# unfoldingWord Open Bible Stories — Pottangi Ollar Gadaba (Gadaba, Pottangi Ollar)

- Language code: `gdb`
- Canonical page: https://openbiblestories.org/l/gdb/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Pottangi Ollar Gadaba translation; it is not a translation of the whole Bible.

## 1. ୧- ଗଡ଼଼ାପଣ୍ଡି ବିସୟ

https://openbiblestories.org/l/gdb/story-1/

![](https://cdn.door43.org/obs/jpg/360px/obs-en-01-01.jpg)

ପାଟିଟେ ଇ ୱାଡିନ୍ ଗଡ଼଼ା ଏନେ, ସଅ ଦିନ୍ ସିରିସ୍ ମାପ୍‌ରୁ ସରଗ୍ ଆରେ ପୁର୍‌ତି ଆରେ ଆମାନ୍ ମାନଣ୍ଡି ପାଟିଟେ ବିସୟ ଗଡ଼଼ାତଣ୍ଡ୍। ମାପ୍‌ରୁ ଗଡ଼଼ାତାନ୍ କୁଣ୍ତେଲ୍ ପୁର୍‌ତିନ୍ ସିକାଟ୍ ଆରେ ସିଲିମ୍ ସିମ୍‌ରା ମାଟେ। ଏନାମେନ୍ ବିସୟ୍‌ଗୁଲ୍‌ ଗଡ଼଼ାଏରାଦି ମାଟେ। ମାତର୍ ମାପ୍‌ରୁନେ ଆତ୍‌ମା ନିର୍ ପୟ୍‌ତାନ୍ ମାଟେ।

![](https://cdn.door43.org/obs/jpg/360px/obs-en-01-02.jpg)

ଆଦିଙ୍ଗ୍‌ କୁଣ୍ତେଲ୍ ମାପ୍‌ରୁ ପକେଣ୍ତ୍, ୱିଣ୍ତ୍ ଏକା। ଆମାଟୁକ୍ ୱିଣ୍ତ୍ ଏନେ। ମାପ୍‌ରୁନ୍ କାନୁଲ୍‌ତୁନ୍ ୱିଣ୍ଡ୍ ନିୟା ତଣ୍ଡେଟେ। ଆରେ ଆଦିଙ୍ଗ୍ ଦିବସ୍ ଏଞ୍ଜି ପକେଣ୍ତ୍। ଅଣ୍ତ୍ ଆଦିଙ୍ଗ୍ ସିକାଟ୍‌ଟୁକ୍ ୱେନେଲ୍ କେନଣ୍ଡ୍। ଆରେ ଆଦିନେ ପିଦିର୍ ଇରେଣ୍ଡ୍ “ନାର୍‌କାମ୍”। ମାପ୍‌ରୁ ତିୟାର୍ ଏରଣ୍ଡି ପର୍‌ତୁମ୍‌ଟେ ସିରିସ୍ ୱିଣ୍ଡିଙ୍ଗ୍ ଗଡ଼଼ାତଣ୍ଡ୍।

![](https://cdn.door43.org/obs/jpg/360px/obs-en-01-03.jpg)

ଦୁତିୟ ସିରିସ୍ ମାପ୍‌ରୁ ପୁର୍‌ତି ପୟ୍‌ତାନ୍ ଆକାସ୍ ଉବ୍‌ଜା ଏରିଙ୍ଗ୍ ପକେଣ୍ତ୍, ଅଣ୍ତ୍ ପୁର୍‌ତିଟେ ନିର୍‌ଟୁକ୍ ଆକାସ୍‌ଟେ ନିରିଙ୍ଗ୍ ୱେନେଲ୍ କେତାଲିନ୍ ଆକାସ୍ ଉବ୍‌ଜା ଏନେ।

![](https://cdn.door43.org/obs/jpg/360px/obs-en-01-04.jpg)

ତୁର୍‌ତିୟ ସିରିସ୍ ମାପ୍‌ରୁ ପକେଣ୍ତ୍ ଆରେ ୱାଟ୍‌ବାସେଟୁକ୍ ନିରିଙ୍ଗ୍ ଦୁଇ ବାଗ୍ କେନଣ୍ତ୍। ଅଣ୍ତ୍ ୱାଟ୍‌ବାସେଙ୍ଗ୍ ପୁର୍‌ତି ଏଞ୍ଜି ପକେଣ୍ତ୍। ଆରେ ଅଣ୍ତ୍ ନିରିଙ୍ଗ୍ ସମ୍‌ଦୁର,ଏଞ୍ଜି ପକେଣ୍ତ୍। ମାପ୍‌ରୁ ସୁଡେଣ୍ତ୍ ଏରେଦ୍ ଅଣ୍ତ୍ ଗଡ଼଼ାସିମାଟଣ୍ଡ୍ ଆଦ୍ ଅଣ୍ଡୁନ୍ କାନୁଲ୍‌ତୁନ୍ ପେରିନ୍ ନିୟା ତଣ୍ଡେଟେ।

![](https://cdn.door43.org/obs/jpg/360px/obs-en-01-05.jpg)

ଆଦିଙ୍ଗ୍ କୁଣ୍ତେ୍ଲ୍ ମାପ୍‌ରୁ ପକେଣ୍ତ, “ ପୁର୍‌ତିନ୍ ପାଟିନ୍ ବାନିଟେ ମାର୍‌କିଲ୍ ଆରେ ଲାଟାଲ୍ ଆଗ୍‌କାୱ୍। ଆଟେଲ୍ ଆୟ୍ ୱାଡ଼଼ିନ୍ ଏନେ। ମାପ୍‌ରୁ ସୁଡ଼଼େଣ୍ଡ୍ ଏରେଦ୍ ଅଣ୍ଡ୍ ତିୟାର୍ କେୟି ମାଟଣ୍ଡ୍, ଆଦ୍ ପେରିନ୍ ନିୟା ତଣ୍ଡେଟେ।

![](https://cdn.door43.org/obs/jpg/360px/obs-en-01-06.jpg)

ଗଡ଼଼ାପଣ୍ଡିଟେ ସାର୍‌ଦିନ୍ ସିରିସ୍, ମାପ୍‌ରୁ ପକେଣ୍ତ୍ ୱେଲେ ନେଲିଙ୍ଗ୍ ପୁତ୍‌କୁଲ୍ ପାଟିନ୍ ଗଡ଼଼ାତଣ୍ତ୍। ମାପ୍‌ରୁ ଆୟ୍ ପାଟିନିଙ୍ଗ୍ ପୁର୍‌ତିନ୍ ୱିଣ୍ତ୍ ସିଗିଙ୍ଗ୍ ଆରେ ଦିନ୍, ନାର୍‌କାମ୍, ରୁତୁଲୁଙ୍ଗ୍ ଆରେ ବାରିସ୍‌ଗିଲ୍ ପୁନୁଙ୍ଗ୍ ପାୟିଟ୍ କାମେ କେଗିଙ୍ଗ୍ ପକେଣ୍ତ୍। ମାପ୍‌ରୁ ସୁଡେଣ୍ତ୍ ଏରେଦ୍ ଅଣ୍ତ୍ ଗଡ଼଼ାସି ମାୟାଣ୍ଡ୍ ଆଦ୍ ପେରିନ୍ ନିୟା ମାଟେ।

![](https://cdn.door43.org/obs/jpg/360px/obs-en-01-07.jpg)

ପାସ୍‌ଦିନ୍‌ଟେ ସିରିସ୍ ମାପ୍‌ରୁ ପକେଣ୍ତ୍ ଆରେ ନିର୍‌ତିନ୍ ମାନଣ୍ଡି ଜିୟାତ୍‌ଗିଲିଙ୍ଗ୍ ଆରେ ଉଡ୍ଏରଣ୍ଡି ତିତେଲିଙ୍ଗ୍ ତିୟାର୍ କେନଣ୍ତ୍। ମାପ୍‌ରୁନ୍ କାନୁଲ୍‌ତୁନ୍ ଆଦ୍ ପେରିନ୍ ନିୟା ତଣ୍ଡେଟେ ଆରେ ଅଣ୍ତ୍ ଆୱ୍‌ଗୁଲୁଙ୍ଗ୍ ଆସିର୍‌ବାଦ୍ କେନଣ୍ତ୍।

![](https://cdn.door43.org/obs/jpg/360px/obs-en-01-08.jpg)

ସୁସ୍‌ଟିନେ ଚଅଦିନ୍ ସିରିସ୍, ମାପ୍‌ରୁ ପକେଣ୍ତ୍,ବାସେଟେ ପାଟିନ୍ ବାନିଟେ ପସୁଲ୍ ପାଟିନ୍ ସୁସ୍‌ଟି ଏକାୱ୍‌। ମାପ୍‌ରୁ ଏଟେନ୍ ପକେଣ୍ତ୍ ଆପାଡି ଆୟାୱାଡିନ୍ ଏନେ। ଏଙ୍ଗିଟ୍ ତାସ୍‌କାମେ କେୟଣ୍ଡି ପସୁଲ୍ ମାଟେୱେ୍, ଏଙ୍ଗିଟ୍ ବାସେ ପୟତାନ୍ ତାକଣ୍ଡି ଜିୟାତ୍‌ଗିଲ୍ ଆରେ ଏଙ୍ଗିଟ୍ କପେ ପୟ୍‌ତାନ୍ ପସୁଲ୍ ମାଟେୱେ୍। ଆରେ ମାପ୍‌ରୁ ଆୱ୍‌ଗୁଲୁଙ୍ଗ୍ ନିୟା ସୁଡେଣ୍ତ୍।

![](https://cdn.door43.org/obs/jpg/360px/obs-en-01-09.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ପକେଣ୍ତ୍, ୱାର୍‌ରୁ, ଆମ୍ ଲକ୍‌ଗୁଲୁଙ୍ଗ୍ ଆମ୍ ୱାଡିନ୍ ଆମ୍ ରୁପ୍‌ନାନା ସୁସ୍‌ଟି କେଗିକାର୍। ପୁର୍‌ତି ପୟତାନ୍ ଆରେ ପାଟିନ୍ ପସୁଲୁଙ୍ଗ୍ ପୟତାନ୍ ଆୟ୍ ଲକ୍‌ନେ ଅଦିକାର୍ ସେଇଦା।

![](https://cdn.door43.org/obs/jpg/360px/obs-en-01-10.jpg)

ଆଦିଙ୍ଗ୍ ମାପ୍‌ରୁ ତୁକୁଡ୍ କାଣ୍ତେକ୍ ଉୟି ନରୁଙ୍ଗ୍ ତିୟାର୍ କେନଣ୍ତ୍। ଆରେ ଅଣ୍ତୁଙ୍ଗ୍ ତାନିର୍ ଜିୱେଟେ ପୁଣ୍ତା ସିନଣ୍ତ୍। ଇ ନର୍‌ନେ ପିଦିର୍ ଆଦମ୍ ସିନଣ୍ତ୍। ମାପ୍‌ରୁ ଉକୁଟ୍ ଏଦନ୍‌ବଗିଚା ତିୟାର୍ କେନଣ୍ତ୍, ଆରେ ଆମାନ୍ ଆଦମ୍ ସେୟ୍‌ଦାଣ୍ତ୍। ଆମାନ୍ ଅଣ୍ତୁଙ୍ଗ୍ ଜତନ କେଗିଙ୍ଗ୍ ପାୟିଟ୍ ଅଣ୍ତୁଙ୍ଗ୍ ଆମାନି ଇରେଣ୍ତ୍।

![](https://cdn.door43.org/obs/jpg/360px/obs-en-01-11.jpg)

ୱାଡ଼଼େ ତାନିର୍, ମାପ୍‌ରୁ ଜଡେଙ୍ଗ୍ ମୁଲିକାଟେ ମାର୍‌କିଲ୍ ଉଣ୍ତୁତଣ୍ତ୍। ଜିୱେ ମାନଣ୍ତି ମାରିନ୍ ଆରେ ନିୟା ଆରେ ଉୟା ଗିୟାନ୍ ମାନଣ୍ତି ମାରିନ୍। ମାପ୍‌ରୁ ଆଦମୁଙ୍ଗ୍ ପକେଣ୍ତ୍ ଯେ ଉୟା ଆରେ ନିୟା ଗିୟାନ୍ ମାନଣ୍ତି ମାରିନ୍‌ଟେ ପଲୁଙ୍ଗ୍ ସାକାରି ୱାଡ଼଼େନ୍‌ ମାନଣ୍ତି ପାଟିନ୍ ମାର୍‌କିଲ୍‌ଟେ ପଲ୍ ତିନିଙ୍ଗ୍ ଅଡ୍‌ତାର୍। ଜଦି ଏୟିଣ୍ତ୍‌ ଇ ମାରିନ୍‌ଟେ ପଲ୍ ତିୟାଣ୍ତ୍, ଅଣ୍ତ୍ ସାଦାଣ୍ତ୍।

![](https://cdn.door43.org/obs/jpg/360px/obs-en-01-12.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ପକେଣ୍ତ୍, ନର୍ ଉକୁରି ମାନଣ୍ତି ନିୟାମାନା। ମାତର, ଏରେମେନ୍ ପସୁ ଆଦମୁଙ୍ଗ୍ ପାୟିଟ୍ ସାଇଜ କେୟଣ୍ଡି ମାନାମାଟେ।

![](https://cdn.door43.org/obs/jpg/360px/obs-en-01-13.jpg)

ଆଦିଙ୍ଗ୍ ପାୟିଟ୍ ମାପ୍‌ରୁ ଆଦମୁଙ୍ଗ୍ କୁର୍‌କାଲ୍‌ନାଟ୍ ଅଡୁସି ସିନଣ୍ତ୍। ଆଦିଙ୍ଗ୍ କୁଣ୍ତେଲ୍, ମାପ୍‌ରୁ ଆଦମ୍‌ନେ ଉକୁଟ୍ ପାଜ୍‌ରା ପୁନ୍ ପୁସ୍‌କି ଅକାଲ୍ ନାରିଙ୍ଗ୍‌ ତିୟାର୍ କେନଣ୍ତ୍ ଆରେ ଆଦମୁଙ୍ଗ୍ କାକେଲ୍ ଇନ୍ଦ୍‌ରେଣ୍ତ୍।

![](https://cdn.door43.org/obs/jpg/360px/obs-en-01-14.jpg)

ଏସେବେଲ୍ ଆଦମ୍ ଆଦିଙ୍ଗ୍ ସୁଡେଣ୍ତ୍। ଅଣ୍ତ୍ ପକେଣ୍ତ୍ ଇଦ୍ ଆନ୍ ୱାଡିନ୍, ଆଦିଙ୍ଗ୍ ନାରି ଏଞ୍ଜି ଅର୍‌ଗୁଙ୍ଗ୍ ଏଦା, ଏନାଦିଙ୍ଗ୍ କି ଇଦ୍ ନରଲକୁଙ୍ଗ୍ ପେଲ୍‌ଟୁକ୍ ତିୟାର୍‌ ଏରିମାୟା। ଇ କାରନ୍‌ଟୁକ୍ ନର୍‌ ଅଣ୍ତୁନେ ଆୟା ଆବାଙ୍ଗ୍ ସାକାରି ତାନ୍ ଆୟାଲ୍‌ନା ଉକୁଟି ଏଦାଣ୍ଡ୍‌।

![](https://cdn.door43.org/obs/jpg/360px/obs-en-01-15.jpg)

ମାପ୍‌ରୁ ନର୍ ଆରେ ନାରୀଙ୍ଗ୍ ଅଣ୍ତୁନେ ନିଜେଟେ ରୁପ୍ ନା ତିୟାର୍ କେନଣ୍ତ୍। ଅଣ୍ତ୍ ଆୟ୍‌ଲକୁଙ୍ଗ୍ ଆସିର୍‌ବାଦ୍ କେନଣ୍ତ୍ ଆରେ ପକେଣ୍ତ୍ ପେଙ୍ଗିଟ୍ ସିଣ୍ତିଲ୍ ମାସିଲ୍ ଆରେ ସିଣ୍ଡିଲ୍‌ମାସିଲ୍‌ ଜନମ୍ କେୟୁର୍ ଆରେ ପୁର୍‌ତିଙ୍ଗ୍ ପରିପୁରୁନ୍ କେୟୁର୍।ମାପ୍‌ରୁ ଏରେଦ୍ ପାଟିନ୍ ତିୟାର୍‌ କେୟିମାଟଣ୍ତ୍, ଆଦ୍ ପାଟିନ୍ ନିୟା ଇ ସୁଡେଣ୍ତ୍। ଅଣ୍ତ୍ ଇଦ୍ ପାଟିନ୍‌ତିନ୍ ପେରିନ୍ କିର୍‌ଦେ ମାଟଣ୍ତ୍। ଏଦ୍ ପାଟିନ୍ ବିସୟ୍‌ରେନ୍ ସୁସ୍‌ଟି ଚଅ ଦିନ୍ ସିରିସ୍ ଏନେ।

![](https://cdn.door43.org/obs/jpg/360px/obs-en-01-16.jpg)

ଏସେବେଲ୍ ସାତ୍‌ଟେ ଦିନ୍ ୱାନେ, ମାପ୍‌ରୁ ଅଣ୍ତୁନେ ପାଟିନ୍ କାମେ ସେସ୍ କେନଣ୍ତ୍। ଆଦିଙ୍ଗ୍ ମାପ୍‌ରୁ ପାଟିନ୍ ଦିନ୍‌କାମେ କେନଣ୍ତ୍ , ବିସ୍‌ରାମ୍ ଉନଣ୍ତ୍। ଅଣ୍ତ୍ ସାତ୍‌ଟେଦିନ୍ ସିରିସ୍ ଆସିର୍‌ବାଦ୍ କେନଣ୍ତ୍। ଆରେ ପବିତ୍ର କେନଣ୍ତ୍ ଆୟ୍ ଦିନ୍‌ସିରିସ୍‌ଟୁକ୍ ଅଣ୍ତ୍ ଅଣ୍ତୁନେ କାମେଟୁକ୍ ବିସ୍‌ରାମ୍ ଉନଣ୍ତ୍। ଇ ୱାଡିନ୍ ମାପ୍‌ରୁ ସାରା ପୁର୍‌ତିଙ୍ଗ୍ ଆରେ ଦେସିଙ୍ଗ୍ ପାଟିନ୍ ବିସୟ୍‌ରେନ୍ ତିୟାର୍‌ କେନଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୧-୨*

## 2. ୨- ପାପ୍ ଜଗତ୍‌ତୁନ୍ ଏଟେନ୍ ୱାନେ

https://openbiblestories.org/l/gdb/story-2/

![](https://cdn.door43.org/obs/jpg/360px/obs-en-02-01.jpg)

ମାପ୍‌ରୁ ଆୟ ଲକୁଙ୍ଗ୍ ପାୟିଟ୍ ତିୟାର୍ କେୟଣ୍ତି ସୁନ୍ଦରଟେ ଏଦନ୍ ୱାଡ଼଼େନ୍ ଆଦମ୍ ଆରେ ଅଣ୍ତୁଙ୍ଗ୍ ଆୟାଲ୍ ପେରିନ୍ କିର୍‌ଦେନା ପିୟିଙ୍ଗ୍‌ନର୍। ଆୟ୍‌ଲକ୍ ଏୟିର୍‌ମେନ୍ ବସ୍‌ତର୍ ନୁଡାମାଟର୍,ମାତର୍ ଆୟ୍ ଲକୁଙ୍ଗ୍ ପାୟିଟ୍ ଏନାମେନ୍ ଲାଜ୍ ମାନା ମାଟେ।ଏଟେନ୍ କି ଜଗତ୍‌ତୁନ୍ ପାପ୍ ମାନା ମାଟେ। ଆୟ୍ ଲକ୍ ପାଟିନ୍‌ବେଲେନ୍ ୱାଡ଼଼େନ୍‌ ସେନିଙ୍ଗ୍ ୱାରିଙ୍ଗ୍ ଏରିଙ୍ଗ୍‌ନର୍ ଆରେ ମାପ୍‌ରୁ ନା ପାର୍‌କିନର୍।

![](https://cdn.door43.org/obs/jpg/360px/obs-en-02-02.jpg)

ମାତର ୱାଡ଼଼େନ୍ ଉକୁଟ୍ ସତୁର୍‌ଟେ ବାମ୍ ମାଟେ। ଆଦ୍ ଆସ୍‌ମାଲିଙ୍ଗ୍ ପାଚାର୍‌ତେ, ମାପ୍‌ରୁ ସତ୍‌ରେନ୍ ୱାଡ଼଼େଟେ ଏରେ ମେନ୍ ମାରିନ୍‌ଟେ ପଲ୍ ତିନିଙ୍ଗ୍ ପାୟିଟ୍ ଇମୁଙ୍ଗ୍ ମାନା କେୟିମାଣ୍ତ୍ କି?

![](https://cdn.door43.org/obs/jpg/360px/obs-en-02-03.jpg)

ନାରି ଉତର ସିନେ, ମାପ୍‌ରୁ ଆମୁଙ୍ଗ୍ ପକେଣ୍ତ୍ ଉୟା ଆରେ ନିୟା ଗିୟାନ୍ ତଣ୍ଡଣ୍ଡିଟେ ମାରିନ୍ ପଲୁଙ୍ଗ୍ ସାକାରି ଏରେମେନ୍ ମାରିନ୍‌ଟେ ପଲ୍ ଆମ୍ ତିନିଙ୍ଗ୍ ଅଡତାମ୍। ମାପ୍‌ରୁ ଆମୁଙ୍ଗ୍ ପକେଣ୍ତ୍, ଜଦି ଇମ୍ ଇ ପଲୁଙ୍ଗ୍ ତିୟାର୍ କି ମେର୍‌ତାର୍ ଆୟ୍ ସିରିସ୍ ଇମ୍ ସାଦାର୍।

![](https://cdn.door43.org/obs/jpg/360px/obs-en-02-04.jpg)

ବାମ୍ ନାରିଙ୍ଗ୍ ପକେଟେ, ଆଦ୍‌ସତ୍ ଏରା। ଇମ୍ ସାୟାର୍। ମାପ୍‌ରୁ ପୁୟା ଜେ ଇମ୍ ତିୟାନ୍ ସାଙ୍ଗେନ୍ ସାଙ୍ଗେନ୍ ମାପ୍‌ରୁନ୍ ୱାଡିନ୍ ଏରିସେୟାର୍ ଆରେ ଅଣ୍ତୁନ୍ ୱାଡିନ୍ ନିୟା ଆରେ ଉୟା ବୁଜ୍ ଏଦାର୍।

![](https://cdn.door43.org/obs/jpg/360px/obs-en-02-05.jpg)

ନାରି ଆଦ୍ ସୁଡେଟେ, ଆୟ୍ ପଲ୍ ସୁଡୁଙ୍ଗ୍ ସୁନ୍ଦର୍‌ମାଟେ ଆରେ ତିନିଙ୍ଗ୍ ପାୟିଟ୍ ତିରେନ୍ ମାଟେ। ଆଦ୍ ମେନ୍ ବୁଦିମାନ୍ ଏରିଙ୍ଗ୍ ପାୟିଟ୍ ଇଚା କେନେ, ଆଦିଙ୍ଗ୍ ପାୟିଟ୍ ଆଦ୍ ଉକୁଟ୍ ପଲ୍ କନେ ଆରେ ତିଣ୍ଡେ। ଆଦିଙ୍ଗ୍ କୁଣ୍ତେଲ୍ ଆଦ୍ ଉକୁଟ୍ ପଲ୍ ଆଦିନେ ମାଗିଣ୍ତିଙ୍ଗ୍ ସିନେ, ଅଣ୍ତ୍ ଆଦିନା ସଙ୍ଗେନ୍ ମାଟଣ୍ତ୍ ଆରେ ଅଣ୍ତ୍ ମେନ୍ ଆମାଟୁକ୍ କାଣ୍ଡେକ୍ ତିୟଣ୍ତ୍।

![](https://cdn.door43.org/obs/jpg/360px/obs-en-02-06.jpg)

ଦାପ୍‌ରେନ୍ ଆୟ୍‌ଲକ୍‌ନେ କାନୁଲ୍‌ ତାଇସି ଏନେ, ଆରେ ଆୟ୍ ଲକ୍ ଏତାତର୍ ଜେ ଆୟଲକ୍ ନାଙ୍ଗା ମାର୍। ପରେଲିଙ୍ଗ୍ କୁଟେର୍ ଆରେ ଆୟଲକ୍‌ନେ ମେନିଙ୍ଗ୍ ଡାବା ଏରିଙ୍ଗ୍ ପାୟିଟ୍ ସେସ୍‌ଟା କେନର୍।

![](https://cdn.door43.org/obs/jpg/360px/obs-en-02-07.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଉଦିୟାନ୍ ତାନିର୍‌ଟୁକ୍ ତାକି ୱାରଣ୍ତି ସବତ୍ ମାଗିଣ୍ତ୍‌ ଆରେ ଅଣ୍ତୁନେ ଆୟାଲ୍ ୱେନିଙ୍ଗ୍ ଅଡ୍‌ତର୍। ଆୟ୍‌ଲକ୍ ଇରୁଲ୍ ମାପ୍‌ରୁଙ୍ଗ୍ ପେଲ୍‌ଟୁକ୍। ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ମାଗିଣ୍ତ୍‌ସିଣ୍ତିଙ୍ଗ୍ ଅର୍‌ଗେଣ୍ତ୍, ଇମ୍ ଏରେମାନ୍ ମାୟାର୍? ଆଦମ୍ ଉତର ସିନଣ୍ତ୍, ଇନ୍ ଏଦନ୍ ୱାଡ଼଼େନ୍ ତାକଣ୍ତି ଆନ୍ ୱେଟନ୍ ଆରେ ଆନ୍ ନାର୍‌ସି ସେୟନ୍,ଏନାଦିଙ୍ଗ୍ କି ଆନ୍ ନାଙ୍ଗା ମାଟନ୍। ଆଦିଙ୍ଗ୍ ଆନ୍ ପାକେନ୍।

![](https://cdn.door43.org/obs/jpg/360px/obs-en-02-08.jpg)

ଅଣ୍ତୁଙ୍ଗ୍ ମାପ୍‌ରୁ ପକେଣ୍ତ୍ ଇମ୍ ଜେ ନାଙ୍ଗା ମାୟାର୍, ଇମୁଙ୍ଗ୍ ଏୟିର୍ ପକେର୍। ଏରେ ପଲ୍ ଆନ୍ ତିନିଙ୍ଗ୍ ପାୟିଟ୍ ମାନା କେୟି ମାଟନ୍ ଆୟ ପଲ୍ ତିୟର୍ କି? ମାଗିଣ୍ତ୍ ଉତର୍ ସିନଣ୍ତ୍ ଇ ଆସ୍‌ମାଲିଙ୍ଗ୍ ଇନ୍ ଆନୁଙ୍ଗ୍ ସିନଟ୍‌ ଆରେ ଆଦ୍ ଆନୁଙ୍ଗ୍ ପଲ୍ ତିନିଙ୍ଗ୍ ସିନେ। ମାପ୍‌ରୁ ଆସ୍‌ମାଲିଙ୍ଗ୍ ପକେଣ୍ତ୍ ଇଦ୍ ଇନ୍ ଏନା କେନଟ୍? ଆସ୍‌ମାଲ ଉତର୍ ସିନେ, ବାମ୍ ଆନୁଙ୍ଗ୍ ନାଡ଼଼ାତେ।

![](https://cdn.door43.org/obs/jpg/360px/obs-en-02-09.jpg)

ମାପ୍‌ରୁ ବାମୁଙ୍ଗ୍ ପକେଣ୍ତ୍, ଇନ୍ ଅବିସାପ୍ ପାୟ୍ ଏରିମାଟ୍। ଇନ୍ ଇନେ ପୁଡ଼଼ୁକ୍‌ନା ତାକ୍‌ଦାଟ୍‌। ଆରେ ଦୁଲି ତିୟାଟ୍ ଇନ୍ ଆରେ ନାରି ଉକୁର୍‌ଆରେକୁରୁଙ୍ଗ୍‌ ଗୁରୁନା କେଦାର୍। ଆରେ ଇନେ ସିଣ୍ତିଲ୍ ଆରେ ଅଣ୍ଡୁନେ ସିଣ୍ତିଲ୍‌ମେନ୍ ଗୁର୍‌ନା କେଦାର୍। ନାରିନେ ସିଣ୍ଡିଲ୍ ଇନେ ତାଲିଙ୍ଗ୍ କୁରୁକ୍‌ଦାର୍ ଆରେ ଇନ୍ ଆଦିନେ ରେଡିଙ୍ଗ୍ କଟ୍‌ଦାଟ୍

![](https://cdn.door43.org/obs/jpg/360px/obs-en-02-10.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଆସ୍‌ମାଲିଙ୍ଗ୍ ପକେଣ୍ତ୍। ଆନ୍ ଇନେ ଜନମ୍‌ବେଲ୍‌ଟେ ବେଦ୍‌ନ୍ ଦୁକା ପେରିନ୍ କେଦାନ୍। ଇନ୍ ଇନେ ମାଗିଣ୍ତିଙ୍ଗ୍ ସୁଡ୍‌ଦାଟ୍ ଆରେ ଅଣ୍ତ୍ ଇନ୍ ପୟ୍‌ତାନ୍ ସାଶନ୍ କେଦାଣ୍ତ୍।

![](https://cdn.door43.org/obs/jpg/360px/obs-en-02-11.jpg)

ମାପ୍‌ରୁ ମାଗିଣ୍ତ୍‌ସିଣ୍ତିଙ୍ଗ୍ ପକେଣ୍ତ୍, ଇନ୍ ଇନେ ଆୟାଲ୍‌ନେ ପାଟେ ୱେଟଟ୍‌ ଆରେ ଆନେ ଅମାନିୟା ଏନଟ୍‌। ଆରେ ଆଟେଲ୍‌ଟୁକ୍ ବାସେ ଅବିସାପ୍ ଏନେ, ଆରେ ଇମୁଙ୍ଗ୍ କାଦି ପାଡିଙ୍ଗ୍କିଙ୍ଗ୍‌ ପାୟିଟ୍ ପେରିନ୍ କାମେ କେଗିଙ୍ଗ୍ ଏଦା। ଇମ୍ ସାଦାର୍ ଆରେ ଇମେ ମେନ୍ ତୁକୁଡ୍‌ତୁନ୍ ମିସ୍ଏଦା। ମାଗିଣ୍ତ୍ ଅଣ୍ତୁନେ ଆୟାଲିଙ୍ଗ୍ ହବା ପିଦିର୍ ସିନଣ୍ତ୍। ଆଦିନେ ଅରତ୍ ଜିୱେଟେ, ମାତର୍ ଆଦ୍ ପେଙ୍ଗିଟ୍ ଲକ୍‌ନେ ଆୟା ଏଦା। ଆରେ ମାପ୍‌ରୁ ଆଦମୁଙ୍ଗ୍ ଆରେ ହବାଙ୍ଗ୍ ପସୁନେ ତନ୍‌ନା ନୁଡୁତେ।

![](https://cdn.door43.org/obs/jpg/360px/obs-en-02-12.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ପକେଣ୍ତ୍, ଇଣ୍ତି ନିୟା ଆରେ ଉୟା ବୁନ୍‌ତାଲିନ୍ ନର୍ ଆମ୍ ୱାଡିନ୍ ଏରିମାଣ୍ତ୍। ଆୟ୍ ଲକୁଙ୍ଗ୍ ପାଟିନ୍ ବେଲେନ୍ ଜିୱେ ମାନିଙ୍ଗ୍ ପାୟିଟ୍ ଜିୱେଟେ ମାରିନ୍‌ଟେ ପଲ୍ ତିନିଙ୍ଗ୍ ମାନା ଏଞ୍ଜି ପକେଣ୍ତ୍। ଆଦିଙ୍ଗ୍ ମାପ୍‌ରୁ ଆଦମୁଙ୍ଗ୍ ଆରେ ଅବାଙ୍ଗ୍ ସୁନ୍ଦରଟେ ୱାଡେଟୁକ୍ ପେପ୍‌ତଣ୍ତ୍। ଆରେ ଦୁରିଙ୍ଗ୍ ସୟତଣ୍ତ୍, ଜିୱେଟେ ମାରିନ୍‌ଟୁକ୍ ଏଟେନ୍ କି ତିନିଙ୍ଗ୍ ଅଡ଼଼ାର୍। ମାପ୍‌ରୁ ପେରିନ୍ ସକ୍‌ତିସାଲି ଦୁତ୍‌ଗୁଲୁଙ୍ଗ୍ ଏଦନ୍ ୱାଡ଼଼େ ଚାରିବେଡ୍‌ତେନ୍ କାପୁତଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୩*

## 3. ୩- ବାଗାଦି

https://openbiblestories.org/l/gdb/story-3/

![](https://cdn.door43.org/obs/jpg/360px/obs-en-03-01.jpg)

ପେଙ୍ଗିର୍ ଦିନାମ୍ କୁଣ୍ତେଲ୍, ପେଙ୍ଗୁର୍‌ତୁଲ୍ ଲକ୍‌ଗୁଲ୍ ଇ ଜଗତ୍‌ତୁନ୍ ବାସେ ଏରିଙ୍ଗ୍‌ନର୍। ଆୟ୍‌ଲକ୍ ପେରିନ୍ ଦୁସ୍‌ଟନା ପୁରୁନ୍ ଏରି ମାଟର। ଏନେତ୍‌ ଉୟାଏରି ସେଣ୍ତେ ଜେ ମାପ୍‌ରୁ ଇ ସାରା ଜଗତୁଙ୍ଗ୍ ପେରିନ୍ ବନିୟା କେୟି ଇ ପୁର୍‌ତିଙ୍ଗ୍ ବୁଡ଼଼ାକିଙ୍ଗ୍ ପାୟିଟ୍ ନିସ୍‌ପତି ଉନଣ୍ତ୍।

![](https://cdn.door43.org/obs/jpg/360px/obs-en-03-02.jpg)

ମାତର ନଆ ମାପ୍‌ରୁଙ୍ଗ୍ କାନୁଲତୁନ୍ ଆସିର୍‌ବାଦ୍‌ଟଣ୍ତ୍ ଏନଣ୍ତ୍। ଅଣ୍ତ୍ ନର୍ ଲକୁଙ୍ଗ୍ ପେଲ୍‌ଟୁକ୍ ନିୟାଟଣ୍ତ୍ ମାଟଣ୍ତ୍, ଆରେ ଧରମ୍‌ନା ପିୟିନଣ୍ତ୍। ଆଦିଙ୍ଗ୍ ମାପ୍‌ରୁ ନଆଙ୍ଗ୍‌ ପେରିନ୍ ବାଗାଦି ସୟପଣ୍ତି ବିସୟରେନ୍ ପକେଣ୍ତ୍। ଅଣ୍ତ୍ ନଆଙ୍ଗ୍ ଉକୁଟ୍ ବେର୍‌ଟେ ଜାଆଜ ତିୟାର୍ କେଗିଙ୍ଗ୍ ପାୟିଟ୍ ପକେଣ୍ତ୍।

![](https://cdn.door43.org/obs/jpg/360px/obs-en-03-03.jpg)

ସଏ ଚାଲିସ୍ ମିଟର ଲମ୍‌ତି, ତେଇସ୍ ମିଟର ଅସାର୍ ଆରେ ତେର ୧୩.୫ ମିଟର ଉଚାଟେ ଜାଆଜ ତିୟାର୍ କେଗିଙ୍ଗ୍ ପାୟିଟ୍ ମାପ୍‌ରୁ ନଆଙ୍ଗ୍ ପକେଣ୍ତ୍। ଆଦିଙ୍ଗ୍ ମାର୍‌କିଲ୍‌ନା ତିୟାର୍ କେଗିଙ୍ଗ୍ ଆରେ ତିନ୍ ମଉଲାଟେ ପେଙ୍ଗିଟ୍‌ ବାକ୍‌ରାଲ୍, ଉକୁଟ୍ ପେପୁଲ୍‌ ଆରେ ଉକୁଟ୍ ଜର୍‌କା ତିୟାର୍ କେଗିଙ୍ଗ୍ ପକେଣ୍ତ୍। ଇ ଜାଆଜ ବାଗାଦି ବେଲେନ୍ ନଆନେ, ପରିବାର୍ ଆରେ ପାଟିନ୍ ପର୍‌କାରଟେ ବାସେଟେ ପଶୁଲୁଙ୍ଗ୍ ରକ୍ଷା କେଦା।

![](https://cdn.door43.org/obs/jpg/360px/obs-en-03-04.jpg)

ନଆ ମାପ୍‌ରୁନେ ପାଟେଙ୍ଗ୍ ମାନ୍ ଏନଣ୍ତ୍। ମାପ୍‌ରୁ ଏଟେନ୍ ପକେଣ୍ତ୍, ଆୟ୍ ୱାଡିନି ନଆ ଆରେ ଅଣ୍ତୁନେ ତିନ୍‌ଲକ୍ ସେପାକିଲ୍ ଜାଆଜ୍ ତିୟାର୍ କେନର୍। ଜାହାଜ୍ ତିୟାର୍ କେଗିଙ୍ଗ୍ ପେଙ୍ଗିର୍ ବରସ୍ ପାତେଟେ ଏଟେନ୍ କି ଇଦ୍ ବେସି ବେର୍‌ଟେ ମାଟେ। ୱାରଣ୍ଡି ବାଗାଦି ବିସୟ୍‌ରେନ୍ ନଆ ଲକ୍‌ଗୁଲୁଙ୍ଗ୍ ଜାଗ୍‌ରତ୍ କେଗିଙ୍ଗ୍ ଇରିଙ୍ଗ୍ ନଣ୍ତ୍, ଆରେ ମାପ୍‌ରୁଙ୍ଗ୍ ପେଲ୍ ୱାରିଙ୍ଗ୍ ପକୁଙ୍ଗ୍ ନଣ୍ତ୍, ମାତର ଆୟ୍‌ଲକ୍ ଅଣ୍ତୁନେ ପାଟେଙ୍ଗ୍ ବିସ୍‌ବାସ୍ କେୟୁଟର୍।

![](https://cdn.door43.org/obs/jpg/360px/obs-en-03-05.jpg)

ମାପ୍‌ରୁ ନଆଙ୍ଗ୍ ଆରେ ଅଣ୍ତୁନେ ପରିବାରିଙ୍ଗ୍ ଅଣ୍ତୁଙ୍ଗ୍ ପାୟିଟ୍ ଆରେ ପସୁଲୁଙ୍ଗ୍ ପାୟିଟ୍ ପେରିନ୍ କାଦି ଜମାକିଙ୍ଗ୍ ଆଗିୟା ସିନଣ୍ତ୍। ଆୟ୍ ବେଲେନ୍ ପାଟିନ୍ ଜମା ଏନେ, ନଅଙ୍ଗ୍ ମାପ୍‌ରୁ ପକେଣ୍ତ୍, ଇଣ୍ତି ଇନ୍, ଇନ୍ ଆୟାଲ୍,ଇନ୍ ସେପାକିଲ୍ ଆରେ ଅରୁନେ ଆୟାସିଲ୍ ପାଟିନ୍ ଆଟ୍‌ଲକ୍ ଜାଆଜ୍ ତାନିର୍ ସେନିଙ୍ଗ୍ ବେଲା ଏରିସେଣ୍ତେ।

![](https://cdn.door43.org/obs/jpg/360px/obs-en-03-06.jpg)

ମାପ୍‌ରୁ ପସୁ ଆରେ ତିତେଲିଙ୍ଗ୍ ମାଈଆଣ୍ତିରାଙ୍ଗ୍‌, ନଆଙ୍ଗ୍ ଆର୍‌ସେଲ୍ ସୟ୍‌ତଣ୍ତ୍ ଏଟେନ୍ କି ଆୱ୍‌ଗୁଲ୍ ବାଗାଦି ବେଲେନ୍ ଜାଆଜ୍ ତାନିର୍ ସେଞ୍ଜି ସୁରକ୍‌ୟାରେନ୍ ସେୟ୍‌ଦାୱ୍‌। ମାପ୍‌ରୁ ବଲି ଆନିସ୍‌କିଙ୍ଗ୍ ପାୟିଟ୍ ସାତ୍‌ଗଟା ଅଣ୍ତିରା ଆରେ ତାଣ୍ଡେଦ୍ ପାଟିନ୍ ପର୍‌କାର୍‌ଟେ ପସୁଲୁଙ୍ଗ୍ ନଆଙ୍ଗ୍ ଆର୍‌ସେଲ୍ ସୟତଣ୍ତ୍। ଆୟ୍ ବେଲାଙ୍ଗ୍ ଆୟଲକ୍ ଜାଆଜ୍ ତାନିର୍ ମାଟର୍। ମାପ୍‌ରୁ ନିଜେନ୍ ୱାଲ୍‌ସାଟେ କେଟି ସିନଣ୍ତ୍।

![](https://cdn.door43.org/obs/jpg/360px/obs-en-03-07.jpg)

ଆଦିଙ୍ଗ୍ କୁଣ୍ତେଲ୍ ପେରିନ୍ ୱାଇନ୍, ଆରାମ୍ ଏନେ। ଚାଲିସ୍ ଦିନ୍ ଚାଲିସ୍ ରାତି ଆରେକ୍‌ ପେରିନ୍ ୱାଇନ୍ ୱାନେ। ପୁର୍‌ତି ପୟ୍‌ତାନ୍ ନିର୍ ଏରିଙ୍ଗ୍ ଉଣ୍ତେଟେ। ପୁର୍‌ତି ପାଟିନ୍ ପୟତାନ୍ ଇ ୱାଡିନ୍ ବେର୍‌ଟେ କପେଲିଙ୍ଗ୍ ମେନ୍ ନିର୍ ମୁଲୁଗ୍‌କୁଙ୍ଗ୍ ଉଣ୍ତେଟେ।

![](https://cdn.door43.org/obs/jpg/360px/obs-en-03-08.jpg)

ଜାଆଜ୍ ତାନିର୍ ମାନ୍‌ଲକ୍‌ଗୁଲ୍ ଆରେ ପସୁ ପକିଲିଙ୍ଗ୍ ସାକାରି, ପୁର୍‌ତିନ୍ ମାନଣ୍ତି ପାଟିନ୍ ଜିୟାତ୍‌ଗିଲ୍ ଏଙ୍ଗିଟ୍ ବାସେ ଏରିମାଟେୱ୍ ସାୟି ସେଣ୍ତେୱ୍। ଜାଆଜ୍ ନିର୍ ପୟ୍‌ତାନ୍ ଉମୁଙ୍ଗ୍ ଉଣ୍ତେଟେ। ଆରେ ଜାଆଜ୍ ତାନିର୍ ମାନଣ୍ତି ପାଟିନିଙ୍ଗ୍ ମୁଲୁଗ୍‌ଦାନ୍ ପେଲ୍‌ଟୁକ୍ ସୁରକ୍‌ୟାରେନ୍ ଇରେଟେ।

![](https://cdn.door43.org/obs/jpg/360px/obs-en-03-09.jpg)

ୱାଇନ୍ ସାକାର୍ ଦାନ୍ କୁଣ୍ତେଲ୍, ଜାହାଜ୍ ନିର୍ ପୟତାନ୍ ପାସ୍ ମାସ୍ ପାତି ବାସ୍ ଏରିମାଟେ, ଆରେ ଇ ବେଲାଙ୍ଗ୍ ନିର୍ କମ୍ଏରିଙ୍ଗ୍ ଉଣ୍ତେଟେ। ଆଦିଙ୍ଗ୍ କୁଣ୍ତେଲ୍ ଉକୁଟ୍ ସିରିସ୍ ଜାହାଜ୍ କପେଲ୍ ଟିପେନ୍ ମେର୍‌ସି ଏନେ, ମାତର୍ ଇ ଦିନାମ୍ ଆରେଙ୍ଗ୍ ଜଗତ୍‌ତୁନ୍ ନିର୍ ଡାବା ଏରିମାୟା। ଆରେ ତିନ୍ ମାସ୍ କୁଣ୍ତେଲ୍, କପେ ସିଲ୍‌ନେ ସୁଲିୟା ତଣ୍ତୁଙ୍ଗ୍ ଉଣ୍ତେଟେ।

![](https://cdn.door43.org/obs/jpg/360px/obs-en-03-10.jpg)

ଆରେ ଚାଲିଶ୍ ଦିନ୍ କୁଣ୍ତେଲ୍ ନିର୍ ୱାଟେଟେ କି ମାନା ଏଞ୍ଜି ସୁଡୁଙ୍ଗ୍ ପାୟିଟ୍ ନଆ ଉକୁଟ୍ କାକାଲିନ୍ ତିତେଙ୍ଗ୍ ୱାଟଡି ବାସେଙ୍ଗ୍ କାଣ୍ତ୍‌କିଙ୍ଗ୍ ପାୟିଟ୍ ସୟତଣ୍ତ୍, ଇଟ୍ ୱାଟ୍ ଉଡ୍ଏରି ମେୟ୍‌କେଟେ, ମାତର୍ ଏରେ ମାନ୍‌ମେନ୍ ୱାଟଣ୍ଡି ବାସେ ତଣ୍ତୁଟେ।

![](https://cdn.door43.org/obs/jpg/360px/obs-en-03-11.jpg)

ଆଦିଙ୍ଗ୍ ନଆ ଆରେ ଉକୁଟ୍ ପାରାୱେ ତିତେଙ୍ଗ୍ ବାଆରେନ୍ ସୟ୍‌ତଣ୍ତ୍। ମାତର୍ ଆଦ୍ ଏରେମାନ୍‌ମେନ୍ ୱାଟଣ୍ଡି ବାସେ ପାୟ୍ ଏରୁଟେ, ଆୟ୍ ତିତେଙ୍ଗ୍ ଆଟେକ୍ କୁଣ୍ଡେଲ୍ ନଆ ଆରେତରେକ୍ ବାଆରେନ୍ ସୟ୍‌ତଣ୍ତ୍, ମାତର୍ ଆଦ୍ ଜିତ୍ ମାରିନ୍‌ଟେ ପରେ ଆଦିନେ ସଣ୍ଡିନ୍ କଟି ଇନ୍ଦ୍‌ରେଟେ। ନିର୍ ଦିରେନ୍ ଦିରେନ୍ ତିଣ୍ଡେଟେ, ଆରେ ମାର୍‌କିଲ୍ ଆରେତରେକ୍ ସାନ୍ଦିଙ୍ଗ୍ ଉଣ୍ତେଟେ।

![](https://cdn.door43.org/obs/jpg/360px/obs-en-03-12.jpg)

ନଆ ଆରେ ଉକୁଟ୍ ଆଟେକ୍‌ କାତାନ୍ କୁଣ୍ତେଲ୍ କାକାଲିନ୍ ତିତେଙ୍ଗ୍ ତିନ୍‌ପାଲି ବାଆରେନ୍ ସୟତଣ୍ତ୍। ଇ ତରେକ୍‌ ବିସ୍‌ରାମ୍ ଉଗୁଙ୍ଗ୍ ବାସେ ତଣ୍ତେଟେ ଆରେ ମାଣ୍ଡି ୱାରୁଟେ। ନିର୍ ୱାଟିଙ୍ଗ୍ ଉଣ୍ତେଟେ।

![](https://cdn.door43.org/obs/jpg/360px/obs-en-03-13.jpg)

ଦୁଇ ମାସ୍ କୁଣ୍ତେଲ୍ ନଆଙ୍ଗ୍ ମାପ୍‌ରୁ ପକେଣ୍ତ୍, ଇନେ ପରିବାର୍ ଆରେ ପାଟିନ୍ ପସୁ ପକିଲ୍ ଆରେ ଇନ୍ ଜା ଆଆଜ୍‌ଟୁକ୍ ୱାଲ୍‌ତିନ୍ ପେକିଙ୍ଗ୍ ଅଡ୍‌ତାର୍। ପେଙ୍ଗିଟ୍ ସିଣ୍ତିଲ୍ ମାସିଲ୍ ନାତି ତିତି ଜନମ୍ କେୟି ପୁର୍‌ତିନ୍ ପୁରୁନ୍ କେୟୁର୍। ଆଦିଙ୍ଗ୍ ନଆ ଆରେ ଅଣ୍ତୁନେ ପରିବାର୍ ଜାଆଜ୍‌ଟୁକ୍ ଇଡିଗି ୱାନର୍।

![](https://cdn.door43.org/obs/jpg/360px/obs-en-03-14.jpg)

ନଆ ଜାଆଜ୍‌ଟୁକ୍ ୱାଲ୍‌ତିନ୍ ୱାଦାନ୍ କୁଣ୍ତେଲ୍, ଅଣ୍ତ୍ ଉକୁଟ୍ ବେଦି ତିୟାର୍ କେନଣ୍ତ୍ ଆରେ ଏଙ୍ଗିଟ୍ ପସୁଲୁଙ୍ଗ୍ ବଲିସିଗିଙ୍ଗ୍ ଦର୍‌କାର୍ ଆଙ୍ଗିଟ୍ ପର୍‌କାର୍‌ଟେ ପସୁଲୁଙ୍ଗ୍ ଉୟି ବଲି ଆନିସ୍‌ତଣ୍ତ୍। ମାପ୍‌ରୁ ନଇବେଦିୟନ୍‌ କିର୍‌ଦେ ଏନଣ୍ତ୍। ଆରେ ଅଣ୍ତୁନେ ପରିବାରିଙ୍ଗ୍ ଆସିର୍‌ବାଦ୍ କେନଣ୍ତ୍।

![](https://cdn.door43.org/obs/jpg/360px/obs-en-03-15.jpg)

ମାପ୍‌ରୁ ପକେଣ୍ତ୍, “ଆନ୍ ଜିଦ୍‌ କେଦାନ୍ ଲକ୍‌ଗୁଲୁଙ୍ଗ୍ ପାୟିଟ୍ ବାସେଙ୍ଗ୍ ଅବିସାପ୍ ଏସେଲ୍ ମେନ୍ କେୟାନ୍। ଜଦି ଆୟ୍‌ଲକ୍‌ଗୁଲ୍ ଜନମ୍ ବେଲ୍‌ଟୁକ୍ ପାପି ଏଙ୍ଗ୍‌ଡ୍ ମେନ୍ ଆନ୍ ପୁର୍‌ତିଙ୍ଗ୍ ଆରେତରେଙ୍ଗ୍ ବାଗାଦିନା ବୁଡ଼଼ାପାନ୍।

![](https://cdn.door43.org/obs/jpg/360px/obs-en-03-16.jpg)

ଜିଦ୍‌ଟେ ଉକୁଟ୍ ଚିନ୍ ୱାଡିନ୍ ମାପ୍‌ରୁ ପର୍‌ତୁମ୍ ନାଗେବାମ୍ ତିୟାର୍ କେନଣ୍ତ୍। ପାଟିନ୍ ବେଲ୍ ଆକାସ୍‌ତିନ୍ ନାଗେବାମ୍ ତଟ୍‌ସି ଏଦା, ମାପ୍‌ରୁ ଅଣ୍ତୁନେ ଜିଦିଙ୍ଗ୍ ଏତାକିଙ୍ଗ୍ ପାୟିଟ୍ ଇ ୱାଡିନ୍ ଲକ୍‌ଗୁଲ୍ ମେନ୍ କେଦାର୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦିପୁସ୍‌ତକ୍ ୬-୮*

## 4. ୪- ଅବ୍‌ରାମ୍ ଆରେ ମାପ୍‌ରୁନେ ନିୟମ୍‌

https://openbiblestories.org/l/gdb/story-4/

![](https://cdn.door43.org/obs/jpg/360px/obs-en-04-01.jpg)

ବାଗାଦି ଏରି ପେଙ୍ଗିର୍ ବରସ୍ କୁଣ୍ତେଲ୍ ଜଗତ୍‌ତୁନ୍ ପେଙ୍ଗିଟ୍‌ଲକ୍ ବାସେ ଏରିଙ୍ଗ୍ ଉଣ୍ତେର୍ ଆରେ ଆୟ୍‌ଲକ୍ ଉକ୍‌ଟି ପାଟେନା ପାର୍‌କିଙ୍ଗ୍‌ନର। ମାପ୍‌ରୁନେ ଆଗିୟା ଅନୁସାରେନ୍ ପୁର୍‌ତିଙ୍ଗ୍ ପରିପୁରୁନ୍ କେଦାନ୍ ବାଦୁଲ୍‌ନା ପାଟିନ୍ ଲକ୍ ମିସ୍ଏରି ଗଡ୍ ତିୟାର୍‌ କେଗିଙ୍ଗ୍ ଉଣ୍ତେର୍।

![](https://cdn.door43.org/obs/jpg/360px/obs-en-04-02.jpg)

ଆୟ୍‌ଲକ୍ ପେରିନ୍ ଗରବ୍ ମାଟର୍ ଆରେ ମାପ୍‌ରୁନେ ପାଟେ ବିଲ୍‌କୁଲ୍ ୱେନା ମାନ୍‌ନର୍। ଆୟ୍‌ଲକ୍ ସରଗ୍‌ତୁନ୍ ଏଦିଙ୍ଗ୍ ପାୟିଟ୍ ବେର୍‌ଟେ ଗଡ୍ ତିୟାର୍ କେନର୍। ମାପ୍‌ରୁ ସୁଡେଣ୍ତ୍ ଜେ, ଜଦି ଆୟ୍‌ଲକ୍ ଉୟା କାମେଲ୍ କେୟେଟି ସେୟ୍‌ଦାର୍, ଆଟେକଡ୍ ଆୟ୍‌ଲକ୍ ପେରିନ୍ ପାପ୍‌ଟେ କାମେଲ୍‌ କେଦାର୍।

![](https://cdn.door43.org/obs/jpg/360px/obs-en-04-03.jpg)

ଆଦିଙ୍ଗ୍ ପାୟିଟ୍ ମାପ୍‌ରୁ ଆୟ୍‌ଲକନେ ପାଟେଙ୍ଗ୍ ପେଙ୍ଗିଟ୍ ପାଟେଲ୍‌ନା ବାଦ୍‌ଲାତଣ୍ତ୍ ଆରେ ପୁର୍‌ତିଟେ ୱେନେଲ୍ ୱେନେଲ୍ ଜାଗାଙ୍ଗ୍ ସୟ୍‌ସି କାରେଣ୍ତ୍।ଏରେ ନଗର୍ ଆୟ୍‌ଲକ୍ ତିୟାର୍ କେଗିଙ୍ଗ୍ ଆରାମ୍ କେୟିମାଟର୍, ଆଦିନେ ପିଦିର୍ ବାବିଲ୍ ମାଟେ। ଇଦିନେ ଅରତ “ଗାବ୍‌ରା¬”।

![](https://cdn.door43.org/obs/jpg/360px/obs-en-04-04.jpg)

ସଅ ସଅ ବରସ୍ କୁଣ୍ତେଲ୍, ଉକୁର୍ ଲକ୍ ଅବ୍‌ରାମ୍‌ନା ପାର୍‌କେଣ୍ତ୍। ମାପ୍‌ରୁ ଅଣ୍ତୁଙ୍ଗ୍ ପକେଣ୍ତ୍, ଇନ୍ ପରିବାର୍ ଆରେ ଇନ୍ ଦେସ୍‌ ସାକାରି ଆନ୍ ଏରେ ଦେସ୍‌ ତଟ୍‌ତାନ୍ ଆୟ୍ ଦେସ୍‌ତିନ୍ ସେନ୍‌। ଆନ୍ ଇନୁଙ୍ଗ୍ ଆସିର୍‌ବାଦ୍ କେଦାନ୍ ଆରେ ଇନୁଙ୍ଗ୍ ପେରିନ୍ ବେର୍‌ଟେ ଜାତି କେଦାନ୍‌। ଆନ୍ ଇନେ ପିଦିରିଙ୍ଗ୍ ବେର୍‌ଟେ କେଦାନ୍। ଏରେଲକ୍ ଇନୁଙ୍ଗ୍ ଆସିର୍‌ବାଦ୍ କେଦାର୍ ଆୟ୍‌ଲକୁଙ୍ଗ୍ ଆନ୍ ଆସିର୍‌ବାଦ୍ କେଦାନ୍, ଏରେଲକ୍ ଅବିସାପ୍ ସିଦାର୍ ଆୟ୍‌ଲକୁଙ୍ଗ୍ ଅବିସାପ୍ ସିଦାନ୍। ଇନେ ଉନିଟ୍ ପୁର୍‌ତିଟେ ପାଟିନ୍ ପରିବାର୍‌ଟେ ଲକ୍ ଆସିର୍‌ବାଦ୍ ପାୟ୍ଏଦାର୍।

![](https://cdn.door43.org/obs/jpg/360px/obs-en-04-05.jpg)

ଆଦିଙ୍ଗ୍ ଅବ୍‌ରାମ୍ ମାପ୍‌ରୁନେ ଆଦେଶ୍ ମାନ୍ଏନଣ୍ତ୍। ଆଟେଲ୍ ଅଣ୍ତ୍ ଅଣ୍ତୁନେ ଆୟାଲ୍ ସାରିଙ୍ଗ୍ ଉନଣ୍ତ୍, ଅଣ୍ତୁନେ ଦାସ୍‌କିଲିଙ୍ଗ୍ ଆରେ ଏନାଦ୍ ମାଟେ ଆଦ୍ ପାଟିନ୍ ପାତି ମାପ୍‌ରୁ ଏରେ ଦେଶ୍ ତଟ୍‌ତଣ୍ତ୍ ଆୟ୍ କିନାନ୍‌ ଦେଶ୍‌ତିନ୍ ସେୟର୍।

![](https://cdn.door43.org/obs/jpg/360px/obs-en-04-06.jpg)

ଏରେ ବେଲାଙ୍ଗ୍ ଅବ୍‌ରାମ୍ କିଣାଣ ତିନ୍ ଏଦେଣ୍ତ୍, ମାପ୍‌ରୁ ପକେଣ୍ତ୍,“ ଇନେ ସାରିବେଡ୍‌ତେନ୍ ସୁଡ୍। ଏନାଦ୍ ଇନ୍ ସୁଡୁଙ୍ଗ୍ ଅଡୁକିଦାଟ୍‌, ଇ ପାଟିନ୍ ବାସେ ଆନ୍ ଇନୁଙ୍ଗ୍ ଆରେ ଇନେ କୁଲୁଙ୍ଗ୍ ଅଦିକାର୍ ସିଦାନ୍। ଆଦିଙ୍ଗ୍ କୁଣ୍ତେଲ୍ ଅବ୍‌ରାମ୍ ଆୟ୍ ବାସେନ୍ ବାସେ ଏନଣ୍ତ୍।

![](https://cdn.door43.org/obs/jpg/360px/obs-en-04-07.jpg)

ଦିନେକ୍‌, ଅବ୍‌ରାମ୍ ବେର୍‌ଟେ ମାପ୍‌ରୁନେ ଜାଜକ୍ ଏନଣ୍ତ୍, ମଲକିସଦକୁଙ୍ଗ୍ ବେଟ୍ ଏନଣ୍ତ୍। ମଲକିସଦକ୍ ଅବ୍‌ରାମୁଙ୍ଗ୍ ଆସିର୍‌ବାଦ୍ ସିନଣ୍ତ୍ ଆରେ ପକେଣ୍ତ୍,, ସାରା ପୁର୍‌ତିଟେ ମାପ୍‌ରୁ ଏୟିର୍ କି ସରଗ ଆରେ ପୁର୍‌ତିଟେ ପାଟିନ୍ ଅଦିକାରି ଅବ୍‌ରାମ୍‌ଙ୍ଗ୍ ଆସିର୍‌ବାଦ୍ କେ। ଆଦିଙ୍ଗ୍ କୁଣ୍ତେଲ୍ ଅବ୍‌ରାମ୍ ଅଣ୍ତୁନେ ପାଟିନ୍ ସମ୍‌ପତିଟେ ଦସ୍‌ମାଙ୍ଗ୍‌ସ(ଦଶବାଗ୍‌ଟୁଙ୍ଗ୍ ବାଗେକ୍) ସିନଣ୍ତ୍।

![](https://cdn.door43.org/obs/jpg/360px/obs-en-04-08.jpg)

ପେଙ୍ଗିଟ୍ ବରସ୍ ସେୟାନ୍ କୁଣ୍ତେଲ୍, ମାତର୍ ଇ ଆରେକ୍‌ ଅବ୍‌ରାମ୍ ଆରେ ସାରିଙ୍ଗ୍ ସିଣ୍ତିଲ୍ ମାସିଲ୍ ମାନା ମାଟର୍। ମାପ୍‌ରୁ ଅବ୍‌ରାମୁଙ୍ଗ୍ ଆରେତରେକ୍‌ ଜିଦ୍ ସି ପକେଣ୍ତ୍ ଜେ ଅଣ୍ତୁନେ ଉକୁଟ୍ ସେପାଲ୍ ଏଦାଣ୍ତ୍ ଆରେ ଅଣ୍ତୁନେ କୁଲ୍ ମଗୁଲ୍‌ଟେ ପୁତ୍‌କୁଲ୍ ୱାଡିନ୍ ଏଦାର୍। ମାପ୍‌ରୁନେ ଜିଦିଙ୍ଗ୍ ଅବ୍‌ରାମ୍ ବିସ୍‌ବାସ୍ କେନଣ୍ତ୍।

![](https://cdn.door43.org/obs/jpg/360px/obs-en-04-09.jpg)

ଆଦିଙ୍ଗ୍, ମାପ୍‌ରୁ ଅବ୍‌ରାମ୍ ନା ନିୟମ୍ ଉକୁଟ୍ କେନଣ୍ତ୍। ଜଡ଼଼େକ୍‌ ଦଲ୍‌ତୁନ୍ ଉକୁଟ୍ ନିୟମ୍ ଏଦା, ମାପ୍‌ରୁ ପକେଣ୍ତ୍ ଇନ୍ ମେନ୍‌ଟୁକ୍ ଆନ୍ ଉକୁଟ୍ ସେପାଲିଙ୍ଗ୍ ସିଦାନ୍। ଇନ୍ କୁଲଙ୍ଗ୍ କିନାଣ୍‌ ଦେଶ୍ ସିଦାନ୍। ମାତର୍ ଅବ୍‌ରାମୁଙ୍ଗ୍ ଇ ଆରେକ୍‌ ସେପାଲ୍ ମାନୁଟଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୧୧-୧୫*

## 5. ୫- ଜିଦ୍‌ଟେ ସିଣ୍ଡ୍‌

https://openbiblestories.org/l/gdb/story-5/

![](https://cdn.door43.org/obs/jpg/360px/obs-en-05-01.jpg)

ଦସ୍ ବରସ୍ କୁଣ୍ତେଲ୍ କିଣାନ୍‌ ତିନ୍ ୱାତାଲିନ୍ ମେନ୍ ଅବ୍‌ରାମ୍ ଆରେ ସାରିଙ୍ଗ୍ ସିଣ୍ତିଲ୍ ମାସିଲ୍ ମାନା ମାଟର୍। ଆଦିଙ୍ଗ୍ ଅବ୍‌ରାମୁଙ୍ଗ୍ ଆୟାଲ୍ ସାରି ଅବ୍‌ରାମୁଙ୍ଗ୍ ପକେଟେ, “ଇ ଆରେକ୍‌ ମାପ୍‌ରୁ ଆନୁଙ୍ଗ୍ ସିଣ୍ତିଲ୍ ମାସିଲ୍ ସିଗିଙ୍ଗ୍ ମାନାକେୟି ମାନ୍‌ତାଲିନ୍ ଇଣ୍ତି ସିଣ୍ତିଲ୍ ମାସିଲ୍ ଜନମ୍ କେଗିଙ୍ଗ୍ ଆନେ ପେରିନ୍ ବୟସ୍ ଏରିସେଞ୍ଜି ମାୟା, ଇଦ୍ ଆନେ ଦାସି, ଆଗାର୍‌ ମାୟା। ଆଦ୍ ଆନ୍ ପାୟିଟ୍ ସିଣ୍ତିଲ୍ ମାସିଲ୍ ଜନମ୍ କେଦା।

![](https://cdn.door43.org/obs/jpg/360px/obs-en-05-02.jpg)

ଆଦିଙ୍ଗ୍ ଅବ୍‌ରାମ୍ ଆଗାରିଙ୍ଗ୍ ଅଦୁର ଏନଣ୍ତ୍। ଆଗାରିଙ୍ଗ୍ ଉକୁର୍ ସେପାଲ୍ ଜନମ୍ ଏନଣ୍ତ୍ ଆରେ ଅବ୍‌ରାମ୍ ଅଣ୍ତୁଙ୍ଗ୍ ଇସ୍‌ମାଏଲ୍ ପିଦିର୍ ଇରେଣ୍ଡ୍‌। ମାତର୍ ସାରିଙ୍ଗ୍ ହାଗାର ଗିଦ୍‌ରି ଏରିଙ୍ଗ୍‌ନେ। ଏରେବେଲାଙ୍ଗ୍ ଇସ୍‌ମାଏଲ୍‌ଲିଙ୍ଗ୍ ତେର ବରସ୍ ଏନେ, ଆରେତରେକ୍‌ ମାପ୍‌ରୁ ଅବ୍‌ରାମୁଙ୍ଗ୍ ପାଟେ ପକେଣ୍ତ୍।

![](https://cdn.door43.org/obs/jpg/360px/obs-en-05-03.jpg)

ମାପ୍‌ରୁ ପକେଣ୍ତ୍, “ଆନ୍ ସର୍ବସକ୍ତିମାନ୍ ମାପ୍‌ରୁ। “ଇନ୍ ନାଟ୍ ଆନ୍ ଉକୁଟ୍ ନିୟମ୍ କେଦାନ୍। ଆଦିଙ୍ଗ୍ ଅବ୍‌ରାମ୍ ବାସେଙ୍ଗ୍ ଜୁୱାର୍ କେନଣ୍ତ୍। ମାପ୍‌ରୁ ମେନ୍ ଅବ୍‌ରାମୁଙ୍ଗ୍ ପକେଣ୍ତ୍, “ଇନ୍ ପେଙ୍ଗିଟ୍ ଦେଶ୍‌ଗିଲ୍‌ଟେ ଅବା ଏଦାଟ୍‌। ଆନ୍ ଇନୁଙ୍ଗ୍ ଆରେ ଇନେ କୁଲୁଙ୍ଗ୍ କିଣାନ୍‌ ଦେଶ୍‌ଟେ ଅଦିକାର୍ ସିଦାନ୍, ଆୟ୍ ଲକ୍ ଇମାନ୍ ବାସେ ଏଦାର୍। ଆନ୍ ପାଟିନ୍ ଦିନ୍ ଆୟ୍‌ଲକ୍‌ନେ ମାପ୍‌ରୁ ଏଦାନ୍। ଇନ୍ ପରିବାର୍‌ଟେ ପାଟିନ୍ ମାଗିଣ୍ତ୍‌କିଲ୍ ସୁନତ୍ ଏରିଙ୍ଗ୍ ଏଦା।

![](https://cdn.door43.org/obs/jpg/360px/obs-en-05-04.jpg)

ଇନ୍ ଆୟାଲ୍ ସାରିଙ୍ଗ୍ ଉକୁର୍ ସେପାଲ୍ ଜନମ୍ ଏଦାଣ୍ତ୍‌, ଅଣ୍ତ୍ ଜିଦ୍‌ଟେ ସେପାଲ୍ ଏଦାଣ୍ତ୍। ଅଣ୍ତୁନେ ପିଦିର୍ ଇସାହାକ୍ ଇର୍‌ଦାର୍। ଅଣ୍ତୁନା ଆନ୍ ଉକୁଟ୍ ନିୟମ୍ ଗଡାତାନ୍ ଆରେ ଆଦ୍ ଉକୁଟ୍ ବେର୍‌ଟେ ଦେଶ୍ ଏଦା। ଆନ୍ ଇସ୍‌ମାଏଲିଙ୍ଗ୍ ମେନ୍ ଉକୁଟ୍ ବେର୍‌ଟେ ଦେଶ୍ କେଦାନ୍, ମାତର୍ ଆନେ ଜିଦ୍‌ ଇସାକ୍ ନା ସେୟ୍‌ଦା। ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଅବ୍‌ରାମ୍ ପିଦିରିଙ୍ଗ୍ ଆବ୍‌ରାଆମ୍ ପିଦିର୍ ନା ବାଦ୍‌ଲାତଣ୍ତ୍, ଇଦିନେ ଅର୍‌ତ ପେଙ୍ଗୁର୍‌ତୁଲ୍‌ନେ ଅବା। ମାପ୍‌ରୁ ସାରିଙ୍ଗ୍ ପିଦିରିଙ୍ଗ୍ ମେନ୍ ସାରା ପିଦିର୍ ନା ବାଦ୍‌ଲାତଣ୍ତ୍, ଆଦିନେ ଅର୍‌ତ ରାଜ୍‌କୁମାରି।

![](https://cdn.door43.org/obs/jpg/360px/obs-en-05-05.jpg)

ଆୟ୍‌ସିରିସ୍ ଟୁକ୍ ଅବ୍‌ରାମ୍ ଅଣ୍ତୁନେ ପରିବାର୍ ନା ପାଟିନ୍ ମାଗିଣ୍ତ୍‌ସିଣ୍ତ୍‌କିଲିଙ୍ଗ୍ ସୁନତ୍ କେନଣ୍ତ୍। ଉକୁଟ୍ ବରସ୍ ସେୟାନ୍ କୁଣ୍ତେଲ୍, ଅବ୍‌ରାମୁଙ୍ଗ୍ ଏରେବେଲେନ୍‌ ୧୦୦ ବରସ୍ ଏନେ, ଆରେ ସାରାଙ୍ଗ୍ ୯୦ ବରସ୍ ଏନେ, ସାରା ଉକୁର୍ ସେପାଲିଙ୍ଗ୍ ଜନମ୍ ସିନେ। ମାପ୍‌ରୁ ଆୟ୍‌ଲକୁଙ୍ଗ୍ ପକଣ୍ତି ୱାଡିନ୍ ଇସହାକ ପିଦିର୍ ସିନର୍।

![](https://cdn.door43.org/obs/jpg/360px/obs-en-05-06.jpg)

ଏରେବେଲାଙ୍ଗ୍ ଇସାକ୍ ବେଣ୍ଡିୟା ଏନଣ୍ତ୍, ମାପ୍‌ରୁ ଅବ୍‌ରାମ୍‌ନେ ବିସ୍‌ବାସିଙ୍ଗ୍ ପରିକିୟା କେନଣ୍ତ୍ ଆରେ ଇନେ ଉକୁର୍ ସେପାଲ୍ ଇସାକିଙ୍ଗ୍ ଉୟି ଆନ୍ ପାୟିଟ୍ ବଲି ସି। ଆଦିଙ୍ଗ୍ ଅବ୍‌ରାମ୍ ମାପ୍‌ରୁନେ ଆଦେଶ୍ ମାନ୍ଏରି ବଲି ସିଗିଙ୍ଗ୍ ତିୟାର୍ ଏନଣ୍ତ୍।

![](https://cdn.door43.org/obs/jpg/360px/obs-en-05-07.jpg)

ଏରେବେଲେନ୍ ଅବ୍‌ରାମ୍ ଆରେ ଇସାକ୍ ବଲି ଆନିସ୍ ପଣ୍ତି ବାସେନ୍ ସେୟାନ୍ ବେଲେନ୍, ଇସାକ୍ ଆବାଙ୍ଗ୍ ପକେଣ୍ତ୍, ବଲି ଆନିସ୍‌କିଙ୍ଗ୍ ପାୟିଟ୍ ତାନ୍ ଆମ୍ ଆର୍‌ସେଲ୍ କାଡ୍‌ସିଲ୍ ମାୟାୱ୍‌ ମେଣ୍ତା ଏରେମାନ୍ ମାୟା। ଅବ୍‌ରାମ୍ ଉତର ସି ପକେଣ୍ତ୍, ଆନ୍ ସେପାଲିଙ୍ଗ୍ ବଲି ଆନିସ୍‌ଙ୍ଗ୍ ପାୟିଟ୍ ମାପ୍‌ରୁ ମେଣ୍ତା ଜାଗାସି ସିଦାଣ୍ତ୍।

![](https://cdn.door43.org/obs/jpg/360px/obs-en-05-08.jpg)

ଏରେବେଲେନ୍‌ ଆୟ୍‌ଲକ୍ ବଲି ଆନିସ୍‌ପଣ୍ତି ବାସେନ୍ ଏଦେର୍, ଆବ୍‌ରାମ୍ ଅଣ୍ତୁନେ ସେପାଲ୍ ଇସାକିଙ୍ଗ୍ କାଟେଣ୍ତ୍ ଆରେ କାଡ୍‌ସିଲ୍ ପୟ୍‌ତାନ୍ ଅଡ଼଼ୁତଣ୍ତ୍। ଆଟେଲ୍ ଅଣ୍ତ୍ ତାନ୍ ସେପାଲିଙ୍ଗ୍ ସିତିଙ୍ଗ୍ ଆରାମ୍ କେୟିମାଟଣ୍ତ୍, ମାପ୍‌ରୁ ଅଣ୍ତୁଙ୍ଗ୍ ପକେଣ୍ତ୍, “ମାନ୍” ସେପାଲିଙ୍ଗ୍ ସିତ୍ ମେନ୍। ଇଣ୍ତି ଆନ୍ ଇନୁଙ୍ଗ୍ ପୁୟାନ୍ ଜେ, ଇନ୍ ଅନୁଙ୍ଗ୍ ନାର୍‌ସିଦାଟ୍‌। ଇନ୍ ଇନେ ଉକୁର୍ ସେପାଲିଙ୍ଗ୍ ମେନ୍ ଇରୁଟଟ୍‌।

![](https://cdn.door43.org/obs/jpg/360px/obs-en-05-09.jpg)

ଆୟ୍ ଆର୍‌ସେଲ୍‌ଟେ ଉକୁଟ୍ ବୁଟାନ୍ ମେଣ୍ତାପାପୁଙ୍ଗ୍ ସୁଡେଣ୍ତ୍। ଇସାକ୍‌ନେ ବାସେନ୍ ମାପ୍‌ରୁ ଉକୁଟ୍ ମେଣ୍ତାପାପୁଙ୍ଗ୍ ସିନଣ୍ତ୍। ଅବ୍‌ରାମ୍ ମେଣ୍ତାପାପୁଙ୍ଗ୍ କିର୍‌ଦେ ନା ବଲି ସିନଣ୍ତ୍।

![](https://cdn.door43.org/obs/jpg/360px/obs-en-05-10.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଅବ୍‌ରାମୁଙ୍ଗ୍ ପକେଣ୍ତ୍, “ଇନେ ପାଟିନ୍ ଇ ୱାଡିନ୍ ଇନେ ସେପାଲିଙ୍ଗ୍ ମେନ୍ ଆନ୍ ପାୟିଟ୍ ବଲି ସିଗିଙ୍ଗ୍ ଇଚା କେନଟ୍‌, ଆଦିଙ୍ଗ୍ ପାୟିଟ୍ ଆନ୍ ଆସିର୍‌ବାଦ୍ କେଗିଙ୍ଗ୍ ଜିଦ୍‌ କେଗିଦାନ୍। “ଆକାଶ୍‌ଟେ ପୁତ୍‌କୁଲ୍ ୱାଡିନ୍ ଇନେ କୁଲ୍ ଜାତ୍ ଏକା। ମାତର୍ ଇନ୍ ଆନେ ଆଦେଶ୍ ମାନ୍ ଏରିମାଟ୍‌, ଇନ୍ ନାଟ୍ ପୁର୍‌ତିଟେ ପାଟିନ୍ ଲକ୍ ଆସିର୍‌ବାଦ୍ ପାୟ୍‌ଏଦାର୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୧୬-୨୨*

## 6. ୬- ମାପ୍‌ରୁ ଇସାକିନ୍‌ ବାଦୁଲ୍‌ନା ମେଣ୍ଡା ଜଗାତଣ୍ଡ୍‌

https://openbiblestories.org/l/gdb/story-6/

![](https://cdn.door43.org/obs/jpg/360px/obs-en-06-01.jpg)

ଏରେବେଲ୍ ଅବ୍‌ରାମ୍ ପେରିନ୍ ମୁତାକ୍‌ ଏରିସେୟଣ୍ତ୍, ଅଣ୍ତୁଙ୍ଗ୍ ସେପାଲ୍, ଇସାକ୍ ବୁଦିଏରି ବେଣ୍ଡିୟା ଏନଣ୍ତ୍। ଆଦିଙ୍ଗ୍ ଅବ୍‌ରାମ୍ ତାନ୍ ସେପାଲିଙ୍ଗ୍ ଇସାକ୍ ପାୟିଟ୍ ଇଲେଦ୍ ଇନ୍ଦ୍‌ରିଙ୍ଗ୍ ଅଣ୍ତ୍ ଅଣ୍ତୁନେ କୁଲ୍‌ଟେ ଲକ୍‌ଗୁଲ୍ ଏରେମାନ୍ ବାସେ ଏରିମାୟାର୍‌ ଆୟ୍‌ ବାସେନ୍ ସେନିଙ୍ଗ୍ ଦାସ୍‌ଲକୁଙ୍ଗ୍ ତାନିର୍ ଟୁକ୍ ଉକୁରୁଙ୍ଗ୍‌ ସୟ୍‌ତଣ୍ତ୍।

![](https://cdn.door43.org/obs/jpg/360px/obs-en-06-02.jpg)

ପେଙ୍ଗିର୍ ଦିନାମ୍ ମେୟିକ୍‌ଦାନ୍ ଏରେ ଜାଗାନ୍‌ ଅବ୍‌ରାମ୍‌ନେ କୁଲ୍‌ଟେ ଲକ୍‌ଗୁଲ୍ ବାସେ ଏରିଙ୍ଗ୍‌ନର ମାପ୍‌ରୁ ଦାସିଙ୍ଗ୍ ରିବିକାଙ୍ଗ୍ ଆର୍‌ସେଲ୍ ସୟ୍‌ତଣ୍ତ୍। ଆଦ୍ ଅବ୍‌ରାମ୍‌ନେ ତଡଣ୍ଡ୍‌ନେ ନାତି ମାଟେ।

![](https://cdn.door43.org/obs/jpg/360px/obs-en-06-03.jpg)

ରିବିକା ଆଦିନେ ପରିବାରିଙ୍ଗ୍ ସାକାରି ଇସାକ୍‌ନେ ଉଲେନ୍ ୱାରିଙ୍ଗ୍ ଦାସ୍‌ନା ମାଣ୍ଡି ସେନିଙ୍ଗ୍ ପାୟିଟ୍ ରାଜି ଏନଣ୍ଡ୍ ଅଣ୍ଡ୍ ଏଦ୍‌ଦାନ୍ ସାଙ୍ଗେନ୍ ସାଙ୍ଗେନ୍ ରିବିକାଙ୍ଗ୍ ଇସାକ୍ ଅଦୁର୍ ଏନଣ୍ତ୍।

![](https://cdn.door43.org/obs/jpg/360px/obs-en-06-04.jpg)

ପେଙ୍ଗିର୍ ଦିନାମ୍ କୁଣ୍ତେଲ୍ ଅବ୍‌ରାମ୍ ସାୟିସେୟଣ୍ତ୍, ଆରେ ଅଣ୍ତୁନା ଏରେଦ୍ ପାଟିନ୍ ଜିଦ୍‌ଗିଲ୍‌ ମାପ୍‌ରୁ କେୟିମାଟଣ୍ତ୍ ଆଦ୍ ପାଟିନ୍ ମାପ୍‌ରୁ ସର୍‌ପାସିନଣ୍ତ୍। ମାପ୍‌ରୁ ଜିଦ୍‌ କେୟିମାଟଣ୍ତ୍ ଜେ ଅବ୍‌ରାମ୍‌ନେ କୁଲ୍ ପେଙ୍ଗିଟ୍‌ଲକ୍ ଏଦାର୍, ମାତର୍ ରିବିକା, ଇସାକ୍‌ନେ ଆୟାଲିଙ୍ଗ୍, ସିଣ୍ତିଲ୍ ମାସିଲ୍ ଏରିଙ୍ଗ୍ ଅଡାମାନ୍‌ନେ।

![](https://cdn.door43.org/obs/jpg/360px/obs-en-06-05.jpg)

ରିବିକାଙ୍ଗ୍ ପାୟିଟ୍ ଇସାକ୍ ପାର୍‌ତନା କେନଣ୍ତ୍, ମାପ୍‌ରୁ ରିବିକାଙ୍ଗ୍ ଜାଉଲା ସିଣ୍ତିଲ୍ ଏରିଙ୍ଗ୍ ପାୟିଟ୍ ଅଙ୍ଗେନ୍ କେନେ। ଜଡେକ୍ ସେପାକିଲ୍ ଏରେବେଲେନ୍ ରିବିକାନେ ପୁଡୁଗ୍‌ତୁନ୍ ମାଟର୍, ଆୟ୍‌ବେଲାଟୁକ୍ ଆୟ୍‌ଲକ୍ ଜୁଦ୍ କେଗିଙ୍ଗ୍‌ନର, ଆଦିଙ୍ଗ୍ ରିବିକା ମାପ୍‌ରୁଙ୍ଗ୍ ଇଦ୍ ଏନାଏରିଦା ଏଞ୍ଜି ପାଚାର୍‌ତେ।

![](https://cdn.door43.org/obs/jpg/360px/obs-en-06-06.jpg)

ମାପ୍‌ରୁ ରିବିକାଙ୍ଗ୍ ପକେଣ୍ତ୍, “ଇନେ ପୁଡୁକ୍‌ତୁନ୍ ମାନଣ୍ତି ଜଡେକ୍ ସେପାକିଲ୍ ପେଲ୍‌ଟୁକ୍ ଜଡେକ୍ ଦେଶ୍ ୱାଦା। ଆୟ୍‌ଲକ୍ ଇରୁଲ୍ ଉକୁର୍ ଆରେକୁର୍‌ନା ଜୁଦ୍ କେଦାର୍ ଆରେ ବେର୍‌ଟେ ସେପାଲ୍ ନିନିଟଣ୍ତ୍‌ନେ ସେବା କେଦାଣ୍ତ୍।

![](https://cdn.door43.org/obs/jpg/360px/obs-en-06-07.jpg)

ଏରେବେଲାଙ୍ଗ୍ ରିବିକାନେ ସେପାକିଲ୍‌ ଜନମ୍ ଏନର୍, ବେର୍‌ଟେ ସେପାଲ୍‌ନେ ରଙ୍ଗ୍ ରାତା ଆରେ ସାଲୁୱା ମାନଣ୍ତି ମେନ୍, ଆରେ ଆୟ୍‌କଲ୍ ଅଣ୍ତୁନେ ପିଦିର୍ ଏଷ ଇରେର୍। ଆଦିଙ୍ଗ୍ କୁଣ୍ତେଲ୍ ନିନି ସେପାଲ୍ ଏଷନେ ରେଡିଙ୍ଗ୍ ପାତି ୱାନଣ୍ତ୍, ଆୟ୍‌ଲକ୍ ଅଣ୍ତୁନେ ପିଦିର୍ ଜାକୁବ୍ ଇରେର୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୨୪:୧-୨୫:୨୬*

## 7. ୭-ଜାକୁବୁଙ୍ଗ୍ ମାପ୍‌ରୁ ଆସିର୍‌ବାଦ୍ କେନଣ୍ତ୍

https://openbiblestories.org/l/gdb/story-7/

![](https://cdn.door43.org/obs/jpg/360px/obs-en-07-01.jpg)

ଆଟେଲ୍ ସେପାକିଲ୍ ବୁଦି ଏରିଙ୍ଗ୍ ଉଣ୍ତେର୍, ଉଲେନ୍ ଜାକୁବ୍ ମାନିଙ୍ଗ୍ ଲାଡ୍ କେଗିଙ୍ଗ୍‌ନଣ୍ତ୍, ମାତର୍ ଏସ କିଗାଟ୍ ସେନିଙ୍ଗ୍ ଲାଡ୍ କେଗିଙ୍ଗ୍‌ନଣ୍ତ୍। ରିବିକା ଜାକୁବଙ୍ଗ୍ ଲାଡ୍ କେଗିଙ୍ଗ୍‌ନେ, ମାତର୍ ଇସାକ୍ ଏସଙ୍ଗ୍ ଲାଡ୍ କେଗିଙ୍ଗ୍‌ନଣ୍ତ୍।

![](https://cdn.door43.org/obs/jpg/360px/obs-en-07-02.jpg)

ଦିନେକ୍, ଏରେବେଲାଙ୍ଗ୍ ଏସ କିଗାଟ୍ ସେଞ୍ଜି ଉଲେନ୍ ୱାନଣ୍ତ୍, ଅଣ୍ତ୍ ପେରିନ୍ ଆଣ୍ଡ୍‌କିର୍ ନା ମାଟଣ୍ତ୍। ଏସ ଜାକୁବଙ୍ଗ୍ ପକେଣ୍ତ୍, “ଇନ୍ ୱାଡ଼ଡି କାଡ୍‌ସେ ଆନୁଙ୍ଗ୍ କାଣ୍ଡେକ୍ ଦୟାକେୟି ଇନ୍ଦେ। ପାଟିନ୍ ଉତର୍‌ଟେ ଜାକୁବ୍ ପକେଣ୍ତ୍, ପର୍‌ତୁମ୍, ଇନେ ବେର୍‌ଟେ ସିଣ୍ତ୍‌ନେ ଅଦିକାର୍ ଆନୁଙ୍ଗ୍ ଇନ୍ଦେ। ଆଦିଙ୍ଗ୍ ପାୟିଟ୍ ଏସ ଅଣ୍ତୁନେ ବେର୍‌ଟେ ସିଣ୍ତ୍‌ନେ ଅଦିକାର୍ ଜାକୁବଙ୍ଗ୍ ସିନଣ୍ତ୍। ଆଦିଙ୍ଗ୍ କୁଣ୍ତେଲ୍ ଜାକୁବ୍ କାଣ୍ଡେକ୍ କାଡ୍‌ସେ ସିନଣ୍ତ୍।

![](https://cdn.door43.org/obs/jpg/360px/obs-en-07-03.jpg)

ଏସଙ୍ଗ୍ ଇସାକ୍ ଅଣ୍ତୁନେ ଆସିର୍‌ବାଦ୍ ସିଗିଙ୍ଗ୍ ଇଚାକେନଣ୍ତ୍। ମାତର୍, ଅଣ୍ତ୍ ଆଦ୍ କେଦାନ୍ ଆଗାଡ଼଼ି, ଜାକୁବ୍ ଏସ ୱାଡିନ୍ ଏରି ନାଡାତଣ୍ତ୍ ରିବିକା ଆରେ ଜାକୁବ୍ ଅଣ୍ତୁଙ୍ଗ୍ ପର୍‌ତାରଣା କେୟିମାଟର୍। ଇସାକ୍ ମୁତାଙ୍ଗ୍ ଏରିମାଟଣ୍ତ୍ ଆରେ ସୁଡୁଙ୍ଗ୍ ଅଡାମାନ୍‌ନଣ୍ତ୍। ଆଦିଙ୍ଗ୍ ଜାକୁବ୍ ମେଣ୍ତାନେ ତଲୁଙ୍ଗ୍ କଡ୍‌ରଙ୍ଗ୍‌ତୁନ୍ ଆରେ କିଲ୍‌ଗିଲ୍‌ତିନ୍ ଡାବାଏରି ଏସନେ ସକା ଜଗ୍‌ଡା ଏନଣ୍ତ୍।

![](https://cdn.door43.org/obs/jpg/360px/obs-en-07-04.jpg)

ଇସାକିଙ୍ଗ୍ ଆରେସେଲ୍ ଜାକୁବ୍ ୱାରି ପକେଣ୍ତ୍, ଆରେ ପକେଣ୍ତ୍, “ଆନ୍ ଏସ” ୱାରିମାନ୍, ଆଦିଙ୍ଗ୍ ଇନ୍ ଆନୁଙ୍ଗ୍ ଆସିର୍‌ବାଦ୍ ଇନ୍ଦେ। ଇସାକ୍ ଆୟ୍ ବେଲାଙ୍ଗ୍ ସକାନେ ଗାନ୍ଦ୍‌ ଆରେ ମେଣ୍ତାନେ ସେଣ୍ଡିଙ୍ଗ୍ ଅନୁଭବ୍ କେନଣ୍ତ୍, ଅଣ୍ତୁଙ୍ଗ୍ ଏସ ଏଟଣ୍ଡ୍‌ ଆରେ ଅଣ୍ତୁଙ୍ଗ୍ ଆସିର୍‌ବାଦ୍ କେନଣ୍ତ୍।

![](https://cdn.door43.org/obs/jpg/360px/obs-en-07-05.jpg)

ଏସ ଜାକୁବଙ୍ଗ୍ ଗୁରୁନା କେନଣ୍ତ୍ ଏନାଦିଙ୍ଗ୍ କି ଜାକୁବ୍ ବେର୍‌ଟେ ସିଣ୍ତ୍‌ନେ ଅଦିକାର୍ ଆରେ ଅଣ୍ତୁନେ ଆସିର୍‌ବାଦ୍ ସାଡାସି ଉନଣ୍ତ୍। ଆଦିଙ୍ଗ୍ ଅଣ୍ତ୍ ଆବା ସାୟିସେନ୍‌ଗଡ୍ ଜାକୁବଙ୍ଗ୍ ୱାଟ୍‌ତେନ୍ ଅଟିକାରିଙ୍ଗ୍ ଜଜନା କେନଣ୍ତ୍।

![](https://cdn.door43.org/obs/jpg/360px/obs-en-07-06.jpg)

ମାତର୍ ରିବିକା ଏସନେ ଜଜନାଙ୍ଗ୍ ପୁନୁଙ୍ଗ୍ ଅଡ୍‌ତେ। ଆଦିଙ୍ଗ୍ ଆଦ୍ ଆରେ ଇସାକ୍, ଜାକୁବଙ୍ଗ୍ ପେରାଦୁରିଙ୍ଗ୍ ତାମ୍ ଲକ୍‌ବାକିଙ୍ଗ୍ ପେଲ୍ ମାନିଙ୍ଗ୍ ସୟ୍‌ତର୍।

![](https://cdn.door43.org/obs/jpg/360px/obs-en-07-07.jpg)

ଜାକୁବ୍ ରିବିକାନେ ଲକ୍‌ବାକିଙ୍ଗ୍ ପେଲ୍ ପେରିନ୍‌ ବରସ୍ ଆରେକ୍ ମାଟଣ୍ତ୍। ଆୟ୍‌ବେଲେନ୍ ଅଣ୍ତ୍ ଅଦୁର୍ ଏନଣ୍ତ୍ ଆରେ ଅଣ୍ତୁନେ ବାର୍‌ଲକ୍ ସିଣ୍ତିଲ୍ ଅକାଲ୍ ମାଲ୍। ମାପ୍‌ରୁ ଅଣ୍ତୁଙ୍ଗ୍ ପେରିନ୍ ସକ୍ତିଶାଲି କେନଣ୍ତ୍।

![](https://cdn.door43.org/obs/jpg/360px/obs-en-07-08.jpg)

ଅଣ୍ତୁନେ ଉଲେଲ୍ କିଣାଣ୍ ପେଲ୍ କଡେବରସ୍ ମାନ୍ କୁଣ୍ତେଲ୍, ଜାକୁବ୍ ଅଣ୍ତୁନେ ପରିବାର୍ ନାଟ୍, ଅଣ୍ତୁନେ ଦାସ୍ ଲକ୍ ପସୁଆଡାର୍ ନାଟ୍ ଆୟ୍ ବାସେନ୍ ୱାନର୍।

![](https://cdn.door43.org/obs/jpg/360px/obs-en-07-09.jpg)

ଜାକୁବ୍ ପେରିନ୍ ନାର୍‌ସିଙ୍ଗ୍ ନଣ୍ତ୍ ଏନାଦିଙ୍ଗ୍ କି ଅଣ୍ତ୍ ଏତାକିନଣ୍ତ୍ ଜେ ଇଣ୍ତି ମେନ୍ ଏସ ଅଣ୍ଡୁଙ୍ଗ୍ ଆଟିକାରିଙ୍ଗ୍ ଏତାକିଦାଣ୍ତ୍। ଆଦିଙ୍ଗ୍ ଅଣ୍ତ୍ ପେଙ୍ଗିଟ୍ ପସୁ ଆଡାରିଙ୍ଗ୍ ଏସଙ୍ଗ୍ ଉପହାର ନା ସୟ୍‌ତଣ୍ତ୍। ଏରେ ଦାସ୍ ଲକ୍ ପସୁଲୁଙ୍ଗ୍ ଇନ୍ଦ୍‌ରି ମାଟର୍ ଏସଙ୍ଗ୍ ପକେର୍, ଇନେ ଦାସ୍, ଜାକୁବ୍, ଇନୁଙ୍ଗ୍ ଇ ପସୁଲୁଙ୍ଗ୍ ସିମାଣ୍ତ୍। ଅଣ୍ତ୍ ଦାପ୍‌ରେନ୍ ୱାରିଦାଣ୍ତ୍।

![](https://cdn.door43.org/obs/jpg/360px/obs-en-07-10.jpg)

ମାତର୍ ଏସ ଜାକୁବଙ୍ଗ୍ କେମା କେୟିପଲି ମାଟଣ୍ତ୍, ଆଦିଙ୍ଗ୍ ଆୟ୍‌ଲକ୍ ଉକୁର୍ ଆରେକୁରୁଙ୍ଗ୍ କିର୍‌ଦେନା ସୁଡୁଙ୍ଗ୍ ଚାୟ୍‌ଏରିଙ୍ଗ୍‌ନର୍। ଆଦିଙ୍ଗ୍ କୁଣ୍ତେଲ୍ ଜାକୁବ୍ କିନାନ୍‌ତିନ୍ ସାନ୍ତିନା ବାସେ ଏନର୍‌। ଆଦିଙ୍ଗ୍ କୁଣ୍ତେଲ୍ ଇସାକ୍ ସାୟିସେୟଣ୍ତ୍, ଏସ ଆରେ ଜାକୁବ୍ ଅଣ୍ତୁଙ୍ଗ୍ ପେନ୍ଦୁତର୍। ମାପ୍‌ରୁ ଏରେ ନିୟମ୍‌ଟେ ଜିଦ୍‌ଗିଲ୍‌ ଅବ୍‌ରାମୁଙ୍ଗ୍ କେୟିମାଟଣ୍ତ୍, ଇଣ୍ତି ଇସାକିଙ୍ଗ୍ ପେଲ୍‌ଟୁକ୍ ଜାକୁବଙ୍ଗ୍ କେନର୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୨୫:୨୭-୩୩;୨୦*

## 8. ୮- ମାପ୍‌ରୁ ଜସେପ୍ ଆରେ ଅଣ୍ତୁନେ ପରିବାରିଙ୍ଗ୍ ରକିୟା କେନଣ୍ତ୍

https://openbiblestories.org/l/gdb/story-8/

![](https://cdn.door43.org/obs/jpg/360px/obs-en-08-01.jpg)

