# unfoldingWord Open Bible Stories — Laria - Language code: `hne-x-laria` - Canonical page: https://openbiblestories.org/l/hne-x-laria/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Laria translation; it is not a translation of the whole Bible. ## 1. रचना https://openbiblestories.org/l/hne-x-laria/story-1/ ![](https://cdn.door43.org/obs/jpg/360px/obs-en-01-01.jpg) शुरू मा परमेश्वर हर सब चीजमन के रचना एइसन परकार ले करिस कीI ओहर छ दिन मा संसार के अउर जोन कुछु ओमे हे ओ सब चीजमन के रचना करिस। जब परमेश्वर हर पृथ्वी के रचना करिस, तहां पृथ्वी अंधियारी अउर खाली रिहिस, काबर की आभिले परमेश्वर हर इमे कोनो घोले चीज ला नी बनाए रहिसI किन्तु परमेश्वर के आत्मा जल के ऊपर किंदरत रिहिसI ![](https://cdn.door43.org/obs/jpg/360px/obs-en-01-02.jpg) फेन परमेश्वर हर कहिस, ‘’अंजोर हो!’’ अउर अंजोर होगिसI परमेश्वर हर देखिस की अंजोर बढ़िया हे अउर ओला ‘’दिन’’ कहिसI अउर ओहर अंजोर ला अंधकार ले अलग करिस अउर अंधकार ला ओहर ‘’रात’’ कहिसI परमेश्वर हर रचना के पहले दिन मा अंजोर के रचना करिसI ![](https://cdn.door43.org/obs/jpg/360px/obs-en-01-03.jpg) रचना के दूसर दिन मा परमेश्वर हर कहिस, “जल के ऊपर एकठन अंतर होवेI” अउर एकठन अंतर होगीसI परमेश्वर हर ई अंतर ला ‘’आकाश’’ कहिसI ![](https://cdn.door43.org/obs/jpg/360px/obs-en-01-04.jpg) तीसर दिन परमेश्वर हर कहिस, ‘’जल हर एकठन जगह मा जमा हो जाय अउर सुखी भुइंयाँ दिखे बर देI” ओ हर सुखी भुइंयाँ ला ‘’पृथ्वी’’ कहिस अउर जल ला ‘’समुन्दर’’ कहिसI परमेश्वर हर देखिस की जोन ओ बनाए रिहिस ओहर बढ़िया रिहिसI ![](https://cdn.door43.org/obs/jpg/360px/obs-en-01-05.jpg) फेन परमेश्वर हर कहिस, “पृथ्वी मा सब परकार के रुक अउर पौधा होएंI” अउर एसनेच होईसI परमेश्वर हर देखिस कि जोन ओहर बनाये रिहिस ओहर बढ़िया रिहिसI ![](https://cdn.door43.org/obs/jpg/360px/obs-en-01-06.jpg) रचना के चौंथा दिन मा परमेश्वर हर कहिस, “आकाश मा अंजोरी होयI’’ अउर सूरज, चंन्दा अउर तारागन दिखाई दीनI परमेश्वर हर ओमन ला पृथ्वी मा अंजोर दे खातिर अउर दीन अउर रथिया, मौसममन अउर बछरमन ला चिन्हे बर बनाइसI परमेश्वर हर देखिस कि जोन ओ बनाये रिहिस ओहर बढ़िया रिहिसI ![](https://cdn.door43.org/obs/jpg/360px/obs-en-01-07.jpg) पांचवां दिन परमेश्वर हर कहिस, “जिंयत प्राणी जल मा भर जावें अउर आकाश मा पंछी उड़ेंI” इसनेच परकार ले ओहर जल मा तोंरैया सब जन्तुमन ला अउर पंछीमन ला बनाईसI परमेश्वर हर देखिस कि एहर बढ़िया रहिस अउर ओमन ला आशिर्बाद दिसI ![](https://cdn.door43.org/obs/jpg/360px/obs-en-01-08.jpg) रचना के छटवां दिन मा परमेश्वर हर कहिस, “भूइयां मा रहेईया सब परकार के जन्तु उत्पन्न होवेI” अउर परमेश्वर के कहे अनुसार एइसन होगिसI कुछु जन्तु पालतू रहिस, कुछु भुइयां मा रेंगेइया अउर कोनो जंगली पशु रिहिनI अउर परमेश्वर हर देखिस कि ओहर बढ़िया रिहिसI ![](https://cdn.door43.org/obs/jpg/360px/obs-en-01-09.jpg) फेन परमेश्वर हर कहिस, “आव हमन मनसे ला आपन स्वरुप मा अउर आपन के प्रतिरूप मा बनाबोI ओमन पृथ्वी मा अउर सब जंतु मन के ऊपर राज करिहींI” ![](https://cdn.door43.org/obs/jpg/360px/obs-en-01-10.jpg) ए सब होए के बाद परमेश्वर हर माटी ला लिस ओमे ले मनसे ला बनाईस अउर ओमे जीबन के साँस ला फूंक दिसI इ मनसे के नाम आदम रहिसI परमेश्वर हर आदम के रहे बर एक बड़खा बगिया बनाईस अउर ओकर देखभाल करे खातिर आदम ला ओकरा राखदिसI ![](https://cdn.door43.org/obs/jpg/360px/obs-en-01-11.jpg) ओ बगिया के माझा मा परमेश्वर हर दू ठन बिशेष रुक लगाईस- जीव के रुक अउर भले अउर बुरे के ज्ञान के रुकI परमेश्वर हर आदम ला ये आज्ञा दिस, ‘’ओहर ओ बगिया के भले अउर बुरे के ज्ञान के जोन रुक हे, ओकर फल तें कभू नी खाबे, काबर की जोन दिन तें ओकर फल खाबे ओइच दिन जरुर मर जाबेI’’ ![](https://cdn.door43.org/obs/jpg/360px/obs-en-01-12.jpg) अउर परमेश्वर हर कहिस, ”पुरुष के एकला रहेबर अछा नईयेI’’ किन्तु कोनो भी जंतु आदम के सहायक नी हो सकिसI ![](https://cdn.door43.org/obs/jpg/360px/obs-en-01-13.jpg) इकर बर परमेश्वर हर आदम ला गहरी नींद मा डारदिसI फेर परमेश्वर हर आदम के एकठी पंजरा हाड ला लेके ओकर से एकठी नारी के रचना करिसI अउर ओला आदम के तीर मा ले के आइसI ![](https://cdn.door43.org/obs/jpg/360px/obs-en-01-14.jpg) जब आदम हर ओला देखिस तो ओ कहिस, “ वाह! एहर तो मोर जैसे आहे! एहर तो ‘नारी’ कहे जाहीI” काबर की एहर पुरुष ले बनिस हेI’’ एकरे बर पुरुष हर आपन के माँ- बाप ला छोड देथे अउर अपन स्त्री के संग एक हो जाथेI ![](https://cdn.door43.org/obs/jpg/360px/obs-en-01-15.jpg) परमेश्वर हर नर अउर नारी ला आपन के स्वरुप मा बनाइसI ओहर ओमन ला आशीष दिस अउर ओमनला कहिस, “बहुत ज्यादा लईका अउर नाती-पोती जनम करव अउर पृथ्वी ला भर दव!’’ अउर परमेश्वर हर देखिस कि जोन कुछु घोले ओ बनाये रिहिस ओहर बनेच बढ़िया रिहिस, अउर ओहर उ सबले जादा खुश होईसI एहर सब कुछु रचना के छठवां दिन होए रिहिसI ![](https://cdn.door43.org/obs/jpg/360px/obs-en-01-16.jpg) जब सातवां दिन आईस त परमेश्वर हर उ सब काममन ला समाप्त करिस जोन ओ करत रिहिस ओहर उ सब काम के अन्त करिसI ओहर सातवें दिन ला आशिष दिस अउर ओला पवित्र दिन राखिस, काबर की ओ दिन ओहर सब चीजमन के रचना करे ला समाप्त करे रिहिसI इसनेच परकार ले परमेश्वर हर संसार के अउर जोन कुछ ओमे हे ओ सब के रचना करिसI *लारिया- उत्पत्ति अध्याय 1-2 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_01_128kbps.m4a ## 2. पाप संसार मा प्रवेश करथे https://openbiblestories.org/l/hne-x-laria/story-2/ ![](https://cdn.door43.org/obs/jpg/360px/obs-en-02-01.jpg) आदम अउर ओकर पत्नी सुन्दर बगिया मा बनेच ख़ुशी ले रहत रिहिनI ए बगीया परमेश्वर हर ओमनबर बनाये रिहिसI ओ कोनो कपड़ा नी पहीनत रीहिन, लेकिन ओमन लाज महसूस नी करिन, काबर की संसार मा पाप नी रिहिसI ओमन जमो दिन बगिया मा टहलत रिहिन अउर परमेश्वर ठी गोठीयात रिहिनI ![](https://cdn.door43.org/obs/jpg/360px/obs-en-02-02.jpg) परन्तु उ बगिया मा एकठन साँप रिहिसI ओहर बनेच चालाक रिहिसI ओहर नारी ले पुछिस, “का सही मा परमेश्वर हर तोरले कहिस, कि ऐ बगिया के कोनो रुक के फल ला नी खाबे?’’ ![](https://cdn.door43.org/obs/jpg/360px/obs-en-02-03.jpg) ओ नारी हर उत्तर दिस, “परमेश्वर हर हमन ला कहिस हे हामन भलाई अउर बुराई के ज्ञान के रुक ला छोड़ के कोनो घोले रुक के फल ला खा सक थनI परमेश्वर हर हमन ला कहीस हे कि अगर तुमन ओ रुक के फल ला खाहीया या ओला छुहीया घोले, त तुमन मर जाहाI’’ ![](https://cdn.door43.org/obs/jpg/360px/obs-en-02-04.jpg) ओ साँप हर नारी ला उत्तर दीस, “ए सच नोहे! तै नी मरसI परमेश्वर खुद जानथे कि तै जईसे ओ फल ला खाबे, तै परमेश्वर के बराबर हो जाबे अउर ओकर जईसे भलाई अउर बुराई ला समझे बर लगबेI’’ ![](https://cdn.door43.org/obs/jpg/360px/obs-en-02-05.jpg) उ नारी हर देखिस की उ रुक के फल खाये बर बढियाँ, अउर देखे में मनभाऊ हेI ओहर घोले होसियार बने बर चाहत रहिस, इकरबर ओहर फल ला टोर के खा लिसI फेन ओहर आपन पति ला फल दिस, जोन ओकर संग मा रिहिस ओ फल ला दिस अउर ओहर घोले खा लिसI ![](https://cdn.door43.org/obs/jpg/360px/obs-en-02-06.jpg) तुर्तेच, ओमन के आँखी हर खुल गिस, अउर ओमन ला पता चलिस की ओमन नंगरा रिहिनI ओमन पानमन ला सिलके ओकर कपड़ा बना के अउर आपन तन ला ढंके के कोशिश करीनI ![](https://cdn.door43.org/obs/jpg/360px/obs-en-02-07.jpg) तहाँ पुरुष अउर ओकर पत्नी हर ओ बगिया मा टहलत परमेश्वर के आवाज ला सुनेI ओ दोनों परमेश्वर ले लुका गिनI तहाँ परमेश्वर हर पुरुष ला नरयाइस, ‘’तै कहाँ हस?’’ आदम हर उत्तर दिस, “मैंहर तुमन ला बगिया मा टहलतेच सुने, अउर मैं डर गे रेहें, काबर की मै नंगरा रहेI इकरबर मैं लुकागेंI” ![](https://cdn.door43.org/obs/jpg/360px/obs-en-02-08.jpg) फेन परमेश्वर हर पुछिस, ‘’तोला कोने बताईस की तै नंगरा हस ? का तै ओ फल खाए हस जोंन ला खाएबर मैं हर मना करे रहे ?’’ पुरुष हर उत्तर दिस, “आपमन मोला जोन इ नारी दे हाव इहर मोला ओ फल ला दिसI’’ तहाँ परमेश्वर हर स्त्री ला पुछिस, “तैं इ का करे ?” ओ नारी हर कहिस, “साँप हर मोला बहका देहेI” ![](https://cdn.door43.org/obs/jpg/360px/obs-en-02-09.jpg) परमेश्वर हर साँप ले कहिस, “तें श्रापित हस! तैं अपन पेट के बल मा रेंगबे अउर माटी ला चांटबेI तैं अउर नारी एक दूसर ला घृणा करिहा, अउर तोर संतान अउर ओकर संतान एक दूसर ले घृणा करिहीI इ नारी के वंश हर तोर मुड़ी ला कुचलिही, अउर तैं हर ओकर एडी ला चाब्बेI’’ ![](https://cdn.door43.org/obs/jpg/360px/obs-en-02-10.jpg) तहाँ ले परमेश्वर हर स्त्री ला कहिस, ‘’मै तोर गर्भवती होए के दुःख ला बनेच बड़ाहाँI अउर तैं आपन पति के लालसा करबे, अउर ओहर तोर उपर राज करहीI” ![](https://cdn.door43.org/obs/jpg/360px/obs-en-02-11.jpg) परमेश्वर हर पुरुष ला कहिस, “तैं आपन पत्नी के सुने हस अउर मोर आदेश ला नी माने हसI इकरेबर भूइयां श्रापित होईस हे, “अउर तोला अन्न उगाऐ बर कड़ी मेहेनत करना आवश्यक होहीI फेन तैं मर जाबे, अउर तोर शरीर हर माटी मा मिल जाहीI’’ ओ पुरुष हर आपन पत्नी के नाम हव्वा राखिस, जेकर अर्थ हावे ‘’जीबन देवेईया’’ काबर की ओ सब मनसेमन के आदि माता होहीI अउर परमेश्वर हर आदम अउर हव्वा ला जानवर के खाल ले कपड़ा बना के पहनाइसI ![](https://cdn.door43.org/obs/jpg/360px/obs-en-02-12.jpg) फेन परमेश्वर हर कहिस, “अब भलाई अउर बुराई जाने ले मनसे हमर समान हो गिस हे, इकरेबर ओमन ला ओ जीबन के रुख के फल ला खाए बर नी देना चाही की ओमन हमेशा बर खा के जिंयत रहेंI’’ इकरे बर परमेश्वर हर आदम अउर हवा ला बगिया ले बाहर निकाल दिसI अउर परमेश्वर हर कोई ला ओ जीवन के रुक के फल ला खाए ले ओला मना करे खातिर ओ बगिया के प्रवेश दुआर मा ताकतबर सरगदूतमन ला पहरा करे बर लगा दिसI ताकि कोनो भी ओ जीवन के रुक के फल ला खा नी सकेंI *लारिया- उत्पत्ति अध्याय 3 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_02_128kbps.m4a ## 3. बाढ़ https://openbiblestories.org/l/hne-x-laria/story-3/ ![](https://cdn.door43.org/obs/jpg/360px/obs-en-03-01.jpg) बनेच समय के बाद, संसार मा बनेच मनसे रहत रिहिनI ओमन बनेच दुष्ट अउर उपद्रवी हो गे रिहिनI सब कुछु इतकी बुरा हो गे रिहिस कि परमेश्वर हर आखिर निर्णय लिस कि एक बड़े बाढ़ ले इ पूरे संसार ला नष्ट कर दे जाएI ![](https://cdn.door43.org/obs/jpg/360px/obs-en-03-02.jpg) परन्तु परमेश्वर नूह ले खुश रिहिसI ओ एक धर्मी मनसे रिहिस, जोन दुष्ट मनसेमन के माझा मा रहत रिहिसI परमेश्वर हर नूह ला बताइस कि ओहर एक बिशाल बाढ़ ला लाने बर हेI इकर खातिर, ओहर नूह ला एक बढ़खा डोंगा बनाए बर कहिसI ![](https://cdn.door43.org/obs/jpg/360px/obs-en-03-03.jpg) परमेश्वर हर नूह ला एक ठन डोंगा बनाए बर किहिस, जोन लगभग 140 मीटर लम्बा, 23 मीटर चाकर, अउर 13.5 मीटर ऊँचा होहीI नूह ला ओला लकड़ी ले बनाए बर रिहिस अउर ओमे तीन तल्ला, बनेच कमरा मन, एकठी छत अउर एकठन खिड़की बनाए बर रिहिसI ओ डोंगा नूह, ओकर परिवार, अउर भुइयां के हर जन्तुमन ला ओ जलप्रलय ले सुरक्षित राखिहीI ![](https://cdn.door43.org/obs/jpg/360px/obs-en-03-04.jpg) नूह हर परमेश्वर के आज्ञा ला मानिसI ओहर अउर ओकर तीनों बेटामन हर उसनेच ही डोंगा बनाईन जेसन कि परमेश्वर हर ओमनला बताए रिहिसI काबर कि ओ डोंगा बनेच बड़े रिहिस इकर बर ओला बनाए बर बनेच बछर लगीसI नूह हर मनसेमन ला आही ती बाढ़ के बारे मा चेतावनी दिस अउर ओमन ला परमेश्वर के तरफ लौटे बर कहिस, लेकिन ओमन हर ओकर उपर विश्वास नी करिनI ![](https://cdn.door43.org/obs/jpg/360px/obs-en-03-05.jpg) परमेश्वर हर नूह अउर ओकर परिवार के खातिर अउर जानवरमन बर पर्याप्त भोजन जमा करे के घोले आदेश दिसI जब सब कुछु तियार हो गिस, तहाँ परमेश्वर हर नूह ले कहिस कि अब ओला, ओकर पत्नि ला, ओकर तीनों बेटा ला, अउर ओमन के पत्नीमन ला सब मिलके आठ झन ला डोंगा के भीतर जाय के बेरा रिहिसI ![](https://cdn.door43.org/obs/jpg/360px/obs-en-03-06.jpg) परमेश्वर हर नाना परकार के जानवर अउर पंछी के नर अउर मादा ला नूह ठी भेजीस ताकि ओमन डोंगा मा जा सकहीं अउर जलप्रलय के दौरान सुरक्षित रखे जा सकेI परमेश्वर नाना परकार के जानबरमन के सात नर अउर मादामन ला भेजीस जोन ला बलि चढ़ाय बर उपयोग करे जाए सकत रिहिसI जब ओमन डोंगा मा चढ़ गीन त परमेश्वर खुद डोंगा के दरवाजा ला बंद कर दिसI ![](https://cdn.door43.org/obs/jpg/360px/obs-en-03-07.jpg) तहाँ पानी गिरे बर शुरू होईस, अउर पानी गिरतेच गिस, गिरतेच गिसI बिन रुके चालीस दिन अउर चालीस रात ले पानी गिरत रिहिसI भुइयां के भीतर ले घोले पानी भुल्का फुटत निकरत रिहीसI सब संसार के हर एक चीज पानी मा डूब गिस, यहाँ तक ले की ऊँचा ले ऊँचा पहाड़ घोलेI ![](https://cdn.door43.org/obs/jpg/360px/obs-en-03-08.jpg) सिरिप ओ मनसेमन अउर जानवरमन ला छोडके जोनमन डोंगा मा रिहिन, हर एक चीज जोन सुखी भुईयां मा रिहिन मर गिन, परन्तु जोन मनसे मन अउर जानवर डोंगा मा रिहिन ओ मन बांच गिनI ![](https://cdn.door43.org/obs/jpg/360px/obs-en-03-09.jpg) बर्षा के रुक जाये के बाद, पांच महिना तक ले ओ डोंगा हर पानी मा तैरतेच रिहिस, अउर ओ समय मा पानी हर कम होए बर लागत रिहिसI तहाँ एक दिन ओ डोंगा हर एक पाहाड़ के टिप मा जाके टेका गिस, किन्तु संसार अभी घोले जल मा बूढ़े रिहीसI तीन महीना के बाद, पाहाड़मन के टिपमन दिखाई दे बर लगे रिहीनI ![](https://cdn.door43.org/obs/jpg/360px/obs-en-03-10.jpg) फेन अउर चालीस दिन के बाद, नूह हर एक ठी कौवा ला ए देखे बर पठाइस कि का पानी हर सुख गेहे की नीI ओ कौवा हर सुखी भुइयां के खोज मा एती- ओती उड़त रिहीस, परन्तु ओला एसन कोनो जगह नई मीलीसI ![](https://cdn.door43.org/obs/jpg/360px/obs-en-03-11.jpg) फेन बाद मा नूह हर एकठन पेरुआं ला बाहर पठाइसI लेकिन ओला घोले कोनो सुखी भुइयां नी मिलिस, इकरे बर ओहर नूह करा वापिस आ गिसI एक सप्ताह के बाद ओहर ओ पेरुआं ला दूबारा पठाइस, अउर ओहर आपन चोच मा जैतून के एक नवां पान ला लेके वापस आइस, जल सुखात रिहिस, अउर पौधामन फेन जामे बर लागिनI ![](https://cdn.door43.org/obs/jpg/360px/obs-en-03-12.jpg) नूह हर अउर एक सप्ताह अउर अगोरिस अउर तीसरईया बार ओ पेरुआं ला बाहर पठाइसI इ दारी, ओला रुके के ठउर मिल गिस अउर ओहर वापिस नई आइस, जल सुखात रिहिसI ![](https://cdn.door43.org/obs/jpg/360px/obs-en-03-13.jpg) दू महीना के बाद परमेश्वर हर नूह ला कहिस, ‘’अब तें आउ तोर परिवार मन अउर सब जानवरमन डोंगा ले नीकर आव, बनेच कन लोक लईकामन ला उत्पन्न करव अउर पृथ्वी मा भर जावI’’ अतः नूह अउर ओकर परिबार डोंगा ले बाहर निकर आइनI ![](https://cdn.door43.org/obs/jpg/360px/obs-en-03-14.jpg) नूह के डोंगा ले बाहर आये के बाद, ओहर एक ठन बेदी बनाइसI अउर बलि चढाये लायक हर परकार के जानवरमन ले कुछ ला लेके बलि चढाईसI परमेश्वर उ बलि ले खुश होईस अउर नूह अउर ओकर परिबार ला आशिष दिसI ![](https://cdn.door43.org/obs/jpg/360px/obs-en-03-15.jpg) परमेश्वर हर कहिस, ‘’मै परतिज्ञा करत हं कि मनसेमन के द्वारा किए जाही बुरे काममन के खातिर में अउर कभो पृथ्वी ला श्राप नी दिहोंI में नी त जल परलय के दुवारा संसार ला नाश करिहों, काबर की मनुष्य बचपनेच ले पापी हेI ![](https://cdn.door43.org/obs/jpg/360px/obs-en-03-16.jpg) फेन परमेश्वर हर आपन परतिज्ञा के चिन्ह के रूप मा पहिला मेघधनुष ला बनाईसI जब कभू घोले आकाश मा मेघधनुष दिखाई देथे, त परमेश्वर याद करिही कि ओहर का परतिज्ञा करे हे अउर वेसनेच ही ओकर मनसे मन घोले याद करिहिंI *लारिया -उत्पत्ति अध्याय 6-8 ले बाइबिल के एकठन कहानी* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_03_128kbps.m4a ## 4. अब्राहम के संग परमेश्वर के वाचा https://openbiblestories.org/l/hne-x-laria/story-4/ ![](https://cdn.door43.org/obs/jpg/360px/obs-en-04-01.jpg) जल प्रलय के केतकी बछर बाद, बहुत मनसे मन रहत रिहिन, अउर ओमन आभी घोले परमेश्वर के अउर एक दुसर के बिरुध मा पाप करत रहिनI काबर कि ओमन एक ठी भाषा बोलत रहिन, इकर खातिर ओमन एक संग जमा होइन अउर एक ठन नगर ला बनाथेंI जिसने परमेश्वर हर आज्ञां दे रिहिस, ओकर अनुसार ओमन पूरा संसार मा नी बगरीनI ![](https://cdn.door43.org/obs/jpg/360px/obs-en-04-02.jpg) ओमन बहुत घमंडी रहिन, अउर ओमन ला कैसन जीबन बिताना आहें ओ बारे मा ओमन परमेश्वर के आज्ञा पालन करे बर नी चाहत रहिनI यहाँ तक ले की ओमनह एसन मीनार बनाये बर शुरू करिन जोन हर स्वर्ग तक पहुंच सकीहI परमेश्वर हर देखिस कि यदि ओमन एक संग मिलके बुराई करते रहीं तो ओमन बहुत से पाप के काम कर सकत हेंI ![](https://cdn.door43.org/obs/jpg/360px/obs-en-04-03.jpg) इकरे बर परमेश्वर हर ओमन के बोली ला अलग अलग बोली मा बदल दिस अउर ओमन ला पूरी संसार मा बगरा दिसI जोन नगर ला ओमन बनाये बर शुरू करिन ओहर बाबेल कहेगिस जेकर अर्थ हे, “गड़ बड़ीI” ![](https://cdn.door43.org/obs/jpg/360px/obs-en-04-04.jpg) कई सो बछर के बाद, परमेश्वर हर अब्राहाम नाम के मनसे से गोइट- बात करिसI परमेश्वर हर ओला कहिस, ‘’आपन के देश अउर परिवार ला छोड़ के ओ देश ला जा जोन ला मै तोला दीखा हाँI मै तोला आशिष देहो अउर तोर से एकठन बड़ी जाती बनाहाI मै तोर ना ला महान करिहोI जोन तोला आशिष दिही मै ओला आशिष दिहों, अउर तोर एक ठन बड़ा जाती बनाहाI मै तोर नाम ला महान करिहो जोन तोला आशिष दिही मै ओला आशिष दिहों अउर जोन तोला श्राप दिहीI मै ओला श्राप दिहों तोर खातिर संसार के सभी बंश आशिष पाहीI ![](https://cdn.door43.org/obs/jpg/360px/obs-en-04-05.jpg) अत: अब्राहाम हर परमेश्वर के आज्ञा मानिसI ओहर आपन के सेवक अउर सब सम्पति के संग आपन पत्नी सारा ला लिस अउर ओ देश ला, अर्थात कनान देश ला चल दिस जोन परमेश्वर हर ओला दिखाए रिहिसI ![](https://cdn.door43.org/obs/jpg/360px/obs-en-04-06.jpg) जब अब्राहम कनान पहुंचिस त परमेश्वर हर ओला कहिस, “आपन चारो तरफ देखI मै तोला ये सब देश दिहों अउर तोर बंश हमेशा बर इकर ऊपर अधिकार रखिहीI” तब अब्राहम हर ओ देश मा बस गीसI ![](https://cdn.door43.org/obs/jpg/360px/obs-en-04-07.jpg) मलिकिसिदक नाम के एक मनसे रहिस जोन महान परमेश्वर के बड़े पुजारी रहिसI एक दिन अब्राहम युद कर के आत रिहिस तो ओहर अउर अब्राहम मिलीनI मलकिसिदक हर अब्राहम ला आशिष दिस अउर कहिस “महान परमेश्वर जोन स्वर्ग अउर पृथ्वी के मालिक आहे ओ हर तोला आशिष देयI” फेन अब्राहम हर युद मा विजय पाय के सब चीज के दशमांश मलिकिसिदक ला दे दिसI ![](https://cdn.door43.org/obs/jpg/360px/obs-en-04-08.jpg) कतुक बछर बित गिस परन्तु आभी घलो अब्राहम अउर सारा के कोनो बेटा नी रिहिसI परमेश्वर हर अब्राहम ठी बात करिस अउर फेन प्रतिज्ञा करिसI की ओकर एक ठन बेटा जनम होही अउर जेसन आकाश मा तारा आहे उसनेच हि ओकर बहुत से बंश होहीI अब्राहम हर परमेश्वर के प्रतिज्ञा ला विश्वास करिसI परमेश्वर घोषणा करिस की अब्राहम एक धर्मी ब्यक्ति रिहिसI काबर की ओहर परमेश्वर की प्रतिज्ञा ला विश्वास करे रिहिसI ![](https://cdn.door43.org/obs/jpg/360px/obs-en-04-09.jpg) तहाँ परमेश्वर हर अब्राहम एक ठन प्रतिज्ञा करिसI साधारण रूप मा, एक प्रतिज्ञा के मतलब आहे की दो दल के बिच मा एक दुसरे के खातिर जो काम होथे ओ काम के करे ला समाधान हो थेI परमेश्वर हर अब्राहम ठिन ए प्रतिज्ञा तब करे रिहिस जब अब्राहम हर सूतत रिहिस, फेन घलो परमेश्वर के आवाज ला सुन सकत रिहिसI परमेश्वर हर कहिस, ‘’मै तोर शारीर ले उत्पन करके तोला तोर एक ठन तोरेच बेटा दिहोंI मै तोर बंश ला ए कनान देश देत होंI’’ परन्तु अभी घलो अब्राहम के कोनो बेटा नी रिहिसI *उत्पत्ति अध्याय 11-15 ले बाइबिल के एकठन कहानी* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_04_128kbps.m4a ## 5. प्रतिज्ञा के बेटा https://openbiblestories.org/l/hne-x-laria/story-5/ ![](https://cdn.door43.org/obs/jpg/360px/obs-en-05-01.jpg) अब्राम अउर सारै के कनान पहुंचे के दस बछर के बाद, अभी तक घोले ओमन के कोनो संतान नी रीहिसI इकरबर, अब्राम के पत्नि सारै हर उकर ले कहिस, “देख परमेश्वर हर अभी तक ले मोला संतान नी दिसेI अउर अब मैं संतान जनमाये बर बनेच डोकरी होगे होंI अब सुन, मोर दासी हाजिरा इ करा हेI ओकर ले घोले शादी कर ले कि ओहर मोर बर एकठन संतान जनमा सकिहिI’’ ![](https://cdn.door43.org/obs/jpg/360px/obs-en-05-02.jpg) अतः अब्राम हर हाजीरा ले शादी कर लिसI हाजिरा के एकठन बेटा जनमिस अउर अब्राम हर ओकर नाम इश्माएल राखिसI किन्तु सारै हाजिरा ला ईर्ष्या करे बर लागिसI जब इश्माएल तेरह बछर के रीहिस, परमेश्वर हर फेन ले अब्राम ले गोठियाइसI ![](https://cdn.door43.org/obs/jpg/360px/obs-en-05-03.jpg) परमेश्वर हर कहिस, “मै सर्व-शक्तिमान परमेश्वर हाँI मै तोर संग एक ठी परतिज्ञा करिहोंI‘’ तहाँ अब्राम हर भुइया म गिरके दंडबत करिसI परमेश्वर हर अब्राम ला ए घोले कहिस, “तै असंख्य जातीमन के बाप होबेI मै तोर अउर तोर बंशज ला ओकर नीज भुइयां होए बर कनान देश दिहों अउर मै सदा बर ओमन के परमेश्वर होईहांI तोला आपन घराना के प्रतयेक पुरुष के खतना करे बर हेI’’ ![](https://cdn.door43.org/obs/jpg/360px/obs-en-05-04.jpg) ‘’तोर पत्नि सारे एकठन बेटा जनम दीही - ओहर परतिज्ञा के बेटा होहीI ओकर नाम इसहाक रखबेI मै ओकर संग अपन परतिज्ञा ला बनाए राखीहों अउर ओहर एक बड़ी जाति बन जाहीI मै इश्माएल ला घोले एक बड़ी जाति बनाहा, परन्तु मोर परतिज्ञा हर इसहाक के संग मा रिहीI‘’ तब परमेश्वर हर अब्राम के नाम ला बदल के अब्राहम नाम दे दिस, जेकर अर्थ हावे, “बनेच झन के बाप’’I परमेश्वर हर सारे के नाम ला बदलकर सारा कर दिस, जेकर अर्थ है “मूल माताI ![](https://cdn.door43.org/obs/jpg/360px/obs-en-05-05.jpg) उ दिन अब्राहम हर आपन घर के सब पुरुषमन के खतना करिसI लगभग 1 बछर के बाद, जब अब्राहम 100 बछर के उम्र के रिहिस अउर सारा 90 बछर के रिहिस, तहाँ सारा हर अब्राहम के बेटा ला जनम दिसI जैसन परमेश्वर हर ओमन ला कहे रिहिस ओमन हर ओकर नाम इसहाक राखिनI ![](https://cdn.door43.org/obs/jpg/360px/obs-en-05-06.jpg) जब इसहाक जबान होइस, तहाँ परमेश्वर हर अब्राहम के विश्वास के परीक्षा करिसI परमेश्वर हर कहिस, ‘’आपन के एकठन बेटा ला ले, अउर ओला मोर बर बलि के रूप मा चढ़ाI” फेन ले अब्राहम हर परमेश्वर के आज्ञा मानिस अउर आपन बेटा ला बलि करेबर तैयार करिसI ![](https://cdn.door43.org/obs/jpg/360px/obs-en-05-07.jpg) जब अब्राहम अउर इसहाक बलि चढाऐ के जगह तरफ जाए बर लागिन त इसहाक हर पुछिस, “हे पिता, हामर करा तो बलि बर लकड़ीमन हें, लेकिन बलि चढाए बर मेमना कोन करा हे?” अब्राहम हर उत्तर दिस, “हे मोर बेटा, परमेश्वर बलि बर मेमना के प्रबंद करिहीI’’ ![](https://cdn.door43.org/obs/jpg/360px/obs-en-05-08.jpg) जब ओमन बलि चढ़ाये के जगह मा पहुंच गिन, त अब्राहम हर इसहाक ला बांध के बेदी मा सुतादिसI ओहर अपन बेटा ला मारनेच वाला रिहिस कि परमेश्वर हर कहिस, ‘’रुक जा! टूरा ला नुकसान नी पहुँचा! अब में जान गेहों कि तै मोर भय मानथस काबर कि तै हर आपन एकठन बेटा ला घोले मोर ले बचाके नी राखेI’’ ![](https://cdn.door43.org/obs/jpg/360px/obs-en-05-09.jpg) नजदीक मा ही अब्राहम हर एकठन मेढ़ा ला देखिस जोन झाड़ी मा फँसे रिहिसI इसहाक के बदले बलि खातिर परमेश्वर हर मेढ़ा के प्रबंद करे रिहिसI अब्राहम हर खुशी-ख़ुशी मेढ़ा ला बलि चढा दिसI ![](https://cdn.door43.org/obs/jpg/360px/obs-en-05-10.jpg) तहाँ परमेश्वर हर अब्राहम ला कहिस, “तै मोर बर सब कुछ देयबर इच्छुक रहे, यहाँ तक ले कि अपन एकठन बेटा ला घोलेI इकरबर मै तोला आशीष दे खातिर परतिज्ञा करथोंI ”तोर वंशज आकाश के तारामन ठी ले घोले असंख्य होहींI काबर कि तै मोर आज्ञा ला माने हस इकरेबर मै तोर परिवार के द्वारा संसार के सब झन ला आशिष देहोI’’ *लारिया- उत्पत्ति अध्याय 16-22 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_05_128kbps.m4a ## 6. परमेश्वर इसहाक बर व्यवस्था करथे https://openbiblestories.org/l/hne-x-laria/story-6/ ![](https://cdn.door43.org/obs/jpg/360px/obs-en-06-01.jpg) जब अब्राहम बनेच बुढा होगे रिहिस तहाँ ओकर बेटा, इसहाक, एक जवान मनसे के उम्र के होगे रिहिसI इकरबर अब्राहम हर आपन एक नौकर ला उ देश मा भेजिस जोन करा ओकर रिश्तेदार रहत रिहिन, ताकि ओहर अपन बेटा इसहाक बर एक पत्नी ला सकेI ![](https://cdn.door43.org/obs/jpg/360px/obs-en-06-02.jpg) एक लम्बा यात्रा के बाद, अब्राहम के नौकर उ देश ला गिस, जोन ठी अब्राहम के रिश्तेदार रहत रिहिनI परमेश्वर हर ओकर अगुवाई करिस, कि ओहर रिबका ले मिलेI ओहर अब्राहम के भाई के नतनीन रिहिसI ![](https://cdn.door43.org/obs/jpg/360px/obs-en-06-03.jpg) रिबका आपन परिवार ला छोड़ के उ नौकर के संग इसहाक के घर वापिस जाए बर मानगिसI जिसनेच रिबका पहुँचिस इसहाक हर ओकर ले शादी कर लिसI ![](https://cdn.door43.org/obs/jpg/360px/obs-en-06-04.jpg) एकठन लम्बा समय के बाद मा, अब्राहम मर गिसI तहाँ परमेश्वर हर अब्राहम के बेटा इसहाक ला अशीष दिस, काबर की परमेश्वर हर अब्राहम के संग मा वाचा बांधे रिहिसI उ वाचा मा परमेश्वर के एकठन परतिज्ञा एहर रहिस की अब्राहम के अशंख्य बंशज होहींI परन्तु इसहाक के पत्नी रिबका के संतान उत्पन नी होईनI ![](https://cdn.door43.org/obs/jpg/360px/obs-en-06-05.jpg) इसहाक हर रिबका के खातिर प्रार्थना करिस, अउर परमेश्वर हर गर्भ मा जुड़वाँ लइका धारण करेबर सक्षम करिसI जोन समय में लइकामन रिबका के गर्भ मा रिहिन ओमन आपस मा झगडा करिन ओकर बर रिबका हर परमेश्वर ला पूछीस की ए का होत रिहिसI ![](https://cdn.door43.org/obs/jpg/360px/obs-en-06-06.jpg) परमेश्वर हर रिबका ला कहिस, “तेहर दू ठन बेटा ला जनम देबेI ओमन के बंशज दो भिन- भिन जाति बनिहिI ओमन आपस मा झगड़ीहींI बढ़ बेटा ले उत्पन होही जाति ला छोटे बेटा ले आही ति जाति के आज्ञा ला माने बर होहीI’’ ![](https://cdn.door43.org/obs/jpg/360px/obs-en-06-07.jpg) जब रिबका के लइकामन के जनम होईस, त बड़खा बेटा लाल अउर रुआंदार रिहिस, ओमन ओकर नाम एसाव राखीनI तहाँ नान बेटा एसाव के एडी ला धर के जनमिस अउर ओमन ओकर नाम याकूब राखिनI *लारिया -उत्पत्ति अध्याय 24:1-25:26 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_06_128kbps.m4a ## 7. परमेश्वर याकूब ला आशीष देथे https://openbiblestories.org/l/hne-x-laria/story-7/ ![](https://cdn.door43.org/obs/jpg/360px/obs-en-07-01.jpg) जब ओ लइकामन बड़े होइन त याकूब ला घर मा रहे बर बढ़ीयाँ लागिस, परन्तु एसाव ला जानवरमन के शिकार करेबर पसन्द आइसI रिबका याकूब ला मया करत रिहिस, परन्तु इसहाक एसाव ला मया करत रिहिसI ![](https://cdn.door43.org/obs/jpg/360px/obs-en-07-02.jpg) एक दिन, जब एसाव शिकार करके वापिस आइस त ओला बनेच भूख लागिसI एसाव हर याकूब ला कहिस, “जो खाना तेहर पकाए हस, ओमें ले थोड़े मोला देI” याकूब हर कहिस, “पहले मोर ठीन ए परतिज्ञा ला कर की बड़े बेटा होय खातिर हर चीज जो तोला मिलही, ओ सबला तें मोला देबेI” अतः एसाव हर ओ सब चीजमन ला याकूब ला दे बर परतिज्ञा कर दीसI तहाँ याकूब हर ओला कुछु खाना दिसI ![](https://cdn.door43.org/obs/jpg/360px/obs-en-07-03.jpg) इसहाक एसाव ला आशीष देबर चाहत रिहिसI किन्तु इकर पहले ओहर ऐसन करतिस, रिबका अउर याकूब हर इसहाक के संग धोखा करिनI ओमनह याकूब ला एसाव होए के दिखावा करिनI इसहाक बुढा रिहिस अउर ओहर अब देख नी पात रिहिसI इकरे खातिर याकूब हर एसाव के कपडा पिनिस अउर छेरी के खाल ला आपन हाथ ढेठु मा लपेट लिसI ![](https://cdn.door43.org/obs/jpg/360px/obs-en-07-04.jpg) याकूब इसहाक ठी आइस अउर कहिस, “मै एसाव होंI मै इकरबर आय हों कि ते मोला आशीष देI” जब इसहाक हर छेरी के बालमन ला महसूस करिस अउर कपडा ला सुन्घिस, तो ओहर सोचिस की इहर एसाव हे अउर ओला आशीष दिसI ![](https://cdn.door43.org/obs/jpg/360px/obs-en-07-05.jpg) एसाव याकूब ला इर्षा करेबर लागिस काबर की याकूब हर ओकर बडखा बेटा के अधिकार ला अउर संगमा ओकर आशीषमन ला घोले ले गे रिहिसI अतः ओहर ओमन के बाप के मरे के बाद याकूब ला मार डाले के योजना बनाईसI ![](https://cdn.door43.org/obs/jpg/360px/obs-en-07-06.jpg) परन्तु रिबका हर एसाव के योजना ला सुन लिसI इकरबर ओहर अउर इसहाक हर याकूब ला ओकर रिस्तेदारमन के संग मा रहे बर बनेच धुरिया भेज दिनI ![](https://cdn.door43.org/obs/jpg/360px/obs-en-07-07.jpg) याकूब बनेच बछर तक रिबका के रिस्तेदार मन के संग मा रिहिसI ओ समय मा ओहर शादी करिसI अउर ओकर बारह बेटा अउर एक बेटी जनम होईनI परमेश्वर हर ओला बनेच धनी बना दिसI ![](https://cdn.door43.org/obs/jpg/360px/obs-en-07-08.jpg) बीस बछर ले कनान देश मा अपन घर ले धुरिया रहे के बाद, याकूब आपन परिवार, आपन नौकरमन, अउर आपन जानवरमन के झुण्ड के संग अपन भाई एसाव ठी कनान वापिस लौटीसI ![](https://cdn.door43.org/obs/jpg/360px/obs-en-07-09.jpg) याकूब बनेच भयभीत होईस काबर की ओहर सोचीस की एसाव आभि घोले ओला मार डारेबर चाहात होहीI इकरबर ओहर भेट स्वरुप मा जानवर मन के झुण्ड ला एसाव ठी भेजिसI जोन नौकर ओ झुण्ड मन ला लेके गे रिहीन ओमन ह एसाव ला कहिन, ‘’तोर दास याकूब, इ जानबर मन ला तोला देथेI ओहर जल्दी आवत हेI’’ ![](https://cdn.door43.org/obs/jpg/360px/obs-en-07-10.jpg) परन्तु एसाव आभि याकूब ला नुकसान पहुचायेबर नी चाहत रिहिसI इकर बजाए, ओला एक घां फेन देख के बनेच खुश रिहिसI इकर बर दोनों भाई कनान मा शांतिपूर्वक रहे लागिनI फेन इसहाक मर गीस अउर याकूब अउर एसाव हर ओला माटी दिनI नियम के परतिज्ञा जोन परमेश्वर हर अब्रहाम ले करे रिहिस अब इसहाक ले याकूब करा आगिसI” *उत्पत्ति अध्याय 25:27-35:29 ले बाइबल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_07_128kbps.m4a ## 8. परमेश्वर हर युसूफ अउर ओकर परिबार ला बचाथे https://openbiblestories.org/l/hne-x-laria/story-8/ ![](https://cdn.door43.org/obs/jpg/360px/obs-en-08-01.jpg) याकूब ला कनान मा रहत बनेच बछर बित गे रिहिसI जब ओहर डोकरा हो गिस, त ओहर अपन प्रिय बेटा युसूफ ला ओकर भाई मन के हाल -चाल ले बर भेजिसI ओकर भाई मन जानवरमन के गुहुड़ीमन के देख भाल करत रिहिनI ![](https://cdn.door43.org/obs/jpg/360px/obs-en-08-02.jpg) युसूफ के भाईमन ओला घृणा करत रिहिन काबर कि ओमन के बाप ओकर ले जादा माया करत रिहिस अउर एकर बर घोले कि युसूफ हर सपना देखे रिहिस कि ओहर ओमन के शासनकर्ता हो जाहीI जब युसूफ अपन भाईमन ठी आइस त ओमन हर ओला बंधक बना लीन अउर ओला दासमन के ब्यापार करेईयामन ले बेच दिनI ![](https://cdn.door43.org/obs/jpg/360px/obs-en-08-03.jpg) घर वापिस लौटे के आघू युसुफ के भाईमन हर युसूफ के कपडा चीर दीन अउर छेरी के लहू मा भिगो दिनI फेन ओमन हर ओ कपड़ा अपन बाप ला दिखाईन ताकि ओहर इये सोचे कोनो जंगली जानवर हर युसूफ ला मार डारिसI याकूब बनेच दुःखी होगिसI ![](https://cdn.door43.org/obs/jpg/360px/obs-en-08-04.jpg) नौकर के ब्यापार करेईया मन युसूफ ला मिस्र देश ले गिनI नील नदी के तीर मा बसे हाबे मिस्र एक बिसाल अउर शक्तिशाली देश रिहिसI ओ नौकरमन के ब्यापार करेईयामन हर युसूफ ला एक धनी सरकारी अधिकारी करा नौकर के रूप मा बेच दीनI युसूफ हर आपन मालिक के अच्छी तरह ले सेवा करीस, अउर परमेश्वर हर युसूफ ला आशीष दिसI ![](https://cdn.door43.org/obs/jpg/360px/obs-en-08-05.jpg) ओकर स्वामी के डोउकी युसूफ के संग मा सम्बंध बनाए के कोशिश करिस, परन्तु युसूफ हर इसने परकार ले परमेश्वर के बिरुध पाप करे खातिर इनकार कर दिसI ओहर रिसा हो गिस अउर युसूफ पर गलत आरोप लगा दिस, इकरे खातिर ओला गिरफतार कर के जेलखाना मा डाल दिनI यहाँ ले की जेलखाना मा घोले, युसूफ परमेश्वर के प्रति विश्वासयोग्य रिहिस अउर परमेश्वर हर ओला आशीष दिसI ![](https://cdn.door43.org/obs/jpg/360px/obs-en-08-06.jpg) दो बछर बाद, निर्दोष होए घोले यूसुफ आभी घोले जेलखाना मा रिहिसI एक रात, फिरौन, जैसन की मिस्री मनसेमन अपन राजामन ला नरियात रिहिन, मन दूठी सपना देखीन जोन हर अत्यंत बिचलित कर दिसI ओकर कोनो घोले सलाहकार ओला ओ सपना के अर्थ ला नई बता पाइनI ![](https://cdn.door43.org/obs/jpg/360px/obs-en-08-07.jpg) परमेश्वर हर युसूफ ला सपना के अर्थ बताये के क्षमता प्रदान करे रिहिस, इकरे बर फिरौन हर युसूफ ला जेल खाना ले अपन ठी बलाईसI युसूफ हर ओला ओ सपनामन के अर्थ ला बताइस अउर कहिस, “परमेश्वर भरपूरी फसल के सात बछर के बाद मा आकाल के सात बछर भेजने वाला हेI” ![](https://cdn.door43.org/obs/jpg/360px/obs-en-08-08.jpg) फिरौन युसूफ ले एतकी प्रभाबीत होईस की ओहर मिस्र के दूसरा सब ले शक्तिशाली पुरुष नियुक्त कर दिसI पुरा मिश्र देश करI ![](https://cdn.door43.org/obs/jpg/360px/obs-en-08-09.jpg) युसूफ हर अच्छी फसल के सात बच्छर के दौरान बड़ी मात्रा मा अन्न जमा करेबर कहिसI जब सात बछर अकाल आइस तहाँ युसूफ हर मनसेमन ला ओ अन्न बेचिस ताकि ओकरमन ठी खाएबर परीयाप्त होएI ![](https://cdn.door43.org/obs/jpg/360px/obs-en-08-10.jpg) ओ भयंकर अकाल मिस्र देश मा नइ, परन्तु कनान देश मा घोले रिहिस जोन करा याकूब अउर ओकर परिवार रहत रिहीनI ![](https://cdn.door43.org/obs/jpg/360px/obs-en-08-11.jpg) एकर बर याकूब हर आपन सबले बड़े बेटामन ला अन्न बिशाय बर मिस्र देस ला भेजीसI जब ओमन अन्न बिशाय बर युसूफ के निकट मा खड़े होइन ओकर भाई मन युसूफ ला नी पहचानिनI लेकिन युसूफ हर ओमनला पहचान लिसI ![](https://cdn.door43.org/obs/jpg/360px/obs-en-08-12.jpg) ये पता लगाये बर कि का ओमन बदल गिनहें ओमन के जाँच करे के बाद, युसूफ हर ओमन ला कहिस, “मैं तुहंर भाई युसूफ हावं! डरो नीI जब तुमन मोला नौकर के रूप मा बेंचे रहो तब तुमन बुरा करेबर बिचारे रह, परन्तु परमेश्वर ओ बुराई ला भलाई खातिर उपयोग करिस! आव अउर मिस्र देश मा रिह ताकि मै तुम्हर अउर तुम्हर परिवारमन बर भोजन के प्रबंध कर सकुहूI’’ ![](https://cdn.door43.org/obs/jpg/360px/obs-en-08-13.jpg) जब युसूफ के भाईमन घर वापिस लौटिन अउर आपन पिता याकूब ला बताइन कि युसूफ अभी घोले जीबित आहे त ओहर बनेच खुश होय रिहीसI ![](https://cdn.door43.org/obs/jpg/360px/obs-en-08-14.jpg) हलाकी याकूब हर एक बूढ़ा मनसे रिहिस तभोले ओहर आपन के सब परिवार के संग मिस्र ला चल दिस, अउर ओमन ओकरा बस गीन, याकूब हर मरे के आघू, आपन के हर एक बेटा ला अशीर्बाद दिसI ![](https://cdn.door43.org/obs/jpg/360px/obs-en-08-15.jpg) नियम के ओ परतिज्ञामन जोन परमेश्वर हर अब्राहाम ले करे रिहिस ओ इसहाक मे अउर ओकर बाद याकूब, अउर ओकर बाद ओकर बारह बेटामन अउर ओकर परिवारमन ला आगे रिहिसI ओ बारह बेटा के वंशज इस्राएल के बारह गोत्र बनगीनI *लारिया- उत्पत्ति अध्याय 37-50 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_08_128kbps.m4a ## 9. परमेश्वर मूसा ला बला थे https://openbiblestories.org/l/hne-x-laria/story-9/ ![](https://cdn.door43.org/obs/jpg/360px/obs-en-09-01.jpg) युसूफ के मरे के बाद, ओकर सब रिस्तेदार मिस्र देश मा रहे लागिनI ओमन अउर ओमन के बंशज कई बछर तक ले मिस्र मा ही रिहिन अउर ओमन के बनेच संतानमन जनम होइनI ओमन इस्राएली कहलात रिहिनI ![](https://cdn.door43.org/obs/jpg/360px/obs-en-09-02.jpg) कई सौ बछर के बाद, इस्राएलीमन के संख्या बनेच बाड़ गेरिहिसI अउर मिस्री मनसेमन अब ए बात बर अभारी नी रिहिन कि ओमन के मदद करे बर युसूफ हर बनेच कुछु करे रिहिसI ओमन इस्राएलीमन ले डर गिन काबर कि ओमन संख्या मा ओमन ले बनेच अधिक रिहिनI इकरे बर ओ समय मिस्र देश मा शासन करेईया फिरौन हर इस्राएलीमन ला मिश्रीमन के नौकर बना दिसI ![](https://cdn.door43.org/obs/jpg/360px/obs-en-09-03.jpg) मिस्रीमन हर इस्राइलीमन ला बनेच महल अउर यहाँ तक ले कईठन नगर ला बनाये बर मजबूर करिनI ओ कठिन परिश्रम हर ओमन के जीवनमन ला बड़ा दुःखदाई बना दिस, परन्तु परमेश्वर हर ओमन ला आशीष दिस अउर ओमन के अउर अधिक संतानमन जनम लीनI ![](https://cdn.door43.org/obs/jpg/360px/obs-en-09-04.jpg) फिरौन हर देखिस की इस्राएलीमन के संतानमन जनम होत रिहिन, इकरबर ओहर आपन के मनसेमन ला इस्राएलीमन के सब्बो पुरुष लइकामन ला नील नदी मा फेककर मार डाले के आदेश दिसI ![](https://cdn.door43.org/obs/jpg/360px/obs-en-09-05.jpg) एक बिशेष इस्राएली नारी हर एकठन बेटा ला जन्म दिसI ओहर अउर ओकर पति हर जतकी ओमन ले होइस ओ लइका ला लुका के राखिन I ![](https://cdn.door43.org/obs/jpg/360px/obs-en-09-06.jpg) ओ लईका के मा- बाप ओला अउर अधिक नी लुका सकीन, तहाँ ओला मरे से बचाये बर एक तैरनी बाली टोकरी मा नील नदी के तट मा अमर्री के बिच मा रखदिनI ओकर बड़े दीदी ओला देखेबर ओकर पहेरदार करिस की ओकर संग का होहीI ![](https://cdn.door43.org/obs/jpg/360px/obs-en-09-07.jpg) फिरौन के बेटी हर ओ टोकरी ला देख के ओकर भीतर ला झाकिसI जब ओहर एक ठन लइका ला देखिस त ओहर आपन बेटा के रूप मा ले लिसI ओहर एक इस्राएली नारी ला ओला दूध पिआए के काम मा रख लिस, बिना ए जाने कि ओहर ओ लइका के वास्तविक माता रिहिसI जब ओ लइका एतकी बड़े हो गिस कि अब ओला आपन माता के दूध के जरुरत नी रिहिस, तो ओहर फिरौन के बेटी ला फिरो दिस, ओकर नाम मूसा रिहिसI ![](https://cdn.door43.org/obs/jpg/360px/obs-en-09-08.jpg) एक दिन, जब मूसा हर बड़खा हो गे रिहिस, तो ओहर देखिस कि एक मिस्री इस्राएली नौकर ला पीटथेI मूसा हर आपन संगबारी इस्राएली ला बचाये के प्रयास करिसI ![](https://cdn.door43.org/obs/jpg/360px/obs-en-09-09.jpg) मूसा हर सोचीस कि ओला कोई नि देखिहीं त ओहर ओ मिस्री ला मार डालिस अउर मुर्दा ला माटी दे दिसI परन्तु मूसा हर जोन करे रिहिस ओला कोई देख ले रिहिसI ![](https://cdn.door43.org/obs/jpg/360px/obs-en-09-10.jpg) फिरौन ला पता चलगिस कि मूसा हर का करिसेI ओहर ओला मार डाले के कोशिष करिस, परन्तु मूसा मिस्र ले जंगल मा भाग गिसI फिरौन के सैनिक ओला ओठी खोजे नी सकिनI ![](https://cdn.door43.org/obs/jpg/360px/obs-en-09-11.jpg) मिस्र ले दूर जंगल मा एक चरवइया बन गे रिहिसI ओहर ओकरा एक नारी ले शादी कर लिस अउर ओकर दूठन बेटा जनम होईसI ![](https://cdn.door43.org/obs/jpg/360px/obs-en-09-12.jpg) मूसा आपन ससुर के भेड़मन के गुहुड़ी के देखभाल करत रिहिसI एक दिन, ओहर बरत झाड़ी ला देखिस जो भस्म होए बिना बरत रिहिसI ओला देखे बर ओहर ओ झाडी के नजदीक गिसI जब ओहर बनेच तीर मा रिहिस त परमेश्वर हर ओला गोठियाइसI ओहर कहिस, ’’हे मूसा, आपन जूता ला उतार देI तै एक पबित्र जगह मा खड़े हसI’’ ![](https://cdn.door43.org/obs/jpg/360px/obs-en-09-13.jpg) तहां परमेश्वर हर कहिस, “मैहर अपन मनसेमन के दुःख ला देखे हावंI मैं तोला फिरौन करा भेजिहों ताकि तै इस्राएलीमन ला मिस्र के गुलाम ले निकालके लानबेI मैं ओमन ला कनान देश दिहो, ओ देश जेकर मैहर अब्राहम, इसाहाक, अउर याकूब ले परतिज्ञा करे होंI” ![](https://cdn.door43.org/obs/jpg/360px/obs-en-09-14.jpg) मूसा हर पूछिस, “यदि मनसे मन जाने बर चाहिही कि मोला कोने भेजिसे त मै का कहू?’’ परमेश्वर हर कहिस, ‘’जोन मे हों सो मै होंI ओमनला बताव, ‘में हों हर मोला तुम्हर ठी भेजीसेI’ ओकर ले ए घोले कबे, ‘मैं तुम्हर पुरखामन अब्राहम, इसाहाक, अउर याकूब के परमेश्वर यहोवा होंI’ मोर ए नाम सदा के हेI’’ ![](https://cdn.door43.org/obs/jpg/360px/obs-en-09-15.jpg) मूसा डरात रिहिस अउर फिरौन करा जाए बर नी चाहत रिहिस काबर कि ओ अच्छी तरह गोठिया नी सकिहि, इकरेबर परमेश्वर हर मूसा के भाई, हारुन, ला ओकर सहायता करेबर भेजीसI *लारिया - निर्गमन अध्याय 1- 4 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_09_128kbps.m4a ## 10. दस बिपदा https://openbiblestories.org/l/hne-x-laria/story-10/ ![](https://cdn.door43.org/obs/jpg/360px/obs-en-10-01.jpg) परमेश्वर हर मूसा अउर हारुन ला चेतावनी दिस कि फिरौन हठीला हो जाहीI जब ओमन फिरौन ठी गिन त ओमनहर कहिन, “इस्राएल के परमेश्वर ऐसे कहथे, ’मोर मनसे मन ला जाए बर दे!”’ परन्तु फिरौन हर ओमन के नी सुनीस अउर इस्राएलीमन ला जाए बर आजाद करे के अलाबा ओहर ओमन ला कठिन मेहनत करे खातिर मजबूर करिसI ![](https://cdn.door43.org/obs/jpg/360px/obs-en-10-02.jpg) फिरौन उ मनसेमन ला जाए देबर हर समय इंकार करतेच्च रिहीस, इकरबर परमेश्वर हर मिश्र मा दस भयंकर बिपत्तिमन भेजीसI इ बिपत्तिमन के दुआरा, परमेश्वर हर फिरौन ला दिखाईस कि ओहर फिरौन और मिस्र के सब देबतामन ले अधिक शक्तिशाली हेI ![](https://cdn.door43.org/obs/jpg/360px/obs-en-10-03.jpg) परमेश्वर हर नील नदी ला लहू मा बदल दिस, परन्तु फिरौन हर अभी घोले इस्राएलीमन ला जाए बर नी दिसI ![](https://cdn.door43.org/obs/jpg/360px/obs-en-10-04.jpg) परमेश्वर हर संपूर्ण मिस्र मा बेंगा भेजीसI फिरौन हर बेंगामन ला दूर करे खातिर मूसा ला निबेदन करिसI परन्तु सब बेंगामन मर जाए के बाद, फिरौन हर आपन मन ला कठोर कर लिस अउर इस्राएलीमन ला मिस्र ले निकले बर नी दिसI ![](https://cdn.door43.org/obs/jpg/360px/obs-en-10-05.jpg) इकरेबर परमेश्वर हर टेकर किरा के बिपदा भेजीसI ओकर बाद ओहर ड़ासमन के बिपदा भेजीसI फिरौन हर मूसा अउर हारुन ला बलाईस अउर ओमन ला कहिस, “यदि ओ बिपदा ला रोक दे ले इस्राएली मिस्र छोड़ के जा सकहींI जब मूसा हर प्रार्थना करिस तो परमेश्वर हर मिस्र ले डासमन ला हटा दिस परन्तु फिरौन हर आपन मन ला कठोर कर लिसI अउर ओमन ला स्वतंत्र हो के जाये नी दिसI ![](https://cdn.door43.org/obs/jpg/360px/obs-en-10-06.jpg) इकरबाद परमेश्वर हर मिश्रीमन के सब पालतू जानबरमन ला बिमार होके मरेबर दिसI परन्तु फिरौन के मन कठोर हो गे रिहिस अउर ओहर इस्राएलीमन ला जायेबर नी दिसI ![](https://cdn.door43.org/obs/jpg/360px/obs-en-10-07.jpg) तहाँ परमेश्वर हर मूसा ले फिरौन के आघू मा पवन मा राख फेंके बर कहिसI जब ओहर एसे करिस तब मिश्रीमन के चमड़ा मा दुःख दायी फोडा निकल आइस, परन्तु इस्राएलीमन ला कछु नाइ होईसI परमेश्वर हर फिरौन के मन ला कठोर कर दिस, अउर फिरौन हर इस्राएलीमन ला स्वतंत्र होके जाये बर नी दिसI ![](https://cdn.door43.org/obs/jpg/360px/obs-en-10-08.jpg) इकरे बाद, परमेश्वर हर कारा गिराईस अउर मिस्र के अधिकांश फसल मन ला बरबाद कर दिस अउर जोंने बाहार निकले ओ ला मार डारिसI फिरौन हर मूसा अउर हारुन ला बुलाईस अउर ओमन ला कहिस, “मै पाप करे होंI तुमन जा सकत हI” अतः मूसा हर प्रार्थना करिस अउर आकाश ले कारा गिरेबर बंद होगिसI ![](https://cdn.door43.org/obs/jpg/360px/obs-en-10-09.jpg) परन्तु फिरौन हर फेन ले पाप करिस अउर अपन मनला कठोर कर दिसI ओहर इस्राएलीमन ला स्वतंत्र होके जाए बर नी दिसI ![](https://cdn.door43.org/obs/jpg/360px/obs-en-10-10.jpg) अतः परमेश्वर हर मिस्र मा टिड्डीमन के दल ला आये बर दिसI इ टिड्डीमन ओमन के सब फसलमन ला खा लिन, जेनला कारा हर नाश नई करे रिहिसI ![](https://cdn.door43.org/obs/jpg/360px/obs-en-10-11.jpg) फेन परमेश्वर हर अंधियार कर दिस जोन तीन दिन ले बने रिहिसI एहर एतकी घोर अन्धकार रिहिस कि मिस्रीमन आपन घरमन ले निकल घोले नी पाइनI परन्तु जोन करा इस्राएलीमन रिहिन ओ करा अंजोर रिहिसI ![](https://cdn.door43.org/obs/jpg/360px/obs-en-10-12.jpg) इ नौ ठन बिपदामन के बाद मा घोले, फिरौन हर इस्राएलीमन ला स्वतंत्र होके जाए देबर इंकार कर दिसI काबर की फिरौन हर नी सुने रिहिस, इकरे बर परमेश्वर हर एकठन अंतिम बिपदा भेजेबर योजना बनाईसI एकर ले फिरौन के मन बदलेबर रिहिसI *लारिया- निर्गमन अध्याय 5-10 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_10_128kbps.m4a ## 11. फसह https://openbiblestories.org/l/hne-x-laria/story-11/ ![](https://cdn.door43.org/obs/jpg/360px/obs-en-11-01.jpg) परमेश्वर हर मूसा अउर हारून ला फिरोन ठी ए कहे बर भेजिस की इस्रैलीमन ला जान देI ओ मन ओला चेतावनी दिन की अगर ओ मनला नी जान दिही, त परमेश्वर हर मिश्र के मनसे अउर पशु मन के सब पहिला लड़कामन ला मार डालिहीI फिरोन हर ए सब बात ला सुनकर घोले परमेश्वर के उपर भरोसा करेले अउर ओकर बात माने ले इंकार कर दिसI ![](https://cdn.door43.org/obs/jpg/360px/obs-en-11-02.jpg) परमेश्वर हर ओ विश्वास करेमन के हर एक के घोले पहिला लइका ला बचाए बर एक उपाय बनाईसI सब्बो परिवार ला एक निर्दोस भेड़ लेकर मारना रिहिसI ![](https://cdn.door43.org/obs/jpg/360px/obs-en-11-03.jpg) परमेश्वर हर इस्रैलीमन ला मेमना के लहू ला लेके अपन घर के टाटी मा लगाये बर कहिसI ओमन ला ओकर मास ला भूनना रिहिस अउर फेन ओला अखमिरी रोटी के संग मा चंचलता के साथ ओला खाए बर रिहिसI ओमन ओ भोजन ला खाए के बाद ओ मन ला जल्दी से मिश्र ला छोड़े बर तैयार रहे बर कहिसI ![](https://cdn.door43.org/obs/jpg/360px/obs-en-11-04.jpg) जयसन करे बर परमेश्वर हर इस्रैलीमन ला आदेश दे रिहिस ओमन हर ओकर अनुसार सब ला करिनI मध्य रात्री मा, परमेश्वर हर सब परवा बेटा ला घात करत मिश्र के माझा मा हो के गुजरिसI ![](https://cdn.door43.org/obs/jpg/360px/obs-en-11-05.jpg) इस्रैलीमन के हर घर के टाटी मा लहू लगे रिहिस, इकरबर परमेश्वर हर ओ मन के घरमन ला छोड़ दिसI ओमन के भीतर के सब झन सुरक्षित रिहिनI ओमन मेमना के लहू के खातिर ओमन बांच गे रिहिनI ![](https://cdn.door43.org/obs/jpg/360px/obs-en-11-06.jpg) लेकिन मिश्रीमन परमेश्वर के उपर विश्वास नी करे रिहिन अउर ओमन ओकर आज्ञामन ला नी माने रिहिनI परमेश्वर हर मिश्रीमन के परवा बेटा ला मार दिसI ![](https://cdn.door43.org/obs/jpg/360px/obs-en-11-07.jpg) जेलखाने के बंधुआमन के परवा ले लेके, फिरौन के परवा बेटा तक, हर एक परवा बेटा मर गिसI आपन के गहरी दुःख के खातिर मिश्र के बनेच मनसेमन रोत रिहिन अउर विलाप करत रिहिनI ![](https://cdn.door43.org/obs/jpg/360px/obs-en-11-08.jpg) ओइच रात, फिरोन हर मूसा अउर हारून ला बलाइस अउर कहिस, ‘’इस्रैलीमन ला लेके तुर्तेच मिश्र ले निकल जाव!’’ मिश्र के मनसेमन घोले इस्रैलीमन से जल्दी निकल जाये के विनती करिनI *लारिया- निर्गमन अध्याय 11:1-12:32 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_11_128kbps.m4a ## 12. बाहर निकरिन https://openbiblestories.org/l/hne-x-laria/story-12/ ![](https://cdn.door43.org/obs/jpg/360px/obs-en-12-01.jpg) इस्रैलीमन मिश्र ले निकल के बहुत प्रसन्न रिहिनI ओमन अब गुलाम नी रिहीन, अउर ओमन परतिज्ञा के देश ला जात रिहिन ! जो कुछु घोले इस्रैलीमन मागिन, मिश्रीमन ओमन ला सब कुछ दिन, यहाँ तक की सोना अउर चांदी अउर आने मूल्यवान वस्तु मन ला घोलेI दूसर देश के थोर कुन मनसे विश्वास करिन अउर जब इस्रैलीमन मिश्र ले निकलीन तो ओमन घोले ओमन के संग हो लीनI ![](https://cdn.door43.org/obs/jpg/360px/obs-en-12-02.jpg) दिन के बेरा मा बादल के एक बड़ा खम्बा ओकर आघू -आघू चलिसI अउर रात के समय ए हर आग के खम्भा बनगिसI परमेश्वर जोन कि उ बादल के खम्भा मा अउर आगि के खम्भा मा रिहीस, हमेशा ओकर साथ मा रिहिस अउर सफर के समय ओकर अगुवाई करत रिहिसI ओमन ला मात्र अतकी करेबर कहिस कि ओकर पीछू चलेंI ![](https://cdn.door43.org/obs/jpg/360px/obs-en-12-03.jpg) थोड कुन समय बाद, फिरौन अउर ओकर मनसेमन आपन मन ला बदल दीन ओमन इस्रैलीमन ला आपन नौकर बनाये बर चाहत रिहिनI इकरेबर ओमन इस्रैली मन के पीछा करिन ओहर परमेश्वर रिहिस जेन हर उमन के मन ला बदल दिसI ओहर एसन इकरेबर करिस का बर ओ चाहत रिहिन की हर कोनोह ए ला जानलें की फिरौन ले मिश्रीमन के सब देवतामन ले ओ, यहोवा, अधिक बलशाली हेI ![](https://cdn.door43.org/obs/jpg/360px/obs-en-12-04.jpg) जब इस्रैलीमन मिश्र के सेनामन ला आत देखीन त ओमनला मालूम होइस कि ओमन फिरोन के सेना अउर लाल समुद्र के माझा मा फसगिनI ओमन बनेच डर गिन अउर रोये लागिन, ’’हामन मिश्र ला काबर छोडेन? हमन मरे बर हन!’’ ![](https://cdn.door43.org/obs/jpg/360px/obs-en-12-05.jpg) मूसा हर इस्रैलीमन ला कहिस, ’’डरे बर बंद करव! परमेश्वर आज तुमहर खातिर लड़ाई करिही अउर तुमन ला बचाहीI’’ तब परमेश्वर हर मूसा ले कहिस, ’’इ मनसेमन ला लाल समुन्दर की तरफ आगे बढ़े बर कI ![](https://cdn.door43.org/obs/jpg/360px/obs-en-12-06.jpg) तहाँ बादल के खम्भा इस्राएलीमन के अउर मिश्रीमन के माझा मा आ गिस, अउर रात मा आगि के खम्भा बन गिस मिश्री रात भेर इस्रैलीमन के नजदीक नी आ सकिनI ![](https://cdn.door43.org/obs/jpg/360px/obs-en-12-07.jpg) परमेश्वर हर मूसा ला समुंदर मा आपन हाँथ बढाये बर कहीसI फेन परमेश्वर हर हवा ले समुंदर के पानी ला डेरी अउर जउनी अंग ढकेल दिस, जेकर ले समुंदर ले होत एक डहर बनगिसI ![](https://cdn.door43.org/obs/jpg/360px/obs-en-12-08.jpg) इस्रैलीमन अपन के दोनों तरफ पानी के भिथि के संग सुखा भुई मा समुंदर ले होत आघु बढ़ चलिनI ![](https://cdn.door43.org/obs/jpg/360px/obs-en-12-09.jpg) तहां परमेश्वर हर ओ डहर ले आगि अउर बादर के खम्भा ला उठा लिसI तहां मिश्रीमन इस्रैलीमन ला बांच के जात देखिनI मिश्रीमन इस्राइलीमन ला धरेबर फेन ले ओमन के पिछा करे के शुरु कर दिनI ![](https://cdn.door43.org/obs/jpg/360px/obs-en-12-10.jpg) अतः ओमन समुंदर के डाहर ले होके इस्रैलीमन के पीछा करिन, परन्तु परमेश्वर हर मिश्रीमन ला घबरा दिस अउर ओमनके रथमन ला रोक दिसI ओमन चिल्लाये बर लागिन, ‘’भागो! इस्रैलीमन के तरफ ले परमेश्वर लड़त हेI’’ ![](https://cdn.door43.org/obs/jpg/360px/obs-en-12-11.jpg) सब्बो इस्रैली समुंदर के दूसरी तरफ पहुंच गीनI तहाँ परमेश्वर हर मूसा ला कहिस कि फेन ले पानी के उपर हाथ बढाएI जब मूसा हर एसन करिस, त पानी हर मिश्री सेना पर आ गिरिस अउर अपन के साधारण स्थिति मा हो गिस अउर मिश्री सब डूब गिनI ![](https://cdn.door43.org/obs/jpg/360px/obs-en-12-12.jpg) जब इस्रैलीमन देखीन कि मिश्री मर गिन हें त ओमन परमेश्वर केरा विश्वास करिनI ओमन विश्वास करिन की मूसा परमेश्वर के तरफ ले भविष्यवक्ता रिहिसI ![](https://cdn.door43.org/obs/jpg/360px/obs-en-12-13.jpg) इस्रैलीमन इकरेबर घोले बनेच आनन्दित रिहिन काबर कि परमेश्वर हर ओमन ला मरे ले अउर नौकर होयेले बचा लिसI अब ओमन परमेश्वर के आराधना करेबर अउर ओकर हुकुम के पालन करेबर आजाद रिहिनI इस्रैली आपन आजाद के तिहार मनायेबर अउर परमेश्वर के महिमा करेबर कईठन गीतमन ला गाईन काबर कि ओहर ओमनला मिश्री सेना ले बचाऐ रिहिसI ![](https://cdn.door43.org/obs/jpg/360px/obs-en-12-14.jpg) परमेश्वर हर इस्रेलीमन ला सबेच बछर एकठन तिहार मनाये बर आदेश दिस, ए याद करे बर कि कैसन परमेश्वर हर मिश्रीमन ला हराए रिहिस अउर ओमन ला गुलाम बने ले स्वतंत्र करे रिहिसI ए हर फसह के पर्व कहलाईसI इ तिहार ला मनाए बर ओमन ला एक- एक स्वस्थ मेमना ला बलि करे बर रिहिस, ओला भुने बर रिहिस, अउर ओला बिना खमीर वाली रोटी के संग खाए के रिहिसI *लारिया- निर्गमन अध्याय 12:33-15:21 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_12_128kbps.m4a ## 13. इस्राएल के संग मा परमेश्वर के परतिज्ञा https://openbiblestories.org/l/hne-x-laria/story-13/ ![](https://cdn.door43.org/obs/jpg/360px/obs-en-13-01.jpg) एहर ओहिच पर्वत रिहिस जोनठी मूसा हर बरत रहे झाड़ी ला देखे रिहिसI उ मनसेमन ओ पर्वत के तरी मा आपन झोपडी ला स्थापित करिनI परमेश्वर हर मूसा ले अउर इस्राएल के सब्बो झन ले कहिस, यदि तुमन निशचय मोर नियम ला मानिह, अउर मोर नियम के पालन करिह, त सब्बो झन ले तुमनह मोर निज धन होही ह; अउर तुमन मोर दृष्टि मा पुरोहित मन के समाज अउर पवित्र जाति होही हI’’ ![](https://cdn.door43.org/obs/jpg/360px/obs-en-13-02.jpg) तहाँ परमेश्वर सिनै पर्वत के सिखर ले निचे उतरिसI जब ओहर आईस त भूकंप होईस, बिजली हर चमकिस, कुहरा उठिस, अउर तुरहीमन के जोरदार शब्द होइसI तहाँ मूसा स्वयं ऊपर पर्वत ला चढ गिसI ![](https://cdn.door43.org/obs/jpg/360px/obs-en-13-03.jpg) तहाँ परमेश्वर हर मनसेमन के संग मा एक परतिज्ञा करिसI ओहर कहिस, ‘’मै तुंहर ![](https://cdn.door43.org/obs/jpg/360px/obs-en-13-04.jpg) परमेश्वर, यहोवा हंI मेच्च हं जोन हर तुमन ला मिश्र के गुलामी ले छुड़ाए रिहिसI कोनो अन्य देवता के पूजा झन करिहI’’ ![](https://cdn.door43.org/obs/jpg/360px/obs-en-13-05.jpg) ‘’मूर्तिमन ला नी बनाहा अउर ओकर पूजा नी करिह, काबर कि मैं, यहोवा, एकठन परमेश्वर हंI अनुचित तरीका ले मोर नाम ला उपियोग नी करबेI सब्त के दिन ला पवित्र माने बर याद रखबे, दूसर शब्द मा, छह दिन ले अपन जम्मो काम करबे, सातवां दिन तोर बर बिसराम करके अउर मोला याद करे के दिन हेI” ![](https://cdn.door43.org/obs/jpg/360px/obs-en-13-06.jpg) ‘’अपन माता अउर पिता के आदर करिहI हत्या नी करिहI व्यविचार नी करिहI चोरी नी करिहI अपन पड़ोसी के पत्नि, ओकर घर, या ओकर कोनो भी सामान ला लेय के इच्छा नी करिहI’’ ![](https://cdn.door43.org/obs/jpg/360px/obs-en-13-07.jpg) सब झन ओ नियममन ला पालन करे बर राजी होईन जोन परमेश्वर हर ओमन ला दे रिहीसI ओमन बस परमेश्वर के मनसे होए बर अउर बस ओकर ही पूजा करे बर राजी होईनI ![](https://cdn.door43.org/obs/jpg/360px/obs-en-13-08.jpg) परमेश्वर हर इस्रैलीमन ले एक बडखा तम्बू -मिलाप वाला तम्बू बनाये बर घोले कहिसI ओहर ओमन ला सही -सही बताईस ए तम्बू ला कैसन बनाये बर हे, ओकर अंदर कोन -कोन चीजमन ला रखे बर हेI ओहर ओमन ला ओ तम्बू ला दो कमरा मा विभाजित करे बर एक बडखा पर्दा ला बनाए बर घोले कहिसI ओ कमरा मा जाए के अनुमति केवल बड़े पुजारी ला रिहिसI ![](https://cdn.door43.org/obs/jpg/360px/obs-en-13-09.jpg) ओ मनसेमन ला ओ मिलाप वाले तम्बू के आघू एक बेदी बनाये बर होहीI ओमन ओ बेदी मा एक जानवर ले के आइन, तहाँ पुजारी ओला बलि करिही अउर बेदी मा परमेश्वर के खातिर बलि के रूप मा जलाहीI परमेश्वर हर कहिस ओ जानवर के लहू ओ आदमी के पाप ला ढांप दिहीI इ रीती ले, अब परमेश्वर उ पाप ला नी देखेI ओ मनसे परमेश्वर के दृष्टि मा ’’शुद्ध‘’ ठहरिहीI परमेश्वर हर मूसा के भाई हारून ला अउर हारून के वंशज ला आपन पुजारी होए बर चुनिसI ![](https://cdn.door43.org/obs/jpg/360px/obs-en-13-10.jpg) तब परमेश्वर हर इ दस आज्ञा के दूठन पटि मा लिख के मूसा ला देदिसI परमेश्वर हर पालन करे बर मनसेमन ला आने बनेच ठन व्यवस्थामन ला दिसI परमेश्वर हर परतिज्ञा करिस कि यदि ओइच मनसे इ व्यवस्थामन के पालन करिहीं त परमेश्वर ओ मनसेमन ला आशीष दिही अउर ओमन ला सुरक्षा प्रदान करिहीI परन्तु ओहर कहिस की यदि ओमन इकर पालन नी करिहीं त ओमन ला दण्डित करिहीI ![](https://cdn.door43.org/obs/jpg/360px/obs-en-13-11.jpg) कई दिन ले, मूसा सिनै पहाड के चोंटीच मा रिहीसI ओ परमेश्वर ठीन गोईट करत रिहिसI परन्तु मनसेमन ओकर वापिस आये के प्रतीक्षा करत -करत थक गिनI इ रीती ले, ओमन हर भयानक रूप ले परमेश्वर के विरुध पाप करिनI ![](https://cdn.door43.org/obs/jpg/360px/obs-en-13-12.jpg) हारून हर बछुआ के आकार मा सोना के एकठन मूर्ति बनाईसI ओ मनसेमन ओकर पूजा करेबर शुरु कर दिन अउर ओला बलि चढाइन! ओमन के पाप के खातिर परमेश्वर ओमन ला बनेच रिसा होए रिहिसI ओ ओमन ला नष्ट करे बर चाहत रिहिसI परन्तु मूसा हर ओमन ला नी मारे खातिर परमेश्वर ले विनती करिसI परमेश्वर हर ओकर प्राथना ला सुनिस अउर ओमन ला नष्ट नी करिसI ![](https://cdn.door43.org/obs/jpg/360px/obs-en-13-13.jpg) आखिरमा मूसा हर सिनै पर्वत ले नीचे उतर आइसI ओ हर ओ दूठन पथर के पटि मन ला धरे रिहिस जोन मा परमेश्वर हर दस आज्ञा ला लिखे रिहिसI फेन जब मूसा हर ओ मूर्ति ला देखिस, त ओ हर बनेच गुस्सा होईस की ओहर ओ पटिमनला कुटी -कुटी कर दिसI ![](https://cdn.door43.org/obs/jpg/360px/obs-en-13-14.jpg) फेन मूसा हर ओ मूर्ति ला जरा डारीस अउर ओला पिस के गुंड़ा बना दिस, अउर ओ गुंड़ा ला पानी में घोल के ओमन ला पिया दिसI परमेश्वर हर ओमन के उपर एक ठन बिपदा भेजिस अउर ओमे के बनेच मनसे मर गिनI ![](https://cdn.door43.org/obs/jpg/360px/obs-en-13-15.jpg) जोन पटिमन ला मूसा हर टोरे रिहिस ओकर स्थान लेयबर ओहर दस आज्ञा के पथर के नुआ पटिमन ला बनाईसI तहाँ ओहर फेन ले पर्वत ला चढ़ गिस अउर प्राथना करिस कि परमेश्वर ओमन ला माफ़ करेI परमेश्वर हर मूसा के बात ला सुनिस अउर ओमन ला माफ़ कर दिसI नुआ पटिमन मा दस आज्ञा ला ले के मूसा पर्वत ले तरी उतर आइसI तहां परमेश्वर हर सिनै पर्वत ले लेके परतिज्ञा के देश तक इस्रैलीमन के अगुवाई करिसI *लारिया-निर्गमन अध्याय 19-34 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_13_128kbps.m4a ## 14. जंगल मा भटकना https://openbiblestories.org/l/hne-x-laria/story-14/ ![](https://cdn.door43.org/obs/jpg/360px/obs-en-14-01.jpg) फेन ओहर सिनै पर्वत ले आघू ओमन के अगुवाई करिसI ओहर ओमन ला परतिज्ञा के देश मा ले जाये बर चाहत रिहिसI ए देश कनान घोले कहलात रिहिसI परमेश्वर बादर के खम्भा मा ओमन के आघू -आघू रेंगिस, अउर ओमन ओकर पिछु -पिछु चलिनI ![](https://cdn.door43.org/obs/jpg/360px/obs-en-14-02.jpg) ए कनानीमन परमेश्वर के स्तुति नी करत रिहिन अउर ओकर आज्ञा ला नी मानत रिहिनI ओमन झूठा देवतामन के पूजा करत रिहिन अउर बनेच ख़राब काम करत रिहिनI ![](https://cdn.door43.org/obs/jpg/360px/obs-en-14-03.jpg) परमेश्वर हर इस्रैलीमन ले कहिस, ‘’जेत्की जहान तुमन ओ परतिज्ञा के देश ला जाहा सबेच कनानीमन ठी ले छुटकरा पा लिहI ओमन ठी समझोता नी करिह अउर ओमन ठी विवाह नी करिहI तू मन ला ओमन के सब मूर्ति मनला नष्ट करे बर हेI अगर तुमन मोर आज्ञा नी मानिह, त तुमन मोर अलावा ओमन के देवतामन के पूजा करे बर लगिहI‘’ ![](https://cdn.door43.org/obs/jpg/360px/obs-en-14-04.jpg) जब इस्रैली कनान के सीमा मा पहुंचिन, मूसा हर इस्राएल के हर एक गोत्र ले एक -एक ठी पुरुषमन ला चुनीसI ओहर ओमन ला जाके ओ देश के भेद ले बर निर्देश दिस कि देखें कि ओहर कैसन देश हेI ओमन ला ओ कनानीमन के भेदमन ला घोले लेना रिहिस कि देखिहीं कि ओमन बलशाली रिहिन या दुर्बल रिहिनI ![](https://cdn.door43.org/obs/jpg/360px/obs-en-14-05.jpg) ओ बारह पुरुषमन पुरे कनान मा होअत चालीस दिन के यात्रा करिन अउर फेन ओमन वापिस लौट आइन ओमन मनसेमन ला बताईन, ’’ओ देश हर बहुत उपजाऊ हे अउर खेतीमन बनेच जियादा हें!’’ लेकिन दस खोजीमन किहीन, ‘’ओमन के नगर बनेच मजबूत हे अउर ओमन लम्बा चउडा आहें! अगर हमन ओमन के उपर हमला करबो, त निश्चित रूप ले ओ हमनला हरा दिहि अउर हमन ला मार डालीहीI’’ ![](https://cdn.door43.org/obs/jpg/360px/obs-en-14-06.jpg) तुरतेच कालेब और यहोशू आने दू भेदियामन कहिन, ‘’ए सत्य हे की कनान के मनसेमन लम्बा अउर चउड़ा अउर बलशाली हवें, परन्तु निश्चित रूप से हमन ओमन ला हरा सकबोI परमेश्वर हमर बर लड़ाई करिही!’’ ![](https://cdn.door43.org/obs/jpg/360px/obs-en-14-07.jpg) लेकिन मनसेमन कालेब अउर यहोशू के नी सुनिनI ओमन मूसा अउर हारून ला रिसा होगिन अउर कहिन, ’’तुमन हमन ला इ डरावनी जगह मा काबर ले के आये ह? हमन ला मिश्र मा ही रहेबर रिहिसI अगर हमन ओ देश मा जाथन त हमन लड़ाई मा मारे जाबो, अउर कनान के मनसेमन हमर घर वाली अउर लइकामन ला नउकर बना लीहीI’’ ओ मनसेमन ओमन ला फेन मिश्र ला ले जाये खातिर एक ठी आने मनसे ला खड़े करे बर चाहत रिहिनI ![](https://cdn.door43.org/obs/jpg/360px/obs-en-14-08.jpg) जब उ मनसेमन हर इसने किहिन तहां परमेश्वर बनेच रिसा होगे रिहिसI ओहर मिलाब वाले तम्बू मा आइस अउर कहिस, ’’तुमन मोर विरुद्ध लड़ाई करे हव, इकरे बर तुमन सबो झन ला इ जंगल मा घुमे बर लागिहिI सबझन जोन बीस बछर के हे या ओकर ले जादा उम्र के हे ओठी मर जाही अउर कभू घोले ओ देश मा जा नी सके जोनला में तुमन ला देथोI केवल कालेब अउर यहोशू प्रवेश करिहींI’’ ![](https://cdn.door43.org/obs/jpg/360px/obs-en-14-09.jpg) जेतकी जहान मनसेमन हर परमेश्वर ला एसने कहत सुनिन, त ओमन दुःखी होगिन काबर कि ओमन पाप करे रिहिनI इकरे बर ओमन कनान देश मा चढ़ाई करे के निर्णय करिनI मूसा हर ओमन ला, नीजाये बर चेताइस काबर कि ओमन के संग मा परमेश्वर नी जाये, लेकिन ओमन ओकर नी सुनिनI ![](https://cdn.door43.org/obs/jpg/360px/obs-en-14-10.jpg) परमेश्वर इ युद्ध मा ओमन के संग मा नी गे रिहिस, इकरेबर कनानीमन ओमन ला पराजीत कर दीइन अउर ओमन के बनेच झन ला मार दीइनI तहां इस्रैलीमन कनान ले वापिस मुड़ गिनI आगे चालीस बछर ले, ओमन जंगल मा एती-ओती घुमत रिहिनI ![](https://cdn.door43.org/obs/jpg/360px/obs-en-14-11.jpg) इस्रेली मनसेमन ले जंगल मा भटके के चालीस बछर के दौर मा, परमेश्वर हर ओमन के जरूरत मन ला पूरा करिसI ओहर ओमन ला सरग ले ’’मन्ना’’ कथें रोटी ला दिसI ओहर बटेर मनके गदा ला (जोन मध्यम आकार के पक्षी होथे) ओमन के डेरा मा भेजिस ताकि ओमन करा खाए बर मास होयI ओ पूरा समय, परमेश्वर हर ओमन के कपड़ामन अउर जूतामन ला फाटे ले बचाए राखिसI ![](https://cdn.door43.org/obs/jpg/360px/obs-en-14-12.jpg) यहाँ तक परमेश्वर हर ओमन के पिए के पानी ला चमत्कारी रूप ले चट्टान में ले पानी ला निकारिसI लेकिन इ सब के उपरान्त, घोले इस्रैलीमन परमेश्वर अउर मूसा के विरुध शिकायत करिन अउर कुरबूराइनI तभोले, परमेश्वर विश्वासयोग्य रिहिसI ओहर जोन परतिज्ञा करे रिहिस कि ओ अब्राहम, इसहाक, अउर याकूब के पुरखा बर करिही ओला ओहर करिसI ![](https://cdn.door43.org/obs/jpg/360px/obs-en-14-13.jpg) एक अउर समय जब ओ मनसेमन ठी पानी नी रिहिस, परमेश्वर हर मूसा ला कहिस, ‘’चट्टान ले गोइठ कर, अउर ओमें ले पानी निकलहीI’’ परन्तु मूसा हर चट्टान ले गोइठ नी करिसI एकरे बदला, ओ हर छड़ी ले चट्टान ला दू बार मारिसI ए रीती मा ओहर परमेश्वर के आदर नी करिसI सब बर पिए खातिर चट्टान ले पानी हर नीकर आइस, परन्तु परमेश्वर मूसा ले रिसा होगिसI ओहर कहिस, ‘’काबर तें हर एसन करे हस, इकरे बर तै परतिज्ञा के देश मा परवेश नी करन सकसI ![](https://cdn.door43.org/obs/jpg/360px/obs-en-14-14.jpg) जब इस्रैली मन चालीस बछर ले जंगल मा भटक चुके रिहिन, तब जोन मन परमेश्वर के विरुध लडे रिहिस ओमन सब मर गे रिहीनI तब परमेश्वर ओमन ला फेन ले ओ परतिज्ञा देश के सीमना तक ले गिस, अब मूसा बनेच बुढा हो गे रिहिस, एकरे बर परमेश्वर हर मनसेमन के अगुवाई करे में ओकर सहायता करे बर यहोशू ला चुनिस परमेश्वर हर मूसा ला ए परतिज्ञा करे रिहिस कि एक दिन ओहर ओ मनसेमन के पास मूसा के जैसन एक भविष्यवक्ता भेजिसI ![](https://cdn.door43.org/obs/jpg/360px/obs-en-14-15.jpg) तहाँ परमेश्वर हर मूसा ला एक पहाड़ की चोटी पर जाये बर कहिस ताकि ओहर प्रतिज्ञा देश ला देख सकेI मूसा हर ओ प्रतिज्ञा के देश ला देखिसI परन्तु परमेश्वर हर ओला ओमे प्रवेश करे के अनुमति नी दीसI तब मूसा मर गिस, अउर इस्रैली मन तीस दिन ले शोक मनाइन यहोशू ओमन के नुआ अगुवा बन गिसI यहोशू एक बढियाँ अगुआ रिहिस काबर कि ओहर परमेश्वर ठी भरोसा करिस अउर ओकर बात ला मानिसI *अध्याय लारिया- निर्गमन 16-17 ले गिनती 10-14; 20; 27; व्यवस्थाविवण तक बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_14_128kbps.m4a ## 15. परतिज्ञा के देश https://openbiblestories.org/l/hne-x-laria/story-15/ ![](https://cdn.door43.org/obs/jpg/360px/obs-en-15-01.jpg) अन्त मा, अब ओ समय आगिस की इस्रैलीमन परतिज्ञा के देश, कनान मा प्रवेश करेंI ओ देश मा यरीहो नामक एक नगर रहिसI ओकर सुरक्षा बर ओकर चारो तरफ मजबूत भीतीमन रिहिसI यहोशू हर ओ नगर मा दो भेदि मनला भेजिसI ओ नगर मा राहब नाम के एक वेश्या रहत रहिसI ओहर इ भेदिमन ला लुका दिस, अउर फेन बाद मा ओहर ओमन ला नगर ले बच के निकरे बर सहायता करिसI ओहर एइसन इकरेबर करिस काबर कि ओहर परमेश्वर मा विश्वास करत रहिसI जोन समय मा इस्रैली यरीहो के नाश करिहीं तहाँ ओमन राहाब अउर ओकर परिवार के रक्षा करे के परतिज्ञा करिसI ![](https://cdn.door43.org/obs/jpg/360px/obs-en-15-02.jpg) इस्रैली मनसेमन ला परतिज्ञा के देश मा प्रवेश करे बर यरदन नदी ला पार करे बर रिहिसI परमेश्वर हर यहोशू ले कहिस, ‘’पुझारीमन ला पहले जाये बर देI‘’ जब पुझारी यरदन नदी मा आपन पाहाँ ला राखिन त पानी के धारा बहे बर थम गिस, जेकर ले इस्रैलीमन सुखी भुइयां ले होकर नदी के दूसर पार जा सकेI ![](https://cdn.door43.org/obs/jpg/360px/obs-en-15-03.jpg) ओ मनसेमन यरदन नदी पार कर लिन त परमेश्वर हर यहोशू ले कहिस कि यरीहो मा हमला करे बर तैयार रिह, यदपि ओहर बनेच मजबूत नगर रिहिसI परमेश्वर हर ओ मनसेमन ले कहिस कि ओकर पुजारिमन अउर सैनिकमन ला छ दिन तक ओ नगर के चारों तरफ एक बार चक्कर लगाये बर हेI अतः पुजारिमन अउर सैनिकमन इसनेच ही करीनI ![](https://cdn.door43.org/obs/jpg/360px/obs-en-15-04.jpg) परमेश्वर हर ए घोले कहिस कि सातवें दिन इस्रैलीमन के नगर के चारों तरफ सात चक्कर लगाये बर हेI तहाँ पुजारी अपन तुरहीमन फूँकीन, अउर सब मनसे ऊँचे शब्द मा जय जयकार करिनI ओकरे बर ओमन एइसन ही करिनI ![](https://cdn.door43.org/obs/jpg/360px/obs-en-15-05.jpg) तहाँ यारिहो के चरो तरफ के भीतीमन गिर गिन! जैसन परमेश्वर हर आज्ञा दे रहिस इस्रैलीमन नगर के हरेक वस्तुला नस्ट कर दिसI ओमन हर केवल राहाब अउर ओकर परिवार ला छोड़ दीइन, जोन इस्रैलीमन के भाग बन गे रिहिन जब कनान के रहेयामन आने मनसेमन हर सुनिन की इस्रैलीमन हर यरीहो ला नस्ट करदीन हे, त ओमन डर गिन की इस्रैली मनसे ओमन के उपर घोले हमला करिहिंI ![](https://cdn.door43.org/obs/jpg/360px/obs-en-15-06.jpg) परमेश्वर हर इस्रैलीमन ला आज्ञा दिस की कनान मा रहेइयामन ला कोनहु जाति के संग शान्ति संधि नी करे बर हे, किन्तु गिबोनीयों नाम के एक कनानी जाति ने यहोशू ले झूठ बोलिस की ओमन कनान ले दूरिया एक जगह के रहवेया हेंI ओमन यहोशू ले उमन के संग शान्ति संधि करे बर अनुरोध करिसI यहोशू अउर आने इस्रैली अगुवामन हर परमेश्वर ले नी पूछीं की ओमन ला काकरे के चाहीI इकर अलावा, ओमन हर गिबोनियों के संग शांति संधि करलीनI ![](https://cdn.door43.org/obs/jpg/360px/obs-en-15-07.jpg) तीन दिन पिछु, इस्रैलीमन ला पता चलिस की गिबोनी मनसे कनान मा रहत रिहिनI ओमन रिसा गिन काबर की गिबोनीमन ओमन ला धोखा दे रिहिनI लेकिन ओमन के संग करे रिहिन ओ शांति संधि ला बनाए राखिन काबर की ओहर परमेश्वर के आघु मा करे रहिनI तहाँ कुछ समय के पिछु, कनान के रहेया एक अन्य जाति, एमोरियों के राजामन हर सुनिन कि गिबोनीमन हर इस्रैलीमन संग शांति संधि कर ले हेI अतः ओमन हर अपन-अपन सेनामन ला एक झुण्ड करके बड़खा सेना बना दीइन अउर गिबोन मा चढ़ाई कर दीइनI गिबोनी हर ओमन के सहायता करे बर यहोशू के एक संदेश भेजीनI ![](https://cdn.door43.org/obs/jpg/360px/obs-en-15-08.jpg) अतः यहोशू हर इस्रैलीमन के सेना ला इकठ्ठा करिस अउर गिबोनीमन के तीर पहुँचे बर पूरी रात चलिनI सुबह भोर मा एमोरीमन के सेना ला चकित कर दीइन ओमन उपर हमला कर दीनI ![](https://cdn.door43.org/obs/jpg/360px/obs-en-15-09.jpg) ओ दिन परमेश्वर इस्रैलीमन बर लड़िसI ओहर एमोरिमन ला घबरा दीइन अउर ओहर बड़खा- बड़खा कारा गिरा के एमोरिमन ला मार डलीसI ![](https://cdn.door43.org/obs/jpg/360px/obs-en-15-10.jpg) परमेश्वर हर सूरज ला घोले आकाश मा एक जगह पर रख दिस ताकि इस्रैली मन ला पूरा समय मिले की एमोरिमन ला पूरी तरह ले हरा देI ओ दिन, परमेश्वर हर इस्रैलीमन बर एक बड़ी विजय पाइनI ![](https://cdn.door43.org/obs/jpg/360px/obs-en-15-11.jpg) परमेश्वर दूआरा ओ सेनामन ला हराए जाये के बाद, बनेच ले कनानी जाति के मनसेमन इस्राएल ला युद्ध करे बर जमा हुईनI परन्तु यहोशु अउर इस्रैलीमन युद्ध कर के ओमन के सर्वनास कर दिनI ![](https://cdn.door43.org/obs/jpg/360px/obs-en-15-12.jpg) इ युद्धमन के बाद मा, परमेश्वर हर इस्राएल के हर एक गोत्र ला परतिज्ञा के उ देश मा ओ मन ला बांटा दिसI तब परमेश्वर हर ओकर सभी सीमा मा शांति प्रदान करिसI ![](https://cdn.door43.org/obs/jpg/360px/obs-en-15-13.jpg) जब यहोशू बूढ़ा हो गिस त ओहर इस्रैली के सब मनसेमन ला एक संग बुलाइसI तहाँ यहोशू हर ओमन ला याद करवाईस की ओमन ओ नियम के पालन करेके परतिज्ञा करे रिहिन जोन परमेश्वर हर ओकर संग सिनै पहाड़ मा बांधे रिहिसI ओ मनसेमन हर परमेश्वर के प्रति विश्वासयोग्य रहेबर ओकर व्यवस्थामन ला पालन करे बर वादा करिसI *लारिया- यहोशू अध्याय 1-24 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_15_128kbps.m4a ## 16. छुढ़ेइयामन https://openbiblestories.org/l/hne-x-laria/story-16/ ![](https://cdn.door43.org/obs/jpg/360px/obs-en-16-01.jpg) यहोशू के मरे के पिछु इस्रैलीमन हर परमेश्वर के आज्ञा नी मानीनI ओमन परमेश्वर के नियममन ला नी मानीन, अउर ओमन ओ परतिज्ञा के देश ले बांचे रिहिन कनानीमन ला बाहर नी नीकारिसI इस्रैलीमन हर आपन सच्चा परमेश्वर, यहोवा ला छोड़ के कनानीमन के देवतामन के पूजा करे बर शुरु कर दीइनI इस्रैलीमन करा कोनो राजा नी रिहिस, इकरे बर जोन ला जो ठीक लागत रिहिस ओहर ओइच करत रिहिसI ![](https://cdn.door43.org/obs/jpg/360px/obs-en-16-02.jpg) परमेश्वर के आज्ञा ला नी माने के द्वारा इस्रैलीमन हर एकठी नियम ला शुरू कर दीइन जे ला के घा दोहरा डारे रिहिनI ए नियम हर इ प्रकार ले चलिस: कई बछर ले इस्रैली परमेश्वर के आज्ञा नी मानत रिहिन, तहाँ परमेश्वर ओमन ला ओमन के बइरी ले हरा के ओमन ला सजा देत रिहिसI ऐ बइरी इस्रैलीमन के सामानमन ला ले जात रिहिन, ओमन के सम्पति ला बर्बाद करदेत रिहिन, अउर ओमेके जादा ला मार डालत रिहिनI फेर जब इस्रैलीमन के बइरी ओमन ला कई बछर तक ले अत्याचार करत रिहिन, ओकर बाद इस्रैलीमन आपन पाप के पश्चाताप करत रिहिन अउर परमेश्वर ठी ले ओमन ला बचाए बर प्राथना करत रिहिनI ![](https://cdn.door43.org/obs/jpg/360px/obs-en-16-03.jpg) हर बार इस्रैली पश्चाताप करत रिहिन त परमेश्वर ओमन ला बचात रिहिसI ओहर एक बचोइया के दुआरा एसन करत रिहीस -एक एसन मनसे जोन ओमन के बयेरीमन के विरुद्ध लडत रिहिस अउर ओमन ला पराजित करत रिहिसI तब देश मा शांति होत रिहिस अउर ओ बचाए वाला ओमन के उपर सुंदर रीती ले शासन करत रिहिसI परमेश्वर हर ओ मनसेमन ला बचाए बर बनेच ठी छुड़ेईयामन ला भेजिसI परमेश्वर हर लकठा के एक बइरी जाति, मिद्यानिमन के दुआरा इस्रैलीमन ला पराजित करवाए के दुआरा फेन एसन करिसI ![](https://cdn.door43.org/obs/jpg/360px/obs-en-16-04.jpg) मिद्यानिमन हर सात बछर तक इस्रैलिमन के फसलमन ला लुटिनI इस्रैलीमन बनेच डर गे रिहीन, अउर ओमन गुफा मा छिप जात रिहिन ताकि मिद्यानिमन ओमन ला खोज नी पायेंI आखिर मा, ओमन ला बचाए बर ओमन परमेश्वर ला नरियाइनI ![](https://cdn.door43.org/obs/jpg/360px/obs-en-16-05.jpg) गिदोन नाम के एकठन इस्रैली मनसे रिहिसI एक दिन, ओ एक रहस्य जगह मा गेहूँ झारत रिहिसI ताकि मिद्यानीमन ओला चोरी करे बर नी सकेI यहोवा के स्वर्गदूत हर गिदोन के तीर आ के ओला कहिस, ‘’हे शूरवीर सुरमा, परमेश्वर तोर संग हे जा अउर इस्रैलीमन ला मिद्यानीमन ले बचाI’’ ![](https://cdn.door43.org/obs/jpg/360px/obs-en-16-06.jpg) गिदोन के बाप करा मूर्ति के समर्पित एक बेदी रिहिसI सब ले आघू बात जोन परमेश्वर हर गिदोन ला करे बर कहिस ओ बेदी ला तोडना रिहिसI परन्तु गिदोन मनसेमन ले डरत रिहिस, इकरेबर ओहर रात होए के इंतजार करिसI तब ओहर ओ बेदी ला तोड़ के नान -नान कुटी कर दिसI ओहर परमेश्वर बर एक नवां बेदी ला बनाईस अउर ओमे परमेश्वर बर बलि चढ़ाईसI ![](https://cdn.door43.org/obs/jpg/360px/obs-en-16-07.jpg) आही बिहान मनसेमन देखीन की कोनो हर बेदी ला तोड़ के नान -नान कुटी कर दिस हे, इकरेबर ओमन बनेच रिसा हुइनI ओमन गिदोन ला मार डारे बर ओकर घर गिन, परन्तु गिदोन के बाप हर कहिस, ‘’तै काबर अपन देवता के सहायता करे के कोशिश करत हस? यदि ओहर देवता हे तो ओला अपन सुरक्षा स्वयं करे बर दे!’’ काबर ओ एइसन कहिस इकरेबर मनसेमन गिदोन ला नी मारीनI ![](https://cdn.door43.org/obs/jpg/360px/obs-en-16-08.jpg) तहाँ इस्रैलीमन ला लुटे बर मिद्यानी मनसेमन फेन ले आइनI ओमन एतकी झन रिहिन की ओकर गिनती ला नी करन सकिनI गिदोन हर ओमन के विरुद्ध लड़ेबर इस्रैलीमन ला एक साथ बुलाइसI गिदोन हर परमेश्वर से दू चिन्ह के मांग करिस ताकि ओहर सुनीश्चित हो जाही की परमेश्वर सही मा इस्रैलीमन ला बचाए बर कहत हेI ![](https://cdn.door43.org/obs/jpg/360px/obs-en-16-09.jpg) पहले नीशान बर, गिदोन हर भेड़ के ऊन ला भुइंया मा रख के परमेश्वर ला कहिस की बिहान के ओस केबल भेड़ के ओ ऊन मा गिरे अउर भूमि मा नी गिरेI परमेश्वर हर एसन ही करिसI आही रथीया, ओहर परमेश्वर ला कहिस की भुइंया हर कंचा हो जाये परन्तु भेंड के ऊन सुखाछ रहेI परमेश्वर एसन घोले करिसI इ दू नीशान बर, गिदोन हर विश्वास करिस की परमेश्वर सही मा चाहत हे की ओ इस्रैलीमन ला मिद्यानिमन ले बचाहीI ![](https://cdn.door43.org/obs/jpg/360px/obs-en-16-10.jpg) तहाँ गिदोन हर सैनीकमन ला आपन तीर बुलाइस अउर 32,000 पुरुस आइनI परन्तु परमेश्वर हर ओला कहिस की ए बनेच अधिक हेंI अतः गिदोन हर ओ सब 22,000 ला घर वापिस भेज दिस जोन मन लड़ेबर डरत रिहिनI परमेश्वर हर गिदोन ले कहिस की ए पुरुस अभी घोले बनेच अधिक रिहिनI इकरेबर गिदोन हर 300 सैनिकमन ला छोड़ के ओ सब मन ला घर भेज दिसI ![](https://cdn.door43.org/obs/jpg/360px/obs-en-16-11.jpg) ओ रात परमेश्वर हर गिदोन ले कहिस, ’’मिद्यानीमन के छौनी मा जा अउर ओमन के गोइठ बात ला करत सुनI जब तैं सुनबे की ओमन का गोइठ बात करत हें त तैं ओकर संग लड़ाई करे बर नी डरबेI’’ इकरेबर ओ रात, गिदोन हर नीचे ओकर छौनी मा गिस अउर ओहर एक मिद्यानी सैनीक ला अपन मित्र ला गोइठ बात बतात सुनीस जोन ओहर सपना मा देखे रिहिसI ओ पुरुस के मित्र हर कहिस, ‘’ए सपना के अर्थ हे की गिदोन के सेना हमन मिद्यानी सेना ला हरा दिहींI’’ जब गिदोन हर ए सुनीस त ओहर परमेश्वर के महिमा करिसI ![](https://cdn.door43.org/obs/jpg/360px/obs-en-16-12.jpg) तहाँ गिदोन अपन सैनीक मन ठी लौटिस अउर ओमन ले प्रतियेक ला एक -एक नरसिंघा, एक माट्टी के बर्तन, अउर एक मशाल दिसI ओमन ओ छौनी ला घेरलिन जहँ मिद्यानी सैनीमन सूतत रिहिनI गिदोन के 300 सैनीकमन अपन मशालमन ला बर्तनमन ला ढांके रिहिनI ओकरे बर मिद्यानी मनसेमन ओ मसालमन के प्रकाश ला नी देख पाइनI ![](https://cdn.door43.org/obs/jpg/360px/obs-en-16-13.jpg) तहाँ गिदोन के सब सैनीकमन अपन बर्तन ला एक ही समय मा तोड़ के अचानक ले मसालमन के आग ला प्रगट कर दिनI ओमन अपन नर्सिंग फूंकीन अउर चिल्लाइन, ‘’यहोवा के अउर गिदोन के तलवार!’’ ![](https://cdn.door43.org/obs/jpg/360px/obs-en-16-14.jpg) परमेश्वर हर मिद्यानीमन ला घबरा दिन, इकरेबर ओमन एक दूसर ला मारे काटे - लागिनI तुरंत ही, गिदोन हर सन्देशवाहकमन ला बनेच ले आने इस्रैलीमन ला मिद्यानीमन के पीछा करेबर ओकर सहयता करेबर बुलायेबर भेजिसI ओमन ओमेन ले बनेचमन ला मार डालिन अउर बाकि मन ला पीछा कर के ओमन ला इस्राएल देश ले बाहर निकार दीइसI ओ दिन 1,20,000 मिद्यानी मारे गिनI इसन तरीके ले परमेश्वर हर इस्रैल ला बचाईसI ![](https://cdn.door43.org/obs/jpg/360px/obs-en-16-15.jpg) ओमन गिदोन ला अपन राजा बनाये बर चाहत रिहिन, परन्तु गिदोन हर ओमन ला एसन करे बर नी दीइस, लेकिन ओहर ओमनले सोना के आभूषण मांगिस जोन ओमन ले परतियेक हर मिद्यानीमन ले लुटे रिहिनI ओ मनसेमन बड़ी मात्रा मा गिदोन ला सोना दीइनI ![](https://cdn.door43.org/obs/jpg/360px/obs-en-16-16.jpg) तहाँ गिदोन हर ओ सोना ले एक विशेष वस्त्र बनाइस जेसन की बड़खा याजकमन पहनत रिहिनI परन्तु मनसेमन ओकर पूजा करेबर शुरु कर दीइन जेसन की ओ एक मूर्ति हेI तहाँ परमेश्वर हर फेन ले इस्राएल ला दण्डित करिस काबर ओमन मूर्ति के पूजा करे रिहीनI परमेश्वर हर ओमन के शत्रुमन ला ओमन ला पराजित करे बर सक्षम करिसI आखिर मा ओमन हर फेन परमेश्वर ले सहायता करे बर प्राथना करिन, अउर परमेश्वर हर ओमन के लकठा ला ओमनला बचाएबर एक आने छुड़ेइया ला भेजिसI ![](https://cdn.door43.org/obs/jpg/360px/obs-en-16-17.jpg) ए बात बनेच बार घटित हुईस: इस्रैली मनसेमन पाप करिहिं, परमेश्वर ओमन ला दण्डित करिही,ओमन पश्चताप करिहिं, अउर परमेश्वर ओमन ला छुडाये बर कोई ला भेजिहीI बनेच बछर तक, परमेश्वर हर बनेच छुड़ेईयामन ला भेजिस जोनमन इस्रैलीमन ला ओमन के शत्रुमन ले बचाए रिहिनI ![](https://cdn.door43.org/obs/jpg/360px/obs-en-16-18.jpg) आखीरमा, ओ मनसेमन अलग देश के जैसन परमेश्वर ले अपन बर एक राजा के मांग करीनI ओमन एक एसन राजा चाहत रिहिन जोन लंबा अउर शक्तिशाली हो, अउर जोन लड़ाई मा ओमन के अगुवाई करन सकेI परमेश्वर ला ओ नीवेदन हर अच्छा नी लागिस, परन्तु ओहर ओमन ला वेसनेच राजा दिस जैसन ओमन मांग करे रिहिनI *लारिया - न्यायियों अध्याय 1-3; 6-8; 1 शमूएल 1-10 तक बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_16_128kbps.m4a ## 17. दाऊद के संग परमेश्वर के परतिज्ञा https://openbiblestories.org/l/hne-x-laria/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएल के पहला राजा रिहिसI ओहर लंबा अउर सुंदर रिहिस, जैसन ओ चाहत रिहिन एकदम वेइसेच रिहिसI इस्राएल मा अपन राज्य करे के पहले कुछु बछर ले शाऊल हर एक अच्छा राजा रिहिसI परन्तु पाछू मा ओहर एक बुरा मनसे बन गिस जेहर परमेश्वर के गोइठ ला नी मानिस, इकरेबर परमेश्वर हर एक दूसर मनसे ला चुनिस जो कि एक दीइन ओकर जगह मा राजा होहीI ![](https://cdn.door43.org/obs/jpg/360px/obs-en-17-02.jpg) परमेश्वर हर दाऊद नाम के एक जवान इस्रैली मनसे ला चुन के एक दिन शाऊल के जगह मा राजा होए बर तैयार करेबर शुरु करिसI दाऊद बैतलहम नगर के एक चरवाहा रिहिसI बनेच समय ले, दाऊद हर सिंह अउर भालू दोनों ला मार डाले रिहिस काबर की ओमन ओकर पिता के भेड़मन ला हमला करे रिहिन, जब दाऊद ओकर रखवाली करत रिहिसI दाऊद एक सरल अउर धर्मी मनसे रिहिसI ओ परमेश्वर ला भरोसा करत रिहिस अउर ओकर गोईटमन ला मानत रिहिसI ![](https://cdn.door43.org/obs/jpg/360px/obs-en-17-03.jpg) जब दाऊद आभीच जवान मनसे रिहिस, ओहर लंबा चउढा गोलियत के विरुद्ध लड़ाई करिसI गोलियत एक बनेच बढियाँ सैनिक रिहिसI ओ बनेच मजबूत अउर लगभग तीन मीटर लम्बा रिहिस! परन्तु परमेश्वर हर गोलियत ला मारे बर अउर इस्राएल ला बचाए बर दाऊद के सहायता करिसI इकर बाद, दाऊद हर इस्राएल के शत्रु ले बनेच घा विजय हांसिल करिसI दाऊद एक बड़ा सैनिक बनगिस, अउर ओहर बहुत से युद्ध मा इस्रैली सेना के अगुवाई करिसI मनसेमन ओकर बनेच प्रशंसा करिनI ![](https://cdn.door43.org/obs/jpg/360px/obs-en-17-04.jpg) मनसेमन दाऊद ला इतकी माया करिन की शाऊल ओकर ले जले लगिसI आखिर मा शाऊल ओला मार डाले बर चाहत रिहिस, ओकरे बर दाऊद ओकर ले अउर ओकर सैनिकमन ले छिपे बर जंगल ला भाग गिसI एक दीन, जब शाऊल अउर ओकर सैनिक दाऊद के खोज मा रिहिन तो शाऊल एक गुफा मा गिसI एहर ओही गुफा रिहिस जोन मा दाऊद छिपे रिहिस, परन्तु शाऊल हर ओला नी देखिसI दाऊद शाऊल के पाछु ओकर बनेच तीर ला चल दिस अउर ओकर वस्त्र ले एक टुकड़ा काट लिसI बाद मा, जब शाऊल ओ गोफा ले निकरिस तब दाऊद हर ओला चिल्ला के ओ पकड़े हुए वस्त्र के टुकड़ा ला दिखाईसI इ रीती ले, शाऊल जान गिस की दाऊद हर राजा बनेबर ओला मार डाले बर इंकार कर दिसI ![](https://cdn.door43.org/obs/jpg/360px/obs-en-17-05.jpg) कुछु समय के बाद, शाऊल युद्ध मा मर गिस, अउर दाऊद इस्राएल के राजा बन गिसI ओहर एक बढियाँ राजा रिहिस, अउर मनसेमन ओकर ले प्रीति राखिनI परमेश्वर हर दाऊद ला आशीष करीस अउर ओला सफल बनाईसI दाऊद हर बनेच युद्ध लडिस, अउर परमेश्वर हर इस्राएल के शत्रु मन ला पराजित करे बर ओकर सहायता करिसI दाऊद हर यरूशलेम नगर ला जीत के ओला अपन राजधानी बनाइस, जोन करा ओ रिहिस अउर शासन करिसI दाऊद चालीस बछर तक राजा रिहिसI इ समय के दौर मा, इस्राएल शक्तिशाली अउर धनवान बन गिसI ![](https://cdn.door43.org/obs/jpg/360px/obs-en-17-06.jpg) दाऊद एक मन्दिर बनाये बर चाहत रिहिस जोन ठी इस्रैलीमन परमेश्वर के आराधना कर सकिहीं अउर ओकर बर बलिदान चढ़ान सकिहींI लगभग 400 बछर ले, ओ मनसे मूसा के बनाये रिहिस मिलाप वाले तम्बू मा परमेश्वर के आराधना करत रिहिन अउर ओकर बर बलिदान चढात रिहिनI ![](https://cdn.door43.org/obs/jpg/360px/obs-en-17-07.jpg) परन्तु ओकरा नातान नाम के एक भविष्यवक्ता रिहिसI परमेश्वर हर ओला दाऊद ले ए कहेबर भेजिस: ’’ तेंहर बनेच जादा युद्ध लडे हस, इकर बर तें मोर बर इ मंदिर ला नी बनाबेI तोर बेटा इला बनाहीI तोभी, मै तोला बनेच जादा आशीष करिहोंI तोर एक वंशज सदा बर मोर मनसेमन बर राजा के रूप मा शासन करिहिI’’ सदा बर शासन करोया ओ दाऊद के एक मात्र वंशज मसीह रिहिसI मसीह परमेश्वर ठी ले नियुक्त की गई जन जोनहर की संसार के सब्बोझन के पाप ले बचाहीI ![](https://cdn.door43.org/obs/jpg/360px/obs-en-17-08.jpg) जब दाऊद हर नातान के संदेश ला सुनिस तो ओहर परमेश्वर ला धन्यवाद करिस अउर ओकर स्तुति करिसI परमेश्वर ओकर प्रतिष्ठा ला बढ़ात रिहिस अउर ओला बनेच जादा आशीष देत रिहिसI बेशक, दाऊद नई जानत रिहिस की परमेश्वर इ गोइठ ला कब करिहीI इ समय हमन जानथन की इस्रैलीमन ला एक लम्बे समय ले, लगभग 1,000 बछर तक मसीह के आये के इंतजार करे बर पड़ीहिI ![](https://cdn.door43.org/obs/jpg/360px/obs-en-17-09.jpg) दाऊद हर कई बच्छर ले न्यायपूर्वक अपन मनसेमन के उपर शासन करीसI ओहर बड़ी ईमानदारी से परमेश्वर के गोइठ ला मानिस अउर परमेश्वर हर ओला आशीषित करीसI भले ही, आपन जीवन के आखरी मा ओहर परमेश्वर के विरुद्ध भयानक पाप करीसI ![](https://cdn.door43.org/obs/jpg/360px/obs-en-17-10.jpg) एक दिन दाऊद हर अपन महल ले बाहर झांकिस अउर एक सुंदर स्त्री ला नहात देखिसI ओहर ओला नई जानत रिहिस, लेकिन ओहर पता करलिस की ओकर नाम बतशेबा रिहिसI ![](https://cdn.door43.org/obs/jpg/360px/obs-en-17-11.jpg) अपन दृष्टी ला घुमाए के बजाए, दाऊद हर ओला अपन ठी लाए बर कोई ला भेजिसI ओहर ओकर संग संबंध बनाईस अउर ओला वापस घर भेज दिसI थोड़े समय के बाद बतशेबा हर ए कह के दाऊद करा संदेश भेजिस की ओहर गर्भवती हेI ![](https://cdn.door43.org/obs/jpg/360px/obs-en-17-12.jpg) बतशेबा के पति ऊरिय्याह नाम के एक मनसे रिहिसI ओहर दाऊद के उत्तम सैनिक मा ले एक रिहिसI इ समय ओहर युद्ध करेबर बाहर गे रिहिसI दाऊद हर ऊरिय्याह ला युद्ध ठी ले वापस बुला के ओला आपन पत्नी संग मा रहे बर कहिसI परन्तु जब आने सैनिक युद्ध मा रिहिन इकरे बर ऊरिय्याह हर घर जाये बर मना करदिसI अतः दाऊद हर ऊरिय्याह ला वापिस युद्ध मा भेज दिस सेना पति हर ओ ला युद्ध मा एसन जगह मा राखे बर कहिस जोन करा शत्रु सब ले शक्तिशाली हे ताकी ओ मारा जायI तो एसन होईस कि ऊरिय्याह युद्ध मा मारा गिसI ![](https://cdn.door43.org/obs/jpg/360px/obs-en-17-13.jpg) ऊरिय्याह के युद्ध मा मारे जाये के बाद दाऊद हर बतशेबा ले शादी कर लिसI बाद मा, ओहर दाऊद के बेटा ला जनम दीइसI दाऊद हर जोन करिस ओकर ले परमेश्वर बनेच रिसाए रिहिस, इकरबर ओहर नातान भविष्यवक्ता ला दाऊद ला ए बताये बर भेजिस की ओकर पाप कतूक बुरा रिहिसI दाऊदहर अपन पाप के पश्चताप करिस अउर परमेश्वर हर ओला छमा करदिसI अपन अंतिम जीवन मा, अपन कठिन समय मा घोले दाऊद परमेश्वर के पीछू -पीछू चलीस अउर ओकर गोईटमन ला मानिसI ![](https://cdn.door43.org/obs/jpg/360px/obs-en-17-14.jpg) परन्तु दाऊद के लइका मर गिसI इ रीती मा परमेश्वर हर दाऊद ला दण्डित करिसI इकर अलावा, दाऊद के मरे तक, ओकर अपन परिवार के कुछ मनसेमन ओकर विरुद्ध लड़ाई किन, अउर दाऊद के अपन शक्ति कम हो गे रिहिसI परन्तु परमेश्वर विश्वासयोग्य रिहिस अउर ओहर अभी घोले ओ करिस जोन ओहर दाऊद ले करे के वादा करे रिहिस की ओ करिही, भले ही दाऊद हर ओकर अवज्ञा करे रिहिसI बाद मा, दाऊद अउर बतशेबा के आने संतान पैदा हुईस, अउर ओमन ओकर नाम सुलेमान राखिनI *लारिया - 1 शमूएल अध्याय 10; 15-19; 24; 31; 2 शमूएल 5; 7; 11-12 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_17_128kbps.m4a ## 18. बंटाए राज्य https://openbiblestories.org/l/hne-x-laria/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजा हर चालीस बछर तक इस्राएल मा शासन करीसI तहाँ ओहर मर गिस, अउर ओकर बेटा सुलैमान हर इस्रैल मा राज करे बर शुरू करिसI परमेश्वर हर सुलैमान ठी बात करिस अउर ओला पुछिस कि ओ सब ले जादा का चाहत हे कि परमेश्वर ओकर बर करेI सुलैमान हर परमेश्वर ले मांगिस की ओला बनेच बुद्धिमान बना देI इ गोइठ हर परमेश्वर ला खुश करिस, इकरेबर परमेश्वर हर सुलैमान ला संसार के सबसे बुद्धिमान पुरुष बना दिसI सुलैमान हर बनेच गोइठमन ला सिखिस अउर ओ एक बुद्धिमान शासक रिहिसI परमेश्वर हर ओला बनेच धनी घोले बना दिसI ![](https://cdn.door43.org/obs/jpg/360px/obs-en-18-02.jpg) यरुशलेम मा सुलैमान हर ओ मंदिर ला बनाईस जेकर बर ओकर पिता हर योजना बनाये रिहिस अउर सामान जमा करे रहिसI अब लोग मिलाब वाले तम्बू के अलावा मंदिर मा परमेश्वर के पूजा करत रिहिन अउर ओकर बर बलि चढ़ात रिहिनI परमेश्वर आके मंदीर मा उपस्थित रहत रिहिस, अउर ओहर आपन मनसेमन के संग रहत रिहिसI ![](https://cdn.door43.org/obs/jpg/360px/obs-en-18-03.jpg) परन्तु सुलैमान हर दूसर देश के नारीमन के संग माया करिसI ओहर बनेच ठन, लगभन 1,000 नारीमन ठी शादी करके परमेश्वर के अवज्ञा करिस! इमेले बनेच नारीमन दूसर देश ले आइन अउर आपन संग आपन देवतामन ला लानिन अउर ओमन के पूजा करे ला जारी राखीनI जब सुलैमान बूढ़ा होगिस त ओहर घोले ओमन के देवतामन के पूजा करिसI ![](https://cdn.door43.org/obs/jpg/360px/obs-en-18-04.jpg) इकर वजह ले परमेश्वर सुलैमान ले नाराज रिहिसI ओहर कहिस कि ओ इस्राएल देश ला दू राज्यों मा विभाजित करे के खातिर ओला दंड दिहीI ओ सुलैमान के मरे के बाद एइसन करिहीI ![](https://cdn.door43.org/obs/jpg/360px/obs-en-18-05.jpg) सुलैमान के मरे के बाद, ओकर बेटा रहबाम राजा बनिसI इस्राएल देश के सब मनसेमन ओला आपन राजा के रूप मा स्वीकार करेबर एक साथ जमा होइन ओमन रहबाम ले शिकायत करिन कि सुलैमान हर ओमनला बनेच कठिन परिश्रम करवाए रिहिस अउर बनेच लगान असुली करे रिहिसI ओमन रहबाम ले अनुरोध करिन कि ओमन ले कम काम करवाएI ![](https://cdn.door43.org/obs/jpg/360px/obs-en-18-06.jpg) परन्तु रहबाम हर ओमन ला बड़ेही निर्बुधि जैसन जवाब दिस, ‘’तू मन कहत ह कि मोर बाप हर तुमन ला कठिन परिश्रम करवाईसI परन्तु में तुमन ला ओकर ले घोले अधिक परिश्रम करवाहाँ, अउर में तुमन ला ओकर ले भी अधिक पीड़ित करिहोंI’’ ![](https://cdn.door43.org/obs/jpg/360px/obs-en-18-07.jpg) जब मनसेमन ओला एसन कहत सुनिन तो ओमन ले बनेचमन ओकर विरुद्ध लड़ाई कर दिनI दस गोत्रमन ओला छोड़ दिन; ओकर संग केवल