# unfoldingWord Open Bible Stories — Iloko (Ilocano)

- Language code: `ilo`
- Canonical page: https://openbiblestories.org/l/ilo/
- Stories in this file: 50 of 50
- Published by: reymark
- Last release: 2026-08-24
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Iloko translation; it is not a translation of the whole Bible.

## 1. Ti Pannakaparsua

https://openbiblestories.org/l/ilo/story-1/

![](https://cdn.door43.org/obs/jpg/360px/obs-en-01-01.jpg)

Kastoy ti nangrugian dagiti amin a banbanag. Pinarsua iti Dios ti sangalubongan ken amin nga adda sadiay iti innem nga aldaw. Kalpasan a pinarsua iti Dios ti lubong, nakasipsipnget daytoy, pulos nga awan kargana ken awan iti uray aniaman a nailanga ditoy. Ti Espiritu iti Dios ket adda iti rabaw dagiti danum.

![](https://cdn.door43.org/obs/jpg/360px/obs-en-01-02.jpg)

Kalpasanna, kinuna iti Dios, “Maadda iti lawag.” Naadda ngarud iti lawag. Nakita iti Dios a nasayaat ti lawag ket inawaganna daytoy iti “aldaw”. Insina iti Dios ti lawag manipud iti sipnget ket inawaganna iti “rabii.” Pinarsua iti Dios ti lawag iti umuna nga aldaw iti panagparsua.

![](https://cdn.door43.org/obs/jpg/360px/obs-en-01-03.jpg)

Iti maikadua nga aldaw iti panagparsua, nagsao ti Dios, pinarsuana ti tangatang iti ngatoen iti daga. Pinarsuana ti tangatang babaen iti panangisinana iti danum sadiay ngato ken ti danum nga adda iti baba.

![](https://cdn.door43.org/obs/jpg/360px/obs-en-01-04.jpg)

Iti maikatlo nga aldaw, nagsao ti Dios, insinana ti danum manipud iti namaga a daga. Ti namaga a paset ket inawaganna iti "daga", ti danum ket inawaganna iti "baybay". Nakita iti Dios a ti pinarsuana ket nasayaat.

![](https://cdn.door43.org/obs/jpg/360px/obs-en-01-05.jpg)

Kalpasanna, kinuna iti Dios, “Maadda iti daga dagiti amin a kita iti kaykayo ken mulmula.” Naaramid ngarud nga kasta kas kinuna iti Dios. Nakita iti Dios a nasayaat ti pinarsuana.

![](https://cdn.door43.org/obs/jpg/360px/obs-en-01-06.jpg)

Iti maika-uppat nga aldaw iti panagparsua, nagsao ti Dios, inaramidna ti init, ti bulan ken dagiti bitbituen. Pinarsua iti Dios dagitoy tapno mangted iti lawag iti lubong. Pagilasinan iti aldaw ken rabii kasta met dagiti panpanawen ken tawtawen. Nakita iti Dios a nasayaat ti pinarsuana.

![](https://cdn.door43.org/obs/jpg/360px/obs-en-01-07.jpg)

Iti maikalima nga aldaw, nagsao iti Dios, pinarsuana dagiti amin nga aglanglangoy iti danum ken amin a kita ti billit. Nakita iti Dios a nasayaat dagitoy ket binendisionanna ida.

![](https://cdn.door43.org/obs/jpg/360px/obs-en-01-08.jpg)

Iti maika-innem nga aldaw iti panagparsua kinuna iti Dios, “Maadda amin a kita iti ay-ayup iti daga!” Napasamak a kasta kas kinuna ti Dios. Sumagmamano kadagitoy ket dingwen, atap ken agkaradap iti daga ti dadduma kadakuada. Nakita ngarud iti Dios a nasayaat dagitoy.

![](https://cdn.door43.org/obs/jpg/360px/obs-en-01-09.jpg)

Kinuna ti Dios, “Agaramidtayo iti tattao a kaas-asping tayo. Iturayandanto ti daga ken kadagiti ay-ayup.”

![](https://cdn.door43.org/obs/jpg/360px/obs-en-01-10.jpg)

Nangala ti Dios iti tapuk ket dinamilina a lalaki, inikkanna daytoy iti biag. Pinanaganan iti Dios daytoy a tao iti Adan. Nangaramid ti Dios iti minuyungan a pagnaedan ni Adan ket insaadna a mangaywan iti daytoy.

![](https://cdn.door43.org/obs/jpg/360px/obs-en-01-11.jpg)

Nagmula ti Dios iti dua a naidumduma a kayo iti tengnga ti minuyongan. Dagitoy a kayo ket isu ti kayo iti biag ken kayo ti pannakaammo iti nasayaat ken dakes. Kinuna iti Dios kenni Adan, mabalinna a kanen ti bunga ti aniaman a kayo idiay minuyongan malaksid iti bunga iti kayo iti pannakaammo iti nasayaat ken dakes. No mangan isuna manipud iti bunga dayta a kayo ket matayto.

![](https://cdn.door43.org/obs/jpg/360px/obs-en-01-12.jpg)

Kinuna iti Dios, “Saan a nasayaat nga agmaymaysa ti lalaki.” Awan kadagiti ayup ti mabalin a mangkadua ken ni Adan.

![](https://cdn.door43.org/obs/jpg/360px/obs-en-01-13.jpg)

Pinaturog iti Dios ni Adan agingga a narnekan. Nangala ti Dios iti maysa a paragpag ni Adan ket inaramidna daytoy a babai. Impan iti Dios ti babai ken ni Adan.

![](https://cdn.door43.org/obs/jpg/360px/obs-en-01-14.jpg)

Naragsakan ni Adan idi nakita na ti babai, kinunana, “Imbag la ketdin! Addan iti kaduak a kapadpadak, awagak daytoy iti "'Babai"' gapu ta naaramid manipud iti lalaki.” Daytoy ti gapuna a panawan ti lalaki dagiti nagannakna tapno makitipon iti asawana ket agbalinda a maymaysa.

![](https://cdn.door43.org/obs/jpg/360px/obs-en-01-15.jpg)

Inaramid iti Dios ti lalaki ken babai a kaas-aspingna. Binendisionan ida iti Dios ket kinunana kadakuada, “Aganakkayo iti adu ket maaddaankayo iti adu nga appuko agingga nga mapunnoyo ti lubong!” Idin nakita iti Dios a nakasaysayaat dagiti amin nga inaramidna ket naay-ayo unay kadagitoy. Daytoy ti napasamak iti maika-innem nga aldaw iti panagparsua.

![](https://cdn.door43.org/obs/jpg/360px/obs-en-01-16.jpg)

Naginana ti Dios iti maikapito nga aldaw agsipud ta nalpas aminen nga inaramidna. Binendisionan iti Dios ti maikapito nga aldaw. Pinagbalinna daytoy a nasantoan gapu ta naginana iti panagtrabahona. Kasta ti panangparsua iti Dios iti sangalubongan ken dagiti amin a banbanag.

*Istorya iti Biblia manipud: Genesis 1-2*

## 2. Simrek ti Basol iti Lubong

https://openbiblestories.org/l/ilo/story-2/

![](https://cdn.door43.org/obs/jpg/360px/obs-en-02-01.jpg)

Siraragsak nga agbibiag ni Adan ken ti asawana idiay nakapinpintas nga minuyongan nga inaramid iti Dios para kadakuada. Agpadada a saan a nakawesan. No man pay kasta, saanda a makarikna iti panagbain gapu ta awan pay laeng ti basol iti lubong. Kankanayonda a magmagna iti minuyongan ken makisarsaritada ti Dios.

![](https://cdn.door43.org/obs/jpg/360px/obs-en-02-02.jpg)

Idiay minuyongan, adda maysa nga uleg a nasikap. Dinamagna ti babai, “Agpayso kadi nga imbaga iti Dios kadakayo a saankayo a mangan iti bunga iti aniaman kadagiti kaykayo iti minuyungan?”

![](https://cdn.door43.org/obs/jpg/360px/obs-en-02-03.jpg)

Simmungbat ti babai ket kinunana, “Imbaga iti Dios a mabalinmi a kanen ti bunga iti aniaman a kayo malaksid iti bunga ti kayo ti pannakaammo iti nasayaat ken dakes. Imbaga iti Dios kadakami a 'no kanenyo dayta a bunga wenno uray sagidenyo laeng ket mataykayo."

![](https://cdn.door43.org/obs/jpg/360px/obs-en-02-04.jpg)

Sinungbatan iti uleg ti babai a kunana “Saan nga agpayso dayta! Saankayo a matay. Ammo iti Dios a no kanenyo, agbalinkayo a kas iti Dios ken maawatanyonto ti nasayaat ken dakes a kas kenkuana.”

![](https://cdn.door43.org/obs/jpg/360px/obs-en-02-05.jpg)

Nakita iti babai a naimas diay bunga ket makaay-ayo ti buyana. Maysa pay ket tinarigagayanna met nga agbalin a masirib. Isunga nangpuros kadagiti bunga ket kinnanna. Intedna ti dadduma iti asawana a kaduana ket nangan met.

![](https://cdn.door43.org/obs/jpg/360px/obs-en-02-06.jpg)

Dagus a naamirisda a lamulamoda. Inabbunganda ti bagbagida babaen iti panagdaitda iti bulbulong a bado wenno kawesda.

![](https://cdn.door43.org/obs/jpg/360px/obs-en-02-07.jpg)

Nangngeg iti lalaki ken iti asawana ti arimpadek ti Dios a magmagna iti minuyungan. Naglemmengda a dua manipud iti Dios. Inawagan iti Dios ti lalaki, “Sadinno ti ayanmo?”Simmungbat ni Adan ket kinunana “Nangngegko a magmagnaka iti minuyungan, nagbutengak gapu ta lamulamoak isu a naglemmengak.”

![](https://cdn.door43.org/obs/jpg/360px/obs-en-02-08.jpg)

Dinamag iti Dios, “Siasino ti nangibaga a lamulamoka? Nanganka kadi iti bunga nga imbagak a saanmo a kanen?” Simmungbat ti lalaki ket kinunana, “Daytoy babai nga intedmo kaniak isu ti nangted iti bunga.” Sinaludsod iti Dios ti babae,“Ania ti inaramidmo?.” Simmungbat ti babae, “Inallilawnak diay uleg.”

![](https://cdn.door43.org/obs/jpg/360px/obs-en-02-09.jpg)

Kinuna iti Dios iti uleg, "Mailunodka!" aguyaskanto ket manganka iti tapuk. Agginnurakayonto iti babae, uray pay dagiti an-annakmo ken an-annakna ket agginnuradanto met. Rim-itento iti kaputotan iti babae ti ulom ket sugatemto met ti mukodna."

![](https://cdn.door43.org/obs/jpg/360px/obs-en-02-10.jpg)

Kalpasanna, kinuna iti Dios iti babae, “Aramidek a nakasaksakitto ti panagpasngaymo. Tarigagayamto ni lakaymo ken iturayannakanto.”

![](https://cdn.door43.org/obs/jpg/360px/obs-en-02-11.jpg)

Imbaga iti Dios iti lalaki, “Dimngegka iti asawam ket sinukirnak. Itatta, mailunod ti daga ket kasapulamon iti kasta unay a panagtrabaho tapno adda iti kanem. Sumaruno, mataykanto ket ti bagim agsubli iti tapuk. Pinanaganan iti lalaki ti asawana iti Eba nga ti kaipapananna,“mangted iti biag” gapu ta agbalinto nga ina dagiti amin a tattao. Kinawesan iti Dios ni Adan ken Eba babaen iti kudil iti ayup.

![](https://cdn.door43.org/obs/jpg/360px/obs-en-02-12.jpg)

Kalpasanna, imbaga iti Dios, ”Itatta ngarud ta nagbalinen dagiti tao a kas kadatayo babaen iti pannakaammoda iti nasayaat ken dakes, saandan a mapalubusan a mangan iti bunga iti kayo iti biag, ken saandan nga agbiag nga agnanayon.” Gapu iti daytoy, pinapanaw iti Dios ni Adan ken Eba iti adayo manipud iti nakapinpintas a minuyongan. Pinabantayan iti Dios iti mannakabalin nga angheles ti ruangan iti minuyongan tapno awan uray maysa a makapangan iti bunga iti kayo iti biag.

*Istorya iti Biblia manipud: Genesis 3*

## 3. Ti Layus

https://openbiblestories.org/l/ilo/story-3/

![](https://cdn.door43.org/obs/jpg/360px/obs-en-03-01.jpg)

Kalpasan iti nabayag a panawen, immadu dagiti tattao iti lubong. Nagbalinda a managdakdakes ken naranggas unay. Kasta unay iti kinadakesda isu nga inkeddeng iti Dios a dadaelen ti lubong babaen iti dakkel a layus.

![](https://cdn.door43.org/obs/jpg/360px/obs-en-03-02.jpg)

Adda maysa a tao a kaay-ayo unay iti Dios, ni Noe. Nalinteg isuna a tao a makipagnanaed kadagiti managdakdakes a tattao. Impakaammo iti Dios ken ni Noe ti panggepna a pananglayus ti lubong. Imbaon iti Dios ni Noe nga agaramid iti dakkel a daong.

![](https://cdn.door43.org/obs/jpg/360px/obs-en-03-03.jpg)

Kinuna iti Dios kenni Noe, aramidenna ti daong nga 140 metro ti kaatiddogna, 23 metro ti kalawana ken 13.5 metro ti kangatona. Kayo ti aramaten ni Noe nga agaramid ti daong nga addaan iti tallo a grado, adu a kuarto, addaan iti atep ken maysa a tawa. Ti daong ti mangisalakan ken Noe agraman ti pamiliana ken dagiti amin a kita iti ayup nga agbibiag iti daga kabayatan iti layus.”

![](https://cdn.door43.org/obs/jpg/360px/obs-en-03-04.jpg)

Nagtulnog ni Noe iti Dios. Nagtitinnulong da Noe ken dagiti tallo nga annakna a lallaki iti panangaramid ti daong sigun iti imbilin iti Dios kadakuada. Gapu ta dakkel unay ti daong, adu a tawtawen ti naglabas sakbay a nalpas daytoy. Binallaagan ni Noe dagiti tattao maipapan iti umay nga layus. Imbagana nga agbabawida ken agtulnogda iti Dios ngem saanda a namatpati kenkuana.

![](https://cdn.door43.org/obs/jpg/360px/obs-en-03-05.jpg)

Binilin iti Dios ni Noe ken ti pamiliana nga agurnongda iti umdas a makan para kadakuada ken kadagiti ay-ayup. Idi nakasaganan ti amin, kinuna iti Dios ken ni Noe a sumrekdan iti daong agraman ti asawana ken dagiti tallo nga annakna a lallaki ken dagiti as-asawada. Walo da amin a tao a simrek iti daong.

![](https://cdn.door43.org/obs/jpg/360px/obs-en-03-06.jpg)

Imbaon iti Dios dagiti amin a kita iti ayup ken ni Noe tapno maiserrek iti daong ket mailasatda iti layus. Dagitoy amin a kita iti ayup ket addaan iti agpares a lalaki ken babai kasta met dagiti bilbillit. Imbaon met iti Dios ti sagpipito a lalaki ken babai kadagiti amin a kita iti ayup a mabalin a maidaton kenkuanna. Idi nakastrekda aminen iti daong, inrikep iti Dios ti ruanganna.

![](https://cdn.door43.org/obs/jpg/360px/obs-en-03-07.jpg)

Kalpasanna, nangrugi a nagtudo iti awan sardengna. Nagtultuloy ti panagtudtudona iti las-ud ti 40 nga aldaw ken 40 a rabii. Pimsuak ti danum a naggapu iti uneg iti daga. Nalipus iti danum ti daga agraman dagiti kangangatoan a banbantay.

![](https://cdn.door43.org/obs/jpg/360px/obs-en-03-08.jpg)

Natay amin nga agbibiag iti daga malaksid laeng kadagiti tattao ken ay-ayup nga adda iti uneg iti daong. Tumtumpaw ti daong iti danum, nakalasat iti layus dagiti amin nga adda idiay unegna.

![](https://cdn.door43.org/obs/jpg/360px/obs-en-03-09.jpg)

Kalpasan a nagsardeng ti panagtudtudona, tumtumpaw latta ti daong iti lima pay a bulan. Kabayatan iti daytoy a panawen, nangrugi a bimmaba ti danum. Iti maysa nga aldaw, nagdisso ti daong iti tuktok iti maysa a bantay. Nalipus pay laeng iti danum ti daga. Idi naglabas ti tallo pay a bulan, makitan dagiti tuktok iti banbantay.

![](https://cdn.door43.org/obs/jpg/360px/obs-en-03-10.jpg)

Kalpasan iti uppat a pulo pay nga aldaw, nagpatayab ni Noe ti maysa nga uwak tapnu maammoanna no nagmagan ti daga. Nagsubli-subli ti uwak ta awan iti makitana a namaga a daga.

![](https://cdn.door43.org/obs/jpg/360px/obs-en-03-11.jpg)

Saan a nagbayag, nagpatayab ni Noe iti maysa a kalapati. Awan pay iti makitana a namaga a daga isu a nagsubli kenni Noe. Idi naglabas iti maysa a lawas, pinatayab manen ni Noe ti kalapati. Saan a nagbayag, nagsubli nga adda sinippitna a sanga iti Olibo. Bumabbaban ti danum, nangrugi manen nga agtubo dagiti mulmula..

![](https://cdn.door43.org/obs/jpg/360px/obs-en-03-12.jpg)

Naguray pay ni Noe iti maysa a lawas, pinatayabna manen diay kalapati iti mai-katlo a daras. Itan, adda nabirukanna a pagdissoan ket saanen a nagsubli. Agmagmagan ti daga.

![](https://cdn.door43.org/obs/jpg/360px/obs-en-03-13.jpg)

Kalpasan iti dua a bulan, kinuna ti Dios kenni Noe, “Tatta, mabalin kayon a rumuar iti daong agraman dagiti ay-ayup. Aganakkayo iti adu tapno maaddaan kayo iti adu nga appuko ket punnuenyo iti tao ti lubong. Rimmuar ngarud da Noe ken ti pamiliana manipud iti daong.

![](https://cdn.door43.org/obs/jpg/360px/obs-en-03-14.jpg)

Kalpasan a rimmuar da Noe iti daong, nagaramid ni Noe iti maysa nga altar. Ditoy a nangidaton ni Noe iti agduduma a kita iti ayup a mabalin nga idaton iti Dios. Naay-ayo ti Dios kadagiti indaton ni Noe, binendisionan ti Dios ni Noe ken ti pamiliana.

![](https://cdn.door43.org/obs/jpg/360px/obs-en-03-15.jpg)

Kinuna iti Dios, “Ikarik kadakayo a saanko nga uliten nga ilunod ti daga gapu kadagiti dakes a banbanag nga ar-aramiden dagiti tattao. Saanko metten a dadaelen ti lubong babaen iti layus uray no managbasol ti tao manipud kinaubingda.”

![](https://cdn.door43.org/obs/jpg/360px/obs-en-03-16.jpg)

Inaramid ngarud iti Dios ti kaunaan a bullalayaw kas pangilasinan iti karina. Tunggal tiempo nga agparang ti bullalayaw iti tangatang, laglagipen iti Dios ti inkarina. Laglagipen met dagiti tattao ti inkari iti Dios kadakuada.

*Istorya iti Biblia manipud: Genesis*

## 4. Ti Tulag ti Dios ken ni Abraham

https://openbiblestories.org/l/ilo/story-4/

![](https://cdn.door43.org/obs/jpg/360px/obs-en-04-01.jpg)

Adu a tawen kalpasan iti layus, immadu manen ti tattao ditoy daga. Maysa laeng ti us-usarenda a pagsasao. Imbilin iti Dios kadakuada nga aganakda iti adu tapno mapunno ti lubong iti tao, ngem saanda a nagtungpal iti Dios no di ket nagu-ummungda ken nagaramidda iti maysa a siudad.

![](https://cdn.door43.org/obs/jpg/360px/obs-en-04-02.jpg)

Nakapalpalangguad dagiti tattao ket saandan nga inkaskaso ti bilin iti Dios. Nangrugida payen a nangipatakder iti maysa a nakangatngato a torre tapno madanonna iti langit. Nakita iti Dios a no itultuloyda iti agmaymaysa nga agaramid iti dakes, mabalinda a makaaramid iti ad-adu pay a pakabasolan.

![](https://cdn.door43.org/obs/jpg/360px/obs-en-04-03.jpg)

Gapu iti daytoy, binaliwan iti Dios ti pagsasaoda. Nangaramid ngarud ti Dios iti nadumaduma a pagsasao isu a saanen nga nagkikinnaawatan dagiti tattao, agsipud ta naaddaanda iti agduduma nga klase ti pagsasao. Inwaras iti Dios dagiti tattao iti nadumaduma a paset iti lubong. Ti rinugianda a pinatakder a siudad ket maawagan iti Babel a ti kayatna a sawen, “mariribukan.”

![](https://cdn.door43.org/obs/jpg/360px/obs-en-04-04.jpg)

Kalpasan iti ginasut a tawtawen, nagsao ti Dios iti maysa a tao, Abram ti naganna. Kinuna iti Dios kenkuana, “Panawam ti pagiliam ken ti pamiliam ket mapanka iti daga nga ipakitak kenka. Bendisionankanto ket maaddaanka iti adu a kaputotan ken agbalinda a nabileg a nasion. Bendisionankanto ket agdinamagto ti naganmo. Bendisionak dagiti mangbendision kenka, ilunodko dagiti mangilunod kenka. Mabendisionan amin a pampamilia ditoy lubong gapu kenka.”

![](https://cdn.door43.org/obs/jpg/360px/obs-en-04-05.jpg)

Nagtulnog ni Abram iti Dios. Intugotna ti asawana a ni Sarai agraman dagiti amin nga adipenna ken amin dagiti sanikuana. Napanda iti daga nga impakita iti Dios kenkuana, ti daga iti Canaan.

![](https://cdn.door43.org/obs/jpg/360px/obs-en-04-06.jpg)

Idi nakadanon ni Abram idiay Canaan, kinuna iti Dios “Kitaem ti aglawlaw mo. Itedko kenka ken kadagiti kaputotam amin a daga a makitkitam a kas tawidyo.” Kalpasanna, nagnaed ngarud ni Abram iti dayta a pagilian.

![](https://cdn.door43.org/obs/jpg/360px/obs-en-04-07.jpg)

Maysa nga aldaw, nagsabat da Abram ken Melkizedek. Padi iti kangatoan a Dios ni Melkizedek. Binendisionan ni Melkizedek ni Abram a kinunana, “Bendisionan koma iti Dios a Kangatoan nga akinkukua iti langit ken daga ni Abram.” Kalpasanna, inted ni Abram ken ni Melkizedek ti apagkapullo iti amin a sanikuana.

![](https://cdn.door43.org/obs/jpg/360px/obs-en-04-08.jpg)

Naglabas ti adu a tawtawen ngem awan latta iti anak da Abram ken Sarai. Nagsao ti Dios ken ni Abram, inkarina manen a maaddaan isuna iti anak a lalaki ken kaputotan a kas kaadu dagiti bitbituen iti tangatang. Namati ni Abram iti kari ti Dios. Inawagan ti Dios a nalinteg ni Abram gapu ta namati kadagiti karkarina.

![](https://cdn.door43.org/obs/jpg/360px/obs-en-04-09.jpg)

Nangaramid iti Dios iti tulag ken ni Abram. Ti katulagan ket maysa a napagnunumoan iti dua a gunglo. Kinuna iti Dios, “Ikkankayo ken ni Sarai, nga asawam, iti maysa nga anak a lalaki. Itedko ti daga iti Canaan kadagiti kaputotam.” Kadagita a panawen, awan pay laeng ti anak ni Abram a lalaki.

*Istorya iti Biblia manipud: Genesis 11-15*

## 5. Ti Naikari nga anak

https://openbiblestories.org/l/ilo/story-5/

![](https://cdn.door43.org/obs/jpg/360px/obs-en-05-01.jpg)

Kalpasan iti sangapulo a tawen, nakadanon da Abram ken Sarai idiay Canaan. Awan pay laeng iti anakda, isu a kinuna ni Sarai ken ni Abram, "saan nga impalubos iti Dios nga aganakak ken baketak unayen tapnu agsikug pay, asawaem daytoy adipen ko a ni Hagar tapno maaddaan iti anak a para kaniak."

![](https://cdn.door43.org/obs/jpg/360px/obs-en-05-02.jpg)

Inasawa ngarud ni Abram ni Hagar. Naaddaan ni Hagar iti anak a lalaki ket pinanaganan ni Abram iti Ismael. Pinagimonan ni Sarai ni Hagar. Idi sangapulo ket tallo ti tawen ni Ismael, nagsao manen ti Dios ken ni Abram.

![](https://cdn.door43.org/obs/jpg/360px/obs-en-05-03.jpg)

Kinuna iti Dios, "Siak ti mannakabalin a Dios, makitulagak kenka." Nagdumog ni Abram iti daga. Imbaga iti Dios kenkuana, "Paraburanka iti adu nga annak ken appuko, itedko kenka ken kadagiti kaputotam ti daga iti Canaan. Agbalinak a Diosda ti agnanayon. Kasapulan a kugitem ti amin a lallaki iti pamiliam."

![](https://cdn.door43.org/obs/jpg/360px/obs-en-05-04.jpg)

"Maaddaan ti asawam a ni Sarai iti anak. Isu ti naikari nga anak. Panaganamto iti Isaac. Makitulagakto kenkuana, maaddaanto isuna iti adu a kaputotan ket agbalinda a nabileg a nasion. Pagbalinek met ti kaputotan ni Ismael a nabileg a nasion ngem ti tulagko ket adda ken ni Isaac." Binaliwan iti Dios ti nagan nga Abram iti Abraham, ti kayatna a sawen "Ama iti adu". Binaliwan met iti Dios ti nagan ni Sarai iti Sarah, ti kayatna a sawen "prinsesa."

![](https://cdn.door43.org/obs/jpg/360px/obs-en-05-05.jpg)

Iti dayta met laeng nga aldaw, kinugit ni Abraham dagiti amin a lallaki iti pagtaenganna. Agarup maysa a tawen ti napalabas, impasngay ni Sarah ti anak ni Abraham. agtawen idi ni Abraham ti 100 ket 90 met ti tawen ni Sarah iti daydiay a tiempo. Pinanagananda ti anak ni Abraham iti Isaac kas imbilin ti Dios kadakuada.

![](https://cdn.door43.org/obs/jpg/360px/obs-en-05-06.jpg)

Idi maysan a barito ni Isaac, pinadas iti Dios ti pammati ni Abraham ket kinunana, "Alaem ni Isaac a kakaisu nga anakmo ket idatonmo kaniak." Nagtulnog ni Abraham iti Dios ket insaganana nga idaton ti anakna.

![](https://cdn.door43.org/obs/jpg/360px/obs-en-05-07.jpg)

Idi magmagna da Abraham ken Isaac nga agturong idiay lugar a pagidatonan, nagsaludsod ni Isaac, "Ama, addan ti kayo a pagsungrod iti daton ngem ayanna ti karnero?" Simmungbat ni Abraham, "Anakko, mangipaay ti Dios iti karnero a maidaton."

![](https://cdn.door43.org/obs/jpg/360px/obs-en-05-08.jpg)

Idi makadanonda iti lugar iti pagidatonan, rineppet ni Abraham ni Isaac ket impaiddana iti altar. Patayenna koman ti anakna ngem nagsao ti Dios, "Agsardengka! saanmo a dangran ti ubing. Ammok itan nga agbutengka kaniak gapu ta saanmo nga inpaidam dayta maymaysa nga anakmo."

![](https://cdn.door43.org/obs/jpg/360px/obs-en-05-09.jpg)

Iti saan unay nga adayo, nakita ni Abram ti maysa a kalakian a karnero nga naisab-it iti maysa a kayo. Nangisabet ti Dios iti maysa a karnero tapno isu ti maidaton kenkuana a saan ketdi a ni Isaac. Siraragsak ni Abraham a nangidaton iti karnero nga inted iti Dios kenkuana.

![](https://cdn.door43.org/obs/jpg/360px/obs-en-05-10.jpg)

Kinuna iti Dios ken ni Abraham, "gapu ta sisasagana ka a mangted iti amin kaniak uray pay ti bugbugtong nga anakmo, ikarik a bendisionanka, agbalin dagiti kaputotam nga ad-adu pay ngem dagiti bituen iti tangatang. Gapu ta nagtulnogka kaniak, mabendisionan amin a pamilia ditoy lubong gapu iti pamiliam."

*Istorya iti Biblia manipud: Genesis 16-22*

## 6. Nangisabet ti Dios iti Asawa ni Isaac

https://openbiblestories.org/l/ilo/story-6/

![](https://cdn.door43.org/obs/jpg/360px/obs-en-06-01.jpg)

Naan-anayen a baro ni Isaac ket lakay metten ni Abraham idi imbagana iti adipen nga agsubli iti ili a naggapuan ni Abraham ken pagnanaedan dagiti kabagianna tapno makabirok iti asawaen iti anakna a ni Isaac.

![](https://cdn.door43.org/obs/jpg/360px/obs-en-06-02.jpg)

Kalpasan iti atiddog unay a panagdaliasat iti adipen, nadanonna iti pagnanaedan dagiti kabagian ni Abraham. Inturong iti Dios ti adipen kenni Rebeka. Ni Rebeka ket apuko iti kabsat ni Abraham.

![](https://cdn.door43.org/obs/jpg/360px/obs-en-06-03.jpg)

Immanamong ni Rebekah a panawanna ti pamiliana ket sumurot iti adipen a mapan iti balay ni Isaac. Dagus nga inasawa ni Isaac ni Rebeka.

![](https://cdn.door43.org/obs/jpg/360px/obs-en-06-04.jpg)

Kalpasan iti adu a panawen, natay ni Abram, amin dagiti karkari nga imbaga iti Dios kenkuana ket naited ken ni Isaac. Daytoy ti kari iti Dios, maaddaan iti adu a kaputotan ni Abraham. No pay kasta, saan a naaddaaan iti anak ni Rebeka nga asawa ni Isaac.

![](https://cdn.door43.org/obs/jpg/360px/obs-en-06-05.jpg)

Nagkararag ngarud ni Isaac maipa-ay kenni Rebeka ket pinalubusan iti Dios a nagsikog iti singin. Kanayon nga aggubgubal dagitoy dua a maladaga uray idi addada pay laeng iti uneg iti tian ni Rebeka. Sinaludsod ni Rebeka iti Dios no ania ti mapaspasamak.

![](https://cdn.door43.org/obs/jpg/360px/obs-en-06-06.jpg)

Imbaga iti Dios kenni Rebeka, "Dua a puli ti maadda manipud kadagiti dua nga annakmo a lallaki nga adda pay laeng dita tianmo. Aggubgubalda a dua ket pagserbianto diay in-inauna nga anak diay ub-ubing."

![](https://cdn.door43.org/obs/jpg/360px/obs-en-06-07.jpg)

Idi maipasngay dagiti annak ni Rebeka, lumabbaga ken barbonan ti inauna nga anak a rimuar ket pinanagananda iti Esau. Simmaruno met ti ub-ubing nga anak a rimuar nga ig-iggemanna ti mukod ni Esau ket pinanagananda iti Jacob.

*Istorya iti Biblia manipud: Genesis 24: 1-25:26*

## 7. Benindisionan ti Dios ni Jacob

https://openbiblestories.org/l/ilo/story-7/

![](https://cdn.door43.org/obs/jpg/360px/obs-en-07-01.jpg)

Kabayatan a dumakdakkel ni Jacob, kaykayatna nga agtalinaed iti balay ngem ni Esau ket kaykayatna nga apan agan-anup. Kaykayat ni Rebekah ni Jacob ngem ni Isaac ket ni Esau ti kaykayatna.

![](https://cdn.door43.org/obs/jpg/360px/obs-en-07-02.jpg)

Maysa nga aldaw, nagawid ni Esau a kasta unay ti bisinna a nagapu iti panaganupna. Kinuna ni Esau kenni Jacob, ’’Pangaasim ta ikkanak iti makan nga inlutom.’’ Kinuna ni Jacob, ”Itedmo pay nga umuna ti karbengam a kas inauna nga anak kaniak.’’ Inted met ni Esau kenni Jacob ti karbenganna a kas inauna nga anak ket inikkan isuna ni Jacob iti makan.

![](https://cdn.door43.org/obs/jpg/360px/obs-en-07-03.jpg)

Kayat ni Isaac nga ited kenni Esau ti pamendisionna ngem sakbay a maitedna ket inallilaw isuna ni Rebekah ken ni Jacob. Nagpamarang ni Jacob nga isuna ni Esau. Lakay unayen ni Isaac ket saanen a makakita isu nga inkawes ni Jacob ti bado ni Esau. Nangikabil pay isuna iti buok iti kalding iti tinged ken imana.

![](https://cdn.door43.org/obs/jpg/360px/obs-en-07-04.jpg)

Napan ni Jacob kenni Isaac ket kinunana, ’’Siak ni Esau. Immayak tapno bendisionannak koma.” Idi narikna ni Isaac ti buok iti kalding iti tinged ken ima ni Jacob, ken naangutna dagiti kawesna impagarupna nga isu ni Esau isu a binendisionanna daytoy.

![](https://cdn.door43.org/obs/jpg/360px/obs-en-07-05.jpg)

Kinagura ni Esau ni Jacob gapu ta tinakawna dagiti karbenganna a kas inauna nga anak ken uray pay ti bendisionna. Gapu iti daytoy, pinanggepna a papatayen ni Jacob kalpasan a matay ti amada.

![](https://cdn.door43.org/obs/jpg/360px/obs-en-07-06.jpg)

Nangngeg ni Rebekah ti panggep ni Esau, isu nga imbaon ni Rebekah ken ni Isaac ni Jacob a mapan iti adayo a lugar. Sadiay nga agnanaed dagiti kakabagianna.

