यो। तर दाऊदका बंश ख्रिस्टले सब संसारमि शासन अद्दया हुन, रे उनले सदा-सर्वदाकि निउती शासन अद्दया हुन। रे, उनले सदाइ न्यायपूर्ण शासन अद्दया हुन रे ठिक निर्णय लिन्या हुन।

![](https://cdn.door43.org/obs/jpg/360px/obs-en-21-09.jpg)

परमेश्‍वरका अगमवक्ताले ख्रिस्टका बारेमि और भौत कुरणीको भविष्यवाणी अर्यो। उदाहरणकि निउती, मलाकी अगमवक्ताले ख्रिस्ट आउनाहइ अगाडी एकजना अगमवक्ता आउन्या हुन भणीबर भविष्यवाणी अर्यो। त्यो अगमवक्ता भौत महत्त्वपूर्ण हुन्या हुन। रे यशैया अगमवक्ताले ख्रिस्ट कन्या बठेइ जन्मन्या हुन भणीबर लेख्यो।मीका अगमवक्ताले उन बेथलेहेमका गाउँमि जन्मन्या हुन भणयो।

![](https://cdn.door43.org/obs/jpg/360px/obs-en-21-10.jpg)

यशैया अगमवक्ताले भणयो कि ख्रिस्ट गालील क्षेत्रमि बस्‍सया हुन। ख्रिस्टले भौत दुःखी मान्सनलाई सान्त्वना दिन्या हुन। उनले कैदमि भयालाइ लगइ छुट्कारा दिन्या हुन।ख्रिस्टले रोगी-बिरामीलाई रे सुण्न, धेक्द, बोल्ल वा हिँट्ट नसकद्दयालाइ निको पाड्डया हुन।

![](https://cdn.door43.org/obs/jpg/360px/obs-en-21-11.jpg)

यशैया अगमवक्ताले यो लगइ भविष्यवाणी अर्यो कि ख्रिस्टलाई घृणा अद्दया हुन रे उनलाई स्वीकार अद्द इन्कार अद्दया हुन। और अगमवक्ताले भणयो कि ख्रिस्टको एक मित्तुर उनरो विरुद्दमि हुन्या हो। जकरिया अगमवक्ताले भणयो कि ख्रिस्टलाई धोकादिया बाफत तइ मित्रले तीस चाँदीका सिक्का पाउन्या हो। रे, केइ अगमवक्ताले भणयो कि मान्सनले ख्रिस्टलाई माद्दया हुन, रे तिननले उनरो लत्ताकि निउती चिट्टा हल्ल्या हुन।

![](https://cdn.door43.org/obs/jpg/360px/obs-en-21-12.jpg)

अगमवक्ताले ख्रिस्ट कसेरी मरद्दया हुन भणीबर लगइ भविष्यवाणी अर्यो। यशैयाले भविष्यावाणी अर्यो कि मान्सनले ख्रिस्टलाई थुक्दया हुन, गिज्याउन्या हुन, रे चुटट्या हुन। तिननले उनलाई भालाले घोच्‍चया हुन रे भौत कष्ट रे पिडासित उन मद्दया हुन, जबकि उनले केइ लगइ कसुर अर्या थेइन।

![](https://cdn.door43.org/obs/jpg/360px/obs-en-21-13.jpg)

अगमवक्ताले यो लगइ भणयो कि ख्रिस्टले पाप अद्दया होइन। उन सिद्द हुन्या हुन। तर उन मद्दया हुन, क्याकी परमेश्वरले उनलाई और ममान्सनका पापकि निउती दण्ड दिन्या हुन। जब उन मर्या, तब मान्सन परमेश्वरसित शान्तिमि बस्स सक्षम भया। तबइकिलाइ परमेश्वरको योजनामि, ख्रिस्ट मद्दु पणया हो।

![](https://cdn.door43.org/obs/jpg/360px/obs-en-21-14.jpg)

अगमवक्ताले यो लगइ भणयो कि परमेश्‍वरइले ख्रिस्टलाई मर्या बठेइ जिउना बनाउन्या हुन। यइले धेकाउँछ कि येशूको मृत्यु रे पुनरुत्थान नयाँ करार बनाउनाइ निउती सबइ परमेश्वरको योजना थ्यो, तबइकिलाइ उनले उनरो विरुद्मि पाप अर्या मान्सनलाई बचाउन सक्दाइन।

![](https://cdn.door43.org/obs/jpg/360px/obs-en-21-15.jpg)

परमेश्‍वरले ख्रिस्टका सम्बन्धमि अगमवक्तालाई भौत कुरणी प्रकट अर्यो, तर ख्रिस्ट तिनन कसइ अगमवक्ताका समयमि आयइन। यीन अन्तिमका भविष्यवाणी दिइया ४००वर्ष भणना बडता समय पछा, ठीक समयमि, परमेश्‍वरले ख्रिस्टलाई संसारमि पठायो।

*बाइबल कथा: उत्पत्ति३;१२; व्यवस्था१८:१५; २शामुएल ७; भजनसंग्रह १६;२२; ३५;६९; ४१; यशैया७:१४; ९:१-७; ६१; ५३; ५०:६; ५९:१६; यर्मिया३१; दानिएल७; मीका५:२; जकरिया११:१२-१३; मलाकी४:५;*

Audio: https://git.door43.org/OBS-TLF/dty_obs/releases/download/v1/dty_obs_v1_21_128kbps.m4a

## 22. यूहन्‍नाको जन्म

https://openbiblestories.org/l/dty/story-22/

![](https://cdn.door43.org/obs/jpg/360px/obs-en-22-01.jpg)

पैइल्ली, परमेश्‍वर आफ्ना मान्सनसित आफ्ना अगमवक्ताका माध्यम बठेइ बोल्लया अर्नथ्या। तइ ४०० वर्ष सम्म मौन भयो, तइ बेला परमेश्वरले मान्सनसित बोलेइन। तब परमेश्वरले जकरिया नाउँ भया एकजना पूजारीका वाँ स्वर्गदूत पठायो। जकरिया रे उनरि स्वानी एलिशिबाले परमेश्‍वरलाइ आदर अर्यो। तिनन भौत बुढा थ्या, रे तिनले कभइ कसइ ले बच्चा जन्माएइ थिइन।

![](https://cdn.door43.org/obs/jpg/360px/obs-en-22-02.jpg)

तइ स्वर्गदूतले जकरियालाई भणयो, “तेरी स्वानी बठेइ एक चेलो हुन्या हो। तुइले उइको नाउँ यूहन्‍ना राखेइ। परमेश्वरले उनलाइ पवित्र आत्माले भरि दिन्या हुन, रे यूहन्‍नाले मान्सनलाई मसीहलाई स्वीकार अद्दाइ तयार पाड्दडया हुन!” जकरियाले जवाफ दियो, “मेरी स्वानी रे म बच्चा जन्माउनाइ निउती भौत बुढा भइसक्या छौं! तुइले मलाई साँचो भणन्छइ भणीबर मइले कसेरी था पाउन्या?”

![](https://cdn.door43.org/obs/jpg/360px/obs-en-22-03.jpg)

स्वर्गदूतले जकरियालाई जवाफ दियो, “मलाइ परमेश्‍वर बठेइ तेरा वा यो खुशीको समाचार सुणाउनाइ पठाइया हो। तुइले मलाई विश्‍वास नअर्या हुनाले बालक नजन्मिनज्या सम्मकि निउती तु बोल्ल नसक्द्या हुन्या है।” उतन्जेइ, जकरिया बोल्न नसक्द्या भया। पइ तइ दूतले जकरियालाई छाडीबर गया। तइ पछा जकरिया आफ्ना घर फर्किया रे उनकी स्वानी गर्भवती भइ।

![](https://cdn.door43.org/obs/jpg/360px/obs-en-22-04.jpg)

जब एलिशिबा गर्भवती भया ६ महिना भयाथ्यो, तेइ स्वर्गदूत अचानक एलिशिबाकी आफन्तका वाँ धेकिया, जइको नाउँ मरियम थ्यो। उन एक कन्या थिन रे योसेफ नाउँ भया मान्ससित मगनी भया थ्यो। स्वर्गदूतले भणयो, “तु गर्भवती हुनेइ हइ रे एक उटा चेलो जन्माउनेइ हइ। तुइले उनरो नाउँ येशू राख्‍देइ हइ। उन परम-प्रधान परमेश्‍वरका पुत्र हुन्या हुन रे सदा-सर्वदा राज्य अद्दया हुन।”

![](https://cdn.door43.org/obs/jpg/360px/obs-en-22-05.jpg)

मरियमले जवाफ दियो, “यो कसेरी हुन सकन्छ, जबकी म त एक कन्या हुँ?” स्वर्गदूतले भणयो, “पवित्र आत्मा तुमि आउन्या हुन, रे पवित्र आत्माको शक्ति तेरा वाँ आउन्या हुन। तबइकिलाइ त्यो बालक पवित्र, रे परमेश्‍वरको पुत्र हुन्या हो।” मरियमले स्वर्गदूतले भणया कुरणीमि विश्‍वास अरि।

![](https://cdn.door43.org/obs/jpg/360px/obs-en-22-06.jpg)

मरियमले स्वर्गदूतसित बातचित अर्या केही समय पछा, उन एलिशिबाका वा भेट्टाइ गइ। एलिशिबाले मरियमको अभिवादन सुणनजेइ, उनरा पेटभितर भया बालक उफ्डयो। परमेश्‍वरले उनरी निउती अरीदिया काममि तिनन स्वनिन रमाइन। एलिशिबाका वा तीन महिनासम्म बस्या पछा, मरियम घर फर्कि।

![](https://cdn.door43.org/obs/jpg/360px/obs-en-22-07.jpg)

यइ पछा एलिशिबाले बालक चेलो जन्माया। स्वर्गदूतले आज्ञा अर्या अनसार जकरिया रे एलिशिबाले उनरो नाउँ ‘यूहन्‍ना’ राख्यो। पइ परमेश्‍वरले आजि जकरियालाई बोल्न सक्द्या बनाइदियो। जकरियाले भणयो, “परमेश्‍वरको प्रशंसा होस, क्याकी उनले आफ्ना मान्सनलाई सहयोग अद्दाइ सम्जीया छन! तु, मेरो चेलो, सर्वोच्च परमेश्वरको अगमवक्ता हुन्या हइ। तुइले मान्सनलाई भणन्या हइ कि तमनले कसेरि तिनरा पापकि निउती क्षमा पाउन सक्दाहान!”

*बाइबल कथा: लुका १*

Audio: https://git.door43.org/OBS-TLF/dty_obs/releases/download/v1/dty_obs_v1_22_128kbps.m4a

## 23. येशूको जन्म

https://openbiblestories.org/l/dty/story-23/

![](https://cdn.door43.org/obs/jpg/360px/obs-en-23-01.jpg)

योसेफ नाउँ भया एक जना धर्मी मन्ससित मरियमको मगनी भया थ्यो।जब मरियम गर्भवती भया उनले था पायो, उनरा गर्भमि भया बालक आफ्नो होइन भणया कुरणी उनलाई था थ्यो।योसेफ मरियमलाई शर्ममि पाड्ड चाहनइन थ्या, तबइकिलाइ उनले तिनमि दया धेकाइबर गोप्य रूपमि मरियमलाई त्याग्‍दया योजना बनायो।तर उनले तसो अद्दाहइ अगाडी, उनरा सपनामि एक स्वर्गदूत उनरा वाँ आया रे उनसित कुरणी अर्यो।

![](https://cdn.door43.org/obs/jpg/360px/obs-en-23-02.jpg)

स्वर्गदूतले भणयो, “योसेफ, मरियमलाई आफ्नी स्वानीका रूपमि स्वीकार अद्दाइ जनडराइ।क्याकी उन भितर भया बालक पवित्र-आत्मा बठेइ आया हो।उनले एक चेलो जन्माउनेइ हुन।उनरो नाउँ येशू राखेइ (जइको अर्थ हो, ‘याहोवेले बचाउनाहान ’), क्याकी उनले मान्सनलाई तिनरा पाप बठेइ बचाउन्या हुन।”

![](https://cdn.door43.org/obs/jpg/360px/obs-en-23-03.jpg)

तबइकिलाइ योसेफले मरियमसित ब्या अर्यो रे उनलाई आफ्नी स्वानीका रूपमि आफ्ना घर लैया, तर बालकको जन्म नभया सम्म योसेफले मरियमसित सहवास अरेइन।

![](https://cdn.door43.org/obs/jpg/360px/obs-en-23-04.jpg)

मरियमको बच्चा जन्माउन्या समय नजिक आया बेला, योसेफ रे मरियमले बेथलेहेम सम्मको लामो यात्रा अर्या।

![](https://cdn.door43.org/obs/jpg/360px/obs-en-23-05.jpg)

रोमी सरकारले इस्राएलका देशमि भया सबइ मान्सनको गणना अद्द चायाहुनाले तिनन ता जानु पणया थ्यो। तिनन सब आफ्ना पुर्खा बस्या ठाउँमि जान चाहन्थ्या। राजा दाउद बेथलेहेममा जनम्या थ्या, रे उन मरियम रे योसेफ दुएइका पुर्खा थ्या।

![](https://cdn.door43.org/obs/jpg/360px/obs-en-23-06.jpg)

मरियम रे योसेफ बेथलेहेममि पुग्या, तर गोठ बाहेक ता बस्‍साइ निउती काइ ठाँउ थेइन।। ताइ मरियमले आफ्नो बच्चालाई जन्म दियो। मरियमले उनलाई डुँडमि राख्यो। उनले बालकको नाउँ ‘येशू’ राख्यो।

![](https://cdn.door43.org/obs/jpg/360px/obs-en-23-07.jpg)

तइ रात, नजिकैका खेतमि केइ ग्वाला आफ्ना गोठको रखवाली अद्दाथ्या।अचानक, चम्किरया एक जना स्वर्गदूत तिनरा वाँ धेका पणया, रे यो धेकिबर तिनन डराया।स्वर्गदूतले भणयो, “जनडरा, क्याकी मसित तमरा निउति केइ खुशीको खबर छ। ख्रिस्ट, मालिक, बेथलेहेममि जन्मिया छन!”

![](https://cdn.door43.org/obs/jpg/360px/obs-en-23-08.jpg)

“बालकलाई खोज्‍जजा, रे तमनले उनलाई कपडामि बेडीया रे डुँडमि सीइ राख्या भेट्या हौ।” अचानक, अग्गास स्वर्गदूतले भरियो। तिननले परमेश्‍वरको प्रशंसा अरीर्या थ्या। तिननले भणयो, “सबइ आदर स्वर्गमि भया परमेश्वरको होस। उनले कृपा अद्दया मान्सनलाई पृथ्वीमि शान्ति होस!”

![](https://cdn.door43.org/obs/jpg/360px/obs-en-23-09.jpg)

तइ पछा स्वर्गदूत गया। ग्वालाले बालक खोज्जाइ निउती आफ्नो भेडालाई छाड्यो। तिनन छिट्टाइ येशू भया ठाउँमि पुग्या रे स्वर्गदूतले तिननलाइ भणया जसेरी उनलाइ डुँडमि सीइर्या भेट्यो। तिनन भौत उत्साहित थ्या। तइ पछा ग्वाला आफ्ना भेडा भया खेतमि फर्किया। तिननले सुणया रे धेक्या सबइ कुरणीकि निउती परमेश्वरको प्रशंसा अद्दाथ्या।

![](https://cdn.door43.org/obs/jpg/360px/obs-en-23-10.jpg)

पूर्वमि टाढाका देशमि केइ मान्सन थ्या। तिननले तारा अध्ययन अर्यो रे भौत ज्ञानी थ्या। तिननले अग्गासमि एक असामान्य तारा धेक्यो। तिननले भणयो कि यइको मतलब यहूदीका एक जना नयाँ राजाको जन्म भयाछ। तबइकिलाइ उनले बच्चालाइ हेद्दाइ आफ्ना देश बठेइ यात्रा अद्दया निर्णय अर्यो। लामो यात्रा पछा, उनन बेथलेहेममि आया पइ येशू रे उनरा आमा-बुबा बस्या ठाउँ पत्ता लायो।

*जब तिन ज्ञानी मान्सनले येशूलाई उनरी आमासित धेक्यो, उनले घोप्टो पडीबर उनरो आराधना अर्यो।उनले येशूलाई बहुमूल्य उपहार चढायो।तइ पछा उनन आ-आफ्ना घर फर्किया।बाइबल कथा: मत्ती १-२; लूका २*

Audio: https://git.door43.org/OBS-TLF/dty_obs/releases/download/v1/dty_obs_v1_23_128kbps.m4a

## 24. यूहन्‍नाले येशूलाई बप्तिस्मा दियो

https://openbiblestories.org/l/dty/story-24/

![](https://cdn.door43.org/obs/jpg/360px/obs-en-24-01.jpg)

जकरिया रे एलिशिबाका चेलो यूहन्‍ना हुर्कियो रे एक अगमवक्ता भया। उन उजाड स्थानमि बस्‍नथ्या, वन मह रे सलह खान्थ्या, रे ऊँटको रौँ बठेइ बन्या लत्ता लगाउँन्थ्या।

![](https://cdn.door43.org/obs/jpg/360px/obs-en-24-02.jpg)

भौत मान्सन उजाड स्थानमि यूहन्‍नाको बचन सुणनाइ आया। उनले तिननलाई इसो भणीबर प्रचार अर्यो, “पश्‍चाताप अर, क्याकी परमेश्‍वरको राज्य नजिकै छ!"

![](https://cdn.door43.org/obs/jpg/360px/obs-en-24-03.jpg)

जब मान्सनले यूहन्‍नाको सन्देश सुणयो, तिनन मध्ये भौतले आफ्ना पाप बठेइ पश्‍चाताप अर्यो, पइ यूहन्‍नाले तिननलाइ बप्तिस्मा दियो। भौत धार्मिक अगुवा लगइ यूहन्‍नालाइ हेद्दाइ आया, तर तिननले पश्‍चाताप अरेइन अथवा आफ्ना पाप स्वीकार अरेइन।

![](https://cdn.door43.org/obs/jpg/360px/obs-en-24-04.jpg)

यूहन्‍नाले तिन धार्मिक अगुवानलाई भणयो, “ए विखालु स्याप! पश्चात्ताप अर रे आफ्नो व्यवहार परिवर्तन अर। असल फल नफलाउन्या हरेक रूखलाई परमेश्‍वरले काट्टया हुन, रे उनले तिननलाई आगामि फालिदिन्या हुन।” यूहन्नाले अगमवक्ताले भणया कुरणी पूरा अर्यो, "हेर, म छट्टाइ मेरो दूतलाई तमरा अगाडि पठाउन्या हु, जइले तमरो बाटो तयार अद्दया हुन।"

![](https://cdn.door43.org/obs/jpg/360px/obs-en-24-05.jpg)

केइ धार्मिक अगुवानले यूहन्‍नालाई उन ख्रिस्ट हुन् की भणी सोधयो। यूहन्‍नाले जवाफ दियो, “म ख्रिस्ट होइन, तर म पछा उन आउँन्ना छन। उन इति महान छन कि उनरा जुत्ताको ताना समेत खोलल्या म योग्यको आथिन।”

![](https://cdn.door43.org/obs/jpg/360px/obs-en-24-06.jpg)

अर्खो दिन, येशू यूहन्‍ना बठेइ बप्तिस्मा लिनाइ निउति आया। जब यूहन्‍नाले उनलाई धेक्यो, उनले भणयो, “हेर! ताँ परमेश्वरको थुमा हुन जइले संसारको पाप हटाउन्या हुन।"

![](https://cdn.door43.org/obs/jpg/360px/obs-en-24-07.jpg)

यूहन्‍नाले येशूलाई भणयो, “ तमलाई बप्तिस्मा दिन योग्यको म आथिन। बरू तमले मलाई बप्तिस्मा दिनु पणन्छ।” तर येशूले जवाफ दियो, “तुइले मलाई बप्तिस्मा दिनु पणन्छ, क्याकी यो अददु सहि छ।” तबइकिलाइ यूहन्‍नाले उनलाई बप्तिस्मा दियो, जबकि येशूले कभइ पाप अर्या थेइन।

![](https://cdn.door43.org/obs/jpg/360px/obs-en-24-08.jpg)

बप्तिस्मा भया पछा जब येशू पानी बठेइ बाइर आया, परमेश्‍वरको आत्मा ढुकुरका रूपमि धेकिया रे तलतिर आएर उनमि बस्‍यो। उतन्जेइ, स्वर्ग बठेइ परमेश्‍वरको आवाज इसो भणीबर आयो, “यिन मेरा प्रिय पुत्र हुन, म यिनलाई प्रेम अद्दउ रे यिन सित म भौत खुशी छु।”

![](https://cdn.door43.org/obs/jpg/360px/obs-en-24-09.jpg)

परमेश्‍वरले यूहन्‍नालाई भणया थ्यो, “पवित्र आत्मा ओलिबर आउन्या हुन रे तुइले बप्तिस्मा दिया कसइमि बस्‍सया हुन। त्यो मान्स चाइ परमेश्‍वरको पुत्र हुन।” केवल एक मानतर परमेश्‍वर छन। तर जब यूहन्‍नाले येशूलाई बप्तिस्मा दियो, उनले पिता परमेश्‍वर बोल्या सुणयो, परमेश्‍वरका पुत्र धेक्यो, जो येशू हुन, रे उनले पवित्र आत्मालाई धेक्यो।

*बाइबल कथाः मत्ती ३; मर्कूस १; लूका ३; यूहन्ना १:१५-३७*

Audio: https://git.door43.org/OBS-TLF/dty_obs/releases/download/v1/dty_obs_v1_24_128kbps.m4a

## 25. शैतानले येशूको परीक्षा अर्या

https://openbiblestories.org/l/dty/story-25/

![](https://cdn.door43.org/obs/jpg/360px/obs-en-25-01.jpg)

येशूको बप्तिस्मा भया पछा, उत्न्जेइ पवित्र आत्माले उनलाई उजाडस्थान तिर लैया। ताँ उनले चालीस दिन रे चालीस रात सम्म उपवास बस्‍या।तइ पछा शैतान येशूका वाँ आयो रे उनलाई पापमि पाड्डाइ निउती परीक्षा अर्यो।

![](https://cdn.door43.org/obs/jpg/360px/obs-en-25-02.jpg)

शैतानले इसो भणीबर येशूको परीक्षा अर्यो, “यदि तम परमेश्‍वरका पुत्र हौ भणया, यीन ढुङ्गालाई रोटामि बदल ताकि तम तइलाई खान सक!"

![](https://cdn.door43.org/obs/jpg/360px/obs-en-25-03.jpg)

तर येशूले शैतानलाई जवाफ दियो, “परमेश्‍वरको वचनमि इसो लेखिया छ, ’बाँच्‍चाइ निउती मान्सलाई रोटा मान्तर होइन, तरपरमेश्‍वरले भणया सबइ कुरणी चाइन्छ!”