ପେଙ୍ଗିଟ୍‌ ବରସ୍ କୁଣ୍ତେଲ୍, ଜାକୁବ୍ ଆୟ୍‌ବେଲେନ୍ ମୁତାଙ୍ଗ୍ ମାଟଣ୍ତ୍, ଅଣ୍ତ୍ ଅଣ୍ତୁନେ ଲାଡ୍‌ଟେ ସେପାଲ୍, ଜସେପ୍ ଅଣ୍ତୁନେ ତଡ଼ଣ୍ତ୍‌କୁଲୁଙ୍ଗ୍ ଆର୍‌ସେଲ୍ ସୁଡୁଙ୍ଗ୍ ପାୟିଟ୍ ଏରେଲକ୍ କି ମେଣ୍ତା ରାସିନେ ଜତନ୍ ଉଗୁଙ୍ଗ୍‌ନର୍, ସୟିସିମାଟଣ୍ତ୍।

![](https://cdn.door43.org/obs/jpg/360px/obs-en-08-02.jpg)

ଜସେପ୍‌ନେ ତଡ଼ଣ୍ତ୍‌କୁଲ୍ ଅଣ୍ତୁଙ୍ଗ୍ ଗୁର୍‌ନା କେଗିଙ୍ଗ୍‌ନର୍, ଏନାଦିଙ୍ଗ୍ କି ଆୟ୍ ଲକ୍‌ନେ ତାମ୍‌ବା ଅଣ୍ତୁଙ୍ଗ୍ ପେରିନ୍ ଲାଡ୍ କେଗିଙ୍ଗ୍‌ନଣ୍ତ୍, ଜସେପ୍ କିର୍‌କାଲ୍ ସୁଡିମାଟଣ୍ତ୍ ଜେ ଅଣ୍ତ୍ ଆୟ୍‌ଲକ୍‌ନେ ଶାସନ୍‌କାର୍‌ୟା ଏଦାଣ୍ତ୍। ଏରେବେଲାଙ୍ଗ୍ ଜସେପ୍ ଆୟ୍‌ଲକୁଙ୍ଗ୍ ଆର୍‌ସେଲ୍ ୱାନଣ୍ତ୍, ଆୟ୍‌ଲକ୍ ଅଣ୍ଡୁଙ୍ଗ୍ ମାୟା କେନର୍ ଆରେ ଅଣ୍ତୁଙ୍ଗ୍ ୱିଡ଼଼ିଏରାକ୍ ଦାସ୍‌ନେ ବେବାରିତିଲିଙ୍ଗ୍ ପେଲ୍ ୱିଡ଼଼ି କାରେର୍।

![](https://cdn.door43.org/obs/jpg/360px/obs-en-08-03.jpg)

ଜସେପ୍‌ନେ ତଡ଼ଣ୍ତ୍‌କୁଲ୍ ଉଲେନ୍ ୱାଦାନ୍ ଆଗାଡ଼଼ି, ଜସେପ୍‌ନେ ସକାଙ୍ଗ୍ ସାରୁସି କାରେର୍ ଆରେ ଆଦିଙ୍ଗ୍ ମେଗେନେ ନେତିର୍‌ନା ଜବ୍‌ଲାସି ସିନର୍। ଆଦିଙ୍ଗ୍ କୁଣ୍ତେଲ୍ ଆୟ୍ ସକାଙ୍ଗ୍ ତାମ୍ ଆବାଙ୍ଗ୍ ତଟ୍‌ତର୍, ଆଦିଙ୍ଗ୍ ପାୟିଟ୍ ଅଣ୍ତ୍ ଚିନ୍‌ତା କେନଣ୍ତ୍ ଜେ ଉକୁଟ୍ ବନ୍‌ଟେ ଜିଆତ୍‌ ତିଞ୍ଜିକାରିମାୟା। ଜାକୁବ୍ ପେରିନ୍ ଦୁକ୍ କେନଣ୍ତ୍।

![](https://cdn.door43.org/obs/jpg/360px/obs-en-08-04.jpg)

କ୍ରିତଦାସ୍ ( ୱିଡ଼଼ିଏରାକ୍ ) ଦାସ୍ ଜସେପୁଙ୍ଗ୍ ବେପାରିତିଲ୍ ମିଶର୍‌ତୁନ୍ ପାତିସେୟର୍। ମିଶର୍ ଉକୁଟ୍ ବେର୍‌ଟେ, ସକ୍ତିଶାଲି ଦେଶ୍ ନିଲି ପେରେଟ୍ ଆର୍‌ସେଲ୍ ମାଟେ। କିର୍‌ତ ଦାସ୍ ପେବାରିତିଲ୍ ଜସେପଙ୍ଗ୍ ଉକୁଟ୍ ଦାସ୍ ୱାଡିନ୍ ସମୃଦିଶାଳି ସରକାର୍ ପଦାଧିକାରିଙ୍ଗ୍ ୱିଡି କାରେର୍। ଜସେପ୍ ଅଣ୍ତୁନେ ମାଲିକିଙ୍ଗ୍ ନିୟାରେନ୍ ସେବା କେନଣ୍ତ୍, ମାପ୍‌ରୁ ଜସେପଙ୍ଗ୍ ଆସିର୍‌ବାଦ୍ କେନଣ୍ତ୍।

![](https://cdn.door43.org/obs/jpg/360px/obs-en-08-05.jpg)

ଅଣ୍ତୁନେ ମାଲିକିଙ୍ଗ୍ ଆୟାଲ୍ ଅଣ୍ତୁନା ଅଡୁଙ୍ଗ୍ ପାୟିଟ୍ ଚେଷ୍ଟା କେନେ, ମାତର୍ ଜସେପ୍ ମାପ୍‌ରୁନେ ବିରଦ୍ ନା ପାପ୍ କେଗିଙ୍ଗ୍ ମାନା କେନଣ୍ତ୍। ଆଦ୍ ଗିଦ୍‌ରି ଏନେ ଆରେ ମିଚ୍‌ରେନ୍ ଜସେପୁଙ୍ଗ୍ ଦସ୍ ସିନେ, ଆଦିଙ୍ଗ୍ ପାୟିଟ୍ ଅଣ୍ତୁଙ୍ଗ୍ କାଟେର୍ ଆରେ ଜୟିଲ୍ ଉଲେନ୍ ସୟ୍‌ତର୍। ଜୟିଲ୍ ଉଲେନ୍‌ମେନ୍ ଜସେପ୍ ମାପ୍‌ରୁଙ୍ଗ୍ ବିସ୍‌ବାସ୍ ନାଟ୍ ମାଟଣ୍ତ୍, ଅଣ୍ତୁଙ୍ଗ୍ ମାପ୍‌ରୁ ଆସିର୍‌ବାଦ୍ କେନଣ୍ତ୍।

![](https://cdn.door43.org/obs/jpg/360px/obs-en-08-06.jpg)

ଜଦି ଅଣ୍ତ୍ ନିର୍‌ଦସ୍ ମାଟଣ୍ତ୍, ଆରେମେନ୍ ଜସେପ୍ ଜୟିଲ୍ ଉଲେନ୍ ଦୁଇ ବରସ୍ ମାଟଣ୍ତ୍। ଉକୁଟ୍ ନାର୍‌କାମ୍, ପାରଙ୍ଗ୍ ମିଶରିୟଟେ ଲକ୍‌ଗୁଲ୍ ରାଜା ଏଞ୍ଜି ପକୁନର୍, ଜଡେକ୍ କିର୍‌କାସିଲ୍ ଅଣ୍ତୁଙ୍ଗ୍ ପେରିନ୍ ଗାବ୍‌ରା କେଗିନେୱ୍‌। ଅଣ୍ତୁନେ ଏରେମେନ୍ ରାଜାକିଲ୍ କିର୍‌କାସିଲ୍‌ନେ ଅରତ୍ ପକୁଙ୍ଗ୍ ଅଡାମାନ୍ ନର୍।

![](https://cdn.door43.org/obs/jpg/360px/obs-en-08-07.jpg)

ଜସେପୁଙ୍ଗ୍ କିର୍‌କାସିଲ୍‌ନେ ଅରତ୍ ପକୁଙ୍ଗ୍ ମାପ୍‌ରୁ ଅଦିକାର୍ ସିମାଟଣ୍ତ୍, ଆଦିଙ୍ଗ୍ ପାରଙ୍ଗ୍ ପାୟିଟ୍ ଜସେପୁଙ୍ଗ୍ ଜୟିଲ୍ ଉଲେଟୁକ୍ ଇନ୍ଦ୍‌ରେର୍। ଅଣ୍ତୁଙ୍ଗ୍ ପାୟିଟ୍ ଜସେପ୍ କେରାସିଲ୍‌ନେ ଅନୁବାଦ୍‌ କେନଣ୍ତ୍ ଆରେ ପକେଣ୍ତ୍, ସାତ୍ ବରସ୍ ମାପ୍‌ରୁ ପେରିନ୍ ତାସ୍ ସିଦାଣ୍ତ୍, ଆୟ୍ ୱାଡିନ୍ ସାତ୍ ବରସ୍ ଦୁର୍‌ବିକିୟ ଏଦା।

![](https://cdn.door43.org/obs/jpg/360px/obs-en-08-08.jpg)

ଜସେପୁଙ୍ଗ୍ ପାର ପେରିନ୍ କିର୍‌ଦେ ଏନଣ୍ତ୍ ଆଦିଙ୍ଗ୍ ଅଣ୍ତ୍ ଦୁତିୟଟେ ଶକ୍ତିଶାଲି ଏନଣ୍ତ୍।

![](https://cdn.door43.org/obs/jpg/360px/obs-en-08-09.jpg)

ସାତ୍ ବରସ୍ ପେରିନ୍ ତାସ୍ ଏଦା ଆଦିଙ୍ଗ୍ କାଦି ପେରିନ୍ ଇରିଙ୍ଗ୍ ଏଦା ଏଞ୍ଜି ଲକ୍‌ଗୁଲୁଙ୍ଗ୍ ଜସେପ୍ ପକେଣ୍ତ୍। ଏରେବେଲାଙ୍ଗ୍ ସାତ୍ ବରସ୍ ଦୁର୍‌ବିୟ ୱାନେ, ଜସେପ୍ କାଦି ଲକ୍‌ଗୁଲୁଙ୍ଗ୍ ୱିଡି କାରିନଣ୍ତ୍ ଏନାଦିଙ୍ଗ୍ କି ଆୟ୍‌ଲକ୍ କାଦି ତିନିଙ୍ଗ୍ ପାୟିଟ୍ ଅଡ୍‌ତାର୍।

![](https://cdn.door43.org/obs/jpg/360px/obs-en-08-10.jpg)

ମିଶର୍ ତୁନି ଏରା, ମାତର୍ କିଣାନ୍ ତିନ୍‌ମେନ୍ ଏରେମାନ୍ କି ଜାକୁବ୍ ଆରେ ଅଣ୍ତୁନେ ପରିବାର୍ ବାସେ ଏରିଙ୍ଗ୍ ନର୍, ଦୁର୍‌ବିକ୍‌ୟ ପେରିନ୍।

![](https://cdn.door43.org/obs/jpg/360px/obs-en-08-11.jpg)

ଆଦିଙ୍ଗ୍ ପାୟିଟ୍ ଜାକୁବ୍ ଅଣ୍ତୁନେ ବେର୍‌ସେପାକିଲିଙ୍ଗ୍ କାଦି ୱିଡିଙ୍ଗ୍ ମିଶର୍‌ତୁନ୍ ସୟ୍‌ତଣ୍ତ୍। ଏରେବେଲାଙ୍ଗ୍ ଜସେପୁଙ୍ଗ୍ ତଡଣ୍ତ୍‌କୁଲ୍ କାଦି ୱିଡିଙ୍ଗ୍ ୱାନର୍ ଅୟ୍‌ବେଲାଙ୍ଗ୍ ଅଣ୍ତୁଙ୍ଗ୍ ଆର୍‌ସେଲ୍ ନିଲ୍‌ସି ମାଟର୍ ମାତର୍ ଜସେପୁଙ୍ଗ୍ ଚିନାକିଙ୍ଗ୍ ଅଡୁଟର୍। ମାତର୍ ଜସେପ୍ ଆୟ୍ ଲକୁଙ୍ଗ୍ ଚିନାକିଙ୍ଗ୍ ଅଡ୍‌ତଣ୍ତ୍।

![](https://cdn.door43.org/obs/jpg/360px/obs-en-08-12.jpg)

ଆୟ୍‌ଲକ୍ ବାଦ୍‌ଲାଏନର୍‌କି ମାନା ଏଞ୍ଜି ପରିକିୟା କେଦାନ୍ କୁଣ୍ତେଲ୍, ଜସେପ୍ ଆୟ୍‌ଲକୁଙ୍ଗ୍ ପକେଣ୍ତ୍, ଆନ୍ ଇମେ ତଡଣ୍ତ୍, ଜସେପ୍। ନାରିସ୍‌ମେର୍। ଇମ୍‌ଗୁଲ୍ ଉୟାଟେ କାମେ କେଗିଙ୍ଗ୍ ଚେସ୍‌ଟା କେନର୍ ଆୟ୍‌ବେଲ୍ ଆନୁଙ୍ଗ୍ ଇମ୍ ଦାସ୍ କେୟି ୱିଡି କାରେର୍, ମାତର୍ ମାପ୍‌ରୁ ଉୟାଟେଙ୍ଗ୍ ନିୟାକେୟି ବାଦ୍‌ଲାତଣ୍ତ୍। ମିଶର୍‌ତୁନ୍ ୱାରି ବାସେ ଏରୁର୍ ଅମାଟୁକ୍ ଆନ୍ ଇମୁଙ୍ଗ୍ ଆରେ ଇମ୍‌ଗୁଲ୍‌ନେ ପରିବାରିଙ୍ଗ୍ ପାୟିଟ୍ ଜାଗାସି ସିଦାନ୍।

![](https://cdn.door43.org/obs/jpg/360px/obs-en-08-13.jpg)

ଏରେବେଲାଙ୍ଗ୍ ଜସେପ୍‌ନେ ତଡଣ୍ତ୍‌କୁଲ୍ ଉଲେନ୍ ୱାନର୍ ଆରେ ଆୟ୍‌ଲକ୍‌ନେ ତାମ୍ ଆବାଙ୍ଗ୍, ଜାକୁବଙ୍ଗ୍ ପକେର୍ ଜେ ଇ ଆରେକ୍‌ ଜସେପ୍ ଜିୱେ ମାୟାଣ୍ତ୍, ଅଣ୍ତ୍ ପେରିନ୍ କିର୍‌ଦେ ଏନଣ୍ତ୍।

![](https://cdn.door43.org/obs/jpg/360px/obs-en-08-14.jpg)

ମାତର୍ ଜାକୁବ୍ ମୁତାକ୍ ଏରିମାଟଣ୍ତ୍ ଏନ୍‌ଗଡ୍‌ମେନ୍ ଅଣ୍ତ୍ ଆୟ୍‌ଲକ୍‌ନେ ପରିବାର୍ ନାଟ୍ ମିଶର୍‌ଦେଶ୍ ତିନ୍ ସେୟଣ୍ତ୍ ଆମାନ୍ ଅଣ୍ତ୍ ଆୟ୍‌ଲକ୍ ନାଟ୍ ବାସେ ଏନଣ୍ତ୍। ଜାକୁବ୍ ସାଦାନ୍ ଆଗାଡି ପାଟିନ୍ ସେପାକିଲ୍‌ଙ୍ଗ୍ ଆସିର୍‌ବାଦ୍ କେନଣ୍ତ୍।

![](https://cdn.door43.org/obs/jpg/360px/obs-en-08-15.jpg)

ଏରେ ଜିଦ୍‌ କେୟଣ୍ଡି ନିୟମ୍‌ ମାପ୍‌ରୁ ଅବ୍‌ରାମ୍ ନାଟ୍ କେୟିମାଟଣ୍ତ୍ ଅଣ୍ତ୍ ଅଣ୍ତୁନେ ଇସାକ୍‌କିଙ୍ଗ୍ ସର୍‌ପାସି ସିନଣ୍ତ୍, ଆରେ ଜାକୁବ୍‌ନେ ବାର୍ ଗଟା ସେପାକିଲିଙ୍ଗ୍ ଆରେ ଆୟ୍‌ଲକ୍‌ନେ ପରିବାରିଙ୍ଗ୍ କିତିନ୍ ସର୍‌ପାତଣ୍ତ୍। ବାର୍‌ଗଟା ସେପାକିଲ୍‌ନେ ଲକ୍‌ଗୁଲ୍ ଇସ୍‌ରାଏଲ୍‌ଟେ ବାର୍ ଗସ୍‌ଟି ଏନର୍।

*ବାଇବଲ୍‌ଟେ ଉକୁଟ୍ କେରାଲ୍: ଆଦି ୩୭-୫୦*

## 9. ୯- ମାପ୍‌ରୁ ମଶାଙ୍ଗ୍ ଅର୍‌ଗେଣ୍ତ୍‌

https://openbiblestories.org/l/gdb/story-9/

![](https://cdn.door43.org/obs/jpg/360px/obs-en-09-01.jpg)

ଜସେପ୍‌ ସାଦାନ୍ କୁଣ୍ତେଲ୍, ଅଣ୍ତୁନେ ଜାତି କୁଟୁମ୍ ମିଶର୍‌ତୁନ୍ ମାଟର୍। ଆୟ୍‌ଲକ୍ ଆରେ ଆୟ୍‌ଲକ୍‌ନେ କୁଲ୍‌ଟେ ଲକ୍ ଆୟ୍‌ବାସେନ୍ ପେଙ୍ଗିର୍ ବରସ୍ ମାନିଙ୍ଗ୍ ଉଣ୍ତେର୍ ଆରେ ଆୟ୍‌ଲକୁଙ୍ଗ୍ ପେଙ୍ଗୁର୍‌ତୁଲ୍ ସିଣ୍ତିଲ୍ ମାସିଲ୍ ଜନମ୍ ଏନର୍। ଆୟ୍‌ଲକୁଙ୍ଗ୍ ଇସ୍‌ରାଏଲିୟ ପିଦିର୍ ନାଟ୍ ଅର୍‌ଗେର୍।

![](https://cdn.door43.org/obs/jpg/360px/obs-en-09-02.jpg)

ସହ ସହ ବରସ୍ କୁଣ୍ତେଲ୍ , ଇସ୍‌ରାଏଲ୍‌ଟେ ଲକ୍‌ସକିୟା ପେରିନ୍ ଏନେ। ମିଶର୍‌ଟେ ଲକ୍‌ଗୁଲ୍ ଜସେପୁଙ୍ଗ୍ ଆରେ ଅଣ୍ତ୍ ଆୟ୍‌ଲକୁଙ୍ଗ୍ କେୟଣ୍ତି ସାୟ୍‌ଜ ଏସେଲ୍‌ମେନ୍ ଏତାପୁଟର୍। ଆୟ୍‌ଲକ୍ ଇସ୍‌ରାଏଲ୍‌ଟେ ଲକୁଙ୍ଗ୍ ନାର୍‌ସିଙ୍ଗ୍ ଉଣ୍ତେର୍, ଏନାଦିଙ୍ଗ୍ କି ଆୟ୍‌ଲକ୍ ଲକ୍‌ସକିୟା ପେଗୁର୍‌ତୁଲ୍ ମାଟର୍। ଆଦିଙ୍ଗ୍ ଆୟ୍ ବେଲାଙ୍ଗ୍ ପାର ରାଜା ମିଶରତୁନ୍ ଶାସନ୍ କେଗିନଣ୍ତ୍ ଅଣ୍ତ୍ ଇସ୍‌ରାଏଲିୟଟେ ମିଶରିୟଲକୁଙ୍ଗ୍ ପେଲ୍ ଦାସ୍ କେନଣ୍ତ୍।

![](https://cdn.door43.org/obs/jpg/360px/obs-en-09-03.jpg)

ମିଶରିୟଲକ୍ ଇସ୍‌ରାଏଲ୍‌ଟେ ଲକୁଙ୍ଗ୍ ମେଡ୍‌ଗିଲ୍ ଆରେ ପାଟିନ୍ ଗଡ୍‌ଗୁଲୁଙ୍ଗ୍ ମେନ୍ ତିୟାର୍ କେଗିଙ୍ଗ୍ ପାୟିଟ୍ ଜବଜସ୍‌ତି କେନର୍। କସ୍‌ଟ କାମେଲ୍ ଆୟ୍‌ଲକ୍‌ନେ ଜିୱେନ୍ ପେରିନ୍ ଦୁକ୍ ପେତେ, ମାତର୍ ଆୟ୍‌ଲକୁଙ୍ଗ୍ ମାପ୍‌ରୁ ଆସିର୍‌ବାଦ୍ କେନଣ୍ତ୍, ଆରେ ଆୟ୍‌ଲକୁଙ୍ଗ୍ ପେଙ୍ଗୁର୍‌ତୁଲ୍ ସିଣ୍ତିଲ୍ ମାସିଲ୍ ଏନର୍।

![](https://cdn.door43.org/obs/jpg/360px/obs-en-09-04.jpg)

ପାର ସୁଡୁଙ୍ଗ୍ଅଡ୍‌ତଣ୍ତ୍ ଜେ ଇସ୍‌ରାଏଲ୍‌ତିନ୍ ପେଙ୍ଗୁର୍‌ତୁଲ୍ ସିଣ୍ତିଲ୍ ମାସିଲ୍ ମାୟାର୍, ଆଦିଙ୍ଗ୍ ଅଣ୍ତ୍ ଅଣ୍ତୁନେ ଲକ୍‌ଗୁଲୁଙ୍ଗ୍, ପାଟିନ୍ ଇସ୍‌ରାଏଲ୍‌ଟେ ସିଣ୍ତିଲ୍ ମାସିଲିଙ୍ଗ୍ ନିଲ ପେରେଟ୍‌ତିନ୍ କାରିସି ଆଟିକାରିଙ୍ଗ୍ ପାୟିଟ୍ ଆଦେସ୍ ସିନଣ୍ତ୍।

![](https://cdn.door43.org/obs/jpg/360px/obs-en-09-05.jpg)

ଅକାଲ୍ ଆୟାଲ୍ ଇସ୍‌ରାଏଲ୍‌ଟେ ଉକୁର୍ ସେପାଲିଙ୍ଗ୍ ଜନମ୍ ସିନେ। ଆଦ୍ ଆରେ ଆଦିନେ ମାଗିଣ୍ତ୍ ସେପାଲିଙ୍ଗ୍ ଅଡ୍‌ତାନ୍ ଆନେତ୍ ପେଙ୍ଗିର୍ ଦିନାମ୍ ଲୁକାସି ଇରେର୍।

![](https://cdn.door43.org/obs/jpg/360px/obs-en-09-06.jpg)

ଏରେବେଲାଙ୍ଗ୍ ସେପାଲିଙ୍ଗ୍ ଆୟା ଆବା ପେରାପର୍ ଲୁକାସି ଇରିଙ୍ଗ୍ ଅଡୁଟର୍, ଆୟ୍‌ଲକ୍ ଅଣ୍ତୁଙ୍ଗ୍ ସାଦାନ୍ ପେଲ୍‌ଟୁକ୍ ରକିୟା କେଗିଙ୍ଗ୍ ପାୟିଟ୍ ନିଲ ପେରେଟ୍‌ତିନ୍ ନିର୍ ପୟତାନ୍ ବାସ୍ଏରଣ୍ତି ଉକୁଟ୍ ଚାଟ୍‌ନି ତାନିର୍ ଅଣ୍ତୁଙ୍ଗ୍ ଇରି ସିନର୍। ଅଣ୍ତୁନେ ବେର୍‌ଟେ ତଡୁଦ୍ ଅଣ୍ତୁ ନାଟ୍ ଏନା ଏଦା, ସୁଡୁଙ୍ଗ୍ ପାୟିଟ୍ ଦୁରେନ୍ ମାଞ୍ଜି ସୁଡୁଙ୍ଗ୍‌ନେ।

![](https://cdn.door43.org/obs/jpg/360px/obs-en-09-07.jpg)

ପାରନେ ମାଲ୍‌ ଚାଟ୍‌ନିଙ୍ଗ୍ ଆରେ ଚାଟ୍‌ନି ତାନିର୍‌ମେନ୍ ସୁଡେଟେ। ଆୟ୍‌ବେଲାଙ୍ଗ୍ ଆଦ୍ ଉକୁର୍ ସେପାଲିଙ୍ଗ୍ ସୁଡେଟେ, ଆଦ୍ ଅଣ୍ତୁଙ୍ଗ୍ ନିଜେଟେ ସେପାଲ୍ କେୟି ଉନେ। ଆଦ୍ ଇସ୍‌ରାଏଲ୍ ଦେଶ୍‌ଟେ ଅକାଲ୍ ଆସ୍‌ମାଲିଙ୍ଗ୍ କିତିନ୍ ସେପାଲିଙ୍ଗ୍ ସିନେ। ଏରେବେଲାଙ୍ଗ୍ ନିନିସେପାଲ୍ ବେର୍‌ଟଣ୍ତ୍ ଏନଣ୍ତ୍ ଅଣ୍ତୁଙ୍ଗ୍ ଆୟାନେ ପାଲ୍ ଦର୍‌କାର୍ ମାନୁଟେ, ଅଣ୍ତୁଙ୍ଗ୍ ଆଦ୍ ପାରନେ ଆୟାଲିଙ୍ଗ୍ ମାଣ୍ତ୍‌ସି ସିନେ, ଆରେ ଅଣ୍ତୁନେ ପିଦିର୍ ମସା ସିନର୍।

![](https://cdn.door43.org/obs/jpg/360px/obs-en-09-08.jpg)

ଦିନେକ୍‌, ମସା ବେର୍‌ଟଣ୍ତ୍ ଏଦାନ୍ କୁଣ୍ତେଲ୍, ଅଣ୍ତ୍ ସୁଡେଣ୍ତ୍, ଉକୁର୍ ମିଶରିୟ ଇସ୍‌ରାଏଲିୟଟେ ଦାସଙ୍ଗ୍ ଆଟିଙ୍ଗ୍ ନଣ୍ତ୍। ମସା ଇସ୍‌ରାଏଲିୟଟେ ଦାସଙ୍ଗ୍ ରକିୟା କେଗିଙ୍ଗ୍ ପାୟିଟ୍ ଚେସ୍‌ଟା କେନଣ୍ତ୍।

![](https://cdn.door43.org/obs/jpg/360px/obs-en-09-09.jpg)

ଏସେବେଲ୍ ମସା ପୁଟଣ୍ତ୍ ଜେ ଏଇର୍‌ମେନ୍ ସୁଡାର୍, ଅଣ୍ତ୍ ମିଶରିୟଙ୍ଗ୍ ୱାଟ୍‌ତେନ୍ ଆଟେଣ୍ତ୍ ଆରେ ସେରିଙ୍ଗ୍ ପେନ୍ଦୁତଣ୍ତ୍। ମାତର୍ ଏଇଣ୍ଡ୍‌ ଉକୁର୍ ମସା ଆଦ୍ କେୟଣ୍ତି ସୁଡିମାଟଣ୍ତ୍।

![](https://cdn.door43.org/obs/jpg/360px/obs-en-09-10.jpg)

ଏରେବେଲ୍ ପାର୍, ଏରେଦ୍ ମସା କେୟଣ୍ତି ୱେଟଣ୍ତ୍, ଅଣ୍ତ୍ ଅଣ୍ତୁଙ୍ଗ୍ ଆଟିକାରିଙ୍ଗ୍ ଚେସ୍‌ଟା କେନଣ୍ତ୍। ମସା ପାରନେ ସନିୟତୁଲୁଙ୍ଗ୍ ବେଲ୍‌ଟୁକ୍ ରକିୟା ପାୟ ଏରିଙ୍ଗ୍ ପାୟିଟ୍ ମିଶର୍‌ଟୁକ୍ ମରୁଭୁମି ପେଲ୍ ସୁରକିତ୍ ମାନିଙ୍ଗ୍, ଦୁରିନ୍ ପେସିସେୟଣ୍ତ୍।

![](https://cdn.door43.org/obs/jpg/360px/obs-en-09-11.jpg)

ମିଶର୍‌ଟୁକ୍ ପେରାଦୁରିନ୍ ମରୁବାସେନ୍ ଉକୁର୍ ମେଣ୍ଡା କଲାକ୍ ଏନଣ୍ତ୍। ଆୟ୍ ବାସେନ୍ ଅକାଲ୍ ଆସ୍‌ମାଲ୍ ନା ଅଦୁର୍ ଏନଣ୍ତ୍ ଆରେ ଅରୁଙ୍ଗ୍ ଜଡେଙ୍ଗ୍ ସେପାକିଲ୍ ଏନର୍।

![](https://cdn.door43.org/obs/jpg/360px/obs-en-09-12.jpg)

ଦିନେକ୍ ଏରେବେଲାଙ୍ଗ୍ କି ମସା ମେଣ୍ତାନେ ଜତନ୍ ଉଦାନ୍ ବେଲେନ୍, ଉକୁଟ୍ ବୁଟାନ୍ କିସ୍ ପାନ୍ଦଣ୍ଡିଙ୍ଗ୍‌ ଅଣ୍ତ୍ ସୁଡେଣ୍ତ୍। ମାତର୍ ଆୟ୍ ବୁଟାନ୍ କିସ୍ ପାନ୍ଦି ନିଡ୍ ଏରୁଟେ। ମସା ଆୟ୍ ବୁଟା ଦିଗାଲ୍ ନିୟା ସୁଡୁଙ୍ଗ୍ ସେୟଣ୍ତ୍। ଏରେବେଲାଙ୍ଗ୍ ଅଣ୍ତ୍ କିସ୍ ପାନ୍ଦଣ୍ଡି ବୁଟା ଆର୍‌ସେଲ୍ ସେନ୍‌ନଣ୍ତ୍, ମାପ୍‌ରୁନେ ପଲେ ପକେଣ୍ତ୍, ମସା, ଇନେ ପାଣ୍ଡୟଗୁଲ୍ ଇନ୍ ପୁସୁକ୍। ଇନ୍ ପବିତ୍‌ର ବାସେନ୍ ନିଲ୍‌ସିମାୟାଟ୍‌।

![](https://cdn.door43.org/obs/jpg/360px/obs-en-09-13.jpg)

ମାପ୍‌ରୁ ପକେଣ୍ତ୍, “ଆନେ ଲକ୍‌ଗୁଲ୍‌ନେ କସ୍‌ଟ ଆନ୍ ସୁଡିମାନ୍। ଆନ୍ ଇନୁଙ୍ଗ୍ ପାରଙ୍ଗ୍ ଆର୍‌ସେଲ୍ ସୟ୍‌ତାନ୍ ଏନାଦିଙ୍ଗ୍ କି ଇନ୍ ଇସ୍‌ରାଏଲିୟଟେ ଆୟ୍‌ଲକୁଙ୍ଗ୍ ମିଶର୍‌ଟୁକ୍ ପେପ୍‌ସି ଇନ୍ଦିର୍ ଦାଟ୍। ଆୟ୍ ଲକୁଙ୍ଗ୍ ଆନ୍ କିଣାନ୍ ଦେସ୍ ସିଦାନ୍, ଏରେ ଦେସ୍ ଆନ୍ ଅବ୍‌ରାମ୍, ଇସାକ୍ ଆରେ ଜାକୁବଙ୍ଗ୍ ଜିଦ୍ କେୟିମାଟନ୍।

![](https://cdn.door43.org/obs/jpg/360px/obs-en-09-14.jpg)

ମସା ପାଚାର୍‌ତଣ୍ତ୍, “ଜଦି ଆନିଙ୍ଗ୍ ଲକ୍‌ଗୁଲ୍ ପୁନୁଙ୍ଗ୍ ଚାୟ୍‌ଏଦାର୍ ଆନିଙ୍ଗ୍ ଏଇର୍ ସୟିସି ମାୟାର୍,ଆନ୍ ଆୟ୍ ଲକୁଙ୍ଗ୍ ଏନା ଏୟାନ୍, ମାପ୍‌ରୁ ପକେଣ୍ତ୍, “ଆମ୍ ଏର୍‌ ମାୟାମ୍ ଅଣ୍ଡି ମାୟାମ୍”। ଆୟ୍ ଲକୁଙ୍ଗ୍ ପକ୍, “ଇନ୍ ଆର୍‌ସେଲ୍ ମାପ୍‌ରୁ ସୟିସି ମାଣ୍ତ୍।” ଆୟ୍ ଲକୁଙ୍ଗ୍ ପକୁର୍, ଇମ୍ ସଦାପର୍‌ବୁ, ଇମ୍‌ଗୁଲ୍‌ନେ ଦାଦିଆନି,ଆରେ ଜାକୁବନେ ମାପ୍‌ରୁ। ପାଟିନ୍ ଦିନ୍ ପାୟିଟ୍ ଇଦ୍ ଆନେ ପିଦିର୍।

![](https://cdn.door43.org/obs/jpg/360px/obs-en-09-15.jpg)

ମସା ନାର୍‌ସିଙ୍ଗ୍ ନଣ୍ତ୍ ଆରେ ପାରଙ୍ଗ୍ ଆର୍‌ସେଲ୍ ସେନିଙ୍ଗ୍ ଇଚା କେୟା ମାନ୍‌ନଣ୍ତ୍, ଅଣ୍ତ୍ ଏତାତଣ୍ତ୍, ଅଣ୍ତ୍ ନିୟାରେନ୍ ପାର୍‌କିଙ୍ଗ୍ ଅଡା ମାନ୍‌ନଣ୍ତ୍, ଆଦିଙ୍ଗ୍ ମାପ୍‌ରୁ ମସାନେ ବାଇ, ହାରଣଙ୍ଗ୍,ଅଣ୍ତୁଙ୍ଗ୍ ସାଇଜ କେଗିଙ୍ଗ୍ ପାୟିଟ୍ ସୟତଣ୍ତ୍। ମାପ୍‌ରୁ ମସା ଆରେ ହାରଣଙ୍ଗ୍ ସତର୍‌କ କେୟି ସିନଣ୍ତ୍, ଜେ ପାର ମୁର୍‌କାୟ୍‌ ଏଦାଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍: ଜାତରା ୧-୪*

## 10. ୧୦- ଦସ୍‌ଗଟା ମହାମାରି

https://openbiblestories.org/l/gdb/story-10/

![](https://cdn.door43.org/obs/jpg/360px/obs-en-10-01.jpg)

ମସା ଆରେ ହାରଣ ପାରଙ୍ଗ୍ ଆର୍‌ସେଲ୍ ସେୟର୍। ଆୟ୍‌ଲକ୍ ପକେର୍, ଇସ୍‌ରାଏଲ୍‌ଟେ ମାପ୍‌ରୁ ଇପାଡ୍ ପକେଣ୍ତ୍, ଆନେ ଲକୁଙ୍ଗ୍ ସାକାରି ସିୟୁର୍, ପାର ଆୟ୍ ଲକ୍‌ନେ ପାଟେଙ୍ଗ୍ ୱେନୁଟଣ୍ତ୍। ଇସ୍‌ରାଏଲ୍‌ଟେ ଲକୁଙ୍ଗ୍ ମୁକ୍‌ତି ସିଦାନ୍ ବାଦୁଲ୍ ନା, ଆୟ୍ ଲକୁଙ୍ଗ୍ ପେରିନ୍ କସ୍‌ଟ କାମେଲ୍ କେଗିଙ୍ଗ୍ ଜବର୍‌ଜସ୍‌ତି କେନର୍।

![](https://cdn.door43.org/obs/jpg/360px/obs-en-10-02.jpg)

ଲକ୍‌ଗୁଲୁଙ୍ଗ୍ ମୁକ୍‌ତି କେଗିଙ୍ଗ୍ ପାର ମାନା କେଗିଙ୍ଗ୍ ନଣ୍ତ୍, ଆଦିଙ୍ଗ୍ ପାୟିଟ୍ ମାପ୍‌ରୁ ଦସ୍‌ଗଟା ବେର୍‌ବେର୍‌ଟେ ମହାମାରି, ମିଶର୍‌ତୁନ୍ ସୟ୍‌ତଣ୍ତ୍। ଇ ମହାମାରିଟୁକ୍ ମାପ୍‌ରୁ ପାରଙ୍ଗ୍ ତଟ୍‌କୁନଣ୍ତ୍ ଜେ ଅଣ୍ତ୍ ପାରଙ୍ଗ୍ ପେଲ୍‌ଟୁକ୍ ଆରେ ମିଶର୍‌ଟେ ପାଟିନ୍ ୱେନ୍ଦିଟ୍‌ଗିଲ୍ ପେଲ୍‌ଟୁକ୍ ପେରିନ୍ ସକ୍‌ତିସାଲି।

![](https://cdn.door43.org/obs/jpg/360px/obs-en-10-03.jpg)

ମାପ୍‌ରୁ ନିଲ ପେରେଟ୍‌ଟେ ନିରିଙ୍ଗ୍ ନେତିର୍ କେୟିସିନଣ୍ତ୍, ମାତର୍ ଇ ଆରେକ୍‌ ପାର ଇସ୍‌ରାଏଲ୍‌ଟେ ଲକୁଙ୍ଗ୍ ସାକାରୁଟଣ୍ତ୍।

![](https://cdn.door43.org/obs/jpg/360px/obs-en-10-04.jpg)

ମାପ୍‌ରୁ ମିଶର୍ ଦେସ୍ ତିନ୍ ପାଟିନ୍ ଦିଗାଲ୍ ପାଣ୍ଡାକେଲ୍ ସୟ୍‌ତଣ୍ତ୍। ପାଣ୍ଡାକେଲିଙ୍ଗ୍ ଦୁର୍ କେଗିଙ୍ଗ୍ ପାୟିଟ୍ ମସାଙ୍ଗ୍ ପାର ଅନୁରଦ୍ କେନଣ୍ତ୍। ମାତର୍ ପାଟିନ୍ ପାଣ୍ଡାକେଲ୍ ସାୟି ସେୟାନ୍ କୁଣ୍ତେଲ୍, ପାର ଅଣ୍ତୁନେ ଗର୍‌ବେଙ୍ଗ୍ କଟିନ୍ କେନଣ୍ତ୍ ଆରେ ଇସ୍‌ରାଏଲିୟଟେ ଲକୁଙ୍ଗ୍ ମିଶର୍ ଟୁକ୍ ସାକାରୁଟଣ୍ତ୍।

![](https://cdn.door43.org/obs/jpg/360px/obs-en-10-05.jpg)

ଆଦିଙ୍ଗ୍ ମାପ୍‌ରୁ ଦୁଲି ୱାଡିନ୍ ପେନିଲ୍ ସୟତଣ୍ତ୍। ଆଦିଙ୍ଗ୍ କୁଣ୍ତେଲ୍ ଅଣ୍ତ୍ ପିଣ୍ଡାକେଲ୍ ସୟତଣ୍ତ୍। ପାର ମସା ଆରେ ହାରଣଙ୍ଗ୍ ଅର୍‌ଗି ପକେଣ୍ତ୍, ଜଦି ଆୟ୍‌ଲକ୍ ମହାମାରିଲିଙ୍ଗ୍ ବନ୍ଦ୍‌ କେଦାର୍, ଆଟେଲ୍ ଅଣ୍ତ୍ ଇସ୍‌ରାଏଲ୍‌ଟେ ଲକୁଙ୍ଗ୍ ମିଶର୍ ଟୁକ୍ ସେନିଙ୍ଗ୍ ଅଡ୍‌ତାର୍। ଏରେବେଲ୍ ମସା ପାର୍‌ତନା କେନଣ୍ତ୍, ଆୟ୍ ବେଲ୍ ମାପ୍‌ରୁ ପିଣ୍ଡାକେଲିଙ୍ଗ୍ ମିଶର୍ ଟୁକ୍ ଦୁର୍ କେନଣ୍ତ୍। ମାତର୍ ପାର ଅଣ୍ତୁନେ ଗର୍‌ବେଙ୍ଗ୍ କଟିନ୍ କେନଣ୍ତ୍ ଆରେ ଲକ୍‌ଗୁଲୁଙ୍ଗ୍ ସାକାରୁଟଣ୍ତ୍।

![](https://cdn.door43.org/obs/jpg/360px/obs-en-10-06.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ପାଟିନ୍ ୱିଣ୍ଡ୍‌ଗିଲ୍‌ଟେ ପଶୁଲୁଙ୍ଗ୍ ଏରେଦ୍ କି ମିଶର୍‌ଟେ ଲକଗୁଲ୍‌ନେ ମାଟେୱ୍, କାୟ୍‌କିର୍‌ କେୟି ସାୟୁସି କାରେଣ୍ତ୍। ମାତର୍ ପାରନେ ଗର୍‌ବେ କଟିନ୍ ଏନେ, ଆରେ ଅଣ୍ତ୍ ଇସ୍‌ରାଏଲ୍‌ଟେ ଲକୁଙ୍ଗ୍ ସାକାରୁଟଣ୍ତ୍।

![](https://cdn.door43.org/obs/jpg/360px/obs-en-10-07.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ମସାଙ୍ଗ୍ ପାରଙ୍ଗ୍ ଆର୍‌ସେଲ୍ ନିଡ୍ କାରିଙ୍ଗ୍ ପକେଣ୍ତ୍। ଏରେ ବେଲାଙ୍ଗ୍ ଅଣ୍ତ୍ କେନଣ୍ତ୍, ମିଶରିୟଟେ ଲକ୍‌ନେ ତଲ୍ ପୟତାନ୍ କସ୍‌ଟ ଏନେ ଆରେ ସୁଲୁସ୍‌କୁର୍ ପେସି ଗାୱେଲ୍ ଏନେୱ୍, ମାତର୍ ଇସ୍‌ରାଏଲ୍‌ଟେ ଲକୁଙ୍ଗ୍ ଏରୁଟେ। ମାପ୍‌ରୁ ପାରନେ ଗର୍‌ବେଙ୍ଗ୍ କଟିନ୍ କେନଣ୍ତ୍, ଆରେ ପାର ଇସ୍‌ରାଏଲ୍‌ଟେ ଲକୁଙ୍ଗ୍ ସାକାରୁଟଣ୍ତ୍।

![](https://cdn.door43.org/obs/jpg/360px/obs-en-10-08.jpg)

ଆଦିଙ୍ଗ୍ କୁଣ୍ତେଲ୍, ମାପ୍‌ରୁ ଆଦିର୍ କାଣ୍ତ୍‌କିଲ୍ ନା ମିଶର୍‌ଟେ ପାଟିନ୍ ପସୁଲୁଙ୍ଗ୍,ଆରେ ଏଇର୍ ୱାଲ୍‌ତିନ୍ ସେୟର୍ ଆୟ୍ ଲକ୍ ସାନର୍। ପାର ମସା ଆରେ ହାରଣଙ୍ଗ୍ ଅର୍‌ଗେଣ୍ତ୍ ଆରେ ପକେଣ୍ତ୍, “ଆନ୍ ପାପ୍ କେୟିମାନ୍। ଇମ୍ ସେନିଙ୍ଗ୍ ଅଡ୍‌ତାର୍, ଆଦିଙ୍ଗ୍ ପାୟିଟ୍ ମସା ପାର୍‌ତନା କେନଣ୍ତ୍, ଆରେ ମଗୁଲ୍‌ଟୁକ୍ ଆଦିର୍ କାଣ୍ତ୍‌କିଲ୍ ଇଲିଙ୍ଗ୍ ବନ୍ଦ୍‌ ଏନେ।

![](https://cdn.door43.org/obs/jpg/360px/obs-en-10-09.jpg)

ମାତର୍ ପାର ଆରେ ତରେକ୍‌ ପାପ୍ କେନଣ୍ତ୍ ଆରେ ଅଣ୍ତୁନେ ଗର୍‌ବେଙ୍ଗ୍ କଟିନ୍ କେନଣ୍ତ୍। ଅଣ୍ତ୍ ଇସ୍‌ରାଏଲ୍‌ଟେ ଲକୁଙ୍ଗ୍ ସେନିଙ୍ଗ୍ ପାୟିଟ୍ ମୁକ୍‌ତି ସିୟୁଟଣ୍ତ୍।

![](https://cdn.door43.org/obs/jpg/360px/obs-en-10-10.jpg)

ଆଦିଙ୍ଗ୍ ପାୟିଟ୍ ମାପ୍‌ରୁ ଚିଟ୍‌କାଲିଙ୍ଗ୍ ସୟତଣ୍ତ୍ ଆରେ ମିଶର୍ ପାଟିନ୍ ଦିଗାଲ୍ ଏରିସେଣ୍ତେ। ଏରେ ତାସ୍ ଆଦିର୍ କାଣ୍ତ୍‌କିଲ୍ ନା ବିନସ୍‌ଟ ଏରା ମାଟେ ଆଦ୍ ପାଟିନ୍ ଚିଟ୍‌କାଲ୍ ନା ବିନସ୍‌ଟ ଏରିସେଣ୍ତେ।

![](https://cdn.door43.org/obs/jpg/360px/obs-en-10-11.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ସିକାଟିଙ୍ଗ୍ ସୟ୍‌ତଣ୍ତ୍ ଆଦ୍ ତିନ୍ ଦିନ୍ ଆରେଙ୍ଗ୍ ମାଟେ। ଇଦ୍ ପେରିନ୍ ସିକାଟ୍ ମାଟେ ଜେ ମିଶର୍‌ଟେ ଲକ୍ ଆୟ୍ ଲକ୍‌ନେ ଉଲେଙ୍ଗ୍ ସାକାରିଙ୍ଗ୍ ଅଡାମାନ୍ ନର। ମାତର୍ ଏରେ ବାସେନ୍ ଇସ୍‌ରାଏଲ୍‌ଟେ ଲକ୍ ବାସେ ଏରିଙ୍ଗ୍ ନର ଆମାନ୍ ୱିଣ୍ତ୍ ମାଟେ।

![](https://cdn.door43.org/obs/jpg/360px/obs-en-10-12.jpg)

ଇ ନଅଗଟା ମହାମାରି ଏଦାନ୍ କୁଣ୍ତେଲ୍ ମେନ୍ ପାର ଇସ୍‌ରାଏଲ୍‌ଟେ ଲକୁଙ୍ଗ୍ ସାକାରୁଟଣ୍ତ୍। ପାର ୱେନା ପାୟିଟ୍, ମାପ୍‌ରୁ ଉକୁଟ୍ ସାରାସାରିଟେ ମହାମାରି ସୟକୁଙ୍ଗ୍ ଜଜନା କେନଣ୍ତ୍। ଇଦ୍ ପାରନେ ମନୁଙ୍ଗ୍ ବାଦ୍‌ଲାତା।

*ବାଇବଲ୍‌ଟେ ଉକୁଟ୍ କେରାଲ୍: ଜାତରା ୫-୧୦*

## 11. ୧୧- ନିସ୍‌ତାର୍ ପାରୁବ୍

https://openbiblestories.org/l/gdb/story-11/

![](https://cdn.door43.org/obs/jpg/360px/obs-en-11-01.jpg)

ମାପ୍‌ରୁ ପାରଙ୍ଗ୍ ସତର୍‌କ କେୟି ପକେଣ୍ତ୍ ଜେ ଜଦି ଅଣ୍ତ୍ ଇସ୍‌ରାଏଲ୍‌ଟେ ଲକୁଙ୍ଗ୍ ସେନିଙ୍ଗ୍ ସିୟାକଡ୍, ଆଟେଲ୍ ଅଣ୍ତ୍ ଲକୁଙ୍ଗ୍ ଆରେ ପସୁଲୁଙ୍ଗ୍ ପାଟିନ୍ ପର୍‌ତୁମ୍ ଜନମ୍ ଏରଣ୍ତିଲିଙ୍ଗ୍ ଆଟି କାର୍‌ଦାଣ୍ତ୍। ପାର ଏରେବେଲାଙ୍ଗ୍ ଇ ପାଟେ ୱେଟଣ୍ତ୍ ବିସ୍‌ବାସ୍ କେୟୁଟଣ୍ତ୍ ଆରେ ମାପ୍‌ରୁନେ ଆଗିୟା ପାଲନ୍ କେଗିଙ୍ଗ୍ ମାନା କେନଣ୍ତ୍।

![](https://cdn.door43.org/obs/jpg/360px/obs-en-11-02.jpg)

ଅଣ୍ତୁଙ୍ଗ୍ ପେଲ୍ ଏଇର୍ ବିସ୍‌ବାସ୍ କେନର୍ ମାପ୍‌ରୁ ଆୟ୍ ଲକୁଙ୍ଗ୍ ପର୍‌ତୁମ୍ ଜନମ୍ ଏରଣ୍ତି ପାଟିନ୍ ଲକୁଙ୍ଗ୍ ରକିୟା କେଗିଙ୍ଗ୍ ଉକୁଟ୍ ଉପାୟ୍ ଜଗାତଣ୍ତ୍। ପାଟିନ୍ ପରିବାରିଙ୍ଗ୍ ଉକୁଟ୍ ସୁକଲ୍‌ଟେ ମେଣ୍ତା ଆସ୍‌କି କାତିଙ୍ଗ୍ ପାରିଙ୍ଗ୍ ନେ।

![](https://cdn.door43.org/obs/jpg/360px/obs-en-11-03.jpg)

ମାପ୍‌ରୁ ଇସ୍‌ରାଏଲ୍‌ଟେ ଲକୁଙ୍ଗ୍ ମେଣ୍ତାନେ ନେତିର୍ ଇନ୍ଦ୍‌ରି ଆୟ୍ ଲକ୍‌ନେ ଉଲେଟେ ଦୁୱାର୍ ବନ୍ଦ୍‌ତୁନ୍ ଚାରିବେଡ୍‌ତେନ୍ ମାରୁକୁଙ୍ଗ୍ ପକେଣ୍ତ୍, ଆରେ ସେପ୍ ସାଟି କେରିନ୍ ସୁପାଟେ ରୁଟି ଦାପ୍‌ରେନ୍ ତିନିଙ୍ଗ୍ ପକେଣ୍ତ୍। ଆୟ୍ ଲକ୍ ତିଞ୍ଜି ପଲ୍‌ଦାନ୍ କୁଣ୍ତେଲ୍ ମିଶରୁଙ୍ଗ୍ ସାକାରିଙ୍ଗ୍ ପାୟିଟ୍ ମେନ୍ ତିୟାର୍ ଏରିଙ୍ଗ୍ ଅଣ୍ତ୍ ପକେଣ୍ତ୍।

![](https://cdn.door43.org/obs/jpg/360px/obs-en-11-04.jpg)

ମାପ୍‌ରୁ ଏରେ ୱାଡିନ୍ ଆୟ୍‌ଲକୁଙ୍ଗ୍ କେଗିଙ୍ଗ୍ ପାୟିଟ୍ ଆଗିୟା ସିମାଟଣ୍ତ୍ ଇସ୍‌ରାଏଲ୍‌ଟେ ଲକ୍ ପାଟିନ୍ କାମେଲ୍ କେନର୍। ନେଣ୍ତ୍‌ଗାପ୍ ସିକାଟ୍ ତିନ୍, ମାପ୍‌ରୁ ମିଶର୍ ଦିଗାଲ୍ ସେଞ୍ଜି ପର୍‌ତୁମ୍ ଜନମ୍ ଏରଣ୍ତିଲିଙ୍ଗ୍ ପାଟିନିଙ୍ଗ୍ ସାୟୁସି କାରେଣ୍ତ୍।

![](https://cdn.door43.org/obs/jpg/360px/obs-en-11-05.jpg)

ଇସ୍‌ରାଏଲିୟ ଲକ୍‌ନେ ଉଲେକିଲ୍ ଦୁୱାର୍ ବନ୍ଦ୍‌ତୁନ୍ ଚାରିବେଡ୍‌ତେନ୍ ନେତିର୍ ଅୟ୍‌କି ମାଟେ, ଆଦିଙ୍ଗ୍ ମାପ୍‌ରୁ ଆୟ୍ ଉଲେକିଲିଙ୍ଗ୍ ସାକାରି ସିନଣ୍ତ୍। ଉଲେ ତାନିର୍ ପାଟିନ୍ ଲକ୍ ନିୟାରେନ୍ ମାଟର୍। ମେଣ୍ତାନେ ନେତିର୍ ପାୟିଟ୍ ଆୟ୍ ଲକ୍ ଉଦାର୍ ପାୟ୍‌ଏନର୍।

![](https://cdn.door43.org/obs/jpg/360px/obs-en-11-06.jpg)

ମାତର୍ ମିଶରିୟତୁଲ୍ ମାପ୍‌ରୁଙ୍ଗ୍ ଆରେ ଅଣ୍ତୁନେ ଆଦେସ୍‌ଗିଲ୍ ବିସ୍‌ବାସ୍ କେୟୁଟର୍। ଆଦିଙ୍ଗ୍ ମାପ୍‌ରୁ ଆୟ୍ ଲକ୍‌ନେ ଉଲେକିଲିଙ୍ଗ୍ ସାକାରୁଟଣ୍ତ୍। ମାପ୍‌ରୁ ମିଶରିୟଟେ ପାଟିନିଙ୍ଗ୍ ପର୍‌ତୁମ୍ ଜନମ୍ ଏରଣ୍ତିଲିଙ୍ଗ୍ ବିନସ୍‌ଟ କେନଣ୍ତ୍।

![](https://cdn.door43.org/obs/jpg/360px/obs-en-11-07.jpg)

ପାଟିନ୍ ମିଶରଟେ ପର୍‌ତୁମ୍ ଜନମ୍ ଏରଣ୍ତିଲ୍ ଆୟ୍ ଗଡ୍ ତୁନ୍ ସାୟିସେଣ୍ତେୱ୍, ଜୟିଲ୍‌ତିନ୍ ମାନଣ୍ତି ପାଟିନ୍ ପର୍‌ତୁମ୍ ଜନମ୍ ଏଦାନ୍ ଲକୁଙ୍ଗ୍ ପେଲ୍‌ଟୁକ୍ ପାରନେ ପର୍‌ତୁମ୍ ଜନମ୍ ଏରଣ୍ତି ପାଟିନ୍ ସାନର୍। ପେଙ୍ଗୁର୍‌ତୁଲ୍ ମିଶରିୟ ଲକ୍‌ନେ ପେରିନ୍ ଦୁକ୍ ପାୟିଟ୍ ଆଡି ଆଡି ରଦନ୍ କେନର୍।

![](https://cdn.door43.org/obs/jpg/360px/obs-en-11-08.jpg)

ଆୟ୍ ନାର୍‌କାମ୍ ପାର ମସାଙ୍ଗ୍, ହାରଣଙ୍ଗ୍ ଅର୍‌ଗି ପକେଣ୍ତ୍, ଇସ୍‌ରାଏଲ୍ ଲକୁଙ୍ଗ୍ ପାତି ଦାପ୍‌ରେନ୍ ମିଶର୍ ସାକାରି ସେଣ୍ତୁର୍। ମିଶରିୟ ଲକ୍‌ମେନ୍ ଇସ୍‌ରାଏଲ୍ ଲକୁଙ୍ଗ୍ ଦାପ୍‌ରେନ୍ ମିଶର୍ ସାକାରି ସେନିଙ୍ଗ୍ ପାୟିଟ୍ ଅନୁରଦ୍ କେନର୍।

*ବାଇବଲ୍‌ଟେ ଉକୁଟ୍ କେରାଲ୍: ଜାତରା ୧୧:୧-୧୨:୩୨*

## 12. ୧୨- ଇସ୍‌ରାଏଲ୍‌ତିଲ୍ ମିସର୍‌ଟୁକ୍ ମୁକ୍‌ତି

https://openbiblestories.org/l/gdb/story-12/

![](https://cdn.door43.org/obs/jpg/360px/obs-en-12-01.jpg)

ମିଶର୍ ସାକାରି ସେୟାନ୍ ବେଲ୍ ଇସ୍‌ରାଏଲ୍‌ଟେ ଲକ୍ ପେରିନ୍ କିର୍‌ଦେ ଏନର୍। ଆୟ୍‌ଲକ୍ ଆରେ ଦାସ୍ ଏରି ମାନୁଟର୍। ଆରେ ଆୟ୍‌ଲକ୍ ଜିଦ୍‌ କେୟଣ୍ତି ଦେସ୍‌ତିନ୍ ସେନ୍‌ନର୍। ଇସ୍‌ରାଏଲ୍‌ଟେ ଲକ୍ ଏନାଦ୍ ପର୍‌ତର୍ ଆଦ୍ ମିଶରିୟଟେ ଲକ୍ ସିନର୍, ଇ ୱାଡିନ୍ କି ସୁନା ରୁପା ଆରେ ପେରିନ୍ ଦାମ୍‌ଟେ ଜିନିସ୍‌ଗିଲ୍ ସିନର୍। ୱେନ୍ ଦେସ୍‌ଟେ ଏଙ୍ଗୁର୍‌ତୁଲ୍ ମାପ୍‌ରୁଙ୍ଗ୍ ପେଲ୍ ବିସ୍‌ବାସ୍ କେନର୍ ଆୟ୍ ଲକ୍ ମିଶର୍ ସାକାର୍‌ଦାନ୍ ବେଲେନ୍ ଇସ୍‌ରାଏଲ୍ ଲକ୍ ନା ସେୟର୍।

![](https://cdn.door43.org/obs/jpg/360px/obs-en-12-02.jpg)

ଦିନ୍ ବେଲ୍ ମାପ୍‌ରୁ ଆୟ୍‌ଲକୁଙ୍ଗ୍ ଉକୁଟ୍ ବେର୍‌ଟେ ମଗୁଲ୍ ସିତ୍‌ଲା ନା ଆୟ୍‌ଲକୁଙ୍ଗ୍ ପାୱ୍ କାଡାସି ଉଗୁଙ୍ଗ୍‌ନେ, ଆରେ ଆଦ୍ ନାର୍‌କାମ୍ ବେଲ୍ ଉଚାଟେ କିସ୍‌ଅଲା ୱିଣ୍ତ୍ ସିଗିଙ୍ଗ୍ ନେ। ମାପ୍‌ରୁ ଆୟ୍‌ଲକ୍ ନାଟ୍ ପାଟିନ୍ ବେଲ୍ ମାନ୍ ନଣ୍ତ୍ ଆରେ ଆୟ୍‌ଲକ୍ ସେୟାନ୍ ବେଲ୍ ଆୟ୍‌ଲକୁଙ୍ଗ୍ ପାୱ୍ କାଡାକିନେ। ଆୟ୍‌ଲକ୍ ଅଣ୍ତୁନେ କୁଣ୍ଡୁନି ସେନିଙ୍ଗ୍ ଲଡା ମାଟେ।

![](https://cdn.door43.org/obs/jpg/360px/obs-en-12-03.jpg)

କାଣ୍ତେକ୍ ସମୟ କୁଣ୍ତେଲ୍, ପାର ଆରେ ଅଣ୍ତୁନେ ଲକ୍‌କୁଲ୍ ଆୟ୍‌ଲକ୍ ନେ ମନୁଙ୍ଗ୍ ପରିବର୍‌ତନ୍ କେନର୍ ଆରେ ଇସ୍‌ରାଏଲ୍ ଲକୁଙ୍ଗ୍ ଆୟ୍‌ଲକ୍‌ନେ ଦାସ୍ କେଗିଙ୍ଗ୍ ପାୟିଟ୍ ଆରେ ତରେକ୍‌ ଇଚା କେନର୍। ମାପ୍‌ରୁ ପାରଙ୍ଗ୍ ଜିଦଖର୍ କେୟୁତଣ୍ତ୍, ଏଟେନ୍ କି ଲକ୍‌ଗୁଲ୍ ଉକୁଟି ସତ୍ ମାପ୍‌ରୁ ଏଞ୍ଜି ପୁନୁଙ୍ଗ୍ ଅଡ୍‌ତାର୍, ଆରେ ବୁଜ୍ ଏଦାର୍ ଜେ ଅଣ୍ତ୍, ପର୍‌ବୁ ପାର ଆରେ ପାରନେ ୱେନ୍ଦିଟ୍ ଗିଲିଙ୍ଗ୍ ପେଲ୍ ଟୁକ୍ ପେରିନ୍ ସକ୍‌ତିମାନ୍।

![](https://cdn.door43.org/obs/jpg/360px/obs-en-12-04.jpg)

ଆଦିଙ୍ଗ୍ ଆୟ୍ ଲକୁଙ୍ଗ୍ ଆରେତରେକ୍ ଦାସ୍ କେଗିଙ୍ଗ୍ ଇସ୍‌ରାଏଲ୍ ଲକୁଙ୍ଗ୍ କୁଣ୍ତୁନ୍ କୁଣ୍ତୁନ୍ ପାର ଆରେ ଅଣ୍ତୁନେ ସୟିନ୍‌ତିଲ୍ ସେୟର୍। ମିଶରିୟ ସୟିନ୍‌ତିଲିଙ୍ଗ୍ ୱାରଣ୍ଡି ଏରେବେଲାଙ୍ଗ୍ ଇସ୍‌ରାଏଲ୍ ତିଲ୍ ସୁଡେର୍, ଆୟ୍‌ଲକ୍ ନାର୍‌ସି ସେୟର୍ ଜେ ଆୟ୍‌ଲକ୍ ପାରନେ ସୟିନ୍‌ଦଲ୍ ଆରେ ଲହିତ୍ ପେରେଟ୍ ଦିଗାଲ୍ ଏଦେର୍। ଆୟ୍‌ଲକ୍ ପେରିନ୍ ନାର୍‌ସିଙ୍ଗ୍ ନର୍ ଆରେ ଆୟ୍‌ଲକ୍ ଆଉଲି ଏରି ପକେର୍ ଆମ୍ ଏନାଦିଙ୍ଗ୍ ମିଶର୍ ସାକାରେମ୍? ଆମ୍ ସାଗିଙ୍ଗ୍ ସେନିଦାମ୍।

![](https://cdn.door43.org/obs/jpg/360px/obs-en-12-05.jpg)

ମସା ଇସ୍‌ରାଏଲ୍‌ଟେ ଲକୁଙ୍ଗ୍ ପକେଣ୍ତ୍, ନାରିସ୍ ମେର୍ ମାପ୍‌ରୁ ଇନେନ୍ ଇମ୍‌ଗୁଲୁଙ୍ଗ୍ ପାୟିଟ୍ ଜୁଦ୍ କେଦାଣ୍ତ୍ ଇମ୍‌ଗୁଲୁଙ୍ଗ୍ ରକିୟା କେଦାଣ୍ତ୍। ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ମସାଙ୍ଗ୍ ପକେଣ୍ତ୍ ଲକ୍‌ଗୁଲୁଙ୍ଗ୍ ଲହିତ୍ ପେରେଟ୍ ଦିଗାଲ୍ ସେନିଙ୍ଗ୍ ପକ୍।

![](https://cdn.door43.org/obs/jpg/360px/obs-en-12-06.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ମଗୁଲ୍ ମୁଣ୍ତେ ଉଇ ଇସ୍‌ରାଏଲ୍ ଆରେ ମିଶରିୟ ଲକୁଙ୍ଗ୍ କାକେଲ୍ ଇରେଣ୍ଡ୍ ଏଟେନ୍ କି ମିଶରିୟ ଲକ୍‌ଗୁଲ୍ ଇସ୍‌ରାଏଲ୍ ଲକୁଙ୍ଗ୍ ସୁଡୁଙ୍ଗ୍ ଅଡାର୍।

![](https://cdn.door43.org/obs/jpg/360px/obs-en-12-07.jpg)

ମାପ୍‌ରୁ ମସାଙ୍ଗ୍ ଅଣ୍ତୁନେ କି ତେଟ୍‌ସି ସମ୍‌ଦୁରୁଟେ ନିରିଙ୍ଗ୍ ଦୁଇ ବାଗ୍ କେଗିଙ୍ଗ୍ ପକେଣ୍ତ୍। ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ୱାଲ୍ ନା ସମ୍‌ଦୁର୍‌ତୁନ୍ ତାକୁସି ତିୟାନ୍ ପାକାତେଲ୍ ଆରେ ଦକ୍ଷିଣ ଦିଗାଲ୍‌ଟେ ନିରିଙ୍ଗ୍ ପେଲାତଣ୍ତ୍, ଏଟେନ୍ କି ସମ୍‌ଦୁର୍ ତୁନ୍ ଉକୁଟ୍ ରାସ୍‌ତା ଏନେ।

![](https://cdn.door43.org/obs/jpg/360px/obs-en-12-08.jpg)

ଇସ୍‌ରାଏଲ୍‌ଟେ ଲକ୍ ସମ୍‌ଦୁର୍ ତାନିର୍ ୱାଟଣ୍ଡି ବାସେନ୍ ତାକି ସେୟର୍ ଆରେ ଆୟ୍‌ଲକ୍‌ନେ ପାଲି ଦିଗାଲ୍ ନିର୍ କୁର୍ ୱାଡିନ୍ ନିଲ୍‌ତେ।

![](https://cdn.door43.org/obs/jpg/360px/obs-en-12-09.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ମଗୁଲୁଙ୍ଗ୍ ଆୟ୍ ବାସେଟୁକ୍ ପୟ୍‌ତାନ୍ ପାତିସେୟଣ୍ତ୍ ଏଟେନ୍ କି ଇସ୍‌ରାଏଲ୍‌ତିଲ୍ ୱେଟଣ୍ଡି ମିଶରିୟ ତୁଲ୍ ସୁଡୁଙ୍ଗ୍ ଅଡ୍‌ତାର୍। ମିଶରିୟତୁଲ୍ ଆୟ୍‌ଲକୁଙ୍ଗ୍ ସାରିକିଙ୍ଗ୍ ପାୟିଟ୍ ନିସ୍‌ପତି ଉନର୍।

![](https://cdn.door43.org/obs/jpg/360px/obs-en-12-10.jpg)

ଆଦିଙ୍ଗ୍ ଆୟ୍‌ଲକ୍ ସମ୍‌ଦୁର୍ ତାନିର୍ ଏରଣ୍ତି ରାସ୍‌ତାନ୍ ସେଞ୍ଜି ଇସ୍‌ରାଏଲ୍ ଲକୁଙ୍ଗ୍ ସାରିକିନର୍, ମାତର୍ ମାପ୍‌ରୁ ମିଶରିୟଲକୁଙ୍ଗ୍ କସ୍‌ଟ ସିନଣ୍ତ୍ ଆରେ ଆୟ୍ ଲକ୍‌ନେ ରତ୍‌ଗୁଲୁଙ୍ଗ୍ ବଲାତଣ୍ତ୍। ଆୟ୍‌ଲକ୍ ଆଉଲି ଏରି ପକେର୍ ୱେଟୁର୍ ମାପ୍‌ରୁ ଇସ୍‌ରାଏଲ୍‌ଟେ ଲକୁଙ୍ଗ୍ ଦିଗାଲ୍ ଏରି ଜୁଦ୍ କେଗିଦାଣ୍ତ୍।

![](https://cdn.door43.org/obs/jpg/360px/obs-en-12-11.jpg)

ଇସ୍‌ରାଏଲ୍‌ଟେ ଲକ୍ ସମ୍‌ଦୁର୍ ଆୟଟ୍ ପାକା ନିୟାରେନ୍ ଏଦ୍‌ଦାନ୍ କୁଣ୍ତେଲ୍ ମାପ୍‌ରୁ ମସାଙ୍ଗ୍ ଅଣ୍ତୁନେ ୱାଲିଙ୍ଗ୍ ଆରେ ତରେକ୍‌ କେଗିଙ୍ଗ୍ ପକେଣ୍ତ୍। ଆୟ୍ ବେଲାଙ୍ଗ୍ ଅଣ୍ତ୍ ମାପ୍‌ରୁନେ ବାଦିୟ ଏନଣ୍ତ୍, ନିର୍ ମିଶରିୟ ଲକୁଙ୍ଗ୍ ପୟ୍‌ତାନ୍ ଡାବା ଏରି ସେଣ୍ତେ ଆରେ ସମ୍‌ଦୁର୍ ଆଗାଡିଟେ ୱାଡିନ୍ ସମାନ୍ ଏରିସେଣ୍ତେ।

![](https://cdn.door43.org/obs/jpg/360px/obs-en-12-12.jpg)

ଇସ୍‌ରାଏଲ୍‌ତିଲ୍ ଏରେବେଲ୍ ସୁଡେର୍ ମିଶରିୟ ତୁଲ୍ ସାୟିସେଞ୍ଜି ମାୟର୍, ଆୟ୍‌ଲକ୍ ମାପ୍‌ରୁଙ୍ଗ୍ ପେଲ୍ ବରସା କେନର୍ ଆରେ ମସା ମାପ୍‌ରୁନେ ଉକୁର୍ ଭାବବାଦି ଆଦ୍ ବିସ୍‌ବାସ୍ କେନର୍।

![](https://cdn.door43.org/obs/jpg/360px/obs-en-12-13.jpg)

ଇସ୍‌ରାଏଲ୍‌ତିଲ୍ ପେରିନ୍ କିର୍‌ଦେ ଏନର୍ ଏନାଦିଙ୍ଗ୍ କି ଆୟ୍‌ଲକୁଙ୍ଗ୍ ସାଦାନ୍ ପେଲ୍‌ଟୁକ୍ ଆରେ ଦାସ୍‌ଟୁକ୍ ରକିୟା କେନଣ୍ତ୍, ମାତର୍ ଇଣ୍ତି ଆୟ୍‌ଲକ୍ ମାପ୍‌ରୁନେ ସେବା କେଗିଙ୍ଗ୍ ମୁକ୍‌ତ ମାଟର୍। ଇସ୍‌ରାଏଲ୍‌ତିଲ୍ ଆୟ୍‌ଲକ୍‌ନେ ପୁନେଦ୍‌ଟେ ନିୟମୁଙ୍ଗ୍‌ ପାଲନ୍ କେଗିଙ୍ଗ୍ ଆରେ ମାପ୍‌ରୁନେ ତୁତି କେଗିଙ୍ଗ୍ ପାୟିଟ୍ ପେଙ୍ଗିଟ୍ ପାଟେଲ୍ ପାରେର୍ ଏନାଦିଙ୍ଗ୍ କି ଅଣ୍ତ୍ ମିଶରିୟ ସୟିନ୍‌ଦଲ୍‌ଟୁକ୍ ଆୟ୍‌ଲକୁଙ୍ଗ୍ ରକିୟା କେୟିମାଟଣ୍ତ୍।

![](https://cdn.door43.org/obs/jpg/360px/obs-en-12-14.jpg)

ମାପ୍‌ରୁ ଇସ୍‌ରାଏଲ୍ ଲକୁଙ୍ଗ୍ ମିଶରିୟଲକୁଙ୍ଗ୍ ପୟ୍‌ତାନ୍ ଏଟେନ୍ ଜୟ ସିନଣ୍ତ୍ ଆରେ ଆୟ୍‌ଲକୁଙ୍ଗ୍ ଦାସ୍ ଅବସ୍‌ତା ଟୁକ୍ ଏଟେନ୍ କି ଉଦାର୍ କେନଣ୍ତ୍, ଆଦ୍ ଏତାକିଙ୍ଗ୍ ପାୟିଟ୍ ଇସ୍‌ରାଏଲ୍‌ଟେ ଲକୁଙ୍ଗ୍ ନିସ୍ତାର୍ ପାରୁବ୍ କେଗିଙ୍ଗ୍ ଆଦେଶ୍ ସିନଣ୍ତ୍। ଆୟ୍‌ଲକ୍ ଉକୁଟ୍ ସୁକଲ୍‌ଟେ ମେଣ୍ତାପାପୁଙ୍ଗ୍ ବଲି ସିଦାନ୍ ପାୟିଟ୍ ସୁପାଟେ ରୁଟିନାଟ୍ ତିଞ୍ଜି କିର୍‌ଦେ କେୟି ପାଲନ୍ କେନର୍।

*ବାଇବଲ୍‌ଟେ ଉକୁଟ୍ କେରାଲ୍‌: ଜାତରା ୧୨:୩୩-୧୫:୨୧*

## 13. ୧୩- ମାପ୍‌ରୁ ଇସ୍‌ରାଏଲ୍‌ଲକ୍‌ନା ନିୟମ୍‌

https://openbiblestories.org/l/gdb/story-13/

![](https://cdn.door43.org/obs/jpg/360px/obs-en-13-01.jpg)

ମାପ୍‌ରୁ ଇସ୍‌ରାଏଲ୍‌ଲକୁଙ୍ଗ୍ ଲହିତ୍ ପେରେଟ୍ ସି ଆୟଟ୍ ପାକା କାରୁତାନ୍ କୁଣ୍ତେଲ୍, ଅଣ୍ତ୍ ଇକୁଟ୍ ମରୁବାସେ ସି କେରିନ୍ ସିନୟ୍ ପିଦିର୍‌ଟେ କପେଲ୍ ଏଦେର୍। ଇଦ୍ ଆୟ୍ କପେ ମାଟେ ଏରେମାନ୍ ମସା ପାନ୍ଦଣ୍ଡି ବୁଟା ସୁଡିମାଟଣ୍ତ୍। କପେ କିଡିନ୍ ଲକ୍‌ଗୁଲ୍ ଆୟ୍‌ଲକ୍‌ନେ ତମୁଲ୍ ତିୟାର୍ କେନର୍।

![](https://cdn.door43.org/obs/jpg/360px/obs-en-13-02.jpg)

ମାପ୍‌ରୁ ମସାଙ୍ଗ୍ ଆରେ ଇସ୍‌ରାଏଲ୍ ଲକୁଙ୍ଗ୍ ପକେଣ୍ତ୍, “ଇମ୍ ଗୁଲ୍ ଜଦି ଆନେ ଆଦେସ୍ ପାଲନ୍ କେଦାର୍ ଆରେ ଆନେ ନିୟମୁଙ୍ଗ୍ ରକିୟା କେଦାର୍ ଆଟେଲ୍ ଇମ୍‌ଗୁଲ୍ ଆନେ ଦନ୍ ଆରେ ଜାଜକ୍‌ତୁଲ୍‌ନେ ଇକୁଟ୍ ରାଜାନେ କୁଲ୍ ଆରେ ଇକୁଟ୍ ପବିତ୍‌ର ଦେସ୍ ଏଦା।”

![](https://cdn.door43.org/obs/jpg/360px/obs-en-13-03.jpg)

ତିନ୍ ଦିନ୍ କୁଣ୍ତେଲ୍, ଲକ୍‌ଗୁଲ୍ ନିଜେନିଙ୍ଗ୍ ଆତ୍‌ମାନାଟ୍ ତିୟାର୍ ଏଦାନ୍ କୁଣ୍ତେଲ୍, ମାପ୍‌ରୁ ମଗୁଲ୍ ପିଲୁସି ଜିଟ୍‌କି ଆରେ ପଗ୍‌ନା ଉକୁଟ୍ ପେରିନ୍ ଆଉଲି ସିନୟ୍ କପେ ପୟ୍‌ତାନ୍ ଇଡିଗି ୱାନଣ୍ତ୍। ମାତର୍ ମସାଙ୍ଗ୍ ଇ କପେ ପୟ୍‌ତାନ୍ ସେନିଙ୍ଗ୍ ଅନୁମତି ପାୟ୍ ଏନଣ୍ତ୍।

![](https://cdn.door43.org/obs/jpg/360px/obs-en-13-04.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଆୟ୍‌ଲକୁଙ୍ଗ୍ ଅଣ୍ତୁନେ ନିୟମ୍ ସିନଣ୍ତ୍, ଆନ୍ ଇମେ ମାପ୍‌ରୁ ପର୍‌ବୁ ଇ, ଏଇଣ୍ତ୍ ଇମ୍‌ଗୁଲୁଙ୍ଗ୍ ମିଶର୍‌ଟେ ଦାସ୍ ପେଲ୍‌ଟୁକ୍ ରକିୟା କେୟି ଇନ୍ଦ୍‌ରେଣ୍ତ୍ ଆରେ ୱେନ୍ ୱେନ୍ଦିସିଲିଙ୍ଗ୍ ଆରାଦାନା କେମେର୍।”

![](https://cdn.door43.org/obs/jpg/360px/obs-en-13-05.jpg)

“ଏନାମେନ୍ ମୁର୍‌ତିଲ୍ ତିୟାର୍ କେମେର୍ ଆରେ ଆୱ୍‌ଗୁଲୁଙ୍ଗ୍ ଆରାଦନା କେମେର୍, ଏନାଦିଙ୍ଗ୍ କି ଆନ୍ ଗିଦ୍‌ରି ଏରାକ୍‌ ପର୍‌ବୁ। ଆନ୍ ପିଦିର୍ ଅସନ୍‌ମାନ୍ ୱାଡିନ୍ ଜାତା କେମେର୍। ବିସ୍‌ରାମ୍ ଦିନିଙ୍ଗ୍ ପବିତ୍‌ର ୱାଡିନ୍ ପାଲନ୍ କେୟୁର୍। ଚଅ ଦିନିଙ୍ଗ୍ ଇମେ ପାଟିନ୍ କାମେ କେୟୁର୍, ମାତର୍ ସାତ୍ ଦିନ୍ ସିରିସ୍ ଇମ୍‌ଗୁଲୁଙ୍ଗ୍ ପାୟିଟ୍ ବିସ୍‌ରାମ୍ ଦିନ୍ ଏଦା ଆରେ ଇମ୍ ଆନୁଙ୍ଗ୍ ଏତାପୁରାଟ୍।”

![](https://cdn.door43.org/obs/jpg/360px/obs-en-13-06.jpg)

“ଇମ୍ ଆବା ଆରେ ଆୟାଙ୍ଗ୍ ସନ୍‌ମାନ୍ କେୟୁର୍। ନର୍‌ଅତିୟା କେମେର୍। ବେବିଚାର୍ କେମେର୍। ଚରାମେର୍। ମିଚ୍ ପକ୍‌ମେର୍। ଇମ୍ ପାଡାଟେ ଆୟାଲିଙ୍ଗ୍, ଆଦିନେ ଉଲେଙ୍ଗ୍ ଆରେ ପାଡାଟେ ୱେନ୍ ଦିନ୍‌ସୁଙ୍ଗ୍ ଏରେଦ୍ ଆୟ୍‌ଲକ୍‌ନେ, ଲାଲ୍‌ସା କେମେର୍।”

![](https://cdn.door43.org/obs/jpg/360px/obs-en-13-07.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଜଡେକ୍ କାଣ୍ତ୍‌ ପାଟାଲ୍‌ତିନ୍ ଇ ଦସ୍‌ଗଟା ଆଦେସ୍ ଲେକାତଣ୍ତ୍ ଆରେ ମସାଙ୍ଗ୍ ସିନଣ୍ତ୍। ମାପ୍‌ରୁ ଆରେ ପେଙ୍ଗିଟ୍ ନିୟମ୍ ଆରେ ପାଟିନ୍ ବେଲ୍ ପାଲନ୍ କେଗିଙ୍ଗ୍ ସିନଣ୍ତ୍। ମାପ୍‌ରୁ ଜିଦ୍ କେୟି ପକେଣ୍ତ୍, ଜଦି ଲକ୍‌ଗୁଲ୍ ଇ ପାଟିନ୍ ବେବସ୍‌ତା ଆରେ ନିୟମ୍ ପାଲନ୍ କେଦାର୍, ଆଟେଲ୍ ଅଣ୍ତ୍ ଆୟ୍‌ଲକୁଙ୍ଗ୍ ଆସିର୍‌ବାଦ୍ କେଦାଣ୍ତ୍ ଆରେ ରକିୟା କେଦାଣ୍ତ୍। ଜଦି ଆୟ୍‌ଲକ୍ ଆୟ୍‌ଲକୁଙ୍ଗ୍ ମାନ୍ ଏରାର୍ କଡ୍, ଆଟେଲ୍ ମାପ୍‌ରୁ ଆୟ୍‌ଲକୁଙ୍ଗ୍ ଦଣ୍ତ୍ ସିଦାଣ୍ତ୍।

![](https://cdn.door43.org/obs/jpg/360px/obs-en-13-08.jpg)

ମାପ୍‌ରୁ ଆରେତରେକ୍‌ ଇସ୍‌ରାଏଲ୍ ଲକୁଙ୍ଗ୍ ଉକୁଟ୍ ତମୁଟେ ନକ୍‌ସା ସିନଣ୍ଡ୍ ଏରେଦିଙ୍ଗ୍ ଆୟ୍‌ଲକ୍ କେକାର୍‌ ଏଞ୍ଜି ଅଣ୍ତ୍ ପକିମାଟଣ୍ତ୍। ଇଦିଙ୍ଗ୍ ସମାଗମ ତମୁ ପକୁଙ୍ଗ୍‌ନର୍, ଆରେ ଇମାନ୍ ଜଡେକ୍ ବାକ୍‌ରାଲ୍ ମାଟେୱ୍ ଏରେଦିଙ୍ଗ୍ ଉକୁଟ୍ ବେର୍‌ଟେ ପାର୍‌ଦା ପାୟ୍‌ସି ଏରିଙ୍ଗ୍‌ନେ। ମାତର୍ ବେର୍‌ଜାଜକ୍ ଇ ପାର୍‌ଦା କୁଣ୍ତେଲ୍ ପାକା ମାନଣ୍ତି ବାକ୍‌ରାନ୍ ସେନିଙ୍ଗ୍ ପାୟିଟ୍ ଅନୁମତି ପାୟ୍‌ଏରି ମାଟର୍, ଏନାଦିଙ୍ଗ୍ କି ମାପ୍‌ରୁ ଆମାନ୍ ମାନ୍‌ନଣ୍ତ୍।

![](https://cdn.door43.org/obs/jpg/360px/obs-en-13-09.jpg)

ଏରେଲକ୍ ଲକ୍ ମାପ୍‌ରୁଙ୍ଗ୍ ବେବସ୍‌ତାଙ୍ଗ୍ ଅମାନିୟ ଏଗଡ୍ ଅଣ୍ତ୍ ମାପ୍‌ରୁନ୍ ଉଦେସ୍‌ରେନ୍ ଉକୁଟ୍ ବଲି ପାଇଟ୍ ପସୁଙ୍ଗ୍ ସମାଗମ ତମ୍ବକାକେଲ୍ ମାନଣ୍ତି ବେଦିକାକେଲ୍ ଇନ୍ଦିରିନର୍। ଉକୁର୍ ଜାଜକ୍ ପସୁଙ୍ଗ୍ କାତି ଆଦିଙ୍ଗ୍ ବେଦିନ୍ ସାଟିନଣ୍ତ୍। ବଲି ସିୟଣ୍ତି ପସୁନେ ନେତିର୍ ଅଣ୍ତୁନେ ପାପୁଙ୍ଗ୍ କେମା ସିଗିନେ, ଆରେ ଆୟ୍‌ଲକ୍ ମାପ୍‌ରୁନ୍ କାନୁଲ୍‌ତୁନ୍ ସୁସି ଏରିନଣ୍ତ୍। ମାପ୍‌ରୁ ମସାନେ ବାଇ ଆରନୁଙ୍ଗ୍ ଅଣ୍ତୁନେ କୁଲୁଙ୍ଗ୍ ଆଦିନେ ଜାଜକ୍ ଏରିଙ୍ଗ୍ ପାଇଟ୍ ଆସ୍‌କେଣ୍ତ୍।

![](https://cdn.door43.org/obs/jpg/360px/obs-en-13-10.jpg)

ପାଟିନ୍ ଲକ୍‌ଗୁଲ୍ ମାପ୍‌ରୁ ଆୟ୍‌ଲକୁଙ୍ଗ୍ ସିୟଣ୍ତି ବେବସ୍‌ତାଲ୍ ପାଲନ୍ କେଗିଙ୍ଗ୍, ଆରେ ମାପ୍‌ରୁନେ ଉପାସନା କେଗିଙ୍ଗ୍ ପାଇଟ୍ ଆରେ ଅଣ୍ତୁନେ ନିୟାଟେ ଲକ୍ ଏରିଙ୍ଗ୍ ପାଇଟ୍ ଇସା କେନର୍। ମାତର୍ ଆୟ୍‌ଲକ୍ ମାପ୍‌ରୁନେ ଆଦେସ୍ ମାନ୍‌ଏରିଙ୍ଗ୍ ପାଇଟ୍ ପାର୍‌ମାନ୍ କେଇ କାଣ୍ତେକ୍ ବେଲାକୁଣ୍ତେଲ୍ ଆୟ୍‌ଲକ୍ ବୟାକାର୍‌ଟେ ପାପ୍ କେନର୍। ୧

![](https://cdn.door43.org/obs/jpg/360px/obs-en-13-11.jpg)

ପେଙ୍ଗିର୍ ଦିନାମ୍ ଆରେକ୍ ମସା ମାପ୍‌ରୁନା ସିୟନ୍ କପେ ପୟିତାନ୍ ପାର୍‌କିନଣ୍ତ୍, ମସାଙ୍ଗ୍ ମାଣ୍ତିୱାଦାଣ୍ତ୍ ଏଞ୍ଜି କାସି କାସି ଲକ୍‌ଗୁଲ୍ ପାଣ୍ତିସେଞ୍ଜି ଦର୍‌ଜ ପାତୁଟର୍। ଆଦିଙ୍ଗ୍ ଆୟ୍‌ଲକ୍ ଆରନ୍‌କାକେଲ୍‌ଟୁକ୍ ସନା ଇନ୍ଦିରି ଆଦିନାଟ୍ ଆୟ୍‌ଲକୁଙ୍ଗ୍ ପାଇଟ୍ ଉକୁଟ୍ ମୁର୍‌ତି ତିୟାର୍ କେଗିଙ୍ଗ୍ ପକେର୍,

![](https://cdn.door43.org/obs/jpg/360px/obs-en-13-12.jpg)

ଆରନ୍ ଆୟ୍ ସନାନାଟ୍ ଉକୁଟ୍ କନ୍ଦେପାପ୍‌ନେ ମୁର୍‌ତି ତିୟାର୍ କେନଣ୍ତ୍, ଲକ୍‌ଗୁଲ୍ ପେରିନ୍ ନିୟାନାଟ୍ ଆୟ୍ ମୁର୍‌ତିଙ୍ଗ୍ ୱାଟେ କେନର୍ ଆରେ ବଲି ଆନିଜ୍‌ତର୍, ଆୟ୍‌ଲକ୍‌ନେ ପାପ୍ ପାଇଟ୍ ଆୟ୍‌ଲକୁନ୍ ପେଲ୍ ମାପ୍‌ରୁ ପେରିନ୍ ରିସାଏନେ ଆରେ ଆୟ୍‌ଲକୁଙ୍ଗ୍ ବିନାସ୍ କେଗିଙ୍ଗ୍ ଇସାକେନେ।

![](https://cdn.door43.org/obs/jpg/360px/obs-en-13-13.jpg)

ମାତର୍ ମସା ଆୟ୍‌ଲକୁଙ୍ଗ୍ ପାଇଟ୍ ପାର୍‌ତନା କେନଣ୍ତ୍, ଆରେ ମାପ୍‌ରୁ ଅଣ୍ତୁନେ ପାର୍‌ତନା ୱେଟେ ଆରେ ଆୟ୍‌ଲକୁଙ୍ଗ୍ ବିନସ୍‌ଟ କେୟୁଟେ। ମସା ଏସେବେଲ୍ କପେଟୁକ୍ ଇଡ୍‌ଗି ୱାନଣ୍ତ୍ ଆରେ ଆୟ୍ ମୁର୍‌ତିଙ୍ଗ୍ ସୁଡେଣ୍ତ୍, ଅଣ୍ତ୍ ପେରିନ୍ ରିସା ଏନଣ୍ତ୍ ଜେ ମାପ୍‌ରୁ ଏରେ କାଣ୍ତ୍‌ଟେ ପାଟାନ୍ ଦସ୍‌ଗଟା ଆଦେସ୍‌ଗିଲ୍ ଲେକାସି ମାଟଣ୍ଡ୍‌ ମସା ଆଦିଙ୍ଗ୍ କାରି ସୁନ୍ ସୁନା କେନଣ୍ତ୍।

![](https://cdn.door43.org/obs/jpg/360px/obs-en-13-14.jpg)

ଆମାଟୁକ୍ ମସା ଆୟ୍ ମୁର୍‌ତିଙ୍ଗ୍ କୁର୍‌କି ସୁନ୍ ସୁନା କେୟିକାରେଣ୍ତ୍, ଆରେ ଆୟ୍ ସନାଙ୍ଗ୍ ନିର୍‌ତିନ୍ କାରିସିନଣ୍ତ୍ ଆରେ ଲକ୍‌ଗୁଲୁଙ୍ଗ୍ ଆୟ୍ ନିର୍ ଉନୁଙ୍ଗ୍ ସିନଣ୍ତ୍। ମାପ୍‌ରୁ ଲକ୍‌ଗୁଲୁଙ୍ଗ୍ ପେଲ୍ ମଆମାରି ସୟ୍‌ତଣ୍ତ୍ ଆରେ ଆୟ୍ ମଆମାରିନା ପେଙ୍ଗୁର୍‌ତୁଲ୍‌ଲକ୍ ସାୟିସେୟର୍। ମସା ଏରେ ପର୍‌ତୁମ୍‌ଟେ କାଣ୍ତ୍ ପାଟାଙ୍ଗ୍ ପୁନ୍‌ସି ମାଟଣ୍ତ୍ ଆଦିନ୍ ବାଦୁଲ୍‌ନା ଅଣ୍ତ୍ ଉକୁଟ୍ ପୁନେଦ୍‌ଟେ କାଣ୍ତ୍‌ପାଟାନ୍ ଦସ୍‌ଗଟା ଆଦେସ୍‌ଗିଲ୍‌ ଲେକାତଣ୍ତ୍।

![](https://cdn.door43.org/obs/jpg/360px/obs-en-13-15.jpg)

ଆଦିନ୍ କୁଣ୍ତେଲ୍ ଅଣ୍ତ୍ ଆରେତରେକ୍ ଆୟ୍ କପେଲ୍ ଆନ୍‌ଜେଣ୍ତ୍ ଆରେ ମାପ୍‌ରୁନ୍ ପେଲ୍, ଲକ୍‌ଗୁଲୁଙ୍ଗ୍ କେମା ସିଗିଙ୍ଗ୍ ପାଇଟ୍ ପାର୍‌ତନା କେନଣ୍ତ୍, ମାପ୍‌ରୁ ମସାନେ ପାର୍‌ତନା ୱେଞ୍ଜି ଆୟ୍ ଲକୁଙ୍ଗ୍ କେମା ସିନଣ୍ତ୍। ମସା କପେଲ୍‌ଟୁକ୍ ପୁନେଦ୍‌ଟେ ଦସ୍‌ଗଟା କାଣ୍ଡ୍ ପାଟାନ୍ ଦସ୍‌ଗଟା ଆଦେସ୍‌ଗିଲ୍‌ନା ଇଡ୍‌ଗି ୱାନଣ୍ତ୍, ଆଦିନ୍ କୁଣ୍ତେଲ୍ ମାପ୍‌ରୁ ସିୟନ୍ କପେଲ୍‌ଟୁକ୍ ଜିଦ୍‌ଟେ ଦେସ୍ ଦିଗାଲ୍ ଇସ୍‌ରାଏଲ୍ ଲକ୍‌ଗୁଲୁଙ୍ଗ୍ କାଡାସି ଉନଣ୍ତ୍।

*ବାଇବଲ୍‌ଟେ ଉକୁଟ୍ କେରାଲା: ଜାତରା ୧୯-୩୪*

## 14. ୧୪- ଇସ୍‌ରାଏଲ୍‌ତିଲ୍ ମରୁବାସେନ୍ ମେୟ୍‌କଣ୍ଡି

https://openbiblestories.org/l/gdb/story-14/

![](https://cdn.door43.org/obs/jpg/360px/obs-en-14-01.jpg)

ମାପ୍‌ରୁ ଇସ୍‌ରାଏଲ୍‌ଲକ୍‌ନା ନିୟମ୍‌ଗୁଲ୍, ଅଣ୍ତ ଆୟଲକୁଙ୍ଗ୍ ଅଣ୍ତୁନାଟ୍ ଜିଦ୍‌ଟେ ଉକୁଟ୍ ବାଗ୍ ପାଲନ୍ କେଗିଙ୍ଗ୍ ଇସା କେଗିନଣ୍ତ୍, ପକ୍‌ଦାନ୍ ଦାପ୍‌ରେନ୍ ଆୟ୍‌ଲକ୍ ସିୟନ୍ କପେଲ୍‌ଟୁକ୍ ପେତର୍, ମାପ୍‌ରୁ ଆୟ୍‌ଲକୁଙ୍ଗ୍ ଜିଦ୍‌ଟେ ଦେସ୍ ଦିଗାଲ୍ କାଡାସି ଉଗୁଙ୍ଗ୍ ଆରାମ୍ କେନଣ୍ତ୍, ଏରେ ଦେସିଙ୍ଗ୍ କି କିନାନ୍ ଏଞ୍ଜି ପକୁନର୍। ମଗୁଲ୍ ଆୟ୍‌ଲକୁଙ୍ଗ୍ ଆଗାଡି ଆଗାଡି କିନାନ୍ ଦେସ୍ ଦିଗାଲ୍ ସେନିନେ ଆରେ ଆୟ୍‌ଲକ୍ ଆଦିନ୍ କୁଣ୍ତୁନ୍ କୁଣ୍ତୁନ୍ ସେନିନର୍।

![](https://cdn.door43.org/obs/jpg/360px/obs-en-14-02.jpg)

ମାପ୍‌ରୁ ଅବ୍‌ରାମୁଙ୍ଗ୍ ଆରେ ଇସାକିଙ୍ଗ୍, ଜାକୁବଙ୍ଗ୍ ଜିଦ୍‌ କେଇମାଟେ, ଅଣ୍ତ୍ ଜିଦ୍ କେୟଣ୍ତି ଦେସ୍ ଆୟ୍‌ଲକ୍‌ନେ କୁଲୁଙ୍ଗ୍ ସିଦାଣ୍ତ୍, ମାତର୍ ଆଟେଲ୍ ଆୟ୍‌ବାସେନ୍ ପେଙ୍ଗିଟ୍ ଲକ୍‌ଗୁଲ୍‌ନେ ଦଲ୍ ବାସେ ଏରିମାଟର୍। ଆୟ୍‌ଲକୁଙ୍ଗ୍ କିନାନିୟ ଏଞ୍ଜି ପକୁନର୍, କିନାନ୍‌ଟେ ଲକ୍ ମାପ୍‌ରୁଙ୍ଗ୍ ଉପାସନା କେୟାମାନର୍ କି ଆଦିନେ ଆଗିୟା ମାନ୍ ଏରାମାନର୍, ଆୟ୍‌ଲକ୍ ୱେନ୍ ୱେନ୍ଦିଲିଙ୍ଗ୍ ଉପାସନା କେଗିନର୍ ଆରେ ପେଙ୍ଗିଟ୍ ଉୟାଟେ କାମେଲ୍ କେଗିନର୍।