![](https://cdn.door43.org/obs/jpg/360px/obs-en-07-07.jpg)

Adu a tawtawen a nakipagnaed ni Jacob kadagiti kakabagian ni Rebekah. Iti dayta a tiempo, nakaasawa isuna ken naadaan iti sangapulo ket dua nga annak a lallaki ken maysa a babai. Inaramid iti Dios ni Jacob a nabaknang unay.

![](https://cdn.door43.org/obs/jpg/360px/obs-en-07-08.jpg)

Nagsubli ni Jacob idiay Canaan kalpasan iti dua pulo a tawen a naiyadayu ti pagtaenganna. Kadwana dagiti pamiliana ken dagiti adipenna ken amin dagiti tarakenna nga ay-ayup.

![](https://cdn.door43.org/obs/jpg/360px/obs-en-07-09.jpg)

Kasta unay ti panagbuteng ni Jacob gapu ta impagarupna a kayat pay laeng ni Esau a papatayen isuna. Gapu iti daytoy, nangipatulod isuna iti adu nga ay-ayup a kas sagotna. Intulod ngarud dagiti adipen ni Jacob dagiti ay-ayup kenni Esau ket kinunada, ’’Ti nangted kadagitoy nga ay-ayup ket ni Jacob nga adipenmo.’’ Umayto isuna iti mabiit.

![](https://cdn.door43.org/obs/jpg/360px/obs-en-07-10.jpg)

Kinaagpaysona napakawanen ni Esau ni Jacob ken naragsakda idi nagkitada a dua. Nagnaed ngarud a natalna ni Jacob idiay Canaan. Impunponda Jacob ken Esau ni Isaac idi natay isuna. Dagiti katulagan nga inkari iti Dios kenni Abraham nga naipasa kenni Isaac ket naipasa kenni Jacob.

*Istorya iti biblia manipud: Genesis 25:27-33:20*

## 8. Insalakan ti Dios ni Joseph ken ti Pamiliana

https://openbiblestories.org/l/ilo/story-8/

![](https://cdn.door43.org/obs/jpg/360px/obs-en-08-01.jpg)

Naglabas ti adu a tawtawen ket lakayen ni Jacob. Imbaonna ti kaykayatna nga anak a ni Jose tapno kitaenna dagiti kakabsatna a lallaki nga agayaywan kadagiti arban.

![](https://cdn.door43.org/obs/jpg/360px/obs-en-08-02.jpg)

Kagurgura dagiti kakabsatna a lallaki ni Jose gapu ta kasta unay ti panagayat ti Amada kenkuana ken maysa pay ket natagtagainep ni Jose nga isunanto ti mangidaulo kadakuada. Idi napan ni Jose kadagiti kakabsatna a lallaki ket pinilitda nga innala isuna ken inlakoda kadagiti aggatgatang ti adipen.

![](https://cdn.door43.org/obs/jpg/360px/obs-en-08-03.jpg)

Sakbay a nagawid dagiti kakabsat a lallaki ni Jose idiay balayda ket pinigispigisda pay ti pagan-anayna ken insawsawda iti dara ti kalding. Impakitada ti pagan-anay ni Jose iti Amada tapno pagarupenna a pinatay ti narungsot nga ayup ni Jose isunga nagladingit ni Jacob.

![](https://cdn.door43.org/obs/jpg/360px/obs-en-08-04.jpg)

Impan ngarud dagiti aggatgatang ti adipen ni Jose idiay Egipto. Nalawa ken mannakabalin a nasion ti Egipto nga asideg idiay karayan ti Nilo. Inlakoda ni Jose iti maysa a nabaknang nga opisial ti gobierno. Nasayaat ti panagserbi ni Jose iti amona ket binendisionan isuna ti Dios.

![](https://cdn.door43.org/obs/jpg/360px/obs-en-08-05.jpg)

Pinadas ti asawa ti amona ti makikaidda kenni Jose ngem saan a kayat ni Jose nga agbasol iti Dios. Isunga nakaunget ti babae ket pinabasolna ni Jose iti saan nga agpayso isunga tiniliwda ni Jose, kalpasanna ket impanda isuna idiay pagbaludan. Nagtalinaed a napudno ni Jose iti Dios uray adda isuna idiay pagbaludan ket binendisionan ti Dios.

![](https://cdn.door43.org/obs/jpg/360px/obs-en-08-06.jpg)

Kalpasan ti dua a tawen ket nakabalud latta ni Jose uray no inosente. Iti maysa a rabii, adda ti dua a tagtagainep ti Paraon (nga isu ti awag dagiti Egipcio iti arida)a nangriribuk kenkuana. Awan uray maysa kadagiti mamasiribna ti makaipalawag kenkuana ti kaipapananna dagiti tagtagainepna.

![](https://cdn.door43.org/obs/jpg/360px/obs-en-08-07.jpg)

Inikkan ti Dios ni Jose ti sirib a mangipalawag dagiti tagtagainep isunga pinaayaban ti Paraon ni Jose idiay pagbaludan. Impalawag ni Jose dagiti tagtagainep ti Paraon ket kinunana kenkuana, ”Mangted ti Dios ti pito a tawen a nawadwad nga apit ken pito a tawen a panagbisin.”

![](https://cdn.door43.org/obs/jpg/360px/obs-en-08-08.jpg)

Naay-ayo ti Paraon iti sirib ni Jose isunga pinagbalinna isuna a maikadua a mannakabalin a mangituray iti Egipto.

![](https://cdn.door43.org/obs/jpg/360px/obs-en-08-09.jpg)

Binilin ni Jose dagiti tattao nga agurnongda ti adu nga taraon kabayatan ti pito a tawen a nawadwad nga apit. Naglako ni Jose ti makan idi simmangbay ti pito a tawen ti panagbisin tapno adda ti umdas a makan dagiti tattao.

![](https://cdn.door43.org/obs/jpg/360px/obs-en-08-10.jpg)

Nakaro unay ti panagbisin saan laeng nga idiay Egipto no di ket uray pai idiay Canaan a pagnanaedan ni Jacob ken ti pamiliana.

![](https://cdn.door43.org/obs/jpg/360px/obs-en-08-11.jpg)

Isunga imbaon ni Jacob dagiti inauna nga annakna a lallaki idiay Egipto tapno gumatang ti makan. Saanda nabigbig ni Jose idi nakatakderda iti sangoananna tapno gumatang ti makan. Ngem nabigbig ida ni Jose.

![](https://cdn.door43.org/obs/jpg/360px/obs-en-08-12.jpg)

Kalpasan a pinadas ni Jose dagiti kakabsatna a lallaki no adda nagbalbaliwanda. kinuna ni Jose kadakuada, “Siak ti kabsatyo a ni Jose! Saankayo nga agbuteng. Dakes ti inaramidyo kaniak idi inlakodak a kas adipen. Ngem inaramat ti Dios ti dakes iti pagsayaatantayo! Umaykayo ket makipaggiankayo kaniak ditoy Egipto tapno maipaayko dagiti kasapulanyo.”

![](https://cdn.door43.org/obs/jpg/360px/obs-en-08-13.jpg)

Idi nagawiden dagiti kakabsat ni Jose, kasta unay ti ragsak ni Jacob idi imbagada kenkuana a sibibiag pay ni Jose.

![](https://cdn.door43.org/obs/jpg/360px/obs-en-08-14.jpg)

Napan latta ni Jacob idiay Egipto uray pay lakay unayen isuna. Kaduana iti amin a pamiliana ket nakipagnaedda amin idiay. Binendisionan ni Jacob ti tunggal maysa kadagiti annakna sakbay a natay isuna.

![](https://cdn.door43.org/obs/jpg/360px/obs-en-08-15.jpg)

Ti tulag ti Dios nga inkarina kenni Abraham a naited kenni Isaac a naited kenni Jacob ken kalpasanna ket naited met kadagiti sangapulo ket dua nga annak ni Jacob ken pam-pamiliada. Dagiti kaputotan ti sangapullo ket dua ket isu ti nagbalin a sangapulo ket dua a tribo ti Israel.

*Istorya ti Biblia manipud: Genesis 37-50*

## 9. Inayaban ti Dios ni Moises

https://openbiblestories.org/l/ilo/story-9/

![](https://cdn.door43.org/obs/jpg/360px/obs-en-09-01.jpg)

Kalpasan a natay ni Jose, amin a kakabagianna ket nagtalinaed idiay Egipto. Nagtultuloyda ken dagiti kaputotanna a nagnaed idiay iti adu a tawtawen. Naaddaanda iti adu nga annak. Isuda dagiti Israelita.

![](https://cdn.door43.org/obs/jpg/360px/obs-en-09-02.jpg)

Kalpasan iti ginasut a tawtawen, immadu iti bilang dagiti Israelita. Saan metten a malagip dagiti Egipcio ni Jose ken dagiti banbanag nga inar-aramidna a panangtulong kadakuada idi. Nagbuteng dagiti Egipcio gapu ta immadu dagiti Israelita, isu a pinagbalin ti Paraon nga agturturay iti dayta a tiempo nga adipen dagiti Israelita kadagiti Egipcio.

![](https://cdn.door43.org/obs/jpg/360px/obs-en-09-03.jpg)

Pinilit dagiti Egipcio dagiti Israelita nga agaramid iti adu a pasdek ken siudad. Gapu iti nakaru a rigat iti trabahoda, nagbalin a kakaasi unay dagiti Israelita. Ngem binendisionan ida iti Dios ket immadu pay ti annakda.

![](https://cdn.door43.org/obs/jpg/360px/obs-en-09-04.jpg)

Nakita iti Paraon nga umad-adu dagiti annak dagiti Israelita. Isu nga imbaonna dagiti soldadona tapno papatayenda dagiti amin a maladaga a lallaki babaen iti panangibilleng kadakuada idiay karayan iti Nilo.

![](https://cdn.door43.org/obs/jpg/360px/obs-en-09-05.jpg)

Adda maysa a babai nga Israelita a nangipasngay iti maysa a maladaga a lalaki. Inlimmeng iti babai ken iti asawana ti ubing iti amin a kabaelanda.

![](https://cdn.door43.org/obs/jpg/360px/obs-en-09-06.jpg)

Idi saan a mailimmengen dagiti nagannak ti maladaga, ingkabilda ti ubing idiay agtaptapaw a basket idiay kalidliddaan idiay igid iti karayan iti Nilo tapno maisalakan isuna kadagiti mangpapatay kenkuana. Buybuyaen met ni manangna no ania ti mapasamak kenkuana.

![](https://cdn.door43.org/obs/jpg/360px/obs-en-09-07.jpg)

Nakita iti babai nga anak iti Paraon ti basket ket kinitana no ania ti adda idiay unegna. Idi nakitana nga ubing ti nagyanna, innalana daytoy ket imbilangna a kas bukodna nga anak. Nangayab isuna iti maysa a babai nga Israelita tapno mangpasusu iti ubing. Saanna nga ammo nga isu gayam ti pudno nga ina iti ubing. Idi dakkelen ti ubing, saannan a kasapulan ti aggatas pay. Isu nga insublina daytoy iti anak iti Paraon. Pinanaganan ngarud iti anak iti Paraon ti ubing iti Moises.

![](https://cdn.door43.org/obs/jpg/360px/obs-en-09-08.jpg)

Iti maysa nga aldaw, idi dakkelen ni Moises, nakakita isuna iti maysa nga egipcio a mangsap-saplit iti maysa a padana nga Israelita nga adipen. Pinadasna nga isalakan daytoy.

![](https://cdn.door43.org/obs/jpg/360px/obs-en-09-09.jpg)

Idi pagarupen ni Moises nga awan ti nakakita kenkuana, pinatayna ti Egipcio ket inkalina ti bagina. Ngem adda gayam nakakita iti inaramidna.

![](https://cdn.door43.org/obs/jpg/360px/obs-en-09-10.jpg)

Idi naammoan iti Paraon ti inaramidna, pinanggepna a papatayen ni Moises. Gapu iti daytoy, naglibas ni Moises. Napan isuna idiay let-ang manipud Egipto tapno maisalakanna ti bagina kadagiti soldado iti Paraon.

![](https://cdn.door43.org/obs/jpg/360px/obs-en-09-11.jpg)

Nagbalin ni Moises a mangay-aywan kadagiti ay-ayup idiay let-ang nga adayo idiay Egipto. Nakaasawa isuna idiay ken naaddaan iti dua nga annak a lallaki.

![](https://cdn.door43.org/obs/jpg/360px/obs-en-09-12.jpg)

Iti maysa nga aldaw, kabayatan nga ipaspastor ni Moises dagiti karnerona, nakakita isuna iti maysa nga agap-apoy a kayo. Ti kinaagpaysona, saan met talaga a mapupuuran diay kayo. Inasetganna diay agap-apoy a kayo tapno makitana a nalaing. Idi immasideg isunan ket nagtimek ti Dios kenkuana. Kinuna iti Dios, “Moises, ikkatem ta sandalyasmo ta nasantoan a daga ti badbaddekam.“

![](https://cdn.door43.org/obs/jpg/360px/obs-en-09-13.jpg)

Kinuna pay iti Dios,“Nakitak ti panagsagaba dagiti tattaok idiay Egipto. Tatta ngarud ket ibaonka a mapan iti Paraon tapno mawaya-wayaan dagiti Israelita manipud iti pannakaadipenda idiay Egipto. Itedkonto kadakuada ti Canaan. Daytoy ti daga nga inkarik kenni Abraham, Isaac ken ni Jacob.

![](https://cdn.door43.org/obs/jpg/360px/obs-en-09-14.jpg)

Nagsaludsod ni Moises, “kasano no damagen dagiti tattao kaniak no siasino ti nangibaon kaniak, ania ti ibagak? Kinuna iti Dios, “SIAK ket ni SIAK. Ibagam kadakuada nga, 'imbaonnak ni Siak.' Ibagam met a, ‘Siak ni Yahweh, ti Dios ni Abraham, Isaac ken ni Jacob. Daytoy ti agnanayon a naganko.

![](https://cdn.door43.org/obs/jpg/360px/obs-en-09-15.jpg)

Mabuteng ni Moises ket saanna a kayat a mapan iti Paraon gapu ta ammona a saanna unay a kabaelan ti agsao. Gapu iti daytoy, imbaon iti Dios ti kabsatna a ni Aaron tapno tulunganna ni Moises. Binallaagan iti Dios ni Moises ken Aaron nga agbalinto a nasukir ti Paraon ken saanto a dumngeg.

*Istorya iti Biblia manipud: Exodu 1-4*

## 10. Dagiti Sangapulo a Didigra

https://openbiblestories.org/l/ilo/story-10/

![](https://cdn.door43.org/obs/jpg/360px/obs-en-10-01.jpg)

Napanda Moises ken Aaron iti ayan iti Paraon, kinunada kenkuana, “Daytoy ti imbaga iti Dios iti Israel, ‘Palubusam dagiti tattaok.’” Saan a dimngeg ti Paraon kadakuada. Pinilitna pay ketdi a pinagtrabaho iti naririgat dagiti Israelita imbes a palubosanna ida!

![](https://cdn.door43.org/obs/jpg/360px/obs-en-10-02.jpg)

Nagkedked ti Paraon a mangpalubos kadagiti tattao isunga nangted iti Dios iti sangapulo a nakabutbuteng a didigra idiay Egipto. Impakita iti Dios iti Paraon a babaen kadagitoy a didgra napigpigsa isuna ngem iti Paraon ken iti amin a dididiosen idiay Egipto.

![](https://cdn.door43.org/obs/jpg/360px/obs-en-10-03.jpg)

Pinagbalin iti Dios a dara ti danum iti Karayan Nilo. Uray no kasta saan latta a pinalubusan iti Paraon dagiti Israelita.

![](https://cdn.door43.org/obs/jpg/360px/obs-en-10-04.jpg)

Nangibaon ti Dios kadagiti tukak iti Egipto. Nagpakpakaasi ti Paraon kenni Moises nga ikkatenna dagitoy. Kalpasan a natay dagiti amin a tukak, impapilit iti Paraon a saanna a palubusan a pumanaw iti Egipto dagiti Israelita.

![](https://cdn.door43.org/obs/jpg/360px/obs-en-10-05.jpg)

Nangibaon manen ti Dios iti timel ken kadagiti ngilaw. pinaayaban iti Paraon da Moises ken Aaron, imbagana a no ikkatenda dagiti dididgra ket palubusanna dagiti Israelita a pumanaw idiay Egipto. Inikkat iti Dios dagiti didigra manipud idiay Egipto idi nagkararag ni Moises. Nagkedked manen ti Paraon ket saanna a pinalubusan a pumanaw dagiti tattao.

![](https://cdn.door43.org/obs/jpg/360px/obs-en-10-06.jpg)

Ti simmaruno, pinagsakit iti Dios amin dagiti dingwen dagiti Egipcio ket natayda. Nagkedked manen ti Paraon, saanna a pinalubusan dagiti Israelita.

![](https://cdn.door43.org/obs/jpg/360px/obs-en-10-07.jpg)

Imbaga iti Dios ken ni Moises a mangipurwak iti dapo iti angin iti sanguanan iti Paraon. Idi inaramidna daytoy, naaddaan iti naut-ot a gaddil iti kudil dagiti taga Egipcio ngem saan kadagiti Israelita. Impalubos iti Dios nga agkedked ti Paraon ket saanna latta a pinalubusan dagiti Israelita.

![](https://cdn.door43.org/obs/jpg/360px/obs-en-10-08.jpg)

Kalpasan dayta, pinagtudo iti Dios iti uraro a nangdadael kadagiti mulmula idiay Egipto ken nangpatay kadagiti tattao a rimmuar. Pinaayaban manen iti Paraon da Moises ken Aaron ket kinunana, “Nagbasolak. Mabalinyon ti mapan.” Gapu ta nagkararag ni Moises ket nagsardeng ti uraro.

![](https://cdn.door43.org/obs/jpg/360px/obs-en-10-09.jpg)

Nagbasol manen ti Paraon, nagkedked ket saanna latta a pinalubusan dagiti Israelita a mawayawayaan.

![](https://cdn.door43.org/obs/jpg/360px/obs-en-10-10.jpg)

Gapu iti daytoy, nangted ti Dios iti nakaad-adu a dudon iti intero nga Egipto. Kinnan dagiti dudon ti amin a mulmula a saan a naperdi idi nagtudo iti uraro.

![](https://cdn.door43.org/obs/jpg/360px/obs-en-10-11.jpg)

Kalpasanna, nangibaon ti Dios iti kinasipnget a nagpaut iti tallo nga aldaw. Saan a makaruar dagiti Egipcio kadagiti babbalayda agsipud ta nasipnget unay. Ngem nalawag iti pagnanaedan dagiti Israelita.

![](https://cdn.door43.org/obs/jpg/360px/obs-en-10-12.jpg)

Kaskasdi a saan a pinalubusan iti Paraon dagiti Israelita kalpasan dagitoy a siam a didigra. Gapu ta saan a dimngeg ti Paraon, pinanggep iti Dios a mangiyeg iti maysa pay a didigra. Daytoy timabalin a mangbaliw iti panunot iti Paraon.

*Istorya ti Biblia manipud: Exodo 5-10*

## 11. Ti Paskua

https://openbiblestories.org/l/ilo/story-11/

![](https://cdn.door43.org/obs/jpg/360px/obs-en-11-01.jpg)

Binallaagan ti Dios ti Paraon nga patayenna dagiti amin nga inauna nga annak a lallaki dagiti Egipcio, tattao ken ay-ayup, no saanna a wayawayaan dagiti Israelita. Idi nangngeg ti Paraon daytoy, saan latta isuna a namati ken nagtulnog iti Dios.

![](https://cdn.door43.org/obs/jpg/360px/obs-en-11-02.jpg)

Nangaramid ti Dios iti wagas tapno maisalakanna dagiti inauna a lallaki iti asinnoman a mamati kenkuana. Masapul nga agpili ti tunggal pamilia ti urbon a karnero nga awan ti pakapilawanna tapno patayen.

![](https://cdn.door43.org/obs/jpg/360px/obs-en-11-03.jpg)

Imbaga ti Dios kadagiti Israelita a mangikabilda ti dara ti urbon a karnero iti hamba dagiti ruangan ti balbalayda, kalpasanna ket itunoda diay karne ken partakanda a kanen agraman ti tinapay a naaramid nga awan ti lebadurana. Kinuna pay ti Dios kadakuada nga sakbay a manganda ket rumbeng laeng a nakasaganadan a pumanaw iti Egipto.

![](https://cdn.door43.org/obs/jpg/360px/obs-en-11-04.jpg)

Inaramid met ngarud dagiti Israelita amin nga imbilin ti Dios kadakuada. Kabayatan iti tengnga ti rabii, napan ti Dios ti aglawlaw ti Egipto ket pinapatayna amin nga inauna nga annak a lallaki.

![](https://cdn.door43.org/obs/jpg/360px/obs-en-11-05.jpg)

Amin a ruangan ti balbalay dagiti Israelita ket napalawlawan ti dara isunga linabsan ti Dios dagiti balbalayda. Saan a pinapatay ti Dios ti amin nga adda iti uneg dagiti balbalay. Naisalakanda gapu ta nangikabilda ti dara ti urbon a karnero a kas imbilin ti Dios kadakuada.

![](https://cdn.door43.org/obs/jpg/360px/obs-en-11-06.jpg)

Ngem saan latta a pinatpati dagiti Egipcio ti Dios ken saanda a nagtunog iti imbilinna. Isunga saan a linabsan ti Dios dagiti balbalayda. Pinapatay ngarud ti Dios dagiti amin nga inauna nga annak a lallaki dagiti Egipcio.

![](https://cdn.door43.org/obs/jpg/360px/obs-en-11-07.jpg)

Natay dagiti annak dagiti nakabalud uray pay ti anak ti Paraon. Gapu iti daytoy a pasamak ket nagladingit ti adu a tattao iti Egipto.

![](https://cdn.door43.org/obs/jpg/360px/obs-en-11-08.jpg)

Iti dayta met laeng a rabii, pinaayaban ti Paraon ni Moises ken Aaron. Kinunana kadakuada, “Pumanawkayo a dagus ditoyen! isurotmo amin nga Israelita!” Pinilit met dagiti Egipcio dagiti Israelita a pumanaw a dagus.

*Istorya ti Biblia manipud: Exodo 11:1-12:32*

## 12. Ti Ipapanaw

https://openbiblestories.org/l/ilo/story-12/

![](https://cdn.door43.org/obs/jpg/360px/obs-en-12-01.jpg)

Naragsak a pumanaw dagiti Israelita iti Egipto gapu ta nawayawayaandan manipud iti pannakaadipenda, mapandan idiay Naikari a Daga. Inted dagiti Egipcio ti aniaman a dawaten dagiti Israelita, balituk, pirak ken dadduma pay a napapateg a banbanag. Simmurot met kadagiti Israelita dagiti dadduma a ganggannaet a namati iti Dios.

![](https://cdn.door43.org/obs/jpg/360px/obs-en-12-02.jpg)

Indauloan ida ti Dios a mapan idiay Naikari a Daga babaen ti panangsurotda ti adigi nga ulep iti aldaw ken adigi nga apuy iti rabii. Kinuyog ida ti Dios iti panagdaliasatda, masapul laeng a surutenda ti panangidalan ti Dios kadakuada.

![](https://cdn.door43.org/obs/jpg/360px/obs-en-12-03.jpg)

Saan a nagbayag, nagbaliw ti panunot ti Paraon ken dagiti tattaona. Kayatda nga isubli dagiti Israelita tapno pagbalinenda manen nga adipen. Impalubos ti Dios a sukiren isuna ti Paraon tapno makita ti tattao nga isuna ti pudno nga Dios. Iti kasta, maammoanda a mannakabalin ni Yahweh ngem iti Paraon ken kadagiti didiosenna.

![](https://cdn.door43.org/obs/jpg/360px/obs-en-12-04.jpg)

Kinamat ti Paraon ken dagiti soldadona dagiti Israelita tapno pagbalinenda manen ida nga adipen. Idi nakita dagiti Israelita dagiti soldado ti Egipto a sumungsungad, naamirisda nga awan ti papananda gapu ta adda dagiti soldado ti Paraon iti likodanda ken adda iti sangoananda ti Nalabbaga a Baybay. Nagbuteng dagiti Israelita ket kinunada, “Saantayo koma lattan a pimmanaw iti Egipto, mataytayo met laeng ditoy!”

![](https://cdn.door43.org/obs/jpg/360px/obs-en-12-05.jpg)

Kinuna ni Moises kadagiti Israelita, “Saankayo nga agbuteng! Tulongan ken salaknibannatayo ti Dios.” Kinuna ti Dios kenni Moises, “Ibagam kadagiti tattao a magnada a mapan iti Nalabbaga a Baybay.”

![](https://cdn.door43.org/obs/jpg/360px/obs-en-12-06.jpg)

Iniakar ti Dios diay adigi nga ulep, inkabilna daytoy iti tengnga dagiti Israelita ken dagiti Egipcio tapno saan a makita dagiti Egipcio dagiti Israelita.

![](https://cdn.door43.org/obs/jpg/360px/obs-en-12-07.jpg)

Imbaga ti Dios kenni Moises nga iyunnatna ti imana idiay baybay tapno aggudua ti danum. Ginudua ti Dios ti baybay babaen iti angin a nangiduron iti danum iti agsumbangir, Babaen iti daytoy naaddaan ti dalan iti baybay.

![](https://cdn.door43.org/obs/jpg/360px/obs-en-12-08.jpg)

Nagna dagiti Israelita iti namaga a daga idiay tengnga ti Nalabbaga a Baybay, nagbalin a kas pader ti agsumbangir a danum ti baybay.

![](https://cdn.door43.org/obs/jpg/360px/obs-en-12-09.jpg)

kalpasanna, innikat ti Dios ti ulep iti dalan dagiti Egipcio, nakita dagiti Egipcio nga agliblibas dagiti Israelita isunga sinurotda ida.

![](https://cdn.door43.org/obs/jpg/360px/obs-en-12-10.jpg)

Sinurotda ngarud dagiti Israelita iti dalan ti baybay nga inaramid ti Dios. Riniribuk ti Dios dagiti Egipcio ket nailumlom dagiti karwaheda. Nagpukpukkaw dagiti Egipcio,, “Pumanawtayo ditoyen! Ti Dios ti makigubgubat para kadagiti Israelita!”

![](https://cdn.door43.org/obs/jpg/360px/obs-en-12-11.jpg)

Kalpasan a nakaballasiw dagiti Isarelita idiay baybay, imbaga ti Dios kenni Moises nga iyunnatna manen ti imana. Inaramid ni Moises ti imbaga ti Dios ket babaen daytoy, nagsubli ti danum iti sigud nga ayusna. Nalmes dagiti Egipcio a nangkamat kadakuada.

![](https://cdn.door43.org/obs/jpg/360px/obs-en-12-12.jpg)

Idi nakita dagiti Israelita a natay dagiti Egipcio, nagtalekda iti Dios ken namatida a profeta ti Dios ni Moises.

![](https://cdn.door43.org/obs/jpg/360px/obs-en-12-13.jpg)

Nagrag-o dagiti Israelita gapu ta insalakan ida ti Dios manipud iti patay ken iti pannakaadipen! Nawayadan nga agserbi iti Dios. Nagkankantada a nangrambak iti pannakawayawayada. Nagdaydayawda iti Dios agsipud ta insalakanna ida manipud kadagiti Egipcio.

![](https://cdn.door43.org/obs/jpg/360px/obs-en-12-14.jpg)

Imbilin ti Dios kadagiti Israelita a tinnawen a rambakanda ti Ilalabas kas pananglaglagipda no kasano nga tinulongan ida ti Dios nga agballigi ken ti panangisalakanna kadakuada iti pannakaadipenda idiay Egipto. Rambakanda Ti Ilalabas babaen iti panagpartida ti urbon a karnero nga awan pakapilawanna. Agaramidda ti tinapay nga awan ti lebadurana ket kanenda ti karne ken tinapay kas panangrambakda.

*Istorya ti Bibliya manipud: Exodo 12:33 - 15:21*

## 13. Ti Tulag ti Dios iti Israel

https://openbiblestories.org/l/ilo/story-13/

![](https://cdn.door43.org/obs/jpg/360px/obs-en-13-01.jpg)

Inturong ti Dios dagiti Israelita iti let-ang agingga iti bantay Sinai kalpasan iti panangballasiwda iti Nalabbaga a Baybay. Ditoy met laeng ti nakakitaan ni Moises iti umap-apoy a kayo. Nangipatakder dagiti tattao iti toldada idiay puon ti bantay.

![](https://cdn.door43.org/obs/jpg/360px/obs-en-13-02.jpg)

Nagsao ti Dios kenni Moises ken kadagiti Israelita, kinuna,"No agtulnog ken tungpalenyo ti tulagko, agbalin kayonto a napateg a tattaok. Pagarian iti papadi. Agbalinto a nasantoan ti nasionyo."

![](https://cdn.door43.org/obs/jpg/360px/obs-en-13-03.jpg)

Napalabas ti tallo nga aldaw, nagsagana dagiti tattao a sumango iti Dios. Bimmaba ti Dios idiay rabaw iti Bantay Sinai a napakuyugan kadagiti gurruod, kimat, asok ken uni iti napigsa a trumpeta. Ni Moises laeng ti napalubusan a sumang-at idiay rabaw iti bantay.

![](https://cdn.door43.org/obs/jpg/360px/obs-en-13-04.jpg)

Inted iti Dios ti katulagan kadakuada ket kinunana," Siak ni Yaweh a Diosyo, ti nangisalakan kadakayo manipud idiay Egipto. Saanyo a dayawen dagiti palso a Dios."

![](https://cdn.door43.org/obs/jpg/360px/obs-en-13-05.jpg)

" Siak ni Yaweh, managimonak a Dios. Saankayo nga agaramid ken agdayaw kadagiti didiosen.Saanyo nga usaren ti nagan ko nga awan panagdayawna. Ipategyo ti aldaw iti panaginana gapu ta nasantoan daytoy. Aginanakayo iti maikapito nga aldaw ken lagipendak."

![](https://cdn.door43.org/obs/jpg/360px/obs-en-13-06.jpg)

"Dayawem dagiti nagannak mo. Saanka a pumatay ken saanka a makikamalala.Saanka nga agtakaw. Saanka nga agulbod. Saanmo a tarigagayan ti asawa, sanikua ken amin a kukua iti karrubam."

![](https://cdn.door43.org/obs/jpg/360px/obs-en-13-07.jpg)

Insurat iti Dios dagiti sangapulo a bilin iti dua a pisi a bato ket intedna kenni Moises. Nangted pay ti Dios kadagiti adu a linlinteg ken bilbilin a surutenda. Inkari iti Dios a no agtulnog dagiti tattao kadagiti linteg, bendisionan ken tarabayenna ida. No sukirenda dagitoy, dusaento ida iti Dios.

![](https://cdn.door43.org/obs/jpg/360px/obs-en-13-08.jpg)

Nangted pay ti Dios kadagti Israelita iti nalawag a pannakailadawan iti tolda nga ipapaaramidna. Maawagan daytoy a Tolda a Pagu- ummongan. Maaddaan iti dua a kuarto a pinagsina iti dakkel a kurtina. Ti mabalin laeng a sumrek ket ti nangato a padi agsipud ta adda ti presensia iti Dios sadiay.

![](https://cdn.door43.org/obs/jpg/360px/obs-en-13-09.jpg)

Siasinoman a mangsukir kadagiti linteg iti Dios, ket mabalin a mangipan iti ayup iti pagidatonan iti sango iti Tolda a Paguummongan. Idaton ken puuran daytoy iti padi iti disso iti pagidatonan. Kaluban iti dara iti naidaton nga ayup dagiti basol iti nagsukir iti linteg iti Dios. Daytoy ti mangdalus kenkuana. Pinili iti Dios ni Aaron a kabsat ni Moses ken dagiti kaputotanna nga agbalin a papadina.

![](https://cdn.door43.org/obs/jpg/360px/obs-en-13-10.jpg)

Immannugot dagiti tattao nga agtulnog kadagati linteg nga inted iti Dios kadakuada. Masapul a ti Dios laeng ti dayawenda ken agbalinda a napateg a tattaona. Saan a nabayag kalpasan iti panagkarida iti Dios, nagaramidda manen iti nakaro a basol.

![](https://cdn.door43.org/obs/jpg/360px/obs-en-13-11.jpg)

Nakitungtong ni Moises iti Dios iti adu nga aldaw idiay rabaw iti Bantay Sinai. Saan a nauray dagiti tatto ti panagsubli ni Moises isu nga inyapanda iti balitok kenni Aaron. Kiniddawda nga iyaramdanna ida iti maysa a didiosen.

![](https://cdn.door43.org/obs/jpg/360px/obs-en-13-12.jpg)

Nagaramid ni Aaron iti didiosen.Nabalitokan ken sinanbaka ti langana. Nangrugi dagiti tattao iti dakes a panangidaydayaw ken panagidatdatonda iti didiosen. Kasta unay ti pungtot iti Dios gapu iti basolda ket pinanggepna a dadaelen ida. Gapu iti daytoy, nagkararag ni Moises para kadakuada. Dinengngeg iti Dios ti kararag ni Moises ket saanna ida a dinadael.

![](https://cdn.door43.org/obs/jpg/360px/obs-en-13-13.jpg)

Nakita ni Moises dagiti didiosen idi simmalog isuna manipud idiay bantay, nakaunget ket binurakna dagiti bato a nangisuratan iti Dios kadagiti sangapulo a bilinna.

![](https://cdn.door43.org/obs/jpg/360px/obs-en-13-14.jpg)

Inwaras ni Moises ti narumek a didiosen iti danum. Inpainumna kadagiti tattao. Nangiyeg ti Dios iti maysa a didgra ket adu ti natay kadakuada.

![](https://cdn.door43.org/obs/jpg/360px/obs-en-13-15.jpg)

Nagaramid manen ni Moises iti baro a pisi iti bato a pangisuratanna kadagiti Sangapulo a Bilin kas sukat diay binurakna. Kalpasanna nagsubli manen isuna idiay rabaw iti bantay Sinai ken nagkararag a pakawanen koma iti Dios dagiti tattao. Dinengngeg iti Dios ti kararag ni Moises ket pinakawanna ida. Simmalog ni Moises manipud idiay bantay nga awitna dagiti dua a pisi a bato a nakaisuratan iti Sangapulo a Bilin. Inturong manen iti Dios dagiti Israelita manipud iti Bantay Sinai a mapan idiay Naikari a Daga.

