# unfoldingWord Open Bible Stories — Gaddi

- Language code: `gbk`
- Canonical page: https://openbiblestories.org/l/gbk/
- Stories in this file: 49 of 50
- Published by: translationCore-Create-BCS, OBS-TLF
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Gaddi translation; it is not a translation of the whole Bible.

## 1. रचना

https://openbiblestories.org/l/gbk/story-1/

![](https://cdn.door43.org/obs/jpg/360px/obs-en-01-01.jpg)

एस साहब्बै शुरू मंज प्रमात्मै सबी चिजा री रचना करी | तिनी छिं धैड़ै मंज संसारा री अतै जे कुछ तैत मंज हा तिन्या सबी री रचना करी | प्रमात्मै दुआरा पृथ्वी री रचना रै बाद सो नैरी अतै खाली थी, क्योकि अल्ली तिकर प्रमात्मै तैत मंज कस्सी भी चिजा जो ना बणाउ थू | पर प्रमात्मै रा आत्मा पाणी रै उपर मंडरन्दा थू |

![](https://cdn.door43.org/obs/jpg/360px/obs-en-01-02.jpg)

फिरी प्रमात्मै बल्लू, "प्रगड़ा भो!” अतै प्रगड़ा भूची गो | प्रमात्मै हेरू कि प्रगड़ा खरा हा अतै तैतियो "धैड़ा" बल्लू | अतै तिनी तैतियो अंधकार थऊँ लाग करू जैतियो तिनी "रात" बल्लू | प्रमात्मै रचना करनै रै पैहलै धैड़ै मंज प्रगड़ै री रचना करी |

![](https://cdn.door43.org/obs/jpg/360px/obs-en-01-03.jpg)

रचना करनै रै दूयै धैड़ै प्रमात्मै बल्लू,"पाणी रै उपर अक्क अंतर भोआ |” अतै अक्क अंतर भूची गो | प्रमात्मै तैस अंतर जो "अम्बर" बल्लू |

![](https://cdn.door43.org/obs/jpg/360px/obs-en-01-04.jpg)

त्रियै धैड़ै मंज प्रमात्मै बल्लू, “ पाणी अक्की जगहा पुर किठ्ठी गच्छा अतै जमींन हुजी पेया |” तिनी हुक्की जमींना जो "पृथ्वी" बल्लू अतै पाणी जो "समुंदर" बल्लू | प्रमात्मै हेरू कि जेड़ा तिनी बणाऊ थू सो बदिया थू |

![](https://cdn.door43.org/obs/jpg/360px/obs-en-01-05.jpg)

फिरी प्रमात्मै बल्लू,”पृथ्वी सबी प्रकार रै रुख अतै बूट उगा |” अतै इन्ना ही भुआ | प्रमात्मै हेरू कि जेड़ा तिनी बणाऊ थू सो बदिया थू |

![](https://cdn.door43.org/obs/jpg/360px/obs-en-01-06.jpg)

रचना करनै रै चोथै धैड़ै मंज प्रमात्मै बल्लू, “अम्बरा मंज लोई भुन |” अतै सूरज, चंन्द्रमा अतै तारागण प्रकट भूयै | प्रमात्मै तिन्यायो पृथ्वी पुर लो दिणैं तांई अतै धैड़ा अतै रात, मोंसमा अतै साला मंज भेद करनै तांई बणाऊ |

![](https://cdn.door43.org/obs/jpg/360px/obs-en-01-07.jpg)

पंजमै धैड़ै प्रमात्मै बल्लू, “जिन्दै प्राणी पाणी जो भरी दीन अतै अम्बरा मंज पखेरू उड़न |” एस साह्ब्बै सितै तिनी पाणी मंज तैरनै वालै सबी जन्तु जो बणाऊ | प्रमात्मै हेरू कि एह बदिया थू अतै तिन्यायो आशीष दिती |

![](https://cdn.door43.org/obs/jpg/360px/obs-en-01-08.jpg)

रचना रै छेमै धैड़ै मंज प्रमात्मै बल्लू, “जमीं पुर रैहणैं वाळै सबी किस्मा रै जानवर भुन | अतै प्रमात्मै रै बलनै अनुसार एसा भूची गो | कुछ जानवर पालतू थीयै, कुछ जमींना पुर रेंगणैं वाळै, अतै कुछ जंगली जानवर थीयै | अतै प्रमात्मै हेरू कि बदिया थू |

![](https://cdn.door43.org/obs/jpg/360px/obs-en-01-09.jpg)

फिरी प्रमात्मै बल्लू, “ अइया अहै मणु जो अपणैं स्वरूप मंज अतै अपणी समानता मंज बणान |सो पृथ्वी पुर अतै सबी जानवरा पुर प्रभुता करलै |”

![](https://cdn.door43.org/obs/jpg/360px/obs-en-01-10.jpg)

अत: प्रमात्मै चिक लेइ करी तैत थऊँ मणु जो बणाऊ अतै तैस मंज जीवन रा हा जो फूंकी दित्ता | एस मणु रा नां आदम थू | प्रमात्मै आदम रै रैहणै तांई आक्क मोट्टै बगीचै जो बणाऊ अतै त्सेरी देखभाळ करनै तांई आदम जो तैठी रखी दित्ता |

![](https://cdn.door43.org/obs/jpg/360px/obs-en-01-11.jpg)

तैस बगीचै रै बीचा मंज प्रमात्मै दोई खास रुख लायै - जीवन रा रुख अतै भलै अतै बुरै रै ज्ञान रा रुख | प्रमात्मै आदम सीतै बल्लू कि सो तैस बगीचे रै जीवना रै रुख अतै भलै अतै बुरै रै ज्ञान रै रुखा जो छड्डी करी होर कसी भी रुखा रै फला जो खाई सकदा हा |अगर तिनी तैस रुखा रा फल खाऊ ता सो मरी गाणा |

![](https://cdn.door43.org/obs/jpg/360px/obs-en-01-12.jpg)

फिरी बल्लू,“मड़दा तांई केल्ला रैहणा खरा निया |” पर कोई भी जानवर आदम रा साथी ना भूची सका |

![](https://cdn.door43.org/obs/jpg/360px/obs-en-01-13.jpg)

ठेरैतांई प्रमात्मै आदम जो गैहरी निंद्रा मंज पाई दित्ता | फिरी प्रमात्मै आदम री अक्क पसली लेइकरी तैत थऊँ अक्क जनानी री रचना करी अतै तैसाओ आदम बलै लेइ आ |

![](https://cdn.door43.org/obs/jpg/360px/obs-en-01-14.jpg)

जैहणैं आदमै तैहा जो हेरू ता तिनी बल्लू, “कम थऊँ कम एह मिंजो जिन्नी हा! एहा 'जनानी' कहलाणा, क्योकि एह मड़दा थऊँ बणाइ गेइ हा |” एस कारण मड़द अपणै माँ-बूड़ै जो छड्डी दिंदा हा अतै अपणी लाड़ी सोगी अक्क भूची गन्दा |

![](https://cdn.door43.org/obs/jpg/360px/obs-en-01-15.jpg)

प्रमात्मै मड़द अतै जनानी जो अपणैं स्वरूप मंज बणाऊ | तिनी तिन्याओ आशीष दित्ती अतै तिन्या सितै बल्लू' “मति सारी संताना अतै पोत्रू- पड़पोत्रू पैदा करा अतै पृथ्वी जो भरी देया!” अतै प्रमात्मै हेरू कि जेड़ा कुछ भी तिनी बणाऊ थू सो बड़ा बदिया थू, अतै सो तिन्या सबी थँऊ बड़ा खुश थू | एह सब कुछ रचना करनै रै छिठ्ठै धैड़ै भुआ थू |

![](https://cdn.door43.org/obs/jpg/360px/obs-en-01-16.jpg)

जैहणैं सतमा धैड़ा आ ता जै कुछ प्रमात्मा करू करदा थू तिनी तैस पुरै कम्मा जो खत्म करू | तिनी सतमै धैड़ै जो आशीष दिती अतै तेसीयो पवित्र ठहराऊ, क्योकि तैस धैड़ै तिनी सबी चीजा री रचना करनै जो खत्म करू थू |एस साहब्बा सीतै प्रमात्मै संसार री तरफ जो कुछ तैत मंज हा तिन्या सबी री रचना करी |

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_01_128kbps.mp3

## 2. पाप संसार मंज इन्दा हा

https://openbiblestories.org/l/gbk/story-2/

![](https://cdn.door43.org/obs/jpg/360px/obs-en-02-01.jpg)

आदम अतै तसेरी लाड़ी प्रमात्मै दोआरा त्यांरै तांई बणायै गै सुंदर बगीचै मंज रैहदैं बड़ै खुश थीयै | तिन्या मंज थऊँ कोई भी ओढणा ना लंदा थू, फिरी भी एहै गल्लै तिन्या मंज थऊँ कसी जो शर्मिन्दा ना करूरा थू, क्योकि संसार मंज पाप ना थू | सो अक्सर तैस बगीचै मंज घूमदैं रैहदैं थीयै अतै प्रमात्मै सीतै गल्ला करन्दै थीयै |

![](https://cdn.door43.org/obs/jpg/360px/obs-en-02-02.jpg)

लेकिन तैस बगीचै मंज आक्क कीड़ा थू | सो बड़ा ही धूर्त थू | तिनी तैसा जनानी थऊँ पुछु, “ के सचमुच प्रमात्मै तुसू सितै एस बगीचै रै कसी भी रुखा रै फळा जो खाणै थऊँ ना करुरी हा?”

![](https://cdn.door43.org/obs/jpg/360px/obs-en-02-03.jpg)

तैहै जनानीयै जबाब दित्ता, प्रमात्मै असू सितै बलुरा हा कि अहै तैस अतै बुरै रै ज्ञाना रै रुखा रै अलावा कसी भी रुखा रा फळा जो खाई सकदैं हिन् | प्रमात्मै असू सितै बल्लू हा कि अगर तूहै तै फळा जो खऊ या तैस जो छु भी, ता तुसू मरी गाणा |”

![](https://cdn.door43.org/obs/jpg/360px/obs-en-02-04.jpg)

तिनी कीड़ै जनानी जोजवाब दित्ता, “एह सच निया! तुसू न मरना | प्रमात्मा जाणदा हा कि जिंया ही तुहै तैस फळा जो खल्लै, तुहै प्रमात्मै रै समान भूची गाणा अतै तसेरै समान भलै अतै बुरै जो समझणा लगणा |”

![](https://cdn.door43.org/obs/jpg/360px/obs-en-02-05.jpg)

तैहै जनानीयै हेरू कि सो फळ खाणैं मंज मना जो भाणै बाळा थू अतै सुआद हुजदा थू |सो भी समझदार बणना चाहन्दी थी, ठेरैतांई तैहै फळा जो त्रोड़ी करी खाई लेऊ |फिरी तैहै अपणै लाड़ै जो जेड़ा तैहा सोगी थू सो फळ दित्ता अतै तिनी भी खाई लेऊ |

![](https://cdn.door43.org/obs/jpg/360px/obs-en-02-06.jpg)

अचानक ही तसेरी हाख्री खुली गेइ अतै तिन्यायो पता लगा कि सो नंगै थीयै | तिन्यै पत्रा जो अक्क सोगी सी करी तन्यारै ओडण बणाइकरी तिन्या सितै अपणै शरीरा जो ढ़कणै री कोशिश करी |

![](https://cdn.door43.org/obs/jpg/360px/obs-en-02-07.jpg)

तैहणै मड़द अतै तसेरी लाड़ीयै तैस बगीचै मज घूमदै प्रमात्मै री अवाजा जो हुणु | सो धोई प्रमात्मै थऊँ लुकी बैहै | तैहणै प्रमात्मै मड़दा जो अवाज लगाई, “ तू कठी हा?” आदमै जबाब दित्ता,” मेंई तुसियो बगीचै मंज घूमदै हुणु, अतै अऊँ डरी गो थू, क्योकि अऊँ नंगा थू | ठेरैतांई अऊँ लुकी बैहु |"

![](https://cdn.door43.org/obs/jpg/360px/obs-en-02-08.jpg)

फिरी प्रमात्मै पुछु, "तीजो कुणी दसु कि तू नंगा हा?” कै तेंई सो फळ खऊ हा जेसियो खाणै तांई मेंई तीजो ना करुरी थी?” मड़दै जवाब दित्ता, “ तुहै मिंजो जेड़ी जनानी दितुरी हा एहै ही मिंजो सो फळ दित्ता |” तैहणै प्रमात्मै जनानी थऊँ पुछु, “ तैंई एह कै करू हा?” तैहै जनानीयै बल्लू, “कीड़ै मिंजो धोखा दित्ता हा |”

![](https://cdn.door43.org/obs/jpg/360px/obs-en-02-09.jpg)

प्रमात्मै कीड़ै सितै बल्लू, “ तू हरापित हा! तू अपणै पेटा रै भारै चलला अतै चीक चटणीया | तू अतै एह जनानी अक्की दुयै सितैनफरत करनीया, अतै तेरी ओलादी अतै तसेरी ओलादी भी अक्की दुयै सितै नफरत करनीया | एसा जनानी रा वंशज तेरै हैरा जो दरड़ना, अतै तुद सेरी एड़ी जो डसणा |”

![](https://cdn.door43.org/obs/jpg/360px/obs-en-02-10.jpg)

तैहणै प्रमात्मै जनानी सितै बल्लू, “अऊँ तेरी ओलाद पैदा करनै री पीड़ा जो बधाला | तुद अपणै लाड़ै थऊँ लालसा करनीया, अतै सो तीजो पुर प्रभुता करला |”

![](https://cdn.door43.org/obs/jpg/360px/obs-en-02-11.jpg)

प्रमात्मै मड़दा सितै बल्लू, “तेंइ अपणी लाड़ी री हुणी हा अतै मेरी आज्ञा ना मन्नी हा | ठेरैतांई भूमि ह्रापित भुई हा, अतै तीजो खाणा उगाणै ताई कठण मेहनत करनै री जरुरत भूणी हा | अबै तुद मारी गाणा, अतै तेरा शरीर चिक्का मंज मिली गाणा |” तिनी मड़दै अपणी लाड़ी रा नां हव्वा रखु, जठेरा मतलब हा "जीवन दीणै वाली", क्योकि सो सभी जात्ती री माता भूणी हा | अतै प्रमात्मै आदम अतै हव्वा जो जानवरा री खल्ला सितै बणुरै ओडण पनाए |

![](https://cdn.door43.org/obs/jpg/360px/obs-en-02-12.jpg)

उत्पत्ति अध्याय 3 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_02_128kbps.mp3

## 3. बाढ़

https://openbiblestories.org/l/gbk/story-3/

![](https://cdn.door43.org/obs/jpg/360px/obs-en-03-01.jpg)

मतै टैमा रै बाद, संसार मंज मतै मणु रैहन्दैं थीयै |सो बड़ै बुरै अतै उपद्रवी भूची गछुरै थीयै | एह एतना बुरा थू कि प्रमात्मै अक्क बड्डी बाढ़ सितै एस पुरै संसार जो खत्म करनै रा फैसला करू ।

![](https://cdn.door43.org/obs/jpg/360px/obs-en-03-02.jpg)

पर प्रमात्मा नुह थऊँ खुश थू | सो बुरै मणु रै बिच रैहणै वाळा अक्क धर्मी मणु थू |प्रमात्मै नुह जो बतऊ कि सो अक्क विशाल बाढ़ जो लेईणैं वाळा हा | एस कारण, तिनी नुह सितै अक्क मोत्ती किस्ती बणाणै ताई बल्लू |

![](https://cdn.door43.org/obs/jpg/360px/obs-en-03-03.jpg)

प्रमात्मै नुह जो लगभग 140 मीटर लम्बी, 23 मीटर चोड़ी अतै 13.5 मीटर उची किस्ती बणाणै ताई बल्लू | नुह जो तैसीयो लकड़ी सितै बणाणा थू अतै तैत मंज त्राई तल, मतै कमरै, अक्क छत अतै आक्क खिड़की बणाणी थी | सो किस्ती नुह, तसेरै टबरा, अतै जमीना रै हर प्रकार रै जानवरा जो तैसा बाढ़ा थऊँ सुरक्षित रखली |

![](https://cdn.door43.org/obs/jpg/360px/obs-en-03-04.jpg)

नुहै प्रमात्मै री गल मन्नी | तिनी अतै तसेरै पुत्रै तिनी ही किस्ती बणाई जिनी प्रमात्मै दस्सी थी | क्योकि सो किस्ती बड़ी बड्डी थी ठेरैताई तैसायो बणाणै मंज कई साल लगै | नुहै मणु जो ईणै वाळी बाढ़ रै बारै मंज चेताबनी दित्ती अतै तिन्यायो प्रमात्मै री तरफ फिरनै ताई बल्लू, पर तिन्यै तैस पुर विशवास ना करू |

![](https://cdn.door43.org/obs/jpg/360px/obs-en-03-05.jpg)

प्रमात्मै नुह अतै तसेरै टबरा जो अपणै ताई जानवरा ताई प्रयाप्त खाण कठेरनै रा हुक्म दित्ता | जैहणै सब कुछ तेयार थू, ता प्रमात्मै नुह सितै बल्लू कि एह टैम तसेरै, त्सेरी लाड़ी रै, तसेरै त्रिनी पुत्रा रै, अतै तयांरी लाड़ी रै - कुल मलाईकरी आठ जणै रै किस्ती पुर गाणै रा थू |

![](https://cdn.door43.org/obs/jpg/360px/obs-en-03-06.jpg)

प्रमात्मै हर जानवर अतै पक्षी रै नर अतै मादा जो नुह रै बलै भैजू ताकि सो किस्ती मंज गिची सकन अतै बाढ़ रै दोरान सुरक्षित रेई सकन | प्रमात्मै एसे हर प्रकार रै जानवरा रै सात नर अतै सात मादा जो भैजू जिनायो बलि चड़ाणै ताई उपयोग करया गच्छा | जैहणै सो सब किस्ती मंज पूजी गै ता अप्पू प्रमात्मै किस्ती रै दारा जो बंद करी दित्ता |

![](https://cdn.door43.org/obs/jpg/360px/obs-en-03-07.jpg)

तैहणै बरखा भूणा शुरू भुई, अतै बरखा भुन्दी गेई, भुन्दी गेई | बिना रुकै चाळी धैड़ै अतै चाळी राता तिकर बरखा भुन्दी रेइ | पुरै संसार री हर चीज, ऐठीया तक कि उच्चै थऊँ उच्चै पाहड़ भी पाणी मंज डूबी गै |

![](https://cdn.door43.org/obs/jpg/360px/obs-en-03-08.jpg)

हुक्की जमीना पुर रैहणै वाळी हर अक्क चीज मरी गेई, तिन्या मणु अतै जानवरा जो छड्डी करी जेड़ै किस्ती पुर थीयै | सो किस्ती पाणी उपर तैरन्दी रेई अतै किस्ती रै अंदर री हर अक्क चीजा जो डूबणै थऊँ सुरक्षित रखु |

![](https://cdn.door43.org/obs/jpg/360px/obs-en-03-09.jpg)

बरखा रै रुकी गाणै रै बाद, पजां महीनै तिकर सो किस्ती पाणी पुर तैरन्दी रेई, अतै तैस टैमा रै दोरान पाणी घट भूणा लगा थू | तैहणै अक्क धैड़ै सो किस्ती अक्की पहाड़ा री चुंडी पुर गिची टिकी, पर संसार अल्ली भी पाणी सितै डकुरा थू | त्रीं महीनै बाद, पहाड़ा री चुंडी हुजणा लगी थी |

![](https://cdn.door43.org/obs/jpg/360px/obs-en-03-10.jpg)

फिरी होर चाळीया धैड़ै रै बाद, नुहै अक्की काव् जो एह जाचणै ताई बाहर भैजू कि कै पाणी हुकी गो थू | सो काव हुक्की जमीना री खोजा मंज एरा-ओरा उड़दा रेऊ, पर तैसियो एसी कोई जगह ना मुळी |

![](https://cdn.door43.org/obs/jpg/360px/obs-en-03-11.jpg)

रै बलै फिरी आई | अक्क हप्तै रै बाद तिनी तैसा कबूतरी जो फिरी भैजू, अतै सो अपणी चुन्जा मंज जैतुन री अक्क डाळी लेऊरै वापस आई | पाणी घटू करदा थू, अतै बूट फिरी उगणा लगुरै थीयै |

![](https://cdn.door43.org/obs/jpg/360px/obs-en-03-12.jpg)

नुहै अक्की हप्तै अतै भाळ करी अतै त्री बरी तैसा कबूतरी जो बाहर भैजू | एसा बरी, तैसा ठेरनै री जगह मुळी गेई अतै सो फिरी ना आई | पाणी हुकू करदा थू |

![](https://cdn.door43.org/obs/jpg/360px/obs-en-03-13.jpg)

दूँ महीनै बाद प्रमात्मै नुह सितै बल्लू, “अबै तू अतै तेरा टबर अतै सारै जानवर किस्ती थऊँ निकळी अईया | मती सारी ओलादा अतै पोत्रू-पड़पोत्रू पैदा करा अतै पृथ्वी जो भरी देया |” अत: नुह अतै त्सेरा टबर किस्ती थऊँ बाहर निकळी आ |

![](https://cdn.door43.org/obs/jpg/360px/obs-en-03-14.jpg)

नुह रै किस्ती थऊँ बाहर ईणै रै बाद, तिनी अक्का वेदी बणाई अतै बलि ताई उपयोग भूणै वाळै हर प्रकार रै जानवरा मंज थऊँ कुछ लेईकरी बलि चड़ाई | प्रमात्मै तैसा बलि थऊँ खुश भुआ अतै तसेरै टबरा जो आशीष दिती |

![](https://cdn.door43.org/obs/jpg/360px/obs-en-03-15.jpg)

प्रमात्मै बल्लू, “ अऊँ प्रतिज्ञा करदा हा कि मणु दोआरा करै गाणै वाळै बुरै कम्मा रै कारण अऊँ फिरी कदी भी जमीना जो हराप ना दिल्ला या बाढ़ दोआरा संसारा जो खत्म ना करला, हालंकि मणु अपणै बचपन रै टैमा थऊँ ही पापी हा |

![](https://cdn.door43.org/obs/jpg/360px/obs-en-03-16.jpg)

उत्पत्ति अध्याय 6-8 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_03_128kbps.mp3

## 4. अब्राहम सोगी प्रमात्मै री वाचा

https://openbiblestories.org/l/gbk/story-4/

![](https://cdn.door43.org/obs/jpg/360px/obs-en-04-01.jpg)

बाढ़ रै कई साला रै बाद, संसार मंज मतै मणु रैहंन्दै थीयै, अतै तिन्यै फिरी थऊँ प्रमात्मै रै अतै अक्की दूयै रै विरुद्ध पाप करू | क्योकि सो सब ही अक्क ही भाषा बलन्दै थीयै, ठेै ताई सो अक्क सोगी किठ्ठीयै अतै ससार जो भरी दीणै रै प्रमात्मै रै हुकमा रै बजाय अक्की नगर जी बणाऊ |

![](https://cdn.door43.org/obs/jpg/360px/obs-en-04-02.jpg)

सो बड़ै घमंडी थीयै, अतै तिन्या जो किना जीवन जीणा चेहिंदा ठेरै बारै मंज सो प्रमात्मै रै हुकमा रा पालन करना ना चाहन्दै थीयै | ऐठी तक कि तिन्यै अक्क ऐसी मीनार जो बणाणा शुरू करू जेडी स्वर्गा तिकर पूजणी | प्रमात्मै हेरू कि अगर सो अक्क सोगी मिलिकरी बुराई करंदै रैहलै, ता सो मतै पापी कम्मा जो करी सकदै हिन् |

![](https://cdn.door43.org/obs/jpg/360px/obs-en-04-03.jpg)

ठेरैताई प्रमात्मै तन्यारी भाषा जो मती लाग भाषा मंज बदली दिता अतै तिन्या मणु जो पुरै संसार मंज फलाई दित्ता | जैस नगर जो तिन्यै बणाणा शुरू करू थू सो बाबेल कहलऊ, जठेरा मतलब हा "गड़बड़ी" |

![](https://cdn.door43.org/obs/jpg/360px/obs-en-04-04.jpg)

कई सो साला रै बाद, प्रमात्मै अब्राम नाम रै अक्की मणु सितै गल करी | प्रमात्मै तैस सितै बल्लू, “ अपणै देश अतै टबरा जो छड्डी करी तैस देशा जो चली गा जेड़ा मु तीजो दसणा | अऊँ तीजो आशीष दिल्ला अतै तीजो थऊँ अक्क बड्डी जात्ती बणाला |अऊँ तेरा नां महान करला | जेड़ा तीजो आशीष देया अऊँ तैसीयो आशीष दिल्ला, अतै जेड़ा तीजो ह्राप दिला तैसियो ह्राप दिल्ला | तेरै कारण संसार रै सारै कुल आशीष पल्लै |”

![](https://cdn.door43.org/obs/jpg/360px/obs-en-04-05.jpg)

अत: अब्रामै प्रमात्मै री गल मन्नी | तिनी अपणै सबी सेबका अतै अपणी पुरी जायदाद समेत अपणी लाड़ी सारै जो लेऊ अतै तेस देशा जो, कनान देश जो चली गो जेड़ा प्रमात्मै तैसियो दस्सू थू |

![](https://cdn.door43.org/obs/jpg/360px/obs-en-04-06.jpg)

जैहणैं अब्राम कनान पुजू ता प्रमात्मै तैस सितै बल्लू, “अपणी चोरुनी कनारी हेर | अऊँ तीजो एह पूरा देश दिल्ला अतै तेरै वंशज हमेशा ताई एस पुर अधिकार रखलै |” तैहणै अब्राम तैस देशा मंज बसी गो |

![](https://cdn.door43.org/obs/jpg/360px/obs-en-04-07.jpg)

मलिकिसिदक नां रा आक्क जोआन थू जेड़ा सर्वोच्च प्रमात्मैरा याजक थू | आक्क धैड़ै जैहणै अब्राम युद्ध करनै रै बाद ईच्छु करदा थू ता सो अतै अब्राम मुळै | मलिकिसिदकै अब्रामा जो आशीष दिती अतै बल्लू "सर्वोच्च प्रमात्मै जो स्वर्ग अतै पृथ्वी रा मालक हा सो तीजो आशीष देया |” फिरी अब्रामै युद्ध मंज जीतूरी सबी चिजा रा दशमांश मलिकिसिदक जो दिता |

![](https://cdn.door43.org/obs/jpg/360px/obs-en-04-08.jpg)

कई साल बीती गै, पर अल्ली भी अब्राम अतै सारै रा कोई पुत्र ना थू | प्रमात्मै अब्राम सितै गल करी अतै फिरी थऊँ प्रतिज्ञा करी करी कि तैस बलै अक्क पुत्र पैदा भूणा अतै जिंया अम्बरा मंज तारै हिन् तिन्या ही तसेरै मतै सारै वंशज भूणैं | अब्रामै प्रमात्मै री प्रतिज्ञा पुर विशवास करू |प्रमात्मै घोषणा करी कि अब्राम अक्क धर्मी जन थू क्योकि तिनी प्रमात्मै री प्रतिज्ञा पुर करू थू |

![](https://cdn.door43.org/obs/jpg/360px/obs-en-04-09.jpg)

उत्पत्ति अध्याय 11-15 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_04_128kbps.mp3

## 5. प्रतिज्ञा रा पुत्र

https://openbiblestories.org/l/gbk/story-5/

![](https://cdn.door43.org/obs/jpg/360px/obs-en-05-01.jpg)

अब्राम अतै सारै रै कनान पूजणै रै दस साला बाद, अल्ली तिकर भी तिन्या बलै कोई सन्तान ना थी | ठेरैताई, अब्राम री लाड़ी सारै तैस सितै बल्लू, “चूँकि प्रमात्मै अल्ली तिकर मिंजो संतान जमणै मंज सक्षम ना करू हा अतै अबै अऊँ संतान जमणै ताई बड़ी बुड्डी हा, हेर, ममेरी दासी हाजिरा ऐठी हा | तैसा सितै भी बैह करी लै कि सो मेरै ताई अक्क संतान पैदा करी सका |”

![](https://cdn.door43.org/obs/jpg/360px/obs-en-05-02.jpg)

अत: अब्रामै हाजिरा सितै बैह करी लेऊ | हाजिरै अक्क पुत्र जमू, अतै अब्रामै त्सेरा नां इश्माएल रखु | पर सारै हाजिरा थऊँ जळना लगी | जैहणै इशमाएल तेरह साला रा थू, प्रमात्मै फिरी थऊँ अब्राम सितै गल करी |

![](https://cdn.door43.org/obs/jpg/360px/obs-en-05-03.jpg)

प्रमात्मै बल्लू, “ अऊँ सर्वशक्तिमान प्रमात्मा हा | अऊँ तीजो सोगी अक्क वाचा बनला |” तैहणै अब्रामै जामिना पुर पैई करी दंडवत करू | प्रमात्मै अब्राम सितै एह भी बल्लू, “ तू मती जिनी जाती रा पिता भोला | अऊँ तीजो अतै तेरै वंशजा जो तंयारी निज भूमि भूणै ताई कनान देश दिल्ला अतै अऊँ सदा ताई त्यारा प्रमात्मा भुला | तीजो अपणै घरानै रै हर मड़दा रा खतना करना हा |”

![](https://cdn.door43.org/obs/jpg/360px/obs-en-05-04.jpg)

“ तेरी लाड़ी सारै अक्क पुत्र जमणा- सो प्रतिज्ञा रा पुत्र भूणा | त्सेरा नां इसहाक रखैं | अऊँ तैस सोगी अपणी वाचा जो बणाई रखला अतै सो अक्क बड्डी जात्ती बणी गाणा | अऊँ इशमाएल जो भी अक्क बड्डी जात्ती बणला, पर तेरी वाचा इसहाक सोगी रैहली | “तैहणै प्रमात्मै अब्राम रा नां बदलीकरी अब्राहम करी दित्ता, जठे रा मतलब हा " मतै रा पिता" | प्रमात्मै सारै रा नां भी बदलीकरी सारा करी दिता, जठेरा मतलब हा "मुलमाता" |

![](https://cdn.door43.org/obs/jpg/360px/obs-en-05-05.jpg)

तैस धैड़ै अब्राहमै अपणै घरानै रै सभी मड़दा रा खतना करू | लगभग अक्की साला बाद, जैहणै अब्राहमै 100 साल री उम्रा रा थू अतै सारा 90 साला री थी, तैहणै सारै अब्राहमै रै पुत्रा जो जन्म दित्ता | जिंया प्रमात्मै तिन्या सितै बल्लू थू तिन्यै तसेरा नां इसहाक रखु |

![](https://cdn.door43.org/obs/jpg/360px/obs-en-05-06.jpg)

जैहणै इसहाक जोआन भुआ ता प्रमात्मै एह बल्ली करी अब्राहम री विशवास री परीक्षा करी, “ अपणै अकलोतै पुत्रा जो लै, अतै तैसीयो मेरे ताई बलि रै रूपा मंज मारी दे |” फिरी थऊँ अब्राहमै प्रमात्मै री गल मन्नी अतै अपणै पुत्रा जो बलि करनै ताई तेयार करू |

![](https://cdn.door43.org/obs/jpg/360px/obs-en-05-07.jpg)

जैहणै अब्राहम अतै इसहाक बलि चड़ाणै री जगहा री तरफ गाणा लगै ता इसहाकै पुछु, “हे पिता, असू बलै बलि ताई छिड़ी ता हिन्, पर बलि करनै रा मेमना कड़ी हा?” अब्राहमै जवाब दित्ता, “ हे मेरे पुत्र, प्रमात्मै बलि करनै ताई मेमनै रा प्रबंध करला |”

![](https://cdn.door43.org/obs/jpg/360px/obs-en-05-08.jpg)

जैहणै सो बलि चड़ाण री जगहा पूजी गै, अब्राहमै इसहाक जो बन्नी करी वेदी पुर सोआई दित्ता | सो अपणै पुत्रा जो मारनै ही वाळा थू कि प्रमात्मै बल्लू, “रुकी गा! गोबरू जो नुकशान मत पजा! अबै अऊँ जाणी गो हा कि तू मेरा भय मंदा हा क्योकि तेई अपणै अकलोतै पुत्रा जो भी मिंजो थऊँ बचाईकरी ना रखु |”

![](https://cdn.door43.org/obs/jpg/360px/obs-en-05-09.jpg)

नेड़ै ही अब्राहमै अक्क भेडू जो हेरू जेड़ा झाड़ी मंज फसुरा थू | इसहाक रै बदलै बलि ताई प्रमात्मै भेडू रा प्रबंध करू थू | अब्राहमै ख़ुशी-ख़ुशी भेडू री बलि चड़ाई दिती |

![](https://cdn.door43.org/obs/jpg/360px/obs-en-05-10.jpg)

उत्पत्ति अध्याय 16-22 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_05_128kbps.mp3

## 6. प्रमात्मा इसहाक ताई प्रबंध करन्दा हा

https://openbiblestories.org/l/gbk/story-6/

![](https://cdn.door43.org/obs/jpg/360px/obs-en-06-01.jpg)

जैहणै अब्राहम बड़ा बुड्डा भूची गो थू तैहणै तसेरा पुत्र, इसहाक, अक्क जोआन री उम्रा रा भूची गछुरा थू | ठेरैताई अब्राहमै अपणै अक्की सेवका जो अपणै पुत्र इसहाक ताई तैस देशा थऊँ अक्क लाड़ी लेईणै ताई भैज्जू जैठी तसेरै रिश्तेदार रैहन्दै थीयै |

![](https://cdn.door43.org/obs/jpg/360px/obs-en-06-02.jpg)

जैठी अब्राहम रै रिश्तेदार रैहन्दै थीयै तैस देश जो गाणै री अक्क बड़ी लम्बी यात्रा रै बाद प्रमात्मै तैस सेवका रा साक्षात्कार रिबका थऊँ करवऊ | सो अब्राहम रै भाई री पोत्री थी |

![](https://cdn.door43.org/obs/jpg/360px/obs-en-06-03.jpg)

रिबका अपणै टबरा जो छड्डी करी तैस सेवका सोगो फिरी गाणै जो मन्नी गेई | जिंया हो सो पुज्जै इसहाकै तैसा सितै वैह करी लेऊ |

![](https://cdn.door43.org/obs/jpg/360px/obs-en-06-04.jpg)

अक्क लम्बै टैमा रै बाद, अब्राहम मारी गो | तैहणै प्रमात्मै अब्राहम रै पुत्र इसहाक जो, अब्राहम रै सोगी बनुरी वाचा री वजह थऊँ आशीष दित्ती | तैसा वाचा मंज प्रमात्मै री अक्क प्रतिज्ञा थी कि अब्राहम रै अणगिनत वंशज भूणै | पर इसहाक री लाड़ी रिबका बलै कोई संतान पैदा ना भूई |

![](https://cdn.door43.org/obs/jpg/360px/obs-en-06-05.jpg)

इसहाकै रिबका ताई प्रार्थना करी, अतै प्रमात्मै तैसायो जुड़बा बच्चै रा गर्भ धारण करनै मंज काबल करू | जैस टैमै सो बच्चै रिबका रै गर्भ मंज ही थीयै सो अप्पू मंज घुळना लगै, ठेरैताई जेड़ा कुछ भुछु करदा थू रिबकै सो प्रमात्मै जो दस्सी दित्ता |

![](https://cdn.door43.org/obs/jpg/360px/obs-en-06-06.jpg)

प्रमात्मै रिबका सोगो बल्लू, “तू दूँ पुत्रा जो जन्म दिली | तयांरै वंशज दोई लग-लग जाति बणनी | तिन्या अक्की दूयै सोगी घुळना | पर मोट्टै पुत्रा थऊँ पैदा भूणै वाळी जाति जो हलकै पुत्रा थऊँ ईणै वाळी जाति री आज्ञा मनणा पैणी हा |

![](https://cdn.door43.org/obs/jpg/360px/obs-en-06-07.jpg)

उत्पत्ति अध्याय 24:1-25:26 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_06_128kbps.mp3

## 7. प्रमात्मा याकूब जो आशीष दिंदा हा

https://openbiblestories.org/l/gbk/story-7/

![](https://cdn.door43.org/obs/jpg/360px/obs-en-07-01.jpg)

जैहणै सो बच्चै बड्डै भूयै ता याकूब जो घरै रैहणा खरा लगु, पर एसाव जो जानवरा रा शकार करना भऊ | रिबकै याकूब सितै प्यार करू, पर इसहाकै एसाव सितै लगाव रखु |

![](https://cdn.door43.org/obs/jpg/360px/obs-en-07-02.jpg)

अक्क धैड़ै, जैहणै एसाव शकार करीके फिरी आ ता सो बड़ा भूखा थू | एसावै याकूब सोगी बल्लू, “जेड़ा तेई पकाऊ हा तैत थऊँ थोड़ा खाणा मिंजो दे|” याकूबै जवाब दित्ता, “पैहलै मिंजो सोगी एह प्रतिज्ञा कर कि पहलौठा भूणै रै कारण थऊँ हर अक्क चीज जेड़ी तीजो मुळना चेईन्दी, सो सब तू मिंजो दिल्ला |” अत: एसावै तिन्या सबी चिजा जो याकूब जो दीणै री प्रतिज्ञा करी दिती | तैहणै याकूबै तैसियो कुछ खाणा दित्ता |

![](https://cdn.door43.org/obs/jpg/360px/obs-en-07-03.jpg)

इसहाक एसाव जो आशीष दीणा चाहन्दा थू | पर ऐत थऊँ पैहलै कि तिनी एसा करू, रिबका अतै याकूबै याकूब रै एसाव भूणै जो डोंग करीके तैस सोगी धोखा करू | इसहाक बुड्डा थू अतै अबै हेरी ना पन्दा थू ठेरैताई याकूबै एसाव रै ओडण लायै अतै बकरी री खल्ला जो अपणै गळै अतै हथा मंज लपेटी लेऊ |

![](https://cdn.door43.org/obs/jpg/360px/obs-en-07-04.jpg)

याकूब इसहाक बलै आ अतै बल्लू, "अऊँ एसाव हा | अऊँ ठेरैताई आ कि तू मिंजो आशीष दे |” जैहणै इसहाकै बकरी रै बाळा जो मसूस करू अतै ओडणा जो हिंगू, ता तिनी सोचु कि सो एसाव हा अतै तैसियो आशीष दिती |

![](https://cdn.door43.org/obs/jpg/360px/obs-en-07-05.jpg)

एसावै याकूब थऊँ जळू क्योकि याकूबै तसेरै पैहलै पुत्रा रै अधिकार जो अतै सोगी ही तसेरी आशीषा जो भी चोरी लेऊ थू | अत: तिनी त्यांरै पिता रै मरनै थऊँ बाद याकूब जो मारी दीणै री सलाह बणाई |

