# unfoldingWord Open Bible Stories — Borana-Arsi-Guji Oromo (Oromo, Borana-Arsi-Guji)

- Language code: `gax`
- Canonical page: https://openbiblestories.org/l/gax/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Borana-Arsi-Guji Oromo translation; it is not a translation of the whole Bible.

## 1. Dada

https://openbiblestories.org/l/gax/story-1/

![](https://cdn.door43.org/obs/jpg/360px/obs-en-01-01.jpg?direct&)

kanatti aansinee waan maraa ka jalqabe Waaqa akka te’e ilaalla. Maarre Waaqi biyya lafaatii fi waan isii keessa jiru mara guyyaa jaa keessatti dade. Waaqi lafa dadeen duuba, latti dukkana; bifalle hin qadduuyyu; duwwaalle'e. Wonni tokkolle isii keessatti hin dadanneeyyu. Te’uu malee Ayyaanni Waaqaa bisaan irra tatacho'aa ture.

![](https://cdn.door43.org/obs/jpg/360px/obs-en-01-02.jpg?direct&)

Achiin duuba Waaqi, <<Ifi te'uu ti>> jedhe. Ifille te'e. Waaqi ifi dansaa akka te'elle dhaggee, <<Guyyaa>> jedhe. Waaqi ifa dukkana irraa gargar baasee, dukkanaan <<Halkan>> jedhe. Waaqi guyyaa jalqabaa ifa dade.

![](https://cdn.door43.org/obs/jpg/360px/obs-en-01-03.jpg?direct&)

Guyyaa lammeesso’oo Waaqi gubbaa gombobbittii ta lafaan gubbaa jirtu dade. Maarre Waaqi bisaan gubbaa gombobbittii irraa gargar baase.

![](https://cdn.door43.org/obs/jpg/360px/obs-en-01-04.jpg?direct&)

Guyyaa sadeesso’oo Waaqi bisaan lafa godduu irraa akka gargar bawu godhe. Waaqi, lafa goddu'uun, <<Lafa>> bisaanille’een, <<Abbaayaa guddoo>> jedhee waame. Waaqi wonni dade dansaa akka teete dhagge.

![](https://cdn.door43.org/obs/jpg/360px/obs-en-01-05.jpg?direct&)

Achiin duuba Waaqi, <<Latti mukoota adda addaatii fi biqiltoota adda addaa baachuu ti>> jedhe. Akkusuma teete. Waaqi wonni dade dansaa akka teete dhagge.

![](https://cdn.door43.org/obs/jpg/360px/obs-en-01-06.jpg?direct&)

Guyyaa dadaa ka arfeesso’ootitti Waaqi aduu, ji’aa fi urjoota dade. Waaqi guyya’aa fi halkan, yennaan bonaa-gannaatii fi wogga'aa akka gargar bayanu godhe. Waaqille wonni dade dansaa akka teete dhagge.

![](https://cdn.door43.org/obs/jpg/360px/obs-en-01-07.jpg?direct&)

Guyyaa shaneesso’ootitti Waaqi waan bisaan keessa le’uu fi sinbirrota mara dade. Waaqi tun dansaa akka teete dhagge; waan dadame san eebbise.

![](https://cdn.door43.org/obs/jpg/360px/obs-en-01-08.jpg?direct&)

Guyyaa jayeesso’ootitti Waaqi, <<Lafa irratti bineensoti gosa adda addaa marti jiraatanuu ti>> jedhe. Akkuma Waaqi jedhe teete. Tokko tokko qotiyyoo, tokko tokko bineensota lafa irra looyu, tokko tokko bineensota badda'aa ti. Waaqi wonni dade sun dansaa akka teete dhagge.

![](https://cdn.door43.org/obs/jpg/360px/obs-en-01-09.jpg?direct&)

Waaqi, <<Kowa'a, akka bifaa fi akka fakkeenna keennaatitti, nama dannaa ti. Isaanille biyya lafaa maraa fi bineensota mara irratti baallii qabaatuu ti>> jedhe.

![](https://cdn.door43.org/obs/jpg/360px/obs-en-01-10.jpg?direct&)

Maarre Waaqi biyyee lafa irraa fuudhee nama tolchee dadee, hafuura jiru’uu kenneefi. Maqaan nama kanaa, <<Addam>> jedhame. Waaqi addee Addam le’utti biqiltoota dhaabee, akka inni kunuunsuuf isa achi keye.

![](https://cdn.door43.org/obs/jpg/360px/obs-en-01-11.jpg?direct&)

Waaqi biqiltoota oddu'utti mukoota addaa lama dhaabe. Mukooti sun muka jiru’uutii fi muka hantu'uu fi dansaa addaan baasiisa dandeessisu, mukoota beekkunsaa ti. Waaqi muka beekkunsaa ka addee biqiltootaa jiru keessaa mukoota hantu'uu fi dansaa addaan baasiisa dandeessisu san malee, mukoota addee oorruu biqltootaa jiranu mara nyaatiisa akka dande’u Addamitti hime. Garuu muka hantu'uu fi dansaa addaan baasiisa dandeessisu san yoo nyaate akka du’u isatti himeeraayyu.

![](https://cdn.door43.org/obs/jpg/360px/obs-en-01-12.jpg?direct&)

Waaqi Nami qofii ifii te'uun dansaa akka hin te’in dubbate. Bineensota keessaa tokkolle qarqaaraa Addaamii te’iisaaf hin dandeenne.

![](https://cdn.door43.org/obs/jpg/360px/obs-en-01-13.jpg?direct&)

Waaqi hirriiba hamaa Addaamitti buusee adoo inni rafuu, cinaacha isaa irraa fuudhee, dubartii takka dadee gara isaa fide.

![](https://cdn.door43.org/obs/jpg/360px/obs-en-01-14.jpg?direct&)

Addaam yennaa isii dhagge, <<Tun anuma fakkaatti, isiin dhiiraa irraa waan dhagganteef, <Dubartii> jedhantuu ti>> jedhe. Tanaaf nami abba’aa fi haadha ifii lakkisee niitii ifii woliin tokko te’a.

![](https://cdn.door43.org/obs/jpg/360px/obs-en-01-15.jpg?direct&)

Waaqi dhiiraa fi dubartii akka bifa ifiitittii dade. Waaqi isaan eebbisee,<<Ijoollee baca’aa fi ijoollee ijoollee teessaanii qabaadha’aatii lafa guuta’a>> jedhe. Waaqi wonni huje sun goddoo dansaa akka teete dhagge. Waan san maratti gammade. Wonni martinuu guyyaa jaatti teete.

![](https://cdn.door43.org/obs/jpg/360px/obs-en-01-16.jpg?direct&)

Waaqi guyyaa torbeesso'oo hujii dadiisaa hobbaase. Tanaaf Waaqi hujii huje san mara irraa foorfate. Inni hujii huje san mara irraa waan foorfateteef, guyyaa torbeesso’oo eebbisee woyyoonse. Waaqi akka kanaan ol-gubbaa, lafaa fi waan isii keessaa mara dade.

*Dabarsii Kitaaba Woyyichaa:- Seera Daadaa 1-2.*

## 2. Cubbuun biyya lafaa seente

https://openbiblestories.org/l/gax/story-2/

![](https://cdn.door43.org/obs/jpg/360px/obs-en-02-01.jpg?direct&)

Addaamii fi niitiin isaa addee oorru'uu ta Waaqi isaaniif huje keessa yennaa le'anu guddoo gammaadaa le'ane. Isaan laamaanuu qullaa jiraniiyyu. Te'uu malee cubbuun biyya lafaa keessa waan hin jirreef qullaa jiraatiis isaanii akka isaan wol fokkifatanu isaan hin goone. Isaan addee oorru'uu san keessa deddeebi'aa Waaqa woliin dubbataniiyyu.

![](https://cdn.door43.org/obs/jpg/360px/obs-en-02-02.jpg?direct&)

Garuu bofi maltichi addee oorru'uu san keessa jiraayyu. Inni namitti'iin, <<Dhugumaan Waaqi, <Mukoota oorruu tana keessa jiranu mara irraa hin nyaatina'a!> isiniin jedheeraa jedhee gaafate.

![](https://cdn.door43.org/obs/jpg/360px/obs-en-02-03.jpg?direct&)

Namittiille, <<Waaqi, <Muka beekunsaa ka dansa'aa fi huntuu addaan baasiisa dandeessisu malee, midhaan muka maraa nyaatiisa hin dandeettan. Garuu midhaan muka sanii yoo nyaattane yookiin yoo tuxxaneeyyuu hin duutan> nuun jedheera>> jetteen.

![](https://cdn.door43.org/obs/jpg/360px/obs-en-02-04.jpg?direct&)

Bofi deebisee, <<Tun dhuga'aa moti. Hin duutanu. Isin midhaan muka sanii yennaa nyaattane, ilti teessan banantee, hantu'uu fi dansaa beekiisaan akka Waaqaa akka teetanu, Waaqi waan beekuuf, <Hin nyaatina'a> isiniin jedhe>> jedheen.

![](https://cdn.door43.org/obs/jpg/360px/obs-en-02-05.jpg?direct&)

Namittiin midhan muka sunii nyaatiisaaf dansaa, ilatti ka toluu fi ka nama qaroonsu akka te'e yenna dhaggite, midhaan isaa fuutee nyaatte. Dhirsa isi'ii ka isii woliin jirulle'eef kennite. Innille midhan muka sanii nyaate.

![](https://cdn.door43.org/obs/jpg/360px/obs-en-02-06.jpg?direct&)

Yoosuma ilti isaan lamaaniituu banante. Akka qullaa jiranulle beekane; baala mukaa akka woya’aa wolitti hodhanee nafa ifii gollatiisaaf wodhaanane.

![](https://cdn.door43.org/obs/jpg/360px/obs-en-02-07.jpg?direct&)

Namichii fi niitiin isaa Waaqi addee oorru'uu keessa deddeemuun qoonqoo isaa dhage'anee, isaan marti Waaqa duraa dhokatane. Waaqille Addaam waamee, <<Eessa jirta?>> jedhe. Addaamille deebisee, <<Ati addee oorru'uu keessa deddeebituun dhage'ee qullaa waan jiruuf sodaadhee dhokadhe>> jedhe

![](https://cdn.door43.org/obs/jpg/360px/obs-en-02-08.jpg?direct&)

Waaqille, <<Qullaa akka jirtu eentu sitti hime? Midhaan muka ani, <Hin nyaatin> jedhee si ajaje sanii nyaattee?>> jedheen. Namichille deebisee, <<Namittiin tun akka ana woliin leetuuf ta ati anaaf kennite, midhaan muka sanii anaaf kennitee anille nyaadhe>> jedhe. Waaqi, namittiille'een, <<Wonni ati goote kun maan inni?>> jedhe; isiille, <<Bofi na sobee jennaan nyaadhe>> jetteen.

![](https://cdn.door43.org/obs/jpg/360px/obs-en-02-09.jpg?direct&)

Waaqi bofaan ,<<Ati ka abaarante; gadhaa keetiin lafa irra hin loota; biyyeelle hin nyaatta. Atii fi dubartiin tun diina woliif hin teetan; ijoolleen teetii fi ijoolleen isi’iille akkasuma diina woliif hin te’an. Sanyiin namittii tanaa mataa keeti hin butucha; atille jimuu isaa hin iddita>> jedhe.

![](https://cdn.door43.org/obs/jpg/360px/obs-en-02-10.jpg?direct&)

Waaqi namittiille'een, <<Yennaa ciniissu'uu gaargala sittti hin fakkansa; fedhii dhirsa keetii hin qabaatta; innille si irratti bulchaa hin te'a>> jedhe.

![](https://cdn.door43.org/obs/jpg/360px/obs-en-02-11.jpg?direct&)

Waaqi Addaamiin, <<Ati dubbii niitii teetii dhageettee, midhaan muka ani, <Hin nyaatin> jedhee si ajajee waan nyaatteef, latti sababa keetiin ta abaarante hin teeti; atille bara jiruu teetii mara danfitee eloottee sagalee teeti isii irraa hin dhaggata. Achiin duuba hin duuta. Ati biyye'ee, deebitee biyyee hin teeta>> jedhe. Addaamille niitiin isaa haadha worra jiraataa maraa waan teeteef, maqaa isi'ii, <<Heewwan>> jedhee baase; hiikkaan maqaa kanaa, <<Ka jiruu kennu>> jechu’u. Waaqi gogaa bineensaa irraa qopheessee Addaamii fi Heewwanitti uffise.

![](https://cdn.door43.org/obs/jpg/360px/obs-en-02-12.jpg?direct&)

Waaqille, <<Nami hantu'uu fi dansaa beekiisaan nu keessaa akka tokkoo te'eera; ammalle harka ifii diriirsee midhaan muka jiru'uu kutee akka hin nyaanne, haga bara baraalle akka hin leene>> jedhee, Addaamii fi Heewwaan addee oorru’uu dansittii san keessaa baase. Achiin duuba, karaa gara muka jiru’uu geessu eegiisaaf eennulle muka jiru'uu kana irraa kutee akka hin nyaanne, ergantoota ifii hunnaameyyii addee oorru’uu san keessa keye.

*Dabarsii Kitaaba Woyyichaa:- Seera Dadaa 3*

## 3. Bisaan Badi’ii

https://openbiblestories.org/l/gax/story-3/

![](https://cdn.door43.org/obs/jpg/360px/obs-en-03-01.jpg?direct&)

Bara heddu'uun duuba kolbaan hedduun biyya lafaa kessa le'ane. Isaan worra hamaaleyyi'ii fi hunnaameyyii te'ane. Hammeenni bacataa waan dhufeef, Waaqi bisaan badi'ii ka lola'ee balleessuun biyya lafaa balleessiisaaf murteeffate.

![](https://cdn.door43.org/obs/jpg/360px/obs-en-03-02.jpg?direct&)

Garuu Nohi Waaqa duratti fudhatama dhaggate. Nohi namoota bara san jiru mara caalaa, nama balcha'aa fi nama yakkaa irraa fagaateeru .Waaqi bisaan badi'ii ka fidiisaaf karoora baafate san Nohitti hime. Nohi hoboloo guddittii akka huju Waaqi isatti hime.

![](https://cdn.door43.org/obs/jpg/360px/obs-en-03-03.jpg?direct&)

Waaqi akka Nohi hoboloo guddittii huju itti hime. <<Dheerinna isi'ii meetirii dhibba tokkoo fi afurtama, badhinna isi'ii meetirii diddamii sad, hojjaan isi'ii meetira kudha sadii fi wodhakkaa teetuu ti>> jedhe. Hoboloon guddittiin Nohi huje ta muka irraa hujante teetee, ta mana mana irratti ijaarame sad, kolloo bacaa, heellicho’oo fi fooddaa qaddu. Hoboloon guddittiin sun Nohii fi maatii isaa, bineensota lafa irraa ka gosa adda adda mara bisaan badi’ii irraa akka hanburtu itti hime.

![](https://cdn.door43.org/obs/jpg/360px/obs-en-03-04.jpg?direct&)

Nohille Waaqaaf ajajamee akkuma Waaqi isaanitti hime, Nohii fi ilmaan isaa sad hoboloo guddittii san hujane. Hoboloon guddittiin sun akka malee guddoo waan teeteef, inni adoo isii hujuu woggaa hedduu fixe. Nohi marroo bisaan badi'ii ka dhufaaruu, kolbaa ifi eeggachiisaa, gara Waaqaa akka deebi'aanu isaanitti hime; te'uu malee isaan isa hin dhugeeffanne.

![](https://cdn.door43.org/obs/jpg/360px/obs-en-03-05.jpg?direct&)

Waaqi Nohii fi maatiin isaa, ifii fi bineensotaafille saagalee isaan geettu akka tuulatanu ajaje. Wonni marti yennaa qophootte, hoboloo guddi'itti akka galanu, Nohitti, niitii isaatitti, ilmaan isaa sadii fi niitota isaaniititti, yennaan akka geette hime. Namooti saddeeti hoboloo guddittii sanitti timane.

![](https://cdn.door43.org/obs/jpg/360px/obs-en-03-06.jpg?direct&)

Waaqi akka isaan bisaan badi'ii jalaa bayanu dhala'aa fi korma waan maraa, sinbirrootalle dabalatee, gara Nohii isaan erge. Bineensota gosa adda addaa mara keessaa ciinca'aaf akka te'anu kormaa fi dhalaa torba torba gara hoboloo guddittii Nohii san erge. Marti isaaniituu hobooloo guddittii keessanitti akkuma timaneen Waaqi ifumaaf balbala hoboloo guddittii sanii cufe.

![](https://cdn.door43.org/obs/jpg/360px/obs-en-03-07.jpg?direct&)

Achiin duuba bokkeenni roobuu jalqabbe; roobee, roobee, roobee adoo gargar hin kutin guyyaa afurtamaa fi halkan afurtama roobe. Lafa keessalle'ee maddi burqe. Wonni biyya lafaa irraa marti bisaaniin liqinfamane; gaarrri dhedheeraalle adoo hin hafin bisaaniin liqinfame.

![](https://cdn.door43.org/obs/jpg/360px/obs-en-03-08.jpg?direct&)

Namaa fi bineensota hoboloo guddittii san keessa jiranu malee, wonni lafa irraa marti dhumatane. Hoboloon guddittiin sun bisaan irratti ol baatee, waan isii keessaa mara du’a irraa hanburte.

![](https://cdn.door43.org/obs/jpg/360px/obs-en-03-09.jpg?direct&)

Bokkeenni caameen duuba hoboloon guddittiin sun haga ji'a shanii bissaan gubbaa teette. Yeenna san bisaan dhidhatiisa jalqabe. Gaafa tokko hoboloon guddittiin sun qaccee gaaraa irra teette; te'uu malee latti duudiin ammalle bisaaniin liqinfanteertiiyyu. Ji'a sadiin duuba qacceen gaarotaa mudhatiisa jalqabane.

![](https://cdn.door43.org/obs/jpg/360px/obs-en-03-10.jpg?direct&)

Guyyaa afurtamaan duuba, Nohi bisaan lafa irraa akka gogeeru ilaaliisaaf harraaqessa erge. Harraaqessi sun asii fi achi koolaan ka'ee, lafa godduu yennaa barbaade dhaggiisaaf hin dandeenne.

![](https://cdn.door43.org/obs/jpg/360px/obs-en-03-11.jpg?direct&)

Achiin duuba Nohi saphaliisa tokko erge. Te'uu malee saphaliis sun addee itti tee'u waan dhabeef gara hoboloo Nohii deebi'ee dhufe. Torbaan tokkoon duuba Nohi ammalle saphaliisa san erge. Saphaliis sun kichuu ejersaa afaanitti qabattee deebi'e; bisaan dhidhataa waan deemeef, biqiltooti biqiluu jalqabane.

![](https://cdn.door43.org/obs/jpg/360px/obs-en-03-12.jpg?direct&)

Nohi torbaan tokko turee yennaa sadeesso'oo saphaliisa erge. Yennaa tana addee itti tee'u waan dhaggatteef deebi'ee hin dhunne. Bisaan gogiisatti jiraayyu.

![](https://cdn.door43.org/obs/jpg/360px/obs-en-03-13.jpg?direct&)

Ji’a lamaan duuba Waaqi, Nohiin, <<Ati, maatiin keetii fi bineensotille hoboloo guddittii san keessaa gad baya’a>> jedhe. Maatiin isaa hoboloo guddittii san keessaa gad bayane. Ijoollee baca’aa fi akaakota bacaa horanee lafa guutane.

![](https://cdn.door43.org/obs/jpg/360px/obs-en-03-14.jpg?direct&)

Nohi hoboloo guddittii keessaa bayeen duuba addee ciinca'aa ijaaree bineensota gosa addaa addaa ka Waaqaaf ciinceffamiisa dande'anu Waaqaaf ciincaa dhikeesse. Waaqille ciincaa sanitti gammadee Nohii fi maatii isaa ebbise.

![](https://cdn.door43.org/obs/jpg/360px/obs-en-03-15.jpg?direct&)

Waaqi, <<Waan hantuu namooti hujannuuf jedhee deebi'ee biyya lafaa ijjumaa akka hin balleesine waadaa si'iif gala; namooti ijoollumaa ifitiin jalqabanee cubbaaleyyii te'anule, ani biyya lafaa deebi'ee bisaan badi'iitiin hin balleessu>> jedhe.

![](https://cdn.door43.org/obs/jpg/360px/obs-en-03-16.jpg?direct&)

Waaqi waadaa galeef beessisa akka teetu hiituu Waaqaa ta jalqabaa dade. Yennaa mara hiituun Waaqaa gubbaa irratti mudhatti. Waaqi karaa hiituu ifii tanaan waadaa kolba'aaf gale san qaabata.

*Dabarsii Kitaaba Woyyichaa: Seera Dadaa 6-8*

## 4. Gondooroo Waaqi Abraam Woliin Godhate

https://openbiblestories.org/l/gax/story-4/

![](https://cdn.door43.org/obs/jpg/360px/obs-en-04-01.jpg?direct&)

Eegii bisaan badi'ii bara heddu'uun duba kolbaan ammalle biyya lafaa irratti bacatte. Isaan martinuu afaan gosa tokko dubbatan. Akka Waaqi isaan ajaje lafa guutisa lakkisanee, wolitti dacha'anee qachaa ijaaratane.

![](https://cdn.door43.org/obs/jpg/360px/obs-en-04-02.jpg?direct&)

Isaan worra koorameeyyii waan Waaqi isaanitti dubbatte hin eeganne. Tana caala'aayyuu ol-gubbaa dhaqqabiisaaf, xelleephoo dhaka'aa dheertuu ijaariisa jalqabane. Waaqille namooti kun waan hantuu hujiisa isaaniitii fi gara duraalle akka isaan jujii tana lakkisaa hin jirre dhagge. Isaan hujii hantuu tana caaltelle hujiisaaf hin dande'aniiyyyu.

![](https://cdn.door43.org/obs/jpg/360px/obs-en-04-03.jpg?direct&)

Tanaaf Waaqi afaan isaanii gara afaan adda addaa heddu'utti jijjiiree biyya lafaa maratti isaan bittineesse. Qachaan isaan ijaaratiisa jalqabane, <<Baabilon>> jedhama; hiikkaan maqaa sanii, <<Makamaa>> yookiin, <<Ka waan godhu wollaale>> jechu'u.

![](https://cdn.door43.org/obs/jpg/360px/obs-en-04-04.jpg?direct&)

Woggaa dhibbaan duuba Waaqi nama, <<Abraam>> Jedhamutti dubbate. Waaqi, <<Ati biyya teetii fi gosa teeti lakkisiitii gara lafa ani sitti mudhiisuu deem. Ani achitti si hin eebbisa; gosa guddoo si hin tolcha; gurra keetille hin guddisa; nama si eebbisu hin eebbisa; nama si abaaru hin abaara; sababa keetiin nami lafa irraa marti hin eebbifama>> jedhe.

![](https://cdn.door43.org/obs/jpg/360px/obs-en-04-05.jpg?direct&)

Abraamille Waaqaaf ajajamee, niitii ifii Saarayii fi tajaajiltoota ifii mara, qabeenna ifiille mara fudhatee, gara lafa Waaqi isatti mudhisee gara lafa Kana'aanii deeme.

![](https://cdn.door43.org/obs/jpg/360px/obs-en-04-06.jpg?direct&)

Abraam Kana'aan yennaa geye, Waaqi, <<Waan adaala keeti jiru mara ilaali; lafa ati dhaggitu mara si'ii fi sanyii teetiif dhaala tolchee hin kenna>> jedheen. Abraamille lafa san qubate.

![](https://cdn.door43.org/obs/jpg/360px/obs-en-04-07.jpg?direct&)

Gaafa tokko Abraam nama, <<Malkiisedeqi>> jedhamu, hayyicha guddaa Waaqaa tokko woliin wol dhagge. Malkiisedeqi Abraam eebbisee, <<Waaqi Ol Aanaan, ka ol-gubba'aa fi lafa dade Abraam eebbisuu ti>> jedhe. Abraamille waan qabu irraa kudhaan keessaa tokko Malkiisedeqiif kenne.

![](https://cdn.door43.org/obs/jpg/360px/obs-en-04-08.jpg?direct&)

Barri hedduun dabarulle Abraamii fi Saarayi ijoollee malee le'aniiyyu. Waaqi ammalle Abraamiif waadaa gale. Akka inni ijoollee uumatuu fi sanyiin isaa akka urjii ol-gubba'aa akka bacattu dubbate. Abraamille waadaa Waaqi isaaf galletti dhugeeffate . Abraam waada Waaqi isaaf galetti waan dhugeeffateef akka balchumma'aatitti isaaf laakkowante.

![](https://cdn.door43.org/obs/jpg/360px/obs-en-04-09.jpg?direct&)

Waaqi Abraam woliin gondooroo godhe. Gondooroon tun wolii galtee gosa lama wodhaka'atti godhatantu. Waaqi Abraamiin, <<Ani gudeeduma keeti keessaa ijoollee si'iif hin kenna; sanyii teetiifille lafa Kana'aanii hin kenna>> jedhe. Garuu Abraam yennaa san ijoollee hin qabu.

*Dabarsii Kitaaba Woyyichaa:- Seera Dadaa 11-15*

## 5. Ilma Addi'ii

https://openbiblestories.org/l/gax/story-5/

![](https://cdn.door43.org/obs/jpg/360px/obs-en-05-01.jpg?direct&)

Woggaa kudhaniin duuba Abraamii fi Saarayi Kana'aan geyane. Haga kana ijoollee hin qabanuuyyu. Tanaaf niitiin Abraamii Saarayi, <<Waaqi akka ani ijoollee hin qabaanne waan na dhoggateef, anille waan dulloomeef, tajaajiltuun tiyya Aggaar kunoo ti; isii fuudhiitii anaafille ijoollee deettuu ti>> jette.

![](https://cdn.door43.org/obs/jpg/360px/obs-en-05-02.jpg?direct&)

Maarre Abraam Aggaar fuudhe. Aggaarille ilma isaaf deette. Abraamille, <<Ismaa'el>> jedhee maqaa baase. Te'uu malee Saarayi Aggaar hinaatte. Ismaa'el yennaa woggaa kudhanii sad te'u Waaqi Abraamiin,

![](https://cdn.door43.org/obs/jpg/360px/obs-en-05-03.jpg?direct&)

<<Ani Waaqa Waan Mara dande'u; si woliin gondooroo hin godha>> jedhe. Abraam addaan lafatti gad gombifame; Waaqi Abraamiin, <<Ati abbaa kolbaa heddu'uu hin teeta. Ani lafa kana'aanii si'ii fi sanyii teetiif dhaala godhee hin kenna; anille haga bara baraa Waaqa isaaniif hin te'a; ati dhiira maatii teeti keessaa mara haqanqabaa qabi>> jedhe.

![](https://cdn.door43.org/obs/jpg/360px/obs-en-05-04.jpg?direct&)

Waaqi, <<Niitiin teeti Saarayi ilma dhiiraa hin deetti; inille ilma waada'aa hin te'a; maqaa isaa, <Yisihaaq> jettee waanta; Ani gondooroo tiyya isa woliin hin godhadha. Ismaa'elille kolbaa hedduu hin godha; te'uu malee, gondooroo tiyya Yisihaaq woliin godhadha>> jedhe. Waaqi maqaa Abraamii, <<Abrahaam>> jedhee jijjiire;hiikkaan, <<Abbaa kolbaa heddu'uu>> jechu'u. Waaqi maqaa Saarayii, <<Saaraa>> jedhee jijjiire; hiikkaan, <<Haadha kolbaa heddu'uu>>jechu'u.

![](https://cdn.door43.org/obs/jpg/360px/obs-en-05-05.jpg?direct&)

Guyyuma san Abrahaam dhiira maatii ifii kessaa mara haqanqabaa qabe. Woggaa tokkoon duuba Abrahaam woggaa dhibba yennaa te'e, Saaraan woggaa sagaltamii sagal yennaa teete, Abrahaamiif ilma deette. Akkuma Waaqi jedhe, <<Yisihaaq>> jedhanee maqaa baasane.

![](https://cdn.door43.org/obs/jpg/360px/obs-en-05-06.jpg?direct&)

Yisihaaq dargaggesa yennaa te'e, Waaqi dhugeeffannaa isaa haga ilaaliisaaf, <<Ilma keeti tokochuma kana fuudhiitii ciincaa godhiitii naaf dhikeessi>> jedheen. Ammalle Abrahaam waaqaaf ajajamee ilma ifii tolchuma san ciincaa dhikeessiisaaf qopheesse.

![](https://cdn.door43.org/obs/jpg/360px/obs-en-05-07.jpg?direct&)

Abrahaamii fi Yisihaaq gara addee ciinca'aa ideemiisa yennaa jalqabane, Yisihaaq abba'aan, <<Abba'a! Qoraan ciincaa ittiin dhikeesanu kunoo ti; garuu holeen meeti ree?>> jedhee gaafate. Abraamille deebisee, <<Ilma kiyya, hoolee ciinca'aa Waaqinuu hin qopheessa>> jedhe.

![](https://cdn.door43.org/obs/jpg/360px/obs-en-05-08.jpg?direct&)

Isaan addee ciinca'aa akkuma geyaneen, Abrahaam ilma ifii Yisihaaq hidhee, addee ciinca'aa irratti irkise; Abrahaam ilma ifii qaliisaaf, goraadee fudhate; Waaqi, <<Lakkii, ilmaa keeti waan tokkolle hin godhin; akka ati ana sodaattuu fi ilma keeti tokkochuma san mararfattee akka ati na hin dhooggatin ani amma beekeera>> jedhe.

![](https://cdn.door43.org/obs/jpg/360px/obs-en-05-09.jpg?direct&)

Abrahaam adaala ifiititti korbeessa hole'ee haxanxarii keessatti hidhameeru tokko dhagge.Waaqi addee Yisihaaqii korbeessa hoole'ee ka ciinca'aaf dhikaatu qopheesseeraayyu. Abrahaamille gammadaan korbeessa hoole'ee san ciincaa dhikeesse.

![](https://cdn.door43.org/obs/jpg/360px/obs-en-05-10.jpg?direct&)

Waaqi Abrahaamiin, <<Ati ilmi keeti tokkochi sunille adoo hin hafin, waan qaddu mara naa kenniisaaf waan naa eyyanteef, ani si eebbisiisaaf waadaa hin gala>> jedhe.

*Dabarsii Kitaaba Woyyichaa:- Seera Dadaa 16-22*

## 6. Waaqi Niitii Yisihaaqiif qopheesse .

https://openbiblestories.org/l/gax/story-6/

![](https://cdn.door43.org/obs/jpg/360px/obs-en-06-01.jpg?direct&)

Abrahaam yennaa guddoo dulloome, Yisihaaq fuudha geye. Maarre Abrahaam tajaajiltoota ifii keessaa tokkocha, ilma ifii Yisihaqiif niitii barbaadee akka fiduuf gara biyya gosa ifii erge.

![](https://cdn.door43.org/obs/jpg/360px/obs-en-06-02.jpg?direct&)

Tajaajilaan sun yennaa hedduu ideemeen duuba biyya gosi Abrahaamii le'anu geye. Waaqi tajaajilaa Abrahaamii ka ergame san gara Ribqa'aa akeeke. Ribqaan intala ilma obboleessa Abrahaamii ti.

![](https://cdn.door43.org/obs/jpg/360px/obs-en-06-03.jpg?direct&)

Ribqaan worra ifii lakkittee tajaajilaa san woliin gara mana Yisihaaqii deemiisaaf eeyyante. Akkuma achi geetteen Yisihaaq isii fuudhe.

![](https://cdn.door43.org/obs/jpg/360px/obs-en-06-04.jpg?direct&)

Yennaa heddu’uun duuba Abrahaam du’ee, Waadaan Waaqi Abrahaamiif gale marti gara Yisihaaqii dabarte. Sanyii laakkowanee hin dandenne akka qabaatu Waaqi Abrahaamiif waadaa galeeraayyu. Te’uu malee niitiin Yisihaaqii Ribqaan ijoollee deyiisa hin dandeenne.

![](https://cdn.door43.org/obs/jpg/360px/obs-en-06-05.jpg?direct&)

Yisihaaq Ribqa'aaf daadimatee, isiin lakkuu akka ulfoottu fedha Waaqaa teete. ijoolleen lamaan gadaamessa Ribqa'aa keessa adoo jiranuu, achuma keessatti woldhaantoo wol qabaniiyyu. Ribqaan wonni gadaamessa isi'ii keessatti te'iisatti jiru kun maan akaka te'e Waaqa gaafatte .

![](https://cdn.door43.org/obs/jpg/360px/obs-en-06-06.jpg?direct&)

Waaqi Ribqa'aan, <<Ilmaan lamaan gadaamessa keeti keessa jiranu keessaa gosi adda addaa lama hin dhalatti; isaan lamaanuu woldhaantoo wol hin qabatan; angafichi maandhicha hin tajaajila>> jedhe.

![](https://cdn.door43.org/obs/jpg/360px/obs-en-06-07.jpg?direct&)

Ilmaan Ribqa'aa yennaa dhalatane, ilmi angafichi diimaa dabbasicha te'ee dhalate; isaan, <<Esaawu>> jedhanee maqaa baasane. Ilmi maandhichille jimuu Esaawuu qabatee dhalate; isallee, <<Yaaqoob>> jedhanee maqaa baasane.

*Dabarsii Kitaaba Woyyichaa:- Seera Dadaa 24:1-25; 26.*

## 7. Waaqi Yaaqoob Eebbise.

https://openbiblestories.org/l/gax/story-7/

![](https://cdn.door43.org/obs/jpg/360px/obs-en-07-01.jpg?direct&)

Ijoolleen sun yennaa guddate, Yaaqoob haadha woliin mana ooliisa jaalataayyu. Esaawu ammoo adamoo adansuu jaalataayyu. Ribqaan Yaaqob jaalattiiyyu.Yisihaaq ammoo Esaawu jaalataayyu.

![](https://cdn.door43.org/obs/jpg/360px/obs-en-07-02.jpg?direct&)

Gaafa tokko Esaawu adamoo irraa yennaa deebi'u beelote. Esaawu Yaaqoobiin, <<Maganne'e, sagalee qopheessite irraa diqqoo isi'ii naa kenni>> jedhe. Yaaqoob deebisee, <<Atille angafummaa teeti naa kenni>> jedheen. Maarre Esaawu angafummaa ifii Yaaqoobiif kenne. Achiin duuba Yaaqoob sagalee qopheesse irraa isaaf kenne.

![](https://cdn.door43.org/obs/jpg/360px/obs-en-07-03.jpg?direct&)

Yisihaaq eebba ifii Esaawuuf kenniisa barbaade. Garuu adoo inni tana hin tolchiniin dura Ribqa'aa fi Yaaqoob Yisihaaq sobane. Yaaqoob Esaawu fakkaatee gara Yisihaaqii dhikaate. Yisihaaq guddoo waan dulloomeeruuf ilaan dhaggiisa hin dande'uuyyu. Maarre Yaaqoob woyaa Esaawuu uffatee, gogaa re'e'ee mormaa fi harkatti hidhatee gara Yisihaaqii dhikaatee isa sobe.

![](https://cdn.door43.org/obs/jpg/360px/obs-en-07-04.jpg?direct&)

Yaaqoob gara Yisihaaqii dhufee, <<Kunoo, ani Esaawu dhufeeraa na eebbisuu hin dandeetta>> jedheen. Yisihaaq rifeensa re'e'ee qaqqabee, foolee woya'aalle ulatee Esaawu isattii waan fakkaateef isa eebbise.

![](https://cdn.door43.org/obs/jpg/360px/obs-en-07-05.jpg?direct&)

Yaaqoob isa sobee angafumma'aa fi eebba isaa isa irraa waan fudhateef Esaawu isa jibbee, abbaan isaanii du'een duuba isa ijjeesiisaaf yaadate.