*Ti istorya ti Biblia manipud: Exodo 19-34*

## 14. Panagalla-alla iti Kabakbakiran

https://openbiblestories.org/l/ilo/story-14/

![](https://cdn.door43.org/obs/jpg/360px/obs-en-14-01.jpg)

Kalpasan nga imbaga iti Dios ti linteg kadagiti Israelita, pinanawanda ti Bantay Sinai. Karaman ti nagtulagan iti Dios ken kadagiti Israelita ti panagtulnog kadagiti linteg.Kinuyog manen ida iti Dios nga agturong idiay Canaan, ti Naikari a Daga. Adda adigi nga ulep a sinursurotda inggana makadanonda idiay Canaan.

![](https://cdn.door43.org/obs/jpg/360px/obs-en-14-02.jpg)

Inkari iti Dios kada Abraham, Isaac ken Jacob nga itedna ti Naikari a Daga kadagiti kaputotanda. Adun dagiti bunggoy dagiti Cananeo nga agnanaed idiay. Saan a nagtulnog ken nagdaydayaw iti Dios dagiti Cananeo. Agar-aramidda iti nagdadakes a banag. Agdaydayawda kadagiti didiosen.

![](https://cdn.door43.org/obs/jpg/360px/obs-en-14-03.jpg)

Kinuna iti Dios kadagiti Israelita."Masapul a papanawenyo dagiti amin a Cananeo idiay Naikari a Daga. Saan kayo a makikappia uray makiasawa kadakuada. Masapul a dadaelenyo amin dagiti didiosenda. No saandak a tungpalen ket dayawenyonto dagiti didiosenda imbes a siak."

![](https://cdn.door43.org/obs/jpg/360px/obs-en-14-04.jpg)

Idi nakadanonen dagiti Israelita iti beddeng iti Canaan, nagpili ni Moises iti sangapulo ket dua a lallaki a naggapu iti tunggal tribo ti Israel. Binilin ni Moises ida a mapanda siimen diay lugar tapno makitada no anya ti langana. Siimenda met dagiti Cananeo tapno makitada no napipigsada met laeng wenno nakakapsutda.

![](https://cdn.door43.org/obs/jpg/360px/obs-en-14-05.jpg)

Nagsubli dagiti sangapulo ket dua idiay Canaan kalpasan iti panagdalyasatda iti las-ud iti uppat a pulo nga aldaw. Kinunada kadagit tattao,"Ti lugar ket nadam-eg ti dagana ken adu ti maapit a mula!" Ngem kinuna dagiti sangapulo kadagiti espiya, "Napipigsa dagiti siudadda ken higante dagiti tattaoda! No rauten tayo ida sigurado nga abaken ken papatayen datayo!"

![](https://cdn.door43.org/obs/jpg/360px/obs-en-14-06.jpg)

Kinuna ni Caleb ken Josue, dua kadagiti espiya, "Agpayso a dadakkel ken napipigsa dagiti tattao idiay Canaan ngem sigurado a mabalintayo nga abaken ida! Ti Dios ti makigubat para kadatayo!"

![](https://cdn.door43.org/obs/jpg/360px/obs-en-14-07.jpg)

Saan a dimngngeg dagiti tattao kenni Caleb ken Josue. Nakaunget dagiti tattao kenni Moises ken Aaron ket kinunada, "Apay ta inyeg dakami ditoy nakabutbuteng a lugar? Nagtalinaed kami latta koman idiay Egypt ngem iti matay kami iti gubat ken matagabo dagiti assawa ken annakmi."Kayat dagiti tattao ti mangpili iti sabali a mangidaulo kadakuada nga agsubli idiay Egtypt.

![](https://cdn.door43.org/obs/jpg/360px/obs-en-14-08.jpg)

Makapungtot unay ti Dios, napan iti paguummongan a tolda. Kinunana' "Gapu ta sinukirdak agalla-allanto amin a tattao iti let-ang. Matayto amin nga agtawen iti dua pulo wenno natataengan pay. Saanda a pulos a makastrek iti Naikari a Daga malaksid ken ni Caleb ken Josue.

![](https://cdn.door43.org/obs/jpg/360px/obs-en-14-09.jpg)

Idi nangngegda daytoy, nagbabawi dagiti tattao iti nagbasolanda. Innallada dagiti armasda ket napanda rinaot dagiti Cananeo. Binallaagan ida ni Moises a saanda a mapmapan ta saan ida a tulungan iti Dios, ngem saanda a dimngeg kenkuana.

![](https://cdn.door43.org/obs/jpg/360px/obs-en-14-10.jpg)

Naabak ken adu ti natay iti daytoy a gubat agsipudta saan ida a tinulungan iti Dios. Pimmanaw dagiti Israelita manipud idiay Canaan, nagalla-allada iti let-ang iti las-ud iti uppat a pulo a tawen.

![](https://cdn.door43.org/obs/jpg/360px/obs-en-14-11.jpg)

Inted iti Dios dagiti amin a kasapulan dagiti Israelita bayat iti uppat a pulo a tawen a panagalla-allada iti let-ang, inekkanna ida iti tinapay a naggapo idiay langit a maaw-awagan iti "mana." Nangibaon pay isuna iti adu a pugo kadagiti kampoda tapno adda karne a kanenda. Saan nga impalubos iti Dios a madadael dagiti bado ken sandalyasda iti dayta a panawen.

![](https://cdn.door43.org/obs/jpg/360px/obs-en-14-12.jpg)

Nagmilagro ti Dios ket intedna ti danumda a nagtaud iti bato. Urayno kasta, nagriri latta dagiti Israelita kenni Moises ken iti Dios ngem napudno latta ti Dios kadagit karina kada Abraham, Isaac ken Jacob.

![](https://cdn.door43.org/obs/jpg/360px/obs-en-14-13.jpg)

Inbaga iti Dios ken Moises idi naawananda iti danum ,"Katungtong mo ta bato ket rumwar ti danum manipud iti daytoy. "Sinukir ni Moises ti Dios iti sangwanan dagiti tattao. Imbes a katungtongenna ti bato, namiduana a binaot daytoy babaen iti sarukodna. Rimwar ti danum ket imminum dagiti tattao. Nakapungtot ti Dios ken Moises, kinunana. "Saankayo a makastrek iti Naikari a Daga.

![](https://cdn.door43.org/obs/jpg/360px/obs-en-14-14.jpg)

Natay amin nga Israelita a nagsukir iti Dios kalpasan iti agarup uppat a pulo a tawen a panagalla-allda idiay let-ang. Kalpasan daytoy inturong manen iti Dios dagiti tattao iti igid iti Naikari a Daga. Pinili iti Dios ni Josue a tumulong ken Moises a mangidalan kadagiti tattao, agsipudta lakay unayen ni Moises. Inkari iti Dios a maysa nga aldaw mangibaon iti sabali a profeta a kas ken Moises.

![](https://cdn.door43.org/obs/jpg/360px/obs-en-14-15.jpg)

Imbaon iti Dios ni Moises idiay rabaw iti bantay tapno makitana ti Naikari a Daga. Nakitana ngem saan isuna a pinalubosan iti Dios a makastrek sadiay. Natay ni Moises, nagladingit dagiti Israelita iti tallopulo nga aldaw. Ni Josue ti simmukat a panguloda. Nasayaat isuna a pangulo gapu ta nagtalek ken nagtulnog isuna iti Dios.

*Istorya ti Biblia manipud: Exodo 16-17; Dagiti Numeros 10-14;20;27;Deutoronomio 34*

## 15. Ti Naikari nga Daga

https://openbiblestories.org/l/ilo/story-15/

![](https://cdn.door43.org/obs/jpg/360px/obs-en-15-01.jpg)

Kalpasan ti atiddog a panawen, dimteng iti tiempo ti panagsirrek dagiti Israelita idiay Canaan, iti Naikari a Daga. Nangibaon ni Josue iti dua nga espiya idiay Jerico. Maysa a siudad ti Canaan a napalikmutan iti natibker a padpader ti Jerico. Ni Rahab ket maysa a balangkantis nga agnanaed iti dayta a lugar. Inlemmeng ken tinulonganna dagiti espiya tapno makalibasda. Inaramidna daytoy gapu ta mamati isuna iti Dios. Inkari dagiti espiya a salaknibandanto ni Rahab ken ti pamilyana inton tiempo ti panangdadaelda iti Jerico.

![](https://cdn.door43.org/obs/jpg/360px/obs-en-15-02.jpg)

Masapul a bumallasiw dagiti Israelita ti karayan Jordan tapno makastrekda iti Naikari a Daga. Kinuna ti Dios ken ni Josue, "Paunaem dagiti padi a bumallasiw". Idi inrugi dagiti padi ti bumallasiw, simmardeng a nagayos ti danum ti karayan. Nakaballasiw dagiti Israelita iti namaga a daga.

![](https://cdn.door43.org/obs/jpg/360px/obs-en-15-03.jpg)

Kalpasan a nakaballasiw dagiti tattao iti Karayan Jordan, imbaga ti Dios ken ni Josue no kasano ti panangdarupda iti nabileg a siudad ti Jericho. Nagtulnog dagiti tattao iti Dios. Inaldaw a nagmartsa dagiti suldado ken dagiti padi iti aglawlaw ti Jericho kas imbaga iti Dios. Inaramidda daytoy iti naminsan a daras iti innem nga aldaw .

![](https://cdn.door43.org/obs/jpg/360px/obs-en-15-04.jpg)

Iti maikapito nga aldaw, naminpito a daras a nagmartsa dagiti Israelita iti aglawlaw iti siudad. Nagpukkaw dagiti soldado ken pinuyutan met dagiti padi ti trumpetada bayat ti panagmartsada iti aglawlaw ti siudad iti maudi a daras.

![](https://cdn.door43.org/obs/jpg/360px/obs-en-15-05.jpg)

Narba dagiti pader a nakapalikmut iti Jerico. Dinadael dagiti Israelita amin nga adda iti siudad kas imbilin iti Dios. Ni Rahab laeng ken ti pamilyana iti insalakanda ta nakikadwada kadagiti Israelita. Nagbuteng dagiti dadduma nga agnanaed idiay Canaan kadagiti Israelita ta naamoanda a dinadaelda iti Jericho. Nagbutengda ta amangan no rauten met ida dagiti Israelita.

![](https://cdn.door43.org/obs/jpg/360px/obs-en-15-06.jpg)

Imbilin iti Dios kadagiti Israelita a saanda a makitulag iti panagkappia kadagiti aniaman a puli iti tattao idiay Canaan. Nagulbod ken ni Josue ti maysa a puli iti tattao ti Canaan a maawawagan a Gibeonita. Imbagada a naggapuda iti lugar nga adayu manipud idiay Canaan. Nakitungtongda ken ni Josue nga agaramidda iti tulag a pannakikappia kadakuada. Saanen a nagdamagda Josue ken dagiti Israelita iti Dios no sadinno ti naggapuan dagitoy a Gibeonita. Isunga nangaramid ngarud ni Joshua iti tulag a pannakikappia kadakuada.

![](https://cdn.door43.org/obs/jpg/360px/obs-en-15-07.jpg)

Nakaunget dagiti Israelita idi naamoanda nga inallilaw ida dagiti Gibeonita. Uray no kasta, sinurotda latta ti tulag a pannakikappia kadakuada agsipud ta kari daytoy a naaramid iti sanguanan iti Dios. Kalpasanna, nadamag dagiti ari iti Amorita a nangaramid dagiti Gibeonita iti katulagan a pannakikappia kadagiti Israelita. Dagiti Amorita ket maysa pay a puli iti tattao nga agnanaed iti Canaan. Pinagmaymaysada dagiti suldadoda ket nagbalin a dakkel nga armada. Dinarupda dagiti Gibeonita. Nangipatulod iti mensahe a dumawdawat iti tulong kenni Josue dagiti Gibeonita.

![](https://cdn.door43.org/obs/jpg/360px/obs-en-15-08.jpg)

Gapu iti dayta, inurnong ni Josue dagiti soldado iti Israel ket nagpatpatnagda a nagdaliasat tapno makadanunda iti ayan dagiti Gibeonita. Kabigatanna, dinarupda a kellaat dagiti Amorita.

![](https://cdn.door43.org/obs/jpg/360px/obs-en-15-09.jpg)

Iti dayta nga aldaw, limmaban ti Dios para kadagiti Israelita. Binuriborna dagiti Amorita. Pinagtudona pay iti dadakkel nga uraro a nangpatay iti kaaduan kadakuada.

![](https://cdn.door43.org/obs/jpg/360px/obs-en-15-10.jpg)

Pinagsardeng pay iti Dios ti init iti maysa a lugar tapno maaddan dagiti Israelita iti umdas nga oras a mangparmek kadagiti Amorita. Tinulungan iti Dios nga agballigi dagiti Israelita iti dayta nga aldaw.

![](https://cdn.door43.org/obs/jpg/360px/obs-en-15-11.jpg)

Kalpasan a naparmek iti Dios amin a kabusor ti Israel, nagmaymaysa ti adu a puli iti tattao iti Canaan tapno rautenda ti Israel. Indauloan ni Josue dagiti Isrelita iti panangrautda kadagiti kabusorda.

![](https://cdn.door43.org/obs/jpg/360px/obs-en-15-12.jpg)

Kalpasan daytoy a gubat, inikkan iti Dios ti amin a puli iti tattao iti Israel iti bukodda a daga idiay Naikari a Daga. Inaramid iti Dios a natalna ti biagda agraman dagiti dadduma a puli iti tattao nga agnanaed iti asidegda.

![](https://cdn.door43.org/obs/jpg/360px/obs-en-15-13.jpg)

Idi lakayen ni Josue, inayabanna amin nga Israelita. Impalagipna kadagiti tattao nga agtultuloy nga agtulnogda iti katulagan nga inaramid iti Dios kadakuada idiay Sinai. Inkari dagiti tattao nga agtalinaedda a napudno iti Dios ken surotenda dagiti linlintegna.

*Istorya ti Biblia manipud: Josue 1-24*

## 16. Dagiti Mangisalakan

https://openbiblestories.org/l/ilo/story-16/

![](https://cdn.door43.org/obs/jpg/360px/obs-en-16-01.jpg)

Kalpasan a natay ni Josue, sinukir dagiti Israelita ti Dios. Saanda a pinapanaw dagiti nabati a taga Canaan, wenno nagtulnog kadagiti linteg ti Dios. Rinugian dagiti Israelita ti nagdaydayaw kadagiti didiosen dagiti taga Canaan imbes a ni Yahweh, ti pudno a Dios. Awan idi ti ari dagiti Israelita, isu nga inaramid ti tunggal maysa no ania ti pagarupda nga usto para kadakuada.

![](https://cdn.door43.org/obs/jpg/360px/obs-en-16-02.jpg)

Nagtultuloy dagiti Israelita a nagsuksukir iti Dios. Gapu iti daytoy, dinusa ida iti Dios. Pinalubosanna a parmeken ida dagiti kalabanda. Tinakawan ida dagiti kabusorda. Dinadaelda pay dagiti sanikuada. Adu ti natay kadakuada. Adu a tawen a pinarparigat ida dagiti kabusorda. Iti dayta a panawen saanda a nagtungpal iti Dios ngem nagbabawi dagiti Israelita. Dinawatda nga isalakan ida iti Dios.

![](https://cdn.door43.org/obs/jpg/360px/obs-en-16-03.jpg)

Nangibaon ngarud ti Dios iti mangispal kadakuada manipud kadagiti kabusorda ken mangyeg iti talna iti lugar. Uray no kasta ti inaramid iti Dios, nakalipat manen dagiti tattao. Nangrugida manen a nagdaydayaw kadagiti didiosen. Gapu iti daytoy, impalubos iti Dios nga abaken ida dagiti Midianita. Dagiti Midianita ket maysa a puli iti tattao nga agnanaed iti asideg.

![](https://cdn.door43.org/obs/jpg/360px/obs-en-16-04.jpg)

Pito a tawen nga innal-ala dagiti taga Midian amin nga apit dagiti Israelita. Mabuteng launay dagiti Israelita, isu a naglemmengda kadagiti kuweba tapno saan ida a mabirukan dagiti Midianita. Kalpasanna, nagpakaasida iti Dios tapno isalakanna ida.

![](https://cdn.door43.org/obs/jpg/360px/obs-en-16-05.jpg)

Maysa nga aldaw, nalimed nga agir- irik iti apitna ti maysa nga Israelita nga agnagan iti Gideon. Ilimlimedna ti panagirikna tapno saan a makita isuna dagiti Midianita ken saanda a takawen dagiti irikna. Bayat ti panagirikna, immay ti anghel iti Yahweh ken ni Gideon ket kinunana, "Adda ti Dios kenka, mannakabalin a soldado! Isalakan mo dagiti Israelita manipud kadagiti Midianita".

![](https://cdn.door43.org/obs/jpg/360px/obs-en-16-06.jpg)

Adda ti altar ti ama ni Gideon para iti didiosen. Imbaga iti Dios kenni Gideon a dadaelenna daytoy. Mabuteng ni Gideon kadagiti tattao. Gapu ta mabuteng isuna, inurayna a rimmabii sana binurak ti pagidatonan. Nangipatakder isuna iti pangidatonan a para iti Dios iti abay iti dati nga altar a para iti didiosen. Kalpasan daytoy, nagidaton isuna iti Dios.

![](https://cdn.door43.org/obs/jpg/360px/obs-en-16-07.jpg)

Kabigatanna, nakita dagiti tattao nga adda nangburak iti altar. Kasta launay ti ungetda. Napanda iti balay ni Gideon tapno patayenda isuna ngem kinuna iti ama ni Gideon kadakuada, "Apay a tulunganyo ti diosyo? No pudno a dios isuna, masalaknibanna ti bagina". Gapu ta kasta ti imbaga iti ama ni Gideon, saan a pinatay dagiti tattao ni Gideon.

![](https://cdn.door43.org/obs/jpg/360px/obs-en-16-08.jpg)

Immay manen dagiti nakaad-adu a Midianita tapno agtakawda kadagiti Israelita. Aduda launay a saandan a mabilang. Inurnung ni Gideon dagiti Israelita tapno labananda ida. Dimmawat ni Gideon iti Dios iti dua a pagilasinan tapno masiguradona nga aramaten isuna iti Dios a mangisalakan kadagiti Israelita.

![](https://cdn.door43.org/obs/jpg/360px/obs-en-16-09.jpg)

Kastoy ti inaramid ni Gideon para iti umuna a pagilasinan, nangikabil ni Gideon iti kudil iti karnero iti daga. Dinawatna iti Dios a mabasa laeng iti linnaaw iti agsapa ti kudil iti karnero ken saan dapat a mabasa ti daga. Isu ti inaramid ti Dios daytoy. Iti sumarunu a rabii, dinawatna manen iti Dios a ti daga ket mabasa ngem ti kudil iti karnero ket namaga. Inaramid met iti Dios dayta. Gapu iti daytoy a dua a pagilasinan, namati ni Gideon nga usaren isuna ti Dios a mangisalakan kadagiti Israelita manipud kadagiti Midianita.

![](https://cdn.door43.org/obs/jpg/360px/obs-en-16-10.jpg)

Napan kenni Gideon ti 32,000 a soldado nga Israelita ngem kinuna iti Dios nga adu launay dagitoy. Pinagawid ngarud ni Gideon dagiti 22,000 a mabuteng a makilaban. Imbaga iti Dios ken ni Gideon nga adu latta dagita a tattaona. Pinagawid ngarud ida ni Gideon malaksid ti 300 a soldado.

![](https://cdn.door43.org/obs/jpg/360px/obs-en-16-11.jpg)

Iti dayta a rabii kinuna iti Dios kenni Gideon, "Sumalog kayo iti kampo dagiti taga Midian ket no mangngegyo no anya ti ibagbagada ket saan kayonton a mabuteng kadakuada. Iti dayta a rabii simmalog ni Gideon iti kampo ket nangngegna ti soldado a Midianita nga ibagbagana iti gayyemna a soldado ti natagtagainepna. Kinuna iti lalaki iti gayyemna, "Ti kaipapanan daytoy a tagtagainep ket parmeken to dagiti soldado ni Gideon datayo a Midianita. Nagdaydayaw ni Gideon iti Dios idi nangngegna daytoy.

![](https://cdn.door43.org/obs/jpg/360px/obs-en-16-12.jpg)

Kalpasan daytoy, nagsubli ni Gideon kadagiti soldadona. Inikkanna ida iti saggaysa a tangguyob a sara, banga ken burruong. Pinalikmutanda ti kampo nga ayan dagiti matmaturog a soldado a Midianita. Inkabil dagiti 300 a soldado ni Gideon ti silaw iti uneg dagiti banga tapno saan a makita dagiti Midianita ti lawag dagiti pagsilawanda.

![](https://cdn.door43.org/obs/jpg/360px/obs-en-16-13.jpg)

Kalpasanna, naggigiddan dagiti soldado ni Gideon a nangburak kadagiti bangbangada. Dagus a naipakita dagiti apuy kadagiti pagsilawanda. Pinuyotanda dagidiay tangguyubda ken impukkawda, "Makigubat kami para ken ni Yahweh ken ni Gideon."

![](https://cdn.door43.org/obs/jpg/360px/obs-en-16-14.jpg)

Riniribok iti Dios dagiti Midianita isu a nagraranget ken nagpipinnatay ti tunggal maysa kadakuada. Dagusda a pinaayab dagiti dadduma pay nga Israelita a nabati kadagiti balbalayda tapno tumulongda a mangkamat kadagiti Midianita. Adu ti pinatayda. Pinapanawda dagiti dadduma pay a Midianita manipud iti Israel. Natay ti 120,000 a Midianita iti dayta nga aldaw. Insalakan iti Dios dagiti Israelita.

![](https://cdn.door43.org/obs/jpg/360px/obs-en-16-15.jpg)

Kayat dagiti tattao nga aramiden nga arida ni Gideon. Saan nga immanugot daytoy. Ngem dimmawat ketdi ni Gideon iti balitok a singsing nga innalada manipud kadagiti Midianita. Adu a balitok ti inted dagiti tattao kenni Gideon.

![](https://cdn.door43.org/obs/jpg/360px/obs-en-16-16.jpg)

Inaramat ni Gideon dagiti balitok a nagaramid iti naisangsangayan a pagan-anay a kas ti us-usaren iti nangato a padi. Dinayaw dagiti tattao daytoy a kas maysa a didiosen. Gapu iti daytoy, dinusa manen iti Dios dagiti Israelita. Pinalubusan iti Dios a parmeken ida dagiti kabusorda. Kalpasanna, dimmawatda manen iti tulong iti Dios ket nangibaon ti Dios iti sabali a mangispal kadakuada.

![](https://cdn.door43.org/obs/jpg/360px/obs-en-16-17.jpg)

Naulit-ulit a napasamak ti kastoy. Agbasol dagiti Israelita ken dusaen iti Dios ida, agpakawanda ket mangibaon manen ti Dios iti mangispal kadakuada. Adu a tawtawen, nangibaon ti Dios iti mangispal kadagiti Israelita manipud kadagiti kabusorda.

![](https://cdn.door43.org/obs/jpg/360px/obs-en-16-18.jpg)

Kalpasanna, nagdawat dagiti tattao iti ari kas kadagiti dadduma a nasyon. Kayatda iti ari a natayag ken napigsa ken adda kabaelanna a mangidaulo kadakuada iti gubat. Saan a kayat ti Dios daytoy a kiddawda ngem intedna kadakuada ti ari a kas iti dinawatda.

*Isorya ti Bibliya manipud: Uk-ukom 1-3; 6-8*

## 17. Ti Tulag ti Dios ken ni David

https://openbiblestories.org/l/ilo/story-17/

![](https://cdn.door43.org/obs/jpg/360px/obs-en-17-01.jpg)

Ni Saul ti umuna nga ari ti Israel. Kayat dagiti tattao ni Saul gapu ta nataraki ken natayag isuna. Nasayaat nga ari ni Saul idi umun-una a tawtawen ti panagturayna iti Israel, ngem nagbalin isuna a dakes ket saanen nga agtultulnog iti Dios. Gapu iti dayta, nagpili ti Dios ti sabali tapno sumukatto nga ari kenni Saul.

![](https://cdn.door43.org/obs/jpg/360px/obs-en-17-02.jpg)

Adda ti maysa a baro nga Israelita nga agnagan ti David, pinili isuna ti Dios tapno sumukat ken ni Saul nga ari ti Israel. Maysa nga agayaywan ti karnero ni David a naggapu iti Bethlehem. Iti naduma-duma a tiempo iti panagaywanna kadagiti karnero ti amana, nakapatay ni David ti leon ken oso a nangdarup kadagiti karnero. Napakumbaba ken nalinteg ni David, nagtalek ken nagtulnog isuna iti Dios.

![](https://cdn.door43.org/obs/jpg/360px/obs-en-17-03.jpg)

Nagbalin a nalaing a panguloen ken soldado ni David. Idi baro pay laeng isuna ket inabakna ni Goliath a maysa nga higante. Nalaing a soldado ni Goliath, napigsa isuna ken nganngani a tallo metro ti kinatayagna. Insalakan ni David ti Israel babaen ti tulong ti Dios. Kalpasanna, adu pay a kabusor ti Israel iti inabakna. Gapu ditoy, dinayaw dagiti tattao ni David.

![](https://cdn.door43.org/obs/jpg/360px/obs-en-17-04.jpg)

Nagimon ni Saul gapu ti kasta unay nga ayat ti tattao kenni David. Namin-adu a pinadas ni Saul a patayen ni David, isunga naglemmeng ni David kenkuana. Maysa nga aldaw, binirbirok ni Saul ni David tapno patayenna isuna. Napan ni Saul idiay kueba a paglemlemmengan ni David ngem saanna isuna a nakita. Asideg laeng ni David kenni Saul, mabalinna koma a patayen isuna ngem saanna a pinatay ni Saul. Nangpigis isuna ti bado ni Saul tapno mapaneknekanna a saanna a kayat nga patayen ni Saul tapno agbalin nga ari.

![](https://cdn.door43.org/obs/jpg/360px/obs-en-17-05.jpg)

Nagbalin met lang nga ari ni David iti Israel idi natay ni Saul iti gubat. Nasayaat isuna nga ari ken ay-ayaten isuna dagiti tattao. Binendisionan ti Dios ni David isunga nagballigi isuna. Adu a gub-gubat ti napanan ni David, inabakna dagiti kabusor ti Israel babaen ti tulong ti Dios. Pinarmek pay ni David ti Jerusalem ket inaramidna a sentro ti siudad. Nagbalin a nabaknang ken napigsa a nasion ti Israel kabayatan ti panagturay ni David.

![](https://cdn.door43.org/obs/jpg/360px/obs-en-17-06.jpg)

Kayat ni David ti mangpatakder ti templo a lugar a mabalin a pagdayawan ken pangidatonan dagiti Israelita kadagiti datdatonda maipaay iti Dios. Agdaydayaw ken agidatdaton laeng dagiti Israelita iti Dios idiay tolda a paguumongan nga impaaramid ni Moises iti 400 a tawtawen.

![](https://cdn.door43.org/obs/jpg/360px/obs-en-17-07.jpg)

Imbaon ti Dios ti profeta a ni Natan tapno mangibaga ti mensahe ken ni David, kinunana, “Saan a sika ti mangipatakder ti templo gapu ta mannakigubatka. Ipatakderto ti anakmo a lalaki ti templo para kaniak ngem bendisionanka. Maysanto kadagiti kaputotam ti agari kadagiti tattaok nga agturay iti agnanayon!” Ti Mesias laeng ti kaputotan ni David a mabalin nga agturay iti agnanayon. Ti Mesias ti pinili ti Dios a mangisalakan kadagiti tattao kadagiti basbasolda.

![](https://cdn.door43.org/obs/jpg/360px/obs-en-17-08.jpg)

Idi nangngeg ni David dagitoy, nagyaman a dagus ken nagdayaw isuna iti Dios gapu ta inkarina a dayag ken iti adu a bendision ti Dios kenkuana. Saan nga ammo ni David no kaano a mapasamak dagitoy. Kabayatan a matungpal daytoy, masapul nga aguray dagiti Israelita ti nasurok a sangaribu a tawen.

![](https://cdn.door43.org/obs/jpg/360px/obs-en-17-09.jpg)

Nagturay ni David nga adda ti hustisia ken kinapudno iti adu a tawtawen ken binendisionan isuna ti Dios. No man pay kasta, nakaro ti basol a naaramid ni David iti kamaudianan ti biagna.

![](https://cdn.door43.org/obs/jpg/360px/obs-en-17-10.jpg)

Maysa nga aldaw, idi makigub-gubat amin a soldado ni David iti adayo kadagiti balayda. Timman-aw ni David iti ruar ti palasyo ket nakitana ti napintas a babae nga agdigdigos, ni Batseba.

![](https://cdn.door43.org/obs/jpg/360px/obs-en-17-11.jpg)

Imbes a saanna a kitaen ni Batseba, impaayab ni David ni Batseba iti taona. Kinaidda ni David ni Bathseba sana pinagawid idiay balayda. Saan a nagbayag, impakaammo ni Batseba kenni David a masikog isuna.

![](https://cdn.door43.org/obs/jpg/360px/obs-en-17-12.jpg)

Pinaayaban ni David ti asawa ni Batseba a ni Urias, manipud idiay gubat. Maysa kadagiti kalalaingan a soldado ni David ni Urias. Imbaonna ni Urias nga agawid tapno makadua kenni Batseba ngem saan nga inaramid ni Urias ti imbilin ni David kabayatan ti pannakigubat dagiti kakaduana, isunga pinasubli ni David ni Urias idiay paggugubatan, imbilinna iti heneral nga ipanna ni Urias idiay lugar a napigpigsa dagiti kabusorda tapno matay isuna.

![](https://cdn.door43.org/obs/jpg/360px/obs-en-17-13.jpg)

Inasawa ni David ni Batseba kalpasan a natay ni Urias. Saan a nagbayag, inyanak ni Batseba ti anakda kenni David. Saan a naay-ayo ti Dios iti inaramid ni David isunga imbaonna ni profeta a Natan tapno ibagana kenni ni David ti kinadakes ti basol nga inaramidna. Pinakawan ti Dios ni David gapu ta nagbabawi isuna. Manipud idi, nagtulnog ni David iti Dios uray pay kadagiti naririgat a panawen.

![](https://cdn.door43.org/obs/jpg/360px/obs-en-17-14.jpg)

Natay ti ubing nga inyanak ni Batseba a kas dusa ti basol ni David. Naglalaban ti pamiliana. Kimmapsot ti pannakabalin ni David. Uray pay nakaaramid ni David ti nakaro a basol iti Dios, nagtalinaed a napudno ti Dios kadagiti karkarina kenkuana. Kalpasanna, naaddaan manen ni David ken ni Batseba ti anak a lalaki, Solomon ti impanaganda kenkuana.

*Istorya ti Biblia manipud: 1Samuel 10; 15-19;24;31; 2 Samuel 5;7; 11-12*

## 18. Ti Nagudua a Pagarian

https://openbiblestories.org/l/ilo/story-18/

![](https://cdn.door43.org/obs/jpg/360px/obs-en-18-01.jpg)

Natay ni David kalpasan iti adu a tawen. Nangrugi a nagturay ti anakna a ni Solomon iti Israel. Nagtimek ti Dios kenni Solomon, sinasulsodna no anya ti kangrunaan a kayatna. Naragsakan ti Dios idi dinawat ni Solomon nga aramidenna isuna a nasirib. Pinagbalinna ni Solomon a kasiriban iti sangalubongan. Adu a banag ti naamoan ni Solomon. Nagbalin isuna a nasirib nga ukom. Pinagbalinpay isuna iti Dios a nakabakbaknang.

![](https://cdn.door43.org/obs/jpg/360px/obs-en-18-02.jpg)

Impatakder ni Solomon ti Templo idiay Jerusalem. Pinanggep idin iti amana a ni David nga ipatakder daytoy a templo. Inyurnonganna pay idi iti materyales daytoy. Nagdaydayaw ken nagidaton dagiti tattao iti Dios idiay templo. Sigud nga ar-aramidenda dagitoy idiay Tolda iti Pagu-ummungan. Immay ken nagnaed ti presensya iti Dios idiay templo, iti sibay dagiti tattaona.

![](https://cdn.door43.org/obs/jpg/360px/obs-en-18-03.jpg)

Nagayat ni Solomon kadagiti babbai a naggapu iti naduma-duma a nasyon. Sinukirna ti Dios. Nangasawa ni Solomon iti agarup 1000 a babbai. Adu kadagitoy a babbai ti naggapu iti naduma-duma a nasyon. Intugut dagitoy a babbai dagiti didiosenda ket intultuloyda a dinaydayaw dagitoy. Idi limmakayen ni Solomon, dinaydayawna metten dagitoy a didiosen.

![](https://cdn.door43.org/obs/jpg/360px/obs-en-18-04.jpg)

Nakaunget ti Dios kenni Solomon. Gapu iti dayta, kas dusa iti panangsukir ni Solomon iti Dios, inkarina nga pagsinaennanto ti pagarian iti Israel kalpasan iti pannakatay ni Solomon.

![](https://cdn.door43.org/obs/jpg/360px/obs-en-18-05.jpg)

Kalpasan a natay ni Solomon, nagbalin nga ari ti anakna a ni Rehoboam. Maag a tao ni Rehoboam. Nagmaymaysa amin a tao iti Israel tapno patalgendanda ti kinaarina. Nagriri dagiti tattao ken ni Rehoboam. Imbagada a pinarigat ida ni Solomon. Imbagada a pinagtrabaho ida ni Solomon iti nadagsen ken pinagbayadna ida iti adu a buwis.

![](https://cdn.door43.org/obs/jpg/360px/obs-en-18-06.jpg)

Minamaag a simmungbat ni Rehoboam, "Ipagarupyo a pinarigatna kayo iti amak a ni Solomon ngem narigrigat to pay ti ipaaramidko kadakayo. Dusaen kayonto iti nakarkaro pay ngem kadagiti inaramidna.

