# unfoldingWord Open Bible Stories — Garhwali

- Language code: `gbm`
- Canonical page: https://openbiblestories.org/l/gbm/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Garhwali translation; it is not a translation of the whole Bible.

## 1. रचना

https://openbiblestories.org/l/gbm/story-1/

![](https://cdn.door43.org/obs/jpg/360px/obs-en-01-01.jpg)

इन के शुरुवात मा पिता परमेश्वर ल सभि चीजों की सृष्टि कैरी। वेल छ: दिनों मा दुनिया की अर जु कुछ भि वां म च ऊं सभि चीजों की सृष्टि कैरी। पिता परमेश्वर द्वारा पृथ्वी तैं बनांण का बाद, व अंधेरी अर खाली छै, किलैकि अभि तक पिता परमेश्वर ल वां मा कुछ भि नि बणै छो। पर पिता परमेश्वर कु आत्मा पांणी का मथी घुमदु छो।

![](https://cdn.door43.org/obs/jpg/360px/obs-en-01-02.jpg)

तब पिता परमेश्वर ल बोलि, "उज्यलो हो!" अर उज्यलो ह्वे गै। पिता परमेश्वर ल देखि कि उज्यलो अच्छो च अर वे तैं "दिन" बोलि। अर वेल उज्यला तैं अँधेरा बट्टी अलग अर अँधेरा तैं वेल "रात" बोलि। पिता परमेश्वर ल सृष्टि का पैला दिन उज्यले तैं बंणै।

![](https://cdn.door43.org/obs/jpg/360px/obs-en-01-03.jpg)

सृष्टि का दुसरा दिन पिता परमेश्वर ल बोलि, "पांणी का मथी एक अंतर हो।" अर एक अंतर ह्वे गै। पिता परमेश्वर ल ये अंतर तैं "आसमान" बोलि।

![](https://cdn.door43.org/obs/jpg/360px/obs-en-01-04.jpg)

तिसरा दिन पिता परमेश्वर ल बोलि, "पांणी एक जगह पर कठ्ठा ह्वे जौ अर सूखीं धरती दिखे।" वेल सूखीं धरती तैं " पृथ्वी " बोलि अर पांणी तैं "समुद्र" बोलि। पिता परमेश्वर ल देखि कि जु वेल बंणै उ अच्छो च।

![](https://cdn.door43.org/obs/jpg/360px/obs-en-01-05.jpg)

तब पिता परमेश्वर ल बोलि, " पृथ्वी पर सभि किस्म का डाला-बोटा उगुनु।" अर इन ही ह्वे। पिता परमेश्वर ल देखि कि जु कुछ भि वेल बंणै उ अच्छो च।

![](https://cdn.door43.org/obs/jpg/360px/obs-en-01-06.jpg)

सृष्टि का चौथा दिन पिता परमेश्वर ल बोलि, "आसमान मा ज्योतियाँ ह्वे जौं।" अर सूरज, जूंन अर गैंण ऐ गैनी। पिता परमेश्वर ल ऊं तैं पृथ्वी पर उज्यलो दींणु कु अर दिन अर रात, मौसमों, सालों तैं भेद कनु कु बंणै।

![](https://cdn.door43.org/obs/jpg/360px/obs-en-01-07.jpg)

पांचवां दिन पिता परमेश्वर ल बोलि, "ज्यूंदा प्राणी पांणी मा भुरे जौंनु अर आसमान मा चलखुडा उडुनु।" इन के वेल पांणी मा तैरण वला सभि जन्तुओं तैं अर चलखुडो तैं देखि यु अच्छो च अर वेल ऊं तैं आशीष दींनि।

![](https://cdn.door43.org/obs/jpg/360px/obs-en-01-08.jpg)

सृष्टि का छटवां दिन पिता परमेश्वर ल बोलि, " धरती पर रांण वला सभि किस्म का जानवर ह्वे जौं।" अर पिता परमेश्वर का बुल्द ही इन हवे गै। कुछ जानवर बैला छा, कुछ धरती पर रिंगण वला, अर कुछ जंगली जानवर छा। अर परमेश्वर ल देखि कि जु वेल बंणै छो उ सब अच्छो छो।

![](https://cdn.door43.org/obs/jpg/360px/obs-en-01-09.jpg)

तब परमेश्वर ल बोलि, "आवा हम आदिम तैं अपड़ा स्वरुप मा अर अपड़ा ही जन बंणा। उ पृथ्वी पर अर सभि जानवरों पर राज्य कैरो।"

![](https://cdn.door43.org/obs/jpg/360px/obs-en-01-10.jpg)

तब पिता परमेश्वर ल माटो ले के वे बट्टी आदिम तैं बंणै अर वे आदिम मा ज्यूँदो रौंणु कु सांस फूंक दींनि अर ये आदिम कु नौ पिता परमेश्वर ल आदम रखि। पिता परमेश्वर ल आदम का रौंणु कु एक बड़ों बगीचा बंणै अर वे बगीचा की देखभाल कनु कु आदम तैं उख रख दींनि।

![](https://cdn.door43.org/obs/jpg/360px/obs-en-01-11.jpg)

वे बगीचा का बीच मा पिता परमेश्वर ल द्वी खास किस्म का डाला लगैनि – जीवन कु डालो अर भलो अर बुरो कु ज्ञान दींण वलो डालो। पिता परमेश्वर ल आदम कु बोलि कि उ वे बगीचा का भला अर बुरा का ज्ञान का डाला तैं छोडी के बकि सभि डालों कु फल खै सकद । जु उ वे भला अर बुरा का डाला बट्टी फल खालो त उ मोरि जालो।

![](https://cdn.door43.org/obs/jpg/360px/obs-en-01-12.jpg)

तब पिता परमेश्वर ल बोलि आदिम को अकेला रौंण ठिक नि च। पर कुई भि जानवर आदम कु दगड़िया नि बंण साकी।

![](https://cdn.door43.org/obs/jpg/360px/obs-en-01-13.jpg)

इलै पिता परमेश्वर ल आदम तैं गहरी निंद मा डाली दींनि। तब पिता परमेश्वर ल आदम की एक पसली ले के वां बट्टी एक जनन तैं बंणै अर वीं तैं आदम सा समणी ले के ऐ।

![](https://cdn.door43.org/obs/jpg/360px/obs-en-01-14.jpg)

जब आदम ल वीं तैं देखि त बोलि, कि वाह, य त मि जन च! या 'जनन' कहलाली, किलैकि या मनिख बट्टी ही बंणी च।" इलै आदिम अपड़ा ब्वे-बुबा तैं छोड़ीं के अपड़ी जनन दगड़ा एक ह्वे जांद।

![](https://cdn.door43.org/obs/jpg/360px/obs-en-01-15.jpg)

पिता परमेश्वर ल आदम अर जनन तैं अपड़ा ही स्वरूप मा बंणै। वेल ऊं तैं आशीष दींनि अर वेल बोलि, "भौत सैरी सन्तान अर बाल बच्चों तैं पैदा कैरा अर पृथ्वी मा भूरे जावा!" अर पिता परमेश्वर ल देखि कि जु कुछ भि वेल बंणै छो उ भौत अच्छो च, अर उ सभि कुछ बट्टी भौत कुछ छो। यु सभि कुछ सृष्टि का छटवां दिन ह् वे।

![](https://cdn.door43.org/obs/jpg/360px/obs-en-01-16.jpg)

जब सातवां दिन ऐ त जु कुछ भि वेल बंणै वेल ऊं सभि कामों तैं खत्म कैरी। वेल सातवाँ दिन तैं आशीष दींनि अर वे तैं पवित्र ठहराई, किलैकि वे दिन वेल सभि चीजों तैं बंणै के सभि कामों तैं खत्म कैरी छो। इन के पिता परमेश्वर ल दुनिया की अर जु कुछ वे म च सभि चीजों की सृष्टि कैरी।

*उत्पत्ति अध्याय 1-2 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_01_128kbps.m4a

## 2. दुनिया मा पाप आंद

https://openbiblestories.org/l/gbm/story-2/

![](https://cdn.door43.org/obs/jpg/360px/obs-en-02-01.jpg)

आदम अर वेकी जनन सुंदर बगीचा मा भौत खुश ह्वे के रौंदा छा। यु बगीचा पिता परमेश्वर ल ऊं कु बंणै छो। उ कपड़ा नि पैरदा छा, तब भि ईं बात ल उ शर्मांदा नि छा उ बगीचा मा घुमदा छा अर पिता परमेश्वर बट्टी बात करदा छा, किलैकि दुनिया मा पाप नि छो। उ वे बगीचा मा घुमणा रौंदा छा अर पिता परमेश्वर ऊं दगड़ी बात करदु छो।

![](https://cdn.door43.org/obs/jpg/360px/obs-en-02-02.jpg)

पर वे बगीचा मा एक गुरो छो। जु भौत चंट छो। वेल वीं जनन तैं पूछि, "क्य सच मा पिता परमेश्वर ल तुम बट्टी बोलि, कि ये बगीचा का कै भि डाला का फल तैं नि खयां?"

![](https://cdn.door43.org/obs/jpg/360px/obs-en-02-03.jpg)

वीं जनन ल जवाब दींनि, "पिता परमेश्वर ल हम बट्टी बुल्यूं च कि हम वे भला अर बुरा का ज्ञान का डाला तैं छोड़ी के, कै भि डालो कु फल खै सकदियां। पिता परमेश्वर कु हम बट्टी बुल्यूं च कि जु तुम वे डालो कु फल खैल्या या वे तैं छ्वि ल्या भि त तुम मोरि जैलि ल्या।"

![](https://cdn.door43.org/obs/jpg/360px/obs-en-02-04.jpg)

वे गुरो ल जनन तैं जवाब दींनि, "यु सच नि च! तुम ल नि मुरण। पिता परमेश्वर जणदु च कि जन ही तुम वे फल तैं खैल्या, तुम भि पिता परमेश्वर का जन ह्वे जैला अर वे ही जन भला अर बुरा तैं समझण लगि जैला।"

![](https://cdn.door43.org/obs/jpg/360px/obs-en-02-05.jpg)

वीं जनन ल देखि कि फल मनभाउ अर अच्छो दिखेणु च। त वीं ल भि समझदार बनण चाही, इलै वीं ल फल तैं तोड़ी के खै दींनि। तब वीं जनन ल अपड़ा आदिम तैं उ फल दींनि जु वीं दगड़ी छो अर वेल भि खै दींनि।

![](https://cdn.door43.org/obs/jpg/360px/obs-en-02-06.jpg)

जब ऊंका आंखा खुलि गैनी, अर ऊं तैं महसूस ह्वे कि उ नंगी छिनी। ऊंल पत्तों तैं दगड़ा मा सिली के कपड़ा बंणै के वां ल अफु तैं ढकांणै की कोशिश कैरी।

![](https://cdn.door43.org/obs/jpg/360px/obs-en-02-07.jpg)

तब आदिम अर वेकी जनन ल बगीचा मा घुमण बगत पिता परमेश्वर कि आवाज तैं सूंणी। तब उ द्वी पिता परमेश्वर बट्टी छिप्पी गैनी। तब पिता परमेश्वर ल आदम तैं धै लगै, "तू कख छै?" आदम ल जवाब दींनि, "मिल तेरी आवाज तैं बगीचा मा घुमण बगत सूंणी, अर मि डैरी ग्ये छो, किलैकि मि नंगी छो। इलै मि छिप्पी ज्ञों।"

![](https://cdn.door43.org/obs/jpg/360px/obs-en-02-08.jpg)

तब पिता परमेश्वर ल पूछि, "त्वे तैं कैल बतै कि तू नंगी छै? क्य तिल उ फल खै जु मिल त्वे तैं खांणु कु मना कैरी छो?" आदम ल जवाब दींनि, "तिल मि तैं ज्वा जनन दीं च वीं ल ही मि तैं उ फल दींनि।" तब पिता परमेश्वर ल वीं जनन तैं पूछि, "तिल यु कि कैरी?" वीं जनन ल बोलि, "गुरो ल मि तैं बहके दींनि।"

![](https://cdn.door43.org/obs/jpg/360px/obs-en-02-09.jpg)

पिता परमेश्वर ल गुरो कु बोलि, "तू श्रापित छै! तू अपड़ा पुटगा का बल रिंगणी रैली अर माटा तैं चटिली। तू अर जनन एक दूसरा बट्टी घिणता करिलि, अर तेरी सन्तान अर वीं कि सन्तान भि एक दूसरा बट्टी घिणता करेली। ईं जनन कु वंशज तेरा मुंड तैं कुचल लो, अर तू ऊंकी ऐडी तैं डसिलि।"

![](https://cdn.door43.org/obs/jpg/360px/obs-en-02-10.jpg)

तब पिता परमेश्वर ल जनन कु बोलि, "मि तेरा बच्चा तैं जन्म दींणै कि पिड़ा तैं भौत बढोलु। तू अपड़ा आदिम बट्टी इच्छा रखिलि, अर उ त्वे पर राज्य करलो।"

![](https://cdn.door43.org/obs/jpg/360px/obs-en-02-11.jpg)

पिता परमेश्वर ल आदिम कु बोलि, "तिल अपड़ी जनन कि सूंणी अर आज्ञा नि मांणी। इलै धरती श्रापित ह्वे गै, अर त्वे तैं अब खांणु कु भौत ज्यादा मेहनत कन पुडेलि। अब तिल मोरि जांण, अर तेरी देह ल माटा मा ही मिली जांण।" वे आदिम ल अपड़ी जनन कु नौं हव्वा रखि, ज्यांकु मतलब हूंद "जीवन दींण वली", किलैकि व सभि लुखुं कि आदिमाता ह्वेलि। अर पिता परमेश्वर ल आदम अर हव्वा तैं जानवर का खल्डा कु कपड़ा बंणै के पैरे दींनि।

![](https://cdn.door43.org/obs/jpg/360px/obs-en-02-12.jpg)

तब पिता परमेश्वर ल बोलि, "अब भला अर बुरा तैं जनण मा मनिख हम जन ह्वे गै, इलै वे तैं वे जीवन का डालो कु फल नि खांण दींण चयणु च कि उ खां अर हमेशा कु ज्यूंदो रां।" इलै पिता परमेश्वर ल आदम अर हव्वा तैं बगीचा बट्टी भैर निकली दींनि। अर पिता परमेश्वर ल कै तैं भि वे जीवन का डाला कु फल तैं खांण से रुकणु कु वे बगीचा का प्रवेश द्वार पर शक्तिशाली स्वर्गदूतों तैं पैहरा दींणु कु लगै दींनि कि कुई भि वे डाला का फल तैं खै नि साको।

*उत्पत्ति अध्याय 3 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_02_128kbps.m4a

## 3. बाढ़

https://openbiblestories.org/l/gbm/story-3/

![](https://cdn.door43.org/obs/jpg/360px/obs-en-03-01.jpg)

भौत बगत का बाद, दुनिया मा भौत सैरा लोग रौंदा छा। उ भौत दुष्ट अर अन्यों कन वला हवे गै छा। सब कुछ इथग बुरो हवे गै छो कि पिता पिता परमेश्वर ल आखिर कार फैसला कैरी कि एक बड़ी बाढ़ ल ईं पूरी दुनिया तैं खत्म करै जौ।

![](https://cdn.door43.org/obs/jpg/360px/obs-en-03-02.jpg)

पर पिता परमेश्वर नूह नौं का आदिम बट्टी खुश छो। उ एक धर्मी आदिम छो, जु दुष्ट लुखुं का बीच मा रौंदो छो। पिता परमेश्वर ल नूह तैं बतै कि उ एक विशाल बाड तैं लांण वलो च। इलै, पिता परमेश्वर ल एक बड़ी नाव बनांणु कु बोलि, जु लगभग 140 मीटर लम्बी, 23 मीटर चौड़ी, अर 13.5 मीटर ऊंची छै।

![](https://cdn.door43.org/obs/jpg/360px/obs-en-03-03.jpg)

नूह तैं वीं नाव तैं लखड़ा ल बनांण छो अर वां मा तीन खाना, भौत सि भितर, एक छत अर एक खिड़की बंणै। उ नाव नूह, वेका परिवार, अर धरती का हट किस्म का जानवरों तैं वीं बाड बट्टी बचाली।

![](https://cdn.door43.org/obs/jpg/360px/obs-en-03-04.jpg)

नूह ल पिता परमेश्वर की आज्ञा मांणी। वेल अर वेका तिनी नौंनो ल जन पिता परमेश्वर ल वे तैं बतै छो। किलैकि व नाव भौत बड़ी छै इलै वीं नाव तैं बनांण मा भौत साल लगिनि। नूह ल लुखुं तैं आंण वली बाढ़ का बारा मा चितै अर ऊं तैं पिता परमेश्वर का तरपां फिरणु कु बोलि, पर ऊंल वे पर विश्वास नि कैरी।

![](https://cdn.door43.org/obs/jpg/360px/obs-en-03-05.jpg)

पिता परमेश्वर ल नूह अर वेका परिवार तैं अफु कु अर जानवरों कु पूरो खांणु इकठ्ठा कनु कु भि आज्ञा दींनि। जब सभि कुछ तैयार हवे गै, त पिता परमेश्वर ल नूह कु बोलि, कि यु बगत वेका, वेकी जनन कु, वेका तीन नौंनो कु, अर ऊंकी जननो कु – कुल मिलै के आठ लुखुं को नाव पर जांणों कु छो।

![](https://cdn.door43.org/obs/jpg/360px/obs-en-03-06.jpg)

पिता परमेश्वर ल हर जानवर अर चलखुड़ो का नर अर मादा तैं नूह मा भेजि कि उ नाव मा जै साका अर बाढ़ का बगत ठिक रै सकुनु। पिता परमेश्वर ल इन हर किस्म का जानवरों का सात नर अर सात मादाओं तैं भेजि जूं तैं बलिदान चढांणु कु इस्तेमाल किये जै साकु। जब उ सभि नाव मा पौछि गैनी त अफ ही पिता परमेश्वर ल नाव का द्वार बंद कैरी दींनि।

![](https://cdn.door43.org/obs/jpg/360px/obs-en-03-07.jpg)

तब बरखा हूंण शुरू हवे, अर बरखा हूंणी रै। बगैर रुकयां चालीस दिन अर चालीस रातों तक बरखा हूंणी ही रै। सैरी दुनिया की हर चीज, इख तक की ऊंचा-ऊंचा डाडा भि डूबी गैनी।

![](https://cdn.door43.org/obs/jpg/360px/obs-en-03-08.jpg)

सुखीं धरती पर रांण वली हर चीज मोरि गै, ऊं लुखुं तैं अर जानवरों तैं छोड़ी के। व नाव पांणी पर तैरदे रै अर नाव का भितर की हर चीज तैं डुबण से सुरक्षित रखि।

![](https://cdn.door43.org/obs/jpg/360px/obs-en-03-09.jpg)

बरखा का रुकी जांण का बाद, पांच मैना तक नाव पांणी मा तैरणी रै, अर वे बगत मा फिर पांणी कम हूंण लगि गै। तब एक दिन नाव फिर डांडा की चोटी पर ठैरी गै, पर दुनिया अभि भि पांणी ल भुरीं छै। तीन मैना बाद, डांडों पर की चोटी दिखेण लगि गै।

![](https://cdn.door43.org/obs/jpg/360px/obs-en-03-10.jpg)

तब और चालीस दिनों का बाद, नूह ल एक कवा तैं यु दिखणु कु भेजि कि क्य पांणी सूखी च कि न। उ कवा सुखीं धरती की खोज मा इनै-उनै धूमदी रै, पर वे तैं कुई जगह नि मिली।

![](https://cdn.door43.org/obs/jpg/360px/obs-en-03-11.jpg)

तब बाद मा नूह ल एक कबूतरी तैं भैर भेजि। पर वे तैं भि कुई सुखीं धरती नि मिली, इलै उ नूह मा वापस ऐ गै। एक हफ्ता बाद वेल कबूतरी तैं दुबरा भेजि, अर उ अपड़ा चूंच मा एक जैतून की कुंगली पत्तों की ठोंसि ले के ऐ। पांणि घटणु छो अर पौधा दुबरा उगणी लगी गै छा।

![](https://cdn.door43.org/obs/jpg/360px/obs-en-03-12.jpg)

नूह ल एक हफ्ता और इन्तेजार कैरी अर तिसरी बार वे कबूतरी तैं भेजि। ईं बार, वे तैं रुकणे की जगह मिली जै अर उ वापस नि ऐ किलैकि पांणि सुखणु छो।

![](https://cdn.door43.org/obs/jpg/360px/obs-en-03-13.jpg)

द्वी मैना बाद पिता परमेश्वर ल नूह कु बोलि, "अब तू अर तेरु परिवार अर अभि जानवर नाव बट्टी निकली आवा। बिज्यां नौना-बाला तैं पैदा कैरा अर पृथ्वी मा भूरे जावा। " तब नूह अर वेको परिवार नाव बट्टी भैर ऐ गै।

![](https://cdn.door43.org/obs/jpg/360px/obs-en-03-14.jpg)

नूह का नाव बट्टी भैर आंणा का बाद, वेल एक वेदी बंणै अर बलि कु इस्तेमाल कैरी जै सकण वलो हर एक जानवरों मा बट्टी कुछ तैं ले के बलि चढै। पिता परमेश्वर वीं बलि बट्टी भौत खुश हवे अर नूह अर वेका परिवार तैं आशीष दींनि।

![](https://cdn.door43.org/obs/jpg/360px/obs-en-03-15.jpg)

पिता परमेश्वर ल बोलि, "मि वादा करदु कि मनिख्यों द्वारा किये जांण वला बुरा कामों का द्वारा मि फिर कभि धरती तैं श्राप नि दयुलु। मि न त बाढ़ का द्वारा नाश करुलु, जबकि मनिख अपड़ा बचपन बट्टी ही पापी च।

![](https://cdn.door43.org/obs/jpg/360px/obs-en-03-16.jpg)

फिर परमेश्वर ल अपड़ी वाचा का रूप मा पैलो मेघधनुष बंणै। जब कभि भि मेघधनुष दिखै दींद, त पिता परमेश्वर याद करलो कि वेल क्य वादा अर उन ही वेका लोग भि याद करला।

*उत्पप्ति 6-8 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_03_128kbps.m4a

## 4. अब्राहम का दगड़ी पिता परमेश्वर की वाचा

https://openbiblestories.org/l/gbm/story-4/

![](https://cdn.door43.org/obs/jpg/360px/obs-en-04-01.jpg)

बाढ़ आंण का भौत साल बाद, दुनिया मा भौत सा लोग रौंदा छा, अर ऊंल फिर दुबरा अर एक हैंका का विरुध मा पाप कैरी। किलैकि उ भौत भाषाओं तैं बुल्दा छा, इलै उ कठ्ठा ह्वीनि अर अपड़ो ही नगर बनांण लगि गैनी जन पिता परमेश्वर ल आज्ञा दये छै, वीं आज्ञा का अनुसार उ दुनिया मा नि फैलेनि।

![](https://cdn.door43.org/obs/jpg/360px/obs-en-04-02.jpg)

उ भौत घमंडी छा, अर ऊं तैं कन जीवन जींण च्याणु च ये बारा मा उ पिता परमेश्वर की आज्ञा कु पालन नि कन चांद छा। इख तक कि ऊंल एक इन मीनार बनांण शुरु कैरी जु स्वर्ग तक पौछलु। पिता परमेश्वर ल देखि कि जु उ दगड़ी मिली के बुरा काम कना राला, त उ भौत पाप अर बुरा कामों तैं कना राला।

![](https://cdn.door43.org/obs/jpg/360px/obs-en-04-03.jpg)

इलै पिता परमेश्वर ल ऊंकि भाषा तैं भौत सी अलग भाषाओं मा बदली दींनि अर ऊं लुखुं तैं दुनिया मा फैले दींनि। जै नगर तैं ऊंल बनांण शुरू कैरी वे कु बाबेल बुल्दींनि, ज्यांकु मतलब च "गड़बडी"।

![](https://cdn.door43.org/obs/jpg/360px/obs-en-04-04.jpg)

कई सालों का बाद, पिता परमेश्वर ल अब्राहम नौ का एक आदिम बट्टी बात कैरी। पिता परमेश्वर ल वे बट्टी बोलि, "अपड़ा परिवार अर देश तैं छोड़ि के वे देश जना चलि जा, जै तैं मि त्वे तैं दिखौलु। मि त्वे तैं आशीष द्युलु अर त्वे तैं एक बड़ी जाति बणौलु। मि तेरा नौं तैं महिमा दयुलु। जु त्वे तैं आशीष द्यालो मि वे तैं आशीष द्युलु, अर जु त्वे तैं श्राप द्यालो वे तैं मि श्राप द्युलु। तेरा कारण दुनिया का हर कुल आशीष पाला।"

![](https://cdn.door43.org/obs/jpg/360px/obs-en-04-05.jpg)

तब अब्राहम ल पिता परमेश्वर की आज्ञा मांणी। वेल अपड़ी जनन सारै तैं ले, अपड़ा सभि नौकरों अर अपड़ी सैरी सम्पति समेत अर उ कनान देश कु चलि गैनी जु पिता परमेश्वर ल ऊं तैं दिखै छो।

![](https://cdn.door43.org/obs/jpg/360px/obs-en-04-06.jpg)

जब अब्राहम कनान पौंछि त पिता परमेश्वर ल ऊं बट्टी बोलि, "अपड़ा चौतरफ देख। मि त्वे तैं यु सैरो देश द्युलु अर तेरा वंशज हमेशा यां पर अधिकार रखला।" तब अब्राहम वे देश म चलि गै।

![](https://cdn.door43.org/obs/jpg/360px/obs-en-04-07.jpg)

मलिकिसिदक नौ कु एक आदिम छो जु पिता परमेश्वर कु याजक छो। एक दिन जब अब्राहम लड़ै कना का बाद आंणु छो त मलिकिसिदक वे बट्टी मिली। मलिकिसिदक ल अब्राहम तैं आशीष दींनि अर बोलि, "सबसे बड़ो पिता परमेश्वर जु स्वर्ग अर धरती कु मालिक च उ त्वे तैं आशीष द्यो।" तब अब्राहम ल लड़ै मा जींतीं चीजों कु दशमांश मलिकिसिदक तैं दींनि।

![](https://cdn.door43.org/obs/jpg/360px/obs-en-04-08.jpg)

भौत साल बीती गैनी, पर अभि भि अब्राहम अर सारै की कुई सन्तान नि ह्वे छै। पिता परमेश्वर ल अब्राहम बट्टी बात कैरी अर तब वे बट्टी वादा कैरी कि तेरु एक नौंनो होलो अर जन आसमान मा गैंणा छिनी उन ही वेका भि भौत वंशज होला। अब्राहम ल पिता परमेश्वर का वादा पर विश्वास कैरी। पिता परमेश्वर ल बतै कि अब्राहम एक धर्मी आदिम छो किलैकि वेल परमेश्वर का वादा पर विश्वास कैरी।

![](https://cdn.door43.org/obs/jpg/360px/obs-en-04-09.jpg)

तब पिता परमेश्वर ल अब्राहम बट्टी वाचा बांधि। पिता परमेश्वर ल अब्राहम बट्टी यु वादा तब कैरी छै जब अब्राहम नींद मा सियूँ छो, पर उ तब भि पिता परमेश्वर तैं सूंणि सकदु छो। पिता परमेश्वर ल बोलि, "मि त्वे तैं एक तेरु अपड़ो नौंनो द्युलु। मि तेरा वंशजों तैं यु कनान देश द्युलु।" पर अभि भि अब्राहम कि कुई सन्तान नि छै।

*उत्पति अध्याय 11-15 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_04_128kbps.m4a

## 5. वादा कु नौंनो

https://openbiblestories.org/l/gbm/story-5/

![](https://cdn.door43.org/obs/jpg/360px/obs-en-05-01.jpg)

अब्राम अर सारै का कनान देश पौछणा का दस साल बाद, अभि तक ऊंकि क्वी सन्तान नि छै। इलै, अब्राम की जनन सारै ल वे बट्टी बोलि, "देख पिता परमेश्वर ल अभि तक मि तैं सन्तान नि दींनि, अर अब मि सन्तान पैदा कनु कु भौत बुढ्या ह्वे ग्यों अब सूंण मेरी दासी हाजिरा इख च। वीं बट्टी ब्यो कौर कि उ मि कु सन्तान पैदा कैरो।"

![](https://cdn.door43.org/obs/jpg/360px/obs-en-05-02.jpg)

तब अब्राम ल हाजिरा दगड़ी ब्यो कैरी। हाजिरा कु एक नौंनो ह्वे, अर अब्राम ल वे नौंनो कु नौं इश्माएल रखि। पर सारै हाजिरा बट्टी जलन रखण लगि गै। जब इश्माएल तेरह बर्ष कु छो, पिता परमेश्वर ल तब दुबरा अब्राम दगड़ी बात कैरी।

![](https://cdn.door43.org/obs/jpg/360px/obs-en-05-03.jpg)

पिता परमेश्वर ल बोलि, "मि सर्व-शक्तिमान परमेश्वर छो। मि त्वे दगड़ी एक वादा करदु।" तब अब्राम ल धरती मा पोड़ी के परमेश्वर तैं नमस्कार कैरी। पिता परमेश्वर ल अब्राम बट्टी यु भि बोलि, "तू भौत सी जातियों कु बुबा हवेलि। मि त्वे तैं अर तेरा वंशजों तैं कनान देश ऊं की अपड़ी धरती कनु कु दये दयुलु अर मि हमेशा कु ऊंको परमेश्वर हवे जौलु। त्वे तैं अपड़ा घौर का हर आदिम कु खतना कन होलो।"

![](https://cdn.door43.org/obs/jpg/360px/obs-en-05-04.jpg)

"तेरी जनन सारै एक नौंना तैं जन्म दयाली –उ वादा कु नौंनो होलो। वेको नौं इसहाक रखयां। मि वेका दगड़ा अपड़ा वादा तैं पूरो करुलु अर उ एक बड़ी जाति बंणि जाली। मि इश्माएल तैं भि एक बड़ी जाति बंणौलु, पर मेरु वादा इसाहक दगड़ी रालो।" तब पिता परमेश्वर ल अब्राम कु नौं बदली के अब्राहम रखि दींनि, ज्यांको मतलब "भौतों कु बुबा "। पिता परमेश्वर ल सारै कु नौं बदली के सारा रखि दींनि, ज्यांको मतलब च "मूल ब्वे"।

![](https://cdn.door43.org/obs/jpg/360px/obs-en-05-05.jpg)

वे दिन अब्राहम ल अपड़ा घौर का सभि आदिमों कु खतना करे।लगभग एक साल बाद, जब अब्राहम 100 बर्ष कु हवे अर सारा 90 बर्ष की हवे, तब सारा ल अब्राहम का नौंना तैं जन्म दींनि। जन पिता परमेश्वर ल वे बट्टी बोलि छो ऊंल वे नौंनो कु नौं इसाहक रखि।

![](https://cdn.door43.org/obs/jpg/360px/obs-en-05-06.jpg)

जब इसाहक जवान हवे त पिता परमेश्वर ल अब्राहम की अजमेश कैरी की, पिता परमेश्वर ल बोलि, "अपड़ा एकलौता नौंना तैं अफ दगड़ी ले, अर वे तैं मि कु बलिदान का रूप मा मारि दये।"तब अब्राहम ल पिता परमेश्वर की आज्ञा मांणी अर अपड़ा नौंना तैं बलि कनु कु तैयार हवे गै।

![](https://cdn.door43.org/obs/jpg/360px/obs-en-05-07.jpg)

जब अब्राहम अर इसाहक बलि चढाणु कु वीं जगह पर जांण लगी गै त इसाहक ल पूछि, "हे बुबा, हम मा बलि कनु कु लखडा त छिनी, पर बलिदान कनु कु चिनखो कख च?" अब्राहम ल जवाब दींनि, "मेरा नौंना, पिता परमेश्वर अफ ही बलि कनु कु चिनखो कु इन्तेजाम करलो।"

![](https://cdn.door43.org/obs/jpg/360px/obs-en-05-08.jpg)

जब उ बलि कना का वीं जगह पर एनी, त अब्राहम ल इसाहक तैं बांधि के वेदी का मथि पुडे दींनि। उ अपड़ा नौंना तैं मरण ही वलो छो कि पिता परमेश्वर ल बोलि, "रुकि जा! नौंना तैं नुकसान नि पौंछो! अब मि जांणी ग्यो कि तु मेरी डौर मंणदी छै किलैकि तु अपड़ा नौंना तैं भि बलिदान कन से पिछनै नि रै।"

![](https://cdn.door43.org/obs/jpg/360px/obs-en-05-09.jpg)

समणी मा ही अब्राहम ल एक खाडू देखि जु कि झिबलांण मा फंसयूं छो। इसाहक का बदला पिता परमेश्वर ल खाडू को इन्तेजाम कैरी छो। अब्राहम ल खुशी-खुशी खाडू की बलि चढै।

![](https://cdn.door43.org/obs/jpg/360px/obs-en-05-10.jpg)

तब पिता परमेश्वर ल अब्राहम बट्टी बोलि, " किलैकि तू मि कु सभि कुछ दींणु कु इच्छूक छै,इख तक कि अपड़ा एकलौता नौंना तैं भि बलिदान कनु कु दे दींनि, इलै मि त्वे तैं आशीष दींणो कु वादा करदु। तेरा वंशज आसमान का गैंणो बट्टी भि ज्यादा होला। किलैकि तिल मेरी आज्ञाओं तैं मांणी इलै मि तेरा परिवार का द्वारा दुनिया का सभि कुलों तैं आशीष दयुलु।"

*उत्पति अध्याय 16-22 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_05_128kbps.m4a

## 6. पिता परमेश्वर इसाहक कु इन्तेजाम करद

https://openbiblestories.org/l/gbm/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम भौत बुढिया हवे गै छो तब वेको नौंनो इसाहक एक आदिम की उम्र कु हवे गै छो। इलै अब्राहम ल अपड़ा एक नौंकर तैं वे देश कु भेजि जख वेका रिश्तेदार रौंदा छा, कि उ अपड़ा नौंना इसाहक कु एक जनन लै साको।

![](https://cdn.door43.org/obs/jpg/360px/obs-en-06-02.jpg)

एक भौत बड़ी यात्रा कना का बाद, अब्राहम कु नौकर वे देश जना गै, जख वेका रिश्तेदार रौंदा छा वे देश जने जांणु कु पिता परमेश्वर ल वे नौकर की अगवाई कैरी, कि उ रिबका बट्टी मिलो, वा अब्राहम की भये की नत्येण छै

![](https://cdn.door43.org/obs/jpg/360px/obs-en-06-03.jpg)

रिबका अपड़ा परिवार तैं छोड़ीं के वे नौकर का दगड़ी वापस जांणु कु मांणी ग्ये। जन ही रिबका उख पौंछिनि इसाहक ल वीं दगड़ी ब्यो कैरी।

![](https://cdn.door43.org/obs/jpg/360px/obs-en-06-04.jpg)

भौत बगत का बाद, अब्राहम मोरि ग्ये। तब पिता परमेश्वर ल अब्राहम का नौंना इसाहक तैं, आशीष दींनि किलैकि पिता परमेश्वर ल अब्राहम दगड़ी वादों करयूं छो। वीं वाचा मा पिता परमेश्वर कु वादा करयूं छो कि अब्राहम का बिज्यां वंशज होला। पर इसाहक की जनन रिबका की संतान पैदा नि ह्वे।

![](https://cdn.door43.org/obs/jpg/360px/obs-en-06-05.jpg)

इसाहक ल रिबका कु प्रार्थना कैरी, अर परमेश्वर ल वीं तैं जोंल्या बच्चों कु गर्भ धारण कने की शक्ति द्ये। जीं बगत उ बच्चा रिबका का गर्भ मा छा उ आपस मा लड़ण लगि गैनी, इलै कु कुछ हूंणु छो उ रिबका ल पिता परमेश्वर तैं बतै।

![](https://cdn.door43.org/obs/jpg/360px/obs-en-06-06.jpg)

पिता परमेश्वर ल रिबका कु बोलि, "तू द्वी नौंनो तैं जन्म दींलि। ऊंका वंशज द्वी अलग-अलग जातियों तैं बणांला। उ एक दूसरा बट्टी लड़ला। पर बड़ा नौंनो बट्टी पैदा हूंण वली जाति तैं छुटा नौंना बट्टी आंण वली जाति की आज्ञा मंनण पुडेली।"

![](https://cdn.door43.org/obs/jpg/360px/obs-en-06-07.jpg)

जब रिबका का नौंनो कु जन्म ह्वे, त बड़ो नौंनो लाल अर रुवांदार छो, अर ऊंल वेको नौं एसाव रखी। तब छुटो नौंनो एसाव की एडी तैं पकड़ी के पैदा ह्वे, अर ऊंल वेको नौ याकूब रखि।

*उत्पत्ति अध्याय 24:1-25:26 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_06_128kbps.m4a

## 7. पिता परमेश्वर याकूब तैं आशीष दींद

https://openbiblestories.org/l/gbm/story-7/

![](https://cdn.door43.org/obs/jpg/360px/obs-en-07-01.jpg)

जब उ बच्चा बड़ा हविनि त याकूब तैं अपड़ा घौर मा रौंण अच्छो लगदु छो, पर एसाव तैं जानवरों कु शिकार कन अच्छो लगदु छो। रिकबा याकूब तैं खूब मंण दी छै, पर इसाहक एसाव तैं खूब मंणदु छो।

![](https://cdn.door43.org/obs/jpg/360px/obs-en-07-02.jpg)

एक दिन, जब एसाव शिकार कैरी के वापस ऐ त वे तैं भौत भूख लगि। एसाव ल याकूब कु बोलि, "जु तेरु पक्यूं च वांमा बट्टी थोड़ सी मि तैं दे दी।" याकूब ल जवाब दये, "पैली मि बट्टी वादा कैर कि पैलो नौंनो हूंण का कारण से हर एक चीज जु त्वे तैं मिलण चयणी च, उ सभि मि तैं दीलि।" तब एसाव ल ऊं सभि चीजों तैं याकूब तैं दींणो कु वादा कैरी दींनि। तब याकूब ल वे तैं थोड़ा सी खांणु दींनि।

![](https://cdn.door43.org/obs/jpg/360px/obs-en-07-03.jpg)

इसाहक एसाव तैं आशीष दींण चांदु छो। पर यांसे पैली की उ इन करदु, रिबका अर याकूब ल याकूब कु एसाव हूंण कु ढोंग कैरी के वे दगड़ी धोखा कैरी। इसाहक बुढिया छो अर देखि नि सकदु छो। इलै याकूबब ल एसाव का कपड़ा पैरिनि अर बखरा का खलडा तैं अपड़ा गौला अर हाथों पर लपेटी दींनि।

![](https://cdn.door43.org/obs/jpg/360px/obs-en-07-04.jpg)

याकूब इसाहक का समणी ऐ अर बोलि, "मि एसाव छो।मि इलै अयूं छो कि तू मि तैं आशीष दे।" जब इसाहक ल बखरा का खलडा तैं महसूस कैरी अर कपड़ों तैं सूंगी,त वेल सोचि कि उ एसाव च अर वे तैं आशीष दींनि।

![](https://cdn.door43.org/obs/jpg/360px/obs-en-07-05.jpg)

एसाव ल याकूब दगड़ी जलन रखि किलैकि याकूब ल वेका पैला नौंना का अधिकार तैं अर दगड़ा मा वेकी आशीषों तैं भि चोरेले छो। तब वेल अपड़ा बुबा का मुरणा का बाद याकूब तैं मरणै की योजना बंणै।

![](https://cdn.door43.org/obs/jpg/360px/obs-en-07-06.jpg)

पर रिबका ल एसाव की योजना तैं सूंणी दींनि। इलै वेल अर इसाहक ल याकूब तैं वेका रिश्तेदारों का दगड़ी रौंणु कु भौत दूर भेजि।

![](https://cdn.door43.org/obs/jpg/360px/obs-en-07-07.jpg)

याकूब भौत सालों तक रिबका का रिश्तेदारों का दगड़ी रे। वे बगत वेल ब्यो कैरी अर बारह नौंनो तैं अर एक नौंनि तैं पैदा कैरी। पिता परमेश्वर ल वे तैं भौत अमीर बंणै।

![](https://cdn.door43.org/obs/jpg/360px/obs-en-07-08.jpg)

बीस सालों तक कनान देश मा अपड़ा घौर बट्टी दूर रौंणा का बाद, याकूब अपड़ा परिवार, अपड़ा नौकरों, अर अपड़ा जानवरों का सैरा झुंडों का दगड़ी उख वापस लौटी।

![](https://cdn.door43.org/obs/jpg/360px/obs-en-07-09.jpg)

याकूब इलै भौत डरयूं छो किलैकि वेल सोचि कि एसाव अभि भि याकूब तैं मरण चांणु छो। इलै वेल तौफा मा जानवरों का झुण्ड एसाव मा भेजि। जु नौकर ऊं झुंडों तैं ले के ग्यूं छो ऊंल बोलि, "तेरु दास याकूब, यूं जानवरों तैं त्वे तैं दीं। उ जल्दी ही आंणु च।"

