# unfoldingWord Open Bible Stories — Gowli

- Language code: `gok`
- Canonical page: https://openbiblestories.org/l/gok/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Gowli translation; it is not a translation of the whole Bible.

## 1. दुनिया आरु

https://openbiblestories.org/l/gok/story-1/

![](https://cdn.door43.org/obs/jpg/360px/obs-en-01-01.jpg)

इनी रोंगो टे सुरुवात गेन परमेश्वर नी सेबाई चीजो के आरुके। डीचनी छे दिन नौर गेन दुनिया गा एठा जो चोच्का डेन होय डी सेबाई के आरुके। परमेश्वर द्वारा पृथ्वी गा आरु गा बादोन डी अंधरा एठा खाली का डा, चोयाकी आए टाएन परमेश्वर नी डेन नी तुनिकाभी चीजो के बान आरुडुका डा। पेनो परमेश्वर गा आत्मा डा गा लिंजेन थंदळ डा।

![](https://cdn.door43.org/obs/jpg/360px/obs-en-01-02.jpg)

डाबोलटे परमेश्वर नी मंडीके, “उजालायु!” एठा उजालाएन मेना। परमेश्वर नी डोके कि उजाला अच्छा होय एठा डीके “दिन” मंडीके। एठा डीचनी डीके अंधराटे अलग्गो के डीके डीचनी “राटो” मंडीके। परमेश्वर नी दुनिया आरुटे पेला दिन गेन उजाला के आरुकेनेच।

![](https://cdn.door43.org/obs/jpg/360px/obs-en-01-03.jpg)

दुनिया आरु गा दूसरा दिन गेन परमेश्वर नी मंडीके, “डा गा मठान म्या अंतर डायु।” एठा म्या अंतर डाएन। परमेश्वर नी डी अंतर के “बादळा” मंडीके।

![](https://cdn.door43.org/obs/jpg/360px/obs-en-01-04.jpg)

अफाई दिन गेन परमेश्वर नी मंडीके, “डा म्या जगान गोलायु, एठा लोखोळ ओटे डोयु होना।” डीचनी लोखोळ ओटे के “पृथ्वी” मंडीके एठा डा के “समुद्र” मंडीके। परमेश्वर नी डोके कि जो डीचनी आरुके डा डी अच्छा डा।

![](https://cdn.door43.org/obs/jpg/360px/obs-en-01-05.jpg)

डाबोलटे परमेश्वर नी मंडीके। “पृथ्वी सेबाई रोंगो गा सिंज एठा रोपो ओटजू।” एठा येनोगोका डाएन। परमेश्वर नी डोके कि जो डीचनी आरुके डा, डी अच्छा डा।

![](https://cdn.door43.org/obs/jpg/360px/obs-en-01-06.jpg)

दुनिया आरु गा उफुन दिन गेन परमेश्वर नी मंडीके, “बादळा गेन उजालानौर आरुयु।” एठा सूर्य, चंद्रा एठा इफीलकु ओटजे मेना। परमेश्वर नी दिकुके पृथ्वी लिंजेन उजाला जिऊ गा घल्जी एठा दिन एठा, मोसोमनौर एठा डा घामानौर गेन फारक दडा गा घल्जी आरुके।

![](https://cdn.door43.org/obs/jpg/360px/obs-en-01-07.jpg)

मोनाई दिन गेन परमेश्वर नी मंडीके, “डा गेन जीटा जानवरकु भेट्टियु एठा बादळा गेन भुरिकू उळातिंजे।” इनी रोंगो टे डीचनी डा गेन उयार मिंकूसेबाई जंतुकू एठा भुरिकू के आरुकेकु। परमेश्वर नी डोके कि इनी अच्छा डा एठा दिकुके आशीष जीके।

![](https://cdn.door43.org/obs/jpg/360px/obs-en-01-08.jpg)

दुनिया आरु गा तुरुईय्या दिन गेन परमेश्वर नी मंडीके, “ओटे लिंजेन थंदळ मिंकू सेबाई रोंगो गा जानवरकु आरुयु।” एठा परमेश्वर गा मंडीके रोंगो येनोगो डाएन। अदा जानवरकु फालतू डा, अदाकु ओटे लिंजेन गोसोर मिंकू, एठा अदाकु डोंगोरा जानवरकु डा। एठा परमेश्वर नी डोके कि इनी अच्छा डा।

![](https://cdn.door43.org/obs/jpg/360px/obs-en-01-09.jpg)

डाबोलटे परमेश्वर नी मंडीके, “हेजे आबु कोरोकु के आपना रुपोन एठा आपना रोंगो आरुकुवा। डीच पृथ्वी लिंजेन एठा सेबाई जानवरकु लिंजेन राजो दडावा।”

![](https://cdn.door43.org/obs/jpg/360px/obs-en-01-10.jpg)

इनिघल्जी परमेश्वर नी कासा साटे देटे कोरोकु के आरुकेकु एठा दियेन जीवन गा सांसो के होलोमके। इनी कोरो गा जीमू आदम डा। परमेश्वर नी आदम गा थंदळ गा घल्जी म्या खाट बगीचा के आरुके एठा डेगा देखभाल दडा गा घल्जी आदम के देटेन डोकेनेच।

![](https://cdn.door43.org/obs/jpg/360px/obs-en-01-11.jpg)

डी बगीचा गा तालाबिचोन परमेश्वर नी बारी कास सिंज येंडाके-जीवन गा सिंज एठा भला एठा बुरा गा ज्ञान गा सिंज। परमेश्वर नी आदम टे मंडीके कि डीच डी बगीचा गा जीवन गा सिंज एठा भला एठा बुरा गा ज्ञान गा सिंज के आराटे अलग्गो तुनिकाभी सिंज गा फल के जोमे साकतावा होय। अगर डीचनी डी सिंज गा फल जोवे टासो मेटे डीच गुजूवा।

![](https://cdn.door43.org/obs/jpg/360px/obs-en-01-12.jpg)

डाबोलटे परमेश्वर नी मंडीके, “कोरो गा घल्जी एकला थंदळ अच्छा बाऊ होय।” लेकिन तुनिकाभी जानवर आदम गा सेंग्गो बान आरुडुका।

![](https://cdn.door43.org/obs/jpg/360px/obs-en-01-13.jpg)

इनिघल्जी परमेश्वर नी आदम के भारी दुनूम गेन येंडाकेनेच। डाबोलटे परमेश्वर नी आदम गा म्या सिपळी हाडे साटे दियाटे म्या जापाए के आरुकेनेच एठा डीचके आदम गा मेरान साटे हेन।

![](https://cdn.door43.org/obs/jpg/360px/obs-en-01-14.jpg)

जब आदम नी डीचके डोकेनेच मेटे डीचनी मंडीके, “कम टे कम इनिज नी इंजा रोंगो होय! इनिज्के ‘जापाए’ मेंटो मंडेच्बा, चोयाकी इनिजके कोरो तालाटे आरुकेनेच मेना होय।” इनी वाजाटे आपना आंटे-बाटे के आरागेच्बा होय एठा आपना जापाए गा सेंग्गोन म्यागुवा होय।

![](https://cdn.door43.org/obs/jpg/360px/obs-en-01-15.jpg)

परमेश्वर नी सना एठा जापाए के आपना रुपो गेन आरुकेकु। डीचनी दिकुके आशीष जीके एठा डीचनी मंडीके, घोनेच कोंकू एठा नातूकु-पंतुकु डाकु एठा पृथ्वी के भेट्टिकी!” एठा परमेश्वर नी डोके कि जो चोच्काभी डीचनी आरुके डा डी भेबाव अच्छा डा, एठा डी च डी सेबाई टे भेबाव कुसोके डा। इनी सेबाई दुनिया आरु गा तुरुईय्या दिनेन डाएन डा।

![](https://cdn.door43.org/obs/jpg/360px/obs-en-01-16.jpg)

जब याईय्या दिन हेन मेटे जो चोच्का परमेश्वर दडा लक्के डा डीचनी डी सेबाई कामयनौर के स्याके। डीचनी याईय्या दिन के आशीष जीके एठा डीके पवित्र ठहरातिंज्के, चोयाकी डी दिन डीचनी सेबाई चीजो के आरु स्याके मेना डा। इनी रोंगो टे परमेश्वर नी दुनिया गा एठा जो चोच्का डेन होय डी सेबाईके आरुके।

*उत्पति अध्याय 1-2 टे बाईबल गा म्या कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_01_128kbps.m4a

## 2. पापो दुनिया गेन मुवा होय

https://openbiblestories.org/l/gok/story-2/

![](https://cdn.door43.org/obs/jpg/360px/obs-en-02-01.jpg)

आदम एठा दियागा जापाए टे परमेश्वर द्वारा दिकुगा घल्जी आरुके मिनी डी अच्छा बगीचा गेन थंदळ लठ्ठाका भेबाव कुशोके डा। दिकिंजा तालाटे जेकाभी कपळे बान उरी डा, येठाभी इनी बातो नी दिकिंजा तालाटे जेकाकेभी सेरोम डाए डुका बाने डा, चोयाकी दुनिया गेन पापो बाऊ डा। दिकु अक्सर डी बगीचा गेन इखाट लक्कू डा एठा परमेश्वर टे बातो दडा लक्कू डा।

![](https://cdn.door43.org/obs/jpg/360px/obs-en-02-02.jpg)

लेकिन डी बागीचा गेन म्या बिंज डा। दिकु घोनेच धूतोकु डा। डीचनी डी जापाए टे कोम्बाराके, “चोच सच्चोका परमेश्वर नी अमाटे इनी बगीचा गा तुनिकाभी सिंज गा फल के जोमाटे बान मेंके मेना होय?”

![](https://cdn.door43.org/obs/jpg/360px/obs-en-02-03.jpg)

डी जापाए नी जवाब जीके, “परमेश्वर नी आलेटे मंडीके होय कि आले डी भला एठा बुरा गा ज्ञान गा सिंज गा अलावा तुनिकाभी सिंज गा फल जोमे साकतावा होय। परमेश्वर नी आलेटे मंडीके होय कि अगर आपेनी डी फल के जोफे या डीके टोजाके भी, टासो मेटे आपे गुजूवा।”

![](https://cdn.door43.org/obs/jpg/360px/obs-en-02-04.jpg)

डी बिंज नी जापाए के जवाब जीके, “इनी सच्चो बाऊ होय! आपे बान गुजू। परमेश्वर हाडाई होय कि जैसा का आपे डी फल के जोमेवा, आपे परमेश्वर गा रोंगो आरुयुवा एठा दियागा रोंगो भला एठा बुरा के समजातिंजेवा।”

![](https://cdn.door43.org/obs/jpg/360px/obs-en-02-05.jpg)

डी जापाए नी डोके कि डी फल मानेन घाऊ रोंगो डा एठा सिंबिल डूगुवा मेना डा। डीच भी समझदार आरु चाहता डा, इनिघल्जी डीचनी फल के टुक्काटे जोम्जे। डाबोलटे डीचनी हेजा सनाटे के जो दियागा सेंग्गोन डा डी फल जीके एठा डीच भी जोम्जे।

![](https://cdn.door43.org/obs/jpg/360px/obs-en-02-06.jpg)

अचानक का, दिकिंज गा मेट खुल्लाएन, एठा दिकिंजेन मलुम्जे मेना कि दिकिंज नंगा डा। दिकिंज नी पाला के म्या सेंग्गोन सुटे डेगा कपळे आरुटे देटे आपना कोम्बोर के उगुर गा कोशिश डावे।

![](https://cdn.door43.org/obs/jpg/360px/obs-en-02-07.jpg)

मेटे सना एठा दियागा जापाएटे नी डी बगीचा गेन इखाट लठ्ठाका परमेश्वर गा आवाज के आजुम्के। दिकिंज बर्खिंज परमेश्वर टे उखोएन। मेटे परमेश्वर नी कोरो के हाकोकेनेच, “आम तोटेनके होय?” आदम नी जवाब जीके, “इंज्नी आमके बगीचा गेन इखाट लठ्ठाका मंडी आजुम्के, एठा इंज हिघराएन डा, चोयाकी इंज नंगा डा। इनिघल्जी इंज उखोएन।”

![](https://cdn.door43.org/obs/jpg/360px/obs-en-02-08.jpg)

डाबोलटे परमेश्वर नी कोम्बराके, “आमके जे घाल्के कि आम नंगा होय? चोच आम डी फल जोवे होय डीके जोम्गा घल्जी इंज्नी आमके बान मेंके डा?” कोरो नी जवाब जीके, “आमनी इंज्के जो इनी जापाए के जिलेनेच होय इनिज्का नी इंज्के डी फल जिले।” मेटे परमेश्वर नी जापाएटे कोम्बाराके, “आमनी इनी चोच डाके होय?” डी जापाए मंडीके, “बिंज नी इंज्के धोका जिले होय।”

![](https://cdn.door43.org/obs/jpg/360px/obs-en-02-09.jpg)

परमेश्वर नी बिंज टे मंडीके, “आम श्रापो होय। आम अमाका लाज गा ताखात टे ओसोरबा एठा कासा जोम्बा। आम एठा इनी जापाए इनिज-दियाटे खीजो डोएवा, एठा अमा कोंकू एठा दियागा कोंकू भी इनिज-दियाटे खीजो डोएवा। इनी जापाए गा खान्दान अमा कपार के कुचलातिंजेवा, एठा दियागा चापोए के टाम्बागेवा।”

![](https://cdn.door43.org/obs/jpg/360px/obs-en-02-10.jpg)

मेटे परमेश्वर नी जापाए टे मंडीके, “इंज अमा कोंकू के डाऊ टेमो भेबाव तक्लिप जेबा। आम अमा सनाटे असा डोएवा, एठा डीच अमा लिंजेन राजोवा।”

![](https://cdn.door43.org/obs/jpg/360px/obs-en-02-11.jpg)

परमेश्वर नी कोरो टे मंडीके, “आमनी अमा जापाए गा आजुम्के होय एठा इंजा हुकूम बान आजुम्डूका होय। इनिघल्जी ओटे श्रापोएन होय, एठा आमेन आटा ओट गा घल्जी कठीन मेहनत दडा गा जरुरी डाऊवा। नका आम गोयुवा, एठा अमा कोम्बोर कासा गेन बेल्लाऊवा।” डी कोरो नी हेजा जापाएटे गा जीमू हव्वा डोके, डेगा मतलब होय “जीवन जिऊमिनी”, चोयाकी डीच सेबाई जाटो गा आंटे डाऊवा। एठा परमेश्वर नी आदम एठा हव्वा के जानवर गा कतळे टे आरुके कपळे उरिके।

![](https://cdn.door43.org/obs/jpg/360px/obs-en-02-12.jpg)

डाबोलटे परमेश्वर नी मंडीके, “नका भला एठा बुरा के हाडाई टे कोरोकू आलेगा रोंगो आरोएन होय, इनिघल्जी डी जीवन गा सिंज गा फल के बाकी जोमडाए होना कि दिकु हमेशा गा घल्जी जिटाका थंदळकु।” इनिघल्जी परमेश्वर नी आदम एठा हव्वा के डी बगीचा टे बल्लान ओटके किंज। एठा परमेश्वर नी जेकाकेभी डी जीवन गा सिंज गा फल के जोम्टे रोराकातिंजा गा घल्जी डी बगीचा गा मु गा दरोजो लिंजेन शक्तिशाली स्वर्गदूतकु के सुबांकेकु।

*उत्पति अध्याय ३ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_02_128kbps.m4a

## 3. अडी

https://openbiblestories.org/l/gok/story-3/

![](https://cdn.door43.org/obs/jpg/360px/obs-en-03-01.jpg)

घोनेच टेमो गा बादोन, दुनिया गेन घोनेच्का कुरकू थंदळ डा। दिकु भेबाव बुरा एठा आनोवा मिंकू आरोएन डा। इंकू येटो बुरा डा कि परमेश्वर नी म्या खाट अडी टे इनी पूरा दुनिया के नशो दडा गा निर्णय सावे।

![](https://cdn.door43.org/obs/jpg/360px/obs-en-03-02.jpg)

पेनो परमेश्वर नूह टे कुशोके डा। डीच बुरा कुरकू गा तालान थंदळ मिठाच म्या धर्मी कोरो डा। परमेश्वर नी नूह के घाल्के कि डीच म्या खाटबेळे अडी के सेगे मिठाच होय। इनी वाजाटे, डीचनी नूह टे म्या खाट डोंगा आरु गा घल्जी मंडीके।

![](https://cdn.door43.org/obs/jpg/360px/obs-en-03-03.jpg)

परमेश्वर नी नूह के अंदजो टे १४० मीटर लम्बा, २३ मीटर चावडा एठा १३.५ मीटर ऊँचा डोंगा आरु गा घल्जी मंडीके। नूह के डीके लकडी टे आरु डा एठा डेन आफाई तल, घोनेच्का खुली, म्या पदळी एठा खिड़की आरु गा डा। डी डोंगा नूह, दियागा परिवार, एठा ओटे गा हर रेंग्गो गा जानवरकु डी अडी टे सजाका डोकुवा।

![](https://cdn.door43.org/obs/jpg/360px/obs-en-03-04.jpg)

नूह नी परमेश्वर गा बातो के आजुम्के। डीचनी एठा दियागा कोणकुटे नी डेनोगोका डोंगा आरुके जैसा परमेश्वर नी घाल्के डा। चोयाकी डी डोंगा भेबाव खाट डा इनिघल्जी आरु गेन चोटोका साल घाईय्ये। नूह नी कुरकू के हेजे मिनी अडी गा बारेन चेतावनी जीके एठा दिकुके परमेश्वर गा कोनेन इखाट गा घल्जी मंडीके, पेनो दिकुनी दिया लिंजेन विश्वास बान दडुका।

![](https://cdn.door43.org/obs/jpg/360px/obs-en-03-05.jpg)

परमेश्वर नी नूह एठा दियागा परिवार के हेजा घल्जी एठा जानवरकु के घल्जी होना आटा गोगाला गा हुकूम भी जीके। जब सेबाईका तैयारके डा, मेटे परमेश्वर नी नूह टे मंडीके कि इनी टेमो दियागा, दियाका जापाए गा, दियागा आफाई कोणकु गा, एठा दिकुगा जापाएटे टाकू-पुरा बेल्लाटे इलार कुरकू गा डोंगा गेन सेने गा डा।

![](https://cdn.door43.org/obs/jpg/360px/obs-en-03-06.jpg)

परमेश्वर नी हर जानवर एठा भूरी गा जापाए एठा धोटा के नूह गा मेरान कुल्केकु ताकि दिकु डोंगा गेन सेंजू होना एठा अडी गा वोजीटे सजाका थंडदळकु होना। परमेश्वर नी येनोगो हर रोंगो गा जानवरकु गा याई जापाएकु एठा याई धोटाकु के कुल्केकु दिकुके बलि पेपेळेच गा घल्जी उपयोग डाकी होना। जब दिकु सेबाईकु डोंगा लिंजेन आदिरजे मेटे खुद परमेश्वर नी डोंगा गा दरोजो के बंदोके।

![](https://cdn.door43.org/obs/jpg/360px/obs-en-03-07.jpg)

मेटे डा घामा चालुके, एठा डा घामा चालुका डोके। बिना रुकातिंजू चालीसो दिन एठा चालीसो राटो टाएन डा घामा लक्के। सेबाई दुनिया गा हर म्या चीजो, येटे टाएन कि ऊँचा टे ऊँचा टुक्की भी डा गेन नामोएन।

![](https://cdn.door43.org/obs/jpg/360px/obs-en-03-08.jpg)

लोखोळ ओटे लिंजेन थंदळ मिनी हर म्या चीजो गोएन, डी कुरकू एठा जानवरकु के अराटे जो डोंगा गेन डा। डी डोंगा डा लिंजेन उयार लज्जे डोंगा गा ताला गा हर म्या चीजो के नामुजू टे सजाका डोके।

![](https://cdn.door43.org/obs/jpg/360px/obs-en-03-09.jpg)

डा घामा गा रुकातिंजू गा बादोन, मोनाई महीना टाएन डी डोंगा डा लिंजेन उयारका लाक्के, एठा डी टेमो गा दौरान डा कामु लज्जे डा। मेटे म्या दिन डी डोंगा म्या टुक्की गा चुटी लिंजेन टेंगेंजे, लेकिन दुनिया आए भी डाटे उगुरके मेना डा। आफाई महिना गा बादोन, टुक्की गा चुटीनौर डूगु लज्जे मेना डा।

![](https://cdn.door43.org/obs/jpg/360px/obs-en-03-10.jpg)

डाबोलटे एठा चालीसो दिननौर गा बादोन, नूह नी म्या कावळा के इनी दोडो गा घल्जी कुल्केनेच कि चोच डा लोखोळजे डा। डी कावळा लोखोळ ओटे के घागाटा इंगान-हुगान आफिरका लक्के, पेनो दियेन येनोगो तुनिका जगा बान घाटाडुका।

![](https://cdn.door43.org/obs/jpg/360px/obs-en-03-11.jpg)

डाबोलटे बादोन नूह नी म्या कबूत्तर के बल्लान कुल्केनेच। पेनो दियेन भी तुनिका लोखोळ ओटे बान घाटाडुका, इनिघल्जी डीच नूह गा मेरान डाबोलटे हिराके। म्या हप्ताह गा बादोन डीचनी डी कबूत्तर के डाबोलटे कुल्केनेच, एठा डीच हेजा चंचु गेन जैतून गा म्या डांगोल साटे डाबोलटे हिराके। डा स्यागु लाके डा, एठा कोंबो डाबोलटे ओट लाक्के डा।

![](https://cdn.door43.org/obs/jpg/360px/obs-en-03-12.jpg)

नूह नी म्या हप्ताह एठा राह डोके एठा आफाई बार डी कबूत्तर के बल्लान कुल्केनेच। इनी बार, दियेन रुकातिंजू गा जगा घाटाएन एठा डीच डाबोलटे बान हेज्डुका। डा लोखोळु लक्के डा।

![](https://cdn.door43.org/obs/jpg/360px/obs-en-03-13.jpg)

बारी महीना बादोन परमेश्वर नी नूह टे मंडीके, “नका आम एठा अमा परिवार एठा सेबाई जानवरकु डोंगा टे बल्लान ओडे। घोनेचका कोंकूटे एठा नतुकू-संतुकू डाकू चाले एठा पृथ्वी के भेट्टिकी।” इनिघल्जी नूह एठा दियागा परिवार डोंगाटे बल्लान ओटजे।

![](https://cdn.door43.org/obs/jpg/360px/obs-en-03-14.jpg)

नूह गा डोंगा टे बल्लान हेजे गा बादोन, डीचनी म्या वेदी आरुके एठा बलि गा घल्जी उपयोग डाऊ रोंगो मिनी हर रोंगो गा जानवरकु तालाटे अदाकु के साटे बलि पेळेचके। परमेश्वर डी बलि टे कुशोएन एठा नूह एठा दियागा परिवार के आशीष जीके।

![](https://cdn.door43.org/obs/jpg/360px/obs-en-03-15.jpg)

परमेश्वर नी मंडीके, “इंज वादा जेवा मेना कि कुरकू गा द्वारा डाके मिनी बुरा कामय गा वाजाटे इंज डाबोलटे चोलाकाभी ओटे के श्रापो बान जिऊ या अडी द्वारा दुनिया के नशो डाए बाने, हालाँकि कुरकू इकुगा बचपन गा टेमो टे का पापी होय।

![](https://cdn.door43.org/obs/jpg/360px/obs-en-03-16.jpg)

डाबोलटे परमेश्वर नी हेजा वादा गा चिन्हा गा रुपो गेन पेला इंध्राधनुष के आरुके। जब चोलाकाभी बादळा गेन इंध्राधनुष डूगुवा मेना होय, मेटे परमेश्वर यादोएवा कि डीचनी चोच वादा डाके होय एठा डेनोगोका दियागा कुरकू भी यादोएवा।

*उत्पत्ति अध्याय ६-७ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_03_128kbps.m4a

## 4. अब्राहम गा सेंग्गोन परमेश्वर गा वादा

https://openbiblestories.org/l/gok/story-4/

![](https://cdn.door43.org/obs/jpg/360px/obs-en-04-01.jpg)

अडी गा चोटोंका साल गा बादोन, दुनिया गेन घोनेच्का कुरकू थंदळ लक्कू डा, एठा दिकुनी डाबोलटे परमेश्वर गा एठा इनिज-दियागा खिलाफ गेन पापो डाके। चोयाकी दिकु सेबाईकु म्याका भाषा मंडी लक्कू डा, इनिघल्जी दिकु म्या सेंग्गोन गोलाएन एठा दुनिया के भाबट्टी गा परमेश्वर गा हुकूम गा बजाए म्या पूरा के आरुके।

![](https://cdn.door43.org/obs/jpg/360px/obs-en-04-02.jpg)

दिकु भेबाव घमंडी डा, एठा दिकुके टोनोगो जीवन बिबातातिंज होना इनी बारेन दिकु परमेश्वर गा हुकूम गा पालन दडा बान चाहता डा। येटेका टाएन कि दिकुनी म्या येनोगो चुंबी उरा के आरु सुरुके जो स्वर्ग टाएन आदिरुवा। परमेश्वर नी डोके कि अगर दिकु म्या सेंग्गोन बेल्लाटे बुराई दडाका लक्कुवा, मेटे दिकु घोनेच्का पापी कामयनौर के डाए साकतावा होय।

![](https://cdn.door43.org/obs/jpg/360px/obs-en-04-03.jpg)

इनिघल्जी परमेश्वर नी दिकुगा भाषा के घोनेच्का अलग्गो भाषानौर गेन बदलाके एठा डी कुरकू के सेबाई दुनिया गेन फैलातिंज्के। जो पूरा के दिकुनी आरु सुरुके डा दिकु बाबेल मंडेवा, डेगा मतलब होय “गळबोळ”।

![](https://cdn.door43.org/obs/jpg/360px/obs-en-04-04.jpg)

चोटोका साल गा बादोन, परमेश्वर नी अब्राहम जीमू गा म्या कोरो टे बातो डावे। परमेश्वर नी दियाटे मंडीके, “आपना देशो एठा परिवार के आराटे डी देशो गेन सेंजू जो इंज आमके घालेवा। इंज आमके आशीष जेवा एठा अमाटे म्या खाटबेळे जाटो आरोएवा। इंज अमा जीमू महान डाएवा। जो आमके आशीष जे इंज डीचके आशीष जेवा, एठा जो आमके श्रापो जेवा डीचके इंज श्रापो जेवा। अमा वाजाटे दुनिया गा सेबाई कुल आशीष घाटाऊवा।”

![](https://cdn.door43.org/obs/jpg/360px/obs-en-04-05.jpg)

मतलब अब्राहम नी परमेश्वर गा बातोके आजुम्के। डीचनी हेजा सेबाई सेवकुके एठा सेबाई संपत्ति गेल्ला हेजा जापाएटे सारा के सावे एठा डी देशो के, कनान देशो के ओले मेना जो परमेश्वर नी डीचके टिपीके डा।

![](https://cdn.door43.org/obs/jpg/360px/obs-en-04-06.jpg)

जब अब्राहम कनान गेन अदिरजे मेटे परमेश्वर नी दियाटे मंडीके, “आपना उफुन भी कोनेन डोगे। इंज आमके इनी सेबाई देशो जेवा एठा अमा पिढी हमेशा गा घल्जी एने लिंजेन हाक डोएवा।” मेटे अब्राहम डी देशो गेन सुबांजे।

![](https://cdn.door43.org/obs/jpg/360px/obs-en-04-07.jpg)

मलिकिसिदक जीमू गा म्या कोरो डा जो महान परमेश्वर गा याजक डा। म्या दिन जब अब्राहम लड़ाई दडा गा बादोन हेजे लक्के डा मेटे डीच एठा अब्राहम मिलातिंजे। मलिकिसिदक नी अब्राहम के आशीष जीके एठा मंडीके “महान परमेश्वर जो स्वर्ग एठा पृथ्वी गा स्वामी होय डीच आमके आशीष जे।” डाबोलटे अब्राहम नी लड़ाई गेन जीटाएन मिनी सेबाई चीजो गा गेल्जा भागो मलिकिसिदक के जीके।

![](https://cdn.door43.org/obs/jpg/360px/obs-en-04-08.jpg)

चोटोका साल ओले, पेनो आए भी अब्राहम एठा सारा गा तुनिका कोंटे बाऊ डा। परमेश्वर नी अब्राहम टे बातो डावे एठा डाबोलटे वादा डावे कि दियागा म्या कोंटे डाऊवा एठा जैसा बदळा गेन इफिलकु होय डेनोगोका दियागा घोनेच्का पिढी डाऊवा। अब्राहम नी परमेश्वर गा हुकूम लिंजेन विश्वास डावे। परमेश्वर नी घोषणा डावे कि अब्राहम म्या धर्मी कोरो डा चोयाकी डीचनी परमेश्वर गा हुकूम लिंजेन विश्वास डाके डा।

![](https://cdn.door43.org/obs/jpg/360px/obs-en-04-09.jpg)

मेटे परमेश्वर नी अब्राहम टे म्या वादा डाके। कास रुपोटे, म्या वादा बारी समूह गा तालान इनिज-दियागा घल्जी कामयनौर के दडा गा म्या समझौता डाऊवा होय। परमेश्वर नी अब्राहम टे डी वादा मेटे डाके डा जब अब्राहम गिटिच लक्के डा, पेनो डीच मेटेभी परमेश्वर के आजुम साकता डा। “इंज अमा कोम्बोर टे ओट्टे आमके अमा म्या खुद गा कोण के जेच्बा। इंज अमा पिढीनौर के इनी कनान देशो जेवा मेना।” पेनो आए भी अब्राहम गा तुनिका कोणटे बाऊ डा।

*अत्पत्ति अध्याय ११-१५ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_04_128kbps.m4a

## 5. वादा गा कोण

https://openbiblestories.org/l/gok/story-5/

![](https://cdn.door43.org/obs/jpg/360px/obs-en-05-01.jpg)

अब्राम एठा सारा गा कनान गेन आदिरु गा गेल साल गा बादोन, आए टाएन भी दिकिंज गा तुनिका कोणटे बाऊ डा। इनिघल्जी अब्राम गा जापाएटे सारा नी दियाटे मंडीके, “चोयाकी परमेश्वर नी आए टाएन इंज्के कोण के डाऊ गेन सफलता बान दडुका होय एठा नका इंज कोण डाऊ गा घल्जी ठायका बुड्डी मेना, इंजा भागनी हाजिरा इनिज होय। दियाटे भी ब्याह डाकि की डीच इंजा घल्जी म्या कोणके डाकेच होना।”

![](https://cdn.door43.org/obs/jpg/360px/obs-en-05-02.jpg)

मतलब अब्राम नी हजीरा टे ब्याह डावे। हाजिरा गा म्या कोणटे डाएन, एठा अब्राम नी दियागा जीमू इश्माएल डोके। पेनो सारा हाजिर टे जुलू लज्जे। जब इश्माएल तेरा साल गा डा, परमेश्वर नी डाबोलटे बातो डावे।

![](https://cdn.door43.org/obs/jpg/360px/obs-en-05-03.jpg)

परमेश्वर नी मंडीके, “इंज सर्व-शक्तिमान परमेश्वर मेना। इंज अमा सेंग्गोन म्या वादा टोलेवा।” मेटे अब्राम नी ओटे लिंजेन बोचोएन डो नंगा सब्बे। परमेश्वर नी अब्राम टे इनी भी मंडीके, “आम घोनेच्का जाटो गा बाटे आरुवा। इंज आमके एठा अमा पिढीनौर के दिकुगा खुद गा ओटे आरु गा घल्जी कनान देशो जेवा एठा इंज हमेशा गा घल्जी दिकुगा परमेश्वर आरुवा। आमके आपना पारिवार गा हर कोरो गा खतना दडा होय।”

![](https://cdn.door43.org/obs/jpg/360px/obs-en-05-04.jpg)

“अमा जापाए सारा म्या कोण डाऊवा डी वादा गा कोण डाऊवा। दियागा जीमू इसहाक डोकी। इंज दियागा सेंग्गोन इंजागा वादा के आरुका डोएवा एठा डीच म्या खाट जाटो आरुवा। इंज इश्माएल के भी म्या खाट जाटो अरोएवा, पेनो इंजा वादा इसहाक गा सेंग्गोन थंदळवा।” मेटे परमेश्वर नी अब्राम गा जीमू बदलाटे अब्राहम डोके, डेगा मतलब होय, “घोनेच्कु गा बाटे”। परमेश्वर नी सारै गा जीमू भी बदलाटे सारा डोके, डेगा मतलब होय “मुल आंटे”।

![](https://cdn.door43.org/obs/jpg/360px/obs-en-05-05.jpg)

डी दिन अब्राहम नी हेजा उरा गा सेबाई कोरोकु गा खातना डाके। अंदाजोटे म्या साल बादोन, जब अब्राहम १०० साल गा उमर गा डा, मेटे सारा नी अब्राहम गा कोंटे के जनम जीके। जैसा परमेश्वर नी दिकुके घाल्के डा दिकुनी दियागा जीमू इसहाक डोके।

![](https://cdn.door43.org/obs/jpg/360px/obs-en-05-06.jpg)

जब इसहाक जवान जे मेटे परमेश्वर नी इनी मंडीटे अब्राहम गा विश्वास गा अंदाजो साये, “हेजा म्याका कोंटे के सेगेच, एठा डीचके इंजा घल्जी बलि गा रुपो गेन गोजेच।” डाबोलटे अब्राहम नी परमेश्वर गा बातो आजुम्के एठा हेजा कोंटे के बलि दडा गा घल्जी तैयार डाके।

![](https://cdn.door43.org/obs/jpg/360px/obs-en-05-07.jpg)

जब अब्राहम एठा इसहाक बलि पेपेळेज गा जगा कोनेन सेने लज्जे मेटे इसहाक नी कोम्बाराके, “हे बाटे, आलेगा मेरान बलि गा घल्जी चखाननौर मेटे टाकू होय, पेनो बलि दडा गा मेंडा कोंटे टुगान होय?” अब्राहम नी जवाब जीके, “हे इंजा कोण, परमेश्वर बलि दडा गा घल्जी मेंडा कोंटे गा सोए डाएवा।”

![](https://cdn.door43.org/obs/jpg/360px/obs-en-05-08.jpg)

जब डीच बलि पेपेळेज गा जगान आदिरजे, मेटे अब्राहम नी इसहाक के टोल्टे वेदी लिंजेन सनान केनेच। डीच हेजा कोंटे के घोगेच लक्के डा कि परमेश्वर नी मंडीके, “टेंगेने! पोट्टाके नुक्सान बाकी जिऊ! नका इंज चिनाये मेना कि आम हिघरा ममानातिंज्बा होय चोयाकी आमनी अमा म्याका कोणके भी इंजाटे बचातिंजटे बान दोडुका।”

![](https://cdn.door43.org/obs/jpg/360px/obs-en-05-09.jpg)

मेरान का अब्राहम नी म्या मेंडा के डोकेनेच जो झाळीनौर गेन फासाके मेना डा। इसहाक गा बेदला बलि गा घल्जी परमेश्वर नी मेंडा गा सोए डाके डा। अब्राहम नी खुशी-खुशी मेंडा गा बलि पेळेचके।

![](https://cdn.door43.org/obs/jpg/360px/obs-en-05-10.jpg)

मेटे परमेश्वर नी अब्राहम टे मंडीके, “चोयाकी आम इंजा घल्जी सेबाई चीजो जिऊ गेन आरिके डा, येटे टाएन कि अमा म्याका कोणके भी, इनिघल्जी इंज आमके आशीष जिऊ गा वादा दडावा मेना। अमा पिढी बादळा गा इफिलकू टे भी घोनेच डाऊवा। चोयाकी आमनी इंजा हुकूम के मनातिंज्के होय इनिघल्जी इंज अमा परिवार गा द्वारा दुनिया गा सेबाई कुल के आशीष जेवा।”

*उत्पत्ति अध्याय १६-२२ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_05_128kbps.m4a

## 6. परमेश्वर इसहाक गा घल्जी सोए दडावा होय

https://openbiblestories.org/l/gok/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम भेबाव सनाएन मेना डा मेटे दियागा कोंटे, इसहाक, म्या पोट्टा गा उमर गा डाएन मेना डा। इनिघल्जी अब्राहम नी म्या भाग्य के हेजा कोंटे इसहाक गा घल्जी डी देशो टे म्या जापाए सागा घल्जी कुल्केनेच देटेन दियागा सगाकु थंदळ डा।

![](https://cdn.door43.org/obs/jpg/360px/obs-en-06-02.jpg)

देटेन अब्राहम गा सगाकु थंदळ डा डी देशो गेन सेने गा म्या खाट लम्बा यात्रा गा बादोन परमेश्वर नी डी सेवक गा सेंग्गोन थंदळ मिठाच रिबका टे डाके। डीच अब्राहम गा डाईटे गा नातू डा।

![](https://cdn.door43.org/obs/jpg/360px/obs-en-06-03.jpg)

रिबका हेजा परिवार के आराटे डी भाग्य गा सेंग्गोन डाबोलटे सेने गा घल्जी मनातिंजे। जैसा का डीच आदिरजे इसहाक नी दियाटे ब्याह डावे।

![](https://cdn.door43.org/obs/jpg/360px/obs-en-06-04.jpg)

म्या लम्बा टेमो गा बादोन, अब्राहम गोएन। मेटे परमेश्वर नी अब्राहम गा कोंटे इसहाक के, अब्राहम गा सेंग्गोन टोल्के मिनी वादा गा वाजाटे आशीष जीके। डी वादा गेन परमेश्वर गा म्या वादा डा कि अब्राहम गा बान उमनाऊ पिढी डाऊवा। पेनो इसहाक गा जापाएटे रिबका गा कोणकु बान दडुका।

![](https://cdn.door43.org/obs/jpg/360px/obs-en-06-05.jpg)

इसहाक नी रिबका गा घल्जी प्रार्थना डाके, एठा परमेश्वर नी डीचके जोळा कोणकिंज गा लाजू गेन सफलता जीके। जो टेमो डी कोणकिंज रिबका लाजेन का डा दिकिंज इकिंज का टापान लज्जे, इनिघल्जी जो चोच्का डाऊ लक्के डा रिबका नी डी परमेश्वर के घल्के।

![](https://cdn.door43.org/obs/jpg/360px/obs-en-06-06.jpg)

परमेश्वर नी रिबका टे मंडीके, “आम बारी कोणकिंज के जनम जेवा। दिकुगा पिढी बारी अलग्गो-अलग्गो जाटोनौर आरुवा। दिकु इनिज-दियाटे लड़ाईवा। पेनो खाट कोण टे डाऊ मिनी जाटो के सानी कोण टे हेजे मिनी जाटो गा हुकूम ममानातिंज।”

![](https://cdn.door43.org/obs/jpg/360px/obs-en-06-07.jpg)

जब रिबका गा कोणकिंज गा जनम डाएन, मेटे खाट कोण राटा एठा जाम मिठाच डा, एठा दिकुनी दियागा जीमू एसाव डोके। मेटे सानी कोण एसाव गा पिंदळी उठाडोन जनम डाएन, एठा दियागा जीमू याकूब डोके।

*उत्पत्ति अध्याय २४:१-२५:२६ टे म्या बईबाल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_06_128kbps.m4a

## 7. परमेश्वर याकूब के आशीष जेवा होय

https://openbiblestories.org/l/gok/story-7/

![](https://cdn.door43.org/obs/jpg/360px/obs-en-07-01.jpg)

जब डी पोट्टाकिंज खाटजे मेना मेटे याकूब गा उरा गेन थंदळ अच्छा घाइय्ये, पेनो एसाव के जानवरकु के शिकार दडा अच्छा घाइय्ये। रिबका नी याकूब टे लाळ डावे, पेनो इसहाक नी एसाव टे प्यार डोके।

![](https://cdn.door43.org/obs/jpg/360px/obs-en-07-02.jpg)

म्या दिन, जब एसाव शिकार डाटे हिराके मेटे डीच भेबाव रांगेच्का डा। एसाव नी याकूब टे मंडीके, “जो आमनी होंदार के होय डे तालाटे थोडासा आटा इंज्के सेगे।” याकूब नी जवाब जीके, “ पेला इंजाटे इनी वादा डाए कि पेला कोण मेन वाजाटे हर म्या चीजो जो आमेन घाटाऊ होना, डी सेबाई आम इंज्के जेवा।” इनिघल्जी एसाव नी डी सेबाई चीजो के याकूब के जिऊ गा वादा डावे। मेटे याकूब नी डीचके अदा आटा जीके।

![](https://cdn.door43.org/obs/jpg/360px/obs-en-07-03.jpg)

इसहाक के आशीष जिऊ चाहता डा। पेनो येनेटे पेला कि डीचनी येनोगो डाके, रिबका एठा याकूब नी याकूब गा एसाव आरुगा ढोंगो डाटे दियागा सेंग्गोन धोका डाके। इसहाक बुड्डा डा एठा नका दोडो बान मलुमू डा। इनिघल्जी याकूब नी एसाव गा कपळे उरी एठा बकरा गा चम्बडे के आपना गर्दन एठा टी लिंजेन उखुये।

![](https://cdn.door43.org/obs/jpg/360px/obs-en-07-04.jpg)

याकूब इसहाक गा मेरान हेन एठा मंडीके, “इंज एसाव मेना। इनिघल्जी हेन मेना कि आम इंज्के आशीष जिली।” जब इसहाक नी सिळी गा हूप के महसूस डाकेा एठा कपळे के सुकिंजे, मेटे डीचनी सोचातिंज्के कि डीच एसाव होय एठा डीचके आशीष जीके।

![](https://cdn.door43.org/obs/jpg/360px/obs-en-07-05.jpg)

एसाव नी याकूब टे खीजो डोके चोयाकी याकूब नी दियागा पेला कोण गा हाक के एठा सेंग्गो का दियागा आशीषनौर के भी चुरिये डा। इनिघल्जी डीचनी दियागा बाटे गा गुजू गा बादोन याकूब के घोगेज गा योजना आरुके।

![](https://cdn.door43.org/obs/jpg/360px/obs-en-07-06.jpg)

पेनो रिबका नी एसाव गा योजना के आजुम्जे। इनिघल्जी डीचनी एठा इसहाक नी याकूब के दियागा सगाकु गा सेंग्गोन थंदळ गा घल्जी घोनेच लेंक्कीन कुल्केनेच।

![](https://cdn.door43.org/obs/jpg/360px/obs-en-07-07.jpg)

याकूब चोटोका टाएन रिबका गा सगाकु गा सेंग्गोन थंदळके। डी टेमो गा दौरान डीचनी ब्याह डावे एठा बारह कोणकु के एठा कोंजाईकु के जनम जीके। परमेश्वर नी डीचके भेबाव लकपाती आरुकेनेच।

![](https://cdn.door43.org/obs/jpg/360px/obs-en-07-08.jpg)

बीस साल टाएन कनान गेन हेजा उरा टे लेंक्कीन थंदळ गा बादोन, याकूब हेजा परिवार, हेजा भाग्यकु, एठा हेजा जानवरकु गा सेबाई घोंजा गा सेंग्गोन डीच डाबोलटे हिराके।

![](https://cdn.door43.org/obs/jpg/360px/obs-en-07-09.jpg)

याकूब इनिघल्जी भेबाव खीजो के डा चोयाकी सोचातिंज्के कि एसाव आएभी डीचके घोगेच चाहता डा। इनिघल्जी डीचनी भार गा रुपो गेन जानवरकु के घोंजा के एसाव गा मेरान कुल्केनेच। जो सेवक डी घोंजा के साटे ओले डा दिकुनी मंडीके, “अमा भाग्य याकूब, इनी जानवरकु के आमके जिकुवा मेना होय। डीच झाल्लोका हेजे लक्के मेना।”

![](https://cdn.door43.org/obs/jpg/360px/obs-en-07-10.jpg)

पेनो एसाव नका याकूब के नुक्सान जिऊ बान चाहता डा। येनेगा वाजाटे, डीच डीचके म्या बार डाबोलटे डोटे भेबाव कुशो के डा। डेगा बादोन याकूब कनान गेन शांतिटे थंदळके। डाबोलटे इसहाक गोएन एठा याकूब एठा एसाव नी डीचके गळातिंज्केनेच। वादा गा वायदा जो परमेश्वर नी अब्राहम टे डाके डा डीन का इसहाक टे याकूब लिंजेन हेन मेना डा।

*उत्पत्ति अध्याय २५:२७-३५:२९ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_07_128kbps.m4a

## 8. परमेश्वर यूसुफ एठा दियागा परिवार के बचातिंजेवा होय

https://openbiblestories.org/l/gok/story-8/

![](https://cdn.door43.org/obs/jpg/360px/obs-en-08-01.jpg)