![](https://cdn.door43.org/obs/jpg/360px/obs-en-14-03.jpg)

ମାପ୍‌ରୁ ଇସ୍‌ରାଏଲ୍ ଲକୁଙ୍ଗ୍ ପକେଣ୍ତ୍, ଜିଦ୍‌ଟେ ଦେସ୍‌ତିନ୍ ଇମ୍‌ଗୁଲ୍ ପାଟିନ୍ କିଣାନିୟ ପେଲ୍‌ଟୁକ୍ ତ୍ରାହି ପାୟ୍‌ଏରିଙ୍ଗ୍ ଦର୍‌କାର୍। ଆୟ୍‌ଲକ୍‌ନା ସାନ୍ତି ଗଡାମେର୍ ଆରେ ଆୟ୍‌ଲକୁଙ୍ଗ୍ ଅଦୁର୍ ଏର୍‌ମେର୍। ଇମ୍‌ଗୁଲ୍ ଆୟ୍ ପାଟିନ୍ ଲକ୍‌ନେ ମୁର୍‌ତିଲିଙ୍ଗ୍ ପୁରାପୁରୁନ୍ ବିନସ୍‌ଟ କେୟୁର୍। ଜଦି ଇମ୍‌ଗୁଲ୍ ଆନେ ଆଦେସ୍ ମାନ୍‌ଏରାର୍, ଆନ୍ ବଦଲ୍‌ରେନ୍ ଇମ୍‌ଗୁଲ୍ ଆୟ୍‌ଲକ୍‌ନେ ତିୟାର୍ କେୟ୍‌ଣ୍ତି ମୁର୍‌ତିଲିଙ୍ଗ୍ ଉପାସନା କେମେର୍।

![](https://cdn.door43.org/obs/jpg/360px/obs-en-14-04.jpg)

ଇସ୍‌ରାଏଲ୍‌ତିଲ୍ ଏରେବେଲାଙ୍ଗ୍ କିଣାନିୟ ଲକୁଙ୍ଗ୍ ପେଲ୍ ଏଦେର୍, ଏରେବେଲାଙ୍ଗ୍ ମସା ପାଟିନ୍ ଜାତିଟେ ଉକୁର୍ ଉକୁର୍ କେୟି ବାର ପୁରୁସ ଲକୁଙ୍ଗ୍ ଆସ୍‌କେଣ୍ତ୍। ଅଣ୍ତ୍ ଲକୁଙ୍ଗ୍ ଆୟ୍ ଦେସ୍‌ତିନ୍ ସେଞ୍ଜି ଆଦ୍ ସୁଡୁଙ୍ଗ୍ ପାୟିଟ୍ ଏଟେନ୍ ଆଦ୍ ପାକିପାକି ସୁଡି ୱାରିଙ୍ଗ୍ ପାୟିଟ୍ ପକିମାଟଣ୍ତ୍। କିଣାନିୟତୁଲ୍ ପେରିନ୍ ସକ୍‌ତିଟେ ଲକ୍ ଏନ୍‌ଗଡ୍ ମେନ୍ ଆୟ୍ ଲକ୍ ପେରିନ୍ ଦୁର୍‌ବଲ୍‌ଟେ ଲକ୍ ମାଟର୍ ଆଦ୍ ମେନ୍ ନିୟା ସୁଡୁଙ୍ଗ୍ ପାୟିଟ୍ ଆୟ୍‌ଲକୁଙ୍ଗ୍ ପକିମାଟଣ୍ତ୍।

![](https://cdn.door43.org/obs/jpg/360px/obs-en-14-05.jpg)

ଆୟ୍ ବାରଲକ୍ କିଣାନ୍ ପାଟିନ୍ ଦିଗାଲ୍ ଚାଲିସ୍ ଦିନ୍ ଆରେଙ୍ଗ୍ ମେୟ୍‌କି ୱାନର୍। ଆୟ୍‌ଲକ୍ ଲକ୍‌ଗୁଲୁଙ୍ଗ୍ ପକେର୍ ଆୟ୍ ଦେସ୍ ପେରିନ୍ ନିୟାଟେ ଆରେ ଆମାନ୍ ପେରିନ୍ ପଲ୍ ମାଲ୍ ଏଦା ମାତର୍ ଆମାନ୍ ସୁଡିୱାଦାନ୍ ଲକୁଙ୍ଗ୍ ତାନିର୍‌ଟୁକ୍ ଦସ୍‌ଲକ୍ ପକେର୍ ଆମାଟେ ଗଡ୍‌ଗୁଲ୍ ପେରିନ୍ ବେର୍‌ବେର୍‌ଟେ ଆରେ ଆମାଟେ ଲକ୍‌ଗୁଲ୍ ପେରିନ୍ ଡେଙ୍ଗା ଡେଙ୍ଗାଟେ ଲକ୍। ଜଦି ଆମ୍ ଆୟ୍‌ଲକୁଙ୍ଗ୍ ଆଟ୍‌ଦାମ୍, ଆୟ୍‌ଲକ୍ ନିଚୟ୍ ଆମ୍‌ଗୁଲୁଙ୍ଗ୍ ଆରାସି କେରିନ୍ ଆମ୍‌ଗୁଲୁଙ୍ଗ୍ ୱାଟ୍‌ତେନ୍ ଆଟ୍‌ତାର୍।

![](https://cdn.door43.org/obs/jpg/360px/obs-en-14-06.jpg)

ଆମାଟୁକ୍ ଆୟ୍ ଇରୁଲ୍ ଗୁପ୍‌ତ ସର୍‌କୁଲ୍ କାଲେବ୍ ଆରେ ଜିୟସୁୟ ପକେର୍, ଇଦ୍ ସତ୍ ଜେ କିନାନ୍‌ଟେ ଲକ୍‌ଗୁଲ୍ ପେରିନ୍ ଡେଙ୍ଗ୍ ଆରେ ସକ୍‌ତିଟେ ଲକ୍, ମାତର୍ ଆମ୍ ଆୟ୍‌ଲକୁଙ୍ଗ୍ ନିସୟ୍ ଆରାତାମ୍, ମାପ୍‌ରୁ ଆମ୍‌ଗୁଲ୍ ପାଙ୍ଗିଟ୍ ଏରି ଜୁଦ୍ କେଦା।

![](https://cdn.door43.org/obs/jpg/360px/obs-en-14-07.jpg)

ମାତର୍ ଲକ୍‌ଗୁଲ୍ କାଲେବ୍ ଆରେ ଜିୟସୁୟଙ୍ଗ୍ ପାଟେ ୱେନୁଟର୍। ଆୟ୍‌ଲକ୍ ମସାଙ୍ଗ୍ ଆରେ ଆରନୁଙ୍ଗ୍ ପେଲ୍ ପେରିନ୍ ରିସାଏରି ପକେର୍ ଇମ୍ ଏନାଦିଙ୍ଗ୍ ଆମ୍‌ଗୁଲୁଙ୍ଗ୍ ଇୱାଡିଟେ ବୟକାର୍‌ଟେ ବାସେନ୍ ଇନ୍ଦିରିମାର୍? ଆମ୍ ଜୁଦ୍ ବାସେନ୍ ସାଦାନ୍ ପେଲ୍‌ଟୁକ୍ ମିସର୍‌ତୁନ୍ ମାନ୍‌ଗଡ୍ ବଲ୍ ମାଟେମେନ୍ ଆରେ ଆମ୍‌ଗୁଲ୍‌ନେ ଆୟାସିଲ୍ ଆରେ ସିଣ୍ତିଲ୍ ମାସିଲ୍ ଦାସି ଏରିମାଟର୍‌ମେନ୍। ଲକ୍‌ଗୁଲ୍ ଆୟ୍‌ଲକୁଙ୍ଗ୍ ପାଇଟ୍ ୱେନ୍ ଉକୁର୍ ଲକୁଙ୍ଗ୍ ନେତା ଆସ୍‌କିଙ୍ଗ୍ ଇସା କେନର୍ ଏଟେନ୍‌କି ଆରେତରେକ୍ ମିସର୍‌ତୁନ୍ ଉଗୁଙ୍ଗ୍ ଅଡ୍‌ତାଣ୍ତ୍।

![](https://cdn.door43.org/obs/jpg/360px/obs-en-14-08.jpg)

ମାପ୍‌ରୁ ପେରିନ୍ ରିସାଏନେ ଆରେ ସମାଗମ ତମ୍ବୁନ୍ ୱାନେ, ମାପ୍‌ରୁ ପକେଣ୍ତ୍ ଇମ୍‌ଗୁଲ୍ ଆନ୍ ବିରଦ୍‌ନା ଉୟାଟେ ପାର୍‌କିମାର୍, ଆଦିଙ୍ଗ୍ ପାଇଟ୍ ପାଟିନ୍‌ଲକ୍‌ଗୁଲ୍ ମରୁବାସେନ୍ ପାୱ୍ ବାନାଏଦାନ୍ ୱାଡିନ୍ ମେଇକ୍‌ଦାର୍। ଜିୟସୁୟ ଆରେ କାଲେବ୍‌ବୁଙ୍ଗ୍ ସାକାରି ପାଟିନ୍‌ଲକ୍ କଡେ ବାରିସ୍‌ଟୁକ୍ ପୟିତାଟେଲକ୍ ପାଟିନ୍ ଆମାନ୍ ସାଦାର୍ ଆରେ ଆୟ୍‌ଲକ୍ ଜିଦ୍‌ଟେ ଦେସ୍‌ତିନ୍ ନାନିଙ୍ଗ୍ ଅଡାର୍।

![](https://cdn.door43.org/obs/jpg/360px/obs-en-14-09.jpg)

ଲକ୍‌ଗୁଲ୍ ଆଟେଲ୍ ଇଦ୍ ୱେଟର୍, ଆଟେଲ୍ ଆୟ୍‌ଲକ୍ ପାପ୍ କେଇମାର୍ ଆଦିଙ୍ଗ୍ ପାଇଟ୍ ଦୁକ୍ କେନର୍, ଆୟ୍‌ଲକ୍ ନିଜେଟେ କାଣ୍ତାଲ୍ ପାତି କିନାନ୍‌ତିନ୍ ମାନ୍ ଲକ୍‌ଗୁଲୁଙ୍ଗ୍ ଆଟିଙ୍ଗ୍ ପାଇଟ୍ ପେତର୍। ମସା ଆୟ୍‌ଲକୁଙ୍ଗ୍ ସେନିଙ୍ଗ୍ ମାନା ପାଇର୍ ମାନା କେନଣ୍ତ୍ ମାତର୍ ମାପ୍‌ରୁ ଆୟ୍‌ଲକ୍‌ନା ମାନାମାଟେ, ମାତର୍ ଆୟ୍‌ଲକ୍ ଅଣ୍ତୁନେ ପାଟେଙ୍ଗ୍ ୱେନୁଟର୍।

![](https://cdn.door43.org/obs/jpg/360px/obs-en-14-10.jpg)

ମାପ୍‌ରୁ ଆୟ୍ ଜୁଦ୍ ବାସେନ୍ ଆୟ୍‌ଲକ୍‌ନା ସେନୁଟେ, ଆଦିଙ୍ଗ୍ ଆୟ୍‌ଲକ୍‌ଗୁଲ୍ ଆର୍‌ଏନର୍ ଆରେ ଆୟ୍‌ଲକୁଙ୍ଗ ପେଲ୍‌ଟୁକ୍ ଏଙ୍ଗୁର୍‌ତୁଲ୍ ବିନାସ୍ ଏନର୍, ଆମାଟୁକ୍ ଇସ୍‌ରାଏଲ୍ ଲକ୍ କିନାନ୍‌ଟୁକ୍ ମାଣ୍ତି ମରୁବାସେନ୍ ସାଲିସ୍ ବାରିସ୍ ଆରେକ୍ ମେୟ୍‌କେର୍।

![](https://cdn.door43.org/obs/jpg/360px/obs-en-14-11.jpg)

ଇସ୍‌ରାଏଲ୍‌ଟେ ଲକ୍‌ଗୁଲ୍ ମରୁବାସେନ୍ ମେଇକ୍‌ଦାନ୍ ସାଲିସ୍ ବାରିସ୍ ମାପ୍‌ରୁ ଆୟ୍‌ଲକୁଙ୍ଗ୍ ପାଟିନ୍ ବିସୟ୍ ଜାଗାସି ସିନେ, ମାନା ପିଦିର୍‌ଟେ ସର୍‌ଗେଟେ କାଦି ସିନେ, ଆରେ ଆୟ୍‌ଲକ୍ ବାସେଏରଣ୍ତି ବାସେନ୍ ଗାଦି ଗାଦି ତୁମେ ତିତେଲ୍ ସୟ୍‌ତେ, ଏଟେନ୍ କି ଆୟ୍‌ଲକୁଙ୍ଗ୍ ପାଇଟ୍ ସେପୁଲ୍ ତିନିଙ୍ଗ୍ ଅଡ୍‌ତାର୍, ଇ ବେଲେନ୍ ମାପ୍‌ରୁ ଆୟ୍‌ଲକୁଙ୍ଗ୍ ନୁଡୁଙ୍ଗ୍ ବସ୍‌ତର୍ ଆରେ ପାଦ୍‌ଟେ ପଣ୍ତୟ୍‌ଗୁଲ୍ ଜିର୍‌ଏରିଙ୍ଗ୍ ସିୟୁଟଣ୍ତ୍।

![](https://cdn.door43.org/obs/jpg/360px/obs-en-14-12.jpg)

ମାପ୍‌ରୁ ଇ ୱାଡିନ୍ କାବା କାମେନା କାଣ୍ତ୍‌ଟୁକ୍ ଆୟ୍‌ଲକୁଙ୍ଗ୍ ପାଇଟ୍ ନିର୍ ସିନଣ୍ତ୍। ମାତର୍ ଇ ପାଟିନ୍ କାମେ ସୁଡି ଇସ୍‌ରାଏଲ୍‌ଟେ ଲକ୍‌ଗୁଲ୍ ମାପ୍‌ରୁଙ୍ଗ୍ ଆରେ ମସାଙ୍ଗ୍ ବିରଦ୍‌ନା ମନେନ୍ ମନେନ୍ ଉଡାତର୍, ଇ ୱାଡିନ୍ ଏତାଲିନ୍‌ମେନ୍ ମାପ୍‌ରୁ ଅବ୍‌ରାମ୍, ଇସାକ୍ ଆରେ ଜାକୁବଙ୍ଗ୍ ନାଟ୍ କେୟଣ୍ତି ଜିଦିଙ୍ଗ୍ ସପଲ୍ କେନଣ୍ତ୍।

![](https://cdn.door43.org/obs/jpg/360px/obs-en-14-13.jpg)

ଆୟ୍‌ବେଲ୍ ଲକ୍‌ଗୁଲୁଙ୍ଗ୍ ନିର୍ ତଣ୍ତୁଟେ, ମାପ୍‌ରୁ ମସାଙ୍ଗ୍ ପକେଟେ ଆୟ୍‌କାଣ୍ତିଙ୍ଗ୍ ପକ୍ ଆଟେଲ୍ ନିର୍‌ପେତା, ମାତର୍ ମସା କାଣ୍ତିଙ୍ଗ୍ ପାଟେ ବାଦୁଲ୍‌ନା ଦୁଇତର୍ କାନ୍‌ୱେନା ଆଟ୍‌ତାଲିନ୍ ପାଟିନ୍ ଲକୁଙ୍ଗ୍ କାକେଲ୍ ମାପ୍‌ରୁଙ୍ଗ୍ ଅସନ୍‌ମାନ୍ କେନଣ୍ତ୍, ପାଟିନ୍ ଲକ୍ ଏରେୱାଡିନ୍ ନିର୍ ଉନୁଙ୍ଗ୍ ଅଡ୍‌ତାର୍ ଆୟ୍‌ୱାଡିନ୍ ନିର୍‌ପେସି ୱାନେ, ମାତର୍ ମସାଙ୍ଗ୍ ପୟିତାନ୍ ମାପ୍‌ରୁ ରିସା ଏରିମାଟେ ଆରେ ଆଦ୍ ପକେଟେ ଜିଦ୍‌ଟେ ଦେସ୍‌ତିନ୍ ନାନିଙ୍ଗ୍ ଅଡାଟ୍।

![](https://cdn.door43.org/obs/jpg/360px/obs-en-14-14.jpg)

ଇସ୍‌ରାଏଲ୍ ଲକ୍ ସାଲିସ୍ ବାରିସ୍ ମରୁବାସେନ୍ ମେଇକ୍‌ଦାନ୍ କୁଣ୍ତେଲ୍, ମାପ୍‌ରୁଙ୍ଗ୍ ବିରଦ୍‌ନା ଉୟାଟେ ପାଟେଲ୍ ପକିମାଟର୍, ଆୟ୍‌ପାଟିନ୍ ଲକ୍ ସାନର୍, ଆରେ ମାପ୍‌ରୁ ଆରେତରେକ୍ ପର୍‌ତିଗିୟା ଦେସ୍‌ଟେ ମରୁବାସେନ୍ ଆୟ୍‌ଲକୁଙ୍ଗ୍ ପାତି ସେଞ୍ଜିମାଟଣ୍ତ୍, ମସା ପେରିନ୍ ମୁତାକ୍ ଏରିସେଞ୍ଜି ମାଟଣ୍ତ୍, ଆଦିଙ୍ଗ୍ ଲକ୍‌ଗୁଲୁଙ୍ଗ୍ ପାୱ୍ କାଡାକିଙ୍ଗ୍ ପାଇଟ୍ ଅଣ୍ତୁଙ୍ଗ୍ ସାୟ୍‌ଜ କେଗିଙ୍ଗ୍ ପାଇଟ୍ ଅଣ୍ତ୍ ଜିୟସୁୟଙ୍ଗ୍ ଆସ୍‌କେଣ୍ତ୍, ମାପ୍‌ରୁ ମସାଙ୍ଗ୍ ଆରେକୁଟ୍ ପର୍‌ତିଗିୟା କେନଣ୍ତ୍, ଅଣ୍ତ୍ ମାସାନ୍‌ ୱାଡିନ୍ ଆରେକୁର୍ ବାବବାଦିଙ୍ଗ୍ ସୟତାଣ୍ତ୍।

![](https://cdn.door43.org/obs/jpg/360px/obs-en-14-15.jpg)

ଆମାଟୁକ୍ ମସାଙ୍ଗ୍ ମାପ୍‌ରୁ ଉକୁଟ୍ କପେଲ୍ ପୟିତାନ୍ ସକୁଙ୍ଗ୍ ପକେଣ୍ତ୍, ଏଟେନ୍ କି ଅଣ୍ତ୍ ଆମାଟୁକ୍ ପର୍‌ତିଗିୟା କେୟଣ୍ତି ଦେସ୍‌ସୁଡୁଙ୍ଗ୍ ଅଡ୍‌ତାଣ୍ତ୍। ମସା ପର୍‌ତିଗିୟା ଦେସ୍ ସୁଡୁଙ୍ଗ୍, ମାତର୍ ଅଣ୍ତ୍ ଆମାନ୍ ନାନିଙ୍ଗ୍ ମାପ୍‌ରୁ ଅନୁମତି ସିୟୁଟେ, ଆମାନ୍ ମସା ସାନଣ୍ତ୍, ଆରେ ଇସ୍‌ରାଏଲ୍ ଲକ୍ ତିରିସ୍ ଦିନ୍ ଅଣ୍ତୁଙ୍ଗ୍ ପାଇଟ୍ ଆଡେର୍, ଜିଅସୁୟ ଆୟ୍‌ଲକ୍‌ନେ ପୁନେଦ୍‌ଟେ ନେତା ଏନଣ୍ତ୍, ଜିଅସୁୟ ଉକୁର୍ ନିୟାଟେ ନେତା ମାଟଣ୍ତ୍, ମାତର୍ ଅଣ୍ତ୍ ମାପ୍‌ରୁନ୍ ପେଲ୍ ଆସା ଇରିନଣ୍ତ୍ ଆରେ ଅଣ୍ତୁନେ ଆଦେସ୍ ମାନ୍‌ଏରିନଣ୍ତ୍।

*ବାଇବଲ୍‌ଟେ ଉକୁଟ୍ କେରାଲା: ଜାତରା ୧୬-୧୭; ଗନନା ୧୦-୧୪; ୨୦; ୨୭; ଦୁତିୟ ବିବରନି ୩୪*

## 15. ୧୫- ଜିଦ୍‌ଟେ ଦେସ୍ କିନାନ୍‌

https://openbiblestories.org/l/gdb/story-15/

![](https://cdn.door43.org/obs/jpg/360px/obs-en-15-01.jpg)

ଆମାଟୁକ୍ ଜିଦ୍‌ଟେ ଦେସ୍ କିନାନ୍‌ତିନ୍ ଇସ୍‌ରାଏଲ୍‌ଟେ ଲକ୍‌ଗୁଲ୍ ନାନିଙ୍ଗ୍ ଉକୁଟ୍ ବେଲାମାଟେ, ବେର୍‌ଟେ ପାସିରି ଡେୱାଟେ କିନାନ୍‌ଟେ ଗଡ୍ ଜିରିଅଙ୍ଗ୍ ସୁଡି ୱାରିଙ୍ଗ୍ ପାଇଟ୍ ଜିଅସୁୟ ଇରୁଲ୍ ଗୁପ୍‌ତ ସର୍‌କୁଲୁଙ୍ଗ୍ ସୟତଣ୍ତ୍, ଆୟ୍‌ଗଡ୍‌ତୁନ୍ ରାଆବ୍ ପିଦିର୍‌ଟେ ଅକାଲ୍ ବେସିୟା ଆସ୍‌ମାଲ୍ ମାଟେ, ଆଦ୍ ଆୟ୍ ଗୁପ୍‌ତ ସର୍‌କୁଲୁଙ୍ଗ୍ ପାକୁସି ଆୟ୍‌ଲକୁଙ୍ଗ୍ ୱେନ୍ ପାଙ୍ଗିଟ୍ ସେନିଙ୍ଗ୍ ପାଇଟ୍ ସାୟ୍‌ଜ କେନେ। ଆଦ୍ ଇ ୱାଡିନ୍ କେନେ, ମାତର୍ ମାପ୍‌ରୁନ୍ ପେଲ୍ ବିସ୍‌ବାସ୍ କେନେ, ଆୟ୍‌ଲକ୍ ଏଟେନ୍ ରାଆବୁଙ୍ଗ୍ ଆରେ ଆଦିନେ ପରିବାରିଙ୍ଗ୍ ସୁରକିୟା କେଦାର୍। ଇସ୍‌ରାଏଲ୍ ଲକ୍ ଏରେବେଲ୍ ଜିରିୟଙ୍ଗ୍ ବିନସ୍‌ଟ କେଗିଙ୍ଗ୍ ଏଞ୍ଜି ଜିଦ୍‌ କେନର୍।

![](https://cdn.door43.org/obs/jpg/360px/obs-en-15-02.jpg)

ଇସ୍‌ରାଏଲ୍ ଲକ୍ ଜିଦ୍‌ଟେ ଦେସ୍‌ତିନ୍ ସେନିଙ୍ଗ୍ ପାୟିଟ୍ ଜର୍‌ଦନ୍ ପେରେଟ୍ କାରିକିଙ୍ଗ୍ ପାରେଟେ। ମାପ୍‌ରୁ ଜିଅସିୟ୍‌ଙ୍ଗ୍ ପକେଣ୍ତ୍ ଯାଜକ୍‌ତୁଲ୍ ପର୍‌ତୁମ୍ ସେନ୍‌କାର୍। ଯାଜକ୍‌ତୁଲ୍ ଏରେବେଲ୍ ଜର୍‌ଦନ୍ ପେରେଟ୍‌ତିନ୍ ସେନିଙ୍ଗ୍ ଆରାମ୍ କେନର୍, ଆୟ୍‌ବେଲେନ୍ ପୟ୍‌ତାନ୍ ମାନଣ୍ତି ନିର୍ ୱାରିଙ୍ଗ୍ ବନ୍ଦ୍ ଏନେ ଏଟେନ୍‌କି ଇସ୍‌ରାଏଲ୍‌ତିଲ୍ ୱାଟଣ୍ଡି ବାସେନ୍ ତାକିତାକି ଜର୍‌ଦନ୍ ପେରେଟ୍ କାର୍‌ତାର୍।

![](https://cdn.door43.org/obs/jpg/360px/obs-en-15-03.jpg)

ଲକ୍‌ଗୁଲ୍ ଯର୍‌ଦନ୍ ପେରେଟ୍ କାର୍‌ତାନ୍ କୁଣ୍ତେଲ୍, ସକ୍‌ତିସାଲି ଗଡ୍ ଯିରିୟଙ୍ଗ୍ ଏଟେନ୍ ଆଟିଙ୍ଗ୍ ଏଦା ଆଦ୍ ମାପ୍‌ରୁ ଯିହସିୟଙ୍ଗ୍ ପକିମାଟଣ୍ତ୍। ଲକ୍‌ଗୁଲ୍ ମାପ୍‌ରୁନେ ଆଦେସ୍ ମାନ୍‌ଏନର୍। ମାପ୍‌ରୁ ଏଟେନ୍ ପକିମାଟଣ୍ତ୍, ଆପାଡି ସନିୟ୍‌ତୁଲ୍ ଆରେ ଯାଜକ୍‌ତୁଲ୍ ଦିନିଙ୍ଗ୍ ତରେକ୍‌ ଇ ୱାଡିନ୍ ସଅ ଦିନ୍ ଯିରିୟ ଗଡ୍ ଚାରିବେଡ୍‌ତେନ୍ ମେୟ୍‌କେର୍।

![](https://cdn.door43.org/obs/jpg/360px/obs-en-15-04.jpg)

ଆଦିଙ୍ଗ୍ କୁଣ୍ତେଲ୍ ସାତ୍ ଦିନ୍ ସିରିସ୍, ଇସ୍‌ରାଏଲ୍‌ତିଲ୍ ସାତ୍ ତର୍ ମେୟ୍‌କେର୍। ଏସେବେଲ୍ ଆୟ୍‌ଲକ୍ ଗଡ୍ ଚାରିବେଡ୍‌ତେନ୍ ଶେସ୍‌ତର୍ ପାୟିଟ୍ ମେୟ୍‌କେର୍, ଆୟ୍‌ବେଲ୍ ସନିୟତୁଲ୍ ଜୟ୍‌ଟେ ଆୱ୍‌ଲି କେନର୍ ଆରେ ଯାଜକ୍‌ତୁଲ୍ ବାକା ଉନ୍ଦେର୍।

![](https://cdn.door43.org/obs/jpg/360px/obs-en-15-05.jpg)

ଆଟେଲ୍ ଜିରିୟଟେ ପାସ୍‌ରି ମେଲ୍‌ଗି ବାସ୍‌ଲା ଏରି ଇଲେଟେ, ମାପ୍‌ରୁନେ ଆଦେସ୍ ଅନୁସାରେନ୍ ଇସ୍‌ରାଏଲ୍ ଲକ୍‌ଗୁଲ୍ ଗଡ୍‌ଟେ ପାଟିନ୍ ଦିନ୍‌ସୁଲ୍ ବିନସ୍‌ଟ କେନର୍। ଆୟ୍‌ଲକ୍ ମାତର୍ ରାଆବ୍ ଆରେ ଆଦିନେ ପରିବାରିଙ୍ଗ୍ ରକିୟା କେନର୍, ଆୟ୍‌ଲକ୍ ଇସ୍‌ରାଏଲ୍‌ତିନ୍ ମିସ୍‌ଏନର୍। କିନାନ୍‌ତିନ୍ ମାନ୍ ୱେନ୍‌ଲକ୍‌ଗୁଲ୍ ଇ ପାଟେ ୱେଟର୍ ଇସ୍‌ରାଏଲ୍‌ଲକ୍‌ଗୁଲ୍ ଜିରିୟଙ୍ଗ୍ ବିନାସ୍ କେଇମାର୍, ଆୟ୍‌ଲକ୍ ନାର୍‌ସିସେୟର୍ ଜେ ଇସ୍‌ରାଏଲ୍‌ଲକ୍ ଆୟ୍‌ଲକୁଙ୍ଗ୍‌ମେନ୍ ବିନାସ୍‌କେଦାର୍।

![](https://cdn.door43.org/obs/jpg/360px/obs-en-15-06.jpg)

କିନାନ୍‌ଟେ ଏରେମେନ୍ ଲକ୍‌ଦଲ୍ ନା ମିସ୍‌ଏରିଙ୍ଗ୍ ମାନା ପାୟିଟ୍ ମାପ୍‌ରୁ ଇସ୍‌ରାଏଲ୍ ଲକୁଙ୍ଗ୍ ଆଦେସ୍ ସିୟିମାଟଣ୍ତ୍। ମାତର୍ ଗିବିୟନ୍ ପିଦିର୍‌ଟଣ୍ତ୍ ଉକୁର୍ କିନାନିୟ ଲକ୍‌ଦଲ୍ ଜିହସିୟଙ୍ଗ୍ ମିଚ୍ ପକେର୍ ଜେ ଆୟ୍‌ଲକ୍ କିନାନ୍‌ଟେ ପେରାଦୁରିନ୍ ମାନଣ୍ତି ବାସେଟୁକ୍ ୱାରିମାୟାର୍। ଆୟ୍‌ଲକ୍ ଜିହସିୟଙ୍ଗ୍ ଆୟ୍‌ଲକ୍ ନାଟ୍ ସାନ୍‌ତିନା ମାନିଙ୍ଗ୍ ପକେର୍।

![](https://cdn.door43.org/obs/jpg/360px/obs-en-15-07.jpg)

ଗିବିୟନ୍‌ତୁଲ୍ ଏରେମାଟୁକ୍ ୱାରିମାଟର୍ ଆଦ୍ ଜିହସିୟ ଆରେ ଇସ୍‌ରାଏଲ୍‌ତିଲ୍ ମାପ୍‌ରୁଙ୍ଗ୍ ପାଚାର୍ ପୁଟର୍। ଆଦିଙ୍ଗ୍ ଜିହସିୟ ଆୟ୍‌ଲକ୍ ନା ସାନ୍‌ତି କେନଣ୍ତ୍। ଗିବିୟନ୍‌ଟେ ଲକ୍ ଆମୁଙ୍ଗ୍ ନାଡାସି ମାର୍ ଏଞ୍ଜି ଏସେବେଲ୍ ପୁଟର୍ ଆଟେଲ୍ ଆୟ୍‌ଲକ୍ ରିସା ଏନର୍, ମାତର୍ ଆୟ୍‌ଲକ୍ ଆୟ୍‌ଲକ୍ ନା କେୟଣ୍ତି ସାନ୍‌ତିଟେ ନିୟମ୍ ରକିୟା କେୟିମାଟର୍ ଏନାଦିଙ୍ଗ୍ କି ଇଦ୍ ମାପ୍‌ରୁନେ ଆଦେସ୍ ମାଟେ। କାଣ୍ତେକ୍ ବେଲା କୁଣ୍ତେଲ୍, କିନାନ୍‌ତିନ୍ ମାନଣ୍ତି ଅମରିୟ ପିଦିର୍‌ଟେ ୱେନ୍ ଉକୁଟ୍ ଲକ୍‌ଦଲ୍‌ଟେ ରାଜାତିଲ୍ ୱେନିଙ୍ଗ୍ ଅଡ୍‌ତର୍ ଜେ ଆୟ୍‌ଲକ୍ ଇସ୍‌ରାଏଲ୍ ଲକ୍ ନା ସାନ୍‌ତିଟେ ନିୟମ୍ କେୟି ମାୟାର୍, ଆଦିଙ୍ଗ୍ ଆୟ୍‌ଲକ୍ ଆୟ୍‌ଲକ୍‌ନେ ସନିୟ୍‌ଦଲୁଙ୍ଗ୍ ରୁଣ୍ତାସି କେରିନ୍ ବେର୍‌ଟେ ଦଲ୍ କେନର୍ ଆରେ ଗିବିୟନୁଙ୍ଗ୍ ଆଟେର୍। ଗିବିୟନ୍‌ଟେ ଲକ୍ ଜିହସିୟଙ୍ଗ୍ କାକେଲ୍ ସାହିଜ ପାୟିଟ୍ ଉକୁଟ୍ କାବୁର୍ ପକି ସୟ୍‌ତର୍।

![](https://cdn.door43.org/obs/jpg/360px/obs-en-15-08.jpg)

ଆଦିଙ୍ଗ୍ ଜିହସିୟ ଇସ୍‌ରାଏଲ୍‌ଟେ ସନିୟଦଲୁଙ୍ଗ୍ ଉକୁଟ୍ ପେଲ୍ କେନଣ୍ତ୍ ଗିବିୟନ୍‌ଲକୁଙ୍ଗ୍ ଆର୍‌ସେଲ୍ ଏଦିଙ୍ଗ୍ ପାୟିଟ୍ ସାରା ରାତି ତାକେର୍। ଆଡ୍‌ତଲି ଆୟ୍‌ଲକ୍ ଅମରିୟ ସନିୟଦଲୁଙ୍ଗ୍ କାବା କେୟି ଆୟ୍‌ଲକୁଙ୍ଗ୍ ଆଟେର୍।

![](https://cdn.door43.org/obs/jpg/360px/obs-en-15-09.jpg)

ମାପ୍‌ରୁ ଆୟ୍‌ସିରିସ୍ ଇସ୍‌ରାଏଲ୍‌ଲକୁଙ୍ଗ୍ ପାୟିଟ୍ ଜୁଦ୍ କେନଣ୍ତ୍। ଅଣ୍ତ୍ ଅମରିୟ ସନିୟଦଲୁଙ୍ଗ୍ କାବା କେୟି କେରିନ୍ ଆଦିର୍ କାଣ୍ତ୍‌କିଲ୍ ସୟ୍‌ତଣ୍ତ୍ ଇଦ୍ ପେଙ୍ଗୁର୍‌ତୁଲୁଙ୍ଗ୍ ଅମରିୟ ଲକ୍‌ନେ ଜିୱେଙ୍ଗ୍ ଉନେୱେ୍।

![](https://cdn.door43.org/obs/jpg/360px/obs-en-15-10.jpg)

ମାପ୍‌ରୁ ମଗୁଲ୍‌ଟେ ୱେଲେଙ୍ଗ୍ ଉକୁଟ୍ ପେଲ୍ ଅଟ୍‌କାସି ଇରେଣ୍ତ୍ ଏଟେନ୍ କି ଇସ୍‌ରାଏଲ୍ ଲକ୍ ପେରିନ୍ ବେଲା ଆରେକ୍ ଅମରିୟ ଲକୁଙ୍ଗ୍ ଆଟିଙ୍ଗ୍ ଅଡ୍‌ତାର୍। ଆୟ୍‌ସିରିସ୍ ମାପ୍‌ରୁ ଇସ୍‌ରାଏଲ୍ ପାୟିଟ୍ ବେର୍‌ଟେ ବିଜୟ ପାୟ୍‌ଏନଣ୍ତ୍।

![](https://cdn.door43.org/obs/jpg/360px/obs-en-15-11.jpg)

ମାପ୍‌ରୁ ଇ ପାଟିନ୍ ସନିୟଦଲୁଙ୍ଗ୍ ଆରାସି ପଲ୍‌ଦାନ୍ କୁଣ୍ତେଲ୍, ଆରେମେନ୍ ପେଙ୍ଗିଟ୍ କିନାନ୍‌ଟେ ଲକ୍‌ଦଲ୍ ଇସ୍‌ରାଏଲ୍ ଲକୁଙ୍ଗ୍ ଆଟିଙ୍ଗ୍ ପାୟିଟ୍ ଉକୁଟ୍ ପେଲ୍ ଏନର୍। ଜିହସିୟ ଆରେ ଇସ୍‌ରାଏଲ୍ ଲକ୍ ଆୟ୍‌ଲକୁଙ୍ଗ୍ ଆଟେର୍ ଆରେ ବିନସ୍‌ଟ କେନର୍।

![](https://cdn.door43.org/obs/jpg/360px/obs-en-15-12.jpg)

ଇ ଜୁଦ୍ କୁଣ୍ତେଲ୍, ମାପ୍‌ରୁ ଇସ୍‌ରାଏଲ୍‌ଟେ ପାଟିନ୍ ଗସ୍‌ଟିଙ୍ଗ୍ ଜିଦ୍‌ଟେ ଦେସ୍‌ତିନ୍ ନିଜେ ନିଜେଟେ ବାଗ୍ ଅନୁସାରେନ୍ ଆୟ୍‌ଲକୁଙ୍ଗ୍ ସିନଣ୍ତ୍। ଇଦିଙ୍ଗ୍ କୁଣ୍ତେଲ୍ ମାପ୍‌ରୁ ଇସ୍‌ରାଏଲ୍‌ଟେ ସାନ୍ଦି ଆରେସେଲ୍ ମାନଣ୍ତି ପାଟିନ୍ ଦେସ୍‌ତିନ୍ ସାନ୍‌ତି ସିନଣ୍ତ୍।

![](https://cdn.door43.org/obs/jpg/360px/obs-en-15-13.jpg)

ଜିହସିୟ ଏରେବେଲ୍ ମୁତାକ୍ ଏନଣ୍ତ୍, ଅଣ୍ତ୍ ଇସ୍‌ରାଏଲ୍‌ଟେ ପାଟିନ୍ ଲକୁଙ୍ଗ୍ ଉକୁଟ୍ ପେଲ୍ ଅର୍‌ଗେଣ୍ତ୍। ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଇସ୍‌ରାଏଲ୍ ଲକ୍‌ନା ସିନୟ୍ କପେଲ୍ ଏରେ ନିୟମ୍ କେୟିମାଟଣ୍ତ୍ ଆୟ୍ ନିୟମ୍ ଆୟ୍‌ଲକୁଙ୍ଗ୍ ବାଦିୟତା ମାନ୍‌ଏରିଙ୍ଗ୍ ପାୟିଟ୍ ଆୟ୍‌ଲକୁଙ୍ଗ୍ ଏତାସି ସିନଣ୍ତ୍। ଲକ୍‌ଗୁଲ୍ ମାପ୍‌ରୁଙ୍ଗ୍ ପେଲ୍ ବିସ୍‌ବାସ୍‌ରେନ୍ ମାନିଙ୍ଗ୍ ଆରେ ନିୟମ୍‌ଗୁଲୁଙ୍ଗ୍ ପାଲନ୍ କେଗିଙ୍ଗ୍ ପାୟିଟ୍ ଆଦେସ୍ ସିନଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍: ଜିଅସୁୟ ୧-୨୪*

## 16. ୧୬- ଇସ୍‌ରାଏଲିଙ୍ଗ୍ ଉଦାର୍ କେଦାନ୍ ଲକ୍

https://openbiblestories.org/l/gdb/story-16/

![](https://cdn.door43.org/obs/jpg/360px/obs-en-16-01.jpg)

ଜିଅସୁୟ ସାଦାନ୍ କୁଣ୍ତେଲ୍, ଇସ୍‌ରାଏଲ୍‌ଲକ୍‌ଗୁଲ୍ ମାପ୍‌ରୁଙ୍ଗ୍ ବାନାଏରି ସେୟର୍ ଆରେ ଆୟ୍‌ଲକ୍ ବାକି କିନାନ୍‌ଲକୁଙ୍ଗ୍ ସାର୍‌ପୁଟର୍ କି ମାପ୍‌ରୁନେ ବେବସ୍‌ତାଙ୍ଗ୍ ପାଲନ୍ କେୟୁଟର୍। ଇସ୍‌ରାଏଲ୍ ଲକ୍ ସତ୍‌ମାପ୍‌ରୁଙ୍ଗ୍ ଉପାସନା କେଗିଙ୍ଗ୍ ସାକାରି କିନାନ୍‌ଟେ ୱେନ୍ଦିସିଲିଙ୍ଗ୍ ଉପାସନା କେଗିଙ୍ଗ୍ ଉଣ୍ତେର୍। ଇସ୍‌ରାଏଲ୍ ଲକ୍‌ନେ ଏନାମେନ୍ ରାଜା ମାନୁଟଣ୍ତ୍, ଆଦିଙ୍ଗ୍ ପାଟିନ୍‌ଲକ୍ ଆୟ୍ ଲକ୍‌ନେ କାନୁଲ୍‌ତୁନ୍ ଏନାଦ୍ ନିୟା ତଣ୍ତେଟେ ଆଦ୍ ଆୟ୍‌ଲକ୍ କେନର୍।

![](https://cdn.door43.org/obs/jpg/360px/obs-en-16-02.jpg)

ଆମାଟୁକ୍ ଇସ୍‌ରାଏଲ୍ ଲକ୍ ମାପ୍‌ରୁଙ୍ଗ୍ ସାକାରି ତାକିଙ୍ଗ୍ ଉଣ୍ତେର୍, ଆଦିଙ୍ଗ୍ ମାପ୍‌ରୁ ସତ୍‌ରୁକିଲିଙ୍ଗ୍ ଆନୁମତି ସିତାଲିନ୍ ଆୟ୍‌ଲକୁଙ୍ଗ୍ ଆରାସି ପେରିନ୍ ଦଣ୍ତ୍ ସିନର୍। ଆୟ୍ ସତ୍‌ରୁକୁଲ୍ ଇସ୍‌ରାଏଲ୍ ଲକ୍‌ନେ ପେଙ୍ଗିଟ୍ ଦିନ୍‌ସୁଲ୍ ସାଡାସି ଉନର୍, ଆୟ୍‌ଲକ୍‌ନେ ଦନ୍‌ସମ୍‌ପତି ପାଟିନ୍ ବିନାସ୍ କେନର୍, ଆରେ ଆୟ୍‌ଲକୁଙ୍ଗ୍ ପେଲ୍‌ଟୁକ୍ ପେଙ୍ଗୁର୍ ତୁଲୁଙ୍ଗ୍ ଆଟିକାରେର୍। ପେରିନ୍ ବାରିସ୍ ଆରେକ୍ ମାପ୍‌ରୁନ୍ ଆଦେସ୍ ମାନ୍‌ଏରା ଏରି ଆୟ୍‌ଲକ୍‌ନେ ସତ୍‌ରୁକୁଲୁଙ୍ଗ୍ ପେଲ୍‌ଟୁକ୍ ଡଣ୍ତ୍ ପାୟ୍‌ଏରି ଇସ୍‌ରାଏଲ୍ ଲକ୍‌ଗୁଲ୍ ଆନୁତାପ୍ କେନର୍ ଆରେ ଆୟ୍‌ଲକୁଙ୍ଗ୍ ଉଦାର୍ କେଗିଙ୍ଗ୍ ପାଇଟ୍ ମାପ୍‌ରୁନ୍ ପେଲ୍ ପାର୍‌ତନା କେନର୍।

![](https://cdn.door43.org/obs/jpg/360px/obs-en-16-03.jpg)

ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଆୟ୍‌ଲକୁଙ୍ଗ୍ ଉକୁର୍ ଉଦାର୍ କେୟାକିଙ୍ଗ୍ ଜାଗାତଣ୍ତ୍ ଅଣ୍ତ୍ ଆୟ୍‌ଲକୁଙ୍ଗ୍ ଆୟ୍‌ଲକ୍‌ନେ ସତ୍ରୁପେଲ୍‌ଟୁକ୍ ରକିୟା କେନଣ୍ତ୍ ଆରେ ଦେସ୍‌ତିନ୍ ସାନ୍‌ତି ଇନ୍ଦ୍‌ରେଣ୍ତ୍। ମାତର୍ ଆଦିଙ୍ଗ୍ କୁଣ୍ତେଲ୍ ଲକ୍‌ଗୁଲ୍ ମାପ୍‌ରୁଙ୍ଗ୍ ବାନାଏରି ସେୟର୍, ଆରେତରେକ୍ ମୁର୍‌ତିଙ୍ଗ୍ ୱାଟେ କେଗିଙ୍ଗ୍ ଆରାମ୍ କେନର୍। ଆଦିଙ୍ଗ୍ ମାପ୍‌ରୁ କାକେଲ୍‌ଟେ ସତ୍ରୁ ମିଦିୟାନ୍ ଲକ୍‌ଗୁଲୁଙ୍ଗ୍ ଆୟ୍‌ଲକୁଙ୍ଗ୍ ଆରାକିଙ୍ଗ୍ ସିନଣ୍ତ୍।

![](https://cdn.door43.org/obs/jpg/360px/obs-en-16-04.jpg)

ମିଦିୟାନ୍ ଲକ୍ ସାତ୍ ବାରିସ୍ ଆରେକ୍ ଇସ୍‌ରାଏଲ୍‌ଟେ ତାସ୍ ଉନର୍। ଇସ୍‌ରାଏଲ୍ ଲକ୍ ପେରିନ୍ ନାର୍‌ସେର୍, ମିଦିୟାନ୍‌ଲକ୍ ଏଟେନ୍ କି ଆୟ୍‌ଲକୁଙ୍ଗ୍ କାଣ୍ତିକିଙ୍ଗ୍ ଅଡାର୍, ଆଦିଙ୍ଗ୍ ପାୟିଟ୍ ଆୟ୍‌ଲକ୍ ପାର୍‌ଗିଲ୍ ତାନିର୍ ପାକେର୍। ଆଦିଙ୍ଗ୍ କୁଣ୍ତେଲ୍ ଆୟ୍‌ଲକୁଙ୍ଗ୍ ଉଦାର୍ କେଗିଙ୍ଗ୍ ପାୟିଟ୍ ଆୟ୍‌ଲକ୍‌ନେ ମାପ୍‌ରୁଙ୍ଗ୍ ଅର୍‌ଗେର୍।

![](https://cdn.door43.org/obs/jpg/360px/obs-en-16-05.jpg)

ଦିନେକ୍, ଗିଦିୟନ୍ ପିଦିର୍‌ଟଣ୍ତ୍ ଇସ୍‌ରାଏଲ୍‌ତିନ୍ ୱାର୍‌ସିଲ୍ ୱିର୍‌ସିଙ୍ଗ୍ ନଣ୍ତ୍ ଏଟେନ୍ କି ଆଦ୍ ମିଦିୟନ୍‌ଲକ୍ ଉଗୁଙ୍ଗ୍ ଅଡାର୍। ପର୍‌ବୁନେ ଦୁତ୍ ଗିଦିୟନୁଙ୍ଗ୍ ଆରେସେଲ୍ ୱାରି ପକେଣ୍ଡ୍‌ ସକ୍‌ତିସାଲି ଜଦା, ମାପ୍‌ରୁ ଇନ୍ ନା ମାୟାଣ୍ତ୍। ସେନ୍ ଆରେ ଇସ୍‌ରାଏଲିଙ୍ଗ୍ ମିଦିୟାନ୍‌ଲକୁଙ୍ଗ୍ ପେଲ୍‌ଟୁକ୍ ରକିୟା କେ।

![](https://cdn.door43.org/obs/jpg/360px/obs-en-16-06.jpg)

ଉକୁଟ୍ ମୁର୍‌ତିଙ୍ଗ୍ ଉସର୍‌ଗ କେଗିଙ୍ଗ୍ ପାୟିଟ୍ ଜଗିୟ ବେଦି ଗିଦିୟନୁଙ୍ଗ୍ ଆବାଙ୍ଗ୍ ପେଲ୍ ମାଟେ। ଆୟ୍ ଜଗିୟ ବେଦିଙ୍ଗ୍ ମୁକାମୁକା କେଗିଙ୍ଗ୍ ମାପ୍‌ରୁ ଗିଦିୟନୁଙ୍ଗ୍ ପକେଣ୍ତ୍। ମାତର୍ ଗିଦିୟନ୍ ଲକ୍‌ଗୁଲୁଙ୍ଗ୍ ନାର୍‌ସେଣ୍ତ୍, ଆଦିଙ୍ଗ୍ ଅଣ୍ତ୍ ସିକାଟ୍ ଏଦାନ୍ ଆରେକ୍ କାତଣ୍ତ୍। ଆଦିଙ୍ଗ୍ ଅଣ୍ତ୍ ଆୟ୍ ଜଗିୟ ବେଦିଙ୍ଗ୍ ମୁକାମୁକା କେୟି ପୁନ୍‌ସି କାରେଣ୍ତ୍ ଆରେ ଚୁନ୍ ଚୁନା କେୟି କାରେଣ୍ତ୍। ମୁର୍‌ତି କାକେଲ୍ ଏରେ ଜଗିୟ ବେଦି ମାଟେ ଆୟ୍ ଜଗିୟ ବେଦି କାକେଲ୍ ଅଣ୍ତ୍ ମାପ୍‌ରୁଙ୍ଗ୍ ପାୟିଟ୍ ପୁନେଦ୍‌ଟେ ଜଗିୟ ବେଦି କେନଣ୍ତ୍ ଆରେ ମାପ୍‌ରୁଙ୍ଗ୍ ପାୟିଟ୍ ବଲି ଉସର୍‌ଗ କେନଣ୍ତ୍।

![](https://cdn.door43.org/obs/jpg/360px/obs-en-16-07.jpg)

ଆରେକୁଟ୍ ଆଡ୍‌ତଲ୍ ଲକ୍‌ଗୁଲ୍ ସୁଡେର୍ ଜେ ଏଇର୍ କି ଆୟ୍ ଜଗିୟ ବେଦିଙ୍ଗ୍ ସାରୁସି କେରିନ୍ ପୁନ୍‌ସି ବିନସ୍‌ଟ କେୟିମାର୍, ଆରେ ଆୟ୍‌ଲକ୍ ପେରିନ୍ ରିସା ଏନର୍। ଆୟ୍‌ଲକ୍ ଗିଦିୟନ୍‌ନେ ଉଲେନ୍ ସେୟର୍ ଅଣ୍ତୁଙ୍ଗ୍ ୱାଟ୍‌ତେନ୍ ଆଟିଙ୍ଗ୍ ପାୟିଟ୍, ମାତର୍ ଗିଦିୟନ୍‌ନେ ତାମ୍‌ବା ପକେଣ୍ତ୍ ଇମ୍‌ଗୁଲ୍ ଏନାଦିଙ୍ଗ୍ ଇମ୍ ୱେନ୍ଦିଟିଙ୍ଗ୍ ସାଇଜ କେଗିଙ୍ଗ୍ ଚେସ୍‌ଟା କେଗିଦାର୍। ଜଦି ଅଣ୍ତ୍ ଉକୁର୍ ମାପ୍‌ରୁ ଆଟେକଡ୍, ଅଣ୍ତ୍ ନିଜେନିଙ୍ଗ୍ ରକିୟା କେକାଣ୍ତ୍। ଅଣ୍ତ୍ ଇ ପାଟେ ପକ୍‌ତାଲିନ୍ ଲକ୍‌ଗୁଲ୍ ଗିଦିୟନୁଙ୍ଗ୍ ଆଟୁଟର୍।

![](https://cdn.door43.org/obs/jpg/360px/obs-en-16-08.jpg)

ଆଦିଙ୍ଗ୍ କୁଣ୍ତେଲ୍ ମିଦିୟାନ୍‌ଲକ୍ ଇସ୍‌ରାଏଲ୍ ଲକୁଙ୍ଗ୍ ପେଲ୍‌ଟୁକ୍ ଚରି କେଗିଙ୍ଗ୍ ପାୟିଟ୍ ଆରେତରେକ୍ ୱାନର୍। ଆୟ୍‌ଲକ୍ ପେଙ୍ଗୁର୍‌ତୁଲ୍ ମାଟର୍ ଜେ ଆୟ୍‌ଲକୁଙ୍ଗ୍ ଏଜାକିଙ୍ଗ୍ ଏରା ମାନ୍‌ନେ। ଆୟ୍‌ଲକ୍ ନା ଜୁଦ୍ କେଗିଙ୍ଗ୍ ପାୟିଟ୍ ଗିଦିୟନ୍ ଇସ୍‌ରାଏଲ୍ ଲକୁଙ୍ଗ୍ ଉକୁଟ୍ ପେଲ୍ କେନଣ୍ତ୍। ମାପ୍‌ରୁ ଜେ ଇସ୍‌ରାଏଲିଙ୍ଗ୍ ଉଦାର୍ କେଗିଙ୍ଗ୍ ଅଣ୍ତୁଙ୍ଗ୍ ବେବହାର୍ କେଗିଦାଣ୍ତ୍, ଇ ବିସୟରେନ୍ ପୁନୁଙ୍ଗ୍ ପାୟିଟ୍ ଗିଦିୟନ୍ ମାପ୍‌ରୁଙ୍ଗ୍ ପେଲ୍‌ଟୁକ୍ ଜଡେକ୍ ଚିନ୍ ପର୍‌ତଣ୍ତ୍।

![](https://cdn.door43.org/obs/jpg/360px/obs-en-16-09.jpg)

ପର୍‌ତୁମ୍‌ଟେ ଚିନ୍ ୱାଡିନ୍, ଗିଦିୟନ୍ ବାସେନ୍ ଉକୁଟ୍ ମେଣ୍ତା ପାପ୍‌ନେ ତଲ୍ ତାଟେଣ୍ତ୍ ଆରେ ମାପ୍‌ରୁଙ୍ଗ୍ କର୍‌ଗୁନେଲ୍ କାକର୍ ବାସେ ପୟ୍‌ତାନ୍ କାରାଏଙ୍ଗ୍ ଆୟ୍ ତଲ୍ ପୟତାନ୍ କାରିଙ୍ଗ୍ ପକେଣ୍ତ୍। ମାପ୍‌ରୁ ଆପାଡି କେନଣ୍ତ୍। ଆରେକୁଟ୍ ନାର୍‌କାମ୍, ଅଣ୍ତ୍ ମାପ୍‌ରୁଙ୍ଗ୍ ପକେଣ୍ତ୍ ବାସେ ପଦି ମାକା ମାତର୍ ତଲ୍ ୱାଟି ମାକା। ମାପ୍‌ରୁ ଆଦ୍ ମେନ୍ କେନଣ୍ତ୍। ଇ ଜଡେକ୍ ଚିନ୍‌କିଲ୍ ଗିଦିୟନୁଙ୍ଗ୍ ନିଚୟ ଭାବ୍‌ରେନ୍ ସି ଏନେ ଜେ ଇସ୍‌ରାଏଲ୍ ଲକ୍‌ଗୁଲ୍ ମିଦିୟାନ୍‌ଲକୁଙ୍ଗ୍ ପେଲ୍‌ଟୁକ୍ ଉଦାର୍ କେଗିଙ୍ଗ୍ ପାୟିଟ୍ ମାପ୍‌ରୁ ବେବହାର୍ କେଦା। ୦

![](https://cdn.door43.org/obs/jpg/360px/obs-en-16-10.jpg)

୩୨,୦୦୦ ଇସ୍‌ରାଏଲ୍ ସନିୟତୁଲ୍ ଗିଦିୟନୁଙ୍ଗ୍ ଆର୍‌ସେଲ୍ ୱାନର୍, ମାତର୍ ମାପ୍‌ରୁ ପକେଣ୍ତ୍ ଜେ ଇଦ୍ ମେନ୍ ପେରିନ୍ ମାୟାର୍। ଆଦିଙ୍ଗ୍ ଏରେଲକ୍ ଜୁଦ୍ କେଗିଙ୍ଗ୍ ନାର୍‌ସାକର୍ ମାଟର୍ ଇ ୱାଡିନ୍ ୨୨,୦୦୦ ଲକୁଙ୍ଗ୍ ଅଣ୍ତ୍ ଉଲେନ୍ ସୟ୍‌ସି ସିନଣ୍ତ୍। ମାପ୍‌ରୁ ଗିଦିୟନୁଙ୍ଗ୍ ପକେଣ୍ତ୍ ଜେ ଇ ସକିୟା ମେନ୍ ପେରିନ୍। ଆଦିଙ୍ଗ୍ ଗିଦିୟନ୍ ୩୦୦ ଲକୁଙ୍ଗ୍ ଇରି ପାଟିନ୍ ଲକୁଙ୍ଗ୍ ଉଲେନ୍ ସୟ୍‌ସି ସିନଣ୍ତ୍।

![](https://cdn.door43.org/obs/jpg/360px/obs-en-16-11.jpg)

ଆୟ୍ ନାର୍‌କାମ୍ ମାପ୍‌ରୁ ଗିଦିୟନୁଙ୍ଗ୍ ପକେଣ୍ତ୍, “ମିଦିୟନ୍ ଲକ୍‌ନେ ଉଲେ ସାନ୍ଦ୍‌କିଲ୍ ଆର୍‌ସେଲ୍ ସେନ୍ ଆରେ ଏରେବେଲ୍ ଆୟ୍‌ଲକ୍‌ନେ ପାର୍‌କଣ୍ତି ଇନ୍ ୱେୟାଟ୍‌, ଇନ୍ ଆରେ ନାର୍‌ସାଟ୍।” ଆଦିଙ୍ଗ୍ ଆୟ୍ ନାର୍‌କାମ୍, ଗିଦିୟନ୍ ଆୟ୍ ଉଲେ ସାନ୍ଦ୍‌କିଲ୍ ଆର୍‌ସେଲ୍ ସେୟଣ୍ତ୍। ଆରେ ଉକୁର୍ ମିଦିୟାନ୍ ସନିୟ ସୁଡ଼ଣ୍ତି କିର୍‌କାଲ୍ ବିସୟ୍‌ରେନ୍ ଅଣ୍ତୁନେ ସାଙ୍ଗଙ୍ଗ୍ ପକଣ୍ତି ୱେଟଣ୍ତ୍। ଅଣ୍ତୁନେ ସାଙ୍ଗ ପକେଣ୍ତ୍ ଇ ଅରତ୍ ଏରିଦା ଗିଦିୟନ୍‌ନେ ସନିୟ ମିଦିୟାନ୍ ସନିୟଲକୁଙ୍ଗ୍ ଆରାତାର୍। ଗିଦିୟନ୍ ଏରେବେଲ୍ ଇ ପାଟେ ୱେଟଣ୍ତ୍, ଅଣ୍ତ୍ ମାପ୍‌ରୁନେ ଉପାସନା କେନଣ୍ତ୍।

![](https://cdn.door43.org/obs/jpg/360px/obs-en-16-12.jpg)

ଆଟେଲ୍‌ ଗିଦିୟନ୍ ଆୟ୍‌ଲକ୍‌ନେ ସନିୟଲକୁନ୍ କାକେଲ୍ ମାଣ୍ତିସେଞ୍ଜି ପାଟିନ୍ ଲକୁଙ୍ଗ୍ ଉକୁଟ୍ ଲାକାନ୍ ବାକା, ଆରେ ଉକୁଟ୍‌ଲାକାନ୍ ତୁକୁଡ୍‌ନାଟ୍ ତିୟାର୍ ଏରଣ୍ତି ବଡ୍‌ନାଲ୍ ଆରେ ଉକୁଟ୍ କିସ୍ ଅଲାଲ୍‌ ସିନଣ୍ତ୍, ମିଦିୟନ୍‌ଟେ ସନିୟଲକ୍ ଏରେମାନ୍ ଅଡିମାଟର୍ ଆୟ୍‌ଲକ୍ ଆୟ୍ ସାନ୍ଦ୍‌କିଲ୍ ସାରିବେଡ୍‌ଟେନ୍ ବେଡାତର୍, ଗିଦିୟନ୍‌ନେ ୩୦୦ ସନିୟ୍‌ଲକ୍ ଏରେ ତୁକୁଡ୍‌ନାଟ୍ ତିୟାର୍‌ଏରଣ୍ତି ବଡ୍‌ନାଲ୍‌ନାଟ୍ ଆୟ୍‌ଲକ୍‌ନେ କିସ୍ ଅଲାଲ୍‌ ଇରେର୍ ଏଟେନ୍‌କି ମିଦିୟନ୍ ଲକ୍‌ଗୁଲ୍ ଆୟ୍ କିସ୍ ଅଲାଲ୍ ୱିଣ୍ତ୍‌ନାଟ୍ ଆୟ୍‌ଲକୁଙ୍ଗ୍ ସୁଡୁଙ୍ଗ୍ ଅଡାର୍।

![](https://cdn.door43.org/obs/jpg/360px/obs-en-16-13.jpg)

ଆଦିଙ୍ଗ୍ କୁଣ୍ତେଲ୍, ଗିଦିୟନ୍‌ନେ ପାଟିନ୍ ସନିୟଦଲ୍ ମିସ୍‌ଏରି ଆୟ୍‌ଲକ୍‌ନେ ବଡ୍‌ନାଲ୍ ଅଟ୍‌ତର୍,ଆଦିଙ୍ଗ୍ ବଡ୍‌ନାଲ୍‌ଟେ ପାଟିନ୍ ହଠାତ୍‌ରେନ୍ କିସ୍ ତଣ୍ତେଟେ। ଆୟ୍‌ଲକ୍ ପାତଣ୍ଡି ବାକାଲ୍ ଉନ୍ଦେର୍ ଆରେ ପେରିନ୍ ଆଉଲିନାଟ୍ ପକେର୍, “ପର୍‌ବୁ ଆରେ ଗିଦିୟନୁଙ୍ଗ୍ ପାୟିଟ୍ ଉକୁଟ୍ କାଣ୍ତା!”

![](https://cdn.door43.org/obs/jpg/360px/obs-en-16-14.jpg)

ମାପ୍‌ରୁ ମିଦିୟନ୍ ଲକ୍‌ଗୁଲ୍‌ନେ ଗର୍‌ବେନ୍ ସିଣ୍ତ୍, ଆଟେଲ୍ ଆୟ୍‌ଲକ୍ ନିଜେନ୍ ନିଜେନ୍ ଆଟା ଆଟିଏରି ସାନର୍। ସାଙ୍ଗେନ୍ ସାଙ୍ଗେନ୍ ବାକିମାନ୍ ଇସ୍‌ରାଏଲ୍ ଲକ୍‌ଗୁଲୁଙ୍ଗ୍ ଆୟ୍‌ଲକ୍‌ନେ ଉଲେଟୁକ୍ ପେପ୍‌ସି ମିଦିୟାନ୍ ଲକୁଙ୍ଗ୍ ସାରିକିଙ୍ଗ୍ ସାୟ୍‌ଜ କେଗିଙ୍ଗ୍ ପକେର୍, ଆୟ୍‌ଲକ୍ ପେଙ୍ଗୁର୍‌ତୁଲୁଙ୍ଗ୍ ୱାଟ୍‌ତେନ୍ ଆଟେର୍ ଆରେ ବାକିଲକୁଙ୍ଗ୍ ଇସ୍‌ରାଏଲ୍ ଦେସ୍‌ଟୁକ୍ ୱେନେଲ୍ ସାର୍‌ସି ଉନର୍। ଆୟ୍‌ସିରିସ୍ ଏକ୍ ଲକିୟ କଡେଅଜାର୍ ୧,୨୦,୦୦୦ ମିଦିୟନ୍ ଲକ୍ ସାନର୍। ମାପ୍‌ରୁ ଇସ୍‌ରାଏଲ୍ ଲକ୍‌ଗୁଲୁଙ୍ଗ୍ ଉଦାର୍ କେନଣ୍ତ୍।

![](https://cdn.door43.org/obs/jpg/360px/obs-en-16-15.jpg)

ଲକ୍‌ଗୁଲ୍ ଗିଦିୟନ୍‌ନୁଙ୍ଗ୍ ଆୟ୍‌ଲକ୍‌ନେ ରାଜା କେଗିଙ୍ଗ୍ ଇସା କେନର୍, ଲକ୍‌ଗୁଲ୍ ଆୟ୍‌ୱାଡିନ୍ କେଗିଙ୍ଗ୍ ପାଇଟ୍ ଗିଦିୟନ୍‌ନୁଙ୍ଗ୍ ଅନୁମତି ସିୟୁଟର୍, ମାତର୍ ମିଦିୟନ୍ ଲକୁନ୍ ପେଲ୍‌ଟୁକ୍ ଆୟ୍‌ଲକ୍ ଏରେପାଟିନ୍ ସନାଟେ ୱାତ୍‌କିଲ୍ ଉୟିମାଟର୍, ଆୱ୍‌ପାଟିନ୍ ପର୍‌ତର୍, ଲକ୍‌ଗୁଲ୍ ଗିଦିୟନ୍‌ନୁଙ୍ଗ୍ ପେରିନ୍ ସନା ସିନର୍।

![](https://cdn.door43.org/obs/jpg/360px/obs-en-16-16.jpg)

ଆଦିଙ୍ଗ୍ କୁଣ୍ତେଲ୍ ବେର୍‌ଜାଜକ୍ ଜଗ୍‌ଡା ଏରଣ୍ତି ସକା ୱାଟ୍‌ଟେ ଉକୁଟ୍ ଗିଦିୟନ୍ ସନା ନା ବେବହାର୍ କେୟି ସକା ତିୟାର୍ କେନଣ୍ତ୍। ମାତର୍ ଇଦିଙ୍ଗ୍ ଉକୁଟ୍ ମୁର୍‌ତି ୱାଡିନ୍ ଲକ୍‌ଗୁଲ୍ ୱାଟେ କେଗିଙ୍ଗ୍ ଉଣ୍ତେର୍। ଆଦିଙ୍ଗ୍ ମାପ୍‌ରୁ ଆରେତରେକ୍ ଆୟ୍‌ଲକୁଙ୍ଗ୍ ଡଣ୍ତ୍ ସିନଣ୍ତ୍, ଏନାଦିଙ୍ଗ୍ କି ଇସ୍‌ରାଏଲ୍ ୱାଟେ କେଗିନର୍। ଆୟ୍‌ଲକୁଙ୍ଗ୍ ଆରାକିଙ୍ଗ୍ ପାୟିଟ୍ ମାପ୍‌ରୁ ଆୟ୍‌ଲକୁଙ୍ଗ୍ ଅନୁମତି ସିନଣ୍ତ୍। ଆୟ୍‌ଲକ୍ କୁଣ୍ତେଲ୍ ଆରେତରେକ୍ ମାପ୍‌ରୁଙ୍ଗ୍ ପେଲ୍ ସାଇଜ ପାୟିଟ୍ ପାର୍‌ତନା କେନର୍, ଆରେ ମାପ୍‌ରୁ ଆୟ୍‌ଲକୁଙ୍ଗ୍ ପାୟିଟ୍ ଉକୁର୍ ଉଦାର୍‌କର୍‌ତାଙ୍ଗ୍ ସୟ୍‌ତଣ୍ତ୍।

![](https://cdn.door43.org/obs/jpg/360px/obs-en-16-17.jpg)

ଇ ଗଟ୍‌ନାଲ୍ ପେଙ୍ଗିଟ୍ ତର୍ ଆରେତରେକ୍ ଏନେ : ଇସ୍‌ରାଏଲ୍‌ଲକ୍ ପାପ୍ କେନର୍, ମାପ୍‌ରୁ ଆୟ୍‌ଲକୁଙ୍ଗ୍ ଡଣ୍ତ୍ ସିଗିଙ୍ଗ୍ ନଣ୍ତ୍, ଆଦିଙ୍ଗ୍ କୁଣ୍ତେଲ୍ ଆୟ୍‌ଲକ୍ ଅନୁତାପ୍ କେଗିଙ୍ଗ୍ ନର୍ ଆରେ ଆୟ୍‌ଲକୁଙ୍ଗ୍ ଉଦାର୍ କେଗିଙ୍ଗ୍ ପାୟିଟ୍ ମାପ୍‌ରୁ ଉକୁର୍ ଉଦାର୍ କର୍‌ତାଙ୍ଗ୍ ସୟୁକିନଣ୍ତ୍। ପେଙ୍ଗିଟ୍ ବରସ୍ ପାତି ମାପ୍‌ରୁ ପେଙ୍ଗୁର୍‌ତୁଲ୍ ଉଦାର୍‌କର୍‌ତାଲକ୍ ସୟ୍‌ତଣ୍ତ୍, ଏରେଲକ୍ ଇସ୍‌ରାଏଲ୍ ଲକୁଙ୍ଗ୍ ଆୟ୍‌ଲକ୍‌ନେ ସତ୍ରୁପେଲ୍‌ଟୁକ୍ ରକିୟା କେଗିଙ୍ଗ୍ ନର୍।

![](https://cdn.door43.org/obs/jpg/360px/obs-en-16-18.jpg)

କୁଣ୍ତେଲ୍, ପାଟିନ୍ ଦେସ୍‌ତିନ୍ ଏରେ ୱାଡିନ୍ ରାଜା ମାଟର୍ ଆୟ୍ ୱାଡିନ୍ ରାଜା ମାନିଙ୍ଗ୍ ପାୟିଟ୍ ଲକ୍‌ଗୁଲ୍ ମାପ୍‌ରୁଙ୍ଗ୍ ପେଲ୍ ପାର୍‌ତନା କେନର୍। ଆୟ୍‌ଲକ୍ ଇ ୱାଡିନ୍ ଉକୁର୍ ରାଜାଙ୍ଗ୍ ଇଚା କେନର୍ ଜେ ଏଇର୍ ବେର୍‌ଟଣ୍ତ୍, ସକ୍‌ତି ସାଲି ଆରେ ଅଣ୍ତ୍ ଆମୁଙ୍ଗ୍ ଜୁଦ୍ ପାୟିଟ୍ ପାୱ୍ କାଡାସି ଉଦାଣ୍ତ୍। ମାପ୍‌ରୁ ଇ ଅନୁରଦଙ୍ଗ୍ ଇଚା କେୟୁଟଣ୍ତ୍, ମାତର୍ ଆୟ୍‌ଲକ୍ ଇ ୱାଡିନ୍ ଚାୟ୍‌ଏନର୍ ଆୟ୍‌ୱାଡିନ୍ ଉକୁର୍ ରାଜା ସିନଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍: ବିଚାର୍‌କର୍‌ତା ୧-୩; ୬-୮*

## 17. ୧୭- ମାପ୍‌ରୁ ଦାଉଦ୍‌ନା କେୟଣ୍ଡି ନିୟମ୍

https://openbiblestories.org/l/gdb/story-17/

![](https://cdn.door43.org/obs/jpg/360px/obs-en-17-01.jpg)

ସାଉଲ୍ ଇସ୍‌ରାଏଲ୍‌ଟେ ପର୍‌ତୁମ୍ ରାଜା ମାଟଣ୍ତ୍। ଅଣ୍ତ୍ ଡେଙ୍ଗା ଆରେ ସୁନ୍ଦର୍ ମାଟଣ୍ତ୍,ଏଟେନ୍ କି ରାଜାଙ୍ଗ୍ ସୁଡିମାଟର୍। ପର୍‌ତୁମ୍ ଅଲପ୍ ବରସ୍ ପାୟିଟ୍ ସାଉଲ୍ ଉକୁର୍ ନିୟାଟେ ରାଜା ମାଟଣ୍ତ୍ ଏସେବେଲ୍ ଅଣ୍ତ୍ ଇସ୍‌ରାଏଲ୍ ପୟ୍‌ତାନ୍ ସାସନ୍ କେନଣ୍ତ୍। ମାତର୍ ଆଦ୍ କୁଣ୍ତେଲ୍ ଅଣ୍ତ୍ ଉକୁର୍ ଦୁସ୍‌ଟ ଲକ୍ ଏନଣ୍ତ୍, ଅଣ୍ତ୍ ମାପ୍‌ରୁନେ ଆଦେସ୍ ମାନ୍‌ଏରୁଟଣ୍ତ୍, ଆଦିଙ୍ଗ୍ ମାପ୍‌ରୁ ଉକୁର୍ ୱେନ୍ ଲକୁଙ୍ଗ୍ ଆସ୍‌କେଣ୍ତ୍ ଅଣ୍ତ୍ ଦିନେକ୍ ଅଣ୍ତୁନେ ବାସେନ୍ ରାଜା ଏନଣ୍ତ୍।

![](https://cdn.door43.org/obs/jpg/360px/obs-en-17-02.jpg)

ସାଉଲୁଙ୍ଗ୍ କୁଣ୍ତେଲ୍ ମାପ୍‌ରୁ ଉକୁର୍ ଇଲେଣ୍ତିଙ୍ଗ୍ ଇସ୍‌ରାଏଲ୍‌ଟେ ରାଜା ଏରିଙ୍ଗ୍ ପାୟିଟ୍ ଆସ୍‌କେଣ୍ତ୍। ବେଥଲିହିମ୍ ଗଡ୍‌ଟୁକ୍ ୱାରାକ୍‌ ଦାଉଦ୍ ମେଣ୍ତାକଲାକ୍‌ ମାଟଣ୍ତ୍। ୱେନ୍ ୱେନ୍ ବେଲାଙ୍ଗ୍ ଅଣ୍ତ୍ ଏସେବେଲ୍ ତାମ୍‌ବାନେ ମେଣ୍ତାଲ୍ କାକିଙ୍ଗ୍ ନଣ୍ତ୍, ଆସେବେଲ୍ ଦାଉଦ୍ ଅଣ୍ତୁନେ ମେଣ୍ତାଲିଙ୍ଗ୍ କାସିଙ୍ଗ୍ ୱାରଣ୍ଡି ଉକୁଟ୍ ଡୁର୍‌କା ଆରେ ଉକୁଟ୍ ବାଲୁଙ୍ଗ୍ ୱାଟ୍‌ତେନ୍ ଆଟିମାଟଣ୍ତ୍। ଦାଉଦ୍ ଉକୁର୍ ନମ୍‌ର ଆରେ ଦରମ୍‌ଟଣ୍ଡ୍ ମାଟଣ୍ତ୍ ଅଣ୍ତ୍ ମାପ୍‌ରୁଙ୍ଗ୍ ପେଲ୍ ବିସ୍‌ବାସ୍ କେୟି ଅଣ୍ତୁନେ ଆଦେସ୍ ମାନ୍‌ଏରିଙ୍ଗ୍ ନଣ୍ତ୍।

![](https://cdn.door43.org/obs/jpg/360px/obs-en-17-03.jpg)

ଦାଉଦ୍ ଉକୁର୍ ସନିୟ ଆରେ ନେତା ଏନଣ୍ତ୍। ଏସେବେଲ୍ ଅଣ୍ତ୍ ଇଲେଣ୍ତ୍ ମାଟଣ୍ତ୍, ଅଣ୍ତ୍ ଗଲିୟାତ୍ ପିଦିର୍‌ଟଣ୍ତ୍ ଉକୁର୍ ବେର୍‌ଟେ ଲକ୍ ନା ଜୁଦ୍ କେୟି ମାଟଣ୍ତ୍। ଗଲିୟାତ୍ ଉକୁର୍ ବେର୍‌ଟେ ନେତା ସକ୍‌ତିସାଲି ଟଣ୍ତ୍, ବେସି ବେର୍‌ଟଣ୍ତ୍ ଜଦା ସନିୟ ଅଣ୍ତ୍ ପାକାପାକି ତିନ୍ ମିଟର୍ ଉଚା ମାଟଣ୍ତ୍। ମାତର୍ ମାପ୍‌ରୁ ଗଲିୟାତିଙ୍ଗ୍ ୱାଟ୍‌ତେନ୍ ଆଟି ଇସ୍‌ରାଏଲ୍‌ଲକୁଙ୍ଗ୍ ଉଦାର୍ କେଗିଙ୍ଗ୍ ପାୟିଟ୍ ଦାଉଦୁଙ୍ଗ୍ ସାଇଜ କେୟିମାଟଣ୍ତ୍। ଆଦିଙ୍ଗ୍ କୁଣ୍ତେଲ୍, ଦାଉଦ୍ ଇସ୍‌ରାଏଲ୍‌ଟେ ସତ୍ରୁଲକୁଙ୍ଗ୍ ପେଲ୍‌ଟୁକ୍ ପେଙ୍ଗିଟ୍ ତର୍ ବିଜୟ ଏରିମାଟଣ୍ତ୍, ଆଦିଙ୍ଗ୍ ପାୟିଟ୍ ଲକ୍‌ଗୁଲ୍ ଅଣ୍ତୁନେ ପର୍‌ସଙ୍ଗ୍‌ସା କେନର୍।

![](https://cdn.door43.org/obs/jpg/360px/obs-en-17-04.jpg)

ଦାଉଦୁଙ୍ଗ୍ ଲକ୍‌ଗୁଲ୍ ପେରିନ୍ ଲାଡ୍ କେନର୍ ମାତର୍ ସାଉଲ୍ ଲକ୍‌ଗୁଲ୍‌ନେ ଲାଡିଙ୍ଗ୍ ସୁଡୁଙ୍ଗ୍ ଅଡୁଟଣ୍ତ୍। ସାଉଲ୍ ପେଙ୍ଗିଟ୍ ତର ଦାଉଦୁଙ୍ଗ୍ ଆଟିଙ୍ଗ୍ ଚେସ୍‌ଟା କେନଣ୍ତ୍, ଆଦିଙ୍ଗ୍ ଦାଉଦ୍ ସାଉଲ୍ ପେଲ୍‌ଟୁକ୍ ପାକେଣ୍ତ୍। ଦିନେକ୍, ଦାଉଦୁଙ୍ଗ୍ ଆଟିଙ୍ଗ୍ ପାୟିଟ୍ ସାଉଲ୍ ଅଣ୍ତୁଙ୍ଗ୍ କାଣ୍ଡିକିନଣ୍ତ୍। ସାଉଲ୍ ଆୟ୍ ବରା ତାନିର୍ ସେୟଣ୍ତ୍ ଏରେମାନ୍ କି ଦାଉଦ୍ ସାଉଲୁଙ୍ଗ୍ ପେଲ୍‌ଟୁକ୍ ପାକିଙ୍ଗ୍ ନଣ୍ତ୍, ମାତର୍ ସାଉଲ୍ ଅଣ୍ତୁଙ୍ଗ୍ ସୁଡୁଙ୍ଗ୍ ଅଡୁଟଣ୍ତ୍। ଦାଉଦ୍ ଇଣ୍ତି ସାଉଲୁଙ୍ଗ୍ ଆର୍‌ସେଲ୍ ମାନ୍‌ନଣ୍ତ୍ ଆରେ ଅଣ୍ତ୍ ଅଣ୍ତୁଙ୍ଗ୍ ୱାଟ୍‌ତେନ୍ ଆଟିଙ୍ଗ୍ ଅଡ୍‌ତଣ୍ତ୍ ମେନ୍, ମାତର୍ ଅଣ୍ତ୍ ଆଦ୍ କେୟୁ ଟଣ୍ତ୍। ମାତର୍ ଦାଉଦ୍ ସାଉଲୁଙ୍ଗ୍ ପାର୍‌ମାନ୍ କେଗିଙ୍ଗ୍ ପାୟିଟ୍ ସାଉଲ୍‌ନେ ସେନ୍ଦ୍‌ରାଟେ କାଣ୍ତେକ୍ କୁଏଣ୍ତ୍ ଆଟେଲ୍ ଅଣ୍ତ୍ ରାଜା ଏରିଙ୍ଗ୍ ପାଇଟ୍ ଆଣ୍ତୁଙ୍ଗ୍ ୱାଟ୍‌ତେନ୍ ଆଟୁଟଣ୍ତ୍।

![](https://cdn.door43.org/obs/jpg/360px/obs-en-17-05.jpg)

ଆଦିଙ୍ଗ୍ କୁଣ୍ତେଲ୍, ସାଉଲ ଜୁଦ୍‌ତୁନ୍ ସାୟି ସେୟଣ୍ତ୍, ଆରେ ଦାଉଦ୍ ଇସ୍‌ରାଏଲ୍‌ଟେ ରାଜା ଏନଣ୍ତ୍। ଅଣ୍ତ୍ ଉକୁର୍ ନିୟାଟେ ରାଜା ମାଟଣ୍ତ୍, ଆରେ ଲକ୍‌ଗୁଲ୍ ଅଣ୍ତୁଙ୍ଗ୍ ଲାଡ୍ କେଗିଙ୍ଗ୍‌ନର୍। ମାପ୍‌ରୁ ଦାଉଦୁଙ୍ଗ୍ ଆସିର୍‌ବାଦ୍ କେନଣ୍ତ୍ ଆରେ ସପଲ୍ କେନଣ୍ତ୍। ଦାଉଦ୍ ପେଙ୍ଗିଟ୍‌ତର୍ ଜୁଦ୍ କେୟିମାଟଣ୍ତ୍ ଆରେ ମାପ୍‌ରୁ ଇସ୍‌ରାଏଲ୍‌ଟେ ସତ୍ରୁଲକୁଙ୍ଗ୍ ପେଲ୍‌ଟୁକ୍ ପରାଜୟ୍ କେଗିଙ୍ଗ୍ ପାୟିଟ୍ ଅଣ୍ତୁଙ୍ଗ୍ ସାଇଜ କେନଣ୍ତ୍। ଦାଉଦ୍ ଜିରୁସାଲାମୁଙ୍ଗ୍ ଜୟ୍ କେନଣ୍ତ୍ ଆରେ ଆଦିଙ୍ଗ୍ ଅଣ୍ତୁନେ ରାଜଦାନି ଗଡ୍ କେନଣ୍ତ୍। ଦାଉଦ୍ ସାସନ୍ କେଦାନ୍ ବେଲ୍, ଇସ୍‌ରାଏଲ୍ ସକ୍‌ତିସାଲି ଆରେ ଦନସାଲି ଏନଣ୍ତ୍।

![](https://cdn.door43.org/obs/jpg/360px/obs-en-17-06.jpg)

ଦାଉଦ୍ ଉକୁଟ୍ ମନ୍ଦିର୍ ତିୟାର୍ କେଗିଙ୍ଗ୍ ଇଚା କେନଣ୍ତ୍, ଆମାନ୍ ପାଟିନ୍ ଇସ୍‌ରାଏଲ୍ ଲକ୍ ମାପ୍‌ରୁନେ ଉପାସନା କେଗିଙ୍ଗ୍ ଅଡ୍‌ତାର୍ ଆରେ ଅଣ୍ତୁନ୍ ଉଦେସ୍‌ରେନ୍ ବଲି ଉସର୍‌ଗ କେଗିଙ୍ଗ୍ ଅଡ୍‌ତାର୍। ୪୦୦ ବାରିସ୍ ପାତି, ଲକ୍‌ଗୁଲ୍ ମାପ୍‌ରୁନେ ଉପାସନା କେଗିଙ୍ଗ୍ ନର୍ ଆରେ ମସା ତିୟାର୍ କେୟଣ୍ତି ସମାଗମ ତମୁନ୍ ବଲି ଉସର୍‌ଗ କେଗିନର୍।

![](https://cdn.door43.org/obs/jpg/360px/obs-en-17-07.jpg)

ମାତର୍ ମାପ୍‌ରୁ ନାତନ୍ ଭବିସତ୍‌ବକ୍‌ତାଙ୍ଗ୍ ଦାଉଦୁଙ୍ଗ୍ ଆର୍‌ସେଲ୍ ପକି ସୟତଣ୍ତ୍, ଇନ୍ ଜୁଦ୍‌ଟେ ଉକୁର୍ ନର୍‌ଲକ୍, ଆଦିଙ୍ଗ୍ ପାୟିଟ୍ ଇନ୍ ଆନୁଙ୍ଗ୍ ପାୟିଟ୍ ମନ୍ଦିର୍ ତିୟାର୍ କେମେନ୍। ଇନେ ସେପାଲ୍ ଆଦ୍ ତିୟାର୍ କେଦାଣ୍ତ୍।“ ମାତର୍ ଆନ୍ ଇନୁଙ୍ଗ୍ ପେରିନ୍ ଆସିର୍‌ବାଦ୍ କେଦାନ୍। ଇନେ କୁଲ୍ ତାନିର୍‌ଟୁକ୍ ଉକୁର୍ ଆନ୍ ଲକ୍‌ଗୁଲୁଙ୍ଗ୍ ପୟତାନ୍ ରାଜା ୱାଡିନ୍ ସବୁଦିନ୍ ପାୟିଟ୍ ସାସନ୍ କେଦାଣ୍ତ୍!, ସବୁଦିନ୍ ସାସନ୍ କେଗିଙ୍ଗ୍ ଅଡ୍‌ପାକ୍‌ ଦାଉଦ୍‌ନେ ଉକ୍‌ଟି କୁଲ୍ ଏରିଦା କିସ୍‌ଟ। କିସ୍‌ଟ ମାପ୍‌ରୁ ଆସ୍‌କାକ୍ ଏଇଣ୍ତ୍ କି ଜଗତ୍‌ଟେ ଲକ୍‌ଗୁଲୁଙ୍ଗ୍ ଆୟ୍‌ଲକ୍‌ନେ ପାଟିନ୍ ପାପ୍‌ଟୁକ୍ ରକିୟା କେଦାଣ୍ତ୍।

![](https://cdn.door43.org/obs/jpg/360px/obs-en-17-08.jpg)

ଏସେବେଲ୍ ଦାଉଦ୍ ଇ ପାଟିନ୍ ବାକିୟ ୱେଟଣ୍ତ୍, ଅଣ୍ତ୍ ସାଙ୍ଗେ ସାଙ୍ଗେନ୍ ମାପ୍‌ରୁଙ୍ଗ୍ ଦନିୟବାଦ୍ କେନଣ୍ତ୍ ଆରେ ଅଣ୍ତୁନେ ପର୍‌ସଙ୍ଗ୍‌ସା କେନଣ୍ତ୍ ଏନାଦିଙ୍ଗ୍ କି ଦାଉଦୁଙ୍ଗ୍ ଇ ମହାନ୍ ସନ୍‌ମାନ୍ ଆରେ ପେଙ୍ଗିଟ୍ ଆସିର୍‌ବାଦ୍ ସିଗିଙ୍ଗ୍ ପାୟିଟ୍ ଜିଦ୍‌ କେୟିମାଟଣ୍ତ୍। ମାପ୍‌ରୁ ଏରେବେଲାଙ୍ଗ୍ ଇ ପାଟିନ୍ ବିସୟ କେଦାଣ୍ତ୍ ଆଦ୍ ଦାଉଦ୍ ପୁନା ମାଟଣ୍ତ୍। ମାତର୍ ଇ ୱାଡିନ୍ ଏନେ, ଇସ୍‌ରାଏଲ୍ ଲକୁଙ୍ଗ୍ କିସ୍‌ଟ ୱାରିଙ୍ଗ୍ ପାୟିଟ୍ ୧୦୦୦ ବରସ୍ କାକିଙ୍ଗ୍ ପାରିମାଟେ।

![](https://cdn.door43.org/obs/jpg/360px/obs-en-17-09.jpg)

ପେଙ୍ଗିଟ୍ ବରସ୍ ପାତି ଦାଉଦ୍ ନିୟାୟ୍ ଆରେ ବିସ୍‌ବାସ୍ ନା ସାସନ୍ କେନଣ୍ତ୍ ଆରେ ମାପ୍‌ରୁ ଅଣ୍ତୁଙ୍ଗ୍ ଆସିର୍‌ବାଦ୍ କେନଣ୍ତ୍। ମାତର୍, ଅଣ୍ତୁନେ ଜିୱେନ୍ ସାରାସାରିବେଲ୍ ଅଣ୍ଡ୍ ମାପ୍‌ରୁଙ୍ଗ୍ ବିରଦ୍‌ରେନ୍ ପେରିନ୍ ବେର୍‌ଟେ ପାପ୍ କେନଣ୍ତ୍।

![](https://cdn.door43.org/obs/jpg/360px/obs-en-17-10.jpg)

ଦିନେକ୍, ଏସେବେଲ୍ ଦାଉଦ୍‌ନେ ସନିୟତୁଲ୍ ପାଟିନ୍‌ଲକ୍ ଜୁଦ୍ କେଗିଙ୍ଗ୍ ପାୟିଟ୍ ଉଲେଟେ ଦୁରିନ୍ ମାଟର୍, ଅଣ୍ତ୍ ଅଣ୍ତୁନେ ରାଜ୍‌ମହଲ୍ ବାହାରେନ୍ ସୁଡେଣ୍ତ୍ ଜେ ଅକାଲ୍ ସୁନ୍ଦର୍‌ଟେ ଆସ୍‌ମାଲ୍ ନିର୍ ମୁୟୁଦା। ଆୟ୍ ଆସ୍‌ମାଲ୍‌ନେ ପିଦିର୍ ବେତ୍‌ସିବା ମାଟେ।

![](https://cdn.door43.org/obs/jpg/360px/obs-en-17-11.jpg)

ଅଣ୍ତ୍ କାନୁଲ୍ ନା ସୁଡି ଦାଉଦ୍ ଆଦିଙ୍ଗ୍ ଇନ୍ଦ୍‌ରିଙ୍ଗ୍ ପାୟିଟ୍ ଉକୁର୍ ଲକୁଙ୍ଗ୍ ସୟତଣ୍ତ୍। ଅଣ୍ତ୍ ଆଦିନା ଦାରି କେନଣ୍ତ୍ ଆରେ ଆଦିଙ୍ଗ୍ ଆଦିନେ ଉଲେନ୍ ସୟସି ସିନଣ୍ତ୍। ଏଙ୍ଗିର୍ ଦିନାମ୍ କୁଣ୍ତେଲ୍ ବେତ୍‌ସିବା ଦାଉଦୁଙ୍ଗ୍ ପକି ସୟ୍‌ତେ ଜେ ଆଦ୍ ଅଙ୍ଗେନ୍ ମାୟା।

![](https://cdn.door43.org/obs/jpg/360px/obs-en-17-12.jpg)

ଉରିୟ ପିଦିର୍ ଟଣ୍ତ୍ ଉକୁର୍ ଲକ୍ ଦାଉଦ୍‌ନେ ସନିୟଲକୁଙ୍ଗ୍ ତାନିର୍ ଟୁକ୍ ଉକୁର୍ ନିୟାଟଣ୍ତ୍ ମାଟଣ୍ତ୍, ବେତ୍‌ସିବାନେ ମାଗିଣ୍ତ୍ ମାଟଣ୍ତ୍। ଦାଉଦ୍ ଊରିୟଙ୍ଗ୍ ଜୁଦ୍‌ଟୁକ୍ ଅର୍‌ଗି ଅଣ୍ତୁନେ ଆୟାଲିଙ୍ଗ୍ ଆର୍‌ସେଲ୍ ସେନିଙ୍ଗ୍ ପାୟିଟ୍ ପକେଣ୍ତ୍। ମାତର୍ ୱେନ୍ ସନିୟତୁଲ୍ ଜୁଦ୍‌ତୁନ୍ ମାନ୍‌ବେଲ୍ ଉରିୟ ଉଲେନ୍ ସେନିଙ୍ଗ୍ ପାୟିଟ୍ ମାନା କେନଣ୍ତ୍। ଆଦିଙ୍ଗ୍ ଦାଉଦ୍ ଉରିୟଙ୍ଗ୍ ଆରେତରେକ୍ ଜୁଦ୍‌ତୁନ୍ ସୟତଣ୍ତ୍ ଆରେ ସନିୟଦଲ୍‌ଟେ ମୁକିୟଙ୍ଗ୍ ପକିସୟତଣ୍ତ୍ ଜେ ଆୟ୍ ଉରିୟଙ୍ଗ୍ ଇ ୱାଡ଼଼ିଟେ ବାସେନ୍ ଇରୁର୍ ଏରେମାନ୍ ସତ୍ରୁଲକ୍ ପେରିନ୍ ଜଦା ମାୟାର୍ ଏଟେନ୍ କି ଉରିୟ ସତ୍ରୁଲକୁଙ୍ଗ୍ ପେଲ୍‌ଟୁକ୍ ବିନାସ୍ ଏଦାଣ୍ତ୍।

![](https://cdn.door43.org/obs/jpg/360px/obs-en-17-13.jpg)

ଊରିୟଙ୍ଗ୍ ବିନାସ୍ କେଦାନ୍ କୁଣ୍ତେଲ୍, ଦାଉଦ୍ ବେତ୍‌ସିବାଙ୍ଗ୍ ଅଦୁର୍ ଏନଣ୍ତ୍। କୁଣ୍ତେଲ୍, ଆଦ୍ ଦାଉଦ୍‌ନେ ସେପାଲିଙ୍ଗ୍ ଜନମ୍ ସିନେ। ଦାଉଦ୍ ଏନାଦ୍ କେୟିମାଟଣ୍ତ୍ ଆଦିଙ୍ଗ୍ ପାୟିଟ୍ ମାପ୍‌ରୁ ପେରିନ୍ ରିସା ଏନଣ୍ତ୍, ଆଦିଙ୍ଗ୍ ଅଣ୍ତ୍ ଅଣ୍ତୁଙ୍ଗ୍ ଆର୍‌ସେଲ୍ ନାତନ୍ ବବିସତ୍‌ବକ୍‌ତାଙ୍ଗ୍ ସୟ୍‌ସି ଅଣ୍ତୁନେ ପାପ୍ ଏଟେନ୍ ଉୟା ମାଟେ ଆଦ୍ ୱେଣ୍ଡୁତଣ୍ତ୍। ଦାଉଦ୍ ଅଣ୍ତୁନେ ପାପ୍ ପାୟିଟ୍ ଅନୁତାପ୍ କେନଣ୍ତ୍ ଆରେ ମାପ୍‌ରୁ ଅଣ୍ତୁଙ୍ଗ୍ କେମା ସିନଣ୍ତ୍। ଦାଉଦ୍ ଅଣ୍ତୁନେ ଜିୱେନ୍, ଇ ୱାଡିନ୍ ଅଣ୍ତୁନେ କସ୍‌ଟ ବେଲ୍‌ମେନ୍ ମାପ୍‌ରୁଙ୍ଗ୍ ପେଲ୍ ତାକେଣ୍ତ୍ ଆରେ ଅଣ୍ତୁନେ ଆଦେସ୍ ମାନ୍ ଏନଣ୍ତ୍।

![](https://cdn.door43.org/obs/jpg/360px/obs-en-17-14.jpg)

ମାତର୍ ଦାଉଦ୍‌ନେ ପାପ୍‌ଟେ ଡଣ୍ତ୍ ପାୟିଟ୍ ଅଣ୍ତୁନେ ସେପାଲ୍ ସାୟିସେୟଣ୍ତ୍। ଦାଉଦ୍‌ନେ ଜିୱେନ୍ ତାମ୍ ପରିବାର୍‌ତିନ୍ ପାଟିନ୍ ବେଲ୍ କିର ସିଲିକିନେ, ଆରେ ଦାଉଦ୍‌ନେ ସକ୍‌ତି ପେରିନ୍ ଦୁର୍‌ବଲ୍ ଏରିସେଞ୍ଜି ମାଟେ। ଦାଉଦ୍ ମାପ୍‌ରୁଙ୍ଗ୍ ପେଲ୍ ଆଦେସ୍ ମାନ୍ ଏରାମାନ୍ ନଣ୍ତ୍, ଆରେ ମେନ୍ ମାପ୍‌ରୁ ଜିଦ୍‌ଗିଲିଙ୍ଗ୍ ରକିୟା କେଗିଙ୍ଗ୍ ପାୟିଟ୍ ବିସ୍‌ବାସ୍ ମାଟଣ୍ତ୍। କୁଣ୍ତେଲ୍ ଦାଉଦ୍ ଆରେ ବେତ୍‌ସିବାଙ୍ଗ୍ ପେଲ୍‌ଟୁକ୍ ଆରେତରେକ୍ ଉକୁର୍ ସେପାଲ୍ ଜନମ୍ ଏନଣ୍ତ୍, ଆରେ ଆୟ୍‌ଲକ୍ ଅଣ୍ତୁଙ୍ଗ୍ ସଲମନ୍ ପିଦିର୍ ଇରେର୍।