![](https://cdn.door43.org/obs/jpg/360px/obs-en-07-10.jpg)

पर अब एसाव अब याकूब तैं नुकसान नि पौंछांण चांदु छो। यांका बाद, उ वे तैं एक बार फिर से देखि के भौत खुश हवे। वांका बाद याकूब कनान मा खुश हवे के रै। तब इसाहक मोरि ग्ये अर याकूब अर एसाव ल वे तैं दफनै। वाचा कु वादा जु पिता परमेश्वर ल अब्राहम बट्टी कैरी छै उ अब एसाव अर याकूब पर ऐ गै छै।

*उत्पत्ति अध्याय 25:27-35:29 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_07_128kbps.m4a

## 8. पिता परमेश्वर यूसूफ अर वेका परिवार तैं बचांद

https://openbiblestories.org/l/gbm/story-8/

![](https://cdn.door43.org/obs/jpg/360px/obs-en-08-01.jpg)

याकूब का कनान देश मा रांद भौत सालों हवे ग्ये छा, जब याकूब बुढिया हवे, त वेल अपड़ा प्रिय नौंना यूसूफ तैं वेका भयों कु हाल-चाल पुछणु कु भेजि वेका भै जानवरों का झुण्ड की देखभाल करना छा।

![](https://cdn.door43.org/obs/jpg/360px/obs-en-08-02.jpg)

यूसूफ का भये वे बट्टी जलन करदा छा किलैकि वेको बुबा वे बट्टी भौत प्रेम करदु छो अर इलै भि कि यूसूफ ल सुप्न्यो देखि छो कि उ, ऊं सभि कु शासक ह्वे गै। जब यूसूफ अपने भयों मा ऐ त ऊंल वे तैं बंधक बंणै दींनि अर वे तैं नौकरों को व्यापार कन वलो मा बेचि दींनि।

![](https://cdn.door43.org/obs/jpg/360px/obs-en-08-03.jpg)

घर वापस लौटण से पैली यूसूफ का भयों ल यूसूफ का कपड़ों तैं फाडी दींनि अर बखरा का ल्वे मा भिगे दींनि। फिर ऊंल उ कपड़ा अपड़ा बुबा तैं दिखै कि उ यु सुचलो कि कै जंगली जानवर ल यूसूफ तैं मारि होलो। याकूब भौत उदास छो।

![](https://cdn.door43.org/obs/jpg/360px/obs-en-08-04.jpg)

नौकरों कु व्यापार कन वला उ लोग यूसूफ तैं मिस्र देश ली गैनी। नील गाड का छाला पर बस्यूं मिस्र एक बडो अर शक्तिशाली देश छो। ऊं नौकरों का व्यापार कन वलोल यूसूफ तैं एक अमीर सरकारी अधिकारी तैं नौकर का रूप मा बेचि दींनि। यूसूफ ल अपड़ा स्वामी की भौत अच्छा ढंग ल सेवा कैरी, अर पिता परमेश्वर ल यूसूफ तैं आशीष दींनि।

![](https://cdn.door43.org/obs/jpg/360px/obs-en-08-05.jpg)

वेक स्वामी की जनन ल यूसूफ का दगड़ी स्यूंणै की कोशिश कैरी,पर यूसूफ ल परमेश्वर का विरूद्ध मा पाप कन से मना कैरी दींनि। वा गुस्सा हवे अर वीं ल यूसूफ पर झूटो आरोप लगै दींनि, इलै वे तैं गिरफ्तार कैरी के जेलखना मा भेजि दींनि। ईख तक की जेलखना मा भि, यूसूफ पिता परमेश्वर का प्रति सच्चो रै, अर पिता परमेश्वर ल वे तैं आशीष दींनि।

![](https://cdn.door43.org/obs/jpg/360px/obs-en-08-06.jpg)

द्वी साल का बाद, निर्दोष हूंण पर भि यूसूफ अभि भि जेलखना मा ही छो, जब की उ छो। एक रात, फिरौन, जन कि मिस्री लोग अपड़ा राजाओं तैं पुकरदा छा, वेल द्वी स्वीपना दिखिनि जों स्वीपनो ल वे तैं भौत परेशान कैरी दींनि। वेको कुई भि सला दींण वलो वे तैं ऊं स्वीपनो कु मतलब नि बतै साकी।

![](https://cdn.door43.org/obs/jpg/360px/obs-en-08-07.jpg)

पिता परमेश्वर ल यूसूफ तैं स्वीपना को मतलब बतांण की क्षमता प्रदान कैरी, इलै फिरौन ल यूसूफ तैं जेलखना बट्टी अफ म बुलै। यूसूफ ल वे तैं ऊं स्वीपनो कु मतलब बतै अर बोलि, "पिता परमेश्वर भरपूरी की फसलों वला सात सालों का बाद अकाल का सात सालों तैं भिजण वलो च।"

![](https://cdn.door43.org/obs/jpg/360px/obs-en-08-08.jpg)

फिरौन यूसूफ बट्टी भौत खुश ह्वे कि वेल यूसूफ तैं मिस्र कु दुसरो सबसे शक्तिशाली आदिम बंणै।

![](https://cdn.door43.org/obs/jpg/360px/obs-en-08-09.jpg)

यूसूफ ल लुखुं बट्टी अच्छी फसलों वला सात सालों का दौरान बड़ी मात्रा मा खांणु तैं जमा कनु कु बोलि। जब सात सालों कु आकाल ऐ तब यूसूफ ल लुखुं तैं उ खांणु बेचि कि ऊं मा खांणु पूरो हो।

![](https://cdn.door43.org/obs/jpg/360px/obs-en-08-10.jpg)

उ अकाल बस मिस्र देश मा ही न पर कनान देश मा भि खतरनाक छो जख याकूब अर वेको परिवार रौंदु छो।

![](https://cdn.door43.org/obs/jpg/360px/obs-en-08-11.jpg)

इलै याकूब ल अपड़ा सबसे बड़ा नौंना तैं खांणु खरीदणु कु मिस्र देश भेजि। जब उ खांणु खरीदणु कु यूसूफ का समणी खड़ो ह्वे त ऊं भयों ल यूसूफ तैं नि पैछांणी। पर यूसूफ ल ऊं तैं पैछांण दींनि।

![](https://cdn.door43.org/obs/jpg/360px/obs-en-08-12.jpg)

यू मालूम कनु कु कि क्य उ बदली गैनी ऊंकी जांच कना का बाद, यूसूफ ल बोलि, "मि तेरु भये यीशु छो! नि डैरा। जब तुम ल मि तैं नौकर का रूप मा बेचि छो त तुम ल बुरै कैरी छै, पर पिता परमेश्वर ल वीं बुरै तैं भले कु इस्तेमाल कैरी! आवा अर मिस्र मा रा कि मि तेरा अर तेरा परिवारों कु खांणु कु इन्तेजाम कैरी साकु।"

![](https://cdn.door43.org/obs/jpg/360px/obs-en-08-13.jpg)

जब यूसूफ का भये घौर वापस ऐनी अर अपड़ा बुबा यूसूफ तैं बतै कि यूसूफ अभि भि ज्यूंदो च त उ भौत खुश छो।

![](https://cdn.door43.org/obs/jpg/360px/obs-en-08-14.jpg)

जब कि याकूब एक बुढिया आदिम छो तब भि उ अपड़ा पूरा परिवार का दगड़ी मिस्र देश कु चलि गै, अर उ उख बसी गैनी। याकूब का मुरण से पैली, वेल अपड़ा हर एक नौंना तैं आशीर्वाद दींनि।

![](https://cdn.door43.org/obs/jpg/360px/obs-en-08-15.jpg)

वाचा कु उ वादा जु पिता परमेश्वर ल अब्राहम बट्टी कैरी छै उ इसाहक अर अर वेका बाद याकूब, अर वेका बाद वेका बारह नौंनो अर वेका परिवारों पर ऐ गै छै। ऊं बारह नौंनो का वंशज इस्राएल का बारह गोत्र बणि गैनी।

*उत्पत्ति अध्याय 37-50 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_08_128kbps.m4a

## 9. पिता परमेश्वर मूसा तैं बुलांद

https://openbiblestories.org/l/gbm/story-9/

![](https://cdn.door43.org/obs/jpg/360px/obs-en-09-01.jpg)

यूसूफ का मुरण का बाद वेका सब रिशतेदार मिस्र देश मा ही रौंण लगि गैनी। उ अर वेका वंशज भौत सालों बाद तक मिस्र देश मा ही रैनी अर ऊंल भौत संतान पैदा हवीनि। उ इस्राएली कहलेनि।

![](https://cdn.door43.org/obs/jpg/360px/obs-en-09-02.jpg)

भौत सालों का बाद, इस्राएलियो की संख्या भौत ज्यादा बढ़ी गै छै। अर मिस्री लोग अब ईं बात कु आभारी नि छा कि ऊं की मदद कनु कु यूसूफ ल भौत कुछ कैरी छो। उ इस्राएलियो बट्टी डैरी गैनी किलैकि उ संख्या मा ऊं बट्टी भौत छा। इलै वे बगत मिस्र पर शासन कन वलो फिरौन ल इस्राएलियो तैं मिस्रियों कु नौकर बंणै दींनि।

![](https://cdn.door43.org/obs/jpg/360px/obs-en-09-03.jpg)

मिस्रियों ल इस्राएलियो तैं भौत सी इमारतों अर इख तक कि भौत सी नगरों तैं बनांणु कु मजबूत कैरी। ऊंल भौत मेहनत कैरी पर फिर वेल उतैं भौत दुःख दींनि, पर पिता परमेश्वर ल ऊं तैं आशीष दींनि अर ऊंकी और भि ज्यादा सन्तान पैदा हवीनि।

![](https://cdn.door43.org/obs/jpg/360px/obs-en-09-04.jpg)

फिरौन ल देखी कि इस्राएलियो का भौत सी सन्तान पैदा हूंणी छिनी, इलै वेल अपड़ा लुखुं तैं इस्राएलियो का सभि नौंनो तैं नील गाड मा फेकी के मारि दींणे की आज्ञा दींनि।

![](https://cdn.door43.org/obs/jpg/360px/obs-en-09-05.jpg)

एक खास इस्राएली जनन ल एक नौंना तैं जन्म दींनि। वीं ल अर वीं का जवें ल जथग हवे सकदु छो वे नौंना तैं छुपै के रखि।

![](https://cdn.door43.org/obs/jpg/360px/obs-en-09-06.jpg)

जब नौंना का ब्वे-बाब वे तैं और नि छिपै सकिनि, त ऊंल वे तैं मारेण से बचांणु कु एक तैरण वली ठुपरी मा नील गाड का छाला पर निगला का बीच मा छोड़ी दींनि। वीं कि बड़ी बैंण यु दिखणु कु वेकी निगरानी कन लगी कि वे दगड़ी क्य होलो।

![](https://cdn.door43.org/obs/jpg/360px/obs-en-09-07.jpg)

फिरौन की नौंनि ल वीं ठुपरी तैं देखि के वेका भितर झांकी। त एक बच्चा तैं देखि त वीं ल वे तैं अपड़ा नौंना का रूप मा ले लींनि। वीं ल एक इस्राएली जनन तैं वे तैं दूध पिलांणु कु काम पर रखि दींनि, बगैर यु जणयां कि उ वे नौंने कि ही ब्वे च। जब नौंनो इथग बड़ों हवे गै कि अब वे तैं अपड़ी ब्वे की दूध कि जरूरत नि छै, त वेल फिरौन की नौंनि मा वापस भेजि दींनि,अर वेको नौ मूसा छो।

![](https://cdn.door43.org/obs/jpg/360px/obs-en-09-08.jpg)

एक दिन, जब मूसा बड़ो हवे गै छो, त वेल देखि कि एक मिस्री एक इस्राएली तैं पिटणु च। मूसा ल अपड़ा दगड़िया इस्राएली तैं बचांण की कोशिश कैरी।

![](https://cdn.door43.org/obs/jpg/360px/obs-en-09-09.jpg)

जब मूसा ल सोचि कि वे तैं कुई नि दिखलो त मूसा ल वे मिस्री तैं मारि दींनि अर वेकी लांश तैं खडै दींनि। पर मूसा ल जु कैरी छो वे तैं कैल नि देखि छो।

![](https://cdn.door43.org/obs/jpg/360px/obs-en-09-10.jpg)

फिरौन तैं पता चली गै कि मूसा ल क्य कैरी। वेल मूसा तैं मारि डलण की कोशिश कैरी, पर मूसा जंगल बट्टी भागी गै। फिरौन का सिपै वे तैं जंगल मा खुजै नि सकिनि।

![](https://cdn.door43.org/obs/jpg/360px/obs-en-09-11.jpg)

मिस्र बट्टी दूर जंगल मा एक चरवाहा बंणि ग्ये छो। वेल उख एक जनन बट्टी ब्वो कैरी ऐ द्वी नौंनो तैं पैदा कैरी।

![](https://cdn.door43.org/obs/jpg/360px/obs-en-09-12.jpg)

मूसा अपड़ा ससुर का ढिबरों का झुण्ड की रखवली करदु छो। एक दिन, वेल जगदा झिबलांण तैं देखि ज्वा भस्म हुयां बगैर जगणी छै। वीं तै दिखणु कु उ वीं झिबलांण का समणी ग्ये। जब उ वींका और नजीक गै त पिता परमेश्वर ल वे दगड़ी बात कैरी। परमेश्वर ल बोलि, "हे मूसा, अपड़ा जुतों तैं उतारी दे। तू एक पवित्र जगह पर खड़ो छै।"

![](https://cdn.door43.org/obs/jpg/360px/obs-en-09-13.jpg)

पिता परमेश्वर ल बोलि, "मिल अपड़ा लुखुं का दुखों तैं देखि। मि त्वे तैं फिरौन मा भिजुलु कि तू इस्राएलियो तैं मिस्र देश की गुलामी बट्टी निकली के लौ। मि वे तैं कनान देश दयुलु, उ देश जैको मिल अब्राहम, इसाहक अर याकूब बट्टी वादा कैरी।"

![](https://cdn.door43.org/obs/jpg/360px/obs-en-09-14.jpg)

मूसा ल पूछि, "जु लुखुं ल जनण चाही कि मि तैं कैल भेजि त मि क्य बोलु?" पिता परमेश्वर ल बोलि, "जु मि छो सु छो। वेल बोलि, 'मि छो ल मि तैं त्वे मा भेजि।' ऊं बट्टी यु भि बोल, 'मि तुम्हरा पुरणों, अब्राहम, इसाहक, अर याकूब कु परमेश्वर यहोवा छो।' मेरु यु नौ हमेशा कु च।"

![](https://cdn.door43.org/obs/jpg/360px/obs-en-09-15.jpg)

मूसा डरदु छो अर फिरौन मा जांण नि चांदु छो किलैकि वेल सोचि कि उ अच्छा ढंग से नि बोलि सकलो, इलै पिता परमेश्वर ल मूसा का भये, हारून, तैं वेकी मदद कनु कु भेजि।

*निर्गमन अध्याय 1-4 बट्टी बाइबल की एक कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_09_128kbps.m4a

## 10. दस परकोप

https://openbiblestories.org/l/gbm/story-10/

![](https://cdn.door43.org/obs/jpg/360px/obs-en-10-01.jpg)

पिता परमेश्वर ल मूसा अर हारून तैं चेतावनी दींनि कि फिरौन ढीट बंणी जालो। जब उ फिरौन मा गैनी त ऊंल बोलि, "इस्राएल कु पिता परमेश्वर यु बुल्द, 'मेरा लुखुं तैं जांण द्या!'" पर फिरौन ल ऊंकी बात नि सूंणी अर इस्राएलियों तैं जांणु कु आजाद नि कैरी अर ऊं तैं और भि ज्यादा सतांण लगी गै।

![](https://cdn.door43.org/obs/jpg/360px/obs-en-10-02.jpg)

फिरौन ऊं लुखुं तैं बार जांण से मना कनु रै, इलै पिता परमेश्वर ल मिस्र देश पर दस परकोप भिजिनि। यूं परकोप का द्वारा, पिता परमेश्वर ल फिरौन तैं दिखै कि उ फिरौन अर मिस्र देश का दिबतों बट्टी ज्यादा शक्तिशाली च।

![](https://cdn.door43.org/obs/jpg/360px/obs-en-10-03.jpg)

पिता परमेश्वर ल नील गाड तैं ल्वे मा बदली दींनि, पर फिरौन ल तब भि इस्राएलियों तैं नि जांण दींनि।

![](https://cdn.door43.org/obs/jpg/360px/obs-en-10-04.jpg)

पिता परमेश्वर ल सैरा मिस्र देश मा मिंढका भिजिनि। फिरौन ल मिंढकों तैं दूर कनु खुंणि मूसा बट्टी बिनती कैरी। पर सब मिंढका का मोरि जांण का बाद, फिरौन ल अपड़ा मं तैं ढीट कैरी अर इस्राएलियों तैं मिस्र देश बट्टी नि जांण दींनि।

![](https://cdn.door43.org/obs/jpg/360px/obs-en-10-05.jpg)

इलै पिता परमेश्वर ल डांसों कु परकोप भेजि। फिरौन ल मूसा अर हारून तैं बुलै अर ऊं बट्टी बोलि कि जु उ ये परकोप तैं रोकि द्या त इस्राएली मिस्र तैं छोड़ी के जै सकदींनि। जब मूसा ल पिता परमेश्वर बट्टी प्रार्थना कैरी त पिता परमेश्वर ल मिस्र देश पर बट्टी डांसों तैं हटे दींनि। पर फिरौन ल अपड़ा मं तैं और भि ढीट कैरी अर ऊं लुखुं तैं आजाद ह्वे के जांण नि दींनि।

![](https://cdn.door43.org/obs/jpg/360px/obs-en-10-06.jpg)

यांका बाद, पिता परमेश्वर ल मिस्रियों का सभि पालतू गोरूं तैं बिमार कैरी के मोरि जांण दींनि। पर फिरौन कु मं त ढीट ही हुंदी रै अर वे इस्राएलियों तैं जांण नि दींनि।

![](https://cdn.door43.org/obs/jpg/360px/obs-en-10-07.jpg)

तब पिता परमेश्वर ल मूसा बट्टी फिरौन का समणी बथौं मा राखो ढुलणु कु बोलि। जब वेल इन कैरी त मिस्र देश का लुखुं की चमडी पर पिडा दींण वला फोड़ा निकलण लगी गैनी, पर इस्राएलियों तैं कुछ बि नि ह्वे। पिता परमेश्वर ल फिरौन का मं तैं ढीट कैरेले छो, अर फिरौन ल इस्राएलियों तैं आजाद हवे के जांण नि दींनि।

![](https://cdn.door43.org/obs/jpg/360px/obs-en-10-08.jpg)

यांका बाद, पिता परमेश्वर ल ओला गिरेनि अर मिस्र देश की ज्यादा से ज्यादा फसल तैं खत्म कैरी दींनि अर जु कुई भि भैर निकली वे तैं खत्म कैरी दींनि। फिरौन ल मूसा अर हारून तैं बुलै अर ऊं बट्टी बोलि, "मिल पाप कैरी। तुम लोग जै सकदा छा।" तब मूसा ल पिता परमेश्वर बट्टी प्रार्थना कैरी, अर आसमान बट्टी ओला गिरण बंद ह्वे गैनी।

![](https://cdn.door43.org/obs/jpg/360px/obs-en-10-09.jpg)

पर फिरौन ल फिर दुबरा पाप कैरी अर अपड़ा मन तैं ढीट कैरी। वेल इस्राएलियों तैं आजाद ह्वे के जांण नि दींनि।

![](https://cdn.door43.org/obs/jpg/360px/obs-en-10-10.jpg)

तब पिता परमेश्वर ल मिस्र देश पर टिडिडयों का झुण्ड तैं आंण दींनि। यूं टिडिडयों ल ऊं सभि फसलों तैं खै दींनि जौ तैं ओलों ल खत्म नि कैरी छो।

![](https://cdn.door43.org/obs/jpg/360px/obs-en-10-11.jpg)

फिर पिता परमेश्वर ल अंधेरो कैरी दींनि जु तीन दिनों तक बणयूं रै। यु इथग घोर छो कि मिस्री लोग अपड़ा घौर बट्टी नि निकली सकिनि। पर जख इस्राएली लोग रौंदा छा उख उज्यलो ही छो।

![](https://cdn.door43.org/obs/jpg/360px/obs-en-10-12.jpg)

यूं नौ परकोपों का बाद, फिरौन ल इस्राएलियों तैं आजाद हवे के जांण से मना कैरी दींनि। किलैकि फिरौन ल नि सूंणी इलै पिता परमेश्वर ल एक आखरी परकोप तैं भिजणै कि योजना बंणै। यु फिरौन का मन तैं बदली दींनि।

*निर्गमन अध्याय 5-10 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_10_128kbps.m4a

## 11. फसह

https://openbiblestories.org/l/gbm/story-11/

![](https://cdn.door43.org/obs/jpg/360px/obs-en-11-01.jpg)

पिता परमेश्वर ल मूसा अर हारुन तैं फिरौन म यु बुल्णु कु भेजि कि इस्राएलियों तैं जांण दे। ऊंल वे तैं चितै कि जु उ ऊं लुखुं तैं नि जांण दीलि, त पिता परमेश्वर मिस्र देश का लुखुं का अर जानवरों का पैला बच्चों तैं मारि दयालो। फिरौन ल यु सूंणि के भि पिता परमेश्वर पर विश्वास कन से अर ऊंकी बात मंनण से मना कैरी दींनि।

![](https://cdn.door43.org/obs/jpg/360px/obs-en-11-02.jpg)

पिता परमेश्वर ल ऊं पर विश्वास कन वलों पर कैका भि पैला नौंनो तैं बचांणु कु एक योजना तैं बंणै। हर एक परिवार तैं एक निर्दोष चिनखा तैं ले के वे की बलि कन छै।

![](https://cdn.door43.org/obs/jpg/360px/obs-en-11-03.jpg)

पिता परमेश्वर ल इस्राएलियों बट्टी वे चिनखा का ल्वे तैं ले के अपड़ा घौरों का द्वारों पर लगांणु कु बोलि। ऊंल वे चिनखा तैं भुनण छो अर फिर वे तैं अखमीरी रुठी का दगड़ी झट से खांण छो। ऊंल वे खांण तैं खांण का बाद ऊं तैं झट मिस्र देश तैं छुडणु कु भि तैयार रांणु कु बोलि।

![](https://cdn.door43.org/obs/jpg/360px/obs-en-11-04.jpg)

जन कनु को पिता परमेश्वर ल इस्राएलियों तैं आज्ञा दये छै ऊंल वे हिसाब से सभि कुछ कैरी। अधा रात मा, पिता परमेश्वर हर एक पैला नौंना तैं मारि के मिस्र देश का बीच मा बट्टी ह्वे के गै।

![](https://cdn.door43.org/obs/jpg/360px/obs-en-11-05.jpg)

इस्राएलियों का हर एक घौर का द्वारों पर ल्वे लगयूं छो, इलै पिता परमेश्वर ल ऊं घौरों तैं छोड़ी दींनि। ऊंका भितर रांण वला सभि लोग ठिक रौंनि। उ चिनखा का ल्वे का कारण बचि गैनी।

![](https://cdn.door43.org/obs/jpg/360px/obs-en-11-06.jpg)

पर मिस्रियों ल पिता परमेश्वर पर विश्वास नि कैरी अर आज्ञा तैं नि मांणी छो। इलै पिता परमेश्वर ल ऊंका घौरों तैं नि छोड़ी। पिता परमेश्वर ल हर एक मिस्रियों का हर पैला नौंनॉन तैं मारि दींनि।

![](https://cdn.door43.org/obs/jpg/360px/obs-en-11-07.jpg)

जेलखना का कैदियों का पैला नौंनो से ले के, हर एक पैलो नौंनो मोरि ग्ये। अपड़ी गहरी पिडा का कारण मिस्र का भौत सा लोग रूंणा छा अर दुखी छा।

![](https://cdn.door43.org/obs/jpg/360px/obs-en-11-08.jpg)

वीं ही रात, फिरौन ल मूसा अर हारुन तैं बुलै और बोलि, "इस्राएलियों तैं ले के तुरंत ही मिस्र देश बट्टी निकली जावा!" मिश्र का लुखुं ल भि इस्राएलियों बट्टी तुरंत निकल जांण कि बिनती कैरी।

*निर्गमन अध्याय 11:1-12:32 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_11_128kbps.m4a

## 12. निर्गमन

https://openbiblestories.org/l/gbm/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोग मिस्र देश बट्टी निकली के भौत खुश छा। वु नौकर नि छा, अर वादा कियां देश मा जांणा छा! जु कुछ भी इस्राएलियों ल मांगी, मिस्रियों ल ऊं तैं उ सभि कुछ दींनि, इक तक कि सोना अर चांदी अर हैंको किस्म को कीमती चीज भि। दुसरा देश का कुछ लुखुं ल पिता परमेश्वर पर विश्वास कैरी अर जब इस्राएली लोग मिस्र देश बट्टी निकलींनि त उ भी ऊं दगड़ी हवे गैनी।

![](https://cdn.door43.org/obs/jpg/360px/obs-en-12-02.jpg)

दिन का बगत बादल कु एक बड़ो खम्भा ऊंका अगनै-अगनै चलि। अर रात का बगत यु आग कु खम्भा बंणी गै। पिता परमेश्वर जु वे बादल अर आग का खम्भा मा छो, हमेशा ऊं दगड़ी ही छो अर पिता परमेश्वर ल यात्रा कन मा ऊं लुखुं की मदद कैरी।

![](https://cdn.door43.org/obs/jpg/360px/obs-en-12-03.jpg)

कुछ बगत बाद, फिरौन अर ऊंका लुखुं ल अपड़ा मनों तैं बदली दींनि। उ इस्राएलियों तैं फिर से अपड़ो नौकर बनांण चांणा छा। इलै ऊंल इस्राएलियों कु पीछा कैरी। यु पिता परमेश्वर ही छो जैल ऊंका मनों तैं बदली छो। ऊंल यु इलै कैरी किलै कि उ अच्छो छो कि हर कुई यु जांण ल्यो कि फिरौन बट्टी अर मिस्रियों का सभि दिबतों बट्टी उ यहोवा, परमेश्वर ज्यादा शक्तिशाली च।

![](https://cdn.door43.org/obs/jpg/360px/obs-en-12-04.jpg)

जब इस्राएलियों ल मिस्र की सेना तैं आंद देखि त ऊं तैं मालूम हवे कि उ फिरौन की सेना अर लाल समुद्र का बीच मा फंसी गैनी। उ भौत डैर गैनी अर रूंण लगि गैनी, "हम ल मिस्र देश तैं किलै छोड़ी? हम मुरण वला छा!"

![](https://cdn.door43.org/obs/jpg/360px/obs-en-12-05.jpg)

मूसा ल इस्राएलियों बट्टी बोलि, "डैरा न! पिता परमेश्वर आज तुम कु लड़लो अर तुम तैं बचालो।" तब पिता परमेश्वर ल मूसा कु बोलि, "यूं लुखुं बट्टी लाल समुद्र का तरपां अगनै बढ़णु कु बोल।"

![](https://cdn.door43.org/obs/jpg/360px/obs-en-12-06.jpg)

तब पिता परमेश्वर ल वे बादल का खम्भा तैं ले के इस्राएलियों अर मिस्रियों का बीच मा रखि दींनि कि मिस्री लोग इस्राएलियों तैं देख नि साका।

![](https://cdn.door43.org/obs/jpg/360px/obs-en-12-07.jpg)

पिता परमेश्वर ल मूसा बट्टी समुद्र पर अपड़ो हथ बढ़ैणु कु बोलि। तब पिता परमेश्वर ल बथों से समुद्र का पांणी तैं बैं अर दैं तरपां कर्वे दींनि, ज्यां बट्टी समुद्र से हवे के एक रस्ता बंणी गै।

![](https://cdn.door43.org/obs/jpg/360px/obs-en-12-08.jpg)

इस्राएली लोग अपड़ा द्वी तरपां पांणी की दीवारों का दगड़ी सुखीं धरती पर समुद्र से हवे के अगनै बढ़दी गैनी।

![](https://cdn.door43.org/obs/jpg/360px/obs-en-12-09.jpg)

तब पिता परमेश्वर ल वे बट्टा बट्टी बादल तैं उठे दींनि कि मिस्री लोग इस्राएलियों तैं बचि के जै जांद देखा। मिस्रियों ल ऊं तैं पकड़णु कु ऊंको पीछा कनु को फैसला लींनि।

![](https://cdn.door43.org/obs/jpg/360px/obs-en-12-10.jpg)

तब ऊंल समुद्र का बीच बट्टी वे बट्टा पर इस्राएलियों कु पीछा कैरी, पर पिता परमेश्वर ल मिसियों तैं घबरे दींनि अर ऊंका रथों तैं उख ही अटके दींनि। उ चिलांण लगि गैनी "भागा! इस्राएलियों की तरपां बट्टी पिता परमेश्वर लड़णु च!"

![](https://cdn.door43.org/obs/jpg/360px/obs-en-12-11.jpg)

सैरा इस्राएली समुद्र का दुसरा तरपां पौंछि गैनी। तब पिता परमेश्वर ल मूसा बट्टी बोलि कि उ फिर से पांणी पर हथ बढ़ौ। जब मूसा ल इन कैरी, त पांणी मिस्री सेना पर ऐ अर अपड़ी साधारण अवस्था मा ऐ गै। सैरा मिस्री सेना डूबी गै।

![](https://cdn.door43.org/obs/jpg/360px/obs-en-12-12.jpg)

जब इस्राएलियों ल देखि कि मिस्री मोरि गैनी त ऊंल पिता परमेश्वर पर विश्वास कैरी। ऊंल विश्वास कैरी कि मूसा पिता परमेश्वर की तरपां बट्टी एक भविष्यवक्ता च।

![](https://cdn.door43.org/obs/jpg/360px/obs-en-12-13.jpg)

इस्राएली लोग इलै भि भौत खुश छा किलैकि पिता परमेश्वर ल ऊं तैं मुरण से अर नौकर हूंण से बचै छो। अब उ पिता परमेश्वर की आराधना कन अर वेकी आज्ञा कु पालन कनु कु आजाद छा। इस्राएलियों ल अपड़ी आजादी कु त्यौहार मनाणु कु अर पिता परमेश्वर की तरीफ कनु कु भौत सी गीतों तैं गाई किलैकि परमेश्वर ल ऊं तैं मिस्रियों की सेना बट्टी बचै छो।

![](https://cdn.door43.org/obs/jpg/360px/obs-en-12-14.jpg)

पिता परमेश्वर ल इस्राएलियों तैं हर साल एक त्यौहार मनांणे की आज्ञा दये छै यु याद कनु कु कि कन के पिता परमेश्वर ल मिस्रीयों तैं हरै छो अर ऊं तैं नौकर हूंण से आजाद कैरी छो। यु त्यौहार फसह कु त्यौहार कहलांद छो। यांमा ऊं तैं त्यौहार मनांणु कु एक अच्छा चिनखा तैं बलि कन छो, वे तैं भूनण छो, अर वे तैं खमीर वली रूठी का दगड़ी खांण छो।

*निर्गमन अध्याय 12:33-15:21 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_12_128kbps.m4a

## 13. इस्राएल का दगड़ी पिता परमेश्वर की वाचा

https://openbiblestories.org/l/gbm/story-13/

![](https://cdn.door43.org/obs/jpg/360px/obs-en-13-01.jpg)

इस्राएलियों तैं लाल समुद्र बट्टी पार ले के जांणा का बाद, पिता परमेश्वर ऊं तैं जंगल बट्टी हवे के सीनै कहलांण वला डांडा का तरपां चला। यु उ ही डांडो छो जख मूसा ल जलदी झाड़ी तैं देखि छो। ऊं लुखुं ल वे डांडा का मूड़ी अपड़ा तम्बुओं तैं खड़ो कैरी छो।

![](https://cdn.door43.org/obs/jpg/360px/obs-en-13-02.jpg)

पिता परमेश्वर ल मूसा बट्टी इस्राएल का सभि लुखुं कु बोलि, "तुम हमेशा मेरी बातों तैं मंणयां अर जु वाचा मि तुम दगड़ी बंधुलु वे तैं बंणयां रखियां। जु तुम इन करिला, त तुम मेरा दियां इनाम बहुमूल्य धन, याजकों कु राज्य, अर एक पवित्र जाति ठरिला।"

![](https://cdn.door43.org/obs/jpg/360px/obs-en-13-03.jpg)

पिता परमेश्वर द्वारा ऊं मा आंणु कु लुखुं तैं तीन दिनों तक अफ तैं तैयार कन पुडलो। तब पिता परमेश्वर सीनै डांडा बट्टी मूड़ी उतरी। जब उ ऐ त भूकम्प ऐ, बिजलियां चमकीनि, धुआं उठी, अर तुरहियों की बड़ीभरी आवाज हवे । तब मूसा अकेला ही मथी डांडा पर चढ़ी गै।

![](https://cdn.door43.org/obs/jpg/360px/obs-en-13-04.jpg)

तब पिता परमेश्वर ल लुखुं का दगड़ी एक वाचा बांधी। पिता परमेश्वर ल बोलि, "मि तुम्हरो परमेश्वर यहोवा छो। मि ही छो जैल तुम तैं मिस्र देश का दासत्व बट्टी तुम तैं छुडै। कै हैंका दिबता की उपासना नि करयां।"

![](https://cdn.door43.org/obs/jpg/360px/obs-en-13-05.jpg)

"मूर्तियाँ नि बंणयां अर ऊंकी उपासना नि करियां, किलैकि मि, यहोवा तुम्हरो एक ही परमेश्वर छो। बगैर कीं बात का मेरु नौं नि लियां। विश्राम का दिन तैं पवित्र मंनणु कु याद रखयां।"

![](https://cdn.door43.org/obs/jpg/360px/obs-en-13-06.jpg)

"अपड़ा ब्वे-बुबा कु आदर करयां। हत्या नि करयां। व्यविचार नि करयां। चोरी नि करयां। अपड़ा पड़ोसी की जनन, वेको घौर, या वेका कै भि सामान कु लालच नि करयां।"

![](https://cdn.door43.org/obs/jpg/360px/obs-en-13-07.jpg)

तब पिता परमेश्वर ल यूं ढ आज्ञाओं तैं ढुंगा की द्वी पट्टियों पर लिखी के मूसा तैं दींनि। पिता परमेश्वर ल आज्ञा मंनणु कु लुखुं तैं हैंकी भौत सी आज्ञा दींनि। जु ऊंल यूं आज्ञाओं कु पालन कैरी त पिता परमेश्वर ल ऊं लुखुं तैं आशीष दींण अर ऊंकी रक्षा कनो कु वादा कैरी। पर ऊंल बोलि कि जु ऊंल यांको पालन नि कैरी त उ ऊं लुखुं तैं दंड दयालो।

![](https://cdn.door43.org/obs/jpg/360px/obs-en-13-08.jpg)

पिता परमेश्वर ल इस्राएलियों बट्टी एक बड़ो तंबू बनांणु कु भि बोलि- मिलाप वलो तंबू। वेल ऊं तैं ठिक-ठिक बतै कि ये तंबू तैं कन के बनांण, अर ऊंका भित्र कीं चीजों तैं रखण। वेल ऊं तैं वे तम्बू तैं द्वी कमरों मा बंटण कु एक बड़ो पर्दा तैं बनांणु कु बोलि। पिता परमेश्वर वे पर्दा का पिछनै वला कमरा मा आलो अर उख रालो। जख परमेश्वर छो वे कमरा मा जांणै की अनुमति भस महायाजकों तैं ही छै।

![](https://cdn.door43.org/obs/jpg/360px/obs-en-13-09.jpg)

ऊं लुखं तैं वे मिलाप वला तम्बू का समणी एक वेदी बनांणु कु बोलि। कुई भि जु पिता परमेश्वर की आज्ञाओं तैं अनदेखो करलो उ वीं वेदी पर एक जानवर तैं ले के आलो। तब याजक वे तैं बलि करलो अर वेदी पर पिता परमेश्वर कु बलि का रूप मा जलालो। पिता परमेश्वर ल बोलि कि वे जानवर का ल्वे वे आदिम का पापों तैं ढाँप दयालो। इन के जब, पिता परमेश्वर वे पाप तैं नि दिखलो। उ आदिम पिता परमेश्वर की नजर मा "शुद्व" ठहरलो। पिता परमेश्वर ल मूसा का भये हारुन तैं अर हारुन का वंशजों तैं अपड़ो याजक हूंणु कु चुंणी।

![](https://cdn.door43.org/obs/jpg/360px/obs-en-13-10.jpg)

पिता परमेश्वर ल ऊं लुखुं तैं जु आज्ञा दये छै उ ऊं आज्ञाओं कु पालन कनु कु मांणी गैनी। उ भस पिता परमेश्वर का लोग हूंणु कु अर भस वेकी आराधना कनु कु मांणी गैनी।

![](https://cdn.door43.org/obs/jpg/360px/obs-en-13-11.jpg)

भौत दिनों तक, मूसा सीनै डांडा पर ही रै। उ पिता परमेश्वर दगड़ी बात कनु रै। पर लोग ऊं मा वापस लौटणो कु इन्तेजार करदी-करदी थकी गैनी। इलै उ हारून मा सोना ले के ऐनी अर वे बट्टी एक मूर्ती बनांणु कु बोलि कि उ पिता परमेश्वर की जगह पर वीं की उपासना कैरा। इन के, ऊंल भयंकर रूप मा पिता परमेश्वर का विरूद्ध मा पाप कैरी।

![](https://cdn.door43.org/obs/jpg/360px/obs-en-13-12.jpg)

हारून ल एक कलौडा का आकर मा सोने की एक मूर्ती बंणै। ऊं लुखुं ल वीं मूर्ती की उपासना कन शुरू कैरी दींनि अर वे तैं बलि चढ़ै! ऊंका पाप की वजह ल पिता परमेश्वर ऊं बट्टी भौत गुस्सा हवे। उ ऊं लुखुं तैं खत्म कैरी दींण चांदु छो। पर मूसा ल ऊं तैं नि मरण की बिनती कैरी। पिता परमेश्वर ल ऊंकी बिनती तैं सूंणी अर ऊं तैं खत्म नि कैरी।

![](https://cdn.door43.org/obs/jpg/360px/obs-en-13-13.jpg)

आखिरकार मूसा सीनै डांडा बट्टी मूड़ी उतर ऐ। उ ऊं द्वी ढुंगे की पट्टियों तैं हथ मा ले के छो जूं पर पिता परमेश्वर ल दस आज्ञाओं तैं लिखयूं छो। फिर वेल वीं मूर्ती तैं देखि। उ इथग गुस्सा हवे कि वेल ऊं पट्टियों तैं चकनाचूर कैरी दींनि।

![](https://cdn.door43.org/obs/jpg/360px/obs-en-13-14.jpg)

फिर मूसा ल वीं मूर्ती तैं पीसी के वीं तैं बरबाद कैरी दींनि, अर वे बुरादा तै पांणी मा मिलै के ऊं लुखुं तैं पिलै दींनि। पिता परमेश्वर ल ऊं लुखुं पर एक विपत्ति भेजि अर ऊं मा बट्टी भौत सी लोग मोरि गैनी।

![](https://cdn.door43.org/obs/jpg/360px/obs-en-13-15.jpg)

जूं पट्टियों तैं मूसा ल तोड़ेले छो ऊंकी जगह लींणु कु मूसा ल ऊं दस आज्ञाओं की ढुंगा की पट्टियों बंणैनि। तब उ फिर से डांडा पर चढ़ी गै अर प्रार्थना कैरी कि पिता परमेश्वर ऊं लुखुं तैं माफ कैरो। पिता परमेश्वर ल मूसा की सूंणी अर ऊं तैं माफ कैरी दींनि। नई पट्टियों पर दस आज्ञाओं तैं मूसा डांडा बट्टी मूड़ी ऐ। तब पिता परमेश्वर ल सीनै डांडा बट्टी ले ले वादा कियां देश तक इस्राएलियों की अगवै कैरी।

*निर्गमन अध्याय 19-34 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_13_128kbps.m4a

## 14. जंगल मा भटकण

https://openbiblestories.org/l/gbm/story-14/

![](https://cdn.door43.org/obs/jpg/360px/obs-en-14-01.jpg)

पिता परमेश्वर ल इस्राएलियों तैं ऊं नियमों तैं बतांण खत्म कैरी जु ऊं दगड़ी बांधि छै वीं वाचा कु पालन कन छो। फिर वेल सीनै डांडा बट्टी अगनै ऊं की अगवै कैरी। परमेश्वर ऊं तैं प्रतिज्ञा का देश मा ली जांण चांदु छो। ये देश कु कनान भि बुल्दींनि। पिता परमेश्वर बादल का खम्भा मा ऊंका अगनै-अगनै चलि, अर उ वेका पिछनै-पिछनै चलिनि।

![](https://cdn.door43.org/obs/jpg/360px/obs-en-14-02.jpg)

पिता परमेश्वर ल अब्राहम, इसहाक अर याकूब बट्टी वादा कैरी कि उ वादा कु उ देश ऊंका वंशजों तैं दयालो, पर ये बगत उख भौत सी जातियां रांदी छै। ऊंकु कनानी बुल्दा छा। यु कनानी लोग पिता परमेश्वर की आराधना करदा छा अर वेकी आज्ञा तैं नि मणदा छा। उ झूठा दिबतों की उपासना किया करदा छा अर भौत सा बुरा काम करदा छा।

![](https://cdn.door43.org/obs/jpg/360px/obs-en-14-03.jpg)

पिता परमेश्वर ल इस्राएलियों बट्टी बोलि, "जब तुम वाचा का वे देश मा जावा त उखा का सभि कनानियों बट्टी छुटकरा। ऊं दगड़ी दोस्ती नि करयां अर ऊं दगड़ी ब्यो भि नि करयां। तुम ऊंकी सभि मूर्तियों तैं पूरा ढंग से खत्म कैरी दियां। जु तुम मेरी आज्ञाओं तैं नि मांणिला, त तुम मेरी न पर ऊंका दिबताओं की उपासना कन लगी जैला।"

![](https://cdn.door43.org/obs/jpg/360px/obs-en-14-04.jpg)

जब इस्राएली कनान देश की सीमा पर पौछिनि, मूसा ल इस्राएल का हरेक गोत्र मा बट्टी एक-एक कैरी के बारह आदिमों तैं चुंणि। वेल ऊं तैं जैके वे देश कु भेद लींण कु निर्देश दींनि कि देखा कि उ कन देश च। ऊं तैं ऊं कनानियों कु भेद लींण छो कि देखा कि उ बलशाली छा या निर्बल।

![](https://cdn.door43.org/obs/jpg/360px/obs-en-14-05.jpg)

ऊं बारह आदिमों ल पूरा कनान देश हवे के चालीस दिन की यात्रा कैरी अर फिर उ वापस लौट ऐनी। ऊंल लुखुं तैं बतै, "उ देश भौत उपजाऊ च अर फसल भि बिज्यां च!" पर दस भेदियों ल बोलि, "ऊंका नगर भौत मजबूत छिनी अर उ लोग भौत लम्बा-चौड़ा छिनी! जु हम ऊं पर हमला करदा, त निश्चय उ हम तैं हरै दयाला अर हम तैं मारि दयाला।"

![](https://cdn.door43.org/obs/jpg/360px/obs-en-14-06.jpg)

तब झट ही कालेब अर यहोशू अर हैंका द्वी भेदियों ल बोलि, "यु सच च कि कनान देश का लोग लम्बा अर ताकतबर छिनी, पर जरुर हम ऊं तैं हरै सकदियां! पिता परमेश्वर हम कु लड़लो!"