![](https://cdn.door43.org/obs/jpg/360px/obs-en-25-04.jpg)

तइ पछा शैतानले येशूलाई मन्दिरका सब भणना उच्चा भागमि लइय्या, रे भणयो, “यदि तम परमेश्‍वरका पुत्र हौ भणया, तल तिर फट्टक हाल, क्याकी लेखिया छ, ‘परमेश्‍वरले तम्लाइ आफ्ना हातमि उठाउनाइ आफ्ना दूतलाई आज्ञा अद्दा हुन, ताकि तमरा खुट्टा ढुङ्गामि न ठोकिउन।‘ ”

![](https://cdn.door43.org/obs/jpg/360px/obs-en-25-05.jpg)

तर शैतानले भणया कुरणी येशूले अरेइन। बरु, उनले भणयो, “परमेश्वरले सबलाई भणना हान, ‘परम प्रभु आफ्ना परमेश्‍वरको परीक्षा जन अरेइ।’”

![](https://cdn.door43.org/obs/jpg/360px/obs-en-25-06.jpg)

तइ पछा शैतानले येशूलाई संसारका सब राज्य धेकायो। तिनन कति शक्तिशाली थ्या रे तिनन कति धनी थ्या भणीबर तइले येशुलाई दधेकायो। उइले येशूलाई भणयो, “यदि तमले घोप्टो पडीबर मेरो आराधना अर्या भणया यीन सब चिज म तमलाई दिन्या हु।”

![](https://cdn.door43.org/obs/jpg/360px/obs-en-25-07.jpg)

येशूले जवाफ दियो, “म बठेइ टाढा जा, शैतान! परमेश्‍वरको वचनमि उनले आफ्ना जनलाई आज्ञा दिनाहान, ‘परमप्रभु तिमरा परमेश्‍वरलाई मान्तर आराधना अर। उनलाई मान्तर परमेश्वरका रूपमि आदर अर।''

![](https://cdn.door43.org/obs/jpg/360px/obs-en-25-08.jpg)

येशूले शैतानको परीक्षामि आफलाई सुम्पीएइन, तबइकिलाइ शैतानले उनलाई छाडीबर गयो।पइ स्वर्गदूत आया रे येशूको सेवा टहल अर्यो।

*बाइबल कथाःमत्ती४:१-११; मर्कूस१:१२-१३; लूका४:१-१३*

Audio: https://git.door43.org/OBS-TLF/dty_obs/releases/download/v1/dty_obs_v1_25_128kbps.m4a

## 26. येशूले आफ्नो सेवकाइ शुरू अर्यो

https://openbiblestories.org/l/dty/story-26/

![](https://cdn.door43.org/obs/jpg/360px/obs-en-26-01.jpg)

शैतानका परीक्षालाइ इन्कार अर्या पछा, येशू गालीलको प्रान्तमि फर्किया। याँ उन बस्‍नथ्या। पवित्रआत्माले उनलाइ भौत शक्ति दिन्नाथ्या, येशू एक ठाउँ बठेइ अर्खा ठाउँ गया रे मान्सनलाइ सिखायो।सबइ जनाले उनरा बारेमि असल कुरणी बोल्नथ्या।

![](https://cdn.door43.org/obs/jpg/360px/obs-en-26-02.jpg)

येशूनासरतका गाउँमि गया। यइ गाउँमि उनले आफ्नो बाल्यकाल बिताया थ्यो।विश्रामको दिनमि, उन आराधना अरिन्या ठाउँमि गया।अगुवानले पढ्डाइकि निउती उनरा हातमि यशैया अगमवक्ताले लेख्या पत्र दियो। पइ येशूले पत्र खोल्यो रे तइको एक भाग मान्सनका निउति पढि दियो।

![](https://cdn.door43.org/obs/jpg/360px/obs-en-26-03.jpg)

येशूले पढ्यो, “परमेश्‍वरले मलाई पवित्र आत्मा दियो ताकि गरीबलाई म सुसमाचार सुणाउन सकु।उनले मलाई कैदीलाई छुट्कारा दिनाइ, अन्धालाई दृष्टि दिनाइ, रे थिचोमिचोमि भयालाई छुट्कारा दिनाइ उनले मलाई पठाया छ। यो त्यो समय हो जब प्रभु हामीसित दयालु हुन्या हुन रे हामलाई सहायता अद्दया हुन। "

![](https://cdn.door43.org/obs/jpg/360px/obs-en-26-04.jpg)

पइ येशू बस्‍या।सबैले उनलाइ ध्यानले हेरि रइथ्या।तिननलाई था थ्यो कि उनले भर्खरै पढ्या खण्डले ख्रिस्टका बारेमि भणया थ्यो।येशूले भण्यो, “पवित्रशास्‍त्रको यइ वचन अइल पूरा भया छ।” सबइ मान्सन चकितथ्या। “कि यिन योसेफका चेलो होइन ब?” तिननले भण्यो।

![](https://cdn.door43.org/obs/jpg/360px/obs-en-26-05.jpg)

पइ येशूले भण्यो, “यो सत्य हो कि एक भविष्यवक्ता हुर्केको शहरमि ताँ का मान्सनले उइलाई कभइ स्वीकार अद्दाइन। एलिया भविष्यवक्ताका समयमि, इस्राएलमि भौत विधवा थिन। तर जब साढे तीन वर्ष सम्म पानी पणेइन, परमेश्‍वरले एलियालाई इस्राएलमि भया विधवालाई सहायता अद्दाइ पठायइन। बरू उनले एलियालाइ और देशका विधवाका वाँ पठायो।“

![](https://cdn.door43.org/obs/jpg/360px/obs-en-26-06.jpg)

येशू यिन कुरणी भन्नाइ गया, “रे एलिशा अगमवक्ताका समयमि, छालाको रोग भया भौत मान्सन इस्राएलमि थ्या।तर एलिशाले तिनन कसैइलाई निको अरेइन।उनले केवल इस्राएलका सत्तुरको सेनापति,नामानको छालाको रोग निको अर्यो।” तर येशूलाई सुणीर्या मान्सन यहूदी थ्या।तबइकिलाइ जब तिननले उनलाइ इसो भणया सुणयो, तिनन उनसित रिसले चुर भया।

![](https://cdn.door43.org/obs/jpg/360px/obs-en-26-07.jpg)

नासरतका मान्सनले येशूलाई पकोड्यो रे उनलाई आराधनाको स्थान बठेइ घसाडीबर बाहिर निकाल्यो। रे डाँडाका डिलमि लइजाइबर उनलाई ता बठेइ खितीबर माद्दाइ खोज्यो।तर येशू भीडका बीच बठेइ भइबर निकल्या रे नासरत गाउँ छाड्यो।

![](https://cdn.door43.org/obs/jpg/360px/obs-en-26-08.jpg)

तइ पछा येशू गालीलका प्रान्तमि गया, रे ठूलो भीड उनरा वाँ आया।तिननले भौत मान्सन लेया, जो रोगी अथवा अशक्त थ्या। तिननमि हइ कोइ जोधेक्द, हिँट्ट, अथवा बोल्न सक्दाइनथ्या, रे येशूले तिननलाई निको पार्यो।

![](https://cdn.door43.org/obs/jpg/360px/obs-en-26-09.jpg)

साथै, धेरै भूतात्मा लाग्या मान्सनलाई येशूका वाँ लेया। येशूका आज्ञामि तिन भूतात्मा मान्सन बठेइ निकलिबर आया। तिनन अक्सर इसो भणीबर कला हालनथ्या, “ तम तपरमेश्‍वरका पुत्र हौ!” मान्सनकि भीड छक्क पडी, रे तिननले परमेश्वरको प्रशंसा अर्यो।

![](https://cdn.door43.org/obs/jpg/360px/obs-en-26-10.jpg)

तइ पछा येशूले आफ्ना चेलान मध्ये बार जना मान्सनलाई छान्‍यो जइलाई प्रेरित भणीयो।तिन प्रेरित येशू सितइ हिटनथ्या रे उन बठेइ सिक्नथ्या।

*बाइबल कथाःमत्ती ४:१२-२५; मर्कूस१-३ लूका ४*

Audio: https://git.door43.org/OBS-TLF/dty_obs/releases/download/v1/dty_obs_v1_26_128kbps.m4a

## 27. असल सामरीको कथा

https://openbiblestories.org/l/dty/story-27/

![](https://cdn.door43.org/obs/jpg/360px/obs-en-27-01.jpg)

एक दिन, यहूदी व्यवस्थाका एक निपुण मान्स येशूका वाँ आया। येशूले गलत तरिकाले सिकाया थ्यो भणीबर उइले सबइलाई धेकाउन चाहन्थ्यो। तबइकिलाइ उइले भण्यो, “गरुज्यू, अनन्त जीवनको हकदार हुनाइ म कि अरु?” येशूले जवाफ दियो, “परमेश्‍वरको व्यवस्थामि कि लेखिया छ?”

![](https://cdn.door43.org/obs/jpg/360px/obs-en-27-02.jpg)

तइ मान्सले जवाफ दियो, “तुइले परमप्रभु आफ्ना परमेश्‍वरलाई आफ्नो सारा हृदयले, आफ्नो सारा प्राणले, आफ्नो सारा शक्तिले रे आफ्नो सारा समझले प्रेम अर। रे आफ्नो पडउसीलाई आफइलाई जसोइ प्रेम अर।” येशूले जवाफ दियो, “तुइले ठिक भणी! यदि तुइले इसो अरी भणया, तुइले अनन्त जीवन पाउन्या हइ।”

![](https://cdn.door43.org/obs/jpg/360px/obs-en-27-03.jpg)

तर तइ व्यवस्थाको निपुण मान्सले मान्सनलाइ आफ्नो जीउन्या तरिका ठिक छ भणीबर धेकाउन चाहन्थ्यो। तबइकिलाइ उइले येशुलाइ सोध्यो, “तसो भया मेरो पडउसी को हो?”

![](https://cdn.door43.org/obs/jpg/360px/obs-en-27-04.jpg)

येशूले तइ मान्सलाई एक कथा भणीबर जवाफ दियो, “एक जना यहूदी मान्स यरूशलेमको बाटो भइबर यरिहो तिर जान्नाथ्यो।”

![](https://cdn.door43.org/obs/jpg/360px/obs-en-27-05.jpg)

“तर केइ लुटेराले उनलाई धेक्यो रे आक्रमण अर्यो।तिननले उइसित भया सबइ थोक लईया रे उइलाई अधमरो हुन्या अरीबर चुट्यो।तइ पछा तिननले तइ मान्सलाई छाडीबर ताँ बठेइ गया।

![](https://cdn.door43.org/obs/jpg/360px/obs-en-27-06.jpg)

“तइका केइ बेर पछा, एक जना यहूदी पूजारी लगइ संयोगवश तसइ बाटा भइबर जाँन्नाथ्यो।जब तइ धार्मिक अगुवाले तइ लुटिया रे घायल पारिया मान्सलाई धेक्यो, उन बाटाका पल्ला किनार तिर गया रे तइ मान्सलाइ बेवास्त्ता अर्यो, रे आफ्नो बाटो लाग्या।”

![](https://cdn.door43.org/obs/jpg/360px/obs-en-27-07.jpg)

“तइका के इ बेर पछा, एक जना लेवी लगइ तसइ बाटा भइबर आयो। (लेवी यहूदीका एक कुल थ्यो, जइले मन्दिरमि पूजारीलाई सहायता अर्नथ्या। ) तइ लेवीले लगइ बाटाका पल्ला किनार बठेइ गयो रे तइ लुटिया रे घायल परिया मान्सको वास्ता अरेइन।”

![](https://cdn.door43.org/obs/jpg/360px/obs-en-27-08.jpg)

“तसइ बाटा भइबर जानेइ अर्खो मान्स एक जना सामरी थ्यो। (सामरी रे यहूदी अर्खालाई घृणा अर्नथ्या।) तइ सामरीले तइ मान्सलाई बाटामि धेक्यो। उसले था भयो कि उ एक यहूदी हो, पइलगइ उन प्रति भौत दयालु भया। तबइकिलाइ उन तइ मान्सका वाँ गया रे उनरा घामि पट्टी लाइदियो।”

![](https://cdn.door43.org/obs/jpg/360px/obs-en-27-09.jpg)

“पई तइ सामरीले तइ यहूदीलाई आफ्ना गधामि चढायो। उइलाई बाटाका किनारमि एक पौवामि लइया। ताँ का तइ सामरीले उइको स्याहार अर्‍यो।”

![](https://cdn.door43.org/obs/jpg/360px/obs-en-27-10.jpg)

“अर्खो दिन, तइ सामरीले आफ्नो यात्रालाई निरन्तरता दिनु पड्डया थ्यो।उइले तइ पौवाको मालिकलाई केइ पैसा दिबर भण्यो, ‘उइको ख्याल अरेइ, रे यदि तुलाई यइहइ बढी खर्च लागेले, म फर्किबर आउन्जया, त्यो खर्च तिरि दिन्या हु।’”

![](https://cdn.door43.org/obs/jpg/360px/obs-en-27-11.jpg)

तइ पछा येशूले व्यवस्थाका तइ निपुण मान्सलाई सोध्‍यो, “तुलाइ कि लाग्न्छ? तिन मध्ये को तइ लुटिया रे घायल पारिया मानसको छिमेकी को हो?” उइले जवाफ दियो, “त्यइ, जो उन प्रति दयालु थ्यो।” येशूले तिनलाई भण्यो, तु लगइ जा रे तसोइ अर।”

*बाइबल कथाःलूका१०:२५-३७*

Audio: https://git.door43.org/OBS-TLF/dty_obs/releases/download/v1/dty_obs_v1_27_128kbps.m4a

## 28. धनी जवान शासक

https://openbiblestories.org/l/dty/story-28/

![](https://cdn.door43.org/obs/jpg/360px/obs-en-28-01.jpg)

एकदिन, एकजना धनी जवान शासक येशूका वा आयो रे सोध्यो, “असल गुरू, अनन्त जीवन पाउनाइ निउती मैले कि अददु पणन्छ?” येशूले उइलाई भण्यो, “क्याइ तु मलाई ‘असल’ भणन्छइ? एकजना मानतर असल छन, रे उन भणया परमेश्‍वर हुन। तर यदि तु अनन्त जीवन चाहन्छइ भणया, परमेश्‍वरका आज्ञा पालन अर।”

![](https://cdn.door43.org/obs/jpg/360px/obs-en-28-02.jpg)

“तिनमि हइ को को चाहिँ मैले पालन अददु पणन्छ?” उइले सोध्यो। येशूले भण्यो, “हत्या नअददु। व्यभिचार नअददु। नचोदुद्र्नू। झूटो नबोल्लु। आफ्नो आमा-बुबाको आदर अददु, र आफ्नो छिमेकीलाई तुइले आफइलाई जसेरी प्रेम अददु।”

![](https://cdn.door43.org/obs/jpg/360px/obs-en-28-03.jpg)

तर तइ जवान मान्सले भण्यो, “मैले यीन सबै आज्ञा म नानो केटो छन्ज्या बठेइ अद्दोइ आया छु। मैले आजि कि अददु पणन्छ ताकि म सदाइकि निउती जिऊन सकूँ?” येशूले तइ मान्सलाई हेर्यो रे प्रेमले भरिया।

![](https://cdn.door43.org/obs/jpg/360px/obs-en-28-04.jpg)

येशूले जवाफ दियो, “यदि तु सिद्ध हुन चाहन्छइ भणया जा रे तु सित भया सब थोक बेच रे तइ बठेइ आया पैसा गरीबलाई दे, रे स्वर्गमि तेरो धन हुन्या हो। तइ पछा आ रे मेरा पछा लाग।”

![](https://cdn.door43.org/obs/jpg/360px/obs-en-28-05.jpg)

जब तइ जवान मान्सले येशूले भणया कुरणी सुणयो, उ भौत दुःखित भयो, क्याकी उ भौत धनी थ्यो पइ आफ सित भया सब थोक दिन राजी थेइन। उ ता बठेइ फर्किबर गयो।

![](https://cdn.door43.org/obs/jpg/360px/obs-en-28-06.jpg)

पइ येशूले उनरा चेलालाई भण्यो, “धनी मान्सनलाई परमेश्‍वरका राज्यमि पस्स भौत असजि छ! हो, धनी मान्सलाइ परमेश्‍वरको राज्यमि प्रवेश अद्दा हइ ऊँटलाई सुयाको नाक बठेइ छिद्द सजि छ।”

![](https://cdn.door43.org/obs/jpg/360px/obs-en-28-07.jpg)

जब चेलाले येशूले भणया कुरणी सुणयो, उनन छक्क पडया।तिननले भण्यो, “तसो भया परमेश्वरले कइलाइ बचाउन सक्दाहान पइ?”

![](https://cdn.door43.org/obs/jpg/360px/obs-en-28-08.jpg)

येशूले तिन चेलाकि तिर हेर्यो रे भण्यो, “मान्सनले आफइलाई बचाउन असम्भव छ। तर परमेश्‍वरकि निम्ति सब कुरणी सम्भव छन।”

![](https://cdn.door43.org/obs/jpg/360px/obs-en-28-09.jpg)

पत्रुसले येशूलाई भण्यो, “हाम शिष्याले सब कुरणी छाडीबर तमलाई पछ्या छौँ। हामरि निउती इनाम कि हुन्या हो?”

![](https://cdn.door43.org/obs/jpg/360px/obs-en-28-10.jpg)

येशूले जवाफ दियो, “जइले मेरो नाउँको खातिर आफ्ना घर, दाइ भाइ, दिदीबहिनी, बा, आमा, चेला चेली, अथवा धन-सम्पत्ति छाड्या छन्, उनन सबैले सय गुणा बढी पाउन्या हुन रे उनले अनन्त जीवन लगइ पाउन्या हुन। तर भौत जना जो पहिला छन् उनन पछिल्ला हुन्या हुन, रे पछिल्ला हुन्या चाहिँ पहिला हुन्या हुन।”

*बाइबल कथा: मत्ती १९:१६-३०; मर्कूस १०:१७-३१; लूका १८:१८-३०*

Audio: https://git.door43.org/OBS-TLF/dty_obs/releases/download/v1/dty_obs_v1_28_128kbps.m4a

## 29. निर्दयी नोकरको कहानी

https://openbiblestories.org/l/dty/story-29/

![](https://cdn.door43.org/obs/jpg/360px/obs-en-29-01.jpg)

एकदिन, पत्रुसले येशूलाई सोध्यो, “मालिक, मेरो भाइले मेरो विरुद्धमि पाप अरन्छ भणया मैले उइलाई कति बेर क्षमा दिऊँ? कि सात बेर?” येशुले भण्यो, “सात बेर होइन, तर सात गुणा सत्तरी बेर!” यइ बठेइ येशूले भणनुको अर्थ थ्यो कि हामले सदाइ क्षमा अद्दु पणन्छ। तइ पछा येशूले यो कथा भण्यो।

![](https://cdn.door43.org/obs/jpg/360px/obs-en-29-02.jpg)

येशुले भण्यो,“परमेश्‍वरको राज्य भणया एक राजा जसो हो, जसले आफ्ना नोकरसित हिसाब-किताब सुल्झाउन चाह्यो। उनरा नोकर मध्ये एकजनाले करिब २,००,००० सम्मको मजदुरीको ऋण थ्यो।”

![](https://cdn.door43.org/obs/jpg/360px/obs-en-29-03.jpg)

“तर तइ नोकरले आफ्नो ऋण तिर्न नसक्या हुनाले राजाले तइ नोकरलाई भण्यो, ‘यइ मान्स रे यइका परिवारलाई दासका रूपमि बेचिदिय, ताकि यइले आफ्नो ऋण चुक्ता अद्द सकउ।’”

![](https://cdn.door43.org/obs/jpg/360px/obs-en-29-04.jpg)

“तइ नोकरले राजाको सामु आफ्नो घुँडा टेक्यो रे भण्यो, ‘कृपया मसित धैर्य अर, रे मैले तमलाई तिद्द बाँकी रयाको सब रकम म तमलाई तिरिदिन्या हु।’ राजालाई तइ नोकरसित दया लग्यो, तबइकिलाइ उनले तइ नोकरका सब ऋण चुक्ता अरिदियो रे उइलाई जान दियो।”

![](https://cdn.door43.org/obs/jpg/360px/obs-en-29-05.jpg)

““तर जब त्यो नोकर राजाका नजर बठेइ बाइर गयो, तइले अर्को एकजना संगी-नोकरलाई भेट्यो जो उइको चार महिनासम्म मजदुरीको ऋणी थ्यो। तइ नोकरले आफ्नो संगी-नोकरलाई समायो रे भण्यो, ‘तुइले म बठेइ लिया ऋण तिरिहाल

![](https://cdn.door43.org/obs/jpg/360px/obs-en-29-06.jpg)

“तइ संगी-नोकरले आफ्नो घुँडा टेक्यो रे भण्यो, ‘कृपया मसित धैर्य अर। तमलाई तिद्द बाँकी रया सब पैसा म तिरिदिउलो।’ तर तइ नोकरले त आफ्नो संगी नोकरले ऋण नतिरन्ज्या सम्म तइलाई झ्यालखानामि हालिदियो।”

![](https://cdn.door43.org/obs/jpg/360px/obs-en-29-07.jpg)

“त्यो घटना धेक्दार्या केइ और नोकरलाई यो घटनाले भौत निराश बनायो। तिनन राजाका वा गया रे उनलाई सब कुरणी भणीदियो।”

![](https://cdn.door43.org/obs/jpg/360px/obs-en-29-08.jpg)

“राजाले त्यस नोकरलाई बोलाए र भने, ‘तँ दुष्ट नोकर! मैले तिम्रो ऋण माफ गरें किनभने तिमीले मलाई बिन्ती गर्यौ। तिमीले पनि त्यसै गर्नुपर्थ्यो।’ राजा यति रिसाए कि उसले आफ्नो सबै ऋण नतिरे सम्म दुष्ट नोकरलाई झ्यालखानामा हालिदिए।”

![](https://cdn.door43.org/obs/jpg/360px/obs-en-29-09.jpg)

पइ येशूले भण्यो, “यदि तमनले आफ्नो हृदय बठेइ आफ्नो भाइलाई क्षमा दियानु भणया स्वर्गमि हुन्या मेरा पिताले लगइ तमन हरेकलाई तसोइ अद्द्या हुन।”

*बाइबल कथा: मत्ती १८:२१-३५*

Audio: https://git.door43.org/OBS-TLF/dty_obs/releases/download/v1/dty_obs_v1_29_128kbps.m4a

## 30. येशूले पाँच हजार मान्सनलाई ख्वायाको

https://openbiblestories.org/l/dty/story-30/

![](https://cdn.door43.org/obs/jpg/360px/obs-en-30-01.jpg)

मान्सनलाई प्रचार अद्दाइ रे शिक्षा दिनाइ येशूले आफ्ना शिष्यालाई अलग अलग ठाँउमि पठायो। जब उनन येशू भया ठाँउमि फर्कीबर आया, उनले अर्या काम उनलाई भणीदियो। तइ पछा येशूले उनलाई आफसित समुन्द्रका पल्ला किनार, एक शान्त ठाँउमि गइबर केइ समय आराम अद्दाइ बोलायो। तबइकिलाइ, उनन एक डुंगामि चडीबर समुन्द्रका पल्ला किनार तिर गया।

