# unfoldingWord Open Bible Stories — Halbi

- Language code: `hlb`
- Canonical page: https://openbiblestories.org/l/hlb/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Halbi translation; it is not a translation of the whole Bible.

## 1. मंजपुर

https://openbiblestories.org/l/hlb/story-1/

![](https://cdn.door43.org/obs/jpg/360px/obs-en-01-01.jpg)

मुर ने महा परबु सब तीज के असन परकार ले बनालोI आउर हुन छ: दिन ने मंजपुर के आउर हुन थाने जितलो बले तीज आसे हुन सब के बनालोI जिद्लदाय महा परबु मंजपुर के बनालो तेबे अंधार रली, आउर काई नी रये, कसन बलले महा परबु काई तीज के नी बनाऊन रये, मानतर महा परबु चो आतमा पानी ऊपरे पोंहरते रये।

![](https://cdn.door43.org/obs/jpg/360px/obs-en-01-02.jpg)

फेर महा परबु बललो, "ऊजर हो!" आउर ऊजर होलीI महा परबु दकलो आउर ऊजर के अच्छा आय बललो आउर हुनके दिन बललोI आउर ऊजर के अंधार ले अलग करलो, आउर अंधार के हुन राती बललो, महा परबु ए मंजपुर ने पहिले दिने उजर के बनालो।

![](https://cdn.door43.org/obs/jpg/360px/obs-en-01-03.jpg)

मंजपुर के दूसर दिने महा परबु बललो, "पानी दुय भाग होओI' आउर दुय भाग होलीI ए दूसरा भाग के "बादरी" बोललो।

![](https://cdn.door43.org/obs/jpg/360px/obs-en-01-04.jpg)

तीसर दिन ने महा परबु बललो, "पानी गोटक लगे कुड़ा हो आउर सुकलो भूई दका देओI' हुन सूकलो भुई के "मंजपुर" बललोI आउर पानी के समुन्द बललोI आउर महा परबु दकलो आपलो चो बनालो तीज के अच्छा आय बोललो।

![](https://cdn.door43.org/obs/jpg/360px/obs-en-01-05.jpg)

फेर महा परबु बललो, "ए मंजपुर ने अलग-अलग परकार चो गछ-खूट लाटा बूटा अकरो, आउर असनी होली, फेर महा परबु दकुन अच्छा आय बललो।

![](https://cdn.door43.org/obs/jpg/360px/obs-en-01-06.jpg)

मंजपुर चो चार दिने महा परबु बललो, "बादरी ने ऊजर हो आउर बेर जोंन आउर तारा मन दका दिलाI महा परबु हुन मनके मंजपुर ने उजर देतो काजे आउर दिन, आउर रात चो बेरा आउर बरस के चिना देतो काजे बनालो। महा परबु दकलो जोन के हुन बनाऊन रये, हुन अच्छा रये।

![](https://cdn.door43.org/obs/jpg/360px/obs-en-01-07.jpg)

पांचव दिन ने महा परबु बललो, "जीवधारी मन पानी ने बोरून जहोत, आउर बादरी ने चेड़े मन उड़ोतI" असन परकार ले हुन पानी ने पोवरतो जीवधारी आउर चेड़े मनके बनालोI महा परबु दकलो आउर ऐ अच्छा आय बललो आउर हुन सब के आशीर्वाद दिलो।

![](https://cdn.door43.org/obs/jpg/360px/obs-en-01-08.jpg)

सब के बनालो चो छ: दिन ने महा परबु बोललो, "भुई ने रतो बिती सब परकार चो जीवधारी होओतI" आउर महा परबु चो बललो, असनी होली, कोनी जीवधारी असनी रओत कोनी भुई ने रेंगतो बिती आउर जंगल ने रतो बिती जीवधारी रओतI महा परबु दकलो आउर अच्छा आय बललो।

![](https://cdn.door43.org/obs/jpg/360px/obs-en-01-09.jpg)

फेर महा परबु बललो, "ईया हामी मनुक के आपुन चो रूप ले आउर आपुन चो असन बनाऊI हुन मन भुई ने आउर सब जीवधारी मन चो उपरे राज करदे।"

![](https://cdn.door43.org/obs/jpg/360px/obs-en-01-10.jpg)

महा परबु माटी ले मनुक के बनालो आउर हुनके जीवना चो साँस फुंकून दिलोI हुन मनुक चो नाव आदम आयI महा परबु आदम चो रतो काजे गोटक बड़े टोटा बनालो आउर हुनचो देक रेक करतो काजे आदम के हुता संगालो।

![](https://cdn.door43.org/obs/jpg/360px/obs-en-01-11.jpg)

हुन टोटा चो मंजीगता दुय ठन असन रुक रोपलो-जीवना चो रुक, आउर अच्छा ज्ञान आउर गलत ज्ञान चो रुकI आउर महा परबु आदम के बललो, गलत ज्ञान चो रुक चो पाक के छाडून तुई कोनी बले रुक चो पाक फल खाऊक सकीसI मानतर हुन मना करलो रुक चो पाक के खाद्लिस आले हुनची दिने मोरसे।

![](https://cdn.door43.org/obs/jpg/360px/obs-en-01-12.jpg)

फेर महा परबु बललो, "मनुक एकला रतोर अच्छा नुवाय मानतर कोनी बले जीवदारी आदम चो संगवारी नी होउक सकला।"

![](https://cdn.door43.org/obs/jpg/360px/obs-en-01-13.jpg)

हुनी काजे महा परबु आदम के खुब नींन्द्रा दिलोI फेर महा परबु आदम चो हाड़ा ले बायले के बनालो आउर आदम लगे आनलो।

![](https://cdn.door43.org/obs/jpg/360px/obs-en-01-14.jpg)

आउर आदम हुनके दकलो आउर बललो, "ऐ तो मोचो असन आय! ऐ बायले होयदे, कसन बल्ले ऐ मनुक चो हाड़ा ले बनालोर आयI" हुनी काजे मनुक आपलो आया बुआ के छाडूआय आउर आपलो बायले संगे रहुआय।

![](https://cdn.door43.org/obs/jpg/360px/obs-en-01-15.jpg)

महा परबु मनुक आउर बायले के आपलो रुप ले बनालोI हुन मनके आशीर्वाद दिलो आउर बललो, "खुबे पिला झीला जन्मावा आउर मंजपुर ने भरा!" आउर महा परबु दकलो जोन बले आपुन बनाव रये हुन सब खुबे अच्छा आय, आउर खुबे हरिकI ऐ सब मंजपुर के बनालोर छय दिने होऊ रयेI

![](https://cdn.door43.org/obs/jpg/360px/obs-en-01-16.jpg)

सांतवा दिने होली तो महा परबु जोन बले बनाउ रये, हुन सब बुता के सारलो आउर सातवा दिन के आशीर्वाद दिलोI और हुनके पवित्र बललो, "कसन बले हुन दिन सब तीज के बनातो काजे सारू रयेI असन परकार ले महा परबु मंजपुर चो आउर जोन बले हुता आसे हुन सब के बनालो।

*गोटोक बाइबल कहानी: उत्पत्ति 1-2*

Audio: https://git.door43.org/OBS-TLF/hlb_obs/releases/download/v1/hlb_obs_v1_01_128kbps.m4a

## 2. पाप मंजपुर ने इलोर

https://openbiblestories.org/l/hlb/story-2/

![](https://cdn.door43.org/obs/jpg/360px/obs-en-02-01.jpg)

आदम आउर हुनचो बायले महा परबु, हुन मन काजे बनालो सुन्दर टोटा ने खुबे हरिक ने रते रओतI आउर हुन मन ले कोनी बले फोटही नी पिन्दते रला, फेर बले हुन मनके लाज नी लागते रयेI कसन बल्ले मंजपुर ने पाप नी रये, हुन मन हुन टोटा ने बुलते फिरते रओत, आउर महा परबु के गोठीयाते रओत।

![](https://cdn.door43.org/obs/jpg/360px/obs-en-02-02.jpg)

फेर बले हुन टोटा ने गोटक साँप रयेI हुन खुबे चतुर रये, हुन साँप हुन बायले के पोचारली, "काय सते महा परबु तुमके ऐ टोटा चो कोनी बले रुक चो पाक के खातो काजे मना करलो से?"

![](https://cdn.door43.org/obs/jpg/360px/obs-en-02-03.jpg)

हुन बायले साँप के बोलली, "महा परबु हाम के बललो से की हुन अच्छा आउर गलत ज्ञान चो रुक के छाड़ून कोनी बले रुक चो पाक फल खाउक सकास, आउर महा परबु हामके बललो से की तुमी अच्छा आउर गलत ज्ञान चो पाक के खादले आउर छीवले मोरासे।"

![](https://cdn.door43.org/obs/jpg/360px/obs-en-02-04.jpg)

हुन साँप बायले के सांगली, "ए सते नुवाय! तुमी नी मोरास, महा परबु जानेसे की तुमी हुन पाक के खादले हुनचो असन होवासे, आउर हुनचो असन सते आउर गलत समझुक सका से।

![](https://cdn.door43.org/obs/jpg/360px/obs-en-02-05.jpg)

हुन बायले दखली की हुन रुक चो पाक खातो काजे भावते रयेI आउर सुंदर दका देते रये, आउर हुन समझदार बनुक चाहते रये, हुनी काजे हुन पाक के टुटाउन खादली आउर हुन आपलो मनुक के बले हुन पाक के दिली जोन हुनचो सगे रये, आउर हुन बले खादलो।

![](https://cdn.door43.org/obs/jpg/360px/obs-en-02-06.jpg)

तुरते, हुन मन चो आइंक ने दका दिली, आउर हुन मन जानला की हामी नांगड़ा आसूI आउर हुन मन पान मनके सिलून फोटही बनाऊन आपलो घागर के ढापतो उवाट करला।

![](https://cdn.door43.org/obs/jpg/360px/obs-en-02-07.jpg)

जिद्लदाय मनुक आउर हुनचो बायले हुन टोटा ने बुलते रओत हुनि बेरा महा परबु चो गोट के सुनला आउर हुन दुनो लुकला, उद्लीदायं महा परबु आदम के हाग दिलो आउर बललो, "तुई कहा आसीस?" आदम बललो, "टोटा ने बुलते तुचो हाग देतोर के सुनले आउर मय डरू रये! कसन बलले मय लुंगी नी पिंदु रये। हुनी काजे लुकु रयेI"

![](https://cdn.door43.org/obs/jpg/360px/obs-en-02-08.jpg)

फेर महा परबु पचारलो, "तुके कोन सांगलो की तुई नांगड़ा आसीस काय तुई हुन पाक के खाद्लिस जोन पाक के मय तुके नि खा बोलू रये, हुन मनुक बललो, "मोके हुन बायले पाक के दिली, फेर महा परबु हुन बायले के बललो, "तुई असन कसन करलीस हुन बायले बोलली, "हुन साँप मोके बहकाउन दिली।"

![](https://cdn.door43.org/obs/jpg/360px/obs-en-02-09.jpg)

महा परबु साँप के बललो, "तुके शराप देयसे! तुई पेट चो ताकत ने बूलसे, आउर माटी के चाटसे, तुई आउर ऐ बायले आपस ने दका दकी नी होवासे, तुचो पिला झीला आउर हुनचो पिला झीला बले दका दकी नी होदे, ऐ बायले चो पिला झीला तुमके मारदे आउर तुई हुन मनके चाबसे।

![](https://cdn.door43.org/obs/jpg/360px/obs-en-02-10.jpg)

आउर महा परबु हुन बायले के बोललो, "मय तुचो नंगत चो दुका के बड़ायेंदेI आउर खुबे डन्ड करेंदे, आउर तुई तुचो मनुक के मन करसे आउर हुन तुके द्खेदे।

![](https://cdn.door43.org/obs/jpg/360px/obs-en-02-11.jpg)

महा परबु मनुक के बोललो, "तुई तुचो बायले चो गोट के धरलीस आउर मोचो गोट के नी मानलिस, हुनी काजे भुई के शराप देयंसे, आउर तुचो खातो काजे तुके खुबे डंड ले बुता करुक पड़ेदे। आउर तुई मोरसे, आउर तुचो देय माटी ने मिलुन जायदे। हुन मनुक आपलो बायले चो नाव हव्वा संगालो जेचो अरथ आय; जीव देतो बिती सब पुरखा चो आया। आउर महा परबू आदम आउर हव्वा के जीव धारी मन चो चामड़ी ले लूंगी बनाउन पिन्दालो।

![](https://cdn.door43.org/obs/jpg/360px/obs-en-02-12.jpg)

फेर महा परबु बललो, "ऐबे सत आउर गलत के जानतो काजे मनुक अमचो असन होलासे, हुनी काजे हुन मन के हुन जीवन चो रुक चो पाक के नी खाऊक देतोर आय, की हुन मन खुबे दिन जिओतI हुनि काजे महा परबू हुन टोटा ले ओलतो बाट ने बलशाली सरगदूत मनके राका संगालो। हुन थाने कोनी बले हुन जीवन चो रुक चो पाक खाऊक नि सकोत।

*उत्पत्ति 3 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_02_128kbps.m4a

## 3. पुर

https://openbiblestories.org/l/hlb/story-3/

![](https://cdn.door43.org/obs/jpg/360px/obs-en-03-01.jpg)

खुबे दिन पहले ए मंजपुर ने खुबे लोग रते रलाI हुन मन खुबे मुरख आउर उबागरी होऊ रला। हुन मन इतलो नसूनरला, महा परबु आखीर ने बिचार करलो, मय ए मंजपुर के गोटोक बड़े पुर ने सत्यानाश करेंदे।

![](https://cdn.door43.org/obs/jpg/360px/obs-en-03-02.jpg)

मानतर महा परबु नुह ले हरीक रये, हुन गोटोक धरमी मनुक पापी लोग मन चो मंझीगता रते रये। महा परबु नुह के सांगलो की मय गोटोक बड़े बोरसा पुर के आनुन मंजपुर के सत्यानाश करेंदे। हुनी काजे हुन नुह के गोटोक बड़े डोंगा बनातो काजे बललो।

![](https://cdn.door43.org/obs/jpg/360px/obs-en-03-03.jpg)

महा परबु नुह के गोटोक डोंगा बनाऊक बललो लगभग 140 मीटर लोम, आउर 23 मीटर ओसार आउर 13.5 मीटर डेंग बनातो काजे बललो। नुह के असन रुक चो बनातोर रये। आउर हुता तीन थर आउर खुबे बाकरा बिती गोटक छावन आउर गोटक खिड़की बनातोर रये, नुह आउर हुनचो परिवार आउर भुई ने रतो सब परकार चो जीवधारी के हुन पुर ले बचायदे।

![](https://cdn.door43.org/obs/jpg/360px/obs-en-03-04.jpg)

नुह महा परबु चो गोट के धरलोI हुन आउर हुनचो बेटा मन असनी डोंगा बनाला जसन महा परबु सांगू रये। कसन बलले हुन डोंगा खुबे बड़े रये। हुनी काजे हुनके बनातो काजे खूब बरस लागलीI आउर नुह एतो बिती पुर चो बारे ने लोग मनके सान्गलो आउर महा परबु बाटे मन धीयान देतो काजे सान्गलो, मानतर हुन मन नुह चो गोट के विसवास नी करला।

![](https://cdn.door43.org/obs/jpg/360px/obs-en-03-05.jpg)

महा परबु नुह के आउर हुनचो परिवार आउर जीवधारी मन काजे धन जुगाड़ करतो हुकुम दिलो, सब जुगाड़ होतो के महा परबु नुह के सान्गलो की ए बेरा तुई तुचो बायले,आउर तुचो तीन झन बेटा आउर हुन मन चो बायले मन सपाय मिलून आठ झन के डोंगा न जातोर रये।

![](https://cdn.door43.org/obs/jpg/360px/obs-en-03-06.jpg)

महा परबु सब जीवधारी आउर चेड़े, नर आउर मादा सब के नुह लगे पटालो कसन बलले हुन सब डोंगा ने जाओत आउर पुर पानी ले बाचोत। महा परबु सब परकार चो जीवधारी मन संगे नर-मादा पटालो, जोन काम देसोत चेगातो काजे बललो, सब डोंगा ने ईला। महा परबु खुदे डोंगा चो कपाट के ढाकुन दिलो।

![](https://cdn.door43.org/obs/jpg/360px/obs-en-03-07.jpg)

आउर पानी मारूक मुरियाली, आउर पानी मारते गेली मारते गेली नी ठेबली, चालीस दिन आउर चालीस रात बरसा होली, सब डोगरी आउर पहाड़ी पानी ने बुड़ला।

![](https://cdn.door43.org/obs/jpg/360px/obs-en-03-08.jpg)

सुकलो भुई ने रतो सपाय जीव धारी आउर मनुक मन मोरून गेला। हुन मन जितरो बले डोंगा ने रओत हुन मन पानी ने पोंहरते रला, डोंगा भीतरे जितरो बले जीव जंतु रहोत सपाय हुन पुर पानी ले बांचला।

![](https://cdn.door43.org/obs/jpg/360px/obs-en-03-09.jpg)

पानी छाड़लोर पाचे, पांच महिना इतरो डोंगा पानी ने पोंहरते रये। आउर हुन बेरा ने पानी कम होते रये, तेबे गोटोक दिन हुन डोंगा गोटोक डोंगरी ने टेकली, मान्तर पानी एबे बले सब मंजपुर ने बोरु रये। तीन महिना चो पाचे डोंगरी मन दका देउक मुरियाला।

![](https://cdn.door43.org/obs/jpg/360px/obs-en-03-10.jpg)

फेर चालीस दिन चो पाचे नूह गोटोक कावा के बाहरे पटालो, सुकलो भुई दका देयदे काय कसन बोलुन। हुन कावा सुकलो भुई के दकतो काजे ए बाट हुनबाट उड़ते रये । मानतर हुन सुकलो भुई के कोनी लगे नी पावली।

![](https://cdn.door43.org/obs/jpg/360px/obs-en-03-11.jpg)

फेर पाचे नूह गोटोक पोरवां के पटालो मानतर हुनके बले कोनी लगे सुकलो भुई नी दका दिली, हुनी काजे हुन नुह लगे लेवटुन ईली। गोटोक हफ्ता चो पाचे हुन पोरवां के फेर पटालो आउर हुन आपलो टोंड ने जेतुन चो नुआ पान के धरून ईली आउर पानी कम होते रये आउर लाटा बूटा मन फेर अकरते रये।

![](https://cdn.door43.org/obs/jpg/360px/obs-en-03-12.jpg)

नुह गोटोक हफ्ता फेर टाकलो आउर तीसरा हार ने हुन पोरवां के फेर पटालो, आउर बाहिर हुनके बुलतो काजे जगा मिरली आउर हुन लेवटुन नी ईली आउर पानी सूखते रये।

![](https://cdn.door43.org/obs/jpg/360px/obs-en-03-13.jpg)

दुई महिना चो पाचे महा परबु नुह के बललो, "तुई आउर तुचो परिवार आउर जितलो बले बनालो जीवधारी मन आसोत बाहरे निकरा, आउर खुबे असन बेटा बेटी आउर नाती पोती मन जन्मावा आउर मंजपुर ने भरा, नुह आउर हुनचो परिवार डोंगा ले बाहरे निकरून ईला।

![](https://cdn.door43.org/obs/jpg/360px/obs-en-03-14.jpg)

नुह डोंगा ले निकरलो पाचे गोटोक वेदी बनालो, आउर जातरा दान चेगातो काजे ठेबालो, सब परकार चो जीवधारी मन थानले आदो के आनुन बलि चेगालो, महा परबु हुन जातरा दान ले हरिक होलो आउर नुह आउर हुनचो परिवार के आशीर्वाद दिलो।

![](https://cdn.door43.org/obs/jpg/360px/obs-en-03-15.jpg)

महा परबु बललो, "मय बादा करेंसे की लोग मन चो करतो बिती हाडरा काम चो कारन, मय भुई के फेर शराप नी देये, आउर बरसा पूर ले मंजपुर के सत्यानाश नी करे, मान्तर लोग हुनचो जन्म दांय ले पापी आत।"

![](https://cdn.door43.org/obs/jpg/360px/obs-en-03-16.jpg)

फेर महा परबु आपलो बादा चो चिना चो रूप ने पहला इन्दर धनुष के बनालो। केबे बले इन्दर धनुष बादरी उपरे दका देयेदे, तेबे महा परबु सुरता करेदे, की हुन बादा करलो से हुनके सुरता करेदे।" आउर असनी हुनचो लोग मन बले सुरता करदे।

*उत्पत्ति 6-8 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_03_128kbps.m4a

## 4. अब्राम संगे महा परबु मिस्तोर

https://openbiblestories.org/l/hlb/story-4/

![](https://cdn.door43.org/obs/jpg/360px/obs-en-04-01.jpg)

पुर ईलो चो खुबे बरस पाचे, मंजपुर ने खुबे लोग रते रला आउर हुन मन महा परबु चो आउर एचो हुनचो बिरुद्ध पाप करला, मानतर हुन मन गोटकि भासा गोठयाते रला, हुनी काजे हुन मन गोटकि लगे कूड़ा होला आउर हुन मन मंजपुर ने बाड़तो छाड़ुन महा परबु चो आदेस चो जागा गोटोक शहर के बनाला।

![](https://cdn.door43.org/obs/jpg/360px/obs-en-04-02.jpg)

हुन मन खुबे घमंडी रला। आउर हुन मनके कसन जीवना जीवतोर आय ऐ गोट ने हुन मन महा परबु चो गोटके मानुक नी चाहते रलाI आउर हुन मन गोटोक असन सिग्या बनातो शुरू करला, जोन सरग ने अमरायदे। महा परबु दकलो की ए मन गोटोक होउन आउर संग मिलुन चुगल करदे तेबे एमन खुबे पाप काम के करुक सकदे।

![](https://cdn.door43.org/obs/jpg/360px/obs-en-04-03.jpg)

हुनी काजे महा परबु हुन मन चो भासा के खुबे परकार चो भासा ने बदलाउन दिलो। आउर हुन मन के सब मंजपुर ने फैलाउन दिलो। जोन नगर के हुन मन बनातो काजे शुरू करून रला हुनके "बाबेल" बोलला' जेचो अर्थ आय गड़बड़ी।

![](https://cdn.door43.org/obs/jpg/360px/obs-en-04-04.jpg)

सौ बरस चो पाचे, महा परबु अब्राम नाव चो गोटोक मनुक के गोठयालोI महा परबु हुनके बललो, "तुचो देश के आउर तुचो परिवार के छाडून हुन देश ने जाव, जोन मय तुके देयंसे; मय तुके आशीर्वाद देयेंदे आउर मय तुचो ले गोटोक बड़े जाति बनायंदे, आउर मय तुचो नाव के महान बनायंदे; जोन तुके आशीर्वाद देयदे, मय हुनके आशीर्वाद देयंदे, आउर जोन तुके शराप देयदे, मय हुनके शराप देयंदे, तुचो कारन मंजपुर चो सबु लोग आशीर्वाद पावदे।"

![](https://cdn.door43.org/obs/jpg/360px/obs-en-04-05.jpg)

अब्राम महा परबु चो गोट के मानलो, "हुन आपलो सब कमिया मनके आउर आपलो सब सम्पत्ति के आउर आपलो बायले सारै के धरलो, आउर हुन कनान देश ने गेलो। जेके महा परबु हुनके दकाउन रये।

![](https://cdn.door43.org/obs/jpg/360px/obs-en-04-06.jpg)

जिदलदाय अब्राम हुन देश ने ईलो तेबे महा परबु हुनके बललो, "तुई सब बाटे दक मय तुके ए देश के देयंदे।" आउर तुचो बंश रोजे काजे एता राज करदे, तेबे अब्राम हुन देश ने बसलो।

![](https://cdn.door43.org/obs/jpg/360px/obs-en-04-07.jpg)

मलिकिसिद्क नाव चो गोटोक मनुक रये, जोन महा परबु चो अच्छा पुजारी रये। गोटोक दिन अब्राम लड़ाई करलो पाचे एते रये, तेबे हुनके अब्राम मिरलो' मलिकिसिद्क अब्राम के आशीर्वाद दिलो आउर बललो; "शक्तिशाली महा परबु जोन सरग चो भुई चो मालिक आय हुन तुके आशीर्वाद देयदे। फेर अब्राम लड़ाई ने जितलो सब तीज चो दशमांश मालिकिसिद्क के दिलो।

![](https://cdn.door43.org/obs/jpg/360px/obs-en-04-08.jpg)

खुबे बरस बितुन गेली, मानतर एबले बले अब्राम आउर सारै के पिला झीला नी रला। महा परबु अब्राम के गोठयालो आउर फेर आउर ले किरीया करलो की हुनके गोटोक बेटा होयदे; जसन आकाश चो तारा मन आसोत असनी हुनचो बंश होयदे। अब्राम महा परबु चो किरीया ने विसवास करलो। महा परबु घोषणा करलो तूई गोटोक धरमी माने आस कसन की महा परबु चो किरीया ने विसवास करू रये।

![](https://cdn.door43.org/obs/jpg/360px/obs-en-04-09.jpg)

तेबे महा परबु अब्राम के गोटोक बादा करलो असनी असन रूप ने गोटोक बादा आउर करु आय गोटोक दुसर चो बुता करतो काजे समझोता होउवाय, महा परबु अब्राम के हुन बादा तेबे करलो की जिदलदाय अब्राम सोते रये, मानतर हुन तेबे ले सुनुक सकते रये। महा परबु बललो, "मय तुचो देय ले जन्माउन तुके गोटोक तुचो खुद चो बेटा देयंदे, मय तुचो बंश के ए कनान देश देयंदेI मानतर एबे बले अब्राम के कोनी पिला झिला नी रयेI

*उत्पत्ति 11-15 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_04_128kbps.m4a

## 5. किरिया चो बेटा

https://openbiblestories.org/l/hlb/story-5/

![](https://cdn.door43.org/obs/jpg/360px/obs-en-05-01.jpg)

अब्राम आउर सारै चो कनान देश ने अमरुन दस बरस चो पाचे, हुन मनके एबले बले पिला झीला नि रला, हुनी काजे अब्राम चो बायले सारै हुनके बोलली, महा परबु मोके एबले बले बेटा-बेटी नी दिलो, आउर मय बेटा-बेटी पावतो लायक नियाय! मय एबे डोकरी होलेसे दक मोचो संगवारी हाजिरा एलगे आसे हुनचो संगे बले बिया हो' की हुन मोचो काजे गोटोक बेटा के जन्माओ ।

![](https://cdn.door43.org/obs/jpg/360px/obs-en-05-02.jpg)

आउर अब्राम हाजिरा संगे बिया होलो, आउर हाजिरा गोटोक बेटा के जन्माली आउर अब्राम हुनचो नाव ईश्माएल संगालो मानतर सारै हाजिरा के कुचर होते रये , उदल दाय ईश्माएल तेरह बरस चो रये , "महा परबु फेर अब्राम के गोठीयालो।

![](https://cdn.door43.org/obs/jpg/360px/obs-en-05-03.jpg)

महा परबु बोललो, "मय सब ले बड़े महा परबु आय, मय तुचो संगे बादा करेंसे। तेबे उद्ली दाय अब्राम भुई ने पाटा पोडून जुवार करलो। महा परबु अब्राम के ए बले सांगलो तुई खुबे नाती चो बाप बनसे, मय तुके आउर तुचो पीड़ी के तुचो खुदचो भुई होतो काजे कनान देश के देयेंदे, आउर मय सब दिन काजे तुचो महा परबु रयेंदे, तुके तुचो घर चो सब मनुक पिला मनचो खतना करतो आयI

![](https://cdn.door43.org/obs/jpg/360px/obs-en-05-04.jpg)

तुचो बायले सारै गोटोक बेटा के जन्माय दे हुन तुमचो विसवास चो बेटा होयदे, हुनचो नाव इसहाक सन्गावा। मय हुनचो संगे मोचो बादा बनाउन रयंदे, आउर हुन गोटोक बड़े जाति बनेदे, मय ईश्माएल के बले गोटोक बड़े जाति बनायेंदे, मानतर मोचो बादा इसहाक संगे रयदे, तेबे महा परबु अब्राम चो नाव के बदलून अब्राहम संगालो, येचो अरथ खुबे लोग चो 'बुआ', महा परबु सारै चो नाव के बदलून सारा संगालो येचो अरथ आय मुर "आया।"

![](https://cdn.door43.org/obs/jpg/360px/obs-en-05-05.jpg)

हुन दिन अब्राहम आपलो घर चो सब मनुक मन चो खतना करलो लगभग गोटोक बरस पाचे जिदलदाय अब्राहम 100 बरस चो आउर सारा 90 बरस चो रये उदलदाय सारा अब्राहम चो बेटा के जन्माली जसन महा परबु हुन मन के सांगू रये, असनी हुन मन हुनचो नाव इसहाक संगाला।

![](https://cdn.door43.org/obs/jpg/360px/obs-en-05-06.jpg)

जिदलदाय इसहाक जुवान होलो तेबे महा परबु अब्राहम के ए सांगुन हुनचो विसवास के परकलो कि तुचो एकला बेटा के धर आउर मोचो काजे जात्रा चो रूप ने महा परबु के देस, फेर अब्राहम महा परबु चो गोट के धरलो आउर आपलो बेटा के जात्रा चेगातो काजे तियार करलो।

![](https://cdn.door43.org/obs/jpg/360px/obs-en-05-07.jpg)

जिदलदाय अब्राहम आउर इसहाक जात्रा चेगातो ठान लगे जाते रला उदलदाय इसहाक पचारलो, "एबुआ हामचो लगे जात्रा चेगा तो काजे दारू आसे मानतर बोकड़ी कहा आसे; अब्राहम संगालो, "एमोचो बेटा महा परबु आम के जात्रा चेगातो काजे बोकड़ी जुगाड़ करेदे।

![](https://cdn.door43.org/obs/jpg/360px/obs-en-05-08.jpg)

जिदलदाय जात्रा चेगातो ठान ने अमरला तेबे अब्राहम इसहाक के बांधून जात्रा चेगातो वेदी ने सोआलो! आउर हुन आपलो बेटा के मारतो काजे होते रये, महा परबु बोललो, "ठेब, लेका के नुकसान नी कर, एबे मय जानले से की तुई मोचो गोट के मानुआस, मान्तर तुई तुचो ऐकला बेटा के बले मोचो ले बचाउन नी संगालिस।"

![](https://cdn.door43.org/obs/jpg/360px/obs-en-05-09.jpg)

हुनी लगे अब्राहम गोटोक बोकड़ी के दकलो हुनचो सिंग रुक चो खेंदा ने फसु रये, इसहाक चो पलटा जात्रा चेगा तो काजे महा परबु बोकड़ी के जुगाड़ करलो, अब्राहम हरिक-हरिक बोकड़ी के जात्रा चेगा लो।

![](https://cdn.door43.org/obs/jpg/360px/obs-en-05-10.jpg)

तेबे महा परबु अब्राहम के सांगलो मानतर तुई मोचो काजे सब तीज के देतो काजे तियार आसीस एता ले की तुचो ऐकला बेटा के बले, हुनी काजे मय तुके आशीर्वाद देयेंदे, तुचो पीड़ी आकाश चो तारा मन ले बले खुबे होदे मानतर तुई मोचो आज्ञा मानलिस हुनी काजे मय तुचो परिवार बाटले मंजपुर चो सबुके आशीर्वाद देयेंदे।

*उत्पत्ति 16-20 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_05_128kbps.m4a

## 6. महा परबु इसहाक काजे जुगाड़ करलो

https://openbiblestories.org/l/hlb/story-6/

![](https://cdn.door43.org/obs/jpg/360px/obs-en-06-01.jpg)

जिदलदाय अब्राहम डोकरा होऊ रये उदलदाय हुनचो बेटा इसहाक बायले आनतो उमर ने रये। हुनी काजे अब्राहम आपलो कमिया के हुनचो बेटा काजे हुन देश ने जहाँ हुनचो लोग बाग रओत बायले आनुक पटालो।

![](https://cdn.door43.org/obs/jpg/360px/obs-en-06-02.jpg)

जोन जागा ने अब्राहम चो लोग बाग रओत, हुन देश ने खुबे दूर जातो चो पाचे महा परबु हुन कमिया के रिबका ले भेटालो, हुन अब्राहम चो भाई चो नातीन रये।

![](https://cdn.door43.org/obs/jpg/360px/obs-en-06-03.jpg)

रिबका आपलो परिवार के छाड़ून हुन कमिया संगे जातो काजे राजी होली, जसनी हुन मन हुता अमरला असनी इसहाक हुनचो संगे बिया होलो।

![](https://cdn.door43.org/obs/jpg/360px/obs-en-06-04.jpg)

खुबे दिन चो पाचे, अब्राहम मोरलो तेबे महा परबु अब्राहम चो बेटा इसहाक के, अब्राहम संगे करलो बादा चो कारन ने आशीर्वाद दिलोI हुन बादा महा परबु चो गोटोक बादा रये, अब्राहम चो खुबे परिवार बड़ेदेI मानतर इसहाक चो बायले रिबका के पिला झीला नी होला।

![](https://cdn.door43.org/obs/jpg/360px/obs-en-06-05.jpg)

इसहाक रिबका काजे प्रार्थना करलो, आउर महा परबु हुनके जुड़वाँ पिला मनके दिलो तेबे जिदलदाय हुन पिला मन रिबका चो पेट ने आपस ने झगड़ा होते रओत, हुनि काजे जोन बले होते रये रिबका महा परबु के सांगली।

![](https://cdn.door43.org/obs/jpg/360px/obs-en-06-06.jpg)

महा परबु रिबका के बललो, "तुई दुई ठन पिला के जन्मासे हुनचो थर दुय ठन दुसर-दुसर जाति चो होयदे, हुन मन आपस ने लड़ाई करदे। मानतर बड़े बेटा ले पैयदा होतो बिती जातिके नानी बेटा ले पैयदा होतो जाती चो गोटोक आज्ञा के मानुख पड़ेदे।

![](https://cdn.door43.org/obs/jpg/360px/obs-en-06-07.jpg)

जिदलदाय रिबका चो पिला मन चो जन्म होली, तेबे बड़े बेटा लाल आउर रोआर रये, आउर हुन मन हुनचो नाव एसाव संगालाI आउर नानी बेटा एसाव चो पांय के धरुन जन्मलो हुनचो नाव याकूब संगाला।

*उत्पत्ति 24:1-25:26 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_06_128kbps.m4a

## 7. महा परबु याकूब के आशीर्वाद दिलो

https://openbiblestories.org/l/hlb/story-7/

![](https://cdn.door43.org/obs/jpg/360px/obs-en-07-01.jpg)

जिदलदाय हुन पिला मन बड़े होला तो याकूब के घरे रतो अच्छा लागते रये, मानतर एसाव के जीवधारी मनके मारतो अच्छा लागते रये, रिबका याकूब के मया करली मानतर इसहाक एसाव के मया करलो।

![](https://cdn.door43.org/obs/jpg/360px/obs-en-07-02.jpg)

गोटोक दिन एसाव फारधी करून घरे हिलो तो हुन खुबे भूखे रयेI एसाव याकूब के बोललो, "जोन बीती के तुई रान्दलिसीस' हुताले खिंडीक खातो काजे मोके बले दे। याकूब बोललो, "पइले मोके ए बादा कर की पहलौटा होतो काजे काई बले तीज जेके तुके मिरतोर आय, हुन सब तुई मोके देसेI" तेबे एसाव हुन सब तीज के याकूब के देतो काजे बादा करलोI तेबे याकूब हुनके खातो काजे खिंडीक भात दिलो।

![](https://cdn.door43.org/obs/jpg/360px/obs-en-07-03.jpg)

इसहाक एसाव के आशीर्वाद देतो काजे होते रये, मानतर एचो पहले हुन असन करलो की रिबका आउर याकूब के, याकूब एसाव आय बोलून इसहाक के ठगला इसहाक डोकरा ओऊ रये, आउर दकुक नी सकते रेये, हुनी काजे याकूब एसाव चो फोटही पिन्दलो आउर बोकड़ी चो बाल के टोडरा लगले बांधलो।

![](https://cdn.door43.org/obs/jpg/360px/obs-en-07-04.jpg)

याकूब इसहाक लगे गेलो आउर बोललो, "मय एसाव आयI मय एई काजे इले से की तुई मोके आशीर्वाद देसI" जिदलदाय इसहाक बोकड़ी चो बाल के महसूस करलो, आउर फोटही के सुन्गलो तेबे हुन बिचारलो की ए एसाव आय आउर हुनके आशीर्वाद दिलो।

![](https://cdn.door43.org/obs/jpg/360px/obs-en-07-05.jpg)

एसाव याकूब के रिस करलो, कसन बोलले याकूब हुनचो पहले बेटा होतो चो अधिकार के आउर हुनचो आशीर्वाद के चोर लो, आउर हुन अपलो बुआ चो मोर लो पाचे, याकूब के मारतो उवाट करलो।

![](https://cdn.door43.org/obs/jpg/360px/obs-en-07-06.jpg)

मानतर रिबका एसाव चो उवाट के सुनली हुनी काजे इसहाक याकूब के हुनचो लोग बाग घरे रतो काजे खुबे दूर पटाली।

![](https://cdn.door43.org/obs/jpg/360px/obs-en-07-07.jpg)

याकूब खुबे बरस तक रिबका चो लोग बाग संगे रलो, आउर हुनी बेरा ने बिया करलो आउर बारह बेटा के आउर गोटोक बेटी के जन्माला महा परबु हुनके खुबे धनी बनालो।

![](https://cdn.door43.org/obs/jpg/360px/obs-en-07-08.jpg)

बीस बरस ले कनान ने आपलो घर ले दूर रतो पाचे, याकूब आपलो परिवार, आउर कमिया मन, आउर अपलो गाय-बोयला चो गोह्ड़ी संगे हुन आपस ईलो।

![](https://cdn.door43.org/obs/jpg/360px/obs-en-07-09.jpg)

याकूब हुनी काजे खुबे भयभीत रये कसन बोलले, हुन बिचारलो की एसाव एबे बले हुन मोके मारुक सकेदे हुनी काजे हुन सब जीवधारी मनके एसाव लगे पटालो जोन कमिया मनके धरून एउनरला हुन मन बलला, "तुचो कमिया याकूब ऐ जीवधारी मनके तुके देयसे, हुन जपके एयसे।

![](https://cdn.door43.org/obs/jpg/360px/obs-en-07-10.jpg)

मानतर एसाव ऐबे याकूब के नुकसान नी करतोर चाहसेI ऐचो कारन हुन हुनके दकुन हरिक होलो हुनचो पाचे याकूब कनान देश ने शांति ने रये, फेर इसहाक मोरलो, याकूब आउर एसाव हुनके माटी दिला, बादा चो किरिया जोन महा परबु अब्राहम के करू रये, एबे इसहाक लगले याकूब लगे ईली।

*उत्पत्ति 25:27-35:29 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_07_128kbps.m4a

## 8. महा परबु यसुफ आउर हुन चो परिवार के बचालो

https://openbiblestories.org/l/hlb/story-8/

![](https://cdn.door43.org/obs/jpg/360px/obs-en-08-01.jpg)