![](https://cdn.door43.org/obs/jpg/360px/obs-en-14-07.jpg)

पर लुखुं ल कालेब ऐ यहोशू की नि सूंणी। उ मूसा अर हारुन पर गुस्सा हवे गैनी अर बोलि, "तुम हम तैं खतरनाक जगह पर किलै ले के अयां? हम तैं मिस्र देश मा ही रौंण चयणु छो। जु हम वे देश मा जंदा त हम लड़ै मा मरै जांदा अर कनान देश का लोग हमरि जनन अर बच्चों तैं नौकर बणै ल्याला।" उ लोग ऊं तैं वापस मिस्र देश मा ले के जांणु कु एक हैंका अगुवा तैं चुनाव कन चांदा छा।

![](https://cdn.door43.org/obs/jpg/360px/obs-en-14-08.jpg)

जब ऊं लुखुं ल इन बोलि त पिता परमेश्वर भौत गुस्सा हवे गै छो। उ मिलाप वला तंबू मा ऐ अर बोलि, "तुम ल मेरा विरोध मा बलवा कैरी, इलै तुम तैं ये जंगल मा भटकण होलो। हर एक आदिम तैं जु बीस साल या वे बट्टी ज्यादा कु च उ मोरि जालो अर कभि भि वे देश मा नि जै सकलो जु मि तुम तैं दींणु छो। बस कालेब अर यहोशू ही वे मा जै सकला।"

![](https://cdn.door43.org/obs/jpg/360px/obs-en-14-09.jpg)

जब लुखुं ल पिता परमेश्वर तैं इन बुल्द सूंणी, त उ दुखी हविनि किलैकि ऊंल पाप कैरी छो। इलै ऊंल कनान देश का लुखुं पर हमला कनौ को फैसला कैरी। मूसा ल ऊं तैं नि जांणु कु चितै किलैकि पिता परमेश्वर ऊं दगड़ी नि जालो, पर ऊंल वेकी नि सूंणी।

![](https://cdn.door43.org/obs/jpg/360px/obs-en-14-10.jpg)

पिता परमेश्वर ईं लड़ै मा नि च, इलै कनानियों ल ऊं तैं हरै दींनि अर ऊं मा बट्टी भौत लुखुं तैं मारि दींनि। तब इस्राएली लोग कनान देश बट्टी वापस लौटी गैनी। अगला चालीस साल तक, उ जंगल मा इना- उना ही भटकला।

![](https://cdn.door43.org/obs/jpg/360px/obs-en-14-11.jpg)

इस्राएली लुखुं का द्वारा जंगल मा भटकण का चालीस सालों का बीच, पिता परमेश्वर ल ऊंकी जरूरतों तैं पूरो कैरी। वेल ऊं लुखुं तैं स्वर्ग बट्टी "मन्ना" कहलांण वली रूठी दींनि। वेल बटेरों का झुण्ड भि (जु कि बीच का आकर का चलखुडा हूँदींनि) ऊं का रौंणै की जगह मा भिजींनि कि ऊं मा खांणु कु शिकार हो। वे पूरा बगत मा , पिता परमेश्वर ल ऊंका कपड़ों अर जुतों तैं फट भि नि दींनि।

![](https://cdn.door43.org/obs/jpg/360px/obs-en-14-12.jpg)

इख तक कि पिता परमेश्वर ल ऊंका पींणु कु चमत्कार कैरी के पौड़ बट्टी पांणी निकाली। पर यूं सभियूं का बाद, इस्राएली लुखुं ल पिता परमेश्वर का विरोध अर मूसा का विरूद्ध शिकेत कैरी अर बबड़ट कैरी। तभी भि पिता परमेश्वर ऊंकु विश्वश्योग्य छो। वेल जु वादा कैरी छो कि उ अब्राहम, इसाहक, अर याकूब का वंशजों कु करलो वेल उ कैरी।

![](https://cdn.door43.org/obs/jpg/360px/obs-en-14-13.jpg)

एक और बगत जब ऊं लुखुं मा पांणी नि छो, पिता परमेश्वर ल मूसा मा बोलि, "पौड़ दगड़ी बात कैर, अर वे बट्टी पांणी निकललो।" पर मूसा ल पौड़ दगड़ी बात नि कैरी। यांका बदला, वेल जांठा बट्टी पौड़ पर द्वी बार मारि। इन के वेल पिता परमेश्वर कु निरादर कैरी। सभियूं का पीण का कारण पौड़ बट्टी पांणी त ऐ, पर पिता परमेश्वर मूसा बट्टी भौत गुस्सा हवे। वेल बोलि, "किलैकि तिल इन कैरी, इलै तू वादा कियां देश मा नि जै सकली।"

![](https://cdn.door43.org/obs/jpg/360px/obs-en-14-14.jpg)

जब इस्राएली लोग चालीस सैलों तक जंगल मा भतकणा छा, तब जूंल पिता परमेश्वर का विरुद्ध मा घपरौल कैरी छो उ सभि मोरि गै छा। तब पिता परमेश्वर ऊं लुखुं तैं फिर से वे वादा कियां देश का किनरा तक लीगि। अब मूसा भौत बुढिया हवे गै छो, इलै पिता परमेश्वर ल लुखुं की अगवै कनु कु यहोशू तैं चुंणि। पिता परमेश्वर ल मूसा बट्टी यु वादा कैरी कि एक दिन उ ऊं लुखुं मा मूसा का जन एक भविष्यवक्ता तैं भिजलो।

![](https://cdn.door43.org/obs/jpg/360px/obs-en-14-15.jpg)

तब पिता परमेश्वर ल मूसा तैं एक डांडा की चोटी पर जांणु कु बोलि कि उ वादा का देश तैं देख साक। मूसा ल वे वादा का देश तैं देखि पर पिता परमेश्वर ल वे तैं वे देश मा जांणै की आज्ञा नि दींनि। तब मूसा मोरि गै, अर इस्राएलियों ल तीस दिन तक दुःख कैरी। यहोशू ऊंको नयो अगवा बंणि। यहोशू एक अच्छो अगवा छो किलैकि वेल पिता परमेश्वर पर विश्वास कैरी अर वेकी बातों तैं मांणी।

*निर्गमन अध्याय 16-17; गिनती 10-14; 20; 27; व्य्वस्थाविवरण 34 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_14_128kbps.m4a

## 15. वादा कु देश

https://openbiblestories.org/l/gbm/story-15/

![](https://cdn.door43.org/obs/jpg/360px/obs-en-15-01.jpg)

आखिर मा, अब उ बगत ऐ गै छो कि इस्राएली लोग वादा का कनान देश मा जां। वे देश मा यरीहो नौ कु एक नगर छो। वेकी रक्षा कु वेका चौतरपां मजबूत दीवार छै। यहोशू ल वे नगर मा द्वी भेद लींण वलों तैं भेजि। वे नगर मा राहाब नौ की एक वेश्या रौंदी छै। वींल ऊं भेद लींण वलों तैं छिपै, अर फिर बाद मा वींल ऊं तैं नगर बट्टी बचै के निकलण मा मदद कैरी। वींल इन इलै कैरी किलैकि उ पिता परमेश्वर मा विश्वास करदी छै। जीं बगत इस्राएली लोग यरीहो तैं नाश करला तब ऊंल राहाब अर वींका परिवार की रक्षा कनो कु वादा कैरी।

![](https://cdn.door43.org/obs/jpg/360px/obs-en-15-02.jpg)

इस्राएली लुखुं तैं वादा का देश मा जांणु कु यरदन गाड तैं पार कन छो। पिता परमेश्वर ल यहोशू बट्टी बोलि, "याजकों तैं पैली जांण द्या।" जब याजकों ल यरदन गाड मा अपड़ा खुट्टों तैं रखि त पांणी की धार बुगण थमी गै, ज्यां पर इस्राएली लोग गाड की दुसरी तरपां सुखीं धरती बट्टी पार जै साका।

![](https://cdn.door43.org/obs/jpg/360px/obs-en-15-03.jpg)

ऊं लुखुं ल यरदन गाड पार कैरी दींनि त पिता परमेश्वर ल यहोशू बट्टी बोलि कि यरीहो पर हमला कनु कु तैयार रा, जबकि उ भौत मजबूत नगर छो। पिता परमेश्वर ल ऊं लुखुं बट्टी बोलि कि ऊंका याजकों अर सिपैयूं तैं छ: दिनों तक वे नगर का चौतरपां एक बार चक्कर लगांण। तब याजकों अर सिपैयूं ल इन ही कैरी।

![](https://cdn.door43.org/obs/jpg/360px/obs-en-15-04.jpg)

तब सातवाँ दिन, इस्राएलियों ल वे नगर का चौतरपां सात बार और चक्कर लगैनी। ऊंका नगरों का चौतरपां अर सात बार चक्कर लगांण का बाद, याजकों ल अपड़ी तुरहीयां बजैनि अर सिपैयूं ल जोरदार शब्द कैरी।

![](https://cdn.door43.org/obs/jpg/360px/obs-en-15-05.jpg)

तब यरीहो का चौतरपां की दीवार गिर गैनी! जन पिता परमेश्वर ल आज्ञा दये छै इस्राएलियों ल नगर की हर चीज तैं खत्म कैरी दींनि। ऊंल बस राहाब अर वेका परिवार तैं छोड़ी दींनि, जु इस्राएलियों का भाग बंण ग्ये छा। जब कनान मा रांण वला हैंका लुखुं ल सूंणि कि इस्राएलियों ल यरीहो तैं खत्म कैरेले, त उ डैर गैनी कि इस्राएली लोग ऊं पर भि हमला करला।

![](https://cdn.door43.org/obs/jpg/360px/obs-en-15-06.jpg)

पिता परमेश्वर ल इस्राएलियों तैं आज्ञा दये छै कि कनान मा रांण वली कै भि जाति का दगड़ी शान्ति की वाचा नि कन। पर गिबोनियों नौ का एक कनानी जाति ल यहोशू बट्टी झूठ बोलि कि उ कनान देश बट्टी दूर एक जगह का रांण वला छिनी। ऊंल यहोशू बट्टी ऊंका दगड़ी शान्ति की मित्रता कनै की बिनती कैरी। यहोशू अर हैंका इस्राएली अगवों ल पिता परमेश्वर बट्टी नि पूछि कि ऊं तैं क्य कन चयणु च। जबकि, ऊंल गिबोनियों का दगड़ी शान्ति की मित्रता कैरी दींनि।

![](https://cdn.door43.org/obs/jpg/360px/obs-en-15-07.jpg)

तीन दिन का बाद, इसाएलियों तैं मालूम हवे कि गिबोनी लोग कनान मा ही रौंदींनि। उ गुस्सा हवे गैनी किलैकि गिबोनियों ल ऊं तैं धोखा दये छो। पर ऊंल ऊंका दगड़ी शान्ति की मित्रता तैं बंणै के रखि किलैकि उ पिता परमेश्वर का समणी किये गै छै। तब कुछ बगत का बाद, कनान देश मा रांण वली एल हैंकी जाति, एमोरियों का राजाओं ल सूंणि कि गिबोनियों ल इस्राएलियों का दगड़ी शान्ति की मित्रता कैरेले, इलै ऊंल अपड़ी-अपड़ी सेनाओं तैं एक कैरी के एक बड़ी सेना तैं बंणै अर गिबोन पर हमला कैरी दींनि। गिबोनियों ल वेकी मदद कनु कु यहोशू मा एक रैबार भेजि।

![](https://cdn.door43.org/obs/jpg/360px/obs-en-15-08.jpg)

तब यहोशू ल इस्राएलियों की सेना तैं कठ्ठा कैरी अर गिबोनियों मा पौंछणु कु उ पूरी रात चलिनि। सुबेर ऊंल एमोरियों की सेना तैं हैरान कैरी दींनि अर ऊं पर हमला कैरी दींनि।

![](https://cdn.door43.org/obs/jpg/360px/obs-en-15-09.jpg)

वे दिन पिता परमेश्वर इस्राएलियों कु लैडि। वेल एमोरियों तैं घबरै दींनि अर वेल बड़ा-बड़ा ओलों तैं गिरै के भौत स एमोरियों तैं मारि दींनि।

![](https://cdn.door43.org/obs/jpg/360px/obs-en-15-10.jpg)

पिता परमेश्वर ल सूरज तैं भि आसमान मा एक जगह पर थमी दींनि कि इस्राएलियों तैं पूरो बगत मिली जौ कि एमोरियों तैं पूरी ढंग से हरै द्या। वे दिन, पिता परमेश्वर ल इस्राएलियों कु एक बड़ी जीत हासिल कैरी।

![](https://cdn.door43.org/obs/jpg/360px/obs-en-15-11.jpg)

जब पिता परमेश्वर ल ऊं सेनाओं तैं हरांण का बाद, भौत सी कनानी जाति का लोग इस्राएल पर हमला कनु कु कठ्ठा हवीनि। यहोशू अर इस्राएलियों ल हमला कैरी के ऊंको सत्यनाश कैरी दींनि।

![](https://cdn.door43.org/obs/jpg/360px/obs-en-15-12.jpg)

यूं लड़ैयों का बाद, पिता परमेश्वर ल इस्राएल का हरेक गोत्र तैं वादा का वे देश मा ऊंको भाग दींनि। तब पिता परमेश्वर ल इस्राएल तैं वेकी सभि सीमाओं पर शान्ति दींनि।

![](https://cdn.door43.org/obs/jpg/360px/obs-en-15-13.jpg)

जब यहोशू बुढ़िया हवे गै त वेल इस्राएल का सभि लुखुं तैं एक दगड़ी बुलै। तब यहोशू ल ऊं लुखुं तैं याद करै कि ऊंल वेल वादा कैरी छो जु पिता परमश्वर ल ऊं दगड़ी सीनै डांडा पर बांधि छै। ऊं लुखुं ल पिता परमेश्वर का प्रति विश्वासयोग्य रांणु कु अर वेकी व्यवस्थाओं कु पालन कनु को वादा कैरी।

*यहोशू अध्याय 1-24 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_15_128kbps.m4a

## 16. छुडोणवाळो

https://openbiblestories.org/l/gbm/story-16/

![](https://cdn.door43.org/obs/jpg/360px/obs-en-16-01.jpg)

यहोशू का मुरण का बाद इस्राएलियों ल परमेश्वर कि आज्ञा नि माणि। ऊंला परमेश्वर का नियमों को पालन नि कैरी, अर ऊंला वे करार का मुल्क बट्टी बचायां कनानियों तैं भैर नि निकाली। इस्राएलियों ल अपड़ा सच्चा परमेश्वर यहोवा तैं छोडिके कनानियों का देवतों कि उपासना कन शुरू कैरी द्या। इस्राएलियों म कुई राजा नि छौ, इलै जैतैं जु ठीक लगी वेला उई कैरी।

![](https://cdn.door43.org/obs/jpg/360px/obs-en-16-02.jpg)

परमेश्वर कि आज्ञा नि मानण का द्वारा इस्राएलियों ल एक पद्धति तैं शुरू कैरी द्या जैतैं कई बार दोरै गै छौ। यु नियम इनके चली: कुछ सालों तक इस्राएली परमेश्वर की आज्ञा नि माणला, तब उ ऊंतैं ऊंका दुश्मनों बट्टी हारण का द्वारा दंडित करला। यु दुश्मन इस्राएली बट्टी ऊंकी चीजों तैं लुटी द्याला, ऊंकी सम्पति तैं नाश कैरी द्या, अर ऊंमा बट्टी भौंतों तैं मारी द्याला। फिर जब इस्राएलियों का दुश्मन ऊं पर कई सालों तक अत्याचार करला, वेका बाद इस्राएली परमेश्वर अपड़ा पापों कु पश्चताप करला अर परमेश्वर बट्टी ऊंतैं बचाणो खुणि प्रार्थना करला।

![](https://cdn.door43.org/obs/jpg/360px/obs-en-16-03.jpg)

हरेक बार जब इस्राएली पश्चताप करला त परमेश्वर ऊंतैं बचालो। उ एक छुडणवला का बदोलत इन करलो- एक इन जन जु ऊंका दुश्मनों का खिलाप लड़लो अर ऊं तैं हरै द्यालु। तब मुल्क माँ शांति होलि अर उ छुड़ाणवळो ऊं पर अच्छे से शासन करलो। परमेश्वर ल ऊं लोगों तैं बचाणो खुणि भोत सा छुड़ाणवलों तैं भेजि। परमेश्वर ल सामणी का एक दुश्मन जाति, मिद्यानियों का द्वारा इस्राएलियों तैं हराण वलो का बदोलत फिर इन कैरी।

![](https://cdn.door43.org/obs/jpg/360px/obs-en-16-04.jpg)

मिद्यानियों ल सात सालों तक इस्राएलियों कि फसलों तैं लुटी। इस्राएली लोग भौत डैरी गै छा, उ एक उड्यार म लुकी गैनी ताकि मिद्यानी लोग ऊंतैं खुजै नि सकुनु। आखिरकार, ऊंतैं बचाणु खूणि ऊंला परमेश्वर तैं पुकारी।

![](https://cdn.door43.org/obs/jpg/360px/obs-en-16-05.jpg)

गिदोन म का एक इस्राएली आदिम छौ। एक दिन, उ एक गुप्त जगह मु गेहूँ झाड़नु छौ ताकि मिद्यानी लोग वे तैं चुरै नि पौ। यहोवा का स्वर्गदूत ल गिदोन म ऐकि दौं बोलि, "हे बलवान सूरमा, परमेश्वर त्वे दगड़ी च। जु औरि इस्राएलियों तैं मिद्यानियों बट्टी बचायी।"

![](https://cdn.door43.org/obs/jpg/360px/obs-en-16-06.jpg)

गिदोन का बुब्बा का सामणी मूर्ति कु समर्पित एक वेदी छै। सब बट्टी पैली बात जु परमेश्वर ल गिदोन तें कनो खुणि बोलि उ वीं वेदी तैं तूण छौ। पर गिदोन लोगों बट्टी डैरदो छौ, इलैकी वेला रात हूंणै कि इंतजार कैरी तब वेला वीं वेदी तैं तोड़िके क़तर- क़तर कैरी दिनी। ऊंला परमेश्वर खूणि एक नई वेदी तैं बणै अर वे पर परमेश्वर खुणि बलि चढ़ै।

![](https://cdn.door43.org/obs/jpg/360px/obs-en-16-07.jpg)

भोळ सुबेर लोगों ल देखि कि कैला वेदी तैं तोड़िके क़तर-क़तर कैरी दीनि, उ भौत गुस्सा ह्वैनी। उ गिदोन तैं मरणो खुणि वेका घौर गैनी, पर गिदोन का बुब्बा ल बोलि, "तुम किलै अपड़ा देवतों कि मदद कनो कु कोशिश कना छां? अगर उ देवता छीनि त उंतैं अपड़ी रक्षा खुद कन द्या!" किलैकी वेला इन बोलि इलै लोगों ल गिदोन तैं नि मारी।

![](https://cdn.door43.org/obs/jpg/360px/obs-en-16-08.jpg)

तब इस्राएलियों तैं लुटणो खुणि मिद्यानी लोग फिर से ऐनि। उ इथगा सैरा लोग छा कि ऊंकी गिणती भी नि करै जै सकदी छै। गिदोन ल ऊंका खिलाप लड़णो खुणि इस्राएलियों तैं एक दौं बुलै। गिदोन ल परमेश्वर बट्टी दुई चिनों की मांग कैरी ताकि वेतैं विश्वास ह्वै जो कि परमेश्वर सच म वेतैं इस्राएल तैं बचाणो खुणि बुलोणु च।

![](https://cdn.door43.org/obs/jpg/360px/obs-en-16-09.jpg)

पैली निशाण खुणि, गिदोन ल ढिबरों की ऊन तैं भूमि पर राखि कै परमेश्वर बट्टी बोलि कि सुबेरो कु पाळो सिर्फ डिबरों कु वे ऊन पर पोड़ु अर भूमि पर नि पोड़ु। परमेश्वर ल इन ही कैरी। भोळ राति, वेला परमेश्वर बट्टी बोलि कि भूमि गिली ह्वै जो पर डिबरों कु ऊन सुखिं रौ। परमेश्वर ल इन भी कैरी। यूं दुई निशाण का कारण, गिदोन ल विश्वास कैरी कि परमेश्वर सच म चांदों च कि उ इस्राएलियों तैं मिद्यानियों बट्टी बचालो।

![](https://cdn.door43.org/obs/jpg/360px/obs-en-16-10.jpg)

तब गिदोन ल सिपैयुं तैं आफ मु बुलै अर 32,000 आदिम ऐनि। पर परमेश्वर ल वे बट्टी बोलि कि यु भौत जादा च। अतः गिदोन ल ऊं सभि 22,000 तैं घौर भेजि द्या जु लड़ै बट्टी डरदा छा। परमेश्वर ल गिदोन बट्टी बोलि कि यि आदिम अभी भी भौत जादा छीन। इलै गिदोन ल 300 सिपैयुं तैं छोडिके ऊं सभियुं तैं घौर भेजि दिनी।

![](https://cdn.door43.org/obs/jpg/360px/obs-en-16-11.jpg)

वीं राति परमेश्वर ल गिदोन बट्टी बोलि, "मिद्यानियों को डेरा म ज अर उंतैं बात करदा सुण। जब तू सुणली कि उ कि बात करदा छीन त तू ऊं पर हमला कन से नि डैरी।" इलै वीं राति, गिदोन मुड़ी ऊंका डेरा म गै अर वेला एक मिद्यानी सिपै तैं अपड़ा द्ग्डिया तैं उ बात बतांद सुणि जु वेला सुपन्या म देखि छौ। वे आदिम का द्ग्डिया ल बोलि, ये सुपन्या को मतलब च कि गिदोन कि सेना हम मिद्यानी सेना तैं हारै देली!" जब गिदोन ल यु सुणि त वेला परमेश्वर कि बड़ै कैरी।

![](https://cdn.door43.org/obs/jpg/360px/obs-en-16-12.jpg)

तब गिदोन अपड़ा सिपैयों म लौटि अर वेमा बट्टी हरेक तैं एक-एक नरसिंगा,एक माटा को भाण्डो, अर एक मिशाल द्या। ऊंला वे डेरा तैं घेरी यालि जख मिद्यानी सिपै सीणा छा। गिदोन का 300 सिपैयों ल अपड़ी मिशालों तैं भाण्डों बट्टी ढकायां छा इलै मिद्यानी लोग उं मिशालों कु ऊज्याळा तैं नि देखि साका छा।

![](https://cdn.door43.org/obs/jpg/360px/obs-en-16-13.jpg)

तब गिदोन का सभि सिपैयों ल अपड़ा माटा भाण्डों तैं एक ही बगत पर तोड़िके अचणचक मिशालों कि आग तैं प्रकट कैरी द्या। ऊंला अपड़ा नरसिंगा फुंकिनी अर चिलैनि, अर गिदोन की तलवार!" "यहोवा की

![](https://cdn.door43.org/obs/jpg/360px/obs-en-16-14.jpg)

परमेश्वर ल मिद्यानियों तैं डराई द्या, इलै उ एक दूसर तैं मारण-काटण लगिनि। जल्दी ही, गिदोन उ रैबारियों तैं भौत सी औरि इस्राएलियों तैं मिद्यानियों को पिछा कन म ऊंकी मदद कनो कु बुलाणु खुणि भेजि। ऊंला ऊं बट्टी भौतों तैं मारी दिनी अर बाकियों कु पिछनै कैरिके इस्राएल मुल्क बट्टी भैर निकली गैनी। वे दिन 1,20,000 मिद्यानी मारै गै छा। ये तरों परमेश्वर ल इस्राएल तैं बचायी

![](https://cdn.door43.org/obs/jpg/360px/obs-en-16-15.jpg)

उ लोग गिदोन तैं अपड़ो राजा बणाण चांदा छा, पर गिदोन ल ऊं तैं इन नि कन द्या, बल्कि वेला वे तैं उ सोना का गैणा मांगि जु ऊंमा बट्टी हरेक ल मिद्यानियों बट्टी लूटि ल्यायी छा। ऊं लोगों ल भौत जादा गिदोन तैं सोनु द्ये।

![](https://cdn.door43.org/obs/jpg/360px/obs-en-16-16.jpg)

तब गिदोन ल वे सोना बट्टी एक खास कपड़ा बणैनि जन महायाजक पैरदो छौ। पर लोगों ल वेकि उपासना कन शुरू कैरी द्या जन कि उ एक मूर्ति हो। तब परमेश्वर ल फिर से इस्राएल तैं दंड द्या किलैकी ऊंल मूर्ति कि उपासना कैरी छै। परमेश्वर ल ऊंका दुश्मनों तैं हराण म मजबूत कैरी। आखिरकार ऊंला फिर से परमेश्वर बट्टी मदद कनो खुणि प्रार्थना कैरी, अर परमेश्वर ल ऊंमा ऊंतैं बचाणो खुणि एक ओरि छुड़ाणवळा तैं भेजि।

![](https://cdn.door43.org/obs/jpg/360px/obs-en-16-17.jpg)

या बात कई बार हूंणि रैनि: इस्राएली लोग पाप करला, परमेश्वर ऊंतैं दंड द्येलो, उ पश्चताप करला, अर परमेश्वर ऊंतैं छुडाणु खुणि कै तैं भिजलो। कई सालों तक, परमेश्वर ल भौत सा छुड़ाणवाळों तैं भेजि जौंला इस्राएलियों तैं ऊंका दुश्मनों बट्टी बचै।

![](https://cdn.door43.org/obs/jpg/360px/obs-en-16-18.jpg)

आखिरकार, ऊं लोगों ल औरि मुल्कों का जन परमेश्वर बट्टी आफ खुणि एक राजा कि मांग कैरी। उ एक इन राजा चांदा छा जु लम्बो अर शक्तिशाली हो, अर जु लड़ै म ऊंकी अगवे कैरी सको। परमेश्वर तैं या विनती पसंद नि ऐ। पर परमेश्वर ऊंतैं ऊंनि राजा द्या जन ऊंला मांगि छौ।

*न्यायियों अध्याय 1-3; 6-8; 1 शमूएल 1-10 बट्टी एक बाइबल कि कहानी*

Audio: https://git.door43.org/OBS-TLF/gbm_obs/releases/download/v1/gbm_obs_v1_16_128kbps.m4a

## 17. दाऊद का दगड़ा मा पिता परमेश्वर की वाचा

https://openbiblestories.org/l/gbm/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल कु पैलो राजा छो। उ लम्बो अर सुंदर छो, जन उ लोग चांदा छा एकदम उन ही। इस्राएल पर अपड़ा शासन का पैला का कुछ सालों मा शाऊल एल अच्छो राजा छो। पर बाद मा उ एक दुष्ट आदिम बंणि गै जैल पिता परमेश्वर की बातों तैं नि मांणी, इलै पिता परमेश्वर ल एक हैंका आदिम तैं चुंणि जु कि एक दिन वेकी जगह पर राजा बंणलो।

![](https://cdn.door43.org/obs/jpg/360px/obs-en-17-02.jpg)

पिता परमेश्वर ल दाऊद नौ का एक जवान इस्राएली आदिम तैं चुंणि के एक दिन शाऊल की जगह पर राजा हूंणु कु तैयारी कन शुरू कैरी। दाऊद बैतलहम नगर कु एक चरवाहा छो। भौत बगत बाद, दाऊद ल सिंह अर रीछ द्वीयूं तैं मारि डाली छो किलैकि दाऊद द्वारा रखव्ली करदी बगत वेक बुबा का ढिबरों पर ऊंल हमला कैरी छो। दाऊद एक नम्र अर धर्मी आदिम छो। वेल पिता परमेश्वर पर विश्वास कैरी अर वेकी बातों तैं मांणी।

![](https://cdn.door43.org/obs/jpg/360px/obs-en-17-03.jpg)

जब दाऊद जवान आदिम ही छो, वेल लम्बा-चौडा गोलियत का विरूद्ध मा लडै कैरी। गोलियत एक भौत बड़ो सैनिक छो। उ भौत मजबूत अर लगभग तीन मीटर लम्बो छो! पर पिता परमेश्वर ल गोलियत तैं मरण अर इस्राएल तैं बचांण मा दाऊद की मदद कैरी। यांका बाद, दाऊद ल इस्राएल का दुश्मनों पर कई बार जीत हासिल कैरी। दाऊद एक बड़ो सिपै बंणि गै, अर वेका भौत सी लडैयूं मा इस्राएली सेना की अगवै कैरी। लुखुं ल वेकी भौत बडै कैरी।

![](https://cdn.door43.org/obs/jpg/360px/obs-en-17-04.jpg)

लुखुं ल दाऊद बट्टी इथग प्रेम कैरी कि शाऊल वे बट्टी जलण लगिगे। आखिरकार शाऊल वे तैं मरण चांदु छो,इलै दाऊद वे बट्टी अर वेका सिपैयूं बट्टी छिपण लगिगे अर जंगल मा भागी गै। एक दिन, जब शाऊल अर वेका सिपै दाऊद की ढूंड मा छा त शाऊल एक उडियार मा गैनी। यु उ ही उडियार छै जै मा दाऊद छिपियूं छो, पर शाऊल ल वे तैं नि देखि। दाऊद शाऊल का पिछनै वेका भौत नजीक चलि गै अर वेका कपड़ा बट्टी एक दुकड़ा काटि लींनि। बाद मा जब, शाऊल वे उडियार बट्टी निकली त दाऊद ल वे तैं दै लगै के वेका पकडयां कपड़ा का टुकड़ा तैं दिखै। इन के, शाऊल जांणी गै कि दाऊद ल राजा बंनणु कु वे तैं मरणु कु मना कैरी दींनि।

![](https://cdn.door43.org/obs/jpg/360px/obs-en-17-05.jpg)

कुछ बगत का बाद, शाऊल लड़ै मा मोरि गै, अर दाऊद इस्राएल कु राजा बंणि गै। उ एक अच्छो राजा छो, अर लुखुं ल वे बट्टी प्रेम कैरी। पिता परमेश्वर ल दाऊद तैं आशीषित कैरी अर वे तैं सफल बंणै। दाऊद ल भौत सी लड़ै लड़िनि, अर पिता परमेश्वर ल इस्राएल का दुश्मनों तैं हरौंण मा मदद कैरी। दाऊद ल यरूशलेम नगर तैं जीत के वे तैं अपड़ी राजधानी बंणै, जख उ रै अर अर शासन कैरी। दाऊद चालीस सालों तक राजा रै। वे बगत, इस्राएल सामर्थी अर अमीर बंणि गै छो।

![](https://cdn.door43.org/obs/jpg/360px/obs-en-17-06.jpg)

दाऊद एक मन्दिर बनांण चांदु छो जख सभि इस्राएली पिता परमेश्वर की आराधना कैरी साका अर वे कु बलिदान चढ़ै साका। करीब 400 सालों बट्टी, उ लोग मूसा का बंणयां मिलाप वला तम्बू मा पिता परमेश्वर की आराधना कना छा अर वे कु बलिदान चढ़ाणा छा।

![](https://cdn.door43.org/obs/jpg/360px/obs-en-17-07.jpg)

पर उख नातान नौ कु एक भविष्यवक्ता छो। पिता परमेश्वर ल दाऊद बट्टी यु बुल्णु कु भेजि; "तिल भौत सी लड़ै लड़िनि, इलै तू मि कु ये मन्दिर तैं नि बंणै सकली। तेरु नौंनो ये तैं बंणांलो। तभी भि, मि त्वे तैं भौत सी आशीष तैं दयुलु। तेरु वंशज हमेशा कु मेरा लुखुं पर राजा का रूप मा शासन करलो।" हमेशा कु शासन कन वलो दाऊद कु एकमात्र वंशज मसीह छो। मसीह पिता परमेश्वर कु चुंणयूं आदिम छो जु दुनिया का लुखुं तैं ऊंका पापों बट्टी बचालो।

![](https://cdn.door43.org/obs/jpg/360px/obs-en-17-08.jpg)

जब दाऊद ल नातान कु संदेश तैं सूंणी त वेल पिता परमेश्वर कु धन्यवाद कैरी अर वेकी आराधना कैरी। पिता परमेश्वर वेकी महिमा तैं बढांदु रांदु छो अर वे तैं भौत आशीष दींणु छो। यां मा कुई शक नि च, दाऊद नि जंणदु छो कि पिता परमेश्वर यूं बातों तैं कब करलो। ये बगत हम जणदा छा कि इस्राएललियों तैं एक लम्बा बगत तक, लगभग 1,000 साल तक मसीह का आंणु को इन्तेजार कन होलो।

![](https://cdn.door43.org/obs/jpg/360px/obs-en-17-09.jpg)

दाऊद ल भौत सालों तक न्यायपूर्वक अपड़ा लुखुं पर शासन कैरी। वे बड़ी निष्ठा बट्टी पिता परमेश्वर ल वे तैं आशीषित कैरी। जबकि, अपड़ा जीवन का आखिर मा वेल पिता परमेश्वर का विरुद्ध खतरनाक पाप कैरी।

![](https://cdn.door43.org/obs/jpg/360px/obs-en-17-10.jpg)

एक दिन दाऊद ल अपड़ा महल बट्टी भैर झांकी अर एक सुंदर जनन तैं नयौंद देखि। उ वीं तैं नि जंणदु छो, पर वेल मालूम कैरी कि वींको नौ बतशेबा छो।

![](https://cdn.door43.org/obs/jpg/360px/obs-en-17-11.jpg)

अपड़ी नजरों तैं हटांण का बजाय, दाऊद ल वीं तैं अफ मा लांणु कु कै तैं भेजी। उ वीं दगड़ी सये अर फिर वीं तैं वापस वींका घौर भेजी दींनि। कुछ बगत का बाद बतशेबा ल यु बोलि के दाऊद मा रैबार भेजि कि व गर्भवती च।

![](https://cdn.door43.org/obs/jpg/360px/obs-en-17-12.jpg)

बतशेबा कु आदिम ऊरिय्याह नौ का एक आदिम छो। उ दाऊद का अच्छा सिपैयूं मा बट्टी एक छो। वीं बगत उ लड़ै कनु कु भैर गयूं छो। दाऊद ल ऊरिय्याह तैं लड़ै मा बट्टी वापस बुलै के वे तैं वींकी जनन दगड़ी रांणु कु बोलि। पर हैंका सिपै लड़ै मा ही छा इलै ऊरिय्याह ल घौर जांण से मना कैरी दींनि। तब दाऊद ल ऊरिय्याह तैं वापस लड़ै मा भेज दींनि अर सेनापति बट्टी वे तैं लड़ै मा एक इन जगह पर रखणु कु बोलि जख दुश्मन सबसे ज्यादा ताकतबर हो कि उ मोरि जौ। तब इन हवे कि ऊरिय्याह लड़ै मा मोरि गै।

![](https://cdn.door43.org/obs/jpg/360px/obs-en-17-13.jpg)

ऊरिय्याह का लड़ै मा मोरि जांण का बाद दाऊद ल बतशेबा बट्टी ब्यो कैरी दींनि। बाद मा, वीं ल दाऊद का नौंना तैं जन्म दींनि। दाऊद ल जु कैरी वे बट्टी पिता परमेश्वर भौत गुस्सा छो, इलै वेल नातान भविष्यवक्ता तैं दाऊद तैं यु बतांणु कु भेजि कि वेको पाप कथग बुरा छो। दाऊद ल अपड़ा पाप कु पश्चताप कैरी अर पिता परमेश्वर ल वे तैं माफ कैरी दींनि। अपड़ा बच्यां जीवन मा, अपड़ा मुश्किल बगत मा भि दाऊद पिता परमेश्वर का पिछनै-पिछनै चलि अर वेकी बातों तैं मांणी।

![](https://cdn.door43.org/obs/jpg/360px/obs-en-17-14.jpg)

पर दाऊद कु बच्चा मोरि गै। इन के पिता परमेश्वर ल दाऊद तैं दंड दींनि। यांका अलावा, दाऊद का मुरणा का बाद, वेका अपड़ा परिवार का कुछ लुखुं ल वेका विरुद्ध लड़ै कैरी, अर दाऊद की अपड़ी ताकत भि कम हवे गै छै। पर पिता परमेश्वर विश्वासयोग्य छो अर अभि भि वेल उ कैरी जु पिता परमेश्वर ल वे बट्टी वादा कैरी छो, जब कि दाऊद ल वेकी आज्ञा तैं अनदेखा कैरी। बाद मा, दाऊद अर बतशेबा की दुसरी सन्तान पैदा हवे, अर वेको नौ सुलैमान रखि।

*1 शमूएल अध्याय 10;15-19; 24; 31; 2 शमूएल 5; 7; 11-12 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_17_128kbps.m4a

## 18. बंटयूं राज्य

https://openbiblestories.org/l/gbm/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा ल चालीस सालों तक इस्राएल पर राज्य कैरी। तब उ मोरि गै, अर वेका नौंना सुलैमान ल इस्राएल पर राज्य कन शुरू कैरी। पिता परमेश्वर ल सुलैमान बट्टी बात कैरी अर वे बट्टी पूछि कि उ सबसे ज्यादा क्य चांद कि पिता परमेश्वर वे कु कैरो। सुलैमान ल पिता परमेश्वर बट्टी मांगी कि उ भौत बुद्धिमान बंणि जौ। ईं बात ल पिता परमेश्वर तैं खुश कैरी, इलै पिता परमेश्वर ल सुलैमां तैं दुनिया कु सबसे बुद्धिमान आदिम बंणै दींनि। सुलैमान ल भौत सी बातों तैं सीखि अर उ एक बुद्धिमान शासक छो। पिता परमेश्वर ल वे तैं भौत ही ज्यादा अमीर बंणै दींनि।

![](https://cdn.door43.org/obs/jpg/360px/obs-en-18-02.jpg)

यरूशलेम मा सुलैमान ल वे मन्दिर तैं बंणै जैकु वेका बुबा ल योजना बंणै छै अर सामान तैं इकठ्ठा कैरी छो। अब लोग मिलाप वला तम्बू मा न बल्कि मन्दिर मा ही पिता परमेश्वर की आराधना करदा छा अर वेकु बलिदान चढांदा छा। पिता परमेश्वर ऐ के मन्दिर मा मौजूद रौंदो छो, अर उख उ अपड़ा लुखुं का दगड़ी रौंदो छो।

![](https://cdn.door43.org/obs/jpg/360px/obs-en-18-03.jpg)