![](https://cdn.door43.org/obs/jpg/360px/obs-en-07-06.jpg?direct&)

Garuu Ribqaan karoora Esaawuu dhageettee, Yisihaaq woliin mari'attee Yaaqoob fira isi'ii woliin akka le'uuf gara lafa fago'oo isa ergite.

![](https://cdn.door43.org/obs/jpg/360px/obs-en-07-07.jpg?direct&)

Yaaqoob bara hedduu worra Ribqa'aa woliin le'e. Achiin dubaa inni fuudhee ilmaan dhiiraa kudhanii lamaa fi intala takkaa uumate. Waaqi guddoo isa duroonse.

![](https://cdn.door43.org/obs/jpg/360px/obs-en-07-08.jpg?direct&)

Yaaqoob qara Kana'aan keessa eega le'e woggaa diddamaan duuba, maatii ifii, tajaajiltoota ifiitii fi horii ifii woliin gara Kanaa'aanii deebi'isaaf murteefate.

![](https://cdn.door43.org/obs/jpg/360px/obs-en-07-09.jpg?direct&)

Yaaqoob, <<Esaawu ammalle na ijjeesiisaaf yaadata fa'a>> jedhee gadhaa ifii keessatti waan herregeef sodaate. Tanaaf horii bacaa Esaawu'uukennansaaf erge. Tajaajiltooti Yaaqoobii worri horii isaaf fidane Esaawu'uun, <<Tajaajilaan keeti Yaaqoob horii kana si'iif ergeera; innille yennaa dhikoo tanatti hin dhufa>> jedhane.

![](https://cdn.door43.org/obs/jpg/360px/obs-en-07-10.jpg?direct&)

Esaawu garuu qaraayyuu Yaaqoobiif waan araarameeruuf, lammoo isa dhaggiisaaf gammade. Yaaqoob lafa kana'aanii keessa nageyaan le'e. Achiin duuba Yisihaaq du'ee Yaaqoobii fi Esaawu isa awwaalane. Waadaan qara Waaqi Abrahaamii fi gale amma Yisihaaq irraa gara Yaaqoobii dabare.

*Dabarsii Kitaaba Woyyichaa: Seera Dadaa 25:27-33:20*

## 8. Waaqi Yoseefii fi Maatii Isaa Hambure

https://openbiblestories.org/l/gax/story-8/

![](https://cdn.door43.org/obs/jpg/360px/obs-en-08-01.jpg?direct&)

Abbaan isaanii Yaaqoob obboleeyyan mara keessaa irra caalaa Yoseef waan jaalatuu fi mootii isaanii akka te'u Yoseef oojjuu waan oojjateeruuf, obboleeyyan isa jibbite. Yoseef yennaa gara obboleeyyan ifii dhufe isa fuutee daldaltoota garbolee daldaltutti isa gurgurte.

![](https://cdn.door43.org/obs/jpg/360px/obs-en-08-02.jpg?direct&)

Woggaa heddu'uun duuba Yaaqoob yennaa dulloome, obboleeyyan Yoseefii ta horii tissiisatti jirtu akka inni dhaqee isaan ilaalu ilma jaalatu Yoseef erge.

![](https://cdn.door43.org/obs/jpg/360px/obs-en-08-03.jpg?direct&)

Obboleeyyan Yoseefii gara manaa adoo hin deebi'iniin dura woyaa Yoseefii tarsaasanee dhiiga re'e'eetitti cuuphane. Achiin duuba woyaa Yoseefii ta dhiigatti cuuphante san Abba'atti mudhisane. Innille bineensi Yoseef akka ijjeese herrege. Inni guddoo gadde.

![](https://cdn.door43.org/obs/jpg/360px/obs-en-08-04.jpg?direct&)

Daldaltooti garboole'ee gara biyya Gibxi'ii Yoseef geessite. Yennaa san biyyi Gibxi'ii biyya guddittii hunnaamettii laga Nayilii biratti dhaggantu. Daldaltooti garboole'ee Yoseef garba gootee qondaala mootichaa dureessatti gurgurte. Yoseefille goottaa ifii miidhassee tajaajile. Waaqille Yoseef eebbise.

![](https://cdn.door43.org/obs/jpg/360px/obs-en-08-05.jpg?direct&)

Niitiin goottaa isaa Yoseef woliin rafiisa barbaadde. Yoseef ammoo, <<Waaqa duratti cubbuu hin huju>> jedhee isii woliin rafiisa didate. Tanaaf isiin aartee dharaan isa waan himatteef inni qabamee mana hidha'aatitti hidhame. Inni mana hidha'aa keessalle'etti Waaqaaf addatamaa te'ee waan dhaggameef, Waaqi isa eebbise.

![](https://cdn.door43.org/obs/jpg/360px/obs-en-08-06.jpg?direct&)

Yoseef nama qulqulluu te'ulle woggaa lamaan duuballe manuma hidha'aa keessa jiraayyu. Halkaan tokko mootichi Gibxi'ii Fara'oon oojjuu lama ta akka malee isa rakkittu takka oojjate. Gorsitoota isaa keessa nami tokkolle hiikkaa oojjuu isaa isatti himiisa hin dandeenne.

![](https://cdn.door43.org/obs/jpg/360px/obs-en-08-07.jpg?direct&)

Waaqi dandeettii oojjuu hiikiisaa Yoseefiif kenneera. Taanaaf, Fara'oon mana hidha'aa keessaa, Yoseef gara isaa akka fidanu godhe. Yoseef oojjuu isaa isaaf hiikee, <<Waaqi bara misaa torba hin fida; itti aanee barri torba bara beelaa hin te'a>> jedhe.

![](https://cdn.door43.org/obs/jpg/360px/obs-en-08-08.jpg?direct&)

Fara’oon guddoo Yoseef baaseffatee, biyya Gibxi’ii mara keessatti ifitti aanisee bulchaa lammeesso’oo godhee isa muude.

![](https://cdn.door43.org/obs/jpg/360px/obs-en-08-09.jpg?direct&)

Yoseefille kolbaan bara misaa torba san keessa midhaan bacaa gootara’atti akka kuufattu hime. Barri beelaa torba yennaa dhufe, Yoseef gootaraa keessaa midhaan kolba’atti waan gurgureef, kolbaan waan nyaatanu bacaa dhaggatte.

![](https://cdn.door43.org/obs/jpg/360px/obs-en-08-10.jpg?direct&)

Hameenni beelaa biyya Gibxi’ii keessa qofa adoo hin te’in lafa kaana’aanii ka Yaaqoobii fi maatiin isaa keessa le’anu keessalle hin jiraayyu.

![](https://cdn.door43.org/obs/jpg/360px/obs-en-08-11.jpg?direct&)

Yaaqob ijoolleen isaa midhaan akka bittuuf gara biyya Gibxi’ii erge. Obboleyyan Yoseefii midhaan bitiisaaf dhaqanee isa dura yennaa dhaabbatane akka inni Yoseef te’e hin beenneeyyu. Inni ammoo isaan beekeera.

![](https://cdn.door43.org/obs/jpg/360px/obs-en-08-12.jpg?direct&)

Yoseef obboleeyyan ifii haga ilaaleen duuba akka isaan jijjiiramaneeranu ilaaliisaaf, <<Hin sodaatina’a! Ani obboleessa keessan Yoseef. Isin akka ani garbicha te’u yennaa na gurgurtanu waan hanutuu na godhiisaaf wodhaantane; garuu Waaqi addee waan hantuu sanii waan dansaa godheera; kowa’aatii biyya Gibxi’ii keessa le’a’a; anille isinii fi maatii teessaniif waan barbaachisu hin dhikeessa>> jedheen.

![](https://cdn.door43.org/obs/jpg/360px/obs-en-08-13.jpg?direct&)

Obboleeyyan Yoseefii gara biyya ifii deebi’anee, Yoseef lubbu’uun akka jiru abbaa ifii Yaaqoobitti yennaa himane, Yaaqoob guddoo gammade.

![](https://cdn.door43.org/obs/jpg/360px/obs-en-08-14.jpg?direct&)

Yaaqoob jaarsa te’ulle maatii ifii mara woliin gara biyya Gibxi’ii dhaqee achi le’e. Yaaqoob adoo hin du’iniin dura ilmaan ifii tokko tokkoo isaaniituu eebbise.

![](https://cdn.door43.org/obs/jpg/360px/obs-en-08-15.jpg?direct&)

Waadaan Waaqi Abrahaamiif gale gara Yisihaaqii dabare. Achiin duuba gara Yaaqoobii, itti aanee gara ilmaan Yaaqoobii kudhanii lamaatii fi maatii isaanii dabare. Sanyiin imaan kudhanii lamaa gosa Israa’elii kudhanii lama.

*Dabarsii Kitaaba woyyichaa :- Seera Dadaa 37-50*

## 9. Waaqi Muusee Waame

https://openbiblestories.org/l/gax/story-9/

![](https://cdn.door43.org/obs/jpg/360px/obs-en-09-01.jpg?direct&)

Yoseef du'een duuba worri isaa marti biyya Gibxi'ii keessa turane. Isaanii fi sanyiin isaanii marti bara hedduu achuma le'anee, ijoollee bacaa horane. Isaan, <<Israa’eloota>> jedhamanee waamamane.

![](https://cdn.door43.org/obs/jpg/360px/obs-en-09-02.jpg?direct&)

Woggaa dhibbaan duuba laakkossi Israa’elootaa bacataa deeme. Worri biyya Gibxi'ii Yoseefii fi waan inni isaan qarqaariisaaf godhe mara dedhane. Israa'elooti bacataa waan deemaneef, worri biyya Gibxi'ii isaan sodaatane. Tanaaf, Fara'oon ka bara san biyya Gibxi'ii bulchu Israa'eloota worra Gibxi'iitiif garboota tolche.

![](https://cdn.door43.org/obs/jpg/360px/obs-en-09-03.jpg?direct&)

Worri biyya Gibxi'ii akka Israa'elooti ijaarsa dhaka'aa ijaartu, qachaa mara akka ijaartu godhanee hunnaan isaan hujjisiifatane. Hujiin ulfaattuuun jiruu isaanii rakkitte. Waaqi ammoo isaan eebbisee ijoollee bacaa horane.

![](https://cdn.door43.org/obs/jpg/360px/obs-en-09-04.jpg?direct&)

Fara'oon akka worri Israa'elootaa ijoollee bacaa qabanu dhagge. Maarre Fara'oon ijoollee Israa'elootaa keessaa ilmaan dhiiraa yennaa dhalattu laga Nayiliititti gatamanee akka ijjeesanuuf kolbaa ajaje.

![](https://cdn.door43.org/obs/jpg/360px/obs-en-09-05.jpg?direct&)

Dubartiin Israa'elittiin takka ilma deette. Isi'ii fi dhiris isi'ii haga dande'ane ilma ifii san dhossane.

![](https://cdn.door43.org/obs/jpg/360px/obs-en-09-06.jpg?direct&)

Haadhaa fi abbaan mucaa sanii mucaa san dhossuu yennaa dadhabane, saaxaraa bisaan gubbaa deemu keessa keyanee, akka inni hin ijjeefanne hamburiisaaf, alaaduu laga Nayilii fuula dura bisaan gubbaa gad lakkisane. Intalti Fara'oonii saaxaraa san dhaggitee, waan keessa jiru ilaalte. Obboleettiin isaa angafittiin waan isa godhanu ilaaliisaaf, dhiko'otti ilaalaa turte.

![](https://cdn.door43.org/obs/jpg/360px/obs-en-09-07.jpg?direct&)

Intalti Fara'oonii saaxaraa yennaa dhaggite waan keessa jiru ilaalte. Annuu yennaa dhaggite, akka ilma ifii tolfattee fudhatte. Isiin annuu san nama isi'iif guddisu dubartii Israa'elittii takka qaxaratte. Isiin dubartii qaxaratte san akka isiin haadha annuu sanii teete hin beenne. Annuun sun guddatee harma haadhaa hodhiisa yennaa lakkise, dubrtittiin sun annuu san gara intala Fara'oonii deebitte. Isaan, <<Muusee>> jedhanee maqaa isa baasane.

![](https://cdn.door43.org/obs/jpg/360px/obs-en-09-08.jpg?direct&)

Gaafa tokko Muuseen guddateeruun, nami Gibxi'ii tokko nama Israa'elii garbicha tokko dhaanuun dhaggee, gosa ifii Israa'eelicha san akka inni hin duune hamburiisaaf wodhaane.

![](https://cdn.door43.org/obs/jpg/360px/obs-en-09-09.jpg?direct&)

Museen waan nami hin dhagginne itti fakkaattee, nama Gibxi'ii san ijjeesee awwaale. Garuu waan Muuseen godhe san nami tokko dhaggeera.

![](https://cdn.door43.org/obs/jpg/360px/obs-en-09-10.jpg?direct&)

Fara'oon waan Muuseen godhe san yennaa dhage'e, isa ijjeesiisaaf wodhaane.Muuseen ammoo loltoota Fara'oonii jalaa gara lubuu ifii itti hamburatu, biyya Gibxi'iitii gara goomole'ee baqate.

![](https://cdn.door43.org/obs/jpg/360px/obs-en-09-11.jpg?direct&)

Muuseen goomolee biyya Gibxi'ii irraa fagoo jirtu keessa tissee hoole'ee te'e. Inni biyya san keessaa niitii fuudhee ilmaan lama uumate.

![](https://cdn.door43.org/obs/jpg/360px/obs-en-09-12.jpg?direct&)

Gaafa tokko Muuseen hoolee adoo tissuu tusee ibiddi keessaa bobe'u takka dhagge. Te'uu malee tuseen sun hin gubanne. Muuseen hubatee ilaaliisaaf gara tusee sanii dhikaate. Inni gara tusee ibiddi keesaa bobe'u sanii yennaa dhikaate, qoonqoon Waaqaa, <<Muuse'e! Addee woyyittii waan dhaabbatteertuuf, miila keeti irraa kophee baafadhu>> jette.

![](https://cdn.door43.org/obs/jpg/360px/obs-en-09-13.jpg?direct&)

Waaqi, <<Ani rakkinna kolbaa tiyyaa waan dhage’eef, gara Fara’oonii si erga. Atille Israa’eloota garbumaa biyya Gibxi’ii jalaa hin baatta. Ani lafa Kana’aanii ta Abrahaamiif, Yisihaaqiif, Yaaqoobiifille kenniisaaf waadaa gale san isaaniif hin kenna>> jedhe.

![](https://cdn.door43.org/obs/jpg/360px/obs-en-09-14.jpg?direct&)

Muuseen, <<Kolbaan eentu si erge?>> jettee yoo na gaafatte, <<Ani maan isaaniin jedha>> jedhee, Waaqa gaafate. Waaqille Muuse'een, <<Ani Waaqa jiruu fi jiraadhu; tanaaf, <Ka jiruu fi jiraatu na ergeera> jedhii isaanitti himi>> jedhe.

![](https://cdn.door43.org/obs/jpg/360px/obs-en-09-15.jpg?direct&)

Muuseen waan sodaateef gara Fara’oonii dhaqiisa hin barbaanne. Sababille, inni, <<Ani dandeettii dubbatiisaa hin qabu>> jedhee waan herregeef sodaate. Maarre Waaqi obboleessi Muuse’ee Aaron isa woliin deemee akka isa qarqaaruuf isa woliin erge. Fara’oon, <<Ani kolbaa gad hin lakkisu>> akka jedhu, gadhaa isaa akka jabeessu Waaqi Muuse’ee fi Aarootitti hime.

*Dabarsii Kitaaba Woyyichaa:- Seera Bayiisaa 1-4*

## 10. Balaa Kudhan

https://openbiblestories.org/l/gax/story-10/

![](https://cdn.door43.org/obs/jpg/360px/obs-en-10-01.jpg?direct&)

Muuse’ee fi Aaron gara Faara’onii dhaqanee, <<Waaqi Israa’elii, <Kolbaa tiyya lakkis> siin jedha>> jedhaneen. Fara’oon garuu isaan hin dhageenne. Israa’elooti akka bilisa bayanu lakkisiisa irra hujii hunnaa akka hujanu godhe.

![](https://cdn.door43.org/obs/jpg/360px/obs-en-10-02.jpg?direct&)

Fara'oon ammalle kolbaa lakkisuu didate. Tanaaf, Waaqi biyya Gibxi’ii irratti balaa kudhan erge. Waaqi karaa balaa kanaatiin waaqota Faara'oniitii fi Gibxootaa mara caalaa hunnaamessa akka te'e isaanitti mudhise.

![](https://cdn.door43.org/obs/jpg/360px/obs-en-10-03.jpg?direct&)

Waaqi bisaan Nayilii gara dhiigaa jijjiire. Fara'oon ammoo ammalle Israa'eloota gad hin lakkinne.

![](https://cdn.door43.org/obs/jpg/360px/obs-en-10-04.jpg?direct&)

Waaqi Gibxoota mara irratti raacha erge. Fara'oon akka Muuseen raacha isa irraa fageesu kadhate. Te'ulle, te’uu dhabaatulle raachi marti dhumate. Fara'oon gadhaa jabaatee Israa'elooti biyya Gibxi'ii keessaa akka bayanu hin lakkinne.

![](https://cdn.door43.org/obs/jpg/360px/obs-en-10-05.jpg?direct&)

Tanaaf, Waaqi faacha erge. Achiin duuba tiittee erge. Fara'oon Muuse'ee fi Aaron waamee, yoo isaan balaa kana dhaabbachiisane, Israa'elooti akka deemiisa dande'anu isaanitti hime. Muuseen yennaa daadimate Waaqi tiittee mara kolbaa irraa balleesse. Fara'oon ammoo gadhaa jabaatee kolbaa gad hin lakkinne.

![](https://cdn.door43.org/obs/jpg/360px/obs-en-10-06.jpg?direct&)

Itti aansee Waaqi horiin Gibxootaa marti dhibamanee akka du'anu godhe. Garuu Fara'oon gadhaa jabaatee Israa'eloota gad hin lakkinne.

![](https://cdn.door43.org/obs/jpg/360px/obs-en-10-07.jpg?direct&)

Achiin duuba Waaqi Muuseen Fara'oon duratti daadhaa gara ol-gubba'aa akka bittinneesu itti hime. Yennaa inni daadhaa bittinneesse Gibxoota irratti madaan dukkubu isaan irratti te'e. Israa'eloota irratti garuu madaan hin teene. Waaqi gadhaa Fara'oonii jabeesse. Fara'oonille Israa'eloota gad hin lakkinne.

![](https://cdn.door43.org/obs/jpg/360px/obs-en-10-08.jpg?direct&)

Achiin duuba Waaqi dhakaa bokkeyaa ka biqiltuu biyya Gibxi’ii keessaa mara balleessee nama manaan ala jiru mara ijjeese erge. Fara'oon Muuse'ee fi Aaaron waamee, <<Ani yakkeera! Deemuu hin dandeettan>> jedhee isaanitti hime. Maarre Muuseen daadimatee dhakaan bokkeyaa ol-gubbaa irraa roobuu lakkise.

![](https://cdn.door43.org/obs/jpg/360px/obs-en-10-09.jpg?direct&)

Garuu Fara'oon ammalle cubbuu huje; gadhaalle jabaate. Israaeloota gad hin lakkinne.

![](https://cdn.door43.org/obs/jpg/360px/obs-en-10-10.jpg?direct&)

Tanaaf, Waaqi biyya Gibxi’ii irratti awwaanisa fide. Awwaannis kun midhaan dhakaan bokkeyaa hin balleeesin mara nyaatane.

![](https://cdn.door43.org/obs/jpg/360px/obs-en-10-11.jpg?direct&)

Achiin duuba Waaqi dukkana guyyaa sadii erge. Gibxooti mana ifiitii gad bayiisa haga dhabanutti guddoo dukkanootte. Addee Israa'elooti le’anutti ammoo ifi jiraayyu.

![](https://cdn.door43.org/obs/jpg/360px/obs-en-10-12.jpg?direct&)

Balaa sagal kanaan duuballe Fara'oon ammalle Israa'eloota gad hin lakkinne. Fara'oon marroo dhage'iisa didateef, Waaqi balaa dhumaa tokko ergiisaaf murteeffate. Kun yaada Fara'oonii hin jijjiira.

*Dabarsii Kitaaba Woyyichaa:- Seera Bayiisaa 5-10*

## 11. Irra Dabarama

https://openbiblestories.org/l/gax/story-11/

![](https://cdn.door43.org/obs/jpg/360px/obs-en-11-01.jpg?direct&)

Fara'oon Israa'eloota yoo gad hin lakkisin ilmaan isaanii angafootaa, korommii isaanii angafootaa fi korbeeyyii isaanii angafoota mara akka ijjeesu Waaqi isa ifi eegachiise. Fara'oon tana yennaa dhage'e, ammalle dhugeeffatee Waaqaaf ajajamiisa didadate.

![](https://cdn.door43.org/obs/jpg/360px/obs-en-11-02.jpg?direct&)

Waaqi worra isatti dhugeefate angafoota dhiira isaanii mara hamburiisaaf karaa qopheesse. Maatiin tokko tokkooyyuu buruusoo hoole'ee ka fafa hin qanne filattee qalatte.

![](https://cdn.door43.org/obs/jpg/360px/obs-en-11-03.jpg?direct&)

Waaqi Isaraa'elooti dhiiga buruusoo hoole'ee san mikikkila balbala ifii akka dibatanu, foon isaaniillee woddanee daabboo uukoo hin qanne woliin ariiti'iin akka nyaatanu isaanitti hime. Yennaa nyaatane biyya Gibxi’ii keessaa bayiisaafille akka qophonu isaanitti hime.

![](https://cdn.door43.org/obs/jpg/360px/obs-en-11-04.jpg?direct&)

Israa'elooti waan Waaqi akka isaan hujanu ajaje mara hujane. Halkan wodhakkaa Waaqi biyya Gibxi’ii mara keessa dabaree angafoota dhiiraa mara ijjeese.

![](https://cdn.door43.org/obs/jpg/360px/obs-en-11-05.jpg?direct&)

Mikilli mana Israa'elootaa marti dhiigi itti dibameeraayyu. Maarre Waaqi mana isaanii irra dabare. Nami mana keessa jiru marti hafe. Israa'elooti sababa dhiiga buruusoo korbeessa hoole'ee saniif hafane.

![](https://cdn.door43.org/obs/jpg/360px/obs-en-11-06.jpg?direct&)

Gibxooti ammoo Waaqatti hin dhugeeffanne. Ajaja isaalle hin muummessine. Tanaaf, Waaqi mana isaanii irra hin dabarre. Waaqi angafoota dhiira Gibxitootaa mara ijjeese.

![](https://cdn.door43.org/obs/jpg/360px/obs-en-11-07.jpg?direct&)

Angafoota dhiiraa ka mana hidha'aa jiranuu kaasee haga angafa dhiiraa ka Fara'ooniititti angafooti dhiiraa ka worra Gibxi'ii marti du'ane. Gguddoo waan gaddaneef, worri biyya Gibxi’ii keessa jiru hedduun iyyanee booyane.

![](https://cdn.door43.org/obs/jpg/360px/obs-en-11-08.jpg?direct&)

Halkanuma san Fara'oon Muuse'ee fi Aaron waansisee, <<Ammuma Israa'eloota fudha'aatii deema>> jedheen.

*Dabrsii Kitaaba Woyichaa:- Seera bayiisaa:-11:1-2;32.*

## 12. Israa’elooti Biyya Gibxi’ii Keessaa Bayane

https://openbiblestories.org/l/gax/story-12/

![](https://cdn.door43.org/obs/jpg/360px/obs-en-12-01.jpg?direct&)

Israa'elooti biyya Gibxi’ii keessaa waan bayaneef guddoo gammadane. Isaan haganaa achi garboole'ee moti. Isaan gara lafa waadaan isaaniif galamee ideemiisatti jiraniiyyu. Gibxooti worqi'ii fi meetii, wonni gatii guddo'oo dhibiille adoo hin hafin, waan isaan gaafatane mara Israa'elootaaf kennanee, yennaa isaan biyya Gibxi’ii keessaa bayanu, gosa dhibii keessaa worri Waaqatti dhugeeffate tokko tokko Israa'eloota woliin deemane.

![](https://cdn.door43.org/obs/jpg/360px/obs-en-12-02.jpg?direct&)

Waaqi gaafa isaaniin dura deemu, guyyaa utubaa duumensaa dheera'aan, halkan utubaa ibiddaa dheera'aan isaan sooresse. Waaqi yennaa mara isaan woliin waan jiruuf, yennaa isaan deemanu isaan sooresse. Wonni isaan godhiisaaf malane isa gula deemiisa qofa.

![](https://cdn.door43.org/obs/jpg/360px/obs-en-12-03.jpg?direct&)

Guyyaa diqqa'aan duuba Fara'oonii fi kolbaan isaa yaada ifii jijjiiratanee, ammalle Israa'elooti garboota isaanii akka te'anu barbaadane. Waaqi Mootiin Waan Maraa dhugicha tokkocha akka te'e kolbaan akka dhaggituuf, Mootiin Waan Maraa, Fara'oonii fi waaqota isaa caalaa hunnaamessa akka te'elle akka hubatanuuf, inni gadhaa Faara'onii jabeesse.

![](https://cdn.door43.org/obs/jpg/360px/obs-en-12-04.jpg?direct&)

Maarre Fara'oonii fi loltooti isaa ammalle garboota isaan godhatiisaaf Israa'eloota hordofane. Israa'elooti loltooti Gibxootaa isaan hordofanuun yennaa dhaggite, loltoota Fara'ooniitii fi abbaayaa diintuu oddu’utti akka qabamane beekanee, guddoo waan sodaataneef, <<Biyya Gibxi’ii keessaa maaf baane? Amma laa duune>> jedhanee iyyane.

![](https://cdn.door43.org/obs/jpg/360px/obs-en-12-05.jpg?direct&)

Muuseen Israa'elootaan, <<Hin sodaatina'a! Waaqi adha isiniif lolee isin hin hambura>> jedhe. Achiin duuba Waaqi Muuse'een, <<Gara abbaayaa diintu'uu akka deemanu kolba'atti him>> jedhe.

![](https://cdn.door43.org/obs/jpg/360px/obs-en-12-06.jpg?direct&)

Achiin duuba Waaqi Gibxooti Israa'eloota dhaggiisaaf akka hin dandeenne Israa'elootaa fi Gibxoota wodhakaa utubaa duumensaa keye.

![](https://cdn.door43.org/obs/jpg/360px/obs-en-12-07.jpg?direct&)

Waaqi akka Muuseen harka ifii abbaayaa irra diriirsee bisaan gargar kutu itti hime. Achiin duuba Waaqi abbaayaa keessa karaan dabaranu akka jiraatuuf, qilleensi akka bisaan bita'aa fi middatti dhaabbachiisu godhe.

![](https://cdn.door43.org/obs/jpg/360px/obs-en-12-08.jpg?direct&)

Israa'elooti bisaan bita'aa fi midda isaaniititti akka dhaaba manaa isaaniif te'ee, isaan lafa godduu irra abbaayyaa keessa deemane.

![](https://cdn.door43.org/obs/jpg/360px/obs-en-12-09.jpg?direct&)

Achiin duuba Waaqi Gibxooti akka Israa'elooti isaan jalaa bayane akka dhagganuuf, duumensa karaa irraa ol kaase. Gibxooti isaan duubaan hordofiisaaf murteeffatane.

![](https://cdn.door43.org/obs/jpg/360px/obs-en-12-10.jpg?direct&)

Maarre isaan karaa abbaaya'aatiin Israa'eloota hordofane. Waaqi ammoo Gibxooti akka rakkattuu fi garreettaan isaanii ka fardaan harkfamu akka hidhamu godhe. Isaan, <<Baqadha’a! Waaqi Israa'elootaaf loliisatti jira>> jedhanee iyyane.

![](https://cdn.door43.org/obs/jpg/360px/obs-en-12-11.jpg?direct&)

Israaelooti nageyaan abbaayaa gamatti bu'aneen duuba, Waaqi ammalle Muuseen harka ifii akka diriirsu itti hime. Innille yennaa ajajame, bisaan loltoota Gibxootaa irratti garagalee akka qaraa kaan te'e. Loltooti Gibxootaa marti liqinfamane.

![](https://cdn.door43.org/obs/jpg/360px/obs-en-12-12.jpg?direct&)

Israa'elooti akka Gibxooti du'ane yennaa dhaggane Waaqatti dhugeeffatane. Muuseelle raagaa Waaqaa akka te'e dhugeeffatane.

![](https://cdn.door43.org/obs/jpg/360px/obs-en-12-13.jpg?direct&)

Waaqi du'aa fi garbummaa jalaa waan baaseef, Israa'elooti ammalle guddoo gammadane. Amma Waaqa tajaajiliisaaf bilisa bayane. Israa'elooti waan Waaqi loltoota Gibxootaa jalaa waan isaan baaseef, bilisummaa haareya ifii jilfatiisaaf, Waaqalle galateeffatiisaaf, faaruu bacaa faarsane.

![](https://cdn.door43.org/obs/jpg/360px/obs-en-12-14.jpg?direct&)

Gibxoota irratti injifannoo isaaniif akka kennee fi garbummaa jalaa akka isaan baase akka qaabatanuuf, wogguma wogga'atti Jila Irra Dabaramaa akka jilfatanu, Waaqi Israa'eloota ajaje. Isaan buruusoo fafa hin qanne qalatanee daabboo uukoo hin qanne woliin nyaatanee gammadane.

*Dabarsii Kitaaba Woyyichaa:- Seera Bayiisaa 12:33–15:21*

## 13. Gondooroo Waaqi Israa'eloota woliin godhate

https://openbiblestories.org/l/gax/story-13/

![](https://cdn.door43.org/obs/jpg/360px/obs-en-13-01.jpg?direct&)

Waaqi Israa'eloota karaa abbaayaa diintu'uutiin sooresseen duuba, goomolee keessa gara gaara, <<Siinaa>> jedhamuu geesse. Kunille gaara Muuseen tusee gubattu irratti dhagge. Kolbaan gaara jalatti dunkaanii ifii dhaabbate.

![](https://cdn.door43.org/obs/jpg/360px/obs-en-13-02.jpg?direct&)

Waaqi, <<Yoo anaaf ajajantane, gondooroo tiyyalle yoo eegatane, isin lafa ulfinnaa, hayyoota mooti'ii, kolbaa woyyitiille anaaf hin teetan>> jedhee, Muuse'ee fi kolbaa Israa'eliititti dubbate.

![](https://cdn.door43.org/obs/jpg/360px/obs-en-13-03.jpg?direct&)

Kolbaan karaa ayyaantumma’aatiin ifi qopheeffatteen guyyaa sadiin duuba, Waaqi mandiisu’uun, balaqqeetti’iin, aaraan, akkasuma qoonqoo tuultulla’aa guddo’oon gaara Sina’aa irratti gad bu’e. Gaara Siina’aa gubbaa akka bawu ka eeyyamameef Moosee qofa.

![](https://cdn.door43.org/obs/jpg/360px/obs-en-13-04.jpg?direct&)

Achiin duuba Waaqi Gondooroo godhee, <<Ani garbummaa biyya Gibxi’ii jalaa ka isin baase, Mootii Waan Maraa Waaqa keessan; waaqota dhibii hin waaqonfatina’a>> jedhe.

![](https://cdn.door43.org/obs/jpg/360px/obs-en-13-05.jpg?direct&)

Muuseelle’een, <<Ati waaqa dharaa hin hujin; hin waaqonfatinille’e. Sababille ani Mootii Waan Maraa Waaqa hinaaticha. Maqaa kiyya akkasumaan hin waamin. Guyyaa sanbataa woyyoonsiisaaf qaabadhu; guyyaa jaa hujii teeti mara hujadhu. Sababille guyyaan torbeesso’oo guyyaa fooraa ka ati ana ittiin qaabatu.

![](https://cdn.door43.org/obs/jpg/360px/obs-en-13-06.jpg?direct&)

Abba’aa fi haadha teetiif ulfinna kenni; hin ijjeesin; hin gaarayyeeffatin; hin hatin; dhara hin dubbatin. Niitii namaa, mana isaa, yookiin waan isaa mara fudhatiisaaf hin gaabbin>> jedhe.

![](https://cdn.door43.org/obs/jpg/360px/obs-en-13-07.jpg?direct&)

Achiin duuba Waaqi ajaja kudhan kana dhakaa baxxicha lama irratti barreessee Muuse'etti kenne. Waaqi seeraa fi seerata bacaa dhibiille isaanii kenne. Kolbaan seerata kana yoo muummessite Waaqi akka isaan eebbisuu fi akka isaan eegu addii kenne. Seerata yoo hin muummessin ammoo Waaqi isaan hin adaba.

![](https://cdn.door43.org/obs/jpg/360px/obs-en-13-08.jpg?direct&)

Waaqi marroo dunkaanii akka isaan hujanuuf barbaaduulle issa kenne. Inni <<Dunkaanii Woldeenna'aa>> jedhee isii waame. Isiin kolloo lama ta gollaa gugurda'aan qoqodante qaddiiyyu. Waaqi achi keessa waan le'uuf, kolloo golla’aan duubaa akka seenuuf ka eeyyamameef hayyicha guddaa qofaayyu.

![](https://cdn.door43.org/obs/jpg/360px/obs-en-13-09.jpg?direct&)

Nami seera Waaqaa hin muummessine marti addee ciinc'aa ta dunkaanii woldeenna'aa dura jirtutti horii Waaqaaf ciincaa dhikeeffamu fiduu hin dande'aayyu. Hayyichi horii san qalee addee ciinca'aa irratti guba. Dhiigi horii ciinca'aaf dhikeeffamee sun cubbuu namichaa gollee namicha san Waaqa duratti hin qulqulleessaayyu. Waaqi akka isaan hayyoota isaaf te'anu, obboleessa Muuse'ee Aaronii fi sanyii Aaronii file.

![](https://cdn.door43.org/obs/jpg/360px/obs-en-13-10.jpg?direct&)

Kolbaan marti ajaja Waaqi isaanii kenne muummesiisaaf, Waaqa qofa waaqonfatiisaaf, akkasuma kolbaa addaa te'iisaaf wolii galane. Garuu Waaqaa ajajamiisaaf waadaa galanee, yennaa diqqo'oon duuba cubbuu hantuu hujane.

![](https://cdn.door43.org/obs/jpg/360px/obs-en-13-11.jpg?direct&)

Muuseen yennaa hedduu qaccee gaara Siina’aa irratti Waaqa woliin dubbataayyu. Kolbaan haga inni deebi’u ossaan eegatiisa hifatte. Tanaaf worqii gara Aaronii fidanee waaqa dharaa akka isaaniif huju gaafatane.

![](https://cdn.door43.org/obs/jpg/360px/obs-en-13-12.jpg?direct&)

Aaroon fakkii jabbi'iitiin worqii irraa waaqa dharaa huje. Kolbaan haala towanna’aan ala t'een waaqa dharaa waaqonfatisa jalqadde. Ciincaalle isaaf dhikeessite. Marroo cubbuu isaaniitiif Waaqi guddoo isaanitti aaree, isaan balleessiisaaf yaadate. Garuu Muuseen isaaniif daadimate. Waaqille daadimata isaa dhage'ee isaan hin baalleessine.

![](https://cdn.door43.org/obs/jpg/360px/obs-en-13-13.jpg?direct&)

Muuseen gaara irraa gad bu'ee waaqa dharaa san yennaa dhagge, guddoo aaree dhakaa baxxicha lama ka ajaji kudhan irratti barreeffame san caccasse.

![](https://cdn.door43.org/obs/jpg/360px/obs-en-13-14.jpg?direct&)

Achiin duuba Muuseen waaqa dharaa san daake; bisaan gubbaa bittinneesse. Kolbaalle obaase. Waaqi kolbaa irratti balaa buusee nami bacaan du'e.

![](https://cdn.door43.org/obs/jpg/360px/obs-en-13-15.jpg?direct&)

Muuseen ammalle gaara gubbaa bayee akka Waaqi kolba'aaf araaramuuf daadimate. Waaqai Muuse’eef dhage'ee kolba'aaf araarame. Muuseen dhakaa caccasse san bakka buusiisaaf dhakaa baxxicha dhibii irratti ajaja kudhan san barreesse. Achiin duuba Waaqi Israa'eloota gaara Siina'aa irraa gara lafa waada’aa san sooresse.

