# unfoldingWord Open Bible Stories — Hinduri - Language code: `hii` - Canonical page: https://openbiblestories.org/l/hii/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Hinduri translation; it is not a translation of the whole Bible. ## 1. परमात्मा ने संसार ओर संसारा बिचे हर चीज बणाई https://openbiblestories.org/l/hii/story-1/ ![](https://cdn.door43.org/obs/jpg/360px/obs-en-01-01.jpg) शुरू बिचे परमात्मा ने संसारा री हर चीज एस तरह बणाई। तिने छे दिना बिचे संसार ओर जो कुछ तिजी बिचे हाए से सब कुछ बणाया। जेबे परमात्मा ने तरती बणाई, तो तेस समय पूरी तरती पादें नेरा था ओर से पूरी खाली थी, क्योंकि एबु तक परमात्मा ने तिजी बिचे कोई चीज नी बणाई राखी थी। पर परमात्मा री आत्मा पाणी पादें मंडराया करो थी। ![](https://cdn.door43.org/obs/jpg/360px/obs-en-01-02.jpg) परमात्मा ने संसार बणाणे रे पैले दिन बोल्या, “रोशनी बणी जा!” ओर एकदम रोशनी बणिगी, परमात्मा ने देख्या कि रोशनी अच्छी ए ओर तिजिखे “दिन’’ बोल्या। फेर तेथे बाद तिने रोशनी नेरे ते अलग किती ओर नेरे खे “रात” बोल्या। परमात्मा ने संसार बणाणे रे पैले दिन रोशनी बणाई। ![](https://cdn.door43.org/obs/jpg/360px/obs-en-01-03.jpg) फेर दूजे दिना परमात्मा ने बोल्या, “पाणी पादें एक अन्तर हुई जा।” ओर देखो पाणी पादें एक अन्तर हुइगा। परमात्मा ने एस अन्तरा खे “आसमाण’’ बोल्या। ![](https://cdn.door43.org/obs/jpg/360px/obs-en-01-04.jpg) फेर तीजे दिना परमात्मा ने बोल्या, “पाणी एक जैगा बिचे कट्ठा हुइजा ओर सुक्की जमीन दिखणे लगी जा’’ परमात्मा ने सुक्की जमीना खे “तरती’’ बोल्या ओर पाणी खे “समुद्र’’ बोल्या। परमात्मा ने देख्या कि जो कुछ बणाया से अच्छा ए। ![](https://cdn.door43.org/obs/jpg/360px/obs-en-01-05.jpg) फेर परमात्मा ने बोल्या, “तरती पादें हर तरह रे डाल-भूट उगी जाओ।” ओर एड़ाई हुआ। परमात्मा ने देख्या कि जो कुछ बणाया से अच्छा ए। ![](https://cdn.door43.org/obs/jpg/360px/obs-en-01-06.jpg) फेर चौथे दिना परमात्मा ने बोल्या, “आसमाणा बिचे अलग-अलग रोशनिया बणी जाओ।” ओर तियांई आसमाणा बिचे सूरज, चंन्द्रमा, ओर तारे बणिगे। परमात्मा ने ये रोशनिया तरती पादें रोशनी देणे खातर, दिन-रात के मौसमा रा ओर साला रा फर्क करने खातर बणाइया। ![](https://cdn.door43.org/obs/jpg/360px/obs-en-01-07.jpg) फेर पाँजवे दिना परमात्मा ने बोल्या, “पाणी बिचे तैरने वाले सारे जीव-जन्तु ओर आसमाणा बिचे उड़ने वाले सारे पंछी बणी जाओ। “एस तरह परमात्मा ने पाणी पादें तैरने वाले जीव-जन्तु ओर आसमाणा बिचे उड़ने वाले पंछी बणाए।” परमात्मा ने देख्या कि ये अच्छा ए ओर तिनाखे आशीष दिती। ![](https://cdn.door43.org/obs/jpg/360px/obs-en-01-08.jpg) फेर छटवें दिना परमात्मा ने बोल्या, “जमीना पादें रौणे वाले हर तरह रे जानवर बणी जाओ।” ओर जेड़ा परमात्मा ने बोल्या तेड़ाई हुइगा। तिना जानवरा बिचे कुछ जानवर पालतू थे, कुछ जमीना पादें रेंगणे वाले थे, ओर कुछ जानवर जंगली थे। परमात्मा ने देख्या कि जो कुछ बणाया से अच्छा ए। ![](https://cdn.door43.org/obs/jpg/360px/obs-en-01-09.jpg) फेर परमात्मा ने बोल्या, “आओ आसे आदमी खे आपणे रूपा बिचे बणाउंए। ओर तिने तरती रे हर जानवरा पादें अधिकार राखणा।” ![](https://cdn.door43.org/obs/jpg/360px/obs-en-01-10.jpg) तेथे बाद परमात्मा ने माटी लेइके आदमी बणाया ओर तेस बिचे जीवना रा श्वास डालया, ओर से एक जिउंदा आदमी बणिगा। परमात्मा ने तेसरा नाओं आदम राख्या। परमात्मा ने तेसके रौणे खातर एक बड़ा बगिचा बणाया ओर तेसके तेस बगिचे री देखभाल करने खातर बोल्या। ![](https://cdn.door43.org/obs/jpg/360px/obs-en-01-11.jpg) तेस बगिचे रे बीचो-बीच परमात्मा ने ख़ास डालिया लगाइया, एक जीवना री डाली, ओर एक अच्छे-बुरे रे ज्ञान वाली डाली। परमात्मा ने आदमी खे बोल्या कि तूं बगिचे री सब डालिया रा फल खाई सकोआ, पर अच्छे-बुरे रे ज्ञान वाली जो डाली ए, तिजिरा फल तूं कदी बी नी खाया। क्योंकि जेस दिना तैं तिजिरा फल खाणा तेसी दिना तूं मरी जाणा। ![](https://cdn.door43.org/obs/jpg/360px/obs-en-01-12.jpg) फेर परमात्मा ने बोल्या, “आदमी खातर कल्ले रौणा ठीक निए।” पर कोई बी जानवर आदमी रा जोड़िदार नी बणी सक्या। ![](https://cdn.door43.org/obs/jpg/360px/obs-en-01-13.jpg) इजिखातर परमात्मा ने आदमी गैहरी नींद सुलाइता। फेर परमात्मा ने आदमी री एक पसली काडिके तेथे ज्वाणस बणाई ओर तेसाखे आदमी गे लेइके आया। ![](https://cdn.door43.org/obs/jpg/360px/obs-en-01-14.jpg) जेबे आदमी ने से ज्वाणस देखी तो तिने बोल्या, “वाह! ये तो मेरे जेड़ी ए! एसाखे ज्वाणस बोल्या जाणा, क्योंकि ये आदमी बिचे ते बणाई राखी।” एस कारण मर्द आपणे आम्मा-पापा खे छाडिके आपणी करवालिया साथे एक हुई जाओआ। ![](https://cdn.door43.org/obs/jpg/360px/obs-en-01-15.jpg) परमात्मा ने मर्द ओर ज्वाणस आपणे रूपा बिचे बणाए। परमात्मा ने तिनाखे आशीष दिती ओर तिनाखे बोल्या, “बहुत सारे बाल-बच्चे पैदा करो ओर सारी तरती पादें फैली जाओ!” तेथे बाद परमात्मा ने देख्या कि जो कुछ बी बणाया से बहुत अच्छा ए, ओर से तिना सब चीजा ते खुश था। सब कुछ बणाणे ते बाद ये छटवां दिन हुआ। ![](https://cdn.door43.org/obs/jpg/360px/obs-en-01-16.jpg) सातवें दिना परमात्मा ने से सारे काम पूरे किते जो से करने लगिरा था। ओर सातवें दिना खे आशीष दिती ओर से पवित्र ठैराया, क्योंकि तेस दिना परमात्मा ने संसारा बिचे हर चीज बणाइके आपणा काम पूरा किता। एस तरह परमात्मा ने संसारा बिचे हर चीज बणाई। *उत्पति अध्याय 1-2 बिचे ते बाईबला री एक कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_01_128kbps.m4a ## 2. पापा रा संसारा बिचे आउणा https://openbiblestories.org/l/hii/story-2/ ![](https://cdn.door43.org/obs/jpg/360px/obs-en-02-01.jpg) परमात्मा ने मर्द ओर ज्वाणस एक-दूजे साथे रौणे खातर बणाए, स्यो तेस सुंदर बगिचे बिचे खुशी-खुशी रओ थे। परमात्मा ने ये बगिचा तिना खातर बणाया था। तेस समय कोई टाले नी होया करो थे ओर स्यो नांगे रओ थे, पर फेर बी तिनाखे एस गल्ला री कोई शर्मिन्दगी मैहसुस नी हो थी, क्योंकि तेस समय संसारा बिचे पाप नी था। स्यो तेस बगिचे बिचे कुमया-फिरया करो थे ओर परमात्मा साथे गल्ला करया करो थे। ![](https://cdn.door43.org/obs/jpg/360px/obs-en-02-02.jpg) पर तेस बगिचे बिचे एक साँप था। से साँप बहुत चलाक था। तिने ज्वाणसा ते पुछया, “क्या परमात्मा ने तुसाखे सच्चेई बोली राख्या कि एस बगिचे बिचे केस बी डालिया रा फल नी खाणा?” ![](https://cdn.door43.org/obs/jpg/360px/obs-en-02-03.jpg) तेस ज्वाणसा ने जवाब दिता, “परमात्मा ने आसाखे बोली राख्या कि तुसे अच्छे-बुरे रे ज्ञान वाली डालिया खे छाडिके केस बी डालिया रा फल खाई सको। परमात्मा ने आसाखे बोली राख्या कि अगर तुसे अच्छे-बुरे रे ज्ञान वाली डालिया फल खाया या छूंया बी, तो तुसे जरुर मरी जाणे।” ![](https://cdn.door43.org/obs/jpg/360px/obs-en-02-04.jpg) तेस साँपा ने ज्वाणसा खे जवाब दिता, “ये सच्च निए! तुसे नी मरने। परमात्मा खे पता ए कि जियांई तुसे से फल खाणा, तुसे परमात्मा री तरह बणी जाणे ओर तेसरी तरह अच्छे-बुरे खे समझणे लगी जाणे।” ![](https://cdn.door43.org/obs/jpg/360px/obs-en-02-05.jpg) जेबे तेस ज्वाणसा ने देख्या कि तेस डालिया रा फल खाणे खे बहुत स्वादिष्ट ओर देखणे खे बहुत सुन्दर दिखोए। से बी बुद्धिमान बणना चाओ थी, तेसाने से फल तोड़िके खाइला। फेर तेसाने से फल आपणे करवाले खे बी दिता, जो तेसारे साथे था ओर तिने बी खाइला। ![](https://cdn.door43.org/obs/jpg/360px/obs-en-02-06.jpg) फेर क्या हुआ कि तेस डालिया रा फल खाणे ते बाद एकदम तिनारिया आखिया खुलिगिया, ओर तिनाखे एहसास हुआ कि आसे नांगे थे। तेथे बाद तिनाने पत्ते जोड़ी-जोड़िके तिजिरे टाले बणाए ओर तिजी साथे आपणा शरीर ढकणे री कोशिश किती। ![](https://cdn.door43.org/obs/jpg/360px/obs-en-02-07.jpg) तेबे आदम ओर तेसरी करवाली ने तेस बगिचे बिचे कुमदे-फिरदे हुए परमात्मा री आवाज सुणी। ओर स्यो दोनो परमात्मा ते छुपिगे। तेबे परमात्मा ने आदमा खे आवाज लगाई, “आदम! तूं केइए?” आदमा ने जवाब दिता, मै बगिचे बिचे कुमदे-फिरदे हुए तेरी आवाज सुणी, ओर हाउं डरिगा, क्योंकि हाउं नांगा था। इजिखातर हाउं छुपिगा।” ![](https://cdn.door43.org/obs/jpg/360px/obs-en-02-08.jpg) फेर परमात्मा ने आदमी ते पुछया, “ताखे किने बताया कि तूं नांगा ए? क्या तैं से फल खाया जेस फल खाणे खे मै ताखे मना किता था?” आदमी ने जवाब दिता, “तैं जो माखे ये ज्वाणस देई राखी एस ज्वाणसा ने माखे से फल दिता।” तेबे परमात्मा ने ज्वाणसा ते पुछया, “तैं ये क्या किता?” ज्वाणसा ने बोल्या, “हाउं साँपा ने बैहकाई।” ![](https://cdn.door43.org/obs/jpg/360px/obs-en-02-09.jpg) परमात्मा ने साँपा खे बोल्या, “ताखे श्राप ए! तूं आपणे पेटा रे बल चलया करना ओर तैं माटी चाटया करनी। तूं ओर ये ज्वाणस तुसे एक दूजे ते नफरत करनी, तेरी औलादा ने ओर एस ज्वाणसा री औलादा ने बी एक दूजे ते नफरत करनी, एस ज्वाणसा री औलादा ने तेरा सिर कुचलना, ओर तैं तेसरी एड़ी डंसणी।” ![](https://cdn.door43.org/obs/jpg/360px/obs-en-02-10.jpg) तेबे परमात्मा ने ज्वाणसा खे बोल्या, “तेरा आपणे बच्चे खे जन्म देणा बहुत पीडदायक हुणा। तैं आपणे करवाले री लालसा करनी, ओर तिने तेरे पादें पूरा अधिकार राखणा।” ![](https://cdn.door43.org/obs/jpg/360px/obs-en-02-11.jpg) फेर परमात्मा ने आदमा खे बोल्या, “तैं आपणी करवाली री गल्ल सुणी ओर मेरा आदेश नी मान्या। इजिखातर जमीन श्रापित हुइगी, ताखे खाणे खे अनाज उगाणे खातर बहुत जादा मेहणत करने री जरूरत हुणी। एबे तूं मरी जाणा, ओर तेरा शरीर माटिया बिचे मिली जाणा।” तेस आदमी ने आपणी करवालिया रा नाओं हव्वा राख्या, जिजिरा मतलब ए “जीवन देणे वाली” क्योंकि से सब बरादरिया री आम्मा हुणी। ओर परमात्मा ने आदमा खे ओर हवा खे जानवरा री खाला ते बणेदे टाले पैनाए। ![](https://cdn.door43.org/obs/jpg/360px/obs-en-02-12.jpg) फेर परमात्मा ने बोल्या, “एबे अच्छे-बुरे रा ज्ञान जाणने खातर आदमी आसारी तरह हुइगादा। इजिखातर एबे तिनाखे तेस जीवन वाली डालिया रा फल नी खाणे देणा चइयो। केथी एड़ा ना हो कि स्यो तेस डालिया रा फल खाओ ओर हमेशा खातर जिउंदे रओ।” इजिखातर परमात्मा ने तेस बगिचे रे दरवाजे पादें शक्तिशाली स्वर्गदूता रा पैहरा लगाइता ताकि कोई बी तेस जीवन वाली डालिया रा फल ना खाई सको। *उत्पति अध्याय 3 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_02_128kbps.m4a ## 3. बाढ़ा री कहाणी https://openbiblestories.org/l/hii/story-3/ ![](https://cdn.door43.org/obs/jpg/360px/obs-en-03-01.jpg) बहुत समय बाद, संसारा बिचे बहुत सारे लोक रया करो थे। स्यो बहुत जादा दुष्ट बणिगे थे। तेस समय रे लोक इतने बुरे काम करने लगिगे थे कि स्यो केसरा बी डर नी मानो थे। इना लोका रे बुरे काम देखिके परमात्मा ने एक फैंसला किता कि मै ये पूरा संसार बाढ़ा साथे नष्ट करी देणा। ![](https://cdn.door43.org/obs/jpg/360px/obs-en-03-02.jpg) पर परमात्मा नूहा ते बहुत खुश था। नूह एक तर्मी आदमी था, जो दुष्ट लोका बिचे रओ था। इजिखातर परमात्मा ने तेस बाढ़ा रे बारे चे नुहा खे बताया कि मै एक बहुत बड़ी बाढ़ पेजिके ये पूरा संसार नष्ट करी देणा। इजिखातर तिने नूहा खे एक बहुत बड़ी किश्ती बणाणे खातर बोल्या। ![](https://cdn.door43.org/obs/jpg/360px/obs-en-03-03.jpg) फेर परमात्मा ने नूहा खे बोल्या, कि तूं एस नापा रे अनुसार लकड़िया री एक बहुत बड़ी किश्ती बणा, ओर तिजिरी लम्बाई 140 मीटर, चौड़ाई 23 मीटर, ओर ऊंचाई 13.5 मीटर हुणी चइयो, ओर तूं तिजी बिचे एक खिड़की एक दरवाजा छत ओर तिजिरे आदरें 3 कमरे बणा। तेस किश्तिया ने तेरी, तेरे परिवारा री ओर जमीना पादें रौणे वाले हर तरह रे जानवरा री तेस बाढा ते रक्षा करनी। ![](https://cdn.door43.org/obs/jpg/360px/obs-en-03-04.jpg) नूहा ने परमात्मा रा आदेश मान्या। नूहा ने ओर तेसरे तीनो पुता ने बिलकुल तेड़ी किश्ती बणाई जेड़ी परमात्मा ने तिनाखे बताई थी। क्योंकि से किश्ती बहुत बड़ी थी, इजिखातर तिजी बणाणे खे कई साल लगे। नूहा ने लोकाखे आउणे वाली बाढ़ा रे बारे चे चेतावनी देइके बोल्या कि परमात्मा पादें परोसा करो, पर लोका ने नूहा री गल्ला रा परोसा नी किता। ![](https://cdn.door43.org/obs/jpg/360px/obs-en-03-05.jpg) परमात्मा ने नूहा खे आदेश दिता कि तूं आपी खातर, आपणे परिवारा खातर ओर जानवरा खातर पूरा खाणा कट्ठा करिले। जेबे सब कुछ तैयार हुइगा, तो परमात्मा ने नुहा खे बोल्या कि तेरा, तेरी करवालिया रा, तेरे तीनो पुता रा ओर तेरी तीनो बउआ रा आदंरे किश्तिया बिचे जाणे रा समय हुइगादाए। स्यो कुल आठ लोक थे। ![](https://cdn.door43.org/obs/jpg/360px/obs-en-03-06.jpg) परमात्मा ने हर तरह रे नर-मादा जानवर ओर हर तरह रे नर-मादा पंछी नूहा गे पेजे ताकि स्यो किश्तिया बिचे जाई सको ओर बाढ़ा ते बचाए जाई सको। परमात्मा ने सात एड़े नर-मादा जानवर पेजे जो बली चढ़ाणे खातर उपयोग किते जाई सको। जेबे स्यो सब किश्तिया बिचे चढ़िगे तो परमात्मा ने आपी किश्तिया रा दरवाजा बंद करता। ![](https://cdn.door43.org/obs/jpg/360px/obs-en-03-07.jpg) तेबे बरखा लगणी शुरू हुइगी, ओर बरखा बिना रुके चाली दिन ओर चाली रात तक लगातार हुंदी रई। तरती रे आंदरा ते बी पाणी फूटी-फुटिके निकलने लगया। सारे संसारा री हर चीज पाणी बिचे डूबिगी, बल्कि ऊचे ते ऊचे पाड़ बी पाणी बिचे डूबिगे। ![](https://cdn.door43.org/obs/jpg/360px/obs-en-03-08.jpg) सुक्की जमीना पादें रौणे वाली हर एक चीज मरिगी, पर जो लोक ओर जानवर किश्तिया बिचे थे स्यो बचिगे। से किश्ती पाणी पादें तैरदी रई ओर किश्तिया रे आंदरे हर एक चीज परमात्मा ने डूबणे ते बचाइली। ![](https://cdn.door43.org/obs/jpg/360px/obs-en-03-09.jpg) बरखा बंद हुणे ते बाद, से किश्ती पाँज महीने तक पाणी पादें तैरदी रई, ओर तेस समय पाणी बी थोड़ा कम हुणे लगिरा था। तेबे एक दिन से किश्ती एक पाड़िया पादें जाइके ठैरिगी, पर तरती पादें एबु बी बहुत सारा पाणी था। तीन महीने बाद, थोड़ी-थोड़िया पाड़िया दिखणे लगिया थिया। ![](https://cdn.door43.org/obs/jpg/360px/obs-en-03-10.jpg) फेर ओर चाली दिन बाद, नूहा ने एक काव ये देखणे खातर बारे पेज्या कि पाणी सुक्या या नई। से काव सुक्की जमीन टोलदा हुआ ओरे-पोरे उड़दा रया, पर तेसके केथी बी सुक्की जमीन नी मिली। ![](https://cdn.door43.org/obs/jpg/360px/obs-en-03-11.jpg) फेर नूहा ने एक कबूतरी बारे पेजी। पर तेस कबुतरिया खे बी केथी सुक्की जमीन नी मिली, इजिखातर से कबूतरी नूहा गे वापस आइगी। एक हप्ते बाद नूहा ने से कबूतरी फेर बारे पेजी, ओर से कबूतरी सँझ के समय आपणी चुंजा बिचे जैतुना रा एक नया पता लेइके वापस आई। पाणी कम हुणे लगिरा था, ओर डाल-बूट फेर उगणे लगिरे थे। ![](https://cdn.door43.org/obs/jpg/360px/obs-en-03-12.jpg) नूहा ने एक हप्ता ओर इन्तजार किता ओर तीजी बार से कबूतरी बारे पेजी। ओर एस बार तेस कबुतरिया खे ठैरने खातर सुक्की जमीन मिलिगी थी ओर से वापस नी आई। पाणी सुकणे लगिरा था। ![](https://cdn.door43.org/obs/jpg/360px/obs-en-03-13.jpg) दो महीने बाद परमात्मा ने नूहा खे बोल्या, “एबे तूं तेरा परिवार ओर सारे जानवर किश्तिया बिचे ते बारे आई जाओ। परमात्मा ने तिनाखे आशीष दिती कि बहुत सारे बाल-बच्चे पैदा करो ओर पुरी तरती पादें फैली जाओ।” तेबे नूह, तेसरा परिवार ओर सारे जानवर किश्तिया बिचे ते निकलिके बारे आए। ![](https://cdn.door43.org/obs/jpg/360px/obs-en-03-14.jpg) नूहा रे बारे आउणे ते बाद, सबी ते पैले तिने एक वेदी बणाई ओर बली खातर उपयोग किते जाणे वाले जानवरा बिचे ते कुछ जानवर लेइके परमात्मा खे बली चढ़ाई ओर तेसरी आराधना किती। परमात्मा तेस बली ते बहुत खुश हुआ ओर तिने नूह ओर तेसरे परिवारा खे आशीष दिती। ![](https://cdn.door43.org/obs/jpg/360px/obs-en-03-15.jpg) परमात्मा ने बोल्या, “हाउं वादा करूंए, हालांकि आदमी आपणे बचपणा तेई पापी ए, मै कदी बी आदमिया रे जरिए किते जाणे वाले बुरे कामा रे कारण जमीना खे श्राप नी देणा, ओर ना मै से बाढ़ा साथे नष्ट करनी। आदमी आपणे बचपणा तेई पापी ए।” ![](https://cdn.door43.org/obs/jpg/360px/obs-en-03-16.jpg) फेर परमात्मा ने आपणी वाचा रा नसाण मेघधनुष बणाया। जेबे कदी बी आसमाणा बिचे मेघधनुष दिखाई देयोआ, तो परमात्मा याद करोआ कि मै क्या वादा किता था ओर तियांई तेसरे लोक बी याद करो कि परमात्मा ने क्या वादा किता था। *उत्पति अध्याय 6-8 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_03_128kbps.m4a ## 4. अब्रामा साथे परमात्मा री वाचा https://openbiblestories.org/l/hii/story-4/ ![](https://cdn.door43.org/obs/jpg/360px/obs-en-04-01.jpg) बाढ़ा ते कई साल बाद, संसारा बिचे बहुत सारे लोक रया करो थे, स्यो एबु बी परमात्मा रे खिलाफ ओर एक-दूजे रे खिलाफ पाप करो थे। ओर स्यो सब एकी भाषा बोल्या करो थे, इजिखातर स्यो एक साथ कट्ठे हुए ओर एक नगर बणाणे लगे। ओर जेड़ा परमात्मा ने तिनाखे आदेश दिता था, तिजिरे अनुसार स्यो पूरे संसारा बिचे नी फैले। ![](https://cdn.door43.org/obs/jpg/360px/obs-en-04-02.jpg) स्यो बहुत घमंडी थे, तिनाखे केड़ा जीवन जीणा चइयो एस बारे चे स्यो परमात्मा रे आदेशा रा पालन नी करना चाओ थे। बल्कि तिनाने एक एड़ी मीनार बणाणी शुरू करती जो स्वर्गा तक पौंची सको। परमात्मा ने देख्या कि अगर ये कट्ठे मिलिके बुरे काम करदे रए तो ये ओर बी बहुत सारे पाप वाले काम करने लगी जाणे। ![](https://cdn.door43.org/obs/jpg/360px/obs-en-04-03.jpg) इजिखातर परमात्मा ने तिनारी भाषा कई अलग-अलग भाषा बिचे बदलती ओर स्यो लोक सारे संसारा बिचे फैलाइते। जो नगर बणाणा तिनाने शुरू किता था तिजिखे बाबेल बोल्या गया, बाबेल मतलब “गड़बड़ी’’। ![](https://cdn.door43.org/obs/jpg/360px/obs-en-04-04.jpg) बहुत साल बाद, परमात्मा ने अब्राम नावां रे एक आदमी साथे गल्ल किती। परमात्मा ने तेसके बोल्या, “आपणा देश ओर आपणा परिवार छाडिके तेस देशा खे चली जा जो हाउं ताखे दखाउंगा। हाउं ताखे आशीष देउंगा ओर हाउं तादें एक बड़ी बरादरी बणाउंगा। हाउं तेरा नाओं ऊचा करुंगा। जिने ताखे आशीष देणी हाउं बी तेसके आशीष देउंगा, जिने ताखे श्राप देणा हाउं बी तेसके श्राप देउंगा। तेरे जरिए संसारा री सब बरादरिया खे आशीष मिलणी।” ![](https://cdn.door43.org/obs/jpg/360px/obs-en-04-05.jpg) अब्रामा ने परमात्मा रा आदेश मान्या। से आपणी जायदात, आपणे सेवादार ओर आपणी करवाली सारै खे साथे लेइके कनान देशा खे चलिगा जो परमात्मा ने तेसके दखाया था। ![](https://cdn.door43.org/obs/jpg/360px/obs-en-04-06.jpg) जेबे अब्राम कनान देशा बिचे पौंच्या तो परमात्मा ने तेसके बोल्या, “अब्राम आपणे चारो तरफ देख। ये सारा देश मै ताखे देणा ओर तेरे वंशजा ने हमेशा खातर इजी पादें अधिकार राखणा।’’ तेबे अब्राम तेस देशा बिचे बसिगा। ![](https://cdn.door43.org/obs/jpg/360px/obs-en-04-07.jpg) मलिकिसिदक नावां रा एक आदमी था जो परमात्मा रा सबी ते बड़ा पुरोहित था। एक दिन जेबे अब्राम युद्ध करिके आउणे लगिरा था तो मलिकिसिदक ओर अब्राम मिले। मलिकिसिदका ने अब्रामा खे आशीष दिती ओर बोल्या, “सबी ते बड़ा परमात्मा जो स्वर्ग ओर तरती रा मालक ए से ताखे आशीष देयो।” फेर अब्रामा ने युद्धा बिचे जीतिदी सब चीजा रा दसवां हिस्सा मलिकिसिदका खे दिता। ![](https://cdn.door43.org/obs/jpg/360px/obs-en-04-08.jpg) कई साल बितिगे, पर एबु तक बी अब्राम ओर सारै रे कोई पुत नी हुआ। परमात्मा ने अब्रामा साथे गल्ल किती ओर फेर वादा किता। तिने ये वादा किता कि तेरा एक पुत पैदा हुणा, ओर तेसरे वंशज आसमाणा रे इना तारेया जितने हुणे। अब्रामा ने परमात्मा रे वादे पादें परोसा किता। ओर परमात्मा ने घोषणा किती कि अब्राम एक तर्मी आदमी ए। ![](https://cdn.door43.org/obs/jpg/360px/obs-en-04-09.jpg) तेबे परमात्मा ने अब्रामा साथे एक वाचा बानी। वाचा दो लोका बिचे एक-दूजे खातर काम करने रा एक समझौता होआ। परमात्मा ने ये वादा अब्रामा साथे तेबे किता था जेबे अब्राम सौणे लगिरा था, पर से तेबे बी परमात्मा री गल्ल सुणी सको था। परमात्मा ने ये वादा किता कि, “तेरी करवाली सारै ते तेरे खातर एक पुत पैदा हुणा। हाउं तेरे वंशजा खे ये कनान देश देउंगा।” पर एबु बी अब्रामा रे कोई पुत नी था। *उत्पति अध्याय 11-15 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_04_128kbps.m4a ## 5. वादे रा पुत https://openbiblestories.org/l/hii/story-5/ ![](https://cdn.door43.org/obs/jpg/360px/obs-en-05-01.jpg) अब्राम ओर सारै रे कनान देशा बिचे पौंचणे ते दस साल बाद, बी एबु तक तिनारे कोई औलाद नी थी। इजिखातर अब्रामा री करवाली सारै ने तेसके बोल्या, “देख परमात्मा ने माखे एबु तक कोई औलाद नी देई राखी। ओर एबे तो हाउं बच्चा पैदा करने खातर बहुत बुडी हुइगिदी, सुण तूं मेरी सेवादारनी हाजिरा रे जरिए मेरे खातर एक औलाद पैदा कर।’’ ![](https://cdn.door43.org/obs/jpg/360px/obs-en-05-02.jpg) फेर अब्रामा ने हाजिरा रे जरिए आपणी करवाली सारै खातर पुत पैदा किता, ओर अब्रामा ने तेसरा नाओं इश्माएल राख्या। पर सारै हाजिरा ते जलन करने लगी। जेबे इश्माएल 13 साला रा था, तो परमात्मा ने फेर अब्रामा साथे गल्ल किती। ![](https://cdn.door43.org/obs/jpg/360px/obs-en-05-03.jpg) परमात्मा ने बोल्या, “हाउं सर्व-शक्तिमान परमात्मा ए। हाउं तेरे साथे एक वाचा बानूंए।” तेबे अब्रामा ने जमीना पादें चुकिके आपणे घुटणे टेके। परमात्मा ने अब्रामा खे ये बी बोल्या, “तूं बहुत सारी बरादरिया रा पिता हुणा। हाउं ताखे ओर तेरे वंशजा खे तिनारी आपणी जमीन बणाणे खातर कनान देश देउंगा ओर हाउं हमेशा खातर तिनारा परमात्मा रौणा। तैं आपणे परिवारा बिचे हर मर्दा रा खतना करना। ![](https://cdn.door43.org/obs/jpg/360px/obs-en-05-04.jpg) “तेरी करवाली सारै ने एक पुता खे जन्म देणा, से पुत वादे रा पुत हुणा। तैं तेसरा नाओं इसहाक राखणा। मै तेस साथे आपणी वाचा बणाएदे राखणी ओर से एक बहुत बड़ी बरादरी बणी जाणा। हाउं इश्माएला खे बी एक बड़ी बरादरी बणाउंगा, पर मेरी वाचा इसहाका साथे रौणी।’’ तेबे परमात्मा ने अब्रामा रा नाओं बदलिके अब्राहम करता, जिजिरा मतलब ए “बहुता रा पिता”। परमात्मा ने सारै रा बी नाओं बदलिके सारा करता, जिजिरा मतलब ए “बहुता री आम्मा’’। ![](https://cdn.door43.org/obs/jpg/360px/obs-en-05-05.jpg) तेस दिना अब्राहमा ने आपणे परिवारा बिचे सब मर्दा रा खतना किता। लगभग एक साल बाद, जेबे अब्राहमा री उम्र 100 साल थी ओर सारा री 90 साल थी, तेबे सारा ने अब्राहमा रे पुता खे जन्म दिता। ओर जियां परमात्मा ने तिनाखे बोल्या था तिनाने तियांई तेसरा नाओं इसहाक राख्या। ![](https://cdn.door43.org/obs/jpg/360px/obs-en-05-06.jpg) जेबे इसहाक जवान हुआ तो परमात्मा ने अब्राहमा रा परोसा परखणे खातर तेसरी परीक्षा किती, परमात्मा ने बोल्या, “मेरे खातर आपणे एकलौते पुता री बली चढ़ाइदे।” अब्राहमा ने फेर परमात्मा रा आदेश मान्या, ओर आपणे पुता री बली चढ़ाणे खातर तैयार हुइगा। ![](https://cdn.door43.org/obs/jpg/360px/obs-en-05-07.jpg) जेबे अब्राहम ओर इसहाक बली चढ़ाणे वाली जैगा री तरफ जाणे लगिरे थे तो इसहाका ने अब्राहमा ते पुछया, “पापा, आसागे लकड़िया तो हाए, पर बली चढ़ाणे खातर मेमना केइए?” अब्राहमा ने जवाब दिता, “मेरे पुत, बली चढ़ाणे खातर मेमने रा इन्तजाम परमात्मा ने आपी करना।” ![](https://cdn.door43.org/obs/jpg/360px/obs-en-05-08.jpg) जेबे स्यो बली चढ़ाणे वाली जैगा बिचे पौंचिगे, तो अब्राहमा ने इसहाक बानिके वेदी पादें लेटाइता। अब्राहम आपणे पुता खे मारनेई वाला था इतने बिचे परमात्मा ने बोल्या, “रुकी जा! आपणे पुता खे नुकसाण नी पौंचाया! एबे माखे पता लगिगा कि तूं मेरा डर मानोआ क्योंकि तूं मेरे खातर आपणे एकलौते पुता री बी बली चढ़ाणे खातर तैयार हुइगा।” ![](https://cdn.door43.org/obs/jpg/360px/obs-en-05-09.jpg) अब्राहमा ने सामणे एक मेमना देख्या, जो झाड़िया बिचे फसिरा था। इसहाका री बली रे बदले मेमने रा इन्तजाम परमात्मा ने पैलेई था कितादा। ओर अब्राहमा ने खुशी-खुशी मेमने री बली चढ़ाई। ![](https://cdn.door43.org/obs/jpg/360px/obs-en-05-10.jpg) तेबे परमात्मा ने अब्राहमा खे बोल्या, “तूं मेरे खातर आपणा सब कुछ देणे खातर तैयार था, बल्कि तूं मेरे खातर आपणे एकलौते पुता री बली चढ़ाणे खातर बी तैयार हुइगा था, इजिखातर हाउं ताखे आशीष देणे रा वादा करूंए। तेरे वंशज आसमाणा रे तारेया ते बी जादा हुणे। क्योंकि तैं मेरा आदेश मान्या इजिखातर मै तेरे परिवारा रे जरिए संसारा री सब बरादरिया खे आशीष देणी। *उत्पति अध्याय 16-22 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_05_128kbps.m4a ## 6. परमात्मा ने इसहाका खातर इन्तजाम किता https://openbiblestories.org/l/hii/story-6/ ![](https://cdn.door43.org/obs/jpg/360px/obs-en-06-01.jpg) जेबे अब्राहम बुडा हुइगा था तेबे तेसरा पुत इसहाक, बी जवान हुइगा था। इजिखातर अब्राहमा ने आपणा एक सेवादार तेस देशा बिचे पेज्या जेती तेसरे रिश्तेदार रओ थे, ताकि से अब्राहमा रे पुत इसहाका खातर एक करवाली लयाई सको। ![](https://cdn.door43.org/obs/jpg/360px/obs-en-06-02.jpg) एक लम्बी यात्रा ते बाद, अब्राहमा रा सेवादार तेस देशा बिचे पौंच्या, जेती अब्राहमा रे रिश्तेदार रओ थे। परमात्मा ने से सेवादार रिबका साथे मिलवाया। रिबका अब्राहमा रे पाई री पोती थी। ![](https://cdn.door43.org/obs/jpg/360px/obs-en-06-03.jpg) रिबका आपणे परिवारा खे छाडिके, अब्राह्मा रे सेवादारा साथे इसहाका रे करे जाणे खातर मानिगी। जियांई रिबका पौंची, इसहाका ने तेसा साथे ब्या करिला। ![](https://cdn.door43.org/obs/jpg/360px/obs-en-06-04.jpg) एक लम्बे समय बाद, अब्राहमा री मौत हुइगी। तेबे परमात्मा ने अब्राहमा रे पुत इसहाका खे आशीष दिती, क्योंकि परमात्मा ने अब्राहमा साथे वाचा बानी थी। तेस वाचा बिचे परमात्मा ने एक वादा किता था कि अब्राहमा रे अनगिणत वंशज हुणे। पर रिबका रे कोई औलाद पैदा नी हुई। ![](https://cdn.door43.org/obs/jpg/360px/obs-en-06-05.jpg) इसहाका ने रिबका खातर प्रार्थना किती, ओर परमात्मा ने तेसरी प्रार्थना सुणी ओर तेसरी करवाली खे तेसी समय जुड़वां पुता री आशीष दिती। जेस समय स्यो बच्चे रिबका रे पेटा बिचे थे स्यो तेसारे पेटा बिचेई आपी-पिछिए लड़ने लगे, इजिखातर रिबका ने परमात्मा ते पुछया कि ये क्या हुणे लगिरा। ![](https://cdn.door43.org/obs/jpg/360px/obs-en-06-06.jpg) परमात्मा ने रिबका खे बोल्या, “तैं दो पुता खे जन्म देणा। ओर तिनारे वंशज दो अलग-अलग बरादरिया बणनिया। स्यो एक दूजे साथे लड़ने। पर बड़े पुता ते पैदा हुणे वाली बरादरी खे छोटे पुता ते आउणे वाली बरादरी रा आदेश मानणा पड़ना।” ![](https://cdn.door43.org/obs/jpg/360px/obs-en-06-07.jpg) जेबे रिबका रे पुता रा जन्म हुआ, तो बड़ा पुत लाल ओर काम्बला री तरह रोमदार पैदा हुआ, तिनाने तेसरा नाओं एसाव राख्या। ओर छोटा पुत बड़े पुता री आड्डी पकड़े हुए पैदा हुआ, ओर तिनाने तेसरा नाओं याकूब राख्या। *उत्पति अध्याय 24:1-25:26 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_06_128kbps.m4a ## 7. परमात्मा ने याकूबा खे आशीष दिती https://openbiblestories.org/l/hii/story-7/ ![](https://cdn.door43.org/obs/jpg/360px/obs-en-07-01.jpg) जेबे स्यो पुत बड़े हुए तो छोटे पुत याकूबा खे करे रौणा अच्छा लगया, पर बड़े पुत एसावा खे जानवरा रा शिकार करना अच्छा लगया। रिबका याकूबा साथे प्यार राखो थी ओर इसहाक एसावा साथे प्यार राखो था। ![](https://cdn.door43.org/obs/jpg/360px/obs-en-07-02.jpg) एक दिन जेबे एसाव शिकार करिके वापस आया तो तेसके बहुत पुख लगी। एसावा ने आपणे छोटे पाई याकूबा खे बोल्या, “जो खाणा तैं पकाई राख्या तिजी बिचे ते थोड़ा जा खाणा माखे बी दे।” याकूबा ने जवाब दिता, “पैले मेरे साथे ये वादा कर कि पैला पुत हुणे रे नाते जो हर एक चीज ताखे मिलणी चइयो, से सब कुछ तैं माखे देणा।” तेबे एसावा ने सब कुछ याकूबा खे देणे रा वादा किता। तेथे बाद, याकूबा ने तेसके खाणा दिता। ![](https://cdn.door43.org/obs/jpg/360px/obs-en-07-03.jpg) इसहाक एसावा खे आशीष देणा चाओ था। पर एथे पैले कि से एड़ा करदा, रिबका ओर तेसारे पुत याकूबा ने इसहाका साथे तोखा किता, ओर याकूबा ने एसाव हुणे रा दखावा किता। क्योंकि इसहाक बहुत बुडा हुइगा था ओर एबे तेसके कुछ बी नी दिखो था। इजिखातर याकूब ने एसावा रे टाले पैनिले ओर आपणे गला ते ओर आथा ते बाकरिया री खाल लपेटी ली। ![](https://cdn.door43.org/obs/jpg/360px/obs-en-07-04.jpg) याकूब इसहाका गे आया ओर बोल्या, “हाउं तेरा बड़ा पुत एसाव ए। हाउं इजिखातर आइरा ताकि तूं माखे आशीष देयो।” जेबे इसहाका ने तेस पादें बाकरिया रे बाल मैहसूस किते ओर तेसरे टाले सूँगे, तो तिने समझया कि ये एसाव ए ओर तेसके आशीष दिती। ![](https://cdn.door43.org/obs/jpg/360px/obs-en-07-05.jpg) एसाव याकूबा साथे नफरत करने लगया क्योंकि तिने एसावा ते बड़ा पुत हुणे रा अधिकार छिनिला था ओर तिने पापे ते तेसरी आशीष बी लेइली थी। तेथे बाद एसावा ने योजना बणाई कि जेबे आसारा पापा मरी जाणा तो मैं याकूब खत्म करी देणा। ![](https://cdn.door43.org/obs/jpg/360px/obs-en-07-06.jpg) पर रिबका ने एसावा री ये योजना सुणिली। इजिखातर तेसाने ओर इसहाका ने याकूब आपणे दूर रिश्तेदारा गे रौणे खातर पेजिता। ![](https://cdn.door43.org/obs/jpg/360px/obs-en-07-07.jpg) याकूब कई साल तक रिबका रे रिश्तेदारा साथे रया। तेस समय बिचे तिने ब्या किता ओर तेसरे बारा पुत ओर एक बेटी पैदा हुई। परमात्मा ने याकूब बहुत जादा अमीर बणाइता था। ![](https://cdn.door43.org/obs/jpg/360px/obs-en-07-08.jpg) बी साल तक कनान देशा बिचे आपणे करा ते दूर रौणे ते बाद, याकूब आपणे परिवारा खे, आपणे सेवादारा खे, ओर आपणे सारे जानवरा खे लेइके वापस आपणे करा खे आया। ![](https://cdn.door43.org/obs/jpg/360px/obs-en-07-09.jpg) याकूब बहुत जादा डरो था क्योंकि तिने सोच्या कि एसाव माखे एबु बी मारना चाओ हुणा। इजिखातर तिने पैले आपणे जानवर ओर कुछ सेवादार एसावा गे पेजे। जो सेवादार तिना जानवरा खे लेइके गए थे तिनाने