पर सुलैमान ल दुसरा देशों की जननों बट्टी प्रेम कैरी। वेल भौत सी, लगभग 1000 जननों बट्टी ब्यो कैरी के पिता परमेश्वर की आज्ञा कु अनदेखा कैरी! यांमा बट्टी भौत सी जनन हैंका देश बट्टी अईं अर अफ दगड़ी अपड़ा दिबतों तैं लैंनि अर ऊंकी आराधना कना रैनी। जब सुलैमान बुढिया हवे गै त वेल भि ऊंका दिबतों की आराधना कैरी।

![](https://cdn.door43.org/obs/jpg/360px/obs-en-18-04.jpg)

ईं वजह से पिता परमेश्वर सुलैमान बट्टी गुस्सा छो। वेल बोलि कि इस्राएल देश तैं द्वी राज्यों मा बांटण का द्वारा वे तैं दंड दयालो। उ सुलैमान का मुरण का बाद इन करलो।

![](https://cdn.door43.org/obs/jpg/360px/obs-en-18-05.jpg)

सुलैमान का मुरण का बाद, रहबाम राजा बंणि। इस्राएल देश का सभि लोग वे तैं अपड़ो राजा का रूप मा स्वीकार कनु कु एक दगड़ी कठ्ठा हवीनि। ऊंल रहबाम बट्टी शिकेत कैरी कि सुलैमान ल ऊं बट्टी भौत ज्यादा मेहनत करवे छै अर भौत सी चुंगी वसूल कैरी छै। ऊंल रहबाम बट्टी बिनती कैरी कि ऊं बट्टी कम काम करौनु।

![](https://cdn.door43.org/obs/jpg/360px/obs-en-18-06.jpg)

पर रहबाम ल ऊं तैं बड़ी ही मूर्खता ल जवाब दींनि, " तुम बुल्दयां कि मेरा बुबा सुलैमान ल तुम बट्टी भौत ज्यादा मेहनत करवे। पर मि तुम बट्टी वे बट्टी भि ज्यादा मेहनत करवोलु, अर मि तुम तैं वे बट्टी भि ज्यादा दुखी करुलु।"

![](https://cdn.door43.org/obs/jpg/360px/obs-en-18-07.jpg)

जब लुखुं ल वे तैं इन बुल्द सूंणि त वे मा बट्टी भौत ल वेका विरुद्ध बवाल कैरी। दस गोत्रों ल वे तैं छोड़ दींनि; वे दगड़ी अब बस द्वी गोत्र ही बचिनि। यूं गोत्रों ल अफ तैं यहूदा कु राज्य बोलि।

![](https://cdn.door43.org/obs/jpg/360px/obs-en-18-08.jpg)

और दस गोत्रों ल यारोबाम नौ का एक आदिम तैं अपड़ो राजा बंणै दींनि। यु गोत्र देश का उत्तर-पूर्वी हिस्सा मा छा। ऊंल अफ तैं इस्राएल कु राज्य बोलि।

![](https://cdn.door43.org/obs/jpg/360px/obs-en-18-09.jpg)

पर यारोबाम ल पिता परमेश्वर का विरुद्ध बलवा कैरी अर लुखुं बट्टी पाप करवै। वेल अपड़ा लुखुं का द्वारा आराधना कनु कु द्वी मूर्तियों तैं बंणवै। उ अब यहूदा का राज्य मा यरूशलेम मा पिता परमेश्वर का मन्दिर मा वेकी आराधना कनु कु नि गै।

![](https://cdn.door43.org/obs/jpg/360px/obs-en-18-10.jpg)

यहूदा अर इस्राएल का राज्य कु दुश्मन बंणि गै अर ज्यादा तर एक- हैंका का विरूद्ध लड़ै कन लगि गै।

![](https://cdn.door43.org/obs/jpg/360px/obs-en-18-11.jpg)

इस्राएल का नया राज्य मा, सैरा ही राजा दुष्ट छा। यांमा बट्टी कुई भि राजा वेकी जगह पर राजा बंनणै की चाह रखण वला हैंका इस्राएलियों का द्वारा मरै गै छा।

![](https://cdn.door43.org/obs/jpg/360px/obs-en-18-12.jpg)

इस्राएल राज्य का भि राजाओं ल अर ज्यादातर लुखुं ल मूर्तियों की आराधना कैरी। जब ऊंल इन कैरी, त उ ज्यादा तर वेश्याओं का दगड़ी सयेनि अर कई बार मूर्तियों का अगनै बच्चों तैं भि बलि कैरी।

![](https://cdn.door43.org/obs/jpg/360px/obs-en-18-13.jpg)

यहूदा राज्य का राजा, दाऊद का वंशज छा। यूं राजाओं मा बट्टी कई अच्छा आदिम छा जौल न्यायपूर्वक राज्य कैरी अर पिता परमेश्वर की आराधना कैरी। पर यहूदा का ज्यादात्र राजा दुष्ट छा। ऊंल दुष्टता का दगड़ी राज्य कैरी, अर मूर्तियों की आराधना कैरी। ईख तक कि यांमा बट्टी कुछ राजाओं ल झूठा दिबतों का अगनै अपड़ा बच्चों तैं भि बलि कैरी दींनि। यहूदा का ज्यादातर लुखुं ल भि पिता परमेश्वर का विरूद्ध बलवा कैरी अर हैंका दिबताओं की आराधना कैरी।

*1 राजा अध्याय 1-6; 11-12 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_18_128kbps.m4a

## 19. भविष्यवक्ता

https://openbiblestories.org/l/gbm/story-19/

![](https://cdn.door43.org/obs/jpg/360px/obs-en-19-01.jpg)

पिता परमेश्वर हमेशा इस्राएलियों मा भविष्यवक्ता तैं भिजणु रौंदो छो।भविष्यवक्ता पिता परमेश्वर बट्टी रैबार सुणदा छा अर फिर वे तैं लुखुं तैं बतौंदा छा।

![](https://cdn.door43.org/obs/jpg/360px/obs-en-19-02.jpg)

जब अहाब इस्राएल राज्य पर राजा छो त वे बगत एलिय्याह भविष्यवक्ता छो। अहब एल बुरो आदिम छो। वेल झूठा बाल दिबता की आराधना कनु कु लुखुं तैं मजबूर कैरी छो। इलै एलिय्याह ल अहाब बट्टी बोलि कि पिता परमेश्वर ऊं लुखुं तैं दंड दींण जांणु च। वेल अहाब बट्टी बोलि, "जब तक मि फिर बरखा हूंण कु नि बोलु तब तक इस्राएल का राज्य मा न बरखा होली अर न ही ओस पुडली।" ईं बात ल अहाब तैं इथग गुस्सा कैरी दींनि कि वेल एलिय्याह तैं मरणो कु विचार कैरी।

![](https://cdn.door43.org/obs/jpg/360px/obs-en-19-03.jpg)

इलै पिता परमेश्वर ल एलिय्याह बट्टी बोलि कि उ जंगल मा जै के अहाब बट्टी छिपी के रौ।एलिय्याह जंगल मा वे स्रोत का समणी गै जख जांणु कु पिता परमेश्वर ल वे तैं बतै छो। हर सुबेर अर हर शाम, चलखुडा एलिय्याह कु रुठी अर मांस ले के आंदा छा। ये पूरा बगत मा, अहाब अर वेका सिपै एलिय्याह की ढुंड करदी रैनी, पर उ वे तैं ढुंड नि सकीनि।

![](https://cdn.door43.org/obs/jpg/360px/obs-en-19-04.jpg)

बरखा नि हूंणा का कुछ बगत का बाद उ स्रोत सूखी गै। इलै एलिय्याह समणी ही का एक देश मा चलि गै। वे देश मा एक गरीब विधवा छै जींको एक नौंनो छो। वीं मा खांणु लगभग खत्म ही हवे गै छो किलैकि उख कुई फसल नि हवे छै। पर फिर भि, वीं जनन ल एलिय्याह की देखभाल कैरी, इलै पिता परमेश्वर ल वीं कि अर वीं का नौंना की जरूरतों तैं पूरो कैरी, इलै वींको आटो कु भांडो अर तेल की बोतल कभि खतम नि हवे। वे पूरा अकाल का बगत वीं मा खांणु छो। एलिय्याह कुछ सैलून तक उख ही रै।

![](https://cdn.door43.org/obs/jpg/360px/obs-en-19-05.jpg)

साढे तीन सालों का बाद, पिता परमेश्वर ल एलिय्याह बट्टी बोलि कि उ फिर बरखा करलो। वेल एलिय्याह बट्टी वापस इस्राएल का राज्य मा जै के अहाब बट्टी बात कनु कु बोलि। इलै एलिय्याह अहाब मा गै। जब अहाब ल वे तैं देखि त वेल बोलि, "अच्चा तू छै,मुसीबत पैदा कन वला!" एलिय्याह ल जवाब दये, "मुसीबत पैदा कन वलो त तू छै! तिल यहोवा तैं छोड़ी दये। उ ही सच्चो पिता परमेश्वर च, पर तू बल की आराधना कनी छै। अब त्वे तैं इस्राएल राज्य का सभि लुखुं तैं कमेल डांडा पर ले के आंण।"

![](https://cdn.door43.org/obs/jpg/360px/obs-en-19-06.jpg)

तब सभि लोग कमेल का डांडा पर गैनी। उ आदिम भि ऐनी जु बुल्दा छा कि उ बाल का रैबार तैं बुल्दा छा। यु बाल का भविष्यवक्ता छा। उ सभि 450 छा। एलिय्याह ल लुखुं बट्टी बोलि, "कब तक तुम अपड़ा मनों तैं ढीट करीला ? जु यहोवा परमेश्वर च त वेकी आराधना कैरा! जु बाल परमेश्वर च त वेकी आराधना कैरा!"

![](https://cdn.door43.org/obs/jpg/360px/obs-en-19-07.jpg)

तब एलिय्याह ल बाल का भविष्यवक्ता बट्टी बोलि, "एक बल्द तैं बलि कैरी के वेका मांस तैं बलिदान हूंण कु एक वेदी पर रखा, पर आग नि लगयां। वेका बाद मि भि उन ही करुलु, अर एक अलग वेदी पर मि वे मांस तैं रखुलु। तब जु पिता परमेश्वर वेदी पर आग गिरालो त तुम जांणी लीला कि उ सच्चो पिता परमेश्वर च।" तब बाल का भविष्यवक्ताओं ल एक बलि तैं तैयार कैरी पर आग नि लगै।

![](https://cdn.door43.org/obs/jpg/360px/obs-en-19-08.jpg)

तब बाल का भविष्यवक्ताओं ल बाल बट्टी प्रार्थना कैरी, "हे बाल, हमारी सूंणा!" पूरा दिन ऊंल प्रार्थना कैरी ऐ चिलै अर इख तक कि अफ तैं चकु ल काटी दींनि, पर बाल ल जवाब नि दींनि, अर वेल कुई आग नि गिरै।

![](https://cdn.door43.org/obs/jpg/360px/obs-en-19-09.jpg)

बाल का भविष्यवक्ताओं ल बाल बट्टी प्रार्थना कन मा लगभग पूरा दिन काटी दींनि। आखिर मा ऊंल प्रार्थना कन बंद कैरी दींनि। तब एलिय्याह ल दुसरा बल्दों का मांस तैं पिता परमेश्वर की वेदी पर रख दींनि। वेका बाद, ऊं लुखुं बट्टी पांणी का विशाल भांडो तैं वे बलिदान पर तब तक खंणैणु कु बोलि जब तक कि मांस, लखडा, अर इख तक कि वेदी का समणी की धरती पूरा ढंग से गिली नि हवे गै।

![](https://cdn.door43.org/obs/jpg/360px/obs-en-19-10.jpg)

तब एलिय्याह ल प्रार्थना कैरी, "हे यहोवा, अब्राहम, इसाहक, अर याकूब का पिता परमेश्वर, हम तैं दिखौ कि तु इस्राएल का परमेश्वर छै अर यु कि मि तेरु नौकर छो। मि तैं जवाब द्या कि यु लोग जांणी जाला कि तु ही सच्चो परमेश्वर छै।"

![](https://cdn.door43.org/obs/jpg/360px/obs-en-19-11.jpg)

तब झट ही, आसमान बट्टी आग गिरी अर वे मा मांस, लखडा, पौड़, माटो अर इख तक कि वेदी का अमणी-समणी का पांणी तैं भि जलै दींनि। जब लुखुं ल यु देखि, उ धरती पर गिर गैनी अर बोलि, "यहोवा ही परमेश्वर च! यहोवा ही परमेश्वर च!"

![](https://cdn.door43.org/obs/jpg/360px/obs-en-19-12.jpg)

तब एलिय्याह ल बोलि, "बाल का एक भि भविष्यवक्ता बचि के नि जै साका!" इलै लुखुं ल बाल का भविष्यवक्ताओं तैं पकड़ी दींनि अर ऊं तैं उख बट्टी अलग मा ली गैनी अर ऊं तैं मारि दींनि।

![](https://cdn.door43.org/obs/jpg/360px/obs-en-19-13.jpg)

तब एलिय्याह ल अहाब राजा बट्टी बोलि, "जल्दी अपड़ा घुर भागी जा, किलैकि बरखा आंण वली च।" जल्द ही बदल घन्ना हवे गैनी, अर भौत बरखा शुरू हवे गै। यहोवा वे सूखा तैं खत्म कनु छो। यां बट्टी पता चलि कि यहोवा ही सच्चो परमेश्वर च।

![](https://cdn.door43.org/obs/jpg/360px/obs-en-19-14.jpg)

जब एलिय्याह ल अपड़ा काम तैं खत्म कैरी दींनि, त पिता परमेश्वर ल एलीशा नौ का एक आदिम तैं अपड़ो भविष्यवक्ता हूंण कु चुंणि। पिता परमेश्वर ल एलीशा का द्वारा भौर सी चमत्कार करीनि। एक चमत्कार नामान का दगड़ी हवे। उ एक दुश्मन की सेना कु सरदार छो, पर वे तैं खलड़ी को बुरो रोग हवे गै छो। नामान ल एलीशा का बारा मा सूंणि छो, इलै उ एलीशा मा ऐ अर वे बट्टी इलै उ एलीशा मा ऐ अर वे बट्टी वे तैं ठिक कनु कु बिनती कैरी। एलीशा ल नामान बट्टी बोलि कि जै के यरदन गाड का पांणी मा सात बार डुबकी लगौ।

![](https://cdn.door43.org/obs/jpg/360px/obs-en-19-15.jpg)

नामान गुस्सा हवे गै। वेल इन कन से मना कैरी दींनि, किलैकि यु वे तैं एक मूर्खता वलो काम लगदु छो। पर बाद मा वेल अपड़ा मं दबली दींनि अर जै के यरदन गाड का पांणी मा सात बार डुबकी लगै। जब आखिरी बार उ पांणी बट्टी भैर निकली त पिता परमेश्वर ल वे तैं ठिक कैर दींनि।

![](https://cdn.door43.org/obs/jpg/360px/obs-en-19-16.jpg)

पिता परमेश्वर ल इस्राएल का लुखुं मा हैंका भौत सा भविष्यवक्ताओं तैं भेजि। ऊं सभियूं ल लुखुं बट्टी मूर्तियों की आराधना कन बंद कैरी दींणु कु बोलि। ऊं तैं एक-दुसरा का दगड़ी न्यायपूर्वक बरतौ कन चयणु च अर एक दुसरा पर दया कन चयणी च। ऊं भविष्यवक्ताओं ल लुखुं तैं चितै दींनि कि ऊं तैं बुरो कामों तैं बंद कैरी दींनि अर यांका बदला पिता परमेश्वर की बातों कु पालन कन च। जु ऊं लुखुं ल इन नि कैरी त पिता परमेश्वर ऊं तैं दोषी मांणी के ऊंको न्याय करलो, अर ऊं तैं दंड दयालो। " ज्यादतर बगत, ऊं लुखुं ल पिता परमेश्वर की आज्ञा कु पालन नि कैरी। ज्यादातर ऊंल भविष्यवक्ताओं का दगड़ी बुरो बरतौ कैरी अर इख तक कि इख तक कि कभि-कभि ऊं तैं मारि दींनि। एक बार, ऊंल यिर्मयाह भविष्यवक्ता तैं सूखा कुआं मा डाली दींनि अर वे तैं उख मरणु कु छोड़ी दींनि। उख कुआं का मूड़ी मा कीचड मा धंस गै। पर तब राजा तैं वे पर दया ऐ अर वेल अपड़ा सिपैयूं तैं आज्ञा दींनि कि यिर्मयाह का मुरण से पैली वे तैं कुआं बट्टी भैर खींच ले । "

![](https://cdn.door43.org/obs/jpg/360px/obs-en-19-17.jpg)

भविष्यवक्ताओं ल पिता परमेश्वर की तरपां बट्टी बुल्ण नि छोड़ी भले ही लुखुं ल ऊं बट्टी खार खै। ऊंल लुखुं तैं चितै कि जु ऊंल पश्चताप नि कैरी त पिता परमेश्वर ऊं तैं नाश कैरी दयालो। ऊंल लुखुं तैं यु भि याद करै कि पिता परमेश्वर ल ऊं मा मसीह तैं भिजण कु वादा कैरी।

*1 राजा अध्याय 16-18; 2 राजा 5; यिर्मयाह 38 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_19_128kbps.m4a

## 20. गुलामी बट्टी लौटण

https://openbiblestories.org/l/gbm/story-20/

![](https://cdn.door43.org/obs/jpg/360px/obs-en-20-01.jpg)

इस्राएल का राज्य अर यहूदा का राज्य द्वीयूं ल पिता परमेश्वर का विरुद्ध मा पाप कैरी। ऊंल वे वादा तैं तोड़ी दींनि जु पिता परमेश्वर ल ऊं दगड़ी सीनै डांडा पर बांधि छै। पिता परमेश्वर ल ऊं तैं पश्चताप कनु अर फिर से ऊंकी आराधना कनु कु चितै दींण कु अपड़ा भविष्यवक्ताओं तैं भेजि, पर ऊंल वेकी बातों तैं मनण से मना कैरी दींनि।

![](https://cdn.door43.org/obs/jpg/360px/obs-en-20-02.jpg)

तब पिता परमेश्वर ल ऊंका दुश्मनों तैं ऊंको नाश कन मा सक्षम कना का द्वारा द्वी राज्यों तैं दंड दींनि। अशशूर अर हैंको देश छो जु भौत ताकतबर हवे गै छो। उ दुसरा देशों का प्रति भौत निर्दयी भि छो। ऊंल ऐ के इस्राएल का राज्य तैं नाश कैरी दींनि। अशशूरियों ल ऐ के राज्य मा भौत तैं मार दींनि, जु चाही वे तैं लूटी दींनि, अर देशों का कई हिस्सों तैं फूकी दींनि।

![](https://cdn.door43.org/obs/jpg/360px/obs-en-20-03.jpg)

अशशूरियों ल सभि अगवौ, अमीर लुखुं, अर इन लुखुं तैं जु कीमती चीजों तैं बंणै सकदा छा एक दगड़ी कठ्ठा कैरी अर उ ऊं तैं अशशूरदेश ली गैनी। इस्राएल मा बस कुछ ही गरीब इस्राएली बचीनि।

![](https://cdn.door43.org/obs/jpg/360px/obs-en-20-04.jpg)

फिर अशशूरी लोग वे देश मा रांणु कु विदेशियों तैं ले के ऐनी। ऊं विदेशियों ल ऊं नगरों तैं दुबरा बंणै। जु इस्राएली उख बचयां छा ऊं बट्टी ऊंल ब्वो कैरेले छो। यूं लुखुं का वंशज सामरी कहलेनि।

![](https://cdn.door43.org/obs/jpg/360px/obs-en-20-05.jpg)

यहूदा का राज्य का लुखुं ल देखि कि कन के पिता परमेश्वर ल वे पर विश्वास नि कन अर वेकी बातों तैं नि मनण का कारण इस्राएल का लुखुं तैं दंड दींनि। पर तब भि ऊंल कनानियों का दिबताओं की मूर्तियों की आराधना कैरी। पिता परमेश्वर ल ऊं तैं चितै दींणु कु भविष्यवक्ताओं तैं भेजि, पर ऊंल सुनण से मना कैरी दींनि।

![](https://cdn.door43.org/obs/jpg/360px/obs-en-20-06.jpg)

लगभग 100 सालों का बाद अशशूरियों ल इस्राएल का राज्य तैं खत्म कैरी दींनि। पिता परमेश्वर ल बेबीलोन का राजा, नबूकदनेस्सर तैं यहूदा का राज्य पर हमला कनु कु भेजि। बेबीलोन एक ताकतबर देश छो। यहूदा का राजा नबूकदनेस्सर कु नौकर बनणु कु अर हर साल वे तैं भौत सैरा धन कु भुगतान कनु कु राजी हवे गै।

![](https://cdn.door43.org/obs/jpg/360px/obs-en-20-07.jpg)

पर कुछ सालों का बाद, यहूदा का राजा ल बेबीलोन का विरुद्ध बलवा कैरी। तब बेबीलोनियों ल वापस ऐ के यहूदा का राज्य पर हमला कैरी दींनि। ऊंल यरूशलेम नगर पर कब्जा कैरी दींनि, मन्दिर तैं नष्ट कैरी दींनि, अर नगर अर मन्दिर का खजाना तैं लूटी के ली गै।

![](https://cdn.door43.org/obs/jpg/360px/obs-en-20-08.jpg)

बलवा कना का कारण यहूदा का राजा तैं दंड दींणु कु, नबूकदनेस्सर का सिपैयूं ल राजा का नौंना तैं वेका समणी मारि दींनि अर फिर वे तैं अन्धो कैरी दींनि। यांका बाद, उ राजा तैं ली गैनी कि उ बेबीलोन का जेलखना मा मोरि जौ।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर अर वेकी सेना यहूदा का राज्य का लगभग सभि लुखुं तैं बेबीलोन ली गै, बस सबसे ज्यादा गरीब लुखुं तैं पिछनै छोड़ी के कि उ पुंगडों मा फसल उगौनु। बगत का ये काल कु गुलामी बुलै गै ज्यांमा पिता परमेश्वर का लुखुं तैं वादा का देश बट्टी निकल जांण कु मजबूर किये गै छो।

![](https://cdn.door43.org/obs/jpg/360px/obs-en-20-10.jpg)

जबकि पिता परमेश्वर ल अपड़ा लुखुं तैं ऊंका पापों कु गुलामी मा ली जांण का द्वारा दंड दींनि, तब भि उ ऊं तैंया अपड़ा वादा तैं नि भूली छो। पिता परमेश्वर अपड़ा लुखुं पर ध्यान दींणु रै अर अपड़ा भविष्यवक्ताओं का द्वारा ऊं दगड़ी बात कनु रै। ऊं दगड़ी वादा कैरी की,कि उ सत्तर सालों का बाद, फिर से वादा किया देश मा लौटी जाला।

![](https://cdn.door43.org/obs/jpg/360px/obs-en-20-11.jpg)

लगभग सत्तर सालों का बाद, फारस कु राजा कुस्रू ल बेबीलोन तैं हरै दींनि, इलै बेबीलोन का साम्राज्य की जगह फारस का साम्रज्य ल भौत देशों पर राज्य कैरी। इस्राएली लोग अब यहूदी कहलांदा छा। ऊंमा बट्टी भौतों ल अपड़ा पूरा जीवन बेबीलोन मा बितै दींनि। बस कुछ ही बुढिया तैं यहूदियों कु ही यहूदा कु देश याद छो।

![](https://cdn.door43.org/obs/jpg/360px/obs-en-20-12.jpg)

फारसी लोग भौत सामर्थी छा, पर ऊंल अपड़ा जीवन मा लुखुं पर दया कैरी छै। फारसी लुखुं का राजा बनण का कुछ बगत बाद, कुस्रू ल एक आज्ञा दींनि कि कुई भि यहूदी जु यहूदा कु लौटण चौ, उ फारस बट्टी निकली के वापस यहूदा कु जै सकद। इख तक कि वेल अपड़ा मन्दिरों तैं फिर से बनांण कु पैसा भि दींनि। तब गुलामी का सत्तर सालों बाद, यहूदियों कु एक छुटटो झुण्ड यहूदा मा यरूशलेम नगर मा लौटी के ऐ।

![](https://cdn.door43.org/obs/jpg/360px/obs-en-20-13.jpg)

जब उ लोग यरूशलेम पौंछिनि त ऊंल मन्दिर तैं अर नगर का चौ तरपां की दीवार तैं फिर बंणै। फारसी लोग अब भि ऊं पर राज्य करदा छा पर एक बार फिर से उ वादा का देश मा रौंणा छा अर मन्दिर मा आराधना कना छा।

*2 राजा अध्याय 17; 24-25; 2 इतिहास 36; एज्रा 1-10; नहेम्याह 1-13 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_20_128kbps.m4a

## 21. पिता परमेश्वर मसीह कु वादा करद

https://openbiblestories.org/l/gbm/story-21/

![](https://cdn.door43.org/obs/jpg/360px/obs-en-21-01.jpg)

जब पिता परमेश्वर ल दुनिया की रचना कैरी छै, उ जंणदु छो कि वे तैं बाद मा कै न कै दिन मसीह तैं भिजण होलो। वेल आदम अर हव्वा बट्टी वादा कैरी कि उ इन करलो। वेल बोलि कि हव्वा बट्टी एक वंशज पैदा हवालो जु गुरो कु मुंड कुचललो। जै गुरो ल हव्वा तैं धोखा दये उ जरुर शैतान छो। पिता परमेश्वर कु मतलब छो कि मसीह पूरा ढंग से शैतान हरै दयालो।

![](https://cdn.door43.org/obs/jpg/360px/obs-en-21-02.jpg)

पिता परमेश्वर ल अब्राहम बट्टी वादा कैरी छै कि वेका द्वारा दुनिया की सैरी जातियों तैं आशीष मिलली। पिता परमेश्वर बाद मा कै बगत पर मसीह तैं भिजण का द्वारा ये वादा तैं पूरो करलो। उ मसीह दुनिया का हर एक जाति मा बट्टी लुखुं तैं ऊंका पापों म बट्टी छुडालो।

![](https://cdn.door43.org/obs/jpg/360px/obs-en-21-03.jpg)

पिता परमेश्वर ल मूसा बट्टी वादा कैरी की कि भविष्य मा उ मूसा का जन हैंका भविष्यवक्ताओं तैं भेजि। यु भविष्यवक्ता मसीह होलो। इन के, पिता परमेश्वर ल फिर से वादा कैरी कि उ मसीह तैं भिजलो।

![](https://cdn.door43.org/obs/jpg/360px/obs-en-21-04.jpg)

पिता परमेश्वर ल राजा दाऊद बट्टी वादा कैरी कि ऊंको एक वंशज मसीह होलो। उ राजा होलो अर पिता परमेश्वर का लुखुं पर हमेशा कु राज्य करलो।

![](https://cdn.door43.org/obs/jpg/360px/obs-en-21-05.jpg)

पिता परमेश्वर ल यिर्मयाह भविष्यवक्ता बट्टी बात कैरी अर बोलि कि एक दिन उ एक नया वादा तैं करलो। उ नयो वादा इस्राएल का दगड़ी सीनै डांडा पर कैरी पुरणा वादा का जन नि होली। जब लुखुं का दगड़ी उ अपड़ी नया वादा तैं करलो, त उ ऊं पर अफ तैं प्रगट करलो। हर आदिम वे बट्टी प्रेम रखलो अर वेकी व्यवस्था कु पालन कने की इच्छा रखलो। पिता परमेश्वर ल बोलि कि यु वेकी व्यवस्था तैं ऊंका ह्रदय पर लिखण का जन च। उ वेका लोग होला, अर पिता परमेश्वर ऊंका पापों तैं माफ करलो। उ मसीह होलो जु ऊंका दगड़ी वे वादा तैं करलो।

![](https://cdn.door43.org/obs/jpg/360px/obs-en-21-06.jpg)

पिता परमेश्वर का भविष्यवक्ताओं ल यु भि बोलि कि मसीह एक भविष्यवक्ता होलो। एक भविष्यवक्ता उ आदिम च जु पिता परमेश्वर का वचनों तैं सूंणों अर फिर लुखुं पर पिता परमेश्वर का रैबार कु प्रचार करद। जै तैं भिजण कु पिता परमेश्वर कु वादा करूं छो कि उ मसीह एक सिद्ध भविष्यवक्ता होलो। मतलब उ मसीह पिता परमेश्वर का रैबार तैं अनुके सुणलो, अर उ लुखुं तैं ऊं रैबारों तैं अनुके सिखालो।

![](https://cdn.door43.org/obs/jpg/360px/obs-en-21-07.jpg)

इस्राएली याजकों ल लुखुं कु पिता परमेश्वर का अगनै बलिदान चढांणा रैनी। यु बलिदान लुखुं का पापों कु ऊं तैं पिता परमेश्वर द्वारा दंड दींण की जगह पर चढये गै छो। याजकों ल लुखुं कु प्रार्थना भि कैरी। पर, उ मसीह सिद्ध म्हाय्ज्क होलो जु पिता परमेश्वर तैं दींणु कु एक सिद्ध बलि का रूप मा अफ तैं चढै दयालो। मतबल, उ कभि पाप नि करलो, अर जब उ अफ तैं बलि हूंणु कु दये दयालो, त दुनिया का कुई भि हैंकि बलि कि जरूरत नि होली।

![](https://cdn.door43.org/obs/jpg/360px/obs-en-21-08.jpg)

लुखुं का झुण्ड पर राजा अर प्रधान राज्य करदींनि, अर कभि-कभि उ गलती भि करदींनि। राजा दाऊद ल बस इस्राएलियों पर राज्य कैरी, पर राजा दाऊद का वंशज मसीह पूरी दुनिया पर राज्य करलो, अर उ हमेशा कु राज्य करलो। यु ही न बल्कि, उ हमेशा कु न्यायपूर्ण रीति ल राज्य करलो, अर सही फैसलों तैं लयालो।

![](https://cdn.door43.org/obs/jpg/360px/obs-en-21-09.jpg)

पिता परमेश्वर का भविष्यवक्ताओं ल मसीह का बारा मा भौत सी बातों तैं बोलि। उदाहरण कु, मलाकी ल बोलि कि मसीह का आंण से पैली एक हैंको भविष्यवक्ता आलो। उ भविष्यवक्ता भौत महत्वपूर्ण होलो। यु ही न बल्कि, यशायाह भविष्यवक्ता ल लिखी कि मसीह एक अणबिवाक बट्टी पैदा हवालो। अर मीका भविष्यवक्ता ल बोलि कि मसीह बैतलहम मा पैदा हवालो।

![](https://cdn.door43.org/obs/jpg/360px/obs-en-21-10.jpg)

यशायाह भविष्यवक्ता ल बोलि गलील मा रालो। जु लोग भौत दुखी छिनी मसीह ऊं तैं शान्ति दयालो। उ बंधियों तैं आजाद करलो। मसीह बीमारों तैं अर जु सूंणी नि सकदींनि, देखी नि सकदींनि, बोलि नि सकदींनि, या चलि नि सकदींनि खूब करलो।

![](https://cdn.door43.org/obs/jpg/360px/obs-en-21-11.jpg)

यशायाह भविष्यवक्ता ल यु भि बोलि कि लोग मसीह बट्टी नफरत करला अर वे तैं स्वीकार कन से मना कैरी दयाला। हैंका भविष्यवक्ताओं ल बोलि कि मसीह कु एक दगड़िया ही वे कु विरोध होलो। जकर्याह भविष्यवक्ता ल बोलि कि वेको यु दगड़िया इन कनु कु दुसरा लुखुं बट्टी चंदी का तीस सिक्कों तैं लयालो। यु ही न बल्कि, कुछ भविष्यवक्ताओं ल बोलि कि लोग मसीह तैं मारि दयाला, अर यु कि उ मसीह का कपड़ों कु जुआ खेलला।

![](https://cdn.door43.org/obs/jpg/360px/obs-en-21-12.jpg)

भविष्यवक्ताओं ल यु भि बतै कि मसीह कन कै मुरलो। यशायाह ल भविष्यवाणी कैरी कि लोग मसीह पर थूकला, वेको मजाक बंणांला, अर वे तैं पिटला। उ वे तैं छिदी दयाला अर उ बड़ी पिडा अर तडपे के मोरुलू, जबकि वेल कुछ भि गलत नि कैरी होलो।

![](https://cdn.door43.org/obs/jpg/360px/obs-en-21-13.jpg)

भविष्यवक्ताओं ल यु भि बतै कि मसीह पाप नि करलो। उ सिद्ध होलो। पर उ इलै मुरलो पिता परमेश्वर वे तैं हैंका लुखुं का पापों का कारण दंड दयालो। वेका मुरण का कारण लोग पिता परमेश्वर का दगड़ी मिलण मा सक्षम हवे सकला। इलै पिता परमेश्वर चांदु च कि मसीह मोरो।

![](https://cdn.door43.org/obs/jpg/360px/obs-en-21-14.jpg)

भविष्यवक्ताओं ल यु भि बतै कि पिता परमेश्वर मसीह तैं मुर्दों मा बट्टी ज्यूंदो करलो। यु बतांद कि यु सब नया वादा तैं पूरो कनै की पिता परमेश्वर की योजना छै, कि उ, ऊं लुखुं तैं बचै साक जौल वेका विरुद्ध मा पाप कैरी।

![](https://cdn.door43.org/obs/jpg/360px/obs-en-21-15.jpg)

पिता परमेश्वर ल भविष्यवक्ताओं पर मसीह का बारा मा भौत सी बातिन तैं प्रगट कैरी, पर मसीह ऊं भविष्यवक्ताओं मा बट्टी कैका भि जीवनकाल मा नि ऐ छो। इन भविष्यवक्ताओं का दियां जांण का 400 से ज्यादा सालों का बाद, सै बगत पर, पिता परमेश्वर मसीह तैं दुनिया मा भिजलो।

*उत्पत्ति 3;15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18;19; 69:4 41:9 जकर्याह 11:12-13 यशायाह 50:6; भजन संहिता 16:10-11 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_21_128kbps.m4a

## 22. यूहन्ना कू जन्म

https://openbiblestories.org/l/gbm/story-22/

![](https://cdn.door43.org/obs/jpg/360px/obs-en-22-01.jpg)

पिछला बगत मा, पिता परमेश्वर ल अपड़ा भविष्यवक्ताओं बट्टी बात कैरी इलै ऊं लुखुं बट्टी बात कैरी सकदा छा। पर वीं बगत बट्टी ले के फिर 400 सालों का बीतण तक वेल ऊं बट्टी बात नि कैरी। तब पिता परमेश्वर ल जकर्याह नौं का भविष्यवक्ता मा एक स्वर्गदूत तैं भेजि। जकर्याह अर वेकी जनन एलीशिबा पिता परमेश्वर कु आदर करदा छा। उ भौत बुढिया हवे गै छा, अर ऊंकी कुई सन्तान नि हवे छै।

![](https://cdn.door43.org/obs/jpg/360px/obs-en-22-02.jpg)

वे स्वर्गदूत ल जकर्याह बट्टी बोलि, "तेरे जनन कु एक नौंनो होलो। तू वेको नौ यूहन्ना रखि। पिता परमेश्वर वे तैं पवित्र आत्मा बट्टी भरपूर करलो, अर यूहन्ना लुखुं तैं मसीह तैं ग्रहण कनु कु तैयार करलो।" जकर्याह ल जवाब दये, "मि अर मेरी जनन सन्तान पैदा कनु कु भौत बुढिया छा! मि कन कै जांणु कि तु मि बट्टी सच बुल्णी छै?"

![](https://cdn.door43.org/obs/jpg/360px/obs-en-22-03.jpg)

वे स्वर्गदूत ल जकर्याह तैं जवाब दींनि, "त्वे मा ये शुभ संदेश तैं लांणु कु पिता परमेश्वर का द्वारा भिजे गै। किलैकि तिल मि पर विश्वास नि कैरी, इलै बच्चा पैदा हूंण तक तु बोलि नि सकीलि।" तब उबरी ही, जकर्याह गूंगो हवे गै। तब उ स्वर्गदूत जकर्याह का समणी बट्टी चलि गै। यांका बाद, जकर्याह अपड़ा घौर वापस लौटी ऐ अर वेकी जनन गर्भवती हवे।

![](https://cdn.door43.org/obs/jpg/360px/obs-en-22-04.jpg)

जब एलीशिबा छ: मैना की गर्भवती छै, त उ ही स्वर्गदूत अचानक से एलीशिबा का रिश्तेदारों पर प्रगट हवे, जींको नौं मरियम छो। मरियम अणबिवाक छै अर ब्वो हूंणु कु यूसुफ नौं का आदिम वीं कि मांगण हुवीं छै। स्वर्गदूत ल बोलि, "तु गर्भवती हवीलि अर एक नौंना तैं जन्म दींलि। तु वेको नौं यीशु रखी। उ सर्व-शक्तिमान पिता परमेश्वर कु नौंनो होलो अर हमेशा कु राज्य करलो।"

![](https://cdn.door43.org/obs/jpg/360px/obs-en-22-05.jpg)

मरियम ल जवाब दींनि, "यु कन कै हवे सकद, किलैकि मि त अणबिवाक छो?" वे स्वर्गदूत ल वीं तैं समझै, "पवित्र आत्मा त्वे पर आलो, अर पिता परमेश्वर की सामर्थ त्वे पर छाया करेली। इलै उ नौंनो पवित्र होलो, अर उ पिता परमेश्वर कु नौंनो होलो।" जु वे स्वर्गदूत ल बोलि वे पर मरियम ल विश्वास कैरी।

![](https://cdn.door43.org/obs/jpg/360px/obs-en-22-06.jpg)

यु हूंणा का बाद, मरियम ल जै के एलीशिबा बट्टी मुलकात कैरी। जन ही मरियम ल वे तैं नमस्कार कैरी, एलीशिबा का नौंनो वींका भितर उछली। ऊं कु पिता परमेश्वर ल जु कैरी छो वेका बारा मा उ जनन एक दगड़ी खुशी हवीनि। एलीशिबा का दगड़ी तीन मैना रांण का बाद, मरियम अपड़ा घौर लौटी गै।

![](https://cdn.door43.org/obs/jpg/360px/obs-en-22-07.jpg)

यांका बाद, एलीशिबा ल अपड़ा नौंन तैं जन्म दींनि। जकर्याह अर एलीशिबा ल वे नौंनो कु नौं यूहन्ना रखि, जन कि वे स्वर्गदूत ल आज्ञा दये छै। तब पिता परमेश्वर ल जकर्याह तैं बुल्ण मा मदद कैरी। जकर्याह ल बोलि, "पिता परमेश्वर की स्तुति हो, किलैकि वेल अपड़ा लुखुं की मदद कन तैं याद रखि! हे मेरा नौंना, तु सर्व-शक्तिमान पिता परमेश्वर कु भविष्यवक्ता होलो। तु लुखुं तैं बतैली कि उ कन के अपड़ा पापों तैं माफ कैरी सकद! "

*लूका अध्याय 1 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_22_128kbps.m4a

## 23. यीशु कु जन्म

https://openbiblestories.org/l/gbm/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नौं का एक आदिम का दगड़ी मरियम की मांगण हवे छै। जब वेल सूंणी कि मरियम गर्भवती च त उ जंणदु छो कि उ वेको बच्चा नि च। पर, उ मरियम तैं बदनाम नि कन चांदु छो, इलै वेल वीं पर दया कने की अर चोरी-चुपके के वीं तैं छुडणै की सोची। पर यां से पैली कि उ इन करद, एल स्वर्गदूत ल वेका सुपना मा ऐ के वे बट्टी बात कैरी।

![](https://cdn.door43.org/obs/jpg/360px/obs-en-23-02.jpg)

वे स्वर्गदूत ल बोलि, "हे यूसुफ, मरियम तैं अपड़ी जनन का रूप मा लेके आंण से नि डैर। वेकी गर्भ मा जु बच्चा च उ पवित्र आत्मा की तरपां बट्टी च। व एक नौंना तैं जन्म दयाली। वेको नौं यीशु रखयां (ज्यांको मतलब च, 'यहोवा बचांद'), किलैकि उ लुखुं तैं ऊंका पापों बट्टी बचालो।"

![](https://cdn.door43.org/obs/jpg/360px/obs-en-23-03.jpg)

तब यूसुफ ल मरियम बट्टी ब्वो कैरी अर वीं तैं अपड़ी जनन का रूप मा अपड़ा घौर ले के ऐ, पर वींका बच्चा तैं जन्म दींण तक उ वीं दगड़ी नि सैय।

![](https://cdn.door43.org/obs/jpg/360px/obs-en-23-04.jpg)

जब मरियम कु बच्चा तैं जन्म दींण कु बगत नजीक ऐ, त वींल अर यूसुफ ल बैतलहम जांण की एक लम्बी यात्रा कैरी। ऊं तैं उख जांण ही छो किलैकि रोमी अधिकारी इस्राएल मा रांण वला सभी लुखुं की गिणती कन चांदा छा। उ चांदा छा कि सभि लोग उख जां जख ऊंका पुरणा रौंदा छा। राजा दाऊद कु जन्म बैतलहम मा हवे छो, अर उ मरियम अर यूसुफ द्वीयूं को पुरणो मा बट्टी छो।

![](https://cdn.door43.org/obs/jpg/360px/obs-en-23-05.jpg)

मरियम अर यूसुफ बैतलहम गैनी, पर उख जानवरों तैं रखण की जगह का आलावा ऊंका रुकणु कु और कुई जगह नि छै। उ ही जगह छै जख मरियम ल अपड़ा बच्चा तैं जन्म दींनि। वींल वे तैं चौंरी मा पुडै दींनि किलैकि उख कुई बिस्तरा नि छो। ऊंल वेको नौं यीशु रखि।

![](https://cdn.door43.org/obs/jpg/360px/obs-en-23-06.jpg)

वीं रात, उख समणी का ही पुंगडा मा कुछ चरवाहा अपड़ा ढिबरों की रखवली कना छा। तब झट, एक चमकीलो स्वर्गदूत ऊं पर प्रगट हवे, अर उ डैरी गैनी। वे स्वर्गदूत ल बोलि, "डैरा ना, किलैकि मि मा तुम कु अच्छी खबर च। बैतलहम मा मसीह, प्रभु कु जन्म हवे गै!"

