# unfoldingWord Open Bible Stories — Korku

- Language code: `kfq`
- Canonical page: https://openbiblestories.org/l/kfq/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Korku translation; it is not a translation of the whole Bible.

## 1. दुनीया आरुगा बारेन.

https://openbiblestories.org/l/kfq/story-1/

![](https://cdn.door43.org/obs/jpg/360px/obs-en-01-01.jpg?direct&)

इनी खिजा टे सेबेए चिजो सुरुवात डाखे डान कि, भगवान तुरुई दिनेन सेबेए चिजो आरुखे डान। डो डे बादोन, भगवान ओटे आरुखे डान कि, डो इनी ओटे अंदरा डो खालि टाखा डान । डो डी टेमोन चोजका बी हेबा आरु डुन का डान।फिनी भगवाना गा चोखा रावन डा’ गा लियेन हिनदाडी लक्केन डान।

![](https://cdn.door43.org/obs/jpg/360px/obs-en-01-02.jpg?direct&)

भगवान उजलायु मेनान मेटे उजलायेन डान। डो मेटे भगवान इनी डोए डो मेनान कि अच्चा का। डो डी उजला खे “दीया” मेंटोन मांडीखे । डी अंदरा खे भगवान अलग्गो आरुखे डो डी खे “राटो” मेनान। इनी खिजा टे भगवान सुरुवात गा आरुगा पेएला दिनेन उजला आरुखे डान।

![](https://cdn.door43.org/obs/jpg/360px/obs-en-01-03.jpg?direct&)

आरुगा दुसरा दिनेन भगवान मांडीखे डो ओटे लियेन इटा डा’ टे माठा डा’ खे अलग्गो खे डो आगासो आरुखे।

![](https://cdn.door43.org/obs/jpg/360px/obs-en-01-04.jpg?direct&)

आफेय दिनेन भगवान ओटे टेन डा’खे अलग्गो डाखे। डो लोखोड जागा खे ओटे मेनान। डो डा’ गोलाएन जागा खे समुन्दरा मेनान। इनी डो टे अच्चा का मेनान।

![](https://cdn.door43.org/obs/jpg/360px/obs-en-01-05.jpg?direct&)

भगवान मेनान कि, ओटे लियेन सेबेए रेंगो रेंगो सिंज झारा पाला फुल नाउर आरुयु, मेंटोन मांडीखे डो आरुयेन।मेटे इनी सेबेए डो टे अच्चा का मेनान।

![](https://cdn.door43.org/obs/jpg/360px/obs-en-01-06.jpg?direct&)

आरुगा उफुन दिनेन भगवान मेनान चांदो डो सुरोजो डो इफिलकु आरुयु, मेटे आरुयेन । डो इनी घल्या कि सुरोजो दिया खे उजला जेबा डो चांदो राटो खे उजला जेबा डो इनी खिजा टेन आरुएन।डो दिन डो ओरोसो खे चिचना घल्या, इनी सेबेए डो टे अच्चा का मेनान।

![](https://cdn.door43.org/obs/jpg/360px/obs-en-01-07.jpg?direct&)

मोनइ दिनेन भगवान मेनान डा’ गा तालान थानड जीव जन्तु आरुयु डो आफिर मिनकु चिडीया पंखुरकु खे आरुखे डो भगवान डो’ खे डो डिकुखे आसिरवाद जिखे।

![](https://cdn.door43.org/obs/jpg/360px/obs-en-01-08.jpg?direct&)

आरुगा तुरुइ दिनेन भगवान मेनान, ओटे लियेन सेन्द्रा मिनकु सेबेए रेंगो रेंगो जानवरकु आरुयु। डो इनि खिजा का डाएन । कइकु खिति कमाय घल्या हेएन। कइकु डोन्गोर जानवर कु डान। डो भगवान डोखे कि इनी अच्चा का मेनान।

![](https://cdn.door43.org/obs/jpg/360px/obs-en-01-09.jpg?direct&)

भगवान ओटे लियेन मिया कासागा कोरोखे आरुखेनेज डो इनी ओटेगा सेबेए जानवरकु डो ओटे लियेन अघीकार जीखे।

![](https://cdn.door43.org/obs/jpg/360px/obs-en-01-10.jpg?direct&)

भगवान मेनान, हेजागा रुपोन कासागा मिया कोरो खे आरुखेनेज डो कोरो खे जिवन गा सासो होलोम खे डो जिवन हेएन। डी का कोरो आदम डान। भगवान बगीचागा देखो रेखो डाडा घल्या आदम खे डोखेनेज डान।

![](https://cdn.door43.org/obs/jpg/360px/obs-en-01-11.jpg?direct&)

डी बगीचा तालान भगवान खास बरी सींज आरुखे डान।डो मिया जिवनागा सींज डो दुसरा भला बुरा चिचनागा सींज आरुखे डान।डो भगवान आदम खे मेनान भला बुरा चिचनागा सींज गा जोउ आराटेन इनी बगिचागा सेबेए चिजो गा जोउ बीना मामाटे जोजोम सकताबा।मेटे आम भला बुरा गा जोउ खे जोपे टसोन गोयुबा।

![](https://cdn.door43.org/obs/jpg/360px/obs-en-01-12.jpg?direct&)

मेटेन भगवान मेनान, इनी अच्चा बान कि कोरो खे एकला थनाड। तुनी बी जानवर आदम खे मदतो बान जीउ डाउ।

![](https://cdn.door43.org/obs/jpg/360px/obs-en-01-13.jpg?direct&)

मेटेन भगवान मेनान, इनी अच्चा बान कि कोरो खे एकला थनाड। तुनी बी जानवर आदम खे मदतो बान जीउ डाउ।डो भगवान आदम खे खोब दुनुम जीखे, डो डीजा टे मिया सिपीडी कोलाखे डो डी सिपीडी टेन बाइ खे आरुखेनेज, डो डीजा मेरान सालेनेज।

![](https://cdn.door43.org/obs/jpg/360px/obs-en-01-14.jpg?direct&)

मेटे आदम डीज खे डोखेनेज लाका। डीज मेनान चोफार टेन का बी इनी बाइ तो बी ईंया खीजा टाखा। चोजाकी डीज खे बाइ मेंटोन मांडीखे,डी बाइ कोरो का सिपीडी टेन आरुकेन मारे मिया कोरो, आंटे डो बटे खे आराटे डीकींज मिया का थानाड बा।

![](https://cdn.door43.org/obs/jpg/360px/obs-en-01-15.jpg?direct&)

भगवान हेजा रुपो टेन कोरो डो बाइ खे अरुखेनेज डीज डीकुखे आसीरवाद जीखे।डो मेनान कोनकु टेन कुरार गा कुरारकुटे भरटीयु। डो भगवान इनी सेबेए चीजो अरुटेन डोखे, मेटे मेनान कि सेबेए आच्चा का डो आरीयेन। इनी खीजा टेन तुरुइ दिनेन आरु डाएन।

![](https://cdn.door43.org/obs/jpg/360px/obs-en-01-16.jpg?direct&)

माखान एईया दिन हेएन मेंटोन भगवान डीजा कमाइ खे पुराखे डान। डे मारे भगवान डीजा पुरा कमाय टेन आरोंबो सावेन डान। डीज एईया दिन खे आसीरवाद जीखे डो चोखा आरुखे डान। चोजा की डीजा कमाय टेन आरोंबो सावेन डान। इनी खीजा भगवान दुनीया खे सेबेए चीजो खे आरुखे

*इनी बाइबल का आना सुटु का काक्डो टेन १-२*

## 2.दुनीया तालान आनुवा गुनुवा मुयेन

https://openbiblestories.org/l/kfq/story-2/

![](https://cdn.door43.org/obs/jpg/360px/obs-en-02-01.jpg?direct&)

भगवान डिकिंज घल्या बाडी आरु खे डान ।डी बाडी तालान आदम डो जापायेटे डो डिकिंज बेभाव आरिटेन पेडा लाकेन डान डिकिंज चोजका बी उरि डुन का डान फिनि डिकिंज घल्या चोजका बी लाजो हेबु डान चोजाकि डी टेंमोन दुनिया तालान अनुवा गुनवा हेका बाउ डान डिकिंज हर दीन का बाडी तालान हिंडाडि लाकेन डान डो भगवाना सेंगोन मांडि लाकेन डान।

![](https://cdn.door43.org/obs/jpg/360px/obs-en-02-02.jpg?direct&)

फिनि डी बाडी तालान मिया उसियार बिंज टाखानेज डान डी बाइ खे कोमाराखेंनेज चोज भगवान आमखे इनी बाडी तालाटे तुनि का बी जोउ बाकि जोजोम मेंटोन मेनान कि चोज ?

![](https://cdn.door43.org/obs/jpg/360px/obs-en-02-03.jpg?direct&)

डी बाइ जवाब जिखे भगवान आलिंज खे मेनान कि भला-बुरा चिचनागा ग्याना जोउ खे आराटे तुनी का बी सिंया जोउ खे जोजोम सकता बा भगवान आलिंज खे मांडि खे माका आपिंज डी जोउ खे उठा बा डो जोजोमबा टासोन गुजुबा का ।

![](https://cdn.door43.org/obs/jpg/360px/obs-en-02-04.jpg?direct&)

डी बिंज बाइ खे जबाब जिखे कि इनि सच्चो का की आम बान गुजु भगवान खे हडेइ की आम जोपे टासोन भला-भुरा ग्यान हाडेयुबा ।

![](https://cdn.door43.org/obs/jpg/360px/obs-en-02-05.jpg?direct&)

डी बाइ डी जोउ खे डो’टेन लालिचोयेन डीज ग्यानी बाइ आरुगा ईन्सा डायेन डो डिज डी जोउ खे जोपे डो डिजा डोटा टे खे बी चारा खे चोजाकि डी कोरो डिजा का सेगोंन टाखानेज डान डो इनिज डी जोउ खे जोपे डान ।

![](https://cdn.door43.org/obs/jpg/360px/obs-en-02-06.jpg?direct&)

अचानक डिकिंया मेड खुललायेन आलिंज नांगा का मेंटोन मलुमयेन डे बाडोन डिकिंया कोंबोर उगुर घल्या टकरा सुटे एरावेन डान ।

![](https://cdn.door43.org/obs/jpg/360px/obs-en-02-07.jpg?direct&)

मेटेन डी कोरो डो डिजा जपायटे बाडी तालान हिंडडी टेंमोन भगवाना आवाज अजुमये डी बारकिंज भगवाना टे उखुयेन मेटे भगवान डी कोरो खे हाखो लाज्जेन आम टुंगानेज ? आदम जबाब जिखे इंज बाडी तालान आमा आवाज आजोमटे इंज हिगरायेन चोजाकि इंज नांगा का डान डे मारेन इंज उखुयेन ।

![](https://cdn.door43.org/obs/jpg/360px/obs-en-02-08.jpg?direct&)

मेटे भगवान कोम्बरा खेनेज की, जे मेनान आम नंगा का इंज आमखे मांडि खे डान। चोज आम डी जोउ जोपे की चोज, डी कोरो जबाब जिखे। आम इनि का बाइ खे जिलेनेज डान,डिज का इंजखे जोउ जोजोमा जिले। मेटेन भगवान बाइ खे कोम्बराखेनेज आम चोज डाखे। बाइ मेनान इनि बिंज का इंजखे बाहेकाटिंजखेमि ।

![](https://cdn.door43.org/obs/jpg/360px/obs-en-02-09.jpg?direct&)

भगवान बिंज खे मांडि खे आमेन सारापो डायु , आम आमा लाज गा लिंयेज सेंदरा बा डो धुल्ला जोजोम बा आमा डो बाइ गा तालान दुसमानि हेजे बा। आमा कोनकु डो डी बाइ गा कोनकु दुसमानि डाउबा। बाइ गा पिडी कु, आमा कापार खे चिचेडेबा। डो डिकुगा नंगा खुरचु काबेबा ।

![](https://cdn.door43.org/obs/jpg/360px/obs-en-02-10.jpg?direct&)

मेटेन भगवान बाइ खे मेनान, इंज आमा कोनकु डाउ टेमोन आमा कासु खे खोब बडाटिंजयेबा । आम आमा डोटा खे खोब पिरोम डाडा बा । डो डिज आमा लियेंन राजो डाडाबा ।

![](https://cdn.door43.org/obs/jpg/360px/obs-en-02-11.jpg?direct&)

भगवान कोरो खेन मेनान की आम आमा जफाय गा मांडि आजुम खे डो इंया मांडि बान आजुम डु । नाका ओटेन सारापो घाटायेन डो आम खोब कमाया बोचोबा, फसल हेजे घल्या मेटे आम गोजुबा डो आमा कोंबोर कासा टे बेललाऊबा । डी कोरो डिजा जपाय खे हावा मेंटोन डिजा जिमु डोखे, डे गा मतलब जीवन गा मिठाज, चोजा कि सेबेइकु आंटे आरुबा । भगवान डिकिंज खे काटेडे अंगी उरीखे ।

![](https://cdn.door43.org/obs/jpg/360px/obs-en-02-12.jpg?direct&)

मेटेन भगवान मेनान नाका कोरकु जातो भला डो बुरा हाडेयेन आले खीजा आरुएन । मेटेन भगवान मेनान कोरकु जातोन भला बुरा हाडे टेन इंज खीजा आरुएन । डीकिंज जेनोमा जीवन गा सींया गा जोउ बाकि जोजुम होना डान । मेटेन भगवान डी सोबा बाडी टेन खेडाखेकिंज । भगवान आगासो खाड सत्तो मिठाज आगासो भागीया खे देखो रेखो घल्या डोखेनेज डान। डी जिवनगा सिंया गा जोउ बाकि जोजोम होना मेंटोन ।

