# unfoldingWord Open Bible Stories — Malwani

- Language code: `gom-x-malvani`
- Canonical page: https://openbiblestories.org/l/gom-x-malvani/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Malwani translation; it is not a translation of the whole Bible.

## 1. सृष्टी

https://openbiblestories.org/l/gom-x-malvani/story-1/

![](https://cdn.door43.org/obs/jpg/360px/obs-en-01-01.jpg)

असल्या प्रकारान सगळ्या गोष्टींची सुरवात झाली. देवान सगळा जग नी तेच्यातले सगळे वस्तु सा दिवसात बनयल्यान. पृथ्वीची निर्मिती केल्यार ती तशीच काळोखी आणि रिकामी व्हती आणि तिच्यार काययेक नव्हता. पण देवाचो आत्मो थय जलार (पाणयार) व्हतो.

![](https://cdn.door43.org/obs/jpg/360px/obs-en-01-02.jpg)

मगे देव बोललो, "प्रकाश व्होन्दे!" नी प्रकाश झालो. देवान बघल्यान की प्रकाश चांगलो हा नी तेना तेका "दिवस" म्हटल्यान. देवान तेका आंधारापासना यगळो केल्यान नी आंधाराक "रात्र" म्हटल्यान. देवान सृष्टीच्या पयल्या दिवसाक प्रकाश बनवलो.

![](https://cdn.door43.org/obs/jpg/360px/obs-en-01-03.jpg)

उत्पत्तीच्या दुसऱ्या दिवसाक, देव बोललो नी पृथ्वीच्या वरती आकाश बनवल्यान. तेना वरच्या आणि खालच्या पाणयाक यगळा करून आकाश बनयल्यान.

![](https://cdn.door43.org/obs/jpg/360px/obs-en-01-04.jpg)

तिसऱ्या दिवसाक, देव बोललो आणि पाणयापासना कोरडी जमिन यगळी केल्यान. तेना कोरड्या जमनिक "पृथ्वी" नी पाणयाक "समुद्र" म्हटल्यान. देवान बघल्यान की तेना जा काय निर्माण केल्यान ता चांगला हा.

![](https://cdn.door43.org/obs/jpg/360px/obs-en-01-05.jpg)

मगे देव बोललो, "पृथ्वीर येगयेगळ्या प्रकाराची झाडा तयार व्होन्देत." आणि तसाच झाला. देवान बघल्यान की तेना जा काय बनयल्यान ता सगळा चांगला हा.

![](https://cdn.door43.org/obs/jpg/360px/obs-en-01-06.jpg)

सृष्टीच्या चौथ्या दिवसाक, देवान आपल्या शब्दान सूर्य, चंद्र आणि तारे बनयल्यान. देवान तेंका पृथ्वीर प्रकाश देवसाठी नी दिवस-रात्र, ऋतु नी वर्षा दाखवक बनयल्यान. देवान बघल्यान की तेना जा काय निर्माण केल्यान ता सगळा चांगला हा.

![](https://cdn.door43.org/obs/jpg/360px/obs-en-01-07.jpg)

पाचव्या दिवसाक, देवान जलचर प्राणी नी पक्षी बनयल्यान. देवान बघल्यान की ह्या चांगला हा नी तेना तेंका आशिर्वाद दिल्यान.

![](https://cdn.door43.org/obs/jpg/360px/obs-en-01-08.jpg)

उत्पत्तीच्या साव्या दिवसाक, देव बोललो, "पृथ्वीर वस्ती करणारे प्राणी तयार व्होन्देत!" आणि देवबाप बोलल्याप्रमाण सगळा काय झाला. ह्या प्रकारान काय ग्रामपशु, जमनीर रांगणारे नी काय वन्यपशु निर्माण झाले. नी देवान बघल्यान की ह्या चांगला हा.

![](https://cdn.door43.org/obs/jpg/360px/obs-en-01-09.jpg)

मगे देव बोललो, "आपल्या प्रतिरुपाचो माणूस आपण करायचो. तेंका पृथ्वीर नी सगळ्या प्राण्यांवर सत्ता चालवक येयत."

![](https://cdn.door43.org/obs/jpg/360px/obs-en-01-10.jpg)

मगे देवान मातीपासना माणूस निर्माण केल्यान नी तेच्या नाकपुड्यात जीवनाचो श्वास फुकल्यान. ह्या माणसाक आदाम ह्या नाव दिल्यानं. देवान आदामाक ऱ्हवासाठी येक बाग निर्माण केल्यान नी तेची काळजी घेवसाठी तेका थय ठेयल्यान.

![](https://cdn.door43.org/obs/jpg/360px/obs-en-01-11.jpg)

बागेच्या मधी देवान दोन खास झाडा लावल्यान - जीवनाचा झाड नी बऱ्यावायटाचा ज्ञान करून देणारा झाड. देवान आदामाक सांगल्यान की तेना बागेतल्या खयच्याव झाडाचा फळ खायचा, फक्त बऱ्यावायटाचा ज्ञान करून देणाऱ्या झाडाचा फळ खाव नये. जर तेना त्या झाडाचा फळ खाल्यान, तर तो खास मरात.

![](https://cdn.door43.org/obs/jpg/360px/obs-en-01-12.jpg)

मगे देव बोललो, "माणूस यकटो असना ह्या बरा नाय." प्राण्यांतूर आदामाक योग्य जोडीदार मिळालो नाय.

![](https://cdn.door43.org/obs/jpg/360px/obs-en-01-13.jpg)

मगे देवान आदामाक गाढ झोप लागाक दिल्यान. मगे देवान आदामाच्या येका फासळीपासना येक बाय-माणूस तयार करून तेका आदामासमोर आणल्यान.

![](https://cdn.door43.org/obs/jpg/360px/obs-en-01-14.jpg)

आदामान तेच्याकडे बघून म्हटल्यान, "शेवटाक मिळाली! ही तर माझ्यासारखीच हा! तिका 'नारी' म्हणायचा, कारण ती नरापासना बनवलली हा." आणि म्हणानच बापयो आपल्या आवशी-बापाशीक सोडून आपल्या बायलेक जडान ऱ्हवता.

![](https://cdn.door43.org/obs/jpg/360px/obs-en-01-15.jpg)

देवान आपल्या प्रतिरुपाचे बाय-बापयो बनवल्यान. देवान तेंका आशीर्वाद दिल्यान, "तुमका मॉप झिल-चेडवा नी नातवंडा व्होन्देत नी पृथ्वी व्यापून टाका!" देवान बघल्यान की सगळा काय चांगला हा नी त्या सगळ्याविषयी तो आनंदित झालो. ह्या सगळा उत्पत्तीच्या साव्या दिवसाक घडला.

![](https://cdn.door43.org/obs/jpg/360px/obs-en-01-16.jpg)

सातव्या दिवसाक उत्पत्तीचा काम पुरा झालला व्हता. मगे आपल्या कामापासना त्या दिवसाक देवान इश्रांती घेतल्यान. देवान सातव्या दिवसाक आशिर्वादित करून पवित्र ठरवल्यान कारण त्या दिवसाक तेना कामापासना इश्रांती घेतल्यान. ह्या प्रकारान जग नी तेच्यातला सगळा काय देवान निर्माण केल्यान.

*बायबलातली गोष्ट:उत्पत्ति 1 -2*

## 2. पापाचो जगात प्रवेश

https://openbiblestories.org/l/gom-x-malvani/story-2/

![](https://cdn.door43.org/obs/jpg/360px/obs-en-02-01.jpg)

देवान बनवलल्या सुंदर बागेत आदाम नी तेची बायल ही दोघा खूप आनंदात व्हती. ती दोघाव नागडी व्हती, पण तेंका संकोच वाटायचो नाय, कारण त्यायेळेक जगात पाप नाय व्हता. ती दोघा कायम बागेत देवाबरोबर फिरत असायची नी देवाबरोबर बोलत ऱ्हवायची.

![](https://cdn.door43.org/obs/jpg/360px/obs-en-02-02.jpg)

पण त्या बागेत येक धूर्त साप व्हतो. तो बायक म्हणालो, " काय तुमी बागेतल्या खयच्याव झाडाचा फळ खाव नये असा देवान तुमका सांगला ह्या खरा काय ?"

![](https://cdn.door43.org/obs/jpg/360px/obs-en-02-03.jpg)

बायन उत्तर दिल्यान, "बागेतल्या खयच्याव झाडाचा फळ खावची आमका मोकळीक हा, फक्त बऱ्यावायटाचा ज्ञान करून देणारा फळ खावक मनाय हा. देव बोललो, "जर तुमी खालास किंवा तेका स्पर्शव केलास, तर मरतलास.

![](https://cdn.door43.org/obs/jpg/360px/obs-en-02-04.jpg)

सापान बायक म्हटल्यान, "ह्या खोटा हा! तुमी खरोखर मराचास नाय. देवाक ठावक हा की ह्या फळ खाल्ल्यार, तुमका तेच्या सारख्या बऱ्यावायटाचा ज्ञान होयत."

![](https://cdn.door43.org/obs/jpg/360px/obs-en-02-05.jpg)

बायन बघल्यान की ता फळ खावक चांगला नी दिसाक मनोहर हा. तेका शहाणाव होवचा व्हता, म्हणान तेना काय फळा घितल्यान नी खाल्ल्यान. मगे तेना आपल्या नवऱ्याकव काय फळा दिल्यान, तो तेच्या बाजूक व्हतो नी तेनाव ती खाल्ल्यान.

![](https://cdn.door43.org/obs/jpg/360px/obs-en-02-06.jpg)

अचानक तेंचे डोळे उघाडले नी ते नागडे आसत ता तेंका कळला. मगे तेंनी झाडाची पाना शिवान आपल्याक झाकुक कटीवेष्टना(कपडे) तयार केल्यानी.

![](https://cdn.door43.org/obs/jpg/360px/obs-en-02-07.jpg)

मगे आदाम नी तेची बायल हेंनी देवबाप बागेत इल्याचो आवाज आयकल्यानी. ती दोघाव देवापासना लपली. मगे देवान आदामाक इचारल्यान, "तू खय आसस ?" आदामान उत्तर दिल्यान, "बागेत चलण्याचो तुझो आवाज आयकलय नी मीया घाबारलय, कारण मीया नागडो आसय. म्हणान मीया लपलय."

![](https://cdn.door43.org/obs/jpg/360px/obs-en-02-08.jpg)

मगे देवान इचारल्यान, "तू नागडो आसस ह्या तुका कोणी सांगितल्यान? मीया नको म्हटललय ता फळ तू खाल्लस काय?" आदामान उत्तर दिल्यान, " तू माका ही बायल दिलस नी तेना ह्या फळ माका दिल्यान. मगे देव बायक बोललो, "तू ह्या काय केलस?" बायन उत्तर दिल्यान, "सापान माका फसवल्यान."

![](https://cdn.door43.org/obs/jpg/360px/obs-en-02-09.jpg)

देव सापाक बोललो, "तू शापित झाल आसस! तू आपल्या पोटान चलशीत नी माती खाशीत. तू नी बाय हेंच्यात वैर स्थापित करतलय नी तुझ्या नी बायच्या संततीतव मीया वैर स्थापित करतलय. बायची संतती तुझा डोक्या ठेचतली नी तू तेंची टाच फोडतलस."

![](https://cdn.door43.org/obs/jpg/360px/obs-en-02-10.jpg)

मगे देव बायक बोललो, "तू मोठ्या कष्टान पोरा जन्माक घालशीत असा मीया करतलय. तरी तुझी वढ तुझ्या घोवाकडे ऱ्हवतली नी तो तुझ्यार स्वामित्व चालयतलो."

![](https://cdn.door43.org/obs/jpg/360px/obs-en-02-11.jpg)

देव माणसाक म्हणालो, "तू आपल्या बायलेचा आयकलस नी माझी आज्ञा मोडलस म्हणान जमिन शापित झाली हा, आता तुका कष्ट करूनच अन्न मिळात. तू मरशीत नी तुझा शरीर मातयेत मिळात." आदामान तेच्या बायलेक 'हव्वा' ह्या नाव दिल्यान, हेचो अर्थ "जन्मदात्री", कारण तिच्याचपासना सगळी माणसा जन्माक इली. मगे देवान आदाम नी हव्वा हेंका चर्मवस्त्रा करून घातल्यान.

![](https://cdn.door43.org/obs/jpg/360px/obs-en-02-12.jpg)

मगे देव बोललो, "आता माणूस प्राणी आपल्या सारखोच झालो हा. तेका बऱ्यावायटाचा ज्ञान झालला हा. तेका जीवनाच्या झाडाचा फळ खावक देवन सर्वकाळ जगाक देता नये." म्हणान देवान आदाम नी हव्वा हेंका सुंदर बागेतना घालवून दिल्यान. देवान त्या बागेभोवती सामर्थ्यशाली देवदूतांचो पहारो ठेवल्यान, की कोणी त्या झाडाचा फळ खाव नये.

*बायबलातली गोष्ट:उत्पत्ति 3*

## 3. जल प्रलय (व्होऊर)

https://openbiblestories.org/l/gom-x-malvani/story-3/

![](https://cdn.door43.org/obs/jpg/360px/obs-en-03-01.jpg)

बऱ्याच वर्षांनी, पृथ्वीर मॉप लोकवस्ती वाढली. लॉक मॉपच दुष्ट नी हिवसाचारी व्हयत गेले. ते येवढे वायट झाले की देवान ठरवल्यान की तेंचो जलप्रलयान नाश करायचो.

![](https://cdn.door43.org/obs/jpg/360px/obs-en-03-02.jpg)

पण नोहार परमेश्वराची कृपादृष्टी व्हती. पृथ्वीरल्या दुष्ट लोकांतूर ऱ्हवणारो ह्यो येक न्यायी बापयो व्हतो. देव येक मोठो पूर पाठवणार व्हतो त्या जलप्रलयाविषय देवान नोहाक संगितल्यान. तेना नोहाक येक भलो मोठो तारू(जहाज) बनवक सांगितल्यान.

![](https://cdn.door43.org/obs/jpg/360px/obs-en-03-03.jpg)

देवान नोहाक १४०मीटर लांब, २३मीटर रुंद आणि १३.५मीटर उंचीचो तारू तयार करूक सांगल्यान. तेना नोहाक तेच्यात तीन मजले, पुष्कळशे खोलये, छत नी खिडके बनवूक सांगल्यान. त्या तारवात नोहा, तेचा कुटुंब नी पृथ्वीरच्या प्रत्येक जातीचे पशु प्रलयाच्या येळाक सुरक्षित ऱ्हवणार व्हते.

![](https://cdn.door43.org/obs/jpg/360px/obs-en-03-04.jpg)

नोहान देवाची आज्ञा पाळल्यान. तेना नी तेच्या तीनव झिलांनी देवान सांगल्याप्रमाण तारू बांधल्यानी. ह्या जहाज बनवूक मॉप वर्सा लागली, कारण ता खूप मोठा होता. नोहान लोकांका प्रलयाविषय सांगल्यान नी देवाकडे वळाक सांगल्यान पण कोणीच तेच्याकडे लक्ष देवक नाय.

![](https://cdn.door43.org/obs/jpg/360px/obs-en-03-05.jpg)

देवान नोहा नी तेच्या बिराडातल्या नी प्राण्यांका पुष्कळसा अन्नधान्य साठवूक सांगल्यान. जहाज तयार झाल्यार देवान नोहा, तेची बायल, तेचे झिल नी सुने हेंका तारवात जावक सांगल्यान. ते एकूण आठ जाण व्हते.

![](https://cdn.door43.org/obs/jpg/360px/obs-en-03-06.jpg)

देवान नोहाकडे प्रत्येक प्राण्यांचे नी पक्षांचे नर नी मादी पाठयल्यान, कारण की तेनी तारवात जावन प्रलयापासना तेंका संरक्षण मिळात. देवान प्रत्येक जातीच्या प्राण्यांचे सात नर नी सात मादयेव पाठयल्यान, तेंचो उपयोग अर्पण करूक व्हणार व्हतो. त्या सगळ्यानी तारवात प्रवेश केल्यार देवान स्वताच तारवाचो दरवाजो बंद केल्यान.

![](https://cdn.door43.org/obs/jpg/360px/obs-en-03-07.jpg)

आणि मगे पावस सुरू झालो. पावस, पावस आणि पावस. चाळीस दिवस नी चाळीस रात्री नुसतो पावस पडलो. पृथ्वीखालच्या पाणयाचे झरेव मोकळे झाले नी तेच्यातना जोरात पाणी व्हावाक लागला. सगळी पृथ्वी पाणयान व्यापून टाकल्यान. सगळे पर्वतव बुडले.

![](https://cdn.door43.org/obs/jpg/360px/obs-en-03-08.jpg)

तारवातले लॉक नी प्राणी सोडून, तारवाच्या भायर जमनीर आसलला सगळा काय प्रलयात मराण गेला. तारू पाणयार तरंगत ऱ्हवला नी भुतूरले सगळेजाण बुडण्यापासना सुरक्षित ऱ्हवले.

![](https://cdn.door43.org/obs/jpg/360px/obs-en-03-09.jpg)

पावस थांबल्यार, तारू पाच म्हयने पाणयार तरंगत व्हता नी त्या अवधीत पाणी ओसरत ऱ्हवला. मग येके दिवसाक तारू येका पर्वतार टेकला, पण सगळा जग आजूनव पाणयाखालीच व्हता. आणखीन तीन म्हयन्यानी पर्वताचे माथे दिसाक लागले.

![](https://cdn.door43.org/obs/jpg/360px/obs-en-03-10.jpg)

तेच्यानंतर आणखीन चाळीस दिवसानी नोहान येक कावळो पाणी सुकला की नाय ह्या बघुक भायर सोडल्यान. तो कावळो सुकी जमीन मिळात म्हणून हकडेतकडे फिरत ऱ्हवलो पण तेका काय सुकी जमीन मिळाक नाय.

![](https://cdn.door43.org/obs/jpg/360px/obs-en-03-11.jpg)

नंतर नोहान याक कबुतार भायर सोडल्यान. पण तेकाव सुकी जमीन सापडाक नाय म्हणान ता नोहाकडे परत इला. यका आठवड्यान तेना परत याक कबुतार भायर सोडल्यान नी ता आपल्या चोचीतना जैतूनाची फांदी घेवन इला. पाणी ओसरा व्हता नी वनस्पती वाढाक लागले व्हते!

![](https://cdn.door43.org/obs/jpg/360px/obs-en-03-12.jpg)

नोहान आणखीन येक आठवडो वाट बघून त्या कबूतराक तिसऱ्या खेपेक पाठयल्यान. ह्या खेपेक, तेका विसाव्याक ठिकाण सापडला आणि ता माघारी येवक नाय. पाणी सुकत चलला व्हता!

![](https://cdn.door43.org/obs/jpg/360px/obs-en-03-13.jpg)

दोन म्हयन्यानी देव नोहाक म्हणालो, " तू नी तुझा कुटुंब आता तारवाभायर येव शकतास. तुमका मॉप झिल-चडवा नी नातवंडा व्होवंदे नी पृथ्वी भरून टाका. "मगे नोहा नी तेचा कुटुंब तारवाभायर इला.

![](https://cdn.door43.org/obs/jpg/360px/obs-en-03-14.jpg)

नोहा तारवाभायर इल्यार तेना वेदी बांधल्यान नी अर्पणाक वापरुच्या प्राण्यांतुरना प्रत्येक प्रकारातना काय प्राण्यांचा देवाक होमार्पण केल्यान. देव नोहाच्या होमार्पणान संतुष्ट झालो नी तेका नी तेच्या कुटुंबाक आशीर्वाद दिल्यान.

![](https://cdn.door43.org/obs/jpg/360px/obs-en-03-15.jpg)

देव बोललो, "मीया वचन देतय हेच्या पुढे माणसाच्या दुष्टायन जमनिक कधीच शाप देणार नाय नी पाणयान जगाचो नाश करणार नाय, कारण माणूस बालपणापासनाच पापी आसतत.

![](https://cdn.door43.org/obs/jpg/360px/obs-en-03-16.jpg)

मगे देवान पयल्यांदा मेघधनुष्य बनवल्यान नी नोहाबरोबर करार केल्यान. मेघधनुष्य जेवा जेवा आकाशात दिसात, तेवा तेवा देवाक माणसाबरोबर केलल्या कराराची आठवण व्हता नी तेच्या लोकांकाव आठवण व्हता.

*बायबलातली गोष्ट : उत्पत्ति 6-8*

## 4. देवाचो अब्राहामाबरोबर करार

https://openbiblestories.org/l/gom-x-malvani/story-4/

![](https://cdn.door43.org/obs/jpg/360px/obs-en-04-01.jpg)

व्होऊरानंतर मॉप वर्सांनी, जगात परत लॉक वाढले नी सगळ्यांची येकच भाषा व्हती. देवान सांगल्याप्रमाण पृथ्वी व्यापून न टाकता ते यकत्र जमले नी तेंनी याक शहर बांधल्यानी.

![](https://cdn.door43.org/obs/jpg/360px/obs-en-04-02.jpg)

ते मॉप घमेंडी व्हयत गेले नी देव काय बोललो तेच्याकडे लक्ष देवक नाय. तेंच्यानी स्वर्गापर्यात पोचात असो येक उंच बुरुजव बांधाक सुरवात केल्यानी. देव बोललो असल्या प्रकारची दुष्टाय करूक ते येकत्र काम करतीत, तर ते आजूनव अधिक दुष्ट कामा करतीत.

![](https://cdn.door43.org/obs/jpg/360px/obs-en-04-03.jpg)

मगे देवान तेंच्या भाषेत गोंधळ घातल्यान नी मॉपशे भाषा निर्माण केल्यान नी असल्या प्रकारान तेंका सगळ्या जगात पांगवल्यान. जा शहर तेंनी बनवक घेतलल्यानी तेका 'बाबेल' म्हणजे 'गोंधळ' असा म्हटल्यान.

![](https://cdn.door43.org/obs/jpg/360px/obs-en-04-04.jpg)

शेकडो वर्सांनी, देव अब्राम नावाच्या माणसाबरोबर बोललो. देव तेका बोललो, "तू आपलो देश नी आपल्या नातेवायकांका सोडून मीया दाखवतय त्या देशात जा. मीया तुका आशीर्वाद देयन नी तुझ्यापासना येक मोठा राष्ट्र निर्माण करीन. मी तुझा नाव मोठा करीन. तुका जे आशीर्वाद देतीत तेंका मी आशीर्वाद देयन नी तुका जे शाप देतीत तेंका मीया शाप देयन. तुझ्यापासना पृथ्वीरची सगळी कुळा आशिर्वादित व्हतीत.

![](https://cdn.door43.org/obs/jpg/360px/obs-en-04-05.jpg)

अब्रामान देवाच्या आज्ञेचा पालन केल्यान. तेना आपली बायल साराय नी सगळ्या नोकराचाकरांसयत मिळवलली सगळी मालमत्ता घेवन अब्राम देवान दाखवलल्या कनान देशात जावक निघालो.

![](https://cdn.door43.org/obs/jpg/360px/obs-en-04-06.jpg)

कनान देशात इल्यार देवान अब्रामाक म्हटल्यान, "तू तुझ्या आजूबाजूक बघ. ह्यो देश जो तू बघतस, मीया तुका नी तुझ्या अवलादीक वतन म्हणान देयन. मगे अब्राम थय वस्ती करून ऱ्हवलो.

![](https://cdn.door43.org/obs/jpg/360px/obs-en-04-07.jpg)

येक दिवसाक, अब्राम परात्पर देवाचो याजक मलकीसदेक हेका भेटता. मलकीसदेकान अब्रामाक आशीर्वाद दिल्यान नी म्हटल्यान, "आकाश नी पृथ्वीचो स्वामी जो परात्पर देव अब्रामाक आशीर्वाद देवो." मगे अब्रामान मलकीसदेकाक आपल्या सगळ्या गोष्टींचो धावो भाग दिल्यान.

![](https://cdn.door43.org/obs/jpg/360px/obs-en-04-08.jpg)

पुष्कळशी वर्सा गेली, पण अब्राम नी साराय हेंका आजून पॉर नव्हता. देवान अब्रामाक परत दर्शन देवन म्हटल्यान की, तेका झिल होयत नी तेची अवलाद आकाशातल्या ताऱ्यांप्रमान होयत. अब्रामान देवाच्या वचनार इश्वास ठेवल्यान. देवार ठेवलेल्या इश्वासामुळा देवान अब्रामाक नीतिमान ठरयल्यान.

![](https://cdn.door43.org/obs/jpg/360px/obs-en-04-09.jpg)

मगे देव अब्रामाबरोबर करार करता. करार ह्यो दोन व्यक्तीतूर किंवा दोन पक्षांतूर केलो जाता. देव बोललो, "तुका तुझ्याच पोटचो झिल होयत." तुझ्या अवलादीक मी कनान देश देयन. पण आजून अब्रामाक झिल झालो नव्हतो.

*बायबलातली गोष्ट:उत्पत्ति 11-15*

## 5. प्रतिज्ञेचो झिल

https://openbiblestories.org/l/gom-x-malvani/story-5/

![](https://cdn.door43.org/obs/jpg/360px/obs-en-05-01.jpg)

अब्राम नी साराय कनान देशात पोचल्यार धा वर्सानी, आजूनव तेंची कोणच अवलाद नव्हती. म्हणान, अब्रामाची बायल सारायन तेका म्हटल्यान, "परमेश्वरान आजूनव माका अवलादीक जन्म देवक सक्षम करूक नाय आणि आता मीया अवलादीक जन्म देवक मॉप म्हातारा झालय. बघ, माझी दाशी हागार हय हा. तेच्याबरोबर लगीन कर म्हणजे माझ्यासाठी ता येक अवलाद उत्पन करीत."

![](https://cdn.door43.org/obs/jpg/360px/obs-en-05-02.jpg)

शेवटाक अब्रामान हागारेबरोबर लगीन केल्यान. हागारेन यका झिलाक जन्म दिल्यान नी अब्रामान तेचा नाव इश्माएल ठेवल्यान. पण साराय हागारेर जळाक लागला. जेळाक इश्माएल तेरा वर्साचो व्हतो, परमेश्वरान परत अब्रामाबरोबर बोलना केल्यान.

![](https://cdn.door43.org/obs/jpg/360px/obs-en-05-03.jpg)

परमेश्वरान म्हटल्यान, "मीया सर्व-शक्तिमान परमेश्वर आसय. मीया तुका याक वचन दितय." तेळाक अब्रामान जमनीर पडान नमन केल्यान. परमेश्वरान अब्रामाक ह्याव सांगल्यानं, "तू मॉपशा जातींचो बापुस व्हतलस. मीया तुका नी तुझ्या पोरांका कायमची जमीन म्हणान कनान देश दितलय नी मीया कायमचो तेंचो परमेश्वर व्हतलय. तुका आपल्या घरच्या सगळ्या बापयांची सुंता करुची आसा.

![](https://cdn.door43.org/obs/jpg/360px/obs-en-05-04.jpg)

"तुझी बायल साराय यका झिलाक जन्म देयत - तो प्रतिज्ञेचो झिल आसतलो. तेचा नाव इसहाक ठेव. मीया तेच्याबरोबर माझो करार करीन." तेळाक परमेश्वरान अब्रामाचा नाव बदलून 'अब्राहाम' केल्यान, जेचो अर्थ हा, "मॉप जनांचो बापुस". परमेश्वरान सारेचाव नाव बदलून 'सारा' केल्यान, जेचो अर्थ "मूळ आवस".

![](https://cdn.door43.org/obs/jpg/360px/obs-en-05-05.jpg)

ते दिवशी अब्राहामान आपल्या घरण्यातल्या सगळ्या बापयांची सुंता केल्यान. जवळपास येक वर्सान, जेळाक अब्राहाम १०० वर्साचो व्हतो नी सारा ९० वर्साचा व्हता, तेळाक सारान अब्राहमाच्या झिलाक जन्म दिल्यान. जसा परमेश्वरान तेंका सांगलल्यान तसाच तेनी तेचा नाव 'इसहाक' ठेवल्यानी.

![](https://cdn.door43.org/obs/jpg/360px/obs-en-05-06.jpg)

जेळाक इसहाक तरणो झालो तेळाक अब्राहमाची परीक्षा घेवसाठी परमेश्वर तेका ह्या बोललो, "आपल्या यकुलत्या झिलाक घी नी तेका माझ्यासाठी बलि म्हणान मारून टाक." परत अब्राहामान परमेश्वराचा म्हणना आयकल्यान नी आपल्या झिलाक बलि करूक तयार केल्यान.

![](https://cdn.door43.org/obs/jpg/360px/obs-en-05-07.jpg)

जेळाक अब्राहाम नी इसहाक बलि चढवच्या जागेच्या दिशेन जावक लागले तेळाक इसहाकान इचारल्यान, "हे पित्या, आमच्याकडे बलिक लाकडा तर आसत, पण बलि करुचो मेमनो खय हा?" अब्राहमान उत्तर दिल्यान, "अरे माझ्या झिला, परमेश्वर बलि करुच्या मेमन्याची सोय करीत."

![](https://cdn.door43.org/obs/jpg/360px/obs-en-05-08.jpg)

जेळाक ते बलि चढुच्या जागेर पोचले, तेळाक अब्राहामान इसहाकाक बांधान वेदीर झोपयल्यान. तो आपल्या झिलाक मारणारच व्हतो, तितक्यात परमेश्वर बोललो, "थांब! पोराक काय दुखव नको. आता मी समजान गेलय की तू माझा भय मानतस, कारण तू आपल्या यकुलत्या झिलाकव माझ्यासाठी राखान ठेवक नाय."

![](https://cdn.door43.org/obs/jpg/360px/obs-en-05-09.jpg)

बाजूकच अब्राहामान येका मेंढ्याक बघल्यान जो झालयेत अडकलो व्हतो. इसहाकाच्या बदल्यात बलि चढवक परमेश्वरान मेंढ्याची सोय केलल्यान. अब्राहामान आनंदान मेंढ्याचो बलि चढयल्यान.

![](https://cdn.door43.org/obs/jpg/360px/obs-en-05-10.jpg)

तेळाक परमेश्वरान अब्राहामाक सांगल्यान, "तू सगळा काय माका देवक तयार व्हतस, आपल्या यकुलत्या झिलाकव, म्हणान मीया तुका आशीर्वाद देवची प्रतिज्ञा करतय. तुझी अवलाद आकाशातल्या ताऱ्यांपेक्षाव लय व्हतली. कारण तू माझ्या आज्ञेक पाळलस, म्हणान मीया तुझ्या बिराडापासना जगातल्या सगळ्या कुळांका आशीर्वाद देयन."

*बायबलातली गोष्ट : उत्पत्ति अध्याय 16-22*

## 6. परमेश्वर इसहाकाक मदत करता

https://openbiblestories.org/l/gom-x-malvani/story-6/

![](https://cdn.door43.org/obs/jpg/360px/obs-en-06-01.jpg)

जेळाक अब्राहाम खूप म्हातारो झाललो, तेळाक तेचो झिल इसहाक येका बापयाच्या वयाचो झाललो. म्हणान अब्राहामान आपल्या यका नोकराक आपल्या झिलाक बायल आणूक 'ऊस" देशाक पाठयल्यान, थय तेचे पावणे ऱ्हवत.

![](https://cdn.door43.org/obs/jpg/360px/obs-en-06-02.jpg)

जय अब्राहामाचे पावणे ऱ्हवत थयल्या देशाक जावचो मोठो प्रवास झाल्यार परमेश्वरान त्या नोकराक रिबकाक भेटयल्यान. ती अब्राहामाच्या भावाची नात व्हती.

![](https://cdn.door43.org/obs/jpg/360px/obs-en-06-03.jpg)

रिबका आपल्या परिवाराक सोडून त्या नोकराबरोबर परत जावक तयार झाला. जशे ते पोचले इसहाकान तेच्याबरोबर लगीन केल्यान.

![](https://cdn.door43.org/obs/jpg/360px/obs-en-06-04.jpg)

भरपूर दिवस गेल्यार, अब्राहाम मरान गेलो. तेळाक परमेश्वरान अब्राहामाक दिलल्या वचनामुळाक अब्राहामाचो झिल इसहाकाक आशिर्वाद दिल्यान. त्या वचनात परमेश्वराची येक प्रतिज्ञा व्हती की, अब्राहामाचे अगणित वंशज व्हतले. पण इसहाकाची बायल रिबकाक पोरा होवक नाय.

![](https://cdn.door43.org/obs/jpg/360px/obs-en-06-05.jpg)

इसहाकान रिबकासाठी प्रार्थना केल्यान नी परमेश्वरान तेका जुळ्या पोरांचो गर्भ धरूक सक्षम केल्यान. ज्या येळाक ते पॉर रिबकाच्या पोटात व्हते तेळाक ते आपसात भांडाक लागले, म्हणान जा काय व्हयत व्हता ता सगळा रिबकान परमेश्वराक सांगान टाकल्यान.

![](https://cdn.door43.org/obs/jpg/360px/obs-en-06-06.jpg)

परमेश्वरान रिबकाक म्हटल्यान, "तू दोन झिलांका जन्म देशीत. तेंच्या अवलादीचे दोन यगयगळे जातये बनतले. ते एक-दुसऱ्या बरोबर भांडतले. पण मोठ्या झिलापासना उत्पन व्हणाऱ्या जातिक बारक्या झिलापासना यणाऱ्या जातयेचे आज्ञा मानुचे लागतले.

![](https://cdn.door43.org/obs/jpg/360px/obs-en-06-07.jpg)

जेळाक रिबकाच्या पोरांचो जन्म झालो, तेळाक मोठो झिल लालो नी केसाळ व्हतो, नी तेचा नाव 'एसाव' ठेवल्यानी. तेळाक बारको झिल एसावाच्या टाचेक धरून जनामलो, नी तेनी तेचा नाव 'याकोब' ठेवल्यानी.

*बायबलातली गोष्ट: उत्पत्ति अध्याय 24:1-25:26*

## 7. परमेश्वर याकोबाक आशिर्वाद देता

https://openbiblestories.org/l/gom-x-malvani/story-7/

![](https://cdn.door43.org/obs/jpg/360px/obs-en-07-01.jpg)

जेळाक ते पोर मोठे झाले, तेळाक याकोबाक घरात ऱ्हवाक बरा वाटला, पण एसावाक जनावरांची शिकार करूक आवडा. रिबकान याकोबार माया लावल्यान, पण इसहाकाची एसावार प्रीती व्हती.

![](https://cdn.door43.org/obs/jpg/360px/obs-en-07-02.jpg)

येक दिवस, जेळाक ऐसाव शिकार करून परत इलो तेळाक तेका खूप भूक लागलली. एसावान याकोबाक म्हटल्यान, "जा काय तू शिजवलस तेच्यातला थोडा जेवान माका दी." याकोबान उत्तर दिल्यान, "पयला माका ह्या वचन दी की, थोरलो असल्याकारणान जे सगळे गोष्टी तुका मिळाक व्हये, ते सगळे तू माका दितलस." शेवटाक एसावान ते सगळे गोष्टी याकोबाक देवचा वचन दिल्यान. तेळाक याकोबान तेका जेवान दिल्यान.

![](https://cdn.door43.org/obs/jpg/360px/obs-en-07-03.jpg)

इसहाकाची एसावाक आशीर्वाद देवची इच्छा व्हती. पण तेच्या आधी रिबका नी याकोबान असा केल्यान की, याकोब ह्यो एसाव असल्याचा ढोंग करून इसहाकाक फसवल्यानी. इसहाक म्हातारो झाललो नी तेका दिसत नाय व्हता. म्हणान याकोबान एसावाचे कपडे घातल्यान नी बकऱ्याची लोकूर आपल्या गळ्याभवती नी हातांवर लावन घितल्यान.

![](https://cdn.door43.org/obs/jpg/360px/obs-en-07-04.jpg)

योकोब इसहाकाकडे इलो नी बोललो, "मी एसाव आसय. तू माका आशिर्वाद देशीत म्हणान मिया तुझ्याकडे इलय." जेळाक इसहाकान कपडे समजान बकऱ्याच्या लोकरीचो वास घेतल्यान, तेळाक तेका वाटला की तो एसाव हा नी तेना आशीर्वाद दिल्यान.

![](https://cdn.door43.org/obs/jpg/360px/obs-en-07-05.jpg)

एसावान याकोबार ईर्षा केल्यान, कारण योकोबान तेच्या थोरल्या झिलाचो अधिकार नी तेच्या आशिर्वादांकाव चोरलल्यान. शेवटाक तेना आपलो बापुस मेल्यार याकोबाक मारून टाकुची योजना केल्यान.

![](https://cdn.door43.org/obs/jpg/360px/obs-en-07-06.jpg)

पण रिबकान एसावाची योजना आयकल्यान. म्हणान तेना नी इसहाकान याकोबाक तेंच्या नातेवायकांकडे ऱ्हवाक खूप लांब पाठवन दिल्यान.

![](https://cdn.door43.org/obs/jpg/360px/obs-en-07-07.jpg)

योकोब काय वर्सा रिबकेच्या नातेवायकांकडे ऱ्हवलो. त्या येळाक तेना लगीनव केल्यान नी बारा झिलांका नी यका चेडवाक जन्म दिल्यान. परमेश्वरान तेका मॉप श्रीमंत बनयल्यान.

![](https://cdn.door43.org/obs/jpg/360px/obs-en-07-08.jpg)

वीस वर्सांपर्यात कनान देशात आपल्या घरापासना लांब ऱ्हवल्यार याकोब आपला बिऱ्हाड, आपले नोकर नी आपली जनावरा हेंचे मोठे घोळके घेवन परत जावक निघालो.

![](https://cdn.door43.org/obs/jpg/360px/obs-en-07-09.jpg)

याकोब खूप भियान व्हतो कारण तेना विचार केल्यान की, एसाव आजूनव तेका मारून टाकुक बघित. म्हणान, तेना भेट म्हणान जनावरांचे घोळके करून एसावाकडे पाठयल्यान. जे नोकर त्या घोळक्यांका घेवन गेलले ते बोलले, "तुझो दास याकोब हेना ही जनावरा तुका दिल्यान हत. तो लवकरच पाठना येता.

![](https://cdn.door43.org/obs/jpg/360px/obs-en-07-10.jpg)

पण एसाव आता याकोबाक काययेक नुकसान करीत नाय. ह्या सोडून, तो तेका परत येकदा बघून खूप खुश झालो. तेच्यानंतर याकोब कनान देशात शांतिन ऱ्हवलो. मगे इसहाक मेलो नी याकोब नी एसावान तेका पुरल्यान. अब्राहामाक वचन देवन परमेश्वरान जी प्रतिज्ञा केलल्यान ती आता इसहाकावरना याकोबार इलली.

*बायबलातली गोष्ट : उत्पत्ति अध्याय 25:27-35:29*

## 8. परमेश्वर योसेफ नी तेच्या परिवाराक वाचवता

https://openbiblestories.org/l/gom-x-malvani/story-8/

![](https://cdn.door43.org/obs/jpg/360px/obs-en-08-01.jpg)

काय वर्सानंतर, जेळाक याकोब म्हातारो झालो व्हतो, तेळाक तेना आपलो आवडतो झिल योसेफ हेका तेचे भाव जे जनावरांची देखरेख करी व्हते तेंचा कसा काय चलला ता बघुक पाठयल्यान.

