# unfoldingWord Open Bible Stories — Van Rawat

- Language code: `jnl-x-vanrawat`
- Canonical page: https://openbiblestories.org/l/jnl-x-vanrawat/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Van Rawat translation; it is not a translation of the whole Bible.

## 1. दुनिया वनाना

https://openbiblestories.org/l/jnl-x-vanrawat/story-1/

![](https://cdn.door43.org/obs/jpg/360px/obs-en-01-01.jpg)

सुरु या परमेश्वर इन्हायत पनाऊवा सेहांग चिजला परमेश्वर तुरके ध्यां संसारया जो ल्य ही सेहांग चिज ला पनाऊवा सी। परमेश्वर क्ये जरियाय धरती बनाऊ क्ये बाद धरती ठेप्पे और खनी ही। हान्खानी कि अतर झानी परमेश्वर य क्ये चिज ला हां पनाऊ हासी। पर परमेश्वर क्ये आत्माव ती ठाई घुम्य – फिरव हारे।

![](https://cdn.door43.org/obs/jpg/360px/obs-en-01-02.jpg)

फिर परमेश्वर धरती ना, रोन्ह हि पय रोन्ह हिये, अब परमेश्वर चिनेशी रोंग्ह निक्को ह्वा, अयके नामू ध्यंङ था बइनि| और परमेश्वर ठेप्पे क्वो रोंग्ह दी अलग खइया पय आई गायरे ना, परमेश्वर धरती बनाऊके पइल्यो ध्यंङया रोंग्ह पनाऊवा।

![](https://cdn.door43.org/obs/jpg/360px/obs-en-01-03.jpg)

परमेश्वर संसारया बनाऊके दोहरा ध्यंङ चिनेसी, ती क्ये ठाई दी डा अलग हि। और अलग हिये, और परमेश्वर अलग हि तरा क्ये नामु देहो ना।

![](https://cdn.door43.org/obs/jpg/360px/obs-en-01-04.jpg)

परमेश्वर य तेहर ध्यंङया चिनेसी, ती डा जग्गा इक्टठा हि, और कारो जमीन दिक्खो ह्याबे, और कारो जमीन क्ये धरती ना और ती क्ये समुद्र ना। परमेश्वर जो दब्वा आई निक्को लाग्वा।

![](https://cdn.door43.org/obs/jpg/360px/obs-en-01-05.jpg)

फिर परमेश्वर चीनेसी, “धरती या स्ये ह्यांग प्रकार क्यो शिंग ला लगावनी और व्हांदल हिन्ये। फिर परमेश्वर दब्वा जो पनावहा व्हाई निक्को बनियों व्हा।

![](https://cdn.door43.org/obs/jpg/360px/obs-en-01-06.jpg)

परमेश्वर संसारया सेह्यांग ख्यते पाड़ी ध्यंङ बाद चिनेशी। देहोया रोंगला हि और घामंग, जोन्ना, ताराला दिक्खो भन्गेशी। परमेश्वर अय सेहाङग धरती या रोन्ग वेखानी ध्यंग और गायरे पनाऊवासी, देहो और उम्र अलग - अलग घय खानि पनाऊत्रा ही।

![](https://cdn.door43.org/obs/jpg/360px/obs-en-01-07.jpg)

परमेश्वर पंआ ध्यां चिनेशी, “जीवतो माचाला, ब्वाला सेह्यांग तिलाया भरवनी और आकाह्या ब्वाला उड़वनी इंदल खयते तिया जिगुहला माच्हाला और ब्वाला बनाऊवाशी। परमेश्वर देब्वाशी अय्लाता निक्को हियेसी और अयलता निक्को चिमान्याशी।

![](https://cdn.door43.org/obs/jpg/360px/obs-en-01-08.jpg)

परमेश्वर संसार बनाऊत्रा तुरके ध्यं हिय्ये पय चिनेशी, “जमिन्या जिगुहला जाम्मा डीग्गों; भयसिला हि, और परमेश्वर नेत्त्यरा जाम्मा आंदल हिये। ” कोईला डीग्गोला पार्योकोला हि, और कोईला धरती चिरेंग्यो वालोला, और कोईला मान्नको डीग्गोला हियेंसी। और परमेश्वर दिद्ब्बवासी तये जाम्मा निक्को दिक्खो हांसी

![](https://cdn.door43.org/obs/jpg/360px/obs-en-01-09.jpg)

य परमेश्वर चीनेसी, “लवनी नानी मन्छला पान जाल और पान समान बनायेर। आईला धरती या और जाम्मा दिन्गोलाया पारेरो खयते।

![](https://cdn.door43.org/obs/jpg/360px/obs-en-01-10.jpg)

अंतया परमेश्वर मट्या पितेते आई मंछ पनाऊवा और आइया जिन्दिगो को ह्याहे फुक्वा। आय मंछ नामू आदम थाबा। पय परमेश्वर आदम क्ये गुहाखानी डा बयिना बगिचा बनाऊवा और आइ दब्बो खानी आदम आइया तिथा।

![](https://cdn.door43.org/obs/jpg/360px/obs-en-01-11.jpg)

आई बगीचा क्ये बिचया परमेश्वर बिसेसे नि सिंग चिलाउबासी -जिन्दगी सिंग और निक्को - हट्टो सिक्कोको सिंग परमेश्वर आदम चिने कि आई बगीचा क्ये जिन्दगी क्ये सिंग और निक्को – हट्टो सिक्कोको सिंग क्ये ह्याडो त्ये क्ये अन्य सिंग क्वो फल जा स्याकोरे। अगर न्य आई सिंगलाको फल ज्यारिव नंग चिसिरी।

![](https://cdn.door43.org/obs/jpg/360px/obs-en-01-12.jpg)

पय परमेश्वर चिनेसी, मंछ झाईचल गुहा खानी निक्को हा व्हा। लेकिन कोई दिन्गोला आदम क्ये ह्यंग ह्या बनिव हाक्क्वासी।

![](https://cdn.door43.org/obs/jpg/360px/obs-en-01-13.jpg)

परमेश्वर य तबय आदम निंदा चिओर्ये । पय परमेश्वर य आदम क्ये डा पसलीव कातेत आई दी डा मठ्या क्ये पनाउवा और आई आदम पितेते पिय्ये।

![](https://cdn.door43.org/obs/jpg/360px/obs-en-01-14.jpg)

जब आदम आई चेपा पय आई ना, कम से कम अईता नाजा ह्वा! अई मठ्या जाम्माला चिनेरी तबय अय पयल्ला दी बनिवा। अयल कारणय पयल्ला पानी ईया - बब्बाव क्ये हाडोरे और पानी मेत्तव हात कुहारे।

![](https://cdn.door43.org/obs/jpg/360px/obs-en-01-15.jpg)

परमेश्वर पयल्ला और मठ्याल्ला पानजाल रंग – रूप जिबनावेसी। पय आईला आशीर्वादल्ला जिबेसी और चिनेसी जिक्के पयला और गेदा - मेदाल्ला पारयोंनी और धरती भर्वनि! और परमेश्वर जो दब्वा जोल्य आई पनाऊहा आई निक्को बनीवो व्हा, और आई बहुत खुस हि। अइ जाम्मा सेहांग बनाऊके तुरके धेया हि तर्या हि।

![](https://cdn.door43.org/obs/jpg/360px/obs-en-01-16.jpg)

पय सत्ताव धेंग पिए पय जो ल्य परमेश्वर घय हा, पय आई सेहांग बंद खय्या । पय सत्ताव ध्यंङ आशिर्वाद्ल्ला जिबेसी और आई ध्यंङको पवित्र चिनेसी, पय आई ध्यंङ सेहांग बनाऊको समाप्त खायिया, अयल कारण परमेश्वर दुनिय्या जो ल्य हि आई सेहांग बनाऊवा।

*उत्त्पत्ति अध्याय 1 -2 से बाइबल क्ये डा कहनी*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_01_128kbps.m4a

## 2. पाप संसारया पिरे

https://openbiblestories.org/l/jnl-x-vanrawat/story-2/

![](https://cdn.door43.org/obs/jpg/360px/obs-en-02-01.jpg)

आदम और आइये मेत्व परमेश्वर आइलाखानी बनाऊतरा निक्को बगीचाया कुहांनेसी और बहुत खुश हि । आहय्ला दी कोइल्ला लय लत्तल्ला हा नेलिनेशी । फिर लय अय बतकावयआयला दी कोइलालय शर्मे हां खय्याहे, हान्खानी कि संसारया पाप हां हि। व्हाईला अक्सर बगीचाया घुम्मोनेसी और परमेश्वर ह्यंग बतकाऊ खयनेसी।

![](https://cdn.door43.org/obs/jpg/360px/obs-en-02-02.jpg)

लेकिन व्हाई बगीचाया डा माबू ही। व्हाई भोत चालाक ही। आय अय मठ्या होद्या, “हांङग हाच्ची या परमेश्वर य ननिला अय बगीचा क्ये कोई लय सिंङ क्ये फल जा खानी मना घय स्यायरे?

![](https://cdn.door43.org/obs/jpg/360px/obs-en-02-03.jpg)

आई मठ्या जवाब जिबे , परमेश्वर नानि ने स्यारे आई निक्को हट्टो ग्यान क्ये सिंग क्ये आलावा कोई और सिंग दी फल जा स्याकोयेरे। परमेश्वर नानि चिनेसी कि अगर ननिला व्हाई फल जिजारे या चिछुवोरे, त्ये ननिला चिसिरी।

![](https://cdn.door43.org/obs/jpg/360px/obs-en-02-04.jpg)

व्हाई माबुई मठ्या जवाब जिबे, आय हाँची हां हि! ननी हां चिसिरी। परमेश्वर दहोरे कि ननिला आय फल जिजारे, ननिला परमेश्वरक्ये बराबर चिहिरी और आइके बरबार निक्को और हट्टो समेंजो जिभंली।

![](https://cdn.door43.org/obs/jpg/360px/obs-en-02-05.jpg)

अय मठ्या चेपा व्हाई फल मने जिभरोव और ह्वादी दिख्खो हा रे। व्हाई लय समजदार बनिवक्वो हुच्चो व्हा आय कारण व्हाई फल काड़यईते जा। पय आई पान गिरो लय व्हाई फल बा और आई लय जा।

![](https://cdn.door43.org/obs/jpg/360px/obs-en-02-06.jpg)

अचानक, आइल्या मिक्के सिला खुल्लवा, और व्हाल्या पत्ता चल्लवा कि नानी ल्होती गुहाई। आइलाय ह्व़ालाक्ये डा ह्यंग सिल्लोते लत्ताला बनाऊते हेर सिला ढक्यों भंगेसी।

![](https://cdn.door43.org/obs/jpg/360px/obs-en-02-07.jpg)

तबय गिरो और आइके मेत्वो आई बगीचाया इन्डे आंदे घुम्मो हांसी कि परमेश्वरक्ये आवाज कुन्हाहे। व्हाई निम्ही परमेश्वरखानी लुप्येसी। पय पयला क्ये आवाज लाव्वा ,नंग ग्वहा जूस्या ? आदम य जवाब जिब्बे ,नाई नङ बगीचाया घूम्यो समय गुन्हा, और ना बाङिये,हान्खानी कि ना लोत्ति हि। अय कारण ना प्पिये।

![](https://cdn.door43.org/obs/jpg/360px/obs-en-02-08.jpg)

फिर परमेश्वर चिहोद्यासि, नंनीला हुई जिब्तोवेसी नंग ल्होती जुस्याही ख्यते ? क्या न्य आई फल ज्या ज्यो नाइ जा खानी मना घय हा सिन ? पयला य जवाब जिबे ?नानिलाय ना ज्यो मठ्या जिबाहे आय ना व्हाई फल बाए। ” तबय परमेश्वर आई मठ्या चिहोद्या ,नय अय हांङ जिघा ? पय मठ्या ह्आ, माबूय ना धोखा बाये। ”

![](https://cdn.door43.org/obs/jpg/360px/obs-en-02-09.jpg)

परमेश्वर माबू होदया, नंङ पापी जुस्या !नंङ पानक्ये लादो या चिलोटायरी और मट्या चिचाटोरीव । नंग और अय मठ्या डा निमिलाय दी नफरत जिघयरे, और नंङ गेदागला और आइक्ये गेदावला डा निमला दी क्ये हंगे नफरत खयरी । अय मठ्या क्ये पयावला गय नंङ गारागे कुच्लोरिव, और नंङ आयक्ये एङिव्या डीडास्योरिव। ”

![](https://cdn.door43.org/obs/jpg/360px/obs-en-02-10.jpg)

तब परमेश्वर मठ्या चिने ,नंङ पानक्ये गेदागे पयदा घय समय झिक्क दर्द सेहो पव्वोरी । नंङ पानक्ये गिरोगे हंङग मनेग्ये लाहारी, और आई नंङ पर राज खयरियु।

![](https://cdn.door43.org/obs/jpg/360px/obs-en-02-11.jpg)

परमेश्वरय पयला चिने , नय पानक्ये मेत्येगे बतकाव जिगुन्हा ना कह्नाये हां चिमान्यो बाए। अय कारणय जमीन निक्को हिय्ये ,और जाको प्यदा घय खानि कठिन मेहनत घयक्ये जरूरत हिरी। अब नंङ चिसीरि ,और नंङ जियग्ये मट्या मिल्लोरी। पय आई पयलाय पान मेत्व नामू हव्वा थाबा ,जो क्ये मतल्बाव ही “जिन्दगी जिब्बे वालो,” तब्यता आई जाम्मा जातीला क्वो इय्या हिरि। और परमेश्वरय आदम और हव्वा क्ये डिंगोला खाल्लाव क्ये लत्तावला चिहांनेसी।

![](https://cdn.door43.org/obs/jpg/360px/obs-en-02-12.jpg)

फिर परमेश्वरय चिनेसी , “अब निक्को- हट्टो चिहमेजो वालो मंछ नानी जा हिय्येसी ,अय कारणय आईला जिन्दगी क्ये सिंग क्वो फल हां जा ह्आबेको हिय्ये कि व्हाईला जिवुतो रेहोनेसी। अय कारण परमेश्वर य आदम और हव्वा क्ये बगीचा दी बहारी तितोनेसी और भगवानय कोईलाल्य आई जिन्दगी क्ये सींग क्वो फल जा खानी रोक्यो खानि भत्तोरी जिगा योय्या सक्तिवालो स्वर्ग क्ये दुतावला हाजोवाशी।

*उत्पति अध्याय 3 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_02_128kbps.m4a

## 3. बिसेर

https://openbiblestories.org/l/jnl-x-vanrawat/story-3/

![](https://cdn.door43.org/obs/jpg/360px/obs-en-03-01.jpg)

झिक्क समय क्ये बादे, संसारया झिक्क मंछला कुहानेसी। आईला झिक्क दुष्टला और कस्ट जिबे वालोला हिय्येसी। आय अच्च बुरोला हि तब परमेश्वरय डा बयना बिसेरय पुरो संसार खत्म घय फेसला खय्या ।

![](https://cdn.door43.org/obs/jpg/360px/obs-en-03-02.jpg)

पर परमेश्वर नूह चेपोते खुशी हि। व्हाई दुस्ट मंछला बिचया जिगुहा वालो डा धर्मि मंछ हि। परमेश्वर नूह जिबताव्वे कि डा बयना बिसेर जिबते हि। अय कारण, आय नूह डा बयना नाव बनाव खानी चिने।

![](https://cdn.door43.org/obs/jpg/360px/obs-en-03-03.jpg)

परमेश्वर य नूह क्ये लगभग डा ह्ये चालीस मीटर लान्गये, त्याईस मीटरे चोड़ो और साड़े तेर मीटरे ऊच्चों नाव बनाव खानी चिने। नूह क्ये काठंल्लाय नाव बनाव क्ये हिये और आइया उन्ग तलाव, झिक्क कमराला, डा छताव और डा खिङकीव बनाऊक्ये हिये। आई नाव नूह ,क्ये परिवाराव ,और जमीन क्ये सेहांग पर्कार्क्ये डीन्गोला क्ये आई बिसेरय निह्खोय थारिव ।

![](https://cdn.door43.org/obs/jpg/360px/obs-en-03-04.jpg)

नूह य परमेश्वर क्ये बतकाऊ मान्या। आई और आइक्ये प्यावलाग्ये आंदल नाव बनाऊवाहे जोहो परमेश्वरय जिबतावेसी। हंखानी कि व्हाई नाव झिक्क बयना हि अय कारण व्हाई बनाऊक्या घयनु बरेहे लाग्वा। नूह य मंछला जीबी वालो बिसेरे बारेया बताव्वाशी और आईल्ला परमेश्वर क्ये ओर ध्यान बे खानी नाशी, पर आईला नूह पर भरोशा हा खईयाहे।

![](https://cdn.door43.org/obs/jpg/360px/obs-en-03-05.jpg)

परमेश्वर य नूह और आइक्ये परिवारव क्ये पान खानी और डीन्गोला खानी जाको इकट्ठा घयक्ये आदेश जिबे । जब सेहांग तेयार हि, अब परमेश्वर य नूह चिने कि अय समय आइलाके ,आयक्ये मेत्व क्ये, हुंग गेदावला क्ये, और आईला मेतेसिला क्ये - कुल मिलाऊते आठ्ये जने क्ये नावया गाको समय हि।

![](https://cdn.door43.org/obs/jpg/360px/obs-en-03-06.jpg)

परमेश्वर य जम्मा डीन्गोला और ब्वाला क्ये पयला और मठ्याला क्वो नूह क्ये पाहे जिघाल्वासी ताकि व्हाइला नावया गा हाकोरे और बिसेरेय समय सुरक्षित बेचो हाकोरे। जब व्हाई जम्मा नावया लयपेसी तब परमेश्वर य पानल्ये नाव क्ये धेरावला बंद जिघयबासी।

![](https://cdn.door43.org/obs/jpg/360px/obs-en-03-07.jpg)

तब ती सुरु हि भंगे, और ती हि तल कुहा, हि तल कुहा। बिन रुकिवते चालिसे ध्यंग और चालिसे गायरे तक ती हि तल कुहा। पुरो संसारया क्ये हर डा चिज, आय झानी कि बयन - बयन पहाड़ला ल्य ती या डूब्बयो भंगेसी।

![](https://cdn.door43.org/obs/jpg/360px/obs-en-03-08.jpg)

करो जमीन जिगुहाला हर डा चिज सिय्येसी, व्हाई मंछला और डीन्गोला क्ये हाड्डोते जम्मा नाव हि। व्हाई नाव तियाल तेर्यो हा और नाव क्ये भतोरी जो हर डा चिज क्ये डूब्यो होय सुरक्षित ही।

![](https://cdn.door43.org/obs/jpg/360px/obs-en-03-09.jpg)

तिक्ये रुकिवो क्ये बाद, पंङआ मईना झानी आई नाव तिया तेरयो हा, और आई समय झानी ती कमी हि भंगे तब डा ध्यंग व्हाई नाव डा पहाड़े क्ये धारवया काते रुकिवया, लेकिन अतर लय संसार तीया ढकिवो व्हा। खुंग महीन्या बादे, पहाड़े धाराव दिक्खो भंगेसी।

![](https://cdn.door43.org/obs/jpg/360px/obs-en-03-10.jpg)

फिर चालिस्य धंग बादे, नूह य डा कोव्वा दब्बो खानी घाल्लवा ती कारोवे या हा कारोवे। आई कोव्वा कारो जमिन्ये खोजया इन्दे - आंदे उङव भंगे, पर इंद जाग्गा काई ना मिल्वा।

![](https://cdn.door43.org/obs/jpg/360px/obs-en-03-11.jpg)

पय बादया नूह य डा कबूतर बाहरी घाल्वा पर आईल्य कारो जमीन हा मिल्वा, पय नूह या वापस पिय्ये। डा ह्प्त्ता बाद आई कबूतर फिर घाल्वा, आई पान चोंचया जेतुन क्ये डा हान्गाव वापस पिय्ये। तू घटीव हा, पोधाला फिर रिह हासी।

![](https://cdn.door43.org/obs/jpg/360px/obs-en-03-12.jpg)

नूह य डा हप्ता और इंतजार खईया तेहर बार आई कबूतर बहारी घाल्वा। आई गुहा खानी जग्गा मिल्वा और वापस हा पिए। ती कारो हा।

![](https://cdn.door43.org/obs/jpg/360px/obs-en-03-13.jpg)

निह महिन्या बाद परमेश्वर नूह चीन्ये, अब नंग और नंग परिवारग्ये जम्मा डिंगोला नाव दी भहारी लवनी, जिक्कल गेदाल्ला ओरी प्या - गडोंल्ला प्यादा खयनि और धरती भर्वनि। अब नूह और आइक्ये परिवाराव नाव दी बहारी तोंगे सी।

![](https://cdn.door43.org/obs/jpg/360px/obs-en-03-14.jpg)

नूह क्ये नाव दी बहारी तोंके बाद, आई डा बलिया चडाव क्ये जग्गा बनाऊवा ओरी बलिया जो ल्य उपयोग चिहि वालो जो दिन्गोल्ला हि आईला दी डांडा कातेते बलिवया चङावा। परमेश्वर आई बलिव दी खुस हिये और नूह ओरी आइके परिवाराव के आशीर्वाद जिबे।

![](https://cdn.door43.org/obs/jpg/360px/obs-en-03-15.jpg)

परमेश्वर चिनेसी, ना वाद्दा घईयुरे कि मंछल्ला जरियाय खयतर्या कर्माऊ क्ये कारण ना कभय धरतिया श्राप हा बेरिवु या बिसेरेय संसारक्वो खात्म हा घयरिव, जबकि मन्छला पयल्लो, बचपनाव दी पापी हि।

![](https://cdn.door43.org/obs/jpg/360px/obs-en-03-16.jpg)

पय परमेश्वर पानाक्ये वाचा क्ये चिन्न रुपया सबसे पयाल्लो इंद्रधनुष जिबनाऊवे। कभयल्य देहोया इंद्रधनुष दिक्खोरे, तब परमेश्वर याद खयरी कि आई हांग वादा खय्या और लोला याद खयरे आइक्ये वादालाव।

*उत्पति अध्याय 6 -8 दी डा बायबल क्ये कहानीव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_03_128kbps.m4a

## 4. अब्राहम क्ये हंग परमेश्वर क्ये वाचा

https://openbiblestories.org/l/jnl-x-vanrawat/story-4/

![](https://cdn.door43.org/obs/jpg/360px/obs-en-04-01.jpg)

बिसेर क्ये घयनु साल बाद, संसारया झिक्क मनछला कुहानेसी, ओरी आईला परमेश्वर क्ये डा, निम्लाई क्ये खिलाफ काते हंग पाप खईलानेसी। क्युकि व्हाई जाम्माला डाल भाहा हानेसी, अय कारणय डा हंग्ये इकट्ठा हियेसी ओरि। और संसार क्वो भरव क्ये परमेश्वर क्वो आदेशाव क्वो हड्डोते डा सहर क्वो बनाऊवाहे।

![](https://cdn.door43.org/obs/jpg/360px/obs-en-04-02.jpg)

व्हाईला बहुत घमंडायलोला हिय्येसी, व्हाइल हो जिन्दगी जिव्वो चाय्यो, आय बारेय जो परमेश्वर आदेश जिबेसी आये पालनाव हा घय चाहोनेसी। आय झानी कि आईला इंद डा उचो नाव्वे बनाऊक्ये सुरु खईयाहे, जो स्वर्गया लयकारी। परमेश्वर चिचेपासी कि व्हाईला डा ह्यंग मिल्लोते बुरो खयतल कुहारी, तवो व्हाईला भोते पापी कामला घय हाक्कोरे।

![](https://cdn.door43.org/obs/jpg/360px/obs-en-04-03.jpg)

अय कारण परमेश्वर अयल्ला भाषाव क्ये अलग – अलग भाषासिलाया जिबदेलोबाशी ओरी व्हाईला जम्मा संसारया चिफेलाओवेसी। जो बस्ति आईलाई बनाऊक्ये सुरु घय हांसी, व्हाई क्ये नामु बाबेल हि, जो क्ये मतल्बाव हि “गङबङी”

![](https://cdn.door43.org/obs/jpg/360px/obs-en-04-04.jpg)

कई ह्ये साल बादे, परमेश्वर अब्राम नामू क्ये डा मंछ हंग बतकाउव खईया परमेश्वर आई चिने, “पान देहग्ये ओरी परिवारग हाडोत्ते घे ज्यो ना नंग देहग हाम्टेने। ना नंग आशीर्वाद बेने ओरी नंग डा बयना जाती जीबनाऊरि। ना नंग नामू ग्ये महान घयरि बयन जो नंग आशीर्वाद जिब्बेरी ना आई आशीर्वाद बेरीव और जो नंग श्राप जिबेरि आई ना श्राप बेरीव। नंग कारण संसारक्ये जम्मा जगतक्ये आशीर्वाद धरेरिव।

![](https://cdn.door43.org/obs/jpg/360px/obs-en-04-05.jpg)

अब्राम य परमेश्वर बतकाऊ मान्वा। आई पानक्ये जम्मा नौकरावला ओरी पानक्ये जम्मा सम्पतिव हंगे पानके मेत्तोव सारै काता, कनान देहय्या ओक्का हा ज्यो परमेश्वर हाम्टये स्या।

![](https://cdn.door43.org/obs/jpg/360px/obs-en-04-06.jpg)

अब अब्रान कनान लयका तब परमेश्वर आई चिने, “पानके चारो ओरी दब्बो। ना नंग आय पुरो देहे बेने और नंग गेदागला हमेशा खानी आय पर अधिकार थारे। ” तब अब्राम आई देहया होए।

![](https://cdn.door43.org/obs/jpg/360px/obs-en-04-07.jpg)

मलिकिसिदक नामू क्ये डा प्याल्ला हि ज्यो महान परमेश्वर क्ये पुजारी ही। डा ध्यंग जब्बे अब्राम राकेते बाद बीहा त्ये व्हाई और अब्रान मिल्वासी। मलिकिसिदक अब्रान क्वो आशीर्वाद जिब्बे ओरी चिने “महान परमेश्वर ज्यो स्वर्गया ओरी धरतीक्वो स्वामी हि आई नंग आशिर्वाद जिबेरी। ” पय अब्रान राकेते जीतोत्यरा सेहांग सामान दी दहे दी डा हिस्साव मलिकिसिदक जिबे ।

![](https://cdn.door43.org/obs/jpg/360px/obs-en-04-08.jpg)

घयनु साल बितिव्वा, पर अतर झानी अब्राम ओरी सारै क्ये कोई गेदाव हा हि। परमेश्वर अब्राम हंग बतकाऊ खय्या ओरी आई वाददा जिबे कि डा गेदाव प्यादा हिरि जोह्हो देहोया तारल्ला हिय्येसी व्हान्दल बोहोत गेदाल्ला हिरी। अब्राम परमेश्वर क्ये वाददाव पर भरोशा खय्या। परमेश्वर य घोषणा खय्या कि की अब्राम डा धर्मी मंछ ही हान्खानी कि आय परमेश्वर क्ये वाददा पर भरोसा खय हा।

![](https://cdn.door43.org/obs/jpg/360px/obs-en-04-09.jpg)

तब परमेश्वर अब्राम दी डा वाददा होइय्या। सामान्य तरीका दी, डा वाचा नी दल्लोव क्ये बिचया हीरे, आइया डा नीमलाक्ये कामो क्वो घयक्ये समझोता खायेरे। परमेश्वर अब्राम व्ह्हाई वाददा तब खय्या जब अब्राम ईसे हा, पर आई तब ल्य परमेश्वर गुन्हे हक्को हा। परमेश्वर चिने, “ना नंग सरीरेदी प्यदा नंग दी खयते नंग डा पयागे बेने। ना नंग पयागे आय कनान देहे बेने। “पर अतर झानी अब्राम क्ये कोई पयाव हां हि व्हा।

*उत्पति अध्याय 11 -15 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_04_128kbps.m4a

## 5. वाद्दा खयतरया प्याव

https://openbiblestories.org/l/jnl-x-vanrawat/story-5/

![](https://cdn.door43.org/obs/jpg/360px/obs-en-05-01.jpg)

अब्राम औरि सारै क्ये कनान देहया लयगाके दह्हे साल बादे, अतर झानी लय आइके कोई गेदाव हां हि। अय कारणय अब्राम क्ये मेत्व सारै आई चिने, “परमेश्वर अतर झानी ना गेदा जन्माउ क्ये तेयार हा खईयाये ओरी अब ना गेदा जन्माऊ खानी भोते बूढिव्वा, दब्बो, ना दासी हाजिरा अय्या व्हा। अई हंगे बर्याती खयनी व्हाई ना खानी डा प्या प्यदा खयरिव।

![](https://cdn.door43.org/obs/jpg/360px/obs-en-05-02.jpg)

बादया अब्राम य हाजिरा हंगे बर्याती खईया। हाजिरा क्ये डा प्या जन्माउवा, और अब्राम आइक्ये नामु इश्माएल थाबा पर सारै हाजिरा चेपोते जलव भंगे। जब इश्माएल तेरे साल क्ये हि, परमेश्वर पय अब्राम हंगे बतकाउ खय्या।

![](https://cdn.door43.org/obs/jpg/360px/obs-en-05-03.jpg)

परमेश्वर चिनेसी, “ना जम्मा होइले झिक्क सक्तिवालो परमेश्वर हि। ना नंग हंग डा वाचा होयरिव। “तब अब्राम जमिनया झुकिवते ढोक्का बा। परमेश्वर अब्राम अयलय चिने, “नंग बहोत जातीला क्ये बब्बाव चिहिरी। ना नंङग और नंङगे गेदालाक्ये आईला पानक्ये जमीने खानी कनान देहे बेने, ओरी ना हमेशा खानी अयला परमेश्वर हिरि। नंङगे पानक्ये नावागे जम्मा प्यला का खतना खयनी। ”

![](https://cdn.door43.org/obs/jpg/360px/obs-en-05-04.jpg)

“नंङगे मेतेगे सारै डा जन्माएगी - आई वादोक्ये गेदाव हिरी। आइक्ये नामू इसहाक था बाना। ना आइके हंङगे पानके वाचा बनाऊ थारि ओरी व्हाई डा बयना जाती बनिवरी। ना इश्माएल लय बयना जाती बनाऊरि, पर ना वाद्दाय इसहाक क्ये हंङगे गुहरी। “तब परमेश्वर अब्राम क्ये नामू जिबदेलोते अब्राहम तिथाबा, जो क्ये अर्थाव व्हा “जम्मा क्ये बब्बासिला”। परमेश्वर सारै क्ये नामु जिबदेलोते सारा जिघयब्बा, जो क्ये अर्थाव “जम्माला ईय्या”।

![](https://cdn.door43.org/obs/jpg/360px/obs-en-05-05.jpg)

आई ध्यंङग अब्राहम पानके नावया जम्मा प्यला क्ये खतना खय्या। लग भग डा साल बाद ,अब्राहम ह्ये बरेह क्ये उम्राव ही ओरी सारा नब्बे बरेहे क्ये हि, तब सारा य अब्राहम क्ये प्याव क्वो जन्माव हिये। जोह्हो परमेश्वर आई नेस्या आइलाय आयके नामू इसहाक थाबाहे।

![](https://cdn.door43.org/obs/jpg/360px/obs-en-05-06.jpg)

जब इसहाक जवान हिय्ये तब परमेश्वर आय नेते अब्राहम क्ये भरोशा क्वो जाच ज्यातेबा, “पनके डाठा प्यागे काते, ओरी ना खानी बलिय चडावबे। ” अब्राहम परमेश्वर की बातकाव मान्या ओरी पानके प्याव बलिव खानी तयार खा।

![](https://cdn.door43.org/obs/jpg/360px/obs-en-05-07.jpg)

जब अब्राहम ओर इसहाक क्ये बलिव चढ़ावके जग्गा और गा भंङगे, इसहाक चिहोद्या, “हे बब्बा, नानी पास बलिव खानी काठ्नल्ला ता व्हाई, पर बलिव क्ये भेड़े पयाव ग्वहा व्हा ?” अब्राहम जवाब जिब्बे, “हे ना प्याये परमेश्वर बलिव खानी भेड़े पयाव जिबेरी ।

![](https://cdn.door43.org/obs/jpg/360px/obs-en-05-08.jpg)

जब व्हाईला बलिव चड़ाव क्ये जग्गा लय यक्कासी, अब्राहम य इसहाक क्ये होयते बलिव चढाव क्वोया चिलेटाउवे। व्हाई पान प्याव चिहात्ये हिव्हा परमेश्वर चिने, “जग्गियो! पया क्ये घायल ता खययाना! अब नाइ दहा, नंग ना भय्ये चिम्मान्यो चिहिए, तबता नंग पानके डाठाला पयाग्ये ना दी बचाऊते हा तीथा। ”

![](https://cdn.door43.org/obs/jpg/360px/obs-en-05-09.jpg)

पास्या अब्राहम डा भेड चेपा ज्यो झाडीलाया फसिवो व्हा। इसहायक क्ये बदेलावाय बलिव खानी परमेश्वर भेड जिब्बे । अब्राहन नय ख़ुशी - ख़ुशी भेड क्ये बलिव चड़ावबा।

![](https://cdn.door43.org/obs/jpg/360px/obs-en-05-10.jpg)

तब परमेश्वर अब्राहन चिने, नंग ना खानी सेहांग बेखानी तेयार चिहि, अय झानी पानक्ये डाठाला प्याग लय, अय कारणय नंग आशीर्वाद बेके वाद्दा घयिवरे। नंग गेदागला देहो क्ये तारा होई जिक्क हिरी, नंग ना आज्ञायेके चिमानया ना नंग परिवारगे जरियाय संसराक्ये जम्मा वंशसिला आशीर्वाद बेरीव। ”

*उत्पत्ति अध्याय 16 -22 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_05_128kbps.m4a

## 6. परमेश्वर इसहाक खानी जरूरत पुरो खयिउरे

https://openbiblestories.org/l/jnl-x-vanrawat/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम भोते बुड़ीव भंगे तब आइके प्याव, इसहाक, डा पयल्ला क्ये उम्राव जा हि भंगे। आय कारणय अब्राहम पानके डा नोकराव पान पया इसहाक क्ये डा मेत्व हेलाखानी , आई देहाया घाल्वा जाहा आइक्ये रिस्तेदारावला कुहानेसी।

![](https://cdn.door43.org/obs/jpg/360px/obs-en-06-02.jpg)

जाहा अब्राहन क्ये रिस्तेदारावाला रेहोनेसी आई देहक्वो गाखानी डा बयना लांगे व्हा पव्वोने, आइया काते परमेश्वर आई सेवक क्ये रिबका हंगे चिमिलाव्ये। व्हाई अब्राहम क्ये भव्वा क्ये नातिव हि।

![](https://cdn.door43.org/obs/jpg/360px/obs-en-06-03.jpg)

रिबका पान परिवाराव हाड्डोते आई सेवक्ये हंगे अय्या बी खानी मान्या। जोह्हो व्हाइला वापस लयपेसी इसहाक य आई हंगे बर्यातिव खय्या।

![](https://cdn.door43.org/obs/jpg/360px/obs-en-06-04.jpg)

डा लांगे समयक्ये बाद, अब्राहम सिय्ये। तबय परमेश्वर अब्राहम क्ये प्याव इसहाक क्वो , अब्राहम क्ये हंग होइतर्या वाचा कारणय आशीर्वाद जिब्बे। आई वाद्दे परमेश्वर य अब्राहम क्ये को ई गिन्तिव हां व्हा आत्ति गेदाव हिरी पर इसहाक क्ये मेत्व रिबका क्ये गेद्दाव प्यदा हा हिय्ये।

![](https://cdn.door43.org/obs/jpg/360px/obs-en-06-05.jpg)

इसहाक य रिबका खानी प्रार्थना खय्या, और परमेश्वर आई ह्यंगल नि गेदाला गर्भ या धारण घय खानी तेयार जिघा। आई समय व्हाई गेदाला रिबका क्ये गर्भया हि, व्हाईला पान - पान राकेनेसी , अय कारण जो हि हा रिबका य व्हाई परमेश्वर क्ये बताऊवा ।

![](https://cdn.door43.org/obs/jpg/360px/obs-en-06-06.jpg)

परमेश्वर रिबका चिने, “नंग नि पयाल्ला प्यदा जिघयरिव। व्हाईला गेदाला नि अलग अलग जातीला पनाऊरे व्हाइला डा निमिलाले राकेरी। पर बयना प्यागे दी जीबी वालो जाती चुइचे हिरी और ज्यो चुईचे प्यागे दी जीबी वालो जाती क्ये कहेनाव मान्योक्वो हिरी।

![](https://cdn.door43.org/obs/jpg/360px/obs-en-06-07.jpg)

जब रिबका क्ये गेदाव प्यदा हिये, तब बयना प्याव टोल्हयरया और हामू वालो हि, और आईला आइक्ये नामू एसाव थाबा तब चुइचे प्याव एसाव के एडिव होंते हिंय्ये, और आइलाय आइके नामू याकूब थाबा।

*उत्पत्ति अध्याय 24 :1 -25 :26 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_06_128kbps.m4a

## 7. परमेश्वर याकूब क्ये आशीर्वाद जिबेरे

https://openbiblestories.org/l/jnl-x-vanrawat/story-7/

![](https://cdn.door43.org/obs/jpg/360px/obs-en-07-01.jpg)

जब व्हाई गेदाला बयना हिय्येसी त्ये याकूब क्ये नावया गुहाको निको लाग्वा, पर एसाव क्ये डिंगोला सिकार घयक्ये निक्को लाग्वा। रिबका य याकूब हाते प्यार खय्या, पर इसहाक य एसाव हाते प्यार था।

![](https://cdn.door43.org/obs/jpg/360px/obs-en-07-02.jpg)

डा ध्यंङ, जब एसाव शिकार खयते वापस पिय्ये त्ये व्हाई भोत भोक्यो ही। एसाव य याकूब ना, “जो नय पकाव स्यावरे आय दी थोड़ा जाको ना लय बे। ” याकूब य जवाब जिबे, “पयलो ना हाते अय वाद्दा खय कि पयलो पया हिक्ये कारणय हर डा चीज जो नंङ मिल्लो चाय्यो, व्हाई जम्मा नंङ ना जिबेरे। ” अब एसाव य आय जम्मा चीज ला क्ये याकूब बे खानी वाद्दा खय्या। तब याकूब य आय थोड़ा जाको जिबे।

![](https://cdn.door43.org/obs/jpg/360px/obs-en-07-03.jpg)

इसहाक एसाव क्ये आशीर्वाद बे चाहो हा। पर अय होय पयलोल कि व्हाई इन्द खय्या, रिबका और याकूब य याकूब क्ये एसाव ही क्वो ढोंग खयते आयक्ये हंगे धोखा खय्या। इसहाक बुड़ीव तर्या ही और अब दब्बो हां हाक्कोन्या। अय कारणय याकूब य एसाव क्ये लत्तावला नेले और बाक्का क्ये खाल्लाव पान गिद्दावया और हाकोवया लपेट्या।

![](https://cdn.door43.org/obs/jpg/360px/obs-en-07-04.jpg)

याकूब इसहाक क्ये पास पिय्ये और चिने, “ना एसाव ही। ना अय कारणय बी गुहार कि नंङ ना आशीर्वाद जिबेरे। ” जब इसहाक य बाक्का क्ये हामुला क्ये महसूस खय्या और लत्ताला क्ये सुघ्या, त्ये आय हुच्वा कि व्हाई एसाव ही और आय आशीर्वाद बा।

![](https://cdn.door43.org/obs/jpg/360px/obs-en-07-05.jpg)

एसाव य याकूब हाते जलन हिय्ये हान्खानी कि आयक्ये पयलो पयाव क्ये अधिकाराव क्ये और हंगल आयक्ये आशीर्वाद ला क्ये चुरावते ज्यातेबा। अब आयक्ये बब्बाव क्ये सिक्ये बाद याकूब क्ये हाते क्ये उपाय पनाव्वा।

![](https://cdn.door43.org/obs/jpg/360px/obs-en-07-06.jpg)

पर रिबका य एसाव क्ये उपाय कुन्हा। अय कारणय आय और इसहाक य याकूब क्ये आयक्ये रिस्तेदारावला हंगे गुहा खानी भोत दूर घाल्वा।

![](https://cdn.door43.org/obs/jpg/360px/obs-en-07-07.jpg)

याकूब घयनु बरेह झानी रिबका क्ये रिस्तेदारावला हंगे कुहा। आय समय क्ये चलते आय बर्यातीव खय्या और बार पयावला और डा गाड़ोड़ क्ये प्यदा खय्या। परमेश्वर य आय झिक्क रुपय्या वालो जिबनाव्वे।

![](https://cdn.door43.org/obs/jpg/360px/obs-en-07-08.jpg)

बीस बरेह झानी कनान या पान नाव दी दूर गुहा क्ये बाद, याकूब पान परिवाराव, पान सेवकावला, और पान डिन्गोवला क्ये पुरो झुंडे हंग व्हाईया वापस पिय्ये।

![](https://cdn.door43.org/obs/jpg/360px/obs-en-07-09.jpg)

याकूब अय कारणय झिक्क पाड़ीतर्या ही हान्खानी कि आय हुच्चो हा कि एसाव अत्तर लय आय हाते क्ये चाहो हारे। अय कारणय आय भेट्ये रुपया डिंगोला झुण्ड लाक्ये एसाव पाहे घाल्वा। जो सेवक आय झुण्डला क्ये कातेते का ह्वासी आयलाय चिनेसी, “नंङग सेवक याकूब, अय डिंगोला क्ये नंङ जिबेरे। व्हाई जल्दील बी हारे। ”

![](https://cdn.door43.org/obs/jpg/360px/obs-en-07-10.jpg)

पर एसाव अब याकूब क्ये नुकसान हां पहुचाव चाहो हा। अयक्ये बदले, व्हाई आय डा बार फिर दब्बोते भोत खुश ही। अयक्ये बाद याकूब कनान या शान्ति य कुहा। फिर इसहाक सिय्ये और याकूब और एसाव य आय गाड्याहे। वाचा क्ये वाद्दाव जो परमेश्वरय अब्राहम हाते खय हा व्हाई अब इसहाक दी याकूब या पिय्ये लय।

*उत्पत्ति अध्याय 25:27 – 35:29 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_07_128kbps.m4a

## 8. परमेश्वर युसूफ और आइके परिवाराव बचावरिव

https://openbiblestories.org/l/jnl-x-vanrawat/story-8/

![](https://cdn.door43.org/obs/jpg/360px/obs-en-08-01.jpg)

कई सालो बादे , तब याकूब बूड़ा हिये, आई पानके प्यारो पयाव युसूफ क्वो पानके भवालाके हालचाल घय खानी घाल्वा, ज्यो डीन्गोला क्ये झुन्डलाया देखरेख घय हासी।

![](https://cdn.door43.org/obs/jpg/360px/obs-en-08-02.jpg)

युसूफ क्ये भवावला आईखानी जलन खयनेसी आइक्ये बब्बाव आई हंगे झिक्क प्यार खयन्याहे और युसूफ य ह्यने चेपा ,व्हाई आइलाके ठाई सासन घय चेप्वा। युसूफ पान भाववासिलाया पिए, आइलाय आई चिहोय्ये ओर आई नोकरावला क्ये चिखरिदोला और चिकाल्तेला क्ये हाकोया काल्ताहे ।

![](https://cdn.door43.org/obs/jpg/360px/obs-en-08-03.jpg)

नावया बी होय पायलोले यूसफ क्ये भववागलाय यूसुफ क्ये लत्ताव हाचेते बाक्काके हुईयुया पाझियाहे। पय आइलाय व्हाई लत्ता पान बब्बासिला हामटाहे जोहो कि व्हाई हुचोरीव क्ये मानङ क्वो दिन्गोलाय चिहते हिरी खयते। याकूब भोते हुच्चों हा।

![](https://cdn.door43.org/obs/jpg/360px/obs-en-08-04.jpg)

नोकरावला क्ये चिखरिदोला और चिकाल्तेला वालोलाय यूसुफ क्ये मिस्त्र देह ज्याते। मिस्त्र देह ज्यो नील गांगे किनारावया बसिवतरा डा बयना और शक्तिवालो देह हि। नोकरावला क्ये चिखरिदोला और चिकाल्ते वालोलाय यूसुफ डा पयहावालो सरकारी अधिकारी क्वो नोकर हि खानी कालताहे। यूसुफ य पान मालिकाव क्ये निक्कोय सेवाव खयबा, और परमेश्वर य यूसुफ क्ये आशीर्वाद जिबे।