![](https://cdn.door43.org/obs/jpg/360px/obs-en-23-07.jpg)

जै के वे नौंना की खोज कैरा, अर तुम वे तैं कपड़ा मा लिपटयूं पैला।" झट ले, आसमान स्वर्गदूतों बट्टी भूरे गै। उ पिता परमेश्वर की स्तुति कना छा। ऊंल बोलि, "सैरी महिमा स्वर्ग मा बैठण वला पिता परमेश्वर तैं मिलो। पृथ्वी पर ऊं लुखुं मा शान्ति हो जूं की उ चिंता करद!"

![](https://cdn.door43.org/obs/jpg/360px/obs-en-23-08.jpg)

तब स्वर्गदूत चलि गैनी। उ चरवाह भि अपड़ा ढिबरों तैं छोड़ी के नौंना तैं दिखणु कु गैनी। जल्दी ही उ वीं जगह पर पौंछिनि जख यीशु छो अर ऊंल वे तैं चौंरी मा पुडयूं पै, जन कि स्वर्गदूतों ल बोलि छो। उ भौत खुश छा। तब उ चरवाह उख बट्टी वापस लौटी गैनी जख ऊंका ढिबरा छा। ऊंल जु कुछ भि सूंणी अर देखि वे सभि चीजों कु पिता परमेश्वर की स्तुति कना छा।

![](https://cdn.door43.org/obs/jpg/360px/obs-en-23-09.jpg)

पूर्व दिशा मा दूर एक देश मा कुछ आदिम छा। ऊंल गैणों पर पढ़ै करीं छै अर उ भौत बुद्धिमान छा। ऊंल एक अजांण गैणा तैं आसमान मा देखि। ऊंल बोलि कि यांको मतलब च कि यहूदियों का एक न्य राजा कु जन्म हवे गै। इलै ऊंल वे नौंना तैं दिखणु कु अपड़ा देश बट्टी यात्रा कनो को फैसला कैरी। एक लम्बी यात्रा का बाद, उ बैतलहम ऐनी अर वे घौर तैं पै जख यीशु अर वेका ब्वै-बुबा ठरयां छा।

![](https://cdn.door43.org/obs/jpg/360px/obs-en-23-10.jpg)

जब यूं आदिमों ल यीशु तैं अपड़ी ब्वै का दगड़ी देखि त ऊंल घुंडा टेकिनि अर आराधना कैरी। ऊंल यीशु तैं कीमती उपहार दींनि। फिर उ अपड़ा घौर वापस लौट गैनी।

*मत्ती अध्याय 1; लूका 2 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_23_128kbps.m4a

## 24. यूहन्ना यीशु तैं बपतिस्मा दींद

https://openbiblestories.org/l/gbm/story-24/

![](https://cdn.door43.org/obs/jpg/360px/obs-en-24-01.jpg)

एलिशिबा अर जकर्याह कु नौंनो यूहन्ना, बड़ों हवे के एक भविष्यवक्ता बंणि गै। उ जंगल मा रांदो छो, अर जंगली शौत अर टिड्डियों तैं खांदु छो, अर ऊँट का बाल का बंणयां कपड़ा पैरदु छो।

![](https://cdn.door43.org/obs/jpg/360px/obs-en-24-02.jpg)

भौत सा लोग यूहन्ना की बातों तैं सुनणु कु जंगल मा निकली ऐनी। वेल यु बोलि के प्रचार कैरी, "पापों बट्टी पश्चताप कैरा, किलैकि स्वर्ग कु राज्य नजीक च!"

![](https://cdn.door43.org/obs/jpg/360px/obs-en-24-03.jpg)

जब लुखुं ल यूहन्ना का प्रचार तैं सूंणि, त ऊं मा बट्टी भौतों ल अपड़ा पापों बट्टी पश्चताप कैरी, अर यूहन्ना ल ऊं तैं बपतिस्मा दींनि। यूहन्ना तैं दिखणु कु भौत सा धार्मिक अगवा भि ऐनी, पर ऊल अपड़ा पापों कु पश्चताप या पापों तैं नि मांणी।

![](https://cdn.door43.org/obs/jpg/360px/obs-en-24-04.jpg)

यूहन्ना ल धार्मिक अग्वों बट्टी बोलि, "हे जहर रखण वला गुरों! पश्चताप कैरा अर अपड़ा बरतौ तैं बदली द्या। पिता परमेश्वर हर वे डाला तैं काट डललो, अर उ ऊं तैं आग मा झोंकि दयुलो।" जु भविष्यवक्ता ल बोलि छो यूहन्ना ल वे तैं पूरो कैरी, "देख, जल्दी ही मि तेरा अगनै रैबार भिजण वला तैं भिजुलु जु त्वे कु रास्ता बंणालो।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगवों ल यूहन्ना बट्टी पूछि कि क्य उ मसीह च। यूहन्ना ल जवाब दींनि, "मि मसीह नि छो, पर उ मेरा बाद आंणु च। उ इथग महान च कि मि वेका जुतों का फीता खुलण का लैक भि नि छो।"

![](https://cdn.door43.org/obs/jpg/360px/obs-en-24-06.jpg)

हैंका दिन, यीशु बपतिस्मा लींणु कु यूहन्ना मा ऐ। जब यूहन्ना ल वे तैं देखि, त बोलि, "देखा! पिता परमेश्वर कु चिनखो जु दुनिया का पापों तैं उठै के जांणु च।"

![](https://cdn.door43.org/obs/jpg/360px/obs-en-24-07.jpg)

यूहन्ना ल यीशु बट्टी बोलि, "मि त्वे तैं बपतिस्मा दींण का लैक नि छो। यांका बदला जरूरी च कि तु मि तैं बपतिस्मा दे।" पर यीशु ल बोलि, "त्वे तैं मि तैं बपतिस्मा दींण चयणु च, किलैकि कनु कु सै काम यु ही च।" तब यूहन्ना ल वे तैं बपतिस्मा दींनि, जबकि यीशु ल कभि कुई पाप नि कैरी छो।

![](https://cdn.door43.org/obs/jpg/360px/obs-en-24-08.jpg)

बपतिस्मा दिये जांण का बाद जब यीशु पांणी बट्टी भैर ऐ, त पिता परमेष्वा कु आत्मा कबूतर का रूप मा प्रगट हवे अर मूड़ी ऐ के वे पर ठैरी गै। वे ही बगत, पिता परमेश्वर ल स्वर्ग बट्टी बोलि कि, "तु मेरु नौंनो छै। मि त्वे बट्टी प्रेम करदु, अर मि त्वे बट्टी भौत खुश छो।"

![](https://cdn.door43.org/obs/jpg/360px/obs-en-24-09.jpg)

पिता परमेश्वर ल यूहन्ना बट्टी बोलि छो, "पवित्र आत्मा मूड़ी ऐ के कै पर ठैरी जालो जै तैं तु बपतिस्मा दीलि।" उ ही मेरु नौंनो होलो पिता परमेश्वर एक ही च। पर जब यूहन्ना ल यीशु तैं बपतिस्मा दये, त वेल पिता परमेश्वर तैं बात करदी सूंणी, नौंना ल परमेश्वर तैं देखि, जु कि यीशु च, अर वेल पवित्र आत्मा तैं देखि।

*मत्ती अध्याय 3; मरकुस 1:9-11; लूका 3:1 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_24_128kbps.m4a

## 25. शौतान यीशु की अजमेश करद

https://openbiblestories.org/l/gbm/story-25/

![](https://cdn.door43.org/obs/jpg/360px/obs-en-25-01.jpg)

यीशु को बपतिस्मा हूंण का तुरंत बाद मा, पवित्र आत्मा वे तैं जंगल मा ली गै। यीशु उख चालीस दिन अर चालीस रातों तक छो। वे बगत वेल उपवास कैरी, अर शैतान ल यीशु मा ऐ पाप करवांणु कु वेकी अजमेश कैरी।

![](https://cdn.door43.org/obs/jpg/360px/obs-en-25-02.jpg)

पैली शैतान ल यीशु बट्टी बोलि, "जु तु परमेश्वर कु नौंनो छै त यूं ढुंगों तैं रुठी बंणै दे कि तु ऊं तैं खै साक!"

![](https://cdn.door43.org/obs/jpg/360px/obs-en-25-03.jpg)

पर यीशु ल शैतान बट्टी बोलि, "पिता परमेश्वर का वचन मा यु लिख्युं च, 'ज्यूंदो रांणु कु मनिख तैं बस रुठी की जरूरत नि च, पर ऊं तैं हर वीं बात की जरूरत च जु पिता परमेश्वर ऊं बट्टी बुल्दो च!'"

![](https://cdn.door43.org/obs/jpg/360px/obs-en-25-04.jpg)

तब शैतान यीशु तैं मन्दिर का सबसे ऊँचा हिस्सा पर ली गै। वेल यीशु बट्टी बोलि, "जु तु पिता परमेश्वर कु नौंनो छै त इख बट्टी मूड़ी कूदी ज, किलैकि लिख्युं च, 'पिता परमेश्वर त्वे तैं उठांणु कु अपड़ा स्वर्गदूतों तैं आज्ञा दयालो कि तेरा खुटों पर ढुंगों ल चोट नि लगो।'"

![](https://cdn.door43.org/obs/jpg/360px/obs-en-25-05.jpg)

पर यीशु ल उ नि कैरी जु शैतान ल वे बट्टी बोलि छो। यांका बदला वेल बोलि, "पिता परमेश्वर हर एक बट्टी बुल्द, 'तु प्रभु अपड़ा पिता परमेश्वर की अजमेश नि कैरी।'"

![](https://cdn.door43.org/obs/jpg/360px/obs-en-25-06.jpg)

फिर शैतान ल वे तैं दुनिया कु सैरो राज्य दिखै। वेल यीशु तैं दिखै कि उ उ कथग तागतबर अर सम्पन्न छो। वेल यीशु बट्टी बोलि, "मि त्वे तैं यु सभि दये दयुलु जु तु घुंडा टेकी के मेरी आराधना कैर त।"

![](https://cdn.door43.org/obs/jpg/360px/obs-en-25-07.jpg)

यीशु ल जवाब दये, "हे शैतान, मेरा समणी बट्टी चलि जा! पिता परमेश्वर का वचन मा उ लुखुं तैं आज्ञा दींद, ' बस अपड़ी प्रभु परमेश्वर की आराधना कैरा। पिता परमेश्वर का रूप मा बस वेको ही आदर कैरा।'"

![](https://cdn.door43.org/obs/jpg/360px/obs-en-25-08.jpg)

यीशु ल शैतान की अजमेश बट्टी हार नि मांणी, इलै शैतान वेका समणी बट्टी चलि गै। तब स्वर्गदूत ऐ के यीशु की सेवाटहल कन लगि गैनी।

*मत्ती अध्याय 4:1-11; मरकुस 1:12-13; लूका 4:1-13 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_25_128kbps.m4a

## 26. यीशु अपड़ी सेवा तैं शुरू करद

https://openbiblestories.org/l/gbm/story-26/

![](https://cdn.door43.org/obs/jpg/360px/obs-en-26-01.jpg)

शैतान की अजमेशों कु इनकार कना का बाद, यीशु वापस गलील का इलाका मा ऐ। यु ही व जगह च जख उ रांदो छो। पवित्र आत्मा वे तैं भौत सामर्थ दींणु छो, अर यीशु एक जगह बट्टी दुसरे जगह गै अर लुखुं तैं शिक्षा दींनि। सभियूं ल वेका बारा मा अच्छी बातों तैं बोलि।

![](https://cdn.door43.org/obs/jpg/360px/obs-en-26-02.jpg)

फिर यीशु नसरत नगर मा गै। जब उ छुट्टो छो त ये ही गाऊं मा रांदो छो। विश्राम का दिन, उ आराधना कनै की जगह पर गै। अगवों ल वे तैं यशायाह भविष्यवक्ता की संदेश की एक किताब दींनि। उ चांदा छा कि उ वे मा बट्टी पढौ। तब यीशु ल वीं किताब तैं खोली के वे मा बट्टी एक हिस्सा तैं पैढी।

![](https://cdn.door43.org/obs/jpg/360px/obs-en-26-03.jpg)

यीशु ल इन पैढी, "पिता परमेश्वर ल मि तैं अपड़ो आत्मा दींनि कि मि कंगालों मा प्रचार कैरी साकु। वेल मि तैं इलै भेजि कि कैदियों तैं आजाद कैरू, अंधों तैं फिर से द्रष्टि दयूं, अर ऊं तैं छुटकारा दयूं जूं तैं दुसरा लोग दबांण छिनी। यु उ बगत च जब पिता परमेश्वर हम पर दया करलो अर हमारी मदद करलो।"

![](https://cdn.door43.org/obs/jpg/360px/obs-en-26-04.jpg)

फिर यीशु बैठ गै। सभि लोग वे तैं बड़ा ध्यान से दिखणा छा। उ जंणदा छा कि पवित्रशास्त्र कु जु भाग वेल अभि पैढी छो उ मसीह का बारा मा छो। यीशु ल बोलि, "जु बात मिल अभि तुम कु पढिनि, उ वे बगत पूरी हूंणी छिनी।"सभि लोग हैरान छा। ऊंल बोलि, "क्य यु यूसुफ कु नौंनो नि च?"

![](https://cdn.door43.org/obs/jpg/360px/obs-en-26-05.jpg)

तब यीशु ल बोलि, "यु सच च कि लोग कै इन भविष्यवक्ता तैं कभि स्वीकार नि करदींनि जु ऊंका नगर मा पलयूं- बढयूं हो। एलिय्याह भविष्यवक्ता का बगत मा, इस्राएल मा भौत सी विधवा छै। पर जब साढे तीन साल तक बरखा नि हवीनि त पिता परमेश्वर ल एलिय्याह भविष्यवक्ता तैं इस्राएल मा कै विधवा की मदद कनु कु नि भेजि। यांका बदला, वेल एलिय्याह तैं कै हैंका देश की विधवा मा भेजि।"

![](https://cdn.door43.org/obs/jpg/360px/obs-en-26-06.jpg)

जब यीशु बुल्णु रै, " अर एलीशा भविष्यवक्ता का बगत मा, इस्राएल मा भौत सा लोग चमड़ी का रोग बट्टी परेशान छा। पर एलीशा ल ऊं मा बट्टी कै तैं भि खूब नि कैरी। वेल बस इस्राएल का दुश्मनॉ का सेनापीटीआई नामान तैं खूब कैरी।" पर जु लोग यीशु की बातों तैं सुनणा छा उ यहूदी छा। इलै जब ऊंल वे तैं यु बुल्द सूंणी त उ यीशु पर गुस्सा हवे गैनी।

![](https://cdn.door43.org/obs/jpg/360px/obs-en-26-07.jpg)

नासरत का लुखुं ल यीशु तैं पकड़ी दींनि अर वे तैं आराधना की जगह बट्टी घसीट के भैर ली गैनी। उ वे तैं मरणु कु मूड़ी फिकण कु एक पोड पर ली गैनी। पर यीशु भीड़ बट्टी निकली गै अर नासरत नगर तैं छोड़ी के चलि गै।

![](https://cdn.door43.org/obs/jpg/360px/obs-en-26-08.jpg)

फिर यीशु सैरा गलील का इलाका मा गै, अर बड़ी भीड़ वे मा ऐ। उ इन भौत सा लुखुं तैं ले के ऐनी जु बीमार अर अपाहिज छा। ऊंमा बट्टी कुछ देखि, चलि, सूंणि अर बोलि नि सकदा छा, अर यीशु ल ऊं तैं खूब कैरी।

![](https://cdn.door43.org/obs/jpg/360px/obs-en-26-09.jpg)

भौत सा इन लोग भि यीशु मा लये गैनी जूं पर दुष्टात्माए छै। यीशु ल दुष्टात्माओं तैं ऊं लुखुं बट्टी निकली जांणे की आज्ञा दींनि अर उ निकली गैनी। उ दुष्टात्माए चिलै-चिलै के बुल्णी छै, "तू परमेश्वर कु नौंनो छै!" भीड़ का लोग हैरान छा, अर ऊंल पिता परमेश्वर की स्तुति कैरी।

![](https://cdn.door43.org/obs/jpg/360px/obs-en-26-10.jpg)

फिर यीशु ल बारह आदिमों तैं चुंणि जौ तैं वेल अपड़ो प्रेरित बोलि। ऊं प्रेरितों ल वे दगड़ी यात्रा कैरी अर वे बट्टी शिक्षा पै।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30; 38-44 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_26_128kbps.m4a

## 27. मयलदु सामरी की कथा

https://openbiblestories.org/l/gbm/story-27/

![](https://cdn.door43.org/obs/jpg/360px/obs-en-27-01.jpg)

एक दिन, मूसा की व्यवस्था कु एक जांणकार यीशु मा ऐ।उ सभियूं तैं यु दिखांण चांदु छो कि यीशु गलत ढंग ल सिखांणु च। इलै वेल बोलि, "हे गुरु जी, हमेशा कु जीवन पांणु कु मि क्य कैरु?" यीशु ल जवाब दींनि, "पिता परमेश्वर की व्यवस्था मा क्य लिख्युं च?"

![](https://cdn.door43.org/obs/jpg/360px/obs-en-27-02.jpg)

वे आदिम ल बोलि, " व्यवस्था मा इन बुलै गै कि अपड़ा परमेश्वर बट्टी अपड़ा सैरा मन,प्राण, सामर्थ, अर बुद्धि बट्टी प्रेम कैर। अर अपड़ा पड़ोसी बट्टी अफ जन प्रेम कैर। "यीशु ल जवाब दींनि, "तू बिल्कुछ सै बुल्णी छै! जु तु इन कैर त त्वे तैं हमेशा कु जीवन मिललो।"

![](https://cdn.door43.org/obs/jpg/360px/obs-en-27-03.jpg)

पर उ व्यवस्था कु जांणकार लुखुं तैं दिखांण चांदु छो कि वेको जीवन जींण को ढंग सै च। इलै वेल यीशु बट्टी पूछि, "ठिक च, त मेरु पड़ोसी कु च?"

![](https://cdn.door43.org/obs/jpg/360px/obs-en-27-04.jpg)

यीशु ल वे व्यवस्था कु जांणकार तैं एक कथा बतै के जवाब दींनि। "एक यहूदी आदिम छो जु एक सड़क बट्टी हवे के यरूशलेम शहर बट्टी यरीहो शहर कु जांणु छो।"

![](https://cdn.door43.org/obs/jpg/360px/obs-en-27-05.jpg)

"पर कुछ डाकूओं ल वे देखि अर वे पर हमला कैरी दींनि। ऊंल वेको सभि कुछ ले लींनि अर वे तैं मुरण तक मरणा पिटणा रैनी। तब उ चलि गैनी।"

![](https://cdn.door43.org/obs/jpg/360px/obs-en-27-06.jpg)

"कुछ देर बाद, एक यहूदी याजक वीं सड़क बट्टी हवे के गुजरी। वे याजक ल वे आदिम तैं सड़क पर पुडयूं देखि। जब वेल, वे तैं देखि त उ सदका की दुसरी और जै के अगनै बढी गै। वेल वे घायल आदिम तैं पूरा ढंग से अनदेखा कैरी दींनि।"

![](https://cdn.door43.org/obs/jpg/360px/obs-en-27-07.jpg)

"यांका बाद कुछ बगत बितण का बाद, एक लेवी वीं सड़क पर ऐ। (लेवी यहूदियों’ का एक गोत्र छो जौल मन्दिर मा याजकों की मदद कैरी छै।) उ लेवी भि सड़क की दुसरी तरपां बट्टी निकली गै। वेल भि वे घायल आदिम तैं देखि के अनदेखा कैरी दींनि।"

![](https://cdn.door43.org/obs/jpg/360px/obs-en-27-08.jpg)

"हैको आदिम जु वीं सड़क पर ऐ उ सामरिया कु एक आदिम छो। (सामरी अर यहूदी एक दुसरा बट्टी नफरत करदा छा।) वे सामरी ल सड़क पर वे घायल आदिम तैं देखि। वेल देखि कि उ यहूदी छो, पर फिर भि वेल वे घायल पर बड़ो तरस खै। तब उ वेमा गै अर वेल वेका घावों पर पट्टी बांधि।"

![](https://cdn.door43.org/obs/jpg/360px/obs-en-27-09.jpg)

"फिर वे सामरी ल वे आदिम तैं अपड़ा गधा पर रखि अर वे तैं सड़क का रस्ता एक सराय मा लीगी। जख उ वेकी देखभाल कनु रै।"

![](https://cdn.door43.org/obs/jpg/360px/obs-en-27-10.jpg)

हैंका दिन, वे सामरी तैं अपड़ी यात्रा मा जांण जरूरी छो। वेल वीं सराय का प्रभारी आदिम तैं कुछ रूप्या दींनि। वेल बोलि, "ये आदिम की देखभाल कैरी। जु यूं रुय्यों का अलावा तेरु कुछ और रुप्प्या लगुनु त वापस आंण पर मि वे तैं भोरी दयुलु।"

![](https://cdn.door43.org/obs/jpg/360px/obs-en-27-11.jpg)

फिर यीशु ल मा मूसा की व्यवस्था का जांणकार बट्टी पूछि, "तुम क्य सुचदयां? यूं तीन लुखुं मा बट्टी कु वे आदिम कु पड़ोसी च जै तैं लूटी अर पीटी छो?" वेल जवाब दये, "उ ही जु वे पर दयालु हवे।" यीशु ल वे बट्टी बोलि, "तू जै के इन ही कैर।"

*लूका अध्याय 10:25- 37 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_27_128kbps.m4a

## 28. अमीर जवान शासक

https://openbiblestories.org/l/gbm/story-28/

![](https://cdn.door43.org/obs/jpg/360px/obs-en-28-01.jpg)

एक दिन, एक अमीर जवान अगुवा ल यीशु मा ऐ के पूछि, "हे अच्छा गुरु जी, हमेशा कु जीवन पांणु कु मि तैं क्य कन पुडलो?" यीशु ल वे बट्टी बोलि, "तू मि तैं 'अच्छो' किलै बुल्णी छै? बस एक ही अच्छो च अर उ पिता परमेश्वर च। पर जु तु हमेशा कु जीवन पांण चांदी त पिता परमेश्वर की व्यवस्था कु पालन कैर।"

![](https://cdn.door43.org/obs/jpg/360px/obs-en-28-02.jpg)

वेल पूछि, "मि तैं कौन-कौन सी आज्ञाओं कु पालन कन चयणु च?" फिर यीशु ल जवाब दये, "हत्या नि कन। व्यभिचार नि कन। चोरी नि कन। झूठ नि बुल्ण। अपड़ा बुबा अर ब्वे कु आदर कन, अपड़ा पड़ोसी तैं अफ जन प्रेम कन।"

![](https://cdn.door43.org/obs/jpg/360px/obs-en-28-03.jpg)

पर वे जवान आदिम ल बोलि, "मि अपड़ा बचपन से ही यूं सभि आज्ञाओं कु पालन करदी अयु। मि तैं हमेशा का जीवन मा रांणु कु अब भि क्य कनै कि जरूरत च?" यीशु ल वे जनै देखि अर वे बट्टी प्रेम कैरी।

![](https://cdn.door43.org/obs/jpg/360px/obs-en-28-04.jpg)

यीशु ल जवाब दींनि, "जु यु सिद्ध हूंण चांणी चै त जै के अपड़ो सभि कुछ बेचि के वे धन तैं गरीबों तैं दये दे, अर त्वे तैं स्वर्ग मा धन मिललो। तब ऐ के मेरा पिछनै हवे जा।"

![](https://cdn.door43.org/obs/jpg/360px/obs-en-28-05.jpg)

जु यीशु ल बोलि जु वे जवान आदिम ल सूंणी त उ भौत उदास हवे गै, किलैकि उ भौत अमीर छो अर उ अपड़ी धन सम्पत्ति तैं दींण नि चांदु छो। उ मुडी के यीशु का समणी बट्टी चलि गै।

![](https://cdn.door43.org/obs/jpg/360px/obs-en-28-06.jpg)

तब यीशु ल अपड़ा चेलों बट्टी बोलि, "पिता परमेश्वर का राज्य मा अमीर लुखुं को दाखिल हूंण कठिन च! हाँ, एक अमीर आदिम का पिता परमेश्वर का रज्य मा दाखिल हूंण की तुलना मा कै ऊँट कु सुई का छेद मा बट्टी निकल जांण आसान च।"

![](https://cdn.door43.org/obs/jpg/360px/obs-en-28-07.jpg)

जब चेलों ल यीशु की छुईं सूंणी त उ हैरान हवे गैनी। ऊंल बोलि, "जु यु इन च त पिता परमेश्वर कै तैं बचालो?"

![](https://cdn.door43.org/obs/jpg/360px/obs-en-28-08.jpg)

यीशु ल चेलों तैं देखि के बोलि, "लोग अपड़ा आप तैं नई बचै सकदींनि। पर पिता परमेश्वर कु कुछ भि कन मुश्किल नि च।"

![](https://cdn.door43.org/obs/jpg/360px/obs-en-28-09.jpg)

पतरस ल यीशु मा बोलि, "हम जु तेरा चेला छां अपड़ो सभि कुछ छोड़ी के तेरा पिछनै हवे ग्यां। त हम कु क्य प्रतिफल होलो?"

![](https://cdn.door43.org/obs/jpg/360px/obs-en-28-10.jpg)

यीशु ल जवाब दये, "हर एक आदिम जैल मेरा कारण अपड़ो घौर, भये, बैंण, बुबा, ब्वे, बच्चा, या सम्पत्ति छोड़ी हो, उ वे बट्टी 100 गुणा ज्यादा पालो अर हमेशा कु जीवन तैं भि पालो। पर भौत सा छिनी जु पैला छिनी उ पिछला होला, अर भौत सा छिनी जु पिछला छिनी उ पैला होला।"

*मत्ती अध्याय 19:16-30; मरकुस 10:17-31; लूका 18:18-30 बट्टी एक बाइब min*

Audio: https://git.door43.org/OBS-TLF/gbm_obs/releases/download/v1/gbm_obs_v1_28_128kbps.m4a

## 29. बेरहम नौकर की कथा

https://openbiblestories.org/l/gbm/story-29/

![](https://cdn.door43.org/obs/jpg/360px/obs-en-29-01.jpg)

एक दिन, पतरस ल यीशु बट्टी पूछि, "हे स्वामी, जब मेरु भैय मेरा विरुद्ध म पाप करद त मि तैं अपड़ा भैय तैं कथग बार माफ कन चयणु च जब उ मेरा विपक्ष मा पाप कैरो त? क्य सात बार तक?" यीशु ल बोलि, "सात बार न, पर सात का सत्तर बार!" यांको मतलब छो, कि हम तैं हमेशा माफ कन चयणु च। तब यीशु ल या कथा बतै।

![](https://cdn.door43.org/obs/jpg/360px/obs-en-29-02.jpg)

यीशु ल बोलि, "पिता परमेश्वर का राज्य एक राजा का जन च जु अपड़ा नौकरों बट्टी हिसाब लींण चांदु छो। वेको एक नौकर 2,00,000 साल की मजदूरी का एक बड़ा कर्ज कु कर्जदार छो।"

![](https://cdn.door43.org/obs/jpg/360px/obs-en-29-03.jpg)

पर उ नौकर अपड़ा कर्ज तैं चुकै नि साकी, इलै राजा ल बोलि, "येकु कर्ज चुकांणु कु ये आदिम तैं अर येका परिवार तैं नौंकरों का रूप मा बेचि द्या।"

![](https://cdn.door43.org/obs/jpg/360px/obs-en-29-04.jpg)

"वे नौकर ल राजा का समणी अपड़ा घुंडा का बल बैठी के बोलि, 'दया कैरी के मि पर कुछ धीरज रख, अर मि अपड़ा कर्ज की रकम कु पूरो भोरी दयुलु।' राजा ल नौकर पर दया कैरी, इलै वेल सैरा कर्ज तैं माफ कैरी दींनि अर वे तैं जांण दींनि।"

![](https://cdn.door43.org/obs/jpg/360px/obs-en-29-05.jpg)

"पर जब वे नौकर भैर गै, त वे तैं एक दगड़िया मिली जु वेको चार मैना की मजदूरी कु कर्जदार छो। वे नौंकर ल अपड़ा दगड़िया नौकर तैं पकड़ी लींनि अर बोलि, 'जु ते पर मेरु कर्ज च मि तैं वापस कैर!"

![](https://cdn.door43.org/obs/jpg/360px/obs-en-29-06.jpg)

"वे दगड़िया नौकर ल घुंडा टेकी के बोलि, 'दया कैरी के मि पर धीरज रख, अर मि अपड़ा कर्ज की पूरी रकम भुगतान कैरी दयुलु।' पर यांका बदला, वे नौकर ल अपड़ा दगड़िया नौकर तैं जेल मा डाली दींनि जब तक कि उ वे कर्ज कु भुगतान नि कैरी दयो।"

![](https://cdn.door43.org/obs/jpg/360px/obs-en-29-07.jpg)

"जु कुछ हवे छो वे तैं हैंका नौकरों ल देखि अर उ भौत परेशान हवीनि। उ राजा म गैनी अर वे तैं सभि कुछ बतै।"

![](https://cdn.door43.org/obs/jpg/360px/obs-en-29-08.jpg)

"राजा ल वे नौकर तैं बुलै के बोलि, 'हे दुष्ट नौकर! मिल तेरु कर्ज तैं इलै माफ नि कैरी छो कि किलैकि तिल मि बट्टी बिनती कैरी छै। त्वे तैं भि उन ही कन चयणु छो।' राजा इथग गुस्सा छो कि वेल दुष्ट दास तैं जेल मा डाली दींनि जब तक की उ अपड़ा सैरा कर्ज कु वापस भुगतान नि कैरी दयो।"

![](https://cdn.door43.org/obs/jpg/360px/obs-en-29-09.jpg)

तब यीशु ल बोलि, "मेरु स्वर्ग मा बैठयां पिता परमेश्वर तुम मा बट्टी हर एक का दगड़ी इन ही करलो जु तुम अपड़ा भैय तैं अपड़ा दिल से माफ नि करदियां।"

*मत्ती अध्याय 18:21-35 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_29_128kbps.m4a

## 30. यीशु पांच हजार लुखुं तैं खांणु खिलांद

https://openbiblestories.org/l/gbm/story-30/

![](https://cdn.door43.org/obs/jpg/360px/obs-en-30-01.jpg)

यीशु ल अपड़ा प्रेरितों कु प्रचार कनै अर लुखुं तैं शिक्षा दींण कु भौत सा अलग-अलग गौं मा भेजि। जब उ उख लौटिनि जख यीशु छो ऊंल वे तैं बतै कि ऊल क्य कैरी छो। तब यीशु ल ऊं तैं झील का दुसरा तरपां एक एकांत जगह पर जै के कुछ बगत आराम कनु कु बुलै। तब उ एक नाव पर चढी गैनी अर झील का दुसरी तरपां चलि गैनी।

![](https://cdn.door43.org/obs/jpg/360px/obs-en-30-02.jpg)

पर उख भौत सा लोग छा जौल यीशु अर चेलों तैं नाव मा जांद देखेले छो। यु लोग अगनै झील का दुसरा तरपां जांणु कु झील का छाला ही छाला भगिनि। तब यीशु अर चेला पौछिनी त लुखुं कु एक बड़ो झुण्ड ऊंको इन्तेजार करदी उख पौंछि गैनी।

![](https://cdn.door43.org/obs/jpg/360px/obs-en-30-03.jpg)

वीं भीड़ मा जनन अर बच्चों की गिणटी का बगैर 5000 से ज्यादा आदिम छा। यीशु ल ऊं लुखुं पर बड़ी दया कैरी। यीशु कु उ लोग बगैर चरवाहा का ढिबरा का जन छा। इलै वेल ऊं तैं शिक्षा दींनि अर ऊंका बीच मा जु लोग बीमार छा ऊं तैं खूब कैरी।

![](https://cdn.door43.org/obs/jpg/360px/obs-en-30-04.jpg)

शाम बगत मा, चेलों ल यीशु म बोलि, "अब भौत अबेर हवे गै अर अमणी-समणी कुई नगर नि च। यूं लुखुं तैं वापस भेज दे कि उ खांणु कु कुछ लै साका।"

![](https://cdn.door43.org/obs/jpg/360px/obs-en-30-05.jpg)

पर यीशु ल चेलों बट्टी बोलि, "तुम यूं तैं खांणु कु कुछ द्या!" ऊंल जवाब दये, "हम इन कन कै कैर सकदा? हम मा बस पांच रूठी अर द्वी छुटा माछा छिनी।"

![](https://cdn.door43.org/obs/jpg/360px/obs-en-30-06.jpg)

यीशु ल अपड़ा चेलों बट्टी बोलि कि उ भीड़ का लुखुं तैं घास पर पचास-पचास का झुण्ड मा बैठणु कु बोला।

![](https://cdn.door43.org/obs/jpg/360px/obs-en-30-07.jpg)

तब यीशु ल पांच रुठी ऐ द्वी माछो तैं ले के स्वर्ग का तरपां देखि, अर वे खांणु कु पिता परमेश्वर कु धन्यवाद कैरी।

![](https://cdn.door43.org/obs/jpg/360px/obs-en-30-08.jpg)

फिर यीशु ल रुठी लींनि अर माछो का टुकड़ा कैरी। वेल लुखुं तैं दींणु कु अपड़ा चेलों तैं उ टुकड़ा दे दींनि। चेला वे खांणु तैं तुडणु रै, अर उ कभि खत्म नि हवे! उ सभि लोग खै के छाक हवे गैनी।

![](https://cdn.door43.org/obs/jpg/360px/obs-en-30-09.jpg)

वेका बाद, चेलों ल वे खांणु तैं कठ्ठा कैरी के जै तैं खये नि ग्ये छो अर उ बारह टुपरों तैं भुरणु कु पूरो छो! उ सैरो खांणु ऊं पांच रुठी अर द्वी माछो बट्टी ऐ छो।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_30_128kbps.m4a

## 31. यीशु को पांणी पर चलण

https://openbiblestories.org/l/gbm/story-31/

![](https://cdn.door43.org/obs/jpg/360px/obs-en-31-01.jpg)

पांच हजार लुखुं तैं खांणु खिलांण का बाद, यीशु ल अपड़ा चेलों बट्टी नाव मा जांणु कु बोलि। यीशु ल ऊं तैं झील का दुसरा तरपां चलि जांण कु बोलि जबकि उ थोडा बगत कु उख ही ठैरी गैनी। तब चेला चलि गैनी अर यीशु ल वीं भीड़ तैं विदा कैरी कि उ अपड़ा घौर जौनु। यांका बाद, यीशु प्रार्थना कनु कु एक पोड पर चलि गै। उख उ अकेला ही छो, अर वेल देर रात तक प्रार्थना कैरी।

![](https://cdn.door43.org/obs/jpg/360px/obs-en-31-02.jpg)

वे बगत, चेला अपड़ी नाव बट्टी जांणा छा, पर बथौं ऊंका विपरीत जोर से चलणी छै। भौत रात हवे जांण पर भि उ बस झील का छाला मा ही पौंछि छा।

![](https://cdn.door43.org/obs/jpg/360px/obs-en-31-03.jpg)

वे बगत यीशु ल प्रार्थना कन खत्म कैरी अर अपड़ा चेलों मा वापस जांण शुरू कैरी। उ नाव का तरपां जांणु कु पांणी का मथी चलण लगी गै।

![](https://cdn.door43.org/obs/jpg/360px/obs-en-31-04.jpg)

तब चेलों ल वे तैं देखि। उ भौत डैरी गैनी किलैकि ऊंल सोचि छो कि उ कुई भूत च। यीशु जंणदु छो कि उ डैरी गैनी, इलै वेल आवाज लगै के बोलि, "डैरा न, यु मि छो!"

![](https://cdn.door43.org/obs/jpg/360px/obs-en-31-05.jpg)

तब पतरस ल यीशु बट्टी बोलि, "हे प्रभु, जु यु तु छै त मि तैं पांणी पर चलणु कु बोल।" यीशु ल पतरस बट्टी बोलि, "औ!"

![](https://cdn.door43.org/obs/jpg/360px/obs-en-31-06.jpg)

तब पतरस नाव बट्टी उतरी गै अर यीशु मा जांणु कु पांणी पर चलण शुरू कैरी। पर थोड़ी देर मा जै के, वेल अपड़ा आंखों तैं यीशु बट्टी फिरै दींनि अर लहरों तैं देखि अर तेज बथौं तैं महसूस कन शुरू कैरी।

![](https://cdn.door43.org/obs/jpg/360px/obs-en-31-07.jpg)

तब पतरस डैरी गै अर पांणी अर डूबण लगि गै। उ चिलै, "हे प्रभु, मि तैं बतौ!" यीशु ल वे ही अपड़ो हथ बढ़ै के वे तैं पकड़ी दींनि। तब वेल पतरस बट्टी बोलि, "तेरु विश्वास भौत कम च! अफ तैं ठिक रखणु कु तिल मि पर विश्वास किलै नि रखि?"

![](https://cdn.door43.org/obs/jpg/360px/obs-en-31-08.jpg)

तब यीशु अर पतरस नाव पर चैढी गैनी, अर तुरंत बथौं बंद हवे गै। पांणी शांत हवे गै। चेलों ल चकित हवे के यीशु का अगनै घुंडा टेकी दींनि। ऊंल यीशु की आराधना कैरी अर बोलि, "सचि मा तु पिता परमेश्वर कु नौंनो छै।"

*मत्ती अध्याय 14:22-33; मरकुस 6:45-52; यूहन्ना 6:16-21 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_31_128kbps.m4a

## 32. यीशु दुष्टात्मा बट्टी पीड़ित आदिम तैं अर एक बीमार जनन तैं खूब कन

https://openbiblestories.org/l/gbm/story-32/

![](https://cdn.door43.org/obs/jpg/360px/obs-en-32-01.jpg)

यीशु अर वेका चेला अपड़ी नाव मा वीं जगह गैनी जख गिरसेनी लोग रौंदा छा। उ वीं जगह पौंछि के नाव बट्टी उतरी गैनी।

![](https://cdn.door43.org/obs/jpg/360px/obs-en-32-02.jpg)

उख एक आदिम छो जु दुष्टात्मा बट्टी पीड़ित छो।

![](https://cdn.door43.org/obs/jpg/360px/obs-en-32-03.jpg)

यु आदिम इथग तागतबर छो कि कुई भि वे तैं काबू मा नि कैरी सकदु छो। कई बार लुखुं ल वेका हथों अर खुट्टों तैं संगलों ल भि बांधि, पर उ ऊं तैं भि तोड़ी दींद छो।

![](https://cdn.door43.org/obs/jpg/360px/obs-en-32-04.jpg)

उ आदिम वी जगह की कब्रों मा रांदु छो। यु आदिम पूरा दिन अर रात चिलांणु रौंदू छो। उ कपड़ा नि पैरदु छो अर हमेशा अफ तैं ढुंगों ल घायल कैरी दींद छो।

![](https://cdn.door43.org/obs/jpg/360px/obs-en-32-05.jpg)

उ आदिम दौड़ी के यीशु मा ऐ अर वेका समणी घुंदा टेकी दींनि। तब यीशु ल वे आदिम का भितर दुष्टात्मा दगड़ी बात कैरी के बोलि, "ये आदिम मा बट्टी भैर निकली जा!"

![](https://cdn.door43.org/obs/jpg/360px/obs-en-32-06.jpg)

उ दुष्टात्मा ऊंचि आवाज मा चिलै, "हे यीशु, परम प्रधान परमेश्वर का नौंना, तेरु मि बट्टी क्य काम? दया कैरी कै मि तैं नि सतौ!" तब यीशु ल वीं दुष्टात्मा बट्टी बोलि, "तेरु नौं क्य च?" वीं ल जवाब दये, "मेरु नौं सेना च,किलैकि हम भौत छा।" (रोमी सेना मा कई हजार सिपैयूं कु एक समूह एक "सेना" हूंद।)

![](https://cdn.door43.org/obs/jpg/360px/obs-en-32-07.jpg)

ऊं दुष्टात्माओं ल यीशु बट्टी बिनती कैरी, "दया कैरी के हम तैं ये इलाका बट्टी भैर नि भेज!" उख समणी का जंगल मा सुंगरूं को एक झुण्ड चरणु छो। इलै दुष्टात्माओं ल यीशु बट्टी बिनती कैरी की, "दया कैरी के हम तैं ऊं सुंगरूं मा भेजि दे!" यीशु ल बोलि, "ठिक च, ऊं मा चलि जावा!"