*ବାଇବଲ୍‌ଟେ ଉକୁଟ୍ କେରାଲ୍: ୧-ସାମୁ ୧୦; ୧୫-୧୯; ୨୪;୩୧; ୨-ସାମୁ ୫; ୭; ୧୧-୧୨*

## 18. ୧୮- ଇସ୍‌ରାଏଲ୍ ଦୁଇ ବାଗ୍ ଏରଣ୍ଡି

https://openbiblestories.org/l/gdb/story-18/

![](https://cdn.door43.org/obs/jpg/360px/obs-en-18-01.jpg)

ପେଙ୍ଗିଟ୍ ବରସ୍ କୁଣ୍ତେଲ୍ ଦାଉଦ୍ ସାୟିସେୟଣ୍ତ୍, ଆରେ ଅଣ୍ତୁଙ୍ଗ୍ ସେପାଲ୍ ସଲମନ୍ ଇସ୍‌ରାଏଲ୍ ପୟତାନ୍ ସାସନ୍ କେଗିଙ୍ଗ୍ ଆରାମ୍ କେନଣ୍ତ୍। ମାପ୍‌ରୁ ସଲମନୁଙ୍ଗ୍ ଏରେ ବିସୟ୍ ପେରିନ୍ ଇଚା କେଗିଦାଣ୍ତ୍ ଆଦ୍ ପାଚାର୍‌ତଣ୍ତ୍। ଏସେବେଲ୍ ସଲମନ୍ ବୁଦି ପାୟିଟ୍ ପାର୍‌ତନା କେନଣ୍ତ୍, ମାପ୍‌ରୁ ଆମାଟୁକ୍ କିର୍‌ଦେ ଏରିମାଟଣ୍ତ୍ ଆରେ ଅଣ୍ତୁଙ୍ଗ୍ ପୁର୍‌ତିଟେ ପାଟିନ୍ ପେଲ୍‌ଟୁକ୍ ପେରିନ୍ ଗିୟାନି କେନଣ୍ତ୍। ସଲମନ୍ ପେଙ୍ଗିଟ୍ ବିସୟ୍ ମାୟ୍‌ରେଣ୍ତ୍ ଆରେ ଅଣ୍ତ୍ ଉକୁର୍ ପେରିନ୍ ଗିୟାନ୍‌ବାନ୍ ବିଚାର୍‌କର୍‌ତା ଏନଣ୍ତ୍। ଆରେମେନ୍ ମାପ୍‌ରୁ ଅଣ୍ତୁଙ୍ଗ୍ ପେରିନ୍ ଦନି କେନଣ୍ତ୍।

![](https://cdn.door43.org/obs/jpg/360px/obs-en-18-02.jpg)

ଜିରୁସାଲାମ୍‌ତୁନ୍, ସଲମନ୍ ମନ୍ଦିର୍ ତିୟାର୍ କେନଣ୍ତ୍ ଏରେଦ୍ ତାମ୍‌ବା ଜଜ୍‌ନା କେୟିମାଟଣ୍ତ୍ ଆରେ ଦିନ୍‌ସୁଲ୍ କାଣ୍ତ୍‌ସି ଇରେର୍। ଲକ୍‌ଗୁଲ୍ ମାପ୍‌ରୁନେ ଉପାସନା ଆରେ ନେୟ୍‌ବେଦିୟ ଉସର୍‌ଗ ସମାଗମ ତମ୍ବୁନ୍ କେଦାନ୍ ବାଦୁଲ୍‌ରେନ୍ ମନ୍ଦିର୍‌ତିନ୍ କେଗିଙ୍ଗ୍ ଉଣ୍ତେର୍। ମାପ୍‌ରୁ ୱାନଣ୍ତ୍ ଆରେ ମନ୍ଦିର୍‌ତିନ୍ ମାଟଣ୍ତ୍, ଆରେ ଅଣ୍ତ୍ ଲକ୍‌ଗୁଲ୍ ନା ବାସେ ଏନଣ୍ତ୍।

![](https://cdn.door43.org/obs/jpg/360px/obs-en-18-03.jpg)

ମାତର୍ ସଲମନ୍ ୱେନ୍ ଦେସ୍‌ଟେ ଆୟାସିଲିଙ୍ଗ୍ ଲାଡ୍ କେନଣ୍ତ୍। ଅଣ୍ତ୍ ୧୦୦୦ ବିଦେସ୍‌ଟେ ଆସ୍‌ମାସ୍‌କିଲିଙ୍ଗ୍ ଅଦୁର୍ ଏରି ମାପ୍‌ରୁନେ ଆଦେସ୍ ମାନ୍ ଏରୁଟଣ୍ତ୍। ଇ ଆସ୍‌ମାସ୍‌କିଲିଙ୍ଗ୍ ପେଲ୍‌ଟୁକ୍ ପେଙ୍ଗିଟ୍ ୱେନ୍‌ ଦେସ୍‌ଟୁକ୍ ୱାରି ମାଟେୱ୍ ଆରେ ଆୱୁନା ଆୱୁନେ ୱେନ୍ଦିସିଲିଙ୍ଗ୍ ଇନ୍ଦ୍‌ରି ମାଟେୱ୍ ଆରେ ନିତ୍‌ରେନ୍ ଆୱ୍‌ଗୁଲୁଙ୍ଗ୍ ଉପାସନା କେଗିଙ୍ଗ୍ ନେୱ୍। ସଲମନ୍ ଏରେବେଲ୍ ମୁତାକ୍ ଏନଣ୍ତ୍, ଅଣ୍ତ୍ ମେନ୍ ଆୱ୍‌ଗୁଲ୍ ନା ୱେନ୍ଦିସିଲିଙ୍ଗ୍ ଉପାସନା କେନଣ୍ତ୍।

![](https://cdn.door43.org/obs/jpg/360px/obs-en-18-04.jpg)

ମାପ୍‌ରୁ ସଲମନୁଙ୍ଗ୍ ରିସା ଏନଣ୍ତ୍ ଆରେ ସଲମନ୍‌ନେ ଅବିସ୍‌ବାସ୍‌ଟେ ଡଣ୍ତ୍ ପାୟିଟ୍ ସଲ୍‌ମନ୍‌ନେ ସାଦାନ୍ କୁଣ୍ତେଲ୍ ଅଣ୍ତ୍ ଇସ୍‌ରାଏଲ୍ ଦେସିଙ୍ଗ୍ ଦୁୟ୍ ବାଗ୍‌ଟେ ରାଜି କେଗିଙ୍ଗ୍ ପାୟିଟ୍ ନିସ୍‌ପତି ଉନଣ୍ତ୍।

![](https://cdn.door43.org/obs/jpg/360px/obs-en-18-05.jpg)

ସଲମନ୍ ସାଦାନ୍ କୁଣ୍ତେଲ୍, ଅଣ୍ତୁନେ ସେପାଲ୍ ରିହବିୟାମ୍ ରାଜା ଏନଣ୍ତ୍। ରିହବିୟାମ୍ ଉକୁର୍ ଦୁସ୍‌ଟ ଲକ୍ ମାଟଣ୍ତ୍। ଇସ୍‌ରାଏଲ୍ ଦେସ୍‌ଟେ ପାଟିନ୍ ଲକ୍‌ଗୁଲ୍ ଉକୁଟ୍ ପେଲ୍ ଏରି ଅଣ୍ତୁଙ୍ଗ୍ ଉକୁଟ୍ ରାଜା କେନର୍। ଆୟ୍‌ଲକ୍ ରିହବିୟାମୁଙ୍ଗ୍ ପେରିନ୍ ଅବିଜଗ୍ କେୟି ପକେର୍ ଜେ ସଲମନ୍ ଆୟ୍‌ଲକୁଙ୍ଗ୍ କସ୍‌ଟ କାମେଲ୍ କେଗିଙ୍ଗ୍ ଆରେ ପେରିନ୍ ସିସ୍‌ତୁ ସିଗିଙ୍ଗ୍ ପାରିଙ୍ଗ୍‌ନେ।

![](https://cdn.door43.org/obs/jpg/360px/obs-en-18-06.jpg)

ରିହବିୟାମ୍ ଆୟ୍‌ଲକୁଙ୍ଗ୍ ଗିଦ୍‌ରିଏରି ଉତର୍ ସିନଣ୍ତ୍, ଇମ୍‌ଗୁଲ୍ ଏତାକିଦାର୍ ଆମ୍‌ବା ସଲମନ୍ ଇମ୍‌ଗୁଲୁଙ୍ଗ୍ କସ୍‌ଟ କାମେଲ୍ କେଗିଙ୍ଗ୍ ଇରିଙ୍ଗ୍ ନଣ୍ତ୍, ମାତର୍ ଅଣ୍ତୁଙ୍ଗ୍ ପେଲ୍‌ଟୁକ୍ ଆନ୍ ଆରେ ପେରିନ୍ କସ୍‌ଟ କାମେଲ୍ କେଗିଙ୍ଗ୍ ସିଦାନ୍, ଆରେ ଅଣ୍ତୁଙ୍ଗ୍ ପେଲ୍‌ଟୁକ୍ ପେରିନ୍ ଆନ୍ ଇମ୍‌ଗୁଲୁଙ୍ଗ୍ ଡଣ୍ତ୍ ସିଦାନ୍।

![](https://cdn.door43.org/obs/jpg/360px/obs-en-18-07.jpg)

ଇସ୍‌ରାଏଲ୍ ଦେସ୍‌ଟେ ଦସ୍‌ଗଟା ଗସ୍‌ଟିଟେଲକ୍ ରିହବିୟାମ୍ ବିରଦ୍‌ରେନ୍ ସେୟର୍। ମାତର୍ ଜଡେକ୍ ଗସ୍‌ଟିଟେ ଲକ୍ ଅଣ୍ତୁଙ୍ଗ୍ ପେଲ୍ ବିସ୍‌ବାସ୍ ମାଟର୍। ଇ ଜଡେକ୍ ଗସ୍‌ଟି ଜିଉଦାଟେ ରାଜି ଏନେ।

![](https://cdn.door43.org/obs/jpg/360px/obs-en-18-08.jpg)

ଇସ୍‌ରାଏଲ୍ ଦେସ୍‌ଟେ ୱେନ୍ ଦସ୍‌ଗଟା ଜାତି ରିହବିୟାମ୍‌ନେ ବିରଦ୍‌ରେନ୍ ସେୟର୍ ଆରେ ଜାରବିୟାମ୍ ପିଦିର୍‌ଟଣ୍ତ୍ ଉକୁର୍ ଲକୁଙ୍ଗ୍ ଆୟ୍‌ଲକ୍‌ନେ ରାଜା ଏରିଙ୍ଗ୍ ପାୟିଟ୍ ଆସ୍‌କେର୍। ଆୟ୍‌ଲକ୍ ଉତର୍ ଦିଗାଲ୍ ଆୟ୍‌ଲକ୍‌ନେ ରାଜି ଗଡାତର୍ ଆରେ ଆୱ୍‌ଗୁଲୁଙ୍ଗ୍ ଇସ୍‌ରାଏଲ୍ ରାଜି ଆରେ ପର୍‌ଦେସ୍ ଏଞ୍ଜି ପକେର୍।

![](https://cdn.door43.org/obs/jpg/360px/obs-en-18-09.jpg)

ଜାରବିୟାମ୍ ମାପ୍‌ରୁନେ ବିରଦ୍‌ରେନ୍ ସେୟଣ୍ତ୍ ଆରେ ଲକ୍‌ଗୁଲୁଙ୍ଗ୍ ପାପ୍ କେୟୁତଣ୍ତ୍। ଜିଉଦା ରାଜିନ୍ ମାନଣ୍ତି ମନ୍ଦିରତିନ୍ ମାପ୍‌ରୁନେ ଉପାସନା କେଦାନ୍ ବାଦୁଲ୍‌ରେନ୍ ଅଣ୍ତ୍ ମୁର୍‌ତି ୱାଟେ କେଗିଙ୍ଗ୍ ପାୟିଟ୍ ଅଣ୍ତୁନେ ଲକ୍‌ଗୁଲୁଙ୍ଗ୍ ପାୟିଟ୍ ଜଡେକ୍ ମୁର୍‌ତି ତିୟାର୍ କେନଣ୍ତ୍।

![](https://cdn.door43.org/obs/jpg/360px/obs-en-18-10.jpg)

ଜିଉଦା ରାଜି ଆରେ ଇସ୍‌ରାଏଲ୍ ରାଜି ସତ୍ରୁ ମାଣ୍ତି ସେୟର୍ ଆରେ ପେଙ୍ଗିଟ୍ ତର୍ ନିଜେନିଜେନିଙ୍ଗ୍ ବିରଦ୍‌ରେନ୍ ଜୁଦ୍ କେଗିଙ୍ଗ୍ ନର୍।

![](https://cdn.door43.org/obs/jpg/360px/obs-en-18-11.jpg)

ପୁନେଦ୍‌ଟେ ରାଜିନ୍ ଇସ୍‌ରାଏଲ୍‌ତିନ୍ ପାଟିନ୍ ରାଜା ଲକ୍ ଦୁସ୍‌ଟ ମାଟର୍। ଇ ପାଟିନ୍ ରାଜାଲକୁଙ୍ଗ୍ ତାନିର୍‌ଟୁକ୍ ପେଙ୍ଗୁର୍‌ତୁଲ୍ ରାଜାକିଲ୍ ୱେନ୍ ଇସ୍‌ରାଏଲ୍ ଲକୁଙ୍ଗ୍ ପେଲ୍‌ଟୁକ୍ ସାନର୍। ଏଇର୍ ଆୟ୍‌ଲକ୍‌ନେ ବାସେନ୍ ରାଜା ଏରିଙ୍ଗ୍ ଇଚା କେନର୍।

![](https://cdn.door43.org/obs/jpg/360px/obs-en-18-12.jpg)

ପାଟିନ୍ ରାଜାଲକ୍ ଆରେ ଇସ୍‌ରାଏଲ୍ ରାଜିଟେ ପାଟିନ୍ ଲକ୍ ମୁର୍‌ତି ୱାଟେ କେଗିନର୍। ଆୟ୍‌ଲକ୍‌ନେ ମୁର୍‌ତି ୱାଟେନ୍ ପେରିନ୍ ବେଲା ଆରେକ୍ ବେବିଚାର୍ ଆରେ ଇ ୱାଡିନ୍ ନିନିଟେ ସିଣ୍ତିଲ୍ ମାସିଲିଙ୍ଗ୍ ବଲି ସିଗିଙ୍ଗ୍ ନର୍।

![](https://cdn.door43.org/obs/jpg/360px/obs-en-18-13.jpg)

ଜିଉଦାଟେ ରାଜାକିଲ୍ ଦାଉଦ୍‌ନେ କୁଲ୍‌ଟେ ଲକ୍ ମାଟର୍। ଇ ପାଟିନ୍ ରାଜାକିଲିଙ୍ଗ୍ ପେଲ୍‌ଟୁକ୍ ପେଙ୍ଗୁର୍‌ତୁଲ୍ ନିୟାଟେ ଲକ୍ ମାଟର୍,ଏରେ ଲକ୍ କି ନିୟାୟ ବାବ୍‌ରେନ୍ ସାସନ୍ କେଗିଙ୍ଗ୍ ନର୍ ଆରେ ମାପ୍‌ରୁନେ ଉପାସନା କେଗିନର୍। ମାତର୍ ଜିଉଦାଟେ ପେଙ୍ଗୁର୍‌ତୁଲ୍ ରାଜାଲକ୍ ଦୁସ୍‌ଟ ଆରେ ଉୟାଟେ ଲକ୍ ମାଟର୍ ଆରେ ଆୟ୍‌ଲକ୍ ମୁର୍‌ତି ୱାଟେ କେଗିଙ୍ଗ୍ ନର୍। ଏଙ୍ଗୁର୍‌ତୁଲ୍ ରାଜାକିଲ୍ ଇ ୱାଡିନ୍ କି ଆୟ୍‌ଲକ୍‌ନେ ସିଣ୍ତିଲ୍ ମାସିଲିଙ୍ଗ୍ ଉୟାଟେ ୱେନ୍ଦିଟ୍‌ଗିଲିଙ୍ଗ୍ ବଲି ସିଗିଙ୍ଗ୍ ନର୍। ଜିଉଦାଟେ ଅଦେକ୍ ଲକ୍‌ଗୁଲ୍ ମାପ୍‌ରୁନେ ବିରଦ୍‌ରେନ୍ ସେୟର୍ ଆରେ ୱେନ୍ ୱେନ୍ଦିଟ୍‌ଗିଲିଙ୍ଗ୍ ଉପାସନା କେନର୍।

*ବାଇବଲ୍‌ଟେ ଉକୁଟ୍ କେରାଲ୍: ୧-ରାଜା ୧-୬; ୧୧-୧୨*

## 19. ୧୯-  ମାପ୍‌ରୁନେ ବାବବାଦିତିଲ୍

https://openbiblestories.org/l/gdb/story-19/

![](https://cdn.door43.org/obs/jpg/360px/obs-en-19-01.jpg)

ଇସ୍‌ରାଏଲ୍‌ ଲକ୍‌ନେ ଇତିହାସ୍‌ରେନ୍, ମାପ୍‌ରୁ ଆୟ୍‌ଲକ୍‌ନେ ଆର୍‌ସେଲ୍ ଭାବବାଦିତିଲିଙ୍ଗ୍ ସୟ୍‌ତଣ୍ତ୍। ଭାବବାଦିତିଲ୍ ମାପ୍‌ରୁନେ ପାଟେ ୱେଞ୍ଜି ଆଦିଙ୍ଗ୍ କୁଣ୍ତେଲ୍ ମାପ୍‌ରୁନେ ପାଟେ ଲକୁଙ୍ଗ୍ ୱେଣ୍ତୁକିନର୍।

![](https://cdn.door43.org/obs/jpg/360px/obs-en-19-02.jpg)

ଆହବ୍ ଏରେବେଲ୍ ଇସ୍‌ରାଏଲ୍ ରାଜିନ୍ ରାଜା ମାଟଣ୍ତ୍ ଆସେବେଲ୍ ଏଲିୟ ଉକୁର୍ ଭାବବାଦି ମାଟଣ୍ତ୍। ଆହବ୍ ଉକୁର୍ ଦୁସ୍‌ଟ ଲକ୍ ମାଟଣ୍ତ୍, ବାଲ୍ ପିଦିର୍‌ଟେ ଉକୁଟ୍ ଉୟାଟେ ୱେନ୍ଦିଟିଙ୍ଗ୍ ୱାଟେ କେଗିଙ୍ଗ୍ ପାୟିଟ୍ ଲକ୍‌ଗୁଲୁଙ୍ଗ୍ ପକୁଙ୍ଗ୍ ନଣ୍ତ୍। ଏଲିୟ ଆହବୁଙ୍ଗ୍ ପକେଣ୍ତ୍, “ଆନ୍ ପକା ଆରେକ୍ ଇସ୍‌ରାଏଲ୍‌ତିନ୍ ଏସେଲ୍ ମେନ୍ ୱାଇନ୍ ୱାରା।” ଆଦିଙ୍ଗ୍ ପାୟିଟ୍ ଆହବ୍ ପେରିନ୍ ରିସା ଏନଣ୍ତ୍।

![](https://cdn.door43.org/obs/jpg/360px/obs-en-19-03.jpg)

ଏଲିୟଙ୍ଗ୍ ୱାଟ୍‌ତେନ୍ ଆଟିଙ୍ଗ୍ ପାୟିଟ୍ ଇଚା କେୟାକ୍ ଆହବୁଙ୍ଗ୍ ପେଲ୍‌ଟୁକ୍ ନିଜେନିଙ୍ଗ୍ ପାକିଙ୍ଗ୍ ପାୟିଟ୍ ଉକୁଟ୍ ପାଜ୍‌ରା ଆର୍‌ସେଲ୍ ମାନଣ୍ତି ଚିମ୍‌ରା ବାସେନ୍ ପାକିଙ୍ଗ୍ ପାୟିଟ୍ ମାପ୍‌ରୁ ଏଲିୟଙ୍ଗ୍ ପକେଣ୍ତ୍। ନିତ୍‌ରେନ୍ ଆଡ୍‌ତଲ୍ ଆରେ ସିର୍‌ତାଲ୍‌ବେଲେନେ ତିତେଲ୍ ରୁଟି ଆରେ ସେପୁଲ୍ ଇନ୍ଦ୍‌ରି ସିଗିଙ୍ଗ୍‌ନେୱ୍। ଆହବ୍ ଆରେ ଅଣ୍ତୁନେ ସନିୟତୁଲ୍ ଏଲିୟଙ୍ଗ୍ କାଣ୍ତ୍‌ତର୍, ମାତର୍ ଆୟ୍‌ଲକ୍ ଅଣ୍ତୁଙ୍ଗ୍ କାଣ୍ତିକିଙ୍ଗ୍ ଅଡୁଟର୍। ମର୍‌ଡି ପେରିନ୍ ଏନେ ଜେ ପାଜ୍‌ରା ନିର୍ ଦିରେନ୍ ଦିରେନ୍ ୱାଟି ସେଣ୍ତେ।

![](https://cdn.door43.org/obs/jpg/360px/obs-en-19-04.jpg)

ଆଦିଙ୍ଗ୍ ଏଲିୟ ଉକୁଟ୍ ଆର୍‌ସେଲ୍‌ଟେ ଦେସ୍‌ତିନ୍ ସେୟଣ୍ତ୍। ମର୍‌ଡି ଏତାଲିନ୍ ଆୟ୍ ଦେସ୍‌ଟେ ଅକାଲ୍ ରାଣ୍ତି ଆସ୍‌ମାଲ୍ ଆରେ ଆଦିନେ ସେପାଲ୍‌ନେ କାଦି ପଲିସେଞ୍ଜି ମାଟେ। ଏନାଦିଙ୍ଗ୍ କି ୱାଇନ୍ ୱାରା ପାୟିଟ୍ ମର୍‌ଡି ଏରିମାଟେ ମାତର୍ ଆୟ୍‌ଲକ୍ ଏଲିୟନେ ଜତନ୍ ଉନର୍, ଆରେ ମାପ୍‌ରୁ ଆୟ୍‌ଲକୁଙ୍ଗ୍ କାଦି ସିନଣ୍ତ୍ ଏଟେନ୍ କି ଆୟ୍‌ଲକ୍‌ନେ ଅଟା ଇରଣ୍ଡି ଜାଗା ଆରେ ନେୟ୍ ଇରଣ୍ତି ଡାବା ଏସେଲ୍ ପଲାମାଟେ। ଆୟ୍ ମର୍‌ଡି ବେଲ୍ ମେନ୍ ଆୟ୍‌ଲକ୍‌ନେ କାଦି ମାଟେ। ଏଲିୟ ଆମାନ୍ ପେଙ୍ଗିଟ୍ ବରସ୍ ମାଟଣ୍ତ୍।

![](https://cdn.door43.org/obs/jpg/360px/obs-en-19-05.jpg)

ତିନ୍ ବରସ୍ ସଅ ମାସ୍ କୁଣ୍ତେଲ୍, ମାପ୍‌ରୁ ଏଲିୟଙ୍ଗ୍ ଇସ୍‌ରାଏଲ୍ ଦେସ୍‌ତିନ୍ ସେନିଙ୍ଗ୍ ପାୟିଟ୍ ପକେଣ୍ତ୍, ଆରେ ଆହବୁଙ୍ଗ୍ ପକେଣ୍ତ୍ ଜେ ଅଣ୍ତ୍ ଆରେତରେକ୍ ୱାଇନ୍ ସୟୁକୁଙ୍ଗ୍ ଇଚା କେଗିଦାଣ୍ତ୍। ଏସେବେଲ୍ ଆହବ୍ ଏଲିୟଙ୍ଗ୍ ସୁଡେଣ୍ତ୍, ଅଣ୍ତ୍ ପକେଣ୍ତ୍, “ଇଦ୍ ଇନେ ଏନା ସମସିୟା ସୁସ୍‌ଟି କେୟାକ୍!” ଏଲିୟ ଅଣ୍ତୁଙ୍ଗ୍ ଉତର୍ ସିନଣ୍ତ୍, “ଇନ୍ ସମସିୟା ସୁସ୍‌ଟି କେୟାକ୍! ଇନ୍ ସତ୍ ମାପ୍‌ରୁ ପର୍‌ବୁଙ୍ଗ୍ ସାକାରି ସିମାଟ୍‌ ଆରେ ବାଲ୍ ୱେନ୍ଦିଟିଙ୍ଗ୍ ଉପାସନା କେଗିଦାଟ୍‌। ଇସ୍‌ରାଏଲ୍ ରାଜିଟେ ପାଟିନ୍ ଲକୁଙ୍ଗ୍ କର୍‌ମିଲ୍ କପେଲ୍ ଇନ୍ଦ୍‌ରେ।

![](https://cdn.door43.org/obs/jpg/360px/obs-en-19-06.jpg)

୪୫୦ ବାଲ୍ ୱେନ୍ଦିଟ୍‌ନେ ଭବିସତ୍ ବକ୍‌ତାତିଲ୍ ଆରେ ଇସ୍‌ରାଏଲ୍ ରାଜିଟେ ପାଟିନ୍ ଲକ୍ କର୍‌ମିଲ୍ କପେଲ୍ ୱାନର୍। ଏଲିୟ ଲକୁଙ୍ଗ୍ ପକେଣ୍ତ୍, “ଇମ୍‌ଗୁଲ୍ ଏଙ୍ଗିର୍‌ଦିନାମ୍ ଇମେ ମନୁଙ୍ଗ୍ ବାଦ୍‌ଲାସି ତାକ୍‌ତାର୍? ଜଦି ପର୍‌ବୁ ମାପ୍‌ରୁ ଏରିସେୟ୍‌ଦାଣ୍ଡ୍‌, ଆଟେକଡ୍ ଅଣ୍ତୁନେ ସେବା କେୟୁର୍, ଜଦି ବାଲ୍ ୱେନ୍ଦିଟ୍‌ନେ ମାପ୍‌ରୁ ଆଟେକଡ୍ ଅଣ୍ତୁନେ ସେବା କେୟୁର୍।

![](https://cdn.door43.org/obs/jpg/360px/obs-en-19-07.jpg)

ଆଦିଙ୍ଗ୍ କୁଣ୍ତେଲ୍ ଏଲିୟ ବାଲ୍ ଭାବବାଦିତିଲିଙ୍ଗ୍ ପକେଣ୍ତ୍, ଉକୁଟ୍ କନ୍ଦେ କାତୁର୍ ଆରେ ଆଦିଙ୍ଗ୍ ବଲି ପାୟିଟ୍ ତିୟାର୍ କେୟୁର୍, ମାତର୍ ଇମାନ୍ କିସ୍ ପାନ୍ଦୁମେର୍। ଆନ୍ ମେନ୍ ଆଦ୍ କେଦାନ୍। ଏରେ ମାପ୍‌ରୁ କିସ୍‌ନା ପାରିକ୍‌ଦାଣ୍ତ୍ ଅଣ୍ତ୍ ସତ୍ ମାପ୍‌ରୁ ଏଦାଣ୍ତ୍।” ଆଦିଙ୍ଗ୍‌ ବାଲ୍ ଭବିସତ୍ ବକ୍‌ତାତିଲ୍ ଉକୁଟ୍ ବଲି ସିୟଣ୍ତି ଜଗିୟବେଦି ତିୟାର୍ କେନର୍ ମାତର୍ ଆମାନ୍ କିସ୍ ତୁୟୁଟର୍।

![](https://cdn.door43.org/obs/jpg/360px/obs-en-19-08.jpg)

ଆଦିଙ୍ଗ୍ କୁଣ୍ତେଲ୍ ବାଲ୍ ଭବିସତ୍‌ବକ୍‌ତାତିଲ୍ ବାଲ୍ ୱେନ୍ଦିଟିଙ୍ଗ୍ ପାର୍‌ତନା କେନର୍ “ବାଲ୍, ଆମେ ପାର୍‌ତନା ୱେନ୍!” ପୁରା ଦିନ୍ ଆୟ୍‌ଲକ୍ ପାର୍‌ତନା କେନର୍ ଆରେ ପେରିନ୍ ଆଉଲି ଏନର୍ ଆରେ ନିଜେନ୍ ନିଜେନିଙ୍ଗ୍ କାଣ୍ତାଲ୍ ନା କାତି ଏନର୍, ମାତର୍ ଏନାମେନ୍ ଉତର୍ ତଣ୍ତୁଟେ।

![](https://cdn.door43.org/obs/jpg/360px/obs-en-19-09.jpg)

ସିର୍‌ତାବେଲାଙ୍ଗ୍‌, ଏଲିୟ ମାପ୍‌ରୁଙ୍ଗ୍ କାକେଲ୍ ଉକୁଟ୍ ବଲି ତିୟାର୍ କେନଣ୍ତ୍। ଆମାଟୁକ୍ ଅଣ୍ତ୍ ଲକୁଙ୍ଗ୍ ପକେଣ୍ତ୍, ଜଗିୟବେଦିଟେ ସେପୁଲ୍ ଆରେ କାଡ୍‌ସିଲ୍‌ଟେ ଜଗିୟବେଦି ଚାରିବେଡ୍‌ତେନ୍ ବାସେ ପୁରା ପଦ୍‌ଦାନ୍ ଆରେକ୍ ବାର ଗଟା ବେର୍ ବେର୍‌ଟେ ନକିଲ୍‌ତିନ୍ ନିର୍ ଉଇ ସରୁକୁଙ୍ଗ୍ ପକେଣ୍ତ୍।

![](https://cdn.door43.org/obs/jpg/360px/obs-en-19-10.jpg)

ଆଦିଙ୍ଗ୍ କୁଣ୍ତେଲ୍ ଏଲିୟ ପାର୍‌ତନା କେନଣ୍ତ୍, “ଏ ଅବ୍‌ରାମ୍, ଇସାକ୍ ଆରେ ଜାକୁବନେ ମାପ୍‌ରୁ ପର୍‌ବୁ, ଇନେନ୍ ଆମୁଙ୍ଗ୍ ତଟୁପ୍ ଜେ ଇନ୍ ଇସ୍‌ରାଏଲ୍‌ଟେ ମାପ୍‌ରୁ ଆରେ ଆନ୍ ଇନେ ଦାସ୍। ଆନିଙ୍ଗ୍ ଉତର୍ ଇନ୍ଦେ ଏଟେନ୍ କି ଇ ପାଟିନ୍ ଲକ୍ ପୁୟାର୍ ଜେ ଇନ୍ ସତ୍ ମାପ୍‌ରୁ।”

![](https://cdn.door43.org/obs/jpg/360px/obs-en-19-11.jpg)

ଆମାଟୁକ୍‌, ଆକାସ୍‌ଟେ କିସ୍ ଇଲି ଜଗିୟବେଦିନ୍ ମାନଣ୍ତି ସେପୁଲ୍, କାଡ୍‌ସିଲ୍, କାଣ୍ତ୍‌କିଲ୍ ଦୁଲି ଇ ୱାଡିନ୍ ଜଗିୟବେଦି ଚାରିବେଡ୍‌ତେଟେ ନିରିଙ୍ଗ୍ ପାଟିନ୍ କାରୁୱ୍‌ସି କାରେଣ୍ତ୍। ଲକ୍‌ଗୁଲ୍ ଏସେବେଲ୍ ଇଦ୍ ସୁଡେର୍, ଆୟ୍‌ଲକ୍ ବାସେନ୍ ଉମ୍‌ତାଡ୍ ଏରି ପକେର୍, “ ପର୍‌ବୁ ଇ ମାପ୍‌ରୁ! ପର୍‌ବୁ ଇ ମାପ୍‌ରୁ!”

![](https://cdn.door43.org/obs/jpg/360px/obs-en-19-12.jpg)

ଆଦିଙ୍ଗ୍ କୁଣ୍ତେଲ୍ ଏଲିୟ ପକେଣ୍ତ୍, “ବାଲ୍ ୱେନ୍‌ଦିଟ୍‌ଟେ ଏରେମେନ୍ ଭବିସତ୍‌ବକ୍‌ତା ଲକୁଙ୍ଗ୍ ସେନିଙ୍ଗ୍ ସିମେର୍!” ଆଦିଙ୍ଗ୍ ଲକ୍‌ଗୁଲ୍ ବାଲ୍ ୱେନ୍ଦିଟ୍‌ନେ ଭବିସତ୍ ବକ୍‌ତାଲକୁଙ୍ଗ୍ ପାତି ଆୟ୍‌ଲକୁଙ୍ଗ୍ ୱାଟ୍‌ତେନ୍ ଆଟେର୍।

![](https://cdn.door43.org/obs/jpg/360px/obs-en-19-13.jpg)

ଆଦିଙ୍ଗ୍ କୁଣ୍ତେଲ୍ ଏଲିୟ ଆହବୁଙ୍ଗ୍ ପକେଣ୍ତ୍, “ଗଡ୍‌ତୁନ୍ ଦାପ୍‌ରେନ୍ ମାଣ୍ତିସେନ୍, ଏନାଦିଙ୍ଗ୍ କି ୱାଇନ୍ ୱାରିଦା।” ଦାପ୍‌ରେନ୍ ଆକାସ୍ ସିର୍‌ଙ୍ଗାଟ୍ ଏରିଙ୍ଗ୍ ଉଣ୍ତେଟେ ଆରେ ବେସି ୱାଇନ୍ ୱାନେ। ଜିହବା ମର୍‌ଡିଙ୍ଗ୍ ସେସ୍ କେୟି ପଲିମାଟଣ୍ତ୍ ଆରେ ଅଣ୍ତ୍ ଜେ ସତ୍ ମାପ୍‌ରୁ ଆଦ୍ ଅଣ୍ତ୍ ପର୍‌ମାନ୍ କେନଣ୍ତ୍।

![](https://cdn.door43.org/obs/jpg/360px/obs-en-19-14.jpg)

ଏଲିୟନେ ବେଲା କୁଣ୍ତେଲ୍, ମାପ୍‌ରୁ ଇଲିସାୟ ପିଦିର୍‌ଟେ ଉକୁର୍ ଲକୁଙ୍ଗ୍ ଅଣ୍ତୁନେ ଭାବବାଦି ଏରିଙ୍ଗ୍ ପାୟିଟ୍ ଆସ୍‌କେଣ୍ତ୍। ମାପ୍‌ରୁ ଇଲିସାୟଙ୍ଗ୍ ପେଲ୍‌ଟୁକ୍ ପେଙ୍ଗିଟ୍ କାବା କାମେଲ୍ କେନଣ୍ତ୍। ନାମାନଙ୍ଗ୍ ପେଲ୍‌ ଉକୁଟ୍ କାବା କାମେ ଗଟ୍‌ଏରି ମାଟେ, ଅଣ୍ତ୍ ଉକୁର୍ ସତ୍‌ରୁ ସେନାପତି ମାଟଣ୍ତ୍, ଅଣ୍ତୁଙ୍ଗ୍ ଚର୍‌ମ ରଗ୍ ଏରିମାଟେ। ଅଣ୍ତ୍ ଇଲିସାୟନେ ବିସୟ୍‌ରେନ୍ ୱେଞ୍ଜି ମାଟଣ୍ତ୍ ଆଦିଙ୍ଗ୍ ଅଣ୍ତ୍ ସେଞ୍ଜି ଅଣ୍ତୁଙ୍ଗ୍ ସୁସ୍‌ତ କେଗିଙ୍ଗ୍ ପାୟିଟ୍ ଇଲିସାୟଙ୍ଗ୍ ପକେଣ୍ତ୍। ଇଲିସାୟ ନାମାନୁଙ୍ଗ୍ ଜର୍‌ଦନ୍ ପେରେଟ୍‌ତିନ୍ ସାତ୍ ତର୍ ମୁଲ୍‌ଗୁଙ୍ଗ୍ ପକେଣ୍ତ୍।

![](https://cdn.door43.org/obs/jpg/360px/obs-en-19-15.jpg)

ପର୍‌ତୁମ୍ ନାମାନ୍ ରିସା ଏରିମାଟଣ୍ତ୍ ମାତର୍ ଇଦ୍ କେୟାଣ୍ତ୍ ଇଦୁ ମୁର୍‌କତା ୱାଡିନ୍ ପେତେ। ମାତର୍ ଆୟ୍‌ବେଲ୍ ଅଣ୍ତ୍ ଅଣ୍ତୁନେ ମନ୍ ବାଦ୍‌ଲାସି ଜର୍‌ତନ୍ ପେରେଟ୍‌ତିନ୍ ନିଜେନ୍ ଅଣ୍ତ୍ ସାତ୍ ତର୍ ମୁଲ୍‌ଗେଣ୍ତ୍। ଅଣ୍ତ୍ ଏସେବେଲ୍ ନିର୍‌ଟୁକ୍ ପେସି ୱାନଣ୍ତ୍ ଆୟ୍‌ବେଲ୍ ଅଣ୍ତୁନେ ଚର୍‌ମ ରଗ୍ ସୁସ୍‌ତ ଏନେ। ମାପ୍‌ରୁ ଅଣ୍ତୁଙ୍ଗ୍ ସୁସ୍‌ତ କେନଣ୍ତ୍।

![](https://cdn.door43.org/obs/jpg/360px/obs-en-19-16.jpg)

ମାପ୍‌ରୁ ଆରେତରେକ୍ ୱେନ୍ ଭାବବାଦିତିଲିଙ୍ଗ୍ ସୟ୍‌ସିମାଟଣ୍ତ୍। ଆୟ୍‌ଲକ୍ ପାଟିନ୍ ଲକୁଙ୍ଗ୍ ମୁର୍‌ତି ୱାଟେ ବନ୍ଦ୍ କେଗିଙ୍ଗ୍ ପାୟିଟ୍ ପକେର୍ ଆରେ ୱେନ୍ ଲକୁଙ୍ଗ୍ ନିୟାୟ ଆରେ ଦୟା ତଟୁକୁଙ୍ଗ୍ ପକିମାଟର୍। ଭାବବାଦିତିଲ୍ ଲକ୍‌ଗୁଲୁଙ୍ଗ୍ ଜାଗର୍‌ତା କେୟି ପକେର୍ ଜେ ଜଦି ଆୟ୍‌ଲକ୍ ଉୟା କାମେଲ୍ କେଗିଙ୍ଗ୍ ବନ୍ଦ୍ କେୟାର୍ ଆରେ ମାପ୍‌ରୁନେ ଆଦେସ୍ ମାନ୍‌ଏରାର୍ ଆଟେଲ୍ ମାପ୍‌ରୁ ଆୟ୍‌ଲକୁଙ୍ଗ୍ ଦସି ଏଞ୍ଜି ବିସାର୍ କେଦାଣ୍ଡ୍‌ ଆରେ ଆୟ୍‌ଲକୁଙ୍ଗ୍ ଡଣ୍ତ୍ ସିଦାଣ୍ଡ୍‌।

![](https://cdn.door43.org/obs/jpg/360px/obs-en-19-17.jpg)

ପେରିନ୍ ତର୍ ଲକ୍‌ଗୁଲ୍ ମାପ୍‌ରୁନେ ଆଦେସ୍ ମାନ୍‌ଏରୁଟର୍। ଆୟ୍‌ଲକ୍ ପେଙ୍ଗିଟ୍ ସମୟ୍‌ରେନ୍ ଭାବବାଦିତିଲ୍ ନା ଉୟା ବେବହାର୍ କେଗିଙ୍ଗ୍‌ନର୍ ଆରେ ଏସେବେଲ୍ ଇ ୱାଡିନ୍ ଆୟ୍‌ଲକୁଙ୍ଗ୍ ୱାଟ୍‌ତେନ୍ ଆଟିଙ୍ଗ୍‌ନର୍। ତରେକ୍, ଜିରିମିୟ ଭାବବାଦିଙ୍ଗ୍ ଉକୁଟ୍ ୱାଟଣ୍ଡି କୁୟ୍‌କାଲ୍‌ତିନ୍ କାରିସି ମାଟର୍ ଆରେ ଅଣ୍ତୁଙ୍ଗ୍ ସାଗିଙ୍ଗ୍ ପାୟିଟ୍ ଅଣ୍ତୁଙ୍ଗ୍ ଆମାନ୍ ଉକୁରୁଙ୍ଗ୍ ସାକାରି ମାଟର୍। ଆୟ୍ କୁୟ୍‌କାଲ୍ ତାନିର୍‌ ମାନଣ୍ତି କାଦନ୍ ମୁଲ୍‌ଗି ସେଞ୍ଜିମାଟଣ୍ତ୍, ମାତର୍ ରାଜା ଅଣ୍ତୁଙ୍ଗ୍ ପାୟିଟ୍ ଦୟା ୱାନେ ଆରେ ଜିରିମିୟ ସାଦାନ୍ ଆଗାଡି ଅଣ୍ତୁଙ୍ଗ୍ କୁୟ୍‌କାଲ୍‌ଟୁକ୍ ପୟେନ୍ ପେପ୍‌ସି ଇନ୍ଦ୍‌ରି ଅଣ୍ତ୍ ଅଣ୍ତୁନେ ଦାସ୍‌ଲକୁଙ୍ଗ୍ ଆଦେସ୍ ସିନଣ୍ତ୍।

![](https://cdn.door43.org/obs/jpg/360px/obs-en-19-18.jpg)

ଭାବବାଦିତିଲିଙ୍ଗ୍ ଲକ୍‌ଗୁଲ୍ ଗୁର୍‌ନା କେଗଡ୍ ମେନ୍ ଆୟ୍‌ଲକ୍ ମାପ୍‌ରୁ ନେ ପାଟେ ପକୁଙ୍ଗ୍ ଉଣ୍ତେର୍। ଆୟ୍‌ଲକ୍ ଲକ୍‌ଗୁଲୁଙ୍ଗ୍ ଜାଗର୍‌ତା କେୟି ପକେର୍ ଜେ ଜଦି ଆୟ୍‌ଲକ୍ ଅନୁତାପ୍ କେୟାକଡ୍ ମାପ୍‌ରୁ ଆୟ୍‌ଲକୁଙ୍ଗ୍ ବିନସ୍‌ଟ କେଦାଣ୍ତ୍। ମାପ୍‌ରୁନେ ପେରିତ୍ କିସ୍‌ଟ ଜେ ୱାଦାଣ୍ତ୍ ଆୟ୍ ଜିଦ୍‌ ବିସୟରେନ୍ ଆୟ୍‌ଲକ୍ ଲକ୍‌ଗୁଲୁଙ୍ଗ୍ ଏତାସି ସି ମାଟର୍।

*ବାଇବଲ୍‌ଟେ ଉକୁଟ୍ କେରାଲ୍: ୧-ରାଜା ୧୬-୧୮; ୨-ରାଜା ୫; ଜିରିମି ୩୮*

## 20. ୨୦- ଇସ୍‌ରାଏଲ୍‌ତିଲ୍ ୱେନ୍ ଦେସ୍‌ତିନ୍ ପାଲାରି ଆରେ ମାଣ୍ଡି ୱାରଣ୍ଡି

https://openbiblestories.org/l/gdb/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍‌ରାଏଲ୍ ରାଜି ଆରେ ଜିଉଦା ରାଜି ମାପ୍‌ରୁନେ ବିରଦ୍‌ରେନ୍ ପାପ୍ କେନର୍। ମାପ୍‌ରୁ ସିନୟ୍ କପେଲ୍ ଆୟ୍‌ଲକ୍‌ନା ଏରେ ନିୟମ୍ କେୟି ମାଟଣ୍ତ୍, ଆୟ୍‌ଲକ୍ ଆୟ୍ ନିୟମୁଙ୍ଗ୍ ବାଦ୍‌ଲାସି କାରେର୍। ଲକ୍‌ଗୁଲ୍ ଏଟେନ୍ ଅନୁତାପ୍ କେଦାର୍ ଆରେ ଆରେତରେକ୍ ଅଣ୍ତୁନେ ଉପାସନା କେଦାର୍ ଆଦିଙ୍ଗ୍ ପାୟିଟ୍ ମାପ୍‌ରୁ ଆୟ୍‌ଲକ୍‌ନେ ଭାବବାଦିତିଲିଙ୍ଗ୍ ସୟ୍‌ସି ଜାଗ୍‌ରତା କେୟୁତଣ୍ତ୍, ମାତର୍ ଆୟ୍‌ଲକ୍ ଆଦ୍ ପାଲନ୍ କେଗିଙ୍ଗ୍ ମାନା କେନର୍।

![](https://cdn.door43.org/obs/jpg/360px/obs-en-20-02.jpg)

ଆଦିଙ୍ଗ୍ ମାପ୍‌ରୁ ଆର୍‌ସେଲ୍‌ଟେ ରାଜିଲିଙ୍ଗ୍ ଆୟ୍‌ଲକ୍‌ନେ ସତ୍‌ରୁଲକ୍‌ନା ବିନସ୍‌ଟ ଏରିଙ୍ଗ୍ ପାୟିଟ୍ ଅନୁମତି ସିନଣ୍ତ୍। ଉକୁଟ୍ ସକ୍‌ତିସାଲି ଆରେ ନିର୍‌ଦୟି ଦେସ୍ ଆସିରିୟ ସାମ୍‌ରାଜ ଇସ୍‌ରାଏଲ୍ ରାଜିଙ୍ଗ୍ ବିନସ୍‌ଟ କେନେୱ୍। ଇସ୍‌ରାଏଲ୍‌ତିନ୍ ମାନଣ୍ତି ପେଙ୍ଗୁର୍‌ତୁଲୁଙ୍ଗ୍ ଆସିରିୟତିଲ୍ ୱାଟ୍‌ତେନ୍ ଆଟେର୍, ମୁଲିକାଟେ ଦିନ୍‌ସୁଲ୍ ପାତି ସେୟର୍, ଆରେ ଦେସ୍‌ଟେ ଅଦା ବାଗିଙ୍ଗ୍ କାରୁୱ୍‌ସି କାରେର୍।

![](https://cdn.door43.org/obs/jpg/360px/obs-en-20-03.jpg)

ଆସିରିୟତିଲ୍ ଦନି ଲକୁଙ୍ଗ୍, ଦକ୍ଷତା ମାନ୍ ଲକୁଙ୍ଗ୍ ଇ ୱାଡିନ୍ ପାଟିନ୍ ନେତାଲକୁଙ୍ଗ୍ ଉକୁଟ୍ ପେଲ୍ କେନର୍ ଆରେ ଆୟ୍‌ଲକୁଙ୍ଗ୍ ପାତି ଆସିରିୟ ସେୟର୍। ମାତର୍ ପେରିନ୍ ଗରିବ୍ ଇସ୍‌ରାଏଲ୍‌ତିଲ୍ ଏରେଲକୁଙ୍ଗ୍ ୱାଟ୍‌ତେନ୍ ଆଟାରିମାଟର୍ ଆୟ୍‌ଲକ୍ ଇ ଇସ୍‌ରାଏଲ୍ ରାଜିନ୍ ମାଞ୍ଜିସେୟର୍।

![](https://cdn.door43.org/obs/jpg/360px/obs-en-20-04.jpg)

ଆଦିଙ୍ଗ୍ କୁଣ୍ତେଲ୍ ଆସିରିୟତୁଲ୍ ବିଦେସିୟ ଲକୁଙ୍ଗ୍ ଆୟ୍‌ଲକ୍‌ନେ ଦେସ୍‌ତିନ୍ ବାସେ ଏରିଙ୍ଗ୍ ପାୟିଟ୍ ଇନ୍ଦ୍‌ରେର୍ ଏରେମାନ୍ ଇସ୍‌ରାଏଲ୍ ରାଜି ମାଟେ। ବିଦେସିୟତୁଲ୍ ବିନସ୍‌ଟ ଏରିସେନଣ୍ତି ଗଡ୍‌ଗୁଲ୍ ଆରେତରେକ୍ ତିୟାର୍ କେନର୍ ଆରେ ଇସ୍‌ରାଏଲ୍ ଲକୁଙ୍ଗ୍ ଅଦୁର୍ ଏନର୍ ଏରେଲକ୍ ଆମାନ୍ ମାଞ୍ଜିସେଞ୍ଜି ମାଟର୍। ଏରେ ଇସ୍‌ରାଏଲ୍ ଜାତି ବିଦେସିୟଲକୁଙ୍ଗ୍ ଅଦୁର୍ ଏରିମାଟର୍ ଆୟ୍‌ଲକୁଙ୍ଗ୍ ସମିରନିୟ ପକୁଙ୍ଗ୍ ନର୍।

![](https://cdn.door43.org/obs/jpg/360px/obs-en-20-05.jpg)

ଜିଉଦା ରାଜିଟେ ଲକ୍‌ଗୁଲ୍ ସୁଡେର୍ ଜେ ଇସ୍‌ରାଏଲ୍ ରାଜିଟେ ଲକ୍ ମାପ୍‌ରୁଙ୍ଗ୍ ବିସ୍‌ବାସ୍ କେୟା ପାୟିଟ୍ ଆରେ ଆଦେସ୍ ମାନ୍‌ଏରା ପାୟିଟ୍ ମାପ୍‌ରୁ ଆୟ୍‌ଲକୁଙ୍ଗ୍ ଡଣ୍ତ୍ ସିମାଟଣ୍ତ୍। ମାତର୍ ଆୟ୍‌ଲକ୍ କିନାନିୟ ମୁର୍‌ତିଲିଙ୍ଗ୍ ୱାଟେ କେୟି ମୁର୍‌ତିଲିଙ୍ଗ୍ ଉପାସନା କେନର୍। ଆୟ୍‌ଲକୁଙ୍ଗ୍ ଜାଗ୍‌ରତା କେଗିଙ୍ଗ୍ ପାୟିଟ୍ ମାପ୍‌ରୁ ଭାବବାଦିତିଲିଙ୍ଗ୍ ସୟ୍‌ତଣ୍ତ୍, ମାତର୍ ଆୟ୍‌ଲକ୍ ୱେନିଙ୍ଗ୍ ପାୟିଟ୍ ମାନା କେନର୍।

![](https://cdn.door43.org/obs/jpg/360px/obs-en-20-06.jpg)

ଆସିରିୟତିଲ୍ ଇସ୍‌ରାଏଲ୍ ରାଜିଙ୍ଗ୍ ବିନସ୍‌ଟ କେୟଣ୍ତି ୧୦୦ ବରସ୍ କୁଣ୍ତେଲ୍, ମାପ୍‌ରୁ ବାବିଲ୍‌ଟେ ରାଜା ନବୁଖଦ୍‌ନିସ୍‌ରୁଙ୍ଗ୍ ଜିଉଦା ରାଜି ଆଟିଙ୍ଗ୍ ପାୟିଟ୍ ସୟ୍‌ତଣ୍ତ୍। ବାବିଲନ୍ ଉକୁଟ୍ ସକ୍‌ତିସାଲି ସାମ୍‌ରାଜ ମାଟେ। ଜିଉଦାଟେ ରାଜା ନବୁଖଦ୍‌ନିସ୍‌ରୁଙ୍ଗ୍ ଦାସ୍ ଏରିଙ୍ଗ୍ ପାୟିଟ୍ ସହମତି ସିନର୍ ଆରେ ପାଟିନ୍ ବରସ୍ ପେଙ୍ଗିଟ୍ ଦିନ୍‌ସୁଲ୍ ସିନର୍।

![](https://cdn.door43.org/obs/jpg/360px/obs-en-20-07.jpg)

ମାତର୍ ଅଲପ୍ ବରସ୍ କୁଣ୍ତେଲ୍, ଜିଉଦାଟେ ରାଜା ବାବିଲନ୍ ବିରଦ୍‌ରେନ୍ ସେୟର୍। ଆଦିଙ୍ଗ୍, ବାବିଲନ୍‌ତୁଲ୍ ମାଣ୍ତିୱାରି ଜିଉଦା ରାଜିଙ୍ଗ୍ ଆଟିଙ୍ଗ୍ ଉଣ୍ତେର୍। ଆୟ୍‌ଲକ୍ ଜିରୁସାଲମ୍ ଗଡ୍ ଅଦିକାର୍‌ କେନର୍, ମନ୍ଦିରିଙ୍ଗ୍ ବିନସ୍‌ଟ କେନର୍, ଗଡ୍ ଆରେ ମନ୍ଦିର୍‌ଟେ ସୁନା ବାନା ପାତି ସେୟର୍।

![](https://cdn.door43.org/obs/jpg/360px/obs-en-20-08.jpg)

ଉୟାକେଦାନ୍ ପାଇଟ୍ ଜିଉଦାଟେ ରାଜାଙ୍ଗ୍ ଦଣ୍ଡ୍ ସିଗିଙ୍ଗ୍ ପାଇଟ୍ ନବୁକଦ୍‌ନିସର୍‌ନେ ସନିୟଦଲ୍ ରାଜାନେ ସେପାକିଲିଙ୍ଗ୍ ମୁଆଟ୍‌ତିନ୍ ୱାଟ୍‌ତେନ୍ ଆଟେର୍ ଆରେ ଅଣ୍ତୁଙ୍ଗ୍ କାନା କେୟିକାରେର୍, ଆଦିନ୍ କିଣ୍ତେଲ୍ ଅଣ୍ତ୍ ଏଟେନ୍‌କି ବାବିଲ୍‌ଟେ ଜୟିଲ୍ ଉଲେନ୍ ସାଦାଣ୍ତ୍ ଆଦିଙ୍ଗ୍ ପାଇଟ୍ ଆୟ୍‌ଲକ୍ ଅଣ୍ତୁଙ୍ଗ୍ ବାବିଲ୍‌ତିନ୍‌ ପାତିସେୟ୍‌ର୍।

![](https://cdn.door43.org/obs/jpg/360px/obs-en-20-09.jpg)

ନବୁକଦ୍‌ନିସର୍ ଆରେ ଅଣ୍ତୁନେ ସନିୟତୁଲ୍ ଜିଉଦାଟେ ପାଟିନ୍ ଲକୁଙ୍ଗ୍ ବାବିଲ୍‌ଲନ୍‌ତୁନ୍ ପାତିସେୟର୍ ଆରେ ୱିଣ୍ତ୍‌ଗିଲ୍‌ତିନ୍ କାମେ କେଗିଙ୍ଗ୍ କାକୁର୍‌ତି ଲକୁଙ୍ଗ୍ ଜିଉଦାନ୍ ସାକାରେର୍, ମାପ୍‌ରୁନ୍ ଲକୁଙ୍ଗ୍ ଜିଦ୍‌ଟେ ଦେସ୍‌ଟୁକ୍ ସକ୍‌ତି ତଟ୍‌ସି ପାତିସେଞ୍ଜି ମାଟର୍ ଟିକ୍‌ବେଲ୍ ପକିଏରିମା।

![](https://cdn.door43.org/obs/jpg/360px/obs-en-20-10.jpg)

ଜଦି ପାପ୍ ପାୟିଟ୍ ମାପ୍‌ରୁ ଆୟ୍‌ଲକୁଙ୍ଗ୍ ନିଜେଟେ ଇଚାନା ୱେନ୍ ଦେସ୍‌ତିନ୍ ସୟ୍‌ତଣ୍ତ୍, ମାତର୍ ଅଣ୍ତ୍ ଆୟ୍‌ଲକୁଙ୍ଗ୍ ଆରେ ଅଣ୍ତୁନେ ଜିଦ୍‌ଗିଲିଙ୍ଗ୍ ବାନାଏରାଣ୍ତି ମାଟଣ୍ତ୍। ମାପ୍‌ରୁ ଅଣ୍ତୁନେ ଲକୁଙ୍ଗ୍ ପୟ୍‌ତାନ୍ ନଜର୍ ଇରିନଣ୍ତ୍ ଆରେ ଆୟ୍‌ଲକ୍‌ନେ ଭାବବାଦିତିଲ୍‌ନା ଆୟ୍‌ଲକୁଙ୍ଗ୍ ପାଟେ ପକୁଙ୍ଗ୍ ଉଣ୍ତେର୍। ଅଣ୍ତ୍ ଜିଦ୍‌ କେନଣ୍ତ୍ ଜେ, ସତୁରି ବରସ୍ କୁଣ୍ତେଲ୍ ଆୟ୍‌ଲକ୍ ଆରେତରେକ୍ ଆଦେସ୍‌ଟେ ଦେସ୍‌ତିନ୍ ମାଣ୍ତି ୱାଦାର୍।

![](https://cdn.door43.org/obs/jpg/360px/obs-en-20-11.jpg)

ସତୁରି ବରସ୍ କୁଣ୍ତେଲ୍, ପାର୍‌ସିତିଲ୍‌ନେ ରାଜା ସାଇରସ୍ ବାବିଲନୁଙ୍ଗ୍ ଆରାତଣ୍ତ୍, ଆଦିଙ୍ଗ୍ ପାରାସ୍ ସାମ୍‌ରାଜ ବାବିଲନ୍ ସାମ୍‌ରାଜ ବାସେ ଉନର୍। ଇଣ୍ତି ଇସ୍‌ରାଏଲ୍ ଲକୁଙ୍ଗ୍ ଜିଉଦି ଏଞ୍ଜି ପକେର୍ ଆରେ ଆୟ୍‌ଲକ୍ ଆୟ୍‌ଲକ୍‌ନେ ଜିୱେ ସେୟାନ୍ ଆରେକ୍ ବାବିଲନ୍‌ତୁନ୍ ବାସେ ଏନର୍। ମାତର୍ ତାଏନିଲକ୍ ଜିଉଦି ମୁତାକର୍ ଜିଉଦା ରାଜିଙ୍ଗ୍ ଏତାତର୍।

![](https://cdn.door43.org/obs/jpg/360px/obs-en-20-12.jpg)

ପାରସ୍‌ଟେ ଗଡ୍ ଡାଟ୍‌ନା ମାଟେ ମାତର୍ ଏରେଲକୁଙ୍ଗ ଜିନ୍‌ସିମାଟର୍ ଆମାଟୁକ୍ ଦୟାଟ୍‌ଲକ୍ ମାଟର୍, ସାଇରସ୍ ପାରସ୍ ରାଜା ଏଦାନ୍ କାଣ୍ତେକ୍ ବେଲାଙ୍ଗ୍‌, ଅଣ୍ତ୍ ଉକୁଟ୍ ଆଦେସ୍ ସିନଣ୍ତ୍ ଏଇଣ୍ତ୍ ପାରସ୍ ଦେସ୍ ସାକାରି ଜିଉଦା ଦେସ୍‌ତିନ୍ ମାଣ୍ତିସେନିଙ୍ଗ୍ ଇସା କେଦାଣ୍ତ୍ ଆୟ୍‌ଲକ୍ ଆମାନ୍ ମାଣ୍ତିସେନିଙ୍ଗ୍ ଅଡ୍‌ତାର୍, ଅଣ୍ତ୍ ଇ ୱାଡିନ୍ ମନ୍ଦିର୍ ତିୟାର୍‌କେଗିଙ୍ଗ୍ ପାଇଟ୍ ଡାବୁଲ୍ ସିନଣ୍ତ୍ ଆଦିଙ୍ଗ୍ ଇସାନା ସତୁରି ବାରିସ୍ ମାନ୍ କୁଣ୍ତେଲ୍, ଜିଉଦି ଲକ୍‌ନେ ଉକୁଟ୍ ନିନିଟେ ଦଲ୍ ଜିଉଦାନ୍ ମାନଣ୍ତି ଜିରୁସାଲାମ୍ ଗଡ୍‌ତୁନ୍ ମାଣ୍ତିସେୟର୍।

![](https://cdn.door43.org/obs/jpg/360px/obs-en-20-13.jpg)

ଲକ୍‌ଗୁଲ୍ ଏରେବେଲାଙ୍ଗ୍ ଜିରୁସାଲାମ୍ ଏଦେର୍, ଆୟ୍‌ଲକ୍ ମନ୍ଦିର୍ ଆରେ ଗଡ୍ ଚାରିବେଡ୍‌ତେନ୍ ମାନଣ୍ତି ଆରେତରେକ୍ ପୁନେଦ୍ ତିୟାର୍ କେନର୍। ଜଦି ଆୟ୍‌ଲକ୍ ୱେନ୍ ଲକ୍‌ନା ସାସନ୍ ଏରିଙ୍ଗ୍‌ନର୍, ଆରେତରେକ୍ ଆୟ୍‌ଲକ୍ ଜିଦ୍‌ଟେ ଦେସ୍‌ତିନ୍ ବାସେ ଏନର୍ ଆରେ ମନ୍ଦିର୍‌ତିନ୍ ଉପାସନା କେନର୍।

*ବାଇବଲ୍‌ଟେ ଉକୁଟ୍ କେରାଲ୍: ୨-ରାଜା ୧୭:୨୪-୨୫; ୨-ବଙ୍ଗ୍‌ସା ୩୬; ଏଜ୍‌ରା ୧-୧୦; ନିଇମି ୧-୧୦*

## 21. ୨୧- ମାପ୍‌ରୁ କିସ୍‌ଟଙ୍ଗ୍ ସୟ୍‌ପଣ୍ଡି

https://openbiblestories.org/l/gdb/story-21/

![](https://cdn.door43.org/obs/jpg/360px/obs-en-21-01.jpg)

ଆରାମ୍‌ଟୁକ୍ ଇ ମାପ୍‌ରୁ କିସ୍‌ଟଙ୍ଗ୍ ପକୁଙ୍ଗ୍ ପାଇଟ୍ ଜଜ୍‌ନା କେନଣ୍ତ୍। କିସ୍‌ଟନେ ବିସୟ୍‌ରେନ୍ ପର୍‌ତୁମ୍ ଜିଦ୍‌ ଆଦମ୍ ଆରେ ହବାଙ୍ଗ୍ କାକେଲ୍‌ଟୁକ୍ ୱାରିମାଟେ। ମାପ୍‌ରୁ ଜିଦ୍‌ କେନଣ୍ତ୍ ଜେ ହବାଙ୍ଗ୍ କୁଲ୍‌ଟୁକ୍ ଉକୁର୍ ଜନମ୍ ଏଦାଣ୍ତ୍, ଅଣ୍ତ୍ ବାମ୍‌ନେ ତାଲିଙ୍ଗ୍ ଚୁନ୍‌ଚୁନା କେଦାଣ୍ତ୍। ହବାଙ୍ଗ୍ ଏରେ ବାମ୍ ପକିମାଟେ ଆଦ୍ ସୟ୍‌ତାନ୍ ମାଟେ। ଜିଦ୍‌ଟେ ଅରତ୍ ମାଟେ ଜେ କିସ୍‌ଟ ସୟ୍‌ତାନିଙ୍ଗ୍ ଆରାତାଣ୍ତ୍।

![](https://cdn.door43.org/obs/jpg/360px/obs-en-21-02.jpg)

ମାପ୍‌ରୁ ଅବ୍‌ରାମୁଙ୍ଗ୍ ଜିଦ୍‌ କେୟି ପକେଣ୍ତ୍ ଜେ ଅଣ୍ତୁଙ୍ଗ୍ ପେଲ୍‌ଟୁକ୍ ପୁର୍‌ତିଟେ ପାଟିନ୍ ଲକ୍‌ଦଲ୍ ଆସିର୍‌ବାଦ୍ ପାଏ ଏଦାର୍। ଇ ଆସିର୍‌ବାଦ୍ ପୁରା ଏଦା। ଏସେବେଲ୍ କିସ୍‌ଟ ଭବିସତ୍‌ରେନ୍ ଦିନେକ୍ ୱାଦାଣ୍ତ୍। ପୁର୍‌ତିନ୍ ମାନଣ୍ତି ଲକ୍‌ଦଲ୍ ଉଦାର୍ ପାଏ ଏରିଙ୍ଗ୍ ପାଇଟ୍ ଅଣ୍ତ୍ ଇଦ୍ ସପଲ୍‌ କେଦାଣ୍ତ୍।

![](https://cdn.door43.org/obs/jpg/360px/obs-en-21-03.jpg)

ମାପ୍‌ରୁ ମସାଙ୍ଗ୍ ପର୍‌ତିଗିୟା କେୟି ପକେଣ୍ତ୍ ଜେ ଭବିସତ୍‌ରେନ୍ ଅଣ୍ତ୍ ମସାଙ୍ଗ୍ ୱାଡିନ୍ ଉକୁର୍ ଭାବବାଦିଙ୍ଗ୍ ନିଡୁତାଣ୍ତ୍। କିସ୍‌ଟନେ ବିସୟ୍‌ରେନ୍ ଇଦ୍ ୱେନ୍ ଉକୁଟ୍ ପର୍‌ତିଗିୟା ଅଣ୍ତ୍ କୁଣ୍ତେଲ୍ ଏସେଲ୍‌ମେନ୍ ୱାଦାଣ୍ତ୍।

![](https://cdn.door43.org/obs/jpg/360px/obs-en-21-04.jpg)

ମାପ୍‌ରୁ ରାଜା ଦାଉଦୁଙ୍ଗ୍ ପର୍‌ତିଗିୟା କେନଣ୍ତ୍ ଜେ ଅଣ୍ତୁନେ କୁଲ୍‌ଟୁକ୍ ଉକୁର୍ ମାପ୍‌ରୁନେ ଲକୁଙ୍ଗ୍ ପାଇଟ୍ ସବୁଦିନ୍ ପାଇଟ୍ ରାଜା ଏଦାଣ୍ତ୍। ଆଦ୍ ଇ ୱାଡିନ୍ ବୁଜାତେ ଜେ କିସ୍‌ଟ ରାଜା ଦାଉଦ୍‌ନେ କୁଲ୍ ପେଲ୍‌ଟୁକ୍ ଉକୁର୍ ଏଦାଣ୍ତ୍।

![](https://cdn.door43.org/obs/jpg/360px/obs-en-21-05.jpg)

ଜିରିମିୟ ଭାବବାଦିନା ମାପ୍‌ରୁ ପର୍‌ତିଗିୟା କେନଣ୍ତ୍ ଜେ ଅଣ୍ତ୍ ଉକୁଟ୍ ପୁନେଦ୍‌ଟେ ନିୟମ୍ କେଦାଣ୍ତ୍, ମାତର୍ ମାପ୍‌ରୁ ଇସ୍‌ରାଏଲ୍‌ନା ସିନୟ କପେଲ୍ ଏରେ ନିୟମ୍ କେୟିମାଟଣ୍ତ୍ ଆୟ୍ ୱାଟ୍‌ଟେ ନିୟମ୍ ଏରା। ପୁନ୍‌ ନିୟମ୍‌ତୁନ୍, ମାପ୍‌ରୁ ଲକ୍‌ଗୁଲ୍‌ନେ ଗର୍‌ବେନ୍ ଆୟ୍‌ଲକ୍‌ନେ ବେବସ୍‌ତା ଲେକାତାଣ୍ତ୍, ଲକ୍‌ଗୁଲ୍ ଆୟ୍‌ଲକ୍‌ନେ ଜିୱେନ୍ ମାପ୍‌ରୁଙ୍ଗ୍ ପୁୟାର୍, ଆୟ୍‌ଲକ୍ ଅଣ୍ତୁନେ ଲକ୍ ଏଦାର୍ ଆରେ ମାପ୍‌ରୁ ଆୟ୍‌ଲକ୍‌ନେ ପାପୁଙ୍ଗ୍ କେମା କେଦାଣ୍ତ୍। କିସ୍‌ଟ ପୁନ୍‌ ନିୟମ୍ ଆରାମ୍ କେଦାଣ୍ତ୍।

![](https://cdn.door43.org/obs/jpg/360px/obs-en-21-06.jpg)

ମାପ୍‌ରୁନେ ଭାବବାଦି ଆରେମେନ୍ ପକେଣ୍ତ୍ ଜେ କିସ୍‌ଟ ଉକୁର୍ ଭାବବାଦି, ଜାଜକ୍ ଆରେ ରାଜା ମେନ୍ ଏଦାଣ୍ତ୍। ଭାବବାଦି ଏରିଦାଣ୍ତ୍ ଆୟ୍‌ଲକ୍ ଏଇଣ୍ତ୍ କି ମାପ୍‌ରୁନେ ବାକିୟ ୱେଞ୍ଜି ଆୟ୍ ବାକିୟଙ୍ଗ୍ ଲକୁଙ୍ଗ୍ ପେଲ୍ ପକ୍‌ଦାର୍। ମାପ୍‌ରୁ ସୟୁକୁଙ୍ଗ୍ ପାୟିଟ୍ ଜିଦ୍ କେୟାକ୍ କିସ୍‌ଟ ଉକୁର୍ ନିୟାଟେ ଭାବବାଦି ଏଦାଣ୍ତ୍।

![](https://cdn.door43.org/obs/jpg/360px/obs-en-21-07.jpg)

ଇସ୍‌ରାଏଲ୍‌ଟେ ଜାଜକ୍‌ତୁଲ୍ ମାପ୍‌ରୁଙ୍ଗ୍ କାକେଲ୍ ଲକ୍‌ଗୁଲ୍ ନା ଆୟ୍‌ଲକ୍‌ନେ ପାପ୍‌ଟେ ଡଣ୍ତ୍ ପାଇଟ୍ ବଲି ଉସର୍‌ଗ କେଗିଙ୍ଗ୍ ନର୍। ଜାଜକ୍‌ତୁଲ୍ ମେନ୍ ଲକୁଙ୍ଗ୍ ପାଇଟ୍ ମାପ୍‌ରୁଙ୍ଗ୍ କାକେଲ୍ ପାର୍‌ତନା କେଗିନର୍। ମସିହ ଏରିଦାଣ୍ତ୍ ନିୟାଟେ ବେର୍‌ଜାଜକ୍ ଅଣ୍ତ୍ ନିଜେନିଙ୍ଗ୍ ମାପ୍‌ରୁନେ ଉକୁଟ୍ ନିୟାଟେ ବଲି ଭାବ୍‌ରେନ୍ ଉସର୍‌ଗ କେଦାଣ୍ତ୍।

![](https://cdn.door43.org/obs/jpg/360px/obs-en-21-08.jpg)

ଉକୁର୍ ରାଜା ଆୟ୍ ଲକ୍ ଏଇଣ୍ତ୍ କି ଉକୁଟ୍ ରାଜି ପୟ୍‌ତାନ୍ ସାସନ୍ କେୟାକ୍ ଆରେ ଅଣ୍ତୁନେ ଲକ୍‌ଗୁଲୁଙ୍ଗ୍ ବିଚାର୍ କେୟାକ୍। କିସ୍‌ଟ ଉକୁର୍ ନିୟାଟେ ରାଜା ଏଦାଣ୍ତ୍ ଅଣ୍ତ୍ ଅଣ୍ତୁନେ ପୁର୍‌ବେଟେ ଦାଦିଆନିତିଲ୍ ଦାଉଦ୍‌ନେ ସିଙ୍ଗାସନ୍‌ତୁନ୍ ଉଣ୍ତ୍‌ଦାଣ୍ତ୍। ଅଣ୍ତ୍ ସାରା ପୁର୍‌ତିଙ୍ଗ୍ ପାଟିନ୍ ଦିନ୍ ପାଇଟ୍ ସାସନ୍ କେଦାଣ୍ତ୍, ଆରେ ପାଟିନ୍‌ବେଲ୍ ନିୟାରେନ୍ ବିଚାର୍ କେଦାଣ୍ତ୍ ଆରେ ଟିକ୍ ନିସ୍‌ପତି ଉଦାଣ୍ତ୍।

![](https://cdn.door43.org/obs/jpg/360px/obs-en-21-09.jpg)

ମାପ୍‌ରୁନେ ଭାବବାଦିତିଲ୍ ପେଙ୍ଗିଟ୍ ୱେନ୍ ବିସୟଗୁଲ୍ କିସ୍‌ଟନେ ବିସୟରେନ୍ ଭାବବାନି କେୟିମାଟର୍। ଭାବବାଦି ମଲାକି ଆଗାଡି ପକିମାଟଣ୍ତ୍ ଜେ ମସିହ ୱାଦାନ୍ ଆଗାଡି ଉକୁର୍ ବେର୍‌ଟେ ଭାବବାଦି ୱାଦାଣ୍ତ୍। ଭାବବାଦି ଜିସାଇୟ ଭାବବାନି କେୟିମାଟଣ୍ତ୍ ଜେ କିସ୍‌ଟ ଉକୁଟ୍ ଜୁବା ମାଲିଙ୍ଗ୍ ପେଲ୍‌ଟୁକ୍ ଜନମ୍ ଏଦାଣ୍ତ୍। ମିକା ଭାବବାଦି ପକେଣ୍ତ୍ ଜେ ଅଣ୍ତ୍ ବେତଲିହିମ୍ ଗଡ୍‌ତୁନ୍ ଜନମ୍ ଏଦାଣ୍ତ୍।

![](https://cdn.door43.org/obs/jpg/360px/obs-en-21-10.jpg)

ଜିସାଇୟ ଭାବବାଦି ପକେଣ୍ତ୍ ଜେ କିସ୍‌ଟ ଗାଲିଲିତିନ୍ ବାସେ ଏଦାଣ୍ତ୍, ପୁନିସେନଣ୍ତି ଗର୍‌ବେଲିଙ୍ଗ୍ ସାନ୍ତନା ସିଦାଣ୍ତ୍ ଆରେ ବନ୍ଦିଲକୁଙ୍ଗ୍ ମୁକ୍‌ତି କେଦାଣ୍ତ୍। ଅଣ୍ତ୍ ଆରେମେନ୍ ଭାବବାନି କେୟି ପକେଣ୍ତ୍ ଜେ ଅଣ୍ତ୍ ରଗିଦୁକିଲକୁଙ୍ଗ୍ ଆରେ ଏରେଲକ୍ ୱେନିଙ୍ଗ୍‌ଅଡାର୍, ସୁଡୁଙ୍ଗ୍ ଅଡାର୍, ପକୁଙ୍ଗ୍ ଅଡାର୍, ତାକିଙ୍ଗ୍ ଅଡାର୍ ଆୟ୍‌ଲକୁଙ୍ଗ୍ ସୁସ୍‌ତ କେଦାଣ୍ତ୍।

![](https://cdn.door43.org/obs/jpg/360px/obs-en-21-11.jpg)

ଭାବବାଦି ଜିସାଇୟ ମେନ୍ ଭାବବାନି ପର୍‌କାସ୍ କେୟି ପକେଣ୍ତ୍ ଜେ କିସ୍‌ଟଙ୍ଗ୍ ଗୁର୍‌ନା କେଦାର୍ ଆରେ ବିନା ଦସ୍‌ରେନ୍ ଡଣ୍ତ୍ ସିଦାର୍। ୱେନ୍ ଭାବବାଦିତିଲ୍ ଭାବବାନି ପର୍‌କାସ୍ କେୟି ପକେର୍ ଜେ ଏରେଲକ୍ କିସ୍‌ଟଙ୍ଗ୍ ୱାଟ୍‌ତେନ୍ ଆଟେର୍ ଆୟ୍‌ଲକ୍ ଅଣ୍ତୁନେ ବସ୍‌ତର୍ ଉୟି କୁଡ୍‌କୁଡି କେଦାର୍ ଆରେ ଉକୁର୍ ସାଙ୍ଗ ଅଣ୍ତୁଙ୍ଗ୍ ଅବିସ୍‌ୱାସ୍ କେନଣ୍ତ୍। ଜିକରିୟ ଭାବବାଦି ଭାବବାନି କେୟି ପକେଣ୍ତ୍ ଜେ କିସ୍‌ଟଙ୍ଗ୍ ବିସ୍‌ବାସ୍‌ଗାତ୍ କେଦାନ୍ ପାୟିଟ୍ ଆୟ୍ ସାଙ୍ଗଙ୍ଗ୍ ତିରିସ୍ ଗଟା ରୁପା ସିଦାର୍।

![](https://cdn.door43.org/obs/jpg/360px/obs-en-21-12.jpg)

ଭାବବାଦିତିଲ୍ ଆରେମେନ୍ ପକିମାଟର୍ କିସ୍‌ଟ ଏରେୱାଡିନ୍ ସାଦାଣ୍ତ୍। ଜିଖରିୟ ଭାବବାନି କେୟି ପକେଣ୍ତ୍ ଜେ ଲକ୍‌ଗୁଲ୍ କିସ୍‌ଟଙ୍ଗ୍ ପୟ୍‌ତାନ୍ ନେଉଡ୍‌ ଉସ୍‌ଦାର୍, ଅଣ୍ତୁଙ୍ଗ୍ କସ୍‌ଟ କେଦାର୍, ଆରେ ଅଣ୍ତୁଙ୍ଗ୍ ଆଟ୍‌ଦାର୍ (ଗୁଡ୍‌ଦା, ଲାତ୍, ପାଟିଟେ)। ଆୟ୍‌ଲକ୍ ଅଣ୍ତୁଙ୍ଗ୍ ସିତ୍‌ଦାର୍ ଆରେ ଅଣ୍ତ୍ ପେରିନ୍ କାକୁର୍‌ତି ଏରି କସ୍‌ଟ ନା ସାଦାଣ୍ତ୍, ଆରେ ଅଣ୍ତ୍ ଏନାମେନ୍ ବୁଲ୍ କେୟା ମାଟଣ୍ତ୍।

![](https://cdn.door43.org/obs/jpg/360px/obs-en-21-13.jpg)

ଭାବବାଦିତିଲ୍ ଆରେମେନ୍ ପକେର୍ ଜେ କିସ୍‌ଟ ସିଦ୍‌ ଏଦାଣ୍ତ୍ ଏଇର୍‌ନେ କି ଏନାମେନ୍ ପାପ୍ ମାନୁଟେ। ଅଣ୍ତ୍ ୱେନ୍ ଲକୁଙ୍ଗ୍ ପାୟିଟ୍ ପାପ୍‌ଟେ ଡଣ୍ତ୍ ପାଏ ଏରିଙ୍ଗ୍ ପାୟିଟ୍ ସାଦାଣ୍ତ୍। ଅଣ୍ତୁନେ ଡଣ୍ତ୍ ମାପ୍‌ରୁ ଆରେ ଲକୁଙ୍ଗ୍ ପେଲ୍ ସାନ୍‌ତି ଇନ୍ଦିର୍‌ଦାଣ୍ତ୍। ଇ କାରନ୍ ପାୟିଟ୍, କିସ୍‌ଟଙ୍ଗ୍ କୁର୍‌ସେନ୍ ସାୟୁକୁଙ୍ଗ୍ ପାୟିଟ୍ ମାପ୍‌ରୁନେ ଇଚା ମାଟେ।

![](https://cdn.door43.org/obs/jpg/360px/obs-en-21-14.jpg)

ଭାବବାଦିତିଲ୍ ଭାବବାନି ପକେର୍ ଜେ କିସ୍‌ଟ ସାଦାଣ୍ତ୍ ଆରେ ମାପ୍‌ରୁ ଅଣ୍ତୁଙ୍ଗ୍ ସାଦାନ୍ ପେଲ୍‌ଟୁକ୍ ସିଡୁଦାଣ୍ତ୍। କିସ୍‌ଟନେ ସାୟ୍‌ଣ୍ତି ଆରେତରେକ୍ ଜିୱେ ଏଦାନ୍ ପାଇଟ୍ ପାପିତିଲିଙ୍ଗ୍ ଉଦାର୍ ପାୟ୍‌ଏରିଙ୍ଗ୍ ଆରେ ଉକୁଟ୍ ପୁନ୍‌ ନିୟମ୍ ଆରାମ୍ କେଗିଙ୍ଗ୍ ପାଇଟ୍ ମାପ୍‌ରୁ ଅଣ୍ତୁନେ ଜଜ୍‌ନାଙ୍ଗ୍ ସପଲ୍ କେଦାଣ୍ତ୍।

![](https://cdn.door43.org/obs/jpg/360px/obs-en-21-15.jpg)

ମାପ୍‌ରୁ କିସ୍‌ଟନେ ବିସୟରେନ୍ ଭାବବାଦିତିଲିଙ୍ଗ୍ ପେଙ୍ଗିଟ୍ ବିସୟ୍ ପକେଣ୍ତ୍, ମାତର୍ କିସ୍‌ଟ ଇ ପାଟିନ୍ ଭାବବାଦିତିଲିଙ୍ଗ୍ ପେଲ୍‌ଟୁକ୍ ଉକୁର୍‌ମେନ୍ ୱାରାଣ୍ତି ମାଟଣ୍ତ୍‌। ଇ ପାଟିନ୍ ଭାବବାନିଲ୍ ସିୟଣ୍ତି ୪୦୦ ବାରିସ୍ ଅଦିକ୍ ଆଗାଡି, ଟିକ୍ ସମୟରେନ୍, ମାପ୍‌ରୁ ଜଗତ୍‌ତୁନ୍ କିସ୍‌ଟଙ୍ଗ୍ ସୟ୍‌ତଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍ ଆଦି ୩:୧୫; ୧୨:୧-୩; ଦୁତିୟ ବିବରନି ୧୮:୧୫; ୨ସାମିଏଲ୍‌୭; ଜିରିମିୟ୩୧; ଜିସାୟ ୫୯:୧୬; ଦାନିୟେଲ୍ ୭; ମଲାଖି ୪:୫, ଜିସାୟ ୭:୧୪; ମିକା ୫:୨; ଜିସାୟ ୯:୧-୭; ୩୫:୩-୫;୬୧; ୫୩; ଗୀତ ୨୨:୧୮; ୩୫:୧୮; ୬୯:୪; ଜିକରିୟ୧୧:୧୨-୧୩; ଜିସାୟ ୫୦:୬; ଗିତ ୧୬:୧୦-୧୧*

## 22. ୨୨- ବାପ୍‌ତିସ୍‌ମ ସିୟାକ୍ ଜଅନ୍‌ନେ ଜନମ୍‌

https://openbiblestories.org/l/gdb/story-22/

![](https://cdn.door43.org/obs/jpg/360px/obs-en-22-01.jpg)

ପୁର୍‌ବେନ୍ ମାପ୍‌ରୁ ଅଣ୍ତୁନେ ଲକ୍‌ଗୁଲୁଙ୍ଗ୍ ଅଣ୍ତୁନେ ଦୁତ୍‌ଗୁଲୁଙ୍ଗ୍ ଆରେ ବାବବାଦିଲକୁଙ୍ଗ୍ ସି ପାଟେ ପକୁନଣ୍ତ୍, ମାତର୍ ୪୦୦ ବାରିସ୍ ସେଣ୍ତେମେନ୍ ଇ ଆରେକ୍ ଆୟ୍‌ଲକୁଙ୍ଗ୍ ପାଟେ ପକାଣ୍ତ୍, ଅଟାତ୍ ଉକୁଟ୍ ଦୁତ୍ ମାପ୍‌ରୁନ୍ ପେଲ୍‌ଟୁକ୍ ଉକୁଟ୍ କାବୁର୍ ପାତି ଜିକରିୟ ପିଦିର୍‌ଟେ ଉକୁର୍ ମୁତାକ୍‌କିନ୍ କାକେଲ୍ ୱାନେ, ଜିକରିୟ୍ ଆରେ ଅଣ୍ତୁନେ ଆୟାଲ୍ ଇଲିସାବେତ୍ ମାପ୍‌ରୁଙ୍ଗ୍ ନାର୍‌ସି ତାକଣ୍ତି ମାଟେ, ମାତର୍ ଆଦ୍ ସିଣ୍ତିଲ୍ ମାସିଲ୍ ଅଙ୍ଗାଏରି ବାଞ୍ଜିଟେ ମାଟେ।

![](https://cdn.door43.org/obs/jpg/360px/obs-en-22-02.jpg)

ଦୁତ୍ ଜିକରିୟଙ୍ଗ୍ ପକେଟେ ଇନ୍ ଆୟାଲ୍ ଉକୁଟ୍ ସେପାଲିଙ୍ଗ୍ ଜନମ୍ ସିଦା, ଇମ୍ ଅଣ୍ତୁଙ୍ଗ୍ ଜଅନ୍ ଏଞ୍ଜି ପିଦିର୍ ସିଦାର୍, ଅଣ୍ତ୍ ପବିତ୍‌ର ଆତ୍‌ମାନା ପୁରୁନ୍ ଏରି କିସ୍‌ଟନ୍ ପାଇଟ୍ ଲକ୍‌ଗୁଲୁଙ୍ଗ୍ ତିୟାର୍ କେଦାଣ୍ତ୍, ଜିକରିୟ ଉତର୍ ସିନଣ୍ତ୍, “ଆନ୍ ଆରେ ଆନ୍ ଆୟାଲ୍ ଜେ ସେପାଲ୍ ଜନମ୍ କେଗିଙ୍ଗ୍ ପାଇଟ୍ ପେରିନ୍ ମୁତାକ୍‌ମୁର୍‌ତାଲ୍ ଏରିମାମ୍! ଇଦ୍ ଗଟ୍‌ଏଦା ଏଞ୍ଜି ଆନ୍ ଏଟେନ୍ ପୁୟାନ୍?”

![](https://cdn.door43.org/obs/jpg/360px/obs-en-22-03.jpg)

ଦୁତ୍ ଜିକରିୟଙ୍ଗ୍ ଉତର୍ ସିନେ ଇ ନିୟାଟେ କାବୁର୍ ସିଗିଙ୍ଗ୍ ପାଇଟ୍ ଆନୁଙ୍ଗ୍ ମାପ୍‌ରୁ ସୟସି ମା, ମାତର୍ ଇନ୍ ଆନ୍‌ପେଲ୍ ବିସ୍‌ବାସ୍ କେୟୁଟଟ୍ ଆଦିଙ୍ଗ୍ ସେପାଲ୍ ଜନମ୍ ଏରା ଆରେକ୍ ଇନ୍ ପାଟେପକୁଙ୍ଗ୍ ଅଡାଟ୍, ଅଟାତ୍ ଜିକରିୟ ପାର୍‌କିଙ୍ଗ୍ ଅଡା ଏନଣ୍ତ୍, ଆମାଟୁକ୍ ଆୟ୍ ଦୁତ୍ ଅଣ୍ତୁଙ୍ଗ୍ ସାକାରି ପେସି ସେଣ୍ତେ, ଆମାଟୁକ୍ ଜିକରିୟ ଉଲେନ୍ ମାଣ୍ତିସେୟଣ୍ତ୍ ଆରେ ତାନ୍ ଆୟାଲ୍ ଅଙ୍ଗେନ୍ ଏନେ।

![](https://cdn.door43.org/obs/jpg/360px/obs-en-22-04.jpg)

ଏଲିସାବେତ୍ ଏରେବେଲ୍ ସ ମାସ୍ ଅଙ୍ଗେନ୍ ମାଟେ ଆୟ୍‌ବେଲ୍ ଦୁତ୍ ଏଲିସାବେତ୍‌ନେ ସମ୍‌ପର୍‌କ ଲକୁନ୍ ପେଲ୍ ତଟ୍‌ସି ଏନେ ଆଦିନେ ପିଦିର୍ ମରିୟମ୍ ମାଟେ, ଆଦ୍ ଉକୁଟ୍ ଜୁବାମାଲ୍ ମାଟେ ଆରେ ଜସେପ୍ ପିଦିର୍‌ଟେ ଉକୁର୍ ଲକୁଙ୍ଗ୍ ଅଦୁର୍ ଏରିଙ୍ଗ୍ ପର୍‌ସି ଏରିମାଟେ, ଦୁତ୍ ପକେଟେ ଇନ୍ ଅଙ୍ଗେନ୍ ଏରି ଉକୁଟ୍ ସେପାଲିଙ୍ଗ୍ ଜନମ୍ ସିଦାଟ୍, ଇମ୍ ଅଣ୍ତୁନ୍ ପିଦିର୍ ଜିସୁ ସିଦାର୍, ଅଣ୍ତ୍ ପାଟିଟୁକ୍ ବେର୍‌ଟେ ମାପ୍‌ରୁନ୍ ସେପାଲ୍ ଏଦାଣ୍ତ୍ ଆରେ ପାଟିନ୍ ଦିନ୍ ସାସନ୍ କେଦାଣ୍ତ୍।

![](https://cdn.door43.org/obs/jpg/360px/obs-en-22-05.jpg)

ମରିୟମ୍ ଉତର୍ ସି ପକେଟେ, “ଇଦ୍ ଏଟେନ୍ ଏରିଙ୍ଗ୍ ଅଡ୍‌ତା,? ଆନ୍ ଜେ ଅକାଲ୍ ଜୁବା ମାଲ୍?” ଦୁତ୍ ବୁଜାସି ପକେଣ୍ଡ୍‌ ପବିତ୍‌ର ଆତ୍‌ମା ଇନ୍ ନା ମାୟା, ଆରେ ମାପ୍‌ରୁନେ ସକ୍‌ତି ଇନ୍‌ପେଲ୍ ୱାଦା। ଆଦିଙ୍ଗ୍ ଆୟ୍ ସେପାଲ୍ ପବିତ୍‌ର ଆରେ ମାପ୍‌ରୁନେ ସେପାଲ୍ ଏଦାଣ୍ତ୍। ଦୁତ୍ ଆଦିଙ୍ଗ୍ ଏନାଦ୍ ପକେଣ୍ଡ୍‌ ଆଦ୍ ମରିୟମ୍ ବିସ୍‌ୱାସ୍ କେନେ।

![](https://cdn.door43.org/obs/jpg/360px/obs-en-22-06.jpg)

ଦୁତ୍ ମରିୟମୁଙ୍ଗ୍ ପକିପଲ୍‌ଦାନ୍ କୁଣ୍ତେଲ୍, ଆଦ୍ ସେଞ୍ଜି ଏଲିସାବେତିଙ୍ଗ୍ ପକେଟେ। ଏଲିସାବେତ୍ ମରିୟମ୍‌ନେ ନମସ୍‌କାର୍ ୱେନିଙ୍ଗ୍‌ନି ଏଲିସାବେତ୍‌ନେ ପୁଡୁକ୍‌ତୁନ୍ ମାନଣ୍ତି ସେପାଲ୍ ୱାଲ୍‌କି ସିଲ୍‌ତଣ୍ତ୍। ଆର୍‌ଗୁଲ୍‌ନା ମାପ୍‌ରୁ ଏନାଦ୍ କେନଣ୍ତ୍ ଆୟ୍ ବିସୟ ଏତାସି ଆସ୍‌ମାସ୍‌କିଲ୍ ଉକୁଟ୍ ପେଲ୍ କିର୍‌ଦେ କେନେୱ୍। ମରିୟମ୍ ଏଲିସାବେତତିଙ୍ଗ୍ ବେଟ୍‌ ଏରି ତିନ୍‌ମାସ୍ କୁଣ୍ତେଲ୍ ମରିୟମ୍ ଉଲେନ୍ ସେଣ୍ତେ।

![](https://cdn.door43.org/obs/jpg/360px/obs-en-22-07.jpg)

ଏଲିସାବେତ୍ ଆଦିନେ ସେପାଲିଙ୍ଗ୍ ଜନମ୍ ସି ପଲ୍‌ଦାନ୍ କୁଣ୍ତେଲ୍, ଜିକରିୟ ଆରେ ଏଲିସାବେତ୍, ଦୁତ୍‌ନେ ଆଦେସ୍ ସିୟଣ୍ତି ଅନୁସାରେନ୍ ଆୟ୍ ସେପାଲିଙ୍ଗ୍ ଜଅନ ପିଦିର୍ ଇରେର୍। ଆଦିଙ୍ଗ୍ କୁଣ୍ତେଲ୍ ମାପ୍‌ରୁ ଜିକରିୟଙ୍ଗ୍ ପାଟେ ପକୁଙ୍ଗ୍ ପାୟିଟ୍ ଆରେତରେକ୍ ଏତାସି ସିନଣ୍ତ୍। ଜିକରିୟ ପକେଣ୍ତ୍ ମାପ୍‌ରୁନେ ପର୍‌ସଙ୍ଗ୍‌ସା ଏକା, ଏନାଦିଙ୍ଗ୍ କି ଅଣ୍ତ୍ ଅଣ୍ତୁନେ ଲକୁଙ୍ଗ୍ ଏତାସି ମାୟାଣ୍ତ୍। ଆନ୍ ସେପାଲ୍ ପାଟିଟୁକ୍ ବେର୍‌ଟେ ମାପ୍‌ରୁନେ ଭାବବାଦି ଏଞ୍ଜି ଅର୍‌ଗିଏଦାଣ୍ତ୍, ଅଣ୍ତ୍ ଏରେୱାଡିନ୍ ଲକ୍‌ଗୁଲ୍ କେମା ପାଏ ଏଦାର୍ ଆଦ୍ ଅଣ୍ତ୍ ଆୟ୍‌ଲକୁଙ୍ଗ୍ ପକ୍‌ଦାଣ୍ତ୍।

*ବାଇବଲ୍ ତାନିର୍‌ଟେ ଉକୁଟ୍ କେରାଲ୍: ଲୁକ ୧*

## 23. ୨୩- ଜିସୁନେ ଜନମ୍‌

https://openbiblestories.org/l/gdb/story-23/

![](https://cdn.door43.org/obs/jpg/360px/obs-en-23-01.jpg)

ଜସେପ୍ ପିଦିର୍‌ଟଣ୍ତ୍ ଉକୁର୍ ଦରମ୍ ଲକ୍‌ମାଟଣ୍ତ୍ ଅଣ୍ତୁନା ମରିୟମ୍‌ମୁଙ୍ଗ୍ ଅଦୁର୍ ଏରିଙ୍ଗ୍ ପର୍‌ସି ମାଟର୍, ମରିୟମ୍ ଅଙ୍ଗେନ୍ ଏରିମା ଏଞ୍ଜି ଏସେବେଲ୍ ଅଣ୍ତ୍ ୱେଟଣ୍ତ୍, ଅଣ୍ତ୍ ଆୟ୍ ସେପାଲ୍ ଆନ୍‌ପେଲ୍‌ଟୁକ୍‌ ଏରାଣ୍ତ୍, ଅଣ୍ତ୍ ମରିୟମୁଙ୍ଗ ଲାଜ୍ କେଗିଙ୍ଗ୍ ଇସା କେୟୁଟଣ୍ତ୍, ଆଦିଙ୍ଗ୍ ଅଣ୍ତ୍ ଗୁପତ୍‌ନା ସାକାରିଙ୍ଗ୍ ଜଜନା କେନଣ୍ତ୍, ଅଣ୍ତ୍ ଆଦ୍ କେଦାନ୍ ଆଗାଡି ଉକୁଟ୍ ଦୁତ୍ ଅଣ୍ତୁନ୍ କାକେଲ୍ ୱାରି ଦର୍‌ସନ୍‌ନା ଅଣ୍ତୁଙ୍ଗ୍ ପକେଟେ।

![](https://cdn.door43.org/obs/jpg/360px/obs-en-23-02.jpg)

ଦୁତ୍ ପକେଟେ “ଜସେପ୍ ଇନ୍ ଇନେ ଆୟାଲ୍ ମରିୟମ୍‌ମୁଙ୍ଗ୍ ଉଗୁଙ୍ଗ୍ ନାରିସ୍‌ମେନ୍। ଆଦିନେ ପୁଡୁଗ୍‌ତୁନ୍ ମାନାକ୍ ସେପାଲ୍ ପବିତ୍‌ର ଆତ୍‌ମାନା ଏରିମାଣ୍ତ୍, ଆଦ୍ ଉକୁଟ୍ ସେପାଲିଙ୍ଗ୍ ଜନମ୍ ସିଦା, ଅଣ୍ତୁନ୍ ପିଦିର୍ ଜିସୁ ସିୟୁର୍ (ଆଦିନେ ଅରତ୍ “ପର୍‌ବୁ ରକିୟା କେଦାଣ୍ତ୍”), ମାତର୍ ଅଣ୍ତ୍ ଲକ୍‌ଗୁଲୁଙ୍ଗ୍ ଅର୍‌ନ ପାପ୍‌ଟୁକ୍‌ ଉଦାର୍ କେଦାଣ୍ତ୍।”

![](https://cdn.door43.org/obs/jpg/360px/obs-en-23-03.jpg)

ଆଦିଙ୍ଗ୍ ଜସେପ୍ ମରିୟମୁଙ୍ଗ୍ ଅଦୁର୍ ଏନଣ୍ତ୍ ଆରେ ଆଦିଙ୍ଗ୍ ଆୟାଲ୍ କେୟି ନିଜେଟେ ଉଲେନ୍ ଉନଣ୍ତ୍, ମାତର୍ ଆଦ୍ ସେପାଲିଙ୍ଗ୍ ଜନମ୍ ସିୟା ଆରେକ୍ ଅଣ୍ତ୍ ଆଦିନା ଅଡୁଟଣ୍ତ୍।

![](https://cdn.door43.org/obs/jpg/360px/obs-en-23-04.jpg)

ଏସେବେଲ୍ ମରିୟମ୍ ସେପାଲିଙ୍ଗ୍ ଜନମ୍ ସିୟଣ୍ତି କାକେଲ୍ ୱାନେ, ରମିୟ ସର୍‌କାର୍ ପାଟିନ୍‌ଲକୁଙ୍ଗ୍ ନିଜେନିଜେଟେ ଦାଦିଆନିଟେ ବାସେନ୍ ସେଞ୍ଜି ମାନିଙ୍ଗ୍ ପକେଣ୍ତ୍। ଜସେପ୍ ଆରେ ମରିୟମ୍ ବାସେ ଏରଣ୍ତି ନାଜରିତ୍‌ଟୁକ୍ ପେରାଦୁରିନ୍ ତାକି ବେତ୍‌ଲିହିମ୍ ସେନିଙ୍ଗ୍ ପାରେଟେ ଏନାଦିଙ୍ଗ୍ କି ଆୟ୍‌ଲକ୍‌ନେ ଦାଦିଆନି ଦାଉଦ୍‌ନେ ନିଜେଟେ ଗଡ୍ ବେତ୍‌ଲିହିମ୍ ମାଟେ।

![](https://cdn.door43.org/obs/jpg/360px/obs-en-23-05.jpg)

ଆୟ୍‌ଲକ୍ ଏସେବେଲ୍ ବେତ୍‌ଲିହିମ୍ ଏଦେର୍, ଆୟ୍‌ଲକୁଙ୍ଗ୍ ମାନିଙ୍ଗ୍ ପାୟିଟ୍ ବାସେ ମାନୁଟେ। ପସୁଲ୍ ମାନଣ୍ତି ଉଲେନ୍ ଇ ଆୟ୍‌ଲକୁଙ୍ଗ୍ ବାସେ ତଣ୍ତେଟେ। ସେପାଲ୍ ଆମାନ୍ ଜନମ୍ ଏନଣ୍ତ୍ ଆରେ ଅଣ୍ତୁଙ୍ଗ୍ ତାମିୟା ଅଣ୍ତୁଙ୍ଗ୍ ପସୁଲ୍ ତିନଣ୍ତି ଡଙ୍ଗାନ୍ ଅଡୁସିମାଟେ, ଏନାଦିଙ୍ଗ୍ କି ଅଣ୍ତୁଙ୍ଗ୍ ଅଡୁକୁଙ୍ଗ୍ ପାୟିଟ୍ ଆୟ୍‌ଲକୁଙ୍ଗ୍ ବାସେ ମାନୁଟେ। ଆୟ୍‌ଲକ୍ ଅଣ୍ତୁଙ୍ଗ୍ ଜିସୁ ପିଦିର୍ ଇରେର୍।

![](https://cdn.door43.org/obs/jpg/360px/obs-en-23-06.jpg)

ଆୟ୍ ନାର୍‌କାମ୍ ଆର୍‌ସେଲ୍‌ଟେ ଉକୁଟ୍ ବାସେନ୍ ଏଙ୍ଗୁର୍‌ତୁଲ୍ କଲାକର୍ ଆୟ୍‌ଲକ୍‌ନେ ରାସିଙ୍ଗ୍ କାକିନର୍। ଅଟାତ୍ ଉକୁଟ୍ ପେରିନ୍ ୱିଣ୍ତ୍‌ଟେ ଦୁତ୍ ଆୟ୍‌ଲକୁଙ୍ଗ୍ କାକେଲ୍ ୱାନେ ଆରେ ଆୟ୍‌ଲକ୍ ନାର୍‌ସି ସେୟର୍। ଦୁତ୍ ଆୟ୍‌ଲକୁଙ୍ଗ୍ ପକେଣ୍ଡ୍ “ନାରିସ୍‌ମେର୍, ଏନାଦିଙ୍ଗ୍ କି ଇମ୍ ପାୟିଟ୍ ଆନ୍ ଉକୁଟ୍ ନିୟାଟେ କାବୁର୍ ଇନ୍ଦ୍‌ରିମାନ୍। ପର୍‌ବୁ କିସ୍‌ଟ ବେତ୍‌ଲିହିମ୍‌ତିନ୍ ଜନମ୍ ଏରିମାଣ୍ତ୍ !”