दो गोत्र बचीनI इ दो गोत्रमन आपन ला यहूदा के राज्य कहिनI ![](https://cdn.door43.org/obs/jpg/360px/obs-en-18-08.jpg) बाकि के दस गोत्रमन यारोबाम नाम के एक पुरुष ला आपन राजा बना लीनI ए गोत्र देश के उत्तर -पूर्वी भाग मा रिहिनI ओमनह आपन ला इस्राएल के राज्य कहिनI ![](https://cdn.door43.org/obs/jpg/360px/obs-en-18-09.jpg) परन्तु यारोबाम हर परमेश्वर के विरुद्ध लड़ाई करिस अउर मनसेमन ला पाप करवाईसI ओहर आपन मनसेमन के दुआरा पूजा करेबर दू मूर्ति ला बनाईसI ओमन अब यहूदा के राज मा यरूशलेम के मंदिर मा परमेश्वर के मंदिर मा ओकर पूजा करे बर नी जात रिहिनI ![](https://cdn.door43.org/obs/jpg/360px/obs-en-18-10.jpg) यहूदा अउर इस्राएल के राज्य दुशमन बन गिन अउर अक्सर एक दूसर के विरुद्ध लड़े लागिनI ![](https://cdn.door43.org/obs/jpg/360px/obs-en-18-11.jpg) इस्राएल के नवां राज्य मा, सबेच राजा दुष्ट रिहिनI इमेंले कई राजा ओमन के जगह मा राजा बनेके इच्छा करेइया मन आने इस्रैलीमन के दुआरा मार डारे गिनI ![](https://cdn.door43.org/obs/jpg/360px/obs-en-18-12.jpg) इस्राएल राज्य के सब्बो राजा अउर बनेच मनसे मूर्तिमन के पूजा करत रिहिनI जब ओमन हर एसन करिन, त ओमन अक्सर वेश्यामन के संग सोइन अउर यहाँ तक कि अनेक बार मूर्तिमन के आगे बच्चामन ला बलि घोले करिनI ![](https://cdn.door43.org/obs/jpg/360px/obs-en-18-13.jpg) यहूदा राज्य के राजा, दाऊद के वंशज रिहिनI इ राजामन ले कई बढ़ीयां मनसे रिहिन जोनमनहर न्यायपूर्वक शासन करिन अउर परमेश्वर के पूजा करिनI परन्तु यहूदा के अधिकांश राजा दुष्ट रिहिनI ओमनह दुष्टता ले राज्य करिन, अउर मूर्तिमन के पूजा करिनI यहाँ तक ले कि इमनले कुछ राजामन झूठे देवतामन के आघू आपन लइकामन ला घोले बलि कर दीइनI यहूदा के अधिकतर मनसेमन परमेश्वर के विरुद्ध युद्ध करिन अउर आने देवतामन के पूजा करिनI *लारिया - 1 राजा अध्याय 1-6; 11-12 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_18_128kbps.m4a ## 19. भविष्यवक्ता https://openbiblestories.org/l/hne-x-laria/story-19/ ![](https://cdn.door43.org/obs/jpg/360px/obs-en-19-01.jpg) परमेश्वर हमेशा इस्रैलीमन ठी भविष्यवक्तामन ला भेजत रिहिसI भविष्यवक्ता परमेश्वर ले संदेशमन ला सुनत रिहिन अउर फेन ओला मनसेमन ला बतात रिहिनI ![](https://cdn.door43.org/obs/jpg/360px/obs-en-19-02.jpg) जब अहाब इस्राएल राज्य मा राजा रिहिस त ओ समय एलिय्याह भविष्यवक्ता रिहिसI अहाब एक बुरा मनसे रिहिसI ओ हर झूठा बालदेवता के पूजा करेबर मनसेमन ला मजबूर करे रिहिसI इकरेबर एलिय्याह हर अहाब ठीन कहिस कि परमेश्वर ओ मनसे मन ला दण्डित करे बर जात रिहिसI ओ हर ओ ला कहिस, ’’जब तक मै फेन ले बर्षा होए बर नी कही हं तब तक इस्राएल के राज्य मा बारिस नी होही अउर न ही ओस गिरिहिI‘’ इ गोईठहर अहाब ला येत्की नाराज कर दिस की ओहर एलिय्याह ला मार डाले बर निर्णय लिसI ![](https://cdn.door43.org/obs/jpg/360px/obs-en-19-03.jpg) इकरे बर परमेश्वर हर एलिय्याह ला कहिस कि ओ जंगल मा जाके अहाब ले लुका जाएI एलिय्याह जंगल मा ओ सोते ठीन गिस जोन करा जाये बर परमेश्वर हर ओला बताये रिहिसI हर बिहान अउर हर साँझ, पंछी एलिय्याह बर रोटी अउर मांस लेकर आत रिहिनI इ सम्पूर्ण समय, अहाब अउर ओकर सेना एलिय्याह ला खोज करत रिहिन, परन्तु ओमन ओला खोज नी पाईनI ![](https://cdn.door43.org/obs/jpg/360px/obs-en-19-04.jpg) बरषा नी होए से कुछ समय के बाद ओ स्रोत हर सुखा गिसI इकरबर एलिय्याह पास के एक देश ला चल दिसI ओ देश मा एक गरीब विधवा रिहिस जेकर एक बेटा रिहिसI ओमन के पास भोजन लगभग सिरा गे रिहिस काबर ओठी कोई फसल नी होए रिहिसI परन्तु फेन घोले, ओ महिला हर एलिय्याह के देखभाल करिस, इकरे बर परमेश्वर हर ओकर अउर ओकर बेटा के जरुरत ला पूरा करिस, इकरे बर ओकर आटे के बर्तन अउर तेल की कुप्पी कभू खाली नी होईसI ओ पुरे अकाल के समय मा ओकर ठी भोजन रिहिस एलिय्याह कुछ बछर ले ओ करा रिहिसI ![](https://cdn.door43.org/obs/jpg/360px/obs-en-19-05.jpg) साढे तीन बछर के बाद, परमेश्वर हर एलिय्याह ला कहिस कि ओ फेन ले बारिश करिहीI ओहर एलिय्याह ला वापिस इस्राएल के राज्य मा जा के अहाब ले गोइठ करेबर कहिसI इकरेबर एलिय्याह अहाब ठीन गिसI जब अहाब हर ओला देखिस तहाँ ओला कहिस, ‘’अच्छा तें हस, मुसीबत पैदा करुवेइया!’’ एलिय्याह जवाब दिस, ‘’मुसीबत पैदा करुवेइया तो तैं अस!’’ तैं यहोवा ला त्याग दे हसI ओहर सच्चा परमेश्वर हवे, लेकिन तै बालदेवता के पूजा करथसI अब तोला इस्राएल राज्य के सब मनसेमन ला कर्मेल पर्वत ला लेके आये बर हेI’’ ![](https://cdn.door43.org/obs/jpg/360px/obs-en-19-06.jpg) अतः सब मनसे कर्मेल पर्वत ला गिनI ओ पुरुष घोले आईन जोन कहत रिहिन कि बालदेवता के संदेशमन ला बोलत रिहिनI ए बालदेवता के भविष्यवक्ता रिहिनI ओमन सब 450 रिहिनI एलिय्याह हर मनसेमन ले कहिस, ‘’कब तक तुहर मन बदलत रिह? यदि यहोवा परमेश्वर हे त ओकर पूजा करव! यदि बालदेवता परमेश्वर हे त ओकर पूजा करव!’’ ![](https://cdn.door43.org/obs/jpg/360px/obs-en-19-07.jpg) तहाँ एलिय्याह हर बालदेवता के भविष्यवक्तामन ले कहिस, ‘’एक जानवर ला मारव अउर ओकर मांस के टुकड़ामन ला बलिदान होये के एक बेदी मा राख, परन्तु आगि झन लगाहाI ओकर बाद मा महूँ घोले वेसनेच करिहं, अउर एक अलग बेदी मा ओ मांस ला रखिहंI तहाँ यदि परमेश्वर बेदी मा आगि गिराही तहाँ तुमन जान लिह कि ओहर सच्चा परमेश्वर हेI” तहाँ बालदेवता के भविष्यवक्तामन एक बलि ला तैयार करिन परन्तु आगि नी लगाईनI ![](https://cdn.door43.org/obs/jpg/360px/obs-en-19-08.jpg) तहाँ बालदेवता के भविष्यवक्तामन बालदेवता ले प्राथना किन, ’’हे बालदेवता, हमर सुन!’’ पुरे दिन ओमन प्राथना करिन अउर नरियाईन अउर यहाँ तक की अपन ला चाकूमन ले काट लीन, परन्तु बालदेवता हर उत्तर नी दिइस, ओ हर कोई आगि नी गिराइसI ![](https://cdn.door43.org/obs/jpg/360px/obs-en-19-09.jpg) बालदेवता के भविष्यवक्तामन बालदेवता ले प्राथना करे बर लगभग पूरा दिन बितादीनI अंतत: ओमन प्राथना करेके बंद कर दीइनI तहाँ एलिय्याह हर दूसर जानवर के मांस ला परमेश्वर के वेदी मा राख दिइसI ओकर बाद, ओहर मनसेमन ले पानी के विशाल बर्तन ला ओ बलिदान पर उड़ेले बर कहिस जब तक की मांस, लकड़ीमन, अउर यहाँ तक की बेदी के आस-पास के भूमि पूरी तरह ले केंचा नी होगिसI ![](https://cdn.door43.org/obs/jpg/360px/obs-en-19-10.jpg) तहाँ एलिय्याह हर प्राथना करिस की, ‘’हे यहोवा, अब्राहम, इसहाक, अउर याकूब के परमेश्वर, हमन ला देखाव कि आप इस्राएल के परमेश्वर हे अउर ए की में आप के नउकर हंI मोला जवाब द जिसन की ओमन जान लिहीं कि आप सच्चा परमेश्वर हI‘’ ![](https://cdn.door43.org/obs/jpg/360px/obs-en-19-11.jpg) जल्दी ही, आकाश ले आगि गिरीस अउर ओहर मांस, लकड़ियाँ, चटाने, माट्टी, अउर एहाँ ले कि बेदी के तीर के पानी ला घोले जला दिसI जब मनसेमन ए ला देखीन, ओमन धरती मा गिर पड़ीन अउर बोलीन, ’’यहोवाच परमेश्वर हवे! यहोवाच परमेश्वर हवेI’’ ![](https://cdn.door43.org/obs/jpg/360px/obs-en-19-12.jpg) तहाँ एलिय्याह हर कहिस, ‘’बालदेवता के एकठी घोले भविष्यवक्ता बच के नी जान पायें!’’ इकरेबर मनसेमन हर बालदेवता के भविष्यवक्तामन ला पकड़ लीन अउर ओमन ला ओकरा ले अलग ले गीन अउर ओमन ला मार डालिनI ![](https://cdn.door43.org/obs/jpg/360px/obs-en-19-13.jpg) तहाँ एलिय्याह हर अहाब राजा ले कहिस, ‘’तुर्तेच आपन घर ला भाग जा, काबर की बरषा होए बर हेI’’ तुर्तेच बादर करिया हो गिस, अउर भारी बरषा शुरु होगिसI यहोवा ओ सूखा ला खतम करत रिहिसI इमेनले प्रगट हुईस की यहोवा ही सच्चा परमेश्वर हेI ![](https://cdn.door43.org/obs/jpg/360px/obs-en-19-14.jpg) जब एलिय्याह हर अपन काम ला समाप्त कर दिस, तहाँ परमेश्वर हर एलीशा नाम के एक मनसे ला अपन भविष्यवक्ता होयेबर चुनिसI परमेश्वर हर एलीशा के माध्यम ले बनेच चमत्कार करिनI एकठन चमत्कार नामान के संग होईसI ओ एकठी बयेरी के सेना के मुखिया रिहिस, परन्तु ओला चमड़ी के एकठन बुरा रोग होगे रिहिसI नामान हर एलीशा के बारे मा सुने रिहिस, इकरेबर ओ एलीशा के तीर आइस अउर ओकर ले ओला ठीक करेबर विनती करिसI एलीशा हर नामान ला कहिस कि जाके यरदन नदी के पानी मा सात बार डूबकी लगा देI ![](https://cdn.door43.org/obs/jpg/360px/obs-en-19-15.jpg) नामान घुस्सा होगिसI ओ हर एइसन करे खातिर इंकार करदिस, काबर की ओला मुर्खता के काम लागत रिहिसI परन्तु बाद मा ओहर आपन मन बदल लिस अउर जाके यरदन नदी के पानी मा सात बार डूबकी लगाईसI जब आखरी बार ओहर पानी ले बाहर निकलिस त परमेश्वर हर ओला ठीक कर दिसI ![](https://cdn.door43.org/obs/jpg/360px/obs-en-19-16.jpg) परमेश्वर हर इस्राएल के मनसेमन के तीर आने बनेच भविष्यवक्तामन ला भेजिसI ओ सब मनसेमन ले मूर्तिमन के पूजा करे बर बंद करेबर कहिसI इकर अलावा, ओमन ला एक दूसर के संग नियायपूर्वक व्यवहार करना चाही अउर एक दूसर पर दया करेबर रिहिसI ओ भविष्यवक्तामन मनसेमन ला चेतावनी दिस कि ओमन ला बुरे काम मन ला बंद करेके हे अउर इकरे अलावा परमेश्वर के गोइट ला पालन करेबर हेI यदि ओमनसेमन हर एसन नी करिहिं त परमेश्वर हर ओमन ला दोषी मान के ओकर नियाय करिही, अउर ओमन ला दंड दिहीI ![](https://cdn.door43.org/obs/jpg/360px/obs-en-19-17.jpg) अधिकांस समय, ओ मनसेमन परमेश्वर के आज्ञा ला नी मानीन अक्सर ओमन भविष्यवक्तामन के संग बुरा व्यवहार करिन अउर यहाँ तक ले की कभू -कभू ओमन ला मार डालिनI एक बार, ओमन हर यिर्मयाह भविष्यवक्ता ला सुखा चूंआँ मा डाल दीन अउर ओला ओकरा मरे बर छोड़ दिसI ओ कुआँ के नीचे मा चीखला मा धवंस हो गिसI लेकिन तहाँ राजा ला ओकर उपर दया आइस अउर ओहर अपन सैनिकमन ला आदेश दिस कि यिर्मयाह के मरे के पहले ओला चूंआँ ले बाहर खीँच लेंI ![](https://cdn.door43.org/obs/jpg/360px/obs-en-19-18.jpg) भविष्यवक्तामन हर परमेश्वर के ओर ले गोइट करे बर चालु राखिस भले ही मनसेमन हर ओला तुक्ष समझीनI ओमन मनसेमन ला चेतावनी दीइन कि यदि ओमन पश्चताप नी करे त परमेश्वर ओमन ला नाश करदिहीI ओमन हर मनसेमन ला एला घोले स्मरण करवाईस कि परमेश्वर हर ओमन के तीर मसीह ला भेजे के परतिज्ञा करिसेI *लारिया - 1 राजा अध्याय 16-18; 2 राजा 5; यिर्मयाह 38 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_19_128kbps.m4a ## 20. गुलामी अउर फिरिन https://openbiblestories.org/l/hne-x-laria/story-20/ ![](https://cdn.door43.org/obs/jpg/360px/obs-en-20-01.jpg) इस्राएल के राज्य अउर यहूदा के राज्य दोनों हर परमेश्वर के विरुद्ध पाप करिनI ओमनह ओ परतिज्ञा ला तोड दीइन जोन परमेश्वर हर ओमन के संग सिनै पहाड़ मा बांधे रिहिसI परमेश्वर हर ओमन ला पश्चताप करेबर अउर फेन ले ओकर पूजा करे बर चेतावनी दे बर आपन भविष्यवक्तामन ला भेजिस, परन्तु ओमन ओकर गोइट ला माने ले इंकार कर दीइसI ![](https://cdn.door43.org/obs/jpg/360px/obs-en-20-02.jpg) अतः परमेश्वर हर ओकर बयेरीमन ला ओमन ला नाश करे मा सक्षम करे के खातिर दोनों राज्य ला दण्डित करिसI अश्शूर एक आने देश रिहिस जोन बनेच बलवान होगे रिहिसI ओमन दुसर देश के प्रति बनेच निर्दई घोले रिहिनI ओमन आके इस्राएल के राज्य ला नाश कर दिनI अश्शुरीमन हर आके इस्राएल के राज्य मा बनेचमन ला मार डालिन, जोन चाहीन ओला लूट लीन, अउर देश के बनेच हिस्सामन ला जरा दीइनI ![](https://cdn.door43.org/obs/jpg/360px/obs-en-20-03.jpg) अश्शुरीमन सब अगुवामन, धनवान मनसेमन ला, अउर एइसन मनसेमन ला जोन बहुमूल्य चीजमन ला बना सकत रिहिन एक साथ जमा करिन अउर ओमन ओमनला अश्शुर देश लेगीनI इस्राएल मा मात्र कुछु गरीब इस्रैलीच बचिनI ![](https://cdn.door43.org/obs/jpg/360px/obs-en-20-04.jpg) फेन अश्शुरी मनसे ओ देश मा रहे बर विदेशीमन ला लेके आइनI ओ विदेशीमन ओ नगरमन ला फेन ले बनाइनI ओमन जोन इस्रैली ओकरा बचे रिहिन ओमन के संग गैर-जातिय शादी कर लीनI इ मनसेमन के कूल सामरी कहलाइनI ![](https://cdn.door43.org/obs/jpg/360px/obs-en-20-05.jpg) यहूदा के राज्य के मनसेमन देखीन कि कइसन परमेश्वर हर ओकरे उपर विश्वास नी करे अउर ओकर गोइटमन ला नी माने के खातिर इस्राएल के राज्य के मनसेमन ला दंडित करिसI परन्तु तब ले घोले ओमन हर कनानीमन के देवतामन के मूर्तिमन के पूजा करिनI परमेश्वर हर ओमन ला चेतावनी दे खातिर भविष्यवक्तामन ला भेजिस, परन्तु ओमन हर सुने बर मना कर दीइनI ![](https://cdn.door43.org/obs/jpg/360px/obs-en-20-06.jpg) अश्शुरीमन के दुआरा इस्राएल राज्य के नाश करे के लगभग 100 बछर के बाद, परमेश्वर हर बेबीलोन के राजा, नबूकदनेस्सर ला यहूदा के राज्य मा हमला करे बर भेजिसI बेबीलोन एक बलवान देश रिहिसI यहूदा के राजा नबूकदनेस्सर के नौकर बने खातिर अउर प्रति बछर ओला बनेच धन दे खातिर सहमत होगिसI ![](https://cdn.door43.org/obs/jpg/360px/obs-en-20-07.jpg) परन्तु कुछु बछर के बाद, यहूदा के राजा हर बेबीलोन के विरुद्ध लड़ाई करिसI अतः बेबीलोनिमन वापिस आके यहूदा के राज्य मा हमला कर दीइनI ओमन यरूशलेम नगर ला कब्ज़ा कर लिन, मंदिर ला नष्ट करदिन, अउर नगर अउर मंदिर के खजाना ला लुट के लेगिनI ![](https://cdn.door43.org/obs/jpg/360px/obs-en-20-08.jpg) लड़ाई करे के खातिर यहूदा के राजा ला दंडित करेबर, नबूकदनेस्सर के सैनिकमन हर राजा के बेटा ला ओकर सामने मार डारिन अउर फेन ओला अंधा कर दिइसI इकरे बाद, ओमन राजा ला ले गिन ताकि ओ बेबीलोन के जेलखाना मा मर जायेI ![](https://cdn.door43.org/obs/jpg/360px/obs-en-20-09.jpg) नबूकदनेस्सर अउर ओकर सेना यहूदा के राज्य के लगभग सब मनसेमन ला बेबीलोन लेगीन, केबल सबले गरीब मनसेमन ला पाछू छोड़ दिस ताकि ओमन खेतमन मा फसल उगाएंI समय के इ काल ला बंधूआई कहेजाथे जेमे परमेश्वर के प्रजा ला परतिज्ञा के देश ले निकल जाय बर मजबूर करे गे रिहिसI ![](https://cdn.door43.org/obs/jpg/360px/obs-en-20-10.jpg) भले ही परमेश्वर हर आपन मनसेमन ला ओमन के पाप के खातिर बंधुआई मा ले जाये के दुआरा सजा दिस, त घोले ओहर ओमन ला या आपन परतिज्ञामन ला नी भुलाए रिहिसI परमेश्वर हर आपन मनसेमन के निगरानी करे ला जारी राखिस अउर आपन भविष्यवक्तामन के दुआरा ओहर गोइठमन ला करतेच रिहिसI ओहर परतिज्ञा करिस कि सत्तर बछर के बाद, ओमन फेर परतिज्ञा के देश ला वापिस लउटीहींI ![](https://cdn.door43.org/obs/jpg/360px/obs-en-20-11.jpg) लगभग सत्तर बछर के पीछू, फारस के राजा कुस्रू हर बेबीलोन ला हरुआ दिस, इकर बर अब बेबीलोन मा साम्राज्य के वजह फारस के साम्राज्य बनेच देशमन मा शासन करत रिहिसI इस्रैली मनसेमन अब यहूदी कहलात रिहिनI ओमन ले बनेचमन हर आपन पूरा जीबन बेबीलोन मा बिता दे रिहीनI केबल बनेच थोड़े बूढा यहूदी मनला यहूदा के देश याद रिहिसI ![](https://cdn.door43.org/obs/jpg/360px/obs-en-20-12.jpg) फारसी मनसे बनेच सामर्थि रिहिन, परन्तु ओमन हर आपन जीते हुए मनसेमन ला दया करिनI फारसी मनसेमन के राजा बने के थोड़े समय पीछू, कुस्रू हर एकठन आदेश दीइस कि कोनो भी यहूदी जो यहूदा ला वापिस जाये बर चाहत रिहिसI ओहर फारस ले निकर के वापिस यहूदा ला जा सकथेI यहाँ तक ले कि ओहर ओमन ला मंदिर ला फेन बनाये बर धन घोले दिसI अतः बंधुआई के सत्तर बछर के बाद, यहूदीमन के एक छोटे झुण्ड यहूदा मा यरुशलेम नगर लउट आइनI ![](https://cdn.door43.org/obs/jpg/360px/obs-en-20-13.jpg) जब ओमन यरूशलेम पहुँचीन तहाँ ओमन मन्दिर ला अउर नगर के चारों ओर के दीवार ला फेन ले बनाईनI फारसी मनसे अब घोले ओमन के उपर शासन करत रिहिन लेकिन एक घा फेन ओमन परतिज्ञा के देश मा रहत रिहिन अउर मंदिर मा आराधना करत रिहिनI *लारिया- 2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_20_128kbps.m4a ## 21. परमेश्वर मसीहा के परतिज्ञा करथे https://openbiblestories.org/l/hne-x-laria/story-21/ ![](https://cdn.door43.org/obs/jpg/360px/obs-en-21-01.jpg) जब परमेश्वर हर संसार के रचना करे रिहिस, ओ जानत रिहिस की ओला बाद मा कोनो दिन मसीहा ला भेजे बर होहीI ओहर आदम अउर हव्वा ले परतिज्ञा करिस कि ओ एसन करिहीI ओहर कहिस कि हव्वा ले एक वंशज जनम लिही जोन सांप के मुड़ी ला कुच्लिहीI निसंदेह ओहर शैतान रिहिसI जो सांप के रूप मा आके हव्वा ला धोखा दे रिहिसI परमेश्वर के अर्थ रिहिस कि मसीह पूरी तरह ले शैतान ला हराहीI ![](https://cdn.door43.org/obs/jpg/360px/obs-en-21-02.jpg) परमेश्वर हर अब्राहम ले परतीज्ञा करे रिहिस की ओकर दुआरा संसार के सब जातिमन आशीष पाहींI परमेश्वर बाद मा कोनो समय मा मसीह ला भेजे खातिर ए परतीज्ञा ला पूरा करिहीI ओ मसीह संसार के हरेक जातिमन ला ओकरमन के पाप ले छुड़ाहीI ![](https://cdn.door43.org/obs/jpg/360px/obs-en-21-03.jpg) परमेश्वर हर मूसा ले परतीज्ञा करे रिहिस कि भविष्य मा ओ मूसा के समान एक आने भविष्यवक्ता ला भेजिहीI ए भविष्यवक्ता मसीह होहीI इ रीति ले, परमेश्वर हर फेन ले परतीज्ञा करिस कि ओ मसीह ला भेजिहीI ![](https://cdn.door43.org/obs/jpg/360px/obs-en-21-04.jpg) परमेश्वर हर राजा दाऊद ले परतीज्ञा करे रिहिस कि ओकर एक वंशज मसीह होहीI ओ राजा होही अउर परमेश्वर के मनसेमन मे सदा बर शासन करिहीI ![](https://cdn.door43.org/obs/jpg/360px/obs-en-21-05.jpg) परमेश्वर हर यिर्मयाह भविष्यवक्ता ले गोइठ करिस अउर कहिस कि एक दिन ओ एक नुआं परतिज्ञा बांधिहीI ओ नुआं परतिज्ञ इस्राएल के संग सिनै पर्वत मा बनाये रिहिस पुराना नियम के जैसन नी होहीI जब मनसेमन के संग ओ अपन नुआ नियम ला बनाही, तो ओहर ओमन ठी अपन ला व्यक्तिगत रूप ले प्रगट करिहींI हर एक झन ओकर ले माया राखिहिI अउर ओकर व्यवस्था ला पालन करे के इच्छा राखीहीI परमेश्वर हर कहिस की इहर ओकर व्यवस्था ला ओमन के हिर्दयमन मा लिखे के जइसन होहीI ओमन ओकर मनसे होहिं, अउर परमेश्वर ओमन के पापमन ला माफ करिहीI ओहर मसीह होही जोन ओमन के संग ओ नवां परतिज्ञा ला बांधिहीI ![](https://cdn.door43.org/obs/jpg/360px/obs-en-21-06.jpg) परमेश्वर के भविष्यवकतामन हर एला घोले कहिन कि मसीह हर एक भविष्यवक्ता, एक याजक अउर एक राजा हो हीI एक भविष्यवक्ता ओ मनसे हे जोन हर परमेश्वर के वचन मनला सुनथे अउर फेन मनसेमन मा परमेश्वर के संदेशमन के घोषणा करथेI जोन ला भेजे के परमेश्वर हर परतीज्ञा करे रिहिस ओहर मसीह एक सिद्ध भविष्यवक्ता होहीI अर्थात ओहर मसीह परमेश्वर के संदेशमन ला अच्छी तरह ले सुनिही, अउर ओमन ओला अच्छी तरह ले समझीही अउर ओहर मनसेमन ला ओ संदेशमन ला अच्छी तरह ले सिखाहीI ![](https://cdn.door43.org/obs/jpg/360px/obs-en-21-07.jpg) इस्रैली याजकमन हर मनसेमन बर परमेश्वर ठी बलिदान चढाये बर चालू राखीनI ए बलिदान मनसेमन के पापमन के खातिर ओमन ला परमेश्वर दुआरा सजा दे के जगह मा चढाए गे रिहिसI याजक मनसेमन बर प्राथना घोले करत रिहिन, परन्तु, ओहर मसीह सिद्ध महायाजक होही जो परमेश्वर ला देबर एक सिद्ध बलि के रूप मा अपन ला चढ़ादिहीI अर्थात, ओहर कभू पाप नी करे, अउर जब ओहर अपन ला बलि होए बर दिही, त पाप बर संसार के कोनो घोले आने बलि आवश्यक नी होहीI ![](https://cdn.door43.org/obs/jpg/360px/obs-en-21-08.jpg) मनसेमन के झुण्डमन के ऊपर राजा अउर प्रधान शासन करथें, अउर कभू-कभू ओमन गल्तिमन घोले कर थेंI राजा दाऊद हर खाली इस्रैलीमन के ऊपर शासन करिस, परन्तु राजा दाऊद के वंशज मसीह सारा संसार मा राज्य करिही, अउर ओ हर सदा बर शासन करिहीI इकर अलावा, ओहर हमेशा नियायपूर्ण रीति ले शासन करिही, अउर सही निर्णयमन ला लिहीI ![](https://cdn.door43.org/obs/jpg/360px/obs-en-21-09.jpg) परमेश्वर के भविष्यवक्तामन हर मसीह के बारे मा बनेच गोइठ ला कहिनI उदाहरण के खातिर, मलाकी हर कहिस मसीह के आये ले आघू एक आने भविष्यवक्ता आहीI ओहर भविष्यवक्ता बनेच महत्वपूर्ण होहीI एकर अलावा, यशायाह भविष्यवक्ता हर लिखिस कि मसीह एक कुँवारी ले जनम लिहीI अउर मीका भविष्यवक्ता हर कहिस कि मसीह बैतहलम नगर मा जनम लिहीI ![](https://cdn.door43.org/obs/jpg/360px/obs-en-21-10.jpg) यशायाह भविष्यवक्ता हर कहिस कि मसीह हर गलील के क्षेत्र मा वास करिहीI जोन मनसेमन बनेच दुःखी हवें मसीह ओमन ला शान्ति दिहीI ओ कैदीमन ला घोले स्वतंत्र करिहीI मसीह रोगीमन ला अउर जोनमन सुनन नी सकें, देखन नी सकें, बोलन नी सकें, या रेंगन नी सकें ओमन ला घोले चंगा करिहीI ![](https://cdn.door43.org/obs/jpg/360px/obs-en-21-11.jpg) यशायाह भविष्यवक्ता ए घोले कहिस कि मनसे मसीह ले नफरत करिहीं अउर ओला स्वीकार करे ले मना कर दिहीI आने भविष्यवक्तामन कहिन कि मसीह के एक साथी ओकर विरुद्ध उठीहीI जकर्याह भविष्यवक्ता हर कहिस कि ओकर ए संगी एसन करे बर दूसरे मनसे ले चांदी के तीस सिक्का लिहीI एकर अलावा, कुछु भविष्यवक्तामन हर कहिन कि मनसे मसीह ला मार डालिहीं, अउर ए की ओमन ओकर कपड़ा बर जुआ खेलिहींI ![](https://cdn.door43.org/obs/jpg/360px/obs-en-21-12.jpg) भविष्यवक्तामन हर एहर घोले कहिन की मसीह कैसन मरिहीI यशायाह भविष्यवाणी करिस की मनसे मसीह मा थुकिहिं, ओकर मजाक उड़ाहीं, अउर ओला पिटीहींI ओमन ओला छेदिहीं अउर ओहर बनेच पीड़ा अउर यातना में मर जाही, जबकि ओहर कुछु घोले गलती नी करे होहीI ![](https://cdn.door43.org/obs/jpg/360px/obs-en-21-13.jpg) भविष्यवक्तामन हर ए घोले बताईन कि मसीह पाप नी करेI ओहर सिद्ध होहीI परन्तु ओहर इकरेबर मरिही काबर परमेश्वर ओला अन्य मनसेमन के पापमन के खातिर दण्डित करिहीI ओकर मरे ले मनसे परमेश्वर के संग मेल करे मा सक्षम होहिंI इकरबर, परमेश्वर के योजना मा मसीह ला मरे के होहीI ![](https://cdn.door43.org/obs/jpg/360px/obs-en-21-14.jpg) भविष्यवक्तामन ए घोले बताईन कि परमेश्वर हर मसीह ला मरे हुओं में ले जीवित करिहीI ए दरसात हे कि ए सब, यीशु की मृत्यु अउर पुनरजीवित नवां परतीज्ञा ला बांधे के परमेश्वर के योजना रिहिस, ताकि ओहर ओ मनसेमन ला बचा सके जोनमन ओकर विरुद्ध पाप करिन हेंI ![](https://cdn.door43.org/obs/jpg/360px/obs-en-21-15.jpg) परमेश्वर हर भविष्यवक्तामन मा मसीह के बारे मा बनेच बात ला प्रकट करिस, परन्तु मसीह ओ भविष्यवक्तामन के कोनो के घोले जीवन काल मा नी आये रिहिसI इ भविष्यवाणिमन के दीये जाये के 400 ले अधिक बछर के बाद, सही समय मा, परमेश्वर हर मसीह ला इ संसार मा भेजिसI *लारिया- उत्पत्ति 3; 12; व्यवस्थाविवरण 18:15; 2 शमूएल 7; भजन संहिता 16; 22; 35; 69; 41; यशायाह 7:14; 9:1-7; 61; 53; 50:6; 59:16; यिर्मयाह 31; दानिय्येल 7; मीका 5:2; जकर्याह 11:12-13; मलाकी 4:5* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_21_128kbps.m4a ## 22. यूहन्ना के जनम https://openbiblestories.org/l/hne-x-laria/story-22/ ![](https://cdn.door43.org/obs/jpg/360px/obs-en-22-01.jpg) अतीत मा, परमेश्वर हर अपन भविष्यवक्तामन ले गोठियाए रिहिस ताकि ओमन ओकर मनसेमन ले गोठिया सकेI तब 400 बछर तहाँ मोन धारण के समय आइस जोन मा परमेश्वर हर मनसेमन ले नी गोठियाइसI तहाँ परमेश्वर हर जकर्याह नाम के एक पुरोहित ठीन एक स्वर्गदूत ला भेजिसI जकर्याह अउर ओकर पत्नी एलिशिबा परमेश्वर के आदर करत रिहिनI ओमन बनेच बूढ़े हो गे रिहिन, अउर ओकर कोनो संतान पैदा नी होए रिहिनI ![](https://cdn.door43.org/obs/jpg/360px/obs-en-22-02.jpg) ओ स्वर्गदूत हर जकर्याह ले कहिस, ’’तोर पत्नी के एक बेटा जनम होहीI तें ओकर नाम यूहन्ना राखबेI परमेश्वर ओला पवित्र आत्मा ले परिपूर्ण करिही, अउर यूहन्ना मनसेमन ला मसीह ला ग्रहण करे बर तियार करहीI‘’ जकर्याह हर उत्तर दिस, ’’मैं अउर मोर पत्नी संतान पैदा करेबर बनेच बूढ़ा हन! मैं कइसन जानिहो की आप मोला सच कहथ?’’ ![](https://cdn.door43.org/obs/jpg/360px/obs-en-22-03.jpg) ओ स्वर्गदूत हर जकर्याह ला उत्तर दिस, ’’तोर ठी इ शुभ संदेश ला लानेबर मै परमेश्वर के दुवारा भेजे गेहोंI काबर तें मोला विश्वास नी करे, इकरेबर लइका के जनम लेत तक तें बोले बर सक्षम नी होहीI‘’ जल्दी ही, जकर्याह बोले बर असमर्थ हो गिसI तब ओ स्वर्गदूत जकर्याह के लकठा ले चले गिसI इकरे बाद, जकर्याह घर लउट आइस अउर ओकर पत्नी गर्भवती होईसI ![](https://cdn.door43.org/obs/jpg/360px/obs-en-22-04.jpg) जब एलीशिबा छ:ह महिना के गर्भवती रिहिस, तो ओहीच स्वर्गदूत अचानक से एलीशिबा के रिश्तेदार पर प्रकट होईस, जेकर नाम मरियम रिहिसI मरियम कँवारी रिहिस अउर शादी होए बर युसूफ नाम के पुरुष के साथ ओकर मंगनी होगे रिहिसI स्वर्गदूत हर कहिस, ‘’तें गर्भवती होबे अउर एक बेटा ला जनम देबेI तोला ओकर नाम यीशु राखे बर हेI ओ हर सर्व-शक्तिमान परमेश्वर के बेटा होही अउर सदा बर शासन करीहीI’’ ![](https://cdn.door43.org/obs/jpg/360px/obs-en-22-05.jpg) मरियम हर उत्तर दिस, ‘’ए हर कैसे होही, काबर की में त कुँआरी हां?‘’ ओ स्वर्गदूत हर समझाईस, ‘’पवित्र आत्मा तोर में आही, अउर परमेश्वर के सामर्थ तोर उपर छाया करिहीI इकरबर ओ शिशु पवित्र होही, अउर ओहर परमेश्वर के बेटा होहीI’’ जोन ओ स्वर्गदूत हर कहिस ओकर ला मरियम हर विश्वास करिसI ![](https://cdn.door43.org/obs/jpg/360px/obs-en-22-06.jpg) ए होए के तुरंत बाद, मरियम हर जा के एलीशिबा ले मुलाकात करिसI जैसे ही मरियम हर ओला परनाम करिस, एलीशिबा के शिशु ओकर भीतर उछलिसI ओकरे बर परमेश्वर हर जो करे रिहिस ओकर बारे मा ओ नारीमन एक संग आनन्दित होइनI एलीशिबा के संग तीन महिना रहे के बाद, मरियम घर लौट गिसI ![](https://cdn.door43.org/obs/jpg/360px/obs-en-22-07.jpg) इकर बाद, एलीशिबा हर आपन बेटा ला जनम दिसI जकर्याह अउर एलीशिबा हर ओ लइका के नाम यूहन्ना राखिन, जेसन की ओ स्वर्गदूत हर आदेश दे रिहिसI तहां परमेश्वर हर जकर्याह ला बोले में सक्षम करिसI जकर्याह हर कहिस, ‘’परमेश्वर की स्तुति हो, काबर की ओहर आपन मनसेमन के मदत करे खातिर स्मरण राखे हे! हे मोर बेटा, तें सर्व-शक्तिमान परमेश्वर के भविष्यवक्ता होबेI तें मनसेमन ला बताबे की ओमन कैसन अपन पाप के खातिर क्षमा प्राप्त कर सकिहीं!’’ *लरिया – मत्ती 1-2, लूका 2 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_22_128kbps.m4a ## 23. यीशु के जनम https://openbiblestories.org/l/hne-x-laria/story-23/ ![](https://cdn.door43.org/obs/jpg/360px/obs-en-23-01.jpg) युसुफ नाम के एक धर्मी मनसे के संग मरियम के मंगनी हो चुके रिहिसI जब ओहर सुनिस कि मरियम गर्भवती हे त ओ जानत रिहिस कि ओ ओकर लइका नी हेI परन्तु, ओ मरियम ला बदनाम नी करे के चाहत रिहिस, इकरेबर ओहर ओकरे उपर कृपा करेबर अउर ओला चुप चाप तलाक देबर सोचिसI परन्तु इकर पहले ओहर एइसन करतीस, एकठन स्वर्गदूत हर ओकर सपना मा आके ओकर ले गोठियाइसI ![](https://cdn.door43.org/obs/jpg/360px/obs-en-23-02.jpg) ओ स्वर्गदूत हर कहिस, ‘’हे युसुफ, मरियम ला आपन पत्नि के रूप मा लेके आए ले नी डरI ओकर भीतर जो लईका हे ओ पवित्र आत्मा के तरफ ले हेI ओ एक बेटा ला जनम दिहीI ओकर नाम यीशु रखबे (जेकर अर्थ हे, ’यहोवा बचाही’), काबर कि ओहर मनसेमन ला ओमन के पापमन ले बचाहीI’’ ![](https://cdn.door43.org/obs/jpg/360px/obs-en-23-03.jpg) अतः यूसुफ हर मरियम ले शादी करिस अउर ओला अपन पत्नि के रूप मा घर ले आइस, परन्तु ओकर बेटा ला जनम देत ले ओहर ओकर संग सम्बन्ध नी बनाईसI ![](https://cdn.door43.org/obs/jpg/360px/obs-en-23-04.jpg) जब मरियम के जनम दे के समय निकट रिहिस, त ओहर अउर यूसूफ हर बैतलहम जाय के एक लम्बी यात्रा करिनI ओमन ला ओकरा जाए के रिहिस काबर रोमी अधिकारी इस्राएल मा रिहिन सबेच मनसेमन के गिनती करेबर चाहत रिहिनI ओमन चाहत रिहिन कि सबेच मनसे ओकरा जाही जहाँ ओमन के पूर्वज रहत रिहिनI राजा दाऊद के जनम बैतलहम मा होए रिहिस, अउर ओ मरियम अउर यूसूफ दोनों के पूर्वज रिहिसI ![](https://cdn.door43.org/obs/jpg/360px/obs-en-23-05.jpg) मरियम अउर यूसुफ बैतलहम गिन, परन्तु ओठी जानवरमन ला रखे के जगह के अलावा ओमन के रहेबर कोनो जगह नी रिहिसI ओहीच जगह रिहिस जहाँ मरियम हर अपन लइका ला जनम दीसI ओहर ओला चरनी मा सुता दीस काबर कि ओकरा ओकरबर कोई बिछोना नी रिहिसI ओमन हर ओकर नाम यीशु राखिनI ![](https://cdn.door43.org/obs/jpg/360px/obs-en-23-06.jpg) ओ रात, ओकरा तीर के खेत मा कुछू चरवाहामन अपन भेड़ के झुण्ड के रखवाली करत रिहिनI अचानक ले एक चमकदार स्वर्गदूत प्रकट होईस, अउर ओमन डर गिनI ओ स्वर्गदूत हर कहिस, ’’नी डरो, काबर मोर पास तुमन बर शुभ सन्देश हेI बैतहलम मा मसीह, स्वामी के जनम होए हे!’’ ![](https://cdn.door43.org/obs/jpg/360px/obs-en-23-07.jpg) जा के ओ लइका के खोज करव, अउर तुमन ओला कपड़ा मा लिपटे अउर चरनी मा सुते पाहाI अचानक ले, आकाश स्वर्गदूतमन ले भर गिसI ओमन परमेश्वर के स्तुति करत रिहिनI ओमन कहिन, ‘’सारी महिमा सरग मा विराजमान परमेश्वर ला मिलेI पृथ्वी मा सब्बो झन मा शांति हो जेकर ओ चिंता करथे !’’ ![](https://cdn.door43.org/obs/jpg/360px/obs-en-23-08.jpg) तहाँ स्वर्गदूत चले गिनI ओ चरवाहामन घोले अपन भेडमन ला छोड़ के बालक ला देखे बर गिनI शीघ्र ही ओमन हर ओ जगह ला पहुचिन जहाँ यीशु रिहिस अउर ओमन ओला चरनी मा सुतत पाईन, जिसने की स्वर्गदूत हर कहे रिहिसI ओमन बनेच खुश रिहिनI तहाँ ओ चरवाहामन वापिस ओकरा ले लउट गिन जोन करा ओमन के भेड़मन रिहिनI ओमन जोन कुछु ला सुनिन अउर देखीन ओ सब बर ओमन परमेश्वर के स्तुति करत रिहिनI ![](https://cdn.door43.org/obs/jpg/360px/obs-en-23-09.jpg) पूरब मा दूर एक देश मा कुछ मनसे रिहिनI ओमन तारामन के अध्यन करत रिहिन अउर ओमन हर बनेच बुद्धिमान रिहिनI ओमन एक असामान्य तारा ला आकाश मा देखीनI ओमन कहिन कि एकर अर्थ हे कि यहूदीमन के एक नावां राजा के जनम होए हेI इकरेबर ओमन ओ बालक ला देखे बर आपन देश ले यात्रा करे खातिर निर्णय करिनI एक लम्बी यात्रा के बाद, ओमन बैतलहम आइन अउर ओ घर ला पाईन जोनकरा यीशु अउर ओकर माता पिता रिहिनI ![](https://cdn.door43.org/obs/jpg/360px/obs-en-23-10.jpg) जब इ मनसेमन यीशु ला आपन माहातारी के संग देखीन त ओमनहर घुटने टेक के ओकर आराधना करिनI ओमन यीशु ला बहुमूल्य उपहार दीइनI फेन ओमन घर वापिस लउट गिनI *लारिया- मत्ती अध्याय 1; लूका 2 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_23_128kbps.m4a ## 24. यूहन्ना यीशु ला बतिस्मा देथे https://openbiblestories.org/l/hne-x-laria/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा अउर जकर्याह के बेटा यूहन्ना, बड़े होके एक भविष्यवक्ता बन गिसI ओ जंगल मा रहत रिहिस, अउर जंगली मंदरस अउर टिड्डीमन ला खात रिहिस, अउर ऊंट के बाल ले बने कपड़ा ला पहनत रिहिसI ![](https://cdn.door43.org/obs/jpg/360px/obs-en-24-02.jpg) बनेच मनसे यूहन्ना के गोठ ला सुने बर जंगल मा निकर आइनI ओहर ओमन ला इ कह के प्रचार करिस, ‘’पश्चाताप करव, काबर कि सरग के राज निकट हे!‘’ ![](https://cdn.door43.org/obs/jpg/360px/obs-en-24-03.jpg) जब मनसेमन हर यूहन्ना के संदेश ला सुनिन, त ओमन ले बनेच झन आपन पापमन ले पश्चाताप करीन, अउर यूहन्ना हर ओमन ला बतिस्मा दीसI यूहन्ना ला देखे बर बनेच धार्मिक अगुवामन घोले आइन, परन्तु ओमनहर आपन पापमन ला पश्चाताप या स्वीकार नी करिनI ![](https://cdn.door43.org/obs/jpg/360px/obs-en-24-04.jpg) यूहन्ना हर धार्मिक अगुवामन ला कहिस, ‘’हे जहरीले सांपमन पश्चाताप करव अउर आपन व्यवहार ला बदलवI परमेश्वर सब ओ रुख ला काट डारिही जोन अच्छा फल नी लाए, अउर ओ हर ओमन ला आगि मा झोंक दिहीI‘’ जो भविष्यवक्ता मनहर कहे रिहिन यूहन्ना हर ओला पूरा करिस, ‘’देख, जल्दी ही में तोर आघू मा आपन संदेशवाहक ला भेजिहों जोन तोर बर रस्ता ला बनाहीI‘’ ![](https://cdn.door43.org/obs/jpg/360px/obs-en-24-05.jpg) कुछु धार्मिक अगुवामन यूहन्ना ले पूछीन का ओ मसीह हे? यूहन्ना हर उत्तर दिस, ‘’मैं मसीह नी हों, परन्तु ओहर मोर बाद आवत हेI ओहर इतकी महान हे कि मैं ओकर जूता के फीता ला घोले खोले के योग्य नी होंI’’ ![](https://cdn.door43.org/obs/jpg/360px/obs-en-24-06.jpg) आने दिन, यीशु बतिस्मा ले बर यूहन्ना ठी आइसI जब यूहन्ना हर ओला देखिस, त ओहर कहिस, ‘’देखव! परमेश्वर के मेमना जोन संसार के पापमन ला उठा के लेजाहीI‘’ ![](https://cdn.door43.org/obs/jpg/360px/obs-en-24-07.jpg) यूहन्ना हर यीशु ला कहिस, ‘’मैं तोला बतिस्मा दे के योग्य नी ओंI बजाए इकर आवश्यक हे कि तें मोला बतिस्मा देI‘’ परन्तु यीशु हर कहिस, ‘’तोला मोला बतिस्मा देबर होही, काबर कि करे के खातिर सही काम एहर एI” अतः यूहन्ना हर ओला बतिस्मा दिस, जब कि यीशु हर कभू पाप नीं करे रिहिसI ![](https://cdn.door43.org/obs/jpg/360px/obs-en-24-08.jpg) बतिस्मा देय के बाद जब यीशु पानी ले निकर के बाहर आइस, त परमेश्वर के आत्मा पेरुआँ के रूप माँ प्रगट होईस अउर तरी उतर के ओकर मा रुक गिसI ओइच बेरा, परमेश्वर हर सरग ले गोठीयाईसI ओहर कहिस, ’’तें मोर बेटा असI मैं तोला माया करथों, अउर में तोर ले बनेच खुश होंI” ![](https://cdn.door43.org/obs/jpg/360px/obs-en-24-09.jpg) परमेश्वर हर यूहन्ना ला कहे रिहिस, ‘’पवित्र आत्मा निचे आके काकरो ठी ठहर जाही जोन ला तें बतिस्मा देबेI वही परमेश्वर के बेटा हेI’’ परमेश्वर एक हीच हेI परन्तु जब यूहन्ना हर यीशु ला बतिस्मा दिस, तो ओहर परमेश्वर पिता ला गोईठ करत सुनिस, बेटा परमेश्वर ला देखिस जोकि यीशु हे, अउर ओहर पवित्र आत्मा ला देखिसI *लारिया- मत्ती 3; मरकुस 1:9-11; लूका 3; युहन्ना 1:15-37 से बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_24_128kbps.m4a ## 25. शैतान यीशु के परीक्षा करथे https://openbiblestories.org/l/hne-x-laria/story-25/ ![](https://cdn.door43.org/obs/jpg/360px/obs-en-25-01.jpg) यीशु के बतिस्मा होए के तुरंत बाद ही, पवित्र आत्मा ओला जंगल मा लेगिसI यीशु ओकरा चालीस दिन अउर चालीस रात रिहिसI ओ समय ओहर उपवास करिस, अउर शैतान हर यीशु के तीर मा आके पाप करवाए खातिर ओकर परीक्षा करीसI ![](https://cdn.door43.org/obs/jpg/360px/obs-en-25-02.jpg) पहले, शैतान हर यीशु ला कहिस, ‘’यदि तें परमेश्वर के पुत्र हस त इ पत्थरमन ला रोटी बना दे ताकि तें खा सकबे!’’ ![](https://cdn.door43.org/obs/jpg/360px/obs-en-25-03.jpg) परन्तु यीशु हर शैतान ले कहिस, ‘’परमेश्वर के वचन मा ए लिखाइ से, ‘जीवित रहे बर मनसे ला खाली रोटी के जरूरत नी ए, परन्तु ओमनला हर ओ बात के जरूरत हे जोन परमेश्वर ओमनला कहत हे!’’’ ![](https://cdn.door43.org/obs/jpg/360px/obs-en-25-04.jpg) तहाँ शैतान यीशु ला मंदिर के सब ले ऊँचे टीले पर लेगिसI ओहर ओला कहिस,‘’यदि तें परमेश्वर के बेटा हस त यहाँ ले नीचे कूद जा, काबर की लिखाइ से, ’परमेश्वर तोला उठाये बर अपन स्वर्गदूतमन ला आज्ञा दिही की तोर पांव मा पथर ले ठेंस नी लागेI‘’’ ![](https://cdn.door43.org/obs/jpg/360px/obs-en-25-05.jpg) परन्तु यीशु हर ओला नी करिस जोन शैतान हर ओला करे बर कहे रिहिसI इकर बजाए, ओहर कहिस, ‘’परमेश्वर सब्बोझन ले कहथे, ‘तें प्रभु अपन परमेश्वर के परीक्षा नी करबेI’’’ ![](https://cdn.door43.org/obs/jpg/360px/obs-en-25-06.jpg) फेन शैतान हर ओला संसार के सारे राज दिखाइसI ओहर ओला दिखाइस कि ओमन कतकी शक्तिशाली रिहिन, अउर ओमन कतुक सम्पन्न रिहीनI ओ हर यीशु ला कहिस, ‘’मैं तोला ए सब दे दिहों यदि तें घुटना टेक के मोर पूजा करबेI’’ ![](https://cdn.door43.org/obs/jpg/360px/obs-en-25-07.jpg) यीशु हर उत्तर दिस, ‘’हे शैतान, मोरठी ले दूर होजा! परमेश्वर के वचन मा ओ मनसेमन ला आदेश देथे, ’केवल अपन प्रभु परमेश्वर के आराधना करिहI परमेश्वर के रूप मा केवल ओकर आदर करिहI’’’ ![](https://cdn.door43.org/obs/jpg/360px/obs-en-25-08.jpg) यीशु हर शैतान के परीक्षा ले हार नी मानिस, इकरे बर शैतान ओकर ठीन ले चल दिसI तहाँ स्वर्गदूत आके यीशु के सेवा टहल करे बर लागिनI *लारिया -मत्ती अध्याय 4:1-11; मरकुस 1:12-13; लूका 4:1-13 ले बाइबिल कर एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_25_128kbps.m4a ## 26. यीशु अपन सेवा शुरू करथे https://openbiblestories.org/l/hne-x-laria/story-26/ ![](https://cdn.door43.org/obs/jpg/360px/obs-en-26-01.jpg) शैतान के परीक्षामन के इंकार करे के बाद, यीशु वापिस गलील के क्षेत्र मा आइसI इहर ओ जगह हे जोन करा ओ हर रहत रिहिसI पवित्र आत्मा ओला बनेच सामर्थ देत रिहिसI अउर यीशु एक जगह ले दूसर जगह मा गिस, अउर मनसेमन ला शिक्षा दिस सबेच ओकर बारेमा बढ़ीयां गोइठ कहत रिहिनI ![](https://cdn.door43.org/obs/jpg/360px/obs-en-26-02.jpg) सब्त के दिन, ओ हर सभाघर के जगह मा गिसI अगुवामन हर ओला यशायाह भविष्यवक्ता के संदेश के एकठन पुस्तक ला दीइनI ओ चाहत रिहिन की ओहर ओ में ले पढ़ेI अतः यीशु हर ओ पुस्तक ला खोल के ओकर एकठन भाग ला मनसेमन बर पढ़ीसI ![](https://cdn.door43.org/obs/jpg/360px/obs-en-26-03.jpg) यीशु हर इ परकार ले पढ़ीस, ‘’परमेश्वर हर अपन आत्मा दीसे ताकि मैं कंगाल मनठी सुसमाचार प्रचार करन सकंI ओहर मोला इकरेबर भेजिसे कि कैदी मन ला स्वतंत्र करों, अंधा मन ला फेन ले दृष्टि प्रदान करों, अउर ओमन ला छुटकारा दों जेन मन ला दूसर लोग कुचले हेंI ए समय हे, जब परमेश्वर हमर बर कृपालु होही अउर हमर सहायता करिहीI ![](https://cdn.door43.org/obs/jpg/360px/obs-en-26-04.jpg) फेन यीशु बइठ गिसI सब मनसे ओला बनेच ध्यान से देखत रिहिनI ओमन जानत रिहिन की पवित्रशास्त्र के जो भाग आभी पढ़े रिहिस ओहर मसीह के बारे मा रिहिसI यीशु हर कहिस, ‘’जोन गोइठमन ला आभि तुमहर बर पढ़े हों, ओ बिल्कुल आभि घटित होत हेI” सब मनसे चकित रिहिनI उहर कहिस, ‘’का इहर यूसुफ के बेटा नी ए ?’’ ![](https://cdn.door43.org/obs/jpg/360px/obs-en-26-05.jpg) तहां यीशु हर कहिस, ‘’ए हर सच ए की लोग कोनो ऐसन भविष्यवक्ता ला घलो स्वीकार नी करें जो ओमन के नगर मा -पले बढ़े हेI उ एलिय्याह भविष्यवक्ता के समय मा, इस्राएल मा बनेच विधवा मन रिहिनI लेकिन जब साढ़े तीन बरष तक ले बारिश नि होईस तो परमेश्वर हर एलिय्याह ला इस्राएल मा कोनो विधवा के सहायता करे बर नी भेजिसI एकर बजाए, ओहे एलिय्याह ला कोनो अलग देश की विधवा ठी ला भेजिसI ![](https://cdn.door43.org/obs/jpg/360px/obs-en-26-06.jpg) यीशु हर कहे ला जारी राखिस, ‘’अउर एलिशा भविष्यवक्ता के समय मा, इस्राएल मा, बनेच मनसे चमड़ी के रोग ले पीड़ित रिहिनI परन्तु एलिशा हर ओमेन ले कोनोहो ला घोले बढ़ीयां नी करिसI उहर खाली इस्राएल के शत्रुमन के सेनापति नामान ला बढियाँ करिसI‘’ परन्तु जोन मन यीशु ला सुनत रिहिन ओमन यहूदी रिहिनI इकरबर जब ओमन ओला ए कहत सुनिन तो ओकर उपर नाराज़ होईंनI ![](https://cdn.door43.org/obs/jpg/360px/obs-en-26-07.jpg) नासरत के मनसेमन यीशु ला पकड़ लीन अउर ओला आराधना के जगह ले घसीट के बाहर लेगीनI ओमन ओला मरे बर निचे फेंके खातिर ओला एक चट्टान के टीला मा लेगीनI परन्तु यीशु भीड़ मा ले निकल गिस अउर नासरत नगर ला छोड़ के चल दिसI ![](https://cdn.door43.org/obs/jpg/360px/obs-en-26-08.jpg) फेन यीशु सबेच गलील के क्षेत्र मा गिस, अउर बड़ी भीड़ ओकर तीर आईसI ओमन एइसच बनेच ले मनसेमन ला लेके आइन जोन मन बीमार अउर विकलांग रिहिनI ओमें कुछु कडूआँ रिहिन,अउर कुछु दुसरे लंगड़ा,बहरा या गूंगा रिहिनI अउर यीशु हर ओमन ला बढ़ीयां करिसI ![](https://cdn.door43.org/obs/jpg/360px/obs-en-26-09.jpg) इकर अलावा, बनेच ऐसे मनसे मनला यीशु ठी लाईन जोन मा दुष्टआत्मामन रिहिनI यीशु हर दुष्टात्मामन ला निकल जाये के आदेश दीइस, अउर ओमन निकर गिनI ओ दुष्टात्मामन अक्सर नरियाइन, ‘’तें परमेश्वर के बेटा हस!’’ भीड़ के मनसेमन चकित होत रिहिन, अउर ओमन परमेश्वर की स्तुति करत रिहिनI ![](https://cdn.door43.org/obs/jpg/360px/obs-en-26-10.jpg) फेन यीशु हर अपन शिष्यमन ले बारह पुरुषमन ला चुनिस कि ओ ओकर विशेष प्रतिनिधि बनेंI ओहर ओमन ला अपन ‘’प्रेरित‘’ कहिसI ओ प्रेरितमन ओकर साथ यात्रा करिन अउर ओकर ले शिक्षा प्राप्त करिनI *लारिया- मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_26_128kbps.m4a ## 27. दयालु सामरी के कथा https://openbiblestories.org/l/hne-x-laria/story-27/ ![](https://cdn.door43.org/obs/jpg/360px/obs-en-27-01.jpg) एक दिन, यहूदी व्यवस्था के एकठन विशेषज्ञ यीशु ठी आईसI ओहर सब ला ए दिखाए बर चाहत रिहिस कि यीशु गलत रीति ले शिक्षा देत रिहिसI इकरे बर ओहर कहिसI‘’हे गुरु, अनन्त जीवन पाए बर मैं का करों ?’’ यीशु हर उत्तर दिस, “परमेश्वर के व्यवस्था मा का लिखाईसे ?” ![](https://cdn.door43.org/obs/jpg/360px/obs-en-27-02.jpg) ओ मनसे हर कहिस, ‘’ओमें एइसन कहे गिस हे कि अपन परमेश्वर ले अपन सारे मन, प्राण, सामर्थ, अउर बुध्दी से प्रेम राख, अउर अपन पड़ोसी ला अपन समान प्रेम राखI” यीशु हर उत्तर दिस, “तैं सही कहे!” यदि तें एइसन करबे तहाँ तोला अनन्त जीवन मिलिहिI’’ ![](https://cdn.door43.org/obs/jpg/360px/obs-en-27-03.jpg) परन्तु ओ व्यवस्था के विशेषज्ञ दिखाए बर चाहत रिहिन की ओकर जीवन जिए के तरीका सही रिहिसI इकरेबर ओहर यीशु ला पुछिस, ‘’ठीक हे, त मोर पड़ोसी कोन हे?’’ ![](https://cdn.door43.org/obs/jpg/360px/obs-en-27-04.jpg) यीशु हर ओ व्यवस्था के विशेषज्ञ ला एकठन कथा बताए के दूआरा उत्तर दिसI ‘’एक यहूदी मनसे रिहिस जो एकठन सड़क ले होके यरूशलेम नगर ले यरीहो नगर के यात्रा करत रिहिसI‘’ ![](https://cdn.door43.org/obs/jpg/360px/obs-en-27-05.jpg) ‘’परन्तु कुछु डाकूमन ओला देखीन अउर ओकर उपर हमला करदीनI ओमनहर ओकर सब कुछु लेलिन अउर ओला मारीन – पिटिन अउर अधमरा छोडके चल दीनI’’ ![](https://cdn.door43.org/obs/jpg/360px/obs-en-27-06.jpg) ‘’ओकर तुरन्त बाद, एकठी यहूदी याजक ओईच सड़क ले होत गुजरिसI ओ याजक हर ओ मनसे ला सड़क मा गिरे हुए देखिसI जब ओहर ओला देखिस तहां ओ सड़क के दूसर तरफ जाके आघू बढ़ गिसI ओहर ओ मनसे ला पूरी तरह ले अनदेखा कर दिसI’’ ![](https://cdn.door43.org/obs/jpg/360px/obs-en-27-07.jpg) ‘’कुछु समय बितिस त, एकझन लेवी सड़क मा आइसI (लेवी यहूदी मनके एकठन गोत्र रिहिस जोन मंदिर मा याजकमन के सहायता करत रिहिनI) ओ लेवी हर घोले ओ अधमरा पड़े रिहिस मनसे ला देखिस अउर देख के सड़क के आने ओर ले निकर गिसI ओहर घलो ओ मनसे ला अनदेखा कर दिसI‘’ ![](https://cdn.door43.org/obs/jpg/360px/obs-en-27-08.jpg) ‘’आने मनसे जोन ओ सड़क मा आइस ओ सामरिया देश के एकठी व्यक्ति रिहिसI (सामरी मनसे अउर यहूदी मनसे एक दूसर ला नफरत करत रिहिनI) फेन घोले ओ सामरी व्यक्ति हर जब सड़क मा गिरे ओ यहूदी व्यक्ति ला देखिस, त ओहर ओला बड़ा तरस खाईसI अतः ओहर ओकर लकठा ला गिस अउर ओकर घा मा पट्टी बाँधीसI ![](https://cdn.door43.org/obs/jpg/360px/obs-en-27-09.jpg) ‘’फेन ओ सामरी हर ओ मनसे ला अपन गधा मा डालीस अउर ओला ओ सड़क ले एक यात्रीमन के रहे के जगह मा लेगिसI जहाँ ठी ओहर ओकर देख भाल करे बर चालू राखिसI’’ ![](https://cdn.door43.org/obs/jpg/360px/obs-en-27-10.jpg) दूसर दिन, ओ सामरी ला अपन यात्रा ला जारी रखे के आवश्यक्ता रिहिसI ओहर ओ सराय के मालिक ला कुछु पैसा दिस ओहर ओला कहिस, ‘’इ मनसे के देख भाल करबेI यदि इ पैसा के अलावा तोर कुछु अउर पैसा खर्च होथे तो वापिस आए ले मैं ओ खर्च ला दे दिहोंI’’ ![](https://cdn.door43.org/obs/jpg/360px/obs-en-27-11.jpg) फेन यीशु हर ओ व्यवस्था के विशेषज्ञ ले पुछिस, ‘’तें का सोंचथस? ए तीन मनसेमन ले कोन हे ओ मनसे के पडोसी जोन ला लुटे अउर पिटे गे रिहिस ?‘’ ओहर उत्तर दिस, “ओइच जोन ओकर ऊपर मा दया दिखाईस’’ तहाँ यीशु हर ओकर ले कहिस, ‘’तें घोले जा अउर एसनेच करI’’ *लारिया - लूका अध्याय 10:25-37 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_27_128kbps.m4a ## 28. धनी जवान शासक https://openbiblestories.org/l/hne-x-laria/story-28/ ![](https://cdn.door43.org/obs/jpg/360px/obs-en-28-01.jpg) एक दिन एकठी धनी यहूदी अगुवा हर यीशु के लकठा मा आ के ओला पुछिस, ‘’हे उत्तम गुरु, अनन्त जीवन पाएबर मोला का करेबर होही?‘’ यीशु हर ओकर ले कहिस, ‘’तें मोला ‘उत्तम’ काबर कहथस? केवल एक ही उत्तम हे अउर ओ परमेश्वर हेI परन्तु यदि तें अनन्त जीवन पाए बर चाहथस त परमेश्वर के व्यवस्था के पालन करI’’ ![](https://cdn.door43.org/obs/jpg/360px/obs-en-28-02.jpg) ओहर पुछिस, ‘’मोला कोन कोन से आज्ञा ला पालन करे के आवश्यकता हे?‘’ यीशु हर उत्तर दिस, ‘हत्या नी करबे, बेभीचार नी करबे, चोरी नी करबे, झूठ नी गोठीयाबे, आपन माँ अउर बाप के आदर करबेI अउर आपन पड़ोसी ला आपन समान माया करबेI’’ ![](https://cdn.door43.org/obs/jpg/360px/obs-en-28-03.jpg) परन्तु ओ जवान पुरुष हर कहिस, ‘’मैं आपन बचपन ले ए सब्बो आज्ञामन के पालन करत आत होंI मोला सदा बर जीवित रहे बर आभी घोले का करे के आवश्यकता हे? ‘’यीशु हर ओकर उपर दृष्टि करिस अउर उकर ले माया करिसI ![](https://cdn.door43.org/obs/jpg/360px/obs-en-28-04.jpg) फेन यीशु हर उत्तर दिस, ‘’यदि तें सिद्ध होएबर चाहथस त जा के आपन सब कुछ ला बेंच दे अउर ओ धन ला गरीबमन मा बाँट दे, अउर तोला सरग मा धन मिलिहिI तहाँ आके मोर पीछू हो लेI‘’ ![](https://cdn.door43.org/obs/jpg/360px/obs-en-28-05.jpg) जब ओ जवान पुरुष हर यीशु के बात ला सुनिस त ओ बनेच निराश हो गिस, काबर कि ओ बनेच धनी रिहिस अउर ओ आपन सब सम्पति ला देय बर नी चाहत रिहिसI ओ पलट के यीशु के तीर ले चल दिस ![](https://cdn.door43.org/obs/jpg/360px/obs-en-28-06.jpg) तब यीशु हर आपन चेलामन ले कहिस, ‘’धनी मनसेमन बर परमेश्वर के राज मा परवेश करे बर बनेच कठिन हे! हाँ, एक धनी मनसे ला परमेश्वर के राज मा परवेश करे के तुलना मा कोनो ऊँट के सुई के छेद मा होके निकर जाना सरल हेI’’ ![](https://cdn.door43.org/obs/jpg/360px/obs-en-28-07.jpg) जब चेलामन यीशु के गोइठ ला सुनिन, त ओमन चकित रहगिनI ओमन हर कहिन, ’’यदि ए एइसन हे त परमेश्वर कोन ला बचाही?’’ ![](https://cdn.door43.org/obs/jpg/360px/obs-en-28-08.jpg) यीशु हर चेलामन ला देखिस अउर कहिस, ‘’मनसेमन स्वयं ला नी बचा सकेंI एइसन करे बर असम्भव हेI परन्तु परमेश्वर बर कुछु घोले करे के असम्भव नी हेI” ![](https://cdn.door43.org/obs/jpg/360px/obs-en-28-09.jpg) पतरस हर यीशु ला कहिस, ‘’हमन जोन तोर चेला हन आपन सब कुछ छोड़ के तोर पाछू हो लेहन त हमर प्रतिफल का होही?’’ ![](https://cdn.door43.org/obs/jpg/360px/obs-en-28-10.jpg) यीशु हर उत्तर दिस, ‘’हर एक मनसे जोनमन मोर खातिर घर, भाई, बहन, माता, पिता, बच्चे, या सम्पति ला छोड़ीस हे, ओ ओकर ले सौ गुना अधिक प्राप्त करिही अउर अनन्त जीवन ला घोले पाहिI किन्तु बनेच ले जोन आघू हें ओमन पाछु होहिं, अउर बनेच ले जोन पाछु हें ओमन आघू होहिंI’’ *लारिया- मत्ती अध्याय 19:16-30; मरकुस 10:17-31; लूका 18:18-30 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_28_128kbps.m4a ## 29. निरदयी दास के कथा https://openbiblestories.org/l/hne-x-laria/story-29/ ![](https://cdn.door43.org/obs/jpg/360px/obs-en-29-01.jpg) एक दिन, पतरस हर यीशु ले पुछिस, ‘’हे स्‍वामी, जब मोर भाई मोर विरुद्‌ध पाप करत हे, त मोला आपन भाई ला के घा माफ करे बर होही? का सात बार ले?” यीशु हर कहिस, सात बार नी, परंतु सतत्तर बार!’’ इकर द्वारा, यीशु के मतलब इ रिहिस कि हमनला हमेशा माफ करना चहिये।तब यीशु हर ए कथा बताईस। ![](https://cdn.door43.org/obs/jpg/360px/obs-en-29-02.jpg) यीशु हर कहिस, “परमेश्वर के राज इसने परकार ले हेI एकठन राजा आपन दास मनले लेखा लेबर चाहत रिहिसI ओकर एक दास भारी मात्रा के धन के कर्जदार रिहिसI ![](https://cdn.door43.org/obs/jpg/360px/obs-en-29-03.jpg) परन्‍तु ओ नौकर हर आपन कर्जा ला चुका नी पाइस, इकरबर राजा हर किहिस, “इकर कर्ज चुकाय बर ई पुरुष ला अउर इकर परिवार ला दासमन के रुप मा बेच दव।” ![](https://cdn.door43.org/obs/jpg/360px/obs-en-29-04.jpg) “ओ दास हर राजा के आघू आपन घुटना मा गिर के कहिस, ’दया करके मोर संग धीरज धर, अउर मे आपन कर्जा के पुरा रकम ला चूका दिहों।‘ राजा ला नौकर पर दया आईस, ईकरबर ओहर ओकर सब कर्जा ला माफ कर दिस अउर ओला जाय बर दिस।“ ![](https://cdn.door43.org/obs/jpg/360px/obs-en-29-05.jpg) ‘’परन्तु जब ओ नौकर राजा के पास ले बाहर गिस, त ओला ओकर एक साथी नौकर मिलिस जोन ओकर थोर कुन धन के कर्जदार रिहिस। ओ नौकर हर आपन साथी नौकर ला पकड़ लिस अउर कहिस, ‘जोन तोर उपर मोर कर्जा हे मोला दे।” ![](https://cdn.door43.org/obs/jpg/360px/obs-en-29-06.jpg) “ओ साथी नौकर हर घूटना मा गिर के कहिस, ‘कृपा करके मोर संग धीरज धर, अउर मैं आपन कर्जा के पुरा रकम ला भर दिहों।’ लेकिन इकर बजाय, ओ नौकर हर आपन साथी नौकर ला जेलखाना मा डाल दिस जब तक कि ओहर ओ कर्जा ला नी चूका दिही।” ![](https://cdn.door43.org/obs/jpg/360px/obs-en-29-07.jpg) कुछु आने नौकरमन जोन कुछ होए रिहिस ओला देख के बनेच परेसान हो गिनI ओमन राजा के पास गिन अउर ओला सब कुछु बता दीन।” ![](https://cdn.door43.org/obs/jpg/360px/obs-en-29-08.jpg) “राजा हर ओ नौकर ला बला के कहिस, ‘हे दुष्‍ट नौकर! में तोर कर्जा ला इकरेबर माफ करे रहें काबर कि तें मोर ले बिनती करे रहे। तोला घोले उसनेच करेबर रिहिस। ’तहाँ राजा इतकी क्रोधित हो गे कि ओहर ओ दुष्‍ट नौकर ला जेलखाना मा डाल दिस जब तक की ओहर आपन सारा कर्जा ला वापिस नी कर दिस।” ![](https://cdn.door43.org/obs/jpg/360px/obs-en-29-09.jpg) तहाँ यीशु हर कहिस, “अगर तुमन आपन भाई ला आपन हृदय ले क्षमा नी करिह, त मोर सरग के पिता तुमन ले हर एक के संग घोले इसनेच करिहीI’’ *लारिया -मत्ती अध्याय 18:21-35 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_29_128kbps.m4a ## 30. यीशु पांच हजार मनसेमन ला खाना खवाथे https://openbiblestories.org/l/hne-x-laria/story-30/ ![](https://cdn.door43.org/obs/jpg/360px/obs-en-30-01.jpg) यीशु हर आपन शिष्य मन ला परचार करे बर अउर मनसेमन ला शिक्षा देय बर बनेच ले अलग -अलग गाँव मा भेजिसI तब यीशु हर ओमन ला झील के दूसर तरफ ओकर संग एक शान्त जगह मा जाके कुछ समय विश्राम करे बर आमंत्रित करिसI अतः ओमन एक डोंगा मा चढ़गिन अउर झील के दूसर तरफ चल दिन ![](https://cdn.door43.org/obs/jpg/360px/obs-en-30-02.jpg) परन्तु ओकरा बनेच मनसेमन रिहिन जोन मन यीशु अउर चेलामन ला डोंगा में जात देखे रिहिनI ए जान के मनसेमन घोले झील के दूसरी तरफ जाये बर झील के तीर-तीर मा कुदत ओमन ले आघू पहुँच गिनI जब यीशु अउर चेलामन पहुंचीन त इच मनसेमन के एक बड़खा भीड़ ओमनके परतिक्षा करत रिहिस जोनमन ओमन ले पहिले पहुंच गे रिहिनI ![](https://cdn.door43.org/obs/jpg/360px/obs-en-30-03.jpg) ओ भीड़ मा नारीमन अउर लईकामन के गिनती ला छोड़ के 5,000 ले अधिक पुरुष रिहिनI यीशु हर ओ मनसेमन ले बड़ी तरस खाइसI काबर कि यीशु बर ओ मनसे ओ भेड़मन के समान रिहिन, जेकर कोनो रखवाला नी हेI इकरेबर ओ हर ओमन ला शिक्षा दीइन अउर ओमन के बीच मा जोन मन बीमार रिहिन ओमन ला चंगा करिसI ![](https://cdn.door43.org/obs/jpg/360px/obs-en-30-04.jpg) दिन के आखरी मा, चेलामन हर यीशु ले कहिन, ‘’अब देर होगिसे अउर आस पास मा कोनो नगर नी हेI इमन ला जान दे ताकि ओमन जा के खाए बर कुछ बिसायेंI” ![](https://cdn.door43.org/obs/jpg/360px/obs-en-30-05.jpg) परन्तु यीशु हर चेलामन ले कहिस, ‘’तुमन ओमन ला खाए बर कछु द!’’ ओमन उत्तर दीइन, ‘’हामन ए नी कर सकनI हमर ठी मात्र पांच रोटी अउर दो छोटे मछली मन हेI” ![](https://cdn.door43.org/obs/jpg/360px/obs-en-30-06.jpg) यीशु हर आपन चेलामन ले कहिस कि ओमन भीड़ के मनसेमन ला घाँस मा पचास-पचास के गुरुप मा बइठे बर कहेंI ![](https://cdn.door43.org/obs/jpg/360px/obs-en-30-07.jpg) तहाँ यीशु हर पांच रोटी अउर दो मछलीमनला ले के सरग के तरफ देखिस, अउर ओ भोजन बर परमेश्वर ला धन्यवाद दिस ![](https://cdn.door43.org/obs/jpg/360px/obs-en-30-08.jpg) फेन यीशु हर रोटीमन ला टोर-टोर के चेलामन ला देत गिस कि ओमन मनसेमन ला परोसिन, अउर ओ दू मछलीमनला घोले ओ सब मा बाँट दिन चेले ओ भोजन ला बाँटत रिहिन, अउर ओहर बिलकुल खतम नी हुईस! ओमन सब मनसे खाके संतुष्ट हो गिनI ![](https://cdn.door43.org/obs/jpg/360px/obs-en-30-09.jpg) ओकर बाद, चेलामन बचे हुए टुकड़ामन ला इकट्ठा करिन जोन खाए नी गे रिहसI अउर ओ टुकड़ामन ले भरी हुई बारहटोकरीमन ला उठाइनI *लारिया- मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_30_128kbps.m4a ## 31. यीशु पानी मा चलथे https://openbiblestories.org/l/hne-x-laria/story-31/ ![](https://cdn.door43.org/obs/jpg/360px/obs-en-31-01.jpg) पाँच हजार मनसेमन ला खाना खिलाय के बाद, यीशु हर आपन चेलामन ले डोंगा मा चढ़े बर कहिस। ओहर ओमनला झील के दूसर तरफ जाय बर कहिस जब कि ओहर थोड़े समय बर ओइच करा रुकिस। एकर बाद चेलामन चल दीइन अउर यीशु हर भीड़ ला बिदा करिस कि ओमन आपन घर जायें। इकर बाद, यीशु प्राथना करे बर एकठन परबत के उपर चल दिस ओ ठी ओहर अकेला रिहिस, अउर ओहर बनेच रात तक प्राथना करिस। ![](https://cdn.door43.org/obs/jpg/360px/obs-en-31-02.jpg) ओतकी बेर, चेलामन आपन डोंगा ला खेवत जात रिहिन, लेकिन हवा ओमनके विपरीत दिशा मा बड़ जोर ले बहत रिहिस। बनेच रात हो जाय रिहिस फेन घोले ओमन सिरिफ झील के बीच मा पहूँचे रिहिन। ![](https://cdn.door43.org/obs/jpg/360px/obs-en-31-03.jpg) ओ बेरा मा यीशु हर प्राथना करेबर खतम करिस अउर आपन चेलामन ठी वापस जाय बर शुरु करिस। ओहर डोंगा तरफ जाय बर पानी के ऊपर चलिस। ![](https://cdn.door43.org/obs/jpg/360px/obs-en-31-04.jpg) तहाँ चेलामन हर ओला देखीन। ओमन बनेच डर गिन काबर कि ओमनहर सोचे रिहिन कि ओहर कोनो भूत रिहिस। यीशु जानत रिहिस कि ओमन डर गे रिहिन, एकर बर ओहर ओमनला आवाज देके कहिस, “नी डरव, में ही हां !” ![](https://cdn.door43.org/obs/jpg/360px/obs-en-31-05.jpg) तहाँ पतरस हर यीशु ले कहिस, “हे गुरु, यदि ए तैं हस त मोला पानी के उपर चल के तोर तीर मा आय बर आदेश दे।” यीशु हर परतस ले कहिस, “आ!” ![](https://cdn.door43.org/obs/jpg/360px/obs-en-31-06.jpg) अतः पतरस डोंगा ले उतर गिस अउर यीशु के तीर मा जाय बर पानी के उपर मा चले बर शुरु करिस। परन्‍तु थोड़ कुन दूर जा के, ओहर आपन आंखमन ला यीशु ले हटा दीइस अउर लहरमन ला देखना अउर तेज हवा ला महसुस करेबर शुरु कर दिस ![](https://cdn.door43.org/obs/jpg/360px/obs-en-31-07.jpg) तहां पतरस डरा गिस अउर पानी मा बूड़े लगिस। ओहर नरियाईस, “हे प्रभु, मोला बचा!, यीशु हर तुर्तेच हाथ लमा के ओला पकड़ लिस। तहाँले ओहर पतरस ला कहिस, “तोर विश्वास बनेच कम हे! तोला सुरक्षित राखेबर तैं मोर उपर भरोसा काबर नी करे?” ![](https://cdn.door43.org/obs/jpg/360px/obs-en-31-08.jpg) तहां यीशु अउर पतरस डोंगा मा चेढ़ गिन, अउर तुर्तेच हवा के बहाव रुक गिसI अउर पानी शांत होगिस। चेलामन हर चकित होके यीशु के आगे घुटना टेक दिन ओमन ओकर आराधना करिन अउर ओकर ले कहिन, “सच में तें परमेश्वर के बेटा हस।” *लारिया- मत्ती अध्याय 14:22-33; मरकुस 6:45-52; यूहन्ना 6:16-21 ले बाइबल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_31_128kbps.m4a ## 32. यीशु प्रेत आत्मा ले ग्रस्त मनसे ला अउर एक बीमार महिला ला चंगा करथे https://openbiblestories.org/l/hne-x-laria/story-32/ ![](https://cdn.door43.org/obs/jpg/360px/obs-en-32-01.jpg) यीशु अउर ओकर चेलामन अपन डोंगा मा चढ़के ओ क्षेत्र मा गिन जोन करा गिरासेनीमन रहत रिहिनI ओमन ओ क्षेत्र मा पहुच के डोंगा ले उतर गिनI ![](https://cdn.door43.org/obs/jpg/360px/obs-en-32-02.jpg) ओकरा एकठन मनसे रिहिस जोन प्रेत आत्मा ले ग्रस्त रिहिसI ![](https://cdn.door43.org/obs/jpg/360px/obs-en-32-03.jpg) ए मनसे येतकी बलशाली रिहिस कि कोन्हो घोले ओला काबू नी करन सकत रिहिसI इकरबर मनसेमन हर ओकर हाँथ अउर गोड़मन ला सिकलामन ले बांधिस, परन्तु ओहर ओला तोड़ देत रिहिसI ![](https://cdn.door43.org/obs/jpg/360px/obs-en-32-04.jpg) ओ मनसे ओ क्षेत्र के समसान मा रहत रिहिसI ए मनसे दिन भर अउर रात भर नरियाय करेI ओहर कपड़ा नी पहनत रिहिस अउर अक्सर स्वयं ला पथरा ले घायल करत रिहिसI ![](https://cdn.door43.org/obs/jpg/360px/obs-en-32-05.jpg) जिसनेच इ ब्यक्ति हर यीशु ला देखिस, त ओ कूद के ओकर ठी गिसI अउर ओकर सामने घुटना टेक दिस तब यीशु हर ओ मनसे के अंदर मा जोन प्रेत आत्मा रिहिस, ओकर ले कहिस, ‘’ए मनसे मा ले बाहर निकल आI” ![](https://cdn.door43.org/obs/jpg/360px/obs-en-32-06.jpg) ओ प्रेत आत्मा ऊँचे आवाज ले नरियाइस, ‘’हे यीशु, परम प्रधान परमेश्वर के बेटा तोर मोर ले का काम ? दया करके मोला झन सता !” तहाँ यीशु हर ओ प्रेत आत्मा ले पुछिस तोर नाम का हे?” ओहर उत्तर दिस ‘’मोर नाम सेना हे, काबर हमन बहुत हन” (रोमी सेना मा कई हजार सैनिकमन एक दल “सेना” होत रिहिनI) ![](https://cdn.door43.org/obs/jpg/360px/obs-en-32-07.jpg) ओ प्रेत आत्मामन हर यीशु ले विनती करिन, ‘’दया करके हमन ला इ क्षेत्र ले बाहर झन भेज!’’ ओहिंच तीर के पहाड़ मा सूरामन के एक झुण्ड चरत रिहिनI इकरेबर ओ प्रेत आत्मामन हर यीशु ले विनती करिन, ‘’दया कर के हमन ला ओ सूरामन मा भेज दे!” यीशु हर कहिस, ‘’ठीक हे, ओमनमा चले जावI’’ ![](https://cdn.door43.org/obs/jpg/360px/obs-en-32-08.jpg) अतः ओ प्रेत आत्मामन ओ मनसे मा ले निकर कर ओ सूरामन मा परवेश कर गिनI ओ सूरामन दौड़ के एकठन ठाड़ टीला में ले झील मा कूद गिन अउर डूब मरीनI उ झुण्ड मा लगभग 2,000 सूरा रिहीनI ![](https://cdn.door43.org/obs/jpg/360px/obs-en-32-09.jpg) ओकरा ओ सूरामन के देख भाल करेईया मनसेमन रिहिनI जोन कुछु होए रिहिस जब ओमन हर देखीन त ओ नगर मा भाग गिनI यीशु हर जोन कुछु करे रिहिस ओकरा ओमनहर सब ला बताइनI ओ नगर के मनसेमन निकर आइन अउर ओ मनसे ला देखीन जोन मा प्रेत आत्मामन रिहिनI ओ शांति ले, कपड़ा पहिन के अउर एक सामान्य मनसे के जैसन व्यवहार करत बैठे रिहिसI ![](https://cdn.door43.org/obs/jpg/360px/obs-en-32-10.jpg) ओ मनसेमन बनेच डर गे रिहिन अउर ओमनहर यीशु ले चले जाये बर कहिसI अतः यीशु डोंगा मा चढ़ गिसI ओ मनसे जोनमा प्रेत आत्मामन रिहिस ओहर यीशु के संग जाये के विनती करिसI ![](https://cdn.door43.org/obs/jpg/360px/obs-en-32-11.jpg) परन्तु यीशु हर ओला कहिस, ‘’नीI मैं चाहथों कि तें घर जाके सब ला बताबे कि परमेश्वर हर तोर बर का करिस हेI ओमन ला बता कि कइसन परमेश्वर हर तोर उपर दया करे रिहिसI‘’ ![](https://cdn.door43.org/obs/jpg/360px/obs-en-32-12.jpg) इकरबर ओ मनसे चल दिस अउर सब ला इ बारे मा बताइस जो यीशु हर ओकर बर करे रिहिसI ओकर कथा के सुनेया मन चकित होत जात रहिनI ![](https://cdn.door43.org/obs/jpg/360px/obs-en-32-13.jpg) यीशु झील के दूसर ओर लउट आईसI ओकर ओकरा पहुँचे के बाद, एक बड़ी भीड़ ओकर पास जमा होइन अउर ओला दबाये लागिनI ओ भीड़ मा एक महिला रिहिस जो बारह बछर ले लहू बहे के समस्या ले पीड़ित रिहिसI ओ हर अपन सारा धन चिकित्सकमन मा लगा दे रिहिस ताकि ओमन ओला ठीक कर सकें, परन्तु ओकर रोग अउर घोले बिगड़ गे रहिसI ![](https://cdn.door43.org/obs/jpg/360px/obs-en-32-14.jpg) ओहर सुने रिहिस कि यीशु हर कई बीमार मनसेमन ला ठीक करे रिहिस अउर ओहर सोंचिस, ‘’मैं निश्चिन्त हं कि यदि में मात्र यीशु के कपड़ाच ला छू लिहं, त मैं घोले ठीक हो जाहं!’’ इकरेबर ओ यीशु के पाछु ले आइस अउर ओकर कपड़ा ला छू लिसI जिसनेच ओहर ओला छुईस, लहू के बहाव हर बंद होगिसI ![](https://cdn.door43.org/obs/jpg/360px/obs-en-32-15.jpg) तुर्तेच ही, यीशु हर जान लिस कि ओकर ले सामर्थ निकरीस हे इकरेबर ओहर पाछु मुड़ के पुछिस, ‘’मोला कोने छुईस?’’ चेलामन उत्तर दीइन, ‘’एकरा येतकी सारे मनसेमन हर तोर चारों ओर भीड़ लगाईन हे, अउर तोला ढकलत हेंI त तें का बर पुछे की मोला कोने छुईस हे?’’ ![](https://cdn.door43.org/obs/jpg/360px/obs-en-32-16.jpg) ओ महिला यीशु के आघू कांपतेच अउर बनेच डरतेच अपन घुटनामन मा बइठ गिसI तहाँ ओहर ओला बता दिस कि ओहर का करत हे, अउर ए घोले कि ओहर ठीक हो गिस हेI यीशु हर ओला कहिस, ‘’तोर विश्वास हर तोला चंगा करिस हेI शांति ले जाI” *लारिया- मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_32_128kbps.m4a ## 33. एक किसान के कथा https://openbiblestories.org/l/hne-x-laria/story-33/ ![](https://cdn.door43.org/obs/jpg/360px/obs-en-33-01.jpg) एक दिन, यीशु झील के किनारे मा रिहिस। ओहर मनसेमन के एक बनेच बड़े भीड़ ला शिक्षा देत रिहिस। ओला सुनेबर इतकी जादा मनसे आइन कि यीशु ठी ओ सब्बोझन ले गोठीयाए बर ओकरा परियाप्त जगह नी रिहिस। इकरबर ओहर पानी मा खड़े डोंगा मा चढ़ गिस। ओकरा ओहर बैठ गिस अउर मनसेमन ला शिक्षा देन लगिस। ![](https://cdn.door43.org/obs/jpg/360px/obs-en-33-02.jpg) यीशु हर ओमनला ए कहानी सुनाइस, “एक किसान बीज बोंये बर बाहर निकलिस। जब ओहर हाथमन ले बीज ला छिंटत रिहिस त कुछु बीज डाहर मा गिरिस। परन्तु चिराईमन आके ओ सब बीजामन ला खा लिन।” ![](https://cdn.door43.org/obs/jpg/360px/obs-en-33-03.jpg) “दूसर बीजा पथरी भूईंया मा गिरिन जोन ठी बनेच कम माटी रिहिस। पथरीला भूईंया मा गिरे बीजामन बनेच जल्‍दी ऊग गिन, लेकिन ओमन के जरी भूईंया के गहराई मा जा नी सकिस। जब सूरुज निकलिस अउर गरमी होईस त ओ पौधामन झूरमूरा गिन अउर मर गिन।” ![](https://cdn.door43.org/obs/jpg/360px/obs-en-33-04.jpg) “तभो ले दूसर बीजामन झाड़ीमन के मांझा मा गिरिन। ओ बीजामन बढ़ेबर शुरु करिन, लेकिन काँटामन हर ओमन ला मसक दीइन। इकरबर काँटेदार भूईंया मा गिरे बीजामन ले पौधामन निकलीन, ओ पौधामन ले कोनो घोले अन्‍न निकाल नी पाईन।” ![](https://cdn.door43.org/obs/jpg/360px/obs-en-33-05.jpg) “दूसर बीजा बने भूईंया मा गिरिन। ओ बीजा बढ़ीन अउर जतकी बीजा बोय रिहिस ओकर ले 30, 60, अउर यहाँ तक ले कि 100 गुना अन्‍न निकलिस। जोन कोनो घोले परमेश्वर के पाछू चले बर चाहथे, ओहर ओ गोईठ मा ध्यान दे जोन मैं कहत हं!” ![](https://cdn.door43.org/obs/jpg/360px/obs-en-33-06.jpg) इ कथा हर चेलामन ला उलझन मा डाल दिस इकरबर यीशु हर समझाइस कि, “ओ बीजा परमेश्‍वर के वचन हे। ओ डगर एक अईसन मनसे हे जोन परमेश्वर के वचन ला सुनथे, लेकिन ओला नी बूझे। ताहाँ शैतान ओकर ठी ले वचन ला चुरा ले जाथे। माने शैतान ओला वचन ला समझे ले धुरिहा राखथे।” ![](https://cdn.door43.org/obs/jpg/360px/obs-en-33-07.jpg) “ओ पथरी भूईंया अइसे मनसे ए जोन परमेश्‍वर के वचन ला सुनथे अउर खूशी के साथ ओला मान लेथे। लेकिन जब कठीन बेरा आथे, या जब आने मनसेमन ओला दू:ख देथें, त ओहर परमेश्वर ले दूर चले जाथे। माने इकरेबर परमेश्वर ला भरोसा करेबर बंद कर देथे।” ![](https://cdn.door43.org/obs/jpg/360px/obs-en-33-08.jpg) “ओ काँटावाला भूईंया अइसे मनसे हे जोन परमेश्‍वर के वचन ला सुनथे। लेकिन ओ बनेचकुन गोइठ के बारे मा चिंता करे के शुरु कर देथे, अउर ओहर बनेच धन कमाय के कोशिश करथे, अउर ओहर बनेच कुन चीजमन ला पाय के कोशिश करथे। थोड़कुन बेरा के बाद, ओहर परमेश्वर ला माया नी कर पाईसI इकरबर जोन कुछु परमेश्‍वर के वचन ले सीखे रथे, ओ परमेश्‍वर ला खुश नी करन पाइसI ओहर गहूँ के डंठल के जईसन हे जोन कोनो अन्‍न उत्‍पन्‍न नी करे।” ![](https://cdn.door43.org/obs/jpg/360px/obs-en-33-09.jpg) “परन्‍तु बने भूईंया मा गिरे बीजा ओ मनसे हे जोन परमेश्वर के वचन ला सुनथे, ओकर विश्वास करथे, अउर फल उत्पन्न करथे।” *लारिया- मत्ती अध्याय 13:1-8, 18-23; मरकुस 4:1-8, 13-20; लूका 8:4-15 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_33_128kbps.m4a ## 34. यीशु दूसर कथामन ले शिक्षा देथे https://openbiblestories.org/l/hne-x-laria/story-34/ ![](https://cdn.door43.org/obs/jpg/360px/obs-en-34-01.jpg) यीशु हर परमेश्वर के राज्य के बारे मा आने आने बनेच कथामन सुनाईसI उदहारण बर, ओहर कहीस, “परमेश्वर के राज्य एक सरसों के बीज के समान हे जोन कोनो अपन खेत मा बों दिसI तें जानथस कि सरसों के बीज हर सब ले छोट कुन बीज होथेI” ![](https://cdn.door43.org/obs/jpg/360px/obs-en-34-02.jpg) “परन्तु जब सरसों के बीज बढ़ जाथे त ओ बगिया के सब पेड़मन मा सब ले बड़ा हो जाथेI ओ इतकी बड़ा हो जाथे कि पंछी आकर ओकर डाली मा आराम करथेI” ![](https://cdn.door43.org/obs/jpg/360px/obs-en-34-03.jpg) यीशु हर एक आने कथा बताइस, “परमेश्वर के राज्य खमीर के समान हे जोला लेके एक महिला आटा के पिंड मा मिला देथे, तहाँ ओ सारे पिंड मा फइल जाथेI” ![](https://cdn.door43.org/obs/jpg/360px/obs-en-34-04.jpg) “सरग के राज ओ खजाना के समान हे जोने काकर खेत मा छुपा दिसेI कोनों आने मनसे ला ओ खजाना मिल गिस अउर ओहर ओला पायबर बनेच इच्छा करिसI इकरेबर ओहर ओला फेन ले गाड़ दिसI ओ खुशी से इतकी भरे रिहिस कि ओहर जाके अपन सब कुछु बेच दीइस ताकि ओहर उ खेत ला खरीद सके जोन करा ओ खजाना रिहिसI” ![](https://cdn.door43.org/obs/jpg/360px/obs-en-34-05.jpg) “सरग के राज एकठन बनेच बहुमूल्य शुद्ध मोती के समान घोले हेI जब एक मोतीमन के व्यपारी ला ओ मिलीस, तो ओहर अपन सब कुछ बेच दिस ताकि ओला खरीद सकेंI” ![](https://cdn.door43.org/obs/jpg/360px/obs-en-34-06.jpg) ओ ठीन कुछु मनसे रिहिन जो सोचत रिहिन कि परमेश्वर ओ मनला इकरेबर स्वीकार करिही काबर कि ओ भले काम करत रिहिसI ए मनसेमन ला तुच्छ मानत रिहिन जोन उ भले काममन ला नी करत रिहिनI इकरेबर यीशु हर ओमन ला ए कथा बताइस: “दु मनसे रिहिन अउर दुनोच प्राथना करेबर मंदिर मा गिनI ओ मेनले एकझन कर लेवईया रिहिस, अउर दुसर एकझन धर्मी अगुवा रिहिसI” ![](https://cdn.door43.org/obs/jpg/360px/obs-en-34-07.jpg) “ओ धार्मिक अगुवा हर एइसन प्राथना करिस कि, ‘हे परमेश्वर, तोर धन्यवाद हो कि मै आने मनसे मन के समान पापी नी अं- जैसन कि डाकू, अन्यायी मनसे, बेभिचारी, या यहँ तक ले कि यहाँ पर उपस्थित उ कर लेवईया के समान एकठन पापी नी अंI’” ![](https://cdn.door43.org/obs/jpg/360px/obs-en-34-08.jpg) “उदाहरण बर, में हर सप्ताह मा दु बार उपास रखत हों, अउर मै मोला मिले वाला धन अउर सम्पति के दसवां हिस्सा तोला देवत होंI ![](https://cdn.door43.org/obs/jpg/360px/obs-en-34-09.jpg) ‘’परन्तु ओ कर लेवईया ओ धार्मिक अगुवे ले बनेच दुरिहा मा खड़ा हो गिसI ओहर उपर सरग तरफ आँखिला घोले नी उठाईसI इकरे अलावा ओहर अपन मुट्ठी ले अपन छाती ला पीटीस अउर प्राथना करिस, ‘हे परमेश्वर, दया करके मोला क्षमा कर काबर कि मै एक पापी होंI” ![](https://cdn.door43.org/obs/jpg/360px/obs-en-34-10.jpg) फेन यीशु हर कहिस, ‘’में तोला सच कह्थों, परमेश्वर हर ओ कर लेवईया के प्राथना ला सुनिस अउर ओला धर्मी घोषित करिसI परन्तु ओहर ओ धार्मिक अगुवे के प्राथना ला पसंद नी करिसI इकरबर परमेश्वर हर एकझन जोन घमंडी हे, ओला निरादर करिही, परन्तु ओहर हर एक मनसे कर आदर करिहि जो स्वयं ला नम्र करथेI *लारिया- मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_34_128kbps.m4a ## 35. दयालु पिता के कथा https://openbiblestories.org/l/hne-x-laria/story-35/ ![](https://cdn.door43.org/obs/jpg/360px/obs-en-35-01.jpg) एक दिन, यीशु उ बनेच मनसेमन ला शिक्षा देत रिहिस जोन ओकर सुनेबर जमा होए रिहिनI ये मनसेमन कर लेवईया अउर संगेच अन्य मनसे घलो रिहिन जोनमन मूसा के व्यवस्था ला पालन करे के परयास नी करे रिहिन। ![](https://cdn.door43.org/obs/jpg/360px/obs-en-35-02.jpg) कुछु धरम गुरुमन देखीन कि यीशु ई मनसेमन ले एकठन मित्र के समान गोठीयात रिहिस। इकरबर ओमन एक-दूसर ले येला कहे बर शुरु करिन कि ओहर गलत करत रिहिस। यीशु हर ओमनला इ गोइठमन करत सुनिस, इकरबर ओहर ओमनला ए कथा ला बताईस। ![](https://cdn.door43.org/obs/jpg/360px/obs-en-35-03.jpg) “एक मनसे रिहिस जेकर दूठन बेटा रिहिन। छोटे बेटा हर आपन बाप ला कहिस, ‘हगा बाप, मोला अभीच्‍चे मोर संपती के बांटा चाहीं!’ अत: बाप हर आपन दुनो बेटामन के बीच मा आपन संपत्ति के बंटवारा कर दिस ” ![](https://cdn.door43.org/obs/jpg/360px/obs-en-35-04.jpg) “तुर्तेच छोटे बेटा हर आपन सब कुछु जमा करके दूर देश ला चल दिस अउर पापमय जीवन जिये मा आपन संपत्ति ला बर्बाद कर दिसI” ![](https://cdn.door43.org/obs/jpg/360px/obs-en-35-05.jpg) “इकर बाद, जोन ठी छोटे बेटा रिहिस उ देश मा एकठन भयंकर अकाल पड़ीस, अउर ओकर ठी खाना खरीदे बर पैसा नी रिहिस। इकरबर ओला जोन बूता मिलिस ओहर सुरामन ला चराय के रिहिस। ओहर इतकी दू:खी अउर भूखा रिहिस कि ओहर सूरामन के चारा ला खायबर चाहत रिहिस।“ ![](https://cdn.door43.org/obs/jpg/360px/obs-en-35-06.jpg) “आखिर मा, ओ छोटे बेटा हर अपनेच ले कहिस, ‘मै इकरा का करत हों? मोर बाप के सब्‍बों नौकरमन करा खाय बर बनेच जादा हे, परन्तु मै इकरा भूखन मरत हों। मै आपन बाप के पास वापस चल दिहों अउर आपन बाप ले विनती करिहों कि आपन एक नौकर के समान मोला राख लेI” ![](https://cdn.door43.org/obs/jpg/360px/obs-en-35-07.jpg) “अत: ओ छोटे बेटा हर आपन बाप के घर के तरफ वापस जाय बर शुरु करिस। जब ओहर अभी दुरिहाच मा रिहिस, ओकर बाप हर ओला देखिस अउर ओकर उपर तरस खाईस। ओहर कूदत-कूदत आपन बेटा ठी गिस अउर ओला गले लगा के चूमिस।“ ![](https://cdn.door43.org/obs/jpg/360px/obs-en-35-08.jpg) “ओ बेटा हर कहिस, ‘हगा बाप, मै हर परमेश्वर अउर तोर विरुद्‍ध मा पाप करें हों। मै तोर बेटा कहलाय के लायक घोले नी हों।‘“ ![](https://cdn.door43.org/obs/jpg/360px/obs-en-35-09.jpg) “लेकिन बाप हर आपन एक ठी नौकर ला कहिस, ‘तुर्तेच जाके सब ले बढीया कपड़ा लेके आव अउर मोर बेटा ला पहिराव! ओकर ऊंगली मे मूंदी अउर गोड़ मा जूता पहिराव। फेन सबले बढ़िया बकरा ला मार ताकि हमन खाबो अउर तिहार मनाबो, काबर कि मोर बेटा मर गे रिहिस, लेकिन अब ओहर जीयत हे! ओहर गवां गे रिहिस, लेकिन अब हमन ओला पा ले हन!’” ![](https://cdn.door43.org/obs/jpg/360px/obs-en-35-10.jpg) “इकरबर मनसे मन तिहार मनाय के शुरु करिन। कुछ बेरा बीतिस, बड़े बेटा खेत ले बूता करके घर आईस। ओहर संगीत अउर नाच के आवाज ला सुनिस अउर चौंक गिस कि येहर का होत रिहिस।“ ![](https://cdn.door43.org/obs/jpg/360px/obs-en-35-11.jpg) “जब बड़खा बेटा ला पता चलिस कि ओमन इकरबर तिहार मनात हें काबर कि ओकर भाई घर आगे रिहिस, त ओहर बनेच रिसा होईस अउर घर मा नी पेलिस। ओकर बाप हर बाहर आके ओला ओमन के संग तिहार मनाये बर विनती करिस, लेकिन ओहर मना कर दिस “ ![](https://cdn.door43.org/obs/jpg/360px/obs-en-35-12.jpg) “ओ बड़े बेटा हर आपन बाप ले कहिस, इ सब बछरमन मा मै तोर बर ईमानदारी से बूता करें! कभू घोले तोर गोइठ ला नी टालें, लेकिन तैं हर कभू मोला एक छोट कन छेरी ला घोले नी दे ताकि मै आपन संगवारीमन के संग भूजी कर सकों। लेकिन तोर इ बेटा हर तोर धन ला पाप काम करे मे बरबाद कर दिस। अउर अब जब ओहर आये हे त ओकर बर तिहार मनाय बर तें सबले बढ़िया बकरा ला मार डाले!” ![](https://cdn.door43.org/obs/jpg/360px/obs-en-35-13.jpg) “बाप हर उत्‍तर दिस, ‘हे मोर बेटा, तें हमेशा मोर संग हस, अउर जोन कुछ मोर हे ओ सब कुछ तोर ये। लेकिन हमर बर तिहार मनाना सही हे काबर कि तोर भाई मर गे रिहिस, लेकिन अब ओहर जिंदा हे। ओह गवां गे रिहिस, लेकिन अब हमन ओला पा गे हन!’” *लूका अध्याय 15:11-32 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_35_128kbps.m4a ## 36. रूपांतरन https://openbiblestories.org/l/hne-x-laria/story-36/ ![](https://cdn.door43.org/obs/jpg/360px/obs-en-36-01.jpg) एक दिन, यीशु हर अपन तीन चेलामन ला, पतरस, याकूब, अउर यूहन्ना ला अपन संग मा लिसI (इ यूहन्ना नाम के एक चेला ओ मनसे नी ए जोन हर यीशु ला बपतिस्मा दे रिहिस) ओमन प्राथना करे बर एक ऊँचा पहाड़ के ऊपर गिनI ![](https://cdn.door43.org/obs/jpg/360px/obs-en-36-02.jpg) जब यीशु प्राथना करत रिहिस त ओकर चेहरा सूरज के समान उज्जवल होगिसI ओकर कपड़ा अंजोर के समान सफेद होगिस, पृथ्वी मा कोनो कर सकें ओकर ले घोले बढ़ कर सफेदI ![](https://cdn.door43.org/obs/jpg/360px/obs-en-36-03.jpg) तहाँ मूसा अउर एलिय्याह भविष्यवक्ता प्रगट होइनI ए पुरुष इ पृथ्वी मा इ समय ले सैकड़ों बछर आघुले रहत रिहिनI ओमन यीशु से ओकर मृत्यु के विषय मा बात करिन, काबर कि ओहर जल्दी ही यरूशलेम मा मर जाहीI ![](https://cdn.door43.org/obs/jpg/360px/obs-en-36-04.jpg) जब मूसा अउर एलिय्याह यीशु ले गोठियात रिहिन तहाँ पतरस हर यीशु ला कहिस, “हमर बर यहाँ रहे के अच्छा हेI हमन तीन मंडपमन ला बनाबो, एक तोर बर, एक मूसा बर, अउर एक एलिय्याह बरI” परन्तु पतरस नी जानत रिहिस कि ओ का कहत हेI ![](https://cdn.door43.org/obs/jpg/360px/obs-en-36-05.jpg) जब पतरस गोठियात रिहिस, तो एक चमकीला बादर नीचे आके ओमन के ऊपर छागिसI फेन ओमन हर बादर मे ले एक आवाज ला आत सुनिनI ओ हर कहिस, “इहर मोर बेटा हे जोन ला मैं माया करथोंI मैं ओकर ले खुश होंI ओकर सुन’’ ओ तीनों चेलामन डर गिन अउर भुइयाँ मा गिर पड़ींनI ![](https://cdn.door43.org/obs/jpg/360px/obs-en-36-06.jpg) तहाँ यीशु हर ओमन ला छुईस अउर कहिस, ‘’डरव मतI उठ जावI’’ जब ओमन हर चारों तरफ देखीन, त यीशु ला छोड़ अपन संग मा अउर कोनो ला नी देखिनI ![](https://cdn.door43.org/obs/jpg/360px/obs-en-36-07.jpg) यीशु अउर ओमन तीनों चेला ओ पहाड़ ले वापिस नीचे उतर आइनI तब यीशु हर ओमन ला कहिस, “अभी जोन इकरा होइस ओकर चर्चा कोनो ठी नी करिहI मैं तुरंत मर जाहां अउर फेन जीवित हो जाहांI ओकर बाद,तुमन मनसेमनला बता सकीहI’’ *लारिया: मत्ती अध्याय 17:1-9; मरकुस 9:2-8; लूका 9:28-36 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_36_128kbps.m4a ## 37. यीशु लाजर ला मरे मा ले जियांथे https://openbiblestories.org/l/hne-x-laria/story-37/ ![](https://cdn.door43.org/obs/jpg/360px/obs-en-37-01.jpg) लाजर नाम के एक मनसे रिहिसI ओकर दुठीन बेहनीमन रिहिन जेकर नाम मरियम अउर मार्था रिहिसI ओमन सब यीशु के घनिष्ट मित्र रिहिनI एक दिन, कोनो हर यीशु ला बताईस कि लाजर बनेच बीमार रिहिसI जब यीशु हर ए सुनिस तहाँ ओ हर कहिस, ‘’ए बीमारी मृत्यु बर नोहे बल्कि परमेश्वर के महिमा बर हे, ताकि मनसेमन परमेश्वर के आदर करिहिंI’’ ![](https://cdn.door43.org/obs/jpg/360px/obs-en-37-02.jpg) यीशु अपन मित्र मन ले माया करत रिहिस, परन्तु जोन करा ओ रिहिस ओकरा ओहर दो दिन ले अगोरिसI उ दो दिन के बाद, ओहर अपन चेलामन ला कहिस, ‘’आव, वापिस यहूदा प्रदेश ला चलबोI ‘’चेलामन उत्तर दिन, “परन्तु हे गुरु, अभीच कुछु समय आघू ओठी मनसेमन तोला मार डालेबर चाहत रिहिन!’’ यीशु हर कहिस, ‘’हमर संगी लाजर हर सुतगिसे, अउर मोला ओला जगाना हेI’’ ![](https://cdn.door43.org/obs/jpg/360px/obs-en-37-03.jpg) यीशु के चेलामन उत्तर दिन, ‘’हे प्रभु, यदि लाजर हर सुतत हे, त ओहर ठीक हो जाहीI‘’ तहाँ यीशु हर ओमन ला साफ साफ कह दिस, ‘’लाजर मर गिसेI मैं आनन्दित हं कि मैं ओकरा नी रहें, ताकि तू मन मोर उपर विश्वास कर सकिहI’’ ![](https://cdn.door43.org/obs/jpg/360px/obs-en-37-04.jpg) जब यीशु लाजर के गाँव पहुंचिस त लाजर ला मरब चार दिन होगे रिहिसI मार्था यीशु ले भेट करे बर बाहर आइस अउर कहिस, ‘’हे प्रभु अगर तें इकरा होते त मोर भाई नी मरे रतिसI परन्तु मैं विश्वास करत हं कि जोन कुछु तें परमेश्वर ले मांगबे ओहर तोला दिहीI’’ ![](https://cdn.door43.org/obs/jpg/360px/obs-en-37-05.jpg) यीशु हर उत्तर दिस, ‘’पुनरुत्त्थान अउर जीवन मैं हंI जोन कोनो मोर उपर विश्वास करथे यदि ओहर मर घोले जाही तभो ले जीहीI जोन कोनो मोर उपर विश्वास करथे ओहर कभू नी मरेI का तें इकर उपर विश्वास करथस?” मार्था हर उत्तर दिस, “हे प्रभु, मैं विश्वास करत हं कि तें परमेश्वर के बेटा मसीह हसI’’ ![](https://cdn.door43.org/obs/jpg/360px/obs-en-37-06.jpg) तहाँ मरियम आईस ओहर यीशु के पाँव मा गिर के कहिस, ‘’हे प्रभु, यदि ते इकरा होते त मोर भाई नी मरे रतिसI’’ यीशु हर ओला पुछिस, ‘’तुमन लाजर ला कोन करा राखे ह?’’ ओमन ओला बताईन, ‘’कबर ठीI आ अउर देख लेI’’ तहाँ यीशु हर रोये लागिसI ![](https://cdn.door43.org/obs/jpg/360px/obs-en-37-07.jpg) ओ कबर एकठन गुफा रिहिस जेकर दुआर मा एकठन पथरा ला लुढ़काये गे रिहिसI जब यीशु कबर ठीन पहुचिस त ओहर ओमनला कहिस, ‘’पथरा ला हटा दI‘’ परन्तु मार्था हर कहिस, “ओला मरे चार दिन हो गेहेI ओमे ले दुर्गन्ध आत होहीI’’ ![](https://cdn.door43.org/obs/jpg/360px/obs-en-37-08.jpg) यीशु हर उत्तर दिस, ‘’का मैं तोला नी कहे रहें कि यदि तें मोर उपर विश्वास करबे त परमेश्वर के सामर्थ ला देखबे?’’ इकरे बर ओमन पथरा ला हटा दीइनI ![](https://cdn.door43.org/obs/jpg/360px/obs-en-37-09.jpg) तहाँ यीशु हर उपर सरग अंग देख के कहिस, ‘’हे पिता, मोर सुने बर मैं तोला धन्यवाद करथोंI मैं जानथों कि तें हमेशा मोर सुनथस, परन्तु में इहर इकरा खड़े इ सब मनसेमन के सहायता करे बर कहें ताकि इमन विश्वास करिहिं कि तें मोला भेजे हसI’’ तहाँ यीशु हर नरियाइस, ‘’हे लाजर बाहर निकर आI’’ ![](https://cdn.door43.org/obs/jpg/360px/obs-en-37-10.jpg) अतः लाजर बाहर निकर आइस! ओहर अभीच घोले कफन मा लपटाए रिहिसI यीशु हर ओला कहिस, ‘’इ कफन ला निकारे बर ओकर मदत कर अउर ओला आजाद करI’’ इ चमत्कार के खातिर बनेच यहूदीमन यीशु उपर विश्वास करिनI ![](https://cdn.door43.org/obs/jpg/360px/obs-en-37-11.jpg) परन्तु यहूदीमन के धार्मिक अगुवामन यीशु ले जले लागिन, इकरेबर ओमन योजना बनाये बर एक संग इकट्टा होईन कि कइसन यीशु अउर लाजर ला मार डाले जाएI *लारिया- यूहन्ना 11:1-46 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_37_128kbps.m4a ## 38. यीशु ला धराये जाथे https://openbiblestories.org/l/hne-x-laria/story-38/ ![](https://cdn.door43.org/obs/jpg/360px/obs-en-38-01.jpg) हर बछर, यहूदी मनसे फसह के तिहार मनात रिहिनI इहर इ बारे मा एक तिहार रिहिस, कि कइसन कई शताब्दियों आघू परमेश्वर हर ओमन के पूर्वजमन ला मिस्र देश के बंधन ले छुड़ाए रिहिसI यीशु द्वरा पहली बार सार्वजनिक रूप ले प्रचार करे अउर शिक्षा दे बर शुरुवात करे के लगभग तीन बछर बाद, यीशु हर अपन चेलामन ला कहिस कि ओहर इ फसह ला ओमन के संग यरूशलेम मा मनाये बर चाहत हे, अउर येहर घोले कि ओला ओठीन मार डाले जाहीI ![](https://cdn.door43.org/obs/jpg/360px/obs-en-38-02.jpg) यीशु के चेलामन ले एक यहूदा नाम के मनसे रिहिसI यहूदा ला प्रेरितमन के धन के झोला राखे के जिम्मेदारी रिहिस, परन्तु अक्सर ओ ओ झोला मे ले पैसा चुरा लेत रिहिसI यीशु अउर चेलामन के यरूशलेम मा पहुंचे के बाद यहूदा यहूदी अगुवामन ठी गिसI ओहर धन के बदले मा अधिकारीमन ला यीशु के पहचान बताये बर ओला ओमन के हाँथ पकडवाए बर प्रस्ताव राखिसI ओहर जानत रिहिस की यहूदी अगुवामन स्वीकार नी करत रिहिन कि यीशुच मसीह रिहिसI ओहर जानत रिहिस कि ओमन ओला मार डारे बर चाहत रिहिनI ![](https://cdn.door43.org/obs/jpg/360px/obs-en-38-03.jpg) महागुरु के कहे ले यहूदी अगुवामन हर यीशु ला ओकर हाँथ मा पकडवाए बर यहूदा ला तीस चांदी के सिक्का दिनI इहर उसनेच परकार ले होईस जईसन कि भविष्यवक्ता हर कहे रिहिस कि होहीI यहूदा मान गिस अउर धन लेके चल दीसI ओहर यीशु ला गिरफ्तार करे बर ओमन के मदत करे बर कोनो मौका के खोज मा रहे लागिसI ![](https://cdn.door43.org/obs/jpg/360px/obs-en-38-04.jpg) यरूशलेम मा, यीशु हर अपन चेलामन के संग फसह के तिहार ला मनाईसI फसह के भोज के बेरा मा, यीशु हर रोटी लेके टोरिसI ओहर कहिस, ‘’इला ल अउर खावI इ हर मोर शरीर ए जोन मैं तुमहर बर दे थोंI इला मोर याद मा करिहI‘’ इ रीती मा, यीशु हर कहिस कि ओहर ओमन बर मर जाही, अर्थात ओहर अपन शरीर ला बलि चढ़ा दिहीI ![](https://cdn.door43.org/obs/jpg/360px/obs-en-38-05.jpg) फेन यीशु हर एकठन दाखरस के कटोरा लिस अउर कहिस, ‘’इला पि लI इहर नई वाचा के मोर लहू हे जोन ला मैं उंडलिहं ताकि परमेश्वर तू मन के पापमन ला क्षमा करिहीI तुमन घोले इ ला करिह जोन कुछु मैं अभी करतहं, ताकि हर बार जब तुमन इला पिह त तुमन मोला याद करिहI’’ ![](https://cdn.door43.org/obs/jpg/360px/obs-en-38-06.jpg) तहाँ यीशु हर अपन चेला मन ला कहिस, ‘’तू मन ले एक जन मोला पकड़वाहीI‘’ चेलामन चौंक गिन, अउर पूछेबर लागिन कि कोने इ काम करिहीI यीशु हर कहिस, ‘’मोर पकडवेइया मनसे ओ हे जोन ला मैं इ रोटी के टुकड़ा देथोंI’’ तहाँ ओहर ओ रोटी ला यहूदा ला दिसI ![](https://cdn.door43.org/obs/jpg/360px/obs-en-38-07.jpg) ओ रोटी ला ले के बाद, यहूदा मा शैतान समागिसI यहूदा निकर के यीशु ला गिरफ्तार करे बर यहूदी अगुवामन के मदत करे चल दिसI इ हर रात के समय रिहिसI ![](https://cdn.door43.org/obs/jpg/360px/obs-en-38-08.jpg) भोजन के बाद, यीशु अउर ओकर चेलामन जैतून पहाड़ ला चल दीनI यीशु हर कहिस, ‘’तुमन सब आज रात मोला छोड़ दिहI इहर लिखाए हे, ‘’मैं चरवाहा ला मारिहं अउर सबेच भेड़मन तितर-बितर हो जाहींI” ![](https://cdn.door43.org/obs/jpg/360px/obs-en-38-09.jpg) पतरस हर उत्तर दिस, ‘’भलेच बाकि सब तोला छोड़ दिहीं, में नी छोड़अं!’’ तहाँ यीशु हर पतरस ला कहिस, ‘’शैतान तुमन ला ले बर चाहथे, परन्तु हे पतरस,मैं तोर बर विनती करे हों कि तें विश्वास ले चुक नी जाबेI फेन घोले, आज के रात कूकरी के नरियाये के पहिले तें तीन बार इंकार करबे कि तै मोला जानत घोले नी असI” ![](https://cdn.door43.org/obs/jpg/360px/obs-en-38-10.jpg) पतरस हर तहाँ यीशु ले कहिस, ‘’भलेच मैं मर घोले जाहाँ, मैं कभू घोले तोर इंकार नी करवंI” बाकि सब चेलामन घोले उसनेच कहिनI ![](https://cdn.door43.org/obs/jpg/360px/obs-en-38-11.jpg) तहाँ यीशु अपन चेला मन के संग गतसमनी नाम के जगह मा गिसI यीशु हर अपन चेलामन ले प्राथना करेबर कहिस ताकि शैतान ओकर परीक्षा नी करेI तहाँ यीशु प्राथना करेबर चल दिसI ![](https://cdn.door43.org/obs/jpg/360px/obs-en-38-12.jpg) यीशु हर तीन घा प्राथना करिस, ‘’हे मोर पिता, यदि सम्भव हो तो कृपा करके इ दुःख के कटोरा पिये बर मोला नी देI परन्तु यदि मनसेमन के पाप क्षमा करे जाये बर कोनो अउर रास्ता नी हे, त तोरेच इच्छा पूरी होहीI‘’ यीशु बनेच व्याकुल रिहिस अउर ओकर पसीना लहू के बूँदमन के समान रिहिसI ओला सामर्थ दे बर परमेश्वर हर एक स्वर्गदूत ला भेजिसI ![](https://cdn.door43.org/obs/jpg/360px/obs-en-38-13.jpg) हर बार प्राथना के बाद, यीशु अपन चेलामन के तीर ला वापिस आइस, परन्तु ओमन सूत गे रिहीनI जब यीशु तीसरी बार लौटिस त यीशु हर कहिस, ‘’जाग जाव! मोर पकड़वेईया इठी हेI” ![](https://cdn.door43.org/obs/jpg/360px/obs-en-38-14.jpg) तहाँ यहूदी अगुवामन, सैनिकमन, अउर एकठी बड़ी भीड़ के साथ मा यहूदा आईसI ओमनहर तलुआर अउर लाठीमन ले रिहिनI यहूदा हर यीशु के तीर ला आके ओला कहिस, ‘’हे गुरु, प्रणाम, ’’अउर ओला चुम्मा लिसI ओहर गिरफ्तार करे जाये के मनसे ला यहूदी अगुवामन ला दिखाए बर एसन करे रिहिसI तहाँ यीशु हर कहिस, ‘’हे यहूदा, का तू एकठन चुम्मा ले मोला पकड़वा थस?’’ ![](https://cdn.door43.org/obs/jpg/360px/obs-en-38-15.jpg) जब ओ सैनिक यीशु ला पकड़त रिहिन, त पतरस हर अपन तलुआर निकारिस अउर महागुरु के एक सेवक कर कान ला काट दीइसI यीशु हर कहिस, ‘’तलुआर ला दूर कर! मैं अपन पिता ले मोर बचाव करेबर सरगदुत के एक सेना बर विनती कर सकत हंI परन्तु मोला मोर पिता के गोइठ मानेबर हेI’’ तहाँ यीशु हर ओ मनसे के कान ला ठीक कर दीइसI तहाँ सब चेलामन भाग गिनI *लारिया- मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 तक बाइबिल एक एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_38_128kbps.m4a ## 39. यीशु के ऊपर नालिस चलिस https://openbiblestories.org/l/hne-x-laria/story-39/ ![](https://cdn.door43.org/obs/jpg/360px/obs-en-39-01.jpg) अब इहर आधी रात के बेरा रिहिस। ओ सिफाही यीशु ला बड़े धरमगुरु के घर ले आईन, काबर कि ओहर यीशु ले सवाल करे बर चाहत रिहिस। पतरस दूरिहा ले ओमनके पिछा करत रिहिस। जब सिपाही यीशु ला घर मा लेगिन, त पतरस बाहर रुक के आगी तापे लगिस। ![](https://cdn.door43.org/obs/jpg/360px/obs-en-39-02.jpg) घर के भीतर, यहूदी अगुवामन यीशु के उपर मुकदमा चलाईंन। ओमन ओकर विरुद्‍ध झूठा गोईठमन ला कहे बर बनेच झूठा साखीमन ला लेके आईन। हालाकि, ओमनके बयान एक दूसर ले मेल नी खात रिहिस, इकरबर यहूदी अगुवामन इ साबित नी कर पाईन कि ओ हर कोनो बात के दोषी रिहिस। यीशु हर कुछु नी कहिस। ![](https://cdn.door43.org/obs/jpg/360px/obs-en-39-03.jpg) आखरी मा, बड़े धरमगुरु हर सीधा यीशु ला देख के कहिस, “ हमनला बता कि का तैंच जीवित परमेश्‍वर के बेटा मसीह हस?” ![](https://cdn.door43.org/obs/jpg/360px/obs-en-39-04.jpg) यीशु हर कहिस, “मे हं, अउर तुमन मोला परमेश्‍वर के संग बईठे अउर सरग ले आत घोले देखीह।“ बड़े धरमगुरु हर आपन कपड़ा ला चीर दीस काबरकि जोन यीशु हर कहिस ओहर ओ बात ले बनेच रिसा होगे रिहिस। ओहर आने धरम गुरुमन के उपर नरियाईस, “हमनला इ बताय बर कोई अउर साखी के जरुरत नी ये कि इ मनसे हर का करिस हे! तुमन खूद हि ओला इसने कहत सूने ह कि ओहर परमेश्‍वर के बेटा एI ओकर बारे मा तुंहर मन के का राय हे?” ![](https://cdn.door43.org/obs/jpg/360px/obs-en-39-05.jpg) सब यहूदी अगुवामन हर बड़े यहुदी धरम गुरु ला जवाब दिन, “ओहर मरे के लायक हे!“ तब ओमन यीशु के आँखी मा पट्‍टी बाँध दिन, ओकर उपर थूंकिन, ओला पिटिन, अउर ओकर मजाक उड़ाईन। ![](https://cdn.door43.org/obs/jpg/360px/obs-en-39-06.jpg) अउर पतरस, जब ओहर घर के बाहर अगोरत रिहिस। तब एक नौकरानी हर ओला देखिसI ओहर ओला कहिस, “तैं घोले यीशु के संग रहे!” पतरस हर मना कर दीस। बाद मा, कोई आने लड़की हर इच बात ला कहिस, अउर पतरस हर फेन ले मना कर दीस। बाद मा आने कड़की हर इ बात ला कहिस, अउर पतरस हर फेन ले मना कर दिसI आखिर मा, कुछु मनसेमन कहिन, “हमन जानत हन कि तैं यीशु के संग रहे काबर कि तुमन दुनों गलिल ले ह।“ ![](https://cdn.door43.org/obs/jpg/360px/obs-en-39-07.jpg) तहाँ पतरस हर कहिस, “अगर में इ मनसे ला जानत हं त परमेश्‍वर मोला सराप दे!’’ तुर्तेच पतरस के इसने किरिया खाय के बाद, एकठन कूकरा हर बासीस। यीशु पीछु लहूँट के पतरस ला देखिस। ![](https://cdn.door43.org/obs/jpg/360px/obs-en-39-08.jpg) पतरस ओ ठी ले चल दीस अउर बिलक-बिलक के रोईस। ओइच बेरा मा, यीशु ला पकडवाए वाला यहूदा हर देखिस कि यहूदी अगुवामन यीशु ला मृत्यु दंड दे रिहिनI यहुदा बनेच दु:खी होगिस अउर जाके अपन आप ला मार डालिस। ![](https://cdn.door43.org/obs/jpg/360px/obs-en-39-09.jpg) अभी उ देश के राजा पिलातुस रिहिसI ओहर रोमी सरकार बर काम करत रिहिस। यहूदी धरम गुरुमन यीशु ला ओकर ठी लेके आईन। ओमन चाहत रिहिन कि पिलातुस ओला मृत्युदंड दे अउर ओला मार डारे। तहाँ पिलातुस हर यीशु ले पुछिस, “का तैं यहुदी मन के राजा हस?” ![](https://cdn.door43.org/obs/jpg/360px/obs-en-39-10.jpg) यीशु हर उत्‍तर दिस, “तैंहर सच ला कहे हस। लेकिन मोर राज पाठ ईंहा पृथ्वी के नोहे। अगर होतिस त मोर सैनिकमन मोर बर लड़ाई करतिन। मैं पृथ्‍वी मा परमेश्वर के बारे मा सच बताय बर आए हों। हर ओ मनसे जोन सच ला माया करथे ओहर मोर सूनथे।