# unfoldingWord Open Bible Stories — زبان گیلکی (Gilaki)

- Language code: `glk`
- Canonical page: https://openbiblestories.org/l/glk/
- Stories in this file: 50 of 50
- Published by: fa_gl
- Last release: 2023-11-08
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the زبان گیلکی translation; it is not a translation of the whole Bible.

## 1. ۱- آفرینش

https://openbiblestories.org/l/glk/story-1/

![](https://cdn.door43.org/obs/jpg/360px/obs-en-01-01.jpg)

خۊدا کائناتأ هأتؤ خلق بۊکۊد: اۊن دۊنيا ؤ همه تأ موجواتأ شيش رۊز دۊرۊن چأکۊد. بزين کي زمينأ خلق بۊکۊد، زمين تاريک ؤ خالي بو ؤ هيچ چي اؤن دۊرۊن شکل نيگيفته بو . خۊدا روح آبأن سرأ بيگيفت.

![](https://cdn.door43.org/obs/jpg/360px/obs-en-01-02.jpg)

بزین خۊدا بفرماست : «روشنائي ببه» ؤ روشنایی بۊبۊست. اؤن بيده رۊشنائي خؤبه ؤ اۊني نامأ" رۊز "بنأ. ؤ خودا تاريکي روشنائيأ جأ سیوا بۊکۊد ؤ تاريکيأ" شب" بنامست. هتو بو کي خودا نۊرأ اولی روز چأکۊد .

![](https://cdn.door43.org/obs/jpg/360px/obs-en-01-03.jpg)

دومين رۊز خلقت،خۊدا بفرماست: « آسمان زمينِ جۊر آفريده ببه» ؤ بۊبۊست .خۊدا اونِ آسمان بنامست.

![](https://cdn.door43.org/obs/jpg/360px/obs-en-01-04.jpg)

سومي رۊز خۊدا بفرماست : «آبأنا آسمان جیر همتا ایجا جمع به، تا خوشکی بوجودبایه . » اؤن خوشکيا« زمين» ؤ آبأنأ« دريا »بنامست. خۊدا چيزيأ کي خلق بۊکۊده بو بيده خوبه.

![](https://cdn.door43.org/obs/jpg/360px/obs-en-01-05.jpg)

بزين خۊدا بفرماست : «همه جۊر گياه ؤ دار زمين سر بۊجؤر بأيه »ؤ بۊبۊست. خۊدا بيده اونچی کی خلق بوکودِ خؤبه.

![](https://cdn.door43.org/obs/jpg/360px/obs-en-01-06.jpg)

آفرينش چهارمي رۊز دۊرۊن،خۊدابفرماست:«آسمان میانی روشنایی ببه. »هتوبوکی خودا خورشید ماه و ستارگان خلق بوکود تا زمينأ روشنائي ببخشه. بزین رۊز ،شب ، فصلأن ؤ سالأن جه هم سیوا ببوستید. . خۊدا چيزيأ کي چأکۊده بو فأندرست ؤ همه تأ خؤب بيد.

![](https://cdn.door43.org/obs/jpg/360px/obs-en-01-07.jpg)

پنجمي رۊز ،خۊدا بفرماست : «همه جور آبزيأن دریا میان پور بید ؤ پرندأن آسمان میانی پرواز بوکونید».بزین اون همتا آبزیان و پرندان خلق بوکود. خۊدا بيده اونچی خلق بوکده، خبه ؤ اؤشأنأ برکت بدأ.

![](https://cdn.door43.org/obs/jpg/360px/obs-en-01-08.jpg)

ششمي رۊز آفرينش دۊرۊن، خۊدا بفرماست: «زمين جا انواع جانورأن پورأ به» ؤ خأسته خۊدا انجام بۊبۊ. اوشان حيوانأن اهلي، خزنده، ؤ حشرات بیدی. خۊدا چيزيأ کي چأکۊده بو فأندرست ؤ خوشحالأ بوست.

![](https://cdn.door43.org/obs/jpg/360px/obs-en-01-09.jpg)

بزين خۊدا بفرماست: «انسانأ خۊدم منستأن چاکؤنم تازیمین و تۊمام جانورانِ فرمانروائي بۊکۊنه. »

![](https://cdn.door43.org/obs/jpg/360px/obs-en-01-10.jpg)

بزين خۊدا مردأ جه زمين^خاک بوجۊد بأورد ؤ حيات^روح اۊن دۊرن بدمست.ؤ اؤنأ آدم نام بنأ. خۊدا آدم رٔ ايتأ پیلِ باغ فراهم بۊکۊد تا اويأ زندگي بۊکۊنه ؤ اؤني جأ مراقبت بۊکۊنه.

![](https://cdn.door43.org/obs/jpg/360px/obs-en-01-11.jpg)

خۊدا دؤنه مخصوص^دار باغ وسط بنأ، ايتأ حيات^دار ؤ اويتأ شناخت نيک ؤ بد^ دار. خۊدا آدمأ بفرماست: تو تأني جه همه يه باغ^داران^ميوه بوخوري اما جه شناخت نيک ؤ بد^دار. هر زمات اۊني جأ بوخوري ،ميري.

![](https://cdn.door43.org/obs/jpg/360px/obs-en-01-12.jpg)

بزين خۊدا بفرماست: «خؤب نيه آدم تنها بمأنه. » چون حيوانأن نتأنيد آدم رٔ مناسب همدم بيبيد.

![](https://cdn.door43.org/obs/jpg/360px/obs-en-01-13.jpg)

بزین خۊدا آدمأ ايتأ عميق^خواب مرأ بۊخۊسأنه.بازون أني ايتأ دنده يأ اۊسأد ؤ اۊني جأ، زنأ بیافرینه ؤ ببرد آدم ورجأ.

![](https://cdn.door43.org/obs/jpg/360px/obs-en-01-14.jpg)

وقتي آدم اؤنأ بيده ،بۊگۊفت: « أن مرأ مأنه. پس اؤنأ زن بنامست، چؤن انسان جأ بيگيفته بۊبۊست . » هتۊيه کي مرد جه خو پئر و مار سوا به ؤ خود همسرأ پيوند خۊره، ؤ بزین اؤن اؤ دؤتأ ، ایتأ تن بيدي.

![](https://cdn.door43.org/obs/jpg/360px/obs-en-01-15.jpg)

هتوئي خۊدا مرد ؤ زنأ خۊدش منستأن چأکۊد.بزين اۊشأنأ برکت بدأ ؤ بفرماست: «بارور بيبيد ، زأي باوريد ؤ زمينأ پؤرا کۊنيد. » ؤ خۊدا بيده کي خلقت همه تا خيلي خبه ؤ جه کاري کي انجام بدأ بؤ راضي بۊبۊست. أشأن همه ششمین رۊز میان ایتفاق دکفت.

![](https://cdn.door43.org/obs/jpg/360px/obs-en-01-16.jpg)

هفتمي رۊز فأرسن ر خۊدا آفرينش کارأ تومام بوبوسته بو،خۊدا هفتمي رۊزأ برکت بدأ و اؤنأ مقدس اعلام بۊکۊد؛چؤن رۊزي بۊ کي خۊدا آفرينش کار تومأمِ بو ، بزین آرام بيگيفت.هتۊ بؤ کي دؤنيا ؤ همه چي اؤن دۊرۊن توسط خودا بیافریده بوبوست.

*کتاب پیدایش فصل ۱ و ۲*

## 2. ۲- گۊناه دونيا دورن أيه

https://openbiblestories.org/l/glk/story-2/

![](https://cdn.door43.org/obs/jpg/360px/obs-en-02-01.jpg)

آدم ؤ أني زن هۊقشنگ باغي کي خۊدا اشأنه ره چأکۊده بۊ،با دیل خوشی زندگي کۊديد. هيتأشون رخت نأشتيد ،ؤ جأ هأ لوختي خجالت نکشه ائد چؤن هنو گۊناه دؤنيا دۊرن ننأبو. اۊشأن اغلب باغ دۊرۊن قدم زئيد ؤ خۊدا مرأ گب زئيد.

![](https://cdn.door43.org/obs/jpg/360px/obs-en-02-02.jpg)

اما باغ دۊرۊن ايتأ حیلگرلنتي ايسأبو. اؤن زن جأ وأورسه : «أن حقيقت دأره کي خۊدارشومارأ بۊگوفته کي هأ باغ هيتأ داران ميوه يأ نۊخۊريد؟»

![](https://cdn.door43.org/obs/jpg/360px/obs-en-02-03.jpg)

زن جواب بدأ : «أمئن اجازه دأريم جأ همه داران ميوه بۊخۊريم جه غيرزِ شناخت نيک ؤ بد^دار^ميوه. خۊدا امرأ بۊگۊفته کي : «اگه از هؤ دار بؤخؤريم ؤ يا اؤنأ دس بزنيم ،هؤ لحظه هو موقعه ميريم. »

![](https://cdn.door43.org/obs/jpg/360px/obs-en-02-04.jpg)

لنتي زنأ جواب بدأ : «أن حقيقت ناره! شؤمان نيميريد. خۊدا دأنه کي جاهؤ دار ميوه بؤخؤريد ، خۊدا منستأن بيد ؤ اؤني منستأن خبأ جه بد تأنيد تشخيص بديد. »

![](https://cdn.door43.org/obs/jpg/360px/obs-en-02-05.jpg)

هؤمیوه دار به زناک چوم قشنگ وخوش مزه بأمؤ. هأتؤ همه چيأ خأستي بفهمه، هن وأسي هؤ دار ايتأ ميوه يأ بیچه بۊخۊرد. بزين به خؤ مردأکم فأدأ ؤ اؤنم بۊخۊرد.

![](https://cdn.door43.org/obs/jpg/360px/obs-en-02-06.jpg)

ايدفا، اؤشانه چؤمان به سو بأمو ؤ جه خوشأنه لوختي آگاه بۊبۊستيد. آدم ؤ أني زن سعي بۊکۊديد انجيل دار^ولگ جأ ،خوشأنه لوختی بپوشانید.

![](https://cdn.door43.org/obs/jpg/360px/obs-en-02-07.jpg)

بزين آدم ؤ أني زن باغ دۊرن کي قدم زئنديبيد. خۊدا صدايأ بيشتأوستيد اؤشأن خودشأنأ جه خۊدا قائمأ کۊديد. خۊدا آدمأ ندا بدأ: « آدم کويأ ايسأئي؟» آدم جواب بدأ : « تي صدايأ باغ دۊرۊن بيشتأوستم ؤ بترسم چون لوخت بۊم ؤ مرأ قائمأ کۊدم.»

![](https://cdn.door43.org/obs/jpg/360px/obs-en-02-08.jpg)

بزين خۊدا واورسه: « کي ترأ بۊگۊفت لوختي، آيا جه هؤ داري کي ترأ بۊگۊفته بۊم أني ميوه يأ نوأخۊردن بۊخۊردي؟ »آدم جواب بدأ: « هأ زني کي مرا ببخشایی، جه هؤ ميوه مرأ فأدا. »بزين خۊدا زنأ واورسه: « أن چي کاري بۊ بۊکۊدي؟» زن بۊگۊفت: « لنتي مرأ گۊل بزه. »

![](https://cdn.door43.org/obs/jpg/360px/obs-en-02-09.jpg)

خۊدا لنتيأ بۊگۊفت : «تؤ ملعوني. تي شکم سر وأسي بخزي ؤگیل و خاک بۊخۊري. تؤ ؤ زن کس کسأجا نیفرت خای داشتن ؤ هاطو تي نتاج ؤ زن نتاج ميان دوشمني نهم. اينفر جه زناک نتاج، تي سرا کؤبه ؤ تو أوني پا بۊزا گزي.»

![](https://cdn.door43.org/obs/jpg/360px/obs-en-02-10.jpg)

بزين خۊدا زناکا بفرماست: تي زأستن دردأ زيادأ کونم ؤ تي اشتياق تي مرد رٔ خأيه بۊستن ؤ اؤن تره مسلطأ به.

![](https://cdn.door43.org/obs/jpg/360px/obs-en-02-11.jpg)

خۊدا مردأ بفرماست : «چونکی تي زن گبأ گوش بدائي ؤ مي جأ سرأيچي بۊکۊدي، بزین زمين لعنت جیر قرار گيره ؤ توزيادي، زحمت مرأ غذا تهيه کۊني. بزين ميري ؤ تي جان به هو خاک وأگرده. »آدم خؤ زن نامأ حووا بنامست کي زندگي بخش معانا دئهه؛ چؤن اؤن واستي همه انسانأنه مار ببه. ؤ خۊدا آدم ؤ أني زنا حيوان^پوست مرأ بپوشأنه.

![](https://cdn.door43.org/obs/jpg/360px/obs-en-02-12.jpg)

بزين خۊدا بفرماست : «هسأ کي آدم أمي منستأن بۊبۊسته ؤ خب ؤ بدأ همديگر جأ تشخيص دئهه ،نبأستي وهلم حيات^دار ميوه ئم بۊخۊره ؤ تا ابد زنده بمأنه. »بزین خۊدا اؤشأنأ جه هؤ قشنگ^باغ بيرون تاودأ. ؤ قدرتمند^فرشته يأني درِ ورودی باغ بنا، تا جه حيات^دار ميوه خؤردن جا جلوگيري بۊکۊنه.

*کتاب پیدایش فصل ۳*

## 3. ۳- سیل

https://openbiblestories.org/l/glk/story-3/

![](https://cdn.door43.org/obs/jpg/360px/obs-en-03-01.jpg)

سالان سال^بعد زمين^سر آدمأن زيادأ بۊستيد. اؤشأن خایلی خشن ؤ شراشور بۊبۊستيد. بزين خۊدا تصميم بيگيفت کي همه زمينأ ايتأ پيله^سيل مرأ نابؤدأ کۊنه.

![](https://cdn.door43.org/obs/jpg/360px/obs-en-03-02.jpg)

اما خۊدا نۊح جاراضی بو.اؤن درستکار^مرداي بو کی هؤ شراشور مردۊم ميان زندگی کودی. خۊدا نۊحأ جه خۊ اۊسه کۊدن طۊفان واخبرکود.اؤن نۊحأ دستوربدأ ايتأ پيله^کشتي چأکۊنه.

![](https://cdn.door43.org/obs/jpg/360px/obs-en-03-03.jpg)

خۊدا نۊحأ بفرماست کي کشتي به درازي ۱۴۰ متر، پهنا ۲۳ متر ؤ بؤلندي ۵.۱۳ متر بسازه. نۊح وأستي هؤ کشتي سرو دار چوب مرأ سه مرتبه چاکونه. با یستیايتأ عالمه اۊتاق ؤ ايتأ درجک سقف دۊرۊن چاکونه. کشتي وأستي ايتأ امن جيگا نۊح ؤ أني خانواده رٔ ؤ همتا خؤشکي حيوانره ببه.

![](https://cdn.door43.org/obs/jpg/360px/obs-en-03-04.jpg)

نۊح خۊدا جه ایطاعت بۊکۊد. اؤن ؤ أني سه تا پسر هؤتو کي خۊدا بۊگۊفته بۊ ،کشتي يأ چأکۊديد. هؤ کشتي ساختن سالأن سال طول بکشه چون خيلي پيله بو. نۊح مردۊمأ ايشتاو بدأ کي سيل خأيه بأيه ؤ اؤشأن واستي به خۊدا طرف واگرديد. اما اؤشأن نۊح گبانأ باور نۊکۊديد.

![](https://cdn.door43.org/obs/jpg/360px/obs-en-03-05.jpg)

خۊدا همچنين فرمان بدأ کي نۊح ؤ أني خانواده غذا به اندازه کافي خؤشأنه ره ؤ حيوانات ره جمعأ کۊنيد. وختي همه چي حاضرا بۊبوست، خۊدا نۊحا بۊگفت: هاسه او زمات فأرسه کی او هشت نفر یعنی ،اؤن ؤ أني زن ؤ سه تا پسر ؤ أني عروسأن کشتي دۊرۊن بيشيد.

![](https://cdn.door43.org/obs/jpg/360px/obs-en-03-06.jpg)

خۊدا جه هر نؤع حيوان و پرنده،ايتأ جوفت نر ؤ ماده نۊح رء أؤسه کۊد کی اؤشأن بتأنيد کشتي دۊرۊن بيشيد تاسيل مۊقع در امان بيبيد. خۊدا همچنین ،هفت تأ جوفت نر ؤ ماده جه حلال گوشت حيوانأن اۊسه کۊد، کي اۊشأنأ قورباني رٔ استفاده بۊکۊنه. وقتي همه تأن کشتي دۊرۊن بوشوئيدي، خۊدا کشتي درأ اۊشأنه پوشت سرجوفت کودو دوست.

![](https://cdn.door43.org/obs/jpg/360px/obs-en-03-07.jpg)

بزين وارش چهل شونده رۊز اي کله ببارست وآب زیمین جاهاطوجوش کودی کی ، همه چي ،حتي پيله^کۊهانم، آب جیر بوشؤئيدي.

![](https://cdn.door43.org/obs/jpg/360px/obs-en-03-08.jpg)

همه مؤجۊدأني کي خشکي سر زندگي ديبيد، هلاکأ بؤستيد. بجز اینسانان ؤ حيوانأن کشتي دۊرۊن. کشتي آب سر شناورأ بؤست ؤ همه چي کی اون درون نهبو جأ غرقأ بۊستن در امان بمانستید.

![](https://cdn.door43.org/obs/jpg/360px/obs-en-03-09.jpg)

بزين کي وارش بئسأ ،کشتي پنج ماه آب سر شناور بۊ و هأ مدت دۊرۊن آب بجیر شؤنأ شروع بۊکۊد. بزين ايتأ رۊز کشتي ايتأ کوه سر جه حرکت بئسأ. اما دؤنيا هنو آب زير نهأ بۊ. بعد سه ماه کوه قله يأن نمايانأ بۊست.

![](https://cdn.door43.org/obs/jpg/360px/obs-en-03-10.jpg)

بزین بعد چهل رۊز، نۊح ايتأ کلاچا اۊسه کود تا وامجه بيدينه زمين خوشکا بۊسته يا نه. کلاچ پرواز بۊکۊد اما هيچ خۊشک جيگائي نيافت.

![](https://cdn.door43.org/obs/jpg/360px/obs-en-03-11.jpg)

بزين نۊح ايتأ کؤترأ اؤسه کۊد. اما کؤترم نتأنست خشک زمينأ بيافه، پس وأگردست نۊح ورجأ . ایتا هفته بعد ،نۊح هؤ کؤترأ اۊسه کۊد ؤ اي دفا کؤتر ايتأ تازه زيتون ولگ مرأ وأگردست! آب بينيشته بۊ ؤ گياهان رشد بۊکۊده بيد.

![](https://cdn.door43.org/obs/jpg/360px/obs-en-03-12.jpg)

نۊح ايتأ هفته ده رافا بئسأ ؤ هؤ کؤترا سومي بار اۊسه کۊد. ایبار کوتر وانگردست.زمين آب خوشکا بۊسته بۊ ؤ کۊتر ايتأ جيگا خوره خوشک^زمين سر بيأفته بۊ.

![](https://cdn.door43.org/obs/jpg/360px/obs-en-03-13.jpg)

دوماه بعد خۊدا نۊحأ بفرماست: «تۊ ؤ تي خانواده ؤ همه تأ حيوانأن کشتي جأ بيرون بأئيد. بارور بيبيد ،زای باوریدؤ زمينأ پورا کونيد.» ؤ بزین نۊح ؤ أني خانواده کشتي جأ بيرون بأموئيد.

![](https://cdn.door43.org/obs/jpg/360px/obs-en-03-14.jpg)

بعد أن کي نۊح کشتي يأ ترکأ کۊد، ايتأ قوربانگاه چأکۊد جه حیوانانی کی به اع منظور باورده بو، اؤيأ قورباني بۊکۊد. خۊدایأ جه نۊح هأ کار خوش بأمۊ ؤ نۊح خاندانأ برکت بدأ.

![](https://cdn.door43.org/obs/jpg/360px/obs-en-03-15.jpg)

بزین خۊدا اطویی قول بده : «ايبار دٔ زمينا انسانأن شراشور اعمال وأسي، سيل مرأ نابودأ نۊکۊنم؛هرچند اینسان دیل جه هو زاکی آلوده به گونایی.»

![](https://cdn.door43.org/obs/jpg/360px/obs-en-03-16.jpg)

بزين خۊداؤند خو قول سب نشان، اولي يالمندأ <رنگين کمان> آسمان دۊرۊن نمایان بوکود. هر زمات يالمند آسمان ميان ظاهرأ به، خۊدا ؤ أني قۊم هؤ وعده يأ به خاطر اوريد.

*کتاب پیدایش فصل ۶ تا ۸*

## ۴. خۊدا قرار ایبرايم مرأ

https://openbiblestories.org/l/glk/story-4/

![](https://cdn.door43.org/obs/jpg/360px/obs-en-04-01.jpg)

سالان سال بعد جه توفان نوح، اینسانأن نسل زمين سر زیاد بوبوست.اوشان جه سرنو نسبت به خودا و خودشان گوناه کودید ؤچون همه تأ ايتأ زبان مرأ گب زئيد، جاي أنکي پراکنده ببیدو زمينأ پورا کونيد هؤتۊ کي خۊدا بفرماسته بۊ ،ايجأئي جمعأ بۊستيد ؤ ايتأ شهر چأکۊدنأ شروع بۊکۊديد.

![](https://cdn.door43.org/obs/jpg/360px/obs-en-04-02.jpg)

اؤشأن اینسانای خيلي مغرور بيد ؤ به خۊدا دستورأن ؤ گبأن اهميت ندأئيدحتی اؤشأن شرۊع بۊکۊديد به ايتأبلند برج چاکۊنيد کي أني سر آسمانأ فأرسه. خۊدا بيده اگر اوشان به خوشان شراشور کاران ایدام بدید،مرتکب پیل پیل گوناه بیدی.

![](https://cdn.door43.org/obs/jpg/360px/obs-en-04-03.jpg)

بزین خودا اؤشأن زبانِ به زبانان گوناگون تبدیل کۊد ؤ اؤشأنأ همه جا پخشأ کۊد. شهريأ کي انسانأن اۊني چأکۊدنأ شروع بۊکۊده بيد اسمأ بِابِل بنأئيد کي« مغشوش ؤ مشوش »معني دئهه .

![](https://cdn.door43.org/obs/jpg/360px/obs-en-04-04.jpg)

صدها سال بعد خۊدا ايتأ مرداي به نام ابرام مرأ گب بزه. خۊدا اؤنأ بفرماست: «تي پئري خانه ؤتی ولايتأ ترکأ کۊن ؤ هۊ شهر کي من ترأ به اۊيأ هدايت کۊنم بۊشۊ. من ترأ برکت دهم ؤ تي جأ ايتأ پيله قۊم چأکۊنم. من تي نامأ بزرگأ کۊنم. اۊشأني کي ترأ برکت ديهيدأ ،مبارکأ کۊنم ؤ اۊشأني کي ترا لعنت بۊکۊنيد ،ملعونأ کونم. تۊمام زمين خانواده يأن تي وأسي برکت يأفيد. »

![](https://cdn.door43.org/obs/jpg/360px/obs-en-04-05.jpg)

ابرام هم خۊدايأ ایطاعت بۊکۊد. خودش ؤ خۊدش زن ساراي،خۊ غلامأن ؤ هر چي کي داشتيأ اؤساد ؤ به کنعان^شهر کي خۊدا أنأ نيشان بدأ بۊ ،بۊشۊ.

![](https://cdn.door43.org/obs/jpg/360px/obs-en-04-06.jpg)

وختی ابرام کنعان درون بوشو،خۊدا بفرماست«: تي دۊربرأ خُب فندر. تۊمام هأ سرزمین کي ديني، من تره ؤ تي زأکأن ميراث بخشم. »بزين ابرام هۊ زمين دۊرۊن ،ساکن بۊبۊست.

![](https://cdn.door43.org/obs/jpg/360px/obs-en-04-07.jpg)

ايتأ رۊز ابرام ايتأ مردأي ملکيصدق نام کي کاهن خۊداي موتعال بۊيأ بيده. ابرام اونه بعد ایتا جه خو پیروز جنگان بیده.ملکيصدق، ابرامأ برکت بدأ ؤ بۊگۊفت: «پيله^خۊدا کي آسمانأن ؤ زمين مالک ايسه ،ابرامأ برکت بده. »بزين ابرام ده يک جا خۊغنایم جنگی اموالأ ملکيصدقأ فأدأ.

![](https://cdn.door43.org/obs/jpg/360px/obs-en-04-08.jpg)

پۊر سالان بۊگذشت، اما ابرام ؤ ساراي، هنو زأي نأشتيد. خۊدا ابرام مرأ گب بزه ؤ دۊباره وعده بفرماست کي اؤشأنأ پسر فأده ؤ جه اؤن نتاج ايتأ عالمه زأي آسمان^ستاره منستان زياد بوجۊد أيه. خۊدا ابرامأ پارسا دۊخأد، چونکی اؤن خۊدا وعده يأ باور بۊکۊده بۊ.

![](https://cdn.door43.org/obs/jpg/360px/obs-en-04-09.jpg)

بزين خۊدا ابرام مرا پيمان دوست.معمولا پیمان توافقی ایسه دوطرفه کی هر دوطرف معامله وظیفه داریدی کس کس را کارای انجام بدید.اما در مورد ابرام ،خودا زماتی اع پیمان دوست کی ابرام ایتا سنگین خواب میان ایسابو.ولی ابرام خودا گب خُب ایشتاوستید. خۊدا بۊگۊفت کي: «من جه تي وجود ايتأ پسر ترأ بخشمو کنعان^شهرأ به تي نتاج فأدم. »ولي ابرام هنو پسري نأشتي.

*کتاب پیدایش فصل ۱۱ تا ۱۵*

## ۵. پسر وعده

https://openbiblestories.org/l/glk/story-5/

![](https://cdn.door43.org/obs/jpg/360px/obs-en-05-01.jpg)

ده سال بعد أنکي ابرام ؤ ساراي بأمۊبيد کنعان ، بۊگذشت ؤ هنو زأي نأشتي.بزین ساراي ابرام زن أنأ بۊگۊفت: «هسأ کي خۊداؤند مرأ ايجازه نده کي زأي بدارم ؤ هسأ کي من شکم اؤسادن رٔ پيرأ بۊستم، مي خدمتکار هاجر مرأ عروسي بۊکۊن ؤ اؤن تأنه مره زأي بأوره. »

![](https://cdn.door43.org/obs/jpg/360px/obs-en-05-02.jpg)

بزین ابرام هاجر مرأ عروسي بۊکۊد. هاجر ايتأ پسر بزأ ؤ ابرام اۊني نامأ ایسمايل بنأ. اما ساراي هاجر مرأ حسودي کۊدي. وقتي کي ایسمايل سيزده ساله بۊبۊست، خۊدا ايبار دٔ ابرام مرأ گب بزه.

![](https://cdn.door43.org/obs/jpg/360px/obs-en-05-03.jpg)

خۊدا بفرماست: « من خۊداي قادر^مۊطلق ايسم. من تي مرأ پيمان دودم». بزين ابرام خۊدا درگاه سجده بۊکۊد. همچنين خۊدا بفرماست: « تۊ قۊمهاي زيادي رء پئر بي. من کنعانأ تره وَ تی نتاجأ ميراث ، فأدم ؤ هميشه اشأن خۊدا بم. تو واستي هرتأ پسر زأک^تي خانواده يأ ختنه بۊکۊني. »

![](https://cdn.door43.org/obs/jpg/360px/obs-en-05-04.jpg)

«تي زن ساراي، ايتأ پسر أوره اؤن هۊ زاک^وعده ايسه کي بدأ بوم. اؤني نامأ ایسحاق بنه. من اؤن مرأ پيمان دودم جه اؤن پيل^نتاج بوجود أورم. من ایسمايل ره هم ايتأ پيل^قۊم چأکۊنم. اما مي وعده ؤ پيمان ایسحاق مرأ ايسه. »بزين خۊدا ابرام نامأ به ایبرايم ،کی أونی معنا زيادي^قۊمأن^پئر تغيير بدأ ؤ هتۊ ساراي نامأ به ساره کی اونی معنا« شاهزاده» به تغيير بدأ.

![](https://cdn.door43.org/obs/jpg/360px/obs-en-05-05.jpg)

هۊ رۊز ایبرايم خۊ خاندان ؤ اهل خانه همه تأ پسرزأکأنأ ختنه بۊکۊد. بعده حدود يک سال زماتي کي ایبرايم صد ساله ؤ ساره نود ساله بيد،ساره پسر بزأ. اۊشان اۊني نامأ ایسحاق بنأئيد، هۊتو کي خۊدا بۊگۊفته بۊ.

![](https://cdn.door43.org/obs/jpg/360px/obs-en-05-06.jpg)

وقتي کي ایسحاق ايتأ جوان مردأي بۊبۊ ،خۊدا ایبرايم ايمانأ آزمايش بۊکۊد ؤ اۊنأ بۊگۊفت: « تي تنها پسر ایساقأ اۊسأن ؤ مره قرباني بۊکۊن». ایبرايم دۊباره جه خۊدا اطاعت بۊکۊد ؤ حاضرأ بۊست تا خۊ پسرأ قرباني بۊکۊنه.

![](https://cdn.door43.org/obs/jpg/360px/obs-en-05-07.jpg)

وختي کي ایبرايم ؤ ایسحاق قوربانگاه طرف شۊنديبيد، ایسحاق واوۊرسه: «پئر، هيمه قورباني رٔ آماده ايسه، اما قرباني^بره کؤيأ ايسأ؟ »ایبرايم جواب بدأ: «مي پسر خۊدا قورباني يأ مهيا کۊنه. »

![](https://cdn.door43.org/obs/jpg/360px/obs-en-05-08.jpg)

وقتي کي قوربانگاه يأ فأرسه ئيدي ،ایبرايم خۊ پسر ایسحاقأ لافند مرأ دوست ؤ قوربانگاه سر بنأ. ایبرايم خأستي خۊ پسرأ قوربانی بوکونه کي خۊدا بفرماست: « دست بدأر!تي پسرأ آسيب نوأ زئن! هسأ بدأنستم کي مي جأ ترسيتی دیل میان، چون تي ایدانه پسرأ مي جأ دريغ نۊکۊدي. »

![](https://cdn.door43.org/obs/jpg/360px/obs-en-05-09.jpg)

ایبرايم هۊ نزديکي ،ايتأ قوچأ بيده کي گۊمار دۊرۊن گير بۊکۊده بۊ. خۊدا قۊچأ ایسحاق جا سر قورباني رٔ اۊسه کۊده بۊ. ایبرايم خۊشحالي مرأ قوچأ قورباني خۊدا درگاه تقديم بۊکۊد.

![](https://cdn.door43.org/obs/jpg/360px/obs-en-05-10.jpg)

بزين خۊدا ایبرايمأ بۊگۊفت: «جه هۊيأ کي تو مايل بي تي همه چيأ ،مرأ فأدي حتي تي ایدان زأکأ، منم ترأ قول دهم ترأ برکت بدم. تي نتاج جه آسمان ستاره يانم بيشترأ بيد. مرأ چون ایطاعت بۊکۊدي تۊمام زمين^خانواده يأن تي وأستي برکت يأفيد. »

*کتاب پیدایش فصل ۱۶ تا ۲۲*

## 6. ۶-خۊدا ایساق رٔمهيا کۊنه

https://openbiblestories.org/l/glk/story-6/

![](https://cdn.door43.org/obs/jpg/360px/obs-en-06-01.jpg)

وقتي کي ایبرايم پيرأ بوسته ؤ ایساق جوانأ بۊسته بۊ، ایبرايم ايتأ جه خۊ خادمأن اوسیه کوده خو زادگاه فک و فامیل ورجه تا ایسحاق رٔ جه اۊيا ايتأ زن بأور.

![](https://cdn.door43.org/obs/jpg/360px/obs-en-06-02.jpg)

بعده ايتأ طول ؤ درازه سفر ایبرايم فاميلأن شهر، خۊدا هۊ خادمأ ايتأ دختر کی اونی نام ربکا بو هدايت بۊکۊد. اؤن ایبرايم^ برار^نوه بۊ.

![](https://cdn.door43.org/obs/jpg/360px/obs-en-06-03.jpg)

ربکا موافقت بۊکۊد کي خو خانواده يأ ترکا کۊنه ؤ هۊ خادم مرأ ایسحاق خانه بشه. وختي اۊن هاطو کی فأرسه ، ایسحاق اؤني مرأ عروسي بۊکۊد.

![](https://cdn.door43.org/obs/jpg/360px/obs-en-06-04.jpg)

بعد مدت طۊلاني، ایبرايم بمرد ؤ تۊمام پيماني کي خۊدا اؤن مرأ دوسته بۊ، ایسحاقأ فأرسه. ایتا خۊدا وعدان انبۊ کي ایبرايم،نتاج بيشماري بدأره اما ایسحاق زن نتأنستي زأي بأوره.

![](https://cdn.door43.org/obs/jpg/360px/obs-en-06-05.jpg)

ایسحاق ربکا رٔ دۊعا بۊکۊد ؤ خۊدا اؤشأنأ دوقلو فأدأ. هؤ دۊنه زأي هنو بدۊنيا نأمۊبید، ربکا^رحم دۊرۊن ،همديگر مرأ جنگأ ديبيد ؤ هن وأسي ،ربکا خۊدايأ واوۊرسه چي اتفاق دکفتأندره.

![](https://cdn.door43.org/obs/jpg/360px/obs-en-06-06.jpg)

خۊدا ربکايأ بۊگۊفت ،«تو دونه پسربدونیا آوری.جه او دؤنه پسر دونه قوم متفاوت بوجود آیه . اؤشأن هميشه کس کس مرأ جينگيرؤمينگير دأريد، ولی کوجی پسرقوم،پیله برارأ جه ایطاعت کۊنه. »

![](https://cdn.door43.org/obs/jpg/360px/obs-en-06-07.jpg)

وقتي ربکا پسرأن بدۊنيا بأمۊئيد، اولي پسر سورخ بررو بو ؤ أني جان پر مۊ بۊ ، اۊنأ عيسو نام بنأئيد. بزين دومي پسر بيرون بأمو ؤ عيسو پا بوزأ خۊ دس دأشتي اونأ يعقوب نام بنأئيد.

*کتاب پیدایش فصل ۲۴ آیات ۱ تا ۲۵ و فصل ۲۶*

## 7. ۷-خۊدا يعقوبأ برکت  دئهه

https://openbiblestories.org/l/glk/story-7/

![](https://cdn.door43.org/obs/jpg/360px/obs-en-07-01.jpg)

هۊ دوتأ پسر پيلأ بۊستيد. يعقوب مگو بۊ ؤ چادر نشين اما عيسو ماهر^مالا بۊ بيابان بگردسته. ربکا يعقوبأ دوست دأشتي ؤ عيسو ایسحاق رٔ محبوب بۊ.

![](https://cdn.door43.org/obs/jpg/360px/obs-en-07-02.jpg)

ايتأ رۊز وقتي عيسو شکار جأ وأگردست خيلي انأ ويشتأ بۊ. عيسو يعقوبأ بۊگۊفت: «لطف بۊکۊن ايپچه تي غذايأ که چأکۊدي مرأ فادن. »يعقوب جواب بدأ : «بشرطي کي اۊن عوض تي اول بزاستگي^حقأ مرأ فادی ومیشین ببه»بزین عيسو خۊ اول بزاستگي^حقأ يعقوبأ فاده و اون ببخشه. يعقوب هم عيسويأ ايپچه غذا فأدأ.

![](https://cdn.door43.org/obs/jpg/360px/obs-en-07-03.jpg)

وختی ایسحاق خۊاستي خۊ برکتا عيسويأ فأده، اما قبل أنکي هأ کارأ بۊکۊنه ربکا ؤ يعقوب أنأ فريب بدأئيدي ؤ ربکا يعقوبأ عيسو جا سر ایساق^اۊتاق اۊسه کۊد. ایسحاق پيرأ بۊسته بۊ ؤ خب نتأنستي بيدينه. يعقوب عيسو بهترين رختأنأ دۊکۊد ؤ خۊ گردن ؤ بالانأ بؤز پوست مرأ بپوشأنه.

![](https://cdn.door43.org/obs/jpg/360px/obs-en-07-04.jpg)

يعقوب خۊ پئر ويرجأ بأمۊ ؤ بۊگۊفت: « من عيسو ايسم ؤ بأمۊم تا مرأ برکت بدي.» يعقوب بؤز مويأ دسأزه ؤ رختأ بۊ بکشه ؤ خيال بۊکۊد کي عيسو أني ور بأمۊيأ ؤ اۊنأ برکت بدأ.

![](https://cdn.door43.org/obs/jpg/360px/obs-en-07-05.jpg)

عيسو يعقوب جأ نفرت دأشتي، چون اۊن اول بزاستگي^حقأ ؤ أني برکتأ بدوزأنه بۊ. هني وأسي نقشه بکشه کي ایسحاق مردن پسي يعقوبأ بۊکۊشه.

![](https://cdn.door43.org/obs/jpg/360px/obs-en-07-06.jpg)

اما ربکا هأ موضوعأ بفهأمست.اون ؤ ایسحاق، يعقوبأ دۊر جيگا خۊ فاميلان ويرجأ اۊسه کۊنه.

![](https://cdn.door43.org/obs/jpg/360px/obs-en-07-07.jpg)

يعقوب سالان سال اۊيا ربکا فاميلأن ورجأ زندگي بۊکۊد. هۊ دوران ،اون عروسي بۊکۊد ؤ دوازده تأ پسر ؤ ايتأ دخترأ صاحب بۊبۊست. خۊدا يعقوبأ خيلي ثروتمند چأکۊد.

![](https://cdn.door43.org/obs/jpg/360px/obs-en-07-08.jpg)

بعد بيست سال خانه جا دورأ بوستن کنعان شهر، يعقوب خۊ خانواده ،ؤ غلامأن ؤ تۊمام خۊ دام مرا به اۊيأ وأگردست.

![](https://cdn.door43.org/obs/jpg/360px/obs-en-07-09.jpg)

با این حال يعقوب هراسان بۊ، چونکی فکر کۊدي کي عيسو هنو خيال دأره اۊنأ بۊکۊشه.پس ايتأ عالمه جه خۊ گله حيوانأنأ عيسو رٔ تحفه اۊسه کۊده. غلامي کي دامأنأ عيسو رٔ ببرده بۊ ،اؤنأ بۊگۊفت: «هأ دامأنأ تي غلام يعقوب تقديم بۊکۊده. اؤن بزودي أيه».

![](https://cdn.door43.org/obs/jpg/360px/obs-en-07-10.jpg)

اما عيسو دع قصد اذیت کودن يعقوبأ ناشتی وجه اون دیدن خوشحال بو ؤ اۊشأن خۊشي مرأ همديگرأ بپيوستيد. يعقوب صلح ؤ صفا مرأ کنعان دۊرۊن زندگي کۊدي. بزين ایسحاق بمرد ؤ يعقوب ؤ عيسو اۊنأ خاکأ کۊديد. پيماني کي خۊدا ایبرايم مرأ دوسته بۊ، ایساقأ منتقلأ بۊبۊسته بۊ، يعقوبأ فأرسه.

*کتاب پیدایش فصل ۲۵ آیات ۲۷ تا ۳۵ و فصل ۲۹*

## 8. ۸-خۊدا يۊسف ؤ أني خانواده يأ نیجات  دئهه

https://openbiblestories.org/l/glk/story-8/

![](https://cdn.door43.org/obs/jpg/360px/obs-en-08-01.jpg)

بعد دراز^سالان، وختي کي يعقوب پيرأ بۊسته بۊ،خۊ نازبداشته پسرا يعني يۊسفأ اۊسه کۊد تا خۊ برارأن کي دامداريأ ديبيد سر بزنه.