![](https://cdn.door43.org/obs/jpg/360px/obs-en-23-07.jpg)

“ଆୟ୍ ସେପାଲିଙ୍ଗ୍ କାଣ୍ତ୍‌ପୁର୍, ଆରେ ଇମ୍‌ଗୁଲ୍ ଅଣ୍ତୁଙ୍ଗ୍ ପସୁଲ୍ ତିନଣ୍ତି ଡଙ୍ଗାନ୍ ସେନ୍ଦ୍‌ରା ଡାବା ସି ଅଡୁପଣ୍ତି ସୁଡ୍‌ଦାର୍।” ଅଟାତ୍, ଆକାସ୍ ଦୁତ୍‌ଗୁଲ୍‌ନା ପରିପୁରୁନ୍ ଏରିସେଣ୍ତେ ଆରେ ମାପ୍‌ରୁନେ ତୁତି କେନେୱ୍ ଆରେ ପକେଟେୱ୍, “ମାପ୍‌ରୁନେ ମହିମା ପୁର୍‌ତିନ୍ ଅଣ୍ତୁନେ ପିଦିର୍ ଆରେ ଲକୁଙ୍ଗ୍ ପେଲ୍ ସାନ୍‌ତି!”

![](https://cdn.door43.org/obs/jpg/360px/obs-en-23-08.jpg)

ମେଣ୍ଡା କଲାକର୍ ଦାପ୍‌ରେନ୍ ଜିସୁ ଏରେମାନ୍ ମାଟଣ୍ତ୍ ଆମାନ୍ ଏଦେର୍ ଆରେ ଆୟ୍‌ଲକୁଙ୍ଗ୍ ଦୁତ୍ ପକଣ୍ତି ୱାଡିନ୍ ଡଙ୍ଗାନ୍ ଅଡିମାନଣ୍ତି ସୁଡେର୍। ଆୟ୍‌ଲକ୍ ପେରିନ୍ କିର୍‌ଦେ ଏରିସେୟର୍। କଲାକର୍ ଆୟ୍ ବାସେନ୍ ଏଦେର୍ ଏରେମାନ୍ ଆୟ୍‌ଲକ୍‌ନେ ରାସିଲ୍ ମାଟେୱ୍ ଆରେ ଆୟ୍‌ଲକ୍ ଏନାଦ୍ ପାଟିନ୍ ୱେଞ୍ଜିମାଟର୍ ସୁଡିମାଟର୍ ଆଦିଙ୍ଗ୍ ପାୟିଟ୍ ମାପ୍‌ରୁନେ ପର୍‌ସଙ୍ଗ୍‌ସା କେଗିନର୍।

![](https://cdn.door43.org/obs/jpg/360px/obs-en-23-09.jpg)

କାଣ୍ତେକ୍ ବେଲା କୁଣ୍ତେଲ୍, ପୁରୁବ୍ ଦେସ୍‌ଟୁକ୍ ୱାରଣ୍ତି ପଣ୍ତିତ୍‌ତିଲ୍ ଆକାସ୍‌ତିନ୍ ଉକୁଟ୍ କାବାଏରଣ୍ତି ପୁତ୍ ସୁଡେର୍। ଆୟ୍‌ଲକ୍‌ନେ ଗର୍‌ବେନ୍ କିର୍‌ଦେ ଏନର୍ ଜିଉଦି ଲକ୍‌ନେ ପୁନେଦ୍‌ଟେ ରାଜା ଜନମ୍ ଏରଣ୍ତି ବିସୟ ବୁଜାକିନର୍‌। ଆଦିଙ୍ଗ୍, ଆୟ୍‌ଲକ୍ ଆୟ୍ ରାଜାଙ୍ଗ୍ ସୁଡୁଙ୍ଗ୍ ପାୟିଟ୍ ଦୁରିଟେ ଦେସ୍‌ଟୁକ୍ ୱାନର୍। ଆୟ୍‌ଲକ୍ ବେତ୍‌ଲିହିମ୍‌ତୁନ୍ ୱାରି ଜିସୁଙ୍ଗ୍ ଆରେ ତାମିୟା ତାମ୍‌ବାଙ୍ଗ୍ ଏରେ ଉଲେନ୍ ମାନ୍‌ନର୍ ଆୟ୍‌ଉଲେଙ୍ଗ୍ କାଣ୍ତ୍‌ତର୍।

![](https://cdn.door43.org/obs/jpg/360px/obs-en-23-10.jpg)

ପଣ୍ତିତ୍‌ତିଲ୍ ଏସେବେଲ୍ ଜିସୁଙ୍ଗ୍ ତାମିୟାନା ସୁଡେର୍ ଆୟ୍‌ଲକ୍ ୱାଙ୍ଗୁସୁଲ୍ କୁଟି ଅଣ୍ତୁଙ୍ଗ୍ ଜୁୱାର୍ କେନର୍। ଆୟ୍‌ଲକ୍ ଜିସୁଙ୍ଗ୍ ପେରିନ୍ ମୁଲିକାଟେ ଉପହାର୍‌ଗିଲ୍ ସିନର୍। ଆଦିଙ୍ଗ୍ କୁଣ୍ତେଲ୍ ଆୟ୍‌ଲକ୍ ନିଜେନିଜେଟେ ଉଲେନ୍ ମାଣ୍ତି ୱାନର୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୧ ; ଲୁକ ୨*

## 24. ୨୪- ଜଅନ୍ ଜିସୁଙ୍ଗ୍ ବାପ୍‌ତିସନ୍‌ ସିନଣ୍ତ୍

https://openbiblestories.org/l/gdb/story-24/

![](https://cdn.door43.org/obs/jpg/360px/obs-en-24-01.jpg)

ଜିକରିୟ ଆରେ ଇଲିସାବେତ୍‌ନେ ସେପାଲ୍ ଜଅନ୍ ବେର୍‌ଟଣ୍ତ୍ ଏରି ଉକୁର୍ ବାବବାଦି ଏନଣ୍ତ୍, ଅଣ୍ତ୍ ମରୁବାସେନ୍ ବାସେ ଏନଣ୍ତ୍, ବନ୍‌ଟେ ତିନ୍ ଆରେ ସିଟ୍‌କାଲ୍ ତିନିନଣ୍ତ୍, ଆରେ ଉଟ୍ ତଲ୍‌ନା ତିୟାର୍ ଏରଣ୍ତି ବସ୍‌ତର୍ ନୁଡୁନଣ୍ତ୍।

![](https://cdn.door43.org/obs/jpg/360px/obs-en-24-02.jpg)

ପେଙ୍ଗୁର୍‌ତୁଲ୍ ଲକ୍ ଜଅନ୍‌ନେ ପାଟେ ୱେନିଙ୍ଗ୍ ମରୁବାସେଟୁକ୍ ୱାରିନର୍, ଅଣ୍ତ୍ ଆୟ୍‌ଲକୁଙ୍ଗ୍ ପର୍‌ସାର୍ କେଇ ପକେଣ୍ତ୍ ମନ୍ ମାଣ୍ତ୍‌ପୁର୍ ମାପ୍‌ରୁନେ ରାଜି କାକେଲ୍ ଏଦେଟେ”

![](https://cdn.door43.org/obs/jpg/360px/obs-en-24-03.jpg)

ଲକ୍‌ଗୁଲ୍ ଏସେବେଲ୍ ଜଅନ୍‌ନେ ପାଟେ ୱେଟର୍, ଆୟ୍‌ଲକୁଙ୍ଗ୍ ପେଲ୍‌ଟୁକ୍ ପେଙ୍ଗୁର୍‌ତୁଲ୍ ପାପ୍‌ଟୁକ୍ ପରିବର୍‌ତନ୍ ଏନର୍, ଆରେ ଜଅନ୍ ଆୟ୍‌ଲକୁଙ୍ଗ୍ ବାପ୍‌ତିସ୍‌ମା ସିନଣ୍ତ୍। ପେଙ୍ଗୁର୍‌ତୁଲ୍ ଦରମ୍ ନେତାଲକ୍‌ମେନ୍ ଜଅନ୍ କାକେଲ୍ ବାପ୍‌ତିସ୍‌ମ ଉକୁଙ୍ଗ୍ ପାୟିଟ୍ ୱାନର୍, ମାତର୍ ଆୟ୍‌ଲକ୍ ମନ୍ ପରିବର୍‌ତନ୍ କେୟାମାଟର୍ ଆରେ ଆୟ୍‌ଲକ୍‌ନେ ପାପ୍ ସାକାରା ମାଟର୍।

![](https://cdn.door43.org/obs/jpg/360px/obs-en-24-04.jpg)

ଜଅନ୍ ଆୟ୍ ଦରମ୍ ନେତାଲକୁଙ୍ଗ୍ ପକେଣ୍ତ୍, “ଏ ଏତ୍‌ବାମ୍‌ନେ କୁଲ୍ ମନ୍‌ମାଣ୍ତ୍‌ପୁର୍ ଆରେ ଇମ୍‌ଗୁଲ୍‌ନେ କାମେ ମନ୍‌ପରିବର୍‌ତନ୍ କେୟୁର୍, ଏରେମାରିନ୍ ବଲ୍‌ଟେ ପଲ୍ ପାତା ଆଦିଙ୍ଗ୍ କାତି କାରିଏଦା ଆରେ କିସ୍‌ତିନ୍ ସାଟି କାରିଏଦା।” ବାବବାଦି କିଲ୍ ଏନାଦ୍ ଏନାଦ୍ ଆଦିନ୍ ବିସୟରେନ୍‌ ପକିମାଟର୍ ଜଅନ୍ ଆଦ୍ ସପଲ୍ କେନଣ୍ତ୍, “ସୁର୍, ଆନ୍ ଇମ୍‌ଆଗାଡି ଆନ୍ ଦୁତ୍‌ଗୁଲୁଙ୍ଗ୍ ସୟୁକିଦାନ୍ ଏଇର୍ ଇନେ ପାୱ୍ ତିୟାର୍ କେଦାର୍।”

![](https://cdn.door43.org/obs/jpg/360px/obs-en-24-05.jpg)

ଏଙ୍ଗୁର୍‌ତୁଲ୍ ଜିଉଦିଲକ୍ ଜଅନୁଙ୍ଗ୍‌ ଇନ୍‌ କିସ୍‌ଟ କି ଏଞ୍ଜି ପାସାର୍‌ତର୍, ଜଅନ୍ ଉତର୍‌ସିନଣ୍ତ୍, “ଆନ୍ କିସ୍‌ଟ ଏରାନ୍, ମାତର୍ ଆନ୍ କୁଣ୍ତେଲ୍ ଉକୁର୍ ୱାରିଦାଣ୍ତ୍, ଅଣ୍ତ୍ ପେରିନ୍ ବେର୍‌ଟଣ୍ତ୍ ଜେ ଅଣ୍ତୁନେ ପାଦ୍‌ଟେ ପାଣ୍ତୟ୍‌ନେ ତରୁ ପୁସ୍‌କୁଙ୍ଗ୍ ଜଗିୟ ଏରାନ୍।”

![](https://cdn.door43.org/obs/jpg/360px/obs-en-24-06.jpg)

ଆରେକୁଟ୍ ସିରିସ୍ ଜଅନୁଙ୍ଗ୍ ପେଲ୍ ବାପ୍‌ତିସ୍‌ମ ଏରିଙ୍ଗ୍ ପାଇଟ୍ ଜିସୁ ୱାନଣ୍ତ୍, ଜନ୍ ଏସେବେଲ୍ ଅଣ୍ତୁଙ୍ଗ୍ ସୁଡେଣ୍ତ୍, ଅଣ୍ତ୍ ପକେଣ୍ତ୍, “ଇଦି ସୁର୍! ମାପ୍‌ରୁନେ ମେଣ୍ତାପାପ୍ ଏଣ୍ଡ୍ କି ଜଗତ୍‌ଟେ ପାପ୍ ପାଟିନ୍ କାଞ୍ଜି ପାତିସେୟାଣ୍ତ୍।

![](https://cdn.door43.org/obs/jpg/360px/obs-en-24-07.jpg)

ଜଅନ୍ ଜିସୁଙ୍ଗ୍ ପକେଣ୍ତ୍, “ଇନୁଙ୍ଗ୍‌ ବାପ୍‌ତିସ୍‌ମ ସିଗିଙ୍ଗ୍ ପାୟିଟ୍ ଆନ୍ ଜଗିୟ୍ ଏରାନ୍। ମାତର୍ ଇନ୍ ଆନୁଙ୍ଗ୍ ବାପ୍‌ତିସ୍‌ମ ସିଗିଙ୍ଗ୍ ଦର୍‌କାର୍।” ମାତର୍ ଜିସୁ ପକେଣ୍ତ୍, “ଇନ୍ ଆନୁଙ୍ଗ୍ ବାପ୍‌ତିସ୍‌ମ ସିଗିଙ୍ଗ୍ ଦର୍‌କାର୍, ଇ ୱାଡିନ୍ ପାଟିନ୍ ଦରମ୍ ପୁରା ଏଦା ଆଦିଙ୍ଗ୍ ପାୟିଟ୍ ଜଅନ୍ ଜିସୁଙ୍ଗ୍ ବାପ୍‌ତିସ୍‌ମ ସିନଣ୍ତ୍, ମାପ୍‌ରୁ ଏସେଲ୍‌ମେନ୍ ପାପ୍ କେୟାଣ୍ତ୍।”

![](https://cdn.door43.org/obs/jpg/360px/obs-en-24-08.jpg)

ବାପ୍‌ତିସ୍‌ମ ଉଦାନ୍ କୁଣ୍ତେଲ୍ ଏସେବେଲ୍ ଜିସୁ ନିର୍‌ଟୁକ୍ ସିଲ୍‌ସି ୱାନଣ୍ତ୍, ମାପ୍‌ରୁନେ ଆତ୍ମା ଉକୁଟ୍ ପାରାୱେ ୱାଡିନ୍ ତଟ୍‌ସି ଏନେ ଆରେ ଆଦ୍ ମୁତୁଲ୍ ଇଡ୍‌ଗି ୱାରି ଜିସୁଙ୍ଗ୍ ପୟ୍‌ତାନ୍ ଉଣ୍ତେଟେ। ଆୟ୍ ସମୟ୍‌ରେନ୍, ମାପ୍‌ରୁନେ ଆୱ୍‌ଲି ମଗୁଲ୍‌ଟୁକ୍ ୱେଞ୍ଜିଏନେ ଆରେ ପକେଣ୍ତ୍, “ଇନ୍ ଆମେ ଲାଡ୍‌ଟେ ସିଣ୍ତ୍ ଇନ୍ ପେଲ୍ ଆମେ ପେରିନ୍ କିର୍‌ନ୍ଦେ।”

![](https://cdn.door43.org/obs/jpg/360px/obs-en-24-09.jpg)

ମାପ୍‌ରୁ ଜଅନୁଙ୍ଗ୍ ପକିମାଟଣ୍ତ୍, “ଇନ୍ ଏଇରୁଙ୍ଗ୍ ବାପ୍‌ତିସ୍‌ମ ସିଦାଟ୍‌ ଅଣ୍ତୁଙ୍ଗ୍ ପେଲ୍ ପବିତ୍‌ର ଆତ୍ମା ୱାଦା ଆରେ ସେୟ୍‌ଦା। ଆୟ୍ ଲକ୍ ମାପ୍‌ରୁନେ ସିଣ୍ତିଲ୍। ମାତର୍ ଉକ୍‌ଟି ମାପ୍‌ରୁ ମାୟାଣ୍ତ୍। ମାତର୍ ଜଅନ୍ ଏସେବେଲ୍ ଜିସୁଙ୍ଗ୍ ବାପ୍‌ତିସ୍‌ମ ସିନଣ୍ତ୍, ଅଣ୍ତ୍ ମାପ୍‌ରୁନେ ପାର୍‌କଣ୍ତି ୱେଟଣ୍ତ୍, ମାପ୍‌ରୁନେ ସିଣ୍ତ୍ ଜିସୁଙ୍ଗ୍ ସୁଡେର୍, ଆରେ ପବିତ୍‌ର ଆତ୍ମାଙ୍ଗ୍ ସୁଡେର୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୩; ମାର୍‌କ ୧: ୯-୧୧; ଲୁକ ୩: ୧-୨୩*

## 25. ୨୫- ସୟତାନ୍ ଜିସୁଙ୍ଗ୍ ପରିକିୟା କେନେ

https://openbiblestories.org/l/gdb/story-25/

![](https://cdn.door43.org/obs/jpg/360px/obs-en-25-01.jpg)

ଜିସୁ ବାପ୍‌ତିସନ୍ ଏଦାନ୍ ଦାପ୍‌ରେନ୍ ପବିତ୍‌ର ଆତ୍‌ମା ଅଣ୍ତୁଙ୍ଗ୍ ମରୁବାସେନ୍ ପାତିସେଣ୍ତେ, ଆମାନ୍ ଅଣ୍ତ୍ ସାଲିସ୍‌ଦିନ୍ ସାଲିସ୍ ରାତି ଉପବାସ୍ କେନଣ୍ତ୍, ଆଟେଲ୍ ସୟତାନ୍ ଜିସୁନ୍ କାକେଲ୍ ୱାରି ଅଣ୍ତୁଙ୍ଗ୍ ପାପ୍ କେଗିଙ୍ଗ୍ ଆସା ତଟ୍‌ତେ।

![](https://cdn.door43.org/obs/jpg/360px/obs-en-25-02.jpg)

ସୟ୍‌ତାନ୍ ଇଦ୍ ପକି ଜିସୁଙ୍ଗ୍ ଆସାକେନେ, “ଜଦି ଇନ୍ ମାପ୍‌ରୁନେ ସେପାଲ୍, ଇ କାଣ୍ଡ୍‌କିଲିଙ୍ଗ୍ ରୁଟି ଏରିଙ୍ଗ୍ ଆଦେସ୍‌ସି!”

![](https://cdn.door43.org/obs/jpg/360px/obs-en-25-03.jpg)

ଜିସୁ ଉତର୍ ସିନଣ୍ତ୍ ମାପ୍‌ରୁନ୍ ବାକିୟନ୍ ଲେକା ମା, ନର୍‌ଲକ୍ ମାତର୍ ରୁଟିନାଟ୍ ପିୟାର୍ ମାତର୍ ମାପ୍‌ରୁନେ ସଲୁଟୁକ୍ ପେପଣ୍ତି ପାଟିନ୍ ବାକିୟ ଟୁକ୍ ପିୟିଦାଣ୍ତ୍।

![](https://cdn.door43.org/obs/jpg/360px/obs-en-25-04.jpg)

ଆଦିଙ୍ଗ୍ କୁଣ୍ତେଲ୍ ସୟ୍‌ତାନ୍ ମନ୍ଦିର୍ ପୟ୍‌ତାନ୍ ଉୟି ଅଣ୍ତୁଙ୍ଗ୍ ପକେଟେ, “ଇନ୍ ଜଦି ମାପ୍‌ରୁନେ ସେପାଲ୍ ଆଟେକଡ୍ କିଡିନ୍ ୱାଲ୍, ମାତର୍ ଲେକାମା ଇନେ ପାଦିଙ୍ଗ୍ ଏଟେନ୍ କି କାଣ୍ତ୍‌କିଲ୍‌ତିନ୍ ପାରିଙ୍ଗ୍ ମାନା ପାୟିଟ୍ ଆୱ୍‌ଗୁଲ୍ ଇନୁଙ୍ଗ୍ କି ନା ତେଟ୍‌ସି ପାତିଙ୍ଗ୍ ମାପ୍‌ରୁ ଦୁତ୍‌ଗୁଲୁଙ୍ଗ୍ ଆଦେସ୍ ସିଦାଣ୍ତ୍।

![](https://cdn.door43.org/obs/jpg/360px/obs-en-25-05.jpg)

ମାତର୍ ଜିସୁ ଶାସ୍‌ତର୍‌ଟେ ପେଲ୍‌ଟୁକ୍ ସୟ୍‌ତାନିଙ୍ଗ୍ ଉତର୍ ସିନଣ୍ତ୍। ଅଣ୍ତ୍ ପକେଣ୍ତ୍ ମାପ୍‌ରୁନେ ବାକିୟନ୍, ଅଣ୍ତ୍ ଅଣ୍ତୁନେ ଲକ୍‌ଗୁଲୁଙ୍ଗ୍ ଆଦେସ୍ ସିଦାଣ୍ତ୍। ଇମେ ମାପ୍‌ରୁଙ୍ଗ୍ ପରିକିୟା କେମେର୍।

![](https://cdn.door43.org/obs/jpg/360px/obs-en-25-06.jpg)

ଆଦିଙ୍ଗ୍ କୁଣ୍ତେଲ୍ ସୟ୍‌ତାନ୍ ଜଗତ୍‌ଟେ ପାଟିନ୍ ରାଜିଙ୍ଗ୍ ଆରେ ଆୱ୍‌ଗୁଲ୍ ପାଟିନିଙ୍ଗ୍ ତଟ୍‌ସି ପକେଣ୍ତ୍, “ଇନ୍ ଜଦି ୱାଙ୍ଗୁସୁଲ୍ କୁଟି ଜୁଆର୍ କେଦାଟ୍‌ ଆଟେଲ୍ ଆନ୍ ଇ ପାଟିନ୍ ଇନୁଙ୍ଗ୍ ସିଦାନ୍।”

![](https://cdn.door43.org/obs/jpg/360px/obs-en-25-07.jpg)

ଜିସୁ ଉତର୍ ସିନଣ୍ତ୍, “ଦୁର୍ ଏରେ ସୟ୍‌ତାନ୍! ମାପ୍‌ରୁଙ୍ଗ୍ ବାକିୟନ୍ ଲକୁଙ୍ଗ୍ ପକିଏରିମା ଇମ୍ ଇମେ ମାପ୍‌ରୁଙ୍ଗ୍ ଇ ଉପାସନା କେୟୁର୍ ଆରେ ଅଣ୍ତୁନେ ସେବା କେୟୁର୍।”

![](https://cdn.door43.org/obs/jpg/360px/obs-en-25-08.jpg)

ଜିସୁ ସୟ୍‌ତାନ୍‌ନେ ଲାଲ୍‌ସାଙ୍ଗ୍ ନିଜେନିଙ୍ଗ୍ ସର୍‌ପାଏରୁଟଣ୍ତ୍, ଆଦିଙ୍ଗ୍ ସୟତାନ୍ ଅଣ୍ତୁଙ୍ଗ୍ ସାକାରି ପେସିସେଣ୍ତେ। ଆଦିଙ୍ଗ୍ କୁଣ୍ତେଲ୍ ଦୁତ୍‌ଗୁଲ୍ ୱାରି ଜିସୁଙ୍ଗ୍ ସେବା କେନେୱ୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୪: ୧-୧୧; ମାର୍‌କ ୧:୧୨-୧୩; ଲୁକ ୪:୧-୧୩*

## 26. ୨୬- ଜିସୁ ଅଣ୍ତୁନେ ସେବାକାମେ ମୁଲ୍‌ୟାତଣ୍ତ୍

https://openbiblestories.org/l/gdb/story-26/

![](https://cdn.door43.org/obs/jpg/360px/obs-en-26-01.jpg)

ସୟ୍‌ତାନ୍‌ନେ ଲାଲ୍‌ସା ପେଲ୍‌ଟୁକ୍ ଜିନ୍‌ତାନ୍ କୁଣ୍ତେଲ୍, ଜିସୁ ପବିତ୍‌ର ଆତ୍‌ମାନ୍ ସକ୍‌ତିନା ଅଣ୍ତ୍ ବାସେ ଏରଣ୍ତି ଗାଲିଲିନ୍ ସେୟଣ୍ତ୍। ଜିସୁ ସିକିୟା ସି ୱେନ୍ ୱେନ୍ ଦିଗାଲ୍ ସେୟ୍‌ଣ୍ତ୍, ପାଟିନ୍‌ଲକ୍ ଅଣ୍ତୁନ୍ ନିୟାଟେ ବିସୟ୍‌ରେନ୍ ପକେର୍।

![](https://cdn.door43.org/obs/jpg/360px/obs-en-26-02.jpg)

ଜିସୁ ଏରେ ନାଜରିତ୍‌ତିନ୍ ନିନିବେଲ୍‌ଟୁଙ୍ଗ୍‌ ମାଟଣ୍ତ୍ ଆୟ୍ ଗଡ୍‌ତିନ୍ ସେୟଣ୍ତ୍, ବିସ୍‌ରାମ୍‌ବାର୍ ସିରିସ୍ ଅଣ୍ତ ମଣ୍ତ୍‌ଲି ଉଲେନ୍ ସେୟଣ୍ତ୍, ଅଣ୍ତୁନ୍ କିତିନ୍ ଉକୁଟ୍ ପୁସ୍‌ତକ୍ ସିନର୍ ଏଟେନ୍‌କି ଅଣ୍ତ୍ ଜିସାୟ୍ ବାବବାଦିନେ ପୁସ୍ତକ୍ ପଡ୍‌ଏଦାଣ୍ତ୍, ଜିସୁ ଆୟ୍ ପୁସ୍‌ତକ୍ ପୁସ୍‌କି ଆମାଟେ କାଣ୍ତେକ୍ ଲକୁନ୍ କାକେଲ୍ ପଡ୍‌ଏନଣ୍ତ୍।

![](https://cdn.door43.org/obs/jpg/360px/obs-en-26-03.jpg)

ଜିସୁ ପଡ୍‌ଏନଣ୍ଡ୍, “ମାପ୍‌ରୁନ୍ ଆତ୍‌ମା ଆନୁଙ୍ଗ୍ ସିଏରିମା ଏଟେନ୍‌କି କାକୁର୍‌ତି ଲକୁଙ୍ଗ୍ କାକେଲ୍ ସୁସମାସାର୍ ୱେଣ୍ତୁକୁଙ୍ଗ୍ ପାଇଟ୍ ବନ୍ଦିଲକୁଙ୍ଗ୍ ମୁକ୍‌ଲାକିଙ୍ଗ୍ ପାଇଟ୍, କାନାଲକୁଙ୍ଗ୍ ସୁଡୁଙ୍ଗ୍ ପାଇଟ୍ ଆରେ ମାନାନୟ୍‌ଲା ଲକୁଙ୍ଗ୍ ମୁକ୍‌ତି କେୟଣ୍ତି ବିସୟ୍ ରେନ୍, ଇଦ୍ ପର୍‌ବୁନ୍ ଅନୁଗ୍‌ରଟେ ବାରିସ୍।

![](https://cdn.door43.org/obs/jpg/360px/obs-en-26-04.jpg)

ଆମାଟୁକ୍ ଜିସୁ ଉଣ୍ତେଣ୍ତ୍। ପାଟିନ୍ ଲକ୍ ଅଣ୍ତୁନ୍ ଦିଗାଲ୍ ସୁଡୁଙ୍ଗ୍ ଉଣ୍ତେର୍, ଜିସୁ ସାସ୍‌ତର୍‌ଟେ ଏରେ ପାଟେ ପଡ୍‌ଏରି ମାଟଣ୍ତ୍ ଆଦ୍ କିସ୍‌ଟଙ୍ଗ୍ ଦର୍‌ସାକିନେ ଜେ ଆୟ୍‌ଲକ୍ ପୁଟର୍, ଜିସୁ ପକେଣ୍ତ୍, “ଆନ୍ ଏରେଦ୍ ପଡ୍‌ଏନନ୍ ଆଦ୍ ଇଣ୍ତି ଗଟ୍‌ଏରିଦା।” ପାଟିନ୍ ଲକ୍ କାବାଏରି ସେୟର୍, ଆୟ୍‌ଲକ୍ ପକେର୍, “ ଇୟଣ୍ତ୍ ଏନା ଜସେପ୍‌ନେ ସେପାଲ୍ ଏରାଣ୍ତ୍?”

![](https://cdn.door43.org/obs/jpg/360px/obs-en-26-05.jpg)

ଆମାଟୁକ୍ ଜିସୁ ପକେଣ୍ତ୍, “ଇଦ୍ ସତ୍ ଏରେମେନ୍ ବାବବାଦି ନିଜେଟେ ପଲୁବ୍‌ତୁନ୍ ଗରନ୍ ଟଣ୍ତ୍ ଏରାଣ୍ତ୍। ଏଲିୟ ବାବବାଦିନ୍ ବେଲ୍‌ମେନ୍ ଇସ୍‌ରାଏଲ୍ ତିନ୍ ପେଙ୍ଗିଟ୍ କେଟାସିଲ୍ ମାଟେୱ୍। ମାତର୍ ଏସେବେଲ୍ ତିନ୍‌ବାରିସ୍ ସଅ ମାସ୍ ଏତାଲିନ୍ ମାପ୍‌ରୁ ଏଲିୟଙ୍ଗ୍ ଇସ୍‌ରାଏଲ୍‌ତିନ୍ ମାନଣ୍ତି ଏରେମେନ୍ କେଟାସିଲିଙ୍ଗ୍ କାକେଲ୍ ସେନାକେଟେନ୍ ୱେନ୍ ଉକୁଟ୍ ଦେସ୍‌ତିନ୍ ମାନଣ୍ତି କେଟାଲିଙ୍ଗ୍ କାକେଲ୍ ସେଞ୍ଜିମାଟଣ୍ତ୍।

![](https://cdn.door43.org/obs/jpg/360px/obs-en-26-06.jpg)

ଜିସୁ ପକି ପେସିସେୟଣ୍ତ୍, ଆରେ ଏଲିସାୟ୍ ବାବବାଦିନ୍ ବେଲ୍ ଚର୍‌ମରଗ୍ ମାନ୍ ପେଙ୍ଗୁର୍‌ତୁଲ୍ ଇସ୍‌ରାଏଲ୍‌ତିନ୍ ମାଟର୍, ମାତର୍ ଏଲିସାୟ ଆୟ୍‌ଲକୁନ୍ ତାଣ୍ତ୍‌ରେଲ୍‌ଟୁକ୍ ଏରୁଙ୍ଗ୍ ମେନ୍ ସୁସ୍‌ତତା କେୟୁଟଣ୍ତ୍, ଅଣ୍ତ୍ ଇସ୍‌ରାଏଲ୍‌ଟେ ସତ୍‌ରୁ ଦେସ୍‌ଟେ ଉକୁର୍ ସେନାପତିଙ୍ଗ୍ ଚର୍‌ମରଗ୍ ଟୁକ୍ ସୁସ୍‌ତତା କେନଣ୍ତ୍, ଏରେଲକ୍ ଜିସୁନେ ପାଟେ ୱେନ୍‌ନର୍ ଆୟ୍ ପାଟିନ୍‌ଲକ୍ ଜିଉଦି ଲକ୍‌ମାଟର୍, ଆଦିଙ୍ଗ୍ ଆୟ୍‌ଲକ୍ ଏସେବେଲ୍ ଇଦ୍ ପକଣ୍ତି ୱେଟର୍, ଆୟ୍‌ଲକ୍ ଅଣ୍ତୁନ୍ ପୟିତାନ୍ ପେରିନ୍ ରିସା ଏନର୍।

![](https://cdn.door43.org/obs/jpg/360px/obs-en-26-07.jpg)

ନାଜରିତ୍‌ତିନ୍ ମାନ୍‌ଲକ୍‌ଗୁଲ୍ ଉପାସନା ଉଲେଟୁକ୍ ଜିସୁଙ୍ଗ୍ ପେପ୍‌ସି ଇନ୍ଦିରି ଆଟିକାରିଙ୍ଗ୍ ଉକୁଟ୍ ଉସାଟେପେଲ୍‌ଟୁକ୍ କାରିସିଗିଙ୍ଗ୍ ପାଇଟ୍ ଆମାନ୍ ଇନ୍ଦ୍‌ରେର୍, ମାତର୍ ଜିସୁ ମାନ୍ଦାଲକୁନ୍ ପେଲ୍‌ଟୁକ୍ ପେସି ସେୟ୍‌ଣ୍ତ୍ ଆରେ ନାଜରିତ୍ ଗଡ୍‌ଟୁକ୍ ସାକାରି ସେୟଣ୍ତ୍।

![](https://cdn.door43.org/obs/jpg/360px/obs-en-26-08.jpg)

ଆମାଟୁକ୍ ଜିସୁ ଗାଲିଲି ଦିଗାଲ୍ ସେୟଣ୍ତ୍, ପେଙ୍ଗୁର୍‌ତୁଲ୍ ଅଣ୍ତୁନ୍ କାକେଲ୍ ୱାନର୍, ଏରେଲକ୍‌ଗୁଲ୍ ସୁଡୁଙ୍ଗ୍ ଅଡାମାନର୍, ତାକିଙ୍ଗ୍ ଅଡାମାନ୍‌ର୍, ୱେନିଙ୍ଗ୍ ଅଡାମାନର୍ ଆୟ୍‌ଲକୁଙ୍ଗ୍ ପେଲ୍‌ଟୁ ପେଙ୍ଗୁର୍‌ତୁଲ୍ ରଗିତିଲିଙ୍ଗ୍ ଇନ୍ଦ୍‌ରେର୍।

![](https://cdn.door43.org/obs/jpg/360px/obs-en-26-09.jpg)

ବୁତ୍ ପାଦାନ୍ ଲକୁଙ୍ଗ୍ ଜିସୁନ୍ କାକେଲ୍ ଇନ୍ଦ୍‌ରିନର୍, ଜିସୁନେ ଆଦେସ୍‌ନା ଦୁତ୍‌ଗୁଲ୍ ଲକ୍‌ଗୁଲୁଙ୍ଗ୍ ପେଲ୍‌ଟୁକ୍ ପେସି ୱାରିନେୱ୍, ଆରେ ପେରିନ୍ ସମୟ୍‌ରେନ୍ ଆୱ୍‌ଗୁଲ୍ ଆୱ୍‌ଲି ଏରିନେୱ୍, ଇନ୍ ମାପ୍‌ରୁନେ ସେପାଲ୍, ପେଙ୍ଗୁର୍‌ତୁଲ୍ କାବା ଏରିନର୍ ଆରେ ମାପ୍‌ରୁନେ ଉପାସନା କେଗିନର୍।

![](https://cdn.door43.org/obs/jpg/360px/obs-en-26-10.jpg)

ଆମାଟୁକ୍ ଜିସୁ ବାରଗଟା ଲକୁଙ୍ଗ୍ ଆସ୍‌କେଣ୍ତ୍ ଏରେଲକ୍ କି ସୟ୍‌ସି ଏଦାନ୍ ସିସୁତୁଲ୍ ଏଞ୍ଜି ପକିଏରିନେ, ସିସୁତୁଲ୍ ଜିସୁନା ସେନ୍‌ନର୍ ଆରେ ଅଣ୍ତୁନ୍ ପେଲ୍‌ଟୁକ୍ ମାୟ୍‌ରିନର୍।

*ବାଇବଲ୍‌ଟେ ଉକୁଟ୍ କେରାଲ୍ :ମାତିଉ ୪:୧୨-୨୫; ମାର୍‌କ ୧:୧୪-୧୫, ୩୫-୩୯; ୩:୧୩-୨୧; ଲୁକ ୪:୧୪-୩୦, ୩୮-୪୪*

## 27. ୨୭- ନିୟାଟେ ସମିରନିୟନେ କେରାଲ୍

https://openbiblestories.org/l/gdb/story-27/

![](https://cdn.door43.org/obs/jpg/360px/obs-en-27-01.jpg)

ଦିନେକ୍ ଉକୁର୍ ଜିଉଦି ବେବସ୍‌ତାଟେ ସାସ୍‌ତିରି ଜିସୁଙ୍ଗ୍ ପରିକିୟା କେଗିଙ୍ଗ୍ ପାଇଟ୍ ପାସାର୍‌ତଣ୍ତ୍, “ଗୁରୁ ପଲାଟେ ଜିୱେ ପାୟ୍‌ଏରିଙ୍ଗ୍ ଏନ୍‌ଗଡ୍ ଆନ୍ ଏନାଦ୍ କେଗିଙ୍ଗ୍ ଏଦା?” ଜିସୁ ଉତର୍ ସିନଣ୍ତ୍, “ବେବସ୍‌ତାନ୍ ଏନାଦ୍ ଲେକାମା?”

![](https://cdn.door43.org/obs/jpg/360px/obs-en-27-02.jpg)

ବେବସ୍‌ତାଟେ ସାସ୍‌ତିରି ଉତର୍ ସିନଣ୍ତ୍ ମାପ୍‌ରୁନେ ବେବସ୍‌ତା ପକୁଦା, “ଇନ୍ ପର୍‌ବୁ ମାପ୍‌ରୁଙ୍ଗ୍ ଇନେ ପାଟିନ୍ ଗର୍‌ବେ, ପାଟିନ୍ ଜିୱେ, ପାଟିନ୍ ସକ୍‌ତି, ଆରେ ପାଟିନ୍ ମନ୍ ସି ଲାଡ୍ କେ। ଆରେ ଇମ୍ ଆର୍‌ସେଲ୍‌ଟେ ଲକୁଙ୍ଗ୍ ଆତ୍‌ମାନା ଲାଡ୍ କେ।” ଜିସୁ ଉତର୍ ସିନଣ୍ତ୍, “ଇନ୍ ଟିକ୍ ପକିମାଟ୍! ଇପାଡ୍ କେ ଆଟେକଡ୍ ଇନ୍ ବସ୍ ଏଦାଟ୍।”

![](https://cdn.door43.org/obs/jpg/360px/obs-en-27-03.jpg)

ମାତର୍ ବେବସ୍‌ତା ମାନ୍‌ଏରାକ୍ ସାସ୍‌ତିରି ନିଜେନିଙ୍ଗ୍ ଦରମ୍ ଟଣ୍ତ୍ ଏଞ୍ଜି ପକେଣ୍ତ୍, “ଆନ୍ ପର୍‌ତିବାସି ଏଇଣ୍ତ୍?”

![](https://cdn.door43.org/obs/jpg/360px/obs-en-27-04.jpg)

ଜିସୁ ବେବସ୍‌ତାଟେ ସାସ୍‌ତିରିଲକ୍‌ନେ ଉକୁଟ୍ କେରାଲ୍ ପକି ଇଦିନେ ଉତର୍ ପକି ସିନଣ୍ତ। “ଉକୁର୍ ଲକ୍ ଜିରୁସାଲାମ୍‌ଟୁକ୍ ଜିରିୟନ୍ ସେନ୍‌ନଣ୍ତ୍।

![](https://cdn.door43.org/obs/jpg/360px/obs-en-27-05.jpg)

ଆୟ୍ ଅଣ୍ଡ୍‌ ଏସେବେଲ୍ ସେନ୍‌ନଣ୍ତ୍, ଆଟେଲ୍ ଅଣ୍ତ୍ ଉକୁଟ୍ ଡାକୁ ଦଲ୍‌କାକେଲ୍ ଦାରାସିନଣ୍ତ୍, ଅଣ୍ତୁନ୍ କାକେଲ୍ ମାନଣ୍ତି ପାଟିନ୍ ଆୟ୍‌ଲକ୍ ପାତିସେୟର୍ ଆରେ ଅଣ୍ତୁଙ୍ଗ୍ ସାଦାନ୍ ୱାଡିନ୍ ଆଟେର୍, ଆମାଟୁକ୍ ଆୟ୍‌ଲକ୍ ପେସି ସେୟର୍।

![](https://cdn.door43.org/obs/jpg/360px/obs-en-27-06.jpg)

ଆୟ୍‌ବେଲ୍ ଉକୁର୍ ଜିଉଦି ଜାଜକ୍ ଆୟ୍ ପାୱ୍‌ସି ସେନ୍‌ନଣ୍ତ୍, ଏସେବେଲ୍ ଆୟ୍ ଦରମ୍‌ଗୁରୁ ମାଡ୍ ଏରି ଅଡି ମାନାକିଙ୍ଗ୍ ସୁଡେଣ୍ତ୍, ଅଣ୍ତ୍ ଆଟେଲ୍ ୱେନ୍ ପାଉଙ୍ଗ୍ ଏୟ୍‌ଙ୍ଗି ସେୟ୍‌ଣ୍ତ୍, ଅଣ୍ତ୍ ସାୟ୍‌ଜ କେଦାଣ୍ତ୍ ଏଞ୍ଜି ଆସା କେଗିନଣ୍ତ୍, ମାତର୍ ଅଣ୍ତୁନ୍ ପେଲ୍‌ଟୁକ୍ ୱେନ୍ ପାଉଙ୍ଗ୍ ପେସି ସେୟଣ୍ତ୍।

![](https://cdn.door43.org/obs/jpg/360px/obs-en-27-07.jpg)

“ଆଦିଙ୍ଗ୍ କୁଣ୍ଡେଲ୍ ଏନେତ୍ ପର୍ ସେନ୍‌ତାଲିନ୍ ଆୟ୍ ପାୱ୍ ସି ଉକୁର୍ ଲେବି ୱାନଣ୍ଡ୍।(ଲେବିୟତୁଲ୍ ଏରିଦାର୍ ଜିଉଦିତିଲ୍‌ନେ ଉକୁଟ୍ ଜାତି ଏର୍‌କି ଜାଜକ୍‌ତୁଲୁଙ୍ଗ୍ ମନ୍ଦିର୍‌ତିନ୍ ସାୟ୍‌ଜ କେଗିନର୍।) ଲେବିୟ ମେନ୍ ଆୟ୍ ପାୱ୍‌ଟେ ଆରେକୁଟ୍ ପାକାଙ୍ଗ୍ ଏୟ୍‌ଙ୍ଗି କେରିନ୍ ଆୟ୍ ଦେର୍‌ମେଣ୍ଡାନା ଏରୁଙ୍ଗ୍ କି ଜୁରାସି ଉୟିମାଟର୍ ଆରେ ମାଡ୍ ତିଞ୍ଜି ଇଲିମାନାକ୍ ଲକୁନ୍ ପେଲ୍‌ଟୁଙ୍ଗ୍ ପନ୍ଦ୍ ମାଣ୍ଡ୍‌ସି ପେସି ସେୟଣ୍ଡ୍।”

![](https://cdn.door43.org/obs/jpg/360px/obs-en-27-08.jpg)

“ଆରେକୁର୍ ଆୟ୍‌ବେଲ୍ ଆୟ୍ ପାୱ୍‌ସି ୱାନଣ୍ତ୍ ଅଣ୍ତ୍ ଉକୁର୍ ସମିରନିୟ ଲକ୍ ମାଟଣ୍ତ୍,। (ସମିରନିୟତୁଲ୍ ଏରିଦାର୍ ଜିଉଦିତିଲ୍‌ନେ ପରିବାର୍‌ଟେ ଲକ୍ ଏର୍‌କି ୱେନ୍ ଦେସ୍‌ଟୁକ୍ ଅଦୁର୍ ଆଲାପ୍ ଏରିମାଟର୍)। ସମିରନିୟତୁଲ୍ ଆରେ ଜିଉଦିଲକ୍ ନିଜେନିଙ୍ଗ୍ ଗୁର୍‌ନା କେଗିନର୍।) ମାତର୍ ସମିରନିୟଲକ୍ ଏସେବେଲ୍ ଆୟ୍ ଜିଉଦି ଲକୁଙ୍ଗ୍ ସୁଡେଣ୍ତ୍, ଅଣ୍ତ୍ ଅଣ୍ତୁଙ୍ଗ୍ ପେଲ୍ ଦୟାନା ପୁରୁନ୍ ଏରି ଅଣ୍ତୁଙ୍ଗ୍ ଜତନ୍ ଉନଣ୍ତ୍ ଆରେ ଅଣ୍ତୁନେ ମାଡ୍‌ଏରଣ୍ତି ପାଟିନ୍ ତୁର୍‌ସି କାରେଣ୍ତ୍।”

![](https://cdn.door43.org/obs/jpg/360px/obs-en-27-09.jpg)

“ଆମାଟୁକ୍ ଆୟ୍ ସମିରନିୟ ଆୟ୍ ଲକୁଙ୍ଗ୍ ସିଣ୍ତୁସି ନିଜେଟେ ଗଦ ପୟିତାନ୍ ଉଣ୍ତୁତଣ୍ତ୍ ଆରେ ଅଣ୍ତୁଙ୍ଗ୍ ରାସ୍‌ତା କାକେଲ୍‌ଟେ ମେଡିକାଲ୍‌ତିନ୍ ଉଇ ସେୟଣ୍ତ୍ ଆମାନ୍ ଅଣ୍ତୁଙ୍ଗ୍ ଜତନ୍ କେନଣ୍ତ୍।”

![](https://cdn.door43.org/obs/jpg/360px/obs-en-27-10.jpg)

“ଆରେକୁଟ୍ ସିରିସ୍, ଆୟ୍ ସମିରନିୟ ଲକ୍ ସେୟଣ୍ତ୍, ଅଣ୍ତ୍ ମେଡିକାଲ୍‌ତିନ୍ ଦୁତିୟ ତର୍ ମାନାକ୍ ଲକୁଙ୍ଗ୍ କାଣ୍ତେକ୍ ଡାବୁଲ୍‌ସି ପକେଣ୍ତ୍, ଅଣ୍ଡୁଙ୍ଗ୍‌ ଜତନ୍ କେ ଆରେ ଇନ୍‌ଜଦି ଇଦିନ୍ ପେଲ୍‌ଟୁକ୍ ଅଦିକ୍ କର୍‌ସ ଏଦାୱ୍, ଆଟେକଡ୍ ଆନ୍ ମାଣ୍ତିୱାଦାନ୍ ବେଲ୍ ଆୟ୍ ଡାବୁଲ୍ ସିଦାନ୍।”

![](https://cdn.door43.org/obs/jpg/360px/obs-en-27-11.jpg)

ଆମାଟୁକ୍ ଜିସୁ ବେବସ୍‌ତାଟେ ସାସ୍‌ତିରିଙ୍ଗ୍ ପକେଣ୍ତ୍, “ଇନ୍ ଏନାଦ୍ ବାବାକିଦାଟ୍? ଇ ତିନ୍‌ଲକୁନ୍ ପେଲ୍‌ଟୁକ୍ ଏଇଣ୍ତ୍ ଡାକୁତୁଲୁଙ୍ଗ୍ ଆବୁଡ୍ ତୁନ୍ ପଡ୍‌ଏରାକ୍ ଲକ୍‌ନେ ପର୍‌ତିବାସି ଏଇଣ୍ତ୍? ଅଣ୍ତ୍ ଉତର୍‌ସିନଣ୍ତ୍, “ଏଇଣ୍ତ୍ ଅଣ୍ତୁଙ୍ଗ୍ ପେଲ୍ ଦୟାକେନଣ୍ତ୍, ଅଣ୍ତ୍। “ଜିସୁ ଅଣ୍ତୁଙ୍ଗ୍ ପକେଣ୍ତ୍, “ଇନ୍ ସେଞ୍ଜି ଆୟ୍‌ୱାଡିନ୍ କେ।”

*ବାଇବଲ୍‌ଟେ ଉକୁଟ୍ କେରାଲ୍ : ଲୁକ ୧୦:୨୫-୩୭*

## 28. ୨୮- ଜୁବାଟେ ସାସନ୍‌କାର୍‌ୟା

https://openbiblestories.org/l/gdb/story-28/

![](https://cdn.door43.org/obs/jpg/360px/obs-en-28-01.jpg)

ଦିନେକ୍, ଉକୁର୍ ବେଣ୍ତିୟା ସାୱ୍‌କାର୍ ଜିସୁଙ୍ଗ୍ କାକେଲ୍ ୱାନଣ୍ତ୍ ଆରେ ପାଚାର୍‌ତଣ୍ତ୍, “ନିୟାଟେ ଗୁରୁ, ପଲାଟେ ଜିୱେ ପାୟ୍‌ଏରିଙ୍ଗ୍ ପାୟିଟ୍ ଆନ୍ ଏନା କେଦାନ୍?” ଜିସୁ ଅଣ୍ତୁଙ୍ଗ୍ ପକେଣ୍ତ୍, “ଆନିଙ୍ଗ୍ ଏନାଦିଙ୍ଗ୍ ନିୟାଟଣ୍ତ୍ ଏନ୍‌ଦାଣ୍ତ୍?” ଉକୁର୍ ଇ ନିୟାଟଣ୍ତ୍ ମାୟାଣ୍ତ୍ ଅଣ୍ତ୍ ଏରିଦାଣ୍ତ୍ ମାପ୍‌ରୁ। ମାତର୍ ଇନ୍ ଜଦି ପଲାଟେ ଜିୱେ ପାୟ୍‌ଏରିଙ୍ଗ୍ ଇସା କେଗିଦାଟ୍‌ ଆଟେକଡ୍ ମାପ୍‌ରୁନେ ବେବସ୍‌ତାଲିଙ୍ଗ୍ ପାଲନ୍ କେ।”

![](https://cdn.door43.org/obs/jpg/360px/obs-en-28-02.jpg)

ଅଣ୍ତ୍ ପାଚାର୍‌ତଣ୍ତ୍ “ଏନା ଏନା ବେବସ୍‌ତାଲିଙ୍ଗ୍ ଆନ୍ ପାଲନ୍ କେଗିଙ୍ଗ୍ ଦର୍‌କାର୍?” ଜିସୁ ଉତର୍ ସିନଣ୍ତ୍ “ଲକୁଙ୍ଗ୍ ୱାଟ୍‌ତେନ୍ ଆଟ୍‌ମେନ୍। ବେବିଚାର୍ କେମେନ୍। ଚରି କେମେନ୍। ମିଚ୍ ପକ୍‌ମେନ୍। ଇନେ ଆବା ଆରେ ଆୟାଙ୍ଗ୍ ସନ୍‌ମାନ୍ କେ, ଆରେ ଇନେ ସାୟ୍‌ପଡିସାଟେ ଲକୁଙ୍ଗ୍ ମନ୍‌ଗର୍‌ବେ ଟୁକ୍ ଲାଡ୍ କେ।”

![](https://cdn.door43.org/obs/jpg/360px/obs-en-28-03.jpg)

ମାତର୍ ଆୟ୍ ବେଣ୍ତିୟା ସାୱ୍‌କାର୍ ଅଣ୍ତୁଙ୍ଗ୍ ପକେଣ୍ତ୍ “ଆନ୍ ଇ ପାଟିନ୍ ବିସୟ୍ ନିନିବେଲ୍ ଟୁକ୍ ପାଲନ୍ କେୟି ୱାରିମାନ୍। ପଲାଟେ ଜିୱେ ପାୟ୍‌ଏରିଙ୍ଗ୍ ପାୟିଟ୍ ଆନିଙ୍ଗ୍ ଆରେ ଏନା କେଗିଙ୍ଗ୍ ଏଦା?” ଜିସୁ ଅଣ୍ତୁଙ୍ଗ୍ ପର୍‌ତି ସୁଡି ଅଣ୍ତୁଙ୍ଗ୍ ଲାଡ୍ କେନଣ୍ତ୍।

![](https://cdn.door43.org/obs/jpg/360px/obs-en-28-04.jpg)

ଜିସୁ ଉତର୍ ସିନଣ୍ତ୍ “ଜଦି ଇନ୍ ନିୟାଟଣ୍ତ୍ ଏରିଙ୍ଗ୍ ଇସା କେଦାଟ୍‌ ଆଟେକଡ୍ ସେନ୍ ଆରେ ଇନେ ପାଟିନ୍ ଦନ୍ ସମ୍‌ପତିଙ୍ଗ୍ ୱିଡିକାର୍ ଆରେ ମାନାଲକୁଙ୍ଗ୍ ଦନ୍ ଦାନ୍ କେ, ଆରେ ଇନ୍ ସରଗ୍ ରାଜିନ୍ ଦନ୍ ପାୟ୍‌ଏଦାଟ୍‌। ଆଦିଙ୍ଗ୍ କୁଣ୍ତେଲ୍ ୱାରି ଆନ୍ କୁଣ୍ଡୁନକ ତାକ୍‌।”

![](https://cdn.door43.org/obs/jpg/360px/obs-en-28-05.jpg)

ଜିସୁ ପକଣ୍ତି ବିସୟ୍ ଏସେବେଲ୍ ବେଣ୍ତିୟା ସାୱ୍‌କାର୍ ୱେଟଣ୍ତ୍, ଅଣ୍ତ୍ ପେରିନ୍ ଦୁକ୍ କେନଣ୍ତ୍, ଏନାଦିଙ୍ଗ୍ କି ଅଣ୍ତ୍ ପେରିନ୍ ଦନି ମାଟଣ୍ତ୍ ଆରେ ଅଣ୍ତ୍ ଜମାସି ଇରଣ୍ତି ପାଟିନ୍ ଦନ୍ ସମ୍‌ପତିଙ୍ଗ୍ ସିଗିଙ୍ଗ୍ ଇସା କେୟୁଟଣ୍ତ୍। ଅଣ୍ତ୍ ପନ୍ଦୁଙ୍ଗ୍ ମାଣ୍ଡ୍‌ସି ଜିସୁଙ୍ଗ୍ କାକେଲ୍ ଟୁକ୍ ପେସି ସେୟ୍‌ଣ୍ତ୍।

![](https://cdn.door43.org/obs/jpg/360px/obs-en-28-06.jpg)

ଆଦିଙ୍ଗ୍ କୁଣ୍ତେଲ୍ ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପକେଣ୍ତ୍ “ଦନି ଲକ୍ ମାପ୍‌ରୁଙ୍ଗ୍ ରାଜିନ୍ ସେନିଙ୍ଗ୍ ପେରିନ୍ କସ୍‌ଟ, ଦନି ଲକ୍ ସର୍‌ଗ ରାଜିନ୍ ସେନଣ୍ତି ପେଲ୍‌ଟୁକ୍ ସୁଜାଟେ କାନାସି ଉଟ୍‌ ନାନିଙ୍ଗ୍ ସଜ୍ ଏଦା।”

![](https://cdn.door43.org/obs/jpg/360px/obs-en-28-07.jpg)

ଜିସୁ ପକଣ୍ତି ବିସୟୁଙ୍ଗ୍ ଏସେବେଲ୍ ସିସୁତୁଲ୍ ୱେଟର୍ ଆୟ୍‌ଲକ୍ କାବାଏରି ପକେର୍ “ଆଟେକଡ୍ ଏଇର୍ ଉଦାର୍ ପାୟ୍‌ଏଦାର୍ ଆରେ ପରିତ୍‌ରାନ୍ ପାୟ୍‌ଏଦାର୍?”

![](https://cdn.door43.org/obs/jpg/360px/obs-en-28-08.jpg)

ଜିସୁ ସିସୁତୁଲୁଙ୍ଗ୍ ସୁଡି ପକେଣ୍ତ୍, ଲକ୍‌ନେ କାନୁଲ୍‌ତୁନ୍ ଇଦ୍ ଏରିଙ୍ଗ୍ ଅଡ଼଼ା ମାତର୍ ମାପ୍‌ରୁନ୍ କାନୁଲ୍‌ତୁନ୍ ପାଟିନ୍ ବିସୟ୍ ଏରିଙ୍ଗ୍ ଅଡ୍‌ତା।

![](https://cdn.door43.org/obs/jpg/360px/obs-en-28-09.jpg)

ପିତର୍ ଜିସୁଙ୍ଗ୍ ପକେଣ୍ତ୍ “ଆମ୍ ପାଟିନ୍ ବିସୟ୍ ସାକାରି ଇନ୍ କୁଣ୍ତୁନି ୱାରିମାମ୍, ଆମ୍ ପାଇଟ୍ ଏନା ପୁରସ୍‌କାର୍‌ ମାୟା?”

![](https://cdn.door43.org/obs/jpg/360px/obs-en-28-10.jpg)

ଜିସୁ ଉତର୍ ସିନଣ୍ତ୍ “ଏରେଲକ୍ ଆନ୍ ପାଇଟ୍ ଉଲେ, ବାଇତିଲିଙ୍ଗ୍, ଆୟାଲିଙ୍ଗ୍, ଆବାଙ୍ଗ୍, ଆୟାଙ୍ଗ୍, ସିଣ୍ତିଲ୍ ମାସିଲିଙ୍ଗ୍ ଆରେ ଦନ୍ ସମ୍‌ପତିଙ୍ଗ୍ ସାକାରି ଆରେ ଅଣ୍ତୁନେ ସଏ୧୦୦ ଗୁନ୍ ଇଜଗତ୍‌ତୁନ୍ ପଲାଟେ ଜିୱେ ପାୟ୍‌ଏଦାଣ୍ତ୍। ମାତର୍ ଆଗାଡି ମାନ୍‌ଲକ୍‌ କୁଣ୍ତେଲ୍ ଏଦାର୍, କୁଣ୍ତେଲ୍ ମାନ୍‌ଲକ୍‌ ଆଗାଡି ଏଦାର୍।”

*ବାଇବଲ୍‌ଟେ ଉକୁଟ୍ କେରାଲ୍ ମାତିଉ ୧୯:୧୬-୩୦; ମାର୍‌କ୧୦:୧୭-୩୧; ୧୮:୧୮-୩୦*

## 29. ୨୯- ଦୟା ମାନାଟେ ଦାସ୍‌ନେ କେରାଲ୍

https://openbiblestories.org/l/gdb/story-29/

![](https://cdn.door43.org/obs/jpg/360px/obs-en-29-01.jpg)

ଦିନେକ୍, ପିତର ଜିସୁଙ୍ଗ୍ ପାଚାର୍‌ତଣ୍ତ୍ “ଗୁରୁ, ଏସେଲ୍ ଆନ୍ ବାଇ ଆନ୍ ବିରଦ୍‌ରେନ୍ ପାପ୍ କେଦାଣ୍ତ୍ ଆଟେଲ୍ ଆନ୍ ଅଣ୍ତୁଙ୍ଗ୍ କେତେ ତର୍ କେମା ସିଦାନ୍? ଏନା ସାତ୍ ତର୍ ଆରେକ୍?” ଜିସୁ ପକେଣ୍ତ୍ ସାତ୍ ଏରା, ମାତର୍ ସତୁରି ତର୍ ଆରେକ୍!” ଇ ୱାଡ଼଼ିନ୍‌ ଜିସୁ ପକଣ୍ତି ଅରତ୍ ମାଟେ ଜେ ଆମ୍ ପାଟିନ୍ ବେଲ୍ କେମା ସିଗିଙ୍ଗ୍ ଦର୍‌କାର୍। ଆଦିଙ୍ଗ୍ କୁଣ୍ତେଲ୍ ଜିସୁ ଇ କେରାଲ୍ ପକେଣ୍ତ୍।

![](https://cdn.door43.org/obs/jpg/360px/obs-en-29-02.jpg)

ଜିସୁ ପକେଣ୍ତ୍ “ମାପ୍‌ରୁନେ ରାଜି ଇ ୱାଡିନ୍ ଉକୁର୍ ରାଜାଙ୍ଗ୍ ୱାଡିନ୍ ଅଣ୍ତ୍ ଅଣ୍ତୁନେ ଦାସ୍‌ଲକ୍‌ନା ଉଣ୍ତି ହିସାବ୍ ପୁରା କେଗିଙ୍ଗ୍ ପାୟିଟ୍ ଇସା କେନଣ୍ତ୍। ଆୟ୍‌ଲକ୍‌ନେ ଦାସ୍‌ଲକୁଙ୍ଗ୍ ପେଲ୍‌ଟୁକ୍ ଉକୁର୍ ୨,୦୦,୦୦୦ ବରସ୍‌ଟେ ପେରିନ୍ ପାଉଣା ଜମାସି ଇରିମାଟଣ୍ତ୍।

![](https://cdn.door43.org/obs/jpg/360px/obs-en-29-03.jpg)

ଆୟ୍ ଦାସ୍ ଆୟ୍ ପାଉଣା ମାଣ୍ତୁସି ସିଗିଙ୍ଗ୍ ଅଡୁଟଣ୍ତ୍, ଆଦିଙ୍ଗ୍ ରାଜା ପକେଣ୍ତ୍ “ଇୟ୍‌ଣ୍ତୁଙ୍ଗ୍ ଆରେ ଇୟ୍‌ଣ୍ତ୍‌ନେ ପରିବାରିଙ୍ଗ୍ ଦାସ୍ ୱାଡିନ୍ ୱିଡିକାରି ପାଉଣା ମାଣ୍ତୁସି ସିଗିଙ୍ଗ୍ ସିୟୁର୍।”

![](https://cdn.door43.org/obs/jpg/360px/obs-en-29-04.jpg)

ଆୟ୍ ଦାସ୍ ରାଜାନେ ପାଦ୍ ମୁତୁଲ୍ ଇଲି ପକେଣ୍ତ୍ ଦୟାକେୟି ଆନ୍ ବିସୟ୍‌ରେନ୍ ଦରଜ୍ ପାତ୍, ଆରେ ଆନ୍ ଇନ୍‌ପେଲ୍‌ଟେ ରୁନ୍ ମାନଣ୍ତି ପାଟିନ୍ ରୁନ୍ ସୁଜାତାନ୍। ରାଜା ଆୟ୍ ଦାସ୍‌ସିଙ୍ଗ୍ ଦୟା କେନଣ୍ତ୍,ଆଦିଙ୍ଗ୍ ଅଣ୍ତ୍ ଅଣ୍ତୁନେ ପାଟିନ୍ ରୁନୁଙ୍ଗ୍ ସାକାରେଣ୍ତ୍।

![](https://cdn.door43.org/obs/jpg/360px/obs-en-29-05.jpg)

ମାତର୍ ଆୟ୍ ଦାସ୍ ଏସେବେଲ୍ ରାଜାଙ୍ଗ୍ ପେଲ୍‌ଟୁକ୍ ସେୟ୍‌ଣ୍ତ୍, ଆସେବେଲ୍ ଅଣ୍ତ୍ ଆରେ ଉକୁର୍ ସଙ୍ଗାରିଙ୍ଗ୍ ପର୍‌କଣ୍ଡିଙ୍ଗ୍ ସୁଡେଣ୍ତ୍ ଏଇଣ୍ତ୍ କି ଅଣ୍ତୁଙ୍ଗ୍ ସାର୍ ମାସ୍‌ଟେ ରୁନ୍ ସିଗିଙ୍ଗ୍ ମାଟେ। ଆୟ୍ ଦାସ୍ ସଙ୍ଗାରିନେ କଟ୍‌ରଙ୍ଗ୍ ପାତେଣ୍ତ୍ ଆରେ ପକେଣ୍ତ୍ “ଆନ୍ ପେଲ୍‌ଟୁକ୍ ଉଦାର୍ ଉୟଣ୍ତି ରୁନ୍ ସୁଜାପୁଟ୍!”

![](https://cdn.door43.org/obs/jpg/360px/obs-en-29-06.jpg)

“ସଙ୍ଗାରି ଆୟ୍ ଦାସ୍‌ନେ ପାଦ୍ ମୁତୁଲ୍ ଇଲି ପକେଣ୍ତ୍ “ଦୟାକେୟି ଆନ୍ ପର୍‌ତି ଦରଜ୍ ପାତ୍, ଆରେ ଆନ୍ ଉଦାର୍ ପର୍‌ପଣ୍ତି ପାଟିନ୍ ରୁନ୍ ଇନୁଙ୍ଗ୍ ମାଣ୍ତ୍‌ସି ସିଦାନ୍। ମାତର୍ ଆଦ୍ କେଦାନ୍ ବାଦୁଲ୍‌ରେନ୍ ଆଣ୍ତ୍ ରୁନ୍ ସୁଜାତାନ୍ ଆରେକ୍ ଅଣ୍ତୁଙ୍ଗ୍ ଜୟିଲ୍‌ତିନ୍ ଇରେଣ୍ତ୍।

![](https://cdn.door43.org/obs/jpg/360px/obs-en-29-07.jpg)

ଏରେ ଦାସ୍‌ଲକ୍ ଇ ଗଟନା ସୁଡିମାଟର୍, ଆୟ୍‌ଲକ୍ ପେରିନ୍ ଦୁକ୍ କେନର୍। ଆୟ୍‌ଲକ୍ ରାଜାଙ୍ଗ୍ କାକେଲ୍ ସେୟର୍ ଆରେ ପାଟିନ୍ ପାଟେ ପକେର୍।

![](https://cdn.door43.org/obs/jpg/360px/obs-en-29-08.jpg)

“ରାଜା ଆୟ୍ ଦାସିଙ୍ଗ୍ ଅର୍‌ଗି ପକେଣ୍ତ୍, ‘ଇନ୍ ଦୁସ୍‌ଟ ଦାସ୍!” ଇନ୍ ଆନିଙ୍ଗ୍ କେମା ବିକିୟା ପର୍‌ତାଲିନ୍ ଆନ୍ ଇନିଙ୍ଗ୍ ପାଟିନ୍ ରୁନ୍ ସାକାରେନ୍। ଇନ୍‌ମେନ୍ ଟିକ୍ ଇ ୱାଡିନ୍ କେଗିଙ୍ଗ୍ ଦର୍‌କାର୍। ରାଜା ପେରିନ୍ ରିସା ଏନଣ୍ତ୍ ଜେ ଆୟ୍ ଦୁସ୍‌ଟ ଦାସ୍ ପାଟିନ୍ ରୁନ୍ ସୁଜାତାନ୍ ଆରେକ୍ ଅଣ୍ତୁଙ୍ଗ୍ ଜୟିଲ୍ ଉଲେନ୍ ଇରେଣ୍ତ୍।

![](https://cdn.door43.org/obs/jpg/360px/obs-en-29-09.jpg)

ଆଦିଙ୍ଗ୍ କୁଣ୍ତେଲ୍ ଜିସୁ ପକେଣ୍ତ୍, “ଏରେଲକ୍ ନିଜେଟେ ବାଇଲକୁଙ୍ଗ୍ କେମା ସିୟାର୍ ଆୟ୍‌ଲକୁଙ୍ଗ୍ ସର୍‌ଗେଟେ ଆବାମେନ୍ କେମା ସିୟାଣ୍ଡ୍ ଆନେ ସର୍‌ଗେଟେ ଆବା ମେନ୍ ଆୟ୍‌ଲକୁଙ୍ଗ୍ ପେଲ୍ ଆପାଡ଼଼ି କେଦାଣ୍ଡ୍।

*ବାଇବଲ୍‌ଟେ ଉକୁଟ୍ କେରାଲ୍ :ମାତିଉ ୧୮:୨୧-୩୫*

## 30. ୩୦- ଜିସୁ ପାସ୍ ହଜାର୍ ଲକୁଙ୍ଗ୍ ତିଣ୍ଡୁପଣ୍ଡି

https://openbiblestories.org/l/gdb/story-30/

![](https://cdn.door43.org/obs/jpg/360px/obs-en-30-01.jpg)

ପେଙ୍ଗିଟ୍ ୱେନ୍ ୱେନ୍ ପଲ୍‌ଗୁଲୁଙ୍ଗ୍ ପର୍‌ଚାର୍ କେଗିଙ୍ଗ୍ ଆରେ ସିକିୟା ସିଗିଙ୍ଗ୍ ପାୟିଟ୍ ଜିସୁ ଅଣ୍ତୁନେ ସିସୁତୁଲୁଙ୍ଗ୍ ସୟତଣ୍ତ୍। ଜିସୁ ଏରେମାନ୍ ମାଟଣ୍ତ୍ ଆମାନ୍ ଆୟ୍‌ଲକ୍ ଏସେବେଲ୍ ୱାନର୍, ଏନାଦ୍ ଏନାଦ୍ ଗଟ୍‌ଏରି ମାଟେ ଆଦ୍ ଆୟ୍‌ଲକ୍ ଅଣ୍ତୁଙ୍ଗ୍ ପକେର୍। ଆଦିଙ୍ଗ୍ କୁଣ୍ତେଲ୍ ଜିସୁ ପେରେଟ୍ ଆୟଟ୍‌ପାକା ମାନଣ୍ତି ଉକୁଟ୍ ସିମ୍‌ରା ବାସେନ୍ ସେନିଙ୍ଗ୍ ପାୟିଟ୍ ଆୟ୍‌ଲକୁଙ୍ଗ୍ ଅର୍‌ଗେଣ୍ତ୍ ଆଦିଙ୍ଗ୍, ଆୟ୍‌ଲକ୍ ଉକୁଟ୍ ଡଙ୍ଗାନ୍ ଉଣ୍ତେର୍ ଆରେ ପେରେଟ୍ ଆୟଟ୍‌ପାକା ସେୟର୍।

![](https://cdn.door43.org/obs/jpg/360px/obs-en-30-02.jpg)

ମାତର୍ ଆୟ୍ ବାସେନ୍ ପେଙ୍ଗୁର୍‌ତୁଲ୍ ଲକ୍ ମାନ୍ ପାୟିଟ୍ ଜିସୁ ଆରେ ଅଣ୍ତୁନେ ସିସୁତୁଲ୍ ଡଙ୍ଗାଙ୍ଗ୍ ସାକାରି ସେୟର୍। ଇ ଲକ୍‌ଗୁଲ୍ ଆୟ୍‌ଲକୁଙ୍ଗ୍ କାକେଲ୍ ସେନିଙ୍ଗ୍ ପାୟିଟ୍ ଆୟ୍‌ଲକ୍ ୱାଦାନ୍ ଆଗାଡି ପେରେଟ୍ କାକେଲ୍ ସେୟର୍। ଆଦିଙ୍ଗ୍ ଜିସୁ ଆରେ ଅଣ୍ତୁନେ ସିସୁତୁଲ୍ ଏରେବେଲ୍ ଏଦେର୍, ପେଙ୍ଗୁର୍‌ତୁଲ୍ ଲକ୍‌ଗୁଲ୍ ଜମାଏରି ପେରେଟ୍ ଆୟଟ୍ ପାକା ଆୟ୍‌ଲକୁଙ୍ଗ୍ କାସି ମାଟର୍।

![](https://cdn.door43.org/obs/jpg/360px/obs-en-30-03.jpg)

ଆୟ୍‌ଲକ୍ ୫୦୦୦ ମାଗିଣ୍ତ୍ ସିଣ୍ତ୍‌କିଲ୍ ମାଟର୍, ଆସ୍‌ମାସ୍‌କିଲ୍ ଆରେ ସିଣ୍ତିଲ୍ ମାସିଲିଙ୍ଗ୍ ଏଜାସି ଏରାମାଟେ। ଜିସୁ ଇ ଲକ୍‌ଗୁଲୁଙ୍ଗ୍ ସୁଡି ପେରିନ୍ କାନିକରମ୍ ଏନଣ୍ତ୍। ଜିସୁଙ୍ଗ୍ ପାୟିଟ୍ ଇ ଲକ୍‌ଗୁଲ୍‌ଗୁଲ୍ କଲାକ୍‌ମାନା ମେଣ୍ତାଲ୍ ୱାଡିନ୍ ମାଟର୍, ଆଦିଙ୍ଗ୍ ଅଣ୍ତ୍ ଆୟ୍‌ଲକୁଙ୍ଗ୍ ସିକିୟା ସିନଣ୍ତ୍ ଆରେ ଆୟ୍‌ଲକୁଙ୍ଗ୍ ପେଲ୍‌ଟୁକ୍ ଏରେଲକ୍ ଦୁକାସୁକା ମାଟର୍ ଆୟ୍‌ଲକୁଙ୍ଗ୍ ସୁସ୍‌ତ କେନଣ୍ତ୍।

![](https://cdn.door43.org/obs/jpg/360px/obs-en-30-04.jpg)

ସିର୍‌ତାବେଲ୍ ସିସୁତୁଲ୍ ଜିସୁଙ୍ଗ୍ ପକେର୍ “ବେଲା ପେରିନ୍ ଏରିସେନିଦା ଆୟ୍‌ବେଲ୍ ଏରେମେନ୍ ଗଡ୍‌ମାନା, ଲକ୍‌ଗୁଲୁଙ୍ଗ୍ ସୟ୍‌ସି ସି ଏଟେନ୍‌କି ଆୟ୍‌ଲକ୍ ସେଞ୍ଜି ଏନାଦ୍ ଅଲେ ତିନିଙ୍ଗ୍ ଅଡ୍‌ତାର୍।”

![](https://cdn.door43.org/obs/jpg/360px/obs-en-30-05.jpg)

ମାତର୍ ଜିସୁ ସିସୁତୁଲୁଙ୍ଗ୍ ପକେଣ୍ତ୍ “ଇମ୍‌ଗୁଲ୍ ଆୟ୍‌ଲକୁଙ୍ଗ୍ ଏନାଦ୍ ଅଲେ ତିନିଙ୍ଗ୍ ସିୟୁର୍, ଆୟ୍‌ଲକ୍ ଉତର୍ ସିନର୍ ଆମ୍ ଆଦ୍ ଏଟେନ୍ କେଗିଙ୍ଗ୍ ଅଡ୍‌ତାମ୍? ଆମ୍‌କାକେଲ୍ ପାସ୍‌ଗଟା ରୁଟିଲ୍ ଆରେ ଜଡେକ୍ ମିନିଲ୍ ମାୟାୱ୍।”

![](https://cdn.door43.org/obs/jpg/360px/obs-en-30-06.jpg)

ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପକେଣ୍ତ୍ “ଲକ୍‌ଗୁଲୁଙ୍ଗ୍ ପକୁର୍ ଲାଟା ପୟିତାନ୍ ପସାସ୍ ପସାସ୍ ଲକ୍ ଦଲ୍‌ଏରି ଉଣ୍ତ୍‌କାର୍।

![](https://cdn.door43.org/obs/jpg/360px/obs-en-30-07.jpg)

ଆଦିନ୍ କୁଣ୍ତେଲ୍ ଜିସୁ ଆୟ୍ ପାସ୍‌ଗଟା ରୁଟି ଆରେ ଜଡେକ୍ ମିନିଲ୍ ପାତି ସର୍‌ଗେନ୍ ସୁଡି, ଆୟ୍ କାଡ୍‌ସେ ପାଇଟ୍ ମାପ୍‌ରୁନ୍ ପେଲ୍ ଦନିୟବାଦ୍ ସିନଣ୍ତ୍।

![](https://cdn.door43.org/obs/jpg/360px/obs-en-30-08.jpg)

ଆମାଟୁକ୍ ଜିସୁ ରୁଟିଲ୍ ଆରେ ଆୟ୍ ମିନିଲିଙ୍ଗ୍ ମୁକା ମୁକା କେଇ ପୁନ୍‌ତଣ୍ତ୍ ଆୟ୍ ମୁକାଲିଙ୍ଗ୍ ଲକ୍‌ଗୁଲୁଙ୍ଗ୍ ସିଗିଙ୍ଗ୍ ପାଇଟ୍ ଅଣ୍ତୁନେ ସିସୁ ତୁଲୁଙ୍ଗ୍ ସିନଣ୍ତ୍, ସିସୁତୁଲ୍ ଆୟ୍ କାଦିଙ୍ଗ୍ ପାଇକିଙ୍ଗ୍ ଉଣ୍ତେର୍, ଆରେ ଆୱ୍ ଆରେ ପଲିସେନୁଟେୱ୍, ପାଟିନ୍‌ଲକ୍ ତିଞ୍ଜିକେରିନ୍ ପୁଡୁଗ୍ ପାଇଙ୍ଗ୍ ତର୍।

![](https://cdn.door43.org/obs/jpg/360px/obs-en-30-09.jpg)

ଆମାଟୁକ୍ ସିସୁତୁଲ୍ ଲକ୍‌ଗୁଲ୍ ତିଞ୍ଜି ସାର୍‌ଙ୍ଗ୍‌ଣ୍ତି ମୁକାଲିଙ୍ଗ୍ ଉକୁଟ୍‌ପେଲ୍ ରୁଣ୍ତାତର୍ ଆରେ ବାରଡାଲା ଏନେୱ୍, ପାଟିନ୍ କାଦି ମାତର୍ ପାସ୍‌ରୁଟି ଆରେ ଜଡେକ୍ ମିନିଲ୍‌ନା ଏନେୱ୍।

*ବାଇବଲ୍‌ଟେ ଉକୁଟ୍ କେରାଲ୍: ମାତିଉ ୧୪:୧୩-୨୧; ମାର୍‌କ ୬:୩୧-୪୪; ଲୁକ ୯:୧୦-୧୭; ଜହନ ୬:୫-୧୫*

## 31. ୩୧- ଜିସୁ ନିର୍ ପୟ୍‌ତାନ୍ ତାକଣ୍ଡି

https://openbiblestories.org/l/gdb/story-31/

![](https://cdn.door43.org/obs/jpg/360px/obs-en-31-01.jpg)

ଆଦିନ୍ କୁଣ୍ତେଲ୍ ଜିସୁ ଅଣ୍ତୁନେ ସିସୁତୁଲ୍‌ନା ଡଙ୍ଗାନ୍ ସସି ଆଦିଙ୍ଗ୍ ସାଲାସି ସେରୁ ଆୟ୍‌ଟ୍‌ପାକା ସେନିଙ୍ଗ୍ ପାଇଟ୍ ପକେଣ୍ତ୍ ଏସେବେଲ୍ ଅଣ୍ତ୍ ଲକୁଙ୍ଗ୍ ସୟ୍‌ତଣ୍ତ୍, ଜିସୁ ଲକୁଙ୍ଗ୍ ସୟ୍‌ତାନ୍ କୁଣ୍ତେଲ୍, ଅଣ୍ତ୍ ପାର୍‌ତନା କେଗିଙ୍ଗ୍ ପାଇଟ୍ ଉକୁଟ୍ କପେ ପୟିତାନ୍ ସେୟଣ୍ତ୍, ଜିସୁ ଆମାନ୍ ଉକୁରି ମାଟଣ୍ତ୍ ଆରେ ଅଣ୍ତ ସାରାରତି ଆରେକ୍ ଆମାନ୍ ପାର୍‌ତନା କେଗିଙ୍ଗ୍ ଉଣ୍ତେଣ୍ତ୍।

![](https://cdn.door43.org/obs/jpg/360px/obs-en-31-02.jpg)

ଆମାଟୁକ୍ ସିସୁତୁଲ୍ ଆୟ୍‌ଲକ୍‌ନେ ଡଙ୍ଗା ସେନିଙ୍ଗ୍ ଅଡାମାନ୍‌ନେ, ମାତର୍ ପେରିନ୍ ସିକାଟ୍‌ତିନ୍ ଆୟ୍‌ଲକ୍ ସେରୁଟେ ନେଣ୍ତିନ୍‌ ଏଦେର୍, ଆୟ୍‌ଲକ୍‌ନେ ଡଙ୍ଗା ପେରିନ୍ କସଟ୍‌ନା ସାଲାକିନର୍ ଏନାଦିଙ୍ଗ୍ କି ୱାଲ୍ ୱାଇନ୍ ଆୟ୍‌ଲକୁନ୍ ଦିଗାଲି ୱାରିନେ।

![](https://cdn.door43.org/obs/jpg/360px/obs-en-31-03.jpg)

ଆମାଟୁକ୍ ଜିସୁ ପାର୍‌ତନା କେଇ ପଲେଣ୍ତ୍ ଆରେ ସିସୁତୁଲୁଙ୍ଗ୍ କାକେଲ୍ ସେୟଣ୍ତ୍। ଅଣ୍ତ୍ ସେରୁଟେ ନିର୍ ପୟ୍‌ତାନ୍ ଆୟ୍‌ଲକ୍‌ନେ ଡଙ୍ଗା ଦିଗାଲ୍ ତାକିସେୟଣ୍ତ୍।

![](https://cdn.door43.org/obs/jpg/360px/obs-en-31-04.jpg)

ଆୟ୍‌ଲକ୍ ଏସେବେଲ୍ ଜିସୁଙ୍ଗ୍ ସୁଡେର୍ ଆଟେଲ୍ ସିସୁତୁଲ୍ ନାର୍‌ସି ସେୟର୍, ମାତର୍ ଆୟ୍‌ଲକ୍ ବୁତ୍ ଏଞ୍ଜି ଏତାତର୍, ଜିସୁ ପୁଟଣ୍ତ୍ ଜେ ଆୟ୍‌ଲକ୍ ନାର୍‌ସି ସେଞ୍ଜିମାର୍, ଆଦିଙ୍ଗ୍ ଅଣ୍ତ୍ ଆୟ୍‌ଲକୁଙ୍ଗ୍ ଅର୍‌ଗି ପକେଣ୍ତ୍, “ନାରିସ୍‌ମେର୍, ଇୟଣ୍ଡ୍ ଆନ୍।”

![](https://cdn.door43.org/obs/jpg/360px/obs-en-31-05.jpg)

ଆମାଟୁକ୍ ପିତର୍ ଜିସୁଙ୍ଗ୍ ପକେଣ୍ତ୍, “ଗୁରୁ, ଜଦି ଅଣ୍ଡ୍‌ ଇନ୍, ଆଟେକଡ୍ ନିର୍ ପୟିତାନ୍ ତାକିଙ୍ଗ୍ ପାଇଟ୍ ଆନୁଙ୍ଗ୍ ଆଦେସ୍ ଇନ୍ଦେ, ଜିସୁ ପିତରୁଙ୍ଗ୍ ପକେଣ୍ତ୍, “ୱା।”

![](https://cdn.door43.org/obs/jpg/360px/obs-en-31-06.jpg)

ଆମାଟୁକ୍ ପିତର୍ ଡଙ୍ଗାଟୁକ୍ ପେସି ଜିସୁନ୍ କାକେଲ୍ ନିର୍ ପୟିତାନ୍ ତାକିଙ୍ଗ୍ ଉଣ୍ତେଣ୍ତ୍, ମାତର୍ କାଣ୍ତେକ୍ ଦୁରିଙ୍ଗ୍ ସେୟାନ୍ କୁଣ୍ତେଲ୍, ଅଣ୍ତ୍ ଜିସୁଙ୍ଗ୍ କାକେଲ୍‌ଟୁକ୍ ନିଜେଟେ କାନୁଲ୍ ଦୁରିଙ୍ଗ୍ ସୁଡ଼଼େଣ୍ତ୍ ଆରେ ଉଲ୍‌କାଲିଙ୍ଗ୍ ସୁଡୁଙ୍ଗ୍ ଉଣ୍ତେଣ୍ତ୍ ଆରେ ଅଣ୍ତ୍ ପେରିନ୍ ୱାଲ୍ ୱାରଣ୍ତିଙ୍ଗ୍ ଏତାତଣ୍ତ୍।

![](https://cdn.door43.org/obs/jpg/360px/obs-en-31-07.jpg)

ଆଟେଲ୍ ପିତର୍ ନାର୍‌ସି ସେୟଣ୍ତ୍ ଆରେ ସମ୍‌ଦୁର୍‌ତୁନ୍ ମୁଲ୍‌ଗୁଙ୍ଗ୍ ଉଣ୍ତେଣ୍ତ୍, ଅଣ୍ତ୍ ଆୱ୍‌ଲି ଏରି ପକୁଙ୍ଗ୍ ଉଣ୍ତେଣ୍ତ୍, “ଏ ଗୁରୁ, ଆନୁଙ୍ଗ୍ ଉଦାର୍ କେ!” ଆୟ୍‌ବେଲ୍ ଜିସୁ ସେଞ୍ଜି ଅଣ୍ତୁଙ୍ଗ୍ ଉଦାର୍ କେନଣ୍ତ୍, ଆମାଟୁକ୍ ଅଣ୍ଡ୍‌ ପିତରୁଙ୍ଗ୍‌ ପକେଣ୍ତ୍, “ଏ ତାୟେନି ବିସ୍‌ବାସିଟଟ୍, ଇନ୍ ଏନାଦିଙ୍ଗ୍ ଦୁଇମନ୍ କେନଟ୍?”