*इनि बाइबला टेन का उत:३*

## 3. आंडि तुफान

https://openbiblestories.org/l/kfq/story-3/

![](https://cdn.door43.org/obs/jpg/360px/obs-en-03-01.jpg?direct&)

लेका सालो बादोन घनोज कोरकु इनी दुनीया टालान खुब बुरा कमाईटेन पेडालक्केन डान। डो भगवान का बीरोदेन बुराइ कमाइ लक्केन डान। मेटेन भगवान मिया विचार डाखे कि मिया खाड आडी टेन इनी दुनीया खे नानासो घल्या ।

![](https://cdn.door43.org/obs/jpg/360px/obs-en-03-02.jpg?direct&)

फिनी भगवान का दया नुहा लिएन टाखा डान चोजाकी डीज मिया धमी कोरो टाखा डान। बुरा कोरकु टालान पेडा लक्केन डान। मेटेन भगवान नुहा खे मेनान कि ईज मिया खाड जहाजो आरु घल्या मांडीखे।

![](https://cdn.door43.org/obs/jpg/360px/obs-en-03-03.jpg?direct&)

भगवान नुहा खे मेनान कि आम मिया जाहाजो आरुए। डो डी जाहाजो का लम्बा १४० मिटर होना, डो चोडाई २३ मिटर होना, डो उचा १३.५ मिटर होना। भगवान गा हुकोम टेन नुहा डी जाहाजो खे चाचाखान टेन आफिया भागो टे घोनोज खोली डो मिया खिडकी आरुखेन डान। चोजाकी आडी टेमोन नुहा डो डीजा कुटुम्बो डो सेबेए जानवर सेंगोन आच्चा टेन पेडा डाउबा ।

![](https://cdn.door43.org/obs/jpg/360px/obs-en-03-04.jpg?direct&)

नुहा भगवान खे ममनाटिंज खे । जेय्सा भगवान मांडिकेन डन डिफीर का डिज डो डिजा आफिया कोनकु डि जाहाजो खे आरुकेन डान । इनी जाहजो आरु अंटिन घोनोज साल घाएन डान । चोजाकि इनी खाड का डान । नुहा कोरकु खे आडी हेजे का बारेन घालकेन डान डो भगवान कोनेन इरा का मांडिकेन डान फिनी डिकु डिजा का हेबा आजोम डुन का ।

![](https://cdn.door43.org/obs/jpg/360px/obs-en-03-05.jpg?direct&)

भगवान एठा नुहा डो डिजा कुटुम्बोकु खे हुकुमो जिले की आपे डो आपे गा जानवर कु घल्या सेबेए आटा गोलाकी मेंटोन । नाका सेबेए डाएन बादोन भगवान नुहा खे मेनान आय डिजा अंटिन टेंमोन हेएन का । नुहा गा जपाय डो डिजा आफाया कोनकु डो डिकु गा जपायकु सेबेए कु डि जाहाज तालान एराय कु डान ।

![](https://cdn.door43.org/obs/jpg/360px/obs-en-03-06.jpg?direct&)

भगवान सेबेए जानवरकु टे मिया डाइ टे डो मिया बाइ टे डो पंखुरकु नुहा मेरान कुलकेन डन । चोजाकि डिकु आडी टेंमोन जाहाजो तालान आच्चा टेन थाडबा मेंटोन । भगवान सेबेए जानवरकु टे एइया डाइ डो एइया बाइ कु जानवर भेटो पेपेडज अंटिन थाडबा । मेटे डिकु सेबेए जाहाज तालान मुएन मेटे भगवान हेज का कुलुप केडकेन ।

![](https://cdn.door43.org/obs/jpg/360px/obs-en-03-07.jpg?direct&)

मेटे डा’ चालुएन , डो डा’ डा’ का डाएन । इनी खिजा चालिस दिन डो चालिस रातो वेगार बबंदो टेन चालुकेन डान । डा’ एठा औटे गा बालान औडजेन । डि सेबेए दुनिया डा’टेन भरटिएन डान । इफिर कि डि सेबेए खाड टेकडी बी नामबुरएन ।

![](https://cdn.door43.org/obs/jpg/360px/obs-en-03-08.jpg?direct&)

जो बी औटे लिएन टखा डान डि सेबेए गोएन डन । डि जाहजो तालान थाडबा कोरकु डो जानवरकु आवराटेन सेबेए कु गोएन डन । डि जाहाजो डा’ गा लिएन नांम्बुर टेन बचाटिंएन ।

![](https://cdn.door43.org/obs/jpg/360px/obs-en-03-09.jpg?direct&)

डा’ बबंदो बादोन, डि जाहाजो मोनाइ मेहेना टाएन डा’ गा लिएन टाका डान । डि टेंमोन डा’ बागे बागे इटान आगरुएन । मेटे मिया दिन डि जाहाजो मिया डोंगोरेन लिएन टेंगेन केन डन । फिनी डि दुनिया डा’ गा तालान का टाखा डान । आफिया मेहेना बादोन डि डोंगोर गा माठा डुगु लज्जेन ।

![](https://cdn.door43.org/obs/jpg/360px/obs-en-03-10.jpg?direct&)

एठा चलिस दिन बादोन, नुहा मिया कावडा खे बल्लान कुलकेन इनी डो’डो’ अंटिन की डा’ इटान आगरुएन की बान मेंटोन । डि कावडा आफिर टेन टुंगन बी लोखोड जागा हेबा घाटाडुन का डान ।

![](https://cdn.door43.org/obs/jpg/360px/obs-en-03-11.jpg?direct&)

बादोन नुहा एठा मिया पंखुर कबुतर खे बल्लान कुलकेन । फिनी इनी बी टुंगन लोखोड जागा हेबा घाटाडुन का डान डो डिज एठा इराएन । मिया हाप्ता बादोन एठा नुहा डि कबुतर खे कुलकेन डो इनी मिया जिता सिंया गा डांगो खे डिजा चाबु टेन साले डान !डि डा’ इटान आगरुएन डो झाराकु एठा बढाटिंएन ।

![](https://cdn.door43.org/obs/jpg/360px/obs-en-03-12.jpg?direct&)

नुहा डि दुसरा हाप्ता टेंगेनएन बादोन एठा डि कबुतर खे बल्लान आफिया टेंमोन कुलकेन डान । इनी टेंमोन डिज पेडा अंटिन जागा गाटाएन डो एठा हेबा इराडुन का । डि डा’ पुरा लोखोडेन डान ।

![](https://cdn.door43.org/obs/jpg/360px/obs-en-03-13.jpg?direct&)

बारि मेहेना बादोन भगवान नुहा खे मेनान , “ आम डो आमा कुटुम्बोकु डो सेबेए जानवरकु जो डि जाहाजो तालान टाखा कु नाका बल्लान औडजेन । घोनोज चेफनी कु साटो औटे लिएन भरटिएन ,” मेटे नुहा डो डिजा कुटुम्बो कु डि जाहाजो टेन बल्लन औडजेन ।

![](https://cdn.door43.org/obs/jpg/360px/obs-en-03-14.jpg?direct&)

नुहा जाहाजो आराकेन बादोन , डिज मिया वेदी भेटो पेपडेज अंटिन हर मिखोम जानवर कु टे आच्चा का ककलम खे । मेटे भगवान डि भेटो टेन आरिएन डो नुहा डो डिजा कुटुम्बोकु खे आसिरवाद जिखे ।

![](https://cdn.door43.org/obs/jpg/360px/obs-en-03-15.jpg?direct&)

भगवान मेनान ,“ ईज वादा खे की इनी खिजा एठा औटे खे साराप कोरकु गा आनुवा गुनुवा अंटिन हेबा जु । डो डा’ गा आडी टेन औटे खे हेबा नानासो, माखा कोरकु डि टेंमोन टेन डिकु गा चेफनी कु बी आनुवा गुनुवा डाडा लज्जेन ।

![](https://cdn.door43.org/obs/jpg/360px/obs-en-03-16.jpg?direct&)

मेटे भगवान डिजा वादा गा पेएला खोजो अंटिन टामखुलेंडा आरुएन हर टेंमोन बादडा लिएन टामखुलेंडा डुगुबा, मेटे भगवान डिजा वादा खे यापोबा डो डिजा कोरकु खे डिफिर का डाडा बा ।

*मिया बाइबल टेन आना उत ६-८*

## 4. अब्राहाम सेँगोन भगवान गा निवाय।

https://openbiblestories.org/l/kfq/story-4/

![](https://cdn.door43.org/obs/jpg/360px/obs-en-04-01.jpg?direct&)

आदिगा गोनोज साला बादोन इनि दुनिया तालान गोनोज जोर कोरकु एठा बडाटिँजयेन डो भगवान जो हुकुम जिले डान मिया इनि दुनिया तालान भराटियेन मेन्टोन । फिनी डिकु मिया का माँडि । माँडि लज्जेन डान। डिकु मिया खाड टेन गोलायेन डो सेएर आरुवेन।

![](https://cdn.door43.org/obs/jpg/360px/obs-en-04-02.jpg?direct&)

डि कोरकु खोब धमँडी टेन भरटिेएन डो डिकु गोलाटेन मिया खाड दिवाल आरुकेन । डि आगासो टायेन आदिरेन मेटे भगवान डोयेन की डिकु मिया का माँडि टेन मिया का कमाय लक्केन डो आनुवा गुनुवा डडा लक्केन डो ज्यादा बाकी आनुवा गुनुवा डडा होना ।

![](https://cdn.door43.org/obs/jpg/360px/obs-en-04-03.jpg?direct&)

मेन्टोन भगवान डिकुगा माँडि खे बदलाटिँज धल्या इनि दुनिया तालान धोनोज माँडि टे डिकु खे दुनिया तालान अलगो अलगो डाखे । डि सेएरेन आरु धल्या सुरु डाखे मिनि । डि खे बाबेल मेनचाले मेनबा । डेगा मतलब गडबड ।

![](https://cdn.door43.org/obs/jpg/360px/obs-en-04-04.jpg?direct&)

मिया साँडी साला बादोन भगवान अब्राहम जिमु मेँटोन मिया कोरो खे मेनान कि आम आमा देसो डो कुटुम्बो बाय टेन इँज जो देसो घालेबा डिजेन सेने । इँज आमखे आसिर्रवाद जेबा कि आमखे खाड पिडी आरुएबा । इँज आमा जिमु खाड आरुएबा । इँज आमखे आसिर्रवाद जेबा जो कोरो आमखे आसिर्रवाद जेबा । डो इँज सार्राप जेबा जे आमखे सार्राप जेबा आमा गा वजह इनिया दुनिया टालान सेबेए कुटुम्बो आसिर्रवाद घाटाउबा ।

![](https://cdn.door43.org/obs/jpg/360px/obs-en-04-05.jpg?direct&)

मेटे अब्राहाम भगवान हुकुम खे ममानाटिंज लज्जेन । डिज डिजा जफाय सारे डो डिज भागिया कु डो डिजा मेरान जो बी टाखा डान । डी सेबेए साटोन ओडजेन । जो भगवान घलखे डी टेसोन ओलेन डी देसो जिमु कनान का ।

![](https://cdn.door43.org/obs/jpg/360px/obs-en-04-06.jpg?direct&)

मेटे अब्राहाम कनान आदिरेन । डो भगवान मेनान कि इनि सेबेेए देसो गा उफुन कोना डोगे इँज आमखे डो आमा पिडी कु खे जेबा । आम डी गा हकदार आरुएबा । डो अब्राहाम डेन पेडा लज्जेन ।

![](https://cdn.door43.org/obs/jpg/360px/obs-en-04-07.jpg?direct&)

मिया दिन अब्राहाम मेलकिसिदाक टेन मिलाटिँजयेन । डिज खाड सत्तो भगवान मुखिया डान । डि मेलकिसिदाक अब्राहाम खे आसिर्रवाद जिखे डो मेनान खाड सत्तो भगवान जो की आगासो डो ओटे आरु मिठाज अब्राहाम खे आसिर्रवाद जेबा । मेटे अब्राहाम मेलकिसिदाक खे सेबेए जो डिजा मेरान टाखा डान डे गा दसवशँ जिखे ।

![](https://cdn.door43.org/obs/jpg/360px/obs-en-04-08.jpg?direct&)

घोनोज साल डायेन बादोन मखा अब्राहाम डो सारेन कोनकु हेबु डान । भगवान अब्राहाम खे मेनान की एठा वादा खे की आमेन कोन डाउबा। डो आगासो गा इफिल कु ओटो आसिर्वाद जेबा । डो अब्राहाम भगवान लिएन भरोसा डाखे । मेटेन भगवान अब्राहाम खे धिरोमि कोरो मेँटोन माँडि खे चोजा की डिज भगवान गा वादा लिएन इमान साले ।

![](https://cdn.door43.org/obs/jpg/360px/obs-en-04-09.jpg?direct&)

मेटे भगवान अब्राहाम सेँगोन मिया वायदा आरु खे । डी बारखियाँ तालान मिया ठहेराब थाडबा । भगवान मेनान इँज आमागा पचना टेका मिया कोन जेबा । इँज आमा पिडीकु खे कनान देसो जेबा । मखान अब्राहाम मेरान मिया बी कोनकु बान डान ।