![](https://cdn.door43.org/obs/jpg/360px/obs-en-08-02.jpg)

يوسف^برارأن کي اؤني جأ اشأنأ بد أمؤئي،چون أشأن پئر يوسفأ بيشتر دوست دأشتي ؤ ايتأ ديگه دليل هن بۊ کي يوسف خۊأب بيده بۊ کي أني برارأن أنأ تعظيم کۊنيدي.بزین وختي يوسف خۊ برارأن ويرجأ بۊشۊ، اۊشأن اۊنأ بودوزأنئيد ؤ اونأ برده فرۊشأنأ بۊفروختيد.

![](https://cdn.door43.org/obs/jpg/360px/obs-en-08-03.jpg)

قبل أنکي يوسف^برارأن بخانه فأرسيد، اۊشأن يۊسف ردايأ پارأ کۊديد ؤ بؤز^خونأ اۊنأ وأسئيد. بزين هۊ ردايأ يعقوبأ نيشان بدأئيد تا فکر بۊکۊنه ايتأ وحشي حيوان يوسفأ بدرسته ؤ بۊکۊشته، يعقوب خيلي نارحتأ بۊ.

![](https://cdn.door43.org/obs/jpg/360px/obs-en-08-04.jpg)

برده فرۊشأن، يۊسفأ خۊشأن مرأ ببرديد مصر. مصر ايتأ پيله شهر ؤ قوي رود^نيل کنار بۊ. اۊشأن يوسفأ به ايتأ دولتي مردأک^ثروتمند بفرۊختيد. يۊسف به خۊبي اۊن ره خدمت بۊکۊد ؤ خۊداهم اۊنأ برکت دأئي.

![](https://cdn.door43.org/obs/jpg/360px/obs-en-08-05.jpg)

هۊ دولتي مرداک^زن سعي کۊدي يوسف مرأ بۊخۊسه، اما يوسف قبول نۊکۊدي کي به هأ گۊناه آلوده ببه. هۊ زناي عصباني بۊبۊ ؤ افترا زئن مرأ يوسفأ زندان اۊسه کۊد. حتي زندان دۊرۊن هم يوسف خۊ ايمان سر وفادار بئسأ ؤ خۊدا اؤنأ برکت بدأ.

![](https://cdn.door43.org/obs/jpg/360px/obs-en-08-06.jpg)

بعد دۊ سال، يوسف با وجۊد بيگۊناهي هنو زندان دۊبۊ، ايتأ شب فرعون(مصريان پادشاه لقب)دؤتأ رؤيا خواب ميان بيده کي أنأ خيلي پريشانأ کۊد ؤ أني هيتأ مشاورانم نتأنستيد اۊنأ تعبير بۊکۊنيد.

![](https://cdn.door43.org/obs/jpg/360px/obs-en-08-07.jpg)

خۊدا هأ توانائيأ يوسفأ فأدأ بۊکي بتأنه خۊابأنأ تعبير بۊکۊنه، پس يوسفأ از زندان بأورديدي فرعون ويرجأ تا أني خۊابأ تعبير بۊکۊنه. يوسف بۊگۊفت: « خۊدا خأيه هفت سال محصول زيادي فأده، اؤني دونبال سر هفت سال قحطي به. »

![](https://cdn.door43.org/obs/jpg/360px/obs-en-08-08.jpg)

فرعون تحت تأثير يوسف^شخصيت قرار بيگيفته بۊ ؤ اؤنأ دومی شخص^قدرتمند جايگاه سرتاسر مصر دۊرۊن قرار بدأ.

![](https://cdn.door43.org/obs/jpg/360px/obs-en-08-09.jpg)

يوسف مردۊمأ بۊگۊفت سالهاي پر بار دۊرۊن ،محصولانأ غذائيأنأ انبار بۊکۊنيد. بزين وقتي کي هفت سال قحطي شروع به، يوسف هۊ محصولانأ مردۊمأ بفرۊخت ؤ اۊشأن غذا به اندازه کافي دأشتيد.

![](https://cdn.door43.org/obs/jpg/360px/obs-en-08-10.jpg)

قحطي^سال ؤ خشکي تنها مصر دۊرۊن نۊبۊ. تۊمام کنعان شهر ؤ يعقوب خانواده جا جيگا هم بۊ.

![](https://cdn.door43.org/obs/jpg/360px/obs-en-08-11.jpg)

بزین يعقوب خۊ پيله پسرانأ اۊسه کۊد مصر تا غذا تهيه بۊکۊنيد. وقتي اؤشأن يوسف جلۊ بئسائيدتا غذابهینید، اؤنأ نشنأختيد اما يوسف اؤشأنأ بشنأخت.

![](https://cdn.door43.org/obs/jpg/360px/obs-en-08-12.jpg)

بعد انکی یوسف خو براران^ آزمايش بوکوده. اشأنأ بۊگۊفت: «من شيمي برأر يوسفم، نوأ ترسئنيد.شوما مره بدي بۊکۊديد، اما خۊدا شيمي بديأ به خۊبي تبديل بۊکۊد. ؤ بأئيد مصر زندگي بۊکۊنيد ؤ من تأنم أيأ همه چي شمره و شمی خانواده رع فراهم بۊکۊنم. »

![](https://cdn.door43.org/obs/jpg/360px/obs-en-08-13.jpg)

وقتي يوسف^برأرأن بخانه وأگردستيدي، ؤ ماجرايأ خۊشأن پئر يعقوب رٔ واگویابکودید، اؤن خيلي خۊشحالأ بوبوست.

![](https://cdn.door43.org/obs/jpg/360px/obs-en-08-14.jpg)

اگه چی يعقوب پيرأ بۊسته بۊ ،ولي خۊ خانواده مرأ کوچ بۊکۊد ،مصر ؤ اۊشأن ايجأئي اۊيأ زندگي بۊکۊديد. قبل أنکي يعقوب بيميره ،خۊ همه پسرانأ برکت بدأ.

![](https://cdn.door43.org/obs/jpg/360px/obs-en-08-15.jpg)

عهد ؤ پيماني کي خوداؤند ایبرايمأ فأدأ بۊ،ایسحاقأ فأرسه، بزين هۊ أيمان به يعقوب ؤبزین به يعقوب^دوازده تأ پسر ؤ اۊشأنِ خانواده فأرسه. ؤ جه اۊشأنِ نسل دوازده تأپسر،دوازده تا بني اسرائيل قۊم بوجۊد بأمۊ.

*کتاب پیدایش فصل ۳۷ تا ۵۰*

## 9. ۹-خۊدا مۊسا يأ دۊخانه

https://openbiblestories.org/l/glk/story-9/

![](https://cdn.door43.org/obs/jpg/360px/obs-en-09-01.jpg)

بعد أنکي يوسف بمرد تۊمام أني بستگان مصر دۊرۊن بئسأئيد. اۊشأن ؤ اشأن نتاج سالان سال هۊيأ زندگي بۊکۊديد ؤ زأکأن زيادي بأورديد. مصریان اۊشأنأ اسرائيلي دۊخأديد.

![](https://cdn.door43.org/obs/jpg/360px/obs-en-09-02.jpg)

بعد صدها سال ،اسرائيليأن زيادأ بۊستیدی. مصريأن دٔ يوسف ؤ أني کومکأنأ خاطر نأورديد. اۊشأن اسرائيليأن جأ هراسانأ بۊستيد چون اشأن تعداد زيادأ بۊسته بۊ. بزین هۊ زمات فرعوني کي مصر دۊرۊن حکومتأ دۊبۊ، اسرائيليأنأ مصريأن برده چأکۊد.

![](https://cdn.door43.org/obs/jpg/360px/obs-en-09-03.jpg)

مصريأن ،اسرائيليأنأ مجبور بۊکۊديد کي بنايأن ؤ شهرأنأ چأکۊنيد. سخت^کار ،اۊشأن زندگيأ تلخأ کۊده بۊ ،اما خۊدا اۊشأنأ برکت بدأ ؤ زأکأنه بيشتري بأورديد.

![](https://cdn.door43.org/obs/jpg/360px/obs-en-09-04.jpg)

فرعون بيده کي اسرائيليأن زيادي زأي أوريد ،خۊ قۊمأ دستور بدأ اۊشأن پسر زأکأنأ رود نيل دۊرۊن تأودیدی و بۊکۊشيد.

![](https://cdn.door43.org/obs/jpg/360px/obs-en-09-05.jpg)

ايتأ اسرائيلي زناي پسر بزأ. اؤن ؤ أني مرد تا وقتي کي تأنستيد، زأکأ جأ بداییدی

![](https://cdn.door43.org/obs/jpg/360px/obs-en-09-06.jpg)

وقتي نوزاد پئر و مار، دٔ نتأنستيد اۊنأ قائمأ کۊنيد،اۊنأ ايتأ سبد دۊرۊن رود نيل^نيزار کنار بنأئيد تا کشته بۊستن جأ نیجات بيأفه. اۊني خاخۊر تماشا کۊدي تا بيدينه اۊنه ره چي اتفاق دکفه.

![](https://cdn.door43.org/obs/jpg/360px/obs-en-09-07.jpg)

فرعون^دختر سبدأ بيده ؤ اۊني دۊرۊنأ فأندرست. وقتي زأکأ بيده ،اۊنأ به جاي خۊ پسر قبۊل بۊکۊد. ايتأ اسرائيلي زنأکأ اجير بۊکۊد تا اۊنأ شير بده. بدونه أن کي بفهمه هۊ زن زأکه مار ايسه. وقتي زأي هن قدر پيلأ بۊسته بۊ کي دٔ شير جا جیگفته بوست اۊني مار اۊنأ فرعون دخترأ وأگردانه ؤ اۊني نامأ مۊسا بنأ.

![](https://cdn.door43.org/obs/jpg/360px/obs-en-09-08.jpg)

وقتي مۊسا پيلأ بۊسته بۊ ،ايتأ رۊز ايتأ مصريأ بيده کي اسرائيلي برده يأ زئندره. مۊسا سعي بۊکۊد خۊ اسرائيلي برارأ نیجات بده.

![](https://cdn.door43.org/obs/jpg/360px/obs-en-09-09.jpg)

مۊسا فکر بۊکۊد کي هيکس اۊنأ نيدينه، هۊ مصري مردأکأ بۊکۊشت ؤ اؤني جسدأ قأیمأ کۊده. اما اينفر بيده مۊسا چي بۊکۊده.

![](https://cdn.door43.org/obs/jpg/360px/obs-en-09-10.jpg)

فرعون کي بيشتأوست مۊسا چي بۊکۊده سعي بۊکۊد مۊسايأ بۊکۊشه. مۊسا جه مصر به بیابان بؤگۊروخت و فرعون^سربازان نتانستید اون اویه بیافید.

![](https://cdn.door43.org/obs/jpg/360px/obs-en-09-11.jpg)

مۊسا ايتأ بیابان میان بدورجه مصر مشغول چوپاني بۊ. هۊيأ عروسي بۊکۊد ؤ صاحب دونه پسر بوبوست.

![](https://cdn.door43.org/obs/jpg/360px/obs-en-09-12.jpg)

ايتأ رۊز وقتي مۊسا خۊزن پئر گله يأ پاستندۊبۊ بيده، ايتأ بوته ألاو دأره ولي نۊسۊزه. بزین نزديکأ بۊست کی علتشأ بفهمه. مۊسا کي ألاو بيگيفته^بوته يأ نزديکأ بۊست، خۊدا صدا جه بۊته ميأن ندا بدأ: « تي کفشأنأ بکن، چون ايتأ مقدس^مکان دۊرۊن ايسأئي. »

![](https://cdn.door43.org/obs/jpg/360px/obs-en-09-13.jpg)

بزین خۊدا بفرماست: « من مي بندگان رنج ؤ مصيبتأ مصر دۊرۊن بيدئم. من ترأ فرعون ور اۊسه کۊنم تا مي قۊمأ مصر جأ بيرون بأوري. من کنعان شهرأ، اۊشأنأ فأدم سرزميني کي اۊني وعده يأ ایبرايم ۊ ایسحاق ۊ يعقوب بدأ بۊم. »

![](https://cdn.door43.org/obs/jpg/360px/obs-en-09-14.jpg)

مۊسا بۊگۊفت: اگه اسرائيل^قۊم بخأيد بدأنيد کي مرأ اۊسه کۊده، اشأنأ چي وا بگم؟ خۊدا بفرماست: «ائيسم اۊنکي ائيسم. اۊشأنأ بۊگۊ "ائیسم" مرأ شيمي ور اۊسه کۊده. أنم اۊشأنأ بۊگۊ کي من يهؤوه اۊشأن پئر ایبرايم ایسحاق ؤ يعقوب^خۊدا ايسم. أن مي جاودانه نامِ. »

![](https://cdn.door43.org/obs/jpg/360px/obs-en-09-15.jpg)

مۊسا نخأستي فرعون ورجا بشه، چون ترسئه ائي نتأنه خؤب گب بزنه، پس خۊدا مۊسا برأر ،هارونأ اۊسه کۊد تا اۊنأ ياري بۊکۊنه.

*کتاب خروج فصل ۱ تا ۴*

## 10. ۱۰ - ده بلا

https://openbiblestories.org/l/glk/story-10/

![](https://cdn.door43.org/obs/jpg/360px/obs-en-10-01.jpg)

خۊدا مۊسا ؤ هارۊنأ ايشتاو بدأ کي فرعون سرسخت ايسه.مۊسا ؤ هارون فرعون ويرجأ بۊشۊئيد ؤ بۊگفتيد: «أن پيغامي ايسه کي اسرائيل^خۊدا ترأ فأدأ: مي قۊمأ آزادأ کۊن. » فرعون أۊشأن گب توجه أي نۊکۊد ؤ بجاي أن کي بني اسرائيلأ آزادأ کۊنه، زور مرأ أشأنه کارأ سخت ترأ کۊد.

![](https://cdn.door43.org/obs/jpg/360px/obs-en-10-02.jpg)

فرعون جه قۊم بني اسرائيلأ آزادأ کۊدن امتناع بۊکۊد. هنی وأسي خۊدا ده تأ بلاي وحشتناک مصر سر نازل بۊکۊد. هۊ بلايأنه مرأ فرعونأ نيشان بدأ کي اونی قدرت جه فرعون ؤمصرخۊدايأن ويشتره.

![](https://cdn.door43.org/obs/jpg/360px/obs-en-10-03.jpg)

خۊدا رود نيل^آبأ به خون تبديل بۊکۊد. اما فرعون اسرائيل^قۊمأ، آزادأ نۊکۊد.

![](https://cdn.door43.org/obs/jpg/360px/obs-en-10-04.jpg)

خۊدا مصر همه جايأ گۊزگا مرأ پورأ کۊد. فرعون مۊسا جأ بخاست کي گۊزگانأ دورأ کۊنه .اما بعد گۊزگأنأن مردن فرعون^ديل سخت ترأ بۊ ؤ ایجازه ندأ اوشأن مصر جأ بیرون بشید.

![](https://cdn.door43.org/obs/jpg/360px/obs-en-10-05.jpg)

پس خۊدا پشه يأن^بلايأ نازل بۊکۊدو بزين مگسأن بلايأ اۊسه کۊد. فرعون مۊسا ؤ هارون دۊخأد ؤ بۊگۊفت اگه هأ بلايأ دورأ کۊنيد، اۊشأنأ ايجازه دهم مصرأ ترکأ کۊنيد. مۊسا دۊعا بۊکۊد ،ؤ خۊدا هأ بلايأنأ دورأ کۊد، اما فرعون ديلأ سخت ترأ کۊد ؤ ايبار دِ اوشأنأ آزادي ايجازه يأ ندأ.

![](https://cdn.door43.org/obs/jpg/360px/obs-en-10-06.jpg)

بزین ، خۊدا کاري بۊکۊد تا مصريأن همه تأ حيوانان مريضأ بيد ؤ بيميريد. اما فرعون^ديل سختأ بۊسته بۊ ؤ أي بارم شۊن ايجازه يأ اۊشأنأ ندأ.

![](https://cdn.door43.org/obs/jpg/360px/obs-en-10-07.jpg)

خۊدا مۊسايأ بۊگۊفت تي مۊشتأ کۊره خاکستر مرأ پۊرأ کۊن ؤ فرعون جلو هؤا دۊرۊن بپأشأن.وختی مۊسا هأ کارأ بۊکۊد ، تۊمام مصر جه آدمأن بيگير تا حيوانأن دردناک دونبولأ دؤچارأ بۊبۊستيد. اما اسرائيليأنه رِ تأثيري نأشتي. خۊدا فرعون^ديلأ سختأ کۊد ؤ فرعون ايجازه ندأ کي اۊشأن بيشيد.

![](https://cdn.door43.org/obs/jpg/360px/obs-en-10-08.jpg)

بزین خۊدا تنگر بلايأ اۊسه کۊد ويشتر اشأنه محصولان ؤ هرتأ جانداري کي بيرون ايسأ بۊيأ بۊکۊشت .بزين فرعون، مۊسا ؤ هارونأ دۊخاد ؤ بۊگۊفت: « من مي گۊناه اعتراف کۊنم، هسأ تأنيد بيشيد.» بزين مۊسا دوعا بۊکۊد ؤ تنگر وارش متوقف بۊبۊ.

![](https://cdn.door43.org/obs/jpg/360px/obs-en-10-09.jpg)

اما فرعون بازم گۊناه بۊکۊد ؤ خۊ ديلأ سختأ کۊد ؤ ايجازه ندأ اسرائيليأن آزادأ بيد.

![](https://cdn.door43.org/obs/jpg/360px/obs-en-10-10.jpg)

هني وأسي خۊدا ايتأ عالمه ملخأ مصر شهر اۊسه کۊد. اۊشأن تۊمام گياهأن ؤ ميوهیانی کي تنگر^بلا جأ بمأنسته بۊ، بۊخۊرديد.

![](https://cdn.door43.org/obs/jpg/360px/obs-en-10-11.jpg)

بزين خۊدا تاريکي بلايأ اۊسه کۊد ؤ سه رۊز همه جايأ تاريکي مطلق بيگيفته بۊ. همه جا هأتۊ تاريکأ بۊسته بۊ کي هيتا مصري نتأنستي خانه جه بيرون بأيه. اما جائي کي اسرائيليأن زندگي کۊديد روشنائي بۊ.

![](https://cdn.door43.org/obs/jpg/360px/obs-en-10-12.jpg)

حتا با وجۊد هأ نه تأ بلا ،بازم فرعون اسرائيليأنأ ايجازه شۊن ندأ. جه هۊيأ کي فرعون گۊش ايشتأوستن نأشتي، خۊدا آخري بلايم اۊسه کۊد. ؤ هأ بلا باعث بۊبۊ فرعون خۊ تصميمأ عوضأ کۊنه.

*کتاب خروج فصل ۵ تا ۱۰*

## 11. ۱۱-پسخ^عيد

https://openbiblestories.org/l/glk/story-11/

![](https://cdn.door43.org/obs/jpg/360px/obs-en-11-01.jpg)

خۊدا موسی و هارون، فرعون پهلو اوسا کود تا واگویابکونید کي اسرائیلیان آزاد کونه.اوشان فرعون گوشزده بکودید اگه ايجازه نده اسرائيليأن بيشيد،خودا تۊمام اول زأکأنه کي پسر بۊبسته بيد جه انسان ؤ حيوان مصر دۊرۊن ميريد. وقتی کي فرعون هأنأ بيشتأوست بازم باور نۊکۊد ،ؤ خۊدا ایطاعت جه امتناع بۊکۊد.

![](https://cdn.door43.org/obs/jpg/360px/obs-en-11-02.jpg)

خۊدا ايتأ راه نیجات جااوشانی که به اون ایمان داشتید مهیا بکود،تا اول پسرزاکان جه اع بلا نیجات بیافید .. هر تأ خانواده وأستي ايتأ بره سالمأ انتخاب بۊکۊده بي ؤ قوربانی بکونه.

![](https://cdn.door43.org/obs/jpg/360px/obs-en-11-03.jpg)

خۊدا قوم اسرائيل بفرماست تا ايپچه بره خونأ خۊشأن سردر ؤ دۊ طرف خانه درأ واسينيد .ؤ اۊني گۊشتأ کباب بۊکۊنيد ؤ نان بی خمیرمایع (فطير^نان) مرأ سريع بۊخۊريد. همچنين خۊدا بفرماست تا حاضرأ بيد بعد خۊردن، مصرأسریع ترکأ کۊنيد.

![](https://cdn.door43.org/obs/jpg/360px/obs-en-11-04.jpg)

اسرائيليأن هر چي کي خۊدا جه اۊشأن بخاسته بۊ مۊ به مۊ انجام بدأئيد. هۊ نيمه شب، خۊدا مصر جأ دوار بۊکۊد ؤ تۊمام مصريأن^پيله پسرانأ بۊکۊشت.

![](https://cdn.door43.org/obs/jpg/360px/obs-en-11-05.jpg)

خودا همتااسرائيليأن خانه کی خون نيشانأ خۊشأن در کنار دأشتيد و خۊدا جه هۊ خانه يأن بۊگذشت. کسائي کي هۊ خانه يأن دۊرۊن ديبيد، بره خون وأسي در امان بيد.

![](https://cdn.door43.org/obs/jpg/360px/obs-en-11-06.jpg)

اما مصريان نه به خۊدا ايمان دأشتيد ؤ نه اۊني فرمان جه پيروي کۊديد بنابراين خۊدا مصريأن اۊل پسرزاکان بۊکۊشت.

![](https://cdn.door43.org/obs/jpg/360px/obs-en-11-07.jpg)

همتا پیله پسران مصریان بمردید.جه فرعون پسر بيگيفته تا غلامي کي زندان دۊرۊن ايسأ بو. خيلي جا مصر آدمأن غم ؤ غۊصه وأسي، گريه ؤ شیون کۊديد.

![](https://cdn.door43.org/obs/jpg/360px/obs-en-11-08.jpg)

فرعون هۊ شب، مۊسا ؤ هارۊنأ دۊخاد ؤ بۊگفت: «اسرائيل^قۊمأ اۊسأنيد فورا مصر جه بيرون بيشيد. »مصريان هم اۊشأنأ اصرار بۊکۊديد ،کي هرچي زۊدتر هۊ شهرأ ترکأ کۊنيد.

*کتاب خروج، فصل ۱۱ آیه ۱ تا ۱۲ و فصل ۳۲*

## 12. ۱۲ - خروج

https://openbiblestories.org/l/glk/story-12/

![](https://cdn.door43.org/obs/jpg/360px/obs-en-12-01.jpg)

اسرائيليأن خيلي خؤشحال بيد کي مصرأ ترکأ ديبيد. اۊشأن دٔ برده نيبيد ؤ سرزمين مۊعۊد ور شۊنديبيد. مصريان هر چي کي اسرائيليأن طلب کۊديدأ،جه نقره وطلا و قیمتی اشیائ اۊشأنأ ببخشئيد. بعضي جه ديگر اقوامم کي خۊدايأ ايمان بأورده بيد اۊشأن مرأ مصرأ ترکأ کۊديد.

![](https://cdn.door43.org/obs/jpg/360px/obs-en-12-02.jpg)

خۊدا أشانأ رۊزه ره ايتأ ستون ابر مرأ ؤ شب، دۊرۊن ايتأ ستون آتش مرأ رایه نیشان دایی. خۊدا هميشه سفر مۊقع اۊشأنأ راهنمائي کۊدي. تنها کاري کي اشأن وأستي بۊکۊده بيد هن بۊ کي اۊنی دۊنبال بوشوبید.

![](https://cdn.door43.org/obs/jpg/360px/obs-en-12-03.jpg)

بعد کۊتاه زماتي فرعون ؤ اۊني قۊم، پشيمانأ بۊستيد ؤ اسرائيليأنأ دونبال بشوید،تا اوشان به بردگی بگیرید. خۊدا اوشان نظر عوض کوده تا نيشان بده کي اۊن تنها خۊداي حقيقيه ؤ مردۊم بفهميد، کي يهؤۊه جه فرعون ۊ مصريأن خۊدا قويتره.

![](https://cdn.door43.org/obs/jpg/360px/obs-en-12-04.jpg)

وقتي اسرائيليأن بيده ئيدي مصريأن^سپاه اۊشأن دۊنبال سر أمۊندريد.احساس بۊکۊديد کي بين سورخ^دريا ؤ فرعون^سپاهيأنأ دام دکفتيدي – اوشأن خيلي بترسئيد و ایجگره بزئیدی: «أمئن همه تأ بزودي ميريم. چره مصرأ ترکأ کۊديم؟»«همتان هاسا میریم! »

![](https://cdn.door43.org/obs/jpg/360px/obs-en-12-05.jpg)

مۊسا اسرائيلیان ا بۊگۊفت: «نترسيد! خۊدا ايمرۊ شمره جنگه. بزين خۊدا مۊسايأ بفرماست: «بني اسرائيلأ بۊگۊ جه سورخ^دريا طرف رادکفید. »

![](https://cdn.door43.org/obs/jpg/360px/obs-en-12-06.jpg)

بزين خۊدا ابر^ستونأ حرکت بدأ ؤ بني اسرائيل ؤ فرعون^سپاه ميان بنأ ؤ مصريأن سپاه دٔ نتأنستيد اۊشأنأ بيدينيد.

![](https://cdn.door43.org/obs/jpg/360px/obs-en-12-07.jpg)

خۊدا مۊسايا امر بۊکۊد کي خۊ بالأ دريا طرف درازأ کۊنه. بزين خۊدا ايتأ باد اۊسه کۊد کي دريا^آبأ به چپ ؤ راست فۊرانه. طۊري کي ايتأ راه دريا دۊرۊن بازأ بۊست.

![](https://cdn.door43.org/obs/jpg/360px/obs-en-12-08.jpg)

قوم اسرائيل دريا ميأن به خۊشأن راه پيمائي ادامه بدأئيد. در حالي کي، اۊشأن دو طرف ايتأ ديوار جه آب بۊ.

![](https://cdn.door43.org/obs/jpg/360px/obs-en-12-09.jpg)

بزين خۊدا ابر ستونأ راستأ کۊد ؤ بيرون بأورد طوري کي مصريأن بتأنيد اسرائيليأنه فرارأ بيدينيد. مصريأن تصميم بيگيفتيد کي اۊشأنأ دۊنبالأ کۊنيد.

![](https://cdn.door43.org/obs/jpg/360px/obs-en-12-10.jpg)

هن وأسي اۊشأن بني اسرائيل دۊنبال سر دريا دۊرۊن بۊشۊئيد، اما خۊدا مصريانأ به وحشت تأودأ ؤ کاري بۊکۊد کي اؤشأنه اراده يأن چۊل ميان گير بۊکۊنه. اۊشأن ایجگره بزئیدی« فرار بۊکۊنيد !چونکی خۊدا اسرائيليأنه رِ جنگستأندره.»

![](https://cdn.door43.org/obs/jpg/360px/obs-en-12-11.jpg)

بعد أن کي قوم اسرائيل بسلامتی او طرف دريا فأرسئيد، خۊدا مۊسايأ بفرماست: « ايبار ده تي بالأنأ دريا طرف درازأ کۊن »زماني کي هأ کارا بۊکۊد، آب مصريأن سر ؤ أشأن ارده يأن سر فووست ؤ اۊشأن همه دريا ميان غرقأ بۊستيد.

![](https://cdn.door43.org/obs/jpg/360px/obs-en-12-12.jpg)

وقتي اسرائيليأن بيده ئيد کي مصريأن همه تأن بمرديد، خۊدايأ اعتماد بۊکۊديد ؤ باور بۊکۊديد کي مۊسا ايتأ پيغمبر ،جا خۊدا طرف ايسه.

![](https://cdn.door43.org/obs/jpg/360px/obs-en-12-13.jpg)

اسرائيل^قۊم هتۊ زيادي هيجان مرأ شادي بۊکۊديد، چون خۊدا أشأنأ جابردگي ؤ مرگ نجات بدأ بۊ. دٔ اۊشأن آزاد بيد کي خۊدايأ خدمت بۊکۊنيد. اسرائيلیان شعراي زيادي خۊشأن آزادي وصف ؤ حال رٔ بينويشتيد ؤ خۊدايأ ستايش بۊکۊديد، کي اۊشأنأ مصريأن لشکر جأ نجات بدأ بۊ.

![](https://cdn.door43.org/obs/jpg/360px/obs-en-12-14.jpg)

بزین خۊدابه قوم فرمان بدأ ،کي هرساله جشن بيگيريد تا خاطر بدأريد کي خۊدا چطۊئي اۊشأنأ جه بردگي آزاد بفرماسته ؤ بر مصريأن پيرۊزي ببخشه. اع جشن پسخ بناماید.اۊشأن هرساله وا قرباني کۊدن و بره يأ خۊردن فطيرِ نانِ، مرأ جشن گيفتيد.

*کتاب خروج فصل ۱۲ آیه ۳۳ تا فصل ۱۵ آیه ۲۱*

## 13. ۱۳-خۊدا عهد ایسرائيل مرأ

https://openbiblestories.org/l/glk/story-13/

![](https://cdn.door43.org/obs/jpg/360px/obs-en-13-01.jpg)

بعد أنکي خۊدا ایسرائيل^قۊمأ جه سؤرخ^دريا ،ميأن رهبري بۊکۊد اۊشأنأ جه بيابان دروون کوه^سینا طرف هدايت بۊکۊد. أن هۊ کوهي بۊ کي مۊسا ألاو بيگيفته^بوته يأ اۊن سر بيده بۊ. قۊم کوه جیر اردو بزه ئيد.

![](https://cdn.door43.org/obs/jpg/360px/obs-en-13-02.jpg)

خۊدا مۊسا ؤ اسرائيل قۊمأ بۊگۊفت«:شما ابستی می جه ایطاعت بکونید ؤ مي عهدأ وفادار ببید. واگه اع کار بکونید،شۊمأن مي خاص^قۊم بيد ،مملکتی کی جه کاهنان وموقدس قوم خوای بوستن. »

![](https://cdn.door43.org/obs/jpg/360px/obs-en-13-03.jpg)

بعد سه رۊز هۊ زمات کي مردۊم خۊدشأنأ آمادأ کۊده بيدکی خودا بیدینید.بزین خۊدا سينا^کوه^تۊکالي <قله> سر گورخانه ؤ دۊخان ؤ شيپور بۊلند صدا مرأ فرود بأمو،مۊسا فقط تنهای کوه جۊر بشو.

![](https://cdn.door43.org/obs/jpg/360px/obs-en-13-04.jpg)

بزين خۊدا اۊشأن مرأ عهد دوست ؤ بۊگفت: «من ايسم يهۊوه تي خۊدا، کي ترأ جه مصر اسارت ؤ بندگي آزادأ کۊدم. بغير من خۊداي ديگه ئي يأ پرستش نۊکۊن».

![](https://cdn.door43.org/obs/jpg/360px/obs-en-13-05.jpg)

«بوتي چأنکۊن ؤ اۊنأ ستايش نۊکۊن؛ چۊن کي من کي يهۊوه ايسم خۊداي غيوري ايسم. مي نامأ بي حۊرمت نۊکۊن. سبت^رۊزأ (شنبه رۊز) مقدس بدأن. هفته شش رۊزأ کار بۊکۊن، هفتمي رۊز تره رۊزي ايسه کي آرام بيگيري ؤ مرا به خاطر بأوري. »

![](https://cdn.door43.org/obs/jpg/360px/obs-en-13-06.jpg)

تي پئر ؤ مارأ احترام بۊکۊن. قتل نۊکۊن، زنا نۊکۊن، دزدي نۊکۊن و دۊرۊغ نۊگۊ. ديگران مال ؤ ناموس چۊم ندأر.

![](https://cdn.door43.org/obs/jpg/360px/obs-en-13-07.jpg)

قوم قوبیل بکوده کی جا قانون خودا ایطاعت بکونید.اوشان قوبیل بکودید کی خوداشین ببید و فقط اون پرستش بکونید.

![](https://cdn.door43.org/obs/jpg/360px/obs-en-13-08.jpg)

خۊدا همچنين ايتأ خيمه توصيفاتأ کي خأستي اۊنه چأکۊنيد با تۊمام جزئيات ایسرائيلأ فأدأ. هۊ خيمه، ملاقات^خيمه نام دأشتي.اون دستور بدا کي ايتأ پيله پرده مرأ همديگه جه به دو قسمت سوا بهبه تنها اعظم^کاهن مجاز بۊ کي پۊشت پرده اتاق دۊرۊن بشه چونکي خۊدا حضور اۊيأ ايسأبۊ.

![](https://cdn.door43.org/obs/jpg/360px/obs-en-13-09.jpg)

قوم بازون باستی قوربانگاهی خیمه درجلو چاکونید.هرکی شریعت خودا جا عمل نکودی،باستی حیوانی قوربانی بکونه.کاهن باستی او حیوان بکوشه وقربانی واسی اون مذبح رو واسوجانه.خودا بگفت حیوان خون او شخص گونای لاپوشانه.و اطو خودا اون گونایه دع نیدینه و اوشخص خودا چوم جا پاک بیحساب ایه.خودا موسی و هارون و اون نتاخ اینتخاب بکود کی کاهن ببید.

![](https://cdn.door43.org/obs/jpg/360px/obs-en-13-10.jpg)

بزين خۊدا هأ قانونانأ دونه آپار سنگ سر بينيويشت ؤ مۊسايأ فأدأ.خۊدا قانونأنه ديگه ئي هم مۊسايأ فأدأ. خۊدا قول بدأ کي اگه اع قانونأنأ ایطاعت بکونید أشأنأ برکت فده ؤ از اۊشأن محافظت کۊنه، ؤلی اگه اطاعت نۊکۊنيد خۊدا اۊشأنأ مجازات کۊنه.

![](https://cdn.door43.org/obs/jpg/360px/obs-en-13-11.jpg)

مۊسا خيلي رۊزأن کوه^سینا جور خۊدا مرأ گب زئندۊبۊ. بسکی مردوم اونی رافا بسایید وازده بأمؤبيد .هن وأسي هارون رٔ طلا بأورديد ؤ اۊني جأ بخأستيد اشأنه رٔ بوت چأکۊنه،تا بعوض خودا اون پرستش بکونید واطوی پیله گوناهی در خودا حق بکودید.

![](https://cdn.door43.org/obs/jpg/360px/obs-en-13-12.jpg)

هارون ايتأ بوت زرین گوساله منستأن چأکۊد. مردۊم هول وتکان امرع شروع بۊکۊديد بتأ پرستش کۊدن ؤ اۊنه قرباني بنأئيد! خۊدا أشأن گۊناه وأسي اۊشأن جأ خشمگين بۊبۊست ؤ تصميم بيگيفت اوشان جه بين ببره. اما مۊسا جه خودا بخواست أوشأن نکوشه .ؤ خۊدا مۊسا^دؤعايأ بيشنأوست ؤ خو تصميم جأ منصرفأ بو.

![](https://cdn.door43.org/obs/jpg/360px/obs-en-13-13.jpg)

وقتي کي مۊسا کوه جأ بجير بأمو، ؤ بتأ بيده اۊنقده خشمگين بۊبۊست کي آپارسنگأني کي خۊدا ده تا فرمانأ اۊن سر بينويشته بۊ پرتأ کۊد ؤ بشکنه.

![](https://cdn.door43.org/obs/jpg/360px/obs-en-13-14.jpg)

بزين بتأبسوزانه و پودرأ کۊد، پودرأ آب دۊرۊن دۊکۊد. ؤ مردۊمأ وادار بۊکۊد اۊنأ بخورید. خۊدا بلائي مردۊم رٔ نازل بۊکۊد کي خيلییان بمرديد.

![](https://cdn.door43.org/obs/jpg/360px/obs-en-13-15.jpg)

مۊسا سنگي لۊحأن جا کي بشکنه بۊ تازه سنگي^لۊحان، ده تأ فرمان رٔ بتراشه. بزين دوواره کوهأ بوجور بۊشوو قۊم گۊناهأن بخشئن رٔ دوعا بۊکۊد. خۊدا مۊسا دؤعايأنأ گوش بدأ ؤ اۊشأنأ ببخشه. مۊسا ده تأ فرماني کي خۊدا تازه^لۊحأن سر بينويشته بۊ کوه جأ بجير بأمۊ. خۊدا اۊشأنأ جه کوه سینا، سرزمين مۊعۊد طرف هدايت بۊکۊد.

*کتاب خروج فصل ١٩ تا ٣٤*

## 14. ۱۴-سرگرداني بيابان ميأن

https://openbiblestories.org/l/glk/story-14/

![](https://cdn.door43.org/obs/jpg/360px/obs-en-14-01.jpg)

بعد أنکي خۊدا قوم جا قوانین شريعت واخبر کود،اوشان کوه سینا طرف هدایت بکود.اوشان جه خاطر اونی عهد اون شریعتایطاعت کۊديد. خۊدا اشأنأ سرزمين موعود طرف کي کنعان ببه هدايت بۊکۊد. خوداابر ستون میان اشأن جلۊ شؤئي ؤ اۊشأن اۊنأ دۊنبالا کۊديد.

![](https://cdn.door43.org/obs/jpg/360px/obs-en-14-02.jpg)

خۊدا ایبرايم، ایسحاق ؤ يعقوبأ قول بدأ بۊ کي موعود شهرأ اشأن زأکأنأ فأده. اما هأ زمان قبايل زيادي اۊيأ زندگي کۊديد کي به کنعانيان معروف بيد. کنعانيان خۊدايأ پرستش ؤ ایطاعت نۊکۊديد. اۊشأن دروغين خۊدايأنأ پرستئيد ؤ شريرانه کاران انجام دئيد.

![](https://cdn.door43.org/obs/jpg/360px/obs-en-14-03.jpg)

خۊدا قوم اسرائيل بۊگۊفت : «بعد فارسن به سرزمین وعده بدا،شومأن وأسي جه کنعانيأن شر موعود^شهر ميان خلاصأ بيد. اۊشأن مرأ صلح نۊکۊنيد ؤ اۊشأن مرا عروسي نۊکۊنيد. شۊمأن وأسي اۊشان بتأنأ همه جه بين ببريد. اگر مرأ ایطاعت نۊکۊنيد، اۊشأن بتأنأ بجاي من پرستش کۊنيد».

![](https://cdn.door43.org/obs/jpg/360px/obs-en-14-04.jpg)

وختی ایسرائيلیان کي کنعان^شهر مرزأ فأرسه ئيد، مۊسا دوازده تأ مرد جه هر قبيله اينفر انتخاب بۊکۊد. بعد دستورالعمل لازمأ فأدأن اۊشانأ جاسوسي ؤ تحقيق رٔ اۊيأ اۊسه کۊد. اۊشأنم وأسي تحقيق بۊکۊده بيد ؤ بيده بيد کي کنعانيأن قوي يا ضعيفيد.

![](https://cdn.door43.org/obs/jpg/360px/obs-en-14-05.jpg)

هۊ دوازده مرد چهل رۊز سرتاسر کنعانأ بگردستيد ؤ بزين وأگردستيد. اۊشأن قۊمأ بۊگفتيد: « سرزمين خيلي خب ؤ حاصلخيزي ايسه. »اما ده نفر جه هؤ مردکان ايضاقأ کۊديد: « شهرأن مستحکميدي ؤ أني ساکنان غول پيکريد. اگه اۊشأنأ حمله بۊکۊنيم، حتما شکست خۊريم ؤ اۊشأن دست مرأ ميريم. »

![](https://cdn.door43.org/obs/jpg/360px/obs-en-14-06.jpg)

فوري هۊ دوتأ ديگه جاسوسأن کي أشأن نام کاليب ؤ يوشع بۊ، بۊگفتيد: « هن درسته کي کنعان مردۊمأن أمي جأ درازتر و قويتر ایسید، اما أمئن قطعا أشأنأ شکست ديهيم!چون خۊدا أمره جنگه. »

![](https://cdn.door43.org/obs/jpg/360px/obs-en-14-07.jpg)

اما قۊم يوشع ؤ کاليب گبا گوش ندئيد ؤ مۊسا ؤ هارون جأ خشمگينأ بۊستيد ؤ بۊگفتيد: « أمرأ چره به هأ ترسناک جاجیگاه بأورديد؟ أمئن وأسي مصر بئسابيم.اگر اویه بشیم ،جنگ دۊرۊن ميريم ؤ أمي زن ؤ زأي اسيرأ بيد. » اۊشأن خأستيد تازه رهبر انتخاب بۊکۊنيد تا وأگرديد مصر.