खुबे बरस पाचे, याकूब डोकरा होऊ रये, तेबे हुनचो लाडरा बेटा यूसुफ के आपलो भाई मन चो जांच करतो काजे पटालो जोन जीवधारी मनके देकरेक करते रओत।

![](https://cdn.door43.org/obs/jpg/360px/obs-en-08-02.jpg)

युशुफ चो भाई मन हुनके ईर्ष्या करते रओत, कसन बल्ले उन मन चो बुआ उनके अदिक लाड करते रये। आउर हुनी काजे बले यूसुफ सपना दकु रये की हुन मोन चो अधिकारी होयदेI जिदलदाय यूसुफ हुनचो भाई मन लगे गेलो हुन मन हुनके बंदी बनाला आउर हुन मन कमिया मन चो बेबार करतो लोग मन लगे बिकुन दिला।

![](https://cdn.door43.org/obs/jpg/360px/obs-en-08-03.jpg)

घरे बोहडून एतोर पहले यूसुफ चो भाई मन यूसुफ चो फोटही के चिरून बोकड़ा चो लहू ने भीजाउन दिलाI फेर हुन मन सब फोटही के आपलो बुआ के दकाला की हुन असन सोचो कि जंगल चो जीवधारी मन यूसुफ के मारला याकूब खुबे निराश रये।

![](https://cdn.door43.org/obs/jpg/360px/obs-en-08-04.jpg)

कमिया मन चो बेबार करतो लोग मन यूसुफ के मिसर देस ने नीला, आउर नील नदी चो लगे बोसलो मिसर देश गोटोक खुबे बड़े, आउर शाक्तिशाली देश रये, हुन कमिया मन चो बेबार करतो लोग मन यूसुफ के गोटोक धनी सरकारी अधिकारी चो कमिया चो रूप ने बिकुन दिलाI यूसुफ आपलो सोवकार चो अच्छा ले सेवा करलो, आउर महा परबु यूसुफ के आशीर्वाद दिलो।

![](https://cdn.door43.org/obs/jpg/360px/obs-en-08-05.jpg)

हुनचो राजा चो बायले यूसुफ संगे सोतो काजे कोशिश करते रये, मानतर यूसुफ असन रीती ले महा परबु चो बिरुद पाप करुक नी चाहते रये, हुन बायले रिस होली आउर यूसुफ के झूटा आरोप लगालीI हुनि काजे यूसुफ के मार पेट करतो काजे जेलखाना ने नीला जेल ने बले यूसुफ महा परबु चो परति सत ने रये, आउर महा परबु हुनके आशीर्वाद दिलो।

![](https://cdn.door43.org/obs/jpg/360px/obs-en-08-06.jpg)

दुय बरस चो पाचे, यूसुफ एबले बले जेल ने रये, मानतर हुन निर्दोष रये। गोटोक राती फिरौन जसन की मिसरी लोग मन आपलो राजा के हाग देते रओत, हुन दुठान सपना द्कलो, हुन बिती हुनके अधिक भयभीत करलीI हुनचो कोनी सलहाकार हुन सपना चो अरथ नी सांगुक सकला।

![](https://cdn.door43.org/obs/jpg/360px/obs-en-08-07.jpg)

महा परबु यूसुफ के सपना चो अरथ सांगतो काजे शक्ति दिलो, हुनि काजे फिरौन यूसुफ के जेलखाना ले आपलो लगे हाग दिलोI यूसुफ हुनके हुन सपना चो अरथ सांगलो आउर बोललो, "महा परबु भरपुर धान-पान कामलोर सात बरस पाचे, सात बरस तक आकाल आनु आयI

![](https://cdn.door43.org/obs/jpg/360px/obs-en-08-08.jpg)

फिरौन यूसुफ के इतलो अकसकलो की हुनके मिसर चो दूसरा सबूले शक्तिशाली मनुक बोलुन नियुक्त करलो।

![](https://cdn.door43.org/obs/jpg/360px/obs-en-08-09.jpg)

यूसुफ हुन लोग मन चो अच्छा खेती बाड़ी चो सात बरस के खुबे असन धन माल सन्गातो काजे सान्गलोI जेबे सात बरस चो आकाल इली, तो यूसुफ हुन लोग मन लगे आपलो धन के बिखलो कसन बल्ले, हुन लोग मन काजे खुबे खातो काजे रहो।

![](https://cdn.door43.org/obs/jpg/360px/obs-en-08-10.jpg)

हुन आकाल मिसर ने ची नुवाय, कनान ने बले बिख्ट रये, जोन थाने याकूब आउर हुन चो परिवार रओत।

![](https://cdn.door43.org/obs/jpg/360px/obs-en-08-11.jpg)

हुनी काजे याकूब आपलो बोड़े बेटा मन के खातो काजे गेनुक मिसर ने पटालोI जिदलदाय हुन मन गेनुक यूसुफ चो पुरे ठिया उठला तो हुन मन युसुफ नि चितालाI मानतर यूसुफ हुन मन के चीतलो।

![](https://cdn.door43.org/obs/jpg/360px/obs-en-08-12.jpg)

ए मालुम करतो काजे की काय हुन मन बदलला से, हुनचो जांच करलो पाचे यूसुफ हुन मनके बललो, "मय तुमचो भाई यूसुफ आय! नी डराI जिदलदाय तुमि मोके कमिया चो रूप ने बिखु रलास तो तुमि गलत करतो उवाट करू रलास, मानतर महा परबु हुन गलत के अच्छा काजे चुनलो; 'हिया आउर मिसर ने रहा कसन बोलले, "मय तुमचो आउर तुमचो परिवार काजे खातो काजे देऊक सकेंदे।"

![](https://cdn.door43.org/obs/jpg/360px/obs-en-08-13.jpg)

जिदलदाय यूसुफ चो भाई मन आपस गेला, आउर आपलो बुआ याकूब के संगला की यूसुफ एबे बले जीव आसे तो हुन खुबे हरिक होलो।

![](https://cdn.door43.org/obs/jpg/360px/obs-en-08-14.jpg)

मानतर याकूब डोकरा होऊ रये, "तेबे बले हुन आपलो परिवार संगे मिसर ने गेला आउर हुता बसला याकूब चो मोरतो चो पहले हुन आपलो सब बेटा मनके आशीर्वाद दिलो।

![](https://cdn.door43.org/obs/jpg/360px/obs-en-08-15.jpg)

वायदा चो हुन किरिया जोन महा परबु अब्राहम के करू रये फेर इसहाक के आउर हुनचो पाचे याकूब, आउर हुनचो पाचे हुनचो बारह जन बेटा आउर हुनचो परिवार लगे इली हुन बारह बेटा मन चो बोंश इसराएल चो बारह गोत्र बनला।

*उत्पत्ति 37-50 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_08_128kbps.m4a

## 9. महा परबु मूसा के बुलालो

https://openbiblestories.org/l/hlb/story-9/

![](https://cdn.door43.org/obs/jpg/360px/obs-en-09-01.jpg)

यूसुफ चो मोरलो पाचे, उनचो लोग बाक मिसर ने बसलाI उन आउर उनचो वंश खुबे बोरोस ले मिसर ने ची रहोत आउर उन मन खुबे पिला जिला पावलाI उन मनके इस्रएली बोलला।

![](https://cdn.door43.org/obs/jpg/360px/obs-en-09-02.jpg)

खुबे बोरोस पाचे, इस्रएल मन चो परिवार खुबे होलाI आउर मिसर लोग हेबे ये गोट काजे राजी नी रहोत कि उन मन चो सायता करतो काजे यूसुफ खुबे कायी जायी करु रयेI हुन मन इस्राइली मन संगे डरला, कसन बल्ले हुन मन खुबे रहोत उनी काजे उन बेरा मिसर ने राज करतो बिता फिरौन इस्राइल मनके मिसर चो खमिया बनाउन दिलो।

![](https://cdn.door43.org/obs/jpg/360px/obs-en-09-03.jpg)

मिसर लोग मन इस्राइली मनके खुबे असन घर आउर खुबे नगर के बनातो काजे बोललाI "उन कठिन काम उन मन चो जिवान ने खुबे दुःख दायी बनाउन दिली, मानतर महा परबु उन मनके आशीर्वाद दिलो आउर उन मन चो खुबे पिला जिला जन्म होला।

![](https://cdn.door43.org/obs/jpg/360px/obs-en-09-04.jpg)

फिरौन दखलो की इस्राएल मनके खुबे पिला जिला जन्म हो सोत, उनी काजे उन आपलो लोग मनके इस्राएल चो सोबु मनुक पिला मनके नील नदी ने फरवाउन मार तो काजे सांगलो।

![](https://cdn.door43.org/obs/jpg/360px/obs-en-09-05.jpg)

गोटोक इस्राएली बायले मनुक पिला के जन्म दिली हुन आउर उन चो मनुक जितलो हुन मनके होउक सके उतलो दिन उन पिला के लुखाला।

![](https://cdn.door43.org/obs/jpg/360px/obs-en-09-06.jpg)

जिदलदाय हुन पिला चो आया बुआ हुन पिला के खुबे दिन लुकाउक नि सकला, हुनी काजे हुन मन गोटोक पारतो बिती टूकना ने नील नदी रेटे छाड़ुन दिलाI हुनचो बड़े बहिन ए दकतो काजे सोचली की एचो संगे काय होयदे बोलते।

![](https://cdn.door43.org/obs/jpg/360px/obs-en-09-07.jpg)

फिरौन चो बेटी हुन टूकना के दकुन हुनचो भीतरे दकलीI तेबे हुन गोटोक पिला के दकली तो हुन पिला के आपलो बेटा समझुन धरलीI आउर गोटोक इसराएली बायले के दुध पियातो बुता काजे संगालीI बिना जाने कि हुन पिला चो माय आय, जिदलदाय हुन पिला बड़े होलो हुन एबे हुनके आपलो माय चो दुध चो जरूरत नी रयेI तो हुनके फिरौन चो बेटी लगे आनुन दिली हुनचो नाव मुसा रये।

![](https://cdn.door43.org/obs/jpg/360px/obs-en-09-08.jpg)

गोटोक दिन मूसा बड़े होलो तो हुन दकलो की गोटोक मिसर चो माने इसराएली माने के मारते रये, "मुसा आपलो संगवारी इसराएली माने के बचातो चो कोसीस करलो।

![](https://cdn.door43.org/obs/jpg/360px/obs-en-09-09.jpg)

जिदलदाय मूसा बिचार करलो की मोके कोनी नि दकोत बोलून हुन मिसरी के मारलो आउर हुनचो लास के दफनालो, मानतर मुसा जोन करलो हुनके कोनी दकु रयेI

![](https://cdn.door43.org/obs/jpg/360px/obs-en-09-10.jpg)

फिरौन के मालूम होली की मुसा ए काय करलो से हुन हुनके मारतो काजे कोशिश करलो, मानतर मुसा मिसर देश चो जंगल ने परालो फिरौन चो सैनिक मन हुनके खोजुक नी सकला।

![](https://cdn.door43.org/obs/jpg/360px/obs-en-09-11.jpg)

मिसर चो दूर जंगल ने मूसा गोटोक धोरई बनलो, हुन गोटोक बायले संगे बिया होलो आउर दुई ठन पिला मनके जन्म दिला।

![](https://cdn.door43.org/obs/jpg/360px/obs-en-09-12.jpg)

मूसा आपलो सत्तरा चो छेरी बोकड़ी के देक भाल करते रये, गोटोक दिन हुन डसतो रुक के दकलो, जोन भसम नी होलो नाहलो दसते रयेI हुनके दकतो काजे हुन रुक लगे गेलो तेबे हुन अधिक लगे गेलो तेबे महा परबु हुनके गोठीयालो हुन बललो ए मूसा तुचो पाव चो जूता मनके निखराहुन देस, तुई गोटोक पकिजगह ने उबली सीस।

![](https://cdn.door43.org/obs/jpg/360px/obs-en-09-13.jpg)

महा परबु बोललो, "मय मोचो लोग मन चो दुःख के दकले से मय तुके फिरौन लगे पटाउवायं। तुई इसराएली मनके मिसर ले निकरावI मय हुन मन के कनान देश देयंदे, हुन देश जोन मय अब्राहम आउर इसहाक आउर याकूब के बादा करू रये।

![](https://cdn.door43.org/obs/jpg/360px/obs-en-09-14.jpg)

मूसा पूछलो, "मानतर लोग मन मोके सांगदे कि, तुके कोन पटालो तो मय काय बोलेंदे; महा परबु बोललो, "जोन मय आय हुन आय" हुन मन के सांग मय आय, मोके तुमचो पुरका चो अब्राहम इसहाक आउर याकूब चो महा परबु आय मोचो ए नाव रोजे काजे आय।

![](https://cdn.door43.org/obs/jpg/360px/obs-en-09-15.jpg)

मूसा डरते रये आउर फिरौन लगे जाउक नी चाहते रये, कसन बोलले, हुन बिचार करलो की हुन अच्छा ले बोलुक नी सके, हुनी काजे महा परबु मूसा चो भाई हारून के हुनचो सायता काजे पटालो।

*निर्गमन 1-4 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_09_128kbps.m4a

## 10. दस बिपति

https://openbiblestories.org/l/hlb/story-10/

![](https://cdn.door43.org/obs/jpg/360px/obs-en-10-01.jpg)

महा परबु मुसा आउर हारून के चितावनी दिलो, की फिरौन हठीला होयदे जिदलदाय हुन मन फिरौन लगे गेला तो हुन बोललो, "इसराएली चो महा परबु असन बललो से, की मोचो लोग मनके जाउक देसI मानतर फिरौन हुन मन चो नी सुनलो आउर इसराएली मनके जातो काजे सोतंत्र करतो जगह हुन मन के आउर कठिन बुता करतो काजे बोललो।

![](https://cdn.door43.org/obs/jpg/360px/obs-en-10-02.jpg)

फिरौन हुन लोग मनके जाउक देतो काजे खुबे इन्कार करते रये, हुनी काजे महा परबु मिसर ने दस भियन्कार बिपति के पटालो; ए बिपति मन ले महा परबु फिरौन के दकालो की हुन फिरौन आउर मिसर चो देव मन चो ले जादा ताकतवर आय।

![](https://cdn.door43.org/obs/jpg/360px/obs-en-10-03.jpg)

महा परबु नील नदी के लोहु ने बदललो, मानतर फिरोन एबे बले इसराएली मनके जाउक नी दिलो।

![](https://cdn.door43.org/obs/jpg/360px/obs-en-10-04.jpg)

महा परबु सब मेंढका मनके मिसर ने पटालो, फिरौन मेंढका मनके गुचातो काजे मूसा के बोललो, "मानतर सब मेंढका मन मोरतो के फिरौन आपलो मनके कठोर करलो, आउर इसराएली मनके मिसर ले निकरुक नी दिलो।

![](https://cdn.door43.org/obs/jpg/360px/obs-en-10-05.jpg)

हुनी काजे महा परबु कुटकि मन चो बिपति पटालो, हुनचो पाचे डांस चो बिपति पटालो, फिरौन मूसा आउर हारून के हाग दिलो आउर हुन मन के बोललो, "की यदि हुन बिपति के गुचायदे तेबे , इसराएली मन मिसर के छाड़ुन जाउक सक दे जिदलदाय मुसा पारथना करलो तो महा परबु मिसर ले डांस के गुचालो, मानतर फिरौन आपलो मनके कठोर करलो, आउर हुन लोग मनके अच्छा होउन जाउक नी दिलो।

![](https://cdn.door43.org/obs/jpg/360px/obs-en-10-06.jpg)

हुनचो पाचे महा परबु मिसर चो सब जीवधारी मनके बीमार होउन मोरतो काजे दिलो, मानतर फिरौन चो मन कठोर होऊ रहे, इसराएली मनके जाउख नी दिलो।

![](https://cdn.door43.org/obs/jpg/360px/obs-en-10-07.jpg)

तेबे महा परबु मूसा के फिरौन चो पुरे राक पोकाउक बोललो। तेबे हुन असन करलो तो मिसर चो लोग मन चो चमड़ी ने फोटका मन निकरली, मानतर इसराएली लोग मनके काई नी होली। महा परबु फिरौन चो मन के कठोर करुन दिलो आउर फिरौन इसराएली मनके अच्छा होउन जाउक नी दिलो।

![](https://cdn.door43.org/obs/jpg/360px/obs-en-10-08.jpg)

एचो पाचे, महा परबु करा गसरालो आउर मिसर चो खुबे फसल के बर्बाद करुन दिलो। आउर जोन बले, 'दुवारे निकरला हुन मन मोरला! फिरौन मूसा आउर हारून के हाग दिलो मय पाप करलेसे तुमि जाउक सकास, मानतर मूसा प्रार्थना करलो की बादरी ले करा घसरतो बदं हो।

![](https://cdn.door43.org/obs/jpg/360px/obs-en-10-09.jpg)

मानतर फिरौन फेर पाप करलो आउर आपलो मनके कठोर करलो हुन इसराएली मन के अच्छा होउन जाउख नी दिलो।

![](https://cdn.door43.org/obs/jpg/360px/obs-en-10-10.jpg)

फेर महा परबु मिसर ने थाफा मन चो झुण्ड के पटालो, ए थाफा मन हुन मन चो सब फसल के खाहुन दिला, जोन के करा मन बर्बाद नी करू रये ।

![](https://cdn.door43.org/obs/jpg/360px/obs-en-10-11.jpg)

फेर महा परबु अंधार करलो, जोन तीन दिन ले रये; खुबे अंधार रये की मिसरी लोग मन घर ले निकरूक नी सकला, मानतर जोन थाने इसराएली लोग मन रहते रओत हुता उजर रये।

![](https://cdn.door43.org/obs/jpg/360px/obs-en-10-12.jpg)

ए नौ बिपति चो पाचे बले, इसराएली लोग मनके सवतंत्र होउन जातो काजे इन्कार करलोI कसन की फिरौन नी सुनते रये, हुनी काजे महा परबु गोटोक सरासरी बिपति के पटातो काजे बिचार बनालो, ए फिरौन चो मन के बदलून देयदे।

*निर्गमन 5-10 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_10_128kbps.m4a

## 11. फसह-नुआ खानी

https://openbiblestories.org/l/hlb/story-11/

![](https://cdn.door43.org/obs/jpg/360px/obs-en-11-01.jpg)

महा परबु मूसा आउर हारून के फिरोन लगे ए सांगतो काजे पटालो, की इसराएली मन के जाउक दियास, हुन मन हुनके सांगला की यदि हुन मन के जाउक नी देयदे तो महा परबु मिसरी लोग मनके आउर सब जीवधारी मन चो गोटोक गोटोक के मारे देI फिरोन ए सुनुन बले महा परबु के विसवास करतो काजे आउर हुनचो गोट के मानतो काजे इन्कार करलो।

![](https://cdn.door43.org/obs/jpg/360px/obs-en-11-02.jpg)

महा परबु के विसवास करतो लोग चो पहिला पिला के मारतो ले बचातो काजे उपाय करलो, सब घर परिवार के गोटोक-गोटोक बोकड़ी के धरून जात्रा चेगातोर रये।

![](https://cdn.door43.org/obs/jpg/360px/obs-en-11-03.jpg)

महा परबु इसराएली मन के हुन बोकड़ी चो लोहू के धरून आपलो-आपलो घर चो बाट डेवना ने घासुक बोललो, "हुन मन चो मांस के भूंजतोर रये, आउर फेर झटके अखमिरी रोटी संगे बोसुन खातोर रये; हम के हुन भात के खादलोर पाचे मिसर के छाड़तो तैयार करतोर रयेI

![](https://cdn.door43.org/obs/jpg/360px/obs-en-11-04.jpg)

जसन करतो काजे महा परबु बोलू रये, हुनचो अनुसार सब करलाI मंजी राती बेरा, महा परबु सब पहला जन्मलो मनुक पिला मनके मारते-मारते मिसर चो मांजी घता ले गेलो।

![](https://cdn.door43.org/obs/jpg/360px/obs-en-11-05.jpg)

इसराएली लोग मन चो सब घर चो दुवार ने लोउ घसलोर रये, हुनी काजे महा परबु हुन घर मनके छाड़ुन दिलो, हुन भीतर चो सब लोग अच्छा रओत हुन मन बोकड़ी चो लोउ चो कारन ने बाछु रला।

![](https://cdn.door43.org/obs/jpg/360px/obs-en-11-06.jpg)

मानतर मिसरी लोग मन महा परबु के विसवास नी करू रला, आउर हुनचो गोट के नी मानु रलाI हुनी काजे महा परबु हुन मन चो घर के नी छाड़ुलोI महा परबु मिसरी लोग मन चो सब पहला जन्मलो मनुक पिला मन के मारुन दिलो।

![](https://cdn.door43.org/obs/jpg/360px/obs-en-11-07.jpg)

जेलखाना चो कैदी मन चो पहला पिला ले धरून फिरौन चो पिला मन तक, सब गोटोक पहिला मनुक पिला मन मोरला, हुन मन आपलो बड़े दुःख चो कारन मिसर चो खुबे लोग गागते रओत आउर चिंता करते रओत।

![](https://cdn.door43.org/obs/jpg/360px/obs-en-11-08.jpg)

हुनी राती फिरौंन, मूसा आउर हारून के हाग दिलोI आउर बोललो, "इसराएली लोग मन के धरून तुरंत मिसर ले निकरून जाआ" मिसर चो लोग मन बले, इसराएली लोग मनके झटके निकरून जातो काजे सांगला।

*निर्गमन 11:1-12:32 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_11_128kbps.m4a

## 12. हिंडतो बीती

https://openbiblestories.org/l/hlb/story-12/

![](https://cdn.door43.org/obs/jpg/360px/obs-en-12-01.jpg)

इसराएली मन मिसर ले निकरून खूबे हरिक रलाI एबे हुन मन कमिया नुवात, आउर हुन मन वायदा चो देश ने जाते रओत! जोन बले इसराएली मन मांगला, मिसरी लोग मन हुन मन के सब भानी दिला, ईतलो तक कि सोना, चांदी, आउर खुबे मोल बिती मनके दिलाI दुसरा देश चो आदो लोग मन महान परबु के विसवास करला आउर जिदलदाय इसराएली लोग मन मिसर ले निकरला तो हुन मन बले हुन मन संगे होला।

![](https://cdn.door43.org/obs/jpg/360px/obs-en-12-02.jpg)

हुन दिन चो पाचे, बादरी उपरे चो गोटोक बड़े खम्बा हुन मन चो पुरे-पुरे गेलीI आउर राती बेरा हुन जोय चो खम्बा बनलीI महा परबु हुन बादरी चो खम्बा आउर जोय चो खम्बा बनुन हुन मन के राका दिलो, आउर हुन रोजे हुन मन संगे रते रये, आउर हुन मन के अगवाई करते गेलो। हुन मन के सिरप हुनचो पाट-पाट जातोर रयेI

![](https://cdn.door43.org/obs/jpg/360px/obs-en-12-03.jpg)

खिंडीक दिन पाचे, फिरौन आउर हुन चो लोग मन अपलो मनके बदललाI हुन मन इसराएली मनके आउरी कमिया बनातो काजे बिचार करते रहोतI हुनि काजे हुन मन इस्राएली लोग मन चो पीछा करलाI ए महा परबु ही आय हुन मनचो मनके असन करुन दिलोI कसन बोलले, हुन मन जानोत कि, फिरौन ले आउर मिसर देश चो देव मन ले अधिक शक्तिशाली महा परबु आय।

![](https://cdn.door43.org/obs/jpg/360px/obs-en-12-04.jpg)

पाचे इसराएली मन मिसर चो सेनिक मनके एतो बेरा दकला आउर हुन मन के मालुम होली कि फिरौन चो सैनिक आउर लाल समुन्द्र चो मांजी घता आसोतI आउर हुन मन खुबे डरून गेला आउर गागुक मुरयाला, हामी मिसर देश के काय काजे छाड़लु? हामी मोरुआ बे!"

![](https://cdn.door43.org/obs/jpg/360px/obs-en-12-05.jpg)

मूसा बललो इसराएली मनके नी डरतोर आय, महा परबु हाम चो काजे लड़ेदे, आउर तुमके बचायदेI" तेबे महा परबु मूसा के बोल्लो, "ऐ लोग मनके लाल समुंद चो उन पाट जातो काजे सांगI"

![](https://cdn.door43.org/obs/jpg/360px/obs-en-12-06.jpg)

आउर महा परबु हुन बादरी चो खम्बा के धरून इस्राएली आउर मिसरी लोग मनचो मांजी घता संगान दिलो काय कि मिसरी लोग मन इस्राएली मन के दकुक नी सकोत।

![](https://cdn.door43.org/obs/jpg/360px/obs-en-12-07.jpg)

महा परबु मूसा के समुन्द्र बाटे हाथ बड़ातो काजे बललोI आउर महा परबु लेहरा आउर समुन्द्र चो पानी के दुय भाग करलो, आउर हुन समुंद तानले गोटोक बाट बनली।

![](https://cdn.door43.org/obs/jpg/360px/obs-en-12-08.jpg)

इसराएली लोग मन दुनो बाटे पानी चो दीवार चो संगे सुखलो भुई ने होउन हुन मन बाट हिंडला।

![](https://cdn.door43.org/obs/jpg/360px/obs-en-12-09.jpg)

आउर महा परबु हुन बाट चो बादरी के गुचान दिलो ताकि मिसरी लोग मन इसराएली लोग बचुन जातो के दकोतI मिसरी लोग मन हुन मन के धरतो काजे बिचार करला।

![](https://cdn.door43.org/obs/jpg/360px/obs-en-12-10.jpg)

आउर हुन लोग मन समुन्द्र चो हुन बाट ले इसराएली मन चो पीछा करला, मांतर महा परबु मिसरी लोग मन के डराउन दिलो आउर हुन मनचो रथ के टेबान दिलोI हुन मन छीचयाऊक मुरयाला, "पोरआवा! इसराएली मन चो बाटले महा परबु लड़े से।"

![](https://cdn.door43.org/obs/jpg/360px/obs-en-12-11.jpg)

सब इसराएली मन समुन्द्र चो दुसर बाटे अमरलाI तेबे महा परबु मूसा के बललो, "पानी बाटे हाथ के लामाओंI तेबे मूसा उसनी करलो, आउर पानी मिसरी लोग चो उपरे इली आउर जसन रली असनी बराबर होलीI सबु मिसरी सेना बुड़लाI

![](https://cdn.door43.org/obs/jpg/360px/obs-en-12-12.jpg)

आउर इसराएली मन दकला कि मिसरी मन मोरला तो हुन मन महा परबु चो उपरे विसवास करलाI हुन मन बिसवास करला कि मूसा महा परबु बाटले आगमजानी आय।

![](https://cdn.door43.org/obs/jpg/360px/obs-en-12-13.jpg)

इसराएली लोग मन खुबे हरीक रओत काय कसन बल्ले हुन मन के मरतो ने आउर कमिया होतो ले बचालोI एदाय हुन मन महा परबु चो आराधना आउर हुन चो आज्ञा के पालन करतो काजे स्वतंत्र रहोतI इसराएली मन आपलो स्वतंत्र होलो चो हरीक मनातो काजे महा परबु काजे खुबे गीत मन गा ला, कसन बल्ले हुन उन मनके मिसरी सेना ले बाचाऊ रयेI

![](https://cdn.door43.org/obs/jpg/360px/obs-en-12-14.jpg)

महा परबु इसराएली मनके हर बरक ने गोटक परब मनातो काजे आदेश दिलो, ए सुरता करतो काजे कि महा परबु मिसरी मनके हरान दिलो आउर हुन मन के कमिया होतो ले बचालोI ए जोन दिन आय नुआ खाऊनी दिन बनातो काजे गोटोक अच्छा मेंडा के जत्रा करतोर रये, हुनके भूंजतोर रये, आउर हुनके बिना खमीर बीती रोटी संगे कातोर रयेI

*निर्गमन 12:33-15:21 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_12_128kbps.m4a

## 13. इस्राएली संगे महा परबु मिस्तोर

https://openbiblestories.org/l/hlb/story-13/

![](https://cdn.door43.org/obs/jpg/360px/obs-en-13-01.jpg)

इसराएली मन लाल समुन्द्र ले हुन बाट गेलो पाचे, महा परबु हुन मन के जंगल ले ओउन सिने बोलतो डोंगरी बाट ले निलोI ए हुनी डोंगरी आय जोन थाने मूसा जलतो बीती झाड़ी के दकु रयेI हुन मन हुन डोंगरी तले रतो काजे मांडो बनाला।

![](https://cdn.door43.org/obs/jpg/360px/obs-en-13-02.jpg)

महा परबु मुसा आउर सबु इसराएली लोग के बललो, "तुमके रोजे मोचो गोट मानतोर आय आउर जोन वाचा मोय तुमचो संगे बांधेनशे, हुनके नी भुलकतोर आयI यदि तुमी असन करा से, तो तुमी ईनाम ने खुबे मोल बीती धन, याजक मनचो राज, आउर गोटोक पवित्र जाति होआ सेI"

![](https://cdn.door43.org/obs/jpg/360px/obs-en-13-03.jpg)

महा परबु हुन मन चो लगे एतो काजे, लोग मन कुद तीन दिन ले तीयार होलाI तेबे महा परबु सीनै डोंगरी तले उतरलोI तेबे गोटोक भूकप होली, बिजली चमकली, धुआ उठली, मोहरी तुरही चो जोरदार शब्द होलीI तेबे मूसा डोंगरी उपरे चेगलो।

![](https://cdn.door43.org/obs/jpg/360px/obs-en-13-04.jpg)

तेबे महा परबु लोग मन संगे गोटक वाचा बांधलोI हुन बल्लो, "मय तुमचो महा परबु, यहोवा आयI मय ची आय जोन कि तुमके मिसर देश ले छुड़ालेI कोनी बले मुर्ति चो आराधना नी करा।

![](https://cdn.door43.org/obs/jpg/360px/obs-en-13-05.jpg)

मूर्ति चो जत्रा आउर हुनचो उपासना नी करा, कसन बलले, मय महा परबु गोटक यहोवा आयI गलत विचार ले मोचो नाम के नी धराI सब्त चो दिन के पवित्र मानतो काजे सुरता कराI एचो अरथ आय, छ: दिन सब बुता करा, सातवा दिने तुमचो काजे बिछा तो आउर मोके सुरता करतो काजे आयI

![](https://cdn.door43.org/obs/jpg/360px/obs-en-13-06.jpg)

आपलो माय बाप के आदर कराI काकेय मोरते नी मारतोर आयI व्यभिचार नी करतोर आय, चोरी नी करतोर आय, आपलो पड़ोसी चो बायले, हुनचो घर, नाह ले काई तीज काई समान के दरतो काजे बिचार नी कर।

![](https://cdn.door43.org/obs/jpg/360px/obs-en-13-07.jpg)

तेबे महा परबु दस आज्ञा के हुन दुय गोटा पोकना थाने लिखून मूसा के देऊन दिलोI महा परबु चो मानतो काजे आउर बले खुबे व्यवस्था दिलोI आउर यदि हुन मन व्यवस्था के पालन करदे तो महा परबु हुन मन के आशीर्वाद करतो काजे प्रतीज्ञा करलोI मान्तर जोन आज्ञा के पालन नी करे हुन मन के द्डित करतो काजे बललो।

![](https://cdn.door43.org/obs/jpg/360px/obs-en-13-08.jpg)

हुन लोग मनके उन मिलाप बीती तंबू चो पुरे गोटोक वेदी के बनातोर होयदेI कोनी बले महा परबु चो व्यवस्था के अपमानीत करले हुन वेदी थाने गोटोक जीवधारी के आन तोर आयI तेबे याजक हुनके जातरा करुआय आउर वेदी ने महा परबु काजे जलायदेI महा परबु बललो हुन जीवधारी चो लोउ हुन व्यक्ति चो पाप के ढाकेदे हुनी काजे महा परबु हुन पाप के नी दके। हुन माने महा परबु चो नजर ने "शुद" ठहरेदेI महा परबु मूसा चो आउर हारून चो बंश के आपलो याजक होतो काजे चुनलोI

![](https://cdn.door43.org/obs/jpg/360px/obs-en-13-09.jpg)

महा परबु हुन लोग मन के जोन नियम देवून रला, हुनचो पालन करतो काजे राजी होलाI हुन मन सिर्प महा परबु चो लोग होतो काजे आउर हुन चो आराधना करतो काजे राजी होला।

![](https://cdn.door43.org/obs/jpg/360px/obs-en-13-10.jpg)

खुबे दिन ले, मूसा सिने डोंगरी ने रलोI हुन महा परबु चो संगे गोटयाते रलोI मानतर लोग मन हुन चो आपस एतो काजे टाकुन-टाकुन थाकुन गेलाI हुनी काजे उन मन हारून लगे सोना दरुन इला आउर हुनचो ले गोटोक मूर्ति बनातो काजे बोलला, ताकि हुन मन महा परबु के चाडून हुन चो उपासना करुक सकोतI असन रीति ले उन मन महा परबु चो बिरुद्द पाप करलाI

![](https://cdn.door43.org/obs/jpg/360px/obs-en-13-11.jpg)

हारून बाछा चो आकार ले सोना चो मूर्ति बनालोI हुन मन हुन मूर्ति चो उपासना करुक मुरयाला हारून हुन के जतरा चेगालो! हुन मन चो पाप चो कारन महा परबु हुन मन के खुबे रीस होलोI हुन मनके सत्यानाश करतो काजे होते रयेI मांतर मूसा असन नि करतो काजे, महा परबु के विनती करलोI महा परबु हुन चो विनती के सुनलो आउर सत्यानाश नी करलो।

![](https://cdn.door43.org/obs/jpg/360px/obs-en-13-12.jpg)

आखरी ने मूसा सीने डोंगरी चो खाले हुन दुई पोकना चो पटिया धरून ईलोI हुन थाने महा परबु चो दस आज्ञा लिखलोर रलीI फेर हुन बीती मूर्ति के दकलोI आउर खुबे रीस होलो आउर पाटिया के चकनाचूर करुन दिलो।

![](https://cdn.door43.org/obs/jpg/360px/obs-en-13-13.jpg)

फेर मूसा हुन मूर्ति के पिसुन घुंड बनान दिलो, आउर हुन घुंड के पानी ने मिलाऊंन बाती उन मनके पानी पियालोI महा परबु हुन लोग चो उपरे गोटोक बिपति पटालो आउर खुबे लोग मोरला।

![](https://cdn.door43.org/obs/jpg/360px/obs-en-13-14.jpg)

जोंन पटिया के मुसा तोडून रलो हुन चो जगा धरतो काजे मूसा हुन दस आज्ञा चो पकना नुआ पटीया के बनालोI तेबे फेर हुन डोंगरी ने चेगलो आउर पारथना करलो की महा परबु हुन लोग मनके क्षमा कर बललोI

![](https://cdn.door43.org/obs/jpg/360px/obs-en-13-15.jpg)

महा परबु मुसा चो पारथना के सुनलो आउर हुन मनके क्षमा करलोI आउर नुआ पटिया चो दस आज्ञा के धरून मूसा डोंगरी ले खाले ईलोI तेबे महा परबु सीने डोंगरी ले हुन मन चो किरिया चो देश तक इसराएली मन चो अगुवाई करलो।

*निर्गमन 19-34 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_13_128kbps.m4a

## 14. राने बूलाक तोर

https://openbiblestories.org/l/hlb/story-14/

![](https://cdn.door43.org/obs/jpg/360px/obs-en-14-01.jpg)

महा परबु इसराएली लोग मनके हुन नियम के सांगतोर सारलो जोंन हुनचो करलो बादा चो कारन पालन करतोर आय। फेर हुन सिने डोंगरी चो पुरे हुनचो अगुवाई करलो। हुन हुनके बादा चो देश ने नेतो काजे चाहते रलो। उन देश के कनान बले बोलू आत। महा परबु बादरी चो खम्बा ले हुन मन चो पुरे-पुरे गेलो, आउर इसराएली मन हुनचो पाट-पाट गेला।

![](https://cdn.door43.org/obs/jpg/360px/obs-en-14-02.jpg)

महा परबु अब्राहम, इसहाक आउर याकूब संगे बादा करू रये कि हुन बादा चो देश के हुन चो बंश लोग मनके देयदे, मानतर हुता खुबे जाति चो लोग रओत। हुन मनके कनानी बलते रओत। हुन कनानी लोग मन महा परबु चो आराधना नी करते रओत आउर उन मन उन चो नियम के नि मानते रहोत। हुन मन झूठा देवता चो पूजा-पाठ करते रहोत, आउर खुबे गलत बुता करते रओत।

![](https://cdn.door43.org/obs/jpg/360px/obs-en-14-03.jpg)

महा परबु इसराएली मनके बललो, "जिदलदाय तुमी बादा चो देश ने जाहासे तो हुताचो सब कनानी मनले छुटकारा पाहासे। हुन मन संगे संगती नी करा। आउर हुन मन संगे बिया नी हुआ। तुमके हुनचो सब मूर्ति मनके अच्छा ले नाश करतो, यदि तुमि मोचो गोट के नी मानास तो तुमि मोचो जागा हुन मन चो देवता मन चो आराधना आउर उपासना करासे।

![](https://cdn.door43.org/obs/jpg/360px/obs-en-14-04.jpg)

जिदलदाय इसराएली मन कनान चो संधि ने अमरला, मूसा इसराएली चो सब कुटम परिवार ले गोटक-गोटक बारह मनुक मनके चुनलो। हुन जाहुन देश चो हाल चाल जानतो काजे हुकुम दिलो, दकुन दका की हुन कसन देश आय। हुन मन के हुन कनानी लोग मन चो बले हाल चाल धरतोर रये, की दका की हुन मन ताकतवर असोत या कमजोर असोत।

![](https://cdn.door43.org/obs/jpg/360px/obs-en-14-05.jpg)

हुन बारह लोग मन सब कनान बाटले चालीस दिन तक हिंडला, आउर फेर हुन मन आपस इला। हुन मन लोग मन के सांगला, "हुन देश खुबे उगतो भुई आय आउर फसल खुबे करलासे!" मानतर दस भेदी मन बलला, "हुन मन चो नगर खुबे मजबुत आसे आउर हुन मन खुबे लम्बा चौड़ा आत! यदि हामी हुन मन चो संगे लडूआँ तो हुन मन हामके हरादे आउर हामके मारुन देदे।"

![](https://cdn.door43.org/obs/jpg/360px/obs-en-14-06.jpg)

जेटके कालेब आउर यहोशु आउर दूसरा दूय झन बलला, "ए सत्ते आय की कनान चो लोग मन लम्बा आउर शक्तिशाली आत, मानतर हामी सत्ते हुन मन के हराऊक सकुंदे! महा परबु हामचो काजे लड़दे।"

![](https://cdn.door43.org/obs/jpg/360px/obs-en-14-07.jpg)

मांतर लोग मन कालेब आउर यहोशू चो नी सुनला। हुन मन मूसा आउर हारून चो उपरे रिस होला आउर बोलला, "तुमी हामके ए डरावनी जगा ने काय काजे आनलासास? हामके मिसर ने ची रतोर रये। यदि हामी हुन देश ने गेलु जाले हामी लड़ाई ने मोरुन जाऊनदे, और कनान मन हामचो बायले आउर पिला मनके कमिया बनादे।" हुन मन आपस मिसर ने नेतो काजे गोटोक दूसरा अगुवा के चुनुक चाहते रला।