एसावा खे बोल्या, “जो तेरा सेवादार याकूब ए, तिने ये सारे जानवर तेरे खातर पेजी राखे। से बस एती पौंचणेई वाला ए।” ![](https://cdn.door43.org/obs/jpg/360px/obs-en-07-10.jpg) पर एसाव एबे याकूबा खे मारना नी चाओ था। मारने रे बजाए, से तेसके दोबारा देखिके बहुत खुश था। तेथे बाद दोनो पाई कनान देशा बिचे खुशी-खुशी रए। फेर तिनारा पापा इसहाक बी मरिगा ओर तिना दोनो पाइया ने से मिलिके दफणाया। वाचा रा वादा जो परमात्मा ने अब्राहमा साथे किता था से एबे इसहाका ते याकूबा पादें आइगा था। *उत्पति अध्याय 25:27-35:29 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_07_128kbps.m4a ## 8. परमात्मा ने यूसुफ ओर तेसरा परिवार बचाया https://openbiblestories.org/l/hii/story-8/ ![](https://cdn.door43.org/obs/jpg/360px/obs-en-08-01.jpg) याकूबा खे कनान देशा बिचे रौंदे हुए बहुत साल बीती चुके थे। जेबे से बुडा हुइगा, तो तिने आपणा प्यारा पुत यूसुफ तेसरे पाइया रा हाल-चाल पता करने खातर पेज्या। तेसरे पाई जानवरा री रखवाली करने लगिरे थे। ![](https://cdn.door43.org/obs/jpg/360px/obs-en-08-02.jpg) यूसुफा रे पाई तेसते नफरत करो थे क्योंकि तिनारा पापा यूसुफा साथे जादा प्यार करो था ओर इजिखातर बी कि यूसुफा ने सुपना देख्या था कि मैं आपणे पाइया पादें राज करना। जेबे यूसुफ आपणे पाइया गे आया तो तेसरे पाइया ने से पकड़िके बानिता ओर सेवादारा रा व्यापार करने वाले लोकाखे बेचिता। ![](https://cdn.door43.org/obs/jpg/360px/obs-en-08-03.jpg) जेबे यूसुफा रे पाई करे वापस आए तो तिनाने यूसुफा रे टाले फाड़िके बाकरिया रे खुना साथे रंगिते। फेर तिनाने से टाले आपणे पापे खे दखाए ताकि से इयां सोचो कि यूसुफ केस जंगली जानवरा ने मारता। एस कारण याकूब बहुत उदास हुइगा। ![](https://cdn.door43.org/obs/jpg/360px/obs-en-08-04.jpg) सेवादारा रा व्यापार करने वाले लोक यूसुफा खे मिस्र देशा बिचे लइगे। मिस्र देश नील नदी रे कनारे पादें बसयादा एक बड़ा ओर शक्तिशाली देश था। तिना सेवादारा रा व्यापार करने वाले लोका ने यूसुफ एक धनी सरकारी अधिकारी खे बेचिता। यूसुफा ने आपणे मालका री अच्छी तरह ते सेवा किती, ओर परमात्मा ने यूसुफा खे आशीष दिती। ![](https://cdn.door43.org/obs/jpg/360px/obs-en-08-05.jpg) तेथे बाद एड़ा हुआ कि तेसरे मालका री करवाली ने यूसुफा साथे नाजायज रिश्ता बणाणे कोशिश किती, पर तिने एस तरीके ते परमात्मा रे खिलाफ पाप करने ते इन्कार करता। से गुस्सा हुइगी ओर तेसाने यूसुफा पादें चूठा दोष लगाइता, इजिखातर से जेला बिचे बंद कर दिता गया। यूसुफ जेला बिचे बी, परमात्मा रे प्रति सच्चा ओर ईमानदार रया, ओर परमात्मा ने तेसके आशीष दिती। ![](https://cdn.door43.org/obs/jpg/360px/obs-en-08-06.jpg) दो साल बाद, निर्दोष हुणे रे बावजूद यूसुफ एबु बी जेला बिचे था। एक राती, मिस्र देशा रे फिरौन राजा ने दो सुपने देखे जिनाने से बहुत जादा परेशान करता। तेसरा कोई बी सलाहकार तेसके तिना सुपने रा मतलब नी बताई सक्या। ![](https://cdn.door43.org/obs/jpg/360px/obs-en-08-07.jpg) परमात्मा ने यूसुफा खे सुपने रा मतलब बताणे री समझ दिती दी थी, इजिखातर फिरौना ने यूसुफ जेला बिचे ते आपिगे बुलाया। यूसुफा ने फिरौन राजे खे तिना सुपने रा मतलब बताया ओर बोल्या, “परमात्मा ने पूरे मिस्र देशा बिचे सात साल अच्छी फसल देणी, पर तेथे बाद सात साल तक आकाल पड़ना।” ![](https://cdn.door43.org/obs/jpg/360px/obs-en-08-08.jpg) फिरौन यूसुफा ते इतना जादा खुश हुआ कि तिने से पूरे मिस्र देशा रा दूजा सबिते शक्तिशाली प्रधानमंत्री चुणया। ![](https://cdn.door43.org/obs/jpg/360px/obs-en-08-09.jpg) यूसुफा ने अच्छी फसल वाले सात साला बिचे लोकाखे बहुत सारा अनाज कट्ठा करने खातर बोल्या। जेबे सात साला रा आकाल पड़या तेबे यूसुफा ने लोकाखे से अनाज बेच्या ताकि तिनाखे खाणे खातर पूरा अनाज मिली सको। ![](https://cdn.door43.org/obs/jpg/360px/obs-en-08-10.jpg) से खतरनाक आकाल सिर्फ मिस्र देशा बिचेई नी, बल्कि कनान देशा बिचे बी पड़या था जेती याकूब ओर तेसरा परिवार रओ था। ![](https://cdn.door43.org/obs/jpg/360px/obs-en-08-11.jpg) इजिखातर याकूबा ने आपणे बड़े पुत अनाज खरीदणे खातर मिस्र देशा बिचे पेजे। जेबे स्यो अनाज खरीदणे खातर यूसुफा रे सामणे आए तो तिना पाइया ने यूसुफ नई पैछाणया। पर यूसुफा ने स्यो पैछाणिले। ![](https://cdn.door43.org/obs/jpg/360px/obs-en-08-12.jpg) यूसुफा ने पैले आपणे पाइया री परख करिली कि स्यो बदले या नई ओर तेथे बाद तिनाखे बोल्या, “हाउं तुसारा पाई यूसुफ ए! डरो मत। जेबे तुसे हाउं मिस्र देशा रे व्यापारिया खे बेच्या था। तो तेस समय तुसे मेरा बुरा करने री ठाणी राखी थी, पर परमात्मा ने से बुराई अच्छे खातर उपयोग किती! आई जाओ ओर मिस्र देशा बिचे रओ ताकि हाउं तुसा खातर ओर तुसारे परिवारा खातर खाणे रा इन्तजाम करी सकूं।” ![](https://cdn.door43.org/obs/jpg/360px/obs-en-08-13.jpg) जेबे यूसुफा रे पाई करे वापस आए ओर जेबे तिनाने आपणे पापा याकूबा खे बताया कि यूसुफ एबु बी जिउंदा ए तो से बहुत जादा खुश हुआ। ![](https://cdn.door43.org/obs/jpg/360px/obs-en-08-14.jpg) हालाँकि याक़ूब एक बुडा आदमी था तेबे बी से आपणे पूरे परिवारा साथे मिस्र देशा खे चलिगा, ओर स्यो तेती बसिगे। याकूबा ने मरने ते पैले, आपणे हर पुता खे आर्शिवाद दिता। ![](https://cdn.door43.org/obs/jpg/360px/obs-en-08-15.jpg) वाचा रा वादा जो परमात्मा ने अब्राहमा साथे किता था से इसहाका पादें, ओर तेथे बाद याकूबा पादें, ओर तेथे बाद तेसरे बारा पुता पादें ओर तिनारे परिवारा पादें आइगा था। तिना बारा पुता रे वंशज इस्राएल देशा रे बारा गोत्र बणिगे। *उत्पति अध्याय 37-50 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_08_128kbps.m4a ## 9. परमात्मा ने मूसा बुलाया https://openbiblestories.org/l/hii/story-9/ ![](https://cdn.door43.org/obs/jpg/360px/obs-en-09-01.jpg) यूसुफा रे मरने ते बाद तेसरे सब रिश्तेदार मिस्र देशा बिचेई रौणे लगे। स्यो ओर तिनारे वंशज कई साल तक मिस्र देशा बिचेई रए, ओर तिनारे बहुत सारे बाल-बच्चे पैदा हुए। तिनाखे इस्राएली बोल्या गया। ![](https://cdn.door43.org/obs/jpg/360px/obs-en-09-02.jpg) कई सौ साल बाद, इस्राएली लोका री आबादी बहुत जादा बढ़िगी थी। मिस्री लोक एबे यूसुफा खे, ओर जो कुछ तिने तिनारी मदद करने खातर किता था तिजिखे पुलिगे थे। स्यो इस्राएली लोका ते डरिगे क्योंकि इस्राएली लोका री आबादी मिस्री लोका ते जादा थी। इजिखातर तेस समय मिस्र देशा पादें शासन करने वाले फिरौन राजे ने इस्राएली लोक मिस्री लोका रे गुलाम बणाइते। ![](https://cdn.door43.org/obs/jpg/360px/obs-en-09-03.jpg) मिस्री लोका ने इस्राएली लोक बहुत सारे मकान ओर नगर बणाणे खातर मजबूर किते। तेस मुश्किल कामा ने इस्राएली लोका रा जीवन बहुत दुखदायी बणाइता, पर परमात्मा ने तिनाखे आशीष दिती ओर तिनारे ओर बी जादा बच्चे पैदा हुए। ![](https://cdn.door43.org/obs/jpg/360px/obs-en-09-04.jpg) फिरौना ने देख्या कि इस्राएली लोका रे बहुत सारे बच्चे पैदा हुणे लगिरे, इजिखातर फिरौना ने आपणे लोकाखे आदेश दिता कि इस्राएली लोका रे छोटे-छोटे सब पुता खे नील नदी बिचे सेटिके खत्म करदो। ![](https://cdn.door43.org/obs/jpg/360px/obs-en-09-05.jpg) एक इस्राएली ज्वाणसा ने एक पुता खे जन्म दिता। तेसाने ओर तेसारे करवाले ने जितना हुई सक्या से बच्चा छुपाइके राख्या। ![](https://cdn.door43.org/obs/jpg/360px/obs-en-09-06.jpg) जेबे स्यो तेस बच्चे खे ओर जादा नी छुपाई सके, तो तिनाने से बच्चा मरने ते बचाणे खातर एक टोकरी बिचे राखिके से टोकरी नील नदी रे कनारे पादें सरकंडया रे बिचे राखिती। तेस बच्चे री बड़ी बैण दूर खड़ी हुइके देखणे लगिरी थी कि तेस साथे क्या हुणा। ![](https://cdn.door43.org/obs/jpg/360px/obs-en-09-07.jpg) तेबे फिरौना री बेटी नहाणे खातर तेस नदिया बिचे आई, तेती तेसाने सरकंडया रे बिचे एक टोकरी देखी। तेसाने आपणिया सेवादारनिया तेस टोकरी लयाओणे खातर पेजिया, तेसाने तेस टोकरी बिचे एक बच्चा देख्या, तेस बच्चे पादें दया करिके तेसाने से आपणा बच्चा बणाइला। तेसाने तेस बच्चे खे दूध पिलाणे खातर एक इस्राएली ज्वाणस राखिली, ये जाणे बिना कि से तेस बच्चे री सगी आम्मा ए। जेबे से बच्चा बड़ा हुआ तो तेस इजराएली ज्वाणसा ने सोच्या कि बच्चे खे एबे माया रे दूधा री जरूरत निए, तेबे तेसाने से बच्चा फिरौना री बेटी खे वापस देइता, ओर तेसाने तेसरा नाओं मूसा राख्या। ![](https://cdn.door43.org/obs/jpg/360px/obs-en-09-08.jpg) एक दिन, जेबे मूसा जवान हुआ, तेबे तिने देख्या कि मिस्री आदमी इस्राएली आदमी खे मारने लगिरा। तो मूसा ने आपणे इस्राएली साथी खे बचाणे री कोशिश किती। ![](https://cdn.door43.org/obs/jpg/360px/obs-en-09-09.jpg) तेबे मूसा ने सोच्या कि माखे कोई नी देखोए ओर तिने से मिस्री आदमी खत्म करता ओर तेसरा शरीर दफणाइता। पर मूसा तेस मिस्री आदमी खे मारदे हुए किने देखिला था। ![](https://cdn.door43.org/obs/jpg/360px/obs-en-09-10.jpg) जेबे फिरौना खे पता लगया कि मूसा ने क्या किता। तेबे तिने मूसा खे खत्म करने री कोशिश किती, पर मूसा मिस्र देशा ते बणा री तरफ नठिगा। जेती फिरौना रे सैनिक तेसके टोली नी सके। ![](https://cdn.door43.org/obs/jpg/360px/obs-en-09-11.jpg) मूसा मिस्र देशा ते दूर मिघान देशा बिचे रौणे लगया। तिने तेती एक लड़की साथे बया करिला ओर दो बच्चे पैदा किते, ओर से तेती एक चरवाहा बणिगा। ![](https://cdn.door43.org/obs/jpg/360px/obs-en-09-12.jpg) मूसा तेती रइके आपणे सौरे रिया पेडा चारया करो था। एक दिन मूसा ने एक जलदी हुई झाड़ी देखी जो बिना स्वाह हुए जलने लगिरी थी। मूसा तिजी देखणे खातर तेस झाड़िया रे नजदीक गया। जेबे मूसा तेस झाड़िया रे नजदीक आया तो परमात्मा ने तेस साथे गल्ल किती। परमात्मा ने तेसके बोल्या, “ए मूसा, आपणे जूते खोली दे। क्योंकि तूं एक पवित्र जैगा बिचे खड़िरा।” ![](https://cdn.door43.org/obs/jpg/360px/obs-en-09-13.jpg) परमात्मा ने मूसा खे बोल्या, “मैं आपणे लोका रा दुख देखी राख्या जो मिस्र देशा बिचे ए। इजिखातर मैं तूं फिरौना गे पेजणा ताकि तूं मेरे इस्राएली लोकाखे मिस्री लोका री गुलामी ते छुड़ाइके लयाओ। मैं तिनाखे कनान देश देणा, से देश जो मैं अब्राहम, इसहाक, ओर याकूबा खे देणे रा वादा किता था।” ![](https://cdn.door43.org/obs/jpg/360px/obs-en-09-14.jpg) मूसा ने परमात्मा ते पुछया, “जेबे तिना लोका ने मादें पूछणा कि तूं किने पेजी राख्या तो मैं तिनाखे क्या बोलणा?” परमात्मा ने मूसा खे बोल्या, “तैं तिनाखे इयां बोलणा कि हाउं जो हाए से हाए, तैं तिनाखे बोलणा कि जिने हाउं पेजी राख्या से तुसारे बजुर्ग अब्राहम, इसहाक ओर याकूबा रा परमात्मा यहोवा ए। ओर हमेशा तक तेसरा येई नाओं रौणा।” ![](https://cdn.door43.org/obs/jpg/360px/obs-en-09-15.jpg) मूसा फिरौना गे जाणे ते डरो था क्योंकि से रुकी-रुकिके बोलो था, इजिखातर परमात्मा ने मूसा रा पाई, हारून, तेसरी मदद करने खातर पेज्या। *निर्गमन अध्याय 1-4 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_09_128kbps.m4a ## 10. परमात्मा ने मिस्र देशा बिचे दस खतरनाक महामारिया पेजिया https://openbiblestories.org/l/hii/story-10/ ![](https://cdn.door43.org/obs/jpg/360px/obs-en-10-01.jpg) परमात्मा ने मूसा ओर हारूना खे चेतावनी दिती कि फिरौन जिद्दी हुई जाणा। जेबे स्यो फिरौना गे गए तो तिनाने बोल्या, “इस्राएला रा परमात्मा इयां बोलोए, “मेरे लोकाखे जाणे दे!” पर फिरौना ने तिनारी गल्ल नई सुणी, ओर फिरौना ने इस्राएली लोकाखे आजाद करने रे बजाए स्यो ओर बी जादा मुश्किल काम करने खातर मजबूर करते। ![](https://cdn.door43.org/obs/jpg/360px/obs-en-10-02.jpg) फिरौन इस्राएली लोकाखे आजाद करने ते लगातार इन्कार करदा रया, इजिखातर परमात्मा ने मिस्र देशा बिचे दस खतरनाक माहामारिया पेजिया। इना माहामारिया रे जरिए, परमात्मा ने फिरौना खे दखाया कि हाउं तादें ओर मिस्र देशा रे देवतेया ते कितना जादा शक्तिशाली ए। ![](https://cdn.door43.org/obs/jpg/360px/obs-en-10-03.jpg) परमात्मा ने नील नदी रा पाणी खुना बिचे बदलता, पर फिरौना ने तेबे बी इस्राएली लोक जाणे नी दिते। ![](https://cdn.door43.org/obs/jpg/360px/obs-en-10-04.jpg) परमात्मा ने पूरे मिस्र देशा बिचे मेंढक पेजे। फिरौना ने मेंढका खे दूर करने खातर मूसा गे विनती किती। जेबे फिरौना ने देख्या कि सारे मेंढक मरिगे तो तिने आपणा मन ओर बी जादा कठोर करिला ओर इस्राएली लोक मिस्र देशा बिचे ते निकलने नी दिते। ![](https://cdn.door43.org/obs/jpg/360px/obs-en-10-05.jpg) इजिखातर परमात्मा ने मिस्र देशा बिचे छोटी-छोटी काटणे वाली माखिया री माहामारी पेजी। ओर तेथे बाद तिने खून चूसणे वाली माखिया री माहामारी पेजी। फिरौना ने मूसा ओर हारून बुलाए ओर तिनाखे बोल्या कि अगर तुसे ये माहामारी दूर करती तो मैं एस्राएली लोक मिस्र देशा बिचे ते आजाद करी देणे। जेबे मूसा ने परमात्मा गे प्रार्थना किती तो परमात्मा ने मिस्र देशा बिचे ते खून चूसणे वाली माखिया री माहामारी दूर करती। पर फिरौना ने आपणा मन फेर कठोर करिला ओर तिने इस्राएली लोक जाणे नी दिते। ![](https://cdn.door43.org/obs/jpg/360px/obs-en-10-06.jpg) तेथे बाद परमात्मा ने मिस्री लोका रे सारे पालतू जानवर बमार करते ओर मर जाणे दिते। पर फिरौना रा मन तेबे बी कठोर रया ओर तिने इस्राएली लोक जाणे नी दिते। ![](https://cdn.door43.org/obs/jpg/360px/obs-en-10-07.jpg) तेबे परमात्मा ने मूसा खे बोल्या, कि माटिया बिचे राख मिलाइके तिजिखे फिरौना रे सामणे हव्वा बिचे उड़ा। जेबे मूसा ने एड़ा किता तो मिस्री लोका रे शरीरा पादें पीड़दायक फोड़े निकलने लगे, पर इस्राएली लोकाखे कुछ बी नी हुआ। परमात्मा ने फिरौना रा मन कठोर करता, ओर फिरौना ने इस्राएली लोक जाणे नी दिते। ![](https://cdn.door43.org/obs/jpg/360px/obs-en-10-08.jpg) तेथे बाद, परमात्मा ने बड़े-बड़े ओले बरसाए ओर मिस्री लोका री सारी फसल नष्ट करती ओर जो कोई बारे निकलया से परमात्मा ने खत्म करता। फिरौना ने मूसा ओर हारून बुलाए ओर तिनाखे बोल्या, “मैं पाप करी राख्या। तुसे इस्राएली लोक मिस्र देशा बिचे ते जाई सकोए।” तेबे मूसा ने परमात्मा गे प्रार्थना किती, ओर एकदम आसमाणा ते ओले बरसणे बंद हुइगे। ![](https://cdn.door43.org/obs/jpg/360px/obs-en-10-09.jpg) पर फिरौना ने फेर दोबारा पाप किता ओर तिने आपणा मन कठोर करिला। ओर इस्राएली लोक जाणे नी दिते। ![](https://cdn.door43.org/obs/jpg/360px/obs-en-10-10.jpg) तेबे परमात्मा ने पूरे मिस्र देशा बिचे टिड्डिया री माहामारी पेजी। इना टिड्डिया ने से सारी फसल खाइती जो ओलेया ने नष्ट नी किती थी। ![](https://cdn.door43.org/obs/jpg/360px/obs-en-10-11.jpg) फेर परमात्मा ने मिस्र देशा बिचे तीन दिन तक नेरा करता। ये नेरा इतना खतरनाक था कि मिस्री लोक आपणे करा ते बारे नी निकली सके। पर जेती इस्राएली लोक रओ थे तेती रोशनी थी। ![](https://cdn.door43.org/obs/jpg/360px/obs-en-10-12.jpg) इना नौ माहामारिया ते बाद बी, फिरौना ने इस्राएली लोक जाणे नी दिते। क्योंकि फिरौना ने परमात्मा री गल्ल नी सुणी, इजिखातर परमात्मा ने मिस्र देशा बिचे एक आखरी माहामारी पेजणे री योजना बणाई जेथे फिरौना रा मन बदलिगा। *निर्गमन अध्याय 5-10 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_10_128kbps.m4a ## 11. फसह त्योआर https://openbiblestories.org/l/hii/story-11/ ![](https://cdn.door43.org/obs/jpg/360px/obs-en-11-01.jpg) परमात्मा ने मूसा ओर हारुन ये बोलणे खातर फिरौना गे पेजे कि इस्राएली लोकाखे जाणे दे। परमात्मा ने मूसा ओर हारूना रे जरिए फिरौना खे चेतावनी दिती कि अगर तैं इस्राएली लोक मिस्र देशा बिचे ते नी जाणे दिते, तो मैं मिस्री लोका रे जेठे बच्चे ओर तिनारे सब जानवरा रे जेठे बच्चे खत्म करी देणे। फिरौना ने ये सुणिके बी परमात्मा पादें परोसा नी किता ओर परमात्मा रा आदेश मानणे ते इन्कार करता। ![](https://cdn.door43.org/obs/jpg/360px/obs-en-11-02.jpg) परमात्मा पादें परोसा करने वाले हर एक आदमी रे जेठे पुता खे बचाणे खातर परमात्मा ने एक उपाय दिता। पर हर परिवारा खे एक शुद्ध-निर्दोष मेमने री बली चढ़ाणे पड़नी थी। ![](https://cdn.door43.org/obs/jpg/360px/obs-en-11-03.jpg) परमात्मा ने इस्राएली लोकाखे बोल्या कि तुसे मेमने रा खून आपणे करा रे दरवाजे पादें लगाई देयो ओर तेसी राती मेमने खे पुजिके बिना खमीर वाली रोटी साथे जल्दी-जल्दी खाई लेयो। ओर तेथे बाद मिस्र देश छाडणे खातर तैयार रयो। ![](https://cdn.door43.org/obs/jpg/360px/obs-en-11-04.jpg) इस्राएली लोका ने सब कुछ तियांई किता जियां परमात्मा ने तिनाखे आदेश दिता। आधी राती बिचे, परमात्मा हर एक जेठे पुता खे खत्म करदे हुए पुरे मिस्र देशा रिए हुंदा हुआ गया। ![](https://cdn.door43.org/obs/jpg/360px/obs-en-11-05.jpg) इस्राएली लोका रे हर करा रे दरवाजे पादें खून था लगयादा, इजिखातर परमात्मा ने स्यो कर छाडिते। ओर तिना करा बिचे सब लोक बचेदे थे। स्यो मेमने रे खुना रे कारण बचिगे थे। ![](https://cdn.door43.org/obs/jpg/360px/obs-en-11-06.jpg) पर मिस्री लोका ने परमात्मा पादें परोसा नी किता ओर परमात्मा रा आदेश नी मान्या। इजिखातर परमात्मा ने मिस्री लोका रे कर नष्ट करते। ओर मिस्री लोका रा हर एक जेठा पुत खत्म करता। ![](https://cdn.door43.org/obs/jpg/360px/obs-en-11-07.jpg) परमात्मा ने जेलखाने रे कैदिया रे जेठे पुता ते लेइके, फिरौना रे पुता तक, सब जेठे पुत खत्म करते। इजिखातर मिस्र देशा बिचे बहुत सारे लोक जोरा-जोरा साथे रोणे लगिरे थे। ![](https://cdn.door43.org/obs/jpg/360px/obs-en-11-08.jpg) तेबे तेसी राती, फिरौना ने मूसा ओर हारून बुलाए ओर तिनाखे बोल्या, “तुसे एसी समय एथे इस्राएली लोकाखे लेइके निकली जाओ!” मिस्र देशा रे लोका ने बी इस्राएली लोकाखे बोल्या कि तुसे मिस्र देशा बिचे ते निकली जाओ। *निर्गमन अध्याय 11:1-12:32 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_11_128kbps.m4a ## 12. इस्राएली लोका रा मिस्र देशा ते बारे निकलना (निर्गमन) https://openbiblestories.org/l/hii/story-12/ ![](https://cdn.door43.org/obs/jpg/360px/obs-en-12-01.jpg) इस्राएली लोक मिस्र देशा बिचे ते निकलिके बहुत खुश थे। स्यो एबे गुलाम नी थे, ओर एबे स्यो वादे रे देशा खे जाणे लगिरे थे! इस्राएली लोका ने जो कुछ बी मिस्री लोका ते माँगया तिनाने से सब कुछ दिता, जियां कि सोना चाँदी ओर कुछ किमती चिजा बी। दूजे देशा रे कुछ लोका ने परमात्मा पादें परोसा किता ओर जेबे इस्राएली लोक मिस्र देशा बिचे ते निकले तो स्यो बी तिनारे पीछे चल पड़े। ![](https://cdn.door43.org/obs/jpg/360px/obs-en-12-02.jpg) परमात्मा दिन के समय बिचे बादला रा खम्बा बणिके, ओर रात के समय बिचे आगी रा खम्बा बणिके मूसा, हारून ओर इस्राएली लोका रे आगे-आगे चलया। परमात्मा हमेशा तिनारे साथे था ओर यात्रा करदे समय तिनारा मार्गदर्शण करो था। तिनाखे सिर्फ इतना करना था कि परमात्मा रे पीछे चलणा था। ![](https://cdn.door43.org/obs/jpg/360px/obs-en-12-03.jpg) कुछ समय बाद, फिरौन ओर तेसरे लोका रा मन बी बदलिगा। स्यो इस्राएली लोकाखे दोबारा आपणे सेवादार बणाणा चाओ थे। इजिखातर तिनाने इस्राएली लोका रा पीछा किता। ये परमात्मा था जिने तिनारा मन बदलया। परमात्मा ने एड़ा इजिखातर किता क्योंकि परमात्मा चाओ था कि सब लोकाखे पता लगी जाओ कि यहोवा परमात्मा, फिरौन ओर मिस्री लोका रे सब देवतेया ते जादा शक्तिशाली ए। ![](https://cdn.door43.org/obs/jpg/360px/obs-en-12-04.jpg) जेबे इस्राएली लोका ने मिस्र देशा री सेना आउंदे हुए देखी तो तिनाखे पता लगया कि ये फिरौना री सेना ए, ओर लाल समुद्रा बिचे फसिगी। इस्राएली लोक बहुत जादा डरिगे ओर रोणे लगे कि, “आसे मिस्र देश कउं छाडया? एबे आसाखे मरने ते कोई नी बचाई सकदा।” ![](https://cdn.door43.org/obs/jpg/360px/obs-en-12-05.jpg) मूसा ने इस्राएली लोकाखे बोल्या, “डरना बंद करो! परमात्मा आज तुसा खातर आपी लड़ना ओर तिनेई तुसे बचाणे।” तेबे परमात्मा ने मूसा खे बोल्या, “इना इस्राएली लोकाखे लाल समुद्रा बिचे आगे जाणे खातर बोल।” ![](https://cdn.door43.org/obs/jpg/360px/obs-en-12-06.jpg) तेबे परमात्मा ने से बादला रा खम्बा इस्राएली लोका रे ओर मिस्री लोका रे बिचे खड़ा करता, ओर रात के समय से आगी रा खम्बा बणिगा। मिस्री लोक पूरी रात इस्राएली लोका रे नजदीक नी आई सके। ![](https://cdn.door43.org/obs/jpg/360px/obs-en-12-07.jpg) परमात्मा ने मूसा खे समुद्रा बिचे आपणा आथ आगे बढ़ाणे खातर बोल्या। फेर परमात्मा ने हव्वा साथे समुद्रा रा पाणी दाएं ओर बाएं तरफ करता, ओर समुद्रा रिए हुइके एक बाट बणिगी। ![](https://cdn.door43.org/obs/jpg/360px/obs-en-12-08.jpg) इस्राएली लोक समुद्रा रिए हुइके सुक्की जमीना बिचे आगे चलणे लगे, ओर तिनारे दोनो तरफ पाणी रिया दीवारा थिया। ![](https://cdn.door43.org/obs/jpg/360px/obs-en-12-09.jpg) तेबे परमात्मा ने से बादला रा ओर आगी खम्बा तेस बाटा बिचे ते उबे उठाइला। तेबे मिस्री लोका ने इस्राएली लोक बचिके जादें हुए देखे। मिस्री लोका ने तिनाखे पकड़ने खातर दोबारा तिनारा पीछा करना शुरू करता। ![](https://cdn.door43.org/obs/jpg/360px/obs-en-12-10.jpg) तेथे बाद एड़ा हुआ कि मिस्री लोका ने समुद्रा रे जरिए इस्राएली लोका रा पीछा किता, पर परमात्मा ने मिस्री लोक डराइते ओर तिनारे रथ अटकाइते। मिस्री लोक चिल्लाणे लगे, “नठो! इस्राएली लोका री तरफा ते परमात्मा लड़ने लगिरा!” ![](https://cdn.door43.org/obs/jpg/360px/obs-en-12-11.jpg) सारे इस्राएली लोक समुद्रा रे दूजी तरफ पौंचिगे। तेबे परमात्मा ने मूसा खे बोल्या कि पाणी पादें आपणा आथ दोबारा आगे बढ़ा। जेबे मूसा ने आपणा आथ आगे बढ़ाया, तो पाणी आपणी सामान्य स्थिति बिचे हुइगा ओर सारा पाणी मिस्री सेना पादें आइगा ओर सारी मिस्री सेना डूबिगी। ![](https://cdn.door43.org/obs/jpg/360px/obs-en-12-12.jpg) जेबे इस्राएली लोका ने देख्या कि सारे मिस्री लोक मरिगे तो तिनाने परमात्मा पादें परोसा किता। तिनाने परोसा किता कि मूसा परमात्मा री तरफा ते भविष्यद्वक्ता ए। ![](https://cdn.door43.org/obs/jpg/360px/obs-en-12-13.jpg) इस्राएली लोक इजिखातर बी बहुत खुश थे क्योंकि परमात्मा ने स्यो मरने ते ओर गुलाम हुणे ते बचाइले थे। एबे स्यो परमात्मा री अराधना करने खातर ओर तेसरे आदेशा रा पालन करने खातर आजाद थे। इस्राएली लोका ने आपणे आजाद हुणे री खुशी मनाणे खातर ओर परमात्मा री बडयाई करने खातर बहुत सारे गीत गाए क्योंकि परमात्मा ने स्यो मिस्री सेना ते बचाए थे। ![](https://cdn.door43.org/obs/jpg/360px/obs-en-12-14.jpg) परमात्मा ने इस्राएली लोकाखे हर साल एक फसह त्योआर मनाणे रा आदेश दिता, ये याद करने खातर कि कियां परमात्मा ने इस्राएली लोक मिस्री लोका रे गुलाम हुणे ते बचाए थे, एस त्योआरा खे फसह त्योआर बोल्या गया। एस फसह त्योआर मनाणे खातर तिनाखे एक शुद्ध-निर्दोष मेमने री बली चढ़ाणी थी, ओर से मेमना पुजिके से बिना खमीर वाली रोटी साथे खाणा था। *निर्गमन अध्याय 12:33-15:21 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_12_128kbps.m4a ## 13. इस्राएली लोका साथे परमात्मा री वाचा https://openbiblestories.org/l/hii/story-13/ ![](https://cdn.door43.org/obs/jpg/360px/obs-en-13-01.jpg) इस्राएली लोकाखे लाल समुद्रा रे पार ले जाणे ते बाद, परमात्मा तिनाखे बणा रिए हुइके सीनै नावां री एक पाड़िया पादें लइगा। ये सेई पाड़ी थी जेती मूसा ने जलदी हुई झाड़ी देखी थी। इस्राएली लोका ने तेस पाड़िया ते थाले आपणे तम्बू बणाए। ![](https://cdn.door43.org/obs/jpg/360px/obs-en-13-02.jpg) परमात्मा ने मूसा खे ओर सब इस्राएली लोकाखे बोल्या, “अगर तुसे हमेशा मेरा आदेश मानोगे ओर मेरी वाचा रा पालन करोगे, तो सब लोका बिचे ते तुसेई मेरे खास लोक ठैरने, ओर तुसे मेरी नजरी बिचे मेरे पुरोहिता रा राज्य ओर एक पवित्र बरादरी ठैरने।” ![](https://cdn.door43.org/obs/jpg/360px/obs-en-13-03.jpg) तीन दिन तक स्यो आपणे तन-मना खे शुद्ध करदे रए ताकि परमात्मा तिनागे आई सको। तेबे परमात्मा सीनै पाड़िया ते थाले उतरया। ओर जेबे से थाले आया तो भूकम्प हुआ, बिजली चमकी, काला बादल छाइगा, ओर नरसिंगे री जोरदार आवाज सुणाई देणे लगी। तेस पाड़िया पादें जाणे री इजाजत सिर्फ मूसा खे थी ओर मूसा पाड़िया पादें चढ़िगा। ![](https://cdn.door43.org/obs/jpg/360px/obs-en-13-04.jpg) तेबे परमात्मा ने इस्राएली लोका साथे एक वाचा बानी। तिने बोल्या, “हाउं तुसारा परमात्मा, यहोवा ए। से हाउंए जिने तुसे मिस्री लोका री गुलामी ते बचाए। तुसे मादें अलावा ओर केस बी देवते री आराधना नी करयो।” ![](https://cdn.door43.org/obs/jpg/360px/obs-en-13-05.jpg) “मूर्तिया बणाइके तिजिरी पूजा नी करयो क्योंकि हाउं, यहोवा, तुसारा एकमात्र सच्चा परमात्मा ए। तुसे मेरा नाओं गलत रीति ते नी लेयो, ओर सब्त वाला दिन पवित्र मानणे खातर याद राख्यो। तुसे छे दिन आपणा काम काज करयो, पर सातवाँ दिन तुसा खातर आराम करने रा ओर मेरी आराधना करने रा दिन हुणा।” ![](https://cdn.door43.org/obs/jpg/360px/obs-en-13-06.jpg) “तुसे आपणे आम्मा-पापा रा आदर करना। ओर केसरी हत्या नी करनी, केस साथे व्यबिचार नी करना, केसरी चोरी नी करनी, चुठ नी बोलणा। तुसे आपणे पड़ोसी री करवालिया ते, या तेसारे करा ते कोई बी चीज लेणे रा लालच नी करना।” ![](https://cdn.door43.org/obs/jpg/360px/obs-en-13-07.jpg) सब लोक तिना नियमा रा पालन करने खातर तैयार हुइगे जो नियम परमात्मा ने तिनाखे दिते थे। स्यो सिर्फ परमात्मा रे लोक बणने खातर ओर सिर्फ तेसरी आराधना करने खातर तैयार हुए। ![](https://cdn.door43.org/obs/jpg/360px/obs-en-13-08.jpg) परमात्मा ने इस्राएली लोकाखे एक बहुत बड़ा तम्बू बणाणे खातर बोल्या, एस तम्बू खे मिलाप वाला तम्बू बोल्या गया। परमात्मा ने तिनाखे अच्छी तरह बताया कि तुसे ये तम्बू कियां बणाणा, ओर तिजिरे आंदरे क्या-क्या चीजा राखणिया। परमात्मा ने तिनाखे तेस तम्बू बिचे दो कमरे बणाणे खातर ओर एक परदा लगाणे खातर बोल्या। जेस कमरे बिचे परमात्मा री उपस्थिति हुणी, तेस कमरे बिचे जाणे री इजाजत सिर्फ महापुरोहिता खे हुणी। ![](https://cdn.door43.org/obs/jpg/360px/obs-en-13-09.jpg) परमात्मा ने तिना लोकाखे बोल्या कि तेस मिलाप वाले तम्बू रे सामणे एक वेदी बणाओ। परमात्मा ने ये बी बोल्या कि जिने मेरी व्यवस्था रा नियम तोड़ना से एस वेदी पादें बली चढ़ाणे खातर एक जानवरा खे लेइके आओ। तेबे महापुरोहिता ने तेसरे पापा खातर तेस जानवरा री बली चढ़ाणी ओर तिने वेदी पादें मेरे खातर से जानवर बली रे रुपा चे फुकणा। तेस जानवरा रे खुना रे जरिए तेस आदमी रा पाप दूर हुणा। एस रीति ते, एबे परमात्मा ने से पाप नी देखणा। ओर तेथे बाद से आदमी परमात्मा री नजरी बिचे “शुद्ध” ठैरना। परमात्मा ने मूसा रा पाई हारून ओर हारुना रे वंशज आपणे पुरोहित बणाणे खातर चुणे। ![](https://cdn.door43.org/obs/jpg/360px/obs-en-13-10.jpg) तेबे परमात्मा ने ये दस आदेश पात्थरा री दो पटिया पादें लिखिके मूसा खे देइते। परमात्मा ने तिनाखे ओर बी बहुत सारे नियमा रा पालन करने खातर बोल्या। ओर तिना साथे ये वाचा बानी कि अगर तुसे इना नियमा रा पालन करोगे तो हाउं तुसाखे आशीष देउंगा ओर तुसारी रक्षा करुंगा। पर अगर तुसे इना नियमा रा पालन नी करोगे तो मै तुसाखे सजा देणी। ![](https://cdn.door43.org/obs/jpg/360px/obs-en-13-11.jpg) मूसा कई दिन तक सीनै पाड़िया पादें परमात्मा साथे गल्ला करदा रया। ओर लोक मूसा रे वापस आउणे रा इन्तजार करदे-करदे थकिगे। इजिखातर स्यो लोक हारुना गे सोना लेइके आए ओर तिनाने हारुना खे तेस सोने री मूर्ति बणाणे खातर बोल्या, ताकि स्यो परमात्मा री बजाए तेस मुर्तिया री आराधना करी सको। एस तरह तिनाने परमात्मा रे खिलाफ बहुत बड़ा पाप किता। ![](https://cdn.door43.org/obs/jpg/360px/obs-en-13-12.jpg) हारुना ने बछड़े रे आकारा री एक सोने री मूर्ति बणाई। फेर तिनाने तेस मुर्तिया री पूजा करनी शुरू करती ओर तिजिखे बली चढ़ाई! तिनारे एस पाप करने री वजह ते परमात्मा तिनाते बहुत गुस्सा हुआ। परमात्मा तिनाखे नष्ट करी देणा चाओ था। पर मूसा ने परमात्मा गे प्रार्थना किती कि इना लोकाखे मत मार। ओर तिने मूसा री प्रार्थना सुणी ओर स्यो लोक नष्ट नी किते। ![](https://cdn.door43.org/obs/jpg/360px/obs-en-13-13.jpg) तेबे मूसा सीनै पाड़िया ते उतरिके थाले आया। तिने से पात्थरा रिया दोनो पट्टिया आथा बिचे लेई राखिया थिया जिना पादें परमात्मा ने दस आदेश लिखी राखे थे। फेर जेबे मूसा ने से मूर्ति देखी। तो से इतना गुस्सा हुआ कि तिने दस आदेशा रिया दोनो पट्टिया तोड़तिया, क्योंकि जो कुछ तिना लोका ने किता, से परमात्मा रे दस आदेशा रे खिलाफ था। ![](https://cdn.door43.org/obs/jpg/360px/obs-en-13-14.jpg) फेर मूसा ने तेस मुर्तिया रा पिसिके बुरादा बणाइता, ओर तिने से बुरादा पाणी बिचे मिलाइके तिना लोकाखे पिलाइता। तिनारे पापा रे कारण परमात्मा ने तिना लोका पादें एक मुसीबत पेजी ओर तिना बिचे ते बहुत सारे लोक मरिगे। ![](https://cdn.door43.org/obs/jpg/360px/obs-en-13-15.jpg) जो पटिया मूसा ने तोड़िया थिया तिजिरी जैगा मूसा ने तिना दस आदेशा रिया नइया पट्टिया बणाइया। तेबे मूसा फेर पाड़िया पादें चढ़िगा ओर तिने परमात्मा गे प्रार्थना किती कि तिना लोकाखे माफ करदे। परमात्मा ने मूसा री प्रार्थना सुणी ओर तिना लोकाखे माफ करता। फेर मूसा दस आदेशा रिया नइया पट्टिया लेइके पाड़िया ते उतरिके थाले आया। तेबे परमात्मा ने सीनै पाड़िया ते लेइके वादे रे देशा तक सब इस्राएली लोका रा मार्गदर्शण किता। *निर्गमन अध्याय 19-34 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_13_128kbps.m4a ## 14. इस्राएली लोका रा चाली साल तक बणा बिचे भटकणा https://openbiblestories.org/l/hii/story-14/ ![](https://cdn.door43.org/obs/jpg/360px/obs-en-14-01.jpg) इस्राएली लोकाखे सारे नियम बताणे ते बाद, परमात्मा ने सीनै पाड़िया ते आगे तिना लोका रा मार्गदर्शण किता। परमात्मा तिनाखे वादे रे देशा बिचे लई जाणा चाओ था जिजिखे कनान देश बी