![](https://cdn.door43.org/obs/jpg/360px/obs-en-14-08.jpg)

خۊدا خيلي خشمگينأ بۊ ؤ خيمه ملاقات ميأن ظاهرأ بۊ ؤ بفرماست: « هن وأسي کي بر ضد من سرکشي بۊکۊديد، بزین همه تا بيابان دۊرۊن سرگردانأ بیدید. همه تأن ویشتر جه بيست سال ، بغیرز کاليب ؤ يوشع،بیابان ميأن هلاکأ به ؤ هرگز موعود^شهر نيشيد. »

![](https://cdn.door43.org/obs/jpg/360px/obs-en-14-09.jpg)

وختي مردۊم أنأ جا خودا بيشتأوستيد جه خۊشانه پيله گۊناه پشيمانأ بۊستيدو خۊشأنه سلاح اۊساديد کی کنعانيانأ حمله بۊکۊنید. مۊسا اۊشأنأ ايشتاو بدأ کي نيشيد، چون خۊدا اۊشأن مرأ نۊبۊ .اما اۊشأن مۊسا گبأ گوش نۊکۊديد.

![](https://cdn.door43.org/obs/jpg/360px/obs-en-14-10.jpg)

خۊدا اوو جنگ دۊرۊن أشانه مرأ نۊبۊ. هن وأسي شکست بۊخۊرديد ؤ خیلی جه اوشأن بمرديد. بزين بني اسرائيل کنعان جه وأگردستيد ؤ چهل سال بيابان ميأن ابیربوستید.

![](https://cdn.door43.org/obs/jpg/360px/obs-en-14-11.jpg)

چهل سالي کي اسرائيلان سرگردان بيد ،خۊدا اۊشانأ حمايت کۊدي. جه آسمان ايتأ نان بنام«مَنّا» فادأئي. همچنين بلدرچین اۊشانه اۊسه کودي تا کی اونی گوشتم خوردن رٔ بدأريد. در تومام هو مودت خۊدا وناشت اوشان کفش ؤ رخت لیباس فورچاخه.

![](https://cdn.door43.org/obs/jpg/360px/obs-en-14-12.jpg)

حتي خۊدا ایتأ موجزه اشأنأ رِ بوکود و صخره يأن ميان اۊشانأ آب فادائي. هتو کی هأ موجزه يأن کودی، ایسرائيل قۊم ضد خۊدا ؤ مۊسا شکايت ؤ ناله کۊديد ولي خۊدا هتو خۊ عهد ایبرايم ،ایساق ؤ يعقوب مرآ دأشتی، پايبند بۊ.

![](https://cdn.door43.org/obs/jpg/360px/obs-en-14-13.jpg)

ايبار وقتي کي مردم آب خوردنأ رٔ نأشتيد، خۊدا مۊسايأ بۊگفت: « صخره يأ بۊگۊ آب جاري بۊکۊنه». اما مۊسا جاي أن کي صخره يأ بگه،خوعصا مرأ دوبار اۊنأ بزه ؤباکارخودای بی احترامی بکود. آب صخره جأ تۊمام قۊم رٔ بيرون بامۊ، ؤ اۊشان بخوردیدی. اما خۊدا مۊسا دست دلگيرأ بۊ ؤ بۊگۊفت: « تو سرزمين موعود دۊرۊن نيشي.»

![](https://cdn.door43.org/obs/jpg/360px/obs-en-14-14.jpg)

چهل سال بعد ایسرائيل قۊم سرگرداني ،بيابان ميان همه اۊشأني کي بر ضد خۊدا شورش بۊکۊده بيد، بمرديد. بزين خۊدا دوباره قۊمأ ايجازه بدأ تا موعود^سرزمين نزديکي فأرسيد. مۊسا پيرأ بۊسته بۊ، هن وأسي يوشع يأ خۊ جانشين انتخاب بۊکۊد. خودا موسیء قول بدا،ایتا روز پیامبری خودش منثل مردوم ره اوسا کونه.

![](https://cdn.door43.org/obs/jpg/360px/obs-en-14-15.jpg)

خۊدا مۊسايأ امر بۊکۊد تا کوه جۊر بشه ؤ جه هۊيأ بتأنه موعود سرزمينأ بيدينه. مۊسا موعود سرزمينأ بيده، اما خۊدا ايجازه ندأ که بۊدرون بشه. بزين مۊسا بمرد ؤ قوم ایسرائيل سي رۊز اۊنه رٔ عزاداري بۊکۊديد. يوشع بمنسبِ رهبر انتخاب بۊبۊ. اۊن خرم رهبر بۊ، چون خۊدايأ اطمينان دأشتي ؤ اۊني جه ایطاعت کۊدي.

*کتاب خروج فصل ۱۶ و ۱۷، کتاب اعداد فصل۱۰ تا ۱۴، کتاب تثنیه فصل ۳۴*

## 15. ۱۵-موعود^سرزمين

https://openbiblestories.org/l/glk/story-15/

![](https://cdn.door43.org/obs/jpg/360px/obs-en-15-01.jpg)

هو زمان فأرسه بۊ کي قوم ایسرائيل موعود^سرزمين، يعني کنعانأ واردأ بيد. يوشع دوتا جاسوس به کنعان^شهر ؤ شهر اريحا اۊسه کۊد کی محکم^ديوار مرأ دؤرا بۊسته بۊ. هۊ شهر دۊرۊن ايتأ فاحشه بنام راحاب زندگي کۊدي .کي جاسوسانأ قائمأ کۊده ،ؤ ياري بۊکۊد جه هؤيأ بۊگرۊزيد. اۊن هأ کار بخاطر أن کي خۊدايا ايمان دأشتي بۊکۊد. اۊشأن راحابأ قول بدائيد کي وقتي اريحايأ نابودأ کۊديد ،جه اۊن ؤ أني خانواده حفاظت بۊکۊنيد.

![](https://cdn.door43.org/obs/jpg/360px/obs-en-15-02.jpg)

موعود^سرزمينأ بۊدۊرۊن شۊن رٔ، ایسرائيلیان مجبور بيد اردن^روخان جأ عبور بۊکونيد. خۊدا يوشع يأ بۊگۊفت: « کاهنانأ پيش پيش اۊسه کۊن.» وختي کاهناني پا کف اردن روخان آبأ فارسه، آب جريان قطعأ به طوري کي بتأنستيد روخان جأ ؤ خشک زمين جأ،به اوطرف روخان دوارید.

![](https://cdn.door43.org/obs/jpg/360px/obs-en-15-03.jpg)

وختي قۊم اردن رۊخان جأ ردأ بۊستيد، خۊدا يوشع يأ بگفت حمله وسیبه قدرتمند^شهر اريحايأ اماده بوبو.خودا مردوم بگفت: کاهنان و سربازان باستی شش روز،روزی ایبار شهر دور راه بشید. درست هؤطو کي خۊدا بۊگفته بۊ کاهنان ؤ سربازان تا شش رۊز رۊزي يکبار شهرأ دور بزئيد.

![](https://cdn.door43.org/obs/jpg/360px/obs-en-15-04.jpg)

بزين هفتمي رۊز ،اسرایلیان باید هفت بار شهرأ دور بزئيد، آخردور وقتي کي کاهنان خۊشان شيپور دۊرۊن بدمستيد سربازان ایجگره بزئيد.اوشان او کاران موبه مو انجام بداید.

![](https://cdn.door43.org/obs/jpg/360px/obs-en-15-05.jpg)

اريحا دور ديواران فۊوست. ایسرائيلیانهۊ طۊ کي خۊدا دستور بدأ بۊ، شهر همه چي يأ نابودأ کۊديد. فقط راحاب ؤ أني خانواده در امان بمانستيد کي اۊشأنم بني ایسرائيلأ بپيوستيد. وختي الباقي اقوام، کي کنعان دۊرۊن ساکن بيد بفهمستيد کي ایسرائيليأن اريحايأ ويرانا کۊديد ،وحشت بوکودید کي نوکونه ایسرائيل^قۊم اۊشانأ حمله بۊکۊنه.

![](https://cdn.door43.org/obs/jpg/360px/obs-en-15-06.jpg)

خۊدا قۊم ایسرائيلأ فرمان بدأ بۊ کي هيتا قبيله کنعان میان، پيمان صلح دنودید. اما ايتأ کنعاني^قبيله بنام جبعونيان، يوشع يأ دوروغ بۊگفتيد ؤ ادعا بۊکۊديد کي جه دور جيگا بأمۊئيد. اۊشان يوشع جأ بخأستيدي پيمان صلح دوده. يوشع ؤ ایسرائيل قۊم پیلتران، خۊدايأ وانوۊرسه ائد، جبعونیان مرأ پيمان صلح دوست.

![](https://cdn.door43.org/obs/jpg/360px/obs-en-15-07.jpg)

بعد سه روز،ایسرائيليأن وقتي بفهمستيد جبعونيان اۊشانأ گول بزئید، خشمگين بۊبۊستيد اما خۊشان پيمان صلحأ اۊشأنأ مرأ نشکنئيد، چره کي هؤ پيمان خۊدا حضور دوسته بۊبۊسته بۊ. بعدها، ايتا ديگه قۊم جه کنعانيان بنام اموريان وقتي بيشتاوستيد کي جبعونيان بني ایسرائيل مرأ پيمان صلح دوستيد ،همدیگه مرآ متحد بۊبۊستيد ،ؤ جبعونيانأ حمله بۊکۊديد. جبعونيان يوشع جأ کمک بخأستيد.

![](https://cdn.door43.org/obs/jpg/360px/obs-en-15-08.jpg)

يوشع ایسرائيل سپاهأ جمعأ کۊد. ؤ اۊشأن تومام شب راه بۊشۊئيد کي جبعونأ فأرسئيد. صبح زود اموريانأ غافلگيرأ کوديد، ؤ اۊشانأ حمله بۊکۊديد.

![](https://cdn.door43.org/obs/jpg/360px/obs-en-15-09.jpg)

خۊدا هؤ رۊز ایسرائيليانه ره بجنگست. اۊن اموريانأ سرأ گرمأ کۊد ؤ پيله تنگرانأ آسمان جأ بوأرأنه ؤ عده ای زيادي اموريانأ بۊکۊشت.

![](https://cdn.door43.org/obs/jpg/360px/obs-en-15-10.jpg)

همچنين خۊدا آفتابأ حرکتأ متوقفأ کۊد ،کی سربازان ایسرائيلي وقت کافي بدأريد کی بتأنيد اموريانأ شکست بديد. خۊدا هۊ رۊز پيله پيرۊزيأ نصيب ایسرائيليأن بۊکۊد.

![](https://cdn.door43.org/obs/jpg/360px/obs-en-15-11.jpg)

بعد أنکي خۊدا هۊ لشکريانأ شکست بدأ، الباقي کنعانيان حمله وأسي به بني ایسرائيل^قۊما همدیگه مرأ متحد بۊبۊستيد. يوشع ؤ يهؤديان اۊشانأ حمله بوکودید ؤ اۊشانأ نابودأ کۊديد.

![](https://cdn.door43.org/obs/jpg/360px/obs-en-15-12.jpg)

بعد هأ جنگان،خۊدا هرتا قبيله يه بني ایسرائيلأ خۊ سهم جه موعود^سرزمين ببخشه. بزين خۊداؤند آرامشأ در امتداد اسرائيل مرزان حکمفرما بۊکۊد.

![](https://cdn.door43.org/obs/jpg/360px/obs-en-15-13.jpg)

وقتي يوشع پيرأ بۊ، همه بني ایسرائيل^قۊمأ جمعأ کۊد. بزين پيماني کي، خۊدا قوم ایسرائيل مرأ صحرای سینا دۊرۊن دوسته بويأ دوواره واگويا بۊکۊد ؤ قۊم قول بدائيد کي خۊشان ايمان سر بئیسید ؤ جه خۊدا شريعت پيروي بۊکۊنيد.

*کتاب یوشع فصل ۱ تا ۲۴*

## ۱۶. رهانندگان

https://openbiblestories.org/l/glk/story-16/

![](https://cdn.door43.org/obs/jpg/360px/obs-en-16-01.jpg)

بعد يوشع مردن، ایسرائيل^قۊم خۊدا جأ نا ایطاعتي بۊکۊديد ؤ الباقي کنعان مردومأنأ بيرونأ نۊکۊديد. اۊشأنم خۊدا شريعت جأ سرپيچي بۊکۊديد. اۊشأن بجاي يهۊوه راستگي^خۊدا کنعانيان بتأنأ رو باورديد. قوم ایسرائيل پادشاهي نأشتيد، پس هر کي چيزيأ کي فکر کۊدي درسته يأ، انجام دأئي.

![](https://cdn.door43.org/obs/jpg/360px/obs-en-16-02.jpg)

ناایطاعتی اسراییل قوم ایتفاقات جورواجوری اوشان زندگی میان بشکل تکراری دکفتید.هو ایتفاقات اطوبوکی: ایسرائيل^قۊم جه خۊدا نافرمانيأ ادامه دائيد. خۊدا اۊشأنأ تنبيه کۊدي، ؤ اۊشانأ به دۊشمنان تسليم کۊدي. اۊشأن اسرائيليانأ غارت کۊديد ؤ اۊشأن اموالأ نابودأ کۊديدو خيليانأ کۊشتيد. سالان سال کي نافرماني جه خۊدا ؤ آزار جه طرف دوشمنأن، ایسرائيل^قۊم توبه بۊکۊديد ؤ خۊدايأ بخأستيد کي اۊشانأ نیجات بده.

![](https://cdn.door43.org/obs/jpg/360px/obs-en-16-03.jpg)

هردفعه کی توبه کودید، خۊدا ايتأ رهاننده اۊسه کۊد کي اۊشانأ جه دۊشمنان شر نیجات بده ؤ آرامشأ به هۊ سرزمين وأگردانه.او نیجات دهنده به درستی وخوبی حکومت کودی.خودا رهاننده زیادی اسراییل قوم را اوساکود. ايتأ هأ موارد دۊرۊن خۊدا ايتأ جه دۊشمنانأ، که قۊمي بنام مديان بۊ ايجازه بدأ کي بني ایسرائيلأ حمله بۊکۊنه اۊشانأ شکست بده.

![](https://cdn.door43.org/obs/jpg/360px/obs-en-16-04.jpg)

مديانيان هفت سال ،اسرائيليأن محصولانأ اۊساديد. ایسرائيل^قۊم خيلي بترسه بيد ؤ غاران ميان قائمأ بۊستيد کي نوکونه مديانيان اۊشانأ آسيب برسأنيد. آخربسر خۊدايأ التماس بۊکۊديد کي اشانأ نجات بده.

![](https://cdn.door43.org/obs/jpg/360px/obs-en-16-05.jpg)

ايتأ رۊز ايتأ ایسرائيلي مردأي کي جدعون أني نام بۊ، قائم قائمي مديانيان جأ گندم کوبستان دۊبۊ تاکی اون غارت نکونید.هوخت ايدفأ يهۊوه فرشته اۊنأ ظاهرأ بۊ ؤ بوگوفت«: اي شجاع مرداي خۊدا ،تي أمرايه.بۊشۊ ؤ ایسرائيلأ جه مديانيان چنگ نیجات بده. »

![](https://cdn.door43.org/obs/jpg/360px/obs-en-16-06.jpg)

جدعون^پئر ،قوربانگاهي دأشتي کي اۊنأ به ايتأ بت تقديم بۊکۊده بۊ. اولین دستورخۊدا جا جدعونأ او قوربانگاهأ فۊگۊردأن بو. اما جدعون مردۊمأ ترسه ائي بنابراين تا نصف شب رافا بئسا. بزين قوربانگاهأ بشکنه ؤ اۊنأ تکه تکه بۊکۊد. هۊ مکان نزديکي ایتأ تازه قوربانگاه خۊدا ره چأکۊد ؤ اوسر قوربانی نبه.

![](https://cdn.door43.org/obs/jpg/360px/obs-en-16-07.jpg)

فردائي صبح مردۊم بيده ئيد اينفر بامو ؤ قربانگاهأ بشکنه ؤ هن باعث بۊبۊ أشأنه خشم ويريزه. اۊشان جدعون خانه ور بۊشۊئيد تا اۊنأ بۊکۊشيد ،اما جدعون پئر بۊگوفت : «شومان چره خأئيد شيمي خۊدایأ کمک بۊکۊنيد؟ اگه اۊن خۊدايه، بئسيد جه خودش محافظت بۊکۊنه. »هن وأسي کي بۊگوفت، جدعون کۊشتنأ دست بکشئيد.

![](https://cdn.door43.org/obs/jpg/360px/obs-en-16-08.jpg)

بعد اۊن مديانيان دوباره بأمؤئيد کی اسرائيليان جأ دزدي بۊکۊنيد ؤ اشأن عده زياد بۊ کي قابل ايشماردن نۊبۊ. جدعون جنگ مدیانیان وأسي تۊمام قوما دوخاد. جدعون خۊدا جأ دوتا نيشان بخاست کی مطمئنأ به کي خۊدا اۊن دست مرا ایسرائيلأ نیجات دئهه.

![](https://cdn.door43.org/obs/jpg/360px/obs-en-16-09.jpg)

اولي نيشانه،جدعون ايتأ تيکه گوسفند پوستأ زیمین سر بنأ ؤ خۊدايأ بخاست پوستأ شي بزنه ولي زمين خۊشک ببه. خۊدا هأ کارأ بۊکۊد. رۊز بعد خۊدايأ بخاست کي زمين هيستا به ولي پوست خشک بمأنه ،خۊدا هأ کارأ بۊکۊد. هأ دوتا نشانه، جدعونأ قانع بۊکۊد کي خۊدا خأيه ایسرائيل جه مديانيان اۊن دست مرأ نیجات بده.

![](https://cdn.door43.org/obs/jpg/360px/obs-en-16-10.jpg)

۳۲۰۰۰ ایسرائيلي سربازان جدعون ورجأ باموئيد ،اما خۊدا اؤنأ بۊگۊفت سربازان عده زياده .هني وأسي جدعون جه ۲۲۰۰۰ نفرا کي جنگأ ترسئيد بخانه اؤسه کۊده. و خۊدا دوواره جدعونأ بۊگۊفت هأ عده يم زياده. ؤ بزين جدعون غيرز ۳۰۰ نفر همه تأنأ بخانه اۊسه کۊد.

![](https://cdn.door43.org/obs/jpg/360px/obs-en-16-11.jpg)

هۊ شب خۊدا جدعونأ بوگوفت : «قائمکي بۊشۊ مديانيان اردو، وقتي اۊشأنه گب بيشنأوي جرأت يافي ؤ دِ نترسي. » جدعون اۊشأن اردوگاه بۊشۊ ؤ بيشتأوست کي ايتأ سرباز مدياني خۊ خوابأ خۊ دوست ره تعريف کۊدان دره. اۊني دوست بگفت : «تي خواب معني أنکي جدعون^سپاه مديانيانأ شکست دئهه .»وقتي جدعون أنأ بيشنأوست خۊدايأ ستايش بۊکۊد.

![](https://cdn.door43.org/obs/jpg/360px/obs-en-16-12.jpg)

جدعون سربازان طرف بۊشۊ ؤ هر تايأ ايتا شيپور ؤ ايتأ سفالي کوزه فادأ کي ايتأ مشعل اؤن دۊرۊن نها بۊ. اۊشان وقتي مدياني سربازان خواب بيد ،اۊشأن اردوگايأ محاصره بۊکۊديد. جدعون سيصدتأ سرباز مشعلانأ خۊشان کوزه يأن ميان قائمأ کۊديد تا مديانيان نتانيد اۊشأن نورا بيدينيد.

![](https://cdn.door43.org/obs/jpg/360px/obs-en-16-13.jpg)

بزين جدعون همه سربازانأ، همزمان کوزه يانأ بشکنئيد ؤ مشعلان نور ظاهرأ بۊست. اۊشان شيپور زئيد ؤ ایجگره زئيد : «شمشير يهۊوه ؤ جدعون.»

![](https://cdn.door43.org/obs/jpg/360px/obs-en-16-14.jpg)

خۊدا مديانيانأ پريشانأ کۊد. اۊشأن شروع بکودید حمله کودن ؤ همديگرأ بوکوشی.جدعون فوري الباقي ایسرائيليأن کي خۊشأن خانه يان جأ فراخوانده بۊبۊسته بيد مديانيان تعقيب رٔ بامؤئيد. اۊشأن عده ای زيادي جه مديانيانأ بکشتيد ؤ الباقي شؤنم جأ اسرائيل^سرزمين بيرونأ کۊديد. هۊ رۊز ۱۲۰۰۰۰ نفر مديانيان بمرديداطوبوکی،. خۊدا ایسرائيل^قۊما نیجات بدأ.

![](https://cdn.door43.org/obs/jpg/360px/obs-en-16-15.jpg)

مردوم بخواستيد جدعونأ خۊشانه پادشاه بۊکۊنيد. جدعون اۊشانأ ايجازه ندأ، اما جه اۊشأن بخواست کي ايپچه حلقه طلائي کي مديانيان جأ بدست باورديد اۊنأ تحويل بديد. مردۊم ايتأ عالمه طلا جدعونا فادائيد.

![](https://cdn.door43.org/obs/jpg/360px/obs-en-16-16.jpg)

بزن جدعون طلايأن، مرأ ايتأ جليقه چأکۊد مئل کاهنان^رئيس دۊکۊدي، اما مردۊم جليقه ائي کي جدعون چأکۊده بۊيأ بوتا منستان شروع بۊکۊديد به پرستش کۊدن. بنابرأن، خۊدا دوواره ایسرائيل^قۊما تنبيه بۊکۊد ،چره کي بازم بوُت پرستيأ رۊ باورده بيد. خۊدا ايجازه بدأ کي اشأنه دشمنان اشأنأ شکست بديد. آخر سر اۊشان باز خۊدا جأ تقاضاي ياري بۊکۊديد ؤ خۊدا اۊشان رٔ ناجي ديگه ئي اۊسه کۊد.

![](https://cdn.door43.org/obs/jpg/360px/obs-en-16-17.jpg)

هأ کاران بارها تکرار بۊستي:اسرائيل قوم گۊناه کۊديد، خۊدا اۊشانأ تنبيه کۊدي، اۊشأن توبه کۊديد ؤ خۊدا ايتأ ناجی اۊشأنه ره اۊسه کۊدي. طي دراز^سالان، خۊدا ناجیأن زيادي اۊسه کۊد کي ایسرائيل قوم جه دشمنان دست خلاصأ کونه.

![](https://cdn.door43.org/obs/jpg/360px/obs-en-16-18.jpg)

آخر بسر ایسرائيل^قۊم جا خۊدايأ بخاستيد کي ايتأ پادشاه ملتأن ديگه منستأن اۊشأنأ فأده. اۊشأن ایتا قد بلند ؤ نيرومند پادشاه خأستيد کي بتأنه جنگأنه ميان اۊشأنا رهبري بۊکۊنه. خۊدا جأ هأ درخواست خشنود نۊبۊ، اما هۊطۊ کي درخۊاست بۊکۊده بيد، ايتأ پادشاه اۊشانأ ببخشئا.

*کتاب داوران فصل ۱ تا ۳ و ۶ تا ۸؛ کتاب اول سموئیل فصل ۱ تا ۱۰*

## 17. ۱۷-خۊدا عهد داود مرأ

https://openbiblestories.org/l/glk/story-17/

![](https://cdn.door43.org/obs/jpg/360px/obs-en-17-01.jpg)

شائول ایسرائيل اولي پادشاه بۊ. اۊنی قد^بؤلند ؤ زيبا بۊ، هۊ مشخصاتي کي مردم خؤاستيد. شائول اولان خۊ پادشاهي قۊم ایسرائيل سر خؤب کارائي بۊکۊد اما نم نمه به ايتأ گۊناهکار^مرداي کي خۊدايأ پيروي نۊکۊدي تبديلأ بۊست. بنابراين خۊدا ايتأ ديگه مردأکأ انتخاب بۊکۊد کي اۊن جاسر پادشاه ببه.

![](https://cdn.door43.org/obs/jpg/360px/obs-en-17-02.jpg)

خۊدا ايتأ ایسرائيلي^جوانأ به نام داودأ اینتخاب بۊکۊد تا شائول جا سر پادشاه ببه. داود ،ايتأ چوپان بيت لحم شين بۊ. اۊن خۊ پئرأ گوسفندأن چوپاني سر ،دومرتبه جه حمله شير ؤ خرس گوسقندانأ نیجات بداو اۊشأنأ بکشت. داود فروتن پارسا ؤ عادل بۊ .ؤ خۊدای ایتعماد داشتی و ایطاعت کۊدي.

![](https://cdn.door43.org/obs/jpg/360px/obs-en-17-03.jpg)

وختي کي داوود ایتا جوان بۊ اينفر مرأ کی تنومندمردای و آموزش بيده سرباز ؤ خيلي قوي هيکل بۊ ؤ تقريبا سه متر قد دأشتي بنام جليات مبارزه بۊکۊد. اما خۊدا داودأ کمک بۊکۊد تا جلياتأ بکوشه ؤ ایسرائيل نیجات بده. بعد اۊن داوود بارها ایسرائيل دشمنانأ غلبه بۊکۊد ؤ هن باعث بۊبۊست تا اون ایتا پیله سرباز تبدیل ببه و جنگان میان قوم ایسراییل رهبری بکونه.همه تامردوم اۊنأ خایلی تحسين کۊدید.

![](https://cdn.door43.org/obs/jpg/360px/obs-en-17-04.jpg)

شائول مردوم محبت وأسي کی داودأ دأشتید اؤني مرأ حسادت کۊدي.آخربسرشائول تصمیم بیگیفت داودأ بۊکۊشه ،ولي اون به بیابان بگریخت، داوود خۊرأ شائول چشم جأ قائمأ کۊد. ايتأ رۊز کیشائول و اونی سربازان داوود دنبال گردستي، ناخبری شائول به هؤ غاري کي داود اۊيأ قائمأ بوسته بۊ .بۊشۊ اما اۊنأ نيده. داوود خيلي شائولأ نزديک بۊ. تأنستي اۊنأ بۊکۊشه اما بجایِ شائول ايتأ تيکه رختأ واوه کی اۊنأ ثابت بۊکۊنه نخأيه اۊن کشتن مرأ پادشاه ببه.

![](https://cdn.door43.org/obs/jpg/360px/obs-en-17-05.jpg)

آخربسر، شائول ایتأ جنگ دۊرۊن کؤشته بۊبۊست ؤ داوود پادشاه ایسرائيل بوبوست. اؤن پادشاه خؤبي بۊ ؤ مردوم اؤنأ دوست دأشتيد. خۊدا داوودأ برکت بدأ ؤ اؤنأ همه کارانِ دۊرۊن موفق بۊکۊد. داوود جنگاي زيادي دۊرۊن شرکت بۊکۊد ؤ خۊدا اؤنأ ياري بۊکۊد کی ایسرائيل دشمنانأ شکست بده. داوود اورشليمأ فتح بۊکۊد ؤ اؤنأ خو پايتخت چأکۊد.داوود هویه زندگی بکود و بمرد و دفن بوست.اون بمدت چهل سال پادشاه بو. وقتي کي داود پادشاه بۊ اسرائيل قوي ؤ ثروتمند بۊ.

![](https://cdn.door43.org/obs/jpg/360px/obs-en-17-06.jpg)

داوۊد خأستي ايتأ معبد چأکۊنه کي ایسرائيل^قۊم بتأنيد اۊيأ خۊدايأ پرستش ؤ اۊنه ره قرباني بۊکۊنيد. براي حدود ۴۰۰ سال ،مردوم ايتأ جيگا عبادت ؤ قورباني کۊديد کي ملاقات^خيمه نام دأشتي ؤ مۊسا اۊنأ بساخته بۊ.

![](https://cdn.door43.org/obs/jpg/360px/obs-en-17-07.jpg)

اما خۊدا ناتان^نبي يأ هأ پيغام مرأ اۊسه کۊد کی بگفت: «چون تو جنگي مردأکي ،مره معبد نخواهه چأکۊني. تي پسر اۊنأ بنا کۊنه. ولي من ترأ خيلي برکت دهم. اينفر جه تي نتاج تا ابد مي قۊمأ سلطنت کۊنه. » تنها نتاجی کي تأنستي جاودانه سلطنت بۊکۊنه مسيح بۊ. مسيح هۊ خۊدا برگزيده بۊ کي جهانأ جه گؤناه نجات دائي. »

![](https://cdn.door43.org/obs/jpg/360px/obs-en-17-08.jpg)

داود کي هأ گبأ بيشتأوست، هو موقه خۊدايأ شکر ؤ ستايش بۊکۊد. خودا اون سربلند کوده و پیله برکتان فاده. داود نأنستي کي خۊدا کي هأوعدان تحقق کۊنه .ؤلی هاسه دانیم کي ایسرائيل قوم بايستي،بعد جا داوود، هيزار سال رافأ مسيح أمۊن ببید .

![](https://cdn.door43.org/obs/jpg/360px/obs-en-17-09.jpg)

داود خيلي سالان ایعدالت مرأ حکومت بۊکۊد.اون خوداجه ایطاعت کودی ؤ خۊدا اونأ برکت دائي. با هأ حال خو آخران عمر دوچارایتا پیله ^گۊناهأ عليه خۊدا بۊبۊست.

![](https://cdn.door43.org/obs/jpg/360px/obs-en-17-10.jpg)

ايتأ رۊز ،وختي تومام داود^سربازان جنگ وأسي بيرون ايسابيد، اۊن کاخ^سلطنتي^بام سر بيجيرأ فأندرست ؤ قشنگ^زناکأ بيده کي حمام کۊدن دبوو. اون هو زن نشاختی ولی واخبربوزن نام بتشبع ایسه.

![](https://cdn.door43.org/obs/jpg/360px/obs-en-17-11.jpg)

داود بجاي أن کي جه هۊ وسوسه دوري بۊکۊنه، اينفرأ اۊسه کۊد تا هۊ زناکأ اۊن ويرجأ بأوره. هۊ زناک مرأ بوخوفت ؤ بزين اۊنأ بخانه اۊسه کۊد. بعد ايتأ کوتاه^مدت بتشبع داود رٔ پيغام اۊسه کۊد کي شکم اۊساده.

![](https://cdn.door43.org/obs/jpg/360px/obs-en-17-12.jpg)

بتشبع مرد اوريا نام داشتی،داوود ايتأجه بهترين سربازأن بۊ. اوریا هو روزان بدور جه خانه جنگ میان ایسه بو.داوود اوريايأ دۊخاد ؤ اۊنأ بؤگفت بۊشۊ بخانه ؤ ايپچه تي زن کنار بئس. اما اوريا قوبیل نۊکۊد کي ایستراحت بۊکۊنه چونکي أنی همرزمان جنگ ايسائيد. بنابرأن داود، اوريايأ دوباره جنگ اۊسه کۊد ؤ فرماندهانأ بؤگوفت کی اۊنأ خط مقدم بنيد تا کؤشته ببه.واتو ببوست کی اوریا جنگ میان بمرد.

![](https://cdn.door43.org/obs/jpg/360px/obs-en-17-13.jpg)

بعد اوريا کؤشته بۊستن، داود بتشبع مرأ عروسي بۊکۊد ؤ اۊن داوود رٔ پسر بزأ. خۊدا داوود کار وأسي خشمگين بۊ، هن وأسي ناتان نبي يأ اۊسه کۊد کی داوود گنايأ اۊنأ ایشتاو بده. داوود به خۊ گۊناه اعتراف بۊکۊد ؤ خۊدا اؤنأ ببخشه. داوود بقيه خو دوران زیندگی، سخت ترين شرايط دۊرۊن ، خۊدايأ اعتماد دأشتي ؤ اؤني جأ ایطاعت کۊدي.

![](https://cdn.door43.org/obs/jpg/360px/obs-en-17-14.jpg)

اما أني گۊناه موجازات ره، داوود پسر بمرد. همچنين داوود خاندان دۊرۊن، کلي درگيري بوبوسته ؤ اۊني قدرت خیلی کمأ بۊست. البته داوود گاهي به خۊدا گؤناه کۊدي اما خۊدا خۊ عهدیأ کی اۊنأ مرا دووسته بو وفادار بۊ. بعدها داوود ؤ بتشبع ايتأ پسرأ صاحب بۊبۊستيد ؤ اۊني نامأ سليمان بنأئيد.

*کتاب اوّل سموئیل، فصل ۱۰؛ و فصل ۱۵ تا ۱۹و ۲۴ و ۳۱؛ کتاب دوم سموئیل فصل ۵ و ۷ و ۱۱ و۱۲*

## 18. ۱۸-منقسم بۊبۊسته پادشاهي

https://openbiblestories.org/l/glk/story-18/

![](https://cdn.door43.org/obs/jpg/360px/obs-en-18-01.jpg)

داوود چهل سال پادشاهی بوکود. بعد اونی بمردن، ؤ أني پسر سليمان اسرائيل^قۊم پادشاه بوبوسته. خۊدا سليمان مرأ رؤيا دۊرۊن گب بزه ؤ انأ واوۊرسه: «مي جأ چي خأئي کی ترأ فأدم ؟» سليمان حکمتأ تقاضا بۊکۊد خۊدا خيلي خۊشحالأ بۊ ؤ اؤنأ حکيم ترين مرد زمين سر بۊکۊد. سليمان خيلي چيزانأ ياد بيگيفت ؤ خردمند^داور بۊ. خۊدا سليمانأ خيلي ثروتمند چأکۊد.

![](https://cdn.door43.org/obs/jpg/360px/obs-en-18-02.jpg)

سليمان اؤرشليم دۊرۊن ايتأ معبدي کي داود بصرافت چأکۊدنش بۊ يأ بنا بۊکۊد.جه او زمان، دٔ مردم تأنستيد بجاي ملاقات^خيمه، اۊيأ عبادت بۊکۊنيد ؤ اونأ قورباني تقديم بۊکۊنيد. خۊدا معبد سر نازلأ بۊ ؤ اۊيأ حاضر بۊ ؤ خۊ قۊم مرأ زندگي شروع بۊکۊد.

![](https://cdn.door43.org/obs/jpg/360px/obs-en-18-03.jpg)

اما سليمان جه سرزمينأنأ دیگرِ زناکانأ دوست دأشتي. اون تقريبا ۱۰۰۰تأ زن مرأ عروسي بۊکۊد ؤ هن وأسي خۊدا فرمان جأ سرپيچي بۊکۊد. خیلی جه هؤ زناکأن ،بيگانه شهرانه جأ بأموبيد خۊشأن مرأ بت دأشتيد. سليمان کي پيرأ بۊست اؤنم شروع بۊکۊد اۊشأنه بتأ عبادت کۊدن.

![](https://cdn.door43.org/obs/jpg/360px/obs-en-18-04.jpg)

خۊداؤند سليمان جأ خشنود نۊبۊ . هنی بي ایطاعتي، موجازات وأسي وعده بفرماست کي ایسرائيل^پادشاهيأ بعد انکی اون بمرده دو نیمه بۊکۊنه.

![](https://cdn.door43.org/obs/jpg/360px/obs-en-18-05.jpg)

بعد أن کي سليمان بمرد، أني پسر رحبعام اۊنی جا سر پادشاه بۊبۊست. ایسرائيل همه قبيله يأن جمعأ بؤستيد کي اۊني پادشاهيأ قوبیل بۊکۊنيد. اۊشأن رحبعام رٔ شکايت بۊکۊديد کي سليمان اۊشأن جأ زيادي کار فأکشه ائي ؤ مجبور بيد خیلی ماليات فأديد.اوشان جا رِحُبعام بخواستید کی خو پئر مانستان سخت گیر نبه.

![](https://cdn.door43.org/obs/jpg/360px/obs-en-18-06.jpg)

رحبعام اوشأنأ ایتا کال جواب بدأ ؤ بوگوفت: «شۊما فکر کۊنيد مي پئر سخت گيري کۊدي من ولي شيمي جأ ويشتر کار فأکشم ؤ شۊمارأ مي پئر جأ سخت تر تنبيه کۊنم. »

![](https://cdn.door43.org/obs/jpg/360px/obs-en-18-07.jpg)

بعد جه اون گب،مردومان زیادی شورش بکودید. ده تأ قبيله جه ایسرائيل قبيلأن رحبعام سلطه جیر نۊشۊئيد. فقط دوتأ قبيله اۊنأ وفادار بمانستيد ؤ هأ دوتأ قبيله یهودا پادشاهيأ خوشان رع نام بناید.

![](https://cdn.door43.org/obs/jpg/360px/obs-en-18-08.jpg)

الباقي ده تأ قبيله ايتأ مرداي به نام يربعامأ خۊشانه پادشاه بۊکۊديدکی خۊشان^پادشاهي^قلمروأ شمال هؤ حوالی ميان ايجاد بۊکۊديد ؤ اۊنأ ایسرائيل پادشاهي دۊخأديد.

![](https://cdn.door43.org/obs/jpg/360px/obs-en-18-09.jpg)

يربعام بر ضد خۊدا ويريشت ؤ باعث بۊبۊ مردۊم گۊناه طرف بيشيد. اون دو تأ بت چأکۊد ؤ مردۊمأ تشويق بۊکۊد کي جاي هن کي پرستش وأسي خۊدا^خانه اؤرشليم کی در پادشاهی یهودابو بيشيد، اۊشانأ بپرستيد.

![](https://cdn.door43.org/obs/jpg/360px/obs-en-18-10.jpg)

يهؤدا پادشاهي ؤ ایسرائيل پادشاهي کس کس مرأ دۊشمن بيد ؤ حتي گاهي همديگه مرأ جنگ کۊديد.

![](https://cdn.door43.org/obs/jpg/360px/obs-en-18-11.jpg)

ایسرائيل تازه^پادشاهي دۊرۊن، همه پادشاهان بدکار بيد. ويشتر اۊشان توسط افرادي کي خواستيد سلطنتأ صاحب بيبيد، کشته بۊستيد.

![](https://cdn.door43.org/obs/jpg/360px/obs-en-18-12.jpg)

اۊشان همه پادشاهان ؤ خيلي از ایسرائيل^مردم بتأ عبادت کۊديد. اۊشان بوت پرستي اغلب خاک بر سري کاران، خرابدار زناک امر همرا بو و حتي زاکأنه بوتان رع قورباني کودید.

![](https://cdn.door43.org/obs/jpg/360px/obs-en-18-13.jpg)

يهؤدا پادشاهي جه داوود نتاج بيد. بعضي جأ هأ پادشايان آدماي عادل ؤ خبي بيد، ؤ يکتا خۊدايأ پرستش کۊديد. اما ويشتر یهودا پادشاهی، بدکار ؤ فاسد ؤ بوت پرست بيد. بعضي جه اۊشان حتي خۊشان زاکأنه بتأنه رٔ قورباني کۊديد. يهؤدا ويشتر اهاليم ضد خۊدا ويريشتيد ؤ الباقي خۊدايانأ پرستش کۊديد.