![](https://cdn.door43.org/obs/jpg/360px/obs-en-08-05.jpg)

आइक्ये मालिकाव क्ये मेत्व यूसुफ क्ये हंगे ईसे क्वो कोशिस घय हा, पर यूसुफ अय प्रकारय परमेश्वर क्ये खिलाफ काते पाप घय खानी मना खय्या। आईक्ये गुस्साव पिये और यूसुफ पर झूठी आरोप चिलाउबा, अय कारणय यूसुफ गिरफ्तार खयते जेल्या जिघाल्वा। अय झानी कि जेल्याल्य, यूसुफ परमेश्वर क्ये तीर हाची हि, और परमेश्वर आय आशीर्वाद जिब्बे।

![](https://cdn.door43.org/obs/jpg/360px/obs-en-08-06.jpg)

नि साल बाद, यूसुफ अत्तर झानी जेलयाल हि, भले आय निर्दोह हि। डा गायरे, फिरोन राजा य ह्याने चेपा। मिस्त्री देह क्वो मनछला पान राजा क्वो फिरौन नोके हाईरे। राजा य इंद नि हयने चेपा जो आई झिक्के दोहमन्याटे घय स्या। आइके सलाहकाराव ह्यने मतलबाव जिब्ताव वालो हां हि।

![](https://cdn.door43.org/obs/jpg/360px/obs-en-08-07.jpg)

परमेश्वर यूसुफ क्ये ह्यनाव क्वो मतलबाव बताव खानी योग्यता पर्दान खय्या, अय कारणय अय राजा य यूसुफ क्ये जेले दी पान पाहे चिनोक्ये। यूसुफ य आय ह्यने मतलबाव बताऊवा, और चिने, “परमेश्वर भरपूरी क्ये खेत्तावलाया ह्यात्ते साल जिबेरी आयके बाद अकाल क्ये ह्यात्ते साल जिघाल्लो हि। ”

![](https://cdn.door43.org/obs/jpg/360px/obs-en-08-08.jpg)

राजा यूसुफ य अच्च खुस हिय्ये कि आय मिस्त्र देह क्ये दोहरे सबसे शकिवालो मंछ नियुक्त जिघये ।

![](https://cdn.door43.org/obs/jpg/360px/obs-en-08-09.jpg)

यूसुफ य मंछला क्ये निक्को खेत्तावला वालो हात्ते साल झानी जिक्के जाको जमा घई खानी चिने। जब ह्यात्ते सालक्वो अकाल पिय्ये तब यूसुफ य मंछला क्ये व्हाई जाको कालता अय कारणय कि आईला पाहे जा खानी जाको हि चाय्यो ।

![](https://cdn.door43.org/obs/jpg/360px/obs-en-08-10.jpg)

व्हाई अकाल आय मिस्त्र देहया हा हि, बल्कि कनान देहया लय खतरनाक हि जाहा याकूब और आयके परिवाराव कुहाने।

![](https://cdn.door43.org/obs/jpg/360px/obs-en-08-11.jpg)

अय कारणय याकूब य पान बयना प्यावला जाको खरीद्यो खानी मिस्त्र देहे घालवा। जब व्हाईला जाको खरीद्दो खानी यूसुफ के सामने खड़े हिय्येसी आई भाव्वाव लागय हा चिपेछान्या। पर यूसुफ य आईला चिपेछान्या।

![](https://cdn.door43.org/obs/jpg/360px/obs-en-08-12.jpg)

अय पत्ता घय खानी कि ना भव्वायेला बदलिवासी खयते यूसुफ य जांच खय्या। यूसुफ य आईला नासी, “ना नानिला दाद्दाइना यूसुफ हि! ता पाड़ीनी। जब ननिलाय ना नोकरे जा चिकाल्ताहे। तवो ननिलाय बुरो घय खानी चिहुच्वाहे, पर परमेश्वर आई बुरो क्वो भला खानी उपयोग खय्याहे! लवनी ओरी मिस्त्र देहया कुहानी और ना ननिला और ननीला परिवार खानी जाको बेवस्था घय हाकोरिव।

![](https://cdn.door43.org/obs/jpg/360px/obs-en-08-13.jpg)

जब यूसुफ क्ये भव्वाव नावया वापस पिये और पान क्ये बब्बाव याकूब बताउवाहे कि यूसुफ अततर लय जिवुतो व्हा त्वो व्हाई भोते खुस हिये।

![](https://cdn.door43.org/obs/jpg/360px/obs-en-08-14.jpg)

याकूब डा बुड्डा मंछ हि तब लय व्हाई पान पुरो परिवार क्ये हंगे मिस्त्र देहे ओक्का, और व्हाईला आइय्या होयेसी। याकूब क्ये सी होय पयलो,पानके जम्मा पयावला आशीर्वाद बासी।

![](https://cdn.door43.org/obs/jpg/360px/obs-en-08-15.jpg)

परमेश्वर जो वाचा अब्राहम हंगे खय हा व्हाई असहाक या पिय्ये और असहाक क्ये बाद याकूब या और आइके बाद आइके बार पयावलाया और आइके परिवार सिलाया पिए। आईला बार पयावला क्ये गेदवला इस्त्राएल देह क्ये बार बयना खानदान बनिवया।

*उत्पत्ति अध्याय 37 – 50 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_08_128kbps.m4a

## 9. परमेश्वर मूसा चिनोक्ये

https://openbiblestories.org/l/jnl-x-vanrawat/story-9/

![](https://cdn.door43.org/obs/jpg/360px/obs-en-09-01.jpg)

यूसुफ क्ये सिक्ये बाद आइके जम्मा रिस्तेदारावला मिस्त्र देह्या होयेसी। व्हाई और व्हाईक्ये गेदाव क्ये गेदाव मिस्त्र देह्या या कुहासी और आईला भोत गेदाव पयदा खयाहे। व्हाईला इस्त्राएली चिनेसी|

![](https://cdn.door43.org/obs/jpg/360px/obs-en-09-02.jpg)

कई ह्ये साल बाद, इस्त्राएलियो क्ये गिन्तिव भोत बाद्दो भंगे| मिस्त्री देह क्ये मंछला अब अय बतकाऊ फर्क हा पवोरे कि यूसुफ य जो खयस्यबासी खयते, कि आईला क्ये मदद घय खानी यूसुफ भोत कुछ घयस्याबासी। इस्त्राएलियो खानी बाड़ीयेसी मिस्त्र देह क्ये मंछ्ला गिनतिया भोत कमी हि| अय कारणय मिस्त्र देह्या राज जिघय वालो राजा इस्राएलियों क्वो मिस्त्रियो ला गुलाम जिबनावेसी।

![](https://cdn.door43.org/obs/jpg/360px/obs-en-09-03.jpg)

मिस्त्रियो य इस्त्राएलियो भोत बयना, बयना नावला और अय झानी कि घयनु शहरला बनाऊ खानी मजबूर खय्यासी। आई बहोत मेहनतय जिघयला आईला जिन्दगी सिला बयना दुखि जिबनाऊबासी, पर परमेश्वर य आईला आशीर्वाद जिब्बेसी और आईला जिक्क गेदासिला पयदा हिरी।

![](https://cdn.door43.org/obs/jpg/360px/obs-en-09-04.jpg)

राजा य दब्वा कि इस्त्राएलियो ला क्ये झिक्क गेदासिला प्यदा ही हायरे, अय कारणय आय पान मंछला नासी कि इस्त्राएलियो क्ये जम्मा पयला पया गेदासिला क्ये नील गान्गया चोड़ेते हाते क्ये आदेस जिबेसी।

![](https://cdn.door43.org/obs/jpg/360px/obs-en-09-05.jpg)

डा बिशेष एस्त्राएली मठ्याय डा पयला गेदा जन्म बा। आय और आयक्ये गिरोव गय जत्ती ही हाक्वा आय गेदा क्ये लुपाहे।

![](https://cdn.door43.org/obs/jpg/360px/obs-en-09-06.jpg)

जब आय गेदा क्ये इय्याव – बब्बाव गय आय झिक्क हां लुपे हाक्वाहे, त्ये आयलाय आय सी होय बचाव खानी आय तितेर्यो वालो टोकरिया नील गान्गे किनाराव्या झाङीला क्ये बिचया थाहे। आयक्ये बयना बहिन्याव आय दब्बो खानी आयक्ये निगरानी घय खानी कि आय हाते हांङ हिरी खयते।

![](https://cdn.door43.org/obs/jpg/360px/obs-en-09-07.jpg)

राजा क्ये गाड़ोगय आय टोकरी चेपोते आय भोतोरी दब्वा। जब आय डा पया चेपा त्ये आय पान पयाव क्ये रुपया काता। आय डा एस्त्राएली मठ्या आय दुधंङ हायटे खानी कामया था, बिन अय दहेते कि आय पया क्ये हाचिको इय्याव ही। जब आय गेदा अच्च बयना हिय्ये कि अब आय पान इय्याव क्ये दुधाव क्ये जरूरत हां ही, त्ये आय राजा क्ये गाड़ोव वापस लोटाव्वा, आयक्ये नामु मूसा ही।

![](https://cdn.door43.org/obs/jpg/360px/obs-en-09-08.jpg)

डा ध्यंङ, जब मूसा बयना हिय्ये, त्ये आय दब्वा कि डा मिस्त्री डा एस्त्राएली क्ये हानूहा। मूसा य पान हंगाव एस्त्राएली क्ये बचाव कोशिश घय हां।

![](https://cdn.door43.org/obs/jpg/360px/obs-en-09-09.jpg)

जब मूसा य हुच्वा कि आय हुइना चिचेपोरी त्ये आय अय मिस्त्री क्ये हाता और आयक्ये हेराव दफन खय्या। पर जो मुसा य जो खय्या आय हुइनु चिचेपा।

![](https://cdn.door43.org/obs/jpg/360px/obs-en-09-10.jpg)

राजा क्ये मालुम हिय्ये कि मुसा य हांङ खयहावरे। अय आय हाते क्ये कोशिश खयहावरे , पर मूसा मिस्त्र दी मांङगया थावक्ये। राजा क्ये सिपाहिला आय हां मरा हाक्वाहे।

![](https://cdn.door43.org/obs/jpg/360px/obs-en-09-11.jpg)

मिस्त्र दी दूर मांङया मूसा डा ग्वालो बनिव्वा। आय व्हाईया डा मठ्या हाते बर्यातिव खय्या और नि पयाव पयदा खय्या।

![](https://cdn.door43.org/obs/jpg/360px/obs-en-09-12.jpg)

मूसा य पान सोरजुव क्ये भेड़ाव क्ये झुंडा वला क्ये देख भालाव खयने। डा ध्यंङ, आय डा चिहु झाडी क्ये चेपा जो भस्म हिय्ये बिन जल्लो हा। आय दब्बो खानी व्हाई आय झाड़ी क्ये पास का। जब व्हाई आयक्ये झिक्कल नजदीक ही त्ये परमेश्वर य आय हात बतकाव खय्या। आय चिने, “हे मुसा पान जोधागे उतारो। नंङ डा पवित्र जग्गाया ठाड्डो ज्युस्या। ”

![](https://cdn.door43.org/obs/jpg/360px/obs-en-09-13.jpg)

परमेश्वर य चिने, “नाय पान मंछला क्ये दुःख्ख सिला चेपो हावरे। ना नंङ राजा क्ये पाह घाल्लोने तबय नंङ एस्त्राएलियो ला मिस्त्र देह क्ये गुलामे दी तोने स्याकोरिव। ना आयला कनान देहे बेरिव्सी, व्हाई देहे जो नाय अब्राहम, इसहाक और याकूब हाते वाद्दा घय हा। ”

![](https://cdn.door43.org/obs/jpg/360px/obs-en-09-14.jpg)

मूसा य होद्या, “अगर मंछलाय दहे क्ये हुचोरे कि ना हुई घाल्लो हायरे त्ये ना हांङ नेरिवसी ?” परमेश्वर य चिने, “ जो ना गुहा सो ना गुहा। आयला नासिना, ‘ना गुहा य ना ननिला पाहे घाल्लोहायरे। ’ आयला अय लय नासिना, ‘ना ननिला पित्रला अब्राहम, इसहाक और याकूब क्ये परमेश्वर यहोवा ही। ’ ना नामुये सदा खानी ही। ”

![](https://cdn.door43.org/obs/jpg/360px/obs-en-09-15.jpg)

मूसा पाड़ीने और राजा क्ये पास गा क्ये हां चाहोने हान्खानी कि आय हुच्वा कि व्हाई निक्को हां ह्आ हाक्कोरिव, अय कारणय परमेश्वर य मूसा क्ये बव्वाव, हारून, क्ये आयक्ये मद्दाव घय खानी घाल्वा।

*निर्गमन अध्याय 1 – 4 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_09_128kbps.m4a

## 10. दहे समस्याला

https://openbiblestories.org/l/jnl-x-vanrawat/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर य मूसा और हारून क्ये धमकी जिबे कि फिरौन जिद्दी हि रि। जब व्हाईला फिरौन क्ये पास कासी तब आईला चिनेसी, “इस्त्राएल क्ये परमेश्वर अय चिनेरेय, ‘ना मंछ्ला गा हाबेने!’” पर फिरौन य आय्क्ये हा कुन्हा और इस्त्राएलियो क्ये गा हाबेनी खानी आजाद घय क्ये बजाय आई आईला मुस्किल मेहनत घय खानी मजबूर जिघा।

![](https://cdn.door43.org/obs/jpg/360px/obs-en-10-02.jpg)

फिरौन न्य आय मंछला गा हाबे खानी लगातार मना घय हा, अय कारणय परमेश्वर मिस्त्र देहया दहे भयंकर समस्या जिबेसी। अय समस्याक्ये कारण, परमेश्वर फिरौन क्ये चिहामटे कि व्हाई फिरौन और मिस्त्र देह्क्ये सेडाला होई झिक्क शिक्ति वालो हि।

![](https://cdn.door43.org/obs/jpg/360px/obs-en-10-03.jpg)

परमेश्वर नील गान्गे हुईया बदेलाहे ,पर फिरौन क्ये अतर लय इस्त्राएलियो हां गा स्याबे।

![](https://cdn.door43.org/obs/jpg/360px/obs-en-10-04.jpg)

परमेश्वर पुरो मिस्त्र देह्या गोगोच्चाला घाल्वा। फिरौन य गोगोच्चाला दूर घय खानी जानकारी मूसा जिबे जम्मा गोगोच्चाला क्ये सी क्ये बाद, फिरौन नय पान मनोव मजबूत खय्या और इस्त्राएलियो क्वो मिस्त्र दी हा गा स्याबेसी।

![](https://cdn.door43.org/obs/jpg/360px/obs-en-10-05.jpg)

अय कारणय परमेश्वर चीतिलाको समस्या घाल्वा। आइके बाद डाहे समस्या घाल्वा। फिरौन नय मूसा और हारून क्ये नोकाहे और अय चिने कि अगर व्हाई समस्या रोक्यो बे त्ये इस्त्राएली मिस्त्र क्ये हड्डोते गा हाकोयेरे जब मूसा य बिनती खय्या तब परमेश्वर मिस्त्र या डाहला हटावासी । पर फिरौन य पान क्ये मनोव मजबूत खय्या और आइलाय मंछला आजाद हिते हा गा स्याबेसी।

![](https://cdn.door43.org/obs/jpg/360px/obs-en-10-06.jpg)

आयक्ये गेंता, परमेश्वर य मिस्त्रियो जम्मा चिपारयो डीनगोला क्ये बीमार हिते सिहाबेसी। पर फिरौन क्ये मनाव मजबूत खय्या और आईला इस्त्राएलियो ला हा गा हाबा।

![](https://cdn.door43.org/obs/jpg/360px/obs-en-10-07.jpg)

तब परमेश्वर मूसा य फिरौन क्ये सामने हवा क्ये घवरे चोड़े खानी चिने। जब आई इंद खय्या टो मिस्त्र क्ये मंछला क्ये खालावया जलन वालो फोड़ाला तोंगेसी ,पर इस्त्राएलियो ला डाहांना हिये परमेश्वर य फिरौन क्ये मनाव मजबूत झिघयबा, और फिरौन य एस्त्राएलियो क्ये आजाद हिते हा गा स्याबेसी।

![](https://cdn.door43.org/obs/jpg/360px/obs-en-10-08.jpg)

आयके बाद, परमेश्वर य डार गिराववा और मिस्त्र क्ये झिक्कय झिक्क खेती खत्म जिघयबा और ज्यो कोई बहारी तोंगे आई हाता। फिरौन य मूसा और हारून क्ये चिनोकेसी और आयला चिनेसी, “नाय पाप घय हाउरे। नानी गा स्याकोयेरे। ” मूसा य बिनती खय्या कि, और देहो दी डार गिरवो क्ये बंद हिये।

![](https://cdn.door43.org/obs/jpg/360px/obs-en-10-09.jpg)

आजाद हिते हा गा हाबा। पर फिरौन य फिर पाप खय्या और पानक्ये मनोव मजबूत खय्या। इस्त्रैलियो आजाद हिते गा हां स्याबेसी।

![](https://cdn.door43.org/obs/jpg/360px/obs-en-10-10.jpg)

बादया परमेश्वर य मिस्त्र या टिड्डिला दल सिला बी हाबासी। अय टिड्डीला आई जम्मा खेती जा हे जो डारय बेचो हासी।

![](https://cdn.door43.org/obs/jpg/360px/obs-en-10-11.jpg)

पय परमेश्वर ठेप्पे खय्या ज्यो हुंग ध्यंग झानी बनिव व्हा। अय अचे भयानक हि कि मिस्त्रि वालोला नाव दि बहारी हा बिहाक्वाहे। पर जाहा इस्त्राएली मंछ्ला कुहनेसी आइया रोंग हि।

![](https://cdn.door43.org/obs/jpg/360px/obs-en-10-12.jpg)

अय नववे समस्याला क्ये बाद, फिरौन न्य इस्त्राएलियो ला आजाद हिते हा गा स्याबेसी। फिर फिरौन न्य हा कुन्हा आय कारणय परमेश्वर डा अंतिम समस्या घाल्लो खानी उपाई पनाउवा। आय फिरौन क्ये मनाव जिबदेलोरिबय।

*निर्गमन अध्याय 5 -10 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_10_128kbps.m4a

## 11. यहूदी लाके त्यौहार जिबनाव वालो ध्यंङ

https://openbiblestories.org/l/jnl-x-vanrawat/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर य मूसा और हारून क्ये आई फिरोन राजा पाहे अय ने खानी जिघाल्वासी की इस्त्राएलियों ला गा हाबेनी| आईला राजा दिध्मकाव्वे की अगर व्हाइला आईला हां गा स्याबेरिव त्ये, परमेश्वर य मिस्त्र देह क्ये मंछला क्ये और डिन्गोला क्ये जम्मा पयलो पयासिला चिहातेरिबाय| राजा अय कुन्हेतलय परमेश्वर या भरोसा घय खानी और आइके बतकाव मान्यो खानी मना खय्या।

![](https://cdn.door43.org/obs/jpg/360px/obs-en-11-02.jpg)

परमेश्वर य पान पर भरोसा जिघय वालोला क्ये पयलो पयासिला बचाव खानी डा उपाय ब्यवस्था खय्या। हर परिवार दी डा जोया दोष हां व्हा आय वालो भेड़े पयाव कातेते आयके हाते को हिय्ये।

![](https://cdn.door43.org/obs/jpg/360px/obs-en-11-03.jpg)

परमेश्वर य इस्त्रीएलियों लाक्ये आय भेड़ क्ये हुइयुव कातेते पान नावसिला क्ये धेरलाया लाव खानी चिनेसी| व्हाइला आयके स्याव भुट्टो को हीय्ये और फिर अय बिन हुरु वालो लग्या हंगे आय जल्दी जाको हिय्ये। आयलय आय जाको जाते बाद आयला आज्जायले मिस्त्र क्ये हाड्डोको तयार ही खानी चिनेसी।

![](https://cdn.door43.org/obs/jpg/360px/obs-en-11-04.jpg)

जोह्हो घय खानी परमेश्वर य इस्त्राएलियों ला आज्ञा बेस्यासी व्हाइला य आयके अनुसार सेहांग खय्याहे| बिच गायरेया, परमेश्वर य हर डा पयलो पयासिला क्ये वार खयतले मिस्त्र देह क्ये बिचय हिते ओक्का।

![](https://cdn.door43.org/obs/jpg/360px/obs-en-11-05.jpg)

इस्त्राएलियों लाक्ये हर डा नाव क्ये धेरसिलाया हुई लागाउतर्या ही, अय कारणय परमेश्वर आय नावला हाड्वासी। आइक्ये भोतोरी क्ये मंछला सुरक्षित ही। व्हाईला भेड़े हुइयु क्ये कारणय बच्वासी।

![](https://cdn.door43.org/obs/jpg/360px/obs-en-11-06.jpg)

लेकिन मिस्त्रियों न्ये परमेश्वर या भोरोसा हा खय्याहे और आयके आज्ञाव हा मान्याहे। अय कारणय परमेश्वर य अयला नावसिला हा हड्वासी। परमेश्वर य मिस्त्रियों लाक्ये हर डा पयलो पयासिला चीहाते बासी।

![](https://cdn.door43.org/obs/jpg/360px/obs-en-11-07.jpg)

जेलखाने क्ये केदिला क्ये झायचल पयावला दी कातेते, फिरोन राजा क्ये पयलो पयाव झानी, हर डा पयलो प्यासिला सिय्येसी| पानक्ये मन क्ये गहिरो दर्द क्ये कारणय मिस्त्र क्ये भोत मंछला करेहांसी और दुःख प्रकट घय हासी।

![](https://cdn.door43.org/obs/jpg/360px/obs-en-11-08.jpg)

आय गायरे, फिरोन राजा य मूसा और हारून चिनोकेसी और चिनेसी, “इस्त्राएलियों ला कातेते तुरंतल मिस्त्र देहे दी घेनि!” मिस्त्र देह क्ये मंछलाय इस्त्राएलियों ला तुरंतल गा खानी निवेदन खय्याहे।

*निर्गमन अध्याय 11 : 1 -12 : 32 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_11_128kbps.m4a

## 12. इस्त्राएली मंछला मिस्त्र देहे दी तोनेक्वो

https://openbiblestories.org/l/jnl-x-vanrawat/story-12/

![](https://cdn.door43.org/obs/jpg/360px/obs-en-12-01.jpg)

इस्त्राएली मंछला मिस्त्र देहे दी तोंते झिक्क खुश ही। व्हाइला अब गुलाम हां ही, और व्हाइला वाद्दा क्ये देह ता गा भंगेसी! जो लय इस्त्राएलियों लाय फायक्काहे, मिस्त्रियों लाय सेहांग जिबेसी, अय झानी की हुनंङ और चांदी लय और अन्य किम्मती वालो सामान ला लय। दोहरे देह वालोलाय थोड़ा मंछलाय परमेश्वर या भरोशा खय्याहे जब इस्त्राएली मंछला मिस्त्र देहे दी तोंगेसी तो व्हाइला हंङगे ओक्कासी।

![](https://cdn.door43.org/obs/jpg/360px/obs-en-12-02.jpg)

ध्यंग क्ये ह्वाते देहो क्ये डा बयना खम्बा आईला गेंता - गेंता ह्वा। और गायरे क्ये समय्या व्हाई म्हई क्ये खम्बा बनिव्वा। परमेश्वर य जो अय देहो क्ये खम्बा और म्हई क्ये खम्बा या ही, हमेशा आईला हंङगे ही और आयला सफर घय समय योंङ चिहाम्टेसी। व्हाइला अच्चल घयको हिये की व्हाइला आयके चेटा ह्वाको ही।

![](https://cdn.door43.org/obs/jpg/360px/obs-en-12-03.jpg)

थोड़ा समय क्ये बाद, फिरोन राजा और आयके मंछावलाग्य पानके मने सिला बदेल्याहे। व्हाइला इस्त्राएलियों ला फिर लय पानके गुलाम बनाउके हुच्चो हासी। अय करणय इस्त्राएलियों ला चेटा कासी। अय परमेश्वर ही जो व्हाइला मने सिला जिबदेलोबासी। अई इन्दे खानी खय्या हान्खानी की व्हाई अय चाहोन्या की हर कोई अय दहेरे कि फिरोन राजा और मिस्त्रियों लाक्ये जम्मा सेडाला होई व्हाई, यहोवा, झिक्क शक्ति वालो ही।

![](https://cdn.door43.org/obs/jpg/360px/obs-en-12-04.jpg)

जब इस्त्राएलियों ला मिस्त्र देह क्ये सिपाहिला बिहासी आयला मालूम हिय्ये की व्हाई फिरोन राजा क्ये सिपाहि और टोल्हर्या समुद्र क्ये बिच्या फसिव्वासी। व्हाइला पाड़ीय्येसी और करे भंगेसी, “नानी मिस्त्र देह क्ये हान्खानी हाड्वाहे? नानी चिसी ही !”

![](https://cdn.door43.org/obs/jpg/360px/obs-en-12-05.jpg)

मूसा य इस्त्राएलियों ला चिनेसी, “पाड़ीक्ये बंद खयनी! परमेश्वर दय ननिला खानी राकेड़ी और ननिला जिबचावरी। ” तब परमेश्वर य मूसा चिने, “अय मंछला टोलहर्या समुद्र क्ये और गेंता ता गा खानी नवसी। ”

![](https://cdn.door43.org/obs/jpg/360px/obs-en-12-06.jpg)

तब परमेश्वर य अय देहो क्ये खम्बा कातेते इस्त्राएलियों और मिस्त्रयों लाक्ये बिच्या थाबा तबय मिस्त्री देह क्ये मंछला इस्त्राएलियों ला दब्बो हा हाक्कोरे।

![](https://cdn.door43.org/obs/jpg/360px/obs-en-12-07.jpg)

परमेश्वर य मूसा समुद्र या पान हाकेगे बड़ाव खानी चिने। फिर परमेश्वर य हव्वाय समुद्र क्ये ती बाव तालय दाय तालय हागय्या, जोह्होय समुद्र दी हिते डा योन्ग बनिव्वा।

![](https://cdn.door43.org/obs/jpg/360px/obs-en-12-08.jpg)

इस्त्राएली मंछला पान्के नि तरफय ती क्ये दिवार हाते कारो मट्या या समुंद्र दी हिते ओक्काहायरे।

![](https://cdn.door43.org/obs/jpg/360px/obs-en-12-09.jpg)

तब परमेश्वर य अय योंङग दी देहो क्ये उठाव्वा तबय मिस्त्री देह क्ये मंछला इस्त्राएलियों बेचोते गाके दिख्वासी। मिस्त्रियों लाय आयला होंखानी आयला चेटा गा खानी फेसला खय्याहे।

![](https://cdn.door43.org/obs/jpg/360px/obs-en-12-10.jpg)

अब आयला य समुन्द्र क्ये बिचय आय योंय इस्त्राएलियों ला चेटा कासी, पर परमेश्वर य मिस्त्रियों ला स्याबार्तेसी और आयला रथ सिला चिअटकावबासी। व्हाइला काला घय भंगेसी, “थावकेनी! इस्त्राएलियों ला ओरय परमेश्वर राके हारे|”

![](https://cdn.door43.org/obs/jpg/360px/obs-en-12-11.jpg)

जम्मा इस्त्राएली समुन्द्रय दोहरो और लयकासी। तब परमेश्वर य मूसा चिने कि व्हाई आजी तीता हाकेगे बड़ाव। जब मूसा य इन्द खय्या, तब ती मिस्त्री देह क्ये सिपहिला या गिरव्वे और पानके जग्गाव्या वापस पिय्ये। जम्मा मिस्त्री देह क्ये सिपहिला डूब्यासी।

![](https://cdn.door43.org/obs/jpg/360px/obs-en-12-12.jpg)

जब इस्त्राएलियों लय चेपाहे की मिस्त्री देह वालोला सियेसी तबय आयलाय परमेश्वर पर भरोसा खय्याहे। आयला य भरोसा खय्याहे की मूसा परमेश्वर क्ये ओरय बतकावला मंचाला या होल्लावरे आय भविष्यद्वक्ता न्येरे ।

![](https://cdn.door43.org/obs/jpg/360px/obs-en-12-13.jpg)

इस्त्राएली मंछला अय कारणय भोत खुश हि हान्खानी कि परमेश्वर य आयला सी होयते और गुलाम बनिव होय जिबचावेसी। परमेश्वर क्ये बिनती और आयके आदेह क्ये पालन घय खानी आजाद ही। इस्त्राएलियों लाय पानके आजादी क्ये तारीफ़ घय खानी और परमेश्वर क्ये सेवा घय खानी गित्त गाव्वाहे हान्खानी कि व्हाई आय मिस्त्रियों लाक्ये सिपाही ला दी स्याबेच्वासी।

![](https://cdn.door43.org/obs/jpg/360px/obs-en-12-14.jpg)

परमेश्वर य इस्त्राएलियों ला हर हाल त्यौहार मनाव खानी आदेश जिबेशी अय याद घय खानी की होखय्ते परमेश्वर य मिस्त्रियों ला हराव्वाहे और गुलाम ही होय आजाद जिघासी। अय यहूदी ला क्ये बरेहे को त्यौहार हीरी। व्हाई आयला ख़ुशी मनाव खानी निक्को भेड़ क्ये पयाव बलिव घय क्वो हिय्ये, आय भूट्टो क्वो हिये, और बिन हुरु वालो लग्या हाते जाको हिये।

*तोनेक्ये कामला अध्याय 12 : 33 – 15 : 21 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_12_128kbps.m4a

## 13. इस्त्राएल हंङगे परमेश्वर क्ये वाचा

https://openbiblestories.org/l/jnl-x-vanrawat/story-13/

![](https://cdn.door43.org/obs/jpg/360px/obs-en-13-01.jpg)

इस्त्राएलियों ला टोल्हर्या समुन्द्र पार होल्ला बाद, परमेश्वर य आयला मांङग दी हिते सिने नामु क्ये पहाड़े और ज्यातेसी। अय आय पहाड़ ही जो मूसा य जिजल्लो वालो झाड़ी चेपोहा। अय मंछला य आय पहाड़ क्ये धी पानके ड़ेरासिला पनावाहे।

![](https://cdn.door43.org/obs/jpg/360px/obs-en-13-02.jpg)

परमेश्वर य मूसा और इस्त्राएल देह क्ये मंछला नासी, “ननिला हमेशा ना बतकाव्वे मान्यो क्वो व्हा और जो वाचा ननिला हंङगे होयरिव आय बनाव थाहना। अगर ननी इन्दे जिघयेरे, त्ये ननिला ना इनाम झिक्क मूल्य वालो रुपय्या, परमेश्वर क्ये पुजारी ला क्ये राज्य, और डा पवित्र जाती चीहिरी।

![](https://cdn.door43.org/obs/jpg/360px/obs-en-13-03.jpg)

परमेश्वर जरियाय आयला पाहे बिखानी मंछालाय हुंङग ध्यंङ पानल त्यार हिय्येसी। तब परमेश्वर य सिने पहाड़ क्ये ठाय दी धी उतरवे। जब व्हाई पिय्ये त्ये तब भुयचाल हिय्ये, बिजली चमकिव्वा, धुका उठ्व्वे, तुरहियों लाक्ये जोरदार सब्द हिय्ये। तब मूसा पानल पहाड़ क्ये ठाय चड़ीव्वा।

![](https://cdn.door43.org/obs/jpg/360px/obs-en-13-04.jpg)

तब परमेश्वर य मंछला क्ये हंगे डा वाचा होय्या। आय चिनेसी, “ना ननिला परमेश्वर, यहोवा ही। नाल ही जो ननिला मिस्त्र देह क्ये गुलामी दी छुड़ाव्वासिने। कोई और सेडा क्ये भक्ति धा जिघय्ये। ”

![](https://cdn.door43.org/obs/jpg/360px/obs-en-13-05.jpg)

“मुर्तिला धा जिबनाय्ये और आयके भक्ति ता खय्याहेना, हान्खानी कि ना, यहोवा ,ननिला डाठाला परमेश्वर यना ही। गलत नियमय ना नामु येक्ये प्रयोग ता खय्याहेना। शनिवार सब्त क्ये ध्यंङ सुद्ध मान्यो खानी याद खय्याहेना। दोहर शब्दया, तुर्के ध्यंङ या ननी जम्मा कामला खय्याहेना, हात्ताव ध्यंङ या ननिला आराम खय्याहेना और ना याद घय को ध्यंङ ही। ”

![](https://cdn.door43.org/obs/jpg/360px/obs-en-13-06.jpg)

“पान इय्या और बब्बायना क्ये इज्जताव खय्याहेना। हत्या ता खय्याहेना। बुरो काम ला ता खय्याहेना। चोरी ता खय्याहेना। झूठी ता हाँसिना पानके बगल वालो क्ये मेत्व, आयके नाव, या आयला कोई सामान सिला गाते को इच्छा हा घयको ही। ”

![](https://cdn.door43.org/obs/jpg/360px/obs-en-13-07.jpg)

तब परमेश्वर य आय दह्हे आज्ञाला क्ये ढुंङगे क्ये नि पट्टीव लाया लिख्खोते मूसा जिबे। परमेश्वर य पालन घय खानी मंछला अलग व्यवस्था ला जिबेसी। अगर आयलाय अय व्यवस्थाला पालन खय्याहेते त्ये परमेश्वर आयला आशीर्वाद जिबेरी और आयला रक्षा घय खानी वाद्दा खय्या। पर आय चिनेसी की आयलाय आयके पालन हा खय्याहे त्ये व्हाइला सजा जिबेरी।

![](https://cdn.door43.org/obs/jpg/360px/obs-en-13-08.jpg)

परमेश्वर य इस्त्राएलियों ला डा बयना ढ़ेरासीला बनाव खानी चिनेसी – मिल्लो तर्या वालो ढ़ेरा। आय व्हाइला निख्खय जिब्तावेसी की अय ढ़ेरा होखयते बनाव क्वो व्हा, और आयके भोतोरी हांग चीज ला था क्वो व्हा। व्हाई आयला अय ढ़ेरा नि कमरावया बाट्टो खानी डा बयना पर्दा बनाव खानी चिनेसी। परमेश्वर य आय पर्दा क्ये चेटा वालो कमरावया बीरी और आय्या गुहारी। जाहा परमेश्वर ही आय कामरावया गा खानी अनुमति केवल महान यहूदी बयना पुजारी ही।

![](https://cdn.door43.org/obs/jpg/360px/obs-en-13-09.jpg)

आय मंछलाय अय चिमिल्यो वालो ढ़ेरा क्ये सामनेया डा पुजो जग्गा बनाउके हिय्ये । कोई लय जो परमेश्वर क्ये व्यवस्था क्ये अपमानाव खय रिव व्हाई आय पूजो जग्गा डा डिंगो पिते पीरी। तब यहूदी पुजारी य बलि खयरिव और पूजो जग्गा या परमेश्वर खानी बलि रूप या पालोरिव। परमेश्वर चिनेसी की आय डिंगो क्ये हुइय्यु आय मंछ क्ये पापाव भर्वरिव। अय रितय , अब परमेश्वर अय पाप क्ये हां दब्बोरिव। व्हाई मंछ परमेश्वर नजराव या “शुध्द” हिरी। परमेश्वर य मूसा भाव्वाव हारून क्ये और हारून क्ये प्यावला क्ये पान पुजारी हिरी खयते चुन्वा।

![](https://cdn.door43.org/obs/jpg/360px/obs-en-13-10.jpg)

परमेश्वर य अय मंछला जो नियम जिबेसी व्हाइला आयक्ये पालन घय खानी मंजूर हिय्येसी। व्हाइला केवल परमेश्वर क्ये मंछला ही खानी और केवल आयक्ये आदर घय खानी मंजूर हिय्येसी।

![](https://cdn.door43.org/obs/jpg/360px/obs-en-13-11.jpg)

घयनु ध्यंङग झानी, मूसा सिनै पहाड़े ठाय कुहा। व्हाई परमेश्वर हाते बतकाव घय हा। पर मंछला आयक्ये पाह वापस बी क्ये इन्तजार घय – घय थाक्वासी। अय कारणय व्हाईला हारून पाहे हुनंङग कातेते पीय्येसी और आय डा मूर्ति बनाव खानी चिने तबय व्हाइला परमेश्वर बजाय आयके पूजा घय हाक्कोरे। अय नियतय, व्हाइला भयंकर रुपय परमेश्वर क्ये खिलाफ पाप खय्याहे।

![](https://cdn.door43.org/obs/jpg/360px/obs-en-13-12.jpg)

हारून य बाहों आकारके हुनंङग क्वो डा मूर्ति पनाउवाहे। अय मंछला य आय मूर्ति क्ये पूजा घय क्ये सुरु खय्याहे और आय खानी बलि चड़ावाहे! आयला पाप क्ये वजय परमेश्वर आयला खानी भोत घुस्शा हिय्येसी। व्हाई आईला हातेक्ये हुच्चो हासी। पर मूसा य आयला हां हाते खानी परमेश्वर हाते बिन्ती खय्या। परमेश्वर आयक्ये बिन्तिव कुन्हा और आयला हां हातासी।

![](https://cdn.door43.org/obs/jpg/360px/obs-en-13-13.jpg)

आखिरया मूसा सिनै पहाड़े दी धी उतरवे। व्हाई आय नि ढुंगे पट्टीव ला पितेतरा ही जो या परमेश्वर जोया दह्हे आज्ञावला लिख्खोतर्या ही। फिर अय आय मूर्ति चेपा। व्हाई अच घुस्सा हिय्ये कि आय अय पट्टीला चूर - चूर खय्यासी।

![](https://cdn.door43.org/obs/jpg/360px/obs-en-13-14.jpg)

फिर मूसा य आय मूर्ति पिस्योते आयके बुरादाव पनावबा, और आय बुरादा तीय्या मिलावते आय मंछला व्हाई ती हायटासी। परमेश्वर य आय मंछला खानी डा कठिनाई जिघाल्लोबासी और आयला दी घयनु मंछाला सिय्येसी।

![](https://cdn.door43.org/obs/jpg/360px/obs-en-13-15.jpg)

ज्वो पट्टीला मूसा य काङेयासि आयके जग्गाव गाते खानी मूसा य आय दह्हे आज्ञा क्ये ढुंगला क्ये नया पट्टीला पनाउवा। तब व्हाई फिर पहाड़ या चढ़वे और प्रार्थना खय्या कि परमेश्वर आयला क्ये माफ़ जिघय्येरी। परमेश्वर य मूसा क्ये जिगुन्हेबा और आयला माफ़ जिघयेसी। नया पट्टीला पर दह्हे आज्ञाला पितेते मूसा पहाड़े दी धी पिय्ये। तब परमेश्वर सिनै य पहाड़े दी कातेते तर्या वाद्दा क्ये देह झानी इस्त्राएलियों ला रक्षा खय्या।

*निरगमन अध्याय 19 - 34 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_13_128kbps.m4a

## 14. मांङया भट्किवक्वो

https://openbiblestories.org/l/jnl-x-vanrawat/story-14/

![](https://cdn.door43.org/obs/jpg/360px/obs-en-14-01.jpg)

परमेश्वर य इस्त्राएलियों ला आय नियम बतावके खत्म खय्या जो आयला होयतेरा आयके वाचा क्ये कारणय पालन घय हांसी । फिर आय सिनै बयना पहाड़ दी गेन्ता आयला योन्ग चिहाम्टेसि। व्हाई आयला वाद्दा क्ये देहया गाते हुचो हा। अय देहे कनान देह लय नेन्याहे। परमेश्वर देहोके खम्बाया आयला गेंता -गेंता व्हा ,और व्हाइला चेता – चेता व्हासी।

![](https://cdn.door43.org/obs/jpg/360px/obs-en-14-02.jpg)

परमेश्वर य अब्राहम, इसहाक और याकूब क्ये वाद्दा खयहा कि अय वाद्दा क्ये व्हाई देह आयला प्यासिला बेरीव, पर अय समय व्हाईया भोत जातीला कुहायरे। व्हाई कनानी ला न्येरे। अय कनानी ला परमेश्वर क्ये आदर – सम्मान हा खय्येरे और कहनाव हा मान्योन्याहे । व्हाइला झूठी सेडाला पूजा खयनेसी और भोत गलत काम खयनेसी।

![](https://cdn.door43.org/obs/jpg/360px/obs-en-14-03.jpg)

परमेश्वर य इस्त्राएलियों ला चिनेसी, “जब ननिला आय वाचा क्ये देहया जिगारित्ये व्हाइय्या जम्मा कनानियों दी छुटकारा पव्वाहना। आयला हंगे मिल धा जिघये और आयला हंग बर्याती धा जिघये। ननिला आयला जम्मा मुर्तिसिला पूरी तरह खत्म घयको व्हा। अगर ननी न कहनाय हा चिमान्योरे, तो ननिला न बजाय आय सेडाला पूजा घय जिभंली। ”

![](https://cdn.door43.org/obs/jpg/360px/obs-en-14-04.jpg)

जब इस्त्राएलियों ला कनान देह क्ये सीमा या लयपेसी, मूसा य इस्त्राएल देह क्ये प्रत्येक जातीला दी डांडा खयते बारे पयला चुन्वासी। आय व्हाइला आय देह क्ये जासूसी घय खानी आदेश जिबेसी की दब्बोयेरे व्हाई हो देह व्हा। आयला अय कनानियों ला जासूस गाते क्वो हिये की दब्बोयेरे व्हाइला ताकतवर व्हाई या कमजोर व्हाई।

![](https://cdn.door43.org/obs/jpg/360px/obs-en-14-05.jpg)

आय बारे पयलाय पुरो कनान देहे दी हिते चालिसे ध्यंग क्वो सफ़र खय्याहे और फिर व्हाइला वापस पीयेसी। आयलाय मंछला बतावाहे, “व्हाई देहे झिक्क खेत्ति वालो जमीन व्हा और अन्न भोत झिक्क हीरे!” पर दहे गुप्तचर लाय चिनेसी, “आयला बस्तीसिला भोत मजबूत व्हा और व्हाई मंछला लेंगे चोड़ो व्हाई! अगर नानी आयलाया हमला घय री, त्ये पक्का हिय्ये कि व्हाइला नानी चिहरावरी और नानी चिहातेरी। ”

![](https://cdn.door43.org/obs/jpg/360px/obs-en-14-06.jpg)

तुरन्तले कालेब और यहोशू और अलग नि गुप्तचर लाइ चिनेसी, “अय ह्याची व्हा कि कनान देह क्ये मंछला लांगे और ताकतवर व्हाई, पर पक्का हिय्ये कि नानी आयला हराव हाक्कोरे! परमेश्वर य नानी खानी राकेङी!”