![](https://cdn.door43.org/obs/jpg/360px/obs-en-08-02.jpg)

योसेफाचे भाव तेच्यार जळायचे, कारण तेंचो बापुस तेच्यार लय प्रेम करायचो नी योसेफान स्वप्ना पण बघलल्यान की, तो तेंच्यार राज्य करीत. जेळाक योसेफ आपल्या भावांकडे इलो तेळाक तेंनी तेका धरून बांधल्यानी नी तेका गुलामांचो व्यापार करणाऱ्यांका इकून टाकल्यानी.

![](https://cdn.door43.org/obs/jpg/360px/obs-en-08-03.jpg)

घराक परत येवच्या आधी योसेफाच्या भावांनी योसेफाचे कपडे फाडून बकरीच्या रक्तात भिजयल्यानी. मगे तेनी ते कपडे आपल्या बापाशीक दाखयल्यानी म्हणजे तो इचार करीत की जंगली जनावरांनी तेका मारून टाकल्यानी. याकोब खूप दुःखी झालो.

![](https://cdn.door43.org/obs/jpg/360px/obs-en-08-04.jpg)

गुलामांचो व्यापार करणारे लॉक योसेफाक मिसराक घेवन गेले. नील नदयेच्या तिराक वसललो मिसर येक मोठो नी सामर्थ्यवान देश व्हतो. त्या गुलामांचो व्यापार करणाऱ्यांनी योसेफाक यका श्रीमंत सरकारी अधिकाऱ्याक गुलाम म्हणान इकून टाकल्यानी. योसेफानव आपल्या धन्याची बरी सेवा केल्यान नी परमेश्वरान योसेफाक आशिर्वाद दिल्यान.

![](https://cdn.door43.org/obs/jpg/360px/obs-en-08-05.jpg)

तेच्या मालकाच्या बायलेन योसेफाबरोबर झोपाचो प्रयत्न केल्यान, पण योसेफान असल्याप्रकारान परमेश्वराविरुद्ध पाप करूक नकार दिल्यान. ती रागावली नी योसेफार खोटो आरोप केल्यान, म्हणान तेका पकडून तुरुंगात टाकण्यात इला. तुरुंगातव योसेफ परमेश्वराबरोबर इश्वासान ऱ्हवलो नी परमेश्वरान तेका आशिर्वाद दिल्यान.

![](https://cdn.door43.org/obs/jpg/360px/obs-en-08-06.jpg)

दोन वर्सांनी, आजूनव निर्दोष आसान योसेफ तुरुंगात व्हतो. येके रात्री, फारोन दोन स्वप्ना बघल्यान जेना तो खूपच काळजीत पडलो. तेच्या सल्लागारांपैकी कोणच तेच्या स्वप्नांचो अर्थ सांगू शकलो नाय.

![](https://cdn.door43.org/obs/jpg/360px/obs-en-08-07.jpg)

परमेश्वरान योसेफाक स्वप्नांचो अर्थ सांगूची क्षमता दिलल्यान, म्हणान फारोन योसेफाक तुरुंगातना आपल्याकडे बोलयल्यान. योसेफान तेच्या स्वप्नांचो अर्थ सांगल्यान नी म्हणालो,."परमेश्वर सात वर्सा चांगली शेती देयत मगे सात वर्सा मोठो दुष्काळ पाठयत."

![](https://cdn.door43.org/obs/jpg/360px/obs-en-08-08.jpg)

योसेफाची फारोर यवढी छाप पाडली की तेना तेका मिसर देशाचो पंतप्रधान केल्यान.

![](https://cdn.door43.org/obs/jpg/360px/obs-en-08-09.jpg)

योसेफान चांगल्या शेतीच्या सात वर्सात मोठ्या प्रमाणात जेवनासाठी धान्य गोळा केल्यान. जेळाक सात वर्साचो दुष्काळ इलो तेळाक लोकांका खावक पुरात यवढा धान्य योसेफान लोकांका इकल्यान.

![](https://cdn.door43.org/obs/jpg/360px/obs-en-08-10.jpg)

तो दुष्काळ फक्त मिसरताच नाय व्हतो, तर कनानातव भयंकर व्हतो, जय याकोब नी तेचा बिराड ऱ्हवत व्हतो.

![](https://cdn.door43.org/obs/jpg/360px/obs-en-08-11.jpg)

म्हणान योकोबान आपल्या सगळ्या मोठ्या झिलांका धान्य खरेदी करून मिसरात पाठयल्यान. जेळाक ते धान्य खरेदीक योसेफासमोर उभे ऱ्हवले तेळाक तेच्या भावांनी तेका वळखाक नाय. योसेफान मात्र तेंका वळाखल्यान.

![](https://cdn.door43.org/obs/jpg/360px/obs-en-08-12.jpg)

ते बदालले आसत की नाय ह्या जाणून घेतल्यार, योसेफान तेंका म्हटल्यान, "मी तुमचो भाव योसेफ आसय! भिया नको. जेळाक तुम्ही माका गुलाम म्हणान इकललास, तेळाक तुम्ही माझा वायट करूचा ठरयललास. पण परमेश्वरान त्या वायटाचो उपयेग चांगल्यासाठी केल्यान! येवा नी मिसरात ऱ्हवा म्हणजे मी तुमची नी तुमच्या बिऱ्हाडासाठी जेवणाची सोय करीन."

![](https://cdn.door43.org/obs/jpg/360px/obs-en-08-13.jpg)

जेळाक योसेफाचे भाव घराक परत गेले नी आपलो बापुस योकोब हेका सांगल्यानी की योसेफ आजूनव जिवंत हा, तेळाक तेका मॉप आनंद झालो.

![](https://cdn.door43.org/obs/jpg/360px/obs-en-08-14.jpg)

जरी याकोब येक म्हातारो माणूस व्हतो तरी तो आपल्या सगळ्या बिऱ्हाडाक घेवन मिसराक गेलो नी ते थय वसती करून ऱ्हवले. याकोब मराच्या आधी तेना सगळ्या झिलांका आशिर्वाद दिल्यान.

![](https://cdn.door43.org/obs/jpg/360px/obs-en-08-15.jpg)

परमेश्वरान वचन देवन जी प्रतिज्ञा अब्राहामाबरोबर केलल्यान ती आता इसहाकार नी तेच्यानंतर याकोब नी तेच्यानंतर तेच्या बारा झिलांवर नी तेंच्या बिऱ्हाडार इलली. त्या बारा झिलांचे अवलादी इस्राएलाची बारा कुळा झाली.

*बायबलातली गोष्ट : उत्पत्ति अध्याय 37-50*

## 9. परमेश्वर मोशेक बोलवता

https://openbiblestories.org/l/gom-x-malvani/story-9/

![](https://cdn.door43.org/obs/jpg/360px/obs-en-09-01.jpg)

योसेफ मेल्यार तेचे सगळे नातेवायक मिसरात वस्ती करून ऱ्हवले. ते नी तेंचे अवलादी कित्येक वर्सा मिसरातच ऱ्हवले नी तेंका मॉप पोरा झाली. तेंची वळख इस्राएली म्हणान झाली.

![](https://cdn.door43.org/obs/jpg/360px/obs-en-09-02.jpg)

शेकडो वर्सांनी, इस्राएली लॉकांची संख्या मॉप वाढली. योसेफान जी कामगिरी केलल्यान ती मिसरी लॉक आता इसारलले. ते इस्राएली लॉकांका भियाक लागले, कारण ते संख्येन तेंच्यापेक्षाव मॉप व्हते. म्हणान त्या यळाक मिसरार राज्य करणाऱ्या फारोन इस्राएली लॉकांका मिसऱ्यांचे दास बनयल्यान.

![](https://cdn.door43.org/obs/jpg/360px/obs-en-09-03.jpg)

मिसऱ्यांनी इस्राएली लॉकांकडना मोठमोठे इमारती नी मॉपशी नगरा सक्तिन बांधुन घितल्यानी. त्या कठीण परिश्रमांनी तेंचा जीवन खूप दुःखी बयवल्यानी, पण परमेश्वरान तेंका आशिर्वाद दिल्यान नी तेंका आजून पॉरा झाली.

![](https://cdn.door43.org/obs/jpg/360px/obs-en-09-04.jpg)

फारोन बघल्यान की इस्राएली लॉकांची अवलाद मॉप वाढता, म्हणान तेना आपल्या लॉकांका इस्राएली लॉकांच्या सगळ्या झिलांका नदयेत फेकून मारून टाकुचो आदेश दिल्यान.

![](https://cdn.door43.org/obs/jpg/360px/obs-en-09-05.jpg)

यका इस्राएली बायन यका झिलाक जन्म दिल्यान. तेना नी तेच्या घोवान जेवढा जमला तेवढो येळ त्या पोराक लपवन ठेयल्यानी.

![](https://cdn.door43.org/obs/jpg/360px/obs-en-09-06.jpg)

जेळाक त्या पोराचे आवस-बापुस तेका आजून लपव शकले नाय, तेळाक तेंनी तेका मारण्यापासना वाचवक यका तरंगत्या टोपलेत ठेवन नाईल नदयेच्या किनाऱ्याक असलल्या लव्हाळ्यातूर ठेयल्यानी. तेची मोठी भयन तेचा काय व्हता ता बघुक थयच ऱ्हवली.

![](https://cdn.door43.org/obs/jpg/360px/obs-en-09-07.jpg)

फारोच्या चेडवाक ती टोपली दिसल्यार तेना तेच्या भुतूर बघल्यान. जेळाक तेना तेच्यात त्या पोराक बघल्यान तेळाक तेना आपलो झिल म्हणान तेका घेतल्यान. तेना यका इस्राएली बायक तेका दूध पाजूक कामार ठेयल्यान, पण तेका म्हायत नाय व्हता की ती त्या पोराची खरी आवस हा. जेळाक तो पोर आपल्या आवशीच्या दुधाची गरज नाय यवढो मोठो झालो तेळाक तेना तेका फारोच्या चेडवाकन परत दिल्यान, त्या पोराचा नाव मोशे व्हता.

![](https://cdn.door43.org/obs/jpg/360px/obs-en-09-08.jpg)

जेळाक मोशे मोठो झालो तेळाक येक दिवस तेना बघल्यान की येक मिसरी येका इस्राएलाक मारत व्हतो. मोशेन आपल्या इस्राएली सोबत्याक वाचवचो प्रयत्न केल्यान.

![](https://cdn.door43.org/obs/jpg/360px/obs-en-09-09.jpg)

जेळाक मोशेन इचार केल्यान की तेका बघनारो कोण नाया तेळाक तेना त्या मिसऱ्याक मारून टाकल्यान नी तेचा शरीर पुरून टाकल्यान. पण मोशेन जा केलल्यान ता कोणीतरी बघलल्यान.

![](https://cdn.door43.org/obs/jpg/360px/obs-en-09-10.jpg)

फारोक समजला की मोशेन काय केलल्यान ता. तेना तेका मारून टाकुचो प्रयत्न केल्यान, पण मोशे मिसराच्या जंगलात पळान गेलो. फारोचे सैनिक तेका थय शोधू शकले नाय.

![](https://cdn.door43.org/obs/jpg/360px/obs-en-09-11.jpg)

मिसरापासना लांब जंगलात मोशे येक मेंढपाळ झालो. तेना थय येका बायबरोबर लगीन केल्यान नी तेका दोन झिलव झाले.

![](https://cdn.door43.org/obs/jpg/360px/obs-en-09-12.jpg)

मोशे आपल्या सासऱ्याच्या मेंढरांचे कळप सांभाळायचो. येक दिवस तेना येक पेटती झाल बघल्यान जी जळत नाय व्हती. ती बघुक तो त्या झालीच्या जवळ गेलो. जेळाक तो त्या झालीच्या येकदम जवळ गेलो तेळाक परमेश्वर तेका बोललो, "अरे मोशे, आपल्या चपलांका काढ. तू येका पवित्र जागेर उभो आसस."

![](https://cdn.door43.org/obs/jpg/360px/obs-en-09-13.jpg)

परमेश्वरान म्हटल्यान, "मिया माझ्या लोकांचा दुःख बघलय. मिया तुका फारोकडे पाठवतय म्हणजे तू इस्राएली लॉकांका मिसराच्या गुलामगिरीतना भायर काढशीत. मिया तेंका कनान देश दितलय, तो देश देवची मी अब्राहाम, इसहाक नी याकोब हेंच्याबरोबर प्रतिज्ञा केललय."

![](https://cdn.door43.org/obs/jpg/360px/obs-en-09-14.jpg)

मोशेन इचारल्यान, "जर माका कोणी पाठयल्यान म्हणान लॉकांनी विचारला तर मिया काय सांगू?" परमेश्वरान म्हटल्यान, "जो मिया आसय तो आसय. तेंका सांग, 'मिया आसय' ने माका पायवल्यान. तेंका ह्याव सांग की, 'मिया तुमचे पूर्वज अब्राहाम, इसहाक नी याकोब हेंचो यहोवा परमेश्वर आसय. माझा ह्याच नाव कायम हा."

![](https://cdn.door43.org/obs/jpg/360px/obs-en-09-15.jpg)

मोशे भियान फारोकडे जायचो नाय कारण तेका वाटा की तेका यवस्तीत बोलाक नाय जमाचा, म्हणान परमेश्वरान मोशेचो भाव अहरोन हेका तेची मदत करूक पाठयल्यान.

*बायबलातली गोष्ट : निर्गमन अध्याय 1-4*

## 10. धा पीडा

https://openbiblestories.org/l/gom-x-malvani/story-10/

![](https://cdn.door43.org/obs/jpg/360px/obs-en-10-01.jpg)

परमेश्वरान मोशे नी अहरोनाक सांगून ठेवलल्यान की फारो कठीण व्हतोलो. जेळाक ते फारोकडे जावन बोलले की, "इस्राएलचो परमेश्वर असा म्हणता, 'माझ्या लॉकांका जावक दी!" पण फारो तेंचा आयकलो नाय नी इस्राएली लॉकांका जावक मोकळा करूचा सोडून आजून तेंका कठीण परिश्रम करूक लावल्यान.

![](https://cdn.door43.org/obs/jpg/360px/obs-en-10-02.jpg)

फारो कायम तेंका जावक नकार द्यायचो, म्हणान परमेश्वरान धा मोठे पीडा पाठयल्यान. ह्या पिडांनी परमेश्वरान फारोक दाखयल्यान की तो फारो नी मिसराच्या देवांपेक्षा मॉप शक्तिमान हा.

![](https://cdn.door43.org/obs/jpg/360px/obs-en-10-03.jpg)

परमेश्वरान नाईल नदयेक रक्तात बदलून टाकल्यान, पण फारोन आजूनव इस्राएली लॉकांका जावक देवक नाय.

![](https://cdn.door43.org/obs/jpg/360px/obs-en-10-04.jpg)

परमेश्वरान सगळ्या मिसरात बांडुक पाठायल्यान. फारोन बांडकांका घालवन देवक इनंती केल्यान. पण सगळे बांडुक मेल्यार फारोचा मन परत कठीण झाला नी इस्राएली लॉकांका तेना जावक देवक नाय.

![](https://cdn.door43.org/obs/jpg/360px/obs-en-10-05.jpg)

मगे परमेश्वरान उयेंची पीडा पाठयल्यान. तेच्यानंतर तेना मच्छरींची पीडा पाठयल्यान. फारोन मोशे नी अहरोनाक बोलयल्यान नी तेंका म्हटल्यान की, जर तेनी त्या पीडेक थांबयल्यानी तर इस्रायली लॉक मिसर देश सोडून जाव शकतत. जेळाक मोशेन प्रार्थना केल्यान तेळाक परमेश्वरान मिसरारना मच्छरी घालवन दिल्यान. पण परत फारोन आपला मन कठोर केल्यान नी त्या लॉकांका मोकळे होवन जावक दिल्यान नाय.

![](https://cdn.door43.org/obs/jpg/360px/obs-en-10-06.jpg)

तेच्यापुढे परमेश्वरान मिसऱ्यांची सगळी पाळलली जनावरा आजारी पाडून मारून टाकल्यान. पण फारोचा मन कठोर झाला नी इस्राएली लॉकांका तेना जावक देवक नाय.

![](https://cdn.door43.org/obs/jpg/360px/obs-en-10-07.jpg)

तेळाक परमेश्वरान मोशेक फारोसमोर हवेत रखा फेकूक सांगल्यान. जेळाक तेना असा केल्यान तेळाक मिसराच्या सगळ्या लॉकांच्या चामडेर गळवा उठली, पण इस्राएली लॉकांका काय येक झाला नाय. परमेश्वरान फारोचा मन कठोर केल्यान नी फारोन इस्राएली लॉकांका मोकळे होवन जावक देवक नाय.

![](https://cdn.door43.org/obs/jpg/360px/obs-en-10-08.jpg)

हेच्यानंतर, परमेश्वरान गारा पाडवल्यान नी मिसराच्या भवतेक पिकांचा नुकसान करून टाकल्यान नी जो कोणव भायर पडलो तेंका मारून टाकल्यान. फारोन मोशे नी अहरोनाक बोलयल्यान नी म्हटल्यान, "मीया पाप केलय. तुम्ही लॉक जाव शकतास." शेवटी मोशेन प्रार्थना केल्यान नी आकाशातना गारा पडाचे थांबले.

![](https://cdn.door43.org/obs/jpg/360px/obs-en-10-09.jpg)

पण फारोन परत पाप केल्यान नी मन कठीण केल्यान. तेना इस्राएली लॉकांका मोकळे होवन जावक देवक नाय.

![](https://cdn.door43.org/obs/jpg/360px/obs-en-10-10.jpg)

शेवटी परमेश्वरान मिसरार टोळांची पीडा पाठयल्यान. ह्या सगळ्या टोळांनी तेंची सगळी पिका जी गारांपासना वाचलली तीव खावन टाकल्यानी.

![](https://cdn.door43.org/obs/jpg/360px/obs-en-10-11.jpg)

मगे परमेश्वरान आंधाराची पीडा पाठयल्यान जी तीन दिवस ऱ्हवली. ह्यो यवढो भयानक व्हतो की मिसरी लॉक आपल्या घरातना भायर पडाक शकले नाय. पण जय इस्रायली लॉक व्हते थय मात्र उजेड व्हतो.

![](https://cdn.door43.org/obs/jpg/360px/obs-en-10-12.jpg)

ह्या नव पीडांनंतर, फारोन इस्रायली लॉकांका मोकळा होवन जावचो नकार दिलल्यान. फारो आयकत नसल्यामुळाक परमेश्वरान येक शेवटची पीडा पाठवची योजना केल्यान. ह्या पीडेन फारोचा मन बदालला.

*बायबलातली गोष्ट: निर्गम अध्याय 5-10*

## 11. वल्हांडण सण

https://openbiblestories.org/l/gom-x-malvani/story-11/

![](https://cdn.door43.org/obs/jpg/360px/obs-en-11-01.jpg)

परमेश्वरान मोशे नी अहरोनाक फारोकडे ह्या सांगुक पाठयल्यान की, इस्राएली लॉकांका जावक दे. जर तेंका जावक दिलस नाय तर परमेश्वर मिसरी लॉकांच्या नी जनावरांच्या पयल्या पोरांका मारून टाकतलो. फारोन ह्याव आयकान परमेश्वरार इश्वास ठेवक नी तेंचा सांगणा आयकाक नकार दिल्यान.

![](https://cdn.door43.org/obs/jpg/360px/obs-en-11-02.jpg)

परमेश्वरान तेच्यार इश्वास ठेवणाऱ्या सगळ्यांच्या पयल्या झिलाक वाचवक येक उपाय केल्यान. प्रत्येक बिऱ्हाडान येक निर्दोष कोकरो घेवन तेका वधुचो व्हतो.

![](https://cdn.door43.org/obs/jpg/360px/obs-en-11-03.jpg)

परमेश्वरान इस्राएली लॉकांका त्या कोकऱ्याचा रकात घेवन आपल्या घराच्या दरवाजाच्या चौकटीक लावक सांगल्यान. तेंका तेचा मास आगीत भाजून मगे बेखमीर भाकरेंबरोबर घायघायन खावचा व्हता. तेना तेंका जेवल्यार लगेच मिसर सोडून जावक तयार ऱ्हवाक सांगल्यान.

![](https://cdn.door43.org/obs/jpg/360px/obs-en-11-04.jpg)

जशी परमेश्वरान इस्राएली लॉकांका आज्ञा केलल्यान तेनी तसाच सगळा काय केल्यानी. मध्यरात्री परमेश्वर प्रत्येक पयल्या झिलाक मारूक मिसराच्या मधना गेलो.

![](https://cdn.door43.org/obs/jpg/360px/obs-en-11-05.jpg)

इस्राएली लॉकांच्या प्रत्येक घराच्या दरवाजार रकात लावलला व्हता, म्हणान परमेश्वर त्या घरांका वल्हांडून गेलो. तेंच्या भुतूरले लॉक सुरक्षित ऱ्हवले. ते कोकऱ्याच्या रक्तामुळा वाचले.

![](https://cdn.door43.org/obs/jpg/360px/obs-en-11-06.jpg)

पण मिसऱ्यांनी परमेश्वरार इश्वास ठेवक नाय नी तेचे आज्ञा पाळूक नाय, म्हणान परमेश्वरान तेंच्या घरांका सोडूक नाय. परमेश्वरान मिसऱ्यांच्या सगळ्या पयल्या झिलांका मारून टाकल्यान.

![](https://cdn.door43.org/obs/jpg/360px/obs-en-11-07.jpg)

तुरुंगातल्या कैद्यांच्या पयल्या झिलापासना फारोच्या पयल्या झिलापर्यंत प्रत्येक पयले झिल मेले. पूर्ण मिसरात जास्त ते लॉक ह्या त्रासामुळा रडत व्हते नी विलाप करी व्हते.

![](https://cdn.door43.org/obs/jpg/360px/obs-en-11-08.jpg)

त्याच रात्री फारोन मोशे नी अहरोनाक बोलवल्यान नी म्हटल्यान, "इस्राएली लॉकांका घेवन लगेचच मिसरातना जावक वाटेक लागा!" मिसराच्या लॉकांनीव इस्राएली लॉकांका लगेच मिसर सोडून जावक जबरदस्ती केल्यानी.

*बायबलातली गोष्ट : निर्गम अध्याय 11:1-12:32*

## 12. निर्गमन

https://openbiblestories.org/l/gom-x-malvani/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लॉक मिसरातना भायर पडान मॉप आनंदी व्हते. ते आता गुलाम नाय व्हते, तर ते वचनदत्त देशाक जाय व्हते. जा काय इस्राएली लॉकांनी मागल्यानी, ता सगळा काय मिसऱ्यांनी तेंका दिल्यानी. सोना, चांदी नी इतर मौल्यवान वस्तूव दिल्यानी. दुसऱ्या देशाच्याव काय लॉकांनी परमेश्वरार इश्वास ठेवल्यानी नी जेळाक इस्राएली लॉक मिसरातना निघाले तेळाक तेव तेंच्याबरोबर गेले.

![](https://cdn.door43.org/obs/jpg/360px/obs-en-12-02.jpg)

दिवसा मोठो मेघस्तंभ तेंच्या पुढेपुढे चलायचो नी रात्रीचो तो आगीचो स्तंभ बनायचो. परमेश्वर त्या मेघस्तंभ नी अग्निस्तंभात असायचो, रोज तो तेंच्यासोबत असायचो नी तेनाच तेंका त्या प्रवासात मार्गदर्शन केल्यान. तेंका फक्त तेच्या मागना चलाचा व्हता.

![](https://cdn.door43.org/obs/jpg/360px/obs-en-12-03.jpg)

काय येळान फारो नी तेच्या लॉकांनी आपली मना बदलल्यानी. ते इस्राएली लॉकांका परत गुलाम करूक बघी व्हते. म्हणान तेंनी इस्राएली लॉकांचो पाठलाग केल्यानी. परमेश्वरानच तेंची मना बदलल्यान. तेना असा अशासाठी केल्यान की प्रत्येकजणाक म्हायत होवक व्हया की फारो नी मिसऱ्यांच्या सगळ्या देवांहून तो यहोवा अधिक शक्तिमान हा.

![](https://cdn.door43.org/obs/jpg/360px/obs-en-12-04.jpg)

जेळाक इस्राएली लॉकांनी मिसरी सेनेक यताना बघल्यानी तेळाक तेंका समजला की ती फारोची सेना हा नी ते लाल समुद्राच्या मधीच अडाकले. ते मॉप भियाले नी रडाक लागले, "आम्ही मिसर कित्याक सोडलाव? आम्ही आता मरतलाव!"

![](https://cdn.door43.org/obs/jpg/360px/obs-en-12-05.jpg)

मोशेन इस्राएली लॉकांका म्हटल्यान, "भिया नको! परमेश्वर आज तुमच्यासाठी लढतलो नी तुमका वाचयतलो." तेळाक परमेश्वर मोशेक बोललो, "ह्या लॉकांका लाल समुद्राकडे पुढे चलत ऱ्हवाक सांग."

![](https://cdn.door43.org/obs/jpg/360px/obs-en-12-06.jpg)

तेळाक परमेश्वरान त्या मेघस्तंभाक घेवन इस्राएली नी मिसरी हेंच्या मधी ठेयल्यान कारण इस्राएली लॉक मिसरी लॉकांका दिसता नये.

![](https://cdn.door43.org/obs/jpg/360px/obs-en-12-07.jpg)

परमेश्वरान मोशेक समुद्रार आपलो हात उगारूक सांगल्यान. मगे परमेश्वरान हवेन समुद्राचा पाणी बाजूक करून समुद्राच्या मधना येक रस्तो बनयल्यान.

![](https://cdn.door43.org/obs/jpg/360px/obs-en-12-08.jpg)

इस्राएली लॉक आपल्या दोनव बाजूक पाणयाचे भिंती नी समुद्राच्या मधना सुक्या जमनीरना चलत ऱ्हवले.

![](https://cdn.door43.org/obs/jpg/360px/obs-en-12-09.jpg)

तेळाक परमेश्वरान त्या रस्त्यारना मेघस्तंभ वरती उचलल्यान म्हणजे मिसरी लॉक इस्राएली लॉकांका वाचान जाताना बघतीत. मिसऱ्यांनी तेंका पकडूक तेंचो पाठलाग करूचा ठरवल्यानी.

![](https://cdn.door43.org/obs/jpg/360px/obs-en-12-10.jpg)

शेवटाक तेनी समुद्रातल्या त्या रस्त्यार इस्राएली लॉकांचो पाठलाग केल्यानी, पण परमेश्वरान मिसऱ्यांका घाबरयल्यान नी तेंचे रथ अडकयल्यान. ते वरडाक लागले, "पळा! इस्राएली लॉकांच्या वतीन परमेश्वर लढता हा!"

![](https://cdn.door43.org/obs/jpg/360px/obs-en-12-11.jpg)

सगळे इस्राएली लॉक समुद्राच्या दुसऱ्या बाजूक पोचले. तेळाक परमेश्वरान मोशेक म्हटल्यान की, परत समुद्रार हात उगार. जेळाक मोशेन तसा केल्यान, तेळाक पाणी मिसरी सेनेर पडला नी पयला पाणी व्हता तसा परत सरळ झाला. सगळी मिसरी सेना बुडली.

![](https://cdn.door43.org/obs/jpg/360px/obs-en-12-12.jpg)

जेळाक इस्राएली लॉकांनी बघल्यानी की, मिसरी लॉक मरान गेले तेळाक तेंनी परमेश्वरार इश्वास ठेयल्यानी. तेंनी इश्वास केल्यानी की मोशे परमेश्वराकडना भविष्यवकतो हा.

![](https://cdn.door43.org/obs/jpg/360px/obs-en-12-13.jpg)

परमेश्वरान मरण्यापासना नी गुलाम व्हण्यापासना वाचयल्यान म्हणान इस्राएली लॉका मॉप आनंदी व्हती. आता ते परमेश्वराची आराधना करुक नी तेचे आज्ञा पाळूक मोकळे झालले. इस्राएली लॉकांनी आपल्या स्वतंत्रतेचो उत्सव करूक नी परमेश्वराची प्रशंसा करूक गाणी म्हटल्यानी कारण तेना तेंका मिसऱ्यांपासना वाचयलल्यान.

![](https://cdn.door43.org/obs/jpg/360px/obs-en-12-14.jpg)

परमेश्वरान मिसऱ्यांका कसो हरयल्यान नी इस्राएली लॉकांका गुलाम व्हण्यापासना कसो मोकळो केल्यान हेची आठवण होवसाठी दर वर्साक सण साजरो करूची आज्ञा केल्यान. हेका वल्हाण्डन सण म्हटला गेला. हेच्यात तेंका उत्सव करूक येका पुष्ट कोकऱ्याक बलि करुचो व्हतो, तेका भाजून बेखमीर भाकरेबरोबर खावचा व्हता.

*बायबलातली गोष्ट : निर्गमन अध्याय 12:33-15:21*

## 13. इस्राएलबरोबर देवाचो करार

https://openbiblestories.org/l/gom-x-malvani/story-13/

![](https://cdn.door43.org/obs/jpg/360px/obs-en-13-01.jpg)

इस्राएली लॉकांका लाल समुद्रातना पार घेवन गेल्यार, परमेश्वर तेंका जंगलातना सिनाय पर्वताच्या दिशेन घेवन चाललो. ह्या ताच पर्वत जय मोशेन जळती झाळ बघलल्यान. त्या लॉकांनी त्या पर्वताच्या पायथ्याक आपले तंबु उभे केल्यानी.

![](https://cdn.door43.org/obs/jpg/360px/obs-en-13-02.jpg)

परमेश्वरान मोशे नी इस्राएलाच्या सगळ्या लॉकांका म्हटल्यान, "तुम्ही कायमचा माझा सांगना आयकाक व्हयास नी जो करार मीया तुमच्याबरोबर करतय तो तुम्ही पाळूक व्हयो. जर तुम्ही असा करशात तर तुम्ही माझ्याकडना बक्षीस म्हणान बहुमोल धन, याजकांचा राज्य नी येक पवित्र प्रजा ठरतलास.

![](https://cdn.door43.org/obs/jpg/360px/obs-en-13-03.jpg)

परमेश्वराकडे जावसाठी त्या लॉकांनी तीन दिवसापर्यात स्वताक तयार केल्यानी. तेळाक परमेश्वर सिनाय पर्वताच्या कड्यार खाली उतारलो. जेळाक तो इलो तेळाक भूकंप झालो, इजा चमाकल्यो नी तुतारीसारख्या मोठ्या आवाजात आकाशवाणी झाली. तेळाक मोशे स्वता पर्वतार चढान गेलो.

![](https://cdn.door43.org/obs/jpg/360px/obs-en-13-04.jpg)

तेळाक परमेश्वरान लॉकांबरोबर येक करार केल्यान. तेना म्हटल्यान, "मीया तुमचो परमेश्वर यहोवा आसय. मीयाच आसय जेना तुमका मिसराच्या गुलामगिरीतना भायर काढल्यान. दुसऱ्या खयच्याच देवाची उपासना करू नको."

![](https://cdn.door43.org/obs/jpg/360px/obs-en-13-05.jpg)

"मुर्ते करू नको नी तेंची पूजा करू नको, कारण मीया, यहोवाच तुमचो यकमेव परमेश्वर आसय. चुकीच्या पद्धतीन माझ्या नावाचो उपयेग करू नको. शब्बाथ दिवसाक पवित्र मानूक आठवणीत ठेव. दुसऱ्या शब्दात, सा दिवस आपली सगळी कामा करा नी सातवो दिवस तुमका आराम करूचो नी माझी आठवण करूचो दिवस आसा."

![](https://cdn.door43.org/obs/jpg/360px/obs-en-13-06.jpg)

"आपली आवस नी बापुस हेंचो आदर कर. खून करू नको. व्यभिचार करू नको. चोरी करू नको. आपल्या शेजाऱ्याची बायको, तेचा घर, नायतर तेचा खयचाव सामान घेवची इच्छा धरू नको."

![](https://cdn.door43.org/obs/jpg/360px/obs-en-13-07.jpg)

तेळाक परमेश्वरान हे धा आज्ञा दगडाच्या दोन पाटयेर लिवान मोशेक दिल्यान. परमेश्वरान लॉकांका पाळूक आजून भरपूरशे नियम दिल्यान. जर काय तेनी ते नियम पाळल्यानी तरच त्या लॉकांका आशिर्वाद देवची नी तेंचा संरक्षण करूची परमेश्वरान प्रतिज्ञा केल्यान. पण तेना सांगल्यान जर तेनी ते पाळल्यानी नाय तर तो तेंका दंड देतलो.

![](https://cdn.door43.org/obs/jpg/360px/obs-en-13-08.jpg)

परमेश्वरान इस्राएली लॉकांका येक भलो मोठो मंडप बनवक सांगल्यान - निवासमंडप. तेना तेंका निवासमंडप कसो बनवचो नी तेच्या भुतूर काय वस्तू ठेवच्यो ता यवस्थित सांगल्यान. तेना तेंका निवासमंडपाचे दोन भाग करूक येक मोठो पदडोव करूक सांगल्यान. परमेश्वर त्या पडद्याच्या मागच्या भागात येतलो नी थय ऱ्हवतलो. जय परमेश्वर असायचो थय फक्त महायाजकाक जावची परवानगी व्हती.

![](https://cdn.door43.org/obs/jpg/360px/obs-en-13-09.jpg)

त्या लॉकांका त्या निवसमंडपाच्या समोर येक वेदी बनवची व्हती. जो कोण परमेश्वराचे आज्ञा मोडीत तेना त्या वेदीर यका जनावराक घेवन यायचा. मगे याजक तेका बलि करीत नी वेदीर परमेश्वरासाठी बलि म्हणान जाळतलो. परमेश्वरान म्हटल्यान की त्या जनावराचा रकात त्या माणसाची पापा झाकून टाकतला. ह्या प्रकारान आता परमेश्वर त्या पापाक बघणार नाय. तो व्यक्ति परमेश्वराच्या दृष्टीन 'शुद्ध' ठरतलो. परमेश्वरान मोशेचो भाव अहरोन नी अहरोनाच्या वंशजांका आपले याजक होवक निवडल्यान.

![](https://cdn.door43.org/obs/jpg/360px/obs-en-13-10.jpg)

परमेश्वरान त्या लॉकांका जे नियम दिलल्यान ते पाळूक ते तयार झाले. ते फक्त परमेश्वराचे होवक नी तेचीच आराधना करूक तयार झाले.

![](https://cdn.door43.org/obs/jpg/360px/obs-en-13-11.jpg)

भरपूर दिवस मोशे सिनाय पर्वतारच ऱ्हवलो. तो परमेश्वराबरोबर बोलत व्हतो. पण लॉक मोशे परत येवची वाट बघून बघून दमले. म्हणान ते अहरोनाकडे सोना घेवन इले नी तेची येक मूर्ति बनवूक सांगल्यानी म्हणजे ते परमेश्वर सोडून तेची पूजा करतीत. ह्या प्रकारान तेंनी परमेश्वरा इरुद्ध भयंकर पाप केल्यानी.

![](https://cdn.door43.org/obs/jpg/360px/obs-en-13-12.jpg)

अहरोनान वासराच्या आकाराची सोन्याची मूर्ति बनयल्यान. त्या लॉकांनी त्या मूर्तीची पूजा करूक सुरवात केल्यानी नी तेका बलि चढवक लागले. तेंच्या पापांमुळा परमेश्वर तेंच्यार खूप रागावलो. तेना तेंचो नाश करूचा ठरवल्यान. पण मोशेन परमेश्वराक इनंती केल्यान की, तेंका मारू नको. परमेश्वरान तेची इनंती मानल्यान नी तेंचो नाश करूक नाय.

![](https://cdn.door43.org/obs/jpg/360px/obs-en-13-13.jpg)

शेवटाक मोशे सिनाय पर्वतारना खाली उतरान इलो. तो दगडाचे ते दोन पाटये घेवन व्हतो जेंच्यार परमेश्वरान धा आज्ञा लिवलल्यान. मगे तेना ती मूर्ति बघल्यान नी तो यवढो रागावलो की तेना त्या पाटये फोडून टाकल्यान.

![](https://cdn.door43.org/obs/jpg/360px/obs-en-13-14.jpg)

मगे मोशेन त्या मूर्तिक जाळून फोडून तेचो चुरो केल्यान नी तो चुरो पाणयात टाकून लॉकांका ता पाणी पिवक लावल्यान. परमेश्वरान त्या लॉकांचार येक संकट पाठवल्यान तेच्यात मॉपशे लॉक मरान गेले.

![](https://cdn.door43.org/obs/jpg/360px/obs-en-13-15.jpg)

जे पाटये मोशेन फोडून टाकलल्यान तेंच्या जागेर मोशेन त्या धा आज्ञांका दुसरे दगडी पाटये बनयल्यान. मगे परत तो पर्वतार गेलो नी प्रार्थना केल्यान की, परमेश्वरान त्या लॉकांका क्षमा करायची. परमेश्वरान मोशेचा आयकान त्या लॉकांका क्षमा केल्यान. नया पाटयेंवर धा आज्ञा घेवन मोशे पर्वतारना उतरान खाली इलो. तेळाक परमेश्वरान सिनाय पर्वतापासना वचनदत्त देशात जायपर्यात तेंका मार्गदर्शन केल्यान.

*बायबलातली गोष्ट : निर्गमन अध्याय 19-34*

## 14. जंगलातला भटाकना

https://openbiblestories.org/l/gom-x-malvani/story-14/

![](https://cdn.door43.org/obs/jpg/360px/obs-en-14-01.jpg)

परमेश्वरान इस्राएली लॉकांका ते नियम सांगूचा बंद केल्यान जे पाळूक व्हये म्हणान तेना तेंच्याबरोबर प्रतिज्ञा केलल्यान. मगे तेना सिनाय पर्वताच्या पुढे तेंची रवानगी केल्यान. तो केलल्या प्रतिज्ञेमुळाक तेंका त्या देशात घेवन जाय व्हतो. त्या देशाक कनानव म्हणत. परमेश्वर मेघस्तंभातना तेंच्या पुढे-पुढे चला, नी ते तेच्या पाठी-पाठी चलत.

![](https://cdn.door43.org/obs/jpg/360px/obs-en-14-02.jpg)

परमेश्वरान अब्राहाम, इसहाक नी याकोबाबरोबर प्रतिज्ञा केलल्यान की तो वचनदत्त देश तेंच्या अवलादीक देतलो, पण त्या येळाक थय मॉप जातीचे लॉक ऱ्हवत व्हते. तेंका कनानी म्हणत. ते कनानी लॉक परमेश्वराची आराधना नाय करायचे नी तेचे आज्ञा नाय मानायचे. ते खोट्या देवांची पूजा करायचे.

![](https://cdn.door43.org/obs/jpg/360px/obs-en-14-03.jpg)

परमेश्वरान इस्राएली लॉकांका म्हटल्यान, "जेळाक तुम्ही त्या वचनदत्त देशात जाशात तेळाक थयच्या सगळ्या कनान्यांचो नाश करून टाका. तेंच्याबरोबर संगत करू नको नी तेंच्याबरोबर लगीन करू नको. तुमका तेंचे सगळ्यो मूर्त्यो शाप नायशे करून टाकुचे हत. जर तुम्ही माझी आज्ञा पाळलास नाय तर तुम्ही माझ्याइरुद्ध तेंच्या देवांची पूजा करूक लागशात."