*Dabarsii Kitaaba woyyicaa: Seera Bayiisaa 19-34.*

## 14. Goomolee Keessa Joonjane

https://openbiblestories.org/l/gax/story-14/

![](https://cdn.door43.org/obs/jpg/360px/obs-en-14-01.jpg?direct&)

Waaqi Gondooroo isaan woliin godhate kutaa teete saniitiif akka ajajamanu Israa'elootatti himeen duuba gaara Siina'aa irraa deemane. Waaqi gaara Siina'aa irraa gara lafa, <<Kaana'aan>> jedhantuu ta isaanii kenniisaaf waadaa galee kolbaa Israa’elii sooressuu jalqabe. Utubaan duumensaa isaaniin dura gara Kaana'aanii deeme; isaanille isa gula deemane.

![](https://cdn.door43.org/obs/jpg/360px/obs-en-14-02.jpg?direct&)

Waaqi lafa waadaa gale san sanyii isaaniitii kenniisaaf, Abrahaamiif, Yisihaaqii fi Yaaqoobiif waadaa galeeraayyu. Garuu lafa san amma gosi adda addaa bacaan keessa le’aniiyyu. Isaan, <<Kaana'aanota>> jedhaman. Kaana'aanoti Waaqa hin waaqonfanne yookiin isaaf hin ajajanne; waaqa dharaa waaqonfatanee waan bacaa godhane.

![](https://cdn.door43.org/obs/jpg/360px/obs-en-14-03.jpg?direct&)

Waaqi Israa’elootaan, <<Kaana’aanota lafa waada’aa keessa jiranu san mara balleessa’a. Isaan woliin nageya hin qabaatina’a; durra isaaniille hin fuudhina'a. Waaqota dharaa ka isaanii ijjumaa balleessa’a. Isin yoo anaaf hin ajajamin, addee ana waaqonfattanu waaqota isaanii waaqinfattan>> jedhe.

![](https://cdn.door43.org/obs/jpg/360px/obs-en-14-04.jpg?direct&)

Israa'elooti meessaa Kaana'aanotaa yennaa geyane, Muuseen gosa Israa'elii tokko tokkooyyuu keessaa namoota kudhanii lama file. Isaan dhaqanee latti sun attam akka jirtu akka dooyanuuf, qajeelfama kenne. Namooti kun Kaana'aanoti worra jajjaba yookiin worra dadhabaa akka te'ane dooyuu qabaniiyyu.

![](https://cdn.door43.org/obs/jpg/360px/obs-en-14-05.jpg?direct&)

Namooti kudhanii lamaa sun guyyaa afurtama Kaana'aan keessa deddeemanee deebi'anee dhufane. Isaan, <<Latti lafa dansa’a! Midhaan isii keessaalle baca'a>> jedhanee kolba'atti himane. Worri dooye kudhan ammoo, <<Qachooti lafa sanii jajjaba’a; namootille hunnaameyyi’i; yoo isaan lolle dhugumaan nu hin injifatan; nu hin ijjeesanille'e>> jedhane.

![](https://cdn.door43.org/obs/jpg/360px/obs-en-14-06.jpg?direct&)

Yoosuma worra dooye san keessaa lamaan Kaalebii fi Iyaasuun, <<Namooti Kaana'aanii dhedheeraa jajjaba te'iis isaanii dhuga'a; garuu nuuti dhugumaan isaan hin injifanna! Waaqi nu'uuf hin lola!>> jedhane.

![](https://cdn.door43.org/obs/jpg/360px/obs-en-14-07.jpg?direct&)

Namooti ammoo Kaalebii fi Iyaasuu hin dhageenne. Muuse'ee fi Aaronitti aaranee, <<Addee badduu tana maaf nu fiddane? Woraanaan addee dhumanu, niitoleen teennaa fi ijoolleen teenna garboolee addee te'anu biyya Gibxi’ii keessa adoo leenee nuu woyya>> jedhane. Kolbaan nama gara biyya Gibxi'ii isaaan deebisu sooressa addaa filatiisa barbaadde.

![](https://cdn.door43.org/obs/jpg/360px/obs-en-14-08.jpg?direct&)

Waaqi guddoo aaree gara dunkaanii woldeenna’aa dhufee, <<Isin waan ana finqiltaneef, kolbaan marti goomolee keessa joonjiisatti jirti. Iyaasu’uu fi Kaaleb malee namooti woggaan isaanii diddamaatii fi diddamaan olii marti achumatti du’an malee lafa waada’aa sanitti hin galanu>> jedhe.

![](https://cdn.door43.org/obs/jpg/360px/obs-en-14-09.jpg?direct&)

Kolbaan tana yennaa dhageette, cubbuu waan hujjeef gaddite. Meya woraanaa qabattee worra kana’aanii loliisaaf ideente. Muuseen marroo Waaqi isaan woliin hin jirreef akka isaan hin ideenne ifi eeggachiise. Garuu isaan isa hin dhageenne.

![](https://cdn.door43.org/obs/jpg/360px/obs-en-14-10.jpg?direct&)

Waaqi isaan woliin gara lolaa hin dhandhe. Tanaaf injifatamanee nami bacaan ijjeefame. Achiin duuba Israa'elooti Kana'aan irraa deebi'anee goomolee keessa woggaa afurtama joonjane.

![](https://cdn.door43.org/obs/jpg/360px/obs-en-14-11.jpg?direct&)

Woggaa afurtama kolbaan Israa'elii goomolee keessa joonjite san Waaqi sagalee isaan nyaachise. Inni ol-guubbaa irraa Sagalee, <<Mannaa>> jedhantu isaanii kenne. Foon akka nyaatanuufille addee quttuma isaaniititti barbadi-kille isaaniif erge. Yennaa san mara keessa woyaan isaaniitii fi copheen isaanii akka dhumanne godhe.

![](https://cdn.door43.org/obs/jpg/360px/obs-en-14-12.jpg?direct&)

Waaqi karaa bilbaasaatiin rassaa keessaa bisaan isaaniif baase. Tun marti isaaniif teetulle, kolbaan Israa'elii Waaqaa fi Muusee irratti aaranee gungumane. Te'uu malee Waaqi waadaa Abraamiif, Yisihaaqii fi Yaaqoobii galeef ammalle addatama'aayyu.

![](https://cdn.door43.org/obs/jpg/360px/obs-en-14-13.jpg?direct&)

Yennaa dhibii yennaa kolbaan ijjumaa bisaan hin qanne, Waaqi Muuse'een, <<Rassaa kannatti dubadhu; isa keessaa bisaan hin baya>> jedhe. Te’uu malee Muuseen addee rassa'atti dubbatu, ule'een yennaa lama waan dhoweef, kolbaa mara duratti Waaqa salphise. Nami marti akka unuuf, rassaa keessaa bisaan baye. Waaqi ammoo Muuse'etti aaree, <<Lafa Waadaa sii gale sanitti hin galtu>> jedheen.

![](https://cdn.door43.org/obs/jpg/360px/obs-en-14-14.jpg?direct&)

Israa'elooti woggaa afurtama goomolee keessa joonjaneen duuba, worri Waaqa irratti finqila kaase marti du'e. Achiin duuba Waaqi ammalle kolbaa gara meessaa lafa waadaa isaaniif galee san sooresse. Amma Muuseen dulloomeera; tanaaf kolbaa sooressiisaan akka isa qarqaaruuf, Waaqi Iyaasuu file. Ammalle Waaqi gaafa tokko raagaa dhibii ka akka Muuse'ee ergiisaaf, Muuse'eef waadaa gale.

![](https://cdn.door43.org/obs/jpg/360px/obs-en-14-15.jpg?direct&)

Achiin duuba Waaqi akka Muuseen lafa waada’aa san dhagguu dande’u, qaccee gaaraa gubbaa akka ol bawu itti dubbate. Muuseen lafa waada’aa san dhagge; garuu akka inni achi galu Waaqi isaaf hin eeyyanne. Achiin duuba Muuseen du’e; Israa’elooti guyyaa soddoma gaddane. Iyaasuun sooressa haareya isaaniif te’e. Iyaasuun nama Waaqatti dhugeeffatee isaaf ajajame waan te’eef sooressa dansaa te’e.

*Dabarsii Kitaaba Woyyichaa:- Seera Bayiisa 16-17; Seera Laakkossaa 10-14; 20; 27; Seera Keessa Deebii 34.*

## 15. Lafa Waada’aa

https://openbiblestories.org/l/gax/story-15/

![](https://cdn.door43.org/obs/jpg/360px/obs-en-15-01.jpg?direct&)

Dhuma irratti yennaan Israa'elooti gara lafa waada’aa gara kana'aanii galanu geette. Iyaasuun gara qachaa kana'aanotaa ka, <<Yerikoo>> jedhamuu ka dalleya dhaka’aa jabaa qabuu, dootuu lamaan erge. Sagaagaltittiin, <<Rahaab>> jedhantu ta worra dooyaa dhaqe san dhossiteen duuba akka isaan milqanu qarqaate takka qachaa san keessa leetiiyyu. Isiin marroo Waaqatti dhugeeffatteef tana goote. Worri dooyu sun yennaa Israa'elooti Yerikoo balleessanu Rahaabii fi maatii isi'ii akka baasanu waadaa isi'iif galane.

![](https://cdn.door43.org/obs/jpg/360px/obs-en-15-02.jpg?direct&)

Israa'elooti lafa waada’aa sanitti galiisaaf laga Yordaanosii gamatti buu'iisa qabaniiyyu. Waaqi Iyasu'uun, <<Qara hayyooti akka buutu godhi>> jedheen. Hayyooti lagaYordaanosii bu'iisa yennaa jalqabane, Israa'elooti lafa godduu keessa gamatti akka bu'anu, bisaan gara gubba'aatiin lola'iisa lakkise.

![](https://cdn.door43.org/obs/jpg/360px/obs-en-15-03.jpg?direct&)

Kolbaan laga Yordaanosii gamatti buuteen duuba Waaqi qachaa Yeriko'oo hunnaamettii san attam akka lolu Iyaasu'utti hime. Kolbaan Waaqaaf ajajante. Loltootii fi hayyooti akkuma Waaqi isaanitti hime guyyaa tokkotti yennaa tokko, haga guyyaa jaa qachaa Yeriko'oo irra naannowane.

![](https://cdn.door43.org/obs/jpg/360px/obs-en-15-04.jpg?direct&)

Achiin duuba guyyaa torbeesso'oo, Israa'elooti yennaa torba qachaa irra naannowane. Dhuma irratti qachaa irra naannowiisatti adoo jiranuu loltooti iyyite; hayyootille tultullaa afuutte.

![](https://cdn.door43.org/obs/jpg/360px/obs-en-15-05.jpg?direct&)

Achiin duuba dalleenni dhaka’aa ka Yeriko'otti naannowee jiru jige. Akkuma Waaqi ajaje, Israa'elooti waan qachaa san keessa jiru mara balleessane. Gosa Israa'elootaa ta teete Rahaabii fi maatii isi'ii qofa baasane. Kolbaan dhibiin ta Kana'aan keessa leetu Isaraa'elooti akka Yerikoo balleessane yennaa dhage'ane, Israa'elooti akka isaanille lolanu herreganee sodaatane.

![](https://cdn.door43.org/obs/jpg/360px/obs-en-15-06.jpg?direct&)

Waaqi akka Israa'elooti gosa kolbaa Kana'aan keessa leetu mara woliin wolii galtee nageyaa hin godhane isaan ajajeeraayyu. Garuu gosa kolbaa Kana'aanotaa keessaa tokko ka te'ane gosi, <<Gaba'aanota>> jedhantu, lafa Kana'aan irraa fago’oo irraa akka dhufanee te'anee sobanee Iyaasu’utti himane. Akka inni isaan woliin wolii galtee nageyaa godhuuf Iyaasuu gaafatane. Gaba'aanoti worra eessaa akka te'ane Iyaasu'uu fi Israa'elooti Waaqa hin gaafanne. Maarre Iyaasuun isaan woliin wolii galtee nageyaa godhe.

![](https://cdn.door43.org/obs/jpg/360px/obs-en-15-07.jpg?direct&)

Israa'elooti akka Gaba'ooti isaan sobane yennaa beekane aarane. Garuu Waaqa duratti waadaan galane waan jiruuf, wolii galtee isaan woliin godhatane san eegatane. Yennaa dhibii turanee, moototi gosa kolbaa dhibi'ii ta Kana'aan keessa jirtu, Amooroti worri Gaba'aanotaa Israa'eloota woliin wolii galtee akka godhatane dhage'ane. Tanaaf loltoota ifii wolitti qabatanee Gaba'aanota lolane. Worri Gaba’aanotaa qarqaarsa gaafatiisaaf, gara Iyaasu’uu ergatane.

![](https://cdn.door43.org/obs/jpg/360px/obs-en-15-08.jpg?direct&)

Maarre Iyaasuun loltoota Israa'elootaa wolitti qabee Gaba'oon geyiisaaf halkaan guutuu deeme. Ganama loltoota Amoorotaa adoo hin beekin lolane.

![](https://cdn.door43.org/obs/jpg/360px/obs-en-15-09.jpg?direct&)

Guyyaa san Waaqi Israa'elootaaf lole. Amoorota joonjessee dhakaa roobaa gugurdaa buusee Amoorota keessaa nama bacaa ijjeese.

![](https://cdn.door43.org/obs/jpg/360px/obs-en-15-10.jpg?direct&)

Ammalle Waaqi akka Israa'elooti worra Amoorotaa ijjuumaa injifatiisaaf yennaa geettu qabaatanu aduun ol-gbbaa irratti addee takkaa akka turtu godhe. Guyyaa san Waaqi Israa'elootaaf injifannoo guddoo kenne.

![](https://cdn.door43.org/obs/jpg/360px/obs-en-15-11.jpg?direct&)

Waaqii loltoota san injjifateen duuba, gosi kolbaa Kana’aanotaa Israa’el loliisaaf wolitti qabamane. Iyaasu’uu fi Israa’elooti dhibiin worra san lolanee injifatane.

![](https://cdn.door43.org/obs/jpg/360px/obs-en-15-12.jpg?direct&)

Lola kanaan duuba kutaa lafa waada’aa san irraa Waaqi gosa tokko tokkoofuu qooda isaan gewu kenne. Achiin duuba Waaqi meessaa isi’ii maratti nageya Israa’eliif kenne.

![](https://cdn.door43.org/obs/jpg/360px/obs-en-15-13.jpg?direct&)

Iyaasuun yennaa dulloome, kolbaa Israa’elii mara wolitti waame. Achiin duuba Iyaasuun Gondooroo Waaqi gaara Siina’aa irratti Israa’eloota woliin godhate saniif kolbaan akka ajajantu qaabachiise. Kolbaan Waaqaaf addatantee le’iisaaf, seerata isaalle hordofatiisaaf waadaa galte.

*Dabarsii Kitaaba Woyyichaa:- Iyaasuu 1-24*

## 16. Worra Bilisa Baasu

https://openbiblestories.org/l/gax/story-16/

![](https://cdn.door43.org/obs/jpg/360px/obs-en-16-01.jpg?direct&)

Iyaasuun du’een duuba Israa’elooti Waaqaaf hin ajajanne. Worra Kana’aanota ka hafanelle odduu ifiitii hin baanne yookiin seera Waaqaatiifille hin ajajanne. Israa’elooti Waaqa dhugicha Mootii Waan Maraatiif ajajamiisa irra waaqota Kana’aanotaa Waaqonfatiisa jalqabane. Israa’elooti Mootii hin qabanuuyyu. Tanaaf tokko tokkoon isaanii waan isaanitti sirrii te’ee mudhate mara godhaniiyyu.

![](https://cdn.door43.org/obs/jpg/360px/obs-en-16-02.jpg?direct&)

Israa’elooti Waaqaaf ajajama dhabiisa ittuma waan deemaneef, Waaqille akka diinni isaanii isaan miidhu godhe. Diinoti isaanii kun meya Israa’elootaa mara hatane; karra isaanii mara balleesanee, isaan keessaa nama bacaa ijjeesane. Israa’elooti Waaqaaf ajajamiisa dhabiisaa fi diinotaan miidhamiisaan bara hedduu dabarsaneen duuba araara galane; Waaqille diina isaanii jalaa akka isaan baasu gaafatane.

![](https://cdn.door43.org/obs/jpg/360px/obs-en-16-03.jpg?direct&)

Achiin duuba Waaqi worra diina isaanii jalaa bilisa isaan baasu isaaniif erge; lafalle’eef nageya kenne. Te’uu malee namooti ammalle Waaqa dedhanee, waaqa dharaa waaqonfatiisa jalqabane. Maarre Waaqi diinota isaanii Miidiyaanota ka dhikoo isaanii jiranu isaanitti kaasee, akka isaan injifatamanu godhe.

![](https://cdn.door43.org/obs/jpg/360px/obs-en-16-04.jpg?direct&)

Worri Miidiyaanotaa woggaa torba midhaan Israa’elootaa mara fudhatane. Israa’elooti guddoo sodaatane. Isaan dhooqaa fi goda keessatti waan dhokataneef worri Miidiyaanotaa isaan dhaggiisaaf hin dandeenne. Dhuma irratti akka isaan qarqaaruuf gara Waaqaa iyyane.

![](https://cdn.door43.org/obs/jpg/360px/obs-en-16-05.jpg?direct&)

Gaafa tokko Israa’elichi, <<Gede’oon>> jedhamu tokko worri Miidiyanootaa akka midhaan isa irraa hin fudhaneef, dhokatee midhaan dhowatiisatti jiraayyu. Ergamaan Waaqaa gara isaa dhufee, <<Ati lolticha jaba’a, Waaqi si woliin jira. Dhaqiitii Isaraa’eloota worra Miidiyaanotaa jalaa baasi>> jedhe.

![](https://cdn.door43.org/obs/jpg/360px/obs-en-16-06.jpg?direct&)

Abbaan Gede’oonii addee ciinca’aa ta waaqa dharaa waaqonfatiisaaf qophootte qabaayyu. Waaqi akka Gede’oon addee ciinca’aa san diiguuf dubbate. Te’uu malee Gede’oon kolbaa waan sodateef , haga latti dhiitu eege. Achiin duuba addee ciinca’aa san diigee caccassee butuche. Addee san biratti addee ciinca’aa haareya Waaqaaf hujee irratti ciincaa Waaqaaf dhikeesse.

![](https://cdn.door43.org/obs/jpg/360px/obs-en-16-07.jpg?direct&)

Boruyyaa ganama kolbaan akka nami tokko addee ciinca’aa ta isaanii diige dhaggitee aarte. Gede’oon ijjeesiisaaf gara mana isaa dhaxxe. Abbaan Gede’oonii ammoo kolba’aan, <<Isin maaf Waaqa keessan qarqaariisaaf wodhaantan? Inni Waaqa yoo te’e, innummaan ifi irraa dhooggatuu ti>> jedhe. Inni waan akkas jedheef kolbaan Gede’oon hin ijjeenne.

![](https://cdn.door43.org/obs/jpg/360px/obs-en-16-08.jpg?direct&)

Worri Miidiyaanotaa ammalle Israa’eloota saamiisaaf dhufane. Isaan laakkosaan bacaa waan te’aneef eennulle isaan laakkowee hin dandeenne. Gede’oon worra Miidiyaanotaa loliisaaf Israa’eloota waame. Waaqi karaa isaatiin akka Israa’eloota qarqaaru mirkaneeffatiisaaf, Gede’oon beessisa lama Waaqa gaafate.

![](https://cdn.door43.org/obs/jpg/360px/obs-en-16-09.jpg?direct&)

Beessisa qaraatiif, hoccuu laffatti afee fixeensa ganamaa hoccuu qofa irra malee lafa irratti akka hin dhagganne gaafate. Waaqille akkasuma godhe. Halkaan itti aanu Gede’oon, <<Latti fixeensa ganamaatiin jiitee hoccuun ammoo godduu akka teetu>> jedhee Waaqa gaafate. Waaqille akkasuma godhe. Beessis kun lamaan Waaqi karaa isaatiin Israa’eloota worra Miidiyaanotaa jalaa akka baasu Gede’ooniif ragaa te’ane.

![](https://cdn.door43.org/obs/jpg/360px/obs-en-16-10.jpg?direct&)

Loltooti Israa’elootaa 32,000 gara Gede’oonii dhufane. Waaqi ammoo <<Laakkossi isaanii bacateera >> jedheen. Tanaaf, Gede’oon loltoota loliisa sodaatte 22,000 gara mana isaaniititti deebise. Waaqi ammalle Gede’ooniin, <<Laakkossi loltootaa bacateera>> jehdeen. Tanaaf, Gede’oon loltoota 300 hamburee kaan gara mana isaanii deebise.

![](https://cdn.door43.org/obs/jpg/360px/obs-en-16-11.jpg?direct&)

Galgala san Waaqi Gede’ooniin, <<Gara quttuma loltoota worra Miidiyaanotaa dhaqi; waan siin jedhanulle yoo dhageette isaan hin sodaatin>> jedhe. Tanaaf Gede’oon galgaluma san gara quttuma loltoota Miidiyaanotaa dhaqe. Loltichi Miidiyaanotaa tokko, loltooti Gede’oonii loltoota Miidiyaanotaa akka injifatane lansa ifiititti himuun oojju’uun dhagge. Gede’oon yennaa tana dhage’e Waaqaaf sagade.

![](https://cdn.door43.org/obs/jpg/360px/obs-en-16-12.jpg?direct&)

Achiin duuba Gede’oon gara loltootaa deebi’ee tokko tokkoo isaaniitiif tultullaa gaafaa, okkote’ee fi xassaa kenneefi. Isaan adoo loltooti Miidiyaanotaa rafaneeranuu addee quttuma isaanii marsane. Loltooti Gede’oonii 300 okkotee san keessaa xassaa qabaniiyyu; loltooti Miidiyaanotaa garuu ifa xassa’aa dhaggiisa hin dandeenne.

![](https://cdn.door43.org/obs/jpg/360px/obs-en-16-13.jpg?direct&)

Achiin duuba loltooti Gede’oonii marti yennuma takkattii okkotee ifi cassanee yennuma san xassaan dedhuma ife. Isaan tuultullaa ifii ka gaafaa afuufaa, <<Loltoota Waaqaatii fi loltoota Gede’oonii>> jedhaa iyyane.

![](https://cdn.door43.org/obs/jpg/360px/obs-en-16-14.jpg?direct&)

Waaqi Miidiyaanota joonjessee, isaan woluu ijjeesane. Yennuma san Israa’elooti mana ifii jiranu waamamanee Miidiyaanota ari’iisaaf wol qarqaarane. Isaan worra bacaa ijjeesanee worra hafelle lafa Israa’elootaa keessaa ari’ane. Yennaa san loltooti Miidiyaanotaa 120,000 du’ane. Waaqille Israa’eloota hambure.

![](https://cdn.door43.org/obs/jpg/360px/obs-en-16-15.jpg?direct&)

Kolbaan akka Gede’oon mootii isaaniif te’u barbaadde. Gede’oonii ammoo tana akka godhanu isaaniif hin eeyyanne. Garuu tokko tokkoon isaanii worqii Miidiyaanota irraa fudhatane akka isaaf fidanu gaafate. Kolbaalle worqii bacaa Gede’ooniif kennite.

![](https://cdn.door43.org/obs/jpg/360px/obs-en-16-16.jpg?direct&)

Gede’oon worqii san baqsiisee woyaa addaa ta akka hayyichi guddaan uffatuu godhee huje. Kolbaan ammoo woyaa san akka waaqa dharaa waaqonfatanu waaqonfatiisa jalqadde. Tanaaf Waaqi akka diinni isaan injifatu godhee isaan adabe. Dhuma irratti kolbaan ammalle akka Waaqi isaan baasuuf gaafatte. Waaqille qarqaaraa dhibii isaaniif erge.

![](https://cdn.door43.org/obs/jpg/360px/obs-en-16-17.jpg?direct&)

Haalli akkasii yennaa hedduu itti dedddeebi’ame. Israa’elooti cubbuu hujan; Waaqi isaan adaba; isaan deebi’anee araara galan; Waaqille isaan baasiisaaf nama isaan baasu isaaniif erga. Waaqi woggaa hedduu Israa’eloota baasiisaaf, worra bilisa isaan baasu hedduu ergeera.

![](https://cdn.door43.org/obs/jpg/360px/obs-en-16-18.jpg?direct&)

Dhuma irratti, kolbaan akkuma gosi biyya adda addaa ta dhibiin qaddu, Waaqi mootii akka isaaniif kennu gaafatane. Ka yennaa lolaa isaan sooressu, mootii dheeraa jabaa akka qabaatanu barbaadane. Waaqi ammoo gaaffii tana hin jaalanne. Te’uu malee akkuma isaan barbaadane mootii isaaniif kenne.

*Dabarsii Kitaaba Woyyichaa:- Kitaaba Moototaa 1-5: 6-8*

## 17. Gondooroo Waaqi Daawiti woliin godhate

https://openbiblestories.org/l/gax/story-17/

![](https://cdn.door43.org/obs/jpg/360px/obs-en-17-01.jpg?direct&)

Saa’ol Israa’elii ka qaraa ti. Inni akkuma kolbaan barbaadde nama dheera’aa fi midhaaga’a. Saa’ol Israa’el bulchiisa jalqabee haga woggaa diqqo’oo mootii dansaa te’e. Achiin duuba garuu nama hamaa Waaqaaf hin ajajanne te’e. Tanaaf Waaqi gaafa tokko nama addaa ka addee Saa’oliititti mootii te’u file.

![](https://cdn.door43.org/obs/jpg/360px/obs-en-17-02.jpg?direct&)

Waaqi Saa’oliin duuba mootii akka te’u dargaggeessa Israa’elicha, <<Daawiti>> jedhamu file. Daawiti tissee hoole’ee nama qachaa Beetelemii ti. Daawiti yennaa adda addaa hoolee abbaa ifii yennaa tissu, neenqaa fi doobbaa hoolee san nyaatiisaaf dhufanu ijjeeseeraayyu. Daawiti nama Waaqatti dhugeeffatu, ka isaafille ajajamu, nam gadhi-laafeesa balcha’a.

![](https://cdn.door43.org/obs/jpg/360px/obs-en-17-03.jpg?direct&)

Daawiti lolticha jaba’aa fi sooressa jabaa te’e. Daawiti adoo dargaggeessaatuu, nama akka malee guddatu, ka <<Golyaad>> jedhamu woliin wol lole. Golyaad lolticha leenjifame hunnaamessa, ka hojjaan isaalle gara meetirii sadii ti. Waaqi garuu akka Daawiti Golyaad ijjeesee Israa’eloota baasuuf Daawiti qarqaare.

![](https://cdn.door43.org/obs/jpg/360px/obs-en-17-04.jpg?direct&)

Saa’ol jaalaltii kolbaan Daawitiif qaddu gaabbe. Inni Daawiti ijjeesiisaaf yennaa hedduu wodhaane. Tanaaf, Daawiti Saa’ol duraa baqate. Gaafa tokko Saa’ol Daawiti ijjeesiisaaf barbaade. Inni goda Daawiti isa duraa itti dhokateeru dhaqe. Te’uu malee inni Daawiti hin dhaggine. Daawiti gara Saa’olii waan dhikaateeruuf silaa isa ijjeesuu hin dande’aayyu; inni garuu isa hin ijjeenne. Daawiti mootii te’iisaaf jedhee akka isa hin ijjeesin, Saa’ol akka mirkaneeffatuuf, addee isa ijjeessu handaara woyaa isaa kute.

![](https://cdn.door43.org/obs/jpg/360px/obs-en-17-05.jpg?direct&)

Dhuma irratti Saa’ol lola keessatti du’e. Daawitille mootii Israa’elii te’e. Daawiti mootii dansa’a; kolbaalle isa jaalatte. Waaqi Daawiti eebbisee, isaaf milkeesse. Daawiti lola hedduu lole; Waaqi akka inni diinota Israa’elii injifatuuf isa qarqaare. Daawiti injifatee Yerusaalem qabatee qachaa ifii guddicha godhate. Bara Daawiti mootii te’e Israa’el hunnaamettii, dureettii teete.

![](https://cdn.door43.org/obs/jpg/360px/obs-en-17-06.jpg?direct&)

Daawiti Galma Waaqaa ka Israa’elooti marti Waaqa itti waaqonfattuu fi ciincaa isaaf itti dhikeesitu ijaariisaaf barbaade. Kolbaaan gara woggaa 400 dunkaanii woldeenna’aa ta Muuseen hujetti Waaqa Waaqonfataa ciincaa isaaf dhikeessitiiyyu.

![](https://cdn.door43.org/obs/jpg/360px/obs-en-17-07.jpg?direct&)

Waaqi ammo ergaa tana itti himee raagicha Naatan gara Daawitii ergee, <<Ati nama woraanaa waan teeteef, Galma kana anaaf hin ijaartu. Ilma keetitti anaaf ijaara. Garuu ani guddisee si hin eebbisa. Sanyii teeti keessaa tokko kolbaa tiyya irratti Mootii te’ee haga bara baraa hin bulcha>> jedhe. Ka haga bara baraa bulchu sanyii Daawitii keessaa Masiihii qofa. Masiihiin ka Waaqaan filatame. Gosa biyya adda addaa ka cubbuu isaanii jalaa baasu.

![](https://cdn.door43.org/obs/jpg/360px/obs-en-17-08.jpg?direct&)

Daawiti yennaa jechoota kana dhage’e, Waaqi ulfinna guddaa kanaa fi eebba bacaa kana isaa kenniisaaf waadaa waan galeef, yoosuma Waaqa galateefatee leellifate. Daawiti Waaqi waan kana yoomi akka tolchu hin beenne. Garuu dhugaan jirtu, Israa’elooti Masiihiin adoo hin dhufiniin dura bara hedduu gara woggoota 1000 eegatiisa malaneeyyu.

![](https://cdn.door43.org/obs/jpg/360px/obs-en-17-09.jpg?direct&)

Daawiti haqaa fi addatamumma’aan woggaa hedduu bulche. Waaqille isa eebbise. Te’uu malee dhuma jiruu ifiititti cubbuu hantuu Waaqa irratti huje.

![](https://cdn.door43.org/obs/jpg/360px/obs-en-17-10.jpg?direct&)

Gaafa tokko loltooti Daawitii marti mana ifiitii bayanee deemanee yennaa lolanu, Daawiti mana mootumma’aa ka ifiitiin ala jiruun namittii miidhadduu nafa ifii dhiqattu takka dhagge. Maqaan isi’ii Baat-Sheeba'a.

![](https://cdn.door43.org/obs/jpg/360px/obs-en-17-11.jpg?direct&)

Daawiti addee fuula ifii isii irraa deebifatu, gara isaa akka dhuttuuf nama itti erge. Inni isii woliin rafee gara manaa isii deebise. Guyyaa diqqa’aan duuba Baat-Sheebaan, <<Ani gadhaachoweera>> jettee Daawititti nama ergite.

![](https://cdn.door43.org/obs/jpg/360px/obs-en-17-12.jpg?direct&)

Dhirsi isiˈii Uriiyaan loltoota Daawitii worra lolaan beekkamane keessa nama tokko. Daawiti akka Uriiyaan lola irraa deebi’ee niitii ifii woliin jiraatu isa waanisise. Uriiyaan ammo <<Loltooti lola irra jiranuun ani gara manaa hin deeb’u>> jedhe. Daawiti deebisee Uriiyaa gara lolaa ergee akka inni duˈuuf addee lolli jabaan jirutti akka inni duratti isa dabarsu ajajaa loltootaatitti hime.

![](https://cdn.door43.org/obs/jpg/360px/obs-en-17-13.jpg?direct&)

Uriiyaan ijjeefameen duuba Daawti Baat-Sheebaa fuudhe. Duuba irra isiin ilma Daawitiif deette. Waaqi waan Daawiti huje kanaaf guddoo aare. Cubbuun Daawiti huje hantuu akka teete akka isatti himuuf, Waaqi raagicha Naatan erge. Daawiti cubbuu ifii faaciˈatee, Waaqi isaaf araarame. Daawiti bara jiruu ifii ta isaaf hatte keessatti yennaa rakkinna hama’aa keessalle’etti Waaqa hordofee isaaf ajajame.

![](https://cdn.door43.org/obs/jpg/360px/obs-en-17-14.jpg?direct&)

Te’uu malee, cubbuu Daawiti hujeef adabbii itti teetee ilmi isaa duˈe. Bara jiruu Daawitii ta hatte keessalle’etti maatii isaa irratti lolli jiraayyu. Hunni Daawitii guddoo dadhadde. Daawiti Waaqaaf addatamaa teˈuu dhabulle, Waaqi ammalle waadaa galeef addatamaˈa. Duuba irra Daawitii Baat-Shebaa irraa ilma uumate; maqaa isaalle Solomoon baasane.

*Dabarsii Kitaaba Woyyichaa:- 1Samuel 10:15-19; 24; 31; 2Samuel 5:7; 11-12.*

## 18. Mootummaa Gargar Qoodante

https://openbiblestories.org/l/gax/story-18/

![](https://cdn.door43.org/obs/jpg/360px/obs-en-18-01.jpg?direct&)

Woggaa heddu’uun duuba, Daawiti du’e; ilmi isaa Solomoon Israa’el bulchiisa jalqabe. Waaqi Solomoonitti dubbatee irra caalaa maan akka barbaadu isa gaafate. Yennaa inni qarummaa isa gaafate, Waaqi biyya lafaa irratti nama qaroo isa godhe. Solomoon waan hedduu baratee, abbaa mura’aa guddoo qaricha te’e. Waaqi goddoo durreesalle isa tolche.

![](https://cdn.door43.org/obs/jpg/360px/obs-en-18-02.jpg?direct&)

Solomoon Galma Waaqaa ka abbaan isaa Daawiti ijaariisaaf karoora baasee, waan ijaarsaaf barbaachisu wolitti qabe, Yeruusaalem keessatti ijaare. Kolbaan addee Dunkaanii woldeenna’aa Galma Waaqaa keessatti waaqonfatte; ciincaalle isaaf dhikeessite. Waaqille dhufee Galma san keessatti dhaggamee, kolbaa woliin le’e.

![](https://cdn.door43.org/obs/jpg/360px/obs-en-18-03.jpg?direct&)

Solomoon ammoo dubartoota biyya dhibi’ii jaalate. Dubartoota hedduu gara kuma tokkoo geettuu fuudhee, Waaqaaf hin ajajanne! Dubartoota tana keessaa hedduun isaanii biyya alaatii dhufane; waaqota dharaa ka ifii fidatanee, Waaqonfatiisa jalqabane. Solomoon yennaa dulloome, innille waaqota isaanii ka dharaa san waaqonfate.

![](https://cdn.door43.org/obs/jpg/360px/obs-en-18-04.jpg?direct&)

Waaqi Solomoonitti aare; Solomoon waan addatamiisa dhabeef, akka adabbi’ii teetee, Solomoon du’een duuba mootummaan Israa’elii addee lamatti akka qoodu dubbate.

![](https://cdn.door43.org/obs/jpg/360px/obs-en-18-05.jpg?direct&)

Solomoon du’een duuba ilmi isaa Roobi’aam mootii te’e. Roobi’aan nama gowwa’a. Kolbaan Israa’elii marti mootii te’iisa isaa isaaf mirkaneessiisaaf, gara isaa dhutte. Solomoon hujii ulfaattuu hedduu akka isaan hujjisiisee fi gibira hedduu akka isaan gabbarsiise quuqaa qabanu Roobi’aamitti dubbatane.

![](https://cdn.door43.org/obs/jpg/360px/obs-en-18-06.jpg?direct&)

Roobi’aam guwwummaa ifiitiin, <<Isin <Abbaan kiyya Solomoon hujii ulfaattuu nu hujjisiiseera> jettaneertan; ani ammoo isa caalaa hujii ulfaattuu isin hin hujjisiisa; isa caalaalle isin hin adaba>> jedheen.