![](https://cdn.door43.org/obs/jpg/360px/obs-en-14-07.jpg)

पर मंछलाय कालेब और यहोशू क्ये हां कुन्हाहे। व्हाइला मूसा और हारून खानी रिहसिला पिय्ये और चीनसी, “ननीला नानी अय खतरनाक जग्गा हंखानी जिब्तेसी ?नानी मिस्त्र देहय गुहाको हिय्ये। अगर नानी आय देहया गासित्ये त्वो नानी राकेरी त्ये सीरी, और कनान देह क्ये मंछला नानी मेत्येना और गेदाला गुलाम पनाउरे। ” व्हाई मंछला वापस मिस्त्र देह गाते खानी डा अलग प्रधान हिरी।

![](https://cdn.door43.org/obs/jpg/360px/obs-en-14-08.jpg)

जब आय मंछला य इन्द चिनेसी त्ये परमेश्वर क्ये भोत रिहाव पिय्ये। व्हाई चिमिल्यो वालो डेराया पिय्ये और चिनेसी, “नानिलाय ना खिलाफ बिद्रोह जिघाहे, अय कारणय ननिला अय मांगया भटकव पवोरी। हर डा मंछ ज्वो बीस साल या आयहोय झिक उम्र वालो व्हा व्हाई सीरी और कभय लय आय देहया गा हा हाकोरिव ज्वो ननिला बेरिन्ये। केवल कालेब और यहोशू आया गा हाकोरे। ”

![](https://cdn.door43.org/obs/jpg/360px/obs-en-14-09.jpg)

जब मंछलाय परमेश्वर य इन्द ने स्यासी कुन्हाहे, त्वों व्हाइला दुखी हिय्येसी हंखानी कि व्हाइलाय पाप खय्याहे| अय कारणय व्हाइलाय कनान देह क्ये मंछला या हमला घय खानी फेसला खय्याहे| मूसा य आयला हा गा खानी पयलो दिले चिनेसी हान्खानी कि परमेश्वर य आयला हंगे हा कारी, पर आयलाय व्हाइके हा कुन्हाहे।

![](https://cdn.door43.org/obs/jpg/360px/obs-en-14-10.jpg)

परमेश्वर य अय युद्ध या आयला हंगे हां का व्हा, अय कारणय कनानियों लाय आयला चिहरावेसी और आयला दी भोत ला चिहातेसी। तब इस्त्राएली मंछला कनान देहे दी वापस मुड़ीवासी। गेंता चालिस साल झानी, व्हाइला मांगया भट्कव्को।

![](https://cdn.door43.org/obs/jpg/360px/obs-en-14-11.jpg)

इस्त्राएली मंछला जरियाय मंगया भट्कवके चालीस साल चलते, परमेश्वर य आयला जरूरत सिला पुरो जिघयबासी। व्हाई आयला स्वर्ग दी “मन्ना” नामु क्ये लग्या जिबेसी। व्हाई बटेरो ब्वाला क्ये झुन्डावला आयला ड़ेरासिलाया जिघाल्लोबासी तबय आयला जा खानी स्या हिरी। आय पुरो समय झानी, परमेश्वर य आयला लत्तासिला और जोधासिला जई होय जिब्चावबासी।

![](https://cdn.door43.org/obs/jpg/360px/obs-en-14-12.jpg)

अय झानी कि परमेश्वर य आयला तोंग खानी चमत्कारिय रुपय भिट्टा दी ती तोना। पर अय सेहांग क्ये बाद, इस्त्राएली मंछला परमेश्वर के खिलाफ और मूसा क्ये खिलाफ शिकायत खय्याहे और कुडकुड़ाए वेसी। तबय लय, परमेश्वर भरोशा योग्य ही। आय ज्यो वाद्दा खय हा कि अब्राहम, एसाहक, और याकूब करे पयाव क्ये पयाव खानी खयरिव आय व्हाई खय्या।

![](https://cdn.door43.org/obs/jpg/360px/obs-en-14-13.jpg)

डा समय जब व्हाई मंछला पास ती हा ही, परमेश्वर य मूसा चिने, “भिट्टा हाते बतकाव खय ,और आय दी ती तोंगली। ” पर मूसा य भिट्टा हाते बतकाव हा खय्याहे। अयके बजाय आय डंडाय भिट्टा नि बार हनुवा। अय नियतय आय परमेश्वर क्ये अपमानाव खय्या। जम्मा ला खानी भिट्टा दी ती ता तोंगे, पर परमेश्वर मूसा य रिहाव पिय्ये। आय चिने, “हान्खानी कि न्य इन्द जिघा, अय कारणय नंग वाद्दा क्ये देहया जा हा स्याकोरिव। ”

![](https://cdn.door43.org/obs/jpg/360px/obs-en-14-14.jpg)

जब इस्त्राएली मंछला चालीस साल झानी मांग्या भट्कव्वेसी, तब ज्यो लाय परमेश्वर क्ये खिलाफ विद्रोह खय्याहे व्हाइला जम्मा सियेसी। तब परमेश्वर य आय मंछला फिर आय वाद्दा क्ये देहया सीमा झानी ज्यातेसी। अब मूसा भो बूढीवो व्हा, अय कारणय परमेश्वर य मंछला क्ये योन्ग चिहामटे खानी और आयला मदद घय खानी यहोशू चुन्या। परमेश्वर य मूसा दी अय वाद्दा लय खय्या कि डा ध्यंग व्हाई आय मंछला क्ये पास मूसा जोहहो डा भविष्य जिब्ताव वालो घाल्लोरिव।

![](https://cdn.door43.org/obs/jpg/360px/obs-en-14-15.jpg)

तब परमेश्वर य मूसा डा पहाड़ क्ये ठाय गा खानी चिने तबय ता व्हाई वाद्दा क्ये देह दब्बो हाक्कोरिव। मूसा य आय वाद्दा क्ये देह दब्वा पर परमेश्वर य अय आय देहया गा खानी आज्ञा हा जिबे। तब मूसा सिये , और इस्त्राएलियों लाय तिस ध्यंग झानी दुःखी कुहासी। यहोशू आयला नया योंग चिहाम्टे बनिवा। यहोशू डा निक्को प्रधान ही हान्खानी कि व्हाई परमेश्वर पर भरोसा खय्या और आयके बतकाव मान्या।

*निर्गमन अध्याय 16 -17 ; गिनती 10 -14 ; 20 ; 27 ; व्यवस्थाविवरण 34 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_14_128kbps.m4a

## 15. वाद्दा क्ये देह

https://openbiblestories.org/l/jnl-x-vanrawat/story-15/

![](https://cdn.door43.org/obs/jpg/360px/obs-en-15-01.jpg)

अंत या, अब व्हाई समय पिय्ये कि इस्त्राएली मंछला वाद्दा क्ये देहया, कनान देहया लयकासी। आय देहया यरीहो नाम क्वो डा बस्ती ही। आय हाबेचो खानी आयके पाड़ी ओर खोट्ये दिवारला ही। यहोशू य आय बस्ती या नि गुप्तचर ला घाल्वासी। आय बस्तिया डा राहाब नामु को डा वेश्या कुहाने। व्हाई आय गुप्तचर ला लुपासी, और फिर बादया व्हाई आयला बस्ती दी बेचोते तोंग खानी सहायता जिघयबासी। व्हाई इन्द अय कारणय खय्या हान्खानी कि व्हाई परमेश्वर या भरोसा खयने। ज्वो समय इस्त्राएली मंछला यरीहो नाहाव खयरे तब आयला राहाब और आयके परिवाराव क्ये रक्षा घय क्ये वाद्दा खय्याहे।

![](https://cdn.door43.org/obs/jpg/360px/obs-en-15-02.jpg)

इस्त्राएली मंछला य वाद्दा क्ये देहया गा खानी यरदन गान्गे पार घय क्वो हिय्ये। परमेश्वर य यहोशू चिने, “यहूदी पुजारी ला पहिलो घाल्लोनी। ” जब यहूदी पुजारी ला यरदन गान्गया पानके कदम सिला थाहे त्ये ती क्ये धाराव बग्यो बंद हिय्ये, जोहो की इस्राएली मंछला गान्गे क्ये दोहरता कारो जमीन या पार गा हाक्वाहे।

![](https://cdn.door43.org/obs/jpg/360px/obs-en-15-03.jpg)

आय मंछला य यरदन गान्गे पार खइयाहे तवो परमेश्वर य यहोशू चिने कि यरीहो या घात घय खानी त्यार हीनी, जोहो कि व्हाई भोत मजबूत बस्ती ही। परमेश्वर य व्हाई मंछला चिनेसी कि आयला यहूदी पुजारी और सिपायला तुर्कये ध्यंग झानी अय बस्ती क्ये पाड़ी ओर चक्कर लगाव्को ही। अत्रय दी यहूदी पुजारी ओर सिपायलाय इन्दल खइयाहे।

![](https://cdn.door43.org/obs/jpg/360px/obs-en-15-04.jpg)

अब ह्त्ताव ध्यंग, इस्राएलियों लाय अय बस्ती क्ये पाड़ी ओर ह्याते बार और चक्कर लावाहे। अय बस्ती पाड़ी ओर ह्त्ताव बार चक्कर लगाव क्ये बाद, यहूदी पुजारी पानके चिमुते वालो बाजा और सिपायलाय जोरय हल्ला खय्याहे।

![](https://cdn.door43.org/obs/jpg/360px/obs-en-15-05.jpg)

तब यरीहो क्ये पाड़ी ओर क्ये दिवारावला गिरिक्यासी! जोहो परमेश्वर क्ये आज्ञा बेतेर्या ही इस्त्राएलियों ला बस्ती हर डा चीज खत्म घय क्वो व्हा। आयलाय डाट्ठाला राहाब और आय्क्ये परिवाराव हाड्डो बाहे, ज्यो इस्त्राएलियों ला भाग सिला बनिवासी। जब कनान देहय जिगुहला और मंछलाय कुन्हाहे कि इस्त्राएलियों लाय यरीहो खत्म खय्याहे, तवो व्हाइला पाड़ीयेसी कि इस्त्राएली मंछला नानीया लय हमला खयरे।

![](https://cdn.door43.org/obs/jpg/360px/obs-en-15-06.jpg)

परमेश्वर य इस्त्राएलियों ला आज्ञा जिबेसी कि कनान देहया जिघुहा वालोलाया कोई जाती क्ये हंगे शान्ति समझोता हा घय क्वो हि। पर गिबोनियों नामक्वो डा कनानी जाती य यहोशू हाते झूठी ह्आ कि व्हाई कनान देह दी दूर डा जग्गा या कुहानेसी। आयलाय यहोशू क्ये हंगे आयला शान्ति समझोता बनाव खानी बिनती खय्याहे। यहोशू और अलग इस्त्राएली प्रधान परमेश्वर क्ये हा ह्योद्याहे कि व्हाइलाय हांग घय को हिय्ये। अयके, आयलाय गिबिनियों ला शान्ति समझोता पनावाहे।

![](https://cdn.door43.org/obs/jpg/360px/obs-en-15-07.jpg)

हूंङ ध्यंग बाद, इस्त्राएलियों ला पत्ता चल्वा कि गिबोनी मंछला कनान देहयाल कुहानेसी। व्हाइला गुस्सा हिय्येसी हान्खानी कि गिबोनियों लाय धोखा जिबेसी। पर व्हाइला आयला हंगे बनिव तर्या शान्ति समझोता बनावतर्या थाहे हान्खानी कि व्हाई परमेश्वर क्ये सामने खाय तर्या ही। तब थोड़ा समय क्ये बाद कनान देहया जिगुहाला डा अलग जाती, एमोरियों क्ये राजालाय कुन्हाहे कि गिबोनियों लाय इस्त्राएलियों ला हंगे शान्ति समझोता खय्याहे, अय कारणय आयलाय पानी पानी सिपायला डांडा खयते डा बयना सेना पनावाहे और गिबोन या हमला खय्याहे। गिबोनियों लाय पानके मदद घय खानी यहोशू पास डा चिट्ठी घालवा।

![](https://cdn.door43.org/obs/jpg/360px/obs-en-15-08.jpg)

अब यहोशू य इस्त्राएलियों ला सिपाहिला इकट्ठा खय्या और गिबोनियों लाया लयका खानी पुरो गायरे व्हासी। रात्य ही झानी आयलाय एमोरियों ला सिपाहिला हेरान खय्याहे और आयलाया हमला खय्याहे।

![](https://cdn.door43.org/obs/jpg/360px/obs-en-15-09.jpg)

अय ध्यंग परमेश्वर य इस्त्राएलियों ला खानी राके। आय एमोरियों ला पाड़ीय्येसी और आय बयना बयना डार गिरावते भोत एमोरियों ला हातासी।

![](https://cdn.door43.org/obs/jpg/360px/obs-en-15-10.jpg)

परमेश्वर य दिहो लय देहोया डा जग्गाया रुकाव्वा तबय इस्त्रैलियों ला झिक्क समय मिल्लो हाक्कोरिव कि एमोरियों ला पुरो तरहय हराव हाक्कोरे। आय ध्यंग, परमेश्वर य इस्त्राएलियों ला खानी डा बयना विजय प्राप्त हिय्ये।

![](https://cdn.door43.org/obs/jpg/360px/obs-en-15-11.jpg)

जब परमेश्वर य आय सिपायला हरावक्ये बाद, झिक्क कनानी जाती क्ये मंछला इस्त्राएल देहया हमला घय खानी इकट्ठा हिय्येसी। यहोशू और इस्त्राएलियों य हमला खयते आयला पुरो नाश सिला जिघयबासी।

![](https://cdn.door43.org/obs/jpg/360px/obs-en-15-12.jpg)

अय लड़ाइक्ये बाद, परमेश्वर य इस्त्राएल हेह क्ये हर डा संतान ला वाद्दा क्ये आय देहया आयला भाग जिबेसी। अब परमेश्वर य इस्त्राएल देह क्वो आय्क्ये जम्मा सिमालाया शान्ति बनावते थानी।

![](https://cdn.door43.org/obs/jpg/360px/obs-en-15-13.jpg)

अब यहोशू बुड्डा हिय्ये त्वो व्हाई इस्त्राएल देह क्ये जम्मा मंछला डा हंगे नोकासी। अब यहोशू य आय मंछला क्ये याद दिलाव्वा कि आयलाय अय वाचा क्ये पालन घय खानी वाद्दा खय्या ज्वो परमेश्वर य आयला हंगे सीनै पहाड़या होयतर्या ही। आय मंछलाय परमेश्वर क्ये हंगे भरोसाया गुहाके और आयके नियम क्ये पालन घय क्ये वाद्दा खय्या।

*यहोशू अध्याय 1 -24 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_15_128kbps.m4a

## 16. स्याच्छुड्डो वालो

https://openbiblestories.org/l/jnl-x-vanrawat/story-16/

![](https://cdn.door43.org/obs/jpg/360px/obs-en-16-01.jpg)

यहोशू क्ये सिक्य बाद इस्त्राएलियो लाय परमेश्वर क्ये आज्ञा क्ये पालन हां खय्या। आयलाय परमेश्वर क्ये नियमला पालन हां खय्याहे, और आयलाय आय वाचा क्ये देहे दी बेचोते कनानियो ला बाहारी हां तोनाहे। इस्त्राएलियो लाय पान सच्चा परमेश्वर, यहोवा क्ये हाड्डोते कनानियो लाक्ये सेडासिला क्ये भक्ति घयक्ये सुरु खय्याहे। इस्त्राएलियो ला पाहे कोई राजा हां ही, अय कारणय जो निक्को लाग्वा आय व्हाइल खय्या।

![](https://cdn.door43.org/obs/jpg/360px/obs-en-16-02.jpg)

परमेश्वर क्ये आज्ञा हां मान्यो क्ये जरियाय इस्त्राएलियो लाय डा नियम क्ये सुरु खय्याहे जो घयनु बार दोहरावतर्या का। अय नियम इन्द चल्वा: कुछ बरेहे झानी इस्त्राएली परमेश्वर क्ये आज्ञाव हां मान्योरे, तब व्हाई आयलाक्ये आयला दुश्मन सिला हाते हराव क्ये जरियाय सजा बेरीवसी, अय दुश्मन इस्त्राएलियो ला दी आयला चीज सिला लूट्योरे, आयला सम्पति सिला नष्ट खयरे, और आय दी घयलानू हातेरे। फिर जब इस्त्राएलियो ला दुश्मन सिला आयला पर घयनु बरेहे झानी अन्याय खयरे, अयक्ये बाद इस्त्राएली पान पाप क्ये पछतावा खयरे और परमेश्वर हाते आयला बचाव खानी प्रार्थना खयरे।

![](https://cdn.door43.org/obs/jpg/360px/obs-en-16-03.jpg)

हर बार जब इस्त्राएली पछतावा खयरे त्ये परमेश्वर आयला स्याबेचोरी। व्हाई डा चिहाड्डो वालो क्ये जरियाय इन्द खयरिव - डा इन्द मंछ जो आयला दुश्मन सिला हात राकेरी और आयला हरावरिवसी। तब देहया शान्ति हिरी और व्हाई चिछुड़ाव वालो आयला पर निख्खोय राज खयरिव। परमेश्वर य आय मंछला बचाव खानी घयनु चिचुड़ाव वालोला घाल्वासी। परमेश्वर य पास कल डा दुश्मन जाती, मिद्यानियो मंछला क्ये जरियाय इस्त्राएलियो ला हराव क्ये जरियाय फिर इन्द खय्या।

![](https://cdn.door43.org/obs/jpg/360px/obs-en-16-04.jpg)

मिद्यानियो मंछलाय हात्त बरेह झानी इस्त्राएलियो क्ये फसल सिला लुट्याहे। इस्त्राएली मंछला भोत पाड़ीय्येसी, और व्हाइला ओडारलाया लुप्पेसी ताकि मिद्यानी मंछला आयला मरा हां हाक्कोरे। आयला बचाव खानी आयलाय परमेश्वर क्ये नोकाहे।

![](https://cdn.door43.org/obs/jpg/360px/obs-en-16-05.jpg)

गिदोन नामु क्वो डा इस्त्राएली मंछ ही। डा ध्यंङ, व्हाई डा जो पत्ता हां ही आय जग्गाया घुमंङ छान्यो हा ताकि आय मिद्यानी मंछला आय चुराव हां हाक्वोरे। यहोवा क्ये स्वर्ग दूतय गिदोन क्ये पाह पिते आय चिने, “हे शक्ति वालो मंछ, परमेश्वर नंङग हंङग व्हा। घे और इस्त्राएलियो ला मिद्यानियो मंछला दी बचाव। ”

![](https://cdn.door43.org/obs/jpg/360px/obs-en-16-06.jpg)

गिदोन क्ये बब्बाव पास मूर्ति खानी डा वेदी ही। सबसे पयलो बतकाव जो परमेश्वर य गिदोन क्ये घय खानी चिने व्हाई आय वेदी क्ये काड़य क्वो ही। पर गिदोन मंछला खानी पाड़ीने, अय कारणय आय गायरे हिक्ये इन्तजार खय्या। तब आय वेदी क्ये काड़यते टुकड़ा – टुकड़ा खय्या। आय परमेश्वर खानी डा नया वेदी क्ये पनाव्वा और आय पर परमेश्वर खानी बलि चड़ाव्वा।

![](https://cdn.door43.org/obs/jpg/360px/obs-en-16-07.jpg)

राआतय मंछलाय चेपाहे कि हुइनु वेदी क्ये काड़यते टुकड़ा – टुकड़ावला खय्या, अय कारणय वेला झिक्क गुस्सा हिय्येसी। व्हाइला गिदोन क्ये हाते खानी आयक्ये नावया कासी, पर गिदोन क्ये बब्बाव गय चिनेसी, “ननि पान सेडायना क्ये मदद घय स्यायरे? अगर व्हाई सेडा ही त्ये आय पानक्ये रक्षा पानल घय हाबेनी!” हान्खानी कि आय इन्द चिनेसी अय कारणय मंछलाय गिदोन क्ये हां हाताहे।

![](https://cdn.door43.org/obs/jpg/360px/obs-en-16-08.jpg)

तब इस्त्राएलियो ला लूट्यो खानी मिद्यानी मंछला फिर पिय्येसी। व्हाइला अच्च झिक्क ही कि आयला गिनती लय हां घय हाक्कोन्याहे। गिदोन य आयला खिलाफ राक्ये खानी इस्त्राएलियो लाक्ये डा हंङगे नोकासी। गिदोन य परमेश्वर दी नि चिन्न ला फायकासी कि ताकि आयक्ये विश्वास ही हाक्कोरिव कि परमेश्वर हाच्ची या आय इस्त्राएल क्ये बचाव खानी न्ये हावरे।

![](https://cdn.door43.org/obs/jpg/360px/obs-en-16-09.jpg)

पयलो चिन्न खानी, गिदोन य भेड़ क्ये उंनाव जमीन या थाते परमेश्वर ना कि राआतय क्ये पालो केवल भेड़ क्ये आय उनाव या पड़वरी। परमेश्वर य इंदल खय्या। गेंता गायरे, आय परमेश्वर ना कि जमीन गिल्लो ही चाय्यो पर भेड़ क्ये उन्नाव कारो कुहारी। परमेश्वर य इंदल खय्या। अय नि चिन्न ला कारणय, गिदोन य भरोसा खय्या कि परमेश्वर हाच्ची या चाहोर कि व्हाई इस्त्राएलियो लाक्ये मिद्यानियो मंछला दी बचावक्वो।

![](https://cdn.door43.org/obs/jpg/360px/obs-en-16-10.jpg)

तब गिदोन य सिपाहिला पान पाह नोकासी और बत्तीस हजार पयला ला पिय्येसी। पर परमेश्वर य आय चिने कि अय भोत झिक्क व्हा। अत: गिदोन य आय जम्मा बाईस हजार क्ये वापस नावया घाल्वासी जो राकये खानी पाड़ीनेसी। परमेश्वर य गिदोन ना कि अय पयला अत्तर लय भोत झिक्क व्हाई। अय कारणय गिदोन य हुउङग ह्ये सिपाहिला क्ये हाड्डोते आय जम्माला नावया घाल्वासी।

![](https://cdn.door43.org/obs/jpg/360px/obs-en-16-11.jpg)

आय गायरे परमेश्वर य गिदोन चिने, “मिद्यानियो मंछला क्ये देरासिलाया घे और आयला बतकाव घय समय कुन्हे। जब नंङ जिगुन्हेरी कि व्हाइला हांङग बतकाव खय्येरे त्ये नंङङ आयला पर हमला घय खानी हां जिबारी री। ” अय कारणय आय गायरे, गिदोन धी आयला डेरासिलाया का और आय डा मिद्यानी सिपाही क्ये पान दोस्ताव व्हाई बतकाव बताव समय कुन्हा जो आय अपनाया चेपो हा। आय पयला क्ये दोस्ताव गय सिने, “अय सपना क्ये अर्थाव ही कि गिदोन क्ये सिपायु नानी मिद्यानी सिपाही क्ये हराव रिव!” जब गिदोन य अय कुन्हा त्ये आय परमेश्वर क्ये धन्यवाद खय्या।

![](https://cdn.door43.org/obs/jpg/360px/obs-en-16-12.jpg)

तब गिदोन पान सिपाहीयुला क्ये पास लोटीव्वा और आय दी हर डान – डा क्ये तुरही जा बयना बाजा, डा माट्या क्ये भांडी, और डा मशाल बासी। आयलाय आय डेरा क्ये घेर्याहे जांहा मिद्यानी सिपाहिला इसे हांसी। गिदोन क्ये हुउङग ह्ये सिपाहिला य पान मशाल सिला भांडीया ढक्यो हाहे अय कारणय मिद्यानी मंछला आय मशाल ला रोंग चेपो हाक्वाहे।

![](https://cdn.door43.org/obs/jpg/360px/obs-en-16-13.jpg)

तब गिदोन क्ये जम्मा सिपाहिला य पान भांडी लाक्ये डाल समय या काड़य्याहे अचानक य मशाल ला मह्य क्ये प्रकट खय्याहे। आयलाय पान बाजासिला फुक्याहे और चिल्लाव्वेसी, “यहोवा क्ये और गिदोन क्ये तलवाराव!”

![](https://cdn.door43.org/obs/jpg/360px/obs-en-16-14.jpg)

परमेश्वर य मिद्यानी मंचाला क्ये अचम्भ खय्यासी, अय कारणय व्हाइला डा नीमला क्ये हानू -काट्टो भंङगेसी। तुनत्ल, गिदोन य व्हाई संदेस ज्याते वालोला क्ये घयनु अन्य इस्त्राएलियो लाक्ये मिद्यानियो ला चेटा घयक्वो या आयला मदद घय खानी घाल्वासी। आयलाय आय दी घयलानू ला हाताहे और बाकिला क्ये पीछा खयते आयला इस्त्राएल देहे दी बहारी तोनाहे। आय ध्यंङग डा लाख बीस हजार मिद्यानी ला सिय्येसी। अय प्रकारय परमेश्वर य इस्त्राएल ला बचाव्वासी।

![](https://cdn.door43.org/obs/jpg/360px/obs-en-16-15.jpg)

व्हाई मंछला गिदोन क्ये पान राजा बनाव चाहो हांसी, पर गिदोय आयला इन्द हां घय हाबासी, लेकिन आय आयला दी व्हाई हुनङ क्ये गेहना ला फाय्कासी जो आय दी हर मिद्यानियो लाय लूट्यो तर्या ही। आय मंछला य झिक्क मात्राया गिदोन क्ये हुनङ बाहे।

![](https://cdn.door43.org/obs/jpg/360px/obs-en-16-16.jpg)

तब गिदोन आय हूनङ क्ये डा जरूरी लत्ता पनाव्वा जोह्हो कि महान यहूदी बयाना पुजारी ला नेलिन्येसी। पर मंछलाय आयक्ये पूजा घयक्ये सूरी खय्याहे जोह्हो कि व्हाई डा मूर्ति ही। तब परमेश्वर य फिर इस्त्राएल देह क्ये सजा बासी हान्खानी कि आयलाय मूर्ति क्ये पूजा खय्याहे। परमेश्वर य आयला हराव कोया सक्षम खय्यासी। आखिरकार आयला फिर परमेश्वर क्ये मदद घय खानी प्रार्थना खय्याहे, और परमेश्वर य आयला पास आयला बचाव खानी डा अन्य चिछुड़ाव वालो क्ये घाल्वा।

![](https://cdn.door43.org/obs/jpg/360px/obs-en-16-17.jpg)

अयल बतकाव घयनु बार हिय्ये; इस्त्राएली मंछला पाप खयरे, परमेश्वर आयला सजा बेरिवसी, व्हाइला पछतावा खयरे, और परमेश्वर आयला छुड़ाव खानी कोईला घल्लोरिव। घयनु बरेहे झानी, परमेश्वर य घयनु चिछुड़ाव वालोला क्ये घाल्वा जोलाय इस्त्राएलियो ला आयला दुश्मन सिला घय स्याबेच्वासी।

![](https://cdn.door43.org/obs/jpg/360px/obs-en-16-18.jpg)

आखिरकार, आय मंछलाय अलग देह जा जोह्हो परमेश्वर दी पान खानी डा राजा क्ये मांग खय्याहे। व्हाइला डा इन्द राजा चाहोनेसी जो लांग और शक्ति वालो ही, और युद्ध या आयला बचाव घय हाक्कोरिव। परमेश्वर क्ये अय प्रार्थना निक्को हां लाग्वा, पर आय आयला व्हानद्ल राजा बासी जोह्हो व्हाइला मांग खयहाहे।

*न्यायियों अध्याय 1-3;6-8;1 शमूएल 1-10 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_16_128kbps.m4a

## 17. दाऊद क्ये हंगे परमेश्वर क्ये वाचा

https://openbiblestories.org/l/jnl-x-vanrawat/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्त्राएल क्वो पयलो राजा ही। व्हाई लांगे और दिक्खोकोया निक्को ही, जोह्हो व्हाई मंछला चाहोनेसी एकदम व्हानदल। इस्त्राएल या पानके राज होय पयलो घयनु साल झानी शाऊल डा निक्को राजा ही। पर बादया व्हाई डा दुष्ट मंछ बनिव्वा जो परमेश्वर क्ये बतकाव हां मान्या, अय कारणय परमेश्वर डा ओर मंछ चुन्वा जो कि डा ध्यंग आयके जग्गा या राजा बनिवरी।

![](https://cdn.door43.org/obs/jpg/360px/obs-en-17-02.jpg)

परमेश्वर य दाऊद नामुको डा ज्वान इस्त्राएली पयला चुन्योते डा ध्यंग शाऊल क्ये जग्गा या राजा ही खानी त्यार घयक्ये सुरु खय्या। दाऊद बैतलहम बस्ती क्वो डा भेड़ स्याचरोव वालो ही। घयनु बार, दाऊद य बाघों ओर टोका नीमला हातासी हान्खानी कि दाऊद क्ये दब्बो वालो समया आयके बब्बाव क्ये भेड़़ावला पर आईलाय हमला खय्याहे। दाऊद डा सीधा ओर गलत काम हां जिघय वालो मंछ ही। आय परमेश्वर या भरोशा खय्या ओर आयके बतकाव मान्या।

![](https://cdn.door43.org/obs/jpg/360px/obs-en-17-03.jpg)

जब दाऊद अत्तर ज्वान पयला ही, आय लांगे – चोड़ो गोलियत क्ये खिलाफ राके व्हा। गोलियत डा झिक्क निक्को सिपाय ही। व्हाई झिक्क खोट्टे ओर लगभग हुंग मीटर लांगे ही! पर परमेश्वर य गोलियत हाते खानी और इस्त्राएल बचाव खानी दाऊद क्ये मद्द खय्या। आयके बाद, दाऊद य इस्त्राएल क्ये दुश्मनावला या घयनु बार बिजय प्राप्त खय्या। दाऊद डा बयना सिपाही बनिव्वा, और आय झिक्क युध्द लाया इस्त्राएली सिपाइला क्वो योंग हामटा। मंछलाय आयके झिक्के तारीफ़ खय्याहे।

![](https://cdn.door43.org/obs/jpg/360px/obs-en-17-04.jpg)

मंछलाय दाऊद झिक्क प्यार जिघय्ये कि शाऊल आय चेपोते जल्लो भंगे। आखिरकारया शाऊल आय हातेको हुच्चो हा , अय कारणय दाऊद आय और आयके सिपाहिला खानी लुप्पी खानी मानङया थावक्ये । डा ध्यंग , जब शाऊल और आयके सिपाहिला दाऊद क्ये खोज या ही त्ये शाऊल डा उडार या का। अय आय उडारल ही जाहा दाऊद लुप्पी व्हा ,पर शाऊल आय हां चेपा। दाऊद शाऊल क्ये चेटा आय्क्ये झिक्क नजदीक ओक्का और आयके लत्ताव दी डा टूकङाव काट्टो बा। बादया , जब शाऊल आई उडारे दी बहारी तोंगे ते दाऊदय आय चिनोक्ये और आय होन्तर्या लत्ता क्ये तुकङाव चिहामटे। अय नियमय , शाऊल य दहा कि दाऊद य राजा बनिव खानी आय हां हातेरिव।

![](https://cdn.door43.org/obs/jpg/360px/obs-en-17-05.jpg)

घयनु समय बाद , शाऊल युध्द या सिय्ये , और दाऊद इस्त्राएल देह क्ये राजा बनिव्वा। व्हाई डा निक्को राजा ही , और मंछलाय आय हंगे प्रेम थाहे। परमेश्वर य दाऊद आशीर्वाद जिबे और आय सफल जिबनाव्वे। दाऊद य घयनु युध्दला राके , और परमेश्वर य इस्त्राएल देह क्ये दुश्मन सिला हराव खानी आयला मदद खय्या। दाऊद य यरूशलेम बस्ती क्ये जित्योते आय पानके राजधानी पनाउवा , जाहा व्हाई कुहा और राज खय्या। दाऊद य चालिस बरेहे झानी राजा कुहा। अय समय क्ये चलते , इस्त्राएल सामर्थ वालो और पयहा वालो बनिव्वासी।

![](https://cdn.door43.org/obs/jpg/360px/obs-en-17-06.jpg)

दाऊद डा मंदिर बनावके चाहोहा जाहा जम्मा इस्त्राएली मंछला परमेश्वर क्ये भक्ति घय हाक्कोरे और आय खानी बलि चङाव हाक्कोरे। लगभग पाड़ी ह्ये बरेहे दी , व्हाई मंछला मूसा क्ये बनाउतर्या मिलाप वालो डेराया परमेश्वर क्ये भक्ति घय हायरे और आय खानी बलि चड़ाव हायरे।

![](https://cdn.door43.org/obs/jpg/360px/obs-en-17-07.jpg)

पर व्हाईया नातान नामु क्वो डा भविष्य जिब्ताव वालो मंछ ही। परमेश्वर य आय दाऊद अय नेखानी जिघाल्वा : “नय झिक्क युध्दला राकेस्यावरे , अय कारणय नङ ना खानी मंदिर ता पनाउवाना। नंग प्यागे अय पनाउरिव। ना नंग खानी झिक्क – झिक्क आशिर्वाद घयरिव। नंग डा पयाव क्ये पयावग हमेसा खानी ना मंछला या राजा क्ये रुपया राज खयरिव। ” हमेसा खानी राज जिघय वालो व्हाई डाठ्ठाला पयाव क्ये पयाव मसीह ही। मसीह परमेश्वर क्ये चुन्योतर्या मंछ ही ज्वो संसार क्ये मंछला क्ये आयला पापाव दी जिब्चावरि।

![](https://cdn.door43.org/obs/jpg/360px/obs-en-17-08.jpg)

जब दाऊद य नातान क्ये चिट्ठी कुन्हा त्ये आय परमेश्वर क्ये धन्यवाद खय्या और आयके तारिफाव खय्या। परमेश्वर य आयके मान सम्मानाव बड़ाव स्याबा और आय झिक्क आशीर्वादला बेस्या। बेशक , दाऊद हां दहेन्या कि परमेश्वर य अय बतकाव ला कभय खयरिव। अय समय नानी दहय्येरे कि इस्त्राएलियों ला डा लांग समय झानी , लगभग डा बरेहे बरेहे झानी मसीह क्ये बिके इन्तजार घय को हिरी।

![](https://cdn.door43.org/obs/jpg/360px/obs-en-17-09.jpg)

दाऊद य घयनु बरेहे झानी निक्को रुपय पान मंछ्लाया राज खय्या। आय बड़िया इमानदारय परमेश्वर क्ये बतकाव मान्या और परमेश्वर य आय आशीर्वाद जिघय्ये। हान्खानी कि , पानके जिन्दगिव क्ये बादया आय परमेश्वर क्ये खिलाफ भयंकर पाप खय्याहे ।

![](https://cdn.door43.org/obs/jpg/360px/obs-en-17-10.jpg)

डा ध्यंग दाऊद य पानके महल क्ये बहारी डा सुन्दर मठ्या लुः समय दब्वा। व्हाई आय हां पहचानोन्या , लेकिन आय पत्ता खय्या कि आयके नामु बतशेबा ही।

![](https://cdn.door43.org/obs/jpg/360px/obs-en-17-11.jpg)

पान नजराव दी दूर घय जग्गा , दाऊद य आय पान पाहे बीते खानी कोई ओर घाल्वा। व्हाई आय हन्गे पाईसा और आय वापस नावया घाल्वा। थोड़ा समय बाद बदशेबा य अय नेते दाऊद क्ये पाहे चिट्ठी घाल्वा कि व्हाई लादोव दी व्हा।

![](https://cdn.door43.org/obs/jpg/360px/obs-en-17-12.jpg)

बतशेबा क्ये गिरोव ऊरिय्याह नामु क्वो डा मंछ ही। व्हाई दाऊद क्ये बढिया सिपाहिला दी डा ही। अय समय व्हाई युध्द घय खानी बहारी का व्हा। दाऊद य उरिय्याह युध्द दी वापस बुलावते आय पान मेत्येगे हंगे गुहाखानी चिने। पर और सिपाहिला युध्द या ही अय कारणय उरिय्याह य नावया बिखानी मना खय्या। अय वजह दाऊद य उरिय्याह क्ये वापस युध्द या घाल्वा और सेनापतिव अय आय युध्दया इन्द जग्गा था खानी चिने जाहां दुश्मन झिक्क ताकतवर हिरी ताकि व्हाई सीरी खयते। त्वो इंदल हिय्ये कि उरिय्याह युध्दया सिय्ये।

![](https://cdn.door43.org/obs/jpg/360px/obs-en-17-13.jpg)

उरिय्याह क्ये युध्दया सिक्ये बाद दाऊद य बदशेबा हाते बर्यातिव खय्या। बादया, आय दाऊद क्ये पयाव जन्म बा। दाऊद य जो खय्या आयखानी परमेश्वर क्ये झिक्क गुस्साव पिय्ये, अय कारणय आय नातान भविष्य झिघय वालो दाऊद क्ये अय बताव खानी जिघाल्वा कि आयके पापाव घय बुरो ही। दाऊद य पान पाप क्ये पछतावा खय्या और परमेश्वर य आय माफ़ जिघय्ये। पानके बेचोतर्या जिन्दगिवय्या, पानक्ये कठिन समय्या लय दाऊद परमेश्वर क्ये चेटा - चेटा व्हा और आयके बतकाव मान्या।

![](https://cdn.door43.org/obs/jpg/360px/obs-en-17-14.jpg)

पर दाऊद क्ये पयाव सिय्ये। अय प्रकारय परमेश्वर य दाऊद सजा जिबे अयके अलावा, दाऊद क्ये सी झानी, आयके पानक्ये परिवाराव क्ये घयनु मंछलाय आयके खिलाफ राकेसी, और दाऊद बुड्डा हिय्ये। पर परमेश्वर फिर लय विश्वास योग्य ही और अत्तर लय व्हाई खय्या ज्वो दाऊद हंगे घय खानी वाद्दा खय हा। कि व्हाई खयरिव, भलेई दाऊद य आयके आजा क्ये पालनाव हां खय्या। बादया, दाऊद और बतशेबा क्ये दोहरो पयाव हिय्ये, और आयलाय आयके नामु सुलैमान थाहे।

*1 शमुएल अध्याय 10; 15 –19; 24; 31; 2 शमुएल 5; 7; 11 – 12 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_17_128kbps.m4a

## 18. इस्त्राएल राज्य क्ये अलग – अलग हिक्वो

https://openbiblestories.org/l/jnl-x-vanrawat/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा य चालिस बरेहे झानी राज खय्या। तब व्हाई सिय्ये, और आय्क्ये पयाव सुलैमान इस्त्राएल देहया राज घय क्ये शुरू खय्या। परमेश्वर य सुलैमान हात बतकाव खय्या और आय चिहोद्या कि व्हाई आय होय झिक्क हांग चाहोरे कि परमेश्वर य आय खानी खयरि। सुलैमान य परमेश्वर दी फायका कि व्हाई आय झिक्क दिमाग वालो बनाउव्वे। अय बतकाव गय परमेश्वर क्ये खुश जिघा, अय कारणय परमेश्वर य सुलैमान दुनिया क्ये सबसे झिक्क दिमाग वालो पयला जिबनाव्वे। सुलैमान य झिक्क बतकाव सीक्वा और व्हाई डा दिमाग य राज गिघय वालो ही। परमेश्वर य आय झिक्क रुपय्या वालो लय जिबनाव्वे।

![](https://cdn.door43.org/obs/jpg/360px/obs-en-18-02.jpg)

यरूशलेम या सुलैमान य आय मंदिर पनाउवा ज्वो खानी आयके बब्बाव गय योजना पनाउहा और सामानला इकठ्ठा खय हा। अब मंछला मिलाप वालो डेरा क्ये बजाय मंदिर या परमेश्वर क्ये भक्ती खयरे और आय खानी बलि चड़ायेरे। परमेश्वर य मंदिर या पिते मोजूद ही व्हाने, और आय्या व्हाई पान मंछला क्ये हंगे कुहाने।

![](https://cdn.door43.org/obs/jpg/360px/obs-en-18-03.jpg)

पर सुलैमान य दोहरो देहवालोला क्ये मठ्याला हाते प्यार खय्या। आय झिक्क होय झिक्क , लगभग डा हजार मठ्याला हाते बर्यातिव खयते परमेश्वर क्ये आज्ञा क्ये पालन हां खय्या! अय दी झिक्क मठ्याला पराया देहला दी पिय्येसी और पान हंगे पान सेडासिला पिताहे और आयके पूजा घय क्ये जारी थाहे। अब सुलैमान बुङिव्वा त्ये व्हाई लय आय सेडाला पूजो भंगे।

![](https://cdn.door43.org/obs/jpg/360px/obs-en-18-04.jpg)

अय कारण परमेश्वर य सुलैमान खानी घुस्सा ही। व्हाई चिने कि अय इस्त्राएल देह क्ये नि राज्य लाय बाट्योरिव घय क्ये जरियाय आय सजा जिबेरी। व्हाई सुलैमान क्ये सिक्ये बाद इन्द खयरिव।

![](https://cdn.door43.org/obs/jpg/360px/obs-en-18-05.jpg)

सुलैमान क्ये सिक्ये बाद, रहबाम राजा बनिव्वा। इस्त्राएल देह क्ये जम्मा मंछलाय आय पान राजा क्ये जग्गाया मान्यो खानी डा जग्गा इकट्ठा हिय्येसी। आयलाय रहबाम या शिकायत खय्याहे कि सुलैमान य आयला झिक्क कठिन मेहनत स्यागय्येसी और झिक्क कर वशुलोन्या। आयलाय रहबाम दी बिनती खय्याहे कि नानी कमी काम स्यागय्येसिना।

![](https://cdn.door43.org/obs/jpg/360px/obs-en-18-06.jpg)

पर रहबाम य आयला बयना मुर्खताय जवाब जिबेसी, “ननी जिघायरे कि ना बब्बाये सुलैमान य ननिला कठिन मेहनत स्यागय्येसी। पर ना ननिला आय होय लय झिक्क कठिन मेहनत हागयरिने और ना ननिला आय होय लय झिक्क कष्ट हागयरिने। ”

![](https://cdn.door43.org/obs/jpg/360px/obs-en-18-07.jpg)

जब मंछलाय आय इन्द नेस्यारे कुन्हाहते आयला दी घयलायनु आयके खिलाफ दंगा फसाद खय्याहे। दह्हे जातीला सिलाय आय चिहाड्वा; आयके हंगे अब केवल नि: ज्याले जाती सिला बैच्वासी। अय नि: जाती लाय पानके यहूदा क्ये राज्य नाहे।

![](https://cdn.door43.org/obs/jpg/360px/obs-en-18-08.jpg)

बाकी क्ये दह्हे जातीला सिलाय यारोबाम नामु क्वो डा मंछ पान राजा पनाउवाहे। अय जातीला देह क्ये उत्तर – पूर्व भागया ही। आयलाय पानके इस्त्राएल देह क्ये राज्य नाहे।

![](https://cdn.door43.org/obs/jpg/360px/obs-en-18-09.jpg)

पर यारोबाम य परमेश्वर क्ये खिलाफ बिद्रोह खय्या और मंछला लय पाप हागय्यासी। आय पान मंछला क्ये जरियाय पूजा घय खानी नि: मूर्तीला पनाउवासी। व्हाइला अब यहूदा क्ये राज्यया यरूशलेम या परमेश्वर क्ये मंदिर या आयके भक्ति घय खानी हां कासी।

![](https://cdn.door43.org/obs/jpg/360px/obs-en-18-10.jpg)

यहूदा और इस्त्राएल देह क्ये राज्य दुश्मन बनिवासी और अक्सर डा नीमला क्ये खिलाफ राकेनेसी।

![](https://cdn.door43.org/obs/jpg/360px/obs-en-18-11.jpg)

इस्त्राएल देह क्ये नया राज्य या, जम्मा राजाला बुरो ही। अय दी घयनु राजा ला आयके जग्गा राजा बनिव चाह तिथाला और इस्त्राएल ला हाकेयगय सिय्येसी।

![](https://cdn.door43.org/obs/jpg/360px/obs-en-18-12.jpg)

इस्त्राएल राज्य क्ये जम्मा राजाला और झिक्क मंछलाय मूर्तीला क्ये पूजा खय्याहे। जब व्हाइला इन्द खय्याहे, त्ये व्हाइला अक्सर वेस्याला क्ये हंगे ईसेसी और अय झानी कि घयनु बार मूर्तीला क्ये गेंता गेदावला क्ये बलिव लय खय्याहे।

![](https://cdn.door43.org/obs/jpg/360px/obs-en-18-13.jpg)

यहूदा राज्य क्ये राजाव, दाऊद क्ये पयाव क्ये पयाव ही। अय राजाला दी घयनु निक्को मंछला ही जोलाय निक्को ढ़न्गय राज खय्याहे और परमेश्वर क्ये भक्ति खय्याहे। पर यहूदा क्ये अधिकतर राजालाय दुष्ट ही। आयला दुश्टताय राज खय्याहे, और मूर्तीला पूजा खय्याहे। अय झानी कि अयला दी घयनु राजालाय झूठी सेडाला क्ये गेंता पान पया सिला क्ये बलि बाहे। यहूदा क्ये झिक्क मंछलाय लय परमेश्वर क्ये खिलाफ विद्रोह खय्याहे ओर अलग सेडाला क्ये पूज्वाहे।

*1 राजा अध्याय 1 – 6 ; 11 – 12 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_18_128kbps.m4a

## 19. परमेश्वर क्ये भविष्य जिबताव वालोला

https://openbiblestories.org/l/jnl-x-vanrawat/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर य हमेशा इस्त्राएलियों ला पाहे भविष्य जिघय वालोला घाल्लोन्यासी। भविष्य जिघय वालोला परमेश्वर क्ये बतकावला कुन्हेन्याहे और फिर आय मंछला बतावन्याहे।

![](https://cdn.door43.org/obs/jpg/360px/obs-en-19-02.jpg)

जब अहाब इस्त्राएल देह क्ये राजा ही त्ये आय समय एलिय्याह भविष्य जिघय वालो ही। अहाब डा बुरो मंछ ही। आय झूठी चुयचे सेडाला क्ये पूजो खानी मंछला मजबूर खय्यासी। अय कारणय एलिय्याह य अहाब चिने कि परमेश्वर य आय मंछला क्ये सजा घय खानी गा हांरे। अय आय चिने, “जब तक ना फिर ती ही खानी हां नेरिव तब झानी इस्त्राएल देह क्ये राज्यलाया ती हां हिरी और ना ही पालो पव्वोरी। ” अय बतकाव अहाब क्ये अच्च रिहाव पिय्ये कि आय एलिय्याह क्ये हाते खानी फेसला खय्या।

![](https://cdn.door43.org/obs/jpg/360px/obs-en-19-03.jpg)

अय कारणय परमेश्वर य एलिय्याह चिने कि नंग माङया काते अहाब खानी लुप्पी। एलिय्याह माङया आय चुयच्ये धारा क्ये पाहे का जाहा गा खानी परमेश्वर य आय बतावस्या। हर रोज रात्य और ब्यारकोताय, ब्वा एलिय्याह खानी लग्या और स्या जिब्तेंबा। अय पुरो समय या, अहाब और आयके सिपाहिला एलिय्याह क्ये मरा न्याहे, पर व्हाइला आय हां मरा हाक्वाहे।

![](https://cdn.door43.org/obs/jpg/360px/obs-en-19-04.jpg)

ती हां हिक्वोय घयनु समय बाद चुयच्ये ती चिफुट्यो वालो कारोव्वे। अय कारणय एलिय्याह पाह क्ये डा देहया ओक्का। आय देहया डा गरीब रानबूड़ी ही जोक्ये डा पयाव ही। आयके पाहे जाको लगभग खत्म हितर्या ही हान्खानी कि व्हाईया डाहाङ खेती हां हिय्ये। फिर लय, आय मठ्याय एलिय्याह क्ये रेखदेखाव खय्या, अय कारणय परमेश्वर य आय और आयक्ये पयाव क्ये जरुर्तावला पुरो खय्या, अय कारणय आयक्ये पीठो क्ये भांडीव और आयक्ये बहाव क्ये कुप्पिव कभय खनी हां हिय्ये। आय पुरो अकाल क्ये समय आयक्ये पाहे जाको ही। एलिय्याह घयनु साल झानी आय्या कुहा।

![](https://cdn.door43.org/obs/jpg/360px/obs-en-19-05.jpg)

ह्आड़ी हुङ बरेहे बाद, परमेश्वर य एलिय्याह चिने कि व्हाई फिर ती खयरिव। आय एलिय्याह य वापस इस्त्राएल देह क्ये काते अहाब हाते बतकाव घय खानी चिने। अय कारणय एलिय्याह अहाब क्ये पास का। जब अहाब य आय चिचेपा त्ये आय चिने, “अच्छा नंग ज्युस्या मुसीबत प्यदा जिघय वालो!” अलिय्याह य जवाब जिबे, “मुसीबत प्यदा जिघय वालो ता नंग चिहि! नय यहोवा क्ये चिहाड्वा। व्हाई हाची परमेश्वर ल ही, लेकिन नंग चुयचला क्ये पूजा घय स्यारे। अब नंग इस्त्राएल देह क्ये राज्य के जम्मा मंछला क्ये कातेते कर्मेल पहाड़या पितेत लव ।

![](https://cdn.door43.org/obs/jpg/360px/obs-en-19-06.jpg)

अब जम्मा मंछला कर्मेल पहाड़या कासी। व्हाई पयला लय पिय्येसी जो खयनेसी कि व्हाइला बाल सेडाला क्ये जबाबावला हांनेसी। अय बाल सेडाला क्ये भविष्य जिघय वालोला ही। व्हाइला जम्मा पाड़ीय्येसी। एलिय्याह य मंछला चिनेसी, “घय झानी ननी मनेय्ना फेर्योको तिथारे? अगर अहोवा परमेश्वर ही त्ये आयक्ये भक्ति खयनी! अगर बाल सेडा परमेश्वर ही त्ये आयक्ये भक्ति खयनी!”