![](https://cdn.door43.org/obs/jpg/360px/obs-en-30-02.jpg)

तर ता भौत मान्सन थ्या, जइले येशू रे उनरा शिष्यालाई डुंगामि चडीबर और ठाउँमा जाननार्या धेक्या थ्यो। यीन मान्सन लगइ उनन हइ पइल्ली समुन्द्रका पल्ला किनार पुग्‍दया दाउले किनारै किनार भइबर दौडीया। तबइकिलाइ, जब येशू रे शिष्या तइ ठाउँमि पुग्‍या, मान्सनको ठूलो भीड ता पइल्ली उनलाई पखीरइथ्या।

![](https://cdn.door43.org/obs/jpg/360px/obs-en-30-03.jpg)

तइ भीडमि स्वानीन रे बालक बाहेक, करिब ५,००० बैकान थ्या। येशूले तिन मान्सनलाई भौत दया धेकायो। येशूकि निउती, तिन मान्सन गोठालो नभया भेडा सरह थ्या। तबइकिलाइ उनले तिननलाई शिक्षा दियो रे तिनन मध्य रोगी मान्सनलाई निको बनायो।

![](https://cdn.door43.org/obs/jpg/360px/obs-en-30-04.jpg)

दिनका छाड्डीबेर, शिष्याले येशूलाई भण्यो, “आब त ढिला भइय्यो रे या नजिकै कोइ बस्ती लगइ आथिन। यीन मान्सनलाई पठाइ दिय ताकि यिननले खानकि निउती केइ पाउन सकून।”

![](https://cdn.door43.org/obs/jpg/360px/obs-en-30-05.jpg)

तर येशूले शिष्यालाई भण्यो, “तमनइले तिननलाई केइ खानाइ दिय!” तिननले जवाफ दियो, "हाम कसेरी यो अद्द सक्दाउ? हामसित पाँच रोटा रे दुई नाना माछा मान्तर छन।”

![](https://cdn.door43.org/obs/jpg/360px/obs-en-30-06.jpg)

येशूले भीडमि भया मान्सनलाई पचास-पचास जनाको समुहमि बस्‍स ला भणीबर शिष्यालाई भण्यो।

![](https://cdn.door43.org/obs/jpg/360px/obs-en-30-07.jpg)

पइ येशूले तिन पाँच रोटी रे दुई माछा समायो रे, मल्तिर स्वर्गतिर हेर्यो, पइ खानेकुरणीकि निउती परमेश्‍वरलाई धन्यवाद दियो।

![](https://cdn.door43.org/obs/jpg/360px/obs-en-30-08.jpg)

तइ पछा येशूले रोटी रे माछालाई टुक्रा-टुक्रा बनाइ टुटायो। उनले तिन टुक्रा मान्सनलाई बाँडिदिनाइ निउती शिष्यालाई दियो। शिष्याले खाने कुरणी बाँडि राख्यो, रे त्यो कभइ सकिएइन! सबइ मान्सनले खायो रे सन्तुष्ट भया।

![](https://cdn.door43.org/obs/jpg/360px/obs-en-30-09.jpg)

तइ पछा, शिष्याले उपर्या खानेकुरा जम्मा अर्यो, रे त्यो करिब बाह्र डाला थियो! सबैलाइ खाना पाँच रोटी रे दुई माछा बाट पुग्यो।

*बाइबल कथा: मत्ती १४:१३-२१; मर्कूस ६:३१-४४; लूका ९:१०-१७; यूहन्‍ना ६:५-१५*

Audio: https://git.door43.org/OBS-TLF/dty_obs/releases/download/v1/dty_obs_v1_30_128kbps.m4a

## 31. येशू पानीमि हिट्या

https://openbiblestories.org/l/dty/story-31/

![](https://cdn.door43.org/obs/jpg/360px/obs-en-31-01.jpg)

भीडलाई खवाया पछा येशूले शिष्यालाइ डुङ्गामि चढीबर समुन्द्रका पल्ला किनारतिर जानाउ भण्यो। तबइकिलाइ शिष्या गया, रे येशूले भीडलाई तिनरा घरमि पठायो। तइ पछा उन प्रार्थना अद्दाइ निउती डाँडातिर उकल्या। येशू ता एक्लाइ थ्या, रे रात अबेला सम्म प्रार्थना अरिराख्यो।

![](https://cdn.door43.org/obs/jpg/360px/obs-en-31-02.jpg)

तइ बेला शिष्या आफ्ना डुङ्गा खियाउन्ना थ्या, तर शक्तिशाली आँधी उनरा उल्टा तिर चलिरइथ्यो। राति अबेला सम्ममि लगइ उनन समुन्द्रका बीच भागसम्म मान्तर पुग्या थ्या।

![](https://cdn.door43.org/obs/jpg/360px/obs-en-31-03.jpg)

येशूले प्रार्थना अरी सक्या पछा उन शिष्याका वाँ गया। उन समुन्द्रका पानीमि हिट्टाइ उनन भया डुङ्गातिर गया।

![](https://cdn.door43.org/obs/jpg/360px/obs-en-31-04.jpg)

जब शिष्याले येशूलाई धेक्यो। उनन भौत डराया क्याकी तिननले कसइ भूत धेक्या भणी सोच्चाथ्या। उनन डराया छन् भणी येशूलाई था थ्यो, तबइकिलाइ उनले तिननलाई बोलायो रे भण्यो, “जनडरा। म हुँ!”

![](https://cdn.door43.org/obs/jpg/360px/obs-en-31-05.jpg)

तब पत्रुसले येशूलाई भण्यो, “गुरूज्यू, यदि तमइ हो भणया, मलाई तमरा वा पानीमि आउन्या आज्ञा दिय।” येशूले पत्रुसलाई भण्यो, “आइ!”

![](https://cdn.door43.org/obs/jpg/360px/obs-en-31-06.jpg)

तबइकिलाइ पत्रुस डुङ्गा बठेइ बाहिर निक्ल्यो रे पानीमि येशू तिर हिट्ट लाग्यो। तर केइ बेर हिँट्या पछा, उइले आफ्ना आँखा येशू बठेइ हटाइबर छालतिर हेद्द रे आँधीलाई महसुस अद्द लाग्यो।

![](https://cdn.door43.org/obs/jpg/360px/obs-en-31-07.jpg)

तब पत्रुस डरायो रे डुब्‍द लाग्यो। उ इसो भणनोइ कला हाल्ल लाग्यो, “गुरूज्यू, मलाई बचा!” उत्न्जेइ येशूले अगाडि आइबर उइलाई समायो। तइपछा उनले पत्रुसलाई भण्यो, “तुसित इति थोक्काइ विश्वास छ! क्याइ तुलाइ सुरक्षित राख्नदाइ ममि भरोसा अरीनि?”

![](https://cdn.door43.org/obs/jpg/360px/obs-en-31-08.jpg)

तब पत्रुस रे येशू डुङ्गामा चड्या, रे आँधी उत्न्जेइ रोकियो। पानी शान्त भयो। चेला चकित भया रे येशुका अगाडी घोप्टो पणयो। उनले इसो भणनाइ येशूको आराधना अर्यो, “साँच्चि, तम परमेश्‍वरका पुत्र हौ।”

*बाइबल कथा: मत्ती १४:२२-३३; मर्कूस ६:४५-५२; यूहन्‍ना ६:१६-२१*

Audio: https://git.door43.org/OBS-TLF/dty_obs/releases/download/v1/dty_obs_v1_31_128kbps.m4a

## 32. येशूले भूतात्मा लाग्या मान्स रे रोगी स्वानीलाई निको बनाया

https://openbiblestories.org/l/dty/story-32/

![](https://cdn.door43.org/obs/jpg/360px/obs-en-32-01.jpg)

येशू र उनरा शिष्या डुङ्गामि चडीबर समुन्द्रका पारिबटा गेरासेनस मान्सन भया क्षेत्रमि गया। तिनन किनारमि पुग्या रे डुङ्गा बठेइ ओंल्या।

![](https://cdn.door43.org/obs/jpg/360px/obs-en-32-02.jpg)

ता एक जना भूतात्मा लाग्या मान्स थ्यो।

![](https://cdn.door43.org/obs/jpg/360px/obs-en-32-03.jpg)

यो मान्स इति बलियो थ्यो कि कसैले लगइ उइलाई सम्हाल्न सक्दाइनथ्या। मान्सनले उइका हात रे खुट्टा साङ्गलाले बाँधिदिया थ्यो, तर उइले तिन साङ्गला टुटाइ दिन्थ्यो।

![](https://cdn.door43.org/obs/jpg/360px/obs-en-32-04.jpg)

त्यो मान्स तइ इलाकाको चिहान भया ठाँउतिर बस्‍सया अर्न्थ्यो। त्यो मानिस हरेक दिन-हरेक रात कला हाल्न्थ्यो। उइले केइ लत्ता लाउनथेइन, रे आफइलाई बेर बेरी ढुङ्गाले हाणनथ्यो।

![](https://cdn.door43.org/obs/jpg/360px/obs-en-32-05.jpg)

त्यो मान्स येशूका वा दौडीबर उनरा अगाडी घोप्टो पड्यो।तब येशूले तइ मान्समि भया भूतात्मालाई भण्यो, “यइ मान्स बठेइ बाहिर आ!”

![](https://cdn.door43.org/obs/jpg/360px/obs-en-32-06.jpg)

भूतात्मा लाग्या मान्स ठुला स्वरमि कला हाल्ल पस्यो, “ तम म बठेइ कि चाहानछौ, येशू, परमप्रभु परमेश्‍वरका पुत्र? कृपया मलाई जनसता!” तब येशुले भूतात्मालाइ सोध्यो, “तेरो नाउ कि हो?” तइले जवाब दियो, “मेरो नाउ फौज हो, क्याकी हाम भौत छौ।“

![](https://cdn.door43.org/obs/jpg/360px/obs-en-32-07.jpg)

तिन भूतात्माले येशूलाई बिन्ती अर्यो, “कृपया हामलाई यइ इलाका बठेइ बाहिर जननिकाल!” ता डाँडाको भीरतिर सुगुरको एक ठुलो बगाल चद्दा थ्यो। तबइकिलाइ तिन भुतात्माले येशुलाइ बिन्ति अर्यो, बरु हामलाई सुगुर भितर जान दिय!” येशुले भण्यो, “ठिक छ, तिनन भितर जा!”

![](https://cdn.door43.org/obs/jpg/360px/obs-en-32-08.jpg)

तबइकिलाइ तिन भूतात्मा तइ मान्स बठेइ बाहिर आया रे सुंगुर भितर पस्या। तिन सुंगुर दौडीबर भीर बठेइ समुन्द्रमि झडया रे डुब्या। तइ बगालमि करिब २,००० सुंगुर थ्या।

![](https://cdn.door43.org/obs/jpg/360px/obs-en-32-09.jpg)

जब तिन सुंगुर चराउन्या मान्सले तइ घटना धेक्यो, तिनन बस्तीतिर भाग्या। ता तिनन सबइ जनालाई येशूले अर्या काम भणी दियो। मान्सन तइ बस्ती बठेइ निकलिबर आया रे भूतात्मा भया तइ मान्सलाई धेक्यो। उ शान्तसित बस्या थ्यो, लत्ता लाया थ्यो, रे साधारण मान्सकि जसेरी व्यवहार अद्दा थ्यो।

![](https://cdn.door43.org/obs/jpg/360px/obs-en-32-10.jpg)

मान्सन भौत डराया थ्या रे तिननले येशूलाई ता बठेइ निकलिबर जानाइ बिन्ति अर्यो। तबइकिलाइ येशू डुंङ्गामि पस्या। भूतात्मा लाग्या तइ मान्सले लगइ येशूसितइ जानाइ बिन्ती अर्यो।

![](https://cdn.door43.org/obs/jpg/360px/obs-en-32-11.jpg)

तर येशूले तइ मान्सलाई भण्यो, “होइन। म चाहानउ कि तु आफ्ना घर फर्किबर जा रे सबलाइ परमेश्‍वरले तेरी निउती अर्या काम भण। तिननलाइ भण कि कसेरी उनले तुमि दया धेकायो।”

![](https://cdn.door43.org/obs/jpg/360px/obs-en-32-12.jpg)

तबइकिलाइ त्यो मान्स ता बठेइ गयो रे सबैलाई येशूले उइकि निउती अर्या कामको बखान अर्‍यो। उइको कथा सुणन्या सब जना आश्‍चर्यचकित भया।

![](https://cdn.door43.org/obs/jpg/360px/obs-en-32-13.jpg)

येशू समुन्द्रका पारिबटा हइ फर्किया। उन तइ ठाउँमि आया पछा, एक ठूलो भीड उनरा चारैतिर जम्मा भयो रे उनलाई धकेल्ल लाग्या। तइ भीडमि एकजना स्वानी थिन जसले बाह्र वर्ष बठेइ रक्तस्राबको पीडा भोग्दा थिन। उनले आफ्नो सब पैसा निको हुनाइ निउती वैद्यलाई तिरिसकेकी थिन, तर उनरो अवस्था झिक खराब हुन्ना थ्यो।

![](https://cdn.door43.org/obs/jpg/360px/obs-en-32-14.jpg)

येशूले भौत रोगी मान्सलाई निको बनायो थ्यो भणन्या कुरणी तिनले सुणया थिन। तिनले सोचिन, “मलाई पक्का छ कि यदि मैले येशूका लत्ता मान्तर छुन सक्या भणया लगइ, म निको हुन्या हु!” तबइकिलाइ तिन येशुका पछा आया रे उनरा लत्ता छोयो। तिनले उनरा लत्ता छुन्जेइ रक्तस्राब बन्द भयो!

![](https://cdn.door43.org/obs/jpg/360px/obs-en-32-15.jpg)

उत्न्जेइ, येशूले आफ्नो शक्ति उन बठेइ निकलिबर गया चाल पायो। तबइकिलाइ उन पछाडि फर्किया रे सोध्यो, “मलाई कइले छोयो?” शिष्याले जवाफ दियो, “तमरा वरिपरि मान्सको भीड छ, जइले घचेट्टाछन् रे ठेलमठेला अद्दा छन, रे पइलगइ मलाई कइले छोयो भणीबर क्याइ सोध्‍नछौ?”

![](https://cdn.door43.org/obs/jpg/360px/obs-en-32-16.jpg)

त्यो स्वानी कामिबर रे भौत डराइबर येशूका अगाडी घुड़ामा बसि। पइ उइले कि अरेइ थि त्यो उनलाई भणीदियो, रे उन निको भया। येशूले उनलाई भण्यो, “तेरो विश्‍वासले तुलाई निको पारेको छ। शान्तसित जा।”

*बाइबल कथा: मत्ती ८:२८-३४; ९:२०-२२; मर्कूस ५; लूका ८:२६-४८*

Audio: https://git.door43.org/OBS-TLF/dty_obs/releases/download/v1/dty_obs_v1_32_128kbps.m4a

## 33. किसानको कथा

https://openbiblestories.org/l/dty/story-33/

![](https://cdn.door43.org/obs/jpg/360px/obs-en-33-01.jpg)

एकदिन, येशू समुन्द्रका किनारमि ठूलो भीडलाई शिक्षा दिन्ना थ्या। उनरा कुरणी सुणनाइ इति भौत मान्सन आया कि बोल्लाइ निउती ठिक ठाउँ होस भणीबर येशू समुन्द्रका किनारमि भया डुङ्गामि चड्या। उन डुङ्गामि बस्‍या रे मान्सनलाई सिकाउन लाग्या।

![](https://cdn.door43.org/obs/jpg/360px/obs-en-33-02.jpg)

येशूले यो कथा भण्यो, “एकजना किसान बि बुनाइ निउती बाहिर निक्ल्यो। जब उ बि बुन्ना थ्यो, केइ बि बाटाइमि झडयो। तर चरा आया रे तिन सबइ बि खाइदियो।”

![](https://cdn.door43.org/obs/jpg/360px/obs-en-33-03.jpg)

“और केइ बि ढुङ्गेनी जमीनमि पड्या, जा माटी थोकाइ थ्यो। ती ढुङ्गेनी जमीनमि पड्या बि छिटाइ उम्र्या, तर तिनरा जडा गइलो माटि भितर जान सक्द्या थेइन। जब घाम लाग्यो रे गर्मी हुन लाग्यो, तिन बोट ओइलाइबर मर्या।”

![](https://cdn.door43.org/obs/jpg/360px/obs-en-33-04.jpg)

“और केइ बि काँढेदार झाडी भया ठाउँमि परड्या। तिन बि बड्ड त बड्या, तर काडाले तिन बोटलाई निसासिदियो। तबइकिलाइ काडा भया जमीनमि उमर्या बोटले कुनै फल फलाएन।”

![](https://cdn.door43.org/obs/jpg/360px/obs-en-33-05.jpg)

“और बि असल माटि भया जमीनमि पड्यो। यीन बि उमर्या रे रोप्या बी भणना ३०, ६० वा अझ १०० गुणा बरता फल दियो। जइले परमेश्वरलाई पछ्याउन चाहन्छ, उइले मइले भणया कुरामि ध्यान दीओस्!”

![](https://cdn.door43.org/obs/jpg/360px/obs-en-33-06.jpg)

यइ कथाले चेलालाई अलमल्लमि पाड्यो। तबइकिलाइ येशूले बुझायो, “बि चाहिँ परमेश्‍वरको वचन हो। बाटो चाहिँ त्यो मान्स हो जइले परमेश्‍वरको वचन त सुणन्छ, तर तइलाई बुज्जइन। त्यो भणया शैतानले उइलाई यइ बुज्ज बठेइ रोक्न्छ।”

![](https://cdn.door43.org/obs/jpg/360px/obs-en-33-07.jpg)

“ढुङ्गेनी जमीनमि बोइया चाहिँ त्यो मान्स हो जइले परमेश्‍वरको वचन सुणन्छ रे यइलाई हर्षसित ग्रहण अरन्छ। तर जब उइले कष्ट भोग्न्छ, वा और ममान्सनले उइलाई दुःख दिनाहान, उ परमेश्वर बठेइ टाढा हुन्छ।” त्यो भणया उइले परमेश्वरमि भरोसा अद्द छोड्न्छ।”

![](https://cdn.door43.org/obs/jpg/360px/obs-en-33-08.jpg)

“काडेदार जमीनमा बोइया चाहिँ त्यो मान्स हो जइले परमेश्‍वरको वचन सुणन्छ। “काँडा जमिन भणया परमेश्‍वरको वचन सुणन्या मान्स हो। तर उइले भौत कुरणीको चिन्ता अद्द पसन्छ, रे उइले भौत पैसा कमाउन्या प्रयास अरन्छ, रे उइले भौत चीज पाउन्या प्रयास अरन्छ। केइ समय पछा, उइले आब परमेश्वरलाई प्रेम अद्द सक्षम हुनइन। तबइकीलाई उइले परमेश्वरको वचन बठेइ सिक्या कुरणीले उइलाई परमेश्वरलाई खुसी बनाउन सक्दइन। ऊ गहुँको डाँठ जसोई हो जइले केइ दाना फलाउनइन।”

![](https://cdn.door43.org/obs/jpg/360px/obs-en-33-09.jpg)

“तर असल जमीनमि बोइया चाहिँ त्यो मान्स हो, जइले परमेश्‍वरको वचन सुणन्छ, तइलाई विश्‍वास अरन्छ, रे फल फलाउँछ।”

*बाइबल कथा: मत्ती १३:१-२३; मर्कूस ४:१-२०; लूका ८:४-१५*

Audio: https://git.door43.org/OBS-TLF/dty_obs/releases/download/v1/dty_obs_v1_33_128kbps.m4a

## 34. येशूले और कथा सिकायो

https://openbiblestories.org/l/dty/story-34/

![](https://cdn.door43.org/obs/jpg/360px/obs-en-34-01.jpg)

परमेश्‍वरको राज्यका विषयमि येशूले और भौत कथा भण्यो। उदाहरणकि निउती, उनले भण्यो, “परमेश्‍वरको राज्य एक रायोको बि जसोइ हो, जो कसइले आफ्नो खेतमि लायो। तमनलाई थाइ छ, कि रायोको बि, बि मध्ये सब हइ नानो हुन्छ।”

![](https://cdn.door43.org/obs/jpg/360px/obs-en-34-02.jpg)

“तर जब रायोको बि बढ्छ, तब त्यो बारीका बोटमि सब हइ ठूलो हुन्छ, इति ठूलो कि चराले लगइ आइबर तइका हाँगामि आराम अद्दाहान।”

![](https://cdn.door43.org/obs/jpg/360px/obs-en-34-03.jpg)

येशूले अर्खो कथा भण्यो, “परमेश्‍वरको राज्य खमिर जसो हो जो एक स्वानीले रोटी बनाउन्या ढुल्लाको डल्लासित मिसायो, र त्यो खमीरले ढुल्लाको सबइ डल्लालाई खमिरी बनाइदियो।”

![](https://cdn.door43.org/obs/jpg/360px/obs-en-34-04.jpg)

“परमेश्‍वरको राज्य एक गाढधन जसो लगइ हो, जो कसइ मान्सले जमिन भितर लुकाइबर राख्या थ्यो। कोइ अर्को एक जना मान्सले तइ गाढधन पायो रे तइलाइ लिन खोज्यो। तबइकिलाइ उइले आजि त्यो धनलाइ गाड्यो। पइ उ खुसीले इति प्रफुल्ल भयो कि उइले गइबर आफसित भया सबइ चिज बेच्यो, ताकि उइले तइ बठेइ आया पैसाले त्यो खेत किन्न सकउ।”

![](https://cdn.door43.org/obs/jpg/360px/obs-en-34-05.jpg)

“परमेश्‍वरको राज्य सिद्ध मोती जसो लगइ हो, जो भौत मूल्यवान हुन्छ। जब कोइ एक मोती व्यापारीले तइलाई पायो, उइले आफूसित भया सबइ थोक बेच्यो, ताकि उसले तइ बठेइ आया पैसाले तइ मोती किन्न सकउ।”

![](https://cdn.door43.org/obs/jpg/360px/obs-en-34-06.jpg)

ता केइ मान्सन थ्या जइले सोच्या थ्यो कि परमेश्वरले तिननलाई स्वीकार अद्दाहान क्याकी तिननले असल काम अद्दाथ्या। तिन मान्सनले असल काम नअद्दया औरलाई तुच्छ माणन्थ्या। तबइकिलाइ येशूले तिननलाई यो कथा सुणायो: “दुई जना मान्सन मन्दिरमि प्रार्थना अद्दाइ गया। तिन मध्ये एक कर उठाउन्या मान्स थ्यो, रे अर्कोचाहिँ एक जना धार्मिक अगुवा थ्यो।”

![](https://cdn.door43.org/obs/jpg/360px/obs-en-34-07.jpg)