![](https://cdn.door43.org/obs/jpg/360px/obs-en-14-08.jpg)

जिदलदाय हुन लोग मन असन बलला तो महा परबु हुन मन के खुबे रिस होलो। हुन मिलाप चो तंबू ने ईलो आउर बललो, "तुमि मोचो बिरुद्ध धोखा करलास, हुनि काजे तुमके जंगल ने भुलका से। हर एक लोग मन जोन बीस बरस ले अधिक बरस चो लोग आत सबु मोरदे, आउर केबी बले हुन देश ने जाउक नी सकदे जोन में तुमके देयसे। केवल कालेब आउर यहोशू उन थाने जाउक सकदे।"

![](https://cdn.door43.org/obs/jpg/360px/obs-en-14-09.jpg)

जिदलदाय लोग मन महा परबु चो असन बलते सुनला तेबे हुन मन दुखी होला कसन बलले हुन मन पाप करू रला। हुनी काजे हुन मन कनान चो लोग मनके मारतो काजे तियार होला। मूसा उन मनके नी जातो काजे सान्गलो कसन बलले महा परबु हुन मन संगे नी जाए; मानतर हुन मन हुनचो नी सुनला।

![](https://cdn.door43.org/obs/jpg/360px/obs-en-14-10.jpg)

महा परबु ए लड़ाई ने हुन मन संगे नी गेलो, हुनी काजे कनानी मन हुन मनके हराउन दिला। आउर हुन मन थान ले खुबे लोग के मारला। तेबे इसराएली लोग मन कनान ने आपस इला। एतो चालीस बरस तक, हुन मन जंगल ने भूलक दे।

![](https://cdn.door43.org/obs/jpg/360px/obs-en-14-11.jpg)

इसराएली लोग मन चो जंगल ने भटकतो चालिस बरस ने, महा परबु हुन मन चो जरूरत के पूरा करलो। हुन मनचो काजे सरग ले "मन्ना" बलतो बिती रोटी मन के दिलो। हुन लावा चो झुण्ड के बले हुनचो लगे पटालो ताकि हुन मन लगे खातो काजे मास हो। हुन पूरा बेरा महा परबु हुन मन चो फोटही आउर जूता के फटतो ले बचालो।

![](https://cdn.door43.org/obs/jpg/360px/obs-en-14-12.jpg)

एता ले बले की महा परबु हुन मनचो पितो काजे चमत्कार करून चट्टान ले पानी निकरालो। मांतर इतलो ने बले, इसराएली लोग मन महा परबु चो बिरुद् आउर मूसा चो बिरुद् सांगला आउर लड़ला तेबे बले महा परबु विसवास योग्य रये। हुन जोन बादा करू रये की हुन अब्राहम, इसहाक, आउर याकूब चो लोग मन काजे करेदे, हुन हुनी पूरा करलो।

![](https://cdn.door43.org/obs/jpg/360px/obs-en-14-13.jpg)

आउर गोटोक बेरा हुन मनचो लगे पानी नी रेए, महा परबु मूसा के बललो, "चट्टान ले गोठियाव, उन थानले पानी निकरेदे।" मानतर हुन चट्टान के बड़गा ले दुय हार मारलो। हुनी रीती ले हुन महा परबु चो गोट के नी मानलो, सब चो पितो काजे चट्टान ले पानी निकरली। मान्तर महा परबु मूसा के रिस होलो। हुन बललो, "तुई असन कसन करलीस तुई हुन बादा चो देश ने जाउक नी सकिस।"

![](https://cdn.door43.org/obs/jpg/360px/obs-en-14-14.jpg)

इसराएली लोग मन चालीस बरस ले हुन जंगल ने भटकु रला, तेबे हुन मन महा परबु चो बिरुद्ध पाप करू रला हुन सब लोग मन मोरु रला। तेबे महा परबु हुन मन के फेर ले हुन बादा चो देश ने सिखाओत ले नेऊ रये। एदाय मूसा खुबे डोकरा होऊ रये, हुनी काजे हुनी महा परबु लोग मन चो अगुवाई करतो काजे हुन मन चो सायता करतो काजे यहोशू के चुनलो। महा परबु मूसा के ए बले बादा करू रये कि गोटोक दिन हुन मन लगे मूसा चो असन अगमजानी पटाएदे।

![](https://cdn.door43.org/obs/jpg/360px/obs-en-14-15.jpg)

तेबे महा परबु मूसा के गोटोक डोंगरी चो चोटी ने जाउक बललो, ताकि हुन बादा चो देश के दकुक सको। मूसा हुन बादा चो देश के दकुक सकलो मानतर महा परबु हुनके हुन थाने जातो काजे नी दिलो। तेबे मूसा मरलो आउर इसराएली मन तीस दिन तक दुःख करला यहोशू गोटोक अच्छा अगुवा रये, कसन बलले हुन महा परबु के भरोसा करलो आउर हुनचो गोट के मानलो।

*निर्गमन अध्याय 16-17; गिनती 10-14; 20; 27; व्यवस्थाविवरण 34 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_14_128kbps.m4a

## 15. किरिया चो देश

https://openbiblestories.org/l/hlb/story-15/

![](https://cdn.door43.org/obs/jpg/360px/obs-en-15-01.jpg)

आखरी ने, हुन दिन अमरली की इसराएली लोग मन किरिया चो देश कनान ने जाहोत। हुन देश ने यरीहो नाम चो गोटोक नगर रये। हुनचो देख-रेख करतो काजे चारो बाटे मजबूत बीती बड़े दिवाल रली। यहोशू हुन नगर ने दूई जन भेदियो के पटालो। हुन नगर ने गोटोक राहाब नाम चो गोटोक वेश्या रथे रये। हुन उन मनके के लुकाउन हुन मन के नगर ले बचाउन भाती निकरातो काजे सायता करली। आउर हुन महा परबु के विसवास करते रली। जिदल दाय इस्राएली मन यरीहो के नाश करदे तेबे उन मन रहाब आउर हुनचो परिवार के रक्षा करतो काजे किरिया करून रला।

![](https://cdn.door43.org/obs/jpg/360px/obs-en-15-02.jpg)

इसराएली चो लोग के किरिया चो देश ने ओलतो काजे यरदन नदी के पार करतोर रली। महा परबु यहोशू के बललो, "याजक मन के पहले जातो काजे बललो।" जिदलदाय याजक मन यरदन नदी ने हुन मनचो पाव संगावला तेबे पानी थेबली, आउर इसराएली चो लोग नदी चो सूखलो भाटा ने जाउक सकोत्त।

![](https://cdn.door43.org/obs/jpg/360px/obs-en-15-03.jpg)

हुन मन यर्दन नदी के पार करला तो महा परबु यहोशू के बललो, "की यरीहो थाने लड़ाई करतो काजे तियार रतो राय। मांतर हुन खुबे बड़े नगर रये, महा परबु हुन लोग मनके बललो, कि हुन मन चो याजक आउर सेनिक मनके छ: दिन तक हुन नगर चो चारो आउर किन्दरतो राय। आउर सेनिक मन असनी करला।

![](https://cdn.door43.org/obs/jpg/360px/obs-en-15-04.jpg)

आउर सातवा दिने, इसराएली मन हुन नगर के चारो बाटे सात हार किन्दरला। हुन मन नगर के चार हार किन्दरलो पाचे, याजक मन तुरही फुक्ला आउर सेनिक मन खुबे जोरदार कोलार होला।

![](https://cdn.door43.org/obs/jpg/360px/obs-en-15-05.jpg)

आउर यरीहो चो चारो तरफ चो दिवार घसरून गेली! आउर महा परबु आज्ञा देउन रलो इसराएली मन हुन नगर चो हर तीज के नाश करून दिला। आउर हुन मन रहाब आउर हुनचो परिवार के छाड़ुन दिला, हुन मन इसराएली मन चो संग देतो काजे बनुरला। आउर कनान ने रतो लोग सुनला की इसराएली मन यरीहो के नाश करून दिलासोत, उन मन खुबे डारला कि इसराएली मन हुन मनचो संग बले हमला करदे।

![](https://cdn.door43.org/obs/jpg/360px/obs-en-15-06.jpg)

महा परबु इसराएली मनके आज्ञा देऊन रलो, कि कनान ने रतो कोनी बले जाति संगे शान्ति संधि नी करतो रये, मानतर गिबोनीयो नाम चो गोटोक कनानी जाति, यहोशू के झूठ बलला। की कनान चो गोटोक दूर जगा ने गोटोक डेरा ने रहतो। हुन लोग मन यहोशू के बिनती करला कि संगे मिसून रतो काजे। यहोशू आउर इसराएली चो सेनिक मन महा परबु के नी पुछला कि हुन मन के काय करतो राय। हुन मन गिबोनियो संगे शान्ति संधि करला।

![](https://cdn.door43.org/obs/jpg/360px/obs-en-15-07.jpg)

तीन दिन पाचे, इस्राएली मन के मालुम पड्ली की गिबोन चो लोग मन कनान देश ने ची रते रला। हुन मन रिस होला कसन बल्ले गिबिनी लोग मन दोखा देउन रला। मानतर हुन मन चो संग हुन मन शांति संधि के बनाउन रला। मानतर हुन मन महा परबु चो पुरे बनाउन रला। खिंडीक बेरा पाचे, कनान ने रतो दुसरा जाति, एमोरीयो चो राजा मन सुनला कि गिबोनी मन इस्राएली मन संगे शांति संधि करला से, हुनि काजे उन मन अपलो-अपलो सेना मनके जमा करून गोटोक बड़े सेना बनला आउर गिबोनी लोग थाने लड़ाई करला।गिबोनी मन मदद मान्ग्तो काजे यहोशु चो लगे खबर पटाला।

![](https://cdn.door43.org/obs/jpg/360px/obs-en-15-08.jpg)

हुन यहोशू इसराएली मन चो सेना के इकट्टा करलो आउर गिबोनि मन चो लगे जातो काजे सपाय रात हिंडते गेला। बियाने हुन मन एमोरि चो सेनिक मनके चकित करून दिला आउर हुन मन उपरे लड़ाई करुन दिला।

![](https://cdn.door43.org/obs/jpg/360px/obs-en-15-09.jpg)

हुन दिन महा परबु इसराएली मन काजे लड़लो। हुन एमोरियो मन के घबराऊन दिलो आउर बड़े-बड़े बीती करा घसराउन एमोरि मन के मारून दिलो।

![](https://cdn.door43.org/obs/jpg/360px/obs-en-15-10.jpg)

महा परबु बेर के बले बादरी उपरे गोटोक जगह थमाउन दिलो, ताकि इसराएली मन के समय मिरो कि एमोरियो मन के सब बाटले हराऊन देतो काजे। हुन दिने, हुन दिने महा परबु इसराएली मन चो काजे जीता लो।

![](https://cdn.door43.org/obs/jpg/360px/obs-en-15-11.jpg)

तेबे महा परबु हुनचो सेनिक के हरालोर पाचे, खुबे कनानी जाति चो लोग इस्राएल थाने लड़ाई करुक जमा होला। यहोशू आउर इसराएली लोग मन हमला करला आउर हुन मनके सत्यानाश करून दिला।

![](https://cdn.door43.org/obs/jpg/360px/obs-en-15-12.jpg)

ये लड़ाई चो पाचे, महा परबु इसराएल चो सब बंश आउर खुटुम्ब चो लोग के किरिया करु रलो देश दिलो। तेबे महा परबु इसराएल चो सब सिमर थाने शांति प्रदान करलो।

![](https://cdn.door43.org/obs/jpg/360px/obs-en-15-13.jpg)

जेबे यहोशू बुढा होऊ रये, तेबे हुन इसराएल चो सबु लोग मन के गोटोक जगा थाने हाग दीलो। आउर हुन लोग मनके सुरता करालो कि, हुन बादा के पालन करतो काजे किरिया करून रला जोन महा परबु सीने डोंगरी ने बादा बांधून रलो। लोग मन महा परबु चो विसवास ले रतो आउर हुनचो व्यवस्था के पालन करतो काजे बादा करून रला।

*यहोशू 1-24 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_15_128kbps.m4a

## 16. छुडातो बिता

https://openbiblestories.org/l/hlb/story-16/

![](https://cdn.door43.org/obs/jpg/360px/obs-en-16-01.jpg)

यहोशू चो मरलो पाचे, इसराएली मन महा परबु चो आज्ञा के उलघन करला। हुन मन महा परबु चो नियम के पालन नी करला, आउर हुन मन हुन बादा चो देश ने बाचलो कनानियो मनके बाहरे नी निकराला। इसराएली मन आपलो सत महा परबु यहोवा के छाडून कनानि मन चो देवता मन चो उपवास करतो शुरू करला। इसराएली मन लगे कोनी राजा नी रये, हुनी काजे जोंन सत लागली हुनी करला।

![](https://cdn.door43.org/obs/jpg/360px/obs-en-16-02.jpg)

महा परबु चो गोठ नी मानलो कारन इसराएली मन गोटोक नियम के शुरू करला जोंन के खुबे हार दोहरालोर रये। हुन नियम असन परकार ले चलते रये: खिंडीक बरस तक इसराएली मन महा परबु चो नियम के नी मांदे, तेबे हुन उन मन के आपलो दुश्मन मन ले हारान बाती दण्ड देयदे। हुन दुश्मन मन इस्राएली मन चो तीज के लुट पाट करदे, हुनचो धन के नाश करदे आउर हुताले खुबे लोग मनके मारुन देदे। फेर इसराएली मन चो शत्रु हुन मन थाने खुबे बरस तक आत्याचार करदे, हुनचो पाचे इसराएली मन आपलो पाप चो पछताप करदे आउर महा परबु ले बाचतो काजे पारथना करदे।

![](https://cdn.door43.org/obs/jpg/360px/obs-en-16-03.jpg)

सबु हार जिदलदाय इसराएली मन पछताप करदे तेबे महा परबु हुन मन के बचाय दे। हुन गोटोक बचातो बिताचो द्वारा असन करेदे। गोटोक असन माने हुन मन चो शत्रु चो बिरुद्ध लड़ेदे आउर हुनके हारायदे। तेबे देश ने शांति होयदे, आउर हुन बचातो बिता हुनचो उपरे अच्छा ले राज करेदे। महा परबु हुन लोग मनके बचातो काजे खुबे असन बचातो बिता मन के पोटालो। महा परबु लगले गोटोक शत्रु जाती मिधानी मन चो द्वारा इसराएली मनके हरातो ले असन करला।

![](https://cdn.door43.org/obs/jpg/360px/obs-en-16-04.jpg)

मिधयानी मन सात बरस तक इसराएली मन चो खेती बाड़ी चो फसल के काटला। इसराएली लोग मन खुबे डरु रला, आउर हुन मन करपन ने लुकला की मिधयानी लोग मन खोजुक नी सकदे बोलून। मानतर हुन मनके बचातो काजे महा परबु के विनती करला।

![](https://cdn.door43.org/obs/jpg/360px/obs-en-16-05.jpg)

गिदोन नाव चो गोटोक इसराएली मनुक रये। गोटोक दिन, हुन सुनसान जगा ने गेहू पीटते रये ताकि मिद्दानी लोग मन चोरुख नी पावोत। महा परबु चो सरगदूत मन गिदोन लगे एउन हुनके बलला, "की ए शूरवीर सुरमा, महा परबु तुचो संगे आसे। जा आउर इसराएली मनके मिद्दानि लोग मन ले बचाव।"

![](https://cdn.door43.org/obs/jpg/360px/obs-en-16-06.jpg)

गिदोन चो बुआ लगे गोटोक मूर्ति काजे वेदी रये। सबले पहला काम जोन के महा परबु गिदोन के करतो काजे सांगू रये हुन वेदी के टूटातो रये। मानतर गिदोन लोग मन चो ले डरते रये, हुनि काजे हुन राती होतो काजे टाकू रये। तेबे हुन उन वेदी के टुटाउन बाती गोंदा-गोंदा करलो। हुन महा परबु काजे गोटोक नुआ वेदी बनालो आउर हुता महा परबु काजे जतरा चेगालो ।

![](https://cdn.door43.org/obs/jpg/360px/obs-en-16-07.jpg)

दूसर दिन बियाने लोग मन दकला की कोनी हुन वेदी के टुटान गोंदा-गोंदा करून दिला से, हुनी काजे हुन मन खुबे रिस होला। हुन मन गिदोन के मारतो काजे हुनचो घरे गेला, मानतर गिदोन चो बुआ बललो, "तुमि काय काजे तुमचो देवता चो सायता करतो काजे होयसास? यदि हुन सत्ते देवता आय आले हुन आपलो देख भाल खुद करुक दियास!" हुन असन बललो हुनी काजे लोग मन गिदोन के नी मारला।

![](https://cdn.door43.org/obs/jpg/360px/obs-en-16-08.jpg)

तेबे इसराएली मनके झीका उड़मा करतो काजे मिद्दानी लोग मन फेर ले इला। हुन मन खुबे लोग रओत की हुन मन के गिनुक बले नी होते रये। गिदोन हुन मन चो बिरुद्ध लड़तो काजे इसराएली मनके गोटोक संग हाग दिलो। गिदोन मापरु के दूई चिन मांगलो कसन बलले हुनके विसवास होओ महा परबु सते हुनके इसराएली मनके बचातो काजे संगे रये।

![](https://cdn.door43.org/obs/jpg/360px/obs-en-16-09.jpg)

पहला चीन काजे, गिदोन मेंड़ी चो ऊन के भुई ने संगाउन महा परबु के बललो, की बियान चो ओस केवल मेंढी चो ऊन थाने पड़ो आउर भुई ने नी पड़ो। महा परबु असनी करलो। दूसरा राती, हुन महा परबु के बललो, "भुई गिला होवो मांतर मेंढी चो ऊन सुकु रहो। महा परबु असन बले करलो। ए दुय चीना चो कारन गिदोन विसवास करलो की महा परबु सते चाहा आऊ आय की हुन इसराएली मनके मिद्दानी मन ले बचाय दे।

![](https://cdn.door43.org/obs/jpg/360px/obs-en-16-10.jpg)

तेबे गिदोन सेना मन के अपलो लगे हाग दिलो आउर 32,000 मनुक इला। मानतर महा परबु बललो ऐ मन खुबे आसेत। हुनि काजे गिदोन 22,000 लोग मन के घरे आपस पटालो। जोन मन लड़तो काजे डरते रओत। महा परबु गिदोन के फेर बललो की ए मनुक मन एबे बले खुबे आधिक असोत। हुनी काजे गिदोन 300 सेना मनके छड़लो आउर हुन सब के घरे पठालो।

![](https://cdn.door43.org/obs/jpg/360px/obs-en-16-11.jpg)

हुन राती महा परबु गिदोन के बललो, "मिद्दानी मन चो छावनी ने जा आउर हुन मन चो गोटया तो के सुन। कि हुन मन काय-काय गोटियादे, तुय सुनसे तो हुन मन के मारतो ले नी डरसे।" हुनी काजे हुनि राती, गिदोन खाले हुन मन चो छावनि ने गेलो; आउर गोटोक मिद्दानी सेना के आपलो संगवारी के हुन गोट सांगतो बेरा सुनलो जोन के हुन सपना ने दखु रये। ऐ सपना चो अर्थ आय की गिदोन चो सेना हामी मिद्दानी मन के हारा दे!" जिदलदाय गिदोन ए सुनलो तो हुन महा परबु चो धन्यवाद करलो।

![](https://cdn.door43.org/obs/jpg/360px/obs-en-16-12.jpg)

तेबे गिदोन आपलो सेना मन लगे इलो, आउर हुता ले सबके गोटोक-गोटोक नरसिंगा, गोटोक माटी चो पात्र, आउर गोटोक मशाल दिलो। हुन मन उन छावनि के घेरला जोन थाने मिद्दानी सेना मन सोते रओत। गिदोन चो 300 सेना मन आपलो मशाल के माटी चो पात्र ले ढाकलोर रये, हुनी काजे मिद्दानी लोग मन हुन मशाल चो उजर के नी दकुक सकला।

![](https://cdn.door43.org/obs/jpg/360px/obs-en-16-13.jpg)

तेबे गिदोन चो सब सेना मन आपलो पात्र के गोटोकी बेरा ने टुटाउन उदापड़े मशाल चो जोय के दकाऊन दिला। हुन मन आपलो-आपलो नरसिंगा मन के फुंकला आउर चिचयावला यहोवा चो बाटे गिदोन चो तलवार।"

![](https://cdn.door43.org/obs/jpg/360px/obs-en-16-14.jpg)

महा परबु मिद्दानी मनके डराउन दिलो, हुनि काजे हुन मन गोटोक दुसर के मार-काट करते रहोत। जेटके ले, गिदोन खबर देतो बीता मन के खुबे दुसर इसराएली मनके मिद्दानि मन चो पीछा करतो काजे हुन मन चो सायता करतो काजे हाग देतो काजे पटायलो। हुन मन हुन लोग मन ले खुबे लोग मारुन दिला आउर बाकी लोग मन चो पीछा करून हुन मन के इसराएली देश ले निकराउन दिला। हुन दिन 1,20,000 मिद्दानी के मारला असन परकार ले महा परबु इसराएली के बाचालो।

![](https://cdn.door43.org/obs/jpg/360px/obs-en-16-15.jpg)

हुन मन गिदोन के आपलो राजा बनाउक चाहते रला, मानतर गिदोन असन होउक नी दिलो, मांतर हुन उन मन ले सोना चो आभूषण के मांगलो; जोन कि सबु लोग मन मिद्दानि मन ले लुटू रहोत। हुन मन गिदोन के खुबे सोना दिला।

![](https://cdn.door43.org/obs/jpg/360px/obs-en-16-16.jpg)

तेबे गिदोन सोना के पिनतो बीती वस्त्र बनालो जसन कि महाराजा मन पिन्दते रहोत। मांतर लोग मन हुनचो पूजा पाठ करुक मुरयाला, जसन की मूर्ति असन। तेबे महा परबु इसराएली मन के फेर दंड दिलो, कसन बलले हुन मन मूर्ति चो उपासना करु रला। महा परबु हुन मन चो शत्रु मनके जीत तो काजे मदद करलो। आउर हुन मन फेर ले महा परबु ले सायता काजे पारथना करला, आउर महा परबु हुन मन के बचातो काजे आउर फेर छुड़ातो काजे गोटोक माने के पटालो।

![](https://cdn.door43.org/obs/jpg/360px/obs-en-16-17.jpg)

ए गोट खुब हार घटली, इसराएली मन पाप करदे, महा परबु हुन मन के दण्ड देयदे, हुन मन पश्चाताप करदे, आउर महा परबु हुन मन के छुड़ातो काजे कोनी माने के पटायदे। कई बरस तक, महा परबु खुबे बाचातो बीता मन के पटालो जोन कि इसराएली मनके हुनचो शत्रु मन ले बचाला।

![](https://cdn.door43.org/obs/jpg/360px/obs-en-16-18.jpg)

आखिर ने, हुन लोग मन दुसर देश चो असन महा परबु ले आपलो काजे गोटोक राजा चो मांग करला। हुन मन गोटक असन राजा के चाहते रला की उन शक्तिशाली आउर ढेंगा हो, आउर लड़ाई ने हुन मन के अगुवाई करो। महा परबु के ए गोट पसंद नी इली, मांतर उन हुन मनके असनी राजा के दिलो, जसंन राजा हुन मन चाहते रला।

*न्यायियों अध्याय 1-3; 6-8; 1 शमूएल 1-10 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_16_128kbps.m4a

## 17. दाउद संग महा परबु वादा

https://openbiblestories.org/l/hlb/story-17/

![](https://cdn.door43.org/obs/jpg/360px/obs-en-17-01.jpg)

शाउल इसराएली चो पहिला राजा रलो। हुन डेंग आउर सुन्दर रलो, जसन लोग मन चाहते रला असनी। इसराएली देश ने हुनचो राज करतो आगे, कुछ बरस तक शाउल अच्छा राजा रलो। मानतर खिंडिक बरस पाचे हुन शाउल खराब माने बनलो, हुन महा परबु चो गोट नी धरलो, हुनी काजे महा परबु गोटोक दुसर माने के चुनलो ताकि गोटोक दिने उन चो जगा ने राजा बने दे।

![](https://cdn.door43.org/obs/jpg/360px/obs-en-17-02.jpg)

महा परबु दाऊद नाव चो गोटोक जुआन इसराएली माने के चुनुन बाती गोटोक दिन शाहुल चो जगा ने राजा होतो काजे हुनके तियार करुक मुरयालो। दाउद बेतलहम नाव चो नगर चो गोटोक छेरी मेंडी चरातो बिता धोरिई रलो। कई बरस पहले दाउद बाग आउर भालू दुनो के मारु रलो, कसन बले हुनचो बुआ चो छेरी मेंडी के चरातो बेरा बागआउर भालू मन खातो काजे हमला करून रला। दाउद सीदा सादा आउर धरमी माने रलो। हुन महा परबु थाने भरोसा करलो आउर हुनचो गोट के मानलो।

![](https://cdn.door43.org/obs/jpg/360px/obs-en-17-03.jpg)

दाउद एबे जुवान माने ही रलो, हुन ढेंग-ठोसर गोलियत चो बिरुद ने लड्लो। गोलियत गोटोक अच्छा सैनिक रये। हुन खुबे ठोसर आउर छय हाथ गोटोक बीतता चो ढेंग रलो! मांतर महा परबु गोलियत के मारतो काजे आउर इसराएली मन के बचातो काजे दाउद के मदद करलो। हुनचो पाचे, दाउद इसराएली मन चो शत्रु मन चो उपरे खुबे हार जीतलो। दाउद गोटोक बड़े सेना बनलो, आउर हुन खुबे लड़ाई मन थाने इसराएली लोग चो अगुवाई करलो। आउर हुनी लोग मन हुन दाउद के खुबे प्रसंशा करला।

![](https://cdn.door43.org/obs/jpg/360px/obs-en-17-04.jpg)

लोग मन दाउद के ईतलो मया करला कि शाउल दाउद के रिस होउक मुरयालो। आउर शाउल दाउद के मारतो काजे बिचार करलो, उनी काजे दाउद शाउल आउर हुनचो सैनिक मन ले लुकतो काजे रान भीतरे पोरालो। गोटोक दिन, शाउल आउर हुनचो सैनिक मन दाउद के खोजुक गेला, आउर शाउल गोटक रान भीतरे गेलो जोन थाने दाउद लुकु रये। मानतर शाउल नी दकलो। दाउद पाट कुती ले हुन चो लगे गेलो आउर शाउल चो फटही के खिंडीक गोंदा करलो। पाचे, शाउल उन थान ले निकरलो तो दाउद जोर ले चिचयाउन फटही के दकालो। असन प्रकार ले, शाउल जानलो कि, दाउद राजा बनतो काजे शाउल के मारतो नो इनकार करलो।

![](https://cdn.door43.org/obs/jpg/360px/obs-en-17-05.jpg)

खूब दिन चो पाचे, शाउल लड़ाई ने मोरलो, आउर दाउद इसराएली देश चो राजा बनलो। हुन गोटोक अच्छा राजा रये, आउर लोग मन हुनके मया करला। महा परबु दाउद के आशीर्वाद दिलो आउर अच्छा बनालो। दाउद खुबे लड़ाई मन लड़लो, आउर महा परबु इसराएली चो शत्रु मनके पराजित करतो काजे हुन मनके सायता करलो। आउर दाउद यरूशलेम के जितुन हुनके राजधानी बनालो। आउर उन हुनि थाने रहून राज करलो। दाउद चालीस बरस तक राजा रलो। हुनी बेरा, इसराएल सामर्थी आउर धनी देश बनली शांति।

![](https://cdn.door43.org/obs/jpg/360px/obs-en-17-06.jpg)

दाउद गोटोक मन्दिर बनाउक चाहते रये, जोन थाने इसराएली लोग मन सबु महा परबु चो आराधना करुक सकदे आउर हुनचो काजे जत्रा दान चेगा तो काजे। लगभग 400 बरस ले, हुन लोग मन मूसा चो बनालो मिलाप बीती तम्बू ने महा परबु चो आराधाना करते रओत, आउर हुनचो काजे जत्रा दान चेगाते रओत।

![](https://cdn.door43.org/obs/jpg/360px/obs-en-17-07.jpg)

मानतर हुन थाने नातान नाव चो गोटोक अगमजानी रये। महा परबु हुनके दाउद के ए सांगतो काजे पटालो: "तुई खुबे लड़ाई के लड़ली सिस, हुनी काजे तुई मोचो काजे ए मंदीर के नी बनासे।तुचो बेटा एके बनाय दे। तेब ले बले, मय तुके खुबे आशीर्वाद देंयेंदे। तुचो गोटोक बंश जुग-जुग काजे मोचो लोग मन लगे राजा चो रूप ने राज करेदे।" जुग-जुग काजे राज करतो बिता हुन दाउद चो गोटोक बंश मसीह रये। मसीह महा परबु चो चुनलो मनुक रये, जोन मंजपुर चो लोग मनके हुन मन चो पाप ले बचाय दे।

![](https://cdn.door43.org/obs/jpg/360px/obs-en-17-08.jpg)

जिदलदाय दाउद नातान चो ए गोट के सुनलो तेबे महा परबु चो धन्यवाद करलो आउर हुनचो स्तुति करलो। महा परबु हुनचो मान समान के बड़ाते रये, आउर हुनके खुबे आशीर्वाद देते रये। मानतर दाउद नी जानते रये की महा परबु ए गोट मनके केबे करेदे। ए बेरा हामी जानु से की इसराएली मनके खुबे बेरा ले, लगभग 1,000 बरस तक मसीह के एतो चो बाट दकुक पड़ेदे।

![](https://cdn.door43.org/obs/jpg/360px/obs-en-17-09.jpg)

दाउद खुबे बरस ले धरम ले आपलो लोग मन लग राज करलो। हुन बड़े भक्ति ले महा परबु के मानलो। आउर महा परबु हुनके आशीषित करलो। मानतर, आपलो जीवन चो आखिरी ने हुन महा परबु चो विरुद ने भयानक पाप करलो।

![](https://cdn.door43.org/obs/jpg/360px/obs-en-17-10.jpg)

गोटोक दिन दाउद आपलो महल ले बाहरे निहार लो, आउर गोटोक सुन्दर बायले के नहातो बेरा दकलो। हुन मन के नी जानते रये, मानतर हुन पता करलो की हुनचो नाव बेतशेबा आय।

![](https://cdn.door43.org/obs/jpg/360px/obs-en-17-11.jpg)

आपलो नजर के फिराउक छांडून, दाउद हुनके आपलो लगे आनतो काजे गोटोक मनुक के पटालो। हुन हुनचो संगे सोहलो आउर हुनके आपस घरे पटाउन दिलो। खिंडीक समाया पाचे बेतशेबा ए बोलून दाउद लगे चिटठी पटाली की हुन देहबारी आसे।

![](https://cdn.door43.org/obs/jpg/360px/obs-en-17-12.jpg)

बतशेबा चो मनुक उरिय्याह नाव चो गोटोक मनुक रये। उन दाउद चो सबले अच्छा सेना मन ले एकला रये। हुन बेरा उन लड़ाई ने जाऊ रये। दाऊद उरिय्याह के लड़ाई ले आपस हाग देऊन हुन आपलो बायले संगे रतो काजे बललो। मानतर आदो सेना मन लड़ाई ने रओत, हुनी काजे उरिय्याह घरे जातो काजे मना करलो। तेबे दाऊद उरिय्याह के आपस लड़ाई ने पटालो। आउर सेना मन चो मुख्या के सांग्लो कि उन के लड़ाई चो असन जगा ने रतो काजे बललो, "जहाँ शत्रु मन सब ले ताकतवर होओत ताकि हुन लड़ाई ने मोरो।" तेबे असनी होली की उरिय्याह लड़ाई ने मोरलो।

![](https://cdn.door43.org/obs/jpg/360px/obs-en-17-13.jpg)

उरिय्याह लड़ाई ने मोरलो चो पाचे, दाउद बतशेबा संगे बिया होलो। पाचे, हुन दाउद चो बेटा के जनम दिली। दाउद जोन करलो हुनचो ले महा परबु खुबे रिस होलो, हुनी काजे हुन नातान अगमज्ञानी के दाउद के ए सांगतो काजे पटालो की हुनचो पाप कितरो गलत रये। दाउद आपलो पाप चो पछताप करलो आउर महा परबु हुनके क्षमा करलो। आपलो बाचलो जीवन ने, आपलो कठिन समया ने बले दाउद महा परबु चो पाट-पाट हिंडलो आउर हुनचो गोट के मानलो।

![](https://cdn.door43.org/obs/jpg/360px/obs-en-17-14.jpg)

मानतर दाउद चो बेटा मोरलो। असन रीती ले महा परबु दाउद के दण्ड दिलो। एके छाडून, दाउद चो मोरतो तक, हुनचो आपलो परिवार चो आदो लोग मन दाउद चो बिरुद्ध लड़ाई करला, आउर दाउद चो आपलो ताकत कम होऊ रये। मानतर महा परबु बिसवासयोग्य रये, आउर एबे बले हुन हुनी करलो जोन हुन दाउद के करतो काजे बादा करू रये। पाचे, दाउद आउर बतशेबा चो दुसरा बेटा जनम होलो आउर हुन मन हुन चो नाव सुलैमान संगाला।

*1 शमूएल 10; 15-19; 24; 31; 2 शमूएल 5; 7; 11-12 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_17_128kbps.m4a

## 18. अलग होलो राज

https://openbiblestories.org/l/hlb/story-18/

![](https://cdn.door43.org/obs/jpg/360px/obs-en-18-01.jpg)

दाउद राजा चालीस बरस तक राज करलो। तबे हुन मोरलो, आउर हुनचो बेटा सुलैमान इसराएली मन लगे राज करतोर शुरू करलो। महा परबु सुलैमान चो संगे गोठयालो आउर हुनके पुछलो की तुय सबले अधिक काय के मन करुवास? की महा परबु हुनचो काजे करो। सुलैमान महा परबु के मांगलो की हुन हुनके खुबे बुद्धिमान बनाउन देवो। ए गोट ने महा परबु हरिक होलो, हुनि काजे महा परबु सुलैमान के मंजपुर चो सबले अधिक बुद्धिमान मनुक बनान दिलो। सुलैमान खुबे गोट के सिकलो आउर हुन गोटोक बुद्धिमान राजा रये। आउर महा परबु हुनके खुबे धनवान बनाउन दिलो।

![](https://cdn.door43.org/obs/jpg/360px/obs-en-18-02.jpg)

यरूशलेम ने सुलैमान हुन मंदिर के बनालो जेचो काजे हुनचो बुआ योजना बनाऊन रये, आउर समान आनुन रये। एबे लोग मन मिलाप चो तंबू चो जगह के छाडून मंदिर ने महा परबु चो आराधना करते रओत, आउर हुनचो काजे जत्रा दान चेगाते रओत। महा परबु एवुन मंदिर ने रते रये, आउर हुता आपलो लोग मन संगे रते रये।

![](https://cdn.door43.org/obs/jpg/360px/obs-en-18-03.jpg)

मानतर सुलैमान दुसरा देश चो बायले मन के मया करलो। हुन खुबे, लगभग 1,000 बायले मन संगे बिया होउन महा परबु चो आज्ञा के नी मानलो, एता ले आदो बायले मन दुसरा देश ले ईला आउर आपलो संगे आपलो देवता मन के आनला। आउर हुनचो उपास रतो शुरु करला। तेबे सुलैमान डोकरा होलो हुन बले हुन मनचो देवता चो उपास करलो।

![](https://cdn.door43.org/obs/jpg/360px/obs-en-18-04.jpg)

हुनी काजे महा परबु सुलैमान संगे रिस होऊ रये। हुन सांगलो की इसराएल देश के दुय राज्य बनातो ले दण्ड दिवाय। हुन सुलैमान चो मोरलो पाचे असनी करेदे।

![](https://cdn.door43.org/obs/jpg/360px/obs-en-18-05.jpg)

सुलैमान चो मोरतो के, रह्बाम राजा बनलो। इसराएली देश चो सबु लोग मन हुनके आपलो राजा मानतो काजे रुंडला। हुन मन रह्बाम के सांगला, सुलैमान हामके खुबे डण्ड बुता करालो आउर खुबे उसिल करते रये, हुन मन रह्बाम के सांगला की हामके कम बुता कराव।

![](https://cdn.door43.org/obs/jpg/360px/obs-en-18-06.jpg)

मानतर रह्बाम हुन मन के खुबे रिस ने बललो, "तुमी सांगसास की मोचो बुआ सुलैमान तुमके डण्ड बुता करालो।" मानतर मय तुमके हुनचो ले अधिक दण्ड बुता करायेंदे आउर मय तुमके हुनचो ले अधिक डण्ड करूवाय।

![](https://cdn.door43.org/obs/jpg/360px/obs-en-18-07.jpg)

जिदलदाय लोग मन असन बोलतो समया सुनला तो खुबे रिस ने बिरुद करला। आउर दस कुटुम परिवार उनके छांडला; एबे उनचो संगे दुय कुटुम परिवार बाचला। हुन मन उन याहुदा चो राज बलला।

![](https://cdn.door43.org/obs/jpg/360px/obs-en-18-08.jpg)

आदो दस कुटुम परिवार यारोबाम नाव चो गोटोक मनुक के आपलो राजा बनाला। ए कुटुम देश चो उत्तर दिशा ने हुन मन खुद के इसराएल चो राज मानला।

![](https://cdn.door43.org/obs/jpg/360px/obs-en-18-09.jpg)

मानतर यारोबाम महा परबु चो बिरुद बुता करलो, आउर लोग मनके पाप करालो। हुन आपलो लोग मन चो द्वारा उपास करतो काजे दुय ठन मूर्ति बनालो। एमन एबे यहूदा चो राज ने यरूशलेम ने, महा परबु चो मंदिर ने आराधना करूक लाय नी गेला।

![](https://cdn.door43.org/obs/jpg/360px/obs-en-18-10.jpg)

यहूदा आउर इसराएली चो राज दुश्मन बनला, आउर गोटोक दुसर चो बिरुद्ध लड़ाई करुक मुरयाला।

![](https://cdn.door43.org/obs/jpg/360px/obs-en-18-11.jpg)

इसराएली चो नुवा राज ने, सबु राजा दुष्ट रओत। एमन थान ले आदो राजा मन हुन मन चो जगा ने राजा बनतो काजे होते रहोत, हुन लोग मनके दूसरा इसराएली मन चो हाथे मराला।

![](https://cdn.door43.org/obs/jpg/360px/obs-en-18-12.jpg)

इसराएली राज चो सबु राजा मन आउर हुन लोग मन मूर्ति चो उपास करला। जिदलदाय हुन मन असन करला तेबे अधिक बेबिचारिनी मन संगे सोहला, आउर खुबे आउर मूर्ति मन चो लगे पिला मनके जतरा जत्रा बले करला।

![](https://cdn.door43.org/obs/jpg/360px/obs-en-18-13.jpg)

यहूदा राज चो राजा, दाउद चो पुरखा चो रओत। ऐ राजा मन थानले आदो अच्छा लोग रओत, जोन अच्छा ले राज करला। आउर महा परबु चो आराधना करला, मानतर यहूदा चो आदो राजा मन दुष्ट रओत। हुन मन दुष्टता ले राज करला आउर मूर्ति मन चो उपास करला। एथाले कि एमन थानले आदो राजा मन पिला मनके झूठा देवता चो पुरे जत्रा करला। यहूदा चो आदो लोग मन बले महा परबु चो बिरुद काम करला आउर दुसरा देवता चो उपास करला।

*1 राजा 1-6; 11-12 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_18_128kbps.m4a

## 19. अगमज्ञानी

https://openbiblestories.org/l/hlb/story-19/

![](https://cdn.door43.org/obs/jpg/360px/obs-en-19-01.jpg)

महा परबु सब समया इसराएली मन लगे अगमज्ञानी मन के पटाते रलो। अगमज्ञानी मन महा परबु चो गोट के सुनते रला आउर लोग मनके सांगते रओत।

![](https://cdn.door43.org/obs/jpg/360px/obs-en-19-02.jpg)

जिदलदाय अहाब इसराएल राज ने राजा रलो हुनी समया ने एलिय्याह अगमज्ञानी रलो। अहाब खराब माने रये, देवता के मानतो काजे लोग मनके बिबश करते रलो। हुनी काजे एलिय्याह अहाब के बललो, "महा परबु हुनलोग मनके डण्ड देतो काजे जाते रये। हुन हुनके बललो, “जिदलदाय ले पानी ऐतो काजे नी बलें तेबे तक इसराएल राज ने बरसा नी होए, आउर ना ओश बले घसरे दे।" ए गोट अहाब के इतलो रीस दिली कि हुन एलिय्याह के मारतो बिचार बनालो।

![](https://cdn.door43.org/obs/jpg/360px/obs-en-19-03.jpg)

ऐइ काजे एलिय्याह के महा परबु बललो, "की जंगल ने जाऊन आहाब ले लूकुन रा। एलिय्याह हुन जंगल ने नदी लगे गेलो जोन थाने महा परबु बोलून रये। रोजे बियाने आउर सांजे कांवा मन एलिय्याह काजे रोटी आउर मांस धरून ऐते रओत। हुन बेरा आहाब चो सैनिक एलिय्याह चो पीछा करते रओत मानतर नी भेटुक सकते रोओत।

![](https://cdn.door43.org/obs/jpg/360px/obs-en-19-04.jpg)

बरसा नी होतोर लागुन खिंडीक समया पाचे हुन नदी सुकून गेली। ऐइ काजे एलिय्याहह लगे चो देश ने जाते गेलो हुन देश ने गोटोक गरीब बिधवा बायले रये। जेचो गोटोक बेटा रये, हुन मन लगे खातो समान लगभग सरासरी होउन रये। कसन बल्लोने हुता काई फसल नी होऊ रये, मानतर फेर बले हुन बायले एलिय्याहह चो देक-रेक करली। एइ काजे महा परबू हुनचो आउर हुनचो बेटा मन चो जरुरत मन के पूरा करलो, एई कारन हुनचो आंटा चो भंडवा आउर हुनचो तेल डब्बा केबइ खाली नी होली, आउर पूरा भुकमरी चो समया हुनमन लगे खातो समान रये, एलिय्याहह खिंडीक बरस हुता रलो।

![](https://cdn.door43.org/obs/jpg/360px/obs-en-19-05.jpg)

साढ़े तीन बरस चो पाचे, महा परबू एलिय्याहह ले बललो कि हुन फेर ले बरसा करेदे। हुन एलिय्याह के फेर ले इसराएल चो देश ने जाउन आहाब के गोटयातो काजे बललो। एइ काजे एलिय्याह आहाब लगे गेलो, जिदलदाय आहाब हुनके दकलो तो हुन हुनके बललो, "अच्छा तुय आस परेशानी उपजास करू बिता। एलिय्याह जबाप दिलो परेशानी उपजास करू बिता तो तुय आस। तुय महा परबू के छांडुन दिलीस मान्तर तुय बाल चो पूजा करुआस! ऐदाय तुके इसराएल राज चो सब लोग मन के कार्मेल डोंगरी ने धरून आनतो राय।

![](https://cdn.door43.org/obs/jpg/360px/obs-en-19-06.jpg)

आउर सब लोग मन कार्मेल डोंगरी लगे गेला। आउर उन मुनुक मन बले गेला जोन बाल चो खबर के बोलते रला। ए मन बाल चो अगमज्ञानी रला। हुन सबु 450 जन रला। एलिय्याह लोग के बललो, “तुमी केबे तक ले तुमचो मन के फिराउन रउआस? यदि यहोवा महा परबु आय तो हुनचो आराधना करा! आउर अगर बाल महा परबू आय तो हुनचो उपास करा!"