चोटोका साल गा बादोन, जब याकूब बुड्डाएन मेना डा, मेटे डीचनी हेजा अच्छा कोण यूसुफ के दियागा डाईटे टाकू के चिचाना गा घल्जी कुल्केनेच जो जानवरकु गा घोंजा गा देखभाल दडा लक्के डा।

![](https://cdn.door43.org/obs/jpg/360px/obs-en-08-02.jpg)

यूसुफ गा डाईटे टाकूनी दियाटे खीजो दोडो डा चोयाकी दिकुगा बाटे दियाटे येठाभी प्यार दोडो डा एठा इनिघल्जी भी कि यूसुफ नी सापना डोके डा कि डीच दिकुगा राजो मिठाच आरुवा। जब यूसुफ हेजा डाईटे टाकू गा मेरान हेन मेटे दिकुनी डीचके उठायेनेच एठा डीचके भाग्यकु गा व्यापार दडामिंकू के किजीकेनेच।

![](https://cdn.door43.org/obs/jpg/360px/obs-en-08-03.jpg)

उरा गेन हिराटे पेला यूसुफ गा डाईटे टाकूनी यूसुफ गा कपळे के चिराटे सिळी गा पचना गेन बेल्लाके। डाबोलटे दिकुनी डी कपळे हेजा बाटे के टिपीके ताकि डीच इनी सोचातिंजेवा कि तुनिका डोंगोर जानवर नी यूसुफ के घोच्केनेच होय। याकूब भेबाव नराजोके डा।

![](https://cdn.door43.org/obs/jpg/360px/obs-en-08-04.jpg)

भाग्यकु गा व्यापार दडामिंकू डी कुरकू यूसुफ के मिस्र गेन साईय्येनेच। नील गडा गा धुरान सुबांके मिनी मिस्र म्या खाट एठा शक्तिशाली देशो डा। डी भाग्यकु गा व्यापार दडामिंकू नी यूसुफ के म्या लकपाती सरकारी अधिकारी के भाग्य गा रुपो गेन किजीकेनेच। यूसुफ नी हेजा स्वामी गा अच्छा खिजाटे सेवा डावे, एठा परमेश्वर नी यूसुफ के आशीष जीके।

![](https://cdn.door43.org/obs/jpg/360px/obs-en-08-05.jpg)

दियागा स्वामी गा जापाएटे नी यूसुफ गा सेंग्गोन गिटिच गा कोशिश डावे, पेनो यूसुफ नी इनी रिती टे परमेश्वर गा खिलाफ पापो दडा टे बान मेंके। डीच खिजोएन एठा यूसुफ लिंजेन लाबाळ आरोप येंडाके, इनिघल्जी डीचके जेलेन केटकेनेच। येटे टाएन कि जेलेन भी, यूसुफ परमेश्वर गा प्रति सच्चो थंदळके, एठा परमेश्वर नी डीचके आशीष जीके।

![](https://cdn.door43.org/obs/jpg/360px/obs-en-08-06.jpg)

बारी साल गा बादोन, यूसुफ आएभी जेलेंके डा, भलाका डीच निर्दोष डा। म्या राटो, फिरौन, जैसा कि मिस्री कुरकू इकुगा राजाकु के हाको डा, फिरौन नी बारी सापना डोके दिकुनी डीचके ठायका बिचारेन बोचोकेनेच। दियागा तुनिकभी सलाहकार डीचके डी सापना गा मतलब बान घालडुका।

![](https://cdn.door43.org/obs/jpg/360px/obs-en-08-07.jpg)

परमेश्वर नी यूसुफ के सापना गा मतलब घागल गा शक्ति जीके डा, इनिघल्जी फिरौन नी यूसुफ के जेलाटे हेजा मेरान हाकोकेनेच। यूसुफ नी डीचके डी सापना गा मतलब घाल्के एठा मंडीके, “परमेश्वर भेट्टिके अनोजो मिंकूके याई साल गा बादोन सुकाल गा याई साल कुले लक्के मेना होय।”

![](https://cdn.door43.org/obs/jpg/360px/obs-en-08-08.jpg)

फिरौन यूसुफ टे येटो खुशेन मेना कि डीचनी डीचके मिस्र गा दूसरा सेबाई टे शक्तिशाली कोरो ठहरातिंज्केनेच।

![](https://cdn.door43.org/obs/jpg/360px/obs-en-08-09.jpg)

यूसुफ नी कुरकू टे अच्छा अनोजो मिनी याई साल गा दौरान घोनेच आटा के घोगाला गा घल्जी मंडीके। जब याई साल गा सुकाल हेन मेटे यूसुफ नी कुरकू के डी आटा किजीके ताकि मेरान जोम गा घल्जी घाटायु होना।

![](https://cdn.door43.org/obs/jpg/360px/obs-en-08-10.jpg)

डीच सुकाल बस मिस्र गेन का बाने, पेनो कनान गेन भी भयंकर डी देटेन याकूब एठा दियागा परिवार थंदळ डा।

![](https://cdn.door43.org/obs/jpg/360px/obs-en-08-11.jpg)

इनिघल्जी याकूब नी हेजा सेबाई टे खाट कोण के आटा मोलाटे सा गा घल्जी मिस्र देशो गेन कुल्केनेच। जब डीच आटा मोलाटे सा गा घल्जी यूसुफ गा सम्मान टेंगेंजे मेटे डी डाईटे टाकिंज नी यूसुफ के बान चिनाडुका। पेनो यूसुफ नी दिकुके चिनायेकु।

![](https://cdn.door43.org/obs/jpg/360px/obs-en-08-12.jpg)

इनी मालूम दडा गा घल्जी कि चोच डीच बदलातिंजे होय दिकुगा जाँच दडा गा बादोन, यूसुफ नी दिकुटे मंडीके, “इंज आपेगा डाई यूसुफ मेना! हिघरा बाकी। जब आपेनी इंज्के भाग्य मेंटो किजिकेमी डा मेटे आपेनी बुरा दडा गा बिचारवे डा, पेनो परमेश्वर नी डी बुराई के भलाई गा घल्जी उपयोग डाके! हेजे एठा मिस्र गेन थंदळे ताकि इंज आपेगा एठा आपेगा परिवारनौर गा घल्जी आटा गा सोए डाकि होना।

![](https://cdn.door43.org/obs/jpg/360px/obs-en-08-13.jpg)

जब यूसुफ गा डाईटे उरान डाबोलटे हिराके एठा हेजा बाटे याकूब के घाल्के कि यूसुफ आए भी जिटाका होय मेटे डीच भेबाव कुशोएन मेना डा।

![](https://cdn.door43.org/obs/jpg/360px/obs-en-08-14.jpg)

हालाकि याकूब म्या बुड्डा कोरो डा तोभी हेजा पूरा परिवार गा सेंग्गोन मिस्र गेन ओले मेना, एठा दिकु डेनेन थंदळ लज्जे। याकूब गा गुजू टे पेला, डीचनी हेजा हरेक कोण के आशीष जीके।

![](https://cdn.door43.org/obs/jpg/360px/obs-en-08-15.jpg)

वादा गा डी वायदा जो परमेश्वर नी अब्राहम टे डाके डा डी इसहाक लिंजेन एठा डेगा बादोन याकूब, एठा डेगा बादोन दियागा बारह कोणकु एठा दिकुगा परिवारनौर लिंजेन हेन मेना डा। डी बारह कोणकु गा पिढी इस्राएल गा बारह पिढी आरोएन।

*उत्पत्ति अध्याय ३७-५० टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_08_128kbps.m4a

## 9. परमेश्वर मूसा के हाकोवा होय

https://openbiblestories.org/l/gok/story-9/

![](https://cdn.door43.org/obs/jpg/360px/obs-en-09-01.jpg)

यूसुफ गा गुजू गा बादोन दियागा सेबाई सगाकु मिस्र गेन सुबांजे। दिकु एठा दिकुगा खान्दान चोटोका साल टाएन मिस्र गेन का थंदळके एठा दिकुनी घोनेच कोणकु के डाकेकु। दिकु इस्राएली मंडीके।

![](https://cdn.door43.org/obs/jpg/360px/obs-en-09-02.jpg)

चोटोका म्या सेद्दी साल गा बादोन, इस्राएली कुरकू गा संख्या घोनेच बळातिंजे डा। एठा मिस्री कुरकू नका इनी बातो गा घल्जी आभारी बाऊ डा कि दिकुगा मदत दडा गा घल्जी यूसुफ नी घोनेच चोच्का डाके डा। दिकु इस्राएली कुरकू टे हिघराएन चोयाकी दिकु संख्या गेन दिकुटे घोनेच डा। इनिघल्जी डी टेमो मिस्र लिंजेन राजो दडा मिंकू फिरौन नी इस्राएली कुरकू के मिस्रीकु गा भाग्य आरूकेकु।

![](https://cdn.door43.org/obs/jpg/360px/obs-en-09-03.jpg)

मिस्रीकु नी इस्राएली कुरकू के घोनेच का उरानौर एठा येटे टाएन कि चोटोका पूरानौर के आरुगा घल्जी मजबूरकेकु। डी कठीन मेहनत नी दिकुगा जीवन के खाट कासु आरुकेकु, पेनो परमेश्वर नी दिकुके आशीष जीके एठा दिकुगा एठा घोनेच कोणकुटे डाकेकु होय।

![](https://cdn.door43.org/obs/jpg/360px/obs-en-09-04.jpg)

फिरौन नी डीके कि इस्राएली कुरकू गा घोनेच कोणकु टे डाऊ लक्के डा, इनिघल्जी डीचनी हेजा कुरकू के इस्राएली कुरकू गा सेबाई पोट्टा चाफ्निकू के नील गडा गेन टेप्पाटे घोगेज गा हुकूम जीके।

![](https://cdn.door43.org/obs/jpg/360px/obs-en-09-05.jpg)

म्या कास इस्राएली जापाए नी म्या पोट्टा के जनम जीके। डीचनी एठा दियागा सनाटे जोभी दिकुटे डाएन डी सनी के उखुटे डोकेनेच।

![](https://cdn.door43.org/obs/jpg/360px/obs-en-09-06.jpg)

जब डी सानी गा आंटे-बाटे दियेन एठा घोनेचका बान उखुडुका, मेटे दिकुनी डीचके गुजू टे बचातिंजू गा घल्जी म्या उयार मिनी टोपला गेन नील गडा गा धुरा लिंजेन डोंगाळा गा तालान डोकेनेच। दियागा खाट बोकाजाईटे नी इनी दोडो गा घल्जी दियागा निगरानी डाके कि दियागा सेंग्गोन डाऊवा।

![](https://cdn.door43.org/obs/jpg/360px/obs-en-09-07.jpg)

फिरौन गा कोंजाईटे नी डी टोपला के धोटे डेगा ताला डोके। जब डीचनी म्या सनी के डोकेनेच मेटे डीचनी डीचके हेजा सनी गा रुपो गेन साईंय्येनेच। डीचनी म्या इस्राएली जापाए के डीचके दिड़ोम आनु गा घल्जी कामय गेन डोकेनेच, बिना मालूम गा कि डीच डीचके टाकूनेच आंटेडा। जब डी सनी येटो खाटजे डा कि नका डीचके हेजा आंटे गा दिड़ोम गा ज़रूरी बाऊ डा, मेटे डीचनी फिरौन गा कोंजाईटे गा मेरान जिकेनेच, दियागा जीमू मूसा डा।

![](https://cdn.door43.org/obs/jpg/360px/obs-en-09-08.jpg)

म्या दिन, जब मूसा खाटजे मेना डा, मेटे डीचनी डोके कि म्या मिस्री म्या इस्राएली कोरो के मुंडाएच लक्के होय। मूसा नी हेजा सेंग्गो इस्राएली कोरो के बबाचातिंज गा कोशिश डाके।

![](https://cdn.door43.org/obs/jpg/360px/obs-en-09-09.jpg)

जब मूसा नी बिचारके कि डीचके जेका बान दोडुका मेटे डीचनी डी मिस्री के घोच्केनेच एठा दियागा म्हाळा के गळातिंज्के। पेनो मूसा नी जो डाके डा डीके जेकानी डोके मेना डा।

![](https://cdn.door43.org/obs/jpg/360px/obs-en-09-10.jpg)

फिरौन गेन मलुम्जे मेना कि मूसा नी चोच डाके होय। डीचनी डीचके घोगेज गा कोशिश डावे, पेनो मूसा मिस्र टे डोंगोरेन सळुपजे। फिरौन गा सानिक डीचके देनेन घाटाडुका बाने।

![](https://cdn.door43.org/obs/jpg/360px/obs-en-09-11.jpg)

मिस्र टे डोंगोंरेन मूसा म्या चचारामिठाच आरोएन मेना डा। डीचनी देटेन म्या जापाए टे ब्याह डावे एठा बारी कोणकिंज डाएन।

![](https://cdn.door43.org/obs/jpg/360px/obs-en-09-12.jpg)

मूसा हेजा कुंजकर टे गा मेंडाकु गा रखवाली दडा डा। म्या दिन, डीचनी म्या जुलू मिनी झाळी के डोके जो राखोएन बिनाका जुलू लक्के डा। डीके दोडो गा घल्जी डीच डी झाळी गा मेरान ओले। जब डीच डेगा ठायका मेरानके डा मेटे परमेश्वर नी दियाटे बातो डावे। डीचनी मंडीके, “हे मूसा, अमा बुट्टाके कोलाकी। आम म्या पवित्र जगान टेंगेंके होय।”

![](https://cdn.door43.org/obs/jpg/360px/obs-en-09-13.jpg)

परमेश्वर नी मंडीके, “इंज्नी कुरकू गा कासु के डोके होय। इंज आमके फिरौन गा मेरान गा मेरान कुलकोम्बा ताकि इस्राएली कुरकू के मिस्र गा गुलामी टे सालेकू होना। इंज दिकुके कनान जेबा, डी देशो देगा इंज्नी अब्राहम, इसहाक एठा याकूब टे वायदा डाके होय।”

![](https://cdn.door43.org/obs/jpg/360px/obs-en-09-14.jpg)

मूसा नी कोम्बाराके, “अगर कुरकू नी कोम्बाराकेमी कि जेनी इंज्के कुल्लेमी होय मेटे चोच मंडे?” परमेश्वर नी मंडीके, “जो इंज मेना।दिकुटे मंडे, “इंज मेना परमेश्वर नी इंज्के आपेगा कुल्केमी होय।” दिकुटे इनिभी मंडे, “इंज आपेगा जुनाकू अब्राहम, इसहाक एठा याकूब गा परमेश्वर यहोवा मेना।” इंजा इनी जीमू हमेशा गा होय।”

![](https://cdn.door43.org/obs/jpg/360px/obs-en-09-15.jpg)

मूसा हिघरा डा एठा फिरौन गा मेरान सेने बान चाहता डा चोयाकी डीचनी बिचारके कि हेज अच्छा बान मंडी साकता, इनिघल्जी परमेश्वर नी मूसा गा डाईटे, हारून, के दियागा मदत गा घल्जी कुल्केनेच

*निर्गमन अध्याय १-४ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_09_128kbps.m4a

## 10. गेल सिनीनौर

https://openbiblestories.org/l/gok/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर नी मूसा एठा हारून के चेतावनी जीके कि फिरौन गा मेरान ओले मेटे दिकुनी मंडीके, “इस्राएल गा परमेश्वर इनी मंडीवा होय, “इंजा कुरकू के सेन डाए।” पेनो फिरौन नी दिकुगा बान आजुमडुका एठा इस्राएलकु के सेने गा घल्जी आरा गा बेदला डीचनी दिकुके कठीन मेहनत दडा गा घल्जी मजबूर केकु।

![](https://cdn.door43.org/obs/jpg/360px/obs-en-10-02.jpg)

फिरौन डी कुरकू के सेन ड़ाए टे टाऊलगी बान मेन लक्केका, इनिघल्जी परमेश्वर नी मिस्र लिंजेन गेल भयानक सिनीनौर कुल्के। इनी सिनीनौर गा द्वारा, परमेश्वर नी फिरौन के टिपीके कि डीच फिरौन एठा मिस्र गा गोमेचकु टे एठाभी शक्तिशाली होय।

![](https://cdn.door43.org/obs/jpg/360px/obs-en-10-03.jpg)

परमेश्वर नी नील गडा के पचना गेन बदलाके, पेनो फिरौन नी आएभी इस्राएली कुरकू के सेन डाए डुका बाने।

![](https://cdn.door43.org/obs/jpg/360px/obs-en-10-04.jpg)

परमेश्वर नी पूरा मिस्र गेन डेड्डाकु कुल्केकु। फिरौन नी डेड्डाकु के लेंक्कीनकु गा घल्जी मूसा टे अनुराध डाके। पेनो सेबाई डेड्डाकु गुजू गा बादोन, फिरौन नी हेजा मन के जिद्दी आरुये एठा इस्राएली कुरकू के मिस्र टे ओट डाए डुका बाने।

![](https://cdn.door43.org/obs/jpg/360px/obs-en-10-05.jpg)

इनिघल्जी परमेश्वर नी तोतोरकु गा सिनीनौर कुल्के। डेगा डीचनी बिंजकु गा सिनी कुल्के। फिरौन नी मूसा एठा हारून के हाकोलेकू एठा दिकुटे मंडीके कि अगर दिकु डी सिनीनौर के भी रोकातिंज्की मेटे इस्राएली कुरकू मिस्र के के आराटे सेने साकतावा होय। जब मूसा नी प्रार्थना डाके मेटे परमेश्वर नी मिस्र लिंजटे बिंजकु के म्याधेळेन केकु। पेनो फिरौन नी हेजा मन के जिद्दी आरुये एठा डी कुरकू के आजादी टे सेन डाए डुका बाने।

![](https://cdn.door43.org/obs/jpg/360px/obs-en-10-06.jpg)

येनेगा सम्मान, परमेश्वर नी मिस्रीकु गा सेबाई पालतू जानवरकु के बीमार टे गोच डाएकेकु। पेनो फिरौन गा मन जिद्दी आरोएन डा एठा डीचनी इस्राएली कुरकू के सेन डाए डुका बाने।

![](https://cdn.door43.org/obs/jpg/360px/obs-en-10-07.jpg)

मेटे परमेश्वर नी मूसा टे फिरौन गा सम्मान हवा गेन होप तेटाप्पा गा घल्जी मंडीके। जब डीचनी येनोगो डाके मेटे मिस्र गा कुरकू गा म्वार लिंजेन कासु मिनी उजू ओटजे, पेनो इस्राएली कुरकू के चोच्काभी तकलिप बान दडुका। परमेश्वर नी फिरौन गा मन के जिद्दी आरुके, एठा फिरौं नी इस्राएली कुरकू गा आजादी टे सेन डाए डुका बाने।

![](https://cdn.door43.org/obs/jpg/360px/obs-en-10-08.jpg)

येनेगा बादोन, परमेश्वर नी बाराप एठा मिस्र गा घोनेच फलनौर के नशोके एठा जो जेकाभी बल्लान ओटबा डीचके गोच्केनेच। फिरौन नी मुसा एठा हारून के हाकोके किंज एठा दिकिंजा टे मंडीके, “इंज्नी पापो डाके होय। आपे कुरकू सेने साकतावा होय।” इनिघल्जी मूसा नी प्रार्थना डाके, एठा बदळा टे बरप बोचो बंदोएन।

![](https://cdn.door43.org/obs/jpg/360px/obs-en-10-09.jpg)

पेनो फिरौन नी डाबोलटे पापो डावे एठा हेजा मन के जिद्दी आरुये। डीचनी इस्राएली कुरकू के अजादी टे सेन डाए डुका।

![](https://cdn.door43.org/obs/jpg/360px/obs-en-10-10.jpg)

इनिघल्जी परमेश्वर नी मिस्र लिंजेन तोतोरकु गा गोंजा के हेज डाए के। इनी तोतोरकु डी सेबाई अनोजो के जोम्जे डीके बारप नी नशोके डा।

![](https://cdn.door43.org/obs/jpg/360px/obs-en-10-11.jpg)

डाबोलटे परमेश्वर नी अंधराके जो आफाई दिननौर टाएन आरुका थंदळके। येटेन येटो ठायका किरीच डा मिस्री कुरकू इकुगा उरानौर टे बान ओटडुका। पेनो तोटेन इस्राएली कुरकू थंदळ डा देटेनका उजाला डा।

![](https://cdn.door43.org/obs/jpg/360px/obs-en-10-12.jpg)

इनी आराई सिनीनौर गा बादोन भी, फिरौन नी इस्राएली कुरकू के अजादी टे सेने टे बान मेंके। चोयाकी फिरौन नी बान आजुम डुका डा। इनिघल्जी परमेश्वर नी म्या आखरी सिनी के कुकूल गा योजना आरुके। इनी फिरौन गा मन के बदलाएवा।

*निर्गमन अध्याय ५-१० टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_10_128kbps.m4a

## 11. फसह

https://openbiblestories.org/l/gok/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर नी मूसा एठा हारून के फिरौन गा मेरान इनी मंडी गा घल्जी कुल्केकिंज कि इस्राएली कुरकू के सेन डाए। दिकुनी डीचके चेतावनी जीके कि अगर दिकुके सेन डाए बाने टासो, मेटे परमेश्वर मिस्र गा कुरकू गा एठा जानवरकु गा सेबाई पेला कोणकु टेके गोच्कूवा। फिरौन नी इनी आजुम्टे भी परमेश्वर लिंजेन विश्वास दडा टे एठा दियागा बातो ममानातिंजटे बान मेंके।

![](https://cdn.door43.org/obs/jpg/360px/obs-en-11-02.jpg)

परमेश्वर नी दिया लिंजेन विश्वास दडामिंकू जेका गाभी पेला कोणके बबाचातिंज गा घल्जी म्या उपाय गा सोए डाके। हर परिवार के म्या बिना दागो गा मेंडा कोंटे के साटे डीचके घोगेज होना डा।

![](https://cdn.door43.org/obs/jpg/360px/obs-en-11-03.jpg)

परमेश्वर नी इस्राएली कुरकू टे डी मेंडा कोंटे गा पचना के साटे आपना उरा गा दरोजो लिंजेन येंडा गा घल्जी मंडीके। दिकुन दियागा जिलु के रोंरोंगो होना डा एठा डाबोलटे दिकुन अखमिरी सोकळा गा सेंग्गोन डीके सलाटे जोम होना डा। डीचनी डी आटा के जोम गा बादोन दिकुके टाऊलगी मिस्र के आरा घल्जी भी तैयार थंदळ गा घल्जी मंडीके।

![](https://cdn.door43.org/obs/jpg/360px/obs-en-11-04.jpg)

जैसा दडा गा घल्जी परमेश्वर नी इस्राएली कुरकू के आदेश जीके डा दिकुनी डेगा रोंगो सेबाईका डाके। अदि राटोन गेन, परमेश्वर हर म्या पेला कोण के घोगेच लठ्ठाका मिस्र गा तालाबीचो टे ओले।

![](https://cdn.door43.org/obs/jpg/360px/obs-en-11-05.jpg)

इस्राएली कुरकू गा हर म्या उरा गा दरोजो लिंजेन पचना येंडाके मेना डा, इनिघल्जी परमेश्वर नी डी उरानौर के आराके। डेगा ताला गा सेबाई कुरकू सजाका डा। दिकु मेंडा कोंटे गा पचना गा वाजाटे बचातिंजे डा।

![](https://cdn.door43.org/obs/jpg/360px/obs-en-11-06.jpg)

मिस्रीकु नी परमेश्वर लिंजेन विश्वास बान दडुका डा एठा दियागा आदेशनौर के बान मनातिंजडुका डा। इनिघल्जी परमेश्वर नी दिकुगा उरानौर के बान आराडुका। परमेश्वर नी मिस्रीकु गा हर म्या पेला कोण के घोच्केकु।

![](https://cdn.door43.org/obs/jpg/360px/obs-en-11-07.jpg)

जेल गा कैदीकु गा पेला कोणकु टे साटे, फिरौन गा पेला कोण टाएन, हर म्या पेला कोण पोट्टा गोएन मेना डाआपना गहरा खीजो गा वाजाटे मिस्र गा घोनेचका कुरकू जाम लाक्के डा एठा जाम लक्के डा।

![](https://cdn.door43.org/obs/jpg/360px/obs-en-11-08.jpg)

डीका राटो, फिरौन नी मूसा एठा हारून के हकोलेकिंज एठा मंडीके, “इस्राएली कुरकू साटे तुरूटो का मिस्र टे ओटजू!” मिस्र गा कुरकू भी नी इस्राएली कुरकू टे तुरूटो ओटगा निवेदान डाके।

*निर्गम अध्याय ११:-१२:३२ टे बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_11_128kbps.m4a

## 12. निर्गमन

https://openbiblestories.org/l/gok/story-12/

![](https://cdn.door43.org/obs/jpg/360px/obs-en-12-01.jpg)

इस्राएली कुरकू मिस्र टे ओटजेडो भेबाव कुशो के डा। दिकु नका भाग्य बाऊ डा, एठा दिकु वायदा गा देशोन चेल्के डा! जो चोच्काभी इस्राएली कुरकू नी आसिवे, मिस्रीकु नी दिकुके डी सेबाईका जीके, येटे टाएन कि सोना एठा चांदी एठा अलग्गो कीमती चीजोनौर। दूसरा देशो गा अदा कुरकू नी परमेश्वर लिंजेन विश्वास डाके एठा जब इस्राएली कुरकू मिस्र टे ओटजे मेटे दिकु दिकुगा सेंग्गोन ओले।

![](https://cdn.door43.org/obs/jpg/360px/obs-en-12-02.jpg)

दिन गा टेमोन बादळा गा म्या खाट खम्भा दियागा सम्मा-सम्मा ओले। एठा राटो गा टेमो इनी सिंगेल गा खम्भा आरोएन। परमेश्वर जो कि डी बादळा गा खम्भा गेन एठा सिंगेल गा खम्भा गेन डा, हमेशा दिकुगा सेंग्गोन डा एठा डीचनी सेंदरा टेमो दिकुगा अगुवाई डाके। दिकुके बस येटोका दडा होना डा कि दियागा टाऊटे सेंद्राए।

![](https://cdn.door43.org/obs/jpg/360px/obs-en-12-03.jpg)

थोडा टेमो गा बादोन, फिरौन एठा दियागा कुरकू नी इकुगा मन के बदलाके। दिकु इस्राएली कुरकू के डाबोलटे इकुगा भाग्य आरू चाहता डा। इनिघल्जी दिकुनी इस्राएली कुरकू गा टाऊ आराडुका। इनीज परमेश्वर का डा डीचनी दिकुगा मननौर के बदलाके डा। डीचनी येनोगो इनिघल्जी डाके चोयाकी डीच चाहता डा। कि हर जेका इनी चिनाया कि फिरौन टे एठा मिस्रीकु गा सेबाई गोमेचकु टे डीच, यहोवा, येठाभी शक्तिशाली होय।

![](https://cdn.door43.org/obs/jpg/360px/obs-en-12-04.jpg)

जब इस्राएली कुरकू नी मिस्र गा सेना के हेजे टे डोके मेटे दिकुन मालूमजे कि दिकु फिरौन गा सेना एठा राटा समुद्र गा तालान फासाएन। दिकु भेबाव हिघराएन एठा जाम लज्जे, “आलेनी मिस्र के चोया आराके? आले गुजू मिंकू होय!”

![](https://cdn.door43.org/obs/jpg/360px/obs-en-12-05.jpg)

मूसा नी इस्राएली कुरकू टे मंडीके, “हिघरा बंदोए! परमेश्वर टाइंज आपेगा घल्जी लडाईवा एठा आपेके बचातिंजकोम्बा।” मेटे परमेश्वर नी मूसा टे मंडीके, “इनी कुरकू टे राटा समुद्र गा कोनेन सम्मान बळातिंजू गा घल्जी मंडीके।”

![](https://cdn.door43.org/obs/jpg/360px/obs-en-12-06.jpg)

मेटे परमेश्वर नी डी बदळा गा खम्भा के साटे इस्राएली कुरकू एठा मिस्रीकु गा तालान डोके ताकि मिस्री कुरकू इस्राएली कुरकू के दोडो बाकी होना। कुरकू के दोडो बाकी होना।

![](https://cdn.door43.org/obs/jpg/360px/obs-en-12-07.jpg)

परमेश्वर नी मूसा टे समुद्र लिंजेन हेजा टी बबाळातिंज गा घल्जी मंडीके। डाबोलटे परमेश्वर नी कोयो टे समुद्र गा डा के डाखुरी एठा जेवना कोनेनके, देटे कि समुद्र टे तालाटे म्या कोरा आरुके।

![](https://cdn.door43.org/obs/jpg/360px/obs-en-12-08.jpg)

इस्राएली कुरकू इकुगा बारी भी कोनेन डा गा दिवाल गा सेंग्गोन लोखोळ ओटे लिंजेन समुद्र टे ओलेडो सम्मान ओले।

![](https://cdn.door43.org/obs/jpg/360px/obs-en-12-09.jpg)

मेटे परमेश्वर नी डी कोरो टे बदळा के टूलजे ताकि मिस्री कुरकू इस्राएली कुरकू के बचातिंजटे सेने लठ्ठाका डोके। मिस्रीकु नी दिकुके उठा गा घल्जी दिकुगा पिछा दडा गा निर्णय सावे।

![](https://cdn.door43.org/obs/jpg/360px/obs-en-12-10.jpg)

इनिघल्जी दिकुनी समुद्र गा माध्यम टे डी कोरान इस्राएली कुरकू गा पिछा डावे, पेनो परमेश्वर नी मिस्रीकु के घबरातिंज्केकु एठा दिकुगा रथ के आटकाके। दिकु चिल्लातिंजू लज्जे, “ सळुबे! इस्राएली कुरकू गा कोनेटे परमेश्वर लड़ाई लक्के होय!”

![](https://cdn.door43.org/obs/jpg/360px/obs-en-12-11.jpg)

सेबाई इस्राएली कुरकू समुद्र गा दूसरा कोनेन आदिरजे। मेटे परमेश्वर नी मूसा टे मंडीके कि डीच डाबोलटे डा लिंजेन टी बळातिंजे। जब मूसा नी येनोगो डाके, मेटे डा मिस्री सेनाकु लिंजेन हेन एठा इकुगा कास हाल गेन डाएन। सेबाई मिस्री सेना नमोएन।

![](https://cdn.door43.org/obs/jpg/360px/obs-en-12-12.jpg)

जब इस्राएली कुरकू नी डोके कि मिस्रीकु गोएन मेटे दिकुनी परमेश्वर लिंजेन विश्वास डाके। दिकुनी विश्वास डाके कि मूसा परमेश्वर गा कोनेटे मंडी मिठाच डा।

![](https://cdn.door43.org/obs/jpg/360px/obs-en-12-13.jpg)

इस्राएली कुरकू इनिघल्जी भेबाव कुशोके डा चोयाकी परमेश्वर नी दिकुके घोगेज टे भाग्य आरुटे बचातिंज्केकु डा। नका दिकु परमेश्वर गा आराधना दडा एठा दियागा हुकूम गा पालन दडा गा घल्जी आझाद डा। इस्राएली कुरकू नी इकुगा आझादी गा तिवार ममानातिंज गा घल्जी एठा परमेश्वर गा बढाई दडा गा घल्जी चोटोका गणा के सिरिंज्के चोयाकी डीचनी दिकुके मिस्रीकु गा सेना टे बचातिंज्केकु डा।

![](https://cdn.door43.org/obs/jpg/360px/obs-en-12-14.jpg)

परमेश्वर नी इस्राएली कुरकू के हर साल म्या तिवार ममानातिंज गा हुकूम जीके यादो जिऊ गा घल्जी कि टोनोगो परमेश्वर नी मिस्रीकु के हरातिंज्केकु एठा दिकुके भाग्य आरुटे आझादकेकु। इनी हगाम गा तिवार मेंबा डा। येनेन दिकुके येनेगा तिवार ममानातिंज गा घल्जी सजा मेंडा कोंटे के बलि दडा डा, डीके रिरीफिज डा, एठा डीके बिना खमीर मिनी सोकळा गा सेंग्गोन जोम डा।

*निर्गमन अध्याय 12:33-15:21 टे  म्या  बाइबल गा  कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_12_128kbps.m4a

## 13. इस्राएल गा सेंग्गोन परमेश्वर गा वादा

https://openbiblestories.org/l/gok/story-13/

![](https://cdn.door43.org/obs/jpg/360px/obs-en-13-01.jpg)

इस्राएली कुरकू के राटा समुद्र टे हुधेळेन साटे सेने गा बादोन, परमेश्वर दिकुके डोंगोर टे साटे सीनै मंडी मिनी टुक्की गा कोनेन साटे ओले। इनी डीका टुक्की डा देटेन मूसा नी जुलू मिनी झाळी के डोके डा। डी कुरकू नी डी टुक्की गा इटान इकुगा डेरा के येंडाके मेना।

![](https://cdn.door43.org/obs/jpg/360px/obs-en-13-02.jpg)

परमेश्वर नी मूसा टे एठा इस्राएल गा सेबाई कुरकू टे मंडीके, “ आपेके हमेशा इंजा के ममानातिंज होना होय एठा जो वादा इंज आपेगा सेंग्गोन टोलेवा मेना डीके आरुका दोडो होना होय। अगर आपे येनोगो दडावा होय, मेटे आपे इंजा इनाम किमती धन, याजककु गा राज्य, एठा म्या पवित्र जाटो ठहरातिंजुवा।”

![](https://cdn.door43.org/obs/jpg/360px/obs-en-13-03.jpg)

परमेश्वर द्वारा दिकुगा मेरान हेजे गा घल्जी कुरकू नी आफाई दिन टाएन इकुके का तैयारके। मेटे परमेश्वर सीनै टुक्की गा चुटी लिंजटे इटान आगुरुके। जब डीच मेटे भुक्म्पा डाएन, बिजलीनौर चमकातिंजे, धुंजा बिटजे, एठा पिंगीनौर गा जोरदार आवाज हेन। मेटे मूसा खुद मठान टुक्की लिंजेन पेळेन।

![](https://cdn.door43.org/obs/jpg/360px/obs-en-13-04.jpg)

मेटे परमेश्वर नी कुरकू गा सेंग्गोन म्या वादा टोल्के। डीचनी मंडीके, “इंज आपेगा परमेश्वर, यहोवा मेना। इंज्का मेना डीचनी आपेके मिस्र गा गुलामी टे आराकेमी। तुनिका अलग्गो घोमेच गा आराधना बाकी दडा।”

![](https://cdn.door43.org/obs/jpg/360px/obs-en-13-05.jpg)

मूर्तिनौर बाकी आरु एठा दिकुगा आराधना बाकी दडा, चोयाकी इंज, यहोवा, आपेगा म्याका परमेश्वर मेना। अलग्गो रिती टे इंजा जीमू गा उपयोग बाकी दडा।हफ्त गा दिन के पवित्र ममानातिंज गा घल्जी यादो डोकी। दूसरा शब्द गेन, तुरुई दिननौर गेन आपना सेबाई कामय डाए, याई दिन आपेगा घल्जी आराम्बो दडा एठा इंज्के यादो दडा गा दिन होय।”

![](https://cdn.door43.org/obs/jpg/360px/obs-en-13-06.jpg)

“आपना आंटे एठा बाटे गा आदर डाए। घोगेच बाकी। चुरी बाकी दडा। आपना मेराकू गा जापाए, दियागा उरा, या दियागा तुनिकाभी चीजो के सा ससा गा इच्छा बाकी दडा।

![](https://cdn.door43.org/obs/jpg/360px/obs-en-13-07.jpg)

मेटे परमेश्वर नी इनी गेल हुकूमनौर के घोटा गा बारी पाटीनौर लिंजेन ओल्टे मूसा के जीके। परमेश्वर नी पालन दडा गा घल्जी कुरकू के अलग्गो घोनेच का नियमनौर जीके। अगर दिकुनी इनी नियमनौर गा पालन डाके मेटे परमेश्वर नी डी कुरकू के आशीष जिऊ गा एठा दिकुगा सुरक्षा दडा गा वायदा डाके। पेनो डीचनी मंडीके कि अगर दिकुनी येनेगा पालन बान दडुका मेटे डीच दिकुके नंगा साब होळाकेकु।

![](https://cdn.door43.org/obs/jpg/360px/obs-en-13-08.jpg)

परमेश्वर नी इस्राएली कुरकू टे म्या खाट डेरा आरुगा गा घल्जी भी मंडीके-मिलातिंजू मिनी डेरा। डीचनी दिकुके सही-सही घल्के कि इनी डेरा के टोनोगो आरू होना, एठा डेगा तालन तुनि चीजोनौर के दोडो होना होय। डीचनी दिकुके डी डेरा के बारी खुली गेन खाकाटींज गा घल्जी म्या खाट पर्द के आरुगा घल्जी मंडीके। परमेश्वर डी पर्द गा टाऊ मिनी खुली गेन हेजेवा देटेन थंदळवा देटेन परमेश्वर डा डी खुलीन सेने गा हुकूम बस महायाजक गेन डा।

![](https://cdn.door43.org/obs/jpg/360px/obs-en-13-09.jpg)

डी कुरकू के डी मिलातिंजू मिनी डेरा गा सम्मान म्या वेदी के आरू होना। जेकाभी जो परमेश्वर गा नियम गा खिलाफ डाएवा डीच डी वेदी लिंजेन म्या जानवर के साटे हेजे। मेटे याजक डीचके बलि जेवा एठा वेदी लिंजेन परमेश्वर गा घल्जी बलि गा रुपो गेन जुलेवा। परमेश्वर नी मंडीके कि डी जानवर गा पचना डी कोरो गा पापोनौर के उगुरेवा। इनी रिती टे, नका परमेश्वर डी पापो के बान दोडो। डी कोरो परमेश्वर गा नजर गेन “चोखरा” ठहरातिंजुवा। परमेश्वर नी मूसा गा डाईटे हारून के एठा हारून गा पिढी के आपना याजक आरुगा घल्जी कलामकेनेच।

![](https://cdn.door43.org/obs/jpg/360px/obs-en-13-10.jpg)

परमेश्वर नी डी कुरकू के जो नियम जीके डा दिकु डेगा पालन दडा गा घल्जी राजीके मेना। दिकु बस परमेश्वर गा कुरकू आरुगा घल्जी एठा बस दियागा आराधना दडा गा घल्जी राजीके मेना।

![](https://cdn.door43.org/obs/jpg/360px/obs-en-13-11.jpg)

चोटोका दिननौर टाएन, मूसा सीनै टुक्की गा चुटी लिंजेन का थंदळके। डीच परमेश्वर टे बातो लक्के डा। पेनो कुरकू दिकुगा मेरान डाबोलटे हिरा गा राह दोडो लोकोम्जे। इनिघल्जी दिकु हारून गा मेरान सोना साटे हेन एठा देटे म्या मूर्ति आरुगा घल्जी मंडीके ताकि दिकु परमेश्वर गा बाजाए दियागा आराधना डाकि होना। इनी रिती टे, दिकुनी भयानक रुपो टे परमेश्वर गा खिलाफ बेन पापो डावे।

![](https://cdn.door43.org/obs/jpg/360px/obs-en-13-12.jpg)

हारून नी गई गा कोंटे गा आकार गेन सोना गा म्या मूर्ति आरुके। डी कुरकू नी गा आराधना दडा सुरुके मेना एठा डीचके बलि पेळेचके! दिकुगा पापो गा वाजाटे परमेश्वर दिकुटे भेबाव खीजोके डा। डीच दिकुके नशो दडा चाहता डा। पेनो मूसा नी दिकुके बाकी घोगेच गा परमेश्वर टे अनुरोध डाके। परमेश्वर नी दियागा अनुरोध के आजुम्के एठा दिकुके बान नशोडुका।

![](https://cdn.door43.org/obs/jpg/360px/obs-en-13-13.jpg)

आखरीन मूसा सीनै टुक्की टे इटान आगुरुके। डीच डी बारी घोटा गा पटीनौर के सावे मेना डा डे लिंजेन परमेश्वर नी गेल हुकूमनौर के ओल्के डा। डाबोलटे डीचनी डी मूर्ति के डोके। डीच ठायका खीजोएन मेना कि डीचनी डी पटीनौर के चुराके।

![](https://cdn.door43.org/obs/jpg/360px/obs-en-13-14.jpg)

डाबोलटे मूसा नी डी मूर्ति के जाटीटे डेगा चुरा आरुके, एठा डी चुराके डा गेन बेल्लाटे डी कुरकू के डी डा आनुके। परमेश्वर नी डी कुरकू लिंजेन म्या सिनी कुल्के दिकु तालाटे घोनेच कुरकू गोएन।

![](https://cdn.door43.org/obs/jpg/360px/obs-en-13-15.jpg)

जो पटीनौर के मूसा नी टुक्काके डा डेगा जगा सगा घल्जी मूसा नी डी गेल हुकूमनौर गा गोटा गा उनाई पटीनौर के आरुके। मेटे दिकु डाबोलटे टुक्की लिंजेन पेळेचके एठा प्रार्थना डाके कि परमेश्वर डी कुरकू के मापोकेकु। परमेश्वर नी मूसा गा आजुम्के एठा दिकुके मापोकेकु। उनाई पटीनौर लिंजेन गेल हुकूमनौर के साटे मूसा टुक्की टे इटान अगुरुके। मेटे परमेश्वर नी सीनै टुक्की टे साटे वायदा गा देशो टाएन इस्राएली कुरकू गा अगुवाई डाके

*गमन अध्याय १९-३४ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_13_128kbps.m4a

## 14. डोंगोंरेन भटकातिंजू

https://openbiblestories.org/l/gok/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर नी इस्राएली कुरकू के डी नियमनौर के घागल स्याके डेगा दिकुके टोल्के मिनी दियागा वादा गा वाजाटे पालन दडा होना होय। डाबोलटे डीचनी सीनै टुक्की टे सम्मान दिकुगा अगुवाई डाके। डीच दिकुके वायदा गा देशो गेन सा चाहता डा। इनी देशो कनान भी मेंबा मेना डा। परमेश्वर बादळा गा खम्भा गेन दिकुगा सम्मा-सम्मा सेंदराके, एठा दिकु डेगा टाऊ-टाऊ ओले।

![](https://cdn.door43.org/obs/jpg/360px/obs-en-14-02.jpg)

परमेश्वर नी अब्राहम, इसहाक एठा याकूब टे वादा डावे डा कि डी वादा डी देशो दिकुगा पिढी के जेवा पेनो इनी टेमो देटे जागान घोनेच्का जाटो थंदळके डा। दिकु कनानी कुरकू परमेश्वर गा अराधना बान दडा डा एठा दियागा हुकूमनौर के बान ममानातिंज डा। दिकु लबाळ घोमेच्कु गा अराधना दडा लक्कू डा एठा घोनेच्का बुरा कामय दडा डा।

![](https://cdn.door43.org/obs/jpg/360px/obs-en-14-03.jpg)

परमेश्वर नी इस्राएली कुरकू टे मंडीके, “जब आपे डी वादा गा देशो गेन सेनेवा मेटे देटे गा सेबाई कनानीकु टे आरायु। दिकुगा सेंग्गोन बेल्लाऊ बाकी एठा दिकुटे ब्याह बाकी दडा। आपेके दिकुगा सेबाई मूर्तिनौर के पूरा खिजाटे नशो डाकी होना होय। अगर आपे इंजा हुकूम बान आजुम टासो, मेटे इंजा बाजाए दिकुगा घोमेच्कू गा अराधना डाए चालेवा।

![](https://cdn.door43.org/obs/jpg/360px/obs-en-14-04.jpg)

जब इस्राएली कुरकू कनान गा धुर लिंजेन आदिरजे, मूसा नी इस्राएल गा हारेक कोणकु तालाटे म्या-म्याखोमटे बारह कोरोकुके कलाम्जेकु। डीचनी दिकुके ओलेडो डी देशो गा भेदो सा गा निर्देश डाके डोके कि डीच टोनोगो देशो होय। दिकुके डी कनानीकु गा भेदो भी सगा डा डोके कि दिकु ताखातदार डा या कमजोर डा।

![](https://cdn.door43.org/obs/jpg/360px/obs-en-14-05.jpg)

डी बारह कोरोकु नी पूरा कनान टे डाऊ लठ्ठाका चालीसो दिन गा सेंदरा गा एठा डाबोलटे दिकु हिराके। दिकुनी कुरकू के घाल्के, “डी देशो घोनेच पीके होय एठा अनोजो घोनेच्का डाके होय!” पेनो गेल भेदीकु नी मंडीके, “दिकुगा पूरा पक्का होय एठा डी कुरकू लम्बा-चावळा होय! अगर आले दिकु लिंजेन हामला दडावा होय, मेटे पक्का रुपोटे दिकु आलेके हरातिंजकोम्बा एठा आलेके घोच्कोम्बा।”

![](https://cdn.door43.org/obs/jpg/360px/obs-en-14-06.jpg)

तुरुटो का कालेब एठा यहोशू एठा अलग्गो बारी भेदियाकु मंडीके, “इनी सच्चो होय कि कनान गा कुरकू लम्बा एठा ताखातदार होय, पेनो पक्का रुपोटे आले दिकुके हरातिंजकुवा होय! परमेश्वर आलेगा घल्जी लडाईवा।!”