“तइ धार्मिक अगुवाले इसो भणनोइ प्रार्थना अर्‍यो, ‘धन्यवाद, परमेश्‍वर, म और मान्सन जसो पापी आथिन। जसो : लुटेरा, अन्यायी मान्सन, व्यभिचारी, अथवा त्यो कर उठाउन्या मान्स।’”

![](https://cdn.door43.org/obs/jpg/360px/obs-en-34-08.jpg)

“म हरेक हप्ता दुई बेर उपवास बस्सउ रे मैले पाया सबइ पैसा रे सबइ थोकको दशौँ हिस्सा तमलाई दिनउ।”

![](https://cdn.door43.org/obs/jpg/360px/obs-en-34-09.jpg)

“तर तइ कर उठाउन्या मान्स चाहिँ धार्मिक अगुवा हइ टाढै बस्यो। उइले स्वर्गतिर आफ्नो आँखा लगइ उठाएन। बरू, उइले मुड्कीले आफ्नो छाती पिट्यो रे प्रार्थना अर्‍यो, ‘परमेश्‍वर, कृपया ममि दया धेका क्याकी म एक पापी हुँ।’”

![](https://cdn.door43.org/obs/jpg/360px/obs-en-34-10.jpg)

तइ पछा येशूले भण्यो, “म तमनलाई भणनउ, परमेश्‍वरले तइ कर उठाउन्या मान्सको प्रार्थना सुणयो, रे उइलाई धर्मी ठहरायो। घमण्ड अद्दाइ सबइलाई परमेश्‍वरले अपमान अद्दया हुन, तर आफलाई नम्र बनाउन्यालाइ उनले आदर अद्दया हुन।”

*बाइबल कथा: मत्ती १३:३१-४६; मर्कूस ४:२६-३४ ३०-३२; लूका १३:१८-२१; १८:९-१४*

Audio: https://git.door43.org/OBS-TLF/dty_obs/releases/download/v1/dty_obs_v1_34_128kbps.m4a

## 35. दयालु बाको कथा

https://openbiblestories.org/l/dty/story-35/

![](https://cdn.door43.org/obs/jpg/360px/obs-en-35-01.jpg)

एक दिन, येशूले उनरी कुरणी सुणनाइ जम्मा भया भौत मान्सनलाई सिकाउना थ्या। यीन मान्सन कर उठाउन्या थ्या रे मोशाको व्यवस्था पालन नअद्दया थ्या।

![](https://cdn.door43.org/obs/jpg/360px/obs-en-35-02.jpg)

ता जम्मा भया केइ धार्मिक अगुवानले येशूले पापीलाई लगइ मित्तुत जसोइ व्यवहार अरीराख्या धेक्यो, रे तिननले एक-अर्कासित उनरो आलोचना अद्द लाग्या। येशूले तिननलाई कुरणी अद्दार्या सुणयो, तबइकिलाइ उनले तिननलाइ यो कथा भणयो।

![](https://cdn.door43.org/obs/jpg/360px/obs-en-35-03.jpg)

“एकजना मान्स थ्या, जइका दुई चेला थ्या। कान्छो चेलाले आफ्ना बालाई भणयो, ‘बा, मलाई अइलइ मेरो पैतृक सम्पतिको हिस्सा चाइयो!’ तबइकिलाइ बाले आफ्नो सम्पत्ति आफ्ना दुई चेला सित बाँडयो।”

![](https://cdn.door43.org/obs/jpg/360px/obs-en-35-04.jpg)

“छिट्टाइ कान्छा चेलाले आफसित भया सबै थोक जम्मा अर्यो रे ता बठेइ टाढा गयो, रे आफ्नो सबइ रुपैयाँ-पैसा पापी जिबन बिताइबर खेर फाल्यो।”

![](https://cdn.door43.org/obs/jpg/360px/obs-en-35-05.jpg)

“केइ समयपछा, कान्छो चेलो भया तइ देशमि अनिकाल भयो, रे खानेकुरणी किन्‍नाइ निउती उइसित पैसा थेइन। तबइकिलाइ उइले आफले पाउन्या एक मान्तर काम अद्द लाग्यो, सुंगुरलाई चारो ख्वाउन्या। उइको अवस्था इसो दयनीय र भया थ्यो कि उइले सुंगुरको खान्या कुरणी खान्थ्यो।”

![](https://cdn.door43.org/obs/jpg/360px/obs-en-35-06.jpg)

“छाड्डीबार, तइ कान्छो चेलाले आफइलाई भणयो, ‘म यो कि अद्दा छु? मेरा बाका सब नोकरसित खानाइ निउती भौत छ, पइलगइ म भणया याँ भोकले मद्दाइ बटीन्ना छु। म मेरा बाका वा फर्किबर जानउ रे उनरो एक नोकर बन्‍न पाऊँ भणीबर बिन्ति अद्दउ।’”

![](https://cdn.door43.org/obs/jpg/360px/obs-en-35-07.jpg)

“तबइकिलाइ त्यो कान्छो चेलो आफ्ना बाका घरतिर जान लाग्यो। जब त्यो कान्छो चेलो आफ्ना बाका घरतिर आउन्ना थ्यो, उइका बाले उइलाई टाढै बठेइ धेक्यो रे उइका निउती दया धेकायो। उन आफ्नो चेला भयातिर दौडीबर गयो रे उइलाई अंगाल हाल्यो रे भाति खायो।”

![](https://cdn.door43.org/obs/jpg/360px/obs-en-35-08.jpg)

“तइ चेलाले भणयो, ‘बा, मैले परमेश्‍वरको रे तमरो विरुद्धमि पाप अर्या छु। म तमरो चेलो हुन योग्‍यको आथिन।’”

![](https://cdn.door43.org/obs/jpg/360px/obs-en-35-09.jpg)

“तर उइका बाले आफ्ना नोकर मध्ये एकजनालाई भणयो, ‘झट्ट जा रे सब हइ निको कपडा लेइबर आ रे मेरा चेलालाई लाइदे! उइका औंलामि औंठी रे खुट्टामि जुता लाइदिय। तब सबहइ निको बाछोलाई मार ताकि हाम भोज खान रे उत्सव मनाउन सकउ, क्याकी मेरो चेलो मरिसक्या थ्यो, तर आब ऊ जीउनो छ! ऊ हराया थ्यो, तर आब हामले उइलाई फेला पाया छौं!''

![](https://cdn.door43.org/obs/jpg/360px/obs-en-35-10.jpg)

“तबइकिलाइ मान्सनले आनन्द मनाउन पस्या। केइ समयपछा, जेठो चेलो खेतमि काम अरीबर घर फर्किबर आयो। उइले नाच-गान भइरया सुणयो रे कि हुन्नाछ भणीबर अचम्म माणयो।”

![](https://cdn.door43.org/obs/jpg/360px/obs-en-35-11.jpg)

“जब तइ जेठा चेलाले उइको भाइ फर्कीबर आया हुनाले उनन आनन्द मनाउन्नार्या हुन भणन्या था पायो, उ भौत रिसायो रे घर भितर जानाइ माणेइन। उइका बा बाहिर आया रे उइलाई भितर आइबर सबसित आनन्द मनाउनाइ निउती बिन्ति अर्यो, तर उइले तसो अद्द माणेइन।”

![](https://cdn.door43.org/obs/jpg/360px/obs-en-35-12.jpg)

“जेठो चेलाले आफ्ना बालाई भणयो, ‘यीन सबइ वर्ष मैले विश्‍वासयोग्य भइबर तमरि निउती काम अर्या छु!म तमरो अनाज्ञाकारी कभइ भएन, रे पइलगइ तमले मलाई एक नानो बाकरो लगइ दियानु ताकि म मेरा साथीन सित आनन्द मनाउन सकूँ। तर तमरो यो चेलाले पापी काम अरीबर तमरा पैसा बर्बाद अर्या छ। जब ऊ घर आयो, तमले आनन्द मनाउनाइ सब हइ निको बाछो काट्या!’“

![](https://cdn.door43.org/obs/jpg/360px/obs-en-35-13.jpg)

“बाले जवाफ दियो, ‘मेरो चेला, तु त सदाइ मसितइ छइ, रे मसित भया सबइ थोक तेराइ हुन। तर हामलाई आनन्द मनाउनु ठिक छ, क्याकी तेरो भाइ मर्या थ्यो, तर आब जीउनो भया छ। ऊ हराया थ्यो, तर आब मिल्या छ!’”

*बाइबलक कथा: लूका १५*

Audio: https://git.door43.org/OBS-TLF/dty_obs/releases/download/v1/dty_obs_v1_35_128kbps.m4a

## 36. येशूको रूप बदलियाको

https://openbiblestories.org/l/dty/story-36/

![](https://cdn.door43.org/obs/jpg/360px/obs-en-36-01.jpg)

एकदिन, येशूले उनरा तीन जना शिष्या पत्रुस, याकूब रे यूहन्‍नालाई आफसित लैजाइबर गया। (यीन यूहन्‍ना येशूलाई बप्तिस्मा दिने मान्स होइन।) उनन एक उच्चा पहाडमि प्रार्थना अद्दाइ गया।

![](https://cdn.door43.org/obs/jpg/360px/obs-en-36-02.jpg)

जब येशू प्रार्थना अद्दाथ्या, उनरो अनार सूर्यकि जसेरी चम्किलो भयो। रे उनरा कपडा ज्योति जसेरि सेता भया, तसो सेतो जो पृथ्वी भरी कसइले बनाउन सक्दैन।

![](https://cdn.door43.org/obs/jpg/360px/obs-en-36-03.jpg)

तइपछा ता मोशा रे एलिया अगमवक्ता धेकीया। यीन मान्सन सयौँ वर्षअगाडि बाँच्याथ्या। उनले येशूसित उनरो मृत्युको बारेमि कुरा अर्यो, क्याकी छिट्टाइ तइ घटना यरूशलेममि हुन्यावालो थ्यो।

![](https://cdn.door43.org/obs/jpg/360px/obs-en-36-04.jpg)

जब मोशा रे एलिया येशूसित कुरणीकानी अद्दाथ्या, पत्रुसले येशूलाई भण्यो, “हामलाई यइ रनु असल छ। हाम तीन बासस्थान बनाउनाउ, एक तमरि निउती, एक मोशाकि निउती, रे एलियाकि निउती।” तर आफ कि भणनाछु भणन्या पत्रुसलाई था थेइन।

![](https://cdn.door43.org/obs/jpg/360px/obs-en-36-05.jpg)

जब पत्रुस बोल्ला थ्या, एक उज्यालो बादल तलतिर आइबर उनलाई घेर्‍यो। तब बादल बठेइ परमेश्‍वरको आवाजले इसो भण्यो, “यिन मेरा पुत्र हुन जसलाई म प्रेम अद्दउ। म उइसित भौत खुशी छु। उइकि कुरणी सुण।” तिन तीन चेला डराया रे जमिनमि लोट्या।

![](https://cdn.door43.org/obs/jpg/360px/obs-en-36-06.jpg)

पइ येशूले तिननलाई छोयो रे भण्यो, “जनडरा, उठ।” जब तिननले वरिपरि हेर्यो, ता केवल येशू मान्तर थ्या।

![](https://cdn.door43.org/obs/jpg/360px/obs-en-36-07.jpg)

येशू रे तीन शिष्या आजि पहाड बठेइ तलतिर ओल्या। पइ येशूले तिननलाई भण्यो, “या भया घटनाको बारेमा अइल कसैलाई केइ जनभणया। म छिट्टाइ मद्दया हु रे तइ पछा मर्या बठेइ जिउनो हुन्या हु। तइपछा, तमनले मान्सनलाई भणन सकन्छौ।”

*बाइबल कथा: मत्ती १७:१-९; मर्कूस ९:२-८; लूका ९:२८-३६*

Audio: https://git.door43.org/OBS-TLF/dty_obs/releases/download/v1/dty_obs_v1_36_128kbps.m4a

## 37. येशूले लाजरसलाई मर्या बठेइ जिउनो बनायो

https://openbiblestories.org/l/dty/story-37/

![](https://cdn.door43.org/obs/jpg/360px/obs-en-37-01.jpg)

एक लाजरस नाउँ भया मान्स थ्या। उनरा मरियम रे मार्था नाउकि दुई बइनी थिन। तिनन सबइ येशूका नजिकका मितुर थ्या। एक दिन कसइले लाजरस भौत बिरामी भया कुरणी येशूलाई भण्यो। जब येशूले यो खबर सुणयो, उनले भण्यो, “यो बिरामी मृत्युमि गइबर सकीन्या होइन, बरु यइले मान्सनलाई परमेश्वरको आदर अद्दाइ प्रेरित अद्दया हो।”

![](https://cdn.door43.org/obs/jpg/360px/obs-en-37-02.jpg)

येशूले आफ्ना साथीनलाई प्रेम अर्न्थ्या, तर उन जाँ थ्या दुई दिनसम्म ताइ पख्या। दुई दिन पछा, येशूले आफ्ना शिष्यालाई भण्यो, “आस, आब हाम यहूदिया फर्किनाउ।” शिष्याले जवाफ दियो, “तर गुरू,” “केही बेर अगाडी मानतर ताका मान्सनले तमलाई माद्द खोज्जाथ्या!” येशूले भण्यो, "हामरो साथी लाजरस सिया छ, रे मइले उइलाई उठाउनु पणन्छ।"

![](https://cdn.door43.org/obs/jpg/360px/obs-en-37-03.jpg)

येशूका शिष्याले जवाफ दियो, “प्रभु, यदि लाजरस सिया छन् भणया, निको हुन्या हुन।” पइ येशूले तिननलाई सरल तरिकाले भणीदियो, “लाजरस मर्या छ। म ता नभयामि खुशी छु, ताकी तमनले ममि विश्‍वास अद्द सक।”

![](https://cdn.door43.org/obs/jpg/360px/obs-en-37-04.jpg)

जब येशू लाजरसका गाउमि पुग्‍या, लाजरस चार दिन अगाडी मरिसक्या थ्यो। येशूलाई भेट्टाइ निउती मार्था बाइर आइन् रे भण्यो, “प्रभु, यदि तम याँ भया भयले, मेरो भाई मद्दया थेइन। तर म विश्‍वास अद्दउ कि तमले परमेश्‍वरसित जी माग्या लगइ उनले तमलाई दिन्या हुन।”

![](https://cdn.door43.org/obs/jpg/360px/obs-en-37-05.jpg)

येशूले जवाफ दियो, “पुनरुत्थान रे जीवन हुँ। जइले ममि विश्‍वास अद्दाहान, उनन मर्या लगइ बाँच्चया हुन। ममि विश्वास अद्दया सबइ कभइ मद्द्या आथिन। कि तु यो विश्‍वास अरन्छेइ?” मार्थाले जवाफ दियो, “हो, प्रभु! म विश्वास अद्दउ कि तम् ख्रिस्ट, परमेश्वरका पुत्र हौ।"

![](https://cdn.door43.org/obs/jpg/360px/obs-en-37-06.jpg)

पइ मरियम पुगि। उन येशूका खुट्टाइनि परिन् रे भणीन, “प्रभु, यदि तम याँ भया भयले, मेरो भाइ मद्दया थेइन।” येशूले उनलाई सोध्‍यो, “तमनले लाजरसलाई काँ राख्या छौ?” उनले उनलाई भण्यो, “चिहानमि। आइबर हेर।” पइ येशू रोया।

![](https://cdn.door43.org/obs/jpg/360px/obs-en-37-07.jpg)

त्यो चिहान एक गुफा थ्यो, जइका मुखमि ढुङ्गाले ढोक्या थ्यो। जब येशू चिहानमि पुग्या, उनले तिननलाई भण्यो, “तइ ढुङ्गालाई टाँ बठेइ हटाइ दिय।” तर मार्थाले भणी, “ऊ मर्या चार दिन भइइयो। ता बठेइ गन आउनेइ हो।”

![](https://cdn.door43.org/obs/jpg/360px/obs-en-37-08.jpg)

येशूले भण्यो, “कि मैले तुलाई भणया थेइन, कि तुइले ममि विश्‍वास अरि भणया परमेश्‍वरको महिमा धेक्देइहइ?” तबइकिलाइ तिननले ढुङ्गा हटाइदियो।

![](https://cdn.door43.org/obs/jpg/360px/obs-en-37-09.jpg)

पइ येशूले मल्तिर स्वर्गतिर हेर्यो रे भण्यो, “पिता, तमले मेरि कुरणी सुणयाकि निउती धन्यबाद। म जाणनउ कि तमले सदाइ मेरि कुरणी सुणन्छौ, तर म यो कुरणी याँ कलीया सब मान्का खातिर भणनाछु, ताकि तिननले विश्‍वास अरून् कि तमइले मलाई पठाया हो। तइपछा येशूले कलाहालीबर भण्यो, “लाजरस, बाइर आ!”

![](https://cdn.door43.org/obs/jpg/360px/obs-en-37-10.jpg)

पइ लाजरस बाइर आयो! उन आजिलगइ चिहानको कपडामि बेडीया थ्या। येशूले तिननलाई भण्यो, "उइलाई तिन चिहानका लत्ता फुकाउनाइ सहयोग अर रे उइ लाई जान दिय!" यो चमत्कारका लाग्दा भौत यहूदीनले येशूमि विश्वास अर्यो।

![](https://cdn.door43.org/obs/jpg/360px/obs-en-37-11.jpg)

तर यहूदीका धार्मिक अगुवाले येशूकि भौत रिस माणयो, तबइकिलाइ तिननले कसेरी येशू रे लाजरसलाई माद्दाउ भणीबर योजना बनाउनाइ एकहट्टा भया।

*बाइबल कथा: यूहन्‍ना ११:१-४६*

Audio: https://git.door43.org/OBS-TLF/dty_obs/releases/download/v1/dty_obs_v1_37_128kbps.m4a

## 38. येशूलाई धोका दियो

https://openbiblestories.org/l/dty/story-38/

![](https://cdn.door43.org/obs/jpg/360px/obs-en-38-01.jpg)

हरेक वर्ष, यहूदीले निस्तार चाड मनाउन्या अर्नथ्या। यो एक उत्सव थ्यो, जो कैयौँ शताब्दी अगाडी कसेरी परमेश्‍वरले उनरा पुर्खालाई मिश्रदेशको दासत्व बठेइ बचाया थ्यो भणन्या समज्नामि मनाइन्थ्यो। येशूले पइलो बेर खुला रूपमि प्रचार रे शिक्षा दिन लाग्या करिब तीन वर्ष पछा, उनले आफ्ना शिष्यालाई उननसित येरूशलेममि निस्तार चाड मनाउन चाया कुरणी भण्यो, रे यो लगइ भण्यो कि उन ता मारिन्या हुन।

![](https://cdn.door43.org/obs/jpg/360px/obs-en-38-02.jpg)

येशूका शिष्या मध्ये एक शिष्य यहूदा थ्यो। यहूदा शिष्याका पैसाको थैलीको जिम्मेवाल थ्यो, तर उइले अक्सर झोला बठेइ पैसा चोरन्थ्यो। येशू रे शिष्या येरूशलेममि पुग्या पछा, यहूदा यहूदी अगुवाका वा गयो। ता उइले पैसा लिबर येशूलाई धोका दिन्या प्रस्ताव राख्यो। यहूदी अगुवानले येशू ख्रिस्ट हुन भणी अस्वीकार अर्नथ्या रे उनलाई मद्दया षडयन्त्र बनाउन्नाछन भणन्या कुरणी उनलाई था थ्यो।

![](https://cdn.door43.org/obs/jpg/360px/obs-en-38-03.jpg)

प्रधान पूजाहारीको नेतृत्वमि, यहूदी अगुवानले येशूलाई विश्‍वासघात अद्दाइ निउती यहूदालाई तीस चाँदीका सिक्का दियो। अगमवक्तानले भविष्यवाणी अर्या जसेरि यो कुरणी हुन गयो। यहूदाले यइ कुरणीमि मनजुर भयो, पैसा लियो, रे ता बठेइ गयो। पइ येशूलाई पक्डाइ सहयोग अद्दाइ निउती मौका खोज्‍ज लाग्या।

![](https://cdn.door43.org/obs/jpg/360px/obs-en-38-04.jpg)

येरूशलेममि, येशूले आफ्ना शिष्यासित निस्तार चाड मनायो। निस्तार चाडको भोजका बेला, येशूले केइ रोटा समायो रे तइ तोड्यो। उनले भण्यो, “यो समा रे खा। यो मेरो शरीर हो, जो म तमरि निउती दिन्या हु। यो मेरो समजनामि अद्दया अर।” यइ सकिसिमले, येशूले भण्यो कि उन तिनरा निउती मद्दया हुन, उनले तिनरि निउती आफ्नो शरीर बलिदान दिन्या हुन।

![](https://cdn.door43.org/obs/jpg/360px/obs-en-38-05.jpg)

पई येशूले दाखरसको कटउरा समायो रे भण्यो, “यो पिअ। यो नयाँ करारको मेरो रगत हो, जो म बगाउन्या हु, ताकि परमेश्वरले तमरा पाप क्षमा अरुन। तमनले हरेक बेर यो पिउन्ज्या मेरो सम्जनामि अद्दया अर।”

![](https://cdn.door43.org/obs/jpg/360px/obs-en-38-06.jpg)

तइ पछा येशूले शिष्यालाई भण्यो, “तमन मध्ये एकजनाले मलाई धोका दिन्या हौ।” शिष्या छक्क पर्या, रे कइले तइ प्रकारको काम अद्द्या हो भणी सोध्यो। येशूले भण्यो, “जइलाई म रोटीको यइ टुक्रा दिनउ, तेइ विश्‍वासघाती हो।” पइ येशूले तइ रोटाको टुक्रा यहूदालाई दियो।

![](https://cdn.door43.org/obs/jpg/360px/obs-en-38-07.jpg)

यहूदाले रोटी समाया पछा, शैतान उइ भितर पस्यो। यहूदा ता बठेइ निकलिबर येशूलाई पक्डाउनाइ सहयोग अद्दाइ निउती यहूदी अगुवाका वा गयो। त्यो रातको समय थ्यो।

![](https://cdn.door43.org/obs/jpg/360px/obs-en-38-08.jpg)

भोजन पछा, येशू रे उनरा चेला हिँट्टाइ जैतून डाँडामि गया। येशूले भण्यो, “तमन सबइले आज रात मलाई त्यागया हौ। जसो लेखिया छ, ‘म ग्वालालाइ प्रहार अद्द्या हु रे सब भेडा तितर-वितर हुन्या हुन।’”

![](https://cdn.door43.org/obs/jpg/360px/obs-en-38-09.jpg)

पत्रुसले जवाफ दियो, “और सबइले तमलाई त्याग्या लगइ, म त्यागद्या आथिन!” तब येशूले पत्रुसलाई भण्यो, “शैतानले तमन सबलाइ प्राप्त अद्द चाहन्छ, तर मइले तेरी निउती प्रार्थना अर्या छु, पत्रुस, तेरो विश्वास असफल जनहोउ। पइलगइ, आज रात, भाले बास्साहइ अगाडी, तुइले मलाई तीन बेर चिन्नइन भणीबर इन्कार अद्दया हइ।"

![](https://cdn.door43.org/obs/jpg/360px/obs-en-38-10.jpg)

पइ पत्रुसले येशूलाई भण्यो, “म मद्दु पड्या लगइ, म कभइ तमलाइ इन्कार अद्दया आथिन!” और सबइ शिष्याले लगइ तसोइ भण्यो।

![](https://cdn.door43.org/obs/jpg/360px/obs-en-38-11.jpg)

पइ येशू उनरा शिष्यासित गेतसमनी भणीन्या ठाउँमि गया। येशूले उनरा शिष्यालाई परीक्षामि जनपरून भणी प्रार्थना अद्दाइ भण्यो। पइ येशू आफइ प्रार्थना अद्दाइ गया।

![](https://cdn.door43.org/obs/jpg/360px/obs-en-38-12.jpg)

येशूले तीन बेर प्रार्थना अर्यो, “हे पिता, सम्भव छ भणया, कृपया मलाई यस कष्टको कटउरा पिउनु जनपरउ। तर मान्सनका पाप-क्षमाकि निउति ता और कोइ बाटो आथिन भणया, तमरो इच्छा पूरा होस्।” येशू भौत विचलित थ्या रे उनरो पसिना रगतका थोपा जसाइ थ्या। परमेश्‍वरले उनलाइ शक्ति दिनाइ स्वर्गदूतलाई पठाइदियो।

![](https://cdn.door43.org/obs/jpg/360px/obs-en-38-13.jpg)

हरेक प्रार्थनाको समयमि, येशू उनरा शिष्याका वा फर्किबर आया, तर उनन सीरइथ्या। जब उन तेसरा बेर फर्किया, येशूले भण्यो, “उठ! मलाई धोखा दिने मान्स या छ।“

![](https://cdn.door43.org/obs/jpg/360px/obs-en-38-14.jpg)

यहूदी अगुवा, सैनिक रे ठूलो भीडसित यहूदा आयो। तिननले ले तरवार रे लट्ठी लेया थ्या। यहूदा येशूका वा आइबर भण्यो, “प्रणाम, गुरूज्यू,” रे उनलाई भाति खायो। यो यहूदी अगुवानलाई उनले कइलाई पक्डडु पड्डया हो भणीबर पक्का अद्दाइ निउती संकेत थ्यो। पइ येशूले भण्यो, “यहूदा, कि भातिले तु मलाई धोका दिन्छइ?”