![](https://cdn.door43.org/obs/jpg/360px/obs-en-18-07.jpg?direct&)

Gosi kolbaa Israa’elii kudhan Roobi’aam irratti finqila kaasane. Gosi lamaan callaan addatamummaa isaaf qadduun jiraatte.

![](https://cdn.door43.org/obs/jpg/360px/obs-en-18-08.jpg?direct&)

Gosi kolbaa Israa’elii kudhan ta Roobi’aam irratti finqila kaache tuun nama Iyoorbi’aam jedhamu tokko mootii ifii godhattee muudatte.

![](https://cdn.door43.org/obs/jpg/360px/obs-en-18-09.jpg?direct&)

Iyoorbi’aamille Waaqatti finqila kaasee, kolbaalle akka cubbuu hujju godhe. Galma Waaqaa ka mootummaa Yihuda’aa keessa jirutti Waaqa waaqonfatiisaa mannaa akka kolbaan itti waaqonfattu waaqa dharaa lama isaaniif huje.

![](https://cdn.door43.org/obs/jpg/360px/obs-en-18-10.jpg?direct&)

Mootummaan Yihuda’aatii fi Mootummaan Israa’elii diina wolitti te’anee yennaa hedduu wol lolane.

![](https://cdn.door43.org/obs/jpg/360px/obs-en-18-11.jpg?direct&)

Mootummaa Israa’elii haareya keessatti moototi martinuu hamaaleyyii te’ane. Mootota hamaaleyyii tana keessaa harki caalaan worra addee isaaniititti mootii te’uu fedhu, Israa’eloota dhibi’iin ijjeefamane.

![](https://cdn.door43.org/obs/jpg/360px/obs-en-18-12.jpg?direct&)

Mootota maraa fi kolbaan mootummaa Israa’elii keessaa harki caalaan waaqota dharaa waaqonfatte. Waaqota dharaa waaqonfatiis isaanii yennaa hedduu woliin rafiisa aadaa dadaa irraa goree fi yennaa tokko tokko ijoollee ciincaa dhikeessuu dabalata.

![](https://cdn.door43.org/obs/jpg/360px/obs-en-18-13.jpg?direct&)

Moototi Yihuda’aa sanyii Daawitii ti. Mootota tana keessaa gariin haqaan worri bulchee fi worri Waaqa waaqonfate namooti dadansaalle hin jiran. Mootota san keessaa harki caalaan ammoo worra hamaaleyyii gara dhabe. Waaqota dharaalle waaqonfataa turane. Isaan keessaa gariin ijoollee ifiille waaqota dharaatiif ciincaa dhikeessaneeran. Kolbaan Yihuda’aalle harki caalaan Waaqatti finqila kaasane; kuun waaqa dharaa waaqonfatane.

*Dabarsii Kitaab Woyyichaa:- 1Moototaa 1-6; 11-12.*

## 19. Raagota

https://openbiblestories.org/l/gax/story-19/

![](https://cdn.door43.org/obs/jpg/360px/obs-en-19-01.jpg?direct&)

Waaqi dabarsii Israa’elii mara keessatti raagota erge. Isaan Waaqarraa ergaa dhage’ane; achiin duuba ergaa Waaqaa san kolba’atti himane.

![](https://cdn.door43.org/obs/jpg/360px/obs-en-19-02.jpg?direct&)

Ahaab Israa’el irratti yennaa mootii te’e, Eliyaas raagaa te’eera. Ahaab nama hamaa akka kolbaan waaqa dharaa ka, <<Ba’aal>> jedhamu akka waaqonfattu tirtisse. Eliyaas, Ahaabiin, <<Ani haga dubbadhutti Israa’el keessatti bokkeenni yookiin fixeensi hin jiraatu>> jedhe. Dubbiin tun akka malee Ahaab aarsite.

![](https://cdn.door43.org/obs/jpg/360px/obs-en-19-03.jpg?direct&)

Waaqi namicha isa ijjeesiisaaf barbaadu Ahaab duraa isa dhossiisaaf, akka inni gara laga goomolee keessaa dhaqu Eliyaasitti hime. Ganama ganamaa fi galgala galgala mara harraaqessi sagalee isaaf fidaa turane. Ahaabii fi loltooti isaa Eliyaas barbaadane; te’uu malee isa dhagguu hin dandeenne. Olaan guddoo hamaa waan te’eef dhuma irratti lagi sun goge.

![](https://cdn.door43.org/obs/jpg/360px/obs-en-19-04.jpg?direct&)

Tanaaf, Eliyaa gara biyya ollaa isaa takka dhaqe. Biyya san keessatti sababa beelaatiif, haadha hiyyeessaa takkaa fi ilma isi’ii sagaleen duraa dhumatiisa geetteertiiyyu. Te’uu malee isaan Eliyaas keessummeessane; Waaqille bullaan ibidoo isaanii keessaa akka hin dhumanne, sayitiille okkotee isaanii keessaa akka dhidhanne godhee isaan areere. Bara beelaa san mara sagaleen isaan duraa hin dhumanne. Eliyaas woggaa hedduu achi le’e.

![](https://cdn.door43.org/obs/jpg/360px/obs-en-19-05.jpg?direct&)

Woggaa sadii fi wodha’aan duuba akka bokkeya roobisiisu gara mootummaa Israa’elii deebi’ee Ahaabitti akka himu Waaqi Eliyaasitti hime. Ahaab yennaa Eliyaas dhagge, <<Ati nama rakkinna uumu, dhuttee motii!>> jedheen. Eliyaas deebisee, <<Nami rakkinna uumu si’i! Waaqa dhuga’aa, Mootii Waan Maraa lakkitteerta; ba’aal waaqonfateertaa, kolbaa mootummaa Israa’elii gaara qeremelosii irratti wolitti naa qabi>> jedheen.

![](https://cdn.door43.org/obs/jpg/360px/obs-en-19-06.jpg?direct&)

Raagota ba’aalii 450 woliin kolbaan mootummaa Israa’elii marti gara gaara qeremeloosii dhutte. Eliyaas kolba’aan, <<Isin yennaa meeqa yaada keessan jijjiirattan? Mootiin Waan Maraa Waaqa yoo te’e isa tajaajila’a! Ba’aal Mootii Waan Maraa yoo te’e isa tajaajila’a>> jedheen. Achiin duuba Eliyaas raagota ba’aaliitiin, <<Jibicha tokkocha qala’aatii ciincaa dhikeessa’a; te’uu malee ibidda hin gabbisina’a. Anille akkasuma hin godha. Waaqi ibiddaan deebii kennu inni Waaqa dhuga’aa ti>> jedhe. Tanaaf, hayyooti ba’aalii ciincaa qopheessane. Te’uu malee ibidda hin gabbinne.

![](https://cdn.door43.org/obs/jpg/360px/obs-en-19-07.jpg?direct&)

Achiin duub raagoti ba’aalii , <<Ee ba’aal nuu dhage’i!>> jedhanee gara ba’aalii daadimatane. Guyyaa guutuu daadimatane; iyyane; nafa ifiille billowaan mummurane; te’uu malee deebii dhabane.

![](https://cdn.door43.org/obs/jpg/360px/obs-en-19-08.jpg?direct&)

Dhuma irratti Eliyaas ciincaa Waaqaaf dhikeesse. Achiin duuba foon, muki, akkasuma latti adaala foon sanii jirtu marti akka malee haga shantutti, bisshaan ibiddoo kudhanii lama guutuu foon ciinca’aa san irratti akka dhangalaasanu kolba’atti hime.

![](https://cdn.door43.org/obs/jpg/360px/obs-en-19-09.jpg?direct&)

Achiin duuba Eliyaas, <<Ee Yaahiwwee, Waaqa Abrahaamii, Waaqa Yisihaaqii fi Yaaqoobii; ati Waaqa Israa’elii akka teetee fi anille tajaajilaa keeti akka te’e nutti mudhis. Ati Waaqa dhuga’aa akka teete kolbaan tun akka beettuuf, deebii naa kenni>> jedhee daadimate.

![](https://cdn.door43.org/obs/jpg/360px/obs-en-19-10.jpg?direct&)

Yoosuma ibiddi ol-gubba’aa bu’ee foon, muka, dhakaa, huura, akkasuma bisaan adaala addee ciinca’aa jiruuyyuu gube. Kolbaan yennaa waan kana dhaggite, lafatti gad jiddee, <<Yaahiwween, Waaqa! Yaahiwween. Waaqa!>> jette.

![](https://cdn.door43.org/obs/jpg/360px/obs-en-19-11.jpg?direct&)

Achiin duuba Eliyaas, <<Raagota ba’aalii keessa tokkochille hin bayin>> jedhe. Tanaaf kolbaan sun raagota ba’aalii san qaddee geessitee ijjeette.

![](https://cdn.door43.org/obs/jpg/360px/obs-en-19-12.jpg?direct&)

Achiin duuba Eliyaas Ahaabii mootichaan, <<Bokkeenni dhufeeraa, ariifadhuu gara qacha’aa deebi’i>> jedheen; gubbaan yoosuma gurraachotte. Baradaan roobuu jalqabe. Yaahiwween oolaa dhaabbachiisee, Waaqa dhuga’aa akka te’e mirkaneesse.

![](https://cdn.door43.org/obs/jpg/360px/obs-en-19-13.jpg?direct&)

Bara Eliyaasiitiin duuba Waaqi nama Elisaa’i jedhamu akka raagaa te’u file; karaa Elisaa’iitiin Waaqi bilbaasa hedduu huje. Bilbaasota san keessaa tokkochi dhukkub goga’aa farrisiisaan ajajaa loltoota diinaa ka te’e Ni’imaan irratti mudhate. Marroo Elisaa’ii waan dhage’eeruuf, akka inni isa fayyisuuf dhaqee Elisaa’i gaafate. Elisaa’i akka Ni’imaan bisaan laga Yordaanosii yennaa torba lixee fulla’u itti hime.

![](https://cdn.door43.org/obs/jpg/360px/obs-en-19-14.jpg?direct&)

Jalqaba irratti Ni’imaan mufatee, gowwummaa waan itti fakkaatteef, waan Elisaa’i itti hime hin goone. Duubarra ammoo yaada ifii jijjiiratee, bisaan laga Yordaanosii yennaa torba lixee fulla’e. Dhuma irratti yennaa inni bisaan keessaa baye gogaan isaa ijjumaa fayye. Waaqi isa fayyise.

![](https://cdn.door43.org/obs/jpg/360px/obs-en-19-15.jpg?direct&)

Waaqi raagota dhibii hedduu erge. Nami marti waaqota dharaa waaqonfatiisa akka lakkisuu fi worra dhibi’iif haqa akka huju, araaralle godhuu akka jalqabanu kolba’atti hime. Waan hantuu hujiisa yoo hin lakkisin, Waaqaaf ajajamiisalle yoo hin jalqabin, Waaqi yakkaamessumma’aan akka isaanitti muru, akka isaan adabulle worri raagota kolbaa ifi eeggachiisane.

![](https://cdn.door43.org/obs/jpg/360px/obs-en-19-16.jpg?direct&)

Yennaa hedduu kolbaan Waaqaaf hin ajajanne. Yennaa hedduu haalli isaan raagota itti qabatanulle haala bada’a.

![](https://cdn.door43.org/obs/jpg/360px/obs-en-19-17.jpg?direct&)

Yennaa tokko tokko isaan raagota hin ijjeesaniiyyu. Yennaa takka, raagicha Ermiyaas akka inni boolla bisaanii godduu keessatti gatamee achitti du’u lakkisane. Inni dhoqqee boolla bisaanii golba jirtu keessa seene. Te’uu malee yennaa san mootichi isaaf nayee, adoo inni hin du’in, boolla san keessaa harkisanee akka isa baasanu tajaajiltoota ifii ajaje..

![](https://cdn.door43.org/obs/jpg/360px/obs-en-19-18.jpg?direct&)

Raagoti sun kolbaan yoo isaan jibbitelle marroo Waaqaa dubbatiisa hin lakkinne. Isaan yoo araara hin galin Waaqi akka isaan balleessu kolbaa ifi eeggachiisane. Masiihiin Waaqaa akka dhufulle addii inni kenne kolbaan akka qaabattu godhane.

*Dabarsii Kitaaba Woyyichaa:- 1Moototaa 16-18; 2Moototaa 5; Ermiyaas 38.*

## 20. Booji’amiisaa fi Boojuu Keessaa Deebi’iisa

https://openbiblestories.org/l/gax/story-20/

![](https://cdn.door43.org/obs/jpg/360px/obs-en-20-01.jpg?direct&)

Mootummaan Israa’eliitii fi mootummaan Yihuda’aa lamaanuu Waaqa irratti cubbuu hujje. Gondooroo Waaqi isaan woliin gaara Siina’aa irratti godhe diigane. Waaqi akka isaan araara galanuu fi deebi’anee akka isaan isa waaqonfatanu isaan ifi eggachiisiisaaf raagota ifii erge; isaan ammoo ajajamuu didane.

![](https://cdn.door43.org/obs/jpg/360px/obs-en-20-02.jpg?direct&)

Tanaaf Waaqi akka diinoti isaan balleessnu eeyyamiisaan isaan adabe. Mootummaan Asoorii hunnaamettiin gadhi-jabeettiin mootummaa Israa’elii balleessite. Waan gatii qabu mara fudhatte; biyya san keessaa harka caalaa gudde.

![](https://cdn.door43.org/obs/jpg/360px/obs-en-20-03.jpg?direct&)

Worri biyya Asoorii sooressitoota, dureeyyi’ii fi namoota ogummaa qabanu mara wolitti qabanee gara biyya Asoorii geessane. Worri adoo hin ijjeefamin hafe Israa’eloota hiyyeeyyii qofatti mootummaa Israa’elii keessatti hafe.

![](https://cdn.door43.org/obs/jpg/360px/obs-en-20-04.jpg?direct&)

Achiin duuba worri Asoorii addee mootummaan Israa’elii dur jirtu akka le’anu worra biyya ormaa fidane. Worri ormaa sun qachoota diigane deebisanee ijaaranee, worra Israa’elootaa ka achitti hafeeru fuudhane. Sanyiin Israa’eloota worra orma fuudhee, <<Samaariyaa>> jedhamanee waamamane.

![](https://cdn.door43.org/obs/jpg/360px/obs-en-20-05.jpg?direct&)

Kolbaan mootummaa Israa’elii waan Waaqa hin dhugeeffatinii fi waan isaaf hin ajajaminiif, inni attam akka kolbaa mootummaa Israa’elii adabe gosi biyya adda addaa ta mootummaa Yihuda’aa keessa jirtu dhaggite. Akkasille adoo teetee jirtuu ammoo, kolbaan muutummaa Yihuda’aa waaqota dharaa ka Kana’aanotaalle itti dabalanee waaqota dharaa waaqonfatane. Waaqille raagota isaan ifi eeggachiisanu isaanitti erge. Isaan ammoo dhage’uu didane.

![](https://cdn.door43.org/obs/jpg/360px/obs-en-20-06.jpg?direct&)

Worri Asoorii mootummaa Israa’elii balleesseen duuba gara woggaa dhibbaatitti akka isaan mootummaa Yihuda’aa lolanu Waaqi worra Baabilolii erge. Yennaa san Baabilon mootummaa mootii moototaa hunnaametti’i. Mootichi Yihuda’aa tajaajilaa Nebukanadnezaarii te’iisaa fi wogguma wogga’aan gibira beesee hedduu isaa koffaliisaaf wolii gale.

![](https://cdn.door43.org/obs/jpg/360px/obs-en-20-07.jpg?direct&)

Te’uu malee woggaa heddu’uun duuba mootummaan Yihada’aa Baabilon irratti finqila kaase. Tanaaf worri Baabilonii deebi’anee dhufanee mootummaa Yihuda’aa lolane. Qachaa Yerusaalemii qabatane; Galma Waaqaa balleessane. Galmee qacha’aatii fi galmee Galma Waaqaalle fudhatane.

![](https://cdn.door43.org/obs/jpg/360px/obs-en-20-08.jpg?direct&)

Mootiin Yihuda’aa waan isa irratti finqila kaaseef, isa adabiisaaf loltooti Nebukadezaarii ilma mooticha Yihuda’aa fuula isaa duratti ijjeesane. Isalle ila balleessane. Achiin duuba akka inni Baabilonitti mana hidha’aa keessatti du’u fuudhanee deemane.

![](https://cdn.door43.org/obs/jpg/360px/obs-en-20-09.jpg?direct&)

Nebukadnezaarii fi loltooti isaa akka isaan fichaa keessa hujanu namoota worra hiyyeeyyii te’ane qofa lakkisanee kolbaa mootummaa Yihuda’aa maraayyuu booji’anee gara Baabilonii geessane. Barri kolbaan Waaqaa lafa waada’aa akka lakkittu hunnaan godhane kun <<Bara booju’uu>> jedhamee waamama.

![](https://cdn.door43.org/obs/jpg/360px/obs-en-20-10.jpg?direct&)

Waaqi gara booju’uu kolbaa ifii oofee marroo cubbuu isaaniitiif isaan adabulle, isaanii fi waadaa ifii hin deene. Waaqi kolbaa ifii eegisaa fi karaa raagotaatiin isaan dubbisiisa hin lakkinne. Waggaa torbaatamaan duuba gara lafa waada’aa ammalle akka deebi’anu addii kenne.

![](https://cdn.door43.org/obs/jpg/360px/obs-en-20-11.jpg?direct&)

Gara woggaa torbaatamaatiin duuba, mootiin faaresii Baabilon injifate; tanaaf mootummaan mootii moototaa ta faaresii mootummaa mootii moototaa ta Baabilonii bakka buute. Yennaa tana Israa’elooti <<Yihudoota>> jedhamanee waamamane; isaan keessaa harki caalaan bara jiruu ifii mara worra Baabilon keessa le’e; worri akka malee dulloomeeru Yihudooti nami diqqaan caallaan lafa Yihuda’aa qaabatane.

![](https://cdn.door43.org/obs/jpg/360px/obs-en-20-12.jpg?direct&)

Mootummaan mootii moototaa ta Faaresii jaddu’u; garuu kolbaa qabateef marartii qabaayyu. Qiroos mootii worra Faaresii te’ee yennaa diqqo’oon duuba, nami biyya Yihuda’aa ka gara lafa Yihuda’aa deebi’uu fedhe marti Faares lakkisee gara biyya Yihuda’aa deebi’uu akka dande’u ajaja baase. Galma Waaqaa deebisanee akka ijaaranu qarqaarsa beese’eelle kenneefi. Tanaaf, woggaa torbaatama boojuu keessa turaneen duuba, Yihudooti nami diqqaan qachaa Yerusaalemii ka Yihudaa keessaatitti deebi’ane.

![](https://cdn.door43.org/obs/jpg/360px/obs-en-20-13.jpg?direct&)

Kolbaan yennaa Yerusaalem geette, Galma Waaqaatii fi dalleya dhaka’aa ka naannoo qacha’aa deebisanee ijaarane. Isaan haga ammaa gosa biyya adda addaa dhibi’iin ka bulane te’anulle, deebi’anee lafa waada’aa keessa le’anee, Galma Waaqaa keessatti waaqonfatane.

*Dabarsii Kitaaba Woyyichaa:- 2Moototaa 17; 2Dabarsii(Seenaa) 36; Izraa 1-10; Nah 1-13.*

## 21. Waaqi Masiihii Addii Kenne

https://openbiblestories.org/l/gax/story-21/

![](https://cdn.door43.org/obs/jpg/360px/obs-en-21-01.jpg?direct&)

Jalqaba irrattuu, Waaqi Masiihii ergiisaaf koroorfate. Kennamiis Addii Masiihii ka jalqabaa gara Addaamii fi Heewwanii dhufe. Ka mataa bofaa butuchu sayniin Heewwanii akka dhalatu Waaqi addii kenne. Bofi Heewwan sobe Seexana. Ka addii te’e Masiihiin Seexana ijjumaa hin injifata jechu’u.

![](https://cdn.door43.org/obs/jpg/360px/obs-en-21-02.jpg?direct&)

Karaa isaatiin gosi kolbaa biyya lafaa marti eebba akka fudhattu Waaqi Abrahaamiif addii kenne. Eebbi kun gara duraa yennaa Masiihiin dhufe hin muummowa. Inni kolbaa biyya lafaarra jirtu gosa maraayyuu akka isaan fayyanu hin godha.

![](https://cdn.door43.org/obs/jpg/360px/obs-en-21-03.jpg?direct&)

Gara duraa raagichi akka Muuse’ee jiru akka dhufu’uu jiru Waaqi Muuse’eef addii kenne. Kun marroo Masiihii turee dhufuu addii kennante ta dhibi’i.

![](https://cdn.door43.org/obs/jpg/360px/obs-en-21-04.jpg?direct&)

Sanyii isaa keessaa tokkochi kolbaa Waaqaa irratti mootii te’ee haga bara baraa akka bulchu’uu jiru mooticha Daawitiif Waaqi addii kenne. Kunille Masiihiin sanyii Daawitii keessaa tokkocha te’a jechu’u.

![](https://cdn.door43.org/obs/jpg/360px/obs-en-21-05.jpg?direct&)

Waaqi Gondooroo Haareya karaa Ermiyaasii raagichaatiin akka godhu addii kenne; Gondooroon tun ammoo Gondooroo akka Waaqi gaara Siina’aa irratti kolbaa Israa’elii woliin godhee moti. Gondooroo Haareyaan Waaqi seera ifii qalbii kolba’aatitti barreessa. Kolbaan ifumaan Waaqa beetti; kolbaa isaa hin teeti; Waaqi cubbuu isaanii hin araarama. Masiihiin Gondooroo Haareya hin jalqaba.

![](https://cdn.door43.org/obs/jpg/360px/obs-en-21-06.jpg?direct&)

Ammalle raagoti Waaqaa Masiihiin raagicha, hayyicha, mootichalle hin te’a jedhane. Raagichi nama jecha Waaqaa dhage’u; achiin duuba jecha Waaqaa kolba’aaf ka lallabu. Masiihiin Waaqi ergiisaaf addii kenne raagicha komii hin qanne hin te’a.

![](https://cdn.door43.org/obs/jpg/360px/obs-en-21-07.jpg?direct&)

Hayyooti Israa’elootaa marroo cubbu’uutiif adabbii kolbaa irra dhaqqaddu bakka buusanee Waaqaaf ciincaa dhikeessane. Marroo kolba’aatiifille gara Waaqaa daadimatane. Masiihiin guutumatti mataa ifii ciincaa godhee ka Waaqaaf dhikeessu hayyicha guddaa komii hin qanne hin te’a.

![](https://cdn.door43.org/obs/jpg/360px/obs-en-21-08.jpg?direct&)

Mootiin ka mootummaa bulchuu fi nama kolbaa irratti muru. Masiihiin sanyii isaatiin ka barcumaa mootumma’aa irra tee’u mootii komii hin qanne hin te’a. Guutummaa biyya lafaa irratti haga bara baraa mootii hin te’a. Inni haqaan waan muruuf, murtee sirri’ii kenna.

![](https://cdn.door43.org/obs/jpg/360px/obs-en-21-09.jpg?direct&)

Raagoti Waaqaa marroo maasiihii waan hedduu raaganeeran. Raagichi Milkiyaas Masiihiin adoo hin dhufiniin dura raagichi goddaan dursee akka dhufu dursee raage. Masiihiin intala durraa takka irraa akka dhalatu raagichi Isaayaas raage. Raagichi Mikiyaas Masiihiin qachaa Beetelemii keessatti hin dhalata jedhe.

![](https://cdn.door43.org/obs/jpg/360px/obs-en-21-10.jpg?direct&)

Raagichi Isaayaas Masiihiin Galiilaa keessa le’a; namoota guddoo gaddane hin jajjabeessa; akkasuma worra booji’ameeruuf bilisummaa, worra hidhameeruufille hiikamiisa hin lallaba. Ammalle raagichi Isaayaas Masiihiin worra dhibamee fi kolbaa dhage’iisa, dhaggiisa, dubbatiisa yookiin deemiisa hin dandeenne akka fayyisu raage.

![](https://cdn.door43.org/obs/jpg/360px/obs-en-21-11.jpg?direct&)

Ammalle raagichi Isaayaas sababa malee Masiihiin akka jibbamuu fi mormiin akka irra dhaqqaddu raage. Raagoti dhibiin worri Masiihii ijjeese woyaa isaa irratti hixaa akka buufanuu fi jaalli isaa akka isa mormatu dursanee raagane. Raagichi Zakaariyaas jaala Masiihii mormatuuf meetii soddoma akka kaffalanuuf raage.

![](https://cdn.door43.org/obs/jpg/360px/obs-en-21-12.jpg?direct&)

Ammalle raagichi marroo du’iisa Masiihii dubbate. Isaayaas namooti Masiihii irratti akka tufanu, akka shasheessanuu fi akka isa dikanu raage. Inni dokonkora tokkolle ka hin hujin te’ulle isa hin woraanan; dhiboo guddo’oo fi farra goddo’oon hin du’a.

![](https://cdn.door43.org/obs/jpg/360px/obs-en-21-13.jpg?direct&)

Ammalle raagoti, << Misiihiin ka cubbuun irra hin jirre ka dhidhinna hin qanne hin te’a>> jedhane. Adabbii cubbuu namoota dhibi’ii fudhatiisaaf inni du’e. Adabamiis isaa Waaqaa fi namoota wodhakka’atti nageya fida. Sababa kanaaf, Masiihii butuchuun fedhi Waaqaa te’e.

![](https://cdn.door43.org/obs/jpg/360px/obs-en-21-14.jpg?direct&)

Masiihiin akka du’uu fi Waaqi ammoo du’a keessaa akka isaa kaasu raagoti dursanee raagane. Waaqi karaa du’aa fi ka’a Masiihiitiin cubbaaleyyii fayyisiisaaf karoora ifii muummessee, Gondooroo ifii haareya hin jalqaba.

![](https://cdn.door43.org/obs/jpg/360px/obs-en-21-15.jpg?direct&)

Waaqi worra raagotaatitti marroo Masiihii waan hedduu itti mudhise; te’uu malee, Masiihiin bara raagoti sun jiranu keessa hin dhunne. Raagota san keessaa ka dhuma irraa raagee woggaa dhibba afuriin duuba, yennaa isi’iititti, Waaqi Masiihii gara biyya lafaa erge.

*Dabarsii Kitaaba Woyyochaa:-Seera Dadaa 3:15; 12: Keessa Deebii 18:15; 2Saamu’el 7; Ermiyaas 31; Isaayaas 59:16; Daani’el 7: Milkiyaas 4:5: Isaayaas 9:1-7; 35:3-5; 61:53; Faaruu 22:18; 35:19; 69:4;41:9; Zakaariyaas 11:12-13; Isaayaas 50:6; Faaruu 16:10-11.*

## 22. Dhaloota Yohaannisii

https://openbiblestories.org/l/gax/story-22/

![](https://cdn.door43.org/obs/jpg/360px/obs-en-22-01.jpg?direct&)

Daraan dursee Waaqi karaa ergantoota ifiitii fi raagota ifiitiin dubbateeraayyu. Te’uu malee, woggaan dhibba afurii ta inni isaanitti hin dubbatin dabarte. Tasuma ergamaan Waaqaa tokko gara raagicha Zakaariyaas jedhamu hayyicha jaarsa tokkoo ergaa Waaqaa qabatee dhufe. Zakaariyaasii fi haati manaa isaa Elisaabeex worra Waaqa sodaatu. Garuu isiin ijoollee dewuu hin dandeenne.

![](https://cdn.door43.org/obs/jpg/360px/obs-en-22-02.jpg?direct&)

Ergamaan Waaqaa Zakaariyaasiin, <<Haati manaa teeti ilma hin deetti; maqaa isaa <Yohaannis> jettaan. Inni Ayyaana Woyyichaan hin guutama; kolbaa Masiihiif hin qopheessa>> jedheen. Zakaariyaas, <<Haati manaa tiyyaa fi ani ijoollee uumatiisaaf guddoo dulleenneerra. Wonni kun akka teetu ani attamiin beeka>> jedhee deebise.

![](https://cdn.door43.org/obs/jpg/360px/obs-en-22-03.jpg?direct&)

Ergantichi Waaqaa, Zakaariyaasiin, <<Ergaa gammadaa tana akka isinii fidu Waaqi na erge; ati waan na hin dhugeeffatiniif, mucaan haga dhalatutti dubbatiisa hin dandeettu>> jedhe. Yoosuma Zakaariyaa dubbatiisa dadhabe. Achiin duuba ergamaan Waaqaa Zakaariyaas biraa deeme. Zakaariyaas gara mana ifii deebi’e; haati manaa isaalle ulfootte.

![](https://cdn.door43.org/obs/jpg/360px/obs-en-22-04.jpg?direct&)

Yennaa Elisaabeex ulfa ji’a jaa qaddu, ergamaan Waaqaa sun tasuma fira Elisaabeexii ta teete Maariyamitti mudhate. Isiin durra waan teeteef, akka heeruntuuf, nama, <<Yoseef>> jedhamu tokkoof kadhatanteerti. Ergamaan Waaqaa sun, <<Hin ulfootta; ilma hin deetta. Maqaa isaa Yesuus hin jetta. Innille ilma Waaqa ol aana’aa hin jedhama; haga bara baraalle bulchaa hin te’a>> jedhe.

![](https://cdn.door43.org/obs/jpg/360px/obs-en-22-05.jpg?direct&)

Maariyaam deebittee, <<Ani durra waan te’eef, tum attamiin teeti?>> jette. Ergamaan Waaqaa sun, <<Ayyaani Woyyichi gara keeti hin dhufa; hunni Waaqa Ol Aana’aalle si’irratti hin buuti. Tanaaf mucaan ilma Waaqa woyyichaa hin te’a>> jedhee diidesse. Maariyaam dhugeeffatte; waan ergamaan Waaqaa jedhelle fudhatte.

![](https://cdn.door43.org/obs/jpg/360px/obs-en-22-06.jpg?direct&)

Ergamaan Waaqaa sun Maariyaamitti himeen duuba yoosuma deemee gara Elisaabeexii dhaqe. Elisaabeex akkuma nageya fuudhiisa Maariyaami’ii dhageetteen, annuun Elisaabeexii gadaamessa isi’ii keessa utaale. Dubartooti waan Waaqi isaanii godheef, isaan woliin guddoo gammadane. Maariyaam ji’a sad isii woliin turteen duuba gara mana ifii deebite.

![](https://cdn.door43.org/obs/jpg/360px/obs-en-22-07.jpg?direct&)

Elisaabeex ilma ifii deetteen duuba, Zakaariyaasii fi Elisaabeex akkuma ergamaan Waaqaa ajaje annuu san, <<Yohaannis>> jedhanee maqaa baasane. Yennaa san Waaqi akka Zakaariyaas deebi’ee dubbatu eeyyameefi. Zakaariyaasille, <<Kolba’aaf waan yaadateef, Waaqi galatoomuu ti! Atille ilma kiyya, kolbaan cubbuu ifiitiif araara attamiin dhaggatiisa akka dandeettu, ka dubbattu, <Raagaa Waaqa Ol Aana’aa> jedhanta>> jedhe.

*Dabarsii Kitaaba Woyyichaa:- Luqaas 1.*

## 23. Dhaloota Yesuusii

https://openbiblestories.org/l/gax/story-23/

![](https://cdn.door43.org/obs/jpg/360px/obs-en-23-01.jpg?direct&)

Maariyaam nama Yoseef jedhamu tokkoof kadhatanteeriyyu. Ka isii kadhateeru Yoseef akka Maariyaamiin ulfootte yennaa dhage’e, finni sun ka isaa akka hin te’in beeke. Inni Maariyaam fokkisiisuu hin barbaanne; tanaaf, cadhi jedhee isii lakkisiisaaf yaadate. Adoo inni tana hin tolchiniin dura ergamaan Waaqaa dhufee oojju’uun itti dubbate.

![](https://cdn.door43.org/obs/jpg/360px/obs-en-23-02.jpg?direct&)

Ergamaan Waaqaa sun, <<Yoseef, Maariyaam niitii godhattee fuudhiisaaf hin sodaatin. Finni isii keessa jiru Ayyaana Woyyicha irraa te’e. Isiin ilma deetti. Inni kolbaa cubbuu irraa waan fayyisuuf, Maqaa isaa <Yesuus(kolbaa cubbuu irraa waan fayyisuuf, hiikkaan:Mootiin Waan Maraa hin fayyisa jechu’u)> jedhii waami>> jedheen.

![](https://cdn.door43.org/obs/jpg/360px/obs-en-23-03.jpg?direct&)

Tanaaf, Yoseef Maariyaam fuudhee, niitii godhatee, gara mana ifiitiin galate. Te’uu malee haga isiin deettutti woliin hin ranne.

![](https://cdn.door43.org/obs/jpg/360px/obs-en-23-04.jpg?direct&)

Maariyaam yennaan isiin deettu yennaa geette, mootiin worra rooma’aa nami marti laakkowamiisaaf, gara qachaa abbootii ifii ta durii akka deemu dubbate. Yoseefii fi Maariyaam addee keessa le’anu Naaziret irraa gara Beetelemii karaa dheeraa deemane; sababille ka qachaa Beetelemiititti dhalate abbaa abbootii isaanii ta durii Daawiti.

![](https://cdn.door43.org/obs/jpg/360px/obs-en-23-05.jpg?direct&)

Yennaa isaan Beetelem geyane addeen bulanu hin jirtu; addeen isaan dhaggatiisaaf dande’ane gola hori’ii addee horiin bulu qofaayyu. Yennaa annuun dhalate taqeen isaan irra raffisanu waan hin jirreef, haati isaa gongaa horiin itti nyaatu irra raffitte. Maqaa isaa Yesuus jedhane.

![](https://cdn.door43.org/obs/jpg/360px/obs-en-23-06.jpg?direct&)

Halkan san diida adaala sanii tissitooti horii ifii tiffattu diqqoon takka achi jirtiiyyu. Dedhuma ergamaan Waaqaa ka ifa issu isaanitti mudhate; isaan sodaatane. Ergamaan Waaqaa sun, <<Hin sodaatina’a; sababille ani oduu gammadaa ta isinitti odeessu qaba. Masiihii, Goottaan Beetelemitti dhalateera!

![](https://cdn.door43.org/obs/jpg/360px/obs-en-23-07.jpg?direct&)

<<Dhaqa’aatii annuu san barbaada’a; hoccu’uun maramee, goongaa horiin itti nyaatu irra irkatuun hin dhaggitan>> jedhe. Dedhuma ol-gubbaan ergantoota Waaqaatiin guutante; Waaqa galateeffataa, <<Ulfinni ol-gubba’atti Waaqaaf te’uu ti; nageenni lafaaf, namalle’eef fedhi dansaan te’uu ti>> jedhane.

![](https://cdn.door43.org/obs/jpg/360px/obs-en-23-08.jpg?direct&)

Tissitooti sun gara addee Yesuus jiru san ariifatanee geyanee, akkuma ergamaan Waaqaa isaanitti hime san goongaa horiin itti nyaatu keessa irkateeruun dhaggane. Isaan guddoo gammadane. Maariyaamiille guddoo gammadde. Tissitooti marroo waan dhage’aneetii fi waan dhagganee mara Waaqaa galateeffatanee, gara diida hooleen isaanii jirtuu deebi’ane.

![](https://cdn.door43.org/obs/jpg/360px/obs-en-23-09.jpg?direct&)

Yennaa diqqo’oon duuba, beekkoleen biyya karaa aduun baatuu fagoo irraa urjii dhagganee hin beenne tokko dhaggane. Mootiin Yihudootaa haarenni akka dhalate ka akeeku akka te’e beekane. Tanaaf, mootii kana dhaggiisaaf lafa goddoo fagaattu deemane. Gara Beetelemii dhufanee, Yesuusii fi mana worri isaa keessa jiru dhaggane.