![](https://cdn.door43.org/obs/jpg/360px/obs-en-14-07.jpg)

पेनो कुरकू नी कालेब एठा यहोशू गा बान आजुम डुका। दिकु मूसा एठा हारून लिंजेन खीजोएन एठा मंडीके, “आपे आलेके इनी भयानक जागन चोया सालेमी होय? आलेके मिस्र गेन का थंदळ होना डा। अगर आले डी देशो गेन सेनेवा होय मेटे आले लड़ाई गेन गोयुवा, एठा कनान गा कुरकू आलेगा जापाएकु एठा चाफ्निकू के भाग्य आरुयाकुवा।” डी कुरकू दिकुके डाबोलटे मिस्र गेन साटे सेने गा घल्जी अलग्गो अगुवाकु के ककालाम चाहता डा।

![](https://cdn.door43.org/obs/jpg/360px/obs-en-14-08.jpg)

जब डी कुरकू नी येनोगो मंडीके मेटे परमेश्वर भेबाव खीजोएन मेना डा। दिकु मिलातिंजू मिनी डेरा गेन हेन एठा मंडीके, “आपेनी इंजा खिलाफ बेन झगडावे होय, इनिघल्जी आपे सेबाईकु के डोंगेंरेन भटकातिंजू होनाफ हर म्या कोरोकु जो इसा साल या देटे जादा साल गा होय देटेन गुजूवा एठा चोलाकाभी डी देशो गेन बान डाऊ जो इंज आपेके जेवा मेना। बस कालेब एठा यहोशू डेन मुवा।”

![](https://cdn.door43.org/obs/jpg/360px/obs-en-14-09.jpg)

जब कुरकू नी परमेश्वर के येनोगो मंडीटे आजुम्के, मेटे डीच दुखेन चोयाकी दिकुनी पापो डाके डा। इनिघल्जी दिकुनी कनान गा कुरकू लिंजेन हामला दडा गा निर्णय डाके। मूसा नी दिकुके बान सेने गा घल्जी चेतावनी जीके चोयाकी परमेश्वर दिकुके सेंग्गोन बान सेने, पेनो दिकुनी दियागा बान आजुमडुका।

![](https://cdn.door43.org/obs/jpg/360px/obs-en-14-10.jpg)

परमेश्वर इनी लड़ाई गेन दिकुगा सेंग्गोन बान सेंडुका डा, इनिघल्जी कनानीकु नी दिकुके हरातिंजकेकु एठा दिकु तालाटे घोनेचकूके का घोचकेकु। मेटे इस्राएली कुरकू कनान टे डाबोलटे हिराके। हेजे चालीसो साल टाएन, दिकु डोंगोंरेन इंगन-हुगन भटकातिंजूवा।

![](https://cdn.door43.org/obs/jpg/360px/obs-en-14-11.jpg)

इस्राएली कुरकू द्वारा डोंगोंरेन भटकातिंजू गा चालीसो साल गा दौरान, परमेश्वर नी दिकुगा जरुरी के पूरा डाके। डीचनी दिकुके स्वर्ग टे “मन्ना” मंडी मिनी सोकळा जीके। डीचनी कखाटिंज गा घोंजा भी (जो कि ताला आकार गा भूरी डाऊवा होय) दिकुगा पेळा गा जगा गेन कुल्केकु ताकि दिकुगा मेरान जोम्गा घल्जी जिलु होना। डी पूरा टेमो, परमेश्वर नी दिकुगा कपळे एठा बुट्टा के टयागुटे बचातिंजका डोकी।

![](https://cdn.door43.org/obs/jpg/360px/obs-en-14-12.jpg)

येटे टाएन कि परमेश्वर नी दिकुके नुनू गा घल्जी चमत्कार रुपो टे पाटा तालाटे ओटके। पेनो इनी सेबाई गा बादोन भी, इस्राएली कुरकू नी परमेश्वर गा खिलाफ एठा मूसा गा खिलाफ शिकायत डाके एठा कुरुकुरूके। तोभी, परमेश्वर विश्वास लायको डा। डीचनी जो हुकूम डाके डा कि डीच अब्राहम, इसहाक, एठा याकूब गा पिढी गा घल्जी डाएवा डीचनी डी डाके।

![](https://cdn.door43.org/obs/jpg/360px/obs-en-14-13.jpg)

म्या एठा टेमो जब डी कुरकू गा मेरान डा बाऊ डा, परमेश्वर नी मूसा टे मंडीके, “पाटा टे बातोए, एठा देटे डा ओटबा।” पेनो मूसा नी पाटा टे बान दडुका। बजाए येनेगा, डीचनी चडी टे पाटा लिंजेन बारी बार गोएन। इनी रिती टे डीचनी परमेश्वर गा निरादर डाके। सेबाईकु गा घल्जी पाटा तालाटे डा मेटे ओटके, पेनो परमेश्वर मूसा टे खीजोएन मेना। डीचनी मंडीके, “चोयाकी आमनी येनोगो डाके होय, इनिघल्जी आम वायदा गा देशो गेन मु बान साकता।”

![](https://cdn.door43.org/obs/jpg/360px/obs-en-14-14.jpg)

जब इस्राएली कुरकू चालीसो साल टाएन डोंगोंर गेन भटकातिंजे डा. मेटे दिकुनी परमेश्वर गा खिलाफ आनोवा डाके डा दिकु सेबाईकु गोएन डा। मेटे परमेश्वर डी कुरकू के डाबोलटे डी वायदा गा देशो गा धुरा टाएन साईय्येकु। नका मूसा भेबाव बुड्डाएन मेना डा, इनिघल्जी परमेश्वर नी कुरकू गा अगुवाई दडा गेन दियागा मदत गा घल्जी यहोशू के कलाम्जेनेच। परमेश्वर नी मूसा टे इनी वायदा डाके डा कि म्या दिन डी कुरकू गा मेरान मूसा गा खिजा म्या परमेश्वर गा कोनेटे मंडीमिठाच के कुलेच्बा।

![](https://cdn.door43.org/obs/jpg/360px/obs-en-14-15.jpg)

मेटे परमेश्वर नी मूसा के म्या टुक्की लिंजेन सेने गा घल्जी मंडीके ताकि डी वायदा गा देशो के डोकी होना। मूसा नी डी वायदा गा देशो के डोके पेनो परमेश्वर नी डीचके डेन मुगा हुकूम बान जिडूका। मेटे मूसा गोएन, एठा इस्राएली कुरकू नी तीसो दिन टाएन जामबे। यहोशू दिकुगा उनाई अगुवा आरोएन। यहोशू म्या अच्छा अगुवा डा चोयाकी डीचनी परमेश्वर लिंजेन भरोसा डाके एठा दियागा बातो के मनातिंज्के।

*गमन अध्याय १६-१७; गिनती १०-१४; २०; २७ व्यवस्थाविवरण३४ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_14_128kbps.m4a

## 15. वायदा गा देशो

https://openbiblestories.org/l/gok/story-15/

![](https://cdn.door43.org/obs/jpg/360px/obs-en-15-01.jpg)

आखिरी गेन, नका डी टेमो हेन मेना डा कि इस्राएली कुरकू वायदा गा देशो, कनान गेन मोए। डी देशो गेन यरिहो जीमू गा म्या पूरा डा। दियागा सुरक्षा गा घल्जी डेगा उफुन भी कोनेन मजबूत दीवार डाफ यहोशू नी डी पूरा गेन बारी भेदीया किंज के कुल्केकिंज। डी पूरा गेन राहाब जीमू गा म्या रांडो थंदळ डाफ डीचनी इनी भेदीनौर के उखुके, एठा डाबोलटे बादोन डीचनी दिकुके पूरा टे बचातिंजटे ओट गा मदत डाके। डीचनी येनोगो इनिघल्जी डाके चोयाकी डीच परमेश्वर गेन विश्वास दडा डा। जो टेमो इस्राएली कुरकू यरिहो के नशोएवा मेटे दिकुनी राहाब एठा दियागा परिवार गा राक्षा दडा गा वायदा डाके डा।

![](https://cdn.door43.org/obs/jpg/360px/obs-en-15-02.jpg)

इस्राएली कुरकू के वायदा गा देशो गेन मुगा घल्जी यरदन गडान दडा डा। परमेश्वर नी यहोशू टे मंडीके, “याजककु के पेला सेनडाए।” जब याजककु नी यरदन गडा गेन इकुगा फांगोल के डोके मेटे डा गा धार गा आडी रुकातिंजे, देटे कि इस्राएली कुरकू गडा गा दुसरा कोनेन लोखोळ ओटे लिंजेन हुधेळेन सेंजू होना।

![](https://cdn.door43.org/obs/jpg/360px/obs-en-15-03.jpg)

डी कुरकू गा यरदन गडा पारजे मेटे परमेश्वर नी यहोशू टे मंडीके कि यरीहो लिंजेन हामला दडा गा घल्जी तैयार थंदळे, अगरका दिकु भेबाव पक्का पूरा डा। परमेश्वर नी डी कुरकू टे मंडीके कि दिकुके याजककु के तुरुई दिननौर टाएन डी पूरा गा उफुन कोनेन चक्कर येंडा होना होय। इनिघल्जी याजककु एठा सैनिककु नी येनोगो का डाके।

![](https://cdn.door43.org/obs/jpg/360px/obs-en-15-04.jpg)

मेटे याई दिन, इस्राएली कुरकू नी डी पूरा गा उफुन भी कोनेन याई बार एठा चक्कर येंडाके। दिकुगा पूरा गा उफुन भी कोनेन याई बार चक्कर येंडा गा बादोन, याजककु नी पिंगी होलोम्के एठा सैनिककु नी जोरदार आवाज डाके।

![](https://cdn.door43.org/obs/jpg/360px/obs-en-15-05.jpg)

मेटे यरीहो गा उफुन भी कोने गा दीवार बोचोएन! जैसा परमेश्वर नी हुकूम जीके डा इस्राएली कुरकू नी पूरा गा हर म्या चीजो के नशोके। दिकुनी बस राहाब एठा दियागा परिवार के आराके, जो इस्राएली कुरकू गा भागो आरोएन मेना डा। जब कनान गेन थंदळ मिंकू अलग्गो कुरकू नी आजुम्के कि इस्राएली कुरकू नी यरीहो के नशोके होय, मेटे दिकु हिघराएन कि इस्राएली कुरकू दिकु लिंजेन भी हामला डाएवा।

![](https://cdn.door43.org/obs/jpg/360px/obs-en-15-06.jpg)

परमेश्वर नी इस्राएली कुरकू के हुकूम जीके डा कि कनान गेन थंदळ मिंकू तुनिकाभी जाटो गा सेंग्गोन शन्ति दडा बान होना होय। पेनो गिबोनियो जीमू म्या कनानी जाटो नी यहोशू टे लाबाळ मंडीके कि दिकु कनान टे लेंक्कीन म्या जगा गा थंदळ मिंकू होय। दिकुनी यहोशू टे दिकुगा सेंग्गोन शांति दडा गा अनुरोध डाके। यहोशू एठा अलग्गो इस्राएली अगुवाकु नी परमेश्वर टे बान कोम्बाराडुका कि दिकुन चोच दडा होना। येनेगा बाजाए, दिकुनी गिबोनियो गा सेंग्गोन शांति डोके।

![](https://cdn.door43.org/obs/jpg/360px/obs-en-15-07.jpg)

आफाई दिन बादोन, इस्राएली कुरकून मालुम्जे मेना कि कनान गेन का थंदळ डा। दिकु खीजोएन चोयाकी गिबोनियो नी दिकुके धोका जीके डा। पेनो दिकुनी दियागा सेंग्गोन डाके मिनी डी शांति दडा के आरुका डोके चोयाकी दिकु परमेश्वर गा सम्मान ओले मेना डा। मेटे थोडा टेमो गा बादोन, कनान गेन थंदळ मिंकू म्या अलग्गो जाटो, एमोरिया गा राजाकु नी आजुम्के कि गिबोनियो नी इस्राएली कुरकू गा सेंग्गोन शांति डाके होय, इनिघल्जी दिकुनी इकु-इकुगा सेनाकु के म्याजागान टे म्या खाट सेना आरुके एठा गिबोन लिंजेन हमला डाके। गिबोनियो नी दिकुगा मदत दडा गा घल्जी यहोशू गा मेरान म्या खाबोर कुल्के।

![](https://cdn.door43.org/obs/jpg/360px/obs-en-15-08.jpg)

इनिघल्जी यहोशू नी इस्राएली कुरकू गा सेना के गोलाके एठा गिबोनियो गा मेरान आदिरु गा घल्जी दिकु पूरा राटो सेंदराके। फेजेर आंगु गेन दिकुनी एमोरियो गा सेना के बिचार होळाकेकु एठा दिकु लिंजेन हमला डाके।

![](https://cdn.door43.org/obs/jpg/360px/obs-en-15-09.jpg)

डी दिन परमेश्वर इस्राएली कुरकू गा लडाईवे। डीचनी एमोरियो के हिघराके एठा डीचनी खापेट-खापेट बाराप बोचोटे घोनेच्का एमोरियोकु के घोच्केकु।

![](https://cdn.door43.org/obs/jpg/360px/obs-en-15-10.jpg)

परमेश्वर नी सूर्य के भी बादळा गेन म्या जागान रुकातिंज्के ताकि इस्राएली कुरकू के घाटाऊ टेमो घाटायु होना कि एमोरियो के पूरा खिजाटे हरातिंज्केकु होना। डी दिन, परमेश्वर नी इस्राएली कुरकू गा घल्जी म्या खाट जीटाऊ हासिलजे।

![](https://cdn.door43.org/obs/jpg/360px/obs-en-15-11.jpg)

जब परमेश्वर नी डी सेनाकु के हरातिंज गा बादोन, घोनेच्का कनानी जाटो गा कुरकू इस्राएल लिंजेन हमला दडा गा घल्जी घोलाकेकु मेना। यहोशू एठा इस्राएली कुरकू नी हमला डाटे दिकुगा सर्वनाशो डाके।

![](https://cdn.door43.org/obs/jpg/360px/obs-en-15-12.jpg)

इनी लड़ाई गा बादोन, परमेश्वर नी इस्राएल गा हारेक पिढी के वायदा गा डी देशो गेन डेगा भागो डाके। मेटे परमेश्वर नी इस्राएल के डेगा सेबाई एरिया लिंजेन शांति जीके।

![](https://cdn.door43.org/obs/jpg/360px/obs-en-15-13.jpg)

जब यहोशू बुड्डाएन मेटे डीचनी इस्राएल गा सेबाई कुरकू के म्या सेंग्गोन हाकोकेकु। मेटे यहुशू नी डी कुरकू के यादो जीके कि दिकुनी डी वादा गा पालन दडा गा वायदा डाके डा जो परमेश्वर नी दिकुगा सेंग्गोन सीनै टुक्की लिंजेन टोल्के डा। डी कुरकू नी परमेश्वर गा प्रति विश्वास लायको थंदळ एठा दियागा नियमनौर गा पालन दडा गा वादा डाके।

*अध्याय १-२४ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_15_128kbps.m4a

## 16. उद्धारदडामिठाच

https://openbiblestories.org/l/gok/story-16/

![](https://cdn.door43.org/obs/jpg/360px/obs-en-16-01.jpg)

यहोशू गोएन गा बादोन इस्राएल कुरकू नी परमेश्वर हुकूम बान आजुमडुका, टाकूकु कनानी येंडाटे जिडूका बाने पेनो परमेश्वर गा नियम दडुका बाने, दिकु सच्चो या जीटा परमेश्वर आराधना बान दडुका इस्राएली कुरकू कनानी गोमेच गा पूजा दडा लज्जे इस्राएलकु गा राजा बाऊ डा, पेनो हारेक कोरो हेजागा नजरटे जो बारेन डीच दडा लक्के डा।

![](https://cdn.door43.org/obs/jpg/360px/obs-en-16-02.jpg)

इस्राएलकु नी सहीमेका परमेश्वर हुकूम बान आजुमडुका, परमेश्वर दिकुके इकुगा दुश्मनकु सम्मान हरातिंजटे शिक्षा जीके, डी दुश्मनकु नी इस्राएल कुरकू गा चीजो चुरीवे, दिकुगा संपत्ति गा नाशो डाके एठा डे तालाटे हारेक कुरकू के गोच्केकु, गोनेच साल गा बादोन परमेश्वर गा हुकूम बान आजुमडुका एठा दुश्मनकु गा द्वारा जुलूम डाटे डाएन गा बादोन दिकुके पश्चाताप डाएन एठा दिकुनी आरागु घल्जी परमेश्वर गा कोनेन मन इखाटके।

![](https://cdn.door43.org/obs/jpg/360px/obs-en-16-03.jpg)

मेटे परमेश्वर नी दिकुके म्या अगुवाई दडामिठाच के कुल्केनेच डीचनी दिकुके दुश्मनकु मेराटे आराकेकु एठा दिकुगा तालान शांति डाएन, पेनो बादोन इस्राएल कुरकू नी परमेश्वर के बुल्लाकेनेच एठा दिकु डाबोलटे मूर्तिपूजा दडा लज्जे, मेटे परमेश्वर नी मेरागा मिदयानी कुरकू गा द्वारा दिकुगा जीटाकेकु।

![](https://cdn.door43.org/obs/jpg/360px/obs-en-16-04.jpg)

मिदयानी कुरकू नी याई साल इस्राएल कुरकू के आटा-डा लुटातिंजे, नका इस्राएल कुरकू भेबाव हिघराएन, एठा मिदयानीकु गा टी गेन उठायु बाकी मेंटो गुफा गेन थंदळ लज्जे, आखरीन इकुगा बचाव डायु मेंटो दिकु परमेश्वर गा बढाई दडा लज्जे।

![](https://cdn.door43.org/obs/jpg/360px/obs-en-16-05.jpg)

एके दिवशी गिदोन नावाचा एक इस्त्राएली मनुष्य मिद्यान्यांनी आपले धान्य चोरू नये म्हणून गुप्तपणे त्यांची झोडणी करीत होता.‌‌‌यहोवाचा एक दूत येऊन त्याला म्हणाला, ‘‘हे बलवान वीरा, देव तुझ्याबरोबर आहे.‌‌‌जा आणि इस्त्राएलाला मिद्यान्यांच्या हातातून सोडव.’’

![](https://cdn.door43.org/obs/jpg/360px/obs-en-16-06.jpg)

म्या दिन गिदोन जीमू म्या इस्राएली कोरो मिदयानी कोरो नी हेजा अनाजो चूचीरी बाकी मेंटो उखुटे डेगा डीके जोळाए लक्के डा, यहोवा परमेश्वर गा म्या दूत हेंडो डीचके मंडीके, “हे जवान कोरो सर्वशक्तिमान परमेश्वर अमा बरोबर होय,सेने एठा इस्राएलकु के मिदयानी कुरकू टे टी आराकुवा।”

![](https://cdn.door43.org/obs/jpg/360px/obs-en-16-07.jpg)

गिदोन गा बाटेनी म्या मूर्तिघल्जी वेदी आरुकेमेना, मेटे परमेश्वर गिदोनके डी वेदी फफाळी घल्के, पेनो गिदोन कुरकू हिघरा घईय्ये मरे डीच अंधराऊ गा राह दोडो लक्के होय, मेटे डीचनी डी वेदी फाळीटे डेगा तुकळा-तुकळा डाके, मूर्ति घल्जी आरुकेमिनी वेदी मेरान जीटा परमेश्वर गा घल्जी म्या उनाई वेदी टोल्के एठा डे लिंजेन परमेश्वर के जानवरकु बलि जीके।

![](https://cdn.door43.org/obs/jpg/360px/obs-en-16-08.jpg)

दूसरा दिन डी वेदी जेकानी नाशो डाके होय, डी धोटे कुरकू भेबाव खीजोएन, डीच गिदोन कुरकू के गोगेच गा घल्जी दिकुगा उरान ओले, पेनो गिदोन गा बाटे दिकुके मंडीके, “आपे आपेगा परमेश्वर गा मदत दडा गा कोशिश चोया दडावा? मेटे डी परमेश्वर होय टासो, मेटे डीचके खुदगा रक्षा डा डाए!” डीचनी डेनोगो मंडीके मेंटो डीचनी गिदोन के गोचडुका बाने।

![](https://cdn.door43.org/obs/jpg/360px/obs-en-16-09.jpg)

मेटे मिदयानी कुरकू डाबोलटे इस्राएल कुरकू गा धन्य चुरी दडा गा घल्जी हेन, डी येतो खाट डाऊ डा मेटे उमना घल्जी सम्मान डा, गिदोन नी इस्राएल कुरकू म्याका मंडीटे मिदयानी कूटे लड़ाई दडा तैयारजे गिदोन नी इस्राएल कुरकू के आरा गा उपयोग दडा लाके होय मेंटो परमेश्वर बारी चिन्हा आसिवे।

![](https://cdn.door43.org/obs/jpg/360px/obs-en-16-10.jpg)

पेला चिन्हा मेंटो गिदोन ओटे लिंजेन कपडे डोके एठा परमेश्वर मंडीके गफान फेजेर ओटे लिंजेन जेवना कोनेन बन बोचोटे फक्त कपडे लिंजेन बोचोयु येनोगो डायु, परमेश्वर नी डेनोगोका डाके, दूसरा राटो डीचनी मंडीके, कि ओटे भिजवी मिनी कपडे सुखटे थंदळजू येनोगो डायु, डी डाटे बारी भी चिन्हा द्वारा गिदोन खत्री बोचोएन डेगा उपयोग इस्राएल मिदयानी मेराटे आरागा उपयोग होय।

![](https://cdn.door43.org/obs/jpg/360px/obs-en-16-11.jpg)

1032000 इस्राएली सैनिककु दिकुगा मेरान हेन, पेनो परमेश्वर दिकुके घल्के की, घोनेचकुका होय, मेंटो लड़ाई दडा मिंकू 22000 सैनिक दिकुके डाबोलटे हिराकेकु परमेश्वर गिदोन के घल्के, की दिकु एठाभी घोनेच्कूका होय, एठा 300 सैनिककु के आराटे बाकी सेबाईकु के डीचनी उरान कुल्केकु।

![](https://cdn.door43.org/obs/jpg/360px/obs-en-16-12.jpg)

मेटे गिदोन हेजा सैनिककु कोनेन डाबोलटे ओले एठा हरेक म्या सिंगी, म्या खूबडी एठा म्या मशाल जीके, मिदयानी सैनिक गिटेन डा, डी उसरी दिकुनी घेराये गिदोन गा 300 सैनिककु इकुगा माशाल खूबडी गेन डोके, मिदयानीकुन दिकुगा उजाला दोडुका बाने।

![](https://cdn.door43.org/obs/jpg/360px/obs-en-16-13.jpg)

मेटे म्याका टेमो गिदोन गा सैनिककु नी खूबडी फाडीके, एठा इकुगा मशाल गा मेरान डोके मेना, दिकुनी इकुगा रनशिंगे होलोम्के एठा साडी लज्जे, “यानी डी परमेश्वर गा तालवर!”

![](https://cdn.door43.org/obs/jpg/360px/obs-en-16-14.jpg)

परमेश्वर मिदयानी कुरकू हरातिंजकेकु, एठा डे घल्जी दिकु इकुका इनिज-दियागा हल्ला दडा लज्जे, मुन्माडा लज्जे मिदयानी हहाकलातिंज गा घल्जी मदत दडा मेंटो बाकि इस्राएली कुरकू दिकुगा उरा हाको ओले दिकुनी डे ताला चोटोकु गा जिवकु के गोच्केकू बाकी इस्राएलीकु ओटेन बोचोकेकु डी दिन 120000 मिदयानी सैनिक गोएन परमेश्वर इस्राएली के येनोगोटे आराकेकु।

![](https://cdn.door43.org/obs/jpg/360px/obs-en-16-15.jpg)

कुरकू गिदोन हेजा राजा अरु दोडो लक्के डा, गिदोन नी दिकुके येनोगो दडा गेन बान मेंके, पेनो दिकु तालाटे हरेक मिद्यानीकु मेराटे सावे सोना गा मुंडी चोटोका डीचनी आसिवे, कुरकू नी गिदोन के घोनेच सोना जीके।

![](https://cdn.door43.org/obs/jpg/360px/obs-en-16-16.jpg)

मेटे गिदोन नी डी सोना टे महायाजक उरी मिनी कपडे रोंगो म्या कास कपडे तैयारके पेनो कुरकू नी डी कपडे म्या मूर्ति मेंटो डेगा पूजा दिकु दडा लज्जे, मेटे परमेश्वर नी इस्राएली डाबोलटे राजो डावे, कारण दिकुनी मूर्तिपूजा डावे, होय परमेश्वर नी दिकुगा दुश्मनकु दिकुके हरातिंज लज्जे, आखरीन दिकुनी परमेश्वर गा मदत आसिवे, एठा परमेश्वर दिकुके दूसरा अगुवाई दडामिठाचके कुल्केनेच।

![](https://cdn.door43.org/obs/jpg/360px/obs-en-16-17.jpg)

इनी नमूना गा घोनेच बार डाबोलटे डाएन, इस्राएलीकु पापो डावे, परमेश्वर दिकुके राजो दडा, डी पश्चाताप दडा एठा परमेश्वर दिकुगा अगुवाई दडा गा घल्जी अगुवाई दडामिठाच के कुल्केनेच, हरेक साल टे परमेश्वर नी इस्राएली कुरकू कोनेन दिकुके दुश्मनकु टे आराटे चोटोका अगुवाई दडामिंकूके कुल्केकु।

![](https://cdn.door43.org/obs/jpg/360px/obs-en-16-18.jpg)

आखरीन कुरकू नी दूसरा राज्य खिजा राजा परमेश्वर कोनेटे आसिवे, दिकुके उंचा जीटाऊ लड़ाई गेन जित दडामिठाच येनोगो राजा डायु, होना, परमेश्वर गेन इनी अच्छा घइडुका, पेनो भी दिकुगा असी रोंगो दिकुके म्या राजाके जीकेनेच।

*बायबल गा कहानी  :‌‌भजन संहिता1-39;6-8*

Audio: https://git.door43.org/OBS-TLF/gok_obs/releases/download/v1/gok_obs_v1_16_128kbps.m4a

## 17. दाऊद गा सेंग्गोन परमेश्वर गा वादा

https://openbiblestories.org/l/gok/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल गा पेला राजा डा। डीच लम्बा एठा अच्छा डा, जैसा डी कुरकू चाहता डा म्यादम डेनोगोका। इस्राएल लिंजेन इकुगा शासन गा पेला चोटोका साल गेन शाऊल म्या अच्छा राजा डा। पेनो बादोन डीच म्या बुरा कोरो आरोएन डीचनी परमेश्वर गा बातो के बान आजुमडुका, इनिघल्जी परमेश्वर नी म्या अलग्गो कोरो के कलमकेनेच जो कि म्या दिन दियागा जागा लिंजेन राजा आरुवा।

![](https://cdn.door43.org/obs/jpg/360px/obs-en-17-02.jpg)

परमेश्वर नी दाऊद जीमू गा म्या जवान इस्राएली कोरो के कलामटे म्या दिन शाऊल गा जागान राजा आरु गा घल्जी तैयार दडा सुरुके। दाऊद बैतलहम पूरा गा म्या ताठया डा। चोटोका टेमो लिंजेन, दाऊद नी कुला एठा बाणा बार्खिंज के भी घोच्केकु डा। चोयाकी दाऊद द्वारा रखवाली दडा टेमो दियागा बाटे गा मेंडाकु लिंजेन दिकुनी हमला डाके डा। दाऊद म्या नम्र एठा धर्मी कोरो डा। डीचनी परमेश्वर लिंजेन भरोसा डाके एठा दियागा बातो के मनातिंजे।

![](https://cdn.door43.org/obs/jpg/360px/obs-en-17-03.jpg)

जब दाऊद आए जवान कोरो का डा, डीचनी लम्बा-चावडा गोलियत गा खिलाफ लड़ाई डाके। गोलियत म्या ठायका अच्छा सैनिक डा। डीच भेबाव मजबूत एठा अंदजोटे आफाई मीटर लम्बा डा! पेनो परमेश्वर नी गोलियत के घोगेज एठा इस्राएल के बबाचातिंज गेन दाऊद गा मदत डाके। येनेगा बादोन, दाऊद नी इस्राएल गा दुश्मनकु लिंजेन चोटोका बार जीटाऊ हसिलजे। दाऊद म्या खाट सैनिक आरोएन, एठा डीचनी घोनेचका लड़ाई गेन इस्राएली सेना गा अगुवाई डाके। कुरकू नी दियागा घोनेच बाडाई डाके।

![](https://cdn.door43.org/obs/jpg/360px/obs-en-17-04.jpg)

कुरकू नी दाऊद टे येटो प्यार डाके कि शाऊल दियाटे जुलू लाज्जे डा। आखिरकार शाऊल डीचके घोगेज चाहता डा, इनिघल्जी दाऊद दियाटे एठा दियागा सैनिककु टे उखु गा घल्जी डोंगोरेन सळुजे। म्या दिन, जब शाऊल एठा दियागा सैनिक दाऊद के घगाटा लक्के डा मेटे शाऊल गुफा गेन ओले। इनी डीका गुफा डा डेन दाऊद उखुके मेना डा, पेनो शाऊल नी डीचके बान दोडुका। दाऊद शाऊल गा टाऊटे दियागा ठायका मेरान ओले मेना एठा दियागा कपळे टे म्या तुकळा गेटके। बादोन, जब शाऊल डी गुफा टे ओटजे मेटे दाऊद नी डीचके हाकोटे डी उठाके मिनी कपळे गा तुकळा के टिपीके। इनी रिती टे, शाऊल चिनाये कि दाऊद नी राजा आरुगा गा घल्जी डीचके घोगेजाटे बान मेंके।

![](https://cdn.door43.org/obs/jpg/360px/obs-en-17-05.jpg)

थोडासा टेमो गा बादोन, शाऊल लड़ाई गेन गोएन, एठा दाऊद इस्राएल गा राजा आरोएन। डीच म्या अच्छा राजा डा, एठा कुरकू नी दियाटे प्यार डोके। परमेश्वर नी दाऊद के आशीषित डाके एठा डीचके सफल आरुकेनेच। दाऊद नी चोटोका लड़ाई लडातिंज्बे, एठा परमेश्वर नी इस्राएल गा दुश्मनकु के हरातिंज गेन दियागा मदत डाके। दाऊद नी यरूशलेम पूरा के जीटाटे डीके इकुगा राजधानी आरुके, देटेन दिकु थंदळके एठा राजो डावे। दाऊद चालीसो साल टाएन राजा थंदळके। इनी टेमो गा दौरान, इस्राएल शाक्ती एठा लाकपाती आरोएन।

![](https://cdn.door43.org/obs/jpg/360px/obs-en-17-06.jpg)

दाऊद म्या मंदिर आरू चाहता डा देटेन सेबाई इस्राएली कुरकू परमेश्वर गा आराधना डाकि होना एठा डेगा घल्जी बलिदान पेळेचकी होना। अंदजोटे ४०० साल टे, दिकु मूसा गा आरुके मिनी मिलातिंजू मिनी डेरा गेन परमेश्वर गा आराधना दडा लक्के डा एठा दियागा घल्जी बलिदान पेपेळेज लक्के डा।

![](https://cdn.door43.org/obs/jpg/360px/obs-en-17-07.jpg)

पेनो देटेन नातान जीमू गा म्या परमेश्वर गा कोनेटे मंडी मिठाच डा। परमेश्वर नी डीचके दाऊद टे इनी मंडी गा घल्जी कुल्केनेच: “आमनी घोनेच्का लड़ाई लड़ातिंज्बे होय, इनिघल्जी आम इंजा घल्जी इनी मंदिर के बान आरु। अमा कोण इनिके आरोएवा। तोभी, इंज आमके घोनेच्टेका आशीषित डाएवा। अमा म्या पिढी हमेशा गा घल्जी इंजा कुरकू लिंजेन राजा गा रुपो गेन राजो दडावा।” हमेशा गा घल्जी राजो दडा मिठाच डीच दाऊद म्याका पिढी मसीह डा। मसीह परमेश्वर गा कलमके मिंकू कुरकू डा जो दुनिया गा कुरकू के दिकुगा पापोटे बचातिंज्कुवा।

![](https://cdn.door43.org/obs/jpg/360px/obs-en-17-08.jpg)

जब दाऊद नी नातान गा खाबोर के आजुम्के मेटे डीचनी परमेश्वर गा धन्यवाद डाके एठा दियागा स्तुति डाके। परमेश्वर दियागा प्रतिष्ठा के खाडे लक्के डा एठा डीचके घोनेच्का आशीषनौर जे लक्के डा। बेशक, दाऊद बान हाडाई डा कि परमेश्वर इनी बातो चोला डाएवा। इनी टेमो आले हाडाई होय कि इस्राएली कुरकू के म्या लम्बा टेमो टाएन, अंदाजोंटे १००० साल टाएन मसीह गा हेजे गा राह दोडो होना।

![](https://cdn.door43.org/obs/jpg/360px/obs-en-17-09.jpg)

दाऊद नी चोटोका साल टाएन न्यायपूराटे हेजा कुरकू लिंजेन राजो डावे। डीचनी खाट निष्ठा टे परमेश्वर गा बातो के मनातिंज्के एठा परमेश्वर नी डीचके आशीषित डाके। हालाकि, इकुगा जीवन गा आखरी गेन डीचनी परमेश्वर गा खिलाफ भायनक पापो डावे डा।

![](https://cdn.door43.org/obs/jpg/360px/obs-en-17-10.jpg)

म्या दिन दाऊद नी हेजा महे लटे बल्ला डोके एठा म्या अच्छा तराई के अंगुच लठ्ठाका डोके। डीच डीचके बान हाडाई डा, लेकिन डीचनी मालूमजे कि दियागा जीमू बतशेबा डा।

![](https://cdn.door43.org/obs/jpg/360px/obs-en-17-11.jpg)

हेजा नजर के इखाट गा बाजाए, दाऊद नी डीचके हेजा मेरान सगा घल्जी जेकाकेका कुल्केनेच। डीच दियागा सेंग्गोन गिटिचके एठा डीचके डाबोलटे कुल्केनेच। थोडा टेमो गा बादोन बतशेबा नी इनी मंडीटे दाऊद गा मेरान खाबोर कुल्के कि डीच लज्के होय।

![](https://cdn.door43.org/obs/jpg/360px/obs-en-17-12.jpg)

बतशेबा गा सनाटे उरिय्याह जीमू गा म्या कोरो डा। डीच दाऊद गा कास सैनिककु तालाटे म्याखोम डा। इनी टेमो डीच लड़ाई दडा गा घल्जी बल्लान ओले मेना डा। दाऊद नी उरिय्याह के लड़ाई टे डाबोलटे हाकोटे डीचके हेजा जापाएटे गा सेंग्गोन थंदळ गा घल्जी मंडीके। पेनो अलग्गो सैनिक लड़ाई गेन डा इनिघल्जी उरिय्याह नी उरान सेनेटे बान मेंके। इनिघल्जी दाऊद नी उरिय्याह के डाबोलटे लड़ाई कुल्केनेच एठा सेनापति टे डीचके लड़ाई येनोगो जागान दोडो गा घल्जी मंडीके देटेन दुश्मन सेबाईटे शक्तिशाली होना ताकि डीच गोयु होना। मेटे येनोगो डाएन कि उरिय्याह लड़ाई गेन गोएन।

![](https://cdn.door43.org/obs/jpg/360px/obs-en-17-13.jpg)

उरिय्याह गा लड़ाई गेन गुजू गा बादोन दाऊद नी बतशेबा टे ब्याह डावे। बादोन, डीचनी दाऊद गा कोंटे के जनम जीके। दाऊद नी जो डाके दियाटे परमेश्वर भेबाव खीजो के डा, इनिघल्जी डीचनी नातान परमेश्वर गा कोनेटे मंडी मिंकू के दाऊद के इनी घागल गा घल्जी कुल्के कि दियागा पापो चोटो बुरा डा। दाऊद नी हेजा पापो गा मन बदलाके एठा परमेश्वर नी डीचके मापोकेनेच। हेजा गा कास जीवन गेन, हेजा काठीन टेमो गेन भी दाऊद परमेश्वर गा टाऊ-टाऊ ओले एठा बातो के मनातिंज्के।

![](https://cdn.door43.org/obs/jpg/360px/obs-en-17-14.jpg)

पेनो दाऊद गा कोंटे गोएन। इनी रितीटे परमेश्वर नी दाऊद के नंगा साब होळाकेनेच। येनेगा आलावा, दाऊद गा गुजू टाएन, दियागा परिवार गा अदा कुरकू नी दियागा खिलाफबेन लड़ाई डावे, एठा दाऊद गा हेजा शक्ति कामजे डा। पेनो परमेश्वर विश्वास लायको डा एठा आए भी डीचनी डी डाके जो डीचनी दाऊद टे दडा गा वादा डाके डा कि डीच डाएवा, भला का दाऊद नी दियागा पापो डावे डा। बादोन, दाऊद एठा बतशेबा गा दूसरा कोंटे डाएन, एठा दिकुनी दियागा जीमू सुलैमान डोके।

*एल अध्याय १०; १५-१९; २४; ३१; २ शमूएल ५; ७; ११-१२ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_17_128kbps.m4a

## 18. भागो के राज्य

https://openbiblestories.org/l/gok/story-18/

![](https://cdn.door43.org/obs/jpg/360px/obs-en-18-01.jpg)

दाऊ द राजा नी चालीसो साल टाएन राजो डावे। मेटे डीच गोएन, एठा दियागा कोंटे सुलैमान नी इस्राएल गा लिंजेन राजो दडा सुरुके। परमेश्वर नी सुलैमान टे डावे एठा कोम्बराके कि डी सेबाई टे जादा चोच चाहतावा होय कि परमेश्वर दियागा घल्जी डाए। सुलैमान नी परमेश्वर टे आसिवे कि डीच डीचके ठायका दिमागदार आरुकेचफ इनी बातो नी परमेश्वर के कुशोकेनेच, इनिघल्जी परमेश्वर नी सुलैमान के दुनिया गा सेबाईटे दिमागदार कोरो आरुकेनेच। सुलैमान नी घोनेच्का बातो के इथुके एठा डीच म्या दिमागदार राजो मिठाच डा। परमेश्वर नी डीचके घोनेच लकपति आरुकेनेच डा।

![](https://cdn.door43.org/obs/jpg/360px/obs-en-18-02.jpg)

यरूशलेम गेन सुलैमान नी डी मंदिर के आरुके डेगा घल्जी दियागा बाटे नी योजना आरुके डा एठा सामोन के गोलाके डा। नका कुरकू मिलातिंजू मिनी डेरा गेन परमेश्वर गा आराधना दडा डा एठा दियागा घल्जी बलि इपेपेळेच डा। परमेश्वर हेंडो मंदिर गे थंदळ लक्कू डा, एठा देटेन डीच हेजा कुरकू गा सेंग्गोन थंदळ लक्कू डा।

![](https://cdn.door43.org/obs/jpg/360px/obs-en-18-03.jpg)

पेनो सुलैमान नी दूसरा देशो गा जापाएकु टे प्यार डावे। डीचनी घोनेच्का अंदजोटे १००० जापाएकु टे ब्याह डाटे परमेश्वर गा खिलाफ डाके! इंकू तालाटे घोनेच का जापाएकु टे दूसरा देशो टे हेन एठा हेजागा गोमेचकु के सालेकू एठा दिकुगा आराधना दडा सुरुके। जब सुलैमान बुड्डाएन मेटे डीचभी नी दिकुगा गोमेच्कू गा आराधना डाके।

![](https://cdn.door43.org/obs/jpg/360px/obs-en-18-04.jpg)

इनी वाजाटे परमेश्वर सुलैमान टे खीजोके डा। डीचनी मंडीके डीच इस्राएल देशो के बारी राज्य गेन कखातिंज गा द्वारा डीचके दण्डो जेबा डीच सुलैमान गा गुजू गा बादोन येनोगो डाएवा।

![](https://cdn.door43.org/obs/jpg/360px/obs-en-18-05.jpg)

सुलैमान गा गुजू गा बादोन, रहबाम राजा आरुके। इस्राएल देशो गा सेबाई कुरकू डीचके इकुगा राजा गा रुपो गेन ममानातिंज गा घल्जी म्या सेंग्गोन गोलाएन। दिकुनी रहबाम टे शिकायत डाके कि सुलैमान नी दिकुटे भेबाव मेहनत डाके डा एठा घोनेचका टेक्सा साउसिलबे डा। दिकुनी रहबाम टे अनुरोध डाके कि दिकुटे कामय कम डाए चाले।

![](https://cdn.door43.org/obs/jpg/360px/obs-en-18-06.jpg)

पेनो रहबाम नी दिकुके खाट का मूर्खाता टे जवाब जीके, “आपे मंडीवा होय कि इंजा बाटे सुलैमान नी आपेटे काठीन मेहनत डाके। पेनो इंज आपेटे देटे जादा काठीन मेहनत दडा होळाकोम्बा, एठा इंज आपेके देटेभी जादा तक्लिप जेवा।”

![](https://cdn.door43.org/obs/jpg/360px/obs-en-18-07.jpg)

जब कुरकू नी दियाटे येनोगो मंडीटे आजुम्के दिकु तालाटे चोटोका कुरकू नी दियागा खिलाफबेन हिंजमान डावे। गेल खानदान नी डीचके आराकेनेच; दियागा सेंग्गोन बारी कोणकिंज का बचातिंज्के। इनी बारी कोणकिंज नी खुदके यहूदा गा राज्य मंडीके।

![](https://cdn.door43.org/obs/jpg/360px/obs-en-18-08.jpg)

बाकि गा गेल कोंकू नी यारोबान जीमू गा म्या कोरो के आपना राजा आरुकेनेच। इनी कोणकु देशो गा उत्तर-पूर्व भागो गेन डा। दिकुनी खुदके इस्राएल गा राज्य मंडीके।

![](https://cdn.door43.org/obs/jpg/360px/obs-en-18-09.jpg)

पेनो यारोबान नी परमेश्वर गा खिलाफ बेन विरोध डाके एठा कुरकू टे पापो डाके। डीचनी आपना कुरकू गा द्वारा आराधना दडा गा घल्जी बारी मूर्तिनौर के आरुके। दिकु नका यहूदा गा राज्य गेन यरूशलेम गेन परमेश्वर गा मंदिर गेन दियागा आराधना दडा गा घल्जी बान सेंडूका।

![](https://cdn.door43.org/obs/jpg/360px/obs-en-18-10.jpg)

यहूदा एठा इस्राएल गा राज्य दुश्मन आरोएन एठा अक्सर इनिज-दियागा खिलाफ बेन लड़ाई लज्जे।

![](https://cdn.door43.org/obs/jpg/360px/obs-en-18-11.jpg)

इस्राएल गा उनाई राज्य गेन, सेबाई का राजाकु दुष्ट डा। इंकूटे चोटोका राजा दियागा जगान राजा आरुगा गा इच्छा दोडो मिंकू अलग्गो इस्राएली कुरकू गा द्वारा गोएन मेना डा।

![](https://cdn.door43.org/obs/jpg/360px/obs-en-18-12.jpg)

इस्राएल राज्य गा सेबाई का राजाकु नी एठा येठाभी कुरकू नी मूर्तिनौर गा आराधना डाके। जब दिकुनी येनोगो डाके, मेटे दिकु अक्सर रांडोकु गा सेंग्गोन गिटीचके एठा येटे टाएन कि चोटोका बार मूर्तिनौर गा सम्मान चफ्नीकूके बलि भी डाके।

![](https://cdn.door43.org/obs/jpg/360px/obs-en-18-13.jpg)

यहूदा राज्य गा राजा, दाऊद गा पिढी डा। इनी राजाकु तालाटे चोटोका भला कोरोकु डा दिकुनी न्यायपूरा राजो डाके एठा परमेश्वर गा आराधना डाके। पेनो यहूदा गा येठाभी राजा दुष्ट डा। दिकुनी दुष्टता टे राजो डाके, एठा मूर्तिनौर गा आराधना डाके। येटे टाएन कि इंकू तालाटे अदा राजाकु नी लाबाळ गोमेच्कू गा सम्मान इकुगा चफ्नीकूके भी बलि जीके। यहूदा गा येठाभी कुरकू नी भी परमेश्वर गा खिलाफ बेन विरोध डाके एठा अलग्गो गोमेच्कू गा आराधना डाके।

*जा अध्याय १-६; ११-१२ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_18_128kbps.m4a

## 19. परमेश्वर गा कोनेटे मंडी मिठाच

https://openbiblestories.org/l/gok/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इस्राएली कुरकू गा मेरान परमेश्वर गा कोंटे मंडी मिठाच के कुलेच लक्के डा। परमेश्वर गा कोनेटे मंडी मिठाच परमेश्वर टे खाबोर के आजुम डा एठा डाबोलटे डीके कुरकू के घाले डा।

![](https://cdn.door43.org/obs/jpg/360px/obs-en-19-02.jpg)

जब अहाब इस्राएल गा राज्य लिंजेन राजा डा मेटे डी टेमो एलिय्याह परमेश्वर कोनेटे मंडी मिठाच डा। अहाब म्या बुरा कोरो डा। डीचनी लाबाळ मंडी गोमेच गा आराधना दडा गा घल्जी कुरकू के मजबूरके कु डा। इनिघल्जी एलिय्याह नी अहा बटे मंडीके कि परमेश्वर डी कुरकू के नंगा साब होळाकु लक्के डा। डीचनी दियाटे मंडीके, “जब टाएन इंज डाबोलटे डा घामा घल्जी बान मंडी मेटे टाएन इस्राएल गा राज्य गेन डा बान हेजे एठा न ओसो बोचोवा।” इनी बातो नी अहाब के येटो खीजोकेनेच डा कि डीचनी एलियाह के घोगेच गा निर्णय डाके।

![](https://cdn.door43.org/obs/jpg/360px/obs-en-19-03.jpg)

इनिघल्जी परमेश्वर नी एलिय्याह टे मंडीके कि डीच डोंगोरेन ओलेडो अहाब टे उखुयू होना। एलियाह डोंगोंर गेन डी पाजेर गा मेरान ओले देटेन सेने गा घल्जी परमेश्वर नी डीचके घाल्के डा। हरेक फेजेर एठा हरेक सिंगुरूप, भुरिकू एलिय्याह गा घल्जी सोकळा एठा जिलु साटे हेजे डा। इनी पूरा टेमो, अहाब एठा दियागा सेना एलिय्याह के घागटा लक्के डा, पेनो दिकु डीचके घाटाडुका।

![](https://cdn.door43.org/obs/jpg/360px/obs-en-19-04.jpg)

डा बान घामा टे अदा टेमो गा बादोन डी पाजेर लोखोळजे। इनिघल्जी एलिय्याह मेरान गा का म्या देशो गेन ओले मेना। डी देशो गेन म्या गिरबो विधवा डा दियागा म्या कोंटे डा। दियागा मेरान आटा अंदजोटे स्यान मेना डा चोयाकी देटेन तुनिका बान दडुका डा। पेनो फिरभी, डी जापाए नी एलिय्याह गा देखभाल डाके, इनिघल्जी परमेश्वर नी दियागा एठा दियागा कोंटे गा जरूरतनौर के पूरा डाके, इनी वाजाटे दियागा आटा गा पात्र एठा दियागा सुनूम गा कुप्पी चोला\कभी खलीडुका बाने। डी पूरा अकाल गा दौरान दिकुगा मेरान आटा डा। एलिय्याह चोटोका साल टाएन देटेन थंदळके।

![](https://cdn.door43.org/obs/jpg/360px/obs-en-19-05.jpg)

साळे आफाई साल गा बादोन, परमेश्वर नी एलिय्याह टे मंडीके कि डीच डाबोलटे डा घामेवा। डीचनी एलिय्याह टे डाबोलटे इस्राएल गा राज्य गेन ओलेडो अहा बटे बातो दडा गा घल्जी मंडीके। इनिघल्जी अहाब गा मेरान ओले। जब अहा बनी डीचके डोकेनेच मेटे डीचनी मंडीके, “अच्छा आम होय, मुसीबत पैदा दडा मिठाच!” एलिय्याह नी जवाब जीके, “मुसीबत दडा मिठाच मेटे आमका होय! आमनी यहोवा के आराकेनेच होय। डीचका सच्चो परमेश्वर होय, लेकिन आम ताखात गा आराधना दडा लक्के होय। नका आमके इस्राएल राज्य गा सेबाई कुरकू के कर्मेल टुक्की लिंजेन साटे हेजे होना होय।”

![](https://cdn.door43.org/obs/jpg/360px/obs-en-19-06.jpg)

इनिघल्जिन सेबाई कुरकू कर्मेल टुक्कीन ओले। डी कोरो भी हेन जो मंडी डा कि दिकु ताखात गा खाबोर के मंडीवा होय। इनी ताखात परमेश्वर गा कोनेटे मंडी मिठाच डा। दिकु सेबाईकु ४५० डा। एलियाह नी कुरकू टे मंडीके, “चोटों टाएन आपे आपेगा मननौर के इखाटका डोएवा? अगर यहोवा परमेश्वर होय मेटे दियागा आराधना डाए! अगर ताखात परमेश्वर होय मेटे दियागा आराधना डाए!”