*इनि बाइबला टेन उत:११:१५*

## 5. वादा गा कोनटे

https://openbiblestories.org/l/kfq/story-5/

![](https://cdn.door43.org/obs/jpg/360px/obs-en-05-01.jpg?direct&)

गेल साल डाएना बादोन अब्राहाम डो सारे कनान देसोन आदिरेन । डि टेमो टाएन मिया कोनटे बी हेबु डान । मेटे अब्राहम जपाए टे सारे खे मेनान नाका आयटाएन भगवान इँज खे मिया बी कोन जी डुन का बान। नाका इंज एठा सानिएन की कोनकु डाउगा बी लायेक बाने । डो एनेन इँया मिया भागिनी हागार टाखा नेज आम डिजा सेंगोन बियाव डाए डो इँया घल्या मिया कोनखे पेडाज ।

![](https://cdn.door43.org/obs/jpg/360px/obs-en-05-02.jpg?direct&)

मेटे अब्रहाम हागारा सेंगोन बियाव डाएन , हागार खे मिया कोन डाएन । डो अब्राहाम डिज खे इसमाएल मेंटोन जिमु डोखे। फिनी साराइ हागारा लिएन जलन डान । मेटे इसमाएल तेरा साला डाएन , डो भगवान अब्राहाम खे एठा मेनान ।

![](https://cdn.door43.org/obs/jpg/360px/obs-en-05-03.jpg?direct&)

भगवान मेनान, “ इँज का खाड सत्तो भगवान टाखा । इँज अमा सेँगोन मिया कानुन आरुबा मेटे अब्राहम इटान नाँगा सबजे । भगवान एठा अब्राहम खे मेनान आम घोनोज जाटो कोटुम्बो गा आबा आरुबा । इँज आम खे डो आमा पिडीकु खे कनान देसो जेबा डो इँज का डिकुगा जेनोमा गा भगवान आरुबा । आम आमा कुटुम्बो गा सेबेए कोरो जाटोगा कत्ना डडाबा ।

![](https://cdn.door43.org/obs/jpg/360px/obs-en-05-04.jpg?direct&)

आमा जपाय साराइ खे मिया कोन डाउबा , डिज वादा गा कोन आरुबा । डिजा जिमु इसहाक मेंटोन डोकि ।इंज डिजा सेंगोन इंया कानुन आरुबा । डो डिज मिया खाड जातो आरुएबा । इंज इसमाएल खे बी मिया खाड जातो आरुएबा , फिनी इंया कानुन इसहाक सेंगोन का थाडबा ” । मेटे भगवान अब्रम जिमु अब्राहाम मेंटोन बदलाटिंजखे , डि गा मतलब घोनोज कु गा आबा ” । भगवान साराइ जिमु बी बदलाटिंज खे डो सारा डोखे । डि गा मतलब “रानी ” ।

![](https://cdn.door43.org/obs/jpg/360px/obs-en-05-05.jpg?direct&)

डि दिन अब्रहाम डिजा कुटु्म्बोकु गा सेबेए कोरो जाटो गा कत्ना डाखे डान । मेटे मिया साला बादोन अब्रहाम मिया सड्डी साल गा डाहेन डान डो डिजा जपाए सारे नब्बे साला डान । मेटे सारे अब्रहाम गा मिया कोन खे जनम जिखे डान डिफिर का भगवान डिकिँज खे माँडी खे डान कि डिफीन का डिकीँज डिजा जिमु इसहाक डोखे ।

![](https://cdn.door43.org/obs/jpg/360px/obs-en-05-06.jpg?direct&)

मेटे इसहाक जवान आरुएन , भगवान अब्राहाम गा इमान खे पपरखाटिंज घल्या मेनान ,“ आमा मिया का कोन खे उठा टे ईया अंटिन भेटो पेपडेज साया ” । एठा अब्राहाम भगवाना गा मांडी खे ममनाटिंज अंटिन बेटो खे तीयारखेनेज ।

![](https://cdn.door43.org/obs/jpg/360px/obs-en-05-07.jpg?direct&)

अब्रहाम डो इसहाक भेटो पेपेडेज जागान सेने टेँमोन इसहाक कोकोँबारा लज्जेन डिजा बाटे खे कि आबा आपला मेरान भेटो पेपेडेजा घल्या चाखान टाखा फिनी मेँडा टुगाँनेज ? अब्रहाम मेनान ए इँया कोन भेटो पेपेडेजा घल्या भगवान हेजा हेजका जेबा ।

![](https://cdn.door43.org/obs/jpg/360px/obs-en-05-08.jpg?direct&)

मेटे डिकींज भेटो पेपेडेजा जागान आदीरेन लाका , अब्राहाम डिजा कोन इसहाक खे टोलखेनेज डो वेदी लिएन आडाटेन गिटीजकेनेज , डिज डिजा कोन खे गोगोजा टेंमोन भगवान मेनान,” चोचका बी हमला बाकी डि पोरया लिएन ! नाका इंज चिनाएन की आम इंज खे चोटो हिगराबा चोजाकी आम आमा मिया कोन खे बी हेबा डोडो लज्जेन ”।

![](https://cdn.door43.org/obs/jpg/360px/obs-en-05-09.jpg?direct&)

जिरीसा लांकान अब्राहाम मिया मेंडा खे झाडी तालान बाकेन तेन डो’एनेज । भगवान डि मेंडा खे जिखे नेज डान डो डिज कोन गा बदलान डिज मेंडा खे आरिटेन भेटो पेडेज खेनेज ।

![](https://cdn.door43.org/obs/jpg/360px/obs-en-05-10.jpg?direct&)

मेटे भगवान अब्रहाम खे मेनान कि आम सेबेए चिजो जिउ घल्या तीयार का एटो का बान आमा मिया का कोन खे बी जिउ घल्या तेयार डान , इंज आमखे आसिरवाद जेबा कि आमा गा पिडीकु वादडा गा इफिलकु टे बी जाय्दा आरुएबा ।चोजाकि आम इंया हुकुम खे मनाटिंज खे । नाका आमा कुटिम्बो टे दुनिया गा सेबेए कुटुम्बोकु खे आसिरवाद घाटोउबा।”

*इनि बाइबल टेन उत:16:22*

## 6. भगवान इसहक अंटिन जिखे

https://openbiblestories.org/l/kfq/story-6/

![](https://cdn.door43.org/obs/jpg/360px/obs-en-06-01.jpg?direct&)

मेटे अब्रहाम सानाएन डान । डो डिजा कोन इसहाक खाडजेन मेटे अब्रहाम डिजा मिया भगियाखे जो जागान डिजा किबलाकु पेडालक्केन डान । डिजा कोन इसहाक घल्या मिया जपाय आसि ओलेन ।

![](https://cdn.door43.org/obs/jpg/360px/obs-en-06-02.jpg?direct&)

घोनोज दिना बादोन अब्रहाम किबला कु पेडा लक्केन जगान डेन भगवान अब्रहाम गा भगिया टेन रिबीका मेँटोन मिया बाइ खे मिलाटिँजखेनेज । डि बाइ अब्रहामा डाइ टेगा कुरार टे डान ।

![](https://cdn.door43.org/obs/jpg/360px/obs-en-06-03.jpg?direct&)

मेटे रिबीका डिजा कुटुम्बो खे आरा घल्या तयार हेएन डो डि भगिया सेँगोन ओलेन । डि आदिरेन लाका इसहाक डिजा सेँगोन बियाव डाये।

![](https://cdn.door43.org/obs/jpg/360px/obs-en-06-04.jpg?direct&)

मिया खाड टेंमो बादोन, अब्राहाम गोएन डो भगवाना गा सेबेए वादा डिजा टेन डिजा कोन इसहाक मेरान औलेन डान । भगवान अब्राहाम खे गिनती हेबा डाउ खिजा पिडी आरुएबा मेंटोन मांडिकेन डान । फिनी इसहाक गा जपाय रिबीका मेरान मिया बी कोन हेबु डान ।

![](https://cdn.door43.org/obs/jpg/360px/obs-en-06-05.jpg?direct&)

इसहाक रिबीका घल्या प्राथना डाखे डो भगवान डिजा प्राथना आजुमखे डो जुडवा कोनकिँज खे लाजेन जीलेकीँज । डि बारी चाफनीकीँज रिबीका लाजा तालान हुँजू लक्के डान । मेटे रिबीका भगवान खे कोँबाराखे कि इँडी चोज डाउ लाक्केन ।

![](https://cdn.door43.org/obs/jpg/360px/obs-en-06-06.jpg?direct&)

भगवान रिबीका खे मेनान आमा लाजाटे आमा बारी कोनकीजँ मिया दुसरा टेन झगडाबा डो खाड कोन सनी कोना गा सेबा डाएबा ।

![](https://cdn.door43.org/obs/jpg/360px/obs-en-06-07.jpg?direct&)

मेटे रिबीका चफीनीकिंज खे जनम डाएन डि खाड कोनटे राटा डो हुप टेन बल्लान ओडजेन । डो डिकु डिजखे एसव मेँटोन जिमु डोखे । मेटे सनी कोनटे एसव गा नाँगा गा कुरचु उठा टेन बल्लान ओडजेन डो डिकु डिजखे याकुब मेँटोन जिमु डोखे ।

*इनि बाइबला टेन उत:24:1-25:26*

## 7. भगवान याकुब खे आसिर्वाद जिखे

https://openbiblestories.org/l/kfq/story-7/

![](https://cdn.door43.org/obs/jpg/360px/obs-en-07-01.jpg?direct&)

मेटे पोरयाकीँज खाड जेन लाका याकुब खोब उरान थाड घल्या इनसा डान । फिनी येसोव सिकार डडागा खोब इनसा डान । रिबीका याकुब खे पिरोम डडाबा फिनी इसहाक येसोव खे पिरोम डडा डान ।

![](https://cdn.door43.org/obs/jpg/360px/obs-en-07-02.jpg?direct&)

मिया दिन येसोव सिकार टेन हेएन । डिजेन खोब रगेँयेन डान । मेटे येसोव याकुब खे मेनान आम जो होँदार खे डेटे इँज खे सेगे । मेटे याकुब जबाब जिखे पेएला आमा खाड कोनटे गा अघिकार इँज खे होना । मेँटेन येसोव डिजा खाड कोनटे गा अघिकार जिखे । मेटे याकुब डिजखे डिजा आटा टे जारासा आटा जिखे ।

![](https://cdn.door43.org/obs/jpg/360px/obs-en-07-03.jpg?direct&)

इसहाक येसोव खे डिजा आसिर्वाद जिउगा इनसा डान । फिनी डिजा जिउ सुटु रिबीका डो याकुब विचार डावेन कि येसोव खे घोखा जिउगा । डो इसहाक सानायेना मारेन बराबर मेँड बान डो' डो' लज्जेन । मेटे याकुब बकरा गा कतडे गारदान डो टीन उरीवेन ।

![](https://cdn.door43.org/obs/jpg/360px/obs-en-07-04.jpg?direct&)

याकुब इसहाकगा मेरान हेएन डो इँज का येसोव मेँटो माँडी खे डो आम इँज खे आसिर्वाद जेबा मेँटोन हेएन । मेटेन बकरा गा कातडे उठा खे डो सुकीँज खे मेटे समाझटीँज कि इनिज का येसोव मेँटोन आसिर्वाद जिखे ।

![](https://cdn.door43.org/obs/jpg/360px/obs-en-07-05.jpg?direct&)

नाका येसोव याकुबा लियेन खिजो हेएन चोजा की याकुब डिजा खाड कोना अघिकार डो आसिर्वाद चुरीये डान । मेटेन डिकिंया बाटे गोएना बादोन डिज याकुब खे गोगोजा विचार डाखे ।

![](https://cdn.door43.org/obs/jpg/360px/obs-en-07-06.jpg?direct&)

फिनी रिबीका येसोव गा विचार आजोम खे लाका डिज डिजा किबाला कु पेडा जगान खाड लँका देसोन कुलखेनेज ।

![](https://cdn.door43.org/obs/jpg/360px/obs-en-07-07.jpg?direct&)

याकुब घोनोज साल रिबीका गा कुटुम्बो कु सेँगोन पेडाकेन डान । डी टेमोन डिज डिगान बियाव डाये डो डिजा बारा कोनकु डो मिया कोनजेय डान । भगवान डिज खे खाड डामा कोरो आरुखेनेज ।

![](https://cdn.door43.org/obs/jpg/360px/obs-en-07-08.jpg?direct&)

इसा साला बादोन याकुब डिजा कोनकु डो भागीया , भगीनि कु डो जानवर कु सेँगोन हेजा कानान देसोन इराएन ।

![](https://cdn.door43.org/obs/jpg/360px/obs-en-07-09.jpg?direct&)

याकुब खोब हिगरा लक्केन डान । चोजाकी डिज सोचोवेन की आय बी गोगोजा गा विचार लक्केन की चोज । मेटे घोनोज जनवार कु खे भेटो खिजा येसोव घल्या कुल खे डान । डी भगिया कु जे जानवार साले कि येसोव खे मेनान आमा भागिया याकुब इनि जानवार कु खे आम खे जिखे डिज झल्लो हेजे लक्केन ।

![](https://cdn.door43.org/obs/jpg/360px/obs-en-07-10.jpg?direct&)

फिनी येसोव सुटु का डिज खे माफि जिखे डान । डो डिकीँज मिया दुसरा टेन आरीएन मेटेन याकुब कनान देसोन साँती टेन पेडा लज्जेन । याकुब गा बाटे गोएना बादोन भगवान जो वादा डो कायदा इसहाक गा मेरान टाखा डान डि सेबेए याकुब गा मेरान हेएन ।