![](https://cdn.door43.org/obs/jpg/360px/obs-en-31-08.jpg)

ଆୟ୍‌ବେଲ୍ ପିତର୍ ଆରେ ଜିସୁ ଡଙ୍ଗାନ୍ ସେୟର୍, ଆଟେଲ୍ ୱାଲ୍ ଦାପ୍‌ରେନ୍ ତବିର୍‌ ଏନେ ଆରେ ନିର୍ ସାନ୍‌ତି ଏନେ, ସିସୁତୁଲ୍ କାବାଏରି ସେୟର୍, ଆୟ୍‌ଲକ୍ ଜିସୁଙ୍ଗ୍ ଆରାଦନା କେୟି ପକେର୍ ସତ୍‌ଇ ଇନ୍ ମାପ୍‌ରୁନେ ସେପାଲ୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୧୪:୨୨-୩୩; ମାର୍‌କ ୬:୪୫-୫୨; ଜଅନ୍ ୬:୧୬-୨୧*

## 32. ୩୨- ଜିସୁ ଉକୁର୍ ବୁତ୍‌ପାତାକିଙ୍ଗ୍ ଆରେ ଅକାଲ୍ ନେତିର୍ ସେନଣ୍ଡି ଆସ୍‌ମାଲିଙ୍ଗ୍ ନିୟା କେୟଣ୍ଡି

https://openbiblestories.org/l/gdb/story-32/

![](https://cdn.door43.org/obs/jpg/360px/obs-en-32-01.jpg)

ଦିନେକ୍ ଜିସୁ ଆରେ ଅଣ୍ତୁନେ ସିସୁତୁଲ୍ ଉକୁଟ୍ ଡଙ୍ଗାନ୍ ସସି ଗରାସିୟ ଲକ୍ ବାସେ ଏଦାନ୍ ସେରୁ ଆୟଟ୍ ପାକା ସେୟର୍।

![](https://cdn.door43.org/obs/jpg/360px/obs-en-32-02.jpg)

ଆଟେଲ୍ ଆୟ୍‌ଲକ୍ ସେରୁ ଆୟଟ୍ ପାକା ଏଦେର୍, ଉକୁର୍ ବୁତ୍‌ପାତାକ୍ ଜିସୁନ୍ କାକେଲ୍ ୱେଡ୍‌ରି ୱାନଣ୍ତ୍।

![](https://cdn.door43.org/obs/jpg/360px/obs-en-32-03.jpg)

ଅଣ୍ଡ୍‌ ପେରିନ୍ ବପୁଟଣ୍ଡ୍ ମାଟଣ୍ତ୍ ଜେ ଏରେଲକ୍‌ମେନ୍ ଅଣ୍ତୁଙ୍ଗ୍ ପାତିଙ୍ଗ୍ ଅଡାମାନ୍‌ର୍। ଲକ୍‌ଗୁଲ୍ ଇ ୱାଡିନ୍ ଅଣ୍ତୁନେ କାଲ୍‌ଗିଲିଙ୍ଗ୍ ଆରେ କିଲ୍‌ଗିଲିଙ୍ଗ୍ ସିକ୍‌ଲିଲ୍‌ନା କାଟିନର୍, ମାତର୍ ଆଉଙ୍ଗ୍ ଅଣ୍ତ୍ ପୁଟ୍‌ସି କାରିନଣ୍ତ୍।

![](https://cdn.door43.org/obs/jpg/360px/obs-en-32-04.jpg)

ଅଣ୍ତ୍ ଆଟ୍ ଦିଗାଲ୍ ମାନଣ୍ତି ସାୟ୍‌କିଲ୍‌ଗିଲିଙ୍ଗ୍‌ ବାସେ ଏରି ମାନିନଣ୍ତ୍, ଅଣ୍ତ୍ ପାଟିନ୍ ଦିନ୍ ଆରେ ପାଟିନ୍ ନାର୍‌କାମ୍‌ବେଲ୍ ପେରିନ୍ ଆୱ୍‌ଲି ଏରିନଣ୍ତ୍, ଅଣ୍ତ୍ ବସ୍‌ତର୍ ନୁଡାମାନଣ୍ତ୍ ଆରେ ଆରେ ଅଣ୍ତ୍ ନିଜେନିଙ୍ଗ୍ କାଣ୍ତ୍‌କିଲ୍ ନା କୁର୍‌କି ଏରିନଣ୍ତ୍।

![](https://cdn.door43.org/obs/jpg/360px/obs-en-32-05.jpg)

ଏସେବେଲ୍ ଅଣ୍ତ୍ ଜିସୁନ୍ କାକେଲ୍ ୱାନଣ୍ତ୍, ଅଣ୍ତ୍ ଜିସୁନ୍ କାକେଲ୍ ଉମ୍‌ତାଡ୍ ଏରି ଇଲେଣ୍ତ୍। ଜିସୁ ଆୟ୍ ବୁତୁଙ୍ଗ୍ ପକେଣ୍ତ୍, “ଇ ଲକୁନ୍ ପେଲ୍‌ଟୁକ୍ ପେସି ୱା।”

![](https://cdn.door43.org/obs/jpg/360px/obs-en-32-06.jpg)

ବୁତ୍‌ପାତାକ୍ ପେରିନ୍ ଆୱ୍‌ଲିଏରି ପକେଣ୍ତ୍, “ପାଟିଟୁକ୍ ବେର୍‌ଟେ ମାପ୍‌ରୁଙ୍ଗ୍ ସେପାଲ୍ ଜିସୁ ଇନ୍‌ନା ଆନେ ଏନାଦ୍ ମାୟା? ଦୟାକେ ଆନୁଙ୍ଗ୍ ସାଦାମେନ୍, ଆମାଟୁକ୍ ଜିସୁ ଆୟ୍ ବୁତୁଙ୍ଗ୍ ପକେଣ୍ତ୍, “ଇନେ ପିଦିର୍ ଏନାଦ୍?” ଆଦ୍ ଉତର୍ ସିନେ, “ଆନ୍ ପିଦିର୍ ବାୟିନି, ଏନାଦିଙ୍ଗ୍ କି ଆମ୍ ପେଙ୍ଗୁର୍‌ତୁଲ୍।” (ରମିୟ ସନିୟଦଲ୍‌ତୁନ୍ ମାନଣ୍ତି ପେଙ୍ଗିଟ୍ ଅଜାର୍ ମାନଣ୍ଡି ଉକୁଟ୍ ଦଲ୍।)

![](https://cdn.door43.org/obs/jpg/360px/obs-en-32-07.jpg)

ବୁତ୍‌ଗୁଲ୍ ଜିସୁଙ୍ଗ୍ ବାତିମାଲ୍ ଏରି ପକେଟେୱ୍, “ଦୟାକେ ଆମୁଙ୍ଗ୍ ଇ ଇରିୟାଟୁକ୍ ୱେନ୍‌ଦିଗାଲ୍ ସୟ୍‌ମେନ୍!” ଆର୍‌ସେଲ୍‌ଟେ ଉକୁଟ୍ କପେ କିଡିନ୍ ପାଣ୍ଡ୍‌ରାସି କକୁନର୍, ଆଦିଙ୍ଗ୍ ଆୟ୍ ବୁତ୍‌ଗୁଲ୍ ଜିସୁଙ୍ଗ୍ ବାତିମାଲ୍ ଏରି ପକେଟେୱ୍, “ଆମୁଙ୍ଗ୍ ଆୟ୍ ପାଣ୍ତ୍ ରାସିନ୍ ସୟ୍‌ସି ଇନ୍ଦେ!” ଜିସୁ ପକେଣ୍ତ୍ “ସେଣ୍ତୁର୍।”

![](https://cdn.door43.org/obs/jpg/360px/obs-en-32-08.jpg)

ବୁତ୍‌ଗୁଲ୍ ଅଣ୍ତୁଙ୍ଗ୍ ପେଲ୍‌ଟୁକ୍ ପେସି ପାଣ୍ତ୍‌କିଲ୍ ତାନିର୍ ନାନେଟେୱ୍। ଆୟ୍ ପାଣ୍ତ୍‌କିଲ୍ ୱେଟିସେଞ୍ଜି ପେରେଟ୍‌ତିନ୍ ମୁଲ୍‌ଗି ସାନେୱ୍। ଆମାନ୍ ପାକାପାକି ୨୦୦୦ ପାଣ୍ତ୍‌କିଲ୍ ମାଟେୱ୍।

![](https://cdn.door43.org/obs/jpg/360px/obs-en-32-09.jpg)

ଏରେ ଲକ୍‌ଗୁଲ୍ ପାଣ୍ତ୍‌କିଲ୍‌ନେ ଜତନ୍ ଉଗୁନର୍ ଆୟ୍‌ଲକ୍ ଏନାଦ୍ ଗଟ୍ ଏନେ ଆଦ୍ ସୁଡେର୍, ଆୟ୍‌ଲକ୍ ଗଡ୍‌ତୁନ୍ ୱେଟେର୍ ଆରେ ଜିସୁ ଏନାଦ୍ ଏନାଦ୍ କେନଣ୍ତ୍ ଆଦ୍ ଆୟ୍‌ଲକ୍ ଏଙ୍ଗୁର୍‌ତୁଲୁଙ୍ଗ୍ ବେଟ୍‌ଏନର୍ ପାଟିନ୍ ଲକୁଙ୍ଗ୍ ୱେଣ୍ତୁତର୍। ଗଡ୍‌ତୁନ୍ ମାନଣ୍ତି ଲକ୍‌ଗୁଲ୍ ୱାରି ଆଗାଡିଟୁକ୍ ବୁତ୍ ପାତଣ୍ତି ଲକୁଙ୍ଗ୍ ଏନାଦ୍ ଏନାଦ୍ ଗଟ୍ଏରିମାଟେ ଆଦ୍ ପାଟିନ୍ ସୁଡେର୍। ଅଣ୍ତ୍ ସାନ୍ତିରେନ୍, ବସ୍‌ତର୍ ନୁଡି ନିୟା ମନ୍‌ରେନ୍ ମାମୁଲିଟେ ଲକ୍ ୱାଡିନ୍ ଉଣ୍ତି ମାନଣ୍ତି ସୁଡେର୍।

![](https://cdn.door43.org/obs/jpg/360px/obs-en-32-10.jpg)

ଲକ୍‌ଗୁଲ୍ ପେରିନ୍ ନାର୍‌ସି ସେଞ୍ଜିମାଟର୍ ଆରେ ଆୟ୍‌ଲକୁଙ୍ଗ୍ କାକେଲ୍‌ଟୁକ୍ ଜିସୁଙ୍ଗ୍ ପେସିସେନିଙ୍ଗ୍ ପାୟିଟ୍ ପକେର୍। ଆଦିଙ୍ଗ୍ ଜିସୁ ଡଙ୍ଗାନ୍ ସସି ପେସି ସେନିଙ୍ଗ୍ ପାୟିଟ୍ ତିୟାର୍ ଏନଣ୍ତ୍। ଏରୁଙ୍ଗ୍ ବୁତ୍ ପାତିମାଟେ ଅଣ୍ତ୍ ଜିସୁ ନା ସେନିଙ୍ଗ୍ ପାୟିଟ୍ ଅଣ୍ତୁଙ୍ଗ୍ ବିନତି କେନଣ୍ତ୍।

![](https://cdn.door43.org/obs/jpg/360px/obs-en-32-11.jpg)

ମାତର୍ ଜିସୁ ଅଣ୍ତୁଙ୍ଗ୍ ପକେଣ୍ତ୍, “ମାନା, ଆନ୍ ଇସା, ଇନ୍ ଉଲେନ୍ ସେନ୍ ଆରେ ଇନେ ସାଙ୍ଗସାତିଙ୍ଗ୍, ଇନେ ବାୟ୍‌କୁଟୁମୁଙ୍ଗ୍ ମାପ୍‌ରୁ ଇନେ ପାୟିଟ୍‌ ଏନାଦ୍ ଏନାଦ୍ କେନଣ୍ତ୍ ଆରେ ଇନ୍ ନା ଏରେ ଦୟା ତଟ୍‌ତଣ୍ତ୍ ଆଦ୍ ପାଟିନ୍ ପକ୍।”

![](https://cdn.door43.org/obs/jpg/360px/obs-en-32-12.jpg)

ଆଦିଙ୍ଗ୍ ଅଣ୍ତ୍ ଅଣ୍ତୁନେ ରାସ୍‌ତାନ୍ ପେସିସେୟଣ୍ତ୍ ଆରେ ଜିସୁ ଅଣ୍ତୁଙ୍ଗ୍ ପାୟିଟ୍‌ ଏନାଦ୍ ଏନାଦ୍ କେୟିମାଟଣ୍ତ୍ ଆୟ୍ ବିସୟ୍ ପାଟିନ୍ ପକେଣ୍ତ୍। ଏରେଲକ୍ ଅଣ୍ତୁନେ ଗଟନା ୱେଟର୍ ଆୟ୍‌ଲକ୍ କାବା ଏନର୍।

![](https://cdn.door43.org/obs/jpg/360px/obs-en-32-13.jpg)

ଜିସୁ ପେରେଟ୍ ଆୟଟ୍ ପାକା ସେୟଣ୍ତ୍। ଅଣ୍ତ୍ ଆମାନ୍ ଏଦ୍‌ଦାନ୍ କୁଣ୍ତେଲ୍,ପେଙ୍ଗୁର୍‌ତୁଲ୍ ଲକ୍‌ଗୁଲ୍ ଜମାଏରି ଉକୁଟ୍ ପେଲ୍ ରୁଣ୍ତା ଏନର୍ ଆରେ ଅଣ୍ତୁଙ୍ଗ୍ ପୟ୍‌ତାନ୍ ଟେଲାପେଲା ଏରି ଅଣ୍ତୁଙ୍ଗ୍ ଆର୍‌ସେଲ୍ ସେନ୍‌ନର୍। ଲକ୍ ମାନ୍ଦା ତାନିର୍ ଟୁକ୍ ଅକାଲ୍ ଆସ୍‌ମାଲ୍ ବାର୍‌ବରସ୍ ଆରେକ୍ ଆଦିନେ ମେନ୍‌ଟୁକ୍ ନେତିର୍ ପେସିସେନଣ୍ତି ରଗ୍ ଆଦିଙ୍ଗ୍ ପାତିମାଟେ। ଆଦ୍ ପେଙ୍ଗୁର୍‌ତୁଲ୍ ଗୁନିୟାଗୁରୁ କାକେଲ୍ ସେଞ୍ଜି ନିୟା ଏରିଙ୍ଗ୍ ପାୟିଟ୍ ପାଟିନ୍ ଡାବୁଲ୍ ପଲିକାରେଟେ ମାତର୍ ଆଦିନେ ଅବସ୍‌ତା ଦିନିଙ୍ଗ୍ ଦିନିଙ୍ଗ୍ ଉୟାଏରିଙ୍ଗ୍ ଉଣ୍ତେଟେ।

![](https://cdn.door43.org/obs/jpg/360px/obs-en-32-14.jpg)

ଆଦ୍ ୱେଞ୍ଜିମାଟେ ଜେ ଜିସୁ ପେଙ୍ଗୁର୍‌ତୁଲ୍ ଅସୁସ୍‌ତ ଲକୁଙ୍ଗ୍ ସୁସ୍‌ତ କେୟିମାଟଣ୍ତ୍ ଆରେ ଏତାତେ ଜେ ଆନ୍ ନିଚୟ୍ ଜେ ଆନ୍ ୱାୟ୍‌କେ ଜିସୁନେ ସେନ୍ଦ୍‌ରା ମେର୍‌ସି ସିଦାନ୍, ଆଟେନ୍ ଆନ୍ ସୁସ୍‌ତ ଏଦାନ୍। ଆଦିଙ୍ଗ୍ ଆଦ୍ ଜିସୁଙ୍ଗ୍ ପଟ୍‌ତେଲ୍ ୱାରି ଅଣ୍ତୁନେ ସେନ୍ଦ୍‌ରା ମେର୍‌ସି ସିନେ। ଏସେବେଲ୍ ଆଦ୍ ବସ୍‌ତର୍ ମେର୍‌ତେ ଆସେବେଲ୍ ଆଦିନେ ନେତିର୍ ପେପଣ୍ତି ବନ୍ଦ୍ ଏରିସେଣ୍ତେ।

![](https://cdn.door43.org/obs/jpg/360px/obs-en-32-15.jpg)

ସାଙ୍ଗେନ୍ ସାଙ୍ଗେନ୍ ଜିସୁ ପୁନୁଙ୍ଗ୍ ଅଡ୍‌ତଣ୍ତ୍ ଜେ ଅଣ୍ତୁଙ୍ଗ୍ ପେଲ୍‌ଟୁକ୍ ସକ୍‌ତି ପେସିସେଣ୍ତେ। ଆଦିଙ୍ଗ୍ ଅଣ୍ତ୍ ମାଣ୍ତିସୁଡି ପାସାର୍‌ତଣ୍ତ୍ ଏୟିର୍ ଆନିଙ୍ଗ୍ ମେର୍‌ତର୍।

![](https://cdn.door43.org/obs/jpg/360px/obs-en-32-16.jpg)

ସିସୁତୁଲ୍ ଉତର୍ ସିନର୍ “ପେଙ୍ଗୁର୍‌ତୁଲ୍ ଲକ୍ ଇନ୍ ସାରିବେଡ୍‌ତେନ୍ ମାୟାର୍ ଆରେ ଇନ୍ ପୟ୍‌ତାନ୍ ଟେଲାପେଲା ଏରିଦାର୍।” ଆନିଙ୍ଗ୍ ଏଇର୍ ମେର୍‌ତର୍?” ଏଞ୍ଜି ଏନାଦିଙ୍ଗ୍ ପାସାର୍‌କିଦାଟ୍‌? ଆୟ୍ ଆସ୍‌ମାଲ୍ ଜିସୁଙ୍ଗ୍ କାକେଲ୍ ୱାଙ୍ଗୁସୁଲ୍ କୁଟେଟେ, ଆଦ୍ ତିର୍‌ଗିଙ୍ଗ୍‌ନେ ଆରେ ପେରିନ୍ ନାର୍‌ସି ସେଞ୍ଜିମାଟେ। ଆଦ୍ ଏନାଦ୍ କେୟିମାଟେ, ଆଦ୍ ପାଟିନ୍ ଅଣ୍ତୁଙ୍ଗ୍ ପକେଟେ ଆରେ ଆଦ୍ ସୁସ୍‌ତ ଏନେ। ଜିସୁ ଆଦିଙ୍ଗ୍ ପକେଣ୍ତ୍ ଇନେ ବିସ୍‌ବାସ୍ ଇନିଙ୍ଗ୍ ସୁସ୍‌ତ କେୟିମା। ସାନ୍‌ତିରେନ୍ ସେନ୍।”

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୮:୨୮- ୩୪; ୯:୨୦-୨୦; ମାର୍‌କ ୫:୧-୨୦; ୫:୨୪-୩୪; ଲୁକ ୮:୨୬-୩୯; ୮:୪୨-୪୮*

## 33. ୩୩- ତାସିନେ କେରାଲ୍

https://openbiblestories.org/l/gdb/story-33/

![](https://cdn.door43.org/obs/jpg/360px/obs-en-33-01.jpg)

ଦିନେକ୍, ଜିସୁ ପେରେଟ୍‌ତିନ୍ ପେଙ୍ଗୁର୍‌ତୁଲ୍ ଲକୁଙ୍ଗ୍ ସିକିୟା ସିଗିନଣ୍ତ୍। ପେଙ୍ଗୁର୍‌ତୁଲ୍ ଲକ୍ ୱେନିଙ୍ଗ୍ ପାୟିଟ୍ ଜିସୁଙ୍ଗ୍ କାକେଲ୍ ୱାନର୍ ଆରେ ଲକ୍‌ଗୁଲୁଙ୍ଗ୍ ଏରେୱାଡିନ୍ ପେରିନ୍ ସିକିୟା ସିଗିଙ୍ଗ୍ ଅଡ୍‌ତାଣ୍ତ୍ ଆଦିଙ୍ଗ୍ ପାୟିଟ୍ ଅଣ୍ତ୍ ପେରେଟ୍‌ ପାଲିନ୍ ଉକୁଟ୍ ଡଙ୍ଗା ପୟ୍‌ତାନ୍ ଉଣ୍ତେଣ୍ତ୍। ଅଣ୍ତ୍ ଡଙ୍ଗାନ୍ ଉଣ୍ତେଣ୍ତ୍ ଆରେ ଲକୁଙ୍ଗ୍ ସିକିୟା ସିନଣ୍ତ୍।

![](https://cdn.door43.org/obs/jpg/360px/obs-en-33-02.jpg)

ଜିସୁ ଇ କେରାଲ୍ ପକେଣ୍ତ୍। “ଉକୁର୍ ତାସି ୱିତିଲ୍ ୱିତିଙ୍ଗ୍ ପେତଣ୍ତ୍। ଅଣ୍ତ୍ ଏସେବେଲ୍ କିଇନା ୱିତିଲ୍ ୱିତିଙ୍ଗ୍ ଉଣ୍ତେଣ୍ତ୍, ଏରେ ୱିତିଲ୍ ରାସ୍‌ତାନ୍ ଇଲେଟେୱ୍, ଆରେ ତିତେଲ୍ ୱାରି ଆୟ୍ ୱିତିଲିଙ୍ଗ୍ ତିଞ୍ଜି କାରେଟେୱ୍।

![](https://cdn.door43.org/obs/jpg/360px/obs-en-33-03.jpg)

“ୱେନ୍ ୱିତିଲ୍ ଆଟ୍‌ୱା ମାନଣ୍ଡି ବାସେ ପୟ୍‌ତାନ୍ ଇଲେଟେୱ୍, ଏରେମାନ୍ କି କାଣ୍ତେକ୍ ତୁକୁଡ୍ ମାଟେ। ଆଟ୍‌ୱା ବାସେ ପେଲ୍ ଇଲିମାନଣ୍ତି ୱିତିଲ୍ ଦାପ୍‌ରେନ୍ ଗାଜା ଏନେୱ୍‌, ମାତର୍ ଆୱ୍‌ଗୁଲ୍‌ନେ ୱେର୍‌କିଲ୍ ବାସେ ତାନିର୍ ସିତିଙ୍ଗ୍‌ ଅଡୁଟେୱ୍। ଏସେବେଲ୍ ୱେଲେ ୱାନେ ଆରେ କାରୁପ୍ କେନେ, ମାରିନ୍ ୱାରିସେଣ୍ତେ ଆରେ ସାୟି ସେଣ୍ତେ।”

![](https://cdn.door43.org/obs/jpg/360px/obs-en-33-04.jpg)

ଆରେମେନ୍ ୱେନ୍ ୱିତିଲ୍ ସାପୁଲ୍‌ବୁଟା ପେଲ୍ ଇଲେଟେୱ୍। ଇ ପାଟିନ୍ ୱିତିଲ୍ ସାନ୍ଦିଙ୍ଗ୍ ଉଣ୍ତେଟେୱ୍ ମାତର୍ ସାପୁଲ୍‌ବୁଟାଲ୍ ଆଦ୍‌ବି କାରେଟେୱ୍। ଆଦିଙ୍ଗ୍ ସାପୁଲ୍‌ବୁଟାଲ୍ ତିନ୍ ମାନଣ୍ତି ମାର୍‌କିଲ୍ ପଲ୍ ସିୟୁଟେୱ୍।

![](https://cdn.door43.org/obs/jpg/360px/obs-en-33-05.jpg)

“ୱେନ୍ ୱିତିଲ୍ ନିୟାଟେ ବାସେନ୍ ଇଲେଟେୱ୍। ଏଙ୍ଗିଟ୍ ୱିତିଲ୍ ୱିତି ଏରିମାଟେ, ଆୟ୍ ପାଟିନ୍ ୱିତିଲ୍ ସାନ୍ଦି ୩୦ ଗୁନ୍, ୬୦ ଗୁନ୍ ଇ ୱାଡିନ୍ ୧୦୦ ଗୁନ୍ ଆରେକ୍ ପଲ୍ ପାତିଙ୍ଗ୍ ଉଣ୍ତେଟେୱ୍। ଏଇର୍‌ନେ କେକଲ୍ ମାୟା, ଆୟ୍‌ଲକ୍ ୱେଣ୍ତୁର୍।”

![](https://cdn.door43.org/obs/jpg/360px/obs-en-33-06.jpg)

ଇ କେରାଲ୍ ଦୁସ୍‌ଟ ସିସୁତୁଲୁଙ୍ଗ୍ ଅଇରାନ୍ କେନେ। ଆଦିଙ୍ଗ୍ ଜିସୁ ବୁଜାସି ପକେଣ୍ତ୍,“ ୱିତିଲ୍ ଏରିଦା ମାପ୍‌ରୁନେ ବାକିୟ୍। ରାସ୍‌ତା ଏରିଦା ଆୟ୍‌ଲକ୍ ଏଇର୍ ମାପ୍‌ରୁନେ ବାକିୟ୍ ୱେୟାର୍, ମାତର୍ ଆଦ୍ ବୁଜ୍ ଏରାର୍, ଆରେ ସୟ୍‌ତାନ୍ ଆୟ୍‌ଲକୁନ୍‌ପେଲ୍‌ଟୁକ୍ ବାକିୟଙ୍ଗ୍ ସାଡାସି ଉଦା।”

![](https://cdn.door43.org/obs/jpg/360px/obs-en-33-07.jpg)

“ଆଟ୍‌ୱା ବାସେ ଏରିଦା ଆୟ୍ ଲକ୍ ଏଇର୍ କି ମାପ୍‌ରୁନେ ବାକିୟ୍ ୱେୟାର୍ ଆରେ କିର୍‌ଦେନା ପାଲନ୍ କେଦାର୍। ମାତର୍ ଏସେବେଲ୍ ଅଣ୍ତ୍ କସ୍‌ଟ ଆରେ ନିନ୍ଦା ତାଡନା ପାୟ୍ଏଦାଣ୍ତ୍, ଅଣ୍ତ୍ ନସ୍‌ଟ ଏରିସେୟାଣ୍ଡ୍‌।”

![](https://cdn.door43.org/obs/jpg/360px/obs-en-33-08.jpg)

“ସାପୁଲ୍‌ବୁଟାଟେ ବାସେ ଏରିଦା ଆୟ୍‌ଲକ୍ ଏଇଣ୍ତ୍ ମାପ୍‌ରୁନେ ବାକିୟ୍ ୱେୟାଣ୍ତ୍, ମାତର୍ ଏସେବେଲ୍ ସମୟ୍ ୱାଦା, ଜତନ୍ ଉୟଣ୍ତି, ଦନ୍ ଆରେ ଜିୱେଟେ ସୁକ୍ ମାପ୍‌ରୁଙ୍ଗ୍ ପେଲ୍ ମାନଣ୍ତି ଲାଡିଙ୍ଗ୍ ଗର୍‌ବେ ତାନିର୍ ଆଦ୍‌ବି କାର୍‌ଦା।” ଅଣ୍ତ୍ ଏରେ ସିକିୟା ୱେଞ୍ଜି ସେୟ୍‌ଦାଣ୍ତ୍ ଆଦ୍ ପଲ୍ ପାତିଙ୍ଗ୍ ଅଡାଣ୍ତ୍।”

![](https://cdn.door43.org/obs/jpg/360px/obs-en-33-09.jpg)

“ମାତର୍ ନିୟାଟେ ବାସେ ଏରିଦା ଆୟ୍‌ଲକ୍ ଏଇଣ୍ତ୍ ମାପ୍‌ରୁନେ ବାକିୟ୍ ୱେୟାଣ୍ତ୍, ବିସ୍‌ବାସ୍ କେଦାଣ୍ତ୍, ଆରେ ପଲ୍ ପାତ୍‌ଦାଣ୍ଡ୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୧୩:୧-୮, ୧୮-୨୩; ମାର୍‌କ ୪:୧-୮,୧୩-୨୦; ଲୁକ ୮:୪-୧୫*

## 34. ୩୪- ଜିସୁ କେରାସିଲ୍‌ନା ମାୟିର୍‌ପଣ୍ଡି

https://openbiblestories.org/l/gdb/story-34/

![](https://cdn.door43.org/obs/jpg/360px/obs-en-34-01.jpg)

ମାପ୍‌ରୁନେ ରାଜି ବିସୟ୍‌ରେନ୍ ଜିସୁ ଆରେ ପେଙ୍ଗିଟ୍ କେରାସିଲ୍ ପକେଣ୍ତ୍। ଅଣ୍ତ୍ ପକେଣ୍ତ୍ ସରଗ୍‌ରାଜି ଏରିଦା ଉକୁଟ୍ ସାର୍‌ସୁତାଣ୍ତ୍ ୱାଡିନ୍ ଏଇର୍ କି ଉକୁର୍ ଅଣ୍ତୁନେ ୱିଣ୍ତ୍‌ତିନ୍ ଉଣ୍ତୁସି ମାଟଣ୍ତ୍। ଇମ୍‌ଗୁଲ୍ ପୁୟାର୍ ଜେ ସାର୍‌ସୁତାଣ୍ତ୍ ପାଟିନ୍ ପେଲ୍‌ଟୁକ୍ ନିନିଟେ।

![](https://cdn.door43.org/obs/jpg/360px/obs-en-34-02.jpg)

“ମାତର୍ ଏସେବେଲ୍ ସାର୍‌ସୁତାଣ୍ତ୍ ସାନ୍ଦି ୱାଦା, ଇଦ୍ ପାଟିଟୁକ୍ ବେର୍‌ଟେ ମାରିନ୍ ଏରିସେୟା ଜେ ତିତେଲ୍ ୱାରି କେନ୍ଦାଲ୍ ପୟ୍‌ତାନ୍ ବାସେ ଏଦାୱ୍।”

![](https://cdn.door43.org/obs/jpg/360px/obs-en-34-03.jpg)

ଜିସୁ ଆରେ ଉକୁଟ୍ କେରାଲ୍ ପକେଣ୍ତ୍, “ମାପ୍‌ରୁନେ ରାଜି ଉକୁଟ୍ ଆମ୍‌ଲାଏରଣ୍ତି ପାଲ୍‌ଗେ ୱାଡିନ୍ ଅକାଳ୍‌ ଆସ୍‌ମାଲ୍‌ ଅଟା ପାଟିନ୍ ଆମ୍‌ଲା ଏଦାନ୍ ଆରେକ୍ ମିସାତା।

![](https://cdn.door43.org/obs/jpg/360px/obs-en-34-04.jpg)

“ମାପ୍‌ରୁନେ ରାଜି ଆରେମେନ୍ ପାକୁସି ଇରଣ୍ତି ଦନ୍ ୱାଡିନ୍ ଏଇଣ୍ତ୍ ଉକୁଟ୍ ଉୟି ୱିଣ୍ତ୍‌ତିନ୍ ପାକୁସି ଇରେଣ୍ତ୍। ୱେନ୍ ଉକୁର୍ ଲକୁଙ୍ଗ୍ ଇ ଦନ୍ ତଣ୍ତେଟେ ଆୟ୍‌ଣ୍ତ୍ ଆରେତରେକ୍ ଡାବାସି ଇରେଣ୍ତ୍। ଅଣ୍ତ୍ ପେରିନ୍ କିର୍‌ଦେ ଏନଣ୍ତ୍ ଜେ ଅଣ୍ତ୍ ସେଞ୍ଜି ପାଟିନ୍ ଜିନିସିଙ୍ଗ୍ ୱିଡି କାରେଣ୍ତ୍ ଆରେ ଆୟ୍ ବାସେଙ୍ଗ୍ ୱିଡିଙ୍ଗ୍ ପାୟିଟ୍ ଆୟ୍ ଡାବୁଲ୍ ସିନଣ୍ତ୍।”

![](https://cdn.door43.org/obs/jpg/360px/obs-en-34-05.jpg)

“ମାପ୍‌ରୁନେ ରାଜି ଉକୁଟ୍ ଦାମିକାଟେ ମଣି ୱାଡିନ୍। ଏସେବେଲ୍ ଉକୁର୍ ମଣି ବେପାରି ଇଦ୍ ସୁଡେଣ୍ତ୍, ଅଣ୍ତ୍ ସେଞ୍ଜି ଅଣ୍ତୁନେ ପାଟିନିଙ୍ଗ୍ ୱିଡି କାରେଣ୍ତ୍ ଆରେ ଆୟ୍ ଡାବୁଲ୍ ବାୟ୍ ଏନଣ୍ଡ୍।”

![](https://cdn.door43.org/obs/jpg/360px/obs-en-34-06.jpg)

ଆଦିଙ୍ଗ୍ କୁଣ୍ତେଲ୍ ଜିସୁ ଲକ୍‌ଗୁଲୁଙ୍ଗ୍, ନିଜେଟେ କାମେ ପୟ୍‌ତାନ୍ ବିସ୍‌ବାସ୍ ଇରି ୱେନ୍ ଲକୁଙ୍ଗ୍ ଆକାର୍ ଏରଣ୍ତି ବିସୟ୍‌ରେନ୍ ଉକୁଟ୍ କେରାଲ୍ ପକେଣ୍ତ୍। ଅଣ୍ତ୍ ପକେଣ୍ତ୍, “ଜଡେକ୍ ଲକ୍ ପାର୍‌ତନା କେଗିଙ୍ଗ୍ ପାୟିଟ୍ ମନ୍ଦିର୍‌ତିନ୍ ସେୟର୍। ଆୟ୍‌ଲକୁଙ୍ଗ୍ ପେଲ୍‌ଟୁକ୍ ଉକୁର୍ ସିସ୍‌ତୁପାତାକ୍ ଆରେ ଉକୁର୍ ଦରମ୍ ଗୁରୁ।”

![](https://cdn.door43.org/obs/jpg/360px/obs-en-34-07.jpg)

“ଆୟ୍ ଦରମ୍ ଗୁରୁ ଇ ୱାଡିନ୍ ପାର୍‌ତନା କେନଣ୍ତ୍, “ହେ ମାପ୍‌ରୁ ଆନ୍ ଇନିଙ୍ଗ୍ ଦନିୟ୍‌ବାଦ୍ ସିଗିଦାନ୍ ଜେ ୱେନ୍ ଲକୁଙ୍ଗ୍ ୱାଡିନ୍ ଆନ୍ ପାପି ଏରାନ୍, ଇ ୱାଡିନ୍ କି ଉକୁର୍ ଡାକାୟିତ୍, ଅଦରମ୍‌ଟଣ୍ଡ୍‌, ଦାରିକେୟାକ୍‌ ଆରେ ଇ ୱାଡିନ୍ ସିସ୍‌ତୁ ପାତାକ୍ ଏରାନ୍।”

![](https://cdn.door43.org/obs/jpg/360px/obs-en-34-08.jpg)

“କେରାଲ୍‌ନା ରୁପେନ୍, ଆନ୍ ସପ୍‌ତାଙ୍ଗ୍ ଦୁୟ୍‌ତର୍ ଉପବାସ୍ କେଦାନ୍ ଆରେ ରଜ୍‌ଗାର୍ କେୟଣ୍ତି ଜିନିସ୍ ପାଟିନ୍ ଦସମାଙ୍ଗ୍‌ସ ସିଦାନ୍।”

![](https://cdn.door43.org/obs/jpg/360px/obs-en-34-09.jpg)

“ମାତର୍ ସିସ୍‌ତୁପାତାକ୍ ଦରମ୍ ଗୁରୁପେଲ୍‌ଟୁକ୍ ପେରାଦୁରିନ୍ ନିଲ୍‌ତଣ୍ତ୍, ଆରେ ସରଗ୍ ଦିଗାଲ୍ ସୁଡୁଙ୍ଗ୍ ମେନ୍ ସାଆସ୍ କେଗିଙ୍ଗ୍ ଅଡୁଟଣ୍ତ୍। ମାତର୍ ଅଣ୍ତ୍ ନିଜେଟେ ଆର୍‌ଗିଲ୍‌ତିନ୍ ଆଟିଏରି ପାର୍‌ତନା କେନଣ୍ତ୍, “ହେ ମାପ୍‌ରୁ, ଦୟାକେୟି ଆନ୍ ପେଲ୍ ଜିୱେ ନୟୁପୁଟ୍, ଏନାଦିଙ୍ଗ୍ କି ଆନ୍ ପୁୟାନ୍ ଆନ୍ ଉକୁର୍ ପାପି ଲକ୍।”

![](https://cdn.door43.org/obs/jpg/360px/obs-en-34-10.jpg)

୦ ଆଟେଲ୍ ଜିସୁ ପକେଣ୍ତ୍, “ଆନ୍ ଇମୁଙ୍ଗ୍ ସତ୍ ପକୁଦାନ୍, ମାପ୍‌ରୁ ସିସ୍‌ତୁପାତାକ୍ ନେ ପାର୍‌ତନା ୱେଟଣ୍ତ୍ ଆରେ ଅଣ୍ତୁଙ୍ଗ୍ ଦରମ୍‌ଟଣ୍ତ୍ ଏଞ୍ଜି ପକେଣ୍ତ୍। ମାତର୍ ଅଣ୍ତ୍ ଦରମ୍‌ଗୁରୁନେ ପାର୍‌ତନା ୱେନୁଟଣ୍ତ୍। ଏଇଣ୍ତ୍ ନିଜେନିଙ୍ଗ୍ ବେର୍‌ଲକ୍ ତଟ୍‌ସିଏଦାର୍, ମାପ୍‌ରୁ ଆୟ୍‌ଲକୁଙ୍ଗ୍ ନିନିଟେଲକ୍ କେଦାଣ୍ତ୍, ଆରେ ଏଇର୍ ନିଜେନିଙ୍ଗ୍ ନିନିଟେଲକ୍ ତଟ୍‌ସିଏଦାର୍ ମାପ୍‌ରୁ ଆୟ୍‌ଲକୁଙ୍ଗ୍ ବେର୍‌ଲକ୍ କେଦାଣ୍ତ୍।”

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୧୩:୩୧-୩୩, ୪୪-୪୬; ମାର୍‌କ ୪:୩୦-୩୨; ଲୁକ ୧୩:୧୮-୨୧; ୧୮:୯-୧୪*

## 35. ୩୫- ଦୟାଟେ ଆବାନେ କେରାଲ୍‌

https://openbiblestories.org/l/gdb/story-35/

![](https://cdn.door43.org/obs/jpg/360px/obs-en-35-01.jpg)

ଦିନେକ୍, ଜିସୁ ପେଙ୍ଗୁର୍‌ତୁଲ୍ ସିସ୍‌ତୁପାଦାନ୍‌ ଲକୁଙ୍ଗ୍ ଆରେ ୱେନ୍ ପାପି ଲକୁଙ୍ଗ୍ ଏରେଲକ୍ ସବାନ୍ ରୁଣ୍ତ୍‌ଏରିମାଟର୍, ସିକିୟା ସିଗିନଣ୍ତ୍।

![](https://cdn.door43.org/obs/jpg/360px/obs-en-35-02.jpg)

ଆମାନ୍ ମାନଣ୍ତି ଏଙ୍ଗୁର୍‌ତୁଲ୍ ଦରମ୍ ନେତାଲକ୍ ଜିସୁଙ୍ଗ୍ ପାପିତିଲ୍‌ନା ସାଙ୍ଗ ଏରଣ୍ତି ସୁଡେର୍, ଆରେ ଆୟ୍‌ଲକ୍ ନିଜେନ୍‌ନିଜେନିଙ୍ଗ୍ ଅଣ୍ତୁଙ୍ଗ୍ ବିରଦ୍‌ରେନ୍ ଜୁକ୍‌ତିତର୍‌କ କେଗିଙ୍ଗ୍ ଉଣ୍ତେର୍। ଆଦିଙ୍ଗ୍ ଜିସୁ ଆୟ୍‌ଲକୁଙ୍ଗ୍ ଇ କେରାଲ୍ ପକେଣ୍ତ୍।

![](https://cdn.door43.org/obs/jpg/360px/obs-en-35-03.jpg)

“ଉକୁର୍ ଲକ୍‌ନେ ଜଡେକ୍ ସେପାକିଲ୍ ମାଟର୍। ପୁଟି ସେପାଲ୍ ତାମ୍ ଆବାଙ୍ଗ୍ ପକେଣ୍ତ୍, ‘ଆବା, ଆନେ ସମ୍‌ପତ୍ ଟେ ବାଗ୍ ଆନୁଙ୍ଗ୍ ଇନ୍ଦେ, ଆଦିଙ୍ଗ୍ ତାମ୍‌ବା ଆୟ୍ ଉରୁଲ୍ ସେପାକିଲିଙ୍ଗ୍ ସମ୍‌ପତି ବାଗ୍ କେଇ ସିନଣ୍ତ୍।”

![](https://cdn.door43.org/obs/jpg/360px/obs-en-35-04.jpg)

“ଅଣ୍ତୁନେ ନିନିଟେ ସେପାଲ୍ ଅଣ୍ତୁଙ୍ଗ୍ ପେଲ୍ ମାନଣ୍ତି ପାଟିନିଙ୍ଗ୍ ଉକୁଟ୍‌ପେଲ୍ କେୟି ପେରାଦୁରିଙ୍ଗ୍‌ ପେସି ସେୟ୍‌ଣ୍ତ୍ ଆରେ ଉୟାଟେ କାମେନା ପିୟିଙ୍ଗ୍‌ ପାଟିନ୍ ଡାବୁଲ୍ ଉଡାସି କାରେଣ୍ତ୍।”

![](https://cdn.door43.org/obs/jpg/360px/obs-en-35-05.jpg)

ଆଦିଙ୍ଗ୍ କୁଣ୍ତେଲ୍, ନିନିଟେ ସେପାଲ୍ ଏରେ ଦେସ୍‌ତିନ୍ ମାନ୍‌ନଣ୍ତ୍ ଆୟ୍‌ଦେସ୍‌ତିନ୍ ଦୁର୍‌ବିକ୍‌ୟ ଏନେ, ଆରେ କାଦି ୱିଡିଙ୍ଗ୍ ପାୟିଟ୍ ଅଣ୍ତୁଙ୍ଗ୍ କାକେଲ୍ ମୁଲ୍‌କେନ୍ ଡାବୁଲ୍ ମାନୁଟେ। ମାତର୍ ପାଣ୍ତ୍‌କିଲିଙ୍ଗ୍ ତିଣ୍ତୁପଣ୍ତି କାମେ ଅଣ୍ତୁଙ୍ଗ୍ ତଣ୍ତେଟେ। ଅଣ୍ତ୍ ପେରିନ୍ କାୟ୍‌ତାର୍ ଆରେ ଆଣ୍ତ୍‌କିର୍ ମାଟଣ୍ତ୍ ଜେ ଅଣ୍ତ୍ ପାଣ୍ତ୍‌କିଲ୍ ତିନଣ୍ତି କାଦି ତିନିଙ୍ଗ୍ ଇସା କେନଣ୍ତ୍।”

![](https://cdn.door43.org/obs/jpg/360px/obs-en-35-06.jpg)

“ସାରାସାରି କୁଣ୍ତେଲ୍, ପୁଟି ସେପାଲ୍ ନିଜେନିଙ୍ଗ୍ ନିଜେନ୍‌ ପକେଣ୍ତ୍ ଆନ୍ ଏନା କେଗିଦାନ୍? ଆମ୍‌ବାନେ ପାଟିନ୍ କୁଲିୟାରିତିଲିଙ୍ଗ୍ ପାୟିଟ୍ ପେରିନ୍ କାଦି ମାୟା, ଆରେ ଆନ୍ ଇମାନ୍ ଆଣ୍ତ୍‌କିର୍ ସାଗିଦାନ୍। ଆନ୍ ଆମ୍‌ବାନ୍‌ କାକେଲ୍ ମାଣ୍ଡି ସେୟାନ୍ ଆରେ ଆନିଙ୍ଗ୍ ଅଣ୍ତୁନେ କୁଲ୍‌ୟାରି ୱାଡିନ୍ ଇରିଙ୍ଗ୍ ପକ୍‌ଦାନ୍।”

![](https://cdn.door43.org/obs/jpg/360px/obs-en-35-07.jpg)

“ଆଦିଙ୍ଗ୍ ପୁଟିଟେ ସେପାଲ୍ ତାମ୍‌ବାଙ୍ଗ୍ କାକେଲ୍ ଉଲେନ୍ ସେନିଙ୍ଗ୍ ପାୟିଟ୍ ପେତଣ୍ତ୍। ଅଣ୍ତ୍ ଏସେବେଲ୍ ଦୁରିଙ୍ଗ୍‌ ମାଟଣ୍ତ୍, ତାମ୍‌ବା ଦୁରିଟୁକ୍ ସୁଡି ଦୟାନା କିଲିବିଲି ଏନଣ୍ତ୍। ଅଣ୍ତ୍ ଅଣ୍ତୁନେ ସେପାଲିଙ୍ଗ୍ କାକେଲ୍ ୱେଟିସେଞ୍ଜି ଅଲ୍‌ଗି ଏନଣ୍ତ୍ ଆରେ ଅଣ୍ତୁଙ୍ଗ୍ ସକ୍ କେନଣ୍ତ୍।”

![](https://cdn.door43.org/obs/jpg/360px/obs-en-35-08.jpg)

“ସେପାଲ୍ ପକେଣ୍ତ୍, ‘ଆବା, ଆନ୍ ମାପ୍‌ରୁଙ୍ଗ୍ ବିରଦ୍‌ରେନ୍ ଆରେ ଇନ୍ ବିରଦ୍‌ରେ ପାପ୍ କେୟିମାନ୍। ଇନ୍ ସେପାଲ୍ ଏଞ୍ଜି ଅର୍‌ଗିଏରିଙ୍ଗ୍ ଆନ୍ ଜଗିୟ୍ ଏରାନ୍।”

![](https://cdn.door43.org/obs/jpg/360px/obs-en-35-09.jpg)

“ମାତର୍ ଅଣ୍ତୁନେ ତାମ୍‌ବା ଅଣ୍ତୁନେ ଦାସ୍‌ଲକୁଙ୍ଗ୍ ପେଲ୍‌ଟୁକ୍ ଉକୁରୁଙ୍ଗ୍ ପକେଣ୍ତ୍, ‘ଦାପ୍‌ରେନ୍ ସେନ୍ ପାଟିନ୍‌ପେଲ୍‌ଟୁକ୍ ନିୟାଟେ ବସ୍‌ତର୍ ଇନ୍ଦ୍‌ରେ ଆରେ ଆଦ୍ ଆନ୍ ସେପାଲିଙ୍ଗ୍ ଜଗ୍‌ଡାପୁଟ୍। ୱାନ୍ଦେନ୍ ୱାତ୍‌ ଆରେ କାଲ୍‌ଗିଲ୍‌ତିନ୍ ପଣ୍ଡୟ୍। ଆଦିଙ୍ଗ୍ କୁଣ୍ତେଲ୍ ପାଟିନ୍ ପେଲ୍‌ଟୁକ୍ ନିୟାଟେ ବାସିପିଲା କାତୁର୍‌ ଆରେ ଆମ୍ ବଜି କେୟି କିର୍‌ଦେ କେଗିକାର୍। ଏନାଦିଙ୍ଗ୍ କି ଆନ୍ ସେପାଲ୍ ସାୟି ସେଞ୍ଜି ମାଟଣ୍ତ୍, ମାତର୍ ଇଣ୍ତି ଅଣ୍ତ୍ ଜିୱେ ମାୟାଣ୍ତ୍। ଅଣ୍ତ୍ ମାୟ୍‌ଙ୍ଗି ମାଟଣ୍ତ୍, ମାତର୍ ଇଣ୍ତି ତଣ୍ତେଣ୍ତ୍!”

![](https://cdn.door43.org/obs/jpg/360px/obs-en-35-10.jpg)

“ଆଦିଙ୍ଗ୍ ଲକ୍‌ଗୁଲ୍ କିର୍‌ଦେ କେଗିଙ୍ଗ୍ ଉଣ୍ତେର୍। ପେରିନ୍ ବେଲା ଏଦାନ୍ କୁଣ୍ତେଲ୍, ୱିଣ୍ତ୍‌ଟୁକ୍ କାମେକେୟି ବେର୍‌ସେପାଲ୍ ଉଲେନ୍ ୱାନଣ୍ତ୍। ଅଣ୍ତ୍ ପାଟେ ପାରଣ୍ତି ଆରେ ଏନ୍ଦଣ୍ତି ୱେନିଙ୍ଗ୍ ଅଡ୍‌ତଣ୍ତ୍ ଏନାଏରିମାୟା ଏଞ୍ଜି ନାର୍‌ସି ସେୟଣ୍ତ୍।”

![](https://cdn.door43.org/obs/jpg/360px/obs-en-35-11.jpg)

ତାମ୍ ପୁଟିଟେ ବାଇ ୱାରଣ୍ତି ଇ ପାଟିନ୍ କିର୍‌ଦେଟେ ବଜି ତିୟାର୍‌ ଏରିମାୟା ଏଞ୍ଜି ଏସେବେଲ୍ ବେର୍‌ସେପାଲ୍ ସୁଡେଣ୍ତ୍, ଆସେବେଲ୍ ଅଣ୍ତ୍ ପେରିନ୍ ରିସା ଏରିସେୟଣ୍ତ୍ ଆରେ ଉଲେନ୍ ସେନୁଟଣ୍ତ୍। ତାମ୍‌ବା ୱାନଣ୍ତ୍ ଆରେ ଆୟ୍‌ଲକ୍ ନା କିର୍‌ଦେ କେଗିଙ୍ଗ୍ ପାୟିଟ୍ ଅନୁରଦ୍ କେନଣ୍ତ୍, ମାତର୍ ଅଣ୍ତ୍ ପାଣ୍ତୁଟଣ୍ତ୍।“

![](https://cdn.door43.org/obs/jpg/360px/obs-en-35-12.jpg)

ବେର୍‌ସେପାଲ୍ ତାମ୍‌ବାଙ୍ଗ୍ ପକେଣ୍ତ୍, “ପେଙ୍ଗିଟ୍ ବରସ୍ ପାତି ଆନ୍ ବିସ୍‌ବାସ୍‌ରେନ୍ ଇନେ କାମେ କେୟି ୱାରିମାନ୍। ଆନ୍ ପାଟିନ୍‌ବେଲ୍ ଇନେ ପାଟେ ମାନ୍ ଏନନ୍, ଏଗଡ୍‌ମେନ୍ ଇନ୍ ଆନ୍ ପାୟିଟ୍ ଉକୁଟ୍ ନିନିଟେ ମେଣ୍ତାପିଲା ସିୟୁଟଟ୍‌ ଏଟେନ୍ କି ଆନ୍ ଆନେ ସାଙ୍ଗତୁଲ୍ ନା କିର୍‌ଦେ କେଗିଙ୍ଗ୍ ଅଡ୍‌ତାନ୍। ମାତର୍ ଇନେ ଇ ସେପାଲ୍ ପାଟିନ୍ ଦନ୍‌ସମ୍‌ପତିଙ୍ଗ୍ ପଲିକାରି ଉଲେନ୍ ୱାନଣ୍ତ୍, ଇନ୍ ଅଣ୍ତୁଙ୍ଗ୍ ପାୟିଟ୍ ପାଟିନ୍‌ପେଲ୍‌ଟୁକ୍ ନିୟାଟେ ବାସିପିଲା କାତେଟ୍‌।

![](https://cdn.door43.org/obs/jpg/360px/obs-en-35-13.jpg)

“ତାମ୍‌ବା ଉତର୍ ସିନଣ୍ତ୍, ‘ବାଇ, ଇନ୍ ଆନ୍‌ନାଟ୍ ପାଟିନ୍ ବେଲ୍ ମାୟାଟ୍, ଏରେଦ୍ ପାଟିନ୍ ଆନେ ଆଦ୍ ପାଟିନ୍ ଇନେ। ମାତର୍ ଆମ୍ ପାୟିଟ୍ କିର୍‌ଦେ କେଗିଙ୍ଗ୍ ଉଚିତ୍ ମାଟେ, ଏନାଦିଙ୍ଗ୍ କି ଇନେ ପୁଟି ତଡ଼ଣ୍ଡ୍‌ ସାୟିମାଟଣ୍ତ୍, ମାତର୍ ଇଣ୍ତି ଜିୱେ ମାୟାଣ୍ତ୍। ଅଣ୍ତ୍ ମାୟ୍‌ଙ୍ଗି ମାଟଣ୍ତ୍, ମାତର୍ ଇଣ୍ତି ତଣ୍ତେଣ୍ତ୍ !”

*ବାଇବଲ୍‌ଟେ ଉକୁଟ୍ କେରାଲ୍ : ଲୁକ ୧୫:୧୧-୩୨*

## 36. ୩୬- ଜିସୁନେ ରୁପ୍ ବାଦ୍‌ଲା ଏରଣ୍ଡି

https://openbiblestories.org/l/gdb/story-36/

![](https://cdn.door43.org/obs/jpg/360px/obs-en-36-01.jpg)

ଦିନେକ୍, ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପେଲ୍‌ଟୁକ୍ ତିନ୍‌ଲକ୍ ପିତର୍, ଜାକୁବ ଆରେ ଜଅନୁଙ୍ଗ୍ ଅଣ୍ତୁନେ ମିସ୍‌ତେନ୍ ଆର୍‌ଗି ଉନଣ୍ତ୍। (ଜଅନ୍ ପିଦିର୍‌ଟଣ୍ତ୍ ଜିସୁନେ ସିସୁ ଆରେ ଜିସୁଙ୍ଗ୍ ବାପ୍‌ତିସ୍‌ମା ସିୟାକ୍ ଜଅନ୍ ଉକୁରି ଏରାଣ୍ତ୍ )ଆୟ୍‌ଲକ୍ ନିଜେନ୍ ପାର୍‌ତନା କେଗିଙ୍ଗ୍ ପାୟିଟ୍ ଉକୁଟ୍ ପେରିନ୍ ଉସାଟେ କପେଲ୍‌ ସେୟର୍।

![](https://cdn.door43.org/obs/jpg/360px/obs-en-36-02.jpg)

ଜିସୁ ଏସେବେଲ୍ ପାର୍‌ତନା କେଗିନଣ୍ତ୍, ଅଣ୍ତୁନେ ପନ୍ଦ୍‌ ୱେଲେ ୱାଡିନ୍ ୱିଣ୍ତ୍ ଏନେ ଆରେ ଅଣ୍ତୁନେ ବସ୍‌ତର୍ ୱିଣ୍ତ୍ ୱାଡିନ୍ ୱିଲେଦ୍ ଏନେ, ଏଇର୍ ମେନ୍ ପୁର୍‌ତିନ୍ ମାନଣ୍ତି ଲକ୍ କେଗିଙ୍ଗ୍ ଅଡାର୍।

![](https://cdn.door43.org/obs/jpg/360px/obs-en-36-03.jpg)

ଆଦିଙ୍ଗ୍ କୁଣ୍ତେଲ୍ ମସା ଆରେ ଏଲିୟ୍ ତଣ୍ତେର୍। ଇ ଜଡେକ୍ ଲକ୍ ଇ ଗଟନାଟେ ସହ ସହ ବରସ୍ ଆଗାଡି ଇ ପୁର୍‌ତିନ୍ ମାଟର୍। ଆୟ୍‌ଲକ୍ ଜିସୁନା ଆୟ୍‌ଲକ୍‌ନେ ସାୟଣ୍ତି ବିସୟରେନ୍ ପାର୍‌କିନର୍, ଏରେଦ୍ ଜିରୁସାଲମ୍‌ତୁନ୍ ଦାପ୍‌ରେନ୍ ଗଟ୍‌ଏରିଙ୍ଗ୍ ମାଟେ।

![](https://cdn.door43.org/obs/jpg/360px/obs-en-36-04.jpg)

ଏସେବେଲ୍ ମସା ଆରେ ଏଲିୟ ଜିସୁନା ପାର୍‌କାପାର୍‌କି ଏରିନର୍, ପିତର୍ ଜିସୁଙ୍ଗ୍ ପକେଣ୍ତ୍, “ଆମ୍‌ଗୁଲ୍ ଜେ ଇମାନ୍ ମାୟାମ୍, ଇଦ୍ ନିୟା। ଆମ୍‌ଗୁଲ୍ ତିନ୍‌ଗଟା କୁଡ଼଼େଲ୍‌ ତିୟାର୍ କେଦାମ୍, ଇନୁଙ୍ଗ୍ ପାୟିଟ୍ ଉକୁଟ୍, ମସାଙ୍ଗ୍ ପାୟିଟ୍ ଉକୁଟ୍ ଆରେ ଏଲିୟଙ୍ଗ୍ ପାୟିଟ୍ ଉକୁଟ୍।” ପିତର୍ ଏନାଏନ୍‌ନଣ୍ତ୍ ଆଦ୍ ଅଣ୍ତ୍ ପୁନୁଟଣ୍ତ୍।

![](https://cdn.door43.org/obs/jpg/360px/obs-en-36-05.jpg)

ଏସେବେଲ୍ ପିତର୍ ପାଟେ ପକୁନଣ୍ତ୍, ଉକୁଟ୍ ୱିଣ୍ତ୍‌ଟେ ମଗୁଲ୍ ମୁତୁଲ୍ ୱାନେ ଆରେ ଆୟ୍‌ଲକୁଙ୍ଗ୍ ଆଦ୍ ଡାବାସି କାରେଟେ ଆରେ ମଗୁଲ୍‌ଟୁକ୍ ଇ ପଲେ ୱାନେ, “ଏ ଆମେ ଲାଡ୍‌ଟେ ସେପାଲ୍ ଏଇରୁଙ୍ଗ୍ ଆମ୍ ଲାଡ୍ କେନମ୍। ଆଣ୍ତୁଙ୍ଗ୍ ପେଲ୍ ଆମେ କିର୍‌ଦେ। ଅଣ୍ତୁନେ ୱେଣ୍ତୁର୍।” ଇ ତିନ୍‌ଲକ୍ ସିସୁତୁଲ୍ ନାର୍‌ସି ସେଞ୍ଜି ବାସେନ୍ ଇଲିମାଟର୍।

![](https://cdn.door43.org/obs/jpg/360px/obs-en-36-06.jpg)

ଆଦିଙ୍ଗ୍ କୁଣ୍ତେଲ୍ ଜିସୁ ଆୟ୍‌ଲକୁଙ୍ଗ୍ ମେର୍‌ତଣ୍ତ୍ ଆରେ ପକେଣ୍ତ୍ ନାରିସ୍‌ମେର୍। ସିଲ୍‌ପୁର୍। ଆୟ୍‌ଲକ୍ ଏସେବେଲ୍ ସାରିବେଡ୍‌ତେନ୍ ସୁଡେର୍, ଆୟ୍‌ଲକ୍ ଜିସୁଙ୍ଗ୍ ଇ ସୁଡେର୍।

![](https://cdn.door43.org/obs/jpg/360px/obs-en-36-07.jpg)

ଜିସୁ ଆରେ ଅଣ୍ତୁନେ ତିନ୍‌ଲକ୍ ସିସୁତୁଲ୍ କପେ କିଡିନ୍ ଇଡିଗି ୱାନର୍। ଆଦିଙ୍ଗ୍ କୁଣ୍ତେଲ୍ ଜିସୁ ଆୟ୍‌ଲକୁଙ୍ଗ୍ ପକେଣ୍ତ୍ “ଇମାନ୍ ଏନାଦ୍ ଗଟ୍‌ଏନେ ଆଦ୍ ଏରୁଙ୍ଗ୍ ପକ୍‌ମେର୍। ଆନ୍ ଦାପ୍‌ରେନ୍ ସାଦାନ୍ ଆରେ ଆରେତରେକ୍ ଜିୱେ ଏଦାନ୍। ଆଦିଙ୍ଗ୍ କୁଣ୍ତେଲ୍, ଇମ୍‌ଗୁଲ୍ ଲକ୍‌ଗୁଲୁଙ୍ଗ୍ ପକୁର୍।”

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୧୭:୧-୨; ମାର୍‌କ ୯:୨-୮; ଲୁକ ୯:୨୮*

## 37. ୩୭- ଜିସୁ ଲାଜାରିଙ୍ଗ୍ ସାଦାନ୍ ପେଲ୍‌ଟୁକ୍ ସିଣ୍ତୁପଣ୍ଡି

https://openbiblestories.org/l/gdb/story-37/

![](https://cdn.door43.org/obs/jpg/360px/obs-en-37-01.jpg)

ଦିନେକ୍, ଜୁସୁ ଉକୁଟ୍ ପାଟେ ୱେଟଣ୍ତ୍ ଜେ ଲାଜାର୍ ପେରିନ୍ କାୟ୍‌କିର୍‌ ମାୟାଣ୍ତ୍। ଲାଜାର୍ ଆରେ ଅଣ୍ତୁନେ ଜଡେକ୍ ସେଲାସିଲ୍, ମରିୟମ୍ ଆରେ ମାର୍‌ତା ଜିସୁନେ ବେସି ସଙ୍ଗାରିଲ୍‌ ମାଟେୱ୍। ଜିସୁ ଏସେବେଲ୍ ଇ ପାଟେ ୱେଟଣ୍ତ୍, ଅଣ୍ତ୍ ପକେଣ୍ତ୍ ଇ କାୟାକିର୍‌ ସାଗଡ୍ ପଲି ସେନା, ମାତର୍ ଇଦ୍ ମାପ୍‌ରୁନେ ଗଉରବ ପାୟିଟ୍। ଜିସୁ ଅଣ୍ତୁନେ ସାଙ୍ଗତୁଲୁଙ୍ଗ୍ ଲାଡ୍ କେଗିନଣ୍ତ୍, ମାତର୍ ଆୟ୍‌ଲକ୍ ଏରେ ବାସେନ୍ ମାଟର୍ ଆମାନ୍ ଦୁୟ୍‌ଦିନ୍ ମାଞ୍ଜି ସେୟର୍।

![](https://cdn.door43.org/obs/jpg/360px/obs-en-37-02.jpg)

ଦୁୟ୍‌ଦିନ୍ କୁଣ୍ତେଲ୍, ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପକେଣ୍ତ୍, “ୱାରୁ, ଆମ୍ ଜିଉଦା ପର୍‌ଦେସ୍ ସେନିକାର୍। ସିସୁତୁଲ୍ ଉତର୍ ସିନର୍ “ଗୁରୁ, ଏନେତ୍ ପର୍ ଆଗାଡ଼଼ି ଇନୁଙ୍ଗ୍ ଲକ୍‌ଗୁଲ୍ ଆଟିଙ୍ଗ୍ ପାୟିଟ୍ ଇଚା କେଗିନର୍!” ଜିସୁ ପକେଣ୍ତ୍ ଆମ୍‌ଗୁଲ୍‌ନେ ଲାଜର୍ ଅଡିମାଣ୍ତ୍, ଆରେ ଆନ୍ ଅଣ୍ତୁଙ୍ଗ୍ ନିଚୟ୍ ଅଡ୍‌ଦାନ୍ ପେଲ୍‌ଟୁକ୍ ସିଣ୍ଡୁତାନ୍।

![](https://cdn.door43.org/obs/jpg/360px/obs-en-37-03.jpg)

ଜିସୁନେ ସିସୁତୁଲ୍ ଉତର୍ ସିନର୍ “ଗୁରୁ, ଜଦି ଲାଜାର୍ ତୁୟ୍‌ଙ୍ଗି କାରିମାଣ୍ତ୍,ଆଟେକଡ୍ ଅଣ୍ତ୍ ସିଲ୍‌ତାଣ୍ତ୍। ଆଦିଙ୍ଗ୍ କୁଣ୍ତେଲ୍ ଜିସୁ ଆୟ୍‌ଲକୁଙ୍ଗ୍ ସରଲ୍ ବାବ୍‌ରେନ୍ ପକେଣ୍ତ୍ ଲାଜାର୍ ସାୟିସେଞ୍ଜିମାଣ୍ତ୍। ଆନ୍ କିର୍‌ଦେ ଜେ ଆନ୍ ଆମାନ୍ ମାନୁଟନ୍, ଏଟେନ୍ କି ଇମ୍‌ଗୁଲ୍ ଆନ୍‌ପେଲ୍ ବିସ୍‌ବାସ୍ କେଦାର୍।”

![](https://cdn.door43.org/obs/jpg/360px/obs-en-37-04.jpg)

ଜିସୁ ଏସେବେଲ୍ ଲାଜାର୍‌ନେ ଗଡ୍‌ତୁନ୍ ୱାନଣ୍ତ୍, ଲାଜାର୍ ସାୟି ସାୟିନ୍‌ ତାନିର୍ ଚାର୍‌ଦିନ୍ ଏରିମାଟେ। ମାର୍‌ତା ଜିସୁଙ୍ଗ୍ ବେଟ୍‌ଏରିଙ୍ଗ୍ ସେଞ୍ଜି ପକେଟେ ପର୍‌ବୁ, ଜଦି ଇନ୍ ଇମାନ୍ ମାଙ୍ଗଡ୍ ଆନ୍ ବାଇ ସାୟୁଟଣ୍ତ୍ ମେନ୍। ମାତର୍ ଆନ୍ ବିସ୍‌ବାସ୍ କେଗିଦାନ୍ ଇନ୍ ମାପ୍‌ରୁଙ୍ଗ୍ ଏନାଦ୍ ପର୍‌ତାଟ୍ ଆଦ୍ ଅଣ୍ତ୍ ଇନୁଙ୍ଗ୍ ସିଦାଣ୍ତ୍।”

![](https://cdn.door43.org/obs/jpg/360px/obs-en-37-05.jpg)

ଜିସୁ ଉତର୍ ସିନଣ୍ତ୍, “ଆନ୍ ସାଦାନ୍‌ପେଲ୍‌ଟୁକ୍ ଜିୱେ ଏରି ସିଲ୍‌ପାକ୍‌ ଆରେ ଜିୱେ। ଏଇଣ୍ତ୍ ଆନ୍‌ପେଲ୍ ବିସ୍‌ବାସ୍ କେଦାଣ୍ଡ୍‌, ଜଦି ଅଣ୍ତ୍ ସାଦାଣ୍ତ୍ ଏଙ୍ଗଡ୍‌ମେନ୍ ଅଣ୍ତ୍ ଜିୱେ ଏଦାଣ୍ତ୍। ଏଇର୍‌ମେନ୍ ଆନ୍‌ପେଲ୍ ବିସ୍‌ବାସ୍ କେଦାର୍ ଅଣ୍ତ୍ ଏସେଲ୍‌ମେନ୍ ସାୟାଣ୍ତ୍। ଇନ୍ ଇଦ୍ ବିସ୍‌ବାସ୍ କେଦାଟ୍ କି? ମାର୍‌ତା ଉତର୍ ସିନେ ଅଁ, ଗୁରୁ ଆନ୍ ବିସ୍‌ବାସ୍ କେଦାନ୍ ଜେ ଇନ୍ ମାପ୍‌ରୁନେ ସେପାଲ୍ କିସ୍‌ଟ।”

![](https://cdn.door43.org/obs/jpg/360px/obs-en-37-06.jpg)

ଆଦିଙ୍ଗ୍ କୁଣ୍ତେଲ୍ ମରିୟମ୍ ୱାନେ। ଆଦ୍ ଜିସୁନେ କାଲ୍‌ଗିଲ୍ ପାତି ପକେଟେ “ପର୍‌ବୁ, ଜଦି ଇନ୍ ଇମାନ୍ ମାନ୍‌ଗଡ୍, ଆନ୍ ବାଇ ସାୟୁଟଣ୍ତ୍ ମେନ୍। “ଜିସୁ ଆୱୁଙ୍ଗ୍ ପାସାର୍‌ତଣ୍ତ୍ ଇମ୍‌ଗୁଲ୍ ଲାଜାରିଙ୍ଗ୍ ଏରେମାନ୍ ଇରିମାର୍?” ଆୱ୍‌ ପକେଟେୱ୍ ସାୟ୍‌କିଲ୍ ବାସେନ୍। ସାୟ୍‌ତିନ୍ ୱା ଆରେ ସୁଡ୍। ଆଦିଙ୍ଗ୍ କୁଣ୍ତେଲ୍ ଜିସୁ ଆଡେଣ୍ତ୍।

![](https://cdn.door43.org/obs/jpg/360px/obs-en-37-07.jpg)

ସାୟ୍‌କିଲ୍ ଉକୁଟ୍ ବରାମାଟେ ଇଦିନ୍ ମୁଆଟ୍‌ତିନ୍ ଉକୁଟ୍ ବେର୍‌ଟେ ଉକୁଟ୍ କାଣ୍ତ୍ ଡାବାସି ମାଟର୍, ଜିସୁ ଏସେବେଲ୍ ସାୟ୍‌କିଲ୍‌ତିନ୍ ଏଦେଣ୍ତ୍ ଆୟ୍‌ଲକୁଙ୍ଗ୍ ପକେଣ୍ତ୍, କାଣ୍ତିଙ୍ଗ୍ ଡୁଲାସି ସିୟୁର୍, ମାତର୍ ମାର୍‌ତା ପକେଟେ ଅଣ୍ତ୍ ସାୟି ଚାର୍‌ଦିନ୍ ଏରିଦା ଆମାନ୍ ଗାନ୍ଦ୍ ସେୟ୍‌ଦା।”

![](https://cdn.door43.org/obs/jpg/360px/obs-en-37-08.jpg)

ଜିସୁ ଉତର୍ ସିନଣ୍ତ୍ ଆନ୍ ଏନାଦ୍ ଇମ୍‌ଗୁଲୁଙ୍ଗ୍ ପକାନ୍ ଜେ ଇମ୍‌ଗୁଲ୍ ଆନ୍‌ପେଲ୍ ବିସ୍‌ବାସ୍ କେଗଡ୍ ମାପ୍‌ରୁନେ ମଇମା ସୁଡ୍‌ଦାର୍?” ଆଦିଙ୍ଗ୍ ଆୟ୍‌ଲକ୍ କାଣ୍ତିଙ୍ଗ୍ ପୁସ୍‌କି ସିନର୍।

![](https://cdn.door43.org/obs/jpg/360px/obs-en-37-09.jpg)

ଆଦିଙ୍ଗ୍ କୁଣ୍ତେଲ୍ ଜିସୁ ସରଗ୍ ଦିଗାଲ୍ ସୁଡି କେରିନ୍ ପକେଣ୍ତ୍, “ଆବା, ଆନ୍ ପାର୍‌ତନା ୱେଞ୍ଜିମାନ୍‌ତାଲିନ୍ ଦନିୟବାଦ୍। ଆନ୍ ପୁୟାନ୍ ଇନ୍ ପାଟିନ୍‌ବେଲ୍ ଆନ୍ ପାଟେ ୱେୟାଟ୍‌, ମାତର୍ ଏରେ ପାଟିନ୍ ଲକ୍ ଇମାନ୍ ନିଲ୍‌ସି ମାୟାର୍ ଆୟ୍‌ଲକୁଙ୍ଗ୍ ପାୟିଟ୍ ଆନ୍ ପକୁଦାନ୍। ଆଦିଙ୍ଗ୍ କୁଣ୍ତେଲ୍ ଜିସୁ ପେରିନ୍ ଆଉଲିରେନ୍ ପକେଣ୍ତ୍, “ଲାଜାର୍, ପେସି ୱା!”

![](https://cdn.door43.org/obs/jpg/360px/obs-en-37-10.jpg)

ଆଦିଙ୍ଗ୍ ଲାଜାର୍ ପେସି ୱାନଣ୍ତ୍, ଆୟ୍‌ବେଲ୍ ମେନ୍ ଅଣ୍ତ୍ ସେରିଙ୍ଗ୍ ଡାବାପଣ୍ଡି ବସ୍‌ତର୍‌ରେନ୍ ଗୁଡିୟା ଏରିମାଟଣ୍ତ୍। ଜିସୁ ଆୟ୍‌ଲକୁଙ୍ଗ୍ ପକେଣ୍ତ୍ ଇ ସେରିଙ୍ଗ୍ ଡାବାପଣ୍ଡି ବସ୍‌ତର୍ ଅଣ୍ତୁଙ୍ଗ୍ ପେଲ୍‌ଟୁକ୍ ପୁସ୍‌କି ଅଣ୍ତୁଙ୍ଗ୍ ମୁକ୍‌ତ କେୟୁର୍। ଜିସୁନେ ଇ କାବାଏରଣ୍ତି କାମେ ସୁଡି ପେଙ୍ଗୁର୍‌ତୁଲ୍ ଜିଉଦି ଲକ୍ ଜିସୁଙ୍ଗ୍ ପେଲ୍ ବିସ୍‌ବାସ୍ କେନର୍।

![](https://cdn.door43.org/obs/jpg/360px/obs-en-37-11.jpg)

ମାତର୍ ଜିଉଦିଲକ୍‌ନେ ଦରମ୍ ନେତାଲକ୍ ରିସା ଏନର୍, ଆଦିଙ୍ଗ୍ ଆୟ୍‌ଲକ୍ ଏରେୱାଡିନ୍ ଜିସୁଙ୍ଗ୍ ଆରେ ଲାଜାରିଙ୍ଗ୍ ୱାଟ୍‌ତେନ୍ ଆଟ୍‌ଦାର୍ ଆଦ୍ ଉକୁଟ୍ ପେଲ୍ ରୁଣ୍ତ୍ ଏରି ଜଜନା କେନର୍।

*ବାଇବଲ୍‌ଟେ ଉକୁଟ୍ କେରାଲ୍ : ଜଅନ୍ ୧୧:୧-୪୬*

## 38. ୩୮- ଜିସୁଙ୍ଗ୍ ସତ୍‌ରୁତୁଲୁଙ୍ଗ୍ କିଇତିନ୍ ସର୍‌ପାପଣ୍ଡି

https://openbiblestories.org/l/gdb/story-38/

![](https://cdn.door43.org/obs/jpg/360px/obs-en-38-01.jpg)

ପାଟିନ୍ ବର୍‌ସେନ୍ ଜିଉଦିତିଲ୍ ନିସ୍‌ତାର୍ ପାରୁବ୍ ପାଲନ୍ କେଗିନର୍। ଇଦ୍ ଏରିଦା ଆୟ୍ କିର୍‌ଦେଟେ ପାଲନ୍ ଏରେଦ୍ କି ପେଙ୍ଗିଟ୍ ବରସ୍ ଆଗାଡି ମାପ୍‌ରୁ ଏଟେନ୍ ଆୟ୍‌ଲକ୍‌ନେ ପୁର୍‌ବେଟେ ଦାଦିଆନି ଦାସ୍ ଅବସ୍‌ତା ଟୁକ୍ ଉଦାର୍ କେୟି ଇନ୍ଦ୍‌ରିମାଟଣ୍ତ୍। ଜିସୁ ସର୍‌ବସାଦାରନ୍ ବାବ୍‌ରେନ୍ ଆରେ ପର୍‌ସାର୍ ସିକିୟା କେୟଣ୍ତି ତିନ୍ ବରସ୍ କୁଣ୍ତେଲ୍ ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପକେଣ୍ତ୍ ଜେ ଅଣ୍ତ୍ ଆୟ୍‌ଲକ୍ ନା ଜିରୁସାଲାମ୍‌ତିନ୍ ନିସ୍‌ତାର୍ ପାରୁବ୍ କେଗିଙ୍ଗ୍ ଇସା କେନଣ୍ତ୍, ଆରେ ଆମାନ୍ ଅଣ୍ତୁଙ୍ଗ୍ ୱାଟ୍‌ତେନ୍ ଆଟ୍‌ଦାର୍।

![](https://cdn.door43.org/obs/jpg/360px/obs-en-38-02.jpg)

ଜିସୁନେ ସିସୁତୁଲୁଙ୍ଗ୍ ପେଲ୍‌ଟୁକ୍ ଜିଉଦା ପିଦିର୍‌ଟଣ୍ତ୍ ଉକୁର୍ ସିସୁ ମାଟଣ୍ତ୍। ଜିଉଦା ସିସୁତୁଲ୍‌ନେ ଡାବୁ ଆସାନାଟ୍ ମାଟଣ୍ତ୍‌ ମାତର୍ ଅଣ୍ତ୍ ଡାବୁଙ୍ଗ୍ ଲାଡ୍ କେନଣ୍ତ୍ ଆରେ ପେଙ୍ଗିଟ୍ ତର୍ ଆୟ୍ ମନାଟୁକ୍ ଡାବୁଲ୍ ସରାକିନଣ୍ତ୍। ଜିସୁ ଆରେ ଅଣ୍ତୁନେ ସିସୁତୁଲ୍ ଜିରୁସାଲାମ୍‌ତୁନ୍ ଏଦ୍‌ଦାନ୍‌ କୁଣ୍ତେଲ୍, ଜିଉଦା ଡାବୁଲ୍ ଉୟଣ୍ତି ବାଦୁଲ୍‌ନା ଜିସୁଙ୍ଗ୍ ସତ୍‌ରୁ କିତିନ୍ ପାତୁକୁଙ୍ଗ୍ ପାଇଟ୍ ଜିଉଦି ନେତାତିଲିଙ୍ଗ୍ କାକେଲ୍ ସେୟଣ୍ତ୍, ଅଣ୍ତ୍ ପୁଞ୍ଜି ମାଟଣ୍ତ୍ ଜେ ଜିସୁ ଉକୁର୍ କିସ୍‌ଟ, ଆଦିଙ୍ଗ୍ ଜିଉଦି ନେତାକିଲ୍ ବିସ୍‌ବାସ୍ କେୟାମାନର୍ ଆରେ ଆୟ୍‌ଲକ୍ ଜିସୁଙ୍ଗ୍ ଆଟିଙ୍ଗ୍ ପାଇଟ୍ ଜଜନା କେଗିନର୍।

![](https://cdn.door43.org/obs/jpg/360px/obs-en-38-03.jpg)

ଜିଉଦି ନେତାକିଲ୍ ମୁକିୟା ଜାଜକ୍‌ନେ ଇସାନା ଜିସୁଙ୍ଗ୍ ସତ୍‌ରୁ କିତିନ୍ ସର୍‌ପାକିଙ୍ଗ୍ ପାଇଟ୍ ତିରିସ୍ ଗଟା ରୁପା ଡାବୁଲ୍ ସିନର୍, ବାବବାଦିକିଲ୍ ବାବବାନି କେଦାନ୍ ଅନୁସାର୍‌ନା ଇଦ୍ ଗଟ୍‌ଏନେ, ଜିଉଦା ଆମାନ୍ ରାଜିଏରି ଡାବୁଲ୍ ପାତି ସେୟଣ୍ତ୍, ଅଣ୍ତ୍ ଏଟେନ୍ ଜିସୁଙ୍ଗ୍ ପାତି ସତ୍‌ରୁ କିତିନ୍ ସର୍‌ପାତାଣ୍ତ୍ ଆଦିଙ୍ଗ୍ ପାଇଟ୍ ସୁଜଗ୍ କାଣ୍ତିକିନଣ୍ତ୍।

![](https://cdn.door43.org/obs/jpg/360px/obs-en-38-04.jpg)

ଜିରୁସାଲାମ୍‌ତୁନ୍ ଜିସୁ ଅଣ୍ତୁନେ ସିସୁତୁଲ୍‌ନା ନିସ୍‌ତାର୍‌ ପାରୁବ୍ ପାଲନ୍ କେନର୍, ନିସ୍‌ତାର୍ ପାରୁବ୍‌ଟେ ବଜି ତିୟାନ୍ ବେଲ୍ ଜିସୁ ରୁଟି ପାତି ଆଦିଙ୍ଗ୍ ପୁନ୍‌ତଣ୍ତ୍, ଅଣ୍ତ୍ ପକେଣ୍ତ୍ ଇଦ୍ଉୟି ତିଣ୍ତୁର୍, ଇଦ୍ ଆନେ ମେନ୍ ଏରେଦ୍ ଇମ୍‌ପାଇଟ୍ ସି ଏରିମା, ଆନୁଙ୍ଗ୍ ଏତାକିଙ୍ଗ୍ ପାଇର୍ ଇପାଡ୍ କେୟୁର୍, ଇ ୱାଡିନ୍ ଜିସୁ ପକେଣ୍ତ୍, ଆୟ୍‌ଲକୁଙ୍ଗ୍ ପାଇଟ୍ ଅଣ୍ତୁନେ ମେନ୍ ବଲିଏନେ।

![](https://cdn.door43.org/obs/jpg/360px/obs-en-38-05.jpg)

ଆମାଟୁକ୍ ଜିସୁ ଉକୁଟ୍ ଗିନାନ୍ ଅଙ୍ଗୁର୍ ରସ୍‌ ପାତି ପକେଣ୍ତ୍, ଇଦିଙ୍ଗ୍ ଉଣ୍ତୁର୍, ଇଦ୍ ଆନେ ପୁନ୍‌ନିୟମ୍‌ଟେ ନେତିର୍ ପାପ୍ କେମାପାଇଟ୍ ସର୍‌ସି ଏରିମା ଇମ୍ ପାଟିନ୍ ତର୍ ଇଦ୍ ଉଣ୍ତାନ୍ ବେଲ୍ ଆନୁଙ୍ଗ୍ ଏତାପୁର୍।

![](https://cdn.door43.org/obs/jpg/360px/obs-en-38-06.jpg)

ଆଦିନ୍ କୁଣ୍ତେଲ୍ ଜିସୁ ଅଣ୍ତୁନେ ସିସୁ ତୁଲୁଙ୍ଗ୍ ପକେଣ୍ତ୍, ଇମ୍‌ଗୁଲୁଙ୍ଗ୍ ପେଲ୍‌ଟୁକ୍ ଉକୁର୍ ଆନୁଙ୍ଗ୍ ପାତୁସି ସିଦାଣ୍ତ୍, ସିସୁତୁଲ୍ କାବାଏରି ସେୟର୍ ଆରେ ଇ ୱାଡ଼଼ିଟେ କାମେ ଏଇର୍ କେଦାର୍ ଏଞ୍ଜି ପାସାର୍‌ତର୍, ଜିସୁ ପକେଣ୍ତ୍ ଜିସୁ ଆନ୍ ଏୟିରୁଙ୍ଗ୍ ଇ ରୁଟି ମୁକା ସିଦାନ୍ ଅଣ୍ତ୍ ଆନୁଙ୍ଗ୍ ପାତୁସି ସିଦାଣ୍ତ୍, ଆମାଟୁକ୍ ଆୟ୍ ମୁକା ରୁଟି ଜିଉଦାଙ୍ଗ୍ ସିନଣ୍ତ୍।

![](https://cdn.door43.org/obs/jpg/360px/obs-en-38-07.jpg)

ଜିଉଦା ଆୟ୍ ରୁଟି ମୁକା ଉଦାନ୍ କୁଣ୍ତେଲ୍ ସୟ୍‌ତାନ୍ ଅଣ୍ତୁନ୍ ପେଲ୍ ନାନେଟେ, ଜିଉଦା ଆୟ୍ ବାସେଟୁକ୍‌ ପେସିସେଞ୍ଜି ଜିସୁଙ୍ଗ୍ ପାତୁସି ସିଗିଙ୍ଗ୍ ପାଇଟ୍ ଜିଉଦି ନେତାକିଲିଙ୍ଗ୍ ସାୟ୍‌ଜ କେଗିଙ୍ଗ୍ ପାଇଟ୍ ଆୟ୍‌ଲକୁନ୍ ପେଲ୍ ସେୟଣ୍ତ୍, ଆୟ୍‌ବେଲ୍ ନାର୍‌କାମ୍ ଏରିମାଟେ।

![](https://cdn.door43.org/obs/jpg/360px/obs-en-38-08.jpg)

ତିଞ୍ଜି ପଲ୍‌ଦାନ୍ କୁଣ୍ତେଲ୍ ଜିସୁ ଆରେ ଅଣ୍ତୁନେ ସିସୁତୁଲ୍ ଜିତ୍ କପେଲ୍ ସେୟର୍, ଜିସୁ ପକେଣ୍ତ୍ “ଇମ୍‌ପାଟିନ୍ ଆନୁଙ୍ଗ୍ ସାକାରି ସିଦାର୍, ଲେକାମୟା ଆମ୍ ମେଣ୍ତା ପାପୁଙ୍ଗ୍ କର୍‌ଡା ଆଟ୍‌ଦାମ୍ ଆରେ ପାଟିନ୍ ମେଣ୍ତାଲିଙ୍ଗ୍ ସିନ୍‌ବିନ୍ କେଦାମ୍।”

![](https://cdn.door43.org/obs/jpg/360px/obs-en-38-09.jpg)

ପିତର୍ ଉତର୍ ସିନଣ୍ତ୍, “ଜଦି ପାଟିନ୍ ଲକ୍ ସାକାର୍‌ଦାର୍, ମାତର୍ ଆନ୍ ସାକାରାନ୍ ଆଟେଲ୍‌ ଜିସୁ ପିତରୁଙ୍ଗ୍ ପକେଣ୍ତ୍, “ସୟ୍‌ତାନ୍ ଇମ୍ ପାଟିନ୍ ଲକୁନ୍ ପେଲ୍ ମାନିଙ୍ଗ୍ ଇସା କେଗିଦା, ମାତର୍‌ ପିତର୍ ଇନେ ବିସ୍‌ବାସ୍ ଏରେୱାଡିନ୍ ଦୁର୍‌ବଲ୍ ଏରିଙ୍ଗ୍ ମାନାପାଇଟ୍ ଆନ୍ ବିନତି କେଗିଦାନ୍, ଇୱାଡିନ୍ ଇନେନ୍ ନାର୍‌କାମ୍ କର୍‌ଗୁନେଲ୍ କର୍‌କୁୟ୍‌ଦାନ୍ ଆଗାଡି ଇନ୍ ଆନୁଙ୍ଗ୍ ତିନ୍‌ତର୍ ପୁନାନ୍ ଏଞ୍ଜି ପକ୍‌ଦାଟ୍।”

![](https://cdn.door43.org/obs/jpg/360px/obs-en-38-10.jpg)

୦ ଆମାଟୁକ୍ ପିତର୍ ଜିସୁଙ୍ଗ୍ ପକେଣ୍ତ୍, “ଜଦି ଆନୁଙ୍ଗ୍ ସାଗିଙ୍ଗ୍ ଏଦା, ଏନ୍‌ଗଡ୍‌ମେନ୍ ଆନ୍ ଏସେଲ୍ ଇନୁଙ୍ଗ୍ ପୁନାନ୍ ଏଞ୍ଜି ପକାନ୍, ପାଟିନ୍ ସିସୁତୁଲ୍ ମେନ୍ ଆୟ୍‌ୱାଡିନ୍ ପକେର୍।

![](https://cdn.door43.org/obs/jpg/360px/obs-en-38-11.jpg)

ଆମାଟୁକ୍ ଜିସୁ ଆରେ ଅଣ୍ତୁନେ ସିସୁତୁଲ୍‌ନା ଗେତ୍‌ସିମନ୍ ପିଦିର୍‌ଟେ ବାସେନ୍ ସେୟର୍, ସିସୁତୁଲ୍ ଏଟେନ୍ ପରିକିୟାନ୍ ଇଲିଙ୍ଗ୍ ମାନା ପାଇଟ୍ ଆଦିଙ୍ଗ୍ ପାଇଟ୍ ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପାର୍‌ତନା କେଗିଙ୍ଗ୍ ପକେଣ୍ତ୍, ଆମାଟୁକ୍ ଜିସୁ ନିଜେନ୍ ପାର୍‌ତନା କେଗିଙ୍ଗ୍ ଉଣ୍ତେଣ୍ତ୍।

![](https://cdn.door43.org/obs/jpg/360px/obs-en-38-12.jpg)

ଜିସୁ ତିନ୍‌ତର୍ ପାର୍‌ତନା କେନଣ୍ତ୍ ଆନ୍ ଆବା ଜଦି ଇସା କେଦାଣ୍ତ୍, ଆଟେକଡ୍ ଇ କସଟ୍‌ଟୁକ୍ ଆରେ ଦୁକ୍‌ଟୁକ୍ ଆନ୍ ପେଲ୍‌ଟୁକ୍ ଦୁର୍ କେଦାଣ୍ତ୍, ଜଦି ଲକ୍‌ପେଲ୍‌ଟୁ ପାପ୍‌କେମା କେଦାନ୍ ପେଲ୍‌ଟୁକ୍ ଆରେ ଉପାୟ୍ ମାନା, ଆଟେକଡ୍ ଇନେ ଇସା ସପଲ୍ ଏକା, ଜିସୁ ପେରିନ୍ ଦୁକ୍ଏରି ନିରାସ୍ ଏନଣ୍ତ୍, ଆରେ ଅଣ୍ତୁନ୍ ପେଲ୍‌ଟୁକ୍ ଉରୁସ୍‌କୁର୍‌ନା ନେତିର୍ ପେସିସେଣ୍ତେ, ମାପ୍‌ରୁ ଅଣ୍ତୁଙ୍ଗ୍ ଦରଜ୍ ପାତିଙ୍ଗ୍ ପାଇଟ୍ ଉକୁଟ୍ ଦୁତୁଙ୍ଗ୍ ଅଣ୍ତୁନ୍ କାକେଲ୍ ସୟ୍‌ତଣ୍ତ୍।

![](https://cdn.door43.org/obs/jpg/360px/obs-en-38-13.jpg)

ପାଟିନ୍‌ବେଲ୍ ପାର୍‌ତନା କେଇପଲ୍‌ଦାନ୍ କୁଣ୍ତେଲ୍, ଜିସୁ ଅଣ୍ତୁନେ ସିସୁତୁଲୁନ୍ ପେଲ୍ ୱାନଣ୍ତ୍, ମାତର୍ ଆୟ୍‌ଲକ୍ କୁର୍‌କାଲ୍‌ତିନ୍ ଅଡିମାଟର୍, ଆରେ ଅଣ୍ତ୍ ତୁର୍‌ତିୟ ତର୍ ୱାନଣ୍ତ୍, ଜିସୁ ପକେଣ୍ତ୍ “ସିଲ୍‌ପୁର୍ ଆନେ ପାତୁସିୟାକ୍‌ ଇମାନ୍ ମାଣ୍ଡ୍‌।

![](https://cdn.door43.org/obs/jpg/360px/obs-en-38-14.jpg)

ଜିଉଦି ନେତାକିଲ୍ ସନିୟଦଲ୍‌ନାଟ୍ ପେଙ୍ଗୁର୍‌ତୁଲ୍ ଲକ୍‌ନାଟ୍ ଜିଉଦାନ୍ ୱାନର୍, କାଣ୍ତାଲ୍ ଆରେ କିସ୍ ଅଲାଲ୍ ପାତିମାଟର୍, ଜିଉଦା ଜିସୁନ୍ କାକେଲ୍ ୱାରି ପକେଣ୍ତ୍, “ଏଗୁରୁ ନମସ୍‌କାର୍” କେଇ ଅଣ୍ତୁଙ୍ଗ୍ ସକ୍ କେନଣ୍ତ୍, ଜିଉଦି ନେତାକିଲ୍ ଏୟିରୁଙ୍ଗ୍ ପାଦାର୍ ଆଦ୍‌ଉକୁଟ୍ ସିନ୍ ମାଟେ, ଆମାଟୁକ୍ ଜିସୁ ପକେଣ୍ତ୍ ଜିଉଦା ସକ୍‌କେଇ ଇନ୍ ଆନୁଙ୍ଗ୍ ସତ୍‌ରୁ କିତିନ୍ ସର୍‌ପା କିଦାଟ୍?”

![](https://cdn.door43.org/obs/jpg/360px/obs-en-38-15.jpg)

ଏରେବେଲ୍ ସନିୟକୁଲ୍ ଜିସୁଙ୍ଗ୍ ପାତେର୍ ପିତର୍ ଆୟ୍‌ଲକ୍‌ନେ କିୟୁବ୍ ପୁସ୍‌କି ବେର୍‌ଜାଜକ୍‌ନେ ଦାସ୍‌ନେ କେକଲ୍ କୁଇକାରେଣ୍ତ୍, ଜିସୁ ପକେଣ୍ତ୍ “କିୟୁବୁଙ୍ଗ୍ ଦୁରିଙ୍ଗ୍ ଇର୍ ଆନୁଙ୍ଗ୍ ରକିୟା କେଗିଙ୍ଗ୍ ପାଇଟ୍ ଆନ୍ ଆନେ ଆବାଙ୍ଗ୍ ଦୁତ୍‌ଗୁଲୁଙ୍ଗ୍ ଉକୁଟ୍ ସନିୟଦଲ୍ ପର୍‌ତାନ୍, ମାତର୍ ଆନ୍ ଆନେ ଆବାଙ୍ଗ୍ ଆଦେସ୍ ମାନ୍‌ଏଦାନ୍, ଆମାଟୁକ୍ ଜିସୁ ଅଣ୍ତୁନେ କେକଲୁଙ୍ଗ୍ ଜଡ଼଼ାତଣ୍ତ୍, ଜିସୁଙ୍ଗ୍ ପାତ୍‌ତାଲିନ୍ ପାଟିନ୍ ସିସୁତୁଲ୍ ସାକାରି ୱେଟେର୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୨୬:୧୪-୫୬; ମାର୍‌କ ୧୪:୧୦-୫୦; ଲୁକ ୨୨:୧-୫୩; ଜଅନ୍ ୧୨:୬;୧୮:୧-୧୧*

## 39. ୩୯- ଜିସୁନେ ବିସାର୍ କେୟଣ୍ଡି

https://openbiblestories.org/l/gdb/story-39/

![](https://cdn.door43.org/obs/jpg/360px/obs-en-39-01.jpg)

ଆଟେଲ୍ ନେଣ୍ଡ୍‌ଗାପ୍ ଏରିମାଟେ। ବେର୍‌ଜାଜକ୍ ଏରେୱାଡିନ୍ ଜିସୁଙ୍ଗ୍ ପରସ୍‌ନ ପାସାର୍‌ତାଣ୍ତ୍ ଆଦିଙ୍ଗ୍ ପାୟିଟ୍ ସନିୟ୍‌ତୁଲ୍ ଅଣ୍ତୁଙ୍ଗ୍ ବେର୍‌ଜାଜକ୍‌ନେ ଉଲେନ୍ ଉନର୍। ପିତର୍ ଦୁରିନ୍ ମାଞ୍ଜି ଆୟ୍‌ଲକ୍‌ନେ କୁଣ୍ତୁନ୍ କୁଣ୍ତୁନ୍ ସେନିନଣ୍ତ୍। ଜିସୁଙ୍ଗ୍ ଏସେବେଲ୍ ଆୟ୍ ଉଲେନ୍ ପିତର୍ ୱାଲ୍‌ତିନ୍ ମାଞ୍ଜି କିସ୍ ଆଇଙ୍ଗ୍‌ନଣ୍ତ୍।

![](https://cdn.door43.org/obs/jpg/360px/obs-en-39-02.jpg)

ଉଲେ ତାନିର୍, ଜିଉଦି ନେତାତିଲ୍ ଜିସୁନେ ବିଚାର୍ କେନର୍। ଆୟ୍‌ଲକ୍ ପେଙ୍ଗୁତୁଲ୍ ମିସ୍‌ପକ୍‌ଦାନ୍ ଲକୁଙ୍ଗ୍ ମିସାତର୍ ଏରେ ଲକ୍ କି ମିସ୍ ପକ୍‌ଦାର୍, ମାତର୍ ଆୟ୍‌ଲକ୍‌ନେ ପାଟେ ପାଟିନ୍ ଅଣ୍ତୁଙ୍ଗ୍ ପେଲ୍ ମିସ୍‌ଏରା ମାନ୍‌ନେ, ଆଦିଙ୍ଗ୍ ଜିଉଦି ନେତାକିଲ୍ ପାର୍‌ମାନ୍ କେଗିଙ୍ଗ୍ ଅଡୁଟର୍, ଅଣ୍ତ୍ ଏନାମେନ୍ ବୁଲ୍ କେୟାଣ୍ତ୍, ଜିସୁ ଏନାଦ୍ ମେନ୍ ପକୁଟଣ୍ତ୍।

![](https://cdn.door43.org/obs/jpg/360px/obs-en-39-03.jpg)

ଆମାଟୁକ୍ ବେର୍‌ଜାଜକ୍ ଜିସୁଙ୍ଗ୍ ପେଲ୍ ସିଦାସୁଡି ଅଣ୍ତୁଙ୍ଗ୍ ପକେଣ୍ତ୍, “ଆମୁଙ୍ଗ୍ ପକ୍ ଇନ୍ ଏନା ଜିୱେଟେ ମାପ୍‌ରୁନ୍ ସେପାଲ୍ କିସ୍‌ଟ?”

![](https://cdn.door43.org/obs/jpg/360px/obs-en-39-04.jpg)

ଜିସୁ ପକେଣ୍ତ୍ “ଆନ୍ ଅଣ୍ତି, ଆରେ ଇମ୍‌ଗୁଲ୍ ଆନୁଙ୍ଗ୍ ମାପ୍‌ରୁନ୍ ସିଙ୍ଗାସାନ୍‌ତିନ୍ ଉଣ୍ତଣ୍ତିଙ୍ଗ୍ ଆରେ ସର୍‌ଗେଟୁକ୍ ଇଡ୍‌ଗି ୱାରଣ୍ତିଙ୍ଗ୍ ସୁଡ୍‌ଦାର୍, ବେର୍‌ଜାଜକ୍ ରିସାଏରି ନିଜେଟେ ସକା ଆକ୍‌ସି ୱେନ୍ ଦରମ୍‌ଟେ ନେତାକିଲିଙ୍ଗ୍ ଆୱ୍‌ଲି ଏରି ପକେଣ୍ତ୍, “ଆମ୍‌ଗୁଲୁଙ୍ଗ୍ ଆରେ ସାକି ଦର୍‌କାର୍ ମାନା, ଇମ୍‌ଗୁଲ୍ ୱେଟର୍ ଅଣ୍ତ୍ ମାପ୍‌ରୁନେ ସେପାଲ୍ ଏଞ୍ଜି ପକିମାଣ୍ତ୍, ଇମ୍‌ଗୁଲ୍‌ନେ ବିସାର୍ ଏନାଦ୍?”