![](https://cdn.door43.org/obs/jpg/360px/obs-en-38-15.jpg)

जब सेनाले येशूलाई पक्डयो, पत्रुसले तरवार निकाल्यो रे प्रधान-पूजाहारीको एकजना नोकरको कान काटिदियो। तर येशूले भण्यो, “तरवार उथइ राख! म मेरो रक्षा अद्दाइ स्वर्गदूतका सेनाका पितालाइ माग्द सक्दउ, तर मइले मेरो बाको आज्ञा माणन्नु पणन्छ।“ येशूले मान्सको कान निको बनायो। तइ पछा सबइ शिष्या भाग्या।

*बाइबल कथा: मत्ती २६:१४-५६; मर्कूस १४:१०-५०; लूका २२:१-५३; यूहन्‍ना १८:१-११*

Audio: https://git.door43.org/OBS-TLF/dty_obs/releases/download/v1/dty_obs_v1_38_128kbps.m4a

## 39. येशू महासभाका अगाडी

https://openbiblestories.org/l/dty/story-39/

![](https://cdn.door43.org/obs/jpg/360px/obs-en-39-01.jpg)

अधरातको समय थ्यो। सेनाले सोध्पुछकि निउती येशूलाई प्रधान पूजारीका घरमि लैइया। पत्रुसले टाढै बठेइ तिननलाई पिछा अर्या थ्यो। जब सेनाले येशूलाई घर भितर लइय्या, पत्रुस बाइरै बस्यो रे आगो ताप्द लाग्यो।

![](https://cdn.door43.org/obs/jpg/360px/obs-en-39-02.jpg)

घर भितर, येशूलाई यहूदी अगुवानले महासभाका अगाडी राख्यो। तिननले भौत झूटा साक्षी लेया, जइले उनरा बारेमि झूटि बोल्या। पइलगइ, तिनरा बयान एक-अर्कासित मिल्या थेइन, तसइ उइले यहूदी अगुवानले उनलाई कसइ कुरणीमि दोषी प्रमाणित अद्द सकेइन। येशू केइ बोलेइन।

![](https://cdn.door43.org/obs/jpg/360px/obs-en-39-03.jpg)

छाड्डीबार, प्रधान पूजारीले सिदाइ येशूतिर हेरिबर भण्यो, “हामलाई भण, कि तु ख्रिस्ट हइ, जीवित परमेश्‍वरका पुत्र?”

![](https://cdn.door43.org/obs/jpg/360px/obs-en-39-04.jpg)

येशूले भण्यो, “म हुँ, तमले मलाई परमेश्‍वरसित बसिरया रे स्वर्ग बठेइ आउन्नार्या धेक्दया हौ।” प्रधान पूजारीले रिसले आफ्ना लत्ता चिर्यो। रे और धार्मिक अगुवानलाई इसो भणीबर हकार्यो, “यइ मान्सले कि अर्या छ भणी हामलाई और केइ गवाही चाइनइन! त्यो परमेश्वरको पुत्र हो भणी तमन आफइले सुणया छौ। तइका बारेमि तमरो निर्णय कि छ?"

![](https://cdn.door43.org/obs/jpg/360px/obs-en-39-05.jpg)

सब यहूदी अगुवानले प्रधान पूजारीलाइ जवाफ दियो, “यो मारिन योग्यको छ! तइ पछा तिननले येशूका आँखामि पट्टी बाँधे, उनलाई थुक्यो, उनलाई हाणयो रे उनरो गिल्ला अर्यो।

![](https://cdn.door43.org/obs/jpg/360px/obs-en-39-06.jpg)

पत्रुस घरबाइर पखीबर बसिरइथ्या। एक जना नोकर्नीले उनलाई धेकीन रे भणीन, “तु लगइ येशूसित थ्यो! पत्रुसले त्यो इन्कार अर्यो। पछा अर्खो केटीले लगइ तेइ कुरणी भणी रे पत्रुसले आजि इन्कार अर्यो। छाड्डी, केइ मान्सनले भण्यो, "हामलाइ था छ कि तु येशूसित थि, क्याकी तम दुएइ गालीलका हौ।"

![](https://cdn.door43.org/obs/jpg/360px/obs-en-39-07.jpg)

पइ पत्रुसले इसो भणीबर कसम खायो, “यदि मैले यइ मान्सलाई चिन्या रइछु भणया परमेश्‍वरले मलाई श्राप दिऊन!” उत्न्जेइ, एक भाले बास्यो। येशूले फर्किबर पत्रुसलाई हेर्यो।

![](https://cdn.door43.org/obs/jpg/360px/obs-en-39-08.jpg)

पत्रुस ता बठेइ गयो रे भौत रोयो। इसइ बेला, तइ विश्‍वासघाती यहूदाले यहूदी अगुवानले येशूलाई माद्दाइ निउति दोष्याउनार्या धेक्यो। यहूदा शोकले भरियो, पइ ता बठेइ गयो रे आत्महत्या अर्यो।

![](https://cdn.door43.org/obs/jpg/360px/obs-en-39-09.jpg)

अइल पिलातस यहूदियाका राज्यपाल थ्या। उनले रोमकि निउती काम अर्न्थ्या। यहूदी अगुवानले येशूलाई तिनरा वा लेया। तिननले चाहन्थया कि पिलातसले येशूलाई दोषी ठहराउन्या हुन रे उनलाइ मृत्युदण्डको सजाय दिन्या हुन। पिलातसले येशूलाई सोध्यो, “कि तु यहूदीको राजा हइ?”

![](https://cdn.door43.org/obs/jpg/360px/obs-en-39-10.jpg)

येशूले जवाफ दियो, “तमले सत्य भणया छौ। तर मेरो राज्य भणया याँ पृथिवीमि होइन। यदी तसो भया भयले त, मेरा सेवकले मेरि निउती लडाइँ अद्देइथ्या। म संसारमि परमेश्‍वरको सत्यता भणनाइ आया हुँ। सबै जना जइले सत्यतालाई प्रेम अद्दाहान, तिननले मेरि कुरणी सुणनाहान।” पिलातसले भण्यो, “सत्य कि हो?”

![](https://cdn.door43.org/obs/jpg/360px/obs-en-39-11.jpg)

येशूसित कुरणी अरीसक्या पछा, पिलातस बाइर भीडका वा गया रे भण्यो, “म यइ मान्समि मृत्यु दण्ड लायकको केइ दोष पाउनइन।” तर यहूदी अगुवान रे भीडले इसो भणनाइ कला हाल्यो, “उइलाई क्रूसमि टाँग!” पिलातसले जवाफ दियो, "उन केइ गल्ती अर्यामि दोषी आथिन।" तर तिनन झिक उच्चा स्वरमि कला हाल्ल पस्या। तब पिलातसले तेसरा बेर भण्यो, “उन दोषी आथिन!”

![](https://cdn.door43.org/obs/jpg/360px/obs-en-39-12.jpg)

भीडले आब दंगा मच्चाउन्या भया भणी चाल पाइबर पिलातस डराया। तबइकिलाइ येशूलाई आफ्ना सिपाहीले क्रूसमि टाँगदाइ राजी भया। रोमी सिपाहीले येशूलाई कोर्रा लायो रे राजकीय पोशाक रे काडाँले बनाया मुकुट उनलाई लाइदियो। तइ पछा तिननले उनलाई इसो भणीबर गिज्यायो, “हेर, यहूदीका राजा!”

*बाइबल कथा: मत्ती २६:५७-२७:२६; मर्कूस १४:५३-१५:१५; लूका २२:५४-२३:२५; यूहन्ना १८:१२-१९:१६*

Audio: https://git.door43.org/OBS-TLF/dty_obs/releases/download/v1/dty_obs_v1_39_128kbps.m4a

## 40. येशू क्रुसमि टाँगिया

https://openbiblestories.org/l/dty/story-40/

![](https://cdn.door43.org/obs/jpg/360px/obs-en-40-01.jpg)

सिपाहीले येशूको गिल्ला अर्या पछा, तिननले उनलाई क्रूसमि टाँग्दाइ लइईया। तिननले उनलाई तइ क्रूस बोक्द लायो, जइमि उनलाई टाँगिन्या थ्यो।

![](https://cdn.door43.org/obs/jpg/360px/obs-en-40-02.jpg)

तिन सिपाहीले येशूलाई “खप्परे” भणीन्या ठाउँमि लेया रे उनरा हातरे खुट्टालाई क्रूसमि राखीबर तइमि किला ठोकिदियो।तर येशूले भण्यो, “पिता, यिननलाई क्षमा अरिदिय, क्याकी यिनन कि अद्दाछन, त्यो जाणनाइन।” तिननले उनरा मुन्टाका मल्तिर क्रूसमि एक चिन्ह लगइ राख्यो। यइमि “यहूदीका राजा” लेख्याथ्यो, यो पिलातसले लेख भणया थ्यो।

![](https://cdn.door43.org/obs/jpg/360px/obs-en-40-03.jpg)

तब सिपाहीले येशूको लत्ताको निउती चिठ्ठा हाल्यो।तिननले इसो अर्न्ज्या त्यो अगमवाणी पूरा भयो, जइले भणयाथ्यो, “तिननले मेरा लत्ता आफइमि बाँड्यो, रे मेरा लत्ताकि निउती चिठ्ठा हाल्यो।”

![](https://cdn.door43.org/obs/jpg/360px/obs-en-40-04.jpg)

ता दुई डाँकु लगइ थ्या जइलाई सिपाहीले एकइ समयमि क्रूसमि टाँइया थ्यो, उनलाई येशूको दुएइ किनार तिर टाङया थ्यो। तिन मध्ये एक जनाले येशूलाई गिल्ला अर्‍यो, तर अर्खोले भण्यो, “परमेश्‍वरले तुलाई दण्ड दिन्या हुन भणी कि तुलाई डर लाग्दइन? हाम भौत ननिका काम अद्दया दोषी छौं, तर यीन मान्स त निर्दोष छन। पइ उइले येशूलाई भण्यो, “कृपया मलाई समजीया जब तम् आफ्नो राज्यमि राजा बन्नछौ।" येशूले जवाफ दियो, “आजइ, तु मसित स्वर्गमि हुन्या हइ।”

![](https://cdn.door43.org/obs/jpg/360px/obs-en-40-05.jpg)

यहूदी अगुवा रे भीडमि भया और मान्सनले येशूलाई गिल्ला अर्यो।तिननले उनलाई भण्यो, “यदि तम परमेश्‍वरका पुत्र हौ भणया, क्रूस बठेइ तलतिर ओलिबर आस रे आफइलाई बचा! तब हामले तममि विश्वास अद्दया हौ।“

![](https://cdn.door43.org/obs/jpg/360px/obs-en-40-06.jpg)

पइ समस्त इलाका भरि अन्धकार छायो, तर त्यो मध्यदिनको बेला थ्यो। छाकला अनारो भयो रे तीन घण्टा सम्म रइरयो।

![](https://cdn.door43.org/obs/jpg/360px/obs-en-40-07.jpg)

तइ पछा येशू ठुला स्वरले कला हाल्यो, “आब सकियो! बा, म मेरो आत्मा तमरा हातमि सुम्पनाछु।" तइ पछा उनले शिर निउनाइबर आत्मा त्यागयो। उन मर्या पछा भूकम्प आयो। मन्दिरमि, मान्सनलाई परमेश्वरको उपस्थिति बठेइ अलग अद्दया ठूलो पर्दा मल्तिर बठेइ तलतिर सम्म दुई भागमि चिरियो।

![](https://cdn.door43.org/obs/jpg/360px/obs-en-40-08.jpg)

उनरा मृत्यु बठेइ, येशूले मान्सनका निउति परमेश्‍वरका वा आउन्या बाटो खोलि दियो।जब येशूलाई पहरा दिया तइ सिपाहीले यीन सब कुरणी भया धेक्यो, तब उइले भण्यो, “पक्का लगइ, यीन मान्स निर्दोषथ्या।उन परमेश्‍वरका पुत्रथ्या।”

![](https://cdn.door43.org/obs/jpg/360px/obs-en-40-09.jpg)

पइ दुई जना यहुदी अगुवान योसेफ रे निकोदेमसलाइ पिलातससित येशूको शरीर माग्यो। तिननले येशूइ ख्रिस्ट हुन भणी विश्वास अर्यो। तिननले उनरो शरीरलाई कपडामि बेड्यो रे तइलाई चट्टानमि खोपीबर बनाया चिहान भितर राख्यो।तइ पछा तिननले चिहानको मुख ढोकदाइ तइका अगाडि एक ठूलो ढुङ्गा घुर्काइबर राखिदियो।

*बाइबल कथा: मत्ती २७:२७-६१; मर्कूस १५:१६-४७; लूका २३:२६-५६; यूहन्‍ना १९:१७-४२*

Audio: https://git.door43.org/OBS-TLF/dty_obs/releases/download/v1/dty_obs_v1_40_128kbps.m4a

## 41. परमेश्‍वरले येशूलाई मर्या बठेइ जिउना बनायो

https://openbiblestories.org/l/dty/story-41/

![](https://cdn.door43.org/obs/jpg/360px/obs-en-41-01.jpg)

सिपाहीले येशूलाई क्रूसमि टाँगि सक्या पछा, यहूदी अगुवाले पिलातसलाई भण्यो, “त्यो झूटो येशूले भणया थ्यो कि उन तीन दिनमि मर्या बठेइ जिउनो हुन्या हुन। उनरा शिष्याले उनरो लास चोरिबर जनलइजाउन भणीबर कसइले तइ चिहानको पहरा अददुइ पणन्छ। यदि तिननले तसो अर्यो भणया, तिननले भणन्या छन कि उन मर्या बठेइ जिउना भया छन।”

![](https://cdn.door43.org/obs/jpg/360px/obs-en-41-02.jpg)

पिलातसले भण्यो, “केइ सिपाही लैजा रे तइ चिहानलाई तुइले सक्दो सुरक्षित राख।” तबइकिलाइ तिननले चिहानको मुखमि भया ढुङ्गामि एक मोहोर लायो। रे कसैले शरीर जन चोरउ भणीबर पक्का अद्दाइ सिपाहीलाई ताँ राख्यो।

![](https://cdn.door43.org/obs/jpg/360px/obs-en-41-03.jpg)

येशूलाई गाडिया भोलिबार विश्रामको दिनथ्यो। विश्राम दिनमि कसइले काम अद्द सक्दइन थियो, तबइकिलाइ येशूका कोइ लगइ साथी उनरा चिहानमि गएइन। तर विश्राम दिनका भोलिबार बिहान परभातइ, केइ स्वानिन येशूको चिहानमि उनरा शरीरमि थप अत्तर लाउनाइ जान तयार भया।

![](https://cdn.door43.org/obs/jpg/360px/obs-en-41-04.jpg)

तिन स्वानिन पुग्नु अगाडी चिहानमि एक ठूलो भूकम्प गयो। स्वर्ग बठेइ एक स्वर्गदूत आयो। उनले चिहानको मुख थुनिराख्या ढुङ्गालाई ता बठेइ हटाइ दियो रे तइमि बस्या। यो स्वर्गदूत बिजुली जसो चम्किरइ थ्यो। चिहानको पहरा अद्दार्या सिपाहीले उनलाई धेक्यो। तिनन इति डराया कि मर्या मान्सन जसेरि जमिनमि लोट्या।

![](https://cdn.door43.org/obs/jpg/360px/obs-en-41-05.jpg)

जबतिन स्वानीन चिहानमि पुग्या, तइ स्वर्गदूतले तिननलाई भण्यो, “जनडरा।येशू याँ आथिन।उनले भणया जसेरी, उन मर्या बठेइ जिउना भया छन! चिहानमि हेर।” तिन स्वानीनले चिहानमि हेर्यो रे येशूको शरीरलाई राखिया ठाउलाइ धेक्यो। उनरो शव ता थेइन!

![](https://cdn.door43.org/obs/jpg/360px/obs-en-41-06.jpg)

पइ स्वर्गदूतले तिन स्वानीनलाइ भण्यो, “जा रे शिष्यालाई भणी दिय, ‘येशू मर्या बठेइ जिउना भया छन रे उन तमरा अगाडी गालीलमि जान्या हुन।’”

![](https://cdn.door43.org/obs/jpg/360px/obs-en-41-07.jpg)

तिन स्वानीन छक्क पड्या रे ठूलो रमाहाटले भरियइ थिन।उनन शिष्यालाई यो खुसीको खबर सुणाउनाइ दौडीबर गया।

![](https://cdn.door43.org/obs/jpg/360px/obs-en-41-08.jpg)

जब तिन स्वानीन शिष्यालाई यो खुसीको खबर सुणाउन जान्नाथ्या, येशू उनरा वा धेका पणया। उनन उनरो खुट्टामि पड्या। तब येशूले भण्यो, “जनडरा जा रे मेरा शिष्यालाई गालीलमि जा भणीदिय।उनले मलाई ताँइ धेक्द्या हुन।”

*बाइबल कथा: मत्ती २७:६२-२८:१५; मर्कूस १६:१-११; लूका २४:१-१२; यूहन्‍ना २०:१-१८*

Audio: https://git.door43.org/OBS-TLF/dty_obs/releases/download/v1/dty_obs_v1_41_128kbps.m4a

## 42. येशू स्वर्ग फर्किया

https://openbiblestories.org/l/dty/story-42/

![](https://cdn.door43.org/obs/jpg/360px/obs-en-42-01.jpg)

येशू मर्या बठेइ जिउना भया दिनमि, उनरा दुईजना शिष्या नजिकैका गाउँतिर जान्नाथ्या। उनन हिटनज्या, उनले येशूलाई कि भया थ्यो भणन्या विषयमि कुरणी अर्यो। उनले आशा अर्या थ्या कि उन ख्रिस्ट हुन, तर उन मारिया। आब स्वानिनले भण्यो कि उन आजि जीउना छन। उनलाई क्यामि विश्‍वास अददु हो त्यो था थेइन।

![](https://cdn.door43.org/obs/jpg/360px/obs-en-42-02.jpg)

येशू उनरा वा पुग्‍या रे उन सीतइ हिट्ट लाग्या, तर उनले येशू लाई चिनेइन। उनले तिननलाई क्या का बारेमि कुरणी अद्दा छौ भणी सोध्यो। उनले येशूलाई बिगतका केइ दिनमि येशूको सम्बन्धमि भया सबै कुरणी भण्यो। उनले सोच्या थ्यो कि उनन एक परदेशीसित कुरणी अद्दा छन, जइलाई यरुशलेममि कि भया थ्यो त्यो था थेइन।

![](https://cdn.door43.org/obs/jpg/360px/obs-en-42-03.jpg)

तइ पछा येशूले उनलाई परमेश्‍वरको वचनले ख्रिस्टका बारेमि कि भणया छ भणी व्याख्या अरिदियो। भौत पइल्ली, अगमवक्ताले भणया थ्यो कि दुष्ट मान्सनले ख्रिस्टलाई दुःख दिन्या हुन रे माद्दया हुन। तर अगमवक्ताले यो लगइ भण्यो कि उन तेसरा दिनमि आजि बौरी उठ्ठया हुन।

![](https://cdn.door43.org/obs/jpg/360px/obs-en-42-04.jpg)

दुई जना मान्सन बस्स चाया सहरमि पुग्नज्या रात परिसकेइ थि। तिननले येशूलाई उननसित बस्‍सया निउतो दियो, तबइकिलाइ उन तिननसित एक घरमि गया। उनन साँझको खाना खानाइ बस्या। येशूले एक रोटा समायो, परमेश्‍वरलाई तइकि निउति धन्यवाद दियो, रे तइ तोड्यो। अचानक, तिनले उन येशू रइछन भणी चिन्यो। तर तसइ बेला, उन तिनरा नजर बठेइ हराया।

![](https://cdn.door43.org/obs/jpg/360px/obs-en-42-05.jpg)

तिन दुई मान्सनले एक-अर्कालाई भण्यो, “उन त येशू रइछन! तबइकिलाइ उनले हामलाई परमेश्वरको वचनको व्याख्या अर्न्ज्या हाम भौत उत्साहित भया!” उत्न्जेइ तिनन गया रे यरूशलेम फर्किया। जब तिनन पुग्या, तिननले शिष्यालाई भण्यो, “येशू जीउना छन! हामले उनलाई धेक्या! ”

![](https://cdn.door43.org/obs/jpg/360px/obs-en-42-06.jpg)