![](https://cdn.door43.org/obs/jpg/360px/obs-en-07-06.jpg)

अपर रिबकै एसाव री सलाई जो हुणी लेऊ | ठेरैताई तिनी अतै इसहाकै याकूब जो तसेरै रिश्तैदारा सोगी रैहणै ताई बड़ी दूर भैजी दित्ता |

![](https://cdn.door43.org/obs/jpg/360px/obs-en-07-07.jpg)

याकूब कई साला तिकर रिबका रै रिश्तैदारा सोगी रेऊ | तैस टैमा रै दोरान तिनी बैह करू अतै बारा पुत्रा जो अतै अक्क पुत्री जो जन्मऊ | प्रमात्मै तैसियो बड़ा धनि बणाई दित्ता |

![](https://cdn.door43.org/obs/jpg/360px/obs-en-07-08.jpg)

बिया साला तिकर कनान मंज अपणै घरा थऊँ दूर रैहणै रै बाद, याकूब अपणै टबरा, अपणै सेवका, अतै अपणै जानवरा रै सबी झुन्डा सोगी तैठी वापस फिरू |

![](https://cdn.door43.org/obs/jpg/360px/obs-en-07-09.jpg)

ताई तिनी उपहार सरूप जानवरा रै झुंडा जो एसाव बलै भैज्जू \ जेड़ा सेवक तिन्या झुंडा जो लेई करी गछुरै थीयै तिन्यै बल्लू, “तेरा दास याकूब, इन्या जानवरा जो तीजो दिंदा हा | सो झट ही इछु करदा हा |”

![](https://cdn.door43.org/obs/jpg/360px/obs-en-07-10.jpg)

उत्पत्ति अध्याय 25:27-35:29 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_07_128kbps.mp3

## 8. प्रमात्मै यूसुफ अतै तसेरै टबरा जो बचन्दा हा

https://openbiblestories.org/l/gbk/story-8/

![](https://cdn.door43.org/obs/jpg/360px/obs-en-08-01.jpg)

कई साला रै बाद, जैहणै याकूब बुड्डा भूची गो थू, ता तिनी अपणै पुत्र यूसुफ जो तसेरै भाई री जांच करनै ताई भैज्जू जेड़ा जानवरा रै झुंडा री देखभाळ करू करदै थीयै |

![](https://cdn.door43.org/obs/jpg/360px/obs-en-08-02.jpg)

यूसुफ रै भाई तैस थऊँ जळदैं थीयै क्योकि तयांरा पिता तैस सितै ज्यादा प्यार करदा थू अतै ठेरैताई भी कि यूसुफै सुपना हेरूरा थू कि सो तयांरा शासक भूची गाणा | जैहणै यूसुफ अपणै भाई बलै आ ता तिन्यै तैसियो बंधी बणाई लेऊ अतै तैसियो दासा रा वपार करनै वाळै जो बेचीं दित्ता |

![](https://cdn.door43.org/obs/jpg/360px/obs-en-08-03.jpg)

घरै फिरनै थऊँ पैहलै यूसुफ रै भाईयै यूसुफ रै ओडणा जो फाड़ी करी बकरी रै खुना मंज डबाई दित्ता | फिरी तिन्यै स्प ओडण अपणै पिता जो दस्सू ताकि सो एह सोचा कि कसी जंगली जानवरै यूसुफ जो मारी दित्ता हा | याकूब बड़ा उदास थू |

![](https://cdn.door43.org/obs/jpg/360px/obs-en-08-04.jpg)

दासा रा वपार करनै वाळै सो मणु यूसुफ जो मिस्त्र लेई गै | नील नदी रै कनारै पुर बसुरा मिस्त्र अक्क विशाल अतै शक्तिशाली देश थू | तिन्या दासा रा वपार करनै वाळै यूसुफ जो अक्क धनी सरकारी अधिकारी को दास रै रूपा मंज बेचीं दित्ता | यूसुफै अपणै स्वामी री अच्छी तरह थऊँ सेवा करी,अतै प्रमात्मै यूसुफ जो आशीष दित्ती |

![](https://cdn.door43.org/obs/jpg/360px/obs-en-08-05.jpg)

तसेरै स्वामी री लाड़ीयै यूसुफ सोगी सुणै री कोशिश करी, पर यूसुफै एसा रीति प्रमात्मै रै विरुद्ध पाप करनै थऊँ ना करी दिती | सो जळी पेई अतै यूसुफ पुर झूठा आरोप लगाई दित्ता, ठेरैताई तैसियो गिरफ्तार करीके जेलखानै मंज भैजी दित्ता | ऐठी तक कि जेलखानै मंज भी, यूसुफ प्रमात्मै रै प्रति सच्चा रेऊ, अतै प्रमात्मै तैसियो आशीष दिती |

![](https://cdn.door43.org/obs/jpg/360px/obs-en-08-06.jpg)

दूँ साला रै बाद, यूसुफ अल्ली भी जेलखानै मंज थू, भलै ही सो निर्दोष थू | अक्क रात, फिरौन, जिंया कि मिस्री मणु अपणै राजै जो पुकारदै थीयै, तिनी दोई सुपनै हेरै जिन्यै तैसियो बड़ा विचलित करी दित्ता | त्सेरा कोई भी सलाहकार तैसियो तिन्या सुपनै रा अर्थ ना दसी सकू |

![](https://cdn.door43.org/obs/jpg/360px/obs-en-08-07.jpg)

प्रमात्मै यूसुफ जो सुपनै रा अर्थ दसणै री क्षमता प्रदान करुरी थी, ठेरैताई फिरौनै यूसुफ जो जेलखानै थऊँ अप्पू बलै हद्दू | यूसुफै तैसियो सुपनै रा अर्थ दस्सू अतै बल्लू, “प्रमात्मै भरपूरी री फसला वाळै सता साला रै बाद अकाल रै सात साल भैजणै वाळा हा |”

![](https://cdn.door43.org/obs/jpg/360px/obs-en-08-08.jpg)

फिरौन यूसुफ थऊँ एतना प्रभावित भुआ कि तिनी तैसियो मिस्र रा दुआ सबी थऊँ शक्तिशाली जोआन नियुक्त करी दित्ता |

![](https://cdn.door43.org/obs/jpg/360px/obs-en-08-09.jpg)

यूसुफै मणु थऊँ खरी फसला वाळै सात साला रै दोरान बड़ी मात्रा मंज अन्न जो जमा करनै ताई बल्लू | जैहणै सत्ता साला रा अकाल आ तैहणै यूसुफै मणु जो सो अन्न बेचु ताकि तिन्या बलै खाणै ताई मोजूद भोआ |

![](https://cdn.door43.org/obs/jpg/360px/obs-en-08-10.jpg)

सो अकाल केवल मिस्र मंज ही ना, पर कनान मंज भी भयंकर थू जैठी याकूब अतै तसेरा टबर रैहन्दा थू |

![](https://cdn.door43.org/obs/jpg/360px/obs-en-08-11.jpg)

ठेरैताई याकूबै अपणै सबी थऊँ मोट्टै पुत्रा जो अन्न खरीदणै ताई मिस्र जो भैज्जू | जैहणै सो अन्न खरीदणै ताई यूसुफ रै सामणै खड़ीयै ता तिन्या भाईयै यूसुफ जो ना पछैणू | पर यूसुफै तिन्या जो पछैणी लेऊ |

![](https://cdn.door43.org/obs/jpg/360px/obs-en-08-12.jpg)

एह पता करनै ताई कि सो बदली गछुरै हिन् तयांरी जाँच करनै थऊँ बाद, यूसुफै तिन्या सितै बल्लू, “अऊँ तुन्दा भाई यूसुफ हा! डरा मत | जैहणै तूहै मिंजो दासा रै रूपा मंज बेचु थू ता तूहै बुरा करनै री ठानी थी, पर प्रमात्मै तैसा बुराई जो भलाई ताई उपयोग करू! अईया अतै मिस्र मंज रेया ताकि अऊँ तुन्दै अतै तुन्दै टबरा ताई अन्न रा प्रबंध करी सकूँ |”

![](https://cdn.door43.org/obs/jpg/360px/obs-en-08-13.jpg)

जैहणै यूसुफ रै भाई घरा जो फिरै अतै पिता याकूब जो दस्सू कि यूसुफ अल्ली भी जिन्दा हा ता सो बड़ा खुश भुआ थू |

![](https://cdn.door43.org/obs/jpg/360px/obs-en-08-14.jpg)

हालांकि याकूब अक्क बुड्डा मणु थू ताभी सो अपणै पुरै टबरा रै सोगी मिस्र जो चली गो, अतै सो तैठी बसी गै | याकूब रै मरनै थऊँ पैहलै, तिनी हर अक्क पुत्रा जो आशीषित करू |

![](https://cdn.door43.org/obs/jpg/360px/obs-en-08-15.jpg)

उत्पत्ति अध्याय 37-50 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_08_128kbps.mp3

## 9. प्रमात्मै मूसा जो हैददा हा

https://openbiblestories.org/l/gbk/story-9/

![](https://cdn.door43.org/obs/jpg/360px/obs-en-09-01.jpg)

यूसुफ रै मरनै थऊँ बाद तसेरै सब रिश्तेदार मिस्र मंज बसी गै। सो अतै तयांरै वंशज कई साला तिकर मिस्र मंज ही रैह अतै तिन्यै मती ओलादी पैदा करी। सो इस्राएली कहलायै।

![](https://cdn.door43.org/obs/jpg/360px/obs-en-09-02.jpg)

कई सौ साला रै बाद, इस्राएली री गिणती बड़ी बदी गेई थी। अतै मिस्री मणु अबै एसा गल्ला ताई अभारी ना थीयै कि तयांरी मदद करनै ताई यूसुफै बड़ा कुछ करू थू। सो इस्राएली थऊँ डरी गै क्योकि सो गिणती मंज तिन्या थऊँ बड़ै ज्यादा थीयै। ठेरैताई तैस टैमै मिस्र पुर शासन करनै वाळै फिरौनै इस्राएली जो मिस्री रा दास बणाई दित्ता।

![](https://cdn.door43.org/obs/jpg/360px/obs-en-09-03.jpg)

मिस्रियै इस्राएली जो मती जिनी इमारता अतै एठीया तक कि कई नगरा जो बणाणै ताई मजबूर करू। तैस कठण मेहनतै तयांरै जीवना जो बड़ा दुःखदायी बणाई दित्ता, अपर प्रमात्मै तिन्या जो आशीष दित्ती अतै तिन्या बलै होर ज्यादा ओलादी पैदा भूई ।

![](https://cdn.door43.org/obs/jpg/360px/obs-en-09-04.jpg)

फिरौनै हेरू कि इस्राएली बलै मती ओलादी पैदा भुछु करदी थी , ठेरैताई तिनी अपणै मणु जो इस्राएली रै सभी नर बच्चै जो नील नदी मंज फेंकी करी मारी दिणै रा हुक्म दित्ता।

![](https://cdn.door43.org/obs/jpg/360px/obs-en-09-05.jpg)

अक्की इस्राएली जनानीयै अक्क नर बच्चै जो जन्म दित्ता। तैहै अतै तसारै लाड़ै जतूणा तिन्या थऊँ भूची सकू तैसै बच्च जो लुकाई करी रखु।

![](https://cdn.door43.org/obs/jpg/360px/obs-en-09-06.jpg)

जैहणै तैस दब्बू रै माता-पिता तैसियो होर ज्यादा ना लुकाई सकै, ता तिन्यै तैसियो मारनै थऊँ बचाणै ताई अक्क तैरने वाली टोकरी मंज नील नदी रै कनारै पुर सरकंडै रै बीच रखी दित्ता। तसेरी मोट्टी बैहणीयै एह हेरनै ताई तसेरी निगरानी करी कि तैस सोगी कै भुल्ला।

![](https://cdn.door43.org/obs/jpg/360px/obs-en-09-07.jpg)

फिरौन री कुळीयै तैसा टोकरी जो हेरी करी तठेरै अंदर झाँकू। जैहणै तिनी अक्की बच्चै जो हेरू ता तैहै तैसियो अपणा बच्चा बणाई लेऊ। तैहै अक्की इस्राएली जनानी जो तैसियो दूध पियाणै ताई कम्मा पुर रखी लेऊ, बिना एह जाणै कि सो तैस बच्चै री असली माता थी। जैहणै सो बच्चा एतना बड्डा भूची गो कि अबै तैसियो अपनी माता रै दूधा री जरूरत ना थी, ता तैहै फिरौन री कुळी बलै तैसियो फेरी दित्ता, तसेरा नाँ मूसा थू।

![](https://cdn.door43.org/obs/jpg/360px/obs-en-09-08.jpg)

अक्क धैड़ा, जैहणै मूसा बड्डा भूची गो थू, ता तिनी हेरू कि अक्क मिस्री अक्की इस्राएली जो जक्कू करदा हा। मूसै अपणै साथी इस्राएली जो बचाणै री कोशिश करी।

![](https://cdn.door43.org/obs/jpg/360px/obs-en-09-09.jpg)

जैहणै मूसै सोचु कि तैसियो कोई ना हेरला ता तिनी तैस मिस्री जो मारी दित्ता अतै तसेरै शव जो दफन करी दित्ता। अपर मूसै जेड़ा करू थू तैसियो कसीयै हेरी लेऊ थू।

![](https://cdn.door43.org/obs/jpg/360px/obs-en-09-10.jpg)

फिरौन जो पता लगी गो कि मूसै कै करू हा। तिनी तैसियो मारनैरी कोशिश करी, अपर मूसा मिस्र थऊँ बणा मंज नही गो। फिरौन रै सपाई तैसियो तैठी तोपी ना सकै।

![](https://cdn.door43.org/obs/jpg/360px/obs-en-09-11.jpg)

मिस्र थऊँ दूर बणा मंज मूसा अक्क पाअळ बणी गो थू। तिनी तैठी अक्की जनानी सित बैह करी लेऊ अतै दोई पुत्र पैदा करै।

![](https://cdn.door43.org/obs/jpg/360px/obs-en-09-12.jpg)

मूसा अपणै हऊरै री भैड़ा री रखबाली करदां थू। अक्क धैड़ै, तिनी अक्क बळंदी झाड़ी जो हेरू जेड़ी फुकीणै बगैर बळूरी थी। तैसाओ हेरनै ताई सो तैसा झाड़ी रै नैड़ै गो। जैहणै सो तसारै बड़ै नैड़ै थू ता प्रमात्मै तैस सितै गल करी। तिनी बल्लू, "हे मूसा, अपणै जूट्टै जो खोली दे। तू अक्क पवित्र जगह पुर खड़ूरा हा।"

![](https://cdn.door43.org/obs/jpg/360px/obs-en-09-13.jpg)

प्रमात्मै बल्लू, "मैंई अपणै मणु रै दुःखा जो हेरू हा। मुं तीजो फिरौन बलै भैजणा ताकि तू इस्राएली जो मिस्र री गुलामी थऊँ कड्डी लेई। मुं तिन्या जो कनान देश दिणा, सो देश जठेरा मैंई अब्राहम, इसहाक अतै याकूब सितै प्रतिज्ञा करी हा।"

![](https://cdn.door43.org/obs/jpg/360px/obs-en-09-14.jpg)

मूसै पूछु, "अगर मणुयै जाणना चाऊ कि मिंजो कुणी भैज्जू हा ता अऊँ कै बल्लूं?" प्रमात्मै बल्लू, "जेड़ा अऊँ हा सो अऊँ हा। तिन्या सितै बल, 'प्रमात्मै मिंजो तुसू बलै भैज्जू हा।' तिन्या सितै एह भी बल, 'अऊँ तुन्दै पूर्वज अब्राहम, इसहाक अतै याकूब रा प्रमात्मा यहोवा हा।' मेरा एह नां सदा रा हा।"

![](https://cdn.door43.org/obs/jpg/360px/obs-en-09-15.jpg)

मूसा डरन्दा थू अतै फिरौन बलै गाणा ना चाहन्दा थू क्योकि तिनी सोचु कि मिंजो थऊँ सही ना बलीणा , ठेरैताई प्रमात्मै मूसा रै भाई, हारून, जो तसेरी मदद करनै ताई भैज्जू।

निर्गमन अध्याय 1-4 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_09_128kbps.mp3

## 10. दस मुसीबता

https://openbiblestories.org/l/gbk/story-10/

![](https://cdn.door43.org/obs/jpg/360px/obs-en-10-01.jpg)

प्रमात्मै मूसा अतै हारून जो चेतावनी दिती कि फिरौन हठीला भूची गाणा | जैहणै सो फिरौन बलै गै ता तिन्यै बल्लू, “इस्रायल रा प्रमात्मा इन्या बलदा हा, ‘मेरै मणु जो गाणा दे!’” पर फिरौनै तयांरी ना हुणी अतै इस्राएलि जो गाणै ताई आजाद करनै रै बजाए तिनी तिन्यायो होर कठण मेहनत करनै ताई मजबूर करू |

![](https://cdn.door43.org/obs/jpg/360px/obs-en-10-02.jpg)

फिरौन तिन्या मणु जो गाणै दीणै थऊँ लगातार इनकार करदा रेऊ, ठेरैताई प्रमात्मै फिरौन जो दस्सू कि सो फिरौन अतै मिस्र रै देवतै थऊँ ज्यादा शक्तिशाली हा |

![](https://cdn.door43.org/obs/jpg/360px/obs-en-10-03.jpg)

प्रमात्मै नील नदी जो खुना मंज बदली दित्ता, पर फिरौनै अल्ली भी इस्रायली जो गाणा ना दित्ता |

![](https://cdn.door43.org/obs/jpg/360px/obs-en-10-04.jpg)

प्रमात्मै पुरै मिस्र मंज मेंढक भैजै | फिरौनै मेंढका जो दूर करनै ताई मूसा सितै विनती करी | पर सब मेंढका जो मरी गाणै थऊँ बाद, फिरौनै अपणै मना जो कठोर करी लेऊ अतै इस्रायली जो मिस्र थऊँ निकळना ना दिता |

![](https://cdn.door43.org/obs/jpg/360px/obs-en-10-05.jpg)

ठेरैताई प्रमात्मै कुटकी री मुसीबत भैजी | तैत थऊँ तिनी डांसों री मुसीबत भैजी | फिरौनै मूसा अतै हारून जो हद्दु अतै तिनी बल्लू कि जे सो तैसा मुसीबता जो रोकी देया ता इस्रायली मिस्र जो छड्डी करी गिची सकदै हिन् |जैहणै मुसै प्रार्थना करी ता प्रमात्मै मिस्र पुर थऊँ डांसां जो हटाई दित्ता | पर फिरौनै अपणा मन कठोर करी लेऊ अतै तिन्या मणु जो आजाद भूची करी गाणा ना दित्ता |

![](https://cdn.door43.org/obs/jpg/360px/obs-en-10-06.jpg)

ठेरै अगै, प्रमात्मै मिस्री रै सबी पालतू जानवरा जो बमार भूची करी मरी गाणा दित्ता | पर फिरौन रा मन कठोर भूची गछुरा थू अतै तिनी इस्रायली जो गाणा ना दित्ता |

![](https://cdn.door43.org/obs/jpg/360px/obs-en-10-07.jpg)

तैहणै प्रमात्मै मूसा थऊँ फिरौन रै सामणै हवा मंज धुड़ फैकणै जो बल्लू | जैहणै तिनी एसा करू ता मिस्र रै मणु री त्वचा पुर पीड़ादाउक फोड़ै निकळी आयै, पर इस्रायली जो कुछ ना भुआ | प्रमात्मै फिरौन रै मना जो कठोर करी दित्ता, अतै फिरौनै इस्रायली जो आजाद भूची करी गाणा ना दित्ता |

![](https://cdn.door43.org/obs/jpg/360px/obs-en-10-08.jpg)

ठेरै बाद, प्रमात्मै ओळै फड़ायै अतै मिस्र री ज्यादातर फसला जो खत्म करी दित्ता अतै जेड़ा कोई भी बाहर निकळू तैसियो मारी दित्ता | फिरौनै मुसा अतै हारून जो हद्दू अतै तिन्या सितै बल्लू, “मेई पाप करू हा | तुहै मणु गिची सकदै हिन् |” अत: मूसै पार्थना करी, अतै अम्बरा थऊँ ओळै पैणा रुकी गै |

![](https://cdn.door43.org/obs/jpg/360px/obs-en-10-09.jpg)

पर फिरौनै फिरी पाप करू अतै अपणै मना जो कठोर करी लेऊ | तिनी इस्रायली जो आजाद भूची करी करी गाणा ना दित्ता |

![](https://cdn.door43.org/obs/jpg/360px/obs-en-10-10.jpg)

अत: प्रमात्मै मिस्र पुर टिड्डी रै दला जो ईणा दित्ता | इन्यै टिड्डीयै तिन्या पूरी फसला जो खाई लेऊ जिंया जो ओळै खत्म ना करूरा थू |

![](https://cdn.door43.org/obs/jpg/360px/obs-en-10-11.jpg)

फिरी प्रमात्मै अंधकार करी दित्ता जेड़ा तराई धैड़ै तक बणी रेऊ | एह एतना घोर थू कि मिस्री मणु अपणै गहरा थऊँ ना निकळी पायै | पर जैठी इस्रायली मणु रैहन्दै थीयै तैठी प्रगड़ा थू |

![](https://cdn.door43.org/obs/jpg/360px/obs-en-10-12.jpg)

निर्गमन अध्याय 5-10 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_10_128kbps.mp3

## 11. फसह

https://openbiblestories.org/l/gbk/story-11/

![](https://cdn.door43.org/obs/jpg/360px/obs-en-11-01.jpg)

प्रमात्मै मूसा अतै हारून जो फिरौन बलै एह बलनै ताई भैज्जू कि इस्राएली जो गाणा दे | तिन्यै तसियो चेतावनी दिती कि जे सो तिन्याजो ना गाणा दिला, ता प्रमात्मै मिस्र रै मणु रै अतै जानवरा रै सबी पहलोठै जो मारी दीणा | फिरैनै एह हुणी करी भी प्रमात्मै पुर विशवास करनै थऊै अतै तसेरी गल ना मनणै थऊँ इनकार करी दिता|

![](https://cdn.door43.org/obs/jpg/360px/obs-en-11-02.jpg)

हर टबरा जो अक्क बेकसूर मेमने जो लेई करी तसेरा बध करना थू |

![](https://cdn.door43.org/obs/jpg/360px/obs-en-11-03.jpg)

प्रमात्मै इस्राएली थऊँ तैस मेमने रै खुना जो लेईकरी अपणै घरा रै दारा पुर लाणै ताई बल्लू | तिन्याजो तसेरै मासा जो भुजणा थू अतै फिरी तिन्याजो अखमीरी रोट्टी सोगी फुर्ती सोगी खाणा थू | तिनी तैस खाण जो खाणै थऊँ बाद तिन्याजो तत्काल मिस्र जो छडणै जो भी तैयार रैहणै जो बल्लू |

![](https://cdn.door43.org/obs/jpg/360px/obs-en-11-04.jpg)

जिंया करनै ताई प्रमात्मै इस्राएली जो आदेश दीतुरा थू तिन्यै तठेरै अनुसार सब कुछ करू | अधि राती मंज, प्रमात्मै हर अक्क पहलोठै पुत्रा जो मारंदै मिस्र रै बीचा थऊँ भूची करी गुजरू |

![](https://cdn.door43.org/obs/jpg/360px/obs-en-11-05.jpg)

इस्राएली रैहर घरा रै दारा पुर खून लगुरा थू, ठेरैताई प्रमात्मै तिन्या घरा जो छड्डी दित्ता | तन्यारै अन्दरा रै सब मणु ठीक थीयै | सो मेमने रै खुना रै कारण बची गै थीयै |

![](https://cdn.door43.org/obs/jpg/360px/obs-en-11-06.jpg)

पर मिस्रीयै प्रमात्मै पुर विशवास ना करू थू अतै तसेरै हुकमा जो ना मन्नू थू | ठेरैताई प्रमात्मै तयारै घरा जो ना छड्डु | प्रमात्मै मिस्री रै हर अक्क पहलोठै जो मारी दित्ता |

![](https://cdn.door43.org/obs/jpg/360px/obs-en-11-07.jpg)

जेलखानै रै कैदी रै पहलोठै थऊँ लेईकरी, फिरौन तक, हर अक्क पहलोठा नर मरी गो | अपणी गैहरी वेदना रै कारण मिस्र रै मतै मणु रोऊ करदै थीयै अतै विलाप करू करदै थीयै |

![](https://cdn.door43.org/obs/jpg/360px/obs-en-11-08.jpg)

निर्गमन अध्याय 11:1-12:32 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_11_128kbps.mp3

## 12. निर्गमन

https://openbiblestories.org/l/gbk/story-12/

![](https://cdn.door43.org/obs/jpg/360px/obs-en-12-01.jpg)

इस्रायली मणु मिस्र थऊँ निकळी करी बड़ै खुश थीयै | सो अबै दास ना थीयै, अतै सो प्रतिज्ञा रै देशा जो चलूरै थीयै! जेड़ा कुछ भी इस्रायलीयै मंगू, मिस्रीयै तिन्या जो सब कुछ दित्ता, ऐठीया तक कि सोना अतै चाँदी अतै अन्य खास चिजा | दूयै देशा रै कुछ मणुयै प्रमात्मै पुर विशवास करू अतै जैहणै इस्रायली मणु मिस्र थऊँ निकळै ता सो भी तिन्या सोगी भूची गो |

![](https://cdn.door43.org/obs/jpg/360px/obs-en-12-02.jpg)

धैड़ै रै दोरान बदळा रा अक्क मोट्टा खम्बा तसेरै अगै- अगै चलू | अतै राती रै टैमै एह अग्गी रा खम्बा बणी गो | प्रमात्मा जेड़ा कि तैस बदळा रै खम्बै मंज अतै अग्गी रै खम्बै मंज थू, हमेशा तयारै सोगी थू अतै तिनी यात्रा करदै टैमै तयारी अगुआई करी | तिन्याजो केवल एतना करना थू कि तसेरै प्चुं चलन |

![](https://cdn.door43.org/obs/jpg/360px/obs-en-12-03.jpg)

थोड़ै टैमा रै बाद,फिरौन अतै त्सेरै मणुयै अपणै मना जो बदली दित्ता | सो इस्रायली जो फिरी थऊँ अपणा दास बणाणा चाहन्दै थीयै | ठेरैताई तिन्यै इस्रायली रा पीछा करू | एह प्रमात्मा ही थू जिनी तयांरै मना जो बदली दित्ता थू | तिनी एसा ठेरैताई करू क्योकि सो चाहन्दा थू कि हर कोई एह जाणी लेया कि फिरौन थऊँ अतै मिस्री रै देवता थऊँ सो, यहोवा, ज्यादा शक्तिशाली हा |

![](https://cdn.door43.org/obs/jpg/360px/obs-en-12-04.jpg)

जैहणै इस्रायली मिस्र री सेना जो इन्दै हेरू ता तिन्या जो पता लगा कि सो फिरौन री सेना अतै लाल समुंदर रै बीचा मंज फस्सी गै | सो बड़ै डरी गै अतै रुणा लगै, “ अहै मिस्र जो कजो छड्डू ? अहै मरनै वाळै हिन्!”

![](https://cdn.door43.org/obs/jpg/360px/obs-en-12-05.jpg)

मूसै इस्रायली सितै बल्लू, “ डरना बंद करा! प्रमात्मै अज तुसू ताई लड़ना अतै तुसियो बचला |” तैहणै प्रमात्मै मुसा सितै बल्लू, “इन्या मणु थऊँ लाल समुन्दरा री तरफ अगुं बदणै ताई बल्लू |”

![](https://cdn.door43.org/obs/jpg/360px/obs-en-12-06.jpg)

तैहणै प्रमात्मै तैस बदळा रै खम्बै जो लेइकरी इस्रायली अतै मिस्री रै बिचा मंज रखी दित्ता ताकि मिस्री मणु इस्रायली जो हेरी ना पान |

![](https://cdn.door43.org/obs/jpg/360px/obs-en-12-07.jpg)

प्रमात्मै मूसा सितै समुन्दरा पुर अपणा हाथ बदाणै ताई बल्लू | फिरी प्रमात्मै हवा सितै समुन्दरा रै पाणी जो सज्जी अतै खब्बी तरफ कराई दित्ता, जैत थऊँ कि समुंदर थऊँ भूची करी अक्क रस्ता बणी गो |

![](https://cdn.door43.org/obs/jpg/360px/obs-en-12-08.jpg)

इस्रायली मणु अपणै धुनी तरफ पाणी री दुआला सोगी हुक्की जमीना पुर समुन्दरा मितै भूचीकरी बदी चलै |

![](https://cdn.door43.org/obs/jpg/360px/obs-en-12-09.jpg)

तैहणै प्रमात्मै तैस रस्तै थऊँ बदळा जो चुकी लेऊ ताकि मिस्री मणु इस्रायली जो बची करी गन्दै हेरु | मिस्रीयै तिन्या जो पकड़नै ताई त्यांरा पीछा करनै रा फैसला लेऊ |

![](https://cdn.door43.org/obs/jpg/360px/obs-en-12-10.jpg)

अत: तिन्यै समुंदर रै माध्यम सितै तैस रस्तै पुर इस्रायली रा पीछा करू, पर प्रमात्मै मिस्री जो घबराई दित्ता अतै तयांरै रथा जो टकाई दित्ता | सो बकणा लगै, “नहा! इस्रायली री तरफा थऊँ प्रमात्मै लड़ु करदा हा!”

![](https://cdn.door43.org/obs/jpg/360px/obs-en-12-11.jpg)

पुरै इस्रायली समुन्दरा री दुई तरफ पूजी गै | तैहणै प्रमात्मै मुसा सितै बल्लू कि सो फिरी पाणी पुर हाथ बड़ाअ | जैहणै मुसै एसा करू, ता पाणी मिस्री सेना पुर इची पेऊ अतै अपणी समान्य दशा मंज भूची गो | पुरी मिस्री सेना डूबी गेई |

![](https://cdn.door43.org/obs/jpg/360px/obs-en-12-12.jpg)

जैहणै इस्रायलीयै हेरू कि मिस्री मरी गै थीयै ता तिन्यै प्रमात्मै पुर विशवास करू | तिन्यै विशवास करू कि मुसा प्रमात्मै री तरफा थऊँ भविष्यवक्ता थू

![](https://cdn.door43.org/obs/jpg/360px/obs-en-12-13.jpg)

इस्रायली मणु ठेरैताई भी बड़ै खुश थीै क्योकि प्रमात्मै तिन्या जो मरनै थऊँ अतै दास भूणै थऊँ बचाई लेऊ थू | अबै सो प्रमात्मै री आराधना करनै अतै तसेरी आज्ञा रा पालन करनै ताई आजाद थीयै | इस्रायलीयै अपणी आजादी रा उत्सव मनाणै ताई अतै प्रमात्मै री स्तुति करनै ताई कई गीता जो गऊ क्योकि तिनी तिन्याजो मिस्री री सेना थऊँ बचऊ थू |

![](https://cdn.door43.org/obs/jpg/360px/obs-en-12-14.jpg)

निर्गमन अध्याय 12:33-15:21 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_12_128kbps.mp3

## 13. इस्राएल रै सोगी प्रमात्मै री वाचा

https://openbiblestories.org/l/gbk/story-13/

![](https://cdn.door43.org/obs/jpg/360px/obs-en-13-01.jpg)

इस्राएल जो लाल समुंदर थऊँ पार लेईकरी गाणै रै बाद, प्रमात्मै तिन्याजो बणा मितै भूची करी सीनै कहलाणै वाळै पाड़ा री तरफ लेई करी चलू | एह सो ही पाड़ थू जैठी मूसै बळदी झाड़ी जो हेरू थू | तिन्या मणुयै तैस पाड़ा रै थल्लै अपणै तम्बू जो स्थापित करू |

![](https://cdn.door43.org/obs/jpg/360px/obs-en-13-02.jpg)

प्रमात्मै मुसा सितै अतै इस्राएल रै सबी मणु सितै बल्लू, “तुसीयो हमेशा मेरी गल्ला जो मनणा हा अतै जेड़ी वाचा अऊँ तुसू सोगी बनदा हा तैसायो बणाई रखणा हा | जे तुहै एसा करदै हिन्, ता तुहै मेरा तोहफा बहुमूल्य धन, याजका रा राज्य, अतै अक्क पवित्र जाति ठेहरना |”

![](https://cdn.door43.org/obs/jpg/360px/obs-en-13-03.jpg)

प्रमात्मै दुआरा तिन्या बलै ईणै ताई मणुयै तराई धैड़ै तिकर अप्पू जो तेयार करू | तैहणै प्रमात्मै सीनै पाड़ा री चोटी पुर थल्लै उतरु | जैहणै सो आ ता भूकंप भुआ, बिजली चमकी, धूं ऊठु, अतै तुरही रा जोरदार शब्द भुआ | तैहणै मूसा अप्पू पाड़ा पुर चढ़ी गो |

![](https://cdn.door43.org/obs/jpg/360px/obs-en-13-04.jpg)

तैहणै प्रमात्मै मणु रै सोगी अक्क वाचा बन्नी | तिनी बल्लू, “ अऊँ तुन्दा प्रमात्मा, यहोवा हा | अऊँ ही हा जिनी तूसियो मिस्र रै दासत्व थऊँ छुड़ाऊ | कसी अन्य देवतै री उपासना मत करदै |”

![](https://cdn.door43.org/obs/jpg/360px/obs-en-13-05.jpg)

“मूर्ति मत बणन्दै अतै तयांरी उपासना मत करदै, क्योकि अऊँ, यहोवा, तुन्दा अक्कमात्र प्रमात्मा हा | अनुचित रीती सितै मेरै नां रा प्रयोग मत करदै | सब्त रै धैड़ै जो पवित्र मनणै ताई याद रखणा | दुयै शब्दा मंज, छीं धैड़ै मंज अपणै सब काम करना, सतमां धैड़ा तुन्दै ताई आराम करनै अतै मिंजो याद करनै रा धैड़ा हा |”

![](https://cdn.door43.org/obs/jpg/360px/obs-en-13-06.jpg)

“अपणै माता अतै पिता रा आदर करना | व्यभिचार ना करना | चोरी ना करना | अपणै पड़ेही री लाड़ी, तसेरै घर, या तसेरै कसी भी समाना जो लेई लैणै री इच्छा मत करदा |”

![](https://cdn.door43.org/obs/jpg/360px/obs-en-13-07.jpg)

तैहणै प्रमात्मै इन्या दसा आज्ञा जो नड़ा री दूँ पट्टी पुर लिखी करी मुसा जो दी दित्ता | प्रमात्मै पालन करनै ताई मणु जो अन्य मती जिनी व्यवस्था दित्ती | जे तिन्यै इन्या व्यवस्था रा पालन करू ता प्रमात्मै तिन्या मणु जो आशीष दीणै अतै तंयारी सुरक्षा करनै री प्रतिज्ञा करी | पर तिनी बल्लू कि जे तिन्यै ठेरा पालन ना करू ता सो तिन्या जो दंड दीणा |

![](https://cdn.door43.org/obs/jpg/360px/obs-en-13-08.jpg)

प्रमात्मै इस्रायली थऊँ अक्क बड्डा तम्बू बणाणै ताई भी बल्लू- मिलाप वाळा तम्बू | तिनी तिन्या जो ठीक ठीक दस्सू कि एस तम्बू जो किन्या बणाऊ हा, अतै तसेरै अंदर किन्या चिजा जो रखणा हा | तिनी तिन्या जो तैस तम्बू जो दूँ कमरै मंज बडंणै ताई अक्क मोट्टै पर्दै जो बणाणै ताई बल्लू | प्रमात्मै तैस पर्दै रै पचुआं वाळै कमरै मंज इणा अतै तैठी रैहणा | जैठी प्रमात्मा थू तैस कमरै मंज गाणै री अनुमति सिर्फ महायाजक जो थी |

![](https://cdn.door43.org/obs/jpg/360px/obs-en-13-09.jpg)

प्रमात्मै मूसा रै भाई हारून जो अतै हारून रै वंशजा जो अपणै याजक भूणै ताई चुणु |

![](https://cdn.door43.org/obs/jpg/360px/obs-en-13-10.jpg)

प्रमात्मै तिन्या मणु जो जेड़ै नियम दितुरै थीयै सो तयांरा पालन करनै ताई सहमत भूयै | सो केवल प्रमात्मै रै मणु भूणै जो अतै केवल तसेरी आराधना करनै ताई सहमत भूयै |

![](https://cdn.door43.org/obs/jpg/360px/obs-en-13-11.jpg)

कई धैड़ै तिकर, मुसा सीनै पाड़ा री चोटी पुर ही रेऊ | सो प्रमात्मै सितै गला करू करदा थू | पर मणु तिन्या बलै वापस फिरनै री भाळ करदै-करदै खीजी गै | ठेरैताई सो हारून बलै सोना लेईकरी आए अतै तैस सितै अक्क मूर्ति बणाणै ताई बल्लू ताकि सो प्रमात्मै रै बजाए तसेरी उपासना करी सकन | एसा रीती सितै, तिन्यै भयंकर रूप सितै प्रमात्मै रै बिरुद्ध पाप करू |

![](https://cdn.door43.org/obs/jpg/360px/obs-en-13-12.jpg)

हारूनै बछु रै अकार मंज सोनै री अक्क मूर्ति बणाई | तिन्या मणुयै तैसा मूर्ति री उपासना करना शुरू करी दिता अतै अतै तैसियो बलि चड़ाई! तयांरै पाप री वजह थऊँ प्रमात्मै बड़ा जळू | सो तिन्या जो खत्म करी दीणा चाहन्दा थू | पर मूसै तिन्या जो ना मारनै रा प्रमात्मै सितै विनती करी | प्रमात्मै तसेरी विनती जो हुणु अतै तिन्या जो खत्म ना करू |

![](https://cdn.door43.org/obs/jpg/360px/obs-en-13-13.jpg)

आखिरकार मूसा सीनै पाड़ा थऊँ उतरी आ | तिनी तिन्या दूँ नड़ा री पट्टी जो लेउरी थी जिंया पुर प्रमात्मै दस आज्ञा जो लिखू थू | फिरी तिनी तैसा मूर्ति जो हेरू | सो एतना जळू कि तिनी तिन्या पट्टी जो चकनाचूर करी दित्ता|

![](https://cdn.door43.org/obs/jpg/360px/obs-en-13-14.jpg)

फिरी मुसै तैसा मूर्ति जो पिह करी तसारा बुरादा बणाई दित्ता, अतै तैस बुरादै जो पाणी मंज मलाईकरी तिन्या मणु जो सो पाणी पियाई दित्ता | प्रमात्मै तिन्यै मणु पुर अक्क मुसीबत भैजी अतै तिन्या मंज थऊँ मतै मणु मरी गै |

![](https://cdn.door43.org/obs/jpg/360px/obs-en-13-15.jpg)

निर्गमन अध्याय 19-34 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_13_128kbps.mp3

## 14. बणा मंज भटकणा

https://openbiblestories.org/l/gbk/story-14/

![](https://cdn.door43.org/obs/jpg/360px/obs-en-14-01.jpg)

प्रमात्मै इस्रायली जो तिन्या नियमा जो दसणा खत्म करू जिंयारा तिन्याजो बन्नी गेई तसेरी वाचा रै कारण पालन करना हा | फिरी तिनी सीनै पाड़ा थऊँ अग्गै तयारी अगुवाई करी | सो तिन्याजो प्रतिज्ञा रै देशा मंज लेई गाणा चाहन्दा थू | एह देश कनान भी कहलन्दा थू | प्रमात्मै बदळा रै खम्बै मंज अगुं-अगुं चलू, अतै सो तसेरै पचुं-पचुं चलै |

![](https://cdn.door43.org/obs/jpg/360px/obs-en-14-02.jpg)

प्रमात्मै अब्राहम, इसहाक अतै याकूब सितै प्रतिज्ञा करी थी कि सो प्रतिज्ञा रा सो देश तयांरै वंशजा जो दिल्ला, पर एस टैमै तैठी मती सारी जाति रेऊ करदी थी | सो कनानी कहलन्दै थीयै | ऐ कनानी मणु प्रमात्मै री आराधना ना करदैं थीयै अतै तसेरी आज्ञा जो ना मनदै थीयै | सो झुठे देवतै री उपासना करदै थीयै अतै मतै सारै बुरै कम करदै थीयै |

![](https://cdn.door43.org/obs/jpg/360px/obs-en-14-03.jpg)

प्रमात्मै इस्रायली सितै बल्लू, “जैहणै तुहै तैसा वाचा रै देशा मंज गान ता तठी या रै सबी कनानी थऊँ छुटकारा पाई लैं | तिन्या सोगी संधि मत करदै अतै तिन्या सोगो बैह मत करदै | तूसियो तयांरी सबी मूर्ति जो पुरी तरह थऊ खत्म करी दीणा हा | जे तुहै मेरी आज्ञा ना मनलै, ता तुहै मेरै बजाए तयांरै देवतै री पूजा करना लगणा |”

![](https://cdn.door43.org/obs/jpg/360px/obs-en-14-04.jpg)

जैहणै इस्रायली कनान री सीमा पुर पुज्जै, मुसै इस्रायल रै हरअक्क गोत्रा मंज थऊँ अक्क-अक्क करीके बारा जोआना जो चुणु | तिनी तिन्या जो गिचिकरी तैस देशा रा भेद लैणै रै निर्देश दितै कि हेरा कि सो किना देश हा | तिन्या जो तिन्या कनानी रा भेद भी लैणा थू कि हेरा कि सो जोरावाळै थीयै कि या कमजोर थीयै |

![](https://cdn.door43.org/obs/jpg/360px/obs-en-14-05.jpg)

तिन्या बारा जोआनै पुरै कनान मितै भुन्दै चाळीया धैड़ै री यात्रा करी अतै फिरी सो वापस फिरी आयै | तिन्यै मणु जो दस्सू, “सो देश बड़ा उपजाऊ हा अतै फसला बड़ी ज्यादा री हिन्!” पर दस भेदीयै बल्लू, “तयांरै नगर बड़ै पक्कै हिन् अतै सो लम्बै-चोड़ै हिन्! जे अहै तिन्या पुर हमला करदै हिन्, ता पक्का सो असियो हराई दीणा अतै असियो मारी दीणा |”

![](https://cdn.door43.org/obs/jpg/360px/obs-en-14-06.jpg)

तुरंत ही कालेब अतै यहोशु अतै होर दूँ भेदीयै बल्लू, “एह सच हा कि कनान रै मणु लंबै अतै जोरावाळै हिन्, पर पक्का अहै तिन्या जो हराई सकदैं हिन्! प्रमात्मै असू ताई लड़ला!”