*کتاب اول پادشاهان فصل ۱ تا ۶ و ۱۱ و ۱۲*

## ۱۹. پیامبران

https://openbiblestories.org/l/glk/story-19/

![](https://cdn.door43.org/obs/jpg/360px/obs-en-19-01.jpg)

اسرائيل تاريخ دۊرۊن خۊدا پيفمبرانيأ اۊشأنه ره اۊسه کۊد. پيفمبران خۊدا جه پيغامهائي فأگيفتيد ؤ مردۊمأ انتقال دئيد.

![](https://cdn.door43.org/obs/jpg/360px/obs-en-19-02.jpg)

اخاب پادشاهي موقع ایسرائيل سر، ايليا پيفمبر بۊ.اخاب بدکار^مردأکي بۊ کي مردۊمأ تشويق کۊدي بعل^بتأ پرستش بۊکۊنيد. ايليا اخابأ بۊگوفتخودا تره تنبه کونه.همچنین اخاب بگوفت: «ایسرائيل قلمرو دۊرۊن هيچ وارش ؤ شي زمين سر فینوه، وقتي کي من بگم. » هأ موضوع اخابأ خيلي عصباني بۊکۊدتا جای که بصرافت دکفت ایلیا بکوشه.

![](https://cdn.door43.org/obs/jpg/360px/obs-en-19-03.jpg)

خۊدا ايليايأ بۊگوفت بۊشۊ بيابان دۊرۊن ترأ جه اخاب قائمأکون.ایلیا بشو بیابان میانی هو روخان کناری که خودا نیشان بدابو ،ساکن بوبوست.هر رۊز صبح ؤ عصر کلاغان ايليا رٔ نان ؤ گوشت أورديد. هو مدت میانی اخاب ؤ أني سپاه ايليا دۊنبال گردستيد اما نتأنستيد اۊنأ بيأفيد.

![](https://cdn.door43.org/obs/jpg/360px/obs-en-19-04.jpg)

چون وارشی نامویی ،خشک سالي باعث بۊبۊسته بۊ کي رۊخان آب خۊشکأ به.هن وأسي ايليا همسايه سرزمين بۊشۊ.اوسرزمین میانی ايتأ بيوه زنأي کي پسر زأي دأشتي زندگي کۊدي ؤ خشکسالي وأسي هيچ غذائي خوردن رٔ نأشتيد. اما اۊشأن ايليا جأ مراقبت بۊکۊديد ؤ خۊدا اۊشأن رٔ تا وقتي کي وارش نبارستي آرد ؤ روغن فراهم کۊدي. تۊمام خشکسالي دوران أشأن خومره آرد تۊمامأ نۊبوست ؤ اشأن کوزه روغن خالي نۊبۊست. خشکسالي دوران خۊردن رٔ خۊراک دأشتيد. ايليا سه سال اۊيأ بئسا.

![](https://cdn.door43.org/obs/jpg/360px/obs-en-19-05.jpg)

سه سال ؤ نيم بعد، خۊدا ايليا يأ بۊگوفت وارش خوای وارستان.خودا جه ایلیا بخواست کي ایسرائيل پادشاهي قلمرو وأگرده ؤ اخاب مرأ گب بزنه. وقتي اخاب ايليايأ بيده بۊگوفت: « تو همه هأ مشکلانأ چأکۊدي!» ايليا جواب بدأ : «همه هأ مشکلان تي وأستيه! تو يهۊوه حقيقي^خۊدايأ ترکأ کودي ؤ بعل ستايش کۊني. همه ایسرائيل^قۊمأ کرمل کوه بأور. »

![](https://cdn.door43.org/obs/jpg/360px/obs-en-19-06.jpg)

همه ایسرائيل بهمراه ۴۵۰ نفر جأ بعل^بت^أنبيا مرأ کرمل^کوه بأمۊئيد. ايليا بۊگوفت: « چندر طول بکشه تا شمی افکارأ عوضأ کۊنيد؟ اگه يهۊوه خۊدايه، اۊنأ بپرستيد ؤ اگر بعل خۊدايه اۊني جأ پيروي بۊکۊنيد. »

![](https://cdn.door43.org/obs/jpg/360px/obs-en-19-07.jpg)

بزين ايليا وأگردست بعل^بت^أنبيايأ بۊگوفت: «ايتأ ورزأ گاوه قورباني بۊکۊنيد،واون گوشت واوین بزین و قوربانگاه سربنید، اما اۊنأ آتش نزنيد .ؤ منم هأکارا کۊنم ایتا قوربانگاه دیگرسر.ؤ خۊدائي کي اۊنأ آتش بزنه حقيقي خۊدايه.» بزین بعل^بت^کاهنأن، قوربانيأ فراهم بۊکۊديد، ولي آتش روشنأ نۊکۊديد.

![](https://cdn.door43.org/obs/jpg/360px/obs-en-19-08.jpg)

بزين اۊشأن بعل^بت طرف دؤعا بۊکۊديد: «أمي دؤعايأ اجابت بۊکۊن! اي بعل. » اۊشأن تۊمام رۊز مشغول دؤعا، ؤ ایجگره زئن ؤ خوشانأ چاقو مرأ زخمی کۊدن بيد. اما هيچ جوابي اۊشانه رٔ نۊبۊوآتشی هم روشن نوبو.

![](https://cdn.door43.org/obs/jpg/360px/obs-en-19-09.jpg)

انبیای بعل ،ایتا روز دوعا بکودید دع واکفتید و بس کودید.بزین ايليا ایتا ورزای دیگری هم قوربانگاه سر برنه قربانيأ آمادأ کۊد. بزين بۊگوفت کي مردوم دوازده تأ پيله خومره آب قوربانگاه گوشت ؤ هيمه فۊکۊنيد، طوري کي ، گاو گوشت ،حتي قوربانگاه و اون هیمیان و حتی اون زمين دۊر هيسدأ بۊ.

![](https://cdn.door43.org/obs/jpg/360px/obs-en-19-10.jpg)

بزين ايليا هأتو دؤعا بۊکۊد. «اي يهۊوه، اي ایبرايم خۊدا ،ایسحاق ؤ يعقوب امرۊز أمرأ نيشان بده کي تو اسرائيل خۊدا ايسي ؤ من تي خدمتگزارم .مي دؤعايأ ایجابت بۊکۊن تا هأ قۊم بدانيد کي تو حقيقي خۊدا ايسي.

![](https://cdn.door43.org/obs/jpg/360px/obs-en-19-11.jpg)

فوري ايتأ آتش آسمان جأ نازل بۊبۊ ؤ گوشت ، هيمه، سنگأن، خاک ؤ حتي هيسد^زمين قوربانگاه دورأ بۊسۊزأنه. مردۊم وقتي أنأ بيده ئيد ،بلافاصله زمين سر بکفتيد ؤ بۊگوفتيد: « يهۊوه خۊدايه!يهۊوه خۊدايه! »

![](https://cdn.door43.org/obs/jpg/360px/obs-en-19-12.jpg)

بزين ايليا بۊگوفت : «ولانيد حتي اينفر جأ بعل^بت^أنبيا بۊگوریزه!» پس مردۊم اۊشأنأ بیگیفتیدی ؤ ايليا اۊشانأ جه اۊيأ ببرد ؤ بۊکۊشت.

![](https://cdn.door43.org/obs/jpg/360px/obs-en-19-13.jpg)

بعد ايليا اخاب پادشايأ بۊگوفت: « فوري وأگرد بخانه، چونکی بزودي وارش باره. »هۊ زمات، سياه^ابرأن ،آسمانأ بپوشانئيد ؤ تونده باد وارش مرأ بگنست. يهۊوه خۊ کارأ انجام بدأ ؤ ثابت بۊکۊد کي حقيقي خۊدايه.

![](https://cdn.door43.org/obs/jpg/360px/obs-en-19-14.jpg)

بعد جا ايليا ماموریت تمام بوستن، خۊدا ايتأ مرداي بنام اليشع پيغمبري رٔ انتخاب بۊکۊد. خۊدا موجزات زياديأ بوسيله اليشع انجام بدأ. ايتأ جه أن موجزات نعمان رٔ کي ايتأ دۊشمن فرمانده بۊ ؤ ايتأ وحشتناکه ناخوشی پۊستيأ مبتلا بۊ رخ بدأ. اۊن در مورد اليشع بيشتأوسته بۊ هن وأسي اۊني ور بۊشۊ ؤ تقاضاي شفا بۊکۊد. اليشع نعمانأ بۊگوفت کي هفت مرتبه خۊرأ اردن^روخان ميان بۊشۊره.

![](https://cdn.door43.org/obs/jpg/360px/obs-en-19-15.jpg)

اولش نعمان جأ هأ پيشنهاد عصباني بۊبۊست ؤ نخأستي هأ کارأ بۊکۊنه چونکي فکر کۊدي هأ کارا تۊر^کاره، اما بعد خۊ تصميمأ عوضأ کۊد ؤ هفت مرتبه اردن^روخان ميأن غوطه بۊخۊرد. وقتي کي هفتمين باره رٔ آب جأ بيرون بامو، کاملا شفا پيدا بۊکۊده بۊ! خۊدا اۊنأ شفا بدأ.

![](https://cdn.door43.org/obs/jpg/360px/obs-en-19-16.jpg)

خۊدا خيلي پيغمبر ديگه ئي ایسراییل قوم اۊسه کود. اۊشأن همه تأ مردۊمأ ايشتاو بدائيد کي جه بتأن پرستش دست بکشيد ،ؤ رحمت ؤ عدالتأ نسبت به ديگران رعايت بۊکۊنيد، اۊشأن مردۊمأ ايشتاو دئيد کي اگه جه خۊشأن شرارت دست نکشيد ؤ خۊدا جأ ایطاعت بۊکۊنيد.اگر اطو رفتار نکونید، خۊدا غضب به اۊشأن تقصيرات فأرسه ؤ اۊشانأ موجازات کۊنه.

![](https://cdn.door43.org/obs/jpg/360px/obs-en-19-17.jpg)

بيشتر موقعیأن، مردۊم خۊدا جأ ایطاعت نۊکۊديد. ویشتر زماتأن اۊشأن پيغمبران مرأ بد رفتاري کۊديد ؤ گاهي حتي اۊشانأ کۊشتيد! ايبار ،ارمياي نبي يأ چاه دۊرۊن تاودائيد ؤ اۊنأ هؤيأ ولا کۊديد تا بيميره. ارميا چاه چؤل دۊرون فرو بۊشۊ .اما بزين ،پادشاه اۊنأ رحم بۊکۊد ؤ خۊ خادمانأ بۊگوفت کی اۊنأ قبل هأن کي بيميره چاه جأ بيرون باوريد.

![](https://cdn.door43.org/obs/jpg/360px/obs-en-19-18.jpg)

باانکی مردم جا پیامبران نیفرت داشتید،اوشان بازم در مورد خۊدا گبأ زئيد. اشأن مردومأ ايشتاو دائيد کي اگه تۊبه نۊکۊنيد، جه بين شيدي. اۊشأن همچنين خۊدا عهدأ مردۊمأ خاطر اورديد که همانا موعود^مسيح أمون بۊ.

*کتاب اول پادشاهان فصل ۱۶ تا ۱۸؛ کتاب دوم پادشاهان فصل ۵؛ کتاب ارمیا فصل ۳۸*

## 20. ۲۰-تبعيد ؤ وأگردستن

https://openbiblestories.org/l/glk/story-20/

![](https://cdn.door43.org/obs/jpg/360px/obs-en-20-01.jpg)

اسرائيل^پادشاهي ؤ يهؤدا^پادشاهي بر ضد خۊدا گۊناه بۊکۊديد. اؤشأن عهديأ کي سينا^کوه سر خۊدا مرا دوسته بيدأ، بشکنه ئيد. خۊدا پيغمبرانِ زياديأ اۊسه کۊد تا اۊشانأ ایشتاوبده کی توبهبکونید ؤ اون عبادت بۊکۊنید ،اما اۊشأن خودا ایطاعات نوکۊديد.

![](https://cdn.door43.org/obs/jpg/360px/obs-en-20-02.jpg)

بنابراين خۊدا اۊشانأ تنبيه بۊکۊد ؤ ايجازه بدأ دۊشمنان ،اۊشانأ نابودا کۊنيد. اسرائيل قۊم امپراتوري آشور دست کي آدماي قوي ؤ بيرحمي بيد جه ميان بۊشۊئيد. آشوريان خيلي مردۊم ایسرائيلأ بۊکۊشتيد، ؤ همه اشانه چيزانأ ارزش دارِ نابودأ کۊديد ؤ ایسرائيل^شهر بعضي جايانأ بۊسۊجانه ئيد.

![](https://cdn.door43.org/obs/jpg/360px/obs-en-20-03.jpg)

آشوريان همه رهبران، ثروتمند آدمان ؤ اۊشاني کي مهارتي دأشتيدأ خۊشان مرأ به آشور ببرديد. فقط افرادي کي فقیرو ضعيف بيد ایسرائيل دروون بمانستيد.

![](https://cdn.door43.org/obs/jpg/360px/obs-en-20-04.jpg)

بزين آشوريان، بيگانه يانأ سرزمینی کی تحت حاکميت ایسرائیل بو باورديد کي اۊيا زندگي بۊکۊنيد. بيگانه يأن ويرانأ بۊسته شهرانأ دوواره بساختیدی ؤ الباقی ایسرائيليانی کي اۊيأ ايسابيد ،امرأ عروسي بۊکۊديد. الباقي جه نتاج ایسرائيليان کي بيگانیأنِ مرأ عروسي بۊکۊديأ ،سامري دۊخاديد.

![](https://cdn.door43.org/obs/jpg/360px/obs-en-20-05.jpg)

مردوم یهودا پادشاهي بيده ئيد کي خوۊدا چۊطوپادشاهی ایسرائيل، بي ايماني ؤ نافرماني وأسي موجازات بۊکۊد، اما اۊشان هوتو بوتأن ؤ کنعان خۊدايانأ بپرستيد. خۊدا پيغمبرانیأ اۊسه کۊد کي اشانأ ايشتاو بده، اما اۊشان هوتو خۊشان کارا کۊديد.

![](https://cdn.door43.org/obs/jpg/360px/obs-en-20-06.jpg)

حدود صد سال بعدجا نابودي ایسرائيل پادشاهي توسط آشوريان ، خۊدا نبوکدنصر بابل پادشائيأ انتخاب بۊکۊد کی يهؤدا پادشاهيأ حمله بۊکۊنه. بابليأن قدرتمند امپراتوري بيد. يهؤدا پادشاه قوبیل بۊکۊد کي نبوکدنصرأ خدمت بۊکۊنه ؤ هر سال ماليات ویشتری اۊنأ فأده.

![](https://cdn.door43.org/obs/jpg/360px/obs-en-20-07.jpg)

اما چند سال بعد، يهؤدا پادشاهي عليه بابل ويريشت. هن وأسي بابليأن وأگردستيد ؤ دوواره يهؤدا پادشاهيأ حمله بۊکۊديد. بابليأن اورشليم شهرأ تصرف بۊکۊديد، معبدأ نابودأ کۊديد ؤ هر ثروتي کي شهر ؤ معبد دۊرۊن نهأبويأ، خۊشان مرأ ببرديد.

![](https://cdn.door43.org/obs/jpg/360px/obs-en-20-08.jpg)

يهؤدا پادشاه تنبيه وأسي، نبوکدنصر سربازان ،اۊن پسرانأ اۊن چوم جلو بوکوشتید ؤ اۊن چومانأ کۊرا کۊديد. بزین، اۊشان پادشايأ خۊشان مرأ ببرديد کی بابل^زندان ميان بيميره.

![](https://cdn.door43.org/obs/jpg/360px/obs-en-20-09.jpg)

نبوکدنصر ؤ أني سپاهيان تقريبا همه يهؤدا قلمرو اهاليأ خۊشان مرأ ببرديد بابل ؤ فقط ضعيف آدمان باقي بمانستيد کی زیمين سر زراعت بۊکۊنيد. هأ دوره زماني کي خۊدا قۊم وادار بوبوستید کی سرزمين موعود ترکأ کۊیدأ، تبعيد بنامستيد.

![](https://cdn.door43.org/obs/jpg/360px/obs-en-20-10.jpg)

اگه چی تبعيد،خۊدا موجازات ایسرائيل قۊم گۊناه واسی بۊ، اۊن نه اۊشان ؤ نه وعده أنی کي اۊشانأ بدأ بۊيأ فراموشا نۊکۊد. خۊدا خۊ قۊم مراقب بۊ اۊشان مرأ بوسيله خۊ انبيأ گب زئي. خۊدا اۊشانأ وعده بدأ کي بعد هفتاد سال دوواره ایسرائيل قۊمأ به موعود سرزمين واگردأنه.

![](https://cdn.door43.org/obs/jpg/360px/obs-en-20-11.jpg)

هفتاد سال بعد ،پارسيان پادشاه کوروش، بابليانأ شکست بدأ وهأطۊ پارسيان امپراتوري بابليان^امپراتوري جايأ بيگيفت. ایسرائيل مردۊمأ هأ زمات يهؤدي دۊخاديد ؤ ويشتراوشأن تۊمام خۊشانأ عمرأ بابل دۊرۊن زندگي بۊکۊده بيد. فقط تعداد کمي کي خيلي پير بيد، تأنستيد يهؤدا سرزمينأ خاطر باوريد.

![](https://cdn.door43.org/obs/jpg/360px/obs-en-20-12.jpg)

پارس^امپراتوري در عين قدرتمند بۊدن ،نسبت به مغلوب قۊمأن، با ملايمت ؤ مهرباني رفتار کۊدي. بعدجا کوتاه مدتي کوروش پادشاه پارس بۊبۊست ،اون دستور بدأ کي هر يهؤدي کي خأيه به يهؤدا واگرده تأنه پارس^سرزمينأ ترکأ کۊنه .ؤ يهؤدا^سرزمين واگرده. اۊن حتي اۊشانأ پول فادأ کي اورشليم معبدأ دوواره بازسازی بۊکۊنيد!بعد هفتاد سال تبعيد، کوجي گروهي جه يهؤديان به اورشليم يهؤدا^سرزمين وأگردستيد.

![](https://cdn.door43.org/obs/jpg/360px/obs-en-20-13.jpg)

وقتي قۊم اورشليمأ فأرسه ئيد ،معبد ؤ ديوارأ بازسازي بۊکۊديد. اگه چی اۊشان هنوپارسیان حکومتِ سلطه جیر ايسابيد،اما الان سرزمين موعود دۊرۊن ایسابید ؤ تأنستيد خۊدايا اورشليم معبد ميان پرستش بۊکۊنيد.

*کتاب دوم پادشاهان فصل ۱۷ و ۲۴ و ۲۵؛ کتاب دوم تواریخ فصل ۳۶؛ کتاب عزرا فصل ۱ تا ۱۰؛ کتاب نحمیا فصل ۱ تا ۱۳*

## 21. ۲۱-خۊدا مسيح أمون وعده يأ  دئهه

https://openbiblestories.org/l/glk/story-21/

![](https://cdn.door43.org/obs/jpg/360px/obs-en-21-01.jpg)

جه هۊ اول آفرینشخۊدا دانستی کی بعد جا مدت طولانی واسی موعود^مسيحأ اۊسه کۊنه. مسيح وعده يأ خۊدا اول بار آدم ؤ حوايأ بدأ. خۊدا وعده بدأ کي جه حوا نتاج اينفر أيه کي مار سرأ کۊبه. ماري کي حوايأ فريب بدأ بو شيطان بۊ. وعده أن بۊ کي مسيح، شيطانأ کامل شکست دئهه.

![](https://cdn.door43.org/obs/jpg/360px/obs-en-21-02.jpg)

خۊدا ایبرايمأ وعده بدأ کي اۊنأ مرأ همه دونيا مردومأ برکت د ئهه. اون خو وعده مسيح أمون مرع عملی بکود. مسیح موعود بایستی تۊمام آدمان جا هر قوم و نتاجی جه گوناه نیجاتأ بدا.

![](https://cdn.door43.org/obs/jpg/360px/obs-en-21-03.jpg)

خۊدا مۊسايأ وعده بدأ کي آينده دۊرۊن اۊن منستأن پيغمبر ويريزه. او نیجات دهنده هو مسیح موعود بو.أنم ايتأ ديگه وعده مسيح أمون رٔ.

![](https://cdn.door43.org/obs/jpg/360px/obs-en-21-04.jpg)

خۊدا داودأ پادشاهیأ وعده بدأ کي جه اۊنی نتاج تا ابد خۊدا قۊمأ سلطنت کۊنيد. هأن به هأ معني بۊ کي مسيح جه داوود نتاج خأيه امون.

![](https://cdn.door43.org/obs/jpg/360px/obs-en-21-05.jpg)

خودا جه طریق ارميا نبي وعده بفرماست کي تازه عهدأ فراهم کۊنه، اما نه مثل عهدي کي خۊدا ایسرائيل مرا کوه سینا دوسته بۊ. تازه عهد دۊرۊن، خۊدا خۊ قانونأ مردۊم قلب سر نيويسه، و مردۊم خوشأن خۊداي شخصا شناسيد، واون محبت و احکام جه ایطاعت کونید. مسيح اون کسی ایسه کی اع تازه عهدأ اوشان امرع دوده.اوشان خۊدا قۊم بیدی و خۊدا اشأن گۊنايأنأ بخشه.

![](https://cdn.door43.org/obs/jpg/360px/obs-en-21-06.jpg)

خۊدا پيغمبرانم بۊگفتيد کي موعود مسيح پيغمبر،کاهن ؤ پادشه خأيه بۊستن. پيغمبر کسي ايسه کي، خۊداصدایأ کلامأ ايشتاوه ؤ اۊنأ مردۊم رٔ واگۊيا کۊنه. موعود^مسيح خودا،ایتا کامل پيغمبر بۊ.چون اون خودا پپغامان کاملا ایشتاوستی و مردوم رع واگویا کودی.

![](https://cdn.door43.org/obs/jpg/360px/obs-en-21-07.jpg)

يهؤدي^کاهنان جه طرف مردۊم اشأن گونایان واسی خۊدا ره قورباني نيهيد .همچنين کاهنان مردۊم رٔ خۊدا درگاه دؤعا کۊديد. اما قرار بۊ موعد^مسيح پيله کاهن ببه کي خۊدشأ ايتأ کامل قورباني منستأن تقديم خۊدا بۊکۊنه.یعنی اون هرگز گوناه نوکود و خودش قوربانی منستان خودای تقدیم بکونه،بزین هیچ قوربانی جه خاطر گونایان لازم نیه.

![](https://cdn.door43.org/obs/jpg/360px/obs-en-21-08.jpg)

پادشان و حاکیمان کی مردوم رو حکمرانی کونید گاهی ایشتاهاتی هم دارید و کامل نید.داوود پادشاه فقط ایسرایلیان رو حکومت بکود.موعود^مسيح کامل^پادشاه خأيه بۊستن کي داوود خۊ جد سلطنت تخت سر نيشينه ؤ تۊمام دونيايأ حکومت کۊنه. اۊن صادقانه داوري کۊنه ؤ هميشک درست^تصميمانأ گيره.

![](https://cdn.door43.org/obs/jpg/360px/obs-en-21-09.jpg)

پيغمبران کی جا طرف خودا اموید موعود^مسيح تولدأ پيش بيني بۊکۊده بيد. ملاکي^نبي پيش بيني بۊکۊده بۊ کي قبل مسيح أمون، پيله^پيغمبر ديگه أيه. اشعياي^نبي پيشگوئي بۊکۊده بۊ کی مسيح جه ايتأ باکره تولد يأفه. ميکاه^نبي هم بۊگفته بۊ کي بيت لحم شهر دۊرۊن تولد يأفه.

![](https://cdn.door43.org/obs/jpg/360px/obs-en-21-10.jpg)

اشعياي^نبي بۊگوفت کي مسيح جليل دۊرۊن زندگي کۊنه .اۊن آدمان بشکسته قلبانأ آرامش دئهه ؤ اسيرانأ آزادي بخشه. اۊن همچنين پيشگوئي کونه کي موعود^مسيح مریضأنأ يعني کوران، چولأقأن،کرأن ؤ لالأنم شفا دئهه.

![](https://cdn.door43.org/obs/jpg/360px/obs-en-21-11.jpg)

اشعياي^نبي همچنين پيشگۊئي بۊکۊده بۊ کي مردم جه موعود^مسيح نیفرت خوای داشتن و اون قبویل نخواهی کودن. ایتا دیگه پيغمبر پيشگۊئي بۊکۊده بوکي ایتا جا مسیح ریفقان اون تنها نهه. زکرياپیغمبر پيش بيني بۊکۊد هو مسيح ریفیق سي تأ نقره ئي سکه واسی مسيحأ خيانت کونه. اوشأنی کي مسيحأ کۊشيدي اۊن رختِ سر قرعه تاوديد .

![](https://cdn.door43.org/obs/jpg/360px/obs-en-21-12.jpg)

همچنين پيغمبران راجع به أن کي موعود^مسيح چۊطۊ ميره بۊگفته بيد. اشعياي^نبي پيشگوئي بۊکۊده بۊ کي مردۊم اۊن رۊ فيلي فۊکۊنيد ؤ اؤنا لگد دیمیج کۊنيدو رخشن گیرد. بزين أني جانأ سوراخ کونید کی ايتأ پيله دردأ مرأ بيميره، با انکي هيچ کار اشتباهي نۊکۊده بۊ.

![](https://cdn.door43.org/obs/jpg/360px/obs-en-21-13.jpg)

پيغمبران همچنين پيشگۊئي بۊکۊده بيد کي موعود^مسيح وأسي کامل^انسان ؤ بدون هيچ گۊناهي ببه. اۊن وأسي تنبيه ؤ موجازات ببه ؤ بزين مردۊم گۊنايانه رٔ بيميره، اۊن مجازات باعث بۊستي کي بين انسان ؤ خۊدا آرامش بایه. هن وأسي خۊدا اراده هن بۊ ،کي مسيح مضروب ؤ کوشته ببه.

![](https://cdn.door43.org/obs/jpg/360px/obs-en-21-14.jpg)

پيغمبران پيشگوئي بۊکۊديد کي مسيح وأستي بيميره ؤ خۊدا همچنين خۊأستي اۊنأ جه مرده يأن ويريزأنه. بنابران مسيح مردن ؤ ويرشتن جه مرگ،خۊدا خواستي کي گۊناهکاران نیجات نقشه يأ کاملأ کۊنه ؤ تازه عهدي بشر مرأ دوده.

![](https://cdn.door43.org/obs/jpg/360px/obs-en-21-15.jpg)

خۊدا خيلي چيزأن درواره مسيح أمون پيغميران رٔ واکوده. اما مسيح هو زمان هيتأ جه هأ پيغمبران هنو نأمو ؤ ويشتر جه ۴۰۰ سال بعد جه آخرأن پيشگوئي ، وختي کي زمان به کمال برسه، خۊدا مسيحأ جهان دروون اۊسه کۊد.

*کتاب پیدایش:  فصل ۳ و۱۲؛ کتاب تثنیه فصل ۱۸ آیه ۱۵؛ کتاب دوم سموئیل فصل ۷؛  مزمور شماره ۱۶ و ۲۲ و ۳۵ و ۶۹ و ۴۱؛ کتاب اشعیا فصل ۷ ایه ۱۴ و فصل ۹ ایه ۱ تا ۷ و فصل ۵۰ آیه ۶ و فصل ۵۹ آیه ۱۶و فصل ۵۳ و ۶۱؛  کتاب ارمیا فصل ۳۱؛  کتاب دانیال فصل ۷؛ کتاب میکا فصل ۵ آیه ۲؛  کتاب زکریا فصل از ۱۱ تا فصل ۱۲ آیه ۱۲ و ۱۳؛  کتاب ملاکی فصل ۴ آیه ۵.*

## ۲۲. تولد یوحنای تعمید دهنده

https://openbiblestories.org/l/glk/story-22/

![](https://cdn.door43.org/obs/jpg/360px/obs-en-22-01.jpg)

قديمأن خۊدا خۊ پيغمبران مرأ خۊ قۊم مرأ گب زئي. اما ۴۰۰ سال بۊگوذشت ؤ خۊ قۊم مرأ گبي نزه. ايدفأ خۊدا فرشته ايتأ پير^کاهن بنام زکريا ظاهرأ بۊ، اۊن ؤ أني زن اليزابت، خۊدا ترس آدماني بيد. اما اۊني زن اليزابت پیر بوو نتأنستي زأي دار ببه.

![](https://cdn.door43.org/obs/jpg/360px/obs-en-22-02.jpg)

خۊدا فرشته زکريايأ بۊگوفت: « تي زن ايتأ پسر زأيه .تۊ اۊني نامأ يوحنا نيهي. اۊن از خۊدا روح پۊرأ به ؤ آدمانأ موعود مسيح أمون ره حاضرا کۊنه. »زکريا جواب بدأ : «مي زن ؤ من، زأي دار بۊستن ره خيلي پير ايسيم! چۊطۊ تأنه بدانم حقیقت گفتاندری؟

![](https://cdn.door43.org/obs/jpg/360px/obs-en-22-03.jpg)

خۊدا^فرشته زکريايأ جواب بدأ : «مرأ خۊدا اۊسه کۊده تا هأ خُرم خبرأ ترأ فارسانم. هاسا کي مي گبانأ باور نۊکۊني ،تي گب زئن قدرتأ از دست ديهي تا وقتي کي هۊ زاي بدونيا بأيه. » جه هۊ لحظه زکريا دٔ نتانست گب بزنه. بزين خۊدا فرشته زکريايأ ترکأ کۊد،زکریایا واگردست بخانه اما پور زمات نبوسته کی اون زنای شکم اوساده.

![](https://cdn.door43.org/obs/jpg/360px/obs-en-22-04.jpg)

وختي کي اليزابت شش ماه شکم دأشتي، هۊ فرشته بر ايتأ اليزابت فاميلان کي أني نام مريم بۊ ظاهرأ بۊست. اۊن باکره ؤ يوسف نامزد بۊ. فرشته بۊگوفت: « تۊ شکم اوسأنی ؤ ايتأ پسر زائي ؤ اۊن نامأ عيسا نيهي. اۊن خۊداي متعال پسر ؤ أني سلطنت ابدي ايسه. »

![](https://cdn.door43.org/obs/jpg/360px/obs-en-22-05.jpg)

مريم جواب بدأ: « چۊطۊ امکان داره؟ آخه من باکره ايسم؟» فرشته تۊضيح بدأ : «روح القدس ترأ نازلأ به ؤ خۊدا قوت تی رو سايه تاوده. هنی وأسي هۊ پسر، قدوس ؤ خۊداؤند متعال زأي خايه بۊستن. »مريم فرشته گبان ايمان بأورد ؤ چيزيأ کي اۊنأ بوگوفته بۊيأ ،قوبیل بۊکۊد.

![](https://cdn.door43.org/obs/jpg/360px/obs-en-22-06.jpg)

بعد جه ايتأ کۊتاه زماتي جه اع تفاق،مريم اليزابت خانه بۊشۊ. هتو کي اليزابت مريم صدايأ بيشتأوست، زاي أني رحم دۊرۊن تکان بوخورد. اۊشان هو کاراني کي خۊدا أشانه ره بۊکۊده بۊ ذوق کودید. مريم حدود سه ماه اليزابت ويرجأ بئسا ؤ بزین خۊ خانه واگردست.

![](https://cdn.door43.org/obs/jpg/360px/obs-en-22-07.jpg)

بازون اليزابت پسر بدۊنيا بأمۊ .اۊن ؤ زکريا هۊطۊ کي فرشته بۊگوفته بۊ اۊنأ نامأيوحنا بنائيد. بزين خۊدا دۊواره زکريا دهنأ واز کۊد ؤ زکريا بۊگوفت : «خۊدايا شوکر، چونکی به ياري خۊ قۊم بأمو! ؤ تۊ أي زأي تۊ خۊداي متعال نبي خأئي بستن کی آدمانأ گی کي چۊطۊ تأنيدي خۊشان گنايأن آمرزشأ بيافيد!»

*کتاب پیدایش فصل ۳ آیه ۱۵ و فصل ۱۲ آیه ۱ تا ۳، کتاب تثنیه فصل ۱۸ آیه ۱۵، کتاب دوم سموئیل  فصل ۷، کتاب ارمیا فصل ۳۱، کتاب اشعیا فصل ۵۹ آیه ۱۶، کتاب دانیال فصل ۷، کتاب ملاکی فصل ۴ آیه ۵، کتاب اشعیا فصل ۷ آیه ۱۴، کتاب میکا فصل ۵ آیه ۲، کتاب اشعیا فصل۹ آیه ۱ تا ۷ و فصل ۳۵ آیه ۳ تا ۵ و فصل ۶۱ و فصل ۵۳، کتاب مزامیر فصل ۲۲ آیه ۱۸ و فصل ۳۵ آیه ۱۹ و فصل ۶۹ آیه ۴ و فصل ۴۱ آیه ۹، کتاب زکریا فصل ۱۱ آیه ۱۲ و ۱۳، کتاب اشعیا فصل ۵۰ آیه ۶، کتاب مزامیر فصل ۱۶ آیه ۱۰ و ۱۱*

## ۲۳. تولّد عیسی

https://openbiblestories.org/l/glk/story-23/

![](https://cdn.door43.org/obs/jpg/360px/obs-en-23-01.jpg)

مريم ايتا عادل ؤ نيک سيرت مردأي ،بنام يوسف مرأ نامزد بۊبۊسته بۊ. وقتي يوسف بفهأمست کي مريم شکم دأره، و دانستي کي زأي اونی شين نيه. يوسف نخأستي مريم رسوا ؤ بي آبرو بۊکۊنه ،هن وأسي تصميم بيگيفت بي سر ؤ صدا ا اۊنی جأ سیوا ببه. قبل أنکي هأ کارأ بۊکۊنه، ايتأ فرشته رؤيا دۊرۊن اؤنأ ظاهرأ بۊ.

![](https://cdn.door43.org/obs/jpg/360px/obs-en-23-02.jpg)

فرشته يوسفأ بۊگفت: «مريم مرأ عروسی کۊدن ره نواترسن. زأکي کي اۊنی رحم دۊرۊن نهأ روح القدس شينه. مريم ايتأ پسر زأيه کی اونی نام عيسی(به معاني يهۊوه نیجات دئهه) بنه،چون اۊن مردۊمأ گۊناه جأ آزادأ کۊنه. »

![](https://cdn.door43.org/obs/jpg/360px/obs-en-23-03.jpg)

بازون هنی وأسي يوسف مريم مرأ عروسي بۊکۊد ؤ اۊنأ به عنوان خۊ زن بخانه ببرد. اما وقتي کي زأي بدنيا نأمۊ اۊن مرأ نخوفته.

![](https://cdn.door43.org/obs/jpg/360px/obs-en-23-04.jpg)

مريم آخر رۊزان شکم دأری ربو، کی امپراتور^روم دستور بدأ کي سرشماري وأسي، هر کي واسی خو پئر بابائي شهر وأگرده. يوسف ؤ مريم هم واسی مسافت زياديأ جه ناصريه به بيت لحم بۊشۊبيد، چره کي أۊشأن جد داوودپادشاه بيت لحم شهر شين بۊ.

![](https://cdn.door43.org/obs/jpg/360px/obs-en-23-05.jpg)

وقتي مريم ؤ يوسف بيت لحمأ فأرسه ئيد ،جائي ايسأن ره نيافتيد. تنها جائي کي تأنستيد بئسيد، جایی بۊ کی حيوانان داشتید. زأي بدونيا بأمۊ اۊنی مار اۊنأ آخور دۊرۊن بۊخۊسانه، چونکي تختي اۊن ره نأشتي. اۊشأن اۊن نامأ عيسی بنائيد.

![](https://cdn.door43.org/obs/jpg/360px/obs-en-23-06.jpg)

هۊ شب، چوپانائي صحرا دۊرۊن خۊشان گله يانا پاستأن دئبيد. ايدفأ ايتأ فرشته أشأنی ميان ظاهرأ بۊست ؤ اوشأن بترسئيد. فرشته اۊشانأ بۊگفت،" نوأترسنید چون من شمره مژده دأرم. موعود مسيح کي خۊداوند ایسه، بيت لحم دۊرۊن به دۊنيا بأمۊ."

![](https://cdn.door43.org/obs/jpg/360px/obs-en-23-07.jpg)

«بيشيد ؤ هۊ زاک دۊنبال بگرديد ؤ ايتأ نوزاد يأفيد کي قؤنداق بيپيچسته يه ؤ آخور دۊرۊن بخۊسأنیدی. »ايدفأ ايتأ عالمه اسماني^فرشته به هۊ فرشته بپيوستيد. اۊشأن در ستايش خۊدا آوازخوانديد ؤ گوفتيد، «خۊدایأ آسمان دۊرۊن جلال باد ؤ زمين سر سلامتيأ مردۊم رٔ کي خۊدا اۊشانأ لطف دأره! »

![](https://cdn.door43.org/obs/jpg/360px/obs-en-23-08.jpg)

بزین فرشتایان بوشویدوچوپانأن خوشان گله ول کودید، و بشوید جائي کي عيسی ايسأ بۊ فأرسه ئيد، ؤ ايتأ نوزادأ بيده ئيد کي آخور دۊرۊن خۊفته بۊ. درست هۊطۊ کي فرشته بۊگوفته بۊ. اۊشأن خيلي هيجان زده بۊبۊستيد. اوشان خیلی ذوق کوید. چوپانأن خۊشان گله سر وأگردستيد ؤ اونچه کی بیدبید و بیشتأوسته بید خۊدايأ حمد ؤ ستايش بۊگوفتيد.

![](https://cdn.door43.org/obs/jpg/360px/obs-en-23-09.jpg)

بازون بعد چندي، مشرق جه ستاره شناسان مرداکأن کی خیلی حکیم بید، ايتأ غير معمولي ستاره يأ آسمان دۊرۊن بيده ئيد، اۊشأن تشخيص بدائيد کي يهؤدتازه پادشاه بدۊنيا بأمۊ. هنی وأسي مسافت زياديأ پادشاه دئن رِ طي بۊکۊديد ،ؤ اۊشأن بيت لحم بأمؤئيد ؤ عيسی ؤ اۊن پئر ومارِ خانه ، بيأفتيد.

![](https://cdn.door43.org/obs/jpg/360px/obs-en-23-10.jpg)

وقتي هۊ دانشمند^مردأکأن عيسايأ أني مار مرأ بيده ئيد، زانو بزئيد ؤ اۊنا بپرسته أئد. اۊشان با ارزش^هدايائي فأدأئيد ؤ بزين بخۊشان خانه وأگردستيد.

*انجیل متی فصل ۱ و ۲, انجیل لوقا فصل ۲*

## 24. ۲۴- یوحنا عيسايأ تعميد دئهه

https://openbiblestories.org/l/glk/story-24/

![](https://cdn.door43.org/obs/jpg/360px/obs-en-24-01.jpg)

يوحنا زکريا ؤ اليزابت پسر، پيلأ بۊست ؤ به پيغمبري اینتخاب بۊبۊست. اۊن ايتأ بيابان دۊرۊن زندگي کۊدي، صحرائي^عسل ؤ ملخ خۊرديو ايتأ رخت جه شتر پشم دۊکۊدي.

![](https://cdn.door43.org/obs/jpg/360px/obs-en-24-02.jpg)

خیلی جه مردۊم شۊئيد بيابان يوحنا ويرجأ ؤ اۊنی گبانأ گوش کۊديد. اۊن اۊشانه ره مۊعظه کۊدي ؤ گفتي :«توبه بۊکۊنيد چونکی خۊدا پادشاهي نزديکه. »

![](https://cdn.door43.org/obs/jpg/360px/obs-en-24-03.jpg)

مردۊم وقتي يوحنا پیغامأ ايشتاوستيد، خيلي جه اوشأن، خۊشأن گونأيأن جأ توبه کۊديد ؤ يوحنا اۊشانأ آب مرأ تعميد دأئي. خيلي جه مذهبي^رهبرانم تعميد آب وأسي يوحنا ويرجأ أموئيد، اما به خۊشان گونأيأن اعتراف نۊکۊديد ؤ توبه نۊکۊديد.