बोल्या जाओआ। परमात्मा बादला रा खम्बा बणिके तिनारे आगे-आगे चलया, ओर स्यो लोक तेसरे पीछे-पीछे चले। ![](https://cdn.door43.org/obs/jpg/360px/obs-en-14-02.jpg) परमात्मा ने अब्राहम, इसहाक ओर याकूबा साथे वादा किता था कि हाउं वादे रा देश तुसारे वंशजा खे देउंगा, पर एबे तेती बहुत सारी बरादरिया रे लोक बसिगे थे। तिनाखे कनानी लोक बोल्या जाओ था। ये कनानी लोक परमात्मा री आराधना नी करो थे ओर तेसरा आदेश नी मानो थे। स्यो चुठे देवतेया री पूजा करो थे ओर बहुत सारे बुरे काम बी करो थे। ![](https://cdn.door43.org/obs/jpg/360px/obs-en-14-03.jpg) परमात्मा ने इस्राएली लोकाखे बोल्या, “जेबे तुसे तेस वादे रे देशा बिचे जाओगे तो तेती रे सब कनानी लोका ते छुटकारा पाई लेयो। तुसे तिना साथे दोस्ती ना करयो ओर ना तिना साथे ब्या करयो। तुसे तिनारिया सब मुर्तिया नष्ट करी देयो। अगर तुसे मेरा आदेश नी मानोगे, तो तुसे मेरी बजाए तिनारे देवतेया री आराधना करने लगी जाणे।” ![](https://cdn.door43.org/obs/jpg/360px/obs-en-14-04.jpg) जेबे इस्राएली लोक कनान देशा री सीमा पादें पौंचे, तो मूसा ने इस्राएली लोका रे हर गोत्रा बिचे ते एक-एक करिके बारा मर्द चुणे। ओर तिनाखे कनान देशा रा भेद लेणे रा आदेश दिता ये जाणने खातर कि कनान केड़ा देश ए। मूसा ने तिनाखे कनानी लोका रा भेद लेणे खातर बी बोल्या ये जाणने खातर कि स्यो ताकतवर ए या नई। ![](https://cdn.door43.org/obs/jpg/360px/obs-en-14-05.jpg) तिना बारा मर्दा ने पूरे कनान देशा बिचे चाली दिना री यात्रा किती ओर फेर स्यो वापस आए। तिनाने लोकाखे बताया कि, “कनान बहुत उपजाऊ देश ए ओर तेती बहुत सारी फसल होई!” पर तिना बारा बिचे ते दस मर्दा ने बोल्या, “कनानी लोका रे नगर बहुत मजबूत ए ओर तेती रे बहुत लम्बे हटे-कट्टे लोक ए! अगर आसे तिना पादें हमला करुंगे तो तिनाने आसे पक्का हराई देणे ओर मारी देणे।” ![](https://cdn.door43.org/obs/jpg/360px/obs-en-14-06.jpg) तेबे एकदम कालेब, यहोशू ओर दूजे दो पाई बोलणे लगे, “ये सच्च ए कि कनानी लम्बे हटे-कट्टे ओर शक्तिशाली लोक ए, पर आसे तेबे बी तिनाखे हराई सकूंए! क्योंकि आसा खातर परमात्मा लड़ना!” ![](https://cdn.door43.org/obs/jpg/360px/obs-en-14-07.jpg) पर लोका ने कालेब ओर यहोशू री गल्ल नई सुणी। स्यो मूसा ओर हारुना पादें गुस्सा हुइगे ओर बोलणे लगे, “तुसे आसाखे एड़ी खतरनाक जैगा बिचे कउं लेइके आइरे? आसाखे मिस्र देशा बिचेई रौणा चइयो था। अगर आसे कनान देशा बिचे गए तो आसे युद्धा बिचे मारे जाणे, ओर कनानी लोका ने आसारी करवालिया ओर बच्चे गुलाम बणाई लेणे।” स्यो एक नया गुरु चुणने लगे ताकि से तिनाखे मिस्र देशा बिचे वापस लई जाओ। ![](https://cdn.door43.org/obs/jpg/360px/obs-en-14-08.jpg) जेबे तिना लोका ने इयां बोल्या तो परमात्मा बहुत गुस्सा हुइगा, ओर तिने मिलाप वाले तम्बू बिचे आइके बोल्या, “तुसे मेरे खिलाफ विद्रोह करी राख्या, इजिखातर तुसा सबी खे एस बणा बिचे भटकणा पड़ना। तुसा बिचे जो आदमी 20 साला रा ए या तेथे जादा उम्रा रा ए से तेती मरी जाणा ओर तिने कदी बी तेस देशा बिचे परवेश नी करना जो देश मैं तुसाखे देणा। तेस देशा बिचे सिर्फ कालेब ओर यहोशू ने परवेश करना।” ![](https://cdn.door43.org/obs/jpg/360px/obs-en-14-09.jpg) जेबे लोका ने परमात्मा इयां बोलदे हुए सुणया, तो स्यो दुखी हुए क्योंकि तिनाने पाप किता था। इजिखातर तिनाने कनान देशा रे लोका पादें हमला करने रा फैंसला किता। मूसा ने तिनाखे चेतावनी दिती कि तुसे कनान देशा बिचे नी जायो क्योंकि परमात्मा तुसारे साथे नी जाणा, पर तिनाने मूसा री गल्ल नई सुणी। ![](https://cdn.door43.org/obs/jpg/360px/obs-en-14-10.jpg) परमात्मा एस युद्धा बिचे तिनारे साथे नी गया था, इजिखातर कनानी लोका ने स्यो हराइते ओर तिना बिचे ते बहुत सारे लोक मारते। तेबे इस्राएली लोक कनान देशा बिचे ते वापस मुड़ी आए। आगले चाली साल तक स्यो बणा बिचे ओरे-पोरे भटकदे रए। ![](https://cdn.door43.org/obs/jpg/360px/obs-en-14-11.jpg) जेबे इस्राएली लोक चाली साल तक बणा बिचे भटकदे रए, तेबे परमात्मा ने तिनारी हर जरूरत पूरी किती। परमात्मा ने तिनाखे स्वर्गा ते रोटी दिती जिजिखे “मन्ना” बोल्या जाओआ। परमात्मा ने छोटे-छोटे बटेरू बी तिनारे डेरे बिचे पेजे ताकि तिनागे खाणे खातर माँस हो। परमात्मा ने इना चाली साला बिचे तिनारे टाले-जूते तक नी फटणे दिते। ![](https://cdn.door43.org/obs/jpg/360px/obs-en-14-12.jpg) परमात्मा ने तिनाखे पीणे खातर चट्टाना बिचे ते पाणी काडया। ये सब हुणे ते बाद इस्राएली लोका ने परमात्मा रे खिलाफ ओर मूसा रे खिलाफ शिकायत किती ओर कुड़कुड़ाए। फेर बी परमात्मा आपणे वादे पादें परोसे लायक रया, परमात्मा ने अब्राहम, इसहाक ओर याकूबा रे वंशजा खातर करने रा जो वादा किता था से तिने पूरा किता। ![](https://cdn.door43.org/obs/jpg/360px/obs-en-14-13.jpg) एक ओर समय था जेबे तिनागे पाणी नी था, परमात्मा ने मूसा खे बोल्या, “चट्टाना साथे गल्ला कर, ओर तिजी बिचे ते पाणी निकलना।” पर मूसा ने चट्टाना साथे गल्ल नी किती। इजिरी बजाए तिने चट्टाना पादें दो बार डंडी मारी। एड़ा करिके तिने परमात्मा रा आदर नी किता। सबी खे पीणे खातर चट्टाना बिचे ते पाणी तो निकलिगा, पर परमात्मा मूसा ते गुस्सा हुइगा। परमात्मा ने बोल्या, “तैं मेरा आदेश नी मान्या, इजिखातर एबे तूं वादे रे देशा बिचे परवेश नी हुई सकदा।” ![](https://cdn.door43.org/obs/jpg/360px/obs-en-14-14.jpg) जेबे इस्राएली लोक चाली साल तक बणा बिचे भटकी चुके थे, तेबे जिनाने परमात्मा रे खिलाफ विद्रोह किता था स्यो सब मरिगे। तेबे परमात्मा तिना लोकाखे फेर तेस वादे रे देशा बिचे लइगा। एबे मूसा बहुत बुडा हुइगा था, इजिखातर परमात्मा ने तिना लोका रा मार्गदर्शण करने खातर यहोशू चुणया। परमात्मा ने मूसा साथे ये वादा बी किता था कि एक दिन मैं तिना लोका गे मूसा जेड़ा एक भविष्यद्वक्ता पेजणा। ![](https://cdn.door43.org/obs/jpg/360px/obs-en-14-15.jpg) तेबे परमात्मा ने मूसा खे एक पाड़िया रे सिरे पादें जाणे खातर बोल्या ताकि से वादे रे देशा खे देखी सको। मूसा ने से वादे रा देश देख्या पर परमात्मा ने मूसा खे तिजी बिचे परवेश करने री इजाजत नी दिती। तेबे मूसा मरिगा, ओर इस्राएली लोका ने 30 दिन तक दुख मनाया। ओर मूसा री जैगा यहोशू तिना लोका रा मार्गदर्शण करने वाला बणिगा। क्योंकि तिने परमात्मा पादें परोसा किता ओर तेसरा आदेश मान्या। *निर्गमन अध्याय 16-17; गिणती 10-14; 20; 27; व्यवस्थाविवरण 34 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_14_128kbps.m4a ## 15. वादे रा देश https://openbiblestories.org/l/hii/story-15/ ![](https://cdn.door43.org/obs/jpg/360px/obs-en-15-01.jpg) एबे इस्राएली लोका रा कनान देशा बिचे परवेश करने रा समय आइगा था। तेस देशा बिचे यरीहो नावां रा एक नगर था। तिजिरी सुरक्षा खातर तिजिरे चारो तरफ मजबूत दीवारा थिया। यहोशू ने यरीहो नगरा रा भेद लेणे खातर तेती दो आदमी पेजे। तेस नगरा बिचे राहाब नावां री एक वेश्या ज्वाणस रओ थी। तेसाने ये दो भेदी छुपाए, ओर फेर बादाते तेसाने यरीहो नगरा ते बचिके निकलने बिचे तिनारी मदद किती। तेसाने एड़ा इजिखातर किता क्योंकि से परमात्मा पादें परोसा करो थी। तिना दो भेदी आदमिया ने राहाबा साथे वादा किता कि जेस समय इस्राएली लोका ने यरीहो नगर नष्ट करना तो तेस समय आसे तेरी ओर तेरे परिवारा री रक्षा करनी। ![](https://cdn.door43.org/obs/jpg/360px/obs-en-15-02.jpg) इस्राएली लोकाखे वादे रे देशा बिचे परवेश करने खातर यरदन नदी पार करनी थी। परमात्मा ने यहोशू खे बोल्या, “पुरोहिता खे पैले जाणे दे।” जेबे पुरोहिता ने यरदन नदी बिचे आपणे पैर राखे तो नदी बिचे पाणी रिया तेज धारा थमिगिया, ताकि इस्राएली लोक सुक्की जमीना रिए हुइके नदी ते पार जाई सको। ![](https://cdn.door43.org/obs/jpg/360px/obs-en-15-03.jpg) जेबे इस्राएली लोका ने यरदन नदी पार करिली तो परमात्मा ने यहोशू खे बोल्या कि यरीहो नगरा पादें हमला करने खातर तैयार रओ, हालाँकि यरीहो बहुत मजबूत नगर था। परमात्मा ने इस्राएली लोका रे पुरोहिता खे ओर सैनिका खे छे दिन तक यरीहो नगरा रे चारो तरफ एक बार चक्कर लगाणे खातर बोल्या। तेबे पुरोहिता ने ओर सैनिका ने एड़ाई किता। ![](https://cdn.door43.org/obs/jpg/360px/obs-en-15-04.jpg) परमात्मा ने ये बी बोल्या कि इस्राएल देशा रे चारो तरफ सात बार चक्कर लगाणा ए। तेबे पुरोहित आपणे नरसिंगे बजाओ, ओर सब लोक ऊची आवाजा बिचे जयजयकार करो। इजिखातर तिनाने एड़ाई किता। ![](https://cdn.door43.org/obs/jpg/360px/obs-en-15-05.jpg) तेबे यरीहो नगरा रे चारो तरफा रिया दीवारा टलिगिया! परमात्मा रे आदेशा रे अनुसार इस्राएली लोका ने यरीहो नगरा री हर एक चीज नष्ट करती। तिनाने सिर्फ राहाब ओर तेसारा परिवार छाडया, क्योंकि स्यो इस्राएली लोका रा हिस्सा बणिगे थे। जेबे कनान देशा बिचे रौणेवाले दूजे लोका ने सुणया कि इस्राएली लोका ने यरीहो नगर नष्ट करता, तो स्यो डरिगे कि इस्राएली लोका ने आसा पादें बी हमला करना। ![](https://cdn.door43.org/obs/jpg/360px/obs-en-15-06.jpg) परमात्मा ने इस्राएली लोकाखे आदेश दिता कि तुसे कनान देशा बिचे रौणे वाली केस बी बरादरिया साथे शान्ति रा समझौता नी करना। पर गिबोनियो नावां री एक कनानी बरादरी ने यहोशू गे चुठ बोल्या कि आसे कनान देशा ते दूर रौणे वाले लोक ए। तिनाने यहोशू गे इस्राएली लोका साथे शान्ति रा समझौता करने री विनती किती। यहोशू ओर इस्राएली लोका ने परमात्मा ते नी पुछया कि आसाखे क्या करना चइयो। इजिरे बजाए, तिनाने गिबोनी बरादरी साथे शान्ति रा समझौता करिला। ![](https://cdn.door43.org/obs/jpg/360px/obs-en-15-07.jpg) तीन दिन बाद, इस्राएली लोकाखे पता लगया कि गिबोनी लोक कनान देशा बिचेई रओए। इस्राएली लोक गुस्सा हुइगे क्योंकि गिबोनी लोका ने तिना साथे तोखा किता। पर तिनाने गिबोनी लोका साथे शान्ति रा समझौता बणाएदे राख्या क्योंकि से शान्ति रा समझौता परमात्मा रे सामणे किता गया था। तेबे कुछ समय बाद, कनान देशा बिचे रौणे वाली एक दूजी बरादरी, एमोरियो रे राजेया ने सुणया कि गिबोनी लोका ने इस्राएली लोका साथे शान्ति रा समझौता करिला, इजिखातर तिनाने आपणी-आपणी सेना कट्ठी करिके एक बड़ी सेना बणाई ओर गिबोनी बरादरी पादें हमला करता। गिबोनी लोका ने यहोशू गे एक समाचार पेज्या कि आसारी मदद कर। ![](https://cdn.door43.org/obs/jpg/360px/obs-en-15-08.jpg) ये समाचार सुणिके यहोशू ने इस्राएली लोका री सेना कट्ठी किती ओर गिबोनी लोका गे पौंचणे खातर स्यो पूरी रात चले। सबेरा तड़केई तिनाने एमोरियो री सेना चौंकाइती ओर तिना पादें हमला करता। ![](https://cdn.door43.org/obs/jpg/360px/obs-en-15-09.jpg) तेस दिना परमात्मा इस्राएली लोका खातर लड़या। परमात्मा ने एमोरियो री सेना कबराइती, ओर तिने बड़े-बड़े ओले बरसाइके बहुत सारे एमोरी सैनिक मारते। ![](https://cdn.door43.org/obs/jpg/360px/obs-en-15-10.jpg) परमात्मा ने सूरज बी आसमाणा बिचे एक जैगा खड़ा करता ताकि इस्राएली लोकाखे पूरा समय मिली सको ओर स्यो एमोरी सेना खे पूरी तरह ते हराई सको। तेस दिना, परमात्मा ने इस्राएली लोका खातर एक बड़ी जीत हांसिल किती। ![](https://cdn.door43.org/obs/jpg/360px/obs-en-15-11.jpg) जेबे परमात्मा ने एमोरियो री सेना हराई तो तेथे बाद, कनानी बरादरी रे बहुत सारे लोक इस्राएली लोका पादें हमला करने खातर कट्ठे हुए। पर यहोशू ओर इस्राएली लोका ने हमला करिके तिनारा सर्वनाश करता। ![](https://cdn.door43.org/obs/jpg/360px/obs-en-15-12.jpg) एस युद्धा ते बाद, परमात्मा ने इस्राएली लोकाखे सारा कनान देश देइता जिजिखे देणे रा वादा परमात्मा ने तिनारे बजुर्गा साथे किता था ओर स्यो तेस देशा बिचे अधिकारी बणिके रौणे लगे। तेबे परमात्मा ने इस्राएल देशा री सब सीमा तक शान्ति प्रदान किती। ![](https://cdn.door43.org/obs/jpg/360px/obs-en-15-13.jpg) जेबे यहोशू बुडा हुइगा तो तिने इस्राएल देशा रे सब लोक एक साथ बुलाए। तेबे यहोशू ने तिना लोकाखे याद कराया कि आसे तेस वाचा रा पालन करने रा वादा किता था जो वाचा परमात्मा ने आसा साथे सीनै पाड़िया पादें बानी थी। तिना लोका ने परमात्मा रे प्रति परोसे लायक रौणे रा ओर तेसरी व्यवस्था रा पालन करने रा वादा किता। *यहोशू अध्याय 1-24 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_15_128kbps.m4a ## 16. छुड़ाणे वाले https://openbiblestories.org/l/hii/story-16/ ![](https://cdn.door43.org/obs/jpg/360px/obs-en-16-01.jpg) यहोशू रे मरने ते बाद, इस्राएली लोका ने परमात्मा रे आदेशा रा ओर नियमा रा पालन नी किता, ओर तिनाने वादे रे देशा बिचे बचे हुए कनानी लोक बारे नी काडे। इस्राएली लोका ने आपणे सच्चे परमात्मा, यहोवा खे छाडिके कनानी देवतेया री पूजा करनी शुरू करती। इस्राएली लोका गे कोई राजा नी था, इजिखातर जेसके जो ठीक लगया तिने सेई किता। ![](https://cdn.door43.org/obs/jpg/360px/obs-en-16-02.jpg) परमात्मा रा आदेश ना मानणे रे कारण इस्राएली लोका ने एक तरीका शुरू करता जो कई बार दोहराया गया। ये तरीका एस तरह चलया: कुछ साल तक इस्राएली लोक परमात्मा रा आदेश नी मानो थे, तेबे परमात्मा तिनाखे तिनारे दुशमणा रे जरिए हराइके सजा देयो था। ये दुशमण इस्राएली लोका ते सब कुछ लूटिलो थे, ओर तिनारी जायदात नष्ट करिदो थे, ओर तिना बिचे ते बहुत सारे इस्राएली लोकाखे मारिदो थे। फेर जेबे इस्राएली लोका रे दुशमण कई साल तक तिना पादें अत्याचार करो थे, तेथे बाद इस्राएली लोक आपणे पापा रा पछतावा करो थे ओर परमात्मा गे प्रार्थना करो थे कि आसाखे बचा। ![](https://cdn.door43.org/obs/jpg/360px/obs-en-16-03.jpg) हर बार जेबे इस्राएली लोक पछ्तावा करो थे तो परमात्मा तिनाखे बचाओ था। से एक छुड़ाणे वाले रे जरिए एड़ा करो था- एक एड़ा आदमी जो इस्राएली लोका रे दुशमणा रे खिलाफ लड़ो था ओर तिनाखे हराओ था। तेबे देशा बिचे शान्ति हो थी ओर से छुड़ाणे वाला अच्छी रीति ते तिना पादें शासन करो था। परमात्मा ने तिना लोकाखे बचाणे खातर बहुत सारे छुड़ाणे वाले पेजे। परमात्मा ने नजदीक वाली एक दुशमण बरादरी, मिघानियो खे इजाजत दिती कि इस्राएली लोकाखे हराओ। ![](https://cdn.door43.org/obs/jpg/360px/obs-en-16-04.jpg) मिघानी लोका ने सात साल तक इस्राएली लोका री फसल लूटी। इस्राएली लोक बहुत जादा डरिगे थे, ओर स्यो गुफा बिचे छुपी जाओ थे ताकि मिघानी लोक तिनाखे टोली ना सको। आखिरकार, तिनाने परमात्मा पुकारया कि आसाखे बचा। ![](https://cdn.door43.org/obs/jpg/360px/obs-en-16-05.jpg) गिदोन नावां रा एक इस्राएली आदमी था। एक दिन, से एक गुप्त जैगा बिचे कणक चाड़ने लगिरा था ताकि मिघानी लोक तिजिखे चुराई ना सको। यहोवा परमात्मा रे स्वर्गदूता ने गिदोना गे आइके तेसके बोल्या, “ए सुरवीर सुरमा, परमात्मा तेरे साथ ए। जा ओर इस्राएली लोकाखे मिघानी लोका ते बचा।” ![](https://cdn.door43.org/obs/jpg/360px/obs-en-16-06.jpg) गिदोना रे पापे ने मुर्तिया रे सामणे बली चड़ाणे खातर एक वेदी बणाई थी। सबी ते पैले परमात्मा ने गिदोना खे से वेदी तोड़ने खातर बोल्या। पर गिदोन लोका ते डरो था, इजिखातर तिने रात हुणे रा इन्तजार किता। तेबे गिदोना ने तेस वेदी रे तोड़िके टुकड़े-टुकड़े करते। तिने परमात्मा खातर एक नई वेदी बणाई ओर तिजी पादें परमात्मा खातर बली चढ़ाई। ![](https://cdn.door43.org/obs/jpg/360px/obs-en-16-07.jpg) आगली सबेरा लोका ने देख्या कि किने वेदी तोड़िके टुकड़े-टुकड़े करती, इजिखातर लोक बहुत गुस्सा हुए। जेबे तिनाखे पता लगया कि ये गिदोना ने तोड़ी राखी तो स्यो तेसके मारने खातर तेसरे करे गए, पर गिदोना रे पापे ने बोल्या, “तुसे कउं आपणे देवते री रक्षा करने री कोशिश करने लगिरे? अगर से देवता ए तो तेसके आपणी रक्षा आपी करने दो!” तिने एड़ा बोल्या इजिखातर लोका ने गिदोन नई मारया। ![](https://cdn.door43.org/obs/jpg/360px/obs-en-16-08.jpg) तेबे इस्राएली लोकाखे लुटणे खातर मिघानी लोक फेर आए। स्यो इतने सारे थे कि तिनारी गिणती बी नी किती जाई सको थी। गिदोना ने तिनारे खिलाफ लड़ने खातर इस्राएली लोक एक साथ बुलाए। गिदोना ने परमात्मा ते दो नसाणा री माँग किती ताकि तेसके परोसा हुई जाओ कि परमात्मा सच्चेई तेसके इस्राएली लोकाखे बचाणे खातर बोलणे लगिरा। ![](https://cdn.door43.org/obs/jpg/360px/obs-en-16-09.jpg) पैले नसाणा खातर, गिदोना ने पेडा री उन जमीना पादें राखिके परमात्मा खे बोल्या कि सबेर कि ओस सिर्फ एस पेडा री उना पादें पड़ो ओर जमीना पादें ना पड़ो। परमात्मा ने एड़ाई किता। आगली राती, तिने परमात्मा खे बोल्या कि जमीन गीली हुई जाओ पर पेडा री उन सुक्की रओ। परमात्मा ने फेर एड़ाई किता। इना दो नसाणा रे कारण, गिदोना ने परोसा किता कि परमात्मा सच्चेई चाओए कि हाउं इस्राएली लोकाखे मिघानी लोका ते बचाऊँ। ![](https://cdn.door43.org/obs/jpg/360px/obs-en-16-10.jpg) तेबे गिदोना ने सैनिक आपिगे बुलाए ओर 32,000 सैनिक आए। पर परमात्मा ने तेसके बोल्या कि ये बहुत जादा ए। तेबे गिदोना ने 22,000 सैनिक करा खे वापस पेजिते जो लड़ने ते डरो थे। परमात्मा ने गिदोना खे बोल्या कि ये सैनिक एबु बी बहुत जादा ए। इजिखातर गिदोना ने 300 सैनिका खे छाडिके बाकी सब सैनिक करा खे पेजिते। ![](https://cdn.door43.org/obs/jpg/360px/obs-en-16-11.jpg) तेसी राती परमात्मा ने गिदोना खे बोल्या, “मिघानी लोका रे तम्बू बिचे जा ओर तिनाखे गल्ला करदे हुए सुण। जेबे तैं सुणना कि स्यो क्या गल्ला करने लगिरे तेबे तूं तिना पादें हमला करने ते नी डरना।” इजिखातर तेसी राती, गिदोन थाले तिनारे तम्बू बिचे गया ओर गिदोना ने एक मिघानी सैनिक आपणे दोस्ता खे से गल बतादें हुए सुणया जो तिने सुपने बिचे देखी थी। तेस सैनिका रे दोस्ता ने बोल्या, “एस सुपने रा मतलब ये कि गिदोना री सेना ने मिघानी सेना हराई देणी!” जेबे गिदोना ने ये सुणया तो तिने परमात्मा री स्तुति किती। ![](https://cdn.door43.org/obs/jpg/360px/obs-en-16-12.jpg) तेबे गिदोन आपणे सैनिका गे वापस आया ओर तिने हर सैनिका खे एक-एक नरसिंगा, एक-एक माटिया रा पांडा, ओर एक-एक मशाल दिती। तिनाने से तम्बू केरिला जेती मिघानी सैनिक सौणे लगिरे थे। गिदोना रे 300 सैनिका ने आपणिया मशाला माटिया रे पांडे साथे टकी राखिया थिया इजिखातर मिघानी लोक तिना मशाला री रोशनी नी देखी सके। ![](https://cdn.door43.org/obs/jpg/360px/obs-en-16-13.jpg) तेबे गिदोना रे सैनिका ने एक साथ आपणे-आपणे माटिया रे पांडे तोड़े ओर अचाणक मशाला बिचे ते आगी री रोशनी चमकी। गिदोना रे सैनिका ने आपणे-आपणे नरसिंगे बजाए ओर नारा लगाणे लगे, “यहोवा री तलवार ओर गिदोना री तलवार!” ![](https://cdn.door43.org/obs/jpg/360px/obs-en-16-14.jpg) परमात्मा ने मिघानी लोक कबराइते, इजिखातर स्यो एक-दूजे खे मारने-काटणे लगे। तेसी समय गिदोना ने बाकी इस्राएली लोक बी तिनारे करा ते बुलाइले ताकि स्यो मिघानी लोका रा पीछा करने बिचे तिनारी मदद करी सको। तिनाने बहुत सारे मघानी लोक खत्म करते ओर बाकी जो बचे स्यो इस्राएल देशा ते बारे खदेड़ते। तेस दिना 1,20,000 मिघानी लोक मारे गए। एस तरह परमात्मा ने इस्राएल देश बचाया। ![](https://cdn.door43.org/obs/jpg/360px/obs-en-16-15.jpg) स्यो लोक गिदोना खे आपणा राजा बणाणा चाओ थे, पर गिदोना ने तिनाखे एड़ा नी करने दिता, पर तिने तिनाते से सोने रे ज्योर माँगे जो तिनाने मिघानी लोका ते लुटे थे। तिना लोका ने गिदोना खे बहुत सारा सोना दिता। ![](https://cdn.door43.org/obs/jpg/360px/obs-en-16-16.jpg) तेबे गिदोना ने तेस सोने ते एक खास टाले रा जोड़ा बणाया जेड़ा महापुरोहित पैनी राखो थे। पर लोका ने एक मुर्तिया री तरह तेसरी पूजा करनी शुरू करती। तेबे परमात्मा ने फेर इस्राएली लोकाखे सजा दिती क्योंकि तिनाने मुर्तिया री पूजा किती थी। परमात्मा ने तिनाखे हराणे खातर तिनारेई दुशमण तैयार किते। आखिरकार तिनाने मदद लेणे खातर फेर परमात्मा गे प्रार्थना किती, ओर परमात्मा ने तिनाखे बचाणे खातर तिनागे एक छुड़ाणे वाला पेज्या। ![](https://cdn.door43.org/obs/jpg/360px/obs-en-16-17.jpg) येई गल्ल कई बार हुई: इस्राएली लोका ने पाप करना, परमात्मा ने तिनाखे सजा देणी, तिनाने पछ्तावा करना, परमात्मा ने तिनाखे छुड़ाणे खातर कोई पेजी देणा। कई साल तक, परमात्मा ने बहुत सारे छुड़ाणे वाले पेजे जिनाने इस्राएली लोक तिनारे दुशमणा ते बचाए। ![](https://cdn.door43.org/obs/jpg/360px/obs-en-16-18.jpg) आखिरकार, तिना लोका ने दूजे देशा री तरह परमात्मा ते आपी खातर एक राजा री माँग किती। स्यो एक एड़ा राजा चाओ थे जो लम्बा ओर ताकतवर हो, ओर युद्धा बिचे तिनारा मार्गदर्शण करी सको। परमात्मा खे तिनारी ये गल्ल पसंद नी आई, पर परमात्मा ने तिनाखे तेड़ाई राजा दिता जेड़ी तिनाने माँग किती थी। *न्यायियों अध्याय 1-3; 6-8; 1 शमूएल 1-10 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_16_128kbps.m4a ## 17. दाऊदा साथे परमात्मा री वाचा https://openbiblestories.org/l/hii/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएल देशा रा पैला राजा था। से लम्बा ओर सुंदर था, जेड़ा राजा इसराएली लोक चाओ थे तिनाखे तेड़ाई मिलया। इस्राएल देशा पादें शासन करने ते पैले कुछ साल तक शाऊल एक अच्छा राजा था। पर बादाते से एक दुष्ट आदमी बणिगा ओर तिने परमात्मा रे आदेशा रा पालन नी किता, इजिखातर परमात्मा ने तेसरी जैगा दूजा राजा चुणया। ![](https://cdn.door43.org/obs/jpg/360px/obs-en-17-02.jpg) परमात्मा ने एक जवान इस्राएली आदमी चुणया जेसरा नाओं दाऊद था ताकि से शाउला री जैगा राजा बणी सको। दाऊद बैतलहम नगरा रा एक चरवाहा था। से आपणे पापे रिया पेडा चारया करो था, तिने एक बार शेर ओर एक बार भालू मारया था क्योंकि तिनाने तेसरी पेडा पादें हमला किता था। दाऊद नरम स्वभाव वाला एक तर्मी आदमी था। तिने परमात्मा पादें परोसा किता ओर तेसरा आदेश मान्या। ![](https://cdn.door43.org/obs/jpg/360px/obs-en-17-03.jpg) जेबे दाऊद एक जवान आदमी था, तो तिने लम्बे-चौड़े फलिस्तीन सैनिक गोलियता रे खिलाफ लड़ाई किती थी। गोलियत एक बहुत ताकतवर सैनिक था। ओर लगभग तीन मीटर लम्बा था! पर परमात्मा ने गोलियता खे मारने खातर ओर इस्राएल देशा खे बचाणे खातर दाऊदा री मदद किती। तेथे बाद, दाऊदा ने इस्राएल देशा रे दुशमणा पादें कई बार जीत हांसिल किती। दाऊद एक बड़ा सैनिक बणिगा, ओर तिने बहुत सारे युद्धा बिचे इस्राएली लोका रा मार्गदर्शण किता। ओर लोका ने तेसरी बहुत तारीफ किती। ![](https://cdn.door43.org/obs/jpg/360px/obs-en-17-04.jpg) इस्राएली लोका ने दाऊदा साथे इतना प्यार किता कि शाऊल तेसते जलन करने लगया। शाऊल दाऊदा खे खत्म करना चाओ था, इजिखातर दाऊद तेसते ओर तेसरे सैनिका ते छुपणे खातर बणा बिचे नठिगा। एक दिन, जेबे शाऊल ओर तेसरे सैनिक दाऊदा खे टोलने लगिरे थे तो शाऊल एक गुफा बिचे गया। ये सेई गुफा थी जिचे दाऊद छुपिरा था, पर शाऊला ने देख्या निए। दाऊद शाऊला रे पीछे-पीछे तेसरे बहुत नजदीक चलिगा ओर तिने तेसरे टाले रा एक टुकड़ा बाडिला। बादाते जेबे शाऊल गुफा बिचे ते बारे निकलया तो दाऊदा ने तेसके से टाले रा टुकडा दखाया। तेबे शाऊला खे पता लगिगा कि दाऊद राजा बणने खातर माखे मारना नी चांदा ए। ![](https://cdn.door43.org/obs/jpg/360px/obs-en-17-05.jpg) कुछ समय बाद, शाऊल युद्धा बिचे मरिगा, ओर दाऊद इस्राएल देशा रा राजा बणिगा। दाऊद एक अच्छा राजा था, ओर लोका ने तेस साथे प्यार राख्या। परमात्मा ने दाऊदा खे आशीष दिती ओर से कामयाब बणाया। दाऊदा ने कई युद्ध लड़े, ओर परमात्मा ने इस्राएला रे दुशमणा खे हराणे बिचे दाऊदा री मदद किती। दाऊदा ने यरूशलेम सैर जितिके से आपणी राजधानी बणाई, ओर तेती रइके तिने शासन किता। दाऊद चाली साल तक राजा रया। एस समय बिचे इस्राएल देश बहुत जादा ताकतवर ओर अमीर बणिगा। ![](https://cdn.door43.org/obs/jpg/360px/obs-en-17-06.jpg) दाऊद एक मन्दर बणाणा चाओ था जेती सारे इस्राएली लोक परमात्मा री आराधना करी सको ओर तेसके बली चढ़ाई सको। इस्राएली लोक लगभग 400 साला ते मूसा रे बणाएदे मिलाप वाले तम्बू बिचे परमात्मा री आराधना करो थे ओर तेसके बली चढ़ाओ थे। ![](https://cdn.door43.org/obs/jpg/360px/obs-en-17-07.jpg) पर तेती नातान नावां रा एक भविष्यद्वक्ता था। परमात्मा ने से दाऊदा गे ये बोलणे खातर पेज्या: “तैं बहुत सारे युद्ध लड़े, इजिखातर तैं मेरे खातर ये मन्दर नी बणाणा। ये मन्दर तेरे पुता ने बणाणा। तेबे बी हाउं ताखे बहुत जादा आशीष देउंगा। तेरे एक वंशजा ने हमेशा खातर मेरे लोका पादें राजा री तरह शासन करना।” हमेशा खातर शासन करने वाला से दाऊदा रा एकमात्र वंशज मसीह ए। मसीह परमात्मा रा चुणयादा आदमी ए जिने संसारा रे लोक तिनारे पापा ते बचाणे। ![](https://cdn.door43.org/obs/jpg/360px/obs-en-17-08.jpg) जेबे दाऊदा ने नातान भविष्यद्वक्ता रा ये समाचार सुणया तो तिने परमात्मा रा धन्यवाद किता ओर तेसरी स्तुति किती। परमात्मा दाऊदा री इज्जत बढ़ाणे लगिरा था ओर तेसके बहुत सारी आशीष देणे लगिरा था। बेशक दाऊदा खे पता नी था कि परमात्मा ने ये गल्ला कदी पूरिया करनिया। एस समय आसाखे पता ए कि इस्राएली लोकाखे लगभग 1000 साल तक मसीह रे आउणे रा इन्तजार करना पड़ना। ![](https://cdn.door43.org/obs/jpg/360px/obs-en-17-09.jpg) दाऊदा ने कई साल तक आपणे लोका पादें शासन किता। तिने बिसवासा साथे परमात्मा रे आदेशा रा पालन किता ओर परमात्मा ने तेसके आशीष दिती। हालांकि तिने आपणे आखरी जीवना बिचे परमात्मा रे खिलाफ बहुत खतरनाक पाप किता था। ![](https://cdn.door43.org/obs/jpg/360px/obs-en-17-10.jpg) एक दिन दाऊदा रे सारे सैनिक दूर लड़ाई करने गइरे थे। तेबे दाऊद आपणे मैहला ते बारे आया, ओर तिने एक सुंदर ज्वाणस नहादें हुए देखी। पर तिने तेसाते आपणी नजर नी हटाई। दाऊद तेस ज्वाणसा खे नी जाणो था, पर तिने पता करिला कि तेस ज्वाणसा रा नाओं बतशेबा ए। ![](https://cdn.door43.org/obs/jpg/360px/obs-en-17-11.jpg) दाऊदा ने तेस ज्वाणसा खे आपणा बणाणे खातर आपणा एक सैनिक तेसागे पेज्या। दाऊदा ने तेस ज्वाणसा साथे नाजायज रिश्ता बणाया ओर तिने से वापस करा खे पेजती। कुछ समय बाद बतशेबा ने ये बोलिके दाऊदा गे समाचार पेज्या कि हाउं गर्बवती ए। ![](https://cdn.door43.org/obs/jpg/360px/obs-en-17-12.jpg) बतशेबा रा करवाला ऊरिय्याह नावां रा एक आदमी था। से दाऊदा रे अच्छे सैनिका बिचे ते एक था। तेस समय से युद्ध करने खातर बारे जाइरा था। दाऊदा ने ऊरिय्याह युद्धा बिचे ते वापस बुलाइला ओर तेसके आपणी करवालिया साथे रौणे खातर बोल्या। पर दूजे सैनिक युद्धा बिचे थे इजिखातर ऊरिय्याह ने करे जाणे ते इन्कार करता। दाऊदा ने ऊरिय्याह वापस युद्धा बिचे पेजिता, ओर योआब सेनापती खे बोल्या कि ऊरिय्याह खे युद्धा बिचे खतरनाक दुशमणा गे पेज ताकि से मारया जाओ। ओर तेथे बाद एड़ा हुआ कि ऊरिय्याह युद्धा बिचे मारया गया। ![](https://cdn.door43.org/obs/jpg/360px/obs-en-17-13.jpg) जेबे ऊरिय्याह युद्धा बिचे मरिगा तो तेथे बाद दाऊदा ने बतशेबा साथे ब्या करिला। बादाते तेसाने दाऊदा रे पुता खे जन्म दिता। दाऊदा ने जो पाप किता तेथे परमात्मा बहुत गुस्सा हुआ, इजिखातर परमात्मा ने नातान भविष्यद्वक्ता दाऊदा गे ये बताणे खातर पेज्या कि दाऊदा रा पाप कितना बुरा था। दाऊदा ने आपणा पाप मानिला ओर परमात्मा ने तेसके माफ करता। आपणे बचेदे जीवना बिचे, ओर आपणे मुश्किल समय बिचे बी दाऊद परमात्मा रे पीछे-पीछे चलया ओर तेसरा आदेश मान्या। ![](https://cdn.door43.org/obs/jpg/360px/obs-en-17-14.jpg) पर दाऊदा रा बच्चा मरिगा। एस तरह परमात्मा ने दाऊदा खे सजा दिती। एथे अलावा दाऊदा रे मरने तक, तेसरे आपणे परिवारा ने तेसरे खिलाफ लड़ाई किती, ओर दाऊद हर तरह ते कमजोर पड़िगा था। पर परमात्मा परोसे लायक था ओर परमात्मा ने एबु बी से किता जो करने रा तिने दाऊदा साथे वादा किता था, बेशक तिने परमात्मा रा आदेश नी मान्या। पर बादाते दाऊद ओर बतसेबा रे दूजी औलाद पैदा हुई ओर तिनाने तेसरा नाओं सुलैमान राख्या। *1 शमूएल अध्याय 10; 15-19; 24; 31; 2 शमूएल 5; 7; 11-12 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_17_128kbps.m4a ## 18. इस्राएल देशा रा दो राज्य बिचे बंटवारा https://openbiblestories.org/l/hii/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजा ने इस्राएल देशा पादें चाली साल तक शासन किता। तेथे बाद से मरिगा, ओर तेसरे पुत सुलैमाना ने इस्राएल देशा पादें शासन करना शुरू करता। परमात्मा ने सुलैमाना साथे गल्ल किती ओर तेसते पुछया, कि तूं सबी ते जादा क्या चाओआ जो हाउं तेरे खातर करूं। सुलैमाना ने परमात्मा खे बोल्या कि माखे बुदिमान बणाइदे। एस गल्ला ने परमात्मा खुश किता, इजिखातर परमात्मा ने सुलैमान संसारा रा सबी ते बुदिमान आदमी बणाइता। सुलैमाना ने बहुत सारिया गल्ला सिखिया ओर से शासन करने वाला एक बुदिमान आदमी था। परमात्मा ने से बहुत जादा अमीर बी बणाइता था। ![](https://cdn.door43.org/obs/jpg/360px/obs-en-18-02.jpg) सुलैमाना ने यरूशलेम सैरा बिचे से मन्दर बणाया जिजिरी योजना तेसरे पापे ने बणाई थी ओर तिजिखे बणाणे खातर समान कट्ठा किता था। एबे लोक मिलाप वाले तम्बू री बजाए मन्दरा बिचे परमात्मा री आराधना करो थे ओर तेस खातर बली चढ़ाओ थे। परमात्मा आइके मन्दरा बिचे हाजिर रया करो था, ओर तेती आपणे लोका साथे वास करो था। ![](https://cdn.door43.org/obs/jpg/360px/obs-en-18-03.jpg) पर सुलैमाना ने दूजे देशा री ज्वाणसा साथे प्यार किता। तिने लगभग 1,000 ज्वाणसा साथे ब्या करिला, ओर एड़ा करिके तिने परमात्मा रा अनादर किता! इना बिचे बहुत सारिया ज्वाणसा दूजे देशा ते आइया थिया ओर आपणे साथे आपणे देवतेया खे बी लयाइया थिया ओर तिनाने आपणे देवतेया री पूजा करनी जारी राखी। जेबे सुलैमान बुडा हुइगा तो तिने बी तिना ज्वाणसा रे देवतेया री पूजा किती। ![](https://cdn.door43.org/obs/jpg/360px/obs-en-18-04.jpg) एस कारण परमात्मा सुलैमाना ते गुस्सा हुइगा, ओर तिने सुलैमाना खे बोल्या कि मैं तेरे मरने ते बाद इस्राएल देशा रे दो राज्य बणाणे ओर तिनाखे सजा देणी। ![](https://cdn.door43.org/obs/jpg/360px/obs-en-18-05.jpg) सुलैमाना रे मरने ते बाद, तेसरा पुत रहबाम राजा बणया। इस्राएल देशा रे सब लोक तेसके आपणा राजा स्वीकार करने खातर एक साथ कट्ठे हुए। लोका ने रहबामा गे शिकायत किती कि सुलैमाना ने आसा ते बहुत