![](https://cdn.door43.org/obs/jpg/360px/obs-en-18-07.jpg)

Gapu iti dayta nga imbaga ni Rehoboam, nagrebelde ti sangapulo a tribu iti Israel maibusor kenkuana. Dua laeng a tribu ti nagtultuloy a nagtalek ken ni Rehoboam. Dagitoy nga dua a tribu ti nagbalin a pagarian iti Judah.

![](https://cdn.door43.org/obs/jpg/360px/obs-en-18-08.jpg)

Dinutokanda ni Jeroboam nga agbalin nga ari dagiti sangapulo a tribu ti Israel a nagrebelde kenni Rehoboam. Impatakderda ti pagarianda iti amianan. Inawaganda ti pagarianda nga Israel.

![](https://cdn.door43.org/obs/jpg/360px/obs-en-18-09.jpg)

Nagrebelde ni Jeroboam iti Dios. Insungsungna dagiti tattao nga agbasol. Nangipatakder isuna iti dua a didiosen. Dinaydayaw dagiti tattao dagitoy a didiosen imbes a mapanda idiay Templo iti Judah nga agdayaw iti Dios.

![](https://cdn.door43.org/obs/jpg/360px/obs-en-18-10.jpg)

Nagbalin nga agkabusor ti pagarian iti Judah ken Israel ket kankanayon dagitoy nga aglaban.

![](https://cdn.door43.org/obs/jpg/360px/obs-en-18-11.jpg)

Nadangkes amin nga ari iti baro a pagarian iti Israel. Adu kadagitoy nga ari ket pinatay dagiti dadduma nga Israelita nga agtartarigagay nga agbalin nga ari.

![](https://cdn.door43.org/obs/jpg/360px/obs-en-18-12.jpg)

Nagdaydayaw dagiti amin nga ari ken dagiti tattao iti Israel kadagiti didiosen. Ti panagdayawda kadagiti didiosen ket masansan a pakairamanan iti kinaderrep ken panagidatonda kadagiti ubbing.

![](https://cdn.door43.org/obs/jpg/360px/obs-en-18-13.jpg)

Kaputotan ni David dagiti ari iti Judah. Nasayaat ken sipupudno ti panagturay dagiti dadduma nga arida. Managdayawda pay iti Dios. Uray no kasta, nadangkes ken naagum ti kaaduan kadagiti ari iti Judah, agdaydayawda pay kadagiti didiosen. Indaton pay dagiti dadduma nga ari dagiti bukodda nga annak kadagiti didiosen. Nagrebelde ti kaaduan kadagiti tattao iti Judah iti Dios. Nagdaydayawda pay kadagiti didiosen.

*Istorya ti Biblia manipud: 1 Ar-Ari 1-6; 11-12*

## 19. Dagiti Profeta

https://openbiblestories.org/l/ilo/story-19/

![](https://cdn.door43.org/obs/jpg/360px/obs-en-19-01.jpg)

Iti amin a pakasaritaan dagiti Israelita, nangibaon ti Dios kadagiti profeta kadakuada. Mangmangeg dagiti profeta ti mensahe manipud iti Dios ket ibagada met dagitoy a mensahe kadagiti tattao.

![](https://cdn.door43.org/obs/jpg/360px/obs-en-19-02.jpg)

Idi ni Ahab ti ari iti pagarian iti Israel, adda ti maysa a profeta nga agnagan iti Elias. Managdakdakes a tao ni Ahab. Isuna ti nangawis kadagiti tattao nga agrukbabda iti didiosen a ni Baal. Kinuna ni Elias kenni Ahab, “Maawanto ti tudo wenno linnaaw iti pagarian iti Israel inggana nga ibagak nga ummada.” Nagpungtot ni Ahab gapu iti daytoy.

![](https://cdn.door43.org/obs/jpg/360px/obs-en-19-03.jpg)

Imbaga iti Dios kenni Elias a mapan aglimmeng iti maysa a waig idiay let-ang, tapno maisalakanna ti biagna manipud kenni Ahab a mangpapatay kenkuana. Saaan a mabirukan ni Ahab ken dagiti soldado ni Elias. Tapno ada ti kanen ni Elias, nangipatulod ti Dios kadagiti uwak iti tinapay ken karne kada agsapa ken rabii. Natianan diay waig gapu iti nakaro a tikag.

![](https://cdn.door43.org/obs/jpg/360px/obs-en-19-04.jpg)

Gapu iti dayta, napan ni Elias iti kabangibang a pagilian. Iti dayta a lugar, adda maysa a balo a babai nga addaan iti anak a lalaki. Ngannganidan a maibusan iti kanen gapu iti panagbisin. Inaywananda ni Elias ket insabet iti Dios ti kasapulanda. Binendisionan ida iti Dios isu a saan a pulos a naibusan iti arina ti banga, saan met a naibus ti lana iti bote . Naaddaanda ngarud iti kanen iti panawen iti panagbisin. Nagtalinaed ni Elias idiay iti mano a tawtawen.

![](https://cdn.door43.org/obs/jpg/360px/obs-en-19-05.jpg)

Kalpasan iti tallo ket kagudua a tawen, imbaga iti Dios kenni Elias nga agsubli idiay pagarian iti Israel tapno ibagana kenni Ahab a palubosan iti Dios nga agtudo manen. Idi nakita ni Ahab ni Elias kinunana, “Addaka gayam ditoy sika a manangriribuk! Simmungbat ni Elias ket kinuna, “Sika ti manangriribuk! Tinallikudam ni Yahweh, ti pudno a Dios ken nagrukbabka kenni Baal. Ibaonmo dagiti amin a tattao iti pagarian iti Israel a mapanda idiay bantay Carmel.”

![](https://cdn.door43.org/obs/jpg/360px/obs-en-19-06.jpg)

Napan amin dagiti tattao iti pagarian iti Israel idiay bantay Carmel, agraman dagiti 450 a profeta ni Baal. Kinuna ni Elias kadagiti tattao, “Mangngedeng kayon nu siasino ti pagserbianyo,” No ni Yahweh ti Dios, agserbikayo kenkuana ngem no ni Baal ti Dios Isuna ti pagserbianyo!”

![](https://cdn.door43.org/obs/jpg/360px/obs-en-19-07.jpg)

Kalpasanna, kinuna ni Elias kadagiti profeta ni Baal, “Mangparti kayo iti bulog a baka ket isaganayo kas daton ngem saanyo a pasgedan diay pagidatonan. Kastanto met ti aramidek. Ti Dios a makapasged iti apuy iti daton, isu ti pudno a Dios.” Nangisagana ngarud dagiti papadi ni Baal iti daton ngem saanda a nagpasged iti apuy.

![](https://cdn.door43.org/obs/jpg/360px/obs-en-19-08.jpg)

Nagkararag dagiti profeta kenni Baal, kinunada, “Denggenna kami Baal!” Nagkararag ken nagpukpukkawda a nagmalmalem. Sinugsugatda pay dagiti bagbagida babaen iti kutsilyo ngem saan a simungbat ni Baal.

![](https://cdn.door43.org/obs/jpg/360px/obs-en-19-09.jpg)

Malemen idi insagana ni Elias ti datonna iti Dios. Imbagana kadagiti tattao nga ibuyatda ti sangapulo ket dua a dadakkel a burnay iti danum iti rabaw iti daton inggana a mabasa ti karne, dagiti kayo ken uray pay ti aglawlaw iti pagidatonan.

![](https://cdn.door43.org/obs/jpg/360px/obs-en-19-10.jpg)

Kalpasanna, nagkararag ni Elias ket kinunana, “Yahweh, Dios ni Abraham, Isaac, ken ni Jacob. Paneknekam kadakami ita nga aldaw a sika ti Dios iti Israel ken paneknekam a siak ket adipenmo. Sungbatannak tapno maammoan dagitoy a tattao a sika ti pudno a Dios.”

![](https://cdn.door43.org/obs/jpg/360px/obs-en-19-11.jpg)

Dagus a bimmaba ti apuy manipud iti tangatang. Napuuran ti karne, dagiti kayo, bato ken tapuk, uray pay ti danum nga adda iti aglawlaw iti pagidatonan. Idi nakita dagiti tattao daytoy, nagrukbabda iti daga ket kinunada, “Ni Yahweh ti Dios! Ni Yahweh ti Dios!”

![](https://cdn.door43.org/obs/jpg/360px/obs-en-19-12.jpg)

Kalpasanna kinuna ni Elias, “Saanyo a palubusan dagiti profeta ni Baal! Tiniliw dagiti tattao dagiti profeta ni Baal. Inyadayo ken pinatayda ida.

![](https://cdn.door43.org/obs/jpg/360px/obs-en-19-13.jpg)

Kinuna ni Elias kenni ari Ahab, “Agsublika a dagus idiay siudad ta agtudon.” Saan a nagbayag, simmipnget ti tangatang ket nagtudo iti napigsa. Ditoy ti nagpatinggaan iti panawen iti tikag, ken pinaneknekanna nga isuna ti pudno a Dios.

![](https://cdn.door43.org/obs/jpg/360px/obs-en-19-14.jpg)

Kalpasan iti panawen ni Elias, pinili iti Dios ti maysa a tao nga agnagan iti Eliseo tapno agbalin a profetana. Nangaramid ti Dios iti adu a milagro babaen kenni Eliseo. Maysa kadagitoy a milagro ket napasamak kenni Naaman a panguloen dagiti kabusorda. Adda ti nakaro a sakitna iti kudil. Naamoanna dagiti naaramidan ni Eliseo isu a napan isuna kenni Eliseo ket kiniddawna nga agasanna daytoy. Binilin ni Eliseo ni Naaman nga irarebna iti maminpito a daras ti bagina idiay karayan iti Jordan.

![](https://cdn.door43.org/obs/jpg/360px/obs-en-19-15.jpg)

Idi umuna, nakaunget ni Naaman ken saanna kayat nga aramiden daytoy ta kasla maysa a minamaag ngem namati metlaeng isuna kadagiti inbaga ni Eliseo. Inrarebna iti namin pito a daras ti bagina idiay karayan iti Jordan. Iti maudi a daras, naagasan ti kudilna. Inagasan iti Dios ni Naaman.

![](https://cdn.door43.org/obs/jpg/360px/obs-en-19-16.jpg)

Nangibaon ti Dios iti adu pay a profeta. Imbagada kadagiti tattao nga isardengda ti panagdaydayawda kadagiti didiosen. Imbagada pay nga ipakitada ti asi ken rumbeng a pannakikadua kadagiti dadduma. Binallaagan dagiti profeta dagiti tattao. No saanda nga isardeng ti dakes nga aramidda ken no saanda a rugian nga agtulnog iti Dios, ukomento ida iti Dios agsipud ta nagbasolda ket dusaennanto ida.

![](https://cdn.door43.org/obs/jpg/360px/obs-en-19-17.jpg)

Kanayon a saan nga agtultulnog dagiti tattao iti Dios. Parparigatenda a masansan dagiti profeta ken no dadduma, patpatayenda pay ida. Iti naminsan, intinnagda ti profeta a ni Jeremias iti maysa a namagaan a bubon, pinanawanda isuna tapno matay idiay. Limned isuna iti pitak nga adda iti uneg iti bubon isu a naasian ti ari kenkuana. Imbaon iti ari dagiti agserserbi tapno iruarda ni Jeremias manipud iti bubon sakbay a matay daytoy.

![](https://cdn.door43.org/obs/jpg/360px/obs-en-19-18.jpg)

Nagtultuloy a nagsao dagiti profeta maipaay iti Dios uray no kagurgura ida dagiti tattao. Binallaaganda dagiti tattao a dusaen ida ti Dios no saanda nga agbabawi kadagiti basbasolda. Impalagipda met kadagiti tattao ti kari nga umayto ti Messias iti Dios.

*Istorya iti Biblia manipud: 1Ar-ari 16-18; 2 Ar-ari 5; Jeremias 38*

## 20. Ti Pannakaibelleng ken ti Panagsubli

https://openbiblestories.org/l/ilo/story-20/

![](https://cdn.door43.org/obs/jpg/360px/obs-en-20-01.jpg)

Nagbasol dagiti tattao iti Israel ken Judah iti Dios. Sinukirda ti katulagan iti Dios kadakuada nga inaramidna idiay Sinai. Imbaon iti Dios dagiti profetana tapno ballaaganda ida nga agbabawida ken agdayawda manen kenkwana ngem saanda a nagtulnog.

![](https://cdn.door43.org/obs/jpg/360px/obs-en-20-02.jpg)

Dinusa iti Dios ti pagarian iti Israel ken iti Judah. Pinalubosanna a dadaelen ida dagiti kabusorda. Dinadael iti Assyria ti pagarian iti Israel. Ti Assyria ket maysa a nabileg ken narungsot nga imperio. Adu ti pinatay dagiti taga- Assyria nga Israelita. Innalada amin a napapateg a banbanag ken pinuoranda ti adu a lugar iti Israel.

![](https://cdn.door43.org/obs/jpg/360px/obs-en-20-03.jpg)

Inurnong dagiti taga-Assyria amin a mangidadaulo, nababaknang a tattao ken amin nga adda paglainganna ket impanda idiay Assyria. Dagiti laeng marigrigat nga Israelita a saan a natay ti nabati idiay pagarian ti Israel.

![](https://cdn.door43.org/obs/jpg/360px/obs-en-20-04.jpg)

Nangyeg dagiti taga-Assyria iti gangannaet a tattao tapno isuda ti agnaed iti pagarian iti Israel. Binangon dagitoy a gangannaet dagiti nadadael a siudad ken inasawada dagiti nabati nga Israelita. Dagiti kaputotan dagiti Israelita a nakiasawa kadagiti gangannaet ket naawagan a Samaritano.

![](https://cdn.door43.org/obs/jpg/360px/obs-en-20-05.jpg)

Nakita dagiti tattao iti Judah no kasano a dinusa iti Dios dagiti Israelita gapu ta saanda a namati ken nagtulnog iti Dios. Uray no kasta, intultuloyda latta ti nagdayaw kadagiti didiosen agraman dagiti dios dagiti taga Canaan. Nangibaon ti Dios kadagiti profeta a mangballaag kadakuada ngem saanda latta a dimngeg.

![](https://cdn.door43.org/obs/jpg/360px/obs-en-20-06.jpg)

Agarup 100 tawenen ti napalabas manipud idi dinadael dagiti taga-Assyria ti pagarian iti Israel, imbaon iti Dios ni Nabokodonozor nga ari dagiti taga Babilonia tapno rautenna ti pagarian iti Judah. Nabileg nga imperio ti Babilonia. Napilitan ti ari iti Judah nga agbalin nga adipen ni Nebokodonozor ken agbayad a tinawen iti adu a kuarta.

![](https://cdn.door43.org/obs/jpg/360px/obs-en-20-07.jpg)

Kalpasan iti sumagmamano a tawen, nagrebelde ti ari iti Judah iti Babilonia. Gapu iti daytoy, nagsubli dagiti taga Babilonia ket rinautda ti pagarian iti Judah. Natagikuada ti siudad iti Jerusalem. Dinadaelda ti templo ken tinakawda amin a sanikua iti siudad ken iti templo.

![](https://cdn.door43.org/obs/jpg/360px/obs-en-20-08.jpg)

Dinusa dagiti soldado ni Nabokodonozor ti ari iti Judah gapu iti panagrebeldena. Pinatayda dagiti annakna a lallaki iti sanguananna. Binulsekda pay isuna. Kalpasanna, inyapanda ti ari iti Judah idiay Babylon. Imbalodda ti ari tapno idiayen isuna a matay.

![](https://cdn.door43.org/obs/jpg/360px/obs-en-20-09.jpg)

Dandani amin a tao iti pagarian iti Judah ket impanda Nabokodonozor ken dagiti soldadona idiay Babilonia. Nabati laeng dagiti marigrigat a tattao tapno isuda ti agmula kadagiti taltalon. Daytoy a panawen a pwersa a napapanaw dagiti tattao iti Dios idiay Naikari a Daga ket maawagan a “Pannakabelleng”.

![](https://cdn.door43.org/obs/jpg/360px/obs-en-20-10.jpg)

Uray no dinusa iti Dios dagiti tattao babaen iti pannakabellengda idiay Naikari a Daga, saanna ida a binaybay-an. Saan a nalipatan iti Dios dagiti karina kadakuada. Inaywanan isuda iti Dios. Imbaga iti Dios kadagiti propeta dagiti mensahena para kadagiti tattao. Inkari iti Dios a kalpasan iti 70 a tawen, agsublidanto manen iti Naikari a Daga.

![](https://cdn.door43.org/obs/jpg/360px/obs-en-20-11.jpg)

Agarup 70 tawenen ti napalabas manipud idi napapanaw dagiti tattao iti Naikari a Daga, pinarmek ni Cyrus nga ari iti Persia ti Babilonia. Gapu iti daytoy, pinarmek iti pagarian a Persia ti pagarian iti Babilonia ket isudan ti nagturay idiay. Maaw-awaganen dagiti Israelita a Judio iti daytoy a panawen. Adu kadakuada ket nagnaed idiay Babilonia inggana nataengandan. Manmano laengen kadagiti nataengan a Judio ti makalagip iti pagarian iti Judah.

![](https://cdn.door43.org/obs/jpg/360px/obs-en-20-12.jpg)

Nabileg ti pagarian iti Persia ngem manangngaasida kadagiti tattao nga iturturayanda. Nagbalin nga ari ni Cyrus iti Persia. Nangipaulog isuna iti linteg a mabalin nga agsubli dagiti Judio idiay Judah no kayatda. Nangited pay isuna iti kuarta nga usarenda tapno maibangonda manen ti templo. Nagsubli garud ti bassit a grupo iti Judio idiay Jerusalem a siudad iti Judah kalpasan iti 70 a tawen iti pwersaan a pannakapapanawda.

![](https://cdn.door43.org/obs/jpg/360px/obs-en-20-13.jpg)

Idi nakaawiden dagiti tattao idiay Jerusalem, binangonda manen ti templo ken dagiti pader iti aglawlaw iti siudad. Uray pay no iturturayan pay laeng isuda iti sabali a tattao, nagnaed manen dagiti Judio iti Naikari a Daga ken nagdaydayawda manen idiay templo.

*Istorya ti Biblia manipud: 2 Ar-ari 17; 24-25; 2 Cronicas 36; Ezra 1-10; Nehemias 1-13*

## 21. Inkari iti Dios ti Mesias

https://openbiblestories.org/l/ilo/story-21/

![](https://cdn.door43.org/obs/jpg/360px/obs-en-21-01.jpg)

Idi ununana, pinanggepen iti Dios a mangibaon iti Mesias. Immuna a naikari ti iyuumay iti Mesias kada Adan ken Eba. Inkari iti Dios nga addanto ti maiyanak a kaputotan ni Eba a mangrim-it iti ulo iti uleg. Ni Satanas ti nangsulisog nga uleg ken ni Eba. Kayatna a sawen dayta a kari ket naan-anayto a parmeken iti Mesias ni Satanas.

![](https://cdn.door43.org/obs/jpg/360px/obs-en-21-02.jpg)

Inkari iti Dios kenni Abraham a babaen kenkuana ket umawatto iti bendisyon dagiti amin a puli iti tattao ditoy lubong. Matungpalto daytoy a bendisyon inton umay ti Mesias. Mabalinnanto a maisalakan amin a puli iti tattao ditoy lubong.

![](https://cdn.door43.org/obs/jpg/360px/obs-en-21-03.jpg)

Inkari iti Dios kenni Moises a mangpataudto isuna iti sabali a profeta a kas kenkuana iti masakbayan. Sabali pay daytoy a kari maipapan iti umayto a Mesias.

![](https://cdn.door43.org/obs/jpg/360px/obs-en-21-04.jpg)

Inkari iti Dios kenni David a maysanto kadagiti kaputotanna ti agbalin nga ari a mangidaulo kadakuada iti agnanayon. Kayatna a sawen, maysanto kadagiti kaputotan ni David ti agbalin a Mesias.

![](https://cdn.door43.org/obs/jpg/360px/obs-en-21-05.jpg)

Babaen kenni Jeremias, maysa a profeta, inkari iti Dios a mangaramidto isuna iti Baro a Tulag. Daytoy a tulag ket saan a kas iti tulag nga inaramid iti Dios kadagiti Israelita idiay Sinai. Iti Baro a Tulag, surwannanto dagiti tattao tapno maawatanda ken pudno a surutenda dagiti lintegna. Maamammodanto ti Dios a sipupudno ken agbalindanto a tattaona. Pakawanento iti Dios dagiti basbasolda. Irugi iti Mesias ti Baro a Tulag.

![](https://cdn.door43.org/obs/jpg/360px/obs-en-21-06.jpg)

Imbaga met dagiti profeta iti Dios a ti Mesias ket agbalinto a profeta, Padi ken Ari. Ti profeta ket maysa a tao a makangkangngeg iti timek iti Dios ken iwarwaragawagna dagiti sasao iti Dios kadagiti tattao. Ti Mesias nga inkari iti Dios nga ibaonna ket naan-anay a profeta.

![](https://cdn.door43.org/obs/jpg/360px/obs-en-21-07.jpg)

Nagidaton dagiti padi nga Israelita iti Dios para kadagiti tattao a kas kasukat dagiti dusa dagiti basolda. Nagkarkararagda pay iti Dios para kadagiti tattao. Ti Mesias ti agbalin a naan-anay a kangatoan a padi. Idatonnanto ti bukodna a bagi kas naan-anay a daton para iti Dios.

![](https://cdn.door43.org/obs/jpg/360px/obs-en-21-08.jpg)

Ti ari ket maysa a mangituray iti pagarian ken mangukom kadagiti tattao. Ti Mesias ket naan-anay nga ari. Agturay ti Mesias kas panagturay ti kapuonanna a ni David. Iturayannanto ti lubong iti agnanayon. Kanayonto isuna a mangukom a sipupudno, ken nasayaatto dagiti pangngeddengna.

![](https://cdn.door43.org/obs/jpg/360px/obs-en-21-09.jpg)

Adu pay a banbanag ti imbaga dagiti profeta iti Dios maipapan iti Mesias. Impadto ni Malakias nga addanto umay a nabileg a profeta sakbay iti Mesias. Impadto met ni Isaiah nga iyanakto iti birhen ti Mesias. Imbaga met ni Mikias a maiyanakto ti Mesias idiay Betlehem.

![](https://cdn.door43.org/obs/jpg/360px/obs-en-21-10.jpg)

Imbaga ni profeta nga Isaias nga agnaedto idiay Galilea ti Mesias. Liwliwaennanto dagiti tattao a madagdagsenan. Iwaragawagnanto ti pannakawayawaya kadagiti adipen ken dagiti balod. Impadtona pay nga agasanto iti Mesias dagiti masakit ken dagiti saan a makangngeg, makakita, makasao wenno mkapagna nga tattao.

![](https://cdn.door43.org/obs/jpg/360px/obs-en-21-11.jpg)

Impadto pay ni Isaias a guraen ken laksidento dagiti tattao ti Mesias nga uray awan gapgapuna. Impadto pay dagiti dadduma a profeta a pagpipinnostaanto dagiti mangpapatay iti Mesias dagiti kawesna. Impadtoda pay a maysanto a gayyemna ti mangliput kenkuana. Impadto ni Zacarias a mabayadanto dayta a gayyem na iti 30 a pirak kas kasukat iti panangliputna iti Mesias.

![](https://cdn.door43.org/obs/jpg/360px/obs-en-21-12.jpg)

Imbaga pay dagiti profeta no kasano a matay ti Mesias. Impadto ni Isaias a tupraan, uyawen ken dangranto dagiti tattao ti Messias. Duyukendanto ti Messias. Matay isuna gapu iti kasta unay a panagsagaba ken panagtuok nga uray payno awan met ti basolna.

![](https://cdn.door43.org/obs/jpg/360px/obs-en-21-13.jpg)

Imbaga pay dagiti profeta a pulos nga awan basol iti Mesias. Matay isuna tapno sagrapenna ti dusa para kadagiti basol iti tattao. Mangyasideg kadigiti tattao iti Dios ti pannakadusa iti Mesias. Impalubos iti Dios a matay ti Mesias tapno matungpal dagiti panggepna.

![](https://cdn.door43.org/obs/jpg/360px/obs-en-21-14.jpg)

Imbaga pay dagiti profeta a matayto ti Mesias ngem pagungaren met laeng isuna iti Dios. Babaen iti pannakatay ken panagungar iti Mesias matungpalto ti panggep iti Dios a panangisalakan kadagiti managbasol ken panangirugi iti Baro a Tulag.

![](https://cdn.door43.org/obs/jpg/360px/obs-en-21-15.jpg)

Adu dagiti banbanag nga imparangarang iti Dios kadagiti profeta maipapan iti Mesias. Uray no naipadto dagitoy, saan nga immay ti Mesias iti panawen dagiti profeta. Nasurok nga 400 a tawen ti napalabas kalpasan a naibaga dagitoy a padto, ibaon iti Dios ti Mesias nga umay ditoy lubong para kadagiti tattao iti intudingna a panawen.

*Istorya ti Biblia manipud: Genesis 3:15; 12:1-3; Deuteronomio 18:15; 2 Samuel 7; Jeremias 31; Isaias 59:16; Daniel 7; Malakias 4:5; Isaias 7:14; Mikias 5:2; Isaias 9:1-7; 35:3-5; 61; 53; Dagiti Salmo 22:18; 35:19; 69:4; 41:9; Zacarias 11:12-13; Isaias 50:6; Dagiti Salmo 16:10-11*

## 22. Ti Pannakaiyanak ni Juan

https://openbiblestories.org/l/ilo/story-22/

![](https://cdn.door43.org/obs/jpg/360px/obs-en-22-01.jpg)

Ti napalabas, nagsao ti Dios kadagiti tattaona babaen kadagiti anghel ken profetana. Napalabas ti uppat a gasut a tawen a saan a nagsao ti Dios kadakuada. Ngem napan iti maysa nga anghel iti Dios a nangited iti mensahe iti maysa a lakay a padi, agnagan ti Zacarias. Naggapu iti Dios ti mensahe. Natulnog iti Dios ni Zacarias ken ti asawana a ni Elisabet ngem awan ti anakda.

![](https://cdn.door43.org/obs/jpg/360px/obs-en-22-02.jpg)

Kinuna iti anghel ken Zacarias, "Maadaanto iti anak a lalaki ti asawam, panaganamto iti Juan. Bendisionanto iti Nasantuan nga Espiritu, isaganananto dagiti tattao para iti Mesias!" Simmungbat ni Zacarias, "Nataengan kami unayen nga agasawa tapno aganak kami pay! Kasanok a maamoan a mapasamakto daytoy!"

![](https://cdn.door43.org/obs/jpg/360px/obs-en-22-03.jpg)

Simmungbat ti anghel kenni Zacarias, "Imbaonnak iti Dios tapno idanonko kenka daytoy a naimbag a damag. Gapu ta saanka a mamati kanyak, saanka a makasao agingga a maipasngay ti ubing." Kellaat a saanen a makasao ni Zacarias ket pinanawanen iti anghel isuna. Kalpasan daytoy nagawid ni Zacarias, iti saan a nabayag nagsikog ti asawana.

![](https://cdn.door43.org/obs/jpg/360px/obs-en-22-04.jpg)

Nagparang ti anghel kenni Maria a kabagyan ni Elisabet, innem a bulan idin a masikog ni Elisabet. Maysa a birhen ni Maria ken naitulag a maiyasawa iti agnagan Jose. Kinuna iti anghel kenni Maria, "Agsikogkanto ket ipasngaymonto ti maysa a lalaki. Panagamto iti Jesus ta daytoy ti Anak iti Kangatoan a Dios, agarinto iti agnanayon."

![](https://cdn.door43.org/obs/jpg/360px/obs-en-22-05.jpg)

Simmungbat ni Maria, "Kasano a mapasamak daytoy ket maysaak a birhen?" Inlawlawag iti anghel, "Babaen iti pannakabalin iti Dios, bendisionannakanto iti Espiritu Santo. Nasantoanto ti ubing ket isuna ti Anak iti Dios. Namati ni Maria ket inawatna ti imbaga iti anghel.

![](https://cdn.door43.org/obs/jpg/360px/obs-en-22-06.jpg)

Napan simmarungkar ni Maria kenni Elisabet kalpasan a kinasarita isuna ti anghel. Idi nangngeg ni Elisabet ti kablaaw ni Maria, kellaat a nagkuti ti ubing iti unegna. Nagrag-o dagiti dua a babbai gapu iti inaramid iti Dios kadakuada. Nagyan ni Maria idiay balayda Elisabet iti las-ud iti tallo a bulan ket nagawid isuna kalpasan daytoy.

![](https://cdn.door43.org/obs/jpg/360px/obs-en-22-07.jpg)

Kas inbilin iti anghel, pinanaganan ni Zacarias ken Elisabet iti Juan ti impasngay ni Elisabet. Kalpasan daytoy pinalubosanen iti Dios a makasao ni Zacarias. Kinuna ni Zacarias, "Madaydayaw ti Dios ta nalagipna dagiti tattaona! Anakko Maawagankanto a profeta iti kangatuan a Dios. Isuromto kadagiti tattao no kasanoda a magun-od ti pannakapakawan dagiti basbasolda.

*Istorya ti Biblia manipud: Lukas 1*

## 23. Ti Pannakaiyanak Ni Jesus

https://openbiblestories.org/l/ilo/story-23/

![](https://cdn.door43.org/obs/jpg/360px/obs-en-23-01.jpg)

Naitulagen ni Maria a maiyasawa iti maysa a nalinteg a lalaki nga agnagan iti Jose. Idi nadamag ni Jose a masikog ni Maria, ammonan a saan nga isuna ti ama iti ubing. Saanna kayat a maibabain ni Maria isu a pinanunotna a sinaan a sililimed daytoy. Ngem nagtimek kenkuana ti maysa nga anghel babaen iti tagtagainep sakbay a maaramidna daytoy.

![](https://cdn.door43.org/obs/jpg/360px/obs-en-23-02.jpg)

Kinuna iti anghel, "Jose saanka nga agbuteng a mangasawa kenni Maria. Ti ubing a sikogna ket manipud iti Espiritu Santo. Aganakto isuna iti lalaki ket panaganam iti Jesus [ kayat na a sawen ket Mangisalakan ni Yaweh ] agsipudta isalakannanto dagiti tattao kadagiti basbasolda."

![](https://cdn.door43.org/obs/jpg/360px/obs-en-23-03.jpg)

Inasawa ngarud ni Jose ni Maria, inyawidna iti balayna. Uray no kasta, saanna pulos a kinakaidda agingga a naganak isuna.

![](https://cdn.door43.org/obs/jpg/360px/obs-en-23-04.jpg)

Asidegen idi ti panaganak ni Maria, adda bilin iti gobyerno iti Roma a masapul a mapan agpalista dagiti tattao kadagiti ili a nagtaudan dagiti kapuonanda, tapno maibilang ida iti gobyerno. Nagdalyasat garud ni Jose ken Maria manipud iti Nazaret a pagnanaedanda, napanda idiay Betlehem, ti ili ni David a kapuonanda.

![](https://cdn.door43.org/obs/jpg/360px/obs-en-23-05.jpg)

Simmangpetda idiay Betlehem ngem awan ti mabalin a pagdagusanda. Ti laeng mabalin a pagturugan ket ti lugar a pagiyap-apunan kadagiti dingwen. Naipasngay ti ubing ket impaidda ni inana iti maysa a kulloong gapu ta awan ti pagiddaanna. Pinanagananda iti Jesus ti ubing.

![](https://cdn.door43.org/obs/jpg/360px/obs-en-23-06.jpg)

Nagparang ti maysa a makapurar nga anghel kadagiti agpaspastor iti asideg iti taltalonda ket nagdanagda. Kinuna ti anghel, "Saankayo nga agbuteng, adda naaimbag a damag a maipaay kadakayo. Ti Mesias, ti Apo, ket naiyanak idiay Betlehem!"

![](https://cdn.door43.org/obs/jpg/360px/obs-en-23-07.jpg)

"Inkayo sapulen ket mabirukanyonto ti maysa nga ubing a nabalkot iti lupot ken nakaidda iti maysa a kulluong. Pagammoan napno ti tangatang kadagiti anghel nga agdydayaw iti Dios ket kinunkunada, "Madaydayaw ti Dios iti langit ken maadda koma ti talna ditoy lubong, ken kadagiti tattao a pinaraburanna!"

![](https://cdn.door43.org/obs/jpg/360px/obs-en-23-08.jpg)

Nasarakan dagiti agpaspastor ni Jesus a nakaidda iti maysa a kulluong kas imbaga iti anghel kadakuada. Naragsakanda unay. Gapu kadagiti nakita ken nangngeg da, nagsublida iti ayan dagiti karneroda a nagdaydayaw iti Dios.

![](https://cdn.door43.org/obs/jpg/360px/obs-en-23-09.jpg)

Ti saan a nabayag, nakakita iti saan a gagangay a bituen dagiti mamasirib manipud kadagiti nasion idiay daya. Nailasinda ti kayat na a sawen ket naiayanak ti baro nga ari dagiti Judio. Nagdalyasatda iti adayo tapno mapanda kitaen ti ari. Nasarakanda ti balay ni Jesus ken dagiti nagannakna idiay Betlehem.

![](https://cdn.door43.org/obs/jpg/360px/obs-en-23-10.jpg)

Nagrukbab ken nagdayaw dagiti mamasirib idi nakitada ni Jesus ken ni inana. Inikkanda ni Jesus kadagiti nangingina a sagsagot, kalpasanna nagawiddan.

*Istorya ti Biblia manipud: Mateo 1; Lucas 2*

## 24. Binautisaran ni Juan ni Jesus

https://openbiblestories.org/l/ilo/story-24/

![](https://cdn.door43.org/obs/jpg/360px/obs-en-24-01.jpg)

Dimmakkel ti anak ni Zacarias ken ni Elisabet a ni Juan. Nagbalin isuna a maysa a profeta. Nagnaed ni Juan idiay let-ang. Diro ken dudon ti kankanenna. Naaramid met dagiti kawesna manipud iti buok iti kamelio.