![](https://cdn.door43.org/obs/jpg/360px/obs-en-24-04.jpg)

يوحنا مذهبي رهبرانأ گوفتي: « اي سمي لأنتيأن! توبه بۊکۊنيد ؤ شيمي رفتارأ عوضأ کۊند. خودا هر تأ دار کي خب ميوه نأوره ،وأوه به ؤ آتش میأن دکفه. »يوحنا پيغمبر پيشگوئيأنأ تومأمأ کوده کي بۊگفته بۊ: « فأندر، هسأ من مي پيغامأ آورأ تی ورجأ، اۊسه کۊنم تاکی تی رايأ هموارأ کۊنه. »

![](https://cdn.door43.org/obs/jpg/360px/obs-en-24-05.jpg)

بعضي يهؤديأن يوحنا جأ واوۊرسه ئيد: «کي تو مسيح ايسي؟» يوحنا جواب بدأ: « من مسيح نيم ،اما اينفر بعد من أيه کي أني موقام مي جأ خيلي بوجورتره ،اۊنقد کي من لياقت نارم اۊني کفش بندانأ وازا کۊنم. »

![](https://cdn.door43.org/obs/jpg/360px/obs-en-24-06.jpg)

رۊز بعد عيسا تعميد وأسي ،يوحناکی تعمید دهی، ويرجأ بأمو. وقتي يوحنا اۊنأ بيده بۊگوفت: «أن هۊ بره ائي ايسه کي خۊدا اۊسه کۊده کی مردۊم دونیأ گونايأنأ بیأمورزه و اوشأنأ ره قورباني ببه. »

![](https://cdn.door43.org/obs/jpg/360px/obs-en-24-07.jpg)

يوحنا کی تعمید دهی، عيسايأ بۊگوفت : «من لايق نيئم کي ترأ تعميد بدم. أن منم کي وأسي تي جأ تعميد بيگيرم. »اما عيسا بۊگوفت : «تۊ مرأ تعميد بده، چونکی درست کار هنه. »هن وأسي يوحنا عيسايأتعمید بدا، با أن کي هیوخت گۊناه نۊکۊده .

![](https://cdn.door43.org/obs/jpg/360px/obs-en-24-08.jpg)

وقتي عيسا بعد تعميد جه آب بيرون بأمو، خۊدا^روح ايتأ کۊتر منستأن بو بيجير بأمو ؤ اۊنی رو قرار بيگيفت ؤ هۊ وخت ،خۊدا ندا جه آسمان فأرسه: « تۊ مي پسر ايسي ترأ دوست دأرم ؤ تي جأ خشنودم. »

![](https://cdn.door43.org/obs/jpg/360px/obs-en-24-09.jpg)

خۊدا يوحنايأ بۊگوفته بۊ: «روح القدس هر کسِ رو کي تو اۊنأ تعميد ديهي خأیه اَمون، هؤ کس خۊدا پسره. »خۊدا ايتأيه اما هتو کي يوحنا عيسايأ تعميد بدأ خۊداي پئرأ صدايأ بيشنأوست. خۊداي پسر يعني عيسايأ بيده ؤ روح القدسأ هم بیده.

*انجیل متی باب ۳، انجیل مرقس باب ۱ ، انجیل لوقا باب ۳، انجیل یوحنا باب ۱ آیه ۱۵ تا ۳۷*

## 25. ۲۵-شيطان عيسايأ وسوسه کۊنه

https://openbiblestories.org/l/glk/story-25/

![](https://cdn.door43.org/obs/jpg/360px/obs-en-25-01.jpg)

بعدجه عيسا تعميد، خۊدا روح هو موقه اۊنأ بره بيابان دروون. هو جائي کي اۊن چهل شوند رۊز ، رۊزه بيگيفت. بزين شيطان عيسا ويرجأ بأمۊ، ؤ اۊنا وسوسه بۊکۊد کی اونأ گونأه میأن تأۊده .

![](https://cdn.door43.org/obs/jpg/360px/obs-en-25-02.jpg)

شيطان عيسايأ وسوسه بۊکۊد ؤ بۊگوفت: « اگه تۊ خۊدا پسر ايسي، هأ سنگانأ بۊگۊ نان بيبيد تا بتأني بۊخۊري!»

![](https://cdn.door43.org/obs/jpg/360px/obs-en-25-03.jpg)

عيسا جواب بدأ: خۊدا کلام دۊرۊن بينويشته « انسان زنده ايسأنه ره فقط غذايأ نیاز نأره ،بلکی هر تأ کلمه کي جه خۊدا دهن بیرون اَیه!»

![](https://cdn.door43.org/obs/jpg/360px/obs-en-25-04.jpg)

بزين شيطان اۊنأ ببرده بوجورترین جأیه معبد ؤ بۊگوفت: «تره جه هأيأ تأود بجیر ،ؤ ثابت بۊکۊن کي خۊدا زأي ايسي؛ چون آسماني^کيتاب دۊرۊن بينويشته : « خۊدا خۊ فرشتانأ اۊسه کونه کی ترأ بگیرید، کی نوکونه تي پا سنگأ بخوره. »

![](https://cdn.door43.org/obs/jpg/360px/obs-en-25-05.jpg)

اما عيسا هو کاران نکوده کی شيطان اون گوفتی وجواب بدأ : خۊدا خو کلام دۊرۊن خۊ قۊمأ دستور بفرماست :« تی خۊداؤندي خۊدا آزمايش نۊکۊن. »

![](https://cdn.door43.org/obs/jpg/360px/obs-en-25-06.jpg)

بزين شيطان اۊنأ به ايتأ پيله کوه تۊکألي بوبرد ؤ تۊمام جهانِ قدرت ؤ شکوه ؤ ثروت اۊنأ نيشان بدأ ؤ بۊگوفت: «أگه زانو بزني ؤ مراسجده بۊکۊني ،أشانأ همه تايأ ترأ بخشم. »

![](https://cdn.door43.org/obs/jpg/360px/obs-en-25-07.jpg)

عيسا جواب بدأ: مي جأ دورأ بۊ اي شيطان! خۊدا کلام دۊرۊن اۊن خۊ قۊمأ امر بفرماست کي: فقط تی «خۊداؤندي خۊدايأ پرستش بۊکۊن ؤ تنها اۊنأ خدمت بۊکۊن. »

![](https://cdn.door43.org/obs/jpg/360px/obs-en-25-08.jpg)

عيسا شيطان وسوسه يأنه دام دۊرۊن گرفتارأ نۊبۊست. پس شيطان اۊنأ ترکأ کۊد ؤ فرشتأن بأمؤئيد ؤ عيسا ره خدمت بۊکۊديد.

*کتاب انجیل متی باب ۴ آیه ۱ تا ۱۱، کتاب انجیل مرقس باب ۱ آیه ۱۲ و ۱۳، کتاب انجیل لوقا باب ۴ آیه ۱ تا ۱۳*

## 26. ۲۶-عيسا خدمات شروع بۊستن

https://openbiblestories.org/l/glk/story-26/

![](https://cdn.door43.org/obs/jpg/360px/obs-en-26-01.jpg)

بعد غلبه به شيطان وسوسه يأن، عيسی واگردست ،جیلیل خوش خانه .روح القدس اون قوت زیاد فادابو هنی خاطر ، اۊن تعليم ره جابجا بۊستي و اَطرف اوطر شوی ؤ همه جه اۊن بخوبی و خُرمی ياد کۊديد.

![](https://cdn.door43.org/obs/jpg/360px/obs-en-26-02.jpg)

عيسا واگردسته ناصريه ،جائي کي خۊ زأکي دۊرانأ اۊيأ بۊگذرانه بۊ ، سبت^رۊز (شنبه)،پرستشگاه بۊشۊ. پیله مذهبی ادم اویه ایتا اشعياي^نبي کيتابأ اۊنأ فأدأئيد تا بخانه، اۊن طومارأ بازأ کۊد ؤ ايتأ قسمت جه أۊنأ مردۊم ره بخأند.

![](https://cdn.door43.org/obs/jpg/360px/obs-en-26-03.jpg)

عيسا هأتۊ بخاند: «خۊدا خۊ روحأ مرأ فدأ کی بتانم خب خبرأ بينوايانأ فأدم. اون مرا اوساکوده تا اسيرانأ آزادأ کونم،کورانأ بينائأ فأدم ؤ ستم بيده یأنأ آزادی ببخشم. خۊدا لطف زمات انسانِ ره فارِسه. »

![](https://cdn.door43.org/obs/jpg/360px/obs-en-26-04.jpg)

بزين عيسا بينيشت و همتان دقت مرأ اۊنأ فاندرستيد. اۊشان دأنستيد کي هۊ قسمتي جه کیتاب موقدس کي عيسا بخاند، درباره موعود^مسيح ايشاره کۊنه. عيسا بۊگوفت: «کلماتيأ کي شۊمره بخاندم ،هأ الان انجامآ بۊستن دره. »مردۊم همه متعجب بۊبۊستيد و کس کس جا واورساید : «مگه اَن يوسف پسر نيه؟»

![](https://cdn.door43.org/obs/jpg/360px/obs-en-26-05.jpg)

بزين عيسا بۊگوفت: «حقيقت انکی هيتأ نبيأن خۊشأن دیار دۊرۊن مورد احترام نيئيد .دوره پيغمبري ايليا بيوه زناکان زيادي ایسابید، اما وقتي کي سه سال ؤ نيم وارش نبارست خۊدا ايليايأ بيوه زناکانأ یاری واستی ایسرائی اوسه نوکوده، بلکی اۊنأ ايتأ ديار ديگه بيوه زناکأ ويرجأ اۊسه کۊد. »

![](https://cdn.door43.org/obs/jpg/360px/obs-en-26-06.jpg)

و هتو ادامه بدأ : « اليشع پيغمبر زمات ،تعداد خیلیأن جه اسرائيل آدمانأن مرض پوستی بيگيفته بید. اما اليشع هيتايا شفا ندأ. اۊن فقط نعمان سوري، ایسرائيل^دشمن^فرمانده يأ جه هؤ پوستي مرض شفا بدأ. »کسائي کي عيسا گبانأ گوش دائيد يهؤدي بيد، وقتي هأ گبانأ بيشناوستيد خيلي غضبناک بۊبۊستيد.

![](https://cdn.door43.org/obs/jpg/360px/obs-en-26-07.jpg)

ناصره اهالي عيسايأ جه محل عبادت بيرون فأکشئيد، ؤ ببردید ايتأ صخره لبه کی اۊنأ جه هؤيأ بيجير تاوديد ؤ بۊکۊشيد. اما عيسا جه اۊشان ميان دوارست ؤ ناصره شهرأ ترکا کۊد.

![](https://cdn.door43.org/obs/jpg/360px/obs-en-26-08.jpg)

بزين عيسی سرتاسرجلیل میان راه دکفت . پيله جمعيتي اۊنی طرف بأمۊئيدو اۊشان آدمأنِ زياديأ باورديد کي ناخوش بيد. و اۊشان کي چولاق بید ویانتانستيد بيدينيد،بيشتاويد،راه بيشيد ؤ گب بزنيد . عيسا اۊشانأ شفا بدأ.

![](https://cdn.door43.org/obs/jpg/360px/obs-en-26-09.jpg)

همچنین عده زيادي کي روح پليدأ گرفتار بيدأ، عيسی ويرجأ أورديد . عيسی فرمان مرأ پليد ارواحأ جه مردۊم خارجأ بۊستي. ؤ اغلب ایجگره زئید: « تو خۊدا پسر ايسي !» مردم جا اع تفاق قاق بوستابید خۊدايا ستايش بوکۊديد.

![](https://cdn.door43.org/obs/jpg/360px/obs-en-26-10.jpg)

بزين عيسی جا خو شاگردان دوازده تأ مرداکأ انتخاب بۊکۊد ؤ اۊشانأ رسولان نام بنأ. اوشان عيسی مرأ مسافرت شوئيد ؤ درسان زيادي اۊن جأ آموختید.

*کتاب انجیل متی باب ۴ آیه‌های ۱۲ تا ۲۵، کتاب انجیل مرقس باب‌های ۱ تا ۳، کتاب انجیل لوقا باب ۴*

## 27. ۲۷- سامري^نيکو داستان

https://openbiblestories.org/l/glk/story-27/

![](https://cdn.door43.org/obs/jpg/360px/obs-en-27-01.jpg)

ايتأ رۊز ايتأ جه مذهبي استادان عيسا ويرجأ بأمو.اون خاستی ثابت بکون کی عیسی اموجان ایشتباهِ. اۊنی جأ واورسه: «اوستاد، انسان چي وأ بۊکۊنه کی جاوداني زندگی بيأفه؟» عيسا جواب بدأ : «تورات^کيتاب دۊرۊن در هأ باره چي بينوسته بۊبۊسته؟»

![](https://cdn.door43.org/obs/jpg/360px/obs-en-27-02.jpg)

اومردای بگوفت: « تی خۊداوند،خۊدايأ تی تؤمام ديل، جان ؤ تی تؤمأم فکر مرأ دوست بدار.تي همساده يأ هۊن قدر کي ترأ دوست داري ،دوست بدأر. » بزين عيسی بفرماست«:درست گي!تۊ هم هأ کارأ بۊکۊن کی ابدی حيات بداري. »

![](https://cdn.door43.org/obs/jpg/360px/obs-en-27-03.jpg)

اما هۊ عالم مذهبی چونکی خؤأستي خۊرأ آدم پارسائي نيشان بده. بازم واورسه: «مي همساده کيسه؟»

![](https://cdn.door43.org/obs/jpg/360px/obs-en-27-04.jpg)

عيسی ايتأ داستان مرأ مذهبي^رهبرجوابأ بدأ: «يهؤدي مرداي جه اورشليم اريحا طرف سفرأ دۊبۊ

![](https://cdn.door43.org/obs/jpg/360px/obs-en-27-05.jpg)

راه دۊرۊن ، راهزنان أنأ حمله بۊکۊديد واون اموالأ فأگيفتيد، اۊنأ لگدمیج کودید ؤ اۊن لث جانِ مرا جاده کناره ولأ کۊديد.

![](https://cdn.door43.org/obs/jpg/360px/obs-en-27-06.jpg)

بعد هأ ماجرا ،يهؤدي^کاهن جه اۊيا ردبوستی. وقتي هو مرداکأ کی جاده کناره کفتابوبیده، جه طرفِ دیگه یه جاده خۊ رايأ بيگيفته بشو و اون ندید بیگیفت. »

![](https://cdn.door43.org/obs/jpg/360px/obs-en-27-07.jpg)

پور زماتی نبوبوکی ايتأ لاوي جه راه فأرسه( لاويان ايتأ ایسرائيل قبيله شين بيد کي کاهنانأ معبد دۊرۊن کمک کۊديد) اۊنم اهو طرفِ جاده بۊشۊ ؤ هأ مرداکأ ندید بیگیفت و خوره نه نهه.

![](https://cdn.door43.org/obs/jpg/360px/obs-en-27-08.jpg)

بعد اينفر سامري بأمۊ(سامريأن جه يهؤديان همديگه جا نیفرت دأشتيد) .وختي سامري هۊ زخمي مرداکأ بيده با أنی یهودی بو،ولی اون ديل بۊسوخت ؤ أني زخمانأ بۊشست ، مرحم بمالست ؤ دۊست. »

![](https://cdn.door43.org/obs/jpg/360px/obs-en-27-09.jpg)

بزين سامري مردأي اۊنأ خۊ اولاغ سر سوارأ کۊد، ؤ ببرده ايتأ مهمانخانه ؤ اۊني جأ مراقبت بۊکۊد. »

![](https://cdn.door43.org/obs/jpg/360px/obs-en-27-10.jpg)

«فرداي هۊ رۊز هۊ ،سامري مجبور بۊ خۊ سفرأ ادامه بده. ايپچه پول مهمانخانه دارأ فأدأ ؤ بۊگوفت: «هأ شخص جأ مراقبت بۊکۊن ؤ اگه ويشتر جه أن خرج بۊکۊني، وقتي وأگردستم ترأ فأدم. »

![](https://cdn.door43.org/obs/jpg/360px/obs-en-27-11.jpg)

بزين عيسی جه هؤ مذهبي^عالم واورسه: «هاسه تو فکر کۊني کۊيتأ جه هأ سه نفر، هؤ مرداکي کي انی جأ دوزدی بوکودید و انأ چوب بزئید همساده بۊ؟» مذهبي عالم جواب بدأ:« اۊنيکي اۊنی جأ مراقبت بۊکۊده بۊ ؤ عيسا بۊگوفت : «تونم بۊشۊ هأتۊ بۊکۊن. »

*کتاب انجیل لوقا باب ۱۰ آیه‌های ۲۵ تا ۳۷*

## 28. ۲۸- ثروتمند^جوان

https://openbiblestories.org/l/glk/story-28/

![](https://cdn.door43.org/obs/jpg/360px/obs-en-28-01.jpg)

ايتأ رۊز ايتأ جه سران کی ثروتمند بو عيسی ويرجأ بامو ؤ واوؤرسه: « نيکو^اوستاد ،چي وأ بۊکۊنيم کی جاودان زندگی بیافیم؟ »عيسی اۊنأ بۊگوفت: « چره مرأ نيکو دۊخاني؟ هسأ کي، جه غيرزِ خۊدا هي کس نيکو نيه. اگه خأئي جاودان زندگی بداري، خۊدا دستوران دونبال کون. »

![](https://cdn.door43.org/obs/jpg/360px/obs-en-28-02.jpg)

اۊن واوؤرسه : «کۊيتأ فرمانان جا وأسي دونبال کۊنم؟» عيسا جواب بدأ«: قتل نۊکۊن،زنا نۊکۊن،دوزدي نۊکۊن، دورۊغ نۊگۊ،تي پئر ؤ مارأ احترام بنه ؤ ديگرانأ خۊدتِ منستأن دوست بدأر. »

![](https://cdn.door43.org/obs/jpg/360px/obs-en-28-03.jpg)

ولي جوان مردأي بۊگوفت: «جه کوچکی دوران تا هساتۊمام هأ فرمانان حفظ بۊکۊدم،هسأ دٔ چي وأ بۊکۊنم کی جاودان زندگی بيافم؟» عيسا محبت مرأ اۊنأ فأندرست.

![](https://cdn.door43.org/obs/jpg/360px/obs-en-28-04.jpg)

وعيسی جواب بدأ: « اگه خأئي بهتر جا اون بکونی، بۊشۊ ؤ هر چي دأري بۊفروش ؤ اۊن پولأ فقيرانأ فأدن تا تي گنج آسمان دۊرۊن ببه نه زمين سر! بزين بيأ ؤ مرأ دونبال کون! »

![](https://cdn.door43.org/obs/jpg/360px/obs-en-28-05.jpg)

وقتي هۊ جوانِ مردأي ها عيسی حرفأ بيشتوست ،خيلي اندوهگينأ بۊست چونکي ثروتمند بۊ ؤ نخأستي خۊ مال ؤ اموالأ جا دست بده. اۊن خۊ رؤيأ واگردأنه ؤ جه عيسی ويرجأ بۊشۊ.

![](https://cdn.door43.org/obs/jpg/360px/obs-en-28-06.jpg)

بزين عيسی خۊ شاگردأنأ بۊگوفت : «أنأ بدأنيد کي ايتأ ثروتمند وارد بۊستن بخۊدا ملکوت خيلي سخت ايسه. بازم گم شۊتۊر ،گۊذشتن جه سوزن سوراخ راحتتر ایسه جه ايتأ ثروتمند وارد بۊستن بخۊدا ملکۊت! »

![](https://cdn.door43.org/obs/jpg/360px/obs-en-28-07.jpg)

شاگردان وقتی هأحرفأنأ بيشتأوستيدي متعجبأ بۊستيد ؤ واوۊرسئيد،:« پس کي تأنه نیجات بيأفه؟»

![](https://cdn.door43.org/obs/jpg/360px/obs-en-28-08.jpg)

عيسا خۊ شاگردانأ فأندرست و بۊگوفت،: «اینسان نتانه خودش نیجات بده، ولي خۊدا ره همه چي ممکن ايسه. »

![](https://cdn.door43.org/obs/jpg/360px/obs-en-28-09.jpg)

پطرس عيسايأ بۊگوفت: « امأن جه أمي همه چي دست بکشئيم کی تیی دۊنبال بئيم ،هسأ چي پاداشی امره دأره؟»

![](https://cdn.door43.org/obs/jpg/360px/obs-en-28-10.jpg)

عيسی جواب بدأ: « هر کي مي خاطر وأسي جه خۊ خاخؤر ۊ برار، پئر ؤ مار ؤ زأي، خانه ؤ زمين دست بکشه، صد مرتبه ويشتر يأفه ؤ جاودان زندگيأ بدست أوره. ولي خيلیيأن کي اول ايسيد، آخر بيد ؤ خیلییآن کي آخريدي، اول بيد.

*انجیل متی فصل ۱۹ آیه های ۱۶ تا ۳۰، انجیل مرقس فصل ۱۰ آیه های ۱۷ تا ۳۱، انجیل لوقا فصل ۱۸ آیه های ۱۸ تا ۳۰*

## 29. ۲۹- بيرحم^ خدمتکار داستان

https://openbiblestories.org/l/glk/story-29/

![](https://cdn.door43.org/obs/jpg/360px/obs-en-29-01.jpg)

ايتأ رۊز پطرس عيسايأ واوۊرسه: « اوستاد ،براري کي أمي مرأ بدي بۊکۊنه، چند وار وأسي ببخشيم؟آيا هفت بار؟»عيسا بۊگفت:« نه هفت بار، بلکی هفتاد تأ هفت بار!. »عيسا أن وأسي خأستي بگه کي امأن هميشک وأسي ببخشيم. بزين عيسا هأ داستانأ بۊگوفت.

![](https://cdn.door43.org/obs/jpg/360px/obs-en-29-02.jpg)

اون بگوفت،« خۊداؤند ملکوت پادشاهيأ مأنه کي تصميم بيگيفت خۊ حسابانأ خۊ خدمتکارأنأ امرأ تسويه بۊکۊنه. ايتأ جه هۊ خدمتکاران بدهي، معادل دستمزد ۲۰۰۰۰۰ سال کار دأشتي. »

![](https://cdn.door43.org/obs/jpg/360px/obs-en-29-03.jpg)

از هۊيأ کي خدمتکار نتأنستي هأ مقدار بدهيأ وأگردانه، پادشاه دستور بدأ در ازاي أن بدهي ،اؤنأوأني زن ؤ زأي ؤ تۊمام أنی دارائيان بۊفرۊشيد.

![](https://cdn.door43.org/obs/jpg/360px/obs-en-29-04.jpg)

ولي هۊ مرداي پادشاه پا سر بکفت ؤ التماس بۊکۊد ؤ بۊگوفت: « اَي پادشاه، خایش کونم مرأ فورصت بده کی تۊمام مي بدهيأ تا آخر فادم. »پادشاه ديل بۊسوخت ،پس اؤنأ آزادأ کۊد ؤ اۊنی بدهيأ ببخشه.

![](https://cdn.door43.org/obs/jpg/360px/obs-en-29-05.jpg)

اما وختي کي هۊ خدمتکار جه شاه^دربار بيرون بأمۊ ،ايتأ جه خۊ همکارأنأ کي بقده چهار ماه اۊنأ طلب دأشتي بيده .بزیناۊني گۊليأ دخشارد ؤ بۊگوفت : «زود واش می پولأ فأده. »

![](https://cdn.door43.org/obs/jpg/360px/obs-en-29-06.jpg)

اۊني بدهکار^ريفق اۊن پا سر بکفت ؤ بۊگوفت: « تره خأهش کۊنم مرأ فورصت بده کی تۊمام مي بدهيأ ترأ پسأ دم. »اما طلبکار راضيأ نۊبۊست ؤ خۊ همکارأ تاودأ زندان کی همه یه خو پولأ وأگردانه.

![](https://cdn.door43.org/obs/jpg/360px/obs-en-29-07.jpg)

وقتي هۊ شخص دوستأن هأ ماجرايأ بيشتأوستيد، خيلي اندوهگينأ بۊستيد ؤ شاه ويرجأ بۊشۊئيد، تۊمام ماجرايأ اۊن بوگفتید.

![](https://cdn.door43.org/obs/jpg/360px/obs-en-29-08.jpg)

پادشاه بيلافاصله هۊ مرداکأ دۊخاد ؤ بۊگوفت: « اَي جاهیل و شرشور! من تي خأهش وأسي تي پیله بدهيأ ببخشئم. تو هم وأسي هأ رفتارأ تي همکار مرأ بۊکۊده بي. »پادشاه خيلي غظبناکأ بۊست ؤ دستور بدأ اۊنأ زندان تأوديد ؤ تا اۊن بدهيأ وانگردأنه، اۊنأ آزادأ نۊکۊنيد.

![](https://cdn.door43.org/obs/jpg/360px/obs-en-29-09.jpg)

بزين عيسی بۊگفت: «مي آسماني پئر شيمي مرأ هأتو رفتار کۊنه، اگه شۊمان شيمي برارأ جه ديل ته نبخشيد.

*انجیل متی فصل ۱۸ آیه های ۲۱ تا ۳۵*

## 30. ۳۰- عیسی مسیح پنج هیزارنفر غذا دئیه

https://openbiblestories.org/l/glk/story-30/

![](https://cdn.door43.org/obs/jpg/360px/obs-en-30-01.jpg)

عيسا خۊ رسولانأ بشارت ؤ تعليم وأسي خیلی روستايانأ اۊسه کۊد. وقتي اۊشأن وأگردستيد، عيساي در جريان خۊشان کاران بنأئيد. بزين عسيا اؤشانأ ايتأ خلوت جيگا درياچه نزديکي ببرد تا ايپچه ایستراحت بۊکۊنيد. و بزین همه بوشوئید ايتأ کشتي دۊرۊن ؤ اؤ طرف رؤخان بۊشۊئيدی.

![](https://cdn.door43.org/obs/jpg/360px/obs-en-30-02.jpg)

چون مردۊم بيدئيد کي عيسی ؤ أوني شاگردان کشتي مرأ جه اۊيأ بۊشۊئيد، اؤشأن دريا کنار بدؤوستيد کی او طرف ديگه دریا فأرسئيد. وختي عيسی ؤ أوني شاگردان هم اؤيأ فأرسئيد ،مردۊم زيادي اؤيأ اشأنأ رافا ايسابيد ؤ اؤشأنی جأ استقبال بۊکۊديد.

![](https://cdn.door43.org/obs/jpg/360px/obs-en-30-03.jpg)

آدمأن بدون ایشماردن زناکأن ؤ زاکأن، حدود پنج هيزارتأ مرداي بيد. عيسا^مسيح ديل خيلي اَشأنه رٔ بۊسۊخت، چونکی بي چوپان گۊسفندان منستأن بيد.بزین شروع بکود اوشان آموجش دهن و اوشانی که ناخوش احوال بید،شفا بده.

![](https://cdn.door43.org/obs/jpg/360px/obs-en-30-04.jpg)

غروب دم، شاگردأن عيسی ويرجا بأموئيد ؤ بۊگوفتيد: « اي اوستاد !مردۊمأ بيگيد بيشيد کی خۊشأن رٔ خوراک تهيه بۊکۊنيد؛ چون هأ دور دکفته جيگا، هيچي خۊردن رٔ پيدا نيبه. »

![](https://cdn.door43.org/obs/jpg/360px/obs-en-30-05.jpg)

اما عيسی خۊ شاگردانأ بۊگوفت: «شۊمان خودتان أشأنأ خۊراک فأديد. »اۊشأن جواب بدأئيد: « چۊ تۊ تأنيم هأ جمعيتأ سئیرکونیم؟! امأن فقط پنج تأ قرص نان ؤ دوتأ کوجي ماهي دأريم. »

![](https://cdn.door43.org/obs/jpg/360px/obs-en-30-06.jpg)

عيسی خۊ شاگردانأ بۊگوفت کي مردۊمأ بيگيد، پنجاه نفري گروهأن دۊرۊن سبزأنه سر بينيشتيد.

![](https://cdn.door43.org/obs/jpg/360px/obs-en-30-07.jpg)

بزين عيسی پنج تأ نان ؤ دونه ماهيأ خۊ دست بيگيفت ؤ آسمانأ فأندرست ؤ خۊدايأ خوراک وأسي شوکر بۊکۊد ؤ اۊنأ برکت بدأ.

![](https://cdn.door43.org/obs/jpg/360px/obs-en-30-08.jpg)

بزين عيسی نانأن ؤ ماهيانأ تيکه تيکأ کۊد. اوشأنأ خۊ شاگردانأ فأدأ کی مردۊم دۊرۊن سهم بۊکۊنيد. شاگردأن اونقد مردۊمأ خوراک بدأئيد کی بخۊرديد ؤ سيرأ بۊستيد، اما چیزی جا او خوراک کم نبوستی.

![](https://cdn.door43.org/obs/jpg/360px/obs-en-30-09.jpg)

بعد اۊن شاگردان جه خۊرده نانأن ؤ پسمأنسته يأن جمعأ کۊديد،هاطو بوکی جا او پنج تا نان دونه ماهی، دوازده تا سبد پور بوست.

*انجیل متی باب ۱۴ آیه‌های ۱۳ تا ۲۱ ، کتاب انجیل مرقس باب ۶ آیه‌های ۳۱ تا ۴۴، کتاب انجیل لوقا فصل ۹ آیه‌های ۱۰ تا ۱۷، کتاب انجیل یوحنا باب ۶ آیه‌های ۵ تا ۱۵*

## 31. ۳۱- عيسی آب سر راه شه

https://openbiblestories.org/l/glk/story-31/

![](https://cdn.door43.org/obs/jpg/360px/obs-en-31-01.jpg)

بعد جا خوراک دهن مردوم عيسی خۊ شاگردانأ بفرماست کي لودکایه سوارأ بيد، ؤ هۊ طرف درياچه بيشيد،اما اون ایپچه اویه بیئسه .بزین کي عيسا مردۊمأ اۊسه کۊد. ايتأ کوه جۊر بۊشۊ کی دؤعا بۊکۊنه. اۊن اۊيأ تنها بۊ ؤ تا آخر شب دؤعا بۊکۊد.

![](https://cdn.door43.org/obs/jpg/360px/obs-en-31-02.jpg)

هأ ميأن، شاگردأن لودکا دۊرۊن پارو زئنديبيد، اما تا نصف شب فقط بتأ نسته بيد وسط درياچه فأرسيد. چون کي برخلاف تۊروأ (باد شدید)پارو زئن سخت انجام بۊستي.

![](https://cdn.door43.org/obs/jpg/360px/obs-en-31-03.jpg)

عيسی بزين خۊ دؤعايأ تۊمامأ کۊد ؤ خۊ شاگردان طرف بۊشۊ. اۊن اۊشأن لودکا ور آب سر قدم بزه.

![](https://cdn.door43.org/obs/jpg/360px/obs-en-31-04.jpg)

وختي شاگردان عيسايأ بيدئيد، خيلي بترسئيد، چون فکر کۊديد ايتأ روح دئندريد. عيسی دأنستي کي اۊشان بترسایدی، بزين اۊشانأ بفرماست: « نترسيد منم! »

![](https://cdn.door43.org/obs/jpg/360px/obs-en-31-05.jpg)

بزين پطرس عيسايأ بۊگفت: « مي سرور ،اگه حقيقتن شمائيد، دستور بديد منم آب سر راه بشم ؤ شيمي ور بأيم. » عيسی پطرسأ بفرماست: «بيأ!»

![](https://cdn.door43.org/obs/jpg/360px/obs-en-31-06.jpg)

بزين پطرس جه لودکا بيرون بأمو ؤ آب سر راه دکفت ؤ عيسی ور بۊشۊ. اما بعد ايتأ کوتاه مسافتأ کی بوشو، اۊن عيسی جأ رو وأگردأنه ؤ پيله موجانأ چۊم بۊدخت ؤ تۊروا (باد شدید) قدرتأ احساس بۊکۊد.

![](https://cdn.door43.org/obs/jpg/360px/obs-en-31-07.jpg)

ایتافای پطرسأبترسه،اون وحشت بيگيفت ؤ شروع بۊکۊد آبا بۊدرون شؤن، اۊن اجگیره زای : «مي سرور مرأ نیجات بديد! » عيسی فوري خۊ بالأ درازأ کۊد ؤ اۊنأ بيرون فأکشه. بزين عيسی پطرسأ بۊگفت: «اي کم ايمان، چره مرع ایعتمادنوکودی تا در امان بمانی ؟»

![](https://cdn.door43.org/obs/jpg/360px/obs-en-31-08.jpg)

وقتي پطرس ؤ عيسی لودکأیه سوارأ بۊستيد ،باد گنستن (وزش)فوري قطعأ بؤست ؤ آب آرام بيگيفت. شاگردان کي خيلي قاق بۊبۊسته بيد، عيسايأ پرستش بۊکۊديد، ؤ بۊگوفتيد: «راس راسی کي تو خۊدا پسري ايسي . »

*انجیل متی فصل ۱۴ آیه های ۲۲ تا ۳۳؛ انجیل مرقس فصل ۶ آیه های ۴۵ تا ۵۲؛ انجیل یوحنا فصل ۶ آیه های ۱۶ تا ۲۱*

## 32. ۳۲- ديو بزه^مرداک ؤ ناخۊش^زناک شفا دئن عيسا مرأ

https://openbiblestories.org/l/glk/story-32/

![](https://cdn.door43.org/obs/jpg/360px/obs-en-32-01.jpg)

ايتأ رۊز عيسی ؤ أوني شاگردان لودکا مرأ أۊ طرف درياچه جدريان^شهر بۊشۊئيد.وختی خشکی فارسید جه لوتکا بیجیر باموید.

![](https://cdn.door43.org/obs/jpg/360px/obs-en-32-02.jpg)

ایتا مردای اوی ایسابو کي روح پليدأ گرفتارأ بۊسته بۊ.

![](https://cdn.door43.org/obs/jpg/360px/obs-en-32-03.jpg)

هۊ مردای أنقده قوي بۊ کي هيکس نتأنستي اۊنأ رام کۊنه. بارها اۊنأ زنجير مرأ دوسته بيد، ولي اۊن زنجيرانأ پارأ کۊدي.

![](https://cdn.door43.org/obs/jpg/360px/obs-en-32-04.jpg)

هۊ مردأي قبرأن هو کوگاه زندگي کۊدي. اۊن شونده روز نعره کۊدي.رخت دوکوده نأشتي ؤ خۊرأ تيز سنگأن مرأ همش زئي ؤ زخمي کۊدي.

![](https://cdn.door43.org/obs/jpg/360px/obs-en-32-05.jpg)

وقتي عيسی ويرجأ فأرسه، اۊني جؤلو خاکِ سر بکفت. عيسی ديوأ بفرماست: «جأ هأ مردأي بيرون بۊشۊ! »

![](https://cdn.door43.org/obs/jpg/360px/obs-en-32-06.jpg)

هۊ ديوپیله ایجگره بزئه ؤ بۊگوفت: «اي عيسی، خۊدا متعال زأي ،مي جأ چي خأئي؟ خاهش کۊنم مرأ زجر نده! » عيسی بزين هۊ ديوأ واوؤرسه: « تي نام چيسه؟» اۊن جواب بدأ: «مي نام لژيون ايسه، چونکی أمي تعداد زياد ايسه.» (لژيون ايتأ جرگه حدود چند هيزار روم ارتش سربازان بيد)

![](https://cdn.door43.org/obs/jpg/360px/obs-en-32-07.jpg)

ديوأن عيسی جأ خاهش بۊکۊديد: « أمرأ جه هأ منطقه بيرؤنأ نۊکۊن» هوموقه ايتأ گله خۊک بولندي سر چرستأنديبيد. ناپاک^ارواح عيسايأ التماس بۊکۊديد ؤ بۊگوفتيدي: «بزین أمرأ خۊکان دۊرۊن تأود» عيسی ایجازه بدا بفرماست : «بيشيد»

![](https://cdn.door43.org/obs/jpg/360px/obs-en-32-08.jpg)

ديوأن جأ هۊ مردأي بيرونأ بۊستيد، ؤ خۊکأن دۊرۊن بۊشۊئيد. تۊمام هۊ گله بلندي جأ دکفتيد درياچه دۊرۊن ؤ دمرديد. هۊ گله حدود ۲۰۰۰تأ خۊک دأشتي.

![](https://cdn.door43.org/obs/jpg/360px/obs-en-32-09.jpg)

خۊک چرانأن کي گله يأ پاستانديبيد، وختي هأ اتفاقأنأ بيدئيد دهات اطرافأ فرار بۊکۊديد ؤ هر جا فأرسئيد مردۊمأجا عیسی کار واخبرأ کۊديد. طولي نکشه که ايتأ عالمه مردوم بأمۊئيد ؤ هۊ ديو بزه مردأکأ بيدئيد کي آرام نيشته ،ؤ رخت دۊکۊده ؤ کاملا عاقلأ بۊسته بو.

![](https://cdn.door43.org/obs/jpg/360px/obs-en-32-10.jpg)

مردۊم خيلي بترسئيد، ؤ عيسی جأ بخواستيد کي اۊيايأ ترکأ کۊنه. عيسايم لودکا دروون وأگردست تا هۊيايأ ترکأ کۊنه .ولي هۊ مرداي کي قبل اون ديوأ اسير بۊ عيسی جأ خاهش بۊکۊد کي اۊنم خۊ أمرأ ببره.

![](https://cdn.door43.org/obs/jpg/360px/obs-en-32-11.jpg)

اما عيسی اۊنأ بۊگوفت: « کي تي خانه وأگرد ؤ همه کس بۊگۊ کي خۊدا تره چي بۊکۊده ؤ چۊتۊ اؤني لطف شامل تي حال بۊبۊسته. »

![](https://cdn.door43.org/obs/jpg/360px/obs-en-32-12.jpg)

هن وأسي هۊ مردأي بشو وهر کیه فارسای، گوفتی کي عيسی اۊنأرع چی بکود. هر کس کي هأ نقلأ ايشنأوستي، تعجب کۊدي.

![](https://cdn.door43.org/obs/jpg/360px/obs-en-32-13.jpg)

عيسی او طرفِ درياچه وأگردست. وقتي فأرسه بيده، ايتأ عالمه مردۊم اؤني دۊر جمعأ بۊستيد، اؤنأ فيشار أوريد. جمعيت ميان ايتأ زناي ايسأ بۊ کي ۱۲ سال مرض خۊنريزي دأشتي.اون تۊمام خۊ دارائي يأ خۊ مرض درمان وأسي خرج بۊکۊده بۊ. اما هيتأ جه دۊکتۊرأن نتأنسته بيد اۊنأ درمان بۊکۊنيد ؤ اۊني حال بدترأ بۊستي.

![](https://cdn.door43.org/obs/jpg/360px/obs-en-32-14.jpg)

اۊن بيشنوسته بۊ کي عيسا ناخوشأنأ شفا بخشه ؤ خؤ مرأ زمزمه کؤدي: « مطمئنم اگه مي دست عيسی ردایأ واسؤخه ،من شفا يأفم. »اۊن خۊدشأ جه جمعيت ميأن عيسی پۊشت سر فأرسأنه ؤ اؤني ردايأ دسأ زه. هتو کی عيسی ردای واسوخست،اون خۊنريزي قطعأ بۊست.