![](https://cdn.door43.org/obs/jpg/360px/obs-en-14-04.jpg)

जेळाक इस्राएली कनानाच्या सीमेर पोचले, मोशेन इस्राएलाच्या प्रत्येक गोत्रातना येक-येक करून बारा बापये निवडल्यान. तेना तेंका जावन त्या देशाक हेरून तो देश कसो हा, ह्या बघून येवक सांगल्यान. तेंका त्या कनान्यांची म्हायतीव काढूची व्हती म्हणजे ते बलवान आसत की निर्बल आसत ता कळला आसता.

![](https://cdn.door43.org/obs/jpg/360px/obs-en-14-05.jpg)

त्या बारा बापयांनी पूर्ण कनानातना चाळीस दिवस प्रवास केल्यानी नी मगे ते परत पाठी इले. तेनी लॉकांका सांगल्यानी, "त्या देशात मॉप सुपीक जमीन हा नी पीक-पाणीव मॉप हा.

![](https://cdn.door43.org/obs/jpg/360px/obs-en-14-06.jpg)

लगेचच कालेब नी यहोशवा नी इतर दोन हेरांनी सांगल्यानी, "ह्या खरा आसा की कनानाचे लॉक उंचीन नी ताकतीन आसत, पण नक्कीच आम्ही तेंका हरव शकतव. परमेश्वर आमच्यासाठी लढतलो."

![](https://cdn.door43.org/obs/jpg/360px/obs-en-14-07.jpg)

पण लॉक कालेब नी यहोशवा हेंचा आयकले नाय. ते मोशे नी अहरोन हेंच्यार रागावले नी बोलले, "तुम्ही आमका ह्या भयानक जागेर कित्याक घेवन इलास? आम्ही मिसरात व्हतव ते बरे व्हतव. जर आम्ही त्या देशात गेलव तर आम्ही लढाईत मरान जावचव नी कनानचे लॉक आमचे बायले नी पोरांका गुलाम बनवतीत." ते लॉक तेंका परत मिसरात घेवन जावक एक येगळो पुढारी निवडुक बघी व्हते.

![](https://cdn.door43.org/obs/jpg/360px/obs-en-14-08.jpg)

जेळाक त्या लॉकांनी असा म्हटल्यानी तेळाक परमेश्वर खूप रागावलो. तो निवासमंडपात इलो नी बोललो, "तुम्ही माझ्याविरुद्ध बंड केलास, म्हणान तुमका सगळ्यांका ह्या जंगलात भटकाचा लागतला. प्रत्येकजण जे वीस वर्सा नायतर तेच्यापेक्षा अधिक वयाचे आसत ते थय मरान जातले नी जो देश मी तुमका देतलय तेच्यात जावचे नाय. फक्त कालेब नी यहोशवा तेच्यात जातीत."

![](https://cdn.door43.org/obs/jpg/360px/obs-en-14-09.jpg)

जेळाक लॉकांनी परमेश्वराक असा बोलताना आयकल्यानी, तेळाक ते दुखी झाले कारण तेंनी पाप केलल्यानी. म्हणान तेंनी कनानी लॉकांवर हमलो करुचा ठरवल्यानी. मोशेन तेंका जाव नको म्हणान बजावल्यान कारण परमेश्वर तेंच्याबरोबर नाय व्हतो, पण तेंनी तेचा आयकाक नाय.

![](https://cdn.door43.org/obs/jpg/360px/obs-en-14-10.jpg)

परमेश्वर त्या लढाईत तेंच्याबरोबर जावक नाय, म्हणान कनान्यांनी तेंका हरवल्यानी नी तेंच्यातल्या लय लॉकांका मारून टाकल्यानी. तेळा इस्राएली लॉक कनानातना पाठी फिरले. पुढच्या चाळीस वर्सांपर्यात ते जंगलात हकडे-तकडे भटाकले.

![](https://cdn.door43.org/obs/jpg/360px/obs-en-14-11.jpg)

इस्राएली लॉक जंगलात भटाकताना त्या चाळीस वर्सात परमेश्वरान तेंचे सगळ्यो गरजा पूरे केल्यान. तेना तेंका स्वर्गातना 'मान्नो' म्हटलला जेवान दिल्यान. तेंच्याकडे खावक मास व्हया म्हणान तेना ल्हायांचे घोळकेव तेंच्या छावणेत पाठवल्यान. त्या सगळ्या येळेत, परमेश्वरान तेंचे कपडे नी चपला झिजाक दिल्यान नाय.

![](https://cdn.door43.org/obs/jpg/360px/obs-en-14-12.jpg)

परमेश्वरान चमत्कारान खडकातना तेंका पिवक पाणी काढल्यान. पण तरीव इस्राएली लॉकांनी परमेश्वर नी मोशेइरुद्ध बडबड नी कुरकुर केल्यानी. तरी परमेश्वर विश्वासू ऱ्हवलो. तेना अब्राहाम, इसहाक नी याकोब हेंच्या अवलादीसाठी जा करूची प्रतिज्ञा केलल्यान ती तेना पुरी केल्यान.

![](https://cdn.door43.org/obs/jpg/360px/obs-en-14-13.jpg)

आजून येका येळेक त्या लॉकांकडे पाणी नाय व्हता, परमेश्वरान मोशेक सांगल्यान, "खडकाबरोबर बोल नी तेच्यातना पाणी निघात." पण मोशेन खडकाबरोबर बोलाचा सोडून त्या खडकार दोनदा काठी मारल्यान. ह्याप्रकारान तेना परमेश्वराचो अनादर केल्यान. सगळ्यांका पिवक खडकातना पाणी तर इला,पण परमेश्वर मोशेर रागवलो. तेना म्हटल्यान, "तू असा केलस म्हणान वचनदत्त देशात तुझो प्रवेश होवचो नाय."

![](https://cdn.door43.org/obs/jpg/360px/obs-en-14-14.jpg)

जेळाक इस्राएली लॉक चाळीस वर्सा जंगलात भटाकलले, तेळाक जेंनी परमेश्वराइरुद्ध बंड केलल्यानी ते सगळे मरान गेलले. तेळाक परमेश्वर त्या लॉकांका परत त्या वचनदत्त देशापर्यात घेवन गेलो. आता मोशे लय म्हातारो झाललो, म्हणान परमेश्वरान लॉकांचा मार्गदर्शन करूक तेचो मदतगार म्हणून यहोशवाक निवडल्यान. परमेश्वरान मोशेबरोबर अशी प्रतिज्ञा केलल्यान की, एक दिवस त्या लॉकांकडे मोशेसारखो भविष्यवकतो पाठयतलो.

![](https://cdn.door43.org/obs/jpg/360px/obs-en-14-15.jpg)

तेळाक परमेश्वरान मोशेक येका पर्वतार जावक सांगल्यान म्हणजे तो त्या वचनदत्त देशाक बघू शकात. मोशेन त्या वचनदत्त देशाक बघल्यान पण परमेश्वरान तेका तेच्यात प्रवेश करूची परवानगी देवक नाय. तेळाक मोशे मरण पावलो नी इस्राएली लॉकांनी तीस दिवस मोशेसाठी शोक केल्यानी. यहोशवा तेंचो नवो पुढारी झालो. यहोशवा येक चांगलो पुढारी व्हतो, कारण तेना परमेश्वरार इश्वास ठेयल्यान नी तेचा सांगना आयकल्यान.

*बायबलातली गोष्ट : निर्गम अध्याय 16-17; गणना 10-14; 20; 27; अनुवाद 34*

## 15. वचनदत्त देश

https://openbiblestories.org/l/gom-x-malvani/story-15/

![](https://cdn.door43.org/obs/jpg/360px/obs-en-15-01.jpg)

शेवटाक, आता ती येळ इलली की, इस्राएली लॉक वचनदत्त देश, कनानात जातीत. त्या देशात यरीहो नावाचा याक नगर व्हता. तेच्या सुरक्षेक तेच्या चारव बाजूक मजबूत भिंत व्हती. यहोशवान त्या नगरात हेरांका पाठयल्यान. त्या नगरात राहाब नावाची येक वेश्या ऱ्हवा व्हती. तिना त्या हेरांका लपयल्यान नी मगे तिना तेंका नगरातना वाचान जावक मदत केल्यान. तिना तसा ह्यासाठी केल्यान की ती परमेश्वरार इश्वास करी व्हती. जेळाक इस्राएली लॉक यरीहोचो नाश करतीत तेळाक तेंनी राहाब नी तिच्या परिवाराचा रक्षण करूची प्रतिज्ञा केल्यानी.

![](https://cdn.door43.org/obs/jpg/360px/obs-en-15-02.jpg)

इस्राएली लॉकांका वचनदत्त देशात जावक यार्देन नदी पार करूची व्हती. परमेश्वरान यहोशवाक म्हटल्यान, "याजकांका पयलो जावक दी." जेळाक याजकांनी यार्देन नदीत आपले पाय ठेयल्यानी तेळाक पाणी व्हावाचा थांबला, म्हणान इस्राएली लॉक नदयेच्या दुसऱ्या बाजूक सुक्या जमनीर जाव शकले.

![](https://cdn.door43.org/obs/jpg/360px/obs-en-15-03.jpg)

त्या लॉकांनी यार्देन नदी पार केल्यानी, तेळाक परमेश्वरान यहोशवाक म्हटल्यान की, यरीहोर हमलो करूक तयार ऱ्हवा, कारण की ता लय भक्कम नगर व्हता. परमेश्वरान त्या लॉकांका सांगल्यान की तेंचे याजक नी सैनिकांका सा दिवस त्या नगराभवती चारव बाजून फेरये मारुचे हत. शेवटाक याजक नी सैनिकांनी तसाच केल्यानी.

![](https://cdn.door43.org/obs/jpg/360px/obs-en-15-04.jpg)

सातव्या दिवशी, इस्राएली लॉकांनी त्या नगरच्या चारव बाजून सात येळा फेरये मारल्यानी. त्या नगराभवती चारव बाजून सातवी फेरी मारल्यार याजकांनी आपले कर्णे फुंकल्यानी नी सैनिकांनी जोरात जयघोष केल्यानी.

![](https://cdn.door43.org/obs/jpg/360px/obs-en-15-05.jpg)

तेळाक यरीहोच्या चारव बाजूची भिंत कोसाळली. जशी परमेश्वरान आज्ञा दिलल्यान, इस्राएली लॉकांनी नगरातला सगळा काय नायसा करून टाकल्यानी. तेंनी फक्त राहाब नी तिच्या परिवाराक सोडून दिल्यानी, जे इस्राएलचो भाग झालले. जेळाक कनानात ऱ्हवणाऱ्या इतर लॉकांनी आयकल्यानी की इस्राएली लॉकांनी यरीहोचो नायनाट केल्यानी हा तेळाक ते घाबारले की इस्राएली लॉक तेंकाव मारतीत.

![](https://cdn.door43.org/obs/jpg/360px/obs-en-15-06.jpg)

परमेश्वरान इस्राएली लॉकांका आज्ञा दिलल्यान की, कनानात ऱ्हवणाऱ्या खयच्याच जातीबरोबर शांतिचो करार करू नको. पण गिबोन नावाच्या कनानी जातीच्या लॉकांनी यहोशवाबरोबर खोटा बोलल्यानी की ते कनानपासना लांबच्या ठिकाणार ऱ्हवणारे लॉक आसत. तेंनी यहोशवाक तेंच्याबरोबर शांतिचो करार करूक इनंती केल्यानी. यहोशवा नी बाकीचे इस्राएली पुढाऱ्यांनी परमेश्वराक विचारूक नाय की, तेंनी काय करूक व्हया. ता सोडून ते गिबोन्यांबरोबर शांतिचो करार करून मोकळे झाले.

![](https://cdn.door43.org/obs/jpg/360px/obs-en-15-07.jpg)

तीन दिवसांनी, इस्राएली लॉकांका म्हायत झाला की, गिबोनी लॉक कनानातच ऱ्हवत व्हते. ते रागावले कारण गिबोन्यांनी तेंका फसयलल्यानी. पण तेंनी तेंच्याबरोबर केलल्या त्या शांतिच्या कराराक कायम ठेयल्यानी कारण तो तेंनी परमेश्वरासमोर केलल्यानी. तेळाक काय येळान, कनानात ऱ्हवणारी अन्यजात-अमोरी हेंच्या राजांनी आयकल्यानी की, गिबोन्यांनी इस्राएली लॉकांबरोबर शांतिचो करार केल्यानी हा, म्हणान तेनी आपआपला सैन्य येकत्र करून येक मोठा सैन्य बनयल्यानी नी गिबोनार हल्लो केल्यानी. गिबोन्यांनी मदतीक यहोशवाकडे येक संदेश पाठयल्यानी.

![](https://cdn.door43.org/obs/jpg/360px/obs-en-15-08.jpg)

शेवटाक, यहोशवान इस्राएली सेनेक यकत्र केल्यान नी गिबोन्यांकडे पोचाक ते पुरी रातभर चलले. पहाटेकच तेंनी अमोऱ्यांच्या सैन्याक आश्चर्यचकित केल्यानी नी तेंचार हल्लो केल्यानी.

![](https://cdn.door43.org/obs/jpg/360px/obs-en-15-09.jpg)

त्या दिवशी परमेश्वर इस्राएली लॉकांच्या बाजून लढलो. तेना अमोऱ्यांका घाबरवन टाकल्यान नी तेना मोठमोठे गारा पाडवन मॉपश्या अमोऱ्यांका मारून टाकल्यान.

![](https://cdn.door43.org/obs/jpg/360px/obs-en-15-10.jpg)

परमेश्वरान सुर्याकव आकाशात येका जागेर थांबवल्यान म्हणजे इस्राएली लॉकांका अमोऱ्यांका पुरे हरवक व्हयो तेवढो येळ मिळात. त्या दिवसाक परमेश्वरान इस्राएली लॉकांका मोठो विजय मिळवन दिल्यान.

![](https://cdn.door43.org/obs/jpg/360px/obs-en-15-11.jpg)

परमेश्वरान ते सेना हरयल्यार मॉपश्या कनानी जातीचे लॉक इस्राएलार हल्लो करूक यकत्र झाले. यहोशवा नी इस्राएली लॉकांनी हल्लो करून तेंचोच श्याप नायनाट करून टाकल्यानी.

![](https://cdn.door43.org/obs/jpg/360px/obs-en-15-12.jpg)

त्या युद्धांनंतर, परमेश्वरान इस्राएलाच्या प्रत्येक कुळाक त्या वचनदत्त देशात तेंचो वतनभाग दिल्यान. तेळाक परमेश्वरान इस्राएलाक तेच्या सगळ्या सीमेर शांति दिल्यान.

![](https://cdn.door43.org/obs/jpg/360px/obs-en-15-13.jpg)

जेळाक यहोशवा म्हातारो झालो तेळाक तेना इस्राएलाच्या सगळ्या लॉकांका यकत्र बोलयल्यान. तेळाक यहोशवान त्या लॉकांका आठवण करून दिल्यान की, परमेश्वरान वचन देवन तेंच्याबरोबर जी प्रतिज्ञा सिनाय पर्वतार केलल्यान ती तेंनी पाळायची. त्या लॉकांनी परमेश्वराप्रति इश्वासू ऱ्हवान तेचे विधी नी नियम पाळूचा वचन दिल्यानी.

*बायबलातली गोष्ट : यहोशवा अध्याय 1-24*

## 16. तारणारे

https://openbiblestories.org/l/gom-x-malvani/story-16/

![](https://cdn.door43.org/obs/jpg/360px/obs-en-16-01.jpg)

यहोशवा मेल्यार, इस्राएली लॉकांनी परमेश्वराचा अनुकरण करूक नाय, उरलल्या कनानी लॉकांका घालवन देवक नाय नी परमेश्वराचे नियम पाळूक नाय. यहोवा खरो नी जिवंत देव हेची उपासना करूची सोडून इस्राएली लॉक कनानी देवतांची पूजा करूक लागले. इस्राएलाक राजा नाय व्हतो, म्हणान जो तो आपल्या मनाक वाटा ता करी.

![](https://cdn.door43.org/obs/jpg/360px/obs-en-16-02.jpg)

इस्राएली लॉकांनी सतत परमेश्वराचे आज्ञा मोडल्यानी, म्हणान परमेश्वरान तेंका तेंच्या शत्रूच्या समोर हरवन शिक्षा दिल्यान. त्या शत्रूंनी इस्राएली लॉकांचे वस्तू चोरून न्हील्यानी, तेंच्या संपत्तीचो नायनाट केल्यानी नी तेंच्यातल्या कित्येक लॉकांका मारून टाकल्यानी. मॉप वर्सांनी, परमेश्वराचो आज्ञाभंग नी शत्रूकडना जुलूम सोसल्यार तेंका पश्चाताप झालो नी तेंनी सुटकेक परमेश्वराकडे धाव घितल्यानी.

![](https://cdn.door43.org/obs/jpg/360px/obs-en-16-03.jpg)

मगे परमेश्वरान तेंका येक तारणारो पाठयल्यान जेना तेंका शत्रूपासना सोडयल्यान नी तेंच्यात शांति स्थापल्यान. पण मगे इस्राएली लॉकांका परमेश्वराचो इसर पडलो नी ते परत मूर्तिपूजा करूक लागले. मगे देवान बाजूच्या मिद्यानी लॉकांकडना तेंचो पराभव केल्यान.

![](https://cdn.door43.org/obs/jpg/360px/obs-en-16-04.jpg)

मिद्यानी लॉकांनी सात वर्सा इस्राएली लॉकांचा अन्न-धान्य हडप केल्यानी. आता इस्राएली लय भियालले नी आपण मिद्यान्यांच्या हातात सापडता नये म्हणान ते गुहेत ऱ्हवाक लागले. शेवटाक आपण वाचाक व्हयव म्हणान परमेश्वराक इनंती करूक लागले.

![](https://cdn.door43.org/obs/jpg/360px/obs-en-16-05.jpg)

येके दिवशी गिदोन नावाचो येक इस्राएली माणूस मिद्यान्यांनी आपला धान्य चोरता नये म्हणान गुपचूप तेंची झोडणी करी व्हतो. यहोवाचो येक दूत तेका येवन म्हणालो, "ए बलवान वीरा, देव तुझ्याबरोबर हा. जा नी इस्राएली लॉकांका मिद्यान्यांच्या हातातना सोडव."

![](https://cdn.door43.org/obs/jpg/360px/obs-en-16-06.jpg)

गिदोनाच्या बापाशीन येका मुर्तेक वेदी बनयल्यान व्हती. परमेश्वरान गिदोनाक ती वेदी तोडुक सांगल्यान. पण गिदोनाक लॉकांची भिती वाटली म्हणान तो आंधार पडाची वाट बघी व्हतो. मगे तेना त्या वेदीचे फोडून तुकडे तुकडे केल्यान. मुर्तेसाठी बांधलल्या वेदीजवळ तेना जिवंत देवाक येक नयीन वेदी बांधल्यान नी तेच्यार परमेश्वराक यज्ञपशु अर्पण केल्यान.

![](https://cdn.door43.org/obs/jpg/360px/obs-en-16-07.jpg)

दुसऱ्या दिवसाक त्या वेदीचो कोणीतरी नाश केलो हा ह्या बघून लॉक लय रागावले. ते गिदोनाक ठार मारूक तेच्या घराक गेले, पण गिदोनाचो बापुस तेंका म्हणालो, "तुम्ही आपल्या देवाची मदत करुचो प्रयत्न कित्याक करतास? जर तो देव हा तर तेका स्वतःचा रक्षण करूक देवा!" तेना असा म्हटल्यामुळाक तेंनी गिदोनाक मारूक नाय.

![](https://cdn.door43.org/obs/jpg/360px/obs-en-16-08.jpg)

मगे मिद्यानी लॉक परत इस्राएली लॉकांचा धान्य चोरुक इले. ते येवढे जाण व्हते की, ते मोजूच्या पलीकडे व्हते. गिदोनान इस्राएली लॉकांका यकत्र बोलवन मिद्यान्यांबरोबर युद्ध करूक तयार केल्यान. गिदोनान परमेश्वर आपणाक इस्राएली लॉकांची सुटका करूक वापरणार हा हेची खात्री पटाक व्हयी म्हणान देवाकडे दोन चिन्हा मागितल्यान.

![](https://cdn.door43.org/obs/jpg/360px/obs-en-16-09.jpg)

पयला चिन्ह म्हणान गिदोनान जमनीर कापड ठेयल्यान नी परमेश्वराक म्हटल्यान की, उद्या सकाळी जमनीर दव न पडता फक्त कापडारच पडाक व्हयो असा व्होवंदे. देवान तसाच केल्यान. दुसऱ्या रात्री, तेना म्हटल्यान की, जमीन भिजादे पण कपडो सुकोच ऱ्हवाक व्हयो. देवान ताव केल्यान. ह्या दोनव चिन्हांनी गिदोनाक खात्री पटली की, परमेश्वर तेचो उपयेग इस्राएलाक मिद्यान्यांपासना सोडवक करणार हा.

![](https://cdn.door43.org/obs/jpg/360px/obs-en-16-10.jpg)

३२,००० इस्राएली सैनिक तेच्याकडे इले, पण परमेश्वरान तेका सांगल्यान की, ते मॉप आसत. म्हणान युद्धाक घाबारणाऱ्या २२,००० सैनिकांका तेना परत पाठयल्यान. परमेश्वरान गिदोनाक सांगल्यान की, ते आजूनव लय आसत. म्हणान ३०० सैनिकांका सोडून बाकी सगळ्यांका तेना घराक पाठवन दिल्यान.

![](https://cdn.door43.org/obs/jpg/360px/obs-en-16-11.jpg)

त्या रात्रीक परमेश्वरान गिदोनाक सांगल्यान, "तू मिद्यान्यांच्या छावणीकडे जा नी ते काय बोलतत ता आयकान भिया नको." म्हणान त्या रात्री तो छावणीकडे गेलो नी आपल्याक पडलला सपान येक मिद्यानी सैनिक आपल्या मित्राक सांगता ता गिदोनान आयकल्यान. त्या सैनिकाचो मित्र म्हणालो, "ह्या सपनाचो अर्थ, गिदोनाचा सैन्य मिद्यानी सैन्याचो पराभव करीत असो व्हतो. गिदोनान ह्या आयकान परमेश्वराची उपासना केल्यान.

![](https://cdn.door43.org/obs/jpg/360px/obs-en-16-12.jpg)

मगे गिदोन आपल्या सैनिकांकडे परातलो नी तेना प्रत्येकाक याक शिंग, याक मडक्या नी येक मशाल दिल्यान. मिद्यानी सैनिक झोपले व्हते, त्या छावणेक तेंनी घेरल्यानी. गिदोनाच्या ३०० सैनिकांनी आपले मशाली मडक्यात घालून ठेवल्यामुळाक मिद्यान्यांका तेंचो प्रकाश दिसलो नाय.

![](https://cdn.door43.org/obs/jpg/360px/obs-en-16-13.jpg)

मगे येकाच येळेक गिदोनाच्या सैनिकांनी मडकी फोडल्यानी नी आपल्या मशालीचो जाळ दिसाक लागलो. तेंनी आपआपली रणशिंगा फुंकल्यानी नी गर्जना केल्यानी की, "यहोवा देवाची तलवार नी गिदोनाची तलवार!"

![](https://cdn.door43.org/obs/jpg/360px/obs-en-16-14.jpg)

परमेश्वरान मिद्यान्यांका गोंधळून टाकल्यान नी म्हणान ते आपसातच येकमेकर हल्लो करून मारूक लागले. लगेच मिद्यान्यांका हाकलूक मदत करूक म्हणान तेंनी बाकीच्या इस्राएली लॉकांका तेंच्या घराकडे बोलावणा पाठयल्यानी. तेंनी तेंच्यातल्या कित्येकांका ठार मारल्यानी नी बाकीच्यांका इस्राएलाच्या जमनीतना घालवन दिल्यानी. त्याच दिवसाक १,२०,००० मिद्यानी सैनिक मेले. परमेश्वरान ह्या प्रकारान इस्राएली लॉकांची सुटका केल्यान.

![](https://cdn.door43.org/obs/jpg/360px/obs-en-16-15.jpg)

लॉक गिदोनाक आपलो राजा करूक बघी व्हते. गिदोनान तेंका असा करूक नकार दिल्यान, पण तेंच्यातल्या प्रत्येकान मिद्यान्यांकडना घेतलल्या सोन्याच्या आंगठेंपैकी काय तेना मागल्यान. लॉकांनी गिदोनाक मॉप सोना दिल्यानी.

![](https://cdn.door43.org/obs/jpg/360px/obs-en-16-16.jpg)

मगे गिदोनान त्या सोन्यापासना महायाजक घालत असलल्या कापडासारखो येक इशेष कापड तयार केल्यान. पण लॉकांनी त्या कापडाक मूर्ती मानून तेची ते पूजा करूक लागले. मगे परमेश्वरान इस्राएलाक परत शिक्षा केल्यान, कारण तेंनी मूर्तिपूजा केलल्यानी. परमेश्वरान तेंच्या दुश्मनांका तेंका हरवक लावल्यान. शेवटाक तेनी परमेश्वराचीच मदत मागल्यानी नी परमेश्वरान तेंका दुसरो तारणारो पाठयल्यान.

![](https://cdn.door43.org/obs/jpg/360px/obs-en-16-17.jpg)

ह्या नमुन्याची मॉपदा पुनरावृत्ती झाली. इस्राएली लॉक पाप करीत, परमेश्वर तेंका शिक्षा करी, ते पश्चात्ताप करीत नी परमेश्वर तेंचा तारण करूक तारणारो पाठवीत ऱ्हवा. मॉप वर्सापासना, परमेश्वरान इस्राएली लॉकांकडे तेंका शत्रूपासना सोडवक मॉप तारणारे पाठयल्यान.

![](https://cdn.door43.org/obs/jpg/360px/obs-en-16-18.jpg)

शेवटाक, लॉकांनी दुसऱ्या देशांसारखो राजा परमेश्वराकडे मागल्यानी. तेंका उंच, सशक्त नी लढाईक नेतृत्व करणारो असो राजा व्हयो होतो. परमेश्वराक ह्या आवडाक नाय, तरीव तेना तेंच्या मागणे प्रमाण तेना तेंका येक राजा दिल्यान.

*बायबलातली गोष्ट : शास्ते 1 -39 ; 6 - 8*

## 17. दाविदाबरोबर परमेश्वराचो करार

https://openbiblestories.org/l/gom-x-malvani/story-17/

![](https://cdn.door43.org/obs/jpg/360px/obs-en-17-01.jpg)

शौल इस्राएलाचो पयलो राजा व्हतो. तो उंच नी सुंदर व्हतो, जसो त्या लॉकांका व्हयो व्हतो, येकदम तसोच. इस्राएलार राज्य करुच्या सुरवातीची काय वर्सा शौल येक चांगलो राजा व्हतो. पण मगे तो येक दुष्ट व्यक्ती बनलो, जेना परमेश्वराचा सांगना आयकाक नाय, म्हणान परमेश्वरान येक यगळो व्यक्ती निवडल्यान जो येक दिवस तेच्या जागेर राजा झालो.

![](https://cdn.door43.org/obs/jpg/360px/obs-en-17-02.jpg)

परमेश्वरान दाविद नावाच्या यका तरण्या इस्राएली बापयाक निवडून येक दिवस शौलाच्या जागेर राजा होवक तयारी करूक सुरवात केल्यान. दाविद बेथलेहेम नगराचो येक मेंढपाळ व्हतो. कित्येक येळा दाविदान सिंह नी कोल्हो दोघांकाव मारून टाकल्यान कारण दाविद राखान करताना तेच्या बापाशीच्या मेंढयेंर तेंनी हल्लो केलल्यानी. दाविद येक नम्र नी नितीमान माणूस व्हतो. तेना परमेश्वरार इश्वास ठेवल्यान नी तेचा सांगना आयकल्यान.

![](https://cdn.door43.org/obs/jpg/360px/obs-en-17-03.jpg)

जेळाक दाविद आजून तरणोच बापयो व्हतो, तेना धिप्पाड गल्याथाइरुद्ध लढाई केल्यान. गल्याथ येकदम निपुण सैनिक व्हतो. तो लय धडधाकट नी जवळजवळ तीन मीटर उंच व्हतो. पण परमेश्वरान गल्याथाक मारूक नी इस्राएलाक वाचवक दाविदाची मदत केल्यान. तेच्यानंतर, दाविदान इस्राएलाच्या दुश्मनांच्यार किती तर येळा विजय मिळवल्यान. दाविद येक मोठो सैनिक बनलो नी तेना मॉपश्या युद्धांतूर इस्राएली सेनेचा नेतृत्व केल्यान. लॉकांनी तेची लय प्रशंसा केल्यानी.

![](https://cdn.door43.org/obs/jpg/360px/obs-en-17-04.jpg)

लॉकांनी दाविदार मॉप जीव लावल्यानी म्हणान शौल तेच्यार जेळाक लागलो. शेवटाक शौल तेका मारून टाकूक बघी व्हतो, म्हणान दाविद तेच्या नी तेच्या सैनिकांपासना लपाक जंगलात पळान गेलो. येक दिवस, जेळाक शौल नी तेचे सैनिक दाविदाक शोधी व्हते तेळाक शौल येका गुहेत गेलो. ही तीच गुहा व्हती जेच्यात दाविद लपललो, पण शौलान तेका बघुक नाय. दाविद शौलाच्या पाठी एकदम जवळ गेलो नी तेच्या कपड्याच्या तुकड्याक कापून घेतल्यान. मगे जेळाक शौल त्या गुहेतना भायर गेलो तेळाक दाविदान तेका हाक मारून त्या कपड्याच्या तुकड्याक दाखवल्यान. म्हणान, शौल जाणून गेलो की दाविदान राजा बनाक तेका मारून टाकूक नकार दिल्यान.

![](https://cdn.door43.org/obs/jpg/360px/obs-en-17-05.jpg)

काय येळानंतर, शौल युद्धात मरान गेलो नी दाविद इस्राएलाचो राजा झालो. तो येक चांगलो राजा व्हतो नी लॉकांनी तेच्यार प्रेम केल्यानी. परमेश्वरान दाविदाक आशिर्वादित केल्यान नी तेका फलद्रुप केल्यान. दाविद कित्येक लढाई लढलो नी परमेश्वरान इस्राएलाच्या दुश्मनांका हरवक तेची मदत केल्यान. दाविदान यरुशलेम नगर जिंकान तेका आपली राजधानी बनयल्यान, जय तो ऱ्हवलो नी राज्य केल्यान. दाविद चाळीस वर्सा राजा व्हतो. ह्या येळेत, इस्राएल लय मजबूत नी धनसंपन्न झाला.

![](https://cdn.door43.org/obs/jpg/360px/obs-en-17-06.jpg)

दाविदाक याक मंदिर बनवचा व्हता, जय सगळे इस्राएली परमेश्वराची आराधना करतीत नी तेका बलि चढवतीत. जवळपास ४०० वर्सा ते लॉक मोशेन बनवलल्या निवासमंडपात परमेश्वराची आराधना करी व्हते नी तेका बलि चढवी व्हते.

![](https://cdn.door43.org/obs/jpg/360px/obs-en-17-07.jpg)

पण थय नाथान म्हणान येक संदेष्टो व्हतो. परमेश्वरान तेका दाविदाक ह्या सांगुक पाठयल्यान, "तू मॉपशे लढाये लढलस, म्हणान तू माझ्यासाठी मंदिर बांधू शकणस नाय. तुझो झिल ता बांधीत. तरीपण, मीया तुका लय आशिर्वादित करतलय. तुझी येक अवलाद कायमची माझ्या लॉकांच्यार राजा म्हणान राज्य करतली." कायमचो राज्य करणारो तो दाविदाचो यकुलतो अवलाद ख्रिस्त व्हतो. ख्रिस्त परमेश्वरान निवडललो माणूस व्हतो जो जगातल्या लॉकांका तेंच्या पापांपासना वाचयतलो.

![](https://cdn.door43.org/obs/jpg/360px/obs-en-17-08.jpg)

जेळाक दाविदान नाथानाचो संदेश आयकल्यान तेळाक तेना परमेश्वराक धन्यवाद दिल्यान नी तेची स्तुति केल्यान. परमेश्वर तेची प्रतिष्ठा वाढवीत व्हतो नी तेका मॉपशे आशिर्वाद देयत व्हतो. साहजिकच दाविदाक म्हायत नाय व्हता की परमेश्वर हे गोष्टी कधी करतलो. आमका म्हायत हा की, त्यायेळाक इस्राएली लॉकांका मॉप येळ, जवळपास १,००० वर्सापर्यात ख्रिस्त येवची वाट बघुची व्हती.

![](https://cdn.door43.org/obs/jpg/360px/obs-en-17-09.jpg)

दाविदान कित्येक वर्सापर्यात न्यायान आपल्या लॉकांच्यार राज्य केल्यान. तेना प्रामाणिकपणान परमेश्वराचा सांगना आयकल्यान नी परमेश्वरान तेका आशिर्वादित केल्यान. तरीपण आपल्या जीवनाच्या शेवटाच्या काळात तेना परमेश्वराइरुद्ध भयानक पाप केल्यान.

![](https://cdn.door43.org/obs/jpg/360px/obs-en-17-10.jpg)

येक दिवस दाविदान आपल्या राज-मंदिरातना भायर बघल्यान नी येक सुंदर बाय माणसाक न्हाताना बघल्यान. तो तेका वळखत नाय व्हतो, तरीव तेना म्हायत करून घेतल्यान की तेचा नाव बथशेबा हा.

![](https://cdn.door43.org/obs/jpg/360px/obs-en-17-11.jpg)

आपली नजर फिरवची सोडून दाविदान तेका आपल्याकडे आनुक कोणाक तरी पाठयल्यान. तो तिच्याबरोबर झोपलो नी तेका परत घराक पाठयल्यान. थोड्या दिवसानी बथशेबान ह्या सांगाण दाविदाक संदेश पाठयल्यान की ता गरोदर हा.

![](https://cdn.door43.org/obs/jpg/360px/obs-en-17-12.jpg)

बथशेबाच्या नवऱ्याचा नाव उरिया व्हता.तो दाविदाच्या उत्तम सैनिकांतूरलो येक व्हतो. तेळाक तो लढाई करूक भायर गेललो. दाविदान उरियाक लढाईतना पाठी बोलवन तेका आपल्या बायलेबरोबर ऱ्हवाक सांगल्यान. पण बाकीचे सैनिक लढाईत व्हते म्हणान उरियान घराक जावक नकार दिल्यान. शेवटाक, दाविदान उरियाक परत लढाईक पाठयल्यान नी सेनापतीक तेका लढाईत असल्या जागेर ठेवक सांगल्यान की जय दुश्मन सगळ्यात शक्तिमान व्हतो म्हणजे तो मारलो जायत. मगे असा झाला की उरिया लढाईत मारलो गेलो.

![](https://cdn.door43.org/obs/jpg/360px/obs-en-17-13.jpg)

उरिया लढाईत मरान गेल्यार दाविदान बथशेबाबरोबर लगीन केल्यान. मगे, तेना दाविदाच्या झिलाक जन्म दिल्यान. दाविदान जा काय केलल्यान तेच्यामुळा परमेश्वर लय रागावललो, म्हणान तेना नाथान संदेष्ट्याक दाविदाक ह्या सांगुक पाठयल्यान की तेचा पाप किती वायट व्हता. दाविदान आपल्या पापाबद्दल पश्चात्ताप केल्यान नी परमेश्वरान तेका माफ केल्यान. आपल्या उरलल्या आयुष्यात, आपल्या वायट दिवसातव दाविद परमेश्वराच्या पाठी-पाठी चललो नी तेचा सांगना आयकल्यान.

![](https://cdn.door43.org/obs/jpg/360px/obs-en-17-14.jpg)

पण दाविदाचो तो झिल मेलो. ह्याप्रकारान परमेश्वरान दाविदाक शिक्षा केल्यान. ह्याशिवाय, दाविद मरापर्यात तेच्या बिऱ्हाडातल्याच काय लॉकांनी तेच्याइरुद्ध लढाई केल्यानी, तेळाक दाविदाची आपली ताकद कमी पडा व्हती. पण परमेश्वर इश्वासु व्हतो नी आताव तेना ताच केल्यान जा करूचा तेना दाविदाक वचन दिलल्यान, जरी दाविदान तेची आज्ञा मोडलल्यान. मगे दाविद नी बथशेबाक दुसरी अवलाद झाली, तेचा नाव तेनी शलमोन ठेयल्यानी.

*बायबलातली गोष्ट : 1 शमुवेल अध्याय 10; 15-19; 24; 31; 2 शमुवेल 5; 7; 11-12*

## 18. विभागलला राज्य

https://openbiblestories.org/l/gom-x-malvani/story-18/

![](https://cdn.door43.org/obs/jpg/360px/obs-en-18-01.jpg)

दाविद राजान चाळीस वर्सापर्यात राज्य केल्यान. मगे तो मरान गेलो नी तेचो झिल शलमोनान इस्राएलार राज्य करूक सुरवात केल्यान. परमेश्वर शलमोनाक बोललो नी तेका इचारल्यान की तेची काय इच्छा हा की, देवान तेच्यासाठी करना लय गरजेचा हा. शलमोनान परमेश्वराकडे मागल्यान की तेका मॉप बुद्धिमान बनव. ह्या गोष्टीन परमेश्वराक आनंद झालो, म्हणान परमेश्वरान शलमोनाक जगातलो सगळ्यात बुद्धिमान माणूस बनयल्यान. शलमोनान मॉपशे गोष्टी शिकान घितल्यान नी तो येक बुद्धिमान राजा झालो. परमेश्वरान तेका लय धनवानव बनयल्यान.

![](https://cdn.door43.org/obs/jpg/360px/obs-en-18-02.jpg)

यरुशलेमेत शलमोनान ता मंदिर बांधल्यान जेच्यासाठी तेच्या बापाशीन ठरवन ठेयलल्यान नी सामान येकत्र करून ठेयलल्यान. आता लॉक निवासमंडपात जावचा सोडून मंदिरात जावन परमेश्वराची आराधना करीत नी तेका बलि चढवीत. परमेश्वर मंदिरात येवन हजर ऱ्हवायचो नी थय तो आपल्या लॉकांबरोबर वास करायचो.

![](https://cdn.door43.org/obs/jpg/360px/obs-en-18-03.jpg)

पण शलमोनान दुसऱ्या देशाच्या बायकांर प्रेम केल्यान. तेना मॉपशे, जवळपास १,००० बायकांबरोबर लगीन करून परमेश्वराची आज्ञा मोडल्यान. तेच्यातली मॉपशी बायका परक्या देशातना इलली नी आपल्या बरोबर आपले देवव घेवन इलली नी तेंची पूजा करुचा चालू ठेयल्यानी. जेळाक शलमोन म्हातारो झालो तेळाक तेनाव तेंच्या देवांची पूजा केल्यान.

![](https://cdn.door43.org/obs/jpg/360px/obs-en-18-04.jpg)

म्हणान परमेश्वर शलमोनार रागावलो. तेना म्हटल्यान की तो इस्राएल देशाक दोन भागात विभागून तेंका शिक्षा करतलो. पण असा तो शलमोन मेल्यार करतलो.