![](https://cdn.door43.org/obs/jpg/360px/obs-en-39-05.jpg)

ଜିଉଦି ନେତାକିଲ୍ ବେର୍‌ଜାଜକୁଙ୍ଗ୍ ଉତର୍ ସିନର୍, ଅଣ୍ତ୍ ସାଗିଙ୍ଗ୍ ଦର୍‌କାର୍, ଆମାଟୁକ୍ ଆୟ୍‌ଲକ୍ ଜିସୁନେ କାନୁଲ୍‌ତୁନ୍ ଗେର୍‌ଲ କାଟେର୍, ଆରେ ଅଣ୍ତୁଙ୍ଗ୍ ଆଟେର୍ ଅଣ୍ତୁନ୍ ପୟିତାନ୍ ନେଉଡ୍ ଉସେର୍ ଆରେ ଅଣ୍ତୁଙ୍ଗ୍ ନାଗେର୍।

![](https://cdn.door43.org/obs/jpg/360px/obs-en-39-06.jpg)

ପିତର୍ ଉଲେ ଡେୱାନ୍ କାତାନ୍ ବେଲ୍, ଉକୁଟ୍ ମାଲ୍ ଅଣ୍ତୁଙ୍ଗ୍ ସୁଡେଟେ, ଆରେ ପକେଟେ ଇନ୍‌ମେନ୍ ଜିସୁନାଟ୍ ମାଟଟ୍, ପିତର୍ ଇ ପାଟେଙ୍ଗ୍ ଅସିକାର୍‌ କେନଣ୍ତ୍, ଆୟ୍‌ୱାଡିନ୍ ଆରେକୁଟ୍ ମାଲ୍‌ମେନ୍ ପକେଟେ, ମାତର୍ ପିତର୍ ଆଟେଲ୍‌ମେନ୍ ଅସିକାର୍ କେନଣ୍ତ୍, ଆମାଟୁକ୍ ଲକ୍‌ଗୁଲ୍ ପକେର୍ ଆମ୍ ପୁୟାମ୍ ଇନ୍‌ମେନ୍ ଜିସୁନାଟ୍ ମାଟଟ୍ ମାତର୍ ଇନ୍ ନାର୍‌ସି ଗାଲିଲିନ୍ ୱାନଟ୍।

![](https://cdn.door43.org/obs/jpg/360px/obs-en-39-07.jpg)

ଆଦିଙ୍ଗ୍ କୁଣ୍ତେଲ୍ ପିତର୍ ପାର୍‌ମାନ୍‌ କେନଣ୍ତ୍, ପକେଣ୍ତ୍ ମାପ୍‌ରୁ ଆନୁଙ୍ଗ୍ ଅବିସାପ୍ ଇନ୍ଦେ ଜଦି ଇ ଲକୁଙ୍ଗ୍ ପୁଞ୍ଜିସେୟ୍‌ଦାନ୍‌। ସାଙ୍ଗେନ୍ ସାଙ୍ଗେନ୍ ଉକୁଟ୍ କର୍ କିୟେଟେ, ଆରେ ଜିସୁ ପିତରୁଙ୍ଗ୍ ମାଣ୍ତି ସୁଡେଣ୍ତ୍।

![](https://cdn.door43.org/obs/jpg/360px/obs-en-39-08.jpg)

ପିତର୍ ପେସିସେୟଣ୍ତ୍ ଆରେ ପେରିନ୍ ଆଉଲିଏରି ଆଡେଣ୍ତ୍। ଇମାନ୍, ଅବିସ୍‌ୱାସ୍ କେୟାକ୍ ଜିଉଦି ସୁଡେଣ୍ତ୍ ଜେ ଜିଉଦି ନେତାତିଲ୍ ଜିସୁଙ୍ଗ୍ ସାଦାନ୍ ପାୟିଟ୍ ଦସି କେଗିଦାର୍। ଜିଉଦା ପେରିନ୍ ଦୁକ୍ କେନଣ୍ତ୍ ଆରେ ପେସିସେଞ୍ଜି ନିଜେନିଙ୍ଗ୍ ଉସ୍‌କା ଏନଣ୍ତ୍।

![](https://cdn.door43.org/obs/jpg/360px/obs-en-39-09.jpg)

ଆରେକୁଟ୍ ଆଡ୍‌ତଲ୍, ଜିଉଦି ନେତାତିଲ୍ ଜିସୁଙ୍ଗ୍ ପିଲାତଙ୍ଗ୍ କାକେଲ୍ ଇନ୍ଦ୍‌ରେର୍ ଅଣ୍ତ୍ ରମିୟ ସାସକ୍ ମାଟଣ୍ଡ୍‌। ଆୟ୍‌ଲକ୍ ଆସା କେନର୍ ଜେ ପିଲାତ ଜିସୁଙ୍ଗ୍ ଦସି କାଟି ସାଗିଙ୍ଗ୍ ପାୟିଟ୍ ବିସାର୍ କେଦାଣ୍ଡ୍। ଆଟେଲ୍ ପିଲାତ ଜିସୁଙ୍ଗ୍ ପାସାର୍‌ତଣ୍ତ୍ “ଇନ୍ ଏନା ଜିଉଦିତିଲ୍‌ନେ ରାଜା?”

![](https://cdn.door43.org/obs/jpg/360px/obs-en-39-10.jpg)

ଜିସୁ ଉତର୍ ସିନଣ୍ତ୍ “ଇନ୍ ପକୁଦାଟ୍, ମାତର୍ ଆନେ ରାଜି ଇ ଜଗତ୍ ଏରା। ଜଦି ଇ ୱାଡିନ୍ ଏଗଡ୍, ଆନ୍ ଦାସଲକ୍ ଆନ୍ ପାୟିଟ୍ ଜୁଦ୍ କେନର୍‌ମେନ୍। ମାପ୍‌ରୁନେ ବିସୟ୍‌ରେନ୍ ସତ୍ ପାଟେ ପକୁଙ୍ଗ୍ ଆନ୍ ଇ ପୁର୍‌ତିନ୍ ୱାରିମାନ୍। ଏଇର୍‌ମେନ୍ ସତୁଙ୍ଗ୍ ଲାଡ୍ କେଦାର୍ ଆୟ୍‌ଲକ୍ ଆନ୍ ପାଟେ ୱେୟାର୍।” ପିଲାତ ପକେଣ୍ତ୍ “ସତ୍ ଏନାଦ୍?”

![](https://cdn.door43.org/obs/jpg/360px/obs-en-39-11.jpg)

ପିଲାତ ଜିସୁନା ପାର୍‌କି ପଲ୍‌ଦାନ୍ କୁଣ୍ତେଲ୍ ମାନ୍ଦାଲକୁନ୍ କାକେଲ୍ ସେଞ୍ଜି ପକେଣ୍ତ୍, ଇୟଣ୍ତ୍‌ନ୍‌ପେଲ୍ ଆନ୍‌ ଏନାମେନ୍ ଦସ୍ ପାୟ୍‌ଏରାନ୍, ମାତର୍ ଜିଉଦିନେତାକିଲ୍ ଆରେ ରୁଣ୍ତ୍‌ଏଦାନ୍ ଲକ୍ ଆୱ୍‌ଲି ଏରି ପକେର୍ ଅଣ୍ତୁଙ୍ଗ୍ କୁର୍‌ସନ୍ ସସୁସି କୁଟିଲ୍ କଟୁର୍, ପିଲାତ ଉତର୍ ସିନଣ୍ତ୍ ଅଣ୍ତ୍ ଦସି ଏରାଣ୍ତ୍, ମାତର୍ ଆୟ୍‌ଲକ୍ ଅଦିକ୍ ଆୱ୍‌ଲି ଏରି ପକୁଙ୍ଗ୍ ଉଣ୍ତେର୍, ମାତର୍ ପିଲାତ ଆରେ ତରେକ୍ ପକେଣ୍ତ୍ ଅଣ୍ତ୍ ଦସି ଏରାଣ୍ତ୍।

![](https://cdn.door43.org/obs/jpg/360px/obs-en-39-12.jpg)

ପିଲାତ ନାର୍‌ସି ସେଞ୍ଜିମାଟଣ୍ତ୍ ଏସେବେଲ୍ ଲକ୍‌ଗୁଲ୍ କିରମାର କେଦାର୍, ଆଦିଙ୍ଗ୍ ଜିସୁଙ୍ଗ୍ କୁରୁସ୍ କାଟ୍‌ତିନ୍ କଟୁଙ୍ଗ୍ ପାଇଟ୍ ଅଣ୍ତ୍ ଅଣ୍ତୁନେ ସନିୟ ତୁଲୁଙ୍ଗ୍ ଆଦେସ୍ ସିନଣ୍ତ୍, ରମିୟ ସନିୟତୁଲ୍ ଜିସୁଙ୍ଗ୍ କର୍‌ଡା ଆଟେର୍ ଆରେ ଉକୁଟ୍ ରାଜାନେ ବସ୍‌ତର୍ ଆରେ ତାଲ୍‌ତିନ୍ ସାପୁଲ୍ ମୁକୁଟ୍ ଜଗ୍‌ଡା ସି ସିନର୍, ଆମାଟୁକ୍ ଆୟ୍‌ଲକ୍ ଜିଉଦି ରାଜାଙ୍ଗ୍ ତଟ୍‌ତର୍, ଲାଜ୍‌କେନର୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୨୬:୫୭-୨୭; ମାର୍‌କ ୧୪: ୫୩-୧୫:୧୫; ଲୁକ ୨୨:୫୪-୨୩:୨୫; ଜଅନ୍ ୧୮:୧୨-୧୯:୧୬*

## 40. ୪୦- ଜିସୁ କୁରୁସ୍‌ କାଟ୍‌ତିନ୍ କଟିଏନଣ୍ତ୍‌

https://openbiblestories.org/l/gdb/story-40/

![](https://cdn.door43.org/obs/jpg/360px/obs-en-40-01.jpg)

ସନିୟତୁଲ୍ ଜିସୁଙ୍ଗ୍ ଲାଜ୍ କେନର୍, ଆୟ୍‌ଲକ୍ କୁର୍‌ସନ୍ କଟୁଙ୍ଗ୍ ପାୟିଟ୍ ଅଣ୍ତୁଙ୍ଗ୍ ଉନର୍। ଅଣ୍ତ୍ ଏରେ କୁର୍‌ସନ୍ ସାଦାଣ୍ତ୍ ଆୟ୍ କୁର୍‌ସନ୍ ଅଣ୍ତୁଙ୍ଗ୍ କାଞ୍ଜୁତର୍।

![](https://cdn.door43.org/obs/jpg/360px/obs-en-40-02.jpg)

ସନିୟତୁଲ୍ “କାପାଲ୍‌ ପିଦିର୍‌ଟେ” ଉକୁଟ୍ ବାସେନ୍ ଇନ୍ଦ୍‌ରେର୍ ଆରେ କୁର୍‌ସନ୍ ଅଣ୍ତୁନେ କିଲ୍‌ଗିଲିଙ୍ଗ୍ ଆରେ କାଲ୍‌ଗିଲିଙ୍ଗ୍ କୁଟିଲ୍ କଟେର୍। ମାତର୍ ଜିସୁ ପକେଣ୍ତ୍ “ଆବା, ଆୟ୍‌ଲକୁଙ୍ଗ୍ କେମା କେ, ଆୟ୍‌ଲକ୍ ଏନା କେଗିଦାର୍ ଆଦ୍ ପୁନାର୍। ଜିଉଦିତିଲ୍‌ନେ ରାଜା ଲେକାସି କେରିନ୍ ଜିସୁନେ ତାଲ୍ ପୟ୍‌ତାନ୍ ଉଟୁକୁଙ୍ଗ୍ ପିଲାତ ଆୟ୍‌ଲକୁଙ୍ଗ୍ ପକେଣ୍ତ୍।

![](https://cdn.door43.org/obs/jpg/360px/obs-en-40-03.jpg)

ସନିୟତୁଲ୍ ଜିସୁନେ ବସ୍‌ତରୁଙ୍ଗ୍ କୁଡ୍‌କୁଡି କେନର୍। ଆୟ୍‌ଲକ୍ ଏସେବେଲ୍ ଆଦ୍ କେନର୍, ପକିମାନଣ୍ତି ଭାବବାଣି ସପଲ୍ ଏନେ ଆୟ୍‌ଲକ୍ ଆନେ ବସ୍‌ତରୁଙ୍ଗ୍ ବାଗ୍ କେନର୍ ଆରେ ବସ୍‌ତରୁଙ୍ଗ୍ କୁଡ୍‌କୁଡି କେନର୍।

![](https://cdn.door43.org/obs/jpg/360px/obs-en-40-04.jpg)

ଜିସୁଙ୍ଗ୍ ଜଡେକ୍ ଲକୁନ୍‌ ନେଣ୍ତିନ୍ କୁର୍‌ସନ୍ ଗାଡାତର୍। ଆୟ୍‌ଲକୁଙ୍ଗ୍ ପେଲ୍‌ଟୁକ୍ ଉକୁର୍ ଜିସୁଙ୍ଗ୍ ଲାଜ୍ କେନଣ୍ତ୍, ମାତର୍ ଆରେକୁର୍ ପକେଣ୍ତ୍ “ଇନୁଙ୍ଗ୍ ଏନା ମାପ୍‌ରୁଙ୍ଗ୍ ପର୍‌ତି ନାର୍‌ମାନା? ଆମ୍‌ଗୁଲ୍ ଦସି, ମାତର୍ ଇୟଣ୍ତ୍ ନିର୍‌ଦସି। ଆଦିଙ୍ଗ୍ କୁଣ୍ତେଲ୍ ଅଣ୍ତ୍ ଜିସୁଙ୍ଗ୍ ପକେଣ୍ତ୍ ଦୟା କେୟି ଆନୁଙ୍ଗ୍ ଇନେ ରାଜିନ୍ ଏତାପୁଟ୍। ଜିସୁ ଅଣ୍ତୁଙ୍ଗ୍ ପକେଣ୍ତ୍ “ଇନ୍ ଇନେନ୍ ଆନ୍ ନାଟ୍ ପାରଦୀଶତିନ୍ ସେୟ୍‌ଦାଟ୍।”

![](https://cdn.door43.org/obs/jpg/360px/obs-en-40-05.jpg)

ଜିଉଦି ନେତାତିଲ୍ ଆରେ ଲକୁଙ୍ଗ୍ ପେଲ୍‌ଟୁକ୍ ପେଙ୍ଗୁର୍‌ତୁଲ୍ ଜିସୁଙ୍ଗ୍ ଲାଜ୍ କେନର୍। ଆୟ୍‌ଲକ୍ ଅଣ୍ତୁଙ୍ଗ୍ ପକେର୍ “ଜଦି ଇନ୍ ମାପ୍‌ରୁନେ ସେପାଲ୍, ଆଟେଲ୍ କୁର୍‌ସଟୁକ୍ ଇଡ୍‌ଗି ୱା ଆରେ ନିଜେନିଙ୍ଗ୍ ରକିୟା କେ। ଆଟେଲ୍ ଆମ୍‌ଗୁଲ୍ ଇନୁଙ୍ଗ୍ ବିସ୍‌ୱାସ୍ କେଦାମ୍।

![](https://cdn.door43.org/obs/jpg/360px/obs-en-40-06.jpg)

ଆଦିଙ୍ଗ୍ କୁଣ୍ତେଲ୍ ପାଟିନ୍ ଦିଗାଲ୍‌ଟେ ମାନଣ୍ତି ଆକାସ୍ ପୁରାପୁରି ସିକାଟ୍ ଏରିସେଣ୍ତେ, ଆୟ୍‌ବେଲ୍ ପାକ୍‌ଟାଲ୍ ବେଲା ଏରିମାଟେ, ଆୟ୍ ପାକ୍‌ଟାଲ୍‌ବେଲ୍ ସିକାଟ୍ ଏରିସେଣ୍ତେ ମାତର୍ ତିନ୍‌ଗଟ୍‌ ଆରେକ୍ ସିକାଟ୍ ଏନେ।

![](https://cdn.door43.org/obs/jpg/360px/obs-en-40-07.jpg)

ଆମାଟୁକ୍ ଜିସୁ ପେରିନ୍ ଆୱ୍‌ଲି ଏରିପକେଣ୍ତ୍, “ପଲିସେଣ୍ତେ! ଆବା, ଇନ୍ କିତିନ୍ ଆନେ ଆତ୍‌ମା ସର୍‌ପାକିଦାନ୍, ଆମାଟୁକ୍ ଅଣ୍ତ୍ ତାଲ୍ ମୁରୁଗ୍‌ତଣ୍ତ୍ ଆରେ ସାନଣ୍ତ୍, ଏରେବେଲ୍ ଅଣ୍ତ୍ ସାନଣ୍ତ୍, ଆୟ୍‌ବେଲ୍ ବାସେ ମେଲ୍‌ଗି ସେଣ୍ତେ ଆରେ ମନ୍ଦିର୍‌ଟେ ଏରେ ବେର୍‌ଟେ ପାର୍‌ଦା ମାପ୍‌ରୁନ୍ ପେଲ୍‌ଟୁକ୍ ଲକ୍‌ଗୁଲୁଙ୍ଗ୍ ୱେନେଲ୍ କେଇ ଇରିନେ ଆଦ୍ ପୟିତାଟୁକ୍ ମୁତୁଲ୍ ଆରେକ୍ ସାରି ଦୁୟ୍ ବାଗ୍ ଏରି ସେଣ୍ତେ।

![](https://cdn.door43.org/obs/jpg/360px/obs-en-40-08.jpg)

ଜିସୁ ଅଣ୍ତୁନେ ସାୟଣ୍ତିନାଟ୍ ଲକ୍‌ଗୁଲୁଙ୍ଗ୍ ମାପ୍‌ରୁନ୍ କାକେଲ୍ ସେନିଙ୍ଗ୍ ପାଇଟ୍ ପାୱ୍ ତଟ୍‌ସି ସିନଣ୍ତ୍, ଜିସୁଙ୍ଗ୍ କାତାନ୍ ସନିୟ ଏରେବେଲ୍ ଇ ପାଟିନ୍ ଗଟ୍‌ଏରଣ୍ତିଙ୍ଗ୍ ସୁଡେର୍‌ ଆୟ୍‌ଲକ୍ ପକେର୍, ନିସୟ୍ ଅଣ୍ତ୍ ନିର୍‌ଦସ୍ ଟଣ୍ତ୍ ମାଟଣ୍ତ୍ ଅଣ୍ତ୍ ମାପ୍‌ରୁନେ ସେପାଲ୍ ମାଟଣ୍ତ୍।

![](https://cdn.door43.org/obs/jpg/360px/obs-en-40-09.jpg)

ଆମାଟୁକ୍ ଜସେପ୍ ଆରେ ନିକଦିମ୍, ଜିସୁଙ୍ଗ୍ ବିସ୍‌ବାସ୍ କେଦାନ୍ ଇରୁଲୁଙ୍ଗ୍ ଜିଉଦି ନେତା ଜିସୁନେ ମେନିଙ୍ଗ୍ ଉଗୁଙ୍ଗ୍ ପାଇଟ୍ ପିଲାତିଙ୍ଗ୍ ଅନୁରଦ୍ କେନର୍, ଆୟ୍‌ଲକ୍ ଉକୁଟ୍ ବସ୍‌ତର୍ ଅଣ୍ତୁନେ ମେନ୍‌ତିନ୍ ଡାବାସି କାଣ୍ତିଙ୍ଗ୍ ବେଦାସି ତିୟାର୍ କେୟଣ୍ତି ଉକୁଟ୍ ସାୟ୍‌ତିନ୍ ଇରେର୍ ଆମାଟୁକ୍ ଆୟ୍‌ଲକ୍ ସାଇନ୍ ମୁଆଟ୍‌ତିନ୍ ଉକୁଟ୍ ବେର୍‌ଟେ କାଣ୍ତ୍ ଡାବାସି ସିନର୍ ଆରେ ଡେୱାଙ୍ଗ୍ ସୁଟାସିନର୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୨୨:୨୭-୬୧; ମାର୍‌କ ୧୫:୧୬-୪୭; ଲୁକ ୨୩:୨୬-୫୬; ଜଅନ୍ ୧୯:୧୭-୪୨*

## 41. ୪୧- ଜିସୁ ମରନ୍‌ଟୁକ୍ ଜିୱେଏରି ସିଲ୍‌ପଣ୍ଡି

https://openbiblestories.org/l/gdb/story-41/

![](https://cdn.door43.org/obs/jpg/360px/obs-en-41-01.jpg)

ସନିୟତୁଲ୍ ଜିସୁଙ୍ଗ୍ କୁର୍‌ସନ୍ କଟ୍‌ଦାନ୍ କୁଣ୍ତେଲ୍, ଅବିସ୍‌ୱାସି ଜିଉଦି ନେତାତିଲ୍ ପିଲାତଙ୍ଗ୍ ପକେର୍ “ଆୟ୍ ମିତିୟାବାଦି ଜିସୁ ପକିମାଣ୍ତ୍ ଜେ ଅଣ୍ତ୍ ତିନ୍‌ଦିନ୍‌ କୁଣ୍ତେଲ୍ ସିଲ୍‌ତାଣ୍ତ୍। ଏଇର୍ ଉକୁର୍ ସାୟ୍‌କିଲ୍ ବାସେନ୍ କାକିଙ୍ଗ୍ ପାର୍‌ଦା ଆରେ ଜାଗ୍‌ରତା ମାନିଙ୍ଗ୍ ପାର୍‌ଦା ଏଟେନ୍ କି ସିସୁତୁଲ୍ ଅଣ୍ତୁନେ ସାୟଣ୍ତି ସେରିଙ୍ଗ୍ ଚରାସି ଉଇ ପକୁଙ୍ଗ୍ ମାନ୍‌କାର୍ ଜେ ଅଣ୍ତ୍ ସାଦାନ୍ ପେଲ୍‌ଟୁକ୍ ସିଲ୍‌ସି ମାୟାଣ୍ତ୍।”

![](https://cdn.door43.org/obs/jpg/360px/obs-en-41-02.jpg)

ପିଲାତ ପକେଣ୍ତ୍ “ସନିୟତୁଲୁଙ୍ଗ୍ ଉଇ ଇମ୍‌ଗୁଲ୍ ଅଡ୍‌ତାନ୍‌ ଆରେକ୍ ସାୟ୍‌କିଲ୍ ବାସେଙ୍ଗ୍ ସୁରକିତ୍ କେୟୁର୍। ଆଦିଙ୍ଗ୍ ଆୟ୍‌ଲକ୍ ସାୟକିଲ୍ ବାସେ ପାୱ୍‌ତୁନ୍ କାଣ୍ତିଙ୍ଗ୍ ଡାବାତର୍ ଆରେ ଆମାନ୍ ସନିୟତୁଲୁଙ୍ଗ୍ କାପୁତର୍ ଏଟେନ୍ କି ଅଣ୍ତୁନେ ମେନିଙ୍ଗ୍ ଚରାସି ଉଗୁଙ୍ଗ୍ ଅଡାର୍।

![](https://cdn.door43.org/obs/jpg/360px/obs-en-41-03.jpg)

ଜିସୁଙ୍ଗ୍ ସାୟକିଲ୍‌ତିନ୍ ପେନ୍ଦୁପଣ୍ତି ଆରେକୁଟ୍ ସିରିସ୍ ବିସ୍‌ରାମ୍‌ବାର୍ ମାଟେ, ଆରେ ଆୟ୍ ସିରିସ୍ ସାୟ୍‌କିଲ୍‌ତିନ୍ ସେନିଙ୍ଗ୍ ପାୟିଟ୍ ଜିଉଦିଲକୁଙ୍ଗ୍ ଅନୁମତି ମାନୁଟେ। ଆଦିଙ୍ଗ୍, ବିସ୍‌ରାମ୍‌ବାର୍ ଆରେକୁଟ୍ ସିରିସ୍ ଆଡ୍‌ତଲି ଏଙ୍ଗିଟ୍ ଆସ୍‌ମାସ୍‌କିଲ୍ ଜିସୁନେ ମେନ୍‌ତିନ୍ ବାସ୍‌ନା ନେୟ୍ ମାରୁକୁଙ୍ଗ୍ ପାୟିଟ୍ ସାୟ୍‌ତିନ୍ ସେଣ୍ତେୱ୍।

![](https://cdn.door43.org/obs/jpg/360px/obs-en-41-04.jpg)

ଅଟାତ୍ ଉକୁଟ୍ ବେର୍‌ଟେ ଭୁମିକମ୍ପ ଏନେ। ଜିଟ୍‌କି ୱିଣ୍ତ୍ ୱାଡିନ୍ ପାନ୍ଦେଟେ ଆରେ ଉକୁଟ୍ ସରଗ୍‌ଟୁକ୍ ତଟ୍‌ସି ଏନେ। ସାୟକିଲ୍‌ଟେ ପାୱ୍‌ତୁନ୍ ଡାବାପଣ୍ତି କାଣ୍ତିଙ୍ଗ୍ ପୁସ୍‌କି ଅଣ୍ତ୍ ଆମାନ୍ ଉଣ୍ଡେଣ୍ତ୍। ଏରେ ସନିୟତୁଲ୍ ସାୟକିଲ୍ ବାସେନ୍ କାକିଙ୍ଗ୍ ନର୍ ଆୟ୍‌ଲକ୍ ନାର୍‌ସିସେୟର୍ ଆରେ ସାଦାନ୍ ଲକୁଙ୍ଗ୍ ୱାଡିନ୍ ବାସେନ୍ ଇଲେର୍।

![](https://cdn.door43.org/obs/jpg/360px/obs-en-41-05.jpg)

ଏସେବେଲ୍ ଆସ୍‌ମାସ୍‌କିଲ୍ ସାୟକିଲ୍‌ତିନ୍ ଏଦେଟେୱ୍, ଦୁତ୍ ଆୟ୍‌ଲକୁଙ୍ଗ୍ ପକେଟେ ନାରିସ୍‌ମେର୍। ଜିସୁ ଇମାନ୍ ମାନାଣ୍ତ୍। ଅଣ୍ତ୍ ଏଟେନ୍ ପକିମାଟଣ୍ଡ୍‌, ଆୟ୍‌ୱାଡିନ୍ ସାଦାନ୍ ଲକୁଙ୍ଗ୍ ପେଲ୍‌ଟୁକ୍ ଜିୱେ ଏରି ମାୟାଣ୍ତ୍,ୱାରୁର୍ ଆରେ ସାୟିନିଙ୍ଗ୍ ସୁଡୁର୍। ଏରେ ବାସେନ୍ ଜିସୁନେ ମେନିଙ୍ଗ୍ ଇରିମାଟର୍, ଆସ୍‌ମାସ୍‌କିଲ୍ ସାୟିନ୍‌ ତାନିର୍ ସେଞ୍ଜି ସୁଡେଟେୱ। ଅଣ୍ତୁନେ ମେନ୍ ଆମାନ୍ ମାନୁଟେ।

![](https://cdn.door43.org/obs/jpg/360px/obs-en-41-06.jpg)

ଆଦିଙ୍ଗ୍ କୁଣ୍ତେଲ୍ ସରଗ୍‌ଦୁତ ଆୟ୍ ଆସ୍‌ମାସ୍‌କିଲିଙ୍ଗ୍ ପକେଟେ ସେଞ୍ଜି ସିସୁତୁଲୁଙ୍ଗ୍ ପକୁର୍,ଜିସୁ ଜିୱେଏରି ସିଲ୍‌ତଣ୍ତ୍ ଆରେ ଇମ୍‌ଗୁଲ୍‌ନେ ଆଗାଡ଼଼ି ଗାଲିଲିନ୍ ସେୟାଣ୍ତ୍।

![](https://cdn.door43.org/obs/jpg/360px/obs-en-41-07.jpg)

ଆୟ୍ ଆସ୍‌ମାସ୍‌କିଲ୍ ପେରିନ୍ ନାର୍‌ସେଟେୱ୍ ଆରେ ପେରିନ୍ କିର୍‌ଦେ ଏନେୱ୍। ସିସୁତୁଲୁଙ୍ଗ୍ ନିୟାଟେ କାବୁର୍ ୱେଣ୍ତୁକୁଙ୍ଗ୍ ପାୟିଟ୍ ଆୱ୍‌ଗୁଲ୍ ୱେଟେଟେୱ୍।

![](https://cdn.door43.org/obs/jpg/360px/obs-en-41-08.jpg)

ଏସେବେଲ୍ ଆୟ୍ ନିୟାଟେ କାବୁର୍ ୱେଣ୍ତୁକୁଙ୍ଗ୍ ପାୟିଟ୍ ଆଗୁଲ୍ ରାସ୍‌ତାନ୍ ମାଟେୱ୍, ଜିସୁ ଆୱ୍‌ଗୁଲୁଙ୍ଗ୍ ତଟ୍‌ସି ଏନଣ୍ତ୍ ଆରେ ଆୱ୍‌ଗୁଲ୍ ଅଣ୍ତୁଙ୍ଗ୍ ଜୁୟାର୍ କେନେୱ୍। ଜିସୁ ପକେଣ୍ତ୍ ନାରିସ୍‌ମେର୍। ସେଣ୍ତୁର୍ ଆରେ ଗାଲିଲିନ୍ ସେନିଙ୍ଗ୍ ପାୟିଟ୍ ଆନେ ସିସୁତୁଲୁଙ୍ଗ୍ ପକୁର୍। ଆମାନ୍ ଆୟ୍‌ଲକ୍ ଆନୁଙ୍ଗ୍ ସୁଡ୍‌ଦାର୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୨୭:୬୧-୨୮:୧୫; ମାର୍‌କ ୧୬:୧-୧୧; ଲୁକ ୨୪:୧-୧୨; ଜଅନ୍ ୨୦:୧-୧୮*

## 42. ୪୨-ଜିସୁ ସର୍‌ଗେନ୍ ସେନଣ୍ଡି

https://openbiblestories.org/l/gdb/story-42/

![](https://cdn.door43.org/obs/jpg/360px/obs-en-42-01.jpg)

ଜିସୁ ଏରେସିରିସ୍ ସାଦାନ୍ ପେଲ୍‌ଟୁକ୍ ସିଲ୍‌ତଣ୍ତ୍, ଇରୁଲ୍ ସିସୁତୁଲ୍ କାକେଲ୍‌ଟେ ମନ୍ଦିର୍‌ତିନ୍ ସେନ୍‌ନର୍, ଆୟ୍‌ଲକ୍ ସେୟାନ୍ ବେଲ୍ ଜିସୁନାଟ୍ ଏନାଦ୍ ଗଟ୍‌ଏରିମାଟେ ଆୟ୍ ବିସୟ୍ ପାର୍‌କିନର୍, ଆୟ୍‌ଲକ୍ ଏତାକିନର୍ ଜେ ଅଣ୍ତ୍ କିସ୍‌ଟ ମାଟଣ୍ତ୍, ମାତର୍ ଅଣ୍ତୁଙ୍ଗ୍ ଆଟିକାରେର୍, ମାତର୍ ଆସ୍‌ମାଲ୍ ପକେଟେ ନିସୟ୍ ଅଣ୍ତ୍ ଜିୱେମାଣ୍ତ୍, ଆୟ୍‌ଲକ୍ ପୁନୁଙ୍ଗ୍ ଅଡୁଟର୍ ଏରୁଙ୍ଗ୍ ବିସ୍‌ବାସ୍ କେଦାର୍।

![](https://cdn.door43.org/obs/jpg/360px/obs-en-42-02.jpg)

ଜିସୁ ଆୟ୍‌ଲକୁଙ୍ଗ୍ କାକେଲ୍ ବେଟ୍ ଏନଣ୍ତ୍ ଆରେ ଆୟ୍‌ଲକ୍‌ନା ତାକିଙ୍ଗ୍ ଉଣ୍ଡ୍‌ଣ୍ତ୍, ମାତର୍ ଆୟ୍‌ଲକ୍ ଅଣ୍ତୁଙ୍ଗ୍ ଚିନାକିଙ୍ଗ୍ ଅଡୁଟର୍। ଆୟ୍‌ଲକ୍ ଏରେ ବିସୟରେନ୍ ପାର୍‌କିନର୍ ଅଣ୍ତ୍ ଆୟ୍ ବିସୟ ଆୟ୍‌ଲକୁଙ୍ଗ୍ ପାସାର୍‌ତଣ୍ତ୍, ଆରେ ଏଙ୍ଗିର୍ ଦିନାମ୍ କୁଣ୍ତେଲ୍ ଜିସୁନା ଏରେଦ୍ ପାଟିନ୍ ଗଟ୍ ଏରିମାଟେ ଆୟ୍ ମୁକିୟ ଗଟନା ଆଦ୍ ଆୟ୍‌ଲକ୍ ଅଣ୍ତୁଙ୍ଗ୍ ପକେର୍। ଆୟ୍‌ଲକ୍ ଏତାତର୍ ଜେ ଆୟ୍‌ଲକ୍ ଉକୁର୍ ଲକ୍‌ନାଟ୍ ପାର୍‌କିଦାର୍ ଏରେଦ୍ କି ଜିରୁସାଲାମ୍‌ତୁନ୍ ଗଟ୍‌ଏରଣ୍ତି ବିସୟରେନ୍।

![](https://cdn.door43.org/obs/jpg/360px/obs-en-42-03.jpg)

ଆଦିଙ୍ଗ୍ କୁଣ୍ତେଲ୍ ଜିସୁ ଆୟ୍‌ଲକୁଙ୍ଗ୍ ବୁଜାସିକେରିନ୍ ପକୁଙ୍ଗ୍ ଉଣ୍ଡେଣ୍ତ୍ ଜେ ମାପ୍‌ରୁ କିସ୍‌ଟନେ ବିସୟରେନ୍ ଏନା ଏଞ୍ଜି ମାଟଣ୍ଡ୍‌। ଅଣ୍ତ୍ ଆୟ୍‌ଲକୁଙ୍ଗ୍ ଭବିସତ୍‌ବାଣି ଏତାସି ସି ପକେଣ୍ତ୍ ଜେ କିସ୍‌ଟ ଦୁକ୍ ଏଦାଣ୍ତ୍ ଆରେ ୱାଟ୍‌ତେନ୍ ଆଟ୍‌ଦାର୍ ଆରେ ତିନ୍‌ଦିନ୍ କୁଣ୍ତେଲ୍ ଆରେତରେକ୍ ସିଲ୍‌ତାଣ୍ତ୍। ଆୟ୍ ଜଡେକ୍ ଲକ୍ ଏରେ ଗଡ୍‌ତୁନ୍ ମାନିଙ୍ଗ୍ ଜଜ୍‌ନା କେୟିମାଟର୍, ଆୟ୍‌ଲକ୍ ଏସେବେଲ୍ ଆମାନ୍ ଏଦେର୍, ଆସେବେଲ୍ ସିର୍‌ତାଲ୍ ଏନେ।

![](https://cdn.door43.org/obs/jpg/360px/obs-en-42-04.jpg)

ଆୟ୍ ଜଡେକ୍ ଲକ୍ ଆୟ୍‌ଲକ୍‌ନା ମାନିଙ୍ଗ୍ ପାୟିଟ୍ ଜିସୁଙ୍ଗ୍ ଅର୍‌ଗେର୍, ଆଦିଙ୍ଗ୍ ଅଣ୍ତ୍ ଆୟ୍‌ଲକ୍‌ନା ସେୟଣ୍ତ୍। ଆୟ୍‌ଲକ୍ ଏସେବେଲ୍ ସିର୍‌ତାଲ୍‌ଟେ କାଦି ତିନିଙ୍ଗ୍ ପାୟିଟ୍ ତିୟାର୍ ଏନର୍ ଆସେବେଲ୍ ଜିସୁ ଉକୁଟ୍ ରୁଟି ପିକି ମାପ୍‌ରୁଙ୍ଗ୍ ଦନିୟବାଦ୍ ସିନଣ୍ତ୍ ଆରେ ଆଦିଙ୍ଗ୍ ମୁକା କେନଣ୍ତ୍। ସାଙ୍ଗେନ୍ ସାଙ୍ଗେନ୍ ଅଣ୍ତ୍ ଜେ ଜିସୁ ଏଞ୍ଜି ଚିନାତର୍। ମାତର୍ ଆୟ୍ ବେଲାଙ୍ଗ୍ ଅଣ୍ତ୍ ଆୟ୍‌ଲକ୍‌ନେ କାନୁଲ୍‌ତୁନ୍ ମାୟା ଏରି ସେୟଣ୍ତ୍।

![](https://cdn.door43.org/obs/jpg/360px/obs-en-42-05.jpg)

ଆୟ୍ ଜଡେକ୍‌ଲକ୍ ନିଜେନ୍ ନିଜେନିଙ୍ଗ୍ ପକାପକି ଏନର୍ ଅଣ୍ତ୍ ଜିସୁ ମାଟଣ୍ଡ୍‌, ଆଦିଙ୍ଗ୍ ପାୟିଟ୍ ଅଣ୍ତ୍ ଆମ୍‌ଗୁଲୁଙ୍ଗ୍ ମାପ୍‌ରୁନେ ବାକିୟ ବୁଜାତାନ୍‌ବେଲ୍ ଆମ୍‌ଗୁଲ୍‌ନେ ଗର୍‌ବେ ପର୍‌ଜଲିତ୍‌ ଏରିନେ। ସାଙ୍ଗେ ସାଙ୍ଗେନ୍ ଆୟ୍‌ଲକ୍ ଜିରୁସାଲମ୍‌ତୁନ୍ ମାଣ୍ତି ୱାନର୍। ଆୟ୍‌ଲକ୍ ଏସେବେଲ୍ ଏଦେର୍, ଆସେବେଲ୍ ଆୟ୍‌ଲକ୍ ସିସୁତୁଲୁଙ୍ଗ୍ ପକେର୍ ଜିସୁ ଜିୱେ ମାୟାଣ୍ତ୍, ଆମ୍‌ଗୁଲ୍ ଅଣ୍ତୁଙ୍ଗ୍ ସୁଡି ମାୟାମ୍।

![](https://cdn.door43.org/obs/jpg/360px/obs-en-42-06.jpg)

ସିସୁତୁଲ୍ ଏସେବେଲ୍ ପାର୍‌କିନର୍, ଜିସୁ ଆୟ୍‌ଲକ୍ ମାନଣ୍ତି ବାକ୍‌ରାନ୍ ଆୟ୍‌ଲକୁଙ୍ଗ୍ କାକେଲ୍ ତଟ୍‌ସି ଏନଣ୍ତ୍ ଆରେ ପକେଣ୍ତ୍ “ଇମ୍‌ଗୁଲୁଙ୍ଗ୍ ପର୍‌ତି ସାନ୍‌ତି ଏକା!” ସିସୁତୁଲ୍ ଏତାତର୍ ଜେ ଅଣ୍ତ୍ ଉକୁର୍ ବୁତ୍, ମାତର୍ ଜିସୁ ପକେଣ୍ତ୍ ଜେ ଇମ୍‌ଗୁଲ୍ ଏନାଦିଙ୍ଗ୍ ନାର୍‌ସିଦାର୍ ଆରେ ସନ୍ଦେହ କେଗିଦାର୍? ଆନ୍ କି ଆରେ କାଲ୍‌ଗିଲିଙ୍ଗ୍ ସୁଡୁର୍। ଆନୁଙ୍ଗ୍ ଏରେୱାଡିନ୍ ମେନ୍ ମାୟା ବୁତ୍‌ଗୁଲୁଙ୍ଗ୍ ଆୟ୍‌ୱାଡିନ୍ ମେନ୍ ମାନା। ଅଣ୍ତ୍ ଜେ ବୁତ୍ ଏରାଣ୍ତ୍ ଆଦ୍ ତଟୁକ୍‌ ପାୟିଟ୍, ଅଣ୍ତ୍ ତିନିଙ୍ଗ୍ ପାୟଟ୍ ପର୍‌ତଣ୍ତ୍। ଆୟ୍‌ଲକ୍ ଅଣ୍ତୁଙ୍ଗ୍ ୱାଣ୍ତଣ୍ତି ମିନିଲ୍ ସିନର୍,ଅଣ୍ତ୍ ଆଦିଙ୍ଗ୍ ତିୟଣ୍ତ୍।

![](https://cdn.door43.org/obs/jpg/360px/obs-en-42-07.jpg)

ଜିସୁ ପକେଣ୍ତ୍ “ଆନ୍ ଇମ୍‌ଗୁଲୁଙ୍ଗ୍ ପକିମାଟନ୍ ଜେ ଆନ୍ ବିସୟ୍‌ରେନ୍ ମାପ୍‌ରୁନେ ବାକିୟନ୍ ଲେକାମାନଣ୍ତି ପାଟିନ୍ ବିସୟ୍ ସପଲ୍ କେଗିଙ୍ଗ୍ ଏଦା। ଆଦିଙ୍ଗ୍ କୁଣ୍ତେଲ୍ ଅଣ୍ତ୍ ଆୟ୍‌ଲକ୍‌ନେ ମନୁଙ୍ଗ୍ ବାଦ୍‌ଲାତଣ୍ତ୍ ଏଟେନ୍ କି ଆୟ୍‌ଲକ୍ ମାପ୍‌ରୁନେ ବାକିୟ ବୁଜ୍‌ଏରିଙ୍ଗ୍ ଅଡ୍‌ତାର୍। ଅଣ୍ତ୍ ପକେଣ୍ତ୍ ଆଗାଡିଟୁକ୍ ଲେକାମାୟା ଜେ କିସ୍‌ଟ ଦୁକ୍ ପାୟ୍‌ଏରି ସାଦାଣ୍ତ୍ ଆରେ ତିନ୍‌ଦିନ୍ କୁଣ୍ତେଲ୍ ସିଲ୍‌ତାଣ୍ତ୍।

![](https://cdn.door43.org/obs/jpg/360px/obs-en-42-08.jpg)

ସାସ୍‌ତର୍‌ତୁନ୍ ଆରେମେନ୍ ଲେକାମାୟା ଜେ ପାଟିନ୍‌ଲକ୍ ପାପ୍‌ଟୁକ୍ କେମା ପାୟ୍‌ଏରିଙ୍ଗ୍ ପାୟିଟ୍ ଅନୁତାପ୍ କେଦାର୍ ଏରେଦ୍ କି ସିସୁତୁଲ୍ ପକି ୱେଣ୍ଡୁତାର୍। ଆୟ୍‌ଲକ୍ ଇଦିଙ୍ଗ୍ ଜିରୁସାଲମ୍‌ଟୁକ୍ ଆରାମ୍ କେୟି ପାଟିନ୍ ବାସେନ୍ ମାନଣ୍ତି ଲକ୍ ଦଲୁଙ୍ଗ୍ କାକେଲ୍ ସେୟାର୍। ଇମ୍‌ଗୁଲ୍ ଇ ପାଟିନ୍ ବିସୟ୍‌ରେନ୍ ସାକି ଏଦାର୍।

![](https://cdn.door43.org/obs/jpg/360px/obs-en-42-09.jpg)

ଜିସୁ ସିସୁତୁଲ୍‌ନା ୪୦ ଦିନ୍ ଆରେକ୍ ମାଟଣ୍ଡ୍‌। ତରେକ୍, ଅଣ୍ତ୍ ଏକାତରେକିଙ୍ଗ୍ ୫୦୦ ଟୁକ୍ ପେଙ୍ଗୁର୍‌ତୁଲ୍ ଲକୁଙ୍ଗ୍ ତଟ୍‌ସି ଏନଣ୍ତ୍, ଅଣ୍ତ୍ ଜେ ଜିୱେ ମାୟାଣ୍ତ୍ ଇ ବିସୟ୍‌ରେନ୍ ଅଣ୍ତ୍ ପେଙ୍ଗିଟ୍‌ତର୍ ଅଣ୍ତୁନେ ସିସୁତୁଲୁଙ୍ଗ୍ ପେଲ୍ ତଟ୍‌ସି ଏନଣ୍ତ୍, ଆରେ ଅଣ୍ତ୍ ମାପ୍‌ରୁନେ ରାଜି ବିସୟରେନ୍ ସିକିୟା ସିନଣ୍ତ୍।

![](https://cdn.door43.org/obs/jpg/360px/obs-en-42-10.jpg)

ଜିସୁ ଅଣ୍ତୁନେ ସିସୁତୁଲୁଙ୍ଗ୍ ପକେଣ୍ତ୍ “ସର୍‌ଗ୍ ଆରେ ପୁର୍‌ତିଟେ ପାଟିନ୍ ଅଦିକାର୍ ଆନୁଙ୍ଗ୍ ସି ଏରିମା। ଇଣ୍ତି ସେଣ୍ତୁର୍, ପାଟିନ୍ ଲକ୍‌ଗୁଲୁଙ୍ଗ୍ କାକେଲ୍ ସେଞ୍ଜି ପିତା, ପୁତ୍ର ଆରେ ପବିତ୍‌ର ଆତ୍‌ମାନେ ପିଦିର୍‌ନା ଆୟ୍‌ଲକୁଙ୍ଗ୍ ବାପ୍‌ତିସ୍‌ମ ସିୟୁର୍ ଆରେ ଆନ୍ ଇମ୍‌ଗୁଲୁଙ୍ଗ୍ ଏରେ ଏରେ ଆଦେସ୍ ସିମାନ୍ ଆଦ୍ ପାଟିନ୍ ପାଲନ୍ କେଗିଙ୍ଗ୍ ସିକିୟା ସି ସିସୁ କେୟୁର୍। ଏତାସିମାଣ୍ତୁର୍, ଆନ୍ ପାଟିନ୍‌ବେଲ୍ ଇମ୍‌ଗୁଲ୍‌ନା ସାଙ୍ଗେନ୍ ସାଙ୍ଗେନ୍ ମାୟାନ୍।”

![](https://cdn.door43.org/obs/jpg/360px/obs-en-42-11.jpg)

ଜିସୁ ସାଦାନ୍‌ପେଲ୍‌ଟୁକ୍ ସିଲ୍‌ସି ୪୦ ଦିନ୍ କୁଣ୍ତେଲ୍, ଅଣ୍ତ୍ ଅଣ୍ତୁନେ ସିସୁତୁଲୁଙ୍ଗ୍ ପକେଣ୍ତ୍ ପବିତ୍‌ର ଆତ୍‌ମା ଇମ୍‌ଗୁଲୁଙ୍ଗ୍ ପେଲ୍ ୱାଦା ଆୟ୍‌ବେଲ୍ ଆନ୍ ଆବା ଇମ୍‌ଗୁଲୁଙ୍ଗ୍ ଏରେ ଆରେକ୍ ସକ୍‌ତି ସିୟାଣ୍ତ୍ ଆୟ୍ ଆରେକ୍ ଜିରୁସାଲାମ୍‌ତୁନ୍ ମାଣ୍ତୁର୍, ଆରେ ଜିସୁ ସର୍‌ଗେନ୍ ସେୟଣ୍ତ୍, ଆରେ କାଣ୍ତେକ୍ ମଗୁଲ୍ ଆୟ୍ ଲକୁନ୍ ପେଲ୍‌ଟୁକ୍ ଜିସୁଙ୍ଗ୍ ପାକୁତେ, ଜିସୁ ପାଟିନ୍ ବିସୟ୍ ତୁନ୍ ଅଦିକାର୍ ଏରିଙ୍ଗ୍ ପାଇଟ୍ ମାପ୍‌ରୁନ୍ ତିୟାନ୍ ପାକା ଉଣ୍ତେଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୨୮:୧୬-୨୦; ମାର୍‌କ ୧୬:୧୨-୨୦; ଲୁକ ୨୪:୧୩-୫୩; ଜଅନ୍ ୨୦:୧୯-୨୩; ପେରିତ୍ ୧:୧-୧୧*

## 43. ୪୩- କିସ୍‌ଟାନ୍ ମଣ୍ତଲି ଆରାମ୍‌

https://openbiblestories.org/l/gdb/story-43/

![](https://cdn.door43.org/obs/jpg/360px/obs-en-43-01.jpg)

ଜିସୁ ସରଗ୍‌ତୁନ୍ ସେୟାନ୍ କୁଣ୍ତେଲ୍, ଜିସୁ ଏରେୱାଡିନ୍ ଆଦେସ୍ ସି ମାଟଣ୍ଡ୍‌ ଆୟ୍ ଅନୁସାରେନ୍ ସିସୁତୁଲ୍ ଜିରୁସାଲମ୍‌ତୁନ୍ ମାଟର୍। ବିସ୍‌ୱାସ୍‌ତିଲ୍ ଆମାନ୍ ପାର୍‌ତନା କେଗିଙ୍ଗ୍ ପାୟିଟ୍ ପାଟିନ୍‌ବେଲେନ୍ ରୁଣ୍ଡ୍‌ଏରି ମାଟର୍।

![](https://cdn.door43.org/obs/jpg/360px/obs-en-43-02.jpg)

ନିସ୍‌ତାର୍‌ପାରୁବ୍‌ଟେ ୫୦ ଦିନ୍ କୁଣ୍ତେଲ୍, ବରସ୍‌କେନ୍‌ ଜିଉଦିତିଲ୍ ପେନ୍‌ଟିକସ୍‌ଟ ପିଦିର୍‌ଟେ ଉକୁଟ୍ ମୁକ୍‌ୟାମ୍‌ଟେ ଦିନ୍ ପାଲନ୍ କେଗିନର୍। ପେନ୍‌ଟିକସ୍‌ଟ ଏରିଦା ଆୟ୍ ସମୟ୍ ଏସେବେଲ୍ କି ଜିଉଦିତିଲ୍ ତାସ୍ କୟଣ୍ତି ବେଲେନ୍‌ ପାଲନ୍ କେଗିନର୍। ପେନ୍‌ଟିକସ୍‌ଟ ଉକୁଟ୍‌ପେଲ୍ ପାଲନ୍ କେଗିଙ୍ଗ୍ ପାୟିଟ୍ ସାରା ଜଗତ୍‌ଟୁକ୍ ଜିଉଦିତିଲ୍ ଜିରୁସାଲମ୍‌ତୁନ୍ ୱାନର୍। ଇ ବର୍‌ସ, ଜିସୁ ସରଗ୍‌ତୁନ୍ ସେଞ୍ଜି ଉକୁଟ୍ ସପ୍‌ତା କୁଣ୍ତେଲ୍ ପେନ୍‌ଟିକସ୍‌ଟ ଦିନ୍ ୱାନେ।

![](https://cdn.door43.org/obs/jpg/360px/obs-en-43-03.jpg)

ବିସ୍‌ୱାସିତିଲ୍ ଏସେବେଲ୍ ଉକୁଟ୍‌ପେଲ୍ ମାଟର୍, ଏରେ ଉଲେନ୍ ଆୟ୍‌ଲକ୍ ମାଟର୍ ପେରିନ୍ ୱାଲ୍‌ଟେ ସବଦ୍ ୱାଡ଼଼ିନ୍ ସବଦ୍ ଆୟ୍‌ବାସେନ୍ ଏନେ, ଆରେ କିସ୍ ୱାଡିନ୍ ପାଟିନ୍‌ ବିସ୍‌ବାସି ଲକ୍‌ନେ ନାଙ୍ଗ୍‌ଗିଲ୍ ଏନେୱ୍, ପାଟିଲକ୍ ପବିତ୍‌ର ଆତ୍‌ମାନ୍ ପୁରୁନ୍ ଏନର୍ ଆରେ ୱେନ୍ ୱେନ୍ ବାସାନା ପାଟେ ପକୁଙ୍ଗ୍ ଉଣ୍ତେର୍।

![](https://cdn.door43.org/obs/jpg/360px/obs-en-43-04.jpg)

ଏରେବେଲ୍ ଜିରୁସାଲାମ୍‌ତିନ୍ ମାନ୍‌ଲକ୍ ଇ ଆୱ୍‌ଲି ୱେଟର୍, ଆଟେଲ୍ ଏନାଦ୍ ଏନେ ଏଞ୍ଜି ସୁଡୁଙ୍ଗ୍ ୱାରି ପେଙ୍ଗୁର୍‌ତୁଲ୍ ଜମାଏନର୍, ମାପ୍‌ରୁନେ କାବା କାମେଙ୍ଗ୍ ବିସ୍‌ବାସିତିଲ୍ ପକ୍‌ଦାନ୍ ବେଲ୍ ଲକ୍‌ଗୁଲ୍ ୱେଟର୍, ଆୟ୍‌ଲକ୍ କାବାଏରି ସେୟର୍, ମାତର୍ ଆୟ୍‌ଲକ୍ ନିଜେଟେ ବାସାନାଟ୍‌ ପକାମାନର୍ ଇଦ୍ ଆୟ୍‌ଲକ୍ ୱେଟର୍।

![](https://cdn.door43.org/obs/jpg/360px/obs-en-43-05.jpg)

ଏଙ୍ଗୁର୍‌ତୁଲ୍ ଲକ୍ ପକେର୍ ସିସୁତୁଲ୍ ସର୍‌ଙ୍ଗିମାର୍ ଏଟର୍, ମାତର୍ ପିତର୍ ନିଲ୍‌ସି ଆୟ୍‌ଲକୁଙ୍ଗ୍ ପକେଣ୍ତ୍ “ ଆନ୍ ପାଟେ ୱେଣ୍ତୁର୍, ଇପାଟିନ୍ ଲକ୍ ସର୍‌ଙ୍ଗାର୍, ଇଦ୍ ଜଏଲ୍ ବାବବାଦି ପକଣ୍ତି ବାବବାନି ସପଲ୍ ଏନେ। ଏରେମାନ୍‌କି ମାପ୍‌ରୁ ପକିମାଟଣ୍ତ୍, ସେସ୍‌ବେଲ୍ ଆମ୍ ନିଜେଟେ ଆତ୍‌ମା ଡାଲାସି ସିଦାମ୍।

![](https://cdn.door43.org/obs/jpg/360px/obs-en-43-06.jpg)

ଏଇସ୍‌ରାଏଲ୍ ଲକ୍‌ଗୁଲ୍ ଜିସୁ ଉକୁର୍ ଲକ୍‌ମାଟଣ୍ତ୍ ଅଣ୍ତ୍ ମାପ୍‌ରୁନେ ସକ୍‌ତି ପାୟ୍‌ଏରି ପେଙ୍ଗିଟ୍ କାବା କାମେଲ୍ ପାଟିନ୍ କେନଣ୍ତ୍, ଏନାଦ୍ ସୁଡୁଦାର୍ ଆରେ ପୁଞ୍ଜିମାର୍ ମାତର୍ ଇମ୍‌ଗୁଲ୍ ଅଣ୍ତୁଙ୍ଗ୍ କୁର୍‌ସନ୍ କଟେର୍।

![](https://cdn.door43.org/obs/jpg/360px/obs-en-43-07.jpg)

ଆରେ ଜିସୁ ସାନଣ୍ତ୍ ମାତର୍ ମାପ୍‌ରୁ ଅଣ୍ତୁଙ୍ଗ୍ ସାଦାନ୍ ପେଲ୍‌ଟୁକ୍ ସିଣ୍ତୁତଣ୍ତ୍, ଇଦ୍ ଉକୁଟ୍ ବାବବାନି ସପଲ୍ କେନଣ୍ତ୍, ଏରେଦ୍ କି ଇମେ ପବିତ୍‌ର ଲକୁଙ୍ଗ୍ ସାୟ୍‌ତିନ୍ ସାମୁଙ୍ଗ୍ ସିୟାଣ୍ଡ୍, ମାପ୍‌ରୁ ଜେ ଜିସୁଙ୍ଗ୍ ପୁନ୍ ଜିୱେ ସିମାଣ୍ତ୍, ଆମ୍‌ଗୁଲ୍ ସାକି ମାମ୍।

![](https://cdn.door43.org/obs/jpg/360px/obs-en-43-08.jpg)

“ଇଣ୍ତି ଜିସୁ ଆବାନେ ତିୟାନ୍ ପାକା ଉଣ୍ତିମାଣ୍ତ୍, ଆରେ ଜିସୁ ଏରେୱାଡିନ୍ ପବିତ୍‌ର ଆତ୍‌ମା ସୟ୍‌ତାନ୍ ଏଞ୍ଜି ପକେଣ୍ତ୍, ଆୟ୍ ୱାଡିନ୍ ପବିତ୍‌ର ଆତ୍‌ମା ସୟ୍‌ତଣ୍ତ୍, ଇଣ୍ତି ଇମ୍‌ଗୁଲ୍ ଏରେ ବିସୟ୍ ସୁଡୁଦାର୍ ଆରେ ୱେନିଦାର୍ ଆୟ୍ ପାଟିନ୍ ପବିତ୍‌ର ଆତ୍‌ମା ଗଟାସିମା।

![](https://cdn.door43.org/obs/jpg/360px/obs-en-43-09.jpg)

“ଇ ଜିସୁଙ୍ଗ୍ ଇମ୍‌ଗୁଲ୍ କୁର୍‌ସନ୍ ସସୁସି କଟୁସିମାର୍, ମାତର୍ ନିସୟ୍ ପୁଣ୍ତୁର୍ ଜେ ମାପ୍‌ରୁ ଜିସୁଙ୍ଗ୍‌ ଇରୁଲ୍ ପର୍‌ବୁ ଆରେ କିସ୍‌ଟ!”

![](https://cdn.door43.org/obs/jpg/360px/obs-en-43-10.jpg)

ଲକ୍‌ଗୁଲ୍ ପିତର୍‌ନେ ପାଟେ ୱେଟର୍ ଆରେ ଅଣ୍ତ୍ ପକିମାନଣ୍ତି ପାଟେ ପେରିନ୍ ଦିୟାନ୍‌ନା ସିଏନେ, ଆଦିଙ୍ଗ୍ ଆୟ୍‌ଲକ୍ ପିତରୁଙ୍ଗ୍ ଆରେ ୱେନ୍ ସିସୁତୁଲୁଙ୍ଗ୍ ପାସାର୍‌ତର୍ “ବାଇଲକ୍ ଆମ୍‌ଗୁଲ୍ ଏନାଦ୍ କେଦାମ୍?”

![](https://cdn.door43.org/obs/jpg/360px/obs-en-43-11.jpg)

ପିତର୍ ଆୟ୍‌ଲକୁଙ୍ଗ୍ ଉତର୍ ସିନଣ୍ତ୍ “ଇମ୍‌ଗୁଲ୍ ପାଟିନ୍‌ଲକ୍ ଜିସୁକିସ୍‌ଟନେ ପିଦିର୍‌ନା ବାପ୍‌ତିସ୍‌ମା ଉୟୁର୍ ଏଟେନ୍ କି ମାପ୍‌ରୁ ଇମ୍‌ଗୁଲୁଙ୍ଗ୍ ପାପ୍‌କେମା ସିଦାଣ୍ତ୍। ଆଦିଙ୍ଗ୍ କୁଣ୍ତେଲ୍ ଅଣ୍ତ୍ ପବିତ୍‌ରଆତ୍ମାନେ ଦାନ୍ ସିଦାଣ୍ତ୍।”

![](https://cdn.door43.org/obs/jpg/360px/obs-en-43-12.jpg)

ପାକାପାକି ୩୦୦୦ ଲକ୍‌ଗୁଲ୍, ପିତର୍ ପକଣ୍ତି ପାଟେ ବିସ୍‌ବାସ୍ କେୟି ଜିସୁନେ ସିସୁ ଏନର୍। ଆୟ୍‌ଲକ୍ ବିସ୍‌ବାସ୍ କେୟି ଜିରୁସାଲମ୍‌ତୁନ୍ ମାନଣ୍ତି ମଣ୍ତଲିଟେ ଉକୁଟ୍ ବାଗ୍‌ ଏନର୍।

![](https://cdn.door43.org/obs/jpg/360px/obs-en-43-13.jpg)

ସିସୁତୁଲ୍ କିର୍‌ଦେନା ପର୍‌ତୁମ୍ ସିସୁତୁଲ୍‌ନେ ସିକିୟା ୱେଟର୍, ଉକୁଟ୍‌ପେଲ୍ ମାଟର୍, ଉକୁଟ୍‌ପେଲ୍ ତିୟର୍, ଆରେ ଉକୁଟ୍‌ପେଲ୍ ପାର୍‌ତନା କେନର୍। ଆୟ୍‌ଲକ୍ ଉକୁଟ୍‌ପେଲ୍ ମାପ୍‌ରୁନେ ପର୍‌ସଙ୍ଗ୍‌ସା କେୟି କିର୍‌ଦେ କେନର୍ ଆରେ ଆୟ୍‌ଲକୁଙ୍ଗ୍ ପେଲ୍ ଏନାଦ୍ ଏନାଦ୍ ମାଟେ ଆଦ୍ ନିଜେନ୍ ନିଜେନ୍ ପାୟ୍‌ସି ଏନର୍। ପାଟିନ୍ ଲକ୍ ଆୟ୍‌ଲକ୍‌ନେ ମଙ୍ଗଲ୍ କାମନା କେଗିନର୍। ପାଟିନ୍‌ଦିନ୍ ଅଦିକ୍ ଅଦିକ୍ ଲକ୍‌ଗୁଲ୍ ବିସ୍‌ବାସ୍ କେଗିନର୍।

*ବାଇବଲ୍‌ଟେ ଉକୁଟ୍ କେରାଲ୍ : ପେରିତ୍ ୨*

## 44. ୪୪- ପିତର ଆରେ ଜଅନ୍ ଉକୁର୍ ବିକ୍‌ପର୍‌ପାକିଙ୍ଗ୍ ନିୟା କେନର୍‌

https://openbiblestories.org/l/gdb/story-44/

![](https://cdn.door43.org/obs/jpg/360px/obs-en-44-01.jpg)

ଦିନେକ୍ ପିତର୍ ଆରେ ଜଅନ୍ ମନ୍ଦିର୍‌ତିନ୍ ସେନ୍‌ନର୍। ଆୟ୍‌ଲକ୍ ଏସେବେଲ୍ ମନ୍ଦିର୍‌ଟେ ଡେୱାନ୍ ସେୟର୍, ଆୟ୍‌ଲକ୍ ଉକୁର୍ ସଟାଙ୍ଗ୍ ବିକ୍ ପର୍‌ପଣ୍ତିଙ୍ଗ୍ ସୁଡେର୍।

![](https://cdn.door43.org/obs/jpg/360px/obs-en-44-02.jpg)

ପିତର୍ ସଟା ଲକୁଙ୍ଗ୍ ସୁଡି ପକେଣ୍ତ୍ “ସିଗିଙ୍ଗ୍ ପାଇଟ୍ ଆନ୍‌ପେଲ୍ ଏନାମେନ୍ ଡାବୁଲ୍ ମାନାୱ୍, ମାତର୍ ଆନେ ଏନାଦ୍ ମାୟା ଆଦ୍ ଆନ୍ ଇନୁଙ୍ଗ୍ ସିଗିଦାନ୍, ନାଜ୍‌ରିତ୍‌ଟେ ଜିସୁନ୍ ପିଦିର୍‌ନା ସିଲ୍‌ସି ତାକ୍।”

![](https://cdn.door43.org/obs/jpg/360px/obs-en-44-03.jpg)

ସାଙ୍ଗେନ୍ ସାଙ୍ଗେନ୍ ମାପ୍‌ରୁ ଅଣ୍ତୁଙ୍ଗ୍ ସୁସ୍‌ତ କେନଣ୍ତ୍, ଆରେ ଅଣ୍ତ୍ ସାରିବେଡ୍‌ତେନ୍ ୱାଲ୍‌କି ୱାଲ୍‌କି ତାକିଙ୍ଗ୍ ଉଣ୍ତେଣ୍ତ୍, ମନ୍ଦିର୍‌ଟେ ଡେୱାନ୍ ମାନ୍‌ଲକ୍ ପାଟିନ୍ କାବା ଏରିସେୟର୍।

![](https://cdn.door43.org/obs/jpg/360px/obs-en-44-04.jpg)

ଏରେଲକ୍ ସୁସ୍‌ତ ଏରିମାଟଣ୍ତ୍ ଅଣ୍ତୁଙ୍ଗ୍ ସୁଡୁଙ୍ଗ୍ ପାଇଟ୍ ପେଙ୍ଗୁର୍‌ତୁଲ୍ ଲକ୍ ଜମା ଏନର୍, ପିତର୍ ଆୟ୍‌ଲକୁଙ୍ଗ୍ ପକେଣ୍ତ୍ “ଇୟଣ୍ତ୍ ସୁସ୍‌ତ ଏତାଲିନ୍ ଇମ୍‌ଗୁଲ୍ ଏନାଦିଙ୍ଗ୍ କାବା ଏରିଦାର୍? ଆମ୍‌ଗୁଲ୍‌ନେ ସକ୍‌ତିନା ଏରା କି ଆମ୍‌ଗୁଲ୍‌ନେ ନିୟାଟେ ପାଇଟ୍ ଏରା ଆମ୍ ସୁସ୍‌ତା କେୟାମ୍ ମାତର୍ ଇଦ୍ ଜିସୁନେ ସକ୍‌ତିନା ଆରେ ଜିସୁନେ ବେର୍‌ଟେ ବିସ୍‌ବାସ୍‌ ଉନିଟ୍ ଅଣ୍ତୁଙ୍ଗ୍ ସୁସ୍‌ତ କେନମ୍।

![](https://cdn.door43.org/obs/jpg/360px/obs-en-44-05.jpg)

“ଇମ୍‌ଗୁଲ୍‌ଇ ଜିସୁଙ୍ଗ୍ ଆଟିଙ୍ଗ୍ ପାଇଟ୍ ରମିୟ ସର୍‌କାରିଙ୍ଗ୍ ପକେର୍, ଇମ୍‌ଗୁଲୁଙ୍ଗ୍‌ ଜିୱେ ସିୟାକିଙ୍ଗ୍ ୱାଟ୍‌ତେନ୍ ଆଟେର୍, ମାତର୍ ଆବା ମାପ୍‌ରୁ ସାଦାନ୍ ପେଲ୍‌ଟୁକ୍ ସିଣ୍ତୁସି ମାଣ୍ତ୍, ଇମ୍‌ଗୁଲ୍ ଏନାଦ୍ ଏନାଦ୍ କେଇମାର୍ ଆଦ୍ ଜଦି ବୁଜ୍‌ଏରି ମାଟର୍‌ମେନ୍ ଆଟେଲ୍ କିସ୍‌ଟ ଜେ ଦୁକ୍ ସୟ୍ଏରି ସାନଣ୍ତ୍ ଇ ବାବବାନିଲ୍ ସପଲ୍ କେଗିଙ୍ଗ୍ ପାଇଟ୍ ମାପ୍‌ରୁ ଇମ୍‌ଗୁଲ୍‌ନେ କାମେଙ୍ଗ୍ ବେବଆର୍ କେନଣ୍ତ୍, ଆଦିଙ୍ଗ୍ ଇଣ୍ତି ଏତାପୁର୍ ଆରେ ମାପ୍‌ରୁନ୍ ପେଲ୍ ମାଣ୍ତି ୱାର୍ ଏଟେନ୍ କି ଇମ୍‌ଗୁଲ୍‌ନେ ପାପ୍ କେମା କେଇଏଦା।”

![](https://cdn.door43.org/obs/jpg/360px/obs-en-44-06.jpg)

ପିତର୍ ଆରେ ଜଅନ୍ ଏନାଦ୍ ପକୁନର୍ ଆଦ୍ ୱେଞ୍ଜି ମନ୍ଦିର୍‌ଟେ ନେତାକିଲ୍ କାବାଏରି ସେଞ୍ଜିମାଟର୍, ଆଦିଙ୍ଗ୍ ଆୟ୍‌ଲକ୍ ଆୟ୍‌ଲକୁଙ୍ଗ୍ ପାତି ଜୟିଲ୍ ଉଲେନ୍ ଇରେର୍, ମାତର୍ ପେଙ୍ଗୁର୍‌ତୁଲ୍ ଲକ୍ ପିତର୍‌ନେ ପାଟେ ୱେଞ୍ଜି ବିସ୍‌ବାସ୍ କେନର୍, ମାତର୍ ଜିସୁଙ୍ଗ୍ ବିସ୍‌ବାସ୍ କେଦାନ୍ ଲକ୍‌ନେ ସକିୟା ୫୦୦୦ ଲକ୍ ମାଟର୍।

![](https://cdn.door43.org/obs/jpg/360px/obs-en-44-07.jpg)

ଆରେକୁଟ୍ ସିରିସ୍ ଜିଉଦି ନେତାକିଲ୍ ପିତର୍ ଆରେ ଜଅନ୍‌ନୁଙ୍ଗ୍ ବେର୍‌ଜାଜକ୍ ଆରେ ୱେନ୍ ଦରମ୍‌ଗୁରୁ ଲକୁନ୍ କାକେଲ୍ ଇନ୍ଦ୍‌ରେର୍, ଆୟ୍‌ଲକ୍ ପିତର୍ ଆରେ ଜଅନୁଙ୍ଗ୍ ପାସାର୍‌ତର୍, “ଏରେ ସକ୍‌ତିନା ଇମ୍‌ଗୁଲ୍ ଇ ମେଟା ଲକୁଙ୍ଗ୍ ସୁସ୍‌ତ କେନର୍?”

![](https://cdn.door43.org/obs/jpg/360px/obs-en-44-08.jpg)

ପିତର୍ ଆୟ୍‌ଲକୁଙ୍ଗ୍ ଉତର୍ ସିନଣ୍ତ୍, “ଇୟଣ୍ତ୍ ଜିସୁ କିସ୍‌ଟନ୍ ସକ୍‌ତିନାଟ୍ ସୁସ୍‌ତ ଏରି ନିଲ୍‌ସି ମାଣ୍ତ୍, ଇମ୍‌ଗୁଲ୍ ଜିସୁଙ୍ଗ୍ କୁରୁସ୍ କାଟ୍‌ତିନ୍ କଟେର୍, ମାତର୍ ମାପ୍‌ରୁ ଅଣ୍ତୁଙ୍ଗ୍ ଆରେତରେକ୍ ଜିୱେସ କେୟି ସିଣ୍ତୁସିମା, ଇମ୍‌ଗୁଲ୍ ଅଣ୍ତୁଙ୍ଗ ଗୁର୍‌ନା କେଇମାର୍, ମାତର୍ ଉଦାର୍ ପାୟ୍‌ଏରିଙ୍ଗ୍ ଜିସୁଙ୍ଗ୍ ସାକାରି ଆରେ ଏୟିରୁଙ୍ଗ୍ ପେଲ୍ ସକ୍‌ତି ମାନା।

![](https://cdn.door43.org/obs/jpg/360px/obs-en-44-09.jpg)

ପିତର୍ ଆରେ ଜଅନ୍ ପେରିନ୍ ସାସ୍‌ନା ପାଟେ ପକଣ୍ତି ସୁଡି ନେତାକିଲ୍ କାବା ଏରିସେୟର୍, ମାତର୍ ଆୟ୍‌ଲକ୍ ସୁଡେର୍ ଜେ ଇ ଲକ୍ ମାମୁଲିଟେ ଲକ୍ ଏରାର୍ ଅସିକିତ୍ ଲକ୍‌ମାନୁଟର୍, ମାତର୍ କୁଣ୍ତେଲ୍ ଆୟ୍‌ଲକ୍ ଏତାତର୍ ଜେ ଇ ଲକ୍ ଜିସୁନାଟ୍ ମାଟର୍, ଆୟ୍‌ଲକ୍ ପିତର୍ ଆରେ ଜଅନୁଙ୍ଗ୍ ଦାମ୍‌କାସି ପକି ସାକାରି ସିନର୍।

*ବାଇବଲ୍‌ଟେ ଉକୁଟ୍ କେରାଲ୍ : ପିତର୍ ୩:୧-୪:୨୨*

## 45. ୪୫- ସ୍‌ତିପାନ୍ ଆରେ ପିଲିପ

https://openbiblestories.org/l/gdb/story-45/

![](https://cdn.door43.org/obs/jpg/360px/obs-en-45-01.jpg)

ଆୟ୍‌ବେଲ୍‌ଟେ ମଣ୍ତଲିନ୍ ନେତାକିଲିନ୍ ପେଲ୍‌ଟୁକ୍ ସ୍‌ତିପାନ୍ ପିଦିର୍‌ଟେ ଉକୁର୍ ଲକ୍ ମାଟଣ୍ତ୍, ଅଣ୍ତ୍ ନିୟାଟଣ୍ତ୍ ମାଟଣ୍ତ୍ ଆରେ ଅଣ୍ତ୍ ପୁରାପୁରି ପବିତ୍‌ର ଆତ୍‌ମାନ୍ ପୁରୁନ୍ ଏରିମାଟଣ୍ତ୍, ସ୍‌ତିପାନ୍ ପେଙ୍ଗିଟ୍ କାବା କାମେଲ୍ କେନଣ୍ତ୍ ଆରେ ସକ୍‌ତିସାଲିନା ବିସାର୍ କେନଣ୍ତ୍ ଏଟେନ୍ କି ଲକ୍‌ଗୁଲ୍ ଜିସୁନ୍ ପେଲ୍ ବିସ୍‌ବାସ୍ କେଦାର୍।

![](https://cdn.door43.org/obs/jpg/360px/obs-en-45-02.jpg)

ଦିନେକ୍ ଉକୁଟ୍‌ପେଲ୍ ସ୍‌ତିପାନ୍ ଜିସୁନ୍ ବିସୟ୍‌ରେନ୍ ସିକିୟା ସିଗିନଣ୍ତ୍, ଆଟେଲ୍ ଜିସୁଙ୍ଗ୍ ପେଲ୍ ବିସ୍‌ବାସ୍ କେୟାଲକ୍ ଏଙ୍ଗୁର୍‌ତୁଲ୍ ଜିଉଦିତିଲ୍ ସ୍‌ତିପାନ୍ ନାଟ୍ ଜୁକ୍‌ତି କେଗିଙ୍ଗ୍ ଉଣ୍ତେର୍, ଆୟ୍‌ଲକ୍ ପେରିନ୍ ରିସାଏରି ମାଟର୍ ଆରେ ସ୍‌ତିପାନିଙ୍ଗ୍ ବିସୟ୍‌ରେନ୍ ଦରମ୍ ଗୁରୁତୁଲୁଙ୍ଗ୍ ପେଲ୍ ମିସ୍ ପାଟେ ପକେର୍, ଆୟ୍‌ଲକ୍ ପକେର୍ ଆମ୍‌ଗୁଲ୍ ଅଣ୍ତ୍ ମସାଙ୍ଗ୍ ଆରେ ମାପ୍‌ରୁନ୍ ବିରଦ୍‌ନା ପକଣ୍ତିଙ୍ଗ୍ ୱେଞ୍ଜିମାମ୍, ଆଟେଲ୍ ଦରମ୍ ଗୁରୁତୁଲ୍ ସ୍‌ତିପାନିଙ୍ଗ୍ ପାତେର୍ ଆରେ ବେର୍‌ଜାଜକ୍ ଆରେ ଜିଉଦି ନେତାକିଲ୍ କାକେଲ୍ ଅଣ୍ତୁଙ୍ଗ୍ ଇନ୍ଦ୍‌ରେର୍ ଆମାନ୍ ସ୍‌ତିପାନିଙ୍ଗ୍ ବିରଦ୍‌ନା ଅଦିକ୍ ମିସ୍‌ପାଟେ ପକେର୍।

![](https://cdn.door43.org/obs/jpg/360px/obs-en-45-03.jpg)

ବେର୍‌ଜାଜକ୍ ସ୍‌ତିପାନିଙ୍ଗ୍ ପାସାର୍‌ତଣ୍ତ୍ “ଇପାଟିନ୍ ପାଟେ ଏନା ସତ୍?” ଅବ୍‌ରାମ୍ ପେଲ୍‌ଟୁକ୍ ଆରାମ୍ କେଇ ଜିସୁନେ ବେଲା ଆରେକ୍ ମାପ୍‌ରୁ ଏରେ ପାଟିନ୍ ବେର୍‌ବେର୍ କାମେଲ୍ କେଇମାଟେ ଆମାଟେ ପେଙ୍ଗିଟ୍ ଏତାସି ସିନଣ୍ତ୍, ଆୟ୍‌ଲକୁଙ୍ଗ୍ ଉତର୍ ସି ପକେଣ୍ତ୍ ଜେ ମାପ୍‌ରୁନ୍ ଲକ୍ ଏରେୱାଡିନ୍ ସାନ୍‌ତିନାଟ୍ ଆଗିୟା ସିଗିନର୍, ଆମାଟୁକ୍ ଅଣ୍ତ୍ ପକେଣ୍ତ୍ ଇୟଣ୍ତ୍ ଆଟ୍‌ୱା ଗର୍‌ବେ ଆରେ ମୁର୍‌କଲକ୍ ଇମ୍‌ଗୁଲ୍ ପାଟିନ୍‌ବେଲ୍ ପବିତ୍‌ର ଆତ୍‌ମାନେ ବିରଦ୍ କେଗିଦାର୍, ଏଟେନ୍‌କି ଇମ୍‌ଗୁଲ୍‌ନେ ଦାଦି ଆନିତିଲ୍ ପାଟିନ୍‌ବେଲ୍ ମାପ୍‌ରୁନ୍ ବିରଦ୍ କେଇ ଆୟ୍‌ଲକ୍‌ନେ ବାବବାଦି କିଲିଙ୍ଗ୍ ଆଟିକାରିନର୍, ମାତର୍ ଆୟ୍‌ଲକୁନ୍ ପେଲ୍‌ଟୁକ୍ ଅଦିକ୍ ଉୟାଟେ କାମେ କେଇମାୟାର୍! ଇମ୍‌ଗୁଲ୍ କିସ୍‌ଟଙ୍ଗ୍ ଆଟିକାରିମାର୍।

![](https://cdn.door43.org/obs/jpg/360px/obs-en-45-04.jpg)

ଏସେବେଲ୍ ଦରମ୍‌ନେତାଲକ୍ ଇ ପାଟେ ୱେଟର୍, ଆୟ୍‌ଲକ୍ ପେରିନ୍ ରିସା ଏନର୍ ଜେ ଆୟ୍‌ଲକ୍ ଆୟ୍‌ଲକ୍‌ନେ କେକଲୁଙ୍ଗ୍ ସୁଟା ଏରି ପେରିନ୍ ଆୱ୍‌ଲି ଏନର୍। ଆୟ୍‌ଲକ୍ ସ୍‌ତିପାନିଙ୍ଗ୍ ଗଡ୍ ବାହାରେନ୍ ତିଣ୍ତି ଉନର୍ ଆରେ ଅଣ୍ତୁଙ୍ଗ୍ ଆଟିଙ୍ଗ୍ ପାୟିଟ୍ କାଣ୍ତ୍‌କିଲ୍ ଏୟ୍‌କେର୍।

![](https://cdn.door43.org/obs/jpg/360px/obs-en-45-05.jpg)

ସ୍‌ତିପାନ ସାଦାନ୍ ସମୟ୍‌ରେନ୍ ପେରିନ୍ ପଲେନା ଆୱ୍‌ଲି ଏନଣ୍ତ୍ ଆରେ ପକେଣ୍ତ୍, “ହେ ଜିସୁ, ଆନ୍ ଆତ୍ମାଙ୍ଗ୍ ଗରନ୍ କେ। ଆଦିଙ୍ଗ୍ କୁଣ୍ତେଲ୍ ଅଣ୍ତ୍ ୱାଙ୍ଗୁସୁଲ୍ କୁଟି ଆରେତରେକ୍ ପେରିନ୍ ଆଉଲିରେନ୍ ପକେଣ୍ତ୍ “ହେ ପର୍‌ବୁ, ଇ ପାପ୍ ଆୟ୍‌ଲକ୍‌ନେ ବିରଦ୍‌ରେନ୍ ଏଜାମେନ୍।” ଆଦିଙ୍ଗ୍ କୁଣ୍ତେଲ୍ ଅଣ୍ତ୍ ସାୟିସେୟଣ୍ତ୍।

![](https://cdn.door43.org/obs/jpg/360px/obs-en-45-06.jpg)

ସାଉଲ୍ ପିଦିର୍‌ଟଣ୍ତ୍ ଉକୁର୍ ସ୍‌ତିପାନିଙ୍ଗ୍ ଆଟିକାର୍‌ଦାନ୍‌ ଲକ୍‌ନାଟ୍ ମିସ୍‌ଏରି ମାଟଣ୍ତ୍, ଏଇଣ୍ତ୍ ଆଟିକାରାକ୍ ଆଟ୍‌ଦାନ୍‌ବେଲ୍ ଆୟ୍‌ଲକ୍‌ନେ ବସ୍‌ତର୍‌ଗୁଲ୍ କାକିନଣ୍ତ୍, ଆୟ୍‌ସିରିସ୍ ଜିରୁସାଲାମ୍‌ତୁନ୍ ମାନ୍ ଲକ୍‌ଗୁଲ୍ ଜିସୁନେ ଅନୁଗ୍‌ର ପାୟ୍‌ଏଦାନ୍ ଲକୁଙ୍ଗ୍ ନିନ୍ଦାକେଗିଙ୍ଗ୍ ଆରାମ୍ କେନର୍, ଆଦିଙ୍ଗ୍ ବିସ୍‌ବାସି ଲକ୍ ୱେନ୍ ୱେନ୍ ବାସେନ୍ ୱେଟେର୍, ମାତର୍ ଇ ପାଟିନ୍ ଲକ୍ ଏରେ ଏରେ ବାସେନ୍ ସେୟର୍ ଆୟ୍‌ବାସେନ୍ ଜିସୁଙ୍ଗ୍ ପର୍‌ସାର୍ କେଗିଙ୍ଗ୍ ଆରାମ୍ କେନର୍।

![](https://cdn.door43.org/obs/jpg/360px/obs-en-45-07.jpg)

ଜିସୁନେ ଉକୁର୍ ସିସୁ ଅଣ୍ତୁନ୍ ପିଦିର୍ ପିଲିପ୍ ଜିରୁସାଲାମ୍‌ଟୁକ୍ ତାଡ୍‌ନା ଏଦାନ୍ ପାଇଟ୍ ୱେଟି ସେୟାନ୍ ବିସ୍‌ବାସି ଲକୁଙ୍ଗ୍ ପେଲ୍‌ଟୁ ଉକୁର୍ ମାଟଣ୍ତ୍, ଅଣ୍ତ୍ ସମରିୟାନ୍ ସେଞ୍ଜି ଆମାନ୍ ଜିସୁନ୍ ବିସୟ୍‌ରେନ୍ ପର୍‌ସାର୍‌ କେନଣ୍ତ୍ ଆରେ ପେଙ୍ଗୁର୍‌ତୁଲ୍ ଲକ୍ ଉଦାର୍ ପାୟ୍‌ଏନର୍, ଆମାଟୁକ୍ ଦିନେକ୍ ମାପ୍‌ରୁନେ ଦୁତ୍ ଉକୁଟ୍ ପିଲିପ୍‌ପୁନ୍ କାକେଲ୍ ୱାରି ମରୁବାସେ ସି ସେନିଙ୍ଗ୍ ପାଇଟ୍ ପକେଟଣ୍ଡ୍, ଅଣ୍ତ୍ ଏସେବେଲ୍ ଆୟ୍‌ପାୱ୍‌ସି ସେୟାନ୍‌ବେଲ୍ ପିଲିପ୍ ସୁଡେଣ୍ତ୍ ଜେ ଇତିପିୟ ପିୟାଟେ ରାଜା ପରିବାର୍‌ଟୁକ୍ ଉକୁର୍ ବେର୍‌ପଦ୍ ପାୟ୍‌ଏରାକ୍ ଆୟ୍‌ପାୱ୍ ସି ୱାରିନଣ୍ତ୍, ଅଣ୍ତୁନ୍ କାକେଲ୍ ସେଞ୍ଜି ଅଣ୍ତୁନାଟ୍ ପାର୍‌କିଙ୍ଗ୍ ପବିତ୍‌ର ଆତ୍‌ମା ପିଲିପ୍‌ପୁଙ୍ଗ୍ ପକେଟେ।

![](https://cdn.door43.org/obs/jpg/360px/obs-en-45-08.jpg)

ଇତିଓପିୟା ଅଣ୍ତୁନେ ଉଲେନ୍ ସେନିଙ୍ଗ୍ ଉଣ୍ତେଣ୍ତ୍, ଅଣ୍ତ୍ କିର୍‌ଦେ ଏନଣ୍ତ୍ ଅଣ୍ତ୍ ଜିସୁଙ୍ଗ୍ ପୁଟଣ୍ତ୍।

![](https://cdn.door43.org/obs/jpg/360px/obs-en-45-09.jpg)

ପିଲିପ୍‌ପ ଏରେବେଲ୍ ରତ୍ କାକେଲ୍ ସେୟଣ୍ତ୍, ଆୟ୍ ଇତିପିୟା ଲକ୍ ଜିସାୟ ବାବବାଦିନେ ପୁସ୍‌ତକ୍ ପଡ୍‌ଏରଣ୍ତିଙ୍ଗ୍ ୱେଟଣ୍ତ୍ ଆରେ ପଡ୍‌ଏରଣ୍ତିଙ୍ଗ୍ ସୁଡେଣ୍ତ୍, ଆୟ୍‌ଲକ୍ ମେଣ୍ତା ୱାଡିନ୍ ଅଣ୍ତୁଙ୍ଗ୍ କାତିଙ୍ଗ୍ ଉନର୍, ଆରେ କିଟ୍‌କେଏରି ମାନଣ୍ତି ମେଣ୍ତା ୱାଡିନ୍ ଏନାମେନ୍ ପାଟେ ପକୁଟଣ୍ତ୍, ଆୟ୍‌ଲକ୍ ଆଣ୍ତୁଙ୍ଗ୍ ଗୁର୍‌ନା କେନର୍ ଆରେ ଅଣ୍ତୁଙ୍ଗ୍ ସମାଦାନ୍ କେୟୁଟର୍, ଆୟ୍‌ଲକ୍ ଅଣ୍ତୁନ୍ ପେଲ୍‌ଟୁକ୍ ଅଣ୍ତୁନେ ଜିୱେ ଉନର୍।

![](https://cdn.door43.org/obs/jpg/360px/obs-en-45-10.jpg)

ପିଲିପ୍ ଆୟ୍ ଇତିଓପିୟାଟଣ୍ଡୁଙ୍ଗ୍ ପାସାର୍‌ତଣ୍ତ୍ ଇନ୍ ଏନାଦ୍ ପଡ୍‌ଏରିଦାଟ୍ ଆଦ୍‌ଏନା ବୁଜ୍‌ଏରିଦାଟ୍? ଆୟ୍ ଇତିଓପିୟା ପକେଣ୍ତ୍, ମାନା ଆନୁଙ୍ଗ୍ ଏଇଣ୍ତ୍ ବୁଜାପା ଆରେକ୍ ଆନ୍ ବୁଜ୍‌ଏରାନ୍, ଦୟାକେଇ ଆନ୍ କାକେଲ୍ ୱାରି ଉଣ୍ତ୍, ଜିସାୟ୍ ନିଜେଟେ ବିସୟ୍‌ନା ଲେକାସିମାଣ୍ତ୍ କି ଆରେ ଏଇର୍‌ନେ ବିସୟ୍‌ନା ଇଦ୍ ଲେକାସିମାଣ୍ତ୍? ପିଲିପ୍ ଅଣ୍ତୁଙ୍ଗ୍ ବୁଜାସି ପକେଣ୍ତ୍ ଜିସାୟ୍ ଜିସୁନ୍ ବିସୟ୍‌ରେନ୍ ଇଦ୍ ଲେକାସିମାଣ୍ତ୍।

![](https://cdn.door43.org/obs/jpg/360px/obs-en-45-11.jpg)

ଜିସୁନ୍ ବିସୟ୍‌ନା ମାନଣ୍ତି ନିୟାଟେ କାବୁର୍ ପକୁଙ୍ଗ୍ ପାଇଟ୍ ପିଲିପ୍ ୱେନ୍ ସାସ୍‌ତର୍‌ଟୁକ୍ ବୁଜାତଣ୍ତ୍, ଏରେବେଲ୍ ପିଲିପ୍ ଆରେ ଇତିଓପିୟାଟଣ୍ଡ୍‌ନା ସେନ୍‌ର୍ ଆୟ୍‌ଲକ୍ ଉକୁଟ୍ ନିର୍ ମାନଣ୍ତି ବାସେନ୍ ୱାନର୍।

![](https://cdn.door43.org/obs/jpg/360px/obs-en-45-12.jpg)

ଇତିଓପିୟାଟଣ୍ଡ୍‌ ପକେଣ୍ତ୍ “ସୁଡ୍, ଇମାନ୍ ନିର୍‌ମାୟା ଆନ୍ ବାପ୍‌ତିସ୍‌ମ ଉଗୁଙ୍ଗ୍ ଅଡ୍‌ତାନ୍ କି?” ଆରେ ଅଣ୍ତ୍ ରତ୍ ସାଲାପାକିଙ୍ଗ୍ ନିଣ୍ତୁକୁଙ୍ଗ୍ ପକେଣ୍ତ୍, ଆଟେଲ୍ ଆୟ୍‌ଲକ୍ ନିର୍ କାକେଲ୍ ଇଡ୍‌ଗି ସେୟର୍, ପିଲିପ୍ ଆୟ୍ ଇତିଓପିୟାଟଣ୍ଡୁଙ୍ଗ୍ ବାପ୍‌ତିସ୍‌ମ ସିନଣ୍ତ୍।

![](https://cdn.door43.org/obs/jpg/360px/obs-en-45-13.jpg)

ଆୟ୍‌ଲକ୍ ନିର୍‌ଟୁକ୍ ପେସି ୱାଦାନ୍‌ବେଲ୍ ପବିତ୍‌ର ଆତ୍‌ମା ପିଲିପ୍‌ପୁଙ୍ଗ୍ ୱେନ୍ ଉକୁଟ୍ ବାସେନ୍ ପାତିସେଣ୍ତେ, ଏରେମାନ୍ ଅଣ୍ତ୍‌ ଜିସୁଙ୍ଗ୍ ବିସୟ୍‌ରେନ୍ ଲକ୍‌ଗୁଲୁଙ୍ଗ୍ ସାନ୍‌ତିନା ମାନିଙ୍ଗ୍ ପକେଣ୍ଡ୍‌, ଇତିଓପିୟା ଅଣ୍ତୁନେ ଉଲେନ୍ ସେନିଙ୍ଗ୍ ଉଣ୍ତେଣ୍ତ୍, ଅଣ୍ତ୍ କିର୍‌ଦେ ଏନଣ୍ତ୍ ଅଣ୍ତ୍ ଜିସୁଙ୍ଗ୍ ପୁଟଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍ : ପେରିତ୍ ୬:୮-୮:୫; ୮:୨୬-୪୦,*

## 46. ୪୬- ସାଉଲ୍ ଜିସୁନେ ସିସୁ ଏରଣ୍ଡି

https://openbiblestories.org/l/gdb/story-46/

![](https://cdn.door43.org/obs/jpg/360px/obs-en-46-01.jpg)

ଅଣ୍ତ୍ ଜିସୁଙ୍ଗ୍ ପେଲ୍ ବିସ୍‌ବାସ୍ କେଉଟଣ୍ତ୍, ଆଦିଙ୍ଗ୍ ଅଣ୍ତ୍ ବିସ୍‌ବାସି ଲକୁଙ୍ଗ୍ ତାଡ୍‌ନା କେଗିନଣ୍ତ୍, ଆୟାଲ୍ ଆରେ ମାଗିଣ୍ଡିଙ୍ଗ୍ ଇରୁଲୁଙ୍ଗ୍ କାଟି ଇନ୍ଦିରିଙ୍ଗ୍ ଅଣ୍ତ୍ ଜିରୁସାଲାମ୍‌ତୁନ୍ ମାନଣ୍ତି ବିସ୍‌ବାସି ଉଲେକିଲିଙ୍ଗ୍ ନାନିନଣ୍ତ୍ ଆରେ ଜୟିଲ୍ ଉଲେନ୍ ବନ୍ଦିକେଗିନଣ୍ତ୍, ଦମେସ୍‌କତୁନ୍‌ ମାନଣ୍ତି କିରିସ୍‌ଟାନ୍ ଲକୁଙ୍ଗ୍ ସାଉଲ୍ ପାତି ଜିରୁସାଲାମ୍‌ତୁନ୍ ଇନ୍ଦିରିଙ୍ଗ୍ ଅଡ୍‌ତାର୍ ଆଦିଙ୍ଗ୍ ପାଇଟ୍ ଆୟ୍ ବେର୍‌ଜାଜକ୍ ଅଣ୍ତୁଙ୍ଗ୍ ଆଦେସ୍ ସିମାଟଣ୍ତ୍, ସାଉଲ୍ ଏରେବେଲ୍ ଦମେସ୍‌କ ସେୟାନ୍ ପାୱ୍‌ତୁନ୍ ଆକାସ୍‌ଟୁକ୍ ଉକୁଟ୍ ପେରିନ୍ ୱିଣ୍ତ୍ ଅଣ୍ତୁନ୍ ସାରିବେଡ୍‌ତେନ୍ ୱିଣ୍ତ୍ କେନେ ଆଟେଲ୍ ଅଣ୍ତ୍ ବାସେନ୍ ଇଲେଣ୍ତ୍।

![](https://cdn.door43.org/obs/jpg/360px/obs-en-46-02.jpg)

ଏଇର୍ ଉକୁର୍ ସାଉଲୁଙ୍ଗ୍ ପକଣ୍ତି ୱେଟଣ୍ତ୍, ସାଉଲ୍ ସାଉଲ୍ ଇନ୍ ଏନାଦିଙ୍ଗ୍ ଆନୁଙ୍ଗ୍ ତାଡ୍‌ନା କେଗିଦାଟ୍?” ସାଉଲ୍ ପାସାର୍‌ତଣ୍ତ୍ “ପର୍‌ବୁ ଇନ୍ ଏଇର୍?” ଜିସୁ ଉତର୍ ସିନଣ୍ତ୍ “ଆନ୍ ଜିସୁ। ଇନ୍ ଆନୁଙ୍ଗ୍ ତାଡ୍‌ନା କେଗିଦାଟ୍ ସାଉଲ୍ ଏରେବେଲ୍ ସିଲ୍‌ତଣ୍ତ୍ ଆଟେଲ୍ ଅଣ୍ତ୍ ଏନାଦ୍‌ମେନ୍ ସୁଡୁଙ୍ଗ୍ ଅଡୁଟଣ୍ତ୍।

![](https://cdn.door43.org/obs/jpg/360px/obs-en-46-03.jpg)

ଅଣ୍ତୁଙ୍ଗ୍ ତାମ୍‌ସାଙ୍ଗତୁଲ୍ ଦମେସ୍‌କସ୍‌ତୁନ୍ ପାତିସେୟର୍, ସାଉଲ୍ ତିନ୍‌ଦିନ୍ ଆରେକ୍ ଏନାଦ୍ ମେନ୍ ତିନୁଟଣ୍ତ୍ ଆରେ ଉନୁଟଣ୍ତ୍, ଅନନିୟ ପିଦିର୍‌ଟଣ୍ତ୍ ଉକୁର୍ ସିସ୍‌ୟ ଦମେସ୍‌କସ୍‌ତୁନ୍ ମାନଣ୍ତ୍।

![](https://cdn.door43.org/obs/jpg/360px/obs-en-46-04.jpg)

ମାପ୍‌ରୁ ଅଣ୍ତୁଙ୍ଗ୍ ପକେଣ୍ଡ୍‌ “ସାଉଲ୍ ମାନଣ୍ତି ଉଲେନ୍ ସେନ୍, ଅଣ୍ତୁନ୍ ପୟିତାନ୍ କିଇ ଇର୍ ଅଣ୍ତ୍ ଏଟେନ୍ କାନୁଲ୍ ସୁଡୁଙ୍ଗ୍ ଅଡ୍‌ତାଣ୍ତ୍, ମାତର୍ ଅନନିୟା ପକେଣ୍ତ୍, “ପର୍‌ବୁ, ଇଲକ୍ ଏରେୱାଡିନ୍ ବିସ୍‌ବାସ୍ ଲକୁଙ୍ଗ୍ ତାଡ୍‌ନା କେଗିଦାଣ୍ତ୍ ଆନ୍ ପୁୟାନ୍, ମାପ୍‌ରୁ ଅଣ୍ତୁଙ୍ଗ୍ ଉତର୍ ସିନେ, ସେନ୍ ଜିଉଦି ଆରେ ୱେନ୍‌ଲକୁଙ୍ଗ୍ କାକେଲ୍ ଆନେ ପିଦିର୍ ୱେଣ୍ତୁକୁଙ୍ଗ୍ ପାଇଟ୍ ଆନ୍ ଅଣ୍ତୁଙ୍ଗ୍ ଆସ୍‌କିମାନ୍, ଅଣ୍ତ୍ ଆନ୍ ପିଦିର୍‌ନାଟ୍ ଅଣ୍ତ୍ ପେରିନ୍ ଦୁକ୍ କସଟ୍ ପାୟ୍‌ଏଦାଣ୍ତ୍, ଆଟେଲ୍ ଅନନିୟ ସାଉଲ୍ ମାନଣ୍ତି ଉଲେନ୍ ସେୟଣ୍ତ୍, ଅଣ୍ତୁନ୍ ପୟିତାନ୍ କିଇ ଇରେଣ୍ତ୍ ଆରେ ପକେଣ୍ତ୍, ଇନ୍ ଇମାନ୍ ୱାଦାନ୍‌ବେଲ୍ ଏରେ ଜିସୁ ଇନୁଙ୍ଗ୍ ଦର୍‌ସନ୍ ସିନଣ୍ତ୍, ଅଣ୍ତ୍ ଆନୁଙ୍ଗ୍ ଇନ୍‌କାକେଲ୍ ସୟ୍‌ସିମାଣ୍ତ୍ ଆରେତରେକ୍ ଏଟେନ୍ କାନୁଲ୍ ସୁଡୁଙ୍ଗ୍ ଅଡ୍‌ତାଟ୍ ଆରେ ପବିତ୍‌ର ଆତ୍‌ମାନ୍ ପୁରୁନ୍ ଏରିଙ୍ଗ୍ ଅଡ୍‌ତାଟ୍।