![](https://cdn.door43.org/obs/jpg/360px/obs-en-23-10.jpg?direct&)

Beekkoleen sun yennaa haadha woliin Yesuus dhaggane jiganee isaaf sagadane. Kennansa gatii guddo’oo Yesuusiif kennane. Achiin duuba gara biyya ifii deebi’ane.

*Dabarsii Kitaaba Woyyichaa:- Matewoos 1; Luqaas 2.*

## 24. Yohaannis Yesuus cuuphe

https://openbiblestories.org/l/gax/story-24/

![](https://cdn.door43.org/obs/jpg/360px/obs-en-24-01.jpg?direct&)

Ilmi Zakaariyaasiitii fi Elisaabeexii Yohaannis ammalle raagaa te’e; lafa goomole’ee keessa le’e; damma hollaatii fi awwaannisa nyaate; woyaa rifeensa gaalaa irraa hujante uffate.

![](https://cdn.door43.org/obs/jpg/360px/obs-en-24-02.jpg?direct&)

Kolbaan hedduun Yohaannis irraa dhage’iisaaf gara goomole’ee dhufane. Innille, <<Mootummaan Waaqaa dhikaateertii, araara gala’a>> jedhaa isaaniif lallabe.

![](https://cdn.door43.org/obs/jpg/360px/obs-en-24-03.jpg?direct&)

Kolbaan ergaa Yohaannisii yennaa dhageette, isaan keessaa nami hedduun cubbuu ifii faaci’atane. Yohaannisille isaan cuuphe. Sooreyyiin dhuggeeffanna’aa hedduun harka Yohaannisiititti cuuphamiisaaf dhufane. Te’uu malee, araara hin galle yookiin cubbuu ifii hin faaci’anne.

![](https://cdn.door43.org/obs/jpg/360px/obs-en-24-04.jpg?direct&)

Yohaannis sooreyyii dhugeeffanna’aatiin, <<Isin ilmaan buuti’ii! Araara gala’aatii hujii teessan jijjiiradha’a. Muki midhaan dansaan hin buunne muramee gara ibiddaa hin gatama>> jedhe. Yohaannis, ka raagoti, <<Kunoo, ka karaa keeti qopheessu, ergamaa kiyya si’iin dura hin erga>> jedhanee dhubbatane muummesse.

![](https://cdn.door43.org/obs/jpg/360px/obs-en-24-05.jpg?direct&)

Yihudooti gariin masiihii akka te’e Yohaannis gaafatane. Yohaannis, <<Ani masiihii moti; te’uu malee ka anaan duuba dhufu nami tokko hin jira. Inni ka ani hidhaa cophee isaatuu hiiku’uuf hin malle nama ulfinna guddaa qabu>> jedhe.

![](https://cdn.door43.org/obs/jpg/360px/obs-en-24-06.jpg?direct&)

Guyyaa itti aanu, Yesuus harka Yohaannisiititti cuuphamiisaaf dhufe. Yohaannis yennaa isa dhagge, <<Ilaala’a! Kunoo, ka cubbuu biyya lafaa balleessu hoolicha Waaqaa>> jedhe.

![](https://cdn.door43.org/obs/jpg/360px/obs-en-24-07.jpg?direct&)

Yohaannis, Yesuusiin, <<Ani si cuuphiisaaf nama malee moti. Ani si cuuphiisaa mannaa, ati na cuuphi malee>> jedhe. Yesuus ammoo, <<Waan godhamu’uuf male, waan sirri’ii waan teeteef, ati ana cuuphiisa si barbaachisa>> jedheen. Tanaaf Yesuus cubbuu hujiisa dhabulle Yohaannis Yesuus cuuphe.

![](https://cdn.door43.org/obs/jpg/360px/obs-en-24-08.jpg?direct&)

Yesuus cuuphameen duuba akkuma inni bisaan keessaa bayeen, Ayyaanni Waaqaa bifa saphaliisaatiin mudhatee dhufee isa irra bu’e. Yennuma san qoonqoon Waaqaa, ol-gubbaa irraa, <<Ati ilma kiyya ka ani jaaladhu; si’iin guddoo gammadeera>> jettee dubbatte.

![](https://cdn.door43.org/obs/jpg/360px/obs-en-24-09.jpg?direct&)

Waaqi, Yohaannisiin, <<Ayyaanni Woyyichi dhufee nama ati cuuxxu irra hin bu’a. Nami sun ilma Waaqaa ti>> jedhee itti himeeraayyu. Waaqa tokko qofatti jira. Te’uu malee, Yohaannis yennaa Yesuus cuuphe, Waaqi Abbaan yennaa dubbatu dhage’e. Waaqa Ilma dhagge. Inniin sun Yesuus. Ayyaana Woyyichalle dhagge.

*Dabarsii Kitaaba Woyyichaa:- Maatewoos 3; Maarqoos 1:9-11; Luqaas 3:1-23.*

## 25. Seexanni Yesuus Ataabe

https://openbiblestories.org/l/gax/story-25/

![](https://cdn.door43.org/obs/jpg/360px/obs-en-25-01.jpg?direct&)

Yesuus cuuphameen duuba yoosuma, Ayyaanni Woyyichi gara goomole’ee isa geesse; achitti guyyaa afurtamaa fi halkan afurtama laame. Achiin duuba Seexanni akka inni cubbuu huju Yesuus ataabe.

![](https://cdn.door43.org/obs/jpg/360px/obs-en-25-02.jpg?direct&)

Seexanni, <<Yoo ilma Waaqaa teete, akka nyaatiisaaf dandeettu, dhakoota kana daabboo tolchi>> jedhee Yesuus ataabe.

![](https://cdn.door43.org/obs/jpg/360px/obs-en-25-03.jpg?direct&)

Yesuus, <<<Namooti akka le’anuuf, daabboon callaan isaaniif hin barbaachisu; ammoo jechi Waaqi dubbatu tokko tokkoon isaatuu isaaniif barbaachisa> jedhantee jecha Waaqaa keessatti barreefanteerti>> jedhee isaaf deebise.

![](https://cdn.door43.org/obs/jpg/360px/obs-en-25-04.jpg?direct&)

Achiin duuballe Seexanni gara qaccee Galma Waaqaa irra Yesuus geessee, <<Ilma Waaqaa yoo teete, gad ifi darbi; sababille, <Dhakaan miila keeti akka hin dhoonne, akka si kiphanuuf, Waaqi ergantoota ifii hin ajaja> jedhantee barreeffanteerti>> jedhe.

![](https://cdn.door43.org/obs/jpg/360px/obs-en-25-05.jpg?direct&)

Yesuus ammoo jecha Waaqaa keessaa tuqiisaan Seexanaaf deebii kenne. <<Jecha Waaqaa keessatti, <Mootii Waan Maraa Waaqa keeti hin ataabin> jedhee kolbaa ajaja>> jedhe.

![](https://cdn.door43.org/obs/jpg/360px/obs-en-25-06.jpg?direct&)

Achiin duuba Seexanni mootummoota biyya lafaatii fi ulfinna isaanii isatti mudhisee, <<Gid jettee yoo naa sagadde, ani waan akkanaa mara sii hin kenna>> jedheen.

![](https://cdn.door43.org/obs/jpg/360px/obs-en-25-07.jpg?direct&)

Yesuus, <<Deemi, ati Seexana! Jecha Waaqaa keessatti, <Mootii Waan Maraa Waaqa keetiif sagadi; isa qofa tajaajili> jedhee ajajeera>> jedhe.

![](https://cdn.door43.org/obs/jpg/360px/obs-en-25-08.jpg?direct&)

Yesuus ataabee Seexanaatiin hin injifatanne. Tanaaf, Seexanni yenna’aaf isa biraa deeme. Achiin duuba ergantooti Waaqaa dhufanee Yesuus tajaajilane.

*Dabarsii Kitaata Woyyichaa:- Maatewoos 4:1-11; Maarqoos 1:12-13; Luqaas 4:1-13.*

## 26. Yesuus Tajaajila Jalqabe

https://openbiblestories.org/l/gax/story-26/

![](https://cdn.door43.org/obs/jpg/360px/obs-en-26-01.jpg?direct&)

Yesuus ataabee Seexanaa injifateen duuba, hunna Ayyaana Woyyichaatiin gara kutaa biyyaa, gara Galiilaa dur keessa le’uu deebi’e. Yesuus asii fi achi deemaa barsiise. Nami marti marroo isaa waan dansaa dubbataayyu.

![](https://cdn.door43.org/obs/jpg/360px/obs-en-26-02.jpg?direct&)

Yesuus lafa daa’imummaa ifiitiin keessa le’e gara qachaa Naaziretii deebi’e. Guyyaa Sanbataatiin gara addee waaqonfanna’aa dhaqe. Akka inni dubbisuuf, kitaaba maramaa Isaayaasii itti kennane. Yesuus kitaaba maramaa san banee, kutaa tokko keessaa kolba’aaf dubbise.

![](https://cdn.door43.org/obs/jpg/360px/obs-en-26-03.jpg?direct&)

Yesuus, <<Worra hiyyeeyyi’iif gammada, worra booji’ameef bilisummaa, worra balla’aaf dhaggiisa, worra hidhameeruuf hiikamiisa akka lallabuuf Waaqi Ayyaana ifii naa kenneera. Woggaan jaalatantuun tun woggaa Gootta’aa ti>> jedhee dubbise.

![](https://cdn.door43.org/obs/jpg/360px/obs-en-26-04.jpg?direct&)

Achiin duuba Yesuus tee’e. Marti isaaniituu itti hiiqanee ilaalane. Barreeffam jecha Waaqaa ka inni dubbise kun Masiihii akeeka. Yesuus, <<Jechi amma isinii dubbise kun amma muummowiisatti jira>> jedhe. Kolbaan marti baaseffatte. <<Kun ilma Yoseefiitii motii?>> jedhane.

![](https://cdn.door43.org/obs/jpg/360px/obs-en-26-05.jpg?direct&)

Achiin duuba Yesuus, <<Raagichi tokko biyya ifii keessatti ulfinna akka hin qabaanne, dhuguma. Bara raagicha Eliyaasii, Israa’el keessa haadhotii hiyyeessaa heddu’utti jiraayyu. Garuu woggaa sadii fi wodhakkaa yennaa bokkeenni raabuu dhabe, Waaqi haadha hiyyeessaa ta biyya dhibi’ii akka qarqaaruuf Eliyaas erge malee, haadha hiyyeessaa ta Israa’el keessaa akka qarqaaruuf isa hin ergine>> jedhe.

![](https://cdn.door43.org/obs/jpg/360px/obs-en-26-06.jpg?direct&)

Yesuus itti dabalee, <<Bara raagicha Elisaa’iille, Israa’el keessa namooti dhukkubi goga’aa farrisiisaan qabeeru heddu’utti jiraayyu. Te’uu malee, Elisaa’i isaan keessaa tokkochalle hin fayyinne. Inni dhukkuba goga’aa farrisiisaa Ni’imaanii ajajaa diinota Israa’elii qofa fajyyise>> jedhe. Kolbaan Yesuus caqasaa turte worra Yihudootaa ti. Tanaaf waan kana dubbatuun yennaa dhageette itti aarte.

![](https://cdn.door43.org/obs/jpg/360px/obs-en-26-07.jpg?direct&)

Kolbaan Naaziretii Yesuus addee waaqonfanna’aatii harkittee, gad darbitee ijjeesiisaaf gara qaccee gaaraa geessite. Yesuus ammoo kolbaa odduu miliqee gara qachaa Naaziretii deeme.

![](https://cdn.door43.org/obs/jpg/360px/obs-en-26-08.jpg?direct&)

Achiin duuba Yesuus kutaa biyyaa Galiilaa keessa addee mara deeddeeme. Kolbaan hedduun gara isaa dhutte. Dhaggiisa, ideemiisa, dhage’iisa yookiin dubbatiisa worra hin dandeenne dabalatee, worra dhibameeru yookiin worra fafoyeeru hedduu itti fidane.

![](https://cdn.door43.org/obs/jpg/360px/obs-en-26-09.jpg?direct&)

Worra durriis qabeeru nama hedduu gara Yesuusii fidane. Ajaja Yesuusiitiin durriisoti sun namoota san keessaa bayane. Yennaa hedduu, <<Ati ilma Waaqaa ti!>> jedhaa iyyane. Kolbaan baaseffattee Waaqaaf sagadde.

![](https://cdn.door43.org/obs/jpg/360px/obs-en-26-10.jpg?direct&)

Achiin duuba Yesuus worra barattoota isaa jedhame nama kudhanii lama file. Ergantooti isaa sun isa woliin deemaa isarraa baratane.

*Dabarsii Kitaaba Woyyichaa:- Maatewoos 4:12-25; Maarqoos 1:14-15; 35-39; 3:13-21; Luqaas 4:14-30; 38-44.*

## 27. Dabarsii Namicha Byya Samaariya’aa Ka Marartii Qabuu

https://openbiblestories.org/l/gax/story-27/

![](https://cdn.door43.org/obs/jpg/360px/obs-en-27-01.jpg?direct&)

Gaafa tokko namichi Yihuda’aa ka seera beeku tokko isa ataabiisaaf gara Yesuusii dhufee, <<Barsiisa’a, jiruu bara baraa dhaaliisaaf maan godha?>> jedheen. Yesuus, <<Seera Waaqaa keessatti ka barreeffameeru maan jedha?>> jedheen.

![](https://cdn.door43.org/obs/jpg/360px/obs-en-27-02.jpg?direct&)

Beekaan seeraa sun, <<Seerri Waaqaa, <Mootii Waan Maraa Waaqa keeti, gadhaa tokkochaan, lubbuu takkatti’iin, qalbii takkotti’iin jaaladhu. Akka ifi jaalattu namalle jaaladhu> jedha>> jedheen. Yesuus, <<Dhuga’a; tanuma godhi, jiru’uun hin jiraatta>> jedheen.

![](https://cdn.door43.org/obs/jpg/360px/obs-en-27-03.jpg?direct&)

Namichi seera beeku sun ammoo akka balchaa te’e mirkaneeffatiisa barbaadee, <<Nami sun eennuu inni?>> jedhee gaafate.

![](https://cdn.door43.org/obs/jpg/360px/obs-en-27-04.jpg?direct&)

Yesuus dabarsii dubbatiisaan deebii isaaf kenne: <<Namichi biyya Yihuda’aa tokko ka Yerusaalem irraa gara Yeriko’oo deemiisatti jiru tokkotti jiraayyu.

![](https://cdn.door43.org/obs/jpg/360px/obs-en-27-05.jpg?direct&)

<<Adoo inni ideemiisatti jiruu ala galtooti qabane. Waan inni qabu mara irraa fudhatanee haga du’a bira gewutti dhaanane. Achiin duuba lakkisanee biraa deemane.

![](https://cdn.door43.org/obs/jpg/360px/obs-en-27-06.jpg?direct&)

<<Achiin duuba yoosuma hayyichi Yihuda’aa tokko karaa san deemaa dhufe. Sooressi dhugeeffanna’aa kun nama saamamee dhaanameeru kana yennaa dhagge, irraa gore; nama qarqaassa barbaadu kana itti lakkisee dabaree deeme.

![](https://cdn.door43.org/obs/jpg/360px/obs-en-27-07.jpg?direct&)

<<Achiin duuba adoo hin turin, nami worra Lewwi’ii tokko dhufe.(Worri Lewwi’ii Galma Waaqaa keessatti worra hayyoota qarqaaru). Nami Lewwi’ii kunille karaa gara kaanitti qaxxaamuree, nama saamamee dhaanameeru kana lakkisee bira dabare.

![](https://cdn.door43.org/obs/jpg/360px/obs-en-27-08.jpg?direct&)

Nami itti aanee kara san gad bu’e nama Samaariya’aa ti.(Worri Samaariya’aa sanyii worra Yihudootaa ta gosa biyya dhibi’ii fuutee ti; Worra Samaariyatii fi worri Yihudootaa wol jibban). Garuu namichi Samaariya’aa sun yennaa namicha Yihuda’aa san dhagge guddoo gaddeefi. Tanaaf, wodhaanee madaa isaaf hidhe.

![](https://cdn.door43.org/obs/jpg/360px/obs-en-27-09.jpg?direct&)

<< Achiin duuba nami Samaariya’a sun namicha san ol kaasee harree ifii irra teessisee gara mana keessumma’aa geessee achitti wodhaane.

![](https://cdn.door43.org/obs/jpg/360px/obs-en-27-10.jpg?direct&)

<<Boruyyaa nami Samaariya’aa sun deemuu barbaade. Abbaa mana keessamma’aa saniif beesee diqqoo isi’ii kenneefii, <Ati isa wodhaan; kana caalaa beesee dhibii yoo baatteef, yennaa deebi’u sii kaffala> jedheen>> jedheen.

![](https://cdn.door43.org/obs/jpg/360px/obs-en-27-11.jpg?direct&)

Achiin duuba Yesuus beekaa seeraa saniin, <<Ati maan yaadda? Namicha saamamee dhaaname saniif namoota sadiin san keessaa jaalli isaa kami?>> jedhee gaafate. Innille, deebisee, <<Ka isaaf marare san>> jedhe. Yesuus, <<Atille akkasuma godhi>> jedhee itti hime.

*Dabarsii Kitaaba Woyyichaa:- Luqaas 10:25-37.*

## 28. Dargaggeessa Dureessicha

https://openbiblestories.org/l/gax/story-28/

![](https://cdn.door43.org/obs/jpg/360px/obs-en-28-01.jpg?direct&)

Gaafa tokko dargaggeessi dureessichi tokko gara Yesuusii dhufee, <<Barsiisaa arja’a; jiruu bara baraa dhaaliisaaf, ani maan godhuu qaba?>> jedhee gaafate. Yesuus, <<Ati, <Maaf arjaa> anaan jetta. Arjaan tokko qofattuu jira; innille Waaqa. Ati ammoo jiruu bara baraa dhaaliisa yoo barbaadde, seera Waaqaatiif ajajami>> jedheen.

![](https://cdn.door43.org/obs/jpg/360px/obs-en-28-02.jpg?direct&)

Inni, <<Seerri kun kam fa’a inni?>> jedhee gaafate. Yesuus deebisee, <<Hin ijjeesin; hin gaarayyeeffatin; hin hatin; dhara hin dubbatin; haadhaa fi abbaa keetiif ulfinna kenni; akkama ifi jaalattu namalle jaaladhu>> jedheen.

![](https://cdn.door43.org/obs/jpg/360px/obs-en-28-03.jpg?direct&)

Te’uu malee dargageessi sun, <<Ani ijoollummaa tiyyaa jalqabee, seera kana mara muummesseera. Haga bara baraa le’iisaaf waan dhibiille maan godhuu na barbaachisa>> jedhe. Yesuus isa ilaalee jaalate.

![](https://cdn.door43.org/obs/jpg/360px/obs-en-28-04.jpg?direct&)

Yesuus, <<Ka dhidhinna hin qanne te’iisa yoo barbaadde, waan qaddu mara gurguriitii beesee san worra hiyyeeyyi’iif kenni; ol-gubba’atti galmee hin dhaggatta. Achiin duuba koyiitii na hordof>> jedhee isaaf deebise.

![](https://cdn.door43.org/obs/jpg/360px/obs-en-28-05.jpg?direct&)

Dargaggeessi sun waan Yesuus dubbate yennaa dhage’e, guddoo dureessa waan te’eef, waan qabu mara kenniisa waan hin barbaadiniif guddoo gadde. Inni fuula ifii Yesuusirra deebifatee deeme.

![](https://cdn.door43.org/obs/jpg/360px/obs-en-28-06.jpg?direct&)

Yennaa san Yesuus barattoota ifiitiin, <<Worri dureeyyiin gara mootummaa Waaqaa galiisi attam attam rakkisa’a! Ee; dureessi tokko gara mootummaa Waaqaa galiisa irra gaalli qowa lilmo’oo keessa yoo hulluuqe isrra kaso’o>> jedhe.

![](https://cdn.door43.org/obs/jpg/360px/obs-en-28-07.jpg?direct&)

Barattooti waan Yesuus dubbate yennaa dhage’ane, refatanee, <<Eagasuu eentu fayyuu dande’a ree?>> jedhane.

![](https://cdn.door43.org/obs/jpg/360px/obs-en-28-08.jpg?direct&)

Yesuus gara barattoota ifii iaalee, <<Wonni kun nama biratti hin dande’antu; Waaqa biratti ammoo hin dande’anti>> jedhe.

![](https://cdn.door43.org/obs/jpg/360px/obs-en-28-09.jpg?direct&)

Pheexroos, Yesuusiin, <<Nuuti waan mara lakkinnee si hordonneera; nuuti maan dhaggatu’uu jirra ree?>> jedhe.

![](https://cdn.door43.org/obs/jpg/360px/obs-en-28-10.jpg?direct&)

Yesuus, <<Marroo tiyyaaf mana, obboleeyyan, obboleetota, abbaa, haadha yookiin karra ka lakkise marti dacha dhibba hin fudhata; jiruu bara baraalle hin dhaala. Ammoo warri hedduun amma dura jiru worra duuba jiru hin te'a; worri amma duuba jiru heeduulle worra dura jiru hin te'a>> jedhe.

*Dabarsii Kitaaba Woyyichaa:- Maatewoos 19:16-19. Maarqoos 10:17-31. Luqaas 18:18-30.*

## 29. Dabarsii Garbicha Marartii hin Qannee

https://openbiblestories.org/l/gax/story-29/

![](https://cdn.door43.org/obs/jpg/360px/obs-en-29-01.jpg?direct&)

Gaafa tokko Pheexroos, Yesuusiin, <<Barsiisa’a, obboleessi kiyya yoo na yakke, yennaa meeqa isaaf lakkisa? Yennaa torbaa?>> jedhee gaafate. Yesuus deebisee, <<Torbaatama yennaa torba malee, yennaa torbaa moti>> jedhe. Yesuus yennaa tana dubbatu, nuuti yennaa mara isaaf lakkisuu qanna jechuu isaa ti. Achiin duuballe Yesuus dabarsii asiin gad jirtu dubate፡

![](https://cdn.door43.org/obs/jpg/360px/obs-en-29-02.jpg?direct&)

Inni, <<Mootummaan Waaqaa mooticha garboota ifii tooyatiisa barbaade tokko fakkaatti. Garboota isaa keessaa tokko beeseen beenya’aa kuma kudhanitti irra jiraayyu.

![](https://cdn.door43.org/obs/jpg/360px/obs-en-29-03.jpg?direct&)

Garbichi sun beenyaa san kaffaliisa waan dadhabeef, mootichi, <Akka inni beenyaa ifii kaffaluu dande’u, namicha kanaa fi maatii isaa gurgura’a> jedhe.

![](https://cdn.door43.org/obs/jpg/360px/obs-en-29-04.jpg?direct&)

<<Garbichi sun mooticha duratti jilbiiffatee, <Maganne’e, naa ossadhu; beenyaa qabu mara hin kaffala> jedheen. Mootichi isaaf nayee, beenyaa san mara lakkiseefii, akka inni deemu gad lakkise.

![](https://cdn.door43.org/obs/jpg/360px/obs-en-29-05.jpg?direct&)

<<Te’uu malee, garbichi sun mooticha biraa yennaa gad baye, garboota jaalota isaa ka te’ane keessaa garbicha beenyaa isaa beesee haga mindaa ji’a afurii gewu qabu tokko dhagge. Garbichi sun, garbicha jaala ifii san qabee, <Beenyaa fudhatte san naa kaffali!> jedheen.

![](https://cdn.door43.org/obs/jpg/360px/obs-en-29-06.jpg?direct&)

<<Garbichi jaala isaa sun miila isaatitti jigee, <Maganne’e, naa ossadhu; beenyaa qabu mara hin kaffala!> jedheen. Te’uu malee, garbichi sun ossatuu didee, garbicha jaala ifii san haga inni beenyaa san kaffalutti mana hidha’aatitti galche.

![](https://cdn.door43.org/obs/jpg/360px/obs-en-29-07.jpg?direct&)

<<Garbooti dhibiille waan te’e kana dhagganee guddoo raafamane. Isaan gara mootichaa dhaqanee waan te’e kana mara mootichatti himane.

![](https://cdn.door43.org/obs/jpg/360px/obs-en-29-08.jpg?direct&)

<<Mootichi sun garbicha san waamee, <Ati garbicha hama’a! Ati waan na kadhatteef, ani beenyaa fudhatte san sii lakkise. Atille silaa akkasuma godhiisaaf malteeyyu> jedheen. Mootichi sun guddoo aaree, haga inni beenyaa san kaffalutti mana hidha’aatitti isa galche>> jedhe.

![](https://cdn.door43.org/obs/jpg/360px/obs-en-29-09.jpg?direct&)

Achiin duuballe Yesuus, <<Isin keessaa nami tokko tokkooyyuu obboleessa ifiitiif araara yoo hin godhin abbaan kiyya ka ol-gubba’aalle akkasuma isin irratti hin godha>> jedhe.

*Dabarsii Kitaaba Woyyichaa:-Maatewoos 18:21-35.*

## 30. Yesuus Nama Kuma shan Areere

https://openbiblestories.org/l/gax/story-30/

![](https://cdn.door43.org/obs/jpg/360px/obs-en-30-01.jpg?direct&)

Yesuus qachoota adda addaa hedduu keessatti akka isaan lallabanuu fi akka barsiisanu ergantoota ifii erge. Isaan gara Yesuus jirutti yennaa deebi’ane, waan hujane itti himane. Achiin duuba Yesuus gara addee qoommi’ii abbaayya’aan gamatti bu’anee isa woliin deemanee akka isaan yennaa diqqoo foorfatanu isaan afeere. Tanaaf, isaan hoboloo seenanee, abbaayya’aan gamatti bu’ane.

![](https://cdn.door43.org/obs/jpg/360px/obs-en-30-02.jpg?direct&)

Te’uu malee, yennaa Yesuusii fi barattooti isaa hobolo’oon deemanu namooti hedduun isaan dhagganeeranu jiran. Namooti kun isaan dursiisaaf qarqara abbaaya’aa rukkisane. Tanaaf, Yesuusii fi barattooti isaa yennaa isaan gama geyanu, namooti bindillaan dursanee achi geyanee, achitti isaan eegane.

![](https://cdn.door43.org/obs/jpg/360px/obs-en-30-03.jpg?direct&)

Kolbaan sun dubarti’ii fi ijoolleen adoo hin laakkowamin dhiira nama kuma shanii ol te’ane. Yesuus kolbaa saniif akka malee gadde. Kolbaan sun Yesuusiif akka hoolee tissee hin qanneetitti laakkowante. Tanaaf, inni isaan barsiisee, worra dhibamaa odduu isaanii jirulle fayyise.

![](https://cdn.door43.org/obs/jpg/360px/obs-en-30-04.jpg?direct&)

Galgala san barattooti isaa, Yesuusiin, <<Yennaan waan galgalootteef, adaala kana qachooti hin jiranu. Akka isaan waan nyaatanu bitatanu kolbaa tana gad lakkisi>> jedhane.

![](https://cdn.door43.org/obs/jpg/360px/obs-en-30-05.jpg?direct&)

Yesuus ammoo baraattoota ifiitiin, <<Waan isaan nyaatanu isinuu kenna’aaf!>> jedhe. Isaanille, <<Waan kana godhiisa attamiin dandeenna? Wonni nuuti qannu daabboo shanii fi qurxummii lama qofa>> jedhaneen.

![](https://cdn.door43.org/obs/jpg/360px/obs-en-30-06.jpg?direct&)

Shantama shantama te’anee akka isaan marra gubbaa te tee’anu akka isaan kolba’atti himanu Yesuus barattoota ifiititti hime.

![](https://cdn.door43.org/obs/jpg/360px/obs-en-30-07.jpg?direct&)

Achiin duuba Yesuus daabboo shanii fi qurxummii lamaan san harkatti qabatee, gara ol-gubba’aa ilaale; marroo sagalee saniitiif Waaqa galateeffate.

![](https://cdn.door43.org/obs/jpg/360px/obs-en-30-08.jpg?direct&)

Achiin duuba Yesuus daabboo sanii fi qarxummii san kukkutee, akka isaan kolba’aaf dhikeessanu, barattoota ifiititti kenne. Barattooti isaa san qoodiisa jalqabane. Sagaleen sun ijjumaayyuu hin dhumanne. Kolbaan martimuu nyaattee quutte.

![](https://cdn.door43.org/obs/jpg/360px/obs-en-30-09.jpg?direct&)

Achiin duuba barattooti isaa hambaa sagale’ee san wolitti qabanee, hambaan sun kollonjoo(saaxaraa) kudhanii lama teete. Sagaleen sun duudiin, daabboo shanii fi qurxummii lama irraa qopheette.

*Dabarsii Kitaaba Woyyichaa:-Maatewoos 14:13-21; Maarqoos 6:31-44; Luqaas 9:10-17; Yohaannis 6:5-15.*

## 31. Yesuus Bisaan Gubbaa Ideeme.

https://openbiblestories.org/l/gax/story-31/

![](https://cdn.door43.org/obs/jpg/360px/obs-en-31-01.jpg?direct&)

Achiin duuba Yesuus adoo kolbaa geegessiisatti jiruu, akka isaan hoboloo keessa seenanee bisaan laaqaa gamatti bu’anu barattoota ifiititti hime. Yesuus kolbaa geegesseen duuba, daadimatiisaaf gara gaaraa ol baye. Yesuus qofuu achi turee, haga halkan wodhakka’aa daadimate.

![](https://cdn.door43.org/obs/jpg/360px/obs-en-31-02.jpg?direct&)

Yennuma tana, barattooti isaa bisaan laaqiisaan hoboloo ifii oofiisatti jiraniiyyu; isaan haga halkan wodhakka’aa, abbayaa wodhakkaa qofa geyane. Qilleensi hunnaan gara isaanii waan dhowuuf, isaan rakkinnaan bisaan laaqane.

![](https://cdn.door43.org/obs/jpg/360px/obs-en-31-03.jpg?direct&)

Yennaa san Yesuus daadimatiisa fixatee gara barattoota ifii dhaqe. Bisaan gubbaa ideema abbaayaa keessa gara hoboloo isaanii dhaqe.

![](https://cdn.door43.org/obs/jpg/360px/obs-en-31-04.jpg?direct&)

Barattooti isaa yennaa Yesuus dhaggane guddoo rifatane; sababille isaan waan ekeraa dhaggane sayane. Yesuus akka isaan sodaatane beeke. Tanaaf, inni waamee, <<Hin sodaatina’a. Wonni ana>> isaaniin jedhe.

![](https://cdn.door43.org/obs/jpg/360px/obs-en-31-05.jpg?direct&)

Yennaa san Pheexroos, <<Barsiisaa kiyya; yoo si teetee, akka ani bisaan gubbaa gara keeti dhufu ajaji>> Yesuusiin jedhe. Yesuus, <<Koyi!>> Pheexroosiin jedhe.

![](https://cdn.door43.org/obs/jpg/360px/obs-en-31-06.jpg?direct&)

Tanaaf, Pheexroos hoboloo keessaa bayee bisaan gubbaa gara Yesuusii ideemiisa jalqabe. Te’uu malee haga diqqaa ideemeen duuba ila ifii Yesuusirraa deebifatee, danbalii ilaaliisa, qilleensa jabaalle caqasiisa jalqabe.

![](https://cdn.door43.org/obs/jpg/360px/obs-en-31-07.jpg?direct&)

Yennaa san Pheexroos sodaatee lixiisa jalqabee, <<Barsiisaa kiyya, na baasi!>> jedhee iyye. Yesuus yennuma san harka ifii diriirsee isa qabe. Achiin duuba Pheexroosiin, <<Ati nama dhugeeffannaa diqqo’oo! Maaf mante?>> jedhe.

![](https://cdn.door43.org/obs/jpg/360px/obs-en-31-08.jpg?direct&)

Pheexroosii fi Yesuus gara hobolo’oo yennaa seenane, qilleensi sun yennuma san dhowiisa lakkisee gabbi jedhe. Barattooti isaa baaseffatanee, <<Ati dhugumaan ilma Waaqaa ti>> jedhanee, Yesuusiif sagadane.

*Dabarsii Kitaaba Woyyichaa:- Maatewoos 14:22-23; Maarqoos 6:45-52; Yohaannis 6:16-21.*

## 32. Yesuus Nama Ayyaana Hama’aan Qabameeruu fi Dubartittii Dhibanteertu Takka Fayyise

https://openbiblestories.org/l/gax/story-32/

![](https://cdn.door43.org/obs/jpg/360px/obs-en-32-01.jpg?direct&)

Gaafa tokko Yesuusii fi barattooti isaa hobolo’oon abbaayaa gamatti bu’anee, gara lafa worri Gadara’aa keessa le’anu dhaqane.

![](https://cdn.door43.org/obs/jpg/360px/obs-en-32-02.jpg?direct&)

Isaan yennaa abbaaya’aan gama geyane, namichi ayyaanni hamaan qabeeru tokko rukkisee gara Yesuusii dhufe.

![](https://cdn.door43.org/obs/jpg/360px/obs-en-32-03.jpg?direct&)

Namichi kun akka malee hunnaamessa eennulle isa tooyatuu hin dandeenne. Namooti harkaa fi miila isaa wodaroo sibiilaatiin hidhane; te’uu malee inni wodaroo sibiilaa san xaxxare.

![](https://cdn.door43.org/obs/jpg/360px/obs-en-32-04.jpg?direct&)

Namichi sun hirreensota adaala sanii odduu la’aa ture. Namichi kun halkanii fi guyyaa mara hin iyya. Woyaalle hin uffatu; inni itti deddeebi’ee nafa ifii dhaka’aan duguugaa ture.

![](https://cdn.door43.org/obs/jpg/360px/obs-en-32-05.jpg?direct&)

Namichi sun yennaa gara Yesuusii dhufe, Yesuus duratti jilbiiffatee isaaf sagade. Yesuus ayyaana hama’aan, <<Nama kana keessaa bayi!>> jedhe.

![](https://cdn.door43.org/obs/jpg/360px/obs-en-32-06.jpg?direct&)

Namichi ayyaanni hamaan keessa jiru sun qoonqoo guddo’oon, <<Ati ilma Waaqa ol aana’aa, maan narraa barbaadda? Maganne’e, na hin farrisiisin>> jedhee iyye. Achiin duuba Yesuus, <<Maqaan keeti eennu?>> jedhee ayyaana hamaa san gaafate. Ayyaanni hamaan sun, <<Nuuti bacaa waan teeneef, maqaan kiyya duula>> jedhee deebise.

![](https://cdn.door43.org/obs/jpg/360px/obs-en-32-07.jpg?direct&)

Ayyaanoti hamooti sun, <<Maganne’e, adaala kanaa nu hin fageessin!>> jedhanee isa kadhatane. Tiki booyyotaa kooba irratti bobba’aneeraniiyyu. Tanaaf, ayyaanoti hamooti sun, <<Maganne’e, booyyota sanitti akka galluuf itti nu ergi!>> jedhanee Yesuus kadhatane. Yesuus, <<Deema’a!>> isaaniin jedhe.

![](https://cdn.door43.org/obs/jpg/360px/obs-en-32-08.jpg?direct&)

Ayyaanoti hamooti sun namicha san keessaa bayanee booyyota sanitti galane. Booyyoti sun roga qile’ee irraa gad gara abbaaya’aa oriitee liqinfante. Booyyoti sun gara kuma lamaatitti laakkowamaniiyyu.

![](https://cdn.door43.org/obs/jpg/360px/obs-en-32-09.jpg?direct&)

Tissitooti booyyee sanii yennaa waan te’e kana dhaggane, gara qacha’aa rukkisanee, waan Yesuus godhe kana mara nama dhaggane maratti odeessane. Namooti qachaa keessaa sun dhufanee, namicha ayyaana hama’aan qabamee ture san dhaggane; inni woyaa ifii uffatee akkuma nama fayyaalessaa te’ee tee’eeraayyu.