मुशिकल मेहणत करवाई थी ओर बहुत सारी चुंगी वसूल किती थी। तिनाने रहबामा गे विनती किती कि तूं आसा ते कम काम करवाणा। ![](https://cdn.door43.org/obs/jpg/360px/obs-en-18-06.jpg) पर रहबामा ने तिनाखे गुस्से बिचे जवाब दिता, “तुसे बोलोए कि मेरे पापे ने यानी सुलैमाना ने आसा ते बहुत मुश्किल मेहणत करवाई। पर मैं तुसाते तेथे बी जादा मुश्किल मेहणत करवाणी, ओर मैं तुसाखे तेथे बी जादा कष्ट देणा।” ![](https://cdn.door43.org/obs/jpg/360px/obs-en-18-07.jpg) जेबे लोका ने रहबाम इयां बोलदे हुए सुणया तो तिना बिचे ते कइया ने तेसरा विरोध किता। तिना बिचे ते दस गोत्रा ने से छाडिता; एबे तेस साथे सिर्फ दो गोत्र बचे थे। ओर इना दोनो गोत्रा ने मिलिके आपी खातर यहूदा रा राज्य बणाइला। ![](https://cdn.door43.org/obs/jpg/360px/obs-en-18-08.jpg) बाकी दस गोत्रा ने यारोबाम नावां रा एक आदमी आपणा राजा बणाइला। ये गोत्र देशा रे उत्तर-पूर्व हिस्से बिचे थे। इना दस गोत्रा ने बी मिलिके आपी खातर इस्राएल राज्य बणाइला। ![](https://cdn.door43.org/obs/jpg/360px/obs-en-18-09.jpg) पर यारोबामा ने परमात्मा रा विरोध किता ओर लोका ते पाप करवाया। तिने आपणे लोका रे जरिए पूजा करने खातर दो मुर्तिया बणाइया। एबे स्यो यहूदा रे राज्य बिचे, यरूशलेम सैरा बिचे, ओर परमात्मा रे मन्दरा बिचे परमात्मा री आराधना करने खातर नी जाओ थे। ![](https://cdn.door43.org/obs/jpg/360px/obs-en-18-10.jpg) यहूदा रा राज्य ओर इस्राएल देशा रा राज्य दुशमण बणिगे ओर एक-दूजे रे खिलाफ लड़ने लगे। ![](https://cdn.door43.org/obs/jpg/360px/obs-en-18-11.jpg) इस्राएल देशा रे नए राज्य बिचे, जितने बी राजा आए स्यो सब के सब दुष्ट थे। इना बिचे ते बहुत सारे राजा इस्राएली लोका रे जरिए मारे गए जो आपिखे राजा बणाणा चाओ थे। ![](https://cdn.door43.org/obs/jpg/360px/obs-en-18-12.jpg) इस्राएल देशा रे सारे राजेया ने ओर सारे लोका ने मुर्तिया री पूजा किती। जेबे तिनाने एड़ा किता, तो तिनाने हर बार वेश्या ज्वाणसा साथे नाजायज रिश्ता राख्या, बल्कि कई बार तिनाने मुर्तिया रे आगे बच्या री बली बी चढ़ाई। ![](https://cdn.door43.org/obs/jpg/360px/obs-en-18-13.jpg) यहूदा राज्य रे राजे, दाऊदा रे वंशज थे। इना राजेया बिचे ते कई अच्छे आदमी थे जिनाने ईमानदारी साथे शासन किता ओर परमात्मा री आराधना किती। पर यहूदा राज्य रे जादातर राजे दुष्ट थे। तिनाने बुराई करिके शासन किता, ओर मुर्तिया री पूजा किती। बल्कि तिना बिचे ते कई राजेया ने चुठे देवतेया रे आगे आपणे बच्या री बली तक चढ़ाइती। यहूदा राज्य रे जादातर लोका ने परमात्मा रा विरोध किता ओर दूजे देवतेया री पूजा किती। *1 राजा अध्याय 1-6; 11-12 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_18_128kbps.m4a ## 19. भविष्यद्वक्ता https://openbiblestories.org/l/hii/story-19/ ![](https://cdn.door43.org/obs/jpg/360px/obs-en-19-01.jpg) परमात्मा हमेशा इस्राएली लोका गे भविष्यद्वक्ताओं खे पेजदा रओ था। भविष्यद्वक्ता परमात्मा ते शुभ समाचार सुणो थे ओर फेर तिजी लोकाखे बताओ थे। ![](https://cdn.door43.org/obs/jpg/360px/obs-en-19-02.jpg) जेबे आहाब इस्राएल देशा रा राजा था तो तेस समय एलिय्याह भविष्यद्वक्ता था। अहाब एक बुरा आदमी था। तिने परमात्मा री आराधना छाडिके चुठे देवतेया री पूजा करवाणे खातर लोक बेबस किते थे। इजिखातर एलिय्याह ने अहाबा खे बोल्या कि परमात्मा इना लोकाखे सजा देणेई वाला ए। तिने तेसके बोल्या, “जब तक मैं दोबारा बरखा हुणे खातर नी बोलणा तब तक इस्राएल देशा रे राज्य बिचे बरखा नी हुणी ओर ना ओस पड़नी।” एस गल्ला ते अहाबा खे इतना गुस्सा आया कि तिने एलिय्याह भविष्यद्वक्ता खे खत्म करने रा फैंसला किता। ![](https://cdn.door43.org/obs/jpg/360px/obs-en-19-03.jpg) इजिखातर परमात्मा ने एलिय्याह भविष्यद्वक्ता खे बोल्या कि तूं बणा बिचे जाइके अहाबा ते छुपी जा। एलिय्याह बणा बिचे तेस पाणी रे सोते गे गया जेती जाणे खातर परमात्मा ने तेसके बताया था। हर रोज सँझा-सबेरा, पँछी एलिय्याह खे रोटी ओर माँस लेइके आओ थे। एस पूरे समय बिचे, अहाब राजा ओर तेसरी सेना एलिय्याह खे टोलदे रए, पर स्यो तेसके टोली नी सके। ![](https://cdn.door43.org/obs/jpg/360px/obs-en-19-04.jpg) बरखा ना हुणे ते कुछ समय बाद से पाणी रा सोता सूकिगा। इजिखातर एलिय्याह नजदीक वाले एक देशा बिचे चलिगा। तेस देशा बिचे एक गरीब विधवा ज्वाणस थी जेसारे एक पुत था। आकाल पड़ने रे कारण तिनागे खाणे खातर अनाज लगभग खत्म हुई चुक्या था। पर फेर बी, तेस गरीब विधवा ज्वाणसा ने तेस समय एलिय्याह री मदद किती, इजिखातर परमात्मा ने तेस ज्वाणसा रिया ओर तेसारे पुता री जरूरता पूरी किती, एस कारण तिनागे आटा राखणे रा पांडा ओर तेला री कुप्पी कदी बी खली नी हुई। तेस पुरे आकाल वाले समय बिचे बी तिनागे खाणे खातर अनाज था। एलिय्याह तेती 3 साल तक रया। ![](https://cdn.door43.org/obs/jpg/360px/obs-en-19-05.jpg) साढ़े तीन साल बाद, परमात्मा ने एलिय्याह भविष्यद्वक्ता खे बोल्या कि हाउं फेर दोबारा बरखा करूंगा। परमात्मा ने एलिय्याह खे बोल्या कि तूं इस्राएल देशा रे राज्य बिचे जा ओर अहाबा राजा साथे मिल। इजिखातर एलिय्याह अहाबा गे गया। जेबे अहाबा ने से देख्या तो तिने बोल्या, “अच्छा तूं ए, मुसीबत पैदा करने वाला!” एलिय्याह भविष्यद्वक्ता ने जवाब दिता, मुसीबत पैदा करने वाला तो तूं ए! तूं सच्चे परमात्मा यहोवा री आराधना छाडिके चुठे बाल देवते री पूजा करने लगिरा। एबे ताखे इस्राएल राज्य रे सारे लोकाखे ओर भविष्यद्वक्ता खे कर्मल नावां री पाड़िया पादें लेइके आउणा ए।” ![](https://cdn.door43.org/obs/jpg/360px/obs-en-19-06.jpg) तेबे सारे इस्राएली लोक कर्मल पाड़िया पादें गए। स्यो मर्द बी आए जो बोलो थे कि आसे बाल देवते री शिक्षा देउं। ये बाल देवते रे भविष्यद्वक्ता थे। स्यो सब 450 थे। एलिय्याह भविष्यद्वक्ता ने लोकाखे बोल्या, “तुसे कब तक आपणे मन बदलदे रओगे? अगर परमात्मा यहोवा ए तो तेसरी आराधना करो! ओर अगर परमात्मा बाल देवता ए तो तेसरी पूजा करो।” ![](https://cdn.door43.org/obs/jpg/360px/obs-en-19-07.jpg) तेबे एलिय्याह भविष्यद्वक्ता ने बाल देवते रे भविष्यद्वकताओं खे बोल्या, “एक जानवरा री बली चढ़ाओ ओर तेसरा माँस एक वेदी पादें राखो, पर आग ना लगायो। तेथे बाद हाउं बी जानवरा रा माँस एक अलग वेदी पादें राखूंगा। तेबे अगर परमात्मा ने वेदी पादें आग गिराइती तो तुसे समझी जाणे कि सेई सच्चा परमात्मा ए।” तेबे बाल देवते रे भविष्यद्वक्ताओं ने एक बली तैयार किती पर आग नी लगाई। ![](https://cdn.door43.org/obs/jpg/360px/obs-en-19-08.jpg) तेबे बाल देवते रे भविष्यद्वकताओं ने बाल देवते गे प्रार्थना किती, “ए बाल देवता आसारी प्रार्थना सुण!” पूरा दिन तिनाने चिल्लाई-चिल्लाइके प्रार्थना किती बल्कि तिनाने आपणे-आपी खे चाकुआ साथे जख्मी करिला, पर बाल देवते ने कोई जवाब नी दिता ओर ना कोई आग गिराई। ![](https://cdn.door43.org/obs/jpg/360px/obs-en-19-09.jpg) बाल देवते रे भविष्यद्वकताओं ने बाल देवते गे प्रार्थना करने बिचे पूरा दिन बिताइता। फेर तिनाने प्रार्थना करनी बंद करती। तेबे एलिय्याह भविष्यद्वक्ता ने दूजे जानवरा रा माँस परमात्मा री वेदी पादें राखिता। तेथे बाद, तिने लोकाखे बोल्या कि तुसे पाणी रे 12 बड़े-बड़े पांडे तब तक एस माँसा पादें खिंडदे रओ जब तक कि माँस, लकड़िया, ओर वेदी रे नजदीक वाली जमीन गिली ना हुई जाओ। ![](https://cdn.door43.org/obs/jpg/360px/obs-en-19-10.jpg) तेबे एलिय्याह भविष्यद्वक्ता ने प्रार्थना किती, “ए यहोवा, अब्राहम, इसहाक, ओर याकूबा रे परमात्मा, आसाखे दिखा कि तूं इस्राएला रा परमात्मा ए ओर हाउं तेरा सेवादार ए। माखे जवाब दे ताकि इना लोकाखे पता लगी जाओ कि तूंई सच्चा परमात्मा ए।” ![](https://cdn.door43.org/obs/jpg/360px/obs-en-19-11.jpg) एकदम आसमाणा ते आग गिरी ओर तिजिने माँस, लकड़िया, पात्थर, माटी, सब कुछ फुकिता बल्कि तिजिने वेदी रे नजदीक वाला पाणी बी फुकिता। जेबे लोका ने ये सब देख्या, तो स्यो जमीना पादें गिर पड़े ओर बोलणे लगे, “ए यहोवा, सिर्फ तूंई सच्चा परमात्मा ए! सिर्फ तूंई सच्चा परमात्मा ए!” ![](https://cdn.door43.org/obs/jpg/360px/obs-en-19-12.jpg) तेबे एलिय्याह भविष्यद्वक्ता ने बोल्या, “बाल देवते रा एक बी भविष्यद्वक्ता बचिके नी जाणा चइयो!” इजिखातर लोका ने बाल देवते रे सब भविष्यद्वक्ता पकड़िले ओर तिनाखे तेथे अलग लइगे ओर स्यो खत्म करते। ![](https://cdn.door43.org/obs/jpg/360px/obs-en-19-13.jpg) तेबे एलिय्याह भविष्यद्वक्ता ने अहाब राजा खे बोल्या, “फटाफट आपणे करा खे नठी जा क्योंकि बड़ी तेज बरखा हुणे वाली ए।” एकदम बादल घणे हुइगे, ओर बरखा लगणी शुरू हुइगी। यहोवा ने सारा आकाल खत्म करता ओर लोकाखे दिखाइता कि सच्चा परमात्मा सिर्फ यहोवा ए। ![](https://cdn.door43.org/obs/jpg/360px/obs-en-19-14.jpg) एलिय्याह भविष्यद्वक्ता रे समय ते बाद, परमात्मा ने एलीशा नावां रा एक आदमी भविष्यद्वक्ता चुणया। परमात्मा ने एलीशा रे जरिए बहुत सारे चमत्कार किते। जिना बिचे एक चमत्कार नामान नावां रे आदमी साथे हुआ। नामान दुशमणा री सेना रा सरदार था, पर तेसके कोढ़ वाला रोग हुइगा था। नामाना ने एलीशा रे बारे चे सुणी राख्या था, इजिखातर तिने एलीशा गे आइके विनती किती कि माखे एस कोढ़ वाले रोगा ते ठीक करदे। एलीशा ने नमाना खे बोल्या कि यरदन नदी बिचे सात बार डूबकी लगा। ![](https://cdn.door43.org/obs/jpg/360px/obs-en-19-15.jpg) ये गल्ल सुणिके नामान गुस्सा हुइगा, ओर तिने एड़ा करने ते इन्कार करता, क्योंकि ये तेसके मुर्ख वाला काम लगो था। पर बादाते तिने आपणा मन बदली ला ओर जाइके यरदन नदी बिचे सात बार डूबकी लगाई। जेबे से सातवीं डूबकी लगाइके पाणी बिचे ते बारे निकलया, तो परमात्मा ने तेसरा कोढ़ वाला रोग ठीक करता। ![](https://cdn.door43.org/obs/jpg/360px/obs-en-19-16.jpg) परमात्मा ने इस्राएली लोका गे बहुत सारे भविष्यद्वक्ता पेजे। तिना भविष्यद्वक्ताओं ने लोकाखे बोल्या कि तुसे मुर्तिया री पूजा करना बंद करदो। इजिरी बजाए तुसे एक-दूजे साथे अच्छा व्यवहार करो, ओर एक-दूजे पादें दया करो। तिना भविष्यद्वक्ताओं ने लोकाखे चेतावनी दिती कि तुसे बुरे काम करने बंद करदो ओर तिजिरी बजाए परमात्मा रे आदेशा रा पालन करो। फेर तिने ये बी बोल्या अगर तुसे एड़ा नी किता तो परमात्मा ने तुसे दोषी ठैराइके तुसारा इन्साफ करना ओर तुसाखे सजा देणी। ![](https://cdn.door43.org/obs/jpg/360px/obs-en-19-17.jpg) जादातर समय, तिना लोका ने परमात्मा रे आदेशा रा पालन नी किता। तिनाने भविष्यद्वकताओं साथे बुरा व्यवहार किता बल्कि तिनाने कुछ भविष्यद्वक्ता खत्म करते। एक बार, तिनाने यिर्मयाह भविष्यद्वक्ता सुक्के कुँए बिचे सेटिता ओर तेती से मरने खातर छाडिता। यिर्मयाह कुँए रे थाले चिकड़ा बिचे धँसिगा। पर तेबे बिन्यामीन राजा खे तेस पादें दया आई ओर तिने आपणे सैनिका खे आदेश दिता कि यिर्मयाह खे मरने ते पैले कुँए बिचे ते बारे काडो। ![](https://cdn.door43.org/obs/jpg/360px/obs-en-19-18.jpg) भविष्यद्वकताओं ने परमात्मा री तरफा ते बोलणा जारी राख्या बेशक लोका ने तिना साथे नफरत किती। तिनाने लोकाखे चेतावनी दिती कि अगर तुसे आपणे पाप नी माने ओर आपणे पापा रा पछतावा नी किता तो परमात्मा ने तुसे नष्ट करी देणे। तिनाने लोकाखे परमात्मा रा से वादा याद कराया कि मसीह जल्दी आउणे वाला ए। *1 राजा अध्याय 16-18; 2 राजा 5; यिर्मयाह 38 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_19_128kbps.m4a ## 20. गुलामी ओर वादे रे देशा बिचे वापस मुड़ना https://openbiblestories.org/l/hii/story-20/ ![](https://cdn.door43.org/obs/jpg/360px/obs-en-20-01.jpg) इस्राएल राज्य ने ओर यहूदा राज्य ने दोनो ने परमात्मा रे खिलाफ पाप किता। तिनाने से वाचा तोड़ती जो परमात्मा ने तिना साथे सीनै पाड़िया पादें बानी थी। परमात्मा ने बहुत सारे भविष्यद्वक्ता चेतावनी देणे खातर तिनागे पेजे, ताकि स्यो आपणे पाप मानो ओर दोबारा परमात्मा री आराधना करना शुरू करो। पर तिनाने भविष्यद्वक्ताओं री गल्ल मानणे ते इन्कार करता। ![](https://cdn.door43.org/obs/jpg/360px/obs-en-20-02.jpg) तेबे परमात्मा ने इस्राएल राज्य ओर यहूदा राज्य दोनो खे सजा दिती ओर तिनारे दुशमणा खे आदेश दिता कि तुसे दोनो राज्य नष्ट करदो। अश्शूर एक दूजा देश था जो बहुत शक्तिशाली हुइगा था। स्यो दूजे देशा रे प्रति बहुत निर्दयी बी थे। तिनाने आइके इस्राएल राज्य नष्ट करता। अश्शूरी लोका ने इस्राएल राज्य बिचे आइके बहुत सारे लोक खत्म करते, तिनाने जो चाया से लुटिला ओर देशा रे कई हिस्से आगी साथे फुकिते। ![](https://cdn.door43.org/obs/jpg/360px/obs-en-20-03.jpg) अश्शूरी लोका ने शिक्षा देणे वाले लोक, अमीर लोक, ओर एड़े कारीगर लोक जो किमती चीजा बणाई सको थे सब एक साथ कट्ठे किते ओर तिनाखे आपणे अश्शूर देशा बिचे लइगे। एबे इस्राएल देशा बिचे सिर्फ थोड़े जे गरीब इस्राएली लोक बचे। ![](https://cdn.door43.org/obs/jpg/360px/obs-en-20-04.jpg) फेर अश्शूरी लोक इस्राएल राज्य बिचे रौणे खातर विदेशी लोकाखे लेइके आए। तिना विदेशी लोका ने स्यो नगर दोबारा बणाए। ओर जो इस्राएली लोक तेती बचे थे विदेशिया ने तिना साथे ब्या करिला। इना लोका रे वंशजा खे सामरी बोल्या गया। ![](https://cdn.door43.org/obs/jpg/360px/obs-en-20-05.jpg) यहूदा राज्य रे लोका ने देख्या कि परमात्मा रा आदेश ना मानणे रे कारण ओर तेस पादें परोसा ना करने रे कारण कियां परमात्मा ने इस्राएल राज्य रे लोकाखे सजा दिती। पर तेबे बी तिनाने मुर्तिया री पूजा किती ओर कनानी देवतेया री मुर्तिया री पूजा बी किती। परमात्मा ने तिनाखे चेतावनी देणे खातर भविष्यद्वक्ता पेजे, पर तिनाने भविष्यद्वक्ता री गल्ल सुणने ते इन्कार करता। ![](https://cdn.door43.org/obs/jpg/360px/obs-en-20-06.jpg) अश्शुरी लोका रे जरिए इस्राएल राज्य नष्ट करने ते लगभग 100 साल बाद, परमात्मा ने बेबीलोन देशा रा राजा, नबूकदनेस्सर यहूदा राज्य पादें हमला करने खातर पेज्या। बेबीलोन एक शक्तिशाली देश था। यहूदा रा राजा, नबूकदनेस्सरा रा सेवादार बणने खातर ओर हर साल तेसके बहुत सारा धन देणे खातर तैयार हुइगा। ![](https://cdn.door43.org/obs/jpg/360px/obs-en-20-07.jpg) पर कुछ साल बाद, यहूदा रे राजा ने बेबीलोना रे खिलाफ तोखा किता। तेबे बेबीलोनी लोका ने वापस आइके यहूदा रे राज्य पादें हमला करता। तिनाने यरूशलेम सैरा पादें कब्जा करिला, मन्दर नष्ट करता, ओर सैर ओर मन्दरा रा खजाना लुटिके लइगे। ![](https://cdn.door43.org/obs/jpg/360px/obs-en-20-08.jpg) बेबीलोन देशा साथे तोखा करने रे कारण नबूकदनेस्सर राजा ने यहूदा रे राजा खे सजा दिती, ओर तेसरे सैनिका ने यहूदा राजा रा पुत तेसरे सामणे खत्म करता ओर फेर यहूदा रा राजा अंधा करता। तेथे बाद स्यो यहूदा रे राजा खे लइगे ताकि से बेबीलोन देशा री जेला बिचे मरी जाओ। ![](https://cdn.door43.org/obs/jpg/360px/obs-en-20-09.jpg) नबूकदनेस्सर ओर तेसरी सेना यहूदा राज्य रे लगभग सारेई लोकाखे पकड़िके बेबीलोन देशा बिचे लइगे, यहूदा राज्य बिचे तिनाने सिर्फ गरीब लोक छाडे ताकि स्यो तेती डोरुआ बिचे फसल उगाई सको। एस समय खे बधुआई बोल्या जाओआ ये से समय था जेबे परमात्मा रे लोक वादे रा देश छाडणे खातर बेबस किते गए थे। ![](https://cdn.door43.org/obs/jpg/360px/obs-en-20-10.jpg) बेशक परमात्मा ने आपणे लोकाखे तिनारे पापा रे कारण सजा दिती, पर तिनारे गुलाम हुणे ते बाद बी परमात्मा आपणे लोकाखे ओर आपणे वादे नी पुल्या। परमात्मा री नजर हर समय आपणे लोका पादें रओ थी ओर से आपणे भविष्यद्वक्ता रे जरिए तिना साथे गल्ला करदा रया। परमात्मा ने वादा किता कि सत्तर साल बाद, स्यो फेर वादे रे देशा बिचे वापस आई जाणे। ![](https://cdn.door43.org/obs/jpg/360px/obs-en-20-11.jpg) लगभग सत्तर साल बाद, फारसा रे राजा कुस्त्रू ने बेबीलोन देश हराया, इजिखातर बेबीलोन देशा रे बजाए फारस देशा ने कई देशा पादें शासन किता। इस्राएली लोकाखे एबे यहूदी बोल्या जाओ था। तिना बिचे ते बहुत सारे लोका ने आपणा जीवन बेबीलोन देशा बिचे बिताया। सिर्फ थोड़े-बहुत बुडे यहूदी थे जिनाखे यहूदा रा राज्य याद था। ![](https://cdn.door43.org/obs/jpg/360px/obs-en-20-12.jpg) फारसी लोक बहुत सामर्थी थे, तिनाने आपणे जीते दे लोका पादें दया किती। फारसी लोका रा राजा बणने ते थोड़े समय बाद, कुस्त्रू ने आदेश दिता कि कोई बी यहूदी जो यहूदा रे राज्य बिचे वापस जाणा चाओए, से फारसा बिचे ते निकलिके वापस यहूदा रे राज्य बिचे जाई सकोआ। बल्कि तिने तिनाखे मन्दर दोबारा बणाणे खातर धन बी दिता। गुलामी ते सत्तर साल बाद, थोड़े-बहुत यहूदी लोक यहूदा राज्य रे यरूशलेम सैरा बिचे वापस आए। ![](https://cdn.door43.org/obs/jpg/360px/obs-en-20-13.jpg) जेबे स्यो लोक यरूशलेम सैरा बिचे पौंचे तो तिनाने मन्दर ओर नगरा रे चारो तरफा री दीवार दोबारा बणाई। फारसी लोक एबु बी तिना पादें शासन करो थे पर स्यो एक बार फेर वादे रे देशा बिचे रौणे लगिरे थे ओर मन्दरा बिचे परमात्मा री आराधना करने लगिरे थे। *2 राजा अध्याय 17; 24-25; 2 इतिहास 36; एज्रा 1-10; नहेम्याह 1-13 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_20_128kbps.m4a ## 21. परमात्मा ने मसीह खे पेजणे रा वादा किता https://openbiblestories.org/l/hii/story-21/ ![](https://cdn.door43.org/obs/jpg/360px/obs-en-21-01.jpg) जेबे परमात्मा ने संसार बणाया था तो तेसके पता था कि एक ना एक दिन माखे संसारा बिचे मसीह पेजणा पड़ना। परमात्मा ने आदम ओर हव्वा साथे वादा किता कि मैं एड़ा करना। परमात्मा ने बोल्या कि हव्वा ते एक वंशज पैदा हुणा जिने साँपा रा सिर कुचलना। परमात्मा रे बोलणे रा मतलब था। कि मसीह ने पूरी तरह ते शैतान हराई देणा। क्योंकि से शैतान ही था जिने साँपा रे रूपा बिचे आइके हव्वा खे तोखा दिता था। ![](https://cdn.door43.org/obs/jpg/360px/obs-en-21-02.jpg) परमात्मा ने अब्राहमा साथे वादा किता था कि तेरे जरिए संसारा री सब बरादरिया खे आशीष मिलणी। परमात्मा ने बोल्या कि, एक दिन मैं मसीह खे संसारा बिचे पेजिके ये वादा जरुर पूरा करना। मसीह ने संसारा री सब बरादरिया रे लोक तिनारे पापा ते छुड़ाणे। ![](https://cdn.door43.org/obs/jpg/360px/obs-en-21-03.jpg) परमात्मा ने मूसा साथे वादा किता था कि आउणे वाले समय बिचे मैं तेरी तरह एक दूजा भविष्यद्वक्ता पेजणा। ये भविष्यद्वक्ता मसीह हुणा। एस तरह परमात्मा ने फेर वादा किता कि मैं मसीह संसारा बिचे पेजणा। ![](https://cdn.door43.org/obs/jpg/360px/obs-en-21-04.jpg) परमात्मा ने दाऊदा साथे वादा किता था कि तेरा एक वंशज मसीह हुणा। से राजा हुणा ओर तिने परमात्मा रे लोका पादें हमेशा खातर शासन करना। ![](https://cdn.door43.org/obs/jpg/360px/obs-en-21-05.jpg) परमात्मा ने यिर्मयाह भविष्यद्वक्ता साथे गल्ल किती ओर बोल्या एक दिन मैं एक नई वाचा बानणी। पर से वाचा तेस पुराणी वाचा री तरह नी हुणी जो इस्राएली लोका साथे सीनै पाड़िया पादें बानी गई थी। जेबे मैं लोका साथे आपणी नई वाचा बानणी, तो मैं आपणे आपिखे तिना पादें परगट करना। हर एक आदमी ने मेरे साथे प्यार राखणा ओर मेरी व्यवस्था रा पालन करने री इच्छा राखणी। मैं आपणी व्यवस्था तिनारे मना बिचे लिखणी। स्यो मेरे लोक हुणे, ओर मैं तिनारे पाप माफ करने। से मसीह हुणा जिने तिना लोका साथे से नई वाचा बानणी। ![](https://cdn.door43.org/obs/jpg/360px/obs-en-21-06.jpg) परमात्मा रे भविष्यद्वकताओं ने ये बी बोल्या कि मसीह एक भविष्यद्वक्ता हुणा। एक भविष्यद्वक्ता से होआ जो परमात्मा रे वचन सुणोआ ओर फेर तिजी परमात्मा रे लोकाखे सिखाओआ। परमात्मा ने जेसके पेजणे रा वादा किता था से सिद्ध भविष्यद्वक्ता मसीह हुणा। मसीह ने परमात्मा रे वचन अच्छी तरह ते सुणने, ओर समझणे ओर फेर स्यो वचन अच्छी तरह ते परमात्मा रे लोकाखे सिखाणे। ![](https://cdn.door43.org/obs/jpg/360px/obs-en-21-07.jpg) इस्राएली पुरोहिता ने लोका खातर परमात्मा रे आगे बली चढ़ाणा जारी राख्या। ताकि परमात्मा तिनाखे तिनारे पापा री सजा ना देयो। पुरोहिता ने लोका खातर प्रार्थना बी किती। पर मसीह सिद्ध महापुरोहित हुणा जिने एस संसारा रे लोका रे पाप आपी पादें लेइके परमात्मा खातर आपणी बली चढ़ाणी। मतलब मसीह ने कदी बी पाप नी करना, ओर जेबे तिने आपणी बली चढ़ाणी, तो संसारा री कोई बी दूजी बली जरूरी नी हुणी। ![](https://cdn.door43.org/obs/jpg/360px/obs-en-21-08.jpg) राजा से होआ जो लोका पादें शासन करोआ ओर लोका रा इन्साफ करोआ, ओर कदी-कदी स्यो पाप बी करो। राजा दाऊदा ने सिर्फ इस्राएली लोका पादें शासन किता, पर राजा दाऊदा रे वंशज मसीह ने पूरे संसारा पादें हमेशा खातर शासन करना। तिने हमेशा सच्चाइया साथे शासन करना, ओर सही फैंसले लेणे। ![](https://cdn.door43.org/obs/jpg/360px/obs-en-21-09.jpg) परमात्मा रे भविष्यद्वकताओं ने मसीह रे आउणे ते पैले बहुत सारिया भविष्यवाणिया कितिया। मलाकी भविष्यद्वक्ता ने भविष्यवाणी किती कि मसीह रे आउणे ते पैले एक महान भविष्यद्वक्ता आउणा। से भविष्यद्वक्ता बहुत जादा खास हुणा। यशायाह भविष्यद्वक्ता ने भविष्यवाणी किती कि मसीह ने एक कुँवारी लड़की ते जन्म लेणा। ओर मीका भविष्यद्वक्ता ने भविष्यवाणी किती कि मसीह ने बैतलहम नगरा बिचे जन्म लेणा। ![](https://cdn.door43.org/obs/jpg/360px/obs-en-21-10.jpg) यशायाह भविष्यद्वक्ता ने बोल्या कि मसीह ने गलील जिले बिचे वास करना। जो लोक बहुत जादा दुखी ए मसीह ने तिनाखे शान्ति देणी। मसीह ने कैदी लोक बी आजाद करने। मसीह ने बमार, अंधे, गूंगे, टौणे, लंगड़े सब लोक चंगे करने। ![](https://cdn.door43.org/obs/jpg/360px/obs-en-21-11.jpg) यशायाह भविष्यद्वक्ता ने ये बी बोल्या कि लोका ने मसीह ते नफरत करनी ओर लोका ने से स्वीकार नी करना। दूजे भविष्यद्वकताओं ने बोल्या कि मसीह रे एक साथी ने मसीह खे तोखा देणा। जकर्याह भविष्यद्वक्ता ने बोल्या कि मसीह खे पकड़वाणे खातर तेसरे साथी ने लोका ते 30 चाँदी रे सिक्के लेणे। एथे अलावा, कुछ भविष्यद्वकताओं ने बोल्या कि लोका ने मसीह खत्म करी देणा, ओर तिनाने मसीह रे टाले आपी-पिछिए बांडणे खातर परचिया डालनिया। ![](https://cdn.door43.org/obs/jpg/360px/obs-en-21-12.jpg) भविष्यद्वकताओं ने ये बी बताया कि मसीह कियां मरना। यशायाह भविष्यद्वक्ता ने भविष्यवाणी किती कि लोका ने मसीह पादें थूकणा, तेसरा मजाक उड़ाणा, ओर तिनाने से कुटणा। तिनाने तेसरे आथा-पैरा बिचे छेद करने ओर तेसरी मौत बहुत जादा पीड़दायक हुणी जबकि तिने कोई बी पाप नी किता हुणा। ![](https://cdn.door43.org/obs/jpg/360px/obs-en-21-13.jpg) भविष्यद्वकताओं ने ये बी बताया कि मसीह ने कोई पाप नी करना। से सिद्ध हुणा। पर से लोका रे पापा खातर मारया जाणा। तेसरे मरने ते लोक परमात्मा खे जाणने। इजिखातर परमात्मा चाओआ कि मसीह मरो। ![](https://cdn.door43.org/obs/jpg/360px/obs-en-21-14.jpg) भविष्यद्वकताओं ने ये बी बताया कि परमात्मा ने मसीह मरेयादे बिचे ते जिउंदा करना। मसीह री मौत ओर जी उठणा ये बताओआ कि संसारा रे लोका साथे नई वाचा बानणी परमात्मा री योजना थी, ताकि से तिना लोकाखे बचाई सको जिनाने तेसरे खिलाफ पाप किता था। ![](https://cdn.door43.org/obs/jpg/360px/obs-en-21-15.jpg) परमात्मा ने भविष्यद्वकताओं खे मसीह रे बारे चे बहुत सारिया गल्ला बताइया, पर मसीह तिना भविष्यद्वकताओं बिचे ते केसरे बी समय बिचे नी आया। इना भविष्यवाणिया करने ते 400 साल बाद, ठीक समय पादें, परमात्मा ने मसीह एस संसारा बिचे पेजणा। *उत्पति अध्याय 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_21_128kbps.m4a ## 22. यूहन्ना रा जन्म https://openbiblestories.org/l/hii/story-22/ ![](https://cdn.door43.org/obs/jpg/360px/obs-en-22-01.jpg) पुराणे समय बिचे, परमात्मा आपणे लोका साथे भविष्यद्वकताओं रे जरिए गल्ला करो था ताकि स्यो तेसरे लोकाखे मसीह रे बारे चे बताई सको। पर तेस समय ते लेइके फेर 400 साल बीतणे तक परमात्मा ने तिना साथे कोई गल्ल नी किती। तेबे परमात्मा ने जकर्याह नावां रे भविष्यद्वक्ता गे एक स्वर्गदूत पेज्या। जकर्याह ओर तेसरी करवाली एलीशिबा परमात्मा रा आदर करो थे। स्यो बहुत बुडे हुइगे थे, ओर तिनारे कोई औलाद पैदा नी हुई थी। ![](https://cdn.door43.org/obs/jpg/360px/obs-en-22-02.jpg) जो स्वर्गदूत परमात्मा ने पेज्या था तिने जकर्याह खे बोल्या, “तेरी करवाली एलीशिबा रे एक पुत पैदा हुणा। ओर तैं तेसरा नाओं यूहन्ना राखणा। से पवित्र आत्मा साथे परिपूर्ण हुणा, ओर तिने लोका रा मन मसीह री तरफ फेरना।” जकर्याह ने स्वर्गदूता ते पुछया, “ये गल्ल हाउं कियां सच्च मानिलूं? क्योंकि हाउं ओर मेरी करवाली औलाद पैदा करने खातर बहुत बुडे हुइगे दे?” ![](https://cdn.door43.org/obs/jpg/360px/obs-en-22-03.jpg) तेस स्वर्गदूता ने जकर्याह खे जवाब दिता, “ये शुभ समाचार सुणाणे खातर हाउं तागें परमात्मा ने पेजी राख्या। पर तैं मेरे पादें परोसा नी किता, इजिखातर एबे बच्चे रे जन्म लेणे तक तेरी जुबान बंद रौणी।” ओर एकदम तेसरी जुबान बंद हुइगी। तेबे से स्वर्गदूत तेथे चलिगा। तेथे बाद, जकर्याह करे वापस आया ओर तेसरी करवाली गर्बवती हुई। ![](https://cdn.door43.org/obs/jpg/360px/obs-en-22-04.jpg) जेबे एलीशिबा खे गर्बवती हुएदे छे महीने हुइगे, तो सेई स्वर्गदूत एलीशिबा री रिश्तेदार मरियमा रे सामणे परगट हुआ। मरियम कुँवारी थी तेसारा रिश्ता यूसुफ नावां रे एक आदमी साथे हुइरा था। स्वर्गदूता ने मरियमा खे बोल्या, “तेरे पादें परमात्मा री दया हुइरी ओर से तेरे साथ ए, तूं गर्बवती हुणी ओर तेरे एक पुत पैदा हुणा। ओर तैं तेसरा नाओं यीशु राखणा। से सर्वशक्तिमान परमात्मा रा पुत हुणा ओर तिने हमेशा खातर शासन करना।” ![](https://cdn.door43.org/obs/jpg/360px/obs-en-22-05.jpg) तेबे मरियमा ने जवाब दिता, “ये कियां हुई सकोआ, हाउं तो कुँवारी ए?” तेस स्वर्गदूता ने मरियमा खे समझाया, “पवित्र आत्मा तेरे पादें उतरनी, ओर परमात्मा री सामर्थ्य तेरे पादें बणिदी रौणी। इजिखातर से बच्चा पवित्र ओर परमात्मा रा पुत हुणा।” जो कुछ तेस स्वर्गदूता ने बोल्या मरियमा ने तिजी पादें परोसा किता ओर मरियमा ने बोल्या सुण हाउं प्रभु री सेवादारनी ए जेड़ा प्रभु चाओआ मेरे खातर तेड़ाई हो। तेबे से स्वर्गदूत तेथे चलिगा। ![](https://cdn.door43.org/obs/jpg/360px/obs-en-22-06.jpg) तेथे बाद, मरियमा ने जाइके एलीशिबा साथे मुलाकात किती। जियांई मरियमा ने एलीशिबा खे प्रणाम किता, एलीशिबा रा बच्चा तेसारे पेटा बिचे उछ्लया, ओर एलिशिबा पवित्र आत्मा साथे परिपूर्ण हुइगी। तिना दोनो ज्वाणसा रे जीवना बिचे जो परमात्मा ने किता तिजी देखिके बाकी ज्वाणसा बहुत खुश हुइया। मरियम एलीशिबा साथे तीन महीने तक रई ओर तेथे बाद से करा खे वापस चलिगी। ![](https://cdn.door43.org/obs/jpg/360px/obs-en-22-07.jpg) जेबे एलीशिबा रा बच्चे खे जन्म देणे रा समय आया तो तेसाने एक पुता खे जन्म दिता। जकर्याह ओर एलीशिबा ने तेस बच्चे रा नाओं यूहन्ना राख्या, जेड़ा कि तेस स्वर्गदूता ने तिनाखे आदेश दिता था। तेबे परमात्मा ने जकर्याह री जुबान खोलती ओर से दोबारा बोलणे लगया। जकर्याह ने बोल्या, “परमात्मा री स्तुति हो, क्योंकि तिने आपणे लोका पादें दया किती! ओर बोल्या ये जो मेरा पुत ए, ये सर्वशक्तिमान परमात्मा रा भविष्यद्वक्ता हुणा। इने लोकाखे बताणा कि कियां तिनारे पाप माफ हुई सकोए।” *लूका अध्याय 1 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_22_128kbps.m4a ## 23. यीशु रा जन्म https://openbiblestories.org/l/hii/story-23/ ![](https://cdn.door43.org/obs/jpg/360px/obs-en-23-01.jpg) यीशु मसीह रे जन्म लेणे ते पैले एड़ा हुआ कि तेसरी आम्मा मरियमा रा रिश्ता यूसुफ नावां रे एक आदमी साथे हुआ। पर तिनारा ब्या हुणे ते पैले मरियम पवित्र आत्मा रे जरिए गर्बवती हुई। यूसुफ जो मरियमा रा हुणे वाला करवाला था से एक तर्मी आदमी था। जेबे तेसके ये गल्ल पता चली तो से मरियमा खे बदनाम नी करना चाओ था, ये सोचिके तिने चुपचाप तेसाखे छाडणे रा विचार किता। पर यूसुफा रे एड़ा करने ते पैले परमात्मा रे स्वर्गदूता ने तेसरे सुपने बिचे आइके तेस साथे गल्ल किती। ![](https://cdn.door43.org/obs/jpg/360px/obs-en-23-02.jpg) तेस स्वर्गदूता ने बोल्या, “ए यूसुफ, मरियमा खे आपणी करवाली बणाणे ते मत डर। मरियमा रे पेटा बिचे जो बच्चा ए से पवित्रआत्मा री तरफा ते ए। तेसाने एक पुता खे जन्म देणा ओर तैं तेसरा नाओं यीशु राखणा (जिजिरा मतलब ए, ‘यहोवा बचाओआ’), क्योंकि तिने लोक तिनारे पापा ते बचाणे।” ![](https://cdn.door43.org/obs/jpg/360px/obs-en-23-03.jpg) तेबे यूसुफा ने मरियमा साथे ब्या किता ओर तेसाखे आपणी करवाली बणाइके करे लेइके आया, पर यीशु रा जन्म हुणे तक यूसुफा ने मरियमा साथे कोई शारीरिक रिश्ता नी बणाया। ![](https://cdn.door43.org/obs/jpg/360px/obs-en-23-04.jpg) जेबे मरियमा रा बच्चे खे जन्म देणे रा समय नजदीक आया, तो तेसाने ओर यूसुफा ने बैतलहम नगरा खे जाणे री एक लम्बी यात्रा किती। तिनाखे तेती जाणा जरूरी था क्योंकि रोमी अधिकारी इस्राएल देशा बिचे रौणे वाले सब लोका री गिणती करना चाओ थे। स्यो चाओ थे कि सब लोक तेती जाओ जेती-जेती तिनारे बजुर्ग रओ थे। राजा दाऊदा रा जन्म बैतलहम नगरा बिचे हुआ था, ओर से मरियम ओर यूसुफ दोनो रा बजुर्ग था। ![](https://cdn.door43.org/obs/jpg/360px/obs-en-23-05.jpg) मरियम ओर यूसुफ बैतलहम नगरा बिचे गए, पर तेती ठैरने खातर तिनाखे डाँगर बानणे वाली जैगा ते अलावा ओर कोई जैगा नी मिली। सेई जैगा थी जेती मरियमा ने आपणे बच्चे खे जन्म दिता। मरियमा ने से बच्चा टाले बिचे लपेटिके चरनिया बिचे लेटाया क्योंकि तेती मरियमा खे रौणे खातर कोई अच्छी जैगा नी थी। तिनाने तेस बच्चे रा नाओं यीशु राख्या। ![](https://cdn.door43.org/obs/jpg/360px/obs-en-23-06.jpg) तेसी राती, तेती नजदीक वाले डोरू बिचे कुछ चरवाहे आपणी बहुत सारी पेडा री जुगाली करने लगिरे थे। एकदम एक चमकदार स्वर्गदूत तिनारे सामणे परगट हुआ, ओर स्यो डरिगे। तेस स्वर्गदूता ने बोल्या, “डरो मत, देखो हाउं तुसाखे एक शुभ समाचार सुणाउंए जो संसारा रे सब लोका खातर हुणा। आज दाऊद राजा रे बैतलहम नगरा बिचे तुसा खातर उद्धार करने वाला पैदा हुइरा ओर सेई मसीह प्रभु