*इनि बाइबला टेन उत:25:27-33:20*

## 8. भगवान यीसुफ डो डिजा कुटुम्बो कु खे बचाटिँजखे

https://openbiblestories.org/l/kfq/story-8/

![](https://cdn.door43.org/obs/jpg/360px/obs-en-08-01.jpg?direct&)

घोनोज साल बादोन याकुब सानायेन । डिज डिजा लाडगा कोन यीसुफ खे मेनान कि आम सेने डो डो'गे की आमा डाइचो गइकु चाचारा लक्केन कि बान डोटे हेजे ।

![](https://cdn.door43.org/obs/jpg/360px/obs-en-08-02.jpg?direct&)

मेटे डिजा डाइटेटाकु यीसुफ खे डोयेनेज कइ डिकुन खोब खिजोहेएन । चोजाकी डिकुगा बटे यीसुफ खे ज्यादा लाड डान । डो डिज सपना डोवेन डान । चोजाकी डिकु गा अघिकारी आरुबा मेँटोन डि टेमोन डिकु डिज खे उठा खेनेज । डो डिजखे खुटाखेनेज डो भगीया खीजा बेपारी कु टिन किजी खेनेज ।

![](https://cdn.door43.org/obs/jpg/360px/obs-en-08-03.jpg?direct&)

डिजा डाइचो उरान सेने सुटु डिकु यीसुफ गा अँगी खे बकरा खे माखेनेज डो डिजा पचानान चपुच खे । डो डिजा बाटे मेरान उरान सये । डो मेनान की आमा लाडगा कोन खे डोँगोरा जनवारकु जोफेनेज । मेँटोन माँडिखे मेटे याकुब खोब दुक्कोयेन ।

![](https://cdn.door43.org/obs/jpg/360px/obs-en-08-04.jpg?direct&)

डि बेपारी कु यीसुफ खे मिसरा देसोन सालेनेज । डि मिसरा देसोन नील गडा दुरान खाड सत्तोदेसो टाखा डान । डि बेपारी कु यीसुफ खे मिया खाड सरदार डामा मिनकुन किजिखेनेज । मेटे यीसुफ डिजा मालिकोगा अच्चा सेवा डाखे डो भगवान डिजखे आसिर्वाद जिखे ।

![](https://cdn.door43.org/obs/jpg/360px/obs-en-08-05.jpg?direct&)

डिजा मालिकोगा जपाये डिजा सेँगोन गिटीजा कोसिस डाखे । फिनी यीसुफ भगवाना विरोदेन आनुवा गुनुवा डाडुन ।

मेटे डिज खिजोयेन डो यीसुफ खे लबाड माँडिटे इलजाम टोकाखे । डो जेला टालान केटखेनेज डो यीसुफ गा इमान भगवाना लिएन पक्का टेन टाखा डान डो भगवान डिज खे आसिर्वाद जिखे ।

![](https://cdn.door43.org/obs/jpg/360px/obs-en-08-06.jpg?direct&)

बारी साल लागा जेला टालनेज का डान । लाचार कोरो खिजा पेडा लक्केन डान । मिसरा गा राजा फिरोन मिया राटो सपना डोवेन डो डि सपनान डिजेन डुनुम का बान हेजे लक्केन डान । डो बेभाओ परीसान डाउ लक्केन डान । डि सपना गा मतलब डिजा मेरान पेडा मिनकु टे बी घगाल बान डाउ लक्केन डान ।

![](https://cdn.door43.org/obs/jpg/360px/obs-en-08-07.jpg?direct&)

डि सपनागा मतलब घगाल घल्या भगवान यीसुफ खे का अक्कल जिखे डान । मेटे राजा फिरोन यीसुफ खे जेला टेन बल्लान खोलायेनेज डो सपना गा मतलब राजा खे घलखे की । डि सपना गा मतलब इनी की एइ साल फसल डाउबा डो एइ साल अक्काल बोचोबा ।

![](https://cdn.door43.org/obs/jpg/360px/obs-en-08-08.jpg?direct&)

राजा फिरोन खे यीसुफ खोब अच्चा का घइेयेन । मेटे डिज डिजखे खाड मँत्री आरुखेनेज । डिज मिसरा देसोन सेबेइ कोरकु गा लिएन राजो डडा घल्या अघिकार जिखे ।

![](https://cdn.door43.org/obs/jpg/360px/obs-en-08-09.jpg?direct&)

डि एइ साला अच्चा फसल टेँमोन यीसुफ कोरकु खे मेनान की ज्यादा टे ज्यादा ओरोउ गोलाये डो डोये । फिनी इनि एइ साला आकाला टेँमोन कोरकु खे किजी खे बी डो अच्चा टे जोवेन बी ।

![](https://cdn.door43.org/obs/jpg/360px/obs-en-08-10.jpg?direct&)

डि आकाल मिसरा देसोन का बने फिनी कनान देसोन बी याकुब गा कुटुम्बो कु पेडा डान । डि जगान बी आकाल हेएन डान ।

![](https://cdn.door43.org/obs/jpg/360px/obs-en-08-11.jpg?direct&)

मेटे याकुब हेजा कोन कु खे आटा ससा मिसरा देसोन कुलखेकु । जब डिजा डाइ टेचो आटा ससागा टेँमोन डिजा मेरान टेगेन बान डान । फिनी डिकु यीसुफ खे चिना डुन । मखा यीसुफ डिकुखे चिनायकु ।

![](https://cdn.door43.org/obs/jpg/360px/obs-en-08-12.jpg?direct&)

यीसुफ डिजा डाइ टे चो खे डो'टे अजामा टिँज खे की डिकु बदलाटिँजयेन । डे बादोन डिज डिजा डाइचो टेन हेजागा बारेन घालखे डो मेनान की आपे हिगारा बकी आपे बुरा कमाय डाखे डान । डो इँजखे मिया भगिया खिजा किजीकिमी डान ।फिनी भगवान डी बुराइ खे अच्चा आरुखे । हेजे डो मिसरा देसोन पेडागे । इँज अाम डो आमा कुटुम्बो कु खे घल्या आटा जेबा ।

![](https://cdn.door43.org/obs/jpg/360px/obs-en-08-13.jpg?direct&)

मेटे यीसुफ गा डाइ टे चो उरान ओले । डो बटेटे खे मेनान । यीसुफ आय बी जीटा का टाखानेज । मेटे डिज खोब आरीयेन ।

![](https://cdn.door43.org/obs/jpg/360px/obs-en-08-14.jpg?direct&)

मका याकुब सनायेना बादोन बी डिज डिजा कुटुम्बोकु सेँगोन मिसरा देसोन पेडा घल्या ओले । डो डिकु सेबाइकु डेन पेडा लज्जेन डान । याकुब गुजु सुटु डिज डिजा कोनकु खे आसिर्वाद जिखे ।

![](https://cdn.door43.org/obs/jpg/360px/obs-en-08-15.jpg?direct&)

भगवाना गा वादा डो कायदा जो अब्राहामा मेरान टाखा डान । डी इसहाक मेरान ओले डो इसहाक टे याकुब मेरान ओले डो याकुब टे डिजा बारा कोनकु डो कुटुम्बोकु मेरान ओले नाका डी बारा कोनकु गा पिडीकु इसराएल देसोगा बारा जातो आरुएन ।

*इनि बाइबला टेन उत:37-50*

## 9. 9, भगवान मुसा खे हाकोएनेज

https://openbiblestories.org/l/kfq/story-9/

![](https://cdn.door43.org/obs/jpg/360px/obs-en-09-01.jpg?direct&)

युसूफ गोएना बादोन । डिजा कुटुम्बोकु गा किबला कु मिस्र देसोन का पेडा लज्जेन । डो डिकु डिजा गा पिडी कु घोनोज साल घल्या डेन पेडा लज्जेन । डो घोनोज चेफनीकु डाएन । डिकु खे इस्राएल कोरकु मेंटोन मेनबा ।

![](https://cdn.door43.org/obs/jpg/360px/obs-en-09-02.jpg?direct&)

मिया साड्डि साला बादोन । डि इस्राएल संख्या बेबाव खाड जेन । मेटे युसूफ जो सेबेए मदता कमाय डाखे डान । डि कमाए मिस्र देसो कु रिरिंयेन । डिकु इनी इस्राएल कु कोरकु खे हिगाराएन । चोजा की डिकु खाड झुंडो डान । मेटे मिस्र देसो गा राजा फिरोन डि टेमोन राजो डडा लक्केन डान । डि इस्राएल कोरकु खे भागिया खिजा मिस्र देसोन डोखे डान ।

![](https://cdn.door43.org/obs/jpg/360px/obs-en-09-03.jpg?direct&)

मिस्र देसो कु इस्राएल कोरकु खे घोनोज उरा पुरा देसोन आरु घल्या जोर जबरेन लक्केन डान । डिकु खाड कमाइ टेन लोकोमजेन बी मखान भगवान डिकु खे आसिरवाद जिखे डो एठा घोनोज चफनीकु डाएन ।

![](https://cdn.door43.org/obs/jpg/360px/obs-en-09-04.jpg?direct&)

डि राजा फिरोन इस्राएल कोरकु गा कोनकु खाडु लज्जेन डो'एनेज डो डिज डिजा कोरकु खे हुकुमो जिखे की । आपे इस्राएल कोरकु गा कोनकु खे निल गाडान टालान तेडपाटे गोजखु ।

![](https://cdn.door43.org/obs/jpg/360px/obs-en-09-05.jpg?direct&)

इस्राएल गा मिया बाई मिया कोन खे जनम जिखे डान । डिज डो डिजा ढोटा चोटो दिन उकु टेन डो सकता डान । डेटो दिन डोखेनेज ।

![](https://cdn.door43.org/obs/jpg/360px/obs-en-09-06.jpg?direct&)

मेटे डि पोरया अंटे बाटे डिज खे घोनोज दिन उकु टेन डेन डो डो बान डाएन का मेटे डिज गुजु टेन बबचाटिंज अंटिन मिया टोपली टालान डिज खे डोखेनेज डो निल गाडा टालान आराखेनेज । डो डिजा खाड बाई उकू टेन डो'डो' लज्जेन की डिजा गा चोज डाउबा मेंटोन ।

![](https://cdn.door43.org/obs/jpg/360px/obs-en-09-07.jpg?direct&)

फिरोन राजा गा मिया कोनजे डि टोपली टाला खुल्ला खे डो डो'एन । डेन मिया सनी बोको डान डो डिज खे हेजा कोन आरुएनेज । मेटे डि बाई गा भागिया चिना टे का मिया इस्राएल गा बाई डि का सनी बोको गा अंटे डान । मेटे डि पोरया जब खाड जेन आंटे गा डिडोम खे बान होना । मेटे डि बाई फिरोन गा कोनजे खे ईराकेनेज डो डिज खे मुसा मेंटोन जिमु डोखे ।

![](https://cdn.door43.org/obs/jpg/360px/obs-en-09-08.jpg?direct&)

मिया दिन जब मुसा खाड जेन । डिज डिजा इस्राेल जाटो गा मिया कोरो खे मिस्रा गा मिया कोरो मुमाडाटे डो'खेनेज डान । मुसा डो'खेनेज डि का लाका मुसा बबचाटिंज घल्या ओलेन ।

![](https://cdn.door43.org/obs/jpg/360px/obs-en-09-09.jpg?direct&)

जब मुसा सोचोएन कि जे का बि बाउ मेंटोन डो'एन । मिस्र कोरो खे गोजखेनेज डो गाडाटिंजखेनेज । फिनी मिस्रा देसो गा मिया कोरो इनी सेबेए डो'खे डान ।

![](https://cdn.door43.org/obs/jpg/360px/obs-en-09-10.jpg?direct&)

मेंटोन फिरोन राजान मालुमयेन डि मुसा चोज चोज डाखे डी सेबेए । मेटे डिज खे गोगोजा गा विचार डाखे मेटे मुसा मिस्र देसो टेन डो फिरोन गा सिपाइ कु टेन उकुटेन निडेन । डो डोंगोरेन पेडाकेन आपला जान बबचाटिंज घल्या ।

![](https://cdn.door43.org/obs/jpg/360px/obs-en-09-11.jpg?direct&)

मुसा मिस्र देसो टेन लेका लंकान मिया डोंगरा टालान मिया चचरा मिठांज आरुएन । डिज डि जागा मिया बाई टे डेन बियाव डायेन । डो बारी कोनकिंज डाएन ।

![](https://cdn.door43.org/obs/jpg/360px/obs-en-09-12.jpg?direct&)

मिया दिन जब मुसा डिजा मेंडाकु चचरा लक्केन टेंमोन डिज मिया जुलु लक्केन झाडि खे डोखे । फिनी डि झाडि हेबा इराजु लक्केन डान । मेटे मुसा डि झाडी मेरान अच्चाटेन डो'डो' घल्या ओलेन । जैसा डिज झाडी मेरान आदिरेन डि लाका भगवाना आवाज मांडी टेन हेएन ए मुसा । आमा नागा खोवडे कोलाकि चोजाकि आम जो ओटे टेन टेंगेन केन डि ओटे चोखा का ।

![](https://cdn.door43.org/obs/jpg/360px/obs-en-09-13.jpg?direct&)

भगवान मेनान इंज इंया कोरकु गा दुक्को डो'ये । इंज आमखे फिरोन राजा मेरान कुलेजबा । डो इस्राएल कोरकु खे डिकु गा गुलामि कमाए टेन मिस्रा देसोन टेन बल्लान कोलाकुबा । चोजाकि इंज डिकु खे कनान देसो जेबा । चोजाकि इंज अब्राहाम डो इसहाक डो याकुब टेन वादा डाखे डान ।