![](https://cdn.door43.org/obs/jpg/360px/obs-en-19-07.jpg)

मेटे एलिय्याह नी ताखात गा परमेश्वर गा कोनेटे मंडी मिठाच मंडीके, “म्या डोबा के बलि डाटे दियागा जिलु के बलिदान जिउ के म्या वेदी लिंजेन डोके, पेनो सिंगेल बाकी येंडा। डेगा बादोन इंज भी डेनोगोका डाएवा, एठा म्या अलग्गो वेदी लिंजेन इंज डी जिलु के डोएवा। मेटे अगर परमेश्वर गा वेदी लिंजेन सिंगेल बोबोचोवा होय मेटे आपे चिनायावा कि डीच सच्चो परमेश्वर होय।” मेटे ताखात गा परमेश्वर गा कोनेटे मंडी मिठाच नी म्या बलि के तैयार के पेनो सिंगेल बान येंडा डुका।

![](https://cdn.door43.org/obs/jpg/360px/obs-en-19-08.jpg)

मेटे ताखात गा परमेश्वर गा कोनेटे मंडी मिठाच नी ताखात टे प्रार्थना डाके, “हे ताखात, आलेगा आजुमे!” पूरा दिन दिकुनी प्रार्थना डाके एठा चिल्लातिंज्के एठा येटे टाएन कि खुद के चाकुटे गेटके, पेनो ताखा तनी जवाब बान जीडुका, एठा डीचनी तुनिका सिंगेल बान बोचोडुका।

![](https://cdn.door43.org/obs/jpg/360px/obs-en-19-09.jpg)

ताखात गा परमेश्वर गा कोनेटे मंडी मिठाच नी ताखात टे प्रार्थना दडा गेन अंदजोटे पूरा दिन बितातिंज्के। इनिघल्जी दिकुनी प्रार्थना दडा बंदोकेनेच। मेटे एलिय्याह नी दूसरा डोबा गा जिलु के परमेश्वर गा वेदी लिंजेन डोके मेना। डेगा बादोन, डीचनी कुरकू टे डा गा खाट बर्तननौर के डी बलिदान लिंजेन मेटे टाएन उखीळि गा घल्जी मंडीके जब टाएन कि जिलु, चखाननौर, एठा येटे टाएन कि वेदी गा आसोपासो गा ओटे पूरा खिजाटे ओलायु बाकी होना।

![](https://cdn.door43.org/obs/jpg/360px/obs-en-19-10.jpg)

मेटे एलिय्याह नी प्रार्थना डाके, “हे यहोवा, अब्राहम, इसहाक, एठा याकूब गा परमेश्वर, आलेके घाले कि आपे इस्राएल गा परमेश्वर होय एठा इनी कि इंज आमगा भाग्य मेना। इंज्के जवाब सेगे देटे कि इनी कुरकू चिनायावा कि आमका सच्चो परमेश्वर होय।”

![](https://cdn.door43.org/obs/jpg/360px/obs-en-19-11.jpg)

तुरुटोका, बादळा टे सिंगेल बोचोके एठा डीचनी जिलु, चखाननौर, पट्टानौर, कासा, एठा येटे टाएन कि वेदी गा आसोपासो गा डा के भी जुलके। जब कुरकू नी इनी डोके, दिकु भी ओटे लिंजेन बोचोके एठा मंडीके, “यहोवा का परमेश्वर होय! यहोवा का परमेश्वर होय!”

![](https://cdn.door43.org/obs/jpg/360px/obs-en-19-12.jpg)

मेटे एलिय्याह नी मंडीके, “ताखात गा म्या भी परमेश्वर गा कोनेटे मंडी मिठाच बचातिंजटे सेंजू बाकी होना!” इनिघल्जी कुरकू नी ताखात गा परमेश्वर गा कोनेटे मंडी मिंकू के उठाकेकु एठा दिकुके देटे अलग्गो साईंय्येकु एठा दिकुके गोच्केकु।

![](https://cdn.door43.org/obs/jpg/360px/obs-en-19-13.jpg)

मेटे एलिय्याह नी अहाब राजा टे मंडीके, “झल्लोका आपना उरा गेन सळुपजू, चोयाकी डा घामावा होय।” झल्लोका बादळा केंडेन, एठा ठायका डा गा घामा सुरुके। यहोवा डी लोखोळ के स्यागे लक्के डा। येने टे ओटजे कि यहोवा का सच्चो परमेश्वर होय।

![](https://cdn.door43.org/obs/jpg/360px/obs-en-19-14.jpg)

जब एलिय्याह नी हेजा कामय के स्याके मेना, मेटे परमेश्वर नी एलिशा जीमू गा म्या कोरो के हेजा परमेश्वर गा कोनेटे मंडी मिठाच आरुगा घल्जी कलमके नेच। परमेश्वर नी एलिशा गा तालाटे चमत्कार डाके। म्या चमत्कार नामान गा सेंग्गोन डाएन। डीच म्या दुश्मण गा सेना गा सरदार डा, पेनो डीचके चेहरा गा बुरा रोगो डाएन डा। नामान नी एलिशा गा बारेन आजुम्के डा, इनिघल्जी डीच एलिशा गा मेरान हेन एठा दियाटे डीचके सही दडा गा घल्जी अनुरोध डाके। एलिशा नी नामा नटे मंडीके कि सेनेडो यरदन गडा गा डा गेन याई बार नामुजे।

![](https://cdn.door43.org/obs/jpg/360px/obs-en-19-15.jpg)

नामान खीजोएन मेना। डीचनी येनोगो दडा टे बान मेंके, चोयाकी इनी डीचके मुर्खता गा कामय लगातिंजू डा। पेनो बादोन डीचनी हेजा मन बदलाके एठा ओलेडो यरदन गडा गा डा गेन याई बार नामुज्के। जब आखरी बार डीच डाट े बल्लान ओटके मेटे परमेश्वर नी डीचके सजाकेनेच।

![](https://cdn.door43.org/obs/jpg/360px/obs-en-19-16.jpg)

परमेश्वर नी इस्राएल गा कुरकू गा मेरान अलग्गो घोनेच्का परमेश्वर गा कोनेटे मंडी मिंकू के कुल्केकु। दिकु सेबाईकु नी कुरकू टे मूर्तिनौर गा आराधना दडा बंदोकी घल्जी मंडीके। येनेगा बाजाए, दिकुके इनिज-दियागा सेंग्गोन न्यायपूरा व्यवहार दडा होना एठा इनिज-दियागा लिंजेन दया दडा होना। डी परमेश्वर गा कोनेटे मंडी मिंकू नी कुरकू के चेतावनी जीके कि दिकुके बुरा कामय के दडा बंदोकी होना होय एठा येनेगा बाजाए परमेश्वर गा बातो गा पालन दडा होना होय। अगर डी कुरकू नी येनोगो बान दडुका मेटे परमेश्वर दिकुके दोषी मनातिंजटे दिकुगा न्याय डाएवा, एठा दिकुके दण्डो जेवा।

![](https://cdn.door43.org/obs/jpg/360px/obs-en-19-17.jpg)

येठाभी टेमो, डी कुरकू नी परमेश्वर गा हुकूम पालन बान दडुका। अक्सर दिकुनी परमेश्वर गा कोनेटे मंडी मिंकू गा सेंग्गोन बुरा व्यवहार डाके एठा येटे टाएन कि चोलाका-चोलाका दिकुके गोच्केकु। म्या बार, दिकुनी यिर्मयाह परमेश्वर गा कोनेटे मंडी मिंकूके लोखोळ कुई गेन येंडाकेकु एठा डीचके देटेन गुजू गा घल्जी आराकेनेच। डीच कुई गा तालान चीखाल गेन फासाएन। लेकिन मेटे राजा के दियागा लिंजेन हेन एठा डीचनी हेजा सैनिककु के हुकूम जीके कि यिर्मयाह गा गुजू टे पेला डीचके कुई टे बल्लान ओळेच।

![](https://cdn.door43.org/obs/jpg/360px/obs-en-19-18.jpg)

परमेश्वर गा कोनेटे मंडी मिठाच परमेश्वर गा कोनेटे चालुका डोके भला का कुरकू नी दिकुटे नफ़रत डावे। दिकुनी कुरकू के चेतावनी जीके कि अगर दिकुनी मन बान बदलाडुका टासो मेटे परमेश्वर दिकुके नशोकुवा। दिकुनी कुरकू के इनिभी यादो जीके कि परमेश्वर नी दिकुगा मेरान मसीह के कुकूल गा वायदा डाके होय।

*जा अध्याय १६-१८ ; २ राजा ५; यिर्मयाह ३८ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_19_128kbps.m4a

## 20. गुलामी टे एठा हीरा

https://openbiblestories.org/l/gok/story-20/

![](https://cdn.door43.org/obs/jpg/360px/obs-en-20-01.jpg)

इस्राएल गा राज्य एठा यहूदा गा राज्य बाएरा भी नी परमेश्वर गा खिलाफ बेन पापो डाके। दिकुनी डी वादा के टुक्काके जो परमेश्वर नी दिकुगा सेंग्गोन सीनै टुक्की लिंजेन टोल्के डा परमेश्वर नी दिकुके मन बबादला एठा डाबोलटे दियागा आराधना दडा गा घल्जी चेतावनी जिऊ के हेजा परमेश्वर गा कोनेटे मंडी मिंकू के कुल्केकु, पेनो दिकुनी दिकुगा बातो के ममानातिंज टे बान मेंके।

![](https://cdn.door43.org/obs/jpg/360px/obs-en-20-02.jpg)

इनिघल्जी परमेश्वर नी दिकुगा दुश्मनकु के दिकुके नशो दडा गा द्वारा बारी भी राज्य के दण्डो जीके। अश्शूर म्या अलग्गो देशो डा जो भेबाव शक्तिशाली आरोएन डा। दिकु दूसरा देशो गा बेदला भेबाव खुच्चोळ डा। दिकुनी हेंडो इस्राएल गा राज्य के नशोके। अश्शूरीकु नी हेंडो इस्राएल गा राज्य गेन घोनेच्कुके गोच्केकु, जो होना डीके लुटातिंजे, एठा देशो गा चोटोका हिस्सा के जुल्के।

![](https://cdn.door43.org/obs/jpg/360px/obs-en-20-03.jpg)

अश्शूरीकु नी सेबाई अगुवाकु, लकापति कुरकू, एठा येनोगो कुरकू के जो किमती चीजो आरू साकता डा म्या सेंग्गोन गोलाकेकु एठा दिकु दिकुके अश्शूर देशोन साईंय्येकु। इस्राएल गेन बस थोळाका गिरबो इस्राएलीकु बचातिंज्के।

![](https://cdn.door43.org/obs/jpg/360px/obs-en-20-04.jpg)

डाबोलटे अश्शूरी कुरकू डी देशो गेन थंदळ गा घल्जी दूसरा देशोकु के साटे हेन। डी दूसरा देशोकु नी पूरानौर के डाबोलटे आरुके। जो इस्राएली कुरकू देटेन थंदळके डा दिकुनी ब्याह डावे। इनी कुरकू गा पिढी समरी मंडेवा।

![](https://cdn.door43.org/obs/jpg/360px/obs-en-20-05.jpg)

यहूदा गा राज्य गा कुरकू नी डोके कि टोनोगो परमेश्वर नी दिया लिंजेन विश्वास बान दडा एठा दियागा बातो के बान ममानातिंज गा वाजाटे इस्राएल गा राज्य गा कुरकू के दण्डो जीके डा। पेनो मेटे पेनो दिकुनी कनानीकु गा गोमेच्कू गा मूर्तिनौर गाआराधना डाके। परमेश्वर नी दिकुके चेतावनी जिऊ गा घल्जी परमेश्वर गा कोनेटे मंडी मिंकूके कुल्केकु, पेनो दिकुनी आजुम्टे बान मेंके।

![](https://cdn.door43.org/obs/jpg/360px/obs-en-20-06.jpg)

अंदजोटे १०० साल गा बादोन अश्शूरीकु नी इस्राएल गा राज्य के नशोके। परमेश्वर नी बेबीलोन नबूकदनेस्सर के यहूदा गा राज्य लिंजेन हामला दडा गा घल्जी कुल्केनेच बेबीलोन म्या शक्तिशाली देशो डा। यहूदा गा राजा नबूकदनेस्सर गा भाग्य आरू एठा चोटोका साल डीचके घोनेच सेबाई डामा गा जिऊ गा घल्जी राजेन होय।

![](https://cdn.door43.org/obs/jpg/360px/obs-en-20-07.jpg)

पेनो चोटोका साल गा बादोन, यहूदा गा राजा नी बेबीलोन गा खिलाफबेन झागळा डावे। इनिघल्जी बेबीलोनकु नी डाबोलटे हेंडो यहूदा गा राज्य लिंजेन हमला डाके। दिकुनी यरूशलेम पूरा लिंजेन कब्जाये, मंदिर के नशोके, एठा मंदिर गा खजाना के लुटातिंजे।

![](https://cdn.door43.org/obs/jpg/360px/obs-en-20-08.jpg)

झागळा दडा गा वाजाटे यहूदा गा राजा के दण्डो जिऊ गा घल्जी, नबूकदनेस्सर गा सैनिककु नी राजा गा कोंटे के दियागा सम्मान गोच्केनेच एठा डाबोलटे डीचके अंधळाकेनेच। येनेगा बादोन, डी राजा के साईंय्येनेच ताकि डीच बेबीलोन गा जेलेन गोयु।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर एठा दियागा सेना यहूदा गा राज्य गा अंदजोटे सेबाईका कुरकू के बेबीलोन गेन साईंय्येकु, बस सेबाईटे गिरबो कुरकू के टाऊन आराटे ताकि दिकु खिटीन अनोजो ओटकी। टेमो गा इनी जमाना के गुलामी मंडीके मेना होय डेन परमेश्वर गा कुरकू के वायदा गा देशो टे ओटगा घल्जी मजबूरकेकु डा।

![](https://cdn.door43.org/obs/jpg/360px/obs-en-20-10.jpg)

भलाका परमेश्वर नी हेजा कुरकू के दिकुगा पापो गा घल्जी गुलामी गेन सगा द्वारा दण्डो जीके, तोभी डीच दिकुके या हेजा वायदानौर के बान भुल्लाडुका डा। परमेश्वर नी हेजा कुरकू गा निगरानी दडा सुरुके डोकी एठा हेज कोंटे मंडी मिंकू गा द्वारा दिकुटे बातो मंडी डा। डीचनी वायदा डाके कि सत्तर साल गा बादोन, डीच डाबोलटे वायदा गा देशो गेन हिरावा।

![](https://cdn.door43.org/obs/jpg/360px/obs-en-20-11.jpg)

अंदजोटे सत्तर साल गा बादोन, फारस गा राजा कुस्रू नी बेबीलोन के हरातिंज्के, इनिघल्जी बेबीलोन गा साम्राज्य गा बेदला फारस गा साम्राज्य नी चोटोका देशो लिंजेन राजो डावे। इस्राएली कुरकू नका यहूदी मंडीवा डा। दिकु तालाटे घोनेच्कुकानी इकुगा पूरा जीवन बेबीलोन गेन बितातिंज्के डा। बस घोनेच थोडा बुड्डा यहूदीकु गा यहूदा गा देशो यादो डा।

![](https://cdn.door43.org/obs/jpg/360px/obs-en-20-12.jpg)

फारसी कुरकू भेबाव ताखात मिंकू डा, पेनो दिकुनी इकुगा जीटाके मिंकू कुरकू लिंजेन दया डाके डा। फारसी कुरकू गा राजा आरुगा थोडा टेमो गा बादोन, कुस्रू नी म्या हुकूम जीके कि कि तुनिकभी यहूदी जो यहूदा के हिरा चाहता डा, डीच फारस टे ओट्टे डाबोलटे यहूदा गेन सेने साकतावा होय। येटे टाएन कि डीचनी दिकुके मंदिर के डाबोलटे आरुगा घल्जी डामा भी जीके। इनिघल्जी गुलामी गा सत्तर साल गा बादोन, यहूदीकु गा म्या सानी समूह यहूदा गेन यरूशलेम पूरा गेन हिराके।

![](https://cdn.door43.org/obs/jpg/360px/obs-en-20-13.jpg)

जब दिकु यरूशलेम पूरा गेन आदिरजे मेटे दिकुनी मंदिर के एठा पूरा गा उफुन भी कोने गा दीवार के डाबोलटे आरुके। फारसी कुरकू आएभी दिकु लिंजेन राजो दडा डा लेकिन म्या बार डाबोलटे दिकु वायदा गा देशो गेन थंदळ लक्कू डा एठा मंदिर गेन आराधना दडा लक्के डा।

*जा अध्याय १७; २४-२५; २ इतिहास ३६; एज्रा १-१० नहेम्याह १-१३ टे ,म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_20_128kbps.m4a

## 21. परमेश्वर मसीह गा वायदा दडावा होय

https://openbiblestories.org/l/gok/story-21/

![](https://cdn.door43.org/obs/jpg/360px/obs-en-21-01.jpg)

जब परमेश्वर नी दुनिया के आरूके डा, डीच हाडाई डा कि दियेन बादोन तुनिका दिन मसीह के कुकूल होना। डीचनी आदम एठा हव्वा टे वायदा डाके कि डीच येनोगो डाएवा। डीचनी मंडीके कि हव्वा टे म्या पिढी जनम सेगेवा जो बिंज गा कापर के कुचलातिंज्कुवा। जो बिंज नी हव्वा के धोका जीके डीच बिंदोक शैतान डा। परमेश्वर गा मतलब डा कि मसीह पूरा खिजाटे शैतान के हरातिंजेचबा।

![](https://cdn.door43.org/obs/jpg/360px/obs-en-21-02.jpg)

परमेश्वर नी अब्राहम टे वादा डाके डा कि दियागा द्वारा दुनिया गा सेबाई जाटोनौर गेन आशीष घाटाऊवा। परमेश्वर बादोन तुनिका टेमो लिंजेन मसीह के कुकूल गा द्वारा इनी वादा के पूरा डाएवा। डी मसीह दुनिया गा हर म्या जाटो तालाटे कुरकू के दिकुगा पापो टे आराकुवा।

![](https://cdn.door43.org/obs/jpg/360px/obs-en-21-03.jpg)

परमेश्वर नी मूसा टे वादा डाके डा हेजे मिनी टेमो गेन डीच मूसा गा रोंगो म्या अलग्गो परमेश्वर गा कोनेटे मंडी मिठाच के कुलेच्बा। इनी परमेश्वर गा कोनेटे मंडी मिठाच मसीह होंगा। इनी रिती टे, परमेश्वर नी डाबोलटे वादा डाके कि डीच मसीह के कुलेच्बा।

![](https://cdn.door43.org/obs/jpg/360px/obs-en-21-04.jpg)

परमेश्वर नी राजा दाऊद टे वादा डाके डा कि दियागा म्या पिढी मसीह डाऊवा। डीच राजा आरुवा एठा परमेश्वर गा कुरकू लिंजेन हमेशा गा घल्जी राजो दडावा।

![](https://cdn.door43.org/obs/jpg/360px/obs-en-21-05.jpg)

परमेश्वर नी यिर्मयाह परमेश्वर गा कोनेटे मंडी मिठाच टे बातो डावे एठा मंडीके कि म्या दिन डीच उनाई वादा टोलेवा। डी उनाई वादा इस्राएल गा सेंग्गोन सीनै टुक्की लिंजेन टोल्के मिनी जुना वादा गा खिजा बान डाऊ। जब कुरकू गा सेंग्गोन डीच हेजा उनाई वादा के टोलेवा, मेटे डीच दिकु लिंजेन खुदके कोरो रुपोटे ओडेवा। हर म्या कोरो दियाटे प्यार डोएवा एठा दियागा नियम गा पालन दडा गा इच्छा डोएवा। परमेश्वर नी मंडीके कि इनी दियागा नियम गा दियागा दिलनौर लिंजेन ओल्के खिजा डाऊवा। एठा परमेश्वर दिकुगा पापो के मापोंएवा। डी च मसीह होगा जो दिकुगा सेंग्गोन डी उनाई वादा के टोलेवा।

![](https://cdn.door43.org/obs/jpg/360px/obs-en-21-06.jpg)

परमेश्वर गा कोनेटे मंडी मिंकूनी इनी भी मंडीके कि मसीह म्या परमेश्वर गा कोनेटे मंडी मिठाच होंगा। म्या परमेश्वर गा कोनेटे मंडी मिठाच डी कोरो होय जो परमेश्वर गा वचननौर के आजुम्बा होय एठा डाबोलटे कुरकू लिंजेन परमेश्वर गा खाबोर गा एलान दडावा होय। देटे कुकूल गा परमेश्वर नी वायदा डाके डा डीच मसीह म्या पक्का परमेश्वर गा कोनेटे मंडी मिठाच होंगा। मतलब डीच मसीह परमेश्वर गा खाबोरनौर के अच्छा खिजाटे आजुमेवा, एठा डीच कुरकू के डी खबोरनौर के अच्छा खिजाटे इथूकोम्बा।

![](https://cdn.door43.org/obs/jpg/360px/obs-en-21-07.jpg)

इस्राएली याजककु नी कुरकू गा घल्जी परमेश्वर गा सम्मान बलिदान पेपेळेच चालुका डोके। इनी बालिदान कुरकू गा पापो गा घल्जी दिकुके परमेश्वर द्वारा नंगा साब गा जागान पेळेचके मेना डा। याजकनी कुरकू गा घल्जी प्रार्थना भी डाके। पेनो, डीच मसीह पक्का महायजक होंगा जो परमेश्वर के जिऊ गा घल्जी म्या पक्का बलि गा रुपो गेन खुदके पेळेजेवा। मतलब, डीच चोलाकाभी पापो बान दडुका, एठा जब डीच खुदके बलि जिऊ गा घल्जी जेवा, मेटे दुनिया गा तुनिकाभी अलग्गो बलि जरुरी बान डाऊ।

![](https://cdn.door43.org/obs/jpg/360px/obs-en-21-08.jpg)

कुरकू गा समूह लिंजेन राजा एठा प्रधान राजो दडावा होय, एठा चोलाका-चोलाका दिकु गलतीनौर दडावा होय। राजा दाऊद नी बस इस्राएली कुरकू लिंजेन राजो डावे, पेनो राजा दाऊद गा पिढी मसीह पूरा दुनिया लिंजेन राजो डाएवा, एठा डीच हमेशा गा घल्जी राजो दडावा। येनेगा आलावा न्यायपूरा रितीटे राजो दडावा, एठा सही निर्णय के सेगेवा।

![](https://cdn.door43.org/obs/jpg/360px/obs-en-21-09.jpg)

परमेश्वर गा कोनेटे मंडी मिंकूनी मसीह गा बारेन घोनेच्का बातो के मंडीके। उदाहरण गा घल्जी, मलाकी नी मंडीके कि मसीह गा हेजे टे पेला म्या अलग्गो परमेश्वर गा कोनेटे मंडी मिठाच हेजेवा। डीच परमेश्वर गा कोनेटे मंडी मिठाच कास होंगा। येनेगा अलावा, यशायाह परमेश्वर गा कोनेटे मंडी मिठाच नी ओल्के कि मसीह म्या कुंवारी टे सवा। एठा मिका परमेश्वर गा कोनेटे मंडी मिठाच नी मंडीके कि मसीह बैतलहम पूरा गेन जनम सवा।

![](https://cdn.door43.org/obs/jpg/360px/obs-en-21-10.jpg)

यशायाह परमेश्वर गा कोनेटे मंडी मिठाच नी मंडीके कि मसीह गलील गा इलाका गेन सुबनबा। जो कुरकू भेबाव दुखी होय मसीह दिकुके शांति जेवा। डीच कैदीकु के भी आजादी जेवा। मसीह बीमारी के एठा जो आजुम साकता बाने, डोगे बान साकता, मंडी बान साकता, या सेंदरा बान साकता दिकुके भी सजाकुवा।

![](https://cdn.door43.org/obs/jpg/360px/obs-en-21-11.jpg)

याशयाह परमेश्वर गा कोनेटे मंडी मिंकू नी इनी भी मंडीके कि कुरकू मसीह टे नफरत डाएवा एठा डीचके ममानातिंजटे बान मेनेवा। अलग्गो परमेश्वर गा कोनेटे मंडी मिंकूनी मंडीके कि म्या सेंग्गो दियागा खिलाफ बेन बिट्बा। जकर्याह परमेश्वर गा कोनेटे मंडी मिठाच नी मंडीके कि दियागा इनी सोपती येनोगो दडा गा घल्जी दूसरा कुरकू टे चांदी गा तीसो चिक्खा सेगेवा। येनेगा अलावा, अदा परमेश्वर गा कोनेटे मंडी मिंकूनी मंडीके कि कुरकू मसीह के गोजेज्बा, एठा इनी कि दिकु दियागा कपळे गा घल्जी पट्टा हुंजूवा।

![](https://cdn.door43.org/obs/jpg/360px/obs-en-21-12.jpg)

परमेश्वर गा कोनेटे मंडी मिंकूनी इनी भी घाल्के कि मसीह टोनोगो गुजूवा। यशायाह नी भविष्यवाणी डाके कि कुरकू मसीह लिंजेन उलीच बेजेवा, दियागा मजाक उळातिंजेवा, एठा डीचके मुंडाएच्बा। दिकु डीचके पोपागेच्बा एठा डीच खाट तक्लिप एठा कासून गुजूवा, जब कि डीचनी चोच्काभी गलत बान दडुका होंगा।

![](https://cdn.door43.org/obs/jpg/360px/obs-en-21-13.jpg)

परमेश्वर गा कोनेटे मंडी मिंकूनी इनी भी घाल्के कि मसीह पापो बान दडा। डीच पक्का डाऊवा। पेनो डीच इनिघल्जी गुजूवा परमेश्वर डीचके अलग्गो कुरकू गा पापो गा वाजाटे नंगा सब होळाएच्बा। दियागा गुजू टे कुरकू परमेश्वर गा सेंग्गोन मिलातिंजून पक्काऊवा। इनिघल्जी परमेश्वर चाहतावा होय कि मसीह गोयु।

![](https://cdn.door43.org/obs/jpg/360px/obs-en-21-14.jpg)

परमेश्वर गा कोनेटे मंडी मिंकूनी इनी भी घाल्के कि परमेश्वर मसीह के गोएन मिठाच जाटे जीटाएच्बा। इनी दर्शातिंजेवा होय कि इनी सेबाई उनाई वादा के टोटोल गा परमेश्वर गा योजना डा, ताकि डी कुरकू के बचातिंज्केकु होना दिकुनी दियागा खिलाफ बेन पापो डाके होय।

![](https://cdn.door43.org/obs/jpg/360px/obs-en-21-15.jpg)

परमेश्वर नी परमेश्वर गा कोनेटे मंडी मिंकू लिंजेन मसीह गा बारेन घोनेच्का बातो के ओडेवा, पेनो मसीह डी परमेश्वर गा कोनेटे मंडी मिंकू तालाटे जेगा गा भी जीवनकाल गेन बान हेजडुका डा। इनी भविष्यवाणी गा जीऊ गा ४०० टे येठाभी साल गा बादोन, सही टेमो लिंजेन, परमेश्वर मसीह के इनी दुनिया गेन कुलेच्बा।

*त्ति ३:१५; १२:१-३; व्यवस्थाविवरण १८:१५; २शमूएल ७; यिर्मयाह ३१; यशायाह ५९:१६; दनिय्येल ७; मलाकी ४:५; यशायाह ७:१४ मीका ५:२; यशायाह ९:१-७; ३५:३-५; ६१; ५३; भजन संहिता २२:१८; ३५:१९; ६९:४; ४१:९ जकर्याह ११:१२-१३; यशायाह ५०:६; भजन संहिता १६:१०-११ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_21_128kbps.m4a

## 22. यूहन्ना गा जनम

https://openbiblestories.org/l/gok/story-22/

![](https://cdn.door43.org/obs/jpg/360px/obs-en-22-01.jpg)

आखरी गेन, परमेश्वर नी हेजा परमेश्वर गा कोनेटे मंडी मिंकू टे बातो डावे डा इनिघल्जी डी कुरकू टे बातो डाकि होना डा। पेनो डी टेमो टे साटे डाबोलटे ४०० साल गा सेने टाएन डीचनी दिकुटे बातो बान दडुका। मेटे परमेश्वर नी जर्कयाह जीमू गा परमेश्वर गा कोनेटे मंडी मिठाच गा मेरान स्वर्गदूत के कुल्केनेच। जकर्याह एठा दियागा जापाएटे एलीशिबा परमेश्वर गा आदर दडा डा। डीच ठायका बुड्डाएन डा, एठा दियेन तुनिका कोण बान दडुका।

![](https://cdn.door43.org/obs/jpg/360px/obs-en-22-02.jpg)

डी स्वर्गदूत नी जकर्याह टे मंडीके, “अमा जापाए गा म्या कोण डाऊवा। आम दियागा जीमू यूहन्ना डोकी। परमेश्वर डीचके पवित्र आत्मा टे भेट्टेच्बा, एठा यूहन्ना कुरकू के मसीह के मनेन गा घल्जी तैयारेज्बा।” जकर्याह नी जवाब जीके, “इंज एठा इंजा जापाए कोणके दडा गा घल्जी ठायका बुड्डाएन होय! इंज टोनोगो चिनाए कि आपे इंजाटे सच्चो मंडी लक्के होय?”

![](https://cdn.door43.org/obs/jpg/360px/obs-en-22-03.jpg)

डी स्वर्गदूत नी जकर्याह के जवाब जीके, “अमा मेरान इनी अच्छा खाबोर के सगा घल्जी इंज परमेश्वर गा द्वारा कुल्के मेना। चोयाकी आमनी इंजा लिंजेन विश्वास बान दडुका, इनिघल्जी सनी गा जनम सा टाएन आम मंडी गेन पक्काऊ बाने।” तुरुटोका, जकर्याह मंडी गेन शक्ति बाऊ डा। मेटे डी स्वर्गदूत जकर्याह गा मेरा टे ओले मेना। येनेगा बादोन, जकर्याह उरान हिराके एठा दियागा जापाएटे लाज हेन।

![](https://cdn.door43.org/obs/jpg/360px/obs-en-22-04.jpg)

जब एलीशिबा तुरुई महीना गा लज्के डा, मेटे डीका स्वर्गदूत अचानक टे एलीशिबा गा सगाकु लिंजेन ओटजे मेना, दियागा जीमू मरियम डा। मरियम कुंवारी डा एठा ब्याह डाऊ गा घल्जी यूसुफ जीमू गा कोरो गा सेंग्गोन दियागा मंगनी डाएन मेना डा। स्वर्गदूत नी मंडीके, “आम लाजुवा मेना एठा म्या कोणके जनम जेवा। आमेन दियागा जीमू यीशु दोडो होना होय। डीच सर्व-शक्तिमान परमेश्वर गा कोंटे डाऊवा एठा हमेशा गा घल्जी राजो दडावा।”

![](https://cdn.door43.org/obs/jpg/360px/obs-en-22-05.jpg)

मरियम नी जवाब जीके, “इनी चोथान टे डाऊवा, चोयाकी इंजनी मेटे कुंवारी मेना?” डी स्वर्गदूत नी समझातिंज्केनेच, “पवित्र आत्मा अमा लिंजेन हेजेवा, एठा परमेश्वर गा शक्ति अमा लिंजेन हेजे लक्कूवा। इनिघल्जी डी सनी पवित्र आत्मा होंगा, एठा डीच परमेश्वर गा कोंटे होंगा।” जो डी स्वर्गदूत नी मंडीके दिया लिंजेन मरियम नी विश्वास डाके।

![](https://cdn.door43.org/obs/jpg/360px/obs-en-22-06.jpg)

इनी डाऊ गा तुरुटो बादोन, मरियम नी ओलेडो एलीशिबा टे मिलातिंज्के। जैसा का मरियम नी डीचके नमस्कार डाके, एलीशिबा गा कोंटे तालान ओएन। दिकुगा घल्जी परमेश्वर नी जो डाके डेगा बारेन डी जापाए म्या सेंग्गोन कुशोएन मेना। एलीशिबा गा सेंग्गोन आफाई महीना थंदळ गा बादोन, मरियम उरा गेन हिराएन।

![](https://cdn.door43.org/obs/jpg/360px/obs-en-22-07.jpg)

येनेगा बादोन, एलीशिबा नी हेजा कोंटे के जनम जीके। जकर्याह एठा एलीशिबा नी डी सनी गा जीमू यूहन्ना डोके, जैसा कि डी स्वर्गदूत नी हुकूम जीके डा। मेटे परमेश्वर नी जकर्याह के मंडी गेन पक्काकेनेच। जकर्याह नी मंडीके, “परमेश्वर गा स्तुति डायु, चोयाकी डीचनी हेजा कुरकू गा मदत दडा के यादो डोके! हे इंजा कोण, आम सर्व शक्तिमान परमेश्वर गा कोनेटे मंडी मिठाच होंगा। आम कुरकू के घालेवा कि डीच टोनोगो आपना पापो गा घल्जी माफी आसे साकतावा होय!”

*अध्याय १ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_22_128kbps.m4a

## 23. यीशु गा जनम

https://openbiblestories.org/l/gok/story-23/

![](https://cdn.door43.org/obs/jpg/360px/obs-en-23-01.jpg)

यूसुफ जीमू गा म्या धर्मी कोरो गा सेंग्गोन मरियम गा मंगनी डाएन मेना डा। जब डीचनी आजुम्के कि मरियम लज्के होय मेटे दियेन मालूम डा कि डीच दियागा कोणटे बाऊ डा। पेनो डीच मरियम के बदनाम दडा बान चाहता डा, इनिघल्जी डीचनी दिया लिंजेन कृपा दडा गा एठा डीचके कायोमटेका तालक जिऊ गा सोचातिंज्के। पेनो येनेटे पेला कि डीच येनोगो दडा, म्या स्वर्गदूत नी दियागा सपना गेन हेंडो दियाटे बातो डावे।

![](https://cdn.door43.org/obs/jpg/360px/obs-en-23-02.jpg)

डी स्वर्गदूत नी मंडीके, “हे यूसुफ, मरियम के अमा जापाए गा रुपो गेन साटे हेजे टे बाकी हिघरा। दियागा तालान जो सनी होय डीच पवित्र आत्मा गा कोनेटे होय। डीच म्या कोण के जनम जेवा। दियागा जीमू यीशु डोकी (डेगा मतलब होय, ‘यहोवा बबाचातिंज्बा होय’), चोयाकी डीच कुरकू के दिकुगा पापो टे बचातिंज्कुवा।”

![](https://cdn.door43.org/obs/jpg/360px/obs-en-23-03.jpg)

इनिघल्जी यूसुफ नी मरियम टे ब्याह डावे एठा डीचके हेजा जापाएटे गा रुपो उरान सालेनेच, पेनो दियागा कोंटे के जनम जिऊ टाएन डीच दियागा सेंग्गोन बान गिटिचडुका।

![](https://cdn.door43.org/obs/jpg/360px/obs-en-23-04.jpg)

जब मरियम गा जनम जिउ गा टेमो मेरान डा, मेटे डीचनी एठा यूसुफ नी बैतलहम सेने गा म्या लम्बा यात्रा डावे। दिकुन डेन सेनेका होना डा चोयाकी रोमी अधिकारी इस्राएल गेन थंदळ मिंकू सेबाई कुरकू गा गिनती दडा चाहता डा। दिकु चाहता डा कि सेबाई कुरकू देटेन सेने देटेन दिकुगा जुनाकु थंदळ डा। राजा दाऊद गा जनम बैतलहम गेन डाएन डा, एठा डी मरियम एठा यूसुफ बर्खिंज गा जुनाकु डा।

![](https://cdn.door43.org/obs/jpg/360px/obs-en-23-05.jpg)

मरियम एठा यूसुफ बैतलहम गेन ओले, पेनो देटेन जानवरकु के दोडो मिंकू जगा गा अलावा दिकुगा थंदळ गा घल्जी तुनिका जगा बाऊ डा। डीका जगा डा देटेन मरियम नी हेजा कोंटे के जनम जीके। डीचनी डीचके गवनी गेन गिटिचकेनेच चोयाकी देटेन दियागा घल्जी तुनिका गुदळी बाऊ डा। दिकुनी दियागा जीमू यीशु डोके।

![](https://cdn.door43.org/obs/jpg/360px/obs-en-23-06.jpg)

डी रातो, देटेन मेरा गा का खिटीन अदा ताठ्याकु इकुगा मेंडाकू गा गोंजा के जगली लक्के डा। अचानक टे, म्या चमकातिंजू स्वर्गदूत दिकु लिंजेन ओटजे मेना, एठा दिकु हिघराएन। डी स्वर्गदूत नी मंडीके, “बाकी हिघरा, चोयाकी चोयाकी इंजा मेरान आपेगा घल्जी अच्छा खाबोर होय। बैतलहम गेन मसीह, स्वामी के जनम डाएन होय!”

![](https://cdn.door43.org/obs/jpg/360px/obs-en-23-07.jpg)

ओलेडो डी सानी के घागाटा लक्के, एठा आपे डीचके कपळे गेन करूपकेनेच एठा गावनी गेन गिटिचटे डोगेच्बा।” अचानक टे, बादळा स्वर्गदूतकु टे भेट्टेन। दिकु परमेश्वर गा स्तुति दडा लक्के डा। दिकुनी मंडीके, “सेबाई महिमा स्वर्ग गेन सुबांके परमेश्वर गेन घाटायु। पृथ्वी लिंजेन डी कुरकू गेन शांति डायु दिकुगा डीच चिंता दडावा होय!”

![](https://cdn.door43.org/obs/jpg/360px/obs-en-23-08.jpg)

मेटे स्वर्गदूत ओले मेना। डी ताठ्याकु भी इकुगा मेंडाकु के आराटे सनी के दोडो ओले। झाल्लोका दिकु डी जागान आदिरुवा देटेन यीशु डा एठा दिकुनी डीचके गावनी गेन गिटिचटे डोकेनेच, जैसा कि डी स्वर्गदूत नी मंडीके डा। दिकु भेबाव कुशोके डा। मेटे डी ताठ्याकु देटे टे हिराएन डिंगान दिकुगा मेंडाकु डा। दिकुनी जो चोच्काभी आजुम्के एठा डोके डी सेबाई गा घल्जी दिकु परमेश्वर गा स्तुति दडा लक्के डा।

![](https://cdn.door43.org/obs/jpg/360px/obs-en-23-09.jpg)

पूर्व गेन लेंक्कीन म्या देशो गेन अदा कोरोकु डा। दिकुनी इफिलकु के डोकेकु डा एठा दिकु दिमागदार डा। दिकुनी म्या खाटका बेळे इफिल के बादळा गेन डोकेनेच। दिकुनी मंडीके कि येनेगा मतलब होय कि यहूदी कुरकू गा म्या उनाई राजा गा जनम डाएन होय। इनिघल्जी दिकुनी डी सनी के दोडो गा घल्जी इकुगा देशो टे यात्रा दडा गा निर्णय डाके। म्या लम्बा यात्रा गा बादोन, दिकु बैतलहम गेन हेन एठा डी उरा के डोके देटेन यीशु एठा दियागा आंटे-बाटे ठहरातिंज्के डा।

![](https://cdn.door43.org/obs/jpg/360px/obs-en-23-10.jpg)

जब इनी कोरोकु नी यीशु के हेजा आंटे गा सेंग्गोन डोकेनेच मेटे दिकुनी टोपेरे जेगाटे दियागा आराधना डाके। दिकुनी यीशु के किमती भार जीके। डाबोलटे दिकु उरा गेन हिराएन।

*अध्याय १; लूका २ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_23_128kbps.m4a

## 24. यूहन्ना यीशु के बपतिस्मा जिऊवा होय

https://openbiblestories.org/l/gok/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा एठा जकर्याह गा कोंटे यूहन्ना, खाटजे कि म्या परमेश्वर गा कोनेटे मंडी मिठाच आरोएन। डीच डोंगोंरेन थंदळ लक्कू डा, एठा डोंगोंर निलीकु डा एठा तोतोरकु के जोम लक्कू डा, एठा ऊँटो गा कतळे टे आरुके मिनी कपळे उरी लक्कू डा।

![](https://cdn.door43.org/obs/jpg/360px/obs-en-24-02.jpg)

घोनेच्का कुरकू यूहन्ना गा बातो आजुम गा घल्जी डोंगोंरेन ओटके। डीचनी इनी मंडीटे दिकुगा प्रचार डाके, “मन बदलाए, चोयाकी स्वर्ग गा राज्य मेरान होय!”