![](https://cdn.door43.org/obs/jpg/360px/obs-en-14-07.jpg)

पर मणुयै कालेब अतै यहोशु री ना हुणी | सो मूसा अतै हारून पुर जळी नकैए अतै बल्लू, “ तुहै असियो एस डरावनी जगह पुर कजो लेई करी आयै हिन्? असियो मिस्र मंज ही रैहणा चेहिन्दा थू | जे अहै तैस देशा मंज गन्दै हिन् ता असै युद्ध मंज मारै गाणै, अतै कनान रै मणु ईन्दी लाड़ी अतै बच्चे जो दास बणाई लैणा |” सो मणु तिन्या जो वापस मिस्र मंज लेइकरी गाणै ताई अक्क होरी अगुवै जो चुणना चाहन्दै थीयै |

![](https://cdn.door43.org/obs/jpg/360px/obs-en-14-08.jpg)

जैहणै तिन्या मणुयै एसा बल्लू ता प्रमात्मा बड़ा क्रोधित भूची गो | सो मिलाप वाळै तम्बू मंज आ अतै बल्लू, “तुहै मेरै विरुद्ध बलवा करू हा, ठेरैताई तुसू सबी जो एस बणा मंज भटकणा पैणा | हर अक्क जन जेड़ा बिया साला या तैत थऊँ ज्यादा उम्रा रा हा तैठी मरी गाणा अतै कदी भी तै देशा मंज प्रवेश ना करी पाणा जेड़ा अऊँ तुसियो दिंदा हा | केवल कालेब अतै यहोशु तैस मंज प्रवेश करलै |”

![](https://cdn.door43.org/obs/jpg/360px/obs-en-14-09.jpg)

जैहणै मणुयै प्रमात्मै जो एसा बलन्दै हुणु, ता सो दुखी भूयै क्योकि तिन्यै पाप करूरा थू | ठेरैताई तिन्यै कनान रै मणु पुर हमला करनै रा फैसला करू | मुसै तिन्या जो ना गाणै ताई चेतावनी दिती क्योकि प्रमात्मै तिन्या सोगी ना गाणा, पर तिन्यै तसेरी ना हुणी |

![](https://cdn.door43.org/obs/jpg/360px/obs-en-14-10.jpg)

प्रमात्मै एस युद्ध मंज तिन्या सोगी ना गछुरा थू, ठेरैताई कनानीयै तिन्या जो पराजित करी दित्ता अतै तिन्या मंज थऊँ मतै जो मारी दिता | तैहणै इस्रायली मणु कनान थऊँ वापस मुड़ी गै | अगलै चाळीया साला तिकर, सो बणा मंज एरा-ओरा भटकणा |

![](https://cdn.door43.org/obs/jpg/360px/obs-en-14-11.jpg)

इस्रायली मणु दुआरा बणा मंज भटकणै रै चाळीया साला रै दोरान, प्रमात्मै तयांरी जरूरता जो पूरा करू | तिनी तिन्या जो स्वर्गा थऊँ "मन्ना" कहलाणै वाळी रोट्टी दित्ती | तिनी बटेरै रै झुण्ड भी ( जो कि मध्यम अकार रै पखेरु भुन्दै हिन्) तयारी वारगा मंज भैज्जै ताकि ताकि तिन्या बलै खाणै ताई मॉस भोआ | तैस पुरै टैमै, प्रमात्मै तन्यारै ओडणा अतै जूट्टै जो फटणै थऊँ बचाई रखु |

![](https://cdn.door43.org/obs/jpg/360px/obs-en-14-12.jpg)

ऐठिया तक कि प्रमात्मै तन्यारै पिणै ताई चमत्कारी रूपा सितै गोड़ी थऊँ पाणी कड्डू | पर इन्या सबी रै उपरान्त, इस्रायली मणुयै प्रमात्मै रै वरुद्ध अतै मूसा रै वरुद्ध शकैत करी अतै कुड़कुड़ायै | ताभी प्रमात्मा विस्वासयोग्य थू | तिनी जेड़ी प्रतिज्ञा करी थी कि सो अब्राहम, इसहाक, अतै याकूब रै वंशजा ताई करला तिनी सो करू |

![](https://cdn.door43.org/obs/jpg/360px/obs-en-14-13.jpg)

अक्क होर टैमै जैहणै तिन्या मणु बलै पाणी ना थू, प्रमात्मै मूसा सितै बल्लू, “गोड़ी सितै गल्ला कर, अतै तैत थऊँ पाणी निकळना |” पर मूसै गोड़ी सोगी गल्ला ना करी | बजायै ठेरै, तिनी होठ्ठी सितै गोड़ी पुर दोई बरी मारू | एसा रीती सितै तिनी प्रमात्मै रा निरादर करू | सबी रै पिणै ताई पाणी ता निकळी आ, पर प्रमात्मै मूसा पुर जळू | तिनी बल्लू, “क्योकि तेई एसा करू हा, ठेरैताई तू प्रतिज्ञा रै देशा मंज गिची ना पाणा |”

![](https://cdn.door43.org/obs/jpg/360px/obs-en-14-14.jpg)

जैहणै इस्रायली मणु चाळीया साला तिकर बणा मंज भटकी चुकूरै थीयै, तैहणै जिन्यै प्रमात्मै रै वरुद्ध बलवा करू थू सो सब मरी गै थीयै | तैहणै प्रमात्मै तिन्या मणु जो फिरी थऊँ तैस प्रतिज्ञा रै देशा रै सिवाणै तिकर लेई गो | अबै मूसा बड़ा बुड्डा भूची गछुरा थू, ठेरैताई प्रमात्मै मणु री अगुवाई करनै मंज तसेरी मदद करनै ताई यहोशु जो चुणु | प्रमात्मै मूसा सितै एह प्रतिज्ञा भी करी थी कि अक्क धैड़ा सो तिन्या मणु बलै मूसा जीना अक्क भविष्यवक्ता भैजणा |

![](https://cdn.door43.org/obs/jpg/360px/obs-en-14-15.jpg)

मुसै तैसा प्रतिज्ञा रै देशा जो हेरू पर प्रमात्मै तैसियो तैत मंज गाणै री अनुमति ना दिती | तैहणै मुसा मरी गो, अतै इस्रायलीयै ति धैड़ै तिकर दुःख मनऊ | यहोशु तयांरा नोआ अगुवा बणी गो | यहोशु अक्क अच्छा अगुवा थू क्योकि तिनी प्रमात्मै पुर भरोसा करू अतै तसेरी गल्ला जो मन्नू | निर्गमन अध्याय 16-17; गिनती 10-14; 20; 27; व्यवस्थाविवरण 34 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_14_128kbps.mp3

## 15. प्रतिज्ञा रा देश

https://openbiblestories.org/l/gbk/story-15/

![](https://cdn.door43.org/obs/jpg/360px/obs-en-15-01.jpg)

अंत मंज, अबै सो टैम चली आ थू कि इस्रायली मणु प्रतिज्ञा रै देश, कनान मंज प्रवेश करन | तेैस देशा मंज यरीहो नां रा अक्क नगर थू | तसेरी सुरक्षा ताई तसेरै चोरुनी तरफ मजबूत दुआला थी | यहोशुयै तैस नगरा मंज दूँ भेदी जो भैज्जू | तैस नगर मंज राहाब नां री अक्क वेश्या रैहन्दी थी | तैहै इन्या भेदी जो लूकाऊ, अतै फिरी बादा मंज तैहै तिन्याजो नगर थऊँ बची करी नकैणै मंज मदद करी | तैहै एसा ठेरैताई करू कि क्योकि सो प्रमात्मै मंज विशवास करदी थी | जैस टैमै इस्रायली मणु यरीहो जो नाश करना तैहणै तिन्यै राहाब अतै तसारै टबरा री रक्षा करनै री प्रतिज्ञा करी थी |

![](https://cdn.door43.org/obs/jpg/360px/obs-en-15-02.jpg)

इस्रायली मणु जो प्रतिज्ञा रै देश मंज गाणै ताई यरदन नदी पार करनी थी | प्रमात्मै यहोशु सितै बल्लू, “याजका जो पैहलै गाणा दे |” जैहणै याजकै यरदन नदी मंज अपणै कदमा जो रखु ता पाणी री धारा रा चलना बंद भूची गो, जैत थऊँ कि इस्रायली मणु नदी री दुई तरफ हुक्की जमीना पुर गिची सकन |

![](https://cdn.door43.org/obs/jpg/360px/obs-en-15-03.jpg)

तिन्या मणुयै यरदन नदी पार करी लेई ता प्रमात्मै यहोशु सितै बल्लू कि यरीहो पुर हमला करनै ताई तैयार रेया, कि सो बड़ा पक्का नगर थू | प्रमात्मै तिन्या मणु सितै बल्लू कि तयांरै याजका अतै सपाई जो छिया धैड़ै तिकर तैस नगरा रै चोरुनी तरफ चक्कर लाणा हा | अत: याजका अतै सपाई एसा ही करू |

![](https://cdn.door43.org/obs/jpg/360px/obs-en-15-04.jpg)

तैहणै सतमै धैड़ै, इस्रायलीयै तैस नगरा रै चोरुनी तरफ सात बरी होर चक्कर लाऐ | तसेरै नगरा रै चोरुनी तरफ सतमी बरी चक्कर लगाई लैड़ै थऊँ बाद, याजकै अपणी तुरही बजाई अतै सपाईयै जोरदार हल्ला पाऊ |

![](https://cdn.door43.org/obs/jpg/360px/obs-en-15-05.jpg)

तैहणै यरीहो रै चोरुनी तरफ री दुआला डेई गेई! जिनी प्रमात्मै आज्ञा दितुरी थी इस्रायलीयै नगर री हर अक्क चीज जो खत्म करी दित्ता | तिन्यै केवल राहाब अतै तसारै टबरा जो छड्डी दित्ता, जेड़ै इस्रायली रा भाग बणी गछुरै थीयै | जैहणै कनान मंज रैहणै वाळै होरी मणुयै हुणु कि इस्रायलीयै यरीहो जो खत्म करी दिता हा, ता सो डरी गै कि इस्रायली मणु तिन्या पुर भी हमला करना |

![](https://cdn.door43.org/obs/jpg/360px/obs-en-15-06.jpg)

प्रमात्मै इस्रायली जो आज्ञा दितूरी थी कि कनान मंज रैहणै वाळी कसी भ जाति सोगी शांतिसंधि ना करनी हा | पर गिबोनियों नामक अक्क कनानी जातियै यहोशु सितै झूठ बल्लू कि सो कनान थऊँ दूर अक्की जगहा रै रैहणै वाळै हिन् | तिन्यै यहोशु सितै तिन्या सोगी शांतिसंधि करनै रा अनुरोध करू | यहोशु अतै होर इस्रायली अगुवै प्रमात्मै थऊँ ना पुछु कि तिन्याजो कै करना चेहिन्दा | ठेरै बजाऐ, तिन्यै गिबोनियो रै सोगी शांतिसंधि करी लेई |

![](https://cdn.door43.org/obs/jpg/360px/obs-en-15-07.jpg)

त्रीं धैड़ै बाद, इस्रायली जो पता लगा कि गिबोनी मणु कनान मंज ही रैहन्दै थीयै | जो जळी नकैए क्योकि गिबोनीयै तिन्या जो धोखा दित्ता थू | पर तिन्यै तिन्या सोगी करुरी तैसा शांतिसंधि जो बणाई रखु क्योकि सो प्रमात्मै रै सामणै करी गेई थी | तैहणै कुछ टैमा बाद, कनान मंज रैहणै वाळी अक्क अन्यजाति, एमोरी रै राजै हुणु कि गिबोनीयै इस्रायली सोगी शांतिसंधि करी लेई हा, ठेरैताई तिन्यै अपणी-अपणी सेना जो अक्क करीके अक्क बड्डी सेना बणाई अतै गिबोन पुर हमला करी दित्ता | गिबोनीयै तयांरी मदद करनै ताई यहोशु बलै अक्क सन्देश भैज्जू |

![](https://cdn.door43.org/obs/jpg/360px/obs-en-15-08.jpg)

अत: यहोशुयै इस्रायली री सेना जो कठेरु अतै गिबोनी बलै पूजणै ताई सो पुरी रात चलै | भयागा तड़कै मंज तिन्यै एमोरी री सेना जो हेरान करी दित्ता अतै तिन्या पुर हमला करी दित्ता |

![](https://cdn.door43.org/obs/jpg/360px/obs-en-15-09.jpg)

तैस धैड़ै प्रमात्मा इस्रायली ताई लड़ू | तिनी ऐमोरी जो डराई दित्ता अतै तिनी मोट्टै-मोट्टै ओळै फड़ाई करी मतै सारै एमोरी जो मारी दित्ता |

![](https://cdn.door43.org/obs/jpg/360px/obs-en-15-10.jpg)

प्रमात्मै सुरजा जो भी अम्बरा मंज अक्की जगह पुर रोकी दित्ता ताकि इस्रायली जो पर्याप्त टैम मुळी गच्छा कि एमोरी जो पुरी तरह थऊँ हराई दीन | तैस धैड़ै, प्रमात्मै इस्रायली ताई अक्क बड्डी जित हासल करी |

![](https://cdn.door43.org/obs/jpg/360px/obs-en-15-11.jpg)

जैहणै प्रमात्मै तिन्या जो हराणै रै बाद, मतै कनानी जाति रै मणु इस्रायल पुर हमला करनै ताई किठीयै | यहोशु अतै इस्रायलीयै हमला करीके तयांरा सर्वनाश करी दित्ता |

![](https://cdn.door43.org/obs/jpg/360px/obs-en-15-12.jpg)

इन्या युद्ध रै बाद, प्रमात्मै इस्रायल रै पत्येक गोत्रा जो प्रतिज्ञा रै तैस देशा मंज तयांरा भाग दित्ता | तैहणै प्रमात्मै इस्रायल जो तसेरी सभी सीमा पुर शांति प्रदान करी |

![](https://cdn.door43.org/obs/jpg/360px/obs-en-15-13.jpg)

यहोशू अध्याय 1-24 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_15_128kbps.mp3

## 17. दाऊद सोगी प्रमात्मै री वाचा

https://openbiblestories.org/l/gbk/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्रायल रा पैहला राजा थू | सो लम्बा अतै छैळ थू, जिंया सो मणु चाहन्दै थीयै अकदम तिना | इस्रायल पुर अपणै शासन रै पैहलै कुछ साला मंज शाऊल अक्क अच्छा राजा थू | पर बादा मंज सो अक्क बुरा मणु बणी गो जिनी प्रमात्मै री गल्ला जो ना मन्नू, ठेरैताई प्रमात्मै अक्क होरी मणु जो चुणु जेड़ा कि अक्क धैड़ै तसेरी जगह पुर राजा बणना |

![](https://cdn.door43.org/obs/jpg/360px/obs-en-17-02.jpg)

प्रमात्मै दाऊद रै नां अक्क जोआन इस्रायली मड़दा जो चुणी करी अक्क धैड़ा शाऊल री जगहपुर राजा बणाणै ताई तेयार करना शुरू करू | दाऊद बैतलहम नगर रा अक्क पाअल थू |कई टैमा पुर, दाऊदै शेरा अतै भालू धुनी जो मारी दित्ता थू क्योकि दाऊद दुआरा रखवाली करंदै टैमै तसेरै पितै री भैड़ा पुर तिन्यै हमला करू थू | दाऊद अक्क नर्म अतै धर्मी मणु थू | तिनी प्रमात्मै पुर भरोसा करू अतै तसेरी गल्ला जो मन्नू थू |

![](https://cdn.door43.org/obs/jpg/360px/obs-en-17-03.jpg)

जैहणै दाऊद अल्ली जोआन मड़ दही थू, तिनी लम्बै-चोड़ै गोलियत रै वरुद्ध गुळाटी करी | गोलियत अक्क बड़ा अच्छा सपाई थू | सो बड़ा मजबूत अतै लगभग त्राई मीटर लम्बा थू! पर प्रमात्मै गोलियत जो मारनै अतै इस्रायल जो बचाणै मंज दाऊद री मदद करी | ठेरै बाद, दाऊदै इस्रायल रै दुशमणा पुर कई बरी जीत हासल करी | दाऊद अक्क बड्डा सपाई बणी गो, अतै तिनी मत्ती लड़ाई मंज इस्रायली सेना री अगुवाई करी | मणुयै तसेरी बड़ी तारीफ करी |

![](https://cdn.door43.org/obs/jpg/360px/obs-en-17-04.jpg)

मणुयै दाऊद सितै एतना प्यार करू कि शाऊल तैस थऊँ जळना लगा | आखिरकार शाऊल तैसियो मारी दीणा चाहन्दा थू, ठेरैताई दाऊद तैस थऊँ अतै तसेरै सपाई थऊँ लुकणै ताई बणा मंज नहीं गो | अक्क धैड़ा, जैहणै शाऊल अतै तसेरै सपाई दाऊद री खोज मंज थीयै ता शाऊल अक्की गुफा मंज गो | ऐ सो ही गुफा थी जैत मंज दाऊद लुकुरा थू, पर शाऊलै सो ना हेरू | दाऊद शाऊल रै पचुं तसेरै बड़ै नेड़ै चली गो अतै तसेरै ओडणा थऊँ अक्क टुकडा कट्टी लेऊ | बादा मंज, जैहणै शाऊल तैसा गुफा थऊँ निकळू ता दाऊदै तैसियो हाक पाई करी तैस पकुड़ूरै ओडणा रै टुकडै जो दस्सू | एसा रीति सितै शाऊल जाणी गो कि दाऊदै राजा बणनै ताई तैसियो मारनै थऊँ ना करी दित्ती हा |

![](https://cdn.door43.org/obs/jpg/360px/obs-en-17-05.jpg)

कुछ टैमा रै बाद, शाऊल युद्ध मंज मरी गो, अतै दाऊद इस्रायल रा राजा बणी गो | सो अक्क खरा राजा थू, अतै मणुयै तैद थऊँ आस रखी | प्रमात्मै दाऊद जो आशीषित करू अतै तैसीयो सफल बणाऊ | दाऊदै कई लड़ाई लड़ी, अतै प्रमात्मै इस्रायल रै दुशमणा जो हराणै मंज तसेरी मदद करी | दाऊदै यरूशलेम नगर जो जीती करी तैसियो अपणी राजधानी बणाऊ, जैठी सो रेऊ अतै शासन करू | दाऊद चाळीया साला तिकर राजा रेऊ | एस टैमा रै दोरान, इस्रायल सामर्थी अतै धनवान बणी गो |

![](https://cdn.door43.org/obs/jpg/360px/obs-en-17-06.jpg)

दाऊद अक्क मंदिर बणाणा चाहन्दा थू जैठी सब इस्रायली प्रमात्मै री आराधना करी सकन | लगभग 400 साला थऊँ, सो मणु मूसा रै बणाऊरै मिलाप वाळै तम्बू मंज प्रमात्मै री आराधना करू करदैं थीयै अतै तसेरै ताई बलिदान चड़ाऊ करदै थीयै |

![](https://cdn.door43.org/obs/jpg/360px/obs-en-17-07.jpg)

पर तैठी नातान नां रा अक्क भविष्यवक्ता थू | प्रमात्मै तैसियो दाऊद सितै एह बलनै जो भैजू: “तेई मतैयुद्ध लड़ै हिन्, ठेरैताई तू मेरै ताई एस मंदरा जो ना बणला | तेरा पुत्र ऐतियो बणला | ताभी,अऊँ तीजो बहूतायत सितै आशीषित करला | तेरा अक्क वंशज सदा ताई मेरै मणु पुर राजा रै रूपा मंज शासन करला |” सदा ताई शासन करनै वाळा सो दाऊद रा अकमात्र वंशज मसीह थू | मसीह प्रमात्मै रा चुणुरा जन थू जेड़ा संसार रै मणु जो तयांरै पापा थऊँ बचाणा |

![](https://cdn.door43.org/obs/jpg/360px/obs-en-17-08.jpg)

जैहड़ै दाऊदै नातान रै सन्देश जो हुणु ता तिनी प्रमात्मै रा धन्यवाद करू अतै तसेरी स्तुति करी | प्रमात्मा तसेरी प्रतिष्ठा जो बड़ाऊ करदा थू अतै तैसियो मती साड़ी आशीषा दिछु करदा थू | वेशक, दाऊद ना जाणदा थू कि 1000 साल तिकर मसीह री ईणै री भाळ करना पैणी हा |

![](https://cdn.door43.org/obs/jpg/360px/obs-en-17-09.jpg)

दाऊदै कई साला तिकर न्याय सितै अपणै मणु पुर शासन करू | तिनी बदी इमानदारी सितै प्रमात्मै री गल्ला जो मन्नू अतै प्रमात्मै तैसियो आशीष करू | हालांकि, अपणै जीवन रै अंत मंज तिनी प्रमात्मै रै वरुद्ध भयानक पाप करू थू |

![](https://cdn.door43.org/obs/jpg/360px/obs-en-17-10.jpg)

अक्क धैड़ा दाऊदै अपणै मैहल थऊँ बाहर टेक्कु अतै अक्क छैळ जनानी जो नेईन्दै हेरू | सो तैसायो ना जाणदा थू, पर तिनी पता करी लेऊ कि तसारा नां बतशेबा थू |

![](https://cdn.door43.org/obs/jpg/360px/obs-en-17-11.jpg)

अपणी नजरी जो फेरी लैणै रै बजाय, दाऊदै तैसायो अप्पू बलै लेईणै जो कसी जो भैजू | सो तैसा सोगी सोऊ अतै तैसा जो वापस घरा जो भैजी दित्ता | थोड़ै टैमा बाद बतशेबै एह बल्ली करी दाऊद बल सन्देश भैज्जू कि सो गर्भवती हा |

![](https://cdn.door43.org/obs/jpg/360px/obs-en-17-12.jpg)

बतशेबा रा लाड़ा ऊरिय्याह नां रा अक्क मणु थू | सो दाऊद रै उतम सपाई मंज अक्क थू | एस टैमै सो युद्ध करनै ताई सो बाहर गछुरा थू | दाऊदै ऊरिय्याह जो लड़ाई थऊँ वापस हैद्दी करी तैसियो अपणी लाड़ी सोगी रैहणै जो बल्लू | पर होर सपाई लड़ाई मंज थीयै ठेरैताई ऊरिय्याहै घरा जो गाणै थऊँ ना करी दिती | अत: दाऊदै ऊरिय्याह जो वापस लड़ाई मंज भैजी दित्ता अतै सेनापति सितै तैसियो लड़ाई मंज एसी जगह मंज रखणै जो बल्लू जैठी दुशमण सबी थऊ शक्तिशाली भोआ ताकि सो मरी गच्छा | ता एसा भुआ कि ऊरिय्याह लड़ाई मंज मरी गो |

![](https://cdn.door43.org/obs/jpg/360px/obs-en-17-13.jpg)

ऊरिय्याह रै लड़ाई मंज मरी गाणै रै बाद दाऊदै बतशेबा सोगी बैह करी लेऊ | बादा मंज, तैहै दाऊद रै पुत्रा जो जन्म दित्ता | दाऊदै जेड़ा कुछ करू तैस थऊँ प्रमात्मा बड़ा जळू थू, ठेरै ताई तिनी नातान भविष्यवक्ता जो दाऊद जो एह दसणै ताई भैज्जू कि तसेरा पाप करना बुरा थू | दाऊदै अपणै पाप रा पश्चाताप करू अतै प्रमात्मै तैसियो माफ़ करी दिता | अपणै बचुरै जीवन मंज, अपणै कठण टैमा मंज भी दाऊद प्रमात्मै रै प्चुं-प्चुं चलू अतै तसेरी गल्ला जो मन्नू |

![](https://cdn.door43.org/obs/jpg/360px/obs-en-17-14.jpg)

1 शमूएल अध्याय 10; 15-19; 24; 31; 2 शमूएल 5; 7; 11-12 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_17_128kbps.mp3

## 18. विभाजित राज्य

https://openbiblestories.org/l/gbk/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजै चाळीया साला तिकर शासन करू | फिरी सो मरी गो, अतै तसेरै पुत्र सुलैमानै इस्रायल पुर शासन करना शुरू करू | प्रमात्मै सुलैमान सोगी गल करी अतै तैस थऊँ पुछु कि सो सबीथऊँ ज्यादा कै चांहन्दा हा कि प्रमात्मा तैस ताई करा | सुलैमानै प्रमात्मै थऊँ मंगू कि सो तैसियो बड़ा बुद्धिमान बणाई देया | एसै गलै प्रमात्मै जो खुश करू, ठेरै ताई प्रमात्मै सुलैमान जो संसार रा सबी थऊँ बुद्धिमान मड़द बणाण दित्ता | सुलैमानै मती गल्ला जो सिखु अतै सो अक्क बुद्धिमान शासक थू | प्रमात्मै तैसियो बड़ा आमिर भी बणाई दितुरा थू |

![](https://cdn.door43.org/obs/jpg/360px/obs-en-18-02.jpg)

यरूशलेम मंज सुलैमानै तैस मंदरा जो बणाऊ जैस ताई तसेरै पितै योजना बणाई थी | अतै समाना जो कठेरु | अबै मणु मिलाप वाळै तम्बू रै बजाय मंदरा मंज प्रमात्मै री आराधना करंदै थीयै अतै तैस ताई बलि चड़ान्दै थीयै |प्रमात्मै इचिकरी मंदरा मंज मोजूद रैहन्दा थू, अतै तैठी सो अपणै मणु सोगी वास करन्दा थू |

![](https://cdn.door43.org/obs/jpg/360px/obs-en-18-03.jpg)

अपर सुलैमानै दुयै देशा री जनानी सितै प्यार करू | तिनी मति जिनी, लगभग 1,000 जनानी सितै बैह करीके प्रमात्मै री अवज्ञा करी! इन्या मंज मति जिनी जनानी पराय देशा थऊँ छुरी थी अतै अप्पू सोगी अपणै देवतै जो अन्दुरा थू अतै तयांरी पूजा करना जारी रखु | जैहणै सुलैमान बुडा भूची गो ता तिनी भी तयांरै देवतै री पूजा करी |

![](https://cdn.door43.org/obs/jpg/360px/obs-en-18-04.jpg)

एसा बजह थऊँ प्रमात्मा सुलैमान थऊँ जळू | तिनी बल्लू कि सो इस्रायल देशा जो दूँ राज्य मंज बंडी दिणै रै दुआरा तैसियो दंड दिल्ला | सो सुलैमान रै मरनै रै बाद एसा करना ||

![](https://cdn.door43.org/obs/jpg/360px/obs-en-18-05.jpg)

सुलैमान रै मरनै थऊँ बाद, रहबाम राजा बणी गो | इस्रायल देश रै सब मणु तैसियो अपणै राजा रै रूपा मंज स्वीकार करनै ताई अक्क सोगो किठीयै | तिन्यै रहबाम सोगी शकायत करी कि सुलैमानै तिन्या थऊँ बड़ा कठण मेहनत करवाई थी अतै मतै सारै कर वसूलै थीयै | तिन्यै रहबाम सोगी विनती करी कि तिन्या थऊँ थोड़ा कम करवान |

![](https://cdn.door43.org/obs/jpg/360px/obs-en-18-06.jpg)

अपर रहबामै तिन्या जो बड़ी ही मुर्खता सोगी जबाब दित्ता, “तुहै बलदै हिन् कि मेरै पितै सुलैमानै तुसू थऊँ बड़ी मेहनत करवाई | पर मुं तुसू थऊँ तैस थऊँ भी ज्यादा कठण कम करवाणा, अतै मुं तुसियो तैस थऊँ भी ज्यादा पीड़ित करना |”

![](https://cdn.door43.org/obs/jpg/360px/obs-en-18-07.jpg)

जैहणै मणुयै तैसियो इन्या बलदै हुणु ता तिन्या मंज कईयै तसेरै बरुद्ध बलवा करू | दस गोत्रै तैसियो छडी दित्ता; तैस सोगी अबै केवल दोई गोत्र ही बचै | इन्या दूँ गोत्रै अप्पू जो यहूदा रा राज्य बल्लू |

![](https://cdn.door43.org/obs/jpg/360px/obs-en-18-08.jpg)

बाकी रै दस गोत्रै यारोबाम नां रै अक्की मड़दा जो अपणा राज बणाई लेऊ | ऐ गोत्र देशा रै उत्तर-पूर्बी भाग मंज थीयै | तिन्यै अप्पू जो इस्रायल रा राज्य बल्लू |

![](https://cdn.door43.org/obs/jpg/360px/obs-en-18-09.jpg)

अपर यारोबामै प्रमात्मै रै वरुद्ध बलवा करू अतै मणु थऊँ पाप करवाऊ | तिनी अपणै मणु रै दोआरा उपासना करनै ताई दूँ मूर्ति जो बणाऊ | सो अबै युह्दा रै राज्य मंज यरूशलेम मंज प्रमात्मै रै मंदरा मंज तसेरी आराधना करनै ताई ना गै |

![](https://cdn.door43.org/obs/jpg/360px/obs-en-18-10.jpg)

यहूदा अतै इस्रायल रै राज्य दुशमण बणी गै अतै अक्सर अक्की दुयै रै वरुद्ध लड़ना लगै

![](https://cdn.door43.org/obs/jpg/360px/obs-en-18-11.jpg)

इस्रायल रै नोयै राज्य मंज, सब राजै बुरै थीयै | इन्या मंज थऊँ कई राजा तयांरी जगह पुर राजा बणनै री चाह रखणै वाळै होर इस्रायली रै दुआरा मारै गै थीयै |

![](https://cdn.door43.org/obs/jpg/360px/obs-en-18-12.jpg)

इस्रायल राज्य रै सबी ही राजै अतै ज्यादातर मणुयै मूर्ति टर्र पूजा करी | जैहणै तिन्यै एसा करू, ता सो अक्सर वेश्या सोगी सोयै अतै ऐठी तक कि कई बरी मूर्ति रै अग्गै बच्चै जो बलि भी करू |

![](https://cdn.door43.org/obs/jpg/360px/obs-en-18-13.jpg)

1 राजा अध्याय 1-6; 11-12 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_18_128kbps.mp3

## 19. भविष्यद्वक्ता

https://openbiblestories.org/l/gbk/story-19/

![](https://cdn.door43.org/obs/jpg/360px/obs-en-19-01.jpg)

प्रमात्मा हमेशा इस्रायली रै बलै भविष्यवक्ता जो भैजन्दा रैहन्दा थू | भविष्यवक्ता प्रमात्मै थऊँ संदेसा जो हुणदैं थीयै अतै फिरी तैतियो मणु जो दसन्दै थीयै |

![](https://cdn.door43.org/obs/jpg/360px/obs-en-19-02.jpg)

जैहणै अहाब इस्रायल राज्य पुर राजा थू ता तैस टैमै एलिय्याह भविष्यवक्ता थू | अहाब अक्क बुरा मणु थू | तिनी झूठै बाल देवतै री पूजा कराणै ताई मणु जो मजबूर करू थू | ठेरैताई एलिय्याहै अहाब सितै बल्लू कि प्रमात्मा तिन्या मणु जो दंड दीणा थू | तिनी तैस सोगी बल्लू, “जैहणै तक मुं फिरी थऊँ बरखा भूणै ताई ना बल्लू तैहणै तक इस्रायल रै राज्य मंज ना बरखा भूणी अतै ना ही ओस पैणी |”एसै गलै अहाब जो एतना गुस्सा करी दिता कि तिनी एलिय्याह जो मारनै रा फैसला करू |

![](https://cdn.door43.org/obs/jpg/360px/obs-en-19-03.jpg)

ठेरै ताई प्रमात्मै एलिय्याह सितै बल्लू कि सो बणा मंज गिची करी अहाब थऊँ लुकी गच्छा | एलिय्याह बणा मंज तेस सोते बलै गो जैठीया जो गाणै ताई प्रमात्मै तैसियो दस्सू थू | हर भयागा अतै हर संझा, पखेरु एलिय्याह ताई रोट्टी अतै मॉस लेईकरी इन्दै थीयै | एस पुरै टैमै, अहाब अतै तसेरी सेना एलिय्याह री खोज करंदै रैह, पर सो तैसियो खोजी ना पायै |

![](https://cdn.door43.org/obs/jpg/360px/obs-en-19-04.jpg)

तैस देशा मंज अक्क गरीब विधवा थी जैसा बलै अक्क पुत्र थू | तिन्या बलै खाणै जो लगभग मुकी गछुरा थू क्योकि तैठी कोई फसल ना भछुरी थी | पर फिरी भी, तैसै जनानीयै एलिय्याह री देखभाळ करी, ठेरैताई प्रमात्मै तसारी अतै तसारै पुत्रा री जरूरता जो पूरा करू, एस कारण थऊँ तसारै पिठ्ठै रा भाण्डाँ अतै तसारै तैला री कुप्पी कदी खाली ना भुई | तैस पुरै अकाल रै दोरान तिन्या बलै खाणा थू | एलिय्याह कुछ साला तिकर तैठी रेऊ |

![](https://cdn.door43.org/obs/jpg/360px/obs-en-19-05.jpg)

साढ़ै त्रीं साला रै बाद, प्रमात्मै एलिय्याह सितै बल्लू कि सो फिरी थऊँ बरखा करला | तिनी एलिय्याह सितै वापस इस्रायल रै राज्य मंज गिचीकरी अहाब सितै गल्ला करनै ताई बल्लू | ठेरैताई एलिय्याह अहाब बलै गो | जैहणै अहाबै तैसियो हेरू ता तिनी बल्लू, “अच्छा तू हा, मुसीबत पैदा करनै वाळा!” एलिय्याहै जबाब दित्ता, “मुसीबत पैदा करनै वाळा ता तू हा! तेई यहोवा जो त्यागी दितुरा हा | सो ही सच्चा प्रमात्मा हा, पर तू बाल री पूजा करू करंदा हा | अबै तुद इस्रायल राज्य रै सबी मणु जो कम्रेल पाड़ा पुर लेई करी इणा हा |”

![](https://cdn.door43.org/obs/jpg/360px/obs-en-19-06.jpg)

अत: सब मणु कम्रेल पाड़ा जो गै | सो मड़द भी आयै जेड़ै बलदै थीयै कि सो बाल रै संदेसा जो बलदै हिन् | एह बाल रै भविष्यवक्ता थीयै | सो सब 450 थीयै | एलिय्याहै मणु सोगी बल्लू, “कैहणै तिकर तुहै अपणै मना जो फराई रखलै? जे यहोवा प्रमात्मा हा ता तसेरी आराधना करा! जे बाल प्रमात्मा हा ता तसेरी पूजा करा!”