![](https://cdn.door43.org/obs/jpg/360px/obs-en-32-15.jpg)

عيسی فورا بفهمسته کي ايتأ نيرو جه أوني وجود بيرون بؤشۊ. بزین واگردست ؤ واوۊرسه : «کي مي ردایأ دس بزه؟» شاگردأن جواب بدأئيد دينيد: « کي همه تأن جه هر طرف شۊمارأ فيشار آوردأندريد، پس چره واوؤرسيد «کي شومارأ دس بزه؟»

![](https://cdn.door43.org/obs/jpg/360px/obs-en-32-16.jpg)

هۊ زناي کي ترس جأ پرکستی، عيسی پا جولو زانو بزه. بزين بۊگوفت کي چي بۊکۊده ؤ أنکي شفا بيأفته. عيسی اؤنأ بۊگوفت : «تي ايمان ترأ شفا بدأ! بۊشۊ بسلامت. »

*انجیل متی فصل ۸ آیه های ۲۸ تا ۳۴؛ فصل ۹: آیه های ۲۰ تا ۲۲؛ انجیل مرقس فصل ۵؛ انجیل لوقا فصل ۸ آیه های ۲۶ تا ۴۸*

## 33. ۳۳- کشاورز داستان

https://openbiblestories.org/l/glk/story-33/

![](https://cdn.door43.org/obs/jpg/360px/obs-en-33-01.jpg)

ایتأ رۊز عيسی درياچه کنار جمعيت زياديأ تعليم دأندۊبۊ. عده زيادي اؤني دۊر جمعأ بۊسته بيد ؤ پس عيسی سوار ايتأ لودکا آب کنار بۊبۊست کی گب زئن ره فضاي کافي بدأره. اۊن لودکا دۊرۊن بينيشت ؤ جه هۊيأ تعليم مردۊمأنأ تعليم بدأ.

![](https://cdn.door43.org/obs/jpg/360px/obs-en-33-02.jpg)

عيسی هأ نقلأ مردۊم ره تعريف بۊکۊد: «ايتأ کشاورز خۊ مزرعه دۊرۊن بذر کأشتي. هأطۊ کي بذرأنأ پاشانئي ،بعضيأن اتفاقي باغأن مرز سر کفتي ؤ پرندأن أمؤئيد ؤ اؤشانأ خۊرديد. »

![](https://cdn.door43.org/obs/jpg/360px/obs-en-33-03.jpg)

«بعضيأن ايتأ خاک سر بکفتيد ؤ اۊن جیر سنگ نأهأبۊ.بذرأن هۊ کم عمق، خاک سر خيلي زود سبزأ بؤستيد. ولي چون اؤشان ريشه نتأنستید خاک عمق دۊرۊن بشید .وقتي داغ^آفتاب اؤشانأ بتابست، همه بۊسۊختيد ؤ جه بين بۊشۊئيد. »

![](https://cdn.door43.org/obs/jpg/360px/obs-en-33-04.jpg)

«بعضي جه بذرأن تمشکله (گومار)میان دکفتيد. تمشان ؤ بذرأن ايجائي رشد بۊکۊديد ؤ گياه جوان^ساقه يأن تمشان جیر خفأ بؤستيد ؤ هيچ محصولي نأورديد. »

![](https://cdn.door43.org/obs/jpg/360px/obs-en-33-05.jpg)

«الباقی بذرأن خُرم خاک سر بکفتيد، ؤ جه هر ايتأ بذر سی،شصد ؤ حتي صد تا بذر ديگه بارباورد. هرکی خاییه خودایی دونبال کونه می گبان خُب گوش بدید.

![](https://cdn.door43.org/obs/jpg/360px/obs-en-33-06.jpg)

شاگردان جه هأ نقل ايشتأوستن گيجأ بۊستيد. و هن وأسي عيسی تۊضيح بدأ : «بذر ،خۊدا کلامه. گذرگاه، کسي ايسه کي خۊدا کلامأ ايشتاوه ولي درک نۊکۊنه ؤ شيطان اؤني کلامأ دۊزانه.بختر بگم شیطان وناله اون کلام درک بوکونه. »

![](https://cdn.door43.org/obs/jpg/360px/obs-en-33-07.jpg)

«سنگ فورش زیمین،آدمي ايسه کي خۊدا پيغامأ ايشتأوه، فوري شادي مرأ قوبیل کۊنه، ولي سختي زمات و یا زماتی کی مردوم اون اذیت کونید،خودایی جاخاطره دع. بختربگم اون خو ایعتماد به خودا جه دست ده. »

![](https://cdn.door43.org/obs/jpg/360px/obs-en-33-08.jpg)

«زميني کي تمشان مرأ بپوشأنه بۊسته بۊ، کسی ايسه کي پيغامأ ايشتأوه ولي زندگي نگرانيأن ؤ عشق پول و خیلی چیزای دیگه،باعث به پور زمات نوگذره که جای دوست داشتن خودای بگیره.ودع نتانیه خودای جا انچی کی اون کلام جا دانستی خوشحال کونه. اون گندم خوشه مانه کی نتأنه ره ثمري بأوره. »

![](https://cdn.door43.org/obs/jpg/360px/obs-en-33-09.jpg)

«اما خُرم زیمين، کسی ایسه کی خۊدا پيغامأ ايشتأوه، اۊنأ فهمه ؤ ثمر أوره. »

*انجیل متی فصل ۱۳ آیه های ۱ تا ۲۳؛ انجیل مرقس فصل ۴ آیه های ۱ تا ۲۰؛ انجیل لوقا فصل ۸ آیه های ۴ تا ۱۵*

## 34. ۳۴- عيسا مثلأن ديگه ئي تعليم  دئهه

https://openbiblestories.org/l/glk/story-34/

![](https://cdn.door43.org/obs/jpg/360px/obs-en-34-01.jpg)

عيسا مثلأن ديگه ائي هم درباره خۊدا پادشاهی مردۊم ره بگوفته. مثلا هأتۊ بفرماست: «خۊدا پادشاهی ايتأ خردل دانه يأ مانه کي اينفر خۊ مزرعه دۊرۊن بکاشت. شۊمان خُب دانيدي کي خردل دانه کۊجدانه ترين دانه يه».

![](https://cdn.door43.org/obs/jpg/360px/obs-en-34-02.jpg)

«هسه وقتي خردل دانه رشد کؤنه، تۊمام مزرعه بوته يأن جأ پيله ترأ به. ؤ ايتأ دار أندر طۊري کي پرندأن اۊني شاخه يان میان ایستراحت کۊنيد. »

![](https://cdn.door43.org/obs/jpg/360px/obs-en-34-03.jpg)

عيسا ايتأ مثل ديگه بوگوفته: «خودا پادشاهی خمیر مایه مانه کی ایتا زنای اون آرد امره مخلؤطأ کۊنه کی سرتاسر خمير دۊرۊن پخشأبه. »

![](https://cdn.door43.org/obs/jpg/360px/obs-en-34-04.jpg)

«خۊداپادشاهیگنجيأ مأنه کي اینفر اؤنأ مزرعه دۊرۊن قائمأ کؤده بيد. اينفردیگه اؤنأ بيأفت ؤ دۊباره خاک جیر قائمأ گۊد ؤ هۊن ذؤق واسی بۊشۊ هر چيأ دأشتي بۊفرۊخت کی پول خبي بدس بأوره ؤ هۊ مزرعه يأ بيهينه، کی گنجأ صاحبأ به. »

![](https://cdn.door43.org/obs/jpg/360px/obs-en-34-05.jpg)

«خۊداپادشاهی، ايتأ قشنگ مرواريد قيمتيأ مأنه کی ايتأ تاجر، هو مرواريدأ بيأفت ؤ هرچي دأشتي، بۊفرۊخت کی اۊني پۊل مرأ هۊ مرواريدأ بيهينه. »

![](https://cdn.door43.org/obs/jpg/360px/obs-en-34-06.jpg)

اویه کسانی ایسابید که فیکر کودید خؤشانأ پاکي ؤ پرهيزگاري خودا ویرجیه قوبیله ؤ بقيه مردۊمأنأ کوچیک دانستید.بزین عیسی اوشان رِ هأ نقلأ تعريف بۊکۊد: «دونفر،ايتأ مذهبي رهبر ؤ اينفر ديگه مسئول باج ؤ خراج خۊدا خانه بۊشۊئيد دؤعا بۊکۊنيد. »

![](https://cdn.door43.org/obs/jpg/360px/obs-en-34-07.jpg)

«مذهبي رهبر جولۊ بئسأ ؤ هأتؤ دؤعا بۊکۊد: « اي خۊدا ترأ شوکر کۊنم کي باقي مردۊم منستأن، گۊناهکار،دۊزد،ستمکار،زناکار ؤ مخصوصا هأ باجگير منستأن نيئم. »

![](https://cdn.door43.org/obs/jpg/360px/obs-en-34-08.jpg)

هر هفته دۊبار رۊزه گيرم ؤ جه همه پولي کي بدس أورم، يک دهمشأ تي راه فأدم. »

![](https://cdn.door43.org/obs/jpg/360px/obs-en-34-09.jpg)

«اما هۊ باجگير دۊرتر جه هۊ مذهبي رهبربئسأ ؤ دؤعا وخت ،حتي جرأت نۊکۊد خجالت وأسي خۊ سرأ راستأ کۊنه، بلکی اندوه ؤ شرم مرأ خۊ سينه يأ بکوبست ؤ بۊگوفت: «خۊدايا مرأ رحم بۊکۊن، من گۊناهکار أيسم! »

![](https://cdn.door43.org/obs/jpg/360px/obs-en-34-10.jpg)

بزين عيسی ایدامه بدا: «حقیقت شمره گم؛ خۊدا هۊ باجگير دؤعايأ بيشتأوست ؤ اۊنأ پارسا حيساب بأورد. خۊدا هرکيأ کي خۊدشأ پيله جلوه بده پستأ کۊنه ؤ هر کيأ کي خۊدشأ فروتن چأکۊنه سربلندأ کۊنه. »

*انجیل متی فصل ۱۳ آیه های ۳۱ تا ۴۶؛ انجیل مرقس فصل ۴ آیه های ۲۶ تا ۳۴؛ انجیل لوقا فصل ۱۳ آیه های ۱۸ تا ۲۱؛ فصل ۱۸ آیه های ۹ تا ۱۴*

## 35. ۳۵- ديلسوز پئر نقل

https://openbiblestories.org/l/glk/story-35/

![](https://cdn.door43.org/obs/jpg/360px/obs-en-35-01.jpg)

ايتأ رۊز عيسی خيلي جه مردوم اون دور جمعا بوستابید تا اون گب بشتاوید،تعلیم بدا.ویشتر اوشان مأموراي باج ؤ خراج ؤ باقي مردومانی بید کي اوشان دیل نخواستی موسی شریعت ایطاعت بکونید.

![](https://cdn.door43.org/obs/jpg/360px/obs-en-35-02.jpg)

اما دين عالمأنم اؤيأ ايسابيد، ؤ دئيد کي عيسی چۊتۊئي گۊناهکاران مرأ خۊ دۊستان نزدیک منستأن رفتار کؤنه. کس کس گفتیدی عیسی اشتباه کونه و اونی جه ایراد گیفتید. عیسی کی اشان بشتاوسید، هأ نقلأ اۊشأن ره تعريف بۊکۊد:

![](https://cdn.door43.org/obs/jpg/360px/obs-en-35-03.jpg)

«ايتأ مردأي دوتا پسر دأشتي. ايتأ رۊز کۊجي پسر خۊ پئرأ بۊگوفت: «پئر ،من مي ارثأ الان خأيم! »هن وأسي پئر خۊ دارائيأ خۊ دوتأ پسر ميأن سهم بۊکۊد. »

![](https://cdn.door43.org/obs/jpg/360px/obs-en-35-04.jpg)

چيزي نۊگوذشت کي کۊجي پسر هر چي دأشتيأ جمعأ کۊد ؤ به ايتأ سرزمين دوري بۊشۊ ؤ هۊيأ تۊمام خؤ ثروتأ عياشي ؤ راه هاي نادرست دۊرۊن بباد بدأ.

![](https://cdn.door43.org/obs/jpg/360px/obs-en-35-05.jpg)

جائي کي هۊ پسره ايسأ بۊ قحطي شديدي بوبوسته ، ؤ اۊن ده پولي غذا هئن ره نأشتي. بنا بر أن ناچار بۊبۊست خۊک بچرأنه ؤ اقذر درمانده و وشتابو کي خۊکأنه غذا مرأ خۊ شکمأ سئرأ کۊنه.

![](https://cdn.door43.org/obs/jpg/360px/obs-en-35-06.jpg)

آخر بسر کۊجي پسر خۊ مرأ بۊگوفت ،«من چي کارأ درم؟مي پئر خانه خدمتکاران ايتأ عالمه خۊراک خۊردن ره دأريد، اما من أيأ کرأ جه ویشتأیی مردأن درم. پس می پئر ويرجأ وأگردم اؤني جأ خأیم کي مرأ نؤکري وأسي قوبیل بۊکۊنه. »

![](https://cdn.door43.org/obs/jpg/360px/obs-en-35-07.jpg)

پس خۊ پئر خانه طرف راه دکفت. وختي هنو جه خانه دور بۊ أني پئر أنأ بيده ؤ أني ديل بۊسۊخت ؤ أنی پيشواز رِ بدوبست اون طرف، اۊنأ کشأگيفت ؤ ماچي بدأ.

![](https://cdn.door43.org/obs/jpg/360px/obs-en-35-08.jpg)

پسر پئرأ بۊگوفت: «پئر،من خودأ حق و تی حق گۊناه بۊکۊدم ؤ دٔ لياقت نارم کي مرأ تي پسر بدأني. »

![](https://cdn.door43.org/obs/jpg/360px/obs-en-35-09.jpg)

اما أني پئر خدمتکارانأ بۊگوفت: «دس بۊجۊنبانيد ؤ بخترين رختأنأ خانه جأ بأوريد، ؤ اؤنأمی پسر دۊکۊنيد. انگشتر أني دس ؤ ايتأ کفش أني پا دۊکۊنيد ؤ ايتأ پروار^گوساله يأ بأوريد، سرأ بينيد کی جشن بيگيريم ؤ شادي بۊکۊنيم. چونکی مي هأ پسر ،بمرده بۊ ؤ زندأ بۊست ؤ گؤمأ بۊسته بۊ هسا اون او بیافتم . »

![](https://cdn.door43.org/obs/jpg/360px/obs-en-35-10.jpg)

پس، اؤشأن پیله جشن بیگیفتیدی. طولي نکشئه کي پيله پسر مزرعه جأ بأمو بخانه ، ساز ؤ رقص ؤ آواز صدايأ بيشتأوست ؤ تعجب بۊکۊد کي چي اتفاق دکفته .

![](https://cdn.door43.org/obs/jpg/360px/obs-en-35-11.jpg)

وختي کي پيله پسر بفهمست کي هأ جشن أني برار بخانه وأگردستن وأسیه، عصباني بۊبۊست ؤ حاضر نۊبۊست خانه دۊرۊن بشه. تا أنکي أني پئر بيرون بأمۊ ؤ أۊنأ التماس بۊکۊد کي بخانه بأيه ؤ مهمانيه ملحق ببه اما اۊن قوبیل نۊکۊد.

![](https://cdn.door43.org/obs/jpg/360px/obs-en-35-12.jpg)

پيله پسر خۊ پئرأ بۊگوفت: «سالان ساله کي ايتأ غلام منستأن تره خدمت کۊدأن درم! هيوخت جه تي دستورأن سرپيچي نۊکۊدم ؤ تۊمام هأ مدت ،حتي ايتأ بزغاله ئم مرأ فاندأئي تا بتأنم مي دوستان مرأ جشن بيگيرم. اما وختي هأ پسر، کي تي ثروتأ گۊناهکاري دۊرۊن تلف بۊکۊد بخانه وأگردست ،تۊ بهترين پروار^گۊساله يأ اؤن ره سئرابئي تا جشن بگیری.

![](https://cdn.door43.org/obs/jpg/360px/obs-en-35-13.jpg)

أني پئر بۊگوفت: «مي جان دیل پسر ،تۊ هميشک مي ور ايسأبي ؤ من هرچي کي دأرم تي شينه. اما الان دۊرۊسته کي جشن بيگيريم ؤ شادي بۊکۊنيم چون تي برأر بمرده بۊ ؤ زندأ بۊست. گۊمأ بۊسته بۊ ؤ پيدا بۊبۊست. »

*انجیل لوقا فصل ۱۵ آیه های ۱۱ تا ۳۲*

## 36. ۳۶- عيسا قيافه وأگردستتن

https://openbiblestories.org/l/glk/story-36/

![](https://cdn.door43.org/obs/jpg/360px/obs-en-36-01.jpg)

ايتأ رۊز، عيسی سه تأ جه خۊ شاگردانأ يعني پطرس،يعقوب ؤ يۊحنايأ اۊساد ؤ ايتأ بۊلند کۊه سر ببرد تا دؤعا بوکونید.(یوحنای کی عیسی تعمید ده،اینفر دیگر ایس)

![](https://cdn.door43.org/obs/jpg/360px/obs-en-36-02.jpg)

دؤعا وقت،عيسی صورت خۊرشيد منستأن درخشانأ بۊست ؤ أني رخت نور منستأن سيفيدأ بۊست. هۊ تۊ سفيد کي زمين سر اؤني منستأن پيدا نيبه.

![](https://cdn.door43.org/obs/jpg/360px/obs-en-36-03.jpg)

هۊ وخت مۊسا ؤ ايليا(الياس) ظاهرأ بۊستيد. هأ مردأکأن، صدها سال قبل جه هأ رويداد زمين سر زندگي کۊديد. اؤشأن عيسی مرأ درباره أني مرگ کي بزودي اورشليم دۊرۊن رخ دئهه، گب بزئيد.

![](https://cdn.door43.org/obs/jpg/360px/obs-en-36-04.jpg)

زماني کي مۊسا ؤ ايليا عيسی مرأ گب زئنديبيد، پطرس عيسايأ بۊگوفت: « چي خب بۊبۊست کي أمأن هأيأ ايسائيم. ايجازه بده سه تأ سايبان چأکۊنيم، ايتأ تره، ايتأ مۊسا ره ايتأ ئم ايليا ره. »پطرس نأنستي کي چي گه.

![](https://cdn.door43.org/obs/jpg/360px/obs-en-36-05.jpg)

هنو پطرس گب تۊمامأ نۊبسته بۊ کي ايتأ درخشان ابر بيجير بأمو ؤ اؤشانأ احاطه بۊکۊد ؤ ايتأ ندا اۊني جأ فأرسه کي«: أن مي عزيز پسره کي اؤني جأ کاملا خشنۊد ايسم. اؤني گبأ بئشتأويد. » سه تأ شاگرد ترس جأ زمين سر بکفتيد.

![](https://cdn.door43.org/obs/jpg/360px/obs-en-36-06.jpg)

عيسی نزديکأ بۊست ؤ اؤشأن رو دس بنأ ؤ بۊگوفت«: ويريزيد ؤ نواترسئنید. » وختي کي اؤشأن خۊشان چۊمانأ وازأ کۊديدهرطرف فاندرستید ،هي کس ديگه جه غيرز عيسی نيده ئيد.

![](https://cdn.door43.org/obs/jpg/360px/obs-en-36-07.jpg)

عيسی ؤ هۊ سه تأ شاگرد کوه جأ وأگردستيد. بزين عيسی بفرماست: «هسا او چيزي کي بيدئيد فعلا کسي يأ هيچي نيگييد. من بزودي ميرم ؤ دوواره زندأ بم. بزین تأنيد ديگرانأ بيگيد چي بيدئيد. »

*انجیل متی فصل ۱۷ آیه های ۱ تا ۹، انجیل مرقس فصل ۹ آیه های ۲ تا ۸، انجیل لوقا فصل ۹ آیه های ۲۸ تا ۳۶*

## 37. ۳۷- عيسا بمرده ايلعازرأ زندأ کۊنه

https://openbiblestories.org/l/glk/story-37/

![](https://cdn.door43.org/obs/jpg/360px/obs-en-37-01.jpg)

ايتأمردای ایلعازَر نامی بو،اون دوتا خاخور بنامهای مریم و مرتا داشتی،جه ریفقای نزدیک و صمیمی عیسی بید.ایتارۊز، عيسی ايشتأوه کي ايلعازر خيلي ناخوشِ .وختي عيسی هأ خبرأ بيشتأوست بۊگوفت«: هأ ناخوشی اونأ نوکوشه بلکی خۊدا بزرگي ؤ جلال ر خأيه بوستن، همتان فامیدید و اون دیدنیدی . »

![](https://cdn.door43.org/obs/jpg/360px/obs-en-37-02.jpg)

عيسی با أنکي اؤشانأ دوست دأشتي، ولي دو رۊز ديگه جائي کي ايسأبۊ ،بئسا. بعد گۊذشت دو رۊز عيسی خۊ شاگردانأ بۊگوفت : «بأئيد يهۊديه وأگرديم». اما شاگردان بۊگوفتيد : «اي اوستاد، هأ چند رۊز پيش بۊ کي يهؤديه آدمان خأستيد ترأ بۊکۊشيد! » عيسی جواب بدأ: «مي ریفیق ايلعازر خؤفته ؤ من شم کی اؤنأ ويريزأنم. »

![](https://cdn.door43.org/obs/jpg/360px/obs-en-37-03.jpg)

عيسی شاگردان جواب بدائيد: «خۊداؤندا، اگر اۊن خؤفته، أني حال بخترأ به». بزين عيسی خیلی واضح بفرماست: «ايلعازر بمرد. من خۊشحالم کي اۊيأ نيسابۊم کی شۊمان بتأنيد مرأ ايمان بأوريد. »

![](https://cdn.door43.org/obs/jpg/360px/obs-en-37-04.jpg)

وختي عيسی ايلعازر محل سکۊنت شهرأ فأرسه،ايلعازر چهار رۊز بۊ کي بمرده بۊ. مرتا عيسايأ پيشواز بأمۊ ؤ بۊگفت: «مي سرور ،اگه أيأ بئسأبي ،مي برأر نمردی. اما من ايمان دأرم کي تۊ هرچي خۊدا جأ بخأئي، ترأ بخشه. »

![](https://cdn.door43.org/obs/jpg/360px/obs-en-37-05.jpg)

عيسی جواب بدأ: «من قيامت ؤ ابدی حيات ايسم. هر کي مرأ ايمان بأوره، حتي اگه بيميره، زندأبه. هر کي مرأ ايمان بأورد هیوخت نخأيه مردن. آيا می هأ گبأ ايمان دأري؟» مرتا جواب بدأ : «بله اۊستاد، من ايمان دأرم کي تۊ مسيح، خۊدا پسر ايسي. »

![](https://cdn.door43.org/obs/jpg/360px/obs-en-37-06.jpg)

بزین مريم عيسی ويرجأ بأمۊ اۊني پا سر بکفت ؤ بۊگوفت«: مي سرور، اگه هأيأ بئسأ بي، مي برار نمردي. » عيسی اؤشأنأ وأوۊرسه: «کۊيأ اۊنأ خاکا کۊديد؟» اؤشأن جواب بدائيد: «ايتأ قبر دۊرۊن، بيا ؤ بيدين. »بزين عيسی گريه بۊکۊد.

![](https://cdn.door43.org/obs/jpg/360px/obs-en-37-07.jpg)

ايلعازر قبر ايتأ غار بۊ کي ايتأ پيله سنگ أني دهانه جولۊ بنأ بيد. وختي عيسی قبرأ فأرسه اؤشأنأ بۊگوفت: «سنگأ کنار بزنيد! »اما مرتا بۊگوفت: «اۊن چهار رۊز ايسه کي بمرده .هسأ ده أني جسد بؤ دکفته. »

![](https://cdn.door43.org/obs/jpg/360px/obs-en-37-08.jpg)

عيسی جواب بدأ : «مگه نۊگوفتم اگه مرأ ايمان بأوري خۊدا جلالأ ديني؟ »بزین اؤشأن سنگأ کنار بزئيد.

![](https://cdn.door43.org/obs/jpg/360px/obs-en-37-09.jpg)

هۊ وخت عيسی آسمانأ فأندرست ؤ بۊگوفت: «پئر ،ترأ شوکر کۊنم کي مرایشتاوی.. من دأنم کي تو هميشک مراگوش دهی ،ولي أنأ هأ مردۊم وأسي کي هأيأ ايسائيد بۊگوفتم، مرأ ايمان بأوريد کي تۊ مرأ اؤسه کۊدي. » بزين صداي بۊلند مرأ بفرماست: « ايلعازر، بيأ بيرون! »

![](https://cdn.door43.org/obs/jpg/360px/obs-en-37-10.jpg)

ايلعازر ،قبر جأ بيرون بأمو!هنو أ تۊمام انی بدنأ کفن واپخته بو. عيسی اؤشأنأ بۊگوفت: «اۊنأ بازأ کۊنيد کی بتأنه راه بشه. »خیلی جه يهۊديان چونکی هأ موجزه يأ بيده بيد، عيسايأ ايمان بأورديد.

![](https://cdn.door43.org/obs/jpg/360px/obs-en-37-11.jpg)

اما يهۊديان^مذهبي سران حسودي بۊکۊديد، پس همديگه دور جمعأ بۊستيد کی عيسی ؤ ايلعازر کوشتن رع نقشه يأ بکشيد.

*انجیل یوحنا فصل ۱۱ آیه های ۱ تا ۴۶*

## 38. ۳۸- خيانت به عيسا

https://openbiblestories.org/l/glk/story-38/

![](https://cdn.door43.org/obs/jpg/360px/obs-en-38-01.jpg)

يهؤديأن هر ساله، پسخ^عيدأ جشن گيفتيد. هأ جشن، يادآور هأن بۊ کي خۊدا صدها سال قبل ،اؤشان پئرانأ جه مصريأن بندگي ؤ اسارت نیجات بدأ بۊ. حدود سه سال بعد عيسی اولين مۊعظه ؤ عمومي تعليم، اۊن خۊ شاگردأن بۊگوفت کي خأئه پسخ عيدأ اورشليم دۊرۊن أشأن مرأ جشن بيگيره. ؤ هاتو اوشان بگفت اؤيأ اونأ کوشیدی.

![](https://cdn.door43.org/obs/jpg/360px/obs-en-38-02.jpg)

يهۊدا ايتأ جه عيسی شاگردان بۊ.اۊن مسئول شاگردأن پول بۊ ؤ چون آدم پول دوستي بۊ هر وختیم هۊ کيسه جه دۊزانه ئي. بعد أنکي عيسی ؤ أوني شاگردأن اورشليمأ فأرسه ئيد، يهۊدا يهؤديأن پیله کاهنان ويرجأ بۊشۊ ؤ اؤشانأ پيشنهاد بدأ کی اگه انأ پول فادید عيسايأ لو دهه. اۊن دأنستي کي يهؤدأن رهبرأن، قوبیل ناشتید کی عيسی هو مسيح ایسه ؤ اؤني قتل نقشه يأ بکشئيد.

![](https://cdn.door43.org/obs/jpg/360px/obs-en-38-03.jpg)

يهؤد مذهبي^سران کی ایتا پيله کاهن اشأنأ رهبري کودی، يهؤدا خيانت واستی کی عیسی اوشان تحویل بدا،اۊنأ سي تا نقره^سکه فأدأئيد. درست هوطو، انبيأ پيشگۊئي منستأن کي بۊگفته بيد. يهؤدا قوبیل بۊکۊد ؤ پۊلأ اؤسادو رادکفت.جه هۊ وخت اۊن ايتأ فرصت ره گردستي تا عيسايأ أشأنأ تسلیم بۊکۊنه.

![](https://cdn.door43.org/obs/jpg/360px/obs-en-38-04.jpg)

عيسی اورشليم دۊرۊن، پسخ^عيدأ خۊ شاگردأن مرأ جشن بيگيفت. پسخ^شام خوردن وخت عيسی نانأ به دستأ گيفت اۊنأ تيکه تيکأ کۊد ؤ بۊگوفت: «فأگيريد،بخورید، أن مي بدن ايسه کي شيمي راه ره فدا به. هأ عملأ به مي ياد بجا بأوريد. » هأتو، عيسی بۊگوفت کي اۊني بدن اۊشانه ره قۊرباني خائه ببه.

![](https://cdn.door43.org/obs/jpg/360px/obs-en-38-05.jpg)

بزين عيسی پياله ئي يأ کي شراب دۊبۊ اؤساد ؤ أشأنأ بۊگوفت«: هأن مي خۊن جديد^عهد دۊرۊن ايسه کي گونايأن آمورزش ره فؤوسته، أنأ بنوشيد. هأ عملأ آینده میان به مي ياد بجا بأوريد.

![](https://cdn.door43.org/obs/jpg/360px/obs-en-38-06.jpg)

بزين عيسی خۊ شاگردانأ بۊگفت: «ايتأ از شۊمان مرأ خيانت کۊنه. »شاگردأن حيرانأ بؤستيد ؤ واروۊرسه ئيد کي هأ کارأ کؤنه. عيسی بۊگفت: « کسي کي من هأ لقمه يأ اۊنأ فأدم، خیانتکاره. »ؤ بزين نانأ يهؤدايأ فأدأ.

![](https://cdn.door43.org/obs/jpg/360px/obs-en-38-07.jpg)

بعد أنکي يهؤدا نانأ اؤسأد، شيطان اؤني دۊرۊن بۊشۊو. اؤن جه اؤيأ بۊشۊ کی يهؤدان^سرانأ کمک بۊکۊنه کی عيسايأ دستگير بۊکۊنه. هأ حادثه شب دۊرۊن اتفاق دکفت.

![](https://cdn.door43.org/obs/jpg/360px/obs-en-38-08.jpg)

بعد انکی غذا بخورده بوبوست،عيسی خۊ شاگردانأ اؤساد ؤ زيتون^کوه طرف بۊشۊئيد.عيسی بۊگوفت : «امشب شوما همتان مرأ تنها نيهيد. چون کيتاب آسماني دۊرۊن بينويشه بۊبۊسته: « چوپانأ زنم ؤ تۊمام گوسفندأن پراکنده بيدي. »

![](https://cdn.door43.org/obs/jpg/360px/obs-en-38-09.jpg)

پطرس بۊگوفت: « حتي اگه همه ترأ ترکأ کۊنيد، من هأ کارأ نۊکۊنم. »عيسی اۊنأ بۊگوفت : «شيطان خأئه شۊمان همه تايا بداره، اما من تره دؤعا کۊنم کی تي ايمان جه بين نشه.باانحال بدأن، امشب، قبل انکی خروس بخأنه ،تو سه وار انکار کۊني کي مرأ شناسي. »

![](https://cdn.door43.org/obs/jpg/360px/obs-en-38-10.jpg)

پطرس عيسايأ بۊگوفت: « حتي اگه بيميرم، ترأ انکار نۊکۊنم. » باقي شاگردانم هأنأ بۊگوفتيد.

![](https://cdn.door43.org/obs/jpg/360px/obs-en-38-11.jpg)

بزین عيسی خۊ شاگردأن مرأ باغ جتسيماني بۊشۊئيد. عيسی خۊ شاگردانأ بۊگفت دؤعا دۊرۊن بئسيدکی شیطان شوماره وسوسه نکونه. بزين عيسی اؤشأنأ ترکأ کۊد ایتا خلوت جا بوشو تاکی دؤعا بۊکۊنه.

![](https://cdn.door43.org/obs/jpg/360px/obs-en-38-12.jpg)

عيسی سه بار هأتۊ دؤعا بۊکۊد: «اي مي پئر، اگه ممکنه، لطفا ايجازه بده جه هأ رنج ؤ زحمت جام ننۊشم. اما اگه راه ديگه ئي آدمأن گونايأن آمورزش ره ننأ، پس تي اراده انجام ببه. »عيسی اؤنقدر فکش فکش^ روحي دچارأ بۊسته بۊ کي اۊني خون عرق منستأن زمين فۊوستي .خۊدا فرشته ئي يأ اؤسه کؤد تا أنأ تقويت بۊکۊنه.

![](https://cdn.door43.org/obs/jpg/360px/obs-en-38-13.jpg)

بعد هر تأ دؤعا ،عيسی خۊ شاگردأن طرف وأگردست ،اما بيده خۊفته ئيد. وختي عيسی سومي بار وأگردست، بۊگوفت : «ويريزيد ،مي هۊ خائن شاگرد أيأ ايسا. »

![](https://cdn.door43.org/obs/jpg/360px/obs-en-38-14.jpg)

يهؤدا يهؤد^رهبران مرأ،سربازأن ؤ پيله جمعيت مرأ بأمؤئيد. اؤشأن شمشير ؤ چۊماق دأشتيد. يهؤدا عيسی طرف بأمۊ ؤ بۊگفت: «سلام اي اۊستاد » ؤ اۊنأ ماچي بدأ. هأن علامتي بۊ کي يهۊدأ مذهبي سرانأ، بفهمأنه. کي کؤيتأ عيسی ايسه ،کی أنأ دستگيرأ کۊنيد. بزين عيسی اۊنأ بۊگفت: يهؤدا، ماچي مرأ ، مرأ خيانت کۊني؟»

![](https://cdn.door43.org/obs/jpg/360px/obs-en-38-15.jpg)

هووخت سربازان ،عيسايأ دستگير بۊکۊديد، پطرس خۊ شمشيرأ فأکشه ؤ پيله کاهن خدمتکار راست گۊشأ واوه. عيسی أۊنأ بگفت: « تي شمشيرأ غلاف بۊکۊن. من تأنم از مي پئر کمک بخایم کی لشگری جا فرشتیان کمک وأسي اؤسه کۊنه. اما من وأسي جه مي پئر ایطاعت بۊکۊنم. » بزين عيسی هۊ مرداک گۊشأ شفا بدهو همه شاگردأن بۊگروختيد.

*انجیل متی فصل ۲۶ آیه های ۱۴ تا ۵۶، انجیل مرقس فصل ۱۴ آیه های ۱۰ تا ۵۰، انجیل لوقا فصل ۲۲ آیه های ۱ تا ۵۳، انجیل یوحنا فصل ۱۸ آیه های ۱ تا ۱۱*

## 39. ۳۹- عيسا محاکمه

https://openbiblestories.org/l/glk/story-39/

![](https://cdn.door43.org/obs/jpg/360px/obs-en-39-01.jpg)

نيمه هاي شب بۊ،سربازأن عيسايأ پيله^کاهن خانه ببرديد تا پيله کاهن اؤنأ واخاست بۊکۊنه. پطرس دورأدور اؤشأنه دۊنبال سر أمؤئي. وقتي عيسايأ خانه دۊرۊن ببرديد ،پطرس بيرون خانه آتش ويرجأ بئسأتا خوره گرم کونه.

![](https://cdn.door43.org/obs/jpg/360px/obs-en-39-02.jpg)

خانه دۊرۊن ،يهۊدأن^رئيسان اؤنأ وازخاست بۊکۊديد. اؤشأن دروغي^شاهدأن بأورديد کي عیسیا ایفترا زادید. اما، اؤشأن گبأن همديگه مرأ ايتأ نۊبۊ، بنا برأن يهؤديأن رهبران نتأنستيد ثابت بۊکۊنيد کي اۊن گۊناهکار ايسه. عيسائم هيچ گبي نزه.

![](https://cdn.door43.org/obs/jpg/360px/obs-en-39-03.jpg)

آخر بسر، پيله^کاهن عيسايأ فأندرست ؤ بۊگوفت: « أمرأ بۊگۊ، تۊ آيا مسيح زنده^خۊدا^پسر ايسي؟»

![](https://cdn.door43.org/obs/jpg/360px/obs-en-39-04.jpg)

عيسی بۊگوفت: «بله أيسم، ؤ ايتأ رۊز مرأ دينيد کي خۊدا راست دس نيشتئم جه آسمان زمينأ وأگردم. »ايدفأ پيله^کاهن ،غضبناک بوبوست ،خۊ رختأ پارأ کۊد اجگراه امرا سران مذهبی رهبران بۊگفت: « کفر گه امأن دٔ نيازي به شاهدأن ناريم .همه تأن بيشتوستيد کي اۊن بۊگوفت من خۊدا پسر ايسم چي رأي ديهيد؟»

![](https://cdn.door43.org/obs/jpg/360px/obs-en-39-05.jpg)

يهؤدأن مذهبي رهبران همه تأن جواب بوگفتید: «اۊن سزاوار مرگ ايسه» بزین عيسی چومأنأ دوستيد، ؤ أۊني ديمأ فيلي فۊکۊديد، ؤ اۊنأ بزئيد ؤ مسخره بۊکۊديد.

![](https://cdn.door43.org/obs/jpg/360px/obs-en-39-06.jpg)

خانه بیرون پطرس عیسی رافاایسابو. ايتأ کنيز اؤنأ بيده ؤ اؤنأ بۊگوفت: « تۊنم عيسا مرأ بي ». پطرس انکار بۊکۊد. ايپچه بعد ايتأ کنيز ديگه هأ حرفأ اۊنأ بزه. آخر سر، کسائي کي اؤيأ ايسأ بيد اؤنأ بۊگوفتيد : «تۊ حتما ايتأ جه عيسی شاگردأن ايسي،چون توهم جليلي ايسه».

![](https://cdn.door43.org/obs/jpg/360px/obs-en-39-07.jpg)

بزين پطرس قسم بۊخۊرد ؤ بۊگوفت : «خۊدا مرأ لعنت بۊکۊنه اگه هأ مردأکأ بشنأسم ». هووخت خروس بخأند ؤ عيسا وأگردست پطرسأ فأندرست.

![](https://cdn.door43.org/obs/jpg/360px/obs-en-39-08.jpg)

بزين پطرس جه خانه حياط بيرون بۊشۊ ؤ زار زار گريه بۊکۊد. خائن^يهؤدا بيده يهؤدي رهبران عيسايأ به مرگ محکۊم بۊکۊديد غم ؤ ماتم اؤنأ بيگيفت ؤ خؤرأ بۊکۊشت .

![](https://cdn.door43.org/obs/jpg/360px/obs-en-39-09.jpg)

او روزان میان پیلاتس رومی فرماندار یهودا را بو. يهؤديأن^سران عیسی اون ويرجأ ببرديد. اؤشأن اميدوار بيد کي پيلاتۊس عيسايأ گۊناهکار بدأنه ؤ اؤنأ به مرگ محکوم بۊکۊنه. پيلاتۊس عيسايأ واۊرسه: « تو آيا يهؤد پادشاه أيسي؟

![](https://cdn.door43.org/obs/jpg/360px/obs-en-39-10.jpg)

عيسی جواب بدأ: « هأتۊ أيسه کي تۊ گي، اما مي پادشاهي مثل دونیاییي پادشاهي نيه.اگه هأتۊ بۊ، مي پيروان جنگستيد. اما من ها جهان بأمۊم کی حقيقتأ درواره خۊداهمتان بگم.تۊمام کسائي کي حقيقتأ دوست دأريد می جأ گوش کۊنيد.» پيلاتۊس واورسه: «حقيقت چيسه؟»

![](https://cdn.door43.org/obs/jpg/360px/obs-en-39-11.jpg)

بعد پيلاتۊس ؤ عيسی بگۊ بيشتاو، اۊن بۊشۊ بيرون ؤ جمعيت ميأن بۊگوفت: «من گۊناهي در هأ شخص نيأفتمکی سزاش مرگ ببه. »اما يهؤديأن سران ؤ جمعيت ایجگره بزئید: «مصلؤبأ کۊنيد. »پيلاتۊس جواب بدأ : «اۊن گۊناهکار نيه. »اما اؤشأن أيبار بلندتر ایجگره بزئيد. بزين پيلاتۊس سومي بار بۊگوفت: «اۊن گۊناهکار نيه. »

![](https://cdn.door43.org/obs/jpg/360px/obs-en-39-12.jpg)

اما پيلاتۊس بترسه کي شورش ببه، هن وأسي موافقت بۊکۊد ؤ عيسايأ خۊ سربازان بسپارد کی اؤنأ مصلۊب بۊکۊنيد. رومي سربازأن عيسايأ شلاق بزئيد ؤ سلطنتي ردا اؤنأ دۊکۊديد ايتأ خاري^تاج اۊني سر بنأئيد. بزین رخشن مرا گوفتید: « زنده باد يهؤد^پادشاه ».