“ पिलातुस हर कहिस, “त सच का हे?” ![](https://cdn.door43.org/obs/jpg/360px/obs-en-39-11.jpg) यीशु के संग गोठियाए के बाद, पिलातुस हर बाहर भीड़ करा जाके कहिस, “मैं इसने कोनों कारन नी पायें कि इ मनसे मार डाले जाय के लायक हे।“ लेकिन यहूदी धरम गुरुमन अउर भीड़ हर नरिया के कहिन, “ओला कुरुस मा चढ़ा द!“ पिलातुस हर उत्‍तर दीइस, “ओहर कुछु घोले गलत करे के दोषी नी होए।“ लेकिन ओमन अउर घोले जोर ले नरियाय लागिन। तहाँ पिलातुस हर तिसर बार कहिस, “ओहर दोषी नी ए!” ![](https://cdn.door43.org/obs/jpg/360px/obs-en-39-12.jpg) पिलातुस डर गिस कि ओ भीड़ हर हूड़दंगा शुरु कर दीहि, इकरबर ओहर अपन सैनिकमन दूवारा यीशु ला कुरुस मा चढ़ाय बर मान गिस। रोमी सिपाहीमन यीशु ला कोड़ा मारिन, अउर ओला राजा के जइसन अंगरखा पहनाईनI अउर ओकर मुड़ मा कांटा के बने मुकूट ला राखिन। तहां ओमन इ कहके ओकर मजाक उड़ाय लागिन, “देख, यहूदिमन के राजा!” *लारिया- मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_39_128kbps.m4a ## 40. यीशु ला क्रूस मा चढाए जाथे https://openbiblestories.org/l/hne-x-laria/story-40/ ![](https://cdn.door43.org/obs/jpg/360px/obs-en-40-01.jpg) यीशु के उपहास करे के पीछू, सिपाही ओला कुरूस मा चड़ाए बर लेगीनI ओमन ओ कुरुस ला ओक्रेच ले उठवाइन जोन मा ओला मरना रिहिसI ![](https://cdn.door43.org/obs/jpg/360px/obs-en-40-02.jpg) ओ सिफाही यीशु ला ओ जगह ला लेके आइन जोन ला ‘’खोपड़ी‘’ कथें अउर ओकर हाँथ अउर गोड मन ला कुरूस मा पिट दीइनI परन्तु यीशु हर कहिस, ‘’हे पिता, इमन ला माफ कर, काबर कि इ मन नी जाने कि इमन का करत हेंI” ओमन ओकर सर के उपर कुरूस मा एकठन तख्ती ला लटका दीइनI ओमे लिखाये रिहिस, ‘’यहूदीमन के राजाI‘’ पिलातुस हर ओमन ले इच लिखे बर कहिसI ![](https://cdn.door43.org/obs/jpg/360px/obs-en-40-03.jpg) तहाँ सिपाहीमन यीशु के कपड़ा बर चिठिमन डारिनI जब ओमन एइसन करिन त ओमन ओ भविष्यवाणी ला पूरा करिन जोन मा कहे गे रिहिस, ‘’ओमन हर मोर कपड़ामन ला आपस मा बाँट लीन, अउर मोर कपड़ा बर पर्ची डालिनI’’ ![](https://cdn.door43.org/obs/jpg/360px/obs-en-40-04.jpg) ओकरा दुठन डाकू घोले रिहिन, जोन मन ला सैनिकमन ओइच समय मा कुरूस मा चढ़ाए रिहिनI ओमन हर ओमन ला यीशु के दुनो अंग कुरुस मा चढ़ाए रिहिनI ओमन ले एक डाकू हर यीशु के मजाक उड़ाईस, दूसरा हर कहिस, का तें नी डरास कि परमेश्वर हर तोला सजा दिही? हमन त बनेच ख़राब काममन ला करेके दोषी माने गेहन, लेकिन इ मनसे निर्दोष हेI’’ फेन ओहर यीशु ला कहिस, ‘’जब तें आपन राज्य मा आबे तें कृपा करके मोला सुरता राख बेI‘’ यीशु हर उत्तर दीस, ‘’आजेच तें मोर संग सरग लोक मा होबेI’’ ![](https://cdn.door43.org/obs/jpg/360px/obs-en-40-05.jpg) तहाँ यहूदी धरम गुरु अउर भीड़ के आने मनसेमन यीशु के मजाक उडाये लागिन, ओमन हर ओला कहिन, ‘’अगर तें परमेश्वर के बेटा हस, त कुरूस ले तरी उतर आ अउर अपन ला बचा ले ! तहाँ हमन तोर उपर विश्वास करबोI‘’ ![](https://cdn.door43.org/obs/jpg/360px/obs-en-40-06.jpg) तहाँ ओ सारा देश मा आकाश पूरी तरह करिया हो गिस, यदपि ओहर मझन के बेरा रिहिसI इ हर बेला के समय करिया होए रिहिस अउर तीन घंटा ले उसनेच रिहिसI ![](https://cdn.door43.org/obs/jpg/360px/obs-en-40-07.jpg) तहाँ यीशु हर नरिया के कहिस, ‘’पूरा होगे! हे पिता, मैं अपन आत्मा तोर हाँथ में सोंपत हंI’’ तहाँ ओहर अपन मुड ला झुकाईस अउर अपन जीवन ला छोड़ दीसI जब ओहर मरिस त एकठन भूकंप आइसI ओ बड़े पर्दा जोन परमेश्वर के उपस्थिति ले मनसेमन ला अलग करत रिहिस उपर ले तरी के ओर चिराके दुबांटा होगिसI ![](https://cdn.door43.org/obs/jpg/360px/obs-en-40-08.jpg) आपन मरेके खातिर, यीशु हर मनसेमन बर परमेश्वर ठीन आये के द्वार खोल दीसI जब यीशु के पहरेदारी करे वाला एकठन सैनिक जोन कुछु होए रिहिस इ सब देखिस त ओहर कहिस, ‘निश्चय हे, इ मनसे निर्दोष रिहिसI इहर परमेश्वर के बेटा हेI ![](https://cdn.door43.org/obs/jpg/360px/obs-en-40-09.jpg) तहाँ यूसुफ अउर निकुदेमुस नाम के दूठन यहूदी धरम गुरु आइनI ओमन विश्वास करत रिहिन कि यीशुच मसीह रिहिसI ओमन पिलातुस ले यीशु के शरीर ला मांगिनI ओमनहर ओकर शारीर ला कपड़ा मा लपेट लीनI तहाँ ओमन ओला एक पठार ले काट के बने रिहिस कबर मा ले गिन अउर ओकर भीतर मा राख दिनI तहाँ ओमन उ कबर के मुहुटा ला बंद करेबर एकठन बडखा पथर ला लुढ़का दिनI *लारिया- मत्ती 27:27-61; मरकुस 15:16-47; लूका 23:26-56; यूहन्ना 19:17-42 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_40_128kbps.m4a ## 41. परमेश्वर यीशु ला मरे मा ले जिया थे https://openbiblestories.org/l/hne-x-laria/story-41/ ![](https://cdn.door43.org/obs/jpg/360px/obs-en-41-01.jpg) सिफाहीमन ठीले यीशु ला कुरूस मा चढ़ा देके बाद, यहूदी धरमगुरुमन पिलातुश ले कहिन, ’’ओ झूठा, यीशु हर कहे रिहीस कि ओहर तीन दिन के पाछु मरे मा ले जी उठीहीI कोनोहों ला इ निश्चित करेबर कबर के पहरा करेबर होही कि ओकर चेलामन ओकर शरीर चुराके नी ले जायेंI यदि ओमन एसन करथें त ओमन कहिहीं कि ओहर मरे मा ले जी उठीसेI’’ ![](https://cdn.door43.org/obs/jpg/360px/obs-en-41-02.jpg) पिलातुस हर कहिस, ‘’कुछु सिफाहीमन ला ले जाव, अउर जैसन तुमन कर सकीह वेसन कबर के निगरानी करवI’’ इकरेबर ओमनहर उ कबर के प्रवेश दूआर के पथरा मा एकठन मोहर लगा दीनI ओमन इ निश्चित करेबर ओकरा सिफाहीमन ला बिठा दीन कि कोनो घोले ओकर शरीर ला चुरा नी सकीहींI ![](https://cdn.door43.org/obs/jpg/360px/obs-en-41-03.jpg) यीशु के मरे के बाद के दिन सब्त के दिन रिहिसI कोनो घोले सब्त के दिन काम नी करन सकत रिहिन, इकरे बर यीशु के कोनो घोले मित्र कबर ठी नी आये रिहिसI परन्तु सब्त के पाछु के दिन, बिहान बनेच भोर ले कुछु महिलामन यीशु के कबर ठी जाये बर तियार होइनI ओमन ओकर शरीर मा अउर घोले मसालमन ला लगायेबर चाहत रिहिनI ![](https://cdn.door43.org/obs/jpg/360px/obs-en-41-04.jpg) ओ महिलामन के पहुचे के पहले, कबर मा एक बड़े भूकंप होईसI सरग ले एकठन सरगदूत हर आके ओ पथरा ला हटा दीस जोन कबर के प्रवेश द्वार ला बंद करे रहिन अउर ओ कर उपर बैठ गिसI इ स्वर्गदूत अंजोर के समान चमकत रिहिसI कबर मा जोन सिफाही रिहिनI ओमन ओला देखिनI ओमन येतकी डर गे रिहिन कि मरे कस भुइयाँ मा गिर गिनI ![](https://cdn.door43.org/obs/jpg/360px/obs-en-41-05.jpg) जब ओ महिलामन कबर ठी पहुचिन त ओ सरगदूत हर ओमन ले कहिस, ‘’झन डरवI यीशु इठी नी एI ओहर मरे ले जी उठिसे, जइसन कि ओहर कहे रिहिस कि ओहर जी उठीही! कबर मा खोज अउर देखI’’ ओ महिलामन कबर के भीतर अउर जोन करा यीशु के शरीर हर रखाए रिहिस ओकरा खोजिन अउर देखिन कि ओकर शरीर ओकरा नी रिहिस! ![](https://cdn.door43.org/obs/jpg/360px/obs-en-41-06.jpg) तहाँ ओ स्वर्गदूत हर ओ माहिलामन ले कहिस, ’’जाके ओकर चेलामन ला बताव, ’यीशु मरे मा ले जी उठिस हे अउर ओहर तुमहर आघू-आघू गलील ला जाहीI’’’ ![](https://cdn.door43.org/obs/jpg/360px/obs-en-41-07.jpg) ओ माहिलामन आचम्भित होईन अउर बनेच आनन्दित होईनI ओमन चेलामन ला शुभ संदेश सुनाये बर दौड़ीनI ![](https://cdn.door43.org/obs/jpg/360px/obs-en-41-08.jpg) जब ओ महिलामन चेलामन ला इ शुभ संदेश बताये बर अपन डाहर मा रिहिन, त यीशु ओमन के उपर प्रकट होइसI ओमन ओकर गोड मा गिर पड़ींनI तहाँ यीशु हर कहिस, “झन डरवI जाके मोर चेलामन ला गलील जाये बर कहI ओमन ओकरा मोला देखिहींI’’ *लारिया -मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_41_128kbps.m4a ## 42. यीशु सरग लउट जाथे https://openbiblestories.org/l/hne-x-laria/story-42/ ![](https://cdn.door43.org/obs/jpg/360px/obs-en-42-01.jpg) जोन दिन परमेश्‍वर हर यीशु ला मरे मा ले जिलाय रिहिस, ओकर दूठन चेलामन तीर के गांव मा जात रिहिनI जात जात ओमन यीशु के संग मा जोन होय रिहिस, ओकर बारे मा गोठियात रिहिन, ओमनला विश्वास रिहिस कि ओहर मसीह रिहिस, परन्तु तभोले ओहर मार डाले गे रिहिस। अब ओ महिलामन गोठियात रिहिन कि ओहर फेन जीवित हो गे हे। ओमन नी जानत रिहिन कि कोन गोइठ ला विश्वास करेके चाहीं। ![](https://cdn.door43.org/obs/jpg/360px/obs-en-42-02.jpg) यीशु हर ओमनके तीर मा आके ओमन संग रेंगे के शुरु करिस, लेकिन ओमन ओला चीन्‍हे नी सकिन। ओहर ओमन ले पूछिस कि ओमन काकर बारे मा गोठियात हें। ओमनहर ओला पाछु के दिनमन मा यीशु के संग जोन होए रिहिस ओ सब घटना के बारे मा बताईंन। ओमन सोंचत रिहिन कि ओ कोनो परदेशी मनसे ठी गोठियात हें जोन नी जानत रिहिस कि यरुसलेम मा का होए रिहिस। ![](https://cdn.door43.org/obs/jpg/360px/obs-en-42-03.jpg) तहां यीशु हर ओमनला समझाईस कि परमेश्‍वर के वचन मसीह के बारे मा का कहत हे। बनेच पहले, भविष्‍यद्वक्‍तामन हर कहे रिहिन कि खराब मनसेमन मसीहा ला दू:ख दिहिं अउर मार डालिहीं। लेकिन भविष्‍यद्वक्‍तामन हर इला घोले कहे रिहिन कि ओहर तीसर दिन मा जी उठीही। ![](https://cdn.door43.org/obs/jpg/360px/obs-en-42-04.jpg) जब ओमन ओ नगर ला पहूंचिन जोनकरा ओ दूनों रुकना चाहत रिहिन, तब तक लगभग सांझ हो गे रिहिस। ओमन यीशु ला ओमनके संग मा रुके बर कहिन, अतः ओहर ओमन के संग मा एकठन घर ला गिस। ओमन अपन रथिया के खाना ला खाय बर बइठ गिन। यीशु हर एकठन रोटी ला लिस ओकर बर परमेश्‍वर ला धन्यवाद दीस, अउर फेन ओला टोरिस। अचानक ले, ओमन जान लिन कि ओहर यीशु रिहिस। लेकिन ओईच बेरा, ओहर ओमनके आँखी ले ओझल होगिस। ![](https://cdn.door43.org/obs/jpg/360px/obs-en-42-05.jpg) उ दुनों हर एक-दुसर ले कहिन, “ओहर यीशु रिहिस! इकरबर जब ओहर हमनला परमेश्वर के वचन ला समझाए रिहिस त हमन बनेच खुश रहेन!’’ तुरतेच, ओमन निकर के वापिस यरूशलेम ला गिन। जब ओमन पहूँचिन त ओमन चेलामन ला बताईन, “यीशु जीयत हे! हमन ओला देखे हन!” ![](https://cdn.door43.org/obs/jpg/360px/obs-en-42-06.jpg) जब चेलामन गोठियात रिहिन, यीशु अचानक ले उ कमरा मा ओमनके संग परगट होईस। ओहर कहिस, ”तुमनला शाँति मिले! “चेलामन हर सोचिन कि ओहर कोनो भूत रिहिस, लेकिन यीशु हर कहिस, “तुमन काबर डरत ह? तुमन इला काबर नी सोचथ कि इहर सही मा मैं, यीशु हं? मोर हाथ अउर गोड़ ला देख। भूतमन ठी इसने शरीर नी होए जइसन कि मोरठी हे। “इला दिखाय बर कि ओहर कोनो भूत नी रिहिस, ओहर खायेबर कुछु मांगिस। ओमन ओला मछरी के एकठन कूटी ला दीन, अउर ओहर ओला खा लिस। ![](https://cdn.door43.org/obs/jpg/360px/obs-en-42-07.jpg) यीशु हर कहिस, “मोर बारे मा परमेश्वर के वचन जोन कुछु घोले कथे ओहर सब घटिही। मैहर तुमनला बता दे रहें कि इकर होना जरुरी हे।“ तहाँ यीशु हर ओमनला परमेश्वर के वचन ला अच्‍छा ले समझाईस। ओहर कहिस, “बनेच आघु भविष्‍यद्वक्‍तामन हर लिखे रिहिन कि मईच, मसीह ला दु:ख उठाना पडिही, मरे बर होही अउर फेन तीसर दिन मरे मा ले जी उठे बर होही।“ ![](https://cdn.door43.org/obs/jpg/360px/obs-en-42-08.jpg) “उ भविष्‍यद्वक्‍तामन इला घोले लिखे रिहिन कि मोर चेलामन परमेश्वर के वचन के परचार करिहीं। ओमन हर एक ला पश्‍चाताप करे बर बताहीं। अगर ओमन ईसने करिहीं त परमेश्वर ओमनके पापमन ला क्षमा करिही। मोर चेलामन इ संदेश के परचार करना यरूशलेम ले शुरु करिहींI तहां ओमन सब जगह सब जाति मा जाहीं। तुमन मोर हर एकठन बूता के साखी ह जोन मैहर करें, अउर कहे रहें, अउर सबके घोले जोन मोर संग होइस।“ ![](https://cdn.door43.org/obs/jpg/360px/obs-en-42-09.jpg) आही ते चालीस दिनमन के बेरा मा, यीशु अपन चेलामन ले कई बार प्रकट होईस। एक घा त ओहर एकेच बेरा मा पाँच सौ ले जादा मनसेमन ठी प्रकट होईस! ओहर अपन चेलामन ला कई तरिका ले साबित करिस कि ओहर जीयत रिहिस, अउर ओहर ओमनला परमेश्वर के राज्‍य के बारे मा शिक्षा दीस। ![](https://cdn.door43.org/obs/jpg/360px/obs-en-42-10.jpg) यीशु हर अपन चेलामन ला कहिस, “परमेश्‍वर हर मोला सरग अउर पृथ्‍वी के हरेक के उपर शासन करे के अधिकार दे हे। इकरबर, अब मैं तुमनला कहत हं: जाके सब जाति के मनसेमन ला चेला बनाहा। इसने करे बर, तुमन ओमनला पिता, पुत्र अउर पवित्र आत्मा के नाम ले बतिस्मा देना हे। जोन कुछु घोले मैं तुमनला आदेश दे हं उ सब गोठमन ला मानेबर घोले तुमन ओमनला सिखाना हे। सूरता राखिह, मैं हमेशा तुँहर संग रिहों।“ ![](https://cdn.door43.org/obs/jpg/360px/obs-en-42-11.jpg) यीशु के मरे मा ले जी उठे के चालिस दिन के बाद, ओहर अपन चेलामन ला कहिस, “जब ले कि मोर पिता तुमनला सामर्थ नी दीही तब तक यरूशलेम मा रुके रिहI ओहर तुमहर बर पवित्र आत्‍मा भेजे के दूवारा एइसन करिही।“ तहाँ यीशु सरग मा चल दीस, अउर एकठन बादल हर ओला ओमनके आंखी ले लुका दीस। सरग मा यीशु सब चीजमन के ऊपर शासन करे बर परमेश्वर के जऊनी अंग बइठ गिस। *लारिया-मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_42_128kbps.m4a ## 43. कलीसिया के आरम्भ होथे https://openbiblestories.org/l/hne-x-laria/story-43/ ![](https://cdn.door43.org/obs/jpg/360px/obs-en-43-01.jpg) यीशु के सरग लौट जाये के पाछू, चेलामन यरूशलेम मा रुक गिनI जइसन की यीशु हर ओमन ला करे बर आज्ञा दे रिहिसI ओकरा के विश्वासी मनसे लगातार एक संग प्राथना करे बर जमा होत रिहिनI ![](https://cdn.door43.org/obs/jpg/360px/obs-en-43-02.jpg) सब बछर, फसह के तिहार के 50 दिन के पाछू, यहूदी मनसे पिन्तेकुस्त नाम के एकठन महत्वपूर्ण दिन ला मनात रिहिनI पिन्तेकुस्त ओ समय रिहिस जब यहूदी मन गेहूँ के कटाई ला मनात रिहिनI सारे संसार ले यहूदी पिन्तेकुस्त के दिन एक संग मनाये बर यरूशलेम मा आये रिहिनI इ बछर, पिन्तेकुस्त मनाये के समय यीश के सरग ला चले जाये के लगभग एक हप्ता के बाद आये रिहिसI ![](https://cdn.door43.org/obs/jpg/360px/obs-en-43-03.jpg) जोन समय सब विश्वासी मन एक संग जमा रिहिन, त जोन घर मा ओमन रिहिन अचानक ले तेज पवन के आवाज ले भर गिसI तहाँ आगि के लहर जइसन दिखेईया कुछु सब विश्वासीमन के मुड़ के उपर प्रकट होइसI ओमन सब पवित्र आत्मा ले भर गिन अउर ओमन आने भाषामन मा परमेश्वर के महिमा करे लागिनI ओमन इ भाषामन ला नी जानत रिहिनI इ ओ भाषामन रिहिन जोन ला बोले बर ओमन ला पवित्र आत्मा हर सक्षम करे रिहिसI ![](https://cdn.door43.org/obs/jpg/360px/obs-en-43-04.jpg) जब यरूशलेम मा रहइयामन ओ शोर ला सुनिन, त ओमन भीड़ के रूप मा इ देखे बर एक संग आइन कि का होत रिहिसI ओमन विश्वासी मन ला परमेश्वर दूआरा करे गेरिहिस बड़खा- बड़खा काममन के घोषणा करत सुनिनI ओमन विस्मित रिहिन काबर कि भलेच ओमन कई अलग-अलग देशमन ले रिहिन अउर अलग-अलग भाषामन बोलत रिहिन फेन घोले उ काममन ला अपनेच भाषामन मा सुनत रिहिनI चेलामन इस्राएल ले रिहिन अउर अरामी, इब्रानी, या यूनानी भाषा गोठीयात रिहिन, लेकिन मनसेमन अपन-अपन मात्री भाषा मा सुनत रिहिन कि परमेश्वर हर का-का करे हेI ![](https://cdn.door43.org/obs/jpg/360px/obs-en-43-05.jpg) इमन ले कुछु मनसेमन हर कहिन कि ओ चेलामन नशा मा रिहिनI लेकिन पतरस ठाड़ होईस अउर ओमनले गोठीयाइस, ‘’मोर गोठ ला सु न! इ मनसेमन नशा मा नी एं ! इकर बजाय, जोन ला तुमन देखत ह ओहर ओइच ए जोन योएल भविष्यवक्ता हर कहे रिहीस कि होही: परमेश्वर हर कहिस अंत के दिनमन मा, मैं अपन आत्मा उंडेलिहंI” ![](https://cdn.door43.org/obs/jpg/360px/obs-en-43-06.jpg) ‘’हे इस्रैली पुरुषमन, यीशु हर एकठन एइसन मनसे रिहिस जोनहर इला दिखाए बर कि ओ कोन रिहिस बनेच ले आश्चर्य काम करे रिहिसI ओहर परमेश्वर के सामर्थ ले बनेच ले आश्चर्य काममन ला करे रिहिसI तुमन इला जानत ह काबरकि तुमन इ काममन ला देखे हI लेकिन तुमन हर ओला कुरूस मा चढ़ा देह!’’ ![](https://cdn.door43.org/obs/jpg/360px/obs-en-43-07.jpg) ‘’यीशु मरगिस लेकिन परमेश्वर हर ओला मरे मा ले जीवित कर दीइसI इहर ओ गोइठ ला पूरा कर दीस जोनला एक भविष्यवक्ता हर लिखे रिहिस : ‘तें अपन पवित्र जन ला कबर मा सड़े नी दसI‘ हमन गवाह हन कि परमेश्वर हर यीशु ला फेन जीवित कर दीसI” ![](https://cdn.door43.org/obs/jpg/360px/obs-en-43-08.jpg) ‘’परमेश्वर पिता हर अब यीशु ला अपन जऊनी अंग बिठा के ओला सम्मान दीसI अउर यीशु हर हमर बर पवित्र आत्मा ला भेजिसे जइसन कि ओहर प्रतिज्ञा करे रिहिस कि ओला भेजीहीI पवित्र आत्मा ओ काममन ला होए बर देत हे जोन ला तुमन देखत अउर सुनत हI” ![](https://cdn.door43.org/obs/jpg/360px/obs-en-43-09.jpg) ‘’तुमन ओ मनसे, यीशु ला कुरूस मा चढ़ा देहI लेकिन निश्चित रुप मा जान ल कि परमेश्वर हर यीशु ला सब चीजमन ले अउर प्रभु अउर मसीह दूनों ठहराइस हे!” ![](https://cdn.door43.org/obs/jpg/360px/obs-en-43-10.jpg) पतरस के सुनेइया मनसेमन ओकर दूआरा कहे गोईठमन ले भीतर ले हिल गे रिहीनI इकरबर ओमनहर पतरस अउर चेलामन ले पुछिन, ‘’हे भाईमन हमन ला का करे के चाही?” ![](https://cdn.door43.org/obs/jpg/360px/obs-en-43-11.jpg) पतरस हर ओमन ला उत्तर दीस, “तुमन ले सब अपन पाप बर पश्चताप करव ताकि परमेश्वर तुमहर पापमन ला क्षमा करिही, अउर यीशु मसीह के नाम ले बतिस्मा ल तहाँ तुमन ला वरदान स्वरूप पवित्र आत्मा ला दिहीI‘’ ![](https://cdn.door43.org/obs/jpg/360px/obs-en-43-12.jpg) पतरस हर जोन कहिस ओकर ऊपर लगभग 3,000 मनसेमन हर विश्वास करिन अउर यीशु के चेला बन गिनI ओमनहर बपतिस्मा लीन अउर यरूशलेम के कलीसिया के सदस्य बनगिनI ![](https://cdn.door43.org/obs/jpg/360px/obs-en-43-13.jpg) जब प्रेरितमन हर ओमन ला शिक्षा दीन त विश्वासीमन लगातार सुनिनI ओमन अक्सर मिलत रिहिन अउर एक संग भोजन करत रिहिन, अउर ओमन अक्सर एक दुसर बर प्राथना करत रिहिनI ओमन मिल के परमेश्वर के महिमा करत रिहिन अउर जोन कुछु घोले ओमन करा रिहिस ओमन ओला एक दुसर के संग साझा करत रिहिनI नगर के हर एक मनसे ओमन के प्रति बढियाँ विचार राखत रिहिनI हर एक दिन, अधिक ले अधिक मनसे विश्वासी बनत गिनI *लारिया- प्रेरितों के काम 2 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_43_128kbps.m4a ## 44. पतरस अउर यूहन्ना एकठन भीकमंगा ला बने करथें https://openbiblestories.org/l/hne-x-laria/story-44/ ![](https://cdn.door43.org/obs/jpg/360px/obs-en-44-01.jpg) एक दिन, पतरस अउर यूहन्ना मंदिर मा गिन। एकठन छूटा मनसे भीक मांगे बर मुहूटा मा बईठे रिहिस। ![](https://cdn.door43.org/obs/jpg/360px/obs-en-44-02.jpg) पतरस हर उ छूटा मनसे अंग देखिस अउर कहिस, “ मोर ठी तोला देबर पईसा तो नी ये। लेकिन जोन मोर ठी हे ओला में तोला देत हं। यीशु के नाम ले, उठ अउर रेंग- बुल!” ![](https://cdn.door43.org/obs/jpg/360px/obs-en-44-03.jpg) तुर्तेच, परमेश्वर हर उ छुटा मनसे ला बने कर दिस। ओहर येति-ओति रेंगेबर अउर कुदेबर, अउर परमेश्वर के स्‍तुति करे बर शुरु कर दिस। मंदिर के अंगना मा उपस्थित मनसे चकीत रिहिनI ![](https://cdn.door43.org/obs/jpg/360px/obs-en-44-04.jpg) जल्‍दिच मनसेमन के एक ठन भीड़ ओ मनसे ला देखे बर आईस जोन बने होगे रिहिस। पतरस हर ओमनला कहिस, “ए मनसे बने हो गे हे, लेकिन ई गोठ बर आश्‍चर्य नी होइह। हमन येला आपन शक्‍ति ले बने नी करे हन, या एकर बर नी कि हमन परमेश्वर के आदर करथन। बल्कि, ओहर यीशु रिहिस जोन हर ई मनसे ला आपन शक्‍ति ले बने करे हे काबरकि हमन यीशु के उपर भरोषा करथन।“ ![](https://cdn.door43.org/obs/jpg/360px/obs-en-44-05.jpg) “ओहर तुईचमन हव जोनमन ओला रोमी राजा ला यीशु ला मार डारेबर कहे रह। तुमन ओला मार डाले ह जोन सब्‍बो झन ला जीवन देथेI लेकिन परमेश्वर हर ओला मरे मा ले जियाइस। तुमन नी समझ कि तुमन का करत रह, लेकिन जब तुमन ओ काममन ला करत रह, त जोन भविष्‍यद्वक्‍तामन हर कहे रिहिन ओहर पुरा होईस। ओमनहर कहे रिहिन कि मसीहा हर दु:ख उठाही अउर मर जाही। परमेश्वर हर ईला ई रिति ले होन दिस। एकर बर अब, पश्चाताप कर अउर परमेश्वर अंग आव, ताकि ओहर तुम्हर पापमन ला धो के साफ करे।“ ![](https://cdn.door43.org/obs/jpg/360px/obs-en-44-06.jpg) जब मंदिर के धरमगुरुमन हर पतरस अउर यूहन्ना ला सुनिन, त ओमन बनेच घबरागिन। एकर बर ओमन ओमनला गिरफ्‍तार करके जेल खाना मा डार दिन। लेकिन जोन पतरस हर कहे रिहिस ओकर उपर बनेच मनसेमन हर विश्वास करिन। यीशु के उपर विश्वास करईयामन के संख्‍या बड़ के लगभग पांच हजार होगिस। ![](https://cdn.door43.org/obs/jpg/360px/obs-en-44-07.jpg) दूसरा दिन, ओ यहूदी धरमगुरुमन पतरस अउर यूहन्ना ला बड़े धरमगुरु अउर आने धरमगुरुमन के आघू मा लेके आइन। ओमन ओ मनसे ला घोले लेके आईन जोन अपाहिज रिहिस। ओमनहर पतरस अउर यूहन्ना ला पुछिन, “कोन अधिकार ले तुमन ओ अपाहिज मनसे ला बने करेह?” ![](https://cdn.door43.org/obs/jpg/360px/obs-en-44-08.jpg) पतरस हर उत्‍तर दिस, “ये मनसे जोन तुंहर आघू मा खड़े हे ओला यीशु मसीह के सामर्थ के दूवारा बने करे गिस हे। तुमन यीशु ला कुरुश मे चढ़ा दव, लेकिन परमेश्वर हर ओला फेन जीवित कर दिसे! तुमन ओला स्‍विकार नी करव, लेकिन यीशु के सामर्थ के माध्‍यम के अलावा उद्धार पाय के कोई दूसरा रास्‍ता नि ये!” ![](https://cdn.door43.org/obs/jpg/360px/obs-en-44-09.jpg) ओ धरमगुरुमन अचम्‍भा रिहिन कि पतरस अउर यूहन्ना हर बनेच साहस करके गोठियाय रिहिन। ओमनहर देखिन कि येमन साधारन मनसे रिहिन जोन अनपढ़ रिहिन। लेकिन ओमनला याद आईस कि ई मनसेमन यीशु के संग रहे रिहिन। इकरबर ओमनले कहिन, “हमन तुमनला बनेच जादा सजा देबो अगर तुमन ई मनसे यीशु के बारे मा मनसेमन ला कोनो अउर संदेश दीह त।“ इसनेच बनेच गोठ गोठियाए के पाछु, ओमन हर पतरस अउर यूहन्ना ला जाय बर दिन। *लारिया- प्रेरितों के काम 3:1-4:22 ले एकठन बाइबिल के कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_44_128kbps.m4a ## 45. स्तिफनुस अउर फिलिप्पुस https://openbiblestories.org/l/hne-x-laria/story-45/ ![](https://cdn.door43.org/obs/jpg/360px/obs-en-45-01.jpg) पहेला मसीही अगुवामन के माझा मा स्तिफनुस नाम के एकठन मनसे रहिसI सब मनसे ओकर आदर करत रिहिनI पवित्र आत्मा हर ओला बनेच सामर्थ अउर बुद्धि दे रिहिसI स्तिफनुस हर बनेच चमत्कार करे रिहिसI जब ओहर यीशु के उपर भरोसा करे के विषय मा ओमन ला शिक्षा दिस त बनेच मनसेमन हर ओला विश्वास करिनI ![](https://cdn.door43.org/obs/jpg/360px/obs-en-45-02.jpg) एक दिन, स्तिफनुस यीशु के बारे मा शिक्षा देत रिहिस, अउर कुछु एइसन यहूदी आइन जेन मन यीशु के ऊपर विश्वास नी करे रिहिन अउर ओकर संग वाद -विवाद करे बर शुरु कर दीनI ओमन बनेच रिसागिन, इकरबर ओमन धार्मिक अगुवामन ठी गिन अउर ओकर बारे मा झूठ कहिनI ओमनहर कहिन, ‘’हमन हर स्तिफनुस ला मूसा अउर परमेश्वर के विषय मा बुरा गोठियात सुने हन!’’ इकर बर ओमन धार्मिक अगुवामन हर स्तिफनुस ला गिरफ्तार कर लीन अउर ओला बड़े धरमगुरु अउर यहूदीमन के आने अगुवामन के आघू मा लेआइनI अउर घोले झूठा साखी आइन अउर ओमन हर स्तिफनुस के विषय मा झूठ कहिनI ![](https://cdn.door43.org/obs/jpg/360px/obs-en-45-03.jpg) बड़े धरमगुरु हर स्तिफनुस ले पुछिस, ‘’का इ मनसेमन तोर विषय मा सच कहत हे?’’ स्तिफनुस हर बड़े धरमगुरु ला उत्तर दे बर बनेच गोइट मन ला गोठीयाये बर शुरु कर दिस I ओहर कहिस की अब्राहम के समय ले यीशु के समय तक परमेश्वर हर इस्राएल के मनसेमन बर बनेच अचम्भित काम करिस हेI लेकिन मनसेमन हमेशा परमेश्वर के आज्ञा ला नी मानत रिहिनI स्तिफनुस हर कहिस, ‘’तुमन परमेश्वर के विरुद्ध जिद्दी अउर लड़ाई करेईया हI तुमन हमेशा पवित्र आत्मा ला अस्वीकार करेह, जैसन की हमर पूर्वजमन हर हमेशा पवित्र आत्मा ला अस्वीकार करे रिहिन अउर हमेशा ओकर भविष्यवक्तामन ला मार डाले रिहिनI लेकिन जोन ओमन करे रिहिन ओकर बराबरी मा तुमन अउर घोले बुरा करे ह! तुमन मसीह ला मार डाले ह!’’ ![](https://cdn.door43.org/obs/jpg/360px/obs-en-45-04.jpg) जब उ धार्मिक अगुवामन हर इला सुनिन, त ओमन एतकी रिसा होगिन कि ओमन आपन कानमन ला बंद कर लीन अउर ऊँची आवाज मा नरियाइनI ओमन स्तिफनुस ला घंसीटत नगर ले बाहर लेगीन अउर ओला मार डाले बर ओला पत्थर मारीनI ![](https://cdn.door43.org/obs/jpg/360px/obs-en-45-05.jpg) जब स्तिफनुस मरत रिहिस, ओहर नरियाए लागिस, ‘’हे यीशु, मोर आत्मा ला ग्रहण कर !’’ तहाँ ओ हर अपन घुटना मा गिर गिस अउर फेन नरिइयाये लागिस, ‘’हे प्रभु, इ पाप ला ओमन के उपर नी लगाबेI’’ तहाँ ओ हर मर गिसI ![](https://cdn.door43.org/obs/jpg/360px/obs-en-45-06.jpg) ओ दिन, यरूशलेम के रहेईया बनेच मनसेमन हर यीशु के मानने वाला मन ला सताए बर शुरु कर दीन, इकरेबर विश्वासी मनसे आने जगह मन ला भाग गिनI लेकिन इकर बाद घोले, जोनकरा घोले ओमनहर गिन ओमन हर यीशु के विषय मा प्रचार करिनI ![](https://cdn.door43.org/obs/jpg/360px/obs-en-45-07.jpg) फिलिप्पुस नाम के यीशु के एकठन विश्वासी रिहिसI जैसन कि आने बनेच विश्वासीमन हर करे रिहिन ओहर घोले यरूशलेम ले भाग गिसI ओहर सामरिया के क्षेत्र मा चल दिसI ओ करा ओहर मनसेमन के माझा मा यीशु के बारे मा परचार करिसI बनेच मनसेमनहर ओकर उपर विश्वास करीन अउर उद्धार पाईनI एक दिन, फिलिप्पुस ठी परमेश्वर अंग ले एकठन सरगदूत आइस अउर ओला जंगल मा जाये बर, अउर एक डहर मा रेंगे बर कहिसI फिलिप्पुस ओठी चल दिसI जब ओहर उ डहर मा रेंगत रिहिस, त ओहर एकठन मनसे ला अपन रथ मा जात देखिसI इ मनसे कुश देश के एकठन महत्वपूर्ण अधिकारी रिहिसI पवित्र आत्मा हर फिलिप्पुस ले कहिस कि ओहर जाके ओ मनसे ले गोठियाएI ![](https://cdn.door43.org/obs/jpg/360px/obs-en-45-08.jpg) इकरबर फिलिप्पुस रथ के तीर मा गिसI ओहर सुनिस कि ओ कुशी परमेश्वर के वचन ला पढ़त रिहिसI जोन ला यशायाह भविष्यवक्ता हर लिखे रिहिस ओहर ओला पढ़त रिहिसI ओहर पढ़त रिहिस, ‘’ओमन ओला बलि करे वाला भेड़ के जैसन लेगीन, अउर जैसन एकठन मेमना शान्त रथेI ओहर घोले एक शब्द नी कहिसI ओमनहर ओकर संग अनुचित व्यवाहर करिन अउर ओकर आदर नी करिनI ओमनहर ओकर प्राण लेलीनI‘ ![](https://cdn.door43.org/obs/jpg/360px/obs-en-45-09.jpg) फिलिप्पुस हर ओ कुशी ले पूछीस, ‘’जोन तें पढ़त हस का तें ओला समझत घोले हस?’’ ओ कुशी हर उत्तर दिस, ‘’नीI जब तक कोनो इला मोला नी समझाहीं, तब तक मैं इला नी समझ सकंI कृपा कर के मोर ठी आके बइठI का यशायाह इला अपन विषय मा लिखत रिहिस या कोनो आने के?’’ ![](https://cdn.door43.org/obs/jpg/360px/obs-en-45-10.jpg) फिलिप्पुस रथ मा चेढ के बइठ गिसI तहाँ ओ हर ओ कुशी मनसे ला ओला बताइस जोन यशायाह हर यीशु के विषय मा लिखे रिहिसI फिलिप्पुस हर परमेश्वर के वचन के बनेच आने भागमन के घोले चर्चा करिसI इ परकार ले, ओहर ओ मनसे ला यीशु के विषय मा शुभ सन्देश सुनाइसI ![](https://cdn.door43.org/obs/jpg/360px/obs-en-45-11.jpg) फिलिप्पुस अउर उ कुशी यात्रा करत पानी के तीर मा आइनI ओ कुशी हर कहिस, ‘’देख! इ ठी पानी हे! का मैं बतिस्मा ले सकत हं?’’ अउर ओहर सारथि ले रथ ला रोके बर कहिसI ![](https://cdn.door43.org/obs/jpg/360px/obs-en-45-12.jpg) अतः ओमन पानी मा चल दीन, अउर फिलिप्पुस हर ओ कुशी ला बतिस्मा दिसI जब ओमन पानी ले बाहर आइन, त पवित्र आत्मा अचानक ले फिलिप्पुस ला उठा के कोनो आने जगह मा ले गिसI ओठी फिलिप्पुस हर मनसेमन ला यीशु के विषय मा बताना जारी राखिसI ![](https://cdn.door43.org/obs/jpg/360px/obs-en-45-13.jpg) ओ कुशी अपन घर के यात्रा मा आगे बढ़ गिसI ओहर खुश रिहिस कि ओहर अब यीशु ला जानत रिहिसI *लारिया- प्रेरितों के काम 6:8-8:5; 8:26-40 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_45_128kbps.m4a ## 46. शाऊल मसीही विश्वासी बन जाथे https://openbiblestories.org/l/hne-x-laria/story-46/ ![](https://cdn.door43.org/obs/jpg/360px/obs-en-46-01.jpg) शाऊल नाम के एकठन मनसे रिहिस जोन हर यीशु के उपर विश्वास नी करे रिहिस। जब ओहर जवान रिहिस, तहाँ ओहर स्‍तिफनुस के मरोईया मनसेमन के कपड़ा ला जोगे रिहिस। बाद में, ओहर विश्वासीमन ला सताय रिहिस। ओहर यरुशलेम के घर-घर जाके पुरुष अउर महिलामन ला गिरफ्‍तार करके जेलखाना मा डार दे रिहिस। तब बड़े धरमगुरु हर शाऊल ला दमिश्‍क नगर मा जाय बर अनुमति दीस ओहर ओठी के मसीहीमन ला गिरफ्‍तार करे बर अउर ओमनला यरूशलेम वापिस लेके आए बर शाऊल ले कहिस। ![](https://cdn.door43.org/obs/jpg/360px/obs-en-46-02.jpg) अतः शाऊल हर दमिश्‍क जाए के यात्रा शुरु करिसI ओ नगर ला पहूँचे के थोड़कुन आघु, ओकर चारो ओर बादर ले एकठन उज्जल प्रकाश चमकिस, अउर ओहर भूईंयाँ मा गिर गिस। शाऊल हर कोनो ला कहत सुनिस, “हे शाऊल! हे शाऊल ! तें मोला काबर सतात हस? शाऊल हर पूछिस, “हे प्रभु, तैं कोन हस? “यीशु हर ओला उत्‍तर दीस, “मैं यीशु हं। तैं मोला सतात हस!” ![](https://cdn.door43.org/obs/jpg/360px/obs-en-46-03.jpg) जब शाऊल उठिस त ओहर देखे नी सकिस। ओकर संगवारीमन ओला दमिश्‍क लेके गिन। शाऊल हर तीन दिन ले कुछु घोले नी खाईस-पिस। ![](https://cdn.door43.org/obs/jpg/360px/obs-en-46-04.jpg) दमिश्‍म मा हनन्याह नाम के एकठन चेला रिहिस। परमेश्वर हर ओकरले कहिस, “ओकर घर ला जा जहाँ शाऊल रुके हे। आपन हाथमन ला ओकर उपर रख ताकि ओहर फेन ले देखन सके।