![](https://cdn.door43.org/obs/jpg/360px/obs-en-19-07.jpg)

तैहणै एलिय्याहै बाल रै भविष्यवक्ता सोगी बल्लू, “अक्की बाळदा जो बलि करीके तसेरै मासा जो बलिदान भूणै ताई अक्की वेदी पुर रखा, पर आग अंत लंदै | तठेरै बाद मुं भी तिन्या ही करना, अतै अक्क लग वेदी पुर मुं तैस मासा जो रखणा | तैहणै जे प्रमात्मा वेदी पुर पैन्दा हा ता तुसू जाणी लैणा कि सो सच्चा प्रमात्मा हा |” तैहणै बाल रै भाविश्य्वक्तै अक्की बलि जो तयार करू अपर आग ना लाइ |

![](https://cdn.door43.org/obs/jpg/360px/obs-en-19-08.jpg)

तैहणै बाल रै भाविश्य्वक्तै बाल सितै प्रार्थना करी, “हे बाल, इंदी हुण!” पूरा धैड़ा तिन्यै प्रार्थना करी अतै बकै अतै ऐठीया तिकर कि अप्पू जो चाकू सितै बड्डी लेऊ, अपर बालै जबाब ना दित्ता, अतै तिनी कोई आग ना फैकीं |

![](https://cdn.door43.org/obs/jpg/360px/obs-en-19-09.jpg)

बाल रै भाविश्य्वक्तै बाल सोगी प्रार्थना करनै मंज लगभग पूरा धैड़ा बिताई दित्ता | अतै तिन्यै प्रार्थना करना बंद करी दित्ता | तैहणै एलिय्याहै दुयै बाळदा रै मासा जो तैस बलिदान पुर तैहणै तिकर डोळनै ताई बल्लू जैहणै तक कि मॉस, लकड़ी, अतै एठीया तक कि वेदी रै आसपास री जमीन पुरी तरह थऊँ सीजी ना गेई |

![](https://cdn.door43.org/obs/jpg/360px/obs-en-19-10.jpg)

तैहणै एलिय्याहै प्रार्थना करी कि, “ हे यहोवा, अब्राहम, इसहाक, अतै याकूब रै प्रमात्मा, असियो दस कि तुहै इस्रायल रै प्रमात्मा हिन् अतै एह कि अऊँ तुन्दा दास हा | मिंजो जबाब देया कि मणु इन्या जाणी लैणा कि तुहै ही सच्चै प्रमात्मा हिन् |”

![](https://cdn.door43.org/obs/jpg/360px/obs-en-19-11.jpg)

तुरंत ही, अम्बर थऊँ आग पेई अतै तिनी मॉस, लकड़ी, घोड़ी, चिक, अतै ऐठीया तक कि वेदी रै आसपास रै पाणी जो भी फुकी दित्ता | जैहणै मणुयै एह हेरू, सो जमीना पुर पेई गै अतै बल्लू, “यहोवा ही प्रमात्मा हा! यहोवा ही प्रमात्मा हा!

![](https://cdn.door43.org/obs/jpg/360px/obs-en-19-12.jpg)

तैहणै एलिय्याहै बल्लू, “बाल रा अक्क भी भविष्यवक्ता बची करी ना गिची सका!” ठेरैताई मणुयै बाल रै भविष्यवक्ता जो पकड़ी लेऊ अतै तिन्या जो तैठीया थऊँ लग लेई गै अतै तिन्या जो मारी दित्ता |

![](https://cdn.door43.org/obs/jpg/360px/obs-en-19-13.jpg)

तैहणै एलिय्याहै अहाब राजै सितै बल्लू, “तोंळा अपणी जगह जो नहीं गा, क्योकि बरखा भूणै वाळी हा |” झट ही बदळ घणै भूची गै, अतै भरी बरखा शुरू भूची गेई | यहोवा तैस अकाल जो खत्म करू करदा थू | एत थऊँ प्रकट भुआ कि यहोवा ही सच्चा प्रमात्मा हा |

![](https://cdn.door43.org/obs/jpg/360px/obs-en-19-14.jpg)

जैहणै एलिय्याहै अपणै कमा जो खत्म करी दित्ता, ता प्रमात्मै एलीशा नां रै अक्की मड़दा जो अपणा भविष्यवक्ता भूणै ताई चुणु | प्रमात्मै एलीशा रै दोआरा बड़ै चमत्कार करै | अक्क चमत्कार नामान सोगी भुआ | सो अक्क दुशमणा री सेना रा सरदार थू, अपर तसियो चमड़ी रा अक्क बुरा रोग भूची गछुरा थू | नामानै एलीशा रै बारै मंज हुणुरा थू, ठेरैताई सो एलीशा बलै आ अतै तैस सितै तैसीयो ठीक करनै ताई बिनती करी | एलीशै नामान सितै बल्लू कि गिचिकरी यरदन नदी रै पाणी मंज सात बरी डूबकी लाइ लै |

![](https://cdn.door43.org/obs/jpg/360px/obs-en-19-15.jpg)

नामान गुस्सा भूची गो | तिनी एसा करनै थऊँ ना करी दिती, क्योकि एह तैसियो मुर्खता रा कम लगन्दा थू | अपर बादा मंज तिनी अपणा मन बदली लेऊ अतै गिचिकरी यरदन नदी रै पाणी मंज सात बरी डुबकी लगाई | जैहणै आख़री बरी सो पाणी थऊँ बाहर निकळू ता प्रमात्मै तैसियो ठीक करी दित्ता |

![](https://cdn.door43.org/obs/jpg/360px/obs-en-19-16.jpg)

प्रमात्मै इस्रायल रै मणु बलै होरी मतै सारै भविष्यवक्ता जो भैज्जू | तिन्या सबीयै मणु सितै मूर्ति री पूजा करना बंद करनै ताई बल्लू | ठेरै बजाय, तिन्या जो अक्की दुयै रै सोगी न्याय सितै वर्ताव करन चेहिन्दा अतै अक्की दुयै पुर दया करना चेहिंदी | तिन्या भविष्यवक्तै मणु जो चेतावनी दित्ती कि तिन्याजो बुरै कमा जो बंद करी दीणा हा अतै ठेरै बजाय प्रमात्मै री गल्ला रा पालन करना हा | जे तिन्या मणुयै एसा ना करू ता प्रमात्मा तिन्या जो दोषी मन्नीकरी तयांरा न्याय करना, अतै तिन्या जो दंड दीणा |

![](https://cdn.door43.org/obs/jpg/360px/obs-en-19-17.jpg)

ज्यादा टैमै, तिन्या मणुयै प्रमात्मै री आज्ञा रा पालन ना करू | अक्सर तिन्यै भविष्यवक्ता सोगी बुरा वर्ताव करू अतै ऐठीया तक कि कदी-कदी तिन्या जो मारी दित्ता | अक्क बरी, तिन्यै यिर्मयाह भविष्यवक्ता जो हक्कै खुआ मंज पाई दित्ता अतै तैसियो मरनै ताई छड्डी दित्ता | सो खुआ रै तळा मज चिकड़ा मंज धसी गो | पर तैहणै राजा जो तैस पुर दया आई अतै तिनी अपणै सपाई जो हुक्म दित्ता कि यिर्मयाह रै मरनै थऊँ पैहलै तैसियो खुआ थऊँ खिंजी लेन |

![](https://cdn.door43.org/obs/jpg/360px/obs-en-19-18.jpg)

1 राजा अध्याय 16-18; 2 राजा 5; यिर्मयाह 38 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_19_128kbps.mp3

## 20. बंधूआई अतै फिरना

https://openbiblestories.org/l/gbk/story-20/

![](https://cdn.door43.org/obs/jpg/360px/obs-en-20-01.jpg)

इस्रायल रै राज्य अतै यहूदा रै राज्य धुनीयै प्रमात्मै रै वरुद्ध पाप करू | तिन्यै तैसा वाचा जो तरोड़ी दित्ता जेड़ी प्रमात्मै तिन्या सोगी सीनै पुर ब्स्न्नी थी | प्रमात्मै तिन्या जो पश्चाताप करनै अतै फिरी थऊँ तसेरी आराधना करनै ताई चेतावनी दिणै ताई अपणै भविष्यवक्ता जो भैज्जू, अपर तिन्यै तयांरी गल्ला जो मनणै ताई ना करी दित्ती |

![](https://cdn.door43.org/obs/jpg/360px/obs-en-20-02.jpg)

अत: प्रमात्मै तयांरै दुशमणा जो नाश करनै मंज काबल करनै रै दोआरा धुनी राज्य जो दण्डित करू | अश्शुर अक्क होर देश थू जेड़ा बड़ा शक्तिशाली भूची गछुरा थू | सो दूयै देशा रै प्रति बड़ै निर्दयी भी थीयै | तिन्यै इचिकरी इस्रायल रै राजै जो नाश करी दित्ता | अश्शुरियै इचीकरी इस्रायल रै राज्य मंज मतै जो मारी दित्ता, जेड़ा चाऊ सो लुटी लेऊ, अतै देशा रै कई हेस्सै जो फुकी दित्ता |

![](https://cdn.door43.org/obs/jpg/360px/obs-en-20-03.jpg)

अश्शुरियै सबी अगुवै, अमीर मणु, अतै एसै मणु जो जेड़ै कीमती चिजा बणाई सकन्दै थीयै अक्क सोगी कठेरु अतै सो तिन्या जो अश्शुर देशा जो लेई गै | इस्रायल मंज केवल कुछ गरीब इस्रायली ही बचै |

![](https://cdn.door43.org/obs/jpg/360px/obs-en-20-04.jpg)

फिरी अश्शुरी मणु तैस देशा मंज रैहणै वाळै ताई विदेशी जो लेईकरी आयै | तिन्या विदेशीयै तिन्या नगरा जो फिरी थऊँ बणाऊ | जेड़ै इस्रायली तैठी बचुरै थीयै तिन्या सितै तिन्यै बैह करै | इन्या मणु रै वंशज सामरी कहलायै |

![](https://cdn.door43.org/obs/jpg/360px/obs-en-20-05.jpg)

यहूदा रै राज्य रै मणुयै हेरू कि किन्या प्रमात्मै तैस पुर विशवास ना करनै अतै तसेरी गल्ला जो ना मनणै रै कारण इस्रायल रै राज्य रै मणु जो दण्डित करू थू | अपर तैहणै भी तिन्यै कनानी रै देवतै री मूर्ति री पूजा करी | प्रमात्मै तैसियो चेतावनी दीणै ताई भविष्यवक्ता जो भैज्जू, अपर तिन्यै हुणनै थऊँ ना करी दिती |

![](https://cdn.door43.org/obs/jpg/360px/obs-en-20-06.jpg)

लगभग 100 साला रै बाद अश्शुरियै इस्रायल रै राज्य जो नाश करी दित्ता | प्रमात्मै बेबीलोन रै राजा, नबूकदनेस्सर जो यहूदा रै राज्य पुर हमला करनै ताई भैज्जू | बेबीलोन अक्क शक्तिशाली देश थू | यहूदा रा राजा नबूकदनेस्सर रा दास बणनै अतै हर साल तैसियो मतै सारै धना रा भुगतान करनै ताई सेहमत भूची गो |

![](https://cdn.door43.org/obs/jpg/360px/obs-en-20-07.jpg)

अपर कुछ साला बाद, यहूदा रै राजै बेबीलोन रै वरुद्ध बलवा करू | अत: बेबीलोनीयै वापस इची करी यहूदा रै राज्य पुर हमला करी दित्ता | तिन्यै यरुशलेम नगर पुर कब्जा करी लेऊ, मंदरा जो खत्म करी दित्ता, अतै नगर अतै मंदरा रै खज़ानै जो लुटी लेई गै |

![](https://cdn.door43.org/obs/jpg/360px/obs-en-20-08.jpg)

बलवा करनै रै कारण यहूदा रै राजै जो दण्डित करनै ताई, नबूकदनेस्सर रै सपाईयै राजै रै पुत्रा जो तसेरै सामणै मारी दित्ता अतै फिरी तैसियो अँधा करी दित्ता | ठेरै बाद, सो राजै जो लेई गै ताकि सो बेबीलोन रै जेलखानै मंज मरी गच्छा |

![](https://cdn.door43.org/obs/jpg/360px/obs-en-20-09.jpg)

नबूकदनेस्सर अतै तसेरी सेना रै राज्य रै लगभग सबी मणु जो बेबीलोन लेई गेई, केवल सबी थऊँ गरीब मणु जो प्चुं छडी करी ताकि सो बगड़ी मंज फसल उगान | टैमा रै एस काला जो बंधूआई बल्या गो हा, जेतमंज प्रमात्मै रै मणु जो प्रतिज्ञा रै देशा थऊँ कडणै जो विवश करूरा थू |

![](https://cdn.door43.org/obs/jpg/360px/obs-en-20-10.jpg)

भलै ही प्रमात्मै अपणै मणु जो तयांरै पापा ताई बंधूआई मंज नीणै रै दोआरा दण्डित करू |, ता भी सो तिन्या जो या अपणी प्रतिज्ञा जो ना भूलुरा थू | प्रमात्मै अपणै मणु री निगरानी करना जारी रखु अतै अपणै भविष्यवक्ता रै दोआरा तिन्या सितै गल्ला करन्दा रेऊ | तिनी प्रतिज्ञा करी कि सतर साला बाद, सो फिरी थऊँ प्रतिज्ञा रै देशा मंज फिरना |

![](https://cdn.door43.org/obs/jpg/360px/obs-en-20-11.jpg)

कई देशा पुर शासन करू |इस्रायली मणु अबै यहूदी कहलन्दै थीयै | तिन्या मंज मतै अपणा जीबन बेबीलोन मंज कटुरा थू | कुछ थोड़ै हो यहूदी बुड्डै जो ही यहूदा रा देश याद थू |

![](https://cdn.door43.org/obs/jpg/360px/obs-en-20-12.jpg)

फ़ारसी मणु बड़ै सामर्थी थीयै, अपर तिन्यै अपणै जिन्दै मणु पुर दया करी थी | फ़ारसी मणु रा राजा बणनै रै थोड़ै टैमा बाद, कुस्रूयै अक्क आदेश दित्ता कि कोई भी जेड़ा यहूदी यहूदा जो फिरना चाहन्दा थू, सो फारस थऊँ नकेई करी यहूदा जो गिची सकदा हा |ऐथीया तक कि तिनी तिन्या जो मंदरा जो बणाणै ताई पैहै भी दीतै | अत: बंधूआई रै सत्तर साला बाद, यहूदी रा अक्क हलका झुण्ड यहूदा मंज यरूशलेम नगर जो फिरी आयै |

![](https://cdn.door43.org/obs/jpg/360px/obs-en-20-13.jpg)

2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से एक बाइबल की कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_20_128kbps.mp3

## 21. प्रमात्मा मसीह री प्रतिज्ञा करन्दा हा

https://openbiblestories.org/l/gbk/story-21/

![](https://cdn.door43.org/obs/jpg/360px/obs-en-21-01.jpg)

जैहणै प्रमात्मै संसार री रचना करी थी, सो जाणदा थू कि तैसियो बादा मंज कस धैड़ै मसीह जो भेजणा। तिनी आदम अतै हव्वा सितै प्रतिज्ञा करी कि सो ऐसा करला । तिनी बल्लू कि हव्वा थऊँ अक्क वंशज जन्म लैणा जेड़ा कीड़ै रै हैरा जो दरड़ना। जिनी कीड़ै हव्वा जो धोखा दित्ता सो निसन्देह शैतान थू। प्रमात्मै रा अर्थ थू कि मसीह पूरी तरह सितै शेतान जो हराई दीणा ।

![](https://cdn.door43.org/obs/jpg/360px/obs-en-21-02.jpg)

प्रमात्मै अब्राहम सितै प्रतिज्ञा करी थी कि तसेरै द्वारा संसार री पुरी जाति आशीष पाणीया । प्रमात्मै बादा मंज कस टैमा पुर मसीह जो भैजणै रै द्वारा एसा प्रतिज्ञा जो पूरा करना। सो मसीह संसार रै हर अक्क जाति मंज थऊँ मणु जो तयांरै पाप थऊँ छुड़ाणा ।

![](https://cdn.door43.org/obs/jpg/360px/obs-en-21-03.jpg)

प्रमात्मै मूसा सितै प्रतिज्ञा करी थी कि भविष्य मंज सो मूसा रै समान अक्क अन्य भविष्यद्वक्ता जो भैजणा। एह भविष्यद्वक्ता मसीह भूणा। एसा रीति सितै, प्रमात्मै फिरी थऊँ प्रतिज्ञा करी कि सो मसीह जो भैजणा।

![](https://cdn.door43.org/obs/jpg/360px/obs-en-21-04.jpg)

प्रमात्मै राजा दाऊद सितै प्रतिज्ञा करी थी कि तसेरा अक्क वंशज मसीह भूणा। सो राजा भूणा अतै प्रमात्मै रै मणु पुर सदा ताई शासन करना।

![](https://cdn.door43.org/obs/jpg/360px/obs-en-21-05.jpg)

प्रमात्मै यिर्मयाह भविष्यद्वक्ता सितै गल करी अतै बल्लू कि अक्क दिन सो अक्क नोई वाचा बनणीया। सो नोई वाचा इस्राएल सोगी सीनै पुर बन्नी पराणी वाचा जिनी ना भूणी। जैहणै मणु सोगी सो अपणी नोई वाचा जो बनणा, ता तैसतिन्या पुर अप्पू जो व्यक्तिगत रूप सितै प्रकट करना। हर अक्क जन तैस सितै लगाव रखणा अतै तसेरी व्यवस्था रा पालन करनै री इच्छा रखणी हा। प्रमात्मै बल्लू कि एह तसेरी व्यवस्था रा तयांरै दिला पुर लिखी दीणै जीना भूणा। सो तसेरै मणु भूणै, अतै प्रमात्मै तयांरै पापा जो माफ़ करना। सो मसीह भूणा जेड़ा तिन्या सोगी तैसा नोई वाचा जो बनणा।

![](https://cdn.door43.org/obs/jpg/360px/obs-en-21-06.jpg)

प्रमात्मै रै भविष्यद्वक्तै एह भी बल्लू कि मसीह अक्क भविष्यद्वक्ता भूणा। अक्क भविष्यद्वक्ता सो व्यक्ति हा जेड़ा प्रमात्मै रै वचना जो हुणदा अतै फिरी मणु पुर प्रमात्मै रै संदेशा री घोषणा करन्दा हा। जैसियो भैजणै रि प्रमात्मै प्रतिज्ञा करी थी सो मसीह अक्क सिद्ध भविष्यद्वक्ता भूणा। मतलब सो मसीह प्रमात्मै रै संदेशा जो अच्छी तरह सितै हुणना, अतै सो मणु जो तिन्या संदेशा जो अच्छी तरह सितै सखाणा।

![](https://cdn.door43.org/obs/jpg/360px/obs-en-21-07.jpg)

इस्राएली याजकै मणु ताई प्रमात्मै रै अगुं बलिदान चढ़ाना जारी रखु। ऐह बलिदान मणु रै पापा ताई तिन्या जो प्रमात्मै द्वारा दंडित करनै री जगह पुर चढ़ाए गै थीयै। याजकै मणु ताई प्रार्थना भी करी। अपर, सो मसीह सिद्ध महायाजक भूणा जेड़ा प्रमात्मै जो दीणै ताई अक्क सिद्ध बलि रै रूपा अप्पू जो चढ़ाई दीणा। मतलब, तैस कदी पाप ना करना, अतै जैहणै सो अप्पू जो बलि भूणै ताई दीणा , ता संसारा रा कोई भी अन्य बलि जरूरी ना भूणा ।

![](https://cdn.door43.org/obs/jpg/360px/obs-en-21-08.jpg)

मणु रै झुंडा पुर राजा अतै प्रधान शासन करन्दै हिन्, अतै कदी-कदी सो गलती भी करन्दै हिन्। राजा दाऊदै केवल इस्राएलि पूर शासन करू, अपर राजा दाऊद रा वंशज मसीह पूरै संसार पूर शासन करना, अतै तैस सदा ताई शासन करना। ठेरै अलावा, सो हमेशा न्यायपूर्ण रीति सितै शासन करना, अतै सही फैसलै जो लैणा।

![](https://cdn.door43.org/obs/jpg/360px/obs-en-21-09.jpg)

प्रमात्मै रै भविष्यद्वक्तै मसीह रै बारै मंज मती गल्ला जो बल्लू । उदाहरण ताई, मलाकीयै बल्लू कि मसीह रै इणै थऊँ पैहलै अक्क होर भविष्यद्वक्ता ईणा। सो भविष्यद्वक्ता बड़ा जरूरी भूणा। ठेरैआलावा , यशायाह भविष्यद्वक्तै लिखू कि मसीह अक्की कुँआरी थऊँ जन्म लैणा। अतै मीका भविष्यद्वक्तै बल्लू कि मसीह बैतलहम नगर मंज जन्म लैणा।

![](https://cdn.door43.org/obs/jpg/360px/obs-en-21-10.jpg)

यशायाह भविष्यद्वक्तै बल्लू कि मसीह गलील रै क्षेत्रा मंज वास करना। जेड़ै मणु बड़ै दुःखी हिन् मसीह तिन्या जो शान्ति दिल्ला। तैस कैदि जो भी अजाद करना। मसीह बीमारा जो अतै जेड़ै हुणी ना सकदैं, हेरी ना सकदै , बल्ली ना सकदैं, या चली ना सकदैं तिन्या जो भी चंगा करना।

![](https://cdn.door43.org/obs/jpg/360px/obs-en-21-11.jpg)

यशायाह भविष्यद्वक्तै एह भी बल्लू कि मणु मसीह सितै नफरत करनीया अतै तैसियो अपनाणै थऊँ ना करी दीणी हा । होरी भविष्यद्वक्तै बल्लू कि मसीह रा अक्क साथी तसेरै वरुद्ध उठणा। जकर्याह भविष्यद्वक्तै बल्लू कि तसेरा एह साथी ऐसा करनै ताई दूयै मणु थऊँ चाँदी रै ती सिक्कै लैणै। ठेरै अलावा, कुछ भविष्यद्वक्तै बल्लू कि मणु मसीह जो मारी दीणा, अतै एह कि सो तसेरै ओडणा ताई जुआ खेलणा।

![](https://cdn.door43.org/obs/jpg/360px/obs-en-21-12.jpg)

भविष्यद्वक्तै एह भी दस्सू कि मसीह किन्या मरना। यशायाहै भविष्यद्वाणी करी कि मणु मसीह पूर थूकणा, तसेरा मजाक उड़ाणा, अतै तैसियो जकणा। तिन्या तैसियो बिनी दीणा अतै तैस बड़ी पीड़ा अतै यातना मंज मरी गाणा, जबकि तिनी कुछ भी गलत ना करूरा भूणा ।

![](https://cdn.door43.org/obs/jpg/360px/obs-en-21-13.jpg)

भविष्यद्वक्तै एह भी दस्सू कि मसीह पाप ना करना। सो सिद्ध भूणा। अपर तैस ठेरताई मरना क्योकि प्रमात्मै तैसियो होरी मणु रै पापा रै कारण दंडित करना। तसेरै मरने थऊँ मणु प्रमात्मै सोगी मेल करने मंज काबल भूणै। ठेरैताई प्रमात्मा चाहन्दा हा कि मसीह मरा।

![](https://cdn.door43.org/obs/jpg/360px/obs-en-21-14.jpg)

भविष्यद्वक्तै एह भी दस्सू कि प्रमात्मै मसीह जो मरूरै थऊँ जिन्दा करना । एह दर्शान्दा हा कि एह सब नोई वाचा जो बनणै री प्रमात्मै री योजना थी, ताकि सो तिन्या मणु बचाई सका जिन्यै तसेरै वरुद्ध पाप करू हा।

![](https://cdn.door43.org/obs/jpg/360px/obs-en-21-15.jpg)

उ त्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_21_128kbps.mp3

## 22. यूहन्ना रा जन्म

https://openbiblestories.org/l/gbk/story-22/

![](https://cdn.door43.org/obs/jpg/360px/obs-en-22-01.jpg)

अतीत मंज, प्रमात्मै अपणै भविष्यद्वक्ता सितै गल करी थी ठेरैताई सो मणु सोगी गल करी सकै थीयै। अपर तैस टैमा थऊँ लेईकरी 400 साला रै बीतणै तक तिनी तिन्या सोगी गल ना करी । तैहणै प्रमात्मै जकर्याह नां रै भविष्यद्वक्ता बलै अक्की स्वर्गदूता जो भैज्जू। जकर्याह अतै तसेरी लाड़ी एलीशिबा प्रमात्मै रा आदर करन्दै थयै। सो बड़ेै बूड्डै भूची गछुरै थीयै, अतै तैस बलै कोई संतान पैदा ना भछुरी थी।

![](https://cdn.door43.org/obs/jpg/360px/obs-en-22-02.jpg)

तिनी स्वर्गदूतै जकर्याह सितै बल्लू, "तेरी लाड़ी बलै अक्क पुत्र पैदा भूणा। तू तसेरा नां यूहन्ना रखणा। प्रमात्मै तैसियो पवित्र आत्मा सितै परिपूर्ण करना , अतै यूहन्ना मणु जो मसीह जो ग्रहण करनै ताई तैयार करना।" जकर्या है जवाब दित्ता, "मुं अतै मेरी लाड़ी संतान पैदा करनै ताई बड़ै बूडडै हिन्! अऊँ किन्या जाणु कि आप मिंजो सितै सच बल्लू करदै हिन् ?"

![](https://cdn.door43.org/obs/jpg/360px/obs-en-22-03.jpg)

तिनी स्वर्गदूतै जकर्याह जो जवाब दित्ता, " तीजो बलै एस शुभ संदेश जो लेईणै ताई अऊँ प्रमात्मै भैज्जू हा। क्योकि तेई मिंजो पुर विश्वाश ना करू, ठेरै ताई बच्चै पैदा भूणै तक तूद ना बली पाणा।" तुरन्त ही, जकर्याह कणैई ना पाऊ। तैहण सो स्वर्गदूत जकर्याह थऊँ चली गो। ठेरै बाद, जकर्याह घरा जो फिरी आ अतै तसेरी लाड़ी गर्भवती भुई।

![](https://cdn.door43.org/obs/jpg/360px/obs-en-22-04.jpg)

जैहणै एलीशिबा छः महीनै रि गर्भवती थी, ता सो ही स्वर्गदूत अचानक थऊँ एलीशिबा री रिश्तेदार पूर प्रकट भूआ, जसेरा नां मरियम थू। मरियम कुँआरी थी अतै बैह भूणै ताई यूसुफ नां रै मड़दा सोगी तसारी मंगणी भूची चुकूरी थी। स्वर्गदूतै बल्लू, "तूद गर्भवती भूणा अतै अक्की पुत्रा जो जन्म दिणा। तुद तसेरा नां यीशु रखना हा। वह सर्व-शक्तिमान प्रमात्मै रा पुत्र भूणा अतै सदा ताई शासन करना।"

![](https://cdn.door43.org/obs/jpg/360px/obs-en-22-05.jpg)

मरियमै जवाब दित्ता, "एह किन्या भूणा, क्योकि अऊँ ता कुँआरी हा?" तिनी स्वर्गदूतै समझाऊ, "पवित्र आत्मा तीजो पूर ईणा, अतै प्रमात्मै री सामर्थ तीजो पूर छां करनिया। ठेरैताई सो शिशु पवित्र भूणा, अतै सो प्रमात्मै रा पुत्र भूणा।" जेड़ा तिनी स्वर्गदूतै बल्लू तैस पूर मरियमै विश्वास करू।

![](https://cdn.door43.org/obs/jpg/360px/obs-en-22-06.jpg)

एह भूणै रै तुरन्त बाद, मरियमै गिचिकरी एलीशिबा सितै भेंट करी। जिंया ही मरियमै तैसियो नमस्कार करू, एलीशिबा रा शिशु तसारै अंदर उछलू। तयांरै ताई प्रमात्मै जेड़ा करू थू तसेरै बारै मंज सो जनानी खुश भूईं। एलीशिबा सोगी तराई महीनै रैहणै रै बाद, मरियम घरा जो फिरी गई।

![](https://cdn.door43.org/obs/jpg/360px/obs-en-22-07.jpg)

लूका अध्याय 1 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_22_128kbps.mp3

## 23. यीशु रा जन्म

https://openbiblestories.org/l/gbk/story-23/

![](https://cdn.door43.org/obs/jpg/360px/obs-en-23-01.jpg)

यूसुफ ना रै अक्की धर्मी मणु सोगी मरियम री मंगणी भूची चुकुरी थी । जैहणै तिनी हुणु कि मरियम गर्भवती हा ता सो जाणदा थू कि सो तसारा बच्चा निया । अपर, सो मरियम जो बदनाम ना करना चाहन्दा थू, ठेरैताई तिनी तैसा पुर कृपा करनै री अतै तैसाओ चुपचाप तलाक दिणै री सोची। अपर एत थऊँ पैहलै कि सो ऐसा करन्दा, अक्की स्वर्गदूतै तसेरै सुपने मंज इचिकरी तैस सितै गल करी।

![](https://cdn.door43.org/obs/jpg/360px/obs-en-23-02.jpg)

तिनी स्वर्गदूतै बल्लू, "हे यूसुफ, मरियम जो अपणी लाड़ी बणाणै थऊँ मत डर। तसारै अंदर जेड़ा बच्चा हा सो पवित्र आत्मा री तरफा थऊँ हा । तैसा अक्की पुत्रा जो जन्म दिणा। तसेरा नां यीशु रखैं (जठेरा अर्थ हा, 'यहोवा बचन्दा हा), क्योकि तैस मणु जो तयांरै पापा थऊँ बचाणा।"

![](https://cdn.door43.org/obs/jpg/360px/obs-en-23-03.jpg)

अतः यूसुफै मरियम सितै बैह करू अतै तैसा जो लाड़ी बणाई करी घरा जो लेई आ , अपर तसारै बच्चे जो जन्म दिणै तिकर सो तैसा सोगी ना सोऊ।

![](https://cdn.door43.org/obs/jpg/360px/obs-en-23-04.jpg)

जैहणै मरियम प्रसूता भूणा लगी, ता तैहै अतै यूसुफै बैतलहम गाणै री अक्क लंबी यात्रा करी। तिन्या जो तैठी गाणा ही थू क्योकि रोमी अधिकारी इस्राएल मंज रहणै वाळै सभी मणु री गिनती करना चाहन्दै थीयै। सो चाहन्दै थीयै कि सभी मणु तैठी गान जैठी तयांरै पूर्वज रैहन्दै थीयै। राजा दाऊद रा जन्म बैतलहम मंज भूआ थू, अतै सो मरियम अतै यूसुफ धुनी रा पूर्वज थू |

![](https://cdn.door43.org/obs/jpg/360px/obs-en-23-05.jpg)

मरियम अतै यूसुफ बैतलहम गै, अपर तैठी जानवरा जो रखणै वाळी जगह रै अलावा तयांरै ठैहरनै ताई कोई जगह ना थी। सो ही स्थान थू जैठी मरियमै अपणै बच्चै जो जन्म दित्ता। तिनी तैसियो चरनी मंज रखु क्योकि तैठी तसेरै ताई कोई बिस्तर ना थू। तिन्यै तसेरा नां यीशु रखू।

![](https://cdn.door43.org/obs/jpg/360px/obs-en-23-06.jpg)

तैसा राती, तैठी नेड़ै ही बगड़ी मंज कुछ पाअल अपणी भैड़ा री रखवाली करू करदै थीयै। अचानक थऊँ, अक्क चमकदार स्वर्गदूत तिन्या पुर प्रकट भूआ, अतै सो डरी गै। तिनी स्वर्गदूतै बल्लू, "मत डरा, क्योकि मिंजो बलै तुसू ताई शुभ संदेश हा। बैतलहम मंज मसीह, रा जन्म भूआ हा!"

![](https://cdn.door43.org/obs/jpg/360px/obs-en-23-07.jpg)

गिची करी तैस बच्चे री खोज करा , अतै तुहै तैसियो ओडणा मंज लिपटूरा अतै चरनी मंज सुतुरा पाणा।" अचानक थऊँ, अम्बर स्वर्गदूता सितै भरी गो। सो प्रमात्मै री स्तुति करृ करदै थीयै। तिन्यै बल्लू, "सारी महिमा स्वर्ग मंज विराजमान प्रमात्मै जो मुळा। पृथ्वी पूर तिन्या मणु मंज शान्ति भोआ जयांरी सो चिन्ता करदा हा!"

![](https://cdn.door43.org/obs/jpg/360px/obs-en-23-08.jpg)

तैहणै स्वर्गदूत चली गै। सो पाअल भी अपणी भैड़ा जो छडी करी बच्चै जो हेरना गै। तोंळै ही सो तैसा जगह पूर पुज्जै जैठी यीशु थू अतै तिन्यै तैसियो चरनी मंज सुतुरा हेरू, जिंया कि तिनी स्वर्गदूतै बल्लू थू। सो बड़ै खुश थीयै। तैहणै सो पाअल वापस तैठी फिरी गै जैठी तयांरी भैड़ा थीं। तिन्यै जो कुछ भी हुणु अतै हेरू तैस ताई सो प्रमात्मै री स्तुति करू करदै थीयै।

![](https://cdn.door43.org/obs/jpg/360px/obs-en-23-09.jpg)

पूर्व मंज दूर अक्क देशा मंज कुछ मड़द थीयै। तिन्यै सतारै रा अध्ययन करूरा थू अतै सो बड़ै बुद्धिमान थीयै। तिन्यै अक्की असामान्य सतारै जो अम्बरा मंज हेरू। तिन्यै बल्लू कि ठेरा अर्थ हा कि यहूदि रै अक्की नोयै राजा रा जन्म भूआ हा। ठेरैताई तिन्यै तैस बच्चै जो जाचणै ताई अपणै देशा थऊँ यात्रा करनै रा फैसला करू। अक्की लंबी यात्रा रै बाद, सो बैतलहम आए अतै सो घर मुळू जैठी यीशु अतै तसेरै माता-पिता ठैरुरै थीयै।

![](https://cdn.door43.org/obs/jpg/360px/obs-en-23-10.jpg)

मत्ती अध्याय 1; लूका 2 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_23_128kbps.mp3

## 24. यूहन्ना यीशु जो बपतिस्मा दिंदा हा

https://openbiblestories.org/l/gbk/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा अतै जकर्याह रा पुत्र यूहन्ना, मोटा भुचिकरी अक्क भविष्यद्वक्ता बणी गो। सो बणा मंज रैहन्दा थू, अतै जंगली मखिर अतै टिड्डि खन्दा थू, अतै ऊँट रै रोम सितै बणुरै ओडणा लंन्दा थू।

![](https://cdn.door43.org/obs/jpg/360px/obs-en-24-02.jpg)

मतै मणु यूहन्ना री गल्ला हुणनै ताई बणा मंज निकळी आय। तिनी एह बली करी तिन्या जो प्रचार करू, "पश्चाताप करा, क्योकि स्वर्गा रा राज्य नेड़ै हा!"

![](https://cdn.door43.org/obs/jpg/360px/obs-en-24-03.jpg)

जैहणै मणुयै यूहन्ना रै संदेशा जो हुणु, ता तिन्या मंज मतै अपणै पापा थऊँ पश्चाताप करू, अतै यूहन्नै तिन्या जो बपतिस्मा दित्ता। यूहन्ना जो जाचणै ताई मतै धार्मिक अगुवै भी आय, अपर तिन्यै अपणै पापा रा पश्चाताप या अंगीकार ना करू ।

![](https://cdn.door43.org/obs/jpg/360px/obs-en-24-04.jpg)

यूहन्नै धार्मिक अगुवै सितै बल्लू, "हे जहरीलै कीड़ैयो! पश्चाताप करा अतै अपणै व्यवहार जो बदला। प्रमात्मै हर सो रुखा जो बड्डी दिणा जेड़ा खरा फळ ना लेईन्दा , अतै तैस तिन्या जो अगी मंज झोंकी दिणा।" जेड़ा भविष्यद्वक्तै बल्लू थू यूहन्नै तैसियो पूरा करू, "हेर, तोळैं ही मु तेरै अगै अपणै संदेशवाहक जो भैजणा जेड़ा तेरै ताई रस्तै जो तैयार करना।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवै यूहन्ना थऊँ पूछु कि कै सो मसीह हा। यूहन्नै जवाब दित्ता, "अऊँ मसीह नीया, अपर सो मेरै बाद इछु करदा हा। सो ऐतना महान हा कि अऊँ तसेरै जुत्तै रै तसमै खोलनै रै भी काबल निया।"

![](https://cdn.door43.org/obs/jpg/360px/obs-en-24-06.jpg)

अगलै धैड़ै, यीशु बपतिस्मा लैणै ताई यूहन्ना बलै आ। जैहणै यूहन्नै तैसियो हेरू, ता तिनी बल्लू, "हेरा! प्रमात्मै रा मेमना जेड़ा संसार रै पापा जो चुकी करी लेई गाणा।"

![](https://cdn.door43.org/obs/jpg/360px/obs-en-24-07.jpg)

यूहन्नै यीशु सितै बल्लू, "अऊँ तीजो बपतिस्मा दीणै रै काबल निया। बजाए ठेरै जरूरी हा कि तू मिंजो बपतिस्मा देया।" अपर यीशुयै बल्लू, "तीजो मिंजो बपतिस्मा दीणा चहिन्दा, क्योकि करनै ताई सही काम ऐही हा।" अतः यूहन्नै तैसियो बपतिस्मा दित्ता, जबकि यीशुयै कदी पाप ना करूरा थू।

![](https://cdn.door43.org/obs/jpg/360px/obs-en-24-08.jpg)

बपतिस्मा दिणै रै बाद जैहणै यीशु पाणी थऊँ निकळी करी बाहर आ, ता प्रमात्मै रा आत्मा कबूतरा रै रूपा मंज प्रकट भुआ अतै थल्लै इचिकरी तैस पूर बैही गो। तैस ही टैमै, प्रमात्मै स्वर्गा थऊँ । तिनी गल करी, "तू मेरा पुत्र हा। अऊँ तीजो सितै प्रेम करन्दा हा, अतै अऊँ तीजो थऊँ बड़ा खुश हा।"

![](https://cdn.door43.org/obs/jpg/360px/obs-en-24-09.jpg)

मत्ती अध्याय 3; मरकुस 1:9-11; लूका 3:1 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_24_128kbps.mp3

## 25. शैतान यीशु री परीक्षा करन्दा हा

https://openbiblestories.org/l/gbk/story-25/

![](https://cdn.door43.org/obs/jpg/360px/obs-en-25-01.jpg)

यीशु रा बपतिस्मा भूणै रै तुरन्त बाद ही, पवित्र आत्मा तैसियो बणा मंज लेई गो। यीशु तैठी चाळी दिन अतै चाळी रात थू। तैस टैमै तिनी उपवास करू, अतै शैतानै यीशु रै नेड़ै इचिकरी पाप करवाणै ताई तसेरी परीक्षा करी ।

![](https://cdn.door43.org/obs/jpg/360px/obs-en-25-02.jpg)

पैहलै, शैतानै यीशु सितै बल्लू, "जे तू प्रमात्मै रा पुत्र हा ता इन्या नड़ा जो रोटी बणाई दे ताकि तू खाई सका!"