![](https://cdn.door43.org/obs/jpg/360px/obs-en-19-07.jpg)

तब एलिय्याह य चुयच्ये सेडाला क्ये भविष्य जिघय वालोला चिनेसी, “डा डिंगो क्ये बलि खयते आयक्ये स्याव बलिदान ही खानी डा चिपूजो जग्गाया थानी , पर मह्य धा चिलाय्ये। आय्क्ये बाद ना लय इन्दल घयरिव, और डा अलग चिपूजो जग्गाया ना लय आय स्या थारिव। अगर परमेश्वर चिपूजो जग्गाया मह्य पझारोरिव त्ये ननिला देहेरे कि व्हाई हाच्ची क्वो परमेश्वर ही। ”तबय चुयच्ये सेडाला क्ये भविष्य जिघय वालोलाय डा बलि त्यार खय्याहे पर मह्य हां लाव्वाहे।

![](https://cdn.door43.org/obs/jpg/360px/obs-en-19-08.jpg)

अब चुच्ये सेडाला क्ये भविष्य जिघयवालोलाय चुयच्ये सेडा क्ये बिनती खय्याहे, “हे चुयच्ये सेडा, नानी कुन्हे!” पूरो ध्यंग आयलाय बिनती खय्याहे और चिल्लावेसी ओर अय झानी कि पानिक्ये चाक्कुय काट्वाहे, पर चुयच्ये सेडाय जवाब हां जिबेसी, और आय कोई मह्य लय हां गिराव्वा।

![](https://cdn.door43.org/obs/jpg/360px/obs-en-19-09.jpg)

चुयच्ये सेडालाक्ये भविष्य जिघय वालोलाय चुय्च्ये सेडा क्ये बिनती घय क्ये लगभग पूरो ध्यंग बिताव्वाहे। अब आयलाय बिनती घयक्ये बंद खय्याहे। तब एलिय्याह य दोहरो डिंगो क्ये स्याव परमेश्वर क्ये चिपूजो जग्गाव या था आयक्ये बाद, आय मंछला नासी तीक्ये बयना भान्डीला आय बलिदान या तब झानी ओड़े खानी चिनेसी जब झानी कि स्या, काठन्ला, और अय झानी कि चिपूजो जग्गा क्ये आसपास क्ये जमीन पूरो रुपय गिल्लो हां हिर्ये।

![](https://cdn.door43.org/obs/jpg/360px/obs-en-19-10.jpg)

अब एलिय्याह य बिनती खय्या, “हे यहोवा, अब्राहम, इसहाक, और याकूब क्ये परमेश्वर, नानी चिहाम्टय कि ननी इस्त्रायल देह क्ये परमेश्वर चिहि और अयलय कि ना ननिक्ये गुलाम ही। ना जवाब बेन्ये जोहहो कि अय मंछला दहे रे कि ननील हाच्चिको परमेश्वर चिहि। ”

![](https://cdn.door43.org/obs/jpg/360px/obs-en-19-11.jpg)

तुरंतल, देहो दी मह्य गिरिक्या और आय स्या, काठ्नला, भिट्टा, मट्या, और अय झानी कि चिपूजो क्ये आसपास क्ये ती लय पालोव्वा। जब मंछलाय आय चेपाहे, व्हाइला जमिन्या गिरिक्यासी और हासी “यहोवा ल परमेश्वर ही”

![](https://cdn.door43.org/obs/jpg/360px/obs-en-19-12.jpg)

अब एलिय्याह य चिनेसी, “चुयच्ये सेडा क्ये भविष्य जिघय वालोला बेचोते हां गा चाहिय्यो!” अय कारणय मंछलाय चुयच्ये सेडा क्ये भविष्य जिघय वालोला हाङौव्वाहे और आयला व्हाई दी अलग काताहे और आयला हाताहे।

![](https://cdn.door43.org/obs/jpg/360px/obs-en-19-13.jpg)

अब एलिय्याह य अहाब राजा चिने, “फटाफट पानक्ये नावता थावक्ये, हान्खानी कि ती चिहि ही। ” फटाफट देहोला भरिव्वासी, और झिक्क ती सुरु ही भंगे। यहोवा आय कारो क्ये खत्म घय हां। अय पत्ता चल्वा कि यहोवा ल हाच्ची परमेश्वर ही।

![](https://cdn.door43.org/obs/jpg/360px/obs-en-19-14.jpg)

अब एलिय्याह य पानक्ये कामाव खत्म खय्या, तब परमेश्वर य एलीशा नामु को डा पयला क्ये पानक्ये भविष्य जिघय वालो ही खानी चुन्या। परमेश्वर य एलीशा क्ये व्हाते घयनु चमत्कार ला खय्यासी। डा चमत्कार नामान क्ये हंग हिय्ये। व्हाई डा दुश्मन क्ये सिपाहिला क्ये सरदार ही, पर अय खाल्लाव क्ये डा बुरो रोगाव हिय्ये। नामान य एलीशा क्ये बारेय्या कुन्हेहा। अय कारणय एलीशा क्ये पास पिय्ये और अय आय ठीक घय खानी अनुरोध खय्या, एलीशा य नामान चिने कि काते यरदन गान्गया क्ये तीया हात्ते बार डुबकी लाव।

![](https://cdn.door43.org/obs/jpg/360px/obs-en-19-15.jpg)

नामान घुस्सा हिय्ये। आय अय घय खानी मना खय्या, हान्खानी कि अय मुर्खला जा काम लागोने। पर बादया आय पानक्ये मन्व बदेल्या और काते यरदन गान्गके तिया हात्ते बार डुबकी लाव्वा। जब आखिरी बार या ती दी बहारी तोंगे त्ये परमेश्वर आय ठीक जिघय्ये।

![](https://cdn.door43.org/obs/jpg/360px/obs-en-19-16.jpg)

परमेश्वर य इस्त्राएल देह क्ये मंछला क्ये पास ओर घयनु परमेश्वर क्ये भविष्य जिघय वालोला जिघाल्वासी। आय जम्मालाय मूर्तीला क्ये पूजा घयक्ये बंद घय खानी चिनेसी। आयला डा नीमला क्ये हंगे निक्को ढन्गय व्यवहार घय चाय्यो और डा नीमला पर दया घय चाय्यो। आय भविष्य जिघय वालोलाय मंछल दिध्मकाव्वेसी कि आयला बुरो काम ला घयक्ये बंद घयको हिरी और अय्क्ये बजाय परमेश्वर क्ये बतकाव लाक्ये पालन घय क्वो व्हा। अगर अय मंछलाय इन्द हां खय्याहे त्ये परमेश्वर य आय्लाक्ये दोषी मान्योते आयला फेसला खयरिव, और आयला सजा बेरिवसी।

![](https://cdn.door43.org/obs/jpg/360px/obs-en-19-17.jpg)

झिक्क होय झिक्क समय्या, इस्त्राएली मंछलाय परमेश्वर क्ये आजाव क्ये पालन हां खय्याहे। अक्सर आयलाय भविष्य जिघय वालोला क्ये हंगे बुरो व्यवहार खय्याहे और अय झानी कि कभय कभय आयला हातेन्याहे। डा बार ता, आयलाय यिर्मयाह भविष्य जिघय वालो कारो कुवाया चोड़ाहे और आय व्हाईया सी खानी हाड्वाहे। व्हाई कुव्वा क्ये तलाव या कचाङया धसिव्वा। तब लेकीन राजा क्ये आय पर द्याव पिय्ये और आय पानके सिपाहिला आदेस बासी कि यिर्मयाह क्ये सी होय पयलो आय कुव्वा दी बहारी खयचोनि।

![](https://cdn.door43.org/obs/jpg/360px/obs-en-19-18.jpg)

भविष्य जिघय वालोलाय परमेश्वर क्ये ओरय हाके जारी थाहे भलेय मंछलाय आयला हाते नफरत खय्याहे। आयलाय मंछला क्ये दिध्मकाव्वे कि अगर आयलाय पछतावा हां खय्याहे त्ये परमेश्वर य आयला क्ये नाह सिला जिघयरिबाय। आयलाय मंछाला क्ये अय लय याद दिलाव्वेसी कि परमेश्वर आयला पास मसीह क्ये घाल्लो क्वो वाद्दा खय हावरे।

*1 राजा अध्याय 16 – 18; 2 राजा 5; यिर्मयाह 38 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_19_128kbps.m4a

## 20. इस्त्राएल या होयतर्या गाको और वापस बिको

https://openbiblestories.org/l/jnl-x-vanrawat/story-20/

![](https://cdn.door43.org/obs/jpg/360px/obs-en-20-01.jpg)

इस्त्राएल क्ये राज्य और यहूदा क्ये राज्य निमिलाय परमेश्वर क्ये खिलाफ पाप खय्याहे। आयलाय अय वाचा सिला काड़य्याहे जो परमेश्वर य आयला हंगे सीनै पहाड़ या होयतर्या ही। परमेश्वर य आयला पान गलती क्ये पछतावा घय खानी और फिर आयके भक्ति घय खानी दिध्मकाव खानी पानके भविष्य जिबताव वालोला घाल्वासी, पर आयला आयक्ये बतकाव मान्यो खानी मना खय्याहे

![](https://cdn.door43.org/obs/jpg/360px/obs-en-20-02.jpg)

अन्तया परमेश्वर य आयला दुश्मन सिला आयला नाह सिला घयक्ये सुरु घय क्ये जरियाय नि राज्यला सजा बासी। अश्शूर डा अलग देह ही ज्वो झिक्क शक्तिवालो हिय्ये। व्हाई दोहोरो देह ला खानी झिक्क दुष्ट लय ही। आयलाय पिते इस्त्राएल क्ये राज्य क्ये नष्ट खय्या। अश्शूरियों लाय पीते इस्त्राएल क्ये राज्य या झिक्कला हाताहे, जो हुच्वाहे आय लुट्याहे, और देह क्ये घयनु हिस्सा सिला पालूव्वाहे।

![](https://cdn.door43.org/obs/jpg/360px/obs-en-20-03.jpg)

अश्शूरियों लाय जम्मा प्रधान क्ये , पय्हा वालो मंछला, और इन्द मंछला क्ये जो किम्मत वालो सामान बानाव चिहाक्को आय जम्मा ला डा हंगे इकठ्ठा खय्याहे और अयलाय आयला अश्शूर देहया काताहे। इस्त्राएल देहया केवल कुच्छ गरीब इस्त्राएली ला बेच्वासी।

![](https://cdn.door43.org/obs/jpg/360px/obs-en-20-04.jpg)

फिर अश्शूरी मंछलाय इस्त्राएल देहया गुहा खानी बिदेसिला पितेते पिय्येसी। आय बिदेसिलाय अय बस्तिला फिर दोहड़या पनाव्वाहे। ज्वो इस्त्राएली ला व्हाईया बेचोव्हासी आयलाय अयला हंगे बर्याती खय्याहे। अय मंछला क्ये संतानसिला सामरी नाहे।

![](https://cdn.door43.org/obs/jpg/360px/obs-en-20-05.jpg)

यहूदा क्ये राज्य क्ये मंछलाय अय चेपाहे कि होख्यते परमेश्वर या भरोशा हां घयके और आय्क्ये बतकाव क्ये हां मान्यो क्ये कारणय इस्त्राएल देह क्ये मंछला सजा बासी। पर तब लय आयलाय कनानियों ला सेडासिला क्ये मूर्तीला क्ये पूजा खय्याहे। परमेश्वर य आयला दिध्मकाव्वे खानी भविष्य जिघय वालोला घाल्वासी, पर आयलाय कुन्हे खानी मना खय्याहे।

![](https://cdn.door43.org/obs/jpg/360px/obs-en-20-06.jpg)

लगभग ह्ये बरेहे बाद अश्शूरियों लाय इस्त्राएल राज्य क्ये नाहाव जिघय बासी। परमेश्वर य बेबीलोन क्ये राजाव, नबुकदनेस्सर क्ये यहूदा के राज्य या हमला घय खानी घाल्वा। बेबीलोन डा शक्तिवालो देह ही। यहूदा क्ये राजाव नबुकदनेस्सर क्ये गुलामाव बनिव क्ये और हर साल अय झिक्क रुपय्या क्ये चुकाव खानी तेयार हिय्ये।

![](https://cdn.door43.org/obs/jpg/360px/obs-en-20-07.jpg)

पर घयनु बरेहे बाद, यहूदा क्ये राजाय बेबीलोन क्ये खिलाफ बिद्रोह खय्या। अब बेबिलोनियों लाय वापस पिते यहूदा क्ये राज्य या हमला खय्या। आयलाय यरूशलेम बस्ती या कब्जा खय्याहे, मंदिर क्ये नाहाव खय्याहे, और बस्ती और मंदिर क्ये खजानाव लुट्योते काताहे।

![](https://cdn.door43.org/obs/jpg/360px/obs-en-20-08.jpg)

बिद्रोह घय क्ये कारणय यहूदा क्ये राजा सजा बे खानी, नबुकदनेस्सर क्ये सिपायलाय राजा क्ये पयाव आय सामनेय हाताहे और फिर आय अंधा खय्याहे। अय्क्ये बाद, व्हाइलाय राजा क्ये काताहे ताकि व्हाई बेबीलोन क्ये जेलखानाया सी हाक्कोरी।

![](https://cdn.door43.org/obs/jpg/360px/obs-en-20-09.jpg)

नबुकदनेस्सर और आयक्ये सिपाहिला यहूदा क्ये राज्य या लगभग जम्मा मंछला बेबीलोन या काताहे, केवल झिक्क गरीब मंछला चेटा हाडोते ताकि व्हाइला खेत्ति खयरे खयते। आय समय क्ये होयतर्या नय्येरे, जो या परमेश्वर य मंछला क्ये वाद्दा क्ये देहे दी तोंङ खानी मजबूर खय्यासी।

![](https://cdn.door43.org/obs/jpg/360px/obs-en-20-10.jpg)

भलेय परमेश्वर य पानक्ये मंछला आयला पाप खानी होयते गातेके जरियाय सजा बासी, तब लय व्हाई आयला या पानक्ये वादाव हां भूल्यो व्हा। परमेश्वर य पान मंछला क्ये देख रेख घय क्ये जारी थाहा और भविष्य जिघय वालोला क्ये जरियाय बतकाव खयतल कुहा। आय वाद्दा खय्या कि, कि हत्तर बरेहे क्ये बाद, व्हाइला फिर वाद्दा क्ये देहया वापस पीरी।

![](https://cdn.door43.org/obs/jpg/360px/obs-en-20-11.jpg)

लगभग हत्तर बरेहे बाद, फारस क्ये राजाय कुस्त्रू य बेबीलोन चिहराव्वे, आय कारणय बेबीलोन क्ये साम्राज्याव क्ये बजाय फारस क्ये साम्राज्याव घयनु देह लाया राज्य खय्या। इस्त्राएली मंछला अब यहूदी नेन्याहे। आयला दी घय लानू पानक्ये पुरो जिन्दगी सिला बेबीलोन या बिताव्वाहे। केवल थोड़ा बुड़ीवतर्या यहुदियो क्वो यहूदा देहे याद ही।

![](https://cdn.door43.org/obs/jpg/360px/obs-en-20-12.jpg)

फ़ारसी मंछला झिक्क हिम्मतवालोला ही, पर आयलाय पानक्ये जित्योतर्या मंछला पर दया खय्याहे। फ़ारसी मंछला क्ये राजा बनिव क्ये थोड़ा समय बाद, कुस्त्रू य डा आदेस जिबेसी कि कोई लय यहूदी दी यहूदा ता वापस गा चाहोरे, व्हाई फारस दी तोंते वापस यहूदा गा हाक्कोरिव। अय झानी कि आय अयला मंदिर फिर बनाव खानी रुपय्या लय जिबेसी। अब होयतर्या क्ये सत्तर बरेहे बाद, यहूदियों लाक्ये डा चुयचे दल यहूदा य यरूशलेम बस्ती ता वापस पिय्ये।

![](https://cdn.door43.org/obs/jpg/360px/obs-en-20-13.jpg)

जब यहूदी मंछला यरूशलेम लयपेसी त्ये आयलाय मंदिर क्ये और बस्ती क्ये पाड़ी और दिवाराव फिर पनावाहे। फ़ारसी मंछला अब लय आयला उप्पर राज खयनेसी लेकी डा बार फिर व्हाइला वाद्दा क्ये देहया गुहासी और मंदिर या भक्ति घय हासी।

*2 राजा अध्याय 17 ; 24 – 25 ; 2 इतिहास 36 ; एज्रा 1 – 10 ; नयेम्याह 1 – 13 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_20_128kbps.m4a

## 21. परमेश्वर मसीह क्ये वाद्दा खय्युरे

https://openbiblestories.org/l/jnl-x-vanrawat/story-21/

![](https://cdn.door43.org/obs/jpg/360px/obs-en-21-01.jpg)

जब परमेश्वर य दुनिया क्ये बनाव हा, व्हाई दहेन्या कि आय बादया कोई ध्यंग मसीह क्ये घाल्वो को हिरी। आय आदम और हव्वा हाते वाद्दा खय हा कि व्हाई इन्द खयरिव। आय चिनेसी कि हव्वा दी डा पया पयदा हिरी जो माँबू के गराव कुचल्लोरिव। जो माँबु हव्वा धोका बेस्या व्हाई बेशक रागेहे ही। परमेश्वर क्ये अर्थाव ही कि मसीह पूरो रुपय रागेहे क्ये हराव हाक्कोरिव।

![](https://cdn.door43.org/obs/jpg/360px/obs-en-21-02.jpg)

परमेश्वर य अब्राहम हाते वाद्दा खय हा कि आयक्ये संसार क्ये जम्मा जातीला आशीर्वाद धरेरे। परमेश्वर बादया कोई समय लय मसीह क्ये घाल्वो क्ये जरियाय अय वाद्दा पूरो खयरिव। व्हाई मसीह संसार क्ये हर डा जाती क्ये मंछला क्ये आयला पापसिला छुड़ावरिवसी।

![](https://cdn.door43.org/obs/jpg/360px/obs-en-21-03.jpg)

परमेश्वर य मुसा हंगे वाद्दा खय्या कि भविष्य या व्हाई मूसा क्ये बराबर डा अलग भविष्य जिघय वालो घाल्लोरिव। अय भविष्य जिघय वालो मसीह हिरी। अय प्रकारय, परमेश्वर य फिर डा वाद्दा खय्या कि व्हाई मसीह जिघाल्लो ही।

![](https://cdn.door43.org/obs/jpg/360px/obs-en-21-04.jpg)

परमेश्वर य राजा दाऊद हाते वाद्दा खय्या कि आयक्ये डा पयाव मसीह हिरी। व्हाई राजा हिरी और परमेश्वर क्ये मंछला पर हमेशा खानी राज खयरिव।

![](https://cdn.door43.org/obs/jpg/360px/obs-en-21-05.jpg)

परमेश्वर य यिर्मयाह परमेश्वर क्ये बतकाव जिघय वालो हाते बतकाव खय्या कि और चिने कि डा ध्यंग व्हाई डा नय्या वाचा होयरिव । व्हाई पुरानो वाचा इस्त्राएल देह क्ये हंगे सिने पहाड़ या खय हा आयक्ये जोह्हो नय्या वाचा जा हां हिरी। जब मंछला क्ये हंगे व्हाई पानक्ये नय्या वाचा खयरिव, त्ये व्हाई आयलाया पानक्ये मंछे जा रूप या प्रकट हिरी। हर डा मंछ आय हाते प्रेम थारे और आयक्ये व्यवस्था क्ये पालन घय क्ये इच्छा थारे। परमेश्वर य चिनेसी कि अय व्यवस्था सिला आयला सीना सिलाया लिख्खो तर्या जा हिरी। व्हाई आय मंछला क्ये हिरी, और परमेश्वर य आयला पापसिला माफ़ खयरिव। व्हाई मसीह हिरी जो आयला हंगे नय्या वाचा खयरिव।

![](https://cdn.door43.org/obs/jpg/360px/obs-en-21-06.jpg)

परमेश्वर क्ये भविष्य जिबताव वालोला अय लय नासी कि मसीह डा परमेश्वर क्ये भविष्य जिघय वालो ही। डा परमेश्वर क्ये भविष्य जिघय वालो मंछ ही जो परमेश्वर क्ये बतकाव्ला कुन्हेरे और फिर मंछलाया परमेश्वर क्ये बत्कावला बतावसिरे। जो घाल्वो खानी परमेश्वर य वाद्दा खयहा व्हाई मसीह डा निक्को परमेश्वर क्ये भविष्य जिघय वालो हिरी। अयक्ये मतल्बाव कि व्हाई परमेश्वर क्ये बतकावला निक्को रुपय कुन्हेरिव, और व्हाई मंछला क्ये आय बतकावला क्ये निक्कोय सिखावरिव।

![](https://cdn.door43.org/obs/jpg/360px/obs-en-21-07.jpg)

इस्त्राएली यहूदी पुजारी मंछला खानी परमेश्वर क्ये गेंता बलिव चड़ावक्ये जारी थाहे। अय बलिव मंछला क्ये पापसिला खानी आयला क्वो परमेश्वर क्ये जरियाय सजा बेक्ये जग्ग़ा या चड़ावतर्या ही। यहूदी पुजारी य मंछला खानी विनती लय खय्याहे। पर, व्हाई मसीह निक्को महान यहूदी बयाना पुजारी हिरी जो परमेश्वर बे खानी डा निक्को बलि क्ये रुप या पानक्ये चड़ावरिव। अयक्ये मतल्बाव, व्हाई कभय पाप हां खयरिव, और व्हाई पानक्ये बली ही खानी जिबेरी, तब दुनिया क्ये लय अलग बलि जरूरी हां हिरी।

![](https://cdn.door43.org/obs/jpg/360px/obs-en-21-08.jpg)

मंछला क्ये दल लाया राजा और प्रधान राज खयेरे, और व्हाइला कभय कभय गलतिला खयेरे। राजा दाऊद य केवल इस्त्राएलियों लाया राज खय्या, पर राजा दाऊद क्या पयाव मसीह पुरो संसारया राज खयरिव, और व्हाई हमेशा खानी राज खयरिव। अयक्ये अलावा, व्हाई हमेशा निक्को ढंगय राज खयरिव, और सही फेसला ला कातेरीव।

![](https://cdn.door43.org/obs/jpg/360px/obs-en-21-09.jpg)

परमेश्वर क्ये भविष्य जिघय वालोलाय मसीह क्ये बारिया घयनु बतकाव नाहे। उदाहरण खानी, मलाकी चिनेसी कि मसीह क्ये बी होय प्यलो डा अलग परमेश्वर क्ये भविष्य जिघय वालो पीरी। व्हाई भविष्य जिघय वालो झिक्क जरूरी हिरी। अयक्ये अलावा, यशायाह भविष्य जिघय वालोय अय लिखवा कि मसीह डा कुवारी दी जन्म कातेरिव। और मीका परमेश्वर क्ये भविष्य जिघय वालोय चिनेसी कि मसीह बैतलहम बस्ती दी जन्म कातेरिव।

![](https://cdn.door43.org/obs/jpg/360px/obs-en-21-10.jpg)

यशायाह परमेश्वर क्ये भविष्य जिघय वालो चिनेसी कि मसीह गलील क्ये इलाकाया कुहारी। जो मंछला झिक्क दुखी व्हाई मसीह आयला शान्ति बेरीव। व्हाई केदिलालय आजाद खयरिव। मसीह बिमारला और जो कुन्हयेरे हां हाक्कोयेरे, दब्बो हां हाक्कोयेरे, ह्आ हां हाक्कोयेरे, या व्हा ह्वा हाक्कोयेरे आयला लय बड़िया खयरिव।

![](https://cdn.door43.org/obs/jpg/360px/obs-en-21-11.jpg)

यशायाह परमेश्वर क्ये भविष्य जिघय वालो अय लय चिनेसी कि मंछला मसीह हाते नफरत खयरि और अपनाव खानी मना खयरे। और अलग परमेश्वर क्ये भविष्य जिघय वालोलाय चिनेसी कि मसीह क्ये डा हंगाव आय्क्ये खिलाफ हिरी। जकर्याह परमेश्वर क्ये भविष्य जिघय वालो चिनेसी कि आयक्ये अय हंगाव इन्द घय खानी दोहरो मंछला दी चाँदी क्ये तिस सिक्काला कातेरिव। अयक्ये अलावा, घयनु परमेश्वर क्ये भविष्य जिघय वालोलाय चिनेसी कि मंछलाय मसीह क्ये स्यातेरी, और अय लय कि व्हाइला आयक्ये लत्ताव्ला खानी जुव्वा खेल्योरे।

![](https://cdn.door43.org/obs/jpg/360px/obs-en-21-12.jpg)

परमेश्वर क्ये भविष्य जिघय वालोलाय अय लय जिब्तावेसी कि मसीह होख्यते सीरी। यशायाह य भविष्य खय्या कि मंछला मसीह थुकेरे, आयक्ये मजाकाव उड़ावरे, और आय पिट्योरे। व्हाई आय छेड्योरे और व्हाई बयना दर्द और कष्टय सीरी, जबकि व्हाई क्ये लय गलतलय हां खयरिव।

![](https://cdn.door43.org/obs/jpg/360px/obs-en-21-13.jpg)

परमेश्वर क्ये भविष्य जिघय वालोलाय अय लय जिब्तावेसी कि मसीह पाप हां खयरिव। व्हाई निक्को हिरी। पर व्हाई अय कारणय सीरी परमेश्वर य आय और मंछला क्ये पापला कारणय सजा खयरिव। आयक्ये सीते मंछला परमेश्वर क्ये हंगे मेल घय कोया सफल हिरी। अय कारणय परमेश्वर य चाहोरे कि मसीह सीरी।

![](https://cdn.door43.org/obs/jpg/360px/obs-en-21-14.jpg)

परमेश्वर क्ये भविष्य जिघय वालोलाय अय लय जिब्तावेसी कि परमेश्वर य मसीह क्ये सितर्या दी जीवतो जिघयरी। अय दिख्खोरकि अय जम्मा नय्या वाचा घयक्वो परमेश्वर क्ये योजनाव ही , तबय व्हाई आय मंछला क्ये बचाव हाक्कोरिव जो लाय आयक्ये खिलाफ पाप खयहायेरे।

![](https://cdn.door43.org/obs/jpg/360px/obs-en-21-15.jpg)

परमेश्वर य भविष्य जिबताव वालोला या मसीह क्ये बारेया झिक्क बतकावला प्यदा खय्यासी , पर मसीह आय भविष्य जिघय वालोला क्ये जिन्दगिव या हां पिव्हा। अय भविष्य जिब्ताव वालोला क्ये बेतर्या पाड़ी ह्ये दी झिक्क बरेहे बाद, सही समयया, परमेश्वर य मसीह क्ये अय दुनिया या घल्लोरिव।

*उत्पत्ति ३ ; 15 ; 12 :1 – 3 ; व्यवस्थाविवरण 18 : 15 ; 2 शमुएल 7 ; यिर्मयाह 31 ; यशायाह 59 : 16 ; दानिय्येल 7 ; मलाकी 4 : 5 ; यशायाह 7 :14 ; मिका 5 : 2 ; यशायाह 9 : 1 – 7 ; 35 : 3 – 5 ; 61 ; 53 ; भजन संहिता 22 : 18 ; 35 : 19 ; 69 : 4 ; 41 : 9 ; जकर्याह 50 : 6 ; भजन संहिता 16 : 10 – 11 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_21_128kbps.m4a

## 22. यूहत्रा क्ये जन्माव

https://openbiblestories.org/l/jnl-x-vanrawat/story-22/

![](https://cdn.door43.org/obs/jpg/360px/obs-en-22-01.jpg)

बितिवतर्या ध्यंग या, परमेश्वर य पानक्ये परमेश्वर क्ये भविष्य जिबताव वालोला हाते बतकाव खयहा अय कारणय व्हाई मंछला हाते बतकाव घय हाक्को हा। पर आय समय दी कातेते फिर पाड़ी ह्ये बरेहे बितिव झानी आय अयला हाते बतकाव हां खय्या। तब परमेश्वर य जकर्याह नामु क्वो यहूदी पुजारी क्ये पाहे डा स्वर्ग क्ये दूताव घाल्वा। जकर्याह और आयक्ये मेत्व एलीशिबा परमेश्वर क्ये सम्मान खयनेसी। व्हाइला झिक्क बुड़ीव्वासी, और आयक्ये पयावला प्यदा हां हिय्येसी।

![](https://cdn.door43.org/obs/jpg/360px/obs-en-22-02.jpg)

आय स्वर्ग क्ये दूताव गय चिने, “नंङ मेत्ये गय दी डा पया प्यदा हिरी। नंङ आयक्ये नामु यूहत्रा था बाना। परमेश्वर आय पवित्र आत्माव दी पूरो भरिवरिव, “और यूहत्रा मंछला क्ये मसीह अपनाव खानी तेयार खय्याना। ” जकर्याह य जवाब जिबे, “ना और ना मेत्ये पया प्यदा घय खानी झिक्क बुड़ीव्वासी! ना होखय हांची मान्योव कि नंङ ना हांची नेस्यायेरे?”

![](https://cdn.door43.org/obs/jpg/360px/obs-en-22-03.jpg)

अय स्वर्ग क्ये दूताव गय जकर्याह जवाब जिबे, “नंङ पाहे अय खुश खबरला घाल्वो खानी ना परमेश्वर क्ये जरियाय घाल्लोतर्या ही। हान्खानी कि नय नाया भरोशा हां जिघय्या, अय कारणय गेदा क्ये प्यदा ही झानी नंग हां हा स्याकोरिव। ” तुरंतल, जकर्याह गुंगा हिय्ये। तब व्हाई स्वर्ग क्ये दूताव जकर्याह दी वापस ओक्का। अयक्ये बाद, जकर्याह नावया वापस पिय्ये और आयक्ये मेत्व लादो दी हिय्ये।

![](https://cdn.door43.org/obs/jpg/360px/obs-en-22-04.jpg)

जब एलीशिबा तुरक्ये मयना क्ये लादो दी ही, त्ये व्हाई स्वर्ग क्ये दूताव अचानक एलीशिबा के रिश्तेदारावया प्रकट हिय्ये, जो नामु ही मरियम। मरियम कुवारी ही और बर्यातिव ही खानी यूसुफ नामु क्ये पयला हाते मान्गजामिव ही व्हा। स्वर्ग क्ये दूताव गय चिने, “नंङ लादो दी चिहिरी और डा प्याग प्यदा जिघयरिव। नंङ आयक्ये नामु यीशु थाबाना। व्हाई जम्माला होय झिक्क ताकतवर परमेश्वर क्ये पयाव हिरी और हमेशा खानी राज खयरिव। ”

![](https://cdn.door43.org/obs/jpg/360px/obs-en-22-05.jpg)

मरियम य जवाब जिबे, “अय होख्य हिरी, हान्खानी कि ना कुवारी गुहा?” आय स्वर्ग क्ये दूताव गय चीहमजाव्वे, “पबित्र आत्मा नंङया पीरी , और परमेश्वर क्ये शक्ति नंङ पर कृपा खयरिव। अय कारणय शिशु पबित्र हिरी, और व्हाई परमेश्वर क्ये पयाव हिरी। ” जो आय स्वर्ग क्ये दूताव गय चिने आय पर मरियम य भरोशा खय्या।

![](https://cdn.door43.org/obs/jpg/360px/obs-en-22-06.jpg)

अय हिक्ये तुरंत बादे, मरियम काते एलीशिबा हंगे भेट खय्या। जोह्हो मरियम य नमस्कार खय्या, एलिशिबा क्ये गेदा व आयक्ये भतोरी उछलव्वे। आयला खानी परमेश्वर जो खय्हा आयक्ये बारेया व्हाई मठ्याला डा हंगे ख़ुशी ही व्हासी। एलीशिबा क्ये हंगे हुंङ मयना गुहा क्ये बाद, मरियम नावया वापस पिय्ये।

![](https://cdn.door43.org/obs/jpg/360px/obs-en-22-07.jpg)

अयक्ये बाद, एलीशिबा य पान गेदाव क्ये जन्म बा। जकर्याह और एलीशिबा य आय गेदा क्ये नामु यहुत्रा थाहे , जोहो अय स्वर्ग क्ये दूताव गय नेस्यासी। तब परमेश्वर जकर्याह क्ये हाकोया सफल जिघय्ये। जकर्याह य चिनेसी, “परमेश्वर क्ये गुणगान खयनी, हान्कानी कि आय पानि मंछला क्ये मदद घयक्ये याद थाहावरे! हे ना प्यायें, नंङ जम्माला होय झिक्क ताकतवर परमेश्वर क्ये भविष्य जिघय वालो चिहिरी। नंङ मंछला क्ये जिब्तावरिव कि व्हाइला पान पापसिला दी होखयते माफ़ी मिल्लोरी!”

*लूका अध्याय 1 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_22_128kbps.m4a

## 23. यीशु क्ये जन्माव

https://openbiblestories.org/l/jnl-x-vanrawat/story-23/

![](https://cdn.door43.org/obs/jpg/360px/obs-en-23-01.jpg)

यूशुफ नामु क्ये डा धर्मी मंछ क्ये हंगे मरियम क्ये मान्गजामिव ही व्हा। जब आय कुन्हा कि मरियम लादो दी व्हा त्ये व्हाई दहे न्या कि ही कि आयक्ये पयाव हां ही। पर व्हाई मरियम बदनाम हां घय क्ये चाहुवो हा, अय कारणय आय अय पर कृपा खय्या और आयदी तलाक बेखानी हुच्वा। पर अय होय पयलो व्हाई इन्द खयन्या, डा स्वर्ग क्ये दूताव गय आयक्ये ह्पेनाव्या पिते आय हाते बतकाव खय्या।

![](https://cdn.door43.org/obs/jpg/360px/obs-en-23-02.jpg)

आय स्वर्ग क्ये दूताव गय चिने, “हे यूशुफ, मरियम क्ये पानक्ये मेत्येगे रुप या पितेते ता पाड़ी। आयक्ये भतोरी जो गेदा व्हा व्हाई पबित्र आत्मा दी व्हा। व्हाई डा पया क्ये जन्म बेरीव। आयक्ये नामु यीशु थाना {जोक्ये अर्थाव ही, ‘यहोवा बचावरिव’ }, हान्खानी कि व्हाई मंछला क्ये आयला पापसिला दी जिबचावरी। ”

![](https://cdn.door43.org/obs/jpg/360px/obs-en-23-03.jpg)

अब यूशुफ य मरियम हाते बर्यातिव खय्या और आय पान मेत्व क्ये रूप या नावया पिता, पर आयक्ये गेदाव क्ये जन्माव बेझानी व्हाई आयक्ये हंगे हां ईसे।

![](https://cdn.door43.org/obs/jpg/360px/obs-en-23-04.jpg)

जब मरियम क्ये गेदाव जन्म बेक्ये समय नजदीक ही, त्ये आय और यूशुफ क्ये बैतलहम बस्ती या गा क्ये डा लांगे यात्रा खय्याहे। आयला क्ये व्हाईया गाको ही हान्खानी कि रोमी अधिकारी इस्त्राएल देहया जिगुहाला जम्मा मंछला क्ये गिनती जिघय ही व्हा। रोमी अधिकारी चाहोनेसी कि जम्मा मंछला व्हाइय्या गाको ही जाह़ा आयला पुरानो पित्रला कुहानेसी। राजा दाऊद क्ये जन्माव बैतलहम बस्ती या हिय्ये, और व्हाई मरियम और यूशुफ निमला क्ये पुरानो पित्रला ही।

![](https://cdn.door43.org/obs/jpg/360px/obs-en-23-05.jpg)

मरियम और यूशुफ बैतलहम बस्ती या कासी, पर व्हाईया डिंगोला क्ये जिगुहा वालो जग्गा क्ये अलावा आयला गुहा खानी कोई जग्गा हां ही। व्हाई जग्गाल ही जांहा मरियम य पान गेदाव क्ये जन्म बा। आय अय सोत्तर लिटाव्वा हान्खानी कि व्हाईया आय खानी कोई बिस्तर हां ही। अयलाय आयक्ये नामु यीशु थाबाहे।

![](https://cdn.door43.org/obs/jpg/360px/obs-en-23-06.jpg)

आय गायरे, व्हाईया पास क्ये खेत्या घयनु ग्वालोला पान भेड़ सिला क्ये झुण्ड क्ये देख रेख घय हासी। डा चिच्मेक्यो स्वर्ग क्ये दूताव प्रकट हिय्ये, और व्हाइला पाड़ीयेसी। आय स्वर्ग क्ये दूताव गय चिनेसी, “पाड़ीनि ता, हान्खानी कि ना पाहे ननिला खानी निक्को संदेह व्हा। बैतलहम बस्ती या मसीह, मालिक क्ये जन्माव हिय्ये लय!”

![](https://cdn.door43.org/obs/jpg/360px/obs-en-23-07.jpg)

काते आय पया क्ये मरानी, और ननिला आय लत्तालाया लिप्टवतर्या और चटाईय्या लेटीवतर्या धेरेरे। ”अचानकय, देहोया स्वर्ग क्ये दुताव्ला भरिव्वासी। व्हाइला परमेश्वर क्ये गुणगानाव घय हासी। आयलाय चिनेसी, “जम्मा आदर स्वर्ग या होयतर्या परमेश्वर क्ये मिल्लो। धरतिया आय मंछला क्ये शान्ति ही जोक्ये व्हाई फिक्कर खयरे!”

![](https://cdn.door43.org/obs/jpg/360px/obs-en-23-08.jpg)

तब स्वर्ग क्ये दुताव्ला ओक्कासी। व्हाई ग्वालोला पान भेड़ सिला हाडोते प्याक्ये दब्बो खानी ओक्कासी, जल्दिले आय जग्गाया लयकासी जांहा यीशु ही और अयलाय आय चटाईय्या लोटाईतर्या पाव्वाहे, जोह्हो कि आय स्वर्ग क्ये दूताव गय न्येस्यासी। व्हाइला भोत खुश ही। तब व्हाई ग्वालोलाय वापस ओक्कासी जांहा आयला भेड़ सिला ही। आयलाय जो लय कुन्हाहे और चेपाहे अय जम्मा खानी व्हाइला परमेश्वर क्ये याद घय भंगेसी।

![](https://cdn.door43.org/obs/jpg/360px/obs-en-23-09.jpg)

पूर्व या दूर डा देह ही घयनु पयला ही। आयलाय ताराला क्ये विद्या प्राप्त खयहाहे और व्हाइला झिक्क बुध्दिमान ला ही। आयलाय डा अलग प्रकारक्ये तारा देहोया चेपाहे। आयलाय चिनेसी कि अयक्ये मतलबाव ही कि यहूदी लाक्ये न्या राजासिला क्ये जन्माव ही व्हारे। अय कारणय आयलाय अय गेदाक्ये दब्बो खानी पान देहे दी सफर घय क्ये फेसला खय्याहे। डा लांगे सफर क्ये बाद, व्हाइला बैतलहम बस्ती या पिय्येसी और आय नावया धराहे जांहा यीशु और आयक्ये इय्याव – बब्बाव गुंहा हांसी।

![](https://cdn.door43.org/obs/jpg/360px/obs-en-23-10.jpg)

जब आय पयला य यीशु पान इय्याव हाते चेपाहे त्ये आयलाय घुटना सिला टेक्वोते आयक्ये आदर – सम्मान खय्याहे । आयलाय यीशु मेहेंगा भेटला बाहे। फिर व्हाइला नावसिलाया वापस लोटीव्वासी।

*मत्ती अध्याय 1 ; लुका 2 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_23_128kbps.m4a

## 24. यूहन्ना यीशु क्ये तीय्या पवित्र डुबकी { बपतिस्मा } जिबे

https://openbiblestories.org/l/jnl-x-vanrawat/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा और जकर्याह क्ये पयाव युहन्ना, बयना हिते डा परमेश्वर क्ये भविष्य जिघय वालो बनिवा। व्हाई मानङया कुहाने, और मानङको मव्वे और पाट्यान्गोला जाआन्यासी , और ऊँट क्ये रोहांव क्ये बनिव्तर्या लत्ताला नेलिने।

![](https://cdn.door43.org/obs/jpg/360px/obs-en-24-02.jpg)

झिक्क मंछला युहन्ना क्ये बतकाव गुन्हे खानी मानङया पिय्ये सी। आय अय नेते आयला प्रचार खय्या, “पछतावा खयनी, हान्खानी कि स्वर्ग क्ये राज्याव नजदीक व्हा!”