जब शिष्या कुरणी अद्दा थ्या, अचानक येशू तइ कोठामि उनरा वा धेका पर्या। रे उनले भण्यो, “तमनलाई शान्ति!” शिष्याले उनलाई भूत सोच्यो, तर येशूले भण्यो, “तमन क्याइ डराउँन्छौ? तमनलाई क्याइ लाग्दैन कि म साँच्चै येशू हुँ? मेरो हात रे खुट्टा हेर। भूतको मेरो जसो शरीर हुँनइन। आफ भूत होइन भणी धेकाउनाइ केइ खान्या कुरणी माग्यो। तिननले उनलाई माछाको टुक्रा दियो, रे उनले तइ खायो।

![](https://cdn.door43.org/obs/jpg/360px/obs-en-42-07.jpg)

येशूले भण्यो, “मेरा बारेमि परमेश्‍वरको वचनमि लेखिया सबै कुरणी पूरा हुन्या छ, मैले तमनलाई भणया थ्या कि यो हुनुइ पणन्छ।” पइ उनले तिनरा समझ खोलिदियो ताकि तिननले परमेश्‍वरको वचन बुझ्‍न सकून। उनले भण्यो, “भौत पइल्ली भविष्यवक्ताले लेख्या थ्यो कि म ख्रिस्टले कष्ट भोग्‍दा छु, म मद्दया हु, रे तेसरा दिनमि मर्या बठेइ जिउनो हुन्या हु।”

![](https://cdn.door43.org/obs/jpg/360px/obs-en-42-08.jpg)

“भविष्यवक्ताले लगइ लेख्या थ्यो कि मेरा शिष्याले परमेश्वरको सन्देश घोषणा अद्दया हुन। तिननले सबइलाई पश्चात्ताप अद्दाइ भणन्या हुन। यदि तिननले पश्चात्ताप अर्यो भणया, परमेश्वरले तिनरा पाप क्षमा अद्दया हुन। मेरा शिष्याले यो सन्देश यरुशलेम बठेइ शुरू अद्द्या हुन। तइपछा सारा मान्स जातिका वा जान्या हुन। तमन मइले भणया रे अर्या, रे म सित भया सब कुरणीका साक्षी हौ।”

![](https://cdn.door43.org/obs/jpg/360px/obs-en-42-09.jpg)

चालीस दिनसम्म, येशू उनरा शिष्याका वा भौत बेर धेका पर्या। एक बेर, उहाँ ५०० जना भणना बरता मान्सनका वा समेत एकै बेर धेका पर्या! उनले आफ्ना शिष्यालाई भौत प्रकारले आफ जीउना छन भन्णन्या प्रमाणित अर्यो, रे उनले तिननलाई परमेश्‍वरको राज्यका बारेमि सिकायो।

![](https://cdn.door43.org/obs/jpg/360px/obs-en-42-10.jpg)

येशूले उनरा चेलालाई भण्यो, “परमेश्वरले स्वर्ग रे पृथ्वीमि भया सबइमि शासन अद्दया अधिकार मलाई दिया छ। तबइकिलाइ म तमलाई अइल भणना छु जा, रे सबै जातिका मान्सनलाई पिता, पुत्र रे पवित्र आत्माका नाउँमि बप्तिस्मा दिबर शिष्या बना। उनलाई मैले तमनलाई आज्ञा अर्या सबै कुरणी पालन अद्द सिका। याद राख, म सदाइ तमनसित हुन्या हु।”

![](https://cdn.door43.org/obs/jpg/360px/obs-en-42-11.jpg)

चालीस दिन पछा येशू मर्या बठेइ जिउना भया, उनले आफ्ना शिष्यालाई भण्यो, “मेरा पिताले तमनलाई शक्ति नदिन ज्या सम्म यरूशलेमइमि बस। उनले तमनमि पवित्र आत्मा पठाइबर यो अद्दया हुन।” पइ येशू स्वर्गमि गया, रे बादलले उनलाई तिनरा नजर बठेइ ढाक्यो। येशू सबै कुरणीमि राज्य अद्दाइ परमेश्‍वरको दाहिने हाततिर बस्‍या छन।

*बाइबल कथा: मत्ती २८:१६-२०; मर्कूस १६:१२-२०; लूका २४:१३-५३; यूहन्‍ना २०:१९-२३; प्रेरित १:१-११*

Audio: https://git.door43.org/OBS-TLF/dty_obs/releases/download/v1/dty_obs_v1_42_128kbps.m4a

## 43. मण्डलीको शुरूवात

https://openbiblestories.org/l/dty/story-43/

![](https://cdn.door43.org/obs/jpg/360px/obs-en-43-01.jpg)

येशू स्वर्गमि फर्किया पछा, शिष्या येशूले आज्ञा अर्या अनसार यरूशलेमइमि बसिरया।ता भया विश्‍वासी प्रार्थना अद्दाइ लगातार रूपमि जम्मा भया।

![](https://cdn.door43.org/obs/jpg/360px/obs-en-43-02.jpg)

हरेक वर्ष, निस्तार चाडको ५०दिन पछा, यहूदीनले महत्वपूर्ण दिन, पेन्तिकोस मनाउन्या अर्नथ्या।पेन्तिकोस तइ समयथ्यो, जब यहूदीनले कटनीको उत्सव मनाउन्या अर्नथ्या।यहूदीन सारा संसार बठेइ यरूशलेममि संगै पेन्तिकोसको दिन मनाउनाइ आउँन्थ्या।तइ वर्ष, पेन्तिकोसको दिन चाइ येशूको स्वर्गारहण भया करिब१ हफ्ता पछा आयो।

![](https://cdn.door43.org/obs/jpg/360px/obs-en-43-03.jpg)

जब विश्‍वासीन सबइ संगै थ्या, अचानक उनन बसि राख्या घर एक शक्तिशाली बतास जसो आवाजले भरियो।तइ पछा आगोका ज्वाला जसो धेकिन्या चिज सबइ विश्‍वासीको मुन्टामि धेकिया।उनन सबइ पवित्र आत्माले भरियाथ्या रे उनन अन्य भाषामि परमेश्वरको प्रशंसा अद्द लाग्या। तिननले यी भाषा जाणनथेइन, तर यीन भाषा पवित्र आत्माले तिननलाई बोल्न सक्षम बनायो।

![](https://cdn.door43.org/obs/jpg/360px/obs-en-43-04.jpg)

जब यरूशलेममि भया मान्सनले त्यो हल्ला सुणयो, तिनन कि हुन्ना छ भणीबर हेद्दाइ आया। तिननले विश्वासीनलाई परमेश्‍वरले अर्या महान काम घोषणा अर्या सुणया। तिनन छक्क पणया क्याकी तिनन विभिन्न देशका भया लगइ रे विभिन्न भाषा बोल्लया भयालगइ तिननले बुझ्न सक्न्थ्या। शिष्या इजरायल बठेइ आया थ्या रे अरामी, हिब्रू वा ग्रीक बोल्न्थ्या, तर मान्सनले प्रत्येकले आफ्नो मातृ भाषामि परमेश्वरले कि अर्यो भणीबर सुणीरइ थ्या।

![](https://cdn.door43.org/obs/jpg/360px/obs-en-43-05.jpg)

केइ मान्सनले शिष्यालाई मद्यले मात्तिया छन भण्यो।तर पत्रुस कल्लीया रे तिननलाई भण्यो, “मेरी कुरणी सुण! यीन मान्सन मातिया होइन! बरु, अगमवक्ता योएलले भणया कुरणी तमनले धेक्दाउ परमेश्वरले भण्यो, 'अन्तिम दिनमि, म मेरो आत्मा खणन्याउन्या हु।' “

![](https://cdn.door43.org/obs/jpg/360px/obs-en-43-06.jpg)

“इस्राएलका मान्सन हो, येशू एक मान्स थ्या जइले उन को हुन भणीबर धेकाउनाइ निउती परमेश्‍वरको शक्ति बठेइ आश्‍चर्यकर्म अर्या थ्यो। यो तमनले था पाया छौ, क्याकी तमनले धेक्या छौ। तर तमनले उनलाई क्रूसमि टाँग्‍या!”

![](https://cdn.door43.org/obs/jpg/360px/obs-en-43-07.jpg)

“येशू मर्या लगइ, परमेश्‍वरले उनलाई मर्या बठेइ जिउना बनायो।यइले तइ भविष्यवाणी पूरा अर्यो, जइले भणया थ्यो, ‘ तमले आफ्नो पवित्र जनलाई चिहानमि कुइन दिन्या होनु।’ हाम तसइ कुरणीका साक्षी हौँ, कि परमेश्‍वरले येशूलाई आजि जीउना बनायो।”

![](https://cdn.door43.org/obs/jpg/360px/obs-en-43-08.jpg)

“परमेश्वर पिताले आब येशूलाई उनरो दाइन हाततिर बसाइबर उनलाई सम्मान अर्या छ। रे येशूले प्रतिज्ञा अर्या जसेरी पवित्र आत्मा पठाया छ।तमनले अइल धेक्दार्या रे सुणनार्या कुरणी पवित्र आत्माइले अद्दार्या हुन।”

![](https://cdn.door43.org/obs/jpg/360px/obs-en-43-09.jpg)

“ तमनले येशूलाई क्रूसमि टाँग्यो।तर यो कुरा पक्का अरीबर जाण कि परमेश्‍वरले येशूलाई सबइ कुरणीका प्रभु रे ख्रिस्ट दुएइ बनायो!”

![](https://cdn.door43.org/obs/jpg/360px/obs-en-43-10.jpg)

पत्रुसकि कुरणी सुणीर्या मान्सनलाई उनले भणया कुरणीले गइलो प्रभाव पणयो।तबइकिलाइ उनले पत्रुस रे शिष्यालाई सोद्यो, “भाइन हो, हामले किअददु पणन्छ?”

![](https://cdn.door43.org/obs/jpg/360px/obs-en-43-11.jpg)

पत्रुसले उनलाई जवाफ दियो, “तमन सबइलाई तमरा पाप क्षमा अद्दाइ निउती परमेश्वर चाहिन्छ। तबइकिलाइ पश्‍चाताप अर रे तमन हरेक येशू ख्रीष्टको नाउँमि बप्तिस्मा लिय पइ परमेश्वरले तमनलाई पवित्र आत्माको वरदान लगइ दिन्या हुन।”

![](https://cdn.door43.org/obs/jpg/360px/obs-en-43-12.jpg)

करिब ३,००० मान्सनले पत्रुसले भणया कुरणीमि विश्‍वास अर्यो रे येशूका शिष्या भया। तिननले बप्तिस्मा लियो रे यरूशलेमको मण्डलीका हिस्सा भया।

![](https://cdn.door43.org/obs/jpg/360px/obs-en-43-13.jpg)

तिन शिष्याले निरन्तर रूपमि प्रेरितका शिक्षा सुणन्थ्या। तिनन अक्सर एकसाथ समय बिताउन्थ्या रे एक साथ खान्थ्या, रे एक-अर्खासित प्रार्थना अर्नथ्या।उनले एकसाथ परमेश्‍वरको प्रशंसा अर्यो रे उनले आफसित भया सबइ थोक एक-अर्खासित बाँड्न्या अर्नथ्या।तइ शहरमि हरेकले उनरा बारेमि असल सोच्न्थ्या।हरेक दिन, और धेरै मान्सन विश्‍वासी भया।

*बाइबल कथा: प्रेरित १:१२-१४; २*

Audio: https://git.door43.org/OBS-TLF/dty_obs/releases/download/v1/dty_obs_v1_43_128kbps.m4a

## 44. पत्रुस रे यूहन्‍नाले भिखारीलाई निको बनायो

https://openbiblestories.org/l/dty/story-44/

![](https://cdn.door43.org/obs/jpg/360px/obs-en-44-01.jpg)

एक दिन, पत्रुसरे यूहन्‍ना मन्दिर जान्ना थ्या। एक जना लङ्गडो मान्स ढोकामि बसीबर भिख माग्दा थ्यो।

![](https://cdn.door43.org/obs/jpg/360px/obs-en-44-02.jpg)

पत्रुसले तइ लङ्गडो मान्स तिर हेरिबर भण्यो, “तुलाई दिनाइ मसित पैसा त आथिन।तर मसित जी छ, म तुलाई दिन्या हु।येशूका नाउँमि, उठ रे हिँट!”

![](https://cdn.door43.org/obs/jpg/360px/obs-en-44-03.jpg)

उतनजेइ, परमेश्‍वरले तइ लङ्गडो मान्सलाई निको बनायो। पइ ऊ हिट्टोइ उफ्फडोइ परमेश्‍वरको प्रशंसा अद्द लाग्यो।मन्दिरको चोकमि भया मान्सनले यो धेकीबर अचम्म माणयो।

![](https://cdn.door43.org/obs/jpg/360px/obs-en-44-04.jpg)

थोक्काइ बेरमी मान्सनको भीड तइ निको भया मान्सलाई हेद्दाइ आयो।पत्रुसले तिननलाई भण्यो, “यो मान्स निको भयो भणीबर अचम्म नमान। हामले उनलाई हामरो आफ्नोइ शक्तिले अथवा हामले परमेश्वरलाइ आदर अर्या हुनाले निको बनाया होइन। बरु उन येशु हुन, जइले यिनलाइ आफ्नो शक्तिले निको बनाया हो, क्याकी हाम येशुमि विश्वास अद्दाउ।”

![](https://cdn.door43.org/obs/jpg/360px/obs-en-44-05.jpg)

“तमनइ हौ जइले रोमी राज्यपाललाई येशूलाई मार भणया। सबैलाई जीवन दिन्यालाई तमनले मार्या। तर परमेश्‍वरले उनलाई मृत्यु बठेइ जीउनो बनायो।तमनलाई आफ कि अद्दा छु भणीबर था नभया लगइ, जब तमन इसो अद्दाथ्या, भविष्यवक्ताले भणया कुरणी साँचो भयो। तिननले भण्यो कि ख्रिस्टले कष्ट भोग्‍द्या हुन रे मद्दया हुन। परमेश्वरले यइलाई इसेरी हुनदियो। तबइकिलाइ आब, पश्‍चाताप अर रे परमेश्‍वरतिर फर्क ताकि उनले तमरा पाप धोइ दीउन।”

![](https://cdn.door43.org/obs/jpg/360px/obs-en-44-06.jpg)

जब मन्दिरका अगुवाले पत्रुस रे यूहन्‍नाले भणया कुरणी सुणयो, तिनन भौत विचलित भया। तबइकिलाइ तिननले उनलाई पकोडयो रे जेलमि हालि दियो।तर भौत मान्सनले पत्रुसको सन्देशलाई विश्‍वास अर्यो। रे येशूमि विश्‍वास अद्द्या मान्सनको संख्या बढीबर करिब ५,००० भयो।

![](https://cdn.door43.org/obs/jpg/360px/obs-en-44-07.jpg)

अर्को दिन, यहूदी अगुवानले पत्रुस रे यूहन्‍नालाई प्रधानपूजारी रे और धार्मिक अगुवानको सामने लेया। तिननले लङ्गडा भया मान्सलाई लगइ लेया।उनले पत्रुस रे यूहन्‍नालाई सोध्यो, “कइ शक्ति बठेइ तमनले यइ लङ्गडो मान्सलाई निको पाणया?”

![](https://cdn.door43.org/obs/jpg/360px/obs-en-44-08.jpg)

पत्रुसले जवाफ दियो, “तमरा साम्ने कल्लीया यइ मान्स येशू ख्रिस्टको शक्ति बठेइ निको पाणीयो।तमनले येशूलाई क्रूसमि टाँग्‍या, तर परमेश्‍वरले उनलाई आजि जीउना बनायो! तमनले उनलाई अस्वीकार गर्यो, तर येशूको शक्ति बाहेक मुक्ति पाउन्या अर्खो केइ उपाय आथिन!”

![](https://cdn.door43.org/obs/jpg/360px/obs-en-44-09.jpg)

पत्रुस रे यूहन्‍नाले तसेरी साहससित बोल्या धेकीबर तिन अगुवान छक्क पणया। क्याकी तिननले धेक्या थ्यो कि उनन साधारण रे अशिक्षित मान्सन थ्या।तर पछा यीन मान्सन येशूसित रन्थ्या भणीबर तिननलाई याद भयो। तबइकिलाइ तिननले तिननलाई भण्यो, “यदि तमनले यइ मान्स येशूका बारेमि मान्सनलाई और केइ सन्देश दिया भणया हाम तमनलाई भौत दण्ड दिन्या हौ।” इसा भौत कुरणी भणी सक्या पछा तिननले पत्रुस रे यूहन्नालाई जान दियो।

*बाइबल कथा: प्रेरित ३-४:२२*

Audio: https://git.door43.org/OBS-TLF/dty_obs/releases/download/v1/dty_obs_v1_44_128kbps.m4a

## 45. स्तिफनस रे फिलिप

https://openbiblestories.org/l/dty/story-45/

![](https://cdn.door43.org/obs/jpg/360px/obs-en-45-01.jpg)

शुरूका मण्डलीका अगुवान मध्ये स्तिफनस नाउँ भया एकजना मान्स थ्या। सबइले उनलाई सम्मान अर्न्थ्या। पवित्र आत्माले उनलाई भौत शक्ति रे बुद्धि दियो। स्तिफनसले भौत चमत्कार अर्यो। भौत मान्सनले उनलाई विश्वास अर्यो जब उनले तिननलाई येशूमि भरोसा अद्द सिकायो।

![](https://cdn.door43.org/obs/jpg/360px/obs-en-45-02.jpg)

एकदिन, जब स्तिफनसले येशूको विषयमि शिक्षा दिन्नाथ्या, येशूमि विश्‍वास नअद्द्या केइ यहूदी स्तिफनससित विवाद अद्द लाग्या। तिनन भौत क्रोधित भया, तबइकिलाइ तिनन धार्मिक अगुवाका वा गया रे स्तिफनसको सम्बन्धमि झूटी कुरणी भण्यो। तिननले भण्यो, “उइले मोशा रे परमेश्‍वरका बारेमि दुष्ट कुरणी भणया हामले सुणया!” तबइकिलाइ धार्मिक अगुवानले स्तिफनसलाई पकोडीबर प्रधान पूजाहारी रे यहूदीका और अगुवानका वा लेया। भौत झूटा साक्षी आया रे स्तिफनसका बारेमि झूटि बोल्या।

![](https://cdn.door43.org/obs/jpg/360px/obs-en-45-03.jpg)

प्रधान पूजारीले स्तिफनसलाई सोध्यो, “कि यी मान्सनले तेरा बारेमि सत्य बोल्ला छन्?” स्तिफनसले प्रधान पूजाहारीलाई जवाफ दिनाइ भौत कुरणी भणन लाग्या। स्तिफनसले भण्यो कि परमेश्‍वरले अब्राहाम बठेइ येशूको समयसम्म परमेश्वरले इजरायलका मान्सनकि निउती भौत अचम्मका काम अर्या छ। तर मान्सन सदाइ परमेश्वरको अनाज्ञाकारी भया। स्तिफनसले भण्यो, “तमन हठी रे परमेश्वरको विरुद्धमि विद्रोही छौ। तमन सदाइ पवित्र आत्मालाई इन्कार अर्न्छौ, जसेरि हामरा पुर्खाले सदाइ परमेश्‍वरलाई इन्कार अर्यो रे उनरा भविष्यवक्तालाई मार्यो। तर तमनले त तिननले अर्या भणना खराब काम अर्या! तमनले ख्रिस्टलाई मार्या!”

![](https://cdn.door43.org/obs/jpg/360px/obs-en-45-04.jpg)

जब तिन धार्मिक अगुवाले यो कुरणी सुणयो, तिनन इति क्रोधित भय कि तिननले आफ्ना कान बन्द अर्यो रे उच्चा स्वरले कला हाल्यो। तिननले स्तिफनसलाई शहर बाइर घसाररिबर लईया रे उनलाई माद्दाइ ढुङ्गाले हाणयो।

![](https://cdn.door43.org/obs/jpg/360px/obs-en-45-05.jpg)

जब स्तिफनस मद्दाइ वटीयो, उइले कला हालीबर भण्यो, “येशू, मेरो आत्मालाई ग्रहण अर।” पइ उइले आफ्ना घुँडा टेक्यो रे आजि ठुला स्वरमि इसो भणीबर कला हाल्यो, “प्रभु, यइ पापको दोष यिननमि जनलागउ।” तइपछा उ मर्यो।

![](https://cdn.door43.org/obs/jpg/360px/obs-en-45-06.jpg)

तइ दिन बठेइ यरूशलेममि भौत मान्सनले येशूका शिष्यालाई सताउन लाग्या, तबइकिलाइ विश्‍वासी और ठाउँमि भागीबर गया। तर तति भया लगइ तिननले आफ गया सबइ ठाउँमि येशूको प्रचार अर्यो।

![](https://cdn.door43.org/obs/jpg/360px/obs-en-45-07.jpg)

फिलिप नाउँ भया येशूमि विश्वास अद्दया एकजना थ्या। उन सतावटका बेलामि यरूशलेम बठेइ भागीबर जान्या विश्‍वासीन मध्येका एक थ्या। उन सामरिया क्षेत्रमि गया जाँ उनले येशूका बारेमि प्रचार अर्यो। ता का भौत मान्सनले विश्वास अर्यो रे मुक्ति पायो। एक दिन, परमेश्‍वरका एक दूतले फिलिपलाई मरूभूमिका एक सडकमि जानाइ भण्यो। जब उन तइ बाटामि हिट्टा थ्या, फिलिपले आफ्नो रथमि सवार एक जना मान्सलाई धेक्यो।तिन इथियोपियाका एकजना महत्वपूर्ण सरकारी अधिकारी थ्या। पवित्र आत्माले फिलिपलाई गइबर तइ मान्ससित कुरणी अद्दाइ भण्यो।

![](https://cdn.door43.org/obs/jpg/360px/obs-en-45-08.jpg)

तबइकिलाइ फिलिप रथमि गया। उनले तइ इथियोपियाका मान्सले यशैया अगमवक्ताले लेख्या पत्र बठेइ पड्डार्या सुणयो। तइ मान्सले पढ्यो, “मारिनलाइ लइइया थुमा जसाइ उन डोर्याइबर लइयइया, रे जसेरि थुमा मौन हुन्छ, तसेरी उनले एक शब्द लगइ बोलेइन। तिननले उनलाई नस्वाउन्या व्यवहार अर्यो रे उनलाई आदर अरेइन। तिननले उनरो जीवन उन बठेइ खोस्यो।”

![](https://cdn.door43.org/obs/jpg/360px/obs-en-45-09.jpg)

फिलिपले तइ इथियोपियाका मान्सलाई सोध्यो, “तमले पढढार्या कुरणी कि तम बुज्नछौ?” तइ इथियोपियाका मान्सले जवाफ दियो, “नइ। कसैले मेरि निउती व्याख्या नअर्या सम्म म कसेरी बुज्ज सक्दउ ब? कृपया आस रे मेरा छेऊमि बस। कि यशैयाले आफ्नाइ बारेमि लेख्या थ्यो अथवा और कसइका बारेमि?”