![](https://cdn.door43.org/obs/jpg/360px/obs-en-25-03.jpg)

अपर यीशुयै शैतान सितै बल्लू, "प्रमात्मै रै वचना मंज एह लिखुरा हा, 'जिन्दै रैहणै ताई मणु जो केवल रोटी री जरूरत निया, अपर तिन्या हर तैसा गल्ला री जरूरत हा जेड़ी प्रमात्मै तिन्या सितै बलदा हा!'"

![](https://cdn.door43.org/obs/jpg/360px/obs-en-25-04.jpg)

तैहणै शैतानै यीशु जो मंदरा रै सबी थऊँ ऊँचे सिरै पूर लेई गो। तिनी तैस सितै बल्लू, "जे तू प्रमात्मै रा पुत्र हा ता ऐठीया थऊँ थल्लै कूदी गा, क्योकि लिखूरा कि, 'प्रमात्मै तीजो चुकणै ताई अपणै स्वर्गदूता जो आज्ञा देला कि तेरै पैरा पूर नड़ा सितै ठेस ना लग्गा।'"

![](https://cdn.door43.org/obs/jpg/360px/obs-en-25-05.jpg)

अपर यीशुयै सो ना करू जेड़ा शैतानै तैसियो करनै ताई बल्लू थू । ठेरै बजाए, तिनी बल्लू, "प्रमात्मै हर अक्की सितै बलदा हा, 'तू प्रभु अपणै प्रमात्मै री परीक्षा मत करदा।'"

![](https://cdn.door43.org/obs/jpg/360px/obs-en-25-06.jpg)

फिरी शैतानै तैसियो संसार रै पुरै राज्य दसै। तिनी तैसीयो दसु कि सो कतनै शक्तिशाली थीयै, अतै सो कतनै पुरै थीयै। तिनी यीशु सितै बल्लू, "मुं तीजो एह सब दीणा जे तू घुटनै टेकी करी मेरी उपासना करा।"

![](https://cdn.door43.org/obs/jpg/360px/obs-en-25-07.jpg)

यीशुयै जवाब दित्ता, "हे शैतान, मेरै नेड़ै थऊँ चली गा! प्रमात्मै रै वचन मंज सो मणु जो आदेश दिंदा हा, 'केवल अपनै प्रभु प्रमात्मै री आराधना करा। प्रमात्मै रै रूपा मंज केवल तसेरा ही आदर करा।'"

![](https://cdn.door43.org/obs/jpg/360px/obs-en-25-08.jpg)

मत्ती अध्याय 4:1-11; मरकुस 1:12-13; लूका 4:1-13 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_25_128kbps.mp3

## 26. यीशु अपणी सेवा शुरू करन्दा हा

https://openbiblestories.org/l/gbk/story-26/

![](https://cdn.door43.org/obs/jpg/360px/obs-en-26-01.jpg)

शैतान री परीक्षा रा इंकार करनै रै बाद, यीशु वापस गलील रै क्षेत्र मंज आ। एही सो जगह हा जैठी सो रैहन्दा थू। पवित्र आत्मा तैसियो बड़ी सामर्थ दिछु करदा थू, अतै यीशु अकी जगह थऊँ दुई जगह जो गो अतै मणु जो शिक्षा दित्ती। सभीयै तसेरै बारै मंज खरी गल्ला बल्ली।

![](https://cdn.door43.org/obs/jpg/360px/obs-en-26-02.jpg)

यीशु नासरत नगर मंज गो। एह सो ग्रां हा जैठी सो अपणै बालकपन मंज रैहन्दा थू संदेशा री अक्क कताब दित्ती। सो चाहन्दै थीयै कि सो तैत थऊँ पढ़न। अतः यीशुयै तैसा कताबा जो खोली करी तसेरै अक्की भागा जो मणु ताई पढ़ू।

![](https://cdn.door43.org/obs/jpg/360px/obs-en-26-03.jpg)

यीशुयै पढ़ू, "प्रमात्मै मिंजो अपना आत्मा दिता ताकि अऊँ कंगाला मंज सुसमाचार प्रचार करी सकूँ। तिनी मिंजो ठेरैताई भैज्जू हा कि कैदि जो अजाद करूँ, अंधै जो दृष्टि दिछुं, अतै तिन्या जो छुटकारा दिछुं जिंयाजो दूयै मणु कुचलु करदै हिन्। एह सो हो टैम हा जैहणै प्रमात्मा असू पुर कृपालु भूणा अतै इंदी मदद करनीया"

![](https://cdn.door43.org/obs/jpg/360px/obs-en-26-04.jpg)

फिरी यीशु बैही गो। सब मणु तैसियो बड़ै ध्याना सितै हेरू करदै थीयै। सो जाणदै थीयै कि पवित्रशास्त्र रा जो भाग तिनी अली पढ़ू थू सो मसीह रै बारै मंज थू। यीशुयै बल्लू, "जेड़ी गल्ला मैंई अजूं तुन्दै ताई पढ़ी हिन्, सो एस टैमै घटू करदी हिन्।" सब मणु हरान थीयै। तिन्यै बल्लू, "कै एह यूसुफ रा पुत्र निया?"

![](https://cdn.door43.org/obs/jpg/360px/obs-en-26-05.jpg)

तैहणै यीशुयै बल्लू, "एह सच हा कि मणु कसी ऐसै भविष्यद्वक्ता जो कदी स्वीकार ना करन्दै जेड़ा तयांरै नगर मंज पळूरा भोआ। एलिय्याह भविष्यद्वक्ता रै टैमा मंज, इस्राएल मंज मती विधवा थी। अपर जैहणै साढ़ै तराई साल तिकर बरखा ना भूई ता प्रमात्मै एलिय्याह जो इस्राएल मंज कसी विधवा री मदद करनै ताई ना भैज्जू। ठेरै बजाए, तिनी एलिय्याह जो कसी अन्य देशा री विधवा बलै भैज्जू।"

![](https://cdn.door43.org/obs/jpg/360px/obs-en-26-06.jpg)

यीशुयै बलना जारी रखू, "अतै एलीशा भविष्यद्वक्ता रै टैमा मंज, इस्राएल मंज मतै मणु चमड़ी रै रोगा सितै पीड़ित थीयै। अपर एलीशै तिन्यामंज कसी जो भी ठीक ना करू । तिनी केवल इस्राएल रै दुशमणा रै सेनापति नामान जो ठीक करू।" अपर जेड़ै मणु यीशु जो हुणु करदै थीयै सो यहूदी थीयै। ठेरैताई जैहणै तिन्यै तैसियो एह बलदै हुणु ता सो तैस पुर गुस्सा भूयै।

![](https://cdn.door43.org/obs/jpg/360px/obs-en-26-07.jpg)

नासरत रै मणुयै यीशु जो पकड़ी लेऊ अतै तैसियो आराधना री जगह थऊँ घसीटी करी बाहर लेई गै। सो तैसियो मारी दिणै ताई थल्लै फैकणै ताई अक्की चोटी पुर लेई गै। अपर यीशु भीड़ा थऊँ नकेई गो अतै नासरत नगर जो छडी करी चली गो।

![](https://cdn.door43.org/obs/jpg/360px/obs-en-26-08.jpg)

फिरी यीशु सारै गलील रै क्षेत्रा मंज गो, अतै मोट्टी भीड़ तैस बलै आई। सो एसै मतै मणु जो लेईकरी आए जेड़ै बीमार अतै विकलांग थीयै। तिन्या मंज कुछ हेरी, चली, हुणी या बल्ली ना सकदै थीयै, अतै यीशुयै तिन्या जो ठीक करू ।

![](https://cdn.door43.org/obs/jpg/360px/obs-en-26-09.jpg)

ठेरै अलावा, मतै इनै मणु यीशु बलै अन्दै जिंया मंज दुष्टात्मा थीं। यीशुयै दुष्टात्मा जो तिन्या थऊँ निकळी गाणै रा हुक्म दित्ता। सो दुष्टात्मा अक्सर चिल्लाईं, "तू प्रमात्मै रा पुत्र हा!" भीड़ा रै मणु हेरान थीयै, अतै तिन्यै प्रमात्मै री स्तुति करी।

![](https://cdn.door43.org/obs/jpg/360px/obs-en-26-10.jpg)

मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_26_128kbps.mp3

## 27. दयालु सामरी री कहाणी

https://openbiblestories.org/l/gbk/story-27/

![](https://cdn.door43.org/obs/jpg/360px/obs-en-27-01.jpg)

अक्क धैड़ै, यहूदी व्यवस्था रा अक्क विशेषज्ञ यीशु बलै आ। सो सबी जो एह दसनणा चाहन्दा थू कि यीशु गलत रीति सितै शिक्षा दिछु करदा हा । ठेरैताई तिनी बल्लू, "हे गुरु, अनन्त जीवन पाणै ताई कै करूँ?" यीशुयै जवाब दित्ता, "प्रमात्मै री व्यवस्था मंज कै लिखुरा हा?"

![](https://cdn.door43.org/obs/jpg/360px/obs-en-27-02.jpg)

तिनी मणुयै बल्लू, "सो बल्दी हा कि अपणै प्रमात्मै सितै अपणै सारै मन, प्राण, सामर्थ, अतै बुद्धि सितै प्रेम रख। अतै अपणै पड़ोसी सितै अपणै समान प्रेम रख।" यीशुयै जवाब दित्ता, "तू एकदम सही हा! जे तू ऐसा करा, ता तीजो अनन्त जीवन हासल भूणा।"

![](https://cdn.door43.org/obs/jpg/360px/obs-en-27-03.jpg)

अपर सो व्यवस्था रा विशेषज्ञ मणु जो दसणा चाहन्दा थू कि तसेरा जीवन जीणै रा तरीका सही थू। ठेरैताई तिनी यीशु थऊँ पुछु, "ठीक हा, ता मेरा पड़ोसी कुण हा?"

![](https://cdn.door43.org/obs/jpg/360px/obs-en-27-04.jpg)

यीशुयै तैसा व्यवस्था रै विशेषज्ञ जो अक्क कहाणीदिता द्वारा जवाब दिया। "अक्क यहूदी मणु थू जेड़ा अक्की सड़क मितै चलुरा यरूशलेम थऊँ यरीहो री यात्रा करू करदा थू|"

![](https://cdn.door43.org/obs/jpg/360px/obs-en-27-05.jpg)

"अपर कुछ डाकुयै तैसियो हेरू अतै तैस पुर हमला करी दित्ता। तिन्यै तसेरा सब कुछ लेई लेऊ अतै तैसियो लगभग मरनै तक मारू-जक्कू। तैहणै सो चली गै।"

![](https://cdn.door43.org/obs/jpg/360px/obs-en-27-06.jpg)

"तठेरैअक्क तुरन्त बाद, एक यहूदी याजक तैसा ही सड़क मितै गुजरु। तिनी याजकै तैस मणु जो सड़का पुर पेऊरै हेरू। जैहणै तिनी तैसियो हेरू ता सो सड़का री दूई तरफ गिचिकरी अगुं बदी गो। तिनी तैस मणु जो पूरी तरह थऊँ अणहेरा करी दित्ता ।"

![](https://cdn.door43.org/obs/jpg/360px/obs-en-27-07.jpg)

"ठेरै बाद कुछ ही टैम बीतणै पुर, अक्क लेवी तैसा सड़का पुर आ। (लेवी यहूदि रा एक गोत्र थू जिन्यै मंदरा मंज याजका री मदद करी थी।) सो लेवी भी सड़का री दुई तरफा थऊँ निकळी गो। तिनी भी तैस मणु जो अणहेरा करी दित्ता।"

![](https://cdn.door43.org/obs/jpg/360px/obs-en-27-08.jpg)

"अगला जन जेड़ा तैसा सड़का पुर आ सो सामरिया रा अक्क मड़द थू। (सामरी अतै यहूदी अक्की दूयै सितै नफरत करन्दै थीयै।) तिनी सामरीयै सड़का पुर तैस मणु जो हेरू। तिनी हेरू कि सो यहूदी थू, अपर फिरी भी तिनी तैस पुर बड़ा तरस खाऊ। अतः सो तैस बलै गो अतै तसेरै जखमा पुर पट्टि बन्नी।"

![](https://cdn.door43.org/obs/jpg/360px/obs-en-27-09.jpg)

"फिरी तिनी सामरीयै तैस मणु जो अपणै गधै पुर बहालू अतै तैसियो अक्की सराय मंज लेई गो। जैठी तिनी तसेरी देखभाळ करना जारी रखु।"

![](https://cdn.door43.org/obs/jpg/360px/obs-en-27-10.jpg)

अगले धैड़ै, तैस सामरी जो अपणी यात्रा जो गाणा थू। तिनी तैसा सराय रै प्रभारी मणु जो कुछ धन दित्ता। तिनी तैस सोगी बल्लू, "इस मणु री देखभाळ करैं। जे इंया पैहै रै अलावा तेरा कुछ और पैहा खर्च भोआ ता फिरी ईणै पुर मुं तेरै तिन्या खर्चै रा भुगतान करी दिल्ला ।"

![](https://cdn.door43.org/obs/jpg/360px/obs-en-27-11.jpg)

लूका अध्याय 10:25-37 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_27_128kbps.mp3

## 28. अमीर जोआन शासक

https://openbiblestories.org/l/gbk/story-28/

![](https://cdn.door43.org/obs/jpg/360px/obs-en-28-01.jpg)

अक्क धैड़ै, अक्क अमीर जोआन शासकै यीशु बलै इचिकरी तैस थऊँ पुछु, "हे उत्तम गुरु, अनन्त जीवन पाणै ताई मिंजो कै करना चेहिन्दा?" यीशुयै तैस सित बल्लू, "तू मिंजो 'उत्तम' क्यो बलदा हा? केवल अक्क ही उत्तम हा अतै सो प्रमात्मा हा। अपर जे तू अनन्त जीवन पाणा चाहन्दा ता प्रमात्मै री व्यवस्था रा पालन कर।"

![](https://cdn.door43.org/obs/jpg/360px/obs-en-28-02.jpg)

"मिंजो कसा-कसा आज्ञा रा पालन करनै री जरूरत हा?" तिनी पुछु। यीशुयै जवाब दित्ता, "हत्या ना करना। व्यभिचार ना करना। चोरी ना करना। झूठ ना बलना। अपणै पिता अतै माता रा आदर करना, अतै अपणै पड़ोसी सितै अपणै समान प्रेम करना।"

![](https://cdn.door43.org/obs/jpg/360px/obs-en-28-03.jpg)

अपर तिनी जोआन मड़दै बल्लू, "अऊँ बचपना थऊँ ही इन्या गल्ला जो करदा हा । मिंजो सदा ताई जिन्दै रैहणै ताई अबै कै करनै री जरूरत हा ?" यीशुयै तैस जो ह्रेरू अतै तैस सितै प्रेम करू ।

![](https://cdn.door43.org/obs/jpg/360px/obs-en-28-04.jpg)

यीशुयै जवाब दित्ता, "जे तू सिद्ध भूणा चाहन्दा हा ता गिचिकरी अपणा सब कुछ बेची दे अतै सो धन गरीबा मंज बंडी दे, अतै तीजो स्वर्गा मंज धन मुळना। तैहणै इचिकरी मिंजो पीचै चल ।"

![](https://cdn.door43.org/obs/jpg/360px/obs-en-28-05.jpg)

जेड़ा यीशुयै बल्लू तिनी जोआन मड़दै हुणु ता सो बड़ा उदास भूची गो, क्योकि सो बड़ा अमीर थू अतै तिनी अपणी पुरी सम्पत्ति जो ना दिणा चाहन्दा थू। सो मुड़ी करी यीशु रै नैड़ै थऊँ चली गो।

![](https://cdn.door43.org/obs/jpg/360px/obs-en-28-06.jpg)

तैहणै यीशुयै अपणै चेलै सितै बल्लू, "प्रमात्मै रै राज्य मंज अमीर मणु रा प्रवेश करना बड़ा कठण हा! हाँ, अक्की अमीर मड़दा रा प्रमात्मै रै राज्य मंज गाणै री तुलना मंज कसी ऊँटा रा सूई रै नाकै मितै भुचिकरी निकळी गाणा असान हा।"

![](https://cdn.door43.org/obs/jpg/360px/obs-en-28-07.jpg)

जेड़ा यीशुयै बल्लू जैड़ा चेलै हुणु ता सो हेरान भूची गै। तिन्यै बल्लू, "जे एह ऐसा हा ता प्रमात्मै कसियो बचाणा?"

![](https://cdn.door43.org/obs/jpg/360px/obs-en-28-08.jpg)

यीशुयै चेलै री कनारी हेरू अतै बल्लू, "मणु ताई अपणा उद्धार करना असम्भव हा। अपर प्रमात्मै ताई कुछ भी करना असम्भव निया।"

![](https://cdn.door43.org/obs/jpg/360px/obs-en-28-09.jpg)

पतरसै यीशु सितै बल्लू, "अहै चेलै अपना सब कुछ छड्डी करी तेरै पचुं चलूरै हिन्। ता इन्दा इनाम कै भुणा ?"

![](https://cdn.door43.org/obs/jpg/360px/obs-en-28-10.jpg)

मत्ती अध्याय 19:16-30; मरकुस 10:17-31; लूका 18:18-30 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_28_128kbps.mp3

## 29. निर्दयी दासा री कहाणी

https://openbiblestories.org/l/gbk/story-29/

![](https://cdn.door43.org/obs/jpg/360px/obs-en-29-01.jpg)

अक्क धैड़ै, पतरसै यीशु थऊँ पुछु, "हे स्वामी, मिंजो अपणै भाई जो कतनी बरी माफ़ करना चेहिन्दा जैहणै सो मेरै वरुद्ध पाप करन्दा हा? कै सात बरी तक?" यीशुयै बल्लू, "सात बरी ना, अपर सात री सत्तर बरी!" ठेरै द्वारा, यीशु रा मतलब हा कि असियो हमेशा माफ़ करना चेहिन्दा। तैहणै यीशुयै एह कहाणी हुणाई।

![](https://cdn.door43.org/obs/jpg/360px/obs-en-29-02.jpg)

यीशुयै बल्लू, "प्रमात्मै रा राज्य अक्क राजा रै समान हा जो अपणै दासा थऊँ लेखा लैणा चाहन्दा थू। तसेरा अक्क दास 2,00,000 साला री मजदूरी रै अक्की बड़ै कर्जै रा कर्जदार थू।"

![](https://cdn.door43.org/obs/jpg/360px/obs-en-29-03.jpg)

अपर सो दास अपणै कर्ज जो चुकाई ना पाऊ, ठेरैताई राजै बल्लू, "सेरा कर्ज चुकाणै ताई एस मड़दा जो अतै सेरै टबरा जो दासा रै रूपा मंज बेचीं देया ।"

![](https://cdn.door43.org/obs/jpg/360px/obs-en-29-04.jpg)

"तिनी दासै राजै रै सामणै अपणै घुटनै पुर पेई करी बल्लू, 'कृपा करीके मिंजो सोगी धीरज धर, अतै अऊँ अपणै कर्ज री पूरी रकम रा भुगतान करी दिल्ला।' राजै दासा पुर दया करी, ठेरैताई तिनी तसेरै पुरै कर्ज जो माफ करी दित्ता अतै तैसियो गाणा दित्ता।"

![](https://cdn.door43.org/obs/jpg/360px/obs-en-29-05.jpg)

"अपर जैहणै सो दास राजै थऊँ बाहर गो, ता तैसियो तसेरा अक्क साथी दास मुळू जेड़ा तसेरी चों महीनै री मजदूरी रा कर्जदार थू। तिनी दासै अपणै साथी दास जो पकड़ी लेऊ अतै बल्लू, 'जेड़ा तेरै ऊपर मेरा कर्ज हा मिंजो तैतियो दे !"

![](https://cdn.door43.org/obs/jpg/360px/obs-en-29-06.jpg)

"तिनी दासै घुटनै पुर पेई करी बल्लू, 'कृपा करीके मिंजो सोगी धीरज धर, अतै अऊँ अपणै कर्ज री पूरी रकम रा भुगतान करी दिल्ला।' अपर ठेरै बजाए, तिनी दासै अपणै साथी दास जो जेलखानै मंज पाई दित्ता जैहणै तक कि सो तैस कर्ज रा भुगतान ना करी देया ।"

![](https://cdn.door43.org/obs/jpg/360px/obs-en-29-07.jpg)

"जेड़ा कुछ भूआ थू ततियो कुछ होरी दासै हेरू अतै सो बड़ै परेशान भूयै। सो राजै बलै गै अतै तैसियो सब कुछ दस्सू ।"

![](https://cdn.door43.org/obs/jpg/360px/obs-en-29-08.jpg)

"राजै तैस दासा जो हद्दी करी बल्लू, 'हे दुष्ट दास! मैंई तेरै कर्ज जो ठेरैताई माफ़ करू थू क्योकि तेई मुझसे विनती करी थी। तीजो भी तिन्या ही करना चेहिन्दा थू।' राजा इतना जळू थू कि तिनी तैस दुष्ट दासा जो जेलखानै मंज पाई दित्ता जैहणै तिकर कि सो अपणै पुरै कर्ज रा भुगतान ना करी देया।"

![](https://cdn.door43.org/obs/jpg/360px/obs-en-29-09.jpg)

मत्ती अध्याय 18:21-35 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_29_128kbps.mp3

## 30. यीशु पाँज हजार मणु जो खाणा खुअन्दा हा

https://openbiblestories.org/l/gbk/story-30/

![](https://cdn.door43.org/obs/jpg/360px/obs-en-30-01.jpg)

यीशुयै अपणै प्रेरिता जो प्रचार करनै अतै मणु जो शिक्षा दिणै ताई मतै लग-लग ग्रां मंज भैज्जै। जैहणै सो तैठीया जो फिरै जैठी यीशु थू ता तिन्यै तैसियो दस्सू कि तिन्यै कै करू थू। तैहणै यीशुयै तिन्या जो झीला रै दुई तरफ तैस सोगी अक्की शान्त जगह पुर गिचिकरी कुछ टैम अराम करनै ताई आमंत्रित करू। अतः सो अक्की किस्ती पुर चढ़ी गै अतै झीला रै दूई कनारी चली गै।

![](https://cdn.door43.org/obs/jpg/360px/obs-en-30-02.jpg)

अपर तैड़ी मतै मणु थीयै जिन्यै यीशु अतै चेलै जो किस्ती पुर गान्दै हेरू। ए मणु तिन्या थऊँ अगुं झीला रै दूई कनारी गाणै ताई झीला रै कनारै-कनारै पुर नहै। अतः जैहणै यीशु अतै चेलै पुज्जै ता मणु रा अक्क बड्डा झुण्ड तयांरी भाळ करन्दा तैठी पैहलै तैठी थू।

![](https://cdn.door43.org/obs/jpg/360px/obs-en-30-03.jpg)

तैसा भीड़ा मज जनानी अतै बच्चै री गिणती रै बिना 5,000 थऊँ ज्यादा मड़द थीयै। यीशुयै तिन्या मणु पुर बड़ा तरस खाऊ। यीशु बलै सो मणु बिना पाअला री भैड़ा साईं थीयै। ठेरैताई तिनी तिन्या जो शिक्षा दित्ती अतै तयांरै बीचा मंज जेड़ै मणु बमार थीयै तिन्या जो चंगा करू ।

![](https://cdn.door43.org/obs/jpg/360px/obs-en-30-04.jpg)

धैड़ै रै अंत मंज, चेलै यीशु सितै बल्लू, "अबै देर भूची गेई हा अतै अखै-ब्र्खै कोई नगर निया। इन्या मणु जो विदा कर ताकि सो गिचिकरी खाणै ताई कुछ लेई।"

![](https://cdn.door43.org/obs/jpg/360px/obs-en-30-05.jpg)

अपर यीशुयै चेलै सितै बल्लू, "तुहै तिन्या जो खाणै ताई कुछ देया!" तिन्यै जवाब दित्ता, "अहै ऐसा किन्या करी सकन्दै हिन्? असू बलै केवल पाँज रोटी अतै दोई हल्की मछलि हिन्।"

![](https://cdn.door43.org/obs/jpg/360px/obs-en-30-06.jpg)

यीशुयै अपणै चेलै सितै बल्लू कि सो भीड़ा रै मणु जो घा पुर पजांह- पजांह रै झुंडा मंज बैहणै ताई बल्ला।

![](https://cdn.door43.org/obs/jpg/360px/obs-en-30-07.jpg)

OBदित्ताS Image फिरी यीशुयै रोटी अतै मछलि जो टुकड़ै मंज तोड़ू। तिनी मणु जो दिणै ताई अपणै चेलै जो सो टुकड़ै दी दित्तै। चेलै तैस खाणै जो बडंदै रैह, अतै सो कदी खत्म ना भुआ! सो सब मणु खाईकरी रजी गै।

![](https://cdn.door43.org/obs/jpg/360px/obs-en-30-08.jpg)

मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_30_128kbps.mp3

## 31. यीशु पाणी पुर चलन्दा हा

https://openbiblestories.org/l/gbk/story-31/

![](https://cdn.door43.org/obs/jpg/360px/obs-en-31-01.jpg)

पाँज हजार मणु जो खुआणै थऊँ बाद, यीशुयै अपणै चेलै सितै किस्ती मंज गाणै ताई बल्लू। तिनी तिन्या जो झीला रै दूई कनारी चली गाणै ताई बल्लू जबकि सो थोड़ै टैमा ताई वहीं ठैहरी गो। अतः चेलै चली गै अतै यीशुयै भीड़ा जो विदा करू कि सो अपणै घरा जो गान। ठेरै बाद, यीशु प्रार्थना करनै ताई अक्की पाड़ा पुर चली गो। तैठी सो अकेला थू, अतै तिनी देर राती तिकर प्रार्थना करी।

![](https://cdn.door43.org/obs/jpg/360px/obs-en-31-02.jpg)

तैस टैमै, चेलै अपणी किस्ती जो चलन्दै चलूरै थीयै, अपर हवा तयांरी तरफ जोरा सितै लगुरी थी। बड़ी रात भूची गछुरी थी पर सो अल्ली झिला रै मंजै ही पुज्जै थीयै।

![](https://cdn.door43.org/obs/jpg/360px/obs-en-31-03.jpg)

तैस टैमै यीशुयै प्रार्थना करनी खत्म करी अतै अपणै चेलै बलै वापस चलू। सो किस्ती री कनारी गाणै ताई पाणी रै ऊपर चलना लगा।

![](https://cdn.door43.org/obs/jpg/360px/obs-en-31-04.jpg)

तैहणै चेलै तैसियो हेरू। सो बड़ै डरी गै क्योकि तिन्यै सोचु थू कि सो कोई भूत हा। यीशु जाणदा थू कि सो डरी गै थीयै, ठेरैताई तिनी तिन्या जो आक पाई करी बल्लू , "डरा मत, एह अऊँ हा!"

![](https://cdn.door43.org/obs/jpg/360px/obs-en-31-05.jpg)

तैहणै पतरसै यीशु सितै बल्लू, "हे प्रभु, जे एह तू हा ता मिंजो पाणी पुर चली करी तीजो बलै ईणै रा हुक्म दे।" यीशुयै पतरस सितै बल्लू, "अई!"

![](https://cdn.door43.org/obs/jpg/360px/obs-en-31-06.jpg)

अतः पतरस किस्ती थऊँ उतरी गो अतै यीशु बलै गाणै ताई पाणी रै ऊपर रै चलना शुरू करू । अपर थोड़ी दूर गिचिकरी, तिनी अपणी हाख्री जो यीशु थऊँ फेरी लेऊ अतै लैहरा जो हेरना अतै तेज हवा जो महसूस करना शुरू करी दित्ता।

![](https://cdn.door43.org/obs/jpg/360px/obs-en-31-07.jpg)

तैहणै पतरस डरी गो अतै पाणी मंज डूबणा लगा। सो चिल्लाऊ, "हे प्रभु, मिंजो बचा!" यीशुयै तैस टैमै हाथ बढ़ाई करी तैसियो पकड़ी लेऊ। तैहणै तिनी पतरस सितै बल्लू, "तेरा विश्वास बड़ा कम हा! तीजो ठीक रखणै ताई तेई मिंजो पुर भरोसा क्यो ना करू ?"

![](https://cdn.door43.org/obs/jpg/360px/obs-en-31-08.jpg)

मत्ती अध्याय 14:22-33; मरकुस 6:45-52; यूहन्ना 6:16-21 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_31_128kbps.mp3

## 32. यीशु दुष्टात्मा सितै ग्रस्त मणु जो अतै अक्की बमार जनानी जो चंगा करदा हा

https://openbiblestories.org/l/gbk/story-32/

![](https://cdn.door43.org/obs/jpg/360px/obs-en-32-01.jpg)

यीशु अतै तसेरै चेलै अपणी किस्ती मंज तैस क्षेत्र जो गै जैठी गिरासेनी मणु रहन्दै थीयै। औ तैस क्षेत्र मंज पूजी करी किस्ती थऊँ उतरी गै।

![](https://cdn.door43.org/obs/jpg/360px/obs-en-32-02.jpg)

तैठी अक्क मणु थू जेड़ा दुष्टात्मा सितै ग्रस्त थू।

![](https://cdn.door43.org/obs/jpg/360px/obs-en-32-03.jpg)

एह मणु ऐतना ताकतवर थू कि कोई भी तैसियो काबू ना करी सकदा थू। कई बरी मणुयै तसेरै हथू अतै पैरा जो जंजीरा सितै भी बन्नू, अपर सो तिन्या जो तोड़ी दिंदा थू।

![](https://cdn.door43.org/obs/jpg/360px/obs-en-32-04.jpg)

सो मणु तैस क्षेत्रा मंज कब्रा मंज रैहन्दा थू। एह मणु पूरा धैड़ा अतै पूरी रात बकन्दा थू। सो ओडणा ना लंदा थू अतै अक्सर अप्पू जो नड़ा सितै घायल करंदा थू।

![](https://cdn.door43.org/obs/jpg/360px/obs-en-32-05.jpg)

सो मणु दौड़ी करी यीशु बलै आ अतै तसेरै सामणै घुटनै टेकी दित्तै। तैहणै यीशुयै तैस मणु रै अन्दरा री दुष्टात्मा सितै गल करी अतै बल्लू, "एस मणु मंज थऊँ बाहर निकळी आई!"

![](https://cdn.door43.org/obs/jpg/360px/obs-en-32-06.jpg)

सो दुष्टात्मा ऊची वाज मंज बकी, "हे यीशु, परम प्रधान प्रमात्मै रै पुत्र, तेरा मिंजो सितै कै कम? कृपा करीके मिंजो मत सता!" तैहणै यीशुयै तैसा दुष्टात्मा थऊँ पुछु, "तेरा नां कै हा?" तैहै जवाब दित्ता, "मेरा नां सेना हा, क्योकि अहै मती हिन्।" (रोमी सेना मंज कई हजार सपाई रा अक्क झुण्ड अक्क "सेना" भुन्दी थी।)

![](https://cdn.door43.org/obs/jpg/360px/obs-en-32-07.jpg)

तिन्यै दुष्टात्मै यीशु सितै विनती करी, "कृपा करीके असियो एसा जगहा थऊँ बाहर मत भैज!" तैठी नेड़ै रै पाड़ा पुर सूअरा रा अक्क झुंड चुगु करदा थू। ठेरैताई तिन्यै दुष्टात्मै यीशु सितै विनती करी, "कृपा करीके असुओ इन्या सूअरा मंज भैजी दे!" यीशुयै बल्लू, "ठीक हा, तिन्या मंज चली गच्छा!"

![](https://cdn.door43.org/obs/jpg/360px/obs-en-32-08.jpg)

अतः सो दुष्टात्मा तैस मणु मंज थऊँ नकेई करी तिन्या सूअरा मंज चली गेई। सो सूअर दौड़ी करी अक्की खड़ै टीलै थऊँ झीला मंज कूदी गै अतै डूबी मरै। तैस झुंडा मंज लगभग 2,000 सूअर थीयै।

![](https://cdn.door43.org/obs/jpg/360px/obs-en-32-09.jpg)

तैठी तिन्या सूअरों री देखभाल करनै वाळै मणु थीयै। जेड़ा कुछ भुआ थू जैहणै तिन्यै हेरू ता सो नगरा मंज नही गै। यीशुयै जेड़ा करू थू तैठी तिन्यै सबी जो दस्सू। तैस नगर रै मणु निकळी आयै अतै तैस मणु जो हेरू जैस मंज दुष्टात्मा थी। सो शान्ति सितै, ओडणा लऊरै, अतै अक्क साधारण मणु री तरह व्यवहार करन्दै बैहुरा थू।

![](https://cdn.door43.org/obs/jpg/360px/obs-en-32-10.jpg)

सो मणु बड़ै डरुरै थीयै अतै तिन्यै यीशु सितजो गाणै ताई बल्लू। अतः यीशु किस्ती पुर चढ़ी गो। सो मणु जैस मंज दुष्टात्मा थी तिनी यीशु सोगी गाणै री विनती करी ।

![](https://cdn.door43.org/obs/jpg/360px/obs-en-32-11.jpg)

अपर यीशुयै तैस सितै बल्लू, "ना। अऊँ चाहन्दा हा कि तू घरै गिचिकरी सबी जो दस्सा कि प्रमात्मै तेरै ताई कै करू हा। तिन्या जो दस कि किन्या प्रमात्मै तीजो पुर दया करी थी।"

![](https://cdn.door43.org/obs/jpg/360px/obs-en-32-12.jpg)

ठेरैताई सो मणु चली गो अतै सबी जो ठेरै बारै मंज दस्सू जेड़ा यीशुयै तैस ताई करू थू। तसेरी कहाणी जो हुणनै वाळा हर अक्क जन हेरान भूआ थू।

![](https://cdn.door43.org/obs/jpg/360px/obs-en-32-13.jpg)

यीशु झीला री दूई कनारी फिरी आ। तसेरै तैठी पूजणै बाद, अक्क बड़ी भीड़ तसेरै अखै-ब्र्खै किठठी भुई अतै तैसियो दबाणा लगी। तैसा भीड़ा मंज अक्क जनानी थी जेड़ी बारह साला थऊँ खून नकैणै री समस्या थऊँ पीड़ित थी। तैहै अपणा पूरा धन डाक्टरा जो दी दितुरा थू ताकि सो तैसाओ ठीक करी सकन, अपर तसारा रोग होर भी बिगड़ी गछुरा थू।

![](https://cdn.door43.org/obs/jpg/360px/obs-en-32-14.jpg)

तैह हुणु थू कि यीशुयै कई बमार मणु जो ठीक करूरा थू अतै तैहै सोचु, "अऊँ जाणदी हा कि यीशु रै ओडणा जो ही छूई लैली, ता मुं भी ठीक भूची गाणा!" ठेरैताई सो यीशु रै पचुआं थऊँ आई अतै तसेरै ओडणा जो छूई लेऊ। जिंया ही तैहै तैसियो छु, खुना रा चलना बंद भूची गो।

![](https://cdn.door43.org/obs/jpg/360px/obs-en-32-15.jpg)

अकदम ही, यीशुयै जाणी लेऊ कि तैस थऊँ सामर्थ निकळी हा। ठेरैताई तिनी प्चुं मुड़ी करी पुछु, "मिंजो कुणी छु आ?" चेलै जवाब दित्ता, "एठी ऐतनै सारै मणुयै तेरै चोरूनी कनारी भीड़ लगऊरी हा, अतै तीजो सितै हचणा लगुरै हिन्। ता तेई क्यो पूछु कि मिंजो कुणी छुउ आ ?"

![](https://cdn.door43.org/obs/jpg/360px/obs-en-32-16.jpg)

कै करू हा, अतै एह भी कि सो ठीक भूची गेई हा। यीशुयै तैसा सितै बल्लू, "तेरै विश्वासै ही तीजो चंगा करू हा। शान्ति सितै चली गा।" मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 थऊ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_32_128kbps.mp3

## 33. अक्क किसान री कहाणी

https://openbiblestories.org/l/gbk/story-33/

![](https://cdn.door43.org/obs/jpg/360px/obs-en-33-01.jpg)

अक्क धैड़ा, यीशु झीला रै कनारै रै नेड़ै थू। सो मणु री अक्क बड़ी बड्डी भीड़ा जो शिक्षा दिछु करदा थू। तैसियो हुणनै ताई ऐतनै सारै मणु आयै कि यीशु बलै तिन्या सबी सितै गल करनै ताई जगह ना थी । ठेरैताई सो पाणी मंज खड़ुरी किस्ती पुर चढ़ी गो। तैठी सो बैही गो अतै मणु जो शिक्षा दित्ती।

![](https://cdn.door43.org/obs/jpg/360px/obs-en-33-02.jpg)

यीशुयै तिन्या जो एह कहाणी हुणाई, "अक्क किसान बी बाणै ताई बाहर निकळू। जैहणै सो हथा सितै बीया जो बखेरू करदा थू ता कुछ बी बत्ता मंज पै। अपर पखेरुयै इचिकरी तिन्या सबी बिया जो खाई लेऊ ।"

![](https://cdn.door43.org/obs/jpg/360px/obs-en-33-03.jpg)

"दूयै बी पथरीली जमीना पुर पै जैठी बड़ी घट चिक थी। पथरीली भूमि पुर पै बीज बड़ी तोंळी जमी पै, अपर तयांरी जड़ा जमीना मंज गहराई मंज गाणै रै काबल ना थीं। जैहणै सूरज नकेऊ अतै गर्मी भुई ता सो बूट मुरझाई गै अतै मरी गै।"

![](https://cdn.door43.org/obs/jpg/360px/obs-en-33-04.jpg)

"ताभी दूयै बी झाड़ी रै बीचा मंज पै। तिन्यै बीयै बढ़ना शुरू करू, अपर कन्डै तिन्या जो दबी दिता। ठेरैताई कन्डैदार जमीना पुर पेऊरैबिया रै बूटा थऊँ कोई भी फळ ना दी सकू ।"

![](https://cdn.door43.org/obs/jpg/360px/obs-en-33-05.jpg)

"दूयै बी खरी जमीना पुर पै। सो बी बढ़ै अतै जैतणै बी बायै थीयै तिन्यै 30, 60, अतै ऐड़ीया तिकर कि 100 गुणा अनाज पैदा करू। जो कोई भी प्रमात्मै रै प्चुं चलना चाहन्दा हा, सो एसा गल्ला पुर ध्यान देया जेड़ी अऊँ बल्लू करदा हा!"

![](https://cdn.door43.org/obs/jpg/360px/obs-en-33-06.jpg)

ऐसा कहाणीयै चेलै जो उलझन मंज पाई दित्ता। ठेरैताई यीशुयै व्याख्या करी, "सो बी प्रमात्मै रा वचन हा। सो रस्ता अक्क ऐसा मणु हा जेड़ा प्रमात्मै रै वचना जो हूँणदा हा, अपर तैसियो समझन्दा निया। तैहणै शैतान तैस थऊँ वचना जो चोरी लेई गन्दा हा। मतलब शैतान तैस वचना जो समझणै थऊँ दूर रखन्दा हा।"

![](https://cdn.door43.org/obs/jpg/360px/obs-en-33-07.jpg)

"सो पथरीली भूमि ऐसा मणु हा जेड़ा प्रमात्मै रै वचना जो हुणदा हा अतै ख़ुशी सोगी तैसियो अपनाई लैंदा। अपर जैहणै मुश्कल टैम इन्दा हा, या जैहणै होर मणु तैसियो सतान्दै हिन्, ता सो प्रमात्मै थऊँ दूर चली गन्दा हा। मतलब सो प्रमात्मै पुर भरोसा करना बंद करी दिंदा हा।"

![](https://cdn.door43.org/obs/jpg/360px/obs-en-33-08.jpg)

"सो कन्डैदार जमीन ऐसा मणु हा जेड़ा प्रमात्मै रै वचना जो हुणदा हा। अपर सो बड़ी सारी गल्ला रै बारै मंज चिन्ता करना शुरू करी दिंदा हा, अतै सो मता धन कमाणै रा जोर लंदा हा, अतै सो मती जिनी चीजा जो पाणै रा कोशिश करन्दा हा । कुछ टैमा बाद, अबै सो प्रमात्मै जो प्रेम करनै मंज काबल निया । ठेरैताई जेड़ा तिनी प्रमात्मै रै वचना थऊँ सीखू थू सो तैसियो प्रमात्मै जो खुश करनै मंज काबल ना करदा। सो कणका री टठंळा साईं हा जेड़ी कोई अनाज पैदा ना करदी हिन्।"

![](https://cdn.door43.org/obs/jpg/360px/obs-en-33-09.jpg)

मत्ती अध्याय 13:1-8, 18-23; मरकुस 4:1-8, 13-20; लूका 8:4-15 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_33_128kbps.mp3

## 34. यीशु दूई कहाणी री शिक्षा दिंदा हा

https://openbiblestories.org/l/gbk/story-34/

![](https://cdn.door43.org/obs/jpg/360px/obs-en-34-01.jpg)

यीशुयै प्रमात्मै रै राज्य रै बारै मंज होर बड़ी कहाणी हुणाई। उदाहरण ताई, तिनी बल्लू, "प्रमात्मै रा राज्य अक्क राई रै बीया साईं हा जैसियो कसीयै अपणी बगड़ी मंज बाई दित्ता। तुहै जाणदै हिन् कि राई रा बी सबी बीया मंज सबी थऊँ हल्का भुन्दा हा।"

![](https://cdn.door43.org/obs/jpg/360px/obs-en-34-02.jpg)

"अपर जैहणै राई रा बी बदी गन्दा हा ता सो बगीचै रै सबी रुखा मंज सबी थऊँ बडा भूची गन्दा हा, एतना बडा कि पखेरू इचिकरी तसेरी डाळी पूर राम करन्दै हिन्।"

![](https://cdn.door43.org/obs/jpg/360px/obs-en-34-03.jpg)

यीशुयै अक्क होर कहाणी हुणाई, "प्रमात्मै रा राज्य खमीर साईं हा जैसियो लेईकरी अक्क जनानी पिठै रै पेड़ै मंज मलाई दिन्दी हा तैहणै सो सबी पेड़ै मंज फैली गन्दा हा।"

![](https://cdn.door43.org/obs/jpg/360px/obs-en-34-04.jpg)

"स्वर्गा रा राज्य तैस खजानै साईं हा जैसियो कसीयै बगड़ी मंज दब्बी दित्ता। कसी होर मणु जो सो खजाना मुळी गो अतै तिनी तैसियो पाणै री बड़ी चाह करी। ठेरैताई तिनी तैतियो फिरी दब्बी दित्ता। सो ख़ुशी सितै एतना भरूरा थू कि तिनी गिचिकरी अपणा सब कुछ बेची दित्ता ताकि सो तैसा बगड़ी जो खरीदी सका जैठी सो खजाना थू।"

![](https://cdn.door43.org/obs/jpg/360px/obs-en-34-05.jpg)

"स्वर्गा रा राज्य अक्क बड़ै कीमती शुद्ध मोती रै साईं भी हा। जैहणै कोई मोति रा व्यापारी तैतियो पाई लैन्दा हा ता सो तैतियो खरीदणै ताई अपणा सब कुछ बेची दिंदा हा।"

![](https://cdn.door43.org/obs/jpg/360px/obs-en-34-06.jpg)

तैठी कुछ मणु थीयै जेड़ै सोचन्दै थीयै कि प्रमात्मै तिन्या जो ठेरैताई स्वीकार करना क्योकि सो भलै काम करू करदैं हिन्। ऐह मणु इनै मणु जो तुच्छ मंदै थीयै जेड़ै तिन्या भलै कम्मा जो ना करदैं थीयै। ठेरैताई यीशुयै तिन्या जो एह कहाणी हुणाई "दोई मड़द थीयै अतै दोनो ही प्रार्थना करनै ताई मंदरा मंज गै। तिन्या मंज अक्क चुंगी लैणै वाळा थू, अतै दूआ अक्क धार्मिक अगुवा थू।"

![](https://cdn.door43.org/obs/jpg/360px/obs-en-34-07.jpg)

"तिनी धार्मिक अगुवै एस प्रकार प्रार्थना करी, 'हे प्रमात्मा, तेरा धन्यवाद भोआ कि अऊँ होरी मणु साईं – जिंया कि डाकू, अन्यायी मणु, व्यभिचारी, या एठीया तक कि एठी मोजूद ओस चुंगी लैणै वाळै साईं अक्क पापी निया।'"

![](https://cdn.door43.org/obs/jpg/360px/obs-en-34-08.jpg)

"उदाहरण ताई, अऊँ हर हप्तै मंज दोई बरी उपवास रखन्दा हा, अतै अऊँ मिंजो मुळनै वाळै धन अतै समान रा दसवाँ हिस्सा तीजो दिंदा हा।"

![](https://cdn.door43.org/obs/jpg/360px/obs-en-34-09.jpg)

"अपर सो चुंगी लैणै वाळा तैस धार्मिक अगुवै थऊँ बड़ी दूर खड़ी गो। तिनी ऊपर स्वर्गा री तरफ हाख्री भी ना चुकी। ठेरै बजाए, तिनी अपणी मुट्ठी सितै अपणी हिक्का जो जक्कू अतै प्रार्थना करी, 'हे प्रमात्मा, कृपा करीके मिंजो पुर दया कर क्योकि अऊँ अक्क पापी हा।'"

![](https://cdn.door43.org/obs/jpg/360px/obs-en-34-10.jpg)

मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_34_128kbps.mp3

## 35. दयालु पिता री कहाणी

https://openbiblestories.org/l/gbk/story-35/

![](https://cdn.door43.org/obs/jpg/360px/obs-en-35-01.jpg)

अक्क धैड़ै, यीशु तिन्या मतै मणु जो शिक्षा दिछु करदा थू जेड़ैतसेरी हुणनै ताई किठुरै थीयै। एह मणु चुंगी लैणै वाळै अतै सोगी होर मणु भी थीयै जिन्यै मूसा री व्यवस्था रा पालन करनै री कोशिश ना करी थी।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगुवै हेरू कि यीशु इन्या मणु सितै अक्क मित्रा साईं गला करू करदा थू। ठेरैताई तिन्यै अक्की दूयै सितै एह बलना शुरू करी दित्ता कि सो गलत करू करदा थू। यीशुयै तिन्या जो गल्ला करन्दै हुणु, ठेरैताई तिनी तिन्या जो एह कहाणी हुणाई।

![](https://cdn.door43.org/obs/jpg/360px/obs-en-35-03.jpg)

"अक्क मणु थू जसेरै दोई पुत्र थीयै। हलकै पुत्रै अपणै पिता सितै बल्लू, 'हे पिता, मिंजो अजूं मेरा हिस्सा चेहिन्दा!' अतः पितै अपणै दोनों पुत्रा रै बीचा मंज अपणी सम्पत्ति रा बँटवारा करी दित्ता ।"

![](https://cdn.door43.org/obs/jpg/360px/obs-en-35-04.jpg)

"तोंळै ही हल्का पुत्र अपणा सब कुछ कट्ठेरी करी दूर देशा जो चली गो अतै पापी जीवन जीणै मंज अपणै सारे धना जो बर्बाद करी दित्ता।"

![](https://cdn.door43.org/obs/jpg/360px/obs-en-35-05.jpg)

"ठेरै बाद, जैठी हल्का पुत्र थू तैस देशा मंज अक्क भयंकर अकाल पेऊ, अतै तैस बलै अन्न खरीदणै ताई धन ना थू। ठेरैताई तैसियो जेड़ा काम मुळू सो सूअरा जो चारने रा थू। सो एतना दुःखी अतै भूखा थू कि सो सूअरा रा अन्न खाणा चाहन्दा थू।"

![](https://cdn.door43.org/obs/jpg/360px/obs-en-35-06.jpg)

"आखिरकार, तिनी हलकै पुत्रै अप्पू सितै बल्लू, 'अऊँ कै करू करदा? मेरेै पितै रै सबी सेवका बलै खाणै ताई मता हा, फिरी भी अऊँ एठी भूखा मरू करदा। मुं अपणै पिता बलै वापस गाणा अतै अपणै पिता रा अक्क सेवक बणनै ताई तैस सितै विनती करला।'"

![](https://cdn.door43.org/obs/jpg/360px/obs-en-35-07.jpg)

"अतः तिनी हलकै पुत्रै वापस अपणै पिता रै घरा जो चलू। जैहणै कि सो अल्ली दूर ही थू, तसेरै पितै तैसियो हेरू अतै तैस पुर तरस खऊ। सो दौड़ी करी अपणै पुत्रा बलै गो अतै तैसियो गळै लाई करी चुमू।"

![](https://cdn.door43.org/obs/jpg/360px/obs-en-35-08.jpg)

"तनी पुत्रै बल्लू, 'हे पिता, मेंई प्रमात्मै रै अतै तेरै वरुद्ध पाप करू हा। अऊँ तेरा पुत्र कहलाणै रै लायक भी निया।'"

![](https://cdn.door43.org/obs/jpg/360px/obs-en-35-09.jpg)

"अपर पितै अपणै अक्की सेवका सितै बल्लू, 'तोळै गिचिकरी सबी थऊँ खरै ओडण लेइकरी अईया अतै मेरै पुत्रा जो पैनाह! तसेरी उंगळी मंज गूठीं अतै तसेरै पैरों मंज जूट्टै पोया। फिरी सबी थऊँ खरा बकरा बडा ताकि अहै खान अतै उत्सव मनान, क्योकि मेरा पुत्र मरी गछुरा थू, अपर अबै सो जिन्दा हा! सो गोआची गछुरा थू, अपर अबै अहै तैसियो पाई लेऊ हा!'"

![](https://cdn.door43.org/obs/jpg/360px/obs-en-35-10.jpg)

"ठेरैताई मणुयै उत्सव मनाणा शुरू करू। कुछ टैम बीतणै पुर, मोट्टा पुत्र बगड़ी मंज काम करीके घरा जो आ। तिनी गाणै अतै नाच री अवाज हुणी अतै हेरान भुआ कि यह कै भुछु करदा थू।"

![](https://cdn.door43.org/obs/jpg/360px/obs-en-35-11.jpg)

"जैहणै मोट्टै पुत्रा जो पता लगा कि सो ठेरैताई उत्सव मनाऊ करदै थीयै क्योकि तसेरा भाई घरै चली छुरा थू, ता सो बड़ा जळू अतै घरा मंज अंदर ना आ । तसेरै पितै बाहर इचिकरी तैसीयो उत्सव मनाणै रा निवेदन करू, अपर तिनी मना करी दित्ता ।"

![](https://cdn.door43.org/obs/jpg/360px/obs-en-35-12.jpg)

"तिनी मोट्टै पुत्रै अपणै पिता सितै बल्लू, 'इन्या सबी' साला मंज मेई तेरै ताई इमानदारी सितै काम करू! कदी भी तेरी गल्ला जो ना टाळू, अपर तेई कदी भी मिंजो हल्की बकरी भी ना दित्ती ताकि अऊँ अपणै मित्रा सोगी दावत करी सकूँ। अपर तेरै पुत्रै तेरै धन जो पापी कम्मा करनै मंज बर्बाद करी दित्ता हा। अतै अबै जैहणै सो आ ता तसेरै ताई उत्सव मनाणै ताई तेई सबी थऊबदिया बकरै जो मारी दित्ता !'"

![](https://cdn.door43.org/obs/jpg/360px/obs-en-35-13.jpg)

लूका अध्याय 15:11-32 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_35_128kbps.mp3

## 36. रूपान्तरण

https://openbiblestories.org/l/gbk/story-36/

![](https://cdn.door43.org/obs/jpg/360px/obs-en-36-01.jpg)

अक्क धैड़ा, यीशुयै अपणै त्रिनि चेलै, पतरस, याकूब, अतै यूहन्ना जो अपणै सोगी लेऊ। (एह यूहन्ना नां रा चेला सो हो मणु निया जिनी यीशु जो बपतिस्मा दित्ता थू।) सो प्रार्थना करनै ताई अक्की ऊचै पाड़ा पुर गै।

![](https://cdn.door43.org/obs/jpg/360px/obs-en-36-02.jpg)

जैहणै यीशु प्रार्थना करू करदा थू ता तसेरा मुहँ सूरजा साईं चमकदार भूची गो। तसेरै ओडण प्रगड़ै साईं चिट्टै भूची गै, जीना पृथ्वी पुर कोई करी सका तैस थऊँ भी बदी करी चिट्टै।

![](https://cdn.door43.org/obs/jpg/360px/obs-en-36-03.jpg)

तैहणै मूसा अतै एलिय्याह भविष्यद्वक्ता प्रकट भूयै। एह मड़द एसा पृथ्वी पुर सो साला पैहलै रैहन्दै थीयै। तिन्यै यीशु सितै तसेरी मोती रै बारै मंज गल करी, क्योकि सो तोळा ही यरूशलेम मंज मरी गाणा ।

![](https://cdn.door43.org/obs/jpg/360px/obs-en-36-04.jpg)

जैहणै मूसा अतै एलिय्याह यीशु सितै गल्ला करू करदै थीयै तैहणै पतरसै यीशु सितै बल्लू, "असू ताई एठी भूणा भला हा। अहै तराई मंडप जो बणान, अक्क तेरै ताई, अक्क मूसा ताई, अतै अक्क एलिय्याह ताई।" अपर पतरस ना जाणदा थू कि सो कै बल्लू करदा थू।

![](https://cdn.door43.org/obs/jpg/360px/obs-en-36-05.jpg)

जैहणै पतरस गल करू करदा थू, ता अक्क चमकदार बदळ थल्लै इचिकरी तिन्या पुर छाई गो। फिरी तिन्यै बदळा थऊँ अक्क अवाज जो हुणु। तिनी बल्लू, "एह मेरा पुत्र हा जैस सितै अऊँ प्रेम करन्दा हा। अऊँ तैस थऊँ खुश हा। तसेरी हुणा।" सो त्रो चेलै डरी गै अतै जमीना पुर डेई गै।

![](https://cdn.door43.org/obs/jpg/360px/obs-en-36-06.jpg)

तैहणै यीशुयै तिन्या जो छु अतै बल्लू, "डरा मत। उठी गच्छा।" जैहणै तिन्यै चोरुनी तरफ हेरू, ता जेड़ा भी तैठी थू सो केवल यीशु थू।

![](https://cdn.door43.org/obs/jpg/360px/obs-en-36-07.jpg)

मत्ती अध्याय 17:1-9; मरकुस 9:2-8; लूका 9:28-36 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_36_128kbps.mp3

## 37. यीशु लाज़र जो मरूरै थऊँ जियन्दा हा

https://openbiblestories.org/l/gbk/story-37/

![](https://cdn.door43.org/obs/jpg/360px/obs-en-37-01.jpg)

लाज़र नां रा अक्क मणु थू। तसेरी दोई बैहणी थी ज्यारैं नां मरियम अतै मार्था थू। सो सब यीशु रै गैरै मित्र थीयै। अक्क दिन, कसीयै यीशु जो दस्सू कि लाज़र बड़ा बमार थू। जैहणै यीशुयै एह हुणु ता तिनी बल्लू, "एह बमारी लाज़र रै मरनै सोगी खत्म ना भूणी। ठेरै बजाए, एह मणु जो प्रमात्मै रा आदर करनै ताई प्रेरित करली ।"

![](https://cdn.door43.org/obs/jpg/360px/obs-en-37-02.jpg)

यीशु अपणै मित्रा सितै प्रेम करन्दा थू, अपर जैठी सो थू तैठी तिनी दोई दिना तिकर भाळ करी। तिन्या दूँ धैड़ै के बाद, तिनी अपणै चेलै सितै बल्लू, "अईया, वापस यहूदि जो चलन।" चेलै जवाब दित्ता, "अपर हे गुरु, अल्ली कुछ ही टैमा पैहलै तैठीया रै मणु तीजो मारी दीणा चाहन्दै थीयै !" यीशुयै बल्लू, "इन्दा मित्र लाज़र सोई गो हा, अतै मिंजो तैसियो जगाणा चेहिन्दा।"

![](https://cdn.door43.org/obs/jpg/360px/obs-en-37-03.jpg)

यीशु रै चेलै जवाब दित्ता, "हे प्रभु, जे लाज़र सोऊ करदा हा, ता सो ठीक भूची गाणा।" तैहणै यीशुयै तिन्या सितै साफ़ बल्ली दित्ता, "लाज़र मरी गो हा । अऊँ खुश हा कि अऊँ तैठी ना थू, ताकि तुहै मिंजो पुर विश्वास करी सकन।"

![](https://cdn.door43.org/obs/jpg/360px/obs-en-37-04.jpg)

जैहणै यीशु लाज़र रै ग्रां पुजू ता लाज़र जो मरूरै पैहलै थऊँ ही चऊर धैड़ै भूची चुकुरै थीयै। मार्था यीशु सितै मुळनै ताई बाहर आई अतै बल्लू, "हे प्रभु, जे तू एठी भुन्दा ता मेरा भाई ना मरन्दा। अपर अऊँ विश्वास करन्दी हा कि जेड़ा कुछ भी तू प्रमात्मै थऊँ मंगा सो तीजो दिणा।"

![](https://cdn.door43.org/obs/jpg/360px/obs-en-37-05.jpg)

यीशुयै जवाब दित्ता, "पुनरुत्थान अतै जीवन अऊँ हा। जो कोई मिंजो पुर विश्वास करन्दा हा जे सो मरी भी गच्छा ता भी जीणा। जो कोई मिंजो पुर विश्वास करन्दा हा तैस कदी ना मरना। क्या तू एस पुर विश्वास करन्दी हा?" मार्थै जवाब दित्ता, "हे प्रभु, अऊँ विश्वास करन्दी हा कि तू प्रमात्मै रा पुत्र मसीह हा।"

![](https://cdn.door43.org/obs/jpg/360px/obs-en-37-06.jpg)

तैहणै मरियम आई। तैहै यीशु रै चरणा मंज पेई करी बल्लू, "हे प्रभु, जे तू एठी भुन्दा ता मेरा भाई ना मरन्दा।" यीशुयै तैस थऊँ पूछु, "तुहै लाज़र जो कड़ी रखु हा?" तिन्यै तैसियो दस्सू, "कब्रा मंज। अई अतै हेरी लै।" तैहणै यीशु रुणा लगा।

![](https://cdn.door43.org/obs/jpg/360px/obs-en-37-07.jpg)

सो कब्र अक्क गुफा थी जठेरै दारा पुर अक्की नड़ा जो खसकऊ थू। जैहणै यीशु कब्रा पुर पुज्जू ता तिनी तिन्या सितै बल्लू, "नड़ा जो हटाई देया।" अपर मार्थै बल्लू, "तैसियो मरूरै चऊर धैड़ै भूची चुकूरै हिन्। तैस थऊँ मुश्क इंदी भूणीया।"

![](https://cdn.door43.org/obs/jpg/360px/obs-en-37-08.jpg)

यीशुयै जवाब दित्ता, "कै मैंई तुसू सितै ना बल्लू थू कि जे तुहै मिंजो पुर विश्वास करा ता प्रमात्मै रै सामर्थ जो हेरलै?" ठेरैताई तिन्यै नड़ा जो हटाई दित्ता।

![](https://cdn.door43.org/obs/jpg/360px/obs-en-37-09.jpg)

तैहणै यीशुयै ऊपर स्वर्गा री कनारी हेरी करी बल्लू, "हे पिता, मेरी हुणनै ताई अऊँ तेरा धन्यवाद करन्दा । अऊँ जाणदा हा कि तू हमेशा मेरी हुणदा हा, अपर मैंई एह एठी खड़ूरै सबी मणु री मदद करनै ताई बल्लू ताकि एह विश्वास करन कि तेई मिंजो भैजू हा।" तैहणै यीशुयै अवाज लगाई, "हे लाज़र, बाहर निकळी अई!"

![](https://cdn.door43.org/obs/jpg/360px/obs-en-37-10.jpg)

अतः लाज़र बाहर निकळी आ! सो अल्ली भी कफणा मंज लिपटूरा थू। यीशुयै तैस सितै बल्लू, "एस कफणा जो कडणै मंज तसेरी मदद करा अतै एसियो अजाद करा।" एस चमत्कार रै कारण मतै यहूदियै यीशु पुर विश्वास करू।

![](https://cdn.door43.org/obs/jpg/360px/obs-en-37-11.jpg)

यूहन्ना 11:1-46 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_37_128kbps.mp3

## 38. हर साल, यहूदी मणु फसह रा पर्व मनदैं थीयै। एह एस बारै मंज अक्क उत्सव थू कि कई शताब्दी पैहलै प्रमात्मै  तयांरै पूर्वजा जो मिस्र री गुलामी थऊँ छड़ऊ थू। लगभग त्रीं साला रै बाद यीशुयै सार्वजनिक रूप सितै प्रचार करना अतै शिक्षा दिणा शुरू करू। यीशुयै अपणै चेलै जो दस्सू कि सो तयांरै सोगी यरूशलेम मंज फसह रै पर्व जो मनाणा चाहन्दा हा, अतै एह भी कि सो तैठी मारी दिणा।

https://openbiblestories.org/l/gbk/story-38/

![](https://cdn.door43.org/obs/jpg/360px/obs-en-38-01.jpg)

यीशु रै चेलै मंज अक्क यहूदा नां रा मणु थू। यहूदा प्रेरिता रै पैहै री थैली रखणै रा प्रभारी थू, अपर अक्सर सो तैसा थैली थऊँ पैसै कड्डी लैन्दा थू। यीशु अतै चेलै यरूशलेम मंज पूजणै बाद यहूदा यहूदी अगुवै बलै गो। तिनी पैहै रै बदलै मंज यीशु जो तयांरै हथै पकड़ाणै रा प्रस्ताव रखु। सो जाणदा थू कि यहूदी अगुवै स्वीकार ना करन्दै थीयै कि यीशु ही मसीह थू। सो जाणदा थू कि सो तैसियो मारी दिणा चाहन्दै थीयै।

![](https://cdn.door43.org/obs/jpg/360px/obs-en-38-02.jpg)

महायाजक रै बलनै पुर यहूदी अगुवै यीशु जो तयांरै हथा मंज पकड़ाणै ताई यहूदा जो ती चाँदी रै सिक्कै दित्तै। एह तैस ही साह्ब्बै सितै भूआ जिंया कि भविष्यद्वक्तै बल्लू थू कि भूणा। यहूदा मन्नी गो अतै पैहै लेईकरी चली गो। सो यीशु जो गिरफ्तार करनै मंज तयांरी मदद करनै ताई कसी अवसर री खोज करना लगै।

![](https://cdn.door43.org/obs/jpg/360px/obs-en-38-03.jpg)

यरूशलेम मंज, यीशुयै अपणै चेलै सोगी फसह रा पर्व मनाऊ। फसह रै भोज रै दौरान, यीशुयै रोटी लेईकरी त्रोड़ी। तिनी बल्लू, "एतियो लेया अतै खा। एह मेरा शरीर हा जेड़ा अऊँ तुन्दै ताई दिंदा हा। एतियो मेरी याद मंज करैं।" इस साह्ब्बा सितै, यीशुयै बल्लू कि तैस तयांरै ताई मरी गाणा, मतलब तयांरै ताई सो अपणै शरीरा जो बलि चढ़ाई दिणा।

![](https://cdn.door43.org/obs/jpg/360px/obs-en-38-04.jpg)

फिर यीशुयै अक्क दाखरस रा प्याला लेऊ अतै बल्लू, "एतियो पी लेया। एह नई वाचा रा मेरा लहू हा जो कि मुं उंडेलणा ताकि प्रमात्मा तुन्दै पापा जो माफ़ करा। हर बार एतियो पीन्दै टैमै मेरी याद मंज एतियो करा जेड़ा अऊँ अजूं करू करदा हा।"

![](https://cdn.door43.org/obs/jpg/360px/obs-en-38-05.jpg)

तैहणै यीशुयै अपणै चेलै सितै बल्लू, "तुसू मंज अक्की मिंजो पकड़ाणा।" चेलै चौंकी पै, अतै पूछणा लगै कि कुण एसा काम करला। यीशुयै बल्लू, "मेरा पकड़ाणै वाला मणु सो हा जैसीयो अऊँ एह रोटी रा टुकड़ा दिंदा हा।" तैहणै तिनी सो रोटी यहूदा जो दित्ती ।

![](https://cdn.door43.org/obs/jpg/360px/obs-en-38-06.jpg)

तैसा रोटी जो लैणै रै बाद, यहूदा मंज शैतान समाई गो। यहूदा निकळी करी यीशु जो गिरफ्तार करनै ताई यहूदी अगुवै री मदद करनै जो चली गो। एह राती रा टैम थू।

![](https://cdn.door43.org/obs/jpg/360px/obs-en-38-07.jpg)

खाणै थऊँ बाद, यीशु अतै तसेरै चेलै जैतून पाड़ा जो चली गै। यीशुयै बल्लू, "तुहै सब आज राती मिंजो छड्डी दिणा। एह लिखुरा हा, 'मुं पाअला जो मारना अतै सारी भैड़ा तितर-बितर भूची गाणी।'"

![](https://cdn.door43.org/obs/jpg/360px/obs-en-38-08.jpg)

पतरसै जवाब दित्ता, "भले ही बाकी सब तीजो छड्डी दीन, मुं ना छडणा!" तैहणै यीशुयै पतरस सितै बल्लू, "शैतान तुसू सबी जो लेई लैणा चाहन्दा हा, अपर हे पतरस, मैंई तेरै ताई प्रार्थना करी हा कि तू विश्वास थऊँ चुकि ना गच्छा। फिरी भी, आज री राती, कुकड़ा री बाँग दिणै थऊँ पैहलै तूद तराई बरी इंकार करना कि तू मिंजो जाणदा भी निया।"

![](https://cdn.door43.org/obs/jpg/360px/obs-en-38-09.jpg)

पतरसै तैहणै यीशु सितै बल्लू, "भले ही अऊँ मरी भी गछु, मुं कदी भी तेरा इंकार ना करना!" बाकी रै सब चेलै भी एही बल्लू।

![](https://cdn.door43.org/obs/jpg/360px/obs-en-38-10.jpg)

तैहणै यीशु अपणै चेलै सोगी गतसमनी नां री जगह पुर गो। यीशुयै अपणै चेलै सितै प्रार्थना करनै ताई बल्लू ताकि शैतान तयांरी परीक्षा ना करा। तैहणै यीशु अप्पू प्रार्थना करनै ताई चली गो।

![](https://cdn.door43.org/obs/jpg/360px/obs-en-38-11.jpg)

यीशुयै तराई बरी प्रार्थना करी, "हे मेरे पिता, जे सम्भव ता ता कृपा करीके एह दुःखा रा प्याला पीणै ताई मिंजो मत दे। अपर जे मणु रै पाप माफ़ करनै ताई कोई होर रस्ता निया , ता तेरी ही इच्छा पूरी भोआ।" यीशु बड़ा दोकुळुरा थू अतै तसेरा पसीना लहू री बूँदा साईं थू। तैसियो सामर्थ दिणै ताई प्रमात्मै अक्क स्वर्गदूत जो भैजू।

![](https://cdn.door43.org/obs/jpg/360px/obs-en-38-12.jpg)

हर बार प्रार्थना रै बाद, यीशु अपणै चेलै बलै वापस आ, अपर सो सोई गछुरै थीयै। जैहणै यीशु त्री बरी फिरू ता यीशुयै बल्लू, "जागी गच्छा! मेरा पकड़ाणै वाळा एठी हा।"

![](https://cdn.door43.org/obs/jpg/360px/obs-en-38-13.jpg)

यहूदी अगुवै, सपाई, अतै अक्क बड़ी भीड़ा सोगी यहूदा आ। तिन्यै तलवारा अतै होठी लेऊरी थी। यहूदै यीशु बलै इचिकरी तैस सितै बल्लू, "हे गुरु, नमस्कार," अतै तैसियो चूमी लेऊ। तिनी गिरफ्तार करनै ताई यीशु जो यहूदी अगुवै जो दसणै ताई ऐसा करू थू। तैहणै यीशुयै बल्लू, "हे यहूदा, कै तू अक्की पोक्कू सितै मिंजो पकड़वाऊ करदा हा?"

![](https://cdn.door43.org/obs/jpg/360px/obs-en-38-14.jpg)

मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_38_128kbps.mp3

## 39. यीशु पुर मुकद्दमा चलन्दा हा

https://openbiblestories.org/l/gbk/story-39/

![](https://cdn.door43.org/obs/jpg/360px/obs-en-39-01.jpg)

अबै एह धी राती रा टैम थू। सो सपाई यीशु जो महायाजक रै घरै लेई आयै, क्योकि सो यीशु सितै सवाल करना चाहन्दा थू। पतरस दूरा थऊँ तयांरा पीछा करू करदा थू। जैहणै सपाई यीशु जो घरा मंज लेई गै, ता पतरस बाहर रुकी करी अप्पू जो अग्गी सितै गर्म करना लगा।

![](https://cdn.door43.org/obs/jpg/360px/obs-en-39-02.jpg)

घरा रै अंदर यहूदी अगुवै यीशु पुर मुकद्दमा चलऊ। सो तसेरै वरुद्ध झूठी गल्ला जो बलनै ताई मतै झूठै गवाह जो लेईकरी आयै। हालाँकि, तयांरी गल्ला अक्की दूयै थऊँ सहमत ना थीं, ठेरैताई यहूदी अगुवै एह साबित ना करी पायै कि सो कसा गल्ला रा दोषी थू। यीशुयै कुछ ना बल्लू।

![](https://cdn.door43.org/obs/jpg/360px/obs-en-39-03.jpg)

अंत मंज, महायाजकै सीधै यीशु री तरफ हेरी करी बल्लू, "असियो दस कि कै तू ही जिन्दै प्रमात्मै रा पुत्र मसीह हा?"

![](https://cdn.door43.org/obs/jpg/360px/obs-en-39-04.jpg)

यीशुयै बल्लू, "अऊँ हा, अतै तुहै मिंजो प्रमात्मै सोगी बैहुरा अतै स्वर्गा थऊँ इन्दा भी हेरना।" महायाजकै अपणै ओडण फाड़ी लै क्योकि जेड़ा यीशुयै बल्लू सो तैसा गल्ला पुर बड़ा गुस्सा थू। सो होरी अगुवै पुर बकू, "असुओ एह दसणै ताई कसी होरी गवाह री जरूरत ना हा कि इनी मणुयै कै करू हा! तुहै अप्पू ही तैसियो एह बलन्दै हुणी लेऊ हा कि सो प्रमात्मै रा पुत्र हा। तसेरै बारै मंज तुन्दा कै फैसला हा?"

![](https://cdn.door43.org/obs/jpg/360px/obs-en-39-05.jpg)

सबी यहूदी अगुवै महायाजक जो जवाब दित्ता, "सो मरनै काबल हा!" तैहणै तिन्यै यीशु री हाख्री पुर पट्टी बन्नी दित्ती, तैस पुर थूकु, तैसियो मारू, अतै तसेरा मजाक उड़ाऊ।

![](https://cdn.door43.org/obs/jpg/360px/obs-en-39-06.jpg)

अतै पतरस, जैहणै सो घरा रै बाहर भाळ करू करदा थू। तैहणै अक्की दासी कुळीयै तैसियो हेरू। तैहै तैस सितै बल्लू, "तू भी यीशु सोगी थू!" पतरसै ना करी दित्ता। बादा मंज, कसी होरी कुळीयै एसा गल्ला जो बल्लू, अतै पतरसै फिरी ना करी दित्ती। अंत मंज, कुछ मणुयै बल्लू, "अहै जाणदै हिन् कि तू यीशु सोगी थू क्योकि तुहै धोई गलील थऊँ हिन् ।"

![](https://cdn.door43.org/obs/jpg/360px/obs-en-39-07.jpg)

तैहणै पतरसै बल्लू, "जे अऊँ एस मणु जो जाणदा ता प्रमात्मा मिन्ज्पो हराप देया!" तुरन्त ही पतरस रा एस तरह कसम खाणै थऊँ बाद, अक्की कुकड़ै बाँग दित्ती। यीशुयै पचुं मुड़ी करी पतरस जो हेरू।

![](https://cdn.door43.org/obs/jpg/360px/obs-en-39-08.jpg)

पतरस तैठीया थऊँ चली गो अतै फूटी-फूटी करी रोऊ। तैस ही टैमै, यीशु जो पकड़ाणै वाळै यहूदै हेरू कि यहूदी अगुवै यीशु जो मृत्युदंड दित्ता हा। यहूदा बड़ा दुःखी भूची गो अतै गिचिकरी अप्पू जो मारी दित्ता।

![](https://cdn.door43.org/obs/jpg/360px/obs-en-39-09.jpg)

अबै तैस देशा रा राज्यपाल पिलातुस थू। सो रोम ताई काम करन्दा थू। यहूदी अगुवै यीशु जो तसेरै नेड़ै लेईकरी आयै। सो चाहन्दै थीयै कि पिलातुस तैसियो मृत्युदंड देया अतै तैसियो मारी देया। तैहणै पिलातुसै यीशु थऊँ पूछु, "कै तू यहूदी रा राजा हा?"

![](https://cdn.door43.org/obs/jpg/360px/obs-en-39-10.jpg)

यीशुयै जवाब दित्ता, "तेई सच ही बल्लू हा। अपर मेरा राज्य एठी पृथ्वी रा निया। जे भुन्दा ता मेरै दास मेरै ताई लड़ाई करन्दै। अऊँ पृथ्वी पुर प्रमात्मै रै बारै मंज सच दसणा छुरा हूँ। हर अक्क जन जेड़ा सचाई सितै प्रेम करदा हा सो मेरी हुणदा हा।" पिलातुसै बल्लू, "ता सच कै हा?"

![](https://cdn.door43.org/obs/jpg/360px/obs-en-39-11.jpg)

यीशु सोगी गल करनै बाद, पिलातुसै बाहर भीड़ा बलै गिचिकरी बल्लू, "अऊँ ऐसा कोई कारण ना पन्दा कि एह मणु मारनै रै काबल भोआ।" अपर यहूदी अगुवै अतै भीड़ै बकी करी बल्लू, "एसियो क्रूस पुर चढ़ाई देया!" पिलातुसै जवाब दित्ता, "सो कुछ भी गलत करनै रा दोषी निया।" अपर सो होर भी ऊँची अवाजा मंज बकणा लगै। तैहणै पिलातुसै त्री बरी बल्लू, "सो दोषी निया!"