![](https://cdn.door43.org/obs/jpg/360px/obs-en-19-07.jpg)

तेबे एलिय्याह बाल चो अगमज्ञानी मन के बललो, "गोटोक हुन मेंढा के मारून हुनचो मांस के जतरा करून बेदी ने सांगआ, मान्तर आइग नी जलाआ। आउर हुनचो बाद मय बले उसनी ची करेंदे, आउर अलग वेदी ने मांस संगायेंदे आउर अगर महा परबु बेदी ने आइग घसरायदे तेबे तुमी जाना से की हुनी सच्चा महा परबु आय। तेबे बाल चो अगमज्ञानी मन गोटोक जतरा करतो काजे तियार करला मानतर आइग नी लगाला।

![](https://cdn.door43.org/obs/jpg/360px/obs-en-19-08.jpg)

बाल चो अगमज्ञानी मन प्रार्थना करला, "हे बाल देवता आमचो सुन!" फेर पूरा दिन हुन मन प्रार्थना करला आउर चिचयावला एथाले कि खुद के खडरी संगे काटून बले दिला, मान्तर बाल जबाप नी दिलो आउर हुन आइग नी घसरालो।

![](https://cdn.door43.org/obs/jpg/360px/obs-en-19-09.jpg)

बाल चो अगमज्ञानी मन पूरा दिन प्रार्थना करला। आउर आखरी ने हुन मन प्रार्थना करतोर बंद करला। मानतर एलिय्याह दुसर बैला चो मांस के महा परबु चो बेदी ने संगाउन दिलो। आउर हुनचो पाचे, हुन लोग मन के पानी चो बड़े भांडवा के हुन जत्रा चेगालो बीती ने रिकाक बललो, जिदलदायले कि मांस आउर दारु आउर एथाले कि बेदी चो लगे लगे चो पुइतराय भुई भिजुन नी गेली।

![](https://cdn.door43.org/obs/jpg/360px/obs-en-19-10.jpg)

तेबे एलिय्याह प्रार्थना करलो हे यहोवा अब्राहम,इसहाक, आउर याकूब चो महा परबू, आमके दकाव कि तुय इसराएल चो महा परबू आस आउर ये कि मय तुचो दास आंय मोके जबाप देस कि ये जानदे कि तुय सत महा परबू आस।

![](https://cdn.door43.org/obs/jpg/360px/obs-en-19-11.jpg)

तुरते बादरी ले आइग घसरली आउर हुन मांस, दारु गोटी माटी आउर एथाले कि बेदी चो लगे लगे चो पानी के बले जलान दिली जिदलदाय लोगमनये दकला भुई ने घसरून पड़लाआउर बलला यहोवा ची महा परबू आय, यहोवा ची महा परबू आय।

![](https://cdn.door43.org/obs/jpg/360px/obs-en-19-12.jpg)

तेबे एलिय्याह बललो बाल चो गोटोक बले अगमज्ञानी बाचुन नी जाऊक सको, एइ काजे लोगमन बाल चो अगमज्ञानी मन के धरला, आउर हुनमन के हुता ले अलग नेउन हुनमन के मारला।

![](https://cdn.door43.org/obs/jpg/360px/obs-en-19-13.jpg)

तेबे एलिय्याह आहाब राजा के बललो, "झटके आपलो घरे पराव कसन बल्लोने बरसा होतो बीती झटके बादरी ढाकेसे।" आउर घोर बरसा शुरू होली, यहोवा हुन सुखा के ख़तम करते रये एचो ले परकट होली कि यहोवा ची सत महा परबू आय।

![](https://cdn.door43.org/obs/jpg/360px/obs-en-19-14.jpg)

जिदलदाय एलिय्याह हुनचो बुता के सारलो, तो महा परबु एलिशा नाव चो गोटोक मुनुक के हुनचो अगमज्ञानी होतो काजे चुनलो। महा परबु एलिय्याह चो माध्याम ले खुबे चमत्कार करलो। गोटोक चमत्कार नामान संगे होली, आउर हुन शत्रु चो सेनिक चो सरदार रलो। मातर हुनके चामड़ी चो गोटोक रोग होउन रली! नामान एलीशा चो बारे ने सुनुन रलो। हुनी काजे हुन एलीशा लगे ईलो आउर हुनके चंगा करतो काजे बिनती करलो। एलीशा नामन ले बललो, यर्दन लंदी चो पानी ने सात हार बुडून निकर।

![](https://cdn.door43.org/obs/jpg/360px/obs-en-19-15.jpg)

नामान रिस होलो, हुन असन करतो काजे मना करलो कसन बल्लो ने ये हुनके बोया मन चो बुता माहा लागते रये। मान्तर पाचे हुन आपलो मन के बदललो,आउर जाउन यरदन लंदी चो पानी ने सात हार बुडून निकरलो। जिदलदाय हुन आखरी दाय पानी ले बाहर निकरलो तो महा परबू हुनके चेंगा करलो।

![](https://cdn.door43.org/obs/jpg/360px/obs-en-19-16.jpg)

महा परबु इसराएल चो लोग मन चो लगे खुबे अगमज्ञानी मन के पटालो। हुन मन मूर्ति मन चो आराधना बन्द करतो काजे बलला। एचो पलटा हुनमन के गोटोक दुसर संगे अच्छा ले बरताव करतोर आय। आउर गोटोक दुसर उपरे दया करतोर आय, हुन अगमज्ञानी मन लोग मन के चेताला कि हुन मन के गलत काम मन करतोर छांडून देतो राय। आउर एचो बदला ने महा परबू चो गोट मन चो पालन करतोर आय। अगर हुन लोग मन असन नी करदे तो महा परबू हुनमन के दोषी मानून हुनमन चो नियाय करेदे आउर हुनमन के डण्ड देयदे ।

![](https://cdn.door43.org/obs/jpg/360px/obs-en-19-17.jpg)

खूब समया तक हुन लोग मन महा परबू चो गोट के नी मानला। हरमेशा हुनमन अगमज्ञानी मन संगे गलत बेबार करला, ये थाले कि केबे-केबे हुनमन के मारून देओत, एक हर हुनमन यिर्मियाह अगमज्ञानी के सुखा चूआं ने घसराला आउर हुनके हुता मोरतो काजे छांडून दिला। हुन चूआं ने तले चिकल ने धसलो, मान्तर राजा के जिदलदाय हुनचो उपरे दया इली आउर हुन आपलो सेनिक मन के बललो कि यिर्मियाह चो मोरतोर ले पयले हुनके चूआं ले बाहरे झीका।

![](https://cdn.door43.org/obs/jpg/360px/obs-en-19-18.jpg)

आगमज्ञानी मन महा परबू चो बाटले बोलतोर नी छांडला। भले लोग मन हुनमन के रिस होला। हुनमन लोगमन के चेताला कि अगर हुनमन नी पासतादे, तो महा परबू हुनमन के नाश करून देयदे। हुनमन लोगमन के ये बले सुरता दियाला। कि महा परबू हुनमन लगे मसीह के पटातो काजे बायदा करलो से।

*1 राजा 16-18; 2 राजा 5; यिर्मयाह 38 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_19_128kbps.m4a

## 20. रिहा होतोर

https://openbiblestories.org/l/hlb/story-20/

![](https://cdn.door43.org/obs/jpg/360px/obs-en-20-01.jpg)

इसराएल चो राज आउर यहूदा चो राज दुनो महा परबू चो बिरुद ने पाप करला। हुनमन हुन बायदा के टूटाला जोन महा परबू हुनमन संगे सीनै ने बांधून रये। महा परबू हुनमन के पसतावा करून आउर फेर ले हुनचो आराधना करतो काजे चेतावनी देतो काजे आपलो अगमज्ञानी मन के पटालो। मान्तर हुन लोगमन अगमज्ञानी मन चो गोट मानतो ले मुकरला ।

![](https://cdn.door43.org/obs/jpg/360px/obs-en-20-02.jpg)

मान्तर महा परबू हुनमन चो बिरुदी मन के हुनके, नाश करतो ने, सहायता करतो ने दुनो राज मन के डण्ड दिलो। अश्शुर गोटोक दुसर राज रली जोन खुबे बलबीती राज होउन रली, हुनमन दुसर राज मन काजे खुबे निरदई बले रला। हुनमन एउन इसराएल चो राज के नाश करला, अश्शुरी मन एउन इसराएल चो राज ने खुबे लोगमन के मारला आउर जोन हुनमन मन करला हुताले धरला आउर राज चो कितलो भाग के जलान दिला।

![](https://cdn.door43.org/obs/jpg/360px/obs-en-20-03.jpg)

अश्शुरी मन ने सब अगुवा मन सवकार मन आउर असन लोगमन जोन माहांग चीज मन के बनाक सकते रओत, गोटक संगे रुंडा करला। आउर हुनमन के अश्शुरी राज ने नीला, इसराएल ने खिंडीक असन गरीब इसराएली मन बाचला।

![](https://cdn.door43.org/obs/jpg/360px/obs-en-20-04.jpg)

आउर अश्शुरि लोग हुन देश ने रतो काजे अश्शुर देश चो लोग के आनला आउर हुनदेश चो आउर हुन नगर के फिर ले बनाला। आउर इसराएली लोग बचूंन रला हुन मन के विवाह करला आउर हुन मन चो वंशज सामरी बलुन होला।

![](https://cdn.door43.org/obs/jpg/360px/obs-en-20-05.jpg)

यहूदा चो लोग मन द्कला आउर महा परबु हुन मन चो विसवास नी करतोर आउर गोट के नि मांनतोर कारुण ने इसराएल चो राज्य चो लोग के दण्ड दिलो। फिर बले कनानिय मन चो देवी देवता चो उपासना करला। महा परबु हुन मन के चेतावनी देतो काजे अज्ञमजानी के पटालो मानतर सुनतो काजे इन्कार करला।

![](https://cdn.door43.org/obs/jpg/360px/obs-en-20-06.jpg)

लगभग 100 बरक चो पाचे, अश्शुरियों ने इसराएली राज के नाश करून दिला। परमेश्वर ने बेबिलन चो राजा, नबुकदनेसर के यहूदा राज ने हमला करतो काजे पटालो। बेबीलोन खुबे शक्तिशालि रलो। यहूदा चो राजा नबुकदनेसर चो कमिया बनतो काजे औउर हर बरक हुनचो खुबे धन देतो काजे, आउर चुकारा करतो काजे राजी होहुन गेलो।

![](https://cdn.door43.org/obs/jpg/360px/obs-en-20-07.jpg)

मानतर खिंडिक बरस पाचे, यहूदा चो राजा ने बेबीलोन चो विरुद ने काम करलो। आउर बेबीलोन आउर बेबीलोन चो लोग मन आपस ऐऊन भाति यहूदा राज्य ने हमला करला, आउर यरूशलेम नगर ने कब्जा करलो आउर मन्दिर के नाश करलो। आउर मन्दिर चो सोना चांदी के लुटून नीला।

![](https://cdn.door43.org/obs/jpg/360px/obs-en-20-08.jpg)

बलवा करतो कारण यहूदा चो राजा के दण्ड करतो काजे नाबुकदेनेसर चो सैनिक मन राजा चो बेटा के हुनचो पुरे मारला। आउर हुनके अंधा करून दिला, हुनचो पाचे, उन चो पाचे उन मन राजा के निला ताकि उन बेबीलोन चो जेल घर थाने मोरो।

![](https://cdn.door43.org/obs/jpg/360px/obs-en-20-09.jpg)

नबुकदेनेसर आउर हुनचो सैनिक मन यहूदा चो राज्य चो लगभग हुनसब लोग के बेबीलोन नीला आउर गरीब लोग मनके छाडून भाति बेडा मन ने फसल उगातो काजे, हुन बेरा चो काल के बंधाआई बोलला। आउर महा परबु चो लोग मनके किरिया चो देश ने निकर तो काजे विवश करला।

![](https://cdn.door43.org/obs/jpg/360px/obs-en-20-10.jpg)

बले ही महा परबु आपलो लोग मन के उन मन चो पाप चो कारण बंधवाई ने जातो ले दण्ड दिलो। फेर बले हुन आपलो किरिया के नी भुलक लो। महा परबु आपलो लोग के निगरानी करतोर जारी रखूंन रये। और आपलो अगमजानी मन चो द्वारा गोट बात करते रलो। हुन बादा कि सतर बरस चो पाचे, हुन मन फिर ले किरिया चो देश ने जाउ आत।

![](https://cdn.door43.org/obs/jpg/360px/obs-en-20-11.jpg)

लगभग सतर बरस पाचे, फारस चो राजा कुस्त्र बेबीलोन के हारा लो। उन्ही काजे बेबीलोन ने फारस चो राज ने खूब राज के राज करलो। इसराएली चो लोग मन के एबे यहूदा बोल्ला। हुन मन पूरा जीवन बेबीलोन ने बिताला, किंडीक असन डोकरा-डोकरी यहूदी मन के ही यहूदा देश सुरता रली।

![](https://cdn.door43.org/obs/jpg/360px/obs-en-20-12.jpg)

फारसी लोग मन खुबे ताकत बिता मन रला। मातर हुन मन जोन जितुन रला हुन मन के दया करनू रला। फारसी मन चो राजा बनलो किंडीक बेरा पाचे, कुस्त्रू ने गोटोक आदेश दिलो, कोनी बले यहूदी यहुदा देश ने आपस जातो काजे बीचार करे से तो, हुन फारस ले निकरुन हुन यहूदा ने जाउक सके। आउर हुन मंदिर के बनातो काजे फिर ले धन दिलो। आउर बन्धुआई चो सत्तर वर्ष पाचे, यहूदी मन चो गोटोक छोटे समूह चो यहूदा ने यरूशलेम आपस इला।

![](https://cdn.door43.org/obs/jpg/360px/obs-en-20-13.jpg)

आउर हुनलोग मन यरूशलेम पहुंचला। आउर हुन मन मन्दिर आउर नगर चो चारो आउर दिवार के फिर बनाला। फरीसी चो लोग मन एबे बले राज करते रहोत, मानतर गोटोक बार फिर हुन मन किरिया चो देश ने रते रला। आउर हुन मन मन्दिर ने आराधना करते रला।

*राजा 17; 24-25; 2 इतिहास 36; एज्रा 1-10; नहेमायाह 1-13 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_20_128kbps.m4a

## 21. महा परबु किरिस्त किरिया करतोर

https://openbiblestories.org/l/hlb/story-21/

![](https://cdn.door43.org/obs/jpg/360px/obs-en-21-01.jpg)

जिदलदाय महा परबु मंजपुर के बनालो तेबे हुन जानते रये की हुन पाचे कोनी दिन के मसीह के पटाउक पड़ेदे। हुन आदम और हव्वा ले किरिया करलो की हुन असनी करेदे। हुन बललो की हव्वा के गोटोक बंश जन्म धरेदे जोंन साँप के मुंडी के कुचलेदे। जोंन साँप हव्वा के धोखा दिलो हुन शेयतान रलो। महा परबु चो अरथ रली कि मसीह शेतान के हरायेदे।

![](https://cdn.door43.org/obs/jpg/360px/obs-en-21-02.jpg)

महा परबू अब्राहाम ले किरिया करलो कि हुनचो बाटले जगत चो सब जाति मन आशीर्वाद पावदे। महा परबू पचे के कोनी बेरा बले मसीह के पठातो बाटले ए किरिया के पूरा करेदे। हुन मसीह जगत चो जमाय जाती ले लोग मनके हुनमन चो पाप ले छांडाएदे।

![](https://cdn.door43.org/obs/jpg/360px/obs-en-21-03.jpg)

महा परबु मूसा ले किरिया करलो कि भविष्य ने हुन मुसा जसन गोटोक अगमज्ञानी के पठायेदे। ए अगमज्ञानी मसीह होयदे। ए रीति ले, महा परबू फेर ले किरिया करलो कि हुन मसीह के पठायेदे।

![](https://cdn.door43.org/obs/jpg/360px/obs-en-21-04.jpg)

महा प्रभु राजा दाऊद ले किरिया करुन रये कि हुनचो गोटोक बंशज मसीह हौउआय। हुन राजा होयेदे आउर महा परबू चो लोग मन उपरे सदा काजे शासन करूआय।

![](https://cdn.door43.org/obs/jpg/360px/obs-en-21-05.jpg)

महा परबु यिर्मयाह अगमज्ञानी ले गोठयालो आउर बललो की हुन गोटोक दिन नवा वादा करेदे। हुन नुवा वादा इसराएली मन संगे सिनै थाने बांधलो बीती जुना वादा जसन नी होयदे। जिदलदाय लोग मन संगे हुन आपलो नुवा वादा करेदे,तेबे हुन हुनमनचो उपरे आपन खुद चो असन परगट करेदे। जमाय लोग हुनचो ले मया संगादे आउर हुनचो व्यवस्था के मानदे। महा परबू बललो कि ए हुनचो व्यवस्थ के हुन मन चो हिरदय ने लिखुन दिलो जसन होयेदे।हुन मन हुनचो लोग होदे, आउर महा परबू हुन मन चो पाप मनके क्षमा करेदे। हुन मसीह होयेदे जोन हुन मन संगे हुन वादा के बांधेदे।

![](https://cdn.door43.org/obs/jpg/360px/obs-en-21-06.jpg)

महा परबु के अगमज्ञानी मन के ए बले बलालो कि मसीह गोटक अगमज्ञानी होयेदे । गोटक अगमज्ञानी हुन लोग होऊआय जोन महापरबू चो वचन के सुनु आय और फेर लोग मन के महापरबू चो सुसमाचार के सुनाऊ आय । जोंनाके पठातो काजे महापराबू वादा करून रालो जोन मसीह गोटक नंगद अगमज्ञानी होयदे । माने कि हुन मसीह महा परबू चो सुसमाचार के नंगद सुनेदे , आउर हुन लोग मन के हुन सुसमाचार के नांगद सिखायेदे ।

![](https://cdn.door43.org/obs/jpg/360px/obs-en-21-07.jpg)

इसरायली पुजारी मन लोग मन काजे महा परबू चो पुरे बलिदान चेगातेरला। ए बलिदान लोग मन चो पाप मन काजे हुन मनचो महा परबू बाट ले डण्ड करतो जगा ने चेगा उन रला। पुजारी मन लोग मन काजे दुआ बाल करला। मान्तर, हुन मसीह नंगद महा पुजारी होयेदे जोन नहा परबू के देतो काजे गोटोक नंगत बलि चो रूप ने आपन के चेगायेदे। माने कि,हुन केबीई पाप नी करे आउर जिदल दायं हुन आपन के बलि होतो काजे देयेदे, तेबे जगत चो कोनी बले दुसर बलि चो जररत नी होयेदे।

![](https://cdn.door43.org/obs/jpg/360px/obs-en-21-08.jpg)

लोग मन चो गुट मन ने राजा आउर परधान शासन करुआत आउर केबीई- केबीई गलती करुवात। राजा दाऊद तुचाय मन थाने शासन करला, मान्तर राजा दाऊद चो बंशज जमाय जगत ने शासन करदे, आउर हुन सदा काजे शासन करेदे। एचो आलावा, हुन सदा सत रीति ले शासन करेदे, आउर सही निरनय धरेदे।

![](https://cdn.door43.org/obs/jpg/360px/obs-en-21-09.jpg)

महा परबु चो अगमज्ञानी मन मसीह चो बारे ने खुबे गोट के बलला। उदाहरण काजे मलाकी बललो की मसीह चो एतो चो आगे गोटोक दुसर अगमज्ञानी एउआय। हुन अगमज्ञानी खुबे जरूरी होयदे। एचो अलावा, यशायाह अगमज्ञानी लिखलो की मसीह गोटोक कुंवारी ले जन्म होयदे। आउर मिका अगमज्ञानी बोललो कि मसीह बेतलेहम नगर ने जन्म धरुआय।

![](https://cdn.door43.org/obs/jpg/360px/obs-en-21-10.jpg)

यशायाह अगमज्ञानी बललो की मसीह गलील चो जगा ने वास करेदे। जोन लोग खुबे दुखी आसोत मसीह हुन मनके शांति देयदे। हुन कैदी मनके बले आजाद करेदे। मसीह बिमार मनके आउर जोन सुनुख नी सकोत, दखुक नी सकोत ,बलुक नी सकोत, नहले हिनडुक नी सकोत हुन मनके बले चंगा करेदे।

![](https://cdn.door43.org/obs/jpg/360px/obs-en-21-11.jpg)

यशायाह अगमज्ञानी ए बले बलु रये की लोग मन मसीह ले नफरत करेदे आउर हुनके अपनातो ले इनकार करदे। दसर अगमज्ञानी मन बलला कि मसीह चो गोटोक साथ हुनचो बिरुद्ध उठेदे। जाकरयाह अगमज्ञानी बललो कि हुनचो ए साथी असनकरतो काजे दसर लोग मन ले चंडी चो तीस सिक्का धरेदे।एचो अलावा, कोनी अगमज्ञानी मन बलला कि लोग मन मसीह के मरून डालदे आउर ए कि हुन मन हुनचो कपडा काजे जुआ खेलदे।

![](https://cdn.door43.org/obs/jpg/360px/obs-en-21-12.jpg)

अगमज्ञानी मन ए बले सांगला कि मसीह कसन मरेदे।यशायाह अगमज्ञानी भविष्यवाणी करलो कि लोग मन मसीह उपरे थूकदे , हुनचो हांसी करदे, आउर हुनके पेटदे, हुन मन हुनके छेदून देयेदे आउर हुन खुबे पीड़ा तड़पुन मरून जायेदे, मान्तर हुनतो काई गलत बले नी करून रहेदे।

![](https://cdn.door43.org/obs/jpg/360px/obs-en-21-13.jpg)

अगमज्ञानी मन ऐ बले सांगला की मसीह पाप नी करेदे। हुन सही होयदे। मान्तर हुन एचो काजे मोरेदे, कि महा परबु हुनके दूसर लोग मन चो पाप काजे डण्ड करेदे। हुनचो मोरलो ने लोग मन महा परबु संगे मेल करुक सकदे। एचो काजे महा परबु चाहेसे कि मसीह मोरे।

![](https://cdn.door43.org/obs/jpg/360px/obs-en-21-14.jpg)

अगम जानी मन ऐ सांगला की महा परबु मसीह के मोरलो ले जीव उठाय दे ऐ अत्याचार आय की सबु नुबा वादा कर बांधतो काजे महा परबु चो योजना रये , हुनी काजे हुन लोग मनके बचाऊक सके, जोन लोग मन हुनचो बिरुद्ध पाप करला सोत।

![](https://cdn.door43.org/obs/jpg/360px/obs-en-21-15.jpg)

महा परबु अगमज्ञानी मन उपरे मसीह चो बारे ने खुबे गोट मनके परगट करलोसे, मान्तर मसीह हुन अगमज्ञानी मन चो कोचीई बले जीवन काल ने नी एउ रलो। ऐ अगम ज्ञानी मनचो देतो बचो 400 ले आगर बरख पाचे ,सही बेरा ने महा परबु मसीह के ऐ मंजपुर ने पटायदे।

*उत्पत्ति 3; 12; व्यवस्थाविवरण 18:15; 2 शमूएल 7; भजन 16; 22; 35; 69; 41; यशायाह 7:14; 9:1-7; 61; 53; 50:6; 59:16; यिर्मयाह 31; दानिय्येल 7; मीका 5:2; जकर्याह 11:12-13; मलाकी 4:5 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_21_128kbps.m4a

## 22. युहन्ना चो जनम

https://openbiblestories.org/l/hlb/story-22/

![](https://cdn.door43.org/obs/jpg/360px/obs-en-22-01.jpg)

आगे चो बेरा ने महा परबू आपलो अगमज्ञानी मन संगे गोठयाउन रला हुनी काजे हुनमन लोग मन संगे गोठयाउक सकला। मान्तर हुन बेरा ले धरून फेर 400 बरख चो बितलो भातीन हुन मनके नी गोठयालो। तेबे महा परबु जकर्याह नाव चो अगमज्ञानी लगे गोटोक सरगदूत के पठाला । जकर्याह आउर हुनचो बायले इलीसिबा महा परबु चो आदरमान करते रओत। हुनमन खुबे सियान होऊ रहोत आउर हुनचो कोनी पिला झीला नी होऊ रहोत।

![](https://cdn.door43.org/obs/jpg/360px/obs-en-22-02.jpg)

हुन सरगदूत जकर्याह के बललो, "तुचो बायले ले गोटोक बेटा होयेदे। तुई हुनचो नाव युहन्ना संगासे। महा परबु हुनके पवितरआत्मा ले भरुन देयेदे", आउर युहन्ना लोग मनके मसीह के गरहन करतो काजे तिआर करेदे।" जकर्याह उत्तर दिलो, "मय आउर मोचो बायले बीटा -बेटी पावतो काजे खुबे सियान आसूं ! मय कसन जणू आयं कि तुमी मोचो ले सटे गाथ बलसास ?

![](https://cdn.door43.org/obs/jpg/360px/obs-en-22-03.jpg)

हुन सरगदूत जकर्याह के उतर दिलो, तुचो लगे ए संदेसा के आनतो काजे मय महापराबू चो बाटले इले से। हुनी काजे तुई मोचो उपरे विस्वास नी करलिस, हुनी काजे जनम धरतो बेरा ले बलतो काजे नी सकिस। "झटके, जकर्याह बलतो काजे नी सकते रालो। तेबे हुन सारग्दुत जकर्याह लगे ले गेलो। हुनचो पाचे, जाकर्याह घरे इलो, आउर हुनचो बायले पेटेहारीन होली।

![](https://cdn.door43.org/obs/jpg/360px/obs-en-22-04.jpg)

जिदलदायं एलीशिबा छ: महिना चो पेटेहारिन रली, तेबे हुनी थाने सरगदूत अचानक ले एलीशिबा चो कुटुम उपरे परगट होलो, जोचो नाम मरियम रली। मरियम कुंवारी रली आउर बिया होतो काजे युसूफ नाव चो बिता संगे मांगनी होउन रली। सरगदुत बललो कि तुई पेटेहारिन होसे आउर गोटक बेटा के जनम देसे। तुके हुनचो नाव यीशु संगातोर आय। हुन सर्वशक्तिमान महा परबू चो बेटा होयदे, आउर सदा काजे शासन करेदे।"

![](https://cdn.door43.org/obs/jpg/360px/obs-en-22-05.jpg)

मरियम बलली "ऐ कसन होहुक सके, मय तो कुवारी आयं? हुन सरग्दूत समझालो, पवितरात्मा आय तेबे सरगदूत हुनके बललो “पवितर आत्मा तुचो उपरे उतरेदे आउर महा परबु चो सामर्थ तुचो उपरे छायं करदे। हुनी काजे हुन पिला पवितर होयेदे, आउर हुन महा परबू चो बीटा होयेदे।" जोन हुन सरगदुत बलून रलो हुन गोठ ने मरियम बिसवास करली।

![](https://cdn.door43.org/obs/jpg/360px/obs-en-22-06.jpg)

ए तुरते होलो पाछे, मरियम जाऊंन ईलिशिबा संगे भेंट होली। जसन मरियम हुनके जुआर करली एलिशिबा चो पिला हुनचो पेट ने कुल बुल्लो। हुनमन चो काजे महा परबु जोन करूँ रलो हुनचो काजे हुन बायले मन संगे हरिक होला। एलिशिबा संगे तीन महिना संगे रलो पाछे मरियम आपलो घरे इली।

![](https://cdn.door43.org/obs/jpg/360px/obs-en-22-07.jpg)

एचो पाछे एलिशिबा आपलो बेटा के जनम दिली। जकर्याह आउर एलिशिबा हुन पिला चो नाव युहन्ना संगाला जसंन हुन सरगदूत आदेस देऊ रलो। तेबे महा परबू जाकर्याह के बलतो काजे सक्षम करलो। जकर्याह बललो, "महा परबू चो गुणगान हो, काय काजे कि हुन आपलो लोग चो मदद करतो के सुरता संगालोसे! हे मोचो बेटा तुई सबले शक्तिशाली महा परबू चो अगमज्ञानी होसे। तुई लोग मन के सांगसे कि हुन कसन आपलो पाप मन काजे क्षमा पाउक लाय सकोत!"

*लूका 1 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_22_128kbps.m4a

## 23. यीशु मसीह चो जनम

https://openbiblestories.org/l/hlb/story-23/

![](https://cdn.door43.org/obs/jpg/360px/obs-en-23-01.jpg)

युसूफ नाव चो एक धर्मी बिता संगे मरियम चो मांगनी होउन रली। जिदलदायं हुन सुनलो कि मरियम पेटेहारिन आसे तेबे हु जानते रलो कि हुन हुनचो पिला नुआय। मान्तर हुन मरियम के बदनाम करुक लाय नी चाहते रलो, हुनी काजे हुन हुनचो उपरे किरपा करतो आउर खुसनाय छाडतो काजे बिचार करलो।मान्तर एचो आगे कि हुन असन करतो, गोटोक सरगदूत हुनचो सपना ने एउन बाती गोठयालो।

![](https://cdn.door43.org/obs/jpg/360px/obs-en-23-02.jpg)

हुन स्वर्गदूत बललो, "हे युसूफ, मरियम के आपलो आयले के रूप ने घरे आनतो काजे नी डर। जोन हुनचो भीतरे जोन पिला आसे, हुन पवितर आत्मा चो बाट ले आय। हुन गोटोक बीता के जनम देयेदे, जेचो नाव यीशु संगासे (माने कि यहोवा बचाऊ आय) काय काजे बलले ने कि हुन लोग मन के पाप ले बचाऊ आय।"

![](https://cdn.door43.org/obs/jpg/360px/obs-en-23-03.jpg)

हुनी काजे युसूफ मरियम ले बिया करलो आउर हुनके आपलो बायले बनाउन बातिन घरे आनलो मान्तर हुनचो पिला जनम होतो बेरा ले हुन हुनचो संगे नी सोअलो।

![](https://cdn.door43.org/obs/jpg/360px/obs-en-23-04.jpg)

जिदल दायं मरियम चो जनम देतो बेरा अमरली, तेबे हुन आउर युसूफ बेतलेहम जातो काजे गोटोक लम्बा जात्रा करला। हुनमन के हुन थाने जातोर ही रली काय काजे बलले ने कि रोमी अधिकारी इजराइल ने रतोर जमाय लोग मन चो गिनती करते रहोत। हुनमन चाहते रला कि जमाय लोग हुन थाने जाओत जोन थाने हुन मन चो पुरखा रते रला। राजा दाऊद चो जनम बेतलेहम ने होउन रली, आउर हुन मरियम आउर युसूफ दुनो चो पुरखा रलो।

![](https://cdn.door43.org/obs/jpg/360px/obs-en-23-05.jpg)

मरियम आउर युसुफ बेतलेहम ने गेला, मान्तर हुन थानो जीव मनके संगातो जगा ने ठेबतो काजे आउर काई जगा नी रये।ए हुनी जगा रये जोन थाने मरियम आपलो पिला के जन्म दिली। हुन हुनके कोटासार ने सुआउन रये, काय काजे कि हुन थाने हुनचो काजे काई ठान नी मिरली। हुन मन हुनचो नाव यीशु संगाला।

![](https://cdn.door43.org/obs/jpg/360px/obs-en-23-06.jpg)

हुन राती, हुन लगे बेडा ने धोराई मन आपलो मेंढा गोह्ड़ी चो राखा करते रओत। तुरते ले गोटोक चमकदार परबू चो सरगदूत हुनमन चो लगे दखा दिलो। आउर हुनमन खुबे डरला, तेबे सरगदूत हुन मनके बललो, नी डरा कसन बलले मय तुमोके खुबे हरिक चो नंगत खबर सुनाउक इलेसे। दाउद चो सहर बेतलेहम ने तुमचो काजे गोटोक मुक्ति देतो बिता जनम लोसे, आउर हुनी मसीह परबू आया।

![](https://cdn.door43.org/obs/jpg/360px/obs-en-23-07.jpg)

आउर तुमी जाउन हुनके असन चितासे की तुमी गोटोक लेका पिला के फटही ने गुडियालोर आउर कोटासार ने सुआलोर भेटासे तेबे उधापड़े हुन सरगदूत चो संगे सरगदूत चो गोह्डा बादरी ने दखा दिला। हुन मन महा परबु चो जय -जय करून बलला सरग ने महा परबु चो मयमा आउर मजपुर ने जोन मनुक मन ले हुन हरिक आसे हुन मनके अस्तीर मिरे।

![](https://cdn.door43.org/obs/jpg/360px/obs-en-23-08.jpg)

तेबे सरगदूत मन गेला। हुन धोराई मन बले आपलो मेंढा मन के छाडून लेका पिला के द्कुक लाय गेला। तुरते हुन मन हुन जगा ने अमरला जोन थाने यीशु रलो आउर हुनमन हुनके कोटासार ने सोओलो पावला, जसन कि हुन सरगदुत बालू रलो। हुनमन खुबे हरिक ने रला। तेबे हुन धोरई मन हुन लगे इला जोन लगे हुनमन चो मंदा गोहड़ी रली। हुन मन जोन बले कांई सुनुरला आउर दखुन रला हुन जमे काजे महा परबू चो गुणगान करला।

![](https://cdn.door43.org/obs/jpg/360px/obs-en-23-09.jpg)

पूरब ने गोटोक राज ने बिता मन रते रहोत। हुनमन तारा मन चो पाठ पढून रहोत आउर हुन खुबे होशियार रला। हुनमन गोटोक जमाय ले अलगे तारा के बादरी ने दखला। हुनमन हुनके दखुन बाती बलला कि यहूदी मन चो गोटोक नुआ राजा जनम धरलोसे।हुनी काजे हुनमन हुन लेका पिला के दखतो काजे आपलो देश ले यात्रा करतो चो निरनय धरला। खुबे लाम्ब जात्रा करलो पाचे, हुनमन बेतलेहम इला आउर इला आउर हुन घर के दखला जोन थाने यीशु चो आया-बाबा ठेबुन रला।

![](https://cdn.door43.org/obs/jpg/360px/obs-en-23-10.jpg)

जिदलदाय हुन मनुक मन यीशु के आपलो आया संगे दखला तेबे हुनमन आपलो मांढी टेकून बाटी हुनचो आराधना करला। हुन्मं यीशु के माहांगा भेंट चेगाला आउर आपलो घरे बोहड़ला।

*मत्ती 1-2; लूका 2 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_23_128kbps.m4a

## 24. युहन्ना बपतिस्मा देतो बिता आउर यीशु

https://openbiblestories.org/l/hlb/story-24/

![](https://cdn.door43.org/obs/jpg/360px/obs-en-24-01.jpg)