![](https://cdn.door43.org/obs/jpg/360px/obs-en-45-10.jpg)

फिलिप रथमि चढीबर बस्या। फिलिपले तइ इथियोपियाका मान्सलाई यशैयाले येशूका बारेमि लेख्या थ्यो भणी व्याख्या अरिदियो। फिलिपले परमेश्वरको वचनका और भौत भागको बारेमि लगइ भण्यो। इसेरि, उनले तइ मान्सलाई येशूका बारेमि सुसमाचार सुणायो।

![](https://cdn.door43.org/obs/jpg/360px/obs-en-45-11.jpg)

जब फिलिप रे तइ इथियोपियाका मान्स यात्रा अद्दाथ्या, उनन केइ पानी भया ठाउँमि पुग्या। तइ इथियोपियाका मान्सले भण्यो, “हेर! याँ थोकाइ पानी छ! कि म बप्तिस्मा लिन सक्दउ?" पइ उनले चालकलाई रथ रोक्दाइ भण्यो।

![](https://cdn.door43.org/obs/jpg/360px/obs-en-45-12.jpg)

तबइकिलाइ उनन तलतिर पानी भया ठाउँमि गया, पइ फिलिपले तइ इथियोपियाका मान्सलाई बप्तिस्मा दियो। उनन पानी बठेइ बाइर आया पछा, अचानक पवित्र आत्माले फिलिपलाई अर्खा ठाउमि लैइइया। ता उनले मान्सनलाई येशूका बारेमि भणनाइ गया।

![](https://cdn.door43.org/obs/jpg/360px/obs-en-45-13.jpg)

त्यो इथियोपियाका मान्स आफ्ना घरतिर जानाइ आफ्नो यात्रालाई निरन्तरता दियो। उइले येशूलाई चिन्यामि उ भौत खुशी थ्यो।

*बाइबल कथा: प्रेरित ६-८*

Audio: https://git.door43.org/OBS-TLF/dty_obs/releases/download/v1/dty_obs_v1_45_128kbps.m4a

## 46. पावल विश्‍वासी भया

https://openbiblestories.org/l/dty/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाउँ भया एक जना मान्सथ्या जइले येशूमि विश्वास अद्दाइन थ्या। जब तिन जवान थ्या, उनले स्तिफनसलाई मद्दया मान्सनको लत्ताको रक्षा अर्यो। पछा उनले विश्वासीनलाई सतायो। उन यरूशलेमका घर-घर जान्थया रे बैकान रे स्वानीन दुएइलाइ पकडिबर जेलमि हालि दिन्थ्या। त्यसपछि प्रधान पूजारीले शाऊललाई दमस्कसको शहरमि गइबर ख्रीष्टियानलाई पकडीबर उनलाई यरूशलेममि फर्काइबर ल्याउन्या स्वीकृति दियो।

![](https://cdn.door43.org/obs/jpg/360px/obs-en-46-02.jpg)

तबइकिलाइ शाऊल दमस्कस जान लाग्या। उन सहरमि पुग्नु हइ ठीक अगाडी, अग्गासमि एक उज्यालो ज्योति उनरा चारैतिर चम्कियो, रे उन भुईँमि लोट्या। शाऊलले कसइले इसो भणनार्या सुणयो, “शाऊल! शाऊल! मलाई क्याइ सताउना छ इ?” शाऊलले सोद्यो, “प्रभु, तम को हौ?” येशूले उइलाई जवाफ दियो, “म येशू हुँ। तुइले मलाई सताउन्ना छइ!”

![](https://cdn.door43.org/obs/jpg/360px/obs-en-46-03.jpg)

जब शाऊल उठ्या, उनले केइ धेक्द सकेइन।उनरा मित्तुरले उनलाई दमस्कस सम्म लैया।शाऊलले तीन दिन सम्मन केइ खायो नतपियो।

![](https://cdn.door43.org/obs/jpg/360px/obs-en-46-04.jpg)

दमस्कसमि हननिया नाउँ भया एक जना शिष्य थ्या।परमेश्‍वरले उनलाई भण्यो, “तइ घरमि जा जाँ शाऊल बसिरइ छन।तेरा हात उइमि राख,ताकि उइले आजि धेक्द सकउ।” तर हननियाले भण्यो, “प्रभु, यइ मान्सले विश्‍वासीलाई कसेरी सताया छ भणी मैले सुणया छु।” परमेश्‍वरले उइलाई जवाफ दियो, “जा! यहूदीन रे अन्य समूहका मासनलाई मेरो नाउँ घोषणा अद्दाइ मइले उनलाई चुन्या छु। मेरो नाउँको खातिर उइले भौत दुःख भोग्‍दया हो।”

![](https://cdn.door43.org/obs/jpg/360px/obs-en-46-05.jpg)

तबइकिलाइ हननिया शाऊलका वाँ गया, उनरा हात उइमि राख्यो, रे भण्यो, “येशू, जो तिन आउन्नार्या बाटामि धेका पणया, उनले मलाई तेरा वा पठाया छ ताकि तु आजि धेक्द सकइ, रे पवित्र आत्माले भरियो।” शाऊल उत्न्जेइ आजि धेक्द स्क्द्या भयो, रे हननियाले उइलाई बप्तिस्मा दियो।पइ शाऊलले केइ खान्या कुरणी खायो रे आजि बलियो भया।

![](https://cdn.door43.org/obs/jpg/360px/obs-en-46-06.jpg)

तइका केइ बेर पछा, शाऊलले दमस्कसमि भया यहूदीनलाई इसो भणीबर प्रचार अद्द लाग्या, “येशूइ परमेश्‍वरका पुत्र हुन!” यहूदी छक्क पणया क्याकी शाऊलले विश्वासीनलाई माद्द खोज्या थ्या, रे आब तिनले येशूमि विश्वास अर्यो! शाऊलले यहूदीसित बहस अर्यो। येशूइ ख्रिस्ट हुन भणी उनले धेकायो।

![](https://cdn.door43.org/obs/jpg/360px/obs-en-46-07.jpg)

भौत दिनपछा, यहूदीनले शाऊललाई माद्द्या योजना बनायो।उइलाई माद्दाइ निउती उनले शहरका ढोकामि लुकीबर ब्स्साइ मान्सन पठायो।तर शाऊलले तइ योजनाका बारेमि सुणयो, रे उनरा मित्तुरले उनलाई भाग्‍दाइ सहयोग अर्यो।एक रात तिननले उइलाई डालामि हालीबर शहरको पर्खाल बठेइ तलतिर ओलाइ दियो।शाऊल दमस्कस बठेइ भाग्या पछा, उनले येशूका बारेमि प्रचारअद्दया काम लगातार अरी राख्यो।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितसित भेट्टाइ यरूशलेममि गया, तरउनन तिन सित डराया थ्या।पइ बरनाबास नाउ भया एक जना विश्‍वासीले शाऊललाई प्रेरितका वा लईया। कसेरी शाऊलले साहाससित दमस्कसमि प्रचार अर्या थ्यो भणीबर बरनाबासले उनलाई बताइदियो। तइपछा प्रेरितले शाऊललाई स्वीकार अर्यो।

![](https://cdn.door43.org/obs/jpg/360px/obs-en-46-09.jpg)

यरूशलेममि भया सतावाट बठेइ भाग्या केइ विश्‍वासी टाढा एन्टिओखियाको शहरमि गया रे येशूको बारेमि प्रचारअर्यो।एन्टिओखियाका प्रायः मान्सन यहूदी थेइन, तर पइला बेर तिननमि लगइ भौत जना विश्‍वासी भया।बरनाबास रे शाऊल ताँ यीन नयाँ विश्‍वासीलाई येशूका बारेमि आजि बडता शिक्षा दिनाइ रे मण्डलीलाई बलियो बनाउनाइ गया।येशूमि विश्‍वास अद्दयालाई पहिलो बेर “ख्रीष्टियान” भणीया ठाउँ एन्टियोखिया थ्यो।

![](https://cdn.door43.org/obs/jpg/360px/obs-en-46-10.jpg)

एक दिन, जब एन्टियोखियामि भया ख्रीष्टियान उपवासरे प्रार्थना अद्दाथ्या। तब पवित्र आत्माले उनलाई भण्यो, “मेरा निउती बरनाबास रे शाऊललाई तइ कामकि निउती अलग अर, जइ कामकि निउति मइले तिननलाई बोलाया छु।” तबइकिलाइ एन्टियोखियाको मण्डलीले बरनाबास रे शाऊलका निउती प्रार्थना अर्यो रे उनरा हात तिननमि राख्यो।पइ उनले तिननलाई येशूका बारेमि और भौत ठाउँमि सु-समाचार प्रचार अद्दाइ पठायो।बरनाबास रे शाऊलले विभिन्‍न मान्सनका समुहलाई शिक्षा दियो, रे भौत मान्सनले येशूमि विश्‍वास अर्यो।

*बाइबल कथा: प्रेरित ८: १-३; ९:१-३१; ११:१९-२६; १३-१४*

Audio: https://git.door43.org/OBS-TLF/dty_obs/releases/download/v1/dty_obs_v1_46_128kbps.m4a

## 47. पावल रे सिलास फिलिप्पीमि

https://openbiblestories.org/l/dty/story-47/

![](https://cdn.door43.org/obs/jpg/360px/obs-en-47-01.jpg)

जब शाऊलले रोमी साम्राज्यभरि यात्रा अर्यो, उनले आफनो रोमी नाउँ “पावल” को प्रयोग अद्द लाग्या। एकदिन, पावल रे उनरा मितत्तुर सिलास फिलिप्पीका शहरमि येशूका बारेमि सु-समाचार सुणाउनाइ गया। उनन शहरका बाइर नदीको छेउमा गया जाँ मान्सन प्रार्थना अद्दाइ जम्मा भएका थिए। ता उनले लिडिया नाउँ भयकी एकजना स्वानीलाई भेटयो जो एक व्यापारी थ्या। उनले परमेश्‍वरलाई प्रेम अर्थिन रे उनरो आराधना अर्थिन।

![](https://cdn.door43.org/obs/jpg/360px/obs-en-47-02.jpg)

येशूका बारेमी सन्देशलाई विश्‍वास अद्दाइ परमेश्‍वरले लिडियाको हृदय खोलिदियो। पावल रे सिलासले उनलाई रे उनरो परिवारलाई बप्तिस्मा दियो। उनले पावल रे सिलासलाई आफ्ना घर बस्‍साइ निम्तो दियो, तबइकिलाइ तिनन ताँ बस्या।

![](https://cdn.door43.org/obs/jpg/360px/obs-en-47-03.jpg)

पावल रे सिलास यहुदीले प्रार्थना अद्दया ठाउँमि मान्सनसित अक्सर भेट्टया अर्नथ्या। हरेक दिन जब उनन ता हिट्टया अर्नथ्या, भूतात्मा लागेकी एक नौकर्नी केटीले उनलाई पछ्याउन्या अर्न्थि। तइ भूतात्माको माध्यम बठेइ उनले मान्सनको जोखना हेद्दया अर्न्थि, यिसेरि जोखना हेरिबर उनले आफ्ना मालिककि निउति भौत कमाइ अरिदिन्थीन।

![](https://cdn.door43.org/obs/jpg/360px/obs-en-47-04.jpg)

तइ नौकर्नी केटीले इसो भणनि कला हाल्ल पसी, “यीन मान्सन सर्वोच्च परमेश्‍वरका सेवक हुन। यिननले तमनलाई मुक्तिको बाटाको बताइरहेका छन्!” तिनले यो इति धेरै बेर अरिन कि पावल रिसाए।

![](https://cdn.door43.org/obs/jpg/360px/obs-en-47-05.jpg)

त्यछाड्डीबार एक दिन जब नौकर्नी केटी कला हाल्ल पसी, पावल उइकितिर फर्किबर उइ भितर भया दुष्टात्मालाई भण्यो, “येशूका नाउँमि, तइ बठेइ बाइर आ।” तसइ बेला तइ दुष्टात्माले उइलाई छाडीबर गयो।

![](https://cdn.door43.org/obs/jpg/360px/obs-en-47-06.jpg)

तइ नौकर्नी केटीका मालिक भौत क्रोधित भया! तिननले था पायो कि, दुष्टात्मा बिना तइ कुमारी केटीले मान्सनलाई भविष्य बताउन सक्दइन। यइको मतलब यो हो कि मान्सनले आब उइको मालिकलाई उनरो भविष्य बताउनाइ निउती दीनइन।

![](https://cdn.door43.org/obs/jpg/360px/obs-en-47-07.jpg)

तबइकिलाइ तइ नौकर्नी केटीका मालिकले पावल रे सिलासलाई रोमी अधिकारीका वा लइजाइबर गया, जइले उनलाई हाणयो रे जेलमी हालिदियो।

![](https://cdn.door43.org/obs/jpg/360px/obs-en-47-08.jpg)

उनले पावल रे सिलासलाई झ्यालखानको तइ भागमि राख्यो जाँ सब भणना भौत चौकीदार थ्या। रे उनरा खुट्टामि ठिँगुरो लगइ ठोकिदियो। तर आधरातका समयमि, उनन परमेश्‍वरको प्रशंसाका गीत गाउन्ना थ्या।

![](https://cdn.door43.org/obs/jpg/360px/obs-en-47-09.jpg)

एक्कासी, ता एक ठूलो भूईँचालो गयो! झ्यालखानाका सब ढोका खोलियो, रे सबइ कैदीका साङ्ला लगइ खुल्या।

![](https://cdn.door43.org/obs/jpg/360px/obs-en-47-10.jpg)

तब जेलका हाकिम निन बठेइ बिउजिया। पइ उनले जेलका ढोका खुल्या धेक्यो। सबइ कैदी भाग्या हुन भणीबर उनले सोच्यो। रोमी अधिकारीले उनलाई जान दियो भणीबर उइलाई मद्द्या हुन भणन्या डर थ्यो, तबइकिलाइ उन आत्महत्या अद्दाइ तयार भया! तर पावलले उइलाई धेक्यो रे कला हाल्यो, “रोक! आफैलाई चोट जनदीय। हाम सबइ या छौं।”

![](https://cdn.door43.org/obs/jpg/360px/obs-en-47-11.jpg)

उन डरले काम्बर पावल रे सिलासका अगाडी आया रे सोध्यो, “उद्धार पाउनलाई मैले कि अददु पणन्छ?” पावलले जवाफ दियो, “येशू प्रभुमि विश्‍वास अर, रे तम रे तमरा परिवारले उद्धार पाउन्या हो।” पइ तिन हाकिमले पावल रे सिलासलाई आफ्नो घरभितर लइइया रे उनरा घा धोइदियो। पावलले उनरा घरमि भया सबैलाई येशूको बारेमि सु-समाचार सुणायो।

![](https://cdn.door43.org/obs/jpg/360px/obs-en-47-12.jpg)

तिन हाकिम रे उनरा सब परिवारले येशूमि विश्‍वास अर्यो, तबइकिलाइ पावल रे सिलासले बप्तिस्मा दियो। पइ तिन हाकिमले पावल रे सिलासलाई भोजन दियो, रे उनन सबैले एकसाथ आनन्द मनायो।

![](https://cdn.door43.org/obs/jpg/360px/obs-en-47-13.jpg)

तइका अर्खा दिन शहरका अगुवानले पावल रे सिलासलाई जेल बठेइ छाडिदियो रे उनलाई फिलिप्पी बठेइ निकल भण्यो। पावल रे सिलासले लिडिया रे और केइ मित्तुरलाई भेटयो रे तइ पछा शहर छाडीबर गया। येशूका बारेमि सु-समाचार फैलिँनोइ गयो, रे मण्डली बढ्ढोइ गयो।

![](https://cdn.door43.org/obs/jpg/360px/obs-en-47-14.jpg)

पावल रे और विश्वासीनका अगुवान भौत शहरमि येशूको बारेमि सु-समाचार प्रचार अद्दाइ रे शिक्षा दिनाइ यात्रा अर्यो। उनले मण्डलीमि भया विश्‍वासीनलाई उत्साह दिनाइ रे सिकाउनाइ भौत चिठ्ठी लगइ लेख्यो। यीन मध्ये केइ चिठी आज बाइबलका किताबमि सामेल भया छन।

*बाइबल कथा: प्रेरित १६:११-४०*

Audio: https://git.door43.org/OBS-TLF/dty_obs/releases/download/v1/dty_obs_v1_47_128kbps.m4a

## 48. येशू प्रतिज्ञा अरिया ख्रिस्ट हुन

https://openbiblestories.org/l/dty/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्‍वरले संसारको सृष्टि अर्यो, सबै कुरणी सिद्ध थ्यो। ता केइ पाप थेइन। आदम रे हव्वाले एक-अर्कालाई प्रेम अर्नथ्या, रे उनले परमेश्‍वरलाई प्रेम अर्नथ्या। ता केइ रोग अथवा मृत्यु थेइन। त्यो परमेश्‍वरले चाया संसार थ्यो।

![](https://cdn.door43.org/obs/jpg/360px/obs-en-48-02.jpg)

बगैँचामि हव्वालाई झुक्याउनाइ निउती शैतान सर्प बठेइ बोल्यो। पइ हव्वाले रे आदमले परमेश्‍वरका विरुद्धमि पाप अर्यो। उनले अर्या पापका लाग्दा, पृथ्वीमि सबइ मान्सनको मृत्यु हुन्छ।

![](https://cdn.door43.org/obs/jpg/360px/obs-en-48-03.jpg)

आदम र हव्वाले पाप अर्या हुनाले केइ आजि ननिको भयो। उनन परमेश्‍वरका शत्रु भया। जइका लाग्दा, तइ समय पछा हरेक मान्सले पाप अर्या छ। हरेक मान्सन जन्मनाइ परमेश्‍वरका शत्रु हुन। परमेश्‍वर रे मान्सको बीचमि शान्ति थेइन। तर परमेश्वरले शान्ति स्थापना अद्द चाहनथ्या।

![](https://cdn.door43.org/obs/jpg/360px/obs-en-48-04.jpg)

परमेश्‍वरले प्रतिज्ञा अर्या थ्यो कि हव्वाको एकजना सन्तानले शैतानको शिर कुच्याउन्या हो, रे शैतानले उइको कुर्कुच्चा खोप्द्या हो। त्यो भणया यो थियो कि शैतानले ख्रिस्टलाई मद्दया हो, तर परमेश्‍वरले उनलाई आजि जीउना बनाउन्या हुन। ख्रिस्टले शैतानको शक्तिलाई सदाइकि निउती खोस्सया हुन। भौत वर्ष पछा, परमेश्‍वरले येशूइ ख्रिस्ट हुन भणी प्रकट अरिदियो।

![](https://cdn.door43.org/obs/jpg/360px/obs-en-48-05.jpg)

परमेश्वरले नोआलाई आफ्नो परिवारलाई जलप्रलय बठेइ बचाउनाइ जहाज बनाउनाइ भण्यो। इसेरी परमेश्वरले उनमि विश्वास अद्द्या मान्सनलाई बचायो। तसेरि, सबैजना आफ्ना पापको कारण परमेश्वर बठेइ मृत्यु पाउने योग्यका छन। तर परमेश्‍वरले उनमि विश्‍वास अद्दया सबलाइ बचाउनाइ येशूलाई पठायो।

![](https://cdn.door43.org/obs/jpg/360px/obs-en-48-06.jpg)

सयौँ वर्षसम्म, पूजारीले मान्सनकि निउती उनरा पापका लाग्दा उनले पाउनुपड्डया दण्डको साटो परमेश्‍वरलाई निरन्तररूपमि बलि चढाइदियो। तर तिन बलिले उनरा पाप क्षमा अद्द सकेइन। पुजारीले अद्द नसक्दया कुरणी येशूले अर्यो। उनले आफैँलाई एकमान्तर बलिका रूपमि सुम्पीदियो जइले संसारका सबै मान्सनका पाप उठाइबर लइजान सक्दया हुन। हामले हामरा पापकि निउती पाउनु पड्डया र् सजाय उनले आफइमि स्वीकार अर्यो। तबइकिलाइ येशू महान प्रधान पूजारी हुन।

![](https://cdn.door43.org/obs/jpg/360px/obs-en-48-07.jpg)

परमेश्‍वरले अब्राहामलाई भण्यो, “म पृथ्वीका सब मान्स जातिलाइ तु बठेइ आशिषित् दिन्या हु।” येशू अब्राहामका एक सन्तान थ्या। परमेश्वरले सब मान्स जातिलाइ उन बठेइ आशिषित दिनाहान, क्याकी परमेश्वरले येशूमि विश्वास अद्दया सबलाई पाप बठेइ बचाउनाहान। जब यीन मान्सनले येशूमि विश्वास अद्दाहान, परमेश्वरले तिननलाई अब्राहामको सन्तान माणनाहान।

![](https://cdn.door43.org/obs/jpg/360px/obs-en-48-08.jpg)

परमेश्‍वरले अब्राहामलाई उनरा चेला, इसहाकलाई, एक बलि स्वरूप चढाउनाइ भण्यो। तर परमेश्‍वरले बलिकि निउती उनरा चेला इसहाकका सट्टामि एक थुमा प्रदान अर्यो। हाम सबजना हामरा पापको खातिर मर्न योग्यका छौ! तर परमेश्वरले येशूलाई हाम्रो ठाउँमा मर्नको लागि बलिदानको रूपमा दिनुभयो। त्यसैले हामी येशूलाई परमेश्वरको थुमा भन्छौं।

![](https://cdn.door43.org/obs/jpg/360px/obs-en-48-09.jpg)

जब परमेश्‍वरले मिश्रदेशमि अन्तिम विपत्ती पठायो, उनले हरेक इस्राएली परिवारलाई एक खोट नभया थुमालाई माद्दाइ भयो। रे तइको रगत उनरा घरको ढोकाको चौकोसका दुइतिरका खामा रे मल्तिरका भागमि लाउनाइ भण्यो। जब परमेश्‍वरले त्यो रगत धेक्यो, उनले तिनरा घरलाई छाडीबर गया रे उनरा जेठा चेलालाई मारेइन। यइ घटनालाई परमेश्वरले निस्तार चाड भण्यो।

![](https://cdn.door43.org/obs/jpg/360px/obs-en-48-10.jpg)

येशू हामरा निउती निस्तारको थुमा जसाइ हुन। उनले कभइ पाप अरेइन, तबइकिलाइ उनमि केइ गल्ती थेइन। उन निस्तारचाडको समयमि मारिया थ्या। जब कसैले येशूमि विश्‍वास अरन्छ, येशूको रगतले तइ मान्सको पापको मोल तिरिदिन्छ। यो इसो हो कि परमेश्वरले तइ मान्सलाई पार अर्यो, क्याकी उनले उइ लाई दण्ड दिनाइन।

![](https://cdn.door43.org/obs/jpg/360px/obs-en-48-11.jpg)

परमेश्‍वरले इस्राएलीसित एक करार बाँध्यो, क्याकी तिनन तिनरा मानसन थ्या जसलाई उनले आफ्‍नो हुनाइ चुन्या थ्यो। तर आब परमेश्‍वरले एक नयाँ करार बनाया छ, जो सबैकि निउति उपलब्ध छ। कोइलगइ मान्सले येशूमि विश्‍वास अरीबर नयाँ करार स्वीकार अरन्छ भणया,तिनन परमेश्‍वरका सन्तान बन्‍न सक्दाहान।