![](https://cdn.door43.org/obs/jpg/360px/obs-en-24-02.jpg)

Mapmapan dagiti adu a tattao idiay let-ang tapno agdingegda kenni Juan. Nangasaba isuna kadakuada ket kinunana, "Agbabawi kayo kadagiti basbasolyo, ta asidegen ti iyuumay iti pagarian iti Apo."

![](https://cdn.door43.org/obs/jpg/360px/obs-en-24-03.jpg)

Nangngeg dagiti tattao ti mensahe ni Juan, gapu iti dayta adu kadakuada ti nagbabawi kadagiti basbasolda. Binautisaran ni Juan dagiti tattao. Adu met kadagiti panguloen iti relihiyon iti napan nagpabautisar kenni Juan. Uray no kasta, saanda a nagbabawi wenno inaklon dagiti basbasolda.

![](https://cdn.door43.org/obs/jpg/360px/obs-en-24-04.jpg)

Kinuna ni Juan kadagiti panguloen iti relihiyon, "Gapu ti kinaulbodyo, kasla kayo uleg! Agbabawi kayo ken agbalbaliw kayon. Mapukan ti kayo a saan nga agbunga iti nasayaat ken maibelleng iti apoy." Tinungpal ni Juan ti imbaga dagiti propeta a, “Kitaem, ibaonkunto ti maysa a profeta nga umun una ngem sika. Isaganananto dagiti tattao tapno agdinggegda kenka."

![](https://cdn.door43.org/obs/jpg/360px/obs-en-24-05.jpg)

Dinamag dagiti dadduma a Judio ni Juan no isuna ti Mesias. Simmungbat ni Juan ket kinunana, " Saan a siak ti Mesias. Adda umay a sumaruno kaniak. Natan-ok launay isuna nga uray siak ket saan a maikari a mangwarwar iti tali iti sandalyasna."

![](https://cdn.door43.org/obs/jpg/360px/obs-en-24-06.jpg)

Ti sumaruno nga aldaw, napan nagpabautisar ni Jesus kenni Juan. Kinuna ni Juan idi nakita na ni Jesus," Kitaenyo! Addan ti kordero iti Dios a mangikkat kadagiti basbasol dagiti tattao."

![](https://cdn.door43.org/obs/jpg/360px/obs-en-24-07.jpg)

Kinuna ni Juan kenni Jesus, "Saanak a maikari a mangbautisar kenka, sika koma ti rumbeng a mangbautisar kaniak." Kinuna ni Jesus," Masapul a bautisarannak ta daytoy ti rumbeng a maaramid." Binautisaran ngarud ni Juan ni Jesus urayno saan met a managbasol daytoy.

![](https://cdn.door43.org/obs/jpg/360px/obs-en-24-08.jpg)

Idi timmakdang ni Jesus kalpasan a nabautisaran, nagparang ti Espiritu iti Dios kas maysa a kalapati. Bimmaba daytoy ken nagdisso kenkuana. Iti dayta met laeng a tiempo, nagtimek ti Dios manipud iti langit, kinunana, "Sika ti Anakko nga ay-ayatek. Maay-ayo ak launay kenka."

![](https://cdn.door43.org/obs/jpg/360px/obs-en-24-09.jpg)

Imbagan idi iti Dios kenni Juan, "Bumabanto ti Espiritu Santo ken agdisso iti maysa a tao a bautisaram. Dayta a tao ket ti Anak iti Dios." Maymaysa laeng ti Dios. Uray no kasta, idi binautisaran ni Juan ni Jesus, nangngegna ti Dios Ama a nagsao, nakitana ti Dios Anak a ni Jesus ken nakitana ti Espiritu Santo.

*Istorya ti Biblia manipud: Mateo 3; Marcos 1:9-11; Lucas 3:1-23*

## 25. Sinulisog ni Satanas ni Jesus

https://openbiblestories.org/l/ilo/story-25/

![](https://cdn.door43.org/obs/jpg/360px/obs-en-25-01.jpg)

Indalan iti Santo Espiritu ni Jesus iti let-ang kalpasan iti pannakabautisarna, tapno agayunar iti uppat a pulo nga aldaw ken uppat a pulo a rabii. Napan ni Satanas kenni Jesus tapno sulisogenna daytoy tapno agbasol.

![](https://cdn.door43.org/obs/jpg/360px/obs-en-25-02.jpg)

Sinulisog ni Satanas ni Jesus, kinunana, "No sika ti Anak iti Dios, pagbalinnemman a tinapay dagitoy a batbato tapno adda kanem."

![](https://cdn.door43.org/obs/jpg/360px/obs-en-25-03.jpg)

Simmungbat ni Jesus, "Naisurat iti sao iti Dios a saan laeng a tinapay ti kasapulan iti tao tapno agbiag, no di ket kasapulanda dagiti sasao a naggapo iti Dios."

![](https://cdn.door43.org/obs/jpg/360px/obs-en-25-04.jpg)

Inturong ni Satanas ni Jesus iti kangatuan a paset iti templo, kinunana, "No sika ti Anak ti Dios, tumapuakka, agsipud ta naisurat, ibaon iti Dios dagiti anghelesna a mangawit kenka tapno saan a madangran dagita sakam iti bato."

![](https://cdn.door43.org/obs/jpg/360px/obs-en-25-05.jpg)

Simmungbat ni Jesus kenni Satanas, babaen iti sao iti Dios kinunana, "Inbilin iti Dios kadagiti tattaona a,`Saanmo a padasen ti Apo a Diosmo.'"

![](https://cdn.door43.org/obs/jpg/360px/obs-en-25-06.jpg)

Impakita ni Satanas ken Jesus dagiti amin a pagpagarian iti lubong ken amin a dayagda, kinunana, "Itedko amin dagitoy kenka no agrukbab ken agdayawka kaniak."

![](https://cdn.door43.org/obs/jpg/360px/obs-en-25-07.jpg)

Simmungbat ni Jesus, "Umadayoka kaniak Satanas! Ti sasao iti Dios, Imbilinna kadagiti tattaona a `Ti Apo a Diosmo laeng ti inka dayawen ken pagserbian.'"

![](https://cdn.door43.org/obs/jpg/360px/obs-en-25-08.jpg)

Pimmanaw ni Satanas gapu ta saan nga impalubos ni Jesus a masulisug isuna. Immay dagiti anghel ket nagserbida ken ni Jesus.

*Istorya ti Biblia manipud: Mateo 4:1-11; Marcos 1:12-13; Lucas 4:1-13*

## 26. Rinugian ni Jesus iti Panagserbina

https://openbiblestories.org/l/ilo/story-26/

![](https://cdn.door43.org/obs/jpg/360px/obs-en-26-01.jpg)

Kalpasan a napagballigian ni Jesus ti panangsulisog ni Satanas, nagsubli ni Jesus iti ili iti Galilea a pagnanaedanna a napnoan iti pannakabalin iti Espiritu Santo. Napan nangisuro ni Jesus iti nadumaduma a lugar. Nasayaat ti imbagbaga iti tunggal maysa maipapan kenkuana.

![](https://cdn.door43.org/obs/jpg/360px/obs-en-26-02.jpg)

Nagsubli ni Jesus idiay ili iti Nazaret a nagnaedanna idi ubing pay isuna. Napan isuna iti lugar iti pagdaydayawan iti aldaw iti panaginana. Inyawatda kenkuana ti libro nga insurat ni profeta Isaias tapno basaenna ti nailanad iti daytoy. Linukatan ni Jesus ti libro ket imbasana kadagiti tattao ti maysa a paset.

![](https://cdn.door43.org/obs/jpg/360px/obs-en-26-03.jpg)

Binasa ni Jesus daytoy, "Inikkannak iti Dios iti pannakabalin babaen iti Espiritu Santo tapno maikasabak ti naimbag a damag kadagiti napapanglaw, pannakawayawaya dagiti balod, pannakakita dagiti bulsek ken pannakaruk-at dagiti maparparigat. "Daytoy ti tawen nga naparabor iti Apo kadagiti tao."

![](https://cdn.door43.org/obs/jpg/360px/obs-en-26-04.jpg)

Kalpasan daytoy, nagtugaw ni Jesus ket kimmita amin dagiti tattao kenkuana. Ammoda a maipapan iti Mesias ti linaon iti naibasa a kasuratan. Kinuna ni Jesus, "Ti sao nga inbasak kadakayo ket mapaspasamaken ita." Nasdaaw amin dagiti tao, kinunada, "Saan kadi a daytoy ti anak ni Jose?"

![](https://cdn.door43.org/obs/jpg/360px/obs-en-26-05.jpg)

Kinuna ni Jesus, "Kinapudnona awan ti profeta a maawat iti bukodna nga ili. Ado dagiti balo idiay Israel idi panawen ni profete Elias. Ngem idi saan a nagtudo iti tallo ket kagudua a tawen, saan nga inbaon iti Dios ni Elias tapno tulunganna ti balo a taga Israel, ngem ketdi, ti maysa a balo manipud iti sabali a nasion."

![](https://cdn.door43.org/obs/jpg/360px/obs-en-26-06.jpg)

Intuloy ni Jesus ti nagsao, "Kabayatan ti panawen ni profeta Eliseo, nagadu kadagiti Israelita ti adda sakit ti kudilda. Ngem awan ti inagasan ni Eliseo kadakuada. Ti laeng sakit iti kudil ni Naaman a pangulo dagiti kabusor ti inagasanna." Judio dagiti dumdumngeg ken ni Jesus. Nakaungetda kenkuana idi nangngegda ti ibagbagana.

![](https://cdn.door43.org/obs/jpg/360px/obs-en-26-07.jpg)

Inguyod dagiti taga Nazaret ni Jesus manipud iti lugar ti pagdaydayawan, impanda isuna iti igid iti teppang tapno papatayenda babaen iti panangitappuakda kenkuana sadiay. Ngem nagna ni Jesus iti tengnga dagiti adu a tattao ket pinanawanna ti ili iti Nazaret.

![](https://cdn.door43.org/obs/jpg/360px/obs-en-26-08.jpg)

Napan ni Jesus iti pagillian iti Galilea, ado a tattao ti immasideg kenkuana. Inyegda dagiti masaksakit, bulsek, pilay, tuleng ken umel. Inagasan amin ida ni Jesus.

![](https://cdn.door43.org/obs/jpg/360px/obs-en-26-09.jpg)

Inyegda pay kenni Jesus dagiti linuganan iti demonyo, babaen iti bilin ni Jesus, napaksiatda manipud kadagitoy a tattao, impukpukkawda, "Sika nga agpayso ti Anak iti Dios!" Nasdaaw dagiti tattao ket indaydayawda ti Dios.

![](https://cdn.door43.org/obs/jpg/360px/obs-en-26-10.jpg)

Kalpasanna nangpili ni Jesus iti sangapulo ket dua nga apostolesna. Nakipagdalyasatda kenni Jesus ket nakasursuroda kenkuana.

*Istorya ti Biblia manipud: Mateo 4:12-25; Marcos 1:14-15; 35-39-3:13-21; Lucas 4:14-30, 38-44*

## 27. Ti Istorya iti Naimbag a Samaritano

https://openbiblestories.org/l/ilo/story-27/

![](https://cdn.door43.org/obs/jpg/360px/obs-en-27-01.jpg)

Maysa nga aldaw, napan ti maysa a nalaing iti linteg iti Judio kenni Jesus. Kayatna a padasen ni Jesus babaen iti maysa a saludsod. Kinunana, "Manursuro, ania ti rumbeng nga aramidek tapno magun-od ko ti biag nga agnanayon?" Simmungbat ni Jesus, "Ania aya ti nakasurat iti linteg iti Dios?"

![](https://cdn.door43.org/obs/jpg/360px/obs-en-27-02.jpg)

Simmungbat ti nalaing iti linteg, kinunana, "Nakasurat iti linteg iti Dios, ayatem ti Apo a Diosmo iti amin a pusom, kararua, pigsa ken panunotmo. Imbagana pay nga ayatem ti karrubam a kas panagayat mo iti bagim."Simmungbat ni Jesus, "Agpayso dayta! Aramidem ngarud dagita ket agbiagka."

![](https://cdn.door43.org/obs/jpg/360px/obs-en-27-03.jpg)

Kayat iti nalaing iti linteg a paneknekan a nalinteg isuna. Gapu iti dayta, dinamag na manen kenni Jesus, "Siasino kadi ti karrubak?"

![](https://cdn.door43.org/obs/jpg/360px/obs-en-27-04.jpg)

Sinungbatan ni Jesus ti nalaing iti linteg iti maysa nga istorya. Kinunana, "Maysa a lalaki a Judio ti agdaldaliasat iti dalan nga aggapu iti Jerusalem a mapan idiay Jerico."

![](https://cdn.door43.org/obs/jpg/360px/obs-en-27-05.jpg)

"Kabayatan iti panagdaliasatna, dinarup isuna dagiti agtatakaw. Innalada amin nga adda kenkuana. Dinangran dagiti agtatakaw ti lalaki agingga a dandanin isuna a matay sada pinanawan."

![](https://cdn.door43.org/obs/jpg/360px/obs-en-27-06.jpg)

"Kalpasanna, maysa a Judio a padi ti agdaldaliasat iti dayta a dalan. Nakita iti panguloen iti relihion ti natakawan ken nadangran a lalaki. Uray no kasta, linabsanna daytoy ken napan iti bangir iti dalan. Saanna a tinulungan ti lalaki ket intuloyna ti panagdaliasatna."

![](https://cdn.door43.org/obs/jpg/360px/obs-en-27-07.jpg)

“Saan a nagbayag, limmabas met ti maysa a Levita. (Maysa a tribu iti Judio dagiti Levita a tumultulong kadagiti padi idiay Templo). Bimmallasiw met laeng ti Levita iti bangir iti dalan. Binaybay-anna laeng ti lalaki a natakawan ken nadangran.”

![](https://cdn.door43.org/obs/jpg/360px/obs-en-27-08.jpg)

“Maysa a Samaritano ti simmaruno a simmalog iti dalan. (Dagiti Samaritano ket kaputotan dagiti Judio a nakiasawa kadagiti gangannaet. Kabusor dagiti Samaritano dagiti Judio.) Nakita iti Samaritano ti lalaki a Judio. Naasyan isuna iti lalaki. Gapu iti dayta, tinulonganna ti lalaki ken binedbedanna dagiti sugsugatna.”

![](https://cdn.door43.org/obs/jpg/360px/obs-en-27-09.jpg)

"Impalugan iti Samaritano ti lalaki iti asnona. Inpanna daytoy iti maysa a pagdagdagusan iti asideg. Intuloyna nga inaywanan ti lalaki."

![](https://cdn.door43.org/obs/jpg/360px/obs-en-27-10.jpg)

“Kabigatanna, kasapulanen iti Samaritano nga ituloy ti panagdaliasatna. Nangibati daytoy iti kuarta iti agbanbantay iti pagdagdagusan. Imbagana, ‘Aywanam ti lalaki, no agkurang ti kuarta nga ibatik ket bayadakto amin a nagastosmo no agsubliak.’”

![](https://cdn.door43.org/obs/jpg/360px/obs-en-27-11.jpg)

Kalpasan nga imbaga ni Jesus dayta nga istorya, dinamagna ti nalaing iti linteg, "Ania ti panagkunam? Siasino kadagiti tallo a lallaki ti pudno a karruba iti lalaki a natakawan ken nadangran?" Simmungbat ti nalaing iti linteg, "Ti lalaki a naasi kenkuana ti pudno a karrubana." Imbaga ni Jesus, "Tatta ngarud aramidem met dayta."

*Istorya iti Biblia manipud: Lucas 10:25-37*

## 28. Ti Nabaknang a Panguloen

https://openbiblestories.org/l/ilo/story-28/

![](https://cdn.door43.org/obs/jpg/360px/obs-en-28-01.jpg)

Iti maysa nga aldaw, adda iti maysa nga agtutubo a panguloen a napan kenni Jesus. Sinaludsodna ken Jesus, “Naimbag a manursuro, ania kadi ti rumbeng nga aramidek tapno maadaannak iti biag nga agnanayon?” Kinuna ni Jesus kenkuana, “Apay nga inawagannak iti naimbag? Ti Dios laeng ti naimbag. Ngem no kayatmo a maaddaan iti biag nga agnanayon, agtulnogka kadagiti linteg iti Dios.”

![](https://cdn.door43.org/obs/jpg/360px/obs-en-28-02.jpg)

Nagsaludsod ti panguluen. “Ania ti nasken a surotek?” Simungbat ni Jesus ket kinuna, “Saanka a pumatay, saanka a makikamalala. Saanka nga agtakaw. Saanka nga agulbod. Dayawem dagiti nagannakmo ken ayatem ti karrubam a kas iti panagayat mo iti bagim.”

![](https://cdn.door43.org/obs/jpg/360px/obs-en-28-03.jpg)

Ngem kinuna iti panguloen, “Inaramidko dagita a linteg manipud pay idi ubingak. Ania pay kadi ti nasken nga aramidek tapno maaddaanak iti biag nga agnanayon?” Kinita ni Jesus isuna ket kinaassianna daytoy.

![](https://cdn.door43.org/obs/jpg/360px/obs-en-28-04.jpg)

Simmungbat ni Jesus, “No kayatmo ti agbalin a naan-anay, mapanmo ilako dagiti amin a sanikuam. Itedmo ti kuwartam kadagiti marigrigat ket maaddaan kanto iti kinabaknang idiay langit. No maaramidmo daytoy, umayka ket surotennak.”

![](https://cdn.door43.org/obs/jpg/360px/obs-en-28-05.jpg)

Nagliday ti panguloen idi nanggegna ti kinuna ni Jesus. Gapu ta baknang isuna, saanna a kayat nga ipaay dagiti sanikuana. Gapu iti dayta, pinanawanna ni Jesus.

![](https://cdn.door43.org/obs/jpg/360px/obs-en-28-06.jpg)

Kalpasan daytoy, kinuna ni Jesus kadagiti adalanna, “Nagrigaten aya a makastrek dagiti nababaknang iti pagarian iti Dios! Nalaklaka pay a sumrek ti kamelio iti abut iti dagum ngem ti nabaknang a tao a sumrek iti pagarian iti Dios.”

![](https://cdn.door43.org/obs/jpg/360px/obs-en-28-07.jpg)

Nasdaaw dagiti adalan idi nangngegda ti imbaga ni Jesus, ket kinunada, “Siasino ngarud ti mabalin a maisalakan?”

![](https://cdn.door43.org/obs/jpg/360px/obs-en-28-08.jpg)

Kimmita ni Jesus kadagiti adalanna ket kinunana, ‘Kadagiti tattao ket saan a mabalin daytoy; ngem iti Dios awan ti banag a saan a mabalin.”

![](https://cdn.door43.org/obs/jpg/360px/obs-en-28-09.jpg)

Kinuna ni Pedro kenni Jesus, “Linipat mi amin a sanikuami ket sinurot daka. Anianto met ti magun-od mi?”

![](https://cdn.door43.org/obs/jpg/360px/obs-en-28-10.jpg)

Simmungbat ni Jesus, “No siasinoman ti makabael a mangpanaw iti balayna, kakabsatna, nagannakna, annak, wenno sanikuana gapu kaniak, makaawat to iti ad-adu a kinabaknang ken makaawat pay iti biag nga agnanayon. Ngem adu dagiti umun-una nga maud-udinto ken adu met dagiti maud-udi nga umun-unanto.”

*Istorya iti Biblia manipud Mateo 19:16-30; Marcos 10:17-31; Lucas 18:18-30*

## 29. Ti Istorya iti Naulpit nga Agserserbi

https://openbiblestories.org/l/ilo/story-29/

![](https://cdn.door43.org/obs/jpg/360px/obs-en-29-01.jpg)

Maysa nga aldaw nagsaludsod ni Pedro kenni Jesus, “Apo, mamin-ano kadi a pakawanek ti kabsatko no makabasol kaniak? Mamin-pito kadi?” Kinuna ni Jesus, “Saan laeng a mamin-pito no diket maminpito a pito pulo!” Ti kayat a sawen ni Jesus iti daytoy, rumbeng laeng a kanayontayo a mamakawan. Kalpasanna, nagistorya ni Jesus.

![](https://cdn.door43.org/obs/jpg/360px/obs-en-29-02.jpg)

Kinuna ni Jesus, “Maiyarig ti Pagarian iti Dios iti maysa nga ari a mangsingsingir kadagiti utang dagiti agserserbi kenkuana. Adda ti agserserbi a nakautang iti dakkel kenkuana a ti kaibatoganna ket ti tangdanna iti las-ud iti 200,000 a tawtawen."

![](https://cdn.door43.org/obs/jpg/360px/obs-en-29-03.jpg)

“Gapu ta saan a makabayad ti agserserbi iti utangna, kinuna iti ari, 'Ilakoyo kas adipen daytoy a lalaki ken ti pamiliana tapno mabayadanna ti utangna.'’’

![](https://cdn.door43.org/obs/jpg/360px/obs-en-29-04.jpg)

“Ngem nagparintumeng ti agserserbi iti sangoanan iti ari ken nagpakpakaasi a kunana, ‘Pangaasim an-anusannak pay laeng. Bayadakto ti amin nga utangko kenka.’ Naasian ti ari iti agserserbi isu a saannan a pinabayadan ti utangna ken pinalubosanna daytoy a siwayawaya.”

![](https://cdn.door43.org/obs/jpg/360px/obs-en-29-05.jpg)

“Idi pimmanawen ti agserserbi iti imatang iti ari, nasabatna ti padana nga agserserbi a nakautang kenkuana iti agbalor iti uppat a bulan a tangdan. Tinengngelna ti padana nga agserserbi ket kinunana, ‘Bayadam ti kuarta nga inutangmo kaniak!’’’

![](https://cdn.door43.org/obs/jpg/360px/obs-en-29-06.jpg)

“Nagparintumeng ti padana nga agserserbi ket kinunana , ‘Pangaasim, an-anusannak pay laeng, bayadakto ti amin nga utangko kenka.’ Ngem impabaludna ti padana nga agserserbi inggana a mabayadanna ti amin nga utangna.”

![](https://cdn.door43.org/obs/jpg/360px/obs-en-29-07.jpg)

“Nakita dagiti dadduma nga agserserbi ti napasamak ket maburiburanda iti nakitada. Napanda iti ari ket imbagada ti amin a napasamak.”

![](https://cdn.door43.org/obs/jpg/360px/obs-en-29-08.jpg)

“Pinaayaban iti ari ti agserserbi ket kinunana, ‘Dakeska nga agserserbi! Pinakawankon ti utangmo agsipud ta nagpakpakaasika kaniak. Kasta met koma ti inaramidmo.’ Kasta unay ti pungtot iti ari ket impabaludna ti dakes nga agserserbi aginggana a mabayadanna dagiti amin nga utangna.”

![](https://cdn.door43.org/obs/jpg/360px/obs-en-29-09.jpg)

Kalpasanna kinuna ni Jesus, “Kastoy met laeng ti aramiden iti Amak a nainlangitan kadakayo no saanyo a pakawanen a naimpusoan ti kabsatyo.”

*Istorya iti Biblia manipud Mateo 18:21-35*

## 30. Pinakan ni Jesus ti 5,000 a Tattao

https://openbiblestories.org/l/ilo/story-30/

![](https://cdn.door43.org/obs/jpg/360px/obs-en-30-01.jpg)

Imbaon ni Jesus dagiti apostolna tapno mangasaba ken mangisuro kadagiti tattao iti naduma-duma a bario. Kalpasanna, nagsublida kenni Jesus ket imbagada kenkuana dagiti inaramidda. Inawis ni Jesus ida a sumurot kenkuana iti maysa a naulimek a lugar iti ballasiw ti dan-aw. Nagluganda ngarud iti bangka tapno makainanada idiay.

![](https://cdn.door43.org/obs/jpg/360px/obs-en-30-02.jpg)

Nakita ti adu a tattao a naglugan ni Jesus ken dagiti adalanna iti bangka. Nagtatarayda iti igid ti dan-aw tapno umun-unada a makadanon idiay bangir. Idi nakaballasiw ni Jesus ken dagiti adalanna, agur-uray kadakuada ti nagadu a tattao.

![](https://cdn.door43.org/obs/jpg/360px/obs-en-30-03.jpg)

Ti bilang dagiti tattao nga adda idiay ket nasurok nga 5,000 a lallaki malaksid pay kadagiti babbai ken ub-ubbing a kaduada. Naasian unay ni Jesus kadagiti tattao, para kenkuana, kas lada a karnero nga awan ti mangayaywan kadakuada. Insurona ken inagasanna dagiti adda sakitna kadakuada.

![](https://cdn.door43.org/obs/jpg/360px/obs-en-30-04.jpg)

Idi rumabiin, kinuna dagiti adalan ni Jesus kenkuana, “Rumabiin ket awan ti ili nga asideg ditoy. Pagawidemon dagiti tattao tapno makabirokda iti makanda.”

![](https://cdn.door43.org/obs/jpg/360px/obs-en-30-05.jpg)

Kinuna ni Jesus kadagiti adalanna, “Ikkanyo ida iti kanenda!” Simmungbatda, “Kasano nga aramidenmi dayta? Adda laeng iti lima a tinapay ken dua a babassit nga ikanmi.”

![](https://cdn.door43.org/obs/jpg/360px/obs-en-30-06.jpg)

Binilin ni Jesus dagiti adalanna a patugawenda dagiti tattao iti karuruotan, saglilima a pulo ti tunggal bunggoy.

![](https://cdn.door43.org/obs/jpg/360px/obs-en-30-07.jpg)

Innala ni Jesus ti lima a tinapay ken dua nga ikan. Timmangad ni Jesus iti langit ken nagyaman iti Dios gapu kadagiti makan.

![](https://cdn.door43.org/obs/jpg/360px/obs-en-30-08.jpg)

Kalpasanna ket pinisipisi ni Jesus dagiti tinapay ken ikan. Imbaonna dagiti adalanna tapno iwarasda ti makan kadagiti tattao. Saan a nagsarsardeng dagiti adalan a nangiwarwaras ti makan ket saanda a naib-ibusan! Nakapangan ken nabsog amin dagiti tattao.

![](https://cdn.door43.org/obs/jpg/360px/obs-en-30-09.jpg)

Kalpasan daytoy, inurnong dagiti adalan dagiti sobra a makan ket napunnona pay iti sangapulo ket dua a basket! Naggapu amin dagitoy a makan manipud iti lima a tinapay ken dua nga ikan.

*Istorya ti Bibliya manipud: Mateo 14:13-21; Mark 6:31-44; Lucas 9:10-17; Juan 6:5-15*

## 31. Nagna ni Jesus iti Rabaw ti Danum

https://openbiblestories.org/l/ilo/story-31/

![](https://cdn.door43.org/obs/jpg/360px/obs-en-31-01.jpg)

Imbagana ni Jesus kadagiti adalanna nga agluganda iti bangka tapno bumallasiwda iti dan-aw, kabayatan a pagaw-awidenna dagiti adu a tattao. Kalpasan a napaawid ni Jesus dagiti adu a tattao, napan isuna iti igid ti maysa a bantay tapno agkararag. Nagkararag ni Jesus nga agmaymaysa idiay inggana rabii.

![](https://cdn.door43.org/obs/jpg/360px/obs-en-31-02.jpg)

Kabayatan ti panagkarkararag ni Jesus ket aggagaud dagiti adalanna ti bangka. Rabiin ket addada pay laeng idiay tengnga ti dan-aw. Marigrigatanda nga aggaud gapu ta napigsa ti pul-oy ti angin a sumabsabat kadakuada.

![](https://cdn.door43.org/obs/jpg/360px/obs-en-31-03.jpg)

kalpasan ti panagkararag ni Jesus, napan isuna kadagiti adalanna. Nagna isuna iti rabaw ti danum ti dan-aw tapno mapan idiay bangka dagiti adalanna.

![](https://cdn.door43.org/obs/jpg/360px/obs-en-31-04.jpg)

Kasta unay ti buteng dagiti adalan idi makitada ni Jesus gapu ta impagarupda nga al-alya ti makitkitada. Ammo ni Jesus a mabutbutengda isunga impukkawna kadakuada, ”Saankayo nga agbuteng. Siak daytoy!”

![](https://cdn.door43.org/obs/jpg/360px/obs-en-31-05.jpg)

Kinuna ni Pedro ken ni Jesus, “Apo, no pudno a sika dayta, ibaonak nga umay kenka.” Simmungbat ni Jesus, “Umayka!”

![](https://cdn.door43.org/obs/jpg/360px/obs-en-31-06.jpg)

Dimsaag ni Pedro iti bangka ken nangrugi a magna iti rabaw ti danum a mapan kenni Jesus. Idi dam-damo, kitkitaen ni Pedro ni Jesus ngem nagtalyaw isuna ket nakitana dagiti dalluyon ken nariknana iti napigsa nga angin.

![](https://cdn.door43.org/obs/jpg/360px/obs-en-31-07.jpg)

Nagbuteng ni Pedro ket nangrugi a lumned iti danum. Nagpukkaw isuna, “Apo, isalakannak!” Ginaw-at a dagus ni Jesus ni Pedro ket ginuyodna. Kinuna ni Jesus kenni Pedro, “Nagbassit ketdin ti pammatim Nagtalekka koma kaniak!”

![](https://cdn.door43.org/obs/jpg/360px/obs-en-31-08.jpg)

Idi nakalugan ni Pedro ken Jesus idiay bangka, nagsardeng ti napigsa nga angin ken nagtalna ti danum. Nasdaaw dagiti adalan. Nagrukbabda kenni Jesus ket kinunada, “Pudno a sika ti Anak ti Dios.”

*Istorya ti Bibliya manipud:  Mateo 14:22-33; Marcos 6:45-52; Juan 6:16-21*

## 32. Pinaimbag ni Jesus ti Lalaki a naluganan ti Demonyo ken ti Babae a Masakit

https://openbiblestories.org/l/ilo/story-32/

![](https://cdn.door43.org/obs/jpg/360px/obs-en-32-01.jpg)

Maysa nga aldaw, naglugan ni Jesus ken dagiti adalanna iti bangka. Bimmalasiwda iti dan-aw ket napanda idiay pagnanaedan dagiti Geraseno.

![](https://cdn.door43.org/obs/jpg/360px/obs-en-32-02.jpg)

Idi nakaballasiwda, nagtartaray a simmabat kenni Jesus ti maysa a lalaki a naluganan ti demonyo.

![](https://cdn.door43.org/obs/jpg/360px/obs-en-32-03.jpg)

Napigsa unay daytoy a lalaki awan pulos ti makalapped kenkuana. Inkawar pay dagiti tattao dagiti ima ken sakana ngem kanayonna laeng a pugsaten dagitoy.

![](https://cdn.door43.org/obs/jpg/360px/obs-en-32-04.jpg)

Agnanaed daytoy a lalaki kadagiti tantanem iti dayta a lugar. Kanayon nga agririyaw daytoy a lalaki iti aldaw ken rabii. Awan ti badona ken kanayonna a sugaten ti bagina iti bato.

![](https://cdn.door43.org/obs/jpg/360px/obs-en-32-05.jpg)

Idi napan ti lalaki kenni Jesus, nagparintumeng daytoy iti sangoananna. Kinuna ni Jesus iti demonyo, “Rumuarka iti daytoy a lalaki!”

![](https://cdn.door43.org/obs/jpg/360px/obs-en-32-06.jpg)

Nagpukkaw ti naluganan a lalaki ket kinunana, “Jesus nga Anak ti kangatoan a Dios! Ania ti kayatmo kaniak? Pangaasim ta saannak a parigaten!” Sinaludsod ni Jesus ti demonyo, “Ania naganmo?” Simmungbat daytoy ket kunana, “Rinib-ribu ti naganko gapu ta adukami." (Ti “Rinib-ribu” ket bunggoy iti rinib-ribu a soldado iti Roma.)

![](https://cdn.door43.org/obs/jpg/360px/obs-en-32-07.jpg)

Nagpakpakaasi dagiti demonyo kenni Jesus, “Pangaasim!, Saannakami a papanawen iti daytoy a lugar." Adda iti bunggoy ti baboy a mangmangan iti asideg nga turod. Nagpakpakaasi dagiti demonyo kenni Jesus ket kinunada, “Pangaasim, palubosannakami laengen a sumrek kadagiti baboy!” Pinalubosan ida ni Jesus ket kinunana, "Mapankayo!”

![](https://cdn.door43.org/obs/jpg/360px/obs-en-32-08.jpg)

Rimmuar dagiti demonyo manipud iti lalaki ket simrekda kadagiti bab-baboy. Nagtaray dagiti agarup 2,000 a baboy iti derraas. Timmappuakda iti dan-aw ket nalmesda amin.

![](https://cdn.door43.org/obs/jpg/360px/obs-en-32-09.jpg)

Idi nakita dagiti agay-aywan kadagiti baboy ti napasamak, nagtarayda a napan idiay ili ket imbagada kadagiti tattao a masabsabatda ti inaramid ni Jesus. Napan dagiti tattao a naggapu iti ili ket nakitada ti lalaki a dati a naluganan dagiti demonyo. Natalna isuna nga nakatugaw, nakabadon ken nagsubli iti sigud ti panaggunayna.

![](https://cdn.door43.org/obs/jpg/360px/obs-en-32-10.jpg)

Nagbuteng dagiti tattao isunga imbagada kenni Jesus a pumanaw idiay ayanda. Naglugan ngarud ni Jesus iti bangka tapno pumanaw ngem nagpakaasi a sumurot kenkuana ti lalaki a naluganan dagiti demonyo.

![](https://cdn.door43.org/obs/jpg/360px/obs-en-32-11.jpg)

Kinuna ni Jesus kenkuana, “Saanka a sumurot, agawidka ket ibagam kadagiti gagayyem ken pamiliam dagiti amin nga inaramid ti Dios kenka ken no kasano a kinaasiannaka.”

![](https://cdn.door43.org/obs/jpg/360px/obs-en-32-12.jpg)

Pimmanaw ngarud ti lalaki ket imbagana kadagiti amin ti inaramid ni Jesus kenkuana. Nasdaaw dagiti amin a nakangngeg iti istoryana.