![](https://cdn.door43.org/obs/jpg/360px/obs-en-09-14.jpg?direct&)

मुसा भगवाना टेन कोम्ब्राखे की इंज कोरकु खे आमखे जे कुलमी मेंटोन कोमब्राएबा की इंज चोज मेंटोन मांडि बा ? मेटेन भगवान मेनान डिकु खे आम घाले । इंज जे वे इंज का । डिज का (भगवान ) आम डिकु खे एठा डिकु खे मांडिए । इंज का आम खे कुलखेनेज डान । इंज योहोवा आमा आजा आबा अब्रहाम , इसहाक, याकुब गा भगवान टाखा । इनी का इंया जोनोमा का जिमु टाखा ।

![](https://cdn.door43.org/obs/jpg/360px/obs-en-09-15.jpg?direct&)

मुसा हिगराएन चोजाकि डिज चोज विचारेन की इंज खे बराबार मांडि हेबाहाडेय । इंज चोफार टेन फिरोन राजा मेरान सेनेबा ? मेटे भगवान डिज खे मदत घल्या डिजा बोको हारुन खे बी कोमराखेनेज । मेटे भगवान डिकींज खे उसयार टेन थानाड घल्या मांडि खे । डो फिरोन राजा बी दिल खे पक्का खे ।

*इनि बाइबला टेन निरगमन१:४*

## 10. 10, गेल बीमारी गा

https://openbiblestories.org/l/kfq/story-10/

![](https://cdn.door43.org/obs/jpg/360px/obs-en-10-01.jpg?direct&)

मुसा डो हारुन फिरोन राजा मेरान ओलेन डो डिकींज मेनान इंया कोरकु खे सेनडाव जो इस्राएल भगवान मांडिखे । मेटे फिरोन डिकींया गा हेबा आजुमडून डो आरा गा बदलान डिकु खे जाय्दा खाड कमाइ बोझाटिंज खे ।

![](https://cdn.door43.org/obs/jpg/360px/obs-en-10-02.jpg?direct&)

फिरोन इस्राएली कोरकु खे हेबा आरा लक्केन डान । मेटे भगवान मिस्र देसोन खाड बडे काल गा डेंवडाड कोल्ले डि डेवडाल टे फिरोन राजा खे घालखे की मिस्र देसो गा पुरा देवी देवता टे डो फिरोन राजा टे बी खाड सत्तो भगवान जीटा का टाखानेज ।

![](https://cdn.door43.org/obs/jpg/360px/obs-en-10-03.jpg?direct&)

भगवान नील गाडा खे पचाना टे बदलाटींज खे फिनी फिरोन राजा इस्राएली कोरकु खे बान सेन डा डून का ।

![](https://cdn.door43.org/obs/jpg/360px/obs-en-10-04.jpg?direct&)

भगवान पुरा मिस्र देसो टालान डेड्डा कु खे कुल्लेकु मेटे फिरोन राजा मुसा खे विनती डाखे की इंगाटे इनी डेड्डा कु खे बल्लान कोलाकु । फिनी सेबेई डेड्डा कु गोएना बादोन फिरोन राजा गा दिल पक्काएन डो मिस्र देसोटेन इस्राएली कु खे बान सेने डा डून ।

![](https://cdn.door43.org/obs/jpg/360px/obs-en-10-05.jpg?direct&)

मेटे भगवान एठा चिकनि कु डेंवडाड कुल खे डे बादोन रुकु कु गा बी डेंवडाड कुल्ले डान । मेटे फिरोन राजा मुसा डो हारुन खे हाको खे डो विनती डाखे इनी चिकनी डो रुकु कु खे इंगा टे आतरकु मेटे इंज आमा कोरकु खे सेन डाएबा । मेटे मुसा भगवान मेरान पारथना डाखे डो सेबेई रुकु कु डो चिकनी कु बल्लान ओडजेन । फिनी फिरोन राजा गा दिल एठा पक्काएन डो इस्राएल कोरकु खे बान सेने डा डुन का ।

![](https://cdn.door43.org/obs/jpg/360px/obs-en-10-06.jpg?direct&)

डे बादोन भगवान मिया बिमारी कुल खे की मिस्र देसोन सेबेई कोरकु बिमारी मारे गोएन । फिनी फिरोन राजा गा दिल खे पक्का खे डान डो इस्राएली कोरकु खे बान सेने डा डून का ।

![](https://cdn.door43.org/obs/jpg/360px/obs-en-10-07.jpg?direct&)

मेटे भगवान मुसा खे मेनान की फिरोना सम्मान जिरीसा होप खे कोयो खिजा तेडपाये डिफिन का डिज डाखे मिस्र देसो कोरकु लियेन कतडे कासु रोगो पेडाएन फिनी इस्राएली कोरकु लिेएन मिया बी हेबु मेटे भगवान फिरोन राजा गा दिल खे पक्का खे डो एठा बी इस्राएल कोरकु खे हेबा सेन डा डुन का ।

![](https://cdn.door43.org/obs/jpg/360px/obs-en-10-08.jpg?direct&)

डे बादोन भगवान मिस्र देसोन घारा कुलले डो डि घाराटे सेबेई ओरो खे नासो खे डान । जे बी बलल्लान ओड जेन डान डिकु बी गोएन डान । फिरोन राजा मुसा डो हारुन खे एठा हाको लज्जेन डो मेनान की इंज आनुवा गुनुवा डाखे डो आपे सेने डाउबा डो मुसा भगवान टे पारथना डाखे मेटे घारा बोचो बंदोएन ।

![](https://cdn.door43.org/obs/jpg/360px/obs-en-10-09.jpg?direct&)

फिनी फिरोन एठा आनुवा गुनुवा डाखे डो डिजा दिल खे पक्का खे डो डिज इस्राएल कोरकु खे बान सेन डाडुन का ।

![](https://cdn.door43.org/obs/jpg/360px/obs-en-10-10.jpg?direct&)

मेटे भगवान मिस्रा देसो लिएन थोथोर कु गा डेंवडाल कुलले । डि थोथोर सेबेई ओरो जोफे डो घारा टेन बचाटिंज खे मिनी ओरो खे बी जोपे ।

![](https://cdn.door43.org/obs/jpg/360px/obs-en-10-11.jpg?direct&)

मेटे भगवान आफाई दिन टाएन अंदरा का डोखे डान । इनी एठा अंदरा डान की मिस्र देसो कोरकु उरा गा टे बल्लान सेने बी बान डाडून । फिनी इस्राएल कु जो जागान पेडा लक्केन डान डि जगान उजला का डान ।

![](https://cdn.door43.org/obs/jpg/360px/obs-en-10-12.jpg?direct&)

डि आराए डेंवडाड डाएना बादोन फिरोन राजा इस्राएल कोरकु खे मोकला हेबा आरा डुन का । फिरोन बान आजुम लक्केन डान मेटे भगवान आखरी डेंवडाड कुलखे डान डो डेटे फिरोना गा मन भगवान बदलाटिंयेन ।

*इनि बाइबला टेन निरगमन:5-10*

## 11. ओरो ईरगा टेमोन

https://openbiblestories.org/l/kfq/story-11/

![](https://cdn.door43.org/obs/jpg/360px/obs-en-11-01.jpg?direct&)

भगवान फिरोन खे उसार खेनेज मेंटोन डिज इस्राएली कोरकु खेन हेबा आरा लक्केन टासोन डिज मिस्र देसो गा सेबेए कोरकु डो जानवर कु गा पेएला डोखे कोन गुजुबा । इनी मांडि आजुम टेन बादोन बी भगवान लिएन इमान बान साडून डो डिकु खे बान आराडुन ।

![](https://cdn.door43.org/obs/jpg/360px/obs-en-11-02.jpg?direct&)

जो कोरकु भगवान लिएन इमान साले डिकुगा पेएला कोनकु बबचाटिंज घल्या मिया कोरो जिले डान । की हर मिया कुटुम्बो टेन मिया अच्चा कोन मेंडा टेन काकालामटेन डो भेटोकिंबा होना ।

![](https://cdn.door43.org/obs/jpg/360px/obs-en-11-03.jpg?direct&)

भगवान मेनान इस्राएल गा सेबेए कोरकु गा दरवाज गा चोखट लिएन मेंडा गा पचना हेंडा होना डो डि जिलु खे होंडार टेन विगार जवनी गा सोकडा होंडार टेन झल्लो का जोजोम होना । एठा डिज डिकु खे मेनान जब जुजुमबा मिस्र देसोटेन सेनेबा तियार ओडे ।

![](https://cdn.door43.org/obs/jpg/360px/obs-en-11-04.jpg?direct&)

जेय्सा भगवान डिकु खे हुकुम जिखे डान । डिफीन का डिकु डाखे । आघी राटोन भगवान मिस्र देसो गा सेबेए पेएला डोखे कोन खे गोगोजा घल्या ओलेन डान ।

![](https://cdn.door43.org/obs/jpg/360px/obs-en-11-05.jpg?direct&)

इस्राएल कोरकु गा सेबेए दरवाजा लिएन पचना टाखा डान । डि दरवाजा खे आराटेन सम्मान ओडजेन डो डिकु सेबेए कु उरा गा टालान टाखा कु मिनकु बचाटिंजएन । चोजाकि डिकु मेंडा गा पचना खे दरवाजा चोखट गा लिेएन हेंडा खे डान ।

![](https://cdn.door43.org/obs/jpg/360px/obs-en-11-06.jpg?direct&)

फिनी मिस्र देसो मिनकु भगवान हुकुमो खे बान ममानाटिंज डो डिजा लिएन बान साडू । मेटे भगवान डिकु उरा सम्मान टेन हेबा ओडडून का । मेटे भगवान मिस्र देसो गा सेबेए पेएला डोखे कोनखे गोज खे कु ।

![](https://cdn.door43.org/obs/jpg/360px/obs-en-11-07.jpg?direct&)

हर मिखोम मिस्रा देसो गा पेएला डोखे कोन कु गोएन । मेंटेन जेला टाखा कु मिनकु बी पेएला डोखे कोनकु गोएन । मिस्र देसो गा घोनोज कोरकु जाम गसार लक्केन डान ।

![](https://cdn.door43.org/obs/jpg/360px/obs-en-11-08.jpg?direct&)

डि का राटोन फिरोन राजा मुसा डो हारुन खे हाक्कोखेनेज डो मेनान इनी इस्राएल कोरकु खे झल्लो का मिस्र देसोटेन सायाकु मेंटोन मिस्र देसो कोरकु बी मेनान झल्लो का इनी कोरकु खेन सायाकु मेंटोन फिरोन मांडि खे ।

*इनी बाइबल टेन का आना निरगमन11:1-12:32*

## 12.निगर्रमन

https://openbiblestories.org/l/kfq/story-12/

![](https://cdn.door43.org/obs/jpg/360px/obs-en-12-01.jpg?direct&)

इस्राएल कोरकु मिस्रा देसो आवरा घल्या खोब आरि लज्जेन डान । डिकु नाका गुलामी खिजा हेबु डान । डो डिकु डी वादा गा देसोन चेलकेन डान । इस्राएल कोरकु खे मिस्रा देसो कोरकु सेबेए सोना , चांदी , हिरा , मोती किखे डान । कइ कोरकु दुसरा जातीकु बी भगवान लिएन इमान साले । डो इस्राएल कोरकु सेंगोन मिस्रा देसो खे बायटेन ओलेन ।

![](https://cdn.door43.org/obs/jpg/360px/obs-en-12-02.jpg?direct&)

डि सेंदरा टेंमोन भगवान डिकु सम्मा सम्मा मिया बादडा खंबा खिजा सेंदरा लज्जेन । डो डि खंबा राटो टेंमोन मिया सिंगेल खंबा खिजा सेंदरा लज्जेन । जेय्सा डिकु सेंदरा लक्केन डान डिफीन का भगवान बी डिकु सेंगोन ठाड लज्जेन डो सेबेए कु डिजा टाउन सेंदरा लज्जेन ।

![](https://cdn.door43.org/obs/jpg/360px/obs-en-12-03.jpg?direct&)

थोडा टेंमोन बादोन फिरोन जे डिजा कोरकु मना बादलाटिंजयेन डो डिकु एठा इस्राएल कोरकु खे वापस ससागा इनसा हेएन । मेटे भगवान फिरोन खे एठा दिल खे पक्का आरु खे । की डिज सच्चो भगवान खे डोडो होना डो समझाटिन होना । की यहोवा का खाड सत्तो भगवान , डो फिरोन राजा गा भगवान टे बी खाड सत्तो भगवान मेंटोन ससमजायीटिंज होना ।

मेटेन फिरोन डो डिजा सेनाकु इस्राएल कोरकु खे उठा घल्या डो एठा गुलामी आरु घल्या उठा ओलेन । जब मिस्र कोरकु खे डो'टे डेन चिनाए की डिकु एठा ओलेन उठा घल्या का । डि का टेंमोन डिकु राटा समुंदर मेरान कु डान । डि टेंमोन इस्राएल कोरकु बेबाव हिगराएन डो जाम लज्जेन । आले चोज मिस्र देसोटे बल्लान ओडजेन का ।

![](https://cdn.door43.org/obs/jpg/360px/obs-en-12-04.jpg?direct&)