![](https://cdn.door43.org/obs/jpg/360px/obs-en-32-08.jpg)

तब उ दुष्टात्माऐ वे आदिम मा बट्टी निकली के ऊं सुंगरूं मा चलि गैनी। उ सुंगरूं दौड़ी के एक खड़ा पोड बट्टी झील मा कूदी के मोरि गैनी। वे झुण्ड मा लगभग 2,000 सुंगर छा।

![](https://cdn.door43.org/obs/jpg/360px/obs-en-32-09.jpg)

उख ऊं सुंगरूं की देखभाल कन वला लोग भि छा। जु कुछ हवे छो जब ऊंल देखी त उ नगर मा भागी गैनी। यीशु ल जु कैरी छो उख ऊंल सभियूं तैं बतै। वे नगर का लोग निकली के ऐनी अर वे आदिम तैं देखि जै पर दुष्टात्मा छै। उ शांत हवे कै, कपड़ा पैरयां, अर एक साधारण आदिम का जन बरतौ करदी बैठयूं छो।

![](https://cdn.door43.org/obs/jpg/360px/obs-en-32-10.jpg)

उ लोग भौत डरयां छा अर ऊंल यीशु बट्टी चलि जांणु कु बोलि। तब यीशु नाव पर चढ़ि गै। उ आदिम जै पर दुष्टात्मा छै वेल यीशु का दगड़ी जांणै की बिनती कैरी।

![](https://cdn.door43.org/obs/jpg/360px/obs-en-32-11.jpg)

पर यीशु ल वे बट्टी बोलि, "न। मि चांदु कि तु अपड़ा घौर जै के सभियूं तैं बतौ कि पिता परमेश्वर ल त्वे कु क्य कैरी। ऊं तैं बतौ कि कन कै पिता परमेश्वर ल त्वे पर दया कैरी।"

![](https://cdn.door43.org/obs/jpg/360px/obs-en-32-12.jpg)

इलै उ आदिम चलि गै अर सभियूं तैं ये बारा मा बतै जु यीशु ल ऊं कु कैरी छो। वेकी कथा तैं सुनण वलो हर एक आदिम हैरान हवे।

![](https://cdn.door43.org/obs/jpg/360px/obs-en-32-13.jpg)

यीशु झील की दुसरी तरपां लौटी गै। वेल उख पौंछण का बाद, एक बड़ी भीड़ वेका अमणी-समणी कठ्ठा हवे अर वे तैं दबांण लगि गै। वीं भीड़ मा एक जनन छै जु बारह सालों बट्टी ल्वे बुगण की परेशानी बट्टी पीड़ित छै। वीं ल अपड़ो सैरो धन वैदों तैं दियेले छो कि उ वीं तैं ठिक कैरी द्या, पर वीं की बिमारी और भि ज्यादा बड़ी गै छै।

![](https://cdn.door43.org/obs/jpg/360px/obs-en-32-14.jpg)

वीं ल सूंणि छो कि यीशु ल कई बीमार लुखुं तैं खूब कैरी छो अर वीं ल सोचि, "मि तैं विश्वास च कि जु मि बस यीशु का कपड़ों ही तैं छ्वे दयूं, त मि भि ठिक हवे जौलु!" इलै व यीशु का पिछनै बट्टी ऐ अर वेका कपड़ा तैं छवे। जन ही वीं ल यीशु तैं छ्वे, ल्वे बुगण बंद हवे गै।

![](https://cdn.door43.org/obs/jpg/360px/obs-en-32-15.jpg)

तुरंत ही, यीशु ल अफ मा यु जांण लींनि कि वे मा बट्टी सामर्थ निकली। इलै वेल पिछनै मुड़ी के पूछि, "मि तैं कैल छवे?" चेलों ल जवाब दींनि, "इख इथग सैरा लुखुं ल तेरा चौ तरपां भीड़ लगई च, अर त्वे तैं ठीलणी च। त तिल किलै पूछि कि मि तैं कैल छ्वे?"

![](https://cdn.door43.org/obs/jpg/360px/obs-en-32-16.jpg)

व जनन यीशु का समणी कपदी अर भौत गबरांदी, डरदी अपड़ा घुंडों का बल बैठी गै। तब वेल वे तैं बतै दींनि कि वेल क्य कैरी, अर यु भि कि उ ठिक हवे गै। यीशु ल वीं बट्टी बोलि, "तेरा विश्वास ल त्वे तैं खूब कैरी। शान्ति से चलि जा।"

*मत्ती अध्याय 8:28-34; 9:20-22; मरकुस 5:1-20; 5:24b-34 लूका 8:26-39; 8:42b-48 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_32_128kbps.m4a

## 33. एक किसान की कथा

https://openbiblestories.org/l/gbm/story-33/

![](https://cdn.door43.org/obs/jpg/360px/obs-en-33-01.jpg)

एक दिन, यीशु झील का छाला पर छो। उ लुखुं की एक भौत बड़ी भीड़ तैं शिक्षा दींणु छो। वे तैं सुनणु कु इथग सैरा लोग ऐनी कि यीशु मा ऊं सभ बट्टी बात कनै की जगह नि मिली। इलै उ पांणी मा खडी नाव पर चढ़ी गै। उख उ बैठी गै अर लुखुं तैं शिक्षा दींनि।

![](https://cdn.door43.org/obs/jpg/360px/obs-en-33-02.jpg)

यीशु ल ऊं तैं या कथा सुणै, "एक किसान बीज बुतणु कु निकली। जब उ हथों बट्टी बीजों तैं बिखेरणु छो त कुछ बीज रस्ता मा पुडिनि। पर पक्षियों ल ऐ के ऊं बीजों तैं खै दींनि।"

![](https://cdn.door43.org/obs/jpg/360px/obs-en-33-03.jpg)

"दुसरो बीज पथरीली धरती मा पोड़ी जख माटो कम छो। पथरीली धरती पर पुडयां बीज भौत जल्दी जमिनि, पर ऊंका जलुडा धरती मा पौंछण मा कामियाब नि छा। जब सूरज निकली अर धाम ऐ त उ डाला मुरझै गैनी अर मोरि गैनी।"

![](https://cdn.door43.org/obs/jpg/360px/obs-en-33-04.jpg)

"तब भि दुसरा बीज झाड़ियों का बीच मा पुडिनी। ऊं बीजों ल बढण शुरू कैरी, पर कांडों ल ऊं तैं दबै दींनि। इलै कांडादार धरती पर गिरयां बीजों मा बट्टी निकलयां डालों मा भि अनाज पैदा नि कैरी साकी।"

![](https://cdn.door43.org/obs/jpg/360px/obs-en-33-05.jpg)

"दुसरा बीज अच्छी धरती मा पुडिनी। उ बीज बढ़ीनि अर जथग बीज बुतै गै छा ऊंमा बट्टी 30,60 अर इख तक कि 100 गुणा अनाज पैदा हवे। जु कुई भि पिता परमेश्वर का पिछनै चलण चांद, उ वीं बात पर ध्यान दयो जु मि बुल्णु छो!"

![](https://cdn.door43.org/obs/jpg/360px/obs-en-33-06.jpg)

ईं कथ ल चेलों तैं सुचण पर मजबूर कैरी दींनि। इलै यीशु ल ऊं तैं समझै, "उ बीज पिता परमेश्वर कु वचन च। उ रस्ता एक इन आदिम च जु पिता परमेश्वर का वचन तैं सुणदु, पर वे तैं समझदु नि च। तब शैतान वे का समणी बट्टी वचन तैं चुरै के ली जांद। मतलब शैतान वे तैं वचन समझण से दूर ली जांद।"

![](https://cdn.door43.org/obs/jpg/360px/obs-en-33-07.jpg)

"उ पथरीली धरती इन आदिम च जु पिता परमेश्वर का वचन तैं सुणद अर खुशी से वे तैं स्वीकार करद। पर जब मुशिकल बगत आंद, या जब हैंका लोग वे तैं परेशान करदींनि, त उ पिता परमेश्वर बट्टी दूर चलि जांद। मतलब उ पिता परमेश्वर पर विश्वास कन बंद कैरी दींद।"

![](https://cdn.door43.org/obs/jpg/360px/obs-en-33-08.jpg)

"उ कांडादार धरती उ आदिम च जु पिता परमेश्वर का वचन तैं सुणदु च। पर उ भौत सैरी बातों का बारा मा चिंता कन शुरू कैरी दींद, अर उ भौत सी धन कमांण की कोशिश करद, अर उ भौत सी चीजों तैं भि पांणै की इच्छा करदींनि। कुछ बगत का बाद, तब उ पिता परमेश्वर तैं प्रेम कन मा मजबूत नि रौंदींनि। इलै जु वेल पिता परमेश्वर का वचन तै सिखी छो उ वे तैं पिता परमेश्वर तैं खुश कन मा मजबूत नि करद। उ गयूं का डंठलों का जन च जु कुई अनाज पैदा नि कैरी सकद।"

![](https://cdn.door43.org/obs/jpg/360px/obs-en-33-09.jpg)

"पर अच्छी धरती उ आदिम च जु पिता परमेश्वर का वचन तैं सुणद, वे पर विश्वास करद, अर फ पैदा करद।"

*मत्ती अध्याय 13:1-8,18-23;मरकुस 4:1-8, 13-20; लूका 8:4-15 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_33_128kbps.m4a

## 34. यीशु दुसरी कथाओं की सिख दींद

https://openbiblestories.org/l/gbm/story-34/

![](https://cdn.door43.org/obs/jpg/360px/obs-en-34-01.jpg)

यीशु ल पिता परमेश्वर का राज्य का बारा मा हैंकि भौत सी कथा सुणैनि। उदाहरण कु, ऊल बोलि, "पिता परमेश्वर कु राज्य एक रै का बीज का जन च जै तैं कै पुंगडा मा बुतै गये। तुम जंणदा छा कि रै कु बीज सैरा बीजों मा सबसे छुटटो हूंद।"

![](https://cdn.door43.org/obs/jpg/360px/obs-en-34-02.jpg)

"पर रै कु बीज बढी के बगीचा का सैरा दलों मा सबसे बड़ो हवे जांद, इथग बड़ो कि चलखुडा ऐ के वेका फौंकों पर आराम करदींनि।"

![](https://cdn.door43.org/obs/jpg/360px/obs-en-34-03.jpg)

यीशु ल एक हैंकी कथा बतै, "पिता परमेश्वर कु राज्य खमीर का जन च जै तैं ले के एक जनन आटा का गोली मा मिलै दींद तब उ सैरा आटा मा मिली जांद।"

![](https://cdn.door43.org/obs/jpg/360px/obs-en-34-04.jpg)

"स्वर्ग कु राज्य वे खजाना का जन च जै तैं कैल पुंगडा मा छिपै दींनि। कै हैंका आदिम तैं उ खजाना मिली अर वेल वे तैं पांणै की भौत इच्छा कैरी। इलै वे तैं फिर दुबरा खडै दींनि। उ खुशी ल इथग भुरयूं छो कि वेल जै के अपड़ो सभि कुछ बेचि दींनि कि उ वे पुंगडा तैं खरीद साको जख उ खजाना छो।"

![](https://cdn.door43.org/obs/jpg/360px/obs-en-34-05.jpg)

"स्वर्ग कु राज्य एक भौत कीमती शुद्ध मोती का जन भि च। जब मोतियों कु व्यापारी वे तैं पांद त उ वे तैं खरीदणु कु अपड़ो सभि कुछ बेचि दींद।"

![](https://cdn.door43.org/obs/jpg/360px/obs-en-34-06.jpg)

उख कुछ लोग छा जु सुचदा छा कि पिता परमेश्वर ऊं तैं इलै स्वीकार करलो किलैकि उ भला काम कना छा। यु लोग ऊं लुखुं तैं तुच्छ मंणदा छा जु ऊं भला कामों तैं नि करदा छा। इलै यीशु ल ऊं तैं या कथा बतै; "द्वी आदिम छा अर द्वी ही प्रार्थना कनु कु मन्दिर मा गैनी। ऊं मा बट्टी एक चंगी लींण वलो छो, अर दुसरो एक धार्मिक अगवा छो।"

![](https://cdn.door43.org/obs/jpg/360px/obs-en-34-07.jpg)

"वे धार्मिक अगवा ल इन के प्रार्थना कैरी की, 'हे पिता परमेश्वर, तेरु धन्वाद हो कि मि हैंका लुखुं का जन – जन कि डाकू, अन्यो कन वलो मनिख, व्यभिचारी, या इख तक कि इख मा खड़ा चुंगी लींण वला का जन एक पापी नि छो।'"

![](https://cdn.door43.org/obs/jpg/360px/obs-en-34-08.jpg)

"उदाहरण कु, मि हर हफ्ता मा द्वी बार उपवास रखदु, अर मि मिलण वला धन अर सामान कु दसवां हिस्सा भि त्वे तैं दींदु।"

![](https://cdn.door43.org/obs/jpg/360px/obs-en-34-09.jpg)

"पर उ चुंगी लींण वलो वे धार्मिक अगवा बट्टी भौत दूर खड़ो हवे गै। वेल मथी स्वर्ग का जना आँखा उठै के भि नि देखि। यांका बदला, वेल अपड़ी मुठ्ठी ल अपड़ी छाती तैं पीटी अर प्रार्थना कैरी, 'हे पिता परमेश्वर, किरपा कैरी के मि पर दया कैर किलैकि मि एक पापी आदिम छो।'"

![](https://cdn.door43.org/obs/jpg/360px/obs-en-34-10.jpg)

फिर यीशु ल बोलि, "मि त्वे बट्टी सच बुल्णु छो, पिता परमेश्वर ल वे चुंगी लींण वला की प्रार्थना तैं सूंणी अर वे तैं धर्मी बतै। पर वेल वे धार्मिक अगवे की प्रार्थना तैं पसंद नि कैरी। पिता परमेश्वर हर एक घमंडी का मुंड तैं मूड़ी करलो, पर उ हर वे आदिम तैं सम्मान दयालो जु अफ तैं नम्र करद।"

*मत्ती अध्याय 13:31-33, 44-46; मरकुस4:30-32; लूका 13:18-21; 18:9-14 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_34_128kbps.m4a

## 35. मयलदु बुबा की कथा

https://openbiblestories.org/l/gbm/story-35/

![](https://cdn.door43.org/obs/jpg/360px/obs-en-35-01.jpg)

एक दिन, यीशु ऊं भौत सा लुखुं तैं सिखांणु छो जु वेकी सुनणु कु कठ्ठा हुयां छा। यु लोग चुंगी लींण वला अर दगड़ा मा हैंका लोग भि छा जौल मूसा की व्यवस्था कु पालन कनै की कोशिश कैरी छै।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगवों ल देखि कि यीशु यूं लुखुं बट्टी एक दगड़िया का जन बात कनु च। इलै ऊंल एक दुसरा बट्टी यु बुल्ण शुरू कैरी दींनि कि उ गलत कनु च। यीशु ल ऊं तैं बात करद सूंणी, इलै वेल ऊं लुखुं तैं या कथा बतै।

![](https://cdn.door43.org/obs/jpg/360px/obs-en-35-03.jpg)

"एक आदिम छो जैका द्वी आदिम छा। छुटा नौंना ल अपड़ा बुबा बट्टी बोलि, 'हे बुबा, मि तैं अभि मेरु हिस्सा चयणु च!' तब बुबा ल अपड़ा द्वी नौंनो का बीच मा अपड़ी सम्पत्ति कु बंटवरो कैरी दींनि।"

![](https://cdn.door43.org/obs/jpg/360px/obs-en-35-04.jpg)

"जल्द ही छुटो नौंनो अपड़ो सभि कुछ कठ्ठा कैरी के दूर देश चलि गै अर पापी जीवन जींण मा अपड़ा सैरा रुप्प्यों तैं बर्बाद कैरी दींनि।"

![](https://cdn.door43.org/obs/jpg/360px/obs-en-35-05.jpg)

"यांका बाद, जख छुटो नौंनो छो वे देश मा एक भयंकर अकाल पोड़ी, अर वे मा खांणु खरीदणु कु भि रूप्या नि छा। इलै वे तैं जु काम मिली उ सुंगरु तैं चरांणु कु छो। उ इथग दुखी अर भूखो छो कि उ सुंगरु को खांणु खांण चांणु छो।"

![](https://cdn.door43.org/obs/jpg/360px/obs-en-35-06.jpg)

"आखिरकार, वे छुटा नौंना ल अफ बट्टी बोलि, 'मि क्य कनु छो? मेरा बुबा का सभि नौकरों मा खांणु कु भौत कुछ च,फिर भि मि इख भूखि मुरणु छो। मि अपड़ा बुबा मा वापस जौलु अर अपड़ा बुबा कु एक नौकर बनणु कु बिनती करुलु।'"

![](https://cdn.door43.org/obs/jpg/360px/obs-en-35-07.jpg)

"तब वे छुटा नौंना ल वापस अपड़ा बुबा का घौर की तरपां जांण शुरू कैरी। जब उ अभि दूरी ही छो, वेका बुबा ल वे तैं देखि अर वे पर तरस खै। उ दौड़ी के अपड़ा बुबा मा गै अर बुबा ल वे तैं गौला लगै के चूमी।"

![](https://cdn.door43.org/obs/jpg/360px/obs-en-35-08.jpg)

"वे नौंना ल बोलि, 'हे बुबा, मिल पिता परमेश्वर अर तेरा विरुद्ध पाप कैरी। मि तेरु नौंनो बुल्ण का लैक भि नि छो।'"

![](https://cdn.door43.org/obs/jpg/360px/obs-en-35-09.jpg)

"पर बुबा ल अपड़ा एक नौकर बट्टी बोलि, 'जल्दी कैर सबसे बढिया कपड़ा ले के औ अर मेरा नौंना तैं पैरौ! वेकी अंगुली मा अंगूठी अर वेका खुटों मा जुता पैरौ। फिर सबसे बढिया बखरो मारा कि हम खां अर खुशी मणां, किलैकि मेरु नौंनो मोरि गै छो, पर अब उ ज्यून्दो च! उ हरची गै छो, पर अब हम ल वे तैं पयले!'"

![](https://cdn.door43.org/obs/jpg/360px/obs-en-35-10.jpg)

"इलै लुखुं ल खुशी मनांण शुरू कैरी। कुछ बगत बाद, बड़ों नौंनो पुंगडा बट्टी काम कैरी के घौर ऐ। वे गांणा बजांण की आवाज सूंणि अर हैरान हवे कि यु क्य हूंणु च।"

![](https://cdn.door43.org/obs/jpg/360px/obs-en-35-11.jpg)

"जब बड़ा नौंना तैं मालूम हवे कि उ इलै खुशी मनांणा छिनी किलैकि वेको भैय घौर वापस ऐ गै, त उ भौत गुस्सा हवे अर घौर का भितर नि ऐ। वेका बुबा ल भैर ऐ के वे बट्टी बोलि कि हम दगड़ी खुशी मणौ, पर वेल मना कैरी दींनि।"

![](https://cdn.door43.org/obs/jpg/360px/obs-en-35-12.jpg)

"वेका बड़ा नौंना ल अपड़ा बुबा बट्टी बोलि, 'यूं सैरा सालों मा मि त्वे कु ईमानदारी ल काम कनु रौ! कभि भि तेरी बातों तैं नि टाली, पर तिल कभि भि मि तैं एक छुटी सी बखरी नि दींनि कि मि अपड़ा दगड़ियों का दगड़ी दावत कैरी साकु। पर तेरा ये नौंना ल त तेरा धन तैं पापी कामों मा बर्बाद कैरी। अर अब जब उ ऐ त वे कु खुशी मनांणु कु तिल सबसे अच्छो बखरो मारी दींनि!'"

![](https://cdn.door43.org/obs/jpg/360px/obs-en-35-13.jpg)

"बुबा ल जवाब दींनि, 'हे मेरा नौंना, तु हमेशा मि दगड़ी छै, अर जु कुछ मेरु च उ सभि कुछ तेरु च। पर हम कु खुशी मनांण सै च किलैकि तेरु भैय मोरि गै छो, पर अब उ ज्यूंदो च। उ हरची गै छो, पर अब हम तै उ मिली गै!'"

*लूका अध्याय 15:11-32 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_35_128kbps.m4a

## 36. रूप बदलण

https://openbiblestories.org/l/gbm/story-36/

![](https://cdn.door43.org/obs/jpg/360px/obs-en-36-01.jpg)

एक दिन, यीशु ल अपड़ा तिनी चेलों, पतरस, याकूब, यूहन्ना तैं अफ दगड़ी ले। ( यु यूहन्ना नौं कु चेला उ ही आदिम नि च जैल यीशु तैं बपतिस्मा दये छो।) उ प्रार्थना कनु कु एक ऊंचा पोड पर गैनी।

![](https://cdn.door43.org/obs/jpg/360px/obs-en-36-02.jpg)

जब यीशु प्रार्थना कनु छो त वेको मुख सूरज का जन चमकी के उज्ज्वल हवे गै। वेका कपड़ा उज्यला का जन सफेद हवे गैनी, जन धरती पर कुई धोबी भि नि कैर सकद।

![](https://cdn.door43.org/obs/jpg/360px/obs-en-36-03.jpg)

तब मूसा अर एलिय्याह भविष्यवक्ता प्रगट हवीनि। यु आदिम धरती पर ये बगत से कई सौ साल पैली रांदा छा। ऊंल यीशु बट्टी वेकी मौत का बारा मा बात कैरी, कि उ जल्द ही यरूशलेम मा मोरि जालो।

![](https://cdn.door43.org/obs/jpg/360px/obs-en-36-04.jpg)

जब मूसा अर एलिय्याह यीशु बट्टी बात कना छा तब पतरस ल यीशु बट्टी बोलि, "हमारो इख हूंण अच्छो च। हम तीन तम्बू तैं बंणौला, एक त्वे कु, एक मूसा कु, अर एक एलिय्याह कु।" पर पतरस नि जंणदु छो कि उ क्य बुल्णु च।

![](https://cdn.door43.org/obs/jpg/360px/obs-en-36-05.jpg)

जब पतरस बात कनु छो, त एक चमकदार बादल मूड़ी ऐ के ऊं तैं छिपै दींनि। फिर ऊंल बादल मा बट्टी एक आवाज तैं आंद सूंणि। वेल बोलि, "यु मेरु नौंनो च जै बट्टी मि भौत प्रेम करदु। मि त्वे बट्टी खुश छो। ये की सूंणा।" उ तिनी चेला डैरी गैनी अर धरती पर पोड़ी गैनी।

![](https://cdn.door43.org/obs/jpg/360px/obs-en-36-06.jpg)

तब यीशु ल ऊं तैं छवै अर बोलि, "डैरा न। उठी जावा।" जब ऊंल चौतरपां देखि, त उख बस यीशु ही छो।

![](https://cdn.door43.org/obs/jpg/360px/obs-en-36-07.jpg)

यीशु अर उ तिनी चेला वे डांडा बट्टी वापस मूड़ी ऐनि। तब यीशु ल ऊं बट्टी बोलि, "अभि जु इख हवे वेकी चर्चा कै बट्टी नि कैरा। मि जल्द ही मोरि जौलु अर फिर ज्यूंदो हवे जौलु। यांका का बाद, तुम लुखुं तैं बतै सकदा छा।"

*मत्ती अध्याय17:1-9; मरकुस 9:2-8; लूका 9-28-36 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_36_128kbps.m4a

## 37. यीशु लाजर तैं मुर्दों मा बट्टी ज्यून्दो करद

https://openbiblestories.org/l/gbm/story-37/

![](https://cdn.door43.org/obs/jpg/360px/obs-en-37-01.jpg)

लाजर नौं कु एक आदिम छो। वेकी द्वी बैंण छै जूंको नौं मरियम अर मार्था छो। उ सभि यीशु का खास दगड़िया छा। एक दिन, कैल यीशु तैं बतै कि लाजर भौत बीमार छो। जब यीशु ल यु सूंणि त वेल बोलि, "यु बीमारी लाजर का मुरणा की बीमारी नि च। यांका बदला, या लुखुं तैं पिता परमेश्वर कु आदर कनु कु प्रेरित करली।"

![](https://cdn.door43.org/obs/jpg/360px/obs-en-37-02.jpg)

यीशु अपड़ा दगड़ियों बट्टी प्रेम करदु छो, पर जख उ छो उख वेल द्वी दिनों तक इन्तेजार कैरी। ऊं द्वी दिनों का बाद, वेल अपड़ा चेलों बट्टी बोलि, "आवा, वापस यहूदिया कु चला।" चेलों ल जवाब दींनि, "पर हे गुरु, अभि कुछ बगत पैली ही उखा का लोग त्वे तैं मरण चांणा छा!" यीशु ल बोलि, " हमारो दगडिया लाजर सैय गै, अर मि तैं वे तैं उठांण च।"

![](https://cdn.door43.org/obs/jpg/360px/obs-en-37-03.jpg)

यीशु का चेलों ल जवाब दींनि, "हे प्रभु, जु लाजर सैय गै, त उ ठिक हवे जालो।" तब यीशु ल ऊं बट्टी साफ-साफ बोलि दींनि, "लाजर मोरि गै। मि खुश छो कि मि उख नि छो, कि तुम मि पर विश्वास कैरी साका।"

![](https://cdn.door43.org/obs/jpg/360px/obs-en-37-04.jpg)

जब यीशु लाजर का गौं पौंछि त लाजर तैं मुरयूं पै अर वे तैं मुरयां चार दिन हवे गै छा। मार्था यीशु बट्टी बुलणु कु भैर ऐ अर बोलि, "हे प्रभु, जु तु इख हूंदी त मेरु भैय नि मुरदो। पर मि विश्वास करदु कि जु कुछ भि तु पिता परमेश्वर बट्टी मंगिलि उ त्वे तैं दयालो।"

![](https://cdn.door43.org/obs/jpg/360px/obs-en-37-05.jpg)

यीशु ल जवाब दये, "पुनरुत्थान अर जीवन मि ही छो। जु कुई मि पर विश्वास करद जु उ मोरि भि जौ तभि भि ज्यालो। जु कुई मि पर विश्वास करद उ कभि नि मुरलो। क्य तु ईं बात पर विश्वास नि करदी?" मार्था ल जवाब दये, "हे प्रभु, मि विश्वास करदु कि तु पिता परमेश्वर कु नौंनो मसीह छै।"

![](https://cdn.door43.org/obs/jpg/360px/obs-en-37-06.jpg)

तब मरियम ऐ। वीं ल यीशु का खुटों मा पोड़ी के बोलि, "हे प्रभु, जु तु इख हूंदी त मेरु भैय नि मुरदो।" यीशु ल वे बट्टी पूछि, "तिल लाजर तैं कख रखयूं च?" ऊंल वे तैं बतै, "कब्र मा। औ अर देखि ले।" तब यीशु रूंण लगि गै।

![](https://cdn.door43.org/obs/jpg/360px/obs-en-37-07.jpg)

व कब्र एक गुफा मा छै जैका द्वार पर एक ढुंगो लगयूं छो। जब यीशु कब्र पर पौंछि त ऊंल वे बट्टी बोलि, " ढुंगा तैं हटे द्या।" पर मार्था ल बोलि, "वे तैं मुरयां आज चार दिन हवे गैनी। वे मा बट्टी त अब बास आंण लगि गै होली।"

![](https://cdn.door43.org/obs/jpg/360px/obs-en-37-08.jpg)

यीशु ल जवाब दये, "क्य मिल त्वे बट्टी नि बोलि छो कि जु तुम मि पर विश्वास कैरा त पिता परमेश्वर की सामर्थ तैं दिखला?" इलै ऊंल ढुंगा तैं हटे दींनि।

![](https://cdn.door43.org/obs/jpg/360px/obs-en-37-09.jpg)

तब यीशु ल मथि स्वर्ग का जनै देखि के बोलि, "हे पिता, मेरी सूंनणु कु मि तेरु धन्यवाद करदु। मि जंणदु छो कि तु हमेशा मेरी सुणदी छै, पर मिल इख खड़ा यूं सभि लुखुं की मदद कनु कु बोलि कि यु विश्वास कैरा कि तिल मि तैं भेजि।" तब यीशु ल आवाज लगै, "हे लाजर भैर औ!"

![](https://cdn.door43.org/obs/jpg/360px/obs-en-37-10.jpg)

तब लाजर भैर निकली ऐ! उ अभि भि कफन मा लिपटयूं छो। यीशु ल वे बट्टी बोलि, "ये कफन तैं निकलण मा वेकी मदद कैर अर वे तैं आजाद कर।" ये चमत्कार का कारण भौत सा यहूदियों ल यीशु पर विश्वास कैरी।

![](https://cdn.door43.org/obs/jpg/360px/obs-en-37-11.jpg)

पर यहूदियों का धार्मिक अगवा यीशु बट्टी जलण लगिनि, इलै योजना बनांण कु एक दगड़ी कठ्ठा हवीनि कि कन कै यीशु अर लाजर तैं मारि डाला।

*यूहन्ना 11:1-46 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_37_128kbps.m4a

## 38. यीशु तैं पकडवै जांण

https://openbiblestories.org/l/gbm/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी लोग फसह कु त्यौहार मणांदा छा। यु एक खुशी कु त्यौहार छो कि कई सालों पैली पिता परमेश्वर ल ऊंका पूर्वजों तैं मिस्र की गुलामी बट्टी यहूदियों तैं छुडै छो। लगभग तीन साल बाद यीशु ल प्रचार कन अर सिखांण शुरू कैरी। यीशु ल अपड़ा चेलों तैं बतै कि उ ऊं दगड़ी यरूशलेम मा फसह कु त्यौहार मनांण चांद, अर यु भि कि उ उख मरे जालो।

![](https://cdn.door43.org/obs/jpg/360px/obs-en-38-02.jpg)

यीशु का चेलों मा एक यहूदा नौं को आदिम छो। यहूदा प्रेरितों कु धन की थैली रखण कु प्रभारी छो, पर अक्सर उ वें थैली मा बट्टी पैसों तैं निकाली दींद छो। यीशु अर चेलों ल यरूशलेम मा पौछणा का बाद यहूदा यहूदी अगवों मा गै। वेल धन का बदला मा यीशु तैं ऊंका हथ पकडवांण कु सौदा कैरी। उ जंणदु छो कि यहूदी अगवा स्वीकार नि कैरी सकदा छा कि यीशु ही मसीह च। उ जंणदु छो कि उ वे तैं मारि डलण चांदा छिनी।

![](https://cdn.door43.org/obs/jpg/360px/obs-en-38-03.jpg)

महायाजक ल बुल्ण पर यहूदी अगवों ल यीशु तैं ऊंका हथ मा पकडांण कु यहूदा तैं तीस चंदी का सिक्का दींनि। यु ठिक इन ही हवे जन कि भविष्यवक्ता ल बोलि छो कि होलो। यहूदा मांणी गै अर धन ले के चलि गै। उ यीशु तैं गिरफतार कन मा ऊं की मदद कनु कु कै मौके की तलाश कन लगि गै।

![](https://cdn.door43.org/obs/jpg/360px/obs-en-38-04.jpg)

यरूशलेम मा, यीशु ल अपड़ा चेलों का दगड़ी फसह कु त्यौहार मणै। फसह का भोज का दौरान, यीशु ल रुठी ले के तोड़ी। वेल बोलि, "ये तैं ल्या अर खावा। या मेरी देह च जु मि तुम कु दींणु छो। ऐ तैं मेरी याद मा करयां।" इन के यीशु ल बोलि, कि उ ऊं लुखुं कु मोरि जालो, मतलब ऊंकु उ अपड़ी देह तैं बलि चढै दयालो।

![](https://cdn.door43.org/obs/jpg/360px/obs-en-38-05.jpg)

फिर यीशु ल एक दाखरस कु प्याला लये अर बोलि, "ये तैं प्या। यु नई वाचा कु मेरु ल्वे च जु कि मि उड़ेललु कि पिता परमेश्वर तुम्हरा पापों तैं माफ करलो। हर बार ये तैं पींण बगत मेरी याद मा इन ही किया कैरा जु मि अभि कनु छो।"

![](https://cdn.door43.org/obs/jpg/360px/obs-en-38-06.jpg)

तब यीशु ल अपड़ा चेलों मा बोलि, "तुम मा बट्टी एक आदिम मि तैं पकडालो।" चेला चौंकी गैनी, अर पुछण लगि गैनी कि कु इन काम करलो। यीशु ल बोलि, "मि तैं पकडौण वला आदिम उ च जै तैं मि यु रुठी कु टुकड़ा दींदु।" तब वेल उ रुठी कु टुकड़ा यहूदा तैं दींनि।

![](https://cdn.door43.org/obs/jpg/360px/obs-en-38-07.jpg)

वीं रुठी तैं लींण का बाद, यहूदा मा शैतान समै गै। यहूदा निकली के यीशु तै गिरफ्तार कनु कु यहूदी अगवों की मदद कनु कु चलि गै। यु रात कु बगत छो।

![](https://cdn.door43.org/obs/jpg/360px/obs-en-38-08.jpg)

खांणु खांण का बाद, यीशु अर वेका चेला जैतून डांडा का जनै चलि गैनी। यीशु ल बोलि, "तुम सभि आज रात मि तैं छोड़ी दीला। यु लिख्युं च, 'मि चरवाहा तैं मारि दयुलु अर सभि ढिबरा तितर-बितर हवे जाली।'"

![](https://cdn.door43.org/obs/jpg/360px/obs-en-38-09.jpg)

पतरस ल जवाब दये, " जु सभि त्वे तैं छोड़ी भि द्या, मि त्वे तैं नि छुडलु!" तब यीशु ल पतरस बट्टी बोलि, "शैतान तुम सभियूं तैं ले लींण चांद, पर हे पतरस, मि त्वे कु प्रार्थना कैरी की तु विश्वास बट्टी भटकी नि जा। फिर भि, आज की रात, मैर का बांग दींण से पैली तू तीन बार मना करिलि की तु मि तैं जंणदी भि नि छै।"

![](https://cdn.door43.org/obs/jpg/360px/obs-en-38-10.jpg)

पतरस ल तब यीशु बट्टी बोलि, "चाहे मि मोरि भि जौ, मि कभि भि तेरु इन्कार नि करुलु!" बक्की का सभि चेलों ल भि इन ही बोलि।

![](https://cdn.door43.org/obs/jpg/360px/obs-en-38-11.jpg)

तब यीशु अपड़ा चेलों का दगड़ी गतसमनी नौं की जगह पर गै। यीशु ल अपड़ा चेलों बट्टी प्रार्थना कनु कु बोलि कि शैतान ऊंकी अजमेश नि कैरो। तब यीशु अफ प्रार्थना कनु कु चलि गै।

![](https://cdn.door43.org/obs/jpg/360px/obs-en-38-12.jpg)

यीशु ल तीन बार प्रार्थना कैरी, "हे पिता, जु हवे साक त किरपा कैरी के यु दुःख कु प्याला पींणु कु मि तैं नि रोक। पर जु लुखुं का पाप माफ किये जांण कु कुई और रस्ता नि च, त तेरी ही इच्छा पूरी हो।" यीशु भौत व्याकुल छो अर वेको पसीना ल्वे की बूंदों का जन छो। वे तैं सामर्थ दींणु कु पिता परमेश्वर ल एक स्वर्गदूत तैं भेजि।

![](https://cdn.door43.org/obs/jpg/360px/obs-en-38-13.jpg)

हर बार प्रार्थना का बाद, यीशु अपड़ा चेलों मा वापस ऐ, पर उ सैय गै छा। जब यीशु तिसरी बार लौटी त यीशु ल बोलि, "जागी जा! मेरु पकडांण वलो इख ऐ गै।"

![](https://cdn.door43.org/obs/jpg/360px/obs-en-38-14.jpg)

यहूदी अगवों, सिपैयूं, अर एक बड़ी भीड़ का दगड़ी यहूदा भि ऐ। ऊंकी तलवार अर डंडा लीयां छा। यहूदा ल यीशु मा ऐ के वे बट्टी बोलि, "हे गुरु, नमस्कार," अर वे तैं चूमी। वेल गिरफ्तार किये जांण वला आदिम तैं यहूदी अगवों पर प्रगट कनु कु इन ही कैरी छो। तब यीशु ल बोलि, "हे यहूदा, क्य तु एक चुम्बन ल मि तैं पकडोणी छै?"

![](https://cdn.door43.org/obs/jpg/360px/obs-en-38-15.jpg)

जब उ सिपै यीशु तैं पकडणां छा, त पतरस ल अपड़ी तलवार निकाली अर महायाजक का एक नौकर कु कनदूड काटी दींनि। यीशु ल बोलि, "तलवार तैं दूर धार! मि अपड़ा पिता बट्टी मेरा बचाव् कनु कु स्वर्गदूतों की एक सेना कु बिनती कैर सकदु छो। पर मि तैं मेरा पिता की बात मनण।" तब यीशु ल वे आदिम का कनदूड तैं खूब कैरी दींनि। तब उ सभि चेला भागी गैनी।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_38_128kbps.m4a

## 39. यीशु पर मुकदमा चलद

https://openbiblestories.org/l/gbm/story-39/

![](https://cdn.door43.org/obs/jpg/360px/obs-en-39-01.jpg)

अब यु अधा राति कु बगत छो। उ सिपै यीशु तैं महायाजक का घौर ली गैनी, किलैकि उ यीशु बट्टी सवाल कन चांदा छा। पतरस दूर बट्टी ही ऊंको पिछा कन चांदु छो। जब सिपै यीशु तैं घौर मा लैनी, त पतरस भैर रुकी के अफ तैं आज बट्टी गर्म कन लगि गै।

![](https://cdn.door43.org/obs/jpg/360px/obs-en-39-02.jpg)

घौर का भितर, यहूदी अगवों ल यीशु पर मुकदमा चले। उ यीशु का विरुद्ध झूठी बातों तैं बुल्ण कु भौत सा झूठा गवाहों तैं ले के ऐनी। जबकि, ऊंकी बात एक-दूसरा बट्टी सहमत नि छै, इलै यहूदी अगवा यु साबित नि कैर सकिनि कि उ कै बात कु दोषी च। यीशु ल कुछ नि बोलि।

![](https://cdn.door43.org/obs/jpg/360px/obs-en-39-03.jpg)

आखिर मा, महायाजक ल सीधा यीशु का तरपां देखि के बोलि, "हम तैं बतौ कि क्य तु ही ज्यून्दा परमेश्वर कु नौंनो मसीह छै?"

![](https://cdn.door43.org/obs/jpg/360px/obs-en-39-04.jpg)

यीशु ल बोलि, "मि छों, अर तुम मि तैं पिता परमेश्वर का दगड़ी बैठयूं अर स्वर्ग बट्टी आंद दिखिला।" महायाजक ल अपड़ा कपड़ा फाड दींनि किलैकि जु यीशु ल बोलि उ वीं बात पर भौत गुस्सा हवीनि। उ हैंका अगवों पर चिलै, "हम तैं यु बतांणु कु कै हैंका गवाह की जरूरत नि च कि ये आदिम ल क्य कैरी! तुम ल अफ ही वे तैं यु बुल्द सूंणैले कि उ पिता परमेश्वर कु नौंनो च। वेका बारा मा तुम्हरो क्य विचार च?"

![](https://cdn.door43.org/obs/jpg/360px/obs-en-39-05.jpg)

सब यहूदी अगवों ल महायाजक तैं जवाब दींनि, "उ मरेण का लै च!" तब ऊंल यीशु की आंखों पर पट्टी बांधि दींनि, वे पर थूकी, वे तैं मारि, अर वेको मजाक बंणै।

![](https://cdn.door43.org/obs/jpg/360px/obs-en-39-06.jpg)

अर पतरस, जब वे घौर का भैर इन्तेजार कनु छो।तब एक नौकरयांण ल वे तैं देखि। वीं ल वे बट्टी बोलि, "तू भि त यीशु का दगड़ी ही छै!" पतरस ल मना कैरी दींनि। बाद मा, कै हैंकी लडकी ल ईं बात तैं बोलि, अर पतरस ल फिर से मना कैरी दींनि। आखीर मा, कुछ लुखुं ल बोलि, "हम जंणदा छा कि तु यीशु का दगड़ी छै किलैकि तुम द्वी गलील बट्टी ही छा।"

![](https://cdn.door43.org/obs/jpg/360px/obs-en-39-07.jpg)

तब परसर ल बोलि, "जु मि ये मनिख तैं जंणदु छो त पिता परमेश्वर मि तैं दंड द्यो!" तुरंत ही पतरस का ईं शपथ खांण का बाद, एक मुर्गा ल बांग दये। यीशु ल पिछनै मुडी के पतरस तैं देखि।

![](https://cdn.door43.org/obs/jpg/360px/obs-en-39-08.jpg)

पतरस उख बट्टी चलि गै अर भंकुरै- भंकुरै के रुण लगि गै। वे बगत, यीशु तैं पकडांण वलो यहूदा ल देखि कि यहूदी अगवों ल यीशु तैं मौत की सजा दींनि। यहूदा भौत ही दुखी हवे गै अर जै के अफ तैं मारि दींनि।

![](https://cdn.door43.org/obs/jpg/360px/obs-en-39-09.jpg)

अब वे देश कु राज्याल पिलातुस छो। उ रोम कु काम करदु छो। यहूदी अगवा यीशु तैं वे मा ले के ऐ। उ चांदु छो कि पिलातुस वे तैं मौत की सजा दयो अर वे तैं मारि डालो। तब पिलातुस ल यीशु बट्टी पुछि, "क्य तु यहूदियों कु राजा छै?"