![](https://cdn.door43.org/obs/jpg/360px/obs-en-39-12.jpg)

मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_39_128kbps.mp3

## 40. यीशु जो क्रूसा पुर चढ़ाया गन्दा हा

https://openbiblestories.org/l/gbk/story-40/

![](https://cdn.door43.org/obs/jpg/360px/obs-en-40-01.jpg)

यीशु रा मजाक करनै रै बाद, सपाई तैसियो क्रूस पुर चढ़ाणै ताई लेई गै। तिन्यै तैस क्रूसा जो तैस ही पुर चुकऊ जैस पुर तैस मरना थू।

![](https://cdn.door43.org/obs/jpg/360px/obs-en-40-02.jpg)

सो सपाई यीशु जो तैसा जगह पुर लेईकरी आये जेडी "खोपड़ी" कहलन्दी हा अतै तसेरै हथा अतै पैरा जो क्रूसा पुर ठोरी दित्ता। अपर यीशुयै बल्लू , "हे पिता, इन्या जो माफ़ कर, क्योकि एह ना जाणदै कि एह कै करू करदैं हिन्।" तिन्यै अक्की तख्ती जो भी तसेरै हैरा रै ऊपर टून्गी दित्ता। तैसा पुर लिखूरा थू, "यहूदी रा राजा।" पिलातुसै तिन्या सितै एही लिखणै ताई बल्लू थू।

![](https://cdn.door43.org/obs/jpg/360px/obs-en-40-03.jpg)

तैहणै सपाईयै यीशु रै ओडणा ताई चिट्ठी पाई। जैहणै तिन्यै ऐसा करू ता तिन्यै तैसा भविष्यद्वाणी जो पूरा करू जेड़ी बलदी थी, "तिन्यै मेरै ओडणा जो आपस मंज बणडीं लेऊ, अतै मेरै ओडणा ताई चिट्ठी पाई ।"

![](https://cdn.door43.org/obs/jpg/360px/obs-en-40-04.jpg)

तैठी दोई डाकू भी थीयै, जिंया जो सपाईयै तैस ही टैमै क्रूसा पुर चढ़ाऊ थू। तिन्यै तिन्या जो यीशु री धुनी कनारी रखुरा थू। तिन्या मंज अक्की डाकूयै यीशु रा मजाक उड़ाऊ, अपर दूयै बल्लू , "कै तू ना डरदा कि प्रमात्मै तीजो दंड दिणा? अहै मतै बुरै कमा जो करनै रै दोषी हिन्, अपर एह मणु निर्दोष हा।" फिरी तिनी यीशु सितै बल्लू , "जैहणै तू अपणै राज्य मंज अइया ता कृपा करीके मिंजो याद रखैं।" यीशुयै जवाब दित्ता, "आज ही तू मिंजो सोगी स्वर्गलोक मंज भूणा।"

![](https://cdn.door43.org/obs/jpg/360px/obs-en-40-05.jpg)

यहूदी अगुवै अतै भीड़ा रै होरी मणुयै यीशु रा मजाक उड़ाऊ। तिन्यै तैस सितै बल्लू , "जे तू प्रमात्मै रा पुत्र हा, ता क्रूसा थऊँ थल्लै उतर अई अतै अप्पू जो बचाई लै! तैहणै असू तीजो पुर विश्वास करना।"

![](https://cdn.door43.org/obs/jpg/360px/obs-en-40-06.jpg)

तैहणै तैस पुरै देशा रा अम्बर पूरी तरह थऊँ काळा भूची गो, भलै ही सो धैड़ै रै बीचा रा टैम थू। एह दिय्या रै टैमै काळा भूआ थू अतै त्रीं घंटै तिकर ऐसा ही रेऊ थू।

![](https://cdn.door43.org/obs/jpg/360px/obs-en-40-07.jpg)

तैहणै यीशुयै पुकारी करी बल्लू , "पूरा भुआ! हे पिता, अऊँ अपणी आत्मा तेरै हथा मंज दिंदा हा।" तैहणै तिनी अपणै हैरा जो झुकाऊ अतै अपणै प्राणा जो त्यागी दित्ता। जैहणै सो मरू ता अक्क भूकम्प आ। सो बड्डा पर्दा जेड़ा प्रमात्मै री मोजूदगी सितै मणु जो लग करन्दा थू ऊपरा थऊँ थला री तरफ फटी करी दोई भाग भूची गो।

![](https://cdn.door43.org/obs/jpg/360px/obs-en-40-08.jpg)

अपणी मोती द्वारा, यीशुयै मणु ताई प्रमात्मै बलै ईणै रा रस्ता खोली दित्ता। जैहणै यीशु री निगरानी करनै वाळै अक्की सपाईयै जो कुछ भूआ थू एह सब हेरू ता तिनी बल्लू , "पक्का, एह मणु निर्दोष थू। एह प्रमात्मै रा पुत्र हा।"

![](https://cdn.door43.org/obs/jpg/360px/obs-en-40-09.jpg)

मत्ती 27:27-61; मरकुस 15:16-47; लूका 23:26-56; यूहन्ना 19:17-42 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_40_128kbps.mp3

## 41. परमात्मा यीशु जो मरूरै थऊँ जियन्दा हा

https://openbiblestories.org/l/gbk/story-41/

![](https://cdn.door43.org/obs/jpg/360px/obs-en-41-01.jpg)

जैहणै सपाई द्वारा यीशु जो क्रूस पुर चढ़ाई दीणै थऊँ बाद, यहूदी अगुवै पिलातुस सीतै बलु, "तिनी झूठै, यीशुयै बलु थु कि सो त्राई धैङै रै बाद मरुरै थंऊ जी उठला। कस्की जो एह निश्चित करनै रै तांई कब्रा री निगरानी करनी भुल्ली कि तसेरै चेलै तसेरै शरीर जो चोरी करी ना लेई गान। जे सो ऐसा करदै हिन् ता तिन्या एह बलणा कि सो मरुरै मंज थऊँ जी उठु हा।"

![](https://cdn.door43.org/obs/jpg/360px/obs-en-41-02.jpg)

पिलातुसै बलु, "कुछ सपाई जो लेई गछा, अतै जेड़ा तुहै करी सकदै तिन्या कब्रा री निगरानी करा।" ठेरेतांई तिन्यै तैसा कब्रा रै प्रवेशद्वार रै नङा पुर आक मोहर लाई दीती। तिन्यै एह निश्चित करनै रै तांई तैठी सपाई जो भी बहाली दिता कि कोई भी तसेरै शरीरा जो चोरी ना सका।

![](https://cdn.door43.org/obs/jpg/360px/obs-en-41-03.jpg)

यीशु रै मरनै थंऊ बाद सब्त रा धैङा थु। कोई भी सब्त रै धैङै काम ना करी सकदा थु, ठेरेतांई यीशु रा कोई भी मित्र कबरा पुर ना छुरा थू| अपर सब्त रै अगलै धैड़ै, भ्यागा जो ,कुछ जनानी यीशु री कब्रा पुर गाणै ताई तैयार भुई। सो तसेरै शरीरा पुर होर भी मसालै जो लाणा चांदी थीं।

![](https://cdn.door43.org/obs/jpg/360px/obs-en-41-04.jpg)

तिन्या जनानी रै पूजणै थंऊ पैहलै, कब्रा पुर अक्क मोट्टा हीलण भूआ। स्वर्गा थंऊ अक्की स्वर्गदूतै इचिकरी तैस नङा जो लुढ़ाई दिता जेड़ा कब्रा रै प्रवेशद्वार जो ढकुरै थु अतै तैस पुर बैही गो। एह स्वर्गदूत प्रगड़ै साईं चमकु करदा थु। कब्रा पुर जैङै सपाई थीयै तिन्यै तेसियो हेरू। सो ऐतणै डरी गै थीयै कि मरूरै साईं जमीना पुर टिरी पै।

![](https://cdn.door43.org/obs/jpg/360px/obs-en-41-05.jpg)

जैहणै सो जनानी कब्रा पुर पुजी ता तिनी स्वर्गदूतै तिन्या जो बलु, "मत डरा। यीशु ऐठी नीआ। सो मरूरै थऊँ जी उठु हा, जिंया कि तिनी बलुरा थु कि सो जी उठला! कब्रा मंज तोपा अतै हेरा।" तिन्यै जनानीयै कब्रा रै अन्दर अतै जैठी यीशु रा शरीर रखुरा थु तैठी तोपू अतै हेरु कि तसेरा शरीर तैठी ना थु!

![](https://cdn.door43.org/obs/jpg/360px/obs-en-41-06.jpg)

तैहणै तिनी स्वर्गदूतै तिन्या जनानी सितै बल्लू, "गिचिकरी. तसेरै चेलै जो दसा, 'यीशु मरुरै थऊँ जी उठु हा अतै सो तुन्दै अगुं-अगुं गलील जो गल्ला ।'"

![](https://cdn.door43.org/obs/jpg/360px/obs-en-41-07.jpg)

सो जनानी हैरान भूईं अतै बङी खुश भूईं। सो चेलै जो एह शुभ संदेश हुणाणै रै तांई दौड़ीं।

![](https://cdn.door43.org/obs/jpg/360px/obs-en-41-08.jpg)

मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 थऊँ अक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_41_128kbps.mp3

## 42. यीशु स्वर्ग जो फिरी गन्दा हा

https://openbiblestories.org/l/gbk/story-42/

![](https://cdn.door43.org/obs/jpg/360px/obs-en-42-01.jpg)

जैस धैङै प्रमात्मै यीशु जो मुडदै थऊँ जीन्दा करू थु, तसेरै दोई चेलै नेङै रै ग्रां जो चलुरै थीयै। चलदै चलदै सो यीशु रै सोगी जेड़ा भूआ थु। तसेरै बारै मंज गल्ला करु करदै थीयै, तिन्या जो आश थी कि सो मसीह थु, पर तमी सो मारी दिता गो थु। अबै सो बलदी हिन् कि सो भिरी जिन्दा भूची गो हा। सो ना जाणदै थीयै कि कसा गल्ला पुर विश्वास करना ।

![](https://cdn.door43.org/obs/jpg/360px/obs-en-42-02.jpg)

यीशुयै तिन्या बलै इचिकरी तन्यारै सोगी चलना शुरू करू, पर सो तैसीयो पहचाणी ना पाए। तिनी पूछु कि सो कसेरै बारै मंज गल्ल करु करदै थीयै। तिन्यै तैसियो पिछलै धैङै मंज यीशु रै सोगी भुई पूरी घटना रै बारै मंज दसू। तिन्यै सोचु कि सो कसी परदेशी सितै गल्ला करू करदै थीयै जेङा ना जाणदा थु कि यरूशलेम मंज कै भुआ थु।

![](https://cdn.door43.org/obs/jpg/360px/obs-en-42-03.jpg)

तैहणै यीशुयै तिन्या जो समझाऊ कि प्रमात्मै रा वचन मसीह रै बारै मंज कै बलदा हा। बङै पैहलै, भविष्यद्वक्तै बलुरा थू कि बुरै मणु मसीह जो पीड़ित करना अतै मारी दिणा। पर भविष्यद्वक्तै एह भी बलुरा थु कि तैस त्रीयै धैङै जी उठणा।

![](https://cdn.door43.org/obs/jpg/360px/obs-en-42-04.jpg)

जैहणै सो तैस नगरा मंज पूजै जैठी सो दोई जणै ठैरना चान्दै थीयै, तैहणै तिकर लगभग शांझ भूची गेई थी। तिन्यै यीशु जो तन्यारै सोगी ठैरनै तांई आमंत्रित करू, अतः सो तन्यारै सोगी अक्की घरा मंज गो। अपणै शन्झा रै भोजन जो खाने रै तांई सो बैही गै। यीशुयै आक्क रोटी जो लेईकरी तसेरै तांई प्रमात्मै रा धन्यवाद करू, अतै भिरी तैतियो त्रोडू।आक्क दम सितै, तिन्यै जाणी लेउ कि सो यीशु थु। पर तैसी टैमै, सो तन्यारी हाख्री थंऊ ओझल भूची गो।

![](https://cdn.door43.org/obs/jpg/360px/obs-en-42-05.jpg)

तिन्या धुनी जणै अक्की दूयै सितै बल्लू, "सो यीशु थु! ठेरेतांई जैहणै तिनी असियो प्रमात्मै रै वचन जो समझाऊ थु ता अहै बङै उत्साहित थीयै!" झट ही, सो निकळी करी फिरी यरूशलेम जो गै। जैहणै सो पुजै ता तिन्यै चेलै जो दसू, "यीशु जीन्दा हा! अहै तैसीयो हेरू हा!"

![](https://cdn.door43.org/obs/jpg/360px/obs-en-42-06.jpg)

जैहणै चेलै गल करु करदै थीयै, यीशु आक्क दम सितै तैस कमरै मंज तन्यारै सामणै प्रकट भूआ। तिनी बल्लू, "तुसियो शान्ति मुळा!" चेलै सोचु कि सो कोई भूत थु, पर यीशुयै बल्लू, "तुहै कजो डरदै हिन्? तुहै ऐह कजो ना सोचदै हिन् कि ऐह सचमुच मंज अँऊ, यीशु हा? मेरै हथा अतै पैरा जो हेरा। भूता रै बलै ऐसा शरीर ना भुन्दा जेङा मिंजो बलै हा।" ऐह दसणै तांई कि सो कोई भूत ना थु, तिनी खाणै तांई कुछ मँगु। तिन्यै तैसियो मछली रा अक्क टुकड़ा दित्ता, अतै तिनी तैतियो खाई लेऊ।

![](https://cdn.door43.org/obs/jpg/360px/obs-en-42-07.jpg)

यीशुयै बल्लू, "मेरै बारै मंज प्रमात्मै रा वचन जो कुछ भी बलदा हा सो घटित भुल्ला। मेई तुसियो दसी दिता थु कि ठेरा भूणा जरूरी थू।" तैहणै यीशुयै तिन्या जो प्रमात्मै रा वचन अच्छै सितै समझाऊ। तिनी बल्लू, "बङी पैहलै भविष्यद्वक्तै लिखुरा थु कि मिंजो, मसीह जो दुःख चुआणा पैणा, मरना पैणा अतै भिरी त्रियै धैङै मुङदै थऊं जी उठणा पैणा ।"

![](https://cdn.door43.org/obs/jpg/360px/obs-en-42-08.jpg)

"तिन्यै भविष्यद्वक्तै ऐह भी लिखु थु कि मेरै चेलै प्रमात्मै रै वचन री घोषणा करलै। सो हर अक्की जो पश्चाताप करनै तांई द्सलै। जे सो ऐसा करदै हिन् ता प्रमात्मा तन्यारै पापा जो माफ़ करला। मेरै चेलै ऐस सन्देश रा प्रचार करना यरूशलेम थऊँ शुरू करलै। ता सो सब्बी जगह सब जाति मंज गल्लै। तुहै मणु मेरी हर आक्क गाल्ल अतै कम्मा रै गवाह हिन् जेड़ा मेई बल्लू अतै करू थु, अतै तैस सब्बी रा भी जेड़ा मिंजो साेगी भुआ ।"

![](https://cdn.door43.org/obs/jpg/360px/obs-en-42-09.jpg)

अगलै चाळी धैङै रै दौरान, यीशु अपणै चेलै पुर कई बरी प्रकट भूआ। आक्क बरी ता सो क्की ही टैमा पुर 500 थऊँ जादा मणु पुर प्रकट भूआ! तिनी अपणै चेलै पुर कई तरीकै सितै साबित करू कि सो जीन्दा थु, अतै तिनी तिन्या जो प्रमात्मै रै राज्य रै बारै मंज शिक्षा दीती।

![](https://cdn.door43.org/obs/jpg/360px/obs-en-42-10.jpg)

यीशुयै अपणै चेलै सितै बल्लू, "प्रमात्मै मिंजो स्वर्ग अतै पृथ्वी रै हर अक्की जन पुर शासन करनै रा अधिकार दितुरा हा। ठेरैतांई अबै अँऊ तुसु सितै बलदा हा: गिचिकरी सब जाति रै मणु जो चेला बणा। ऐसा करनै तांई, तीजो तिन्या जो पिता, पुत्र, अतै पवित्र आत्मा रै नां सितै बपतिस्मा दिणा हा। जो कुछ भी मेंई तीजो आज्ञा दी हा तिन्या सब्बी गल्ला जो मानणा भी तुसियो तिन्या जो सिखाणा हा। याद रखा, अऊँ हमेशा तुन्दै सोगी रैल्ला।"

![](https://cdn.door43.org/obs/jpg/360px/obs-en-42-11.jpg)

मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 थऊँ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_42_128kbps.mp3

## 43. कलीसिया री शुरआत भुन्दी हा

https://openbiblestories.org/l/gbk/story-43/

![](https://cdn.door43.org/obs/jpg/360px/obs-en-43-01.jpg)

यीशु रै स्वर्गा फिरी गाणै थऊँ बाद, चेलै यरूशलेम मंज ही रुकै जैसा कि यीशुयै तिन्या जो करनै जो हुक्म दिता थु। तैठीया रै विश्वासी मणु लगातार आक्क सोगी प्रार्थना करनै तांई कट्ठै भुंन्दै थीयै।

![](https://cdn.door43.org/obs/jpg/360px/obs-en-43-02.jpg)

हर साल, फसह रै त्यौहार रै 50 धैङै रै बाद, यहूदी मणु पिन्तेकुस्त ना रै आक्क महत्वपूर्ण धैङै जो मनान्दै थीयै। पिन्तेकुस्त सो टैम थु जैहणै यहूदी मणु कणका री कटाई जो मनान्दै थीयै। सब्बी संसार थऊँ यहूदी मणु पिन्तेकुस्त रै धैङै जो सोगी मनाणै तांई यरूशलेम मंज आए थीयै। एस साल, पिन्तेकुस्त मनाणै रा टैम यीशु रै स्वर्गा जो चली गाणै रै लगभग अक्की हप्तै रै बाद छुरा थु।

![](https://cdn.door43.org/obs/jpg/360px/obs-en-43-03.jpg)

जैस टैमै साब्ब विश्वासी मणु सोगी इकट्ठा थीयै, ता जैस घरा मंज सो थीयै आकदम सितै सो तेज ओआ री आवाज सितै भरी गो। तैहणै अग्गी री लपटा साईं हुजणै वाळा कुछ सब्बी विश्वासि रै हैरा रै ऊपर प्रकट भूआ। सो सब पवित्र आत्मा सितै भरी गै अतै तिन्यै अन्य भाषा मंज प्रमात्मै री स्तुति करी। एह सो भाषा थी जैतियो बलनै रै तांई तिन्या जो पवित्र आत्मै सक्षम करू थु।

![](https://cdn.door43.org/obs/jpg/360px/obs-en-43-04.jpg)

जैहणै यरूशलेम मंज रैहणै वाळै मणुयै तैस हल्लै जो हुणु, ता सो भीड़ रै रूप मंज यह हेरनै रै तांई सोगी आए कि कै भुछु करदा थु। तिन्यै विश्वासी जो प्रमात्मै द्वारा करूरै बड़ै-बड़ै कम्मा री घोषणा करदै हुए हुणु। सो विस्मित थीयै क्योकि सो तिन्या कम्मा जो अपनी ही भाषा मंज हुणु करदै थीयै।

![](https://cdn.door43.org/obs/jpg/360px/obs-en-43-05.jpg)

इन्या मंज कुछ मणुयै बल्लू कि सो चेलै नशै मंज थीयै। पर पतरस ऊठी भूआ अतै तिनी बल्लू, "मेरी गाल्ल हुणा! एह मणु नशै मंज ना हिन्! ठैरै बजाए, जो तुहै हेरदै हिन् सो ही हा जेङा योएल भविष्यद्वक्तै बल्लू थु कि भुल्ला: प्रमात्मै बल्लू, 'अंत रै धैङै मंज, मुं अपणा आत्मा डोळला।'"

![](https://cdn.door43.org/obs/jpg/360px/obs-en-43-06.jpg)

"हे इस्राएली मङदो, यीशु आक्क ऐसा मणु थु जिनी यह दसणै तांई कि सो कुण थु वङै नोखे काम्म करूरै थीयै। तिनी प्रमात्मै रै सामर्थ थऊँ बङै अद्भुत कम्मा जो करू थु। तुहै यह जाणदै हिन्, क्योकि तुहै इन्या कम्मा जो हेरुरा हा। पर तुहै तैसियो क्रूस पुर चढ़ाई दिता!"

![](https://cdn.door43.org/obs/jpg/360px/obs-en-43-07.jpg)

"यीशु मरी गो पर प्रमात्मै तैसियो मरुरै थऊँ जीन्दा करी दिता। इनी तैसा गल्ला जो पूरा करी दिता जैतीयो अक्की भविष्यद्वक्तै लिखू थु: 'तू अपणै पवित्र जन जो कब्रा मंज हङणा ना दिल्ला।' अहै गवाह हिन् कि प्रमात्मै यीशु जो फिरी थऊँ जीन्दा करी दिता।"

![](https://cdn.door43.org/obs/jpg/360px/obs-en-43-08.jpg)

"प्रमात्मै पितै अबै यीशु जो अपणी सिदी कनारी बहाली करी तैसीयो आदर दिता हा। अतै यीशुयै इन्दै तांई पवित्र आत्मा भैजु हा जिनी कि तिनी प्रतिज्ञा करी थी कि सो भैजला। पवित्र आत्मा ही तिन्या कम्मा जो भूणा दिछु करदा हा जैतियो तुहै हेरु करदै अतै हुणु करदै हिन्।"

![](https://cdn.door43.org/obs/jpg/360px/obs-en-43-09.jpg)

OBS Imag पतरस री हुणनै वाळै मणु तसेरै द्वारा बलुरी गल्ला सितै अंदरा तिकर हिली गै थीयै। ठेरैतांई तिन्यै पतरस अतै चेलै थउँ पूछु, "हे भाइयो, असीयो कै करना चैईन्दा?"

![](https://cdn.door43.org/obs/jpg/360px/obs-en-43-10.jpg)

पतरसै तिन्या जो जवाब दिता, "तुसु मंज हर आक्क अपणै पाप तांई पश्चाताप करा ताकि प्रमात्मा तुन्दै पापा जो माफ़ करा, अतै यीशु मसीह रै ना थऊँ बपतिस्मा लेआ। तैहणै सो तुसियो वरदान स्वरूप पवित्र आत्मा भी दिल्ला।"

![](https://cdn.door43.org/obs/jpg/360px/obs-en-43-11.jpg)

पतरसै जेङा बल्लू तैस पुर लगभग 3,000 मणुयै विश्वास करू अतै यीशु रै चेलै बणी गै। तिन्यै बपतिस्मा लेऊ अतै यरूशलेम री कलीसिया रा हिस्सा बणी गै।

![](https://cdn.door43.org/obs/jpg/360px/obs-en-43-12.jpg)

प्रेरितों रै काम्म 2 थऊँ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_43_128kbps.mp3

## 44. पतरस अतै यूहन्ना अक्की भिखारी जो चंगा करदै हिन्

https://openbiblestories.org/l/gbk/story-44/

![](https://cdn.door43.org/obs/jpg/360px/obs-en-44-01.jpg)

अक्क धैङै, पतरस अतै यूहन्ना मंदरा मंज गै। आक्क अपंग मणु भीख मंगणै तांई फाटका पुर बैहुरा थु।

![](https://cdn.door43.org/obs/jpg/360px/obs-en-44-02.jpg)

पतरसै तैस लंगड़ै मणु री कनारी हेरु अतै बल्लू, "मिंजो बलै तीजो दिणै तांई पैसा ता निया। पर जेङा मिंजो बलै हा सो अऊँ तीजो दिन्दा हा। यीशु रै नां थऊँ, उठ अतै चाल-फिर!"

![](https://cdn.door43.org/obs/jpg/360px/obs-en-44-03.jpg)

झाट ही, प्रमात्मै तैस लंगड़ै मणु जो चंगा करी दिता। तिनी ऐरा-ओरा चलना अतै कूदणा, अतै प्रमात्मै री स्तुति करना शुरू करी दिता। मंदरा रै अंगणा मंज मौजूद मणु हैरान थीयै ।

![](https://cdn.door43.org/obs/jpg/360px/obs-en-44-04.jpg)

जल्दी ही मणु री अक्क भीड़ तैस मणु जो हेरनै तांई आई जेङा चंगा भूची गो थु। पतरसै तिन्या सीतै बल्लू, "एह मणु ठीक हा, पर ऐसा गल्ला पुर हैरान मत भुन्दै। अहै ऐसियो अपणी शक्ति सितै चंगा ना करू हा, या ठेरैतांई ना कि अहै प्रमात्मै रा आदर करदै हिन्। बल्कि, सो यीशु हा जिनी ऐस मणु जो अपणी शक्ति सितै चंगा करू हा, क्योकि अहै यीशु पुर भरोसा करदै हिन् ।"

![](https://cdn.door43.org/obs/jpg/360px/obs-en-44-05.jpg)

"सो तु ही हा जिन्यै तैस रोमी राज्यपाल जो यीशु जो मारी दिणै तांई बल्लू थु। तेंई तैसीयो मारी दिता जेड़ा सब्बी जो जीवन दिन्दा हा। पर प्रमात्मै तैसीयो मरुरै मंज थऊँ जीन्दा करू। तुहै ना समझु कि तुहै कै करु करदै थीयै, पर जैहणै तुहै तिन्या कम्मा करु करदै थीयै, ता जेङा भविष्यद्वक्तै बल्लू थु | सो पूरा भूआ। तिन्यै बल्लू थु कि मसीह दुःख चुआणा अतै मरी गाणा। प्रमात्मै ऐतियो ऐस तरीके सितै भूणा दिता। ठेरैतांई अबै, पश्चाताप करा अतै प्रमात्मै री कनारी फिरा, ताकि सो तुन्दै पापा जो धोईकरी साफ करी देआ।"

![](https://cdn.door43.org/obs/jpg/360px/obs-en-44-06.jpg)

जैहणै मंदरा रै अगुवै पतरस अतै यूहन्ना जो हुणु, ता सो बङै डरी गै। ठेरैतांई तिन्यै तिन्या जो गिरफ्तार कीरकै जेलखानै मंज पाई दिता। पर जेड़ा पतरसै बल्लू थु तैस पुर बङै मणुयै विश्वास करू। यीशु पुर विश्वास करनै वाळै री संख्या बढ़ी करी लगभग 5,000 भूची गेई।

![](https://cdn.door43.org/obs/jpg/360px/obs-en-44-07.jpg)

अगलै धैङै,सो यहूदी अगुवै पतरस अतै यूहन्ना जो महायाजक अतै होर धार्मिक अगुवै रै सामणै लेईकरी आए। सो तैस मणु जो भी लेईकरी आए जेड़ा अपंग थु। तिन्यै पतरस अतै यूहन्ना थऊँ पूछु, "कास अधिकार सितै तुहै तैस अपंग मणु जो चंगा करू ?"

![](https://cdn.door43.org/obs/jpg/360px/obs-en-44-08.jpg)

पतरसै जवाब दिता, "एह मणु जेड़ा तुन्दै सामणै खड़ुरा हा एसीयो यीशु मसीह री सामर्थ रै द्वारा चंगा करया गो हा। तुहै यीशु जो क्रूस पुर चढ़ाई दिता, पर प्रमात्मै तैसियो भीरी जीन्दा करी दिता! तुहै तैसियो अस्वीकार करी दिता, पर यीशु रै सामर्थ रै माध्यम रै अलावा उद्धार पाणै रा कोई दूआ रस्ता नीआ!"

![](https://cdn.door43.org/obs/jpg/360px/obs-en-44-09.jpg)

प्रेरिता रै काम्म 3:1-4:22 थँऊ आक्क बाइबल री कहानी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_44_128kbps.mp3

## 45. स्तिफनुस अतै फिलिप्पुस

https://openbiblestories.org/l/gbk/story-45/

![](https://cdn.door43.org/obs/jpg/360px/obs-en-45-01.jpg)

पैलै मसीही अगुवै रै बीचा मंज स्तिफनुस ना रा अक्क मङद थु। सब मणु तसेरा आदर करदै थीयै। पवित्र आत्मै तैसियो बङी सामर्थ अतै बुद्धि प्रदान करुरी थी। स्तिफनुसै बङै चमत्कार करै थीयै। जैहणै तिनी यीशु पुर भरोसा करनै रै बारै मंज तिन्या जो शिक्षा दित्ती ता बङै मणुयै तैस पुर विश्वास करू।

![](https://cdn.door43.org/obs/jpg/360px/obs-en-45-02.jpg)

अक्क धैङै, स्तिफनुस यीशु रै बारै मंज शिक्षा दिच्छु करदा थु, अतै कुछ ऐसै यहूदी आए जिन्यै यीशु पुर विश्वास ना करूरा थु अतै तसेरै सोगी वाद-विवाद करना शुरू करी दिता। सो बङै गुस्सा भूची गै, ठेरैतांई सो धार्मिक अगुवै बलै गै अतै तसेरै बारै मंज झूठ बल्लू। तिन्यै बल्लू, "अहै स्तिफनुस जो मूसा अतै प्रमात्मै रै बारै मंज बुरी गल्ला बलदै हुणु हा!" ठेरैतांई धार्मिक अगुवै स्तिफनुस जो गिरफ्तार करी लेऊ अतै तैसियो महायाजक अतै यहूदी रै होरी अगुवै रै सामणै लेईकरी आए। होर भी झूठै गवाह आए अतै तिन्यै स्तिफनुस रै बारै मंज झूठ बल्लू ।

![](https://cdn.door43.org/obs/jpg/360px/obs-en-45-03.jpg)

महायाजकै स्तिफनुस थऊँ पूछु, "कै एह मणु तेरै बारै मंज सच बल्लू करदै हिन्?" स्तिफनुसै महायाजक जो जवाब दिणै तांई बङी गल्ला जो बलणा शुरू करी दिता। तिनी बल्लू कि अब्राहम रै टैमा थऊँ यीशु रै टैमा तिकर प्रमात्मै इस्राएल रै मणु रै तांई बङै अनोखै काम्म करुरै हिन्। पर मणुयै हमेशा प्रमात्मै री आज्ञा ना मन्नी थी। स्तिफनुसै बल्लू, "तुहै मणु प्रमात्मै रै विरुद्ध हठीलै अतै बलवा करनै वाळै हिन्। तुहै हमेशा पवित्र आत्मा जो अस्वीकार करू,जिन्या कि इन्दै वजुर्गै हमेशा पवित्र आत्मा जो अस्वीकार करू थु अतै हमेशा तसेरै भविष्यद्वक्ता जो मारी दिता थु। पर जेड़ा तिन्यै करू थु तसेरी तुलना मंज तुहै होर भी बुरा करू हा! तुहै मसीह जो मारी दिता!"

![](https://cdn.door43.org/obs/jpg/360px/obs-en-45-04.jpg)

जैहणै तिन्यै धार्मिक अगुवै एह हुणु, ता सो ऐतणै गुस्सा भूची गै कि तिन्यै अपणै कन्ना जो बंद करी लेऊ अतै ऊची आवाज मंज चिल्लाए। सो स्तिफनुस जो घसीटी करी नगरा थऊँ बाहर लेई गै अतै तैसियो मारी दीणै तांई तैसियो नाङ मारै।

![](https://cdn.door43.org/obs/jpg/360px/obs-en-45-05.jpg)

जैहणै स्तिफनुस मरु करदा थु, सो पुकारी उठु, "हे यीशु, मेरी आत्मा जो ग्रहण कर!" तैहणै सो अपणै जाणु पुर टिरी पेऊ अतै भिरी पुकारी उठु, "हे प्रभु, एह पाप तिन्या पुर मत लान्दा।" तैहणै सो मरी गै।

![](https://cdn.door43.org/obs/jpg/360px/obs-en-45-06.jpg)

तैस धैङै, यरूशलेम मंज रैणै वाळै बङै मणुयै यीशु रै विश्वासी जो सताणा शुरू करी दिता, ठेरैतांई विश्वासी मणु होरी जगह जो नही गै। पर ठेरै बावजूद भी, जैठी कठी भी सो गै तिन्यै यीशु रै बारै मंज प्रचार करू।

![](https://cdn.door43.org/obs/jpg/360px/obs-en-45-07.jpg)

फिलिप्पुस नां रा यीशु रा आक्क विश्वासी थु। जिंया कि होरी बङै विश्वासियै करू थु सो भी यरूशलेम थऊँ नही गो। सो सामरिया रै क्षेत्र मंज चली गो। तैठी तिनी मणु मंज यीशु रै बारै मंज प्रचार करू। बङै मणुयै तैस पुर विश्वास करू अतै उद्धार पाऊ। अक्क धैङै, फिलिप्पुस रै बलै प्रमात्मै री कनारी थऊँ आक्क स्वर्गदूत आ अतै तैस जो बणा मंज गाणै तांई, अतै अक्की सड़का पुर चलनै तांई बल्लू। फिलिप्पुस तैठीया जो चली गो। जैहणै सो तैसा सड़का पुर चलु करदा थु, ता तिनी आक्की मणु जो अपणै रथा मंज गन्दै हेरु। एह मणु कूश देशा रा आक्क महत्वपूर्ण अधिकारी थु। पवित्र आत्मै फिलिप्पुस सितै बल्लू कि गिचिकरी तैस मणु रै सोगी-सोगी चलै।

![](https://cdn.door43.org/obs/jpg/360px/obs-en-45-08.jpg)

ठेरैतांई फिलिप्पुस रथा बलै गो। तिनी हुणु कि सो कूशी प्रमात्मै रै वचन जो पढ़ु करदा थु। जेड़ा यशायाह भविष्यद्वक्तै लिखु थु सो तैतीयो पढ़ु करदा थु। सो एह पढ़ु करदा थु, "सो तैसियो वडणै वाळी भेड़ा रै समान लेई गै, अतै जिंया आक्क मेमना शान्त भुन्दा हा, तिनी भी आक्क शब्द ना बल्लू। तिन्यै तसेरै सोगी बुरा व्यवहार करू अतै तसेरा आदर ना करू। तिन्यै तसेरा प्राण लेई लेऊ।"

![](https://cdn.door43.org/obs/jpg/360px/obs-en-45-09.jpg)

फिलिप्पुसै तैस कूशी थऊँ पूछु, "जेङा तू पढ़ु करदा हा कै तू तैतीयो समझदा भी हा?" तिनी कूशीऐ जवाब दिता, "ना। जैहणै तिकर कोई ऐतियो मिंजो ना समझा, तैहणै तिकर अऊँ ऐतियो ना समझी सकदा। कृपा करीके मेरै नेङै इचिकरी बैह। यशायाह एह अपणै बारै मंज लिखु करदा थु या कसी होरी रै?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथा पुर चढ़ी करी बैही गो। तैहणै तिनी तैस कूशी मणु जो सो दसु जेड़ा यशायाहै यीशु रै बारै मंज लिखु थु। फिलिप्पुसै प्रमात्मै रै वचना रै बङै होरी भागा री भी चर्चा करी। एस तरीकै सितै, तिनी तैस मणु जो यीशु रै बारै मंज शुभ संदेश हुणाऊ।

![](https://cdn.door43.org/obs/jpg/360px/obs-en-45-11.jpg)

फिलिप्पुस अतै सो कूशी चलदै पाणी रै नेङै आए। तिनी कूशीयै बल्लू, "हेर! ऐठी पाणी हा! कै अऊँ बपतिस्मा लेई सकदा हा?" अतै तिनी सारथी सितै रथा जो रोकणै तांई बल्लू।

![](https://cdn.door43.org/obs/jpg/360px/obs-en-45-12.jpg)

अतः सो पाणी मंज चली गै, अतै फिलिप्पुसै तैस कूशी जो बपतिस्मा दिता। जैहणै सो पाणी थऊँ बाहर आए, ता पवित्र आत्मा आकदम ही फिलिप्पुस जो चुकी करी कसी होरी जगह जो लेई गो। तैठी फिलिप्पुसै मणु जो यीशु रै बारै मंज दसणा जारी रखु।

![](https://cdn.door43.org/obs/jpg/360px/obs-en-45-13.jpg)

प्रेरिता रै काम्म 6:8-8:5; 8:26-40 थऊँ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_45_128kbps.mp3

## 46. पौलुस मसीही विश्वासी बणी गंदा हा

https://openbiblestories.org/l/gbk/story-46/

![](https://cdn.door43.org/obs/jpg/360px/obs-en-46-01.jpg)

शाऊल ना रा आक्क मणु थु जिनी यीशु पुर विश्वास ना करुरा थु। जैहणै सो जोआन थु, तैहणै तीनी स्तिफनुस जो मारनै वाळै मणु रै ओडणा री निगरानी करी थी। बादा मंज, तिनी विश्वासी जो सताऊ थु। तिनी यरूशलेम मंज घरै-घरै गिचिकरी मङद अतै जनानी धुनी जो गिरफ्तार करीकै जेलखानै मंज पाई दिता थु। तैहणै महायाजकै शाऊल जो दमिश्क नगरा मंज गाणै री अनुमति दीती। तिनी तैठी रै मसीहि जो गिरफ्तार करनै अतै तिन्या जो वापस यरूशलेम लेईकरी ईणै रै तांई शाऊल सितै बल्लू ।

![](https://cdn.door43.org/obs/jpg/360px/obs-en-46-02.jpg)

अतः शाऊलै दमिश्क गाणै री यात्रा शुरू करी। तैस नगरा जो पुजणै थऊँ पैहलै ही, तसेरै चरूनी कनारी अम्बरा थऊँ आक्क उज्जवल प्रकाश चमकु, अतै सो जमीना पुर टिरी पेऊ। शाऊलै कसी जो बलदै हुणु, "हे शाऊल! हे शाऊल! तू मिंजो कयो सताऊ करदा हा?" शाऊलै पूछु, "हे प्रभु, तू कुण हा?" यीशुयै तैसीयो जवाब दिता, "अऊँ यीशु हा। तू मिंजो सताऊ करदा हा!"