मेटेन फिरोन डो डिजा सेनाकु इस्राएल कोरकु खे उठा घल्या डो एठा गुलामी आरु घल्या उठा ओलेन । जब मिस्र कोरकु खे डो'टे डेन चिनाए की डिकु एठा ओलेन उठा घल्या का । डि का टेंमोन डिकु राटा समुंदर मेरान कु डान । डि टेंमोन इस्राएल कोरकु बेबाव हिगराएन डो जाम लज्जेन । आले चोज मिस्र देसोटे बल्लान ओडजेन का ।

![](https://cdn.door43.org/obs/jpg/360px/obs-en-12-05.jpg?direct&)

मेटे मुसा इस्राेएल कोरकु खे मेनान आपे बाकी हिगरा । भगवान आपे घल्या लडाई बा डो आपे कु बबाचाटिंज बा । मेटेन भगवान मुसा खे मेनान की कोरकु खे घाले राटा समुंदर कोनेन सेंदराए ।

![](https://cdn.door43.org/obs/jpg/360px/obs-en-12-06.jpg?direct&)

मेटे भगवान डि बादडा खंबा खे इस्राएल डो मिस्र कोरकु गा मेंजो टेन सेंदरा लज्जेन की मिस्र कोरकु इस्राएल कोरकु खे बान डो' डुन सकता । मेंटोन भगवान मिया बादडा खंबा टेन इस्राएल डो मिस्र कोरकु गा टाला मेंजोटेन सेंदरा लज्जेन ।

7

![](https://cdn.door43.org/obs/jpg/360px/obs-en-12-07.jpg?direct&)

भगवान मुसा खे मेनान आमा टी खे मठान की समुंदर डा' बारी भागो आरुबा मेंटे भगवान डा'खे जेवना टि डो डाखरी टि कोनेन कोयाटेन अलोगो आरुएन । मेटेन डि समुंदर टेन मिया कोरा आरुएन ।

![](https://cdn.door43.org/obs/jpg/360px/obs-en-12-08.jpg?direct&)

मेटे इस्राएल कोरकु समुंदर गा डि डा'गा दिवाल आरुएन डो डि का लोखोड कोराटेन बल्लान ओडजेन ।

9,[1

![](https://cdn.door43.org/obs/jpg/360px/obs-en-12-09.jpg?direct&)

मेटे भगवान डि बादडा खंबा खे माठान टुलयेन चोजाकि मिस्रा सेनाकु इस्राएल कोरकु का बबचाटिंज डो'डो' सकता मेंटोन । मखान मिस्रा कु एठा डिकु गा टाउटेन साडुव लज्जेन ।

![](https://cdn.door43.org/obs/jpg/360px/obs-en-12-10.jpg?direct&)

मेटेन डिकु समुंदर कोरा टालान इस्राएल कोरकु टाउन साडूप डोने ओलेन । फिनी भगवान मिस्र देसो कोरकु खे डो डिकु टांगा गाडी खे बेबाव परिसानी जिव लक्केन डान । डिकु खोब हिगारायेन डो हाक्को डो कुरये लज्जेन । चोजाकि डिकु चिनाए की इस्राएल कोरकु कोनाटे भगवान आले अंटिन लडाई लक्केन ।

![](https://cdn.door43.org/obs/jpg/360px/obs-en-12-11.jpg?direct&)

इस्राएल कोरकु सेबेए कु समुंदर गा इनी गाडा टेन हु डेलेन पार जेन बादोन भगवान मुसा खे मेनान की एठा आमा टी खे लिएन टुल टेन पसार । डो डिज डिफीन का डाखे । कई डि समुंदर डा' पेएला खिजा जेय्सा का वेय्सा मिलाटिंजेन । डो सेबेए मिस्र गा सेनाकु नमुरएन डो गोएन ।

![](https://cdn.door43.org/obs/jpg/360px/obs-en-12-12.jpg?direct&)

मेटे इस्राएल कोरकु मिस्र गा सेना कु खे गुजु टेन डो'वेन डो भगवान लिएन इमान साले । डो मेनान की अरे सच्चो का मुसा भगवान गा मांडि घगाल मिठाज का ।

![](https://cdn.door43.org/obs/jpg/360px/obs-en-12-13.jpg?direct&)

इस्राएल कोरकु भगवाना बडाई आरिटेन सिंसीरिंज टेन बडाई डाखे । चोजाकि भगवान डिकु खे गुलामी डो गुजु टेन बबचाटिंज खे कु मेंटोन । नाका डिकु भगवान सेवा बिगार हिगराटेन लज्जेन । डिकु भगवाना बडाई खुल्ला दिल टेन डडा लज्जेन । चोजाकि डिकु खे मिस्र देसोटेन रुटिखे मारेन ।

![](https://cdn.door43.org/obs/jpg/360px/obs-en-12-14.jpg?direct&)

भगवान इस्राएल खे मिया हुकुम जिले की एठा हांगामा टेंमोन आपे इंज खे यादो बा चोफार टेन मिस्र देसो टेन जिटाएन । डो गुलामी टेन रुटिखे कु । मिया चोखा मेंडा खे गोजखेनेज डो बिगार जवानी गा सोंकाडा होंडार टेन आरिटेन जोवेन । डो तिवार ममनाटिंजेन ।

*इनी आना बाइबल टेन नीरगमन12:33-15:21*

## 13. भगवान इस्राएली कु सेंगोन नियम आरुखेनेज

https://openbiblestories.org/l/kfq/story-13/

![](https://cdn.door43.org/obs/jpg/360px/obs-en-13-01.jpg?direct&)

भगवान इस्राएल कोरकु खे डोंगरा टालान सिनाय मेंटोन मिया टेकडी मेरान सालेकु डि इनिका डोंगरान कि मुसा जुलु लक्के झाडी डो'खे डान । डि का जागा डान । मेटे डि इस्राएल कोरकु डेन का झोपडी आरु लक्केन डान ।

![](https://cdn.door43.org/obs/jpg/360px/obs-en-13-02.jpg?direct&)

भगवान मुसा डो इस्राएल कोरकु खे मेनान । मखा आम इंया मांडी आजुंमबा डो नियम डो'येबा टासोन आम खे कनान देसो खे इनाम जेबा । डो याजक गा राजो जेबा डो चोखा जाटो आरुएबा ।

![](https://cdn.door43.org/obs/jpg/360px/obs-en-13-03.jpg?direct&)

आफाई दिन बादोन कोरकु अपना अपना खतना जिवन तितयार डाएना बादोन मिया खाड आवाज ,डो घुंवा, डो उजला बादडा साटोन सिनाय टेकडी लिएन भगवान आगरुएन । डि टेकडी लिएन सेनेगा मुसा खे हुकुमो घाटाएन ।

![](https://cdn.door43.org/obs/jpg/360px/obs-en-13-04.jpg?direct&)

मेटे भगवान डिकु खे डि नियम डोखेडो मेनान इंज का यहोवा आमा भगवान टाखा । आम खे मिस्र देसो टे बल्लान साले डि घल्या दुसरा गोमोज खे बाकी पुजा होना ।

![](https://cdn.door43.org/obs/jpg/360px/obs-en-13-05.jpg?direct&)

आपे तुनी बी गोमोज आरु बाकी डो पुजा बाकी । डिजा नांगान साब बाकी चोजाकि इंज का यहोवा बबचाटिंज भगवान टाखा । इंया जिमु भलटाए का बाकी रिरीम ,डो पेडागा दिन खे चोखा मेंटोन ममनाटिंज अंटिन यादोकी, तुराई दिन अच्चा कमाए डाए डो एइया दिन खे इंज खे यादो घल्या आरम्बो डाए ।

![](https://cdn.door43.org/obs/jpg/360px/obs-en-13-06.jpg?direct&)

आम आयोम बागा मान डोए डो खुन बाकी डाडा , सिनाडी कमाए बाकी डाडा, चुचुरी कमाए बाकी डाडा , लाबाड मांडी बाकी , अमा चेंडुवा गा जापाए डो डिजा उरागा टुनी का बी चिजो लालिचो बाकी ।

![](https://cdn.door43.org/obs/jpg/360px/obs-en-13-07.jpg?direct&)

मेटे भगवान मुसा खे गोटा पाटलि लिएन डिगेल हुकुमो ओलटे जिखे डान । एठा भगवान दुसरा हुकुमो सेबेई ओलटे जिखे डान । कि सेबेइ ममनाटिंज होना । फिनी भगवान वादा डाखे मांडी आजुमबा डो ममनाटिंजबा टासोन डिकु खे बबचाटिंजबा डो आसिरवाद जेबा । डिकु बान आजुमबा टासोन डिकु खे दंडो जेबा ।

![](https://cdn.door43.org/obs/jpg/360px/obs-en-13-08.jpg?direct&)

भगवान इस्राएल कोरकु खे मिया उरागा इसाब घालखे डान । डो डी उरा खे चोकी सुबाना उरा मेंटोन मांडिबा । मिया खाड परदा टे बारी खोली उनाड होना । खाड याजक परदा टाउन सेने डाउबा चोजाकि डि खोली टालान भगवान थाडबा ।

![](https://cdn.door43.org/obs/jpg/360px/obs-en-13-09.jpg?direct&)

जे का बी भगवान गा कानुन खे बान ममनाटिंज टासोन डिकु मिया जानवर खे भगवाना गा भेटो पेपेडजबा । डि जागागा सम्मान ससाबा मेटे मिया याजक डि भेटो लिएन डि जानवर खे गोगोजाबा डो जुलेजबा डो डि जानवर गा पचना टे कोरोगा आनुवा गुनुवा खे आतरबा , डो डी कोरो खे भगवान कोने टे चोखा आरुएजबा । डो भगवान मुसा गा बोको टे हारुन खे डिकु पिटि गा याजक आरुखेनेज ।

![](https://cdn.door43.org/obs/jpg/360px/obs-en-13-10.jpg?direct&)

डो कोरकु भगवान डिकु खे जीउगा सेबेइ कानुन खे ममनाटिंज घल्या काबुल डाए । डिज खे का ममनाटिंज होना डो डिजा ककालम कोरकु आरु होना । जिरीसा दिनो बादोन डिकु जे वादा डाखे डान भगवान खे ममनाटिंज बा मेंटोन फिनी डिकु रिरींजएन डो घोनोज आनुवा गुनुवा कमाए लज्जेन ।

![](https://cdn.door43.org/obs/jpg/360px/obs-en-13-11.jpg?direct&)

घोनोज दिन मुसा भगवान सेंगोन सिनाय टेकडी लिएन झाडी जुलुजेन डान । मेटे कोरकु कोरा ततरा ततराटेन लोकोमयेन डो डिजा कोनेन इराेन डान ।मेटे कोरकु डिकु घल्या मिया गोमोज आरु घल्या डिकु डिकुगा सेबेइ सोना हारुन मेरान साले डान ।

![](https://cdn.door43.org/obs/jpg/360px/obs-en-13-12.jpg?direct&)

मेटे हारुन डि सोना टेन मिया असरु खिजा मुरत गा गोमोज आरु खे । मेटे कोरकु गोमोज मेंटोन बली खिजा भेटो पेपेडज लज्जेन डो पुजा डाडा लज्जेन । भगवान इनी सेबेए डो'टेन डिज खे खोब खिजो हेएन डो डिकु गा आनुवा गुनुवा अंटिंन डिकु खे नानासो विचार डाखे । फिनी मुसा भगवान खे पारथना डाखे डो भगवान डिजा पारथना आजुम खे डिकु खे हेबा नानासो खे ।

![](https://cdn.door43.org/obs/jpg/360px/obs-en-13-13.jpg?direct&)

मेटे मुसा टेकडी टे इटान आगरुएन डो डि आसरु गा मुरत गोमोज खे डो'टेन खोब खिजोएन डो भगवान गा गेल हुकु मो ओलटे जीखे डान डि का गोटा पाटलि टे इंडी आसरु मुरत गोमोज खे चाकना चुर डाखे ।

![](https://cdn.door43.org/obs/jpg/360px/obs-en-13-14.jpg?direct&)

मेटे मुसा डि मुरत खे कोलोम खिजा आरु खे डि कोलोम डा' गा टालान टेडपाखे डो डि डा' खे कोरकु नुएन मेटे भगवान डि कोरकु लिएन रोगो साले डो डिकु गा घोनोज कोरकु गोएन डान ।

![](https://cdn.door43.org/obs/jpg/360px/obs-en-13-15.jpg?direct&)

मुसा एठा डि टेकडी लिएन पेडेयेन डो कोरकु खे माफो घाटाउ घल्या भगवाना टे पारथना डाखे । मेटे भगवान मुसा गा पारथना आजुम टेन डिकु खे माफो जिखे । डि गेल हुकुमो गोटा पाटलि डेच खे डान एठा मिया उनी गोटा लिएन ओलखे । मेटे भगवान इस्राएल कोरकु सिनाय डोंगोरटेन वादा देसो कोनेन सायाकु ।

*इनी बाइबल टेन का आना निरगमन 19:34*

## 14. 14,डोंगोरेन हिंडाळी बा

https://openbiblestories.org/l/kfq/story-14/

![](https://cdn.door43.org/obs/jpg/360px/obs-en-14-01.jpg?direct&)

भगवान डिकु साटोन जो नियम आरुखे डान । डिकु डिजा हुकुमो आजोम घल्या इस्राएल कोरकु खेन मांडी खे बादोन डिकु सिनाय डोंगार आरा खे । भगवान डिकु खे डि वादा देसो कोनेन सायाकु डान । डि खे कनान देसो मेन बा । डि कनान देसो कोनेन बादडा गा खम्बा खिजा चेलकेन सेंदरा लक्के । डो डिकु टाउ टाउ सेंद्रा लक्केन डान ।