![](https://cdn.door43.org/obs/jpg/360px/obs-en-39-10.jpg)

यीशु ल जवाब दींनि, "तिल सच ही बोलि। पर मेरु राज्य इख धरती कु नि च। जु हूंद त मेरा नौकर मि कु लडै करदा। मि पृथ्वी पर पिता परमेश्वर का बारा मा सच बनांण कु अयु। हर एक आदिम जु सच बट्टी प्रेम करद उ मेरी सुणदु।" पिलातुस ल बोलि, "त सच क्य च?"

![](https://cdn.door43.org/obs/jpg/360px/obs-en-39-11.jpg)

यीशु का दगड़ी बात कन का बाद, पिलातुस ल भैर भीड़ मा जै के बोलि, "मि इन कुई कारण नि पांदु कि यु मनिख मरे जांण का योग्य हो।"पर यहूदी अगवों अर भीड़ ल चिलै के बोलि, " वे तैं सूली पर चढै द्या!" पिलातुस ल जवाब दये, "उ कुछ भी गलत कन कु दोषी नि च।" पर उ और भि ऊंची आवाज मा चिलांण लगि गैनी। तब पिलातुस ल तिसरी बार बोलि, "उ दोषी नि च!"

![](https://cdn.door43.org/obs/jpg/360px/obs-en-39-12.jpg)

पिलातुस डैरी गै कि उ भीड़ दंगा शुरू कनि च, इलै उ अपड़ा सिपैयूं द्वारा यीशु तैं सूली पर चढ़ांण कु मांणी गै। रोमी सिपैयूं ल यीशु तैं कोड़ा लगैनि, अर वे तैं राजकीय कपड़ा पैरेनि, अर वेका मुंड मा कांडों कु मुकुट रखि। तब उ यु बोलि के वेको मजाक बनांण लगि गैनी, "देखा, यहूदियों कु राजा!"

*मत्ती 26:27-57 मरकुस 14:15-53:15; लूका 22:23-54:25; यूहन्ना 18:12-19:16 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_39_128kbps.m4a

## 40. यीशु तैं सूली पर चढ़ये जांद

https://openbiblestories.org/l/gbm/story-40/

![](https://cdn.door43.org/obs/jpg/360px/obs-en-40-01.jpg)

यीशु को मजाक बनांण का बाद, सिपै वे तैं सूली पर चढ़ांणु कु ली गैनी। ऊंल यीशु की सूली तैं वे बट्टी ही उठवे ज्यां पर वे तैं मुरण छो।

![](https://cdn.door43.org/obs/jpg/360px/obs-en-40-02.jpg)

उ सिपै यीशु तैं वीं जगह पर ली गैनी जु "खोपड़ी" कहलांदी छै अर वेका हथो अर खुट्टों तैं सूली पर ठोकी दींनि। पर यीशु ल बोलि, "हे पिता, यूं तैं माफ कैर, किलैकि यु नि जंणदींनि कि यु क्य कना छिनी ।" ऊंल एक तख्ती तैं वेका मुंड का मथी टांकी दींनि। वे पर लिख्युं छो, "यहूदियों कु राजा।" पिलातुस ल ऊं बट्टी यु ही लिखणु कु बोलि छो।

![](https://cdn.door43.org/obs/jpg/360px/obs-en-40-03.jpg)

तब सिपैयूं ल यीशु का कपड़ों कु चिठ्ठी डाली। जब ऊंल इन कैरी त ऊंल वीं भविश्यवाणी तैं पूरो कैरी जु बुल्दी छै, "ऊंल मेरा कपड़ों तैं आपस मा बांटी दींनि, अर मेरा कपड़ों कु चिठ्ठी डलिनि।"

![](https://cdn.door43.org/obs/jpg/360px/obs-en-40-04.jpg)

उख द्वी डाकू भि छा, जौं तैं सिपैयूं ल वे ही बगत सूली पर चढ़ै छो। ऊंल यीशु तैं द्वी तरपां रखि छो। ऊंमा बट्टी एक डाकू ल यीशु कु मजाक बंणै, पर दूसरा ल बोलि, "क्य तु नि डरदी कि पिता परमेश्वर त्वे तैं दंड दयालो? हम ता अपड़ा बुरा कामों का दोषी छा, पर यु आदिम त निर्दोष च।" फिर वेल यीशु बट्टी बोलि, "जब तु अपड़ा राज्य मा ऐली त किरपा कैरी के मि तैं भि याद रखि।" यीशु ल जवाब दये, "आज ही तु मि दगड़ी स्वर्गलोक मा हवीलि।"

![](https://cdn.door43.org/obs/jpg/360px/obs-en-40-05.jpg)

यहूदी अगवों अर भीड़ का हैंका लुखुं ल यीशु कु मजाक बंणै। ऊंल यीशु बट्टी बोलि, "जु तु परमेश्वर कु नौंनो छै, त सूली बट्टी मूड़ी उतरी के औ अर अफ तैं बचे ले! तब हम त्वे पर विश्वास करुला।"

![](https://cdn.door43.org/obs/jpg/360px/obs-en-40-06.jpg)

तब वे सैरा देश कु आसमान पूरा ढंग से कालो हवे गै, जबकि उ दिन- दोपेर कु बगत छो। अर तीन घंटा तक इन ही अंधेरु रै।

![](https://cdn.door43.org/obs/jpg/360px/obs-en-40-07.jpg)

तब यीशु ल पुकारी के बोलि, "पूरो हो! हे पिता, मि अपड़ी आत्मा तेरा हथ मा सौंपणी छो।" तब वेल मुंड तैं झुके के अर अपड़ा प्राणों तैं छोड़ी दींनि। जब उ मोरि त एक भूकम्प ऐ। उ बड़ो पर्दा जु पिता परमेश्वर की हूजूरी बट्टी लुखुं तैं अलग करदु छो मथि बट्टी मूड़ी तक फटी गै अर वेका द्वी हिस्सा हवे गैनी।

![](https://cdn.door43.org/obs/jpg/360px/obs-en-40-08.jpg)

अपड़ी मौत का द्वारा, यीशु ल लुखुं कु पिता परमेश्वर मा आंणु कु रस्ता खोलि दींनि। जब यीशु की चौकिदारी कन वला एक सिपै ल जु कुछ हवे छो यु सभ देखि त वेल बोलि, "सच मा, यु मनिख निर्दोष छो। यु पिता परमेश्वर कु नौंनो च।"

![](https://cdn.door43.org/obs/jpg/360px/obs-en-40-09.jpg)

तब यूसुफ अर नीकुदेमुस नौं का द्वी यहूदी अगवा ऐनी। उ विश्वास करदा छा कि यीशु ही मसीह च। ऊंल पिलातुस बट्टी यीशु की देह तैं मांगी। ऊंल वेका देह तैं कपड़ों मा लपेटी। तब उ वे तैं एक पोड मा बंणी कब्र मा ली गैनी अर वे तैं उख रख दींनि। तब ऊंल वे कब्र का द्वार तैं बंद कैरी दींनि अर एक बड़ो ढुंगो वे पर रख दींनि।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_40_128kbps.m4a

## 41. पिता परमेश्वर यीशु तैं मुर्दों मा बट्टी ज्यून्दो करदु

https://openbiblestories.org/l/gbm/story-41/

![](https://cdn.door43.org/obs/jpg/360px/obs-en-41-01.jpg)

सिपैयूं द्वारा यीशु तै सूली पर चढ़ये जांणा का बाद, यहूदी अगवों ल पिलातुस बट्टी बोलि, "वे झूठा, यीशु ल बोलि छो कि उ तीन दिनों का बाद मुर्दों मा बट्टी ज्यून्दो हवे जालो। कै तैं यु देखणु कु कब्र की देख-भाल कन होली कि वेक चेला वेकी देह तैं चोरी के नि ली जौनु। जु उ इन कैरा त उ बुलला कि उ मुर्दों मा बट्टी ज्यून्दो हवे गै।"

![](https://cdn.door43.org/obs/jpg/360px/obs-en-41-02.jpg)

पिलातुस ल बोलि, "कुछ सिपैयूं तैं ली जावा, अर जन तुम कैर साका उन कब्र की देख रेख कैरा।" इलै ऊंल वीं कब्र मा द्वार पर एक ढुंगै की मोहर लगै दींनि। ऊंल उख देख रेख कनु कु उख कुछ सिपैयूं तैं भि बैठे दींनि कि कुई देह तैं चोरी के नि ली जौ।

![](https://cdn.door43.org/obs/jpg/360px/obs-en-41-03.jpg)

यीशु का मुरणा का बाद का दिन विश्राम कु दिन छो। कुई भि विश्राम का दिन काम नि करदु छो, इलै यीशु को कुई भि दगड़िया करब पर नि ऐ छो। पर विश्राम का दिन का बाद, सुबेर ले के, कुछ जनना यीशु की कब्र पर जांणु कु तैयार हवीनि। उ वेकी देह पर और भि खुशबूदार पदार्थ लगांण चांदा छा।

![](https://cdn.door43.org/obs/jpg/360px/obs-en-41-04.jpg)

ऊं जननों का पौंछण से पैली, कब्र पर एक बड़ो भूकम्प हवे। स्वर्ग बट्टी एक स्वर्गदूत ल ऐ के वे ढुंगा तैं लुढकै दींनि जु कब्र का द्वार तैं ढकै के छो अर वे पर बैठी गै। यु स्वर्गदूत उज्यला का जन चमकणु छो। कब्र पर जु सिपै छा ऊंल देखि। उ इथग डैरी गै छा कि मुर्दों का जन धरती पर गिरी गै छा।

![](https://cdn.door43.org/obs/jpg/360px/obs-en-41-05.jpg)

जब उ जनना कब्र पर पौंछिनि त वे स्वर्गदूत ल ऊं बट्टी बोलि, "नि डैरा। यीशु इख नि च। उ मुर्दों मा बट्टी ज्यून्दो हवे गै, जन कि वेल बोलि छो कि उ ज्यून्दो हवे जालो! कब्र मा खोजा अर देखा।" ऊं जननों ल कब्र का भितर अर जख यीशु की देह रखि छै खोजी अर देखि कि वेकी देह उख नि च!

![](https://cdn.door43.org/obs/jpg/360px/obs-en-41-06.jpg)

तब वे स्वर्गदूत ल ऊं जननों बट्टी बोलि, "जै के ऊं चेलों तैं बतावा, 'यीशु मुर्दों मा बट्टी ज्यून्दो हवे गै अर उ तुम से अगनै-अगनै गलील कु जालो।'"

![](https://cdn.door43.org/obs/jpg/360px/obs-en-41-07.jpg)

उ जनना चौंकी गैनी अर भौत खुश हवीनि। उ चेलों तैं यु शुभ संदेश सुनांनु कु भगिनि।

![](https://cdn.door43.org/obs/jpg/360px/obs-en-41-08.jpg)

जब उ जनना चेलों तैं यु शुभ संदेश बतांणु कु अपड़ा रस्ता पर छै, त यीशु ऊंका समणी प्रगट हवे। उ वेका खुटों पर गिरिगे। तब यीशु ल बोलि, "नि डैरा। जै के मेरा चेलों बट्टी गलील जांणु कु बोला। उ उख मि तैं दिखला।"

*मत्ती 27:28-62 :15; मरकुस 16:1-11; लूका 24:1-12; यूहन्ना 20:1-18 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_41_128kbps.m4a

## 42. यीशु स्वर्ग मा लौटी जांद

https://openbiblestories.org/l/gbm/story-42/

![](https://cdn.door43.org/obs/jpg/360px/obs-en-42-01.jpg)

जै दिन पिता परमेश्वर ल यीशु तैं मुर्दों मा बट्टी ज्यूंदो कैरी छो, वेका द्वी चेला समणी का गौं मा जांणा छा। चलदी-चलदी जु यीशु का दगड़ी हवे छो। अर वेका बारा मा बात कना छा, ऊं तैं आशा छै कि उ मसीह च, पर तब भि उ मरे गै छो। अब उ जनना भि बुलदींनि कि उ फिर से ज्यूंदो हवे गै उ नि जंणदा छा कि कीं बात पर विश्वास कन।

![](https://cdn.door43.org/obs/jpg/360px/obs-en-42-02.jpg)

यीशु ल ऊं दगड़ी ऐ के चलण शुरू कैरी, पर उ वे तैं पैछांण नि सकिनि। वेल पूछि कि उ कै बारा मा बात कना छिनी। ऊंल वे तैं पिछ्ला दिनों मा यीशु का दगड़ी हुयी घटना का बारा मा बतै। ऊंल सोचि कि उ कै परदेशी का दगड़ी बात कना छिनी जु नि जंणदा छा कि यरूशलेम मा क्य हवे छो।

![](https://cdn.door43.org/obs/jpg/360px/obs-en-42-03.jpg)

तब यीशु ल ऊं तैं समझै कि पिता परमेश्वर का वचन मसीह का बार मा क्य बुल्द। भौत पैली, भविष्यवक्ताओं ल बोलि छो कि बुरा लोग मसीह तैं सताला अर मारि डलला। पर भविष्यवक्ताओं ल यु भि बोलि छो कि उ तिसरा दिन ज्यूंदो हवे जालो।

![](https://cdn.door43.org/obs/jpg/360px/obs-en-42-04.jpg)

जब उ वे नगर मा पौंछिनि जख उ द्वी आदिम ठैरण चांदा छा, तब तक लगभग रुमुक हवे गै छै। ऊंल यीशु तैं अफ दगड़ी रुकणु` कु बोलि, तब उ वे दगड़ी एक घर मा गै। अपड़ा शाम बगत का खांणु कु उ बैठी गैनी। यीशु ल एक रूठी तैं ले के ऊंकु पिता परमेश्वर कु धन्यवाद दये, अर फिर वे तैं तोड़ी। तब तुरंत, ऊंल जांण लींनि कि उ यीशु छो।पर वे ही बगत, उ ऊंका समणी बट्टी लापता हवे गै।

![](https://cdn.door43.org/obs/jpg/360px/obs-en-42-05.jpg)

ऊं द्वी आदिमों ल एक दुसरा बट्टी बोलि, "उ यीशु छो! इलै जब वेल हम तैं पिता परमेश्वर का वचन तैं समझै त जम भौत खुश छा!" तब तुरंत, उ निकली के वापस यरूशलेम कु गैनी। जब उ पौंछिनी त ऊंल चेलों तैं बतै, "यीशु ज्यूंदो च! हम ल वे तैं देखि!"

![](https://cdn.door43.org/obs/jpg/360px/obs-en-42-06.jpg)

जब चेला बात कना छा, यीशु अचानक से वे कमरा मा ऊंका समणी प्रगट हवे। वेल बोलि तुम तैं शान्ति मिलो!" चेलों ल सोचि कि उ कुई भूत च, पर यीशु ल बोलि, "तुम किलै डरणा छा? तुम यु किलै नि सुचदां कि यु सचमुच मा मि यीशु ही छों? मेरा हथ अर खुटों तैं देखा। भूतों मा शरीर नि हूंद जन मि म च।" यु दिखणु कु कि उ कुई भूत नि च, वेल खांणु कु कुछ मांगी। ऊंल वे तैं एक माछो कु टुकड़ा दींनि, अर वेल वे तैं खै दींनि।

![](https://cdn.door43.org/obs/jpg/360px/obs-en-42-07.jpg)

यीशु ल बोलि, "मेरा बारा मा पिता परमेश्वर का वचन मा जु कुछ भि बुलयूं च उ पूरो होलो। मिल तुम तैं बतै येले छो कि यांको हूंण जरूरी च।" तब यीशु ल ऊं तैं पिता परमेश्वर का वचन तैं अच्छे से समझै। वेल बोलि, "भौत पैली भविष्यवक्ताओं ल लिखी छो कि मि, मसीह तैं दुःख उठांण पुड़लो, मुरण होलो अर फिर तिसरा दिन मुर्दों मा बट्टी ज्यूंदो हूंण पुडलो।"

![](https://cdn.door43.org/obs/jpg/360px/obs-en-42-08.jpg)

"ऊं भविष्यवक्ताओं ल यु भि लिखी छो कि मेरा चेला पिता परमेश्वर का वचन कु प्रचार करला। उ हर एक तैं पश्चताप कनु कु बुलला। जु उ इन करदा त पिता परमेश्वर ऊंका पापों तैं माफ करलो। मेरा चेला ये समाचार कु प्रचार यरूशलेम शहर बट्टी शुरू करला। तब उ सभि जगह म अर सभि जातियों मा जाला। तुम लोग मेरी हर बात अर हर कामों का गवाह छा जु मिल कैरी, अर वेका भि जु मि दगड़ी हवे।"

![](https://cdn.door43.org/obs/jpg/360px/obs-en-42-09.jpg)

अगला चलीस दिनों का भितर, यीशु अपड़ा चेलों पर कई बार प्रगट हवे। एक बार त उ एक ही बगत मा 500 से भि ज्यादा लुखुं पर प्रगट हवे! वेल अपड़ा चेलों पर कई बार साबित कैरी कि उ ज्यूंदो च, अर वेल ऊं तैं पिता परमेश्वर का राज्य का बारा मा सिखै।

![](https://cdn.door43.org/obs/jpg/360px/obs-en-42-10.jpg)

यीशु ल अपड़ा चेलों बट्टी बोलि, "पिता परमेश्वर ल मि तैं स्वर्ग अर धरती का हर एक आदिम पर राज्य कनु को अधिकार दियूं च। इलै अब मि तुम बट्टी बुल्दु: जै के सभि जातियों का लुखुं तैं चेला बंणा। इन कनु कु, तुम तैं ऊं तैं पिता, नौंना, अर पवित्र आत्मा का नौं बट्टी बपतिस्मा दींण होलो। जु कुछ भि मिल तुम तैं आज्ञा दींनि ऊं सभि बातों तैं मनण भि तुम तैं ऊं तैं सिखांण होलो। याद रखा, मि हमेशा तुम दगड़ी छो।"

![](https://cdn.door43.org/obs/jpg/360px/obs-en-42-11.jpg)

यीशु का मुर्दों मा बट्टी ज्यूंदा हूंणा का चालीस दिनों का बाद, वेल अपड़ा चेलों मा बोलि, "जब तक कि मेरु पिता तुम तैं सामर्थ नि दयो तब तक यरूशलेम मा ठैरयां रावा। उ तुम पर पवित्र आत्मा भिजण का द्वारा इन करलो।" जब यीशु स्वर्ग मा चलि गै, अर एक बादल ल वे तैं ऊंकी नजरों मा बट्टी छिपै दींनि। स्वर्ग मा यीशु सभि चीजों पर राज्य कनु कु पिता परमेश्वर का दैंणी तरपां बैठी गै।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेरितों का काम 1:1-11 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_42_128kbps.m4a

## 43. मंडलियों की शुरुवात हूंण

https://openbiblestories.org/l/gbm/story-43/

![](https://cdn.door43.org/obs/jpg/360px/obs-en-43-01.jpg)

यीशु का स्वर्ग म वापस जांणा का बाद, चेला यरूशलेम मा ही रुकी गैनी जन कि यीशु ल ऊं तैं कनै की आज्ञा दये छै। उखा का विश्वासी लोग लगातार एक साथ प्रार्थना कनु कु कठ्ठा हूंया छा।

![](https://cdn.door43.org/obs/jpg/360px/obs-en-43-02.jpg)

हर साल, फसल का त्यौहार का 50 दिनों का बाद, यहूदी लोग पिन्तेकुस्त नौं का एक विशेष दिन तैं मंणांदा छा। पिन्तेकुस्त उ दिन छो जब यहूदी लोग ग्यूं की लवै मणांदा छा। सैरी दुनिया बट्टी यहूदी लोग पिन्तेकुस्त का दिन तैं मनांणु कु यरूशलेम मा ऐ छा। ये साल, पिन्तेकुस्त मनांण कु बगत यीशु का स्वर्ग चलि जांण का लगभग एक हफ्ता का बाद ऐ छो। " जै बगत सैरा विश्वासी लोग एक साथ कठ्ठा हवे छा, त जै घौर मा उ छा त अचानक उ घौर तेज बथौं की आवाज से भुरे गै। तब आगी की सी लपटों की जीभ ऊं मा बट्टी हर एक पर ऐ के ठैरी गै। उ सभि पवित्र आत्मा बट्टी भुरै गैनी अर ऊंल अन्य भाषाओं मा पिता परमेश्वर की स्तुति कैरी। यु भाषाओँ मा जूं तैं बुल्ण कु पवित्र आत्मा ल सक्षम कैरी। "

![](https://cdn.door43.org/obs/jpg/360px/obs-en-43-03.jpg)

जब यरूशलेम मा रांण वला लुखुं ल वे हल्ला तैं सूंणि, त उ भीड़ का रूप मा यु दिखणु कु एक साथ ऐनी कि क्य हूंणु च। ऊंल विश्वासियों तैं पिता परमेश्वर का द्वारा कियां बड़ा-बड़ा कामों कु प्रचार करदी सूंणि। उ हैरान छा किलैकि उ यूं कामों तैं अपड़ी ही भाषा मा सुनणा छा।

![](https://cdn.door43.org/obs/jpg/360px/obs-en-43-04.jpg)

यूं मा बट्टी कुछ लुखुं ल बोलि कि उ चेला नशा म छा। पर पतरस खड़ो हवे अर ऊं बट्टी बोलि, "मेरी बातों तैं सूंणा! यु लोग नशा मा नि छिनी! यांका बदला, जु तुम दिखणा छा उ ही च जु योएल भविष्यवक्ता ल बोलि: पिता परमेश्वर ल बोलि, 'आखिर का दिनों मा, मि अपड़ो आत्मा उडेलूलु।'"

![](https://cdn.door43.org/obs/jpg/360px/obs-en-43-05.jpg)

"हे इस्राएली आदिमों, यीशु एक इन आदिम छो जैल यु दिखांणु कु कि उ कू च भौत सी अनोखा काम करिनि। वेल पिता परमेश्वर की सामर्थ बट्टी भौत सी अदभुत काम करिनि। तुम यु जंणदा छा, किलैकि तुमल यूं कामों तैं देखि। पर तुम ल वे तैं सूली पर चढै दींनि!"

![](https://cdn.door43.org/obs/jpg/360px/obs-en-43-06.jpg)

"यीशु मोरि गै पर पिता परमेश्वर ल वे तैं मुर्दों मा बट्टी ज्यूंदो कैरी दींनि। ईं ल वीं बात तैं पूरो कैरी दींनि जै तैं एक भविष्यवक्ता ल लिखी छो: 'तु अपड़ा पवित्र जन तैं कब्र मा सड़ण नि दीलि।' हम गवाह छा कि पिता परमेश्वर ल यीशु तैं फिर से ज्यूंदो कैरी दींनि।"

![](https://cdn.door43.org/obs/jpg/360px/obs-en-43-07.jpg)

"पिता परमेश्वर ल अब यीशु तैं अपड़ी दैंणी तरपां बैठी के वे तैं आदर दींनि। अर यीशु ल हम कु पवित्र आत्मा भेजि जन कि वेल वादा कैरी छो कि उ भिजलो। पवित्र आत्मा ही ऊं कामों तैं हूंण दींद जौं तैं तुम दिखणां अर सुनणां छा।"

![](https://cdn.door43.org/obs/jpg/360px/obs-en-43-08.jpg)

"तुम ल वे मनिख, यीशु तैं सूली पर चढ़ै दींनि। पर विश्वास कैरा कि पिता परमेश्वर ल यीशु तैं सभि चीजों पर प्रभु अर मसीह द्वी ठहरै!"

![](https://cdn.door43.org/obs/jpg/360px/obs-en-43-09.jpg)

पतरस की सुनण वला लोग वेकी बातों का कारण भितर तक हिली गैनी। इलै ऊंल पतरस अर चेलों बट्टी पूछि, "हे भयों, हम तैं क्य कन चयणु च?"

![](https://cdn.door43.org/obs/jpg/360px/obs-en-43-10.jpg)

पतरस ल ऊं तैं जवाब दींनि, "तुम मा बट्टी हर एक अपड़ा पापों कु पश्चताप कैरू कि पिता परमेश्वर तुम्हरा पापों तैं माफ कैरो, अर यीशु मसीह का नौ बट्टी बपतिस्मा ले। तब उ तुम तैं वरदान का रूप मा पवित्र आत्मा भि दयुलु।"

![](https://cdn.door43.org/obs/jpg/360px/obs-en-43-11.jpg)

पतरस ल जु बोलि वे पर लगभग 3,000 लुखुं ल विश्वास कैरी अर यीशु का चेला बंणि गैनी। ऊंल बपतिस्मा लये अर यरूशलेम की मण्डलि कु हिस्सा बंणि गैनी।

![](https://cdn.door43.org/obs/jpg/360px/obs-en-43-12.jpg)

जब प्ररितों ल ऊं तैं शिक्षा दींनि त विश्वासियों ल लगातार सूंणि। उ अक्सर मिलदा छा अर एक साथ खांणु खांद छा, अर ऊंल अक्सर एक-दूसरा कु प्रार्थना कैरी। ऊंल मिली के पिता परमेश्वर की स्तुति कैरी अर जु कुछ भि ऊं मा छा ऊंल एक दुसरा बट्टी बांटी। नगर कु हर एक आदिम ऊं कु अच्छा विचार रखदा छा। हर रोज, ज्यादा से ज्यादा लोग विश्वासी बंणदी गैनी।

*प्ररितों का काम अध्याय 2 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_43_128kbps.m4a

## 44. पतरस अर यूहन्ना एक भिखारी तैं खूब करद

https://openbiblestories.org/l/gbm/story-44/

![](https://cdn.door43.org/obs/jpg/360px/obs-en-44-01.jpg)

एक दिन, पतरस अर यूहन्ना मन्दिर मा गैनी। एक लंगड़ो आदिम भीख मंगणु कु फाटक पर बैठयूं छो।

![](https://cdn.door43.org/obs/jpg/360px/obs-en-44-02.jpg)

पतरस ल वे लंगड़ा आदिम की तरपां देखि अर बोलि, "मि मा त्वे तैं दींणु कु पैसा त नि छिनी। पर जु मि म च उ मि त्वे तैं दींदु। यीशु का नौं से, उठ अर चल-फिर!"

![](https://cdn.door43.org/obs/jpg/360px/obs-en-44-03.jpg)

तुरंत ही, पिता परमेश्वर ल वे लंगड़ा आदिम तैं खूब कैरी दींनि। वेल इनै-उनै चलण अर उछलण, अर पिता परमेश्वर की स्तुति कन शुरू कैरी दींनि। मन्दिर का आंगन मा मौजूद लोग हैरान छा।

![](https://cdn.door43.org/obs/jpg/360px/obs-en-44-04.jpg)

जल्द ही लुखुं की एक भीड़ वे आदिम तैं दिखण कु ऐ जु खूब हवे गै छो। पतरस ल ऊं बट्टी बोलि, "यु मनिख ठिक च, पर ईं बात पर हैरान नि हुवा। हम ल ये आदिम तैं अपड़ी तागत ल खूब नि कैरी, या इलै न कि हम पिता परमेश्वर कु आदर करदा। बल्कि, उ यीशु च जैल ये आदिम तैं अपड़ी तागत ल खूब कैरी, किलैकि हम यीशु पर विश्वास करदा।"

![](https://cdn.door43.org/obs/jpg/360px/obs-en-44-05.jpg)

"उ तुम ही छा जौल वे रोमी राज्यपाल तैं यीशु तैं मरणु कु बोलि छो। तुम ल वे तैं मारि दींनि जु सभि तैं जीवन दींनि। पर पिता परमेश्वर ल वे तैं मुर्दों मा बट्टी ज्यूंदो कैरी। तुम ल नि समझी कि तुम क्य कना छा, पर जब तुम ऊं कामों तैं कना छा, जु भविष्यवक्ताओं ल बोलि छो उ पूरो हवे। ऊंल बोलि छो कि मसीह दुःख उठालो अर मोरि जालो। पिता परमेश्वर ल इन हूंण दींनि। इलै अब, पश्चताप कैरा अर पिता परमेश्वर कि तरपां फिरा, कि उ तुम्हरा पापों तैं द्वे के साफ कैरी दींनि।"

![](https://cdn.door43.org/obs/jpg/360px/obs-en-44-06.jpg)

जब मन्दिर का अगवों ल पतरस अर यूहन्ना तैं सूंणि, त उ भौत घबरै गैनी। इलै ऊंल वे तैं गिरफ्तार कैरी के जेलखना मा डाली दींनि। पर जु पतरस ल बोलि छो वे पर भौत सा लुखुं ल विश्वास कैरी। यीशु पर विश्वास कन वलों की गिणती बढ़ी के लगभग 5,000 हवे गै।

![](https://cdn.door43.org/obs/jpg/360px/obs-en-44-07.jpg)

हैंका दिन, उ यहूदी अगवा पतरस अर यूहन्ना तैं महायाजक अर अन्य धार्मिक अगवों का समणी ले के ऐ। उ वे आदिम तैं भि ले के ऐ जु लंगडो छो। ऊंल पतरस अर यूहन्ना बट्टी पूछि, "कै अधिकार से तुम ल वे लंगडा आदिम तैं खूब कैरी?"

![](https://cdn.door43.org/obs/jpg/360px/obs-en-44-08.jpg)

पतरस ल जवाब दये, "यु आदिम जु तुम्हरा समणी खड़ो च वे तैं यीशु मसीह की सामर्थ का द्वारा खूब किये गै। तुम ल यीशु तैं सूली पर चढ़ै दींनि, पर पिता परमेश्वर ल वे तैं फिर से ज्यूंदो कैरी दींनि! तुम ल वे तैं स्वीकार नि कैरी, पर यीशु का सामर्थ का माध्यम का अलावा उद्धार पांणु को कुई दुसरो रस्ता नि च!"

![](https://cdn.door43.org/obs/jpg/360px/obs-en-44-09.jpg)

उ अगवा हैरान छा कि पतरस अर यूहन्ना ल भौत साहस का दगड़ी बात कैरी । ऊंल देखि कि यु साधारण आदिम च जु कि अनपढ़ छा। पर ऊं तैं याद ऐ कि यु आदिम यीशु का दगड़ी रै छा । इलै ऊंल ऊं बट्टी बोलि, "हम तुम कु भौत ज्यादा दंड द्यौला जु तुम ये आदिम यीशु का बारा मा लुखुं तैं कुई और संदेश दींद।" इन भौत सी बातों तैं बुल्णा का बाद, ऊंल पतरस अर यूहन्ना तैं जांण दींनि।

*प्ररितों का काम 3:1-4:22 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_44_128kbps.m4a

## 45. स्त्तिफनुस अर फिलिप्पुस

https://openbiblestories.org/l/gbm/story-45/

![](https://cdn.door43.org/obs/jpg/360px/obs-en-45-01.jpg)

पैला मसीही अगवों का बीच मा स्त्तिफनुस नौं कु एक आदिम छो। सभि लोग वेका आदर करदा छा। पवित्र आत्मा ल वे तैं सामर्थ अर बुद्धि प्रदान कैरी छै। स्त्तिफनुस ल भौत सा चमत्कार कैरी छा। जब वेल यीशु पर विश्वास कना का बारा मा ऊं तैं सिखै त भौत सा लुखुं ल विश्वास कैरी।

![](https://cdn.door43.org/obs/jpg/360px/obs-en-45-02.jpg)

एक दिन, स्त्तिफनुस यीशु का बारा मा सिखै छो, अर कुछ इन यहूदी ऐ जौंल यीशु पर विश्वास नि कैरी छो अर वे दगड़ी घपरोल कन शुरू कैरी। उ भौत गुस्सा हवे गैनी, इलै उ धार्मिक अगवों मा गै अर वेका बारा मा झूठ बोलि। "हम ल स्त्तिफनुस तैं मूसा अर पिता परमेश्वर का बारा मा बुरी बात बुल्द सुणी!" इलै धार्मिक अगवों ल स्त्तिफनुस तैं गिरफ्तार कैरी अर वे तैं महायाजक अर यहूदियों का हैंका अगवों का समणी ले के ऐ। और भि झूठा गवाह ऐ अर ऊंल स्त्तिफनुस का बारा मा झूठ बोलि।

![](https://cdn.door43.org/obs/jpg/360px/obs-en-45-03.jpg)

महायाजक ल स्त्तिफनुस बट्टी पूछि, "क्य यु लोग तेरा बारा मा सच बुल्णा छा?" स्त्तिफनुस ल महायाजक तैं जवाब दींण कु भौत सी बातों तैं बुल्ण शुरू कैरी दींनि। वेल बोलि कि अब्राहम का बगत से यीशु का बगत तक पिता परमेश्वर ल इस्राएल का लुखुं कु भौत सा अनोखा काम करीनि। पर लुखुं ल हमेशा पिता परमेश्वर की आज्ञा तैं नि मांणी। स्त्तिफनुस ल बोलि, "तुम लोग पिता परमेश्वर का विरूद्ध ढीट अर बलवा कन वला हो। तुम ल हमेशा पवित्र आत्मा तैं अस्वीकार कैरी, जन कि हमारा पुरणों ल हमेशा पवित्र आत्मा तैं अस्वीकार अर हमेशा वेका भविष्यवक्ताओं तैं मारि दींनि। पर जु ऊंल कैरी वेकी तुलना मा तुम ल और भि बुरो कैरी! तुम ल मसीह तैं मारि दींनि!"

![](https://cdn.door43.org/obs/jpg/360px/obs-en-45-04.jpg)

जब ऊं धार्मिक अगुवों ल यु सूंणि, त उ इथग गुस्सा हवे गैनी कि ऊंल अपड़ा कनदूडों तैं बंद कैरी दींनि अर ऊंची आवाज मा चिलै। उ स्त्तिफनुस तैं घसीट के नगर बट्टी भैर ली गैनी अर वे तैं मरणु कु ढुंगा उठैनि।

![](https://cdn.door43.org/obs/jpg/360px/obs-en-45-05.jpg)

जब स्त्तिफनुस मुरणु छो, उ बोलि, "हे यीशु, मेरी आत्मा तैं स्वीकार कैर!" तब उ अपड़ा घुटनों पर गिरी अर फिर से बोलि, "हे प्रभु, यु पाप ऊं पर नि लगै।" तब उ मोरि गै।

![](https://cdn.door43.org/obs/jpg/360px/obs-en-45-06.jpg)

वे दिन, यरूशलेम मा रांण वला भौत सा लुखुं ल यीशु की आज्ञा तैं सुनण अर मनण वलों तैं परेशान कन शुरू कैरी, इलै विश्वासी लोग हैंका जगह पर भागी गैनी। पर यांका बाद भि, जख कखी भि उ गैनी ऊंल यीशु का बारा मा प्रचार कैरी।

![](https://cdn.door43.org/obs/jpg/360px/obs-en-45-07.jpg)

फिलिप्पुस नौं कु एक विश्वासी छो। जन कि हैंका भौत सा विश्वासियों ल बोलि छो उ भि यरूशलेम बट्टी भागी गै छो। उ सामरिया का क्षेत्र मा चलि गै। उख ऊंका लुखुं मा यीशु का बारा मा प्रचार कैरी। भौत सा लोग ल वे पर विश्वास कैरी अर उद्धार पै। एक दिन, फिलिप्पुस मा पिता परमेश्वर की तरपां बट्टी एक स्वर्गदूत ऐ अर वे बट्टी जंगल मा जांणु कु, अर एक सड़क पर चलणु कु बोलि। फिलिप्पुस उख चलि गै। जब उ वीं सड़क पर चलणु छो, त वेल एक आदिम तैं अपड़ा रथ मा जांद देखि। यु आदिम कुश देश कु एक महान अधिकारी छो। पवित्र आत्मा ल फिलिप्पुस बट्टी बोलि कि जै के वे आदिम का दगड़ा-दगड़ी चलि।

![](https://cdn.door43.org/obs/jpg/360px/obs-en-45-08.jpg)

इलै फिलिप्पुस रथ का समणी गै। वेल सूंणि कि उ कुशी पिता परमेश्वर का वचन तैं पढ़णु छो। जु यशायाह भविष्यवक्ता ल लिखी छो उ वे तैं पढ़णु छो। "उ वे तैं वध किये जांण वला ढिबरा का जन ली गै, अर जन एक चिनखो शांत रौंद, वेल भि एक शब्द नि बोलि। ऊंल वे दगड़ी बुरो बरतौ कैरी अर वेको आदर नि कैरी। ऊंल वे तैं जान से मारि दींनि।"

![](https://cdn.door43.org/obs/jpg/360px/obs-en-45-09.jpg)

फिलिप्पुस ल वे तैं कुशी बट्टी पूछि, "जु तु पढ़णी छै क्य तु वे तैं समझदी भि छै?" वे कुशी ल जवाब दये, "न। जब तक कुई मि तैं नि समझालो, तब तक मि ये तैं नि समझी सकदु। किरपा कैरी के मेरा समणी ऐ के बैठ। यशायाह यु अपड़ा बारा मा लिखणु च य कै और का बारा मा?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ पर चढ़ी के बैठी गै। तब वेल वे कुशी आदिम तैं उ बतै जु यशायाह ल यीशु का बारा मा लिखी छो। फिलिप्पुस ल पिता परमेश्वर का वचन का भौत सा हैंका हिस्सों की भि चर्चा कैरी। इन के, वेल वे आदिम तैं यीशु का बारा मा शुभ संदेश सुणै।

![](https://cdn.door43.org/obs/jpg/360px/obs-en-45-11.jpg)

फिलिप्पुस अर उ कुशी चलि के पांणि का समणी ऐ। वे कुशी ल बोलि, "देख! इख पांणि च! क्य मि बपतिस्मा ले सकदु छो?" अर वेल रथ चलांण वला सारथी कु रथ तैं रुकणु कु बोलि।

![](https://cdn.door43.org/obs/jpg/360px/obs-en-45-12.jpg)

तब उ पांणी मा चलि गैनी, अर फिलिप्पुस ल वे कुशी तैं बपतिस्मा दींनि। जब उ पांणि बट्टी भैर ऐनी, त पवित्र आत्मा अचानक ही फिलिप्पुस तैं उठै के कै हैंकी जगह पर ली गै। उख फिलिप्पुस ल लुखुं तैं यीशु का बारा मा बतांणु रै।

![](https://cdn.door43.org/obs/jpg/360px/obs-en-45-13.jpg)

उ कुशी अपड़ा घौर की यात्रा पर अगनै बढ़ी गै। उ खुश छो कि उ अब यीशु तैं जंणदु च।

*प्रेरितों का काम 6:8-8:5; 8:26-40 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_45_128kbps.m4a

## 46. पौलुस मसीही विश्वासी बंणि जांद

https://openbiblestories.org/l/gbm/story-46/

![](https://cdn.door43.org/obs/jpg/360px/obs-en-46-01.jpg)

शाऊल नौं कु एक आदिम छो जैल यीशु पर विश्वास कैरी छो। जब उ जवान छो, तब वेल स्त्तिफनुस तैं मरण वला लुखुं का कपड़ों की देखभाल कैरी छै। बाद मा, वेल विश्वासियों तैं सतै छो। वेल यरूशलेम मा घौर-घौर जै के आदिम अर जननों द्वीयूं तैं गिरफ्तार कैरी के जेलखना मा डालेली छो। तब महायाजक ल शाऊल तैं दमिश्क नगर मा जांणै की इजाजत दींनि। वेल उख का मसीहियों तैं गिरफ्तार कन अर ऊं तैं वापस यरूशलेम ले के आंणु कु शाऊल कु बोलि।

![](https://cdn.door43.org/obs/jpg/360px/obs-en-46-02.jpg)

तब शाऊल ल दमिशक जांणु कु यात्रा शुरू कैरी। वे नगर पौंछण बट्टी थोड़ा पैली, वेका चौतरपां आसमान बट्टी एक उज्ज्वल उज्यलो देखि, अर उ धरती पर लमडी गै। शाऊल ल कै तैं बुल्द सूंणि, "हे शाऊल! हे शाऊल! तु मि तैं किलै सतांणी छै?" शाऊल ल पूछि, "हे प्रभु, तु कु छै?" यीशु ल वे तैं जवाब दये, "मि यीशु छो। तु मि तैं सतांणी छै!"