![](https://cdn.door43.org/obs/jpg/360px/obs-en-24-03.jpg)

जब कुरकू नी यूहन्ना गा खाबोर के आजुम्के, मेटे दिकु तालाटे घोनेच्कु नी इकुगा पापो टे मन मन बादलाके, एठा यूहन्ना नी दिकुके बपतिस्मा जीके। युहन्ना के दोडो घल्जी घोनेचका धार्मिक अगुवाकु भी हेन, पेनो दिकुनी इकुगा पापो टे मन बबादला या कुबूलडुका बाने।

![](https://cdn.door43.org/obs/jpg/360px/obs-en-24-04.jpg)

यूहन्ना नी धार्मिक अगुवाकु टे मंडीके, “हे जेर मिंकू बिंजकु! मन बदलाए एठा आपना व्यवहार के बदलाए। परमेश्वर हर डी सिंज के गेडेवा जो अच्छा फल बान सा, एठा डीच दिकुके सिंगेल गेन टेप्पाकुवा।” जो परमेश्वर गा कोनेटे मंडी मिंकू नी मंडीके डा यूहन्ना नी डीके पुराके, “डोगे, झल्लो का इंज अमा सम्मान इंजा खाबोर कुकूल मिठाच कुलेच्बा जो अमा घल्जी कोरा के तैयारेवा।”

![](https://cdn.door43.org/obs/jpg/360px/obs-en-24-05.jpg)

अदा धार्मिक अगुवाकु नी यूहन्ना टे कोम्बाराके कि चोच डीच मसीहा होय। यूहन्ना नी जवाब जीके, “इंज मसीह बाऊ मेना, पेनो डीच इंजागा बादोन हेजे लक्के होय। डीच येटो महान होय कि इंज दियागा बुट्टा गा चिखाल कोखाला गा भी लायको बाऊ मेना।”

![](https://cdn.door43.org/obs/jpg/360px/obs-en-24-06.jpg)

हेजे दिन, यीशु बपतिस्मा सा गा घल्जी यूहन्ना गा मेरान हेन। जब यूहन्ना नी डीचके डोकेनेच, मेटे डीचनी मंडीके, “डोगे! परमेश्वर गा मेंडा कोंटे जो दुनिया गा पापो के टूलटे सेगेवा।”

![](https://cdn.door43.org/obs/jpg/360px/obs-en-24-07.jpg)

युहन्ना नी यीशु टे मंडीके, “इंज आमके बपतिस्मा जिऊ गा लायको बाऊ मेना। बाजाए येनेगा जरुरी होय कि आम इंज्के बपतिस्मा जिली।” पेनो यीशु नी मंडीके, “आमके इंजाटे बपतिस्मा जिऊ होना, चोयाकी दडा गा घल्जी सही कामय इनिका होय।” इनिघल्जी यूहन्ना नी डीचके बपतिस्मा जीके, जबकि यीशु नी चोलाका पापो बान दडुका डा।

![](https://cdn.door43.org/obs/jpg/360px/obs-en-24-08.jpg)

बपतिस्मा जिऊ गा बादोन जब यीशु डा टे ओटजेडो बल्लान हेन, मेटे परमेश्वर गा आत्मा कबुत्त्र गा रुपो गेन ओटजे एठा इटान हेनडो दिया लिंजेन ठहरातिंजे। डीका टेमो, परमेश्वर नी स्वर्ग टे बातो डावे। डीचनी मंडीके, “आम इंजा कोण होय। इंज अमाटे प्यार दडावा होय, एठा इंज अमाटे भेबाव कुशो मेना।”

![](https://cdn.door43.org/obs/jpg/360px/obs-en-24-09.jpg)

परमेश्वर नी यूहन्ना टे मंडीके डा, “पवित्र आत्मा इटान हेंडो जेका लिंजेन ठहरातिंजुवा डी चके आम बपतिस्मा जेवा।” डीचका परमेश्वर गा कोंटे होय। पेनो जब यूहन्ना नी यीशु के बपतिस्मा जीके, मेटे डीचनी परमेश्वर बाटे के बातो दडा टे आजुम्के, कोण परमेश्वर के डोकेनेच, जो कि यीशु होय, एठा डीचनी पवित्र आत्मा के डोके।

*अध्याय ३; मरकुस १:११; लूका ३:१ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_24_128kbps.m4a

## 25. शैतान यीशु गा अंदजो सा लक्के होय

https://openbiblestories.org/l/gok/story-25/

![](https://cdn.door43.org/obs/jpg/360px/obs-en-25-01.jpg)

यीशु गा बपतिस्मा डाऊ गा तुरुटो बादोन का, पवित्र आत्मा डीचके डोंगोरेन साईंय्येनेच। यीशु देटेन चालीसो दिन एठा चालीसो राटो डा। डी टेमो डीचनी उपासो डाके, एठा शैतान नी यीशु गा मेरा नहेंडो पापो दडा गा घल्जी दियागा अंदजो साके।

![](https://cdn.door43.org/obs/jpg/360px/obs-en-25-02.jpg)

पेला, शैतान नी यीशु टे मंडीके, “अगर आम परमेश्वर गा कोंटे होय टासो, मेटे इनी गोटा के सोकळा आरुकी ताकि आम जोम्जा होना!”

![](https://cdn.door43.org/obs/jpg/360px/obs-en-25-03.jpg)

पेनो यीशु नी शैतान टे मंडीके, “परमेश्वर गा वचन गेन इनी ओल्के होय, ‘जीटा थंदळ गा घल्जी कोरोकु के बस सोकळा गा जरुरी बाऊ होय, पेनो दिकुन हर डी बातो गा जरुरी होय जो परमेश्वर दिकुटे मंडीवा होय!’”

![](https://cdn.door43.org/obs/jpg/360px/obs-en-25-04.jpg)

मेटे शैतान यीशु गा मंदिर गा सेबाई टे ऊँचा टोनान साईंय्येनेच। डीचनी दियाटे मंडीके, “अगर आम परमेश्वर गा कोण होय मेटे येटे टे इटान उयु, चोयाकी ओल्के होय, ‘परमेश्वर आमके तुटूल गा घल्जी हेजा स्वर्गदूत के हुकूम जेवा कि अमा नंगा लिंजेन गोटाटे उजू बान पेडाऊ।’”

![](https://cdn.door43.org/obs/jpg/360px/obs-en-25-05.jpg)

पेनो यीशु नी डी बान दडुका जो शैतान नी दियाटे दडा गा घल्जी मंडीके डा। येनेगा बाजाए, डीचनी मंडीके, “परमेश्वर हर म्याखोम टे मंडीवा होय, ‘आम प्रभु अमा परमेश्वर गा अंदजो बाकी सा।’”

![](https://cdn.door43.org/obs/jpg/360px/obs-en-25-06.jpg)

डाबोलटे शैतान नी डीचके दुनिया गा सेबाई राज्य टिपीके। डीचनी डीचके टिपीके कि डीच चोटो शक्तिशाली डा, एठा डीच चोटो पूराका डा। डीचनी यीशु टे मंडीके, “इंज आमके इनी सेबाई जेवा अगर आम टोपरे जेगाटे इंजा आराधना डाए।”

![](https://cdn.door43.org/obs/jpg/360px/obs-en-25-07.jpg)

यीशु नी जवाब जीके, “हे शैतान, इंजा मेराटे सेंजू! परमेश्वर गा वचन गेन डी कुरकू के हुकूम जेवा होय, ‘बस आपना प्रभु परमेश्वर गा आराधना डाए। परमेश्वर गा रुपो गेन बस दियागा का आदर डाए।’”

![](https://cdn.door43.org/obs/jpg/360px/obs-en-25-08.jpg)

यीशु नी शैतान गा अंदजो टे हार बान मनातिंजडुका, इनिघल्जी शैतान दियागा मेराटे ओले मेना। मेटे स्वर्गदूतकु हेंडो यीशु गा सेवा दडा लज्जे।

*अध्याय ४:१-११; मरकुस १:१२-१३ लूका ४:१-१३ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_25_128kbps.m4a

## 26. यीशु हेजा सेवा चालोएवा  होय

https://openbiblestories.org/l/gok/story-26/

![](https://cdn.door43.org/obs/jpg/360px/obs-en-26-01.jpg)

शैतान गा अंदजो नौर गा बान मेन गा बादोन, यीशु डाबोलटे गलील गा इलाका गेन हे न। इनी डीका जगा होय देटेन डीच थंदळ डा। पवित्र आत्मा डीचके भेबाव शक्ति जे लक्के डा, एठा यीशु म्या जागा टे दूसरा जागान ओलेन एठा कुरकू के शिक्षा जीके। सेबाईकुनी दियागा बारेन अच्छा बातो मंडीके।

![](https://cdn.door43.org/obs/jpg/360px/obs-en-26-02.jpg)

यीशु नसरत पूरा गेन ओले। इनी डीका गाँव होय देटेन डीच हेजा सनी टेमोन थंदळ लक्कू डा। हफ्त गा दिन, डीच आराधना दडा गा जागान ओले। अगुवानी डीचके यशायाह परमेश्वर गा कोनेटे मंडी मिठाच गा खाबोर गा म्या पुस्तक जीके। दिकु चाहता डा कि डीच डे तालाटे पळातिंजे। इनिघल्जी यीशु नी डी पुस्तक के खुल्लाटे डेगा म्या भागो के कुरकू गा घल्जी पळातिंज्के।

![](https://cdn.door43.org/obs/jpg/360px/obs-en-26-03.jpg)

यीशु पळातिंज्के, “परमेश्वर नी इंज्के हेजा आत्मा जिले होय ताकि इंज गिरबोकु तालान अच्छा खाबोर घाल्की होना। डीचनी इंज्के इनिघल्जी कुल्लेमी होय कि कैदीकु के आझादके कु होना, अंधळाकु के डाबोलटे दोडो होळाकेकु होना, एठा दिकुके आराकेकु होना दिकुके दूसरा कुरकू कुचलातिंजकु लक्के होय। इनी डीका टेमो होय जब परमेश्वर आले लिंजेन कृपालु होंगा एठा आलेगा मदत डाएवा।”

![](https://cdn.door43.org/obs/jpg/360px/obs-en-26-04.jpg)

डाबोलटे यीशु सुबंजे। सेबाई कुरकू डीचके खाट ध्यान टे दोडो लक्के डा। दिकु हाडाई डा कि पवित्र ग्रंथ गा जो भागो डीचनी आए पळातिंज्के डा डी मसीह गा बारेन डा। यीशु नी मंडीके, “जो बातो इंज्नी आए आपेगा घल्जी पळातिंज्के होय, डी इनी टेमो डाऊ लक्के होय।” सेबाई कुरकू बिचारजे डा। दिकुनी मंडीके, “चोच इनीज यूसुफ गा कोंटे बाऊ होय?”

![](https://cdn.door43.org/obs/jpg/360px/obs-en-26-05.jpg)

मेटे यीशु नी मंडीके, “इनी सच्चो होय कि कुरकू येनोगो परमेश्वर गा कोनेटे मंडी मिठाच के चोलाकाभी मनेनेज बाने जो दिकुगा पूरा गेन पलातिंज्के होय। एलिय्याह परमेश्वर गा कोनेटे मंडी मिठाच गा टेमो गेन, इस्राएल गेन घोनेच्का विधवाकु डा। पेनो जब साडे आफाई साल टाएन डा बान घामाडुका मेटे परमेश्वर नी एलिय्याह के इस्राएल गेन तुनिका विधवा गा मदत दडा गा घल्जी बान कुलडुका। येनेगा बाजाए, डीचनी एलिय्याह के तुनिका अलग्गो देशो गा विधवा गा मेरान कुल्केनेच।”

![](https://cdn.door43.org/obs/jpg/360px/obs-en-26-06.jpg)

यीशु नी मंडी सुरुका डोके, “एठा एलिशा परमेश्वर गा कोनेटे मंडी मिठाच गा टेमो गेन, इस्राएल गेन घोनेच्का कुरकू कतळे गा रोगो टे बिमारके डा। पेनो एलिशा नी दिकु तालाटे जेकाकेभी सजाडुका बाने। डीचनी बस इस्राएल गा दुश्मनकु गा सेनापति नामान के सजाकेनेच।” पेनो जो कुरकू यीशु के आजू लक्के डा दिकु यहूदी डा। इनिघल्जी जब दिकुनी डीचके इनी मंडी लठ्ठाका आजुम्के मेटे दिकु दिया लिंजेन खिजोएन।

![](https://cdn.door43.org/obs/jpg/360px/obs-en-26-07.jpg)

नासरत गा कुरकू नी यीशु के उठायेनेच एठा डीचके आराधना गा जागाटे ओळटे बल्लान साईंय्येनेच। दिकु डीचके घोगेज गा घल्जी इटान तेटाप्पा के म्या पाटा गा कपार लिंजेन साईय्येनेच। पेनो यीशु गर्दी गा तालाटे ओले मेना एठा नासरत पूरा के आराटे ओले मेना।

![](https://cdn.door43.org/obs/jpg/360px/obs-en-26-08.jpg)

डाबोलटे यीशु सेबाई गलील गा इलाका गेन ओले, एठा खाट गर्दी दियागा मेरान हेन। दिकु येनोगो घोनेच्का कुरकू के साटे हेन जो बीमार एठा नंगाळा डा। दिकु तालाटे चोच्का डोगे, बो, आजुमे या मंडी बान साकता डा, एठा यीशु नी दिकुके सजाकेकु।

![](https://cdn.door43.org/obs/jpg/360px/obs-en-26-09.jpg)

येनेगा अलावा, घोनेच्का येनोगो कुरकू यीशु गा मेरान ओले दिकुन बुरा आत्मानौर डा। यीशु नी बुरा आत्मानौर के दिकु तालाटे सेने गा हुकूम जीके। दिकु बुरा आत्मानौर अक्सर चिल्लातिंज्के, “आम परमेश्वर गा कोण होय!” गर्दी गा कुरकू बिचारजे डा, एठा दिकुनी परमेश्वर गा स्तुति डाए।

![](https://cdn.door43.org/obs/jpg/360px/obs-en-26-10.jpg)

डाबोलटे यीशु नी बल्लान कोरोकु के कलाम्केकु दिकुके डीचनी हाकोके मिंकू मंडीके। डी हाकोके मिंकू नी दियागा सेंग्गोन सेंग्गोन यात्रानौर गा कोनेटे दियाटे शिक्षा घाटावे।

*अध्याय ४:१२-२५; मरकुस १:१४-१५, ३५-३९; ३:१३-२१; लूका ४:१४-३०, ३८-४४ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_26_128kbps.m4a

## 27. दयालु सामरी गा कहानी

https://openbiblestories.org/l/gok/story-27/

![](https://cdn.door43.org/obs/jpg/360px/obs-en-27-01.jpg)

म्या दिन, यहूदी नियम गा म्या कास कोरो यीशु गा मेरान हेन। डीच सेबाईकु के इनी तीटीपी चाहता डा कि यीशु गलत रिती टे शिक्षा जिऊ लक्के डा। इनिघल्जी डीचनी मंडीके, “हे गुरु, हमेशा जीवन घाटाऊ गा घल्जी इंज चोच डाए?” यीशु नी जवाब जीके, “परमेश्वर गा नियम गेन चोच ओल्के होय?”

![](https://cdn.door43.org/obs/jpg/360px/obs-en-27-02.jpg)

डी कोरो नी मंडीके, “डीच मंडीवा होय कि हेजा परमेश्वर टे हेजा सेबाई मन, जान, शक्ति, एठा दिमाग टे प्यार डोकी। एठा हेजा मेराकू टे इकुगा रोंगो प्यार डोकी।” यीशु नी जवाब जीके, “आम म्यादम सही होय! अगर आम येनोगो डाए, मेटे आमके हमेशा गा जीवन घाटाऊवा।”

![](https://cdn.door43.org/obs/jpg/360px/obs-en-27-03.jpg)

पेनो डीच नियम गा कास कुरकू के तीटीपी चाहता डा कि दियागा जीवन बिबातातिंज गा तरीका सही डा। इनिघल्जी डीचनी यीशु टे कोम्बराके, “सही होय, मेटे इंजा मेराकू जे होय?”

![](https://cdn.door43.org/obs/jpg/360px/obs-en-27-04.jpg)

यीशु नी डी नियम गा कास कोरो के म्या काहानी घागल गा द्वारा जवाब जीके। “म्या यहूदी कोरो डा जो म्या सळाक्को टे सेने लठ्ठाका यरूशलेम टे यरीहो गा यात्रा दडा लक्के डा।”

![](https://cdn.door43.org/obs/jpg/360px/obs-en-27-05.jpg)

“पेनो अदा डाकु कुनी डीचके डोकेनेच एठा दिया लिंजेन हमला डाके। दिकुनी दियागा सेबाईका साईय्ये एठा डीचके अंदजोटे घोगेज टाएन मुंडाकेनेच। मेटे दिकु ओले मेना।”

![](https://cdn.door43.org/obs/jpg/360px/obs-en-27-06.jpg)

“डेगा तुरुटो बादोन, म्या यहूदी याजक डीका सळाक्को टे ओले। डी याजक नी डी कोरो के सळाक्कोन सोडका डोकेनेच। जब डीचनी डीचके डोकेनेच मेटे डीच सळाक्को गा दूसरा कोनेन सम्मान ओले। डीचनी डी कोरो के पूरा खिजाटे डोकेनेच भी मका बान दोडुका।”

![](https://cdn.door43.org/obs/jpg/360px/obs-en-27-07.jpg)

“येनेगा बादोन थोडाका टेमो ओले लिंजेन, म्या लेवी डी सळाक्कोन हेन। (लेवी यहूदी कुरकू गा म्या पिढी डा दिकुनी मंदिर गेन याजककु गा मदत डाके डा।) डी लेवी भी सळाक्को गा दूसरा कोनेटे ओले। डीचभी नी डी कोरो के डोकेनेच भी मका बान दोडुका।”

![](https://cdn.door43.org/obs/jpg/360px/obs-en-27-08.jpg)

“दूसरा कोरो जो डी सळाक्कोन हेन डीच सामरिया गा कोरो डा। (सामरी एठा यहूदी इनिज-दियाटे नफरत दडा डा।) डी सामरी नी सळाक्कोन डी कोरो के डोकेनेच। डीचनी डोके कि डीच यहूदी डा, पेनो डाबोलटे भी डीचनी दिया लिंजेन खाट दया हेन। इनिघल्जी डीच दियागा मेरान ओले एठा दियागा घाव लिंजेन पट्टीनौर टोल्के।”

![](https://cdn.door43.org/obs/jpg/360px/obs-en-27-09.jpg)

“डाबोलटे डी सामरी नी डी कोरो के हेजा गधा लिंजेन डोकेनेच एठा डीचके डी सळाक्को म्या सराय गेन साईंय्येनेच। देटे जगान डीचनी दियागा देखभाल दडा सुरुके।”

![](https://cdn.door43.org/obs/jpg/360px/obs-en-27-10.jpg)

दूसरा दिन, डी सामरी के हेजा यात्रा के सुरुका दोडो गा जरुरी डा। डीचनी डी टेमो सराय गा प्रभारी कोरो के अदा डामा जीके। डीचनी दियाटे मंडीके, “इनी कोर गा देखभाल डाकी। अगर इनी डामा गा अलावा अमा अदा एठा डामा खर्चोएन टासो मेटे डाबोलटे हेजे टेमो इंज अमा डी खर्चोनौर के जेवा।”

![](https://cdn.door43.org/obs/jpg/360px/obs-en-27-11.jpg)

डाबोलटे यीशु नी डी नियम गा कास कोरो टे कोम्बाराके, “आपे चोच सोचातिंज्बा होय? इनी आफाई कुरकू तालाटे जे डी कोरो गा मेराकू होय डीचके लुटातिंज्केनेच एठा मुंडाकेनेच मेना डा?” डीचनी जवाब जीके, “डीचका जो दिया लिंजेन दया डाके।” यीशु नी दियाटे मंडीके, आम सेने एठा येनोगोका डाए।”

*अध्याय १०:२५-३७ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_27_128kbps.m4a

## 28. लकपति जवान राजोमिठाच

https://openbiblestories.org/l/gok/story-28/

![](https://cdn.door43.org/obs/jpg/360px/obs-en-28-01.jpg)

म्या दिन, म्या लकपति जावान राजो मिठाच नी यीशु गा मेरान हेंडो दियाटे कोम्बराके, “हे कास गुरु, हमेशा गा जीवन घाटाऊ गा घल्जी इंजेन चोच दडा होना?” यीशु नी दियाटे मंडीके ‘कास’ चोया मंडीवा होय? बस म्याका कास होय एठा डीच परमेश्वर होय। पेनो अगर आम हमेशा गा जीवन घाटाऊ चाहतावा होय मेटे परमेश्वर गा नियम गा पालन डाए।”

![](https://cdn.door43.org/obs/jpg/360px/obs-en-28-02.jpg)

“इंज्के तुनि-तुनि हुकूमनौर गा पालन दडा गा जरुरी होय?” डीचनी कोम्बराके। यीशु नी जवाब जीके, “घोगेच बाकी। आनोवा बाकी दडा। चुरी बाकी दडा। लाबाळ बाकी मंडी। आपना बाटे एठा आंटे गा आदर दडा, एठा आपना मेराकू टे आपना रोंगो प्यार दडा।”

![](https://cdn.door43.org/obs/jpg/360px/obs-en-28-03.jpg)

पेनो डी जवान कोरोकु नी मंडीके, “इंज इंजागा सनी टेमो टे का इनी सेबाई हुकूमनौर गा पालन दडा टे हेन मेना। इंज्के हमेशा गा घल्जी जीटा थंदळ के आए भी चोच दडा गा जरुरी होय?” यीशु नी दिया लिंजेन नजर डोके एठा दियाटे प्यार डावे।

![](https://cdn.door43.org/obs/jpg/360px/obs-en-28-04.jpg)

यीशु नी जवाब जीके, “अगर आम पक्काऊ चाहतावा होय मेटे सेनेडो आपना सेबाई चोच्का किजिकी एठा डी डामा गिरबोकुन खातिंजकी, एठा आमेन स्वर्ग गेन डामा घाटाऊवा। मेटे हेजेवाडो इंजा टाऊटे हेजे।”

![](https://cdn.door43.org/obs/jpg/360px/obs-en-28-05.jpg)

जो यीशु नी मंडीके जब डी जवान कोरो नी आजुम्के मेटे डीच ठायका नराजोएन, चोयाकी डीच भेबाव लाकपति डा एठा डीचनी हेजा सेबाई संपत्ति के जिऊ बान चाहता डा। डीच मुराटे यीशु गा मेराटे ओले।

![](https://cdn.door43.org/obs/jpg/360px/obs-en-28-06.jpg)

मेटे यीशु नी हेजा चेलाकूटे मंडीके, “परमेश्वर गा राज्य गेन लकपति कुरकू गा मु गा भेबाव काठीन होय! हाँ, म्या लकपति कोरो गा परमेश्वर गा राज्य गेन मु गा तुल्न गेन तुनिका ऊँटो गा सुई गा पोपा टे ओट आसान होय।”

![](https://cdn.door43.org/obs/jpg/360px/obs-en-28-07.jpg)

जो यीशु नी मंडीके जब चेलाकूनी आजुम्के मेटे दिकु बिचारजे। दिकुनी मंडीके, “अगर इनी येनोगो होय मेटे परमेश्वर जेके बचातिंजेच्बा?”

![](https://cdn.door43.org/obs/jpg/360px/obs-en-28-08.jpg)

यीशु नी चेलाकु लिंजेन नजर डोके एठा मंडीके, “कुरकू गा घल्जी खुद गा उद्धार दडा नमुनकीन होय। पेनो परमेश्वर गा घल्जी चोच्का दडा नमूनकिन बाऊ होय।”

![](https://cdn.door43.org/obs/jpg/360px/obs-en-28-09.jpg)

पतरस नी यीशु टे मंडीके, “आले चेलाकू आपना सेबाईका आराटे अमा टाऊन ओले होय। मेटे आलेगा ईनाम चोच होंगा?”

![](https://cdn.door43.org/obs/jpg/360px/obs-en-28-10.jpg)

यीशु नी जवाब जीके, “हर म्या कोरो डीचनी इंजा वाजाटे उरा, डाई, बोकाजाई, बाटे, आंटे, कोणकु, या संपत्ति के आराके होय, डी दियाटे १०० गुणा येठाभी जादा घाटाऊवा। एठा जीवन के भी घाटाएवा। पेनो घोनेच्का जो पेला होय दिकु टाऊ गुवा, एठा घोनेच्काकुका टाऊ होय दिकु पेला होंगा।”

*अध्याय १९:१६-३०; मरकुस १०:१७-३१; लूका १८:१८-३० टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_28_128kbps.m4a

## 29. निर्दयी भाग्य गा कहानी

https://openbiblestories.org/l/gok/story-29/

![](https://cdn.door43.org/obs/jpg/360px/obs-en-29-01.jpg)

म्या दिन, पतरस नी यीशु टे कोम्बाराके, “हे स्वामी, इंज्के अमा डाई के चोटों बार मापोकेच होना जब डीच इंजा खिलाफ बेन पापो दडावा होय? चोच याई बार टाएन?” यीशु नी मंडीके, “याई बार बाने, पेनो याई गा सत्तर बार!” येनेगा द्वारा, यीशु गा मतलब होय आलेन हमेशा मापो दडा होना। मेटे यीशु नी इनी कहानी घाल्के।

![](https://cdn.door43.org/obs/jpg/360px/obs-en-29-02.jpg)

यीशु नी मंडीके, “परमेश्वर गा राज्य म्या राजा गा रोंगो होय जो हेजा भाग्य टे ओल सा चाहता डा। दियागा म्या भाग्य २००,००० साल गा मुंजरी गा म्या खाट कर्जो गा कर्जो जिऊ मिठाच डा।”

![](https://cdn.door43.org/obs/jpg/360px/obs-en-29-03.jpg)

पेनो डी भाग्य हेजा कर्जो के फेळाडुका बाने, इनिघल्जी राजा नी मंडीके, “इनिज गा कर्जो फेफाळा गा घल्जी इनी कोरो के एठा इनिज गा परिवार के भाग्य गा रुपो गेन कीजिकेच।”

![](https://cdn.door43.org/obs/jpg/360px/obs-en-29-04.jpg)

“डी भाग्य नी राजा गा सम्मान हेजा टोपरे जेगाटे मंडीके, ‘कृपया इंजा सेंग्गोन आराम्बो डोए, एठा इंज आपना कर्जो गा पूरा डामा गा जेवा।’ राजा नी भाग्य ;लिंजेन द्याय डाके, इनिघली डीचनी दियागा सेबाई कर्जो के मापोके एठा डीचके सेडाए केनेच।

![](https://cdn.door43.org/obs/jpg/360px/obs-en-29-05.jpg)

“पेनो जब डी भाग्य राजा गा मेराटे बल्लान ओले, मेटे दियेन दियागा म्या सोप्ती भाग्य घाटाएन जो दियागा उफुन महीना गा मुंजरी गा कर्जोदार डा। डी भाग्य नी हेजा सोप्ती भाग्य के उठायेनेच एठा मंडीके, ‘जो अमा लिंजेन इंजा कर्जो होय इंज्के डी सेगे!”

![](https://cdn.door43.org/obs/jpg/360px/obs-en-29-06.jpg)

“डी सोप्ती भाग्य नी टोपरे जेगाटे मंडीके, ‘कृपया इंजा सेंग्गोन अराम्बो डोए, एठा इंज इंजागा कर्जो गा पूरा डामा जिकी होना।’ पेनो येनेगा बजाए, डी भाग्य नी हेजा सोप्ती भाग्य के जेलेन येंडाकेनेच जब टाएन कि डीच डी कर्जो के बाकी जिऊ।”

![](https://cdn.door43.org/obs/jpg/360px/obs-en-29-07.jpg)

“जो चोच्का डाएन डा डीचके अदा अलग्गो भाग्यकु नी डोके एठा डीच भेबाव परेशान जे। दिकु राजा गा मेरान ओले एठा डीचके सेबाई चोच्का घाल्के।”

![](https://cdn.door43.org/obs/jpg/360px/obs-en-29-08.jpg)

“राजा नी डी भाग्य के हाकोटे मंडी, ‘हे बुरा भाग्य! इंज्नी अमा कर्जो के इनिघल्जी मापोकेनेच डा चोयाकी आमनी इंजाटे डाके डा। आमके भी डेनोगोका दडा होना डा।’ राजा येटो खीजो के डा कि डीचनी डी बुरा भाग्य के जेलेन येंडाकेनेच जब टाएन कि डीच हेजा सेबाई कर्जो गा डाबोलटे जिऊ बा नटाएन।”

![](https://cdn.door43.org/obs/jpg/360px/obs-en-29-09.jpg)

मेटे यीशु नी मंडीके, “इंजा स्वर्ग गेन सुबानके बाटे आपे तालाटे हर म्याखोम गा सेंग्गोन इनिका डाएवा अगर आपे आपना डाई के आपना दिल टे मापोएच बाने।”

*अध्याय १८:२१-३५ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_29_128kbps.m4a

## 30. इनी कुरकू यीशु मोनाई हजार कुरकू के आटा चाराएवा होय

https://openbiblestories.org/l/gok/story-30/

![](https://cdn.door43.org/obs/jpg/360px/obs-en-30-01.jpg)

यीशु नी हेजा कलमके चेलाकूके प्रचार दडा एठा कुरकू के शिक्षा जिऊ गा घल्जी घोनेच्का अलग्गो-अलग्गो गाँवनौर गेन कुल्केकु। जब दिकु देटे हिराके देटेन यीशु डा मेटे दिकुनी डीचके घाल्के कि दिकुनी चोच डाके डा। मेटे यीशु नी दिकुके गडा गा दूसरा कोनेन दियागा सेंग्गोन म्या शांति जगान ओलेडो अदा टेमो आराम्बो जोम गा घल्जी हकोलेकु। इनिघल्जी दिकु म्या डोंगा लिंजेन पेळेन एठा गडा गा दूसरा कोनेन ओले मेना।

![](https://cdn.door43.org/obs/jpg/360px/obs-en-30-02.jpg)

पेनो देटेन घोनेच्का कुरकू डा दिकुनी यीशु एठा चेलाकू के डोंगा गेन सेने टेमो डोकेकु डा। इनी कुरकू दिकुटे सम्मान गडा गा दूसरा कोनेन सेने गा घल्जी गडा गा धुरा-धुरान सळुपजे। इनिघल्जी जब यीशु एठा चेलाकू आदिरजे मेटे कुरकू गा म्या खाट समूह दिकुगा राह दोडो लठ्ठाका पेलाटेका डा।

![](https://cdn.door43.org/obs/jpg/360px/obs-en-30-03.jpg)

डी गर्दी गेन जापाएकु एठा चफ्नीकु गा उमना गा बिना ५,००० टे येठाभी कोरो डा। यीशु नी डी कुरकू लिंजेन बोचोके दया होना। यीशु गा घल्जी बिना ताठ्या गा मेंडाकु गा रोंगो डा। इनिघल्जी डीचनी दिकुके शिक्षा जीके एठा दिकुगा तालान जो कुरकू बीमार डा दिकुके सजाकेकु।

![](https://cdn.door43.org/obs/jpg/360px/obs-en-30-04.jpg)

दिन गा आखरी गेन, चेलाकूनी यीशु टे मंडीके, “नका टेमोएन होय एठा आसोपसो गेन तुनिका पूरा बाऊ होय। इनी कुरकू के बीडाकेकु ताकि दिकु ओलेडो जोजोम गा घल्जी चोच्का सेगे।”

![](https://cdn.door43.org/obs/jpg/360px/obs-en-30-05.jpg)

पेनो यीशु नी चेलाकू टे मंडीके, “आपे दिकुके जोम गा घल्जी चोच्का सेगे।!” दिकुनी जवाब जीके, “आले येनोगो टोनोगो डा ए साकतावा होय? आलेगा मेरान बास सोकळा एठा बारी चाफ्नी काकू किंज होय।”

![](https://cdn.door43.org/obs/jpg/360px/obs-en-30-06.jpg)

यीशु नी हेजा चेलाकू टे मंडीके कि दिकु गर्दी गा कुरकु के झारा लिंजेन पचास-पचास गा घोंजा गेन सुबान गा घल्जी मंडे।

![](https://cdn.door43.org/obs/jpg/360px/obs-en-30-07.jpg)

मेटे यीशु नी मोनाई सोकळा एठा बारी काकू के साटे स्वर्ग गा कोने धोटे, एठा डी आटा गा घाल्जी परमेश्वर के धन्यवाद जीके।

![](https://cdn.door43.org/obs/jpg/360px/obs-en-30-08.jpg)

डाबोलटे यीशु नी सोकळा एठा काकूनौर के तुकळानौर गेन टूक्काके। डीचनी कुरकू के जिऊ गा घल्जी हेजे चेलाकू के डी तुकळा जीके। चेलाकू डी आटा के खातिंजे लक्के, एठा डी चोलाका स्याडुका बाने! डी सेबाई कुरकू जोम्टे शान्तेन मेना।

![](https://cdn.door43.org/obs/jpg/360px/obs-en-30-09.jpg)

डेगा बादोन, चेलाकू नी डी आटा के गोलाके डीके जोमडुका बाने डा एठा डी बारह टोपलानौर के भेबेट्टी गा घल्जी टाकू डा! डी सेबाई आटा डी मोनाई सोकळा एठा बारी काकू टे हेज्के डा।

*अध्याय १४:१३-२१; मरकुस ६:३१-४४; लूका ९:१०-१७; यूहन्ना ६:५-१५ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_30_128kbps.m4a

## 31. यीशु डा लिंजेन सेंदरावा होय

https://openbiblestories.org/l/gok/story-31/

![](https://cdn.door43.org/obs/jpg/360px/obs-en-31-01.jpg)

मोनाई हजार कुरकू के आटा जोमगा गा बादोन, यीशु नी हेजा चेलाकू टे डोंगान सेने गा घल्जी मंडीके। डीचनी दिकुके गडा गा दूसरा कोनेन सेने गा घल्जी मंडीके जबकि डीच थोडा टेमो गा घल्जी डिंगान का ठहरातिंजे। इनिघल्जी चेलाकू ओले मेना एठा यीशु नी गर्दी के बीडाके कि दिकु इकुगा उरान सेंजू। येनेगा बादोन, यीशु प्रार्थना दडा गा घल्जी म्या टुक्की लिंजेन ओले मेना। देटेन डीच एकलाका डा, एठा डीचनी खाट टाएन प्रार्थना डाके।

![](https://cdn.door43.org/obs/jpg/360px/obs-en-31-02.jpg)

डी टेमो, चेलाकू हेजा डोंगा के चालोए लठ्ठाका चेल्के डा, पेनो कोयो दिकुगा खिलाफ गेन खाट जोर टे अडी लक्के डा। भेबाव राटोन भी बस गडा तालान का आदिरके डा।

![](https://cdn.door43.org/obs/jpg/360px/obs-en-31-03.jpg)

डी टेमो यीशु नी प्रार्थना दडा स्याके एठा हेजा चेलाकू गा मेरान डाबोलटे सेने सुरुके। डी डोंगा गा कोनेन सेने गा घल्जी डा गा मठान सेंदरा लज्जे।

![](https://cdn.door43.org/obs/jpg/360px/obs-en-31-04.jpg)

मेटे चेलाकूनी डीचके डोकेनेच। दिकु भेबाव हिघराएन चोयाकी दिकुनी सोचातिंज्के डा कि डीच तुनिका भूतो होय।यीशु हाडाई डा कि दिकु हिघराएन डा, इनिघल्जी डीचनी दिकुके आवाज जीटे मंडीके, “हिघरा बाकी, इनिज इंज्का मेना!”

![](https://cdn.door43.org/obs/jpg/360px/obs-en-31-05.jpg)

मेटे पतरस नी यीशु टे मंडीके, “हे प्रभु, अगर येटेन होय मेटे इंज्के डा लिंजेन सेंदरा टे अमा मेरान हेजे गा हुकूम जिली।” यीशु नी पतरस मंडीके, “हेजे!”

![](https://cdn.door43.org/obs/jpg/360px/obs-en-31-06.jpg)

इनिघल्जी पतरस डोंगा टे अगुरोएन एठा यीशु गा मेरान सेने गा घल्जी डा गा लिंजटे सेंदरा सुरुके। पेनो थोडा लेंक्कीन ओलेडो, डीचनी मेट के यीशु टे बाजुनके एठा लापा के दोडो एठा तेज कोयो के महसूस दडा सुरुके।

![](https://cdn.door43.org/obs/jpg/360px/obs-en-31-07.jpg)

मेटे पतरस हिघराएन एठा डा गेन नमुजू लज्जे। डीच चिल्लातिंज्के, “हे प्रभु, इंज्के बचातिंज कोम!” यीशु नी डीका टेमो टी बळातिंजटे डीचके उठायेनेच। मेटे डीचनी पतरस टे मंडीके, “अमा विश्वास घोनेच कम होय! आमके सजाका दोडो गा घल्जी आमनी इंजा लिंजेन भरोसा चोया बान दडुका?”

![](https://cdn.door43.org/obs/jpg/360px/obs-en-31-08.jpg)

मेटे यीशु एठा पतरस डोंगा लिंजेन पेळेन, एठा तुरुटो कोयो गा सेंदरा बंदोएन। डा शान्तेन। चेलाकू नी बिचारजे डो यीशु गा सम्मान टोपरे जेगाके। दिकुनी आराधना डाके एठा दियाटे मंडीके, “सच्चोका आम परमेश्वर गा कोण होय।”

*अध्याय १४:२२-३३;मरकुस ६:१६-२१ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_31_128kbps.m4a

## 32. यीशु भूतो मुके कोरो के एठा बीमार जापाए के सजाएचबा होय

https://openbiblestories.org/l/gok/story-32/

![](https://cdn.door43.org/obs/jpg/360px/obs-en-32-01.jpg)

यीशु एठा दियागा चेला हेजा डोंगा गेन डी इलाका गेन ओले देटेन गिरसेनी कुरकू थंदळ डा। दिकु डी इलाका गेन आदिरजे डो डोंगा टे अगुरोएन।

![](https://cdn.door43.org/obs/jpg/360px/obs-en-32-02.jpg)

देटेन म्या कोरो डा जो भूतो मुके डा।

![](https://cdn.door43.org/obs/jpg/360px/obs-en-32-03.jpg)

इनी कोरो इतना ताखतदार डा कि जेकाभी डीचके काबूएच बान सकता डा। चोटोका बार कुरकू नी दियागा टी एठा नंगा के सकळीनौर टे भी टोल्केनेच, पेनो डीच डीके टुक्काके डा।

![](https://cdn.door43.org/obs/jpg/360px/obs-en-32-04.jpg)

डी कोरो डी इलाका गेन कब्र गेन थंदळ लक्कू डा। इनी कोरो पूरा दिन एठा पूरा राटो चिल्लातिंजू डा। डीच कपळे बान उरी डा एठा अक्सर खुद के घोटा टे घायले लक्कू डा।

![](https://cdn.door43.org/obs/jpg/360px/obs-en-32-05.jpg)

डी कोरो सळुपटे यीशु गा मेरान हेन एठा दियागा सम्मान टोपरे जेगाके। मेटे यीशु नी डी कोरो गा ताला गा भूतो टे बातो डावे एठा मंडीके, “इनी कोरो तालाटे बल्लान ओडे!”

![](https://cdn.door43.org/obs/jpg/360px/obs-en-32-06.jpg)

डी भूतो खाट्टेका चिल्लातिंज्के, “हे यीशु परम प्रधान परमेश्वर गा कोंटे, अमा इंजटे चोच कामय? कृपा डाटे इंज्के बाकी ससातातिंज!” मेटे यीशु नी डी भूतो टे कोम्बाराके, “अमा जीमू चोच होय? डीचनी जवाब जीके, “इंजा जीमू सेना होय, चोयाकी आले घोनेच्कू होय।” (रोमी सेना गेन चोटोका हजार सैनिककु गा म्या समूह म्या “सेना” थंदळ डा।)

![](https://cdn.door43.org/obs/jpg/360px/obs-en-32-07.jpg)

डी भूतोकु नी यीशु टे विनती डाके, “कृपा डाटे आलेके इनी इलाका टे बल्लान बाकी कुकूल!” देटेनका मेरा गा टुक्की लिंजेन सुकळीकु गा म्या घोंजा चचारा लक्के डा। इनिघल्जी डी भूतोकु नी यीशु टे बिनती डाके, “कृपा डाटे आलेके डी सुकळीकु गेन कुल्केमी!” यीशु नी मंडीके, “सही होय, दिकु तालान सेंजू!”

![](https://cdn.door43.org/obs/jpg/360px/obs-en-32-08.jpg)

इनिघल्जी डी भूतोकु डी कोरो तालाटे ओटजे डो डी सुकळीकु गा तालान मोएन। डी सुकळीकु सळुपटे चुटी टे तालाव गेन ओएन एठा नमोएन डो गोएन। डी घोंजा गेन अंदाजोटे २००० सुकळीकु डा।

![](https://cdn.door43.org/obs/jpg/360px/obs-en-32-09.jpg)

देटे जगान डी सुकळीकु गा देखभाल दडामिंकू कुरकू डा। जो चोच्का डाएन डा जब दिकुनी डोके दिकुनी पूरा गेन सळुपजे मेना। यीशु नी जो डाके डा देटेन दिकुनी सेबाईकूके घल्के। डी पूरा गा कुरकू ओटके मेना एठा डी कोरो के डोकेनेच दियेन भुतोकू डा। दिकु शांति टे, कपळे उरिके मिनी, एठा म्या कास कोरो गा खिजा व्यवहार दडा लठ्ठाका सुबांके डा।

![](https://cdn.door43.org/obs/jpg/360px/obs-en-32-10.jpg)

डी कुरकू भेबाव हिघराके मेना डा एठा दिकुनी यीशु टे सेंजू मेना गा घल्जी मंडीके। इनिघल्जी यीशु जीमू लिंजेन पेळेन। डी कोरो दियेन भूतोकु डा डीचनी यीशु गा सेंग्गोन सेने गा विनती डाके।

![](https://cdn.door43.org/obs/jpg/360px/obs-en-32-11.jpg)

पेनो यीशु नी दियाटे मंडीके, “बाने। इंज चाहतावा मेना कि आम उरान सेनेडो सेबाईकु के घाले कि परमेश्वर नी अमा घल्जी चोच डाके होय। दिकुके घाले कि टोनोगो परमेश्वर नी इंजा लिंजेन दया डाके डा।”

![](https://cdn.door43.org/obs/jpg/360px/obs-en-32-12.jpg)

इनिघल्जी डी कोरो ओले मेना एठा सेबाईकु के येने बारेन घल्के जो यीशु नी दियागा घल्जी डाके डा। दियागा कहानी के आजुम मिंकूनी हर म्या कोरो बिचारजे मेना डा।

![](https://cdn.door43.org/obs/jpg/360px/obs-en-32-13.jpg)

यीशु गडा गा दूसरा कोनेन हिराएन। दियागा डेन आदिरू गा बादोन, म्या खाट गर्दी दियागा आसोपसोन गोलाएन मेना एठा डीचके ददाबातिंज लज्जे। डी गर्दी गेन म्या जापाए डा जो बारह साल टे पाचना आडी गा समस्या टे बीमार डा। डीचनी हेजा पूरा डामा दवाईमिंकुके जीके डा ताकि दिकु डीचके सजाकेच, पेनो दियागा रोगो येठाभी बिगळातिंजे डा।

![](https://cdn.door43.org/obs/jpg/360px/obs-en-32-14.jpg)

डीचनी आजुम्के डा कि यीशु नी चोटोका बीमार कुरकू के सजाकेकु डा एठा डीचनी बिचारके, “इंज पक्कान मेना कि अगर इंज बस यीशु गा कपळे केका उठाया, मेटे इंजभी सजाऊवा!” इनिघल्जी डीच यीशु गा टाऊटे हेन एठा दियागा कपळे के उठाये। जैसा कि डीचनी डीचके उठायेनेच, पचना गा आडी बंदोएन।

![](https://cdn.door43.org/obs/jpg/360px/obs-en-32-15.jpg)

तुरुटोका, यीशु नी चिनाये कि दिया तालाटे शाक्ती ओटजे होय। इनिघल्जी डीचनी टाऊ मुराटे कोम्बाराके, “इंज्के जेनी उठाकेमी?” चेलाकुनी जवाब जीके, “येटेन येटो घोनेच कुरकू नी अमा उफुन भी कोनेन गर्दी येंडाके मेना होय, एठा आमके धुधाक्का लक्के होय। मेटे आमनी चोच कोम्बाराके कि इंज्के जेनी उठाकेमी होय?”