*انجیل متی فصل ۲۶ آیه ۵۷ و فصل ۲۷ آیه ۲۶، انجیل مرقس فصل ۱۴ آیه ۵۳ تا فصل ۱۵ آیه ۱۵، انجیل لوقا فصل ۲۲ آیه ۵۴ تا فصل ۲۳ آیه ۲۵، انجیل یوحنا فصل ۱۸ آیه ۱۲ تا فصل ۱۹ آیه ۱۶*

## 40. ۴۰- عيسی مصلوب بستن

https://openbiblestories.org/l/glk/story-40/

![](https://cdn.door43.org/obs/jpg/360px/obs-en-40-01.jpg)

بعد أن کي سربازأن عيسايأ رخشن گیفتید، اۊنأ بيرون ببرديد کی مصلوب بۊکۊنيد. اؤشأن اؤنأ وادار بۊکۊديد کی خؤ صليبأ کؤلأ گيره تا باواره.

![](https://cdn.door43.org/obs/jpg/360px/obs-en-40-02.jpg)

سربازأن عيسايأ ببردید ايتأ جأ بنامِ جلجتا(سر^جمجمه) ؤ اؤني دست ؤ پايأ بصليب ميخ بزئيد. اما عيسی بۊگفت: «اي پئر! هأ مردؤمأ ببخش، چون کي نأنيدچي کارأ دريد». پيلاتۊس دستور بدأ اؤني سر جؤر ايتأ کتیبه بنأئيد کي اؤن رو بينويشته بۊ:أن يهؤد پادشاه ايسه.

![](https://cdn.door43.org/obs/jpg/360px/obs-en-40-03.jpg)

سربازأن عيسی رختِ سر قورعه تأودأئيد. وقتي اؤشأن هأ کارأ بۊکۊديد هۊ مقدس^کيتاب^پيشگۊئي راست بۊبۊست کي گه: «مي رختأنأ خؤشأن ميأن سهم کۊنيد ؤ مي ردا سر قورعه تأوديد».

![](https://cdn.door43.org/obs/jpg/360px/obs-en-40-04.jpg)

سربازان هووخت دوتا دوزد مصلوب کودابید و عيسی صلیب او دۊتأ ميأن بنایید. ايتأ جه اؤشأن عيسايأ مسخره بۊکۊد، اما اؤيتأ اؤنأ بۊگفت : «آيا تۊ خۊدايأ نترسي؟ أمئن گۊناهکاريم اما هأ شخص بيگۊناهه » .بزين عيسايأ بۊگفت: « اي عيسی! مرأ تی پادشاهی ميان بخاطر بأور » .عيسی جواب بدأ: « تۊ هأ ایمرۊز مي مرأ بهشت دۊرۊن خأئي ايسأن».

![](https://cdn.door43.org/obs/jpg/360px/obs-en-40-05.jpg)

يهؤديأن^مذهبي^سرأن ؤ جمعيتي کي اؤيأ ايسأبيد عيسايأ رخشنأ گيفتيد: « اگر تو خۊدا پسر ايسي صليب جأ بجير بيأ ؤ ترأ نیجات بده!بزين أمئن ترأ ايمان أوريم. »

![](https://cdn.door43.org/obs/jpg/360px/obs-en-40-06.jpg)

گرچه ظهر موقع بو،اما سرتاسر او کوگاه آسمان تاريکأ بۊست. هأ تاريکي محض تا سه ساعت ادامه پيدا بۊکۊد.

![](https://cdn.door43.org/obs/jpg/360px/obs-en-40-07.jpg)

هأ زمان دۊرۊن عيسا بولند^صدا مرأ ایجگره بزه: «تمام بوبوست.اي پئر مي روحأ تي دس ايسپأرم ».بزين خۊ سرأ بجیرأ کۊد ؤ جان بدأ. وقتي اؤن جان بدأ هؤ وقت زمين لرزه ایتفاق دکفت ؤ ايدفأ خۊدا^خانه^ پیله پرده، کي معبد مقدس ترين جا نهأبۊ ؤ آدمانأ جه خۊدا حضور جۊدا کۊدي(قدس القداس)، جه بۊجۊر تا بيجير پارأ بؤ و دونیمه بوبوست.

![](https://cdn.door43.org/obs/jpg/360px/obs-en-40-08.jpg)

عيسی خۊ مرگ مرأ رايأ وازأ کۊد کی مردۊم بتأنيد خۊدا طرف بأئيد. وختي رومي^افسر صليب پا جیر ها تفاقان بيده، بۊگفت: «راس راسي کي هأ مردأي بيگۊناه بۊ. اۊن خۊدا پسر بؤ. »

![](https://cdn.door43.org/obs/jpg/360px/obs-en-40-09.jpg)

بزين دونفرجا یهودپیله کس، یعنی نيقوديموس ؤ يوسف کی ایمان باورده بید،کی عیسی هو مسیح موعود ایسا، پيلاتوس ويرجأ بۊشۊئيد ؤ عيسی جسدأ بخأسته. اؤشأن اؤني جسدأ کتاني^پارچه مرأ واپخته بید ؤ سنگي^قبره دۊرۊن بنأئيد ؤ ايتأ پيله سنگ هم قبر در جولو کي غارأ منستأن بؤ بغلتأنئيد کی دوسته ببه.

*کتاب انجیل متی باب ۲۷ آیه‌های ۲۷ تا ۶۱، کتاب انجیل مرقس باب ۱۵ آیه‌های ۱۶ تا ۴۷، کتاب انجیل لوقا باب ۲۳ آیه‌های ۲۶ تا ۵۶، کتاب انجیل یوحنا باب ۱۹ آیه‌های ۱۷ تا ۴۲*

## 41. ۴۱- خۊدا عيسايأ جأ مرده يأن ويريزأنه

https://openbiblestories.org/l/glk/story-41/

![](https://cdn.door43.org/obs/jpg/360px/obs-en-41-01.jpg)

بعد أنکي سربازأن عيسايأ مصلوب بۊکۊديد، يهؤديأن قۊم پیله سران پيلاتوس ويرجأ بۊشۊئيد ؤ بۊگفتيد: « عيسی فريبکاری مرا بۊگوفت کي سه رۊز بعد مؤرديأنأ جأ ويريزه. اینفر واسی قبرأ تا سه رۊز بپأیه کی مطمئن ببه کي اؤني شاگردأن نتأنيد بأئيد ؤ اؤني جسدأ بۊدۊزأنيد ،ؤ ادعا بۊکۊنيد کي اؤن زنده بۊبوسته و جا موردیان جا ویرشته. »

![](https://cdn.door43.org/obs/jpg/360px/obs-en-41-02.jpg)

پيلاتوس بۊگفت : «سربازأنأ اۊسأنيد ؤ قبرأ کاملا بپأئيد. »بنا بر أن اؤشأن بۊشۊئيد ؤ پيله سنگ قبر ورودي درأ مهر ؤ موم بۊکۊديد ؤ چندتأ سربازأ اؤيأ پاستن وأسي بنأئيد، کی هيکس نتأنه جسدأ بۊدۊزأنه.

![](https://cdn.door43.org/obs/jpg/360px/obs-en-41-03.jpg)

رۊز بعد جا عيسی دفنأ کۊدن، شباترۊزبوکی کارکودن ممنوع بو،هیکس جا عیسی رفیقان ايجازه نأشتید کی قبر سر بيشيد. فردای صبح دمِ، چنتأ جه زنأکأن آماده بوبوستید کی عيسی قبرسربشید تا عيسی جسدأ معطرأ کۊنيد.

![](https://cdn.door43.org/obs/jpg/360px/obs-en-41-04.jpg)

قبل جا آنکی زناکان اویه فارسید، ايدفأ پیله زیمين لرزه تفاق دکفت. ايتأ فرشته جه آسمان بيجير بأمۊ ؤ قبر سنگأ ور بۊشۊ ؤ اؤنأ ايتأ کنار بغلتأنه ؤ اۊن سر بينيشت. اُو فرشته جه ماه آسمانی منستان برق زای.نگهبانأن اؤن دئن مرأ خيلي بترسئيد ؤ بلرزستيد ؤ بمرده يأن منستأن بيحرکت زمين سر بکفتيد.

![](https://cdn.door43.org/obs/jpg/360px/obs-en-41-05.jpg)

وختي کي زنأکأن قبرأ فأرسئيد، فرشته اؤشأنأ بۊگوفت: « نترسيد !عيسی ايأ نئسأ. اۊن مرده يأن جأ ويريشت درست هۊتۊ کي بۊگفته بۊ. قبر دۊرۊنأ فأندريد. » زنأکأن قبر دۊرۊنأ فاندرستیدی ؤ جائي کي عيسی پيکرأ اۊيأ بنأبيد، بيدئيد ولي جسدي نيأفتيد.

![](https://cdn.door43.org/obs/jpg/360px/obs-en-41-06.jpg)

هۊوخت فرشته زناکأنأ بۊگوفت: «بيشيد ؤ شاگردأنأ بيگيد کي عيسی مؤرده يأن جأ ويريشت ؤ قبل شۊما شه جليل . »

![](https://cdn.door43.org/obs/jpg/360px/obs-en-41-07.jpg)

زناکأن کي هم ذوق کودید ؤ همم ترسئيد، شاگردان ور بۊشۊئيد کی خۊش^خبرأ اؤشأنأ فارسأنيد.

![](https://cdn.door43.org/obs/jpg/360px/obs-en-41-08.jpg)

در هأ بین زنأکأن دۊوستأنديبيد کی هأ خۊش خبرأ شاگردأنأ فأديد ،ايدفأ عيسايأ خؤشأن جلو بيدئيد ؤ أوني پا سر بکفتيد کی اؤنأ بپرستيد. عيسی بۊگوفت : «نترسيد !بيشيد ؤ مي شاگردأنأ بيگيد کي جليل بيشيد ؤ مرأ اؤيأ دینیدی. »

*کتاب انجیل متی باب ۲۷ آیه ۶۲ تا باب ۲۸ آیه ۱۵؛ کتاب انجیل مرقس باب ۱۶ آیه‌های ۱ تا ۱۱؛ کتاب انجیل لوقا باب ۲۴ آیه‌های ۱ تا ۱۲؛ کتاب انجیل یوحنا باب ۲۰ آیه‌های ۱ تا ۱۸*

## 42. ۴۲- عيسی وأگردستن به آسمان

https://openbiblestories.org/l/glk/story-42/

![](https://cdn.door43.org/obs/jpg/360px/obs-en-42-01.jpg)

رۊزي کي خودا عيسی جه مؤرده يأن ويرزانه، دونه جه عیسی شاگردأن ايتأ جه نزديک^شهرأن شؤندبيد، ؤ راه دۊرۊن اوچی کي عيسی ره اتفاق دکفته بۊ گب زئنديبيد. اؤشأن اميد دأشتید کي اؤن هۊ موعود^مسيح ببه،. هسأ زناکأن گفتيد کي عيسی دوواره زنده بۊبۊسته،اما شاگردان نأنستيد چيأ وا باور بۊکۊنيد.

![](https://cdn.door43.org/obs/jpg/360px/obs-en-42-02.jpg)

عيسی شاگردان نزديک بۊسته و اَوشأن مرأ گب بزه اما اؤشأن اؤنأ نشنأختيد.عيسی اؤشأنی جأ وأوۊرسه درباره چي گب زئندريد. اؤشأن عيسايأ بۊگوفتيد درباره اتفاق عجيبي گب زئندريم کي چند رۊز پيش ،عيسی ره اتفاق دکفت. اؤشأن گومان کۊديدعیسی ايتأ غريبهء و ماجرائي کي اۊرشليم دۊرۊن تفاق دکفته بو بي خبره.

![](https://cdn.door43.org/obs/jpg/360px/obs-en-42-03.jpg)

بزين عيسی اؤشأن ره واشکافت ، کي خۊدا^کلام راجب به مسيح چي بۊگفته بۊ. اؤن اۊشأنأ يادآوري بۊکۊد کي پيغمبران بۊگفته بيد کي مسيح زجر کشه ؤ کوشته به، اما سومي رۊز زندأ به.

![](https://cdn.door43.org/obs/jpg/360px/obs-en-42-04.jpg)

وختي اؤشأن شهر نزديکي فأرسه ئيد ، تقريبا شب بۊبۊسته بۊ. اوشان عيسی جأ بخواستید کي شبأ اؤشان مرأ بئسه، اون اوشان مرع ایتا خانه میان بوشوید. وقتي شام^سفره سر نيشته بيد، عيسی نانأ اۊساد ؤ شوکرگزاري بۊکۊد ؤ اؤنأ پارأ کۊد. ايدفأ اؤشان چومان وازأ بۊست ؤ فوري اؤنأ بشنأختيد .ولي هۊ وخت عيسی جه اؤشأن نظر غیبه بۊست.

![](https://cdn.door43.org/obs/jpg/360px/obs-en-42-05.jpg)

اؤشأن دوتأ کس کسأ بۊگوفتيد: « اؤن عيسی بۊ،ؤ هن وأسي أمي ديل تراپ تراپ دکفت ؤ به هيجان دکفتيم وقتي اؤن مقدس^کيتاب مطلبأ امره شرح دائي. »بزين سريع به اۊرشليم وأگردستيد ؤ وقتي کي فأرسئيد، شاگردأنأ بۊگوفتيد: « عيسی زنده ايسه! امئن اؤنأ بيده ئيم. »

![](https://cdn.door43.org/obs/jpg/360px/obs-en-42-06.jpg)

هۊ وقت کي گب گب زئندئبيد، ايدفأ عيسی أشأن ميان ظاهربو ؤ بۊگوفت : «شؤمأرأ سلام باد! » شاگردأن فکر بۊکۊديد کي روح دئندريد، اما عيسی بۊگفت : «چره بترسئیدی ! ؤ شک دأريدیکی من عیسی ایسام؟ مي دس ؤ پايأ بيدينيد، روح مي منستأن جان نأره . »چونکي اؤشأنأ نيشان بده کي روح نيه ، اؤشأنی جأ بخأست ايچي فأديد کی بۊخۊره. اؤشأن أيپچه بپخته ماهي اؤنأ فأدأئيد ؤ عيسی اؤنأ بۊخۊرد.

![](https://cdn.door43.org/obs/jpg/360px/obs-en-42-07.jpg)

عيسی بۊگفت : «من شۊمارأ بۊگوفتم کي هر چي خۊدا کلام دۊرۊن در باره من گفته بۊبۊسته، وأسي هوتو ببه». بزين عیسی اوشان یاورفاده کی خۊدا کلام درک بۊکۊنيد. اؤن بۊگوفت : «جه قديم ايام، انبيأ کيتابأن ميان بينويشته بۊبۊسته بۊ کي موعو^مسيح وأسي رنج ؤ زحمت بيدينه، خۊ جانأ فدا بۊکۊنه ؤ سومي رۊز زندأ به.»

![](https://cdn.door43.org/obs/jpg/360px/obs-en-42-08.jpg)

«هاطویم انبیا بينويشتدی کي مي شاگردأن خودا کلام اعلان کۊنيدي و همه کس گیدی توبه بکونید.هرکی توبه بوکونه،خودا اونی گونایان بخشه. می شاگردان هأ کارأ اورشليم جه شروع کونیدی ،بزين همتا قۊمأن همه جأ خأئيد شۊن. شؤمأن شاهد می گبان ایسیدی، و تمامی تفاقاتی کی مرع دکفته. »

![](https://cdn.door43.org/obs/jpg/360px/obs-en-42-09.jpg)

عيسی چهل رۊز بعد جه زنده بۊستن مرگ جأ، بارها خۊرأ شاگردان نیشأن بدأ. اؤن حتا ايبار هم زمان ويشتر جه ۵۰۰ نفرأ خؤرأ نيشان بدأ. اؤن راه يأن مختلف مرأ خؤ شاگردأنأ ثابت بۊکۊد کي واقعن زندأ بۊبۊسته ؤ هأ مدت أشأنآ درواره خۊدا^ملکۊت تعليم بدأ.

![](https://cdn.door43.org/obs/jpg/360px/obs-en-42-10.jpg)

عيسی خۊ شاگردأنأ بفرماست: «خودا تۊمام اختيارأن زمين ؤ آسمان ميأن مرأ فأدأ. بنابرأن بيشيد ؤ تۊمام قۊمانأ مي شاگرد چأکۊنيد ؤ اؤشأنأ بنام پئر، ؤ پسر ؤ روح القدس تعميد بديد ؤ اؤشأنأ تعليم بديد کي چۊتۊ تۊمام دستۊراتي کي شۊمارأ فأدأم ایطاعت بۊکۊنيد. بخاطر بدأريد کي من هميشه شيمي مرأ ايسأم. »

![](https://cdn.door43.org/obs/jpg/360px/obs-en-42-11.jpg)

چهل رۊز بعد أنکي عيسی جه مرده يأن ويريشت خۊ شاگردانأ بفرماست : «اۊرشليم دۊرۊن بئسيد تا مي پئر روح القدس شومارأ اوسا کونه،تا قدرت بگیرید. » بعد اۊن ،عيسی اؤشأن چوم جولو آسمانِ بجور بۊشۊ ؤ ايتأ ابر ميان گؤمأ بۊ. عيسی خۊدا راس دس بينيشت کی همه چي يأ حکومت بۊکۊنه.

*کتاب متی باب ۲۸ آیه‌های ۱۶ تا ۲۰؛ کتاب مرقس باب ۱۶ آیه‌های ۱۲ تا ۲۰؛ کتاب لوقا باب ۲۴ آیه‌های ۱۳ تا ۵۳؛ کتاب یوحنا باب ۲۰ آیه‌های ۱۹ تا ۲۳؛ کتاب اعمال باب ۱ آیه‌های ۱ تا ۱۱*

## 43. ۴۳- به شروع کلیسا

https://openbiblestories.org/l/glk/story-43/

![](https://cdn.door43.org/obs/jpg/360px/obs-en-43-01.jpg)

بعد أنکي عيسی آسمانأ واگردست، شاگردان هؤتؤ کي دستور بدأ بۊ، اۊرشليم دۊرۊن بئسائيد. ايمان دارأن مورتبن همدیگه مرأ جمعأ بؤستيد تا دؤعا بوکونید.

![](https://cdn.door43.org/obs/jpg/360px/obs-en-43-02.jpg)

يهؤديأن هر سال ايتأ مهم رۊزأ جشن گيفتيد کي پنتيکاست بنامسته بید کی مصادف بو با پنجاه رۊز بعد جه پسخ^عاید. پنتيکاست شوکرگزاري^عاید جه بجور اوردن گندم محصول بو. اوشان جه سرتاسر دۊنيا اۊرشليم أموئيد کی هأ جشنأ ايجائي جشن بيگيريد. هأ سال دوران، پنتيکاست جشن ،حدود يک هفته بعد عيسی آسمان جور شون بؤ.

![](https://cdn.door43.org/obs/jpg/360px/obs-en-43-03.jpg)

وختي همتا ايماندارأن همديگه مرأ جمعا بۊسته بيد، ايدفأئي ايتأ صدا تند باد گنستن منستأن هؤ خانه هؤا ميانبشتاوسید.. بزين ايچي آتش^شعله منستأن اؤشأن سر آلاو بيگيفت. بزين همه تأن روح القدس جأ پورا بؤستيد. ؤ شروع بوکودید گب زئن بزبانهائي کي هیوخت اؤشأن مرأ آشنا نيبيدخودای پرستش بوکودید. روح القدس بو کی اع قوت گب زانه اوشان فادا بو.

![](https://cdn.door43.org/obs/jpg/360px/obs-en-43-04.jpg)

وختي مردومی کی اۊرشليم باموبید، هأ صدايأ بيشتأوستيد ،همديگه مرأ جمعأ بۊستيد تاکی بيدينيد چي اتفاقي دکفته. اوشان بشتاوسیدی کی ایمانداران خودا عجیب و پیله کاران اعلان کوداندرید.اوشان هنه واسی قاق بوبوستابید،چونکی اوشان گبان فامستیدی .خوشان مملکت میان مردم زوان ایچه دیگه بو .ولی شاگردان ایسراییل شین بید و فقط تانستید به زوان های آرامی،عبرانی و یا یونانی گب بزنید.اما اشتاوستید کی شاگردان به اوشان ماري^زوان مرأ خودا کاران اعلام کۊداندريد .

![](https://cdn.door43.org/obs/jpg/360px/obs-en-43-05.jpg)

بعضیان گوفتید شاگردان مست بوبوستید .اما پترس بیسا و اوشان بگفت: «گوش بکونید!هان هو پیشگویی یوئیل نبی ایسه کی خودا بگفته بو: «روزهای آخر میانی،می روح همتان بشر رو فوکونم. »

![](https://cdn.door43.org/obs/jpg/360px/obs-en-43-06.jpg)

«اي ایسرائيل^قۊم،عیسی شخصی بو کی با عجایب کاران خواستی خودش امر بشناسانه.اون خودا قوت امر اجور عجایب کار کودی. هۊتۊ کي دأنيد، ؤ شاهد بيد، اما اۊنأ بصليب بکشئيد. »

![](https://cdn.door43.org/obs/jpg/360px/obs-en-43-07.jpg)

«عيسی اگه چی بمرده، ولي خۊدا اؤنأ دوواره مؤرده يأن جأ زندأ کۊد. أن هۊ پیامبرپيشگۊئي ايسه کي گه: تو ولاني کي تي مقدس زأکه بدن فاسدأ به .امأن شاهد هأ حقيقت ايسيم کي خۊدا عيسايأ مرده يأن جأ ويريزأنه».

![](https://cdn.door43.org/obs/jpg/360px/obs-en-43-08.jpg)

خودای پئر،عيسای الأن آسمان دۊرۊن بهترین افتخار^جايگاه یعنی خو راست بال سر بينیشانه. عيسی هۊتۊ کي وعده بفرماسته بۊ روح القدسأ^ امرا اوسا کوده .. روح القدس دليل چيزائي ايسه کي امرو شۊمان أني نتيجأ يأ دينيدویا اشتاوید.

![](https://cdn.door43.org/obs/jpg/360px/obs-en-43-09.jpg)

شۊما عيسايأ به صليب سر فأکشاید، ولي مطمئن بيبيد کي خۊدا اؤنأ، خۊداؤند ؤ مسيح تعيين بۊکۊده. »

![](https://cdn.door43.org/obs/jpg/360px/obs-en-43-10.jpg)

پطرس گبان مردۊما تحت تأئير بنأ .هن وأسي جه اۊن ؤ الباقي شاگردانأ وأوۊرسه ئيد: «اي برارأن، هسأ چي وا بۊکۊنيم؟»

![](https://cdn.door43.org/obs/jpg/360px/obs-en-43-11.jpg)

پطرس جواب بدأ: « هر تأ جه شۊماهان نیاز دارید تا خۊدا شيمي گنايأ نأ ببخشه. بزین توبه بکونید ؤ بنام مسيح^عيسی تعميد بيگيره. بازون خۊدا روح القدس هديه يأ شۊمارأ فأده. »

![](https://cdn.door43.org/obs/jpg/360px/obs-en-43-12.jpg)

تقريبا ۳۰۰۰ نفر پطرس گبانأ ايمان بأورديد ؤ عيسی شاگرد بۊبۊستيد. اؤشأن آب مرأ تعميد بيگيفتيد ؤ ايمانداران جمعأ اۊرشليم کليسا دۊرۊن بپيوستيد.

![](https://cdn.door43.org/obs/jpg/360px/obs-en-43-13.jpg)

هۊ شاگردأن هو تعاليمي کي رسولأن دأئيدگوش کودید .ؤ با هم غذا خوردید ؤ دؤعا کوید.الباقي ايمانداران مرأ مرتب خودای پرستش کوید . ؤ هر چي دأشتيد همدیگه مرأ سهم کۊديد. مردۊم درواره اؤشأن جا خرمی گب زئيد ؤ هر رۊز عده ویشتری ایمان آوردید.

*کتاب اعمال رسولان فصل ۱ آیه ۱۲ تا ۱۴ و فصل ۲*

## 44. ۴۴- پطرس ؤ يوحنا ايتأ گدايأ شفا ديهيد

https://openbiblestories.org/l/glk/story-44/

![](https://cdn.door43.org/obs/jpg/360px/obs-en-44-01.jpg)

ايتأ رۊز پطرس ؤ يوحنا پرستشگاه طرف شؤنديبيد. دروازه ورجأ، ايتأ چولاق مرداکأ بيده ئيد کي گدایی کودی.

![](https://cdn.door43.org/obs/jpg/360px/obs-en-44-02.jpg)

پطرس هۊ چولاق^مردأکأ فندرست ؤ بۊگوفت: «من هيچ پولي نأرم کي ترأ فأدم. اما اؤنچي دأرمأ ،ترأ فأدم. عیسایه^مسیح ،نام مرأ ويريز ؤ راه بۊشۊ! »

![](https://cdn.door43.org/obs/jpg/360px/obs-en-44-03.jpg)

خۊداؤند فوري هۊ مردأکأ شفا بدأ ؤ اۊن شروع بۊکۊد راه شؤن ؤ اؤشان دور خوشحالی کودی ؤ خۊدایأ شوکرگزاري کودی.مردۊمي کي پرستشگاه حياط ايسأبيد، قاق بوبوستید.

![](https://cdn.door43.org/obs/jpg/360px/obs-en-44-04.jpg)

خیلی آدمأن جمعأ بۊستيد ؤ هۊ مردأکأ کي شفا بيأفته بۊيأ بيدينيد. پطرس هۊ جماعتأ بۊگوفت: «چره جه هأ مردأک شفا يأفتن انقدر قاق نیبید. امأن خۊدمان دينداري یا قدرت مرأ اونأ شفا ندائيم. بلکی عيسی قدرت ؤ ايماني کي عيسی عطا بۊکۊده بۊاۊنأ شفا بدأ،چونکی امان اون باور و ایمان داریم. »

![](https://cdn.door43.org/obs/jpg/360px/obs-en-44-05.jpg)

«شۊمان کسائي ايسيد کي رومي^فرماندارأ بخأستيد عيسايأ بۊکۊشه. شۊمان اونی کی همکس زنده کودی بۊکۊشتيد، اما خۊدا اۊنأ جا موردیان زندأ کۊد .گرچی شۊمان نأنستيد چي کوداندرید،خۊدا جه شيمي کار استفاده بۊکۊد کی کیتاب مقدس پيشگۊئيأ عملي بۊکۊنه کي بۊگفته بۊ مسيح وأسي عذاب بکشه ؤ بيميره. پس هسأ تۊبه بۊکۊنيد ؤ خۊدا ور وأگرديد کی شيمي گؤناه پاکأ به. »

![](https://cdn.door43.org/obs/jpg/360px/obs-en-44-06.jpg)

وختی پرستشگاه پیلتران پطرس ؤ يوحنا گب بشتاوسیدی خشمگينأ بۊستيد. بزین اؤشأنأ بيگيفتيد ؤ زندان تأودأئيد. اما خيلي جه أۊشأن کي پطرس پيغامأ بيشنأوسته بيد، ايمان بأورديد ؤ ايمانداران تعداد ۵۰۰۰ نفر فأرسه.

![](https://cdn.door43.org/obs/jpg/360px/obs-en-44-07.jpg)

رۊز بعد ،يهۊد^سران ،پطرس ؤ يوحنايأ پيله کاهن ؤ أني همکاران ويرجأ بأورديد. اؤشأن پطرس ؤ يۊحنايأ وأوۊرسه ئيد: « چي قدرتي مرأ چولاق مردأکأ شفا بدأئيد؟»

![](https://cdn.door43.org/obs/jpg/360px/obs-en-44-08.jpg)

پطرس جواب بدأ: « هأ مرد عيسا^مسيح قدرت مرأ شفا بيأفت ؤ شيمي جؤلؤ ايسأ. شۊما عيسايأ بصليب فأکشید، اما خۊدا اؤنأ دوواره زندأ کۊد! شۊمان اؤنأ قوبیل نۊکۊديد ،اما راه ديگه ئي رستگار بؤستن ره وجود نأره، بغیرز عيسی قدرت! »

![](https://cdn.door43.org/obs/jpg/360px/obs-en-44-09.jpg)

پیله رهبران مذهبی جا نترسی پطرس و یوحنا مات ؤ مبهؤت بمأنستيد، چون دئيد کي اؤشأن افراد بيسواد ؤ معمولي ايسيد. بزين بخاطر أورديد کي هأ مردأکأن عيسی مرأ بيد. بزین اوشأن بگفتید: «اگر دواره در مورد عیسی مردوم رع گب بزین بدجوری شمره زنیم .»بعد أنکي پطرس ؤ يوحنايأ بترسانید،آزادأ کۊديد.

*کتاب اعمال رسولان فصل ۳ و فصل ۴ آیه ۲۲*

## 45. ۴۵- اِستیفان ؤ فیلیپُس

https://openbiblestories.org/l/glk/story-45/

![](https://cdn.door43.org/obs/jpg/360px/obs-en-45-01.jpg)

ايتأ جه رهبراي کليساي اۊليه ،استیفان نامی بو کی همتان اون ایحترام نایید. جه روح القدس ؤ حکمت پؤر بؤ.استيفان موجزات زيادي انجام بدأ ؤ خایلیان اون گبان واسی عيسایأ ايمان بأوريد.

![](https://cdn.door43.org/obs/jpg/360px/obs-en-45-02.jpg)

ايتأ رۊز کي استيفان تعليم در واره عيسايأ مشغول بۊ ،بعضیأن جه يهؤديأن کي عيسا یأ ايمان نأشتيد، شروع بۊکۊديد استيفان مرأ بحث ؤ جدل کۊدن. اؤشأن خيلي خشمگين بۊبۊسته بيد ؤ مذهبي رهبرانأ درواره استيفان دۊرۊغ بوگوفتيد: « أمأن بيشتأوستيم کي اؤن درواره مۊسا ؤ خدا، پليد گباني بزه. » بزین دين^رهبران، استيفانأ بیگیفتید ؤ اؤنأ پيله کاهن ؤ الباقي يهؤدي رهبران ويرجأ بأورديد. جايي کي دۊرۊغي شاهدان درباره اؤن ويشتر دۊرۊغ گفتيد.

![](https://cdn.door43.org/obs/jpg/360px/obs-en-45-03.jpg)

پيله^کاهن استيفانأ واوۊرسه: « آيا هأ چيزأنی که مردوم گیدی حقيقت دأره؟ »استيفان جاخاطر جواب دان او سوال، گبان زیادی پیله کاهن بگفت.اون پيله^کارائي کي خۊدا جه ایبرايم زمان تاکی عيسی دوران، وپیله کارای کی خودا یهودیان ره انجام بدأ بؤ، ؤ أن کي چۊتۊ خۊدا قۊم بارأ اؤنأ نا ایطاعتي بۊکۊده بيد.استیفان اؤشأنأ بۊگوفت: « شۊمأ اي گردنکش ؤ عصيانگر^قۊم ایسید. هميشه روح القدسأ ردأ کۊديد، دروس هۊتۊ کي شيمي پئرأن هميشه خۊدايا ردأ کۊديد ؤ اؤني انبيأيأ بۊکۊشتيد. اما شۊمأن کار بدتري بۊکۊديد، شۊمأ موعود^مسيحأ بۊکۊشتيد!»

![](https://cdn.door43.org/obs/jpg/360px/obs-en-45-04.jpg)

وقتي کي مذهبي^رهبرأن هأ گبانأ بيشنأوستيد خيلي خشمگين بۊبۊستيد، خؤشأن گؤشانأ بيگيفتيد ؤ ایجگره بزئيد. اؤشأن استيفانأ ببرديد بيرون شهر ؤ اؤنأ سنگسار بۊکۊديد کی بيميره.

![](https://cdn.door43.org/obs/jpg/360px/obs-en-45-05.jpg)

استيفان جان دهن زمات ایجگره بزه: «اي عيسی! مي روحأ قوبیل بۊکۊن. »بعد زانو بزئه ؤ دۊواره ایجگره بزه: « اي خوداوند! هأ گؤنايأ أشأنأ ره نيگير» ؤ بزين جان بدأ.

![](https://cdn.door43.org/obs/jpg/360px/obs-en-45-06.jpg)

هۊ رۊزخيلي جه اۊرشليم^مردۊم شروع بۊکۊديد عيسی پيرۊوانأ اذيت کۊدن ؤ ايمانداران الباقي جايأن بوگریختید ، اما باآنهمه تفاقات، اؤشأن هرجا کي شؤئيد درواره عيسی مؤعظه کۊديد.

![](https://cdn.door43.org/obs/jpg/360px/obs-en-45-07.jpg)

ايتأ جه عيسی شاگردأن بنام فيليپس بهمراه دیگر ایمانداران، جفا زمات اۊرشليم جه بۊگرؤخته بۊ. اۊن بؤشۊ سامره ،ؤ اؤيأ درواره عيسی مۊعظه بۊکۊد ؤ خيلي جه اؤيأ مردۊمأن نیجات بيأفتيد. بزين ايتأ رۊز، ايتأ فرشته جه خۊدا طرف فيليپسأ بۊگوفت کی بشه ايتأ جاده بيابان دۊرۊن . وختي هۊ جاده دۊرۊن ايسأ بۊ، ايتأ جه حبشه مهم موقاماتأ بيده کي خۊ کالسکه مرأ مۊسافرت کۊدأن دره. روح القدس فيليپسأ بفرماست کی هۊ مردأک ويرجأ بشه ؤ اؤني مرأ گب بزنه.

![](https://cdn.door43.org/obs/jpg/360px/obs-en-45-08.jpg)

وختي فيليپس ارابه يأ نزديکأ بؤست ،بيشنأوست کي هۊ حبشي آدم اشعياي نبي کيتابأ خؤاندأن دره. اؤيأ کي گه: « ايتأ بره منستأن کي ذبح ره بريد ؤ أيتأ بره منستأن کي خاموش ايسه ،هيچ کلمه ئي نۊگوفت.اؤني مرأ ناعادلانه برخۊرد بؤکؤديد ؤ اؤنأ احترام ننأئيد. اؤشأن اؤني جانأ بيگيفتيد. »

![](https://cdn.door43.org/obs/jpg/360px/obs-en-45-09.jpg)

فيليپس حبشي آدمأ وأوۊرسه : «آيا چيزيأ کي خؤاني تأني درک بۊکۊني؟ »حبشي جواب بدأ«: نه، من نتأنم اؤنأ بفهمم مگه أن کي اينفر مره توضيح بده. خاهش کؤنم بيأ بۊجۊر ؤ مي ویرجأ بينيش. آيا اشعيا أنأ درواره خؤدش گه يا اينفر ديگه؟»

![](https://cdn.door43.org/obs/jpg/360px/obs-en-45-10.jpg)

فيليپس ارابه میان بشو واون کنار بینشت ، بزین حبشي ره شرح بدأ کي اشعيأ درباره عيسی بينويشته بؤ.فيليپس جه الباقی آيات^خۊدا^کلامم توضیح بدا کی عيسی خؤش^خبرأ اؤنأ فأرسأنه.

![](https://cdn.door43.org/obs/jpg/360px/obs-en-45-11.jpg)

هتو کي پيش شؤنديبيد ،به ايتأ بخفته آب فأرسئيد. حبشي مردأي بۊگوفت: « فأندر أيأ آب نهأ! آيا امکان دأره تعميد بيگيرم؟» ؤخو غولام فرمان بدأ کي ارابه بداره.

![](https://cdn.door43.org/obs/jpg/360px/obs-en-45-12.jpg)

بزین اؤشأن آب دۊرۊن بۊشۊئيد ؤ فيليپس حبشي مردأکأ تعميد بدأ. وختي جه آب بيرون بأمؤئيد ،ايدفأ روح القدس فيليپسأ ایتأ جأیه ديگه ئي ببرد. جائي کي اؤن درباره عيسی مؤعظه يأ ادامه بدأ.

![](https://cdn.door43.org/obs/jpg/360px/obs-en-45-13.jpg)

حبشي مردأي شادي کؤنان جه انکي عيسايأ بشنأخته خو سفر بخانه طرف ایدامه بدا.

*کتاب اعمال رسولان باب ۶ تا ۸*

## 46. ۴۶- پولس مسيحي به

https://openbiblestories.org/l/glk/story-46/

![](https://cdn.door43.org/obs/jpg/360px/obs-en-46-01.jpg)

سولس جوان^مرداي بۊ کي کسائي کي استيفانأ کۊشتأنديبيد،یهودیان رختأنأ دأشتي اؤن عيسايأ ايمان نأشتي .ؤ هن وأسي ايماندارانأ آزار دئي اؤن اۊرشليم دۊرۊن أ خانه به اؤ خانه شؤئي کی مردأکأن ؤ زنأکأنا دستگير بۊکۊنه ؤ زندان تأوده. پيله^کاهن سولسأ بوگفتا بؤ کي بشه دمشق کی اؤيأ مسيحيانأ دستگير بۊکۊنه ؤ وأگردانه اۊرشليم .

![](https://cdn.door43.org/obs/jpg/360px/obs-en-46-02.jpg)

وختي کي سولس دمشق راه دۊرۊن دۊبۊ .قبل آنکی اویه فارسه،ايتأ درخشنده^نور جه آسمان اؤنأ بتابست ؤ اؤنی تومأمأ ورأ بيگيفت ؤ اؤن زمين بکفت. سولس ايتأ صدا بيشتأوست کي اؤنأ گفتي: « شاؤل ،شاؤل، چره مرأ جفا کۊني؟» سولس واورسه: « مي سرور، تۊ کيسي؟» عيسی جواب بدأ: « من هۊ عيسائي أيسم. کي مرأ آزار ديهي! »

![](https://cdn.door43.org/obs/jpg/360px/obs-en-46-03.jpg)

وختي سولس ويرشت ،أني چؤم نيده .ئي أني رفیقأن أنأ دمشق طرف راهنمائي بۊکۊديد. سولس سه رۊز، نه چيزي بۊخۊرد ؤ نه بنوشست.

![](https://cdn.door43.org/obs/jpg/360px/obs-en-46-04.jpg)

دمشق شهر دۊرۊن، ايتأ شاگرد بنام حنانيازندگی کودی. خۊدا اؤنأ بفرماست : « هؤ خانه ئي بۊشۊ کي سولس اؤيا أيسأ. تي دستانأ اؤن رو بنه کی بتأنه دۊواره بيدينه. »اما حنانيا بۊگوفت: «خوداوندم! من بيشنأوستم کي هأ مردأي چوطوايماندارانأ جفا رسانه. » خۊدا جواب بدأ: « بۊشۊ! من اؤنأ انتخاب بۊکۊدم کی مي نامأ يهؤديان ؤ ديگه اقوامأ اعلان بۊکۊنه. اؤن مي نام خاطر، وأسي درد ومصیبت و جفا دينه. »

![](https://cdn.door43.org/obs/jpg/360px/obs-en-46-05.jpg)

پس حنانيأ سولس ويرجأ شه ؤ خؤ دستأنأ اؤن سر نيهه ؤ بۊگوفت: «هؤ عيسی کي راه دۊرۊن ترأ ظاهرأ بۊست،مرأ اؤسه کۊد کی تي چوم سویه ترأ واگردأنم ؤجا روح القدس مرأ پۊرأ بي. »سولس فوري بتأنست بيدينه ؤ حنانيأ اؤنأ تعميد بدأ. بزين سولس غذا بۊخۊرد ؤ أني قوت وأگردست.