“ लेकिन हनन्याह हर कहिस, “हे प्रभु मैं सूने हं कि ई मनसे हर विश्वासीमन ला कइसन सताए हे।“ परमेश्‍वर हर उला कहिस, “जा! मेंहर ओला यहूदीमन अउर आने जातिमन के मनसेमन मा मोर नाम के परचार करे बर चून ले हों। ओहर मोर नाम बर बनेच दु:ख सहिही।“ ![](https://cdn.door43.org/obs/jpg/360px/obs-en-46-05.jpg) अतः हनन्याह शाऊल ठी गिस, अपन हाथमन ला ओकर उपर राखिस, अउर कहिस, “यीशु हर, जोन इकरा आए के तोर रास्‍ता मा तोर उपर प्रकट होए रिहिस, मोला तोर ठी भेजे हे ताकि तैं फेन ले देखन सकबे, अउर पवित्र आत्‍मा तोला भर दे।“ तुर्तेच शाऊल फेन ले देखे बर सक्षम होगिस, अउर हनन्याह हर ओला बतिस्‍मा दीस तहाँ शाऊल हर खाना खाइस अउर फेन ले बलवंत हो गिस। ![](https://cdn.door43.org/obs/jpg/360px/obs-en-46-06.jpg) तहाँ ले, शाऊल हर दमिश्‍म मा रहेया यहूदीमन मा परचार करे बर शुरु कर दीस ओहर कहिस, “यीशुच परमेश्वर के बेटा ए! यहूदी मनसेमन अचम्भा रिहिन, काबरकि शाऊल हर विश्वासीमन ला मार डारे के परियास करे रिहिस, लेकिन अब ओहर यीशु मा विश्वास करत रिहिस। शाऊल हर यहूदीमन के संग मा वाद-विवाद करिस। ओहर दिखाईस कि यीशुच मसीहा रिहिस। ![](https://cdn.door43.org/obs/jpg/360px/obs-en-46-07.jpg) बनेच दिन बाद, यहूदिमन हर शाऊल ला मारे के योजना बनाईन। ओमन हर ओला मार डारे बर नगर के द्वार मा मनसेमन ला भेजिन। कि ओकर निगरानी करें लेकिन शाऊल हर ओ योजना के बिषय मा जान गिस, अउर ओकर सँगवारीमन बच के निकरे मा ओकर मदत करिन। एक रथिया ओमनहा ओला टोकरी मा बैठार के नगर के भीथी ले तरी उतार दीइन। दमिश्‍म ले बच के निकरे के बाद शाऊल हर यीशु के बारे मा प्रचार करे बर चालु राखिस। ![](https://cdn.door43.org/obs/jpg/360px/obs-en-46-08.jpg) शाऊल प्रेरितमन ला भेंट करे बर यरूशलेम गिस, लेकिन ओमन ओकर ले डरत रिहिन। तहाँ बरनबास नाम के एक विश्वासी शाऊल ला प्रेरितमन ठी लेके गिस। ओहर ओमनला बताईस की शाऊल हर कईसन साहसी होके दमिश्‍क मा प्रचार करे रिहिस। ओकर बाद, प्रेरितमन हर शाऊल ला स्वीकार लिन। ![](https://cdn.door43.org/obs/jpg/360px/obs-en-46-09.jpg) कुछु विश्वासीमन जोन सताव के खातिर यरूशलेम ले भाग गे रिहीन ओमन दूर अंताकिया नगर मा चल दे रिहीन अउर यीशु के बारे मा प्रचार करत रिहिन। अंताकिया मा रहेइया मनसे अधिकतर यहूदी नी रिहिन, लेकिन पहली बार, ओ मनसेमन जोन यहूदी नी रिहिन विश्वासी बन गिन। बरनबास अउर शाऊल ई नया विश्वासीमन ला कुछु यीशु के बारे मा अउर जादा सिखाए बर ओ ठी गिन। अउर कलिसिया ला मजबूत करिनI यीशु ला विश्वास करोईया पहली बार अंताकिया मा “मसीही” कहलाईन। ![](https://cdn.door43.org/obs/jpg/360px/obs-en-46-10.jpg) एक दिन, अंताकिया के मसीहीमन उपवास के साथ प्राथना करत रिहिन। पवित्र आत्‍मा हर ओमनला कहिस, “मोर बर बरनबास अउर शाऊल ला उ काम ला करे बर अलग कर द जेला करेबर मेंहर ओमनला बलाय हंI“ इकरबर अंताकिया के कलीसिया हर बरनबास अउर शाऊल बर प्राथना करिस अउर ओमनके उपर आपन हाथमन ला राखिस। तहाँ ओमनहर ओमनला आने बनेच जगह मा यीशु के बारे मा शुभ संदेश के प्रचार करे बर भेज दीइन। बरनबास अउर शाऊल हर अलग- अलग जातिमन के मनसे मन ला सिखाईन अउर बनेच मनसेमन यीशु के उपर विश्वास करिन। *प्रेरितों के काम 8:3; 9:1-31; 11:19-26; 13:1- तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_46_128kbps.m4a ## 47. फिलिप्पी ठी पौलुस अउर सिलास https://openbiblestories.org/l/hne-x-laria/story-47/ ![](https://cdn.door43.org/obs/jpg/360px/obs-en-47-01.jpg) जब शाऊल हर पूरे रोमी राज मा यात्रा करिस त ओहर अपन रोमी नाम “पौलुस” के उपयोग करे बर शुरु कर दीइस। एक दिन पउलुस अउर ओकर संगवारी सिलास फिलिप्‍पी नगर मा यीशु के बारे मा शुभ संदेश सुनाए बर गिन। ओमन नगर के बाहर नदी के तीर एकठन जगह ला गिन जोन करा मनसेमन प्राथना करे बर इकट्ठा रिहिन। ओकरा ओमन लुदिया नाम के एक महिला ला मिलिन जोन हर एक व्यपारी रिहिस। ओहा परमेश्‍वर ले माया करत रिहिस अउर ओकर आराधना करत रिहिस। ![](https://cdn.door43.org/obs/jpg/360px/obs-en-47-02.jpg) परमेश्वर हर लुदिया ला यीशु के बारे मा संदेश ला विश्वास करे बर सक्षम करिस। पउलुस अउर सिलास हर ओला अउर ओकर परिवार ला बतिस्‍मा दीइन। ओहर पउलुस अउर सिलास ला अपन घर मा रुके बर कहिस, इकरेबर ओमन ओकरा रुक गिन। ![](https://cdn.door43.org/obs/jpg/360px/obs-en-47-03.jpg) पौलुस अउर सिलास मनसेमन ठी हमेशा ओईच जगह मा मिलत रिहिन जोन ठी यहूदी मनसे प्राथना करत रिहिन। हर दिन जब ओमन ओठी जात रिहिन तो एकठन नोकरानी जोन प्रेत आत्मा ले ग्रसित रिहिस ओमनके पाछू-पाछू जात रिहिस। ई प्रेत आत्मा के जरिए ले ओहर मनसेमन के भविष्‍य ला बताए करत रिहिस, इकरेबर ओहर भविष्य बताए वाली के रूप मा अपन मालिकमन बर बनेच पईसा कमाई करत रिहिस। ![](https://cdn.door43.org/obs/jpg/360px/obs-en-47-04.jpg) ओमन के जाए के बेरा मा ओ नोकरानी नरियाय करत रिहिस, “इ मनसे परम प्रधान परमेश्वर के भक्‍त हें। इमन तुमनला मुक्‍ति पाए के रास्‍ता ला बतात हें! “ओहर रोज इसनेच करे जेकर ले पउलुस परेशान हो गिस। ![](https://cdn.door43.org/obs/jpg/360px/obs-en-47-05.jpg) आखिरी मा, एक दिन जब ओ नोकरानी हर नरियाय बर शुरु करिस, त पौलुस हर ओकर तरफ किंदर के ओकर भीतर के प्रेत आत्मा ले कहिस, “यीशु के नाम ले इकर ले निकल जा।“ ओईच बेरा मा ओ प्रेत आत्मा हर ओला छोड़ दीइस। ![](https://cdn.door43.org/obs/jpg/360px/obs-en-47-06.jpg) ओ नोकरानी के मालिकमन बनेच रिशा होगिन। ओमन ला पता चलगे कि बिना प्रेत आत्मा के ओ नोकरानी मनसेमन ला भविष्‍य नी बताए सकत रिहिस। इकर मतलब रिहिस कि मनसेमन अब ओ नोकारानी के मालिकमन ला पईसा नी दें कि ओहर ओमन ला भविष्‍य बताय के ओमन के संग का होही । ![](https://cdn.door43.org/obs/jpg/360px/obs-en-47-07.jpg) इकरबर उ नोकरानी के मालिकमन पौलुस अउर सिलास ला रोमी अधिकारीमन ठी लेगिन।ओमनपौलुस अउर सिलास ला मारिन,अउर फेनओमनला जेलखाना मा डारदिन। ![](https://cdn.door43.org/obs/jpg/360px/obs-en-47-08.jpg) ओमन हर पौलुस अउर सिलास ला जेल खाना के अइसने हिस्‍सा मा राखिन जोन करा सब ले जादा सिपाही रिहिन। इहाँ ले कि ओमन ओमनके गोड़ ला लकड़ी के बड़े तुकड़ा मा जोर दीइन। लेकिन पउलुस अउर सिलास आधी रात के बेरा मा, परमेश्वर के स्‍तुती के गीत गात रिहिन। ![](https://cdn.door43.org/obs/jpg/360px/obs-en-47-09.jpg) अचानक ले, एक भयानक भूकंप होईस! जेलखाना के सब द्‍वार खूल गिन, अउर सब कैदीमन के बेड़ीमन खुल गिनI ![](https://cdn.door43.org/obs/jpg/360px/obs-en-47-10.jpg) तहां दरोगा हर चेत गिस। ओहर देखिस कि जेल के द्‍वारमन खुल गे रिहिन। ओहर सोंचिस कि सब कैदीमन बाँच के भाग गे रिहिन। ओहर डरा गिस कि ओमनके भाग जाय के खातिर रोमी अधिकारी ओला मार डालिहीं, इकरबर ओहर अपन आप ला मार डाले बर तियार होगिस! लेकिन पउलुस ओला देख के नरियाइस, “रुक जा! अपने आप ला नुकसान नी पहूंचा। हमन सब ईच ठी हन।“ ![](https://cdn.door43.org/obs/jpg/360px/obs-en-47-11.jpg) ओ दरोगा हर काँपत पौलुस अउर सिलास ठी आके पूछिस, “मुक्‍ति पाए बर मैं का करं?“ पउलुस हर उत्‍तर दीइस, “प्रभु यीशु के उपर विश्वास कर, त तैं अउर तोर घराना मुक्‍ति पाहिं।“ ताहां ओ दरोगा पउलुस अउर सिलास ला अपन घर मा लेगिस अउर ओमनके घा मन ला धोईस। पउलुस हर ओकर घर के सब ला यीशु के बारे मा शुभ संदेश सुनाईस। ![](https://cdn.door43.org/obs/jpg/360px/obs-en-47-12.jpg) दरोगा अउर ओकर पुरा परिवारहर यीशु के उपर विश्वास करिन, इकर बर पउलुस अउर सिलास हर ओमनला बतिस्‍मा दीइन। तहाँ दरोगा हर पउलुस अउर सिलास ला खाना खवाईस, अउर ओमन एक संग खूश होईन। ![](https://cdn.door43.org/obs/jpg/360px/obs-en-47-13.jpg) आने दिन नगर के धरमगुरुमन पौलुस अउर सिलास ला जेल खाना ले आजाद कर दिइन अउर फिलिप्‍पी ले जाए बर कहिन। पौलुस अउर सिलास लुदिया अउर कुछु आने संगवारीमन ले मिलिन अउर ओकर बाद नगर ले निकल गिन। यीशु के बारे मा शुभ संदेश फैलत गिस। अउर कलीसिया बढ़त गिस। ![](https://cdn.door43.org/obs/jpg/360px/obs-en-47-14.jpg) पउलुस अउर आने मसीही अगुवामन हर बनेच कन नगरमन के यात्रा करिन। ओमनहर मनसेमन ला यीशु के बारे मा शुभ संदेश सुनाईंन। ओमन हर कलीसियामन के विश्वासीमन ला उत्‍साहित करे अउर शिक्षा देहे बर कई ठन चिठ्‍ठी घोले लिखिन। इमेंले कुछू चिठ्‍ठी बाइबिल के पुस्‍तकमन बन गिन। *लारिया-प्रेरितों के काम 16:11-40 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_47_128kbps.m4a ## 48. यीशुच परतिज्ञा करे गए मसीहा ए https://openbiblestories.org/l/hne-x-laria/story-48/ ![](https://cdn.door43.org/obs/jpg/360px/obs-en-48-01.jpg) जब परमेश्वर हर संसार ला बनाईस त सब कुछु बढियाँ रिहिस। कोनो पाप नी रिहिसI आदम अउर हव्‍वा एक दूसर ले माया करत रिहिन, अउर ओमन परमेश्वर ले माया करत रिहिनI कोनो बीमारी या मृत्यु नी रिहिस। परमेश्वर इसनेच संसार ला चाहत रिहिस। ![](https://cdn.door43.org/obs/jpg/360px/obs-en-48-02.jpg) शैतान हर साँप के जरिये ले बगीचा मा हव्‍वा ले गोठियाइस, काबर कि ओहर ओला धोखा देना चाहत रिहिस। ताहाँ हव्‍वा अउर आदम हर परमेश्वर के विरुद्‍ध मा पाप करिन। काबर कि ओमनहर पाप करे रिहिन इकरबर धरति के रहेईया सब मनसे मरथें। ![](https://cdn.door43.org/obs/jpg/360px/obs-en-48-03.jpg) काबर कि आदम अउर हव्‍वा पाप करे रिहिन, इकर बर कुछु अउर घोले खराब होईस। ओमन परमेश्वर के दुश्‍मन बन गिनI जेकर परिणाम के रूप मा, तहाँ ले सब मनसेमन पाप करिन। हर एक जनम ले परमेश्वर के दुश्‍मन हें। परमेश्वर अउर मनसेमन के माझा मा शाँति नी रिहिस। लेकिन परमेश्वर शाँति ला बनाए राखे बर चाहत रिहिस। ![](https://cdn.door43.org/obs/jpg/360px/obs-en-48-04.jpg) परमेश्वर हर प्रतिज्ञा करिस कि हव्‍वा के एक वंशज शैतान के मूड़ी ला कुचलिही। ओहर इ घोले कहिस कि शैतान ओकर एड़ी ला चाबिही। दुसर शब्द मा, शैतान मसीह ला मार डालिही, लेकिन परमेश्वर ओला फेन ले जीवित कर दिही। इकर बाद मसीह शैतान के शक्‍ति ला हमेशा बर खतम कर दीही। कई बछर के बाद, परमेश्वर हर प्रकट करिस कि ओहर मसीह यीशु हे। ![](https://cdn.door43.org/obs/jpg/360px/obs-en-48-05.jpg) परमेश्वर हर नूह ला एकठन डोंगा बनाय बर कहिस ताकि ओहर ओ बाढ़ ले आपन परिवार ला बचा सके जोन ला परमेश्वर भेजे बर रिहिस। इ परकार ले परमेश्वर हर ओ मनसेमन ला बचाईस जोन ओकर उपर विश्वास करत रिहिन। इ परकार ले, सब परमेश्वर के दुवारा मारे जाए के योग्य रिहिन। काबरकि सब मनसेमन पाप करे रिहिन। लेकिन परमेश्वर हर ओ सब ला बचाए बर यीशु ला भेजिस जोन ओकर उपर विश्वास करथें। ![](https://cdn.door43.org/obs/jpg/360px/obs-en-48-06.jpg) सैकड़ों बछर ले, याजक परमेश्वर बर बलिदान चढ़ात रिहिन। इहर बताथे कि मनसेमन हर पाप करिन, अउर इला घोले कि ओमन परमेश्वर के दुवारा दंड दे के योग्य रिहिन। लेकिन ओमन के बलिदान ओमनके पापमन ला क्षमा नी करे सकत रिहिस। यीशु सबले बड़े महागुरु हे। ओहर ओला करिस जोन कोनो याजक नी कर सकत रिहिनI ओहर ओ एक मात्र बलिदान होए बर अपन आप ला दे दीइस जोन हर सब मनसेमन के पापमन ला मिटाए सकत रिहिस। ओहर स्वीकार करिस कि परमेश्वर उ सबके पापमन बर ओला सजा दीही। ई खातिर, यीशु सिद्‌ध महागुरु रिहिस। ![](https://cdn.door43.org/obs/jpg/360px/obs-en-48-07.jpg) परमेश्वर हर अब्राहम ला कहिस, “मैं तोर दूवारा संसार के सब कूलमन ला आशीष दिहं।“ यीशु इच अब्राहम के वंश ले रिहिस। परमेश्वर अब्राहम के दुवारा सब कूलमन ला आशीष देथे, काबर कि जोन यीशु के उपर विश्वास करथे परमेश्वर उ सब ला पाप ले बचाथे। जब ई मनसेमन यीशु के उपर विश्वास करथें, त परमेश्वर ओमन ला अब्राहम के वंशज ले मानथे। ![](https://cdn.door43.org/obs/jpg/360px/obs-en-48-08.jpg) परमेश्वर हर अब्राहम ला कहिस कि ओहर आपन खूद के बेटा ला, ओकर बर बलिदान कर दे। लेकिन फेन परमेश्वर हर इसहाक के बदला मा बलि करे बर एकठन मेमना दीस। हमन सब आपन पाप बर मार डारे जाए के योग्य रहेन! लेकिन परमेश्वर हर हमन के जगह मा मरे बर यीशु ला बलि के रुप दीइस। इकरे खातिर हमन यीशु ला परमेश्वर के मेमना कथन। ![](https://cdn.door43.org/obs/jpg/360px/obs-en-48-09.jpg) जब परमेश्वर हर मिश्र देश मा अंतिम बिपदा भेजिस तो ओहर एक इस्रैली परिवार ला कहिस कि ओमन एकठन मेमना के बलि करें। ओ मेमना मा कोनों दोष नी होए के चाहि। तहाँ आपन टाटी के कपाट के उपर अउर अगल बगल मा ओमन ला ओकर लहु ला लगाना रिहिस। जब परमेश्वर हर उ लहू ला देखिस त ओहर ओमन के घर ले आगे बढ़ गिस अउर ओमनके परूहाँ बेटा ला नी मारिस। जब इहर होईस त परमेश्वर हर ईला फसह के तिहार कहिस। ![](https://cdn.door43.org/obs/jpg/360px/obs-en-48-10.jpg) यीशु फसह के तिहार के एक मेमने के तरह हेI ओहर कभू कोनो पाप नी करे हे, इकरबर ओकर मा कुछू घोले गलत नी करे रिहिस। ओहर फसह के तिहार के समय मा मरिस। जब कोनो यीशु के उपर विश्वास करथें, तहाँ यीशु के लहु ओ मनसे के पाप के कीमत ला चुकाथे। इहर अइसन ए जइसन कि परमेश्वर ओ मनसे ठी ले आगे निकल गिस काबर कि ओहर ओला सजा नी दे। ![](https://cdn.door43.org/obs/jpg/360px/obs-en-48-11.jpg) परमेश्वर हर इस्रैली मनसेमन के संग मा एकठन नियम बाँधिस, काबर कि ओमन अईसे मनसे रिहिन जोन ला परमेश्वर हर आपन होए बर चूने रिहिस। लेकिन अब परमेश्वर हर एक अइसन नियम बांधिस जोन हर सब बर हे। अगर कोनों घोले जाति के कोनों भी मनसे नया नियम ला स्वीकार करथे, त ओहर परमेश्वर के मनसे मा शामिल हो जाथे। ओहर इसने इकरबर करथे काबरकि ओहर यीशु के उपर विश्वास करथे। ![](https://cdn.door43.org/obs/jpg/360px/obs-en-48-12.jpg) मूसा एकठन अइसन भविष्‍यद्वक्‍ता रिहिस जोन हर परमेश्वर के वचन ला बड़े सामर्थ के साथ प्रचार करे रिहिस। लेकिन यीशु सब भविष्‍यद्वक्‍तामन ले बड़े हे। ओहर परमेश्वर हे, इकरबर जोन कुछु घोले ओहर करिस अउर कहिस ओहर परमेश्वर के काम अउर वचन रिहिस। एकरबर पवित्र शास्त्र यीशु ला परमेश्वर के वचन कथे। ![](https://cdn.door43.org/obs/jpg/360px/obs-en-48-13.jpg) परमेश्वर हर राजा दाऊद ले प्रतिज्ञा करे रिहिस कि राजा के रुप मे ओकर वंशज परमेश्वर के मनसेमन के उपर हमेशाबर शासन करिही। यीशु परमेश्वर के बेटा अउर मसीह हे, इकरबर ओहर राजा दाऊद के ओईच वंशज हे जोन सदा बर राज कर सकत हे। ![](https://cdn.door43.org/obs/jpg/360px/obs-en-48-14.jpg) दाऊद त इस्राएल के राजा रिहिस, लेकिन यीशु सारे जगत के राजा हे! ओहर फेन ले आहि अउर सदा बर न्याय अउर शाँति के संग अपन राज मे शासन करहि। *लारिया- उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_48_128kbps.m4a ## 49. परमेश्वर के नवां नियम https://openbiblestories.org/l/hne-x-laria/story-49/ ![](https://cdn.door43.org/obs/jpg/360px/obs-en-49-01.jpg) एकठन सरगदूत हर एक जवान महिला मरियम ले कहिस की ओहर परमेश्वर के बेटा ला जनम दीहीI ओहर अबले कुवांरी रिहिस, लेकिन पवित्र आत्मा ओकर उपर आइस अउर ओहर गर्भवती होगिसI ओहर एकठन बेटा ला जनम दीस जेकर नाम ओहर यीशु राखिसI इकरबर, यीशु परमेश्वर अउर मनसे दुनो हेI ![](https://cdn.door43.org/obs/jpg/360px/obs-en-49-02.jpg) यीशु हर बनेच चमत्कार करिस जोनहर दीखाथे कि ओहर परमेश्वर हेI ओहर पानी मा रेंगिस अउर आंधी ला शांत करिसI ओहर बनेच रोगी मनसेमन ला बने करिस अउर बनेच मनसेमन ले प्रेत-आत्मामन ला निकारिसI ओहर मरे मनसेमन ला जीवित कर दीस, अउर ओहर पांच ठन रोटी अउर दूठी मछरी ला 5,000 मनसे मन ला खवाये बर पर्याप्त खाना में बदल दीसI ![](https://cdn.door43.org/obs/jpg/360px/obs-en-49-03.jpg) यीशु एकठन महान गुरु घोले रिहिस जोन कुछु घोले ओहर सिखाईस, ओहर ओला भरपूरी के सगं सिखाईसI जोन ओहर मनसेमन ले करे बर कथे ओहर ओमन ला करे चाहीं काबरकि ओहर परमेश्वर के बेटा एI उदाहरण बर, ओहर सिखाईस कि तुमन आने मनसेमन ला उसनेच माया करेके जरूरत हे जइसन तुमन अपन आप ला माया करथोI ![](https://cdn.door43.org/obs/jpg/360px/obs-en-49-04.jpg) ओहर इला घोलो सिखाईस कि तुमन ला सब जिनिस ले जादा अउर अपन धन ले घोले अधिक परमेश्वर ला माया करे बर चाहिI ![](https://cdn.door43.org/obs/jpg/360px/obs-en-49-05.jpg) यीशु हर कहिस कि संसार मा कोनो घोले चीज ला पाए ले अच्छा हे परमेश्वर के राज मा होएI ओकर राज मा तुमहर जाए बर जरुरी हे कि परमेश्वर तुमन ला तुमहर पाप ले बचाएI ![](https://cdn.door43.org/obs/jpg/360px/obs-en-49-06.jpg) यीशु हर कहिस कि कुछ मनसे ओला स्वीकार करिहीI परमेश्वर ओ मनसेमन ला बचाहीI लेकिन दुसर मनसे ओला स्वीकार नी करेंI ओहर इला घोले कहिस कि कुछु मनसेमन अच्छी भुइयाँ के समान हें, काबरकि ओमन यीशु के बारे मा शुभ सन्देश ला स्वीकार कर लेथें, अउर परमेश्वर ओमन ला बचाथेI लेकिन कुछु मनसेमन डहर के कठोर भुइयाँ के समान हेंI परमेश्वर के वचन बजा के समान डहर मा गिरथे, लेकिन ओठी कुछु घोले नी उगेI इ मनसेमन यीशु के बारे मा सन्देश ला अस्वीकार कर देथेंI ओमन ओकर राज मा प्रवेश करे बर इंकार कर देथेI ![](https://cdn.door43.org/obs/jpg/360px/obs-en-49-07.jpg) यीशु हर सिखाईस कि परमेश्वर पापीमन ला बनेच माया करथेI ओ ओमनला क्षमा करे बर चाहथे अउर ओमन ला अपन संतान बनाए बर चाहत हेI ![](https://cdn.door43.org/obs/jpg/360px/obs-en-49-08.jpg) यीशु हर इ घोले बताईस कि परमेश्वर पाप ले घृणा करथेI काबरकि आदम अउर हव्वा मन पाप करीन, इकरे बर ओमन के सब वंशजमन पाप करिनI इ संसार मा रहेइया हर एक मनसे पाप करथे अउर परमेश्वर ले दूर रथेI हर एक मनसे परमेश्वर के बइरी होथेI ![](https://cdn.door43.org/obs/jpg/360px/obs-en-49-09.jpg) लेकिन परमेश्वर हर इ संसार के रहईया हर एक मनसे ला इ रीति मा माया करिस: ओहर अपन एकठन बेटा ला दे दीस ताकि परमेश्वर ओमनला दंड नी दे जोन मन यीशु के उपर विश्वास करथेI इकर बजाय, ओमन ओकर संग सदा बर रहिहींI ![](https://cdn.door43.org/obs/jpg/360px/obs-en-49-10.jpg) तुमन मरे के योग्य ह काबरकि तुमन पाप करे हI परमेश्वर बर इहर उचित होही कि ओहर तुमन ला दंड दिही, लेकिन यीशु हर हमर जगह मा पाप के दंड ला लेलिसI परमेश्वर हर यीशु ला कुरूस के मृत्यु देके दंड दीसI ![](https://cdn.door43.org/obs/jpg/360px/obs-en-49-11.jpg) यीशु हर कभू पाप नी करे रिहिस, लेकिन ओहर पाप के दंड ला स्वीकार करिस, इहाँ तक ले की सबले भयानक मृत्यु दंड ला घोले स्वीकार करिसI इ रीति मा, तुमहर पापमन ला उठा लेजाए बर ओहर एकठन परिपूर्ण बलिदान रिहिसI यीशु हर स्वयं ला परमेश्वर बर बलिदान कर दीस, इकरबर परमेश्वर ओ मनसेमन के कोनो घोले पाप ला, इहाँ तक ले भयंकर पापमन ला घोले क्षमा करथे, जोन यीशु के उपर विश्वास करथेI ![](https://cdn.door43.org/obs/jpg/360px/obs-en-49-12.jpg) भले ही तुमन बनेच से बढियाँ काममन ला करत ह, त इकर दूआरा परमेश्वर तुमन ला नी बचाएI ओकर मित्र बने बर एइसन कुछु घोले निये जोन तुमन कर सकीहI इकरे अपेक्षा तुमन ला विश्वास करे के हे कि यीशु परमेश्वर के बेटा हे, अउर ओ तुमहर बदले मा कुरूस मा मर गिस, अउर इ घोले कि परमेश्वर हर ओला फेन ले जीवित कर दिसI यदि तुमन इमे विश्वास करिह, त परमेश्वर तुमहर पापमन ला क्षमा कर दीहिI ![](https://cdn.door43.org/obs/jpg/360px/obs-en-49-13.jpg) परमेश्वर ओ हर एक मनसे ला बचाही जोन यीशु मा विश्वास करथे अउर ओला अपन प्रभु स्वीकार करथेI परन्तु ओहर ओमन ला नी बचाए जोन ओकर उपर विश्वास नी करें इहर कोनो मतलब नी राखे कि तुमन धनी ह या गरीब ह, पुरुष ह या महिला ह, बूढ़े ह या जवान ह, या तुमन कोन करा र थI परमेश्वर तुमन ले माया करथे अउर चाहथे कि तुमन यीशु ठीन विश्वास क र कि ओ तुम्हर मित्र बन सकिहिI ![](https://cdn.door43.org/obs/jpg/360px/obs-en-49-14.jpg) यीशु तुमन ला बलाथे कि ओकर उपर विश्वास कर अउर बतिस्मा लI का तुमन विश्वास करथ ह कि परमेश्वर के एकठन बेटा, यीशुच मसीह ए ? का तुमन विश्वास करथ ह कि तुमन पापीमन ह अउर इह कि तुमन परमेश्वर दूआरा दण्डित करे के योग्य ह ? का तुमन विश्वास करथ ह कि तुमहर पापमन ला मिटाए बर यीशु कुरूस मा मारिसI ![](https://cdn.door43.org/obs/jpg/360px/obs-en-49-15.jpg) यदि तुमन यीशु मा विश्वास करिह अउर जो ओहर तुमहर बर करी से ओकर अंगीकार करथो, त ‘तुमन यीशु के अनुयायी हाव !शैतान आपन अन्धकार के राज्य मा अब तुमहर उपर शासन नि करेI अब परमेश्वर अपन प्रकाश के राज्य मा तुमहर उपर मा शासन करथेI ओहर तुमन ला पाप निकरे में सक्षम करिसे, जो तुमन पहले तुमन का करत रहI ओहर तू मन ला एक नवां, उचित जीवन दी सेI ![](https://cdn.door43.org/obs/jpg/360px/obs-en-49-16.jpg) यदि तुमन यीशु के अनुयायी ह त जोन यीशु हर करिसे ओकर खातिर परमेश्वर हर तुमहर पापमन ला क्षमा कर दीइसI अब, परमेश्वर एक बयरी के अपेक्षा तुमन ला एकठन घनिष्ट मित्र मानथेI ![](https://cdn.door43.org/obs/jpg/360px/obs-en-49-17.jpg) यदि तुमन परमेश्वर के मित्र ह अउर प्रभु यीशु के सेवक ह त तुमन उ गोईटमन ला पालन करे के इच्छा करिह जोन यीशु तुमन ला सिखाथेI भलेच तुमन यीशु कि अनुयायी ह, शैतान अभी घोले पाप करे बर तुमहर परीक्षा करिहीI लेकिन परमेश्वर हमेशा ओ करथे जोन ओहर कथे कि ओहर करिहीI ओ कहत हे कि यदि तुमन अपन पापमन ला मान लिह, त ओहर तुमन ला क्षमा कर दिहीI ओहर तुमन ला पाप के विरुद्ध लड़े के शक्ति दिहीI ![](https://cdn.door43.org/obs/jpg/360px/obs-en-49-18.jpg) परमेश्वर तुमन ला प्राथना करे बर अउर ओकर वचन ला पढ़े बर कहथेI ओ हर तुमन ला आने विश्वासीमन के संग मिलके ओकर आराधना करे बर घोले कहत हेI तुमन ला आने मनसेमन ला घोले बताना हे कि ओहर तुमहर बर का करिसेI अगर तें इ सब काममन ला करबे, त तें ओकर एकठन पक्का संगी बनजाबेI *लारिया- रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 ले बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_49_128kbps.m4a ## 50. यीशु वापिस लौटिही https://openbiblestories.org/l/hne-x-laria/story-50/ ![](https://cdn.door43.org/obs/jpg/360px/obs-en-50-01.jpg) लगभग 2,000 बछर ले, संसार मा सब जगह मा अधिक ले अधिक मनसेमन मसीह यीशु के बारे मा शुभ सन्देश ला सुनत हें कलीसिया उन्नति करत हेI यीशु हर वादा करे हे कि ओहर संसार के अंत मा वापिस लौटिहीI यदि ओहर वापिस नी आइसे, त घोले ओहर अपन वादा ला पूरा करिहीI ![](https://cdn.door43.org/obs/jpg/360px/obs-en-50-02.jpg) जब कि हमन यीशु के वापिस लौटे के परतीक्षा करत हंन, परमेश्वर हमनले एइसन रीति ले जीवन जिए के इच्छा करत हे जोन पवित्र हे अउर जोन ओकर आदर करथेI ओहर इ घोले चाहत हे कि हमन दूसरमन ला घोले ओकर राज के बारे मा बतानI जब यीशु पृथ्वी मा रहत रिहिस तहाँ ओहर कहिस, ‘’मोर चेलामन संसार भर मा सब जगह के मनसेमन ला परमेश्वर के राज के बारे मा शुभ सन्देश प्रचार करिहिं, अउर तहाँ अंत आजाहीI” ![](https://cdn.door43.org/obs/jpg/360px/obs-en-50-03.jpg) बनेच कन जातिमन अभी तक यीशु के बारे मा नी सुनिन हेंI सरग ला लौट जाए के पहले, यीशु हर अपन अनुयायी मन ले ओ मनसेमन ला शुभ सन्देश सुनाये बर कहिस जोनमन हर इला कभू नी सुनिन हेंI ओहर कहिस, ‘’जाव अउर सब जाति मन के मनसेमन ला चेला बनाव !‘’ अउर “काटे बर खेत पाक चुके हे!’’ ![](https://cdn.door43.org/obs/jpg/360px/obs-en-50-04.jpg) यीशु हर इ घोले कहिस, ‘’कोनो मनसे के सेवक अपन स्वामी ले बड़े नी होएI इ संसार के महत्वपूर्ण मनसेमन मोला घृणा करिन, अउर मोर खातिर ओमन तुमन ला घोले सताहीं अउर मार डालिहींI इ संसार मा तुमन दुःख भोगिह, लेकिन मजबूत बन, काबरकि मेंहर शैतान ला हरा देहं जोन इ संसार मा शासन करथेI यदि तुमन अंत तक मोर प्रति विश्वास योग्य बने रिह, त परमेश्वर तुमन ला बचाही !’’ ![](https://cdn.door43.org/obs/jpg/360px/obs-en-50-05.jpg) यीशु हर अपन चेलामन ला इ समझाए बर एकठन कथा सुनाइस कि जब संसार के अंत होही त मनसेमन के संग का होहीI ओहर कहिस, ‘’कोनो मनसे हर अपन खेत मा बढियाँ बीजा बोईसI जब ओहर सुतत रिहिस त ओकर बयरी आइस अउर गेहूं के बिजामन के बीच मा जंगली पौधामन के बीजमन ला बो दीस, अउर फेन ओहर चल दीसI” ![](https://cdn.door43.org/obs/jpg/360px/obs-en-50-06.jpg) ‘’जब पौधामन अंकुरित होईन त सेवकमन ओ मनसे ला कहिन, ‘हे स्वामी, तें त आपन खेत मा बढियाँ बीजा बोए रहेI त फेन इमें जंगली पौधामन काबर हें ? ओ मनसे हर उत्तर दीस, ‘केवल मोर बयरीच ओमन ला बोए के इच्छा करिहिंI इहर मोर कोनो शत्रु हे जोन हर एइसे करिसेI’’’ ![](https://cdn.door43.org/obs/jpg/360px/obs-en-50-07.jpg) ‘’उ सेवाकमन हर अपन स्वामी ला उत्तर दीन, ’का हमन जंगली पौधामन ला उखाड़ देबो?’ ओ स्वामी हर कहिस, ‘नीI यदि तुमन एइसन करिह त तुमन कुछु गहुँ के पौधामन ला घोले उखाड़ दीहI कटाई के बेरा तक परतीक्षा करI तहाँ जंगली पौधामन ला गठ्ठामन मा इकठ्ठा कर ल ताकि तुमन ओला जरा सकीहI लेकिन गेहूं ला मोर खलिहान मा लेके आवI’’’ ![](https://cdn.door43.org/obs/jpg/360px/obs-en-50-08.jpg) चेलामन इ कथा के मतलब ला नी समझीन, इकरे बर ओमन हर यीशु ले ओमन ला समझाए बर निवेदन करिनI यीशु हर कहिस, ‘’बढियाँ बीजा बोइया मनसे मसीह के प्रतिनिधित्व करथेI खेत संसार के प्रतिनिधित्व करथेI बढियां बीजा परमेश्वर के राज के मनसेमन के प्रतितिनिधित्व करथेI’’ ![](https://cdn.door43.org/obs/jpg/360px/obs-en-50-09.jpg) ‘’जंगली पौधामन उ दुष्ट शैतान के मनसेमन के प्रतिनिधित्व करथेI उ मनसे के बइरी शैतान के प्रतिनिधित्व करथे, जोनहर जंगली पौधामन ला बो दे रिहिसI कटाई इ संसार के अंत के प्रतिनिधित्व करथे, अउर कटाई करवईया परमेश्वर के स्वर्गदूतमन के प्रतिनिधित्व करथेI ![](https://cdn.door43.org/obs/jpg/360px/obs-en-50-10.jpg) ‘’जब संसार के अंत होही तहाँ स्वर्गदूत ओ सब मनसेमन ला एक संग जमा करिही जोन शैतान के हेI ओ स्वर्गदूत ओमन ला एकठन बनेच गरम आगि मा फेक दीहींI ओकरा ओ मनसेमन भयंकर सताव मा रोहीं अउर अपन दांत पिसिहींI लेकिन जोन मनसेमन धरमी हें, जोनमन यीशु के अनुसरण करिन, ओमन अपन परमेश्वर पिता के राज मा सूरज के समान चमकिहींI” ![](https://cdn.door43.org/obs/jpg/360px/obs-en-50-11.jpg) यीशु हर इ घोले कहिस कि ओ संसार के अंत होए के पहले पृथ्वी मा लौटिहीI ओहर ओइच तरीका ले आही जइसे ओहर गे रिहिसI अर्थात, ओकर ठी असली शरीर होही, अउर ओहर आकाश के बादरमन मा सवार होके आहीI जब यीशु लौटिही, त यीशु के सब अनुयायी जोनमन मर चुके हें मरे मा ले जी उठीहीं अउर ओकरले आकश मा मिलिहिंI ![](https://cdn.door43.org/obs/jpg/360px/obs-en-50-12.jpg) तहाँ जोन अनुयायी अभी घोले जीयंत हें ओमन आकाश मा उठाए जाहीं अउर ओ दूसर अनुयायीमन संग शामिल हो जाहीं जोन मरे मा ले जी उठीहींI ओमन सब ओठी यीशु के संग होहीं ओकर बाद यीशु आपन मनसेमन के संग रिहीI जब ओमन एकेच संग रिहीं त ओमन करा सदा बर शांति होहीI ![](https://cdn.door43.org/obs/jpg/360px/obs-en-50-13.jpg) यीशु हर ओकर उपर विश्वास करवेइया सबेच मनसेमन ला एकठन मुकुट दे के प्रतिज्ञा करिस हेI ओमन सदा बर परमेश्वर के संग हर एक वस्तु के ऊपर शासन करिहिंI ओमन करा सिद्ध शांति होहीI ![](https://cdn.door43.org/obs/jpg/360px/obs-en-50-14.jpg) लेकिन परमेश्वर उ सब के न्याय करिही जोन यीशु ला विश्वास नी करेंI ओहर ओमन ला नरक मा डाल दीहीI ओकरा ओमन रोहीं अउर अपन दांत पिसिहींI अउर ओमन हमेशा पीड़ित होत रिहींI कभू नी बुझे आगि मा ओमन लगातार जरत रिहीं, अउर कीड़ा ओमन ला खाए बर कभू नी रुकेंI ![](https://cdn.door43.org/obs/jpg/360px/obs-en-50-15.jpg) जब यीशु लौटिही, त ओहर पूरी रीति मा शैतान ला अउर ओकर राज ला नष्ट कर दीहीI ओहर शैतान ला नरक मा डाल दीहीI ओकरा शैतान हमेशा बर जलत रिही, उ सब के संग जोन हर परमेश्वर के गोइठमन ला माने के अलावा शैतान के पिछु चले के चुनाव करे रिहिसI ![](https://cdn.door43.org/obs/jpg/360px/obs-en-50-16.jpg) काबरकि आदम अउर हवा हर परमेश्वर के आज्ञा नी मानिन अउर पाप ला इ संसार मा ले के आए रिहिन, परमेश्वर हर संसार ला श्राप दीस अउर ओला नष्ट करे बर निर्णय करिसI लेकिन कोनो दिन परमेश्वर एक नवां सरग अउर एक नवां पृथ्वी के रचना करिही जोन सिद्ध होहींI ![](https://cdn.door43.org/obs/jpg/360px/obs-en-50-17.jpg) यीशु अउर ओकर मनसे ओ नवां पृथ्वी मा रिहीं, अउर ओ सदा बर सब वस्तुमन मा शासन करिहीI ओहर मनसेमन के आँखी के हर एक आंसू ला पोंछ दिहीI अब कोनो घोले पीड़ित या दुःखी नी होहींI ओमन नी रोयेंI ओमन बीमार नी होएं या नी मरेंI अउर ओ ठी कुछु घोले बुराई नी होएI यीशु अपन राज मा न्यायपुरवक, अउर शांति के संग राज करिहीI ओ हमेशा बर अपन मनसेमन के संग रिहीI *लरिया - मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 तक बाइबिल के एकठन कथा* Audio: https://git.door43.org/OBS-TLF/hne-x-laria_obs/releases/download/v1/hne-x-laria_obs_v1_50_128kbps.m4a