![](https://cdn.door43.org/obs/jpg/360px/obs-en-24-03.jpg)

जब मंछलाय यूहन्ना क्ये संदेशाव कुन्हाहे, त्ये आयला दी झिक्कलाय पान पाप सिला क्ये पछताव खय्याहे, और यूहन्ना य तिय्या पवित्र डुबकी चिलाव्बासी या बपतिस्मा जिबेसी। यूहन्ना क्ये दब्बो खानी यहूदी धर्म प्रधान ला लय पिय्येसी, पर आयलाय पान पापसिला क्ये पछतावा या ग्रहण हां खय्याहे।

![](https://cdn.door43.org/obs/jpg/360px/obs-en-24-04.jpg)

यूहन्ना य यहूदी धर्म वालो प्रधान नासी, “हे माबुला जोह्हो जहर वालो मंछला! पछता वा खयनी और पानक्ये व्यवहारयना बदेलोनी। परमेश्वर हर आय सिंग क्ये काटोरिव जो निक्को फल हां पितोवरे , और व्हाई अयला म्हीय्या ओड़ेङीवसी। ” जो परमेश्वर क्ये भविष्य जिघय वालोलाय नेतर्या ही यूहन्ना आय पुरो खय्या, “दब्बो, जल्दिले ना नंङ खानी पान दूत घालोरिव जो नंङ खानी योंग त्यार खयरे। ”

![](https://cdn.door43.org/obs/jpg/360px/obs-en-24-05.jpg)

घयनु धर्मला प्रधान यूहन्ना होद्याहे कि हांङ व्हाई मसीह हि। यूहन्ना य जवाब जिबेसी, “ना मसीह हां ही, पर व्हाई ना बाद बिहारे। व्हाई अच्च महान वह कि ना आयक्ये जोधाव क्ये फितावला खोयनेक बराबर हां गूहा। ”

![](https://cdn.door43.org/obs/jpg/360px/obs-en-24-06.jpg)

दोहोरो ध्यंङ, यीशु तिय्या पवित्र डुबकी लाव खानी यूहना क्ये पाहे पिय्ये। जब यूहन्ना य आय चेपा , त्ये आय चिनेसी, “द्ब्बोनी! परमेश्वर क्ये भेड़ाव क्ये पयाव जो दुनिया क्ये पापावला उठावते कातेरिव। ”

![](https://cdn.door43.org/obs/jpg/360px/obs-en-24-07.jpg)

यूहन्ना य यीशु चिने, “ना नंङ तिय्या पवित्र डुबकी लगाव योग्य हां गूहा। अयक्ये बजाय जरूरी अय व्हा कि नंङ ना तिय्या डुबकी लाव बे। ” पर यीशु य चिने, “नंङ ना तिय्या पवित्र डुबकी लाव चाय्यो, हान्खानी कि घय खानी सही काम अय ही। ” अब यूहन्ना य तिय्या पवित्र डुबकी चिलगाव्बा, जबकि यीशु य कभय पाप हां खय हा।

![](https://cdn.door43.org/obs/jpg/360px/obs-en-24-08.jpg)

तिय्या पवित्र डुबकी लगावते बादे जब यीशु ती दी बहारी तोंङे, त्ये परमेश्वर क्ये आत्माव कबूतर क्ये रुप या प्रकट हिय्ये और धी पिते आय्या रुकिव्वा। आयल समय्या, परमेश्वर य स्वर्ग या बतकाव खय्या। अय चिनेसी, “नंङ ना पयाये चिहि। ना नं हंङे प्यार घय्युरे, और ना नंङ खानी झिक्क खुश गुहा। ”

![](https://cdn.door43.org/obs/jpg/360px/obs-en-24-09.jpg)

परमेश्वर य यूहन्ना नेस्या कि, “पवित्र आत्मा धी पिते कोईलाया रुकिवरी जोक्ये नंङ तिय्या डुबकी चिलगारिबाव। ” व्हाइल परमेश्वर क्ये पयाव ही परमेश्वर डाल ही। पर जब यूहन्ना य यीशु क्ये तिय्या पवित्र डुबकी लगावबा, त्ये आय परमेश्वर बब्बा क्ये बतकाव घय समय कुन्हा, पयाव परमेश्वर क्ये चेपा ,जो यीशु ही, और आय पवित्र आत्मा क्ये चेपा।

*मत्ती अध्याय 3 ; मरकुस 1 : 9 – 11 ; लुका 3 : 1 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_24_128kbps.m4a

## 25. शेतान यीशु क्ये परिक्षा खय्युरे

https://openbiblestories.org/l/jnl-x-vanrawat/story-25/

![](https://cdn.door43.org/obs/jpg/360px/obs-en-25-01.jpg)

यीशु क्ये तीया पवित्र डुबकी लावते बाद तुरन्त बादले, पवित्र आत्माय आय मानङया ज्याते। यीशु आय्या चालीस ध्यंग चालीस गायरे ही। आय समय अय बरत्ये खय्या, और शेतान य यीशु क्ये पाहे पिते पाप हागय खानी आयक्ये परखाव खय्या।

![](https://cdn.door43.org/obs/jpg/360px/obs-en-25-02.jpg)

पय्लो, शेतान य यीशु चिने, “अगर नंङ परमेश्वर क्ये पयाव चिहि त्ये अय डूङगला क्ये लग्या पनाव बे तब नंङ ज्या स्याकोरिव!”

![](https://cdn.door43.org/obs/jpg/360px/obs-en-25-03.jpg)

पर यीशु य शेतान ना, “परमेश्वर क्ये वचनावया अय लिख्खो तर्या व्हा, ‘जीवतो रहो खानी मंछ क्ये केवल लग्या क्ये जरूरी हां हीरे, पर अय हर आय बतकाव क्ये जरूरी हीरे जो परमेश्वर आयला चिनेयरे!”

![](https://cdn.door43.org/obs/jpg/360px/obs-en-25-04.jpg)

तब शेतान यीशु मंदिर क्ये झिक्क उच्चो टूकोव्या जिगाते। आय अय चिने, “अगर नंङ परमेश्वर क्ये पयाव चिहि त्ये अयकोमादी धी फाट्टो ओङे, हान्खानी कि लिख्खो तर्या व्हा, ‘परमेश्वर नंङ याके खानी स्वर्ग क्ये दुतावला आदेस बेरीव कि नंङगे भागला ढुंगय ठेहेको हां लागोरिव। ’”

![](https://cdn.door43.org/obs/jpg/360px/obs-en-25-05.jpg)

पर यीशु य अय हां खय्या जो शेतान य आय घय खानी नेस्या। आयक्ये बजाय, आय चिने, “परमेश्वर हर डा चिनयरे, ‘नंङ प्रभु पान परमेश्वर क्ये परिख्योको ता खय्याना। ’”

![](https://cdn.door43.org/obs/jpg/360px/obs-en-25-06.jpg)

फिर शेतान य आय संसार क्ये जम्मा राज्यला चिहामटे। आय अय चिहामटे कि व्हाइला घय शक्ति वालोला व्हाई, और व्हाइला घय रुपय्या वालोला व्हाई। आय यीशु चिने, “ना नंङ अय सेहांग बेने अगर नंङ घुटनाग्ये टेक्योते ना प्रणाम खय। ”

![](https://cdn.door43.org/obs/jpg/360px/obs-en-25-07.jpg)

यीशु य जवाब जिबे, “हे शेतान, ना पाहे दी घे! परमेश्वर क्ये वचनाव क्ये व्हाई मंछला क्ये आदेशाव बवसिरे, ‘केवल पानक्ये प्रभु परमेश्वर क्ये भक्ति खयनी। परमेश्वर क्ये रूप या केवल आयक्ये आदर- सम्मान खयनी। ’”

![](https://cdn.door43.org/obs/jpg/360px/obs-en-25-08.jpg)

यीशु य शेतान क्ये परीक्षा दी हार हां मान्या, अय कारणय शेतन आयक्ये पाहे दी ओक्का। तब स्वर्ग क्ये दुतावला पिते यीशु क्ये सेवाव घय भंगेसी।

*मत्ती अध्याय 4 : 1 – 11; मरकुस 1 : 12 – 13; लूका 4 : 1 – 13 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_25_128kbps.m4a

## 26. यीशु पानक्ये सेवाव सुरु खय्युरे

https://openbiblestories.org/l/jnl-x-vanrawat/story-26/

![](https://cdn.door43.org/obs/jpg/360px/obs-en-26-01.jpg)

शेतान क्ये परीक्षावला मना खयते बादे, यीशु वापस गलील क्ये इलाकाया पिय्ये। अय व्हाई जग्गा ही जाहा व्हाई कुहाने। पवित्र आत्माय आय झिक्क शक्ति बेस्या, और यीशु डा जग्गा दी दोहरो जग्गाता का और मंछला शिक्षा बा। जम्मालाय आय बारेया निक्को बतकाव चिनेसी।

![](https://cdn.door43.org/obs/jpg/360px/obs-en-26-02.jpg)

यीशु नासरत बस्तीया का। अय व्हाई गाव ही जाहा व्हाई पानक्ये बचपनया कुहाने। हप्ता क्ये ध्यंग, व्हाई भक्ति जिघय जग्गाया का। यहूदी प्रधान लाय यशायाह य परमेश्वर क्ये भविष्य जिघय वालो क्ये बतकाव क्ये डा किताब जिबे। व्हाइला हुचो हाशी कि व्हाई आय दी पड़वङि। अब यीशु य आय किताब खोयनेते आय दी डा भाग मंछला खानी पड़व्वा।

![](https://cdn.door43.org/obs/jpg/360px/obs-en-26-03.jpg)

यीशु य पड़व्वा, “परमेश्वर य ना पानक्ये आत्माव बेहायेरे ताकि ना निक्को समाचार क्ये प्रचार घय हाक्कोरिव। आय ना अय कारणय घाल्वाये कि केदिला क्ये आजाद घयरिव, कानाला क्ये फिर से दब्बो खानी मिके बेरिव, और आयला छुटकारा बेरीव जो दोहोरो मंछलाय कुचल्लों स्यारे। अय व्हाई समय ही जब परमेश्वर नानी उप्पर कृपा खयरिव और नानी मदद खयरिव। ”

![](https://cdn.door43.org/obs/jpg/360px/obs-en-26-04.jpg)

फिर यीशु होये। जम्मा मंछलाय आय बड़िया ध्यानय दब्बो स्यासी। व्हाइला दहेनेसी कि परमेश्वर क्ये वचन जो भाग अत्तर पड़व्वा व्हाई मसीह क्ये बारिया ही। यीशु य चिनेसी कि, “जो बतकाव नाय अत्तर ननिला खानी पड़व्वा, व्हाई अय समय्या ही हायरे। ” जम्मा मंछला हेरान ही। आयला नाहे, “आय युसूफ क्ये पयाव ही। ”

![](https://cdn.door43.org/obs/jpg/360px/obs-en-26-05.jpg)

तब यीशु य चिनेसी, “अय हाच्ची ही कि मंछला कोई इन्द भविष्य जिघय वालोला क्ये कभय ना पान मान्योरे जो आयला बस्ती या पल्लोते बड़ीव्हारी। अलिय्याह भविष्य जिघय वालो क्ये समय या, इस्त्राएल देहया घयनु बीधवाला ही। पर जब ह्याड़ी हुंङ बरेहे झानी ती हां हिय्ये त्ये परमेश्वर य एलिय्याह क्वो इस्त्राएल देहया कोई बिधवा क्ये मदद घय खानी हां घाल्वा। अयक्ये बदले, आय एलिय्याह क्ये कोई अलग देहया बिधवा क्ये पाहे घाल्वा। ”

![](https://cdn.door43.org/obs/jpg/360px/obs-en-26-06.jpg)

यीशु नेके जारी थाहा, “और एलीशा भविष्य जिबताव वालो क्ये समय या, इस्त्राएल देहया घयनु मंछला कोड़ीला रोगीला ही। पर एलीशा य आयला कोई लय निक्को हां खय्या। आय केवल इस्त्राएल देह क्ये दुश्मन क्ये सेनापतिव नामान क्ये निक्को खय्या। ” पर जो मंछला यीशु क्ये कुन्हे हांसी व्हाइला यहूदी ला ही। अय कारणय जब आयलाय अय आय ने कुन्हाहे त्ये व्हाइला आय पर घुस्सा हिय्येसी।

![](https://cdn.door43.org/obs/jpg/360px/obs-en-26-07.jpg)

नासरत क्ये मंछलाय यीशु क्ये चिहोंङे और आय भक्ति जिघय दी घसीट्योते बहारी जिगाते। व्हाइला आय हाते खानी धी चोड़े खानी डा पहाड़ क्ये टूकव्या काताहे। पर यीशु भिड़े दी तोंङे और नासरत बस्ती क्ये हाड्डोते ओक्का।

![](https://cdn.door43.org/obs/jpg/360px/obs-en-26-08.jpg)

फिर यीशु जम्मा गलील क्ये इलाका लाया का, और बयना भीड़ आय पास पिय्ये। व्हाइला इन्द मंछला पितेते पिय्येसी जो बीमार और बिकलान्गला ही। आयला दी घयनु दब्बो हां हाक्कोन्याहे कुन्हे हां हाक्कोम्याहे हां दब्बो हाकोन्याहे, और यीशु य आयला निक्को खय्यासी।

![](https://cdn.door43.org/obs/jpg/360px/obs-en-26-09.jpg)

अयक्ये अलावा, घयनु मंछला यीशु क्ये पाहे पिताहे जोलाया दुष्ट आत्माला ही। यीशु य दुष्ट आत्माला आयला दी तोंते गा खानी आदेस बासी और व्हाई दुष्ट आत्माला आय दी बहारी तोंङेसी। व्हाई दुष्ट आत्माला अक्सर चिल्लानेसी, “नंङ परमेश्वर क्ये पयाव चिहि!” भीड़ क्ये मंछला हेरान हीय्येसी, और आयलाय परमेश्वर क्ये गुण गान खय्याहे।

![](https://cdn.door43.org/obs/jpg/360px/obs-en-26-10.jpg)

फिर यीशु य बार पयला चुन्वासी जोला आय पानक्ये खास पयावला नासी। आय खास पयावला गय आयला हाते ह्वासी और आय दी शिक्षा प्राप्त खय्याहे।

*मट्टी अध्याय 4 : 12 – 25 ; मरकुस 1 : 14 – 15 – 39 ; 3 : 13 – 21 ; लुका 4 : 14 – 30 , 38 – 44 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_26_128kbps.m4a

## 27. खंत्या जिघय वालो सामरी क्ये कहानिव

https://openbiblestories.org/l/jnl-x-vanrawat/story-27/

![](https://cdn.door43.org/obs/jpg/360px/obs-en-27-01.jpg)

डा ध्यंग, यहूदी नियम क्ये विषय्या विशेस ध्यान तिथा वालो यीशु क्ये पाह पिय्ये। व्हाई जम्माला अय हाम्टे चाहो हा कि यीशु गलत शिक्षा बे स्यायरे। अय कारणय व्हाई चिनेसी, “हे गुरु, खत्म हां चिहि वालो जिन्दगी धरे खानी ना हांङ घय्यु?” यीशु य जवाब जिबे, “परमेश्वर क्ये नियम या हांङ लिख्खो तर्या व्हा?”

![](https://cdn.door43.org/obs/jpg/360px/obs-en-27-02.jpg)

नियम क्ये विषय्या विशेस ध्यान तिथा वालो मंछ य चिने, “व्हाई चिनेयरे कि पानक्ये परमेश्वर ना दी पानक्ये सेहांग मनेग्ये, प्राणग्ये, दम ख़म और बूध्दिव दी प्यार था! और पानक्ये पड़ोसीला दी प्रेम था। ” यीशु य जवाब जिबे, “नंङ एकदम सय ज्युस्या! अगर नंङ इन्द जिघयुरे, त्ये ना खत्म हां चिहि वाली जिन्दगी प्राप्त हिरी। ”

![](https://cdn.door43.org/obs/jpg/360px/obs-en-27-03.jpg)

पर व्हाई नियम जिघय वालो क्ये के विशेस ध्यान तिथा वालो मंछला क्ये अय दिखावा चाहो हा कि आयक्ये जिन्दगी जीव क्ये तरिकाव सही व्हा। अय कारणय आय यीशु होद्या, “ठीक व्हा, त्ये ना पड़ोसीय्ये हु व्हा?”

![](https://cdn.door43.org/obs/jpg/360px/obs-en-27-04.jpg)

यीशु य आय नियम जिघय वालो क्ये के विषय्या ध्यान तिथा वालो क्ये डा कहानी बताव क्ये जरियाय जवाब जिबे। “डा यहूदी मंछ ही जो डा योंग दी हिते यरूशलेम दी यरीहो क्ये सफर घय हां। ”

![](https://cdn.door43.org/obs/jpg/360px/obs-en-27-05.jpg)

“पर घयनु डाकुलाय आय चिचेपा और आय उप्पर हमला जिघय बा। आयलाय आयक्ये सेहांग ज्यातेबा ओर आय लगभग सी झानी हानू – चरे स्याग्य्ये। तब व्हाइला ओक्कासी। ”

![](https://cdn.door43.org/obs/jpg/360px/obs-en-27-06.jpg)

“आयक्ये तुरन्त बादले, डा यहूदी पुजारी आय योंङ दी हिते गा हा। आय यहूदी पुजारी आय मंछ योंङ या चोल्लितर्या चेपा। जब अय आय चेपा त्ये व्हाई योंङ क्ये दोहरो ओरय गेंता ओक्का। आय अय मंछ पुरो रुपय अनदेखा खय्या। ”

![](https://cdn.door43.org/obs/jpg/360px/obs-en-27-07.jpg)

“आयक्ये बाद थोड़ाल समय बितिव्ते, डा लेवी आय योंय हिते पिय्ये। (लेवी यहूदियों ला डा वंश ही जोलाय मंदिर या यहूदी पुजारी लाक्ये मदद खय हा हे। ) व्हाई लेवी लय योंङ क्ये दोहरो ओरय ओक्का। आय लय अय मंछ अनदेखा खय्या। ”

![](https://cdn.door43.org/obs/jpg/360px/obs-en-27-08.jpg)

“दोहरो मंछ जो आय योंङया पिय्ये व्हाई सामरिया क्ये डा पयला ही। ( सामरी और यहूदी डा नीमला हंगे नफरत खयनेसी। ) आय सामरी य योंङया आय मंछ चेपा। आय सपा कि व्हाई यहूदी ही, पर फिर लय आय अय पर बड़ा तरस खय्या। बादया व्हाई आयक्ये पास का और आयक्ये काठीवलाया पट्टी होय्या। ”

![](https://cdn.door43.org/obs/jpg/360px/obs-en-27-09.jpg)

“फिर अय सामरी य आय मंछ क्ये पान घोङावया ओड़ा और आय अय योंङय हिते डा नावय्या काता। जाँहा अय आयक्ये देख भालाव घयक्ये जारी था। ”

![](https://cdn.door43.org/obs/jpg/360px/obs-en-27-10.jpg)

दोहरो ध्यंग, आय सामरी क्ये पानक्ये सफर घयक्ये जारी थाक्ये जरुरी ही। आय अय नावय्या जिम्मेदार मंछ क्ये थोड़ा रुपय्या बा। आय अय ना, “अय मंछ क्ये देख भालाव खय्याना। अगर अय रुपय्या क्ये अलावा नंङेगे क्ये और रुपय्यागे खर्च हिरी त्ये वापस बीते ना नंङगे खर्च लाग्गोतर्या वापस बेने। ”

![](https://cdn.door43.org/obs/jpg/360px/obs-en-27-11.jpg)

फिर यीशु य आय नियम क्ये जिघय वालो क्ये विषय्या ध्यान तिथा वालो होद्या, “नंङ हांङ चिहुचोरे? अय हूंङ मंछला दी हु आय मंछ क्ये पड़ोसिव ही जो लुट्टो तर्या और हानू तर्या ही?” आय जवाब जिबे, “व्हाइल जो आय पर कृपा खय्या। ” यीशु य आय ना, “नंङ घे और इंदल खय। ”

*लूका अध्याय 10 : 25 – 37 दी डा बाइबल कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_27_128kbps.m4a

## 28. पय्हा ज्वान राज जिघय वालो

https://openbiblestories.org/l/jnl-x-vanrawat/story-28/

![](https://cdn.door43.org/obs/jpg/360px/obs-en-28-01.jpg)

डा ध्यंग, डा पय्हा ज्वान राज जिघय वालो य यीशु क्ये पाहे पिते आय चिहोद्या, “हे सबसे श्रेष्ठ गुरु कभय खत्म हां चिहि वालो जिंदगी पाव खानी ना हांङ घय पव्वोरी?” यीशु य आय ना, “नंङ ना ‘सबसे श्रेष्ठ’ हांङ खानी चिनय्येरे? केवल डाठाला सबसे श्रेष्ठ व्हा और व्हाई परमेश्वर ही। अगर नंङ कभय हां खत्म चिहि वालो जिंदगी पाव क्ये चीचाहोरे त्ये परमेश्वर क्ये नियमावला क्ये पालन खय। ”

![](https://cdn.door43.org/obs/jpg/360px/obs-en-28-02.jpg)

“ना हांङ हांङ आज्ञाला क्ये पालन घयक्ये जरुरी व्हा?” आय होद्या। यीशु य जवाब जिबे, “हत्या ता खय्याना। दुष्कर्म ता खय्याना। चोरी ता खय्याना। झूठीं ता हाना। पान इय्या और बब्बागे आदर सम्मान खय्याना, पान पड़ोसिला हंगे पान समान प्यार खय्याना। ”

![](https://cdn.door43.org/obs/jpg/360px/obs-en-28-03.jpg)

पर आय ज्वान पयलाय चिने, “ना पान बचपने दी ले अय सेहांङ आज्ञाला क्ये पालन घयते बी गुहारे। ना हमेसा खानी जिवुतो गुहा खानी हांङ घय क्ये जरूरी व्हा?” यीशु य आय पर दब्वा और आय हाते प्यार खय्या।

![](https://cdn.door43.org/obs/jpg/360px/obs-en-28-04.jpg)

यीशु य जवाब बा, “अगर नंङ पूरो ही चिचाहोरे त्ये काते पानक्ये सेहांङ कालते और व्हाई रुपय्या गरिबलाया मार्ते, और नंङगे स्वर्ग या रुपय्या मिल्लोरी। तब पित ना चेटा हिय्येना। ”

![](https://cdn.door43.org/obs/jpg/360px/obs-en-28-05.jpg)

जो यीशु य जवाब जिबे जब आय ज्वान य कुन्हाते व्हाई झिक्क उडाह हिय्ये, हान्खानी कि व्हाई झिक्क रूपय्या वालो ही और पान जम्मा सम्पतिव हां बे चाहोहा। व्हाई पल्टीवते यीशु दी वापस ओक्का।

![](https://cdn.door43.org/obs/jpg/360px/obs-en-28-06.jpg)

तब यीशु य पान प्यासिला नासी, “परमेश्वर क्ये राज्य या रुपय्या वालो मंछला क्ये बीके झिक्क कठिन व्हा! हा, डा रुपय्या वालो पयला क्ये परमेश्वर क्ये राज्या बी क्ये आच्चल मुश्किल व्हा, जोह्हो कि कोई ऊँट क्ये हुई क्ये उघाव दी हिते बहारी तोंङक्ये|”

![](https://cdn.door43.org/obs/jpg/360px/obs-en-28-07.jpg)

जब यीशु य चिनेसी तब पयालाय कुन्हाहे त्ये व्हाइला हेरान ही। आयलाय चिनेसी कि, “अगर इंदल व्हा त्ये परमेश्वर हुला बचावरिवुसी?”

![](https://cdn.door43.org/obs/jpg/360px/obs-en-28-08.jpg)

यीशु य प्यावलाता दब्वा और नासी, “मंछला पान दी पानक्ये पाप सिला क्ये मुक्ति हां पाँव हाक्कोरिव। पर परमेश्वर सेहांग घय हाक्कोवरे। ”

![](https://cdn.door43.org/obs/jpg/360px/obs-en-28-09.jpg)

पतरस य यीशु ना, “नानी प्याला पानक्ये सेहांङ हाडोते नंङ चेटा हिय्ये सीलय। नानी पुरस्कारयना हां हिरी?”

![](https://cdn.door43.org/obs/jpg/360px/obs-en-28-10.jpg)

यीशु य जवाब जिबेसी, “हर डा मन्छे जो ना कारणय नाव, भव्वाये, बब्बाये, इय्याव, पयाव या सम्पतिव हाडोते, व्हाई आय होय ह्ये गुना झिक्क पावरिव और हमेसा क्ये जिन्दगिव पावरिव। पर झिक्कला जो प्यल्लो व्हाई व्हाइला चेटा हिरी, और झिक्कला जो चेटा व्हाई व्हाइला पय्लो हिरी। ”

*बायबल क्ये किताब मत्ती अध्याय 19 : 16 – 30 ; मरकुस 10 – 17 – 31 ; लूका 18 : 18 – 30 क्ये कथा*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_28_128kbps.m4a

## 29. दया हां जिघय वालो नोकर क्ये कहानिव

https://openbiblestories.org/l/jnl-x-vanrawat/story-29/

![](https://cdn.door43.org/obs/jpg/360px/obs-en-29-01.jpg)

डा ध्यंग, पतरस य यीशु होद्या, “हे गुरु, ना पान भव्वाये घय बार माफ़ घय चाईययो जब व्हाई ना खिलाफ पाप खय्वुरे? हांङ हात्ते बारे?” यीशु य चिने, “हात्त बार हां हा, पर हात्ते क्ये हत्तर बार!” अयक्ये द्वारा, यीशु क्ये मतल्बाव ही कि नानि हमेशा माफ़ घय चाईययो। तब यीशु य अय कहानी जिबताव्वेसी।

![](https://cdn.door43.org/obs/jpg/360px/obs-en-29-02.jpg)

यीशु य चिनेसी, “परमेश्वर क्ये राज्याव डा राजा के समान व्हा जो पानक्ये गुलाम दी हिसाब गाते चाहो हा। आयक्ये डा नोकराव नि: लाख बरेहे क्ये मजदुर क्ये डा बयना कर्ज क्ये कर्जदार ही। ”

![](https://cdn.door43.org/obs/jpg/360px/obs-en-29-03.jpg)

पर व्हाई गुलाम पान कर्ज क्ये चुकाव हां हाक्वा, अय कारणय राजा य चिने, “अयक्ये कर्जाव चुकाव खानी अय पयला क्ये और अयक्ये परिवाराव गुलाम क्ये रूप या कालते बयनी। ”

![](https://cdn.door43.org/obs/jpg/360px/obs-en-29-04.jpg)

“आय गुलाम राजाक सामनेया पानक्ये घुटनाव टेक्योते ना, ‘कृपा खयते ना हंगे धेर्य था, और ना पान कर्जे क्ये पुरो रकम क्ये भरपाई घयरिव। ’ राजा य गुलाम पर दया खय्या, अय कारणय आय पूरो कर्जाव माफ़ जिघय बा और आय गा स्याबे। ”

![](https://cdn.door43.org/obs/jpg/360px/obs-en-29-05.jpg)

“पर जब व्हाई गुलाम राजा दी वापस बाहारी ओक्का, त्ये आयक्ये डा हंगाव गुलाम मिल्वा जो आयक्ये पाड़ी मयना क्ये मजदुरी क्ये कर्जदाराव ही। आय गुलाम य पान हंगाव गुलाम क्ये होंङा और ना, ‘जो नंङ ठाई ना कर्जे व्हा ना आयक्ये भरपाई खय!”

![](https://cdn.door43.org/obs/jpg/360px/obs-en-29-06.jpg)

“आय हंगाव गुलाम घुट्नाव टेक्योते ना, ‘कृपा खयते ना हंगे धेर्य था, और ना पान कर्जे क्ये पुरो रकमाव क्ये भरपाई घयरी। ’ पर अयक्ये बजाय, आय गुलाम य पान हंगाव गुलाम क्ये जेलखानाया ओङा जब तक कि व्हाई क्ये कर्जाव क्ये भरपाई हां घय झानी। ”

![](https://cdn.door43.org/obs/jpg/360px/obs-en-29-07.jpg)

“जो ही व्हा आय घयनु और गुलाम लाय चेपाहे और व्हाइला परेशान हिय्येसी। व्हाइला राजा क्ये पास कासी और सेहांङ बताव्वाहे। ”

![](https://cdn.door43.org/obs/jpg/360px/obs-en-29-08.jpg)

“राजा आय गुलाम क्ये नोक्येते ना, ‘हे दुष्ट गुलाम! नाय नंङगे कर्जग अय कारणय माफ़ घय बाने हान्खानी कि नय ना सामने विनती खय स्या। नंङ लय आंदल घय चाइय्यो। ’ राजा अच्च घुस्साव पिय्ये कि आय दुष्ट गुलाम क्ये जेलखानाया ओङा तब झानी कि व्हाई पान जम्मा कर्जाव क्ये वापस भरपाई हां घय झानी। ”

![](https://cdn.door43.org/obs/jpg/360px/obs-en-29-09.jpg)

तब यीशु य नासी, “ना स्वर्ग क्ये होय तर्या बब्बाये ननिला दी हर डा क्ये हंगे अयल खयरिव अगर नङ पान भव्वागे पान मनेगय माफ़ हां जिघयरिव। ”

*मत्ती अध्याय 18 : 21 – 35 दी डा बाइबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_29_128kbps.m4a

## 30. यीशु य पंङआ हजार मंछला क्ये जाको हायटासी

https://openbiblestories.org/l/jnl-x-vanrawat/story-30/

![](https://cdn.door43.org/obs/jpg/360px/obs-en-30-01.jpg)

यीशु य पान खास प्यावला प्रचार घय खानी और मंछला क्ये शिक्षा बे खानी झिक्क अलग अलग गाव लाया घाल्वासी। जब व्हाइला यीशु क्ये पाह वापस पिय्येसी ही त्वो आयलाय व्हाई जिब्ताव्वे कि आयलाय हांङ खय्याहे। तब यीशु य आयला झील क्ये दोहरो और आयला हंगे डा शांत जग्गा काते थोड़ा समय आराम घय खानी निमंत्र जिबेसी। अब व्हाइला नावया चढ़व्वेसी और झील क्ये दोहर और ओक्कासी।

![](https://cdn.door43.org/obs/jpg/360px/obs-en-30-02.jpg)

पर व्हाईया झिक्क इन्द मंछला ही जोला यीशु और आयक्ये पयाव लाक्ये नावया गा समय चिचेपासी। अय मंछला गेंता झील क्ये दोहरो और गा खानी झील क्ये किनाराव – किनाराव थावक्येसी। जब यीशु और आयक्ये पयावला लयकासी त्ये मंछला क्ये डा बयना दल सिला आयला इन्तजार घय हांसी।

![](https://cdn.door43.org/obs/jpg/360px/obs-en-30-03.jpg)

आय भीड़या मठ्याला और गेदाला क्ये गिन्तिव क्ये बिना पंङआ हजार होय झिक्क पयला ही। यीशु य आय मंछला पर झिक्क तरस खय्या। यीशु खानी व्हाई मंछला बिना ग्वालोला क्ये भेड़ला समान ही। अय कारणय आय अयला शिक्षा बासी और आयला बिचया जो बीमार ला ही व्हाइला निक्को खय्यासी।

![](https://cdn.door43.org/obs/jpg/360px/obs-en-30-04.jpg)

ब्यारकोताय, पयावगलाय यीशु चिने, “अब देर हिय्येलय और अयतिर आयतिर कोई गाव हां व्हा। अय मंछला क्ये घाल्लोनी तबय व्हाइला काते जाको जा हाक्कोरे। ”

![](https://cdn.door43.org/obs/jpg/360px/obs-en-30-05.jpg)

पर यीशु क्ये पयावलागी चिनेसी, “ननिला आयला जा खानी क्ये बेनी!” आयलाय जवाब जिबेसी, “नानी इन्दे हां घय हाक्कोरे हान्खानी कि नानी पास केवल पंङआ लग्या व्हा और नि चुयचे माछाला व्हाइ। ”

![](https://cdn.door43.org/obs/jpg/360px/obs-en-30-06.jpg)

यीशु य पान पयासिला नासी कि भीड़ क्ये मंछला घाहया पचाहे - पचाहे दल या होय खानी नेनी।

![](https://cdn.door43.org/obs/jpg/360px/obs-en-30-07.jpg)

तब यीशु य पंङआ लग्या और नि माछाला क्ये कातेते स्वर्ग क्ये और दब्वा, और जाको खानी परमेश्वर क्ये धन्यवाद खय्या।

![](https://cdn.door43.org/obs/jpg/360px/obs-en-30-08.jpg)

फिर यीशु य लग्या और माछाला क्ये टुकडालाक्ये काड्य्यासी। आय मंछला बे खानी पान पयासीला क्ये व्हाई टुकड़ा सिला बासी। पयाव सिला आय जाको मार्ते भंगेसी, ओरे व्हाई कभय खत्म हां हिय्ये! व्हाई जम्मा मंछला खुश हिय्येसी।

![](https://cdn.door43.org/obs/jpg/360px/obs-en-30-09.jpg)

आयक्ये बाद, पयावगय आय जाको इकट्ठा खय्याहे जो बेचो तर्या ही और व्हाई बार टोकरिला भरव खानी झिक्क ही! व्हाई जम्मा जाको आय पंङआ लग्या और नि माछाला दी पितर्या ही।

*मत्ती अध्याय 14 : 13 – 21 ; मरकुस 6 : 31 – 44 ; लूका 9 : 10 – 17 ; युहन्ना 6 : 5 – 15 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_30_128kbps.m4a

## 31. यीशु तीय्या ह्वारे

https://openbiblestories.org/l/jnl-x-vanrawat/story-31/

![](https://cdn.door43.org/obs/jpg/360px/obs-en-31-01.jpg)

पंङआ हजार मंछला क्ये जाको हायटेते बादे, यीशु य पान पयासिला नावया गा खानी चिनेसी। अय आयला झील क्ये दोहरो और गा खानी नासी जबकि व्हाई थोड़ा समय खानी आय्याले रुकिव्वा। अब पयासिला ओक्कासी और यीशु य भीड़ क्ये पान नावसिलाया वापस घाल्वासी। अय क्ये बाद, यीशु प्रार्थना घय खानी डा पहाड़या ओक्का। व्हाईय्या व्हाई झाईचल ही, और व्हाई देर गायरे झानी प्रार्थना खय्या।

![](https://cdn.door43.org/obs/jpg/360px/obs-en-31-02.jpg)

आय सयम, पयासिला पान नाव सिला तिय्या चलाव्ते गा हांसी, पर हव्वा आयला खिलाफ बड़ा जोरय बी हा। झिक्क गायरे हिय्ये फिर लय व्हाइला झील क्ये बिचया लयका व्हासी।

![](https://cdn.door43.org/obs/jpg/360px/obs-en-31-03.jpg)

आय समय यीशु य प्रार्थना घय क्ये खत्म खय्या और पान पयासिला क्ये पास गा खानी सुरु खय्या। व्हाई नाव क्ये और गा खानी ती क्ये ठाई व्ह्आ भंगे।

![](https://cdn.door43.org/obs/jpg/360px/obs-en-31-04.jpg)

तब पयासिला गय व्हाई चिचेपा। व्हाइला झिक्क पाड़ी भंगेसी हान्खानी कि व्हाइला हुच्चोहासी कि व्हाई कोई भुत ही। यीशु य दहा कि व्हाइला पाड़ीय्येसी खयते, आय कारणय अय आयला आवाज बेते नासी, “पाड़ीनीता, अय ना ही !”

![](https://cdn.door43.org/obs/jpg/360px/obs-en-31-05.jpg)

तब पतरस य यीशु ना, “हे प्रभु, अगर नंङ चिहि त्ये ना तिय्या व्ह्आत्ये नंङ पास बीके आदेस बे। ” यीशु य पतरस ना, “लव!”

![](https://cdn.door43.org/obs/jpg/360px/obs-en-31-06.jpg)

अब पतरस नाव दी उतरव्वे और यीशु क्ये पास गा खानी तिक्ये ठाई व्ह्आ क्ये सुरु खय्या। पर थोड़ा दूर काते, आय पानक्ये मिकोव यीशु दी हट्टाव्वा और लहरावला दब्बो भंगे और तेज हव्वा क्ये महसूस घय क्ये सुरु खय्या।

![](https://cdn.door43.org/obs/jpg/360px/obs-en-31-07.jpg)

अब पतरस पाड़ीय्ये और तिय्या डूब्यो भंगे। व्हाई चिल्लाव भंगे, “हे प्रभु, ना बचाव्वे! “यीशु य आय समय हाके बड़ावते आय होंङा। अब आय पतरस ना, “नंङगे भरोसाग भोत कमी व्हा! नंङ सुरक्षित था खानी ना पर भरोसा घय चाहिय्यो”

![](https://cdn.door43.org/obs/jpg/360px/obs-en-31-08.jpg)

अब यीशु और पतरस नावया चढ़व्वेसी, तुन्तले और हव्वा क्ये भहो क्ये बंद हिय्ये। ती शांत हिय्ये। पयाव लागय हेरान हिते यीशु क्ये गेंता घुटना सिला टेक्यासी । आयलाय दहाहे कि और नाहे, “हाचियाले नंङ परमेश्वर क्ये पयाव चिहि। ”

*मत्ति अध्याय 14 : 22 – 33 ; मरकुस 6 : 45 – 52 ; यूहन्ना 6 : 16 – 21 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_31_128kbps.m4a

## 32. यीशु य दुष्ट आत्माय होंतर्या मंछ क्ये और बीमार मठ्या क्ये निक्को खय्या

https://openbiblestories.org/l/jnl-x-vanrawat/story-32/

![](https://cdn.door43.org/obs/jpg/360px/obs-en-32-01.jpg)

यीशु और आयक्ये पयावगलाय पान नाव सिलागय आय इलाका कासी जांहा गिरासेनी मंछला कुहानेसी। व्हाइला आय जग्गाया लयकाते नाव सिला दी उतरव्वेसी।

![](https://cdn.door43.org/obs/jpg/360px/obs-en-32-02.jpg)

व्हाईय्या डा मंछ ही जो दुष्ट आत्माय होयतर्या ही।

![](https://cdn.door43.org/obs/jpg/360px/obs-en-32-03.jpg)

अय मंछ अच्च तड़ी वालो ही कि कोईलाय लय अय काबूया हां घय हाक्को हाहे। घयनु बार मंछलाय अयक्ये हाक्कोव और भावला जंजीरलाय होयते बाड़ी लय, व्हाई आयला काड़यन्यासी।

![](https://cdn.door43.org/obs/jpg/360px/obs-en-32-04.jpg)

व्हाई मंछ आय इलाक्ये क्ये कब्रिस्तान या कुहाने। अय मंछ पूरो ध्यंग और गायरे चिल्लावने। व्हाई लत्ताला हां नेलिने और अक्सर पानक्ये ढुंगलाय घायल खयन्या।

![](https://cdn.door43.org/obs/jpg/360px/obs-en-32-05.jpg)

व्हाई मंछ थावक्येते यीशु क्ये पाह पिय्ये और आयक्ये सामने घुटनावला टेक्यासी। तब यीशु य आय मंछ भतोरी क्ये दुष्ट आत्माव क्ये हंगे बतकाव खय्या और ना, “अय मंछे दी बहारी तोंङ!”

![](https://cdn.door43.org/obs/jpg/360px/obs-en-32-06.jpg)

व्हाई दुष्ट आत्मा बयना आवाज य चिल्लाव्वे, “हे यीशु, परम प्रधान परमेश्वर क्ये पयाव, नंङग ना हाते हांङ कामगे? कृपा खयते ना ता सताव्वे!” तब यीशु य दुष्ट आत्मा होद्या, “नंङग नामुगे हांङ ही?” आय जवाब जिबे, “ना नामुये सेना ही, हान्खानी कि नानी झिक्क गुहाय। ” (रोमी सेना क्ये घयनु हजार सिपाहिला क्ये डा समूह क्ये “सेना” हीरे। )

![](https://cdn.door43.org/obs/jpg/360px/obs-en-32-07.jpg)

आ दुष्ट आत्मालाय यीशु गेंता विनती खय्याहे, “कृपा खयते नानी अय इलाका दी बाहारी ता घाल्लोये!” व्हाईयाले पासया पहाड़या सुवर्ला डा झुण्ड चरवहा। अय कारणय दुष्ट आत्मालाय यीशु क्ये गेंता विनती खय्याहे, “कृपा खयते नानी अय सुवर्लाया घाल्लोये!” यीशु य चिनेसी, “ठीक व्हा, आय्याल घेनि!”

![](https://cdn.door43.org/obs/jpg/360px/obs-en-32-08.jpg)

अब व्हाई दुष्ट आत्माला अय मन्छे दी बाहारी तोंङते आय सुवर्लाया भंकासी। व्हाई सुरला थावकेते डा ठाड्डो धारेदी झीलया फाट्टो ओड़ाहे और डूब्योते सिय्येसी। आय झुण्डया लगभग नि हजार सुवर्ला ही।

![](https://cdn.door43.org/obs/jpg/360px/obs-en-32-09.jpg)

व्हाइय्या सुवर्ला देखभाल घय खानी मंछ्ला ही। जो लय ही व्हा जब आयलाय दब्वाहे त्ये व्हाइला बस्तिया थाव्केसी। यीशु य जो लय खय हा आयलाय जाम्माला बताव्वाहे। आय बस्ती दी मंछला तोंते पिय्येसी और आय मंछ चेपाहे जोया दुष्ट आत्माला ही। व्हाई शांत हि, लत्ताव्ला नेलि व्हा, और व्हाई डा साधारण मंछे जा व्यवहार खयते होय व्हा।

![](https://cdn.door43.org/obs/jpg/360px/obs-en-32-10.jpg)

व्हाई मंछला झिक्क पाड़ी व्हासी और व्हाइला यीशु गा खानी नाहे। अब यीशु नावया चढ़व्वे। व्हाई मंछे जोया दुष्ट आत्माला ही आय यीशु हाते गा खानी विनती खय्या।

![](https://cdn.door43.org/obs/jpg/360px/obs-en-32-11.jpg)

पर यीशु य आय ना, “हां हा। ना चाहोरे कि नंङ नावया काते जाम्माला ब्ताव्सी कि परमेश्वर य नंङ खानी हांङ खय हावरे। आयला बताव्वासी कि होखयते परमेश्वर नंङ पर दया खय हावरे। ”

![](https://cdn.door43.org/obs/jpg/360px/obs-en-32-12.jpg)

अय कारणय आय मंछ ओक्का और जम्माला अय बारेय्या बतावासी जो यीशु य आय खानी खय हा। आयक्ये कहानिव जिगुन्हे वालोला हेरान हिय्येसी।

![](https://cdn.door43.org/obs/jpg/360px/obs-en-32-13.jpg)

यीशु झील क्ये दोहरो तरफ लोटीव्ते पिय्ये। आयक्ये लयकाते बादे, डा झिक्क भीड़ आयक्ये अगल बगल या इकट्ठा हिय्ये और आय नोक्ये भंगेसी। आय भीड़ या डा मठ्या ही जो बार बरेहे दी हुई बाग्यो को समस्याय परेशान ही। आय पानक्ये जम्मा पय्हाव अस्पताल वालोला बासिलय फिर भी लय व्हाई निक्को हां ही व्हा, पर व्हाई रोगाव और बिगड़व भंगे।

![](https://cdn.door43.org/obs/jpg/360px/obs-en-32-14.jpg)

आय मठ्याय कुन्हेहा कि यीशु य घयनु बीमार मंछला ठीक खयहावरे और आय हुच्वा, “ना भरोषा व्हा कि अगर ना केवल यीशु क्ये लत्ताव्लाल छूवरिव, त्ये ना लय ठीक हिरी!” आय कारण यीशु क्ये चेटा पिय्ये और व्हाइक्ये लत्ताव्ला छुव्वासी। जोह्हो कि व्हाई आय छुव्वा, हुय्यु बाग्यो क्ये बंद हिय्ये।

![](https://cdn.door43.org/obs/jpg/360px/obs-en-32-15.jpg)

तुरन्तले, यीशु य दहा कि आय दी ताकत तोंङे। अय कारणय व्हाई चेटा फड़क्योते होदया, “ना हुई छुव्वाये?” पयावसिलागय जवाब जिबे, “अय्या घयनु झिक्क मंछलाय नंङग पाड़ी और भीड़ लगाव हाय्येरे, और नंङ धक्का बेस्यायरे। तवो नंङ हान्खानी हाद्यो स्यार कि ना हुई छुव्वाये खयते?”