![](https://cdn.door43.org/obs/jpg/360px/obs-en-32-10.jpg?direct&)

Namooti waan sodaataneef, akka inni deemuuf Yesuus gaafatane. Tanaaf, Yesuus hoboloo keessa seenee deemiisaaf qophoye. Namichi ayyaanni hamaan keessaa baye sun isa woliin deemiisaaf Yesuus kadhate.

![](https://cdn.door43.org/obs/jpg/360px/obs-en-32-11.jpg?direct&)

Te’uu malee Yesuus, <<Lakkii! Gaga mana keetii deemi; waan Waaqi sii godhe mara, attam akka inni si mararelle worra keetitti akka ati odeessitu fedha>> jedheen.

![](https://cdn.door43.org/obs/jpg/360px/obs-en-32-12.jpg?direct&)

Tanaaf, namichi deemee waan Yesuus isaaf godhe nama maratti odeesse. Nami oduu tana dhage’e marti baaseffatee maade’een guutame.

![](https://cdn.door43.org/obs/jpg/360px/obs-en-32-13.jpg?direct&)

Yesuus gara abbaaya’aan gamaa deebi’e. Inni yennaa achi geye, kolbaan hedduun adaala isaatitti wolitti qabantee isa dhiphitte. Kolbaa san odduu dubartittiin woggaa kudhanii lamaaf dhiigi isi’ii jigaa ture takka jirtiiyyu. Akka isii fayyisanuuf beesee ifii mara cidheeyyi’iif kaffalaa turte. Garuu ittuma hammaate.

![](https://cdn.door43.org/obs/jpg/360px/obs-en-32-14.jpg?direct&)

Isiin akka Yesuus worra dhibamaa hedduu fayyise waan dhageetteertuuf, <<Woyaa Yesuusii caallaa yoo tuqe ani yennaa san dhugumaan hin fayya>> jettee yaadatte. Tanaaf, Yesuus duubaan dhuttee, woyaa isaa tuxxe. Isiin akkuma woyaa isaa tuxxeen dhiigi isi’ii yoosuma jiguu lakkise.

![](https://cdn.door43.org/obs/jpg/360px/obs-en-32-15.jpg?direct&)

Yennuma san Yesuus akka hunni isa keessaa baate beeke. Tanaaf, inni gara duubaa garagalee, <<Ka na tuqe eennu?>> jedhee gaafate. Barattooti isaa, <<Namooti adaala keetitti dacha’anee si dhiphisanu hedduun jiran. Ati maaf, <Ka na tuqe eennu?> jettee gaafatta?>> jedhanee isaaf deebisane.

![](https://cdn.door43.org/obs/jpg/360px/obs-en-32-16.jpg?direct&)

Dubartittiin sun rorommaa guddoo sodaataa Yesuus duratti jidde. Achiin duuba waan gootee fi akka fayyitelle itti hinte. Yesuus, <<Dhugeeffannaan teeti si fayyitteerti; nageyaan deemi>> jedheen.

*Dabarsii Kitaaba Woyyichaa:- Maatewoos 8:28-34; 9:20-22; Maaqoos 5:1-20; 5:24-34; Luqaas 8:26-39; 8:42-48.*

## 33. Dabarsii Qonnaan Bulaa Tokkoo

https://openbiblestories.org/l/gax/story-33/

![](https://cdn.door43.org/obs/jpg/360px/obs-en-33-01.jpg?direct&)

Gaafa tokko Yesuus irga abbaaya’aa biratti kolkaa bacaa barsiisaa ture. Yesuus isaanitti dubbatiisaaf addee badhoo dhaggatiisaaf qarqara bisaaniititti hoboloo keessa seenee haga tee’utti kolbaan akka malee bacattu isa caqasiisaaf dhutte. Inni hoboloo irra tee’ee kolbaa barsiise.

![](https://cdn.door43.org/obs/jpg/360px/obs-en-33-02.jpg?direct&)

Yesuus darasii tana dubbate: <<Qonnaan bulaan tokko sanyii facaasiisaaf baye. Yennaa inni harkaan sanyii facaasu sanyiin tokko tokko karaa irga buute; simbirrooti dhuttee sanyii san mara qocattee nyaatte.

![](https://cdn.door43.org/obs/jpg/360px/obs-en-33-03.jpg?direct&)

<<Sanyiin dhiibiin lafa biyyeen guddoon irra hin jirre lafa rassa’aa irra buute; te’uu malee hiddi isi’ii gara biyye’ee gad seeniisa hin dandeenne. Aduun baatee yennaa o’ite lattuun sun qoortee godde.

![](https://cdn.door43.org/obs/jpg/360px/obs-en-33-04.jpg?direct&)

<< Ammalle ta dhibiin lafa qore’ee odduu buute. Sanyiin tun latiisa jalqadde; te’uu malee qoreen huute. Tanaaf, lattuun lafa qore’ee irratti latte womaa midhaan hin buunne.

![](https://cdn.door43.org/obs/jpg/360px/obs-en-33-05.jpg?direct&)

<<Sanyiin dhibiin lafa dansaa irra buute. Sanyiin tun lattee takkattiin midhaan soddoma, takkattiin midhaan jaatama, tuun midhaan dhibba butte. Ka gurra qabu dhage’uu ti>> jedhe.

![](https://cdn.door43.org/obs/jpg/360px/obs-en-33-06.jpg?direct&)

Dabarsiin tun barattoota Yesuusii bitaatteffatte. Tanaaf, Yesuus isaaniif hiikee, <<Sanyiin jecha Waaqaa ti. Ta karaa irga buute nama jecha Waaqaa dhage’u; garuu hin hubatu; Durriis jecha san isa irraa fudhata.

![](https://cdn.door43.org/obs/jpg/360px/obs-en-33-07.jpg?direct&)

<<Sanyiin lafa rassa’aa irratti facaafante nama jecha Waaqaa gammadaan fudhatu; garuu rakkinni yookiin ariisaan yennaa itti dhufe inni dhugeeffannaa ifii hin lakkisa.

![](https://cdn.door43.org/obs/jpg/360px/obs-en-33-08.jpg?direct&)

<<Sanyiin lafa qore’ee irra buute nama jecha Waaqaa dhage’u; garuu yenna’aan duuba yaaddoon lafa tanaa, durumma’aa fi gammad jalala inni Waaqaaf qabu hin hudhan. Sababa kanaaf, barumsi inni dhage’e sun midhaan hin buusu.

![](https://cdn.door43.org/obs/jpg/360px/obs-en-33-09.jpg?direct&)

<<Latti dansaan sun nama jecha Waaqaa dhage’u; nama dhugeeffatee midhaan buusu>> jedhe.

*Dabarsii Kitaaba Woyyichaa:- Maatewoos 13: 18-23; Maarqoos 4: 1-8, 13-20; Luqaas 8: 4-15.*

## 34. Yesuus dabarsii dhibii hedduu barsiise.

https://openbiblestories.org/l/gax/story-34/

![](https://cdn.door43.org/obs/jpg/360px/obs-en-34-01.jpg?direct&)

Yesuus marroo mootummaa Waaqaa dabarsii hedduu barsiise. Fakkeennaaf, <<Mootummaan Waaqaa sanyii sanaaficci’ii ta nami fichaa ifii keessatti facaase fakkaatti. Isiin sanyii mara caalaa diqqaatti.

![](https://cdn.door43.org/obs/jpg/360px/obs-en-34-02.jpg?direct&)

<<Garuu sanyiin sanaaficci’ii yennaa guddatte haga sinbirrooti dhafanee irra teea’anutti waan ficha’atti facaafame mara hin caalti>> jedhe.

![](https://cdn.door43.org/obs/jpg/360px/obs-en-34-03.jpg?direct&)

Yesuus dabarsii dhibii dubbatee, <<Mootummaan Waaqaa uukoo dubartiin takka fuutee haga isiin marti bukootutti bullaa woliin bukeessitu fakkaatti.

![](https://cdn.door43.org/obs/jpg/360px/obs-en-34-04.jpg?direct&)

<<Ammalle mootummaan Waaqaa galmee nami fichaa ifii keessatti dhosse tokko fakkaatti. Nami dhibiin galmee san dhaggee, ammalle awwaale. Inni akka malee gammadaan guutamee, deemee waan qabu mara gurguree, beesee saniin fichaa san bitate.

![](https://cdn.door43.org/obs/jpg/360px/obs-en-34-05.jpg?direct&)

<<Ammalle mootummaan Waaqaa dooqa dansaa gatii guddo’oo fakkaatti. Daldalaan dooqa dansa’aa yennaa isii dhagge waan qabu mara gurguree dooqa san bitate>> jedhe.

![](https://cdn.door43.org/obs/jpg/360px/obs-en-34-06.jpg?direct&)

Achiin duuba Yesuus dabarsii worra hujii ifiititti addatee, worra dhibii tuffatu tokko tokkoo dubbatee, <<Namooti lama daadimatiisaaf, gara Galma Waaqaa dhaqane. Tokkochi nama qaraxa guruu yoo te’u, tokkochi sooressa dhugeeffanna’aa ti.

![](https://cdn.door43.org/obs/jpg/360px/obs-en-34-07.jpg?direct&)

<<Sooressi dhugeeffanna’aa sun daadimatee, <Ee Waaqa kiyya, akka namooti marti saantota, finqiltootaa fi gaarayyeeffattoota te’ane, akka namicha qaraxa guuru kanaalle waan hin te’iniif si galateeffadha.

![](https://cdn.door43.org/obs/jpg/360px/obs-en-34-08.jpg?direct&)

<<<Fakkeennaaf, ani torbaan keessatti yennaa lama laama; beesee tiyyaa fi karra tiyya mara keessaa, kudhan keessaa tokko hin baasa> jedhe.

![](https://cdn.door43.org/obs/jpg/360px/obs-en-34-09.jpg?direct&)

<< Namichi qaraxa guuru sun namicha sooressa dhugeeffanna’aa san irraa fagaatee dhaabbate; gara ol-gubba’aalle hin ilaalle. Gara ol-gubbaa ilaaliisa irra, inni qoma ifii dhodhowataa, <Ee Waaqa kiyya, ani cubbaalessa waan te’eef, maganne’e, naa marar!> jedhe>> jedhe.

![](https://cdn.door43.org/obs/jpg/360px/obs-en-34-10.jpg?direct&)

Achiin duuba Yesuus, <<Dhugaa isniin jedha; Waaqi daadimata namicha qaraxa guuruu dhage’ee, <Ati balcha’a> jedheen; daadimata namicha sooressa dhugeeffanna’aa ammoo hin jaalanne. Waaqi nama ol ifi qabu mara gad hin qaba; nama gad ifi qabu ammoo ol hin qaba>> jedhe.

*Dabarsii Kitaaba Woyyichaa:- Maatewoos 13:31-33, 44-46; Maarqoos 4:30-32; Luqaas 13:18-21; 18:9-14.*

## 35. Dabarsii Abbaa Gdhi-laafessaa

https://openbiblestories.org/l/gax/story-35/

![](https://cdn.door43.org/obs/jpg/360px/obs-en-35-01.jpg?direct&)

Gaafa tokko Yesuus worra qaraxa guuruu fi worra isa dhage’iisaaf wolitti dacha’e cubbaaleyyii dhibii barsiise.

![](https://cdn.door43.org/obs/jpg/360px/obs-en-35-02.jpg?direct&)

Sooressitooti dhugeeffanna’aa tokko tokko ka achi jiranulle yennaa Yesuus worra cubbaaleyyii jaalota godhatee fudhatu dhaggane; isaan woli wolii isaaniitiin dudubbataa isa tuffatiisa jalqabane. Tanaaf, Yesuus dabarsii tana isaanitti hime:

![](https://cdn.door43.org/obs/jpg/360px/obs-en-35-03.jpg?direct&)

<<Namichi ijoolle lamaan qabu tokko jiraayyu. Mucaan isaa diqqaan, abbaa ifiitiin, <Abbaa kiyya, karra teeti keessaa qooda kiyya naa kenni!> jedhe. Tanaaf, abbaan isaa karra ifii ijoollee ifii lamaaniif qoode.

![](https://cdn.door43.org/obs/jpg/360px/obs-en-35-04.jpg?direct&)

<<Mucaan diqqaan yoosuma waan qabu mara guuratee, biyya fagoo dhaqee, cubbuu keessa le’aa karra ifii balleesse.

![](https://cdn.door43.org/obs/jpg/360px/obs-en-35-05.jpg?direct&)

<<Achiin duuba biyya mucaan diqqaan jiru sanitti beelti jadduun galte; inni beesee sagalee ittiin bitatu hin qabuuyyu. Tanaaf, inni hujii ifii ta booyyee nyaachisiisaa callaa qabate. Akka malee rakkatee, waan beeloteef, sagalee booyyeen nyaattu nyaatiisaaf halcheeyyu.

![](https://cdn.door43.org/obs/jpg/360px/obs-en-35-06.jpg?direct&)

<<Dhuma irratti, mucaan diqqaan sun, <Isii ani maan hujiisatti jira? Tajaajiltooti abbaa kiyyaa marti waan nyaatanu bacaa qaban; ani ammoo beelodheera; gara abbaa kiyyaa deebi’ee deemee, tajaajiltoota isaa keessaa tokko akka na godhatu isa kadhadha> jedhee yaadate.

![](https://cdn.door43.org/obs/jpg/360px/obs-en-35-07.jpg?direct&)

Tanaaf, mucaan diqqaan sun gara mana abbaa ifii deebi’iisa jalqabe. Adoo inni fagoo jiruu abbaan isaa isa dhaggee isaaf gadde. Gara ilma ifii rukkisee, hanqafatee sunqate.

![](https://cdn.door43.org/obs/jpg/360px/obs-en-35-08.jpg?direct&)

<<Mucaan isaalle, <Abbaa kiyya, ani Waaqaa fi si abbaa kiyya yakkeera. Ani ilma keeti jedhamiisaaf hin malu> jedhe.

![](https://cdn.door43.org/obs/jpg/360px/obs-en-35-09.jpg?direct&)

<<Abbaan isaa ammoo tajaajiltoota ifii keessaa tokkochaan, <Ariifadhuu dhaqiitii woyaa, woyaa mara caaltu fidiitii, mucaa kiyyatti uffis! Quba isaatitti qubee, miila isaatitti kophee keyi. Achiin duuba akka nyaannee gammannu, dardara cooma fida’aatii qala’a; sababille mucaan kiyya kun du’eeraayyu; amma jiraataa te’eera. Badeeraayyu; amma ammoo dhaggameera.

![](https://cdn.door43.org/obs/jpg/360px/obs-en-35-10.jpg?direct&)

<<Tanaaf, namooti gammadiisa jalqabane. Adoo hin turin, obboleessi isaa angafichi addee fichaa keessa hujiisatti jiruu gara manaa dhufee, weeddu’uu fi sirba dhage’ee, <Maanti te’iisatti jira?> jadhee baasefate.

![](https://cdn.door43.org/obs/jpg/360px/obs-en-35-11.jpg?direct&)

<<Obboleessi isaa angafichi obboleessi isaa waan dhufeef, namooti akka gammadiisatti jiranu yennaa beeke, waan guddoo mufateef, gara manaa seeniisa didate. Abbaan isaa gad bayee akka inni isa woliin gammadu isa kadhate. Inni ammoo didate.

![](https://cdn.door43.org/obs/jpg/360px/obs-en-35-12.jpg?direct&)

<<Mucaan angafichi abbaa ifiitiin, <Ani woggoota tana mara addatamumma’aan si’iif hujeera! Ani ijjumaa ajaja keeti hin didane; akka ani hari’aa tiyya woliin gammadu ilmee re’e’ee takkattiille anaaf hin kennine. Ilmi keeti ka cubbuu hujiisaan karra teeti balleesse kun ammoo, gara manaa yennaa inni dhufe, dardara cooma isaaf qalte!> jedhe.

![](https://cdn.door43.org/obs/jpg/360px/obs-en-35-13.jpg?direct&)

1. <<Abbaan isaa deebisee, <Ilma kiyya, ati yennaa mara ana woliin jirta; wonni ani qabu marti teeti. Gammad keenna ammoo sirri’i; sababille obboleessi keeti du’eeraayyu; amma ammoo jiraataa te’eera; badeeraayyu; amma ammoo dhaggemeera!> jedhe>> jedhe.

*Dabarsii Kitaaba Woyyichaa:- Luqaas 15:11-32.*

## 36. Bifi Yesuusii jijjiirame.

https://openbiblestories.org/l/gax/story-36/

![](https://cdn.door43.org/obs/jpg/360px/obs-en-36-01.jpg?direct&)

Gaafa tokko Yesuus barattoota ifii sad Pheexroos, Yaaqoobii fi Yohaannis fudhatee daadimatiisaaf gara gaara dheera’aa ol bayane. (Barataan Yohaannis jedhame kun ka Yesuus harka isaatitti cuuphamee moti)

![](https://cdn.door43.org/obs/jpg/360px/obs-en-36-02.jpg?direct&)

Yesuus adoo daadimatiisatti jiruu, fuulli isaa akka adu’uu ife; woyaan isaalle akka ifaa adii teete; nami lafa irra jiru eennulle qulqullee haga hin dandeennetti akka malee addaatte.

![](https://cdn.door43.org/obs/jpg/360px/obs-en-36-03.jpg?direct&)

Yennaa san Muuse’ee fi Eliyaas mudhatane. Namooti kun woggaata dhibba heddu’uun dura lafa irra le’ane. Marroo du’a isaa ta yennaa gabaadduu keessatti Yerusaalem keessatti Yesuus irratti teetuu Yesuus woliin dudubbatane.

![](https://cdn.door43.org/obs/jpg/360px/obs-en-36-04.jpg?direct&)

Meese’ee fi Eliyaas Yesuus woliin adoo dubbatiisatti jiranuu, Pheexroos, Yesuusiin, <<Asitti dhaggamuun keenna dansa’a. Gosee sadiin takkattii si’iif, takkattii Muuse’eef, akkasuma takkattii Eliyaasiif ijaarruu ti>> jedhe. Pheexroos waan dubbatuuyyuu hin beenne.

![](https://cdn.door43.org/obs/jpg/360px/obs-en-36-05.jpg?direct&)

Adoo pheexroos dubbatiisatti jiruu, duumensi adiin dhufee isaan marsee, duumensa keessaa qoonqoon, <<Ilmi kiyya ka ani isaan gammadu ka ani jaaladhu kana>> jette. Barattooti sadiinuu sodaatanee lafa irratti jigane.

![](https://cdn.door43.org/obs/jpg/360px/obs-en-36-06.jpg?direct&)

Yennaa san Yesuus isaan qaqqabee, <<Hin sodaatina’a; ka’a’a>> isaaniin jedhe. Isaan yennaa adaala ifii ilaalanu Yesuus malee eennulle hin jiru.

![](https://cdn.door43.org/obs/jpg/360px/obs-en-36-07.jpg?direct&)

Yesuusii fi barattooti sadiinuu gaara irraa gad bu’ane. Yennaa san Yesuus, <<Waan asitti te’e kana nama tokkolle’etti hin himina’a. Ani dafee hin du’a; hin ka’alle’e. Achiin duuba namootatti dubbatuu hin dandeettan>> isaaniin jedhe.

*Dabarsii Kitaaba Woyyichaa:- Maatewoos 17:1-9; Maarqoos 9:2-8; Luqaas 9:28-36.*

## 37. Yesuus Alaazar Du’aa Kaase

https://openbiblestories.org/l/gax/story-37/

![](https://cdn.door43.org/obs/jpg/360px/obs-en-37-01.jpg?direct&)

Gaafa tokko ergaan, <<Alaazaar guddoo dhibameera>> jettu Yesuus dhaqqadde. Alaazarii fi obboleeyyan isaa ta durraa lamaan Maariyamii fi Maartaan fira Yesuuii ka dhiko’oo ti. Yesuus yennaa oduu tana dhage’e, <<Dhiboon tun ulfinna Waaqaatiif malee akka du’uufii moti>> jedhe. Yesuus fira ifii hin jaalataayyu. Te’uu malee guyyaa lama adduma jiru san ture.

![](https://cdn.door43.org/obs/jpg/360px/obs-en-37-02.jpg?direct&)

Guyyaan lama dabareen duuba, Yesuus barattoota ifiitiin, <<Ka’a’a, Yihudaa dhandha> jedhe. Barattooti isaa ammoo, <<Ee barsiisa’a, yennaa diqqo’oon dura kolbaan achi keessaa si ijjeesiisaaf barbaaddiiyyu>> jedhanee deebii isaaf kennane. Yesuus, <<Firri keenna Alaazar rafeera; hirriibaa isa kaasiisaaf dhaqa>> jedhe.

![](https://cdn.door43.org/obs/jpg/360px/obs-en-37-03.jpg?direct&)

Barattooti Yesuusii, <<Ee Gootta’a, Alaazar yoo rafee jiraate hin fayya>> jedhaneen. Yennaa san Yesuus diidessee itti himee, <<Alaazar du’eera; akka isin anatti dhugeeffattanuuf ani waan achi hin jiraatiniif guddoo gammadeera>> jedhe.

![](https://cdn.door43.org/obs/jpg/360px/obs-en-37-04.jpg?direct&)

Yesuus gara qachaa Alaazar itti dhalate yennaa geye, Alaazar du’ee guyyaa afur geyeeraayyu. Maartaan Yesuusiin wol dhaggiisaaf gad baatee, <<Goottaa kiyya, adoo ati as jiraattee, silaa obboleessi kiyya hin du’uuyyu. Ammoo Waaqi waan ati isa kadhattu mara akka si’iif kennu hin dhugeeffadha>> jette.

![](https://cdn.door43.org/obs/jpg/360px/obs-en-37-05.jpg?direct&)

Yesuus isi’iif deebisee, <<Du’aa ka’iisaa fi jiruun ana. Ka anatti dhugeeffatu marti yoo du’elle jiraataa hin te’a. Ka anatti dhugeeffatu marti ijjumaa hin du’u. Tana hin dhugeeffattaa?>> isi’iin jedhe. Maartaan, <<Ee, Gootta’a! Ati Maasiihii, ilma Waaqaa akka teete hin dhugeeffadha>> jettee isaaf deebitte.

![](https://cdn.door43.org/obs/jpg/360px/obs-en-37-06.jpg?direct&)

Achiin duuba Maariyaamille dhutte. Miila Yesuusiititti jiddee, <<Goottaa kiyya, adoo ati as jiraattee, silaa obboleessi kiyya hin du’uuyyu>> jette. Yesuus, <<Alaazar eessa keettane?>> jedhee isaan gaafate. Isaan, <<Awwaala keessa. Koyiitii ilaali>> jedhanee itti himane. Achiin duuba Yesuus booye.

![](https://cdn.door43.org/obs/jpg/360px/obs-en-37-07.jpg?direct&)

Awwaalli goda keessa; dhakaan itti cuqqalameeraayyu. Yesuus yennaa awwaala bira geye, dhakaa irraa konkolaachisa’a>> jedhee isaanitti hime. Maartaan ammoo, <<Haga du’ee guyyaa afur geyeera. Amma ajoweera>> jetteen.

![](https://cdn.door43.org/obs/jpg/360px/obs-en-37-08.jpg?direct&)

Yesuus, <<Yoo anatti dhugeeffatte, ulfinna Waaqaa akka dhaggitanu ani sitti himeeraa motii?>> isi’iin jedhe. Tanaaf isaan dhakaa konkolaachisane.

![](https://cdn.door43.org/obs/jpg/360px/obs-en-37-09.jpg?direct&)

Achiin duuba Yesuus ol ilaalee, <<Abbaa kiyya, waan naa dhageettuuf si galateeffadha. Ati yennaa mara akka naa dhageettu hin beeka; ammoo akka ati na ergite akka dhugeeffatanu, marroo worra as dhaabbataneetiif, marroo namoota kana maraatiif tana jedha>> jedhe. Achiin duuba Yesuus, qoonqoo ol qabatee, <<Alaazar, gara alaa koyi!>> jedhe.

![](https://cdn.door43.org/obs/jpg/360px/obs-en-37-10.jpg?direct&)

Tanaaf, Alaazar gad baye. Akkuma woya’aan marameeruun jiraayyu. Yesuus, <<Hiika’aatii, deemuutii lakkisa’a>> isaaniin jedhe. Yihudoota keessaa nami hedduun sababa bilbaasa kanaatiif, Yesuusitti dhugeeffatane.

![](https://cdn.door43.org/obs/jpg/360px/obs-en-37-11.jpg?direct&)

Te’uu malee sooreyyiin dhugeeffattoota Yihudootaa hinaafane. Tanaaf, Yesuusii fi Alaazar attamiin akka ijjeesuu qabanu karoorfatiisaaf, addee tokkotti wolitti qabamane.

*Dabarsii Kitaaba Woyyichaa:- Yohaannis 11:1-46.*

## 38. Yesuus Dabarfamee kenname

https://openbiblestories.org/l/gax/story-38/

![](https://cdn.door43.org/obs/jpg/360px/obs-en-38-01.jpg?direct&)

Yihudooti wogguma wogga’aan Jila Irra Dabaramaa jilifataniiyyu. Jilti tun Waaqi woggaa dhibba heddu’uun dura abbootii isaanii ta durii garbummmaa biyya Gibxi’ii jalaa attam akka baase yaadatiisaaf ta jilifantu. Yesuus ifatti lallabiisaa fi barsiisa jalqabee gara woggaa Sadiititti, jila tana Yerusaalem keessatti isaan woliin jilifatuu akka barbaade, achille’etti akka ijjeefamu barattoota ifiititti hime.

![](https://cdn.door43.org/obs/jpg/360px/obs-en-38-02.jpg?direct&)

Barattoota Yesuusii keesssaa tokko nama Yihudaa jedhamu. Yihudaan itti gaafatamaa subbba beesee barattootaa ti; inni beesee waan jaalatuuf ammoo, yennaa hedduu subba keessaa beesee hataayyu. Yesuusii fi barattooti isaa Yerusaalem geyaneen duuba, Yihudaan gara sooreyyii Yihudootaa dhaqee beese’een dabarsee isa kenniisaaf isaaniin woliigale. Yesuus Masiihii akka te’e sooreyyiin Yihudootaa akka mormane, isa ijjeesiisaafille akka mala itti dhowane beeke.

![](https://cdn.door43.org/obs/jpg/360px/obs-en-38-03.jpg?direct&)

Sooreyyiin Yihudootaa mootota(sooressitoota) hayyootaatiin sooreffamaa, akka inni dabarsee Yesuus isaaniif kennu, isaan beesee soddoma Yihuda’aaf kennane. Inni akka isaan Yesuus qabanu qarqaariisaaf yennaa dagu’uu barbaadatiisa jalqabe.

![](https://cdn.door43.org/obs/jpg/360px/obs-en-38-04.jpg?direct&)

Yesuus barattoota ifii woliin Yerusaalem keessatti Jila Irra Dabaramaa jilise; yennaa sagalee Jila Irra Dabaramaa san Yesuus xaltaa daabbo’oo fuudhee caccassee, <<Ho’aa nyaadha’a; kun foon kiyya ka isiniif kenname; kana qaabbii tiyyaaf godhadha’a>> jedhe. Akka kanaan foon isaa marroo isaatiif akka kennamu isaanitti hime.

![](https://cdn.door43.org/obs/jpg/360px/obs-en-38-05.jpg?direct&)

Achiin duuba Yesuus muduunuu fuudhee, <<Kana una’a. Ka araara cubbu’uutiif dhangala’u dhiiga kiyya ka Gondooroo Haareyaa ti. Yennaa kana untanu mara qaabbii tiyyaaf godhadha’a>> jedhe.

![](https://cdn.door43.org/obs/jpg/360px/obs-en-38-06.jpg?direct&)

Saniin duuba Yesuus barattoota ifiitiin, <<Isin keessaa tokkochi dabarsee ana hin kenna>> jedhe. Barattooti isaa rifatanee, waan akkasii ka godhu eennu akka te’e isa gaafatane. Yesuus, <<Nami ani xaltaa daabbo’oo kana cassee itti kennutti dabarsee ana kenna>> jedhe. Achiin duuba inni xaltaa daabbo’oo cassee Yihuda’aaf kenne.

![](https://cdn.door43.org/obs/jpg/360px/obs-en-38-07.jpg?direct&)

Yihudaan daabboo san fudhateen duuba seexanni isa seene. Yihudaan akka Yesuus qabanu sooreyyii Yihudootaa qarqaariisaaf deeme. Yennaan sun galgala.

![](https://cdn.door43.org/obs/jpg/360px/obs-en-38-08.jpg?direct&)

Yesuusii fi barattooti isaa irbaata nyaataneen duuba gara gaara ejersaa deemane. Yesuus, <<Adha galgala isin marti ana hin lakkittan. <Ani tissee hin dhowa; hooloti hin xexeeraman> jedhantee barreeffanteerti>> jedhe.

![](https://cdn.door43.org/obs/jpg/360px/obs-en-38-09.jpg?direct&)

Pheexroos, <<Worri dhibiin marti yoo si lakkisanelle, ani ammoo si hin lakkisu!>> jedhee deebise. Yennaa san Yesuus, Pheexroosiin, <<Seexanni isin mara fudhatiisaaf barbaada; garuu akka dhugeeffannaan teeti hin laanne ani si’iif daadimadheera. Te’uu malee edanuma adoo lukkuun hin iyyin akka ana hin beenneetitti yennaa sad ana hin mormatta>> jedhe.

![](https://cdn.door43.org/obs/jpg/360px/obs-en-38-10.jpg?direct&)

Yennaa san Pheexroos, Yesuusiin , <<Ka du’ulle yoo teete, ani ijjumaa si hin mormadhu>> jedhe. Barattooti dhibiille martinuu akkasuma jedhane.

![](https://cdn.door43.org/obs/jpg/360px/obs-en-38-11.jpg?direct&)

Achiin duuba Yesuus barattoota ifii woliin gara addee <<Getesemaanee>> jedhantuu deeme. Yesuus gara ataabe’ee akka hin galle akka daadimatanu barattoota ifiititti hime. Achiin duuba Yesuus daadimatiisaaf qofuu deeme.

![](https://cdn.door43.org/obs/jpg/360px/obs-en-38-12.jpg?direct&)

Yesuus yennaa sad daadimatee, <<Abbaa kiyya, yoo dande’ame akka ani muduunuu tana hin unne godhi. Te’uu malee karaan cubbuu namootaatiif araarri kennamuun ka dhibiin yoo hin jiraatin, fedhi keeti te’uu ti>> jedhe. Yesuus guddoo muddamee, danfi isaalle akka coccopha dhiigaa coccophe. Waaqi isa jajjabeessiisaaf ergamaa ifii erge.

![](https://cdn.door43.org/obs/jpg/360px/obs-en-38-13.jpg?direct&)

Yesuus yennaa daadimanna’aa san tokko tokkoonuu duuba gara barattoota ifii deddeebi’e; isaan ammoo rafaneeraniiyyu. Inni yennaa sadeesso’oo deebi’ee, <<Ka’a’a! Ka ana dabarsee kennu as jira>> jedhe.

![](https://cdn.door43.org/obs/jpg/360px/obs-en-38-14.jpg?direct&)

Yihudaan sooreyyii Yihudootaa, loltootaa fi kolbaa hedduu woliin dhufe. Isaan goraade’ee fi ciiraa qabataneeraniiyyu. Yihudaan gara Yesuusii dhufee, <<Barsiisa’a, attam nageya!>> jedhee sunqate. Kunille sooreyyiin Yihudootaa eennu akka qabanu beessisa himame. Achiin duuba Yesuus, <<Yihuda’a, sunqatiisaan dabarsitee ana kennitaa?>> jedheen.

![](https://cdn.door43.org/obs/jpg/360px/obs-en-38-15.jpg?direct&)

Akkuma loltooti Yesuus qabaneen, Pheexroos goraadee buqqifatee gurra garbicha hayyicha gudda’aa kute. Yesuus, <<Goraadee keeti gonofa’atti deebifadhu! Akka ana irraa dhoogganu duula ergantootaa akka naa erguuf abbaa kiyya gaafatuu hin dande’a>> jedhe. Achiin duuba Yesuus gurra namichaa fayyise. Yesuus qabameen duuba baratttooti isaa marti baqatte.

*Dabarsii Kitaaba Woyyichaa:- Mat 26:14-56; Mar 14: 10-50; Luq 22:1-53; Yoh 12:6, 18:1-8*

## 39. Yesuus Mura’aaf Dhikaate

https://openbiblestories.org/l/gax/story-39/

![](https://cdn.door43.org/obs/jpg/360px/obs-en-39-01.jpg?direct&)

Amma latti halkan wodhakka’a. Hayyichi guddaan akka isa gafatuuf loltooti gara mana hayyicha gudda’aa Yesuus geessane. Pheexroos irraa fagaatee isaan hordofe. Yennaa isaan Yesuus gara manaa seensisane, Pheexroos ala tee’ee ibidda o’ifataayyu.

![](https://cdn.door43.org/obs/jpg/360px/obs-en-39-02.jpg?direct&)

Mana keessatti sooreyyiin Yihudootaa Yesuus mura’aaf dhikeessane. Isaan dhugaa baatota marroo isaa dhara dubbatane hedduu fidane. Te’uu malee jechi isaanii wolii hin galle. Tanaaf, sooreyyiin Yihudootaa waan tokkolle’een akka Yesuus yakkaamessa te’e mirkaneessiisa hin dandeenne.

![](https://cdn.door43.org/obs/jpg/360px/obs-en-39-03.jpg?direct&)

Dhuma irratti hayyichi guddaan ila itti qabee Yesuus ilaalee , <<Nutti himi; ati Masiihii, Ilma Waaqa jiraata’aa ti?>> jedheen.

![](https://cdn.door43.org/obs/jpg/360px/obs-en-39-04.jpg?direct&)

Yesuus, <<Anuma; ani Waaqa woliin tee’ee ol-gubbaa irraa dhufuun hin dhaggita>> jedhe. Hayyichi guddaan aari’iin woyaa ifii tarsaasee, sooressitoota dhugeeffanna’aa worra kaaniin, <<Dhugaa bayoota dhibii hin barbaachisu! <Ani ilma Waaqaa ti> jedhuun dhageettaneertan. Muraan teessan maan?>> jedhee qoonqoo guddo’oon dubbate.

![](https://cdn.door43.org/obs/jpg/360px/obs-en-39-05.jpg?direct&)

Sooreyyiin Yihudootaa marti, <<Du’uu qaba!>> jedhanee hayyicha gudda’aaf deebii deebisane. Achiin duuba fuula Yesuusii gollanee, itti tufanee, dhaananee itti murgane.

![](https://cdn.door43.org/obs/jpg/360px/obs-en-39-06.jpg?direct&)

Pheexroos manaan alatti adoo eegiisatti jiruu intalti hojjattuun manaa takka isa dhaggitee, <<Atille Yesuus woliin jirtaayyu!>> jetteen. Pheexroos waan isiin jette mormate. Achiin duuba hojjattuun manaa ta dhibiin woma tuun jette isiille jetteen. Pheexroos ammalle mormate. Dhuma irratti kolbaan, <<Isin lamaanuu worra Galiila’aa waan teetaneef, akka ati Yesuus woliin jirtu hin beenna>> jedhane.

![](https://cdn.door43.org/obs/jpg/360px/obs-en-39-07.jpg?direct&)

Saniin duuba Pheexroos, <<Ani yoo nama kana beeku teete abaarsi Waaqaa na dhaqqabuu ti>> jedhee kakate. Yoma san lukkuun iyyite; Yesuus garagalee Pheexroos ilaale.

![](https://cdn.door43.org/obs/jpg/360px/obs-en-39-08.jpg?direct&)

Pheexroos deemee laaleffatee booye. Adoo inni booyiisatti jiruu ka Yesuus dabarsee kenne Yihudaan, sooryyiin Yihudootaa du’a Yesuusitti akka murane dhagge. Yihudaan guddoo gaddee dhaqee ifi ijjeese.