एलिशिबा आउर जकर्याह चो बेटा युहन्ना, बड़े बाडून बाती गोटोक अगमज्ञानी बनलो। हुन रान ने रते रलो, आउर रान चो मंदरस आउर थापा मन के खाते रये। आउर ऊंट चो रोआं चो फटही पिदते रये।

![](https://cdn.door43.org/obs/jpg/360px/obs-en-24-02.jpg)

आउर खुबे लोग मन युहन्ना चो गोट के सुनतो काजे राने निकरून इला। आउर युहन्ना पाप मन चो क्षमा काजे, "मन बोहड़ातो काजे आउर सरग राज, लगे अमरलिसे" बलून महा परबु चो गोट सांगुक मुरियालो।

![](https://cdn.door43.org/obs/jpg/360px/obs-en-24-03.jpg)

जिदलदाय लोग मन युहन्ना चो गोट के सुनला, आउर तेबे हुन थान ले खुबे लोग मन आपलो पाप मन चो पछतावा करला, आउर युहन्ना हुन लोग मनके बपतिस्मा दिलो। युहन्ना के दखतो काजे धरम बुता करु लोग मन बले इला, मान्तर हुन मन आपलो पाप मनके नी मानला।

![](https://cdn.door43.org/obs/jpg/360px/obs-en-24-04.jpg)

युहन्ना धरम गुरु मनके बललो, "ऐ साप चो पिला मन! पाप मनके माना आउर आपलो चाल-चलन के बदला। महा परबु हुन रुक के गोदुन देयदे जोन नंगत फर नी धरेदे। आउर हुन मनके आईग ने पकाउन देयदे, "जोन अगमज्ञानी मन बलुन रला युहन्ना हुनके सते करलो" दख, झटके मय तुचो पुरे आपलो गोटोक दूत के पठायेंदे जोन तुचो काजे बाट तियार करेदे।

![](https://cdn.door43.org/obs/jpg/360px/obs-en-24-05.jpg)

कोनी-कोनी धरम गुरु मन युहन्ना के ये बले पूछला, “कि काय हुन मसीह आय।” युहन्ना हुन मन के बललो, "मय मसीह नुआयं, मान्तर हुन मोचो पाचे एयदे हुन इतलो महान होयदे कि मोय हुनचो पनही चो डोरी हिटातो लायक बले नियाय।

![](https://cdn.door43.org/obs/jpg/360px/obs-en-24-06.jpg)

दुसर दिन, यीशु बपतिस्मा धरुक युहन्ना लगे ईलो। जिदलदाय युहन्ना हुनके द्खलो, तेबे हुन बललो, दखा! महा परबु चो मेंढा पिला जोन जगत चो पाप मनके उठाउन नेयेदे।

![](https://cdn.door43.org/obs/jpg/360px/obs-en-24-07.jpg)

युहन्ना यीशु के बललो, "मय तुके बपतिस्मा देतो लाइक चो नोआय। एचो पलटा तुई मोके बपतिस्मा देस। मान्तर यीशु बललो, “तुय मोके बपतिस्मा देस, कसन बलले येई सत बुता मन आय। तेबे युहन्ना हुनके बपतिस्मा दिलो, जेबले कि यीशु केबई बले पाप नी करून रलो।

![](https://cdn.door43.org/obs/jpg/360px/obs-en-24-08.jpg)

बपतिस्मा दिलो पाचे, जिदलदाय यीशु पानी भीतर ले निकरून बाहरे इलो। महा परबु चो पवित्र परेया चोप रुप ने परगट होलि। आउर खाले एउन हुनचो उपरे थेब ली। उदलिदाय, महा परबू सरग ले गोठीयालो। हुन बललो, "तुई मोचो बेटा आस। मय तुचो ले मया करुआयं, आउर मय तुचो ले खुबे हरिक होले।

![](https://cdn.door43.org/obs/jpg/360px/obs-en-24-09.jpg)

महा परबु युहन्ना के बलून रये, कि पबितर आत्मा खाले उतरून जेचो उपरे उतरेदे जोके तुई बपतिस्मा देसे। 'हुनी महा परबू चो बेटा आय। महा परबू गोटोक ही आय। मान्तर जिदलदाय युहन्ना यीशु के बपतिस्मा देऊन रलो, तेबे हुन महा परबू के गोठियातो के सुनलो, जोन कि यीशु आय, आउर हुन पबितर आत्मा के बले दखलो।

*मत्ती 3; मरकुस 1; लूका 3; यूहन्ना 1:15-37 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_24_128kbps.m4a

## 25. सयतान यीशु के परखतोर

https://openbiblestories.org/l/hlb/story-25/

![](https://cdn.door43.org/obs/jpg/360px/obs-en-25-01.jpg)

यीशु चो बपतिस्मा होलो तुरते पाचे, पबितर आत्मा हुनके राने निलो। यीशु हुन थाने चालीस दिन आउर चालिस राती तक रलो। हुन बेरा हुन उपास करलो, आउर सयतान यीशु लगे जाउन पाप करतो काजे हुनके परख लो।

![](https://cdn.door43.org/obs/jpg/360px/obs-en-25-02.jpg)

आगे तो सयतान यीशु के बललो, “तुई महा परबू चो बेटा आस आले, ए पकना मनके आटा रोटी बनान देस, ताकि तुई ए मनके खासे।”

![](https://cdn.door43.org/obs/jpg/360px/obs-en-25-03.jpg)

मान्तर यीशु सयतान के बललो, ''महा परबू चो वचन ने ए लिखली से, जीवित रतो काजे माने मनके तुचाय भात नी लागे, मान्तर हुनके सपाय हुन गोठ मन लागुआय जोन महा परबू हुन मनके सांगूआय।”

![](https://cdn.door43.org/obs/jpg/360px/obs-en-25-04.jpg)

तेबे सयतान यीशु के मंदीर चो सबले टोक ने निलो। हुन उन के बललो, ''तुई महा परबू चो बेटा आस आले एथान ले खाले कुदून दखाव, काय काजे कि लिखलोर आसे महा परबू तुके उठातो काजे आपलो सरगदूत मनके आज्ञा देयेदे, कि तुचो पाय ने पकना नी पावो।

![](https://cdn.door43.org/obs/jpg/360px/obs-en-25-05.jpg)

मान्तर यीशु असन नी करलो, जोन सयतान हुनके करतो काजे बलुन रलो। एचो पलटा यीशु हुनके बललो, “महा परबू सपाय ले बलुआय, तुई परबू आपलो महा परबू के नी परखसे।”

![](https://cdn.door43.org/obs/jpg/360px/obs-en-25-06.jpg)

फेर सयतान यीशु के गोटोक डेंग डोगरी ने निलो। आउर सनसार चो जमाय राज आउर हुनचो धन दुगानी के दखालो। हुनके बललो, “तुई मोचो पुरे पाटा पडून मोके पाय पड़लीस जाले मय जमाय के तुके देऊन देयंदे।”

![](https://cdn.door43.org/obs/jpg/360px/obs-en-25-07.jpg)

तेबे यीशु हुनके बललो, ''ऐ सयतान तुई मोचो लग ले जा! महा परबू चो वचन ने असन आदेस देऊआय, "तुचाय आपलो परबू महा परबू चो आरधना करा। महा परबू चो रूप ने तुमी हुनची मान करा।

![](https://cdn.door43.org/obs/jpg/360px/obs-en-25-08.jpg)

यीशु के सयतान परखलो, मान्तर यीशु हार नी मानलो, तेबे सयतान हुनचो लगे ले जाते गेली। तेबे सरगदूत मन एउन यीशु चो सेवा सतकार करुक मुरियाला।

*मत्ती 4:1-11; मरकुस 1:12-13; लूका 4:1-13 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_25_128kbps.m4a

## 26. यीशु आपलो सेवा बुता करुक मुरियातोर

https://openbiblestories.org/l/hlb/story-26/

![](https://cdn.door43.org/obs/jpg/360px/obs-en-26-01.jpg)

जिदलदाय शयतान यीशु के परखलो पाचे, यीशु गलील ने बोहड़लो। ए हुनी जगह रली जहां हुन रते रलो। पवितर आत्मा हुनके खुबे सामर्थ देते रलो, आउर यीशु गोटोक जगा ले दुसर जगा, लोग मनके जाउन बाती सिखालो। जमाय उन मन हुनचो काजे नंगत गोट गोठयाते रहोत।

![](https://cdn.door43.org/obs/jpg/360px/obs-en-26-02.jpg)

यीशु नासरत सहरने गेलो, ए हुन गाँव रली जहां हुन आपलो पिला बेरा रते रये। सबद चो दिन, हुन आराधना करतो जगा ने गेलो, धरम गुरु मन हुनके यशायाह अगमज्ञानी चो संदेसा चो गोटोक पुस्तक के दिला। कि यीशु पढ़ो बोलून बाती, हुन मन चाहते रला। आउर यीशु हुन पुस्तक के निकराउन बाती हुनचो गोटोक भाग के पढ़लो।

![](https://cdn.door43.org/obs/jpg/360px/obs-en-26-03.jpg)

यीशु पढ़लो कि “महा परबू चो आत्मा मोचो उपरे आसे, ए काजे की हुन गरीब-दुखी मनके नंगत खबर सुनाउक सके। हुनी काजे हुन मोके पठालो से, कि बंधुआ मनके छड़ातो काजे, काना मनके दखातो काजे, आउर हुन मन के छुटकारा देतो काजे, जोन मन के दुसर लोग मन रमन्डून पकासोत। ए हुनी बेरा आय, जिदालदाय महा परबू आमचो उपरे किरपा करेदे, आउर आमचो सहायता करेदे।"

![](https://cdn.door43.org/obs/jpg/360px/obs-en-26-04.jpg)

फेर यीशु बसून सिखाउक मुरियालो। आउर मण्डली घरे रलो जमाय लोग मन खुबे धियान देउन हुनचो बाटे दखते रला। जोन भाग के हुन एबे पढुन रलो हुन मसीह चो बारे ने रली, हुनी गोठ ए बेरा सते होयसे। तेबे हुन उन मन के बललो, “पबितर सास्तर चो ऐ गोट आजी तुमचो पुरे पूरा होली से। जसन एके पढ़तो के सुनलासास, आउर जमाय लोग मन यीशु के सहराला। आउर हुनचो टोंड ले निकरलो दया धरम चो गोठ के सुनून भक्याउन गेला। आउर बलला, काय ऐ युसुफ चो बेटा नुआय?

![](https://cdn.door43.org/obs/jpg/360px/obs-en-26-05.jpg)

तेबे यीशु बललो, “ये सते आय कि असन अगमज्ञानी मनके जोन हुनी गाव ने पालून बातिन बढ़लो से हुनके नी पतियाऊ आत। अगमज्ञानी एलिय्याह चो जीव रलो बेरा, जिदलदाय खुबे रांडी बायले मन रला। मान्तर साढ़े तिन बरक ले पानी बरसा नी होली, तेबे महा परबू एल्लियाह के इस्राएल ने कोनी बले रांडी बायले चो मदद करतो काजे नी पठालो। एचो पलटा, हुन एल्लियाह के दुसर देश चो कोनी दुसर रांडी बायले लगे पठालो।"

![](https://cdn.door43.org/obs/jpg/360px/obs-en-26-06.jpg)

आउर यीशु बोलते रलो, "आउर अगमज्ञानी एलिशा चो बेरा ने, इस्त्राएल ने खुबे लोग मन कोड़ बेमार मन रला। मान्तर एलिशा इस्त्राएल राज चो बिरोधी नामान नाव चो सेनापति के छाडून कोनी आउर के छुक-छुका नी करलो। मान्तर जोन लोग मन ए सब बोलतो बेरा सुनते रहोत, हुन सपाय मन यहूदी रहोत। हुनी काजे जिदलदाय हुन मन हुनके ए सब बोलतो बेरा सुनला तेबे हुन मन हुनके रीस होला।

![](https://cdn.door43.org/obs/jpg/360px/obs-en-26-07.jpg)

नासरत चो लोग मन यीशु के धरला आउर हुनके आराधना चो जगा ले ओड़गोड़ते खोर ने निकराला। आउर जोन डोंगरी ने हुनमन घसराऊन मारुन्दे बलते नीला। मान्तर यीशु हुनमन चो मजिगता ले निकरून नासरत सहर के छाडून जाते गेलो।

![](https://cdn.door43.org/obs/jpg/360px/obs-en-26-08.jpg)

यीशु सपाय गलील परघन ने गेलो, आउर असन भीड़ हुनचो लगे ईली। हुन मन असन खुबे लोग मन के हुनचो लगे आनला जोन मन बेमार आउर बिकलांग रला। हुन थाने कोनी तो दखुक नी सकतो, कोन तो हिंडूक, सुनुक नहले बलुक लाय नी सकते रहोत, जमाय के यीशु छुक-छुका करलो।

![](https://cdn.door43.org/obs/jpg/360px/obs-en-26-09.jpg)

आउर बले असन लोग मन रहोत जोन मनके देव चेपाउन रहे। हुन मनके बले यीशु लगे नेऊन रहोत, यीशु देव भूत मनके फिरून जा बललो, हुन देव-भुत मन अमदिया किरकिरते रहोत, "तुई महापरबू चो बेटा आस!" आउर कूड़ा होलो लोग भकियाला, आउर हुन मन महा परबू चो जय-जय करला।

![](https://cdn.door43.org/obs/jpg/360px/obs-en-26-10.jpg)

फेर यीशु बारा मनुक मनके चुनलो, जोन मनके हुन आपलो "प्रेरित" बललो। हुन प्रेरित मन हुनचो संगे यात्रा करला आउर हुनचो ले खुबे काइं सिखला। "

*मत्ती 4:12-25; मरकुस 1-3; लूका 4 बाइबल चो गोटोक कहानी "*

Audio: https://git.door43.org/OBS-TLF/hlb_obs/releases/download/v1/hlb_obs_v1_26_128kbps.m4a

## 27. जीव दुखातो सामरी चो कहनी

https://openbiblestories.org/l/hlb/story-27/

![](https://cdn.door43.org/obs/jpg/360px/obs-en-27-01.jpg)

गोटोक दिन, नियम परनाली चो धरम गुरु यीशु लगे इलो। हुन सबके ए द्खाउक लाय होते रलो कि हुन ए मनके गलत रीती ले सिखाय से। हुनी काजे हुन बललो कि, ‘हे गुरु, जुग-जुग चो जीव पावतो काजे मोय असन काय करेंदे? यीशु हुनके संगालो कि, "महा परबू चो नियम कानून चो पुस्तक ने काय लिखालोर आसे?"

![](https://cdn.door43.org/obs/jpg/360px/obs-en-27-02.jpg)

हुन बिता संगालो, "हुन बलुआय कि आपलो महा परबू ले आपलो सपाय मन ले, जीव ले सामर्थ ले, आउर चेत ले मया संगाव। यीशु बललो, "तुई सते बलसिस! मान्तर तुई असन करलिस बलले, तेबे तुई जुग-जुग काजे जीवसे।

![](https://cdn.door43.org/obs/jpg/360px/obs-en-27-03.jpg)

मान्तर हुन नियम परनाली चो गुरु, लोग मनके दखाउक चाहते रलो कि हुनचो जीवतो नंगत ढंग आय। आपन के सत करतो काजे, हुन यीशु ले पुछलो कि, आले सांग मोचो घर चो लोग कोन आत?

![](https://cdn.door43.org/obs/jpg/360px/obs-en-27-04.jpg)

यीशु हुन गुरु के गोटक कहनी सुनाउन हुनचो जबाब दिलो।" गोटक यहूदी मनुक रलो जोन गोटक बाट ने यरूशलेम ले यारिहो जाते रलो।"

![](https://cdn.door43.org/obs/jpg/360px/obs-en-27-05.jpg)

मान्तर चोर मन हुनके छेकुन हुनचो फटई के झिकून निस्काला, सपाय सज के बले नीला आउर खुबे पेटला आउर तेबे हुन मन गेला।

![](https://cdn.door43.org/obs/jpg/360px/obs-en-27-06.jpg)

आउर असन होली की हुनी बाट ले गोटोक लेबी जहुदी मन चो पुजारी जाते रलो, हुन मनुक के खाले पड़लो दखलो। मान्तर हुन मनुक के नहकुन लापी ले जाते गेलो।

![](https://cdn.door43.org/obs/jpg/360px/obs-en-27-07.jpg)

कितलो दिन गेलो पाचे गोटक लेवी हुन बाट ने इलो। (लेवी यहूदी मन चो गोटक गोत्र रली जोन मंदिर ने पुजारी मनके मदद करते रये) हुन लेवी बले बाट रेटे ले गेलो मान्तर हुनके दखून जाते गेलो।

![](https://cdn.door43.org/obs/jpg/360px/obs-en-27-08.jpg)

मान्तर दुसर बिता जोन हुन बाट ले जाते रलो, हुन सामरिया रलो। (समरी आउर यहूदी आपस ने बिरोधी रला) हुन दखलो कि गोटक यहूदी बिता बाटे पड़लो से फेर बले हुन हुनचो उपरे जीव दुखालो, आउर हुनचो लगे जाऊन बाती हुनचो घाव मन ने तेल लगालो आउर घाव मन ने मालाम पाट्ठी बांधून दिलो।

![](https://cdn.door43.org/obs/jpg/360px/obs-en-27-09.jpg)

आउर हुन सामरी बिता हुन मनुक के आपलो गदहा ने लतुन बाती आसरम ने निलो आउर हुनचो सेवा जतन करलो।

![](https://cdn.door43.org/obs/jpg/360px/obs-en-27-10.jpg)

दुसर दिने हुन समरी बिता के आपलो यात्रा ने जातोर रली। हुनि काजे आसरम चो मालिक के धन दौलत दिलो, आउर हुन चो सेवा जतन करतो काजे सोपुन बललो, जितलो बले आगर खरचा होयदे, मय बोह्डून ईलो ने देय दे।

![](https://cdn.door43.org/obs/jpg/360px/obs-en-27-11.jpg)

तेबे यीशु हुन गुरु के पुछलो, तुय काय विचारसे ए तिन झन लोग ने हुनचो जेके हुन के चोर मन छेकुन रला, हुन चो काजे ऐ तीनो झन ने कोन नगत घर लोग आय? हुन गुरु बललो, ”हुनी जोन हुनचो उपरे दया द्खालो जीव दुखालो। यीशु हुनके बललो, ”जा तुई बले असनी कर।

*लूका 10:25-37 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_27_128kbps.m4a

## 28. सवकार जुवान मनुक

https://openbiblestories.org/l/hlb/story-28/

![](https://cdn.door43.org/obs/jpg/360px/obs-en-28-01.jpg)

गोटोक दिने गोटोक जुवान सवकार मुखिया यीशु कगे जाऊंन बाती हुनके पूछलो, “ऐ नंगत गुरु जुग-जुग चो जीव पावतो काजे मोके काय करतोर आय? यीशु हुनके बललो, “तुई मोके काय काजे नंगत बलसीस? महा परबु गोटोक ची नंगत आय। मान्तर तुई जुग-जुग चो जीवना पावतो काजे महा परबु चो हुकुम के मान।

![](https://cdn.door43.org/obs/jpg/360px/obs-en-28-02.jpg)

हुन बल्लो, “मोके काय-काय हुकूम के मांतोर आय, यीशु हुनके बललो, “मोरतो नी मारतोर आय, चोरतोर नुआय, फंदसंकी नी देतोर आय, आपलो आया-बाबा के मान करतोर आय, आपलो पारा चो लोग मन के आपलो जसन मया करतोर आय।

![](https://cdn.door43.org/obs/jpg/360px/obs-en-28-03.jpg)

हुन बोललो, “मय तो ऐ जमाय के मोचो पिला बेरा ले मानेसे। मोके जुग-जुग चो जीव पातो काजे मोके काय करतोर आय? यीशु हुन के दखुन मया करलो।

![](https://cdn.door43.org/obs/jpg/360px/obs-en-28-04.jpg)

यीशु हुनके बललो, “आले तुई सते आस आले आपलो जमाय धन के बिकुन देस, आउर हुन धन पूंजी के गरीब मन ने बाटून देस, आउर तुके सरग ने धन मिरेदे। तेबे तुई मोचो पाठ होसे।

![](https://cdn.door43.org/obs/jpg/360px/obs-en-28-05.jpg)

यीशु असन बलतो के हुन जुवान लेका सुनुन बाती हुन खुबे मुर-मुरा होलो। कसन बलले ने हुन खुबे सवकार रये, आउर हुनचो आपलो सपाय धन देतो काजे मन नी करते रलो। हुन बोहडून यीशु लगे ले जातो गेलो।

![](https://cdn.door43.org/obs/jpg/360px/obs-en-28-06.jpg)

तेबे यीशु आपलो चेला मनके बललो, “महा परबू चो राज ने सावकार लोग मन चो ओलतोर कितलो खटखट आय! गोटोक सवकार मनुक चो महा परबु चो राज ने ओलतोर ऊंट चो ले सुजा चो काना ले छिगडतोर खुबे सरसरा होय दे।

![](https://cdn.door43.org/obs/jpg/360px/obs-en-28-07.jpg)

जोन यीशु बललो, “जिदलदाय चेला मन हुनचो गोठ के सुनला, तेबे हुन मन भकियाला। हुनमन बोलला, "आले ए असन आय आले तेबे महा परबू कोके बचायेदे।

![](https://cdn.door43.org/obs/jpg/360px/obs-en-28-08.jpg)

यीशु आपलो चेला मनके दखुन बाती बोललो, "लोग मन आपन चो उद्धार करुक नी सकोत। हुन सपाय महा परबू करुक सके।

![](https://cdn.door43.org/obs/jpg/360px/obs-en-28-09.jpg)

पतरस यीशु के बललो, “दखा परबू हामी चेला मन आपलो जमाय घर दुआर के छाड़ून तुमचो संगे होलू से।” तेबे आमचो काय भेट आय।

![](https://cdn.door43.org/obs/jpg/360px/obs-en-28-10.jpg)

यीशु हुन मनके बललो, “मय तुमके सते बलेसे, जोन कोनी बले महा परबु चो राज काजे घर, बायले, भाई-बहिन, आया-बाबा नाहले आपलो पिला–झिला मनके छाड़लो से हुन उन चो ले 100 गुना आगर पायदे, आउर हुन जुग-जुग जियेदे। मान्तर खुबे लोग मन जोंन पुरे आसोत, पाटे होदे आउर जोंन पाटे आसोत हुनमन पुरे होदे।

*मत्ती 19:16-30; मरकुस 10:17-31; लूका 18:18-30 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_28_128kbps.m4a

## 29. जीव नी दुखातो कमेया चो कहनी

https://openbiblestories.org/l/hlb/story-29/

![](https://cdn.door43.org/obs/jpg/360px/obs-en-29-01.jpg)

गोटोक दिने, पतरस यीशु ले बललो, “ऐ परबू मोचो भाई के कितरो हार क्षमा कारतोर आय, जिदलदाय हुन मोचो ले बिरुध जायेदे? काय कसूर करलेर काय सात हार ले? "यीशु बललो, सात हार ने नाही मान्तर सात हार चो सत्तर हार ले क्षमा करसे! एचो मतलब आय कि अमदिया क्षमा करतोर आय। तेबे यीशु नुआ कहनी सान्गलो।

![](https://cdn.door43.org/obs/jpg/360px/obs-en-29-02.jpg)

यीशु बललो, “महा परबू चो राज गोटोक राजा असन आय जोन आपलो कमिया मनले लेखा जोखा धरुआय। हुनचो गोटोक कमिया 2,00,000 बरख चो कमिया बराबर गोटोक खुबे बड़े करजा चो करजदार रलो।

![](https://cdn.door43.org/obs/jpg/360px/obs-en-29-03.jpg)

मान्तर हुन कमिया आपलो करजा के चुकता करुक नी सकलो, हुनी काजे राजा आपलो दास हुनके बललो, "एचो करजा चुकता करतो काजे ए मनुक के आउर एचो घर लोग के कमिया करून देस।"

![](https://cdn.door43.org/obs/jpg/360px/obs-en-29-04.jpg)

हुन कमिया राजा चो पुरे मांढी टेकून आउर पाटा पडून बललो, "खिंडीक मोचो संगे धीरजा संगाव। आउर मय आपलो करजा चो जमाय रकम के चुकता करून देयेंदे। राजा के कमिया उपरे जीव दुकली, हुन काजे उन हुनचो जमाय करजा के माफ़ी दिलो। आउर हुनके जाउक लाय दिलो।

![](https://cdn.door43.org/obs/jpg/360px/obs-en-29-05.jpg)

मान्तर हुन कमिया राजा लग ले खोर ने निकरलो, तेबे हुनके हुनचो आउर गोटोक संगवारी कमिया मिरलो, जोन हुनचो चार महिना चो कमिया रतो चो करजदार रलो। हुन कमिया आपलो संगवारी कमिया के धरलो आउर हुनके बललो, 'जोन तुचो उपरे मोचो करजा आसे हुनके मोके चुकाव!

![](https://cdn.door43.org/obs/jpg/360px/obs-en-29-06.jpg)

हुन संगवारी कमिया मांढीकुटा देहुन हुनके बोललो, 'खिंडीक मोचो संगे धीरजा धर, आउर मय आपलो जमाय रकम के चूकाउन देयेंदे। मान्तर एचो पलटा, हुन कमिया बिता आपलो संगवारी कमिया के जेल खाना ने ढाकुन दिलो, जिदलदाय ले हुन हुनचो करजा के नी चुकालो।

![](https://cdn.door43.org/obs/jpg/360px/obs-en-29-07.jpg)

जोन बले कांई होउन रली, हुनके दुसर कमिया बिता मन दखते रला, आउर हुन मन खुबे डरला। हुन मन राजा लगे गेला आउर हुनके सपाय कहनी सांगला।

![](https://cdn.door43.org/obs/jpg/360px/obs-en-29-08.jpg)

राजा हुन कमिया के हागदेउन बोललो, 'हे दुष्ट कमिया! मय तुचो करजा के एचो काजे छाडून रये कि तुई मोचो ले बिनती करून रलीस। तुके बले उसनी करतोर रली। राजा इतलो रीस होलो कि हुन दुष्ट कमिया बिता के जेल खाना ने ढाकुन दिलो जिदलदाय ले हुन आपलो सपाय करजा के चुकाउन नी देय।

![](https://cdn.door43.org/obs/jpg/360px/obs-en-29-09.jpg)

तेबे यीशु बललो, "तुमी मन आपलो भाई बंधू मनके आपन हृदयले क्षमा नी करासे, तेबे मोचो सरग ने बिराजलो बाबा तुमन मनले हर गोटोक झन संगे असनी करेदे।"

*मत्ती 18:21-35 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_29_128kbps.m4a

## 30. यीशु पांच हजार लोक मनके भात खुआउआय

https://openbiblestories.org/l/hlb/story-30/

![](https://cdn.door43.org/obs/jpg/360px/obs-en-30-01.jpg)

यीशु आपलो प्रेरित मनचो परचार करूक आउर लोग मनके सिखातो काजे गुलाय दुसर-दुसर गाव ने पठालो। जिदलादाय हुनमन हुन थाने बह्ड़ला जोन थाने यीशु रलो, तेबे हुन मन सांगला कि हुन मन काय-काय करुन रहोत। तेबे यीशु हुन मनके झोड़ीचो दुसर बाटे गोटोक छिड़ा जगा ने डडीक बिसातो काजे हाग दिलो। तेबे हुन मन गोटोक डोंगा ने चेगुन झोड़ी चो दुसर बाटे गेला।

![](https://cdn.door43.org/obs/jpg/360px/obs-en-30-02.jpg)

मान्तर हुन थाने खुबे असन लोग रला। जोन मन यीशु आउर हुनचो चेला मनके डोंगा चेगुन जातो के दकला। ए लोग मन पुरे चो झोड़ी चो दुसर बाटे जातो काजे झोड़ी चो रेटे-रेटे पराला। तेबे जिदलदाय यीशु आउर चेला मन अमरला तेबे गोहड़ायेक लोगमन हुन मन चो बाट दखते रला।

![](https://cdn.door43.org/obs/jpg/360px/obs-en-30-03.jpg)

हुन गोहड़ी ने बायले आउर पिला के छाडून 5000 ले बले आगर मनुक मन रओत। यीशु हुन लोग मन उपरे खुबे जीव दुखालो। यीशु काजे हुन लोग मन बिना धोराई चो मेंढा मन जसन रला। हुनी काजे हुन उन मनके सिखालो, आउर हुन मन चो मंजिगता जोन लोग मन बेमार रला हुन मनके उजरालो।

![](https://cdn.door43.org/obs/jpg/360px/obs-en-30-04.jpg)

सांझ बेरा के चेला मन यीशु के बलला, "ऐदाय खुबे बेर होली आउर ऐ लगे कोनी गाव बले नी आय। ए लोग मनके बीदा करून देस तेबे हुनमन जाउन बाती खातो काजे काई आनदे।"

![](https://cdn.door43.org/obs/jpg/360px/obs-en-30-05.jpg)

मान्तर यीशु चेला मन के बललो, "तुमी ची हुन मन के काई खातो काजे दियास!" हुन मन जबाब दिला। हामी असन कसन करूक सकूँ? आमचो लगे तुचाय पांच ठन रोटी आउर दुई ठन नानी मछरी आसे।"

![](https://cdn.door43.org/obs/jpg/360px/obs-en-30-06.jpg)

यीशु आपलो चेला मनके बललो, “तुमी ए गोह्डायक लोग मनके लाटा उपरे पचास-पचास कूड़ा ने बसतो काजे सांगा।

![](https://cdn.door43.org/obs/jpg/360px/obs-en-30-07.jpg)

तेबे यीशु हुन पाच ठन रोटी आउर दुई मछरी मन के धरून बाती सरग बाटे दखलो, आउर हुन भात काजे महा परबू चो धन्यवाद करलो।

![](https://cdn.door43.org/obs/jpg/360px/obs-en-30-08.jpg)

फेर यीशु हुन रोटी आउर मछरी मनके किरिन्दा करून, हुन लोग मनके देतो काजे आपलो चेला मनके हुन गोंदा मन के दिलो। चेला मन हुन भात के बाटते रला आउर हुन तो सरे ची नाई! हुन मन सपाय खाऊन बाती तिरिप्त होला।

![](https://cdn.door43.org/obs/jpg/360px/obs-en-30-09.jpg)

हुनचो पाचे, चेलामन हुन भात के कूड़ा करला जोके कोनी खाऊन नी रहोत, आउर हुन बारा टुकना भरते होली! हुन सपाय भात हुन पांच रोटी आउर दुई मछरी ले एउन रये।

*मत्ती 14:13-21; मरकुस 6:31-44; लूका 9:10-17; यूहन्ना 6:5-15 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_30_128kbps.m4a

## 31. यीशु पानी उपरे हिडतोर

https://openbiblestories.org/l/hlb/story-31/

![](https://cdn.door43.org/obs/jpg/360px/obs-en-31-01.jpg)

पांच हजार लोग मनके भात खुवालो पाचे, यीशु आपलो चेला मनके झोड़ी चो दुसर बाटे जातो काजे डोंगा ने चेगतो काजे बललो, “आउर हुन डंडीक बेरा काजे हुताय ठेबलो, आउर चेला मन गेला। फेर यीशु गोह्डायेक लोग मनके बिदा दिलो कि हुन मन आपलो घरे-घरे जाओत। हुनचो पाचे यीशु पराथना करतो काजे गोटोक डोंगरी उपरे गेलो। हुन थाने हुन ऐकला खुबे राती बेरा ले पराथना करलो।

![](https://cdn.door43.org/obs/jpg/360px/obs-en-31-02.jpg)

हुनी बेरा, चेला मन आपलो डोंगा के घाटते-घाटते जाते रला, मान्तर लेहरा हुन मन चो बाधा बनते रली, हुनी काजे खुबे राती होली तेबले बले हुन मन झोड़ी मंजीगता अमरुन रला।

![](https://cdn.door43.org/obs/jpg/360px/obs-en-31-03.jpg)

उदलीदाय यीशु आपलो पराथना सारललो, आउर आपलो चेला मन लगे फिरलो। हुन डोंगा चो बाट जातो काजे पानी उपरे हिढ़ते गेलो।

![](https://cdn.door43.org/obs/jpg/360px/obs-en-31-04.jpg)

तेबे चेला मन हुनके दखला। हुनमन खुबे डरला, कसन बललो ने हुन मन के लागली कि ऐ तो डुमा आय। यीशु जानते रलो की ऐ मन डरूंन गेला सोत, आउर हुनचो काजे हुन मन के चिचियाउन बललो, नी डरा! मय आय।

![](https://cdn.door43.org/obs/jpg/360px/obs-en-31-05.jpg)

तेबे पतरस यीशु के बललो, “ऐ परबू तुई आस जाले मोके पानी उपरे हिन्डून तुचो लगे एतो काजे हुकुम देस।" फेर यीशु पतरस के हाग दिलो।"

![](https://cdn.door43.org/obs/jpg/360px/obs-en-31-06.jpg)

तेबे पतरस डोंगा ले उतरून बाती पानी उपरे हिण्डुक मुरियालो मान्तर खिंडीक पुरे जाऊन यीशु ले आपलो आइंख फिराउन, पानी धार के आउर लेहरा के दखलो।

![](https://cdn.door43.org/obs/jpg/360px/obs-en-31-07.jpg)

तेबे पतरस डरलो, आउर पानी ने बुडूक मुरियालो। आउर हुन किरकिरून बललो, “ऐ परबू, मोके बचाव! "यीशु हुनी बेरा हुनचो हाथ के धरून झिकलो। तेबे हुन पतरस के बललो, तुचो विसवास खिन्डिक असन आसे! तुई आपन के बचातो काजे मोचो उपरे काय काजे नी पतियालिस?"

![](https://cdn.door43.org/obs/jpg/360px/obs-en-31-08.jpg)

तेबे यीशु आउर पतरस डोंगा उपरे चेगला आउर तुरते लेहरा थामली। पानी ठेबलो पाचे चेला मन भकियाला, आउर यीशु चो पुरे हुन मन मांडी टेकून हुनचो आराधना करला आउर हुनके बलला कि, “सते तुई महा परबु चो बेटा आस।

*मत्ती 14:22-33; मरकुस 6:45-52; यूहन्ना 6:16-21 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_31_128kbps.m4a

## 32. यीशु डुमा धरलो मनुक मनके आउर बेमार बायले के उजरातोर।

https://openbiblestories.org/l/hlb/story-32/

![](https://cdn.door43.org/obs/jpg/360px/obs-en-32-01.jpg)

यीशु आउर हुनचो चेला मन आपलो डोंगा ले हुन सहर ने गेला, जोन थाने गिरासेनी लोग मन रते रओत। हुन मन हुन सहर अमरतो के डोंगा ले उतरला।

![](https://cdn.door43.org/obs/jpg/360px/obs-en-32-02.jpg)

हुन थाने गोटोक मनुक रलो, जेके डुमा धरून रली।

![](https://cdn.door43.org/obs/jpg/360px/obs-en-32-03.jpg)

ऐ मनुक खुबे ताकत बिता रलो, कोनी बले हुनके बांदुक नी सकते रला। घन-घन लोग मन हुनचो हाथ-पांय के सिकरा मन ले बांदते रओत, मान्तर हुनके बले हुन तुटाते रये।

![](https://cdn.door43.org/obs/jpg/360px/obs-en-32-04.jpg)

हुन मनुक मोढ्हा भाटा ने रते रये, ऐ मनुक गुलाय रात-दिन किरकिरते रलो, हुन फटही नी पिंदते रये, आउर आपन के पकना संगे मारी होते रये।

![](https://cdn.door43.org/obs/jpg/360px/obs-en-32-05.jpg)

हुन मनुक पराउन बाती यीशु लगे ईलो, आउर हुनचो पुरे मांडीकुटा दिलो। तेबे यीशु हुन डुमा संगे गोठियालो आउर बललो, “ऐ मनुक ले बाहरे निकरून जा।

![](https://cdn.door43.org/obs/jpg/360px/obs-en-32-06.jpg)

हुन डुमा जोर ले किरकिरून बललो, ‘ए यीशु, सबले बड़े महा परबू चो बेटा, तुके मोचो ले काय काम आसे? किरपा करून मोके नी सताव!" तेबे यीशु हुनके पुछलो, तुचो काय नाव आय? आउर फेर हुन सान्गलो, मोचो नाव सेना आय, काय काजे बलले ने कि आमी खुबे लोग आसू।" (रोमी सेना ने कितरो हजार सिपाही मनचो कूड़ा के सेना बोलते रओत)।

![](https://cdn.door43.org/obs/jpg/360px/obs-en-32-07.jpg)

हुन डुमा मन यीशु ले बिनती करला कि, "आमचो उपरे किरपा कर आउर आमके ए जगा ले बाहरे नी पठाव!" हुनी लगे डोंगरी ने बरहां मनचो गोटोक गोहड़ी चरते रली। हुनि काजे हुन डुमा मन यीशु ले बिनती करला कि, "किरपा करून आमके हुन बरहां मन ने पठाउन देस!" यीशु बललो, "आले हुन थाने जा बे!"

![](https://cdn.door43.org/obs/jpg/360px/obs-en-32-08.jpg)

हुनी काजे हुन डुमा मन हुन मनुक उपरे ले निकरून हुन बरहां मन ने ओलला। हुन बरहां मन पराऊन गोटोक डोंगरी टोक ने चेगला आउर झोड़ी ने कुदला। आउर बूडून मोरला। हुन कूड़ा ने लगभग 2,000 बरहां मन रला।

![](https://cdn.door43.org/obs/jpg/360px/obs-en-32-09.jpg)

हुन थाने हुन बरहां मनके चरातो बिता मन रला। जोन बले हुन थाने होउन रये, जिदलादाय हुनमन दखला, तेबे गाव ने पराते गेला। यीशु जोन बले काइं करूँ रये, हुन थाने हुन मन जाउन सबके सांगला। हुन गाव चो लोग मन निकरून ईला। आउर हुन मन हुन मनुक के दखला जेचो थाने डुमा रली। हुन अस्तिर ले, नंगत फटही पिंदुन आउर गोटोक नंगत मनुक असन होउन बसलो के दकला।

![](https://cdn.door43.org/obs/jpg/360px/obs-en-32-10.jpg)

हुन लोग मन खुबे डरला आउर हुन मन यीशु के जातो काजे बलला। आउर हुनि काजे यीशु डोंगा ने चेगलो। हुन मनुक जेचो उपरे डुमा रली हुन यीशु संगे जातो काजे बिनती करलो।

![](https://cdn.door43.org/obs/jpg/360px/obs-en-32-11.jpg)

मान्तर यीशु हुनके बललो, "नाइं। मय बलेसे कि तुई घरे जा सपाय लोग मन के सांग कि महा परबू तुचो काजे काय करलासे। हुन मन के सांगसे कि महा परबू कसन तुचो उपरे दया धरम दखालो।

![](https://cdn.door43.org/obs/jpg/360px/obs-en-32-12.jpg)

हुनी काजे हुन मनुक गेलो आउर सपाय के एचो बारे ने सांगलो, जोन यीशु हुनचो काजे करून रलो। हुनचो कहनी के सुनतो गोटोक-गोटोक झन भकियाला।

![](https://cdn.door43.org/obs/jpg/360px/obs-en-32-13.jpg)

यीशु झोड़ी चो दुसर बाटे फिरलो, हुनचो हुन थाने अमरतो चो पाचे, गोटोक खुबे गोह्ड़ायेक लोग मन इला आउर हुनके चेपाउक मुरियाला। हुन कूड़ा ने गोटोक बायले रली जोन बारा बरख ले लहू बहतो बेमार रली, हुनके उजरातो काजे हुन आपलो सपाय धन के इलाज काजे बैद मनके देऊन रये। मान्तर हुनचो बेमार आउर बाड़ली।

![](https://cdn.door43.org/obs/jpg/360px/obs-en-32-14.jpg)

हुन सुनुन रली की यीशु खुबे बेमार मन लोग के उजरालो से आउर हुन बिचारली, मय सत आयं कि यीशु चो फटही के बल छिवले बले मय उजरेंदे!" हुनी काजे हुन यीशु चो पाटकुती ले इली आउर हुनचो फटही के छिवली। जसन हुन यीशु के छिवली, हुनचो लहू बहतोर बंद होली।

![](https://cdn.door43.org/obs/jpg/360px/obs-en-32-15.jpg)

तुरते, यीशु जानलो कि हुनचो ले सामर्थ निकरली आउर हुन पाट बाटे उलटून पूछलो, मके कोन छिवलो?" चेला मन सांगला, ए थाने इतरो लोग तुके बोहरंक कूड़ा होलासे, आउर तुके ठेगलसोत। तेबे तुई काय काजे पूछसिस कि मके कोन छिवलोसे?"