ए!” ![](https://cdn.door43.org/obs/jpg/360px/obs-en-23-07.jpg) तुसा खातर तेस बच्चे री ये पैछाण ए कि, “से तुसाखे टाले बिचे लिपटेयादा ओर चरनी बिचे सयादा मिलणा।” एकदम, आसमाण स्वर्गदूता साथे परिगा। ओर स्यो परमात्मा री स्तुति करने लगिरे थे। तिनाने बोल्या, “स्वर्गा बिचे विराजमान परमात्मा री बडयाई हो। तरती पादें तिना लोकाखे शान्ति मिलो, जिना पादें से किरपा करोआ!” ![](https://cdn.door43.org/obs/jpg/360px/obs-en-23-08.jpg) जेबे स्वर्गदूत चलिगे। तेबे स्यो चरवाहे बी आपणी पेडा खे छाडिके तेस बच्चे खे देखणे गए। एकदम स्यो तेस जैगा बिचे पौंचे जेती यीशु रा जन्म हुइरा था ओर तिनाखे से चरनी बिचे लेटयादा मिलया, जेड़ा कि तेस स्वर्गदूता ने बोल्या था। स्यो बहुत खुश थे। तेबे स्यो चरवाहे वापस आपणी पेडा गे चलिगे। ये सब कुछ देखी सुणिके तिनाने परमात्मा री स्तुति किती। ![](https://cdn.door43.org/obs/jpg/360px/obs-en-23-09.jpg) पूर्व दिशा रे एक देशा बिचे कुछ बुदिमान आदमी आए, जिनाखे तारेया रे बारे चे ज्ञान था। तिनाने आसमाणा बिचे एक बहुत बड़ा तारा देख्या। तिनाने बोल्या कि एस तारे रा मतलब ये कि यहूदी लोका रा एक नया राजा पैदा हुइरा। इजिखातर तिनाने तेस बच्चे खे देखणे खातर आपणे देशा बिचे ते यात्रा करने रा फैंसला किता। एक लम्बी यात्रा ते बाद, स्यो बैतलहम नगरा बिचे पौंचे ओर तेती तिनाखे से कर मिलया जेती यीशु ओर तेसरे आम्मा-पापा ठैरिरे थे। ![](https://cdn.door43.org/obs/jpg/360px/obs-en-23-10.jpg) जेबे इना बुद्धिमान आदमिया ने यीशु आपणी आम्मा री गोदी बिचे देख्या तो तिनाने घुटणे टेकिके तेसरी आराधना किती। तिनाने यीशु खे कुछ किमती तौफे दिते। फेर स्यो आपणे करा खे वापस चलिगे। *मत्ती अध्याय 1; लूका 2 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_23_128kbps.m4a ## 24. यूहन्ना ने यीशु खे बपतिस्मा दिता https://openbiblestories.org/l/hii/story-24/ ![](https://cdn.door43.org/obs/jpg/360px/obs-en-24-01.jpg) जकर्याह ओर एलीशिबा रा पुत यूहन्ना, बड़ा हुइके एक भविष्यद्वक्ता बणिगा। यूहन्ना सुनसाण जैगा बिचे रया करो था, ओर टिड्डिया ओर जंगली शैत खाया करो था, ओर ऊँटा रे बाला ते बणेदे टाले पैन्या करो था। ![](https://cdn.door43.org/obs/jpg/360px/obs-en-24-02.jpg) बहुत सारे लोक यूहन्ना री गल्ला सुणने खातर तेसगे आए। यूहन्ना ने तिना लोकाखे बताया कि, “आपणे पाप मानिके परमात्मा ते माफी माँगो, क्योंकि स्वर्गा रा राज्य नजदीक ए!” ![](https://cdn.door43.org/obs/jpg/360px/obs-en-24-03.jpg) जेबे लोका ने यूहन्ना रा समाचार सुणया, तो तिना बिचे ते कइया ने आपणे पाप मानिके परमात्मा ते माफी माँगी, ओर यूहन्ना ने तिनाखे पाणी बिचे बपतिस्मा दिता। यूहन्ना खे देखणे खातर बहुत सारे तार्मिक गुरु बी आए, पर तिनाने आपणे पाप नी माने, ओर ना परमात्मा ते माफी माँगी। ![](https://cdn.door43.org/obs/jpg/360px/obs-en-24-04.jpg) यूहन्ना ने तार्मिक गुरुआ खे बोल्या, “ए साँपा री तरह जैहरिले लोको! आपणे पाप मानो ओर आपणा व्यवहार बदलो। एबे गल्ल एड़ी ए कि परमात्मा हर एक आदमी खे जिने आपणे पाप नी मानणे, तिनाखे सजा देणे खातर बिलकुल तैयार ए। ठीक तियांई जियां कोई डाली अच्छा फल ना देणे पादें आगी बिचे फुकी जाओई।” यूहन्ना ने से वचन पूरा किता जो यशायाह भविष्यद्वक्ता री कताबा बिचे लिख्यादा कि, “देख, मैं बहुत जल्दी तादें पैले आपणा शुभ समाचार देणे वाला पेजणा जिने तेरे खातर लोका रा मन तैयार करना।” ![](https://cdn.door43.org/obs/jpg/360px/obs-en-24-05.jpg) कुछ तार्मिक गुरुआ ने यूहन्ना ते पुछया कि क्या तूं मसीह ए। यूहन्ना ने जवाब दिता, “हाउं मसीह निए, पर से मादें बाद आउणे वाला ए। से इतना जादा सामर्थी ए कि हाउं तो तेसरे जूते रा पिथा खोलणे रे लायक बी निए।” ![](https://cdn.door43.org/obs/jpg/360px/obs-en-24-06.jpg) दूजे दिना यीशु यरदन नदी बिचे बपतिस्मा लेणे खातर यूहन्ना गे आया। जेबे यूहन्ना ने यीशु देख्या, तो तिने बोल्या, “देखो! ये परमात्मा रा मेम्ना ए जिने संसारा रे सारे पाप आपी पादें लेई लेणे।” ![](https://cdn.door43.org/obs/jpg/360px/obs-en-24-07.jpg) पर यूहन्ना ये बोलिके यीशु खे रोकणे लगया, “माखे तेरे आथा ते बपतिस्मा लेणे री जरूरत ए, ओर तूं बपतिस्मा लेणे खातर मागें आइरा।” पर यीशु ने बोल्या, “एबे तो ताखे माखे बपतिस्मा देणा चइयो, क्योंकि माखे एस तरीके ते परमात्मा री इच्छा पूरी करनी ए।” तेबे यूहन्ना ने यीशु खे बपतिस्मा दिता, जबकि यीशु ने कदी बी कोई पाप नी करी राख्या था। ![](https://cdn.door43.org/obs/jpg/360px/obs-en-24-08.jpg) बपतिस्मा लेणे ते बाद, जेबे यीशु पाणी बिचे ते बारे निकलया, तो परमात्मा री पवित्रआत्मा कबूतरा रे रूपा चे परगट हुई ओर थाले उतरिके यीशु पादें ठैरिगी। तेसी समय परमात्मा ने स्वर्गा बिचे ते बोल्या, “तूं मेरा प्यारा पुत ए। हाउं तेरे साथे प्यार करूंआ, ओर हाउं तादें बहुत खुश ए।” ![](https://cdn.door43.org/obs/jpg/360px/obs-en-24-09.jpg) परमात्मा ने यूहन्ना खे बोल्या था कि, “जेस पादें तूं पवित्रआत्मा खे उतरदे ओर ठैरदे देखोगा, सेई परमात्मा रा पुत मसीह ए, पुत ओर परमात्मा एकी ए। पर जेबे यूहन्ना ने यीशु खे बपतिस्मा दिता, तो तिने पिता परमात्मा पुता साथे गल्ल करदा हुआ सुणया, तिने पुत ओर परमात्मा देख्या, जो कि यीशु ए, ओर तिने पवित्रआत्मा यीशु पादें ठैरदी हुई देखी।” *मत्ती अध्याय 3; मरकुस 1:9-11; लूका 3:1 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_24_128kbps.m4a ## 25. शैताना ने यीशु री परीक्षा किती https://openbiblestories.org/l/hii/story-25/ ![](https://cdn.door43.org/obs/jpg/360px/obs-en-25-01.jpg) यीशु रा बपतिस्मा हुणे ते तुरंत बाद, पवित्रआत्मा यीशु खे सुनसाण जैगा बिचे लइगी। यीशु चाली दिन ओर चाली रात तक सुनसाण जैगा बिचे रया। तेस समय बिचे तिने व्रत राखे ओर कुछ नी खाया-पीया, तेबे शैतान यीशु गे आया, ओर शैताना ने यीशु ते पाप करवाणे खातर तेसरी परीक्षा किती। ![](https://cdn.door43.org/obs/jpg/360px/obs-en-25-02.jpg) जेबे यीशु खे पुख लगी, तेबे शैताना ने परखणे खातर यीशु खे बोल्या, “अगर तूं परमात्मा रा पुत ए तो इना पात्थरा खे बोल कि रोटी बणी जा ताकि तूं तिजी खाई सको!” ![](https://cdn.door43.org/obs/jpg/360px/obs-en-25-03.jpg) पर यीशु ने शैताना खे बोल्या, “पवित्रशास्त्रा बिचे ये लिख्यादाए, “आदमी सिर्फ रोटिया तेई नी बल्कि परमात्मा रे हर वचना ते जिउंदा रौणा!” ![](https://cdn.door43.org/obs/jpg/360px/obs-en-25-04.jpg) तेबे शैतान यीशु खे मन्दरा रे सबी ते ऊचे वाले सिरे पादें लइगा। ओर यीशु खे बोल्या, “अगर तूं परमात्मा रा पुत ए तो आपिखे एथे थाले गिराइदे, क्योंकि पवित्रशास्त्रा बिचे लिख्यादाए कि, “परमात्मा ने ताखे बचाणे खातर आपणे स्वर्गदूत पेजणे ओर तिना स्वर्गदूता ने तूं आथा बिचे उठाई लेणा ताकि तेरे पैरा ते ठोकर तक ना लगो।” ![](https://cdn.door43.org/obs/jpg/360px/obs-en-25-05.jpg) पर यीशु ने से कुछ नी किता जो शैताना ने तेसके करने खातर बोल्या। इजिरी बजाए, यीशु ने शैताना खे बोल्या, “पवित्रशास्त्रा बिचे ये बी लिख्यादाए कि, “तूं आपणे परमात्मा री परीक्षा ना कर।” ![](https://cdn.door43.org/obs/jpg/360px/obs-en-25-06.jpg) फेर शैतान यीशु खे एक ऊची पाड़िया पादें लइगा ओर तेथे संसारा रे सारे राज्य दखाइके यीशु खे बोलणे लगया, “अगर तूं घुटणे टेकिके माखे प्रणाम करो ओर मेरी पूजा करो तो ये सब कुछ हाउं ताखे देई दूंगा।” ![](https://cdn.door43.org/obs/jpg/360px/obs-en-25-07.jpg) तेबे यीशु ने जवाब दिता, “ए शैतान मेरे सामणे ते दूर चली जा! क्योंकि पवित्रशास्त्रा बिचे लिख्यादाए कि, “तूं सिर्फ आपणे प्रभु परमात्मा रे सामणे प्रणाम कर ओर सिर्फ तेसरी आराधना कर।” ![](https://cdn.door43.org/obs/jpg/360px/obs-en-25-08.jpg) यीशु शैताना री परीक्षा बिचे नी पड़या, इजिखातर शैतान यीशु गे ते चलिगा। तेबे स्वर्गदूत आइके यीशु री सेवा करने लगे। *मत्ती अध्याय 4:1-11; मरकुस 1:12-13; लूका 4:1-13 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_25_128kbps.m4a ## 26. यीशु ने सेवा करनी शुरू किती https://openbiblestories.org/l/hii/story-26/ ![](https://cdn.door43.org/obs/jpg/360px/obs-en-26-01.jpg) जेबे शैतान यीशु री परीक्षा लेई चुक्या तो तेथे बाद, यीशु वापस गलील जिले बिचे आया। येई से जैगा ए जेती यीशु रओ था। पवित्रआत्मा यीशु खे बहुत जादा सामर्थ्य देणे लगिरी थी, ओर तिने जैगा-जैगा बिचे जाइके लोकाखे शिक्षा दिती। सब यीशु रे बारे चे अच्छिया गल्ला बोलो थे। ![](https://cdn.door43.org/obs/jpg/360px/obs-en-26-02.jpg) फेर यीशु आपणे गावँ नासरत सैरा बिचे गया, ये से गावँ ए जेती तिने आपणा बचपण बिताया था। सब्त वाले दिन, यीशु यहूदी सभाघरा बिचे गया। तेती रे लोका ने तेसके यशायाह भविष्यद्वक्ता री कताब पढ़ने खातर दिती। तेबे यीशु ने कताब खोलिके तिजिरा एक भाग पढ़िके लोकाखे सुणाया। ![](https://cdn.door43.org/obs/jpg/360px/obs-en-26-03.jpg) तेबे यीशु ने ये वचन पढ़िके सुणाया, “परमात्मा ने माखे आपणी पवित्रआत्मा देई राखी ताकि हाउं कंगाल लोकाखे शुभ समाचार सुणाई सकूं। परमात्मा ने हाउं इजिखातर पेजी राख्या ताकि हाउं कैदिया खे आजाद करूं, ओर अंधे लोकाखे फेर नजर वापस पाणे रा प्रचार करूं, ओर जिनाखे दूजे लोक कुचलने लगिरे तिनाखे छुटकारा देउं। येई समय ए, जेबे परमात्मा ने आसा पादें दया करनी ओर आसारी मदद करनी।” ![](https://cdn.door43.org/obs/jpg/360px/obs-en-26-04.jpg) फेर यीशु बैठिगा। सब लोक तेसके त्याना साथे देखणे लगिरे थे। तिनाखे पता था कि पवित्रशास्त्रा रा जो वचन इने एबु पढ़या से मसीह रे बारे चे था। यीशु ने बोल्या, “जो वचन मैं तुसा खातर एबु पढ़या, से एस समय पूरा हुणे लगिरा।” सब लोक चौंकिगे थे। तिनाने बोल्या, “क्या ये यूसुफा रा पुत निए?” ![](https://cdn.door43.org/obs/jpg/360px/obs-en-26-05.jpg) तेबे यीशु ने बोल्या, “ये सच्च ए कि एक भविष्यद्वक्ता रा आपणे नगरा बिचे कदी आदर नी हुंदा, जो तिनारे नगरा बिचे पलया बढ़यादा हो। जेबे एलिय्याह भविष्यद्वक्ता रे समय बिचे, साढ़े तीन साल तक बरखा नी हुई ओर बरखा ना हुणे रे कारण सारे देशा बिचे आकाल पड़या, तो तेस समय इस्राएल देशा बिचे बहुत सारिया विधवा थिया, पर परमात्मा ने एलिय्याह इस्राएल देशा बिचे केस बी विधवा री मदद करने खातर नी पेज्या। इजिरे बजाए परमात्मा ने से सिदोन देशा री विधवा री मदद करने खातर पेज्या।” ![](https://cdn.door43.org/obs/jpg/360px/obs-en-26-06.jpg) यीशु ने ये बी बोल्या कि, “एलीशा भविष्यद्वक्ता रे समय बिचे, इस्राएल देशा बिचे बहुत सारे कोढ़ वाले रोगी थे। पर एलीशा ने तिना बिचे ते कोई बी चंगा नी किता। तिने सिर्फ इस्राएली दुशमणा रा सेनापति नामान, चंगा किता।” पर जो लोक यीशु खे सुणने लगिरे थे स्यो यहूदी थे। इजिखातर जेबे तिनाने यीशु इयां बोलदे हुए सुणया, तो स्यो तेस पादें गुस्सा हुए। ![](https://cdn.door43.org/obs/jpg/360px/obs-en-26-07.jpg) नासरत सैरा रे लोका ने यीशु पकड़िला ओर स्यो तेसके सभाघरा बिचे ते घसिटिके एक काड़ी पादें लइगे। ओर तिनाने से तेस काड़ी पादें ते थाले गिराणा चाया। पर यीशु भीड़ा बिचे ते अलग निकलिगा ओर नासरत सैर छाडिके चलिगा। ![](https://cdn.door43.org/obs/jpg/360px/obs-en-26-08.jpg) फेर यीशु गलील जिले रे सारे इलाके बिचे गया, ओर बहुत सारे लोक तेसगे आए। स्यो आपी साथे बहुत सारे बमार लोकाखे लयाए, तिना बमार लोका बिचे कुछ लोक विकलांग थे, कुछ अंधे थे, कुछ लंगड़े थे, ओर कुछ बैहरे ओर गूँगे थे, यीशु ने स्यो सब बमार लोक चंगे किते। ![](https://cdn.door43.org/obs/jpg/360px/obs-en-26-09.jpg) एथे अलावा, बहुत सारे एड़े लोक यीशु गे लयाए गए जिना बिचे दुष्टआत्मा थिया। यीशु ने दुष्टआत्मा खे तिना लोका बिचे ते बारे निकलने रा आदेश दिता। ओर स्यो दुष्टआत्मा तिना लोका बिचे ते बारे निकलिगिया ओर चिल्लाई-चिल्लाइके यीशु खे बोलणे लगिया, “तूं परमात्मा रा पुत ए!” ये देखिके सब लोक चौंकिगे, ओर तिनाने परमात्मा री स्तुति किती। ![](https://cdn.door43.org/obs/jpg/360px/obs-en-26-10.jpg) फेर यीशु ने बारा खास चेले चुणे जिनाखे तिने प्रेरित नाओं दिता। इना बारा खास चेल्या ने यीशु साथे यात्रा कितिया, ओर तेसते शिक्षा हांसिल किती। *मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_26_128kbps.m4a ## 27. दयालु सामरी आदमी री कहाणी https://openbiblestories.org/l/hii/story-27/ ![](https://cdn.door43.org/obs/jpg/360px/obs-en-27-01.jpg) एक दिन जेबे यीशु लोकाखे शिक्षा देणे लगिरा था, तेबे तेती मूसा री व्यवस्था सिखाणे वाला एक आदमी यीशु री परीक्षा लेणे खातर यीशु गे आया, ओर बोलणे लगया, “ए गुरु, अनन्त जीवन पाणे खातर हाउं क्या करूं?” यीशु ने जवाब दिता, “परमात्मा री व्यवस्था बिचे क्या लिख्यादा, तूं तिजिखे कियां समझोआ?” ![](https://cdn.door43.org/obs/jpg/360px/obs-en-27-02.jpg) तेस आदमी ने बोल्या, “परमात्मा री व्यवस्था बिचे ये लिख्यादा कि आपणे परमात्मा साथे आपणे पूरे मन, प्राण, सामर्थ्य, ओर समझ-बुधि साथे प्यार राखो। ओर आपणे पड़ोसी साथे आपणी तरह प्यार राखो।” यीशु ने जवाब दिता, “तूं ठीक बोलोए! अगर तूं एड़ा करोगा, तो ताखे अनन्त जीवन मिलणा।” ![](https://cdn.door43.org/obs/jpg/360px/obs-en-27-03.jpg) पर तेस आदमी ने आपिखे तर्मी ठैराणे री इच्छा ते यीशु ते पुछया, “तो मेरा पड़ोसी कुणे?” ![](https://cdn.door43.org/obs/jpg/360px/obs-en-27-04.jpg) “ये गल्ल सुणिके यीशु ने तेस आदमी खे एक कहाणी सुणाइके जवाब दिता कि एक बार एक आदमी यरूशलेम सैरा ते यरीहो नगरा खे जाणे लगिरा था।” ![](https://cdn.door43.org/obs/jpg/360px/obs-en-27-05.jpg) “तेबे बाटा बिचे कुछ डाकुआ ने से देख्या ओर तिनाने तेस पादें हमला करता। तिनाने से बहुत कुटेया, ओर तेसरा सब कुछ लुटिला ओर तेसके अदमरा छाडिके चलिगे।” ![](https://cdn.door43.org/obs/jpg/360px/obs-en-27-06.jpg) “तेथे थोड़ी बाद, तेसी बाटा रिए एक यहूदी पुरोहित जाणे लगिरा था। तेस यहूदी पुरोहिता ने से आदमी बाटा बिचे जख्मी पड़यादा देख्या। ओर तिने तेसरी कोई मदद नी किती ओर से तेसके पूरी तरह ते अनदेखा करिके बाटा री दूजी तरफा रिए चलिगा।” ![](https://cdn.door43.org/obs/jpg/360px/obs-en-27-07.jpg) “फेर थोड़ी देर बाद, एक लेवी आदमी तेस बाटा रिए आया, (लेवी यहूदियों रा एक गोत्र था जो मन्दरा बिचे पुरोहिता री मदद करो थे।) तिने बी तेसरी कोई मदद नी किती ओर से बी तेसके अनदेखा करिके बाटा री दूजी तरफा रिए चलिगा।” ![](https://cdn.door43.org/obs/jpg/360px/obs-en-27-08.jpg) “आगला आदमी जो तेस बाटा रिए आया से सामरिया देशा रा आदमी था। तेस सामरी आदमी ने बाटा बिचे से जख्मी आदमी देख्या। तिने देख्या कि ये तो यहूदी ए, (सामरी लोक ओर यहूदी लोक एक-दूजे ते नफरत करो थे।) पर फेर बी तेस सामरी आदमी ने तेस पादें दया किती। से सामरी आदमी तेस जख्मी आदमी गे गया ओर तिने तेसरे जख्मा पादें पट्टिया बानिया।” ![](https://cdn.door43.org/obs/jpg/360px/obs-en-27-09.jpg) “फेर से सामरी आदमी तेस जख्मी आदमी खे आपणे गधे पादें लेटाइके एक सरांई बिचे लइगा। ओर तेती तेसरी देखभाल किती।” ![](https://cdn.door43.org/obs/jpg/360px/obs-en-27-10.jpg) “आगले दिना, तेस सामरी आदमी खे आपणी यात्रा करनी जरूरी थी। तिने सरांई रे मालका खे कुछ खर्चा दिता ओर तेसके बोल्या कि तूं एस जख्मी आदमी रा ख्याल राख्या। अगर एसरी देखभाल करने बिचे एथे जादा खर्चा हुआ तो हाउं वापसी बिचे ताखे सारा खर्चा चुकाई दूंगा।” ![](https://cdn.door43.org/obs/jpg/360px/obs-en-27-11.jpg) फेर यीशु ने तेस व्यवस्था सिखाणे वाले आदमी ते पुछया, “ताखे क्या लगोए? इना तीन आदमिया बिचे ते कुण तेस जख्मी आदमी रा पड़ोसी ए?” तिने जवाब दिता, “सेई जिने तेस जख्मी आदमी पादें दया किती।” यीशु ने तेसके बोल्या, “जा ओर तूं बी एड़ाई कर।” *लूका अध्याय 10:25-37 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_27_128kbps.m4a ## 28. एक अमीर जवान शासक https://openbiblestories.org/l/hii/story-28/ ![](https://cdn.door43.org/obs/jpg/360px/obs-en-28-01.jpg) एक दिन एक अमीर जवान यहूदी शासक यीशु गे आया ओर तेसते पुछणे लगया, “ए उत्तम गुरु, अनन्त जीवन पाणे खातर माखे क्या करना चइयो?” यीशु ने तेसके बोल्या, “तूं माखे उत्तम’ कउं बोलोए? उत्तम सिर्फ एकिए ओर से परमात्मा ए। अगर तूं अनन्त जीवन पाणा चाओए तो परमात्मा रे आदेशा रा पालन कर।” ![](https://cdn.door43.org/obs/jpg/360px/obs-en-28-02.jpg) “तिने पुछया, माखे कुण-कुण जे आदेशा रा पालन करना चइयो?” यीशु ने जवाब दिता, “हत्या ना कर, व्यबिचार ना कर, चोरी ना कर, ओर चुठ नी बोल। आपणे आम्मा-पापा रा आदर कर, ओर आपणे पड़ोसी साथे आपणी तरह प्यार कर।” ![](https://cdn.door43.org/obs/jpg/360px/obs-en-28-03.jpg) पर तेस जवान आदमी ने बोल्या, “ये सब आदेश तो हाउं बचपणा तेई मानदा आया। अनन्त जीवन पाणे खातर एबु बी माखे क्या करने री जरूरत ए?” यीशु ने तेसरी तरफ देख्या ओर तेस साथे प्यार किता। ![](https://cdn.door43.org/obs/jpg/360px/obs-en-28-04.jpg) तेबे यीशु ने तेसके बोल्या, “अगर तूं सिद्ध हुणा चाओए तो जाइके आपणा सब कुछ बेची दे ओर सारा धन गरीब लोकाखे बांडिदे, ताखे स्वर्गा बिचे धन मिलणा। फेर आइके मेरे पीछे चल पड़।” ![](https://cdn.door43.org/obs/jpg/360px/obs-en-28-05.jpg) जेबे तेस जवान आदमी ने यीशु रिया गल्ला सुणिया तो से बहुत उदास हुइगा, क्योंकि से बहुत अमीर था ओर से आपणा सारा धन देणा नी चाओ था। इजिखातर से यीशु गे ते मुड़िके वापस चलिगा। ![](https://cdn.door43.org/obs/jpg/360px/obs-en-28-06.jpg) तेबे यीशु ने आपणे चेल्या खे बोल्या, “अमीर लोका रा परमात्मा रे राज्य बिचे परवेश करना बहुत मुश्किल ए! हाँ, अमीर लोका रा परमात्मा रे राज्य बिचे परवेश करना मुश्किल ए जबकि ऊँटा रा सुइया रे नक्के बिचे ते निकलना आसान ए।” ![](https://cdn.door43.org/obs/jpg/360px/obs-en-28-07.jpg) यीशु रिया गल्ला सुणिके चेले चौंकिगे। ओर बोलणे लगे, “अगर एड़ा ए तो परमात्मा ने कुण बचाणा?” ![](https://cdn.door43.org/obs/jpg/360px/obs-en-28-08.jpg) यीशु ने चेल्या री तरफ देखिके बोल्या, “लोक आपणा उद्धार आपी नी करी सकदे। एड़ा करना नामुमकिन ए। पर परमात्मा सब कुछ करी सकोआ।” ![](https://cdn.door43.org/obs/jpg/360px/obs-en-28-09.jpg) पतरसा ने यीशु खे बोल्या, “आसे तेरे चेले आपणा सब कुछ छाडिके तेरे पीछे चली पड़ेदे। तो आसाखे इजिरा क्या प्रतिफल मिलणा?” ![](https://cdn.door43.org/obs/jpg/360px/obs-en-28-10.jpg) यीशु ने जवाब दिता, “हर एक आदमी जिने मेरे खातर आपणा कर, पाई, बैण, आम्मा-पापा, बच्चे ओर जायदात सब कुछ छाडी राख्या, तेसके तेथे 100 गुणा जादा मिलणा ओर तेसके अनन्त जीवन बी मिलणा। पर एस समय संसारा बिचे बहुत सारे लोक आपिखे बड़ा समझोए, स्यो लोक परमात्मा री नजरी बिचे छोटे हुई जाणे, ओर जो लोक एस संसारा बिचे छोटे समझे जाओए, स्यो परमात्मा री नजरी बिचे बड़े हुई जाणे।” *मत्ती अध्याय 19:16-30; मरकुस 10:17-31; लूका 18:18-30 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_28_128kbps.m4a ## 29. निर्दयी सेवादारा री कहाणी https://openbiblestories.org/l/hii/story-29/ ![](https://cdn.door43.org/obs/jpg/360px/obs-en-29-01.jpg) एक दिन, पतरसा ने यीशु ते पुछया, “ए गुरु, जेबे मेरा पाई मेरे खिलाफ पाप करो, तो माखे आपणे पाई खे कितनी बार माफ करना चइयो? क्या सात बार?” यीशु ने बोल्या, “सात बार नी, पर साता री बजाय सत्तर बार!” यीशु रे बोलणे मतलब था की आसाखे हमेशा माफ करना चइयो। तेबे यीशु ने तिनाखे एक कहाणी सुणाई। ![](https://cdn.door43.org/obs/jpg/360px/obs-en-29-02.jpg) यीशु ने बोल्या, “परमात्मा रा राज्य तेस राजा री तरह ए जिने आपणे सेवादारा ते लेखा लेणा चाया। जेबे से लेखा लेणे लगया, तो एक सेवादार तेसरे सामणे लयाया गया, जो बहुत सारे पैसेयारा कर्जदार था।” ![](https://cdn.door43.org/obs/jpg/360px/obs-en-29-03.jpg) पर से सेवादार आपणा कर्ज चुकाई नी सक्या, इजिखातर राजा ने बोल्या, “एसरा कर्ज चुकाणे खातर एसके ओर एसरे परिवारा खे गुलामा रे रूपा चे बेचीं दो।” ![](https://cdn.door43.org/obs/jpg/360px/obs-en-29-04.jpg) “तेस सेवादारा ने राजे रे सामणे घुटणे टेकिके बोल्या, “किरपा करिके धीरज राख, हाउं तेरा सारा कर्ज चुकाई दूँगा।” राजे खे तेस सेवादारा पादें दया आई, इजिखातर तिने तेसरा सारा कर्ज माफ करता ओर से जाणे दिता।” ![](https://cdn.door43.org/obs/jpg/360px/obs-en-29-05.jpg) “पर जेबे से सेवादार राजे गे ते बारे गया, तो तेसके तेसरा एक साथी सेवादार मिलया जो तेसरे थोड़े जे पैसेयारा कर्जदार था। तेस सेवादारा ने आपणा साथी सेवादार पकड़िला ओर तेसके बोल्या, “तेरे पादें जो मेरा कर्ज ए से सारा कर्ज माखे एबु दे!” ![](https://cdn.door43.org/obs/jpg/360px/obs-en-29-06.jpg) “तेस साथी सेवादारा ने घुटणे टेकिके बोल्या, “किरपा करिके धीरज राख, हाउं तेरा सारा कर्ज चुकाई दूँगा।” पर से सेवादार नई मान्या, तिने आपणा साथी सेवादार तब तक जेला बिचे बंद करता जब तक कि से तेसरा कर्ज ना चुकाई दो।” ![](https://cdn.door43.org/obs/jpg/360px/obs-en-29-07.jpg) “जो कुछ तेस सेवादारा ने आपणे साथी सेवादारा साथे किता से दूजे सेवादारा ने देखिला, ओर ये देखिके स्यो बहुत परेशान हुइगे। स्यो राजे गे गए ओर तेसके सब कुछ बताइता।” ![](https://cdn.door43.org/obs/jpg/360px/obs-en-29-08.jpg) “राजे ने से सेवादार आपिगे बुलाया ओर तेसके बोल्या, “ए दुष्ट सेवादार! मैं तेरा कर्ज इजिखातर माफ किता क्योंकि तैं मागें विनती किती थी। ताखे बी तियांई आपणे साथी सेवादारा रा कर्ज माफ करना चइयो था।” तेबे राजा इतना जादा गुस्सा हुइगा कि तिने से सेवादार तब तक जेला बिचे बंद करता जब तक कि से तेसरा सारा कर्ज ना चुकाई दो।” ![](https://cdn.door43.org/obs/jpg/360px/obs-en-29-09.jpg) तेबे यीशु ने बोल्या, “अगर तुसे आपणे पाई खे आपणे मना ते माफ नी करोगे, तो मेरा पिता जो स्वर्गा बिचे विराजमान ए तिने बी तुसा सबी साथे एड़ाई करना।” *मत्ती अध्याय 18:21-35 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_29_128kbps.m4a ## 30. यीशु ने पाँज हजार लोकाखे खाणा खिलाया https://openbiblestories.org/l/hii/story-30/ ![](https://cdn.door43.org/obs/jpg/360px/obs-en-30-01.jpg) यीशु ने आपणे बारा खास चेले प्रचार करने खातर ओर शिक्षा देणे खातर अलग-अलग गावाँ बिचे पेजे। जेबे स्यो चेले यीशु गे वापस आए तो तिनाने यीशु खे बताया कि आसे गावां बिचे क्या-क्या किता। तेबे यीशु ने तिनाखे झीला री दूजी तरफ एक शान्त जैगा बिचे थोड़ी देर आराम करने खातर बोल्या। इजिखातर स्यो किश्तिया बिचे चढ़िगे ओर झीला री दूजी तरफ चलिगे। ![](https://cdn.door43.org/obs/jpg/360px/obs-en-30-02.jpg) पर तेती बहुत सारे लोक थे जिनाने यीशु ओर तेसरे चेले किश्तिया बिचे जादें हुए देखिले थे। ये देखिके लोक बी झीला री दूजी तरफ जाणे खातर झीला रे कनारे-कनारे रिए पैदल नठे ओर तिनाते पैले पौंचिगे। जेबे यीशु ओर तेसरे चेले झीला री दूजी तरफ पौंचे तो इनाई लोका री बहुत सारी भीड़ पैलेई तिनारा इन्तजार करने लगिरी थी। ![](https://cdn.door43.org/obs/jpg/360px/obs-en-30-03.jpg) तेस भीड़ा बिचे लगभग पाँज हजारा ते जादा मर्द थे, पर तिना बिचे ज्वाणसा री ओर बच्या री गिणती नी थी। यीशु ने तिना लोका पादें बड़ी दया किती। क्योंकि यीशु खातर स्यो लोक तिना पेडा री तरह थे, जिनारा कोई रखवाला ना हो। इजिखातर यीशु ने तिनाखे शिक्षा दिती ओर तिना बिचे जो लोक बमार थे स्यो चंगे किते। ![](https://cdn.door43.org/obs/jpg/360px/obs-en-30-04.jpg) जेबे दिन बितिगा, तो चेल्या ने यीशु खे बोल्या, “एबे देर बहुत हुइगी ओर एती नजदीक कोई नगर निए। इना लोकाखे एथे पेजिदे ताकि यो जाइके खाणे खातर कुछ लेइलो।” ![](https://cdn.door43.org/obs/jpg/360px/obs-en-30-05.jpg) पर यीशु ने चेल्या खे बोल्या, “तुसे आपी इना लोका खातर खाणे रा इन्तजाम करो!” चेल्या ने जवाब दिता, “इना लोका खातर इतनी रोटिया रा इन्तजाम आसाते नई हुणा? क्योंकि आसागे तो सिर्फ पाँज रोटिया ओर दो छोटी मछलिया ए।” ![](https://cdn.door43.org/obs/jpg/360px/obs-en-30-06.jpg) यीशु ने आपणे चेल्या खे बोल्या कि इना लोकाखे बोलो कि पँजा-पँजा आदमिया रा चुण्ड बणाइके बैठी जाओ। ![](https://cdn.door43.org/obs/jpg/360px/obs-en-30-07.jpg) तेबे यीशु ने पाँज रोटिया ओर दो मछलिया आथा बिचे लेइके स्वर्गा री तरफ देख्या, ओर तेस खाणे खातर परमात्मा खे धन्यवाद दिता। ![](https://cdn.door43.org/obs/jpg/360px/obs-en-30-08.jpg) ओर यीशु रोटिया तोड़ी-तोड़िके चेल्या खे देदां गया कि सब लोका बिचे बांडिदो, ओर से दो मछलिया बी सब लोका बिचे बांडतिया। पर तेबे बी खाणा खत्म नी हुआ ओर स्यो सब लोक खाइके रजिगे। ![](https://cdn.door43.org/obs/jpg/360px/obs-en-30-09.jpg) तेथे बाद चेल्या ने बचेदे टुकड़े कट्ठे किते जो सब लोका रे खाणे ते बाद बचिगे थे। ओर तिना टुकड़ेया ते परिया दिया बारा टोकरिया चकिया। ये सारा खाणा तिना पाँज रोटिया ते ओर दो मछलिया ते आया था। *मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_30_128kbps.m4a ## 31. यीशु रा पाणी पादें चलना https://openbiblestories.org/l/hii/story-31/ ![](https://cdn.door43.org/obs/jpg/360px/obs-en-31-01.jpg) पाँज हजार लोकाखे खाणा खिलाणे ते बाद, यीशु ने आपणे चेल्या खे किश्तिया बिचे चढ़ने खातर बोल्या। यीशु ने तिनाखे झीला री दूजी तरफ जाणे खातर बोल्या जबकि यीशु आपी थोड़े समय खातर तेसी जैगा ठैरिगा। तेबे चेले चलिगे ओर यीशु ने भीड़ वाले लोक विदा किते कि आपणे करा खे जाओ। तेथे बाद, यीशु प्रार्थना करने खातर एक पाड़िया पादें चलिगा। यीशु तेती कल्ला था, ओर तिने राती बहुत देर तक प्रार्थना किती। ![](https://cdn.door43.org/obs/jpg/360px/obs-en-31-02.jpg) तेस समय, चेले किश्तिया बिचे जाणे लगिरे थे, पर हव्वा तिनारे खिलाफ बड़ी जोरा साथे चलने लगिरी थी। आधी रात हुणे तक बी स्यो सिर्फ झिला रे बिचेई पौंचिरे थे। ![](https://cdn.door43.org/obs/jpg/360px/obs-en-31-03.jpg) प्रार्थना करने ते बाद, यीशु आपणे चेल्या गे वापस चलिगा। यीशु किश्तिया री तरफ जाणे खातर पाणी पादें चलने लगया। ![](https://cdn.door43.org/obs/jpg/360px/obs-en-31-04.jpg) तेबे चेल्या ने यीशु झीला रे पाणी पादें चलदे हुए देख्या। स्यो डरिगे क्योंकि तिनाने सोच्या कि ये कोई भूत ए। यीशु खे पता था कि चेले डरिगे, इजिखातर यीशु ने तिनाखे आवाज लगाइके बोल्या, “डरो मत, हाउं ए!” ![](https://cdn.door43.org/obs/jpg/360px/obs-en-31-05.jpg) तेबे पतरसा ने यीशु खे बोल्या, “ए प्रभु, अगर ये तूं ए तो माखे पाणी पादें चलिके आपिगे आउणे रा आदेश दे।” यीशु ने पतरसा खे बोल्या, “आई जा!” ![](https://cdn.door43.org/obs/jpg/360px/obs-en-31-06.jpg) तेबे पतरस किश्तिया बिचे ते उतरिके यीशु गे जाणे खातर पाणी पादें चलने लगया। पर थोड़ा जा आगे जाइके तिने आपणी नजर यीशु पादें ते फेरली ओर लैहरा खे देखणे लगया ओर तेज हव्वा खे महसूस करने लगया। ![](https://cdn.door43.org/obs/jpg/360px/obs-en-31-07.jpg) तेबे पतरस डरिगा ओर पाणी बिचे डूबणे लगया ओर चिल्लाणे लगया, “ए प्रभु, माखे बचा!” यीशु ने तेसी समय आपणा आथ आगे बढ़ाया ओर से पकड़िला। तेबे यीशु ने पतरसा खे बोल्या, “तेरा परोसा बहुत कम ए! तैं मेरे पादें परोसा कउं नी किता?” ![](https://cdn.door43.org/obs/jpg/360px/obs-en-31-08.jpg) तेबे यीशु ओर पतरस किश्तिया बिचे चढ़िगे, ओर एकदम तेज हव्वा चलनी बंद हुइगी। ओर पाणी रिया लैहरा शान्त हुइगिया। चेले चौंकिगे ओर तिनाने यीशु रे आगे घुटणे टेकिके तेसरी आराधना किती, ओर तेसके बोल्या, “तूं सच्चेई परमात्मा रा पुत ए।” *मत्ती अध्याय 14:22-33; मरकुस 6:45-52; यूहन्ना 6:16-21 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_31_128kbps.m4a ## 32. यीशु ने दुष्टआत्मा ते पीड़ित आदमी ओर एक बमार ज्वाणस चंगी किती https://openbiblestories.org/l/hii/story-32/ ![](https://cdn.door43.org/obs/jpg/360px/obs-en-32-01.jpg) एक दिन यीशु ओर तेसरे चेले आपणी किश्तिया बिचे बैठिके तेस नगरा खे गए, जेती गिरासेनी लोक रओ थे। स्यो तेस नगरा बिचे पौंचिके किश्तिया बिचे ते उतरे। ![](https://cdn.door43.org/obs/jpg/360px/obs-en-32-02.jpg) तेती एक आदमी था जेस बिचे बहुत सारिया दुष्टआत्मा थिया। ![](https://cdn.door43.org/obs/jpg/360px/obs-en-32-03.jpg) से आदमी इतना खतरनाक था कि कोई बी तेसके काबू नी करी सको था। कई बार लोका ने तेसरे आथ-पैर लोहे री जंजीरा साथे बी बाने, पर से जंजीरा खे तोड़िदो था। ![](https://cdn.door43.org/obs/jpg/360px/obs-en-32-04.jpg) से आदमी कब्रिस्ताना बिचे रया करो था ओर दिन-रात चिल्लांदा रओ था। से टाले नी पैनो था ओर बार-बार आपिखे पात्थरा साथे घायल करदा रओ था। ![](https://cdn.door43.org/obs/jpg/360px/obs-en-32-05.jpg) जेबे तिने दूरा ते यीशु देख्या, तो से दौड़दा हुआ यीशु गे आया। ओर तेसरे सामणे घुटणे टेकिते। तेबे यीशु ने तेस आदमी बिचे री दुष्टआत्मा खे बोल्या, “ए दुष्टआत्माओं, एस आदमी बिचे ते बारे निकलो!” ![](https://cdn.door43.org/obs/jpg/360px/obs-en-32-06.jpg) स्यो दुष्टआत्मा ऊची आवाजा बिचे चिल्लाइके बोलणे लगिया, “ए यीशु, परमपरधान परमात्मा रे पुत, तूं माखे परेशान कउं करोए? किरपा करिके माखे पीड़ा ना दे!” तेबे यीशु ने तेस दुष्टआत्मा ते पुछया, “क्या नाओं तेरा?” दुष्टआत्मा ने बोल्या, “मेरा नाओं सेना ए, क्योंकि आसे बहुत ए।” ![](https://cdn.door43.org/obs/jpg/360px/obs-en-32-07.jpg) तिना दुष्टआत्मा ने यीशु गे विनती किती, “किरपा करिके आसाखे एस इलाके ते बारे ना पेज!” तेती पाड़िया पादें बहुत सारे सूँरा एक चुण्ड चुगणे लगिरा था। इजिखातर तिना दुष्टआत्मा ने यीशु गे विनती किती, “किरपा करिके आसाखे इना सूँरा बिचे पेजिदे!” यीशु ने बोल्या, “ठीक ए, तुसे इना सूँरा बिचे चली जाओ!” ![](https://cdn.door43.org/obs/jpg/360px/obs-en-32-08.jpg) तेबे स्यो दुष्टआत्मा तेस आदमी बिचे ते निकलिके तिना सूँरा बिचे समाइगिया। स्यो सूँर पाड़िया