![](https://cdn.door43.org/obs/jpg/360px/obs-en-39-09.jpg?direct&)

Boruyyaa ganama sooressitooti Yihudootaa, gara Philaaxoosii bulchaa worra Rooma’aa Yesuus fidane. Isaan, <<Philaaxoos, Yesuusiin, <Ati yakkaamessa> jedhee du’a itti muree, akka inni du’aan adabamu hin godha>> jedhanee addatane. Philaaxoos, <<Ati mootii Yihuda’aa tii?>> jedhee Yesuus gaafate.

![](https://cdn.door43.org/obs/jpg/360px/obs-en-39-10.jpg?direct&)

Yesuus deebisee, <<Atinuu jette; te’uu malee mootummaan tiyya mootummaa biyya lafaatii moti. Adoo akkas teetee, tajaajiltooti tiyya anaaf hin loltiiyyu. Ani marroo dhugaa Waaqaa dubbatiisaaf gara biyya lafaa dhufe. Ka dhuga jaalatu marti ana hin dhage’a>> jedhe. Philaaxoos, <<Dhugaan maan?>> jedhe.

![](https://cdn.door43.org/obs/jpg/360px/obs-en-39-11.jpg?direct&)

Philaaxoos Yesuus woliin dubbateen duuba gara kolba’aa gad bayee, <<Ani nama kana irratti womaa yakkaa hin dhaggine>> jedhee deebise. Sooreyyiin Yihudootaatii fi kolbaan ammoo, <<Fannis!>> jedhaa iyyane. Philaaxoos, <<Inni yakkaamessaa moti>> jedhee deebise. Isaan ammoo irra caalaa iyyane. Achiin duuba Philaaxoos yennaa sadeesso’oo, <<Inni yakkaa hin qabu>> jedhe.

![](https://cdn.door43.org/obs/jpg/360px/obs-en-39-12.jpg?direct&)

Philaaxoos kolbaan woy jeequu jalqaddi jedhee sodaate. Tanaaf akka isaan Yesuus fannisanu loltoota ifii ajaje. Loltooti worra Rooma’aa Yesuus dhaananee woyaa diintuu itti uffisanee, kallacha qore’ee mataa isaatitti keyane. Achiin duuba, <<kunoo, mootii Yihudootaa!>> jedhaa itti murgane.

*Dabarsii Kitaaba Woyyichaa:- Mat 26:57-27:26; Mar 14:53-15:15; Luk 54-23:25;Yoh 18:12-19:16*

## 40. Yesuus Fannifame

https://openbiblestories.org/l/gax/story-40/

![](https://cdn.door43.org/obs/jpg/360px/obs-en-40-01.jpg?direct&)

Loltooti Yesuusitti murganeen duuba fannisiisaaf geessane. Waan irratti du’u akka inni ba’atu godhane.

![](https://cdn.door43.org/obs/jpg/360px/obs-en-40-02.jpg?direct&)

Loltooti gara addee, <<Buqqii Mata’aa>> jedhatu Yesuus geessanee, miilaa fi harka isaa fannoo irratti woraanane. Yesuus ammoo, <<Abbaa kiyya, waan godhanu hin beekanuu isaaniif araaram>> jedhe. Philaaxoos beessisa irratti, <<Mootii Yihudootaa>> jedhanee barreessanee, mataa Yesuusiitiin gubba’atti fannoo gubbaa akka keyanu ajaje.

![](https://cdn.door43.org/obs/jpg/360px/obs-en-40-03.jpg?direct&)

Loltooti woyaa Yesuusii irratti hixaa buufatane. Yennaa waan kana isa irratti godhane raaga, <<Woyaa tiyya qoqoodamane; woyaa tiyya irratti hixaa buufatane>> jedhu muummessane.

![](https://cdn.door43.org/obs/jpg/360px/obs-en-40-04.jpg?direct&)

Yesuus alagaltoota lama wodhakka’atti fannifame. Tokkochi Yesuusitti murge; kuun ammoo, <<Ati Waaqa hin sodaattuu? Nuuti yakkaameyyi’i; nami kun ammoo yakkaa hin qabu>> jedhe. Achiin duuba inni Yesuusiin, <<Maganne’e, mootummaa teeti keessatti na qaabadhu>> jedhe. Yesuus deebisee, <<Adhuma ana woliin addee gammadaa keessa jiraatta>> jedheen.

![](https://cdn.door43.org/obs/jpg/360px/obs-en-40-05.jpg?direct&)

Sooreyyiin Yihudootaatii fi worri dhibiin ka wodhakkaa kolba’aa jiru Yesuusitti taphatanee, <<Ilma Waaqaa yoo teete fannoo irraa gad bu’iitii ifi fayyis! Achiin duuba nuuti sitti hin dhugeeffanna>> jedhaneen.

![](https://cdn.door43.org/obs/jpg/360px/obs-en-40-06.jpg?direct&)

Yennaa san latti orraa sa’aatii jaa teetulle, adaalli sun marti dukkana dimma te’e. Orraa sa’aatii jaa haga sa’aatii sagalii dukkanoweetuma turte.

![](https://cdn.door43.org/obs/jpg/360px/obs-en-40-07.jpg?direct&)

Achiin duuba Yesuus qoonqoo guddo’oon, <<Muummotte! Abbaa kiyya lubbuu tiyya harka keetitti kennadha>> jedhe. Achiin duuba gad jedhee ayyaana ifii kenne. Yennaa inni du’e latti tachoote; gollaan Galma Waaqaa keessa jiru guddichi ka kolbaa addee Waaqi itti dhaggamu irraa adda baase gubba’aa haga jalaatitti addee lamatti gargar tarse’e.

![](https://cdn.door43.org/obs/jpg/360px/obs-en-40-08.jpg?direct&)

Yesuus karaa du’a ifiitiin namooti gara Waaqaa akka dhufanu karaa isaaniif bane. Loltichi Yesuus eegaa ture waan te’e san mara yennaa dhagge, <<Dhugumaan nami kun yakkaa hin qabu. Inni Ilma Waaqaa ti>> jedhe.

![](https://cdn.door43.org/obs/jpg/360px/obs-en-40-09.jpg?direct&)

Yennaa san Sooreyyiin Yihudootaa lamaan ka Yesuus akka Masiihii ite’e dhugeeffatane, Yoseefii fi Niqodimoos reeffi Yesuusii akka isaaniif kennamu Philaaxoos kadhatane. Isaan woyaa qoolaatiin maranee goda awwaalaa keessa keyane. Achiin duuba afaan awwaalaa cufiisaaf dhakaa itti gangalchane.

*Dabarsii Kitaaba Woyyichaa Mat 27:27-61; Mar 15:16-47; Luq 23:26-56; Yoh 19:17-42*

## 41. Waaqi Yesuus Du’a Keessaa Kaase

https://openbiblestories.org/l/gax/story-41/

![](https://cdn.door43.org/obs/jpg/360px/obs-en-41-01.jpg?direct&)

Loltooti Yesuus fannisaneen duuba, sooressitooti Yihudootaa ta hin dhugeeffanne Philaaxoosiin, <<Yesuusiin dharaamessi sun, <Ani guyyaa sadiin duuba du’a keessaa hin ka’a> jedheera. Barattooti isaa reeffa isaa hatanee, du’a keessa ka’e> akka hin jenne, nami tokko addee inni itti awwaalame san eeguu qaba>> jedhane.

![](https://cdn.door43.org/obs/jpg/360px/obs-en-41-02.jpg?direct&)

Philaaxoos, <<Loltoota tokko tokko fuudha’aatii addee awwaalaa san akka eeganu godha’a>> jedhe. Tanaaf dhakaa seensuma goda awwaalaa san irra jiru irratti chaappaa dhowanee, eennulle reeffa isaa san hatuu akka hin dandeenne mirkaneessiisaaf, loltooti akka eeganu godhane.

![](https://cdn.door43.org/obs/jpg/360px/obs-en-41-03.jpg?direct&)

Yesuus fannifameen duuba guyyaan itti aanu guyyaa sanbataa ti. Guyyaa san Yihudooti gara addee awwaalaa akka dhaqanu isaaniif hin eeyyamamu. Tanaaf guyyaa sanbataatiin duuba ganama dubartooti itti dabalanee fiqiree reeffa Yesuusii issiisaaf gara addee awwaala Yesuusii dhaqiisaaf qophowane.

![](https://cdn.door43.org/obs/jpg/360px/obs-en-41-04.jpg?direct&)

Tasuma tacho’i lafaa guddaan te’e. Ergamaan akka balaqqeetti’ii ifu ol-gubbaa irraa mudhate. Dhakaa seensuma goda awwaalaa irra jiru irraa konkolaachisee irra tee’e. Loltooti addee awwaalaa san eegiisatti jiranu sodaatanee, akka nama du’ee te’anee lafatti jigane.

![](https://cdn.door43.org/obs/jpg/360px/obs-en-41-05.jpg?direct&)

Dubartooti gara addee awwaalaa san yennaa geyane, ergamaan Waaqaa, <<Hin sodaatina’a Yesuus as hin jiru. Akkuma, <Ani hin ka’a> jedhee dubbate, du’aa ka’eera! Goda awwaalaa ilaala’aatii dhagga’a>> jedhee hime. Dubartooti sun goda awwaalaa san keessa ilaalanee addee reeffa Yesuusii keyane san dhaggane. Reeffi isaa achi hin jiruuyyu.

![](https://cdn.door43.org/obs/jpg/360px/obs-en-41-06.jpg?direct&)

Achiin duuba ergamaan Waaqaa, <<Dhaqa’aatii, <Yesuus du’aa ka’eera; inni isiniin dura gara Galiila’aa hin dhaqa> jedha’aatii barattootatti hima’a>> jedhee dubartootatti hime.

![](https://cdn.door43.org/obs/jpg/360px/obs-en-41-07.jpg?direct&)

Dubartooti soda’aa fi gammada gudda’aan guutamane. Isaan oduu gammadaa barattootatti himiisaaf rukkisaa deemane.

![](https://cdn.door43.org/obs/jpg/360px/obs-en-41-08.jpg?direct&)

Dubartooti sun oduu gammadaa tana barattootatti himiisaaf adoo deemiisatti jiranuu Yesuus isaanitti mudhate; isaanille isaaf sagadane. Yesuus, <<Hin sodaatina’a. Gara Galiila’aa akka dhaqanu barattoota tiyyatti hima’a. Isaan achitti na dhaggan>> jedhe.

*Dabarsii Kitaaba Woyyichaa Mat 27:62-28:15; Mar 16:1-11; Lu 24:1-12; Yoh 20:1-18*

## 42. Yesuus Gara Ol-gubba’aa Deebi’e

https://openbiblestories.org/l/gax/story-42/

![](https://cdn.door43.org/obs/jpg/360px/obs-en-42-01.jpg?direct&)

Guyyaa Yesuus du’aa ka’e barattoota keessaa nami lama gara qachaa adaala sanii dhaqiisatti jiraniiyyu. Isaan adoo deemanuu marroo waan Yesuusirra dhaqqabee dubbatane. Isaan akka inni Masiihii te’e addii godhataneeraniiyyu; te’uu malee yennaa san keessa inni ijjeefame. Dubartooti <<Amma deebi’ee jiraataa te’eera>> jedhane. Barattooti lamaan sun waan itti dhugeeffatanu wollaalane.

![](https://cdn.door43.org/obs/jpg/360px/obs-en-42-02.jpg?direct&)

Yesuus gara isaanii dhikaatee isaan woliin deemuu jalqabe. Isaan ammoo isa hin beenne. Inni marroo maanii akka haasowiisatti jiranu isaan gaafate. Isaanille waan bilbaasaa hedduu bultii diqqoo dabarte tana keessa Yesuusirra dhaqqabe mara itti himane. Isaan nama keessumma’aa ka waan Yerusaalem keessatti te’eeru hin beenne woliin waan haasowanu itti fakkaatte.

![](https://cdn.door43.org/obs/jpg/360px/obs-en-42-03.jpg?direct&)

Achiin duuba Yesuus waan jechi Waaqaa marroo Masiihii dubbateeru miidhassee itti hime. Masiihiin akka rakkatuu fi akka ijjeefamu, te’uu malee guyyaa sadeesso’oo du’aa akka ka’u, waan raagoti dubbatane isaan qaabachiise. Jarri lamaan sun gara qachaa buliisaaf yaadanee yennaa geyanu, latti dhi’iisaaf diqqayyuma jirtiiyyu.

![](https://cdn.door43.org/obs/jpg/360px/obs-en-42-04.jpg?direct&)

Jarri lamaan sun, <<Nu woliin buli>> jedhaneen; innille, <<Hin bula>> jedhe. Isaan irbaata nyaatiisaaf yennaa qophowane, Yesuus daabboo fuudhee Waaqa galateeffatee, achiin duuba caccasse. Isaan dedhuma akka Yesuus te’e beekane. Inni ammoo yennaa san ila isaanii duraa miliqe.

![](https://cdn.door43.org/obs/jpg/360px/obs-en-42-05.jpg?direct&)

Jarri lamaan sun, <<Inni Yesuus! Yennaa inni jecha Waaqaa miidhassee nutti hime, gadhaan keenna gubate>> woliin jedhane. Isaan yennuma san gara Yerusaalemii deebi’ane; yennaa achi geyane barattoota dhibi’iin, <<Yesuus du’aa ka’eera! Nuuti isa dhaggineerra!>> jedhanee itti himane.

![](https://cdn.door43.org/obs/jpg/360px/obs-en-42-06.jpg?direct&)

Barattooti adoo dubbatiisatti jiranuu, Yesuus dedhuma mana isaan jiranu keessa odduu isaaniititti mudhatee, <<Nageenni isiniif te’u!>> isaaniin jedhe. Barattooti ekeraa seyane. Yesuus ammoo, <<Maaf sodaattan? Maaf mantan? Harkaa fi miila kiyya ilaala’a. Ekeraan akka kiyya nafa hin qaddu>> jedheen. Akka ekeraa hin te’in mudhisiisaaf waan nyaatu akka kennanuuf gaafate. Isaanille qurxummii woddane irraa diqqoo isi’ii kennaneefi; nyaatelle’e.

![](https://cdn.door43.org/obs/jpg/360px/obs-en-42-07.jpg?direct&)

Yesuus, <<Jechi Waaqaa ka marroo tiyyaaf barreeffame marti muummowuu qaba>> jedhee isinitti himeera. Yennaa san jecha Waaqaa akka hubatanuuf qalbii isaanii baneef. <<Masiihiin akka rakkatu, akka du’u, guyyaa sadeesso’oo du’aa akka ka’u bara heddu’uun dura barreeffanteerti>> jedhe.

![](https://cdn.door43.org/obs/jpg/360px/obs-en-42-08.jpg?direct&)

Ammalle <<Kitaabota keessatti araara cubbu’uu dhaggatiisaaf namooti marti araara akka galanuuf barattooti tiyya akka lassanu barreeffanteerti. Isaan Yerusaalemii jalqabanee tana hin godhan; achiin duuba gara gosa biyya adda addaa hin dhaqan. Isin dhugaa baatota waan kanaa ti>> jedhe.

![](https://cdn.door43.org/obs/jpg/360px/obs-en-42-09.jpg?direct&)

Yesuus guyoota afurtama itti aananu keessatti yennaa hedduu barattoota ifiititti mudhate. Gaafa tokko inni namoota dhibba shan caalanutti yennaa takkatti’itti itti mudhate. Akka du’aa ka’e karaa heddu’uun barattoota ifiitiif mirkaneesse. Marroo mootummaa Waaqaalle isaan barsiise.

![](https://cdn.door43.org/obs/jpg/360px/obs-en-42-10.jpg?direct&)

Yesuus barattoota ifiitiin, <<Ol-gubba’aa fi lafa irratti baalliin marti anaaf kennanteerti. Tanaaf dhaqa’aatii kolbaa biyya adda addaa mara maqaa Abba’aa, maqaa Ilmaatii fi maqaa Ayyaana Woyyichaatiin cuuphaa, waan ani isin ajaje mara akka muummessanu barsiisaa barattoota tiyya godha’a. Ani yennaa mara isin woliin akka jiraadhu qaabadha’a>> jedheen.

![](https://cdn.door43.org/obs/jpg/360px/obs-en-42-11.jpg?direct&)

Yesuus du’aa ka’ee guyyaa afurtamaan duuba barattoota ifiitiin, <<Yennaa Ayyaanni Woyyichi isin irratti bu’e, haga abbaan kiyya hunna isinii kennutti Yerusaalem keessa tura’a>> jedheen. Achiin duuba Yesuus gara ol-gubba’aa baye. Duumensille ila isaanii duraa isa golle. Yesuus dada mara bulchiisaaf midda Waaqaa tee’e.

*Dabarsii Kitaaba Woyyichaa:- Mat 28:16-20; Mar 16:12-20; Luq 24:13-53; Yoh 20:19-23; HuE 1:1-11*

## 43. Wolde’i Kiristaanaa Jalqabame

https://openbiblestories.org/l/gax/story-43/

![](https://cdn.door43.org/obs/jpg/360px/obs-en-43-01.jpg?direct&)

Yesuus gara ol-gubba’aa deebi’een duuba barattooti Yeuusii akkuma inni isaan ajaje Yerusaalem keessa turane. Dhugeeffattooti achi jiranu adoo gargar hin kutin daadimatiisaaf wolitti qabamane.

![](https://cdn.door43.org/obs/jpg/360px/obs-en-43-02.jpg?direct&)

Yihudooti wogguma wogga’aan Jila Irra Dabaramaatiin duuba guyyaa shantama itti aanu jila <<Phenxeqostee>> jedhantu ulfeessaniiyyu. Phenxeqosteen jila galchaa midhaan ti. Yihudooti jila Phenxeqoste’ee tokkumma’aan ulfeessiisaaf biyya lafaa mara irraa gara Yerusaalemii dhufaniiyyu. Yennaa san Yesuus gara ol-gubba’aa deebi’ee gara torbaan tokkootiin duuba yennaan jila Phenxeqoste’ee geette.

![](https://cdn.door43.org/obs/jpg/360px/obs-en-43-03.jpg?direct&)

Dhugeeffattooti martinuu addee tokkotti wolitti qabamaneeranuun, dedhuma huuruun akka bubbee guddo'oo fakkaattu ol-gubbaa irraa dhuttee, mana isaan keessa jiranu guutte. Achiin duuba wonni bobe’a ibiddaa fakkaatu mataa dhugeeffattoota maraa irratti bu’e. Isaan martinuu Ayyaana Woyyichaan guutamanee, afaan adda addaatiin dubbatuu jalqabane.

![](https://cdn.door43.org/obs/jpg/360px/obs-en-43-04.jpg?direct&)

Worri Yerusaalem keessa jiru huuruu san yennaa dhage’ane, worri hedduun waan te’iisatti jiru kana ilaaliisaaf dhufane. Dhugeeffattooti sun bilbaasota Waaqaa odeessanuun namooti dhufane sun afaanuma ifiitiin waan dhage’aneef baaseffatane.

![](https://cdn.door43.org/obs/jpg/360px/obs-en-43-05.jpg?direct&)

Namooti tokko tokko, <<Barattooti tun machowaneeran>> jedhanee komatane. Pheexroos ammoo ol ka’ee, <<Na dhage’a’a! Worri kun hin machoonne. Raagi Waaqi karaa Yo’elii raagichaatiin, <Ani guyyaa muumme’ee ayyaana kiyya hin dhangalaasa> ka jedhe, raagi sun tanaan muummowa.

![](https://cdn.door43.org/obs/jpg/360px/obs-en-43-06.jpg?direct&)

<<Ee Kolbaa Israa’elii, isin akkuma dhaggitanee fi duruuyyuu akkuma beettanu, Yesuus nama karaa irree Waaqaatiin bilibaasota heddu’uu fi maadee hedduu huje. Isin ammoo isa fannittane.

![](https://cdn.door43.org/obs/jpg/360px/obs-en-43-07.jpg?direct&)

<<Yesuus du’ulle Waaqi du’aa isa kaase. Kunille, raaga, <Woyyichi keeti awwaala keessatti akka tortoru hin lakkittu> jedhutti muummowe. Waaqi jiraataa tolchee akka Yesuus du’a keessaa kaase nuuti martinuu dhugaa baatota.

![](https://cdn.door43.org/obs/jpg/360px/obs-en-43-08.jpg?direct&)

<<Yesuus amma midda Waaqa abba’aatitti tee’eera. Yesuus akkuma waadaa gale, Ayyaana Woyyicha ergeera. Wonni isin amma dhaggiisatti jirtanuu fi dhage’iisatti jirtanu waan Ayyaanni Woyyichi huje.

![](https://cdn.door43.org/obs/jpg/360px/obs-en-43-09.jpg?direct&)

<< Isin Yesuusii kana fannittane. Waaqi ammoo Gootta’aa fi Masiihii akka isa godhe dhugumaan beeka’a>> jedhe.

![](https://cdn.door43.org/obs/jpg/360px/obs-en-43-10.jpg?direct&)

Kolbaan waan Pheexroos jedhu dhageette sun, wonni inni dubbate sun akka malee gadhaa isaanii nyaattee, Pheexroosii fi barattootaan, <<Obboleeyyaan teenna, maan goonu ree?>> jedhanee isaan gaafatane.

![](https://cdn.door43.org/obs/jpg/360px/obs-en-43-11.jpg?direct&)

Pheexroos isaaniin, <<Waaqi cubbuu teessan akka isinii araaramu, tokko tokkoon keessan araara gala’aatii, maqaa Yesuus Kiristoosiitiin cuuphama'a; achiin duuba inni kennansa Ayyaana Woyyichaa isinii hin kenna>> jedhe.

![](https://cdn.door43.org/obs/jpg/360px/obs-en-43-12.jpg?direct&)

Namooti gara kuma sadii waan Pheexroos dubbate dhugeeffatanee, barattoota Yesuusii te’ane. Isaan cuuphamanee miseensa wolde’a kiristaana Yerusaalemii te’ane.

![](https://cdn.door43.org/obs/jpg/360px/obs-en-43-13.jpg?direct&)

Dhugeeffattooti sun adoo gargar hin kutin barumsa barattoota Yesuusii dhage’ane; isaan wol bira turane; woliin areerratane; woliif daadimatane. Woliin Waaqa galateeffatane; waan qabanu maralle woliin geyane. Nami marti dansaa isaaniif yaadate. Guyyuma guyya’aan nami hedduun dhugeeffate.

*Dabarsii Kitaaba Woyyichaa HuE 2*

## 44. Pheexroosii fi Yohaannis Namicha Kadhataa Ture Fayyisane

https://openbiblestories.org/l/gax/story-44/

![](https://cdn.door43.org/obs/jpg/360px/obs-en-44-01.jpg?direct&)

Gaafa tokko Pheexroosii fi Yohaannis gara Galma Waaqaa deemane. Isaan gara karra Galma Waaqaa dura yennaa geyane namicha naafa beesee kadhatu tokko dhaggane.

![](https://cdn.door43.org/obs/jpg/360px/obs-en-44-02.jpg?direct&)

Pheexroos ammoo namicha naafa san ilaalee, <<Ani beesee sii kennu womaa hin qabu; waan qabu ammoo sii kenna; maqaa Yesuusiitiin ka'ii ideemi!>> jedheen.

![](https://cdn.door43.org/obs/jpg/360px/obs-en-44-03.jpg?direct&)

Yennuma san Waaqi namicha naafa san fayyise; namichille ideemiisa, ol utaaliisaa fi Waaqa galateeffatiisa jalqabe. Worri dalleya Galma Waaqaa keessa jiranu baaseffatane.

![](https://cdn.door43.org/obs/jpg/360px/obs-en-44-04.jpg?direct&)

Kolbaan namicha fayye san ilaaliisaaf ariifattee itti dachaate. Pheexroos isaaniin, <<Namichi kun waan fayyeef maaf baaseffattan? Nuuti hunna teennaan yookiin hujii teenna dansa'aan isa hin fayyinne. Nama kana ka fayyise hunna Yesuusiitii fi dhugeeffannaa Yesuus kennu.

![](https://cdn.door43.org/obs/jpg/360px/obs-en-44-05.jpg?direct&)

<<Akka inni Yesuus ijjeesu bulchaa Rooma’aatitti ka hime isin. Isin ka jiruu jalqabe ijjeettane. Waaqi ammoo du'aa isa kaase. Wonni godhaa turtane isinii galuu dhaddulle, Masiihiin akka rakkatuu fi akka du’u raaga dubbatame muummessiisaaf, Waaqi hujii teessanitti fayyadame. Tanaaf, cubbuun teessan akka isinii dhiqantu amma araara gala’aatii gara Waaqaa deebi’a’a>> jedhe.

![](https://cdn.door43.org/obs/jpg/360px/obs-en-44-06.jpg?direct&)

Sooreyyiin Galma Waaqaa waan Pheexroosii fi Yohaanis dubbatanetti guddoo aarane. Tanaaf qabanee mana hidha’aatitt isaan galchane. Nami hedduun ammoo, ergaa Pheexroosii dhugeeffate. Laakkossi worra Yesuusitti dhugeeffateelle gara kuma shanii geye.

![](https://cdn.door43.org/obs/jpg/360px/obs-en-44-07.jpg?direct&)

Boruyyaa sooreyyiin Yihudootaa, Pheexroosii fi Yohaannis gara hayyicha gudda’aatii fi gara sooreyyii dhugeeffanna’aa fidane. <<Nama naafa kana hunna attamiitiin fayyittane?>> jedhanee gaafatane.

![](https://cdn.door43.org/obs/jpg/360px/obs-en-44-08.jpg?direct&)

Pheexroos, <<Nami kun hunna Masiihii Yesuusiitiin fayyee isin dura dhaabbateera. Isin Yesuus fannittane; Waaqi ammoo deebisee isa kaase. Isin isa hin fudhanne; hunna Yesuusiitiin malee karaan fayyinnaa ka dhibiin hin jiru>> jedhee deebii isaaniif kenne.

![](https://cdn.door43.org/obs/jpg/360px/obs-en-44-09.jpg?direct&)

Pheexroosii fi Yohaannis sodaa malee waan dubbataneef sooreyyiin tun rifatte; sababille akka isaan namuma barumsa hin qanne tokko te’ane dhagganee ti; te’uu malee namooti kun akka isaan Yesuus woliin turane qaabatane. Maarre isaan Pheexroosii fi Yohaannis sodaachisaneen duuba, akka isaan deemanu gad lakkisane.

*Dabarsii Kitaaba Woyyichaa HuE 3:1-4:22*

## 45. Filiphoosii fi Guneessa Itoophiya’aa

https://openbiblestories.org/l/gax/story-45/

![](https://cdn.door43.org/obs/jpg/360px/obs-en-45-01.jpg?direct&)

Sooressitoota wolde’a kiristaanaa ka durii keessaa tokko Isxifaanos jedhama. Inni nama gurra dansaa qabu, ka Ayyaana Woyyichaa fi qarumma’aan guutameeru. Isxifaanos baasa hedduu hujeera; inni akka namooti Yesuusitti dhugeeffatanu nama sababa qabatamaa dhikeessu.

![](https://cdn.door43.org/obs/jpg/360px/obs-en-45-02.jpg?direct&)

Gaafa tokko Isxifaanos marroo Yesuusii yennaa barsiisu, Yihudooti gariin ka Yesuusitti hin dhugeeffatin Isxifaanos woliin wol mormjiisa jalqabane. Isaan guddoo aaranee waan Isxifaanosii dubbii dharaa sooreyyii Yihudootaatitti himane. Isaan , <<Inni waan Muuse’eetii fi waan Waaqaa hantuu dubbatuun dhageenneerra>> jedhane. Tanaaf sooressitooti dhugeeffanna’aa Isxifaanos qabanee, gara hayyicha gudda’aatii fi sooressitoota Yihudootaa ta dhibi’ii, ta dhugaabaatoti dharaa waan Isxifaanosii dhara itti dlubbataneeranuu fidane.

![](https://cdn.door43.org/obs/jpg/360px/obs-en-45-03.jpg?direct&)

Hayyichi guddaan, <<Wonni kun dhuga’aa?>> jedhee Isxifaanos gaafate. Isxifaanos bara Abrahaamiitii jalqabee haga bara Yesuusiititti waan gugurdoo hedduu Waaqi huje, akkasuma kolbaan Waaqaa adoo gargar hin kutin akka Waaqa finqilte qaabatiisaan deebii kenne. Achiin duuba, <<Isin worra mataa jabaatu; finqiltootalle’e; akkuma abbootiin teessan ta durii Waaqa mormitee raagolee ijjeette, isin yennaa mara Ayyaana Woyyicha mormitan. Isin ammoo ta isaan caaltu gootaneertan. Masiihii ijjeettaneertan>> jedhe.

![](https://cdn.door43.org/obs/jpg/360px/obs-en-45-04.jpg?direct&)

Sooressitooti dhugeeffanna’aa yennaa waan kana dhage’ane, haga gurra qabatanee iyyanutti guddoo aarane. Isaan gara qacha’aan alaa Isxifaanos harkisanee, ijjeesiisaaf dhaka’aan tumane.

![](https://cdn.door43.org/obs/jpg/360px/obs-en-45-05.jpg?direct&)

Isxifaanos du’iisatti jiruun, qoonqoo guddo’oon, <<Yesuusii kiyya, lubbuu tiyya fudhadhu>> jedhee iyye. Achiin duuba jilbiiffatee, <<Goottaa kiyya, cubbuu tana isaanitti hin laakkoyin>> jedhee ammalle iyye. Achiin duuba du’e.

![](https://cdn.door43.org/obs/jpg/360px/obs-en-45-06.jpg?direct&)

Dargaggeessi <<Saa’ol>> jedhamu worra Isxifaanos ijjeese woliin woliigalee yennaa dhaka’aan isa tumanu san woyaa isaanii eegiisatti jiraayyu. Guyyaa san namooti hedduun ka Yerusaalem keessa jiranu hordofattoota Yesuusii ari’iisa jalqabane. Tanaaf dhugeeffattooti gara lafa dhibi’ii baqatane. Ariisaan jiraattulle ammoo lafa dhaqane maratti waan Yesuusii odeessane.

![](https://cdn.door43.org/obs/jpg/360px/obs-en-45-07.jpg?direct&)

Barattoota Yesuusii keessaa Filiphoos ka jedhamu yennaa ariisa’aa san dhugeeffattoota Yerusaalem keessaa baqatane keessaa tokkochi isa. Inni gara Samaariya’aa dhaqee marroo Yesuusii lallabee, nami hedduun fayye. Achiin duuba gaafa tokko ergamaan Waaqaa tokko akka Filiphoos gara karaa lafa goomole’ee tokko deemu itti hime. Filiphoos adoo karaa san deemiisatti jiruu nami Itoophiya’aa beekkamaan baallii qabu tokko garreettaa fardaaan harkifamu irra tee’ee deemuun dhagge. Akka Filiphoos nama kana dhaqee dubbisu Ayyaanni Woyyichi itti hime.

![](https://cdn.door43.org/obs/jpg/360px/obs-en-45-08.jpg?direct&)

Filiphoos gara garreettaa fardaan harkifamuu yennaa dhikaate, nami Itoophiya’aa sun kitaaba raagichi Isaayaas barreesse keessaa dubbisuun dhage’e. Namichi sun ka dubbise, <<Akka hoolee qalanuu isa oofane; akkuma hooleen cadhittu, inni jecha tokkolle hin dubbanne. Mura’aan fuudhame; isa hin ulfeessine. Lafa worra jira’aa keessaa isa balleessane>> ka jedhu.

![](https://cdn.door43.org/obs/jpg/360px/obs-en-45-09.jpg?direct&)

Filiphoos nama Itoophiya’aa saniin, <<Wonni ati dubbittu kun sii galaaraa?>> jedhee gaafate. Namichille, <<Nami natti himu tokko adoo hin jiraatin hubatuu hin dande’u. Maganne’e, koyiitii na bira tee’i. Isaayaas ka barreesse, marroo ifii ti moo marroo nama dhibi’ii ti?>> jedheen.

![](https://cdn.door43.org/obs/jpg/360px/obs-en-45-10.jpg?direct&)

Isaayaas marroo Yesuusii akka barreesse, Filiphoos nama Itoophiya’aa sanitti hime. Ammalle Filiphoos oduu gammadaa ta marroo Yesuusii dubbattu namichatti himiisaaf, kutaa jecha Waaqaa keessa jirtu ta dhibiille’etti fayyadame.

![](https://cdn.door43.org/obs/jpg/360px/obs-en-45-11.jpg?direct&)

Filiphoosii fi nami Itoopiya’aa sun adoo deemanuu, addee bisaan jiru geyane. Nami Itoophiya’aa sun, <<Kunoo, bisaan achi jira; cuuphamuu ree?>> jedhe. Namichi garreettaa fardaan harkifamu oofu akka dhaabachiisu itti hime.

![](https://cdn.door43.org/obs/jpg/360px/obs-en-45-12.jpg?direct&)

Tanaaf isaan gara bisaanii gad bu’ane; Filiphoos nama Itoophiya’aa san cuuphe. Isaan bisaan keessaa bayaneen duuba Ayyaanni Woyyichi dedhuma Filiphoos gara addee dhibi’ii butee fuudhee deeme; inni waan Yesuusii namootatti dubbataatuma deeme.

![](https://cdn.door43.org/obs/jpg/360px/obs-en-45-13.jpg?direct&)

Nami Itoophiya’aa sun Yesuus waan beekeef gammadaa gara biyya ifii deebi’ee deeme.

*Dabarsii Kitaaba Woyyichaa:- Hujii Ergantootaa 6: 8- 8:5, 8: 26-40*

## 46. Phawuloos Kiristaana Te’e

https://openbiblestories.org/l/gax/story-46/

![](https://cdn.door43.org/obs/jpg/360px/obs-en-46-01.jpg?direct&)

Saa’ol dargaggeessa woyaa worra Isxifaanos ijjeesee eege. Inni Yesuusitti hin dhugeeffanne; tanaaf dhugeeffattoota miidhe. Saa’ol dhiiraa fi dubartii qabee gara mana hidha’aa galchiisaaf Yerusaalem keessa mana tokko irraa gara mana kaanii deeme. Hayyichi guddaan dhugeeffattoota achi jiranu qabee, gara Yerusaalemii deebisee akka fiduuf gara qacha Damaasqo’oo akka dhaqu eeyyama isaaf kenna.

![](https://cdn.door43.org/obs/jpg/360px/obs-en-46-02.jpg?direct&)

Saa'ol gara qachaa Damaasqo'oo adoo deemuu, dedhuma ifi ol-gubbaa irraa adaala isaatitti balaqqise. Inni lafatti jigee qoonqoo, <<Saa'ol, Saa'ol maaf ana miita?>> jettu dhage'e. Saa'olille, <<Gootta'a, ati eennu?>> jedhee gaafate. Qoonqoolle, <<Ani Yesuusii ati miitu>> jette.

![](https://cdn.door43.org/obs/jpg/360px/obs-en-46-03.jpg?direct&)

Saa'ol addee jigee yennaa ka'e dhagguu dadhabe. Jaaloti isaa harka isaa qabanee, gara qachaa Damaasqo'oo isa geessane. Saa’ol haga guyyaa sadii womaa hin nyaanne yookiin hin unnelle’e.

![](https://cdn.door43.org/obs/jpg/360px/obs-en-46-04.jpg?direct&)

Qachaa Damaasqo’oo keessa barataan Yesuusii ka Anaaniyaas jedhamu tokko jiraayyu. Waaqi Anaaniyaasiin, <<Gara mana Saa’ol jiruu dhaqi. Akka inni deebi’ee dhaggu harka keeti isa irra keyi>> jedhe. Anaaniyaas ammoo, <<Goottaa kiyya, nami kun dhugeeffattoota attam akka miidhe ani dhage’eera>> jedhe. Waaqi, <<Dhaqi! Akka inni Yihudootaa fi worra Yihudoota hin te’iniifille, maqaa kiyya lassu ani isa filadheera. Inni maqaa kiyyaaf guddoo hin rakkata>> jedheen.