![](https://cdn.door43.org/obs/jpg/360px/obs-en-18-05.jpg)

शलमोन मेल्यार, रहबाम राजा झालो. इस्राएल देशाचे सगळे लॉक तेका राजा म्हणान स्विकारूक येकत्र झाले. तेनी रहबामाक तक्रार केल्यानी की शलमोनान तेंच्याकडना लय कठीण कामा करून घितल्यान नी लय कर वसूल केलल्यान. तेंनी रहाबामाक मसलत दिल्यानी की तेंच्याकडना कमी काम करूक लावा.

![](https://cdn.door43.org/obs/jpg/360px/obs-en-18-06.jpg)

पण रहाबामान तेंका मोठ्या मूर्खपणान उत्तर दिल्यान, "तुम्ही सांगतास की माझो बापुस शलमोनान तुमका कठीण कामा करूक लायल्यान. पण मीया तुमच्याकडना तेच्यापेक्षाव आजून कठीण कामा करून घेतलय नी मीया तुमका तेच्यापेक्षाव आजून पीडतलय."

![](https://cdn.door43.org/obs/jpg/360px/obs-en-18-07.jpg)

जेळाक लॉकांनी तेका असा म्हणताना आयकल्यानी तेळाक तेंच्यातल्या काय जणांनी तेच्याइरुद्ध बंड केल्यानी. धा कुळानी तेका सोडून दिल्यानी; तेच्याबरोबर आता दोनच कुळा ऱ्हवली. ह्या दोन कुळांनी स्वताक यहुद्यांचा राज्य म्हटल्यानी.

![](https://cdn.door43.org/obs/jpg/360px/obs-en-18-08.jpg)

बाकीच्या धा कुळांनी यराबाम नावाच्या यका बापयाक आपलो राजा बनयल्यानी. ही कुळा देशाच्या उत्तर-पूर्व भागात व्हती. तेंनी स्वताक इस्राएलचा राज्य म्हटल्यानी.

![](https://cdn.door43.org/obs/jpg/360px/obs-en-18-09.jpg)

पण यराबामान परमेश्वराइरुद्ध बंड केल्यान नी लॉकांकडना पाप करयल्यान. तेना आपल्या लॉकांकडना पूजा करून घेवक दोन मूर्ते बनयल्यान. ते आता यहुद्यांच्या राज्यात यरुशलेमेत परमेश्वराच्या मंदिरात तेची आराधना करूक नाय जावक.

![](https://cdn.door43.org/obs/jpg/360px/obs-en-18-10.jpg)

यहूदा नी इस्राएल राज्या येकमेकांची दुश्मन बनली नी कायम येकदुसऱ्याबरोबर लढाई करुक लागली.

![](https://cdn.door43.org/obs/jpg/360px/obs-en-18-11.jpg)

इस्राएलाच्या नयीन राज्यात सगळेच राजा दुष्ट व्हते. हेंचातले कित्येक राजा तेंच्या जागेर राजा बनाची इच्छा ठेवणारे इतर इस्राएली लॉकांकडना मारले गेले.

![](https://cdn.door43.org/obs/jpg/360px/obs-en-18-12.jpg)

इस्राएल राज्याच्या सगळ्या राजांनी नी मॉपशा लॉकांनी मूर्तेची पूजा केल्यानी. जेळाक तेनी असा केल्यानी, तेळाक ते कायम वेश्यांबरोबर झोपले नी काय येळाक मूर्तेपुढे आपल्या पोरांका बलिव केल्यानी.

![](https://cdn.door43.org/obs/jpg/360px/obs-en-18-13.jpg)

यहूदा राज्याचे राजा, दाविदाची अवलाद व्हते. ह्या राजांतूरले काय जण भले माणूस व्हते, जेंनी न्यायान राज्य केल्यानी, नी परमेश्वराची आराधना केल्यानी. पण यहुद्यांचे जास्त ते राजा वायट व्हते. तेंनी वायटान राज्य केल्यानी, नी मुर्ते पूजल्यानी. ह्यापर्यात की तेंच्यातल्या काय राजांनी खोट्या देवांका आपल्या पोरांका बलि केल्यानी. यहुद्यांच्या जास्त त्या लॉकांनीव परमेश्वराइरुद्ध बंड केल्यानी नी इतर देवांची पूजा केल्यानी.

*बायबलातली गोष्ट : 1 राजे अध्याय 1-6; 11-12*

## 19. भविष्यवक्ते

https://openbiblestories.org/l/gom-x-malvani/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर कायम इस्राएली लॉकांकडे भविष्यवक्ते पाठयत ऱ्हवा. भविष्यवक्ते परमेश्वराकडना संदेश आयकत नी मगे ते लॉकांका सांगित.

![](https://cdn.door43.org/obs/jpg/360px/obs-en-19-02.jpg)

जेळाक अहाब इस्राएलाच्या राज्यार राजा व्हतो तेळाक एलिया भविष्यवकतो व्हतो. अहाब येक वायट माणूस व्हतो. तेना खोट्या बआल देवतांची पूजा करूक लॉकांका भाग पाडल्यान. म्हणान एलियान अहाबाक म्हटल्यान की, परमेश्वर त्या लॉकांका शिक्षा करूक जाय व्हतो. तेना तेका सांगल्यान, "जोपर्यात मीया परत पावस पडाक सांगनय नाय तोपर्यात इस्राएल राज्यात पावस पडाचो नाय नी दवव पडाचो नाय." ह्या गोष्टीन अहाबाक यवढो राग इलो की तेना एलियाक मारून टाकुचा ठरयल्यान.

![](https://cdn.door43.org/obs/jpg/360px/obs-en-19-03.jpg)

म्हणान परमेश्वरान एलियाक सांगल्यान की, तेना जंगलात जावन अहाबापासना लपायचा. एलिया जंगलात त्या झऱ्याकडे गेलो जय जावक परमेश्वरान तेका सांगलल्यान. रोज सकाळी नी संध्याकाळी, पक्षी एलियाक भाकरी नी मास घेवन येयत. ह्या सगळ्या येळेत, अहाब नी तेची सेना एलियाचो शोध करीत ऱ्हवले, पण ते तेका शोधू शकले नाय.

![](https://cdn.door43.org/obs/jpg/360px/obs-en-19-04.jpg)

पावस पडाक नाय म्हणान काय येळान तो झरो सुकान गेलो. म्हणान एलिया जवळच्या येका देशात गेलो. त्या देशात येक गरीब विधवा व्हती जिचो येक झिल व्हतो. तेंच्याकडचा जेवान जवळजवळ संपलला कारण थय कसलीच शेती नाय झालली. पण तरीव, त्या बायन एलियाची सेवा केल्यान, म्हणान परमेश्वरान तेचे नी तेच्या झिलाचे गरजा पुरे केल्यान, म्हणानच तेच्या पिठाचा भांडा नी तेलाची कुपी कधीच रिकामी नाय झावक. त्या पुऱ्या दुष्काळात तेच्याकडे जेवान व्हता. एलिया काय वर्सा थय ऱ्हवलो.

![](https://cdn.door43.org/obs/jpg/360px/obs-en-19-05.jpg)

साडे तीन वर्सांनंतर, परमेश्वरान एलियाक सांगल्यान की तो परत पावस पाडतलो. तेना एलियाक इस्राएलाच्या राज्यात जावन अहाबाबरोबर बोलाक सांगल्यान. म्हणान एलिया अहाबाकडे गेलो. जेळाक अहाबान तेका बघल्यान तेळाक तेका म्हटल्यान, "अच्छा तू आसस, संकट निर्माण करणारो!" एलियान उत्तर दिल्यान, " संकट निर्माण करणारो तर तू आसस! तू यहोवाक सोडून दिलस. तोच खरो परमेश्वर आसा, पण तू बआलाची पूजा करतस. आता तुका इस्राएल राज्याच्या सगळ्या लोकांका कर्मेल पर्वतार घेवन येवचा हा."

![](https://cdn.door43.org/obs/jpg/360px/obs-en-19-06.jpg)

शेवटाक सगळे लॉक कर्मेल पर्वतार गेले. तेव बापये इले जे म्हणा व्हते की, ते बआलाचे संदेश सांगतत. हे बआलाचे भविष्यवक्ते व्हते. ते ४५० व्हते. एलियान लोकांका सांगल्यान, "कधीपर्यात तुम्ही आपल्या मनांका फिरवतलास? जर यहोवा परमेश्वर आसा तर तेची आराधना करा! जर बआल परमेश्वर आसात तर तेची पूजा करा!"

![](https://cdn.door43.org/obs/jpg/360px/obs-en-19-07.jpg)

तेळाक एलियान बआलाच्या भविष्यवक्त्यांका म्हटल्यान, "येका बैलाक बलि करून तेचा मास बलिदान करूक येका वेदीर ठेवा, पण आग लाव नको. मगे मीव तसाच करतलय नी येका येगळ्या वेदीर मीया ता मास ठेवतलय. तेळाक जर परमेश्वरान वेदीर आग पाडल्यान तर समाजान जावा की तोच खरो परमेश्वर आसा." तेळाक बआलाच्या भविष्यवक्त्यांनी येक बलि तयार केल्यानी पण आग लावक नाय.

![](https://cdn.door43.org/obs/jpg/360px/obs-en-19-08.jpg)

तेळाक बआलाच्या भविष्यवक्त्यांनी बआलाक प्रार्थना केल्यान की, हे बआला, आमचा आयक!" पुरो दिवस तेंनी प्रार्थना केल्यानी, वराडले नी स्वतःच्या आंगार चाकून वारव करून घितल्यानी, पण बआलान उत्तर देवक नाय नी कसलीच आग नाय पाडुक.

![](https://cdn.door43.org/obs/jpg/360px/obs-en-19-09.jpg)

बआलाच्या भविष्यवक्त्यांनी बआलाक प्रार्थना करण्यात जवळजवळ दिवस घालयल्यानी. शेवटाक तेंनी प्रार्थना करूचा बंद केल्यानी. तेळाक एलियान दुसऱ्या बैलाचा मास परमेश्वराच्या वेदीर ठेयल्यान. मगे तेना लॉकांका पाणयाची मोठी भांडी त्या बलिदानार वतुक लायल्यान जोवर ता मास, लाकडा नी वेदीच्या आजूबाजूची जमीन वली नाय झाली.

![](https://cdn.door43.org/obs/jpg/360px/obs-en-19-10.jpg)

तेळाक एलियान प्रार्थना केल्यान की, "हे यहोवा, अब्राहाम, इसहाक नी याकोबाच्या देवा, आमका दाखव की तूच इस्राएलाचो परमेश्वर आसस नी मीया तुझो दास आसय. माका उत्तर दे म्हणजे हे लॉक समाजतीत की तूच खरो परमेश्वर आसस.

![](https://cdn.door43.org/obs/jpg/360px/obs-en-19-11.jpg)

लगेचच आकाशातना आग पडली नी तेना मास, लाकडा, खडका, माती नी वेदीच्या आजूबाजूचा सगळा पाणीव जाळून टाकल्यान. जेळाक लॉकांनी ह्या बघल्यानी, तेळाक ते जमनीर पडले नी बोलले, "यहोवाच परमेश्वर आसा."

![](https://cdn.door43.org/obs/jpg/360px/obs-en-19-12.jpg)

तेळाक एलियान म्हटल्यान, "बआलाचो येकव भविष्यवकतो सुटान जाता नये!" म्हणान लॉकांनी बआलाच्या भविष्यवक्त्यांका पकडल्यानी नी तेंका थयना येगळे घेवन गेले नी मारून टाकल्यानी.

![](https://cdn.door43.org/obs/jpg/360px/obs-en-19-13.jpg)

तेळाक एलियान अहाब राजाक म्हटल्यान, "लवकर आपल्या घराक पळान जा, कारण पावस पडणार हा." लवकरच ढग दाटून इले नी जोरात पावसाक सुरवात झाली. यहोवा त्या दुष्काळाक संपयत व्हतो. हेना प्रकट झाला की यहोवाच खरो परमेश्वर आसा.

![](https://cdn.door43.org/obs/jpg/360px/obs-en-19-14.jpg)

जेळाक एलियान आपला काम संपवल्यान, तेळाक परमेश्वरान अलिशा नावाचो बापयो आपलो भविष्यवकतो होवक निवडल्यान. परमेश्वरान अलिशाकडना मॉपशे चमत्कार केल्यान. येक चमत्कार नामानाबरोबर झालो. तो येक दुश्मनाच्या सेनेचो सरदार व्हतो, पण तेका येक त्वचेचो वायट रोग झाललो. नामानान अलिशाबाबतीत आयकलल्यान, म्हणान तो अलिशाकडे इलो नी तेका तेना बरा करूची इनंती केल्यान. अलिशान नामानाक म्हटल्यान की, जावन यार्देन नदीच्या पाणयात सात येळा डुबकी लगाव.

![](https://cdn.door43.org/obs/jpg/360px/obs-en-19-15.jpg)

नामान रागावलो. तेना तसा करुचो नकार दिल्यान, कारण ता तेका मूर्खपणाचा काम वाटा व्हता. पण मगे तेना आपला मन बदलल्यान नी जावन यार्देन नदीच्या पाणयात सात येळा डुबकी लावल्यान. जेळाक शेवटाक तो पाणयातना भायर पडलो तेळाक परमेश्वरान तेका बरो केल्यान.

![](https://cdn.door43.org/obs/jpg/360px/obs-en-19-16.jpg)

परमेश्वरान इस्राएली लॉकांकडे इतर मॉपशे भविष्यवक्ते पाठयल्यान. त्या सगळ्यांनी लॉकांका मूर्तेची पूजा करूचा बंद करूक सांगल्यानी. त्याशिवाय, तेंनी येकदुसऱ्याबरोबर न्यायान व्यवहार करायचो नी एकदुसऱ्यार दया करायची. त्या भविष्यवक्त्यांनी लॉकांका बजावल्यानी की तेनी वायट कामा बंद करायची नी ता सोडून परमेश्वरान सांगलल्या गोष्टींचा पालन करायचा. जर त्या लॉकांनी तसा नाय केल्यानी तर परमेश्वर तेंका दोषी ठरवन तेंचो न्याय करतलो नी तेंका शिक्षा करतलो.

![](https://cdn.door43.org/obs/jpg/360px/obs-en-19-17.jpg)

जास्तसो येळ, त्या लॉकांनी परमेश्वराचा आज्ञापालन करूक नाय. कायम तेंनी भविष्यवक्त्यांबरोबर वायट व्यवहार केल्यानी नी कधीकधी तर तेंका ठार मारल्यानी. येकदा तेनी यिर्मया भविष्यवक्त्याक सुक्या बावडेत टाकून दिल्यानी नी तेका थय मरासाठी सोडून दिल्यानी. तो बावडेच्या तळाक चिखलात रुपलो. पण तेळाक राजाक तेच्यार दया इली नी तेना आपल्या सैनिकांका आदेश दिल्यान की यिर्मया मराच्या आधी तेका बावडेतना भायर काढा.

![](https://cdn.door43.org/obs/jpg/360px/obs-en-19-18.jpg)

भविष्यवक्त्यांनी परमेश्वराच्या वतीन बोलाचा चालू ठेयलल्यानी, जरी लॉकांनी तेचो द्वेष केल्यानी. तेनी लॉकांका बजावल्यानी की तेनी जर पश्चात्ताप करूक नाय तर परमेश्वर तेंचो नाश करतलो. तेनी लॉकांका ह्याव आठवण करून दिल्यानी की परमेश्वरान तेंच्याकडे मसीहा पाठवची प्रतिज्ञा केल्यान हा.

*बायबलातली गोष्ट : 1 राजे अध्याय 16-18; 2 राजे 5; यिर्मया 38*

## 20. बंदिवास नी परातना

https://openbiblestories.org/l/gom-x-malvani/story-20/

![](https://cdn.door43.org/obs/jpg/360px/obs-en-20-01.jpg)

इस्राएलचा राज्य नी यहुद्यांचा राज्य दोघांनीव परमेश्वराइरुद्ध पाप केल्यानी. तेंनी ता वचन तोडल्यानी जा परमेश्वरान तेंच्याबरोबर सिनाय पर्वतार बांधलल्यान. परमेश्वरान पश्चात्ताप करूक नी परत तेची आराधना करूक बजावूक आपले भविष्यवक्ते पाठयल्यान, पण तेंनी तेंचाव सांगलला आयकाक नकार दिल्यानी.

![](https://cdn.door43.org/obs/jpg/360px/obs-en-20-02.jpg)

अशाप्रकारान परमेश्वरान तेंच्या दुश्मनांका तेंचो नाश करूक सक्षम करून दोनव राज्यांका शिक्षा दिल्यान. अश्शूर म्हणान येक दुसरो देश व्हतो जो लय शक्तिशाली झाललो. ते दुसऱ्या देशांबरोबर लय निर्दयपणान वागत. तेंनी येवन इस्राएलचा राज्य नाश करून टाकल्यानी. अश्शूरच्या लॉकांनी येवन इस्राएलच्या राज्यात जास्तश्या लॉकांका मारून टाकल्यानी, जेका वाटला तेका लुटल्यानी नी देशाचे काय भाग जाळून टाकल्यानी.

![](https://cdn.door43.org/obs/jpg/360px/obs-en-20-03.jpg)

अशशूरच्या लॉकांनी सगळ्या पुढाऱ्यांका, धनवानांका नी अश्या लॉकांका जे मौल्यवान वस्तू बनव शकत व्हते तेंका येकत्र केल्यानी नी ते अश्शूर देशाक घेवन गेले. इस्राएलात फक्त काय गरीब लॉकच उरले.

![](https://cdn.door43.org/obs/jpg/360px/obs-en-20-04.jpg)

मगे अश्शूरचे लॉक त्या देशात ऱ्हवाक विदेशी लोक घेवन इले. त्या विदेशी लॉकांनी त्या नगरांका परत बांधल्यानी. जे इस्राएली थय वाचलले तेंच्याबरोबर तेंनी लगना केल्यानी. त्या लॉकांचे अवलादी शोमरोनी म्हणान ओळखले जावक लागले.

![](https://cdn.door43.org/obs/jpg/360px/obs-en-20-05.jpg)

यहुदा राज्याच्या लॉकांनी बघल्यानी की कसो परमेश्वरान तेच्यार इश्वास न ठेयणाऱ्या नी तेची वचना न पाळणाऱ्या इस्राएली राज्यातल्या लॉकांका शिक्षा दिलल्यान. पण तरीव तेंनी कनान्यांच्या देवांचे मूर्तेची पूजा केल्यानी. परमेश्वरान तेंका बजावक भविष्यवक्ते पाठयल्यान, पण तेंनी आयकाक नकार दिल्यानी.

![](https://cdn.door43.org/obs/jpg/360px/obs-en-20-06.jpg)

जवळजवळ १०० वर्सांनंतर अश्शुरी लॉकांनी इस्राएलच्या राज्याचो नाश केल्यानी. परमेश्वरान बाबेलचो राजा, नबुखदनेस्सराक यहुद्यांच्या राज्यार हमलो करूक पाठयल्यान. बाबेल येक शक्तिशाली देश व्हतो. यहुद्यांचो राजा नबूकदनेस्सरचो दास होवक नी दर वर्साक तेका मॉपसा धन देवक तयार झालो.

![](https://cdn.door43.org/obs/jpg/360px/obs-en-20-07.jpg)

पण काय वर्सानंतर, यहूद्यांच्या राजान बाबेलइरुद्ध बंड केल्यान. शेवटाक बाबेलच्या लॉकांनी परत येवन यहूद्यांच्या राज्यार हमलो केल्यानी. तेंनी यरुशलेम नगरार कब्जो मिळवल्यानी, मंदिराक नष्ट करून टाकल्यानी नी नगर नी मंदिराचो खजानो लुटून घेवन गेले.

![](https://cdn.door43.org/obs/jpg/360px/obs-en-20-08.jpg)

बंड केल्यामुळा यहूद्यांच्या राजाक शिक्षा देवक म्हणान नबूखदनेस्सराच्या सैनिकांनी राजाचो झिल तेच्याच समोर मारून टाकल्यानी नी मगे तेका आंधळो करून टाकल्यानी. हेच्यानंतर, ते राजाक घेवन गेले म्हणजे तो बाबेलच्या तुरुंगात मरान जायत.

![](https://cdn.door43.org/obs/jpg/360px/obs-en-20-09.jpg)

नबूखदनेस्सर नी तेची सेना यहूद्यांच्या राज्याचे जवळपास सगळेच लॉक बाबेलाक घेवन गेले, फक्त अति गरीब लॉकांकाच पाठी सोडून गेले म्हणजे ते शेतात धान्य उगवतीत. ह्या काळाक बंदिवास म्हटला गेला जेच्यात परमेश्वराच्या लॉकांका वचनदत्त देशातना पाडाव करून न्हेण्यात इला.

![](https://cdn.door43.org/obs/jpg/360px/obs-en-20-10.jpg)

जरी परमेश्वरान आपल्या लॉकांका तेंच्या पापांमुळाक बंदिवासात पाठवन शिक्षा दिल्यान, तरीव तो तेंका नी आपल्या वचनाक इसारलो नाय व्हतो. परमेश्वरान आपल्या लॉकांचा संरक्षण करूचा सुरूच ठेयल्यान नी आपल्या भविष्यवक्त्यांकडना तो तेंच्याबरोबर बोलत ऱ्हवा. तेना वचन दिल्यान की सत्तर वर्सांनंतर ते परत वचनदत्त देशात जातले.

![](https://cdn.door43.org/obs/jpg/360px/obs-en-20-11.jpg)

जवळपास सत्तर वर्सांनंतर, पारसाचो राजा कुस्रून बाबेलाक हरवल्यान, म्हणान बाबेलचा राज्य सोडून पारसाच्या साम्राज्यान मॉप देशांर राज्य केल्यान. इस्राएली लॉक आता यहुदी म्हणान वळाखले जायत. तेंच्यातल्या मॉप जणांनी आपला सगळा आयुष्य बाबेलात घालयलल्यानी. फक्त काय म्हाताऱ्या यहुद्यांकाच यहुदी देश लक्षात व्हतो.

![](https://cdn.door43.org/obs/jpg/360px/obs-en-20-12.jpg)

पारशी लॉक लय शक्तिमान व्हते, पण तेंनी आपल्या आयुष्यात लॉकांच्यार दया केलल्यानी. पारशी लॉकांचो राजा झाल्यार काय येळान कुस्रून येक हुकूम केल्यान की कोणव यहुदी जो यहुदी देशाक परत जावक बघी व्हतो, तो पारसातना निघान परत यहुदी देशाक जाव शकता. ह्यापर्यात की तेना तेंका मंदिर परत बनवक धनव दिल्यान. अशाप्रकारान बंदिवासाच्या सत्तर वर्सांनंतर, यहुद्यांचो येक बारको घोळको यहुदी देशात यरुशलेम नगरात परत इलो.

![](https://cdn.door43.org/obs/jpg/360px/obs-en-20-13.jpg)

जेळाक ते लॉक यरुशलेमेत पोचले तेळाक मंदिर नी नगराच्या चारव बाजूचे भिंती दुरुस्त केल्यानी. पारसी लॉक आजूनव तेंच्यार राज्य करायचे, पण परत येकदा ते वचनदत्त देशात ऱ्हवत व्हते नी मंदिरात आराधना करायचे.

*बायबलातली गोष्ट : 2 राजे अध्याय 17; 24-25; 2 इतिहास 36; एज़्रा 1-10; नहेम्या 1-13*

## 21. परमेश्वराची मसिहाविषय प्रतिज्ञा

https://openbiblestories.org/l/gom-x-malvani/story-21/

![](https://cdn.door43.org/obs/jpg/360px/obs-en-21-01.jpg)

जेळाक परमेश्वरान सृष्टीची निर्मिती केल्यान, तेका म्हायत व्हता की काय दिवसानी मसीहाक पाठवचा लागतला. तेना आदाम नी हवा हेंका वचन दिलल्यान की तो असा करतलो. तेना सांगल्यान की हवाक येक अवलाद व्हतली जी सापाचा डोक्या फोडतली. ज्या सापान हवाक फसवल्यान तो सैतानाच व्हतो हेच्यात काय संशय नाय. परमेश्वराचो अर्थ असो व्हतो की मसीहा पूर्ण सैतानाक हरवन टाकतलो.

![](https://cdn.door43.org/obs/jpg/360px/obs-en-21-02.jpg)

परमेश्वरान अब्राहामाकव वचन दिलल्यान की तेच्याकडना जगाचे सगळे जाती आशिर्वादित व्हतले. परमेश्वर मगे मसीहाक पाठवन ह्या वचन पूरा करतलो. तो मसीहा जगातल्या प्रत्येक जातीतल्या लॉकांका तेंच्या पापातना सोडयतलो.

![](https://cdn.door43.org/obs/jpg/360px/obs-en-21-03.jpg)

परमेश्वरान मोशेक वचन दिलल्यान की भविष्यात तो मोशेसारखो येक दुसरो संदेष्टो पाठयतलो. ह्यो संदेष्टो मसीहा आसतलो. ह्या प्रकारान, परमेश्वरान परत प्रतिज्ञा केल्यान की तो मसीहा पाठवतलो.

![](https://cdn.door43.org/obs/jpg/360px/obs-en-21-04.jpg)

परमेश्वरान दाविद राजाक वचन दिलल्यान की तेच्या अवलादित येक मसीहा व्हतलो. तो राजा आसतलो नी परमेश्वराच्या लॉकार कायमचो राज्य करतलो.

![](https://cdn.door43.org/obs/jpg/360px/obs-en-21-05.jpg)

परमेश्वरान यिर्मया भविष्यवक्त्याक सांगल्यान की येक दिवस तो येक नइन वचन देतलो. तो नइन वचन देतलो जा इस्राएलबरोबर सिनाय पर्वतार दिलल्या जुन्या वचनासारख्या नसतला. जेळाक लॉकांका तो नइन वचन दितलो, तेळाक तो तेंच्यार स्वतःक एकट्याकच प्रकट करतलो. प्रत्येक जण तेच्यार प्रेम करतलो नी तेच्या नियमांचा पालन करूची इच्छा ठेवतलो. परमेश्वरान सांगल्यान की ह्या तेंच्या हृदयार लिवल्यासारख्या आसा. ते तेचे लॉक व्हतले नी परमेश्वर तेंच्या पापांका क्षमा करतलो. तो मसीहा आसतलो जो तेंका ता नइन वचन दितलो.

![](https://cdn.door43.org/obs/jpg/360px/obs-en-21-06.jpg)

परमेश्वराच्या संदेष्ट्यांनी ह्या पण म्हटल्यानी की मसीहा येक संदेष्टो आसतलो. येक संदेष्टो जो व्यक्ती परमेश्वराची वचना आयकात नी मगे लॉकांका परमेश्वराचे संदेश घोषित करीत. जेका पाठवचा वचन परमेश्वरान दिलल्यान तो मसीहा येक श्रेष्ठ संदेष्टो आसतलो. म्हणजे तो मसीहा परमेश्वराचे संदेश व्यवस्थित आयकतलो नी तो लॉकांका व्यवस्थित रीतीन शिकयतलो.

![](https://cdn.door43.org/obs/jpg/360px/obs-en-21-07.jpg)

इस्राएली याजकांनी लॉकांसाठी परमेश्वरासमोर बलिदान चढवना चालू केल्यानी. ह्या बलिदान लॉकांच्या पापांसाठी तेंका परमेश्वराकडना शिक्षा करुच्या जागेर चढवला जाय. याजकांनी लॉकांसाठी प्रार्थना पण केल्यानी. पण तो मसीहा श्रेष्ठ महायाजक व्हतलो जो परमेश्वराक देवक येक श्रेष्ठ बलिच्या रुपात स्वतःक चढवतलो. म्हणजे तो कधीच पाप करुचो नाय नी जेळाक तो स्वतःक बलि होवक दितलो, तेळाक जगातल्या कोणत्याच दुसऱ्या बलिची गरज पडाची नाय.

![](https://cdn.door43.org/obs/jpg/360px/obs-en-21-08.jpg)

लॉकांच्या गटार राजा नी प्रधान राज्य करीत नी कधीकधी ते चुकायचे. दाविद राजान फक्त इस्राएली लॉकार राज्य केल्यान, पण दाविद राजाची अवलाद जो मसीहा, तो पूऱ्या जगार राज्य करतलो नी तो कायमचो राज्य करतलो. ह्याशिवाय, तो कायमचो न्यायान राज्य करतलो नी योग्य निर्णय घेतलो.

![](https://cdn.door43.org/obs/jpg/360px/obs-en-21-09.jpg)

परमेश्वराच्या भविष्यवक्त्यांनी मसीहाविषय मॉपशे गोष्टी सांगल्यानी. उदाहरण म्हणजे, मलाखीन सांगल्यान की मसीहा येवच्या आधी येक दुसरो संदेष्टो येतलो. तो संदेष्टो लय महत्वाचो आसतलो. ह्याशिवाय, यशया संदेष्ट्यान लिवल्यान की मसीहा येका कुमारीकडना जन्म घेतलो. नी मीखा संदेष्ट्यान सांगलल्यान की मसीहा बेथलेहेम नगरात जन्म घेतलो.

![](https://cdn.door43.org/obs/jpg/360px/obs-en-21-10.jpg)

यशया संदेष्ट्यान सांगलल्यान की मसीहा गालीलच्या भागात ऱ्हवतलो. जे लॉक लय दुःखी आसत तेंका मसीहा शांति दितलो. तो बंदिवानांकाव मोकळो करतलो. मसीहा आजारी नी बहिऱ्यांका, आंधळ्यांका, मुक्यांका नी लंगड्यांकाव आरोग्य दितलो.

![](https://cdn.door43.org/obs/jpg/360px/obs-en-21-11.jpg)

यशया संदेष्ट्यान ह्या पण सांगलल्यान की लॉक मसीहाचो द्वेष करतले नी तेका स्विकारूक नकार दितले. दुसऱ्या संदेष्ट्यांनी सांगल्यानी की तेचो येक साथीदार असा करूक दुसऱ्या लॉकांकडना चांदीचे तीस शिक्के घेतलो. ह्याशिवाय, काय संदेष्ट्यांनी सांगल्यानी की लॉक मसीहाक मारून टाकतले नी तेच्या कपड्यांसाठी चिठयेव टाकतले.

![](https://cdn.door43.org/obs/jpg/360px/obs-en-21-12.jpg)

संदेष्ट्यांनी ह्याव सांगलल्यानी की मसीहा कसो मरतलो. यशयान भविष्यवाणी केल्यान की लॉक मसीहार थुकतले, तेची मस्करी करतले नी तेका मारतले. ते तेका लय मारतले नी तो लय त्रास नी छळ सहन करून मरतलो, जरी तेना कायच वायट केलेला नसतला.

![](https://cdn.door43.org/obs/jpg/360px/obs-en-21-13.jpg)

संदेष्ट्यांनी ह्याव सांगलल्यानी की मसीहा पाप नाय करुचो. तो श्रेष्ठ आसतलो. पण तो अशामुळाक मरतलो की, परमेश्वर तेका इतर लॉकांच्या पापांमुळाक दंड देतलो. तो मेल्यामुळाक लॉक परमेश्वराबरोबर समेट करूक सक्षम झातले. म्हणान मसीहा मराक व्हयो ही परमेश्वराची इच्छा व्हती.

![](https://cdn.door43.org/obs/jpg/360px/obs-en-21-14.jpg)

संदेष्ट्यांनी ह्याव सांगलल्यानी की परमेश्वर मसीहाक मेलल्यांतूरना जिवंत करतलो. ह्या दाखयता की, ह्या सगळा नया वचन देवची परमेश्वराची योजना व्हती, म्हणजे तो त्या लॉकांका वाचव शकतलो जेंनी तेच्या इरुद्ध पाप केल्यानी.

![](https://cdn.door43.org/obs/jpg/360px/obs-en-21-15.jpg)

परमेश्वरान संदेष्ट्यांका मसीहाचे मॉपशे गोष्टी प्रकट केलल्यान, पण मसीहा त्या संदेष्ट्यांपैकी कोणाच्याच जीवनकाळात येवक नाय. हे भविष्यवाणी सांगल्यार ४०० पेक्षाव जास्त वर्सांनी योग्य येळेर, परमेश्वर मसीहाक ह्या जगात पाठयतलो.

*बायबलातली गोष्ट : उत्पत्ती 3:15; 12:1-3; अनुवाद 18:15; 2 शमुवेल 7; यिर्मया 31; यशया 59:16; दानिएल 7; मलाखी 4:5; यशया 7:14; मीखा 5:2; यशया 9:1-7; 35:3-5; 61; 53; स्तोत्रसंहिता 22:18; 35:19; 69:4; 41:9; जखऱ्या 11:12-13; यशया 50:6; स्तोत्रसंहिता 16:10-11*

## 22. योहानाचो जन्म

https://openbiblestories.org/l/gom-x-malvani/story-22/

![](https://cdn.door43.org/obs/jpg/360px/obs-en-22-01.jpg)

मागच्या काळात परमेश्वरान आपल्या संदेष्ट्यांका सांगलल्यान म्हणान ते लॉकांबरोबर बोलाक शकले. पण त्या येळेपासना परत ४०० वर्सांपर्यात तो तेंच्याबरोबर बोलाक नाय. तेळाक परमेश्वरान जखऱ्या नावाच्या संदेष्ट्याकडे येक देवदूत पाठयल्यान. जखऱ्या नी तेची बायल अलिशबा परमेश्वराचो आदर करायचे. ती दोघाव लय म्हातारी झालली नी तेंका काययेक अवलाद झाली नव्हती.

![](https://cdn.door43.org/obs/jpg/360px/obs-en-22-02.jpg)

त्या देवदूतान जखऱ्याक म्हटल्यान, "तुझ्या बायलेक येक झिल व्हतलो. तू तेचा नाव योहान ठेव. परमेश्वर तेका पवित्र आत्म्यान परिपूर्ण करतलो नी योहान लॉकांका मसीहाक स्विकारूक तयार करतलो." जखऱ्यान उत्तर दिल्यान, "मीया नी माझी बायल अवलाद उत्पन्न करूक आता लय म्हातारी झालाव! मीया कसा समजा की तुया माका सांगतस ता खरा हा?"

![](https://cdn.door43.org/obs/jpg/360px/obs-en-22-03.jpg)

त्या देवदूतान जखऱ्याक उत्तर दिल्यान, "तुझ्याकडे ह्यो चांगलो संदेश पाठवक माका परमेश्वरान पाठयल्यान हा. तू माझ्यार इश्वास नाय ठेवक, म्हणान पोर जन्माक येयपर्यात तू मुको व्हतलस." लगेचच, जखऱ्या मुको झालो. तेळाक तो देवदूत जखऱ्याकडना निघान गेलो. मगे, जखऱ्या घराक परत इलो नी तेची बायल गरोदर ऱ्हवली.

![](https://cdn.door43.org/obs/jpg/360px/obs-en-22-04.jpg)

जेळाक अलिशबा सा म्हयन्याची गरोदर व्हती, तेळाक तोच देवदूत अचानक अलिशबाच्या पावणेर प्रकट झालो, जिचा नाव मरिया व्हता. मरिया कुमारी व्हती नी लगीन होवक योसेफ नावाच्या बापयाबरोबर तिचो साखरपुडो झाललो. देवदूतान सांगल्यान, "तू गरोदर ऱ्हवतलस नी येका झिलाक जन्म दितलस. तुका तेचा नाव येशू ठेवचा हा. तो सर्वशक्तिमान परमेश्वराचो झिल आसतलो नी तो कायमचो राज्य करतलो.

![](https://cdn.door43.org/obs/jpg/360px/obs-en-22-05.jpg)

मरियान उत्तर दिल्यान, "ह्या कसा व्हतला, कारण मीया तर कुमारी आसय?" त्या देवदूतान तिका समजावल्यान, "पवित्र आत्मा तुझ्यार येतलो नी परमेश्वराचा सामर्थ्य तुझ्यार छाया करतला. म्हणान तो बाळ पवित्र आसतलो नी तो परमेश्वराचो झिल आसतलो." जा त्या देवदूतान सांगल्यान तेच्यार मरियान इश्वास ठेयल्यान.

![](https://cdn.door43.org/obs/jpg/360px/obs-en-22-06.jpg)

ह्या झाल्यार लगेच, मरियान जावन अलिशबाक भेट दिल्यान. जशी मरियान अलिशबाक मिठी मारल्यान, अलिशबाच्या बाळान तेच्या पोटात उडी मारल्यान. तेंच्यासाठी परमेश्वरान जा केलल्यान तेच्याबाबतीत ती बायका येकसाथ आनंदी झाली. अलिशबाकडे तीन म्हयने ऱ्हवल्यार मरिया परत घराक इला.

![](https://cdn.door43.org/obs/jpg/360px/obs-en-22-07.jpg)

मगे अलिशबान आपल्या बाळाक जन्म दिल्यान. जखऱ्या नी अलिशबान त्या बाळाचा नाव योहान ठेयल्यानी, जसो देवदूतान आदेश दिलल्यान. तेळाक परमेश्वरान जखऱ्याक बोलाक वाचा दिल्यान. जखऱ्यान म्हटल्यान, "परमेश्वराची स्तुति असो, कारण तेना आपल्या लॉकांका मदत करूची आठवण ठेयल्यान हा! हे माझ्या झिला, तू सर्वशक्तिमान परमेश्वराचो संदेष्टो होतलास. लॉक तेंच्या पापांपासना कशे क्षमा मिळवतले ता तू तेंका सांगतलस."

*बायबलातली गोष्ट : लूक अध्याय 1*

## 23. येशूचो जन्म

https://openbiblestories.org/l/gom-x-malvani/story-23/

![](https://cdn.door43.org/obs/jpg/360px/obs-en-23-01.jpg)

योसेफ नावाच्या येका धार्मिक व्यक्तीबरोबर मरियाचो साखरपुडो झाललो. जेळाक तेना आयकल्यान की मरिया गरोदर आसा तेळाक तो समजान गेलो की तो तेचो झिल नाया. पण मरियाक बदनाम करूची तेची इच्छा नाय व्हती, म्हणान तेना तिच्यार कृपा करूची नी तिका गपचूप सोडचिठ्ठी देवचा ठरयल्यान. पण हेच्या आधी तो असा करीत, येक देवदूत तेच्या स्वप्नात येवन तेच्याबरोबर बोललो.

![](https://cdn.door43.org/obs/jpg/360px/obs-en-23-02.jpg)

त्या देवदूतान सांगल्यान, "अरे योसेफा, मरियाक आपली बायल म्हणान स्विकारूक घाबरा नको. तेच्या पोटात जो पोरगो हा तो पवित्र आत्म्याकडना हा. ता येका झिलाक जन्म देतला. तेचा नाव येशू ठेव (जेचो अर्थ - यहोवा वाचवनारो हा), कारण तो लॉकांका तेंच्या पापांपासना वाचवतलो.

![](https://cdn.door43.org/obs/jpg/360px/obs-en-23-03.jpg)

अशा रितीन योसेफान मरियेबरोबर लगीन केल्यान नी तेका आपली बायल म्हणान घराक घेवन इलो, पण तेच्या पोराक जन्म देयपर्यात तो तेच्याबरोबर झोपाक नाय.