पादें ते थाले खे दौड़दे हुए झीला बिचे कुदिगे ओर पाणी बिचे डूबिके मरिगे। तेस चुण्डा बिचे लगभग 2,000 सूँर थे। ![](https://cdn.door43.org/obs/jpg/360px/obs-en-32-09.jpg) तेती तिना सूँरा री देखभाल करने वाले लोक थे। जेबे तिनाने ये सब देख्या तो स्यो नगरा री तरफ नट्ठे। ओर जो कुछ यीशु ने किता था से तिनाने नगर वाले सारे लोकाखे बताया। ओर तेस नगरा ते लोक ये सब देखणे आए। तेती आइके तिनाने से आदमी देख्या जेस बिचे पैले बहुत सारिया दुष्टआत्मा थिया, से आदमी शान्त, टाले पैनिके, एक आम आदमी री तरह व्यवहार करदा हुआ बैठिरा था। ![](https://cdn.door43.org/obs/jpg/360px/obs-en-32-10.jpg) स्यो लोक बहुत जादा डरेदे थे, ओर तिनाने यीशु खे तेथे जाणे खातर बोल्या। तेबे यीशु किश्तिया बिचे चढ़िगा। ओर जेस आदमी बिचे पैले दुष्टआत्मा थिया से यीशु गे विनती करने लगया कि माखे बी आपी साथे आउणे दे। ![](https://cdn.door43.org/obs/jpg/360px/obs-en-32-11.jpg) पर यीशु ने तेस आदमी खे बोल्या, “नई। हाउं चाउंआ कि तूं करे जाइके आपणे लोकाखे बताओ कि परमात्मा ने तेरे खातर क्या किता। तिना लोकाखे बता कि कियां परमात्मा ने तेरे पादें दया किती।” ![](https://cdn.door43.org/obs/jpg/360px/obs-en-32-12.jpg) इजिखातर से आदमी चलिगा ओर तिने सब लोकाखे बताया जो यीशु ने तेस खातर किता था। तेसरी कहाणी सुणिके सब लोक चौंकी जाओ थे। ![](https://cdn.door43.org/obs/jpg/360px/obs-en-32-13.jpg) जेबे यीशु झीला री दूजी तरफ वापस आया। तो तेसरे तेती पौंचणे ते बाद, बहुत सारे लोका री भीड़ यीशु रे नजदीक कट्ठी हुइगी ओर लोक यीशु खे देखणे खातर आपी-पिछिए धक्का-मुक्की करने लगे। तेस भीड़ा बिचे एक ज्वाणस थी जेसाखे बारा साला ते खून बैहणे री बमारी थी। तेसाने आपणा सारा धन वैधा पादें खर्च करता था ताकि स्यो तेसाखे ठीक करी सको, पर तेसारी बमारी ओर बी जादा बिगड़िगी थी। ![](https://cdn.door43.org/obs/jpg/360px/obs-en-32-14.jpg) तेस ज्वाणसा ने सुणी राख्या था कि यीशु ने बहुत सारे बमार लोक चंगे किते, तेसाने सोच्या कि, “अगर मैं यीशु रे टाले बी छूँइले, तो हाउं चंगी हुई जाणी!” इजिखातर से ज्वाणस यीशु रे पीछे ते आई ओर तेसाने यीशु रे टाले छूँइले। जियांई तेसाने यीशु रे टाले छूँए, तेसी समय तेसारा खून बैहणा बंद हुइगा। ![](https://cdn.door43.org/obs/jpg/360px/obs-en-32-15.jpg) यीशु खे एकदम पता लगिगा कि मेरे बिचे ते सामर्थ्य निकली। इजिखातर यीशु ने पीछे मुड़िके पुछया, “हाउं किने छूँया?” चेल्या ने जवाब दिता, “एती इतने सारे लोका ने तेरे चारो तरफ भीड़ लगाई राखी, ओर पादें गिरने लगिरे। ओर तूं पुछोए कि हाउं किने छूँया?” ![](https://cdn.door43.org/obs/jpg/360px/obs-en-32-16.jpg) तेबे से ज्वाणस डरा रे मारे काँबदी हुई घुटणे टेकिके यीशु रे सामणे बैठिगी। ओर तेसाने यीशु खे सच्च-सच्च बताइता कि तेरे टाले मैं छूँए, ओर तेसाने यीशु खे ये बी बताया कि ताखे छूणे ते मेरी बमारी ठीक हुइगी। यीशु ने तेसाखे बोल्या, “बेटी, तेरे परोसे ने तूं चंगी किती। खुशी-खुशी जा।” *मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_32_128kbps.m4a ## 33. एक किसाना री कहाणी https://openbiblestories.org/l/hii/story-33/ ![](https://cdn.door43.org/obs/jpg/360px/obs-en-33-01.jpg) एक दिन, यीशु झीला रे कनारे पादें बहुत सारे लोकाखे शिक्षा देणे लगिरा था। यीशु री शिक्षा सुणने खातर इतने सारे लोक आए कि यीशु खे खड़े हुणे खातर जैगा नी बची। इजिखातर यीशु पाणी बिचे एक खड़ी किश्तिया बिचे चढ़िके बैठिगा ओर लोकाखे शिक्षा देणे लगया। ![](https://cdn.door43.org/obs/jpg/360px/obs-en-33-02.jpg) यीशु ने तिनाखे ये कहाणी सुणाई, “एक किसान बीज बिजणे खातर निकलया। बिजदे समय कुछ बीज बाटा रे कनारे गिरे ओर पँछिया ने आइके स्यो सब बीज चुगिले।” ![](https://cdn.door43.org/obs/jpg/360px/obs-en-33-03.jpg) “कुछ बीज पात्थर वाली जमीना पादें गिरे जेती बहुत कम माटी थी। स्यो बीज बहुत जल्दी लूँगिगे, पर कम माटी हुणे रे कारण तिनारी जड़ जादा गैहरी नी गई। ओर सूरज निकलने ते बाद जेबे तेज तूप लगी तो तिना बीजा रिया लूँगा मुरझाइगिया, ओर सुकिगिया।” ![](https://cdn.door43.org/obs/jpg/360px/obs-en-33-04.jpg) “कुछ बीज कांडेदार झाड़िया बिचे गिरे। स्यो बीज बढ़ने लगे, पर झाड़िया ने स्यो थाले दबाइते ओर पादें नी बढ़ने दिते। इजिखातर कांडेदार झाड़िया बिचे लूँगेदे बीज कोई अनाज पैदा नी करी सके।” ![](https://cdn.door43.org/obs/jpg/360px/obs-en-33-05.jpg) “कुछ बीज अच्छी जमीना पादें गिरे। स्यो बीज लूँगे ओर बड़े हुइके तेथे बहुत सारे बीज लगे, केथे 30 गुणा बीज लगे, केथे 60 गुणा बीज लगे, ओर केथे 100 गुणा बीज लगे। तेबे यीशु ने लोकाखे बोल्या, “जो कोई बी परमात्मा रे पीछे चलना चाओए से एस गल्ला पादें त्यान देयो जो हाउं बोलणे लगिरा!” ![](https://cdn.door43.org/obs/jpg/360px/obs-en-33-06.jpg) ये कहाणी सुणिके चेले उलझना बिचे पड़िगे। इजिखातर यीशु ने तिनाखे समझाया, “बीज परमात्मा रा वचन ए। बाटा रे कनारे गिरेदे बीज तेस आदमी री तरह ए जो परमात्मा रा वचन तो सुणोआ, पर तिजिखे समझदा नी। तेबे शैतान एकदम आइके तेसरे मना बिचे ते वचन चुराइके लई जाओआ। मतलब शैतान तेसके वचन समझणे ते दूर राखोआ।” ![](https://cdn.door43.org/obs/jpg/360px/obs-en-33-07.jpg) “पात्थर वाली जमीना पादें गिरेदे बीज तेस आदमी री तरह ए जो परमात्मा रा वचन सुणिके तिजिखे खुशिया साथे स्वीकार करिलोआ। पर जेबे तेसरे जीवना बिचे दुखा रा समय आओआ, या जेबे तेसके दूजे लोक सताणा शुरू करो, तो से परमात्मा ते दूर चली जाओआ। ओर परमात्मा पादें परोसा नी राखदा।” ![](https://cdn.door43.org/obs/jpg/360px/obs-en-33-08.jpg) “कांडेदार झाड़िया बिचे गिरेदे बीज तेस आदमी री तरह ए जो परमात्मा रा वचन तो सुणोआ, पर से बहुत सारी गल्ला री चिन्ता करनी शुरू करिदोआ, ओर से बहुत सारा धन कमाणे री ओर बहुत सारी चीजा खे पाणे री कोशिश करोआ। थोड़े समय ते बाद, से परमात्मा साथे प्यार नी करी पादां। इजिखातर जो कुछ तिने परमात्मा रे वचना ते सिख्या था, तेथे से परमात्मा खे खुश नी करी पादां।” से कणका रे डंडले री तरह ए जो कोई अनाज पैदा नी करदा। ![](https://cdn.door43.org/obs/jpg/360px/obs-en-33-09.jpg) “पर अच्छी जमीना पादें गिरेदे बीज तेस आदमी री तरह ए जो परमात्मा रा वचन सुणोआ, ओर तिजी पादें परोसा करोआ, ओर फलदार बणोआ। *मत्ती अध्याय 13:1-8, 18-23; मरकुस 4:1-8, 13-20; लूका 8:4-15 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_33_128kbps.m4a ## 34. यीशु ने बहुत सारिया कहाणिया सुणाइया https://openbiblestories.org/l/hii/story-34/ ![](https://cdn.door43.org/obs/jpg/360px/obs-en-34-01.jpg) यीशु ने परमात्मा रे राज्य रे बारे चे ओर बी बहुत सारिया कहाणिया सुणाइया। यीशु ने बोल्या, “परमात्मा रा राज्य एक राई रे बीजा री तरह ए जो किने आपणे डोरुआ बिचे बिजिता। तुसाखे पता ए कि राई रा बीज सब बीजा ते छोटा होआ।” ![](https://cdn.door43.org/obs/jpg/360px/obs-en-34-02.jpg) “पर जेबे राई रा बीज बड़ा होआ तो से बगीचे री सब डालिया ते बड़ा हुई जाओआ। से इतना बड़ा हुई जाओआ कि पँछी बी आइके तिजिरी टैणिया पादें बसेरा करो।” ![](https://cdn.door43.org/obs/jpg/360px/obs-en-34-03.jpg) यीशु ने एक ओर कहाणी सुणाई, “परमात्मा रा राज्य खमीरा री तरह ए। एक ज्वाणस खमीर लेइके आटे बिचे मिलाइदोई, ओर हुंदे-हुंदे से सारे आटे बिचे फैली जाओआ।” ![](https://cdn.door43.org/obs/jpg/360px/obs-en-34-04.jpg) “परमात्मा रा राज्य तेस खजाने री तरह ए जो किने डोरु बिचे छुपाइता। केस दूजे आदमी खे से खजाना मिलिगा ओर तिने तिजिखे हांसिल करने री बहुत इच्छा राखी। इजिखातर तिने से खजाना दोबारा तियांई दबाइता। से आदमी इतना जादा खुश हुइगा कि तिने जाइके आपणा सब कुछ बेचिता ताकि से तेस खजाने वाले डोरू खे खरिदी सको जेती से खजाना था।” ![](https://cdn.door43.org/obs/jpg/360px/obs-en-34-05.jpg) “परमात्मा रा राज्य एक किमती शुद्ध मोती री तरह ए। जेबे एक मोती रे व्यापारी खे से किमती मोती मिलया, तो तिने आपणा सब कुछ बेचिता ताकि से तिजिखे खरीदी सको।” ![](https://cdn.door43.org/obs/jpg/360px/obs-en-34-06.jpg) तेती कुछ लोक थे जो सोचो थे कि परमात्मा ने आसे इजिखातर स्वीकार करने क्योंकि आसे अच्छे काम करने लगिरे। ये लोक एड़े लोकाखे तुच्छ मानो थे जो तिना अच्छे कामा खे नई करो थे। इजिखातर यीशु ने तिनाखे ये कहाणी सुणाई, “दो आदमी थे ओर दोनो आदमी मन्दरा बिचे प्रार्थना करने खातर गए। तिना बिचे एक चुंगी लेणे वाला था, ओर दूजा तार्मिक गुरु था।” ![](https://cdn.door43.org/obs/jpg/360px/obs-en-34-07.jpg) “तेस तार्मिक गुरु ने एस तरह प्रार्थना किती, “ए परमात्मा, तेरा धन्यवाद हो कि हाउं दूजे लोका री तरह एक डाकू, अन्यायी, व्यभिचारी ओर एती खड़ेदे चुंगी लेणे वालेया री तरह पापी आदमी निए।”’ ![](https://cdn.door43.org/obs/jpg/360px/obs-en-34-08.jpg) “हाउं हर हप्ते बिचे दो बार व्रत राखूँआ, ओर आपणी कमाइया बिचे ते दसवाँ हिस्सा ताखे देउंआ।” ![](https://cdn.door43.org/obs/jpg/360px/obs-en-34-09.jpg) “पर तेस चुंगी लेणे वाले आदमी ने तेस तार्मिक गुरु ते दूर खड़े हुइके आपणिया आखिया स्वर्गा री तरफ बी नी उठाइया। इजिरी बजाय तिने आपणी छाती पिटी-पिटिके प्रार्थना किती, “ए परमात्मा, किरपा करिके मेरे पादें दया कर क्योंकि हाउं एक पापी आदमी ए।”’ ![](https://cdn.door43.org/obs/jpg/360px/obs-en-34-10.jpg) फेर यीशु ने बोल्या, “हाउं तुसाखे सच्च बोलूंए, परमात्मा ने तेस चुंगी लेणे वाले री प्रार्थना सुणी ओर से तर्मी ठैराया। पर तिने तेस तार्मिक गुरु री प्रार्थना पसंद नी किती। इजिखातर हर एक आदमी जो आपिखे बड़ा समझोआ, परमात्मा ने से छोटा करना, ओर जो आपिखे छोटा समझोआ, परमात्मा ने से बड़ा करना।” *मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_34_128kbps.m4a ## 35. एक दयालु पापे री कहाणी https://openbiblestories.org/l/hii/story-35/ ![](https://cdn.door43.org/obs/jpg/360px/obs-en-35-01.jpg) एक दिन, यीशु तिना बहुत सारे लोकाखे शिक्षा देणे लगिरा था जो तेसरी शिक्षा सुणने खातर तेती कट्ठे हुइरे थे। ये लोक चुंगी लेणे वाले ओर साथेई दूजे लोक बी थे जिनाने मूसा री व्यवस्था रा पालन करने री कोशिश नी किती थी ![](https://cdn.door43.org/obs/jpg/360px/obs-en-35-02.jpg) तेती कुछ तार्मिक गुरुआ ने देख्या कि यीशु इना पापी लोका साथे एक दोस्ता री तरह गल्ला करोए। इजिखातर स्यो आपी-पिछिए बोलणे लगे कि यीशु गलत करने लगिरा, यीशु ने स्यो ये गल्ला करदे हुए सुणिले, इजिखातर यीशु ने तिनाखे ये कहाणी सुणाई। ![](https://cdn.door43.org/obs/jpg/360px/obs-en-35-03.jpg) “एक आदमी था जेसरे दो पुत थे। छोटे पुता ने आपणे पापे खे बोल्या, “पापा, माखे मेरी जायदाता रा हिस्सा एबु चइयो!” तेबे पापे ने आपणे दोनो पुता बिचे आपणी जायदात बांडिती।” ![](https://cdn.door43.org/obs/jpg/360px/obs-en-35-04.jpg) “कुछ दिन बाद, छोटा पुत आपणा सब कुछ बेचिके दूर देशा बिचे चलिगा, ओर तिने पापी जीवन जीणे बिचे आपणा सारा पैसा बर्बाद करता।” ![](https://cdn.door43.org/obs/jpg/360px/obs-en-35-05.jpg) “तेथे बाद, जेस देशा बिचे छोटा पुत गया था तेस देशा बिचे एक बहुत खतरनाक आकाल पड़या, ओर से छोटा पुत कंगाल हुइगा तेसगे खाणा खरिदणे तक पैसे नी रए। तेती तेसके सिर्फ सूँरा खे चारने रा काम मिलया। से इतना दुखी ओर पुखा था कि से सूँरा रा खाणा खाइके आपणा पेट परना चाओ था।” ![](https://cdn.door43.org/obs/jpg/360px/obs-en-35-06.jpg) “आखिरकार, जेबे तेस छोटे पुता खे समझ आई तो से आपिखे बोलणे लगया, हाउं एती क्या करने लगिरा? मेरे पापे रे करे कितने मजदूर काम करोए ओर तिनाखे पेट भर खाणा मिलोआ, पर हाउं एती पुखा मरने लगिरा। एबे मैं आपणे पापे गे वापस जाणा ओर तेसगे विनती करनी कि माखे एक सेवादारा री तरह आपी साथे राखिले।” ![](https://cdn.door43.org/obs/jpg/360px/obs-en-35-07.jpg) “तेबे से छोटा पुत आपणे पापे रे करा खे वापस चली पड़या। से एबु करा ते दूर ही था कि तेसरे पापे ने से देख्या ओर तेस पादें दया किती। से दौड़िके आपणे पुता गे गया ओर गले लगाइके तेसके प्यार किता।” ![](https://cdn.door43.org/obs/jpg/360px/obs-en-35-08.jpg) “तेस पुता ने बोल्या, “पापा, मैं परमात्मा रे खिलाफ ओर तेरे खिलाफ पाप करी राख्या। हाउं तेरा पुत बोलणे रे लायक बी निए।”’ ![](https://cdn.door43.org/obs/jpg/360px/obs-en-35-09.jpg) “पर पापे ने आपणे एक सेवादारा खे बोल्या, “जल्दी जाइके एक नवें टाले रा जोड़ा लयाओ ओर मेरे पुता खे पैनाओ! एसरी गुठिया बिचे अंगूठी ओर एसरे पैरा बिचे जूते पैनाओ। ओर खाणे खातर एक सबिते बढ़िया वाला पालयादा जानवर बाडो ताकि आसे तिजी खाइके जशन मनाई सकूं, क्योंकि मेरा पुत जेड़ा कि मरिगा था, पर एबे ये जिउंदाए! मेरा पुत खोइगा था, पर एबे ये माखे मिलिगादाए!”’ ![](https://cdn.door43.org/obs/jpg/360px/obs-en-35-10.jpg) “इजिखातर लोका ने जशन मनाणा शुरू किता। थोड़ी देर बाद, बड़ा पुत डोरुआ बिचे ते काम करिके करे आया। तिने करे आइके नाचणे-गाणे री आवाज सुणी ओर चौंकिगा कि एती ये क्या हुणे लगिरा।” ![](https://cdn.door43.org/obs/jpg/360px/obs-en-35-11.jpg) “जेबे बड़े पुता खे पता लगया कि ये मेरे छोटे पाई रे वापस आउणे री खुशी बिचे जशन मनाणे लगिरे, तो से बहुत गुस्सा हुआ ओर करा रे आंदरे नी आया। तेसरे पापे ने बारे आइके तेसके बोल्या कि, “तूं बी जशन मनाणे खातर आसा साथे आंदरे चल, पर से मुकरिगा कि मैं नी जाणा।” ![](https://cdn.door43.org/obs/jpg/360px/obs-en-35-12.jpg) “तेस बड़े पुता ने आपणे पापे खे बोल्या, “पापा, मैं इतने साल तक तेरे खातर ईमानदारी साथे काम किता! ओर कदी बी तेरी गल्ल नी टाली, पर तैं माखे कदी बाकरी रा बच्चा तक नी दिता कि हाउं जाइके आपणे दोस्ता साथे जशन मनाई सकूं। तेरे एस छोटे पुता ने तेरा सारा पैसा पाप वाले काम करने बिचे बर्बाद करता। ओर एबे जेबे ये करे वापस आइगा तो तैं एसरा जशन मनाणे खातर सबी ते बढ़िया वाला पालयादा जानवर मारता!”’ ![](https://cdn.door43.org/obs/jpg/360px/obs-en-35-13.jpg) “पापे ने जवाब दिता, “ए मेरे पुत, तूं हमेशा मेरे साथ ए, ओर जो कुछ मेरा ए से सब कुछ तेरा ए। पर आसा खातर जशन मनाणा ठीक ए क्योंकि तेरा छोटा पाई जेड़ा कि मरिगा था, पर एबे से जिउंदाए। से खोइगा था, पर एबे से आसाखे मिलिगादाए!”’ *लूका अध्याय 15:11-32 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_35_128kbps.m4a ## 36. यीशु रा रूप बदलना https://openbiblestories.org/l/hii/story-36/ ![](https://cdn.door43.org/obs/jpg/360px/obs-en-36-01.jpg) एक दिन यीशु ने आपणे तीन चेले पतरस, याकूब, ओर यूहन्ना आपी साथे ले। ओर से तिनाखे प्रार्थना करने खातर एक ऊची पाड़िया पादें लइगा। ![](https://cdn.door43.org/obs/jpg/360px/obs-en-36-02.jpg) जेबे यीशु प्रार्थना करने लगिरा था तो तेसरा चेहरा सूरजा री तरह चमकणे लगया। तेसरे टाले रोशनी री तरह सफेद हुइगे, इतने सफेद कि तरती पादें कोई बी आदमी इतने टाले नी चमकाई सकदा। ![](https://cdn.door43.org/obs/jpg/360px/obs-en-36-03.jpg) तेबे मूसा ओर एलिय्याह भविष्यद्वक्ता परगट हुए। ये आदमी एस तरती पादें सैंकड़ो साल पैले रया करो थे। स्यो यीशु री मौता रे बारे चे गल्ल करने लगिरे थे, जो बहुत जल्दी येरूशलेम सैरा बिचे हुणे वाली थी। ![](https://cdn.door43.org/obs/jpg/360px/obs-en-36-04.jpg) जेबे मूसा ओर एलिय्याह यीशु साथे गल्ला करने लगिरे थे, तेबे पतरसा ने यीशु खे बोल्या, “ए गुरु आसारा एती रौणा ठीक ए।” अगर तेरी इच्छा हो तो आसे तीन तम्बू बणाऊं, एक तेरे खातर, एक मूसा खातर ओर एक एलिय्याह खातर।” पर पतरस नी जाणो था कि हाउं क्या बोलणे लगिरा। ![](https://cdn.door43.org/obs/jpg/360px/obs-en-36-05.jpg) पतरस एबु बोलणेई लगिरा था कि इतने बिचे एक चमकिला बादल तिना पादें छाइगा। फेर तिनाने बादला बिचे परमात्मा री ये आवाज सुणी कि “ये मेरा प्यारा पुत ए ओर हाउं एसते बहुत खुश ए। तुसे सब एसरी सुणो।” स्यो तीनो चेले डरिगे ओर जमीना पादें लेटिगे। ![](https://cdn.door43.org/obs/jpg/360px/obs-en-36-06.jpg) तेबे यीशु ने स्यो छूँए ओर बोल्या, “डरो मत। उठी जाओ। जेबे तिनाने चारो तरफ देख्या, तो यीशु खे छाडिके तिनाने आपी साथे ओर कोई नी देख्या।” ![](https://cdn.door43.org/obs/jpg/360px/obs-en-36-07.jpg) जेबे यीशु ओर तेसरे तीन चेले पाड़िया पादें ते उतरने लगिरे थे। तेबे यीशु ने तिनाखे आदेश देइके बोल्या, “एबु जो एती हुआ तिजिरे बारे चे तुसे केसके ना बतायो। हाउं जल्दी मरी जाणा ओर फेर जिउंदा हुई जाणा। तेथे बाद, तुसे लोकाखे बताई सकोए।” *मत्ती अध्याय 17:1-9; मरकुस 9:2-8; लूका 9:28-36 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_36_128kbps.m4a ## 37. यीशु ने लाजर मरयादे बिचे ते जिउंदा किता। https://openbiblestories.org/l/hii/story-37/ ![](https://cdn.door43.org/obs/jpg/360px/obs-en-37-01.jpg) एक बार लाजर नावां रा एक आदमी था तेसरी दो बैणा थिया एकी रा नाओं मरियम ओर दूजी रा नाओं मार्था था, ये तीनो यीशु रे बहुत अच्छे दोस्त थे। एक दिन किने यीशु खे बताया कि लाजर बहुत बमार ए। ये सुणिके यीशु ने बोल्या, “ये बमारी मौत हुणे खातर निए; बल्कि परमात्मा री बडयाई खातर ए, ताकि लोक परमात्मा रा आदर करो।” ![](https://cdn.door43.org/obs/jpg/360px/obs-en-37-02.jpg) यीशु आपणे दोस्ता साथे प्यार करो था, पर जेती से था तेती तिने दो दिन तक इन्तजार किता। तिना दो दिना ते बाद, यीशु ने आपणे चेल्या खे बोल्या, “आओ वापस यहूदिआ परदेशा खे चलिए। चेल्या ने जवाब दिता, “ए गुरु, एबु कुछ ही समय पैले तो तेती रे लोक ताखे मारना चाओ थे!’’ यीशु ने बोल्या “आसारा दोस्त लाजर सइगादाए, ओर मैं से जगाणा ए।” ![](https://cdn.door43.org/obs/jpg/360px/obs-en-37-03.jpg) यीशु रे चेल्या ने जवाब दिता, “ए प्रभु, अगर लाजर सइगादाए, तो क्या से ठीक हुई जाणा।” तेबे यीशु ने तिनाखे साफ-साफ बोलता, “लाजर मरिगादाए। हाउं खुश ए कि हाउं तेती नी था, ताकि तुसे मेरे पादें परोसा करी सको।” ![](https://cdn.door43.org/obs/jpg/360px/obs-en-37-04.jpg) जेबे यीशु लाजरा रे गावां बिचे पौंच्या तो लाजरा खे कब्रा बिचे राखेदे चार दिन हुई चुके थे। मार्था यीशु खे मिलणे खातर बारे आई ओर बोल्या, “ए प्रभु, अगर तूं एती हुंदा तो मेरा पाई नी मरदा। पर हाउं परोसा करूंई कि जो कुछ बी तैं परमात्मा ते माँगणा, तिने ताखे देणा।” ![](https://cdn.door43.org/obs/jpg/360px/obs-en-37-05.jpg) यीशु ने तेसाखे बोल्या, “दोबारा जिउंदा करने वाला ओर जीवन देणे वाला सिर्फ हाउं ए। जो कोई मेरे पादें परोसा करोआ, अगर से मरी बी जाओ तो बी जीउणा। जो कोई मेरे पादें परोसा करोआ, से कदी बी नी मरना। क्या तूं एस गल्ला पादें परोसा करोई? “मार्था ने जवाब दिता, “हाँ प्रभु, हाउं परोसा करुंई, कि तूं परमात्मा रा पुत मसीह ए।” ![](https://cdn.door43.org/obs/jpg/360px/obs-en-37-06.jpg) तेबे मरियम तेती पौंची जेती यीशु था। से यीशु रे पैरा बिचे पड़िगी ओर बोलणे लगी, “ए प्रभु, अगर तूं एती हुंदा तो मेरा पाई नी मरदा। “यीशु ने तेसाते पुछया, तुसे लाजर केई दफणाई राख्या? “तिनाने यीशु खे बोल्या, “ए प्रभु, कब्रा पादें चल ओर देखिले।” तेबे यीशु रोणे लगया। ![](https://cdn.door43.org/obs/jpg/360px/obs-en-37-07.jpg) से कब्र एक गुफा बिचे बणाई राखी थी, ओर तिजिरे दरवाजे पादें एक बड़ा सारा पात्थर राखी राख्या था। जेबे यीशु कब्रा पादें पौंच्या, तो तिने तिनाखे बोल्या, “एस पात्थर कनारे हटाओ। पर मार्था ने यीशु खे बोल्या, “ए प्रभु, लाजरा खे मरेदे तो चार दिन हुई चुके दे। एबे तो तेसते बदबू आउणे लागिगी हुणी।” ![](https://cdn.door43.org/obs/jpg/360px/obs-en-37-08.jpg) यीशु ने जवाब दिता, “क्या मैं ताखे बोल्या नी था कि अगर तूं मेरे पादें परोसा करोगी, तो तैं परमात्मा री सामर्थ्य देखणी?” तेबे तिनाने से पात्थर कनारे हटाइता। ![](https://cdn.door43.org/obs/jpg/360px/obs-en-37-09.jpg) तेबे यीशु ने स्वर्गा री तरफ देखिके बोल्या, “ए पिता परमात्मा, हाउं तेरा धन्यवाद करुँए क्योंकि तैं मेरी सुणी। हाउं जाणुआ कि तूं हमेशा मेरी सुणोआ, पर जो एती आसपास लोका री भीड़ खड़िरी, इनारी मदद करने खातर मैं ये बोल्या, ताकि ये लोक परोसा करो कि हाउं तैं पेजी राख्या।” तेबे यीशु ने आवाज लगाई, “ए लाजर कब्रा बिचे ते निकलिके बारे आओ।” ![](https://cdn.door43.org/obs/jpg/360px/obs-en-37-10.jpg) तेबे लाजर कफणा समेत कब्रा बिचे ते बारे आइगा। यीशु ने तिनाखे बोल्या, “एसरे कफण खोलणे बिचे एसरी मदद करो ओर एसके जाणे दो।” तेबे जो यहूदी लोक मरियमा गे आइरे थे ओर जेबे तिनाने यीशु रा ये चमत्कार देख्या तो तिना बिचे ते बहुत सारे लोका ने यीशु पादें परोसा किता। ![](https://cdn.door43.org/obs/jpg/360px/obs-en-37-11.jpg) पर यहुदी लोका रे तार्मिक गुरु यीशु ते जलन करने लगे, इजिखातर स्यो कट्ठे हुइके यीशु खे ओर लाजरा खे खत्म करने री योजना बणाणे लगे। *यूहन्ना अध्याय 11:1-46 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_37_128kbps.m4a ## 38. यीशु खे पकड़वाया जाणा https://openbiblestories.org/l/hii/story-38/ ![](https://cdn.door43.org/obs/jpg/360px/obs-en-38-01.jpg) यहूदी लोक हर साल फसह त्योआर मनाओ थे। एस त्योआरा बिचे स्यो याद करो थे, कि कियां कई सदियो पैले परमात्मा ने आसारे बजुर्ग मिस्र देशा री गुलामी ते बचाए थे। यीशु रे जरिए पैली बार खुल्लेआम प्रचार करने ओर शिक्षा देणे री शुरुवात करने ते लगभग तीन साल बाद, यीशु ने आपणे चेल्या खे बोल्या, कि ये फसह त्योआर हाउं तुसा साथे यरूशलेम सैरा बिचे मनाणा चाउंए, ओर ये सेई जैगा ए जेती हाउं मारया जाणा। ![](https://cdn.door43.org/obs/jpg/360px/obs-en-38-02.jpg) यीशु रे चेल्या बिचे यहूदा इस्करियोती नावां रा एक आदमी था। यहूदा खे खास चेल्या री धन वाली थैली राखणे री जिम्मेवारी थी, से पैसे साथे प्यार करो था ओर हर बार तेस थैलिया बिचे ते पैसे चुराइलो था। जेबे यीशु ओर तेसरे चेले यरूशलेम सैरा बिचे पौंचे, तो तेथे बाद यहूदा यहूदी गुरुआ गे गया। तिने पैसे रे बदले अधिकारिया खे यीशु री पैछाण बताइके तेसके तिनारे आथे पकड़वाणे रा प्रस्ताव राख्या। क्योंकि से जाणो था, कि यहूदी गुरु यीशु खे मसीह स्वीकार नी करदे, से जाणो था कि स्यो तेसके खत्म करना चाओए। ![](https://cdn.door43.org/obs/jpg/360px/obs-en-38-03.jpg) महापुरोहिता रे बोलणे पादें यहूदी गुरुआ ने यीशु खे तोखे साथे पकड़वाणे खातर यहूदा इस्करियोती खे तीस चाँदी रे सिक्के दिते। एस गल्ला री भविष्यवाणी भविष्यद्वकताओं ने पैलेई करती थी, यहूदा यीशु खे पकड़वाणे खातर मानिगा ओर तिना तीस चाँदी रे सिक्के लेइके तेथे चलिगा। ओर मौका टोलने लगया कि यीशु खे केस तरह पकड़वाऊँ। ![](https://cdn.door43.org/obs/jpg/360px/obs-en-38-04.jpg) यीशु यरूशलेम सैरा बिचे आपणे चेल्या साथे फसह त्योआर मनाणे लगिरा था। फसह त्योआरा बिचे खाणा खाणे रे समय यीशु ने रोटी लेई ओर आशिष माँगिके तोड़ी ओर तिनाखे दिती ओर बोल्या, “ये लेयो ओर खाओ। ये मेरा शरीर ए, जो तुसा खातर दिता जाणा। मेरी यादा बिचे एड़ाई करया करो।” एस तरह, यीशु ने तिनाखे बोल्या कि हाउं तुसा लोका खातर मरी जाणा। ![](https://cdn.door43.org/obs/jpg/360px/obs-en-38-05.jpg) फेर यीशु ने दाखरसा रा प्याला लेया ओर बोल्या, “इजिखे पी लो। ये नई वाचा रा मेरा से खून ए, जो बहुता रे पापा री माफी खातर बहाया जाणा। तुसे बी सेई करयो जो कुछ हाउं एबु करने लगिरा, ताकि हर बार जेबे तुसे इजिखे पीयो तो माखे याद करो।” ![](https://cdn.door43.org/obs/jpg/360px/obs-en-38-06.jpg) तेबे यीशु ने अपणे चेल्या खे बोल्या, “तुसा बिचे ते एकी ने हाउं पकड़वाणा।” चेले चौंकिगे, ओर पुछणे लगे कि एड़ा काम कुण करी सकोआ। यीशु ने बोल्या, “जेसके मैं ये रोटिया रा टुकड़ा देणा सेई माखे पकड़वाणे वाला ए।” तेबे यीशु ने से रोटिया रा टुकड़ा यहूदा इस्करियोती खे दिता। ![](https://cdn.door43.org/obs/jpg/360px/obs-en-38-07.jpg) तेस रोटी रा टुकड़ा खाणे ते बाद, यहूदा इस्करियोती बिचे शैतान समाइगा। यहूदा तेथे चलिगा ताकि से यीशु खे पकड़वाणे खातर यहूदी गुरुआ री मदद करी सको। ये रात का समय था। ![](https://cdn.door43.org/obs/jpg/360px/obs-en-38-08.jpg) खाणा खाणे ते बाद, यीशु ओर तेसरे चेले जैतून वाली पाड़िया पादें चलिगे। तेबे यीशु ने तिनाखे बोल्या, “आज राती तुसे सब माखे छाडिके नठी जाणे। क्योंकि पवित्रशास्त्रा बिचे लिख्यादाए कि; “मैं पेडा रा चरवाहा मारना, ओर सारिया पेडा बिखरी जाणिया।” ![](https://cdn.door43.org/obs/jpg/360px/obs-en-38-09.jpg) पतरसा ने बोल्या, “बेशक सब ताखे छाडिके नठी जाओगे, पर मैं ताखे छाडिके कदी नी जाणा!” तेबे यीशु ने पतरसा खे बोल्या, “शैतान तुसा सबी री परीक्षा लेणा चाओए, पर ए पतरस मैं तेरे खातर प्रार्थना करी राखी, ताकि तेरा परोसा कमज़ोर ना हो। फेर बी आज राती, मुर्गे रे बाँग देणे ते पैले तैं तीन बार माखे पैछाणने ते इन्कार करना, कि हाउं ताखे नी जाणदा।” ![](https://cdn.door43.org/obs/jpg/360px/obs-en-38-10.jpg) पतरसा ने यीशु खे ओर बी जोर देइके बोल्या, “अगर माखे तेरे साथे मरना बी पड़ो तो बी मैं ताखे पैछाणने ते कदी इन्कार नी करना!” बाकि सब चेल्या ने बी इयांई बोल्या। ![](https://cdn.door43.org/obs/jpg/360px/obs-en-38-11.jpg) तेबे यीशु आपणे चेल्या साथे गतसमनी नावां री जैगा बिचे गया। यीशु ने आपणे चेल्या खे प्रार्थना करने खातर बोल्या, ताकि शैतान तिनारी परीक्षा ना करी सको। फेर यीशु आपी प्रार्थना करने खातर चलिगा। ![](https://cdn.door43.org/obs/jpg/360px/obs-en-38-12.jpg) यीशु ने तीन बार प्रार्थना किती ओर बोल्या, “ए मेरे पिता परमात्मा, अगर हुई सकोए तो किरपा करिके ये दुखा रा समय मेरे पादें ते हटाइदे। पर अगर लोका रे पाप माफ करने खातर ओर कोई जरिया निए, तो फेर मेरी नी, बल्कि तेरी इच्छा पूरी हो।” यीशु बहुत बैचेन था, ओर तेसरा पसीना खूना री बूँदा री तरह जमीना पादें गिरने लगिरा था। यीशु खे सामर्थ्य देणे खातर परमात्मा ने एक स्वर्गदूत पेज्या। ![](https://cdn.door43.org/obs/jpg/360px/obs-en-38-13.jpg) हर बार प्रार्थना करने ते कुछ समय बाद, यीशु आपणे चेल्या गे वापस आया, पर स्यो सइगे थे। जेबे यीशु तीजी बार प्रार्थना करिके वापस आया, तो तिने आपणे चेल्या खे बोल्या, “जागी जाओ! माखे पकड़वाणे वाला एती आइगा।” ![](https://cdn.door43.org/obs/jpg/360px/obs-en-38-14.jpg) तेबे यहूदा इस्करियोती यहूदी गुरुआ खे ओर बहुत सारे सैनिका खे हथियारा समेत लेइके आया। यहूदा यीशु गे आया ओर बोल्या, “प्रणाम गुरु, “ओर से गले लगाया। यहूदा ने तिनाखे पैलेई था बतायादा कि जेसके हाउं प्रणाम करूँगा ओर गले लगाऊँगा सेई यीशु ए। तेबे यीशु ने बोल्या, “ए यहूदा, क्या तूं गले लगाइके माखे पकड़वाणे लगिरा?” ![](https://cdn.door43.org/obs/jpg/360px/obs-en-38-15.jpg) जेबे सैनिक यीशु खे पकड़ने लगे, तो पतरसा ने आपणी तलवार काडिली ओर महापुरोहिता रे सेवादारा रा कान बाडिता। तेबे यीशु ने बोल्या, “आपणी तलवार म्याना बिचे राख! क्या तूं नी जाणदा कि अगर हाउं आपणे पिता परमात्मा गे विनती करूं, तो तिने माखे बचाणे खातर स्वर्गदूता री सेना पेजी देणी। पर माखे मेरे पिता परमात्मा रा आदेश मानणा जरुरी ए।” यीशु ने तेस आदमी रा कान छूँइके पैले री तरह ठीक करता। तेबे सारे चेले यीशु खे छाडिके नठिगे। *मत्ती अध्याय 26:14-56; मरकुस 14:10-50; लूका 22:1-53; यूहन्ना 12:6; 18:1-11 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_38_128kbps.m4a ## 39. महासभा बिचे यीशु रा मुकदमा https://openbiblestories.org/l/hii/story-39/ ![](https://cdn.door43.org/obs/jpg/360px/obs-en-39-01.jpg) जेबे सैनिका ने यीशु पकड़या तो आधी राती रा समय था। स्यो सैनिक यीशु खे महापुरोहिता रे करे लइगे, क्योंकि से यीशु ते पूछताछ करना चाओ था। पतरस दुरी जी बणाइके तिनारा पीछा करने लगिरा था। जेबे सैनिक यीशु खे करा रे आंदरे लइगे, तो पतरस बारे रुकिगा ओर आग सेकणे लगया। ![](https://cdn.door43.org/obs/jpg/360px/obs-en-39-02.jpg) करा रे आंदरे, यहूदी गुरुआ ने यीशु पादें मुकदमा चलाया। स्यो यीशु रे खिलाफ चुठी गवाई देणे खातर बहुत सारे चुठे गवाह लेइके आए। हालाँकि तिनारी गवाई एक दूजे साथे मिलदी-जुल्दी नी थी, इजिखातर यहूदी गुरु यीशु खे दोषी साबित नी करी सके। यीशु ने कुछ नी बोल्या। ![](https://cdn.door43.org/obs/jpg/360px/obs-en-39-03.jpg) तेबे महापुरोहिता ने यीशु री तरफ देखिके तेसके बोल्या, “आसाखे बता क्या तूंई जिउंदे परमात्मा रा पुत मसीह ए?” ![](https://cdn.door43.org/obs/jpg/360px/obs-en-39-04.jpg) यीशु ने बोल्या, “हाँ हाउं हाए, ओर तुसे हाउं परमात्मा रे दाएं तरफ बैठेयादा ओर स्वर्गा ते आउंदा हुआ देखणा।” महापुरोहिता ने गुस्से बिचे आपणे टाले फाड़ते क्योंकि से यीशु री एस गल्ला ते बहुत गुस्सा हुआ। से दूजे गुरुआ खे बोलणे लगया, “एबे आसाखे गवाह री कोई जरूरत निए कि एस आदमी ने क्या करी राख्या। तुसे एबु आपी सुणिला कि इने आपिखे परमात्मा रा पुत बोल्या। एबे तुसारा क्या फैंसला ए?” ![](https://cdn.door43.org/obs/jpg/360px/obs-en-39-05.jpg) सब यहूदी गुरुआ ने महापुरोहिता खे जवाब दिता, “ये मरने रे लायक ए!” तेबे तिनाने यीशु री आखिया पादें पट्टी बानी, तेस पादें थुक्या, तेसके कुटणे लगे ओर तेसरा मजाक उड़ाया। ![](https://cdn.door43.org/obs/jpg/360px/obs-en-39-06.jpg) पतरस बारे आँगणा बिचे बैठिरा था ओर एक सेवादारनिया ने से देख्या ओर बोल्या, “तूं बी तो यीशु रे साथे था!” पतरसा ने इन्कार करता। बादाते दूजी सेवादारनिया ने बी पतरसा खे देखिके येई गल्ल बोली कि तूं यीशु रे साथे था, ओर पतरसा ने फेर इन्कार करता। बादाते, कुछ लोका ने पतरसा खे बोल्या, “आसाखे पता ए कि तूं यीशु रे साथे था क्योंकि तुसे दोनो गलील जिले तेइए।” ![](https://cdn.door43.org/obs/jpg/360px/obs-en-39-07.jpg) तेबे पतरसा ने बोल्या, “अगर हाउं एस आदमी खे जाणु हुगा तो परमात्मा माखे श्राप देयो!” ओर पतरसा रे ये गल्ल बोलणे ते बाद, एकदम मुर्गे ने बाँग दिती। यीशु ने पीछे मुड़िके पतरसा री तरफ देख्या। ![](https://cdn.door43.org/obs/jpg/360px/obs-en-39-08.jpg) पतरस तेथे चलिगा ओर बारे जाइके जोरा-जोरा साथे रोणे लगया। तेसी समय, यीशु खे पकड़वाणे वाले यहूदा ने देख्या कि यहूदी गुरुआ ने यीशु खे दोषी ठैराइके मौत वाली सजा सुणाई। यहूदा बहुत दुखी हुइगा ओर तिने जाइके आपिखे फांसी लगाइली। ![](https://cdn.door43.org/obs/jpg/360px/obs-en-39-09.jpg) एबे तेस देशा रा राज्यपाल पिलातुस था जो रोमी सरकारा खातर काम करो था। इजिखातर यहूदी गुरु यीशु खे पिलातुसा गे लेइके आए। स्यो चाओ थे कि पिलातुस यीशु खे मौत वाली सजा देइके खत्म करदो। तेबे पिलातुसा ने यीशु ते पुछया, “क्या तूं यहूदियों रा राजा ए।” ![](https://cdn.door43.org/obs/jpg/360px/obs-en-39-10.jpg) यीशु ने जवाब दिता, “तैं ठीक बोल्या। पर मेरा राज्य एती तरती रा निए। अगर मेरा राज्य एती रा हुंदा तो मेरे सेवादार मेरे खातर लड़ने थे। हाउं तरती पादें परमात्मा री सच्चाई बताणे खातर आइरा। हर एक आदमी जो सच्चाइया साथे प्यार करोआ से मेरी सुणोआ।” पिलातुसा ने बोल्या, “तो सच्चाई क्या ए?” ![](https://cdn.door43.org/obs/jpg/360px/obs-en-39-11.jpg) यीशु साथे गल्ल करने ते बाद, पिलातुसा ने बारे जाइके लोकाखे बोल्या, “माखे एस आदमी बिचे मौत वाली सजा रे लायक कोई दोष नी मिलया।” पर यहूदी गुरुआ ने ओर भीड़ वाले लोका ने चिल्लाइके बोल्या, “एसके क्रुसा पादें चढ़ा!” पिलातुसा ने जवाब दिता, “एस आदमी ने कोई गलत काम नी करी राख्या।” पर स्यो ओर बी ऊची आवाजा बिचे चिल्लाणे लगे। तेबे पिलातुसा ने तीजी बार बोल्या, “ये आदमी दोषी निए!” ![](https://cdn.door43.org/obs/jpg/360px/obs-en-39-12.jpg) पिलातुस डरिगा कि भीड़ वाले लोका ने दंगा-फसाद शुरू करी देणा, इजिखातर से यीशु खे क्रुसा पादें चड़ाणे खातर मानिगा। रोमी सैनिका ने यीशु रे कोढ़े लगाए, ओर तेसके बैंगनी चोगा पैनाया, ओर तेसरे सिरा पादें कांडेया रा मुकट राख्या। तेबे स्यो ये बोलिके यीशु रा मजाक उड़ाणे लगे, “देखो, यहूदियों रा राजा!” *मत्ती अध्याय 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_39_128kbps.m4a ## 40. यीशु खे क्रूसा पादें चढ़ाया जाणा https://openbiblestories.org/l/hii/story-40/ ![](https://cdn.door43.org/obs/jpg/360px/obs-en-40-01.jpg) यीशु रा मजाक उड़ाणे ते बाद, सैनिक तेसके क्रूसा पादें चढ़ाणे खातर लइगे। तिनाने से क्रुस तेसतेई उठवाया, जिजी पादें से मरना था। ![](https://cdn.door43.org/obs/jpg/360px/obs-en-40-02.jpg) स्यो सैनिक यीशु खे तेस जैगा बिचे लेइके आए, जेती खे खोपड़िया री जैगा बोल्या जाओआ, ओर तेती तिनाने तेसरे आथ-पैर क्रूसा पादें ठोकिते। पर यीशु ने बोल्या, “ए पिता परमात्मा, इनाखे माफ करदे, क्योंकि ये नी जाणदे कि ये क्या करने लगिरे।” पिलातुसा ने सैनिका खे यीशु रे क्रुसा पादें एक तख्ती लगाणे रा आदेश दिता ओर तेस तख्ती पादें लिख्या कि, “यीशु यहूदियो रा राजा ए।” ![](https://cdn.door43.org/obs/jpg/360px/obs-en-40-03.jpg) तेबे सैनिका ने यीशु रे टाले आपी-पिछिए बांडणे खातर परचिया डालिया कि केसके क्या मिलणा। जेबे तिनाने एड़ा किता तो तिनाने ये भविष्यवाणी पूरी किती, जिचे बोल्या गइरा, “तिनाने मेरे टाले आपी-पिछिए बांडिले ओर तिजिखे पाणे खातर तिजी पादें परचिया डालिया।” ![](https://cdn.door43.org/obs/jpg/360px/obs-en-40-04.jpg) जेती यीशु क्रूसा पादें चढ़ाया गया तेती दो डाकू बी थे जो सैनिका ने तेसी समय क्रुसा पादें चढ़ाए थे। एक यीशु रे दाएं तरफ ओर दूजा बाएं तरफ। तिना दोनो बिचे ते एकी ने यीशु री निन्दा करिके बोल्या, अगर तूं मसीह ए तो आसाखे ओर आपिखे बचाइले। पर दुजे ने तेसके बोल्या, “क्या तूं परमात्मा री सजा ते नी डरदा? आसे तो दोनो आपणे बुरे कामा री सजा पाणे लगिरे, पर इने कोई बुरा काम नी करी राख्या ये आदमी निर्दोष ए।” फेर तिने यीशु खे बोल्या कि, “जेबे तूं आपणे राज्य बिचे आओगा तो माखे याद राख्या।” यीशु ने जवाब दिता, “तूं आज ही मेरे साथे स्वर्गा बिचे हुणा।” ![](https://cdn.door43.org/obs/jpg/360px/obs-en-40-05.jpg) तेथे बाद यहूदी गुरु ओर भीड़ वाले लोक ये बोलिके यीशु री निन्दा करने लगे “अगर तूं परमात्मा रा पुत ए, तो आपिखे बचा ओर क्रुसा पादें ते उतरिके थाले आओ! तेबे आसे तेरे पादें परोसा करुंगे।” ![](https://cdn.door43.org/obs/jpg/360px/obs-en-40-06.jpg) तेबे तेस पूरे देशा बिचे नेरा छाइगा, बेशक ये दिन का समय था। ये नेरा दिन के समय छाया था ओर लगभग तीन कंटे तक छायादा रया था। ![](https://cdn.door43.org/obs/jpg/360px/obs-en-40-07.jpg) तेबे यीशु ने पुकारिके बोल्या, “पूरा हुआ! ए पिता परमात्मा, हाउं आपणी आत्मा तेरे आथा बिचे देउँए।” तेबे यीशु ने सिर झुकाइके आपणे प्राण छाडिते। जेबे यीशु मरया, तो एक भूकंप हुआ। ओर मन्दरा रा बड़ा पर्दा जो सबी खे पवित्र जैगा बिचे जाणे ते रोको था पादें ते लेइके थाले तक फटिके तिजिरे दो भाग हुइगे। ![](https://cdn.door43.org/obs/jpg/360px/obs-en-40-08.jpg) आपणी मौता रे जरिए यीशु ने लोका खातर परमात्मा गे जाणे री बाट खोलती। जेबे यीशु री निगरानी करने वाले एक सैनिका ने ये सब देख्या तो तिने बोल्या, “ये आदमी निर्दोष था। सच्चेई ये परमात्मा रा पुत था।” ![](https://cdn.door43.org/obs/jpg/360px/obs-en-40-09.jpg) तेबे युसुफ ओर निकुदेमुस नावां रे दो यहूदी गुरु आए। स्यो परोसा करो थे कि यीशु ही मसीह था। तिनाने पिलातुसा गे जाइके यीशु रा शरीर माँगया। तिनाने तेसरा शरीर चमकदार चादरी बिचे लपेटया। ओर जो कब्र चटाना बिचे बणाई राखी थी तिजी बिचे राखिता। ओर तेस कब्रा रे दरवाजे पादें एक बड़ा सारा पात्थर राखिता। *मत्ती अध्याय 27:27-61; मरकुस 15:16-47; लूका 23:26-56; यूहन्ना 19:17-42 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_40_128kbps.m4a ## 41. यीशु रा मरेयादे बिचे ते जी उठणा https://openbiblestories.org/l/hii/story-41/ ![](https://cdn.door43.org/obs/jpg/360px/obs-en-41-01.jpg) जेबे सैनिका ने यीशु क्रूसा पादें चढ़ाइता तो तेथे बाद, यहूदी गुरुआ ने पिलातुसा खे बोल्या, “तेस चुठे, यीशु ने बोल्या था कि, “हाउं तीजे दिना मरेयादे बिचे ते जी उठणा। ये देखणे खातर आसाखे कब्रा री निगरानी करनी चइयो, केथी एड़ा ना हो कि तेसरे चेले तेसरा शरीर चुराइके लई जाओ ओर बादा ते बोलिदो कि से मरेयादे बिचे ते जी उठिगा।” ![](https://cdn.door43.org/obs/jpg/360px/obs-en-41-02.jpg) पिलातुसा ने बोल्या, “कुछ सैनिका खे लेई जाओ, ओर आपणी समझा रे अनुसार कब्रा री निगरानी करो।” इजिखातर तिनाने कब्रा रे दरवाजे पादें राखेदे पाथरा पादें मोहर लगाइती ओर निगरानी करने खातर सैनिका रा पैहरा लगाइता, ताकि कोई बी तेसरा शरीर चुराई ना सको। ![](https://cdn.door43.org/obs/jpg/360px/obs-en-41-03.jpg) यीशु रे मरने ते बाद, आगला दिन सब्त वाला दिन था। कोई बी सब्त वाले दिन काम नी करी सको था, इजिखातर यीशु रा कोई बी दोस्त कब्रा पादें नी आया था। पर सब्त वाले दिना ते आगले दिना सबेरा तड़केई कई ज्वाणसा यीशु री कब्रा पादें जाणे खातर तैयार हुइया। स्यो यीशु रे शरीरा पादें ओर बी खुशबूदार चीजा लगाणा चाओ थिया। ![](https://cdn.door43.org/obs/jpg/360px/obs-en-41-04.jpg) तिना ज्वाणसा रे पौंचणे ते पैले, कब्रा पादें एक बड़ा भूंकप हुआ। स्वर्गा ते एक स्वर्गदूता ने आइके से पात्थर कनारे हटाइता जो कब्रा रे दरवाजे पादें राखी राख्या था ओर तिजी पादें बैठिगा। ये स्वर्गदूत रोशनी री तरह चमकणे लगिरा था। जो सैनिक कब्रा री निगरानी करने लगिरे थे तिनाने से स्वर्गदूत देख्या। स्यो इतने जादा डरिगे कि मुर्दे री तरह जमीना पादें गिर पड़े। ![](https://cdn.door43.org/obs/jpg/360px/obs-en-41-05.jpg) जेबे स्यो ज्वाणसा कब्रा पादें पौंचिया तो तेस स्वर्गदूता ने तिनाखे बोल्या, “डरो मत। यीशु एती निए। से मरेयादे बिचे ते जी उठिगादा, जेड़ा कि तिने बोल्या था, कि हाउं जी उठणा! कब्रा बिचे टोलो ओर देखो।” तेबे स्यो ज्वाणसा कब्रा बिचे जाइके यीशु रा शरीर टोलने लगिया ओर तिनाने देख्या कि यीशु रा शरीर एती निए! ![](https://cdn.door43.org/obs/jpg/360px/obs-en-41-06.jpg) तेबे तेस स्वर्गदूता ने तिना ज्वाणसा खे बोल्या, “जाओ ओर जाइके तेसरे चेल्या खे बताओ कि, “यीशु मरेयादे बिचे ते जी उठिगादा ओर से तुसाते पैले गलील जिले खे जाणा।” ![](https://cdn.door43.org/obs/jpg/360px/obs-en-41-07.jpg) स्यो ज्वाणसा चौंकिगिया ओर बहुत खुश हुइया। स्यो चेल्या खे ये शुभ समाचार सुणाणे खातर नठिया। ![](https://cdn.door43.org/obs/jpg/360px/obs-en-41-08.jpg) जेबे स्यो ज्वाणसा चेल्या खे ये शुभ समाचार बताणे खातर जाणे लागिरिया थिया, तो बाटा बिचे यीशु तिना सामणे परगट हुआ। स्यो तेसरे पैरा बिचे गिर पड़िया। तेबे यीशु ने बोल्या, “डरो मत। जाइके मेरे चेल्या खे बोलो कि गलील जिले खे चली जाओ। तिनाने हाउं तेती देखणा।” *मत्ती अध्याय 27:62-28:15; मरकुस 16:1-11; लूका 24:1-12; यूहन्ना 20:1-18 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_41_128kbps.m4a ## 42. यीशु रा स्वर्गा खे वापस जाणा https://openbiblestories.org/l/hii/story-42/ ![](https://cdn.door43.org/obs/jpg/360px/obs-en-42-01.jpg) जेस दिना परमात्मा ने यीशु मरेयादे बिचे ते जिउंदा किता, तेसी दिना तेसरे दो चेले नजदीक वाले गावाँ बिचे जाणे लगिरे थे। ओर चलदे हुए जो कुछ यीशु साथे हुआ था तिजिरे बारे चे गल्ला करने लगिरे थे, स्यो बोलणे लगिरे थे कि से मसीह था, पर तेबे बी से मारया गया। एबे स्यो ज्वाणसा बोलणे लगिरिया थिया कि यीशु दोबारा जिउंदा हुइगादा। स्यो नी जाणो थे, कि केस गल्ला पादें परोसा करना ए। ![](https://cdn.door43.org/obs/jpg/360px/obs-en-42-02.jpg) यीशु आइके तिना चेल्या साथे चलने लगया, पर स्यो तेसके पैछाणी नी सके। यीशु ने तिनाते पुछया, कि तुसे केस बारे चे गल्ल करने लगिरे। तिनाने तेसके पिछले दिना बिचे यीशु साथे हुइदी सारी घटना रे बारे चे बताया। तिनाने सोच्या, कि आसे केस परदेशी आदमी साथे गल्ला करने लगिरे, जो नी जाणदा, कि यरुश्लेम सैरा बिचे क्या हुआ था। ![](https://cdn.door43.org/obs/jpg/360px/obs-en-42-03.jpg) तेबे यीशु ने तिनाखे समझाया कि परमात्मा रा वचन मसीह रे बारे चे क्या बोलोआ। बहुत समय पैले, भविष्यद्वक्ताओं ने बोल्या था कि बुरे लोका ने मसीह बहुत पीड़ित करना ओर तिनाने से खत्म करी देणा। पर भविष्यद्वकताओं ने ये बी बोल्या था कि से तीजे दिना मरेयादे बिचे ते जी उठणा। ![](https://cdn.door43.org/obs/jpg/360px/obs-en-42-04.jpg) जेबे स्यो तेस नगरा बिचे पौंचे जेती स्यो दो जणे ठैरना चाओ थे, तब तक लगभग सँझ हुइगी थी। तिनाने यीशु खे आपी साथे ठैरने खातर बोल्या, तेबे यीशु तिनारे साथे एक करा बिचे गया। ओर स्यो सँझ का खाणा खाणे बैठे। यीशु ने एक रोटी लेई ओर तिजी खातर परमात्मा खे धन्यवाद दिता, ओर फेर से रोटी तोड़ी। तेबे एकदम तिनाखे पता लगिगा, कि ये यीशु ए। पर तब तक से तिनारी नजरी ते गायब हुइगा था। ![](https://cdn.door43.org/obs/jpg/360px/obs-en-42-05.jpg) स्यो दो जणे एक दुजे खे बोलणे लगे, “ये यीशु था! जेबे तिने आसाखे परमात्मा रा वचन समझाया, तो आसे बहुत उत्साहित थे? स्यो एकदम यरुशलेम सैरा खे वापस चलिगे। जेबे स्यो पौंचे तो तिनाने बाकी चेल्या खे बताया कि, “यीशु सच्चेई जिउंदा हुइगादा! आसे से देख्या!” ![](https://cdn.door43.org/obs/jpg/360px/obs-en-42-06.jpg) जेबे चेले गल्ल करने लगिरे थे, तेबे यीशु अचानक तेस कमरे बिचे तिनारे सामणे परगट हुआ। यीशु ने बोल्या, “तुसाखे शान्ति मिलो!” चेल्या ने सोच्या, कि ये कोई भूत ए, पर यीशु ने बोल्या, “तुसे कउं डरने लगिरे?” तुसे ये कउं नी सोचदे कि ये सच्चेई हाउं यीशु ए? मेरे आथा-पैरा खे छुइके देखो। क्योंकि भूता रे हड्डी ओर माँस नी हुंदा जेड़ा तुसे मेरे बिचे देखोए। यीशु ने ये दखाणे खातर कि हाउं भूत निए तिनाते कुछ खाणे खातर माँगया?” तिनाने पुजिदी मछली रा टुकड़ा दिता, ओर यीशु ने से टुकड़ा लेइके तिनारे सामणे खाया। ![](https://cdn.door43.org/obs/jpg/360px/obs-en-42-07.jpg) यीशु ने बोल्या, मेरे बारे चे पवित्रशास्त्रा बिचे लिख्यादा वचन जो कुछ बी बोलोआ से सब पूरा हुणा। मैं तुसाखे बताया था कि ये सब हुणा जरूरी ए। तेबे यीशु ने तिनाखे परमात्मा रा वचन अच्छे ते समझाया। तिने बोल्या, “बहुत समय पैले भविष्यद्वकताओं ने लिख्या था, “मसीह खे यानी माखे बहुत जादा दुख उठाणा पड़ना, मरना पड़ना ओर फेर तीजे दिना मरेयादे बिचे ते जी उठणा पड़ना।” ![](https://cdn.door43.org/obs/jpg/360px/obs-en-42-08.jpg) “तिना भविष्यद्वकताओं ने ये बी लिख्या था कि मेरे चेल्या ने परमात्मा रे वचना रा प्रचार करना ओर तिनाने हर एक आदमी खे बताणा कि आपणे पापा रा पछतावा करो। अगर स्यो एड़ा करोगे तो परमात्मा ने तिनारे पाप माफ करने। मेरे चेल्या ने एस शुभ समाचारा रा प्रचार यरूशलेम सैरा ते शुरू करना। तेबे स्यो सब जैगा सब बरादरिया बिचे जाणे, तुसे मेरी हर गल्ला रे ओर कामा रे गवाह ए जो मैं बोल्या ओर किता था, ओर जो कुछ मेरे साथे हुआ।” ![](https://cdn.door43.org/obs/jpg/360px/obs-en-42-09.jpg) अगले चाली दिना तक, यीशु आपणे चेल्या सामणे कई बार परगट हुआ। एक बार तो से एकी समय पादें लगभग 500 ते जादा लोका सामणे परगट हुआ। यीशु ने आपणे चेल्या खे कई तरीके ते साबित किता कि हाउं जिउंदाए, ओर यीशु ने तिनाखे परमात्मा रे राज्य रे बारे चे शिक्षा दिती। ![](https://cdn.door43.org/obs/jpg/360px/obs-en-42-10.jpg) यीशु ने आपणे चेल्या खे बोल्या, परमात्मा ने स्वर्ग ओर तरती रा सारा अधिकार माखे देई राख्या। इजिखातर एबे हाउं तुसाखे बोलूंए कि जाओ ओर सब बरादरिया रे लोकाखे चेले बणाओ। ओर तिनाखे पिता परमात्मा, पुत ओर पवित्रआत्मा रे नावां ते बपतिस्मा देयो। जो कुछ बी मैं तुसाखे आदेश दिते, से सब आदेश तुसे मानो ओर लोकाखे मानणा सिखाओ। याद राख्यो हाउं हमेशा तुसारे साथे रौणा।” ![](https://cdn.door43.org/obs/jpg/360px/obs-en-42-11.jpg) यीशु रे मरेयादे बिचे ते जी उठणे ते चाली दिन बाद, तिने आपणे चेल्या खे बोल्या, “जब तक मेरा पिता परमात्मा तुसाखे सामर्थ्य नी देदां तब तक यरूशलेम सैरा बिचेई ठैरेदे रयो। तिने तुसा पादें पवित्रआत्मा पेजणे रे जरिए एड़ा करना।” प्रभु यीशु तिना साथे गल्ला करने ते बाद स्वर्गा बिचे उठा लिया गया ओर एक बादला ने से तिनारी नजरी ते छुपाइला। यीशु स्वर्गा बिचे सब चीज़ा पादें शासन करने खातर परमात्मा रे दाएं तरफ बैठिगा। *मत्ती अध्याय 28:16-20; मरकुस 16:12-20; लूका 24:13-53; यूहन्ना 20:19-23; प्रेरिता रे काम 1:1-11 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_42_128kbps.m4a ## 43. कलीसिया री शुरुवात हुणा https://openbiblestories.org/l/hii/story-43/ ![](https://cdn.door43.org/obs/jpg/360px/obs-en-43-01.jpg) यीशु रे स्वर्गा खे वापस जाणे ते बाद, चेले यरूशलेम सैरा बिचेई ठैरे जेड़ा कि यीशु ने तिनाखे करने रा आदेश दिता था। ओर तेती बिसवासी लोक लगातार प्रार्थना करने खातर एक साथ कट्ठे होया करो थे। ![](https://cdn.door43.org/obs/jpg/360px/obs-en-43-02.jpg) हर साल, फसह त्योआरा रे 50 दिन बाद, यहूदी लोक पिन्तेकुस्त नावां रा एक खास दिन मनाया करो थे। पिन्तेकुस्त वाले दिन यहूदी लोक कणका री बडाई री खुशी मनाया करो थे। सारे संसारा ते यहूदी लोक पिन्तेकुस्त वाला दिन एक साथे मनाणे खातर यरूशलेम सैरा बिचे आए थे। एस साल, पिन्तेकुस्त मनाणे रा समय यीशु रे स्वर्गा खे चले जाणे ते लगभग एक हप्ता बाद आया था। ![](https://cdn.door43.org/obs/jpg/360px/obs-en-43-03.jpg) पिंतेकुस्त वाले दिन सारे बिसवासी लोक एक साथ कट्ठे थे, जेस करा बिचे स्यो थे तेती अचानक तेज हव्वा री अवाज हुई जेथे सारा कर गुन्जिगा। तेबे तिनारे सामणे आगी रिया एड़िया लपटा परगट हुइया जो अलग हुइके हर आदमी रे सिरा पादें आइगिया। स्यो सब पवित्रआत्मा साथे परिपूर्ण हुइगे ओर दुजी भाषा बिचे परमात्मा री स्तुति करने लगे। स्यो इना भाषा खे नी जाणो थे। ये से भाषा थी जिजिखे बोलणे खातर स्यो पवित्रआत्मा ने लायक किते थे। ![](https://cdn.door43.org/obs/jpg/360px/obs-en-43-04.jpg) जेबे यरूशलेम सैरा बिचे रौणे वाले लोका ने से आवाज सुणी, तो ये देखणे खातर सारे लोक एक साथ आए कि ये क्या हुणे लगिरा। तिनाने बिश्वासी लोक परमात्मा रे जरिए किते गए बड़े-बड़े कामा री घोषणा करदे हुए सुणे। स्यो चौंकिगे थे क्योंकि बेशक स्यो अलग-अलग देशा ते आइरे थे ओर अलग-अलग भाषा बोलो थे पर फेर बी स्यो तिना कामा खे आपणी भाषा बिचे सुणने लगिरे थे। चेले इस्राएल देशा ते थे ओर अरामी, इब्रानी, ओर यूनानी भाषा बोलो थे, पर लोक आपणी-आपणी भाषा बिचे सुणने लगिरे थे कि परमात्मा ने क्या-क्या किता। ![](https://cdn.door43.org/obs/jpg/360px/obs-en-43-05.jpg) इना बिचे ते कुछ लोका ने बोल्या, कि स्यो चेले नशे बिचे थे। पर पतरस खड़ा हुआ ओर तिनाखे बोल्या, “मेरी गल्ल सुणो! ये लोक नशे बिचे निए! इजिरे बजाए जो तुसे देखोए ये सेइए जो योएल भविष्यद्वक्ता ने बोल्या था कि ये हुणा। परमात्मा ने बोल्या, “अंत वाले दिना बिचे मैं सब आदमी आपणी आत्मा साथे परी देणी।” ![](https://cdn.door43.org/obs/jpg/360px/obs-en-43-06.jpg) “ए इस्राएली लोको, यीशु एक एड़ा आदमी था, जिने ये दिखाणे खातर कि हाउं कुणे बहुत सारे अनोखे काम किते थे। तिने परमात्मा री सामर्थ्य ते बहुत सारे अनोखे काम किते थे। तुसाखे ये पता ए, क्योंकि तुसे ये सब काम देखी राखे। पर तुसे से क्रूसा पादें चढ़ाइके मारता!” ![](https://cdn.door43.org/obs/jpg/360px/obs-en-43-07.jpg) “यीशु मरीगा था पर परमात्मा ने से मरेयादे बिचे ते जिउंदा करता। परमात्मा ने से गल्ल पूरी करती जो एक भविष्यद्वक्ता ने लिखी थी: कि ‘तैं आपणा पवित्र जन कब्रा बिचे नी सड़ने देणा।’ आसे गवाह ए कि परमात्मा ने यीशु मरेयादे बिचे ते दोबारा जिउंदा किता।” ![](https://cdn.door43.org/obs/jpg/360px/obs-en-43-08.jpg) “पिता परमात्मा ने एबे यीशु खे आपणे दाएं तरफ बैठाइके तेसके आदर दिता। ओर यीशु ने आसा खातर पवित्रआत्मा पेजी जिजिरा तिने वादा किता था कि हाउं पेजूंगा। ये सब काम पवित्रआत्मा करने लगिरी जो तुसे देखोए ओर सुणोए।” ![](https://cdn.door43.org/obs/jpg/360px/obs-en-43-09.jpg) “तुसे से आदमी यानी यीशु क्रुसा पादें चढ़ाइके मारता, पर तुसे ये जाणिलो कि परमात्मा ने यीशु सब चिजा पादें प्रभु ओर मसीह दोनो ठैरायादा।” ![](https://cdn.door43.org/obs/jpg/360px/obs-en-43-10.jpg) पतरसा री गल्ल सुणने वाले लोक तेसरी गल्ला ते आंदरा तक हिलिगे थे। इजिखातर तिनाने पतरस ओर चेल्या ते पुछया, “ए पाइयो, आसाखे क्या करना चइयो?” ![](https://cdn.door43.org/obs/jpg/360px/obs-en-43-11.jpg) पतरसा ने तिनाखे जवाब दिता, “तुसा बिचे हर एक आपणे पापा रा पछतावा करो, ताकि परमात्मा तुसारे पाप माफ करदो, ओर यीशु मसीह रे नावां ते बपतिस्मा लेयो। तेबे तिने तुसाखे पवित्रआत्मा रा वरदान बी देणा।” ![](https://cdn.door43.org/obs/jpg/360px/obs-en-43-12.jpg) पतरसा री गल्ल सुणिके लगभग 3,000 लोका ने यीशु पादें परोसा किता ओर स्यो यीशु रे चेले बणिगे। तिनाने बपतिस्मा लेया ओर यरूशलेम सैरा री कलीसिया रा हिस्सा बणिगे। ![](https://cdn.door43.org/obs/jpg/360px/obs-en-43-13.jpg) जेबे प्रेरिता ने तिनाखे शिक्षा दिती, तो बिसवासी लोका ने लगातार शिक्षा सुणी। स्यो एक साथ कट्ठे हुइके संगती करया करो थे ओर एक-दूजे खातर प्रार्थना करया करो थे। स्यो मिलिके परमात्मा री स्तुति करो थे ओर जो बी तिनागे था तिजिखे आपी-पिछिए बांडिलो थे। नगरा रा हर एक आदमी तिनारे प्रति अच्छा विचार राखो था। दिन-प्रतिदिन जादा ते जादा लोक बिसवासी बणदे गए। *प्रेरिता रे काम अध्याय 2 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_43_128kbps.m4a ## 44. पतरस ओर यूहन्ना रे जरिए लंगड़े भिखारी खे चंगा करना https://openbiblestories.org/l/hii/story-44/ ![](https://cdn.door43.org/obs/jpg/360px/obs-en-44-01.jpg) एक दिन, पतरस ओर यूहन्ना प्रार्थना करने खातर मन्दरा बिचे गए। एक लंगड़ा आदमी भीख माँगणे खातर दरवाजे पादें बैठिरा था। ![](https://cdn.door43.org/obs/jpg/360px/obs-en-44-02.jpg) पतरसा ने तेस लंगड़े आदमी री तरफ देख्या ओर बोल्या, “ताखे देणे खातर मागें पैसे तो निए। पर जो मागें हाए, से हाउं ताखे देउंए। यीशु रे नावां ते, उठ ओर चलने-फिरने लग!” ![](https://cdn.door43.org/obs/jpg/360px/obs-en-44-03.jpg) एकदम परमात्मा ने से लंगड़ा आदमी चंगा करता। से ओर-पोरे चलने-फिरने, कूदणे, ओर परमात्मा री स्तुति करने लगया। मन्दरा रे आँगणा बिचे खड़ेदे लोक तेसखे देखिके चौंकिगे। ![](https://cdn.door43.org/obs/jpg/360px/obs-en-44-04.jpg) लोका री एक भीड़ तेस आदमी खे देखणे आई जो ठीक हुइगा था। पतरसा ने तिनाखे बोल्या कि, “तुसे एसके ठीक देखिके चौंको मत? आसे ये आपणी शक्तिया साथे नी किता चंगा। बल्कि, से यीशु ए जिने ये आदमी आपणी शक्तिया साथे चंगा किता, क्योंकि आसे यीशु पादें परोसा करुँ।” ![](https://cdn.door43.org/obs/jpg/360px/obs-en-44-05.jpg) “से तुसेई ए जिनाने राज्यपाल पिलातुसा खे बोल्या था कि यीशु खे मारदे। तुसे से मारता जो सबी खे जीवन देयोआ। पर परमात्मा ने से मरेयादे बिचे ते जिउंदा किता। तुसे नी समझया, कि तुसे क्या करने लगिरे थे, पर जेबे तुसे तिना कामा खे करने लगिरे थे, तो जो भविष्यद्वकताओ ने बोल्या था से पूरा हुआ। तिनाने बोल्या था कि मसीह ने दुख उठाणा, ओर से मरी जाणा। परमात्मा ने ये एस तरीके ते हुणे दिता। इजिखातर ऐबे पछतावा करो ओर परमात्मा री तरफ मुड़ो, ताकि से तुसारे पाप तोइके साफ करदो।” ![](https://cdn.door43.org/obs/jpg/360px/obs-en-44-06.jpg) जेबे मन्दरा रे यहूदी गुरुआ ने पतरस ओर यूहन्ना रिया गल्ला सुणिया, तो स्यो बहुत जादा कबराइगे। इजिखातर तिनाने स्यो गिरफ्तार करिके जेला बिचे बंद करते। पर पतरसा रिया गल्ला ते बहुत सारे लोका ने यीशु पादें परोसा किता। ओर यीशु पादें परोसा करने वाले लोका री गिणती बढ़िके लगभग 5000 हुइगी। ![](https://cdn.door43.org/obs/jpg/360px/obs-en-44-07.jpg) दूजे दिना एड़ा हुआ कि स्यो यहूदी गुरु पतरस ओर यूहन्ना खे महापुरोहित ओर दूजे तार्मिक गुरुआ रे सामणे लेइके आए। स्यो तेस आदमी खे बी लेइके आए जो लंगड़ा था। तिनाने पतरस ओर यूहन्ना ते पुछया, “एस लंगड़े आदमी खे ठीक करने री सामर्थ्य ओर अधिकार तुसाखे किने दिता?” ![](https://cdn.door43.org/obs/jpg/360px/obs-en-44-08.jpg) पतरसा ने जवाब दिता, “ये आदमी जो तुसारे सामणे खड़िरा ये यीशु मसीह री सामर्थ्य ते चंगा हुआ। तुसे यीशु क्रूसा पादें चढ़ाइता था, पर परमात्मा ने से दोबारा जिउंदा करता! तुसे तेसके स्वीकार करने ते इनकार किता, पर यीशु री सामर्थ्य ते अलावा उद्धार पाणे रा ओर कोई जरिया निए! ![](https://cdn.door43.org/obs/jpg/360px/obs-en-44-09.jpg) स्यो तार्मिक गुरु पतरस ओर यूहन्ना रिया गल्ला सुणिके चौंकिगे थे। तिनाने देख्या कि ये आम आदमी थे जो कि अनपढ़ थे। पर फेर तिनाखे याद आया कि ये आदमी यीशु रे साथे रओ थे। इजिखातर तिनाने पतरस ओर यूहन्ना खे बोल्या, “अगर तुसे यीशु रे बारे चे लोकाखे कोई ओर समाचार सुणाया, तो आसे तुसाखे खतरनाक सजा देणी।” एड़िया बहुत सारिया गल्ला बोलणे ते बाद, तिनाने पतरस ओर यूहन्ना डराई-धमकाइके छाडिते। *प्रेरिता रे काम अध्याय 3:1-4:22 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_44_128kbps.m4a ## 45. स्तिफनुस ओर फिलिप्पुस https://openbiblestories.org/l/hii/story-45/ ![](https://cdn.door43.org/obs/jpg/360px/obs-en-45-01.jpg) पैले रे मसीही गुरुआ बिचे स्तिफनुस नावां रा एक आदमी था। सब लोक तेसरा आदर करो थे। पवित्रआत्मा ने तेसके बहुत जादा सामर्थ्य ओर बुद्धि दिती थी। स्तिफनुसा ने बहुत सारे चमत्कार किते थे। जेबे तिने यीशु पादें परोसा करने रे बारे चे लोकाखे शिक्षा दिती, तो तेसरी शिक्षा ते बहुत सारे लोका ने यीशु पादें परोसा किता। ![](https://cdn.door43.org/obs/jpg/360px/obs-en-45-02.jpg) एक दिन, स्तिफनुस यीशु रे बारे चे शिक्षा देणे लगिरा था, ओर कुछ एड़े यहूदी आए जिनाने यीशु पादें परोसा नी किता था, तिनाने तेस साथे बैहसबाजी करनी शुरू करती। स्यो बहुत गुस्सा हुइगे, इजिखातर स्यो तार्मिक गुरुआ गे गए ओर तेसरे बारे चे चुठ बोल्या। तिनाने बोल्या, “आसे स्तिफनुस मूसा ओर परमात्मा रे बारे चे बुरिया गल्ला बोलदे हुए सुणया!” इजिखातर तार्मिक गुरुआ ने स्तिफनुस पकड़िके गिरफ्तार करिला ओर तेसके महापुरोहित ओर यहूदियों रे दूजे गुरुआ रे सामणे लेइके आए। ओर बी चुठे गवाह आए ओर तिनाने स्तिफनुसा रे बारे चे चुठ बोल्या। ![](https://cdn.door43.org/obs/jpg/360px/obs-en-45-03.jpg) महापुरोहिता ने स्तिफनुसा ते पुछया, “क्या ये लोक तेरे बारे चे सच्च बोलणे लगिरे?” स्तिफनुसा ने महापुरोहिता खे जवाब देणे खातर बहुत सारिया गल्ला बोलिया। तिने बोल्या कि अब्राहमा रे समय ते यीशु रे समय तक परमात्मा ने इस्राएली लोका खातर बहुत सारे अनोखे काम करी राखे। पर लोका ने हमेशा परमात्मा रा आदेश नी मान्या था। स्तिफनुसा ने बोल्या, “तुसे परमात्मा रे खिलाप जिद्दी ओर विद्रोह करने वाले लोक ए। तुसे हमेशा पवित्रआत्मा स्वीकार नी किती, जियां कि आसारे बजुर्गा ने हमेशा पवित्रआत्मा स्वीकार नी किती थी ओर हमेशा तेसारे भविष्यद्वक्ता मारते थे। पर जो तिनाने किता था तिजिरी तुलना बिचे तुसे ओर बी बुरा काम करी राख्या! तुसे मसीह मारता।” ![](https://cdn.door43.org/obs/jpg/360px/obs-en-45-04.jpg) जेबे तिना तार्मिक गुरुआ ने ये सुणया, तो स्यो इतने जादा गुस्सा हुइगे कि तिनाने आपणे कान बंद करिले ओर ऊची आवाज़ा बिचे चिल्लाए। स्यो स्तिफनुसा खे घसिटिके नगरा ते बारे लेइगे ओर तिनाने तेसके खत्म करने खातर तेसरे पाथर मारे। ![](https://cdn.door43.org/obs/jpg/360px/obs-en-45-05.jpg) जेबे स्तिफनुस मरने लगिरा था, तिने उठिके पुकारया, “ए यीशु, मेरी आत्मा खे आपी गे लेइले!” तेबे से आपणे घुटणे रे बल गिरया ओर तिने फेर पुकारया, “ए प्रभु, ये पाप इना पादें नी लगाया।” तेबे से मरिगा। ![](https://cdn.door43.org/obs/jpg/360px/obs-en-45-06.jpg) तेस दिना, यरूशलेम सैरा बिचे रौणे वाले बहुत सारे लोका ने मसीही लोकाखे सताणा शुरू करता, इजिखातर बिसवासी लोक दूजी जैगा खे नाठिगे। पर इजिरे बावजूद बी, जेती-केथी बी स्यो गए तिनाने यीशु रे बारे चे प्रचार किता। ![](https://cdn.door43.org/obs/jpg/360px/obs-en-45-07.jpg) फिलिप्पुस नावां रा एक आदमी यीशु रा बिसवासी था। जियां कि दुजे बिसवासी लोक नठे से बी यरूशलेम सैरा ते नठिगा। से सामरिया रे नगरा बिचे चलिगा। तेती तिने लोका बिचे यीशु रे बारे चे प्रचार किता। बहुत सारे लोका ने तेसरी शिक्षा ते यीशु पादें परोसा किता, ओर उद्धार पाया। एक दिन, फिलिप्पुसा गे परमात्मा री तरफा ते एक स्वर्गदूत आया, ओर तेसके सुनसाण जैगा बिचे जाणे खातर, ओर एक सड़का बिचे चलने खातर बोल्या। फिलिप्पुस तेती चलिगा। जेबे से तेस सड़का बिचे चलने लगिरा था, तो तिने एक आदमी आपणे रथा बिचे जांदा हुआ देख्या। ये आदमी कूश देशा रा एक खास अधिकारी था। पवित्रआत्मा ने फिलिप्पुसा खे बोल्या कि जाइके एस आदमी रे साथे-साथे चल ओर एस साथे गल्ला कर। ![](https://cdn.door43.org/obs/jpg/360px/obs-en-45-08.jpg) इजिखातर फिलिप्पुस रथा गे गया। तिने सुणया कि से कुशी अधिकारी परमात्मा रा वचन पढ़ने लगिरा था। जो यशायाह भविष्यद्वक्ता ने लिख्या था। से पढ़ने लगिरा था, “स्यो तेसके बाडी जाणे वाली पेडा री तरह लइगे, ओर जियां एक पेडा रा बच्चा ऊन कतरदे समय चुपचाप रओआ, तियांई तिने बी कुछ नी बोल्या। तिनाने तेस साथे बुरा बर्ताव किता ओर तेसरा आदर नी किता। तिनाने तेसरे प्राण लेइले।” ![](https://cdn.door43.org/obs/jpg/360px/obs-en-45-09.jpg) किलिप्पुसा ने तेस कूशी अधिकारी ते पुछया, “जो तूं पढ़ने लगिरा क्या तूं इजिखे समझो बी ए?” तेस कूशी आधिकारी ने जवाब दिता, “नई। जब तक माखे किने समझाया निए, तब तक हाउं इजिखे नी समझी सकदा। किरपा करिके मागें आइके बैठ ओर माखे समझया। क्या यशायाह ये आपणे बारे चे लिखणे लगिरा था या केस ओरी रे बारे चे?” ![](https://cdn.door43.org/obs/jpg/360px/obs-en-45-10.jpg) फिलिप्पुस रथा पादें चढ़िके बैठिगा। तेबे तिने तेस कुशी अधिकारी खे से वचन समझाया, जो यशायाह ने यीशु रे बारे चे लिख्या था। फिलिप्पुसा ने तेसके परमात्मा रे ओर बी वचन बताए। एस तरह तिने तेस कूशी अधिकारी खे यीशु रे बारे चे शुभ समाचार सुणाया ओर तेस अधिकारी ने यीशु पादें परोसा किता। ![](https://cdn.door43.org/obs/jpg/360px/obs-en-45-11.jpg) फिलिप्पुस ओर से कूशी अधिकारी यात्रा करदे हुए नदी रे कनारे आए। तेस कूशी अधिकारी ने बोल्या, “देख! एती पाणी ए! क्या हाउं बपतिस्मा लेई सकूंआ।” फिलिपुसा ने बोल्या, “अगर तूं आपणे पूरे मना ते यीशु पादें परोसा करोआ, तो तूं लेई सकोआ।” तिने बोल्या हाउं परोसा करूआ कि यीशु ही परमात्मा रा पूत ए। तेबे तिने आपणे सारथी खे रथ रोकणे खातर बोल्या। ![](https://cdn.door43.org/obs/jpg/360px/obs-en-45-12.jpg) तेबे स्यो पाणी बिचे चलिगे, ओर फिलिप्पुसा ने तेस कूशी अधिकारी खे बपतिस्मा दिता। जेबे स्यो पाणी बिचे ते बारे आए, तो पवित्रआत्मा री सामर्थ्य ते फिलिप्पुस अचाणक दूजी जैगा बिचे पौंचिगा। तेती फिलिप्पुसा ने लोकाखे यीशु रे बारे चे बताणा जारी राख्या। ![](https://cdn.door43.org/obs/jpg/360px/obs-en-45-13.jpg) से कूशी अधिकारी खुश हुदां हुआ आपणे सैरा खे वापस चलिगा। क्योंकि से एबे यीशु रे बारे चे जाणिगा था। *प्रेरिता रे काम अध्याय 6:8-8:5; 8:26-40 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_45_128kbps.m4a ## 46. पौलुस मसीह रा बिसवासी बणी जाओआ https://openbiblestories.org/l/hii/story-46/ ![](https://cdn.door43.org/obs/jpg/360px/obs-en-46-01.jpg) शाऊल नावां रा एक आदमी था जिने यीशु पादें परोसा नी किता था। जेबे से जवान था, तेबे तिने स्तिफनुसा खे मारने वाले लोका रे टालेया री निगरानी किती थी। बादा ते, तिने बिसवासी लोक सताए थे। तिने यरूशलेम सैरा बिचे करे-करे जाइके मर्द ओर ज्वाणस गिरफ्तार करिके जेला बिचे बंद करते थे। तेबे महापुरोहिता ने शाऊला खे दमिश्क सैरा बिचे जाणे री इजाजत दिती। महापुरोहिता ने तेसके बोल्या कि दमिश्क सैरा बिचे जा ओर तेती रे मसीही