![](https://cdn.door43.org/obs/jpg/360px/obs-en-48-12.jpg)

मोशा एक अगमवक्ता थ्या जइले परमेश्‍वरको वचनको घोषणा ठूलो शक्तिसित अर्यो। तर येशू चाहिँ सब हइ महान अगमवक्ता हुन। उन परमेश्‍वर हुन, तबइकिलाइ उनले अर्या रे भणया सबइ थोक परमेश्‍वरको काम रे वचन थ्या। तबइकिलाइ पवित्र शास्त्रले येशूलाई परमेश्‍वरको वचन भणन्छ।

![](https://cdn.door43.org/obs/jpg/360px/obs-en-48-13.jpg)

परमेश्‍वरले दाऊद राजालाई प्रतिज्ञा अर्या थ्यो कि उनरा सन्तान मध्ये एकजनाले राजाका रूपमि सदाइकि निउती परमेश्‍वरका मान्समि राज्य अद्दया हुन। येशू परमेश्‍वरका पुत्र रे ख्रिस्ट हुन, तबइकिलाइ उनइ दाऊदका सन्तान हुन जइले सदा-सर्वदा राज्य अद्द सक्दाहान।

![](https://cdn.door43.org/obs/jpg/360px/obs-en-48-14.jpg)

दाऊद इस्राएलका राजा थ्या, तर येशू चाहिँ सारा संसारका राजा हुन! उन आजि आउन्या हुन रे सदाइकि निउती न्याय रे शान्तिसित आफ्नो राज्य शासन अद्दया हुन।

*बाइबल कथा: उत्पत्ती १-३, ६, १४, २२; प्रस्थान १२, २०; २ शमूएल ७; हिब्रु ३:१-६, ४:१४-५:१०, ७:१-८:१३, ९:११-१०:१८; प्रकाश २१*

Audio: https://git.door43.org/OBS-TLF/dty_obs/releases/download/v1/dty_obs_v1_48_128kbps.m4a

## 49. परमेश्‍वरको नयाँ करार

https://openbiblestories.org/l/dty/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूतले मरियम नाउँ भयकि एक कन्यालाई भण्यो, कि उनले परमेश्‍वरका पुत्रलाई जन्म दिनेइ हुन। उन आजिलगइ कुमारी थिइन्, तर पवित्र आत्मा उनरा वाँ आया रे उन गर्भवती भइन। उनले एक चेलो जन्मायो रे उनरो नाउँ येशू राख्यो। तबइकिलाइ येशू परमेश्‍वर रे मान्स दुएइ हुन।

![](https://cdn.door43.org/obs/jpg/360px/obs-en-49-02.jpg)

येशूले भौत आश्‍चर्य कर्म अर्यो, जइले प्रमाणीत हुन्छ कि उन परमेश्‍वरथ्या।उन पानीका मथिमि हिँट्या, रे आँधीलाई शान्त पाणयो। उनले भौत रोगी मान्सनलाई निको पाणयो, रे भौत मान्स बठेइ दुष्टात्मा निकाल्यो। उनले मर्या मान्सलाई जीउना बनायो, रे पाँच रे दुईमाछा बठेइ ५,०००भन्दाभौत मान्सनलाई प्रशस्त अरीबर खाना ख्वायो।

![](https://cdn.door43.org/obs/jpg/360px/obs-en-49-03.jpg)

येशू माहान शिक्षक लगइ थ्या। उनले जी सिकायो, उनले सही रूपमि सिकायो। मान्सनले उनले तिननलाई भणया कुरणी अद्दु पणन्छ क्याकी उन परमेश्वरका पुत्र हुन। उदाहरणकि निउती, उनले सिकायो कि तमनले आफैइलाई प्रेम अर्या जसेरी तमनले और मान्सनलाई प्रेम अद्दु आवश्यक छ।

![](https://cdn.door43.org/obs/jpg/360px/obs-en-49-04.jpg)

उनले यो लगइ सिकायो कि तमनले परमेश्‍वरलाई धन-सम्पति रे और सबइ कुरणीलाई भणना बरता प्रेम अददु पणन्छ।

![](https://cdn.door43.org/obs/jpg/360px/obs-en-49-05.jpg)

येशूले भण्यो कि संसारमि और केइ चिज हुन भणना परमेश्वरको राज्यमि हुनु उत्तम हो। तमन उनरो राज्यमि प्रवेश अद्दाइ निउती परमेश्वरले तमनलाई तमरो पाप बठेइ बचाइया हुनु पणन्छ।

![](https://cdn.door43.org/obs/jpg/360px/obs-en-49-06.jpg)

येशूले भण्यो कि केइ मान्सनले उनलाई स्वीकार अद्दया हुन। परमेश्वरले यीन मान्सनलाई बचाउन्या हुन। तर, अन्य मान्सनले उनलाई स्वीकार अद्दया होनन। उनले केइ मान्स निको माटि जसाइ हुन्या लगइ भण्यो। क्याकी तिननले येशूका बारेमि सुसमाचार स्वीकार अद्दाहान, परमेश्वरले तिननलाई बचाउनाहान। तर, और मान्सन बाटाका कडा माटी जसाइ हुनाहान। परमेश्‍वरको वचन बाटामि झड्डया बी जसोइ हो, तर ता केइ हुनइन। यीन मान्सनले येशूको सन्देशलाई इन्कार अद्दाहान। तिननले उनरो राज्यमि प्रवेश अद्द अस्वीकार अद्दाहान।

![](https://cdn.door43.org/obs/jpg/360px/obs-en-49-07.jpg)

येशूले सिकायो कि परमेश्‍वरले पापीलाई भौत प्रेमअद्दाहान।उनले तिनन सबइलाई क्षमा दिन चाहानाहान रे तिननलाई आफ्ना सन्तान बनाउन चाहानाहान।

![](https://cdn.door43.org/obs/jpg/360px/obs-en-49-08.jpg)

येशूले यो लगइ भण्यो कि परमेश्‍वरले पापलाई घृणाअद्दाहान। क्याकी आदम रे हव्वाले पाप अर्यो, उनरा सबइ सन्तानले लगइ पाप अर्यो। संसारमि सबइ मान्सले पाप अद्दाहान रे परमेश्‍वर बठेइ टाढा भया छन। सबइ जना परमेश्‍वरका सत्तुर हुन।

![](https://cdn.door43.org/obs/jpg/360px/obs-en-49-09.jpg)

तर परमेश्‍वरले संसारमि भया सबइलाई इति धेरै प्रेमअर्यो कि उनलेआफ्नो एक मान्तर पुत्र दियो, ताकि येशूमि विश्‍वास अद्द्या कसइले लगइ उनरा पापको सजाय भोग्‍डु जनपडउ, तर परमेश्‍वरसित सदा-सर्वदा बाँचिरउन।

![](https://cdn.door43.org/obs/jpg/360px/obs-en-49-10.jpg)

तु मद्द र योग्य छइ क्याकी तुइले पाप अर्या छइ। परमेश्वरले तुलाई दण्ड दिनु उचित हुन्या हो, तर येशूले हामरा ठाउँमि पापको सजाय लियो। परमेश्वरले येशूलाई क्रूसमि मारिबर सजाय दियो।

![](https://cdn.door43.org/obs/jpg/360px/obs-en-49-11.jpg)

येशूले कभइ पाप अरेइ। उनले पापको सजाय स्वीकार अर्यो, रे मर्या। इसेरी, उन तमरा पाप रे संसारका पहरेक मान्सनका पाप हटाउनाइ निउती सिद्ध बलिदान थ्या। येशूले आफलाई परमेश्वरमि बलिदान अर्यो, तबइकिलाइ परमेश्वरले येशूमि विश्वास अद्दया मान्सनको कसइ लगइ पाप, भयानक पाप लगइ क्षमा अद्दया हुन।

![](https://cdn.door43.org/obs/jpg/360px/obs-en-49-12.jpg)

असल काम गरे पनि परमेश्वरले तमनलाई बचाउन सक्नुहुन्न।परमेश्‍वरसित मित्र बन्नाइ निउती तमले अद्द सक्दया केइ कुरणी छैन। बरु, तमले यो विश्‍वास अददुइ पणन्छ कि येशूइ परमेश्‍वरका पुत्र हुन, कि तमरा सट्टामि उन क्रूसमि मर्या, रे परमेश्‍वरले आजि उनलाई जीउना बनाइबर उठायो। यदि तमनले यो विश्वास अर्या भणया, परमेश्वरले तमनलाई पाप बठेइ क्षमा अद्दया हुन।

![](https://cdn.door43.org/obs/jpg/360px/obs-en-49-13.jpg)

येशूमि विश्‍वास अद्द्या रे उनलाई आफ्नो प्रभु भणीबर ग्रहण अद्द्या सबइलाई परमेश्‍वरले बचाउन्या हुन।तर उनमि विश्‍वास नअद्द्या कसइलाइ लगइ उनले बचाउन्या छैन। यइले केइ फरक पडडया आथिन कि तम धनी हो अथवा गरीब, बैकानअथवा स्वानी, वृद्ध अथवा जवान, अथवा तम का बसन्छौ। परमेश्‍वरले तमनलाई प्रेम अद्दाहान रे तमनले येशूमि विश्‍वास अर्या होउ भणी चाहनाहान, ताकि उन तमरा साथी हुन सकुन।

![](https://cdn.door43.org/obs/jpg/360px/obs-en-49-14.jpg)

येशूले तमनलाई उनमि विश्‍वासअद्द्या रे बप्तिस्मा लिनाइ बोलाउनाहान।कि तमन येशूइ ख्रिस्ट, परमेश्‍वरका एक मान्तर पुत्र हुन भणी विश्‍वास अद्दाहान? कि तमन आफलाई पापी रे परमेश्‍वरको दण्डको भागिदार हु भणी विश्‍वास अर्न्छौ? तमरा पाप उठाइ लैजानाइ येशू क्रूसमि मर्या भणी कि तमन विश्‍वास अर्न्छौ?

![](https://cdn.door43.org/obs/jpg/360px/obs-en-49-15.jpg)

यदि तमनले येशूमि रे उनले तमरा निउति कि अर्यो भणीबर विश्‍वास अर्न्छौ भणया, तमन येशूमि विश्वास अद्दया मान्सन हौ! शैतानले आब उइको अन्धकारको राज्यमि तमनमि शासन अद्दइन। परमेश्वरले अइल उनरो ज्योतिको राज्यमि तमनमि शासन अद्दाछन। परमेश्वरले तमनलाइ पइल्ली जसो पाप नअद्दया सक्षम बनाया छ। उनले तमलाइ जीवन जिउन्या नयाँ, ठिक तरिका दिया छ।

![](https://cdn.door43.org/obs/jpg/360px/obs-en-49-16.jpg)

यदी तम येशूमि विश्वास अद्दया मान्सन हौ भणया, येशूले अर्या कामले अद्दा परमेश्‍वरले तमरा पाप क्षमा अरीदिया छ।परमेश्‍वरले आब तमलाई एक दुस्मन होइन, बरू एक नजिकका मित्र माणनाहान।

![](https://cdn.door43.org/obs/jpg/360px/obs-en-49-17.jpg)

यदि तम परमेश्‍वरका मित्र हौ रे येशू प्रभुको दास हौ भणया, तम आब येशूले सिकाया कुरणी आज्ञापालन अद्द चाहान्या हौ।तम येशूमि विश्वास अद्दया मान्स भया लगइ, आजि शैतानले तमलाइ पाप अद्दाइ परीक्षामि पड्डया हौ। तर परमेश्‍वरले जबलगइ जी अद्दाहान तेइ अद्दाहान। उनले भणनाहान कि यदि तमले आफ्ना पापको प्रयाश्‍चित अर्न्छौ भणया, उनले तमलाई क्षमा अद्द्या हुन।पापको विरुद्ध लड्डाइ निउती उनले तमलाई शक्ति दिन्या हुन।

![](https://cdn.door43.org/obs/jpg/360px/obs-en-49-18.jpg)

परमेश्‍वरले तमलाई प्रार्थना अद्दाइ, रे उनरा वचन पढ्ढाइ भणनाहान। रे उनले यो लगइ भणनाहान कि और विश्वासीसित आराधना अर। उनले तमरा निउति कि अर्यो भणी तमले औरलाई भणनु पणन्छ। तमले यीन सबइ काम अर्या भणया उनरा नजिकका मित्तुर बन्नया हौ।

*बाइबल कथा: उत्पत्ति ३; मत्ती १३-१४; मर्कुस १०:१७-३१; लूका २; १०:२५-३७;१५; यूहन्‍ना ३:१६; रोमी ३:२१-२६, ५:१-११; २ कोरन्थी ५:१७-२१; कलस्सी १:१३-१४; १ यूहन्‍ना १:५-१०*

Audio: https://git.door43.org/OBS-TLF/dty_obs/releases/download/v1/dty_obs_v1_49_128kbps.m4a

## 50. येशू आजि आउन्या हुन

https://openbiblestories.org/l/dty/story-50/

![](https://cdn.door43.org/obs/jpg/360px/obs-en-50-01.jpg)

करिब२,०००वर्ष बठेइ, संसार भरिका भौत मान्सनले येशू ख्रिस्टका बारेमि सु-समाचार सुणनाइ आया छन।मण्डलीको संख्या बड्डा छ।येशूले प्रतिज्ञा अर्याथ्यो कि संसारको अन्त्यमि उन फर्की आउन्या हुन।उन आजि सम्म फर्किया त आथिन, तर उनले आफ्नो प्रतिज्ञा पूरा अद्दा हुन।

![](https://cdn.door43.org/obs/jpg/360px/obs-en-50-02.jpg)

जब हाम येशूको आगमनको प्रतीक्षा अद्दाउ, हाम पवित्र रे उनलाइ आदर दिन्या जीवन बिताउ भणीबर परमेश्‍वर चाहानाहान। हामले औरलाई उनरो राज्यका बारेमि लगइ भण भणीबर उन चाहानाहान।जब येशू संसारमि थ्या, उनले भण्यो, “मेरा शिष्याले परमेश्‍वरको राज्यको बारेमि सब संसारका मान्सनलाई सु-समाचार प्रचार अद्द्या हुन, पइ तइ पछा मान्तर अन्त्यको दिन आउन्या हो।”

![](https://cdn.door43.org/obs/jpg/360px/obs-en-50-03.jpg)

भौत मान्स जातिले आजि लगइ येशूको बारेमि सुणया आथिन।स्वर्गमि फर्किबर जानाहइ अगाडी उनले विश्वासीनलाई तिन मान्सनलाई सु-समाचारको घोषणा अद्दाइ भण्यो, जइले कभइ यइको बारेमि सुणया आथिन।उनले भण्यो, “जारे सबइ जातिका मान्सनलाई शिष्या बना!” फसल पाकि सक्या छ, र कटनीकि निउती तैयार छ!”

![](https://cdn.door43.org/obs/jpg/360px/obs-en-50-04.jpg)

येशूले यो लगइ भण्यो, “कोइ दास आफ्नो मालिक भणना ठूलो हुन सक्दैन।यइ संसारका महत्वपूर्ण मान्सनले मलाई घृणा अर्यो, उनले मेरा खातिर तमनलाई लगइ कष्ट दिन्या हुन रे माद्दया हुन।यइ संसारमि तमनले कष्ट भोग्दु पड्या लगइ, बलियो होउ, क्याकी मइले यइ संसारको शासन अद्दया शैतानलाई हाराया छु। यदि तमन अन्त्य सम्मइ म प्रति विश्‍वासयोग्य भया भणया, परमेश्‍वरले तमलाइ बचाउन्या हुन!”

![](https://cdn.door43.org/obs/jpg/360px/obs-en-50-05.jpg)

येशूले उनरा शिष्यालाई संसारको अन्त्य भया पछा कसो हुन्या हो भणी बुजाउनाइ निउती एक कथा भण्यो।उनले भण्यो, “एक जना मान्सले आफ्नो खेतमि असल बि लायो।जब उ सीरइथ्यो, उइको शत्रु आइबर गहुँका बीचमि सामाको बि छरि दियो, रे ता बठेइ गयो।”

![](https://cdn.door43.org/obs/jpg/360px/obs-en-50-06.jpg)

“जब बि उमर्यो, तइ मान्सका दासले भण्यो, 'मालिक, तमले त तइ खेतमि असल बि लगाया थ्या।तर काँ बठेइ तइमि सामा आया?’ तइ मालिकले जवाफ दियो, “कोइ शत्रुले त्यो रोप्या हुनु पणन्छ।”

![](https://cdn.door43.org/obs/jpg/360px/obs-en-50-07.jpg)

“तिन दासले उनरा मालिकलाई भण्यो, 'कि हाम तइ सामालाई उखेलौ?’ मालिकले भण्यो, 'होइन। तमनले तसो अर्या भणया, तमनले तइ सीतइ केइ गउ लगइ उखेल्लया हौ।कटनीको समय सम्मकि निउती पख। पइ तइ पछा सामानलाई बटोलिबर बाल्लाइ निउति बिटा-बिटाबना। तर गहु चाइ मेरा ढुकुटीमि ल्यास।'”

![](https://cdn.door43.org/obs/jpg/360px/obs-en-50-08.jpg)

शिष्याले तइ कथाको अर्थ बुजेइन, तबइकिलाइ उनले येशूलाई त्यो बुजाइ दिनाइ आग्रह अर्यो।येशूले भण्यो, “असल बि बुन्या मान्सले ख्रिस्टलाई जणाउँछ।खेतले संसारलाई जनाउँछ।असल बिले परमेश्‍वरको राज्यका मान्सनलाई जनाउँछ।”

![](https://cdn.door43.org/obs/jpg/360px/obs-en-50-09.jpg)

सामाले तिन मान्सनलाई जनाउँछ, जो तइ दुष्ट सैतानका हुन। सामा बोइ दिन्या तइ शत्रुले दुष्टलाई जनाउँछ। कटनीको समयले अन्त्यको दिनलाई जनाउँछ, रे कटनी अद्दया परमेश्‍वरका स्वर्गदूतलाई जनाउँछ।”

![](https://cdn.door43.org/obs/jpg/360px/obs-en-50-10.jpg)

“जब संसारको अन्त्य हुन्या हो, स्वर्गदूतले शैतानका सब मान्सनलाई जम्मा पाड्डया हुन। स्वर्गदूतले उनलाई दन्किर्या आगामि फालि दिन्या हुन। ता तिन मान्सन रुन्या हुन रे भयानक पीडामि दाँत किरोड्डया हुन तर धर्मी मान्सन, जइले येशूलाई पछेया छन, तिनरा पिता परमेश्‍वरको राज्यमि सूर्य जसेरी चम्कन्या हुन।”

![](https://cdn.door43.org/obs/jpg/360px/obs-en-50-11.jpg)

येशूले यो लगइ भण्यो कि संसारको अन्त्य हुनाहइ ठीक अगाडी उन पृथ्वीमि फर्कि आउन्या हुन।उन जाँनज्या जसा अवस्थामि थ्या तसाइ अवस्थामि उन फर्कि आउन्या हुन। उनसित साच्चीको शरीर हुन्या हो, रे उन अग्गासमि बादलमि आउन्या हुन। जब येशू फर्कीन्या हुन, मरिसक्या सबइ विश्वासीन मर्या बठेइ जिउना हुन्या हुन रे उनलाई अग्गासमि भेट्टया हुन।

![](https://cdn.door43.org/obs/jpg/360px/obs-en-50-12.jpg)

पइ तइबेला बाच्या विश्वासीन मल्तिर अग्गस्मी उचाइन्या हुन रे और मर्या बठेइ जिउना भया विश्वासीन सितइ मिलल्या हुन।उन सबै जना येशूसित हुन्या हुन।तइपछा, येशू आफ्ना मान्सनसित सदाकि निउती शान्ति रे एकतामि बस्‍सया हुन।

![](https://cdn.door43.org/obs/jpg/360px/obs-en-50-13.jpg)

येशूले उनमि विश्‍वास अद्द्या सबइ जनालाई मुकुट दिन्या प्रतिज्ञा अर्या छ। तिननले सदाइ सब कुरणीमि परमेश्वरसित शासन अद्दया हुन्। तिननले पूरा शान्ति पाउन्या हुन।

![](https://cdn.door43.org/obs/jpg/360px/obs-en-50-14.jpg)

तर परमेश्‍वरले येशूमि विश्‍वास नअद्द्या सबइको न्याय अद्दया हुन।उनले तिननलाई नरकमि फालिदिन्या हुन। त्या उन सदाकि निउती रून्या हुन रे कष्टमि दारा किट्टया हुन।कभइ ननिम्द्या आगाले सदाइ तिननलाई जलाउन्या छ, रे किराले तिननलाई खान कभइ छाड्डया आथिन।

![](https://cdn.door43.org/obs/jpg/360px/obs-en-50-15.jpg)

जब येशू फर्कीनाहान, उनले शैतान रे तइको राज्यलाई पुरा रूपले नष्ट अद्द्या हुन।उनले शैतानलाई नरकमि फालि दिन्या हुन। ताँ शैतान सदाको निउति जल्लया हुन, रे उनसित तिनन लगइ, जइले परमेश्‍वरको आज्ञापालन अददुको सट्टा तइ दुष्टलाई पछ्यानाइ रोज्यो।

![](https://cdn.door43.org/obs/jpg/360px/obs-en-50-16.jpg)

आदम र हव्वाले परमेश्‍वरको आज्ञापालन नअर्या रे यइ संसारमि पापलाई प्रवेश अराया हुनाले, परमेश्‍वरले यइ संसारलाई श्राप दियो रे यइलाई नाश अद्द्या निर्णय अर्यो।तर कसइ दिन, परमेश्‍वरले एक नयाँ स्वर्ग रे नयाँ पृथ्वीको सृष्टि अद्द्या हुन, जो चाइ सिद्ध हुन्या छ।

![](https://cdn.door43.org/obs/jpg/360px/obs-en-50-17.jpg)

येशू रे उनरा मान्सन नयाँ पृथ्वीमि रन्या हुन, रे उनले सदाकि निउती सब कुरणीमि शासन अद्द्या हुन। उनले मान्सनका आँखा बठेइ सबइ आँउस पुछि दिन्या हुन। ता आजि केइ कष्ट, दुःख, रूवाई, दुष्टता, वेदना,अथवा मृत्यु हुन्या आथिन।येशूले शान्ति रे न्यायसित आफ्नो राज्यमि शासन अद्द्या हुन। उन सदाकि निउती आफ्ना मान्सन सित रन्या हुन।

*बाइबल कथा: मत्ती १३:२४-४२; २२:१३; २४:१४; २८:१८; यूहन्‍ना ४:३५; १५:२०; १६:३३; १ थेसलोनिकी ४:१३-५:११; याकूब १:१२; प्रकाश २:१०; २०:१०; २१-२२*

Audio: https://git.door43.org/OBS-TLF/dty_obs/releases/download/v1/dty_obs_v1_50_128kbps.m4a