![](https://cdn.door43.org/obs/jpg/360px/obs-en-23-04.jpg)

जेळाक मरियान येशूक जन्म देवचो येळ जवळ इलो, तेळाक तिना नी योसेफान बेथलेहेमाक जावचो येक लांबचो प्रवास केल्यानी. तेंका थय जावचाच व्हता कारण रोमी अधिकारी इस्राएलात ऱ्हवणाऱ्या सगळ्या लॉकांची गणती करूचा ठरय व्हते. ते म्हणत व्हते सगळ्या लॉकांनी थय जायचा जय तेंचे पूर्वज ऱ्हवत व्हते. दाविद राजाचो जन्म बेथलेहेमात झाललो नी तो मरिया नी योसेफाचो पूर्वज व्हतो.

![](https://cdn.door43.org/obs/jpg/360px/obs-en-23-05.jpg)

मरिया नी योसेफ बेथलेहेमात गेले, पण थय ढोरांका बांधूची जागा सोडून तेंका थांबाक खयचीच जागा मिळाक नाय. तीच जागा व्हती जय मरियान आपल्या पोराक जन्म दिल्यान. तिना तेका गवानेत झोपयल्यान कारण थय तेच्यासाठी कसलाच अंथरून नाय व्हता. तेंनी तेचा नाव येशू ठेवल्यानी.

![](https://cdn.door43.org/obs/jpg/360px/obs-en-23-06.jpg)

त्या रात्री, थय जवळच्या शेतात काय राखणे आपल्या मेंढरांची राखण करीत व्हते. अचानक येक चमकनारो देवदूत तेंच्यार प्रकट झालो नी ते घाबारले. त्या देवदूतान सांगल्यान, "भिया नको, कारण माझ्याकडे तुमका देवक चांगलो संदेश हा. बेथलेहेमात मसीहाचो, प्रभूचो जन्म झालो हा!"

![](https://cdn.door43.org/obs/jpg/360px/obs-en-23-07.jpg)

"जावन त्या बाळाक शोधा म्हणजे तुम्ही तेका कपड्यात लपेटललो नी गवानेत झोपललो बघशात." अचानक आकाश देवदूतांनी भरान गेला. ते परमेश्वराची स्तुति करी व्हते. तेंनी म्हटल्यानी, "सगळी महिमा स्वर्गात विराजमान आसलल्या परमेश्वराक मिळादे. पृथ्वीरल्या लॉकांतूर शांति येवदे, जेंची तो काळजी करता!"

![](https://cdn.door43.org/obs/jpg/360px/obs-en-23-08.jpg)

तेळाक देवदूत निघान गेले. ते राखनेव आपली मेंढरा सोडून बाळाक बघुक गेले. लगेच ते त्या जागेर पोचले जय येशू व्हतो नी तेनी तेका गवानेत झोपललो बघल्यानी, जसो की त्या देवदूतान सांगलल्यान. ते लय उत्साहित झाले. मगे ते राखणे परत थय इले जय तेंची मेंढरा व्हती. तेंनी जा काय आयल्यानी नी बघल्यानी त्यामुळाक ते परमेश्वराची स्तुति करीत व्हते.

![](https://cdn.door43.org/obs/jpg/360px/obs-en-23-09.jpg)

पूर्वेक लांब येका देशात काय बापये व्हते. ते ताऱ्यांचो अभ्यास केलले नी लय बुद्धिमानव व्हते. तेंनी येका असामान्य ताऱ्याक आकाशात बघल्यानी. तेंनी म्हटल्यानी की हेचो अर्थ असो हा की, यहुद्यांच्या येका नइन राजाचो जन्म झालो हा. म्हणान तेंनी त्या बाळाक बघुक जावक त्या देशात प्रवास करुचो निर्णय घेतल्यानी. येका मोठ्या प्रवासानंतर, ते बेथलेहेमात इले नी त्या घराक बघल्यानी जेच्यात येशू नी तेचे आवस-बापुस थांबलले.

![](https://cdn.door43.org/obs/jpg/360px/obs-en-23-10.jpg)

जेळाक त्या बापयांनी येशूक आपल्या आवशीबरोबर बघल्यानी तेळाक तेंनी गुडघे टेकून तेची आराधना केल्यानी. तेंनी येशूक मौल्यवान भेट दिल्यानी. मगे ते परत घराक जावक गेले.

*बायबलातली गोष्ट : मत्तय अध्याय 1; लूक 2*

## 24. योहान येशूक बाप्तिस्मो देता

https://openbiblestories.org/l/gom-x-malvani/story-24/

![](https://cdn.door43.org/obs/jpg/360px/obs-en-24-01.jpg)

अलिशबा नी जखऱ्याचो झिल योहान मोठो होवन येक संदेष्टो झालो. तो जंगलात ऱ्हवायचो नी जंगली मध नी टोल खायचो, नी उंटाच्या चमड्यापासना बनलले कपडे घालायचो.

![](https://cdn.door43.org/obs/jpg/360px/obs-en-24-02.jpg)

मॉपशे लॉक योहानाचे गोष्टी आयकाक जंगलात इले. तेना ह्या सांगान संदेश दिल्यान की, "पश्चात्ताप करा, कारण स्वर्गाचा राज्य जवळ इला हा!"

![](https://cdn.door43.org/obs/jpg/360px/obs-en-24-03.jpg)

जेळाक लॉकांनी योहानाचो संदेश आयकल्यानी, तेळाक तेंच्यातल्या मॉपशा लॉकांनी आपल्या पापांचो पश्चात्ताप केल्यानी नी योहनान तेंका बाप्तिस्मो दिल्यान. योहानाक बघुक मॉपशे धार्मिक पुढारीव इले, पण तेंनी आपल्या पापांचो पश्चात्ताप नाय नी कबूली नाय देवक.

![](https://cdn.door43.org/obs/jpg/360px/obs-en-24-04.jpg)

योहानान धार्मिक पुढाऱ्यांका सांगल्यान, "अरे विषारी सापांनो! पश्चात्ताप करा नी आपला वागणा बदला. परमेश्वर प्रत्येक झाड कापतलो जा चांगली फळा देयत नाय नी तो तेंका आगीत फेकून दितलो." जा संदेष्ट्यांनी सांगलल्यानी ता योहनान पूरा केल्यान, "बघ, लवकरच मीया तुझ्या पुढे आपल्या संदेशवाहकाक पाठयतलय जो तुका वाट तयार करतलो."

![](https://cdn.door43.org/obs/jpg/360px/obs-en-24-05.jpg)

काय धार्मिक पुढाऱ्यांनी योहानाक इचारल्यानी की, काय तो मसीहा आसा? योहानान उत्तर दिल्यान, "मीया मसीहा नायय, पण तो माझ्यामागणा येता हा. तो येवढो महान हा की, मीया तेच्या चपलाचो बंद सोडूच्याव लायकीचो नायय."

![](https://cdn.door43.org/obs/jpg/360px/obs-en-24-06.jpg)

दुसऱ्या दिवशी, येशू बाप्तिस्मो घेवक योहानाकडे इलो. जेळाक योहानान तेका बघल्यान, तेळाक तेना म्हटल्यान, "बघा! परमेश्वराचो कोकरो जो जगाच्या पापांका हरण करून घेवन जातलो."

![](https://cdn.door43.org/obs/jpg/360px/obs-en-24-07.jpg)

योहानान येशूक म्हटल्यान, "मीया तुका बाप्तिस्मो देवच्या लायकीचो नायय. ह्याशिवाय गरजेचा ह्या हा की, तूच माका बाप्तिस्मो दी." परंतु येशून सांगल्यान, "तू माका बाप्तिस्मो देवक व्हयस, कारण करूसाठी योग्य काम ह्याच हा." अशाप्रकारान योहानान तेका बाप्तिस्मो दिल्यान, जरी येशून कधी पाप नाय केलल्यान.

![](https://cdn.door43.org/obs/jpg/360px/obs-en-24-08.jpg)

बाप्तिस्मो देवन झाल्यार जेळाक येशू पाणयातना निघान भायर पडान इलो, तेळाक परमेश्वराचो आत्मो कबुतरासारखो प्रकट झालो नी खाली येवन तेच्यार थांबलो. त्याच येळेक, परमेश्वर स्वर्गातना बोललो. तेना म्हटल्यान, "तुया माझो झिल आसस. मीया तुझ्यार प्रेम करतय नी मीया तुझ्यार लय संतुष्ट आसय."

![](https://cdn.door43.org/obs/jpg/360px/obs-en-24-09.jpg)

परमेश्वरान योहानाक सांगल्यान, "पवित्र आत्मो खाली येवन कोणारव थांबतलो, जेका तू बाप्तिस्मो दितलस." तोच परमेश्वराचो झिल हा, परमेश्वर येकच हा. पण जेळाक योहनान येशूक बाप्तिस्मो दिल्यान, तेळाक तेना परमेश्वर पित्याक बोलताना आयकल्यान, झिल परमेश्वराक बघल्यान, जो येशूच हा नी तेना पवित्र आत्म्याक बघल्यान.

*बायबलातली गोष्ट : मत्तय अध्याय 3; मार्क 1:9-11; लूक 3:1*

## 25. येशूची सैतानाकडना परीक्षा

https://openbiblestories.org/l/gom-x-malvani/story-25/

![](https://cdn.door43.org/obs/jpg/360px/obs-en-25-01.jpg)

बाप्तिस्म्यानंतर लगेच पवित्र आत्म्यान येशूक जंगलात न्हील्यान. थय येशू चाळीस दिवस नी चाळीस रात्री उपास करता. तेळाक सैतानान थय जावन येशूची परीक्षा बघल्यान.

![](https://cdn.door43.org/obs/jpg/360px/obs-en-25-02.jpg)

सैतानान येशूक मोहात पाडल्यान, "जर तू खरोखर देवाचो झिल आसशीत, तर ह्या दगडाक भाकरी होवची आज्ञा कर म्हणजे तुका जेवान मिळात!"

![](https://cdn.door43.org/obs/jpg/360px/obs-en-25-03.jpg)

येशून उत्तर दिल्यान, "देवाच्या वचनात असा लिवलला हा की, 'लॉकांका जगाक फक्त भाकरीची गरज नाया, तर परमेश्वराच्या तोंडातना निघनाऱ्या प्रत्येक वचनाची गरज हा!"

![](https://cdn.door43.org/obs/jpg/360px/obs-en-25-04.jpg)

मगे सैतानान येशूक घेवन देवळाच्या टोकार उभो केल्यान नी तेका म्हटल्यान, "तू देवाचो झिल आसस तर खाली उडी टाक, कारण असा लिवलला हा की, "देव आपल्या दूतांका तुझ्याविषय आज्ञा करीत नी तुझो पाय धोंड्यार आपाटता नये म्हणान तो तुका हातार झेलून धरतीत."

![](https://cdn.door43.org/obs/jpg/360px/obs-en-25-05.jpg)

पण येशून सैतानाक नियमशास्त्रातना उत्तर दिल्यान. तो म्हणालो, "देव आपल्या वचनातना आपल्या लॉकांका आज्ञा देता, 'तू आपलो देव परमेश्वर हेची परीक्षा बघू नको'."

![](https://cdn.door43.org/obs/jpg/360px/obs-en-25-06.jpg)

मगे सैतानान येशूक जगातली सगळी राज्या नी वैभव दाखयल्यान नी म्हटल्यान, "जर तुया पाया पडान माका नमन करशीत तर मीया ह्या सगळा तुका देयन."

![](https://cdn.door43.org/obs/jpg/360px/obs-en-25-07.jpg)

येशून म्हटल्यान, "अरे सैताना, चलतो हो! देव आपल्या वचनात आपल्या लॉकांका आज्ञा करता, परमेश्वर तुझो देव हेका नमन कर नी फक्त तेचीच उपासना कर!"

![](https://cdn.door43.org/obs/jpg/360px/obs-en-25-08.jpg)

ह्याप्रकारान येशू सैतानाच्या मोहाक बळी पडाक नाय, म्हणान सैतान तेका सोडून थयना निघान गेलो. मगे देवदूतांनी येवन येशूची सेवा केल्यानी.

*बायबलातली गोष्ट : मत्तय 4:1 - 11; मार्क 1 : 12 -13 1; लूक 4 : 1-13*

## 26. येशू आपली सेवा सुरू करता

https://openbiblestories.org/l/gom-x-malvani/story-26/

![](https://cdn.door43.org/obs/jpg/360px/obs-en-26-01.jpg)

सैतानाचे परीक्षा नाकारून झाल्यार, येशू परत गालीलात इलो. ही तीच जागा हा जय तो ऱ्हवायचो. पवित्र आत्मा तेका लय सामर्थ्य देयत व्हतो नी येशू येका जागेरना दुसऱ्या जागेर जाय नी लॉकांका शिक्षणव देय. सगळ्यांनी तेच्याविषय चांगले गोष्टी बोलल्यानी.

![](https://cdn.door43.org/obs/jpg/360px/obs-en-26-02.jpg)

येशू नासरेथ नगरात गेलो. ह्यो तोच गाव आसा जय तो बालपणापासना ऱ्हवत व्हतो. शब्बाथाच्या दिवशी, तो आराधना करूच्या जागेर गेलो. पुढाऱ्यांनी तेका यशया संदेष्ट्याचा याक पुस्तक दिल्यानी. तेंची इच्छा व्हती की तेना तेच्यातला वाचायचा. म्हणान येशून ता पुस्तक उघडून तेच्यातलो येक शास्त्रभाग लोकांसाठी वाचल्यान.

![](https://cdn.door43.org/obs/jpg/360px/obs-en-26-03.jpg)

येशून वाचल्यान, "परमेश्वरान माका आपलो आत्मो दिल्यान हा म्हणजे मीया दीनांका सुवार्ता प्रचार करू शकान. तेना माका ह्यामुळाक पाठयल्यान हा की बंदीवानांका मोकळो करू शकान, आंधळ्यांका परत नजर देव शकान नी जेंका ठेचला जाता तेंका सोडून पाठयन. ही तीच येळ आसा जेळाक परमेश्वर आमच्यार कृपा करतलो नी आमची मदत करतलो."

![](https://cdn.door43.org/obs/jpg/360px/obs-en-26-04.jpg)

मगे येशू खाली बसलो. सगळे लॉक तेका घोरान बघी व्हते.ते जाणून व्हते की, पवित्रशास्त्रातलो जो भाग तेना वाचल्यान तो मसीहाविषय व्हतो. येशून म्हटल्यान, "जे गोष्टी मीया तुमच्यासाठी वाचलय, ते गोष्टी तुम्ही आयकत आसतना आता पुरे व्हतत." सगळे लॉक चकित झालले. तेंनी म्हटल्यानी, "ह्यो योसेफाचो झिल हा ना?"

![](https://cdn.door43.org/obs/jpg/360px/obs-en-26-05.jpg)

तेळाक येशून म्हटल्यान, "ह्या खरा हा की लॉका कधी असल्या संदेष्ट्याक कधीच स्वीकारीत नाय जो तेंच्या नगरात लहानाचो मोठो झालो आसात. एलिया संदेष्ट्याच्या येळेक इस्राएलात मॉपशे विधवा व्हते. पण जेळाक साडेतीन वर्सांपर्यात पावस पडाक नाय तेळाक परमेश्वरान एलियाक इस्राएलात खयच्याच विधवेच्या घराक नाय पाठयल्यान. तर तेना एलियाक येका दुसऱ्या देशातल्या विधवेकडे पाठयल्यान.

![](https://cdn.door43.org/obs/jpg/360px/obs-en-26-06.jpg)

येशून सांगूचा चालू ठेयल्यान, "नी अलिशा संदेष्ट्याच्या वेळेक इस्राएलात मॉपशे लॉक त्वचेच्या रोगान पीडलले. पण अलिशान तेंच्यापैकी कोणाकच आजारातना बरो करूक नाय. तेना फक्त इस्राएलच्या दुश्मनाचो सेनापती नामानाक बरो केल्यान." पण जे लॉक येशूक आयकत व्हते ते यहुदी व्हते. म्हणान जेळाक तेंनी तेका ह्या बोलताना आयकल्यानी तेळाक ते तेच्यार रागावले.

![](https://cdn.door43.org/obs/jpg/360px/obs-en-26-07.jpg)

नासरेथाच्या लॉकांनी येशूक पकडल्यानी नी तेका आराधानेच्या जागेरना वढीत भायर घेवन गेले. ते तेका मारून टाकूक खाली फेकून देवक येका खडकाच्या टोकार घेवन गेले. पण येशू गर्दीतना सटाकलो नी नासरेथ नगराक सोडून निघान गेलो.

![](https://cdn.door43.org/obs/jpg/360px/obs-en-26-08.jpg)

मगे येशू सगळ्या गालीलाच्या भागात गेलो नी लॉकांची मोठी गर्दी तेच्याकडे जमली. ते मॉपशे लॉक घेवन इले जे आजारी नी अपंग व्हते. तेच्यातले काय जण बघूक, चलाक, आयकाक नाय येणारे व्हते नी येशून तेंका बरो केल्यान.

![](https://cdn.door43.org/obs/jpg/360px/obs-en-26-09.jpg)

ह्याशिवाय, मोपशे लॉक येशुकडे आणण्यात इले जेंच्यात दुष्टात्मे व्हते. येशून दुष्टात्म्यांका तेंच्यातना निघान जावक धमकावल्यान. ते दुष्टात्मे नुसते वरडत, "तू परमेश्वराचो झिल आसस!" गर्दीतले लॉक आश्चर्य करीत नी तेंनी परमेश्वराची स्तुति केल्यानी.

![](https://cdn.door43.org/obs/jpg/360px/obs-en-26-10.jpg)

मगे येशून बारा बापयांका निवडल्यान जेंका तेना आपले प्रेषित म्हटल्यान. त्या प्रेषितांनी तेच्याबरोबर प्रवास केल्यानी नी तेच्याकडना शिकवण घेतल्यानी.

*बायबलातली गोष्ट : मत्तय अध्याय 4:12-25; मार्क 1:14-15, 35-39; 3:13-21; लूक 4:14-30, 38-44*

## 27. चांगल्या शोमरोन्याची गोष्ट

https://openbiblestories.org/l/gom-x-malvani/story-27/

![](https://cdn.door43.org/obs/jpg/360px/obs-en-27-01.jpg)

येके दिवशी, यहुदी धर्मशास्त्रात पारंगत आसललो येक माणूस येशूची परीक्षा घेवक येवन म्हणाक लागलो, "गुरुजी सार्वकालिक जीवन मिळवक मीया काय करू?" येशून उत्तर दिल्यान, "परमेश्वराच्या नियमशास्त्रात काय लिवलला हा?"

![](https://cdn.door43.org/obs/jpg/360px/obs-en-27-02.jpg)

तेना म्हटल्यान, "तू आपलो देव परमेश्वर हेच्यार संपूर्ण मनान, संपूर्ण जीवान नी संपूर्ण शक्तीन प्रीती कर. नी जशी आपल्यार तशी शेजाऱ्यार प्रीती कर!" येशून म्हटल्यान, "अगदी बरोबर उत्तर दिलस! ह्या कर म्हणजे तू कायमचो जगशीत."

![](https://cdn.door43.org/obs/jpg/360px/obs-en-27-03.jpg)

पण धर्मशास्त्रात पारंगत असल्या कारणान तो स्वतःक धार्मिक ठरवूक बघी व्हतो म्हणान तेना इचारल्यान, "माझो शेजारी कोण हा?"

![](https://cdn.door43.org/obs/jpg/360px/obs-en-27-04.jpg)

येशून येक गोष्ट सांगून त्या धर्मशास्त्र पंडिताक उत्तर दिल्यान, "येक यहुदी माणूस यरुशलेमेतना यरीहो नगराक रस्त्यान जाय व्हतो."

![](https://cdn.door43.org/obs/jpg/360px/obs-en-27-05.jpg)

"तो माणूस रस्त्यान जायत असताना, चोरांनी तेच्यार हल्लो केल्यानी. तेंनी तेच्याकडे आसलली सगळी मालमत्ता घेवन तेका मारल्यानी नी अर्धमेल्या अवस्थेत सोडून थयना निघान गेले."

![](https://cdn.door43.org/obs/jpg/360px/obs-en-27-06.jpg)

"तेच्यानंतर लगेच, येक यहुदी याजक त्याच रस्त्यान खाली चलत इलो. जेळाक ह्या धार्मिक पुढाऱ्यान बघल्यान की ह्या माणूसाक चोरांनी लुटल्यानी हा, नी तो अर्धमेल्या अवस्थेत हा, तेळाक तो रस्त्याच्या दुसऱ्या बाजून गेलो. तेना मदतीची गरज आसलल्या माणसाकडे दुर्लक्ष केल्यान नी पुढे निघान गेलो."

![](https://cdn.door43.org/obs/jpg/360px/obs-en-27-07.jpg)

"तेच्यानंतर थोड्याच येळेत, येक लेवी तेळाक त्या रस्त्यान इलो.(लेवी ह्या यहुदी लॉकांचा याक कुळ आसा जा मंदिराच्या सेवेत याजकांची मदत करीत.) लेवीनव त्या माणसाक, जेका चोरांनी लुटलल्यानी, मारलल्यानी तेच्याकडे दुर्लक्ष केल्यान नी दुसऱ्या वाटेन निघान गेलो."

![](https://cdn.door43.org/obs/jpg/360px/obs-en-27-08.jpg)

"तेच्यामागना येनारो तिसरो माणूस येक शोमरोनी व्हतो (शोमरोनी हे यहुदी वंशातले परराष्ट्रीयांशी लगीन केलले लॉक व्हते. शोमरोनी नी यहुदी येकमेकांचो द्वेष करीत). पण ह्या शोमरोन्यान त्या यहुदी माणसाक बघल्यान, तेळाक तेका तेची दया इली. मगे तेना तेची काळजी घेतल्यान नी तेच्या जखमेर पट्टी बांधल्यान."

![](https://cdn.door43.org/obs/jpg/360px/obs-en-27-09.jpg)

"मगे त्या शोमरोन्यान त्या मानसाक उचलून आपल्या गाढवार बसवल्यान नी तेना तेका वाटेत असलल्या यका उतारशाळेत आणल्यान नी तेची काळजी घेतल्यान."

![](https://cdn.door43.org/obs/jpg/360px/obs-en-27-10.jpg)

"दुसऱ्या दिवशी, शोमरोन्याक पुढच्या प्रवासाक जावचा व्हता, म्हणान तेना उतारशाळेच्या रक्षकाक काय पैशे देवन म्हटल्यान, 'हेची काळजी घी नी हेच्यापेक्षा जो काय आजून खर्च लागात तो मीया परत इल्यार तुका देयन'."

![](https://cdn.door43.org/obs/jpg/360px/obs-en-27-11.jpg)

तेळाक येशून त्या धर्मशास्त्रातल्या पंडिताक इचारल्यान, "तुका काय वाटता? त्या तिघांपैकी त्या लुटून मारलल्या अवस्थेत असलल्या माणसाचो शेजारी कोण झालो?" तेना उत्तर दिल्यान, "जेना तेच्यार दया दाखयल्यान तो." येशून तेका म्हटल्यान, "तूव जावन तसाच कर."

*बायबलातली गोष्ट : लूक 10 : 25 - 37*

## 28. येक श्रीमंत तरणो अधिकारी

https://openbiblestories.org/l/gom-x-malvani/story-28/

![](https://cdn.door43.org/obs/jpg/360px/obs-en-28-01.jpg)

येके दिवशी, येक श्रीमंत तरणो अधिकारी येशुकडे येवन विचारूक लागलो, "उत्तम गुरुजी, सार्वकालिक जीवन मिळाक व्हया म्हणान मीया काय करू?" येशून तेका म्हटल्यान, "तू माका 'उत्तम' असो कित्याक म्हणतस? येक जो देव तेच्याशिवाय कोणच उत्तम नाया. पण तुका सार्वकालिक जीवन व्हया हा, तर देवाचे आज्ञा पाळ."

![](https://cdn.door43.org/obs/jpg/360px/obs-en-28-02.jpg)

"कोणते आज्ञा मीया पाळूची गरज आसा?" तेना इचारल्यान. येशून उत्तर दिल्यान, "खून करू नको. व्यभिचार करू नको. चोरी करू नको. खोटा बोला नको. आपल्या आवशी-बापाशीचो मान राख, नी जशी आपल्यार तशी आपल्या शेजाऱ्यार प्रीति कर."

![](https://cdn.door43.org/obs/jpg/360px/obs-en-28-03.jpg)

पण त्या तरुणान म्हटल्यान, "हे सगळे आज्ञा मीया लहानपणापासना पाळीत इलय. कायमचो जिवंत ऱ्हवाक माका आणखी काय करूची गरज हा?" येशून तेच्याकडे बघल्यान नी तेच्यार प्रीति केल्यान.

![](https://cdn.door43.org/obs/jpg/360px/obs-en-28-04.jpg)

येशून उत्तर दिल्यान,"जर तुया पुरो होवक बघतस, तर जा नी तुझी सगळी मालमत्ता इकून इललो पैसो गोरगरिबांका दी, म्हणजे तुका स्वर्गात संपत्ती मिळात. मगे ये नी माझ्यामागना चलाक लाग."

![](https://cdn.door43.org/obs/jpg/360px/obs-en-28-05.jpg)

येशूचा ह्या बोलणा आयकान तो तरुण लय निराश झालो, कारण तो मॉप श्रीमंत व्हतो नी आपल्या जवळची मालमत्ता दुसऱ्यांका देवक तयार नव्हतो. तो येशूकडना निघान गेलो.

![](https://cdn.door43.org/obs/jpg/360px/obs-en-28-06.jpg)

मगे येशून आपल्या शिष्यांका म्हटल्यान, "श्रीमंतांका स्वर्गाच्या राज्यात जावक लय कठीण हा! होय, श्रीमंतांचो स्वर्गाच्या राज्यात प्रवेश व्हना, हेच्यापेक्षा उंटाचा सुईच्या नेड्यातना जाणा सोप्या हा."

![](https://cdn.door43.org/obs/jpg/360px/obs-en-28-07.jpg)

जेळाक शिष्यांनी ह्या आयकल्यानी तेळाक तेंका आश्चर्याचो धक्को बसलो नी ते म्हणाक लागले, "तर मगे कोणाचा तारण व्हना सोप्या हा?"

![](https://cdn.door43.org/obs/jpg/360px/obs-en-28-08.jpg)

येशून शिष्यांकडे बघून म्हटल्यान, "माणसांका ह्या अशक्य हा, पण देवाक सगळा काय शक्य हा."

![](https://cdn.door43.org/obs/jpg/360px/obs-en-28-09.jpg)

पेत्र येशूक म्हणालो, "आम्ही सगळा सोडून तुझ्यापाठी इलव, हेचा आमका काय प्रतिफळ मिळतला?"

![](https://cdn.door43.org/obs/jpg/360px/obs-en-28-10.jpg)

येशून उत्तर दिल्यान, "जेंनी माझ्यासाठी घरा, भाव, बहिणी, आवस, बापुस, पोरा नाय तर मालमत्ता सोडल्यानी हा, तेंका ता १००पटीन जास्त मिळतला नी तेच्याबरोबर अनंत काळाचा स्वर्गीय जीवन ह्या वतन मिळातला. पण पयले ते शेवटचे नी शेवटचे ते पयले असा मॉप जणांचा व्हयत."

*बायबलातली गोष्ट : मत्तय 19:16 - 30; मार्क 10: 17 - 31; लूक 18:18 - 30*

## 29. कृतघ्न चाकराची गोष्ट

https://openbiblestories.org/l/gom-x-malvani/story-29/

![](https://cdn.door43.org/obs/jpg/360px/obs-en-29-01.jpg)

येके दिवशी, पेत्रान येशूक इचारल्यान, "प्रभुजी, जेळाक माझो भाव माझ्याइरुद्ध गुन्हो करीत तेळाक मीया तेका किती येळा क्षमा करायची? सात येळा काय ?" येशून म्हटल्यान, "सात येळा नाय, तर साताचे सत्तर येळा!" हेच्यारना येशूक असा म्हणाचा व्हता की, आपण कायम क्षमा करायची. तेळाक येशून ही गोष्ट सांगितल्यान.

![](https://cdn.door43.org/obs/jpg/360px/obs-en-29-02.jpg)

येशून म्हटल्यान, "देवाचा राज्य येका राजासारख्या हा. तेका आपल्या चाकरांकडना हिशेब घेव सारो वाटलो. तेच्या येका चाकराकडे २००,००० वर्सांच्या पगाराइतके लय मोठा कर्ज व्हता.

![](https://cdn.door43.org/obs/jpg/360px/obs-en-29-03.jpg)

ह्यो चाकर कर्ज फेडू शकलो नाय म्हणान राजान म्हटल्यान की, "ह्या माणसाक नी तेच्या कुटुंबाक गुलाम म्हणान इकून तेच्या कर्जाची फेड करून घेवा."

![](https://cdn.door43.org/obs/jpg/360px/obs-en-29-04.jpg)

तो चाकर राजासमोर पाया पडान म्हणाक लागलो, "कृपया माझ्यार दया कर नी माका काय येळ देवा, म्हणजे मीया तुमचा सगळा कर्ज फेडीन." राजाक त्या चाकराची दया इली नी तेना तेचा सगळा कर्ज माफ केल्यान नी तेका जावक दिल्यान."

![](https://cdn.door43.org/obs/jpg/360px/obs-en-29-05.jpg)

पण ह्यो चाकर भायर गेलो आसताना तेका तेच्या वांगडाचो येक चाकर भेटलो जेच्याकडना तेचा, नाय म्हटला तरी चार म्हयन्याचो पगार व्हयत इतक्या कर्ज येवचा व्हता. त्या चाकरान आपल्या वांगडाच्या चाकाराक पकडल्यान नी म्हटल्यान, "आताच्या आता माझे घेतलले पैशे माका दी!"

![](https://cdn.door43.org/obs/jpg/360px/obs-en-29-06.jpg)

तेच्या वांगडाचो चाकर गुढघे टेकून म्हणाक लागलो, "माका थोडो येळ दी नी माझ्यार कृपा कर, म्हणजे मीया तुझा कर्ज फेडीन." पण तेच्याऐवजी, तेना आपल्या वांगडाच्या चाकाराक सगळ्या कर्जाची फेड व्हयपर्यात तुरुंगात टाकल्यान.

![](https://cdn.door43.org/obs/jpg/360px/obs-en-29-07.jpg)

तेळाक तेच्या वांगडाच्या दासाक लय दुःख झाला नी तेना घडललो सगळो प्रकार आपल्या धन्याक सांगल्यान. तेना राजाकडे जावन सगळाकाय सांगतल्यानी.

![](https://cdn.door43.org/obs/jpg/360px/obs-en-29-08.jpg)

राजान त्या चाकाराक बोलवन घेतल्यान नी म्हटल्यान, "अरे दुष्ट चाकरा! तू गयावया केलस म्हणान मीया ता सगळा कर्ज तुका सोडलं व्हतय. तसा तूव आपल्या वांगडाच्या चाकारार दया करूक व्हय व्हतस. राजाक तेचो लय राग इलो नी तेना तेचा सगळा देणा फेडीपर्यात तेका तुरुंगात टाकल्यान."

![](https://cdn.door43.org/obs/jpg/360px/obs-en-29-09.jpg)

तेळाक येशून म्हटल्यान, "जर तूम्ही प्रत्येक जाण आपापल्या भावाक मनापासना क्षमा करुचास नाय तर माझ्या स्वर्गातलो बापुसव तेच्या प्रमाणच तुमचा करीत."

*बायबलातली गोष्ट : मत्तय 18 : 21 - 35*

## 30. येशू पाच हजारांका जेवाण देता

https://openbiblestories.org/l/gom-x-malvani/story-30/

![](https://cdn.door43.org/obs/jpg/360px/obs-en-30-01.jpg)

येशून आपल्या प्रेषितांका मॉप गावातना लॉकांका सुवार्ता सांगूक नी शिक्षण देवक पाठयल्यान. जेळाक ते येशुकडे परत इले, तेळाक तेंनी आपण केलली सगळी कामा येशूक सांगल्यानी. तेळाक येशून तेंका तळ्याच्या पलीकडे शांत जागेर काय येळ इश्रांती घेवक आपल्या बरोबर बोलयल्यान. म्हणान ते तारवात बसले नी तळ्याच्या पलीकडे पोचले.

![](https://cdn.door43.org/obs/jpg/360px/obs-en-30-02.jpg)

पण त्या जागेर मॉपशे लॉक व्हते, तेनी येशू नी शिष्यांका तारवात बसान जाताना बघल्यानी. तो लॉकांचो घोळको तेंच्या आधी तळ्याच्या पलीकडे जावक तळ्याच्या काठाकडे धावलो. म्हणान येशू नी शिष्य त्या जागेर पोचले, तेळाक येक मोठो लॉकांचो घोळको तेंची वाट बघित थय थांबलो व्हतो.

![](https://cdn.door43.org/obs/jpg/360px/obs-en-30-03.jpg)

त्या लॉकांच्या घोळक्यात जवळजवळ ५००० बापये व्हते, तरी बायका नी पोरा मोजूक नाय व्हती. येशूक तेंचो कळवळो इलो. येशूक ह्यो घोळको मेंढपाळ नसलल्या मेंढरांसारखो दिसान इलो. तेळाक तो तेंका शिकवक लागलो नी तेंच्यातल्या आजारी लॉकांका बरे केल्यान.

![](https://cdn.door43.org/obs/jpg/360px/obs-en-30-04.jpg)

दुपारी उशीरान, शिष्यांनी येशुकडे जावन सांगल्यानी, "लय उशीर झालो हा नी हय जवळ गावव नाया. तेळाक लॉकांका पाठवन दी म्हणजे ते आपल्याक काय तरी खावक घेतीत."

![](https://cdn.door43.org/obs/jpg/360px/obs-en-30-05.jpg)

पण येशून शिष्यांका म्हटल्यान, "तुम्हीच तेंका काय तरी खावक देवा!" ते बोलले,"आम्ही कसा काय यवढ्या मोठ्या घोळक्याक जेवाण देव शकतव? आमच्याकडे फक्त पाच भाकरे नी दोन माशे आसत."

![](https://cdn.door43.org/obs/jpg/360px/obs-en-30-06.jpg)

येशून शिष्यांका सांगल्यान की, तेंनी लॉकांका हिरवळीर पन्नास पन्नासाचे पंक्ती करून बसाक सांगायचा.

![](https://cdn.door43.org/obs/jpg/360px/obs-en-30-07.jpg)

मगे येशून ते पाच भाकरे नी दोन माशे घेवन वरती आकाशाकडे बघल्यान नी त्या अन्नार देवाचो आशिर्वाद मागल्यान.

![](https://cdn.door43.org/obs/jpg/360px/obs-en-30-08.jpg)

मगे येशून ते भाकरे नी माश्यांचे तुकडे केल्यान. मगे तेना शिष्यांकडे लॉकांका वाढुक दिल्यान. शिष्य लॉकांका वाढीतच ऱ्हवले तरी त्या अन्न संपला नाय. सगळे लॉक जेवन तृप्त झाले.

![](https://cdn.door43.org/obs/jpg/360px/obs-en-30-09.jpg)

तेच्यानंतर, शिष्यांनी उरलले भाकरे नी माश्यांचे तुकडे गोळा केल्यानी नी तेचे बारा टोपले भरले. ह्या सगळा जेवाण फक्त पाच भाकरे नी दोन माश्यांतूरना पुरवला गेला.

*बायबलातली गोष्ट : मत्तय 14:13-21; मार्क 6:31-44; लूक 9: 10 - 17; योहान 6 : 5 - 15*

## 31. येशू पाणयार चलता

https://openbiblestories.org/l/gom-x-malvani/story-31/

![](https://cdn.door43.org/obs/jpg/360px/obs-en-31-01.jpg)

तेळाक लॉकांका घराक पाठवन देयत आसताना येशून शिष्यांका नावेत बसान समुद्राच्या पलीकडे जावक सांगल्यान. सगळे लॉक निघान गेल्यार येशू डोंगरार प्रार्थनेक गेलो. येशू थय येकटोच व्हतो नी रात्री लय उशिरापर्यात तो प्रार्थना करीत ऱ्हवलो.

![](https://cdn.door43.org/obs/jpg/360px/obs-en-31-02.jpg)

तोपर्यात, शिष्य नाव व्हलवीत ऱ्हवले, पण बरीच रात्र झाली तरी ते समुद्राच्या मधल्याभागापर्यातच पोचले व्हते. लय कष्टान ते नाव व्हलवीत व्हते कारण जोराचो वारो तेंच्या इरुद्ध व्हावत व्हतो.

![](https://cdn.door43.org/obs/jpg/360px/obs-en-31-03.jpg)

तेळाक येशू प्रार्थना संपवन शिष्यांकडे इलो. तो समुद्रारना पाणायार चलत तेंच्या नावेकडे येयत व्हतो!

![](https://cdn.door43.org/obs/jpg/360px/obs-en-31-04.jpg)

येशूक बघून शिष्य लय घाबारले, कारण तेंका वाटला की ते खयच्या तरी भुताक बघतत. येशूक ठावक व्हता की, ते घाबारले आसत म्हणान तेना तेंका म्हटल्यान, "भिया नको. मीयाच आसय!"

![](https://cdn.door43.org/obs/jpg/360px/obs-en-31-05.jpg)

तेळाक पेत्रान येशूक म्हटल्यान, "प्रभुजी, जर आपण आसास, तर माका पाणयार चलाची आज्ञा देवा." येशून पेत्राक म्हटल्यान, "ये!"

![](https://cdn.door43.org/obs/jpg/360px/obs-en-31-06.jpg)

म्हणान पेत्र नावेतना उतरान येशुकडे जावक पाणयार चलाक लागलो. पण थोडा अंतर चलल्यार तेना आपली नजर येशूरना काढल्यान नी तो लाटेंकडे नी वाऱ्याकडे बघुक लागलो.

![](https://cdn.door43.org/obs/jpg/360px/obs-en-31-07.jpg)

तेळाक पेत्राक भिती वाटली नी तो पाणयात बुडाक लागलो. तो मोठ्यान वराडलो, "प्रभुजी, माका वाचवा!" येशू लगेच तेच्याकडे पोचलो नी तेका धरल्यान. मगे तेना पेत्राक म्हटल्यान, "अरे अल्पविश्वासु माणसा, तुया संशय कित्याक धरलस?"

![](https://cdn.door43.org/obs/jpg/360px/obs-en-31-08.jpg)

जेळाक पेत्र नी येशू दोघव नावेत चढले, तेळाक लगेच वारो थांबलो नी पाणी शांत झाला. ह्या बघून शिष्यांका मोठा आश्चर्य वाटला. तेंनी येशूक नमन केल्यानी नी म्हटल्यानी, "तुया खरोखरच देवाचो झिल आसस."

*बायबलातली गोष्ट : मत्तय 14 : 22 - 33; मार्क 6 : 45 - 52; योहान 6 : 16 - 21*

## 32. येशू येका भूतग्रस्त माणसाक नी आजारी बायक बरो करता

https://openbiblestories.org/l/gom-x-malvani/story-32/

![](https://cdn.door43.org/obs/jpg/360px/obs-en-32-01.jpg)

येके दिवशी, येशू नी तेचे शिष्य नावेत बसान समुद्राच्या पलीकडे गसरेकर ऱ्हवत असलल्या प्रदेशात गेले.

![](https://cdn.door43.org/obs/jpg/360px/obs-en-32-02.jpg)

सरोवराच्या पलीकडे जाताच येक भूतग्रस्त माणूस येशुकडे धावत इलो.