![](https://cdn.door43.org/obs/jpg/360px/obs-en-32-16.jpg)

व्हाई मठ्या यीशु क्ये सामने या काप्योते और झिक्क पाड़ी तर्या पानक्ये घुटनाव गय होये। तब व्हाई आय बताव्वा कि आय हांङ खय हावरे, और अय लय कि व्हाई ठीक हिय्ये। यीशु य आय ना, “ना पर नंङ पर बिश्वासगय नंङ निक्को जिघय्ये। शांतय घे। ”

*मत्ती अध्याय 8 : 28 – 34 ; 9 : 20 – 22 ; मरकुस 5 ; 1 – 20 ; 5 : 24 b – 34 ; लुका 8 : 26 – 39 ; 8 :42 b – 48 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_32_128kbps.m4a

## 33. डा खेत्ति जिघय वालो क्ये कहानिव

https://openbiblestories.org/l/jnl-x-vanrawat/story-33/

![](https://cdn.door43.org/obs/jpg/360px/obs-en-33-01.jpg)

डा ध्यंङ, यीशु झील क्ये किनाराव क्ये पास ही। व्हाई मंछ्ला क्ये डा झिक्क बयना भीड़ क्ये शिक्षा बेहा। आय गुन्हे खानी अच्च झिक्क मंछला पिय्येसी कि यीशु क्ये पाह आय जम्माला हाते बतकाव घय खानी जग्गा ना बेच्वा। आय कारणय व्हाई तिय्या खड़े हीतर्या नावया चढ़व्ते । व्हाईया व्हाई होय और मंछला शिक्षा बासी।

![](https://cdn.door43.org/obs/jpg/360px/obs-en-33-02.jpg)

यीशु य आयला अय कहानी हागुनासी, “डा किसाने बिय्ये पाड़ी खानी बाहारी तोंगे। जब व्हाई बिय्ये ला बिखेर्यो व्हा त्ये थोड़ा बिय्ये योंया गिरिक्यासी। पर ब्वाला पिते आय जम्मा बिय्ये ला जाहे। ”

![](https://cdn.door43.org/obs/jpg/360px/obs-en-33-03.jpg)

“दोहरो बिय्येला ढुंग वालो जमिन्या गिरिक्यासी जाहा कमी मट्या ही। ढुंग वालो जमिन्या गिरिकोतर्या बिय्यला भुत जल्दी रिय्येसी, पर आयला जाड़ासिला जमीन क्ये भतोरी गा खानी सफल हां ही। जब दिहो तोंगे और गर्म ही भंगे त्ये व्हाई पोधाला मुरझाव भंगेसी और सिय्येसी। ”

![](https://cdn.door43.org/obs/jpg/360px/obs-en-33-04.jpg)

“तब लय दोहरो बिय्ये जो झाड़ीलाया क्ये बिच्या गिरिक्यासी। आय बिय्यला लय बड़ीव्क्ये सुरु खय्याहे, पर काटालाई आयला चिन्पेसी। आय कारणय काटा वालो जमीनया गिरीकोतर्या बिय्य ला दी तोंतर्या पोधाया कोईलाया लय अनाज पयदा हां घय हाक्वाहे। ”

![](https://cdn.door43.org/obs/jpg/360px/obs-en-33-05.jpg)

“दोहरो बिय्यला जो निक्को जमीनया गिरिक्यासी। व्हाई बिय्ये बयना हिय्येसी आय दी तिस, साट, और अय झानी कि ह्ये गुना अनाज प्यदा हिय्ये। जो कोई लय परमेश्वर क्ये चेटा व्हारे, व्हाइला आय बतकावया ध्यान बेनी जो ना नेहायने!”

![](https://cdn.door43.org/obs/jpg/360px/obs-en-33-06.jpg)

अय कहानी पयावसिला डाहांग ना समझया पिय्ये। अय कारणय यीशु य आयला चिहमजाव्वेसी कि, “व्हाई बिय्ये परमेश्वर क्ये वचेनाव ही। व्हाई योंग डा मंछ ही जो परमेश्वर क्ये वचेनाव कुन्हेरे, पर आय जो हां हमेजोरे। तब शेतान आयक्ये पासे दी वाद्दाव चुराव्ते कातेरे। अर्थाव ही कि शेतान आय वचेनाव क्ये हमजो होय दूर था वरे। ”

![](https://cdn.door43.org/obs/jpg/360px/obs-en-33-07.jpg)

“व्हाई ढुंग वालो जमीन इन्द मंछ ही जो परमेश्वर क्ये वचनाव क्ये कुन्हेरे और आनन्द क्ये हंगे मान्योव्रे। पर जब मुस्किल समय पिरे, या जब और मंछला आय स्ताव्रे, त्ये व्हाई परमेश्वर होय दूर ओक्कारे। अर्थाव ही कि व्हाई परमेश्वर या भरोसा घय क्ये बंद खयुरे। ”

![](https://cdn.door43.org/obs/jpg/360px/obs-en-33-08.jpg)

“व्हाई काटा वालो जमीन इन्द मंछ ही जो परमेश्वर क्ये वचनाव कुन्हेरे। पर व्हाई बहुत झिक्क बतकाव क्ये बारेया चिंता घय क्ये सुरु खयरे, और व्हाई झिक होय झिक्क रुपय्या कमाव क्ये कोसिस खयरे, और व्हाई झिक्क होय झिक्क चीज ला क्ये पान बनाव क्ये कोसिस खयरे। थोड़ा समय क्ये बाद अब व्हाई परमेश्वर क्ये प्यार घय क्ये सफल हां हिरी। अय कारनय जो आय परमेश्वर क्ये वचनाव दी सीख्खो हावरे व्हाई आय परमेश्वर क्ये खुश घय खानी प्रयास हां खय्युरे। व्हाई घुम्य क्ये ढन्ठलाव क्ये बराबर व्हा जो कोई अनाज क्ये प्यदा हां खय्युरे। ”

![](https://cdn.door43.org/obs/jpg/360px/obs-en-33-09.jpg)

“पर निक्को जमीन व्हाई मंछ ही जो परमेश्वर क्ये वचनाव कुन्हेरे, आय पर भरोसा खयरे, और फलाव प्यदा खयरे। ”

*मत्ती अध्याय 13 :1 – 8 , 18 – 23 ; मरकुस 4 : 1 – 8 , 13 – 20 ; लूका 8 : 4 – 15 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_33_128kbps.m4a

## 34. यीशु दोहरो कहानिला क्ये शिक्षा जिबयरे

https://openbiblestories.org/l/jnl-x-vanrawat/story-34/

![](https://cdn.door43.org/obs/jpg/360px/obs-en-34-01.jpg)

युशु परमेश्वर क्ये राज्यावया क्ये बारेवया और झिक्क कहानिला स्यागुनेसी। उदाहरण खानी, आय चिनेसी, “परमेश्वर क्ये राज्याव डा राय क्ये बिय्याव क्ये सामान व्हा जोय पान गोड़ीवया पाड़ीय्युरे। ननी देहय्येरे कि राय क्ये बिय्याव जम्मा बिय्य होय चुयचे हीरे। ”

![](https://cdn.door43.org/obs/jpg/360px/obs-en-34-02.jpg)

“पर राय क्ये बिय्याव जब बयना हीरे त्ये व्हाई बगीचा क्ये जम्मा सिंग होय झिक्क बयना हीरे, अच्च बयना कि ब्वा पिते आयक्ये हांङावलाया आराम खयरे। ”

![](https://cdn.door43.org/obs/jpg/360px/obs-en-34-03.jpg)

यीशु डा अलग कहानी जिबताव्वेसी, “परमेश्वर क्ये राज्याव हुरु लग्या क्ये सामान हीरे जो कातेते डा मठ्या पीठो क्ये मिलाव्वारे तब व्हाई पूरो पीठो या मिल्वा। ”

![](https://cdn.door43.org/obs/jpg/360px/obs-en-34-04.jpg)

“स्वर्ग क्ये राज्याव आय खजानाव क्ये बराबर व्हा जो कोई गोड़ीया लुपेतर्या। कोई अलग मंछ क्ये व्हाई खजाना मिल्लोरे और आय अय धरे खानि बोत चाहत थावरे। आय कारण आय अय फिर गाड्योरे। व्हाई आनंदय अच्च भरव व्हा कि आय कात पानक्ये सेहांग काल्तेवरे तबय व्हाई आय गोड़ी खरीद्यो हाक्कोरिव जाहा व्हाई खजाना ही। ”

![](https://cdn.door43.org/obs/jpg/360px/obs-en-34-05.jpg)

“स्वर्ग क्ये राज्याव डा भोत किमम्त क्ये शुद्ध मोती क्ये बराबर ल व्हा। जब कोई मोतीला क्ये व्यापार जिघय वालो आय धरवरे त्ये आय खरीद्यो खानी पानक्ये सेहांग कालतवरे। ”

![](https://cdn.door43.org/obs/jpg/360px/obs-en-34-06.jpg)

व्हैय्या घयनु मंछला ही जो हुचोयेरे कि परमेश्वर आयला अय कारणय चिअपनावरी कि व्हाइला भला क्ये काम घय हायरे। अय मंछला इन्द मंछला क्ये चुयचे मान्योयरे जो आय भला काम ला हां खय्येरे। अय कारणय यीशु य आयला अय कहानी जिबताव्वेसी: “नि पयला ही और निम्लाले प्रार्थना घयक्ये मंदिर्या कासी। आय दी डा कर ज्याते वालो ही, और दोहरो डा यहूदी धर्म क्ये प्रधान ही। ”

![](https://cdn.door43.org/obs/jpg/360px/obs-en-34-07.jpg)

“ आय धर्म क्ये प्रधान अय प्रकार प्रार्थना खय्या कि, ‘हे परमेश्वर, नंङग धन्यवाद कि ना और मंछला बराबर – जोह्हो कि डाकू, अन्याय मंछे, दुष्कर्म, या अय झानी कि अय्या उपस्थित अय कर जिगाते वालो क्ये बराबर डा पापी हां जीगुहा। ’”

![](https://cdn.door43.org/obs/jpg/360px/obs-en-34-08.jpg)

“उदाहरण खानी, ना हर हप्ताया नी बार बर्ते थावरे, और ना चिमिल्यो वालो रुपय्या और समान क्ये दह्वाव हिस्साव नंङ बने। ”

![](https://cdn.door43.org/obs/jpg/360px/obs-en-34-09.jpg)

“पर व्हाई कर ज्याते वालो आय धर्म क्ये प्रधान दी झिक्क दूर ठाडो हीय्ये। आय ठाई स्वर्ग क्ये और मिक्कोव लय हां उठाव्वा। अयक्ये बदले, आय पानक्ये मुठ्ठीव गय पानक्ये छातीव पिट्या और प्रार्थना खय्या, ‘हे परमेश्वर, कृपा खयते नाया दया खय हान्खानी कि ना पापी गुहा। ’”

![](https://cdn.door43.org/obs/jpg/360px/obs-en-34-10.jpg)

फिर यीशु चिनेसी, “ना ननिला हाची नेरिन कि, परमेश्वर य आय कर वालो क्ये प्रार्थना क्ये कुन्हा और आय निक्को घोषित जिघा। परन्तु आय अय धर्म क्ये प्रधान क्ये प्रार्थनाव पसंद हां खय्या। परमेश्वर हर डा घमंडी क्ये गराव धी खयरिव, पर व्हाई हर मंछ क्ये आदार बेरीव जो पानक्ये चुयचे हमेजोरे । ”

*मत्ती अध्याय 13 : 31 – 33 , 44 – 46 ; मरकुस 4 : 30 – 32 ; लुका 13 : 18 – 21 ; 18 : 9 – 14 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_34_128kbps.m4a

## 35. दयालु बब्बाव क्ये कहानिव

https://openbiblestories.org/l/jnl-x-vanrawat/story-35/

![](https://cdn.door43.org/obs/jpg/360px/obs-en-35-01.jpg)

डा ध्यंग, यीशु आय झिक्क मंछला क्ये शिक्षा बे हासी जो आयक्ये गुन्हे खानी इकठ्ठा हिय्येसी। अय मंछला कर ज्याते वालोला और हंगयाले और मंछला लय ही जोलाय मुसा क्ये नियनमाव क्ये पालनाव घयक्ये प्रयास हां खय हाहे।

![](https://cdn.door43.org/obs/jpg/360px/obs-en-35-02.jpg)

थोड़ा धर्म क्ये प्रधान य चिचेपा कि यीशु अय मंछला क्ये हंगे दोस्त क्ये बराबर बतकाव घय हारे। अय कारणय आयलाय डा नीमला क्ये हंगे अय नेके सुरु खय्याहे कि व्हाई गलत घय हारे। यीशु आयला बतकाव घय समय कुन्हा, अय कारणय आयला अय कहानी जिब्ताव्वेसी।

![](https://cdn.door43.org/obs/jpg/360px/obs-en-35-03.jpg)

“डा मंछ ही जोके नि पयाव ही। चुयचे पयाव गय पान बब्बाव ना, ‘हे बब्बाये, ना अत्तरले पानक्ये हिस्साए चाय्यो!’ अब बब्बासिलाग्य नील पयासीला क्ये बिच्या पानक्ये सम्पतिव क्ये बटवारा खय्या। ”

![](https://cdn.door43.org/obs/jpg/360px/obs-en-35-04.jpg)

“जल्दिले चुयचे पयाव पानक्ये सेहांग इकठ्ठा खयते दूर देहया ओक्का और पापी जिन्दगिव जिवक्ये पानक्ये जमा रुपय्या व बर्बाद खय्या। ”

![](https://cdn.door43.org/obs/jpg/360px/obs-en-35-05.jpg)

“अयक्ये बाद, जाहा चुयचे पयाव ही आय देहया भयंकर अकाल पव्वा, और आयक्ये पाहे जाको खरीद्यो खानी रुपय्या हां ही। आय जो काम मिल्वा व्हाई सुवर्ला चराव को ही। व्हाई अच्च दुखी ही और भोक्यो ही कि व्हाई सुवारला क्ये जाको जाके हुचो हा। ”

![](https://cdn.door43.org/obs/jpg/360px/obs-en-35-06.jpg)

“आखिरकार, आय चुयचे पयाव गय पानक्ये ना, ‘ना हांग घय हारे? ना बब्बाये क्ये जम्मा सेवा जिघय वालोला क्ये पाहे जा खानी झिक्क होय झिक्क व्हा, फिर लय ना अय्या भोक्यो सी हारे। पानक्ये बब्बाये क्ये पाहे वापस गारी और पानक्ये बब्बाये डा सेवा जिघय वालो बनिव खानी आय हाते विनती घय रिव। ’”

![](https://cdn.door43.org/obs/jpg/360px/obs-en-35-07.jpg)

“अब आय चुयचे पयाव गय वापस पानक्ये बाबाव क्ये नावता गा सुरु खय्या। जबकि व्हाई अत्तर लय व्हाई दूर ही, आयक्ये बाब्बाव गय आय चिचेपा और आय पर दया खय्या। व्हाई थावक्ये त्ये पान पयाव क्ये पास का और आय गले लगावते चुम्या। ”

![](https://cdn.door43.org/obs/jpg/360px/obs-en-35-08.jpg)

“आय पयाव गय ना, ‘हे बब्बाये, नाय परमेश्वर क्ये ओर नंङगे खिलाफ पाप घय हावरे। ना नंङगे पयाग नेके लायक लय हां गुहा। ’”

![](https://cdn.door43.org/obs/jpg/360px/obs-en-35-09.jpg)

“पर बब्बाव गय पान आय सेवा जिघय वालोला नासी, ‘जल्दी काते सबसे निक्को लत्ता पितेते लवनी और ना पयाये हान्नेनी! आयक्ये आन्गल्यावया अंगूठी और भावलाया जोधाला हान्नेनी। फिर सबसे निक्को बाहों हातेनी ताकि नानी जाय और त्यौहार मनावरे, हान्खानी कि नाय हुच्चो हा कि ना पयाये सी व्हा, पर अब व्हाई जीवतो व्हा! व्हाई म्हा व्हा, पर अब नानी आय धराहे!’”

![](https://cdn.door43.org/obs/jpg/360px/obs-en-35-10.jpg)

“आय कारणय मंछलाय त्यौहार मनाव क्ये सुरु खय्याहे। थोड़ा समय बितिव्वा, बयना पयाव गोड़ी दी काम खयते नावया पिय्ये। आय गाना और नाचो क्ये आवाज कुन्हा और अचम्भ हिय्ये फिर अय हांङ हिहारे खयते। ”

![](https://cdn.door43.org/obs/jpg/360px/obs-en-35-11.jpg)

“जब बयना पयाव क्ये मालुम हिय्ये कि व्हाइला अय कारणय त्यौहार मनाव हायरे खयते हान्खानी कि आयक्ये भव्वाव नावया पि व्हा, त्वो वही झिक्क गुस्सा हिय्ये और नावया भोतोरी हां का। आयक्ये बब्बाव गय बाहारी पिते आयक्ये हंगे त्यौहार मनाव क्ये विनती खय्या, पर व्हाई मना खय्या। ”

![](https://cdn.door43.org/obs/jpg/360px/obs-en-35-12.jpg)

“आय बयना पयाव गय बब्बाव ना, ‘अय जम्मा बरेहेया नाय नंङ खानी निक्को रुपय काम घय्या! कभी लय नंङग बतकावगे हां टाल्या, पर नय कभय लय डा चुयचे बाक्का हां जिबाये ताकि ना पान दोस्ते ला हंगे दावत घय हाक्कोरिव खयते। पर नंङगे पयागय नंङगे रुपय्यागे पापी काम लाया घयको या बर्बाद खय्या। और अब जब व्हाई पिय्ये त्ये आय खानी त्यौहार मनाव खानी नय सबसे निक्को बाहों स्याता !’”

![](https://cdn.door43.org/obs/jpg/360px/obs-en-35-13.jpg)

“बब्बाव गय जबाब जीबे, ‘हे ना पयाये, नंङ हमेसा ना हंगे जूस्या, और जो लय ना व्हा, व्हाई सेहांग नंङगल व्हा। पर नानी खानी त्यौहार मनावक्ये सय व्हा हान्खानी कि नानी हुच्वाहे नंङगे भव्वागे सीय्ये पर व्हा अब व्हाइ जीवतो व्हा। व्हाई म्हा व्हा, पर अब नानी आय धराहे !’”

*बायबल क्ये किताब लुका अध्याय 15 : 11 – 32 दी डा कथा*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_35_128kbps.m4a

## 36. यीशु क्ये रूपाव बदिलिवव्को

https://openbiblestories.org/l/jnl-x-vanrawat/story-36/

![](https://cdn.door43.org/obs/jpg/360px/obs-en-36-01.jpg)

डा ध्यंग, यीशु य पान हूंङ पयावसिला, पतरस, याकूब, और युहन्ना क्ये पान हंगे कातासी। (अय यूहन्ना नामु को पयाव व्हाई मंछ हां ही जोय यीशु तिय्या डूबकि लावस्याबा ) व्हाइला विनती घयक्ये डा उच्चो पहाड़या कासी।

![](https://cdn.door43.org/obs/jpg/360px/obs-en-36-02.jpg)

जब यीशु विनती घय हा त्ये आयक्ये मह्व दिहो क्ये बराबर रोंग हिय्ये। आयक्ये लत्तावला रोंग क्ये बराबर धवङया हिय्ये, जोह्हो धरती या अच्च धवङया हु ना घय हाक्कोरिव।

![](https://cdn.door43.org/obs/jpg/360px/obs-en-36-03.jpg)

जब मूसा और एलिय्याह भविष्य जिघय वालोला प्रकट हिय्येसी। अय पयला धरतीया अय समय दी घयनु ह्ये बरेहे पयलो कुहानेसी। आयलाय यीशु हाते आयला सीके बिषय्या बतकाव खय्याहे, हान्खानी कि व्हाइला जल्दिले यरूशलेम या चिशी ही।

![](https://cdn.door43.org/obs/jpg/360px/obs-en-36-04.jpg)

जब मूसा और एलिय्याह यीशु हाते बतकाव घय हासी तब पतरस य यीशु ना, “नानी खानी अय्या हिको भला व्हा। नानी हुंग डेराला ला बनायेरे, डा नंङ खानी, डा मूसा खानी, और डा एलिय्याह खानी। ” पर पतरस हां दहेन्या कि व्हाई हान घय हारे।

![](https://cdn.door43.org/obs/jpg/360px/obs-en-36-05.jpg)

जब पतरस बतकाव घय हा, त्ये डा चिचमेक्यो देहो धी पिते आयला भरव्वे। फिर आयलाय देहो दी डा आवाज बितर्या कुन्हाहे। आय चिनेसी, “अय ना पयाये ही जो हाते ना प्यार घय्युरे। ना आय खानी खुश गुहा। आयक्ये कुन्हेनी। ” व्हाई हुंग पयासीला पाड़ीय्येसी और जमीनया लोटायेसी।

![](https://cdn.door43.org/obs/jpg/360px/obs-en-36-06.jpg)

तब यीशु य आयला छुव्वासी और नासी, “पाड़ीनि ता। खड़े हीनी। ” जब आयलाय पाड़ी और दब्वाहे, त्ये जो लय व्हाईला ही व्हाई केवल यीशु ही।

![](https://cdn.door43.org/obs/jpg/360px/obs-en-36-07.jpg)

यीशु और व्हाई हुंग प्यावसिला आय पहाड़े दी वापस धी उत्तर्व्वेसी। तब यीशु य आयला नासी, “अत्तर जो लय अय्या हिय्ये अयक्ये चर्चा कोईला हाते धा जिघय्ये। ना जल्दीले सीरी और जीवतो हिरी। अयक्ये बाद, ननि मंछला बताव स्याकोय्येरे। ”

*मत्ती अध्याय 17 : 1 – 9 ; मरकुस 9 : 2 – 8 ; लूका 9 : 28 – 36 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_36_128kbps.m4a

## 37. यीशु लाज़र क्ये सी तर्याला हाते फिर जीवतो खय्युरे

https://openbiblestories.org/l/jnl-x-vanrawat/story-37/

![](https://cdn.door43.org/obs/jpg/360px/obs-en-37-01.jpg)

लाज़र नामु को डा मंछ ही। आयक्ये नि भयन्यावला ही जोला नामुसिला मरियम और मार्था ही। व्हाई जम्मा यीशु क्ये घयरो दोस्त सिला ही। डा ध्यंग, कोई लाय यीशु जिबताव्वे कि लाज़र झिक्क बीमार व्हा। जब यीशु य अय कुन्हाते आय चिनेसी, “अय बीमार लाज़र क्ये सी कोय खत्म हां हिरी। अयक्ये बजाय, अय मंछला क्वो परमेश्वर क्ये इज्जत घय खानी कारण बनिवरी। ”

![](https://cdn.door43.org/obs/jpg/360px/obs-en-37-02.jpg)

यीशु पान दोस्तावला हंगे प्यार खय्युरे, पर जाहा व्हाई ही व्हाईय्या आय नि ध्यंग झानी इंतज़ार खय्या। आय नि ध्यंग क्ये बाद, आय पान पयावला नासी, “लवनी, वापस यहूदिया ता गायरे। ” प्यावसिलागय जवाब जिबे, “पर हे गुरु, अत्तर थोड़ा समय पयलो व्हाई क्ये मंछला नंङ हातेक्ये हुच्चो हासी!” यीशु चिनेसी, “नानी दोस्त लाज़र इसे लय, और ना आय जगावको व्हा। ”

![](https://cdn.door43.org/obs/jpg/360px/obs-en-37-03.jpg)

यीशु क्ये पयावला गय जवाब जिबे, “हे प्रभु, अगर लाज़र इसे हारे, त्ये व्हाई निक्को हिरी ले। ” तब यीशु य साफ़ साफ़ चिनेसी, “लाज़र सिय्ये। ना खुश गुहा कि ना व्हाईय्या हां ही, तबय ननिला ना पर भरोसा घय स्याकोरे। ”

![](https://cdn.door43.org/obs/jpg/360px/obs-en-37-04.jpg)

जब यीशु लाज़र क्ये गावय्या लयकासी त्ये लाज़र क्ये सितर्या पयलो दी पाड़ी ध्यंग ही व्हा। मार्था यीशु हंगे मिल्लो खानी बाहारी पिय्ये और चिने,” हे प्रभु, अगर नंङ अय्या चिहिने त्ये ना भाव्वाये हां सिने। पर ना भरोसा घयर कि जो लय नंङ परमेश्वर दी जिभाय्केरी व्हाई नंङ जिबेरी। ”

![](https://cdn.door43.org/obs/jpg/360px/obs-en-37-05.jpg)

यीशु य जवाब जिबे, “फिर जीवतो हिको और जिंदगीया ना गुहा। जो कोई लय नाया भरोसा खयरे अगर व्हाई सीरीलय तब लय जीवरिव। जो कोई लय पर भरोसा खयरे व्हाई कभय ना सीरी। हांग नंङ अय पर भरोसा जिघयरे?” मार्था य जवाब जिबे, “हे प्रभू, न भरोसा घयरे कि नंङ परमेश्वर क्ये पयाव मसीह चिहि। ”

![](https://cdn.door43.org/obs/jpg/360px/obs-en-37-06.jpg)

तब मरियम पिय्ये। आय यीशु क्ये भाया गिरिक्योते ना, “हे प्रभु, अगर नंङ अय्या चिहिनेते ना भव्वाये हां सिने। ” यीशु आय होदया, “ननिलाय लाज़र क्ये ग्वाहा थास्यायेरे?” आयलाय आय जिबताव्वे, “कब्र या। लव और दब्बो। ” तब यीशु करे भंगे।

![](https://cdn.door43.org/obs/jpg/360px/obs-en-37-07.jpg)

व्हाई कब्र डा गुफा ही जोक्ये देराव्या डा ढुंगे लूढकाव्तर्या व्हा। जब यीशु कब्र या लयका त्ये आय आयला नासी, “दुंगे हटावनी। ” पर मार्था य चिनेसी, “आय सितर्या पाड़ी ध्यंग हिय्ये लय। आय दी घांदे बी हारे। ”

![](https://cdn.door43.org/obs/jpg/360px/obs-en-37-08.jpg)

यीशु जवाब जिबे, “हांग नाय ननिला हां नाशिन कि अगर ननिला ना पर भरोसा जिघयरे त्ये परमेश्वर क्ये तड़ीव चिचेपोरे?” अय कारणय आयलाय ढुंगे हट्टावाहे।

![](https://cdn.door43.org/obs/jpg/360px/obs-en-37-09.jpg)

तब यीशु य ठाय स्वर्ग क्ये और दब्बोते ना, “हे बब्बाये, ना कुन्हे खानी ना नंङगे धन्यवाद घयरे। ना दहोरे कि नंङ ना हमेसा जिगुन्हेरे, पर नाय अय्या खड़े हितर्या जम्मा मंछला क्ये मदद घय खानी नेहाने ताकि अयला भरोसा खयरी खयते कि नय ना घाल्लोस्यार खयते। ” तब यीशु य आवाज लगाव्वा, “हे लाज़र, बाहारी तोंते लव!”

![](https://cdn.door43.org/obs/jpg/360px/obs-en-37-10.jpg)

अब लाज़र बाहरी तोंते पिय्ये! व्हाई अत्तर लय कब्र वालो लत्ताया लिपटीव्तर्या ही। यीशु य आयला नासी, “अय कफन क्ये टोन खानी आयक्ये मदद खयनी और अय आजाद खयनी। ” अय चमत्कार क्ये कारणय झिक्क यहूदीयों ला यीशु या भरोसा खय्याहे।

![](https://cdn.door43.org/obs/jpg/360px/obs-en-37-11.jpg)

पर यहूदीयों ला क्ये धर्म क्ये प्रधान यीशु खानी जल्लो भंगेसी, अय कारणय व्हाइला योजना बनाव खानी डा हंगे इकट्टा हिय्येसी कि होखयते यीशु और लाज़र क्ये हाते हाक्कोरे।

*यूहन्ना 11 : 1 – 46 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_37_128kbps.m4a

## 38. यीशु क्ये धोखाय चिहोंगे

https://openbiblestories.org/l/jnl-x-vanrawat/story-38/

![](https://cdn.door43.org/obs/jpg/360px/obs-en-38-01.jpg)

हर बरेहे, यहूदी मंछला फसह क्ये त्यौहार मनायरे। अय आय बारेया डा त्यौहार ही कि घयनु ह्ये बरेहे पयलो परमेश्वर क्ये आय पित्तर्ला क्ये मिस्त्र देह क्ये गुलामी दी छुड़ाव्वासी। लगभग हुंग बरेहे क्ये बाद यीशु य जम्मा मंछला क्ये हाते वालो प्रचार घयक्ये और शिक्षा बेके सुरु खय्या। यीशु पान पयावला बताव्वासी कि व्हाई आयला हंगे यरूशलेम या फसह क्ये त्यौहार मनाव क्ये हुच्चो हासी, और अय लय कि व्हाई आय्या चिहातेरी।

![](https://cdn.door43.org/obs/jpg/360px/obs-en-38-02.jpg)

यीशु क्ये पयावसिलाया डा यहूदा नामु को मंछ ही। यहूदा ख़ास पयाव क्ये रुपय्या ला थेलाव तिथा वालो जिम्मेदारिव ही, पर अक्सर व्हाई आय थेली दी रुपय्याला तोन्येन्यासी। यीशु और पयावसिला यरूशलेम लयका बाद यहूदा य यहूदी धर्म क्ये प्रधान पास ओक्का। आय रुपय्या बदले यीशु क्ये आयला हाकेया पकड़वाव क्ये बिचार थाहे। व्हाई दहेन्या कि यहूदी प्रधान हां मान्योरे खयते कि यीशु ल मसिह ही। व्हाई दहेन्या कि व्हाइला आय हात हुच्चो हायरे खयते।

![](https://cdn.door43.org/obs/jpg/360px/obs-en-38-03.jpg)

महान यहूदी बयाना पुजारी क्ये नेतर्या या यहूदी क्ये महान प्रधान क्ये यीशु क्ये आयला हाक्येया पकड़वाव खानी यहूदा क्ये तीसे चाँदी क्ये सिक्काला जिबे। अय आंदल हिय्ये जो भविष्य जिघय वालोलाय न्येस्यासी कि इन्द हिरी खयते। यहूदा य मान्या और रुपय्या कातेते ओक्का। व्हाई यीशु क्ये गिरफ्तार घयक्वोया आयक्ये मदद घय खानी कोई मोका क्ये तलाह घय भंगे।

![](https://cdn.door43.org/obs/jpg/360px/obs-en-38-04.jpg)

यरूशलेम या, यीशु य पान पयावसिला क्ये हंगे फसह क्ये त्यौहार मनाव्वा। फसह क्ये त्यौहार जाको क्ये चलते, यीशु य लग्या कातेते काड़य्या। आय चिनेसी, “अय कातेनी और जानी। अय ना हेरे ही जो ना ननिला बयने। अय ना याद या खय्याहेना। ” अय प्रकारय, यीशु चिनेसी कि व्हाई आयला खानी सीरी, अर्थाव ही कि आयला खानी व्हाई पान हेराव बली चड़ावरी।

![](https://cdn.door43.org/obs/jpg/360px/obs-en-38-05.jpg)

फिर यीशु य डा अंगूर रह्हाव क्ये गिलाह काता और चिनेसी, “अय जा नि। अय ना नया वाचा क्ये हुय्ये ही जो कि ना ओड़ेङीव ताकि परमेश्वर ननिला पापयना क्ये माफ़ जिघयरी। हर बार अय जा समय ना यादें या अय खयनी जो अत्तर ना घय हारे। ”

![](https://cdn.door43.org/obs/jpg/360px/obs-en-38-06.jpg)

तब यीशु य पान पयावसिला नासी, “ननी दी डा मंछ ना पकड़वावरे। ” पयावसिला चोकिव्वासी, और होद्यो भंगेसी कि हु इन्द काम खयरिव। यीशु य चिनेसी, “ना चिपकड़ाव वालो मंछ व्हाई हिरी जो ना लग्याक्ये टुकड़ाव बेरीव। ” जब व्हाई आय लग्या क्ये यहूदा बा।

![](https://cdn.door43.org/obs/jpg/360px/obs-en-38-07.jpg)

यहूदा य आय लग्या क्ये कातेते बाद, शेतान य आय पर कब्जा खय्या। यहूदा तोंते यीशु क्ये गिरफ्तार घय खानी यहूदी प्रधान क्ये मदद घय खानी ओक्का। अय गायरे क्ये समय ही।

![](https://cdn.door43.org/obs/jpg/360px/obs-en-38-08.jpg)

जाको क्ये बाद, यीशु और आयक्ये पयावसिला जैतून पहाड़या ओक्कासी। यीशु य चिनेसी, “ननी जम्मा दय गायरे ना चिहाड्डोरे। अय लिख्खो तर्या व्हा, ‘ना ग्वालोला हातेरिव और जम्मा भेड़ला तितर – बितर हिरी। ’”

![](https://cdn.door43.org/obs/jpg/360px/obs-en-38-09.jpg)

पतरस य जवाब जिबे, “भले य जम्मा लाय नंङ चिहाड्डोरी, ना हां हाड्डोने!” तब यीशु य पतरस चिने, “शेतान ननी जम्माला गाते हुच्चोहारे, पर हे पतरस, नाय नंङ खानी विनती घय हावरे कि नंङ भरोसा दी चुकिव्वो ता। फिर लय, दय गायरे, मुर्गा क्ये आवाज बे होय पयलो नंङ हुंग बार मना जिघयरिव कि नंङ ना हां देहय्येरे। ”

![](https://cdn.door43.org/obs/jpg/360px/obs-en-38-10.jpg)

पतरस य तब यीशु चिने, “भले ना सीरी लय, ना कभय लय नंङ मना हां घयन्ये!” बाकी क्ये जम्मा पयावसिलागय लय इंदल चिने।

![](https://cdn.door43.org/obs/jpg/360px/obs-en-38-11.jpg)

तब यीशु पान पयावसिला हंगे गतसमनी नामु क्ये जग्गाया का। यीशु य पान पयावला हाते प्रार्थना घय खानी नासी ताकि शेतान आयला हां परिख्यो स्याक्कोरी। तब यीशु पानले प्रार्थना घय खानी ओक्का।

![](https://cdn.door43.org/obs/jpg/360px/obs-en-38-12.jpg)

यीशु य हुंग बार प्रार्थना खय्या, “हे ना बब्बाये, अगर संभव व्हाते कृपा खयते अय दुख्ख क्ये गिलाह तुंग खानी ना ता बे। पर अगर मंछला क्ये पाप माफ़ घय खानी कोई और योंग हां व्हा, त्ये नंङगल इच्छागे पुरो हिरी। ” यीशु झिक्क उदाह ही और आयक्ये पसिनाव हुई क्ये बुदाव क्ये समान ही। आय तड़ी बे खानी परमेश्वर डा स्वर्ग क्ये दूताव घाल्वा।

![](https://cdn.door43.org/obs/jpg/360px/obs-en-38-13.jpg)

हर बार प्रार्थना क्ये बाद, यीशु पान पयावसिला क्ये पाह वापिस का, पर व्हाइला इसेसी। जब यीशु हु बार लोटीव्वा त्ये यीशु य चिनेसी, “झड़ेंनि! ना चिपकड़ाव वालो अय्या व्हा। ”

![](https://cdn.door43.org/obs/jpg/360px/obs-en-38-14.jpg)

यहूदी प्रधान लाय, सिपाहिला, और डा बयना भीड़ क्ये हंगे यहूदा पिय्ये। आयलाय चाक्कुला और डंडाला पितेहाहे। यहूदा य यीशु क्ये पाह पिते आय चिने, “हे गुरु, नमस्कार,” और आय चुम्या। आय गिरफ्तार घयक्ये यहूदी प्रधान क्ये सामनेया बीते खानी इन्द खय्या। तब यीशु य चिनेसी, “हे यहूदा, हांङ नंङ डा चुम्मा य ना पकड़वाव स्यायेरे?”

![](https://cdn.door43.org/obs/jpg/360px/obs-en-38-15.jpg)

जब व्हाई सिपाहिला यीशु क्ये होगाहे, त्ये पतरस य आयक्ये तलवाराव तोना और महान यहूदी पुजारी क्ये डा सेवक क्ये गुनाव काट्टो बा। यीशु य चिने, “तलवार क्ये दूर खय! ना पान बब्बाये हाते पान बचाव खानी स्वर्ग क्ये दूताव क्ये डा सिपाहिला खानी विनती घय हाक्कोरे। पर ना पान बब्बाये क्ये बतकाव मान्योको व्हा। ” तब यीशु य आय मंछ क्ये गुनाव ठीक खयबा। तब जम्मा पयावला थाव क्येसी।

*मत्ती 26 : 14 – 56 ; मरकुस 14 : 10 – 50 ; लूका 22 : 1 – 53 ; यूहन्ना 12 : 6 ; 18 : 1 – 11 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_38_128kbps.m4a

## 39. यीशु पर मुकदमा चल्लोरे

https://openbiblestories.org/l/jnl-x-vanrawat/story-39/

![](https://cdn.door43.org/obs/jpg/360px/obs-en-39-01.jpg)

अब अय आद्दा गायरे क्ये समय ही। व्हाई सिपाहिलाय यीशु क्ये महान यहूदी बयाना पुजारी क्ये नावया ज्याते, हान्खानी कि व्हाई यीशु हाते सवाल जवाब घयको हुच्चो हा। पतरस दुरे दी आयक्ये पीछा घय हा। जब यीशु क्ये सिपाहिला नावया गाते हासी, त्ये पतरस बाहारी रुकिवते पानक्ये महिय्या गर्म घय हा।

![](https://cdn.door43.org/obs/jpg/360px/obs-en-39-02.jpg)

नाव क्ये भतोरी, यहूदी प्रधान लाय यीशु ठाई मुकदमाला चलाव्वासी। व्हाइला आयक्ये खिलाफ झूठी बतकाव क्ये हा खानी घयनु झूठी ग्वाहला पितेते पिय्येसी। हालांकि, आयला बतकाव सिला डा नीमला सहमत हां ही, अय कारणय यहूदी प्रधान लाय साबित हां घय हाक्वाहे कोई बतकाव क्ये दोषी व्हा। यीशु डाहान्ना हा।

![](https://cdn.door43.org/obs/jpg/360px/obs-en-39-03.jpg)

बादया, महान यहूदी बयाना पुजारी य सीधा यीशु तरफ दब्बोते ना, “नानी जिबताव्सी कि हांङ नङले जीवतो परमेश्वर क्ये पयाव मसीह चिहि?”

![](https://cdn.door43.org/obs/jpg/360px/obs-en-39-04.jpg)

यीशु चिनेसी, “नाल ही, और ननिला ना परमेश्वर क्ये हंगे होयतर्या और स्वर्गए क्ये बी तर्या चिचेपोरे। ” महान यहूदी बयाना पुजारी य पान लात्तावला हाचासी हान्खानी कि जो यीशु चिनेसी व्हाई आय बतकावय झिक्क घुस्सा हीय्ये। व्हाई दोहरो प्रधान लाया चिल्लाव्वे, “नानी बताव खानी कोई और गवाह क्ये जरूरी हां व्हा कि अय मंछय हांङ खय हावरे खयते! नानिलाय पानले अय ने समय जिगुन्हाहे कि व्हाई परमेश्वर क्ये पयाव ही। अयक्ये बारेया ननिला हांङ फेस्लायना व्हा?”

![](https://cdn.door43.org/obs/jpg/360px/obs-en-39-05.jpg)

जम्मा यहूदी प्रधान लाय महान यहूदी बयाना पुजारी य जबाब बाहे, “व्हाई सी चाय्यो!” तब आयलाय यीशु क्ये मिकोव्या पट्टी होय्याहे, आय थुकाहे, अय हानुव्वाहे, और आयक्ये मजाक उड़ाव्वाहे।

![](https://cdn.door43.org/obs/jpg/360px/obs-en-39-06.jpg)

और पतरस, जब व्हाई नाव्क्ये बाहारी इंतज़ार घय हा। तब डा सेवा जिघय वालोय गाड़ोङय आय चिचेपा। आय अय चिने, “नंङ लय यीशु क्ये हंगे चिहि!” पतरस य मना खय्या। बादया, कोई और गाड़ोय अय बतकाव चिने, और पतरस य फिर मना खय्या। बादया, थोड़ा मंछलाय चिने, “नानी दहय्येरे कि नंङ यीशु क्ये हंगे चिहि हान्खानी कि नानी नीमला गलील दी चीहि। ”

![](https://cdn.door43.org/obs/jpg/360px/obs-en-39-07.jpg)

तब पतरस नासी, “अगर ना अय मंछ क्ये दहवरे त्ये परमेश्वर ना श्राप बेरे!” तुरन्तले पतरस क्ये अय प्रकारय शपथ जा क्ये बाद, डा मुर्गी आवाज जिबेसी। यीशु य चेटा मुड़ीव्वते पतरस क्ये चेपा।

![](https://cdn.door43.org/obs/jpg/360px/obs-en-39-08.jpg)

पतरस व्हाई दी ओक्का और फुट – फुट क्ये करे भंगे। आय समयले, यीशु चिहोंग वालो यहूदा य चिचेपा कि यहूदी क्ये प्रधान लाय आय मिर्त्युदंड जिबे। यहूदा झिक्क दुखी हिय्ये और काते पानक्ये हाता।

![](https://cdn.door43.org/obs/jpg/360px/obs-en-39-09.jpg)

अब आय देह क्ये राज्यपाल पिलातुस ही। व्हाई रोम खानी काम खयने। यहूदी क्ये प्रधान लाय आयक्ये पाहे काताहे। व्हाइला चाहो हासी कि पिलातुस आय मिर्त्युदंड जिबेरी और आय हातेरिव। तब पिलातुस य यीशु चिहोदया, “हांङ नंङ यहूदियों ला राजा चिहि?”

![](https://cdn.door43.org/obs/jpg/360px/obs-en-39-10.jpg)

यीशु य जवाब जिबे, “नय हाचिल चिनाये। पर ना राज्ये अय्या धरतिया हां व्हा। अगर हिन्ये त्ये ना सेवा जिघय वालोला ना खानी युद्ध खयनेसी। ना धरतिया परमेश्वर क्ये बारिया हाच्ची बताव खानी बीव्हारे। हर डा मंछ जो प्यार खयरे व्हाई ना कुन्हयेरे। ” पिलातुस य चिने, “तवो हाच्ची हांङ ही?”

![](https://cdn.door43.org/obs/jpg/360px/obs-en-39-11.jpg)

यीशु क्ये हंगे बतकाव खयते बाद, पिलातुस बाहारी भीड़ क्ये पाह काते चिनेसी, “नाय इन्द कोई कारण हां धरा कि अय मंछ हाते क्ये योग्य व्हा। ” पर यहूदी प्रधान लाय और भिड़े दी चिल्लाव्ते चिने, “आय क्रूस या चड़ावनि!” पिलातुस य जवाब जिबेसी, “व्हाई क्ये लय गलत घयक्ये दोषी व्हा। ” पर व्हाइला और उच्चो आवाज या चिल्लाव भंगेसी। तब पिलातुस य हु बार चिनेसी, “व्हाई दोषी हां व्हा!”

![](https://cdn.door43.org/obs/jpg/360px/obs-en-39-12.jpg)

पिलातुस पाड़ीय्ये कि व्हाई भीड़ दंगाला सुरु खयरे, अय कारणय व्हाई पान सिपाहिला क्ये हंगे यीशु क्ये क्रूस या चड़ाव खानी मान्या। रोमी सिपाहिला यीशु क्ये कोड़े लगाव भंगेसी, और आयक्ये राजा क्ये जोह्हो लत्ताला हान्नाहे, और आयक्ये गाराव्या काटकङ क्ये मुकुट थाहे। तब व्हाइला अय नेते अयक्ये मजाक उड़ाव भंगेसी, “दब्बोनी, यहूदियों ला क्ये राजासिला!”