![](https://cdn.door43.org/obs/jpg/360px/obs-en-46-06.jpg)

سولس فوري شهر دمشق يهؤديان ره شروع بۊکۊد درواره عيسی مؤعظه کۊدن ؤ گوفتي: « عيسی خۊدا پسره! »خیلی جا يهؤديان متعجب بۊبۊستيد ،جه أنکي مردي کي تلاش کۊدي ايماندارانأ جه بين ببره،هسأ خۊدش مسيحأ ايمان بأورده! سولس يهؤديان ره دليل أوردي ؤ اثبات کۊدي. کي عيسی هؤ موعود^مسيح ايسه.

![](https://cdn.door43.org/obs/jpg/360px/obs-en-46-07.jpg)

بعد چندين رۊز، يهؤديان تصميم بيگيفتيد سولسأ بۊکۊشيد. اؤشأن کسائي يأ اؤسه کۊديد کی شهر دروازه طرف اؤنأ بيأفه ؤ بۊکۊشه. اما سولس جه اؤشان نيت آگاه بۊبۊست ؤ خۊ رفیقأن یاری مرأ بتأنست بۊگرۊزه. ايتأ شب اؤنأ ايتأ سبد دۊرۊن تاودأئيد ؤ جه دمشق^شهر ديوارأن بيجير اؤسه کۊديد. بعد أنکي سولس جه دمشق بۊگرۊخت، درواره عيسی مۊعظه يأ ادامه بدأ.

![](https://cdn.door43.org/obs/jpg/360px/obs-en-46-08.jpg)

سولس بوشو اۊرشليم کی الباقی شاگردان مرأ ديدار بۊکۊنه، اما اؤشأن بترسئيد. بزين ايتأ با ايمان به اسم بارنابا، سولسأ رسولان ويرجا ببرد .ؤ اؤشانأ بۊگوفت کي سولس، چۊتۊ دليري مرأ دمشق دۊرۊن عيسی ره مۊعظه کۊدي. بزین هو رسولان، سولسأ خؤشان جمع دۊرۊن قوبیل بۊکۊديد.

![](https://cdn.door43.org/obs/jpg/360px/obs-en-46-09.jpg)

بعضی جه شاگردان کي اۊرشليم جفا بوگۊروخته بيد ، ايتأ دوردس شهر بنام انطاکيه بؤشؤئيد ؤ اؤيأ درواره عيسی مۊعظه بۊکۊديد. ويشتر اهالي انظاکيه يهؤدي نيبيد، اما اولين بار خيليأ شؤن ايمان بأورديد. برنابا ؤ سولس اؤيأ بؤشؤئيد کی تازه^ايماندارانأ ،دروأره عيسی ويشتر تعليم بديد ؤ کليسايأ تقويت بۊکۊنيد. انطاکيه دۊرۊن ايمانداران به مسیح، اولين بار« مسيحي» لقب بیگیفتید.

![](https://cdn.door43.org/obs/jpg/360px/obs-en-46-10.jpg)

ايتأ رۊز وختي کي انطاکيه مسيحيان دؤعا ؤ رۊزه بيد روح القدس أشأنأ بفرماست: «برنابا ؤ سولسأ أيتأ کار وأسي کي أشأن ره در نظر بيگيفتم ،جدا بوکونید.» بزين انطاکيه کليسا برنابا ؤ سولس ره دؤعا بۊکۊديد ؤ خؤشأن دستانأ اؤشأن سر بنأئيد. بزين اؤشانأ اؤسه کۊديد کی خوش^خبرأ درواره عيسی خيلي جايأن ديگه مؤعظه بؤکؤنيد. برنابا ؤ سولس خیلی جه مردۊمأنأ جه اقوام مختلف تعليم بدأئيد ؤ خيلییأن عيسایأ ايمان بأورديد.

*کتاب اعمال رسولان باب ۸ آیه ۱ تا ۳؛ باب ۹ آیه ۱ تا ۳۱؛ باب ۱۱ آیه‌های ۱۹ تا ۲۶؛ باب ۱۳ آیه‌های ۱ تا ۱۴*

## 47. ۴۷- پولس ؤ سيلاس شهر فيليپي دۊرۊن

https://openbiblestories.org/l/glk/story-47/

![](https://cdn.door43.org/obs/jpg/360px/obs-en-47-01.jpg)

سولس وختي کي سرتاسر روم امپراتوري دۊرۊن مؤسافرت کۊدي، تصميم بيگيفت کي جه خۊ رومي نام کي پولس بؤ، استفاده بۊکۊنه. ايتأ رۊز ،پولس ؤ أني رفیق سيلاس فأرسئید شهر فيليپي کی خۊشأ خبرأ درواره عيسايأ اؤيأ مردۊمانأ اعلان بوکونید. اؤشأن ايتأ جيگا رۊخان کنار بيرون شهر بۊشۊئيد. ؤ اؤيأ مردۊم دؤعا ؤ نيايش ره جمعأ بؤستيد. اؤيأ ايتأ زناي ليديه نام مرأ آشنا بۊبۊست کي تاجر بو. اؤن خۊدايأ دوست دأشتي ؤ پرستئي.

![](https://cdn.door43.org/obs/jpg/360px/obs-en-47-02.jpg)

خۊدا ليديه قوت فاده کی عيسی ایمان باوره. پولس و سیلاس اؤن ؤ أني خانواده تعميد بدایید. بزين اؤن، پولس ؤ سيلاسأ دعوت بۊکۊد کی أوني خانه بئسيد واؤشانم هۊ خانواده ويرجأ بئسأئيد.

![](https://cdn.door43.org/obs/jpg/360px/obs-en-47-03.jpg)

پولس ؤ سيلاس ویشتر جای کی یهودیان دؤعاکودید ،مردم دیدن شوید. هر رۊز کي اؤيأ شۊئيد کنيزي کي روح ناپاکأ اسير بۊ اؤشأن دۊنبال سر راه دکفتي، ؤ روح پليد کمک مرأ، آينده يأ مردۊم ره پيشگۊئي کۊدي ؤ هتو مثلِ ايتأ غيبگۊ، سود کلاني خۊ اربابأن نصيب کۊدي.

![](https://cdn.door43.org/obs/jpg/360px/obs-en-47-04.jpg)

هۊ کنيز^ وختي کي اؤشان راه دکفتيد، صداي بولند مرأ گفتي: « هأ آقايان خۊداي متعال خدمتگزاريدي. ؤ بأمۊئيد کی راه نجاتأ شۊمارأ نيشان بديد! » اؤن خيلي رۊزأن هأ کارأ بۊکۊد تا أنکي پولس صبر بسر بأمۊ.

![](https://cdn.door43.org/obs/jpg/360px/obs-en-47-05.jpg)

عاقبت ايتأ رۊز وختي کي کنیزایجگر زئي ،پولس اؤنی ور وأگردست ؤ روح ناپاکي اؤنی دروون نهأ بؤ بۊگفت: «بنام عيسی جه هأ دختر بيرون بيأ. » هۊ وقت ناپاک^روح جه اؤن بيرون بأمو.

![](https://cdn.door43.org/obs/jpg/360px/obs-en-47-06.jpg)

وختي کنيز اربابأن بيئيد چي اتفاقي دکفته ،خيلي عصباني بۊبۊستيد. چون بفهمستيد کي بدون هۊ ديو،کنيز دٔ نتأنستي مردۊم آينده يأ پيشگۊئي بۊکۊنه ؤ أون هتو بۊ کي مردۊم هۊ دخترکه^ اربابانأ پول فاندأئيد کي اؤشانأ بگه اؤشان ره چي اتفاق دکفه .

![](https://cdn.door43.org/obs/jpg/360px/obs-en-47-07.jpg)

هن وأسي هۊ کنيز اربابأن، پولس ؤ سيلاسأ موقامات رومي ويرجأ ببرديد. ؤ اؤشأن أشانأ چوب بزئيد ؤ زندان تاودأئيد.

![](https://cdn.door43.org/obs/jpg/360px/obs-en-47-08.jpg)

اؤشأن پولس ؤ سيلاسأ جای جا زندان کی، ویشترین نگهبان داشتی تاودأئيد .ؤ أشان لنگأنأ پیله کونده داره دوستيد. با احال اؤشأن نيمه هاي شب، سرودهائي در ستايش ؤ خۊدا پرستش خؤانديد.

![](https://cdn.door43.org/obs/jpg/360px/obs-en-47-09.jpg)

ايدفأ، زمين دلرز شديدي رخ بدأ! ؤ زندان تۊمام درأن وازأ بۊست ؤ زنجيرأن تومأم زندايانيأن دس ؤ لنگ جا فووست.

![](https://cdn.door43.org/obs/jpg/360px/obs-en-47-10.jpg)

بزین زندانبان ويريشت ؤ وختي بيده کي زندان درأن وازأ بؤسته .هراسانأ بۊست. اؤن فکر بۊکۊد کي تۊمام زندانيأن بوگروختیدأ، بزین تصميم بيگيفت خۊرأ بوکوشه. اؤن دأنستي کي اگه زندانيأن فرار بۊکۊنيدأ موقامات رومي اؤنأ کۊشيدي. اما پولس اؤنأ بيده ؤ ایجگره بزئه : «ترأ صدمه نزن! أمئن همه هأيأ ايسائيم. »

![](https://cdn.door43.org/obs/jpg/360px/obs-en-47-11.jpg)

زندانبان ترس ؤ لرز مرأ پولس ؤ سيلاس ويرجأ بأمو ؤ واوۊرسه : «چي بۊکۊنم کی نیجات بيأفم؟. » پولس جواب بدأ : « عيسایه خۊداؤندأ ،ايمان بأور. بزین تو ؤ تي خانواده نیجات يأفيد. »بزين زندانبان ،پولس ؤ سيلاسأ خؤ خانه ببرد ؤ أشأن زخمانأ بۊشست. پولس عيسیخۊش خبرأ همه اوشأنی کي خانه دۊرۊن ايسأبيد، مۊعظه بۊکۊد.

![](https://cdn.door43.org/obs/jpg/360px/obs-en-47-12.jpg)

هۊ زندانبان ؤ تۊمام أني اعضاي خانواده عيسایأ ايمان بأورديد ؤپولس و سیلاس اوشان تعميد بدایید. بزين زندانبان پولس ؤ سيلاسأ غذا بدأ ؤ اؤشأن ايجائي جشن بيگيفتيد.

![](https://cdn.door43.org/obs/jpg/360px/obs-en-47-13.jpg)

بعده ایروز ،شهر رهبرأ پولس ؤ سيلاسأ جه زندان آزادأ کۊديد ؤ اؤشأن جأ بخأستيد کی شهرأفپیلپی ترکأ کؤنيد، پولس ؤ سيلاس بوشوید ليديه ؤ چندتأ جه خؤشأن رفقیأنِ ویرجأ بزين شهرأ ترکأ کۊديد. خوش خبرأ درواره عيسی هتو گسترش بيأفت ؤ کليسا رشد بۊکۊد.

![](https://cdn.door43.org/obs/jpg/360px/obs-en-47-14.jpg)

پولس ؤ ديگه مسيحي رهبرأن شهران زيادي سفر بۊکۊديد. ؤ تعليم ؤ مۊعظه درواره عيسی خۊش خبرأ بدائیدی. اؤشأن هتو کاغذأن زيادي بينويشتيد کی ايماندارانأ کليسايأن دۊرۊن تعليم بديد ؤ تشويق بۊکۊنيد. بعضی جه هأ نامه يأن کیتاب موقدس بۊبۊست.

*کتاب اعمال رسولان فصل ۱۶ آیه های ۱۱ تا ۴۰*

## 48. ۴۸- عيسی موعود مسيح ايسه

https://openbiblestories.org/l/glk/story-48/

![](https://cdn.door43.org/obs/jpg/360px/obs-en-48-01.jpg)

وختي خۊدا دۊنيايأ چأکۊد، همه چي کامل بۊ گۊناه وجود نأشتي. آدم ؤ حوا همديگرأ دوست دأشتيد ؤ عاشق خۊدا بيد. خبري جه ناخوشی يا مرگ نۊبۊ و أن هۊ دنيائي بۊ کي خۊدا خأستي.

![](https://cdn.door43.org/obs/jpg/360px/obs-en-48-02.jpg)

شيطان ،ايتأ لنتي مرأ کي باغ دۊرۊن ايسأ بۊ، گب بزه،کی حوايأ گول بزنه. بزين آدم ؤ حوا گۊناه بۊکۊديد. اؤشأنی نافرمانی واستی، همتا آدمان موردن محکوم بوبوستید.

![](https://cdn.door43.org/obs/jpg/360px/obs-en-48-03.jpg)

آدم ؤ حوا گؤناه وأسي ايچي حتا وحشتناکتر رخ بدأ. اؤشأن خۊدا دشمن بۊبۊستيد. درنتيجه، جه هۊ زمان تا هسأ،همتا گونا بکودید. هر انساني طبيعت گۊناه آلود مرأ بدۊنيا أيه ؤ خۊدا دوشمن ايسه. رابطه بين خۊدا ؤ انسان صلح آمیز نبو هیوخت،. اما خۊدا خاستی صلح برقرار ببه.

![](https://cdn.door43.org/obs/jpg/360px/obs-en-48-04.jpg)

خۊدا وعده بدأ کي اينفر جه حوا نتاج شيطان سرأ کۊبه ؤ شيطان اۊني پا بۊزا گزه. به هأ معنا کي شيطان مسيحأ کۊشه، اما خۊدا دوواره اۊنأ زندأ کۊنه. بزين مسيح هميشک شيطان قدرتأ جه بین بوره. سالان زيادي بعد، خۊدا آشکارأ کۊد کي عيسی هۊ موعود مسيح ايسه.

![](https://cdn.door43.org/obs/jpg/360px/obs-en-48-05.jpg)

خودا نوح دستور بدا کی ایتا کشتی چاکونه تا اونی خانواده جا توفان نیجات بدا.وقتي خۊدا همه زمينأ طوفان مرأ جه بين ببرد و کسائي کي اۊنأ ايمان دأشتيد کشتي فراهم بۊکۊد تکی بتأنيد نیجات پيدا بۊکۊنيد. هتو بوبوست کی آدمأن بخاطر خۊشأن گؤنايأن سزاوار مرگ ايسيد ،اما خۊدا عيسايأ اؤسه کۊد کی هرکيأ کي اۊنأ ايمان بأوره، نیجات بده.

![](https://cdn.door43.org/obs/jpg/360px/obs-en-48-06.jpg)

صدها سال ره ،کاهنأن آدمأنأ ره خۊدا درگاه قورباني نأئيد .کی نيشان بديد خۊشأن گؤنايأن ره سزاوار چي موجازاتي ايسيد. اما هۊ قوربانيأن نتأنستيد آدمأنِ گؤنايأنأ اۊسانه. عيسی پيله کاهن ايسه. برخلاف الباقي کاهنان عيسی ایوار خۊدشأ بصورت قۊرباني تقديم بۊکۊد کي تأنستي همه دۊنيا آدمان گنايانأ اؤسانه. عيسی پيله کاهن بي نقصي بۊ چون هر انساني، کي گؤناه بۊکۊد خو موجازاتأ بکشه.

![](https://cdn.door43.org/obs/jpg/360px/obs-en-48-07.jpg)

خۊدا ایبرايمأ بفرماست : «جه تي طريق دۊنيا تۊمام قۊمأن برکت يأفيد» عيسی ایبرايم نتاج بؤ.همه دۊنيا قۊمان جه ایبراهیم طريق برکت يأفيد، چون هر کي عيسايأ ايمان أوردي ،جه خۊ گونايأن نیجات پيدا کۊنه .وختی مردوم عیسی ایمان آورید، جه ایبرايم معنوي نتاج به.

![](https://cdn.door43.org/obs/jpg/360px/obs-en-48-08.jpg)

وختي کي خۊدا ایبرايمأ بفرماست کی خۊ پسر اسحاقأ قورباني بۊکۊنه. ايتأ قوچ فراهم بۊکۊد کی خۊ پسر ایساق جا سر قورباني بۊکۊنه. أمأن همه تأن گؤنايأن واسی سزاوار مرگ ايسيم! اما خۊداعيسی به دنیا اوسا کوده تاخۊدا بره يأ به عنوان قرباني مهيا بۊکۊد أمي جا سر بيميره.

![](https://cdn.door43.org/obs/jpg/360px/obs-en-48-09.jpg)

وختي خۊدا آخري بلايأ مصر سر اوسا کود،هرتا جه خانوادیأن ایسرائيليأ بفرماست کی ايتأ سالم بره بۊکۊشيد .هو بره باستی بی عایب ببه.اؤن خۊنأ خۊشأن خانه درِ سر وأسينيد. وختي کي خۊدا فرشته هۊ خۊنأ بيده ،جه هۊ خانه ردأ بۊست ؤ پيله پسر هۊ خانواده يأ نۊکۊشت. هأ رويداد ،خودا پسخ بنامسته بۊبۊست.

![](https://cdn.door43.org/obs/jpg/360px/obs-en-48-10.jpg)

عيسی هۊ پسخ عيد بره ايسه. اون هیوخت ایشتباه نوکودو هرگز گوناه نوکود . هؤ پسخ^عيد جشن دۊرۊن کشته بۊبۊست،وختي کي کسي عيسی یأايمان أوردي عيسی خۊن هۊ شخص گۊناه جريمه يانأ پرداخت کؤنه،جوری کی انگاری خؤدا موجازات نوکوده اونه،و اونی جا رد به.

![](https://cdn.door43.org/obs/jpg/360px/obs-en-48-11.jpg)

خۊدا خۊ نشان بکوده قۊم کی خوشین دانستی ، يعني بني ایسرائيل مرأ پيمان دوست. اما خۊدا الان تازه پيماني برقرار بۊکۊده کي همه تا قومان و قبیلان دستفأرس نأهأ، بخاطر هأ تازه پيمان هر آدمی جه هر قۊم ؤ مليتي تأنيد عیسایأ ايمان بأوردید و جۊزو خۊدا قۊم بيبيد.

![](https://cdn.door43.org/obs/jpg/360px/obs-en-48-12.jpg)

مۊسا پيله پيغمبري بۊ کي خۊدا کلامأقوت خاصی مرا اعلان بۊکۊد. اما عيسی پيله ترجاپیغمبران ايسه. اؤن خۊدايه، بزین اونچي کی اۊن انجام بدأ ؤ بۊگفت، اعمال ؤ خۊدا گبان بيد. به هأ دليل ايسه کي عيسی خۊدا کلمه خۊانده بۊبۊسته.

![](https://cdn.door43.org/obs/jpg/360px/obs-en-48-13.jpg)

خۊدا داوود پادشايأ وعده بدأ کي اينفر جی تي نتاجأ پادشاه به کی همیشک خۊدا قۊمأ حکۊمت کۊنه. چون عيسی خۊدا پسر ؤ موعود مسيح ايسهو اؤن هؤ داوود مخصوص نتاج بؤ کي تأنه تا ابد پادشاهي بۊکۊنه.

![](https://cdn.door43.org/obs/jpg/360px/obs-en-48-14.jpg)

داوود،قۊم ایسرائيل پادشاه بؤ ،اما عيسی تومأمأ دؤنيا^پادشاه ايسه!اؤن دۊواره أيه ؤ عدالت ؤ صلح مرأ تا ابد پادشاهي کؤنه.

*کتاب پیدایش فصل ۱؛ فصل ۳؛ فصل ۶؛ فصل ۱۴؛ فصل ۲۲؛ کتاب خروج فصل ۱۲؛ فصل ۲۰؛ کتاب دوم سموئیل فصل ۷؛ کتاب عبرانیان فصل ۳ آیه های ۱ تا ۶؛ فصل ۴ آیه ۱۴؛ فصل ۵ آیه ۱۰؛ فصل ۷ آیه ۱؛ فصل ۸ آیه ۱۳؛ فصل ۹ آیه ۱۱؛ کتاب مکاشفه فصل ۲۱*

## 49. ۴۹- خۊدا تازه پيمان

https://openbiblestories.org/l/glk/story-49/

![](https://cdn.door43.org/obs/jpg/360px/obs-en-49-01.jpg)

ايتأ فرشته ايتأ باکره دخترأ بۊگوفت کي اؤن خۊدا پسرأ زأيه. هن وأسي وختيکي اؤن هنو باکره بؤ ،روح القدس اؤنأ بدمست ؤ اؤن شکم اؤسأد. اؤن پسري بزأ کي أني نامأ عيسی بنأ. هن وأسي عيسی، هم خۊدا ؤ هم انسان ايسه.

![](https://cdn.door43.org/obs/jpg/360px/obs-en-49-02.jpg)

عيسی موجزات زيادي بۊکۊد کی ثابت بۊکۊنه کي خۊدايه. اؤن آب سر راه بؤشؤ،تۊفانأ آرامأ کۊد، ناخوشأنأ شفا بدأ،جا افراد زیادی پليد ارواحأ بیرونأ کۊد، مرده يانأ زندأ کۊد وپنج دانه نان ؤ دونه کوچی ماهيأ ،برکت بدا و تبديل به غذاي کافي ويشتر جه ۵۰۰۰ نفر ره بۊکۊد.

![](https://cdn.door43.org/obs/jpg/360px/obs-en-49-03.jpg)

عيسی پيله معلمم بؤ .تمام اون آموجان حقیقت داره.اونچی کی اون گه مردوم واستی انجام بدید، چون اؤن خؤدا پسر ايسه. اؤن تعليم بدأ کي امئن وأسي ديگرانأ خۊدمأن منستأن دوست بدأريم.

![](https://cdn.door43.org/obs/jpg/360px/obs-en-49-04.jpg)

اۊن هأتۊ أمرأ ياد بدأ کي خۊداؤند وأسي ويشتر جه هر چیه ديگه، مثلِن ثروت دوست بدأريم.

![](https://cdn.door43.org/obs/jpg/360px/obs-en-49-05.jpg)

عيسی بفرماست خۊدا پادشاهي، ارزشمندتر جه هراونچی کی دۊنيأ دۊرۊن نهأ. اگه خواهی خودا پادشاهيأ وارده بی، اون وأسي جه تی گۊناه ترنیجات بدا.

![](https://cdn.door43.org/obs/jpg/360px/obs-en-49-06.jpg)

عيسی بوگفت کي بعضی آدمأن اؤنأ قوبیل کۊنيدي ،بزین نیجات يأفيد؛ اما همتان اون قوبیل نوکونید .اۊن بفرماست کي بعضی آدمأن خاک منستأن نيکۊ ايسيد، اؤشأن عيسی خۊش خبرأ قوبیل کۊنيد ؤ نجات يأفيد. بعضییم خاک منستأن سفتيد ؤ سخت ،راه کناره ايسأئيد. کي خۊدا کلام دانه ای مانه کی اۊيأ وارد نيبه ،ؤ هيچ محصولي نده. اۊشأن مردومی ایسیدکی عيسايأ قوبیل نوکونیدی ؤ اۊن پادشاهي دۊرۊن نيشيد.

![](https://cdn.door43.org/obs/jpg/360px/obs-en-49-07.jpg)

عيسی أمرأ ياد بدأ کي خۊدا گۊناهکارانأ خيلي دوست دأره. اؤن خأيه اؤشأنأ ببخشه ؤ جزو خؤ زأکأن بؤکؤنه.

![](https://cdn.door43.org/obs/jpg/360px/obs-en-49-08.jpg)

عيسی هتو أمرأ بفرماست کي خۊدا گۊناه جأ نفرت دأره. وختی کي آدم ؤ حوا گۊناه بۊکۊديد،اؤشأن گۊناه همه نسل بشر سر تأئير بنأ. پس هر کی دۊنيا دۊرۊن گؤناه کؤنه ؤ جه خۊدا جؤدا به. به هأ خاطر هر آدمی خۊدا دوشمن ايسه.

![](https://cdn.door43.org/obs/jpg/360px/obs-en-49-09.jpg)

ولي خۊدا همه دۊنيا^مردۊمأ اۊنقد محبت بۊکۊد کي خۊ تنها پسر عيسايأ فأدأ ،کی هر کس عيسايأ ايمان بأوره بخاطر خۊ گؤنايأن مجازات نبه، بلکی خۊدا مرأ تا ابد زندگي بۊکۊنه.

![](https://cdn.door43.org/obs/jpg/360px/obs-en-49-10.jpg)

گؤناه وأسي، أمأن محکۊم ؤ سزاوار مرگ ايسيم. خۊدا واستی أمرأ خشمگين ببه، ولی وختی کي عيسی صليب سر بمرد، أمي مجازاتأ گونای اوساده و خودش سر بنه.

![](https://cdn.door43.org/obs/jpg/360px/obs-en-49-11.jpg)

عيسی هرگز گۊناه نۊکۊد، ولي قبوبیل بۊکۊد کي اینسان گوناه خاطر مجازات ببه. اون سنگین ترین مجازات کی مرگ، قوبیل بوکود.بزین ايتأ کامل^قورباني منستأن موجازات ببه ؤ بيميره کی أمي گؤنايأن ؤ هر کس ديگر گؤنايأنأ هأ دنيا دروون پاکأ کۊنه. هن وأسي عيسی خۊدشأ قرباني بۊکۊد ،خۊدا تأنه هرتأ گؤنايأ ،ببخشه حتي خبيث گؤنايأنأ،بشرطی کی اول اون ها کار ایمان باورید.

![](https://cdn.door43.org/obs/jpg/360px/obs-en-49-12.jpg)

حتی شمی خؤب کاران أمرأ شمانجات نیافید. کاري نيه کي أمئن بتأنيم بوکونیم کی خۊدا مرأ رابطه برقرار بۊکۊنيم. تنها عيسی تأنه أمي گؤنايانأ پاکا کۊنه. أمئن وأسي ايمان بأوريم کي عيسی خۊدا پسره اۊن جه أمي واستی صليب سر بمرد ؤ خۊدا دوواره اؤنأ مرگ جأ ويريزأنه.اگر ها راست و حقیقت کار قبویبل بوکنی و ایمان باورید خودا شمی همتا گونایان بخشه.

![](https://cdn.door43.org/obs/jpg/360px/obs-en-49-13.jpg)

خۊدا هرکيأ کي عيسایأ ايمان بأوره ؤ اۊنأ خۊ خۊدا بدأنه، نیجات دئهه.اما خۊدا اوشأنی کي اؤنأ ايمان نأوريد، نیجات نده. مهم نيه فقير يا غني، مرد يا زن، پير يا جوان ؤ يا أنکي کۊيأ شين بيبيم. خۊدا أمرأ دوست دأره ؤ خأيه أمأن مسيحأ ايمان بأوريم کی بتأنه أمي مرأ رابطه يه نزديک ؤ صميمي بدأره.

![](https://cdn.door43.org/obs/jpg/360px/obs-en-49-14.jpg)

عيسی أمرأ دعوت کۊنه کی اؤنأ ايمان بأوريم ؤ تعميد بيگیریم. آيا أمئن ايمان دأريم کي عيسی موعود^مسيح ؤ خۊدا تنها^پسر ايسه؟ آيا ايمان دأريم کي گؤناهکارأن سزاوار خۊدا^موجازات ايسيد؟ آيا ايمان دأريم کي مسيح صليب جور بمرد کی أمي گؤنايأنأ پاکأ کونه؟

![](https://cdn.door43.org/obs/jpg/360px/obs-en-49-15.jpg)

اگر أمئن عيسایأ ؤ اونچی کي اؤن أمره انجام بدأ ايمان دأريم، پس هتویه کی أمئن مسيحي ايسيم!بزین شیطان خوتاریک پادشاهی میان شمی رو حکومت نکونه. خۊداؤند امرأ جه شيطان^تاريک^حکومت^قلمرو بيرون بأورده ؤ خۊدا ^نوراني^پادشاهي دۊرۊن قرار بدأ. خۊدا کهنه روشأن ؤ گؤناه آلود، أمي زندگي يأ اؤسأد ؤ جاي اؤن تازه روشأن ؤ عادلانه زندگيأ أمرأ ببخشه.

![](https://cdn.door43.org/obs/jpg/360px/obs-en-49-16.jpg)

اگر مسيحي ايسم، خۊدا أمي گؤنايأنأ بخاطر مسيح کار صليب جور ببخشه. هسأ خۊدا أمرأ خۊنزدیک دوست ايشمأره نه خو دۊشمن.

![](https://cdn.door43.org/obs/jpg/360px/obs-en-49-17.jpg)

اگر امئن خۊدا دوست ؤ خۊداؤند^عيسی خادم ايسيم ،اشتياق دأريم کي جه عيسی تعاليم پيروي بۊکۊنيم. حتي اگه مسيحي بيبيم ،وسوسه بيم کی گؤناه بۊکۊنيم، اما خۊدا امين ايسه ؤخو وعدان وفادار.اون فرمايه اگر امئن امی گۊنايأن ایتراف بۊکۊنيم، اؤن امرأ بخشه اؤن أمرأ قدرت دئهه کی گؤناه مرأ بجنگيم.

![](https://cdn.door43.org/obs/jpg/360px/obs-en-49-18.jpg)

خۊداند أمي جأ خأيه دؤعا بۊکۊنيم أؤني کلامأ بخأنيم. مسيحيأن مرأ اؤنأ بپرستيم ؤ ديگرانأ بيگيم أۊن أمره چي بۊکۊده. تۊمام أشأن بوکونید،أمرأ کمک کؤنه تا رابطه عميقتري اؤن مرأ بدأريم.

*کتاب پیدایش باب ۳؛ انجیل متی باب ۱۳ و ۱۴؛ انجیل لوقا باب ۲ و باب ۱۰ آیه ۲۵ تا ۳۷؛ انجیل یوحنا باب ۳ آیه ۱۶؛ رساله پولس به رومیان باب ۳ آیه ۲۱ تا ۲۶؛ باب ۵ آیه ۱ تا ۱۱؛ رساله پولس به کولسیان باب ۱ آیه ۱۳ تا ۱۴؛ رساله اول یوحنا باب ۱ آیه ۵ تا ۱۰*

## 50. ۵۰- عيسا وأگرده

https://openbiblestories.org/l/glk/story-50/

![](https://cdn.door43.org/obs/jpg/360px/obs-en-50-01.jpg)

نزدیک ۲۰۰۰ سال ايسه کي آدمان ويشتر، ؤ ويشتري مسيح^عيسا^انجيل^خوش^خبرأ ايشتأويد. ؤ کليسا رشد کودأن دره. عيسی بۊگوفت کي آخر زمان وأگرده. اگه چي عيسیهنو نأمؤ، اما خؤ وعده یأ وفا کؤنه.

![](https://cdn.door43.org/obs/jpg/360px/obs-en-50-02.jpg)

خۊدا أمي جأ خأيه کي مسيح وأگردستن رافا بئیسیم، هوجور زندگي بۊکۊنيم کي موقدس بيبيم ؤ اؤنأ احترأم بۊکۊنيم. اؤن هتو أمي جأ خأيه کي درواره اؤن^پادشاهي ديگران مرأ گب بزنیم. وقتي کي مسيح زمين سر ايسأ بؤ ،هأتۊ بفرماست: «آخر سر وقتي خۊدا ملکوت خوش^خبر، مي شاگردأن جأ دۊنيا گوش فأرسه. ده آخرسر فأرسه. »

![](https://cdn.door43.org/obs/jpg/360px/obs-en-50-03.jpg)

قومأن زيادي أيسيد کي هنو درواره عيسی هيچي نيشنأوستيد. قبل أنکي مسيح آسمان جور بشه، اؤن مسيحيانأ بۊگوفت کي انجيل^خوش^خبرا اوشأنی کي اؤنأ نيشنأوستيديأ اعلان بۊکۊنيد. عيسی بفرماست: «بيشيد ؤ همه ملتأنأ مي شاگرد بوکونید،چون قلبهای زیادی مزرعه يانا منستان درو رٔ حاضرأ کۊنيد.

![](https://cdn.door43.org/obs/jpg/360px/obs-en-50-04.jpg)

عيسی أنم بۊگوفت کي: « خادم جه خو آقا بوجورتر نیه. دروست هؤتۊ کي هأ دۊنيا اربأبأن مي جأ نفرت دأشتيد ،شمره مي وأسي عذاب دیئیدی ؤ کؤشيدي هأ دۊنيا دۊرۊن عذاب کشيد، اما شمی دیل قوی ببه ؛ چونکی من، شيطانأ کي هأ دۊنيا حاکم ايسه شکست بدأم. اگر تا آخر سر مرأ وفادار بئسيد، بزين خۊدا شؤمارأ نیجات دئهه!»

![](https://cdn.door43.org/obs/jpg/360px/obs-en-50-05.jpg)

عيسی خۊ شاگردان ره ايتأ نقل بوگوفته ،کی اؤشانأ واشکاوانه کی آخر دونيا چي مردۊم سر أيه.اؤن بفرماست: «ايتأ مردأي خؤ مزرعه دۊرۊن خرم بذر کأشتي. وختي کي بخؤفته بؤ، اؤني دوشمن بأمۊ لا به لاي گندم بذر، هرز^علف^تخمأ بکاشت ؤ بؤشۊ.

![](https://cdn.door43.org/obs/jpg/360px/obs-en-50-06.jpg)

وختي کي بذرأن زپه بزئيد، کارگران خؤشأن ارباب جأ وأوۊرسه ئيد: «آقا، شؤمأن خرم بذر زمين دۊرۊن بکأشتيد! چره هرز علف اشأن ميأن بۊجۊر بأمو؟» اومردای جواب بدأ: « هاکار فقط می دوشمند کاره کی تنه اشان بکار.ایتا می دوشمنان ها کارا بوکوده.»

![](https://cdn.door43.org/obs/jpg/360px/obs-en-50-07.jpg)

کارگران خؤشأن اربابأ جواب بدأئید: «علفانأ بيچينيم؟»ارباب جواب بدأ: «نه.اگه هأ کارأ بۊکۊنيد، بعضي جه گندۊمأن اؤشأنأ مرأ بيرون فأکشيد. کی واسی تا درو موقع دس بدأريد ؤ بزين علفأنأ جمعأ کؤنيد ؤ بۊسجأنيد، اما گندمأنأ مي انبار میأن بأوريد. »

![](https://cdn.door43.org/obs/jpg/360px/obs-en-50-08.jpg)

شاگردان هأ نقلأ متوجأ نۊبۊستيد ؤ جأ مسيح بخأستيد کی هأ نقلأ أشان ره واشکأفأنه. عيسی بۊگوفت: «هو مردي کي خرم بذر بکأشت، مسيح ايسه. زمين هأ دۊنيايه و خرم بذر خۊدا پادشاهي زأکأنيد. »

![](https://cdn.door43.org/obs/jpg/360px/obs-en-50-09.jpg)

هرز^علف اوشأنی ايسيد کي به شیطان تعلق دأريد.،یعنی اوشریر ایسه. کسي کي هرز^علفانأ بکاشت ابليس ايسه. درو^فصل، آخر زمانأن ايسه، ؤ فریشته يأن اوشأنی ايسيد کی درو کونیدی.

![](https://cdn.door43.org/obs/jpg/360px/obs-en-50-10.jpg)

آخرأن دۊنيا، فریشته يأن آدمأنی ایسیدی کی ابليس شينیدی، جه تۊمام دؤنيا جمعأ کۊنيد ؤدریاچه آتش میأن تأوديد. جائي کي اؤشان وحشتناک^عذاب مرأ گريه کؤنيد ؤ گاز ايژگره کۊنيد. بزين عادلأن ؤ پارسايأن خۊرشيد منستأن خؤشأن پئر پادشاهي ميان، خۊدا درخشيدي.

![](https://cdn.door43.org/obs/jpg/360px/obs-en-50-11.jpg)

عيسی هتو بۊگوفت کي جه قبل انکی دۊنيا تۊمامأ ببه اَ زمين سر وأگرده. اؤن وأگرده ؤ هؤتو کي زمينأ ترکأ کۊد، مثلِ ايتأ فيزيکي جأنأ داره ؤ آسمان ابرأن سر اَیه. وختي کي عيسی وأگرده، مسيحياني کي بمرديدي ،ويريزيد ؤ اؤني مرأ آسمان دۊرۊن مولاقات کۊنيد.

![](https://cdn.door43.org/obs/jpg/360px/obs-en-50-12.jpg)

بزين مسيحياني کي هوي زنده ئيد ،آسمان جور شیدی ؤ الباقي مسيحيان ايضافأ بيد کي مؤرده يأن جه ويريشتيد. همه اؤشأن عيسی مرأ اؤيأ ايسيد. بزین عيسی تا ابد خۊ قۊم مرأ صلح ؤ اتحاد مرأ زندگي کۊنه.

![](https://cdn.door43.org/obs/jpg/360px/obs-en-50-13.jpg)

عيسی وعده بدأ کي هرکی اؤنأ ايمان دأره، ايتأ تاج فأده. اؤشأن خۊدا مرأ تا ابد صلح کامل دۊرۊن زندگي ؤ حکۊمت کۊنيد.

![](https://cdn.door43.org/obs/jpg/360px/obs-en-50-14.jpg)

ولی خۊدا اوشأنی کي عيسایأ ايمان نأورديدی ،داوري کۊنه. اؤن اؤشأنأ جهنم دروون تأوده.اویه جائي کي اؤشأن تا ابد غم ؤ اندوه ميان گريه کۊنيد ؤ گاز ايژگره کۊنيد. آتشي کي هرگز خامۊشأ نيبه اؤشأنأ سوجأنه ؤ کلمأن جه اؤشان خۊردن خسته نيبيد.

![](https://cdn.door43.org/obs/jpg/360px/obs-en-50-15.jpg)

وقتي کي عيسی وأگرده، شيطان ؤ أني حکومتأ کاملا جه بین بوره. اؤن شيطانأ جهنم دروون تأوده جائي کي تا ابد سوزه، و همه تأن جه اوشانی کی بجایی انکی خودای ایطاعت بوکونید، اونأ پیروی کودید.

![](https://cdn.door43.org/obs/jpg/360px/obs-en-50-16.jpg)

آدم ؤ حوا نافرماني وأسي ؤ انکی گۊناه یأ هأ دۊنيا میأن باوردید، خۊدا دۊنيايأ لعنت بۊکۊد ؤ تصميم بیگیفت کی اونأ نابودأ کونه. اما ايتأ رۊز خۊدا آسمان ؤ زمين تازه ئي چأکۊنه کي کامل خأيه بۊستن.

![](https://cdn.door43.org/obs/jpg/360px/obs-en-50-17.jpg)

عيسی ؤ اۊني قۊم تازه زمين دۊرۊن زندگي کۊنيد، ؤ اؤن تا ابد هر چيزيأ کي وجود دأره سلطنت کۊنه. اۊن هر آرسوی پاکأ کۊنه ؤ دٔ جه مرگ ؤ غم ؤ گريه ؤ درد ؤ رنج خبري نخأيه بۊستن،دع هیکس ناخوشا نیبه و نمیره.وهیچ بدی اویه جا نهایه گیفتن و عيسا صلح ؤ پادشاهي مرأ پادشاهي کۊنه ؤ تا ابد خؤ قۊم مرأ ايسأ.

*انجیل متی باب ۱۳ آیه ۲۴ تا ۴۲و باب ۲۲ آیه ۱۳ و باب ۲۴ آیه ۱۴و باب ۲۸ آیه ۱۸؛ انجیل یوحنا باب ۱۵ آیه ۲۰ و باب ۱۶ آیه ۳۳؛ رساله اول پولس به تسالونیکیان باب ۴ آیه ۱۳ و باب ۵؛ کتاب مکاشفه باب ۲ آیه ۱۰*