![](https://cdn.door43.org/obs/jpg/360px/obs-en-32-03.jpg)

ह्यो माणूस येवढो शक्तिमान व्हतो की कोणच माणसा तेका नियंत्रणात ठेव शकत नाय व्हती. लॉकांनी तेचे हात नी पाय साखळदंडांनी नी बेडयेंनी बांधल्यानी, पण त्ये तो तोडून टाकी.

![](https://cdn.door43.org/obs/jpg/360px/obs-en-32-04.jpg)

तो माणूस कबरेंतूर ऱ्हवायचो. तो रात्रंदिवस मोठ्यान आरडत ऱ्हवा. तो आंगार कपडे घालीत नसायचो नी आपला आंग दगडांनी नुसता ठेचून घेयत ऱ्हवा.

![](https://cdn.door43.org/obs/jpg/360px/obs-en-32-05.jpg)

जेळाक तो माणूस येशुकडे इलो, तेळाक येशूच्या पुढ्यात येवन तेना गुडघे टेकल्यान. येशून त्या दुष्टात्म्याक म्हटल्यान, "ह्या माणसातना भायर निघ!"

![](https://cdn.door43.org/obs/jpg/360px/obs-en-32-06.jpg)

भूतग्रस्त माणूस जोरात आराडलो, "परात्पर देवाच्या झिला येशू, तुया मधी कशाक पडतस? कृपया माका छळू नको!" तेळाक येशून दुष्टात्म्याक (अशुद्ध आत्म्याक, भुताक) इचारल्यान, तुझा नाव काय हा?" तो बोललो, "माझा नाव सैन्य हा, कारण आम्ही मॉपजण आसव." ('लीजन' ह्यो शब्द रोमी सेनेतल्या हजारो सैनिकांच्या गटाक व्हतो.)

![](https://cdn.door43.org/obs/jpg/360px/obs-en-32-07.jpg)

ते दुष्टात्मे येशूक इनंती करूक लागले, "कृपया आमका ह्या प्रांतातना घालवन देव नको!" बाजूच्या टेकडेर डुकरांचो कळप चरत व्हतो. म्हणान, दुष्टात्म्यांनी इनंती केल्यानी, "कृपया त्याऐवजी आमका डुकरांतूर पाठय!" येशून म्हटल्यान, "जावा!"

![](https://cdn.door43.org/obs/jpg/360px/obs-en-32-08.jpg)

तेळाक दुष्टात्मे त्या माणसातना निघान डुकरांतूर घुसले. तेळाक ती डुकरा कड्यारना खाली पळत गेली नी समुद्रात बुडली. त्या कळपात जवळजवळ २००० डुकरा व्हती.

![](https://cdn.door43.org/obs/jpg/360px/obs-en-32-09.jpg)

ह्या बघून डुकरा राखणारे धावत नगरात गेले नी तेनी झाललो ह्यो प्रकार नी येशून काय केल्यान ह्या प्रत्येकाक सांगल्यानी. तेळाक नगरातल्या लॉकांनी येवन त्या भूतग्रस्त माणसाक बघल्यानी. तो शांत बसललो, आंगार कपडे घातललो नी येक सामान्य वागणाऱ्या माणसासारखो असो तेनी तेका बघल्यानी.

![](https://cdn.door43.org/obs/jpg/360px/obs-en-32-10.jpg)

ह्या बघून लॉक लय घाबारले नी तेंनी येशूक तेंचो प्रांत सोडून जावक सांगल्यानी. तेळाक येशू मचव्यात बसान जावक तयार झालो. पूर्वी भूतग्रस्त आसनारो माणूस येशूच्या बरोबर जावक इनंती करूक लागलो.

![](https://cdn.door43.org/obs/jpg/360px/obs-en-32-11.jpg)

पण येशून तेका म्हटल्यान, "नाय, तुया तुझ्या घराक जा नी आपल्या मित्रांका नी घरच्या सगळ्यांका सांग की देवान तुझ्यासाठी काय केल्यान नी तुझ्यार कशी दया दाखयल्यान हा."

![](https://cdn.door43.org/obs/jpg/360px/obs-en-32-12.jpg)

तेळाक तो माणूस निघालो नी देवान तेच्यासाठी काय केल्यान हा तेची साक्ष प्रत्येकाक सांगित सुटलो. ह्या आयकनारो प्रत्येकजण आश्चर्यान चकित झालो.

![](https://cdn.door43.org/obs/jpg/360px/obs-en-32-13.jpg)

येशू सरोवराच्या पलीकडे परत गेलो. तो थय पोचल्यार लॉकांचो मोठो घोळको तेच्याभवती जमलो नी ते तेच्यार पडाक लागले. त्या घोळक्यात बारा वर्सांपासना रक्तस्रावाची पीडा व्हयत आसलली येक बाय व्हती. तिना आपलो सगळो पैसो वैजार खर्च केलल्यान पण तरीव ती बरी झावक नाय, तर तिची परिस्थिती आजूनव वायट झालली.

![](https://cdn.door43.org/obs/jpg/360px/obs-en-32-14.jpg)

तिना आयकलल्यान की येशून मॉप रोग्यांका बरे केल्यान हा नी ती म्हणाक लागली, "माका खात्री हा की, जर मीया नुसतो येशूच्या कपड्याक स्पर्श केलय, तरी बरा व्हयन!" म्हणान तिना येशूच्या मागसून जावन तेच्या कपड्याक स्पर्श केल्यान. तिना कपड्याक स्पर्श करताच तिचो रक्तस्राव थांबलो!

![](https://cdn.door43.org/obs/jpg/360px/obs-en-32-15.jpg)

लगेच, येशूक कळला की तेच्या शरीरातना शक्ती गेली हा. म्हणान तेना मागे वेळान बघल्यान नी म्हटल्यान, "माका कोणी स्पर्श केल्यान?"

![](https://cdn.door43.org/obs/jpg/360px/obs-en-32-16.jpg)

शिष्यांनी उत्तर दिल्यान, "लॉकांची यवढी गर्दी तुमच्या भवती हा नी ते तुमका चेंगरीत आसत. तर तुम्ही असा काय ईचारतास, "माका कोणी स्पर्श केल्यान?" त्या बायन भियान कापत कापत येशूपुढे जावन गुडघे टेकल्यान. मगे तिना काय केल्यान नी ती कशी बरी झाली ता तेका सांगल्यान. येशून तिका म्हटल्यान, "तुझ्या इश्वासान तुका बरा केल्यान हा. शांतिन जा."

*बायबलातली गोष्ट : मत्तय 8: 28 - 34; 9 : 20 - 22; मार्क 5 : 1 - 20; 5 : 24ब - 34; लूक 8 : 26 - 39; 8 : 42ब - 48*

## 33. पेरणी करणाऱ्याची गोष्ट

https://openbiblestories.org/l/gom-x-malvani/story-33/

![](https://cdn.door43.org/obs/jpg/360px/obs-en-33-01.jpg)

येके दिवशी समुद्र किनाऱ्याच्या जवळ येशू लॉकांच्या येका मोठ्या घोळक्याक शिकवण देय व्हतो. मोपशे लॉक तेचा आयकाक येकत्र जमले, तेळाक येशू येका मचव्यात बसलो नी तेना नाव पाणयात थोडी भुतूर ढकलल्यान, हेच्यासाठी की तेका तेंच्याबरोबर बोलाक पुरेशी जागा भेटात. तो मचव्यात बसान लॉकांका शिकवक लागलो.

![](https://cdn.door43.org/obs/jpg/360px/obs-en-33-02.jpg)

येशून तेंका ही गोष्ट सांगल्यान. "येक शेतकरी बी पेरूक निघालो. तो हातान पेरणी करीत आसताना काय बी वाटेर पडला नी आकाशातल्या पाखरांनी येवन ता सगळा खावन टाकल्यानी.

![](https://cdn.door43.org/obs/jpg/360px/obs-en-33-03.jpg)

‘‘"काय बी खडकाळीर पडला, थय लयच कमी माती व्हती. खडकाळीरला बी लगेच उगावला, पण (माती खोल नसल्यामुळा) तेची मूळा खोलवर जावक शकली नाय. जेळाक सूर्य वर इलो तेळाक ता करापला."

![](https://cdn.door43.org/obs/jpg/360px/obs-en-33-04.jpg)

"आणखीन काय बी काटेरी झुडपात पडला. ता बी वाढाक लागला, पण काट्यांनी तेची वाढ खुंटवल्यानी. म्हणान काटेरी झुडपात पडलल्या बियाची वाढ होव शकली नाय नी तेका फळ इला नाय."

![](https://cdn.door43.org/obs/jpg/360px/obs-en-33-05.jpg)

"काय बी चांगल्या जमनीत पडला. ता बी उगावला नी वाढला. तेका पीक इला, ३०पट, ६०पट, १०० पट फळ मिळाला. जेका आयकाक कान आसत तो आयको!"

![](https://cdn.door43.org/obs/jpg/360px/obs-en-33-06.jpg)

ह्या दाखल्याचो अर्थ शिष्यांका समाजलो नाय. म्हणान येशून स्पष्टीकरण केल्यान, "बी ह्या देवाचा वचन हा. वाटेरची जमीन म्हणजे असो माणूस जो देवाचा वचन आयकता पण समजान घेयत नाय नी सैतान येवन ता मनातना काढून टाकता."

![](https://cdn.door43.org/obs/jpg/360px/obs-en-33-07.jpg)

"खडकाळ जमनीर म्हणजे अशी व्यक्ती जी देवाचा वचन आयकता नी आनंदान स्वीकारता. पन कष्ट नी छळ इल्यार लगेच अडखळतत."

![](https://cdn.door43.org/obs/jpg/360px/obs-en-33-08.jpg)

"काटेरी जमीन म्हणजे जो देवाचा वचन आयकता, पण कालांतरान सवसाराची चिंता, श्रीमंती नी जगिक सुख हेच्यामुळाक तेचा देवारचा प्रेम कमी व्हयत जाता. हेचो परिणाम म्हणान, तेना आयकलला वचन वायफळ ठरता."

![](https://cdn.door43.org/obs/jpg/360px/obs-en-33-09.jpg)

"पण सुपीक जमीन म्हणजे जो माणूस देवाचा वचन आयकान तेच्यार इश्वास ठेयता नी फळ दिता."

*बायबलातली गोष्ट : मत्तय 13 :1 -8; 18-23; मार्क 4 : 1 - 8 ; 13 - 20; लूक 8 : 4 - 15*

## 34. येशू मॉप गोष्टी शिकयता

https://openbiblestories.org/l/gom-x-malvani/story-34/

![](https://cdn.door43.org/obs/jpg/360px/obs-en-34-01.jpg)

येशून देवाच्या राज्याविषय मॉप गोष्टी सांगल्यान. उदाहरण सांगूचा तर, तेना म्हटल्यान, "देवाचा राज्य मोहरीच्या दाण्यासारख्या हा, जो कोणी येकान आपल्या शेतात पेरल्यान. तुमका म्हायत आसा की मोहरीचो दाणो ह्यो सगळ्या बियांतूर येकदम लहान हा."

![](https://cdn.door43.org/obs/jpg/360px/obs-en-34-02.jpg)

पण जेळाक ह्यो मोहरीचो दाणो उगवान वाढता तेळाक बागेतल्या बाकीच्या झाडांपेक्षा ता सगळ्यात मोठा होवन येवढा वाढता की, आकाशातली पाखरा येवन तेच्या फांदयेर ऱ्हवतत."

![](https://cdn.door43.org/obs/jpg/360px/obs-en-34-03.jpg)

येशून आणखीन येक गोष्ट सांगल्यान, "देवाचा राज्य खमीरासारख्या हा जा येका बायन पिठात घातल्यान नी सगळा पीठ फुगान गेला."

![](https://cdn.door43.org/obs/jpg/360px/obs-en-34-04.jpg)

"देवाचा राज्य ह्या शेतात कोणीतरी लपवन ठेयलल्या गुप्त धनासारख्या हा. दुसऱ्या माणसाक ता सापडला नी तेना ता परत पुरून ठेयल्यान. तेका येवढो आनंद झालो की तेना आपली सगळी संपत्ती इकून इलल्या पैश्यांनी ता शात इकत घितल्यान."

![](https://cdn.door43.org/obs/jpg/360px/obs-en-34-05.jpg)

"देवाचा राज्य येका मौल्यवान मोत्यासारख्याव हा. जेळाक मोत्यांच्या व्यापाऱ्याच्या तो नजरेक पडलो, तेळाक तेना तेची सगळी मालमत्ता इकून टाकल्यान नी इलल्या पैश्यांनी तो मौल्यवान मोती इकत घितल्यान."

![](https://cdn.door43.org/obs/jpg/360px/obs-en-34-06.jpg)

तेळाक येशून काय लॉकांका येक गोष्ट सांगितल्यान जे स्वतःच्या चांगल्या कामार भरवसो ठेयत नी दुसऱ्या लॉकांका तुच्छ मानीत. तेना म्हटल्यान, "दोन माणसा प्रार्थना करूक मंदिरात गेले. तेंच्यातलो येक जकातदार नी दुसरो येक धार्मिक पुढारी व्हतो."

![](https://cdn.door43.org/obs/jpg/360px/obs-en-34-07.jpg)

धार्मिक पुढाऱ्यान अशी प्रार्थना केल्यान, "हे देवा, मीया तुका धन्यवाद दितय की मीया दुसऱ्या माणसांसारखो पापी नायय. जे चोरी, अन्याय, व्यभिचार करतत तेंच्यासारखो मीया नायय नी ह्या जकातदारासारखोव नायय."

![](https://cdn.door43.org/obs/jpg/360px/obs-en-34-08.jpg)

"उदाहरणार्थ, मीया आठवड्यातना दोनदा उपास करतय नी आपल्या सगळ्या उत्पन्नाचो दशांश तुका दितय."

![](https://cdn.door43.org/obs/jpg/360px/obs-en-34-09.jpg)

पण तो जकातदार त्या धार्मिक पुढाऱ्यापासना लय लांब उभो व्हतो नी वर स्वर्गाकडेव बघित नाय व्हतो. त्याऐवजी, तेना आपल्या हातांनी छाती बडवून घेतल्यान नी प्रार्थना केल्यान, "देवा, माझ्या पाप्यार दया कर."

![](https://cdn.door43.org/obs/jpg/360px/obs-en-34-10.jpg)

तेळाक येशून म्हटल्यान, "मीया तुमका खरा सांगतय, देवान त्या जकातदाराची प्रार्थना आयकान तेका नीतिमान ठरवल्यान. पण तेका धार्मिक पुढाऱ्याची प्रार्थना आवडाक नाय. देव प्रत्येक घमेंडी माणसाक नीच करीत नी जो स्वतःक नम्र बनवता तेका देव उंचावीत."

*बायबलातली गोष्ट : मत्तय 13 : 31 - 33, 44 - 46; मार्क 4 : 30 - 32; लूक 13 : 18 - 21; 18 : 9 - 14*

## 35. दयाळू बापाशीची गोष्ट

https://openbiblestories.org/l/gom-x-malvani/story-35/

![](https://cdn.door43.org/obs/jpg/360px/obs-en-35-01.jpg)

येके दिवशी, तेचा आयकाक जमलल्या मॉप जकातदार नी पापी लॉकांका येशू शिकयत व्हतो.

![](https://cdn.door43.org/obs/jpg/360px/obs-en-35-02.jpg)

काय धार्मिक पुढारीव त्या जागेर व्हते नी येशू पापी लॉक नी जकातदार हेंका मित्राप्रमान वागयता ह्या तेंनी बघल्यानी नी ते तेच्यार आपसात टीका करूक लागले. तेळाक येशून तेंका ही गोष्ट सांगल्यान.

![](https://cdn.door43.org/obs/jpg/360px/obs-en-35-03.jpg)

येका माणसाक दोन झिल व्हते. धाकल्या झिलान तेच्याकडे जावन म्हटल्यान, "बापाशी, माझ्या वाट्याक येणारी मालमत्ता माका आत्ता दी." म्हणान बापाशीन आपल्या संपत्तीचे दोन वाटे दोन झिलांसाठी केल्यान.

![](https://cdn.door43.org/obs/jpg/360px/obs-en-35-04.jpg)

लवकरच धाकटो झिल सगळी मालमत्ता घेवन लांबच्या देशाक गेलो नी थय वायट मार्गांनी ती तेना संपवन टाकल्यान.

![](https://cdn.door43.org/obs/jpg/360px/obs-en-35-05.jpg)

तेच्यानंतर, तो ऱ्हवत आसलल्या देशात भयंकर दुष्काळ पडलो नी तेका अन्न खरेदी करूक तेच्याकडे पैशे उरले नाय. तेळाक तेका येकच काम मिळाला, ता व्हता शेतात डुकरा चारूचा काम. तो यवढो गरीब नी भुकेललो व्हतो की डुकरा खायत आसलाले शेंगे खाव की काय असा तेका वाटला.

![](https://cdn.door43.org/obs/jpg/360px/obs-en-35-06.jpg)

शेवटाक, त्या धाकट्या झिलान स्वतःक म्हटल्यान, "मीया हय काय करतय? माझ्या बापाशीच्या घरात नोकरचाकरांची खावची चंगळ हा नी मीया हय उपाशी मरतय. मीया आपल्या बापाशीकडे परत जायन नी तेचो येक चाकर म्हणाना ऱ्हवाक इनंती करीन."

![](https://cdn.door43.org/obs/jpg/360px/obs-en-35-07.jpg)

असल्याप्रकारान तो धाकतो झिल आपल्या बापाशीच्या घराकडे जावक निघालो. तो लांब आसतानाच, बापाशीन तेका बघल्यान नी तेका तेची दया इली. तेना धावत जावन तेका मिठी मारल्यान नी तेचे मुके घेतल्यान.

![](https://cdn.door43.org/obs/jpg/360px/obs-en-35-08.jpg)

झिल बोललो, "हे बापाशी, मीया देवाइरुद्ध नी तुझ्याइरुद्ध पाप केल आसय. मीया तुझो झिल म्हणवच्या लायकीचो नायय."

![](https://cdn.door43.org/obs/jpg/360px/obs-en-35-09.jpg)

पण तेच्या बापाशीन येका चाकाराक बोलावन म्हटल्यान, "लवकर जा नी माझ्या झिलाक उत्तम कपडे घेवन ये नी तेच्या आंगार घाल! तेच्या हातात आंगठी नी पायात जोडे घाल. मगे येक पुष्ट वासुर मारून येक मेजवानी तयार कर नी आपण सगळे आनंद साजरो करूया, कारण माझो ह्यो झिल मेलो व्हतो, पण आता जिवंत झालो हा! हरावलो व्हतो, पण आता सापाडलो हा."

![](https://cdn.door43.org/obs/jpg/360px/obs-en-35-10.jpg)

अशाप्रकारान तेंनी आनंदोत्सव सुरू केल्यानी. तेच्या आधी, थोरलो झिल शेतात कामा करून घराक इलो व्हतो. तेका नाच-गाण्याचो आवाज आयकान आश्चर्य वाटला.

![](https://cdn.door43.org/obs/jpg/360px/obs-en-35-11.jpg)

जेळाक थोरल्या झिलाक कळला की, तेचो धाकटो भाव घराक इलो हा, तेळाक तो रागावलो नी भुतूर जायना. तेचो बापुस येवन तेका भुतूर येवक नी आनंदात सामील होवक इनंती करूक लागलो, पण तेना भुतूर जावक नकार दिल्यान.

![](https://cdn.door43.org/obs/jpg/360px/obs-en-35-12.jpg)

थोरल्या झिलान आपल्या बापाशीक म्हटल्यान, "यवढी वर्सा मीया तुमच्यासाठी विश्वासान काम करीत इलय! मीया तुमच्या आज्ञेच्या पलीकडे काययेक केलय नाय, तरीव तुम्ही माझ्या मित्रांबरोबर आनंद करूक याक ल्हानग्यासा करडूव देवक नाय. पण तुझो ह्यो झिल तेची सगळी मालमत्ता वायट मार्गान नष्ट करून घराक परातल्यार, तुया तेच्यासाठी येक उत्तम वासुर कापलस!"

![](https://cdn.door43.org/obs/jpg/360px/obs-en-35-13.jpg)

पित्यान उत्तर दिल्यान, "माझ्या झिला, तुया कायमचोच माझ्या वांगडाक आसस नी माझा जा काय हा, ता सगळा तुझाच हा. पण आता आपण आनंद करणा योग्यच आसा, कारण तुझो ह्यो भाव मेलो व्हतो, पण आता जिवंत झालो हा. तो हरावलो व्हतो, पण आता सापडलो हा!"

*बायबलातली गोष्ट : लूक 15:11 - 32*

## 36. येशूचा रूपांतर

https://openbiblestories.org/l/gom-x-malvani/story-36/

![](https://cdn.door43.org/obs/jpg/360px/obs-en-36-01.jpg)

येके दिवशी, येशून आपल्या शिष्यांपैकी पेत्र, याकोब नी योहान ह्या तिघांका आपल्या बरोबर घेतल्यान. योहान नावाचो शिष्य नी जेना येशूचो बाप्तिस्मो केल्यान ते दोघे येकच व्यक्ती नायत.) ते प्रार्थना करूक येका उंच डोंगरार गेले.

![](https://cdn.door43.org/obs/jpg/360px/obs-en-36-02.jpg)

येशू प्रार्थना करीत आसताना तेचा तोंड सुर्यासारख्या तेजस्वी झाला नी तेचे कपडे प्रकाशासारखे पांढरेशुभ्र झाले, इतके पांढरेशुभ्र की पृथ्वीरच्या कोणाकच तेवढे पांढरेशुभ्र करता इले नसते.

![](https://cdn.door43.org/obs/jpg/360px/obs-en-36-03.jpg)

तेळाक मोशे नी एलिया हे संदेष्टे तेंच्या नजरेक पडले. ही माणसा शेकडो वर्सांपूर्वी ह्या पृथ्वीर होवन गेली व्हती. ते येशूच्या मृत्यूविषय तेच्याबरोबर बोला व्हते, जा यरुशलेमेत घडणार व्हता.

![](https://cdn.door43.org/obs/jpg/360px/obs-en-36-04.jpg)

जेळाक मोशे नी एलिया येशूबरोबर बोला व्हते, पेत्रान येशूक म्हटल्यान, "हय आसना आपल्याक बरा आसा. हय आपण तीन मंडप बनवया, येक तुका, येक मोशेक नी येक एलियाक." पेत्र काय बोला व्हतो तेचा तेकाच समजा नाय व्हता.

![](https://cdn.door43.org/obs/jpg/360px/obs-en-36-05.jpg)

पेत्र बोलत आसतानाच, येका तेजस्वी ढंगान येवन तेंका घेरल्यान नी ढगातना अशी वाणी झाली की, "ह्यो माझो झिल हा, हेच्यार मीया प्रीति करतय. मीया हेच्याविषय संतुष्ट आसय. तेचा तुम्ही आयका." ते तीनव शिष्य लय भियाले नी जमनीर खाली पडले.

![](https://cdn.door43.org/obs/jpg/360px/obs-en-36-06.jpg)

तेळाक येशून तेंका स्पर्श करून म्हटल्यान, "भिया नको. चला उठा." जेळाक तेंनी हकडेतकडे बघल्यानी, तेळाक थय येशूच व्हतो.

![](https://cdn.door43.org/obs/jpg/360px/obs-en-36-07.jpg)

येशू नी ते तीन शिष्य परत डोंगरारना खाली उतारले. तेळाक येशून तेंका म्हटल्यान की, "हय जा काय घडला ता कोणाक काययेक सांगा नको. मीया लवकरच मरान नी परत जिवंत व्हयन. तेच्यानंतर तुम्ही ह्या लोकांका सांगू शकतास."

*बायबलातली गोष्ट : मत्तय 17:1-9; मार्क 9 : 2 - 8; लूक 9 : 28 - 36*

## 37. येशू लाजाराक जिवंत करता

https://openbiblestories.org/l/gom-x-malvani/story-37/

![](https://cdn.door43.org/obs/jpg/360px/obs-en-37-01.jpg)

येके दिवशी, लाजार लय आजारी आसल्याची बातमी येशूक कळली. लाजार नी तेचे दोन भयनी मरिया नी मार्था हे येशूचे जवळचे मित्र व्हते. जेळाक येशून ही बातमी आयकल्यान तेळाक तेना म्हटल्यान, "ह्यो आजार मरणासाठी नाया, तर ह्यो आजार देवाच्या गौरवासाठी आसा." येशू आपल्या मित्रार प्रीति करीत व्हतो, पण तो व्हतो त्या जागेर आणखीन दोन दिवस ऱ्हवलो.

![](https://cdn.door43.org/obs/jpg/360px/obs-en-37-02.jpg)

दोन दिवसांनी, येशून आपल्या शिष्यांका म्हटल्यान, "आपण परत यहूदीयात जावया." "पण गुरुजी" शिष्यांनी उत्तर दिल्यानी, "थोडो येळ आधी थयले लॉक आपल्याक मारूक टपलले!" येशून म्हटल्यान, "आपलो मित्र लाजार ह्यो झोपलो हा, मीया तेका उठवक जाणा गरजेचा हा."

![](https://cdn.door43.org/obs/jpg/360px/obs-en-37-03.jpg)

येशूच्या शिष्यांनी उत्तर दिल्यानी, "प्रभुजी, जर लाजार झोपलो हा तर तो बरो व्हयत." तेळाक येशून तेंका स्पष्ट शब्दात सांगल्यान, "लाजार मेलो हा नी मीया थय नाय व्हतय म्हणान माका आनंद वाटता, कारण की तुम्ही माझ्यार इश्वास ठेवशात."

![](https://cdn.door43.org/obs/jpg/360px/obs-en-37-04.jpg)

जेळाक येशू लाजार ऱ्हवा त्या गावात इलो, तेळाक लाजार मरान चार दिवस झालले. मार्था येशूक भेटाक भायर गेला नी म्हणाक लागला, "प्रभुजी, जर आपण हय आसतास, तर माझो भाव मेलो नसतो. पण माझो इश्वास हा की तुम्ही जा काय देवाकडे मागशात, ता देव देयत."

![](https://cdn.door43.org/obs/jpg/360px/obs-en-37-05.jpg)

येशून म्हटल्यान, "पुनरुत्थान नी जीवन मीयाच आसय. माझ्यार इश्वास ठेवणारो मेलो आसलो तरी जगात नी जो माझ्यार इश्वास ठेयत तो कधीच मराचो नाय. हेच्यार तू इश्वास ठेयतस काय?" मार्थान उत्तर दिल्यान, "व्हय प्रभुजी, तुम्ही देवाचो झिल, मसीहा आसास असो मीया इश्वास धरतय."

![](https://cdn.door43.org/obs/jpg/360px/obs-en-37-06.jpg)

तेळाक मरिया थय इला. ता येशूच्या पाया पडला नी तेना म्हटल्यान, "प्रभुजी, तुम्ही हय आसतास, तर माझो भाव मेलो नसतो." येशून तेंका इचारल्यान, "तुम्ही लाजाराक खय ठेवलास?" तेंनी म्हटल्यानी, "कबरेत. येवा नी बघा." तेळाक येशू रडलो.

![](https://cdn.door43.org/obs/jpg/360px/obs-en-37-07.jpg)

ती खडकात खोदलली कबर व्हती नी तिच्या दारात धोंडो ठेवण्यात इललो. कबरेकडे येवन येशू तेंका म्हटल्यान, "धोंडो बाजूक सारा." पण मार्थान म्हटल्यान, "तेका मरान चार दिवस झालें हत. आता तेका दुर्गंधी येयत आसात."

![](https://cdn.door43.org/obs/jpg/360px/obs-en-37-08.jpg)

येशून उत्तर दिल्यान, "तू इश्वास ठेवशीत तर देवाचे गौरव बघशीत असा मीया तुका सांगल नव्हतय काय?" मगे तेंनी तो धोंडो काढल्यानी.

![](https://cdn.door43.org/obs/jpg/360px/obs-en-37-09.jpg)

तेळाक येशून वर स्वर्गाकडे बघून म्हटल्यान, "बापा, तू माझा आयकलस म्हणान मीया तुझे आभार मानतय. माका ठावक हा, की तुया माका पाठवल आसस असो ते इश्वास धरतीत." मगे येशून मोठ्यान हाक मारल्यान, "लाजारा, भायर ये!"

![](https://cdn.door43.org/obs/jpg/360px/obs-en-37-10.jpg)

तेळाक लाजार चलत भायर इलो. तेचे हातपाय प्रेतवस्त्रांनी बांधलले व्हते. येशून तेंका सांगितल्यान, "प्रेतवस्त्रा काढून टाकूक तेका मदत करा नी तेका मोकळो करा!" ह्यो चमत्कार बघून मॉप यहुद्यांनी येशूर इश्वास ठेयल्यानी.

![](https://cdn.door43.org/obs/jpg/360px/obs-en-37-11.jpg)

पण यहुद्यांचे धार्मिक पुढारी येशूचो द्वेष करूक लागले नी, येशू नी लाजार हेंका ठार मारुचो कट रचूक लागले.

*बायबलातली गोष्ट : योहान 11: 1 - 46*

## 38. येशूक इश्वासघातान धरून देण्यात येता

https://openbiblestories.org/l/gom-x-malvani/story-38/

![](https://cdn.door43.org/obs/jpg/360px/obs-en-38-01.jpg)

दरवर्साक, यहुदी वल्हांडण सण साजरो करीत. देवान मिसर देशातल्या गुलामगिरीतना शेकडो वर्सांपूर्वी तेंच्या पूर्वजांची कशी सुटका केल्यान, हेचो आनंद साजरो करूक यहुदी लॉक ह्यो सण पाळीत. येशूच्या प्रचार कार्याक सुरवात झाल्यापासना सुमारे तीन वर्सांनी येशून आपल्या शिष्यांका सांगितल्यान की यरुशलेमेत तेंच्याबरोबर वल्हांडण साजरो करायचो अशी तेची इच्छा आसा नी तेच्यानंतर तो थय मारलो जाणार हा असाव तेना सांगितल्यान.

![](https://cdn.door43.org/obs/jpg/360px/obs-en-38-02.jpg)

येशूच्या शिष्यांपैकी यहूदा नावाचो येक शिष्य व्हतो. यहूदा ह्यो प्रेषितांच्या पैश्यांची पिशी सांभाळनारो खजिनदार व्हतो, पण तो पैशांचो लोभी असल्यामुळा मॉपदा तेच्यातना पैशे चोरीत आसायचो. येशू नी शिष्य यरुशलेमेत इल्यार, यहूदा धार्मिक पुढाऱ्यांका जावन भेटता नी पैशांच्या मोबदल्यात येशूक पकडून देवच्याविषय बोलता. तेका ठावक व्हता की यहुदी पुढारी येशू ह्यो मसीहा हा ह्या नाकारीत व्हते नी तेका मारुचो कट रची व्हते.

![](https://cdn.door43.org/obs/jpg/360px/obs-en-38-03.jpg)

तेळाक महायाजक नी यहुदी पुढाऱ्यांनी मिळान, येशूचो इश्वासघात करूक यहूदाक चांदीची तीस नाणी दिल्यानी. संदेष्ट्यांनी सांगितलली भविष्यवाणी पूरी होवक ह्या सगळा काय झाला हा. यहूदा तेका सहमत झालो नी पैशे घेवन गेलो. त्यापासना तो येशूक धरून देवची वाट बघुक लागलो.

![](https://cdn.door43.org/obs/jpg/360px/obs-en-38-04.jpg)

यरुशलेमेत, येशून आपल्या शिष्यांबरोबर वल्हांडण सण साजरो केल्यान. वल्हांडणाच्या जेवणा दरम्यान येशून भाकर घेवन ती मोडल्यान नी म्हटल्यान, "घेवा नी खावा. ह्या माझा शरीर हा, ता तुमच्यासाठी दिला जाता. माझ्या स्मरणार्थ ह्या करा." तसाच येशून म्हटल्यान की, तेचा शरीर तेंच्यासाठी बलिदान म्हणून देण्यात येयत.

![](https://cdn.door43.org/obs/jpg/360px/obs-en-38-05.jpg)

मगे येशून येक पेलो घेवन म्हटल्यान, "हेच्यातना पिवा. ह्या माझ्या नव्या कराराचा रक्त हा. ता मॉपजणांच्या पापक्षमेसाठी वतला जाता हा. जितक्यांदा तुम्ही ह्या पितास, तितक्यांदा ह्या माझ्या स्मरणार्थ करा."

![](https://cdn.door43.org/obs/jpg/360px/obs-en-38-06.jpg)

मगे येशून शिष्यांका म्हटल्यान, "तुमच्यापैकी येक माझो इश्वासघात करीत. तेळाक तेंका धक्को बसलो नी ते इचारुक लागले की, "असा कोण करीत?" येशून म्हटल्यान, "जेका मीया ही भाकरी मोडून देयन, तोच माझो इश्वासघात करीत." मगे तेना यहूदाक तो भाकरी मोडून दिल्यान.

![](https://cdn.door43.org/obs/jpg/360px/obs-en-38-07.jpg)

यहूदान भाकरी घेतल्यार, सैतानान तेच्यात प्रवेश केल्यान. मगे येशूक पकडून देवक यहूदा थयना निघान यहुदी पुढाऱ्यांका मदत करूक गेलो. ती रात्रीची येळ व्हती.

![](https://cdn.door43.org/obs/jpg/360px/obs-en-38-08.jpg)

जेवणानंतर, येशू आपल्या शिष्यांबरोबर जैतुनाच्या डोंगराकडे गेलो. येशून म्हटल्यान, "आज रात्री तुम्ही सगळे माका सोडून जातलास. असा लिवलला हा की, मीया मेंढपाळाक मारीन नी मेंढरांची दाणादाण करीन."

![](https://cdn.door43.org/obs/jpg/360px/obs-en-38-09.jpg)

पेत्रान उत्तर दिल्यान, "जरी सगळ्यांनी तुका सोडल्यानी, तरी मीया तुका सोडूचय नाय!" तेळाक येशून पेत्राक म्हटल्यान, "सैतानान तुमचो सगळ्यांचो नाश करुचो ठरयल्यान हा, पण मीया तुमच्यासाठी प्रार्थना केल आसय. अशासाठी की तुमचो इश्वास डळमळता नये. तरीव आज रात्री, कोंबडो आरवाच्या आधी तुया माका तीन येळा नाकारशीत."

![](https://cdn.door43.org/obs/jpg/360px/obs-en-38-10.jpg)

तेळाक पेत्रान येशूक म्हटल्यान, "माका मराचा जरी लागला, तरी मीया तुका नाकारुचय नाय!" बाकीच्या शिष्यांनीव तसाच म्हटल्यानी.

![](https://cdn.door43.org/obs/jpg/360px/obs-en-38-11.jpg)

मगे येशू आपल्या शिष्यांका घेवन गेथशेमाने म्हटलल्या जागेर गेलो. शिष्यांनी परीक्षेत पडता नये म्हणान येशून तेंका प्रार्थना करूक सांगल्यान. मगे येशू स्वतः प्रार्थना करूक गेलो.

![](https://cdn.door43.org/obs/jpg/360px/obs-en-38-12.jpg)

येशून तीन येळा प्रार्थना केल्यान, "हे पित्या, जर शक्य आसत, तर ह्यो दुःखसहनाचो पेलो माझ्यापासना लांब कर. पण लॉकांच्या पापक्षमेसाठी दुसरो मार्गच नसात, तर तुझी इच्छा पुरी होवंदे." येशू मॉप व्याकुळ झालो नी तेचो घाम रक्ताच्या थेंबासारखो झालो. देवान येक देवदूत पाठवन तेका शक्ती दिल्यान.

![](https://cdn.door43.org/obs/jpg/360px/obs-en-38-13.jpg)

प्रार्थना संपवन प्रत्येक येळाक येशू शिष्यांकडे इल्यार शिष्य झोपलल्या अवस्थेत तेका आढळले. जेळाक तो तिसऱ्यांदा परातलो तेळाक येशून म्हटल्यान, "उठा! माझो इश्वासघात करणारो इलो हा."

![](https://cdn.door43.org/obs/jpg/360px/obs-en-38-14.jpg)

यहूदा धार्मिक पुढारी, सैनिक नी येका मोठ्या लॉकांच्या घोळक्याबरोबर इलो. तेंनी आपल्याबरोबर तलवारी नी सोटे आणलल्यानी. यहूदान येशूजवळ येवन म्हटल्यान, "सलाम, गुरुजी!" नी तेचा चुंबन घेतल्यान. कोणाक पकडायचा ह्या यहुदी धर्मपुढाऱ्यांका समजासाठी ह्या याक चिन्ह व्हता. तेळाक येशून म्हटल्यान, "यहूदा, माझा चुंबन घेवन माझो इश्वासघात करतस काय?"

![](https://cdn.door43.org/obs/jpg/360px/obs-en-38-15.jpg)

सैनिक येशूक पकडीत आसताना, पेत्रान त्यातल्या सैनिकाची तलवार काढल्यान नी महायाजकाच्या सेवकाचो कान कापल्यान. येशून म्हटल्यान, "तलवार बाजूक ठेव! मीया पित्याक माझ्या बचावासाठी देवदूतांचा सैन्य मागू शकतय. पण माका पित्याची आज्ञा पाळणा गरजेचा हा." मगे येशून त्या माणसाचो कान बरो केल्यान. येशूक अटक झाल्यार सगळे शिष्य पाळान गेले.

*बायबलातली गोष्ट : मत्तय 26:14-56; मार्क 14 : 10-50; लूक 22 : 1-53; योहान 12:6; 18:1 - 11*

## 39. येशूची चौकशी

https://openbiblestories.org/l/gom-x-malvani/story-39/

![](https://cdn.door43.org/obs/jpg/360px/obs-en-39-01.jpg)

ह्या मध्यरात्रीचा समय व्हता. सैनिकांनी येशूची चौकशी करूक तेका महायाजकाच्या घराक घेवन गेले. पेत्र लांबूनच तेच्या पाठीमागना येयत व्हतो. ते जेळाक येशूक भुतूर घरात घेवन गेले, तेळाक पेत्र भायर थंडी आसल्यामुळा शेकीत बसलो.

![](https://cdn.door43.org/obs/jpg/360px/obs-en-39-02.jpg)

भुतूर घरात, यहुदी धर्मपुढारी येशूची चौकशी करीत व्हते. तेंनी येशूइरुद्ध मॉपशे खोटे साक्षीदार आणल्यानी व्हते. तरी तेंच्या साक्षीत काय मेळ बसना, म्हणान यहुदी पुढाऱ्यांका येशूचो गुन्हो सिद्ध करता इलो नाय. तेळाक येशू काय येक बोलाक नाय.

![](https://cdn.door43.org/obs/jpg/360px/obs-en-39-03.jpg)

शेवटाक, महायाजकान येशुकडे बघून इचारल्यान, "आमका सांग, की तुया मसीहा, जिवंत देवाचो झिल आसस?"

![](https://cdn.door43.org/obs/jpg/360px/obs-en-39-04.jpg)

येशून म्हटल्यान, "मीया आसय, नी तुम्ही माका पित्याच्या बाजूक बसललो नी स्वर्गातना येताना बघश्यात." तेळाक महायाजकान रागान आपले कपडे फाडल्यान नी बाकीच्या धार्मिक पुढाऱ्यांसमोर मोठ्यान म्हटल्यान, "आता आमका आणखीन पुराव्याची गरज नाया! तो देवाचो झिल आसा असा तेना म्हटल्यान ह्या तुम्ही स्वतः आयकलास. तुमचो निवाडो काय हा?"