![](https://cdn.door43.org/obs/jpg/360px/obs-en-46-05.jpg?direct&)

Tanaaf Anaaniyaas gara Saa'olii dhaqe. Inni harka ifii Saa’ol irra keyee, <<Yennaa ati as dhufiisatti jirtu Yesuusiin si'itti mudhate, akka ati deebitee dhaggitee, Ayyaana Woyyichaan guutantuuf gara keeti na ergeera>> jedhe. Saa’ol yoosuma dhagguu dande’e; Anaaniyaasille isa cuuphe. Achiin duuba Saa’ol sagalee nyaatee jabaate.

![](https://cdn.door43.org/obs/jpg/360px/obs-en-46-06.jpg?direct&)

Saa’ol yennuma san, <<Yesuus ilma Waaqaa ti>> jedhaa Yihudoota Damaasiqoo keessa jiranuuf lallabiisa jalqabe. Yihudooti namichi dhugeeffattoota balleessiisaaf wodhaane amma deebi’ee dhugeeffatiisa isaa baaseffatane. Saa’ol Yesuus Masiihii akka te’e mirkaneessee Yihudoota dhugeeffachiise.

![](https://cdn.door43.org/obs/jpg/360px/obs-en-46-07.jpg?direct&)

Guyyaa heddu’uun duuba Yihudooti Saa’ol ijjeesiisaaf karoora baafatane. Akka isa ijjeesanuuf worra karra qacha’aatitti isa eegu ergane. Te’uu malee Phawuloos karoora isanii dhage’e. Jaaloti isaa akka inni miliqu isa qarqaarane. Isaan gaafa tokko halkaniin, Saa'ol xaxxoo keessa keyanee, foddaa dalleya dhaka'aatiin gad buusane. Saa’ol Damaasqoo keessaa miliqeen duuba waan Yesuusii lallabaatuma deeme.

![](https://cdn.door43.org/obs/jpg/360px/obs-en-46-08.jpg?direct&)

Saa’ol barattoota Yesuusiitiin wol-dhaggiisaaf gara Yerusaalemii dhaqe. Isaan ammoo isa sodaatane. Yennaa san dhugeeffataan, <<Barnaabaas>> jedhamu gara barattoota Yesuusii Saa’ol geessee, attam akka inni qachaa Damaasqo’ootitti sodaa malee lallabe isaanitti hime. Achiin duuba barattooti Yesuusii isa fudhatane.

![](https://cdn.door43.org/obs/jpg/360px/obs-en-46-09.jpg?direct&)

Miidhaa Yerusaalem keessa jirtu keessaa Dhugeeffattooti baqatane gariin, gara Anxokiya’aa fagaatanee deemanee waan Yesuusii lallabane. Worra Anxokiyaa keessa jiru keessaa nami hedduun Yihudootaa moti; te’uu malee yennaa jalqabaatiif isaan keessaa nami bacaan dhugeeffate. Barnaabaasii fi Saa’ol dhugeeffattoota haareya san waan Yesuusii itti dabalanee barsiisiisaa fi wolde’a kiristaanaa jajjabeessiisaaf achi dhaqane. Worri Yesuusitti dhugeeffate, yennaa jalqabaatiif, Anxokiya'atti, <<Kiristaanota>> jedhamane.

![](https://cdn.door43.org/obs/jpg/360px/obs-en-46-10.jpg?direct&)

Gaafa tokko dhugeeffattooti Anxokiyaa keessa jiranu laamaa daadimatiisatti jiranuun Ayyaanni Woyyichi, <<Worra ani isaan waame hujii akka hujanu Barnaabaasii fi Saa’ol adda anaaf baasa’a>> jedhe. Tanaaf, wolde’a kiristaanaa ka Anxokiya’aatitti, tajaajiltooti Barnaabaasii fi Saa’oliif daadimatane; harka ifiille isaanirra keyane. Achiin duuba addee dhibii heddu’utti oduu gammadaa ta waan Yesuusii dubbattu akka lallabanuuf ergane. Barnaabaasii fi Saa’ol kolbaa gosa biyya adda addaa barsiisane. Nami hedduulle Yesuusitti dhugeeffate.

*Dabarsii Kitaaba Woyyichaa:- Hujii Ergantootaa 8:3; 9:1-31; 11:19-26; 13:1-3.*

## 47. Phawuloosii fi Siilaas Filiphisiiyus Keessatti

https://openbiblestories.org/l/gax/story-47/

![](https://cdn.door43.org/obs/jpg/360px/obs-en-47-01.jpg?direct&)

Saa’ol mootummaa mootii moototaa ta Rooma’aa mara keessa yennaa deemu, maqaa ifii ka Rooma’aa <<Phawuloositti>> fayyadamuu jalqabe. Guyyaa tokko Phawuloosii fi jaalli isaa Siilaas oduu gammadaa ta waan Yesuusii dubbattu lallabiisaaf gara qacha Filiphisiiyusii dhaqane. Gara namooti daadimatiisaaf wolitti dacha’aneeranu qacha’aan ala, addee laga biraa dhaqane. Dubartii daldaltuu takka ta, <<Liidiyaa>> jedhantu achitti dhaggane. Isiin Waaqa jaalatti; isalle hin waaqonfatti.

![](https://cdn.door43.org/obs/jpg/360px/obs-en-47-02.jpg?direct&)

Ergaa waan Yesuusii dubbattu akka isiin dhugeeffattu Waaqi qalbii Liidiya’aa bane; Isi’ii fi maatiin isi’ii cuuphamane. Isiin akka Phawuloosii fi Siilaas mana isi’ii le’anu waante; tanaaf isaan isi’ii fi maatii isi’ii woliin le’ane.

![](https://cdn.door43.org/obs/jpg/360px/obs-en-47-03.jpg?direct&)

Phawuloosii fi Siilaas yennaa hedduu addee daadimanna’aatitti namootaan wol-dhagganiiyyu. Yennaa isaan guyyuma guyya’aan gara addee daadimmanna’aa dhaqanu, durrittiin garbittiin ayyaanni hamaan qabeeru takka isaan hordottiiyyu; isiin ayyaana hamaa saniin waan gara duraa namootaaf morti; tanaaf, isiin moru’uun goottolee ifiitiif beesee galchaa turte.

![](https://cdn.door43.org/obs/jpg/360px/obs-en-47-04.jpg?direct&)

Durrittiin garbittiin sun yennaa isaan deddeemanu isaan hordofaa, <<Namooti kun tajaajiltoota Waaqa Ol-ana'aa ti! Isaan karaa fayyinnaa isinitti himan>> jettee ittuma deddeebitee iyyite. Isiin waan kana itti deddeebitee jette. Isiin haga Phawuloos isii adabutti ittuma deeddeebitee akkasuma goote.

![](https://cdn.door43.org/obs/jpg/360px/obs-en-47-05.jpg?direct&)

Dhuma irratti gaafa tokko durrittiin garbittiin sun yennaa iyyiisa jalqadde Phawuloos gara isi’ii garagarlee, ayyaana hamaa isii keessa jiruun, <<Maqaa Yesuusiitiin isii keessaa bayi>> jedhe. Yennuma san ayyaanni hamaan sun isii lakkise.

![](https://cdn.door43.org/obs/jpg/360px/obs-en-47-06.jpg?direct&)

Goottoti garbittii durrittii sanii guddoo aarane. Durriittiin garbittiin sun ayyaana hamaa saniin malee, waan gara duraa namoota irra dhaqqabu dubbatiisa akka hin dandeenne beekane. Isiin waan gara duraa namoota irra dhaqqabu isaaniif himiisa waan hin dandeenneef, goottota isi’iitiif beesee hin kaffalanu jechu’u.

![](https://cdn.door43.org/obs/jpg/360px/obs-en-47-07.jpg?direct&)

Tanaaf goottoti garbittii durritti’ii sun Phawuloosii fi Siilaas qabanee gara qondaaltota Rooma’aa geessane. Isaanille dhaananee mana hidha’aatitti isaan galchane.

![](https://cdn.door43.org/obs/jpg/360px/obs-en-47-08.jpg?direct&)

Isaan Phawuloosii fi Siilaas kolloo mana hidha'aa ta keessaatitti isaan galachanee, miila isaanii jirmatti hidhane. Te’uu malee, isaan haga halkan wodhakka’aa faaruu galataa Waaqaaf faarsane.

![](https://cdn.door43.org/obs/jpg/360px/obs-en-47-09.jpg?direct&)

Dedhuma tacho’i lafaa guddaan te’e. Balbalti mana hidha’aa marti takkumaan banante. Wodaroon sibiilaalle namoota hidhamane mara irraa harcaate.

![](https://cdn.door43.org/obs/jpg/360px/obs-en-47-10.jpg?direct&)

Namichi mana hidha'aa eegu hirriibaa dammaqee, balbalti mana hidha'aa bananteertuun yennaa dhagge rifate. Inni worri hidhameeru isa duraa waan miliqeeru seyee, ifi ijjeesiisaaf yaade. (Wirri hidhameerru akka miliqanu yoo godhe qondaaltoti Rooma’aa akka isa ijjeesanu beeke) Phawuloos ammoo isa dhaggee qoonqoo guddo’oon, <<Lakkisi! Ifi hin miidhin; nuuti martinuu as jirra>> jedhe.

![](https://cdn.door43.org/obs/jpg/360px/obs-en-47-11.jpg?direct&)

Namichi mana hidha’aa eegu sun gara Phawuloosii fi Siilaasii rorrommaa dhufee, <<Ani fayyiisaaf maan godhuu qaba?>> jedhee gaafate.

Phawuloos, <<Goottaa Yesuusitti dhugeeffadhu; atii fi maatiin teetille hin fayyitan>> jedhee isaaf deebise. Achiin duuba namichi mana hidha’aa eegu sun Phawuloosii fi Siilaas gara mana ifii geessee madaa isaanii dhiqe. Phawuloos worra mana isaa keessa jirunu maraaf oduu gammdaa ta waan Yesuusii dubbattu isaaniif lallabe.

![](https://cdn.door43.org/obs/jpg/360px/obs-en-47-12.jpg?direct&)

Namichi mana hidha’aa eegu sunii fi maatiin isaa marti Yesuusitti dhugeeffatanee cuuphamane. Achiin duuba namichi mana hidha’aa eegu sun Phawuloosii fi Siilaasiif sagalee dhikeessee, isaan addee tokkotti gammadane.

![](https://cdn.door43.org/obs/jpg/360px/obs-en-47-13.jpg?direct&)

Boruyyaa ganama sooressitooti Philiphisiiyusii Phwuloosii fi Siilaas mana hidha’aatii hiikaanee, akka isaan Philiphisiiyus keessaa deemanu gaafatane. Phawuloosii fi Siilaas Liidiya’aa fi jaalota dhibii dhaqanee ilaalanee, qachaa san lakkisanee deemane. Oduun gammadaa ta waan Yesuusii dubbattu babadhataatuma ideentee, wolde’i kiristaanaalle guddataatuma ideeme.

![](https://cdn.door43.org/obs/jpg/360px/obs-en-47-14.jpg?direct&)

Phawuloosii fi sooressitooti kiristaanaa dhibiin oduu gammadaa ta waan Yesuusii dubbattu lallabbaa barsiisaa gara qachoota heddu’uu deemane. Akkasuma isaan dhugeeffatoota Wolde’a kiristaanaa keessa jiranu jajjabeessiisaa fi barsiisiisaaf, ergaa hedduu isaaniif barreessane. Ergaa hedduu isaan barreessane tana keessaa tokko tokko kitaabota amma Kitaaba Woyyicha keessa jiranu te’ane.

*Dabarsii Kitaaba Woyyichaa:- Hujii Ergantootaa 16:11-40.*

## 48. Yesuus Masiihii Addiin Kenname

https://openbiblestories.org/l/gax/story-48/

![](https://cdn.door43.org/obs/jpg/360px/obs-en-48-01.jpg?direct&)

Waaqi biyya lafaa tana yennaa dade wonni marti dhidhuu hin qaddu. Cubbuun hin jirtuuyyu. Addaamii fi Heewwan wol jaalatan. Isaan Waaqalle hin jaalataniiyyu. Dhukkubi yookiin duuti hin jirtuuyyu. Waaqi biyyi lafaa akkas akka teetu barbaade.

![](https://cdn.door43.org/obs/jpg/360px/obs-en-48-02.jpg?direct&)

Seexanni addee gammadaa keessatti Heewwan dokonkorsiisaaf, karaa bofaatiin dubbate. Achiin duuba Heewwanii fi Addaam Waaqa irratti cubbuu hujane. Isaan cubbuu waan hujaneef, nami lafa irra jiru marti hin dhibama, hin du’alle’e.

![](https://cdn.door43.org/obs/jpg/360px/obs-en-48-03.jpg?direct&)

Addaamii fi Heewwan cubbuu waan hujaneef, wonni badduun san caaltulle teete. Isaan diinota Waaqaa te’ane. Tanaaf nami marti cubbu’uun dhalateera. Ammalle diina Waaqaa te’eera. Tokkummaan Waaqaa fi nama wodhakka’aa sababa cubbu’uutiif wol irraa citte. Waaqi ammoo tokkummaa san deebisiisaaf karoora qabaayyu.

![](https://cdn.door43.org/obs/jpg/360px/obs-en-48-04.jpg?direct&)

Sanyii Heewwanii keessaa tokkochi akka mataa seexanaa butuchu, seexannille jimuu isaa akka iddu Waaqi addii kenne. Seexanni kun Masiihii hin ijjeesa. Waaqi ammoo deebisee isa hin kaasa. Achiin duuba Masiihiin hunna seexanaa haga bara baraa hin butucha. Woggaa heddu’uun duuba Waaqi Masiihiin akka Yesuus te’e mudhise.

![](https://cdn.door43.org/obs/jpg/360px/obs-en-48-05.jpg?direct&)

Waaqi lafa duudii bisaan badi’iitiin yennaa balleesse, namoota isatti dhugeeffatanu fayyisiisaaf hoboloo guddittii dhikeesse. Akkasuma nami marti sababa cubbu’uutiif du’uu qabaayyu; te’uu malee Waaqi worra isatti dhugeeffatu mara fayyisiisaaf Yesuus kenne.

![](https://cdn.door43.org/obs/jpg/360px/obs-en-48-06.jpg?direct&)

Woggoota dhibba heddu’uuf hayyooti araara cubbuu kolba’aatiif adoo gargar hin kutin ciincaa Waaqaaf dhikeessane. Te’uu malee, ciincaan sun cubbuu kolba’aa balleessuu hin dandeenne. Yesuus hayyicha hayyootaa gudda’a. Inni hayyoota dhibii irraa karaa adda te’een, ciincaa cubbuu kolbaa biyya lafaa irra jirtuu mara balleessuu dandeettu ifi qofa tolchee mataa ifii dhikeesse. Yesuus cubbuu eennulle huje, adabbii cubbuu nama tokko tokkootuu waan fudhateef, hayyicha guddaa dhidhinna hin qanne.

![](https://cdn.door43.org/obs/jpg/360px/obs-en-48-07.jpg?direct&)

Waaqi Abrahaamiin, <<Gosi biyya adda addaa marti si’iin eebbifanti>> jedhe. Yesuus sanyii Abrahaamii keessaa dhalate. Karaa isaatiin gosi biyya adda addaa marti eebbifanteerti; sababille nami Yesuusitti dhugeeffatu marti tokko tokkoon isaatuu cubbuu irraa fayyeera; akkasuma dhaloota Abrahaamii ayyaaniticha hin te’an.

![](https://cdn.door43.org/obs/jpg/360px/obs-en-48-08.jpg?direct&)

Waaqi akka Abrahaam ilma ifii Yisihaaq ciincaa godhee dhikeessu yennaa itti hime, addee Yisihaaqii ilma Abrahaamii Waaqi hoolee ciinca’aa dhikeesse. Nuuti marti cubbuu teennaan du’uu qannaayyu; Waaqi ammoo addee teenna ciincaa te’ee akka du’uuf, hoolee Waaqaa ka te’e Yesuus kenne.

![](https://cdn.door43.org/obs/jpg/360px/obs-en-48-09.jpg?direct&)

Waaqi balaa muumme’ee biyya Gibxi’ii irratti yennaa buuse buruusoo fafa hin qanne akka qalanuu fi dhiiga san mikikkila balbalaa ka cinaa lamaaniitii fi mikikkila balbalaa ka gubba'aatitti akka dibanu maatii Israa’elootaatitti dubbate. Waaqi yennaa dhiiga san dhagge manoota irra dabaree deeme; ilmaan angafoota isaaniille hin ijjeenne. Dabarsiin hujante tun Jila Irra Dabaramaa jedhanteerti.

![](https://cdn.door43.org/obs/jpg/360px/obs-en-48-10.jpg?direct&)

Yesuus hoolicha Jila Irra Dabaramaa keenna. Inni dhidhinna hin qabu; cubbuulle hin qabu. Inni yennaa Jila Irra dabaramaa Ijjeefame. Nami kamiiyyuu yennaa Yesuusitti dhugeeffatu, dhiigi Yesuusii kaffaltii cubbuu nama sanii ti. Addabbiin Waaqaalle nama san irra hin dabarti.

![](https://cdn.door43.org/obs/jpg/360px/obs-en-48-11.jpg?direct&)

Waaqi kolbaa ifii ta filatante Israa’eloota woliin gondooroo gondoore. Te’uu malee amma Waaqi gondooroo haareya ta nama maraaf teetu gondooreera. Sababa gondooroo haareyaa tanaan, nami gosa tamiituu Yesuusitti dhugeeffatiisaan golii gosa Waaqaa te’iisa hin dande’a.

![](https://cdn.door43.org/obs/jpg/360px/obs-en-48-12.jpg?direct&)

Muuseen raagicha guddaa jecha Waaqaa lallabe. Yesuus ammoo raagicha raagota mara caalu. Inni Waaqa. Tanaaf, wonni inni godhee fi wonni inni dubbate marati hujii Waaqaatii fi jecha Waaqaa ti. Tanaaf, Yesuus, <<Jecha Waaqaa>> jedhamee waamama.

![](https://cdn.door43.org/obs/jpg/360px/obs-en-48-13.jpg?direct&)

Sanyii isaa keessaa tokkochi, kolbaa Waaqaa irratti mootii te’ee haga bara baraa akka bulchu Waaqi mooticha Daawitiif waadaa gale. Yesuus Masiihii ilma Waaqaa waan te’eef, inni haga bara baraa ka bulchuu dande’u sanyii Daawitii keessaa ka adda te’e san.

![](https://cdn.door43.org/obs/jpg/360px/obs-en-48-14.jpg?direct&)

Daawiti mootii Israa’elii ti; Yesuus ammoo mootii dada biyya lafaa maraa ti. Inni deebi’ee dhufee haqaa fi nageyaan mootummaa ifii haga bara baraa hin bulcha.

*Dabarsii Kitaaba Woyyichaa:- Kitaaba Dadaa1-3;6;14;22; Kitaaba Seera Bayiisaa 12, 20; 2Samu’el 7; broota 3:1-6; 4:14-5:10; 7:1-8:13; 9:11- 10:18; Mudhii Yohaannisii 21.*

## 49. Gondooroo Waaqaa Haareya

https://openbiblestories.org/l/gax/story-49/

![](https://cdn.door43.org/obs/jpg/360px/obs-en-49-01.jpg?direct&)

Ergamaan Waaqaa tokko durri duudduun Maariyaam jedhantu takka akka isiin ilma Waaqaa deettu itti hime. Tanaaf isiin durrumma’aan adoo jirtuu ilma deettee, maqaa isaa, <<Yesuus>> jette. Tanaaf Yesuus Waaqa; namalle’e.

![](https://cdn.door43.org/obs/jpg/360px/obs-en-49-02.jpg?direct&)

Yesuus akka Waaqa te’e mirkaneessisaaf bilibaasota hedduu godhe. Bisaanirra ideeme; danbalii cadhi godhe; worra dhibamane hedduu fayyise; durriisota baase; worra du’e kaase; akkasuma xaltaa shanii fi qurxummii didiqqoo lama namoota kuma shan caalanuuf akka areeriisa geettu godhe.

![](https://cdn.door43.org/obs/jpg/360px/obs-en-49-03.jpg?direct&)

Ammalle Yesuus barsiisaa gudda’a; inni ilma Waaqaa waan te’eef baalli’iin dubbate. Inni, <<Akkuma ifi jaalattanu nama dhibiille jaaladha’a>> jedhee barsiise.

![](https://cdn.door43.org/obs/jpg/360px/obs-en-49-04.jpg?direct&)

Ammalle inni, <<Karra teessanii fi waan dhibiille akuma jaalattanu Waaqa jaalatuu qaddan>> jedhee barsiise.

![](https://cdn.door43.org/obs/jpg/360px/obs-en-49-05.jpg?direct&)

Yesuus, <<Mootummaan Waaqaa waan biyya lafaa irra jiru mara caalaa ulfinna qaddi. Nama kamiifuu wonni guddoo barbaachisaa te’e, golii mootummaa Waaqaa te’iisa. Gara Mootummaa Waaqaa galiisaaf cubbuu teessan irraa fayyuu qaddan>> jedhe.

![](https://cdn.door43.org/obs/jpg/360px/obs-en-49-06.jpg?direct&)

Yesuus nami tokko tokko isa fudhatee akka fayyu, gariin ammoo akka isa fudhatu’uuf hin jirre barsiise. Nami gariin akka lafa dansa’aa ti jedhe. Isaan oduu gammadaa ta Yesuusii fudhatanee hin fayyan. Namooti dhibiin ka jechi Waaqaa akka lafa dhakittii karaa qarqara jirtuu ta sanyiin gad hin seenne, ta midhaan tokkolle baasuu hin dandeennee ti. Namooti sun ergaa marroo Yesuusii ta dubbatantu worra hin fudhanne ka mootummaa Waaqaatitti hin galle.

![](https://cdn.door43.org/obs/jpg/360px/obs-en-49-07.jpg?direct&)

Yesuus akka Waaqi cubbaaleyyii guddoo jaalatu barsiise. Inni isaaniif araaramee ijoollee ifii isaan godhatiisaaf barbaada.

![](https://cdn.door43.org/obs/jpg/360px/obs-en-49-08.jpg?direct&)

Ammalle Yesuus akka Waaqi cubbuu jibbu nutti himeera . Addaamii fi Heewwan yennaa cubbuu hujane, cubbuun sanyii isaanii mara miite. Sababa kanaaf nami biyya lafaa irra jiru marti cubbuu huja; Waaqa irralle’e adda baya. Tanaaf nami marti diina Waaqaa te’eera.

![](https://cdn.door43.org/obs/jpg/360px/obs-en-49-09.jpg?direct&)

Te’uu malee nami isatti dhugeeffatu marti jiruu bara baraa akka qabaatu malee akka hin banneef, Waaqi akkasumaan biyya lafaa waan jaalateef, Ilma ifii tokkochuma san kenne.

![](https://cdn.door43.org/obs/jpg/360px/obs-en-49-10.jpg?direct&)

Sababa cubbuu teessaniitiif yakkaameyyii waan teetaneef du’iisaaf maltane. Waaqa isinitti mufatuu qabaayyu; addee teessan ammoo mufii ifii Yesuus irratti dhangalaase. Yesuus fannoo irratti yennaa du’e adabbii teessan fudhate.

![](https://cdn.door43.org/obs/jpg/360px/obs-en-49-11.jpg?direct&)

Yesuus ijjumaa cubbuu hin hunye; te’uu malee cubbuu teessanii fi cubbuu nama biyya lafaa irra jiru tokko tokkootuu balleessiisaaf, adabamiisaa fi ciincaa dhidhinna hin qanne te’ee du’iisa filate. Yesuus waan ciincaa godhee ifi dhikeesseef, Waaqi cubbuu tamiiyyuu, cubbuu hantuu attamiille yoo teete araaramuu hin dande’a.

![](https://cdn.door43.org/obs/jpg/360px/obs-en-49-12.jpg?direct&)

Hujiin teessan dansaan isin fayyisuu hin dandeettu. Waaqa woliin tokkummaa qabaatiisaaf, wonni isin godhiisa dandeettanu tokkolle hin jirtu. Yesuus qofatti cubbuu teessan dhiqiisa dande’a. Yesuus ilma Waaqaa akka te’e, addee teessan fannoo irratti akka inni du’e, Waaqille du’aa akka isa kaase qofa dhugeeffatuu qaddan.

![](https://cdn.door43.org/obs/jpg/360px/obs-en-49-13.jpg?direct&)

Waaqi nama Yesuusitti dhugeeffatu, Goottaa ifii godhatee ka isa fudhatu mara hin fayyisa. Dureeyyii te’ane moo yookiin hiyyeeyyii, dhiira yookiin dubartii, jaarsa yookiin dargaggeessaa fi dargaggeettii yookiin eessalle yoo leetane womaa moti. Waaqi isin woliin, wolitti dhufeenna dhiko’oo akka qabaatuu dande’u isin jaalata; akka isin Yesuusitti dhugeeffattanulle barbaada.

![](https://cdn.door43.org/obs/jpg/360px/obs-en-49-14.jpg?direct&)

Yesuus akka isin dhugeeffatanuu fi cuuphantanu isin waama. Yesuus Masiihii ilma tokkocha Waaqaa akka te’e hin dhugeeffatanii? Cubbaaleeyyii akka teetanee fi adoo Waaqi isin adabee, adabbiin ta isinii malte akka teete hin dhugeeffatanii? Yesuus cubbuu teessan balleessiisaaf fannoo irratti akka du’e hin dhugeeffatanii?

![](https://cdn.door43.org/obs/jpg/360px/obs-en-49-15.jpg?direct&)

Yesuusii fi hujii inni isiniif hujetti yoo dhugeeffatane, isin kiristaanota. Waaqi seexanaa fi mootummaa dukkanaa keessaa isin baasee, mootummaa Waaqaa ta ifaa keessa isin dhaabeera. Waaqi karaa isin ittiin woy hujjanu dullacha cubbaalessa san balleessee, karaa haareya balchicha huji’ii isinii kenneera.

![](https://cdn.door43.org/obs/jpg/360px/obs-en-49-16.jpg?direct&)

Isin kiristaana; sababa hujii Yesuus hujeetiif, Waaqi cubbuu teessan isinii araarameera. Amma Waaqi akka diinota ifiititti adoo hin te’in, akka jaalota ifiititti isin laakkowa.

![](https://cdn.door43.org/obs/jpg/360px/obs-en-49-17.jpg?direct&)

Isin jaalota Waaqaatii fi tajaajiltoota Yesuusii yoo teetane, waan Yeuus isin barsiisuuf hin ajajantan. Kiristaanota teetanulle, ammalle cubbuu akka hujjanuuf hin ataabantan. Waaqi ammoo ka addatame waan te’eef, <<Cubbuu teessan yoo araara galtane, ani isiniif hin araarama>> jedha. Inni jabeenna isin cubbuu ittiin mormitanu isinii hin kenna.

![](https://cdn.door43.org/obs/jpg/360px/obs-en-49-18.jpg?direct&)

Waaqi akka isin daadimattanu, jecha isaa akka qu’attanu, kiristaanota dhibii woliin akka waaqonfattanu, waan inni isiniif godhe worra dhibi’itti akka isin odeessitanu isin gaafata. Wonni kun marti akka isin isa woliin tokkummaa guddoo qabaattanu isin qarqaarti.

*Dabarsii Kitaaba Woyyichaa Gara Worra Rooma’aa 3:21-26; 5:1-11;Yohaannis 3:16; Maarqoos 16:16; Qolosaayiis 1:13-14; 2Qorontoos 5:17-21; 1Yohaannis 1:5-10*

## 50. Yesuus Hin deebi’a

https://openbiblestories.org/l/gax/story-50/

![](https://cdn.door43.org/obs/jpg/360px/obs-en-50-01.jpg?direct&)

Woggaa kuma lama kolbaan biyya lafaa irra jirtu hedduun oduu gammadaa ta marroo Yesuusii Masiihii dubbattu oduu gammadaa dhage’aa turteerti. Wolde’i kiristaanaalle guddataa tureera. Yesuus muummee biyya lafaa irratti akka deebi’u addii kenneera. Inni amma deebi’uu dhabulle addii kenne san hin eega.

![](https://cdn.door43.org/obs/jpg/360px/obs-en-50-02.jpg?direct&)

Dhufa Yesuusii adoo eegatiisatti jiruu, Waaqi akka nuuti karaa woyyicha te’e, ka ulfinna isaaf kennu gula ideennu barbaada. Ammalle akka nuuti marroo mootummaa isaa worra dhibi’itti odeessinu barbaada. Yesuus yennaa biyya lafaa irra le’e san, <<Barattooti tiyya oduu gammadaa ta marroo mootummaa Waaqaa dubbattu namoota biyya lafaa irra addee mara jiranuuf hin lallaban. Yennaa san muummeen hin dhutti >> jedhe.

![](https://cdn.door43.org/obs/jpg/360px/obs-en-50-03.jpg?direct&)

Kolbaan gosa biyya adda addaa hedduun ammaan tanalle marroo Yesuusii dhageettee hin jirtu. Yesuus gara ol-gubba’aa adoo hin deebi’iniin dura, oduu gammadaa tana worra hin dhage’iniif akka lallabanu kiristaanotatti hime. Inni, <<Deema’a, kolbaa gosa biyya addaa mara barattoota tiyya godha’a! Haammaan geetteerti!>> jedhe.

![](https://cdn.door43.org/obs/jpg/360px/obs-en-50-04.jpg?direct&)

Yesuus ede’ee, <<Tajaajilaan goottaa ifii hin caalu. Qondaaltoti biyya lafaa tanaa akkuma ana jibbane, sababa kiyyaaf farrisiisanee isin hin ijjeesan. Isin biyya lafaa tana irratti yoo rakkatanelle, ani bulchaa biyya lafaa tana seexana waan injifadheef jabaadha’a. Isin anatti dhugeeffattanee haga dhumaa yoo jabaattane, Waaqi yennaa san isin hin fayyisa>> jedhe.

![](https://cdn.door43.org/obs/jpg/360px/obs-en-50-05.jpg?direct&)

Yesuus yennaa muummeen biyya lafaa geettu, rakkinna namootatti dhufu ifa godhee himiisaaf barattoota ifiititti mammaassa tokko mammaake. Inni, <<Nami tokko fichaa ifiititti sanyii dansaa facaase. Yennaa nami marti rafe ammoo, diinni dhufee odduu qamadi'iititti jigidaa facaasee deeme.

![](https://cdn.door43.org/obs/jpg/360px/obs-en-50-06.jpg?direct&)

<<Qamadiin facaafante yennaa latte, tajaajiltooti abbaa ficha'aa, <Gootta'a, fichaa keeti keessatti sanyii dansaa hin facaannee? Jigidaan kun eessaa dhufe ree?> jedhaneen. Inni deebisee, <Kana ka godhe diina> isaaniin jedhe.

![](https://cdn.door43.org/obs/jpg/360px/obs-en-50-07.jpg?direct&)

Tajaajiltooti goottaa ifiitiin, <Nuuti dhandhee bubuqqinnuu ree?> jedhaneen. Inni ammoo deebisee, <Waawwo'o; jigidaa buqqisiisa irratti qamadii woliin buqqittan. Haga yennaa haamma'aa eega’a; achiin duuba jigidaa wolitti qaba’aatii guba’a. Qamadii ammoo gootaraa kiyyatti galcha'a> jedheen>> jedhe.

![](https://cdn.door43.org/obs/jpg/360px/obs-en-50-08.jpg?direct&)

Hiikkaan mammaassa kanaa barattootaaf hin galle. Tanaaf akka Yesuus isaaniif hiiku gaafatane. Yesuus deebisee, <<Nami sanyii dansaa facaase Masiihii; fichaan biyya lafaa ti; sanyiin dansaan ijoollee mootummaa Waaqaa ti.

![](https://cdn.door43.org/obs/jpg/360px/obs-en-50-09.jpg?direct&)

<<Jigidaan ijoollee hamaalessaa ti; diinichi jigidaa facaase Seexana; haammaan muummee biyya lafaa ti; worri haamu ergantoota Waaqaa ti.

![](https://cdn.door43.org/obs/jpg/360px/obs-en-50-10.jpg?direct&)

<<Guyyaa muummee biyya lafaa ergantooti Waaqaa worra sanyii hamaalessaa te’e mara wolitti qabanee, qilee ibiddaa keessa isaan hin gatan. Achitti booyaa farriisaan ilkaan ifii hin qaran. Yennaa san balchooleen mootummaa Abbaa ifii keessatti akka adu’uu hin ifan>> jedhe.

![](https://cdn.door43.org/obs/jpg/360px/obs-en-50-11.jpg?direct&)

Ammalle Yesuus muummee biyya lafaatiin dura gara biyya lafaa akka deebi’u dubbate. Akkuma dur itti deeme haala fakkaattuun deebi’ee hin dhufa; kunille nafa namumma’aa hin qabaata; duumensa ol-gubba’aatille’een hin dhufa. Yennaa Yesuus deebi’u kiristaan du’eeru tokko tokkoon isaatuu du’aa ka’ee ol-gubba’atti isa woliin wol hin dhagga.

![](https://cdn.door43.org/obs/jpg/360px/obs-en-50-12.jpg?direct&)

Yennaa san kiristaanoti jiru’uun jiranu gara ol-gubba’aa butamanee, kiristaanota du’aa ka’ane woliin wol keessa hin makaman. Achitti isaan martinuu Yesuus woliin hin jiraatan. Achiin duuba Yesuus kolbaa ifii woliin nageya guutu’uu fi tokkomma’aan haga bara baraa hin le’a.

![](https://cdn.door43.org/obs/jpg/360px/obs-en-50-13.jpg?direct&)

Yesuus worra isatti dhugeeffatu maraaf kallacha kenniisaaf waadaa galeera. Isaan nageya mijuu te’een Waaqa woliin haga bara baraa hin le’an; hin mootomanille’e.

![](https://cdn.door43.org/obs/jpg/360px/obs-en-50-14.jpg?direct&)

Ammoo Waaqi worra Yesuusitti hin dhugeeffanne mara itti hin mura. Inni addee isaan haga bara baraa booyaa farriisaan ilkaan qaranu gara qile’ee isaan hin gata. Inni ibidda hin dhaanneen yennaa mara isaan hin guba. Corroxxille isaan nyaatiisa ijjumaa hin lakkittu.

![](https://cdn.door43.org/obs/jpg/360px/obs-en-50-15.jpg?direct&)

Yesuus yennaa deebi’ee dhufu seexanaa fi mootummaa seexanaa guutumaa guutu’utti ijjumaa hin balleessa. Seexanaa fi worra Waaqaaf ajajamiisa didatee, seexana hordofiisa filate mara woliin addee haga bara baraa itti gubatanu gara qile’ee hin gata.

![](https://cdn.door43.org/obs/jpg/360px/obs-en-50-16.jpg?direct&)

Addaamii fi Heewwan Waaqaaf ajajamiisa didanee, gara biyya lafaa tana cubbuu waan fidaneef, Waaqi biyya lafaa abaaree balleessiisaaf murteesse. Te’uu malee Waaqi gaafa tokko ol-gubbaa haareyaa fi lafa haareya dhidhinna hin qabaanne hin dada.

![](https://cdn.door43.org/obs/jpg/360px/obs-en-50-17.jpg?direct&)

Yesuusii fi kolbaan isaa lafa haareya san irra hin le’an. Waan jiru mara irratti hin mootoman. Inni imimmaan mara hin haqa; achiin duuba farri, gaddi, booyiis, hammeenni, dhibeen yookiin duuti hin jiraattu.Yesuus mootummaa ifii nageyaa fi haqaan hin bulcha; haga bara baraa kolbaa ifii woliin hin jiraata.

*Dabarsii Kitaaba Woyyichaa:- Mat 24:14; 28:18; Yoh 15:20; 16:33; Mudhii Yoh 2:10; Mat 13:24-30; 36-42; 1Tasloonqee 4:13- 5:11; Yaqoob 1:12; Mat 22:13; Mudhii Yoh 20:10; 21:1-22.*