![](https://cdn.door43.org/obs/jpg/360px/obs-en-46-03.jpg)

जब शाऊल उठी त उ देखि नि साकी। तब वेका दगड़िया वे तैं दमिशक मा ले के गैनी। शाऊल ल तीन दिन तक कुछ भि खै अर पये भी नि च।

![](https://cdn.door43.org/obs/jpg/360px/obs-en-46-04.jpg)

दमिश्क मा हनन्याह नौं कु एक चेला छो। पिता परमेश्वर ल वे बट्टी बोलि, "वे घौर जा जख शाऊल ठैरयूं च। अपड़ा हथों तैं वे पर रख कि उ फिर से दिखण लगि जौ।" पर हनन्याह ल बोलि, "हे प्रभु, मिल सूंणि कि ये आदिम ल विश्वासियों तैं कन सतै।" पिता परमेश्वर ल वे तैं जवाब दये, "ज! मिल वे तैं यहूदियों मा अर दुसरी जातियों का लुखुं मा मेरु नौं कु प्रचार कनु कु चुणयूं च। उ मेरा नौं कु भौत दुखों तैं सालो।"

![](https://cdn.door43.org/obs/jpg/360px/obs-en-46-05.jpg)

तब हनन्याह शाऊल मा गै, अपड़ा हथों तैं वे पर रख, अर बोल, "यीशु ल, जु इख आंण वला रस्ता मा त्वे पर प्रगट हवे छो, मि तैं त्वे मा भेजि कि तु फिर से दिखण लग, अर पवित्र आत्मा त्वे तैं भोरि द्यालू।" तब शाऊल फिर तुरंत ही दिखण लगि गै, अर हनन्याह ल वे तैं बपतिस्मा दये। तब शाऊल ल खांणु खै अर फिर से तागत पै।

![](https://cdn.door43.org/obs/jpg/360px/obs-en-46-06.jpg)

तब बट्टी, शाऊल ल दमिशक मा रांण वला यहूदियों मा प्रचार कन शुरू कैरी दींनि। वेल बोलि, "यीशु ही पिता परमेश्वर कु नौंनो च!" यहूदी लोग हैरान छा, किलैकि शाऊल ल त विश्वासियों तैं मरणै की कोशिश कैरी छै,पर अब वेल यीशु पर विश्वास कैरी छो। शाऊल ल यहूदियों का दगड़ी वाद-विवाद कैरी। वेल दिखै कि यीशु ही मसीह छो।

![](https://cdn.door43.org/obs/jpg/360px/obs-en-46-07.jpg)

भौत दिनों का बाद, यहूदियों ल शाऊल तैं मरणै कि योजना बंणै। ऊंल वे तैं मरणु कु नगर का फाटक पर लुखुं तैं भेजि। कि वेकी देखरेख करा पर शाऊल ल वीं योजना का बारा मा सूंणि लियेले, अर वेका दगड़ियों ल बचि के निकलण मा वेकी मदद कैरी। एक रात वेल ठुपरा मा बैठी के नगर की दीवार बट्टी मूड़ी निकली दींनि। दमिशक बट्टी बचि के निकलण का बाद शाऊल ल यीशु का बारा मा प्रचार कनु रै।

![](https://cdn.door43.org/obs/jpg/360px/obs-en-46-08.jpg)

शाऊल प्रेरितों बट्टी मिलणु कु यरूशलेम गै, पर उ वे बट्टी डरदा छा। तब बरनबास नौं कु एक विश्वासी शाऊल तैं प्रेरितों मा ली गै। वेल ऊं तैं बतै कि शाऊल ल कन कै साहसी हवे के दमिशक मा प्रचार कैरी छो। वेका बाद, प्रेरितों ल शाऊल तैं स्वीकार कैरी दींनि।

![](https://cdn.door43.org/obs/jpg/360px/obs-en-46-09.jpg)

कुछ विश्वासी जु यरूशलेम का सताव् बट्टी भगणा छा उ दूर अंताकिया नगर मा चलि गै छा अर यीशु का बारा मा प्रचार करदा छा। अंताकिया मा रांण वला लोग ज्यादातर यहूदी नि छा, पर पैली बार, ऊंमा बट्टी भौत सा लोग विश्वासी बंणी गै छा। बरनबास अर शाऊल यूं नया विश्वासियों तैं यीशु का बारा मा अर और ज्यादा सिखणु कु उख गैनी अर मंडलि तैं मजबूत कैरी। यीशु पर विश्वास कन वला पैली बार अंताकिया मा ही "मसीही" कहलैनि।

![](https://cdn.door43.org/obs/jpg/360px/obs-en-46-10.jpg)

एक दिन, अंताकिया का मसीही लोग उपवास का दगड़ी प्रार्थना कना छा। पवित्र आत्मा ल ऊं बट्टी बोलि, "मि कु बरनबास अर शाऊल तैं वे काम कनु कु अलग कैरी द्या जै तैं कनु कु मिल ऊं तैं बुलै।" इलै अन्ताकिया की मंडलि ल बरनबास अर शाऊल कु प्रार्थना कैरी अर ऊं पर अपड़ा हथों तैं रखि। तब ऊंल ऊं तैं हैंका भौत सी जगहों पर यीशु का बारा मा शुभ संदेश कु प्रचार कनु कु भेजि दींनि। बरनबॉस अर शाऊल ल अलग-अलग जातियों का लुखुं तैं शिक्षा दींनि, अर भौत सी लुखुं ल यीशु पर भरोसो कैरी।

*प्रेरितों का काम 8:3;9:1-31; 11:19-26; 13:1-3 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_46_128kbps.m4a

## 47. फिलिप्पी मा पौलुस अर सीलास

https://openbiblestories.org/l/gbm/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल ल पूरा रोमी साम्राज्य मा यात्रा करिनि त वेल अपड़ो रोमी नौं "पौलुस" कु इस्तेमाल कन शुरू कैरी दींनि। एक दिन, पौलुस अर वेका दगड़िया सीलास फिलिप्पी नगर मा यीशु का बारा मा शुभ संदेश सुनांणु कु गै। उ नगर का भैर गाड का छाला एक जगह पर गैनी जख लोग प्रार्थना कनु कु कठ्ठा छा। उख उ लुदिया नौं की जनन बट्टी मिलिनि जु एक व्यापारी छै। उ पिता परमेश्वर बट्टी प्रेम करदी छै अर वेकी आराधना करदी छै।

![](https://cdn.door43.org/obs/jpg/360px/obs-en-47-02.jpg)

पिता परमेश्वर ल लुदिया तैं यीशु का बारा मा संदेश पर विश्वास कनु कु मजबूत कैरी। पौलुस अर सीलास ल वीं तैं अर वींका परिवार तैं बपतिस्मा दींनि। वीं ल पौलुस अर सीलास तैं अपड़ा घौर ठहरणु कु न्यूती, इलै उ उख ठैरी गैनी।

![](https://cdn.door43.org/obs/jpg/360px/obs-en-47-03.jpg)

पौलुस अर सीलास लुखुं बट्टी अक्सर वीं जगह पर मिलदा छा जख यहूदी लोग प्रार्थना करदा छा। रोज जब उ उख जांदा छा त एक नौकरयांण नौंनि जु दुष्टात्मा का काबू मा छै ऊंको पीछा करदी छै। ईं दुष्टात्मा का द्वारा व लुखुं को भविष्य बतांदी छै, इलै व भविष्य बतांण वली का रूप मा अपड़ा स्वामी कु भौत सी धन कमांदी छै।

![](https://cdn.door43.org/obs/jpg/360px/obs-en-47-04.jpg)

ऊंका जांदी बगत या नौकरयांण नौंनि चिलांदी छै, "यु आदिम परम प्रधान परमेश्वर कु सेवक च। यु तुम तैं उद्धार पांणों कु बट्टो बतांणा छिनी!" वा हर रोज इन ही करदी छै ज्यां बट्टी पौलुस नाराज हवे गै।

![](https://cdn.door43.org/obs/jpg/360px/obs-en-47-05.jpg)

आखिर मा, एक दिन जब व नौकरयांण ल चिलांण शुरू कैरी, त पौलुस ल वीं जनै मुडी के वीं का भितर की दुष्टात्मा कु बोलि, "यीशु का नौं से ईं मा बट्टी निकली जा।" वे ही बगत वीं दुष्टात्मा ल वी नौंनि तैं छोड़ी दींनि।

![](https://cdn.door43.org/obs/jpg/360px/obs-en-47-06.jpg)

वीं नौकरयांण का स्वामी भौत गुस्सा हवे गैनी। ऊं तैं मलूम हवे गै कि बगैर वीं दुष्टात्मा का व नौकरयांण नौंनि लुखुं तैं भविष्य नि बतै सकदी छै। यांको मतलब छो कि लोग अब वींका स्वामियों तैं अब पैसा नि दयाला कि व ऊंको भविष्य बतौ कि ऊंका दगड़ी अब क्य होलो।

![](https://cdn.door43.org/obs/jpg/360px/obs-en-47-07.jpg)

इलै वीं नौकरयांण नौंनि का स्वामी पौलुस अर सीलास तैं रोमी अधिकारियों मा ली गैनी। ऊंल पौलुस अर सीलास तैं पीटी, अर फिर ऊं तैं जेलखना मा डाली दींनि।

![](https://cdn.door43.org/obs/jpg/360px/obs-en-47-08.jpg)

ऊंल पौलुस अर सीलास तैं जेलखना का इन हिस्सा मा रखि जख सबसे ज्यादा सिपै छा। इख तक कि ऊंल ऊंका खुटों तैं लखडा का बड़ा टुकड़ों मा जकड़ी दींनि। पर पौलुस अर सीलास अधा राति का बगत, पिता परमेश्वर की स्तुति का गीत गांणा छा।

![](https://cdn.door43.org/obs/jpg/360px/obs-en-47-09.jpg)

तब अचानक से, एक बड़ो भूकम्प हवे! जेलखना का सैरा द्वार खुलि गैनी, अर सैरा बंधियों का संगला खुलि के गिरी गैनी।

![](https://cdn.door43.org/obs/jpg/360px/obs-en-47-10.jpg)

तब जेलखना कु दरोगा जागि गै। वेल देखि कि जेलखना का द्वार खुलयां छिनी। वेल सोचि कि सैरा बंधि बचि के भागि गैनी। उ डैरी गै कि ऊंका भागि जांण से रोमी आधिकारी वे तैं मारि दयाला, इलै उ अफ तैं मरणु कु तैयार हवे गै! पर पौलुस वे तैं देखि के चिलै, "रुकि जा! अफ तैं नुकसान नि पौछो। हम सभि इख ही छा।"

![](https://cdn.door43.org/obs/jpg/360px/obs-en-47-11.jpg)

वे दरोगा ल कांपी के पौलुस अर सीलास मा ऐ के पूछि, "उद्धार पांणु कु मि क्य कैरु?" पौलुस ल जवाब दींनि, "प्रभु यीशु पर विश्वास कैर, त तू अर तेरु घराना उद्धार पालो।" तब उ दरोगा पौलुस अर सीलास तैं अपड़ा घौर ली गै अर ऊं का खुटों तैं धूंण लगि गै। पौलुस ल वेका घौर का सभि लुखुं तैं यीशु का बारा मा शुभ संदेश सुणै।

![](https://cdn.door43.org/obs/jpg/360px/obs-en-47-12.jpg)

दरोगा अर वेका पूरा परिवार ल यीशु पर विश्वास कैरी, इलै पौलुस अर सीलास ल ऊं तैं बपतिस्मा दींनि। तब दरोगा ल पौलुस अर सीलास तैं खांणु खिलै, अर उ कठ्ठा हवे के खुश हवीनि।

![](https://cdn.door43.org/obs/jpg/360px/obs-en-47-13.jpg)

हैंका दिन नगर का अगवों ल पौलुस अर सीलास तैं जेलखना बट्टी आजाद कैरी दींनि अर फिलिप्पी बट्टी चलि जांणु कु बोलि। पौलुस अर सीलास लुदिया अर कुछ हैंका दगड़ियों बट्टी मिलिनि अर वेका बाद नगर बट्टी निकली गैनी। यीशु का बारा मा शुभ संदेश फैलदी ही गै, अर मंडलि बढ़दी ही गै।

![](https://cdn.door43.org/obs/jpg/360px/obs-en-47-14.jpg)

पौलुस अर हैंका मसीही अगवों ल भौत सी नगरों की यात्रा कैरी। ऊंल लुखुं तैं यीशु का बारा मा शुभ संदेश सुणै। ऊंल मण्डलियो का विश्वासियों तैं उत्साहित कन अर शिक्षा दींणु कु भौत सी चिठ्ठी भि लिखिनि। यांमाँ बट्टी कुछ चिठ्ठी बाइबल की किताब भि बंणि गैनी।

*प्रेरितों का काम 16:11-40 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_47_128kbps.m4a

## 48. यीशु ही वादा कियुं मसीह च

https://openbiblestories.org/l/gbm/story-48/

![](https://cdn.door43.org/obs/jpg/360px/obs-en-48-01.jpg)

जब पिता परमेश्वर ल दुनिया तैं बंणै त सब कुछ अच्छो छो। कुई पाप नि छो। आदम अर हव्वा एक दूसरा बट्टी प्रेम करदा छा, अर उ पिता परमेश्वर बट्टी प्रेम करदा छा। कुई बीमारी अर मौत नि छै। पिता परमेश्वर इन ही दुनिया तैं चांदु छो।

![](https://cdn.door43.org/obs/jpg/360px/obs-en-48-02.jpg)

शैतान ल गुरो का द्वारा बगीचा मा हव्वा का दगड़ी बात कैरी, किलैकि उ वीं तैं धोखा दींण चांदु छा। तब हव्वा अर आदम ल पिता परमेश्वर का विरूद्ध मा पाप कैरी। किलैकि ऊंल पाप कैरी छो इलै धरती पर रांण वला सभि चीज मोरि जंदींनि।

![](https://cdn.door43.org/obs/jpg/360px/obs-en-48-03.jpg)

किलैकि आदम अर हव्वा ल पाप कैरी छो, इलै कुछ और भि ज्यादा बुरो हवे। उ पिता परमेश्वर का दुश्मन बंणि गैनी। ज्यांका बदला, तब बट्टी हर आदिम पाप कनु च। हर एक आदिम जन्म का बगत बट्टी ही पिता परमेश्वर कु दुश्मन च। पिता परमेश्वर अर लुखुं का बीच मा शांन्ति नि छै। पर फिर भि पिता परमेश्वर शान्ति चांदु छो।

![](https://cdn.door43.org/obs/jpg/360px/obs-en-48-04.jpg)

पिता परमेश्वर ल एक वादा कैरी छो कि हव्वा कु एक वंशज शैतान का मुंड तैं कुचली दयालो। वेल यु भि बोलि कि शैतान वीं की एडी तैं डसलो। दूसरा शब्दों मा, शैतान तैं मारि डललो, पर पिता परमेश्वर वे तैं फिर से ज्यूंदो कैरी दयालो। यांका का बाद, मसीह शैतान की तागत तैं हमेशा कु खत्म कैरी दयालो। कुछ सालों का बाद, पिता परमेश्वर ल यु प्रगट कैरी दींनि कि उ मसीह यीशु च।

![](https://cdn.door43.org/obs/jpg/360px/obs-en-48-05.jpg)

पिता परमेश्वर ल वीं बाढ़ बट्टी अपड़ा परिवार तैं बचै जै तैं उ लांण वलो छो। नूह बट्टी एक नाव तैं बनांणु कु बुलै गै अर पिता परमेश्वर ल ऊं लुखुं तैं बचै जु वे पर विश्वास करदा छा। इन के ही, उ सभि का सभि पिता परमेश्वर का द्वारा मरै जांण का योग्य छा किलैकि ऊंल पाप कैरी छो। पर पिता परमेश्वर ल ऊं सभियूं तैं बचांणु कु यीशु तैं भेजि जु वे पर विश्वास करदा छा।

![](https://cdn.door43.org/obs/jpg/360px/obs-en-48-06.jpg)

कई सालों तक, याजक पिता परमेश्वर कु बलिदान चढ़ाणा रैनि। यु बतांद कि लुखुं ल पाप कैरी, अर यु कि उ पिता परमेश्वर का द्वारा ऊं तैं दंड दिये जांण का योग्य छा। पर उ बलिदान ऊंका पापों तैं माफ नि कैरी सकद। यीशु ही सबसे बड़ों महायाजक च। वेल उ कैरी जु कुई याजक नि कैरी सकद। वेल उ एकमात्र बलिदान हूंणु कु अफ तैं दे दींनि जु हर कैका पापों तैं मिटै सकद। वेल स्वीकार कैरी के पिता परमेश्वर ऊं सभि पापो कु वे तैं दंड दयो। इलै, यीशु सिद्ध महायाजक छो। " पिता परमेश्वर ल अब्राहम बट्टी बोलि, ""मि तेरा द्वारा दुनिया का सभि कुलों तैं आशीष दयुलु।"" यीशु ये ही अब्राहम कु वंशज छो। पिता परमेश्वर अब्राहम का माध्यम बट्टी सभि कुलों तैं आशीष दयालो, किलैकि जु यीशु पर विश्वास करदींनि पिता परमेश्वर ऊं सभियूं तैं पाप बट्टी बचांद। जब यु लोग यीशु पर विश्वास करद, त पिता परमेश्वर ऊं तैं अब्राहम कु वंशज मंणद।"

![](https://cdn.door43.org/obs/jpg/360px/obs-en-48-07.jpg)

पिता परमेश्वर ल अब्राहम बट्टी बोलि कि उ अपड़ो एकलौतो नौंना तैं बलिदान कैरी द्यो। पर फिर पिता परमेश्वर ल इसाहाक का बदला मा बलि कनु कु एक चिनखो दये। हम सभि अपड़ा पापों कु मरै जांण का लैक छा! पर पिता परमेश्वर ल हमारी जगह पर मुरणु कु यीशु तैं बलिदान का रूप मा दये। इलै हम यीशु तैं पिता परमेश्वर कु चिनखो बुल्दीयां।

![](https://cdn.door43.org/obs/jpg/360px/obs-en-48-08.jpg)

जब पिता परमेश्वर ल मिस्र पर आखिरी विपत्ति भेजि त वेल हर एक इस्राएली परिवार बट्टी बोलि कि उ एक चिनखै की बलि कैरा। वे चिनखा मा कुई भि दोष नि हूंण चयणु च। तब अपड़ा दरवाजा की चौखट का मथी अर अगल-बगल मा ऊं तैं वेक ल्वे तैं लगांण होलो। जब पिता परमेश्वर ल वे ल्वे तैं देखि त उ ऊं घौरों तैं छोड़ी के अगनै चलि गै अर ऊंका पैला नौंनों तैं नि मारि। जब यु हवे त पिता परमेश्वर ल ये तैं फसल कु त्यौहार बोलि।

![](https://cdn.door43.org/obs/jpg/360px/obs-en-48-09.jpg)

यीशु त्यौहार का एक चिनखा का जन च। वेल कभि भि पाप नि कैरी, इलै वे मा कुछ भि गलत नि च। उ त्यौहार का ही बगत पर ही मोरि। जब कुई यीशु पर विश्वास करद, तब यीशु कु ल्वे वे आदिम का पापों की कीमत तैं चुकांद। यु इन च जन कि पिता परमेश्वर वे आदिम मा बट्टी अगनै चली गै, किलैकि उ वे तैं दंड नि दींद।

![](https://cdn.door43.org/obs/jpg/360px/obs-en-48-10.jpg)

पिता परमेश्वर ल इस्राएली लुखुं’ का दगड़ी एक वादा कैरी, किलैकि उ इन लोग छा जौं तैं पिता परमेश्वर ल अपड़ा लोग हूंणु कु चुंणि छो। पर अब पिता परमेश्वर ल एक इन वादा तैं कैरी जु कि सभियूं कु च। जु कै भि जाति कु कुई भि आदिम ये नया वादा तैं स्वीकार करद, त उ पिता परमेश्वर का लुखुं मा शामिल हवे जांद। उ इन इलै ही करद किलैकि उ यीशु पर विश्वास करद।

![](https://cdn.door43.org/obs/jpg/360px/obs-en-48-11.jpg)

मूसा एक इन भविष्यवक्ता छो जैल पिता परमेश्वर का वचन तैं बड़ी सामर्थ का दगड़ी प्रचार कैरी छो। पर यीशु सभि भविष्यवक्ताओं मा सबसे बड़ो च। उ परमेश्वर च, इलै जु कुछ भि वेल कैरी अर बोलि उ परमेश्वर का काम अर वचन छा। इलै पवित्र-शास्त्र यीशु तैं पिता परमेश्वर का वचन बुल्द।

![](https://cdn.door43.org/obs/jpg/360px/obs-en-48-12.jpg)

पिता परमेश्वर ल राजा दाऊद बट्टी वादा कैरी छो कि राजा का रूप मा वेको एक वंशज पिता परमेश्वर का लुखुं पर हमेशा कु राज्य करलो। यीशु पिता परमेश्वर कु नौंनो अर मसीह च, इलै उ राजा दाऊद कु वंशज च जु हमेशा कु राज्य कैरी सकदु च।

![](https://cdn.door43.org/obs/jpg/360px/obs-en-48-13.jpg)

दाऊद त इस्राएल कु राजा छो, पर यीशु सैरी दुनिया कु राजा च! उ फिर से आलो अर हमेशा कु न्याय अर शान्ति का दगड़ी अपड़ा राज्य पर शासन करलो।

*उत्पप्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_48_128kbps.m4a

## 49. पिता परमेश्वर कु नयो वादा

https://openbiblestories.org/l/gbm/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूत ल एक जवान जनन मरियम बट्टी बोलि कि उ पिता परमेश्वर का नौंना तैं जन्म दयाली। व अभि कुवारी छै, पर पवित्र आत्मा वीं मा ऐ अर व गर्भवती हवे। वींल एक नौंना तैं जन्म दींनि जैको नौं वींल यीशु रखि। इलै, यीशु पिता परमेश्वर अर मनिख द्वीयूं कु च।

![](https://cdn.door43.org/obs/jpg/360px/obs-en-49-02.jpg)

यीशु ल भौत सा चमत्कार करिनि जु दिखौदींनि कि उ पिता परमेश्वर च। उ पांणी पर चलि अर आंधि तैं शांत कैरी। वेल भौत सा बीमार लुखुं तैं भि खूब कैरी अर भौत सा लुखुं मा बट्टी भि दुष्टात्माओं तैं निकाली। वेल मुरयां लुखुं तैं ज्यूंदो कैरी दींनि, अर वेल पांच रूठी अर द्वी माछो तैं 5,000 लुखुं तैं खांणु कु पर्याप्त कैरी दींनि।

![](https://cdn.door43.org/obs/jpg/360px/obs-en-49-03.jpg)

यीशु एक महान शिक्षक भि छो। जु कुछ भि वेल सिखै, उ वेल सिद्ध हवे के सिखै। जु उ लुखुं बट्टी कनु कु बुल्द उ वे तैं कन चयणु च किलैकि उ पिता परमेश्वर कु नौंना च। उदाहरण कु, वेल सिखै कि तुम तैं हैंका लुखुं तैं ठिक वे ही ढंग से प्रेम कने की जरूरत च जन तुम अफ तैं प्रेम करदा।

![](https://cdn.door43.org/obs/jpg/360px/obs-en-49-04.jpg)

वेल यु भि सिखै कि तुम तैं सभि चिज्युं बट्टी ज्यादा अर सम्पति से भि ज्यादा पिता परमेश्वर तैं प्रेम कन चयणु च।

![](https://cdn.door43.org/obs/jpg/360px/obs-en-49-05.jpg)

यीशु ल बोलि कि दुनिया मा के भि चीज तैं पांण से ज्यादा अच्छो च पिता परमेश्वर का राज्य मा ह्वा। वेका राज्य मा तुम कु प्रवेश कनु कु जरूरी च कि पिता परमेश्वर तुम तैं तुम्हरा पापों बट्टी बचो।

![](https://cdn.door43.org/obs/jpg/360px/obs-en-49-06.jpg)

यीशु ल बोलि कि कुछ लोग वे तैं स्वीकार करला। पिता परमेश्वर ऊं लुखुं तैं बचालो। पर दूसरा लोग वे तैं स्वीकार नि करला। वेल यु भि बोलि कि कुछ लोग अच्छी धरती का जन छिनी, किलैकि उ यीशु का बारा मा शुभ संदेश तैं स्वीकार कैरी लिदींनि, अर पिता परमेश्वर ऊं तैं बचांदु च। पर कुछ लोग रस्ता की सकत धरती का जन छिनी। पिता परमेश्वर कु वचन बीज का जन रस्ता मा गिरदु, पर उख कुछ भि नि उगद। यु लोग यीशु का बारा मा संदेश तैं अस्वीकार कैरी दींदीनि। उ वेका राज्य मा प्रवेश कन से मना कैरी दींदीनि।

![](https://cdn.door43.org/obs/jpg/360px/obs-en-49-07.jpg)

यीशु ल सिखै कि पिता परमेश्वर पापियों बट्टी भौत प्रेम करदु। उ ऊं लुखुं तैं माफ कन चांदु अर ऊं तैं अपड़ी सन्तान बनांण चांदु।

![](https://cdn.door43.org/obs/jpg/360px/obs-en-49-08.jpg)

यीशु ल यु भि बतै कि पिता परमेश्वर पाप बट्टी नफरत करदु। किलैकि आदम अर हव्वा ल पाप कैरी, इलै ऊंका सारा वंशजों ल भि पाप कैरी। इलै दुनिया मा रौंण वलो हर आदिम पाप करदु अर पिता परमेश्वर बट्टी दूर च। हर आदिम पिता परमेश्वर कु दुश्मन च।

![](https://cdn.door43.org/obs/jpg/360px/obs-en-49-09.jpg)

पर पिता परमेश्वर ल ईं दुनिया मा रांण वला हर एक आदिम बट्टी इन प्रेम कैरी: वेल अपड़ा एकलौता नौंना तैं दे दींनि कि पिता परमेश्वर ऊं तैं दंड नि दयो जु वे पर विश्वास करदींनि। यांका बदला, उ वेका दगड़ी हमेशा कु राला।

![](https://cdn.door43.org/obs/jpg/360px/obs-en-49-10.jpg)

तुम मुरण का लैक छां, किलैकि तुम ल पाप कैरी। तुम बट्टी पिता परमेश्वर को गुस्सा हूंण ठिक ही च, यांका बदला, उ यीशु पर गुस्सा हवे। वेल यीशु तैं सूली की मौत दे के दंड दये।

![](https://cdn.door43.org/obs/jpg/360px/obs-en-49-11.jpg)

यीशु ल कभि पाप नि कैरी, अर पिता परमेश्वर का दंड तैं स्वीकार कैरी। इन के ही, तुम्हरा पापों तैं अर ईं दुनिया का रांण वला हर एक जन का पापों तैं उठै के ली जांणु कु उ एक सिद्ध बलिदान छो। यीशु ल अफ तैं पिता परमेश्वर कु बलिदान कैरी दींनि, इलै पिता परमेश्वर कै भि पापी तैं, इख तक कि भयंकर पापों तैं भि माफ करद।

![](https://cdn.door43.org/obs/jpg/360px/obs-en-49-12.jpg)

जब कि तुम भौत सा अच्छा कामों तैं करदा, तब भि पिता परमेश्वर तुम तैं यांका द्वारा नि बचालो। वेको दगड़िया बनणु कु इन कुछ भि नि च जु तुम कैरी सकदा। यांका बदला, तुम तैं विश्वास कन चयणु च कि यीशु पिता परमेश्वर कु नौंनो च, अर उ तुम्हरा बदला सूली पर मोरि गै, अर यु भि कि पिता परमेश्वर ल वे तैं फिर से ज्यूंदो कैरी दींनि। जु तुम यां पर विश्वास कैरा, त पिता परमेश्वर तुम्हरा पापों तैं माफ करलो।

![](https://cdn.door43.org/obs/jpg/360px/obs-en-49-13.jpg)

पिता परमेश्वर वे हर आदिम तैं बचालो जु यीशु पर विश्वास करदु अर वे तैं अपड़ो प्रभु स्वीकार करदु। पर उ ऊं तैं नि बचालो जु वे पर विश्वास नि करदींनि। यां बट्टी कुई फर्क नि पुडदो कि तुम अमीर छां या गरीब, आदिम छा या जनन, बुढया छा या जवान, य तुम कख रौंदयां। पिता परमेश्वर तुम बट्टी प्रेम करदु अर चांदु च कि तुम यीशु पर विश्वास कैरा कि उ तुम्हरो दगड़िया बंणि जौ।

![](https://cdn.door43.org/obs/jpg/360px/obs-en-49-14.jpg)

यीशु तुम तैं बुलांणु च कि वे पर विश्वास कैरा अर बपतिस्मा लया। किलैकि तुम विश्वास करदा कि पिता परमेश्वर कु इकलौतो नौंनो, यीशु ही मसीह च, क्य तुम विश्वास करदा छा कि तुम एक पापी छा अर यु कि तुम पिता परमेश्वर का द्वारा दंड दिये जांण का लैक छा? क्य तुम विश्वास करदा छा कि तुम्हरा पापों तैं मिटाणु कु यीशु सूली पर चढ़ी अर मोरि गै?

![](https://cdn.door43.org/obs/jpg/360px/obs-en-49-15.jpg)

जु तुम यीशु पर अर जु वेल तुम दगड़ी कैरी वे पर विश्वास करदा छा, त तुम एक मसीह छा! शैतान अपड़ा अन्धकार का राज्य मा अब तुम पर राज्य नि करद। अब पिता परमेश्वर अपड़ा उज्यला का राज्य मा तुम पर राज्य कनु च। वेल तुम तैं पाप कन से रोकेले, जै तैं तुम करदा छा। वेल तुम तैं एक नयो, अच्छो जीवन दींनि।

![](https://cdn.door43.org/obs/jpg/360px/obs-en-49-16.jpg)

जु तुम एक मसीही छा त जु यीशु ल कैरी वेका कारण पिता परमेश्वर ल तुम्हरा पापों तैं माफ कैरी दींनि। अब, पिता परमेश्वर एक दुश्मन की अपेक्षा तुम तैं एक परम मित्र मंणदु।

![](https://cdn.door43.org/obs/jpg/360px/obs-en-49-17.jpg)

जु तुम पिता परमेश्वर का दगड़िया छा अर प्रभु यीशु का सेवक छा त तुम ऊं बातों कु पालन कनै की इच्छा करिला जु यीशु तुम तैं सिखांद। भले ही तुम एक मसीही छा, शैतान अभि भि पाप करांणु कु तुम्हरी अजमेश करलो। पर पिता परमेश्वर हमेशा उ करद जु उ बुल्दो च कि उ करलो। उ बुल्दो कि जु तुम अपड़ा पापों तैं मांणि लीला, त उ तुम तैं माफ कैरी दयालो। उ तुम तैं पाप का विरूद्ध मा लड़णै की सामर्थ दयालो।

![](https://cdn.door43.org/obs/jpg/360px/obs-en-49-18.jpg)

पिता परमेश्वर तुम तैं प्रार्थना कन अर वेका वचन तैं पढ़णु कु बुल्द। उ तुम तैं हैंका विश्वासियों का दगड़ी मिली के वेकी आराधना कनु कु भि बुल्द। तुम तैं हैंका लुखुं तैं भी बतांण कि वेल तुम कु क्य कैरी। जु तुम यूं सभि कामों तैं कैरा, त तुम वेका एक पक्का दगड़िया बंणि जैला।

*रोमियो 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2कुरिन्थियों 5:17-21 1 यूहन्ना 1:5-10; बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_49_128kbps.m4a

## 50. यीशु वापिस आंद

https://openbiblestories.org/l/gbm/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 सालों बट्टी, दुनिया मा सभि जगहों मा ज्यादा से ज्यादा लोग मसीह यीशु का बारा मा शुभ संदेश तैं सुनणा छिनी। मंडलियों की उन्नति हूंणी च यीशु ल वादा कैरी कि उ दुनिया का अंत मा वापिस आलो। जबकि अभि त उ नि ऐ, तभि भि उ अपड़ा वादा तैं पूरो करलो।

![](https://cdn.door43.org/obs/jpg/360px/obs-en-50-02.jpg)

जब कि हम यीशु का वापिस लौटण कु इन्तेजार करदां, पिता परमेश्वर हम बट्टी ये ही रीति से जीवन जींण की इच्छा करद जु पवित्र च अर जु वेको आदर करदु। जब यीशु धरती पर रौंदु छो तब वेल बोलि, "मेरा चेला दुनिया भर मा सभि जगहों का लुखुं तैं पिता परमेश्वर का राज्य का बारा मा शुभ संदेश प्रचार करलो, अर तब अंत ऐ जालो।"

![](https://cdn.door43.org/obs/jpg/360px/obs-en-50-03.jpg)

भौत सी जातियों ल अभि तक यीशु का बारा मा नि सूंणि। स्वर्ग मा लौटण से पैली, यीशु मसीह बट्टी ऊं लुखुं तैं शुभ संदेश सुनांणु कु बुल्द जौल वे तैं कभि नि सूंणि। वेल बोलि, "आवा अर सभि जातियों का लुखुं तैं चेला बंणा!" अर " लवै कु फसल पकी गै!"

![](https://cdn.door43.org/obs/jpg/360px/obs-en-50-04.jpg)

यीशु ल यु भि बोलि, "कै आदिम कु सेवक वे आदिम बट्टी बड़ो नि हूंद। ईं दुनिया का खास लुखुं ल मि बट्टी नफरत कैरी, अर मेरा कारण उ तुम तैं भि सताला अर मारि डलला। ईं दुनिया मा तुम दुखि हवीला, पर मजबूत बंणा, किलैकि मिल शैतान तैं हरै येले जु ईं दुनिया पर राज्य करदु छो। जु तुम आखिर तक मेरा विश्वासयोग्य बंणया रैला, त पिता परमेश्वर तुम तैं बचालो!"

![](https://cdn.door43.org/obs/jpg/360px/obs-en-50-05.jpg)

यीशु ल अपड़ा चेलों तैं यु समझणु कु एक कथा सुणै कि जब दुनिया का अंत होलो त लुखुं का दगड़ी क्य होलो। वेल बोलि, "कै आदिम ल अपड़ा पुगडा मा अच्छो बीज बूती। जब उ सियूं छो त वेको दुश्मन ऐ अर ग्यूं का बीजों का बीच मा जंगली पौधों तैं बूती दींनि, अर फिर उ चलि गै।"

![](https://cdn.door43.org/obs/jpg/360px/obs-en-50-06.jpg)

"जब पौधा अंकुरित हवीनि त सेवकों ल वे आदिम बट्टी बोलि, 'हे स्वामी, तिल त अपड़ा पुगडा मा अच्छो बीज बूती छो। त फिर ये मा जंगली पौधा किलै छिनी?' वे आदिम ल जवाब दये, 'बस मेरु दुश्मन ही वे तैं बुतण चालो। यु मेरु कुई दुश्मन च जैल कन कैरी।'"

![](https://cdn.door43.org/obs/jpg/360px/obs-en-50-07.jpg)

"ऊं सेवकों ल अपड़ा स्वामी तैं जवाब दींनि, 'क्य हम तैं जंगली डालों तैं उखाडी दींण चयणु च?' वे स्वामी ल बोलि, 'न। जु तुम इन करिला त तुम कुछ ग्यूं तैं भी उखाडी दीला। लवै का बगत तक इन्तेजार कैरा। तब जंगली डालों तैं गठों मा इकठा कैरी द्या कि तुम ऊं तैं फूकी द्या। पर ग्यूं तैं मेरा डोरा मा ले के आवा।'"

![](https://cdn.door43.org/obs/jpg/360px/obs-en-50-08.jpg)

चेलों ल ईं कथा कु मतलब नि समझी, इलै ऊंल यीशु बट्टी ऊं तैं समझाणी की विनती कैरी। यीशु ल बोलि, "अच्छो बीज बुतण वलो आदिम मसीह तैं जाहिर करद। पुंगडा दुनिया तैं जाहिर करद। अच्छो बीज पिता परमेश्वर का राज्य का लुखुं तैं जाहिर करद।"

![](https://cdn.door43.org/obs/jpg/360px/obs-en-50-09.jpg)

"जंगली पौधा वे दुष्ट आदिम, शैतान का लुखुं तैं जाहिर करद। वे आदिम कु दुश्मन शैतान तैं जाहिर करद, जैल जंगली पौधों तैं बुतेले छो। लवै ईं दुनिया का अंत तैं जाहिर करदी, अर लवै कन वला पिता परमेश्वर का स्वर्गदूतों तैं जाहिर करद।"

![](https://cdn.door43.org/obs/jpg/360px/obs-en-50-10.jpg)

"जब दुनिया कु अंत होलो तब स्वर्गदूत ऊं सभि लुखुं तैं एक दगड़ी इकठा करलो जु शैतान का छिनी। उ स्वर्गदूत ऊं तैं एक भौत ही गर्म आग मा फेकी दयाला। उख उ लोग भयंकर स्ताव मा रवाला अर अपड़ा दांतों तैं पिसला। पर जु लोग धर्मी छिनी, जौल यीशु कु अनुसरण कैरी, उ पिता परमेश्वर का राज्य मा सूरज का जन चमकला।"

![](https://cdn.door43.org/obs/jpg/360px/obs-en-50-11.jpg)

यीशु ल यू भि बोलि कि दुनिया का अंत हूंण से पैली धरती पर लौटलो। उ उन ही वापिस आलो जन उ स्वर्ग मा गै छो। मतलब, वे मा हकीकत मा एक देह होली, अर उ आसमान मा बादलों पर सवार हवे के आलो। जब यीशु वापस आलो, त हर एक मसीही मा जु मोरि गै ज्यूंदा हवे जाला अर वे बट्टी आसमान मा मिलला।

![](https://cdn.door43.org/obs/jpg/360px/obs-en-50-12.jpg)

तब जु मसीही अभि भि ज्यूंदा छिनी उ आसमान मा उठये जाला अर ऊं दुसरा मसीहीयों का दगड़ी मिली जाला जु मोरि के ज्यूंदा हवे जाला। उ सभि उख यीशु का दगड़ी हवाला। वेका बाद, यीशु अपड़ा लुखुं का दगड़ी रालो। जब उ एक दगड़ी रौंदींनि त ऊं मा हमेशा कु पूरी शान्ति होली।

![](https://cdn.door43.org/obs/jpg/360px/obs-en-50-13.jpg)

यीशु ल वे पर विश्वास कन वला हर एक आदिम तैं एक मुकुट दयुणो को वादा कैरी। उ हमेशा कु पिता परमेश्वर का दगड़ी हर एक चीज पर राज्य करला। ऊं मा सिद्ध शान्ति होली।

![](https://cdn.door43.org/obs/jpg/360px/obs-en-50-14.jpg)

पर पिता परमेश्वर ऊं सभियूं कु न्याय करलो जु यीशु पर विश्वाश नि करदींनि। उ ऊं लुखुं तैं नरक मा डाली दयालो। उख उ रवाला अर अपड़ा दांतों तैं पिसला, अर उ हमेशा दुखी हूंदी राला। कभि नि बुझण वली आग ऊं तैं लगातार जलांदी राली, अर कीड़ा ऊं तैं खांण से कभि नि रुकला।

![](https://cdn.door43.org/obs/jpg/360px/obs-en-50-15.jpg)

जब यीशु वापस आलो, त उ पूरा ढंग से शैतान तैं अर वेक राज्य तैं नष्ट कैरी दयालो। उ शैतान तैं नरक मा डाली दयालो। उख शैतान हमेशा कु जल्दी रालो, ऊं सभियूं का दगड़ी जौल पिता परमेश्वर की बातों तैं मनण का बदला शैतान का पिछनै चलणों को चुनाव कैरी।

![](https://cdn.door43.org/obs/jpg/360px/obs-en-50-16.jpg)

किलैकि आदम अर हव्वा ल पिता परमेश्वर की आज्ञा तैं नि मांणी छो अर पाप तैं ईं दुनिया मा ले के ऐ छा, पिता परमेश्वर ल ऊं तैं श्राप दये अर वे तैं खत्म कनो को फैसला लींनि। पर कै दिन पिता परमेश्वर एक नया स्वर्ग अर एक नई धरती की रचना कैरी जु सिद्ध होलो।

![](https://cdn.door43.org/obs/jpg/360px/obs-en-50-17.jpg)

यीशु अर वेका लोग वीं नई धरती पर राला, अर उ हमेशा कु सभि चीजों पर राज्य करलो। उ लुखुं की आँखों बट्टी हर एक आंसूओं तैं पुछि द्यालु। अब कुई भि दुखी नि होलो। उ रवाला न। उ बीमार नि होला अर मुरला भि न। अर उख कुछ भि बुरै नि होली। यीशु अपड़ा राज्य पर न्याय का दगड़ी, अर शान्ति का दगड़ी राज्य करलो। उ हमेशा कु अपड़ा लुखुं का दगड़ी रालो।

*मत्ती 24:14; 28:18; यूहन्ना 15:20, 16:33; प्रकाशित्वाक्य 2:10; मत्ती 13:24-30, 36-42; 1 थिस्सलुनीकियों 4:5-13:11; याकूब 1:12; मत्ती 22:13; प्रकाशित्वाक्य 20:10, 21:1-22:21 बट्टी एक बाइबल की कथा*

Audio: https://git.door43.org/OBS-TLF/gbm_obs/releases/download/v1/gbm_obs_v1_50_128kbps.m4a