![](https://cdn.door43.org/obs/jpg/360px/obs-en-32-16.jpg)

डी जापाए यीशु गा सम्मान कपातिंजू लठ्ठाका हेन एठा भेबाव हिघराके मेना हेजा टोपरे लिंजेन सुबांके मेना। मेटे डीचनी डीचके घाल्के कि डीचनी चोच डाके होय, एठा इनीभी कि सही डाएन होय। यीशु नी दियाटे मंडीके, “अमा विश्वास नी इंज्के सजाकेमी होय। शांति टे सेने।”

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 टे म्या  बाइबल गा  कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_32_128kbps.m4a

## 33. म्या खिटी कोरो गा कहानी

https://openbiblestories.org/l/gok/story-33/

![](https://cdn.door43.org/obs/jpg/360px/obs-en-33-01.jpg)

म्या दिन, यीशु तालाव गा धुरा गा मेरान डा। डीच कुरकू गा म्या खाट घोनेच गर्दी के शिक्षा जिऊ लक्के डा। डीके आजुम गा घल्जी येटो सेबाई कुरकू हेन कि यीशु गा मेरान दिकु सेबाईकु टे बातो गा घल्जी जगा बान बचातिंजडुका।इनिघल्जी डीच डा गेन टेंगेंके डोंगा लिंजेन पळेन। देटेन डीच सुबांजे एठा कुरकू के शिक्षा जीके।

![](https://cdn.door43.org/obs/jpg/360px/obs-en-33-02.jpg)

यीशु नी दिकुके इनी कहानी घाल्के, “म्या खिटी कोरो बीजो बिबिट गा घल्जी बल्लान ओटजे। जब डीच टी टे बीजो के तेटाप्पा लक्के डा मेटे अदा बीजो कोरा तालान बोचोएन। पेनो भुरिकू नी हेंडो डी सेबाई बीजो के जोम्जे।”

![](https://cdn.door43.org/obs/jpg/360px/obs-en-33-03.jpg)

“दूसरा बीजो मोरोम ओटेन बोचोएन देटेन घोनेच कम कसा डा। मोरोम ओटेन बोचोएन बीजो भेबाव झल्लो पिवळेन, पेनो डेगा जाळी गेन खोल गेन सेनेन ताखत बाऊ डा। जब सूर्य ओटजे एठा गर्मी घाई लज्जे मेटे डी कोम्बो मुरातिंजे एठा गोएन।”

![](https://cdn.door43.org/obs/jpg/360px/obs-en-33-04.jpg)

“तोभी दूसरा बीजो झाळीनौर गा तालान बोचोएन। डी बीजो नी खाडू सुरुके, पेनो जानोम नी डीके दबातिंज्के। इनिघल्जी जानोम मिनी ओटेन बोचोके बीजो तालाटे ओटके कोम्बो तालाटे तुनिकाभी अनाजो ओट डुका बाने।”

![](https://cdn.door43.org/obs/jpg/360px/obs-en-33-05.jpg)

“दूसरा बीजो अच्छा ओटेन बोचोके। डी बीजो खाट एठा जोभी बिटके मेना डा देटे ३०, ६०, एठा येटे टाएन कि १०० गुणा अनाजो ओटजे। जो जेकाभी परमेश्वर गा टाऊन सेंदरा चाहतावा होय, डीच डे लिंजेन ध्यान जे जो इंज मंडी लक्के मेना!”

![](https://cdn.door43.org/obs/jpg/360px/obs-en-33-06.jpg)

इनी कहानी नी चेलाकू के बिचार गेन बोचोके कु। इनिघल्जी यीशु नी अच्छाटे घाल्के, “डी बीजो परमेश्वर गा वचन होय। डी कोरो म्या येनोगो कोरो होय जो परमेश्वर गा वचन के आजुम्बा होय, पेनो समझातिंजू बाने होय। मेटे शैतान दियागा मेरा टे वचन के चुरेवा होय। मतलब शैतान डीचके वचन के समझातिंजू टे लेंक्कीन डोएच्बा होय।”

![](https://cdn.door43.org/obs/jpg/360px/obs-en-33-07.jpg)

“डी मोरोम ओटे येनोगो कोरो होय जो परमेश्वर गा वचन के आजुम्बा होय एठा खुशी गा सेंग्गोन मनेन सेगेवा होय। पेनो जब मुश्किल गा टेमो हेजेवा होय, या जब अलग्गो कुरकू डीचके सतातिंजेच्बा होय, मेटे डीच परमेश्वर टे लेंक्कीन सेनेवा होय। मतलब डीच परमेश्वर लिंजेन भरोसा दडा बंदोएवा होय।”

![](https://cdn.door43.org/obs/jpg/360px/obs-en-33-08.jpg)

“डी जानोम मिनी ओटे येनोगो कोरो होय जो परमेश्वर गा वचन के आजुम्बा होय। पेनो घोनेच सेबाई बातो गा बारेन चिंता दडा सुरुके मेना होय, एठा डीच घोनेच्का डामा ककामाय गा कोशिश दडावा होय, एठा डीच घोनेच्का का चीजो के घाटाऊ गा कोशिश दडावा होय। अदा टेमो गा बादोन, नका डीच परमेश्वर के प्यार दडा गेन पक्का बाऊ होय। इनिघल्जी जो डीचनी परमेश्वर गा वचन टे इथूके डा डीच डीचके परमेश्वर के कुकूसो गेन पक्का बान दडा होय। डीच गुंहू गा धंटला गा रोंगो होय जो जेका अनाजो ओडे बाने होय।”

![](https://cdn.door43.org/obs/jpg/360px/obs-en-33-09.jpg)

“पेनो अच्छा ओटे डी कोरो होय जो परमेश्वर गा वचन के अजुम्बा होय, डे लिंजेन विश्वास दडावा होय, एठा फल ओडेवा होय।”

*अध्याय १३:१-८, १८-२३; मरकुस ४:१-८, १३-२०; लूका ८:४-१५ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_33_128kbps.m4a

## 34. यीशु दूसरा कहानीनौर गा शिक्षा जेवा होय

https://openbiblestories.org/l/gok/story-34/

![](https://cdn.door43.org/obs/jpg/360px/obs-en-34-01.jpg)

यीशु नी परमेश्वर गा गा राज्य गा बारेन अलग्गो घोनेच्का कहानीनौर घाल्के। उदाहरण गा घल्जी, डीचनी मंडीके “परमेश्वर गा राज्य म्या राई गा बीजो गा रोंगो होय जेकानी हेजा खीटिन बिटके। आपे हाडाई होय कि राई गा बीजो सेबाई बीजो गेन सेबाई टे सनी थंदळबा होय।”

![](https://cdn.door43.org/obs/jpg/360px/obs-en-34-02.jpg)

“पेनो जब राई गा बीजो बळातिंजुवा होय मेटे डी बगीचा गा सेबाई टे खाडुवा होय, येटो खाट कि भूरीकु हेजेवा डो डेगा डंगोलनौर लिंजेन आराम्बो दडावा होय।”

![](https://cdn.door43.org/obs/jpg/360px/obs-en-34-03.jpg)

यीशु नी म्या अलग्गो कहानी घाल्के, “परमेश्वर गा राज्य खामीर गा रोंगो होय डीके साटे म्या जापाए कोलोम गा गुली गेन बेल्लाएवा होय मेटे डी सेबाई गुली गेन फैलातिंजूवा होय।”

![](https://cdn.door43.org/obs/jpg/360px/obs-en-34-04.jpg)

“स्वर्ग गा राज्य डी खजाना गा रोंगो होय डीके जेकानी खिटी गेन उखुके। तुनिका अलग्गो कोरो गेन डी खजाना घाटाएन एठा डीचनी डीके घाटाऊ गा घल्जी बिचारके। इनिघल्जी डीचनी डीके डाबोलटे गळातिंज्के । डीच खुशी टे येटो भेट्टेन मेना डा कि डीचनी ओलेडो हेजा सेबाईका किजिके ताकि डीच डी खिटी के साया होना देटेन डी खजाना डा।”

![](https://cdn.door43.org/obs/jpg/360px/obs-en-34-05.jpg)

“स्वर्ग गा राज्य म्या घोनेच किमती सजा मोती गा रोंगो भी होय। जब तुनिका मोतीनौर गा व्यापारी डीके घाटाएवा होय मेटे डीच डीके सगा घल्जी हेजा सेबाईका किजेवा होय।”

![](https://cdn.door43.org/obs/jpg/360px/obs-en-34-06.jpg)

देटेन अदा कुरकू डा जो सोचातिंज डा कि परमेश्वर दिकुके इनिघल्जी मने नेबा चोयाकी दिकु भला कामय दडा लक्के होय। इनी कुरकू येनोगो कुरकू के बेकार मेन डा जो डी भला कामय के बान दडा डा। इनिघल्जी यीशु नी दिकुके इनी कहानी घाल्के: “बारी कोरो किंज डा एठा बार्खिज भी प्रार्थना दडा गा घल्जी मंदिर गेन ओले। दिकु तालाटे म्या टेक्सा सा मिठाच डा, एठा दूसरा म्या धार्मिक अगुवा डा।”

![](https://cdn.door43.org/obs/jpg/360px/obs-en-34-07.jpg)

“डी धार्मिक अगुवा नी इनी रोंगो टे प्रार्थना डाके, ‘हे परमेश्वर, अमा धन्यवाद डायु कि इंज अलग्गो कुरकू गा रोंगो जैसा कि डाकु, अलग्गो कोरो, अनोवा, या येटे जगान टाकू मिंकू डी टेक्सा मिंकूगा रोंगो म्या पापी बाऊ मेना।”

![](https://cdn.door43.org/obs/jpg/360px/obs-en-34-08.jpg)

“उदहारण गा घल्जी, इंज हर हफ्ताह गेन बारी उपासो दोडोवा मेना, एठा इंज इंजेन घाटाऊ घल्जी डामा एठा समोन गा गेल्जा हिस्सा आमके जेवा मेना।”

![](https://cdn.door43.org/obs/jpg/360px/obs-en-34-09.jpg)

“पेनो डीच टेक्सा सा मिठाच डी धार्मिक अगुवा टे ठायका लेंक्कीन टेंगेंजे। डीचनी मठान स्वर्ग गा कोनेन मेट भी बान टूलडुका। येनेगा बाजाए, डीचनी कासा टे हेजा छाती के मुंडाके एठा प्रार्थना डाके, ‘हे परमेश्वर, कृपा डाटे इंजा लिंजेन दया डाए चोयाकी इंज म्या पापी मेना।”

![](https://cdn.door43.org/obs/jpg/360px/obs-en-34-10.jpg)

डाबोलटे यीशु नी मंडीके, “इंज अपाटे सच्चो मंडीवा मेना, परमेश्वर नी डी टेक्सा सा मिठाच गा प्रार्थना के आजुम्के एठा डीके धर्मी एलान डाके। पेनो डीचनी डी धार्मिक अगुवा गा प्रार्थना के पसंद बान दडुका। परमेश्वर हर म्या घमंडी गा कापर के ईटानेवा, पेनो डीच हर डी कोरो के आदर जेवा जो खुदके नम्र दडावा होय।”

*अध्याय १३:३१-३३, ४४-४६; मरकुस ४:३०-३२; लूका १३:१८-२१; १८:९-१४ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_34_128kbps.m4a

## 35. दयालु बाटे गा कहानी

https://openbiblestories.org/l/gok/story-35/

![](https://cdn.door43.org/obs/jpg/360px/obs-en-35-01.jpg)

म्या दिन, यीशु डी घोनेच्का कुरकू के शिक्षा जिऊ लक्के डा जो दियागा आजुम गा घल्जी गोलाएन मेना डा। इनी कुरकू टेक्सा सा मिठाच एठा सेंग्गोन का अलग्गो कुरकू भी डा दिकुनी मूसा गा नियम गा पालन दडा गा कोशिश बान दडुका डा।

![](https://cdn.door43.org/obs/jpg/360px/obs-en-35-02.jpg)

अदा धार्मिक अगुवाकु नी डोके कि यीशु इनी कुरकू टे म्या सोप्ती गा रोंगो बातो लक्के डा। इनिघल्जी दिकुनी इनिज-दियाटे इनी मंडी सुरुके कि डीच गलत दडा लक्के डा। यीशु नी दिकुके लठ्ठाका आजुम्के, इनिघल्जी डीचनी दिकुके इनी कहानी घाल्के।

![](https://cdn.door43.org/obs/jpg/360px/obs-en-35-03.jpg)

“म्या कोरो डा दियागा बारी कोण किंज डा। सनी कोणटे हेजा बाटे टे मंडीके, ‘हे बाटे, इंज्के आए इंजा हिस्सा होना!’ इनिघल्जी बाटे नी हेजा बारी कोण किंज गा तालान हेजा संपत्ति गा खाठिंजके।”

![](https://cdn.door43.org/obs/jpg/360px/obs-en-35-04.jpg)

“जल्दिका सनी कोणटे हेजा सेबाईका गोलाटे लेंक्की देशोन ओले एठा पापी जीवन बिबातातिंज गेन हेजा सेबाई डामा के बर्बाद के।”

![](https://cdn.door43.org/obs/jpg/360px/obs-en-35-05.jpg)

“येनेगा बादोन, देटेन सानी कोण डा डी देशो गेन म्या भयंकर सुकाल बोचोएन, एठा दियागा मेरान सा गा घल्जी डामा बाऊ डा। इनिघल्जी डीचके जो कामय घाटाएन डीच सुकळीकु के चचारा गा डा। डीच येटो दुखी एठा रांगेच्का डा कि डीच सुकळीकु गा आटा जोम चाहता डा।”

![](https://cdn.door43.org/obs/jpg/360px/obs-en-35-06.jpg)

“आखरीन, डी सनी कोण नी खुद टे मंडीके, ‘इंज चोच दडा लक्के मेना? इंजा बाटे गा सेबाई सेवककु गा मेरान जोम गा घल्जी घोनेच टेका होय, फिरभी इंज येटेन रांगेच गुजू लक्के मेना। इंज इंजा बाटे गा मेरान डाबोलटे सेनेवा एठा हेजा बाटे गा म्या सेवक आरु गा घल्जी दियाटे बिनती डाएवा।”

![](https://cdn.door43.org/obs/jpg/360px/obs-en-35-07.jpg)

“इनिघल्जी डी सनी कोणटे नी डाबोलटे हेजा बाटे गा उरा गा कोनेन सेने सुरुके। जबकि डीच आए भी लेंक्कीन के डा, दियागा बाटे नी डीचके डोकेनेच एठा दिया लिंजेन दया हेन। डीच सळुपटे हेजा कोणटे मेरान एठा डीचके खंडा मिलातिंज्टे जोका जोवे।”

![](https://cdn.door43.org/obs/jpg/360px/obs-en-35-08.jpg)

“डी कोण नी मंडीके, ‘हे बाटे, इंज्नी परमेश्वर गा एठा अमा खिलाफ बेन पापो डाके होय। इंज अमा कोण मंडी गा लायको भी बाऊ मेना।’”

![](https://cdn.door43.org/obs/jpg/360px/obs-en-35-09.jpg)

“पेनो बाटे नी हेजा म्या सेवक टे मंडीके, ‘झाल्लो सेने सेबाई टे अच्छा कपळे साटे हेजे एठा इंजा कोण के पंचारेच! दियागा बोटो गेन मुंडी एठा दियागा नंगा गेन बुट्टा उरे। डाबोलटे सेबाईटे अच्छा मेंडा कोंटे गोजेच ताकि आले जोमे एठा तिवार मनातिंजे, चोयाकी इंजा कोण गोएन मेना डा, पेनो नका डीच जिटाका होय! डीच आटजे मेना डा, पेनो नका आलेनी डीके घाटाये होय!”

![](https://cdn.door43.org/obs/jpg/360px/obs-en-35-10.jpg)

“इनिघल्जी कुरकू नी तिवार ममानातिंज सुरुके। अदा टेमो सेने लिंजेन, खाट कोण खिटीन कामय डाटे उरान हेन। डीचनी संगीत एठा नाचो गा आवाज के आजुम्के एठा बिचारजे मेना कि इनी चोच डाऊ लक्के डा।”

![](https://cdn.door43.org/obs/jpg/360px/obs-en-35-11.jpg)

“जब खाट कोण गेन मलुम्जे मेना कि डीच इनिघल्जी तिवार ममानातिंज लक्के डा चोयाकी दियागा डाईटे उरान हेन मेना डा, मेटे डीच भेबाव खीजोएन एठा उरा गेन मु डुका बाने। दियागा बाटे नी बल्लान हेनडो दियाटे दिकुगा सेंग्गोन तिवार ममानातिंज गा निवेदान जीके, पेनो डीचनी बान मेंके।”

![](https://cdn.door43.org/obs/jpg/360px/obs-en-35-12.jpg)

“डी खाट कोंटे नी हेजा बाटे टे मंडीके, ‘इनी सेबाई साल गेन इंज्नी अमा घल्जी ईमानदारी टे कामय डावे! चोलाकाभी अमा बातो के बान बोचोडुका, पेनो आमनी चोलाका इंज्के म्या सनी सिळी केभी बान जीडुका ताकि इंज इंजा सोप्तीकु के सेंग्गोन जोम गेन सालेकु होना। पेनो अमा इनी कोण नी अमा डामा के पापी कामय दडा गेन बर्बाद के होय। एठा नका जब डीच हेन होय मेटे दियागा घल्जी तिवार ममानातिंज के आमनी सेबाई टे अच्छा सिळी कोंटे के गोच्केनेच!”

![](https://cdn.door43.org/obs/jpg/360px/obs-en-35-13.jpg)

“बाटे नी जवाब जीके, ‘हे इंजा कोण, आम हमेशा इंजागा सेंग्गोन होय, एठा जो चोच्का इंजा होय डी सेबाई अमा होय। पेनो आलेगा घल्जी तिवार ममानातिंज सही होय चोयाकी अमा बोको गोएन मेना डा, पेनो नका डीच जिटाका होय। डीच आटजे डा, पेनो नका आबूनी डीचके घाटायेनेच होय!’”

*अध्याय १५:११-३२ टे बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_35_128kbps.m4a

## 36. रुपो सा

https://openbiblestories.org/l/gok/story-36/

![](https://cdn.door43.org/obs/jpg/360px/obs-en-36-01.jpg)

म्या दिन, यीशु नी हेजा आफाई चेलाकू, पतरस, याकूब, एठा यूहन्ना के हेजा सेंग्गोन सावे। (इनी यूहन्ना जीमू गा चेला डीका कोरो बाऊ होय डीचनी यीशु के बपतिस्मा जीके डा।) दिकु प्रार्थना गा घल्जी म्या उंचा टुक्की लिंजेन ओले।

![](https://cdn.door43.org/obs/jpg/360px/obs-en-36-02.jpg)

जब यीशु प्रार्थना दडा लक्के डा मेटे दियागा चेहरा सूर्य गा रोंगो उजालाएन मेना। दियागा कपळे उजाला गा रोंगो पुलूमजे मेना, जैसा पृथ्वी लिंजेन जेका डाकी होना देटे भी बळातिंजटे पुलूम।

![](https://cdn.door43.org/obs/jpg/360px/obs-en-36-03.jpg)

मेटे मूसा एठा एलिय्याह परमेश्वर गा कोनेटे मंडी मिठाच ओटजे मेना। इनी कोरो पृथ्वी लिंजेन इनी टेमो टे घोनेच साल पेला थंदळ लक्कू डादिकुनी यीशु टे दियागा गुजू गा बारेन बातो डावे, चोयाकी डीच झल्लोका यरूशलेम गेन गुजूवा।

![](https://cdn.door43.org/obs/jpg/360px/obs-en-36-04.jpg)

जब मूसा एठा एलिय्याह यीशु टे बातो लक्के डा मेटे पतरस नी यीशु टे मंडीके, “आलेगा घल्जी इनी डाऊ भला होय। आले आफाईकु मंडप के आरोएवा, म्या अमा घल्जी, म्या मूसा गा घल्जी, एठा एलिय्याह गा घल्जी।” पेनो पतरस बान हाडाई डा कि डीच मंडी लक्के होय।

![](https://cdn.door43.org/obs/jpg/360px/obs-en-36-05.jpg)

जब पतरस बातो लक्के डा, मेटे चमकातिंजू बादळा इटान हेंडो दिकु लिंजेन उगुरजे। डाबोलटे दिकुनी बादळा तालाटे म्या आवाज के हेजे लठ्ठाका आजुम्के। डीचनी मंडीके, “इनिज इंजा कोण होय दियाटे इंज प्यार दडावा मेना। इंज दियाटे कुशो के मेना। दियागा आजुमे।” दिकु आफाई भी चेलाकू हिघराएन एठा ओटे लिंजेन गिटेन।

![](https://cdn.door43.org/obs/jpg/360px/obs-en-36-06.jpg)

मेटे यीशु नी दिकुके कोम्बाराके एठा मंडीके, “हिघरा बाकी। बिडे।” जब दिकुनी उफुन भी कोनेन डोके, मेटे जो भी देटेन डा डीच बस यीशु डा।

![](https://cdn.door43.org/obs/jpg/360px/obs-en-36-07.jpg)

यीशु एठा दिकु आफाई चेलाकू डी टुक्की टे डाबोलटे इटान हेन। मेटे यीशु नी दिकुटे मंडीके, “आए जो येटे डाएन दियागा चर्चा जेकाटे बाकी दडा। इंज जल्दी का गुजूवा एठा डाबोलटे जिटाऊवा। डेगा बादोन, आपे कुरकू के घाले साकतावा होय।”

*अध्याय १७:१-९; मरकुस ९:२-८; लूका ९:२८-३६ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_36_128kbps.m4a

## 37. यीशु लाजर के गोएन मिठाच जाटे जीटाएच्बा होय

https://openbiblestories.org/l/gok/story-37/

![](https://cdn.door43.org/obs/jpg/360px/obs-en-37-01.jpg)

लाजर जीमू गा म्या कोरो डा। दियागा बारी कोंजाई किंज डा दियागा मरियम एठा मार्था डा। दिकु सेबाईकु यीशु गा मेरा गा सोप्तीकु डा। म्या दिन, जेकानी यीशु के घाल्के कि लाजर भेबाव बीमारके डा। जब यीशु नी इनी आजुम्के मेटे डीचनी मंडीके, “इनी बीमारी लाजर गा गुजू गा सेंग्गोन स्यागु बाने। येनेगा बाजाए, इनी कुरकू के परमेश्वर गा आदर दडा गा घल्जी प्रेरित डाके।”

![](https://cdn.door43.org/obs/jpg/360px/obs-en-37-02.jpg)

यीशु हेजा सोप्तीकु टे प्यार दडा डा, पेनो देटेन डीच डा डेन डीचनी बारी दिन टाएन राह डोके। डी बारी दिन गा बादोन, डीचनी हेजा चेलाकु टे मंडीके, “हेजे, डाबोलटे यहूदीया जिल्हा गेन बो।” चेलाकुनी जवाब जीके, “पेनो हे गुरु, नका थोडाका टेमो पेला डे गा कुरकू आमके गोगेज चाहतावा डा!” यीशु नी मंडीके, “आलेगा सोप्ती लाजर गिटेन होय, एठा इंजेन डीचके बिबीट होना होय।

![](https://cdn.door43.org/obs/jpg/360px/obs-en-37-03.jpg)

यीशु गा चेलाकु नी जवाब जीके, “हे प्रभु, अगर लाजर गिटिच लक्के होय, मेटे डीच सजाऊवा।” मेटे यीशु नी दिकुटे सपा रुपो टे मंडीके, “लाजर गोएन मेना होय। इंज कुशो के मेना कि इंज डेन बाऊ डा, ताकि आपे इंजा लिंजेन विश्वास डाकि होना।”

![](https://cdn.door43.org/obs/jpg/360px/obs-en-37-04.jpg)

जब यीशु लाजर गा गाँव गेन आदिरजे मेटे लाजर के गोएन गा उफुन दिन डाएन डा। मार्था यीशु टे मिलातिंजू गा घल्जी बल्लान हेन एठा मंडीके, “हे प्रभु, अगर आम येनेन टाकूमी धारे इंजा डाई बान गुजू डा। पेनो इंज विश्वास दडावा मेना कि जो चोच्काभी आम परमेश्वर टे डीच आमके जेवा।”

![](https://cdn.door43.org/obs/jpg/360px/obs-en-37-05.jpg)

यीशु नी जवाब जीके, “डाबोलटे जिटाऊ इंज मेना। जो जेका इंजा लिंजेन विश्वास दडावा होय अगर गोएन भी मका तोभी जीवन बिबातातिंज्बा। जो जेका इंजा लिंजेन विश्वास दडावा होय डीच चोलाका गुजू बाने। चोच आम येने लिंजेन विश्वास दडावा होय?” मार्था नी जवाब जीके, “हे प्रभु इंज विश्वास दडावा मेना कि आम परमेश्वर गा कोंटे मसीह होय।”

![](https://cdn.door43.org/obs/jpg/360px/obs-en-37-06.jpg)

मेटे मरियम हेन। डीचनी यीशु गा नंगा गेन बोचोएन डो मंडीके, “हे प्रभु, अगर आम येटेन टाकुमी धारे इंजा डाई बान गुजू डा।” यीशु नी दियाटे कोम्बाराके, “आमनी लाजर के तोटे जगान डोकेनेच?” दिकुनी डीचके घाल्के, “कब्र गेन। हेजे एठा डोगेच।” मेटे यीशु जाम लज्जे।

![](https://cdn.door43.org/obs/jpg/360px/obs-en-37-07.jpg)

डीच कब्र म्या गुफा डा दियागा दराजो लिंजेन म्या घोटा के उगुरके डा। जब यीशु कब्र गेन आदिरजे मेटे डीचनी दिकुटे मंडीके, “घोटा के म्याधेळेनकी।” पेनो मार्था नी मंडीके, “दियागा गोएन गा उफुन दिन डाएन होय। देटे सळातिंज सुकिंज हेजेवा।”

![](https://cdn.door43.org/obs/jpg/360px/obs-en-37-08.jpg)

यीशु नी जवाब जीके, “चोच इंज्नी आपेटे बान मंडीडुका डा कि अगर आपे इंजा लिंजेन विश्वास डाए टासो मेटे परमेश्वर गा शक्ति के डोगेवा?” इनिघल्जी दिकुनी घोटा के म्याधेळेनके।

![](https://cdn.door43.org/obs/jpg/360px/obs-en-37-09.jpg)

मेटे यीशु नी मठान स्वर्ग गा कोनेन धोटे मंडीटे, “हे बाटे, इंजा आजुमा गा घल्जी इंज अमा धन्यवाद दडावा मेना। इंज मालूम होय कि आम हमेशा इंजा आजुम्बा होय, पेनो इंज्नी इनी येटे जगा नटेंगेनके इनी सेबाई कुरकू गा मदत दडा गा घल्जी मंडीके ताकि इंकू विश्वास डाए कि आमनी इंज्के कुल्लेमी होय।” मेटे यीशु नी आवाज येंडाके, “हे लाजर, बल्लान ओडे बला!”

![](https://cdn.door43.org/obs/jpg/360px/obs-en-37-10.jpg)

इनिघल्जी लाजर बल्लान हेन! डीच आएभी कफन गेन उगुरके डा।यीशु नी दियाटे मंडीके, “इनी कफन के ओट गेन मदत डाए एठा डीचके आजाडेच।” इनी चमत्कार गा वाजाटे घोनेच्का यहूदी कुरकू नी यीशु लिंजेन विश्वास डाके।

![](https://cdn.door43.org/obs/jpg/360px/obs-en-37-11.jpg)

पेनो यहूदी कुरकू गा धार्मिक अगुवाकु यीशु टे जुलू लज्जे, इनिघल्जी दिकु योजना आरुगा घल्जी म्या सेंग्गोन गोलाएन कि टोनोगो यीशु एठा लाजर के गोच्केच होना।

*ना ११:१-४६ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_37_128kbps.m4a

## 38. यीशु के उठायेच्बा मेना होय

https://openbiblestories.org/l/gok/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी कुरकू फसह गा तिवार ममानातिंज डा। इनी बारेन म्या म्या तिवार डा कि चोटोका साल गा पेला परमेश्वर नी दिकुगा जुनाकु के मिस्र गा गुलामी टे आराकेकु डा। अंदाजो आफाई साल गा बादोन यीशु नी सेबाई रुपो टे प्रचार दडा एठा शिक्षा जिऊ सुरुके। यीशु नी हेजा चेलाकू के घाल्के कि डीच दिकुगा सेंग्गोन यरूशलेम गेन फसह गा तिवार के ममानातिंज चाहतावा होय, एठा इनी भी कि डीचके डेनेन गोजेच्बा।

![](https://cdn.door43.org/obs/jpg/360px/obs-en-38-02.jpg)

यीशु गा चेलाकु गेन म्या यहूदा जीमू गा कोरो डा। यहूदा कलमके चेलाकू गा डामा गा झोरा दोडो गा पाओना डा, पेनो अक्सर डीच डी झोरा तालाटे डामा कोलागे लक्के डा। यीशु एठा चेलाकू गा यरूशलेम गेन आदिरू गा बादोन यहूदा यहूदी अगुवाकु गा मेरान ओले। डीचनी डामा गा बेदला गेन यीशु के दिकुगा टीन उठा गा मंडी डोके। दियेन मालूम डा कि यहूदी अगुवाकु मनेनेज बान डा कि यीशु का मसीह डा। डीच हाडाई डा कि दिकु डीचके गोगेच चाहता डा।

![](https://cdn.door43.org/obs/jpg/360px/obs-en-38-03.jpg)

महायाजक गा मंडी लिंजेन अगुवाकु नी यीशु के दिकुगा टीन उठा गा घल्जी यहूदा के तीसो चाँदी गा चिक्खा जीके। इनी डीका रोंगो टे डाएन जैसा कि परमेश्वर गा कोनेटे मंडी मिंकू नी मंडीके डा कि डाऊवा। यहूदा मनातिंजे एठा डामा साटे ओले मेना। डीच यीशु के जेलेन केखेट गेन मदत दडा गा घल्जी तुनिका अक्सर गा गघाटा लज्जे।

![](https://cdn.door43.org/obs/jpg/360px/obs-en-38-04.jpg)

यरूशलेम गेन, यीशु नी हेजा चेलाकू गा सेंग्गोन फसह गा तिवार मनातिंज्के। फसह गा आटा गा दौरान, यीशु नी सोकळा साटे टुक्काके। डीचनी मंडीके, “इनिके सेगे एठा जोमे। इनी इंजा कोम्बोर होय जो इंज आपेगा घल्जी जेवा मेना। इनिके इंजा यादो गेन डाकी।” इनी रोंगो टे, यीशु नी मंडीके कि डीच दिकुगा घल्जी गुजूवा, मतलब दिकुगा घल्जी डीच हेजा कोम्बोर के बलि पेळेजेवा।

![](https://cdn.door43.org/obs/jpg/360px/obs-en-38-05.jpg)

डाबोलटे यीशु नी म्या अंगूर गा रेस्सो गा गिल्ला सावे एठा मंडीके, “इनिके नुए। इनी उनाई वादा गा इंजा पचना होय जो कि इंज उखळीके ताकि परमेश्वर आपेगा पापो के मापोकी। हर बल्लान इनिके नुनू टेमो इंजा यादो गेन इनिके डाए जो इंज आए डाए लक्के मेना।”

![](https://cdn.door43.org/obs/jpg/360px/obs-en-38-06.jpg)

मेटे यीशु नी हेजा चेलाकू टे मंडीके, “आपे तालाटे म्या कोरो इंज्के उठाकेमी।” चेलाकू बिचार जे, एठा कोकाम्बारा लज्जे कि जे येनोगो कामय डाएवा। यीशु नी मंडीके, “इंज्के उठामिंकू कोरो डीच होय डीचके इंज इनी सोकळा गा तुकळा जेवा मेना” मेटे डीचनी डी सोकळा यहूदा के जीके।

![](https://cdn.door43.org/obs/jpg/360px/obs-en-38-07.jpg)

डी सोकळा के जिऊ गा बादोन, यहूदा गेन शैतान मोएन मेना। यहूदा ओटटे यीशु के केखेट गा घल्जी यहूदी अगुवाकु गा मदत दडा के ओले मेना। इनी राटो गा टेमो।

![](https://cdn.door43.org/obs/jpg/360px/obs-en-38-08.jpg)

कुकूल गा बादोन, यीशु एठा दियागा चेलाकू जैतून टुक्की गेन ओले मेना। यीशु नी मंडीके, “आपे सेबाईकु टाइंज गा राटो इंज्के आराकोम्बा। इनी ओल्के मेना होय, ‘इंज ताठ्याकु के मुंडाकुवा एठा सेबाई मेंडाकू इंगान-हुगान सेनेवा।’”

![](https://cdn.door43.org/obs/jpg/360px/obs-en-38-09.jpg)

पतरस नी जवाब जीके, “भला कि बाकि गा सेबाई कुरकू आमके आराकेमी, इंज बान आरा!” मेटे यीशु नी पतरस टे मंडीके, “शैतान आपे सेबाईकु सा चाहतावा होय, इंज्नी अमा घल्जी प्रार्थना डाके होय कि आम विश्वास टे चुकायु बाकी होना। फिरभी, टाइंज गस राटो, कोंम्बा गा आवाज टे पेला आम आफाई बार बान मेंबा कि आम इंज्के बान हडाई होय।”

![](https://cdn.door43.org/obs/jpg/360px/obs-en-38-10.jpg)

पतरस नी मेटे यीशु टे मंडीके, “भला कि इंज गोयु, इंज चोलाकाभी बान मेंटो बान मंडी!” बाकी गा सबाई चेलाकू नी भी इनिका मंडीके।

![](https://cdn.door43.org/obs/jpg/360px/obs-en-38-11.jpg)

मेटे यीशु नी हेजा चेलाकू गा गतसमनी जीमू गा जगा गेन ओले। यीशु नी हेजा चेलाकू टे प्रार्थना दडा गा घल्जी मंडीके ताकि शैतान दिकुगा अंदाजों बाकी सा। मेटे यीशु खुद प्रार्थना दडा गा घल्जी ओले मेना।”

![](https://cdn.door43.org/obs/jpg/360px/obs-en-38-12.jpg)

यीशु नी आफाई बार प्रार्थना डाके, “हे इंजा बाटे, अगर डाऊ धारे मेटे कृपा डाटे इनी कासु गा गिल्ला नुनू गा घल्जी इंज्के बाकी जिऊ। पेनो आगे कुरकू गा पापो मापोऊ गा घल्जी तुनिका कोरा बाऊ होय, मेटे अमाका इच्छा मुरायु।” यीशु बेभाव नराजो के डा एठा दियागा पसीना पचना गा ठेम्बो गा रोंगो डा। डीचके शक्ति जिऊ गा घल्जी परमेश्वर नी म्या स्वर्गदूत के कुल्केनेच।

![](https://cdn.door43.org/obs/jpg/360px/obs-en-38-13.jpg)

हर बार प्रार्थना गा बादोन, यीशु हेजा चेलाकू गा मेरान हेन, पेनो दिकु गिटेन डा। जब यीशु अफाई बार हिराके मेटे यीशु नी मंडीके, “बिटजू! इंजा उठा मिठाच येटेन होय।”

![](https://cdn.door43.org/obs/jpg/360px/obs-en-38-14.jpg)

यहूदी अगुवाकू, सैनिककु, एठा म्या खाट गर्दी गा सेंग्गोन यहूदा हेन। दिकुनी तलवार एठा लठ्ठानौर सावे मेना डा। यहूदा नी यीशु गा मेरान हेंडो दियाटे मंडीके, “हे गुरु, नमस्कार,” एठा दियागा जोका जोफे। डीचनी गिरफ्तारु मिठाच कोरो के यहूदी अगुवाकु लिंजेन ओट गा घल्जी येनोगो डाके डा। मेटे यीशु नी मंडीके, “हे यहूदा, चोच आम म्या चुम्बन टे इंज्के उठा लक्के होय?”

![](https://cdn.door43.org/obs/jpg/360px/obs-en-38-15.jpg)

जब दिकु सैनिक यीशु के उठा लक्के डा, मेटे पतरस नी हेजा तलवार ओटके एठा महायाजक गा म्या सेवक गा लुटूर गेटके। यीशु नी मंडीके, “तालवार के लेंक्कीन की! इंज इंजा बाटे टे इंजा बचातिंजू दडा गा घल्जी स्वर्गदूतकु गा म्या सेना गा घल्जी विनती दडावा मेना। पेनो इंज्के इंजा बाटे गा बातो ममानातिंज्बा होय।” मेटे यीशु नी डी कोरो गा लुटुर के सजाके। मेटे सेबाई चेलाकू सळुपजे।

*२६:१४-५६; मरकुस १४:१०-५०; लूका २२:६; १८:१-११ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_38_128kbps.m4a

## 39. यीशु लिंजेन मुकद्दमा सेंदराएवा होय

https://openbiblestories.org/l/gok/story-39/

![](https://cdn.door43.org/obs/jpg/360px/obs-en-39-01.jpg)

नका इनी आधा राटो गा टेमो डा। दिकु सैनिक यीशु के महायाजक गा उरान सालेच, चोयाकी डीच यीशु टे सवाल दडा चाहता डा। पतरस लेंक्कीटे दिकुगा टाऊटे सेने लक्के डा। जब सैनिक यीशु के उरा गेन साईंय्ये, मेटे पतरस बल्लान रुकातिंजटे खुद के सिंगेल टे चचाटा लज्जे डा।

![](https://cdn.door43.org/obs/jpg/360px/obs-en-39-02.jpg)

उरा गा तालान, यहूदी अगुवाकु नी यीशु लिंजेन मुकद्दमा सेंदराके। दिकु दियागा खिलाफ बेन लाबाळ बातो के मंडी गा घल्जी घोनेच का लाबाळ गवाहकु के साटे हेन। हलाकि, दिकुगा बातो इनिज-दियाटे राजी बाऊ डा, इनिघल्जी यहूदी अगुवाकु इनी साबित डुका बाने कि डीच तुनिका बातो गा दोषी डा। यीशु नी चोच्का बान मंडीडुका।

![](https://cdn.door43.org/obs/jpg/360px/obs-en-39-03.jpg)

आखरी गेन, महायाजक नी सीधा यीशु गा कोने धोटे मंडीके, “आलेके घाले कि चोच आमका जीटा परमेश्वर गा कोंटे मसीह होय?”

![](https://cdn.door43.org/obs/jpg/360px/obs-en-39-04.jpg)

यीशु नी मंडीके, “इंज मेना, एठा आपे इंज्के परमेश्वर गा सेंग्गोन सुबांके मेना एठा स्वर्ग टे हेजे लठ्ठाका भी डोगेवा।” महायाजक नी आपना कपळे चिराके चोयाकी जो यीशु नी मंडीके डीच डी बातो लिंजेन भेबाव खीजो डा। डीच अलग्गो अगुवाकु लिंजेन चिल्लातिंज्के, “अलेके इनी घागल गा घल्जी तुनिका एठा गवाह गा जरुरत बाऊ होय कि इनी कोरो नी चोच डाके होय! आपेनी खुद का डीचके इनी मंडी लठ्ठाका मेना होय कि डीच परमेश्वर गा कोंटे होय। दियागा बारेन आपेगा चोच निर्णय होय?”

![](https://cdn.door43.org/obs/jpg/360px/obs-en-39-05.jpg)

सेबाई यहूदी अगुवाकु नी महायाजक के जवाब जीके, “डीच घोगेज गा लायको होय!” मेटे दिकुनी यीशु गा मेट लिंजेन पट्टी टोलके, दिया लिंजेन उलीच बेच्के, डीचके मुंडाकेनेच, एठा दियागा मजाक उळातिंज्के।

![](https://cdn.door43.org/obs/jpg/360px/obs-en-39-06.jpg)

एठा पतरस, जब डी उरा गा बल्लान राह दोडो लक्के डा। मेटे म्या भागनी तराई नी डीचके डोकेनेच। डीचनी दिकुटे मंडीके, “आमभी यीशु गा सेंग्गोन डा!” पतरस नी बान मेंके।बादोन तुनिका अलग्गो तराई नी इनी बातो मंडीके, एठा पतरस नी डाबोलटे बान मेंके। आखरी गेन, अदा कुरकू नी मंडीके, “आले हाडाई होय कि आम यीशु गा सेंग्गोन डा चोयाकी आपिंज बर्खिंज गलील जिल्हाटे मेना।”

![](https://cdn.door43.org/obs/jpg/360px/obs-en-39-07.jpg)

मेटे पतरस नी मंडीके, “अगर इंज इनी कोरो हाडाई धारे मेटे परमेश्वर इंज्के श्रापो जिली!” तुरुटो का पतरस गा इनी खिजाटे कसोम जोमगा बादोन, म्या कोम्बा नी राके। यीशु नी टाऊ धोटे पतरस के डोकेनेच।

![](https://cdn.door43.org/obs/jpg/360px/obs-en-39-08.jpg)

पतरस देटे ओले मेना एठा हुकूट-हुकूट टे जाम लज्जे। डीका टेमो, यीशु के उठामिठाच यहूदा नी डोके कि यहूदी अगुवाकु नी यीशु के गुजू गा दण्डो जीके होय। यहूदा भेबाव दुखेन मेना एठा ओलेडो खुदका गोएन।

![](https://cdn.door43.org/obs/jpg/360px/obs-en-39-09.jpg)

नका डी देशो गा राज्यपाल पिलातुस डा। डीच रोम गा घल्जी कामय दडा डा। यहूदी अगुवाकु यीशु के दियागा मेरान साटे हेन। दिकु चाहता डा कि पिलातुस डीचके गुजू गा दण्डो जिकी एठा डीचके गोच्केच। मेटे पिलातुस नी यीशु टे कोम्बाराके, “चोच आम यहूदी कुरकू गा राजा होय?”

![](https://cdn.door43.org/obs/jpg/360px/obs-en-39-10.jpg)

यीशु नी जवाब जीके, “आमनी सच्चोका मंडीके होय। पेनो इंजा राज्य येटेन पृथ्वी गा बाऊ होय। अगर डाऊ धारे इंजा भाग्य इंजा घल्जी लड़ाई डाएवा। इंज पृथ्वी लिंजेन परमेश्वर गा बारेन सच्चो घागल गा घल्जी हेन मेन। हर म्या कोरो जो सच्चो टे प्यार दडावा होय डीच इंजागा अजुम्बा होय।” पिलातुस नी मंडीके, “मेटे सच्चो चोच होय?”

![](https://cdn.door43.org/obs/jpg/360px/obs-en-39-11.jpg)

यीशु गा सेंग्गोन बातो बातो दडा गा बादोन, पिलातुस नी बल्लान गोंजा गा मेरान ओलेडो मंडीके, “इंजेन येनोगो तुनिका वाजा बान मालूम कि इनी कोरो के घोगेज गा लायको होय।” पेनो यहूदी अगुवाकु एठा गर्दी नी चिल्लातिंजटे मंडीके, डीचके क्रूस लिंजेन पेळेच्केच!” पिलातुस नी जवाब जीके, “डीच चोच्काभी गलत दडा गा दोषी बाऊ होय।” पेनो दिकु एठा भी ऊँचा आवाज गेन चिल्लातिंजू लज्जे। मेटे पिलातुस नी आफाई बार मंडीके, “डीच दोषी बाऊ होय!”

![](https://cdn.door43.org/obs/jpg/360px/obs-en-39-12.jpg)

पिलातुस हिघराएन कि डीच गर्दी दंगा सुरुवात किवा, इनिघल्जी डीच हेजा सैनिककु द्वारा यीशु के क्रूस लिंजेन पेपेळेज गा घल्जी मनातिंजे। रोमी सैनिककु नी यीशु के बल्खा मुंडाके, एठा डीचके राजा गा कपळे उरिके, एठा दियागा कपरा लिंजेन जनोम टे आरुके मुकूट डोके। मेटे दिकु इनी मंडीटे दियागा मजाक उळातिंज लज्जे, “डोगे, यहूदी कुरकू गा राजा!”