![](https://cdn.door43.org/obs/jpg/360px/obs-en-14-02.jpg?direct&)

भगवान जो अब्राहाम डो इसहाक , याकुब डो डिकु गा पिडी खे जो वायदा देसो जेबा मेंटोन मांडी खे डान । फिनी नाका डिकु टालान पेडा मिनकु घोनोज जाटो कु डान । डिकु खे कनान जाटो मेंटोन मांडी बा । डि कनान कोरकु भगवान खे हेबा आजुम डुन डो हेबा ममनाटिंज लज्जेन । डो डिकु घोनोज गोटा गोमोज कु पुपजा लज्जेन डान । डो बुरा कमाय डाडा लज्जेन डान ।

![](https://cdn.door43.org/obs/jpg/360px/obs-en-14-03.jpg?direct&)

भगवान इस्राएल कोरकु खे मेनान आपे डी वायदा देसो सेबेेए कनान कोरकु टेन बल्लान सेने आरुए । डिकु सेंगोन व्याह बाकी डाडा डो डिकु सेंगोन सांती हेबा थानाड । आपे डिकु गा सेबेए गोमोज कु खे अच्चा नासो खे । आपे मखा इनी मांडी बान आजोम डून टासोन इंया गा बदलान डिकु गा गोमोज खे पाजा पुजा लक्कु बा ।

![](https://cdn.door43.org/obs/jpg/360px/obs-en-14-04.jpg?direct&)

जब डी इस्राएल कोरकु कनान देसो मेरान आदिरेन । मेंटोन मुसा इस्राएल हारुन जाटो गा कोरकु टेन मिखोम मिखोम बारा कु खे ककलमकु । डि डिकु खे कनान देसो तपासो घल्या उकु टे कुलखे कु । डो डिकु कनान देसो कोरकु जोर मिनकु की कोमजोर मिनकु मेंटोन डिज बी डो ' डो' घल्या ओलेन डान ।

![](https://cdn.door43.org/obs/jpg/360px/obs-en-14-05.jpg?direct&)

डि बारा कोरकु कनान देसोन सेने घल्या चालीस दिन डाखे । डो मेंटेन डिकु डिगा टेन इराएन । मेटे डिकु कोरकु खे सेबेए घालखे की डि देसो अच्चा ओरो टाखा डो अच्चा सेएर टाखा । फिनी डिकु गा गेल कोरकु इंदार मेनान की डि देसो कोरकु बेबाव जबर डो खातरनाक बी टाखा कु । मखा डिकु आले सेंगोन बडाई टासोन आले खे हाराटिंज सकता डो गोगोला सकता बा ।

![](https://cdn.door43.org/obs/jpg/360px/obs-en-14-06.jpg?direct&)

मेटे तुरुतो का डिकु टालाटेन बाराकिंज टापास मेंटोन कालेब डो यहोसु मेनान इनी सच्चो का कनान कोरकु लम्बा डो जोर का मिनकु फिनी आले लडाई बा डो भगवान डिकु खे हाराटिंज बा डो भगवान आबुंया कोनाटेन थाडबा !

![](https://cdn.door43.org/obs/jpg/360px/obs-en-14-07.jpg?direct&)

फिनी कोरकु कालेब डो यहोसु गा हेबा आजुम डुन । डिकुन मुसा डो हारुन लिएन खोब खिजो हेएन । चोजाकि आपे आलेखे बेबाव बिखा जागान सालेकु । आले एनेन लडाई टेन गोजुगा बदलान मिस्र देसोन आले डो आले गा जाफाय साटोन भागिया आरुटेन अच्चा थानाड बा । मेटे कोरकु एठा मिस्र देसोन वापस सेने घल्या डिकु टालाटेन मिया अगुवाई आरुएन ।

![](https://cdn.door43.org/obs/jpg/360px/obs-en-14-08.jpg?direct&)

मेटे भगवान बेबाव खिजोएन चोजाकि आपे इंया बिरोदेन बुरा कमाय डाखे डो चवडी गा उरा टालान हेएन । डो भगवान मेनान की कालेब डो यहोसु खे आराटेन आपे सेबेए कु डोंगोर टालान बेबाव हिंदडी बा । आपे टाला मिनकु इसा टेन खाड साला मिनकु डेन का गोजुबा । डो आपे चोला का बी वादा गा देसोन हेबा मुडाव ।

![](https://cdn.door43.org/obs/jpg/360px/obs-en-14-09.jpg?direct&)

मेटे इनी मांडी आजोम टेन लाका कोरकु आपला आपला आनुवा गुनुवा घल्या पसतावएन । मेटे डिकु कनान गा कोरकु खे लडाई घल्या अपना अपना तलवार साटेन ओलेन । मखा डिकु खे मुसा बाकी सेने मेंटोन मांडी खे चोजाकि डिकु सेंगोन भगवान हेबुनेज फिनी डिजा गा हेबा आजोम डून ।

![](https://cdn.door43.org/obs/jpg/360px/obs-en-14-10.jpg?direct&)

डि का लडाई डेन भगवान डिकु सेंगोन हेबु डान । डो मेटे डिकु हाराटिंएन । डिकु टालाटेन काई कु गोएन डान । मेटे इस्राएल कोरकु डी कनान देसो टेन इराएन डान । डो 40 साल डोंगार टालान हिंडाळी डान ।

![](https://cdn.door43.org/obs/jpg/360px/obs-en-14-11.jpg?direct&)

डि चालीस साल टालान इस्राएली कोरकु बेबाव डोंगार टालान हिंडाळी लज्जेन । मेटे भगवान डिकु घल्या आगासो टेन आटा कुलले डि आटा खे माना मेन बा ।

![](https://cdn.door43.org/obs/jpg/360px/obs-en-14-12.jpg?direct&)

डि चालीस साल टालान इस्राएली कोरकु बेबाव डोंगार टालान हिंडाळी लज्जेन । मेटे भगवान डिकु घल्या आगासो टेन आटा कुलले डि आटा खे माना मेन बा । एठा बी डी लेका बदक खे डिकु माखेनेज डो जोवेन डान । फिनी इनी का टेंमोन मिया का अंगी डो मिया खावडे खे आतार खेनेज ।

![](https://cdn.door43.org/obs/jpg/360px/obs-en-14-13.jpg?direct&)

भगवान फाटा टेन डा' जीले डान । डे बादोन बी इस्राएल गा सेबेए भगवान डो मुसा गा विरोदेन कुरुकुरु लज्जेन । फिनी भगवान डिजा ईमान खे पक्का डाखे । डो डिजा वादा खे डिजा कोरकु अब्राहाम ,इसहाक डो याकुब इनकु सेंगोन वादा डाखे डान ।

![](https://cdn.door43.org/obs/jpg/360px/obs-en-14-14.jpg?direct&)

चालीस साल डोंगारेन इस्राएल कोरकु हिडाळी बादोन डिकुगा सेबेए कु जे जे भगवान बिरोदेन कमाए डाखे डान । डिकु सेबेए कु गोएन डान । जब मुसा सानायेन मेटे भगवान डिजा खिजा निरा भगवाना मांडि घगाल मिनकु यहोसु खे कुलखेनेज डान । की डिज मदत जिउ घल्या डो इस्राएल कोरकु खे वादा गा देसो कोनेन चचाराटिंज खिजा कोरा घालेबा । मेटे भगवान डि इस्राएल कोरकु खे डि डिजा वादा देसो कोनेन मेरान सालेकु ।

![](https://cdn.door43.org/obs/jpg/360px/obs-en-14-15.jpg?direct&)

मेटे भगवान मुसा खे टेकडी गा मेरान सायेन जे की डी वादा देसो खे आच्चा टेन डो'डो' सकता मेटे मुसा डी वादा गा देसो खे डो'वेन का । फिनी डी टालान हेबा मू डून चोजाकि भगवान डिज हुकुम हेबा आजुम डुन मेटे मुसा गोएन डो इस्राएल कोरकु तीस दिन जाम गसार खेन । मेटे डिकु गा उनी अगुवाई यहोसु आरुएन । डि यहोसु मिया अच्चा का अगुवाई डान । डो भगवान लिएन भोरोसा डाखे डान ।

*इनि बाइबला टेन निरगमन१६-१७:गिन१०-१४:२०:२७:विबरन३४*

## 15. 15, वादागा देसो

https://openbiblestories.org/l/kfq/story-15/

![](https://cdn.door43.org/obs/jpg/360px/obs-en-15-01.jpg?direct&)

आखरी टेन इस्राएली कोरकु जब कनान देसोन मूगा टेमो हेएन । यहसु डीजा तपासो मिनकु खे कनान गा डी जेरीयो नगर जो की दिवाल टेंगेन केन डान । डी खे डो’ डो’ घल्या कुलखेनेज डान डी सेएरेन मिया राहब जीमु सिनाळ जपाय पेडा डान । डो डीज डिकुखे ऊखु टेन डोखे कु डान । डो डिज डिकुखे हडेई डान । की इनकु खे भगवान का कुल्ले कु मेंटोन । डो डिज बी भगवान लिएन इमान डोखे डान । डो ऊखु टेन तपासो मिनकु डी बाई खे वादा जीखे की जब भगवान आलेखे ईनि सेएरे ननासो घल्या जेबा मेटे आमखे डो आमा कुटुम्बो कु आराटे सेबाई कु नासोइबा ।

![](https://cdn.door43.org/obs/jpg/360px/obs-en-15-02.jpg?direct&)

मेटे डि इस्रएली कोरकु भगवान वादा गा देसोन डि यरदन गाडा तलाटेन सेन्द्रा लज्जेन डान । मेटे भगवान यहोसु खे मेनान । पेएला याजकु खे सेने डावा । मेटे जब डी याजकु सेन्द्रा लज्जेन डि लाका आडी डा’ बंदोयेन । डो सेबेई इस्राएल कोरकु डी लोखोड गाडा गा कोराटे ईनि ढेडा टे डि ढेडेन पारोमयेन ।

![](https://cdn.door43.org/obs/jpg/360px/obs-en-15-03.jpg?direct&)

सेबेई कोरकु यरदन गाडा टे पारोमयेन बादोन । भगवान यहोसु खे मेनान कि आपे चोफार टेन येरिहो सेएर खे उठायेबा मेंटोन डो डि सेबेई कोरकु भगवाना डी सेबेई मांडि खे आजोम खे लाका सेबेई याजकु डो सेना कु यरिहो सेएरा गा ऊफुन कोनेन तुरोई दिन टाएन सेंद्रा लक्केन । मिया दिनेन मिया बार ।

![](https://cdn.door43.org/obs/jpg/360px/obs-en-15-04.jpg?direct&)

मेटे एईया दिन टेन डी इस्रएल कोरकु एईया टेंमोन डि सेएर गा ऊफुन कोनान जादा ऊफुन बार सेंद्रायेन । डिकु मेटे आखरी टेंमोन सेंद्रा लज्जेन डी इस्राएल कोरकु डो याजकु डो सेना कु डिकु गा टुटारी खे सडीलज्जेन ।

![](https://cdn.door43.org/obs/jpg/360px/obs-en-15-05.jpg?direct&)

मेटे यरिहो ग ऊफुन कोनागा दिवाल बोचोयेन । जेय्सा भगवान डिकु खे हुकुम जीखे डान । डि का खिजा इस्राएल कोरकु पुरा सेएर खे नासो खे डान । डिकु राहब डो डिजा कुटुम्बो कु खे बचंटिज खे । जो कि इस्राएल कोरकु कोने डान । जब दुसरा कोरकु कनान देसोन पेडा लक्केन डान । डिकु हिगराएन चोजाकी डिकु विचारेन की आलेखे बी नासोकु बा मेंटोन ।

![](https://cdn.door43.org/obs/jpg/360px/obs-en-15-06.jpg?direct&)

भगवान इस्राएल कोरकु हुकुमो जीखे डान । की आपे कनान देसोगा टुनि का बी कोरकु झुंडो साटोन सान्ती गा वेबार बकी डाडा । फिनी कनान देसोगा मिया झुमडो गा डि खे गिबीयोन मेनबा । डिकु यहोसु खे लबाड मांडि टे मेनान कि आले कनान देसोटे लेक लंकान देसो टेन हेएन । डिकु यहोसु खे मेनान की सान्ती गा वेबार डाय । मेटे गीबीयोन मिनकु खे यहोसु डो इस्राएल कोरकु अच्चा वेबार डोखे । फिनी डिकु भगवान खे चोजका बी हेबा कोमरा डुन का । डो यहोसु डिकु सेंगोन अच्चा वेबार डाखे डान। ।

![](https://cdn.door43.org/obs/jpg/360px/obs-en-15-07.jpg?direct&)

भगवान इस्राएल कोरकु हुकुमो जीखे डान । की आपे कनान देसोगा टुनि का बी कोरकु झुंडो साटोन सान्ती गा वेबार बकी डाडा । फिनी कनान देसोगा मिया झुमडो गा डि खे गिबीयोन मेनबा । डिकु यहोसु खे लबाड मांडि टे मेनान कि आले कनान देसोटे लेक लंकान देसो टेन हेएन । डिकु यहोसु खे मेनान की सान्ती गा वेबार डाय । मेटे गीबीयोन मिनकु खे यहोसु डो इस्राएल कोरकु अच्चा वेबार डोखे । फिनी डिकु भगवान खे चोजका बी हेबा कोमरा डुन का । डो यहोसु डिकु सेंगोन अच्चा वेबार डाखे डान। ।