*मत्ती 26 : 57 – 27 : 26 ; मरकुस 14 : 53 – 15 : 15 ; लूका 22 : 54 – 23 : 25 ; यूहन्ना 18 : 12 – 19 : 16 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_39_128kbps.m4a

## 40. यीशु क्ये क्रूस या चड़ाय्येरे

https://openbiblestories.org/l/jnl-x-vanrawat/story-40/

![](https://cdn.door43.org/obs/jpg/360px/obs-en-40-01.jpg)

यीशु क्ये मजाक उड़ावते बाद, सिपाहिला आय क्रूस या चड़ाव खानी काताहे। आयलाय आय क्रूस क्ये आयल उठवाव्वाहे जोया व्हाई सीरी।

![](https://cdn.door43.org/obs/jpg/360px/obs-en-40-02.jpg)

व्हाई सिपाहिला य यीशु क्ये आय जग्गाया काताहे जो “खोपड़ी” न्येन्याहे और आयक्ये हाकोव और भावला क्रूस या ठोक्याहे। पर यीशु य चिनेसी, “हे बब्बाये, आयला माफ़ खयनी, हान्खानी कि अयला हां दह्येरे कि अयला हांग घय हायरे। ” आयलाय डा चिट लय आयक्ये गारावया टानग्याहे। आय पर लिख्खो तर्या ही, “यहूदियों लाके राजा। ” पिलातुस य आयला अयले लिख्यो खानी न्ये स्यासी।

![](https://cdn.door43.org/obs/jpg/360px/obs-en-40-03.jpg)

तब सिपाहिला य यीशु क्ये लात्तावला खानी चिट्ठीला ओड़ाहे। जब आयलाय इन्द खय्याहे त्ये आय भविष्य चिहि वालो बतकाव क्ये पुरो हिय्ये जो चिनेनेसी, “आयलाय ना लात्तायेला आपस या मार्ताहे, और ना लात्तायेला खानी चिठ्टीला ओड़ाहे। ”

![](https://cdn.door43.org/obs/jpg/360px/obs-en-40-04.jpg)

व्हाइय्या नि डाकुला लय ही, जोला सिपाहिलाय आय समयय्या क्रूस या चड़ाव्वाहे। आयलाय यीशु नी तरफ थाहे। आय दी डा डाकुय यीशु क्ये मजाकाव उड़ाव्वा, पर दोहरॉय चिने, “नानी परमेश्वर खानी पाड़ी चाहिय्यो हान्खानी कि व्हाई सजा जिबयरे, नानी घयनु बुरो कामला क्ये घयक्ये दोसी गुहाय, पर अय मंछ निर्दोस व्हा। ” फिर आय यीशु चिने, “जब नंङ पान राज्यगया जिबिरी त्ये कृपा खयते ना याद खय्यायेना। ” यीशु य जवाब जिबे, “दयल नंङ ना हाते स्वर्ग लोकया चिहिरी। ”

![](https://cdn.door43.org/obs/jpg/360px/obs-en-40-05.jpg)

यहूदी क्ये प्रधान लाय और भीड़ क्ये और मंछलाय यिशू क्ये मजाकाव उड़ाव्वाहे। आयलाय चिनेसी कि, “अगर नंङ परमेश्वर क्ये पयाव चिहि, त्ये क्रूस दी धी उतरव और पानक्ये बचाव! तब नानी नंङ पर भरोसा घयरी। ”

![](https://cdn.door43.org/obs/jpg/360px/obs-en-40-06.jpg)

तब आय पुरो देह क्ये देहोला पुरो रूपए टोक्येन्या हिय्येसी, भले व्हाई ध्यंग क्ये बिच को समय ही। अय छकाले क्वो समय टोक्येन्या ही व्हा और हुंग घंटा झानी इन्द हीतर्या ही।

![](https://cdn.door43.org/obs/jpg/360px/obs-en-40-07.jpg)

तब यीशु नोक्येते ना, “पुरो हिय्ये! हे बब्बाये, ना पान आत्माए नंङगे हाकेग्या सोप्योवरे। ” तब आय पान गराव झुक्काव्वा और प्राणावला हाड्वा। जब व्हाई सिय्ये त्ये डा भूयचाल पिय्ये। व्हाई बयना पर्दा जो परमेश्वर क्ये मोजुद्या मंछला क्ये अलग खय्यासी ठाई दी धी क्ये और भुट्टीते नि हिस्साव हिय्ये।

![](https://cdn.door43.org/obs/jpg/360px/obs-en-40-08.jpg)

पान सिय्ये क्ये जरियाय, यीशु मंछला खानी परमेश्वर क्ये पाह बी खानी योंङ चिखओय्ने बासी। जब यीशु क्ये निगरानी जिघय वालो डा सिपाही जो लय ही व्हा अय जम्मा दब्वा त्ये आय चिनेसी, “पक्का व्हा कि, अय मंछ निर्दोह व्हा। अय परमेश्वर क्ये पयाव ही। ”

![](https://cdn.door43.org/obs/jpg/360px/obs-en-40-09.jpg)

तब यूसुफ और निकुदेमुस नामु को नि यहूदी प्रधान ला पिय्येसी। व्हाई भरोसा खयनेसी कि यीशु ल मसीह ही। आय लाय पिलातुस दी यीशु क्ये हेराव फाय्काहे। आयलाय आयक्ये हेरावया लत्ताया लपेटाहे। तब व्हाइला भिट्टा दी काट्टोतर्या कब्रया काताहे और आयक्ये भतोरी थाहे। तब आयलाय आय कब्र क्ये धेराव बंद घय खानी डा बयना ढुंग क्ये लुड़काव्वाहे।

*मत्ती 27 : 27 – 61 ; मरकुस 15 : 16 – 47 ; लूका 23 : 26 – 56 ; युहन्ना 19 : 17 – 42 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_40_128kbps.m4a

## 41. परमेश्वर यीशु क्ये सितर्या दी जीवतो खय्या

https://openbiblestories.org/l/jnl-x-vanrawat/story-41/

![](https://cdn.door43.org/obs/jpg/360px/obs-en-41-01.jpg)

सिपाहिला जरियाय यीशु क्ये क्रूस या चड़ाव क्ये बाद, यहूदी क्ये प्रधान लाय पिलातुस नाहे, “आय झूठी, यीशु न्येस्यासी कि व्हाई हुंग ध्यंग क्ये बाद सितर्या दी जीवतो हिरी। कोई लाके पत्ता घय खानी कब्र क्ये निगरानी घयको हिरी कि आयक्ये पयाव ला आयक्ये हेराव चुराव्ते हां कातेरे खयते। अगर व्हाइला इन्द खयरे त्ये व्हाइला चिनेरी कि व्हाई सितर्या दी जीवतो हिय्ये। ”

![](https://cdn.door43.org/obs/jpg/360px/obs-en-41-02.jpg)

पिलातुस य चिनेसी कि, “थोड़ा सिपाहिला कातेते घेनी, और जोह्हो ननी घय स्याक्कोरे व्हान्द्ल कब्र या नजर थानी। ” अय कारणय आयलाय भतोरी जिगा योंग्या दुंगक्ये डा महोर लाव्वाहे। आयलाय पक्का घय खानी व्हाइय्या सिपाहिला हाजोव्हाहे कि कोई लय आयक्ये हेराव चोरो हां घय हाक्कोरे।

![](https://cdn.door43.org/obs/jpg/360px/obs-en-41-03.jpg)

यीशु क्ये सिक्य बाद क्ये ध्यंग सब्त क्ये ध्यंग ही। कोई लय सब्त ध्यंग काम हां घय हाक्कोंयाहे, अय कारणय यीशु क्ये कोई दोस्ताव लय कब्र या हां पिव्हासी। पर सब्त क्ये बाद क्ये ध्यंग, रातय झिक्क राताय्ले, थोड़ा मठ्याला यीशु क्ये कब्र या गा खानी तेयार हिय्येसी। व्हाइला आयक्ये हेराव्या और मसाला ला ल्गाव्क्ये हुच्चो हासी।

![](https://cdn.door43.org/obs/jpg/360px/obs-en-41-04.jpg)

आय मठ्याला क्ये लायबी होय पयलो, कब्र या डा बयना भुय्चाल पिय्ये। स्वर्ग दी स्वर्ग क्ये डा दूताव पिते आय दुंग क्ये लुड़काव्वा जो कब्र क्ये भतोरी जिगा योंग ढक्योतर्या ही और आय पर होए। अय स्वर्ग क्ये दूताव रोंग क्ये समान चम्किव्वो हा। कब्र या जो सिपाहिला ही आयलाय आय चेपाहे। व्हाइला अच्च पाड़ीय्येसी कि सितर्या क्ये बराबर जमीनया गिरिक्यासी।

![](https://cdn.door43.org/obs/jpg/360px/obs-en-41-05.jpg)

जब व्हाई मठ्याला कब्र या लयकासी त्ये आय स्वर्ग क्ये दुतावगय अयला चिनेसी, “ता पाड़ीनी। यीशु अय्या हां व्हा। व्हाई सितर्या दी जीवतो हिय्ये, जोह्हो कि आय नेस्यासी कि व्हाई जीवतो हिरी! कब्र या मरानी और दब्बोनी। ” आय मठ्यालाय कब्र क्ये भोतोरी दब्वाहे और जांहा यीशु क्ये हेराव थाहाहे व्हाइय्या मराहे और दब्वाहे कि आयक्ये हेराव आय्या हां ही!

![](https://cdn.door43.org/obs/jpg/360px/obs-en-41-06.jpg)

तबे स्वर्ग क्ये दूताव गय अय मठ्याला चिनेसी, “काते आयक्ये प्यावला बतावबयनी, ‘यीशु सितर्या दी जीवतो हिय्ये और व्हाई ननिला होय गेंता गलील ता कारी। ’”

![](https://cdn.door43.org/obs/jpg/360px/obs-en-41-07.jpg)

व्हाई मठ्याला अचम्भ हिय्येसी और झिक्क खुश हिय्येसी। व्हाइला पयासिला क्ये अय शुभ संदेह हागुन्हे खानी थावक्येसी।

![](https://cdn.door43.org/obs/jpg/360px/obs-en-41-08.jpg)

जब व्हाई मठ्याला पयावसीला क्ये अय शुभ संदेह बताव खानी पान योंगसीलाया ही, त्ये यीशु आयला सामनेया प्रकट हिय्ये। व्हाइला आयक्ये भाव्या गिक्यासी। तब यीशु य चिनेसी, “ता पाड़ीनी। काते ना प्यायेला गलील गा खानी नेनी। व्हाइला व्हाइय्या ना चेपोरे। ”

*मत्ती 27 : 62 – 28 : 15 ; मरकुस 16 : 1 – 11 ; लूका 24 : 1 – 12 ; यूहन्ना 20 : 1 – 18 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_41_128kbps.m4a

## 42. यीशु स्वर्ग ता लोटीवरे

https://openbiblestories.org/l/jnl-x-vanrawat/story-42/

![](https://cdn.door43.org/obs/jpg/360px/obs-en-42-01.jpg)

जो ध्यंग परमेश्वर य यीशु क्ये सितर्याला दी जीवतो जिघा, आयक्ये नि पयावला पाह क्ये गावया गा हासी। गा समय व्हाइला यीशु क्ये हंगे जो हिय्ये। आयक्ये बारेया बतकाव घय हासी, आयला क्ये आशा ही कि व्हाई मसीह ही, पर तब लय व्हाई हाताहे। अब व्हाई मठ्याला चिनयर कि व्हाई फिर लय जीवतो हिय्ये। व्हाइला हां दह्येरे कि हांग बतकाव पर भरोसा घय चाय्यो ।

![](https://cdn.door43.org/obs/jpg/360px/obs-en-42-02.jpg)

यीशु आयला पाह पीते आयला हंगे ह्व़ा क्ये सुरु खय्या, पर व्हाईलाय आय पहचानो हां हाक्वाहे। आय चिहोदयासी कि व्हाई हुउ बारेया बतकाव घय स्यायरे। आयलाय आय चेटा ध्यांग्या यीशु क्ये हाते हितर्या जम्मा घटना क्ये बारेया बताव्वाहे। आयलाय हुच्वाहे कि व्हाई कोई परदेसी हाते बतकाव घय हायरे जो हां दहेन्या कि यरूशलेम या हांग ही व्हा।

![](https://cdn.door43.org/obs/jpg/360px/obs-en-42-03.jpg)

तब यीशु य आयला चिहमजाव्वेसी कि परमेश्वर क्ये बचेनाव मसीह क्ये बारेया हांग चिन्यरे। भोत प्यलो, परमेश्वर क्ये भविष्य जिघय वालोलाय चिनेस्यासी कि बुरो मंछला मसीह क्ये कष्ट जिबेरी और चिहातेरी। पर परमेश्वर क्ये भविष्य जिघय वालोलाय अय लय चिनेसी कि व्हाई त्येहरो ध्यंग जीवतो हिरी।

![](https://cdn.door43.org/obs/jpg/360px/obs-en-42-04.jpg)

जब व्हाइला आय बस्तिया लयकासी जाहा व्हाई नि मंछ रुकिव्को हुच्चो हासी, तब जानी लगभग ब्यारको हिय्ये लय। आयलाय यीशु क्ये आयला हंगे गुहा खानी निवतो बाहे, अब व्हाई आयला हंगे डा नावया का। पानक्ये ब्यारकोताय क्ये जाको खानी व्हाइला होयेसी। यीशु य डा लग्या क्ये कातेते आयला खानी परमेश्वर क्ये धन्यवाद खय्या, और फिर आय काड़य्या। अचानकय, आयलाय दहाहे कि व्हाई यीशु ही। पर आयल समय, व्हाई आयला मिक्ये सिला दी गायब हिय्ये।

![](https://cdn.door43.org/obs/jpg/360px/obs-en-42-05.jpg)

आय नि मंछलाय डा नीमला नाहे, “व्हाई यीशु ही! जब अय नानी परमेश्वर क्ये वचनाव सम्झाव्वेसी त्ये नानी भोत खुश ही!” तुरन्तल, व्हाई तोंते वापस यरुशलेम या कासी। जब व्हाइला लयकासी त्ये आयलाय पयावसिला बताव्वासी, “यीशु जीवतो व्हा! नानी आय चेपाहे!”

![](https://cdn.door43.org/obs/jpg/360px/obs-en-42-06.jpg)

जब पयावसिला बतकाव घय हासी, यीशु अचानकय आय कमराया प्रकट हिय्ये। आय चिनेसी , “ननिला शान्ति ध्येरेरे!” पयावसिला गय हुच्वाहे कि कोई भुत ही, पर यीशु य चिनेसी, “पाड़ीनी ता ननी भरोसा खयनी कि नाल यीशु ही”। ना हाके और भायेला दब्बोनी। भूतला पाहे इन्द हेर हां हीरे जोह्हो ना पाहे व्हा। ” अय दिखाव खानी कि व्हाई कोई भुत हां ही, आय जा खानी क्ये फायका। आयलाय आय माच्छा क्ये डा टुकड़ा बाहे, और आय अय जा लय।

![](https://cdn.door43.org/obs/jpg/360px/obs-en-42-07.jpg)

यीशु चिनेसी, “ना बारेया परमेश्वर क्ये वचनाव जो कुछ लय चिन्यरे व्हाई हितर्याल कारी। नाय ननिला बताव्वासिने कि अयक्ये हिको जरुरी व्हा। ” तब यीशु य आयला परमेश्वर क्ये वचनाव निक्कोय चिह्म्जाव्वेसी। आय चिनेसी, “भोत पायलो भविष्य जिघय वालोलाय अय लिख्खो तर्या ही ना, मसीह क्ये दुख्ख उठाव को हिरी, सि पव्वोरी और पय तेहरो ध्यंग सितर्या दी जीवतो हि पव्वोरी। ”

![](https://cdn.door43.org/obs/jpg/360px/obs-en-42-08.jpg)

“आय भविष्य जिघय वालोलाय अय लय लिखको हाहे कि ना पयायेला परमेश्वर क्ये वचनाव क्ये प्रचार खयरे। व्हाई हर डा क्वो पाप क्ये पछतावा घय खानी जिब्तावरि। अगर व्हाइला इन्द खयरे त्ये परमेश्वर आयला पापसिला माफ़ खयारिव। ना पयायेला अय संदेस क्ये प्रचार घयक्ये यरूशलेम या सुरु खयरे। तब व्हाइला जम्मा जग्गा और जम्मा जातिलाया कारी। नानी मंछला हर डा बतकाव क्ये और काम्क्ये गवाह ज्युस्याय जो नाय नासिने और घय्या, और आय जम्मा जो लय ना हंगे हिय्ये। ”

![](https://cdn.door43.org/obs/jpg/360px/obs-en-42-09.jpg)

गेंता चालीस ध्यंग क्ये दोरान, यीशु पान पयाव्ला क्ये सामने घयनु बार प्रकट हिय्ये। डा बार ता व्हाई डा समय या पंङआ ह्ये होय झिक्क मंछला क्ये सामनेया प्रकट हिय्ये। आय पान पयावला पर घयनु प्रकारय साबित खय्या कि व्हाई जीवतो व्हा, और आय अयला परमेश्वर क्ये राज्ययाव क्ये बारेया शिक्षा जिबे।

![](https://cdn.door43.org/obs/jpg/360px/obs-en-42-10.jpg)

यीशु य पान पयावला नासी, “परमेश्वर ना स्वर्ग और धरतीया हर डा मंछ क्ये राज घयक्ये अधिकार बेहाय्येरे। अय कारणय अब ना ननिला नयने: काते जम्मा जातीला क्ये मंछला क्ये पयायेना बनावनी। इन्द घय खानी, ननिला आयला बब्बायेना, पयाव, और पवित्र आत्मा क्ये नामय तिया पवित्र डुबकी लावबाहेना। जो खानी नाय ननिला आज्ञा बेहाय्ने आय जम्मा बतकाव्ला मान्यो को व्हा और ननिला आयला सिखावको व्हा। याद थानी, ना हमेसा ननिला हंगे गुहा। ”

![](https://cdn.door43.org/obs/jpg/360px/obs-en-42-11.jpg)

यीशु क्ये सितर्या दी जीवतो हिक्ये चालीस ध्यंग क्ये बाद, आय पान पयावसिला नासी, “जब झानी ना बब्बाये ननिला शक्ति हां जिबयरे तब झानी यरूशलेम या कुहानी। व्हाई ननिला पर पवित्र आत्मा घाल्वो क्ये जरियाय इन्द खयरिव। ” तब यीशु स्वर्ग या ओक्का, और डा देहोय आय आयला मिक्ये सिला दी चिलुपे। स्वर्ग या यीशु जम्मा चीज लाया शासन घय खानी परमेश्वर क्ये दायो और होये।

*मत्ती 28 : 16 – 20 ; मरकुस 16 : 12 – 20 ; लूका 24 : 13 – 53 ; यूहन्ना 20 : 19 – 23 ; 1 : 1 – 11 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_42_128kbps.m4a

## 43. कलीसिया सुरु हिय्ये

https://openbiblestories.org/l/jnl-x-vanrawat/story-43/

![](https://cdn.door43.org/obs/jpg/360px/obs-en-43-01.jpg)

यीशु क्ये स्वर्ग दी लोटीवते बाद, आयक्ये पयावसिला यरूशलेम या रुकिव्वासी जोह्हो कि यीशु य आदेस बेस्यासी। व्हाइय्या भरोसा क्ये मंछला लगातार डा हंगे विनती घय खानी इकट्ठा हिय्येसी।

![](https://cdn.door43.org/obs/jpg/360px/obs-en-43-02.jpg)

हर बरेहे, फसह क्ये त्यौहार क्ये पचाह ध्यंङ क्ये बाद, यहूदी मंछला पिन्तेकुस्त नामु क्वो डा भोत जरुरी ध्यंङ मनाव्वेरे। पिन्तेकुस्त व्हाई समय ही जब यहूदी मंछला घुमंङ क्ये काट्टोको मनावन्याहे। जम्मा दुनिया क्ये यहूदी क्ये मंछला पिन्तेकुस्त क्ये ध्यंङ क्ये डा हंगे मनाव खानी यरूशलेम या पिय्येसी। अय बरेहे, पिन्तेकुस्त मनाव क्ये समय यीशु क्ये स्वर्गया कातर्या क्ये लगभग डा हप्ता बाद पिय्ये।

![](https://cdn.door43.org/obs/jpg/360px/obs-en-43-03.jpg)

जो समय जम्मा भरोसा क्ये मंछला डा हंगे इकट्ठा हिय्येसी, त्ये जो नावया व्हाइला ही अचानक व्हाइय्या तेज हव्वा क्ये आवाजय भरिव्वा। तब मह्य क्ये लपटावला क्ये जोह्हो दिख्खोको वालो थोड़ा जम्मा बरोसा जिघय वालोला क्ये गरासिला क्ये ठाय प्रकट हिय्ये। व्हाई जम्मा पवित्र आत्माय भारव्वेसी और आयलाय और भाशालाय परमेश्वर क्ये गुणगान खय्याहे। अय व्हाई भाशा ही जो हाआ खानी आयला पवित्र आत्माय सफल जिघय्येसी।

![](https://cdn.door43.org/obs/jpg/360px/obs-en-43-04.jpg)

जब यरूशलेम या जिघुहा वालो मंछलाय आय काल्ला क्ये कुम्हाहे, तो व्हाई भीड़ अय दब्बो खानी डा हंगे पिय्येसी कि हांग ही हार खयते। आयलाय भरोसा जिघय वालोला क्ये परमेश्वर क्ये जरियाय खयतर्या बयना – बयना काम क्ये घोषणा घयक्वो कुन्हाहे। व्हाइला अचम्भ हिय्येसी हान्खानी कि व्हाइला आय काम क्ये पान भाषासिलाया गुन्हेहासी , पयाला घयनु देह दी ही और पानक्ये मात्र भाषासिला हाआनेसी।

![](https://cdn.door43.org/obs/jpg/360px/obs-en-43-05.jpg)

आयला दी घयनु मंछलाय चिनेसी कि व्हाई प्याला नश्शाया व्हाई। पर पतरस ठाड्डो हिय्ये और आय चिनेसी “ना बतकावे कुन्हेनी! अय मंछला नश्शाया हां व्हाय! अयक्ये बजाय, जो ननी दब्बो स्यारे व्हाय व्हायल ही जो योएल भविष्य जिघय वालोय नेस्यासी कि हिरी: परमेश्वर य चिनेसी, ‘बाद क्ये ध्यंङय, ना पान आत्माये तोनेरिव। ’”

![](https://cdn.door43.org/obs/jpg/360px/obs-en-43-06.jpg)

“हे इस्त्राएली पयला, यीशु डा इन्द मंछ ही जोय घयनु झिक्क अनोखा कामला खय्यासी अय दिखाव खानी कि व्हाई हु ही। आय परमेश्वर क्ये शक्ति य घयनु झिक्क अद्भुद कामला क्ये खय्यासी। नानी अय देहेयेरे, हान्खानी कि ननिलाय अय कामला क्ये चेपोस्यायेरे। पर ननिलाय आय क्रूस या चिचड़ाव्वाहे!”

![](https://cdn.door43.org/obs/jpg/360px/obs-en-43-07.jpg)

“यीशु सिय्ये पर परमेश्वर य आय सितर्या दी जीवतो जिघा। आय अय बतकाव क्ये पुरो खय्या जोय डा भविष्य जिघय वालोय लिख्खो तर्या ही: ‘नंङ पान पवित्र हेरगे कब्रया हुऊ हां स्याबेरिव। ’ नानी गवाह गुहाई कि परमेश्वर य यीशु क्ये फिर जीवतो जिघा। ”

![](https://cdn.door43.org/obs/jpg/360px/obs-en-43-08.jpg)

“परमेश्वर बब्बाव गय अब यीशु पान दाही और चिहाजोते सम्मान जिबे। और यीशु य नानी खानी पवित्र आत्मा घाल्लोस्यारे जोह्हो कि व्हाई वादा खय हा कि व्हाई घाल्लोरिव। पवित्र आत्मायले अय कामला क्ये ही हाबे स्यायरे जोक्ये ननि दब्बोस्यायरे और गुन्हे स्यायेरे। ”

![](https://cdn.door43.org/obs/jpg/360px/obs-en-43-09.jpg)

“ननिलाय आय मंछ, यीशु क्ये क्रूस या चिचड़ाव्वाहे। पर निश्चित रुपय दहेनी कि परमेश्वर य यीशु क्ये जम्मा चीज ला क्ये प्रभु और मसीह नील जिबताव्वे!”

![](https://cdn.door43.org/obs/jpg/360px/obs-en-43-10.jpg)

पतरस क्ये जिगुन्हे वालो मंछलाय आयक्ये जरियाय नेतर्या बतकावक्ये भतोरी झानी चिहिल्लाव्वेसी। अय कारणय आयलाय पतरस और पयावसिला होदया, “हे भाव्वायेला, नानी हांङ घय चाहिय्यो?”

![](https://cdn.door43.org/obs/jpg/360px/obs-en-43-11.jpg)

पतरस य आयला जवाब जिबेसी, “ननी दी हर डा पानक्ये पापयना खानी पछतावा खयनी तबय परमेश्वर ननिला क्ये पापयना माफ़ जिघयरिबाय, और यीशु मसीह क्ये नामय तिय्या पवित्र डुबकी लगावनी। तब व्हाई ननिला वरदान क्ये रुपया पवित्र आत्मा जिबेरी। ”

![](https://cdn.door43.org/obs/jpg/360px/obs-en-43-12.jpg)

पतरस य जो चिनेसी आय पर लगभग हुउङग हजार मंछलाय भरोसा खय्याहे और यीशु क्ये पयावसिला बनिव्वासी। आयलाय तिय्या पवित्र डुबकी लगाव्वाहे और यरूशलेम क्ये कलीसिया क्ये हिस्सा बनिव्वासी।

![](https://cdn.door43.org/obs/jpg/360px/obs-en-43-13.jpg)

जब खास लाय आयला शिक्षाला जिबे त्ये भरोसा जिघय वालोलाय लगातार कुन्हाहे। व्हाइला अक्सर मिल्लोनेसी और डा हंगे जाको जानेसी, और आयलाय अक्सर डा नीमला खानी प्रार्थना खय्याहे। आयलाय मिल्लोते परमेश्वर क्ये गुणगान खय्याहे और जो लय आयला पाह ही आयलाय डा नीमला क्ये हंगे मार्ताहे। बस्ती क्ये हर डा मंछ आयला खानी निक्को बिचार तीथाहे। हर ध्यंङ, जिक्क होय जिक्क मंछला भरोसा घय तल कुहासी।

*घाल्लोतर्या क्ये काम 2 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_43_128kbps.m4a

## 44. पतरस और युहन्ना डा भिखारी क्ये निक्को खय्येरे

https://openbiblestories.org/l/jnl-x-vanrawat/story-44/

![](https://cdn.door43.org/obs/jpg/360px/obs-en-44-01.jpg)

डा ध्यंङ, पतरस और यूहन्ना मंदिर या कासी। डा लुल्या मंछ भीख भायक्ये खानी धेरया होय व्हा।

![](https://cdn.door43.org/obs/jpg/360px/obs-en-44-02.jpg)

पतरस य आय डूणया मंछ क्ये और दब्वा और ना, “ना पाहे नंङ बेखानी रुपय्या ता हां व्हा। पर ना पाहे जो व्हा व्हाई नंङ बेने। यीशु क्ये नामय, ह्य और ह्वा – फिरव!”

![](https://cdn.door43.org/obs/jpg/360px/obs-en-44-03.jpg)

तुरन्तल, परमेश्वर य आय डूङया मंछ क्ये निक्को खय्या। आय इन्डे - आंदे ह्व़ा क्ये और फाट्टो, और परमेश्वर क्ये गुणगान घयक्ये सुरु खय्या। मंदिर क्ये खङाहया मोजूद मंछला अचम्भ हिय्येसी।

![](https://cdn.door43.org/obs/jpg/360px/obs-en-44-04.jpg)

जल्दिले मंछला क्ये डा भीड़ आय मंछ क्ये दब्बो खानी पिय्येसी जो निक्को ही व्हा। पतरस य आयला नासी, “अय मंछ निक्को व्हा, पर अय बतकावय अचम्भ ता हिय्येसी ना। नानी अय पान शक्ति निक्को हां घय्याहे, या अय कारणय हां हा कि नानी परमेश्वर क्ये इज्जत घय्येरे। बल्कि, व्हाई यीशु ही जोय अय मंछ पान शक्ति निक्को जिघा, हान्खानी कि नानी यीशु पर भरोसा घय्येरे। ”

![](https://cdn.door43.org/obs/jpg/360px/obs-en-44-05.jpg)

“व्हाई ननिल चिहि जोलाय आय रोमी राजपाल क्ये यीशु क्ये हाते खानी नेस्याहे। ननिलाय आय चिहाताहे जो जम्माला क्ये जिंदगी जिबयरे। पर परमेश्वर आय सितर्या दी जीवतो जिघा। ननिलाय हां चिहमेज्याहे कि नानी हांङ घयस्यारे, पर जब ननिला आय काम क्ये घय स्यासी त्ये जो भविष्य जिघय वालोय नेतर्या व्हाई पुरो हिय्ये। आयलाय न्येस्यासी कि मसीह दुःख उठाववरिव और सीरी। परमेश्वर य अय आय तरीकाय ही हाबा। अय कारणय अब, पाप क्ये पछतावा खयनी और परमेश्वर या भरोसा खयनी, तबय व्हाई ननिला पापयना सिला साफ़ जिघय रिबाय। ”

![](https://cdn.door43.org/obs/jpg/360px/obs-en-44-06.jpg)

जब मंदिर प्रधान लाय पतरस और यूहन्ना क्ये बतकाव कुन्हाहे, त्ये व्हाइला जिक्क घबराव्वेसी। अय कारणय आयलाय अयला गिरफ्तार खयते जेलखानेया चिओङेसी। पर जो पतरस य चिनेसी आय दी झिक्क मंछलाय भरोसा खय्याहे। यीशु थाय भरोसा जिघय वालोला क्ये संख्या बड़वते लगभग पंङआ हजार हिय्येसी।

![](https://cdn.door43.org/obs/jpg/360px/obs-en-44-07.jpg)

गेंता ध्यंङ, व्हाई यहूदी क्ये प्रधान लाय पतरस और युहन्ना क्ये महान यहूदी बयाना पुजारी और अलग धर्म क्ये धर्म प्रधान ला क्ये सामनेया पिताहे। व्हाई आय मंछ लय पिताहे जो लुल्या ही। आयलाय पतरस और यूहन्ना होद्याहे, “हांङ शक्ति य ननिलाय अय लुल्या मंछ क्ये निक्को जिघाहे?”

![](https://cdn.door43.org/obs/jpg/360px/obs-en-44-08.jpg)

पतरस य जवाब जिबेसी, “अय मंछ जो ननिला सामने ठाड्डो व्हा आय यीशु मसीह क्ये शक्तिव क्ये जरियाय निक्को खय तर्या व्हा। ननिलाय यीशु क्ये क्रूस या चिचड़ाव्वाहे, पर परमेश्वर य आय फिर जीवतो जिघा! ननिलाय आय पान हां चिमान्याहे, पर यीशु क्ये शक्तिव क्ये अलावा पापाव दी छमा पाँव क्ये कोय और योंङ हां व्हा!”

![](https://cdn.door43.org/obs/jpg/360px/obs-en-44-09.jpg)

व्हाई प्रधान ला हेरान ही कि पतरस और यूहन्ना य झिक्क साहस य बतकाव खय्याहे। आयलाय दब्वाहे कि अयला साधारण पयला ही जो कि अनपङ ही। पर फिर आयला क्ये याद पिय्ये कि अय पयला यीशु क्ये हंगे रेहोतर्याला ही। अय कारणय आयलाय अयला नासी, “नानी ननिला भोत झिक्क सजा बेरिने अगर ननिला अय मंछ यीशु क्ये बारेया मंछला क्ये कोय और संदेस जिबय्येरेते। ” इन्द घयनु बतकाव नेते बाद, आयलाय पतरस और यूहन्ना क्ये गा हाबाहे।

*घाल्वो तर्या काम क्ये 3:1 – 4:22 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_44_128kbps.m4a

## 45. स्तिफनुस और फिलिप्पुस

https://openbiblestories.org/l/jnl-x-vanrawat/story-45/

![](https://cdn.door43.org/obs/jpg/360px/obs-en-45-01.jpg)

पयलो मसीही प्रधान ला क्ये बिचया स्तिफनुस नामु क्ये डा पयला ही। जम्मा मंछला आयक्ये इज्जत खयनेसी। पवित्र आत्माय आय झिक्क तड़ी और दिमाग बेतर्या ही। स्तिफनुस य घयनु चमतकारला खयतर्या ही। जब आय यीशु पर भरोसा घयक्ये बारेया आयला शिक्षा जिबेसी त्ये घयनु मंछलाय आय पर भरोसा खय्याहे।

![](https://cdn.door43.org/obs/jpg/360px/obs-en-45-02.jpg)

डा ध्यंङ, स्तिफनुस यीशु क्ये बारेया शिक्षा बेस्यासी, और इन्द कोई यहूदी ला पिय्येसी जोलाय यीशु पर भरोसा हां खयहाहे और आयला हंङगे माकय घयक्ये सुरु खय्याहे। व्हाइला झिक्क घुस्सा हिय्येसी, अय कारणय व्हाई यहूदी धर्म क्ये प्रधान ला क्ये पाह कासी और आयक्ये बारेया झूठी हाआसी। आयलाय चिनेसी, “नानी स्तिफनुस क्ये मूसा और परमेश्वर क्ये बारेया बुरो बतकाव कुन्हाहे!” अय कारणय यहूदी धर्म क्ये प्रधान लाय स्तिफनुस क्ये गिरफ्तार खय्याहे और आय महान यहूदी पुजारीला और यहूदियों लाक्ये दोहरो मंछला जो प्रधान ला ही आयला सामनेया पितेते पिय्येसी। और लय झूठी गवाह ला लय पिय्येसी और आयलाय स्तिफनुस क्ये बारेया झूठी हाआसी।

![](https://cdn.door43.org/obs/jpg/360px/obs-en-45-03.jpg)

महान यहूदी पुजारी य स्तिफनुस क्ये चिहोद्या, “हांङ अय मंछला नंङ बारेया हाच्ची हा हायरे? “स्तिफनुस य यहूदी पुजारी क्ये जवाब बेखानी घयनु बतकाव ला हाआ क्ये सुरु खय्या। आय चिनेसी कि अब्राहम क्ये समय दी यीशु क्ये समय झानी परमेश्वर य इस्त्राएल क्ये मंछला खानी घयनु अनोखा कामला घय स्यायरे। पर मंछलाय हमेसा परमेश्वर क्ये आज्ञा हां मान्योहे। स्तिफनुस य चिनेसी, “ननी मंछला परमेश्वर क्ये खिलाफ जिद्द और बिद्रोह जिघय वालोला चिहि। ननिलाय हमेसा पवित्र आत्मा क्ये हां चिहमेज्वाहे, जोह्हो कि नानी पित्रलाय हमेसा पवित्र आत्मा क्ये हां मान्योतर्या ही और हमेसा आयक्ये भविष्य जिघय वालोला हाताहे। पर जो आयलाय खय्याहे आयक्ये तुलनाया ननिलाय और लय बुरो जिघय्याहे! ननिलाय मसीह क्ये चिहाताहे!”

![](https://cdn.door43.org/obs/jpg/360px/obs-en-45-04.jpg)

जब आय यहूदी धर्म क्ये प्रधान लाय अय कुन्हाहे, त्ये व्हाइला अच्च गुस्सा हिय्येसी कि आयलाय पान गुना सिला बंद खय्याहे और उच्चो आवाज य चिल्लाव्वेसी। व्हाइलाय स्तिफनुस क्ये घसीट्योते बस्ती दी बाहारी काताहे और आय ह्आते खानी आय ढुङगला हानुव्वाहे।

![](https://cdn.door43.org/obs/jpg/360px/obs-en-45-05.jpg)

जब स्तिफनुस सी हा, व्हाई आवाज लगाव्वा, “हे यीशु, ना आत्माये क्ये कातेबे!” तब व्हाई पान घुटनावलाया गिरव्वे और फिर आवाज लगाव्वा, “हे प्रभु, अय पाप आयला ठाई ता लगाव्वाना। ” तब व्हाई सिय्ये।

![](https://cdn.door43.org/obs/jpg/360px/obs-en-45-06.jpg)

आय ध्यंङ, यरूशलेम या जिघुहा घयनु मंछलाय यीशु क्ये चेटा चिह्वा वालोला क्ये सताव क्ये सुरु खय्याहे, अय कारणय भरोसा जिघय वालो मंछला क्ये अलग जग्गालाया थावक्येसी। पर अयक्ये बावजूद लय, जाहा लय व्हाइला कासी आयलाय यीशु क्ये बारेया प्रचार खय्याहे।

![](https://cdn.door43.org/obs/jpg/360px/obs-en-45-07.jpg)

फिलिप्पुस नामु क्वो डा मंछ यीशु या भरोसा जिघय वालो ही। जोह्हो कि और घयनु भरोसा जिघय वालोलाय खय हाहे व्हाईलय यरूशलेम दी थावक्ये। व्हाइला सामरिया लाक्ये इलाकाया कासी। जाहा आय यीशु क्ये बारेया प्रचार खय्याहे। घयनु मंछलाय आय पर भरोसा खय्याहे और आयला क्ये पापावला दी माफी धराहे। डा ध्यंङ, फिलिप्पुस क्ये पाह परमेश्वर क्ये ओरय डा स्वर्गदूत पिय्ये और आय मांङगया गा खानी और डा योंङया ह्व़ा खानी चिने। फिलिप्पुस व्हाइय्या ओक्का। जब व्हाई आय योंङया ह्व़ा हा, तो आय डा मंछ क्ये पान रथावया गाहा चेपा। अय मंछ कुश देह क्ये डा बयना अधिकारी ही। पवित्र आत्माय फिलिप्पुस चिने कि काते आय मंछ क्ये हंङग – हंङग घे।

![](https://cdn.door43.org/obs/jpg/360px/obs-en-45-08.jpg)

अय कारणय फिलिप्पुस रथ क्ये पाह का। आय कुन्हा कि व्हाई कूशी परमेश्वर क्ये वचनावला पढव हा। जो भविष्य क्ये बतकाव जिब्ताव वालो यशायाह य लिख्खो तर्या ही व्हाई आय पढव हा। व्हाई पढव हा, “व्हाई आय बलि वालो भेड़े समान ज्याते, और जोह्हो डा भेड़े पयाव शांत हीरे, आय लय डा शब्द हां ना। आयलाय अयक्ये हंङगे निक्को व्यवहार हां खय्या और आयक्ये आदर हां खय्या। आयलाय आयक्ये परानाव ज्याते बा। ”

![](https://cdn.door43.org/obs/jpg/360px/obs-en-45-09.jpg)

फिलिप्पुस य आय कुशी होदया, “जो नंङ पढव स्यारे हांङ नंङ आय चिहमेजो लय स्यारे?” आय कुशी य जवाब जिबे, “हां हा। जब झानी कोई अय ना समझावरे, तब झानी ना आय हां समझो हाक्कोरिव। कृपा खयते ना पाह पिते होय। यशायाह पान बारेया लिख्खो हा या कोई और लिख्वा ?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथया चढ़वते होये। तब आय कुशी मंछ क्ये व्हाई बताव्वा जो यशायाह य यीशु क्ये बारेया लिख्खो तर्या ही। फिलिप्पुस य परमेश्वर क्ये वचनावला घयनु और हिस्साव ला क्ये चर्चा खय्या। अय कारणय, आय अय मंछ क्ये यीशु क्ये बारेया शुभ संदेह हागुन्हा।

![](https://cdn.door43.org/obs/jpg/360px/obs-en-45-11.jpg)

फिलिप्पुस और व्हाई कुशी ह्वाते ती क्ये पाह पिय्येसी। आय कूशी चिने, “दब्बो! अय्या ती व्हा! हांग ना तिय्या पवित्र डुबकी लाव हाकोवरे?” और आय रथ चिचलाव वालो रथ रोक्यो खानी ना।

![](https://cdn.door43.org/obs/jpg/360px/obs-en-45-12.jpg)

अब व्हाइला तिय्या ओक्कासी, और फिलिप्पुस य आय कूशी क्ये तिय्या पवित्र डुबकी चिलावबा। जब व्हाइला ती दी बहारी तोंङेसी, त्ये पवित्र आत्मा अचानकय फिलिप्पुस क्ये चिउट्ठाव्वे कोई और जग्गाया ज्याते। व्हाइय्या फिलिप्पुस मंछला क्ये यीशु क्ये बारेया बताव क्ये जारी थाहा।

![](https://cdn.door43.org/obs/jpg/360px/obs-en-45-13.jpg)

व्हाई कुशी पान नावता ओक्का। व्हाई खुश ही कि व्हाई अब यीशु क्ये दहेन्या।

*घाल्लो तर्या ला क्ये काम 6 : 8 – 8 : 5 ; 26 – 40 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_45_128kbps.m4a

## 46. पौलुस मसीह या भरोसा जिघय वालो बनिव्वा

https://openbiblestories.org/l/jnl-x-vanrawat/story-46/

![](https://cdn.door43.org/obs/jpg/360px/obs-en-46-01.jpg)

शाऊल नामु क्ये डा मंछ ही जोय यीशु पर भरोसा हां खय्युरे। जब व्हाई जवान ही, तब आय स्तिफनुस क्ये चिहाते वालो मंछला क्ये लत्तावला क्ये निगरानी खय्या। बादया, आय भरोसा जिघय वालोला क्ये सताव हा। आय यरूशलेम या नाव – नाव काते पयला और मठ्याला निम्लाक्ये गिरफ्तार खयते जेल लाया ओड़ासी। तब महान यहूदी पुजारी य शाऊल क्ये दमिश्क बस्ती या गा खानी अनुमति जिबे। आय व्हाइय्या मसीह या भरोसा जिघय वालोला क्ये गिरफ्तार खयते ओर आयला आपस यरूशलेम पिते खानी शाऊल चिने।

![](https://cdn.door43.org/obs/jpg/360px/obs-en-46-02.jpg)

अब शाऊल य दमिश्क गा क्ये यात्रा सुरु खय्या। आय बस्तिया लयगा होय थोड़ा पयलो,आयक्ये पाड़ी और आकाहे दी डा भोत तेज रोंङ चमकिव्वा, और व्हाई जमीनया गिरिक्या। शाऊल य हुईनु न्ये समय कुन्हा, “हे शाऊल! हे शाऊल! नंङ ना हान्खानी सताव स्यारे?” शाऊल य होदया, “हे प्रभु, नंङ हु चिहि?” यीशु य आय जवाब जिबे, “ना यीशु ही। नंङ ना सताव स्यायेरे!”