![](https://cdn.door43.org/obs/jpg/360px/obs-en-32-16.jpg)

हुन बायले यीशु लगे थरथरते आउर खुबे डरते जाउन माडीकुटा बसली तेबे हुन हुनके सांगली कि हुन काय करलिसे, आउर ए बले सांगली कि हुन छुक छुका होली। यीशु हुनके बोलला, "तुचो विसवास तुके उजरालिसे, अस्तिर ले जा।"

*मत्ती 8:28-34; 9:20-22; मरकुस 5; लूका 8:26-48 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_32_128kbps.m4a

## 33. गोटोक खेतिहार चो कहनी

https://openbiblestories.org/l/hlb/story-33/

![](https://cdn.door43.org/obs/jpg/360px/obs-en-33-01.jpg)

गोटोक दिने, यीशु झोड़ी लगे रलो हुन लोग मन चो गोटोक बड़े भीड़ के सिखाते रला। हुनके सुनतो काजे इतरो लोग-बाग इला कि यीशु के हुन सपाय संगे गोठयातो काजे ठान नी बाचली। हुनी काजे हुन पानी ने उबलो डोंगा थाने बसलो आउर लोग मनके सिखालो।

![](https://cdn.door43.org/obs/jpg/360px/obs-en-33-02.jpg)

यीशु हुनमन के ऐ कहनी सुनालो, "गोटोक खेतीहार बीज बुनतो काजे बाहरे निकरलो, जिदलदाय हुन आपलो हाथ ले बीज बिखराते रलो तेबे खिंडीक बीजा बाट ने पडली। मान्तर चडई मन एउन बाती सपाय बीजा के खाऊन दिला।

![](https://cdn.door43.org/obs/jpg/360px/obs-en-33-03.jpg)

दुसर बीजा पतरीली भुई ने घसरली जोन थाने खिंडीक माटी रली। पतरीली भुई ने घसरलो बीजा मन, खुबे झटके अकरली, मान्तर हुनचो चेर भुई चो गड़िया ने जाउक नी सकली। जिदलदाय बेर उदली आउर घाम बाडली तेबे बूटा मन सुखली आउर मोरली।

![](https://cdn.door43.org/obs/jpg/360px/obs-en-33-04.jpg)

दुसर बीजा लाटा बूटा मन चो मंजी ने घसरून रली। हुन बीजा मन अकरली, मान्तर काटा कूड़ा ने चेपाय होली। हुनी काजे काटा कूड़ा भुई ने अकरलो बूटा मन ले कांई बले अन्न नी मिरली।

![](https://cdn.door43.org/obs/jpg/360px/obs-en-33-05.jpg)

आउर खिंडीक बीज नंगत भुई ने घसरली हुन बिज अकरली आउर जितलो बीज बुनून रये हुन कोनी तीस गुना, साठ गुना आउर कोनी सौ गुना फर धरली। जोन बले महा परबु चो पाटकुती हिन्डुक चाहेसे हुन हुन सब गोट ने ध्यान देओ जोन मय बोलेसे!

![](https://cdn.door43.org/obs/jpg/360px/obs-en-33-06.jpg)

ऐ कहनी चेला मनके उलझल ने डालुन दिली। एची काजे यीशु समझालो, "हुन बीज महा परबू चो बचन आये, हुन बाट गोटोक असन मनुक आय जोन महा परबू चो गोठ आय, मान्तर हुनके पतियाऊ नुआय। एदायं सयतान हुनचो लागले बचन के चोरून नेऊ आय, माने कि सयतान हुन बचन के पतियाऊक नीदेय"।

![](https://cdn.door43.org/obs/jpg/360px/obs-en-33-07.jpg)

हुन पतरली भुई असन मनुक आय जोन महा परबु चो बचन के सुनु आय आउर हरिक ले मानुआय। मान्तर जिदलदाय कठिन बेरा एउआय नाहले दुसर लोग चो सताव करले, तेबे हुन महा परबू ले दूर होउन जाऊ आय माने कि महा परबू उपरे नी पतियाउ आय।

![](https://cdn.door43.org/obs/jpg/360px/obs-en-33-08.jpg)

हुन लाटा बुटा भुई असन मनुक आय जोन महा परबु चो बचन के सुनु आय, मान्तर हुन खुबे गोठ मन काजे चिंता करुक मुरियाऊ आय, आउर हुन खुबे धन कमातो कोसिस करुआय। खिंडीक बेरा पाचे, ए हुन महा परबू के मया नी करुआय। हुनी काजे जोन हुन महा परबू चो बचन ले सीखून रलो, हुन हुनके महा परबू के हरिक करुक नी सकलो। हुन गेऊँ चो ढेटा असन आय जोन कांई अन्न नी देऊ आय। मान्तर नंगत भुई हुन मनुक आये जोन महा परबू चो बचन के सुनु आय , आउर हुनचो उपरे विस्वास करुआय आउर फर पाउआय।

![](https://cdn.door43.org/obs/jpg/360px/obs-en-33-09.jpg)

मान्तर जोन नंगत भुई असन मनुक आय जोन महा परबु चो बचन के सुनु आय आउर हुनचो उपरे विसवास करू आय आउर फर पाउआय।

*मत्ती 13:1-23; मरकुस 4:1-20; लूका 8:4-15 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_33_128kbps.m4a

## 34. यीशु दुसर कहनी ले सिक्षा देउआय

https://openbiblestories.org/l/hlb/story-34/

![](https://cdn.door43.org/obs/jpg/360px/obs-en-34-01.jpg)

यीशु महा परबु चो राज चो बारे ने खुबे कहनी के सांगलो। हुनचो हिसाब ने हुन सांगलो, "महा परबु चो राज गोटोक सरसुन बीजा असन आय, जोके कोनी आउर आपलो बेड़ा ने बोउन दिलो। तुमी जानास कि सरसुन चो बीजा सपाय ले नानी होऊआय।"

![](https://cdn.door43.org/obs/jpg/360px/obs-en-34-02.jpg)

मान्तर जिदलदाय सरसुन बीजा अकरून बढ़े होउ आय, तेबे हुन बनबाड़ी चो सपाय रुक ले आगर सबले बड़े बाढूआय, इतरो बड़े कि चिढ़ी मन हुनचो ड़ेंगाल ने बिसाउआत।

![](https://cdn.door43.org/obs/jpg/360px/obs-en-34-03.jpg)

यीशु आउर गोटोक दुसर कहनी सांगलो, "महा परबु चो राज टीरका असन आय, जोके गोटोक बायले पिसान ने मिलाऊन दिली, तेबे हुन टीरका सपाय पिसान ढेला ने मिलली।

![](https://cdn.door43.org/obs/jpg/360px/obs-en-34-04.jpg)

सरग राज गोटोक खुबे मोल बिती मोती असन आय जोके कोनी बेड़ा ने लुकाउन दिलासोत। कोनी दुसर के हुन खजाना मिरली आउर हुन हुनके पावतो काजे होयसे। हुनिकाजे हुन खजाना के फेर ले गाडुन दिलो। हुन मनुक हुन बेड़ा के घेनतो काजे जोन थाने हुन खजाना रली, इतरो हरिक होउन रये कि हुन आपलो सपाय के बिकुन दिलो।

![](https://cdn.door43.org/obs/jpg/360px/obs-en-34-05.jpg)

सरग राज गोटोक खुबे मोल बिती मोती असन बले आय। जिदलदाय गोटोक मोती चो सवकार के हुन मिरली, तेबे हुन आपलो सपाय के बिकुन दिलो काय काजे बलले कि हुन हुनके घेनुक सको।

![](https://cdn.door43.org/obs/jpg/360px/obs-en-34-06.jpg)

हुताने खिंडीक लोग मन रला जोन मन सोचते रओत कि महा परबु हुन मनके ऐ काजे अपनाएदे काय काजे बलले ने ऐ मन धरम बिती बात मन करसोत। ए मन हुन लोग मन के नानी मानते रओत जेचो मन नंगत बूता नी करते रओंत। एचो काजे यीशु हुन मन के ए कहनी सान्गलो: दुई झन मनुक मन रला, आउर दुनो पराथना करतो काजे मंदिर ने गेला।हुन ठान ले गोटोक मनुक पट्टी उसिल करतो बिता आउर गोटोक धरम पुजारी रलो।

![](https://cdn.door43.org/obs/jpg/360px/obs-en-34-07.jpg)

हुन धरम गुरु असन परकार ले दुआ करुक मुरियालो, ऐ महा परबु, तुके मय धन्यबाद केरेसे की, मय दुसर मनुक मन चो जसन- चोर, अधरमी मनुक, आउर मोचो संगे आसे हुन पट्टी उसिल करतो बीता असन पापी बले नुआय।

![](https://cdn.door43.org/obs/jpg/360px/obs-en-34-08.jpg)

मानलो ने कि,मय हर हपता ने दुई हार उपास पियास करुआयं आउर मोचो जमाय कमाई चो दसवां भाग तुके भेट देय से।

![](https://cdn.door43.org/obs/jpg/360px/obs-en-34-09.jpg)

मान्तर पट्टी उसील करतो बिता हुन धरम गुरु ले खुबे दूर ने होलो, हुन उपरे सरग बाटे दखलो बले नाई आउर आपलो छाती पेटून पराथना करलो,' ऐ महा परबु, मय पापी मनुक आय मोचो उपरे जीव दुःखावसे।'

![](https://cdn.door43.org/obs/jpg/360px/obs-en-34-10.jpg)

फेर यीशु बललो," मय तुमके सत बलेसे, महा परबु हुन पट्टी उसील करतो बिता चो पराथना के सुनला आउर हुनके धरम बिता बललो। मान्तर हुन धरम गुरु चो पराथना के मन नी करलो। महा परबु जोन कोनी बले आपन के बड़े बोलेदे, हुनके नानी करदे, आउर जोन कोनी बले आपन के नानी करेदे हुनके बड़े करेदे।

*मत्ती 13:31-46; मरकुस 4:26-34; लूका 13:18-21;18:9-14 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_34_128kbps.m4a

## 35. जीव दुखातो बाबा चो कहनी

https://openbiblestories.org/l/hlb/story-35/

![](https://cdn.door43.org/obs/jpg/360px/obs-en-35-01.jpg)

गोटोक दिने, यीशु हुन खुबे लोग मनके शिक्षा देते रलो, जोन मन हुनचो सुनतो काजे कूड़ा होउन रला। ऐ लोग मन पट्टी उसील करतो बिता मन आउर अलगे लोग मन बले रओत, जोन लोग मन मुसा चो व्यवस्था चो केबी बले पालन नी करला।

![](https://cdn.door43.org/obs/jpg/360px/obs-en-35-02.jpg)

खिंडीक धरम गुरु मन दखला कि यीशु ऐ लोग मन ले गोटोक संगवारी असन गोठियायसे। एची काजे हुनमन आपन मन ले गोठियाउक मुरियाला कि हुन गलत सिक्षा देयेसे। यीशु हुनमन के गोठियातो के सुनलो आउर हुन मन ए कहनी के सांगलो।

![](https://cdn.door43.org/obs/jpg/360px/obs-en-35-03.jpg)

गोटोक मनुक रलो हुनके दुई झन बेटा मन रओत। नानी बेटा आपलो बाबा के बललो, ऐ बाबा मके एदाय आपलो बाटां देस!' तेबे बाबा बिता आपलो दुनो बेटा मन मंजी आपलो धन दौलत के बाटून दिलो।

![](https://cdn.door43.org/obs/jpg/360px/obs-en-35-04.jpg)

जुगे दिन नी होऊन रये, कि नानी बेटा आपलो जमाय जाक-जमक के ओनडीयाउन, उन परदेस जाते गेलो। आउर पापी जीवना जीवतो ने आपलो धन माल के सारलो।

![](https://cdn.door43.org/obs/jpg/360px/obs-en-35-05.jpg)

एचो पाचे, जोन थाने नानी बेटा रलो तेबे हुन राज ने खुबे भूक-अकाल पड़ली, आउर हुन चो लगे घेनुन खातो काजे धन नी रली। एई काजे हुनके जोन बूता मीरली हुन बरहां मनके चरा तोर रये। हुन खुबे दुःख आउर भूखे रलो, हुन बरहा मन चो खातो बीती के खाते रलो।

![](https://cdn.door43.org/obs/jpg/360px/obs-en-35-06.jpg)

तेबे हुन नानी बेटा आपली ले बललो, “मय काय करेसे? मोचो बाबा चो सपाय कमीया मन लगे खातो काजे खुबे आसे, फेर बले मय एथा भूखे मोरेसे। मय आपलो बाबा लगे जायंदे आउर आपलो बाबा चो कमेया बनतो काजे हुनके बिनती करेंदे।

![](https://cdn.door43.org/obs/jpg/360px/obs-en-35-07.jpg)

असन हुन नानी बेटा फेर आपलो बाबा चो घर जातो काजे बाट धरलो। जिदलदाय हुन खुबे लापी रये, हुन चो बाबा हुनके दखुन जीव दुखालो आउर हुन पराऊन आपलो बेटा लगे गेलो आउर हुनके पोटारी होहुन खुबे चुमलो।

![](https://cdn.door43.org/obs/jpg/360px/obs-en-35-08.jpg)

फेर हुन बेटा हुनके बललो, “ऐ बाबा, मय महा परबु चो आउर तुचो बिरुद्द पाप करले से। एदाय मय तुचो बेटा बलतो लाईक चो नुआय।

![](https://cdn.door43.org/obs/jpg/360px/obs-en-35-09.jpg)

मान्तर बाबा बिता आपलो गोटोक कमेया के बललो, “तुरते ले जाव आउर गोटोक नंगत फटही मन आन, आउर मोचो बेटा के पिनदहा! फेर हाथ ने मुंदी और पाय मन ने पनही पिन्दाहा। फेर खुबे ठोसर बिती बाछा के आनून मारा आउर आमी खाऊन हरिक मनाउ। कसन बललो ने ऐ मोचो बेटा मोरून रये, आउर फेर जीव होलो! ऐ हाजुन रये, आउर एदाय मिरलो से।

![](https://cdn.door43.org/obs/jpg/360px/obs-en-35-10.jpg)

एचो काजे हुन लोग मन हरिक मनाउक मुरियाला। खिंडीक बेरा बितलो पाचे, हुन चो बड़े बेटा बेड़ा बाट ले बूता करुन हुन घरे अमरलो। तेबे हुन गीत आउर नाचा डगातो चो कोलार के सुनलो आउर भाकियालो कि एथा काय होयसे।

![](https://cdn.door43.org/obs/jpg/360px/obs-en-35-11.jpg)

जिदलदाय बड़े बेटा जानलो कि हुन मन एचो काजे हरिक मनासोत कसन बलले हुनचो भाई घरे ईलो से। तेबे हुन खुबे रीस होलो आउर हुन घरे ओलतो काजे नाई बललो। हुनचो बाबा बहारे एउन बातिन हुनके हुन मंचो संगे हरिक होतो काजे बललो। मान्तर तेबले बले हुन बेटा हुनके नाई बललो।

![](https://cdn.door43.org/obs/jpg/360px/obs-en-35-12.jpg)

हुन बड़े बेटा आपलो बाबा के बललो, ईतलो बरख ले मय तुचो हुकुम के मानले! कबई बले तुचो गोठ के नाई नी बलले, मांतर तूई मके गोटोक छेरी–पिला के बले नी दिलिस, मय मोचो मितमन संगे बसून खाउक लाय सके। मान्तर तुचो ऐ बेटा जोन तुचो धन-माल के पाप करतो काजे सारलो। आउर जेबले हुन बोह्डून ईलोसे तेबले तुई हुनचो काजे हरिक मनाउन, सबले ठोसर बिती बाछा के मारलीस।”

![](https://cdn.door43.org/obs/jpg/360px/obs-en-35-13.jpg)

बाबा बिता हुनके बललो, “ऐ मोचो” मान्तर हामके हरिक मना तोर आय, कसन बले तुचो भाई मरून रलो एदाय जीव होलोसे। ऐ हाजुन रलो एदाय मिरलो से।

*लूका 15 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_35_128kbps.m4a

## 36. यीशु चो रूप बदल तोर

https://openbiblestories.org/l/hlb/story-36/

![](https://cdn.door43.org/obs/jpg/360px/obs-en-36-01.jpg)

गोटोक दिन, यीशु आपलो, तिन चेला मन पतरस, याकुब, युहन्ना के आपलो संगे मिलाऊन निलो। ( ऐ युहन्ना नाव चो चेला हुन मनुक नी आय जोन यीशु के बपतिस्मा देऊन रये ) ऐ मन पराथना करतो काजे गोटोक डेंग डोगरी ने गेला।

![](https://cdn.door43.org/obs/jpg/360px/obs-en-36-02.jpg)

जिदलदाय यीशु पराथना करते रलो, तेबे हुन्चो थोथना बेर असन बरली। हुनचो फटही उजर असन पंडरा होली, जसन सन्सार चो कोनी बले असन करुक नी सके, उसन पंडरा।

![](https://cdn.door43.org/obs/jpg/360px/obs-en-36-03.jpg)

तेबे मुसा आउर एलिय्याह अगमज्ञानी दखा दिला। ए मनुक मन ए सनसार ने ऐ बेरा ले धरून सेकडा बरखले आगे रते रहोत। हुनमन यीशु के हुनचो मरतोर बारे ने गोठीयाते रला, काय काजे बलले ने कि ऐ झपके यरूशलेम ने मरून जाए दे।

![](https://cdn.door43.org/obs/jpg/360px/obs-en-36-04.jpg)

जिदलदाय मुसा आउर एलिय्याह यीशु संगे गोठीयाते रओत तेबे पतरस यीशु के बललो,"आमचो एथा रतोर नंगत आय। आमी तिन ठन मांडो बनावा, गोटोक तुचो काजे, गोटोक मुसा काजे, आउर गोटोक एलिय्याह काजे। मान्तर पतरस खुदे नी जानते रलो की हुनकाय बले से।

![](https://cdn.door43.org/obs/jpg/360px/obs-en-36-05.jpg)

जिदलदाय पतरस गोठीयाते रलो, तेबे गोटोक चकमकतो बिती बादरी हुन मनके ढ़ाकली। तेबे हुन बादरी के गोटोक राग सुना दिली, हुन बललो,"ऐ मोचो बेटा आय। मय एचो ले हरिक होले। हुनचो गोठ के धरा।"ए तीनो चेला मन डरला आउर भुई ने पाटा पडला।

![](https://cdn.door43.org/obs/jpg/360px/obs-en-36-06.jpg)

तेबे यीशु हुन मनके छिउन बललो, "नी डरा उठा।" जिदलदाय हुनमन चारो बाटे दखला, तेबे हुन थाने जोन रलो मात्र गोटोक यीशु रलो।

![](https://cdn.door43.org/obs/jpg/360px/obs-en-36-07.jpg)

यीशु आउर हुन तीनो चेला मन हुन डोगरी ले खाले उतरला। तेबे यीशु हुन मनके बललो," एबे जोन बले एता होली हुनके काकी बले नी सांगा। मय झबके मरेंदे आउर फेर जीव उठेंदे। हुनचो पाचे, तुमी लोग मन के सांगुक सकास।

*मत्ती 17:1-9; मरकुस 9:2-8; लूका 9:28-36 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_36_128kbps.m4a

## 37. यीशु लाजर के मोरलो थान ले जीव पड़ातोर।

https://openbiblestories.org/l/hlb/story-37/

![](https://cdn.door43.org/obs/jpg/360px/obs-en-37-01.jpg)

लाजर नाव चो गोटोक मनुक रलो। हुनचो दुई बहिन मन रओत, जोन मन चो नाव मरियम आउर मार्था रली। ऐ सब यीशु चो खुबे लगे चो मित रओत। गोटोक दिने, कोनी यीशु के सांगलो कि, लाजर खुबे बीमार ने आसे। जिदलदाय यीशु सुनलो तेबे हुन बललो, "ए बेमार लाजर चो मोरलोने बले नी सरे। एचो पलटा ए लोग मन के महा परबू चो मान करतो काजे प्रेरित करेदे।

![](https://cdn.door43.org/obs/jpg/360px/obs-en-37-02.jpg)

यीशु आपलो मीत मनले खुबे मया करते रये, मान्तर हुन हुताय रलो जोन थाने हुन रलो। हुन दुई दिन चो पाचे, हुन आपलो चेला मनके बललो, "इया हामी फेर ले यहूदिया फिरूं।" चेला मन बलला, "मान्तर हे गुरु, एबे तो हुताय चो लोग मन तुके मारतो काजे होते रओत!" यीशु बललो, आमचो संगवारी लाजर सोवलो से आउर मय हुनके उठाऊक जायेंदे।

![](https://cdn.door43.org/obs/jpg/360px/obs-en-37-03.jpg)

यीशु चो चेला मन बलला, “हे परबू, हुन लाजर सोयसे आले, तेबे हुन नंगत होयदे।" तेबे यीशु हुन मनके सरसरा सांगलो की लाजर मोरलो से। मय हरिक ने आँसे की मय हुता नी रये, कसन बललो ने तुमी मोचो उपरे पतियाहा से।

![](https://cdn.door43.org/obs/jpg/360px/obs-en-37-04.jpg)

जिदलदाय यीशु लाजर चो गावं ने अमरलो तेबे लाजर चो मोरलोर चार दिन होउन रये। तेबे मारथा यीशु के भेट होउक गेली आउर बलली। "ऐ परबु तुई एथान रलोने मोचो भाई नी मोरतो। मान्तर मय विसवास करसे की जोन बले तुई महा परबू के मांगसे हुन तुके देय दे।

![](https://cdn.door43.org/obs/jpg/360px/obs-en-37-05.jpg)

यीशु हुनके बललो, “पुनुरुत्थान आउर जीव मय आय। जोन कोनी बले मोचो उपरे बिस्वास करदे आउर हुन मोरून जायेदे तेबले बले हुन जियेदे। जोन बले मोचो उपरे सत करदे हुन केबी नी मोरेदे। तुई ए गोठ उपरे सत करसिस? मार्था हुनके बलली, "हे परबू, मय सत संगायें से कि तुई महा परबू चो बेटा आस।"

![](https://cdn.door43.org/obs/jpg/360px/obs-en-37-06.jpg)

तेबे मरियम इली। हुन यीशु के पायं पडून बलली, "हे परबू, तुई एथाने रतिस तो मोचो भाई नी मोरतो।” यीशु हुनके पुछलो, तुमन मन लाजर के कहा संगालासास?" फेर हुन मन सांगला, मोठ ने संगालु से। आव आउर दख, तेबे यीशु गागुक मुरियालो।

![](https://cdn.door43.org/obs/jpg/360px/obs-en-37-07.jpg)

हुन मोठ गोटोक सुरंग ने संगाउन रला जोचो बाट के पकना ले ढाकुन रला। जिदलदाय यीशु हुन थाने अमरलो तेबे हुन पकना के गुचातो काजे बललो, "मान्तर मार्था बलली कि एचो मर लोर चार दिन होलीसे। आउर हुन थाने ले खुबे बास मारेसे।"

![](https://cdn.door43.org/obs/jpg/360px/obs-en-37-08.jpg)

यीशु बललो, "काय मय तुमके नी बलून रले कि तुमी मोचो उपरे बिसवास करा। तेबे तुमी मन महा परबू चो सकत के दखासे?" हुनी काजे हुन मन पकना के गुचाउन दिला।

![](https://cdn.door43.org/obs/jpg/360px/obs-en-37-09.jpg)

तेबे यीशु उपरे सरग बाटे दखुन बाती बललो, "हे बाबा, मोचो सुनतो काजे मय तुचो धन्यबाद करेंसे। मय जाने कि तुई अमदिया मोचो सुनुआस, मान्तर एथाने उबलो जमाय लोग मनचो मदद करतो काजे तुके बलले, काय काजे बलले ने ए मन मके सत करोत कि तुई मके पठालिसित।" तेबे यीशु हाग दिलो, "ए लाजर बाहरे निकरून आव!"

![](https://cdn.door43.org/obs/jpg/360px/obs-en-37-10.jpg)

फेर लाजर बाहरे निकरून इलो! आउर हुन एबे बले मोढा भाटा चो फटही पिन्दून रलो। यीशु हुनके बललो, ए फटही ले हुनके निकराउन हुनके आजाद करा।" ए चमत्कार काजे खुबे यहूदी मन यीशु के पतियाला।

![](https://cdn.door43.org/obs/jpg/360px/obs-en-37-11.jpg)

मान्तर यहूदी मन चो धरमी पुजारी मन यीशु ले कुचर होते रओंत, हुनी काजे ऐ मन बिचार बनातो काजे गोटकी जगा ने कूड़ा होला कि कसन ने यीशु आउर लाजर के मोरते मारदे।

*यूहन्ना 11:1-46 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_37_128kbps.m4a

## 38. यीशु के धरातोर

https://openbiblestories.org/l/hlb/story-38/

![](https://cdn.door43.org/obs/jpg/360px/obs-en-38-01.jpg)

सपाय बरख, यहूदी लोग मन फसह चो तियार बनाते रओत। ए तियार एचो काजे रते रये, कि कसन कितलो बरख चो आगे महा परबु हुन मनचो पुरखा मन के मिसर राज चो कमिया मनके छंडाउन रलो। यीशु बाटले सपाय संगे परचार करून आउर सिक्षा देतोर मुरियालो चो तिन बरख चो पाचे, यीशु आपलो चेला मनके बललो कि हुन फसह तियार के हुन मन संगे बनाता काजे मन करलो से, आउर ऐ बले सांगलो कि हुनके हुनी थाने मारदे।

![](https://cdn.door43.org/obs/jpg/360px/obs-en-38-02.jpg)

यीशु चो चेला मन ने गोटोक यहूदा नाव चो गोटोक मनुक रलो। यहूदा प्रेरित मन चो पयसा थैली के संगातो बिता रलो, मान्तर रोजे हुन हुताले पैसा निकराते रलो। यीशु आउर हुनचो चेला मन यरूशलेम अमरलोर पाचे, यहूदा, यहूदी पुजारी चो लगे गेलो। हुन यीशु के चिन्हून धरतो काजे हुन अधिकारी मनके पैसा दिलो। हुन जानते रलो कि हुन पुजारी मन यीशु के मसीह आय बलून नी पतियाते रओत आउर हुनके मोरते मारतो काजे होसोत।

![](https://cdn.door43.org/obs/jpg/360px/obs-en-38-03.jpg)

बड़े पुजारी चो बलतो के यहूदी पुजारी मन यीशु के चिन्हतो काजे यहूदा के 30 चांदी चो सिक्का दिला, ए उसनी होली जसन अगमज्ञानी बलून रये होयदे बलून। हुन यीशु के धरातो काजे गोटोक अवसर डगराते रलो।

![](https://cdn.door43.org/obs/jpg/360px/obs-en-38-04.jpg)

यरूशलेम ने यीशु आपलो चेला मन चो संगे फसह चो तियार बनालो। फसह भोज चो पाचे, यीशु रोटी धरून गोंदा करलो आउर हुन बललो, एके धरा आउर खाहाव ए मोचो देंह आय जोनके मय तुमचो काजे देऊआय। एके मोचो सुरता ने करासे। "ए परकार ले यीशु हुन मनके बललो, कि हुन उन मनचो काजे मरेदे, माने कि हुन उन मनचो काजे आपलो देहं देयदे।

![](https://cdn.door43.org/obs/jpg/360px/obs-en-38-05.jpg)

फेर यीशु दाखरस चो बटका धरलो आउर बललो, "एके पीया। ए मोचो लहू चो नुआ बाचा आय, महा परबू तुमचो पाप मनके क्षमा करेदे। हुनी काजे मय आपलो लहू के तुमचो उपरे उलदेंदे। तुमी बले हुनी करा जोन एबे मय करेंसे, काय काजे बलले ने जिदलदाय तुमी एके पियासे मके सुरता करासे।"

![](https://cdn.door43.org/obs/jpg/360px/obs-en-38-06.jpg)

तेबे यीशु आपलो चेला मनके बललो, "तुमन ले हर गोटोक झन मके धरायेदे।" चेला मन भकियाला, आउर पुछुक मुरयाला कि कोन आय असन करुआय। यीशु बललो, "मके धरातो बिता हुन आय जोनके मय ये रोटी गोंदा देऊआय।" तेबे यीशु ए रोटी के यहूदा के दिलो।

![](https://cdn.door43.org/obs/jpg/360px/obs-en-38-07.jpg)

हुन रोटी के धरलो पाचे, यहूदा के सयतान समाली। यहूदा निकरून यीशु के धरतो काजे यहूदी पुजारी मन लगे गेलो। उदलदाय राती होउन रली।

![](https://cdn.door43.org/obs/jpg/360px/obs-en-38-08.jpg)

भात खाद्लो पाचे, यीशु आउर हुनचो चेला मन जैतून डोंगरी ने चेगला। यीशु बललो, "तुमी सपाय आजी राती बेरा मके छाड़ून दियासे। ए लिख्लोर आसे, मय धोरई के मरून देयंदे आउर सपाय मेंढा मन बिखरुन जादे।"

![](https://cdn.door43.org/obs/jpg/360px/obs-en-38-09.jpg)

पतरस तेबे यीशु के बललो, "बले मय मरून जयेंदे मान्तर तुके इंकार नी करेंदे!" आउर सपाय चेला मन बले एई बलला।

![](https://cdn.door43.org/obs/jpg/360px/obs-en-38-10.jpg)

तेबे यीशु आपलो चेला मन संगे गतसमनी नाव चो जगा ने गेलो। यीशु आपलो चेला मनके पराथाना करुक लाय बललो, काय काजे कि सयतान हुन मन चो परीछा नी धरो। तेबे यीशु आपन बले परथाना करुक गेलो।

![](https://cdn.door43.org/obs/jpg/360px/obs-en-38-11.jpg)

यीशु तिन हार पराथना करलो कि, "ए मोचो बाबा, होयदे आले तुई मके ए किरपा करून ए दुःख चो बटका के पिवतो काजे मके नी देस। मान्तर पापी लोग मनके क्षमा करतो काजे आउर दुसर बाट नी आसे, जाले तुचो ए इच्छा चो पुरती होओ।" यीशु खुबे बैचैन रलो, आउर हुनचो पसना लहू असन रली। हुनके ताकत देतो काजे महा परबू गोटोक सरगदूत के पठालो।

![](https://cdn.door43.org/obs/jpg/360px/obs-en-38-12.jpg)

हर हार पराथना करलोर पाचे यीशु आपलो चेला मन लगे बोहडलो, मान्तर हुन मन सोउन रला। पाचे यीशु तीसर हार ने जाउन हुन मनके बललो, "चेता! मके धरातो बिता एता आसे।"

![](https://cdn.door43.org/obs/jpg/360px/obs-en-38-13.jpg)

यहूदी पुजारी मन आउर धरम सियान ,सिपाही आउर गोटोक बड़े भीड़ संगे यहूदा ईला। हुनमन खांडा मन आउर ठेंगा मन धरून रओत, यहूदा यीशु लगे जाउन हुनके बललो," ऐ गुरु, जुआर," आउर हुनके चुमलो। हुन धरतो बिता मनुक के यहूदी पुजारी मन के द्खातो काजे असन करलो। तेबे यीशु बललो," ऐ यहूदा, काय तुई गोटोक चूमा ले मके धरासित।

![](https://cdn.door43.org/obs/jpg/360px/obs-en-38-14.jpg)

जिदलदाय हुन सिपाही मन यीशु के धरते रओत, तेबे पतरस आपलो खांडा के निकरालो आउर बड़े पुजारी चो गोटोक कमेया चो कान के काटून दिलो।

![](https://cdn.door43.org/obs/jpg/360px/obs-en-38-15.jpg)

यीशु बललो, "खांडा के फैले करून! मय आपलो बाबा ले आपन चो बाचतो काजे सरगदूत मन चो गोटोक सेना ले बिनती करुक लाय सके। मान्तर मके मोचो बाबा चो गोठ के धरतोर आय।" तेबे यीशु हुनचो कान के नंगत उजराउन दिलो। तेबे सपाय चेला मन पराला।

*मत्ती 26:14-56; मरकुस 14:10-50; लूका 22:1-53; यूहन्ना 18:1-11 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_38_128kbps.m4a

## 39. यीशु उपरे धरम मंडली बसाला

https://openbiblestories.org/l/hlb/story-39/

![](https://cdn.door43.org/obs/jpg/360px/obs-en-39-01.jpg)

एदाय ऐ मंजी राती चो बेरा रली। हुन सिपाही मन बड़े पुजारी चो घरे निला, काय काजे बलले ने कि हुन महा पुजारी यीशु ले पुछतो काजे होते रये। पतरस फैले ले हुन मन चो पाट-पाट एते रलो। जिदलदाय सिपाही मन यीशु के घरे नीला, तेबे पतरस बाहरे ठेबुन आइग छेकते रलो।

![](https://cdn.door43.org/obs/jpg/360px/obs-en-39-02.jpg)

घर चो भीतरे, यहूदी पुजारी मन यीशु काजे धर्म मंडली बसाला। हुन मन उनचो काजे खुबे ठगी लोग मन के आनून रला, जोन मन ठगी गोठ करतो बिता मन रला। फेर बले हुन मनचो गोठ एक दुसर ले मेल नी खाते रली, आउर एची काजे यहूदी मन ए नी सांगुक लाय सकला, कि हुन काई गोठ चो दोसी रलो। यीशु काई नी बललो।

![](https://cdn.door43.org/obs/jpg/360px/obs-en-39-03.jpg)

आखिरी ने बड़े पुजारी यीशु बाटे दखुन बललो, “हाम के सांग कि तुई ची जीवित महा परबू चो बेटा मसीह आस?"

![](https://cdn.door43.org/obs/jpg/360px/obs-en-39-04.jpg)

यीशु बललो, हव मय आय, आउर तुमी मके महा परबू चो संगे बसलो के आउर सरग ले एतो के दखासे।" बड़े पुजारी आपलो फटही के चिरून दिला कसन बललो ने जोन यीशु सांगलो हुन दुसर पुजारी मन के किरकिरलो, "आमके ए सांगतो काजे कोनी आउर गवई चो जरूरत नी आय कि ऐ मनुक काय करलोसे! तुमी आपन मन ची हुनके ए बलतो बेरा सुनलासास कि हुन महा परबू चो बेटा आय। हुनचो बारे ने तुमचो काय निरनय आय?"

![](https://cdn.door43.org/obs/jpg/360px/obs-en-39-05.jpg)

सपाय यहूदी पुजारी मन महायाजक के सांगला, "हुन मरतो असन लाइक चो आय! "तेबे हुनमन चो आंइक ने पट्टी बांधून दिला, हुनचो उपरे थुकला, हुनके पेटला, आउर हुनचो हांसी करला।

![](https://cdn.door43.org/obs/jpg/360px/obs-en-39-06.jpg)

आउर पतरस, जिदलदाय खोर ने बाट दखते रला। तेबे गोटोक कमिया लेकी हुनके दखली। हुन हुनके बलली, "तुई बले तो यीशु संगे रलिस!" पतरस मोय नोवाय बललो। पाचे, कोनी दुसर लेकी एई गोठ बलली, आउर पतरस फेर ले मुकरलोव। आखिरी ने खिंडीक लोग मन बलला, "हामी जानू कि तुई यीशु संगे रलिस काय काजे बलले ने तुमी दुनो झन गलील चो आहास।"

![](https://cdn.door43.org/obs/jpg/360px/obs-en-39-07.jpg)

तेबे पतरस ए बललो, “आले मय ए मनुक के जाने आले महा परबू मके सराप देओ!" तुरते ए किरिया खाद्लो पाचे गोटोक कुकड़ा बासली। तेबे यीशु पाटकुती उलटून पतरस के दखलो।

![](https://cdn.door43.org/obs/jpg/360px/obs-en-39-08.jpg)

पतरस हुन थाने ले गेलो आउर फुडून-फुडून गागलो। हुनी बेरा यीशु के धरतो बिता यहूदा दखलो कि यीशु के मिरतु दंड दिलासे। यहूदा खुबे हतास होलो आउर जाउन आपन के मोरते मारलो।

![](https://cdn.door43.org/obs/jpg/360px/obs-en-39-09.jpg)

एदायं हुन देश चो राज पाल पिलातुस रये। हुन रोम राज काजे बूता करते रलो। यहूदी पुजारी यीशु के हुनचो लगे नीला। हुन मन चाहते रला कि पिलातुस हुनके मिरतु डण्ड देओ आउर मारो। तेबे पिउलातुस यीशु ले पूछलो, "काय तुई यहूदी मन चो राजा आस?"

![](https://cdn.door43.org/obs/jpg/360px/obs-en-39-10.jpg)

यीशु हुनके बललो, तुई सते बललीस। मान्तर मचो राज एथाने धरती चो नुआय। आउर होती आले तेबे मोचो कमिया मन मोचो काजे लड़ई लड़ता। मय ए जगत ने महा परबू चो बारे ने सत गोठ सांगतो काजे इलेसे। आउर हर गोटोक मनुक जोन सत ले मया सन्गाउआय हुन मोचो सुनुआय।" पिलातुस बललो, "तो सत काय आय?"

![](https://cdn.door43.org/obs/jpg/360px/obs-en-39-11.jpg)

यीशु संगे गोठीयालो पाचे, पिलातुस बाहरे भीड़ लगे जाऊन बललो, "मके काई बले असन कारन नी मिरली, दोसी नी पावले कि मय ए मनुक के मारेंदे। मान्तर यहूदी पुजारी आउर भीड़ मन जोर ले किरकिरुन बलला, "हुनके कुरूस ने चेगा!" पिलातुस बललो, 'हुन दोसी नुआय।" मान्तर हुन मन आउर बले जोर ले किरकिरला तेबे पिलातुस तीसर हार बललो, "हुन दोसी नुआय!"