लोकाखे गिरफ्तार करिके वापस यरूशलेम सैरा बिचे लेइके आओ। ![](https://cdn.door43.org/obs/jpg/360px/obs-en-46-02.jpg) तेबे शाऊला ने दमिश्क सैरा बिचे जाणे री यात्रा शुरू किती। तेस सैरा बिचे पौंचणे ते थोड़ा जा पैले तेसरे चारो तरफ आसमाणा ते एक चमकदार रोशनी चमकी, ओर से जमीना पादें गिर पड़या। शाऊला ने कोई ये बोलदे हुए सुणया, “ए शाऊल! ए शाऊल! तूं माखे कउं सताणे लगिरा?” शाऊला ने पुछया, “ए प्रभु, तूं कुणे?” यीशु ने तेसके जवाब दिता, “हाउं यीशु ए। तूं माखे सताणे लगिरा!” ![](https://cdn.door43.org/obs/jpg/360px/obs-en-46-03.jpg) जेबे शाऊल उठया, तो से देखी नी सको था। तेसरे दोस्त तेसके दमिश्क सैरा बिचे लेइके गए। शाऊला ने तीन दिन तक कुछ बी नी खाया-पिया। ![](https://cdn.door43.org/obs/jpg/360px/obs-en-46-04.jpg) दमिश्क सैरा बिचे हनन्याह नावां रा एक यीशु रा चेला था। परमात्मा ने तेसके बोल्या, “तेस करा बिचे जा जेती शाऊल ठैरिरा। ओर आपणा आथ तेस पादें राख ताकि से दोबारा देखणे लगी जाओ।” पर हनन्याह ने बोल्या, “ए प्रभु, मैं सुणया कि एस आदमी ने बिसवासी लोक सताए।” परमात्मा ने तेसके जवाब दिता, “जा! मैं से यहूदी लोका बिचे ओर दुजी बरादरी रे लोका बिचे मेरे नावां री घोषणा करने खातर चुणिलादाए। तिने मेरे नावां खातर बहुत कष्ट सैणा।” ![](https://cdn.door43.org/obs/jpg/360px/obs-en-46-05.jpg) तेबे हनन्याह शाऊला गे गया, ओर आपणा आथ तेस पादें राखिके बोल्या, “यीशु, जो एती आउदें हुए ताखे बाटा बिचे दिख्या था, तिनेई हाउं तागें पेजी राख्या ताकि तूं दोबारा देखणे लगी जाओ, ओर पवित्रआत्मा साथे परिपूर्ण हुई जाओ।” एकदम शाऊला री नजर वापस आइगी ओर से दोबारा देखणे लगया, ओर हनन्याह ने तेसके बपतिस्मा दिता। तेबे शाऊला ने खाणा खाया, ओर तेस बिचे फेर ताकत आइगी। ![](https://cdn.door43.org/obs/jpg/360px/obs-en-46-06.jpg) तेसी समय ते, शाऊला ने दमिशक सैरा बिचे रौणे वाले यहूदी लोका बिचे प्रचार करना शुरू करता। तिने बोल्या, “यीशु ही परमात्मा रा पुत ए!” यहूदी लोक चौंकिगे थे, क्योंकि शाऊला ने बिसवासी लोकाखे मारने री कोशिश किती थी, पर ऐबे से यीशु रा बिसवासी बणिगा था। शाऊला ने यहूदी लोका साथे वाद-विवाद किता। तिने दिखाया कि यीशु ही मसीह ए। ![](https://cdn.door43.org/obs/jpg/360px/obs-en-46-07.jpg) बहुत दिना बाद, यहूदी लोक ने शाऊला खे खत्म करने री योजना बणाई। तिनाने तेसके मारने खातर नगरा रे मुख्य दरवाजे पादें लोक पेजे। कि तेसरी निगरानी करो पर शाऊला ने तेस योजना रे बारे चे सुणिला, ओर तेसरे दोस्ता ने बचिके निकलने बिचे तेसरी मदत किती। एक राती तिनाने से टोकरिया बिचे बिठाइके नगरा री दीवारा ते थाले उतारता। दमिश्क सैरा बिचे ते बचिके निकलने ते बाद, शाऊला ने यीशु रे बारे चे प्रचार करना जारी राख्या। ![](https://cdn.door43.org/obs/jpg/360px/obs-en-46-08.jpg) शाऊल खास चेल्या साथे मिलणे खातर यरूशलेम सैरा खे गया, पर स्यो तेसते डरो थे। तेबे बरनबास नावां रा एक बिसवासी शाऊला खे खास चेल्या गे लेइके गया। तिने तिनाखे बताया कि शाऊला ने कियां हिम्मत करिके दमिश्क सैरा बिचे प्रचार किता था। तेथे बाद, खास ने शाऊल स्वीकार करिला। ![](https://cdn.door43.org/obs/jpg/360px/obs-en-46-09.jpg) कुछ बिसवासी जो यरूशलेम सैरा बिचे सताए जाणे रे कारण नठिगे थे, स्यो दूर अंताकिया नगरा बिचे चलिगे थे ओर यीशु रे बारे चे प्रचार करो थे। अंताकिया नगरा बिचे रौणेवाले लोक जादातर यहूदी नी थे, पर पैली बार, स्यो लोक जो यहूदी नी थे बिसवासी बणिगे। बरनबास ओर शाऊल इना नए बिसवासी लोकाखे यीशु रे बारे चे ओर जादा सिखाणे खातर तेती गए, ओर कलीसिया मजबूत किती। यीशु पादें परोसा करने वालेया खे पैली बार अंताकिया नगरा बिचेई मसीही बोल्या गया। ![](https://cdn.door43.org/obs/jpg/360px/obs-en-46-10.jpg) एक दिन, अंताकिया नगरा रे मसीही लोक व्रत राखिके प्रार्थना करने लगिरे थे। पवित्रआत्मा ने तिनाखे बोल्या, “मेरे खातर बरनबास ओर शाऊला खे तेस काम करने खातर अलग करदो, जेस काम करने खातर मैं स्यो बुलाई राखे।” इजिखातर अंताकिया नगरा री कलीसिया ने बरनबास ओर शाऊला खातर प्रार्थना किती, ओर तिना पादें आपणे आथ राखे। तेबे तिनाने स्यो यीशु रे बारे चे शुभ समाचार प्रचार करने खातर दूजी जैगा बिचे पेजिते। बरनबास ओर शाऊला ने अलग-अलग बरादरिया रे लोकाखे शिक्षा दिती, ओर बहुत सारे लोका ने यीशु पादें परोसा किता। *प्रेरिता रे काम अध्याय 8:3; 9:1-31; 11:19-26; 13:1-3 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_46_128kbps.m4a ## 47. फिलिप्पी नगरा बिचे पौलुस ओर सीलास https://openbiblestories.org/l/hii/story-47/ ![](https://cdn.door43.org/obs/jpg/360px/obs-en-47-01.jpg) जेबे शाऊला ने पूरे रोमी सम्राज्य बिचे यात्रा किती, तो तिने आपणा रोमी नाओं “पौलुस” उपयोग करना शुरू करता। एक दिन, पौलुस ओर तेसरा दोस्त सीलास फिलिप्पी नगरा बिचे यीशु रे बारे चे शुभ समाचार सुणाणे खातर गए। स्यो नगरा ते बारे नदी रे कनारे एक जैगा बिचे गए जेती लोक प्रार्थना करने खातर कट्ठे हुइरे थे। तेती स्यो लुदिया नावां री एक ज्वाणसा साथे मिले जो एक व्यापारी थी। से परमात्मा साथे प्यार राखो थी, ओर तेसरी अराधना करो थी। ![](https://cdn.door43.org/obs/jpg/360px/obs-en-47-02.jpg) परमात्मा ने लुदिया रा मन यीशु रे शुभ समाचारा पादें परोसा करने खातर तैयार किता। पौलुसा ने ओर सिलासा ने तेसाखे ओर तेसारे परिवारा खे बपतिस्मा दिता। तेसाने पौलुस ओर सीलासा खे आपणे करे ठैरने खातर बोल्या, इजिखातर स्यो तेती ठैरिगे। ![](https://cdn.door43.org/obs/jpg/360px/obs-en-47-03.jpg) पौलुस ओर सीलास लोका साथे जादातर तेस जैगा पादें मिलो थे, जेती यहूदी लोक प्रार्थना करया करो थे। हर दिन जेबे स्यो तेती जाओ थे, तो एक सेवादारनी लड़की जो दुष्टआत्मा ने जकड़ी राखी थी, तिनारा पीछा करया करो थी। एस दुष्टआत्मा रे जरिए से लोका रा भविष्य बताया करो थी, इजिखातर से भविष्य बताणे वाली रे रूपा बिचे आपणे स्वामिया खातर बहुत सारा धन कमाया करो थी। ![](https://cdn.door43.org/obs/jpg/360px/obs-en-47-04.jpg) तिनारे जादें समय ये सेवादारनी लड़की चिल्लाया करो थी, “ये आदमी परम परधाना परमात्मा रा सेवादार ए। ये तुसाखे उद्धार पाणे री बाट बताणे लगिरा!” से रोज एड़ाई करया करो थी, जेथे कि पौलुस तंग हुइगा। ![](https://cdn.door43.org/obs/jpg/360px/obs-en-47-05.jpg) आखरी बिचे, एक दिन जेबे से सेवादारनी लड़की चिल्लाणे लगी, तो पौलुसा ने तेसारी तरफ मुड़िके तेसारे अंदर वाली दुष्टआत्मा खे बोल्या, “यीशु रे नावां ते एस लड़की बिचे ते निकली जा।” तेसी समय से दुष्टआत्मा तेस लड़की बिचे ते निकलिगी। ![](https://cdn.door43.org/obs/jpg/360px/obs-en-47-06.jpg) तेस लड़की रे स्वामी बहुत गुस्सा हुइगे। तिनाखे पता लगिगा कि तेस दुष्टआत्मा ते बिना ये लड़की भविष्य नी बताई सकदी, इजिरा मतलब ए कि लोका ने एबे तेसारे स्वामिया खे पैसे नी देणे कि से तिनाखे भविष्य बताओ कि तिना साथे क्या हुणा। ![](https://cdn.door43.org/obs/jpg/360px/obs-en-47-07.jpg) इजिखातर तेस लड़की रे स्वामी पौलुस ओर सीलासा खे रोमी अधिकारिया गे लइगे। तिनाने पौलुस ओर सीलासा री मार-पीट किती, ओर फेर स्यो जेला बिचे बंद करते। ![](https://cdn.door43.org/obs/jpg/360px/obs-en-47-08.jpg) तिनाने पौलुस ओर सीलास जेला रे एड़े हिस्से बिचे राखे जेती सबी ते जादा सैनिक थे। ओर तिनाने तिनारे पैर लकड़ी रे बड़े छेदा बिचे जकड़ते। पर पौलुस ओर सीलास आदी राती रे समय बी, परमात्मा री स्तुति रे गीत गाणे लगिरे थे। ![](https://cdn.door43.org/obs/jpg/360px/obs-en-47-09.jpg) तेबे अचाणक, एक खतरनाक भूकम्प हुआ! जेलखाने रे सारे दरवाजे खुलिगे, ओर कैदिया रिया जंजीरा खुलिगिया। ![](https://cdn.door43.org/obs/jpg/360px/obs-en-47-10.jpg) तेबे दरोगा जागिगा। तिने जेलखाने रे दरवाजे खुलेदे देखे। तिने सोच्या कि सारे कैदी बचिके नठिगे हुणे। से डरिगा कि तिनारे नठणे रे कारण रोमी अधिकारिया ने हाउं मारी देणा, इजिखातर से आपणे-आपिखे मारने खातर तैयार हुइगा! पर पौलुस तेसके देखिके चिल्लाया, “रुकी जा! आपिखे नुकसाण नी पौंचाया। आसे सब एती ए।” ![](https://cdn.door43.org/obs/jpg/360px/obs-en-47-11.jpg) तेस दरोगा ने कांबदे हुए पौलुस ओर सीलासा गे आइके पुछया, “उद्धार पाणे खातर हाउं क्या करूँ?” पौलुसा ने जवाब दिता, “प्रभु यीशु पादें परोसा कर, तेबे तैं ओर तेरे घराने ने उद्धार पाणा।” तेबे से दरोगा पौलुस ओर सीलासा खे आपणे करे लइगा, ओर तिनारे जख्म तोए। पौलुसा ने तेसरे परिवारा रे सब लोकाखे यीशु रे बारे चे शुभ समाचार सुणाया। ![](https://cdn.door43.org/obs/jpg/360px/obs-en-47-12.jpg) दरोगा ने ओर तेसरे पूरे परिवारा ने यीशु पादें परोसा किता, इजिखातर पौलुस ओर सीलासा ने तिनाखे बपतिस्मा दिता। तेबे दरोगा ने पौलुस ओर सिलासा खे खाणा खिलाया, ओर स्यो एक साथ कट्ठे हुइके खुश हुए। ![](https://cdn.door43.org/obs/jpg/360px/obs-en-47-13.jpg) दूजे दिना नगरा रे गुरुआ ने पौलुस ओर सीलास जेला बिचे ते आजाद करते, ओर तिनाखे बोल्या कि फिलिप्पी नगरा बिचे ते चली जाओ। पौलुस ओर सीलास लुदिया ओर कुछ दूजे दोस्ता साथे मिले ओर तेथे बाद तेस नगरा बिचे ते चलिगे। यीशु रे बारे चे शुभ समाचार फैलदा गया, ओर कलीसिया बढ़दी गई। ![](https://cdn.door43.org/obs/jpg/360px/obs-en-47-14.jpg) पौलुस ओर दूजे मसीही गुरुआ ने बहुत सारे नगरा री यात्रा किती। तिनाने लोकाखे यीशु रे बारे चे शुभ समाचार सुणाया। तिनाने कलीसिया रे बिसवासी लोकाखे उत्साहित करने ओर शिक्षा देणे खातर कई चिट्ठिया बी लिखिया। इना बिचे ते कुछ चिट्ठिया बाईबला रिया कताबा बणिगिया। *प्रेरिता रे काम अध्याय 16:11-40 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_47_128kbps.m4a ## 48. यीशु ही सच्चा मसीह ए https://openbiblestories.org/l/hii/story-48/ ![](https://cdn.door43.org/obs/jpg/360px/obs-en-48-01.jpg) जेबे परमात्मा ने संसारा बणाया तो सब कुछ अच्छा था। कोई पाप नी था। आदम ओर हव्वा एक दूजे साथे ओर परमात्मा साथे प्यार करो थे। कोई बमारी या मौत नी थी। परमात्मा एड़ाई संसार चाओ था। ![](https://cdn.door43.org/obs/jpg/360px/obs-en-48-02.jpg) शैताना ने साँप बणिके बगिचे बिचे हव्वा साथे गल्ल किती, क्योकि से तेसाखे तोखा देणा चाओ था। तेबे हव्वा ओर आदमा ने परमात्मा रे खिलाफ पाप किता। तिनाने पाप किता था इजिखातर तरती पादें रौणे वाला हर इन्सान मरोआ। ![](https://cdn.door43.org/obs/jpg/360px/obs-en-48-03.jpg) आदम ओर हव्वा ने पाप किता था, इजिखातर कुछ ओर बी बुरा हुआ। स्यो परमात्मा रे दुश्मण बणिगे। तेबे ते लेइके हर एक आदमी ने पाप करी राख्या। हर एक आदमी जन्मा तेई परमात्मा रा दुश्मण ए। परमात्मा ओर लोका रे बिचे शान्ति नी थी। पर परमात्मा तिनाखे शान्ति देणा चाओ था। ![](https://cdn.door43.org/obs/jpg/360px/obs-en-48-04.jpg) परमात्मा ने वादा किता कि हव्वा रे एक वंशजा ने शैताना रा सिर कुचलना। परमात्मा ने ये बी बोल्या कि शैताना ने तेसरी एड़ी डंसणी। मतलब, शैताना ने मसीह मारी देणा, पर परमात्मा ने से दोबारा जिउंदा करी देणा। तेथे बाद, मसीह ने शैताना री शक्ति हमेशा खातर खत्म करी देणी। कई साल बाद, परमात्मा ने परगट किता कि से मसीह यीशु ए। ![](https://cdn.door43.org/obs/jpg/360px/obs-en-48-05.jpg) परमात्मा ने नूहा खे एक बहुत बड़ी किश्ती बणाणे खातर बोल्या ताकि जो बाढ़ परमात्मा तरती पादें लयाओणे वाला था तेस बाढ़ा ते से आपणे परिवारा खे बचाई सको। एस तरह परमात्मा ने स्यो लोक बचाए जो तेस पादें परोसा करो थे। स्यो सब के सब परमात्मा रे जरिए मारे जाणे रे लायक थे, क्योंकि सबी ने पाप किता था। पर परमात्मा ने तिना सबी खे बचाणे खातर यीशु पेज्या जो तेस पादें परोसा करोए। ![](https://cdn.door43.org/obs/jpg/360px/obs-en-48-06.jpg) कई सौ साला तक, पुरोहित परमात्मा खातर बलिदान चढ़ादें रए। इजिखातर कि सब लोका ने पाप करी राख्या ओर इजिखातर कि स्यो सब परमात्मा रे जरिए मारे जाणे रे लायक थे। पर स्यो बलिदान तिनारे पाप माफ नी करी सको थे। यीशु सबी ते बड़ा महापुरोहित ए। तिने से किता जो कोई पुरोहित नी करी सको था। तिने से एकमात्र आपणा बलिदान देइता, जो हर एक आदमी रे पाप मिटाई सको था। तिने स्वीकार किता कि परमात्मा सब लोका रे पापा री सजा माखे देयो। एस कारण, यीशु सिद्ध महापुरोहित था। ![](https://cdn.door43.org/obs/jpg/360px/obs-en-48-07.jpg) परमात्मा ने अब्राहमा खे बोल्या, “मैं तेरे जरिए संसारा री सब बरादरिया खे आशीष देणी।” यीशु एसी अब्राहमा रा वंशज था। परमात्मा ने अब्राहमा रे जरिए सब बरादरिया खे आशीष दिती, क्योंकि जो कोई यीशु पादें परोसा करोआ, परमात्मा तिना सबी खे पापा ते बचाओआ। जिने बी यीशु पादें परोसा किता ओर पापा ते छुटकारा पाया, परमात्मा तिनाखे अब्राहमा रे वंशज मनोआ। ![](https://cdn.door43.org/obs/jpg/360px/obs-en-48-08.jpg) परमात्मा ने अब्राहमा खे बोल्या कि मेरे खातर आपणे पुत इसहाका री बली चड़ाइदे। पर फेर परमात्मा ने इसहाका रे बदले बली चड़ाणे खातर एक मेमने रा इन्तजाम किता। आसे सब आपणे पापा खातर मारे जाणे रे लायक थे! पर परमात्मा ने आसारी जैगा मरने खातर यीशु रा बलिदान देइता। एसी कारण आसे यीशु खे परमात्मा रा मेमना बोलूं। ![](https://cdn.door43.org/obs/jpg/360px/obs-en-48-09.jpg) जेबे परमात्मा ने मिस्र देशा बिचे आखरी माहामारी पेजी तो तिने हर एक इस्राएली परिवारा खे बोल्या, कि एक मेमने री बली चढ़ाओ। तेस मेमने बिचे कोई दोष नी हुणा चइयो। तिनाखे तेस मेमने रा खून आपणे दरवाजे री चौखटा पादें लगाणा था। जेबे परमात्मा ने से खून देख्या, तो से तिनारे करा ते आगे बढ़िगा ओर तिनारे जेठे पुत नी मारे। जेबे ये हुआ तो परमात्मा ने इजिखे फसह त्योआर बोल्या। ![](https://cdn.door43.org/obs/jpg/360px/obs-en-48-10.jpg) यीशु फसह त्योआरा रे एक मेमने री तरह ए। तिने कदी पाप नी किता, इजिखातर तेस बिचे कुछ बी गलत नी था। से फसह त्योआरा रे समय मारया गया। जेबे कोई यीशु पादें परोसा करोआ, तेबे यीशु रा खून तेस आदमी रे पापा री कीमत चुकाओआ। ओर परमात्मा री सजा तेस आदमी पादें ते हाटी जाओई। ![](https://cdn.door43.org/obs/jpg/360px/obs-en-48-11.jpg) परमात्मा ने इस्राएली लोका साथे एक वाचा बानी। क्योंकि स्यो एड़े लोक थे जो तिने आपणे हुणे खातर चुणे थे। पर एबे परमात्मा ने एक एड़ी वाचा बानी राखी जो कि सबी खातर ए। अगर केस बी बरादरी रा कोई बी आदमी एस नई वाचा खे स्वीकार करोआ, तो से परमात्मा रे लोका बिचे शामिल हुई जाओआ। से एड़ा इजिखातर करोआ क्योंकि से यीशु पादें परोसा करोआ। ![](https://cdn.door43.org/obs/jpg/360px/obs-en-48-12.jpg) मूसा एक एड़ा भविष्यद्वक्ता था, जिने परमात्मा रे वचन बड़ी सामर्थ्य साथे प्रचार किते थे। पर यीशु सब भविष्यद्वक्ताओं बिचे ते सबी ते बड़ा ए। से परमात्मा ए, इजिखातर जो कुछ बी तिने किता, ओर बोल्या से परमात्मा रे काम ओर वचन थे। इजिखातर पवित्रशास्त्र यीशु खे परमात्मा रा वचन बोलोआ। ![](https://cdn.door43.org/obs/jpg/360px/obs-en-48-13.jpg) परमात्मा ने दाऊद राजा साथे वादा किता था, कि तेरे एक वंशजा ने राजे री तरह परमात्मा रे लोका पादें हमेशा खातर शासन करना। यीशु परमात्मा रा पुत ओर मसीह ए, इजिखातर से दाऊद राजे रा सेई वंशज ए जो हमेशा खातर राज्य करी सकोआ। ![](https://cdn.door43.org/obs/jpg/360px/obs-en-48-14.jpg) दाऊद तो इस्राएल देशा रा राजा था, पर यीशु सारे संसारा रा राजा ए! से फेर आउणा, ओर तिने हमेशा खातर आपणे राज्य पादें इन्साफ ओर शान्ति साथे शासन करना। *उत्पति अध्याय 1-3, 6, 14, 22; निर्गमन 12, 20; 2 शमुअल 7; इब्रानिओं 3:1-6, 4:14-5:10, 7:1-8:13, 9:11-10:18; प्रकाशितवाक्य 21 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_48_128kbps.m4a ## 49. परमात्मा री नई वाचा https://openbiblestories.org/l/hii/story-49/ ![](https://cdn.door43.org/obs/jpg/360px/obs-en-49-01.jpg) एक स्वर्गदूता ने मरियम नावां री एक कुँवारी लड़की खे बोल्या कि तैं परमात्मा रे पुता खे जन्म देणा। से एबु कुँवारी थी, पर पवित्रआत्मा तेसा पादें उतरी ओर से गर्बवती हुई। तेसाने एक पुता खे जन्म दिता जेसरा नाओं तेसाने यीशु राख्या। इजिखातर, यीशु परमात्मा ओर आदमी दोनो ए। ![](https://cdn.door43.org/obs/jpg/360px/obs-en-49-02.jpg) यीशु ने बहुत सारे चमत्कार वाले काम किते जेथे पता लगोआ कि से परमात्मा ए। से पाणी पादें चलया, ओर तिने तूफान शान्त किता। तिने बहुत सारे बमार लोक चंगे किते, ओर बहुत सारे लोका बिचे ते दुष्टात्मा काडिया। तिने मरेदे लोक जिउंदे करते, तिने पाँज रोटिया ओर दो मछलिया ते 5.000 लोकाखे पेटभर खाणा खिलाया। ![](https://cdn.door43.org/obs/jpg/360px/obs-en-49-03.jpg) यीशु एक महान शिक्षक बी था। जो कुछ बी तिने सिखाया, से बिल्कुल ठीक सिखाया। जो से लोकाखे करने खातर बोलोआ से तिनाखे करना चइयो क्योंकि से परमात्मा रा पुत ए। तिने सिखाया कि तुसाखे दूजे लोका साथे तेड़ाई प्यार करना चइयो, जेड़ा प्यार तुसे आपी साथे करो। ![](https://cdn.door43.org/obs/jpg/360px/obs-en-49-04.jpg) तिने ये बी सिखाया कि तुसाखे सब चीजा ते जादा ओर आपणी जायदाता ते बी जादा परमात्मा साथे प्यार करना चइयो। ![](https://cdn.door43.org/obs/jpg/360px/obs-en-49-05.jpg) यीशु ने बोल्या कि संसारा बिचे केस बी चीज़ा खे हांसिल करने ते जादा अच्छा ए परमात्मा रे राज्य बिचे हुणा। तेसरे राज्य बिचे परवेश करने खातर जरूरी ए कि परमात्मा तुसाखे तुसारे पापा ते बचाओ। ![](https://cdn.door43.org/obs/jpg/360px/obs-en-49-06.jpg) यीशु ने बोल्या कि कुछ लोका ने परमात्मा स्वीकार करना। ओर परमात्मा ने स्यो लोक बचाणे। पर दूजे लोका ने से स्वीकार नी करना। तिने ये बी बोल्या कि कुछ लोक अच्छी जमीना री तरह ए, क्योंकि स्यो यीशु रे बारे चे शुभ समाचार स्वीकार करो, ओर परमात्मा तिनाखे बचाओआ। पर कुछ लोक बाटा री कठोर जमीना री तरह ए। परमात्मा रा वचन बीजा री तरह बाटा बिचे गिरोआ पर तेती कुछ बी नी उगदा। ये लोक यीशु रे बारे चे शुभ समाचार स्वीकार नी करदे। स्यो तेसरे राज्य बिचे परवेश करने ते इन्कार करदोए। ![](https://cdn.door43.org/obs/jpg/360px/obs-en-49-07.jpg) यीशु ने सिखाया कि परमात्मा पापी लोका साथे बहुत जादा प्यार करोआ। से तिनाखे माफ करना चाओआ, ओर तिनाखे आपणी औलाद बणाणा चाओआ। ![](https://cdn.door43.org/obs/jpg/360px/obs-en-49-08.jpg) यीशु ने ये बी बताया कि परमात्मा पाप वाले कामा ते नफरत करोआ। क्योंकि आदम ओर हव्वा ने पाप किता, इजिखातर तिनारे सारे वंशजा ने बी पाप किता। एस संसारा बिचे रौणे वाला हर एक आदमी पाप करोआ, ओर परमात्मा ते दूर ए। हर एक आदमी परमात्मा रा दुश्मण ए। ![](https://cdn.door43.org/obs/jpg/360px/obs-en-49-09.jpg) पर परमात्मा ने एस संसारा बिचे रौणे वाले हर एक आदमी साथे इतना जादा प्यार किता कि तिने आपणा एकलौता पुत देइता ताकि जो कोई तेस पादें परोसा करो तेसके तेसरे पापा री सजा ना मिलो, बल्कि से हमेशा खातर परमात्मा साथे रओ। ![](https://cdn.door43.org/obs/jpg/360px/obs-en-49-10.jpg) तुसे मरने रे लायक ए, क्योंकि तुसे पाप करी राख्या। परमात्मा खातर ये जायज ए कि से तुसाखे सजा देयो, पर आसारे पापा री सजा यीशु ने आपी पादें लेइली। परमात्मा ने यीशु खे क्रुस वाली मौत देइके सजा दिती। ![](https://cdn.door43.org/obs/jpg/360px/obs-en-49-11.jpg) यीशु ने कदी बी पाप नी किता था, पर फेर बी तिने पाप वाली सजा ओर सबी ते खतरनाक मौत वाली सजा स्वीकार किती। एस तरह, तुसारे पाप ओर एस संसारा बिचे रौणे वाले हर एक आदमी रे पाप उठा ले जाणे खातर से एक सिद्ध बलिदान था। यीशु ने परमात्मा खातर आपणा बलिदान करता, इजिखातर परमात्मा तिनारा कोई बी पाप, बल्कि बड़े ते बड़ा पाप बी माफ करोआ, जो यीशु पादें परोसा करो। ![](https://cdn.door43.org/obs/jpg/360px/obs-en-49-12.jpg) बेशक तुसे बहुत सारे अच्छे काम करोए, पर इना कामा रे जरिए परमात्मा ने तुसे नई बचाणे। तेसरा दोस्त बणने खातर एड़ा कुछ बी निए जो तुसे करी सकोए। इजिरी बजाए, तुसाखे परोसा करना चइयो कि यीशु ही परमात्मा रा पुत ए, ओर से तुसारे बदले क्रुसा पादें मरया, ओर ये बी कि परमात्मा से ने दोबारा जिउंदा करता। अगर तुसे यीशु पादें परोसा करो, तो परमात्मा ने तुसारे पाप माफ करी देणे। ![](https://cdn.door43.org/obs/jpg/360px/obs-en-49-13.jpg) परमात्मा ने से हर एक आदमी बचाणा, जो यीशु पादें परोसा करोआ ओर तेसके आपणा प्रभु स्वीकार करोआ। पर तिने स्यो नी बचाणे, जो यीशु पादें परोसा नी करदे। ये गल्ल कोई मायने नी राखदी कि तुसे अमीर ए या गरीब ए, मर्द ए या ज्वाणस ए, बुडे या जवान ए, या तुसे केई रओए। परमात्मा तुसा साथे प्यार करोआ ओर से चाओआ कि तुसे यीशु पादें परोसा करो, ताकि से तुसारा दोस्त बणी सको। ![](https://cdn.door43.org/obs/jpg/360px/obs-en-49-14.jpg) यीशु तुसाखे बुलाणे लगिरा कि परमात्मा पादें परोसा करो ओर बपतिस्मा लेयो। क्या तुसे परोसा करोए कि परमात्मा रा एकलौता पुत यीशु ही मसीह ए? क्या तुसे परोसा करोए कि तुसे पापी ए, ओर परमात्मा रे जरिए सजा पाणे रे लायक ए? क्या तुसे परोसा करोए कि यीशु तुसारे पाप मिटाणे खातर क्रूसा पादें मरया? ![](https://cdn.door43.org/obs/jpg/360px/obs-en-49-15.jpg) अगर तुसे यीशु पादें परोसा करोए ओर जो कुछ तिने तुसा खातर करी राख्या तिजिरा अंगीकार करोए, तो तुसे एक मसीही ए! एबे शैतान आपणे अंधकार वाले राज्य बिचे तुसा पादें शासन नी करदा। एबे परमात्मा आपणे रोशनी वाले राज्य बिचे तुसा पादें शासन करोआ। तिने तुसे पाप ना करने खातर तैयार करी राखे, जो तुसे पैले करया करो थे। तिने तुसाखे एक नया जीवन देई राख्या। ![](https://cdn.door43.org/obs/jpg/360px/obs-en-49-16.jpg) अगर तुसे मसीही ए, तो जो यीशु ने किता, तिजिरे कारण परमात्मा ने तुसारे पाप माफ करते दे। एबे परमात्मा दुश्मणा री बजाय तुसाखे अच्छा दोस्त मानोआ। ![](https://cdn.door43.org/obs/jpg/360px/obs-en-49-17.jpg) अगर तुसे परमात्मा रे दोस्त ए ओर प्रभु यीशु रे सेवादार ए तो तुसे तिना गल्ला खे मानणे री इच्छा राखणी जो यीशु तुसाखे सिखाओआ। बेशक तुसे मसीही ए, शैताना ने एबु बी पाप करने खातर तुसारी परीक्षा करनी। पर परमात्मा से हमेशा करोआ जो से बोलोआ कि हाउं करूंगा। से बोलोआ कि अगर तुसे आपणे पाप मानिलो, तो मैं तुसारे पाप माफ करी देणे। तिने तुसाखे पापा रे खिलाफ लड़ने री सामर्थ्य देणी। ![](https://cdn.door43.org/obs/jpg/360px/obs-en-49-18.jpg) परमात्मा तुसाखे प्रार्थना करने खातर ओर वचन पढ़ने खातर बोलोआ। से तुसाखे दूजे बिसवासी लोका साथे मिलिके अराधना करने खातर बी बोलोआ। तुसे दुजे लोका खे बी बताणा ए, कि तिने तुसा खातर क्या करी राख्या। अगर तुसे इना सब कामा खे करोगे, तो तुसे तेसरे पक्के दोस्त बणी जाणे। *रोमियों अध्याय 3:21-26, 5:1-11; यूहन्ना 3:16; मरकुस 16:16; कुलुस्सियो 1:13-14; 2 कुरिन्थियों 5:17-21; 1 यूहन्ना 1:5-10 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_49_128kbps.m4a ## 50. यीशु रा दोबारा वापस आउणा https://openbiblestories.org/l/hii/story-50/ ![](https://cdn.door43.org/obs/jpg/360px/obs-en-50-01.jpg) लगभग 2,000 साला ते, संसारा री सब जैगा पादें जादा ते जादा लोक मसीह यीशु रे बारे चे शुभ समाचार सुनणे लगिरे, ओर कलीसिया बढ़ने लागिरी। यीशु ने वादा किता कि मैं संसारा रे अंत समय बिचे वापस आउणा। हाँलाकि से एबु वापस नी आइरा, तेबे बी तिने आपणा वादा पूरा करना। ![](https://cdn.door43.org/obs/jpg/360px/obs-en-50-02.jpg) जबकि आसे यीशु रे वापस आउणे रा इन्तजार करने लगिरे, परमात्मा चाओआ कि आसे एड़ा जीवन जिउं जो पवित्र हो ओर तेसरा आदर करूं। परमात्मा ये बी चाओआ कि आसे दूजे लोकाखे बी तेसरे राज्य रे बारे चे बताऊं। जेबे यीशु तरती पादें रओ था तेबे तिने बोल्या, “मेरे चेल्या ने संसारा बिचे हर जैगा रे लोकाखे परमात्मा रे राज्य रे बारे चे शुभ समाचार प्रचार करना, ओर तेबे संसारा रा अंत आई जाणा।” ![](https://cdn.door43.org/obs/jpg/360px/obs-en-50-03.jpg) बहुत सारी बरादरिया ने यीशु रे बारे चे एबु तक नी सुणी राख्या। स्वर्गा खे वापस जाणे ते पैले, यीशु ने मसीही लोकाखे बोल्या कि तिना लोकाखे शुभ समाचार सुणाओ, जिनाने ये कदी बी नी सुणी राख्या। तिने बोल्या, “जाओ ओर सब बरादरिया रे लोकाखे मेरे चेले बणाओ!” ओर “बडाई करने खातर डोरू बिचे फसल पकी चुकिदिए।” ![](https://cdn.door43.org/obs/jpg/360px/obs-en-50-04.jpg) यीशु ने ये बी बोल्या, “एक सेवादार आपणे मालका ते बड़ा नी हुंदा। एस संसारा रे खास लोका ने मादें नफरत किती, ओर मेरे कारण तिनाने तुसे बी सताणे ओर मारी देणे। एस संसारा बिचे तुसे पीड़ित हुणे, पर मजबूत बणो, क्योंकि मैं शैतान हराइतादाए जो एस संसारा पादें शासन करोआ। अगर तुसे अंत समय तक मेरे प्रति परोसे लायक बणे रओगे, तो परमात्मा ने तुसे बचाणे!” ![](https://cdn.door43.org/obs/jpg/360px/obs-en-50-05.jpg) यीशु ने आपणे चेल्या खे ये समझाणे खातर एक कहाणी सुणाई कि जेबे संसार रा अंत हुणा तो लोका साथे क्या हुणा। यीशु ने बोल्या, “केस आदमी ने आपणे डोरुआ बिचे अच्छा बीज बिज्या। जेबे से सौणे लगिरा था, तो तेसरा दुश्मण आया ओर तिने कणका रे बीजा बिचे जंगली बीज बीजिते, ओर फेर से चलिगा।” ![](https://cdn.door43.org/obs/jpg/360px/obs-en-50-06.jpg) जेबे स्यो बीज लुंगे तो सेवादारा ने आपणे मालका खे बोल्या, “ए मालक, तैं तो आपणे डोरुआ बिचे अच्छा बीज बिज्या था। तो फेर इजी बिचे ये जंगली बीजा रिया लूँगा केइते आइया? मालका ने जवाब दिता, ये मेरा कोई दुश्मण ए जिने एड़ा काम करी राख्या।” ![](https://cdn.door43.org/obs/jpg/360px/obs-en-50-07.jpg) तिना सेवादारा ने आपणे मालका खे जवाब दिता,‘क्या आसे जंगली बीजा रिया लूँगा पटी दूँ?’तेस मालका ने बोल्या,‘नई। अगर तुसे एड़ा करोगे तो तुसे इजी साथे कुछ कणक बी पटी देणी। बडाई रे समय तक इन्तजार करो। ओर तेबे जंगली घास कट्ठा करिके गट्ठे बिचे बानी लेयो ताकि तुसे तिजिखे फुकी सको। ओर कणक मेरे पण्डारा बिचे लेइके आयो।” ![](https://cdn.door43.org/obs/jpg/360px/obs-en-50-08.jpg) चेल्या ने एस कहाणी रा मतलब नी समझया, इजिखातर तिनाने यीशु गे विनती किती कि आसाखे एस कहाणी रा मतलब बता। यीशु ने बोल्या, “अच्छा बीज बिजणे वाला आदमी मसीह रे बारे चे बताओआ। डोरू संसारा रे बारे चे बताओआ। अच्छा बीज परमात्मा रे लोका रे बारे चे बताओआ।” ![](https://cdn.door43.org/obs/jpg/360px/obs-en-50-09.jpg) जंगली घास शैताना रे लोका रे बारे चे बताओआ। ओर तेस आदमी रा दुश्मण, जिने कणका रे डोरू बिचे जंगली बीज बिज्या था से शैताना रे बारे चे बताओआ। फसला री बडाई एस संसारा रा अंत हुणे रे बारे चे बताओई, ओर बडाई करने वाले परमात्मा रे स्वर्गदूता रे बारे चे बताओ।” ![](https://cdn.door43.org/obs/jpg/360px/obs-en-50-10.jpg) जेबे संसारा रा अंत हुणा, तेबे स्वर्गदूता ने शैताना रे सब लोक एक साथ कट्ठे करिके नरका री आगी बिचे सेटी देणे। तेती स्यो लोक बहुत खतरनाक सताव हुणे रे कारण रोणे ओर तिनाने आपणे दाँद पिसणे। पर जो लोक तर्मी ए, जिनाने यीशु पादें परोसा किता, स्यो आपणे पिता परमात्मा रे राज्य बिचे सूरजा री तरह चमकणे।” ![](https://cdn.door43.org/obs/jpg/360px/obs-en-50-11.jpg) यीशु ने ये बी बोल्या कि संसार रा अंत हुणे ते पैले मैं तरती पादें वापस आउणा। मैं तेसी तरीके ते वापस आउणा जियां हाउं गया था। इजिरा मतलब ए, तेसगे तेसरा असली शरीर हुणा, ओर से बादला पादें सवार हुइके आउणा। जेबे यीशु वापस आउणा, तो हर एक मसीही लोक जो मरी चुकेदे, स्यो मरेयादे दे बिचे ते जी उठणे ओर तेस साथे आसमाणा बिचे मिलणे। ![](https://cdn.door43.org/obs/jpg/360px/obs-en-50-12.jpg) ओर तेस समय जो मसीही लोक एबु जिउंदे हुणे, स्यो आसमाणा बिचे उठा लिए जाणे ओर तिना दूजे मसीही लोका साथे शामिल हुई जाणे जो मरेयादे बिचे ते जी उठणे। स्यो सब तेती यीशु रे साथे हुणे। तेथे बाद, यीशु आपणे लोका साथे रौणा। जेबे स्यो एक साथ कट्ठे रौणे तो तिनागे हमेशा खातर पूरी शान्ति हुणी। ![](https://cdn.door43.org/obs/jpg/360px/obs-en-50-13.jpg) यीशु पादें परोसा करने वाले हर एक आदमी खे यीशु ने जीवना मुकट देणे रा वादा करी राख्या। तिनाने हमेशा खातर परमात्मा साथे हर एक चिजा पादें शासन करना। ओर तिनागे सिद्ध शान्ति हुणी। ![](https://cdn.door43.org/obs/jpg/360px/obs-en-50-14.jpg) पर परमात्मा ने तिना सबी रा इन्साफ करना, जो यीशु पादें परोसा नी करदे। तिने स्यो नरका बिचे सेटी देणे जेती तिनाने रोणा ओर आपणे दाँद पिसणे, ओर स्यो हमेशा पीड़ित हुंदे रौणे। कदी नी बुजणे वाली आग लगातार तिनाखे जलांदी रौणी, ओर कीड़े तिनाखे खाणे ते कदी नी रुकणे। ![](https://cdn.door43.org/obs/jpg/360px/obs-en-50-15.jpg) जेबे यीशु वापस आउणा, तो तिने शैतान ओर तेसरा राज्य हमेशा खातर नष्ट करी देणा। तिने शैतान नरका बिचे सेटणा। तेती शैतान हमेशा खातर आगी बिचे जलदा रौणा, तिना सबी साथे जिनाने परमात्मा रा आदेश मानणे रे बजाए शैताना रे पीछे चलने रा चुनाव किता था। ![](https://cdn.door43.org/obs/jpg/360px/obs-en-50-16.jpg) क्योंकि आदम ओर हव्वा ने परमात्मा रा आदेश नी मान्या था ओर स्यो पाप एस संसारा बिचे लेइके आए थे, परमात्मा ने संसारा खे श्राप दिता ओर तिजिखे नष्ट करने रा फैंसला किता। पर केस दिना परमात्मा ने एक नए स्वर्गा री ओर एक नई तरती री रचना करनी, जो सिद्ध हुणे। ![](https://cdn.door43.org/obs/jpg/360px/obs-en-50-17.jpg) यीशु ओर तेसरे लोक तेस नई तरती पादें रौणे, ओर तिनाने हमेशा खातर सब चीजा पादें शासन करना। तिने लोका री आखिया ते हर एक आँसू पोछी देणा। ऐबे कोई बी पीड़ित या दुखी नी हुणा। स्यो कदी नी रोणे। ओर ना स्यो बमार हुणे ओर ना कदी मरने। ओर तेती कुछ बी बुराई नी हुणी। यीशु ने आपणे राज्य पादें इन्साफ, ओर शान्ति साथे शासन करना। से हमेशा खातर आपणे लोका साथे रौणा। *मत्ती अध्याय 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियो 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 बिचे ते एक बाईबला री कहाणी* Audio: https://git.door43.org/OBS-TLF/hii_obs/releases/download/v1/hii_obs_v1_50_128kbps.m4a