![](https://cdn.door43.org/obs/jpg/360px/obs-en-46-03.jpg)

जैहणै शाऊल ऊठु ता सो हेरी ना सकदा थु। तसेरै मित्र तैसीयो दमिश्क मंज लेईकरी गै थीयै। शाऊलै त्राई धैङै तिकर कुछ भी खऊरा पिऊरा ना थु।

![](https://cdn.door43.org/obs/jpg/360px/obs-en-46-04.jpg)

दमिश्क मंज हनन्याह ना रा आक्क चेला थु। प्रमात्मै तैस सितै बल्लू, "तैस घरा जो गा जैठी शाऊल ठैरुरा हा। अपणै हथा जो तैस पुर रख ताकि सो भिरी हेरना लगा।" पर हनन्याहै बल्लू, "हे प्रभु, मेंई हूणुरा हा कि इनी मणुयै विश्वासी जो किंया सताऊरा हा।" प्रमात्मै तैसीयो जवाब दिता, "गा! मेंई तैसीयो यहूदी मंज अतै दूई जाति रै मणु मंज मेरै ना री घोषणा करनै रै तांई चुणी लेऊ हा। तैस मेरै ना तांई बङा कष्ट सैहणा।"

![](https://cdn.door43.org/obs/jpg/360px/obs-en-46-05.jpg)

अतः हनन्याह शाऊल बलै गो, अपणै हथा जो तैस पुर रखु, अतै बल्लू, "यीशुयै, जेङा ऐठी ईणै रै तेरै मार्ग मंज तीजो पुर प्रकट भूआ थु, मिंजो तीजो बलै भैजू हा ताकि तू भिरी हेरना लगा, अतै पवित्र आत्मा तीजो भरी देआ।" तैहणै ही शाऊल भिरी हेरना लगी पेऊ, अतै हनन्याहै तैसीयो बपतिस्मा दिता। तैहणै शाऊलै भोजन करू अतै भिरी बलवंत भूची गो।

![](https://cdn.door43.org/obs/jpg/360px/obs-en-46-06.jpg)

तैहणै थऊँ, शाऊलै दमिश्क मंज रैहणै वाळै यहूदी मंज प्रचार करना शुरू करी दिता। तिनी बल्लू, "यीशु ही प्रमात्मै रा पुत्र हा!" यहूदी मणु हैरान थीयै, क्योकि शाऊल ता विश्वासी जो मारी दिणै री कोशिश करी थी, पर अबै तिनी यीशु पुर विश्वास करू थु। शाऊलै यहूदी सोगी वाद-विवाद करू। तिनी दसु कि यीशु ही मसीह थु।

![](https://cdn.door43.org/obs/jpg/360px/obs-en-46-07.jpg)

बङै धैङै रै बाद, यहूदियै शाऊल जो मारी दीणै री योजना बणाई। तिन्यै तैसियो मारी दीणै तांई नगरा रै फाटका पुर मणु जो भैजु। कि तसेरी निगरानी करा पर शाऊलै तैस योजना रै बारै मंज हुणी लेऊ, अतै तैसीयो दोस्तै बचाई करी निकलनै मंज तसेरी सहायता करी। आक्क रात जो तिन्यै तैसियो टोकरी मंज बहाली करी नगरा री दीवार थऊँ तैसीयो थलै तारी दिता। दमिश्क थऊँ बची करी निकलनै रै बाद शाऊलै यीशु रै बारै मंज प्रचार करना जारी रखु।

![](https://cdn.door43.org/obs/jpg/360px/obs-en-46-08.jpg)

शाऊल प्रेरिता सितै मिलनै तांई यरूशलेम गो, पर सो तैस थँऊ डरदै थीयै। तैहणै बरनबास ना रा आक्क विश्वासी शाऊल जो प्रेरिता बलै लेईकरी गो। तिनी तिन्या जो दसू कि शाऊलै किन्या साहसी भुचिकरी दमिश्क मंज प्रचार करू थु। तठेरै बाद, प्रेरितै शाऊल जो स्वीकार करी लेऊ।

![](https://cdn.door43.org/obs/jpg/360px/obs-en-46-09.jpg)

कुछ विश्वासी जेड़ै यरूशलेम रै सताव थऊँ नही गै थीयै सो दूर अंताकिया नगरा मंज चली गै थीयै अतै यीशु रै बारै मंज प्रचार करदै थीयै। अंताकिया मंज रहणै वाळै मणु ज्यादातर यहूदी ना थीयै, पर पैहली बरी, तिन्या मंज बङै मणु विश्वासी बणी गै। बरनबास अतै शाऊल इन्या नोए विश्वासि जो यीशु रै बारै मंज होर ज्यादा सखाणै तांई तैठी गै अतै कलीसिया जो मजबूत करू। यीशु पुर विश्वास करनै वाळै पैहली बरी अंताकिया मंज ही "मसीही" कहलाए।

![](https://cdn.door43.org/obs/jpg/360px/obs-en-46-10.jpg)

प्रेरिता रै काम्म 8:3; 9:1-31; 11:19-26; 13:1-3थँऊ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_46_128kbps.mp3

## 47. फिलिप्पी मंज पौलुस अतै सीलास

https://openbiblestories.org/l/gbk/story-47/

![](https://cdn.door43.org/obs/jpg/360px/obs-en-47-01.jpg)

जैहणै शाऊलै सम्पूर्ण रोमी साम्राज्य मंज यात्रा करी ता तिनी अपणै रोमी नां "पौलुस" रा उपयोग करना शुरू करी दिता। आक्क धैङै, पौलुस अतै तसेरा दोस्त सीलास फिलिप्पी नगरा मंज यीशु रै बारै मंज शुभ संदेश हुणाणै तांई गै। सो नगरा रै बाहर नदी रै कनारै अक्की जगह पुर गै जैठी मणु प्रार्थना करनै तांई कट्ठै थीयै। तैठी सो लुदिया नां री अक्की जनानी सितै मुळै जेङी अक्क व्यापारी थी। सो प्रमात्मै सितै प्रेम करदी थी अतै तसेरी आराधना करदी थी।

![](https://cdn.door43.org/obs/jpg/360px/obs-en-47-02.jpg)

प्रमात्मै लुदिया जो यीशु रै बारै मंज संदेश पुर विश्वास करनै तांई सक्षम करू। पौलुस अतै सीलासै तैसियो अतै तसेरै परिवार जो बपतिस्मा दिता। तिनी पौलुस अतै सीलास जो अपणै घरै ठैहरनै तांई आमंत्रित करू, ठेरैतांई सो तैठी ठैहरी गै।

![](https://cdn.door43.org/obs/jpg/360px/obs-en-47-03.jpg)

पौलुस अतै सीलास मणु सितै अक्सर तैसा जगह पुर मुळदै थीयै जैठी यहूदी मणु प्रार्थना करदै थीयै। रोज जैहणै सो तैठी गन्दै थीयै ता आक्क दासी कुळी जेड़ी दुष्टात्मा द्वारा भरूरी थी तन्यारा पीछा करदी थी। तैसा दुष्टात्मा रै माध्यम सितै सो मणु रा भविष्य दसदी थी, ठेरैतांई सो भविष्य दसणै वाळी रै रूपा मंज अपणै स्वामि तांई बङा धन कमादी थी।

![](https://cdn.door43.org/obs/jpg/360px/obs-en-47-04.jpg)

तन्यारै गन्दै टैमै एह दासी कुळी अल्ला पांदी थी, "एह मणु परम प्रधान प्रमात्मै रै सेवक हिन्। एह तुसु जो उद्धार पाणै रा रस्ता दसू करदै हिन्!" सो रोज ऐसा करदी थी जैस थऊँ कि पौलुस नाराज़ भूची गो।

![](https://cdn.door43.org/obs/jpg/360px/obs-en-47-05.jpg)

अंत मंज,आक्क धैङै जैहणै तैसै दासी कुळीयै अल्ला शुरू करू, ता पौलुसै तसारी कनारी मुड़ी करी तसारै अंदरा री दुष्टात्मा सितै बल्लू, "यीशु रै ना थऊँ ऐसा थऊँ से निकळी गा।"तैसी टैमै तैसै दुष्टात्मै तसायो छडी दिता।

![](https://cdn.door43.org/obs/jpg/360px/obs-en-47-06.jpg)

तैसा दासी कुळी रै स्वामी बङै गुस्सै भूची गै। तिन्या जो पता भूची गो कि बिना तैसा दुष्टात्मा रै सो दासी कुळी मणु जो भविष्य ना दसी सकदी थी। ठेरा अर्थ थु कि मणु अबै तसारै स्वामि जो पैसा ना दिल्लै कि सो तिन्या जो भविष्य दसन कि तन्यारै सोगी कै भुल्ला।

![](https://cdn.door43.org/obs/jpg/360px/obs-en-47-07.jpg)

ठेरैतांई तैसा दासी कुळी रै स्वामी पौलुस अतै सीलास जो रोमी अधिकारी बलै लेई गै तिन्यै पौलुस अतै सीलास जो मारू, अतै भिरी तिन्या जो जेलखानै मंज पाई दिता।

![](https://cdn.door43.org/obs/jpg/360px/obs-en-47-08.jpg)

तिन्यै पौलुस अतै सीलास जो जेलखानै रै ऐसै हिस्से मंज रखु जैठी सबी थऊँ जादा सपाई थीयै। ऐठी तिकर कि तिन्यै तन्यारै पैरा जो लकड़ी रै बड़ै टुकड़ै मंज जोड़ी दिता। पर पौलुस अतै सीलास अधी राती रै टैमै, प्रमात्मैय री स्तुति रै गीता गाऊ करदै थीयै।

![](https://cdn.door43.org/obs/jpg/360px/obs-en-47-09.jpg)

आक्कदम थऊँ, आक्क भयानक भूकम्प भूआ! जेलखानै रै साब्ब द्वार खुली गै, अतै साब्बी कैदी री जंजीरा खुली करी टिरी पेई।

![](https://cdn.door43.org/obs/jpg/360px/obs-en-47-10.jpg)

तैहणै दरोगा जागी गो। तिनी हेरू कि जेलखानै रै द्वार खुलुरै थीयै। तिनी सोचु कि साब्ब कैदी बची करी नही गै थीयै। सो डरी गो कि तन्यारै नही गाणै रै कारण रोमी अधिकारी तैसियो मारी दिणा, ठेरैतांई सो अपु जो मारी दीणै तांई तैयार भूची गो! पर पौलुस तैसियो हेरी करी चिल्लाऊ, "रुकी गा! अपु जो नुकसान मत पुजा। अहै साब ऐठी हिन् ।"

![](https://cdn.door43.org/obs/jpg/360px/obs-en-47-11.jpg)

तैस दरोगै कमदै कमदै पौलुस अतै सीलास रै नेङै इचिकरी पूछु, "उद्धार पाणै रै तांई अऊँ कै करूँ?" पौलुसै जवाब दिता, "प्रभु यीशु पुर विश्वास कर, ता तू अतै तेरा घराना उद्धार पाला।" तैहणै सो दरोगा पौलुस अतै सीलास जो अपणै घरै लेई गो अतै तन्यारै जख्मा जो धोऊ। पौलुसै तसेरै घरा रै सब मणु जो यीशु रै बारै मंज शुभ संदेश हुणाऊ।

![](https://cdn.door43.org/obs/jpg/360px/obs-en-47-12.jpg)

दरोगा अतै तसेरै पूरै टवरै यीशु पुर विश्वास करू, ठेरैतांई पौलुस अतै सीलासै तिन्या जो बपतिस्मा दिता। तैहणै दरोगै पौलुस अतै सीलास जो भोजन करवाऊ, अतै सो सोगी खुश भुए।

![](https://cdn.door43.org/obs/jpg/360px/obs-en-47-13.jpg)

अगलै धैङै नगरा रै अगुवै पौलुस अतै सीलास जो जेलखानै थऊँ स्वतंत्र करी दिता अतै फिलिप्पी थऊँ चली गाणै तांई बल्लू। पौलुस अतै सीलास लुदिया अतै कुछ होरी दोस्ता सितै मुळै अतै तठेरै बाद नगरा थऊँ निकळी गै। यीशु रै बारै मंज शुभ संदेश फैलन्दा गो, अतै कलीसिया बधन्दी गेई।

![](https://cdn.door43.org/obs/jpg/360px/obs-en-47-14.jpg)

प्रेरिता रै काम्म 16:11-40 थऊँ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_47_128kbps.mp3

## 48. यीशु ही प्रतिज्ञा करूरा मसीह हा

https://openbiblestories.org/l/gbk/story-48/

![](https://cdn.door43.org/obs/jpg/360px/obs-en-48-01.jpg)

जैहणै प्रमात्मै संसार जो बणाऊ ता सब कुछ खरा थु। कोई पाप ना थु। आदम अतै हव्वा अक्की दूयै जो प्रेम करदै थीयै, अतै सो प्रमात्मै सितै प्रेम करदै थीयै। कोई बमारी या मृत्यु ना थी। प्रमात्मै ऐसै ही संसार जो चाहन्दा थु।

![](https://cdn.door43.org/obs/jpg/360px/obs-en-48-02.jpg)

शैतानै कीड़ै रै दुआरा थऊं बगीच मंज हव्वा सितै गाल्ल करी, क्योकि सो तैसायो धोखा दिणा चाहन्दा थु। तैहणै हव्वा अतै आदमै प्रमात्मै रै वरुद्ध पाप करू। क्योकि तिन्यै पाप करू थु ठेरैतांई पृथ्वी पुर रैहणै वाळै सब जणै मरदै हिन् ।

![](https://cdn.door43.org/obs/jpg/360px/obs-en-48-03.jpg)

क्योकि आदम अतै हव्वै पाप करू थु, ठेरैतांई कुछ होर भी बुरा भूआ। सो प्रमात्मै रै शत्रु बणी गै। तठैरै परिणाम-स्वरूप, तैहणै थऊँ हर आक्क जणै पाप करू हा। हर आक्क जन जन्म थऊँ ही प्रमात्मै रा शत्रु हा। प्रमात्मै अतै मणु रै बीचा ,मंज शान्ति ना थी। पर प्रमात्मा शान्ति स्थापित करना चाहन्दा थु।

![](https://cdn.door43.org/obs/jpg/360px/obs-en-48-04.jpg)

प्रमात्मै प्रतिज्ञा करी कि हव्वा रा आक्क वंशज शैतान रै मुण्डा जो कुचळी दिल्ला। तिनी एह भी बल्लू कि शैतान तसेरी खुरी जो डसल्ला। दूयै शब्दा मंज, शैतान मसीह जो मारी दिल्ला, पर प्रमात्मै तैसीयो भिरी जीन्दा करी दिल्ला। ठेरै बाद, मसीह शैतान री शक्ति जो हमेशा रै तांई मुकाई दिल्ला। कई साल्ला रै बाद, प्रमात्मै प्रकट करू कि सो मसीह यीशु हा।

![](https://cdn.door43.org/obs/jpg/360px/obs-en-48-05.jpg)

प्रमात्मै तैसा बाढ़ थऊँ अपणै परिवार जो बचाऊ जैसीयो सो लेईणै वाळा थु। नूह सितै आक्क नाव बनाणै तांई बल्लू कि सो ऐस प्रकार प्रमात्मै तिन्या मणु जो बचाऊ जेड़ै तैस पुर विश्वास करदै थीयै। ऐस प्रकार, सो साब्ब रै साब्ब प्रमात्मै रै द्वारा मारी दीणै रै योग्य थीयै क्योकि तिन्यै पाप करूरा थु। पर प्रमात्मै तिन्या सब्बी जो बचाणै तांई यीशु जो भैजू जेड़ै तैस पुर विश्वास करदै हिन्।

![](https://cdn.door43.org/obs/jpg/360px/obs-en-48-06.jpg)

होआ साल्ला तिकर, याजक प्रमात्मै तांई बलिदान चढ़ान्दै रैह। एह दर्शान्दा हा कि मणुणै पाप करू, अतै एह कि सो प्रमात्मै रै द्वारा तिन्या जो दंडित करै गाणै रै योग्य थीयै। पर सो बलिदान तिन्यारै पापा जो क्षमा ना करी सकै थीयै। यीशु सब थऊँ बड़ा महायाजक हा। तिनी सो करू जेङा कोई याजक ना करी सकदा थु। तिनी सो एकमात्र बलिदान भुणै तांई अपु जो दि दिता जेङा हर कसी रै पापा जो मिटाई सकदा थु। तिनी स्वीकार करू कि परमात्मा तिन्या सब्बी रै पापा तांई तैसीयो दंडित करा। एस कारण, यीशु सिद्ध महायाजक थु।

![](https://cdn.door43.org/obs/jpg/360px/obs-en-48-07.jpg)

प्रमात्मै अब्राहम सितै बल्लू, "अऊँ तेरै द्वारा संसार रै सब्बी कुला जो आशीष दिल्ला।" यीशु एसी अब्राहम रा वंशज थु। परमात्मा अब्राहम रै माध्यम थऊँ सब्बी कुला जो आशीष दिन्दा हा, क्योकि जेङै यीशु पुर विश्वास करदै हिन् परमात्मा तिन्या सबी जो पापा थऊँ बचान्दा हा। जैहणै एह मणु यीशु पुर विश्वास करदै हिन्, ता परमात्मा तिन्या जो अब्राहम रै वंशज मनदा हा।

![](https://cdn.door43.org/obs/jpg/360px/obs-en-48-08.jpg)

प्रमात्मै अब्राहम सितै बल्लू कि सो अपणा एकलोता पुत्र, तसेरै तांई बलिदान करी देया। पर भिरी प्रमात्मै इसहाक रै बदलै मंज बलि करनै तांई आक्क मेमना दिता। अहै साब्ब अपणै पापा रै तांई मारी दीणै रै योग्य थीयै! पर प्रमात्मै ईन्दी जगह पुर मरनै तांई यीशु जो बलिदान रै रूप मंज दिता। ऐसी कारण थऊँ अहै यीशु जो प्रमात्मै रा मेमना बलदै हिन्।

![](https://cdn.door43.org/obs/jpg/360px/obs-en-48-09.jpg)

जैहणै प्रमात्मै मिस्र पुर अंतिम विपत्ति भैजी ता तिनी हर अक्की इस्राएली परिवार सितै बल्लू कि सो अक्की मेमने री बलि करा। तैस मेमने मंज कोई दोष ना भूणा चेईन्दा। तैहणै अपणै दारा री चौखटा रै ऊपर अतै ब्रखा मंज तिन्या जो तसेरै लहू जो लाणा थु। जैहणै प्रमात्मै तैस लहू जो हेरु ता सो तन्यारै घरा थऊँ आगै बढ़ी गो अतै तन्यारै पहलौठे पुत्रा जो ना मारु। जैहणै एह भुआ ता प्रमात्मै एतियो फसह रा त्यौहार बल्लू ।

![](https://cdn.door43.org/obs/jpg/360px/obs-en-48-10.jpg)

यीशु फसह रै त्यौहार रै आक्क मेमने रै साईं हा। तिनी कदि पाप ना करू, ठेरैतांई तैत मंज कुछ भी गलत ना थु। सो फसह रै त्यौहार रै टैमा पुर मरु। जैहणै कोई यीशु पु'र विश्वास करदा' हा, तैहणै यीशु रा लहू तैस मणु रै पापा री कीमत चुकान्दा हा। ऐह ऐसा हा जैसा कि परमात्मा तैस मणु रै नेङै थऊँ अगै बढ़ी गो, क्योकि सो तैसीयो दण्ड ना दिन्दा हा।

![](https://cdn.door43.org/obs/jpg/360px/obs-en-48-11.jpg)

प्रमात्मै इस्राएली मणु रै सोगी आक्क वाचा बन्नी, क्योकि सो ऐसै मणु थीयै जिन्या जो प्रमात्मै अपणा भूणै रै तांई चुणुरा थु। पर अबै प्रमात्मै आक्क ऐसी वाचा बन्नी हा जेङी कि सब्बी रै तांई हा। जे कसी भी जाति रा कोई भी जन एसा नोई वाचा जो स्वीकार करदा हा, ता सो परमात्मैं रै मणु मंज शामिल भूची गंदा हा। सो ऐसा ठेरैतांई करदा हा क्योकि सो यीशु पुर विश्वास करदा हा।

![](https://cdn.door43.org/obs/jpg/360px/obs-en-48-12.jpg)

मूसा आक्क ऐसा भविष्यद्वक्ता थु जिनी प्रमात्मै रै वचन जो बड़ी सामर्थ सोगी प्रचार करू थु। पर यीशु सब्बी भविष्यद्वक्ता मंज सब थऊँ मोट्टा हा। सो परमात्मा हा, ठेरैतांई जेङा कुछ भी तिनी करू अतै बल्लू सो प्रमात्मै रै कार्य अतै वचन थीयै। ठेरैतांई पवित्र-शास्त्र यीशु जो प्रमात्मै रा वचन बलदा हा।

![](https://cdn.door43.org/obs/jpg/360px/obs-en-48-13.jpg)

प्रमात्मै राजा दाऊद सितै प्रतिज्ञा करी थी कि राजा रै रूपा मंज तसेरा आक्क वंशज प्रमात्मै रै मणु पुर सदा तांई शासन करल्ला। यीशु प्रमात्मै रा पुत्र अतै मसीह हा, ठेरैतांई सो राजा दाऊद रा वंशज हा जेङा सदा तांई राज्य करी सकदा हा।

![](https://cdn.door43.org/obs/jpg/360px/obs-en-48-14.jpg)

उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 थऊँ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_48_128kbps.mp3

## 49. प्रमात्मै री नोई वाचा

https://openbiblestories.org/l/gbk/story-49/

![](https://cdn.door43.org/obs/jpg/360px/obs-en-49-01.jpg)

अक्की स्वर्गदूतै अक्की जोआन जनानी मरियम सितै बल्लू कि सो प्रमात्मै रै पुत्र जो जन्म दिल्ली। सो अल्ली कुँआरी थी, पर पवित्र आत्मा तैसा बलै आ अतै सो गर्भवती भूई। तैसै आक्क पुत्र जो जन्म दिता जसेरा ना तैसै यीशु रखु। ठेरैतांई, यीशु परमात्मा अतै मणु दोई हिन्।

![](https://cdn.door43.org/obs/jpg/360px/obs-en-49-02.jpg)

यीशुयै बङै चमत्कार करै जेङै दसदै हिन् कि सो परमात्मा हा। सो पाणी पुर चलु अतै आँधी जो शान्त करू। तिनी मतै बमारा मणु जो चंगा करू अतै बङै मणु थऊँ दुष्टात्मा जो कडु। तिनी मरुरै मणु जो जीन्दा करी दिता, अतै तिनी पाँज रोटी अतै दोई मछलि जो 5,000 मणु जो खुआणै तांई पर्याप्त भोजन मंज परिवर्तित करी दिता।

![](https://cdn.door43.org/obs/jpg/360px/obs-en-49-03.jpg)

यीशु आक्क महान शिक्षक भी थु। जेड़ा कुछ भी तिनी सिखाऊ, सो तिनी सिद्धता सोगी सिखाऊ। जेड़ा सो मणु सितै करनै तांई बलदा हा सो तिन्या जो करना चेईन्दा क्योकि सो प्रमात्मै रा पुत्र हा। उदाहरण तांई, तिनी सिखाऊ कि तुसु जो होरी मणु जो तैसा रीति सितै प्रेम करनै री आवश्यकता हा जिंया तुहै अपु जो प्रेम करदै हिन्।

![](https://cdn.door43.org/obs/jpg/360px/obs-en-49-04.jpg)

तिनी एह भी सिखाऊ कि तुसु जो साब्ब चिजा थऊँ जादा अतै अपणी संपत्ति थऊँ भी जादा प्रमात्मै जो प्रेम करना चेईन्दा ।

![](https://cdn.door43.org/obs/jpg/360px/obs-en-49-05.jpg)

यीशुयै बल्लू कि संसार मंज कसी भी चीजा जो प्राप्त करनै थऊँ जादा अच्छा हा प्रमात्मै रै राज्य मंज भूणा। तसेरै राज्य मंज तुन्दै प्रवेश करनै तांई जरूरी हा कि परमात्मा तुसु जो तुन्दै पापा थऊँ बचा।

![](https://cdn.door43.org/obs/jpg/360px/obs-en-49-06.jpg)

यीशुयै बल्लू कि कुछ मणु तैसियो ग्रहण करलै। परमात्मा तिन्या मणु जो बचाला। पर दूयै मणु तैसियो ग्रहण ना करलै। तिनी एह भी बल्लू कि कुछ मणु अच्छी जमीना रै साईं हा, क्योकि सो यीशु रै बारै मंज शुभ संदेश जो स्वीकार करी लैन्दै हिन्, अतै परमात्मा तिन्या जो बचन्दा हा। पर कुछ मणु मार्ग री कठोर भूमि रै साईं हिन्। प्रमात्मै रा वीआ रै साईं रस्तै पुर पैन्दा हा, पर तैठी कुछ भी ना लँगदा हा। एह मणु यीशु रै बारै मंज संदेश जो अस्वीकार करी दिन्दै हिन्। सो तसेरै राज्य मंज प्रवेश करनै थऊँ ना करी दिन्दै हिन्।

![](https://cdn.door43.org/obs/jpg/360px/obs-en-49-07.jpg)

यीशुयै सिखाऊ कि परमात्मा पापी सितै बङा प्रेम करदा हा। सो तिन्या जो क्षमा करना चान्दा हा अतै तिन्या जो अपणी संतान बणाणा चान्दा हा।

![](https://cdn.door43.org/obs/jpg/360px/obs-en-49-08.jpg)

यीशुयै एह भी दसू कि परमात्मा पाप थऊँ घृणा करदा हा। क्योकि आदम अतै हव्वै पाप करू, ठेरैतांई तिन्यारै सब्बी वंशजै भी पाप करू। ऐस संसारा मंज रैणै वाळा हर आक्क जण पाप करदा हा अतै प्रमात्मै थऊँ दूर हा। हर आक्क जण प्रमात्मै रा शत्रु हा।

![](https://cdn.door43.org/obs/jpg/360px/obs-en-49-09.jpg)

पर प्रमात्मै एस संसार मंज रैणै वाळै हर आक्क जण सितै एसा रीति सितै प्रेम करू: तिनी अपणै एकलौते पुत्र जो दि दिता ताकि परमात्मा तिन्या जो दण्ड ना देआ जेड़ै तैस पुर विश्वास करदै हिन्। ठेरै बजाए, सो तसेरै सोगी हमेशा रै तांई रैहणै।

![](https://cdn.door43.org/obs/jpg/360px/obs-en-49-10.jpg)

तुहै मरनै रै योग्य हिन्, क्योकि तुहै पाप करू हा। तुसु थऊँ प्रमात्मै रा क्रोधित भूणा ठीक ही हा, ठेरी अपेक्षा, सो यीशु पुर गुस्सा भूआ। तिनी यीशु जो क्रूस री मोत दीकरी दण्ड दिता।

![](https://cdn.door43.org/obs/jpg/360px/obs-en-49-11.jpg)

यीशुयै कदी पाप ना करू, पर तिनी प्रमात्मै जो तैसियो दण्ड दिणा दिता। तिनी मरी गाणा स्वीकार करू। ऐस रीति सितै, तुन्दै पापा जो अतै ऐस संसार मंज रैहणै वाळै हर आक्क जणै तै पापा जो चुकी लेई गाणै रै तांई सो आक्क सिद्ध बलिदान थु। यीशुयै अपु जो प्रमात्मै रै तांई बलिदान करी दिता, परमात्मा कसी भी पाप जो, एठी तिकर कि भयंकर पापा जो भी क्षमा करदा हा।

![](https://cdn.door43.org/obs/jpg/360px/obs-en-49-12.jpg)

भलै ही जे तुहै बङै अच्छै कम्मा जो करदै हीन, ता ठेरै द्वारा परमात्मा तुसु जो ना बचाल्ला। तसेरै दोस्त बणनै तांई ऐसा कुछ भी ना हा जेड़ा तुहै करी सकदै हिन्। ठेरीतांई अपेक्षा, तुसुजो विश्वास करना हा कि यीशु प्रमात्मै रा पुत्र हा, अतै सो तुन्दै बदलै मंज क्रूस पुर मरी गो, अतै एह भी कि प्रमात्मै तैसियो भिरी जीन्दा करी दिता। जे तुहै एस पुर विश्वास करा, ता परमात्मा तुन्दै पापा री क्षमा दील्ला।

![](https://cdn.door43.org/obs/jpg/360px/obs-en-49-13.jpg)

परमात्मा तैस हर आक्क जणै जो बचाणा जेड़ा यीशु पुर विश्वास करदा हा अतै तैसियो अपणा प्रभु स्वीकार करदा हा। पर सो तिन्या जो ना बचाल्ला जेङा तैस पुर विश्वास ना करदै हिन्। ऐह कोई मायने ना रखदा कि तुहै धनी भून या गरीब भून, मङद भून या जनानी भून, बूडै भून या जवान भून, या तुहै कङी रैन्दै भून। परमात्मा तुसु सीतै प्रेम करदा हा अतै चाहन्दा हा कि तुहै यीशु पुर विश्वास करा कि सो तुन्दा दोस्त बणी सका।

![](https://cdn.door43.org/obs/jpg/360px/obs-en-49-14.jpg)

यीशु तुसु जो हदू करदा हा कि तैस पुर विश्वास करा अतै बपतिस्मा लेआ। कै तुहै विश्वास करदै हिन् कि प्रमात्मै रा एकलौता पुत्र, यीशु ही मसीह हा? कै तुहै विश्वास करदै हिन् कि तुहै आक्क पापी हिन् अतै एह कि तुहै प्रमात्मै द्वारा तुसु जो दंडित करै गाणै रै योग्य हिन्? कै तुहै विश्वास करदै हिन् कि तुन्दै पापा जो मटाणै रै तांई यीशु क्रूस पुर मरु?

![](https://cdn.door43.org/obs/jpg/360px/obs-en-49-15.jpg)

जे तुहै यीशु पुर अतै जेङा तिनी तुन्दै तांई करू हा तैस पुर विश्वास करदै हिन्, ता तुहै आक्क मसीही हिन्! शैतान अपणै अंधकार रै राज्य मंज अबै तुसु पुर शासन ना करदा हा। अबै प्रमात्मै अपणै प्रकाश रै राज्य मंज तुसू पुर शासन करदा हा। तिनी तुसु जो पाप करनै थऊँ रोकी दिता हा, जैसियो तुहै करु करदै थीयै। तिनी तुसु जो आक्क नोआ, उचित जीवन दिता हा।

![](https://cdn.door43.org/obs/jpg/360px/obs-en-49-16.jpg)

जे तुहै आक्क मसीही हिन् ता जेङा यीशुयै करू हा तसेरै कारण प्रमात्मै तुन्दै पापा जो क्षमा करी दिता हा। अबै, परमात्मा आक्क शत्रु री अपेक्षा तुसियो आक्क घनिष्ठ दोस्त मनदा हा।

![](https://cdn.door43.org/obs/jpg/360px/obs-en-49-17.jpg)

जे तुहै प्रमात्मै रै दोस्त हिन् अतै प्रभु यीशु रै सेवक हिन् ता तुहै तिन्या गल्ला रा पालन करनै री इच्छा करलै जेङा यीशु तुसु जो सिखान्दा हा। भलै ही तुहै आक्क मसीही हिन्, शैतान अल्ली भी पाप करनै तांई तुन्दी परीक्षा करल्ला। पर परमात्मा हमेशा सो करदा हा जेङा सो बलदा हा कि सो करल्ला। सो बलदा हा कि जे तुहै अपणै पापा जो मन्नी लेआ, ता सो तुसू जो क्षमा करी दिल्ला। सो तुसू जो पाप रै विरुद्ध लड़नै री सामर्थ दिल्ला।

![](https://cdn.door43.org/obs/jpg/360px/obs-en-49-18.jpg)

रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 थऊँ आक्क बाइबल री कहाणी

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_49_128kbps.mp3

## 50. यीशु वापस फिरन्दा हा

https://openbiblestories.org/l/gbk/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 साला थऊँ, संसार मंज सबी जगहा पुर ज्यादा थऊँ ज्यादा मणु मसीह यीशु रै बारै मंज शुभ संदेश जो हुणु करंदै हिन्। कलीसिया उन्नति करू करदी हा। यीशुयै वादा करू कि सो संसार रै अंत मंज वापस फिरना। यद्यपि सो अलि वापस ना आ हा, ता भी तैस अपणै वादै जो पूरा करना।

![](https://cdn.door43.org/obs/jpg/360px/obs-en-50-02.jpg)

जैहणै कि अहै यीशु रै वापस फिरनै री भाळ करन्दै हिन्, प्रमात्मै असू थऊँ एसा रीति सितै ही जीवन जीणै री इच्छा करन्दा हा जेड़ा पवित्र हा अतै जेड़ा तसेरा आदर करन्दा हा। जैहणै यीशु पृथ्वी पुर रेऊ करदा थू तैहणै तिनी बल्लू, "मेरै चेलै संसार मंज सबी जगहा रै मणु जो प्रमात्मै रै राज्य रै बारै मंज शुभ संदेश प्रचार करना, अतै तैहणै अंत चली ईणा।"

![](https://cdn.door43.org/obs/jpg/360px/obs-en-50-03.jpg)

मती जिनी जातियै अलि तक यीशु रै बारै मंज ना हुणु हा। स्वर्गा जो फिरनै थऊँ पैहलै, यीशुयै मसीही थऊँ तिन्या मणु जो शुभ संदेश हुणाणै जो बल्लू जिन्यै एतियो कदी ना हुणु हा। तिनी बल्लू, "गच्छा अतै सबी जाति रै मणु जो चेला बणा!" अतै "कटाई करनै ताई खेत पकी चुकूरै हिन्!"

![](https://cdn.door43.org/obs/jpg/360px/obs-en-50-04.jpg)

यीशुयै यह भी बल्लू, "कसी मणु रा सेवक अपणै स्वामी थऊँ बडा ना भुन्दा। इस संसार रै महत्वपूर्ण मणुयै मिंजो सितै नफरत करी, अतै मेरै कारण तिन्या तुसू जो भी सताणा अतै मारी दिणा। इस संसार मंज तुसू पीड़ित भूणा, परन्तु मज़बूत बणा, क्योंकि मैंई शैतान जो हराई दित्ता हा जेड़ा इस संसार पुर शासन करन्दा हा। जे तुहै अंत तक मेरै विश्वासयोग्य बणी रेहन, ता प्रमात्मै तुसू जो बचाणा!"

![](https://cdn.door43.org/obs/jpg/360px/obs-en-50-05.jpg)

यीशुयै अपणै चेलै जो यह समझाणै ताई अक्क कहाणी हुणाई कि जैहणै संसार रा अंत भुन्दा हा ता मणु सोगी कै भूणा। तिनी बल्लू, "कसी मणुयै अपणी बगड़ी मंज खरा बीज बोऊ। जैहणै सो सोऊ करदा थू ता तसेरा शत्रु आ अतै कणका रै बिया रै मंजै जंगली बूटा रै बिया जो बाई दित्ता, अतै फिरी सो चली गो।"

![](https://cdn.door43.org/obs/jpg/360px/obs-en-50-06.jpg)

"जैहणै बूट अंकुरित भूयै ता सेवकै तैस मणु सितै बल्लू, 'हे स्वामी, तेई ता अपणी बगड़ी मंज खरा बी बाऊ थू। ता फिरी एत मंज जंगली बूट क्यों हिन् ?' तिनी मणुै ने जवाब दिता, 'केवल मेरै शत्रुयै ही तिन्या जो बाऊ बोना । एह मेरा कोई शत्रु हा जिनी ऐसा करू हा।'"

![](https://cdn.door43.org/obs/jpg/360px/obs-en-50-07.jpg)

"तिन्यै सेवकै अपणै स्वामी जो जवाब दित्ता, 'कै असूओ जंगली बूटा जो पुट्टी दिणा चेहिन्दा?' तिनी मालकै बल्लू, 'ना। जे तुसू इन्या करना ता तुसू कणका जो भी पुट्टी दिणा। कटाई रै टैमा तिकर भाळ करा। तैहणै जंगली बुट्टा जो खड्डै मंज कट्ठेरी लेया ताकि तुहै तिन्या जो फुक्की स्कन। अपर कणका जो मेरै पेड़ू मंज लेईकरी अईया।'"

![](https://cdn.door43.org/obs/jpg/360px/obs-en-50-08.jpg)

चेलै एसा कहाणी रै मतलब जो ना समझाऊ, ठेरैताई तिन्यै यीशु सितै तिन्याजो समझाणै रा निवेदन करू। यीशुयै बल्लू, "खरा बी बाणै वाळा मणु मसीह रा प्रतिनिधित्व करन्दा हा। खेत संसार रा प्रतिनिधित्व करन्दा हा। करा बी प्रमात्मै रै राज्य रै मणु रा प्रतिनिधित्व करन्दा हा।"

![](https://cdn.door43.org/obs/jpg/360px/obs-en-50-09.jpg)

"जंगली बूट तैस दुष्ट जन, शैतान रै मणु रा प्रतिनिधित्व करन्दै हिन्। तैस मणु रा शत्रु शैतान रा प्रतिनिधित्व करन्दा हा, जिनी जंगली बूट्टा जो बाई दित्ता थू। कटाई एस संसार रै अंत रा प्रतिनिधित्व करन्दी हा, अतै कटाई करनै वाळै प्रमात्मै रै स्वर्गदूता रा प्रतिनिधित्व करन्दै हिन्।"

![](https://cdn.door43.org/obs/jpg/360px/obs-en-50-10.jpg)

"जैहणै संसार रा अंत भूणा तैहणै स्वर्गदूत तिन्या सबी मणु जो अक्क सोगी कट्ठैरना जेड़ै शैतान रै हिन्। तिन्या जो स्वर्गदूता अक्की बड़ी ही गर्म अग्गी मंज फैंकी दिणा। तैठी तिन्या मणु भयंकर सताव मंज रुणा अतै अपणै दाँत पीणै। अपर जेड़ै मणु धर्मी हिन्, जिन्यै यीशु रा अनुसरण करू हा, तिन्या तयांरै प्रमात्मै पिता रै राज्य मंज सूरजा समान चमकणा।"

![](https://cdn.door43.org/obs/jpg/360px/obs-en-50-11.jpg)

यीशुयै एह भी बल्लू कि तैस संसार रा अंत भूणै थऊ पैहलै पृथ्वी पुर फिरना। तैस तैसही तरीकै सितै वापस ईणा जिंया सो गो थू। मतलब, तैस बलै वास्तविक शरीर भूणा, अतै तैस अम्बरा मंज बादळा पुर सवार भुचिकरी ईणा। जैहणै यीशु फिरन्दा हा, ता हर अक्क मसीही जेड़ा मरी चुकूरै हिन् मरूरै थऊँ जी उठणा अतै तैस सितै अम्बरा मंज मुळना।

![](https://cdn.door43.org/obs/jpg/360px/obs-en-50-12.jpg)

तैहणै जेड़ै मसीही अलि भी जिन्दै हिन् सो अम्बरा मंज चुकी लैणै अतै तिन्या दुयै मसीहि सोगी शामिल भूची गाणा जेड़ै मरूरै थऊँ जी उठूरै हिन्। सो सबी तैठी यीशु सोगी भूणा। तठेरै बाद, यीशु अपणै मणु सोगी रैहणा। जैहणै सो अक्क सोगी रैहन्दै हिन् ता तिन्या बलै सदा ताई पूरी शान्ति भूणी।

![](https://cdn.door43.org/obs/jpg/360px/obs-en-50-13.jpg)

यीशुयै तैस पुर विश्वास करनै वाळै हर अक्क जन जो अक्क मुकुट दीणै रि प्रतिज्ञा करी हा। तिन्या सदा ताई प्रमात्मै रै सोगी हर आक्क चीज पुर शासन करना। तिन्या बलै सिद्ध शान्ति भूणी ।

![](https://cdn.door43.org/obs/jpg/360px/obs-en-50-14.jpg)

अपर प्रमात्मै तिन्या सबी रा न्याय करना जेङै यीशु पुर विश्वास ना करन्दै हिन्। तैस तिन्या जो नरक मंज पाई दिणा। तैठी तिन्या रूणा अतै अपणै दाँत पीणै, अतै तिन्या हमेशा पीड़ित भुन्दै रैहणा। कदी ना बुझणै वाळी अग्गी तिन्या यो लगातार फुकदै रैहणा, अतै कीड़ै तिन्या जो खाणै थऊँ कदी ना रुकणा।

![](https://cdn.door43.org/obs/jpg/360px/obs-en-50-15.jpg)

जैहणै यीशु फिरदा हा, ता तैस पूरी रीति सितै शैतान जो अतै तसेरै राज्य जो नष्ट करी दीणा। सो शैतान जो नरका मंज पाई दिणा। तैठी शैतान हमेशा ताई फुकिन्दा रैहणा, तिन्या सबी सोगी जिन्यै प्रमात्मै रि गल्ला जो मानणै रै बजाए शैतान रै पीछे चलने रा चुनाव करू थू।

![](https://cdn.door43.org/obs/jpg/360px/obs-en-50-16.jpg)

क्योकि आदम अतै हव्वै प्रमात्मै री आज्ञा ना मन्नी थी अतै पाप जो ऐस संसार मंज लेईकरी आए थीयै, प्रमात्मै तैसीयो श्राप दिता अतै तैसीयो खत्म करनै रा निर्णय करू। पर कसी धैङै प्रमात्मै अक्क नोऐ स्वर्ग अतै आक्क नोई पृथ्वी री रचना करला जेङै सिद्ध भूणै।

![](https://cdn.door43.org/obs/jpg/360px/obs-en-50-17.jpg)

मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 थऊँ आक्क बाइबल री कहाणी |

Audio: https://git.door43.org/translationCore-Create-BCS/gbk_obs/releases/download/v1/gbk_obs_v1_50_128kbps.mp3