![](https://cdn.door43.org/obs/jpg/360px/obs-en-39-12.jpg)

पिलातुस डरलो कि हुन भीड़ झगड़ा-लड़ई करदे, हुनी काजे हुन आपलो सिपाही मन बाट ले यीशु के कुरूस ने चेगातो काजे मानलो। रोमी सिपाही मन यीशु के कोढ़ा मारला, आउर हुनके राजसी फटही पिन्दाला, आउर हुनके मुंडी ने काटा चो मुकुट के पिन्दाला। तेबे हुन मन जमे हुनचो हांसी करला, "ए दखा यहूदी मन चो राजा!" "

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 बाइबल चो गोटोक कहानी "*

Audio: https://git.door43.org/OBS-TLF/hlb_obs/releases/download/v1/hlb_obs_v1_39_128kbps.m4a

## 40. यीशु के कुरूस ने चेगातो

https://openbiblestories.org/l/hlb/story-40/

![](https://cdn.door43.org/obs/jpg/360px/obs-en-40-01.jpg)

यीशु चो हांसी करलोर पाचे, सिपाही मन हुनके कुरूस ने चेगातो काजे नीला। यीशु के हुनी कुरूस के उठाऊक बलला जोन कुरूस ने हुनके मारतोर रली।

![](https://cdn.door43.org/obs/jpg/360px/obs-en-40-02.jpg)

हुन सिपाही मन, यीशु के हुन डेरा ने नीला जोन के "खोपड़ी" बलुआत आउर हुनचो हात आउर पायं के कुरूस ने ठेचला। मान्तर यीशु बललो, "ए बाबा, ए मनके माफ़ी दे काय काजे बलले ने ए मन नी जनोत कि ए मन काय करसोत। हुन मन यीशु चो मुंडी उपरे तख्ता के लटकाला। हुन थाने लिखूंन रली, "यहूदी मन चो राजा" पिलातुस हुन मन के एई लिखतो काजे बलून रये।

![](https://cdn.door43.org/obs/jpg/360px/obs-en-40-03.jpg)

तेबे सिपाही मन यीशु चो फटही काजे कागज़-पत्तर डाल ला। जिदलदाय हुन मन असन करला तेबे हुन मन हुन आगे होतो बीती भविष्य के सत करला जोन बलते रये, हुनमन मोचो फटही के आपनी मन ने बाटला, आउर मोचो फटही काजे कागज़-पत्तर डालला।"

![](https://cdn.door43.org/obs/jpg/360px/obs-en-40-04.jpg)

हुन थाने दुई ठन खंगार मन बले रला, जोन के सिपाही मन उदलीदाय कुरूस ने चेगाउन रला। हुनमन उन खंगार मन के यीशु चो दुनो बाटे कुरूस ने चेगाउन रला। हुन थानो गोटोक खंगार यीशु चो हांसी करून रलो मान्तर दुसर बीता बललो, कि काय तुके डर नी लागुआय कि महा परबू तुके डण्ड देयदे? हामी खुबे गलत बूता करतो चो दोसी आवं, मान्तर ए मनुक निरदोस आय।" फेर हुन यीशु ले बललो, जिदलदाय" तुई आपलो राज ने एसे तेबे मोके सुरता करसे।" यीशु बललो, "आजी ची तुई मचो संगे सरगलोक ने होसे।

![](https://cdn.door43.org/obs/jpg/360px/obs-en-40-05.jpg)

तेबे यहूदी पुजारी आउर भीड़ मन यीशु चो हांसी करुक मुरियाला, हुनमन यीशु के बलला, ‘तुई महा परबू चो बेटा आस आले कुरूस ले खाले आव आउर आपन के बचाव! तेबे आमी तुचो उपरे बिसवास करुंदे।"

![](https://cdn.door43.org/obs/jpg/360px/obs-en-40-06.jpg)

तेबे हुन सपाय देश चो बादरी करिया उलटली, बले ही उदलदाय दिन बेरा रली। आउर उदलदाय मूंडे बेरा रली, आउर 3 घंटा ले असनी ची रली।

![](https://cdn.door43.org/obs/jpg/360px/obs-en-40-07.jpg)

तेबे यीशु हाग देउन बललो, "पुरली! ए बाबा, मय आपलो जीव तुचो हाथ ने सोपुन देयसे।" तेबे हुन आपलो मुंडी के खाले करून आपलो जीव छांडलो। जिदलदाय हुन मोरलो तेबे उदलदाय गोटोक भुई डूलली। हुन बढ़े आढ़ जोन महा परबू चो हाजिरी ले अलगे करुआय उपरे ले खाले के दुई भाग होली।

![](https://cdn.door43.org/obs/jpg/360px/obs-en-40-08.jpg)

आपलो मोरलो बाटले यीशु लोग मन काजे महा परबू लगे एतो बाट के उगाढलो। यीशु के राका देतो बिता गोटोक सिपाही ए सब घटना के होतोके दखलो आउर बललो, "सत्ते ए मनुक निरदोस रलो। ए महा परबू चो बेटा आय।"

![](https://cdn.door43.org/obs/jpg/360px/obs-en-40-09.jpg)

तेबे युसूफ आउर निकुदेमुस नाव चो दुई पुजारी मन इला। हुन मन पतियाते रला कि यीशु ची मसीह रलो। हुन मन पिलातुस ले यीशु चो देहं के मांगला। हुन मन हुनचो देहं के गोटोक फटही ने घुमटाला। तेबे हुन मन यीशु के गोटोक पकना खदान ले काटून बनालो मोढ़ा ने नीला आउर हुनचो भीतरे संगाला। तेबे हुन मन यीशु चो मोठ के ढाकतो काजे गोटोक बढ़े पकना के ठेगलुन दिला।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_40_128kbps.m4a

## 41. महा परबू मोरलो लोग मन ले यीशु के जीव उठातोर।

https://openbiblestories.org/l/hlb/story-41/

![](https://cdn.door43.org/obs/jpg/360px/obs-en-41-01.jpg)

सिपाही मन बाटले यीशु के कुरूस ने चेगालो पाचे, यहूदी पुजारी मन पिलातुस ले बलला, "हुन ठगरा, यीशु बलून रये, हुन मोरलो मन थाने ले 3 दिन पाचे जीव उठेदे। कोकई बले ए दखतो काजे कि यीशु चो देह के हुनचो चेला मन चोरून बातिन नेयदे, हुनी काजे कोनी बले राका रदे, नाहाले हुन चेला मन ए बलदे कि यीशु मोरलो लोग ले जीव उठलो।"

![](https://cdn.door43.org/obs/jpg/360px/obs-en-41-02.jpg)

पिलातुस बललो, “खिंडीक सिपाही मनके नियाँ आउर जसन तुमके राका करतोर आय उसन करा।" एची काजे हुन मन ओलतो बाट चो पकना ने गोटोक मुहर लगाउन दिला कि कोनी बले यीशु चो देहं के चोरून नी नेओत बलून हुन डेरा ने खिंडीक सिपाही मनके बल बसाला।

![](https://cdn.door43.org/obs/jpg/360px/obs-en-41-03.jpg)

यीशु चो मोरलो चो पाचे चो दिन बिसातो चो दिन रली। कोनी बले बिसातो चो दिन ने बूता नी करते रहोत, हुनी काजे यीशु चो कोनी बले मित संगवारी मन हुनचो मोठ ने नी इला। मान्तर बिसातो चो पाचे चो दिन ने, बड़े बियाने-बियाने, खिंडीक बायले मन यीशु चो मोठ ने जातो काजे तियार होला। हुन बायले मन यीशु चो देहं ने आउर बले मसाला लगाउक जाऊन रला।

![](https://cdn.door43.org/obs/jpg/360px/obs-en-41-04.jpg)

हुन बायले मन चो आमरतो आगे, मोठ ने गोटोक बड़े भुई डोल होली। सरग ले गोटोक सरगदूत एउन हुन पकना के गुचाउन दिलो, जोन मोठ चो ओलतो बाट ने ढाकुन रला आउर हुन थाने बसून रलो। ऐ सरगदूत उजर असन बरते रलो। हुनमन इतरो डरून गेला कि मोरलो लोग असन भी ने पड़ला।

![](https://cdn.door43.org/obs/jpg/360px/obs-en-41-05.jpg)

जिदलदाय हुन बायले मन मोठ लगे अमरला तेबे हुन सरगदूत हुन बायले मन के बललो, “नी डरा! यीशु एता नी आय। हुन मरलो थानले जीव उठलोसे, जसन कि हुन बलुन रलो कि हुन जीव उठेदे! मोठ ने जाहा आउर डगराउन दखा।" हुन बायले मन मोठ चो भीतरे जोन लगे यीशु चो देहं संगालो रली, डगराला हुन थाने यीशु चो देंह नी रली!

![](https://cdn.door43.org/obs/jpg/360px/obs-en-41-06.jpg)

तेबे हुन सरगदूत हुन बायले मनके बललो, जाउन हुनचो चेला मनके सांगा, "यीशु मरलो थानले जीव उठलोसे" आउर हुन तुमचो पुरे-पुरे गलील ने जायदे।

![](https://cdn.door43.org/obs/jpg/360px/obs-en-41-07.jpg)

हुन बायले मन भकियाला आउर खुबे हरिक होला। हुन चेला मनके ऐ नंगत गोठ के सागतो काजे पराला।

![](https://cdn.door43.org/obs/jpg/360px/obs-en-41-08.jpg)

जिदलदाय हुन बायले मन चेला मनके ऐ नंगत गोठ सांगतो काजे आपलो बाटे रेंगते रली, तेबे यीशु हुन मन के दखा दिलो। हुन यीशु चो पायं ने घसरली आउर तेबे यीशु बललो, "नी डरा। जाउन मोचो चेला मनके गलील जातो काजे सांगा। हुनमन हुन थाने मके दखदे।

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_41_128kbps.m4a

## 42. यीशु चो सरग फिरतोर

https://openbiblestories.org/l/hlb/story-42/

![](https://cdn.door43.org/obs/jpg/360px/obs-en-42-01.jpg)

जोन दिने महा परबु यीशु के मरलो लोग ने जीव करलो, हुन चो दुय झन चेला मन लगे चो गाँव बाटे जाते रओत। जातो दायं हुनमन यीशु संगे जोन होउन रये हुन चो बारे ने गोठयाते रला, हुन मनके आशा रली कि यीशु मसीह रलो, मान्तर तेबे बले हुनके मारला। एदाय हुन बायले मन बलते रओत कि हुन फेर ले जीव उठलोसे। हुनमन नी जानते रलो कि कोन गोठ ने विसवास करतोर आय।

![](https://cdn.door43.org/obs/jpg/360px/obs-en-42-02.jpg)

यीशु हुन मन चो लगे एउन हुन मन संगे हिंडूक मुरियालो, मान्तर हुन मन हुनके नी चिताक सकला। यीशु एउन बाती हुनमन के पुछलो कि तुमी कोन गोठ के गोठीयासात। हुनमन बितलो दिने यीशु संगे होलो सपाय घटना होलोके सांगुक मुरियाला। हुन मनके लागते रली कि हुन बिता परदेसी आय जोन नी जाने कि यरूशलेम ने काय होउन रली।

![](https://cdn.door43.org/obs/jpg/360px/obs-en-42-03.jpg)

तेबे यीशु हुन मनके समझालो कि महा परबु चो वचन मसीह चो बारे ने काय बलेसे। खुबे आगे अगमज्ञानी मन बलुन रला कि पापी लोग मन मसीह के डण्ड देदे आउर मारून देदे। मान्तर ए बले बलून रला कि तीसर दिने जीव उठदे।

![](https://cdn.door43.org/obs/jpg/360px/obs-en-42-04.jpg)

जिदलदाय हुन सहर ने अमरला जोन थाने हुनमन दुई झन ठेबतो काजे मन करते रहोत, उद्लदाय सांझ होउन रली। हुनमन यीशु के आपलो संगे ठेबतो काजे बलला। आउर हुनी काजे यीशु हुनमन संगे हुन घरे गेलो। हुनमन राती चो भात खातो काजे बसला। यीशु गोटोक रोटी के धरून महा परबू चो धन्यबाद करलो, आउर हुनके गोंदा करलो। अकच, हुन मन जानला कि, हुन यीशु आय। मान्तर उदलीदाय, यीशु हाजलो।

![](https://cdn.door43.org/obs/jpg/360px/obs-en-42-05.jpg)

हुन दुई झन आपन मन गोठियाला, "हुन यीशु रलो! हुनी काजे जिदलदाय हुन आमके महा परबू चो गोठ के सिखाऊन रये तेबे आमी खुबे हरिक रलु!" तुरते हुन मन निकरून यरुश्लेम ने बोहडला। जिदलदाय हुन मन अमरला तेबे हुन मन चेला मनके सांगला, "यीशु जीव आसे! आमी हुन के दखलुसे!"

![](https://cdn.door43.org/obs/jpg/360px/obs-en-42-06.jpg)

जिदलदाय चेला मन गोठीयाते रओत, यीशु तुरते हुन बाकरा ने दखा दिलो। यीशु बललो, "तुमके शान्ति मिरो!" चेला मन सोचला की हुन कोनी डूमा आय, मान्तर यीशु बललो कि, तुमी काय काजे डरेसात? तुमी असन काये काजे नी बिचारसात कि ए सते ने मय आय? मोचो हाथ आउर पायं के दखा, डूमा मन चो लगे असन देहं नी रउ आय जसन मोचो लगे आसे।" ऐ दखातो काजे कि हुन कोनी डूमा नुआय, यीशु खातो काजे काई मागला। हुन मन हुनके मछरी चो गोटोक गोंदा दिला आउर यीशु हुनके खादलो।

![](https://cdn.door43.org/obs/jpg/360px/obs-en-42-07.jpg)

यीशु बललो," मोचो बारे ने महा परबु चो गोट जोन बले बलेसे हुन घटेदे। मय तुमके सांगुन रये कि असन तो होयदे।" तेबे यीशु हुनमन के महा परबु चो बचन नंगत ले समझालो। हुन बललो, "खुबे आगे अगमज्ञानी मन लिखूंन रला की, मसीह के दुःख उठाउक पड़ेदे, आउर फेर तीसर दिने मरलो थान ले जीव उठेंदे।"

![](https://cdn.door43.org/obs/jpg/360px/obs-en-42-08.jpg)

हुन अगमज्ञानी मन ऐ बले लिखून रओत कि मचो चेला मन महा परबु चो बचन के सांग दे। हुनमन सपाय गोटोक झन के पछताप करतो काजे सांगदे। हुनमन असन करले बले कि महा परबु हुन मनचो पाप मन ले खेमा करेदे। मोचो चेला मन ऐ संदेसा के सागतो काजे यरुश्लेम ले मुरियादे। तेबे हुन सपाय जगा सपाय जाति मन चो लगे जादे। तुमी मन मोचो सपाय गोटोक गोठ आउर बुता चो गवाई आस, जोन मय बलून रये आउर करले, आउर हुन बले जोन मचो संगे होउन रये।

![](https://cdn.door43.org/obs/jpg/360px/obs-en-42-09.jpg)

एचो चालीस दिन चो पाचे, यीशु आपलो चेला मन के कितलो हार दखा दिलो। गोटोक हार हुन गोटोक बेरा ने पांच सो ले खुबे लोग मनके दखा दिलो! हुन आपलो चेला मन के खुबे तरीका ले सत करलो कि जीव आसे, आउर यीशु हुन मनके महा परबू चो राज चो बारे ने सिक्षा दिलो।

![](https://cdn.door43.org/obs/jpg/360px/obs-en-42-10.jpg)

यीशु अपलो चेला मनके बललो, "महा परबु मके सरग आउर धरती चो हर गोटोक झन उपरे राज करतो काजे हुकुम दिलोसे। एची काजे एदाय मय तुमके बलेसे: जाउन बाटी सपाय जाती चो लोग मन के चेला बनावा। असन करतो काजे, तुमके हुनमन के बाबा, बेटा, आउर पबितर आत्मा चो नाव ले बपतिस्मा देतोर आय। जोन खिडिंक बले मय तुमके आज्ञा दिलेसे हुन सपाय गोठ मनके माना बले आउर लोग मनके सिखातो बले आय। सुरता करा, मय अमदिया तुमचो संगे आसे।

![](https://cdn.door43.org/obs/jpg/360px/obs-en-42-11.jpg)

यीशु मरलो थान ले जीव उठतोर चालीस दिन चो पाचे, हुन आपलो चेला मना के ए बललो, "जिदलदाय ले मचो बाबा तुमके सामर्थ बल नी देये, उदलदाय ले यरुश्लेम ने ठेबुन रहा।” हुन तुमचो उपरे पबितर आत्मा पठातो बाटले असन करेदे। तेबे यीशु सरग ने गेलो, आउर गोटोक बादरी हुनके हुन चो नजर ले लुकाली। सरग ने यीशु सपाय जनक ले शासन करतो काजे महा परबु चो उजा हाथ बाटे बसलो।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेरितों के बुता 1:1-11 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_42_128kbps.m4a

## 43. कलीसिया चो मुरियातोर

https://openbiblestories.org/l/hlb/story-43/

![](https://cdn.door43.org/obs/jpg/360px/obs-en-43-01.jpg)

यीशु चो सरग बोहडून जातो पाचे, चेला मन यरुश्लेम ने ठेबला, जसन की यीशु हुन मन के करतो काजे आज्ञा दिलो। हुन थाने चो विसवासी लोग मन रोजे गोटोक संगे पराथना करतो काजे जुआ होते रओत।

![](https://cdn.door43.org/obs/jpg/360px/obs-en-43-02.jpg)

हर बरख फसह तियार चो पचास दिन चो पाचे, यहूदी लोग मन पिनतेकुस्त नाव चो गोटोक खुबे जरुरी दिन के मनाते रओत। पिन्तेकुस्त हुन बेरा रये जिदलदाय लोग मन गंहू चो कटई के मनाते रओत। गुलाय बाट ले यहूदी लोग मन ए तियार के मनातो काजे एते रला। ए बरख पिन्तेकुस्त तियार यीशु चो सरग गेलो चो एक हफ्ता पाचे इली।

![](https://cdn.door43.org/obs/jpg/360px/obs-en-43-03.jpg)

जोन बेरा ने सपाय विसवासी लोग मन गोटोक संगे जुआ होला, तेबे जोन घरे हुन मन रला, हुन थाने खुबे ले लेहरा भरली। तेबे आइग चो लेपटा असन दखतो बीतीन काई खिंडीक बिसवासी मन मुंडी उपरे इली। हुन मन सपाय पबितर आत्मा ले भरून गेला, आउर हुन मन दुसर भासा ने महा परबू चो स्तुति महिमा करुक मुरियाला। हुन मन ए भासा के नी जानते रओत। ए हुन भासा रली जोन के बलतो काजे पबितर आत्मा हुन मन के सकक्षम करली।

![](https://cdn.door43.org/obs/jpg/360px/obs-en-43-04.jpg)

जिदलदाय यरुश्लेम ने रतो लोग मन हुन गरजन के सुनला, तेबे हुन भीड़ चो रूप ने ऐ दखतो काजे गोटोक संगे इला की काय होते रली बलून। हुनमन विसवासी मनके महा परबु चो बाटलो करलो बीती बड़े-बड़े बूता मन चो घोसना करतोके सुनला। हुनमन भकियाउन रला कि हुनमन दुसर दुसर राज चो रओत आउर हुनमन दुसर-दुसर भासा बलते रओत, फेर बले हुन मन महा परबू चो बूटा के आपलो भासा ने सुनते रहोत। चेला मन इस्त्राएल ने रला आउर हुनमन अरामी, इब्रानी , नाहाले यूनानी भासा बलते रओत, मान्तर जमाय लोगमन आपलो-आपलो भासा ने सुनते रला कि महा परबू काय- काय करलोसे।

![](https://cdn.door43.org/obs/jpg/360px/obs-en-43-05.jpg)

ए मनले खिंडिक लोग मन ए बलला कि, हुन चेला मन निसा ने आसोत। मान्तर पतरस उबा उठलो आउर हुन मनके बललो, "मचो गोठ सूना! ए मन निसा ने नियात! हुनचो पलटा, जोन तुमी मन दाखसास ए हुनी आय जोन अगमज्ञानी जोएल बलून रये, कि होयदे: महा परबू बलून रये कि, "आखिरी चो दिन ने मय आपलो आत्मा उलदेंदे।"

![](https://cdn.door43.org/obs/jpg/360px/obs-en-43-06.jpg)

ऐ इस्त्राएल चो मनुक मन, यीशु गोटोक असन मनुक रला जोन ऐ दखतो काजे कि हुन कोन रला खुबे बिचित्र बुता मन करलोसे। हुन महा परबु चो सकत ले खुबे अद्भुत बुता मनके करलोसे। तुमी जानास, काय काजे बललो ने कि तुमी ए बुता मन के दखलासात, मान्तर तुमी हुनके कुरूस ने चेगालास।

![](https://cdn.door43.org/obs/jpg/360px/obs-en-43-07.jpg)

यीशु मरून गेला मान्तर महा परबु हुनके मरलो थानले जीव करलो। ऐ हुन गोठ के सत करून दिलो जोन गोठ के गोटोक अगमज्ञानी लिखून रला, "तुई आपलो पवित्र लोग के मोठ ने सडूक नी देसे।" आमी गवा आव की महा परबु यीशु के फेर ले जीव करून दिला।

![](https://cdn.door43.org/obs/jpg/360px/obs-en-43-08.jpg)

महा परबु बाबा एदाय यीशु के आपलो उजा बाटे बसाहाउन हुनके आदर मान दिलोसे। आउर यीशु आमचो काजे पबितर आत्मा के पठालोसे जसन कि हुन किरिया धरून रये कि हुन पठाउआय। पवित्र आत्मा ची हुन बूता मनके होउक देयसे जोनके तुमी दखासात आउर सुनसात।

![](https://cdn.door43.org/obs/jpg/360px/obs-en-43-09.jpg)

तुमन मन हुन मनुक यीशु के कुरूस ने चेगान दिलास। मान्तर ए जानुन रहा कि महा परबू यीशु के जमाय चीज ने परबू आउर मसीह दुनो ठेबालोसे।

![](https://cdn.door43.org/obs/jpg/360px/obs-en-43-10.jpg)

पतरस चो सुनतो लोग मन हुनचो बाटले बललो गोठ के सुनुन बातिन भीतरे ले हलून गेला। एची काजे हुन मन पतरस आउर चेला मनके पुछला, "ए भाई मन, आमके काय करतोर आय।

![](https://cdn.door43.org/obs/jpg/360px/obs-en-43-11.jpg)

पतरस हुनके बललो, "तुमन मन ले गोटोक-गोटोक झन आपलो पाप मन काजे पचताप करा, आउर यीशु मसीह चो नाव ले बपतिस्मा धरा। तेबे हुन तुमके पबित्र आत्मा के बरदान ने देयदे।"

![](https://cdn.door43.org/obs/jpg/360px/obs-en-43-12.jpg)

पतरस जोन बललो हुन गोठ ने तिन हजार लोग मन सत करला आउर यीशु चो चेला मन बनला। हुन मन बपतिस्मा धरला आउर यरूशलेम चो कलीसिया चो हिस्सा बनला।

![](https://cdn.door43.org/obs/jpg/360px/obs-en-43-13.jpg)

जिदलदाय प्रेरित मन हुन मनके सिक्षा दिला तेबे विसवासी मन सरसरा सुनला हुन मन रोजे भेट होते रओत, आउर संगे भात खाते रला, आउर हुन मन गोटोक दुसर चो काजे पराथना करते रओत। हुनमन मिलुन मिसून महा परबू चो स्तुति करते रओत आउर जोन बले काई हुन मंचो लगे रये हुनके बाटा करते रला। सहर चो जमाय लोग मन हुन मन काजे नंगत बिचार करते रओत। रोजे आगर ले आगर लोग मन बिसवासी बनते गेला।

*प्रेरितों के बुता 1:12-14; 2 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_43_128kbps.m4a

## 44. पतरस आउर युहन्ना गोटोक भिक मांगू खोडीया के उजराला

https://openbiblestories.org/l/hlb/story-44/

![](https://cdn.door43.org/obs/jpg/360px/obs-en-44-01.jpg)

गोटोक दिने पतरस आउर युहुना मन्दिर ने गेला, गोटोक खोडीया मनुक भीख मांगतो काजे बाट देवना ने बसून रलो।

![](https://cdn.door43.org/obs/jpg/360px/obs-en-44-02.jpg)

पतरस हुन खोडीया मनुक बाटे दखलो आउर बललो, "मोचो लगे तुके देतो काजे पैसा नियाय मान्तर जोन मोचो लगे आसे हुन मय तुके देयदे।" यीशु चो नाव ले उठ आउर हिंड!

![](https://cdn.door43.org/obs/jpg/360px/obs-en-44-03.jpg)

तुरते महा परबु हुन खोडीया मनुक के नंगत करून दिला। हुन एबाटे हुनबाटे हिंडलो आउर कुदलो, आउर महा परबु चो स्तुति करूक लाय मुरियालो, फेर मंदिर चो दुआर ने उबलो लोग मन भकियाला।

![](https://cdn.door43.org/obs/jpg/360px/obs-en-44-04.jpg)

झपके लोग मन चो गोटोक भीड़ हुन मनुक के दखतो काजे इली जोन नंगत होऊन रलो, "पतरस हुनमन के बललो, "ऐ मनुक उजरलो। मान्तर ए गोठ ने नी भकियावा कि आमी एके आपलो सकत ले उजरालू से, नाहाले आमी महा परबू चो आदर करुआव बलून नाई मान्तर, ए मनुक के उजरातो बिता यीशु आय।"

![](https://cdn.door43.org/obs/jpg/360px/obs-en-44-05.jpg)

हुन तुमी मन रलास जोन हुन रोमी राजपाल के यीशु के मारतो काजे बलून रलास। जोन सपाय के जीव देउआय हुन यीशु के तुमी मरालास। मान्तर महा परबु हुनके मोरलो थानले जीव उठाला। तुमी मन नी जानलास कि तुमी मन काय करलास, मान्तर जिदालदाय तुमी हुन बुता के करते रलास तेबे जोन गोठ अगमज्ञानी मन बलून रला हुन गोठ सत होली। मसीह दुःख भोगुन बातिन मरून जायेदे बलून रला। महा परबू एके असन ले होउक दिलो एची काजे पचताप करा आउर महा परबू बाटे फिरा, तेबे हुन तुमचो पाप मन के धोउन छुक-छुका करून देदे।

![](https://cdn.door43.org/obs/jpg/360px/obs-en-44-06.jpg)

जिदलदाय मंदिर चो पुजारी मन पतरस आउर यहुन्ना के सुनला, तेबे हुनमन डरला एची काजे हुनमन हुन मनके धरून जेल खाना ने ढाकुन दिला। मान्तर जोन पतरस बलून रलो हुन गोठ ने खुबे लोग बिसवास करला।यीशु चो उपरे बिसवास करतो लोग मन चो गिनती बडून बातिन पांच हजार ले आगर होली।

![](https://cdn.door43.org/obs/jpg/360px/obs-en-44-07.jpg)

दुसर दिने, हुन यहूदी पुजारी मन पतरस आउर युहन्ना के बड़े पुजारी आउर दुसर धर्म गुरु मन लगे आनला। हुनमन हुन मनुक के बले आनला जोन खोड़िया रलो। हुनमन पतरस आउर युहन्ना के पुछला," काय हक़ ले तुमी मन हुन खोड़िया के उजरालास?"

![](https://cdn.door43.org/obs/jpg/360px/obs-en-44-08.jpg)

पतरस बललो, ऐ मनुक जोन तुमचो पुरे उबलो से हुनके यीशु मसीह चो सामर्थ बाटले चंगा करलासे। तुमी यीशु के कुरूस ने चेगालास, मान्तर महा परबू हुनके फेर ले जीव कराला! तुमी मन हुनके नी पतियालास, मान्तर यीशु चो सकत चो बाट ले उद्धार पावतो चो कोनी बले दुसर बाट नी आसे!"

![](https://cdn.door43.org/obs/jpg/360px/obs-en-44-09.jpg)

हुन पुजारी मन भकियाला कि पतरस आउर यहुन्ना खुबे साहसी ले गोठीयाला। हुनमन दखला कि ए मनुक मन साधारण मनुक मन आत जोन मन अनपढ़ रला। मान्तर फेर हुन मनके ए गोठ सुरता पडली कि ए मनुक मन यीशु संगे रला। एची काजे हुनमन हुन मनके" बलला, तुमी मन यीशु चो बारे ने आउर काई संदेसा लोग मनके दिलास आले आमी तुमन मनके खुबे बड़े डण्ड देउन्दे।" असन खुबे गोठ बललो पाचे, हुनमन पतरस आउर युहन्ना के जाउक लाय दिला।

*प्रेरितों के बुता 3-4:22 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_44_128kbps.m4a

## 45. स्तिफनुस आउर फिलिपुस

https://openbiblestories.org/l/hlb/story-45/

![](https://cdn.door43.org/obs/jpg/360px/obs-en-45-01.jpg)

सपाय ले आगे मसीही पुजारी मन चो मंजिगता ने स्तिफनुस नाव चो गोटोक मनुक रलो, सपाय लोगमन हुनचो मान करते रओत पबितर आत्मा हुनके खुबे सकत आउर बुद्धि देऊन रला। स्तिफनुस खुबे चमत्कार करून रये। जिदलदाय हुन यीशु उपरे बिसवास करतो चो सिक्षा दिलो, तेबे खुबे लोग हुनचो उपरे बिसवास करला।

![](https://cdn.door43.org/obs/jpg/360px/obs-en-45-02.jpg)

गोटोक दिने स्तिफनुस यीशु चो बारे ने सिक्षा देते रलो, आउर खिंडिक असन यहुदी मन इला जोन मन यीशु चो उपरे विसवास नी करून रला। आउर हुनचो संगे बहस करुक मुरियाला। हुनमन खुबे रीस होला, एचो काजे हुन मन पुजारी मन लगे गेला। आउर हुन मन बलला, आमी स्तिफनुस के मुसा आउर महा परबू चो बारे ने गलत गोठ मन बलुक मुरियालो!" एची काजे धरम चो पुजारी मन स्तिफनुस के गिरफ्तार करला। आउर हुनके बड़े पुजारी आउर पुजारी मन पुरे आनला। आउर बले ठगरा गवा मन इला आउर स्तिफनुस चो बारे ने ठगला।

![](https://cdn.door43.org/obs/jpg/360px/obs-en-45-03.jpg)

बड़े पुजारी स्तिफनुस के पूछलो, "काय ऐ लोग मन तुचो बारे ने सते बलसोत?" स्तिफनुस बड़े पुजारी के जबाब देतो काजे खुबे असन गोट मन के बलुक मुरियालो। हुन बललो, अब्राहाम चो बेरा ले धरून यीशु चो बेरा तकले महा परबु इसराएल चो लोग मन काजे खुबे बड़े-बड़े बुता मन करून रये। मान्तर लोगमन महा परबु चो हुकुम के नी मानते रओत। स्तिफनुस बबलो, तुमी लोगमन महा परबु चो बिरुद बिकट हटी आउर बलवा करतो बिता मन आहास। तुमन मन अमदिया महा परबू चो पबितर आत्मा के इन्कार करलास आउर हुनचो अगमज्ञानी मनके मोरते मारलास। मान्तर हुनमन जोन काई बले करून रला हुनचो तुलना ने तुमी मन आउर बले बुरा बुता मन करलासात! तुमी मन मसीह के मारलास!"

![](https://cdn.door43.org/obs/jpg/360px/obs-en-45-04.jpg)

जिदलदाय हुन धरम पुजारी मन ऐ सुनला, तेबे हुनमन इतरओ रीस होउन गेला की हुनमन आपलो कान मनके ढाकुन दिला आउर जोर ले किरकिरला। आउर हुन मन स्तिफनुस के सहर ले बाहरे नीला आउर हुनके मोरतो मारतो काजे हुनचो उपरे पकना पकाला।

![](https://cdn.door43.org/obs/jpg/360px/obs-en-45-05.jpg)

जिदलदाय स्तिफनुस मरते रलो, हुन गुहार दिलो, "ए यीशु मचो आत्मा के गरहन कर!" तेबे हुन आपलो मांडी टेकलो आउर फेर चे गुहार दिलो, "हे परबू, ए पाप हुन मनचो उपरे नी लगाव।" तेबे हुन मारलो।

![](https://cdn.door43.org/obs/jpg/360px/obs-en-45-06.jpg)

हुन दिने, यरुश्लेम ने रतो लोगमन के खुबे लोग मनके यीशु चो दास लोग मनके सताव करुर मुरियाला, एची काजे बिसवासी मन दुसर ठान ने पराला। एचो पाचे बले, जोन कोनी थाने बले हुन मन गेला हुन मन यीशु चो परचार कारला।

![](https://cdn.door43.org/obs/jpg/360px/obs-en-45-07.jpg)

फिलिप्पुस नाव चो यीशु चो गोटोक बिसवासी रये। जसन दुसर खुबे बिसवासी मन करून रला हुन बले यरूशलेम ले परालो। हुन सामरिया चो बाटे जाते गेलो। हुन थाने हुन यीशु चो बारे ने प्रचार करलो। खुबे लोगमन हुन चो उपरे बिसवास करला आउर उद्धार पावला। गोटोक दिने, फिलिप्पुस लगे महा परबु बाटले गोटोक सरगदूत इला आउर हुनके रान ने जातो काजे आउर गोटोक बाट ने रेंगतो काजे बललो। फिलिप्पुस हुन जागा ने जाते गेला। जिदलदाय फिलिप्पुस हुन बाट ने हिंडते रलो, तेबे हुन गोटोक मनुक के आपलो रथ ने जाते दखलो। हुन मनुक कुश देश चो गोटोक बड़े अधिक्कारी रलो। पबितर आत्मा फिलिप्पुस के बललो की, हुन जाउन बिता ले गोठियाओ।

![](https://cdn.door43.org/obs/jpg/360px/obs-en-45-08.jpg)

एचो काजे फिलिप्पुस रथ चो लगे गेलो कि हुन सुनला की हुन कुशी महा परबु चो बचन के पढ़ते रलो। जोन यशायाह अगमज्ञानी लिखून रलो हुन हुनके पढ़ते रलो। हुन बलि करतो काजे मेंढा के निलो असन निला आउर हुन गोटोक मेंढी पिला असन ओगाय होलो, हुन बले गोटोक सब्द नी बललो। हुनमन हुनचो संगे अनुचित रीति ले गलत काम के करला आउर हुनचो मान नी करला। हुनमन हुनचो जीव के धरला।"

![](https://cdn.door43.org/obs/jpg/360px/obs-en-45-09.jpg)

फिलिप्पुस हुन कुशी ले पुछलो, 'जोन तुई काई बले पढ़सित हुन काय तुई हुनके समझ सित?" हुन कुशी जबाब दिला, "नाई। जिदलदाय ले कोनी एके मोके नी समझादे मय कसन ने समझेंदे। किरपा करून मचो लगे एउन बस। काय यशायाह ऐ आपलो बारे ने लिखते रये कि कोची आउर चो बारे ने?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ उपरे चेगुन बसलो। तेबे हुन कुशी मनुक के हुन सागलो जोन यशायाह यीशु चो बारे ने लिखून रये। फिलिप्पुस महा परबु चो बचन चो खुबे दुसर भाग ले बले गोठियालो। असन ने फिलिप्पुस हुन मनुक के यीशु चो बारे ने नंगत खबर के सुनालो।

![](https://cdn.door43.org/obs/jpg/360px/obs-en-45-11.jpg)

फिलिप्पुस आउर हुन कुशी जाते-जाते पानी लगे अमरला। तेबे हुन कुशी बललो, “दख एथाने पानी आसे! काय मय बपतिस्मा धरुक नी सके?' आउर हुन सारथी ले रथ के ढेबातो काजे हुकुम दिलो।

![](https://cdn.door43.org/obs/jpg/360px/obs-en-45-12.jpg)

तेबे हुनमन दुनो पानी ने गेला, आउर फिलिप्पुस हुन कुशी बिता के बपतिस्मा दिलो। जिदलदाय हुनमन पानी ले बाहरे निकरला तेबे उदलीदाय पबितर आत्मा एउन फिलिप्पुस के उठाउन दुसर जगा ने नीला। उन थाने फिलिप्पुस लोग मनके यीशु चो बारे ने सांगतो जारी संगालो।

![](https://cdn.door43.org/obs/jpg/360px/obs-en-45-13.jpg)

हुन कुशी आपलो घरे चो बाट ने रेंगलो, कि हुन खुबे हरिक होलो कि एदे हुन यीशु के जाने।

*प्रेरितों के बुता 6-8 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_45_128kbps.m4a

## 46. पोलुस चो मसीही बिसवासी बनतोर।

https://openbiblestories.org/l/hlb/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाव चो गोठक मानुक रये जोन यीशु उपरे सत नी करलो। जिदलदाय हुन जुआन रलो, तेबे हुन स्तिफनुस के मारतो लोग मन चो फटही चो राका रते रये। पाचे, हुन बिसवासी मनके सताऊंन रलो। हुन यरूशलेम ने घरे-घरे जाउन बातिन मनुक आउर बायले दुनो के धरून जेलखाना ने डालून दिलो। तेबे बड़े पुजारी शाउल के दमिश्क सहर ने जातो काजे अनुमति दिलो। हुन हुन थानों मसीह मन के धरून यरूशलेम ने धरून बोहडतो काजे बललो।

![](https://cdn.door43.org/obs/jpg/360px/obs-en-46-02.jpg)

शाऊल ने दमिश्क जातो काजे जात्रा मुरियालो। हुन सहर ने अमरतो चो खिंडीक पुरे हुनचो गुलाय बाटे बादरी ले गोटोक चमकतट बीतीन उजर चमकली आउर हुन भुई ने घसरलो। शाउल कोकी गोठियातो के सुनलो "हे शाउल! हे शाउल! तुई मके काय काजे सता सित?" शाउल पूछलो, "हे परबू, तुमी कोन आहास?" यीशु हुनके जबाब दिला, "मय यीशु आयं तुई मके सतासित!"