*२६:५७-२७:२६; मरकुस १४:५३-१५:१५; लूका २२:५४-२३:२५; यूहन्ना १८:१२-१९:१६ टे म्या  बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_39_128kbps.m4a

## 40. यीशु के क्रूस लिंजेन पेळेजेच्बा होय।

https://openbiblestories.org/l/gok/story-40/

![](https://cdn.door43.org/obs/jpg/360px/obs-en-40-01.jpg)

यीशु गा मजाक उळातिंजा गा बादोन, सैनिक डीचके क्रूस लिंजेन पेपेळेज गा घल्जी साईंय्येनेच। दिकुनी डी क्रूस के डीचकेका तुटूळ होळाकेनेच डे लिंजेन डीच गुजूवा।

![](https://cdn.door43.org/obs/jpg/360px/obs-en-40-02.jpg)

डी सैनिक यीशु के डी जागान साटे हेन जो “डोबळे” मेंबा होय एठा दियागा टी एठा नंगा के क्रूस लिंजेन ठोकातिंज्के। पेनो यीशु नी मंडीके, “हे बाटे, इंकुके मापोकेकु, चोयाकी इंकू बान हाडाई कि इंकू चोच दडा लक्के होय।” दिकुनी म्या तख्ती के भी दियागा कपार गा मठान टंगातिंज्के। डे लिंजेन ओल्के डा, “यहूदी कुरकू गा राजा।” पिलातुस नी दिकुटे इनी ओल गा घल्जी मंडीके डा।

![](https://cdn.door43.org/obs/jpg/360px/obs-en-40-03.jpg)

मेटे सैनिककु नी कपळे गा घल्जी चिठ्ठीनौर येंडाके। जब दिकुनी येनोगो डाके टासो मेटे दिकुनी डी भविष्यवाणी के पूरा डाके जो मंडीवा होय, “दिकुनी इंजा कपळे के इकुका खातिंजे, एठा इंजा कपळे गा घल्जी चिठ्ठीनौर येंडाके।”

![](https://cdn.door43.org/obs/jpg/360px/obs-en-40-04.jpg)

देटे जगान डाकू किंज भी डा, दिकुके सैनिककु नी डीका टेमो लिंजेन क्रूस लिंजेन पेळेचकेकु डा। दिकुनी दिकुके यीशु गा बारी भी कोनेन डोकेकू डा। दिकु तालाटे म्या डाकू नी यीशु गा मजाक उळातिंज्के, पेनो दूसरा नी मंडीके, “चोच आम बान हिघरा कि परमेश्वर आमके दण्डो जेवा? आले घोनेच्का बुरा कामयनौर के दडा गा दोषी होय, पेनो इनी कोरो निर्दोष होय।” डाबोलटे डीचनी यीशु टे मंडीके, “जब आम अमा राज्य गेन हेन टासो मेटे कृपया इंज्के यादो डोकेमी।” यीशु नी जवाब जीके, “टाइंज का आम इंजा सेंग्गोन स्वर्गलोक गेन थंदळवा।”

![](https://cdn.door43.org/obs/jpg/360px/obs-en-40-05.jpg)

यहूदी अगुवाकु एठा गोंजा गा अलग्गो कुरकू नी यीशु गा उळातिंज्के। दिकुनी दियाटे मंडीके, “अगर आम परमेश्वर गा कोण होय, मेटे क्रूस टे इटान अगुरोए एठा खुद के बचातिंजा! मेटे आले अमा लिंजेन विश्वास डाएवा।”

![](https://cdn.door43.org/obs/jpg/360px/obs-en-40-06.jpg)

मेटे डी सेबाई देशो गा बादळा पूरा खिजाटे केंडेन, भला कि डी दिन गा डया गा टेमो डा। इनी डया गा टेमो केंडेन मेना डा एठा आफाई घंटा टाएन येनोगोका थंदळके डा।

![](https://cdn.door43.org/obs/jpg/360px/obs-en-40-07.jpg)

मेटे यीशु नी हाकोटे मंडीके, “डाएन मेना! हे बाटे, इंज इंजागा आत्मा अमा टी गेन जेवा मेना।” मेटे डीचनी हेजा कापर के झुकातिंज्के एठा हेजा जान के आराके। जब डीच गोएन मेटे म्या भूकंपा हेन। डी खाट पर्दा जो परमेश्वर गा थंदळ गा जगा टे कुरकू के अलग्गोकु डा मठा टे इटा गा कोने टयान डो बारी भागोएन।

![](https://cdn.door43.org/obs/jpg/360px/obs-en-40-08.jpg)

हेजागा गुजू गा द्वारा, यीशु नी कुरकू गा घल्जी परमेश्वर गा मेरान हेजे गा कोरा खुल्लाके। जब यीशु गा निगरानी दोडो मिठाच म्या सैनिक नी जो चोच्का डाएन डा इनी सेबाई डोके मेटे डीचनी मंडीके, “पक्का रुपोटे, इनी कोरो निर्दोष डा। इनिज परमेश्वर गा कोंटे होय।”

![](https://cdn.door43.org/obs/jpg/360px/obs-en-40-09.jpg)

मेटे यूसुफ एठा नीकुदेमुस जीमू गा बारी यहूदी अगुवाकिंज हेन। दिकु विश्वास दडा डा कि यीशु का मसीह डा। दिकुनी पिलातुस टे यीशु गा कोम्बोर के आसिके। दिकुनी दियागा कोम्बोर के कपळे टे उगुरके। मेटे दिकु डीचके फाटा तालाटे गेटटे आरुके मिनी कब्र गेन सालेनेच एठा डेगा तालान डोकेनेच। मेटे दिकुनी डी कब्र गा दरोजो के बंदो दोडो गा बादो दडा घल्जी म्या `गोटा उगुरके।

*ी २७-६१; मरकुस १५:१६-४७; लूका २३:२६-५६; यूहन्ना १९:१७-४२ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_40_128kbps.m4a

## 41. परमेश्वर यीशु के गोएन मिंकू तालाटे जीटाएच्बा होय

https://openbiblestories.org/l/gok/story-41/

![](https://cdn.door43.org/obs/jpg/360px/obs-en-41-01.jpg)

सैनिककु गा द्वारा यीशु के क्रूस लिंजेन पेपेळेच गा बादोन, यहूदी अगुवाकु नी पिलातुस टे मंडीके, “यहूदी अगुवाकू नी पिलातुस टे मंडीके, “डी लाबाळ, यीशु नी मंडीके डा कि डीच आफाई दिन गा बादोन गोएन मिठाजाटे जीटाऊवा। जेकानका पक्का दडा गा घल्जी कब्र गा निगरानी दडा होना कि दियागा चेलाकू दियागा कोम्बोर के चुरीटे सा बाकी। अगर दिकु येनोगो दडावा होय मेटे दिकु मंडीवाकी डीच गोएन मिठाजाटे जीटाएन होय।”

![](https://cdn.door43.org/obs/jpg/360px/obs-en-41-02.jpg)

पिलातुस नी मंडीके, “अदा सैनिककु के सैय्याकु, एठा जैसा आपे डाकी होना डेनोगोका कब्र गा निगरानी डाए।” इनिघल्जी दिकुनी डी कब्र गा मुगा दरोजो गा गोटा लिंजेन म्या चिक्खा येंडाके। दिकुनी इनी पक्का दडा गा घल्जी देटेन सैनिककु के भी सुबांकेकु कि जेकाभी दियागा कोम्बोर के चुरिया बाकी होना।

![](https://cdn.door43.org/obs/jpg/360px/obs-en-41-03.jpg)

यीशु गा गुजू गा बादो गा दिन पवित्र दिन डा। जेकाभी पवित्र दिन गा कामय बान दडा साकता डा, इनिघल्जी यीशु गा तुनिकाभी सोप्ती कब्र गेन बान हेजडुका डा।पेनो पवित्र दिन गा बादो गा दिन, फेजेर भेबाव फेजेर के, अदा जापाएकु यीशु गा कब्र गेन सेने गा घल्जी तैयारजे मेना। दिकु दियागा कोम्बोर लिंजेन येठाभी मसाला के येंडा चाहता डा।

![](https://cdn.door43.org/obs/jpg/360px/obs-en-41-04.jpg)

डी जापाएकु गा आदिरू गा पेला, कब्र गेन म्या खाट भूकंपा डाएन। स्वर्ग टे म्या स्वर्गदूत नी हेंडो डी गोटा के धिकली के जो कब्र गा मुगा दरोजो के उगुरके मेना डा। इनी स्वर्गदूत उजाला गा रोंगो चमकातिंजू लक्के डा। कब्र गेन जो सैनिक डा दिकुनी डीचके डोकेनेच। दिकु येटो हिघराएन डा कि गोएन मिंकुगा रोंगो ओटेन बोचोएन।

![](https://cdn.door43.org/obs/jpg/360px/obs-en-41-05.jpg)

जब डी जापाएकु कब्र गेन आदिरजे मेटे डी स्वर्गदूत नी दिकुटे मंडीके, “बाकी हिघरा। यीशु एनेन बाऊनेच होय। डीच गोएन मिंकुटे जीटाएन होय, जैसा कि डीचनी मंडीके डा कि डीच जीटाऊवा! कब्र गेन घाटाएच एठा डोगे।” डी जापाएकु नी कब्र गा ताला एठा तोटेन यीशु गा कोम्बोर डोके डा देटेन घागाटा गा एठा डोके कि दियागा कोम्बोर देटेन बाऊ डा!

![](https://cdn.door43.org/obs/jpg/360px/obs-en-41-06.jpg)

मेटे डी स्वर्गदूतकु नी डी जापाएकु टे मंडीके, “सेनेडो दियागा चेलाकु के घाले, ‘यीशु गोएन मिंकू टे जीटाएन होय एठा डीच आपेगा सम्मा-सम्मा गलील गेन सेनेवा।’”

![](https://cdn.door43.org/obs/jpg/360px/obs-en-41-07.jpg)

डी जापाएकु बिचारजे डो एठा भेबाव कुशोएन। डी चेलाकू इनी अच्छा खाबोर के घागल गा घल्जी सळुपके।

![](https://cdn.door43.org/obs/jpg/360px/obs-en-41-08.jpg)

जब डी जापाएकु चेलाकु के इनी अच्छा खाबोर घागल गा घल्जी हेजा कोरान के डा, मेटे यीशु दिकु लिंजेन ओटटे मेना। दिकु दियागा नंगा लिंजेन बोचोएन। मेटे यीशु नी मंडीके, “बाकी हिघरा। सेनेडो इंजा चेलाकुटे गलील गेन सेने गा घल्जी मंडे। दिकु डेनेन इंज्के डोकोम्बा।”

*ी २७:६२-२८:१५; मरकुस १६:१-११; लूका २४:१-१२; युहन्ना २०:१-१८ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_41_128kbps.m4a

## 42. यीशु स्वर्ग गेन हीरावा होय

https://openbiblestories.org/l/gok/story-42/

![](https://cdn.door43.org/obs/jpg/360px/obs-en-42-01.jpg)

जो दिन परमेश्वर नी यीशु के गोएन मिठाजाटे जीटाकेनेच डा, दियागा बारी चेलाकिंज मेरा गा गाँव गेन सेने लक्के डा। सेंदरा लठ्ठाका दिकु यीशु गा सेंग्गोन जो डाएन डा। दियागा बारेन बातो लक्के डा, दिकुन आशा डा कि डीच मसीह डा, पेनो मेटे भी डीचके गोच्केनेच डा। नका डी जापाए मंडीवा होय कि डीच डाबोलटे जीटाएन मेना होय। दिकु बान हाडाई डा कि तुनि बातो लिंजेन विश्वास दडा होना होय।

![](https://cdn.door43.org/obs/jpg/360px/obs-en-42-02.jpg)

यीशु नी दिकुगा मेरान हेंडो दिकुगा सेंग्गोन सेंदरा सुरुके, पेनो दिकु डीचके चिनाडुका बाने। डीचनी कोम्बराके कि डीच चोजा बारेन बातो लक्के डा। दिकुनी डीचके ओले दिन गेन यीशु गा सेंग्गोन डाएन सेबाई घटना गा बारेन घाल्के। दिकुनी सोचातिंज्के कि दिकु तुनिका परदेशी टे बातो लक्के डा जो बान हाडाई डा कि यरूशलेम गेन चोच डाएन।

![](https://cdn.door43.org/obs/jpg/360px/obs-en-42-03.jpg)

मेटे यीशु नी दिकुके समझातिंज्केकु कि परमेश्वर गा वचन मसीह गा बारेन चोच मंडीवा होय। घोनेच पेला, परमेश्वर गा कोनेटे मंडी मिंकू नी मंडीके डा कि बुरा कुरकू मसीह गा तक्लिप जेवा एठा गोजेज्बा। पेनो परमेश्वर गा कोनेटे मंडी मिंकू नी इनी भी मंडीके डा कि डीच आफाई दिन गा बादोन जीटाऊवा।

![](https://cdn.door43.org/obs/jpg/360px/obs-en-42-04.jpg)

जब दिकु डी पूरा गेन आदिरजे देटेन दिकिंज बर्खिंज ठहरातिंजू चाहता डा, मेटे टाएन अंदजो टे सिंगरूप जे डा। दिकुनी यीशु के दिकुगा सेंग्गोन ठहरातिंजू गा घल्जी आमंत्रित डाके, इनिघल्जी डीच दिकुगा सेंग्गोन म्या उरा गेन ओले। हेजा सिंगरूप गा आटा के जोम गा घल्जी डीच सुबांजे। यीशु नी म्या सोकळा के साटे दियागा घल्जी परमेश्वर गा धन्यवाद जीके, एठा डाबोलटे डीके टुक्काके। अचानक टे, दिकुनी चिनाये कि डीच यीशु डा। पेनो डीका टेमो, डीच दिकुगा मेटटे ऊळातिंजे।

![](https://cdn.door43.org/obs/jpg/360px/obs-en-42-05.jpg)

डी बारी कुरकिंज नी इनिज-दियाटे मंडीके, “डीच यीशु डा! इनिघल्जी जब डीचनी आलेके परमेश्वर गा वचन के समझातिंज्केमी डा मेटे आले भेबाव आरिके डा!” तुरुटोका, डीच ओटजे डो डाबोलटे यरूशलेम गेन ओले। जब दिकु आदिरजे मेटे दिकुनी चेलाकू के घाल्के, “यीशु जिटाका होय! आलेनी डीचके डोकेनेच होय!”

![](https://cdn.door43.org/obs/jpg/360px/obs-en-42-06.jpg)

जब चेलाकू बातो लक्के डा, यीशु अचानक टे डी खुली गेन दिकुगा सेंग्गोन ओटजे मेना। डीचनी मंडीके, “आपेन शांति घाटायु!” चेलाकू नी सोचातिंज्के कि डीच तुनिका भूतो बाऊ डा, पेनो यीशु नी मंडीके, “आपे चोया हिघरावा होय?आपे इनी चोया बान सोचातिंज होय कि इनिज सच्चोनका इंज्का मेना, यीशु मेना? इंजा टी एठा नंगा के डोगे। भूतोकु गा मेरान येनोगो कोम्बोर बान थंदळ जैसा इंजा मेरान होय।” इनी तिटिपी गा घल्जी कि डीच तुनिका भूतो बाऊ डा, डीचनी जोम गा घल्जी चोच्का आसिवे। दिकुनी डीचके काकू गा म्या तुकडा जीके, एठा डीचनी डीके जोम्जे।

![](https://cdn.door43.org/obs/jpg/360px/obs-en-42-07.jpg)

यीशु नी मंडीके, “इंजा बारेन परमेश्वर गा वचन जो चोच्काभी मंडीवा होय डी घळातिंजुवा। इंज्नी आपेके घाल्के मेना डा कि कि येनेगा डाऊ जरुरी होय।” मेटे यीशु नी दिकुके परमेश्वर गा वचन अच्छा टे समझातिंज्केकु। डीचनी मंडीके, “घोनेच पेला परमेश्वर गा कोनेटे मंडी मिंकूनी ओल्के डा कि इंज, मसीह के कासु तुटूल होना, गुजू होना एठा डाबोलटे आफाई दिन गा बादोन गोएन मिठाच जाटे जीटाऊवा।”

![](https://cdn.door43.org/obs/jpg/360px/obs-en-42-08.jpg)

“डी परमेश्वर गा कोनेटे मंडी मिंकूनी इनी भी ऑल्के डा कि इंजा चेलाकू परमेश्वर गा वचन गा एलान डाएवा। दिकु हर म्याखोम के मन बबादला गा घल्जी घालेवा। अगर दिकु येनोगो दडावा होय मेटे परमेश्वर दिकुके पापो के मापोएवा। इंजा चेलाकू इनी खाबोर गा प्रचार दडा यरूशलेम टे सुरुएवा। मेटे दिकु सेबाई जगह सेबाई जाटोनौर गेन सेनेवा। आपे कुरकू इंजा हर म्या बातो एठा कामय गा गवाह होय जो इंज्नी मंडीके एठा डाके डा, एठा डी सेबाई गा भी जो इंजा सेंग्गोन डाएन।”

![](https://cdn.door43.org/obs/jpg/360px/obs-en-42-09.jpg)

हेजे चालीसो दिन गा दौरान, यीशु हेजा चेलाकू लिंजेन चोटोका बार ओटजे। म्या बार मेटे डीच म्या का टेमो लिंजेन ५०० टे येठाभी कुरकू लिंजेन ओटजे मेना! डीचनी हेजा चेलाकू लिंजेन चोटोका तरीका टे साबितके कि डीच जीटा डा, एठा डीचनी दिकुके परमेश्वर गा राज्य गा बारेन शिक्षा जीके।

![](https://cdn.door43.org/obs/jpg/360px/obs-en-42-10.jpg)

यीशु नी हेजा चेलाकू मंडीके, “परमेश्वर नी इंज्के स्वर्ग एठा पृथ्वी गा हर म्या कोरो लिंजेन राजो दडा गा हाक जिले होय। इनिघल्जी नका इंज आपेटे मंडीवा मेना, सेनेडो सेबाई जाटो गा कुरकू के चेला आरुकू। येनोगो दडा गा घल्जी, आपेके दिकुके बाटे, कोंटे, एठा पवित्र आत्मा गा जीमू टे बपतिस्मा जिऊ होना होय। जो चोच्काभी इंज्नी आपेके हुकूम जीके होय डी सेबाई के ममानातिंज भी आपेन दिकुके इथु होना होय। यादो डोए, इंज हमेशा आपेगा सेंग्गोन थंदळवा।”

![](https://cdn.door43.org/obs/jpg/360px/obs-en-42-11.jpg)

यीशु गा गोएन मिठाच जाटे जीटाऊ गा चालीसो दिन गा बादोन, डीचनी हेजा चेलाकू टे मंडीके, “जब टाएन कि इंजा बाटे आपेके शक्ति बान जिऊ होय मेटे यरूशलेम गेन ठहरातिंज थंदळे। डीच आपे लिंजेन पवित्र आत्मा कुकूल गा द्वारा येनोगो डाएवा।” मेटे यीशु स्वर्ग गेन ओले मेना, एठा म्या बादळा नी डीचके दिकुगा नजर टे उखुके। स्वर्ग गेन यीशु सेबाई चीजो लिंजेन राजो दडा परमेश्वर गा जेवना कोनेन सुबांजे।

*ी २८:१६-२०; मरकुस १६:१२-२०; लूका २४:१३-५३; यूहन्ना २०:१९-२३; प्रेरितों गा कामय १:१-११ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_42_128kbps.m4a

## 43. मसीह गा मण्डली गा सुरुवात डाऊवा होय

https://openbiblestories.org/l/gok/story-43/

![](https://cdn.door43.org/obs/jpg/360px/obs-en-43-01.jpg)

यीशु गा स्वर्ग टे हिरागा बादोन, चेलाकू यरूशलेम गेन का रुकातिंजे जैसा कि यीशु नी दिकुके दडा गा हुकूम जीके डा। डेगा विश्वासी कुरकू टाऊ लगी म्या सेंग्गोन प्रार्थना दडा गा घल्जी गोलाऊ लक्कू डा।

![](https://cdn.door43.org/obs/jpg/360px/obs-en-43-02.jpg)

हरेक साल, फसह गा तिवार गा ५० दिन गा बादोन, यहूदी कुरकू पिन्तेकुस्त जीमू गा म्या कास दिन के ममानातिंज लक्कू डा। पिन्तेकुस्त डी टेमो डा जब यहूदी कुरकू गुं गा हिर के ममानातिंज लक्कू डा। सेबाई दुनिया टे यहूदी कुरकू पिन्तेकुस्त गा दिन के म्या सेंग्गोन ममानातिंज गा घल्जी यरूशलेम गेन हेन डा। इनी साल, पिन्तेकुस्त ममानातिंज गा टेमो यीशु गा स्वर्ग गेन सेने गा अंदाजोटे म्या हप्ताह गा बादोन हेन डा।

![](https://cdn.door43.org/obs/jpg/360px/obs-en-43-03.jpg)

जो टेमो सेबाई विश्वासी कुरकू म्या सेंग्गोन गोलाएन डा, मेटे जो उरा गेन दिकु डा अचानक टे देटेन तेजो हवा गा आवाज टे भेट्टेन। मेटे सिंगेल गा अफो गा खिजा डुगू मिनी अदा सेबाई विश्वासीकु गा कपार गा मठान ओटजे। दिकु सेबाईकु पवित्र आत्मा टे भेट्टेन एठा दिकुनी अलग्गो भाषानौर गेन परमेश्वर गा स्तुति डाके। इनी डी भाषानौर डा डीके मंडी गा घल्जी दिकुके पवित्र आत्मा नी पक्काकेकु डा।

![](https://cdn.door43.org/obs/jpg/360px/obs-en-43-04.jpg)

जब यरूशलेम गेन थंदळ मिंकू कुरकू नी डी आवाज के आजुम्के, मेटे डी गर्दी गा रुपो इनी दोडो गा घल्जी म्या सेंग्गोन हेन कि चोच डाऊ लक्के डा। दिकुनी विश्वासीकु के परमेश्वर गा द्वारा डाके मिनी खापेट-खापेट कामय गा एलान दडा लठ्ठाका आजुम्के। दिकु बिना ध्यान गा डा चोयाकी दिकु डी कामय के इकुगा भाषानौर गेन आजुम लक्के डा।

![](https://cdn.door43.org/obs/jpg/360px/obs-en-43-05.jpg)

इंकू तालाटे अदा कुरकू नी मंडीके कि डी चेलाकू नशा गेन डा। पेनो पतरस टेंगेंजे एठा दिकुटे मंडीके, “इंजा बातो आजुमे! इनी कुरकू नशा गेन बाऊ होय! येनेगा बजाए, जो आपे दोडोवा होय जो योएल परमेश्वर गा कोनेटे मंडी मिठाच नी मंडीके डा कि डाऊवा, परमेश्वर नी मंडीके, ‘आखरी दिन गेन, इंज आपना आत्मा उखीळेबा।’”

![](https://cdn.door43.org/obs/jpg/360px/obs-en-43-06.jpg)

“हे इस्राएली कोरोकु, यीशु म्या येनोगो कोरो डा डीचनी इनी तिटीपि गा घल्जी डाके कि डीच जे डा घोनेच्का अचम्बो कामय डाके डा। डीचनी परमेश्वर गा शक्ति टे अचम्बो कामय के डाके डा। आपे इनी हाडाई होय, चोयाकी आपेनी इनी कामयनौर के डोके होय। पेनो आपेनी डीचके क्रूस लिंजेन पेळेच्केनेच!”

![](https://cdn.door43.org/obs/jpg/360px/obs-en-43-07.jpg)

“यीशु गोएन मेना पेनो परमेश्वर नी डीचके गोएन मिठाच जाटे जीटाकेनेच। इनिज नी डी बातो के पुराके डीके म्या परमेश्वर गा कोनेटे मंडी मिठाच नी ओल्के डा, ‘आम अमा पवित्र कुरकू के कब्र गेन सळातिंज डाए बाने।’ आले गवाह होय कि परमेश्वर नी यीशु के डाबोलटे जीटाकेनेच।”

![](https://cdn.door43.org/obs/jpg/360px/obs-en-43-08.jpg)

“परमेश्वर बाटे नी नका यीशु के डाखुरी कोनेन सुबांके डीचके आदर जीके होय। एठा यीशु नी आलेगा घल्जी पवित्र आत्मा कुल्के होय जैसा कि डीचनी वादा डाके डा कि डीच कुलेवा। पवित्र आत्मा का डी कामयनौर के डा डाए लक्के होय डीके आपे दोडो लक्के एठा आजुम लक्के होय।”

![](https://cdn.door43.org/obs/jpg/360px/obs-en-43-09.jpg)

“आपे नी डी कोरो, यीशु के क्रूस लिंजेन पेळेचके। पेनो पक्का रुपोटे चिनाया कि परमेश्वर नी यीशु के सेबाई चीजो लिंजेन प्रभु एठा मसीह बर्खिंज भी ठहरातिंज्के होय!”

![](https://cdn.door43.org/obs/jpg/360px/obs-en-43-10.jpg)

पतरस गा आजुम मिंकू कुरकू दियागा द्वारा मंडीके मिनी बातो टे ताला टाएन ओखेंजे डा। इनिघल्जी दिकुनी पतरस एठा चेलाकू टे कोम्बराके, “हे डाईचो, आलेन चोच दडा होना?”

![](https://cdn.door43.org/obs/jpg/360px/obs-en-43-11.jpg)

पतरस नी दिकुके जवाब जीके, “आपे तालाटे हर म्याखोम आपना पापो गा घल्जी मन बदलाए ताकि परमेश्वर आपेगा पापो के मपोकी, एठा यीशु मसीह गा जीमू टे बपतिस्मा सेगे। मेटे डीच आपेके वरदान रुपोटे पवित्र आत्मा भी जेवा।”

![](https://cdn.door43.org/obs/jpg/360px/obs-en-43-12.jpg)

(पतरस नी जो मंडीके दिया लिंजेन अंदाजोटे ३,००० कुरकू नी विश्वास डाके एठा यीशु गा चेलाकू आरोएन। दिकुनी बपतिस्मा सावे एठा यरूशलेम गा मसीह गा मण्डली गा हिस्सा आरोएन।

![](https://cdn.door43.org/obs/jpg/360px/obs-en-43-13.jpg)

जब कलमके मिंकू चेलाकू नी दिकुके शिक्षानौर जीके मेटे विश्वासीकु नी टाऊलगी आजुम्के। दिकु अक्सर मिलातिंजू डा एठा म्या सेंग्गोन आटा जोम लक्कू डा, एठा दिकुनी अक्सर इनिज-दियागा घल्जी प्रार्थना डाके। दिकुनी बेल्लाटे परमेश्वर गा स्तुति डाके एठा जो चोच्काभी दिकुगा मेरान डा दिकुनी इनिज-दियागा सेंग्गोन घल्के। पूरा गा हर म्या कोरो दिकुगा घल्जी अच्छा बिचार दोडो डा। हारेक दिन, जादा-जादा टे कुरकू विश्वासी आरु लज्जे।

*रितों गा कामय २ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_43_128kbps.m4a

## 44. पतरस एठा युहन्ना म्या भिखारी के सजाएच्बा होय

https://openbiblestories.org/l/gok/story-44/

![](https://cdn.door43.org/obs/jpg/360px/obs-en-44-01.jpg)

म्या दिन, पतरस एठा यूहन्ना मंदिर गेन ओले। म्या अपंग कोरो भिको असी गा घल्जी फाटक गा मेरान सुबांके मेना डा।

![](https://cdn.door43.org/obs/jpg/360px/obs-en-44-02.jpg)

पतरस नी डी लंगडा कोरो गा कोने डोके एठा मंडीके, “इंजा मेरान आमके जिऊ गा घल्जी डामा मेटे बाऊ होय।पेनो जो इंजा मेरान होय डी इंज आमके जेवा मेना। यीशु गा जीमू टे, बिडे एठा सेंदराए!”

![](https://cdn.door43.org/obs/jpg/360px/obs-en-44-03.jpg)

तुरुटोका, परमेश्वर नी डी लंगडा कोरो के सजाकेनेच। डीचनी इंगा-हूंगान सेंदरा एठा उच, एठा परमेश्वर गा स्तुति दडा सुरुके। मंदिर गा दरोमेन टाकू कुरकू के बिचार होळाकेकु डा।

![](https://cdn.door43.org/obs/jpg/360px/obs-en-44-04.jpg)

जल्दिका कुरकू गा म्या गोंजा डी कोरो के दोडो गा घल्जी हेन जो सजाएन डा। पतरस नी दिकुटे मंडीके, “इनी कोरो सही होय, पेनो इनी बातो लिंजेन अचम्बोऊ बाकी होना। आलेनी इनिके आपना शक्ति टे सजाडुका बाने होय, या इनिघल्जी बाने कि आले परमेश्वर गा आदर दडावा होय। बल्कि, डीच यीशु होय डीचनी इनी कोरो के हेजा शक्ति टे सजाकेमी होय, चोयाकी आले यीशु लिंजेन भरोसा दडावा होय।”

![](https://cdn.door43.org/obs/jpg/360px/obs-en-44-05.jpg)

“दिकु आपेका होय दिकुनी डी रोमी राज्यपाल के यीशु के गोगेज गा घल्जी मंडीके डा। आपेनी डीचके गोच्केनेच जो सेबाईकु के जीवन जेवा होय। पेनो परमेश्वर नी डीचके गोएन मिंकू तालाटे जीटाकेनेच। आपेनी बान समझातिंज डुका कि आपे चोच दडा लक्के डा, पेनो जब आपे डी कामयनौर के दडा लक्के डा, मेटे जो परमेश्वर गा कोनेटे मंडी मिंकू नी मंडीके डा डी पुराएन मेना। दिकुनी मंडीके डा कि मसीह कासु टुलेवा एठा गुजूवा। परमेश्वर नी इनिके इनी तरीका टे डा डाए के। इनिघल्जी नका, मन बदलाए एठा परमेश्वर गा कोनेन इखाडे, ताकि डीच आपेगा पापो के आबुंज टे सपाकी होना।”

![](https://cdn.door43.org/obs/jpg/360px/obs-en-44-06.jpg)

जब मंदिर गा अगुवाकु नी पतरस एठा यूहन्ना के आजुम्के, मेटे दिकु भेबाव हिघराएन। इनिघल्जी दिकुनी दिकुके जेलेन केटकेकु। पेनो जो पतरस नी मंडीके डा दिया लिंजेन घोनेच्का कुरकू नी विश्वास डाके। यीशु लिंजेन विश्वास दडा मिंकू गा संख्या बळातिंजटे अंदजोटे ५००० कु डाएन।

![](https://cdn.door43.org/obs/jpg/360px/obs-en-44-07.jpg)

दूसरा दिन, दिकु यहूदी अगुवाकु पतरस एठा युहन्ना के महायाजक एठा अलग्गो धार्मिक अगुवाकु गा सम्मान साटे हेन। दिकु डी कोरो के भी साटे हेन जो अपंग डा। दिकुनी पतरस टे कोम्बराके, “तुनि हाक टे आपेनी डी अपंग कोरो के सजाकेनेच?”

![](https://cdn.door43.org/obs/jpg/360px/obs-en-44-08.jpg)

पतरस नी जवाब जीके, “इनी कोरो जो आपेगा सम्मान टेंगेंके होय डीचके यीशु मसीह गा शक्ति गा द्वारा सजाकेनेच मेना होय। आपेनी यीशु के क्रूस लिंजेन पेळेच्केनेच, पेनो परमेश्वर नी डीचके डाबोलटे जीटाकेनेच! आपेनी डीचके मनेन डुका बाने, पेनो यीशु गा शक्ति गा माध्यम गा अलावा उध्दार घाटाऊ गा तुनिका दूसरा कोरा बाऊ होय!”

![](https://cdn.door43.org/obs/jpg/360px/obs-en-44-09.jpg)

डी अगुवाकु हैरान डा कि पतरस एठा यूहन्ना नी घोनेच हिम्मत गा रुपो टे बातो डावे डा। दिकुनी डोके कि इनिज साधारण कोरो डा जो कि अनपळ डा। पेनो डाबोलटे दिकुन यादो हेन कि इनी कोरो यीशु गा सेंग्गोन थंदळके डा। इनिघल्जी दिकुनी दिकुटे मंडीके, “आले आपेके येठाभी घोनेच दण्डो जेवा अगर इनी कोरो यीशु गा बारेन कुरकू के तुनिका एठा खबोर जिऊ टासो।” येनोगो का बातो मंडी गा बादोन, दिकुनी पतरस एठा युहन्ना के सेनडाए केकु।

*रितों गा कामय ३:१-४:२२ टे बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_44_128kbps.m4a

## 45. स्तिफनुस एठा फिलिप्पुस

https://openbiblestories.org/l/gok/story-45/

![](https://cdn.door43.org/obs/jpg/360px/obs-en-45-01.jpg)

पेला मसीह अगुवाकु गा तालान स्तिफनुस जीमू गा म्या कोरो डा। सेबाई कुरकू दियागा आदर दडा डा। पवित्र आत्मा नी डीचके घोनेच शक्ति एठा दिमाग जीके डा। स्तिफनुस नी घोनेच्का चमत्कार डाके डा। जब डीचनी यीशु लिंजेन भरोसा दडा गा बारेन दिकुके शिक्षा जीके मेटे घोनेच्का कुरकू नी दिया लिंजेन विश्वास डाके।

![](https://cdn.door43.org/obs/jpg/360px/obs-en-45-02.jpg)

म्या दिन, स्तिफनुस यीशु गा बारेन शिक्षा जिऊ लक्के डा, एठा अदा येनोगो यहूदीकु हेन दिकुनी यीशु लिंजेन विश्वास बान दडुका डा एठा दियागा सेंग्गोन हिंजमान दडा सुरुके। दिकु भेबाव खीजो के, इनिघल्जी दिकु धार्मिक अगुवाकु गा मेरान ओले ओले एठा दियागा बारेन लाबाळ मंडीके। दिकुनी मंडीके, ““आलेनी स्तिफनुस के मूसा एठा परमेश्वर गा बारेन बुरा बातो मंडी बातोटे आजुम्के होय!” इनिघल्जी धार्मिक अगुवाकु नी स्तिफनुस के जेलेन केटकेनेच एठा डीचके महायाजक एठा यहूदी कुरकू गा अलग्गो अगुवाकु गा सम्मान साटे हेन। येठाभी लाबाळ गवाहकु हेन दिकुनी स्तिफनुस गा बारेन लाबाळ मंडीके।

![](https://cdn.door43.org/obs/jpg/360px/obs-en-45-03.jpg)

महायाजक नी स्तुफ्नुस टे कोम्बराके, “चोच इनी कुरकू अमा बारेन सच्चो मंडी लक्के होय?” स्तिफनुस नी महायाजक के जवाब जिऊ गा घल्जी घोनेच्का बातो के मंडी सुरुके। डीचनी मंडीके कि अब्राहम गा टेमो टे यीशु गा टेमो टाएन परमेश्वर नी इस्राएल गा कुरकू गा घल्जी घोनेच्का अलग्गो कामय डाके होय। पेनो कुरकू नी हमेशा परमेश्वर गा मंडी बान आजुम डुका डा। स्तिफनुस नी मंडीके, “आपे कुरकू परमेश्वर गा खिलाफ हुकूम बान आजोम एठा झागळा झागळा दडा लज्जे होय। आपेनी हमेशा पवित्र आत्मा के बा नमनेन डुका, जैसा कि आलेगा जुनाकु नी हमेशा पवित्र आत्मा के मनेन के डा एठा हमेशा दियागा परमेश्वर गा कोनेटे मंडी मिंकू के गोच्केकु डा। पेनो जो दिकुनी डाके डा डेगा तुल्ना गेन आपेनी येठाभी बुरा डाके होय! आपेनी मसीह के गोच्केनेच!”

![](https://cdn.door43.org/obs/jpg/360px/obs-en-45-04.jpg)

जब डी धार्मिक अगुवाकु नी इनी अजुम्के, मेटे दिकु येटो खीजोएन कि दिकुनी इकुगा लुतुर के बंदोके एठा ऊँचा आवाज गेन चिल्लातिंज्के। दिकु स्तिफनुस के गोसोर टे पूराटे बल्लान सैय्येनेच एठा डीचके गोगेज गा घल्जी डीचके घोटाटे लेचाएच।

![](https://cdn.door43.org/obs/jpg/360px/obs-en-45-05.jpg)

जब स्तिफनुस गुजू लक्के डा, डीच हाकोटे बिटजे, “हे यीशु इंजा आत्मा के मनेनजा!” मेटे डीच हेजा टोपरेन बोचोटे एठा डाबोलटे हाकोटे बिटजे, “हे प्रभु, इनी पापो दिकु लिंजेन बाकी येंडा।” मेटे डीच गोएन।

![](https://cdn.door43.org/obs/jpg/360px/obs-en-45-06.jpg)

डी दिन, यरूशलेम गेन थंदळ मिंकू घोनेच्का कुरकू नी यीशु गा सेंग्गो मिठाच के ससातिंज सुरुके, इनिघल्जी विश्वासी कुरकू अलग्गो जगान सळुपजे। पेनो येनेगा बावजूद भी, जो तोटेन काभी दिकु दिकुनी यीशु गा बारेन प्रचार डाके।

![](https://cdn.door43.org/obs/jpg/360px/obs-en-45-07.jpg)

फिलिफ्फुस जीमू गा यीशु गा म्या विश्वासी डा। जैसा कि अलग्गो घोनेच विश्वासीकु नी डाके डा दिकु भी यरूशलेम टे सळुपजे। डीच सामरिया गा इलाका गेन ओले। देटेन डीचनी कुरकू गेन यीशु गा बारेन प्रचार डाके। घोनेच्का कुरकू नी दिया लिंजेन विश्वास डाके एठा उध्दार घाटाएन। म्या दिन, फिलिप्पुस गा मेरान परमेश्वर गा कोनेटे म्या स्वर्गदूत हेन एठा दियाटे डोंगोरेन सेने गा घल्जी, एठा म्या सळाक्को लिंजेन सेंदरा गा घल्जी मंडीके। फिलिप्पुस देटेन ओले। जब दिकु डी सळाक्कोन चेल्के डा, मेटे डीचनी म्या कोरो के हेजा म्या कोरो के हेजा रथ गेन सेने लठ्ठाका डोकेकु। इनी कोरो कूश देशो गा म्या कास हाक मिठाच डा। पवित्र आत्मा नी फिलिप्पुस टे मंडीके कि सेनेडो डी कोरो गा सेंग्गो-सेंग्गो ओले।

![](https://cdn.door43.org/obs/jpg/360px/obs-en-45-08.jpg)

इनिघल्जी फिलिप्पुस रथ गा मेरान ओले। डीचनी अजुम्के कि डीच कूशी परमेश्वर गा वचन के पपाळातिंज लक्के डा। जो यशायाह परमेश्वर गा कोनेटे मंडी मिठाच नी ओल्के डा डीच डीके पपाळातिंज लक्के डा, “डीच डीके गोगेज गा सेने मिनी मेंडा गा रोंगो सैय्येनेच, एठा जैसा म्या मेंडा कोंटे शांतिवा होय, डीचनी भी म्या शब्द बान मंडीडुका। दिकुनी दियागा सेंग्गोन बुरा व्यवहार डाके एठा दियागा आदर बान दडुका। दिकुनी दियागा जान सैय्ये।”

![](https://cdn.door43.org/obs/jpg/360px/obs-en-45-09.jpg)

फिलिप्पुस नी डी कूशी टे कोम्बराके, “जो आम पपाळातिंज लक्के होय चोच आम डीचके समझातिंजेच्बा भी होय?” डी कूशी नी जवाब जीके, “बाने। जब टाएन जेका इनिके इंज्के बान ससामझातिंज, मेटे टाएन इंज इनिके बान समझातिंजू। कृपा डाटे इंजा मेरान हेजेडो सुबने। यशायाह इनी हेजा बारेन ओल लक्के डा या तुनिका दूसरा गा?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ लिंजेन पेळेनडो सुबांजे। मेटे डीचनी डी कूशी कोरो के डी घाल्के जो यशायाह नी यीशु गा बारेन ओल्के डा। फिलिप्पुस नी परमेश्वर गा वचन गा घोनेच्का अलग्गो भागो गा चर्चा डाके। इनी खिजाटे, डीचनी डी कोरो के यीशु बारेन अच्छा खाबोर घाल्के।

![](https://cdn.door43.org/obs/jpg/360px/obs-en-45-11.jpg)

फिलिप्पुस एठा डीच कूशी सेने लठ्ठाका डा गा मेरान हेन। डी कूशी नी मंडीके, “डोगे! येटेन डा होय! चोच इंज बपतिस्मा सा साकतावा मेना?” एठा डीचनी सारथी टे रथ के रोराकातिंज गा घल्जी मंडीके।

![](https://cdn.door43.org/obs/jpg/360px/obs-en-45-12.jpg)

इनिघल्जी दिकु डा गेन ओले मेना, एठा फिलिप्पुस नी डी कूशी के बपतिस्मा जीके। जब दिकु डाट े बल्लान हेन, मेटे पवित्र आत्मा अचानक का फिलिप्पुस के टुलटे तुनिका अलग्गो जगान सैय्येनेच। देटेन फिलिप्पुस नी कुरकू के यीशु गा बारेन घागल सुरुका डोके।

![](https://cdn.door43.org/obs/jpg/360px/obs-en-45-13.jpg)

डी कूशी हेजा उरा गा यात्रा लिंजेन सम्मान बळातिंजे। डीच कुशोके डा नका यीशु के हाडाई डा।

*रितों गा कामय ६:८-८:५; ८:२६-४० टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_45_128kbps.m4a

## 46. पौलुस मसीह विश्वासी आरुवा होय

https://openbiblestories.org/l/gok/story-46/

![](https://cdn.door43.org/obs/jpg/360px/obs-en-46-01.jpg)

शाऊल जीमू गा म्या कोरो डा डीचनी यीशु लिंजेन विश्वास बान दडुका डा। जब डीच जवान डा, मेटे डीचनी स्तिफनुस के गुजू मिंकू कुरकू गा कपळे गा निगरानी डाके डा। बादोन, डीचनी विश्वासीकु के सतातिंज्केनेच डा। डीचनी यरूशलेम गेन उरा-उरान ओले डो कोरो या जापाए बार्खिंज के गिरफ्तार टे जेलेन येंडाकेकु डा। मेटे महायाजक नी शाऊल के दमिश्क पूरा गेन सेने गा अनुमति जीके। डीचनी डेगा मसीहकु के गिरफ्तार दडा एठा दिकुके डाबोलटे यरूशलेम गेन साटे हेजे गा घल्जी शाऊल टे मंडीके।

![](https://cdn.door43.org/obs/jpg/360px/obs-en-46-02.jpg)

इनिघल्जी शाऊल नी दमिश्क गेन सेने गा यात्रा सुरुके। डी पूरा के आदिरू टे थोडाका पेला, दियागा उफून कोनेन बादळा टे म्या उजाला चमकातिंजे, एठा डीच ओटे लिंजेन बोचोएन। शाऊल नी जेकाकेका मंडी लठ्ठाका आजुम्के, “हे शाऊल! हे शाऊल! आम इंज्के चोया ससातिंज लक्के होय?” शाऊल नी कोम्बराके, “हे प्रभु, आम जे होय?” यीशु नी डीचके जवाब जीके, “इंज यीशु मेना। आम इंज्के ससातातिंज लक्के होय!”