![](https://cdn.door43.org/obs/jpg/360px/obs-en-39-05.jpg)

सगळ्या यहुदी पुढाऱ्यांनी महायाजकाक उत्तर दिल्यानी, "तो मरणदंडाक पात्र आसा!" मगे तेंनी येशूच्या डोळ्यार पट्टी बांधल्यानी, तेच्या तोंडार थुंकले, तेका मारल्यानी नी तेची मस्करी केल्यानी.

![](https://cdn.door43.org/obs/jpg/360px/obs-en-39-06.jpg)

पेत्र घराभायर वाट बघित व्हतो, तेळाक घरकाम करणाऱ्या येका बायन तेका म्हटल्यान, "तूव येशूबरोबर व्हतस!" पेत्रान नकार दिल्यान. मगे, दुसऱ्या येका बायन असाच म्हटल्यान नी पेत्रान परत येकदा नकार दिल्यान. शेवटाक, लॉकांनी म्हटल्यानी, "आमका ठावक हा की तुया येशूबरोबर व्हतस कारण तुम्ही दोघाव गालील प्रदेशातले आसास.

![](https://cdn.door43.org/obs/jpg/360px/obs-en-39-07.jpg)

तेळाक पेत्रान शपथ घेवन म्हटल्यान, "जर मीया ह्या माणसाक वळखत आसान तर देव माका शापित करो!" लगेच, कोंबडो आरावलो नी येशून पाठी वेळान पेत्राकडे बघल्यान.

![](https://cdn.door43.org/obs/jpg/360px/obs-en-39-08.jpg)

तेळाक पेत्र लांब जावन लय रडलो. दरम्यान, येशूक धरून देणाऱ्या यहुदान बघल्यान की, यहुदी धर्मपुढाऱ्यांनी येशूक मरणदंडाची शिक्षा दिल्यानी हा. तेळाक यहूदाक असा केल्याचो पस्तावो झालो नी तेना जावन आत्महत्या केल्यान.

![](https://cdn.door43.org/obs/jpg/360px/obs-en-39-09.jpg)

दुसऱ्या दिवशी सकाळीच, यहुदी पुढाऱ्यांनी येशूक रोमी सुभेदार पिलातासमोर आणल्यानी. तेंका आशा व्हती की पिलात येशूक दोषी ठरवन मरणदंडाची शिक्षा देयत. पिलातान येशूक इचारल्यान, "तुया यहुद्यांचो राजा आसस काय?"

![](https://cdn.door43.org/obs/jpg/360px/obs-en-39-10.jpg)

येशून उत्तर दिल्यान, "तुया असा म्हणतस, पण माझा राज्य ह्या पृथ्वीचा नाया. असा आसता तर माझे सेवक माझ्यासाठी लढले आसते. मीया ह्या पृथ्वीर देवाविषय सत्य सांगूक इलय. सत्यार प्रेम करणारो प्रत्येक जाण माझा आयकता." पिलातान इचारल्यान, "सत्य काय हा?"

![](https://cdn.door43.org/obs/jpg/360px/obs-en-39-11.jpg)

येशूबरोबर बोलल्यार पिलात भायर आसलल्या जमावाक बोललो, "माका ह्या माणसात कायच दोष आढळत नाया." पण यहुदी पुढारी नी लॉकांचो घोळको मोठ्यान वराडलो, "तेका वधस्तंभार खिळून टाका! हेच्यार पिलातान उत्तर दिल्यान, "तो निर्दोष आसा!" पण ते आणखीन मोठ्यान वरडाक लागले. तेळाक पिलातान म्हटल्यान. "तो निरपराध हा."

![](https://cdn.door43.org/obs/jpg/360px/obs-en-39-12.jpg)

जमाव आपल्याइरुद्ध बंड पुकारीत अशी पिलाताक भीती वाटली नी तेना आपल्या सैनिकांका येशूक वधस्तंभार खिळूची आज्ञा दिल्यान. रोमी सैनिकांनी येशूक फटके मारल्यानी, तेच्या आंगार येक राजकीय झगो घातल्यानी नी डोक्यार काट्यांचो मुकुट ठेवल्यानी. मगे ते तेची मस्करी करूक लागले, "बघा, ह्यो यहुद्यांचो राजा!"

*बायबलातली गोष्ट : मत्तय 26: 57-27:26; मार्क 14 : 53 - 15: 15; लूक 22: 54 - 23 : 25; योहान 18 : 12 - 19:16*

## 40. येशूक वधस्तंभार खिळतत

https://openbiblestories.org/l/gom-x-malvani/story-40/

![](https://cdn.door43.org/obs/jpg/360px/obs-en-40-01.jpg)

सैनिकांनी येशूची थट्टा उडवल्यार, ते तेका वधस्तंभार खिळे ठोकून मारूक घेवन गेले. ज्या वधस्तंभार तेका मारूचा व्हता तो वधस्तंभ तेंनी तेच्या खांद्यार दिल्यानी.

![](https://cdn.door43.org/obs/jpg/360px/obs-en-40-02.jpg)

तेळाक 'कवटी' नाव आसलल्या जागेर ते तेका घेवन इले नी तेंनी येशूच्या हातात नी पायात खिळे ठोकल्यानी. पण येशून म्हटल्यान, "हे पित्या, हेंका क्षमा कर, कारण ते काय करतत ता तेंका कळत नाया." पिलातान तेंका आज्ञा केल्यान की, तेंनी 'यहुद्यांचो राजा' असा लिवलली पाटी वधस्तंभार येशूच्या डोक्याच्या वर लावायची.

![](https://cdn.door43.org/obs/jpg/360px/obs-en-40-03.jpg)

येशूचे कपडे आपसात वाटून घेवक सैनिकांनी चिठये टाकल्यानी. जेळाक तेंनी ह्या केल्यानी, तेळाक ही भविष्यवाणी पुरी झाली, "तेंनी माझे कपडे आपसात वाटून घेवक चिठये टाकल्यानी."

![](https://cdn.door43.org/obs/jpg/360px/obs-en-40-04.jpg)

येशूक दोन चोरांच्या मधोमध वधस्तंभार खिळण्यात इलला. तेंच्यातल्या येकान येशूची थट्टा केल्यान, पण दुसऱ्यान म्हटल्यान, "तुया देवाक भियानस नाय काय? आपण दोषी आसव, पण ह्यो माणूस निर्दोष आसा." तेळाक तेना येशूक म्हटल्यान, "तुझ्या राज्यात माझी आठवण ठेव." येशून तेका म्हटल्यान, "आजच तुया माझ्याबरोबर सुखलोकात आसशीत."

![](https://cdn.door43.org/obs/jpg/360px/obs-en-40-05.jpg)

यहुदी पुढारी नी जमावातल्या बाकीच्या लॉकांनीव येशूची मस्करी केल्यानी. ते तेका बोलले, "जर तुया देवाचो झिल आसस तर वधस्तंभावरना खाली उतरान ये नी स्वतःचो बचाव कर! म्हणजे आम्ही तुझ्यार इश्वास ठेवचव."

![](https://cdn.door43.org/obs/jpg/360px/obs-en-40-06.jpg)

तेळाक भर दुपारी देशभर आकाशात काळोख पडलो. दुपारपासना तीन वाजेपर्यात पृथ्वीर काळोख व्हतो.

![](https://cdn.door43.org/obs/jpg/360px/obs-en-40-07.jpg)

तेळाक येशून मोठ्यान म्हटल्यान, "पूरा झाला! हे पित्या, मीया माझो आत्मो तुझ्या हातात सोपवतय." तेळाक तेना आपला डोक्या लववून प्राण सोडल्यान. जेळाक येशू मेलो तेळाक मोठो भूकंप झालो नी मंदिरातलो पडदो वरपासना खालपर्यात फाटान दुभागलो.

![](https://cdn.door43.org/obs/jpg/360px/obs-en-40-08.jpg)

आपल्या मरणाद्वारे, येशून लॉकांका देवाकडे जावचो मार्ग खुलो करून दिल्यान. येशूर पहारो करणाऱ्या सैनिकान ह्या सगळा बघून म्हटल्यान, "खरोखर, ह्यो माणूस निष्पाप व्हतो. तो देवाचो झिल व्हतो.

![](https://cdn.door43.org/obs/jpg/360px/obs-en-40-09.jpg)

तेळाक योसेफ नी निकदेम हे दोघे यहुदी पुढारी जेंनी येशू ह्यो मसीहा हा असो इश्वास ठेवल्यानी व्हतो, तेंनी पिलाताकडे जावन येशूचा शरीर मागल्यानी. तेंनी तेचा शरीर कपड्यात गुंडाळून खडकात खोदलेल्या येका कबरेत ठेवल्यानी. मगे तेंनी त्या कबरेच्या तोंडार येक मोठो धोंडो उभो करून कबरेचा तोंड बंद केल्यानी.

*बायबलातली गोष्ट : मत्तय 27:27-61; मार्क 15:16-47; लूक 23:26-56; योहान 19:17-42*

## 41. देव येशूक मेलल्यातना उठयता

https://openbiblestories.org/l/gom-x-malvani/story-41/

![](https://cdn.door43.org/obs/jpg/360px/obs-en-41-01.jpg)

सैनिकांनी येशूक वधस्तंभार खिळल्यार, इश्वास न ठेवणाऱ्या यहुदी पुढाऱ्यांनी पिलाताक म्हटल्यानी, "त्या खोटारड्या येशून म्हटलल्यान की, तो तीन दिवसांनी परत उठात. कोणीतरी त्या कबरेर पहारो ठेवणा गरजेचा हा, नायतर तेचे शिष्य तेचा शरीर चोरून नेतीत नी तो उठलो हा असा म्हणतीत."

![](https://cdn.door43.org/obs/jpg/360px/obs-en-41-02.jpg)

पिलातान म्हटल्यान, "काय सैनिकांका घेवा नी त्या कबरेभवती तुमच्यान व्हयत तितको चांगलो बंदोबस्त ठेवा." तेळाक तेंनी त्या कबरेच्या तोंडारल्या धोंड्यार शिक्को मारून बंद केल्यानी नी थय सैनिकांका ठेयल्यानी, हेच्यासाठी की कोणी येशूचा शरीर चोरता नये.

![](https://cdn.door43.org/obs/jpg/360px/obs-en-41-03.jpg)

येशूक कबरेत ठेवल्याच्या नंतरचो दुसरो दिवस ह्यो शब्बाथ दिवस व्हतो, त्या दिवशी यहूद्यांका कबरेकडे जावची मनाई व्हती. तेळाक शब्बाथाच्या दुसऱ्या दिवशी पहाटेक काय बायका सुगंधी द्रव्या घेवन कबरेर गेली. तेंनी ती तेच्या उत्तरकार्याक तयार केलल्यानी.

![](https://cdn.door43.org/obs/jpg/360px/obs-en-41-04.jpg)

तेळाक अचानक, येक मोठो भूकंप झालो. विजेसारख्या रूप आसणारो येक देवदूत स्वर्गातना प्रकट झालो. तेना कबरेच्या तोंडार आसललो धोंडो बाजूक सरकवल्यान नी तेच्यार बसलो. तेळाक त्या कबरेर पहारो करीत आसलल्या सैनिकांका लय भीती वाटली नी ते मेल्यासारखे जमनीर पडले.

![](https://cdn.door43.org/obs/jpg/360px/obs-en-41-05.jpg)

जेळाक ती बायका कबरेजवळ इली, तेळाक देवदूतान तेंका म्हटल्यान, "भिया नको. येशू हय नाया. तेना सांगल्याप्रमाण तो मेलल्यातना उठलो हा! बघा, ज्या कबरेत तेका ठेवलला व्हता ती जागा." तेळाक त्या बायकांनी भुतूर जावन जय येशूचा शरीर ठेवलला व्हता, ती जागा बघल्यानी. तेचा शरीर त्या जागेर नाय व्हता!

![](https://cdn.door43.org/obs/jpg/360px/obs-en-41-06.jpg)

तेळाक देवदूतान त्या बायकांका म्हटल्यान, "जावा नी शिष्यांका सांगा, 'येशू मरणातना उठलो हा नी तो तुमच्या पुढे गालीलाक जाता हा.' "

![](https://cdn.door43.org/obs/jpg/360px/obs-en-41-07.jpg)

ह्या आयकान बायकांका लय भीती वाटली नी आनंदव झालो. तेंनी धावत जावन शिष्यांका ही आनंदाची बातमी सांगितल्यानी.

![](https://cdn.door43.org/obs/jpg/360px/obs-en-41-08.jpg)

ती बायका शिष्यांका ही बातमी सांगूक जायत आसताना, येशून तेंका दर्शन दिल्यान नी तेंनी तेका नमन केल्यानी. येशून म्हटल्यान, "भिया नको. जावा नी माझ्या शिष्यांका गालीलात येवक सांगा. मीया तेंका थयच भेटान."

*बायबलातली गोष्ट : मत्तय 27:62-28:15; मार्क 16:1-11; लूक 24:1-12; योहान 20:1-18*

## 42. येशूचा स्वर्गरोहण (येशू परत स्वर्गात जाता)

https://openbiblestories.org/l/gom-x-malvani/story-42/

![](https://cdn.door43.org/obs/jpg/360px/obs-en-42-01.jpg)

येशू मेलल्यातना ज्या दिवशी उठलो, त्या दिवशी तेचे दोन शिष्य जवळच्या येका गावात जाय व्हते. ते चलत आसताना, येशूविषय जा घडला व्हता त्याविषय बोलत व्हते. तेंनी येशू ह्यो मसीहा हा असो इश्वास ठेयल्यानी व्हतो, पण येशूक मारण्यात इलला. आता ते बायका म्हणत व्हते की तो परत जिवंत झालो हा. आता कशार इश्वास ठेवायचो ह्या तेंका कळत नाय व्हता.

![](https://cdn.door43.org/obs/jpg/360px/obs-en-42-02.jpg)

येशू तेंच्याजवळ इलो नी तेंच्याबरोबर चलाक लागलो, पण तेंनी तेका वळखाक नाय. ते खेच्याविषय बोला व्हते ता तेना तेंका इचारल्यान नी तेंनी तेका काय दिवसापूर्वी येशूविषय घडलले उल्लेखनीय गोष्टी सांगितल्यानी. तेंका वाटला की ते येका अनोळखी प्रवाशाबरोबर बोलतत, जेका यरुशलेमेत घडलले गोष्टी म्हायत नायत, तेच्याबरोबर बोलतत.

![](https://cdn.door43.org/obs/jpg/360px/obs-en-42-03.jpg)

तेळाक येशून तेंका देवाच्या वचनात मसीहाविषय काय सांगितलला हा हेचो उलगडो करून सांगितल्यान. तेना तेंका आठवण करून दिल्यान की संदेष्ट्यांनी सांगितल्यानी व्हता की, मसीहा दुःख सोशीत, तेका ठार मारतीत, पण तिसऱ्या दिवसाक तो परत उठात. जेळाक ते दोघा जय मुक्काम करुचो व्हतो थय पोचले, तेळाक संध्याकाळ व्हयत इलली.

![](https://cdn.door43.org/obs/jpg/360px/obs-en-42-04.jpg)

त्या दोघांनीव येशूक आपल्याबरोबर मुक्काम करुचो आग्रह केल्यानी नी तो तेंच्याबरोबर ऱ्हवक भुतूर गेलो. ते संध्याकाळच्या जेवणाक बसलले आसताना, येशून भाकरी घेवन देवाचो धन्यवाद केल्यान नी ती मोडल्यान. अचानक तो येशू हा ह्या तेंनी वळाखल्यानी. पण तेळाक, येशू तेंच्यापासना अंतर्धान पावलो.

![](https://cdn.door43.org/obs/jpg/360px/obs-en-42-05.jpg)

ते दोघे येकमेकांका म्हणाक लागले, "तो येशू व्हतो! नी म्हणानच तो देवाचा वचन आमका उलगडो करून सांगत आसताना आपला अंतःकरण आतल्याआत उकळत व्हता!" तेळाक लगेच, ते यरुशलेमेत परातले. तेंनी येवन शिष्यांका सांगल्यानी की, "येशू जिवंत झालो हा! आम्ही तेका बघितलाव!"

![](https://cdn.door43.org/obs/jpg/360px/obs-en-42-06.jpg)

शिष्य ह्या बोलत आसतानाच, येशून त्या खोलयेत स्वतःक प्रकट केल्यान नी म्हटल्यान, "तुमका शांति असो!" शिष्यांका वाटला की ता भूत हा, पण येशून म्हटल्यान, "तुम्ही भयभीत होवन शंका कित्याक घेतास? माझ्या हाताकडे नी पायाकडे बघा. जसा माझा शरीर आसा तसा भूतांका नसता." तो भूत नाया ह्या सिद्ध करूक तेना तेंका खावक काय आसा काय ता इचारल्यान. तेंनी तेका शिजवललो मासो दिल्यानी नी तेना तो खाल्ल्यान.

![](https://cdn.door43.org/obs/jpg/360px/obs-en-42-07.jpg)

येशून म्हटल्यान, "मीया तुमका सांगितललय की माझ्याविषय देवाच्या वचनात लिवलले सगळे गोष्टी पूरे होणा गरजेचा हा." मगे तेना तेंची अंतःकरणा उघडल्यान, तेळाक तेंका देवाचा वचन कळला. तेना म्हटल्यान, "मॉप वर्सां आधी असा लिवलला हा की, मसीहा दुःख सहन करीत, तेका मारतीत नी तिसऱ्या दिवसाक तो मरणातना उठात."

![](https://cdn.door43.org/obs/jpg/360px/obs-en-42-08.jpg)

"धर्मशास्त्रात ह्याव लिवलला आसा की, माझे शिष्य पापांची क्षमा होवक पाश्चात्तापाची घोषणा करतीत. ते यरुशलेमेपासना ह्या संदेशाक सुरवात करतीत, मगे सगळ्या ठिकाणच्या सगळ्या लॉकांकडे ह्यो संदेश घेवन जातीत. तुम्ही ह्या गोष्टींचे साक्षीदार आसास."

![](https://cdn.door43.org/obs/jpg/360px/obs-en-42-09.jpg)

पुढच्या चाळीस दिवसात, येशू मॉप येळाक शिष्यांका प्रकट झालो. येकदा तर तो ५००हून अधिक लॉकांका येकाच येळेक प्रकट झालो. तेना आपल्या शिष्यांका आपण जिवंत असल्याची खात्री मॉप प्रकारान दिल्यान नी तेंका देवाच्या राज्याविषय शिकवण दिल्यान.

![](https://cdn.door43.org/obs/jpg/360px/obs-en-42-10.jpg)

येशून आपल्या शिष्यांका म्हटल्यान, "स्वर्गात नी पृथ्वीर सगळे अधिकार माका देण्यात इले आसत. म्हणान, तुम्ही जावा नी सगळ्या राष्ट्रांतल्या लॉकांका शिष्य बनवा नी बापुस, झिल नी पवित्र आत्म्याच्या नावान तेंका बाप्तिस्मो देवा नी मीया आज्ञा केलले सगळे गोष्टी तेंका पाळूक शिकवा. नी आठवण ठेवा की मीया कायमचो तुमच्याबरोबर आसय."

![](https://cdn.door43.org/obs/jpg/360px/obs-en-42-11.jpg)

येशूच्या पुनरुत्थानानंतर चाळीस दिवसानी येशून शिष्यांका सांगितल्यान, "जोपर्यात माझो बापुस तुमका सामर्थ्य देणारो पवित्र आत्मो तुमच्यार पाठयत नाय, तोपर्यात यरुशलेम सोडून जाव नको." मगे येशू स्वर्गात गेलो नी ढगांनी तेका तेंच्या नजरेआड केल्यान. सगळ्या गोष्टीर अधिकार चालवक येशू देवाच्या उजव्या बाजूक बसलो हा.

*बायबलातली गोष्ट : मत्तय 28:16-20; मार्क 16:12-20; लूक 24:13-53; योहान 20:19-23; प्रेषितांची कृत्ये 1:1-11*

## 43. मंडळीची सुरवात

https://openbiblestories.org/l/gom-x-malvani/story-43/

![](https://cdn.door43.org/obs/jpg/360px/obs-en-43-01.jpg)

येशू स्वर्गात गेल्यार, येशून आज्ञा दिल्याप्रमाण शिष्य यरुशलेमेतच ऱ्हवले. थयले इश्वासणारे प्रार्थना करूक वारंवार येकत्र येवक लागले.

![](https://cdn.door43.org/obs/jpg/360px/obs-en-43-02.jpg)

दरवर्साक, वल्हांडणानंतर ५० दिवसानी, यहुदी लॉक पेंटेकॉस्ट नावाचो महत्वाचो दिवस साजरो करीत. पेंटेकॉस्ट ह्यो यहुदी लॉकांच्या हंगामाचो सण व्हतो. जगातले सगळे यहुदी लॉक यरुशलेमेत येवन पेंटेकॉस्ट साजरो करीत. तेळाक येशूचा स्वर्गरोहण झाल्यार येक आठवड्यान पेंटेकॉस्ट इलो व्हतो.

![](https://cdn.door43.org/obs/jpg/360px/obs-en-43-03.jpg)

जेळाक सगळे इश्वासणारे येकत्र जमलले, येकायेकी ते बसलले ती खोली सोसाट्याच्या वाऱ्यासारख्या आवाजान भरान गेली. तेळाक आगीच्या ज्वालेसारखे जिभे तेंका सगळ्या इश्वासणाऱ्यांच्या डोक्यार दिसले. ते सगळे पवित्र आत्म्यान भरान गेले नी येगयेगळ्या भाषेत बोलाक लागले.

![](https://cdn.door43.org/obs/jpg/360px/obs-en-43-04.jpg)

यरूशलेमेतल्या लॉकांनी जेळाक ह्यो आवाज आयकल्यानी तेळाक ह्या काय हा ता बघूक इले. जेळाक लॉकांनी इश्वासणाऱ्यांका देवाची आश्चर्यकामा प्रकट करताना नी तेंच्याच मातृभाषेत बोलताना आयकल्यानी तेळाक लॉकांका लय आश्चर्य वाटला.

![](https://cdn.door43.org/obs/jpg/360px/obs-en-43-05.jpg)

काय लॉकांका वाटला की, इश्वासणारे दारू पिवन मस्त झाले हत. पण पेत्रान उभो ऱ्हवान तेंका म्हटल्यान, "माझा बोलणा आयका! ही माणसा दारू पिवन मस्त झाली नायत! ह्याविषय योएल संदेष्ट्यान केलली भविष्यवाणी पूरी व्हता हा, देवान म्हटल्यान हा, "शेवटच्या काळात मीया आपल्या आत्म्याचो वर्षाव करीन.

![](https://cdn.door43.org/obs/jpg/360px/obs-en-43-06.jpg)

"अहो इस्राएली लॉकांनो, येशून देवाच्या शक्तीन मॉप चिन्हा नी अद्भूत कार्या केल्यान, जी तुम्ही स्वतः डोळ्यांनी बघलास नी तुमका ती म्हायत आसत. पण तुम्ही तेका वधस्तंभार खिळलास."

![](https://cdn.door43.org/obs/jpg/360px/obs-en-43-07.jpg)

"जरी येशू मरण पावललो, तरी देवान तेका मेलल्यातना परत उठवल्यान. ह्या घटनेन ही भविष्यवाणी पूरी व्हता, 'तुया आपल्या पवित्राक कबरेत कुजाक देवचस नाय.' आम्ही ह्या गोष्टीचे साक्षीदार आसव की देवान येशूक मरणातना परत उठवल्यान हा."

![](https://cdn.door43.org/obs/jpg/360px/obs-en-43-08.jpg)

येशू आता आपल्या देवपित्याच्या उजव्या बाजूक उंचवललो हा नी येशून अभिवचन दिल्याप्रमाण तेना आमच्यासाठी पवित्र आत्मो पाठवल्यान हा. आता जा तुम्ही बघतास नी आयकतास, ते सगळे गोष्टी पवित्र आत्मो करता हा.

![](https://cdn.door43.org/obs/jpg/360px/obs-en-43-09.jpg)

"तुम्ही येशू ह्या माणसाक, वधस्तंभार खिळलास. पण आता तुमका कळांदेत की, जेका तुम्ही वधस्तंभार खिळून मारलास, तेका देवान प्रभू नी ख्रिस्त असो करून ठेवललो हा!"

![](https://cdn.door43.org/obs/jpg/360px/obs-en-43-10.jpg)

पेत्राचा भाषण आयकनाऱ्यांच्या मनाक टोचला. म्हणान तेंनी पेत्र नी बाकीच्या प्रेषितांका इचारल्यानी, "बंधुजनांनो, आम्ही आता काय करायचा?"

![](https://cdn.door43.org/obs/jpg/360px/obs-en-43-11.jpg)

पेत्रान तेंका म्हटल्यान, "तुमच्यापैकी प्रत्येकान आपापल्या पापांचो पश्चात्ताप करून येशू ख्रिस्ताच्या नावात बाप्तिस्मो घेवा, म्हणजे देव तुमका तुमच्या पापांची क्षमा करीत. मगे तो तुमका पवित्र आत्म्याचा दानव देयत."

![](https://cdn.door43.org/obs/jpg/360px/obs-en-43-12.jpg)

तेळाक सुमारे ३००० लॉकांनी पेत्राच्या बोलण्यार इश्वास ठेवल्यानी नी ते येशूचे शिष्य झाले. तेंनी बाप्तिस्मो घेतल्यानी नी यरूशलेमेच्या मंडळीत सामील झाले.

![](https://cdn.door43.org/obs/jpg/360px/obs-en-43-13.jpg)

शिष्य प्रेषितांच्या शिक्षणात, सहवासात, भाकरी मोडण्यात नी इतरांबरोबर प्रार्थना करण्यात तत्पर आसायचे. ते आनंदान येकत्र देवाची स्तुति करीत नी तेंचा सगळा काय सामाईक व्हता. सगळे लोक तेंका प्रसन्न आसायचे. प्रत्येक दिवसाक तेंच्यात नईन इश्वासणाऱ्यांची भर पडा व्हती.

*बायबलातली गोष्ट : प्रेषित 2*

## 44. पेत्र नी योहान येका भिकाऱ्याक बरे करतत

https://openbiblestories.org/l/gom-x-malvani/story-44/

![](https://cdn.door43.org/obs/jpg/360px/obs-en-44-01.jpg)

येके दिवशी पेत्र नी योहान मंदिरात जायत व्हते. ते मंदिराच्या प्रवेशद्वाराकडे जायत आसताना, तेंनी येक लंगडो भिकारी भीक मागित आसताना बघल्यानी.

![](https://cdn.door43.org/obs/jpg/360px/obs-en-44-02.jpg)

पेत्रान त्या पांगळ्या माणसाकडे बघून म्हटल्यान, "तुका देवक माझ्याकडे पैशे नायत. पण माझ्याकडे जा हा ता मीया तुका दितय. येशूच्या नावात उठ नी चलाक लाग!"

![](https://cdn.door43.org/obs/jpg/360px/obs-en-44-03.jpg)

लगेच तो पांगळो माणूस बरो झालो, तो चलाक लागलो नी तो उडये मारीत देवाची स्तुति करूक लागलो. मंदिराच्या खळ्यातल्या लॉकांनी तेका बघून आश्चर्य केल्यानी.

![](https://cdn.door43.org/obs/jpg/360px/obs-en-44-04.jpg)

त्या बरो झालल्या माणसाक बघुक लॉकांनी तेच्याभवती गर्दी केल्यानी. पेत्रान तेंका म्हटल्यान, "ह्यो माणूस बरो झाललो बघून तुम्ही आश्चर्य कित्याक करतास?" आम्ही आमच्या शक्तीन किंवा आमच्या चांगुलपणान तेका बरे केलव नाय. तर येशूच्या रक्तान नी देवान दिलल्या इश्वासानच ह्यो माणूस बरो झालो हा."

![](https://cdn.door43.org/obs/jpg/360px/obs-en-44-05.jpg)

"तुम्ही रोमी सम्राटाक येशूक ठार मारूक सांगितलास. तुम्ही जीवनदात्याक ठार मारलास, पण देवान तेका मेलल्यातना परत उठवल्यान. जरी तुमका काय करीत व्हतास ता कळला नाय, तरी देवान तुमच्याकडना मसीहा दुःख सोशीत नी मरात ही भविष्यवाणी पूरी करून घितल्यान हा. ह्यामुळाक, आता पश्चात्ताप करा नी देवाकडे वळा म्हणजे तुमची पापा धुतली जातली."

![](https://cdn.door43.org/obs/jpg/360px/obs-en-44-06.jpg)

मंदिरातले पुढारी पेत्र नी योहान हेंचा बोलणा आयकान संतापले. म्हणान तेंनी तेंका धरून तुरुंगात टाकल्यानी. पण मॉप लॉकांनी पेत्राच्या वचनार इश्वास ठेयल्यानी नी आता इश्वासणाऱ्यांची संख्या वाढान सुमारे ५००० झालली.

![](https://cdn.door43.org/obs/jpg/360px/obs-en-44-07.jpg)

दुसऱ्या दिवसाक, यहुदी पुढाऱ्यांनी पेत्राक नी योहानाक महायाजकासमोर नी बाकीच्या धर्मपुढाऱ्यांसमोर उभे केल्यानी. तेंनी पेत्र नी योहान हेंका इचारल्यानी, "तुम्ही खयच्या शक्तीन ह्या पांगळ्या माणसाक बरो केलास?"

![](https://cdn.door43.org/obs/jpg/360px/obs-en-44-08.jpg)

पेत्रान तेंका म्हटल्यान, "ह्यो माणूस येशू ख्रिस्ताच्या नावात बरो होवन तुमच्यापुढे उभो हा. तुम्ही येशूक वधस्तंभार खिळलास, पण देवान तेका परत जिवंत केल्यान! तुम्ही तेका नाकारलास, पण येशू ख्रिस्ताच्या शक्तीशिवाय तारणाचो दुसरो मार्ग नाया!"

![](https://cdn.door43.org/obs/jpg/360px/obs-en-44-09.jpg)

ह्या आयकान धार्मिक पुढाऱ्यांका आश्चर्याचो धक्को बसलो, कारण पेत्र नी योहान सामान्य नी अडाणी माणसा आसतानाव तेंच्यासमोर मोठ्या धाडसान बोला व्हते. पण ते येशूच्या सहवासात व्हते ह्या तेंनी वळाखल्यानी. मगे तेंनी पेत्राक नी योहानाक धमकावल्यानी नी जावक दिल्यानी.

*बायबलातली गोष्ट : प्रेषित 3:1-4:22*

## 45. स्तेफन नी फिलिप्प

https://openbiblestories.org/l/gom-x-malvani/story-45/

![](https://cdn.door43.org/obs/jpg/360px/obs-en-45-01.jpg)

सुरवातीच्या मंडळीत पुढाऱ्यांपैकी स्तेफन नावाचो येक पुढारी व्हतो. तो येक प्रतिष्ठित बापयो व्हतो, तो ज्ञानी नी पवित्र आत्म्यान परिपूर्ण असो व्हतो. स्तेफनान मॉप चमत्कार केल्यान नी लॉकांनी येशूर इश्वास ठेवक व्हयो म्हणान मोपश्या प्रमाणान वादविवाद करीत व्हतो.

![](https://cdn.door43.org/obs/jpg/360px/obs-en-45-02.jpg)

येके दिवशी, स्तेफन येशूविषय शिकवण देयत आसताना, इश्वास न ठेवणारे काय यहुदी तेच्याबरोबर भांडाक लागले. तेंका स्तेफनाचो लय राग इलो नी तेच्यार तेंनी धार्मिक पुढाऱ्यांसमोर खोटे दोषारोप केल्यानी. तेंनी म्हटल्यानी, "आम्ही तेका मोशे नी देवाविषय अपशब्द बोलताना आयकलव!" तेळाक धार्मिक पुढाऱ्यांनी स्तेफनाक अटक केल्यानी नी तेका महायाजक नी इतर पुढाऱ्यांसमोर आणल्यानी, थय तेच्याइरुद्ध आणखीन खोटे साक्षीदार उभे केल्यानी नी तेंनी स्तेफनार खोटे आरोप लावल्यानी.

![](https://cdn.door43.org/obs/jpg/360px/obs-en-45-03.jpg)

महायाजकांनी स्तेफनाक म्हटल्यानी, "हे गोष्टी खरे आसत काय?" स्तेफनान तेंका उत्तर देयत देवान अब्राहमापासना ते येशुपर्यात कशाप्रकारान आश्चर्यकामा केल्यान नी देवाच्या लॉकांनी दर येळाक कशे तेचे आज्ञा मोडल्यानी हेच्याविषय आठवण करून दिल्यान. मगे तेना म्हटल्यान, "अहो ताठ मानेच्या नी बंडखोर लॉकांनो, जशे तुमचे पूर्वज कायम पवित्र आत्म्याचो इरोध करीत व्हते, तशेच तुम्हीव करतास. पण तुम्ही तेंच्यावपेक्षा वायट केलास! तुम्ही मसीहाक ठार मारलास!"

![](https://cdn.door43.org/obs/jpg/360px/obs-en-45-04.jpg)

जेळाक धार्मिक पुढाऱ्यांनी ह्या आयकल्यानी, तेळाक तेंका लय राग इलो नी तेंनी आपल्या कानार हात ठेवन मोठ्यान वराडले. तेंनी स्तेफनाक नगराच्या भायर वढीत नेल्यानी नी तेका दगडमार केल्यानी.

![](https://cdn.door43.org/obs/jpg/360px/obs-en-45-05.jpg)

स्तेफन मरत आसताना, तो मोठ्यान वराडलो, "येशू, माझ्या आत्म्याचो स्वीकार कर." मगे तेना गुडघ्यार येवन परत वरडान म्हटल्यान, "प्रभुजी, ह्या पाप तेंच्याकडे मोजू नको." मगे तेना प्राण सोडल्यान.

![](https://cdn.door43.org/obs/jpg/360px/obs-en-45-06.jpg)

शौल नावाचो येक तरणो माणूस स्तेफनाक मारणाऱ्या लॉकांका सहमत व्हतो नी तेका दगडमार करणाऱ्यांचे कपडे तोसांभाळत व्हतो. त्या दिवसांत, यरुशलेमेतले मॉपशे लॉक येशूच्या शिष्यांचो छळ करी व्हते, म्हणान शिष्य दुसऱ्या जागेर पळान गेले. पण असा आसतानाव, जय ते गेले, तेंनी येशूचोच प्रचार केल्यानी.

![](https://cdn.door43.org/obs/jpg/360px/obs-en-45-07.jpg)

फिलिप्प नावाचो येशूचो शिष्य छळामुळा यरुशलेम सोडून पळान जाणाऱ्या इश्वासणाऱ्यांपैकी येक व्हतो. तो शोमरोनात पळान गेलो व्हतो नी त्या ठिकाणार तेना येशूची सुवार्ता सांगितल्यान नी मॉपश्यांचा तारण झाला. तेळाक येके दिवशी, देवाच्या येका दूतान फिलिप्पाक सांगितल्यान वाळवंटातल्या येका इशिष्ट वाटेर जा. तो वाटेन चलत आसताना फिलिप्पान कूशी देशाचो येक अधिकारी आपल्या रथात बसान जायत आसताना बघल्यान. पवित्र आत्म्यान फिलिप्पाक त्या माणसाबरोबर बोलाक सांगल्यान.

![](https://cdn.door43.org/obs/jpg/360px/obs-en-45-08.jpg)

जेळाक फिलिप्प रथाजवळ इलो, तेळाक तेना तो कूशी यशया संदेष्ट्याचो ग्रंथ वाचत आसताना आयकल्यान. तो वाचीत व्हतो, "तेका मेंढरासारखो वधूक निल्यानी; नी जसा कोकरू कातरणाऱ्याच्या पुढे गप्प आसता, तसो तो आपला तोंड उघडीत नाय. तेंनी तेका वायट वागणूक दिल्यानी नी तेचो सन्मान करूक नाय. तेंनी तेका ठार मारल्यानी."

![](https://cdn.door43.org/obs/jpg/360px/obs-en-45-09.jpg)

फिलिप्पान कूशी अधिकाऱ्याक इचारल्यान, "तुम्ही जा वाचतास, ता तुमका समाजता काय?" कूशी माणसान उत्तर दिल्यान, "नाय, जोपर्यात माका कोण समजावन सांगित नाय, तोपर्यात मीया समजा शकनय नाय. कृपया येवन माझ्या बाजूक बसा. यशया संदेष्टो स्वतःविषय की दुसऱ्या कोणाविषय लिवता हा?"

![](https://cdn.door43.org/obs/jpg/360px/obs-en-45-10.jpg)

फिलिप्पान त्या कूशीक स्पष्टीकरण देयत सांगल्यान की संदेष्टो ह्या मसीहाविषय लिवता हा. फिलिप्पान दुसऱ्या शास्त्रभागातनाव संदर्भ घेवन तेका येशूविषय सुवार्ता सांगितल्यान.

![](https://cdn.door43.org/obs/jpg/360px/obs-en-45-11.jpg)

फिलिप्प नी कूशी अधिकारी पुढे प्रवास करीत-करीत येका तळ्याजवळ इले. कूशी अधिकाऱ्यान म्हटल्यान, "बघा! हय पाणी आसा! मीया बाप्तिस्मो घेव शकतय काय?" नी तेना सारथ्याक रथ थांबवक सांगितल्यान.

![](https://cdn.door43.org/obs/jpg/360px/obs-en-45-12.jpg)

मगे ते पाणयात उतारले नी फिलिप्पान त्या कूशी अधिकाऱ्याक बाप्तिस्मो दिल्यान. ते पाणयातना वर इल्यार, पवित्र आत्मो फिलिप्पाक दुसऱ्या जागेर घेवन गेलो. तो त्या जागेर लॉकांका येशूविषय सांगित ऱ्हवलो.

![](https://cdn.door43.org/obs/jpg/360px/obs-en-45-13.jpg)

कूशी हकडे आनंदान आपल्या घराकडे प्रवास करूक लागलो, कारण तेका येशूची वळख झालली.

*बायबलातली गोष्ट : प्रेषित 6:8-8:5; 8:26-40*

## 46. पौल ख्रिस्ती बनता

https://openbiblestories.org/l/gom-x-malvani/story-46/

![](https://cdn.door43.org/obs/jpg/360px/obs-en-46-01.jpg)

शौल ह्यो तरणो माणूस स्तेफनाक दगडमार करणाऱ्यांचे कपडे सांभाळीत व्हतो. तो येशूर इश्वास ठेयत नाय व्हतो, म्हणान तो इश्वासू लॉकांचो छळ करीत आसायचो. यरुशलेमेत तो घराघरात जावन इश्वास ठेयणारे बायका नी बापये दोघांकाव तुरुंगात टाकीत आसायचो. महायाजकान शौलाक दिमिष्क शहरातल्या ख्रिस्ती लॉकांका पकडून यरूशलेमेक आणूक परवानगी दिल्यान व्हती.