![](https://cdn.door43.org/obs/jpg/360px/obs-en-46-03.jpg)

जिदलदाय शाऊल उठलो तेबे हुन दखुक नी सकलो। हुनचो मित मन हुनके दमिश्क ने नेउन रला। शाउल तीन दिन ले काई बले खाऊन-पिउन नी रलो।

![](https://cdn.door43.org/obs/jpg/360px/obs-en-46-04.jpg)

दमिश्क ने हनन्याह नाव चो गोटोक चेला रलो। महा परबु हुनके बललो, "हुन घर ने जा जोन थाने शाऊल ठेबलोसे। आपलो हाथ के हुनचो उपरे संगाव ताकि हुन फेरले दखुक सको। "मान्तर हनन्याह बललो, "हे परबू, मय सुनलेसे कि ए मनुक बिसवासी मनके कसन सतालोसे।" महा परबू हुनके बललो, "जा! मय हुनके यहूदी मन ने आउर दुसर जाति मन ने मोचो नाव चो घोसना करतो काजे बाचलेसे। हुन मोचो नाव काजे खुबे कस्ट भोगेदे।"

![](https://cdn.door43.org/obs/jpg/360px/obs-en-46-05.jpg)

तेबे हनन्याह शाऊल लगे गेलो, आपलो हाथ के हुन चो उपरे संगालो आउर बललो, "यीशु, जोन एताने एतो काजे तुचो बाट ने परगट होउन रये, मके तुचो लगे पठालोसे काय काजे बललेने कि तुई फेर ले दखुक मुरिया, आउर पबितर आत्मा तुके भरून देओ।" फेर तुरते शाउल दखुक सकलो, आउर हनन्याह हुनके बपतिस्मा दिलो। तेबे शाउल भात खादलो आउर खुबे बल बिता होले।

![](https://cdn.door43.org/obs/jpg/360px/obs-en-46-06.jpg)

तेबे ले शाऊल दमिश्क ने रतो लोग यहूदी मनके परचार करुक लाय मुरियालो। हुन बललो, "यीशु ची महा परबू चो बेटा आय!" यहूदी मन भकियाला काय काजे बललेने कि शाउल बिसवासी मनके मारतो काजे होते रये, मान्तर एदे हुन यीशु उपरे सत करसे। शाउल यहूदी मन संगे बिबाद करलो हुन दखलो कि यीशु ची मसीह आय।

![](https://cdn.door43.org/obs/jpg/360px/obs-en-46-07.jpg)

खुबे दिन पाचे, यहूदी मन शाऊल के मारतोर बिचार करला। हुनमन हुनके मारतर काजे नगर चो फडकि ने लोग मनके पठाला, की हुनचो राका रओत। मान्तर शाउल हुन सपाय गोठ के सुनुन रये, आउर हुनचो मित मन हुनके बाचुन निकरतो ले मदद करला। गोटोक राती बेरा के हुनके हुनचो मित मन टुकना ने बसाउन बातिन नगर चो भीती ले खाले उतराउन दिलाव दमिश्क ले बाचुन निकरलो पाचे शाउल यीशु चो बारे ने परचार करतो नी छांडलो।

![](https://cdn.door43.org/obs/jpg/360px/obs-en-46-08.jpg)

शाऊल प्रेरित मनके भेट होतो काजे यरूशलेम ने गेलो, मान्तर हुन मन शाउल के डरते रओत। तेबे बरनबास नाव चो गोटोक बिसवासी शाउल के प्रेरित मन लगे निलो। हुन हुन मनके सांगलो कि शाउल कसन साहसी होउन दमिश्क ने परचार करलो। हुनचो पाचे, प्रेरित मन शाउल के अपनाला।

![](https://cdn.door43.org/obs/jpg/360px/obs-en-46-09.jpg)

खिंडीक बिसवासी जोन यरूशलेम चो सताव ले पराउन एउरला हुन मन फैले अन्ताकिया नगर ने गेला आउर यीशु चो परचार करते रओत। अन्ताकिया ने जादातर रलो लोगमन यहूदी नी रला, मान्तर जोन मन यहूदी नी रओत हुन मन बिसवासी बनला। बरनबास आउर शाउल ए नुआ बिसवासी मन के आउर खुबे सिखातो काजे हुन थाने गेला आउर कलीसिया के मजबूत करला। एचो उपरे सत करतो लोग मन अन्ताकिया ने "मसीही" बली होला।

![](https://cdn.door43.org/obs/jpg/360px/obs-en-46-10.jpg)

गोटोक दिन अंताकिया चो मसीह लोगमन उपास संग ने पारथना करते रला। पबितर आत्मा हुनके बललो," मचो काजे बरनाबास आउर शाऊल के हुन बुता के करतो काजे अलगे करून दियास, जोनके करतो काजे मय हुन मनके एथाने हागदिलेसे।" एची काजे अन्ताकिया चो कलिसिया चो लोग बरनबास आउर शाऊल काजे पारथना करुन हुन मनचो उपरे हाथ के संगाला। तेबे हुनमन हुन मनके दुसर खुबे जगा ने यीशु चो बारे ने शुभ संदेसा चो परचार करतो काजे पठाला। बरनबास आउर शाउल दुसर दुसर जाती चो लोग मन के सिक्षा दिला, आउर खुबे लोग मन यीशु ने बिसवास करला।

*प्रेरितों के बुता 8:1-3; 9:1-31; 11:19-26; 13-14 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_46_128kbps.m4a

## 47. फिलिप्पी ने पोलुस आउर सिलास

https://openbiblestories.org/l/hlb/story-47/

![](https://cdn.door43.org/obs/jpg/360px/obs-en-47-01.jpg)

जिदलदाय शाऊल गुलाय रोमी चो सामराज ने यात्रा करलो हुन आपलो रोमी नाव “पोलुस चो बरततोर मुरियालो। गोटोक दिन पौलुस आउर हुनचो मित सिलास फिलिप्पी नगर ने यीशु चो बारे ने सुभ संदेसा सुनातो काजे गेला। हुनमन नगर चो बाहरे नदी चो रेटे गोटोक जगा ने गेला जोन थाने लोगमन पारथना करतो काजे जुआ रला। हुन थाने लुदिया नाव चो गोटोक बायले ले भेट होला जोन सवकारिन रली। हुन महापरबू ले मया करते रये आउर हुनचो आरधना करते रये।

![](https://cdn.door43.org/obs/jpg/360px/obs-en-47-02.jpg)

महा परबु लुदिया के यीशु चो बारे ने मीरलो संदेसा ने बिसवास करतो काजे सकत दिला। पोलुस आउर सिलास हुनके आउर हुनचो परिवार के बपतिस्मा दिला। हुन पोलुस आउर सिलास के आपलो घरे ठेबतो काजे नेवता दिला, एची काजे हुनमन हुन थाने ठेबला।

![](https://cdn.door43.org/obs/jpg/360px/obs-en-47-03.jpg)

पोलुस आउर सिलास लोग मनले अमदिया हुन जगा ने भेंट होते रओत जोन थाने यहूदी लोगमन पारथना करते रओत। रोजे दिने जिदलदाय हुनमन हुन थाने जाते रओत तेबे गोटोक दासी लेकी जोन दुष्ट आत्मा चो काबू ने रली हुनमन चो पाट - पाट जाते रली। ए दुष्ट आत्मा बाटले हुनलोग मनचो भविष्य सांगते रली, एची काजे हुन भविष्य सांगतो बीती चो रूप ने आपलो मालिक मन काजे खुबे धन कमाते रली।

![](https://cdn.door43.org/obs/jpg/360px/obs-en-47-04.jpg)

हुनमन चो जातो बेरा हुन दासी लेकी किरकिरुन बले, "ये मनुक मन परम परधान महा परबू चो सेवक आत। ए मन तुके उद्धार पावतो चो बाट सांगतो!" हुन रोजे असन करते रये जोचो ले पोलुस परेसान होलो।

![](https://cdn.door43.org/obs/jpg/360px/obs-en-47-05.jpg)

आखीरी ने, गोटोक दिन जिदलदाय हुन दासी लेकी किरकिरुक मुरियाली, तेबे पोलुस हुनचो बाटे उलटून हुन लेकी चो भीतर चो दुष्टआत्मा ले बललो, "यीशु चो नाव ले एचो भीतरे ले निकर।" उदलीदाय हुन दुष्ट आत्मा हुन लेकी के छाडून गेलो।

![](https://cdn.door43.org/obs/jpg/360px/obs-en-47-06.jpg)

हुन दासी लेकी चो मालिक मन खुबे रीस होला। हुनमन जानला कि दुष्ट आत्मा चो बिना हुन लेकी लोग मन चो भविष्य सांगुक लाय नी सके। माने कि लोग मनचो भविष्य सांगतो काजे कि हुनमन संग काय होयेदे बलून एदाय हुन लेकी चो मालिक मन के लोग मन पैसा नी देओत।

![](https://cdn.door43.org/obs/jpg/360px/obs-en-47-07.jpg)

एची काजे हुन दासी लेकी चो मालिक पोलुस आउर सिलास के रोमी अधिकारी मन लगे नीला। हुनमन सिलास आउर पोलुस के पेटला, आउर फेर हुन मनके जेलखाना ने डालून दिला।

![](https://cdn.door43.org/obs/jpg/360px/obs-en-47-08.jpg)

हुन मन पोलुस आउर सिलास के असन भाग ने संगाउन रओत जोन थाने खुबे सिपाही मन रओत। एथाने बले हुनमन हुन मनचो पाय के रुक चो गोटोक बड़े गोंडा ने जोडुन दिला। मान्तर पोलुस आउर सिलास मंजी राती बेरा, महा परबू चो स्तुति चो गीत गावते रओत।

![](https://cdn.door43.org/obs/jpg/360px/obs-en-47-09.jpg)

अकच ले गोटोक भयानक भूई डोल होली! जेलखाना चो सपाय कपाट मन उगडली, आउर जमाय केदि मन चो सिकरा निकरून घसरली।

![](https://cdn.door43.org/obs/jpg/360px/obs-en-47-10.jpg)

तेबे दरोगा उठलो। हुन दखलो कि कपाट मन उगडा आसे। हुन बिचार करलो कि जमाय कैदी मन बाचुन पराला। हुन खुबे डारलो कि हुन मन चो परातोके रोमी अधिकारी मन हुनके मोरते मारदे, एची काजे हुन आपन के मारतो काजे तियार होलो! मान्तर पोलुस हुनके दखुन किरकिरलो, आउर बललो "ठेब! आपन के नुक्सान नी कर। आमी जमाय एथाने आसूं।"

![](https://cdn.door43.org/obs/jpg/360px/obs-en-47-11.jpg)

हुन दरोगा थरथरते पोलुस आउर सिलास लगे एउन पूछलो, "उद्धार पावतो काजे मय काय करुआयं?" पोलुस बलला, "परबू यीशु उपरे बिसवास कर, तेबे तुई आउर तुचो घराना उद्धार पावदे।" तेबे हुन दरोगा पोलुस आउर सिलास के आपलो घरे निलो आउर हुन मंचो घाव को धोवलो। पोलुस हुनचो घरे जमाय लोगमन के यीशु चो सुभ संदेसा दिलो।

![](https://cdn.door43.org/obs/jpg/360px/obs-en-47-12.jpg)

दरोगा आउर हुनचो सपाय घर लोग मन यीशु उपरे बिसवास करला, एची काजे पोलुस आउर सिलास हुन मनके बपतिस्मा दिला। तेबे दरोगा पोलुस आउर सिलास के भात खुवालो, आउर हुनमन गोटोक संगे हरिक होला।

![](https://cdn.door43.org/obs/jpg/360px/obs-en-47-13.jpg)

दुसर दिने नगर चो पुजारी मन पोलुस आउर सिलास के जेलखाना ले आजाद करला आउर फिलिप्पी ले जातो काजे बलला। पोलुस आउर सिलास, लुदिया आउर दुसर मित मन संगे भेंट होला आउर हुनचो पाचे नगर ले गेला। यीशु चो बारे ने सुभ संदेसा पसरते गेली आउर कलीसिया बाढ़ते गेली।

![](https://cdn.door43.org/obs/jpg/360px/obs-en-47-14.jpg)

पोलुस आउर दुसर बले मसीही पुजारी मन खुबे नगर मन ने गेला। हुनमन लोग मनके यीशु चो बारे ने सुभ संदेसा सूनाला। हुनमन कलीसिया मन चो बिसवासी मनके उकसातो काजे आउर सिक्षा देतो काजे कितरो कागज़ - पत्तर बले लिखला। एथाने ले खिंडीक पत्तर मन बाईबिल चो पुस्तक बनली।

*प्रेरितों के बुता 16:11-40 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_47_128kbps.m4a

## 48. यीशु ची किरिया करलो मसीह आय।

https://openbiblestories.org/l/hlb/story-48/

![](https://cdn.door43.org/obs/jpg/360px/obs-en-48-01.jpg)

जिदलदाय महा परबु मंजपुर के बनालो तेबे सब बानी नंगत रली। काइं पाप नी रली। आदम आउर हव्वा गोटोक- दुसर के मया करते रओत, आउर हुनमन महा परबू ले मया करते रओत। काइं बले बेमार आउर मोरनी नी रली। महा परबू जगत के असनी मया करते रओत।

![](https://cdn.door43.org/obs/jpg/360px/obs-en-48-02.jpg)

सयतान सांप बनुन हव्वा संग गोठियालो, काय काजे बलले ने, कि हुन हुनके धोका देऊक लाय होते रलो। तेबे हव्वा आउर आदम महा परबू चो बिरुद्ध ने पाप करला। हुन मन पाप करून रला हुनी काजे धरती चो सपाय लोग मन मरुआत।

![](https://cdn.door43.org/obs/jpg/360px/obs-en-48-03.jpg)

कसन बलले आदम और हव्वा पाप करुन रओ, हुनी काजे काइं आउर बले बुरा होली। हुनमन महा परबू चो सत्रु बनुन गेला। जोचो नतीजा ने, तेबले जमाय गोटोक झन पाप करला। सपाय गोटोक झन जनम केची महा परबू चो सत्रु आय। महा परबू आउर लोग मन चो बीच ने सांति नी रली। मान्तर महा परबू सांति बनाउक चाहते रला।

![](https://cdn.door43.org/obs/jpg/360px/obs-en-48-04.jpg)

महा परबु किरिया करला कि हव्वा चो गोटोक बंश सयतान चो मुंडी के कुचलुन देयदे हुन ए बले बलुन रला कि हुन सयतान चो एड़ी के डसेदे। बललेने कि, सयतान मसीह के मारेदे, मान्तर महा परबू फेर ले हुनके जीव करदे। एचो पाचे मसीह सयतान चो सक्ती चो अमदिया काजे अंत करदे। कितरो बरख चो पाचे महा परबू परगट करला कि हुन मसीह यीशु आय।

![](https://cdn.door43.org/obs/jpg/360px/obs-en-48-05.jpg)

महा परबु नुह के गोटोक डोंगा बनातो काजे बलला काय काजे कि हुन आपलो घर परिवार के हुन पुर ले बचाउक लाय सको जोन पुर के महा परबू पठातो बिता रला। ए परकार ले महा परबू हुनमन के बचाला, जोन मन हुनचो उपरे बिसवास करते रओत। ए परकार ले सपाय लोगमन मरून जातो लाइक चो रला काय काजे कि हुनमन सपाय पाप मन करून रला। मान्तर महा परबू हुन जमाय लोग के बचातो काजे यीशु के पठाला जोन लोगमन हुनचो उपरे बिसवास करते रओत।

![](https://cdn.door43.org/obs/jpg/360px/obs-en-48-06.jpg)

सैकड़ो बरख ले पुजारी मन महा परबू के बलि देते रओत। ए दखायेसे कि लोगमन पाप करून रला आउर ए बले कि हुन लोगमन महा परबू बाटले डण्ड पावतो चो लाइक रला। मान्तर हुन बलिदान हुनमन चो पाप मन ले क्षमा नी करुक सकते रये। यीशु सबले बड़े महापुजारी आय। हुनमन हुन करला जोन कोनी आउर पुजारी नी करुक सकते रओत। हुन गोटोक मात्र बलिदान होतो काजे आपन के काटून दिला, जोन सपाय चो पाप मन के मिटाउक सकते रये। हुन मानला कि महा परबू ए सब पाप मन काजे हुनके डण्ड देओत। एची काजे, यीशु सत महा पुजारी रला।

![](https://cdn.door43.org/obs/jpg/360px/obs-en-48-07.jpg)

महा परबु अब्राहम के बलला, “मय तुचो बाटले मंजपुर चो सपाय कुल के आशीर्वाद देयदे।" यीशु हुनी अब्राहम चो बंशज रला। महा परबू अब्राहम चो बाटले सपाय कुल आशीर्वाद दिला, काय काजे बलले ने कि जोन यीशु उपरे बिसवास करुआत महा परबू हुन सपाय के पाप ले बचाउआय। जिदलदाय लोगमन यीशु उपरे बिसवास करुआत, तेबे महा परबू हुनमन के अब्राहम चो बंश मानुआत।

![](https://cdn.door43.org/obs/jpg/360px/obs-en-48-08.jpg)

महा परबु अब्राहम के बलला कि हुन आपलो हक चो बेटा, हुनचो काजे बलीदान देऊन देओ। मान्तर फेर महा परबू इसहाक चो पलटा गोटोक मेंडी पिला के बलि चेगतो काजे दिला। आमी मन आमचो पाप मन काजे मोरते मरून जातो लाइक चो रलु! मान्तर महा परबू आमचो जगा ने मोरतो काजे यीशु के बलिदान चो रूप ने दिला। एची काजे आमी यीशु के महा परबू चो मेंढा बलुआंव।

![](https://cdn.door43.org/obs/jpg/360px/obs-en-48-09.jpg)

जिदलदाय महा परबू मिस्त्र ने आखिरी बिपत्ति पठाला तेबे हुन हर गोटोक इस्त्रएली परिवार ले बललो कि हुन मन गोटोक मेंढा के बलि देओत। हुन मेंढा ने काइं दोस नी रहो। तेबे आपलो कपाट चो चौखट चो उपरे आउर हुनचो एबाटे- हुन बाटे बले हुनचो लहू के लगातोर रली। जिदलदाय महा परबू हुन लहू के दखलो तेबे महा परबू हुन घरे चो पहिला बेटा के नी मारला। जिदलदाय ए होली तेबे महा परबू एके फसह चो तियार बलला।

![](https://cdn.door43.org/obs/jpg/360px/obs-en-48-10.jpg)

यीशु फसह चो तियार असन गोटोक मेंढा असन आय। हुन कबई बले पाप नी करलो, एची काजे हुन थाने काइं बले गलत नी रये। हुन फसह चो तियार बेरा मोरलो जिदलदाय कोनी बले यीशु उपरे बिसवास करुआत, तेबे यीशु चो लहू हुन लोगमन चो पाप मन चो कीमत चुकता करुआय। ए असन आय जसन कि महा परबू हुन मनुक लग ले आगे बढून गेला, काय काजे कि हुन हुनके डण्ड नी देउआत।

![](https://cdn.door43.org/obs/jpg/360px/obs-en-48-11.jpg)

महा परबु इसराएली लोग मन संगे गोटोक वाचा बांधला, कसन बलले ने हुनमन असन लोग मन रला जोन मनके महा परबू आपलो होतो काजे चुनुन रला। मान्तर महा परबू गोटोक असन वाचा बाँधलासे जोन सपाय काजे आय। अगर कोनी बले जाति चो कोनी बले ए नुआ वाचा के मानदे, तेबे हुन महा परबू चो लोग ने शामिल होयेदे। हुन असन एचो काजे करुआय काय काजे कि हुन यीशु उपरे बिसवास करुआय।

![](https://cdn.door43.org/obs/jpg/360px/obs-en-48-12.jpg)

मूसा गोटोक असन अगम ज्ञानी रलो जोन महा परबू चो बचन के बड़े सामर्थ संग परचार करलो। मान्तर यीशु सबले बड़े अगमज्ञानी रला, हुन महा परबू रला, हुनी काजे जोन बले हुन काइं करून रला आउर बलून रला हुन महा परबू चो बूता आउर बचन रये एची काजे पबितर सास्त्र यीशु के महा परबू चो बचन बलुआय।

![](https://cdn.door43.org/obs/jpg/360px/obs-en-48-13.jpg)

महा परबु राजा दाउद ले किरिया पाडून रला कि राजा चो रूप ने हुनचो गोटोक बंशज महा परबू चो लोग मन उपरे सदा काजे शासन करेदे। यीशु महा परबू चो बेटा आउर मसीह आय, एची काजे हुन राजा दाउद चो हुनी बंशज आय जोन सदा काजे राज करुक लाय सके।

![](https://cdn.door43.org/obs/jpg/360px/obs-en-48-14.jpg)

दाउद तो इसराएली मन चो राजा रलो, मान्तर यीशु सब जगत चो राजा आय! हुन फेर ले एयदे आउर सदा काजे न्याय आउर सन्ति काजे राज ने शासन करेदे।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_48_128kbps.m4a

## 49. महा परबु चो नुआ वाचा

https://openbiblestories.org/l/hlb/story-49/

![](https://cdn.door43.org/obs/jpg/360px/obs-en-49-01.jpg)

गोटोक सरगदुत गोटोक जुआन लेकी मरियम के सांगलो कि हून परमेश्वर चो बेटा के जनम देऊआय। हून लेकी एबे कुंवारी रली, मान्तर पबित्र आत्मा हुनचो उपरे इला आउर हून लेकी पेटेहारीन होली। हुन गोटोक बेटा के जनम दिली हुनचो नाव यीशु सगाली। हुनी काजे, यीशु महा परबू आउर मनुस दूनो आय।

![](https://cdn.door43.org/obs/jpg/360px/obs-en-49-02.jpg)

यीशु खुबे चमत्कार करलो जोन दखाउआय कि हुन महा परबु आय। हुन पानी ने हिंडलो आउर आंधी के शांत करलो। हुन खुबे बेमार लोग मनके उजरालो आउर खुबे दुष्ट आत्मा मनके बले निकरालो। हुन मरलो लोग के जीव करलो आउर पांच रोटी आउर दुई मछरी मनके 5000 लोग मनके खुवालो।

![](https://cdn.door43.org/obs/jpg/360px/obs-en-49-03.jpg)

यीशु गोटोक महान गुरु बले रये जोन काई बले हुन सिखालो हुन नंगत ले सिखालो। हुन लोग मनके जोन करतो काजे बलुआय हुन लोग मनके करतोर आय काय काजे कि हुन महा परबू चो बेटा आय। हुन सिखालो कि तुके हुनी रीती ले लोग मन के मया करतोर आय जसन तुमी आपन के करुआस।

![](https://cdn.door43.org/obs/jpg/360px/obs-en-49-04.jpg)

हुन ए बले सिखालो की तुमके सब चीज ले आगर आउर आपलो संपति ले बले आगर मया महा परबू के करतोराय।

![](https://cdn.door43.org/obs/jpg/360px/obs-en-49-05.jpg)

यीशु बललो कि जगत ने काई तीज के पावतो ले बले आगर नंगत आय कि महा परबू चो राज में रतोर। हुनचो राज ने जातो काजे जरुरी आय कि महा परबू तुमके तुमचो पाप ले बचायेदे।

![](https://cdn.door43.org/obs/jpg/360px/obs-en-49-06.jpg)

यीशु बललो कि खिंडीक लोगमन हुनके गरहन करदे। महा परबु हुन लोग मनके बचायेदे। मान्तर दुसर लोगमन हुनके गरहन नी करदे। हुन एबले बललो कि खिंडीक लोग नंगत भुई असन आत, काय काजे कि हुनमन यीशु चो बारे ने सुभ संदेसा के सुनदे, आउर महा परबू हुनमन के बचाएदे। मान्तर खिंडीक लोग कठोर भुई असन आत। महा परबू चो बचन बीजा असन बाट ने घसरू आय, मान्तर हुन थाने कई नी जागुआय। ए लोग मन यीशु चो संदेसा के इनकार करुआत हुन लोगमन हुनचो राज के बले इनकार करदे।

![](https://cdn.door43.org/obs/jpg/360px/obs-en-49-07.jpg)

यीशु सिखालो की महा परबु पापी मनके खुबे मया करुवाय। हुन हुन मनके क्षमा करुवाय आऊर हुन मनके आपलो संतान बनाउ आय।

![](https://cdn.door43.org/obs/jpg/360px/obs-en-49-08.jpg)

यीशु ए बले सांगलो की महा परबु पाप के घिनाउ आय, कसन बलले ने की आदम आउर हव्वा पाप करून रला, हुनी काजे हुनमन चो सपाय बंश मन बले पाप करला। ए जगत ने रतो हर गोटोक झन पाप करुआत आउर महा परबू ले दूर करुवाय। हर गोटोक झन महा परबू चो सत्रु आत।

![](https://cdn.door43.org/obs/jpg/360px/obs-en-49-09.jpg)

मान्तर महा परबु ऐ जगत ने रतो लोग मनके सबके असनी रीती ले मया करलो, हुन आपलो एकला बेटा के दिलो काय काजे कि महा परबु हुनलोग मनके डण्ड नि देओ जोन यीशु उपरे बिसवास करसोत। एचो पलटा हुनमन हुनचो संगे अमदिया काजे संगे रदे।

![](https://cdn.door43.org/obs/jpg/360px/obs-en-49-10.jpg)

तुमी मन मोरतो लाइक चो आहास, कसन की तुमी पाप करलासात। ए नगत होयेदे कि महा परबू तुमके डण्ड देओ, मान्तर आमचो पलटा यीशु आमचो जगा ने डण्ड धरलो। महा परबू यीशु के कुरूस चो मरनी देऊन डण्ड दिला।

![](https://cdn.door43.org/obs/jpg/360px/obs-en-49-11.jpg)

यीशु केबी बले पाप नी करलो ,मान्तर महा परबु हुनके डण्ड दिलो। हुन मोरतो काजे तियार होलो, असनी रीती ले तुमचो पाप के आउर ऐ जगत ने रतो हर गोटोक झन चो पाप के उठातो काजे नंगत बलिदान रये। यीशु महा परबु काजे आपन चो बलिदान दिलो हुनी काजे महा परबू हुन लोग मनचो काई बले पाप, एथाने ले बले भयानक पाप के बले क्षमा करुवाय, जोन यीशु उपरे बिसवास करुआय।

![](https://cdn.door43.org/obs/jpg/360px/obs-en-49-12.jpg)

भले बले तुमी खुबे नंगत बुता करुआस, तेबे एचो बाटले महा परबू तुमके नी बचायेदे। हुनचो मित बनतो काजे असन काई बले नी आसे कि तुमी हुन करुर सकासेसे। एचो पलटा, तुमके सत करतोर आय कि यीशु ची महा परबू चो बेटा आय, आउर हुन तुमचो पलटा ने कुरूस ने मोरलो, आउर एबले कि महा परबू हुनके फेर ले जीव करलो, तेबे महा परबू तुमचो पाप ले क्षमा देयदे।

![](https://cdn.door43.org/obs/jpg/360px/obs-en-49-13.jpg)

महा परबु हुन हर गोटोक झन के बचाएदे जोन यीशु उपरे बिसवास करुआय आउर हुनके आपलो परबू मानुआय। मान्तर हुन हुनमन के नी बचायेदे जोन हुनके नी मनुआय। तुमी मन धनी नाहाले गरीब आस, मनुक आस नहले बायले आस, डोकरा आस नाहाले जुआन आस, खारतो बिता आस ए सपाय काई मायने नी संगाये। महा परबू तुमके मया करुआय आउर चाये कि तुमी यीशु के बिसवास करा तेबे हुन तुमचो मित बनदे।

![](https://cdn.door43.org/obs/jpg/360px/obs-en-49-14.jpg)

यीशु तुमके हाग देयसे की तुमी मन हुनके विसवास करा आउर बपतिस्मा धरा। काय तुमी मन विसवास करसात कि, महा परबु चो गोटोक बेटा यीशु ची मसीह आय? काय तुमी मन विसवास करसात की तुमी गोटोक पापी मन आस आउर ए बले की तुमी महा परबु चो बाटले डण्ड पावतो लाइक आहास? काय तुमी बिसवास करसात की तुम चो पाप के मिटातो काजे यीशु कुरुस ने मरलो।

![](https://cdn.door43.org/obs/jpg/360px/obs-en-49-15.jpg)

आले तुमी यीशु उपरे बिसवास करुआस जोन काई बले हुन तुमचो काजे करलो से हुनचो अंगीकार करसात, तो तुमी मन यीशु चो गोटोक अनुगामी आहास! सयतान आपलो अंधियारा चो राज ने एदाय तुमचो उपरे शासन नी करेदे। एदे महा परबु तुमचो उपरे आपलो उजर चो राज ने शासन करदे। हुन तुमके पाप नी करतो काजे सक्षम करलोसे, जोन तुमी मन आगे करते रलास। हुन तुमके गोटोक नुआ आउर नंगत जीवना दिलासे।

![](https://cdn.door43.org/obs/jpg/360px/obs-en-49-16.jpg)

आले तुमी यीशु चो अनुगामी आहास आले, तेबे जोन यीशु करलोसे हुनचो काजे महा परबू तुमचो पाप मन के क्षमा करलासे। एदायं, महा परबू तुमके आपलो सत्रु चो पलटा मया चो मित मानुआय।

![](https://cdn.door43.org/obs/jpg/360px/obs-en-49-17.jpg)

आले तुमी महा परबु चो मित आहास आउर परबु यीशु चो सेवक आहास आले तुमी हुन गोठ मन चो पालन करतो इच्छा करासे जोन यीशु तुमके सिखाउआय। भले बले तुमी यीशु चो अनुगामी आहास, सयतान एबे बले पाप करतो काजे तुमचो परीक्षा करेदे। मान्तर महा परबु अमदिया हुनी करुवाय जोन हुन सांगूआय की हुन करदे। हुन बलुआत कि तुमी आपलो पाप के मानासे तेबे हुन तुमके क्षमा करदे। हुन तुमके पाप चो बिरुद्ध लडतो चो सकत देयदे।

![](https://cdn.door43.org/obs/jpg/360px/obs-en-49-18.jpg)

महा परबु तुम के प्रार्थना करतो काजे आउर हुनचो बचन पडतो काजे सांगेसे। हुन तुमके दुसर बिस्वासी मन संगे मिसुन पराथना करतो काजे बले बलुआय। तुमके दुसर लोग मन के बले सांगतोर आय कि हुन तुमचो काजे काय करलोसे। आउर तुमी ए सब बुता मन करलास आले तेबे हुन तुमी मन चो मया चो मित बनसे।

*उत्पत्ति 3; मत्ती 13-14; मरकुस 10:17-31; लूका 2; 10:25-37; 15; यूहन्ना 3:6; रोमियों 3:21-26, 5:1-11; 2 कुरिन्थियों 5:17-21; कुलुस्सियों 1:13-14; 1 यूहन्ना 1:5-10 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_49_128kbps.m4a

## 50. यीशु बोहडूआय

https://openbiblestories.org/l/hlb/story-50/

![](https://cdn.door43.org/obs/jpg/360px/obs-en-50-01.jpg)

लगभग 2000 बरख ले, जगत ने जमाय जगा ने आगर ले आगर लोग मन मसीह यीशु चो बारे ने शुभ संदेसा सुनते रओत। कलीसिया बाड़ते रली। यीशु वायेदा करलो कि हुन जगत चो आखिरी ने बोह्ड़ेदे। हुन एबे नी इलोसे, तेबे बले हुन आपलो वायेदा के सत करदे।

![](https://cdn.door43.org/obs/jpg/360px/obs-en-50-02.jpg)

जिदलदाय आमी यीशु चो बोहड़तो बाट दखुसे, महा परबू आमचो ले ए रीती ले जीवतो चो इच्छा करेसे जोन पबितर आय आउर जोन हुन चो आदर करुआय। हुन ए बले चाहेसे कि आमी दुसर लोग मन के बले हुनचो राज चो बारे ने सांगू। जिदलदाय यीशु धरती ने रेते रये, तेबे हुन बलून रये कि, "मोचो चेला मन जगत भर ने मोचो शुभ संदेसा चो बारे ने गुलाय परचार करदे, आउर तेबे अंत एयदे।

![](https://cdn.door43.org/obs/jpg/360px/obs-en-50-03.jpg)

खुबे जाती चो लोगमन एबेले यीशु चो बारे ने नी सुनलासे। सरग ने बोहड़तो चो आगे, यीशु मसीह आपलो अनुगामी मनके हुनलोग मनके सुसमाचार सुनाऊक लाय बललो जोन मनके केबी नी सुन लासे। हुन बललो, "जाहा आउर सब जाति चो लोग मनके मोचो चेला बनावा!" आउर "काट तो काजे बेडा ने धान पाकली से।

![](https://cdn.door43.org/obs/jpg/360px/obs-en-50-04.jpg)

यीशु ए बले सांगलो, "की कोनी मनुक चो सेवक आपलो मालिक ले बड़े नी होए। ए जगत जो बड़े लोगमन मोचो ले नफरत करला, आउर मोचो काजे हुनमन तुमके बले सताव करदे आउर मोरते मारदे। ए जगत ने तुमी मन पीड़ित हुआसे, मान्तर मजबूत बना, काय काजे कि मय सयतान के हाराउन दिलेसे जोन ए जगत ने शासन करते रये। आउर तुमी अंत बेरा ले मोचो बिसवासी बनून रलास आले, महा परबू तुमके बचायेदे।

![](https://cdn.door43.org/obs/jpg/360px/obs-en-50-05.jpg)

यीशु आपलो चेला मनके ए समझातो काजे गोटोक कहनी सुनालो की जिदलदाय जगत चो अंत होयदे तेबे लोगमन संगे काय होयदे। हुन सांगलो, "कोनी मनुक आपलो बेड़ा ने नंगत बीजा के बुनून रयेदे। तेबे जिदलदाय हुन सोवते रलो तेबे हुनचो दुसमन एउन हुनचो गंहू चो बीजा ने जंगली बूटा के रोपुन दिलो, आउर फेर हुन गेलो।"

![](https://cdn.door43.org/obs/jpg/360px/obs-en-50-06.jpg)

जिदलदाय हुन बीजा अकरली तेबे हुन कमिया मन मनुक के सांगला, 'ऐ मालिक, तुई तुचो बेड़ा ने नंगत बीजा के रोपून रहिस। तेबे फेर एताने जंगली बूटा मन कसन होला?' हुन मनुक सांगलो, 'कोनी मोचो शत्रु ची आय जोन असन करलो से।

![](https://cdn.door43.org/obs/jpg/360px/obs-en-50-07.jpg)

हुन कमिया मन हुन मालिक के सांगला, 'काय आमी ए जंगली बूटा मनके उखनुनदे?' हुन मालिक बललो, नाइ। तुमी असन करासे तो गहू बूटा मन के बले उखनासे। कटनी बेरा ले टाका। तेबे ले जंगली बूटा मनके कूड़ा करा फेर जराउन दियास। मान्तर गंहू के मोचो लगे आना।

![](https://cdn.door43.org/obs/jpg/360px/obs-en-50-08.jpg)

चेला मन ए कहनी चो मायने नी बुझला, एची काजे हुनमन यीशु के हुनके समझातो काजे बलला। यीशु सांगलो, "नंगत बीजा के बूनतो बिता मसीह के दखायेसे। बेढ़ा जगत के दखायेसे। नंगत बिज महा परबू चो राज चो लोग मन के दखायेसे।"

![](https://cdn.door43.org/obs/jpg/360px/obs-en-50-09.jpg)

जंगली बूटा हुन दुष्ट सयतान चो लोग के दखायेसे। हुन मनुक चो सत्रु सयतान के दखायेसे, जोन जंगली बूटा के बुनून रये, आउर कतई करतो बिता मन सरगदूत के दखासोत।

![](https://cdn.door43.org/obs/jpg/360px/obs-en-50-10.jpg)

जिदलदाय ऐ जगत चो अंत होयेदे तेबे सरगदूत हुन जमाय लोग के गोटोक संगे जुआ करेदे जोन सयतान चो लोग मन आत। हुन सरगदूत हुन लोगमन के खुबे गरम आइग ने पकाउन देयदे। हुन थाने हुन लोगमन भानकर सताव ने गागदे आउर दांत पिसदे। मान्तर जोन लोगमन धर्मी आत जोन मन यीशु चो पाट - पाट जादे , हुनमन आपलो महा परबू चो राज ने सूरज जसन चमकदे ।

![](https://cdn.door43.org/obs/jpg/360px/obs-en-50-11.jpg)

यीशु ए बले सांगलो की हुन जगत चो अंत होतो चो आगे धरती ने एयदे। हुन असन तरीका ले एयदे जसन हुन जाऊं रये। माने कि, हुनचो लगे सत चो देंह होयेदे, हुन आकास ने बादरी ने बासून एयदे। जिदलदाय यीशु बोह्ड़ेदे, तेबे यीशु चो अनुगामी मन जोन मन मरून रदे मोरलो थान ले जीव उठदे आउर हुनचो ले बादरी ने भेट होदे।

![](https://cdn.door43.org/obs/jpg/360px/obs-en-50-12.jpg)

तेबे जोन अनुगामी मन एबे बले जीव आसोत हुन मन के बादरी ले उठाउन नेयदे आउर हुनमन दुसर अनुगामी मन संगे मिसदे जोन मन मोरलो थान ले जीव उठून रदे। हुन मन जमाय हुन थाने यीशु संगे होदे। जिदलदाय हुन मन गोटोक संगे रदे तेबे अमदिया काजे सांति होयेदे।

![](https://cdn.door43.org/obs/jpg/360px/obs-en-50-13.jpg)

यीशु हुन जमाय लोग मनके गोटोक मुकुट देतो चो वायेदा करलोसे जोन हुनचो उपरे बिसवास करुआय। हुनमन सदा काजे महा परबू संगे हर गोटोक तीज ने शासन करदे। हुनमन लगे सत चो अस्तीर होयेदे।

![](https://cdn.door43.org/obs/jpg/360px/obs-en-50-14.jpg)

मान्तर महा परबु हुन सपाय चो नियाय करेदे जोन यीशु के बिसवास नी करला। हुनमन के नरक ने पकायदे हुता हुन थाने हुनमन गागदे आउर आपलो दांत चाबदे, आउर अमदिया काजे पीड़ा भोगदे। केबई नी लिबतो आइग ने डसते रदे, आउर किडा मन हुन मनके खातो ले नी ठेबदे।

![](https://cdn.door43.org/obs/jpg/360px/obs-en-50-15.jpg)

जिदलदाय यीशु बोह्ड़ेदे तेबे हुन सपाय रीती ले सयतान के आउर हुनचो राज के नस्ट करून देयदे। हुन सयतान के नरक ने पकायेदे। हुन थाने सयतान अमदिया काजे जरते रयेदे , हुन जमाय लोग जोन मन महा परबू चो गोठ के धरतो पलटा सयतान चो पाट - पाट हिंडतो चुनाव कारला।

![](https://cdn.door43.org/obs/jpg/360px/obs-en-50-16.jpg)

काय काजे कि आदम आउर हव्वा महा परबू चो आज्ञा चो पालन नी करला आउर पाप के ए धरती ने आनला, महा परबू जगत के सराप दिला आउर हुनके नष्ट करतो काजे निर्नय धरलो। मान्तर कोनी दिने महा परबू गोटोक नुआ धरती चो रचना करेदे आउर जोन नंगत होयेदे।

![](https://cdn.door43.org/obs/jpg/360px/obs-en-50-17.jpg)

यीशु आउर हुनचो लोग नुवा धरती ने रदे, आउर हुनमन सदा काजे जमाय तीज ने शासन करदे। हुन लोगमन चो आइन्ख ले सपाय गोटोक आंसू के पोछेदे। एदाय कोनी बले दुखी नी होदे। यीशु आपलो राज ने नियाय ले, आउर अस्तीर ले शासन करेदे। हुनमन अमदिया काजे आपलो लोगमन संगे रयेदे।

*मत्ती 13:24-42; 22:13; 24:14; 28:18; यूहन्ना 4:35; 15:20; 16:33; 1 थिस्सलुनीकियों 4:13-5:11; याकूब 1:12; प्रकाशितवाक्य 2:10; 20:10; 21-22 बाइबल चो गोटोक कहानी*

Audio: https://git.door43.org/OBS-TLF/hlb_obs/releases/download/v1/hlb_obs_v1_50_128kbps.m4a