![](https://cdn.door43.org/obs/jpg/360px/obs-en-46-05.jpg)

ସାଉଲ୍ ସାଙ୍ଗେନ୍ ସାଙ୍ଗେନ୍ ସୁଡୁଙ୍ଗ୍ ଅଡ୍‌ତଣ୍ତ୍, ଆରେ ଅନନିୟ ଅଣ୍ତୁଙ୍ଗ୍ ବାପ୍‌ତିସ୍‌ମ ସିନଣ୍ତ୍। ଆଦିଙ୍ଗ୍ କୁଣ୍ତେଲ୍ ସାଉଲ୍ କାଣ୍ଡେକ୍ କାଦି ତିୟଣ୍ତ୍ ଆରେ ସକ୍‌ତି ଏନଣ୍ତ୍। ଆମାଟୁକ୍ ସାଉଲ୍ ଦମେସ୍‌କସ୍‌ତୁନ୍ ମାନଣ୍ତି ଜିଉଦିତିଲିଙ୍ଗ୍ ପେଲ୍ ପର୍‌ସାର୍ କେଗିଙ୍ଗ୍ ଆରାମ୍ କେନଣ୍ତ୍ “ଜିସୁ ଇ ମାପ୍‌ରୁନେ ସେପାଲ୍।”

![](https://cdn.door43.org/obs/jpg/360px/obs-en-46-06.jpg)

ଏରେ ଲକ୍ ବିସ୍‌ୱାସିଲକୁଙ୍ଗ୍ ବିନାସ୍ କେଗିଙ୍ଗ୍ ପାୟିଟ୍ ସେସ୍‌ଟା କେଗିନଣ୍ତ୍ ଆରେ ଅଣ୍ତ୍ ଜେ ଇଣ୍ତି ଜିସୁଙ୍ଗ୍ ପେଲ୍ ବିସ୍‌ବାସ୍ କେନଣ୍ତ୍ ଆୟ୍ ବିସୟରେନ୍ ଜିଉଦିତିଲ୍ ବକୁୱା ଏନର୍। ସାଉଲ୍ ଜିଉଦିଲକ୍‌ନା କିର୍‌ମାର୍ ଏରି ପାର୍‌ମାନ୍ କେନଣ୍ତ୍ ଜେ ଜିସୁ ଇ କିସ୍‌ଟ। ପେଙ୍ଗିଟ୍ ତର୍ ସାଉଲୁଙ୍ଗ୍ ୱାଟ୍‌ତେନ୍ ଆଟିଙ୍ଗ୍ ପାୟିଟ୍ ଜିଉଦିତିଲ୍ ଜଜ୍‌ନା କେନର୍।

![](https://cdn.door43.org/obs/jpg/360px/obs-en-46-07.jpg)

ଆୟ୍‌ଲକ୍ ଅଣ୍ତୁଙ୍ଗ୍ ଆଟିଙ୍ଗ୍ ପାୟିଟ୍ ଗଡ୍‌ଟେ ଡେୱାନ୍ କାକିଙ୍ଗ୍ ପାୟିଟ୍ ଲକୁଙ୍ଗ୍ ସୟତର୍। ମାତର୍ ସାଉଲ୍ ଆୟ୍ ଜଜ୍‌ନା ବିସୟରେନ୍ ୱେନିଙ୍ଗ୍ ଅଡ୍‌ତଣ୍ତ୍, ଆରେ ଆମାଟୁକ୍ ସେନିଙ୍ଗ୍ ପାୟିଟ୍ ଅଣ୍ତୁନେ ସାଙ୍ଗତୁଲ୍ ସାଇଜ କେନର୍। ଉକୁଟ୍ ନାର୍‌କାମ୍ ଆୟ୍‌ଲକ୍ ଉକୁଟ୍ ସାଟ୍‌ନିନ୍ ଅଣ୍ତୁଙ୍ଗ୍ ପେୟ୍‌ପୁଲ୍‌ ପୟ୍‌ତାଟୁକ୍ କିଡିନ୍ ଇଡିଗ୍‌ସି ସିନର୍। ସାଉଲ୍ ଦମେସ୍‌କସ୍‌ଟୁକ୍ ସେୟାନ୍ କୁଣ୍ତେଲ୍, ଅଣ୍ତ୍ ଜିସୁନେ ବିସୟରେନ୍ ପର୍‌ସାର କେଗିଙ୍ଗ୍ ଉଣ୍ଡେଣ୍ଡ୍‌। ସାଉଲ୍ ସିସୁତୁଲ୍‌ନା ବେଟ୍ ଏରିଙ୍ଗ୍ ପାୟିଟ୍ ଜିରୁସାଲମ୍ ସେୟଣ୍ତ୍, ମାତର୍ ଆୟ୍‌ଲକ୍ ଅଣ୍ତୁଙ୍ଗ୍ ନାର୍‌ସିନର୍।

![](https://cdn.door43.org/obs/jpg/360px/obs-en-46-08.jpg)

ଆଦିଙ୍ଗ୍ କୁଣ୍ତେଲ୍ ବର୍‌ନବା ପିଦିର୍‌ଟଣ୍ତ୍ ଉକୁର୍ ବିସ୍‌ୱାସି ସିସୁତୁଲୁଙ୍ଗ୍ କାକେଲ୍ ସାଉଲଙ୍ଗ୍ ଅର୍‌ଗି ଉନଣ୍ତ୍ ଆରେ ଆୟ୍‌ଲକୁଙ୍ଗ୍ ପକେଣ୍ତ୍ ଜେ ଅଣ୍ତ୍ ଏଟେନ୍ ଦମେସ୍‌କ ପେଲ୍ ସାଆସ୍‌ନା ପର୍‌ସାର୍ କେୟିମାଟଣ୍ଡ୍‌। ଆଦିଙ୍ଗ୍ କୁଣ୍ତେଲ୍, ସିସୁତୁଲ୍ ସାଉଲୁଙ୍ଗ୍ ଗରନ୍ କେନର୍। ଏରେ ବିସ୍‌ବାସିତିଲ୍ କି ତାଡନା ସୟ୍‌ଏରିଙ୍ଗ୍ ଅଡାଏଙ୍ଗ୍ ଜିରୁସାଲମ୍ ସାକାରି ୱେଟି ମାଟର୍, ଆୟ୍‌ଲକ୍ ଆନ୍ତିୟକିଆ ଆରେକ୍ ସେଞ୍ଜି ଜିସୁନେ ବିସୟ୍‌ରେନ୍ ପର୍‌ସାର୍ କେଗିଙ୍ଗ୍ ଉଣ୍ଡ୍‌ର୍।

![](https://cdn.door43.org/obs/jpg/360px/obs-en-46-09.jpg)

ଆନ୍ତିୟକିଆତୁନ୍ ମାନଣ୍ତି ପେଙ୍ଗୁର୍‌ତୁଲ୍ ଲକ୍ ଜିଉଦି ଏରାର୍, ମାତର୍ ପର୍‌ତୁମ୍ ତର୍ ପାୟିଟ୍ ଆୟ୍‌ଲକୁଙ୍ଗ୍ ପେଲ୍‌ଟୁକ୍ ପେଙ୍ଗୁର୍‌ତୁଲ୍ ବିସ୍‌ୱାସି ଏନର୍। ବର୍‌ନବା ଆରେ ସାଉଲ ଆମାନ୍ ମାନଣ୍ତି ପୁନ୍ ବିୱାସିତିଲିଙ୍ଗ୍ ଜିସୁନେ ବିସୟ୍‌ରେନ୍ ଅଦିକ୍ ସିକିୟା ସିଗିଙ୍ଗ୍ ପାୟିଟ୍ ଆରେ ମଣ୍ତଲିଙ୍ଗ୍ ଡାଟ୍‌ନା ସାନ୍ଦୁକୁଙ୍ଗ୍ ପାୟିଟ୍ ସେୟର୍। ଆନ୍ତିୟକିଆ ମଣ୍ତଲିନ୍ ମାନଣ୍ତି ବିୱାସିତିଲିଙ୍ଗ୍ ପର୍‌ତୁମ୍ “କିରିସ୍‌ଟିୟାନ୍” ଏଞ୍ଜି ପକେର୍। ଦିନେକ୍, ଆନ୍ତିୟକିଆ ମଣ୍ତଲିନ୍ ମାନଣ୍ତି କିରିସ୍‌ଟିୟାନ୍ ଲକ୍‌ଗୁଲ୍ ଉପାସ୍ ପାର୍‌ତନା କେଦାନ୍ ବେଲେନ୍ ପବିତ୍‌ରଆତ୍‌ମା ଆୟ୍‌ଲକୁଙ୍ଗ୍ ପକେଣ୍ତ୍, ବର୍‌ନବା ଆରେ ସାଉଲୁଙ୍ଗ୍ ଏରେ କାମେ ପାୟିଟ୍ ଆନ୍ ଆସ୍‌କିମାନ୍ କି ଆର୍‌ଗିମାନ୍ ଆଦିଙ୍ଗ୍ ପାୟିଟ୍ ଆୟ୍‌ଲକୁଙ୍ଗ୍ ଆନ୍ ପାୟିଟ୍ ୱେନେଲ୍ କେୟୁର୍।”

![](https://cdn.door43.org/obs/jpg/360px/obs-en-46-10.jpg)

ଆଦିଙ୍ଗ୍ ଆନ୍ତିୟକିଆ ମଣ୍ତଲି ବର୍‌ନବା ଆରେ ସାଉଲୁଙ୍ଗ୍ ପାୟିଟ୍ ପାର୍‌ତନା କେୟି ଆୟ୍‌ଲକୁଙ୍ଗ୍ ପେଲ୍ ସର୍‌ପାସିନର୍। ଆଦିଙ୍ଗ୍ କୁଣ୍ତେଲ୍ ଆୟ୍‌ଲକ୍ ପେଙ୍ଗିଟ୍ ବାସେଲ୍‌ତିନ୍ ସେଞ୍ଜି ଜିସୁନେ ବିସୟ୍‌ରେନ୍ ନିୟାଟେ କାବୁର୍ ୱେଣ୍ତୁକୁଙ୍ଗ୍ ପାୟିଟ୍ ଆୟ୍‌ଲକୁଙ୍ଗ୍ ସୟ୍‌ତର୍। ବର୍‌ନବା ଆରେ ସାଉଲ ପେଙ୍ଗିଟ୍ ୱେନ୍ ୱେନ୍ ଲକ୍‌ଦଲ୍ ପେଲ୍ ସେଞ୍ଜି ସିକିୟା ସିଗିଙ୍ଗ୍ ଉଣ୍ଡେର୍ ଆରେ ପେଙ୍ଗିଟ୍ ଲକ୍‌ଗୁଲ୍ ଜିସୁଙ୍ଗ୍‌ପେଲ୍ ବିସ୍‌ବାସ୍ କେଗିଙ୍ଗ୍ ଉଣ୍ତେର୍।

*ବାଇବଲ୍‌ଟେ ଉକୁଟ୍ କେରାଲ୍ : ପେରିତ୍ ୮:୩; ୯:୧-୩୧;୧୧:୧୯-୨୬; ୧୩:୧-୩୪୭*

## 47. ୪୭- ପାଉଲ୍ ଆରେ ସିଲା ପିଲିପ୍‌ପି ଗଡ୍‌ତୁନ୍

https://openbiblestories.org/l/gdb/story-47/

![](https://cdn.door43.org/obs/jpg/360px/obs-en-47-01.jpg)

ଦିନେକ୍ ପାଉଲ୍ ଆରେ ଅଣ୍ତୁନେ ସାଙ୍ଗ ସିଲା ପିଲିପ୍ ଗଡ୍‌ତୁନ୍ ଜିସୁନେ ପର୍‌ସାର୍ କେଗିଙ୍ଗ୍ ଉଣ୍ତେର୍, ଆୟ୍‌ଲକ୍ ଗଡ୍‌ଟେ ୱେନେଲ୍‌ଟେ ପେରେଟ୍ ପାଲିନ୍ ମାନଣ୍ତି ଉକୁଟ୍ ବାସେନ୍ ସେୟର୍ ଆମାନ୍ ଲକ୍‌ଗୁଲ୍ ପାର୍‌ତନା କେଗିଙ୍ଗ୍ ପାଇଟ୍ ରୁଣ୍ତ୍‌ଏନର୍, ଆମାନ୍ ଆୟ୍‌ଲକ୍ ଲୁଦିୟା ପିଦିର୍‌ଟେ ଉକୁଟ୍ ଆସ୍‌ମାଲିଙ୍ଗ୍ ବେପାର୍ କେୟଣ୍ତିଙ୍ଗ୍ ସୁଡେର୍, ଆଦ୍ ମାପ୍‌ରୁଙ୍ଗ୍ ଲାଡ୍ କେଗିନେ ଆରେ ଉପାସନା କେଗିନେ, ଜିସୁଙ୍ଗ୍ ବିସୟ୍‌ରେନ୍ ଏଟେନ୍ ଲୁଦିୟା ବିସ୍‌ବାସ୍ କେଦା, ଆଦିଙ୍ଗ୍ ମାପ୍‌ରୁ ଆଦିନେ ଗର୍‌ବେନ୍ କାମେ କେନେ, ଆରେ ଆଦ୍ ଆରେ ଆଦିନେ ପରିବାର୍ ବାପ୍‌ତିସ୍‌ମ ଉନର୍।

![](https://cdn.door43.org/obs/jpg/360px/obs-en-47-02.jpg)

ଆଦ୍ ପାଉଲ୍ ଆରେ ସିଲାଙ୍ଗ୍ ଆଦିନେ ଉଲେନ୍ ମାନିଙ୍ଗ୍ ଅର୍‌ଗେଟେ, ଆଦିଙ୍ଗ୍ ଆୟ୍‌ଲକ୍ ଆଦିନାଟ୍ ଆରେ ଆଦିନେ ପରିବାନାଟ୍ ମାଟର୍, ପାଉଲ୍ ଆରେ ସିଲା ପାର୍‌ତନା ବାସେନ୍ ପେରିନ୍‌ପର୍ ଲକ୍‌ନାଟ୍ ମିସ୍‌ଏରିନର୍।

![](https://cdn.door43.org/obs/jpg/360px/obs-en-47-03.jpg)

ପାଟିନ୍‌ଦିନ୍ ୱାଡିନ୍ ଆୟ୍‌ଲକ୍ ଏସେବେଲ୍ ଆୟ୍ ପାର୍‌ତନା ବାସେନ୍ ସେନ୍‌ନର୍, ଆସେବେଲ୍ ଅକାଲ୍ ବୁତ୍ ପାତଣ୍ଡି ମାଲ୍ ଆୟ୍‌ଲକ୍‌ନେ କୁଣ୍ତେଲ୍ କୁଣ୍ତେଲ୍ ସେନ୍‌ନେ। ଆୟ୍ ବୁତ୍ ଉନିଟ୍‌ ଆୟ୍ ମାଲ୍ ଭବିସତବିସୟରେନ୍ ଲକ୍‌ଗୁଲୁଙ୍ଗ୍ ପକୁଙ୍ଗ୍ ଅଡ୍‌କୁଙ୍ଗ୍‌ନେ, ଆଦିଙ୍ଗ୍ ଆଦ୍ ଆଦିନେ ମାଲିକିଙ୍ଗ୍ ପାୟିଟ୍ ଉକୁଟ୍ ଭବିସତ ପାଟେ ପକଣ୍ଡିନା ପେରିନ୍ ଡାବୁଲ୍ ଅରଜ୍‌ଏରି ସିଗିନେ। ଆୟ୍‌ଲକ୍ ସେୟାନ୍ ବେଲ୍ ଆୟ୍ ବୁତ୍ ପାତଣ୍ଡି ଦାସି ପେରିନ୍ ଆଉଲିଏରି ପକୁଙ୍ଗ୍‌ନେ ଇ ଲକ୍‌ଗୁଲ୍ ମାପ୍‌ରୁନେ ଦାସ୍‌ଲକ୍।

![](https://cdn.door43.org/obs/jpg/360px/obs-en-47-04.jpg)

ଆୟ୍‌ଲକ୍ ଉଦାର୍ ପାୟ୍‌ଏରିଙ୍ଗ୍ ପାୟିଟ୍ ଉପାୟ୍ ପକୁଦାର୍, ଆଦ୍ ପେରିନ୍ ବେଲା ଆରେକ୍ ଇ ୱାଡିନ୍ ପକୁନେ ଜେ ପାଉଲ୍ ୱେଞ୍ଜି ୱେଞ୍ଜି ରିସା ଏରିସେୟଣ୍ତ୍। ଆରେତରେକ୍ ଆୟ୍ ଦାସି ଏସେବେଲ୍ ପେରିନ୍ ଆଉଲି ଏରି ପକୁଙ୍ଗ୍ ଉଣ୍ଡେଟେ, ପାଉଲ୍ ମାଣ୍ତିସୁଡି ଆୟ୍ ଦାସିପେଲ୍ ମାନଣ୍ତି ଆତ୍‌ମାଙ୍ଗ୍ ପକେଣ୍ତ୍ “ଜିସୁଙ୍ଗ୍ ପିଦିର୍‌ନା ଇଦିଙ୍ଗ୍ ପେଲ୍‌ଟୁକ୍ ପେସିସେନ୍।”

![](https://cdn.door43.org/obs/jpg/360px/obs-en-47-05.jpg)

ଆୟ୍ ଦାପ୍‌ରେନ୍ ଆୟ୍ ବୁତ୍ ଆଦିଙ୍ଗ୍ ପେଲ୍‌ଟୁକ୍ ସାକାରି ପେସି ସେଣ୍ତେ। ଏରେ ଲକ୍ ଆୟ୍ ଦାସିଙ୍ଗ୍ ବୁତ୍ ପାତିମାଟେ, ଆଦ୍ ପେରିନ୍ ରିସା ଏନେ।

![](https://cdn.door43.org/obs/jpg/360px/obs-en-47-06.jpg)

ଆୟ୍‌ଲକ୍ ଗର୍‌ବେଲିଙ୍ଗ୍ ଆଟ୍‌ୱା କେନର୍ ଜେ ବୁତ୍ ପାତାଏଙ୍ଗ୍ ଆୟ୍ ଦାସି ଲକ୍‌ଗୁଲ୍‌ନେ ଭବିସତ ପକୁଙ୍ଗ୍ ଅଡା। ଇଦିନେ ଅର୍‌ତ ଏରିଦା ଲକ୍‌ଗୁଲ୍‌ନେ ଭବିସତ ପକୁଙ୍ଗ୍ ପାୟିଟ୍ ଆୟ୍‌ଲକ୍ ଆୟ୍ ଦାସିନେ ମାଲିକିଙ୍ଗ୍ ଆରେ ଜିନିସ୍ ସିଆର୍। ଆଦିଙ୍ଗ୍ ଆୟ୍ ଦାସିନେ ମାଲିକ୍‌ତିଲ୍ ପାଉଲ୍ ଆରେ ସିଲାଙ୍ଗ୍ ରମିୟ କର୍‌ତୁପକିୟ କାକେଲ୍ ପାତି ସେୟର୍, ଏରେଲକ୍ ପାଉଲ୍ ଆରେ ସିଲାଙ୍ଗ୍ ମାଡ୍ ଆଟି ବନ୍ଦିସାଲେନ୍ କାରେର୍।

![](https://cdn.door43.org/obs/jpg/360px/obs-en-47-07.jpg)

ଆୟ୍‌ଲକ୍ ପାଉଲ୍ ଆରେ ସିଲାଙ୍ଗ୍ ଜୟିଲ୍‌ତିନ୍ ନିୟା ସୁରକିତ୍ ବାସେନ୍ ଇରେର୍ ଆୟ୍‌ଲକ୍‌ନେ କାଲ୍‌ଗିଲିଙ୍ଗ୍ କାଟେର୍।

![](https://cdn.door43.org/obs/jpg/360px/obs-en-47-08.jpg)

ଏଙ୍ଗଡ୍‌ମେନ୍ ଆୟ୍ ନାର୍‌କାମ୍ ଆୟ୍‌ଲକ୍ ମାପ୍‌ରୁଙ୍ଗ୍ କାକେଲ୍ ପର୍‌ସଙ୍ଗ୍‌ସା ପାଟେଲ୍ ପାରିଙ୍ଗ୍ ଉଣ୍ଡେର୍। ଅଟାତ୍, ବେର୍‌ଟେ ଭୂମିକମ୍ପ ଏନେ।

![](https://cdn.door43.org/obs/jpg/360px/obs-en-47-09.jpg)

ଜୟିଲ୍ ଉଲେନ୍ ମାନଣ୍ତି ପାଟିନ୍ ୱାଲ୍‌ସାଟେଲ୍ ସାଣ୍ତ୍‌ସି ଏନେୱ୍, ଆରେ ପାଟିନ୍ କାଟିମାନଣ୍ତି ସିକ୍‌ଲିଲ୍ କୁସ୍‌ଲା ଏରିସେଣ୍ତେୱ୍, ଜୟିଲ୍ ଉଲେ କାପାକର୍ କୁର୍‌କାଲ୍‌ଟୁକ୍ ସିଲ୍‌ତର୍, ଆରେ ସୁଡେର୍ ଜେ ଜୟିଲ୍ ଉଲେ ୱାଲ୍‌ସାଟେଲ୍ ପାଟିନ୍ ସାଣ୍ତ୍‌ସି ଏରିମାୱ୍, ଅଣ୍ତ୍ ନାର୍‌ସି ସେୟଣ୍ତ୍।

![](https://cdn.door43.org/obs/jpg/360px/obs-en-47-10.jpg)

ଅଣ୍ତ୍ ଏତାତଣ୍ତ୍ ଜେ ପାଟିନ୍ ଜୟିଲ୍ ଉଲେଟୁକ୍ ପେସି ସେଞ୍ଜିମାର୍, ଆଦିଙ୍ଗ୍ ଅଣ୍ତ୍ ନିଜେନ୍ ସାଗିଙ୍ଗ୍ ଜଜନା କେନଣ୍ତ୍, ଅଣ୍ତ୍ ପୁଞ୍ଜି ମାଟଣ୍ତ୍ ଜେ ରମିୟ ନେତା ଅଣ୍ତୁଙ୍ଗ୍ ୱାଟ୍‌ତେନ୍ ଆଟ୍‌ଦାଣ୍ତ୍ ଜଦି ଜୟିଲ୍ ଉଲେନ୍ ମାନ୍‌ଲକୁଙ୍ଗ୍ ସେନିଙ୍ଗ୍ ସିଗଡ୍, ମାତର୍ ପାଉଲ୍ ଅଣ୍ତୁଙ୍ଗ୍ ସୁଡି ଆୱ୍‌ଲି ଏରି ପକେଣ୍ତ୍, ମାନ୍ ନିଜେନ୍ ସାମେନ୍, ଆମ୍ ପାଟିନ୍ ଇମାନ୍ ମାମ୍, ଜୟିଲ୍ ଉଲେ କାପାକ୍ ଏରେବେଲ୍ ପାଉଲ୍ ଆରେ ସିଲାନ୍ କାକେଲ୍ ୱାନଣ୍ତ୍, ଅଣ୍ତ୍ ନାର୍‌ସି ତିର୍‌ଗିନଣ୍ତ୍, ଆରେ ପକେଣ୍ତ୍ “ଆନ୍ ଉଦାର୍ ପାୟ୍‌ଏରିଙ୍ଗ୍ ପାଇଟ୍ ଏନାଦ୍ କେଦାନ୍?”

![](https://cdn.door43.org/obs/jpg/360px/obs-en-47-11.jpg)

ପାଉଲ୍ ଉତର୍ ସିନଣ୍ତ୍ ଜିସୁନ୍‌ପେଲ୍ ବିସ୍‌ବାସ୍ କେୟୁର୍ ଆଟେଲ୍ ଇନ୍ ଆରେ ଇନେ ପାଟିନ୍ ପରିବାର୍ ଉଦାର୍ ପାୟ୍‌ଏଦାର୍, ଆମାଟୁକ୍ ଆୟ୍ ଜୟିଲ୍ ଉଲେ କାପାକ୍ ଅଣ୍ତୁନେ ଉଲେନ୍ ପାଉଲୁଙ୍ଗ୍ ଆରେ ସିଲାଙ୍ଗ୍ ଅର୍‌ଗି ଉୟି ଆୟ୍‌ଲକ୍‌ନେ କାଣ୍ଡ୍‌ୟାକାବ୍‌ରା ନରିକାରେଣ୍ତ୍, ଆୟ୍ ଉଲେନ୍ ମାନ୍ ପାଟିନ୍‌ଲକୁଙ୍ଗ୍ ପାଉଲ୍ ଜିସୁନ୍ ବିସୟ୍‌ରେନ୍ ୱେଣ୍ତୁତଣ୍ତ୍, ଜୟିଲ୍ ଉଲେ କାପାକ୍ ଆରେ ଆୟ୍‌ଲକ୍‌ନେ ପରିବାର୍ ପାଟିନ୍ ବିସ୍‌ବାସ୍ କେୟି ବାପ୍‌ତିସ୍‌ମ ଉନର୍।

![](https://cdn.door43.org/obs/jpg/360px/obs-en-47-12.jpg)

ଜୟିଲ୍ ଉଲେନ୍ କାପାକ୍‌ ପାଉଲ୍ ଆରେ ସିଲାଙ୍ଗ୍ ତିନିଙ୍ଗ୍ ସିନଣ୍ତ୍ ଆରେ ଆୟ୍‌ଲକ୍ ପାଟିନ୍‌ଲକ୍ ମିସ୍‌ତେନ୍ କିର୍‌ଦେ ଏନର୍। ଆରେକୁଟ୍ ସିରିସ୍ ଗଡ୍‌ଟେ ନେତାତିଲ୍ ପାଉଲ୍ ଆରେ ସିଲାଙ୍ଗ୍ ଜୟିଲ୍ ଉଲେଟୁକ୍ ମୁକ୍‌ଲାତର୍ ଆରେ ଆୟ୍‌ଲକୁଙ୍ଗ୍ ପିଲିପିୟଟୁକ୍ ସେନିଙ୍ଗ୍ ପାୟିଟ୍ ପକେର୍।

![](https://cdn.door43.org/obs/jpg/360px/obs-en-47-13.jpg)

ପାଉଲ୍ ଆରେ ସିଲା, ଲୁଦିଆ ଆରେ ୱେନ୍ ଏଙ୍ଗୁର୍‌ତୁଲ୍ ସାଙ୍ଗତୁଲୁଙ୍ଗ୍ ବେଟ୍‌ଏରି ପଲ୍‌ଦାନ୍ କୁଣ୍ତେଲ୍ ଆୟ୍‌ଲକ୍ ଆୟ୍ ଗଡ୍ ସାକାରେର୍। ଜିସୁନେ ବିସୟରେନ୍ ନିୟାଟେ ପାଟେ ପର୍‌ସାର୍ ଏନେ, ଆରେ ମଣ୍ତଲିମେନ୍ ସାନ୍ଦିଙ୍ଗ୍ ଉଣ୍ଡେଟେ। ପାଉଲ୍ ଆରେ ୱେନ୍ କିସ୍‌ଟିୟ ନେତାତିଲ୍ ପେଙ୍ଗିଟ୍ ଗଡ୍‌ତୁନ୍ ସେୟର୍, ଆରେ ଜିସୁନେ ନିୟାଟେ ପାଟେ ପର୍‌ସାର୍ କେୟି ସିକିୟା ସିଗିଙ୍ଗ୍ ଉଣ୍ଡେର୍।

![](https://cdn.door43.org/obs/jpg/360px/obs-en-47-14.jpg)

ଆୟ୍‌ଲକ୍ ମଣ୍ତଲିତିନ୍ ମାନଣ୍ତି ବିସ୍‌ୱାସିତିଲିଙ୍ଗ୍ ଉସାୟିତ୍‌ ଆରେ ସିକିୟା ସିଗିଙ୍ଗ୍ ପାଇଟ୍ ପେଙ୍ଗିଟ୍ ସିଟିଲ୍ ଲେକାତର୍, ଇ ସିଟିଲ୍ ଏଙ୍ଗିଟ୍ ବାୟ୍‌ବଲ୍‌ତୁନ୍ ଏରିମାୱ୍।

*ବାଇବଲ୍‌ଟେ କେରାଲ୍: ପେରିତ୍ ୧୬:୧୧-୪୦.*

## 48. ୪୮- ଜିସୁ ଉଦାର୍ କେୟାକ୍

https://openbiblestories.org/l/gdb/story-48/

![](https://cdn.door43.org/obs/jpg/360px/obs-en-48-01.jpg)

ଆଟେଲ୍ ଏନାମେନ୍ ପାପ୍ ମାନୁଟେ। ଆଦମ୍ ଆରେ ଅବା ନିଜେନ୍ ନିଜେନିଙ୍ଗ୍ ଲାଡ୍ କେଗିନର୍ ଆରେ ଆୟ୍‌ଲକ୍ ମାପ୍‌ରୁଙ୍ଗ୍ ଲାଡ୍ କେଗିନର୍। ଆସେବେଲ୍ ଏନାମେନ୍ ରଗ୍‌କସ୍‌ଟ ଆରେ ମରନ୍ ମାନୁଟେ। ପୁର୍‌ତିବି ଇପାଡି ଏକା ଏଞ୍ଜି ମାପ୍‌ରୁ ଇଚା କେଗିନଣ୍ତ୍। ଅବାଙ୍ଗ୍ ପରିକିୟା କେଗିଙ୍ଗ୍ ପାୟିଟ୍ ସୟତାନ୍ ଉକୁଟ୍ ବାମ୍ ରୁପ୍‌ନା ପାଟେ ପକେଟେ।

![](https://cdn.door43.org/obs/jpg/360px/obs-en-48-02.jpg)

ଆଦିଙ୍ଗ୍ କୁଣ୍ତେଲ୍ ଆଦ୍ ଆରେ ଆଦମ୍ ମାପ୍‌ରୁଙ୍ଗ୍ ବିରଦ୍‌ରେନ୍ ପାପ୍ କେନର୍। ଆୟ୍‌ଲକ୍ ପାପ୍ କେନର୍, ଆଦିଙ୍ଗ୍ ପାୟିଟ୍ ପୁର୍‌ତିନ୍ ମାନଣ୍ତି ପାଟିନ୍ ଦୁର୍‌ବଲ୍ ଏରିସେୟାୱ୍ ଆରେ ପାଟିନ୍ ସାୟିସେୟାୱ୍। ଏସେଲ୍‌ଟୁକ୍ ଆଦମ୍ ଆରେ ଅବା ପାପ୍ କେନର୍ ଆମାଟୁକ୍ ବେର୍‌ଟେ ବିସୟ୍ ଗଟ୍‌ଏନେ।

![](https://cdn.door43.org/obs/jpg/360px/obs-en-48-03.jpg)

ଆୟ୍‌ଲକ୍ ମାପ୍‌ରୁନେ ସତ୍‌ରୁ ଏନର୍। ଆୟ୍ ସିରିସ୍‌ଟୁକ୍ ଜନମ୍ ଏରଣ୍ତି ପାଟିନ୍ ନର୍‌ଜାତି ପାପ୍ କେୟି ଜନମ୍ ଏଦାର୍ ଆରେ ମାପ୍‌ନେ ସତ୍‌ରୁ ଏଦାର୍। ମାପ୍‌ରୁ ଆରେ ନର୍‌ଜାତି ପେଲ୍ ମାନଣ୍ତି ସମ୍‌ପର୍‌କ ପାପ୍ ଉନିଟ୍ ପୁଟି ସେଞ୍ଜିମାଟେ। ମାତର୍ ଆୟ୍ ସମ୍‌ପର୍‌କଙ୍ଗ୍ ଆରେତରେକ୍ କେଗିଙ୍ଗ୍ ପାୟିଟ୍ ମାପ୍‌ରୁ ଜଜ୍‌ନା କେନଣ୍ତ୍। ମାପ୍‌ରୁ ଜିଦ୍‌ କେୟି ପକିମାଟଣ୍ତ୍ ଜେ ଅବାନେ କୁଲ୍‌ଟୁକ୍ ଜନମ୍ ଏରଣ୍ତି ଉକୁର୍ ସୟତାନ୍‌ନେ ତାଲିଙ୍ଗ୍ ଚୁନ୍‌ଚୁନା କେଦାଣ୍ଡ୍‌, ଆରେ ସୟତାନ୍ ଆଣ୍ତୁଙ୍ଗ୍ କାଲିଙ୍ଗ୍ କଟ୍‌ଦା।

![](https://cdn.door43.org/obs/jpg/360px/obs-en-48-04.jpg)

ଇଦିନେ ଅରତ୍ ଏରିଦା ଜେ ସୟତାନ୍ କିସ୍‌ଟଙ୍ଗ୍ ଆଟ୍‌ଦାଣ୍ତ୍, ମାତର୍ ମାପ୍‌ରୁ ଅଣ୍ଡୁଙ୍ଗ୍ ସାଦାନ୍‌ଲକୁଙ୍ଗ୍ ପେଲ୍‌ଟୁକ୍ ସିଣ୍ତୁଦାଣ୍ତ୍, ଆଦିଙ୍ଗ୍ କୁଣ୍ତେଲ୍ କିସ୍‌ଟ ପାଟିନ୍‌ଦିନ୍ ପାୟିଟ୍ ସୟତାନ୍‌ନେ ସକ୍‌ତିଙ୍ଗ୍ ସେସ୍ କେଦାଣ୍ତ୍। ପେଙ୍ଗିଟ୍ ବରସ୍ କୁଣ୍ତେଲ୍, ମାପ୍‌ରୁ ପର୍‌କାସ୍ କେନଣ୍ତ୍ ଜେ ଜିସୁ ଇ ଏରିଦାଣ୍ତ୍ ଆୟ୍ କିସ୍‌ଟ। ମାପ୍‌ରୁ ଏସେବେଲ୍ ଉକୁଟ୍ ବେର୍‌ଟେ ବାଗାଦି ଉନିଟ୍‌ ସାରା ପୁର୍‌ତିଙ୍ଗ୍ ବିନସ୍‌ଟ କେନଣ୍ତ୍,ଆସେବେଲ୍ ଏରେଲକ୍ ଅଣ୍ତୁଙ୍ଗ୍ ପେଲ୍ ବିସ୍‌ୱାସ୍ କେନର୍ ଆୟ୍‌ଲକୁଙ୍ଗ୍ ରକିୟା ପାୟିଟ୍ ଜାହାଜ୍ ଜଗାତଣ୍ତ୍।

![](https://cdn.door43.org/obs/jpg/360px/obs-en-48-05.jpg)

ଟିକ୍ ଆୟ୍‌ୱାଡିନ୍, ପାଟିନ୍ ଲକ୍ ଆୟ୍‌ଲକ୍‌ନେ ନିଜେଟେ ନିଜେଟେ ପାପ୍ ପାୟିଟ୍ ବିନସ୍‌ଟ ଏରିଙ୍ଗ୍ ଜଗିୟ୍ ମାଟର୍, ମାତର୍ ଏରେଲକ୍ ଅଣ୍ତୁଙ୍ଗ୍ ପେଲ୍ ବିସ୍‌ବାସ୍ କେନର୍ ଆୟ୍‌ଲକୁଙ୍ଗ୍ ରକିୟା କେଗିଙ୍ଗ୍ ପାୟିଟ୍ ମାପ୍‌ରୁ ଜିସୁଙ୍ଗ୍ ଜାଗା ସିନଣ୍ତ୍। ବରସ୍ ବନ୍ଦନ୍ ପାତି ଲକ୍‌ଗୁଲ୍ ଆୟ୍‌ଲକ୍‌ନେ ପାପ୍ ପାୟିଟ୍ ଡଣ୍ତ୍‌ଟେ ଜଗିୟ୍ ମାଟର୍, ଆଦ୍ ତଟୁକୁଙ୍ଗ୍ ପାୟିଟ୍ ଜାଜକ୍‌ତୁଲ୍ ପାଟିନ୍‌ବେଲେନ୍ ମାପ୍‌ରୁଙ୍ଗ୍ କାକେଲ୍ ବଲି ଆନିସ୍‌କିନର୍।

![](https://cdn.door43.org/obs/jpg/360px/obs-en-48-06.jpg)

ମାତର୍ ଆୟ୍ ପାଟିନ୍ ବଲିଦାନ୍ ଆୟ୍‌ଲକ୍‌ନେ ପାପୁଙ୍ଗ୍ ଦୁର୍ କେୟାମାନ୍‌ନେ। ଜିସୁ ଏରିଦାଣ୍ତ୍ ବେର୍‌ଜାଜକ୍। ୱେନ୍ ଜାଜକ୍‌ତିଲିଙ୍ଗ୍ ୱାଡିନ୍ ଏରାଣ୍ତ୍, ଏରେଦ୍‌ ଜିସୁ କେୟି ତଟ୍‌ତଣ୍ତ୍ ଉକୁଟ୍‌ମାତର୍ ବଲିଦାନ୍ ବାବ୍‌ରେନ୍ ଅଣ୍ତ୍ ନିଜେନିଙ୍ଗ୍ ବଲି ଉସର୍‌ଗ ଏନଣ୍ତ୍ ଏରେଦ୍‌ କି ଜଗତ୍‌ତୁନ୍ ମାନଣ୍ତି ପାଟିନ୍‌ଲକ୍‌ନେ ପାପୁଙ୍ଗ୍ ଦୁର୍ କେନଣ୍ତ୍। ଜିସୁ ଦରମ୍‌ଟେ ବେର୍‌ଜାଜକ୍ ଏନାଦିଙ୍ଗ୍ କି ଜଗତ୍‌ତୁନ୍ ମାନଣ୍ତି ଏରେମେନ୍ ଲକ୍ ଏରେବେଲାଙ୍ଗ୍ ମେନ୍ କେୟିମାନଣ୍ତି ପାଟିନ୍ ପାପ୍‌ଟେ ଡଣ୍ତୁଙ୍ଗ୍ ଅଣ୍ତ୍ ନିଜେନ୍ ପୟ୍‌ତାନ୍ ଉନଣ୍ତ୍। ମାପ୍‌ରୁ ଅବ୍‌ରାମୁଙ୍ଗ୍ ପକେଣ୍ତ୍ ପୁର୍‌ତିବିଟେ ପାଟିନ୍ ଲକ୍‌ଗୁଲ୍ ଇନ୍ ଉନିଟ୍‌ ଆସିର୍‌ବାଦ୍ ପାୟ୍ ଏଦାର୍।

![](https://cdn.door43.org/obs/jpg/360px/obs-en-48-07.jpg)

ଜିସୁ ଅବ୍‌ରାମ୍‌ନେ ଉକୁର୍ କୁଲ୍‌ଟଣ୍ତ୍ ମାଟଣ୍ତ୍। ପାଟିନ୍ ଲକ୍‌ଦଲ୍ ଅଣ୍ତୁଙ୍ଗ୍ ଉନିଟ୍‌ ଆସିର୍‌ବାଦ୍ ପାୟ୍ ଏନର୍, ଜିସୁଙ୍ଗ୍ ପିଦିର୍‌ନା ବିସ୍‌ୱାସ୍ କେଦାନ୍ ପାଟିନ୍‌ଲକ୍ ପାପ୍‌ଟୁକ୍ ଉଦାର୍ ପାୟ୍‌ଏରିମାର୍, ଆରେ ଅବ୍‌ରାମ୍‌ନେ ଆତ୍ମିକ କୁଲ୍‌ଟୁକ୍ ପରିବର୍‌ତନ୍ ଏରିମାର୍।

![](https://cdn.door43.org/obs/jpg/360px/obs-en-48-08.jpg)

ଅବ୍‌ରାମୁଙ୍ଗ୍ ଅଣ୍ତୁନେ ସେପାଲ୍ ଇସାକିଙ୍ଗ୍ ବଲିଦାନ୍ ସିଗିଙ୍ଗ୍ ପାୟିଟ୍ ମାପ୍‌ରୁ ଏସେବେଲ୍ ପକେଣ୍ତ୍, ଆସେବେଲ୍ ଅଣ୍ତୁନେ ସେପାଲ୍ ଇସାକିଙ୍ଗ୍ ବାଦୁଲ୍‌ରେନ୍ ବଲିଦାନ୍ ସିଗିଙ୍ଗ୍ ପାୟିଟ୍ ଉକୁଟ୍ ମେଣ୍ତାପାପ୍ ଜାଗାତଣ୍ତ୍। ଆମ୍ ପାଟିନ୍‌ଲକ୍ ଆମ୍‌ଗୁଲ୍‌ନେ ପାପ୍ ପାୟିଟ୍ ସାଗିଙ୍ଗ୍ ଜଗିୟ, ମାତର୍ ମାପ୍‌ରୁ ଅଣ୍ତୁନେ ମେଣ୍ତାପାପୁଙ୍ଗ୍ ୱାଡିନ୍ ଜିସୁଙ୍ଗ୍ ଆମ୍‌ଗୁଲୁଙ୍ଗ୍ ପାୟିଟ୍ ବଲିଦାନ୍ ବାବ୍‌ରେନ୍ ସାଗିଙ୍ଗ୍ ପାୟିଟ୍ ସୟତଣ୍ତ୍। ମାପ୍‌ରୁ ଏସେବେଲ୍ ମିସର୍‌ତୁନ୍ ସେସ୍‌ବେଲ୍‌ଟେ ବେମାରିଙ୍ଗ୍‌ ସୟତଣ୍ତ୍, ଅଣ୍ତ୍ ପାଟିନ୍ ଇସ୍‌ରାଏଲ୍‌ଟେ ପରିବାରିଙ୍ଗ୍ ଉକୁଟ୍ ଉକୁଟ୍ ନିୟାଟେ ମେଣ୍ତା ୱାଟ୍‌ତେନ୍ ଆଟି ଆୟ୍‌ଲକ୍‌ନେ ଉଲେ ଡେୱାଟେ ୱାଲ୍‌ସାଟେ ପୟତାନ୍ ଆୟ୍ ମେଣ୍ତାନେ ନେତିର୍ ମାରୁକୁଙ୍ଗ୍ ପକିମାଟଣ୍ତ୍।

![](https://cdn.door43.org/obs/jpg/360px/obs-en-48-09.jpg)

ମାପ୍‌ରୁ ଏସେବେଲ୍ ନେତିର୍ ସୁଡେଣ୍ଡ୍‌, ଅଣ୍ତ୍ ଆୟ୍‌ଲକ୍‌ନେ ଉଲେଙ୍ଗ୍ ସାକାରେଣ୍ତ୍ ଆରେ ଆୟ୍‌ଲକ୍‌ନେ ପର୍‌ତୁମ୍ ଜାତ୍ ଏରଣ୍ତି ସେପାକିଲିଙ୍ଗ୍ ଆଟୁଟଣ୍ତ୍। ଇ ଗଟନାଙ୍ଗ୍ ନିସ୍‌ତାର୍ ପାରୁବ୍ ପକ୍‌ଦାର୍। ଜିସୁ ଏରିଦାଣ୍ତ୍ ଆମ୍‌ଗୁଲ୍‌ନେ ନିସ୍‌ତାର୍ ପାରୁବ୍‌ଟେ ମେଣ୍ତା।

![](https://cdn.door43.org/obs/jpg/360px/obs-en-48-10.jpg)

ଅଣ୍ତ୍ ସୁକଲ୍ ଆରେ ପାପ୍ କେୟାଟଣ୍ତ୍ ମାଟଣ୍ତ୍ ଆରେ ନିସ୍‌ତାର୍ ପାରୁବ୍ ବେଲେନ୍ ଇ ଅଣ୍ତୁଙ୍ଗ୍ ଆଟି ମାଟର୍। ଆସେବେଲ୍ ଏରେମେନ୍ ଲକ୍ ଜିସୁଙ୍ଗ୍ ପେଲ୍ ବିସ୍‌ୱାସ୍ କେନର୍ ଆସେବେଲ୍ ଜିସୁନେ ନେତିର୍ ଆୟ୍ ଲକ୍‌ନେ ପାପୁଙ୍ଗ୍ ନରିକାରେଟେ, ଆରେ ମାପ୍‌ରୁନେ ଡଣ୍ତ୍ ଆୟ୍ ଲକୁଙ୍ଗ୍ ପେଲ୍‌ଟୁକ୍ ଦୁର୍ ଏନେ। ମାପ୍‌ରୁ ଇସ୍‌ରାଏଲ୍ ଲକ୍‌ନା ଉକୁଟ୍ ନିୟମ୍ କେନଣ୍ତ୍, ଏରେଲକ୍ ଅଣ୍ତୁନେ ମନନିତ୍ ଲକ୍ ମାଟର୍।

![](https://cdn.door43.org/obs/jpg/360px/obs-en-48-11.jpg)

ମାତର୍ ମାପ୍‌ରୁ ଇଣ୍ତି ଉକୁଟ୍ ପୁନ୍‌ ନିୟମ୍ କେୟିମାଣ୍ତ୍ ଏରେଦ୍ କି ପାଟିନ୍ ଲକୁଙ୍ଗ୍ ପାୟିଟ୍ ଏରିମାୟା। ଇ ପୁନ୍‌ ନିୟମ୍ ଉନିଟ୍‌, ଏରେମେନ୍ ଲକ୍‌ଦଲ୍‌ଟେ ଲକ୍ ଜିସୁଙ୍ଗ୍ ବିସ୍‌ୱାସ୍ କେଦାନ୍ ଉନିଟ୍‌ ମାପ୍‌ରୁନେ ଲକ୍‌ଗୁଲୁଙ୍ଗ୍ ଉକୁଟ୍ ଅଙ୍ଗ୍‌ସବିସେସ୍ ଏରିଙ୍ଗ୍ ଅଡ୍‌ତାର୍। ମସା ଉକୁର୍ ମହାନ୍ ଭାବବାଦି ମାଟଣ୍ତ୍ ଅଣ୍ତ୍ ମାପ୍‌ରୁନେ ବାକିୟ ୱେଣ୍ଡୁସି ମାଟଣ୍ତ୍।

![](https://cdn.door43.org/obs/jpg/360px/obs-en-48-12.jpg)

ମାତର୍ ଜିସୁ ପାଟିନ୍ ଭାବବାଦିତିଲିଙ୍ଗ୍ ପେଲ୍‌ଟୁକ୍ ବେର୍‌ଟଣ୍ତ୍ ମାଟଣ୍ତ୍। ଅଣ୍ତ୍ ମାପ୍‌ରୁ ମାଟଣ୍ତ୍, ଆଦିଙ୍ଗ୍ ଅଣ୍ତ୍ ଏନାଦ୍ ଏନାଦ୍ କେଗିନଣ୍ତ୍ ଆଦ୍ ମାପ୍‌ରୁନେ କାମେ ଆରେ ମାପ୍‌ରୁନେ ବାକିୟ ମାଟେ। ଆଦିଙ୍ଗ୍ ପାୟିଟ୍ ଜିସୁଙ୍ଗ୍ ମାପ୍‌ରୁନେ ବାକିୟ ଏଞ୍ଜି ପକୁନର୍। ମାପ୍‌ରୁ ରାଜା ଦାଉଦୁଙ୍ଗ୍ ଜିଦ୍‌ କେୟି ପକେଣ୍ତ୍ ଜେ ଅଣ୍ତୁନେ କୁଲ୍‌ଟୁକ୍ ଉକୁର୍ ମାପ୍‌ରୁନେ ଲକ୍‌ଗୁଲୁଙ୍ଗ୍ ପୟତାନ୍ ପାଟିନ୍‌ଦିନ୍ ସାସନ୍ କେଦାଣ୍ତ୍।

![](https://cdn.door43.org/obs/jpg/360px/obs-en-48-13.jpg)

ଜିସୁ ମାପ୍‌ରୁଙ୍ଗ୍ ସେପାଲ୍ ଆରେ କିସ୍‌ଟ ମାଟଣ୍ତ୍, ଅଣ୍ତ୍ ଦାଉଦ୍‌ନେ କୁଲ୍‌ଟଣ୍ତ୍ ମାଟଣ୍ତ୍ ଅଣ୍ତ୍ ପାଟିନ୍‌ଦିନ୍ ପାୟିଟ୍ ସାସନ୍ କେଦାଣ୍ତ୍। ଦାଉଦ୍ ଇସ୍‌ରାଏଲ୍‌ଟେ ରାଜା ମାଟଣ୍ତ୍, ମାତର୍ ଜିସୁ ସାରା ପୁର୍‌ତିବିଟେ ରାଜା।

![](https://cdn.door43.org/obs/jpg/360px/obs-en-48-14.jpg)

ଅଣ୍ତ୍ ଆରେତରେକ୍ ୱାଦାଣ୍ତ୍ ନିୟାୟ୍ ବିଚାର୍‌ଟେ ସାନ୍ତିରେନ୍ ପାଟିନ୍‌ଦିନ୍ ସାସନ୍ କେଦାଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍ : ଆଦି ୧-୩,୬,୧୪,୨୨; ଜାତ୍‌ରା୧୨,୨୦; ୨-ସାମୁୟେଲ୍ ୭; ଏବ୍‌ରି ୩:୧-୬, ୪:୧୪-୫:୧୦; ୭:୧-୮:୧୩; ୯:୧୧-୧୦:୧୮; ପର୍‌କାସିତ୍ ୨୧୪୯.*

## 49. ୪୯- ପର୍‌ବୁନେ ପୁନ୍ ନିୟମ୍

https://openbiblestories.org/l/gdb/story-49/

![](https://cdn.door43.org/obs/jpg/360px/obs-en-49-01.jpg)

ଏରେବେଲ୍ ଆଦ୍ ଜୁବାମାଟେ, ପବିତ୍‌ର ଆତ୍‌ମା ଆଦିଙ୍ଗ୍ ପାତେଟେ ଆରେ ଆଦ୍ ଅଙ୍ଗେନ୍ ଏନେ, ଆଦ୍ ଉକୁଟ୍ ସେପାଲିଙ୍ଗ୍ ଜନମ୍ ସିନେ ଆରେ ଅଣ୍ତୁନେ ପିଦିର୍ ଜିସୁ ସିନର୍, ଜିସୁ ଏରିଦାଣ୍ତ୍ ମାପ୍‌ରୁ ମେନ୍ ଆରେ ନର୍‌ଲକ୍‌ମେନ୍।

![](https://cdn.door43.org/obs/jpg/360px/obs-en-49-02.jpg)

ଜିସୁ ପେଙ୍ଗିଟ୍ କାବା କାମେଲ୍ କେନଣ୍ତ୍ ଏଟେନ୍ କି ଅଣ୍ତ୍ ମାପ୍‌ରୁନ୍ ସେପାଲ୍ ଏଞ୍ଜି ତଟୁକ୍ ପାଇଟ୍, ଅଣ୍ତ୍ ନିର୍ ପୟ୍‌ତାନ୍ ତାକେଣ୍ତ୍, ନିରିଙ୍ଗ୍ ସାନ୍‌ତି କେନଣ୍ତ୍, ପେଙ୍ଗିଟ୍ ଲକ୍‌ନେ ରଗ୍‌ଟୁକ୍ ସୁସ୍‌ତ କେନଣ୍ତ୍, ବୁତ୍‌ଗୁଲୁଙ୍ଗ୍ ସାର୍‌ତଣ୍ତ୍, ସାଦାନ୍ ଲକୁଙ୍ଗ୍ ଜିୱେ ସିନଣ୍ତ୍, ଆରେ ପାସ୍ ଅଜାର୍‌ଟୁକ୍‌ ଅଦିକ୍ ଲକୁଙ୍ଗ୍ ପାସ୍‌ଗଟା ରୁଟିଲ୍ ଆରେ ଜଡେକ୍ ମିନିଲ୍‌ନା ତିଣ୍ତୁତଣ୍ତ୍।

![](https://cdn.door43.org/obs/jpg/360px/obs-en-49-03.jpg)

ଜିସୁ ଉକୁର୍ ବେର୍‌ଟେ ଗୁରୁ ଆରେ ମାଇର୍‌ପାକ୍ ମାଟଣ୍ତ୍, ଆରେ ଅଣ୍ତ୍ ଅଦିକାର୍‌ନାଟ୍ ପାଟେ ପକୁନଣ୍ତ୍ ଆରେ ଅଣ୍ତ୍ ମାପ୍‌ରୁନ୍ ସେପାଲ୍ ମାଟଣ୍ତ୍, ଅଣ୍ତ୍ ସିକିୟା ସିମାଟଣ୍ତ୍ ଜେ ଇମ୍‌ଗୁଲ୍ ନିଜେନ୍ ଲାଡ୍ କେୟୁର୍ ଆରେ ୱେନ୍‌ଲକୁଙ୍ଗ୍ ପାଇଟ୍ ମେନ୍ ଲାଡ୍ କେଗିଙ୍ଗ୍ ଏଦା।

![](https://cdn.door43.org/obs/jpg/360px/obs-en-49-04.jpg)

ଅଣ୍ତ୍ ଆରେମେନ୍ ସିକିୟା ସିନଣ୍ତ୍ ଜେ ଇନ୍ ଏରେମେନ୍ ବିସୟୁଙ୍ଗ୍ ଆରେ ଇନେ ଦନ୍ ସମ୍‌ପତିଙ୍ଗ୍ ଲାଡ୍ କେଦାନ୍ ବାଦୁଲ୍‌ରେନ୍ ମାପ୍‌ରୁଙ୍ଗ୍ ପେରିନ୍ ଲାଡ୍ କେଗିଙ୍ଗ୍ ଏଦା।

![](https://cdn.door43.org/obs/jpg/360px/obs-en-49-05.jpg)

ଜିସୁ ପକେଣ୍ତ୍ ଜେ ଜଗତ୍‌ତୁନ୍ ମାନଣ୍ତି ଏରେମେନ୍ ମୁଲିକାଟେ ବିସୟ୍ ପେଲ୍‌ଟୁକ୍ ମାପ୍‌ରୁନେ ରାଜି ଅଦିକ୍ ଅଦିକ୍ ମୁଲିକାଟେ, ଏରେମେନ୍ ଲକୁଙ୍ଗ୍ ପାଇଟ୍ ପାଟିଟୁକ୍ ଗୁରୁସ୍‌ତାଟେ ବିସୟ୍ ଏରିଦା ଜେ, ଅଣ୍ତ୍ ମାପ୍‌ରୁନେ ରାଜିନ୍ ସେନିଙ୍ଗ୍ ଏଦା, ମାପ୍‌ରୁନେ ରାଜିନ୍ ନାନିଙ୍ଗ୍ ପାଇଟ୍, ନିଜେଟେ ପାପ୍‌ଟୁକ୍ ଉଦାର୍ ପାୟ୍‌ଏରିଙ୍ଗ୍ ଏଦା।

![](https://cdn.door43.org/obs/jpg/360px/obs-en-49-06.jpg)

ଜିସୁ ପକେଣ୍ତ୍ ଏଙ୍ଗୁର୍‌ତୁଲ୍ ଲକ୍ ଅଣ୍ତୁଙ୍ଗ୍ ଗରନ୍ କେଇ ଉଦାର୍ ପାୟ୍‌ଏଦାର୍, ମାତର୍ ଏଙ୍ଗୁର୍‌ତୁଲ୍ ଗରନ୍ କେଗିଙ୍ଗ୍ ପାଣ୍ତାର୍, ଅଣ୍ତ୍ ପକେଣ୍ତ୍ ଏଙ୍ଗୁର୍‌ତୁଲ୍ ଲକ୍ ନିୟାଟେ ବାସେ ୱାଡିନ୍, ଆୟ୍‌ଲକ୍ ମାପ୍‌ରୁନେ ନିୟାଟେ ପାଟେ ୱେଞ୍ଜି ଉଦାର୍ ପାୟ୍‌ଏଦାର୍, ଏଙ୍ଗୁର୍‌ତୁଲ୍ ରାସ୍‌ତାନ୍ ମାନଣ୍ତି ଆଟ୍‌ୱାଟେ ବାସେ ୱାଡିନ୍, ଆମାନ୍ ମାପ୍‌ରୁନେ ବାକିୟଟେ ୱିତିଲ୍ ନାନିଙ୍ଗ୍ ଅଡା ଆରେ ନିୟାଟେ ୱିତିଲ୍ ଏରିଙ୍ଗ୍ ଅଡା, ଏରେଲକ୍‌ଗୁଲ୍ ଜିସୁନେ ନିୟାଟେ ପାଟେଙ୍ଗ୍ ୱେନାର୍ ଆୟ୍‌ଲକ୍ ଅଣ୍ତୁନେ ରାଜିନ୍ ନାନିଙ୍ଗ୍ ଅଡାର୍।

![](https://cdn.door43.org/obs/jpg/360px/obs-en-49-07.jpg)

ଜିସୁ ସିକିୟା ସିମାଟଣ୍ତ୍ ଜେ ମାପ୍‌ରୁ ପାପିଲକୁଙ୍ଗ୍ ଅଦିକ୍ ଲାଡ୍ କେଦାଣ୍ତ୍, ଅଣ୍ତ୍ ଆୟ୍‌ଲକୁଙ୍ଗ୍ କେମାକେଇ ଅଣ୍ତୁନେ ସେପାକିଲ୍ କେଗିଙ୍ଗ୍ ଇସା କେଦାଣ୍ତ୍।

![](https://cdn.door43.org/obs/jpg/360px/obs-en-49-08.jpg)

ଜିସୁ ଆୟ୍‌ଲକୁଙ୍ଗ୍ ଆରେମେନ୍ ପକେଣ୍ତ୍ ମାପ୍‌ରୁ ପାପୁଙ୍ଗ୍ ଗୁର୍‌ନା କେଦାଣ୍ତ୍। ଏରେବେଲ୍ ଆଦମ୍ ଆରେ ଅବା ପାପ୍ କେନର୍, ଆଦ୍ ଆୟ୍‌ଲକ୍‌ନେ ପାଟିନ୍ ଜାତିଟେ ଲକୁଙ୍ଗ୍ ପାତେଟେ, ଇଦିନେ ପଲ୍ ଜଗତ୍‌ତୁନ୍ ମାନଣ୍ତି ପାଟିନ୍ ଲକ୍ ପାପ୍ କେଦାର୍ ଆରେ ମାପ୍‌ରୁନ୍ ପେଲ୍‌ଟୁକ୍ ୱେନେଲ୍‌ ଏଦାର୍, ଆରେ ପାଟିନ୍‌ଲକ୍ ମାପ୍‌ରୁନେ ସତ୍‌ରୁ ଏରିମାର୍।

![](https://cdn.door43.org/obs/jpg/360px/obs-en-49-09.jpg)

ମାତର୍ ମାପ୍‌ରୁ ଜଗତ୍‌ତୁନ୍ ମାନଣ୍ତି ପାଟିନ୍ ଲକୁଙ୍ଗ୍ ଇ ୱାଡିନ୍ ଲାଡ୍ କେନଣ୍ତ୍ ଜେ ଅଣ୍ତୁନେ ନିଜେଟେ ଉକୁର୍ ସେପାଲିଙ୍ଗ୍ ସିନଣ୍ତ୍ ଏଇର୍ କି ଅଣ୍ତୁନ୍‌ପେଲ୍ ବିସ୍‌ବାସ୍ କେଦାର୍, ଅଣ୍ତ୍ ଅଣ୍ତୁନେ ପାପ୍‌ଟେ ଡଣ୍ତ୍ ପାୟ୍‌ଏରାଏଙ୍ଗ୍ ମାପ୍‌ରୁନାଟ୍ ପାଟିନ୍ ଦିନ୍ ବାସେଏଦାଣ୍ତ୍।

![](https://cdn.door43.org/obs/jpg/360px/obs-en-49-10.jpg)

ନିଜେଟେ ପାପ୍ ପାଇଟ୍ ଇନ୍ ଦସି ଏରି ସାଗିଙ୍ଗ୍ ଜଗିୟ, ମାପ୍‌ରୁ ଇନ୍ ପାଇଟ୍ ରିସାଏରି ପକଣ୍ତି ପାଟେ, ମାତର୍ ଅଣ୍ତ୍ ଇନ୍‌ ପୟ୍‌ତାନ୍ ଆୟ୍ ରିସା କେୟାଏଙ୍ଗ୍ ଜିସୁଙ୍ଗ୍ ପୟ୍‌ତାନ୍ ଆୟ୍ ସିରା କେନଣ୍ତ୍, ଜିସୁ ଏରେବେଲ୍ କୁରୁସ୍ କାଟ୍‌ତିନ୍‌ ସାନଣ୍ତ୍ ଆଟେଲ୍ ଅଣ୍ତ୍ ଇନେ ଡଣ୍ତ୍ ପାୟ୍‌ଏନଣ୍ତ୍।

![](https://cdn.door43.org/obs/jpg/360px/obs-en-49-11.jpg)

ଜିସୁ ଏସେଲ୍ ପାପ୍ କେୟାଣ୍ତ୍, ମାତର୍ ଇନ୍ ପାଇଟ୍ ଆରେ ଜଗତ୍‌ଟେ ମାନଣ୍ଡି ପାଟିନ୍ ଲକ୍‌ନେ ପାପ୍‌ବଜ୍‌ କାଞ୍ଜି ଉଗୁଙ୍ଗ୍ ପାଇଟ୍ ଉକୁଟ୍ ସିଦ୍‌ଟେ ବଲିଦାନ୍ ୱାଡିନ୍ ଡଣ୍ତ୍ ପାୟ୍‌ଏରଣ୍ତି ଲକ୍ ୱାଡିନ୍, ଆଦିଙ୍ଗ୍ ଜିସୁ ନିଜେନିଙ୍ଗ୍ ବଲି ଏନଣ୍ତ୍, ଆଦିଙ୍ଗ୍ ମାପ୍‌ରୁ ଏରେମେନ୍ ପାପ୍ ଆରେ ଏରେୱାଡ଼଼ିଟେ ବୟକାର୍‌ଟେ ପାପ୍ ମେନ୍ କେମା ଏଦା।

![](https://cdn.door43.org/obs/jpg/360px/obs-en-49-12.jpg)

ନିୟାଟେ କାମେ ଇନୁଙ୍ଗ୍ ଉଦାର୍ କେଗିଙ୍ଗ୍ ଅଡା, ମାପ୍‌ରୁନା ସାଙ୍ଗ୍ ଏରିଙ୍ଗ୍ ପାଇଟ୍ ଇ ୱାଟେ ବିସୟ୍ ଏନାଦ୍‌ମେନ୍ ମାନା, ମାତର୍ ଜିସୁଇ ଇନେ ପାପୁଙ୍ଗ୍ ନରିକାର୍‌ଦାଣ୍ତ୍, ଜିସୁ ଏରିଦାଣ୍ତ୍ ମାପ୍‌ରୁନେ ସିଣ୍ଡ୍‌ ଆରେ ଇନେ ବାଦୁଲ୍ ଜିସୁୟି କୁରୁସ୍ କାଟ୍‌ତିନ୍ ସାନଣ୍ତ୍ ଆରେ ମାପ୍‌ରୁ ଇ ଅଣ୍ତୁଙ୍ଗ୍ ସାଦାନ୍‌ପେଲ୍‌ଟୁକ୍ ସିଣ୍ତୁସି ଜିୱେ କେନଣ୍ଡ୍‌ ଇ ପାଟେ ଇନୁଙ୍ଗ୍ ନିସୟ୍ ବାବ୍‌ରେନ୍ ବିସ୍‌ବାସ୍ କେଗିଙ୍ଗ୍ ଏଦା।

![](https://cdn.door43.org/obs/jpg/360px/obs-en-49-13.jpg)

ଏରେମେନ୍ ଲକ୍ ଜିସୁଙ୍ଗ୍ କାକେଲ୍ ବିସ୍‌ବାସ୍ କେଦାଣ୍ତ୍ ଆରେ ନିଜେଟେ ମାପ୍‌ରୁ ଏଞ୍ଜି ଗରନ୍ କେଦାଣ୍ତ୍, ମାପ୍‌ରୁ ଆୟ୍ ପାଟିନ୍ ଲକୁଙ୍ଗ୍ ଉଦାର୍ କେଦାଣ୍ତ୍। ମାତର୍ ଅଣ୍ତୁନ୍‌ପେଲ୍ ଏଇର୍ ବିସ୍‌ବାସ୍ କେୟାଣ୍ତ୍ ଅଣ୍ତ୍ ଅଣ୍ତୁଙ୍ଗ୍ ଉଦାର୍ କେୟାଣ୍ତ୍। ଇମ୍ ଦନି କି ଗରିବ୍ ଲକ୍, କି ଆସ୍‌ମାଲ୍ କି ମୁତାକ୍ ମୁର୍‌ତାଲ୍‌, କି ସେପାଲ୍ କି ମାଲ୍ ଆରେ ଏରେମାନ୍ ମାନ୍‌ଗଡ୍‌ମେନ୍ ଏନାଏରା। ମାପ୍‌ରୁ ଇମୁଙ୍ଗ୍ ଲାଡ୍ କେଗିଦାଣ୍ତ୍, ଆରେ ଇମ୍‌ଏରେ ୱାଡିନ୍ ଜିସୁଙ୍ଗ୍ କାକେଲ୍ ବିସ୍‌ବାସ୍ କେଦାର୍ ଆଦ୍ ଇସା କେଗିଦାଣ୍ତ୍ ଏଟେନ୍ ଅଣ୍ତୁନାଟ୍ ପେରିନ୍ ସାଙ୍ଗ୍ ଏଦାର୍।

![](https://cdn.door43.org/obs/jpg/360px/obs-en-49-14.jpg)

ଜିସୁ ଇନୁଙ୍ଗ୍ ଅଣ୍ତୁନ୍ ପେଲ୍ ବିସ୍‌ବାସ୍ କେଇମାନ୍‌ ଲକୁଙ୍ଗ୍ ବାପ୍‌ତିସ୍‌ମ ଏରିଙ୍ଗ୍ ପାଇଟ୍ ପକ୍‌ଦାଣ୍ତ୍। ଆରେ ଜିସୁ ଜେ କିସ୍‌ଟ ମାପ୍‌ରୁନେ ଉକୁଟ୍ ମାତର୍ ସେପାଲ୍ ଆଦ୍‌ଏନା ବିସ୍‌ବାସ୍ କେଗିଦାଟ୍ କି? ଇନ୍ ଜେ ଉକୁର୍ ପାପି ଆରେ ମାପ୍‌ରୁନ୍ ପେଲ୍ ଇନ୍ ଡଣ୍ତ୍ ପାୟ୍‌ଏଦାଟ୍? ଇନ୍ ଏନା ବିସ୍‌ବାସ୍ କେଗିଦାଟ୍ ଆନେ ପାପ୍ କାଞ୍ଜି ଉଗୁଙ୍ଗ୍ ପାଇଟ୍ ଜିସୁ କୁରୁସ୍‌କାଟ୍‌ତିନ୍ ସାନଣ୍ତ୍?

![](https://cdn.door43.org/obs/jpg/360px/obs-en-49-15.jpg)

ଜିସୁ ଇନ୍‌ପାଇଟ୍ ଏନାଦ୍ କେଇମାଣ୍ତ୍ ଆଦ୍ ପାଇଟ୍ ବିସ୍‌ବାସ୍ କେଗିଦାଟ୍, ଇନ୍ ଉକୁର୍ କିରିସ୍‌ଟାନ୍, ମାପ୍‌ରୁ ଇନୁଙ୍ଗ୍ ସୟ୍‌ତାନ୍‌ନେ ସିକାଟ୍‌ଟେ ରାଜିଟୁକ୍ ପେପ୍‌ସି ମାୟାଣ୍ତ୍ ଆରେ ମାପ୍‌ରୁନେ ରାଜିନ୍ ବାତି ୱାଡିନ୍ କେଇମାଣ୍ତ୍, ମାପ୍‌ରୁ ଆଗାଡି ପାପ୍‌ଟେ କାମେ ପାଟିନ୍ ପାତିସେଞ୍ଜିମାଣ୍ଡ୍‌ ଆରେ ଅଣ୍ତ୍ ଇନୁଙ୍ଗ୍ ପୁନେଦ୍ ଆରେ ଦରମ୍‌ଟେ ପାୱ୍ ସିମାଣ୍ତ୍।

![](https://cdn.door43.org/obs/jpg/360px/obs-en-49-16.jpg)

ଜଦି ଇନ୍ କିରିସ୍‌ଟାନ୍, ଆଟେଲ୍ ଜିସୁ ଏନାଦ୍ କେୟିମାଣ୍ତ୍ ଆଦିଙ୍ଗ୍ ପାଇଟ୍ ମାପ୍‌ରୁ ଇନେ ପାପ୍ ପାଟିନ୍ କେମା କେଇମାଣ୍ତ୍। ଇଣ୍ତି, ଇନ୍ ମାପ୍‌ରୁନେ ଉକୁର୍ ସତ୍‌ରୁ ଏରାଏଙ୍ଗ୍‌ ଅଣ୍ତୁନେ ଉକୁର୍ ନିୟାଟେ ସାଙ୍ଗ ଏରିଙ୍ଗ୍ ମାପ୍‌ରୁ ଏତାତଣ୍ତ୍।

![](https://cdn.door43.org/obs/jpg/360px/obs-en-49-17.jpg)

ଜଦି ଇନ୍ ମାପ୍‌ରୁନେ ଉକୁର୍ ସାଙ୍ଗ ଆରେ ପର୍‌ବୁ ଜିସୁନେ ସେବକ୍, ଆଟେଲ୍ ଜିସୁ ଏନାଦ୍ ଏନାଦ୍ ସିକିୟା ସିନଣ୍ତ୍ ଆଦ୍ ପାଲନ୍ କେଗିଙ୍ଗ୍ ପାଇଟ୍ ଇନ୍ ଇଚା କେଦାଟ୍‌। ଜଦି ଇନ୍ ଉକୁର୍ କିରିସ୍‌ଟାନ୍, ଏଗଡ୍‌ମେନ୍ ଇନ୍ ପାପ୍ କେଗିଙ୍ଗ୍ ପାଇଟ୍ ପର୍‌ଲବନ୍‌ ଏଦାଟ୍‌। ମାତର୍ ମାପ୍‌ରୁ ବିସ୍‌ବାସ୍‌ଟଣ୍ଡ୍‌ ଆରେ ଅଣ୍ତ୍ ପକ୍‌ଦାଣ୍ତ୍ ଜେ ଜଦି ଇନ୍ ଇନେ ପାପ୍ ପାଟିନ୍ ମାନ୍ ଏଦାଟ୍‌, ଅଣ୍ତ୍ ଇନୁଙ୍ଗ୍ କେମା ସିଦାଣ୍ତ୍। ପାପ୍ ବିରଦ୍‌ରେନ୍ ଜୁଦ୍ କେଗିଙ୍ଗ୍ ପାଇଟ୍ ଅଣ୍ତ୍ ଇନୁଙ୍ଗ୍ ସକ୍‌ତି ଜାଗାତାଣ୍ତ୍।

![](https://cdn.door43.org/obs/jpg/360px/obs-en-49-18.jpg)

ଇନ୍ ଏଟେନ୍ ପାର୍‌ତନା କେଦାଟ୍‌, ଅଣ୍ତୁନେ ବାକିୟ ପଡେଏଦାଟ୍‌, ୱେନ୍ କିରିସ୍‌ଟାନ୍ ଲକ୍‌ନା ଅଣ୍ତୁନେ ଉପାସନା କେଦାଟ୍‌ ଆରେ ଅଣ୍ତ୍ ଇନ୍ ପର୍‌ତି ଏନାଦ୍ ଏନାଦ୍ କେଇମାୟାଣ୍ତ୍ ଆଦ୍ ୱେନ୍ ଲକୁଙ୍ଗ୍ ପକ୍‌ଦାଟ୍‌, ଇଦ୍ ମାପ୍‌ରୁ ଇନୁଙ୍ଗ୍ ପକେଣ୍ତ୍। ଇଦ୍ ପାଟିନ୍ ଇନୁଙ୍ଗ୍ ଅଣ୍ତୁନା ନିୟାରେନ୍ ସମ୍‌ପର୍‌କ ତିୟାର୍ କେଗିଙ୍ଗ୍ ପାଇଟ୍ ସାଇଜ କେଦାଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍ : ରମିୟ ୩:୨୧-୨୬; ୫:୧-୧୧; ଜଅନ୍ ୩:୧୬; ମାର୍‌କ ୧୬:୧୬; କଲସିୟ ୧:୧୩-୧୪; ୨-କରନ୍ତିୟ ୫:୧୭-୨୧; ଜଅନ୍ ୧:୫-୧୦*

## 50. ୫୦- ଜିସୁ ଆରେତରେକ୍ ମାଣ୍ଡି ୱାଦାଣ୍ଡ୍

https://openbiblestories.org/l/gdb/story-50/

![](https://cdn.door43.org/obs/jpg/360px/obs-en-50-01.jpg)

୨୦୦୦ ବାରିସ୍ ଆଗାଡିଟୁକ୍ ପାଟିନ୍ ଜଗତ୍‌ଟେ ଲକ୍ ଅଦିକ୍‌ଟୁକ୍ ଅଦିକ୍ କିସ୍‌ଟ ଜିସୁନେ ନିୟାଟେ କାବୁର୍ ୱେଣ୍ତୁକିଦାର୍, ମଣ୍ତ୍‌ଲିଲ୍ ପେରିନ୍ ସାନ୍ଦି ସେନିଦାୱ୍, ଜିସୁ ଜିଦ୍‌ କେନଣ୍ତ୍ ଜେ ପଲଣ୍ତି ବେଲା ଜଗତ୍‌ତୁନ୍ ୱାରିଦା, ଜଦି ଅଣ୍ତ୍ ଇ ଆରେକ୍ ୱାରାଣ୍ତି, ଅଣ୍ତ୍ ଅଣ୍ତୁନେ ଜିଦ୍‌ ରକିୟା କେଦାଣ୍ତ୍।

![](https://cdn.door43.org/obs/jpg/360px/obs-en-50-02.jpg)

ଆମ୍ ଜିସୁ ୱାରଣ୍ତି କାସି କାସି ମାପ୍‌ରୁ ଇସା କେଗିଦାଣ୍ତ୍ ଏଟେନ୍ କି ଆମ୍ ଉକୁଟ୍ ପବିତ୍‌ର ଆରେ ଗରବ୍ କେୟଣ୍ତି ଉକୁଟ୍ ଜିୱେନା ପିୟିଙ୍ଗ୍ କାର୍, ଅଣ୍ତ୍ ଇସା କେଗିଦାଣ୍ତ୍ ଆମ୍ ଅଣ୍ତୁନେ ରାଜି ବିସୟ୍‌ତୁନ୍ ଅମାନିୟ ଏରାଏଙ୍ଗ୍ ମାନିଙ୍ଗ୍, ଜିସୁ ପୁର୍‌ତିନ୍ ବାସେ ଏଦାନ୍‌ବେଲ୍ ପକେଣ୍ତ୍, ଆନ୍ ସିସୁତୁଲ୍ ମାପ୍‌ରୁନେ ରାଜିଟେ ନିୟାଟେ କାବୁର୍ ଜଗତ୍‌ତୁନ୍ ମାନଣ୍ତି ପାଟିନ୍ ଲକୁଙ୍ଗ୍ ପର୍‌ସାର୍ କେଦାର୍ ଆଟେଲ୍ ଜୁଗ୍ ପଲ୍‌ଦା।

![](https://cdn.door43.org/obs/jpg/360px/obs-en-50-03.jpg)

ପେଙ୍ଗିଟ୍ ଲକ୍‌ନେ ଦଲ୍ ଇନେନ୍ ଆରେକ୍ ଜିସୁନେ ବିସୟ୍ ୱେନାରି, ଅଣ୍ତ୍ ସର୍‌ଗେନ୍ ମାଣ୍ତିସେୟାନ୍ ଆଗାଡି, ଏରେଲକ୍ ଏସେଲ୍‌ମେନ୍ ସୁସମାସାର୍ ୱେନାରି ଆୟ୍‌ଲକୁଙ୍ଗ୍ କାକେଲ୍ ସୁସମାସାର୍ ୱେଣ୍ତୁକୁଙ୍ଗ୍ ପାଇଟ୍ ଜିସୁ କିସ୍‌ଟାନ୍ ତିଲିଙ୍ଗ୍ ପକିମାଣ୍ତ୍, ଅଣ୍ତ୍ ପକେଣ୍ତ୍ “ଇମ୍‌ଗୁଲ୍ ସେଞ୍ଜି ପାଟିନ୍‌ଲକ୍ ଦଲୁଙ୍ଗ୍ ସିସ୍‌ୟ କେୟୁର୍, ଆରେ ତାସ୍ ପାଟିନ୍ ପାଡ୍‌ଙ୍ଗି ସେଞ୍ଜିମା।

![](https://cdn.door43.org/obs/jpg/360px/obs-en-50-04.jpg)

ଜିସୁ ଆରେ ପକେଣ୍ତ୍, “ଦାସ୍ ସାୱ୍‌କାର୍ ପେଲ୍‌ଟୁକ୍ ବେର୍‌ଟଣ୍ତ୍ ଏରାଣ୍ତ୍। ଇ ଜଗତ୍‌ଟେ ନେତାକିଲ୍ ଏରେୱାଡିନ୍ ଆନୁଙ୍ଗ୍ ଗୁର୍‌ନା କେଦାର୍, ଆୟ୍‌ୱାଡିନ୍ ଆୟ୍‌ଲକ୍ ଆନ୍‌ନାଟ୍ ଇମ୍‌ଗୁଲୁଙ୍ଗ୍ ତାଡ୍‌ନା କେଇ ଆଟ୍‌ଦାର୍, ଜଦି ଇ ଜଗତ୍‌ତୁନ୍ ଦୁକ୍ ପାୟ୍‌ଏଦାର୍, କିର୍‌ଦେ ଏରୁର୍ ଏନାଦିଙ୍ଗ୍ କି ଜଗତୁଙ୍ଗ୍ ସାସନ୍ କେୟଣ୍ତି ସୟତାନିଙ୍ଗ୍ ପେଲ୍‌ଟୁକ୍ ଜିନ୍‌ସିମାନ୍, ଜଦି ଇମ୍‌ଗୁଲ୍ କୁଣ୍ତେଲ୍ ଆରେକ୍, ଆନ୍ କାକେଲ୍ ବିସ୍‌ବାସ୍‌ନା ସେୟ୍‌ଦାର୍, ଆଟେଲ୍ ମାପ୍‌ରୁ ଇମ୍‌ଗୁଲୁଙ୍ଗ୍ ରକିୟା କେଦାଣ୍ତ୍।

![](https://cdn.door43.org/obs/jpg/360px/obs-en-50-05.jpg)

ଜଗତ୍ ସେସ୍ ଏଦାନ୍‌ବେଲ୍ ଲକ୍‌ଗୁଲୁଙ୍ଗ୍ ପେଲ୍ ଏନାଦ୍ ଗଟ୍‌ଏଦା ଆଦ୍ ବୁଜାକିଙ୍ଗ୍ ପାଇଟ୍ ଜିସୁ ଅଣ୍ତୁନେ ସିସୁତୁଲୁଙ୍ଗ୍ ଉକୁଟ୍ କେରାଲ୍ ପକେଣ୍ତ୍, ଅଣ୍ତ୍ ପକେଣ୍ତ୍ ଉକୁର୍ ଲକ୍ ଅଣ୍ତୁନେ ୱିଣ୍ତ୍‌ତିନ୍ ୱିତିଲ୍ ୱିତେଣ୍ତ୍, ଅଣ୍ତ୍ ଅଡିମାନ୍‌ବେଲ୍ ଅଣ୍ତୁନେ ସତ୍‌ରୁ ୱାରି ଗଙ୍ଗ୍ ୱିଦାନ୍ ପେଲ୍ ଲାଟା ୱିତେଣ୍ଡ୍‌ ଆରେ ପେସି ସେଣ୍ତେ।

![](https://cdn.door43.org/obs/jpg/360px/obs-en-50-06.jpg)

ଆଟେଲ୍ ୱିତିଲ୍ ଗାଜାଏନେ, ଆୟ୍‌ଲକ୍‌ନେ ଦାସ୍‌ତିଲ୍ ୱାରି ପକେର୍,“ ଗୁରୁ ଇନ୍‌ଏନା ଆୟ୍ ବାସେନ୍ ନିୟାଟେ ୱିତିଲ୍ ୱିତେଟ୍। ଏନାଦିଙ୍ଗ୍ ଆମାନ୍ ଲାଟାମେନ୍ ତଣ୍ତୁଦା?” ‘ଗୁରୁ ଉତର୍ ସିନଣ୍ତ୍ ଉକୁଟ୍ ସତ୍‌ରୁ ଆଦ୍ କେଇମା।”

![](https://cdn.door43.org/obs/jpg/360px/obs-en-50-07.jpg)

“ଦାସ୍‌ତିଲ୍ ଆୟ୍‌ଲକ୍‌ନେ ମାଲିକିଙ୍ଗ୍ ପକେର୍, ଆମ୍ ଆୟ୍ ଲାଟାଙ୍ଗ୍ ପାଇକାର୍‌ଦାମ୍?” ମାନା ଜଦି ଇମ୍‌ଗୁଲ୍ ଆଦ୍ କେଦାନ୍‌ବେଲ୍ ଗଙ୍ଗ୍‌ଗୁଲୁଙ୍ଗ୍‌ମେନ୍ ପାୟି କାର୍‌ଦାର୍, ଗଙ୍ଗ୍ ପାଡିଙ୍ଗ୍‌ଦାନ୍ ଆରେକ୍ କାପୁର୍, ଲାଟାଙ୍ଗ୍ ଉକୁଟ୍‌ପେଲ୍ ଜମାସି ସାଟି କାରୁର୍, ମାତର୍ ଗଙ୍ଗ୍ ୱିତିଲିଙ୍ଗ୍ ଆନେ ଗାର୍‌ସେନ୍ ଇନ୍ଦ୍‌ରେର୍‌।

![](https://cdn.door43.org/obs/jpg/360px/obs-en-50-08.jpg)

ସିସୁତୁଲ୍ ଇ କେରାଲ୍‌ଟେ ଅରତ୍ ବୁଜ୍‌ଏରିଙ୍ଗ୍ ଅଡୁଟର୍, ଆଦିଙ୍ଗ୍ ଆୟ୍‌ଲକ୍ ଆଦ୍ ବୁଜାସି ସିଗିଙ୍ଗ୍ ଜିସୁଙ୍ଗ୍ ପକେର୍, ଜିସୁ ପକେଣ୍ତ୍ ଏରେଲକ୍ ନିୟାଟେ ୱିତିଲ୍ ୱିତି ମାଟଣ୍ତ୍ ଅଣ୍ତ୍ କିସ୍‌ଟ, ବାସେ ଏରିଦା ଜଗତ୍, ନିୟାଟେ ୱିତିଲ୍ ଏରିଦା ମାପ୍‌ରୁନେ ରାଜିଟେ ଲକ୍‌ଗୁଲୁଙ୍ଗ୍ ବୁଜାକିଦା।

![](https://cdn.door43.org/obs/jpg/360px/obs-en-50-09.jpg)

“ଲାଟା ଏରିଦା ଆୟ୍‌ଲକୁଙ୍ଗ୍ ଏରେଲକ୍ କି ଉୟାଟେ କାମେ କେଦାନ୍ ଲକ୍, ଏରେସତ୍‌ରୁ କି ଲାଟା ୱିତି ସେଣ୍ତେ ଆଦ୍ ଏରିଦା ସୟତାନ୍, ଗଙ୍ଗ୍ ୱିତିଲ୍ ଏରିଦା ଜଗତ୍‌ଟେ ସେସ୍‌କାଲ୍‌, ଆରେ ଗଙ୍ଗ୍ କଦାନ୍‌ଲକ୍ ଏରିଦାର୍ ମାପ୍‌ରୁନେ ଦୁତ୍‌ଗୁଲ୍।”

![](https://cdn.door43.org/obs/jpg/360px/obs-en-50-10.jpg)

ଏରେବେଲ୍ ଜଗତ୍ ସେସ୍‌ଏଦା ଆଟେଲ୍ ଦୁତ୍‌ଗୁଲ୍ ପାପିଲକୁଙ୍ଗ୍ ଉକୁଟ୍‌ପେଲ୍ କେଇ ପାନ୍ଦଣ୍ତି କିସ୍‌ତିନ୍ କାରିସିଦାୱ୍, ଆମାନ୍ ପାଲ୍‌କିଲ୍ କର୍‌କିଏରି ରଦନ୍ କେଦାର୍, ଆଟେଲ୍ ଦରମ୍‌ଲକ୍ ଆୟ୍‌ଲକ୍‌ନେ ଆବା ମାପ୍‌ରୁନ୍‌ପେଲ୍ ୱେଲେ ୱାଡିନ୍ ୱିଣ୍ତ୍ ସିଦାର୍।

![](https://cdn.door43.org/obs/jpg/360px/obs-en-50-11.jpg)

ଜିସୁ ଆରେମେନ୍ ପକେଣ୍ତ୍ ଜଗତ୍ ସେସ୍ ଏଦାନ୍‌ବେଲ୍ ପୁର୍‌ତିନ୍ ମାଣ୍ତି ୱାଦାଣ୍ତ୍, ଅଣ୍ତ୍ ଏରେୱାଡିନ୍ ପୁର୍‌ତିଟୁକ୍ ସର୍‌ଗେନ୍ ସେଞ୍ଜିମାଟଣ୍ତ୍, ଟିକ୍ ଆୟ୍‌ୱାଡିନ୍ ପୁର୍‌ତିନ୍‌ ମାଣ୍ତି ୱାଦାଣ୍ତ୍, ଅଣ୍ତୁନେ ଉକୁଟ୍ ମେନ୍ ସେୟ୍‌ଦା ଆରେ ଅଣ୍ତ୍ ଆକାସ୍‌ତିନ୍ ମଗୁଲ୍‌ନାଟ୍ ୱାଦାଣ୍ତ୍, ଜିସୁ ଏରେବେଲ୍ ୱାଦାଣ୍ତ୍, ଏଙ୍ଗୁର୍‌ତୁଲ୍ ବିସ୍‌ବାସ୍‌କେ ସାଇମାର୍, ଆୟ୍‌ଲକ୍ ସାଦାନ୍ ପେଲ୍‌ଟୁକ୍ ସିଲ୍‌ତାର୍ ଆରେ ଅଣ୍ତୁଙ୍ଗ୍ ଆକାସ୍‌ତିନ୍ ବେଟ୍‌ଏଦାର୍।

![](https://cdn.door43.org/obs/jpg/360px/obs-en-50-12.jpg)

ଆମାଟୁକ୍ ଏରେ ବିସ୍‌ବାସିତିଲ୍ ଜିୱେ ସେୟ୍‌ଦାର୍ ଆୟଲକ୍ ସାଦାନ୍ ପେଲ୍‌ଟୁକ୍‌ ସିଲ୍‌ତାନ୍ କିସ୍‌ଟାନ୍‌ଲକ୍‌ନା ମିସ୍‌ଏରି ସର୍‌ଗେନ୍ ସେୟାର୍ ଆୟ୍‌ଲକ୍ ପାଟିନ୍ ଆମାନ୍ ଜିସୁନା ସେୟ୍‌ଦାର୍, ଆମାଟୁକ୍ ଜିସୁ ଅଣ୍ତୁନେ ଲକ୍‌ନା ପାଟିନ୍ ବେଲ୍ ସାନ୍‌ତି ଆରେ କିର୍‌ଦେନା ସେୟ୍‌ଦାର୍।

![](https://cdn.door43.org/obs/jpg/360px/obs-en-50-13.jpg)

ଏରେଲକ୍ ଜିସୁଙ୍ଗ୍ ପେଲ୍ ବିସ୍‌ବାସ୍ କେଦାର୍ ଆୟ୍‌ଲକୁଙ୍ଗ୍ ମୁକୁଟ୍ ସିଗିଙ୍ଗ୍ ପାଇଟ୍ ଜିସୁ ଜିଦ୍‌ କେୟିମାଣ୍ତ୍। ଆୟ୍‌ଲକ୍ ମାପ୍‌ରୁନାଟ୍ ପାଟିନ୍‌ବେଲ୍ ସାନ୍‌ତିରେନ୍ ବାସେଏରି ସେୟ୍‌ଦାର୍।

![](https://cdn.door43.org/obs/jpg/360px/obs-en-50-14.jpg)

ମାତର୍ ଏରେଲକ୍ ଜିସୁଙ୍ଗ୍‌ପେଲ୍ ବିସ୍‌ବାସ୍ କେୟାର୍ ଆୟ୍‌ଲକୁଙ୍ଗ୍ ମାପ୍‌ରୁ ବିଚାର୍ କେଦାଣ୍ତ୍। ଅଣ୍ତ୍ ଆୟ୍‌ଲକୁଙ୍ଗ୍ ନର୍‌କନ୍ କାର୍‌ଦାଣ୍ତ୍, ଆମାନ୍ ପାଲ୍‌କିଲ୍ କର୍‌କି ଏରି ରଦନ୍ କେଦାର୍, ଆମାନ୍ କିସ୍ ଏସେଲ୍‌ମେନ୍ ସିଟା, ପୁଡୁତୁଲ୍ ଆୟ୍‌ଲକୁଙ୍ଗ୍ ତିନିଙ୍ଗ୍ ସାକାରାୱ୍।

![](https://cdn.door43.org/obs/jpg/360px/obs-en-50-15.jpg)

ଜିସୁ ଏସେବେଲ୍ ୱାଦାଣ୍ତ୍, ଆସେବେଲ୍ ଅଣ୍ତ୍ ପାଟିନ୍ ସୟ୍‌ତାନ୍ ଆରେ ଅଣ୍ତୁନେ ରାଜିଙ୍ଗ୍ ବିନାସ୍ କେଦାଣ୍ତ୍। ଆୟ୍ ସୟ୍‌ତାନିଙ୍ଗ୍ ଆରେ ମାପ୍‌ରୁନେ ଆଦେସ୍ ମାନ୍‌ଏରା ଲକୁଙ୍ଗ୍ ନର୍‌କନ୍ କାରିସିଦାଣ୍ତ୍, ଆମାନ୍ ପାଟିନ୍ ବେଲ୍ କସ୍‌ଟ ପାୟ୍‌ଏଦାର୍।

![](https://cdn.door43.org/obs/jpg/360px/obs-en-50-16.jpg)

ଆଦମ୍ ଆରେ ଅବା ମାପ୍‌ରୁନେ ଆଦେସ୍ ମାନ୍ ଏରୁଟର୍ ଆରେ ଇ ଜଗତୁଙ୍ଗ୍ ପାପ୍ ଇନ୍ଦ୍‌ରେର୍, ଆଦିଙ୍ଗ୍ ମାପ୍‌ରୁ ଜଗତୁଙ୍ଗ୍ ଅବିସାପ୍ ସିନଣ୍ତ୍ ଆରେ ବିନାସ୍ କେଗିଙ୍ଗ୍ ପାଇଟ୍ ଇଚା କେନଣ୍ତ୍। ମାତର୍ ଦିନେକ୍ ମାପ୍‌ରୁ ପୁନେଦ୍‌ଟେ ସରଗ୍ ଆରେ ପୁର୍‌ତିବି ସୁସ୍‌ଟି କେଦାଣ୍ତ୍ ଆରେ ନିୟାଟେ ସାନ୍‌ତି ସୁକଲ୍‌ଟେ ରାଜି ଏଦା।

![](https://cdn.door43.org/obs/jpg/360px/obs-en-50-17.jpg)

ଜିସୁ ଆରେ ଅଣ୍ତୁନେ ଲକ୍‌ଗୁଲ୍ ପୁନେଦ୍‌ଟେ ପୁର୍‌ତିନ୍ ବାସେ ଏଦାର୍, ଆରେ ଏନାଦ୍ ଏନାଦ୍ ସେୟ୍‌ଦାୱ୍ ଆୟ୍ ପାଟିନ୍ ପୟ୍‌ତାନ୍ ଅଣ୍ତ୍ ସାସନ୍ କେଦାଣ୍ତ୍। ଅଣ୍ତ୍ ପାଟିନ୍ ଲକ୍‌ନେ କାନିର୍ ତୁର୍‌ସି ସିଦାଣ୍ତ୍ ଆରେ କେଲେସ୍ କି, ଦୁକ୍ କି, ଆଣ୍ତଣ୍ଡି କି, କସ୍‌ଟ କି, ସାଗିଙ୍ଗ୍ ଏରା। ଜିସୁ ସାନ୍‌ତି ଆରେ ନିୟାୟ୍‌ରେନ୍ ଅଣ୍ତୁନେ ରାଜିଙ୍ଗ୍ ସାସନ୍ କେଦାଣ୍ତ୍। ଆରେ ଅଣ୍ତ୍ ଅଣ୍ତୁନେ ଲକ୍‌ନା ପାଟିନ୍‌ଦିନ୍ ସେୟ୍‌ଦାଣ୍ତ୍।

*ବାଇବଲ୍‌ଟେ ଉକୁଟ୍ କେରାଲ୍ : ମାତିଉ ୨୪:୨୪; ୨୮:୧୮; ଜଅନ୍ ୧୫:୨୦, ୧୬:୩୩; ପର୍‌କାସିତ୍ ୨:୧୦; ମାତିଉ ୧୩:୨୪-୩୦, ୩୬-୪୨; ୧-ତେସଲନିକିୟ ୪:୧୩-୫:୧୧; ଜାକୁବ୍ ୧:୧୨; ମାତିଉ ୨୨:୧୩; ପର୍‌କାସିତ୍ ୨୦:୧୦;୨୧:୧-୨୨:୨*