![](https://cdn.door43.org/obs/jpg/360px/obs-en-32-13.jpg)

Nagsubli ni Jesus iti ballasiw ti dan-aw. Inaribungbongan ti adu a tattao ni Jesus idi nakadanon isuna. Nagdidinnuron dagiti tattao. Adda ti maysa a babae idiay nga adda sakitna. Sangapulo ket dua a tawen a saan nga agsarsardeng ti dara a rumrumwar kenkuana. Naibayadna kadagiti mangagas ti amin a kuwartana tapno maagasan isuna ngem kimmarkaro pay ti sakitna.

![](https://cdn.door43.org/obs/jpg/360px/obs-en-32-14.jpg)

Nadamagna nga adu dagiti masakit nga inagasan ni Jesus ket pinampanunotna, "Masiguradok a maagasanak met no masagid ko laeng ti pagan-anay ni Jesus!” Napan ngarud isuna iti likodan ni Jesus ket sinagidna ti pagan-anayna. Kalpasanna daytoy, nagsardeng a dagus ti panagruar ti dara kenkuana!

![](https://cdn.door43.org/obs/jpg/360px/obs-en-32-15.jpg)

Narikna a dagus ni Jesus nga adda ti napaimbag babaen ti pannakabalinna isunga timmalyaw ket nagsaludsod isuna, “Siasino ti nangsagid kaniak?” Simmungbat dagiti adalanna ket kinunada, “Napalawlwanka ti nagadu a tattao a mangsagsagid ken mangdungdungpar kenka. Apay ta saludsodem no siasinno ti nangsagid kenka?”

![](https://cdn.door43.org/obs/jpg/360px/obs-en-32-16.jpg)

Nagparintumeng ti babai iti sangoanan ni Jesus, agtigtigerger ken mabutbuteng isuna. Imbagana kenni Jesus ti inaramidna ken no kasano nga naagasan isuna. Kinuna ni Jesus kenkuana, “Naagasanka babaen ti pammatim. Agawidka nga adda ti kappia.”

*Istorya ti Bibliya manipud:  Mateo 8:28-34; 9:20-22; Marcos 5:1-20; 5:24b-34; Lucas 8:26-39; 8:42b-48*

## 33. Ti Istorya ti Mannalon

https://openbiblestories.org/l/ilo/story-33/

![](https://cdn.door43.org/obs/jpg/360px/obs-en-33-01.jpg)

Maysa nga aldaw agisursuro ni Jesus kadagiti tattao iti igid ti dan-aw. Adu dagiti tattao a napan tapno dumngeg kenkuana. Naglugan ni Jesus iti maysa a bangka iti igid ti danum tapno maaddaan ti paggiananna. Nagtugaw isuna iti bangka ket insurona dagiti tattao.

![](https://cdn.door43.org/obs/jpg/360px/obs-en-33-02.jpg)

Nagistorya ni Jesus, “Adda ti maysa a mannalon a nagmula kadagiti bukel. Bayat ti panangimurumorna dagiti bukel, adda ti nagdisso iti dalan. Immay dagiti billit ket kinnanda amin dagidiay a bukel.”

![](https://cdn.door43.org/obs/jpg/360px/obs-en-33-03.jpg)

“Adda met ti dadduma a nagdisso iti kabatbatoan a bassit laeng ti dagana. Nagtubo a dagus dagitoy a bukel ngem saan unay a nagramut. Nalaylay ken natay dagiti mula idi nainitan.

![](https://cdn.door43.org/obs/jpg/360px/obs-en-33-04.jpg)

“Nagdisso met dagiti dadduma iti kasisiitan. nagtubo dagiti bukel ngem linapdan dagiti siit isunga saan pulos a nagbunga.”

![](https://cdn.door43.org/obs/jpg/360px/obs-en-33-05.jpg)

“Nagdisso met dagiti dadduma a bukbukel iti nadam-eg a daga. Nagbunga dagitoy ti ad-adu pay ngem kadagiti naimula a bukel. Agdengngegkayo amin a makangkangngeg kadagiti ibagbagak!"

![](https://cdn.door43.org/obs/jpg/360px/obs-en-33-06.jpg)

Mariribukan dagiti adalan iti daytoy nga istorya isunga impalawag ni Jesus ti kaipapananna. Kinunana, “Mayarig ti sao ti Dios iti bukel. Ti tao a nakangngeg iti sao ti Dios ket ti dalan. Saan a naawatan ti tao daytoy gapu ta tinakaw ti diablo ti sao kenkuana."

![](https://cdn.door43.org/obs/jpg/360px/obs-en-33-07.jpg)

“Ti kabatbatoan ket mayarig iti tao a naragsak a nakangngeg ken namati iti sao ti Dios, ngem saanna kayaten nga agtulnog iti Dios idi nakapadas isuna ti nalabes a panakaparparigat.”

![](https://cdn.door43.org/obs/jpg/360px/obs-en-33-08.jpg)

“Mayarig met ti kasisiitan iti tao a nakangngeg iti sao ti Dios ngem idi naglabas ti panawen, napukaw ti panagayatna iti Dios gapu kadagiti pakadanagan a parikut iti biag, tarigagay a bumaknang ken panagaramid kadagiti banbanag a makaited ti ragsak. Gapu iti daytoy, saan a makita dagiti sursuro ti Dios kadagiti aramidna.

![](https://cdn.door43.org/obs/jpg/360px/obs-en-33-09.jpg)

“Mayarig met iti nadam-eg a daga iti tao a nakangngeg iti sao ti Dios, pinatina daytoy isunga makita dagiti sursuro ti Dios kadagiti aramidna."

*Istorya ti Bibliya manipud: Mateo 13:1-8, 18-23; Marcos 4:1-8, 13-20; Lucas 8:4-15*

## 34. Nangisuro ni Jesus iti Nadumaduma nga Istorya

https://openbiblestories.org/l/ilo/story-34/

![](https://cdn.door43.org/obs/jpg/360px/obs-en-34-01.jpg)

Nangisuro ni Jesus iti ad-adu pay nga istorya maipapan ti pagarian ti Dios. Kinunana, “Mayarig ti pagarian ti Dios iti bukel ti mustasa nga immula ti maysa a tao iti talonna. Ammoyo a bukel ti mustasa ti kabassitan kadagiti amin a bukel.”

![](https://cdn.door43.org/obs/jpg/360px/obs-en-34-02.jpg)

“Inton agtubo ti bukel ti mustasa, agbalin a kadakkelan kadagiti isu amin a mulmula iti minuyongan. Gapu iti dayta, mapmapan dagiti billit ken agininanada kadagiti sangana.”

![](https://cdn.door43.org/obs/jpg/360px/obs-en-34-03.jpg)

Nangisuro pay ni Jesus iti sabali nga Istorya, “Mayarig ti pagarian ti Dios iti lebadura nga inlaok ti maysa a babae iti arina agingga a naiwaras iti amin a masa.”

![](https://cdn.door43.org/obs/jpg/360px/obs-en-34-04.jpg)

“Mayarig pay ti Pagarian ti Dios iti gameng nga inkali ti maysa a tao iti talon. Idi nasarakan daytoy ti sabali a tao ket inkalina manen. Kasta unay ti rag-ona ket inlakona dagiti amin a sanikuana tapno gatangenna dayta a talon.”

![](https://cdn.door43.org/obs/jpg/360px/obs-en-34-05.jpg)

“Mayarig pay ti Pagarian ti Dios iti perlas a naan-anay. No masarakan daytoy ti aggatgatang iti perlas, ilakonanto dagiti amin a sanikuana tapno magatangna daytoy.”

![](https://cdn.door43.org/obs/jpg/360px/obs-en-34-06.jpg)

Kalpasanna, sinarita ni Jesus ti maysa nga istorya kadagiti tattao nga agtaltalek kadagiti naimbag nga aramidda ken mangtagtagibassit kadagiti dadduma. Kinuna ni Jesus “Adda dua a lallaki a napan nagkararag idiay templo. Agsingsingir ti buwis ti maysa, panguloen met ti relihion ti maikadua.”

![](https://cdn.door43.org/obs/jpg/360px/obs-en-34-07.jpg)

"Nagkararag ti panguloen ti relihion iti kastoy, ‘Agyamanak o Dios gapu ta saanak a managbasol a kas kadagiti dadduma a tattao nga agtatakaw, managdakdakes ken mannakikamalala. Agyamanak ta saanak a kas iti daytoy agsingsingir ti buwis.'"

![](https://cdn.door43.org/obs/jpg/360px/obs-en-34-08.jpg)

“Maminduaak nga agayayunar kada lawas, itedko iti templo ti apagkapullo dagiti amin a kuwarta ken banbanag a maaw-awatko.”

![](https://cdn.door43.org/obs/jpg/360px/obs-en-34-09.jpg)

"Immadayo ti agsingsingir ti buwis iti panguloen ti relihion ket saanna pulos a maitangad ti ulona iti langit gapu iti panagbainna iti Dios. Dinandanogna ti barukongna ket nagkararag ti kastoy, 'Maasianka kaniak o Dios ta managbasolak.'”

![](https://cdn.door43.org/obs/jpg/360px/obs-en-34-10.jpg)

Kalpasan daytoy kinuna ni Jesus, “Ibagak kadakayo ti pudno, dinengngeg ti Dios ti kararag ti agsingsingir ti buwis ket imbilangna isuna a nalinteg. Saan a naay-ayo ti Dios iti kararag ti panguloen ti relihion. Ibaba ti Dios amin a tao a napasindayag. Itan-oknanto dagiti tattao a napakumbaba.”

*Istorya ti Bibliya manipud: Mateo 13:31-33, 44-46; Marcos 4:30-32; Lucas 13:18-21; 18:9-14*

## 35. Ti Istorya maipapan iti Manangaasi nga Ama

https://openbiblestories.org/l/ilo/story-35/

![](https://cdn.door43.org/obs/jpg/360px/obs-en-35-01.jpg)

Maysa nga aldaw, Nangisursuro ni Jesus kadagiti adu nga agsingsingir iti buwis ken dadduma pay a managbasol nga immay tapno dumngeg kenkuana.

![](https://cdn.door43.org/obs/jpg/360px/obs-en-35-02.jpg)

Dinillaw dagiti panguloen iti relihiyon ni Jesus idi nakitada a makigaygayyem isuna kadagiti managbasol. Gapu iti daytoy, imbaga ni Jesus kadakuada daytoy nga istorya.

![](https://cdn.door43.org/obs/jpg/360px/obs-en-35-03.jpg)

“Adda maysa a tao nga addaan iti dua nga annak a lallaki. Kinuna ti ub-ubing nga anak iti amana, “Ama, kayatkon nga alaen ti tawidko kenka.”Gapuna, biningay ngarud iti ama ti sanikuana ket intedna kadagiti dua nga annakna.

![](https://cdn.door43.org/obs/jpg/360px/obs-en-35-04.jpg)

Innala ngarud ti ub-ubing nga anak dagiti amin a tawidna ket pimmanaw. Napan daytoy iti adayo a lugar. Binusbosna amin ti kuartana iti dakes a wagas.

![](https://cdn.door43.org/obs/jpg/360px/obs-en-35-05.jpg)

Iti saan a nagbayag, dimteng ti nakaro a panagbisin iti lugar a napanan ti ub-ubing nga anak a lalaki. Awanen ti kuartana nga igatangna iti kanenna. Gapu iti daytoy, nangbiruk iti trabaho a mabalinna a sumrekan. Agpakpakan iti baboy ti nagbalin a trabahona gapu ta isu laeng iti nabirukanna a pagtrabahoan. Nakakaasi ken nabisbisinan isuna ket kayatna payen ti mangan iti kanen dagiti baboy.

![](https://cdn.door43.org/obs/jpg/360px/obs-en-35-06.jpg)

Kamaudiananna, kinuna iti ub-ubing nga anak a lalaki iti bagina. “Ania ti ar-aramidek? Aglaplapusanan ti taraon dagiti amin nga agserserbi ken amak, ngem siak, addaak ditoy a mabisbisinan. Agsubliak ngarud ken amak ket ibagak kenkuana nga ibilangnak a maysa kadagiti agserserbi.”

![](https://cdn.door43.org/obs/jpg/360px/obs-en-35-07.jpg)

Nagsubli ngarud ti ub-ubing nga anak iti balayda. Adayo pay laeng isuna, nakita iti Ama ti anakna ket naasian unay kenkuana. Nagtaray a simmabat daytoy ket inarakup ken inagkanna ti anakna.

![](https://cdn.door43.org/obs/jpg/360px/obs-en-35-08.jpg)

Kinuna iti anak iti amana, “Ama, nagbasolak iti Dios uray pay kenka. Saanakon a maikari kas anakmo.”

![](https://cdn.door43.org/obs/jpg/360px/obs-en-35-09.jpg)

“Kinuna iti ama iti maysa kadagiti agserserbi, "darasem ti mapan mangala kadagiti kasayaatan a bado ket isuotmo iti anakko! Ikkam pay iti singsing ken sapatosna. Partienyo diay kalulukmegan nga urbon iti baka ta agrambaktayo. Gapu ta kayariganna a natay ti anakko ngem nagbiag! Napukaw ti anakko ngem itan ket nasarakan!”

![](https://cdn.door43.org/obs/jpg/360px/obs-en-35-10.jpg)

“Nangrugi ngarud nga nagrambak dagiti tattao. Saan nga agbayag, simmangpet ti inauna nga anak manipud idiay taltalon a pagub-ubraanna. Nangngegna ti tokar ken nakitana dagiti agsasala. Nasdaaw ti inauna nga anak agsipud ta saanna nga ammo ti mapaspasamak.”

![](https://cdn.door43.org/obs/jpg/360px/obs-en-35-11.jpg)

Idi natakuatan iti inauna nga anak a ti ramrambakanda ket ti panagsubli iti kabsatna, kasta unay ti pungtotna. Saanna payen a kayat ti sumrek iti balayda. Rimuar ti ama ket nagpakaasi kenkuana nga umuneg ta makipagrambak kadakuada ngem nagkedked daytoy.

![](https://cdn.door43.org/obs/jpg/360px/obs-en-35-12.jpg)

Kinuna iti inauna nga anak iti amana, “Simamatalekak a nagtrabtrabaho kenka iti adu a tawen! Saanak a nagsuksukir, dinak man laeng inikkan iti uray bassit a kalding tapno makipagrambakak met koma kadagiti gagayyemko. Idi nagawid ti anakmo a nangbusbos iti kuartam iti dakes a wagas, pinapartim diay kalulukmegan a baka maipaay kenkuana!”

![](https://cdn.door43.org/obs/jpg/360px/obs-en-35-13.jpg)

Simmungbat ti ama ket kinunana, “anakko, kaduaka a kankanayon, amin a sanikuak ket kukuam. Rumbeng nga agrambaktayo ngamin ti kabsatmo ket kayariganna a natay ngem itan ket nabiag, napukaw ti kabsatmo ngem itan ket nasarakan!"

*Istorya iti Biblia manipud: Luke 15: 11-32*

## 36. Ti Panagbaliw ti Langa ni Jesus

https://openbiblestories.org/l/ilo/story-36/

![](https://cdn.door43.org/obs/jpg/360px/obs-en-36-01.jpg)

Maysa nga aldaw, intugot ni Jesus ti tallo kadagiti adalanna, ni Pedro, Santiago ken Juan. (Ti adalan nga agnagan iti Juan ket saan nga isu ti nangbautisar ken Jesus.) Napanda iti maysa a nangato a bantay tapno agkararag.

![](https://cdn.door43.org/obs/jpg/360px/obs-en-36-02.jpg)

Idi agkarkararag ni Jesus, rimmaniag ti rupana a kas karaniag iti init, pimmuraw ti badona a kas iti lawag. Napurpuraw pay ngem iti uray aniaman a naaramid ditoy lubong.

![](https://cdn.door43.org/obs/jpg/360px/obs-en-36-03.jpg)

Kalpasanna, nagparang kadakuada ni Moises ken ni propeta nga Elias. Nagbiag dagitoy a tattao ginasgasut a tawen sakbay daytoy a kanito. Kinasaritada ni Jesus maipapan iti ipapatayna a mapasamak iti mabiit idiay Jerusalem.

![](https://cdn.door43.org/obs/jpg/360px/obs-en-36-04.jpg)

Kabayatan a makitungtong ni Moises ken Elias ken ni Jesus, kinuna ni Pedro ken Jesus, “Nasayaat unay nga addatayo ditoy. Agaramidtayo iti tallo nga paglinungan, maysa para kenka, maysa ken ni Moises, maysa met para ken ni Elias.” Saan nga ammo ni Pedro ti ibagbagana.

![](https://cdn.door43.org/obs/jpg/360px/obs-en-36-05.jpg)

Kabayatan nga agsasao ni Pedro, bimmaba ti maysa a naraniag nga ulep ket pinalikmutanna ida. Nagtimek ti Dios manipud iti ulep ket kinunana, “Daytoy ti Anakko nga ay-ayatek. Maay-ayoak kenkuana. Dumngegkayo kenkuana!” Nagbuteng dagiti tallo nga adalan ket nagrukobda iti daga.

![](https://cdn.door43.org/obs/jpg/360px/obs-en-36-06.jpg)

Ineggaman ida ni Jesus ket kinunana, “Saankayo nga agbuteng. Tumakderkayo” Idi kumitada iti aglawlaw, awanen ni Moises ken Elias, ni laengen Jesus ti adda sadiay.

![](https://cdn.door43.org/obs/jpg/360px/obs-en-36-07.jpg)

Simmalog ni Jesus ken dagiti tallo nga adalanna manipud iti bantay. Kinuna ni Jesus kadakuada, “Saanyo pay laeng nga ibagbaga iti siasinoman ti maipapan iti napasamak ditoy. Iti saan a mabayag matayakto ngem agungarak met laeng. Kalpasan daytoy, mabalinyonton nga ibaga ti napasamak kadagiti tattao.”

*Istorya iti Biblia manipud; Matthew 17: 1-9; Mark 9: 2-8; Luke 9: 28-36*

## 37. Pinagungar ni Jesus ni Lazaro

https://openbiblestories.org/l/ilo/story-37/

![](https://cdn.door43.org/obs/jpg/360px/obs-en-37-01.jpg)

Maysa nga aldaw, naammuan ni Jesus a nakaro ti sakit ni Lazaro. Addaan ni Lazaro iti dua a kakabsat a babbai, ni Marta ken Maria. Nasinged a gayyem ni Jesus dagitoy. Idi nangngeg ni Jesus daytoy a damag, kinunana, “ Saan nga agtungpal ken patay dayta a sakit ngem maipaay daytoy iti pakaidayawan ti Dios.” Ay-ayaten ni Jesus dagiti gagayyemna ngem naguray pay sadiay iti dua nga aldaw.

![](https://cdn.door43.org/obs/jpg/360px/obs-en-37-02.jpg)

Kalpasan iti dua nga aldaw, kinuna ni Jesus kadagiti adalanna, “Agsublitayon idiay Judea.” Simmungbat dagiti adalan ket kinunada, “Maestro, kaanu laeng idi pinanggepdaka a papatayen dagiti tattao iti dayta a lugar!” Kinuna ni Jesus, “Nakaturogen ti gayyemko a ni Lazaro, masapul a mapan ko riingen.”

![](https://cdn.door43.org/obs/jpg/360px/obs-en-37-03.jpg)

Simmungbat dagiti adalan ni Jesus ket kinunada, “Apo, no matmaturog laeng ni Lazaro, sigurado nga umimbagto.” Ngem imbaga ni Jesus ti kinapudno kadakuada, “Natayen ni Lazaro. Maragsakanak ta awanak sadiay tapno mamatikayo kaniak.”

![](https://cdn.door43.org/obs/jpg/360px/obs-en-37-04.jpg)

Idi nakadanon ni Jesus iti ili da Lazaro, uppat nga aldawen ti napalabas manipud idi natay ni Lazaro. Simmabat ni Marta kenkuana ket kinunana, “No addaka la koma ditoy Apo, saan koma a natay ti kabsatko. Mamatiak nga ited iti Dios kenka aniaman a dawatem kenkuana.”

![](https://cdn.door43.org/obs/jpg/360px/obs-en-37-05.jpg)

Simmungbat ni Jesus, “Siak ti mangpapa-ungar kadagiti natay ken mangmangted iti Biag. Siasinoman a mamati kaniak, uray no matay ket agbiag. Amin a mamati kaniak, saanto pulos a matay. Mamatika kadi iti daytoy?” Simmungbat ni Marta ket kinunana, “Wen Apo! Mamatiak a sika ti Mesias, ti Anak ti Dios.”

![](https://cdn.door43.org/obs/jpg/360px/obs-en-37-06.jpg)

Kalpasan daytoy, simmangpet ni Maria ket nagparintumeng iti sangoanan ni Jesus ket kinunana, “Apo, no adda ka laeng koma ditoy, saan pay koma a natay ti kabsatko.” Sinaludsod ni Jesus kadakuada, “Sadinno ti nangikabilanyo ken ni Lazaro?” Simmungbatda, “Impanmin iti tanem. Umaykayo ta intayo kitaen.” Nagsangit ni Jesus kalpasanna.

![](https://cdn.door43.org/obs/jpg/360px/obs-en-37-07.jpg)

Maysa a kuweba ti tanem ni Lazaro nga addaan iti kalub a bato a maitulid ti ruanganna. Idi makadanon ni Jesus iti tanem, Kinunana kadakuada, “Itulidyo ti bato.”Kinuna ni Marta, ”Uppat nga aldawen manipud idi natay ti kabsatko. Nabangsiten ti angotna!”

![](https://cdn.door43.org/obs/jpg/360px/obs-en-37-08.jpg)

Simmungbat ni Jesus ket kinunana, "Saanko aya nga imbaga kadakayo a makitayo ti dayag iti Dios no mamatikayo kaniak?” Intulid da ngarud ti bato a kalub iti tanem.

![](https://cdn.door43.org/obs/jpg/360px/obs-en-37-09.jpg)

Timmangad ni Jesus iti langit ket kinunana, “Ama, agyamanak ta dumdumggegka kaniak. Ammok a dengdenggennak a kankayon, aramidek daytoy para kadagiti amin a tattao a nakatakder ditoy tapno mamatida nga imbaonnak.” Nagpukkaw ni Jesus ket kinunana, “Rummuarka Lazaro!”

![](https://cdn.door43.org/obs/jpg/360px/obs-en-37-10.jpg)

Rimmuar ngarud ni Lazaro a nabalkot pay laeng iti lupot ti natay. Kinuna ni Jesus kadakuada, “Tulonganyo isuna a mangikkat iti lupot ket ruk-atanyo ni Lazaro!” Namati dagiti adu a Judio ken Jesus gapu iti daytoy a milagro.

![](https://cdn.door43.org/obs/jpg/360px/obs-en-37-11.jpg)

Nagimon dagiti panguloen iti relihiyon dagiti Judio. Nagu-ummongda ngarud tapno pagtutungtunganda no kasano a papatayenda ni Jesus ken ni Lazaro.

*Istorya iti Biblia manipud: John 11: 1-46*

## 38. Ti Pannakaliput ni Jesus

https://openbiblestories.org/l/ilo/story-38/

![](https://cdn.door43.org/obs/jpg/360px/obs-en-38-01.jpg)

Tinawen a ramrambakan dagiti Judio ti Ilalabas. Daytoy a panagrambak ket maipapan iti panangisalakan iti Dios kadagiti kapuonan dagiti Judio manipud iti pannakaadipen idiay Egipto adun a tawen ti napalabas. Agarup tallo a tawen manipud idi inrugi ni Jesus ti panangaskasaba ken panangisursurona kadagiti lugar nga adu ti tao. Imbaga ni Jesus kadagiti adalanna, kayatna a rambakan ti aldaw iti Ilalabas a kaduana ida idiay Jerusalem. Kinunana pay a mapapatayto isuna sadiay.

![](https://cdn.door43.org/obs/jpg/360px/obs-en-38-02.jpg)

Maysa kadagiti adalan ni Jesus ni Judas, isu ti agig-iggem iti pagyanan iti kuarta dagiti adalan. Naagum ni Judas iti kuarta ket masansan a takawenna daytoy. Idi simmangpet ni Jesus ken dagiti adalan idiay Jerusalem, napan ni Judas kadagiti panguloen iti Judio. Imbaga ni Judas a liputanna ni Jesus kasukat iti kuarta a maitedda kenkuana. Ammo ni Judas nga ilibak dagiti panguloen iti Judio a ni Jesus ti Mesias. Pinanggep dagitoy a papatayen ni Jesus.

![](https://cdn.door43.org/obs/jpg/360px/obs-en-38-03.jpg)

Binayadan dagiti panguloen iti Judio, nga indauloan iti kangatoan a padi, ni Judas iti tallo pulo a pirak. Inaramidda daytoy tapno liputan ni Judas ni Jesus. Mapasamak daytoy kas impadto dagiti propeta. Immanamong ni Judas, innalana ti kuarta ket pimmanaw. Rinugian ni Judas a mangsapul iti tiempo tapno matulonganna ida a mangtiliw ken ni Jesus.

![](https://cdn.door43.org/obs/jpg/360px/obs-en-38-04.jpg)

Rinambakan ni Jesus ken dagiti adalan ti Ilalabas idiay Jerusalem. Kabayatan iti pannangan idi aldaw iti Ilalabas, nangala ni Jesus iti tinapay, pinisipinisina daytoy ket kinunana “Alaenyo ket kanenyo. Daytoy iti bagik a maited kadakayo. Aramidenyo daytoy a panglaglagip kaniak.” Imbaga ni Jesus kadagiti adalanna a maidatonto ti bagina para kadakuada babaen iti kasta a wagas.

![](https://cdn.door43.org/obs/jpg/360px/obs-en-38-05.jpg)

Nangala ni Jesus iti kopa ket kinunana, “Inumenyo daytoy. Daytoy ti darak iti Baro a Tulag a maited maipaay iti pannakapakawan dagiti basbasol. Tunggal inumenyo daytoy, aramidenyo a panglaglagip kaniak.”

![](https://cdn.door43.org/obs/jpg/360px/obs-en-38-06.jpg)

Kalpasan daytoy, imbaga ni Jesus kadagiti adalanna, “Liputannakto iti maysa kadakayo.” Nakigtot dagiti adalan, sinaludsodda no siasinno ti makaaramid iti daytoy a banag. Kinuna ni Jesus, “Ti tao a pangtedak iti daytoy a pisi iti tinapay ket isu ti mangliliput.” Kalpasanna, inyawatna ti tinapay kenni Judas.

![](https://cdn.door43.org/obs/jpg/360px/obs-en-38-07.jpg)

Kalpasan nga inawat ni Judas ti tinapay, inturayan isuna ni Satanas. Iti dayta nga rabii, pimmanaw ni Judas ket napan kadagiti panguloen iti Judio tapno tulonganna ida a mangtiliw ken ni Jesus.

![](https://cdn.door43.org/obs/jpg/360px/obs-en-38-08.jpg)

Kalpasan iti pannangan, napan ni Jesus ken dagiti adalanna iti Bantay ti Olibo. Kinuna ni Jesus, “Panawandak iti daytoy a rabii. Kas naisurat, ‘Papatayekto ti agpaspastor ket mawarawaranto dagiti amin a karnero.’’

![](https://cdn.door43.org/obs/jpg/360px/obs-en-38-09.jpg)

Simmungbat ni Pedro ket kinunana, “Pumanaw man dagiti dadduma, saankanto pulos a panawan!” Kinuna ni Jesus ken ni Pedro, “Kayatnakayo nga iturayan ni satanas ngem inkararagankan Pedro tapno agtultuloy ti pammatim kaniak. Mamintallonakto nga ilibak sakbay nga agtaraok ti kawitan tatta a rabii.”

![](https://cdn.door43.org/obs/jpg/360px/obs-en-38-10.jpg)

Simmungbat ni Pedro ket kinunana, “Uray pay no matayak, saankanto pulos nga ilibak!” Kasta met laeng ti imbaga dagiti amin nga adalan kenkuana.

![](https://cdn.door43.org/obs/jpg/360px/obs-en-38-11.jpg)

Napan ni Jesus ken dagiti adalan na iti lugar a maaw-awagan iti Getsemane. Imbaga ni Jesus kadagiti adalanna nga agkararagda tapno saanda a masulisog. Kalpasanna, nagkararag ni Jesus nga agmaymaysa.

![](https://cdn.door43.org/obs/jpg/360px/obs-en-38-12.jpg)

Nagkararag ni Jesus iti namitlo a daras, “Ama, no mabalin koma, pangaasim ta saanmo nga iparikna ti kasta unay a panagrigat kaniak, ngem no awanen ti sabali pay a wagas tapno mapakawan ti basbasol dagiti tattao, ti pagayatam ti matungpal.” Nariribukan unay ni Jesus. Nagtedted ti ling-etna a kasla dara. Nangibaon ti Dios iti maysa nga anghel tapno mangpabileg kenkuana.

![](https://cdn.door43.org/obs/jpg/360px/obs-en-38-13.jpg)

Kalpasan iti tunggal panagkararag na, mapmapan ni Jesus iti ayan dagiti adalanna ngem nakaturogda. Idi nagsubli ni Jesus iti maikatlo a daras, kinunana kadakuada, “Agriingkayon! Adda ditoyen ti mangliliput.''

![](https://cdn.door43.org/obs/jpg/360px/obs-en-38-14.jpg)

Simmangpet ni Judas a kaduana dagiti panguloen iti Judio, dagiti soldado ken adu a tattao. Adda awitda a kampilan ken pang-ur. Immasideg ni Judas ken Jesus ket kinunana, “Kablaawan ka, Manursuro,” kalpasanna, inagkanna ni Jesus. Daytoy ti pagilasinan dagiti panguloen iti Judio no siasino ti tiliwenda. Kinuna ni Jesus, “Judas, liputannak kadi babaen iti maysa nga agek?”

![](https://cdn.door43.org/obs/jpg/360px/obs-en-38-15.jpg)

Idi tiliwenen dagiti soldado ni Jesus, inasut ni Pedro ti kampilanna ket tinagbatna ti lapayag iti maysa nga agserserbi iti kangatoan a padi. Kinuna ni Jesus, “Idulinmo ta kampilan! Mabalinko a dawaten iti Amak a mangibaon kadagiti angheles tapno mangsalaknib kaniak ngem masapul nga agtulnogak iti Amak.” Kalpasan daytoy, pinaimbag ni Jesus ti lapayag iti lalaki. Nagtataray dagiti amin nga adalan idi natiliw ni Jesus.

*Istorya iti Biblia manipud: Matthew 26:14-56; Mark 14:10-50; Luke 22: 1-53; John 12:6; 18: 1-11*

## 39. Ti Pannakausig ni Jesus

https://openbiblestories.org/l/ilo/story-39/

![](https://cdn.door43.org/obs/jpg/360px/obs-en-39-01.jpg)

Katengngaan iti rabii idi impan dagiti soldado idiay balay iti kangatoan a padi ni Jesus. Impanda isuna idiay tapno usigin isuna iti kangatoan a padi. Iti adayo, sumursurot ni Pedro kadakuada. Nagtalinaed ni Pedro iti ruar iti balay ken napan naginudo iti asideg iti apuy idi inserrekdan ni Jesus.

![](https://cdn.door43.org/obs/jpg/360px/obs-en-39-02.jpg)

Inusig dagiti panguloen iti Judio ni Jesus iti uneg iti balay. Nagayabda iti adu a palso a saksi. Nagulbod dagitoy maipapan ken ni Jesus. Uray no kasta, saan a nagsusurot dagiti imbagbagada. Saan a napaneknekan dagiti panguloen a Judio ti ibagbagada a nagbasolan ni Jesus. Saan a nagsasao ni Jesus.

![](https://cdn.door43.org/obs/jpg/360px/obs-en-39-03.jpg)

Kalpasanna, kinita iti kangatoan a padi ni Jesus ket kinunana, “Ibagam no siasinoka? Sika kadi ti Mesias nga Anak iti sibibiag a Dios?”

![](https://cdn.door43.org/obs/jpg/360px/obs-en-39-04.jpg)

Simmungbat ni Jesus, “Siak, makitadakto a nakatugaw iti abay iti Dios a bumaba iti langit.” Gapu iti unget iti kangatoan a padi, pinisangna ti badona ken impukkawna kadagiti dadduma a panguloen iti relihion, “Saan tayon a kasapulan iti adu a saksi! Nangngegyo nga imbagana nga isuna ti Anak iti Dios. Anya ti pangngeddengyo?"

![](https://cdn.door43.org/obs/jpg/360px/obs-en-39-05.jpg)

Simmungbat dagiti amin a panguloen iti Judio iti kangatoan a padi, kinunada, “Maiparbeng a matay isuna!” Inabbunganda dagiti mata ni Jesus.Tinupra-tupraan, binaotbaot ken linaisda ni Jesus.

![](https://cdn.door43.org/obs/jpg/360px/obs-en-39-06.jpg)

Nakita iti maysa nga agserserbi a babai ni Pedro kabayatan iti panagur-urayna iti ruar iti balay iti kangatoan a padi. Kinuna iti babai kenkuana, “Kaduanaka met ni Jesus!” Inlibak ni Pedro daytoy. Kalpasanna dayta, isu met laeng a banag ti imbaga iti maysa manen a babai. Inlibak manen ni Pedro daytoy. Kamauddiananna, imbaga dagiti tattao, “Ammomi a kaduanaka ni Jesus ta agpadakayo a taga Galilea.”

![](https://cdn.door43.org/obs/jpg/360px/obs-en-39-07.jpg)

Nagsapata ni Pedro ket kinunana, “Uray dusaennak iti Dios no pudno nga am-ammuk dayta a tao!” Idi imbaga ni Pedro dayta, nagtaraok a dagus ti kawitan ket timmalyaw ni Jesus kenkuana.

![](https://cdn.door43.org/obs/jpg/360px/obs-en-39-08.jpg)

Immadayo ni Pedro ket nagsangsangit daytoy. Kabayatanna, nakita ni Judas a mangliliput no kasano nga inukom dagiti panguloen iti Judio ni Jesus a matay. Nagladingit launay ni Judas. Pimmanaw isuna ket pinatayna ti bagina.