![](https://cdn.door43.org/obs/jpg/360px/obs-en-46-02.jpg)

शौल दिमिष्काच्या वाटेर प्रवास करीत आसताना, अचानक तेच्या सभवती आकाशातना प्रकाश चमाकलो नी तो जमनीर पडलो. शौलान कोणी तरी हाक मारताना आयकल्यान, "शौला! शौला! तुया माझो छळ कित्याक करतस?" शौलान इचारल्यान, "प्रभू, तुया कोण आसस?" येशून तेका म्हटल्यान, "मीया येशू आसय. जेचो तुया छळ करतस."

![](https://cdn.door43.org/obs/jpg/360px/obs-en-46-03.jpg)

शौल जेळाक उठलो, तेळाक तेका काय दिसना. तेळाक तेच्या मित्रांका तेका दिमिष्काक न्हेवचा लागला. शौलान तीन दिवस कायच खावक नी पिवक नाय.

![](https://cdn.door43.org/obs/jpg/360px/obs-en-46-04.jpg)

दिमिष्कात हनन्या नावाचो येक शिष्य व्हतो. देवान तेका म्हटल्यान, "शौल ऱ्हवत आसलल्या घराक जा नी तेच्यार आपले हात ठेय म्हणजे तेका परत नजर येयत." पण हनन्यान म्हटल्यान, "प्रभुजी, मीया आयकल आसय की, ह्या माणसान कसो ख्रिस्ती लॉकांचो छळ केल्यान हा."देवान तेका म्हटल्यान, "जा! कारण यहुदी लॉकांकडे नी परराष्ट्रीयांकडे माझा नाव घेवन जावक मीया तेका निवडलय. माझ्या नावासाठी ह्यो लय दुःख सोसतलो हा."

![](https://cdn.door43.org/obs/jpg/360px/obs-en-46-05.jpg)

तेळाक हनन्यान शौलाकडे जावन तेच्यार आपले हात ठेयल्यान नी म्हटल्यान, "जो येशू तुका वाटेत प्रकट झालो, तेना माका तुझ्याकडे पाठयल्यान हा. हेच्यासाठी की, तुझी नजर तुका परत मिळाक व्हयी नी तुया पवित्र आत्म्यान परिपूर्ण होवक व्हयस." लगेच शौलाक परत दिसाक लागला नी हनन्यान तेका बाप्तिस्मो दिल्यान. मगे शौलान अन्न खाल्ल्यान नी तेका ताकद इली.

![](https://cdn.door43.org/obs/jpg/360px/obs-en-46-06.jpg)

लगेच शौल दिमिष्कात आसणाऱ्या यहूद्यांका प्रचार करूक लागलो नी म्हणालो, "येशू ह्योच देवाचो झिल आसा." यहूद्यांका ह्या बघून मोठा आश्चर्य वाटला की, ख्रिस्ती लॉकांचो छळ करणारो आता येशूर इश्वास ठेवता नी तेचो प्रचार करता! शौलान तर्कशुध्द संभाषण करून यहूद्यांका येशू ह्यो मसीहा आसल्याचा सिद्ध केल्यान.

![](https://cdn.door43.org/obs/jpg/360px/obs-en-46-07.jpg)

मॉप दिवसानी, यहूद्यांनी शौलाक मारुचो कट रचल्यानी. शौलाक मारूक तेंनी तेच्यार नजर ठेवल्यानी नी शहराच्या वेशीजवळ काय लॉकांका नेमल्यानी. पण शौलाक ह्यो कट समाजलो नी तेच्या मित्रांनी तेची सुटका करूक मदत केल्यानी. येका रात्रीक तेंनी वेशीच्या भिंतीरना येका पाटयेत (मोठ्या टोपलेत) बसवन तेका खाली सोडल्यानी. शौल दिमिष्कातना सुटल्यार येशूविषय प्रचार करूक लागलो.

![](https://cdn.door43.org/obs/jpg/360px/obs-en-46-08.jpg)

शौल यरूशलेमेत शिष्यांका भेटाक गेलो, पण तेंका तेची भीती वाटली. तेळाक बर्णबा नावाच्या येका इश्वासणाऱ्यान शौलाक प्रेषितांकडे न्हील्यान नी सांगितल्यान, की कशारितीन शौलान दिमिष्कात येशूचो मोठ्या धाडसान प्रचार केल्यान. तेच्यानंतर शिष्यांनी तेचो स्विकार केल्यानी.

![](https://cdn.door43.org/obs/jpg/360px/obs-en-46-09.jpg)

यरूशलेमेतल्या छळामुळाक काय इश्वासणारे लांब अंत्युखिया शहरात गेले नी थय तेंनी येशूविषय प्रचार केल्यानी. अंत्युखियातल्या लॉकांतूर जास्त यहुदी लॉक नाय व्हते. पण पयल्यांदाच, तेंच्यापैकी मॉप लॉकव इश्वासणारे झाले. बर्णबा नी शौल थयल्या नइन इश्वासणाऱ्यांका येशूविषय आजून शिक्षण देवक नी मंडळीक उत्तेजन देवक अंत्युखियाक गेले. अंत्युखियातल्या येशूर इश्वास ठेयणाऱ्यांका पयल्यांदाच "ख्रिस्ती" म्हटला गेला.

![](https://cdn.door43.org/obs/jpg/360px/obs-en-46-10.jpg)

येक दिवसाक, अंत्युखियाचे ख्रिस्ती उपवास-प्रार्थना करीत आसताना, पवित्र आत्मो तेंच्यार इलो नी म्हणालो, "बर्णबा नी शौल हेंका ज्या कामासाठी मीया बोलावलय, तेच्यासाठी तेंका येगळे करून ठेया." तेळाक अंत्युखियातल्या मंडळीन शौल नी बर्णबासाठी प्रार्थना केल्यानी नी तेंच्यार हात ठेवल्यानी. मगे तेंका येगयेगळ्या जागेर येशूची सुवार्ता सांगुक पाठयल्यानी. बर्णबा नी शौल हेंनी मॉपशा येगयेगळ्या लॉकांच्या गटांका सुवार्ता सांगल्यानी नी मॉप लॉकांनी येशूर इश्वास ठेयल्यानी.

*बायबलातली गोष्ट : प्रेषित 8:3; 9:1-31; 11:19-26; 13:1-3*

## 47. फिलिपै नगरात पौल नी सीला

https://openbiblestories.org/l/gom-x-malvani/story-47/

![](https://cdn.door43.org/obs/jpg/360px/obs-en-47-01.jpg)

शौल सगळ्या रोमन साम्राज्यातना प्रवास करीत आसताना, तो आपल्या "पौल" ह्या रोमन नावाचो उपयोग करूक लागलो. येक दिवसाक पौल नी तेचो मित्र सीला हे फिलिप्पै नगरात येशूची सुवार्ता सांगूक गेले. शहराच्या वेशीभायर नदयेच्या काठार प्रार्थनेक येकत्र इलल्या लॉकांकडे ते गेले. थय तेंका लुदिया नावाची येक व्यापारी स्त्री भेटली. तिचा देवार प्रेम व्हता नी ती देवाची भक्ती करणारी व्हती.

![](https://cdn.door43.org/obs/jpg/360px/obs-en-47-02.jpg)

देवान लुदियाचा अंतःकरण उघडल्यान नी तिना येशूविषयच्या संदेशार इश्वास ठेयल्यान. मगे तिना आपल्या कुटुंबियांबरोबर बाप्तिस्मो घितल्यान. तिना पौल नी सीला हेंका आपल्या घराक बोलवल्यान, तेळाक ते तिच्या कुटुंबाबरोबर ऱ्हवले.

![](https://cdn.door43.org/obs/jpg/360px/obs-en-47-03.jpg)

पौल नी सीला प्रार्थनेच्या जागेर लॉकांका वारंवार भेटले. दररोज ते त्या जागेर आसताना, येक दासी नी दुष्टात्म्यान ग्रासलला पॉर तेंच्या पाठना चलाक लागला. त्या दुष्टात्म्याच्या आधारान ता लॉकांचा भविष्य सांगित आसायचा, अशाप्रकारान भविष्य सांगून ता आपल्या धन्यांका मॉप मिळकत करून देयत आसायची.

![](https://cdn.door43.org/obs/jpg/360px/obs-en-47-04.jpg)

ते रस्त्यान चलत आसताना ता गुलाम पॉर वरडत ऱ्हवला, "हे माणूस परात्पर देवाचे दास आसत. ते तुमका तारणाचो मार्ग सांगतत!" तेना असा मॉप येळा केल्यान म्हणान पौलाक त्रास झालो.

![](https://cdn.door43.org/obs/jpg/360px/obs-en-47-05.jpg)

शेवटाक येके दिवशी, ता पॉर वरडाक लागला, पौलान तेच्याकडे वळान तेच्यात आसलल्या दुष्टआत्म्याक म्हटल्यान, "येशू ख्रिस्ताच्या नावान मीया तुका आज्ञा करतय की, तुया हेच्यातना निघान जा." नी लगेच तो दुष्टात्मो तेका सोडून निघान गेलो.

![](https://cdn.door43.org/obs/jpg/360px/obs-en-47-06.jpg)

ह्या बघून त्या पॉराच्या धन्यांका लय राग इलो! तेंच्या लक्षात इला की दुष्टात्म्याशिवाय ता पॉर लोकांचा भविष्य सांगू शकणार नाय. हेचो अर्थ तेना लॉकांका तेंचा भविष्य सांगायचा म्हणान लॉक आता तिच्या मालकांका पैशे देणार नाय व्हते.

![](https://cdn.door43.org/obs/jpg/360px/obs-en-47-07.jpg)

तेळाक ह्या पॉराच्या धन्यांनी पौल नी सीला हेंका रोमन अधिकाऱ्याकडे न्हील्यानी नी तेंनी तेंका मारहाण केल्यानी नी तुरुंगात टाकल्यानी.

![](https://cdn.door43.org/obs/jpg/360px/obs-en-47-08.jpg)

तेंनी पौल नी सीला हेंका तुरुंगाच्या येकदम भुतूरल्या जागेर ठेवल्यानी नी तेंचे पाय खोड्यांतूर अडकवल्यानी. तरीव मध्यरात्रीक ते देवाची स्तुति करीत व्हते नी गाणी गायत व्हते.

![](https://cdn.door43.org/obs/jpg/360px/obs-en-47-09.jpg)

अचानक, त्या जागेर येक मोठो भूकंप झालो! तेळाक तुरुंगाचे सगळे दरवाजे आपोआप उघाडले नी कैद्यांचे साखळदंडव तुटान पडले.

![](https://cdn.door43.org/obs/jpg/360px/obs-en-47-10.jpg)

तेळाक तुरुंगाचो अधिकारी जागो झालो, नी जेळाक तेना तुरुंगाचे दरवाजे उघडे बघितल्यान तेळाक तो लय घाबारलो! तेका वाटला की सगळे कैदी पळान गेले आसतले, म्हणान तो आत्महत्या करणार व्हतो. (तेका म्हायत व्हता जर कैदी पळान गेले तर रोमी अधिकारी तेका ठार मारतले.) पण पौलान तेका आरडान म्हटल्यान, "थांब! स्वतःक इजा करून घेव नको, कारण आम्ही सगळे हयच आसव."

![](https://cdn.door43.org/obs/jpg/360px/obs-en-47-11.jpg)

तुरुंगाचो अधिकारी पौल नी सीलाकडे जायत आसताना थरथर कापत व्हतो. तेना म्हटल्यान, "माझा तारण होवक मीया काय करू?" पौलान उत्तर दिल्यान, "प्रभू येशूर इश्वास ठेय म्हणजे तुझा नी तुझ्या घराण्याचा तारण व्हयत." तेळाक त्या अधिकाऱ्यान पौल नी सीला हेंका आपल्या घराक घेवन गेलो नी तेना तेंचे जखम धुतल्यान. पौलान तेच्या घरातल्या सगळ्या लॉकांका येशूची सुवार्ता सांगितल्यान.

![](https://cdn.door43.org/obs/jpg/360px/obs-en-47-12.jpg)

तुरुंगाधिकाऱ्यान नी तेच्या सगळ्या कुटुंबान येशूर इश्वास ठेवन बाप्तिस्मो घितल्यानी. तेळाक तुरुंगाधिकाऱ्यान पौल नी सीलाक जेवान दिल्यान नी तेंनी येकत्र मिळान आनंद केल्यानी.

![](https://cdn.door43.org/obs/jpg/360px/obs-en-47-13.jpg)

दुसऱ्या दिवसाक, शहराच्या अधिकाऱ्यांनी पौल नी सीला हेंची सुटका केल्यानी नी फिलिपै शहर सोडून जावक सांगितल्यानी. तेळाक पौल नी सीला हेंनी लुदिया नी इतर बंधूंका भेट दिल्यानी नी मगे तेनी ता शहर सोडल्यानी. येशूविषय सुवार्ता पसरत गेली नी मंडळीची वाढ व्हयत गेली.

![](https://cdn.door43.org/obs/jpg/360px/obs-en-47-14.jpg)

पौल नी इतर ख्रिस्ती पुढारी येशूची सुवार्ता सांगित नी शिक्षण देयत मॉप शहरातना प्रवास करीत गेले. तेंनी मॉपशी पत्राव लिवल्यानी नी मंडळीतल्या इश्वासणाऱ्यांका प्रोत्साहन नी शिक्षण दिल्यानी. तेंच्यापैकी काय पत्रा बायबलातली पुस्तका झाली.

*बायबलातली गोष्ट : प्रेषित 16:11-40*

## 48. येशू ह्यो अभिवचनानुसार दिललो मसीहा हा

https://openbiblestories.org/l/gom-x-malvani/story-48/

![](https://cdn.door43.org/obs/jpg/360px/obs-en-48-01.jpg)

देवान जेळाक सृष्टी बनवल्यान तेळाक सगळा काय परिपूर्ण व्हता. थय पाप नाय व्हता. आदाम नी हवा येकमेकार प्रेम करीत नी तेंचा देवार प्रेम व्हता. थय खयच्याच प्रकारचो आजार नाय व्हतो की मृत्यू नाय व्हतो. सृष्टी अशीच ऱ्हवाक व्हयी अशी देवाची इच्छा व्हती.

![](https://cdn.door43.org/obs/jpg/360px/obs-en-48-02.jpg)

हवेक फसवक सैतानान सापाकडना संभाषण केल्यान. तेळाक तिना नी आदामान देवाइरुद्ध पाप केल्यान. तेंनी केलल्या पापाचो परिणाम म्हणान पृथ्वीर प्रत्येकजाण आजारी पडता नी मरण पावता.

![](https://cdn.door43.org/obs/jpg/360px/obs-en-48-03.jpg)

आदाम नी हवेन पाप केल्यामुळाक आणखीन येक भयानक गोष्ट घडली. ते देवाचे वैरी झाले. म्हणान त्या येळापासना पृथ्वीर जन्म घेणारो प्रत्येक व्यक्ती पापाचो स्वभाव घेवन जन्माक येता नी तो देवाचो दुश्मनव बनता. पापामुळाक देव नी माणूस हेंच्यात आसणारो नातेसंबंध तुटलो. पण ह्यो नातेसंबंध परत जोडूक देवान येक योजना बनयल्यान.

![](https://cdn.door43.org/obs/jpg/360px/obs-en-48-04.jpg)

देवान अभिवचन दिल्यान की हवेची येक अवलाद सैतानाचा डोक्या फोडीत नी सैतान तेची टाच फोडीत. अर्थात सैतान मसीहाक ठार मारीत, पण देव तेका परत जिवंत करीत नी मगे मसीहा सैतानाच्या सत्तेचो पूरो नायनाट करीत. मॉप वर्सांनी येशू ह्योच मसीहा आसा ह्या प्रकट व्हयत.

![](https://cdn.door43.org/obs/jpg/360px/obs-en-48-05.jpg)

जेळाक देवान सगळी पृथ्वी पाणयाच्या व्होऊरान नष्ट केल्यान, तेळाक तेच्यार इश्वास ठेयणाऱ्यांका देवान येक तारू दिल्यान. त्याचप्रकारान, माणसांच्या पापांमुळाक प्रत्येक जाण मराक पात्र झालो, पण तेच्यार इश्वास ठेयणाऱ्यांका वाचवक (तारूक) देवान येशूक पाठयल्यान.

![](https://cdn.door43.org/obs/jpg/360px/obs-en-48-06.jpg)

शेकडो वर्सा, महायाजक माणसांका आपल्या पापांची शिक्षा मरण हा ह्या दाखवक नुसते पशुबली नी होमार्पण करीत. पण त्या अर्पणानी तेंच्या पापांची क्षमा होव शकली नाय. येशू ह्यो येक श्रेष्ठ महायाजक हा. बाकीच्या याजक जा करूक शकले नाय ता येशून केल्यान, सगळ्या लोकांसाठी स्वतःचाच अर्पण केल्यान, ह्यासाठी की जे तेच्यार इश्वास ठेयतीत तेंच्या पापांची क्षमा होवक व्हयी. येशू ह्यो येक परिपूर्ण महायाजक व्हतो, कारण तेना, प्रत्येकान केलल्या पापांची शिक्षा स्वतःर घितल्यान.

![](https://cdn.door43.org/obs/jpg/360px/obs-en-48-07.jpg)

देवान अब्राहामाक म्हटल्यान, "सगळ्या राष्ट्रातली कुळा तुझ्याकडनाच आशिर्वादित व्हतीत." येशू ख्रिस्त ह्यो अब्राहामाचो वंशज व्हतो.

![](https://cdn.door43.org/obs/jpg/360px/obs-en-48-08.jpg)

जगातली सगळी कुळा तेच्याकडना आशिर्वादित झाली, कारण जो कोण येशूर इश्वास ठेयता तेच्या पापांची क्षमा व्हता नी तो अब्राहामाचो आत्मिक वंशज व्हता. जेळाक देवान अब्राहामाक इसहाकाचा अर्पण करूक सांगितल्यान, तेळाक देवान इसहाकाच्या बदल्यात, अर्पणाक कोकरो पुरवल्यान व्हतो. आम्ही आमच्या पापांमुळाक मरणदंडाक पात्र आसव! पण देवान येशूक देवाचो कोकरो, अर्पण म्हणान आमच्या जागेर मराक पाठयल्यान.

![](https://cdn.door43.org/obs/jpg/360px/obs-en-48-09.jpg)

जेळाक देवान मिसर देशात शेवटची पीडा पाठयल्यान, तेळाक तेना प्रत्येक इस्राएलाच्या कुटुंबाक येक निर्दोष कोकऱ्याचो वध करून तेचा रकात तेंच्या घरांच्या चौकटीक लावक सांगितल्यान व्हता. जेळाक देवान ता रकात बघल्यान, तेळाक तेंचा घर वलांडान तो गेलो नी तेंच्या पयल्या जनमलल्या झिलांका तेना मारल्यान नाय. ह्या घटनेक वल्हांडण म्हणतत.

![](https://cdn.door43.org/obs/jpg/360px/obs-en-48-10.jpg)

येशू ख्रिस्त ह्योच आमच्या वल्हांडणाचो कोकरो हा. तो परिपूर्ण नी निर्दोष व्हतो नी वल्हांडणाच्या सणाच्या येळेक वधलो गेलो व्हतो. जेळाक कोण येशूर इश्वास ठेयता, तेळाक येशूच्या रक्तान तेच्या पापांची खंडणी भरून देण्यात येता, नी देवाची शिक्षा त्या व्यक्तीक वलांडान जाता.

![](https://cdn.door43.org/obs/jpg/360px/obs-en-48-11.jpg)

देवान इस्राएली लोकांबरोबर येक करार केल्यान व्हतो, ते तेचे निवडलेले लॉक व्हते. पण तेना आता सगळ्यांसाठी आसनारो येक नवो करार केल्यान. ह्या नव्या करारामुळाक, कोणत्याव लोकसमुदायातली कोणव येशूवरल्या इश्वासान देवाची पॉरा होव शकतत.

![](https://cdn.door43.org/obs/jpg/360px/obs-en-48-12.jpg)

देवाच्या वचनाचो प्रचार करणारो मोशे ह्यो येक महान संदेष्टो व्हतो. पण येशू त्या सगळ्यांहून अधिक महान संदेष्टो हा. तो देव हा, म्हणान तेना जा काय केल्यान नी बोलल्यान ती देवाची कामा नी देवाची वचना व्हतो. म्हणानच येशूक देवाचो शब्द असा म्हणतत.

![](https://cdn.door43.org/obs/jpg/360px/obs-en-48-13.jpg)

देवान दाविद राजाक अभिवचन दिल्यान व्हता की तेच्या वंशजातनाच येकजाण देवाच्या लॉकार सर्वकाळ राज्य करीत. येशू ह्यो देवाचो झिल नी मसीहा आसल्यामुळाक देवाच्या लॉकार सर्वकाळ राज्य करणारो तो दाविदाचो येक इशेष वंशज हा.

![](https://cdn.door43.org/obs/jpg/360px/obs-en-48-14.jpg)

दाविद ह्यो इस्राएलाचो राजा व्हतो, पण येशू ह्यो सगळ्या इश्वाचो राजा हा! तो परत येणार हा नी आपल्या राज्यात न्यायान नी शांतीन सर्वकाळ राज्य करणार हा.

*बायबलातली गोष्ट : उत्पत्ति 1-3, 6, 14, 22; निर्गम 12:20; 2 शमूवेल 7; इब्री 3:1-6; 4:14-5:10; 7:1-8:13, 9:11-10:18; प्रकटीकरण 21*

## 49. देवाचो नवो करार

https://openbiblestories.org/l/gom-x-malvani/story-49/

![](https://cdn.door43.org/obs/jpg/360px/obs-en-49-01.jpg)

देवाच्या यका दूतान मरियेक सांगितल्यान की ता देवाच्या झिलाक जन्म देयत. म्हणान ता कुमारी आसतानाच तेना यका झिलाक जन्म दिल्यान नी तेचा नाव येशू ठेवल्यान. म्हणान येशू ह्यो देव नी माणूस दोनव हा.

![](https://cdn.door43.org/obs/jpg/360px/obs-en-49-02.jpg)

येशून मॉप चमत्कार करून आपण देव आसव हेची खात्री पटवन दिल्यान. तो पाणयार चललो, वादळाक शांत केल्यान, भरपूर आजाऱ्यांका बरे केल्यान, दुष्टात्म्यांका भायर काढल्यान, मेलल्यांका जिवंत केल्यान नी पाच भाकरी नी दोन माश्यांनी ५०००पेक्षा जास्त लॉकांका पॉटभर जेवक घातल्यान.

![](https://cdn.door43.org/obs/jpg/360px/obs-en-49-03.jpg)

येशू ह्यो येक महान शिक्षकव व्हतो नी देवाचो झिल आसल्यामुळाक अधिकारवाणीन बोलत व्हतो. तेना शिकयल्यान की आपण जशी आपल्यार प्रीति करतव तशी आपण दुसऱ्यांवरव प्रीति करूक व्हयी.

![](https://cdn.door43.org/obs/jpg/360px/obs-en-49-04.jpg)

तेना असाव शिकयल्यान की आपण आपल्या बाकीच्या सगळ्या वस्तूंपेक्षा, संपत्तीपेक्षा देवार अधिक प्रीति करूक व्हयी.

![](https://cdn.door43.org/obs/jpg/360px/obs-en-49-05.jpg)

येशून म्हटल्यान, की जगात जा सगळा काय हा तेच्यापेक्षा देवाचा राज्य ह्या अधिक मौल्यवान हा. कोणत्याव माणसाक तो देवाच्या राज्याचो घटक आसणा ह्या सगळ्यात महत्त्वाचा हा. देवाच्या राज्यात प्रवेश करूक तुमका तुमच्या पापांपासना तारले जावची गरज हा.

![](https://cdn.door43.org/obs/jpg/360px/obs-en-49-06.jpg)

येशून शिकयल्यान की काय लॉक तेचो स्वीकार करतीत नी तारण पावतीत, पण कायजाण तेका नाकारतीत. तेना म्हटल्यान की काय लॉक सुपीक जमनीप्रमान आसत. ते येशूची सुवार्ता स्वीकारून तारण पावतीत. बाकीचे लॉक वाटेरल्या कठीण जमनीसारखे आसत. ज्या जागेर देवाचा वचन खोलार न गेल्यामुळाक ता निष्फळ ठरता. ते लॉक येशूचो संदेश नाकारतत नी म्हणान स्वर्गाच्या राज्यात प्रवेश करूचे नाय.

![](https://cdn.door43.org/obs/jpg/360px/obs-en-49-07.jpg)

येशून शिकयल्यान की देव पाप्यार प्रेम करता. तो तेंका क्षमा करूक इच्छिता नी तेंका आपली पोरा बनवक बघता.

![](https://cdn.door43.org/obs/jpg/360px/obs-en-49-08.jpg)

देवाक पापाचो इट हा, असाव येशून सांगल्यान. जेळाक आदाम नी हवा हेंनी पाप केल्यानी, तेळाक ता सगळ्या मानवजातीत पसारला. तेचो परिणाम म्हणान आज प्रत्येक व्यक्ती पाप करता नी देवापासना लांब व्हता. म्हणान प्रत्येक माणूस ह्यो देवाचो वैरी झालो हा.

![](https://cdn.door43.org/obs/jpg/360px/obs-en-49-09.jpg)

पण देवान जगातल्या प्रत्येक माणसार येवढी प्रीति केल्यान की, तेना आपलो यकुलतो येक झिल दिल्यान, अशासाठी की जो कोण तेच्यार इश्वास ठेयत, येशू तेका तेच्या पापांची शिक्षा देवचो नाय, पण देवाबरोबर कायमचोच ऱ्हवात.

![](https://cdn.door43.org/obs/jpg/360px/obs-en-49-10.jpg)

तुमच्या पापांमुळाक तुम्ही दोषी आसास नी मरणदंडाक पात्र आसास. देवाचो क्रोध तुमच्यार येवक व्हयो व्हतो, पण तेना तुमच्या जागेर आपलो क्रोध येशूर वतल्यान. जेळाक येशू वधस्तंभार मेलो, तेळाक तेना तुमची शिक्षा स्वतःर घितल्यान.

![](https://cdn.door43.org/obs/jpg/360px/obs-en-49-11.jpg)

येशून कधीच पाप केल्यान नाय, पण तेना तुमच्या नी जगातल्या प्रत्येक माणसाच्या पापांची शिक्षा स्वतःर घेवचा निवडल्यान नी आपल्या मरणान परिपूर्ण प्रायश्चित्त भरल्यान. येशून दिलल्या बलिदानामुळाक, देव आपणाक आपल्या सगळ्या पापांची क्षमा करूक शकता.

![](https://cdn.door43.org/obs/jpg/360px/obs-en-49-12.jpg)

चांगल्या कामांनी आपला तारण होव शकना नाय. देवाबरोबर समेट घडवन आणूक आपण कायच करूक शकनव नाय. फक्त येशूच तुमची पापा मिटव शकता. तुम्ही असो इश्वास धरूक व्हयो की येशू ह्यो देवाचो झिल हा, तो माझ्यासाठी वधस्तंभार मेलो, नी देवान तेका परत जिवंत केल्यान हा.

![](https://cdn.door43.org/obs/jpg/360px/obs-en-49-13.jpg)

जो येशूर आपलो वैयक्तिक तारणारो म्हणान इश्वास ठेवता, नी तेका आपलो प्रभू म्हणान स्वीकारता, देव तेचा तारण करीत. पण तो इश्वास न देवणाऱ्याचा तारण करुचो नाय. तुम्ही गरीब नायतर श्रीमंत, बाय नायतर बापयो, तरणो नायतर म्हातारो आसा नायतर तुम्ही खय ऱ्हवतास ह्या महत्वाचा नाया. देव आपणार प्रीति करता नी आपण येशूर इश्वास ठेवायचो अशी तेची इच्छा हा, अशासाठी की तेना आमच्याबरोबर जवळचा नाता जोडूक व्हया.

![](https://cdn.door43.org/obs/jpg/360px/obs-en-49-14.jpg)

येशू आमका आमंत्रण देता हा हेच्यासाठी की तुम्ही इश्वास ठेवा नी बाप्तिस्मो घेवा. येशू ह्यो मसीहा, देवाचो यकुलतो येक झिल हा असो तुम्ही इश्वास ठेयतास काय? आपण पापी आसव नी देवाकडना व्हणाऱ्या दंडाक पात्र आसव हेचो तुम्ही स्विकार करतास काय? येशू आमच्या पापांमुळाक वधस्तंभार मेलो हेच्यार तुम्ही इश्वास ठेयतास काय?

![](https://cdn.door43.org/obs/jpg/360px/obs-en-49-15.jpg)

जर आम्ही येशूर इश्वास ठेवतव नी तेना आमच्यासाठी जा काय केल्यान तेच्यार इश्वास ठेवतव तर आम्ही ख्रिस्ती आसव! देवान आमका सैतानाच्या अंधःकारमय राज्यातना काढून आपल्या प्रकाशाच्या राज्यात आणल्यान हा. देवान आपलो जुनो पापी स्वभाव काढून आमका नइन स्वभाव दिल्यान हा, जेच्यामुळाक आम्ही न्यायापणाची कामा करूक शकताव.

![](https://cdn.door43.org/obs/jpg/360px/obs-en-49-16.jpg)

जर आपण ख्रिस्ती आसव, तर येशून केलल्या कामामुळाक देवान आमका क्षमा केल्यान हा. आता शत्रूक सोडून देव आमका तेचो जवळचो मित्र असो समाजता.

![](https://cdn.door43.org/obs/jpg/360px/obs-en-49-17.jpg)

जर आम्ही देवाचे मित्र नी प्रभू येशूचे सेवक आसव, तर तुमका येशू जा काय शिकयत तेचा पालन करूची इच्छा व्हयत. जर आम्ही ख्रिस्ती आसव, तर आपल्याक पाप करुचो मोह व्हयत, पण देव इश्वासू हा नी म्हणता की जर आम्ही आमच्या पापांचो स्वीकार केलव, तर तो आमका क्षमा करीत. पापाइरूद्ध लढाक तो आमका शक्ती देयत.

![](https://cdn.door43.org/obs/jpg/360px/obs-en-49-18.jpg)

देव आमका प्रार्थना करूक, तेच्या वचनांचो अभ्यास करूक, इतर ख्रिस्ती लोकांबरोबर तेची आराधना करूक नी तेना तुमच्यासाठी काय केल्यान हा ह्या बाकीच्यांका सांगुक सांगता. हे सगळे गोष्टी आमका देवाबरोबर खोलार नातेसंबंध ठेवक मदत करतत.

*बायबलातली गोष्ट : रोम 3:21-26; 5:1-11; योहान 3:16; मार्क 16:16; कलसै 1:13-14; 2 करिंथ 5:17-21; योहान 1:5-10*

## 50. येशूचा पुनरागमन (येशूचा परत येणा)

https://openbiblestories.org/l/gom-x-malvani/story-50/

![](https://cdn.door43.org/obs/jpg/360px/obs-en-50-01.jpg)

सुमारे २००० वर्सांपासना सगळ्या जगात मॉप नी मॉप लॉक येशू ख्रिस्ताची सुवार्ता आयकतत. मंडळीची वाढ व्हता हा. येशून अभिवचन दिल्यान की तो युगाच्या शेवटाक परत पृथ्वीर येणार हा. जरी आजूनव तो इलो नाय, तरी तो आपला वचन पाळीतच.

![](https://cdn.door43.org/obs/jpg/360px/obs-en-50-02.jpg)

आपण येशू येवची वाट बघित आसताना देवाची अशी इच्छा हा की आपण पवित्र नी तेचो आदर करणारा जीवन जगायचा. आपण तेच्या राज्याविषय बाकीच्यांका सांगायचा अशीव तेची इच्छा हा. येशून ह्या पृथ्वीर आसताना म्हटल्यान, "माझे शिष्य देवाच्या राज्याची सुवार्ता सगळ्या जगात गाजवतीत, तेळाक शेवट व्हयत."

![](https://cdn.door43.org/obs/jpg/360px/obs-en-50-03.jpg)

कारण मॉप लॉकांनी अजून येशूविषय आयकाक नाया. स्वर्गात जावच्या आधी येशून ख्रिस्ती लॉकांका सांगितल्यान की, ज्या लॉकांनी कधीच सुवार्ता आयकाक नाय तेंका जावन सांगा. तेना म्हटल्यान, "जावा नी सगळ्या राष्ट्रातल्या लॉकांका शिष्य करा!" नी "शेता कापूक तयार आसत!"

![](https://cdn.door43.org/obs/jpg/360px/obs-en-50-04.jpg)

येशून ह्याव सांगल्यान, "सेवक आपल्या धन्यापेक्षा मोठो नसता. जशे ह्या जगातल्या अधिकाऱ्यांनी माझो द्वेष केल्यानी तसोच ते तुमचोव छळ करतीत नी माझ्या नावासाठी तुमचो वध करतीत. जरी तुमका ह्या जगात त्रास नी संकटा आसत तरी धीर धरा, कारण मीया सैतानार, जो ह्या जगार अधिकार करता तेका हरवलय. जर तुम्ही शेवटापर्यात इश्वासू ऱ्हवलास, तर देव तुमचा तारण करीत!"

![](https://cdn.door43.org/obs/jpg/360px/obs-en-50-05.jpg)

ह्या युगाच्या शेवटाक जगातल्या लॉकांचा काय व्हयत ह्या स्पष्ट करूक येशून शिष्यांका येक गोष्ट सांगितल्यान. तेना म्हटल्यान, "येका माणसान आपल्या शेतात उत्तम बी पेरल्यान. मगे तो झोपेत आसताना, तेच्या शत्रून येवन तेच्यात निदण पेरल्यान नी तो निघान गेलो.

![](https://cdn.door43.org/obs/jpg/360px/obs-en-50-06.jpg)

जेळाक त्या बियांका कोंब फुटाक लागले, त्या धन्याच्या सेवकान म्हटल्यान, "महाराज, आपण शेतात उत्तम बीज पेरलला व्हता. पण आता तेच्यात निदण खयना इला?" धन्यान उत्तर दिल्यान, "शत्रून ता पेरल्यान आसतला."

![](https://cdn.door43.org/obs/jpg/360px/obs-en-50-07.jpg)

सेवकान आपल्या धन्याक म्हटल्यान, "आम्ही निदण उपटून टाकूचव काय?" धन्यान म्हटल्यान, "नको. जर तुम्ही असा केलास तर कदाचित तुम्ही तेच्याबरोबर घवव उपटून टाकशात. हंगामापर्यात वाट बघा नी मगे निदण जाळून टाकूक पेंढये बांधून ठेया; पण घव माझ्या कोठारात साठवण ठेया."

![](https://cdn.door43.org/obs/jpg/360px/obs-en-50-08.jpg)

शिष्यांका ही गोष्ट समजाक नाय, म्हणान तेंनी येशूक समजावन सांगूक इनंती केल्यानी. येशून म्हटल्यान, "जेना उत्तम बी पेरल्यान, तो मसीहा हा. शेत ह्या जग हा. उत्तम बी म्हणजे देवाच्या राज्यातले लॉक."

![](https://cdn.door43.org/obs/jpg/360px/obs-en-50-09.jpg)

"निदण म्हणजे सैतानाचे लॉक. ज्या शत्रून निदण पेरल्यान, तो शत्रू म्हणजे सैतान. कापणी म्हणजे जगाचो शेवट नी कापणी करणारे म्हणजे देवाचे दूत."

![](https://cdn.door43.org/obs/jpg/360px/obs-en-50-10.jpg)

"जेळाक जगाचो शेवट व्हयत, तेळाक देवदूत सैतानाच्या सगळ्या लॉकांका न भडाकणाऱ्या आगीत टाकून देयत, थय रडणा नी दात खाणा चलात. तेळाक आपल्या पित्याच्या राज्यात नीतिमान सुर्याप्रमाण प्रकाशतीत."

![](https://cdn.door43.org/obs/jpg/360px/obs-en-50-11.jpg)

येशून ह्याव सांगितल्यान की, जगाच्या शेवटाच्या आधी तो ह्या पृथ्वीर परत येयत. जसो तो स्वर्गात घितलो गेलो, तसोच तो येयत, म्हणजेच तेका याक शरीर आसात नी आकाशातल्या ढगार बसान येयत. जेळाक येशू परत येयत, प्रत्येक ख्रिस्ती जो मेललो हा तो मरणातना उठात नी अंतराळात येशूक भेटात.

![](https://cdn.door43.org/obs/jpg/360px/obs-en-50-12.jpg)

तेळाक जिवंत आसलले ख्रिस्ती मेलल्यांतूरना उठलल्या ख्रिस्ती बांधवांका भेटाक सामोरे जातीत. थय ते सगळे येशूबरोबर ऱ्हवतीत. तेच्यानंतर, येशू आपल्या लॉकांबरोबर परिपूर्ण शांतीत नी येकतेत कायम ऱ्हवात.

![](https://cdn.door43.org/obs/jpg/360px/obs-en-50-13.jpg)

येशून आपणार इश्वास ठेयणाऱ्या प्रत्येकाक येक मुकुट देवचा वचन दिल्यान हा. ते त्या जागेर ऱ्हवतीत नी देवाबरोबर पूर्ण शांतीत कायमचो राज्य करतीत.

![](https://cdn.door43.org/obs/jpg/360px/obs-en-50-14.jpg)

पण येशूर इश्वास न ठेयणाऱ्या प्रत्येकाचो देव न्याय करीत. तो तेंका नरकात टाकीत, ज्या जागेर सर्वकाळचा रडना नी किडे तेंका सर्वकाळ खायत ऱ्हवतीत.

![](https://cdn.door43.org/obs/jpg/360px/obs-en-50-15.jpg)

जेळाक येशू परत येयत, तो सैतान नी तेच्या राज्याचो नाश करीत. तो सैतानाक नरकात टाकीत, ज्या जागेर तो सर्वकाळ जळत ऱ्हवात, तेच्याबरोबर जेंनी तेच्या पाठी जावचा निवडल्यानी नी देवाची आज्ञा मानुक नाय तेव आसतीत.

![](https://cdn.door43.org/obs/jpg/360px/obs-en-50-16.jpg)

आदाम नी हवेन देवाच्या आज्ञेचा उल्लंघन केल्यामुळाक पाप ह्या जगात इला नी देवान तेंचो नाश करुचो निर्णय घितल्यान. पण येक दिवस देव परिपूर्ण असा नया आकाश नी नयी पृथ्वी बनवणार हा.

![](https://cdn.door43.org/obs/jpg/360px/obs-en-50-17.jpg)

येशू नी तेचे लॉक नइन पृथ्वीर ऱ्हवतीत, नी तो अस्तित्वात आसणाऱ्या सगळ्या गोष्टीर सर्वकाळ राज्य करीत. तो तेंचे अश्रू पुसून टाकीत नी त्या जागेर कसलोच त्रास, शोक, रडना, दुष्टाय, दुःख किंवा मृत्यू नसात. येशू आपल्या राज्यात शांतिन नी न्यायान राज्य करीत नी तो आपल्या लॉकांबरोबर सर्वकाळ ऱ्हवात.

*बायबलातली गोष्ट : मत्तय 24:14; 28:18; योहान 15:20, 16:33; प्रकटीकरण 2:10; मत्तय 13:24-30, 36-42; 1 थेस्सल 4:13-5:11; याकोब 1:12; मत्तय 22:13; प्रकटीकरण 20:10, 21:1-22:21*