![](https://cdn.door43.org/obs/jpg/360px/obs-en-46-03.jpg)

जब शाऊल बिटजे मेटे डीच दोडो बान साकता डा। दियागा सोप्ती दमिश्क गेन सैय्येनेच डा। शाऊल नी आफाई दिन टाएन चोच्काभी जोमडुका या नुडुका बान डा।

![](https://cdn.door43.org/obs/jpg/360px/obs-en-46-04.jpg)

दमिश्क गेन हनन्याह जीमू गा म्या चेला डा। परमेश्वर नी दियाटे मंडीके, “डी उरा गेन सेने देटेन शाऊल ठहरातिंज्के होय। इकुगा टी के दिया लिंजेन डोकी ताकि डीच डाबोलटे दोडो लज्जे।” पेनो हनन्याह नी मंडीके, “हे प्रभु, इंज्नी आजुम्के होय कि इनी कोरो नी विश्वासीकु के टोनोगो सतातिंज्केकु होय।” परमेश्वर नी डीचके जवाब जीके, “सेने! इंज्नी डीचके यहूदी कुरकू गेन एठा दूसरा जाटोकु गा कुरकू गेन इंजा जीमू गा एलान दडा गा घल्जी कलाम्जेनेच होय। डीच इंजा जीमू गा घल्जी घोनेच तकलिप सेहेनेवा।”

![](https://cdn.door43.org/obs/jpg/360px/obs-en-46-05.jpg)

इनिघल्जी हनन्याह शाऊल गा मेरान ओले, हेजा टी के दिया लिंजेन डोके, “यीशु नी, जो येटेन हेजे गा अमा कोरा गेन अमा लिंजेन ओटजे डा, इंज्के अमा मेरान कुल्लेमी होय ताकि आम डाबोलटे दोडो लज्जू, एठा पवित्र आत्मा आमके भेट्टिकेमी।” तुरुटो का शाऊल डाबोलटे दोडो गेन पक्काएन, एठा हनन्याह नी डीचके बपतिस्मा जीके। मेटे शाऊल नी आटा जोवे एठा डाबोलटे ताखतदार आरोएन।

![](https://cdn.door43.org/obs/jpg/360px/obs-en-46-06.jpg)

देटेका, शाऊल नी दमिश्क गेन थंदळ मिंकू यहूदी कुरकू गेन प्रचार दडा सुरुके। डीचनी मंडीके, “यीशु का परमेश्वर गा कोंटे होय!” यहूदी कुरकू बिचारजे डा, चोयाकी शाऊल नी मेटे विश्वासी कुरकू के गोगेज गा कोशिश डाके डा, पेनो नका डीचनी यीशु गेन विश्वास डाके डा। शाऊल नी यहूदी कुरकू गा सेंग्गोन हिंजमान डाके। डीचनी टिपीके कि यीशु का मसीह डा।

![](https://cdn.door43.org/obs/jpg/360px/obs-en-46-07.jpg)

घोनेच दिन गा बादोन, यहूदी कुरकू नी शाऊल के गोगेज गा योजना आरुके। दिकुनी डीचके घोगेज गा घल्जी पूरा गा फाटक लिंजेन कुरकू के कुल्केकु। कि दियागा निगरानी डाए पेनो शाऊल नी डी योजना गा बारेन आजुम्जे, एठा दियागा सोपतीकु नी बचातिंजटे ओट गेन मदत डाके। म्या राटोन दिकुनी डीचनी टोपला गेन सुबांटे पूरा गा दीवार टे डीचके इटान अगुरुकेनेच। दमिश्क टे बचातिंजटे ओट गा बादोन शाऊल नी यीशु गा बारेन प्रचार दडा सुरुका डोके।

![](https://cdn.door43.org/obs/jpg/360px/obs-en-46-08.jpg)

शाऊल कलमके चेलाकु टे मिलातिंजू गा घल्जी यरूशलेम शहर गेन ओले, पेनो दिकु दियाटे हिघरा डा। मेटे बरनाबस जीमू गा म्या विश्वासी शाऊल के कलमके चेलाकू गा मेरान साईंय्येनेच। डीचनी दिकुके घाल्के कि शाऊल नी टोनोगो हिम्मत टे दमिश्क गेन प्रचार डाके डा। डेगा बादोन, कलमके चेलाकू नी शाऊल के मनेनजेनेच।

![](https://cdn.door43.org/obs/jpg/360px/obs-en-46-09.jpg)

अदा विश्वासीकु जो यरूशलेम शहर गा सतातिंजटे सळुपजे डा दिकु लेंक्कीन अंताकिया पूरा गेन ओले डा एठा यीशु गा बारेन प्रचार दडा डा। अंताकिया गेन थंदळ मिंकू कुरकू जादा यहूदी बाऊ डा, पेनो पेला बार, दिकु तालाटे घोनेच्का कुरकू विश्वासी आरोएन। बरनबास एठा शाऊल इनी उनाई विश्वासीकु के यीशु गा बारेन एठा जादा इथू गा घल्जी देटेन ओले एठा मसीह गा मण्डली के मजबूत आरुके। यीशु लिंजेन विश्वास दडा मिंकू पेला बार अंताकिया गेन का “मसीह” मंडेवा।

![](https://cdn.door43.org/obs/jpg/360px/obs-en-46-10.jpg)

म्या दिन, अंताकिया पूरा गा मसीह कुरकू उपासो गा सेंग्गोन प्रार्थना दडा लक्के डा। पवित्र आत्मा नी दिकुटे मंडीके, “इंजा घल्जी बरनबास एठा शाऊल के डी कामय के दडा गा घल्जी लग्गोकी डीके दडा गा घल्जी इंज्नी दिकुके हकोलेकु होय।” इनिघल्जी अंताकिया गा मसीह गा मण्डली नी बरनाबस एठा शाऊल गा घल्जी प्रार्थना डाके एठा दिकु लिंजेन इकुगा टी के डोके। मेटे दिकुनी दिकुके अलग्गो घोनेच्का जगान यीशु गा बारेन अच्छा खाबोर गा प्रचार दडा गा घल्जी कुल्केकु। बरनाबस एठा शाऊल नी अलग्गो-अलग्गो जाटो कुरकू के शिक्षा जीके, एठा घोनेच्का कुरकू नी यीशु गेन विश्वास डाके।

*प्रेरितों गा कामय ८:३; ९:१-३१; ११:१९-२६; १३:१-३ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_46_128kbps.m4a

## 47. फिलिप्पी गेन पौलुस एठा सीलास

https://openbiblestories.org/l/gok/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल नी पूरा रोमी साम्राज्य गेन यात्रानौर डाके मेटे डीचनी हेजा रोमी जीमू, “पौलुस”गा उपयोग दडा सुरुके। म्या दिन, पौलुस एठा दियागा सोपती सीलास फिलिप्पी पूरा गेन यीशु गा बारेन अच्छा खाबोर घागल गा घल्जी ओले। दिकु पूरा गा बल्लान गडा गा धुरान म्या जगान ओले देटेन प्रार्थना दडा गा घल्जी गोलके डा। देटेन दिकु लुदिया जीमू गा म्या जापाए टे मिलातिंज्के जो म्या व्यपारी डा। डीच परमेश्वर टे प्यार दडा डा एठा दियागा आराधना दडा डा।

![](https://cdn.door43.org/obs/jpg/360px/obs-en-47-02.jpg)

परमेश्वर नी लुदिया के यीशु गा बारेन खाबोर लिंजेन विश्वास दडा गा घल्जी पक्काकेनेच। पौलुस एठा सीला सनी डीचके एठा दियागा परिवार के बपतिस्मा जीके। डीचनी पौलुस एठा सीलास के हेजा उरान रुकातिंजू गा घल्जी आमंत्रितकेकु, इनिघल्जी दिकु डेनेन ठहरातिंजे।

![](https://cdn.door43.org/obs/jpg/360px/obs-en-47-03.jpg)

पौलुस एठा सीलास कुरकू टे अक्सर डी जगान मिलातिंजू डा देटेन यहूदी कुरकू प्रार्थना दडा लक्कू डा। हारेक दिन जब दिकु देटेन सेने डा मेटे म्या भगनी ताराई जो भूतो द्वारा काबूके डा दिकुगा पीछा दडा डा। इनी भूतो गा सहारा टे डीच कुरकू गा भविष्य घाले लक्कू डा, इनिघल्जी डीच भविष्य घागल मिठाच गा रुपो गेन हेजा स्वामीकु गा घल्जी घोनेच डामा कामय लक्कू डा।

![](https://cdn.door43.org/obs/jpg/360px/obs-en-47-04.jpg)

दिकुगा सेने टेमो इनी भगनी ताराई चिल्लातिंजू लक्कू डा, “इनी कोरो परम प्रधान परमेश्वर गा सेवक होय। इनिज आपेके उध्दार घाटाऊ गा कोरा घाले लक्के होय!” डीच हरेक दिन येनोगो डाए लक्कू डा डेटे कि पौलुस नराजोएन।

![](https://cdn.door43.org/obs/jpg/360px/obs-en-47-05.jpg)

आखरी गेन, म्या दिन जब डी भागनी नी चिल्लातिंजू सुरुके, मेटे पौलुस नी दियागा कोनेन मुराटे दियागा तालागा भूतो टे मंडीके, “यीशु गा जीमू टे इनिज गा तालाटे ओटजू ।” डीका टेमो डी भूतो नी डीचके अराकेनेच।

![](https://cdn.door43.org/obs/jpg/360px/obs-en-47-06.jpg)

डी भागनी ताराई गा स्वामी भेबाव खिजोएन। दिकुन मालूमजे। कि बिना डी भूतो गा डी भगनी ताराई कुरकू के भविष्य बान घाले साकता डा। येनेगा मतलब डा कि कुरकू नका दियागा स्वामीकु के डामा बान जिऊ कि डीच दिकुके भविष्य घाले कि दिकुगा सेंग्गोन चोच डाऊवा।

![](https://cdn.door43.org/obs/jpg/360px/obs-en-47-07.jpg)

इनिघल्जी डी भगनी ताराई गा स्वामी पौलुस एठा सीलास के रोमी अधिकारीकु गा मेरान साईंनेच। दिकुनी पौलुस एठा सीलास के मुंडाकेनेच, एठा डाबोलटे दिकुके जेलेन येंडाके किंज।

![](https://cdn.door43.org/obs/jpg/360px/obs-en-47-08.jpg)

दिकुनी पौलुस एठा सीलास के जेल गा येनोगो हिस्सा गेन डोकेकु देटे जगान सेबाई टे जादा सिपाहीकु डा। येटे टाएन कि दिकुनी दिकिंज नंगा के लकडी गा खाट टुकळा गेन जोळातिंज्के। पेनो पौलुस एठा सिपाही अदि राटो गा टेमो, परमेश्वर गा स्तुति गा सिरिंज गाना लक्के डा।

![](https://cdn.door43.org/obs/jpg/360px/obs-en-47-09.jpg)

अचानक टे, म्या भयानक भूकंप डाएन! जेल गा पूरा दरोजो खुल्लाएन, एठा सेबाई कैदीकु गा सकळी खुल्लाटे बोचोएन।

![](https://cdn.door43.org/obs/jpg/360px/obs-en-47-10.jpg)

मेटे जामदार बिट्जे। डीचनी डोके कि जेला गा दरोजो खुल्लाएन डा। डीचनी सोचातिंज्के कि सेबाई कैदीकु बचातिंजटे साळुपजे डा। डीच हिघराएन कि दिकुगा साळुप गा वाजा रोमी अधिकारी डीचके गोजेच्बा, इनिघल्जी डीच खुद के गोगेज गा घल्जी तैयारजे होय! पेनो पौलुस डीचके धोटे चिल्लातिंजे, “रुकातिंजे! खुदके नुकसान बाकी जिऊ। आले सेबाईकु येटेनकेका होय।”

![](https://cdn.door43.org/obs/jpg/360px/obs-en-47-11.jpg)

डी जामदार नी कपातिंजटे पौलुस एठा सीलास गा मेरान हेंडो कोम्बराके, “उध्दार घाटाऊ गा घल्जी इंज चोच डाए?” पौलुस नी जवाब, “प्रभु यीशु लिंजेन विश्वास डाए, मेटे आम एठा अमा उराकु उध्दार घाटाएवा।” मेटे डीच जामदार पौलुस एठा सीलास के हेजा उरा गेन सायईय्येकु एठा दिकुगा घाव के अबुंज्के। पौलुस नी दियागा उरा गा सेबाई कुरकू के यीशु गा बारेन अच्छा खाबोर घाल्के।

![](https://cdn.door43.org/obs/jpg/360px/obs-en-47-12.jpg)

जामदार एठा दियागा पूरा परिवार नी यीशु लिंजेन विश्वास डाके, इनिघल्जी पौलुस एठा सीलास नी दिकुके बपतिस्मा जीके। मेटे जामदार नी पौलुस एठा सीलास के आटा चराके, एठा दिकु म्या सेंग्गोन कुशोएन।

![](https://cdn.door43.org/obs/jpg/360px/obs-en-47-13.jpg)

दूसरा दिन पूरा गा अगुवाकु नी पौलुस एठा सीलास के जेलाटे आजादकेकु एठा फिलिप्पी टे सेने गा घल्जी मंडीके। पौलुस एठा सीलास लुदिया एठा अदा अलग्गो सोप्तीकु टे मिलातिंज्के एठा डेगा पूराटे ओटजे। यीशु गा बारेन अच्छा खाबोर फैलातिंजू लज्जे, एठा मसीह गा मण्डली बळातिंजू लज्जे।

![](https://cdn.door43.org/obs/jpg/360px/obs-en-47-14.jpg)

पौलुस एठा अलग्गो मसीह अगुवाकु नी घोनेच्का पूरानौर गा यात्रा डावे। दिकुनी कुरकू के यीशु गा बारेन अच्छा खाबोर घाल्के। दिकुनी मसीह गा मण्डली गा विश्वासीकु के आरी घल्जी एठा शिक्षा जिऊ गा घल्जी चोटोका पत्र भी ओल्के। इंकू तालाटे अदा पत्र बाईबल गा पुस्तक आरोएन।

*रितों गा कामय १६:११-४० टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_47_128kbps.m4a

## 48. यीशु का वादा डाके मिनी मसीह होय

https://openbiblestories.org/l/gok/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्वर नी दुनिया के आरुके मेटे अदा अच्छा डा। आदम एठा हव्वा इनिज-दियाटे प्यार दडा डा, एठा दिकु परमेश्वर टे प्यार दडा डा। तुनिका बिमारी या गुजू बाऊ डा। परमेश्वर येनोगोका दुनिया के चाहता डा।

![](https://cdn.door43.org/obs/jpg/360px/obs-en-48-02.jpg)

शैतान नी बिंज गा सहारा टे बगीचा गेन हव्वा टे बातो डावे, चोयाकी डीच डीचके धोका जिऊ चाहता डा। मेटे हव्वा एठा आदम नी परमेश्वर गा खिलाफ पापो डाके। चोयाकी दिकुनी पापो डाके डा इनिघल्जी पृथ्वी लिंजेन थंदळ मिंकू सेबाई कुरकू गुजूवा होय।

![](https://cdn.door43.org/obs/jpg/360px/obs-en-48-03.jpg)

चोयाकी आदम एठा हव्वा नी पापो डाके डा, इनिघल्जी चोच्का येठाभी बुरा डाएन। दिकु परमेश्वर गा दुश्मन आरोएन। दियागा परिणाम-स्वरूप, मेटे टे हर म्या कोरो नी पापो डाके। हर म्या कोरो जनम टेका परमेश्वर गा दुश्मन होय। परमेश्वर एठा कुरकू गा तालान शांति बाऊ डा। पेनो परमेश्वर शांति सुबने चाहता डा।

![](https://cdn.door43.org/obs/jpg/360px/obs-en-48-04.jpg)

परमेश्वर नी वादा डाके कि हव्वा गा म्या पिढी शैतान गा कपार के कुचलातिंजेवा। डीचनी इनी भी मंडीके कि शैतान दियागा पिंदळी के काबेवा। दूसरा शब्द गेन, शैतान मसीह के गोजेज्बा, पेनो परमेश्वर डीचके डाबोलटे जीटाएच्बा। येनेगा बादोन, मसीह शैतान गा शक्ति के हमेशा गा घल्जी स्यागेवा। चोटोका साल गा बादोन, परमेश्वर नी ओटके कि डीच मसीह यीशु होय।

![](https://cdn.door43.org/obs/jpg/360px/obs-en-48-05.jpg)

परमेश्वर नी डी आडी टे हेजा परिवार के बचातिंज्के डीके डीच सेगेवा मिठाच डा। नूह टे म्या डोंगा आरुगा घल्जी मंडीके कि डीच इनी रोंगो परमेश्वर नी डी कुरकू के बचातिंज्केकु जो दिया लिंजेन विश्वास दडा डा। इनी रोंगो, दिकु सेबाईकु गा सेबाई परमेश्वर गा द्वारा गुजू गा लायको डा चोयाकी पापो डाके डा। पेनो परमेश्वर नी दिकु सेबाईकु के बबाचातिंज गा घल्जी यीशु के कुल्केनेच जो दिया लिंजेन विश्वास दडावा होय।

![](https://cdn.door43.org/obs/jpg/360px/obs-en-48-06.jpg)

चोटोका साल टाएन, याजक परमेश्वर गा घल्जी बलिदान पेळेजेका लक्के। इनी दर्शातींजेवा होय कि कुरकू नी पापो डाके, एठा इनी कि दिकु परमेश्वर गा द्वारा दिकुके दण्डो जिऊ गा लायको डा। पेनो दिकु बलिदान दिकुगा पापो के मापोऊ बान साकता डा। यीशु सेबाई टे खाट महायाजक होय। डीचनी डी डाके जो तुनिका याजक बान डाए साकता डा। डीचनी डी म्याका बलिदान डाऊ गा घल्जी खुदके जीके जो हर जेकाकेका पापो के उथुरे साकता डा। डीचनी मनेनजे कि परमेश्वर दिकु सेबाई गा पापो गा घल्जी डीचके दण्डो जे। इनी वाजाटे, यीशु पक्का महायाजक डा।

![](https://cdn.door43.org/obs/jpg/360px/obs-en-48-07.jpg)

परमेश्वर नी अब्राहम टे मंडीके, “इंज अमा द्वारा दुनिया गा सेबाई कुलके आशीष जेवा।” यीशु इनिका अब्राहम गा पिढी डा। परमेश्वर अब्राहम गा सहारा टे सेबाई कुल के आशीष जेवा होय, चोयाकी जो यीशु लिंजेन विश्वास दडावा होय परमेश्वर दिकु सेबाईकु के पापो टे बचातिंजेच्बा होय। जब इनी कुरकू यीशु लिंजेन विश्वास दडावा होय, मेटे परमेश्वर दिकुके अब्राहम गा पिढी ममानातिंज्बा होय।

![](https://cdn.door43.org/obs/jpg/360px/obs-en-48-08.jpg)

परमेश्वर नी अब्राहम टे मंडीके कि डीच खुद गा कोण, दियागा घल्जी बलिदान पेळेचकी। पेनो डाबोलटे परमेश्वर नी इसहाक गा बेदला गेन बलि दडा गा घल्जी म्या मेंडा कोंटे के जिकेनेच। आले सेबाईकु आलेगा पापो गा घल्जी गोगेज गा लायको डा! पेनो परमेश्वर नी आलेगा जगान गुजू गा घल्जी यीशु के बलिदान गा रुपोन जीके। इनी वाजाटे आले यीशु के परमेश्वर गा मेंडा कोंटे मंडीवा होय।

![](https://cdn.door43.org/obs/jpg/360px/obs-en-48-09.jpg)

जब परमेश्वर नी मिस्र लिंजेन आखरी सिनी कुल्के मेटे डीचनी हर म्या इस्राएली परिवार टे मंडीके कि दिकु म्या मेंडा कोंटे गा बलि डाए। डी मेंडा कोंटे गेन तुनिका दोष बाकी होना। मेटे हेजा दरवाजा गा चौखुट गा मठान एठा बाजुन दिकुके दियागा पचना के येंडा गा डा। जब परमेश्वर नी डी पचना के डोके मेटे डीच दिकुके उरा टे सम्मान बळातिंजे एठा दिकुगा पेला कोण के बान गोचडुका। जब इनी डाएन मेटे परमेश्वर नी इनिके फसह गा तिवार मंडीके।

![](https://cdn.door43.org/obs/jpg/360px/obs-en-48-10.jpg)

यीशु फसह गा तिवार गा म्या मेंडा कोंटे गा खिजा होय। डीचनी चोलाका पापो बान दडुका, इनिघल्जी डेन चोच्काभी गलत बान दडुका डा। डीच फसह गा तिवार गा टेमो लिंजेन गोच्केनेच। जब जेका यीशु लिंजेन विश्वास दडावा होय, मेटे यीशु गा पचना डी कोरो गा पापो गा किम्मत चूकातिंजेवा होय जैसा कि परमेश्वर डी कोरो गा मेराटे सम्मान बळातिंजे, चोयाकी डीच डीचके दण्डो बान जिऊ होय।

![](https://cdn.door43.org/obs/jpg/360px/obs-en-48-11.jpg)

परमेश्वर नी इस्राएली कुरकू गा सेंग्गोन म्या वादा टोलके, चोयाकी दिकु येनोगो कुरकू डा दिकुके परमेश्वर नी हेजा आरुगा घल्जी कलमकेकु डा। पेनो नका परमेश्वर नी म्या येनोगो वादा टोल्के होय जो कि सेबाईकु गा घल्जी होय। अगर तुनिकभी जाटो गा तुनिकभी कोरो इनी उनाई के मनेनेवा होय, मेटे डीच परमेश्वर गा कुरकू गेन बेल्लाऊवा होय। डीच येनोगो इनिघल्जी दडावा होय चोयाकी डीच यीशु लिंजेन विश्वास दडावा होय।

![](https://cdn.door43.org/obs/jpg/360px/obs-en-48-12.jpg)

मूसा म्या येनोगो परमेश्वर गा कोनेटे मंडी मिठाच डा डीचनी परमेश्वर गा वचन के खाट शक्ति गा सेंग्गोन प्रचार डाके डा। पेनो यीशु सेबाई परमेश्वर गा कोनेटे मंडी मिंकू तालाटे खाट होय। डीच परमेश्वर होय, इनिघल्जी जो चोच्काभी डीचनी डाके एठा मंडीके डीच परमेश्वर गा कामय एठा वचन डा। इनिघल्जी पवित्र- ग्रंथ यीशु के परमेश्वर गा वचन मंडीवा होय।

![](https://cdn.door43.org/obs/jpg/360px/obs-en-48-13.jpg)

परमेश्वर नी राजा दाऊद टे वादा डाके डा राजा गा रुपो गेन दियागा म्या पिढी परमेश्वर गा कुरकू लिंजेन हमेशा गा घल्जी राजो डाएवा। यीशु परमेश्वर गा कोण एठा मसीह होय, इनिघल्जी डीच राजा दाऊद गा पिढी होय जो हमेशा गा घल्जी राज्य डाए साकतावा होय।

![](https://cdn.door43.org/obs/jpg/360px/obs-en-48-14.jpg)

दाऊद मेटे इस्राएल राजा डा, पेनो यीशु सेबाई दुनिया गा राजा होय! डीच डाबोलटे हेजेवा एठा हमेशा गा घल्जी न्याय एठा शांति गा सेंग्गोन हेजा राज्य लिंजेन राजो दडावा।

*त्ति १-३, ६, १४, २२; निर्गमन १२, २०; २ शमूएल ७; इब्रानियों ३:१-६, ४:१४-५:१०, ७:१-८:१३, ९:११-१०:१८; प्रकाशितवाक्य २१ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_48_128kbps.m4a

## 49. परमेश्वर गा उनाई वादा

https://openbiblestories.org/l/gok/story-49/

![](https://cdn.door43.org/obs/jpg/360px/obs-en-49-01.jpg)

म्या स्वर्गदूत नी म्या जवान जापाए मरियम टे मंडीके डीच परमेश्वर गा कोण के जनम जेवा। डीच आए कुंवारी डा, पेनो पवित्र आत्मा दियागा मेरान हेन एठा डीच लाज हेन। डीचनी म्या कोणटे के जनम जीके दियागा जीमू डीचनी यीशु डोके। इनिघल्जी, यीशु परमेश्वर एठा कोरो बर्खिंज होय।

![](https://cdn.door43.org/obs/jpg/360px/obs-en-49-02.jpg)

यीशु नी घोनेच चमत्कार डाके जो घालेवा होय कि डीच परमेश्वर होय। डीच डा लिंजेन सेंदराके एठा धुंदळ के शांति के। डीचनी घोनेच्का बिमारी कुरकू के सजाकेकु एठा घोनेच्का कुरकू तालाटे भूतोकु के ओटकेकु। डीचनी गोएन मिंकू कुरकू के जीटाकेकु, एठा डीचनी मोनाई सोकळा एठा बारी काकू के ५००० कुरकू के चचारा गा घल्जी होना ओटो आटा गेन बदलाके।

![](https://cdn.door43.org/obs/jpg/360px/obs-en-49-03.jpg)

यीशु म्या महान गुरूजी भी डा। जो चोच्का डीचनी इथुकेकु, डीके डीचनी पक्काऊ गा सेंग्गोन इथुकेकु। जो डीच कुरकू टे दडा गा घल्जी मंडीवा होय दिकु डीके दडा होना चोयाकी डीच परमेश्वर गा कोण होय। उदाहरण गा घल्जी, डीचनी इथुकेकु कि आपेके अलग्गो कुरकू के डीका रिती टे प्यार दडा गा जरुरत होय जैसा आपे खुद के प्यार दडावा होय।

![](https://cdn.door43.org/obs/jpg/360px/obs-en-49-04.jpg)

डीचनी इनी भी इथुकेकु कि आपेके सेबाई चीजो टे जादा एठा आपना संपत्ति टे भी जादा परमेश्वर के प्यार दडा होना।

![](https://cdn.door43.org/obs/jpg/360px/obs-en-49-05.jpg)

यीशु नी मंडीके कि दुनिया गेन तुनिकाभी चीजो के घाटाऊ टे जादा अच्छा होय परमेश्वर गा राज्य गेन थंदळ। दियागा राज्य गेन आपेगा मु गा घल्जी जरुरी होय कि परमेश्वर आपेके आपेगा पापो टे बचातिंज्केमी।

![](https://cdn.door43.org/obs/jpg/360px/obs-en-49-06.jpg)

यीशु नी मंडीके कि अदा कुरकू डीचके मनेनेज्बा। परमेश्वर डी कुरकू के बचातिंजकुवा। पेनो दूसरा कुरकू डीचके मनेनेज बाने। डीचनी इनी भी मंडीके कि अदा कुरकू अच्छा ओटे गा रोंगो होय, चोयाकी दिकु यीशु गा बारेन अच्छा खाबोर के मनेनेवा होय, एठा परमेश्वर दिकुके बचातिंजकुवा होय। पेनो अदा कुरकू कोरा गा जिद्दी ओटे गा रोंगो होय। परमेश्वर गा वचन बीजो गा रोंगो कोरा लिंजेन बोचोवा होय, पेनो देटेन चोच्का बान ओट होय। इनी कुरकू यीशु गा बारेन खाबोर के मनेने बाने होय। दिकु दियागा राज्य गेन मुटे बान मेंबा होय।

![](https://cdn.door43.org/obs/jpg/360px/obs-en-49-07.jpg)

यीशु नी इथुकेकु कि परमेश्वर पापीकु टे भेबाव दडावा होय। डीच दिकुके मापो जिऊ चाहतावा होय एठा दिकुके इकुगा कोणकु आरू चाहतावा होय।

![](https://cdn.door43.org/obs/jpg/360px/obs-en-49-08.jpg)

यीशु नी इनी भी घाल्के कि परमेश्वर पापो टे खीजो दोडोवा होय। चोयाकी आदम एठा हव्वा नी पापो दडावा होय एठा परमेश्वर टे लेंक्कीन के होय। हर म्या कोरो परमेश्वर गा दुशमन होय।

![](https://cdn.door43.org/obs/jpg/360px/obs-en-49-09.jpg)

पेनो परमेश्वर नी इनी दुनिया गेन थंदळ मिंकू हर कोरो टे इनीका रिती टे प्यार डावे, डीचनी हेजा म्याका कोंटे के जिकेनेच ताकि परमेश्वर दिकुके दण्डो बाकी जिऊ दिया लिंजेन विश्वास दडावा होय। येनेगा बाजाए, दिकु दियागा सेंग्गोन हमेशा गा घल्जी थंदळवा।

![](https://cdn.door43.org/obs/jpg/360px/obs-en-49-10.jpg)

आपे गुजू गा लायको होय, चोयाकी आपेनी पापो डाके होय। आपेटे परमेश्वर गा खीजोऊ सही का होय, येनेगा उम्मीद, डीच यीशु लिंजेन खीजोएन। डीचनी यीशु के क्रूस गा गुजू जीटे दण्डो जीके।

![](https://cdn.door43.org/obs/jpg/360px/obs-en-49-11.jpg)

यीशु नी चोलाका पापो बान दडुका, पेनो डीचनी परमेश्वर के डीचके दण्डो जीके। डीचनी गुजू मनेनजे। इनी रिती टे, आपेगा पापो के एठा इनी दुनिया गेन थंदळ मिंकू हर म्या कोरो गा पापो के तुटूल गा घल्जी डीच म्या पक्का बलिदान डा। यीशु नी खुद के परमेश्वर गा घल्जी बलिदान डाके, इनिघल्जी परमेश्वर तुनिकाभी पापो के, येटे टाएन कि भयंकर पापो के भी मापोएवा होय।

![](https://cdn.door43.org/obs/jpg/360px/obs-en-49-12.jpg)

भला का अगर आपे घोनेच्का अच्छा कामय के दडावा होय, मेटे इनिज गा द्वारा परमेश्वर आपेके बान बबाचातिंज। दियागा सोप्ती आरुगा घल्जी येनोगो चोच्काभी बाऊ होय जो आपे डाए साकतावा होय। येनेगा उम्मीद, आपेके विश्वास दडा होय कि यीशु परमेश्वर गा कोण होय, एठा डीच आपेगा बेदला गेन क्रूस लिंजेन गोएन, एठा इनी भी कि परमेश्वर नी डीचके डाबोलटे जीटाकेनेच। अगर आपे इनिजा लिंजेन विश्वास डाए, मेटे परमेश्वर आपेगा पापो गा मापी जेवा।

![](https://cdn.door43.org/obs/jpg/360px/obs-en-49-13.jpg)

परमेश्वर डी हर म्या कोरो के बचातिंजकुवा जो यीशु लिंजेन विश्वास दडावा होय एठा डीचके हेजा प्रभु मेंटो मनेज्बा होय। पेनो डीच दिकुके बान बबाचातिंज जो दिया लिंजेन विश्वास बान दडा होय। इनीका तुनिका मायना बान दोडो कि आपे लकपति होय या गिरबो होय, कोरो होय या जापाए होय, बुड्डा होय या जवान होय, या आपे तोटेन थंदळवा होय। परमेश्वर आपे टे प्यार दडावा होय एठा चाहतावा होय कि आपे यीशु लिंजेन विश्वास डाए कि डीच आपेगा सोप्ती आरुयु होना।

![](https://cdn.door43.org/obs/jpg/360px/obs-en-49-14.jpg)

यीशु आपेके हाको लक्के होय कि दिया लिंजेन विश्वास डाए एठा बपतिस्मा सेगे। चोच आपे विश्वास दडावा होय कि परमेश्वर गा म्याका कोण, यीशु का मसीह होय? चोच आपे विश्वास दडावा होय कि आपे म्या पापी होय एठा इनी कि आपे परमेश्वर द्वारा आपके दण्डो जिऊ गा लायको होय? चोच आपे विश्वास दडावा होय कि आपेगा पापो के उथुर गा घल्जी यीशु क्रूस लिंजेन गोएन?

![](https://cdn.door43.org/obs/jpg/360px/obs-en-49-15.jpg)

अगर आपे यीशु लिंजेन एठा जो डीचनी आपेगा घाल्जी डाके होय दिया लिंजेन विश्वास दडावा होय, मेटे आपे म्या मसीह होय! शैतान हेजा अंधकार गा राज्य गेन नका आपे लिंजेन राजो बान दडा होय। नका परमेश्वर हेजा उजाला गा राज्य गेन आपे लिंजेन राजो दडावा होय। डीचनी आपेके पापो दडा टे रोकातिंज्केनेच होय, डीके आपे डाए चाले डा। डीचनी आपेके म्या उनाई, सही जीवन जीके होय।

![](https://cdn.door43.org/obs/jpg/360px/obs-en-49-16.jpg)

अगर आपे मसीह होय मेटे जो यीशु नी डाके होय दियागा वाजाटे परमेश्वर नी आपेगा पापो के मापोके होय। नका, परमेश्वर म्या दुश्मन गा उम्मीद आपेके म्या पक्का सोप्ती ममानातिंजवा होय।

![](https://cdn.door43.org/obs/jpg/360px/obs-en-49-17.jpg)

अगर आपे परमेश्वर गा सोप्ती होय एठा प्रभु यीशु गा सेवक होना मेटे आपे डी बातो गा पालन दडा गा इच्छा डोएवा जो यीशु आपेके इथुवा होय। भला का आपे म्या मसीह होय, शैतान आए भी पापो दडा गा घल्जी आपेगा अंदजो डाएवा। पेनो परमेश्वर हमेशा डी दडावा होय जो डीच मंडीवा होय कि डीच डाएवा। डीच मंडीवा होय कि अगर आपे आपेगा पापो के मनातिंजेवा, मेटे डीच आपेके मापोकोम्बा। डीच आपेके पापो गा खिलाफ बेन लड़ाई गा शक्ति जेवा।

![](https://cdn.door43.org/obs/jpg/360px/obs-en-49-18.jpg)

परमेश्वर आपेके प्रार्थना दडा एठा दियागा वचन के पपाळातिंज गा घल्जी मंडीवा होय। डीच आपेके अलग्गो विश्वासीकु गा सेंग्गोन बेल्लाटे दियागा आराधना दडा गा घल्जी भी मंडीवा होय। आपेके अलग्गो कुरकू के भी घागल होना होय कि डीचनी आपेगा घल्जी चोच डाके। अगर आपे इनी सेबाई कामयनौर के डाए टासो, मेटे आपे दियागा म्या पक्का सोप्ती आरुवा।

*यों ३:२१-२६. ५:१-११; यूहन्ना ३:१६; मरकुस १६:१६; कुलुस्सियो १:१३-१४; २ कुरिन्थियों ५:१७-२१; १यूहन्ना १:५-१० टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_49_128kbps.m4a

## 50. यीशु डाबोलटे हिरावा होय

https://openbiblestories.org/l/gok/story-50/

![](https://cdn.door43.org/obs/jpg/360px/obs-en-50-01.jpg)

अंदजोटे २००० साल टे, दुनिया गेन सेबाई जगान घोनेचटेका घोनेच कुरकू मसीह यीशु गा बारेन अच्छा खबोर के आजुम लक्के होय। मसीह गा मण्डली फारे लक्के होय। यीशु नी वादा डाके कि डी दुनिया गा अंत गेन डाबोलटे हिरावा। अगरका डीच आए डाबोलटे बान हेजडुका होय तोभी डीच हेजा वादा के पूरा डाएवा।

![](https://cdn.door43.org/obs/jpg/360px/obs-en-50-02.jpg)

जब कि आले यीशु गा डाबोलटे हिरा गा राह दोडोवा होय, परमेश्वर आलेटे येनोगो रिती टे जीवन बिबातातिंज गा इच्छा दडावा होय जो पवित्र होय एठा जो दियागा आदर दडावा होय। जब यीशु पृथ्वी लिंजेन थंदळ लक्के डा मेटे डीचनी मंडीके, “इंजा चेला दुनिया भोरेन सेबाई जगानौर गा कुरकू के परमेश्वर गा राज्य गा बारेन अच्छा खाबोर प्रचार डाएवा, एठा मेटे अंत हेजेवा।”

![](https://cdn.door43.org/obs/jpg/360px/obs-en-50-03.jpg)

घोनेच्का का जाटोनौर नी आए टाएन यीशु गा बारेन बान अजुमडुका होय। स्वर्ग टे हिराटे पेला, यीशु नी मसीहकु टे डी कुरकू के अच्छा खबोर घागल गा घल्जी मंडीके दिकुनी इनिके चोलाका बान अजुमडुका होय। डीचनी मंडीके, “सेने एठा सेबाई जाटोनौर गा कुरकू के चेला आरूकु!” एठा “हिर गा घल्जी खिटी गा आनोजो हेन होय!”

![](https://cdn.door43.org/obs/jpg/360px/obs-en-50-04.jpg)

यीशु नी इनी भी मंडीके, “तुनिका कोरो गा सेवक हेजा स्वामी टे खाट बाऊ होय। इनी दुनिया गा कास कुरकू नी इंजाटे नफरत डाके, एठा इंजा वाजाटे दिकु आपेके भी सतातिंजकोम्बा एठा गोजेच्बा। इनी दुनिया गेन आपे तक्लिप कोम्बा, पेनो मजबूत आरोए, चोयाकी इंज्नी शैतान के हरातिंज्केनेच होय जो इनी दुनिया लिंजेन राजो दडावा होय। अगर आपे आखरी टाएन इंजा विश्वास लायको आरुका थंदळे, मेटे परमेश्वर आपेके बचातिंजकोम्बा!”

![](https://cdn.door43.org/obs/jpg/360px/obs-en-50-05.jpg)

यीशु नी हेजा चेलाकू के इनी ससामझातिंजा गा घल्जी म्या कहानी घाल्के कि जब दुनिया गा अंत डाऊवा होय मेटे कुरकू गा सेंग्गोन चोच डाऊवा। डीचनी मंडीके, “तुनिका कोरो नी हेजा खिटी गेन अच्छा बीजो बिटके। जब दिकु गिटिच लक्के डा मेटे दियागा दुश्मन हेन एठा गूंगा बीजो गा तालान डोंगोर कोम्बो गा बीजो के बिटके, एठा डाबोलटे डीच ओले मेना।”

![](https://cdn.door43.org/obs/jpg/360px/obs-en-50-06.jpg)

“जब रोपो पिवळेन मेटे सेवककु नी डी कोरो टे मंडीके,‘हे स्वामी, आमनी मेटे हेजा खिटीन अच्छा बीजो बिटके डा। मेटे डाबोलटे एनेन डोंगोर रोपो चोया होय?’ डी कोरो नी जवाब जीके, ‘बस इंजा दुश्मन का डीके बिडेवा होय। इनी इंजा तुनिका दुश्मन होय डीचनी येनोगो डाके होय।’”

![](https://cdn.door43.org/obs/jpg/360px/obs-en-50-07.jpg)

“डी सेवककु नी हेजा स्वामी के जवाब जीके, ‘चोच आलेके डोंगोर रोपो के तुठुट होना डा?’ डी स्वामी नी मंडीके, ‘बाने। अगर आपे येनोगो डाएवा मेटे आपे अदा गुं के भी तूडेवा। हिर गा टेमो टाएन तरागे। मेटे डोंगोर रोपो के गाठी गेन गोलाकी ताकि आपे जुल्की होना। पेनो गुं के इंजा ख्यारयान गेन सेगे।’”

![](https://cdn.door43.org/obs/jpg/360px/obs-en-50-08.jpg)

चेलाकू नी इनी कहानी गा मतलब के बान समझातिंज डुका, इनिघल्जी दिकुनी यीशु टे दिकुके ससामझातिंजा गा निवेदान चोच। यीशु नी मंडीके, “अच्छा बीजो बिबिट कोरो मसीह गा मंडी अजोम्बा होय। खिटी दुनिया गा मंडी अजोम्बा होय। अच्छा बीजो परमेश्वर गा राज्य गा कुरकू गा मंडी अजोम्बा होय।”

![](https://cdn.door43.org/obs/jpg/360px/obs-en-50-09.jpg)

“डोंगोर रोपो डी दुष्ट कोरो, शैतान गा कुरकू गा मंडी आजोम्बा होय। डी कोरो गा दुश्मन शैतान गा मंडी आजोम्बा होय, डीचनी डोंगोर रोपो के बिटके डा। हिर इनी दुनिया गा अंत गा मंडी अजोम्बा होय, एठा हिर मिंकू परमेश्वर गा स्वर्गदूतकु गा मंडी आजोम्बा होय।”

![](https://cdn.door43.org/obs/jpg/360px/obs-en-50-10.jpg)

“जब दुनिया गा अंत डाऊवा मेटे स्वर्गदूत डी सेबाई कुरकू के म्या सेंग्गोन गोलाकुवा जो शैतान गा होय। स्वर्गदूत दिकुके म्या घोनेच्का गरम सिंगेल गेन टेप्पाकुवा। देटेन डी कुरकू भयंकर सताव गेन जम्बा एठा इकुगा तिळींज रिगीडेवा। पेनो जो कुरकू धर्मी होय, दिकुनी यीशु गा रोंगो का डाके होय, डीच दिकुगा परमेश्वर बाटे गा राज्य गेन सूर्य गा रोंगो चमकातिंजूवा।”

![](https://cdn.door43.org/obs/jpg/360px/obs-en-50-11.jpg)

यीशु नी इनी भी मंडीके कि डीच दुनिया गा अंत डाऊटे पेला पृथ्वी लिंजेन हिरावा। डीच डीका तरीका टे डाबोलटे हिरावा जैसा डीच ओले डा। मतलब, दियागा मेरान टाकू कोम्बोर होंगा, एठा डीच आकाश गेन बादळा लिंजेन चुटटे हेजेवा। जब यीशु हिरावा होय, मेटे हर म्या मसीह जो गोएन मिठाच जाटे जीटाऊवा एठा दियाटे आकाश गेन

![](https://cdn.door43.org/obs/jpg/360px/obs-en-50-12.jpg)

मेटे जो मसीह आए भी जिटाका होय डीच आकाश गेन टुलेच्बा एठा डी दूसरा मसीहकु गा सेंग्गोन बेल्लाऊवा जो गोएन मिंकुटे जीटाएन होय। दिकु सेबाईकु देटेन यीशु गा सेंग्गोन थंदळवा। डेगा बादोन, यीशु हेजा कुरकू गा सेंग्गोन थंदळवा। जब दिकु म्या सेंग्गोन थंदळवा होय मेटे दिकुगा मेरान हमेशा गा घल्जी पूरा शांति थंदळवा।

![](https://cdn.door43.org/obs/jpg/360px/obs-en-50-13.jpg)

यीशु नी दिया लिंजेन विश्वास दडा मिंकू हर म्या कोरो के म्या मुकुट जिऊ गा वादा डाके होय। दिकु हमेशा गा घल्जी परमेश्वर गा सेंग्गोन हर म्या चीजो लिंजेन राजो दडावा। दिकुगा मेरान पक्का शांति होंगा।

![](https://cdn.door43.org/obs/jpg/360px/obs-en-50-14.jpg)

पेनो परमेश्वर डी सेबाईकु गा न्याय डाएवा जो यीशु लिंजेन विश्वास बान दडा होय। डीच दिकुके नरक गेन येंडाकुवा। देटेन दिकु जम्बा एठा इकुगा तिळींज रिगीडेवा, एठा दिकु हमेशा तक्लिप बेन थंदळवा। चोलाका न चोलाका बान हिरीजू मिनी सिंगेल दिकुके टाऊ लगी जुल्कूवाका, एठा किळा दिकुके जोम टे चोलाकाभी बान रुराकातिंज।

![](https://cdn.door43.org/obs/jpg/360px/obs-en-50-15.jpg)

जब यीशु हिरावा होय, मेटे डीच पूरा रितीटे शैतान के एठा दियागा राज्य के नशोएवा। डीच शैतान के नरक गेन येंडाएच्बा। डी शैतान हमेशा गा घल्जी जुलुका लक्कूवा, दिकु सेबाईकु गा सेंग्गोन दिकुनी परमेश्वर गा बातो के ममानातिंज गा बाजाए शैतान गा पिछा सेंदरा गा चुनाव डाके डा।

![](https://cdn.door43.org/obs/jpg/360px/obs-en-50-16.jpg)

चोयाकी आदम एठा हव्वा नी परमेश्वर गा हुकूम के बान अजुम डुका डा एठा पापो के दुनिया गेन साटे हेन डा, परमेश्वर नी डीचके श्रापो जीके एठा डीचके नशो दडा गा निर्णय डाके। पेनो तुनिका दिन परमेश्वर म्या उनाई स्वर्ग एठा उनाई पृथ्वी के आरोएवा जो पक्का होंगा।

![](https://cdn.door43.org/obs/jpg/360px/obs-en-50-17.jpg)

यीशु एठा दियागा कुरकू डी उनाई पृथ्वी लिंजेन थंदळवा, एठा दिकु हमेशा गा घल्जी सेबाई चीजो लिंजेन राजो डाएवा। डी कुरकू गा मेट टे हर म्या मेट गा डा के ओजोएवा। नका तुनिका तकलिप या कासु बान डाऊ। दिकु जाम बाने। दिकु बीमारु बाने या गुजू बाने। एठा देटेन चोच्काभी बुराई बान डाऊ। यीशु हेजा राज्य लिंजेन न्याय गेल्ला, एठा शांति गा सेंग्गोन राजो दडावा। डीच हमेशा गा घल्जी हेजागा कुरकू गा सेंग्गोन थंदळवा।

*ी २४:१४; २८:१८; यूहन्ना १५:२०, १६:३३; प्रकाशितवाक्य २:१०; मत्ती १३:२४-३०, ३६-४२; १ थिस्सलुनीकियों ४:१३-५:११; याकूब १:१२; मत्ती २२:१३; प्रकाशितवाक्य २०:१०, २१:१-२२:२१ टे म्या बाईबल गा कहानी*

Audio: https://git.door43.org/OBS-TLF/gok_obs/releases/download/v1/gok_obs_v1_50_128kbps.m4a