![](https://cdn.door43.org/obs/jpg/360px/obs-en-39-09.jpg)

Kabigatanna, impan dagiti panguloen iti Judio ni Jesus iti gobernador, a ni Pilato. Ninamnama dagiti tattao nga ukomenna ni Jesus a managbasol ket madusa iti patay. Dinamag ni Pilato ni Jesus, “Sika kadi ti ari dagiti Judio?”

![](https://cdn.door43.org/obs/jpg/360px/obs-en-39-10.jpg)

Simmungbat ni Jesus ket kinunana, “Kusto ta imbagam, ngem ti pagariak ket saan a kas iti pagarian dituy lubong. Ta no kasta koma ket makilaban dagiti adipen ko a mangisakit kanyak. Immayak ditoy lubong tapno iwaragawagko ti kinapudno a maipanggep iti Dios. Dumngeg ken agtulnog kaniak ti siasinoman a mangayat iti kinapudno .” Kinuna ni Pilato, “Ania aya ti kinapudno?”

![](https://cdn.door43.org/obs/jpg/360px/obs-en-39-11.jpg)

Rimmuar ni Pilato kalpasanna a makasarita ni Jesus. Napan ni Pilato kadagiti tattao, kinunana, “Awan ti makitak a nagbasolan daytoy a tao.” Nupay kasta, impukkaw dagiti panguloen iti Judio ken dagiti tattao, “Ilansa isuna iti krus!” Simmungbat ni Pilato, “Saan a nagbasol daytoy a tao.” Impigpigsa pay dagiti tattao ti nagpukkaw. Imbaga manen ni Pilato iti maikatlo a daras, “Saan a nagbasol daytoy a tao!”

![](https://cdn.door43.org/obs/jpg/360px/obs-en-39-12.jpg)

Nagbuteng ni Pilato ta amangan no aggulo dagiti tattao no saanna nga ited ti kayatda. Gapu iti daytoy immannugot ni Pilato nga ilansa dagiti soldado na ni Jesus iti krus. Sinapsaplitan dagiti soldado a taga Roma ni Jesus. Binadoanda isuna iti kawes iti ari ken kinoronaanda pay isuna iti siit. Kalpasanna, linaisda isuna a kunkunada, “Kitaenyo ti Ari dagiti Judio!”

*Istorya iti Biblia manipud: Mateo 26:57-27:26; Marcos 14:53-15:15; Lucas 22:54-23:25; Juan 18:12-19:16*

## 40. Nailansa iti Krus ni Jesus

https://openbiblestories.org/l/ilo/story-40/

![](https://cdn.door43.org/obs/jpg/360px/obs-en-40-01.jpg)

Kalpasan a linais dagiti soldado ni Jesus, intugotda isuna tapno ilansada iti krus. Impabaklayda kenkuana ti krus nga isunto ti pakatayanna.

![](https://cdn.door43.org/obs/jpg/360px/obs-en-40-02.jpg)

Impan dagiti soldado ni Jesus iti lugar a maawagan iti, “Banga-banga”. Iti dayta a lugar, inlansada dagiti ima ken saka ni Jesus iti krus. Uray no kasta, kinuna ni Jesus, “Ama, pakawanem ida ta saanda ammo ti ar-aramidenda.” Imbilin ni Pilate nga ikabil dagiti soldado daytoy a sao iti maysa a pagsuratan, “Ari dagiti Judio”. Imbilinna pay nga ikabilda daytoy idiay ngatoen iti ulo ni Jesus idiay krus.

![](https://cdn.door43.org/obs/jpg/360px/obs-en-40-03.jpg)

Pinagpipinnostaan dagiti soldado ti bado ni Jesus. Idi inaramidda daytoy, tinungpalda ti naipadto a, “Pagbibingayandanto dagiti pagan-anayko ken pagpipinnostaanda iti badok”.

![](https://cdn.door43.org/obs/jpg/360px/obs-en-40-04.jpg)

Nailansa ni Jesus iti nagbaetan iti dua nga agtatakaw. Linais isuna iti maysa kadagiti agtatakaw ngem kinuna diay maysa, “Awan kadi ti panagbutengmo iti Dios? Nagbasolta, ngem daytoy a tao ket awan nagbasolanna.” Kalpasan daytoy, kinunana kenni Jesus, “Pangngaasim ta laglagipennakto idiay pagariam.” Simmungbat ni Jesus, “Tatta nga aldaw, makadwakanto idiay paraiso.”

![](https://cdn.door43.org/obs/jpg/360px/obs-en-40-05.jpg)

Linais dagiti panguloen iti Judio ken dagiti dadduma a tattao ni Jesus. Kinunada kenkuana “No pudno a sika ti Anak iti Dios, bumabaka ngarud dita krus ket isalakanmo ta bagim! Iti kasta mamati kaminto kenka.”

![](https://cdn.door43.org/obs/jpg/360px/obs-en-40-06.jpg)

Kalpasanna, simmipnget ti tangatang iti dayta a lugar uray no katengngaan idi iti aldaw. Nagtalinaed a nasipnget iti tallo nga oras.

![](https://cdn.door43.org/obs/jpg/360px/obs-en-40-07.jpg)

Nagpukkaw ni Jesus ket kinunana, “Natungpalen! Ama, italekkon ti espirituk kenka.” Kalpasan daytoy, indumognan ti ulona ket intaleknan ti espirituna iti Dios. Naggingined idi natay ni Jesus. Napigis ti dakkel a kurtina idiay templo. Daytoy a kurtina ti mangisinsina kadagiti tattao manipud iti presensia iti Dios. Napigis daytoy manipud iti ngato agingga iti baba.

![](https://cdn.door43.org/obs/jpg/360px/obs-en-40-08.jpg)

Gapu iti ipapatayna, nangaramid ni Jesus iti wagas tapno makaasideg dagiti tattao iti Dios. Nakita iti soldado nga agbanbantay ken ni Jesus dagiti amin a napasamak, kinunana, “Pudno nga awan basolna daytoy a tao. Isuna ti Anak iti Dios.”

![](https://cdn.door43.org/obs/jpg/360px/obs-en-40-09.jpg)

Dua kadagiti panguloen iti Judio a namati a ni Jesus ti Mesias ti nangkiddaw kenni Pilato nga alaenda ti bagi ni Jesus. Isuda ni Jose ken Nicodemus. Binalkotda ti bagi ni Jesus iti lupot ken inkabilda isuna iti tanem a naaramid manipud iti bato. Kalpasanna, intulidda ti dakkel a bato iti sango iti tanem tapno maserraan daytoy.

*Istorya iti Bibliya manipud: Mateo 27:27-61; Mark 15:16-47; Lucas 23:26-56; Juan 19:17-42*

## 41. Pinagungar iti Dios ni Jesus

https://openbiblestories.org/l/ilo/story-41/

![](https://cdn.door43.org/obs/jpg/360px/obs-en-41-01.jpg)

Kalpasan nga inlansa dagiti soldado ni Jesus, imbaga dagiti saan a mamati kenkuana a panguloen dagiti Judio kenni Pilato, “Imbaga idi dayta ulbod a Jesus nga agungarto kalpasan iti tallo nga aldaw. Masapul nga adda ti mangbantay iti tanemna tapno masigurado a saan a takawen dagiti adalanna ti bagina, ken ibagada a nagungar isuna."

![](https://cdn.door43.org/obs/jpg/360px/obs-en-41-02.jpg)

Kinuna ni Pilato, “Mangayab kayo kadagiti soldado ket siguradoenyo a natalged ti tanem.” Nangikabilda iti selio diay bato nga adda iti ruangan iti tanem. Pinabantayanda ngarud kadagiti soldado ti tanem tapno masiguradoda nga awan ti mangtakaw iti bagina.

![](https://cdn.door43.org/obs/jpg/360px/obs-en-41-03.jpg)

Aldaw iti Panaginana ti sumaruno nga aldaw kalpasan iti pannakaipunpon ni Jesus. Saan a mapalubusan dagiti Judio a mapan idiay tanem iti dayta nga aldaw. Iti sumaruno nga aldaw, nasapa a napan dagiti babbai iti nakaitaneman ni Jesus tapno mangikabilda kadagiti pabanglo iti bagina.

![](https://cdn.door43.org/obs/jpg/360px/obs-en-41-04.jpg)

Kabayatan a mapmapan dagiti babai iti nakaitaneman ni Jesus, kellaat a naggingined iti napigsa. Nagparang ti maysa nga anghel a naggapu idiay langit. Nagraniag unay ti kawesna a kasla kimat. Intulidna ti bato a nakakalub iti ruangan iti tanem ket tinugawanna daytoy. Kasta unay ti buteng dagiti soldado a nakabantay isu a natumbada iti daga.

![](https://cdn.door43.org/obs/jpg/360px/obs-en-41-05.jpg)

Idi nakadanonen dagiti babbai iti tanem, kinuna iti anghel kadakuada, “Saan kayo nga agbuteng. Awanen ditoy ni Jesus ta nagungaren kas iti imbagana a mapasamak. Kitaenyo ti tanem tapno mapaneknekanyo.” Kinita dagiti babbai ti tanem a nakaikabilan iti bagi ni Jesus ngem awanen ti bagina sadiay!

![](https://cdn.door43.org/obs/jpg/360px/obs-en-41-06.jpg)

Kalpasanna, kinuna iti anghel kadagiti babbai, “Mapanyo ibaga kadagiti adalanna, ‘Nagungaren ni Jesus. Umun-unan isuna a mapan idiay Galilea.’"

![](https://cdn.door43.org/obs/jpg/360px/obs-en-41-07.jpg)

Napalalo ti buteng ken rag-o dagiti babbai, nagtarayda a napan nangibaga kadagiti adalan ti naimbag a damag.

![](https://cdn.door43.org/obs/jpg/360px/obs-en-41-08.jpg)

Kabayatan a mapmapan dagiti babbai tapno ibagada ti naimbag a damag kadagiti adalan, nagparang ni Jesus kadakuada ket nagrukbabda kenkuana. Kinuna ni Jesus, “Saankayo nga agbuteng. Mapanyo ibaga kadagiti adalak a mapanda idiay Galilea. Makitadakto idiay.”

*Istorya iti Biblia manipud: Mateo 27:62-28:15; Marcos 16:1-11; Lucas 24:1-12; Juan 20:1-18*

## 42. Ti Panagsubli ni Jesus idiay Langit

https://openbiblestories.org/l/ilo/story-42/

![](https://cdn.door43.org/obs/jpg/360px/obs-en-42-01.jpg)

Iti aldaw a panagungar ni Jesus, adda dua nga adalanna nga agdaldaliasat a mapan iti kabangibang nga ili. Kabayatan iti pannagnada, pagsar-saritaanda ti napasamak kenni Jesus. Ninamnamada a ni Jesus ti Messias ngem natayen isuna. Ibagbaga dagiti babbai a nabiag ni Jesus isu a saanda nga ammo no ania ti patienda.

![](https://cdn.door43.org/obs/jpg/360px/obs-en-42-02.jpg)

Immasideg ni Jesus ket simurot kadakuada ngem saanda a nalasin isuna. Dinamagna no ania ti pagsar-saritaanda. Imbagada kenkuana dagiti amin a nakaskasdaaw a napasamak kenni Jesus kadagiti napalpalabas nga al-aldaw. Impagarupda a makikatkatungtungda iti maysa a gan-ganaet a saan a makaammo iti napasamak idiay Jerusalem.

![](https://cdn.door43.org/obs/jpg/360px/obs-en-42-03.jpg)

Inlawlawag ni Jesus kadakuada ti kuna iti sao iti Dios maipapan iti Messias. Impalagipna kadakuada ti imbaga dagiti profeta nga agsagaba ken matayto ti Messias ngem agungarto met laeng iti maikatlo nga aldaw. Malemen idi nakadanunda iti ili a pagdagusanda.

![](https://cdn.door43.org/obs/jpg/360px/obs-en-42-04.jpg)

Inawis dagiti dua a lallaki ni Jesus a makipagdagus pay laeng kadakuada, isu a simurot isuna. Idi mangrabiida, nangala ni Jesus iti tinapay, nagyaman iti Dios ket pinisina daytoy. Nalasin a dagus dagiti adalanna nga isuna ni Jesus. Ngem iti dayta a gundaway, nagpukaw isuna iti imatangda.

![](https://cdn.door43.org/obs/jpg/360px/obs-en-42-05.jpg)

Kinuna dagiti dua a lallaki, “ni Jesus daydiay! Isu met laeng gayam a nakariknata iti ragsak idi ipalpalawagna ti sao iti Dios!” Nagsublida a dagus idiay Jerusalem ket idi nakadanunda, imbagada kadagiti adalan, “Nabiag ni Jesus nakitami isuna!”

![](https://cdn.door43.org/obs/jpg/360px/obs-en-42-06.jpg)

Kabayatan nga agsar-sarita dagiti adalan, kellaat a nagparang ni Jesus kadakuada iti kuarto nga ayanda. Kinunana, “Kappia koma ti adda kadakayo!” Impagarup dagiti adalan nga al-alya isuna ngem kinunana, “Apay a mabuteng ken kasla saankayo a mamati nga addaak ditoy? Kitaenyo dagiti im-imak ken saksakak. Awan ti bagi dagiti al-alya a kas iti bagik. Tapno mapaneknekanna a saan isuna nga al-alya, dimmawat ni Jesus iti makan. Inikkanda isuna iti naluto nga ikan ket kinnanna.

![](https://cdn.door43.org/obs/jpg/360px/obs-en-42-07.jpg)

Kinuna ni Jesus kadakuada, “Imbagak kadakayo a masapul a matungpal dagiti amin a naisurat iti sao iti Dios a maipapan kaniak.” Inlawlawag ni Jesus ti sao iti Dios kadagiti adalan. Kinunana, “Nabayagen a naisurat nga agsagaba, matay ken agungar ti Messias iti maikatlo nga aldaw.”

![](https://cdn.door43.org/obs/jpg/360px/obs-en-42-08.jpg)

“Naisurat iti sao iti Dios nga iwaragawagto dagiti adalak kadagiti amin a tattao a masapul nga agbabawida, tapno maawatda ti pannakapakawan dagiti amin a basbasolda. Aramidendanto daytoy manipud idiay Jerusalem. Mapan danto met kadagiti amin a puli iti tattao. Dakayo ti saksi a makaammo kadagitoy a banbanag a napasamak.”

![](https://cdn.door43.org/obs/jpg/360px/obs-en-42-09.jpg)

Namin-adu a nagparang ni Jesus kadagiti adalanna kabayatan iti simmaruno nga uppat a pulo nga aldaw. Iti maminsan, nagparang isuna iti naminpinsan kadagiti nasurok a limagasut a tattao. Pinaneknekanna kadagiti adalanna iti adu a wagas a sibibiag isuna. Insurona dagiti banbanag maipapan iti pagarian iti Dios.

![](https://cdn.door43.org/obs/jpg/360px/obs-en-42-10.jpg)

Kinuna ni Jesus kadagiti adalanna, “Inted kaniak iti Dios ti amin a pannakabalin idiay langit ken ditoy daga. Mapan kayo, mangisuro kayo kadagiti amin a puli iti tattao tapno agbalinda nga adalak. Bautisaranyo ida iti nagan iti Ama iti Anak ken iti Espiritu Santo. Suroanyo ida nga agtulnog kadagiti amin nga imbilinko kadakayo. Laglagipenyo nga addaak a kankanayon kadakayo.”

![](https://cdn.door43.org/obs/jpg/360px/obs-en-42-11.jpg)

Kalpasan iti uppat a pulo nga aldaw idi nagungar ni Jesus, kinunana kadagiti adalanna, “Agtalinaed kayo idiay Jerusalem agingga nga ited iti Dios Ama kadakayo ti pannakabalin babaen iti Espiritu Santo.” Kalpasanna, nagpangatu ni Jesus idiay langit. Linengdan isuna dagiti ulep. Nagtugaw ni Jesus iti makannawan iti Dios tapno agturay iti lubong.

*Istorya iti Biblia manipud:  Mateo 28:16-20; Marcos 16:12-20; Lucas 24:13-53; Juan 20:19-23; Aramid 1:1-11*

## 43. Ti Panagrugi iti Iglesia

https://openbiblestories.org/l/ilo/story-43/

![](https://cdn.door43.org/obs/jpg/360px/obs-en-43-01.jpg)

Kalpasan a nagsubli ni Jesus idiay langit, nagtalinaed dagiti adalanna idiay Jerusalem kas imbilinna kadakuada. Kanayon nga aguummong dagiti namati tapno agkararag.

![](https://cdn.door43.org/obs/jpg/360px/obs-en-43-02.jpg)

Kada tawen, limapulo nga aldaw kalpasan iti Ilalabas, ramrambakan dagiti Judio ti napateg nga aldaw a maaw-awagan iti Pentecostes. Ti Pentecostes ket ti panawen a panangrambak dagiti Judio iti pannakaapit dagiti trigo. Mapmapan idiay Jerusalem dagiti Judio a naggapu iti nadumaduma a lugar iti lubong tapno agmaymaysada a mangrambak iti aldaw iti Pentecostes. Ti aldaw Pentecostes iti daytoy a tawen ket maysa a lawas kalpasan iti panagsubli ni Jesus idiay langit.

![](https://cdn.door43.org/obs/jpg/360px/obs-en-43-03.jpg)

Kabayatan a naguummong dagiti namati, kellaat a napunno ti ayanda a balay iti ungor a kasla napigsa nga angin. Kalpasanna, nagparang ti kasla apuy iti ngatoen iti ulo dagiti amin a namati. Binendisionan ida iti Espiritu Santo ket nangrugida a nagsao kadagiti dadduma a pagsasao.

![](https://cdn.door43.org/obs/jpg/360px/obs-en-43-04.jpg)

Idi nangngeg dagiti tattao idiay Jerusalem ti ringgor, immay dagiti adu a bungoy iti tattao tapno kitaenda no ania ti mapaspasamak. Idi nangngeg dagiti tattao ti ibagbaga dagiti namati maipapan kadagiti nakaskasdaaw nga inar-amid iti Dios, nasdaawda ta nangngegda dagitoy a banbanag manipud iti bukodda a pagsasao.

![](https://cdn.door43.org/obs/jpg/360px/obs-en-43-05.jpg)

Impagarup dagiti dadduma a tattao a nabartek dagiti adalan. Timmakder ni Pedro ket kinunana kadakuada, “Dumngegkayo kaniak! Saan a nabartek dagitoy a tattao! Daytoy ti pannakatungpal iti padto nga imbaga ni profeta a Joel maipapan iti imbaga iti Dios, “Bendisionan kayo babaen iti Espirituk sakbay nga aggibus ti lubong.”

![](https://cdn.door43.org/obs/jpg/360px/obs-en-43-06.jpg)

“Kadagiti padak nga Israelita dumngeg kayo! Ni Jesus ket maysa a tao a nangaramid kadagiti adu a nabibileg a pagilasinan ken pagsiddaawan babaen iti pannakabalin iti Dios. Nakita ken ammoyo daytoy ngem inlansayo isuna iti krus!”

![](https://cdn.door43.org/obs/jpg/360px/obs-en-43-07.jpg)

"Noman pay natay ni Jesus, pinagungar isuna iti Dios. Daytoy ti pannakatungpal iti naipadtu, ‘Saanmo nga ipalubos nga agrupsa ti Nasantoan nga Adipenmo iti tanem.’ Dakami ti saksi iti kinapudno a panagpagungar iti Dios kenni Jesus."

![](https://cdn.door43.org/obs/jpg/360px/obs-en-43-08.jpg)

“Tatta naitan-ok ni Jesus iti makannawan iti Dios Ama. Imbaon ni Jesus ti Espiritu Santo kas inkarina. Ti Espiritu Santo ti mangar-aramid kadagiti banbanag a makitkita ken mangmangngegyo ita.”

![](https://cdn.door43.org/obs/jpg/360px/obs-en-43-09.jpg)

“Inlansayo iti krus daytoy a tao, ni Jesus. Nalawag nga ammoyo a pinagbalin iti Dios ni Jesus nga Apo ken Messias!”

![](https://cdn.door43.org/obs/jpg/360px/obs-en-43-10.jpg)

Kasta unay ti pannakatignay iti puso dagiti tattao a dumdumngeg kenni Pedro gapu kadagiti imbagana. Gapu iti daytoy, dinamagda kenni Pedro ken kadagiti adalan “Kakabsat, ania ngarud ti nasken nga aramidenmi?”

![](https://cdn.door43.org/obs/jpg/360px/obs-en-43-11.jpg)

Simmungbat ni Pedro kadakuada ket kinunana, “Masapul nga agbabawi ti tunggal maysa kadakayo, mabautisaran babaen iti nagan ni Jesu-Cristo tapno pakawanen iti Dios dagiti basbasolyo. Kalpasanna, itednanto kadakayo ti bendision iti Espiritu Santo.”

![](https://cdn.door43.org/obs/jpg/360px/obs-en-43-12.jpg)

Namati ti agarup 3000 a tattao iti imbaga ni Pedro ken nagbalinda nga adalan ni Jesus. Nabautisaranda ken naibilangda kadagiti namati idiay Jerusalem.

![](https://cdn.door43.org/obs/jpg/360px/obs-en-43-13.jpg)

Nagtultuloy dagiti adalan a dimngeg kadagiti sursuro dagiti apostol, inusarda ti panawenda tapno agtitiponda. Nagkakaduada a nangan ken nagkarkararag. Rinagragsakda ti panagkakaduada a nagdaydayaw iti Dios. Imbingayda kadagiti kakaduada dagiti amin a sanikuada. Nasayaat ti nagbalin a pakadamagan iti tunggal maysa kadakuada. Inaldaw nga adu ti mainaynayon a namati.

*Istorya iti Biblia manipud: Aramid 2*

## 44. Pinaimbag ni Pedro ken ni Juan ti Agpalpalama

https://openbiblestories.org/l/ilo/story-44/

![](https://cdn.door43.org/obs/jpg/360px/obs-en-44-01.jpg)

Iti maysa nga aldaw, magmagna ni Pedro ken ni Juan nga mapan idiay templo. Idi sumungsungadda iti ruangan iti templo, nakitada ti maysa a pilay a lalaki nga agpalpalama.

![](https://cdn.door43.org/obs/jpg/360px/obs-en-44-02.jpg)

Kimmita ni Pedro iti lalaki ket kinunana, “Awan ti kuarta a maitedko kenka ngem itedko ti banag nga adda kaniak. Iti nagan ni Jesus, tumakderka ket magnaka!”

![](https://cdn.door43.org/obs/jpg/360px/obs-en-44-03.jpg)

Dagus a pinaimbag iti Dios ti pilay a lalaki. Rinuggianna ti nagna ken naglagto-lagto ken dinaydayawna ti Dios. Nasdaaw dagiti tattao nga ada iti arubayan iti templo.

![](https://cdn.door43.org/obs/jpg/360px/obs-en-44-04.jpg)

Napan a dagus dagiti tattao tapno makitada no siasino diay tao a napaimbag. Kinuna ni Pedro kadakuada, “Apay a masdaawkayo iti pannakapaimbag daytoy a tao? Saanmi a pinaimbag isuna babaen iti bukodmi a pannakabalin wenno kinaimbag. Ti pannakabalin ni Jesus ken ti pammati nga intedna ti nangpaimbag iti daytoy a tao.”

![](https://cdn.door43.org/obs/jpg/360px/obs-en-44-05.jpg)

“Dakayo ti nangibaga iti gobernador tapno matay ni Jesus. Pinatayyo ti nagtaudan iti biag! ngem pinagungar isuna iti Dios. Noman pay saanyo a naawatan dagiti inar-aramidyo, inaramat iti Dios dagiti aramidyo tapno matungpal dagiti padto nga agsagaba ken matayto ti Messias. Isu nga ita, agbabawi ken agtulnog kayo iti Dios tapno maugasan dagiti basbasolyo.”

![](https://cdn.door43.org/obs/jpg/360px/obs-en-44-06.jpg)

Kasta unay ti pungtot dagiti panguloen iti templo iti imbaga ni Pedro ken ni Juan. Tiniliwda isuda ken impanda iti pagbaludan. Adu kadagiti tattao ti namati iti mensahe ni Pedro. Immadu agingga a nagbalin nga aggarup limaribu dagiti lallaki a namati kenni Jesus.

![](https://cdn.door43.org/obs/jpg/360px/obs-en-44-07.jpg)

Iti simmaruno nga aldaw, impan dagiti panguloen dagiti Judio ni Pedro ken ni Juan iti kangatoan a padi, ken kadagiti panguloen iti relihion. Sinaludsodda ken ni Pedro ken ni Juan, “Kasano a napaimbagyo daytoy pilay a tao?"Ania a pannakabalin ti inusaryo?

![](https://cdn.door43.org/obs/jpg/360px/obs-en-44-08.jpg)

Simmungbat ni Pedro kadakuada ket kinunana, “Immimbag daytoy a lalaki babaen iti pannakabalin ni Jesus a Messias. Inlansayo ni Jesus iti krus ngem pinagungar isuna iti Dios! Linaksidyo isuna ngem awanen iti sabali pay a wagas a pakaisalakanan malaksid iti pannakabalin ni Jesus!”

![](https://cdn.door43.org/obs/jpg/360px/obs-en-44-09.jpg)

Nasdaaw dagiti panguloen kenni Pedro ken ni Juan agsipud ta situturedda a nagsao. Ammoda a gagangay dagitoy a lallaki ken saanda a nakaadal ngem malagipda a nakikadkadua dagitoy a lallaki kenni Jesus. Kalpasan a binutbutengda ni Pedro ken ni Juan, pinalubosanda ida.

*Istorya iti Biblia manipud:  Aramid 3:1-4:22*

## 45. Ni Esteban ken ni Felipe

https://openbiblestories.org/l/ilo/story-45/

![](https://cdn.door43.org/obs/jpg/360px/obs-en-45-01.jpg)

Maysa kadagiti panguloen ti immuna nga Iglesia ket ni Esteban. Nasayaat ti kababalinna, napnoan pay isuna ti pannakabalin ti Espiritu Santo a mangmangted ti kinasirib kenkuana. nangaramid isuna ti adu a milagro. Makapaawis ti panangisuro ni Esteban a masapul a mamati dagiti tattao kenni Jesus.

![](https://cdn.door43.org/obs/jpg/360px/obs-en-45-02.jpg)

Maysa nga aldaw, bayat ti panangisuro ni Esteban maipapan kenni Jesus, adda dagiti Judio a nakisupiat kenkuana, saan a mamati dagitoy kenni Jesus. Nakaungetda kenni Esteban ket gapu ditoy, nagulbodda kadagiti panguloen ti relihiyon ket kinunada a,"Nangngegmi nga agsasao daytoy a tao ti dakes a banbanag a maibusor kenni Moises ken iti Dios!" Isunga impatiliw dagiti panguloen ti relihion ni Esteban. Impanda isuna idiay ayan ti kangatoan a padi ken dadduma pay a pang-panguloen ti Judio. Adu pay ti ulbod a saksi ti napan idiay tapno mangibaga ti kinaulbod maipapan kenni Esteban.

![](https://cdn.door43.org/obs/jpg/360px/obs-en-45-03.jpg)

Sinaludsod ti kangatoan a padi ni Esteban, “Pudno kadi dagiti imbagada maipapan kenka?” Simmungbat ni Esteban babaen iti panangpalagipna kadagiti naiimbag a banbanag nga inaramid ti Dios manipud idi tiempo ni Abraham agingga iti tiempo ni Jesus. Impalagipna met no kasano ti agtultuloy a panangsukir dagiti tattao ti Dios kenkuana. Kalpasanna daytoy ket kinunana, “Dakayo a saan a dumdumngeg ken managrebelde a tattao, kankanayonyo a sukiren ti Espiritu Santo. Kasta met ti inaramid dagiti kapuonanyo, saanda laeng a sinukir ti Dios no di ket pinatayda pay dagiti profeta. Nakarkaro pay ketdi ti basol nga inaramidyo! Pinatayyo ti Mesias."

![](https://cdn.door43.org/obs/jpg/360px/obs-en-45-04.jpg)

Idi nangngeg dagiti panguloen ti relihion dagiti imbagana, inabbunganda dagiti laplapayagda gapu iti ungetda. Nagpukkawda ti napigsa ken ginuyodda ni Esteban iti ruar ti siudad tapno patayenda babaen iti panangbato kenkuana.

![](https://cdn.door43.org/obs/jpg/360px/obs-en-45-05.jpg)

Nagpukkaw ni Esteban sakbay a matay isuna, kinunana, “Jesus, awatemon daytoy Espirituk.” Kalpasanna, nagparintumeng isuna ken nagppukaw manen, “Apo, saanmo kadi nga ibilang a basolda daytoy nga ar-aramidenda kaniak." Kalpasan daytoy ket natayen isuna.

![](https://cdn.door43.org/obs/jpg/360px/obs-en-45-06.jpg)

Adda maysa a lalaki nga agnagan ti Saulo, immanamong isuna kadagiti tattao a nangpapatay kenni Esteban. binantayanna pay dagiti pagan-anayda kabayatan a bat-batoenda ni Esteban. Iti dayta nga aldaw, adu dagiti tattao idiay Jerusalem ti nangparparigat kadagiti tattao a namati kenni Jesus isunga pimmanaw dagiti namati ket napanda kadagiti naduma-duma a lugar. Nu man pay kasta, intultuloy dagiti namati a nangasaba iti maipapan kenni Jesus sadinno man ti papananda.

![](https://cdn.door43.org/obs/jpg/360px/obs-en-45-07.jpg)

Gapu iti pannakaparparigat kadakuada. Pimmanaw ti maysa kadagiti namati, ni Felipe nga adalan ni Jesus. Napan isuna idiay Samaria ken inkasabana dagiti banbanag maipapan kenni Jesus sadiay, adu ti naisalakan a tattao gapu ti panangasabana. Maysa nga aldaw, imbaga ti anghel ti Dios kenni Felipe a mapan iti maysa a dalan idiay let-ang. Bayat ti pannagnana iti dalan ti let-ang, nakita ni Felipe ti maysa a nangato nga opisial manipud idiay Etiopia a nakalugan iti maysa a karwahe. Imbaga ti Espiritu Santo kenni Felipe a katungtongen daytoy a tao.

![](https://cdn.door43.org/obs/jpg/360px/obs-en-45-08.jpg)

Idi immasideg ni Felipe iti karwahe, nangngegna a basbasaen ti opisial a taga Etiopia ti insurat ni profeta nga Isaias. kunana, “Impanda isuna a kas maysa a karnero a mapapatay. kas maysa a karnero a naulimek, saan isuna pulos a nagsasao. Nakaro ti panangparigatda kenkuanda. Saanda a rinaem ken Pinatayda pay isuna.”

![](https://cdn.door43.org/obs/jpg/360px/obs-en-45-09.jpg)

Sinaludsod ni Felipe ti opisial, “Matarusam kadi dayta basbasaem?” Simmungbat ti taga Etiopia, “Saanko matarusan daytoy malaksid no adda ti mangilawlawag kaniak. Umayka ta agtugawka ti abayko. Ni Isaias kadi ti ibagbagana ditoy suratna wenno sabali?"

![](https://cdn.door43.org/obs/jpg/360px/obs-en-45-10.jpg)

Impalawag ni Felipe iti opisial a ti insurat ni Isaias ket maipapan kenni Jesus. Nangaramat met ni Felipe kadagiti dadduma a naisurat a sao ti Dios tapno maibagana ti Naimbag a Damag maipapan kenni Jesus.

![](https://cdn.door43.org/obs/jpg/360px/obs-en-45-11.jpg)

Bayat iti panagdaliasat ni Felipe ken ti opisial a taga Etiopia, nakakitada ti maysa a dan-aw. Imbaga ti taga Etiopia, “Kitaem! Adda ti dan-aw! Mabalinak kadi a bautisaran?” Insardengda ti karwahe.

![](https://cdn.door43.org/obs/jpg/360px/obs-en-45-12.jpg)

Napanda iti ayan ti dan-aw ket binautisaran ni Felipe ti opisial a taga Etiopia. Kalpasan a simmang-atda manipud iti dan-aw, Impanaw a dagus ti Espiritu Santo ni Felipe ket impanna iti sabali a lugar. Intultuloyna idiay ti panangasabana kadagiti tattao ti maipapan kenni Jesus.

![](https://cdn.door43.org/obs/jpg/360px/obs-en-45-13.jpg)

Nagtultuloy met a nagdaliasat ti opisial a taga Etiopia paawid idiay ayanda. Naragsak isuna ta naam-ammona ni Jesus.

*Istorya ti Biblia manipud: Dagiti Aramid 6:8-8:5;8:26-40*

## 46. Nagbalin a Kristiano ni Pablo

https://openbiblestories.org/l/ilo/story-46/

![](https://cdn.door43.org/obs/jpg/360px/obs-en-46-01.jpg)

Ni Saulo ket isu ti baro a nangbantay kadigiti pagan-anay dagiti lallaki a nangpatay ken ni Esteban. Saan a namati isuna ken ni Jesus. Gapu iti dayta, pinarigatna dagiti namati kenni Jesus. Napan isuna kadagiti balbalay idiay Jerusalem tapno tiliwen ken ipakulongna dagiti namati, babai man wenno lalaki. Pinalubosan isuna iti kangatoan a padi a mapan idiay Damasco tapno tiliwenna dagiti amin a Kristiano idiay ken isublina ida idiay Jerusalem.

![](https://cdn.door43.org/obs/jpg/360px/obs-en-46-02.jpg)

Bayat ti panagdaliasat ni Saulo nga apan idiay Damasco, adda nalawag a silaw a naggapu idiay langit. Linawagan daytoy a silaw ti aglawlawna. Natumba ni Saulo. Adda nangngegna a timek a nagkuna, “Saulo! Saulo! Apay ta parparigatannak?” Sinaludsod ni Saulo, "Sino ka, Apo?” Simmungbat ni Jesus kenkuana, “Siak ni Jesus a parparigatem.”