![](https://cdn.door43.org/obs/jpg/360px/obs-en-46-03.jpg)

जब शाऊल उठ्व्वे त्ये व्हाई दब्बो हां हाक्को हा। आयक्ये दोस्तावला आय दमिश्क कातेते कासी। शाऊल य हूंङ ध्यंङ झानी क्ये लय जा या तूंङ हां हा।

![](https://cdn.door43.org/obs/jpg/360px/obs-en-46-04.jpg)

दमिश्क या हनन्याह नामु क्वो डा पयाल ही। परमेश्वर य आय चिने, “आय नावता घे जाहा शाऊल गुहाहारे। पान हाकेगे आय पर थाना तब व्हाई फीर दब्बो हाक्कोरिव। ” पर हनन्याह चिने, “हे प्रभु, नाय गुन्हेहावरे कि अय मंछय भरोसा जिघय वालोला क्ये होखयते सताव हावरे। ”। परमेश्वर य आय जवाब जिबे, “घे! नाय आय यहूदियों ला क्ये और दोहरो जातीला क्ये मंछला हाते ना नामुये क्ये घोषणा घय खानी चुन्यो हावरे। व्हाई ना नामुये खानी झिक्क कष्ट उठावरीव। ”

![](https://cdn.door43.org/obs/jpg/360px/obs-en-46-05.jpg)

और हनन्याह शाऊल क्ये पाह का, पान हाकोव्ला आय पर था, और चिने, “यीशु य, जो अय्या जीबी वालो योंङ नंङ सामनेया दीखाव्वे , ना नंङ पाहे घाल्लो हाय्येरे कि नंङ फिर दब्बो स्याक्कोरिव, और पवित्र आत्माय नंङ जिभरवरी। ” तुरंतल शाऊल फिर दब्बो भंङगे, और हनन्याह य आय तिय्या पवित्र डुबकी चिलावबा। तब शाऊल य जाको जा और फिर ताकत मिल्वा।

![](https://cdn.door43.org/obs/jpg/360px/obs-en-46-06.jpg)

तब दी, शाऊल य दमिश्क या जिगुहा वालो यहूदियों लाक्ये बिचया प्रचार घय क्ये सुरु खय्या। आय चिनेसी, “यीशु ल परमेश्वर क्ये पयाव ही!” यहूदी मंछला हेरान ही, हान्खानी कि शाऊल य भरोसा जिघय वालोलाक्ये ह्आते क्ये कोशिश खय हा, पर अब आय यीशु पर भरोसा खय हा। शाऊल य यहूदियों लाक्ये हंङग माकय्येसी। आय दिखाव्वा कि यीशु ल मसीह ही।

![](https://cdn.door43.org/obs/jpg/360px/obs-en-46-07.jpg)

घयनु ध्यंङ क्ये बाद, यहूदियों लाय शाऊल हाते क्ये योजना पनाव्वाहे। आयलाय आय ह्आते खानी बस्ती क्ये द्वारलाया मंछ्ला क्ये घाल्वाहे। कि व्हाई क्ये निगरानी खयरे खयते पर शाऊल य आय योजना क्ये बारेया कुन्हा, और आयक्ये दोस्ताव्ला गय बहारी तोनेक्वोया आयक्ये मदद जिघय बा। डा गायरे आयलाय आय टोकरिया हाजोते बस्ती क्ये दिवार दी धी चिउत्वारा। दमिश्क दी बचिव तोंते बाद शाऊल य यीशु क्ये बारेया प्रचार घयक्ये जारी था।

![](https://cdn.door43.org/obs/jpg/360px/obs-en-46-08.jpg)

शाऊल खाश पयाला मिल्लो खानी यरूशलेम या का, पर व्हाइला आय खानी पाड़ीनेसी। तब बरनबास नामु क्वो डा भरोसा जिघय वालोय खाश पयाला क्ये पाह ज्याते। आय अयला बताव्वासी कि शाऊल य होख्यते साहस हाम्टेते दमिश्क या प्रचार खय्या। आयक्ये बाद, खाश पयाला शाऊल क्ये पान मान्याहे।

![](https://cdn.door43.org/obs/jpg/360px/obs-en-46-09.jpg)

भरोसा जिघय वालोला दी थोड़ा मंछला यरूशलेम क्ये सताव दी थावक्ये ह्वासी। व्हाइला दूर अंताकिया बस्तिया कासी और यीशु क्ये बारेया प्रचार खय्याहे। अंताकिया या जिगुहा वालो मंछला अधिकतर यहूदी ला हां ही। पर पय्लो बार या, आय दी झिक्क मंछला भरोसा जिघय वालोला बनिव्वासी। बरनबास और शाऊल यीशु पर भरोसा जिघय वालोला अय न्या मंछला क्ये यीशु क्ये बारेया और झिक्क सिखाव खानी व्हाईया कासी और यीशु पर भरोसा जिघय वालोला झुण्ड (कलीसिया) क्ये मजबूत खय्याहे। यीशु या भरोसा जिघय वालोला पय्लो बार अंताकिया याल “मसीही” चिनेसी।

![](https://cdn.door43.org/obs/jpg/360px/obs-en-46-10.jpg)

डा ध्यंङ, अंताकिया या मसीही मंछला बरत क्ये हंग प्रार्थना घय हाँसी। पवित्र आत्माय आयला चिनेसी, “ना खानी बरनबास और शाऊल क्ये आय काम घय खानी अलग खयनी जो घय खानी नाय आयला नोक्ये हाँसी। ” अय कारणय अंताकिया क्ये कलीसिया य बरनबास और शाऊल खानी प्रार्थना घय खानी और आयला पर पान हाकोवला था। तब आयलाय अयला और घयनु जग्गालाया यीशु क्ये बारेया शुभ संदेस क्ये प्रचार घय खानी घाल्वाहे। बरनबास और शाऊल य अलग – अलग जातिलाक्ये मंछला क्ये शिक्षा बेखानी, और घयनु मंछलाय यीशु पर भरोसा खय्याहे।

*घल्लो तर्या ला क्ये कामला 8:3; 9:1-31; 11:19-26; 13:1-3 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_46_128kbps.m4a

## 47. फिलिप्पी बस्ती या पौलुस और सीलास

https://openbiblestories.org/l/jnl-x-vanrawat/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल य पुरो रोमी साम्राज्य क्ये यात्राला खय्याहे त्ये व्हाई पान रोमी नामु “पौलूस” क्ये उपयोग घयक्ये सुरु खय्या। डा ध्यंङ, पौलूस और आयक्ये दोस्ताव सीलास फिलिप्पी बस्तीया यीशु क्ये बारेया शुभ संदेस हागुन्हे खानी कासी। व्हाइला बस्ती क्ये बहारी गांगे किनारय डा जग्गाया कासी जाहा मंछला प्रार्थना घय खानी इकठ्ठा हिय्येसी। व्हाइय्या व्हाइला लुदिया नामु को डा मठ्या हाते मिल्वासी जो डा ब्यापार जिघय वालो ही। व्हाई परमेश्वर हाते प्यार खयने और आयक्ये बतकावला मान्योने।

![](https://cdn.door43.org/obs/jpg/360px/obs-en-47-02.jpg)

परमेश्वर य लुदिया क्ये यीशु क बारेया संदेशावया भरोसा घय खानी मजबूत घय स्या। पौलूस और सीलास य आय और आयक्ये परिवाराव क्ये तिया पवित्र डुबकी चिलाव्बासी। आय पौलूस और सीलास क्ये पान नावया गुहा खानी न्योता बाहे, अय कारणय व्हाइला व्हाइय्या कुहासी।

![](https://cdn.door43.org/obs/jpg/360px/obs-en-47-03.jpg)

पौलूस ओए सीलास मंछला क्ये अक्सर आय जग्गा मिल्लोनेसी जाहा यहूदी मंछला प्रार्थाना खयनेसी। हर ध्यंङ जब व्हाइला व्हाइय्या कानेसी त्ये डा गुलाम गाड़ोङ जो दुष्ट आत्मा य बसया ही पापाव्ला दी आयला पीछा खयने। अय दुष्ट आत्मा क्ये जरियाय व्हाई मंछला क्ये भविष्य जिबतावनेसी, अय कारणय व्हाई भविष्य जिबताव वालो क्ये रुपया पान मालिकाव खानी झिक्क रुपय्याला कमावने।

![](https://cdn.door43.org/obs/jpg/360px/obs-en-47-04.jpg)

आयला गा समय अय गुलाम गाड़ोङ भोत काला खयने, “अय पयला जम्माला होय झिक्क बड़ीवतर्या परमेश्वर क्ये सेवक ला ही। अयला ननिला पापावला दी छुटकारा धरे क्ये योंङ जिबताव स्यायरे!” व्हाई हर ध्यंङ इन्द खयन्या जोह्हो कि पौलुस नाराज हिय्ये।

![](https://cdn.door43.org/obs/jpg/360px/obs-en-47-05.jpg)

बादया, डा ध्यंङ जब आय गुलाम गाड़ोय काला घयक्ये सुरु खय्या, त्ये पौलुस य आय और पल्टीवते आयक्ये भतोरी क्ये दुष्ट आत्मा ना, “यीशु क्ये नामय अयक्ये भतोरी दी घे। ” आयल समय आय दुष्ट आत्माय आय चिहाड्वा।

![](https://cdn.door43.org/obs/jpg/360px/obs-en-47-06.jpg)

आय गुलाम गाड़ोङ क्ये मालिकावला झिक्क गुस्सा हिय्येसी। आयला पत्ता हिय्ये कि बिन आय दुष्ट आत्मा क्ये व्हाई गुलाम गाड़ोङ मंछला क्ये भविष्य हां बताव स्याक्यो ही। अयक्ये मतलाबाव ही कि मंछला अब आयक्ये मालिकाव्ला पय्हा हां जिबेरी कि व्हाई आयला भविष्य बतावरिव कि आयला हंगे हांङ हिरी।

![](https://cdn.door43.org/obs/jpg/360px/obs-en-47-07.jpg)

अय कारणय आय गुलाम गाड़ोङ क्ये मालिकलाय पौलुस और सीलास क्ये रोमी अधिकारियों लाक्ये पाह काताहे। आयलाय पौलुस और सीलास क्ये हानुव्वाहे, और फिर आयला जेलखानाया ओड़ाहे।

![](https://cdn.door43.org/obs/jpg/360px/obs-en-47-08.jpg)

आयलाय पौलुस और सीलास क्ये जेलखानाया इन्द हिस्सावया थाहे जाहा सबसे झिक्क सिपाहिला ही। अय झानी कि आयलाय अयला भासिलाया काठङ क्ये बयना टुकड़ाया जोड़्याहे। पर पौलुस और सीलास आद्दा गायरे समय,। परमेश्वर क्ये गुणगान क्ये गित्तला लाह्यक्ये हांसी।

![](https://cdn.door43.org/obs/jpg/360px/obs-en-47-09.jpg)

अचानकय, डा भयानक भुयचाल हिय्ये! जेलखाना क्ये जम्मा धेरला घोयनेसी, और जम्मा केदिला क्ये जंजीर सिला घोयनेते गिरिक्यासी।

![](https://cdn.door43.org/obs/jpg/360px/obs-en-47-10.jpg)

तब अफसर ह्ये। आय दब्वा कि जेलखाना क्ये धेरला घोयनेतर्या व्हाई। आय हुच्वा कि जम्मा केदिला बेचोते थावकेसी। व्हाई पाड़ीय्ये कि आयला थावक्ये क्ये कारणय रोमी अधिकारिला आय चिहातेरी। अय कारणय व्हाई पानक्ये हाते खानी तेयार हिय्ये! पर पौलुस आय दब्बोते काला खय्या, “जगिव्वो! पान क्ये नुकशान ता खय। नानी जम्मा अय्याल गुहाय। ”

![](https://cdn.door43.org/obs/jpg/360px/obs-en-47-11.jpg)

आय दरोगाय काम्मोते पौलुस और सीलास क्ये पाह काते होदया, “पापला दी छुटकारा धरे खानी ना हांङ घय्यु?” पौलुस य जव्वाब जिबे, “प्रभु यीशु पर भरोसा खय, त्ये नंङ और नंङगे नाव वालोला पापला दी छुटकारा धरेरे। ” तब व्हाई अफसर य पौलुस और सीलास क्ये पान नावया काता और आयला काठी सिला सिलेबा। पौलुस य आयक्ये नावया जमा मंछला क्ये शुभ संदेह हागुनासी।

![](https://cdn.door43.org/obs/jpg/360px/obs-en-47-12.jpg)

अफसर और आयक्ये पूरो परिवारय यीशु ठाय भरोसा खय्याहे, अय कारणय पौलुस और सीलास य आयला तिय्या पवित्र डुबकी लगाव्बाहे। तब पौलुस और सीलास क्ये अफसर य जाको हायटासी, और व्हाइला डा हंगे खुश हिय्येसी।

![](https://cdn.door43.org/obs/jpg/360px/obs-en-47-13.jpg)

गेंता ध्यंङ बस्ती क्ये प्रधान लाय पौलुस और सीलास क्ये जेलखाना दी आजाद जिघय्ये और फिलिप्पी दी गा खानी चिनेसी। पौलुस और सीलास लुदिया और थोड़ा और दोस्तावला हाते मिल्वासी और आयक्ये बाद बस्ती दी ओक्कासी। यीशु क्ये बारेया शुभ संदेह फेलीवतल का, और कलीसिया बाड्डोतल का।

![](https://cdn.door43.org/obs/jpg/360px/obs-en-47-14.jpg)

पौलूस और दुहरो मसीही लाय प्रधान ला घयनु बस्तिला क्ये यात्रा खय्याहे। आयलाय मंछला क्ये यीशु क्ये बारेया शुभ संदेह हागुनाहे। आयलाय कलीसियाओं क्ये भरोसा जिघय वालोला क्ये गेंता बड़व खानी और शिक्षा बेखानी घयनु चिट्ठी ला लिख्वाहे। अय दी घयनु चिट्ठीला बायबल क्ये किताबला बनिव्वासी।

*घाल्वो तर्या ला क्ये काम्सिला 16 : 11 – 40 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_47_128kbps.m4a

## 48. यीशु ल वाद्दा खयतर्या मसीह ही

https://openbiblestories.org/l/jnl-x-vanrawat/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्वर य संसार क्ये पनाव्वा त्ये सेहांङ निक्को ही। क्ये पाप लय हां ही। आदम और हव्वा डा नीमला हंगे प्यार खयनेसी, और व्हाइला। परमेश्वर हाते प्यार खयनेसी। क्ये बीमार या सिको हां ही, परमेश्वर इन्दल संसार क्वो चाहोने।

![](https://cdn.door43.org/obs/jpg/360px/obs-en-48-02.jpg)

शेतान य माबू क्ये जरियाय बगिचाया हव्वा हाते बतकाव खय्या, हान्खानी कि व्हाई आय धोखा बे चाहोहा। तब हव्वा और आदम य परमेश्वर क्ये खिलाफ काते पाप खय्याहे। हान्खानी आयलाय पाप खय हाहे अय कारणय धरतिया जिगुहा वालो जम्मा मंछला सियरे।

![](https://cdn.door43.org/obs/jpg/360px/obs-en-48-03.jpg)

हान्खानी कि आदम और हव्वा य पाप खयहाहे, अय कारणय थोड़ा और लय बुरो हिय्ये। व्हाइला परमेश्वर क्ये दुश्मनाव बनिव्वासी। जोके परिणामाव क्ये रुपया, तब दी हर डा मंछ य पाप खय हावरे हर डा मंछ जन्मे दी ल परमेश्वर क्ये दुश्मनाव ही। परमेश्वर और मंछला क्ये बिचया शान्ति हां ही पर परमेश्वर शान्ति बनाव थाके चाहो हा।

![](https://cdn.door43.org/obs/jpg/360px/obs-en-48-04.jpg)

परमेश्वर य वाद्दा खय्या कि हव्वा क्ये डा संतानाव शेतान क्ये गराव कुचाल्लोरिव। आय अय लय चिनेसी कि शेतान आयक्ये भाव्या चिकयरी। दोहरो शब्द या, शेतान मसीह क्ये हातेरिव, पर परमेश्वर आय फिर जीवतो जिघयरी। अयक्ये बाद, मसीह शेतान क्ये शक्तिव हमेसा खानी खत्म खायरिबाव। घयनु बरेहे बाद,। परमेश्वर य प्रकट खय्या कि व्हाई मसीह यीशु ही।

![](https://cdn.door43.org/obs/jpg/360px/obs-en-48-05.jpg)

परमेश्वर य आय बिसेरय पान परिवाराव क्ये बचाववा जो व्हाई जिब्ते वालो ही। नुह डा नाव बनाव खानी ना कि व्हाई अय प्रकारय परमेश्वर य आय मंछला क्ये बचाव्वासी, जो व्हाई पर बरोसा खयनेसी। अय प्रकारय, व्हाई जम्मा परमेश्वर क्ये जरियाय सिको हकदार ही, हान्खानी कि आयलाय पाप खयहाहे। पर परमेश्वर य आय जम्मा ला बचाव खानी यीशु क्ये घाल्वा जो आय पर भरोसा खयनेसी।

![](https://cdn.door43.org/obs/jpg/360px/obs-en-48-06.jpg)

घयनु ह्ये बरेहे झानी, पुजारी जो परमेश्वर खानी बलिदान चड़ावतल कुहासी। अय दिख्खोरे कि मंछलाय पाप खय्याहे, और अय लय कि व्हाइला परमेश्वर क्ये जरियाय आयला सजा बेक्ये बराबर व्हाइ। पर व्हाइ बलिदान अयला पाप सिला क्ये माफ़ हां घय हाक्वाहे। यीशु जम्माला होय बयना महान यहूदी पुजारी ही। व्हाई अय खय्या जो कोई यहूदी पुजारी हां घय हाक्कोन्याहे। अय व्हाई डाठ्ठाला बलिदान ही खानी पानक्ये बा जो हर डा क्ये पाप सिला मिटाव हाक्कोन्या। आय मान्या कि परमेश्वर आय जम्माला क्ये पाप सिला खानी आय सजा बेरी। अय कारणय, यीशु महान यहूदी पुजारी हि।

![](https://cdn.door43.org/obs/jpg/360px/obs-en-48-07.jpg)

परमेश्वर य अब्राहम ना, “ना नंङ ग जरियाय संसार क्ये जम्मा जातीला क्ये आशीर्वाद बेरीव। ” यीशु अयल अब्राहम क्ये संतानाव ही। परमेश्वर य अब्राहम क्ये जरियाय जम्मा जातीला क्ये आशीर्वाद ब्वसिरे, हान्खानी कि जो यीशु पर भरोसा खय्येरे परमेश्वर आय जम्मा ला क्ये पाप लाय बचावसिरे। जब अय मंछला यीशु या भरोसा खय्येरे, त्ये परमेश्वर आयला क्ये अब्राहम क्ये संतानाव ला मान्योसिरे।

![](https://cdn.door43.org/obs/jpg/360px/obs-en-48-08.jpg)

परमेश्वर य अब्राहम ना कि व्हाई ना पानकल पयाये ही, आय खानी बलिदान खय। पर फिर परमेश्वर य इसहाक क्ये बदलेया बलि घय खानी डा भेडे पयाव जिबे। नानी जम्मा पान पापयना खानी सिक्ये हकदार गुहासी! पर परमेश्वर य नानी जग्गाया सी खानी यीशु क्ये बलिदान क्ये रुपया जिबेसी। अय कारणय नानी यीशु क्ये परमेश्वर क्ये पाठाव जोह्हो नय्येरे।

![](https://cdn.door43.org/obs/jpg/360px/obs-en-48-09.jpg)

जब परमेश्वर य मिस्त्र या अंतिम आफत घाल्वा त्ये आय हर डा इस्त्राएली परिवारला नासी कि व्हाइला डा पाठा क्ये बलि खयनी। आय पाठा या दोष हां ही चाहिय्यो। तब पानक्ये धेरसिला क्ये चोखट या ठाई और बगलया आयला आय हुई लगावको हिय्ये। जब परमेश्वर य आय हुई क्ये चेपा त्ये व्हाई आय नावला दी गेंताता बड़ीव्वा और आयला पयलो पयाव सिला क्ये हां हातासी। जब अय हिय्ये त्ये परमेश्वर य आय फसह क्ये त्यौहार ना।

![](https://cdn.door43.org/obs/jpg/360px/obs-en-48-10.jpg)

यीशु फसह क्ये त्यौहार क्ये डा पाठा जोह्हो व्हा। आय कभय लय पाप हां खय हा, अय कारणय आय क्ये लय गलत हां ही। व्हाई फसह क्ये त्यौहार क्ये समय या सिय्ये। जब कोई लय यीशु या भरोसा खयरे त्ये, तब यीशु क्ये हुईय्यु आय मंछ क्ये पापावला क्ये किमम्ताव चुकावरे। अय इन्द व्हा कि जोह्हो कि परमेश्वर आय मंछे दी हिते गेंत्ता बड़ीव्वा, हान्खानी कि व्हाई आय सजा हां बवरे।

![](https://cdn.door43.org/obs/jpg/360px/obs-en-48-11.jpg)

परमेश्वर य इस्त्राएली मंछला हाते डा वाचा खय्या, हान्खानी कि व्हाइला इन्द मंछला ही जो परमेश्वर य पानक्ये ही खानी चुन्यो हा। पर परमेश्वर य डा इन्द वाद्दा खय्या जो कि जम्मा ला खानी व्हा। अगर कोई लय जाती क्ये या कोई मंछ लय अय नय्या वाद्दा क्ये अपनावर त्ये व्हाई परमेश्वर क्ये मंछलाया शामिल हिरी। व्हाई इन्द अय कारणय खयरे हान्खानी कि व्हाई यीशु या भरोसा खयरे।

![](https://cdn.door43.org/obs/jpg/360px/obs-en-48-12.jpg)

मूसा डा इन्द भविष्य क्ये बतकाव जिबताव वालो मंछ ही जोय परमेश्वर क्ये वचनाव क्ये बड़ा जोर क्ये हंग प्रचार खय्या। पर यीशु जम्मा भविष्य जिबताव वालोला होय सबसे बयना ही। व्हाई परमेश्वर ही, अय कारणय जो लय खय्या और चिनेसी व्हाई परमेश्वर क्ये काम और वचन ला ही। अय कारणय पवित्र – शास्त्र या यीशु क्ये परमेश्वर क्ये वचन ला नय्येरे।

![](https://cdn.door43.org/obs/jpg/360px/obs-en-48-13.jpg)

परमेश्वर य राजा दाऊद हाते वाद्दा खय हा कि राजा क्ये रुपया आयक्ये डा संतानाव परमेश्वर क्ये मंछला हाते हमेसा खानी राज खयरिव। यीशु परमेश्वर क्ये पयाव और मसीह ही, अय कारणय व्हाई राजा दाऊद क्ये संतानाव ही जो हमेसा खानी राज घय हाक्कोरिव।

![](https://cdn.door43.org/obs/jpg/360px/obs-en-48-14.jpg)

दाऊद इस्त्राएल क्ये राजा ही, पर यीशु जम्मा जगत क्ये राजा ही! व्हाई फिर पीरी और हमेसा खानी न्याय और शान्ति क्ये हंग पानक्ये राज्य या राज खयरी।

*उत्पत्ति 1 – 3, 6, 14, 22; निर्गमन 12, 20; 2 शमुएल 7; इब्रानियों 3 : 1 – 6 , 4 : 14 – 5 : 10, 7 : 1 – 8 : 13, 9 : 11 – 10 : 18; प्रकाशितवाक्य 21 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_48_128kbps.m4a

## 49. परमेश्वर क्ये नय्या वाचा

https://openbiblestories.org/l/jnl-x-vanrawat/story-49/

![](https://cdn.door43.org/obs/jpg/360px/obs-en-49-01.jpg)

डा स्वर्ग क्ये दूताव गय डा ज्वान मठ्या मरियम क्ये ना कि व्हाई परमेश्वर क्ये पयाव जन्म बेरीव। व्हाई अत्तर कुवारिल ही, फिर पवित्र आत्मा आयक्ये पाह पिय्ये और व्हाई गर्भवती हिय्ये। आय डा पया क्ये जन्म बा जोक्ये नामु यीशु थाबा। अय कारणय, यीशु परमेश्वर और मंछ निह्ल व्हा।

![](https://cdn.door43.org/obs/jpg/360px/obs-en-49-02.jpg)

यीशु य घयनु चमत्कार ला खय्यासी जो चिहाम्टयरे कि व्हाई परमेश्वर ही। व्हाई तिय्या व्हा और आंधी क्ये शांत खय्या। आय घयनु बीमार मंछला क्ये निक्को खय्या और घयनु मंछला दी दुष्ट आत्माला बहारी तोनासी। आय सितर्या मंछला क्ये जीवतो खय्या , और आय पङआ लग्या और नि: माछाला क्ये पर्याप्त जाकोया बदेल्या जो पंङआ हजार मंछला हायटासी।

![](https://cdn.door43.org/obs/jpg/360px/obs-en-49-03.jpg)

यीशु डा महान मासाप लय ही। जो लय आय सिखाव्वेसी, व्हाई आय निक्को ढङगय चिसिखाव्वेसी। जो व्हाई मंछला घय खानी नेन्यासी व्हाई आयला घय चाहिय्यो हान्खानी कि व्हाई परमेश्वर क्ये पयाव ही। जोह्हो कि, आय चिसिखाव्वेसी कि ननिला और मंछला क्ये आयल रीती प्यार घयक्ये जरुरी व्हा जोह्हो ननी पानक्ये प्यार जिघय्येरे।

![](https://cdn.door43.org/obs/jpg/360px/obs-en-49-04.jpg)

आय अय लय चिसिखाव्वेसी कि ननिला जम्मा चिजला होय झिक्क और पानक्ये सम्पति होय झिक्क परमेश्वर क्ये प्यार घय चाहिय्यो।

![](https://cdn.door43.org/obs/jpg/360px/obs-en-49-05.jpg)

यीशु य चिनेसी कि संसार या कोई लय चीज पाव होय झिक्क निक्को व्हा, परमेश्वर क्ये राज्या गुहाय। आय्या राज्य या ननिला गा खानी जरूरी व्हा कि परमेश्वर ननिला ननिक्ये पापय ना दी बचावको।

![](https://cdn.door43.org/obs/jpg/360px/obs-en-49-06.jpg)

यीशु य चिनेसी कि थोड़ा मंछला आय अपनावरे। परमेश्वर आय मंछला क्ये बचावरिव। पर दोहरो मंछला आय हां अपनावरे। आय अयलय चिनेसी कि थोड़ा मंछला निक्को जमीन क्ये समान व्हाई, हान्खानी कि व्हाइला यीशु क्ये बारेया शुभ संदेह अपनावरे, और परमेश्वर आयला बचावरिवसी। पर थोड़ा मंचाला योंङ क्ये ठोस जमीन क्ये समान व्हाई। परमेश्वर क्ये वचनाव बिय क्ये समान योंङया गिरिक्योरे, पर व्हाइय्या क्ये लय हां उग्गोरे। अय मंछला यीशु क्ये बारेया संदेह क्ये हां मान्योयेरे। व्हाईला आयक्ये राज्या गा खानी मना खयरे।

![](https://cdn.door43.org/obs/jpg/360px/obs-en-49-07.jpg)

यीशु य चिसिखाव्वेसी कि परमेश्वर पापिला हाते झिक्क प्यार खयरे। व्हाई आयला क्ये माफ़ घयक्ये चाहोरे और आयला पानक्ये संतानाव बनाव क्ये हुच्चोरे।

![](https://cdn.door43.org/obs/jpg/360px/obs-en-49-08.jpg)

यीशु य अयलय जिबताव्वेसी कि परमेश्वर पाप हाते नफरत खयरे। हान्खानी कि आदम और हव्वा य पाप खयहाहे, अय कारणय आयक्ये जम्मा संतानावला गय पाप खय्याहे। अय संसारया जिगुहा वालो हर डा मंछ पाप खयरे और परमेश्वर होय दूर व्हा। हर डा मंछ परमेश्वर क्ये दुश्मन व्हा।

![](https://cdn.door43.org/obs/jpg/360px/obs-en-49-09.jpg)

पर परमेश्वर य अय संसारया जिगुहा वालो हर डा मंछ हाते अय रीतीय प्यार खय्या: आय पानक्ये डाठाला पयाव क्ये बासी ताकि परमेश्वर आयला क्ये सजा हां बेरीव जो आय पर भरोसा खयरे। अयक्ये बजाय, व्हाई आयला हाते हमेसा खानी कुहारे।

![](https://cdn.door43.org/obs/jpg/360px/obs-en-49-10.jpg)

ननिला सिक्ये हकदार ज्युस्याय, हान्खानी कि ननिलाय पाप घय स्यायेरे। ननिला हात परमेश्वर क्ये गुस्सा हिको निक्को व्हा, अयक्ये जग्गावया, व्हाई यीशु पर गुस्सा हिय्ये। आय यीशु क्ये क्रूस या सिक्ये सजा जिबे।

![](https://cdn.door43.org/obs/jpg/360px/obs-en-49-11.jpg)

यीशु य कभय लय पाप हां खय्या, पर आय परमेश्वर क्ये अय सजा बे हाबा। अय सी खानी मान्या। अय रीती, ननिला पापयना और अय संसार या जिगुहा वालो हर डा मंछ क्ये पापावला क्ये उठावते गाते खानी व्हाई डा निक्को बलिदान ही। यीशु य पानक्ये परमेश्वर खानी बलिदान खय्या, अय कारणय परमेश्वर कोय लय पाप क्ये, अय झानी कि भयंकर पापलाक्ये माफ़ खय्युरे।

![](https://cdn.door43.org/obs/jpg/360px/obs-en-49-12.jpg)

भले अगर ननिला घयनु निक्को कामला जिघय्येरे, त्ये अयक्ये जरियाय परमेश्वर ननिला हां जिबचावरी। आयक्ये दोस्ताव बनिव खानी इन्द क्ये लय हां व्हा जो ननिला घय स्याक्कोरे। अयक्ये जग्गावया, ननिला विश्वास घयक्वो व्हा कि यीशु परमेश्वर क्ये पयाव ही, और व्हाई ननिला बदेलाया क्रूसया सिय्ये, और अय लय कि परमेश्वर य आय फिर लय जीवतो जिघा। अगर ननिला अय पर भरोसा खयनी, त्ये परमेश्वर ननिला पापयना माफ़ जिघयरिबाय।

![](https://cdn.door43.org/obs/jpg/360px/obs-en-49-13.jpg)

परमेश्वर आय हर डा मंछ क्ये जिबचावरी जो यीशु पर भरोसा खयरे और आय पानक्ये प्रभु मान्योवरे। पर व्हाई आयला क्ये हां बचावरिव जो आय पर भरोसा हां खय्येरे। अयक्ये कोई मतलबाव हां व्हा कि ननी पय्हा वालो ज्युस्याय या गरीब ज्युस्याय, पयला ज्युस्याय या मठ्या ज्युस्याय, बूड़ीव्वो तर्या ज्युस्याय या जवान ज्युस्याय, या ननिला ग्वाहा जिगुहायरे। परमेश्वर ननिला हाते प्यार खयरे और चाहोर कि ननी यीशु पर भरोसा खयनी कि व्हाई ननिला दोस्त बनिव हाक्कोरिव।

![](https://cdn.door43.org/obs/jpg/360px/obs-en-49-14.jpg)

यीशु ननिला क्ये नोक्ये स्यायरे कि आय पर भरोसा खयनी और तीय्या पवित्र डुबकी लावनी। हांङ ननिला भरोसा जिघय्येरे कि परमेश्वर क्ये डा ठाला पयाव, यीशु ल मसीह ही? हांङ ननिला भरोसा जिघय्येरे कि ननि डा पापी ज्युस्याय और अय लय कि ननिला परमेश्वर क्ये जरियाय सजा क्ये हकदार ज्युस्याय? हांङ ननिला भरोसा जिघय्येरे कि नानिला पापयना मिटाव खानी यीशु क्रूस या सिय्ये?

![](https://cdn.door43.org/obs/jpg/360px/obs-en-49-15.jpg)

अगर ननिला यीशु या और आय ननिला खानी खय हावरे आय पर भरोसा जिघय्येरे, त्ये ननिला डा मसीह ज्युस्याय! शेतान पानक्ये ठेप्पे क्ये राज्य या अब ननिला पर राज हां खय्युरे। अब परमेश्वर पानक्ये रोंङ क्ये राज्य ननिला पर राज खयरे। आय ननिला क्ये पाप घय खानी चिरोक्यासी, जो ननिला जिघय नेसी। आय ननिला डा नय्या, निक्को जिंदगी जिबेसी।

![](https://cdn.door43.org/obs/jpg/360px/obs-en-49-16.jpg)

अगर ननिला डा मसीह ज्युस्याय त्ये जो यीशु य खय हावरे आयक्ये कारणय परमेश्वर य ननिला क्ये पापयना माफ़ जिघयरी बाय। अब, परमेश्वर ननिला डा दुश्मन हां हा पर डा घयरो दोस्त चिमान्योरे।

![](https://cdn.door43.org/obs/jpg/360px/obs-en-49-17.jpg)

अगर ननिला परमेश्वर क्ये दोस्त ज्युस्याय और प्रभु यीशु क्ये सेवक ज्युस्याय त्ये ननी आय बतकावक्ये पालन घयक्ये इच्छा जिघयरे जो यीशु ननिला क्ये सिखावस्यायरे। भले ननि डा मसीह ज्युस्याय, शेतान अत्तर लय पाप घय खानी ननीला क्ये परीक्षा खयरिव। पर परमेश्वर व्हाई खयरिव जो व्हाई हमेशा चिन्यरे कि व्हाई खयरिव। व्हाई चिन्यरे कि कि अगर ननिला पापयना क्ये चिमान्योयरे, त्ये व्हाई ननिला क्ये माफ़ जिघय रिबाय। व्हाई ननिला पाप क्ये खिलाफ राके खानी शक्ति जिबेरी।

![](https://cdn.door43.org/obs/jpg/360px/obs-en-49-18.jpg)

परमेश्वर य ननिला प्रार्थना घयक्ये और आयक्ये वचनाव पड़व खानी चिन्यरे। व्हाई ननिला दोहरो भरोसा जिघय वालोला क्ये हंगे मिल्लोते आयक्ये भक्ति घय खानी चिन्यरे। ननिला दोहरो मंछला लय बतावक्वो व्हा कि आय ननिला खानी हांङ खयहावरे। अगर ननिला अय जम्मा कामला क्ये खयनी, त्ये ननिला आयक्ये डा पक्का दोस्ताव जिबनिवरी।

*रोमियों 3 : 21 – 26 , 5 : 1 – 11 ; यूहन्ना 3 : 16 ; मरकुस 16 : 16 ; कुलुस्सियो 1 : 13–14 ; 2 कुरिन्थियों 5 : 17 – 21 ; 1 यूहन्ना 1 : 5 – 10 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_49_128kbps.m4a

## 50. यीशु वापस पिरे

https://openbiblestories.org/l/jnl-x-vanrawat/story-50/

![](https://cdn.door43.org/obs/jpg/360px/obs-en-50-01.jpg)

लगभग नि हजार बरेहे दी, संसारया जम्मा जग्गा लाया झिक्क होय झिक्क मंछला मसीह यीशु क्ये बारेया शुभ संदेह गुन्हे हासी। कलीसिया (यीशु पर भरोसा जिघय वालोला क्ये झुण्ड) बड़व हारे। यीशु य वाद्दा खय्या कि संसार क्ये अंतया वापस पीरी। हाच्चि व्हा कि व्हाई अत्तर लय वापस हां पिव्हारे, तब लय व्हाई पानक्ये वाद्दाव पूरों खय रिव।

![](https://cdn.door43.org/obs/jpg/360px/obs-en-50-02.jpg)

जब कि नानी यीशु क्ये वापस लौटिव क्ये इंतज़ार घय्येरे परमेश्वर य नानी अय रीती क्ये हाते जिंदगी गिव क्ये इच्छा थावरे जो पवित्र व्हा और जो आयक्ये आदर खय्युरे। जब यीशु धरती या गुहा हा तब आय चिनेसी, “ना पयायेला संसार क्ये जम्मा जग्गा क्ये मंछला परमेश्वर क्ये राज्याव क्ये बारेया शुभ संदेस क्ये प्रचार खयरी, और तब्बे अन्ताव पीरी। ”

![](https://cdn.door43.org/obs/jpg/360px/obs-en-50-03.jpg)

घयनु जातिलाय अत्तर झानी यीशु क्ये बारेया हां कुन्हे हाय्येरे। स्वर्ग या लोटीव होय पयलो, यीशु य मसीहियों ला आय मंछला क्ये शुभ संदेह हागुन्हे खानी नासी जोलाय अय कभय लय हां कुन्हेहाहे। आय चिनेसी, “घेनी और जम्मा जातीला क्ये मंछला पयायना बनाउनी!” और “काट्टो खानी गोड़ीला सिनेसी लय!”

![](https://cdn.door43.org/obs/jpg/360px/obs-en-50-04.jpg)

यीशु य अय लय चिनेसी, “कोई मंछ क्ये सेवकाव पान मालिक होय बयना हां हिरे। अय संसार क्ये ख़ास मंछलाय ना हाते नफरत खय्याहे, और ना कारणय व्हाइला ननिला लय चिस्तावरी और चिहातेरी लय। अय संसारया ननिला दुख्खे चिहिरी, पर मजबूत बनिवनी, हान्खानी कि नाय शेतान क्ये हराव्वा जो अय संसारया राज खय्युरे। अगर ननिला अंत झानी ना खानी भरोसा बनाव तिथारे, त्ये परमेश्वर य ननिला जिबचावरी!”

![](https://cdn.door43.org/obs/jpg/360px/obs-en-50-05.jpg)

यीशु य पान पयावला अय समझाव खानी डा कहानी हागुनाव्वा कि जब संसार क्ये अन्ताव हिरी त्ये मंछला क्ये हंगे हांग हिरी। आय चिनेसी, “कोई मंछय पान गोड़ीवया निक्को बिय्ये पाड़ीय्या। जब व्हाई इसे हा त्ये व्हाई क्ये दुश्मनाव पिय्ये और घुमंङ बिय्यला बिचया मांङको बोट्ट क्ये बिय्यला चिपाड़ीयासी , और फिर व्हाई ओक्का। ”

![](https://cdn.door43.org/obs/jpg/360px/obs-en-50-06.jpg)

“ जब बोट्ट ला भूताव्वेसी त्ये सेवकलाय आय मंछ चिने, ‘हे मालिक, नय ता पान गोड़ीगया निक्को बिय्यला चिपाड़ीया। त्ये फिर अय मांङ को बोटला हान्खानी व्हाई?’ आय मंछय जवाब जिबे, ‘केवल ना दुश्मनेला आयक्ये पाड़ी क्ये चाहोहासी। अय ना कोई दुश्मने ही जो इन्द खयहावरे। ’”

![](https://cdn.door43.org/obs/jpg/360px/obs-en-50-07.jpg)

“आय नौकर लाय पानक्ये मालिकाव जवाब बाहे, ‘हांङ नानी मानङ क्ये बोट्टला उखाड़ो चाय्यो? ‘आय मालिकय जवाब जिबे, ‘हांआहा। अगर ननिला इन्द जिघयरे त्ये ननिला थोड़ा घुमंङला लय चिऊखाङोड़े। काट्टो झानी इंतज़ार खयनी। तब मांङको बोट्टला गठ्टो या इकट्टा खयनी ननीला आयला पालो स्याकोरे। पर घुमंङ क्ये ना अन्न नावया पितेत लवनी। ’”

![](https://cdn.door43.org/obs/jpg/360px/obs-en-50-08.jpg)

पयाव ला गय अय कहानीव क्ये मतलबाव हां हमेज्वाहे, अय कारणय आयलाय यीशु क्ये आयला हमजाव खानी निवेदन खय्याहे, “निक्को बिय्ये चिपाड़ी वालो मंछ मसीह क्ये दिखाव रे। गोड़ीला संसार क्ये चिहाम्टयरे। निक्को बिय्ये परमेश्वर क्ये राज्याव क्ये मंछला क्ये चिहाम्टयरे। ”

![](https://cdn.door43.org/obs/jpg/360px/obs-en-50-09.jpg)

“मांङको बोट्टला आय दुष्ट मंछ, शेतान क्ये मंछला क्ये चिहाम्टयरे। आय मंछ क्ये दुश्मनाव शेतान क्ये चिहाम्टयरे, जोय मांङको बोट्टला पाड़ी हावरे। काट्टो अय संसार क्ये खत्म क्ये चिहाम्टयरे, और चीकाट्टो वालो परमेश्वर क्ये स्वर्ग दूताव क्ये चिहाम्टयरे। ”

![](https://cdn.door43.org/obs/jpg/360px/obs-en-50-10.jpg)

“जब संसार क्ये अन्ताव हिरी तब स्वर्ग क्ये दुतावला आय जम्मा मंछला क्ये डा हंगे इकठ्ठा जिघयरी जो शेतान क्ये व्हाई। व्हाई स्वर्ग क्ये दुतावला आयला डा हंगे झिक्कल घोनो महिय्या चिचोड़ेङी। व्हाइय्या व्हाई मंछला भयंकर सताव कोय करेरी और पान दारोसिला पिस्योरी। पर जो मंछला धर्म वालो ही, जो लाय यीशु क्ये चेटा – चेटा व्हासी, व्हाइ आयला परमेश्वर बब्बा क्ये राज्य या दिहो समान चमकिवरी। ”

![](https://cdn.door43.org/obs/jpg/360px/obs-en-50-11.jpg)

यीशु य अय लय चिनेसी कि व्हाई संसार क्ये अंत ही होय पयलो धरती या वापस पीरी। व्हाई आय तरीकाय वापस पीरी जोह्हो व्हाई काव्हा। अर्थाव व्हा कि, आयक्ये पाह असली हेराव हीरि, ओर व्हाई ह्अरग क्ये देहोला या सवार हीते पीरी। जब यीशु फरक्योते पिरे, त्ये हर डा मसीही जो सी व्हायरे सितर्या दी जीवतो हिरी और आय हाते ह्अरग या मिल्लोरी।

![](https://cdn.door43.org/obs/jpg/360px/obs-en-50-12.jpg)

तब जो मसीही अत्तर लय जीवतो व्हाई व्हाइला ह्अरग या उठाव तर्या कारी। आय दोहरो मसीहीयो ला हाते शामिल हिरी जो सी तर्या दी जीवतो हिय्येसी। व्हाई जम्मा यीशु क्ये हंगे हिरी। आयक्ये बाद, यीशु पान मंछला क्ये हंगे कुहारी। जब व्हाइला डा हंगे कुहारी त्ये आयला पाह हमेसा खानी जम्मा शान्ति हिरी।

![](https://cdn.door43.org/obs/jpg/360px/obs-en-50-13.jpg)

यीशु य आय पर भरोसा जिघय वालोला हर डा मंछ क्ये डा मुकुट बेक्ये वाद्दा खय हा। व्हाइला हमेसा खानी परमेश्वर क्ये हंगे हर डा चीज या राज खयरे। आयला पाह हमेसा पुरो शान्ति हिरी।

![](https://cdn.door43.org/obs/jpg/360px/obs-en-50-14.jpg)

पर परमेश्वर आय जम्मा ला क्ये न्याय खयरी जो यीशु पर भरोसा हां खय्येरे। व्हाई आयला क्ये नरक या चिओङेङी। व्हाईय्या व्हाइला करेरी और पान दारोसिला पिस्योरे, और व्हाइला हमेशा कष्ट या हिरी। कभय ना चिसरे वालो महिय्या आयला लगातार हुतल कुहारी, और कीड़ाला आयला जा खानी कभय ना जगिवरी।

![](https://cdn.door43.org/obs/jpg/360px/obs-en-50-15.jpg)

जब यीशु वापस लोटीवरे, त्ये व्हाई पूरो नियम्य शेतान क्ये और आयक्ये राज्याव क्ये खत्म खयरिव। व्हाई शेतान क्ये नर्क या ओड़ेड़ीव। व्हाइय्या शेतान क्ये हमेसा खानी हु तल कुहारी, आय जम्मा ला क्ये हंगे जोलाय परमेश्वर क्ये बतकाव मान्यो क्ये बजाय शेतान क्ये चेटा ह्व़ा क्ये चुनाव खय्याहे।

![](https://cdn.door43.org/obs/jpg/360px/obs-en-50-16.jpg)

हान्खानी कि आदम और हव्वा य परमेश्वर क्ये आज्ञाव क्ये पालन हां खय हाहे और पाप क्ये अय संसार या पितेते पिह्वासी, परमेश्वर य आयला श्राप जिबेसी और आयला खत्म घय क्ये फेसला खय्या। पर कोई ध्यंङ परमेश्वर डा न्या स्वर्ग और डा नय्या धरती क्ये रचना खयरिव जो निक्को हिरी।

![](https://cdn.door43.org/obs/jpg/360px/obs-en-50-17.jpg)

यीशु और आयक्ये मंछला आय नय्या धरती या कुहारी, और व्हाई हमेसा खानी जमा चीज लाया राज खयरिव। व्हाई मंछला क्ये मिक्के दी हर डा आँसू क्ये पुछोरी। अब कोई लय कष्ट या दुखी हां हिरी। व्हाइला हां करेरी। व्हाइला बीमार हां हिरी या सीरी हां हा। और व्हाइय्या कोई लय बुरो हां हिरी। यीशु पान राज्य क्ये न्यायपूर्वक, और शान्ति क्ये हंगे राज खय रिव। व्हाई हमेसा खानीं पान मंछला क्ये हंगे कुहारी।

*मत्ती 24 : 14; 28 : 18; युहन्ना 15 : 20, 16 : 33; प्रकाशितवाक्य 2 : 10; मत्ती 13 : 24 – 30, 36 – 42; 1 थिस्सलुनीकियों 4 : 13 – 5 : 11; याकूब 1 : 12; मत्ती 22 : 13; प्रकाशितवाक्य 20 : 10, 21 : 1 – 22 : 21 दी डा बायबल क्ये कहानिव*

Audio: https://git.door43.org/OBS-TLF/jnl-x-vanrawat_obs/releases/download/v1/jnl-x-vanrawat_obs_v1_50_128kbps.m4a