![](https://cdn.door43.org/obs/jpg/360px/obs-en-46-03.jpg)

Saanen a makakita ni Saulo idi bimmangon daytoy. Kinadduaan isuna dagiti gagayyemna a napan idiay Damasco. Tallo nga aldaw a saan a nangnangan ken immin-inum ni Saulo.

![](https://cdn.door43.org/obs/jpg/360px/obs-en-46-04.jpg)

Adda maysa nga adalan idiay Damasco nga agnagan iti Ananias. Imbaga iti Dios kenkuana, “Mapanka iti balay a pagnanaedan ni Saulo. Ipataymo dagita imam kenkuana tapno makakita manen isuna.” Ngem kinuna ni Ananias, “Apo, nadamagko no kasano ti panangparigat daytoy a lalaki kadagiti namati.” Simmungbat ti Dios, “Mapanka! Pinilik isuna a mangisuro iti maipapan kanyak kadagiti Judio ken kadagiti dadduma a puli ti tattao. Adu a banag ti sagabaenna para Kaniak.”

![](https://cdn.door43.org/obs/jpg/360px/obs-en-46-05.jpg)

Napan ngarud ni Ananias iti ayan ni Saulo. Impatayna dagiti imana kenkuana ket kinunana “Imbaunnak ni Jesus a nagparang kenka idiay dalan nga agturong ditoy, tapno maisubli ti panagkitam ken maikkanka ti pannakabalin babaen iti Espiritu Santo.” Dagus a nakakita manen ni Saulo. Binautisaran isuna ni Ananias. Kalpasanna, nangan ni Saulo ket nagsubli ti pigsana.

![](https://cdn.door43.org/obs/jpg/360px/obs-en-46-06.jpg)

Dagus a nangrugin a mangasaba ni Saulo kadagiti Judio idiay Damascus. Ibagbagana, “Ni Jesus ti Anak ti Dios!” Nasdaaw dagiti Judio ta namati metten kenni Jesus ti tao a mangparparigat kadagiti namati idi. Nangasaba ni Saulo kadagiti Judio, pinaneknekanna a ni Jesus ti Mesias.

![](https://cdn.door43.org/obs/jpg/360px/obs-en-46-07.jpg)

Kalpasan iti adu nga aldaw, pinanggep dagiti Judio a patayen ni Saulo. Nangibaonda kadagiti tattao ti mangsiput kenkuana iti ruangan ti siudad tapno patayenda isuna. Naammoan ni Saulo iti panggep dagiti Judio a mangpapatay kenkuana, tinulungan isuna dagiti gagayyemna a makalibas. Maysa a rabii, inkargada ni Saulo iti maysa a basket sada imbaba iti pader ti siudad. Kalpasan a nakalibas ni Saulo idiay Damasco, intultuloyna ti nangasaba maipapan ken ni Jesus.

![](https://cdn.door43.org/obs/jpg/360px/obs-en-46-08.jpg)

Napan sinarak ni Saulo dagiti adalan idiay Jerusalem. Nagbuteng dagiti adalan kenni Saul. Impan ni Barnabas ni Saulo kadagiti apostol. Maysa a namati ni Barnabas. Imbagana kadagiti apostol no kasano a situtured a nangasaba ni Saulo idiay Damasco. Kalpasan daytoy, inawaten dagiti adalan ni Saulo.

![](https://cdn.door43.org/obs/jpg/360px/obs-en-46-09.jpg)

Nakadanon ti siudad ti Antioch dagiti dadduma a namati a naparigat idiay Jerusalem. Intultuloyda ti nangaskasaba iti maipapan kenni Jesus iti dayta a lugar. Kaadwan kadagiti tattao idiay Antioch ket saan a Judio, uray no kasta, iti umuna a gundaway ket nagadu kadakuada ti nagbalin a namati. Napanda Barnabas ken ni Saulo idiay. Nangisuroda kadagiti barbaro a namati ti ad-adu pay a banag a maipapan kenni Jesus tapno mapabilegda ti iglesia idiay. Umuna a naawagan dagiti namati a “Kristiano" idiay Antioch.

![](https://cdn.door43.org/obs/jpg/360px/obs-en-46-10.jpg)

Maysa nga aldaw, kabayatan ti panagayunar ken panagkararag dagiti Kristiano idiay Antioch, imbaga ti Espiritu Santo kadakuada nga, “Ibaonyoda Barnabas ken Saulo ta rugiandan ti panagserbi a nangayabak kadakuada.” Inkararagan dagiti namati idiay kapilya ti Antioch da Barnabas ken Saulo. Impatayda dagiti imada kadakuada. Kalpasan daytoy, imbaonda ida a mapan kadagiti dadduma a luglugar tapno ikasabada ti naimbag a damag a maipapan kenni Jesus. Insuroda Barnabas ken Saulo dagiti tattao manipud iti naduma-duma a puli ti tattao. Adu a tattao ti namati kenni Jesus.

*Istorya iti Biblia manipud: Dagiti Aramid 8:3; 9:1-31; 11:19-26; 13:1-3*

## 47. Ni Pablo ken Silas idiay Filipos

https://openbiblestories.org/l/ilo/story-47/

![](https://cdn.door43.org/obs/jpg/360px/obs-en-47-01.jpg)

Iti panagdalyasat ni Saul iti pagarian iti Roma, inusarna ti naganna a Romano a “Pablo”. Maysa nga aldaw, napan ni Pablo ken ti gayyemna a ni Silas idiay ili iti Filipos tapno iwaragawagda ti naimbag a damag maipapan kenni Jesus. Napanda iti igid iti karayan a pagrukrukbaban dagiti tattao idiay ruar iti siudad. Naam-ammuda sadiay ti maysa nga agtagtagilako a babai nga agnagan iti Lydia. Ay-ayaten ken daydayawenna ti Dios.

![](https://cdn.door43.org/obs/jpg/360px/obs-en-47-02.jpg)

Tinulungan iti Dios ni Lydia tapno mamati isuna iti mensahe a maipapan kenni Jesus. Nagpabautisar isuna ken ti pamiliana. Inawis ni Lydia ni Pablo ken ni Silas nga agtalinaedda paylaeng idiay balayna. Nakipagnaed ngarud ni Pablo ken ni Silas iti pamilia ni Lydia.

![](https://cdn.door43.org/obs/jpg/360px/obs-en-47-03.jpg)

Kankanayon a makisinsinnarak ni Pablo ken ni Silas kadagiti tattao iti lugar a pagkarkararaganda. Iti inaldaw a panpannagnada, adda sumursurot kadakuada a maysa nga adipen a babai a linuganan iti demonyo. Kabaelan daytoy a babai ti mangipadto iti masakbayan babaen iti demonyo isu a dakkel ti kuarta a mabirbirukan iti amona.

![](https://cdn.door43.org/obs/jpg/360px/obs-en-47-04.jpg)

Tunggal lumabasda, kankanayon nga ipukpukkaw iti babai nga adipen ti, “Agserserbi dagitoy iti Kangatoan a Dios. Ibagbagada kadakayo ti wagas tapno maisalakankayo!” Ibagbagana a kanayon daytoy isu a nauma ni Pablo kenkuana.

![](https://cdn.door43.org/obs/jpg/360px/obs-en-47-05.jpg)

Kamaudiananna, iti maysa nga aldaw idi ruggian iti adipen a babai ti agpukkaw, sinango ni Pablo daytoy ket kinunana iti demonyo nga adda iti babai, “Iti nagan ni Jesus! Rumuarka kenkuana.” Pimmanaw a dagus ti demonyo iti bagi iti adipen a babai.

![](https://cdn.door43.org/obs/jpg/360px/obs-en-47-06.jpg)

Kasta unay ti pungtot iti lalaki nga amo iti adipen a babai! Naamirisda a no awan ti demonyo, saan a kabaelan iti babai a mangipadto iti masakbayan dagiti tattao. Kayatna a sawen, saan metten nga agbayad dagiti tattao iti amo iti babai gapu iti pannakaipadto iti mapasamak kadakuada.

![](https://cdn.door43.org/obs/jpg/360px/obs-en-47-07.jpg)

Gapu iti dayta, impan dagiti amo iti adipen a babai ni Pablo ken ni Silas kadagiti agturturay idiay Roma. Dinangranda ida ken inkabilda iti pagbaludan.

![](https://cdn.door43.org/obs/jpg/360px/obs-en-47-08.jpg)

Inserrekda ni Pablo ken ni Silas iti katatalgedan a pagbaludan ken inkawarda pay dagiti saksakada. Idi katengngaan iti rabii, nagkankantada kadagiti pammadayaw iti Dios.

![](https://cdn.door43.org/obs/jpg/360px/obs-en-47-09.jpg)

Kellaat a nagginggined iti napigsa! Naglukat dagiti amin a ruangan iti pagbaludan ket naikkat dagiti kawar dagiti amin a balud.

![](https://cdn.door43.org/obs/jpg/360px/obs-en-47-10.jpg)

Idi nakariing ti guardia, nakitana a nakalukat ti ruangan dagiti pagbaludan, kasta unay ti danagna! Impagarupna a nakalibas dagiti amin a balud isu a pinanggepna a patayen ti bagina. (Ammona a patayen isuna dagiti opisial iti Roma no makalibas dagiti balud). Nakita ni Pablo isuna ket pinukkawanna, “Isardengmo dayta! Saanmo a dangran ta bagim. Adda kami amin ditoy.”

![](https://cdn.door43.org/obs/jpg/360px/obs-en-47-11.jpg)

Agtigtigerger ti guwardia a napan iti ayan ni Pablo ken ni Silas ket sinaludsodna, “Ania ti rumbeng nga aramidek tapno maisalakanak?” Simmungbat ni Pablo ket kinunana, “Mamatika kenni Apo Jesus ket maisalakanka ken ti pamiliam.” Kalpasan daytoy, intugot iti guwardia ni Pablo ken ni Silas idiay balayna ket inugasanna dagiti sugsugatda. Inkasaba ni Pablo ti naimbag a damag maipapan kenni Jesus iti amin nga adda idiay balayda.

![](https://cdn.door43.org/obs/jpg/360px/obs-en-47-12.jpg)

Namati ti guwardia ken ti pamiliana kenni Jesus ket nabautisaranda. Nangted ti guwardia iti makan kenni Pablo ken ni Silas ket nagrag-oda amin.

![](https://cdn.door43.org/obs/jpg/360px/obs-en-47-13.jpg)

Kabigatanna, pinalubosan dagiti panguloen iti siudad ni Pablo ken ni Silas manipud iti pagbaludan. Kiniddawda kadakuada a pumanawdan idiay Filipos. Sinarungkaranda ni Lydia ken dagiti daduma pay a gagayyemda iti dayta a siudad sakbayda a pimmanaw. Nagtultuloy a naiwaras ti naimbag a damag a maipapan kenni Jesus. Nagtultuloy met nga immadu dagiti namati ken Cristo.

![](https://cdn.door43.org/obs/jpg/360px/obs-en-47-14.jpg)

Nagdalyasat ni Pablo ken dagiti dadduma a panguloen a Kristiano kadagiti adu a siudad. Inkasaba ken insuroda kadagiti tattao ti naimbag a damag maipapan kenni Jesus. Nagaramidda iti adu a surat tapno mapabileg ken masuroan dagiti namati kadagiti kapilya. Nagbalin a paset iti Biblia ti dadduma kadagitoy.

*Istorya iti Biblia manipud:  Aramid  16:11-40*

## 48. Ni Jesus Ti Naikari A Mesias

https://openbiblestories.org/l/ilo/story-48/

![](https://cdn.door43.org/obs/jpg/360px/obs-en-48-01.jpg)

Idi pinarsua iti Dios ti lubong, naan-anay dagiti amin a banbanag. Awan ti basol. Agin-innayat ni Adam ken ni Eba ken ay-ayatenda iti Dios. Awan ti saksakit ken ipapatay. Daytoy ti wagas a kayat iti Dios a mapasamak iti lubong.

![](https://cdn.door43.org/obs/jpg/360px/obs-en-48-02.jpg)

Nakisarita ni Satanas ken ni Eba babaen iti uleg idiay minuyungan iti Eden tapno allilawenna isuna. Nagbasol ni Adan kenEba iti Dios. Gapu iti daytoy, naadda iti sakit ken ipapatay kadagiti tattao ditoy lubong.

![](https://cdn.door43.org/obs/jpg/360px/obs-en-48-03.jpg)

Gapu ta nagbasol ni Adan ken Eba, kimmaro dagiti kasasaad dagiti tattao. Kinagura idan iti Dios. Kas supapakna, naiyanak amin a tao a managbasol ken kabusor iti Dios. Gapu iti basol, naisina ti tao iti Dios ngem pinanggepna a maisubli dayta a langenlangen.

![](https://cdn.door43.org/obs/jpg/360px/obs-en-48-04.jpg)

Inkari iti Dios a maysanto kadagiti kaputotan ni Eba ti mangrim-it iti ulo ni Satanas, ngem sugatento ni Satanas ti mukodna. Kayatna a sawen, papatayento ni Satanas ti Mesias ngem pagungarento iti Dios. Parmekento iti Mesias ti pannakabalin ni Satanas iti agnanayon. Kalpasan iti adu a tawen, impakita iti Dios a ni Jesus ti Mesias.

![](https://cdn.door43.org/obs/jpg/360px/obs-en-48-05.jpg)

Idi dinadael iti Dios ti lubong babaen iti layus, nagpaaramid iti daong tapno maisalakan dagiti tattao a namati kenkuana. Iti daytoy met laeng a wagas rumbeng laeng a madusa dagiti amin a tattao gapu iti basbasolda, ngem imbaon iti Dios ni Jesus tapno maisalakan dagiti amin a mamati kenkuana.

![](https://cdn.door43.org/obs/jpg/360px/obs-en-48-06.jpg)

Iti las-ud iti ginasgasut a tawen, nagtultuloy a nagidaton dagiti papadi iti Dios tapno maipakita kadagiti tattao ti maiparbeng a dusa kas supapak dagiti basbasolda. Saan a mapakawan dagiti basolda babaen iti daton. Ni Jesus ti Katan-okan a Padi. Saan a kas kadagiti gagangay a padi, indatonna ti bagina. Isu ti kakaisuna a daton tapno mapakawan dagiti basbasol iti tattao ditoy lubong. Ni Jesus ti Katan-okan a Padi. Inaklonna ti dusa tapno mapakawan ti anyaman a basol dagiti tattao.

![](https://cdn.door43.org/obs/jpg/360px/obs-en-48-07.jpg)

Kinuna ti Dios ken ni Abraham, "Mabendisionan amin a tattao ditoy lubong babaen kenka." Nagtaud ni Jesus iti kaputotan ni Abraham. Mabendisionan amin a tattao ditoy lubong babaen kenkuana. Naisalakan manipud iti basol amin a mamati kenkuana, ken agbalinda a naespirituan a kaputotan ni Abraham.

![](https://cdn.door43.org/obs/jpg/360px/obs-en-48-08.jpg)

Idi imbaga iti Dios ken ni Abraham nga idatonna ti anakna a lalaki a ni Isaac, nangted ti Dios iti karnero a maidaton kas kasukat iti anakna a ni Isaac. Rumbeng laeng a matay tayo amin gapu kadagiti basoltayo ngem inted iti Dios ni Jesus, ti karnero iti Dios a kas daton a matay gapu kadatayo.

![](https://cdn.door43.org/obs/jpg/360px/obs-en-48-09.jpg)

Idi inted iti Dios iti maudi a didigra idiay Egipto, imbagana iti tunggal pamilya dagiti Israaelita a mangpatayda iti kapintasan a karnero. Iwarasda ti darana iti ngato ken igid dagiti ruangan iti babbalayda. Idi makita iti Dios ti dara linabsanna dagiti balayda. Saanna a pinatay dagiti inuuna nga annakda a lalaki. Maaw-awagan nga Ilalabas daytoy a pasamak.

![](https://cdn.door43.org/obs/jpg/360px/obs-en-48-10.jpg)

Ni Jesus ti napapatay a kas Karnero idi panawen iti Ilalabas. Naan-anay ken awan basol ni Jesus. Pinatayda isuna iti panawen iti panagrambak iti Ilalabas. Subbuten iti dara ni Jesus ti basol iti siasinoman a mamati kenkuana. Saanen ida a dusaen iti Dios.

![](https://cdn.door43.org/obs/jpg/360px/obs-en-48-11.jpg)

Nakitulag ti Dios kadagiti napilina a tattao, dagiti Israelita. No pay kasta, nagaramid ti Dios iti baro a tulag a maipaay iti tattao. Gapu iti daytoy, pagbalinen ti Dios a tattaona ti siasinoman manipud iti anyaman a bunggoy babaen iti panamatida kenni Jesus.

![](https://cdn.door43.org/obs/jpg/360px/obs-en-48-12.jpg)

Natan-ok ni Moises a profeta a nangiwaragawag iti sao iti Dios. Ni Jesus ti katan-okan kadagiti isu amin a profeta. Isuna ket Dios, amin nga inaramidna ken imbagana ket ar-aramid ken sasao iti Dios. Gapu iti dayta, naawagan ni Jesus a sao iti Dios.

![](https://cdn.door43.org/obs/jpg/360px/obs-en-48-13.jpg)

Inkari iti Dios ken ni ari David a maysa kadagiti kaputotanna ti agnanayon a mangituray kas ari dagiti tattao iti Dios. Gapu ken ni Jesus ket anak iti Dios ken Mesias, isuna ti naisangsangayan a kaputotan ni David, ti makabael nga agturay iti agnanayon.

![](https://cdn.door43.org/obs/jpg/360px/obs-en-48-14.jpg)

Ni David ket ari iti Israel, ngem ni Jesus ket Ari iti lubong! Agsublinto isuna ket iturayanna ti pagarian nga addaan hustisia ken kappia iti agnanayon.

*Istorya ti Biblia manipud: Genesis 1-3, 6, 14, 22; Exodo 12, 20; 2 Samuel 7; Hebreo 3:1-6, 4:14-5:10, 7:1-8:13, 9:11-10:18; Paltiing 21*

## 49. Ti Baro A Tulag Ti Dios

https://openbiblestories.org/l/ilo/story-49/

![](https://cdn.door43.org/obs/jpg/360px/obs-en-49-01.jpg)

Imbaga iti anghel iti birhen a ni Maria nga ipasngaynanto ti anak iti Dios. Kabayatan a birhen pay laeng ni Maria, binendisionan iti Espiritu Santo ket nagsikog isuna. Impasngayna ti maysa a lalaki ket pinanagananna iti Jesus. Kayat na sawen agpada a Dios ken tao ni Jesus.

![](https://cdn.door43.org/obs/jpg/360px/obs-en-49-02.jpg)

Nagaramid ni Jesus kadagiti adu a milagro a mangpaneknek nga isuna ket Dios. Nagna isuna iti rabaw iti danum, pinasardengna ti bagyo, inagasanna dagiti adu a masaksakit, pinaksiatna dagiti demonyo, pinagungarna dagiti natay, ken pinagbalinna nga umdas ti lima a tinapay ken dua a babassit nga ikan a kinnan ti nasurok 5000 a tattao.

![](https://cdn.door43.org/obs/jpg/360px/obs-en-49-03.jpg)

Maysa met a nalaing a manursuro ni Jesus, nagsao nga addaan iti turay gapu ta Anak isuna iti Dios. Insurona a masapul nga ayatem ti padam a tao kas panagayatmo iti bagim.

![](https://cdn.door43.org/obs/jpg/360px/obs-en-49-04.jpg)

Insurona pay a kasapulan nga ipangpangrunam nga ayaten iti Dios ngem ti aniaman a banag, agraman ti kinabaknang mo.

![](https://cdn.door43.org/obs/jpg/360px/obs-en-49-05.jpg)

Kinuna ni Jesus, napatpateg ti pagarian iti Dios ngem iti uray aniaman ditoy lubong. Ti kapapatgan a banag kadagiti tattao ket ti panakairamanda iti pagarian iti Dios. Masapul a mapakawanka kadagiti basbasolmo tapno makastrekka ti pagarian iti Dios.

![](https://cdn.door43.org/obs/jpg/360px/obs-en-49-06.jpg)

Insuro ni Jesus a maisalakan dagiti umawat kenkuana ngem adda met dagiti saan. Inyarigna dagiti dadduma a tattao iti nadam-eg a daga. Inawatda ti naimbag a damag ni Jesus ket naisalakanda. Dagiti dadduma ket kasla natangken a daga iti dalan, saan a sumrek ket saan nga agbunga ti sao iti Dios, isuda dagiti tattao a mangilaksid iti mensahe maipapan ken ni Jesus, saandanto a makastrek ti pagarian iti Dios.

![](https://cdn.door43.org/obs/jpg/360px/obs-en-49-07.jpg)

Insuro ni Jesus nga ay-ayaten unay iti Dios dagiti managbasol. Kayatna ida a pakawanen ken pagbalinen nga annakna.

![](https://cdn.door43.org/obs/jpg/360px/obs-en-49-08.jpg)

Imbaga pay ni Jesus kadatayo a kabusor iti Dios ti basol. Nairaman dagiti amin a kaputotan da Adan ken Eba idi nagbasolda. Kas supapakna, nagbasol amin a tattao ditoy lubong ket naisinada iti Dios. Gapu iti daytoy, nagbalin a kabusor iti Dios dagiti tao.

![](https://cdn.door43.org/obs/jpg/360px/obs-en-49-09.jpg)

Nupay kasta, ay-ayaten unay iti Dios dagiti tattao ditoy lubong. Intedna ti kakaisuna nga Anakna tapno saanto a madusa ti siasinoman a mamati ken ni Jesus gapu kadagiti basbasolna. Agbiagdanto nga agnanayon ti denna iti Dios.

![](https://cdn.door43.org/obs/jpg/360px/obs-en-49-10.jpg)

Gapu kadagiti basolmo, rumbeng laeng a matayka. Makapungtot kuma ti Dios kenka, ngem impabaklayna amin daytoy ken ni Jesus. Inawat ni Jesus ti dusam idi natay isuna idiay krus.

![](https://cdn.door43.org/obs/jpg/360px/obs-en-49-11.jpg)

Saan pulos a nagbasol ni Jesus. Pinilina ti madusa ken matay. Daytoy ti naan-anay a daton a mangpakawan iti basolmo ken iti basol dagiti amin a tattao. Gapu ta indaton ni Jesus ti bagina tapno pakawanen iti Dios ti amin a basbasol, uray dagiti nadagsen a basol.

![](https://cdn.door43.org/obs/jpg/360px/obs-en-49-12.jpg)

Saanka a maisalakan babaen iti naimbag nga aramidmo. Awan a pulos kabaelam a mangiyasideg ti bagim iti Dios. Ni laeng Jesus ti makaikkat kadagiti basbasolmo. Masapul a patiem a ni Jesus ti Anak iti Dios, natay isuna idiay krus iti saadmo, pinagungar isuna iti Dios.

![](https://cdn.door43.org/obs/jpg/360px/obs-en-49-13.jpg)

Isalakan iti Dios ti siasinoman a mamati ken mangawat ken ni Jesus kas Apona. Gapuna, saanna nga isalakan ti siasinoman a saan a mamati kenkuana. Awan aniaman no nabaknang wenno napanglawka, lalaki man wenno babai, ubing wenno nataengan, wenno sadinnoman ti pagnanaedam. Ay-ayatennaka iti Dios. Kayatna a mamatika ken Jesus tapno adda nasinged a langenlangenyo.

![](https://cdn.door43.org/obs/jpg/360px/obs-en-49-14.jpg)

Aw-awisennaka ni Jesus a mamati kenkuana ken masapul a mabautisaranka. Mamatika kadi a ni Jesus ti Mesias, ti kakaisuna nga anak iti Dios? Mamatika kadi a managbasolka ken maikarika a dusaen iti Dios? Mamatika kadi a natay ni Jesus idiay krus tapno mapakawan dagiti basolmo?

![](https://cdn.door43.org/obs/jpg/360px/obs-en-49-15.jpg)

No mamatika ken ni Jesus ken iti inaramidna maipaay kenka, maysakan a Kristiano! Inlapsutnaka iti Dios manipud iti nasipnget a pagarian ni Satanas ket ipannaka iti nalawag a pagarian iti Dios. Inikkat iti Dios ti dakes a kinataom. Sinukatanna iti baro ken nalinteg a wagas iti panagbiag.

![](https://cdn.door43.org/obs/jpg/360px/obs-en-49-16.jpg)

No maysaka a Kristiano, pinakawanen iti Dios dagiti basolmo gapu iti inaramid ni Jesus. Imbilangnakan iti Dios a gayyem, saannakan a kabusor.

![](https://cdn.door43.org/obs/jpg/360px/obs-en-49-17.jpg)

No gayyemnaka iti Dios ken agserserbika ken ni Jesus nga Apo, kayatemto ti agtulnog iti isursuro ni Jesus kenka. Uray maysakan a Kristiano, masulisogkanto latta nga agbasol ngem matalek ti Dios ken imbagana a nu ipudnom dagiti basbasolmo ket pakawanennaka. Papigsaennaka tapno saanka nga agbasol.

![](https://cdn.door43.org/obs/jpg/360px/obs-en-49-18.jpg)

Imbilin iti Dios nga agkararagka, adalem ti saona, dayawem isuna a kadwa dagiti dadduma a Kristiano. Imbilina pay nga ibingaymo kadagiti sabali a tattao ti inaramidna kenka. Makatulong amin dagitoy kenka tapno maaddaanka iti nadekdekket a pannakilangenlangen kenkuana.

*Istorya ti Biblia manipud: Roma 3:21-26, 5:1-11; Juan 3:16; Marcos 16:16; Colosa 1:13-14; 2 Corinto 5:17-21; 1 Juan 1:5-10*

## 50. Ti Panagsubli Ni Jesus

https://openbiblestories.org/l/ilo/story-50/

![](https://cdn.door43.org/obs/jpg/360px/obs-en-50-01.jpg)

Agarup 2000 a tawen, umad-ado dagiti tattao ditoy lubong ti makangkangngeg iti naimbag a damag maipapan ken ni Jesus a Mesias. Umad-ado met dagiti namati. Inkari ni Jesus nga agsublinto inton aggibusen ti lubong. Uray nu saanpay isuna a nagsubli , tungpalennanto ti inkarina.

![](https://cdn.door43.org/obs/jpg/360px/obs-en-50-02.jpg)

Bayat ti panagur-uraytayo iti panagsubli ni Jesus, kayat iti Dios nga agbiagtayo a nasantoan ken agdayaw kenkuana. Kayatna pay nga ibagatayo kadagiti dadduma ti maipangngep iti pagarianna. Kinuna ni Jesus idi adda pay laeng isuna ditoy lubong, "Ikasabanto dagiti adalan ti naimbag a damag maipanggep iti pagarian iti Dios kadagiti amin a tattao iti sangalubongan, kalpasanna aggiboston ti lubong."

![](https://cdn.door43.org/obs/jpg/360px/obs-en-50-03.jpg)

Adu kadagiti puli iti tattao ti saanpay a nakangngeg iti maipanggep ken ni Jesus. Sakbay a nagsubli ni Jesus idiay langit, imbilinna kadagiti Kristiano nga ikasabada ti naimbag a damag kadagiti tattao a saanpay pulos a nakangngeg iti daytoy. Kinunana, "Mapankayo agisuro kadagiti amin a puli iti tattao ken pagbalinenyo ida nga adalak! Imbagana pay, adun dagiti maapit iti kataltalunan!"

![](https://cdn.door43.org/obs/jpg/360px/obs-en-50-04.jpg)

Kinuna pay ni Jesus, "Saan a nangatngato ti agserserbi ngem iti apo na. Parigaten ken patayen dakayonto met dagiti agtuturay iti daytoy a lubong gapu kaniak kas iti pananggurada kaniak. Numan pay agsagabakayo iti daytoy a lubong, ket rumegtakayo agsipud ta pinarmekkon ni Satanas a mangituray iti daytoy a lubong. Nu agtalinaedkayo a matalek kaniak agingga iti panungpalan isalakannakayto iti Dios!"

![](https://cdn.door43.org/obs/jpg/360px/obs-en-50-05.jpg)

Imbaga ni Jesus daytoy nga istorya kadagiti adalanna tapno ilawlawagna dagiti mapasamak inton aggibusen ti lubong. Kinunana, "Nagmula ti maysa a lalaki iti napintas a bukel iti taltalonna. Kabayatan a matmaturog isuna, immay ti kabusorna ket nagmula met iti ruot idiay katriguan, ken kalpasanna pimmanawen."

![](https://cdn.door43.org/obs/jpg/360px/obs-en-50-06.jpg)

"Idi nagtubon dagiti mula, kinuna dagiti agserserbi kenkuana, 'Apo, nagmula kayo iti nasayaat a bukel iti taltalon. Apay adda nailaok a ruot?' Simmungbat ti Apona ket kinunana, 'Nalabit nga immula iti kabusor dagita.'"

![](https://cdn.door43.org/obs/jpg/360px/obs-en-50-07.jpg)

"Simmungbat dagiti agserserbi iti Apoda, 'Kayatyo kadi a parutenmi dagiti ruot?' Kinuna iti Apo, 'Saan ta no aramidenyo dayta, maparut met dagiti dadduma a trigo. Aguraykayo inggana iti panagaapit sayonto ummungen dagiti ruot tapno mapuuran, ngem ikabilyo dagiti trigo iti kamarin.'"

![](https://cdn.door43.org/obs/jpg/360px/obs-en-50-08.jpg)

Saan a naawatan dagiti adalan ti kayat a sawen iti istorya isu a dinawatda ken ni Jesus nga ilawlawagna daytoy kadakuada. Kinuna ni Jesus, "Maiyarig ti tao a nagmula kadagiti nasayaat a bukel iti Mesias. Maiyarig met ti taltalon iti lubong. Maiyarig dagiti nasayaat a bukel kadagiti tattao nga agtultulnog iti Dios."

![](https://cdn.door43.org/obs/jpg/360px/obs-en-50-09.jpg)

"Maiyarig dagiti ruot kadagiti tattao a pasurot iti diablo. Maiyarig ti tao a nagmula kadagiti ruot iti diablo. Maiyarig ti panawen iti apit iti panungpalan iti lubong ken maiyarig dagiti nagapit kadagiti anghel iti Dios."

![](https://cdn.door43.org/obs/jpg/360px/obs-en-50-10.jpg)

"Inton aggibusen ti lubong, ummungento dagiti anghel dagiti amin a tattao a pasurot iti diablo ket ibellengdanto ida iti gumilgil-ayab nga apoy. Idiaydanto nga agsangit ken agngaretnget kadagiti ngipenda gapu iti nakaro a panagsagabada. Agraniagto dagiti nalinteg a kas iti raniag iti init idiay pagarian iti Dios nga Amada."

![](https://cdn.door43.org/obs/jpg/360px/obs-en-50-11.jpg)

Imbaga met ni Jesus nga agsublinto isuna ditoy daga sakbay iti panungpalan iti lubong. Agsublinto isuna a kas iti wagas nga ipapanawna. Ti kayatna a sawen ket maaddaanto isuna iti napisikalan a bagi ket umayto kadagiti ululep iti tangatang. Inton agsubli ni Jesus ket agungarto dagiti amin a Kristiano a natay ket sumabetdanto kenkuana iti tangatang.

![](https://cdn.door43.org/obs/jpg/360px/obs-en-50-12.jpg)

Kalpasanna daytoy, maipangatonto iti tangatang dagiti Kristiano a sibibiag pay laeng ket makitipondanto kadagiti dadduma a Kristiano a nagungar. Makikadwadanto amin idiay ayan ni Jesus. Kalpasan dayta, makipagnaedto ni Jesus kadagiti tattaona nga addaan iti naan-anay a kappia ken panagkaykaysa iti agnanayon.

![](https://cdn.door43.org/obs/jpg/360px/obs-en-50-13.jpg)

Inkari ni Jesus nga ikkannato iti korona ti tunggal maysa a mamati kenkuana. Agbiag ken makipagturaydanto iti Dios iti naan-anay ken agnanayon a kappia.

![](https://cdn.door43.org/obs/jpg/360px/obs-en-50-14.jpg)

Ngem ukomento iti Dios dagiti saan a mamati ken ni Jesus. Ibellengnanto ida idiay impierno. Agnanayonto nga agsangsangit ken agngarngaretnget dagiti ngipenda sadiay gapu iti tuok. Agnanayon a puuranto ida iti saan a maeddep nga apuy ken kanen ida dagiti igges.

![](https://cdn.door43.org/obs/jpg/360px/obs-en-50-15.jpg)

Inton agsubli ni Jesus ket naan-anayton a parmekenna ni Satanas ken ti pagarianna. Ibellengnanto ni Satanas idiay impierno nga agnanayon a pakapuoranna. Kadwa ni Satanas dagiti amin a nangpili a sumurot kenkuana imbes nga agtulnogda koma iti Dios.

![](https://cdn.door43.org/obs/jpg/360px/obs-en-50-16.jpg)

Gapu ta nagsukir ni Adan ken Eba iti Dios ken inyegda iti basol iti daytoy a lubong. Inlunod iti Dios ti lubong ken inkeddengna a dadaelenna daytoy. Ngem dumtengto ti aldaw a parsuaento manen iti Dios ti baro a langit ken baro a daga nga awanto ti pakapilawanna.

![](https://cdn.door43.org/obs/jpg/360px/obs-en-50-17.jpg)

Agnaedto ni Jesus ken dagiti tattaona idiay baro a lubong ken iturayannanto dagiti amin a banbanag iti agnanayon. Leppasennanto ti panagsagaba, panagladingit, panagsangit, kinadakes, sakit, wenno pannakatay. Iturayanto ni Jesus ti pagarianna nga addaan iti kappia ken hustisya. Makidennanto isuna kadagiti tattaona iti agnanayon.

*Istorya ti Biblia manipud: Mateo 24:14; 28:18; Juan 15:20, 16:33; Paltiing 2:10; Mateo 13:24-30, 36-42; 1 Tesalonica 4:13-5:11; Santiago 1:12; Mateo 22:13; Paltiing 20:10, 21:1-22:21*