![](https://cdn.door43.org/obs/jpg/360px/obs-en-15-08.jpg?direct&)

मेटे डि यहोसु इस्राएल कोरकु गा सेबेई सेना कु खे गोलाखे कु डान । डो डिकु गिबीयोन मिनकु कोनेन सेने घल्या राटो भर सेंद्रा लज्जेन । फेजेर फेजेर डिकु एमोरीया मिनकु खे डोएकु लाका डिकु लिएन हमला डाखे ।

![](https://cdn.door43.org/obs/jpg/360px/obs-en-15-09.jpg?direct&)

डि का दिनेन भगवान इस्राएल कोने टेन लडाई डाखे । डो डिज एमोरीया मिनकु बान समजाटिंजयु लज्जेन । डो डिकु लिएन गोटा खिजा गारा बोचोएन डो घोनोज एमोरीया कोरकु गोएन ।

![](https://cdn.door43.org/obs/jpg/360px/obs-en-15-10.jpg?direct&)

एठा भगवान सुरोज खाड टेमो टाएन थाड घल्या यहोसु खे बारी टी मटान टुलकी मेंटोन मेनान । कि इस्राएल कोरकु एमोरीया मिनकु खे अच्चा टे लडाई सकता डो डि का दिनेन भगवान इस्राएल कोनेटे जितायेन डान ।

![](https://cdn.door43.org/obs/jpg/360px/obs-en-15-11.jpg?direct&)

डि एमोरीया सेना कु खे हराटिंज खे कु बादोन । कनान देसोन घोनोज जातो पेडा मिनकु इस्राएल करकु सेंगोन लडाई डाखे डान । फिनी यहोसु डो इस्राएल डिक खे बी हाराटिंज खे कु ।

![](https://cdn.door43.org/obs/jpg/360px/obs-en-15-12.jpg?direct&)

इनी लडाई बादोन भगवान इस्राएल कोरकु गा हर मिया पिडी कु खे डी वादा गा देसो डिकु हेजा घल्या जिखे डान । मेटे भगवान डी देसो गा उफुन बी कोनान सान्ती जीखे डान ।

![](https://cdn.door43.org/obs/jpg/360px/obs-en-15-13.jpg?direct&)

यहोसु मेटे सानएन डिज इस्राएल गा सेबेई कोरकु खे मिया खाट्टा गोलाये । मेटे यहोसु सिनाये डोंगोरेन इस्राएल कोरकु सेंगोन जो नियम डोखे डान । डिजखे डिकु ममनाटिंज घल्या डिकु खे यादो जिखे डान । मेटे इस्राएल कोरकु भगवाना कानुन खे ममनाटिंज गा डो डिजा लिएन इमान डोखे घल्या वादा डाखे डान ।

*इनि बाइबला टेन यहु१-२४*

## 16. १६, भगवान बबाचाटिंज बा

https://openbiblestories.org/l/kfq/story-16/

![](https://cdn.door43.org/obs/jpg/360px/obs-en-16-01.jpg?direct&)

यहोसु गोएन बादोन इस्राएल कोरकु भगवान गा कोनकु के हेबा ममनाटिंज लज्जेन । डी कनान डेसोन पेएलाटेन का थाड मिनकु बल्लान हेबा आतेर डाडु डान । डि इस्राएल कोरकु सच्चा भगवान योहोवा खे आराटेन , कनान डेसो गा डि गोटा गोमोज खे पुपुजा लज्जेन । इस्राएल कोरकु टालान जे का बी राजा हेबु डान । डिकुन चोज अच्चा घाउबा लज्जेन डिका डिकु डडा लज्जेन ।

![](https://cdn.door43.org/obs/jpg/360px/obs-en-16-02.jpg?direct&)

चोजा की इस्राएल कोरकु भगवान के हेबा ममनाटिंज मारे , डिज डिकु खे डिकु गा दुसमान कु गा टी टेन का दंडो जिखे डान । डि दुसमान कु ,इस्राएलकु टे सेबेए चिजो चुरिए । डो डिकु गा डामा डुकडा खे नासोकेन डान । डो डिकु गा घोनोज कोरकु खे गोजखे कु डान । भगवान खे घोनोज साल बान ममनाटिंज बादोन डो डिकु गा दुसमान खे हाराटिंज बादोन डि इस्राएल कोरकु पसताएन । डो डिकु गा बचाटिंउ भगवान अटिंन पारथना के डान ।

![](https://cdn.door43.org/obs/jpg/360px/obs-en-16-03.jpg?direct&)

] मेटेन भगवान डिकु गा दुसमान टे बबचाटिंज अंटिन मिया बबचाटिंज मिठाज खे कुलखेनेज डान । डो डि देसोन सांती साले । फिनी काइ साला बादोन डी इस्राएल कोरकु भगवान खे रिरिंज टेन एठा गोटा गोमोज खे पुपुजा लज्जेन डान । मेटे भगवान इस्राएल कोरकु डो मिडियान कोरकु डिकु गा दुसमान हारेटिंज मेंटोन हुकुम जिखे डान ।.

![](https://cdn.door43.org/obs/jpg/360px/obs-en-16-04.jpg?direct&)

मेटे डि मिडियान कोरकु एइया सालो घल्या इस्राएल कोरकु गा सेबेए आनाजो साए डान । मेटे डि इस्राएल कोरकु कंगाल आरुएन । मेटे डि इस्राएल कोरकु मिडियान कोरकु खे हिगराटे गोटा गा पोपा तालान पेडालज्जेन की , डी मिडियान मिनकु टे घागाटा हेबा डाउ मेंटोन आखरी टे डिकु भगवान मेरान जाम गसार टेन पारथना लज्जेन ।

![](https://cdn.door43.org/obs/jpg/360px/obs-en-16-05.jpg?direct&)

मिया दिन गिदियोन मेटे, इस्राएल गा मिया कोरो उकुटे अनाजो खे जजमा लज्जेन डान । कि इस्राएल कोरकु इनी के चुचरि बाकी मेंटोन । मेटे भगवान गा आगासो भागिया हेएन डो गिदीयोन खे मेनान , आम खाड जोर आरुएन , भगवान आमा सेंगोन टाखा आम सेने गिदियोन कोरकु टेन इस्राएल कोरकु खे बचाटिंज कु ।

![](https://cdn.door43.org/obs/jpg/360px/obs-en-16-06.jpg?direct&)

गिदियोन बाटे गोटा गोमोज खे भेटो पेपडेज गा मिया वेदि आरु के डान । मेटे भगवान गिदियोन के मेनान डी वेदी के चकनाचुर आरुए । फिनी गिदीयोन कोरकु गा हिगरा मारेन रातो टय कोरा टारायेन । मेटे डिज डी वेदी के चकनाचुर आरु के डान । मेटे डिज डी का गोटा वेदी मेरान मिया उनी वेदी आरु के डान । डो वेदी लिएन मिया भेटो पेपेडेन का डान ।

![](https://cdn.door43.org/obs/jpg/360px/obs-en-16-07.jpg?direct&)

डिका दुसरा दिन फेजेर कोरकु डो’ एन की जे का बी इनी आलेगा गोमोज गा वेदी चकनाचुर आरुके मेंटोन डो डिकु बेबाव खिजो हेएन डान । डो डिकु गिदीयोन खे गोगोज घल्या डिजा उरा टाएन औलेन , फिनी गिदीयोन गा बाटे डिकु खे मेनान की आपे चोजा आपेगा गोमोज खे मदतो गा कोसिसो डाखे । मखान डीज भगवान टी का टासोन डिज हेज का बचाटिंज बा । चोजा की कोरकु का इनी मांडी वजह गिदीयोन खे हेबा गोज डुन ।

![](https://cdn.door43.org/obs/jpg/360px/obs-en-16-08.jpg?direct&)

मेटे गिदीयोन इस्राएल कु गा चिजो खे चुचारी घल्या एठा हेएन । डेन डिकु टालान घोनोज कु डान । कि डिकु खे उमना हेबा आरु डुन । मेटे गिदीयोन डिकु टे लडाई घल्या इस्राएल कोरकु खे मिया कट्टा गोगोला घल्या आरुखे डान । मेटे गिदीयोन भगवान टे बारी खोजो आसिखे डान । मेटे डिज समजाटिंज हेएन की इस्राएल कोरकु खे भगवान बचाटिंज कु बा ।

![](https://cdn.door43.org/obs/jpg/360px/obs-en-16-09.jpg?direct&)

पेएला खोजो इनी का गिदीयोन मिया चीन्डा खे औटे लिएन डोखे डान । डो भगवान खे मेनान की जो औसो फेजेर का बोचोबा डी चीन्डा लिएन का बोचो होना । डो डी औटे लिएन बाकी बोचो होना । मेटे भगवान डिजा का आजोम टे डिका डाखे डान । डि का डुसरा रातो गिदीयोन भगवान के मेनान की ,डी औसो औटे लिएन का बोचो होना । फिनी चीन्डा लोखोड होना । मेटे भगवान बी डिका डाखे डान । मेटे गिदीयोन इनी बारी खोजो डोटे गिदीयोन पक्का हेएन की भगवान डिज खे वापर लक्केन । गिदीयोन कु टे लडाई टेन इस्राएल कोरकु खे बचाटिंज कु बा ।

![](https://cdn.door43.org/obs/jpg/360px/obs-en-16-10.jpg?direct&)

डि इस्राएल गा बत्तीस हजार सेना कु गिदीयोन मेरान हेएन । फिनी भगवान डिज खे मेनान इनी टे खाड झुन्डो का । मेटे गिदीयोन हिगराएन मिनकु खे बाबीस हजार कोरकु खे उरान वापस कुलखे डान । मेटे भगवान गिदीयोन आफाई संड्डी सेना कु खे आराटेन सेबेए कु खे उरान कुलखेकु डान ।

![](https://cdn.door43.org/obs/jpg/360px/obs-en-16-11.jpg?direct&)

डी रातो भगवान गिदीयोन खे मेनान की मिदीयोन का झोपडी इठान सेने डो डिकु चोज मांडी लज्जेन डी आजोमे । आम डिकु गा हिगरा बाकी । मेटे डिका रातो गिदीयोन मिदीयोन मिनकु झोपडी मेरान औलेन । डिकु गा मेरा कोरो डिजा सपना बारेन डिजा गा सोपती खे घगाल लज्जेन डान । डि कोरो इस्राएल मांडी लज्जेन की । गिदीयोन गा सेना कु मिदीयोन सेनाकु हाराटिंज बा मेंटोन । इनी मांडी गिदीयोन आजोम टेन लक्केन । गिदीयोन भगवान गा बडाई लक्के ।

![](https://cdn.door43.org/obs/jpg/360px/obs-en-16-12.jpg?direct&)

मेटे गिदीयोन डिकु गा सेना कु मेरान डो इरायेन । डिकु खे मिया सिंग डो मिया खोबडी, नादरी जिखे डान । मिदीयोन मिनकु जो झोपडी गीटिज केन डो झोपडी उफुन बी कोनाटे घेराये कु । गिदीयोन गा आफाई संड्डी सेना कु डी खोबडी टालान बटरी डोखे डान । मेटे मिदीयोन मिनकु डी उजाला हेबा डो’डुन ।

![](https://cdn.door43.org/obs/jpg/360px/obs-en-16-13.jpg?direct&)

मेटे गिदीयोन सेबेए सेना कु डिकु गा डि का टासोन डिकु गा सेबेए खुबडी पडी के डान । मेटे अचानाक सिंगेल गा डुम्दारी डुगु लज्जेन । मेटे डिकु सिंगी गा तुतरी के रू रू लज्जेन । इनी खिजा कुरेके मिया भगवान घल्या डो मिया गिदीयोन घल्या ।

![](https://cdn.door43.org/obs/jpg/360px/obs-en-16-14.jpg?direct&)

भगवान मिदीयोन मिनकु खे विचारेन बोचो खे कु । मेटे तुरुतो डिकु हर मिखोम खे हमला डाखे डो गोज खे कु डान । इस्राएल कोरकु गा बचाटिंजनेन मिनकु मिदीयोन मिनकु टउन साडुप लज्जेन । डो डिकु घोनोज कोरकु केन गोज लज्जेन , डो गोटाकु खे गोज खे कु डो डि दिन मिया संड्डी बिस हजार कोरकु गोएन डान । डो इस्राएल कु खे भगवान का बचाटिंज के कु डान ।

![](https://cdn.door43.org/obs/jpg/360px/obs-en-16-15.jpg?direct&)

मेटे इस्राएल कोरकु डिकु गा राजा आरु घल्या गिदीयोन खे तितीयर लज्जेन । फिनी गिदीयोन डिकु इनी डाडा घल्या बाकी मेंटोन मांडी खे । डो डिज मिदीयोन टे जो जो सोना साले डान । डि खे वापस इरागे मेंटोन मांडी खे डो डी सोना मिया कासा ढेर खिजा जमायेन ।

![](https://cdn.door43.org/obs/jpg/360px/obs-en-16-16.jpg?direct&)

मेटे गिदीयोन डी सेबेए सोना खे मिया खासो बिसेस लिजा आरुखे डान । जेय्सा डि खाड मुखया याजक कु उरिबा खिजा । फिनी कोरकु डिज खे मिया गोमोज खिजा पुजा लज्जेन , डे मारेन भगवान एठा इस्राएल कु खे दन्डो जिखे डान । चोजाकी डिकु गोटा गोमोज पुजा लज्जेन डान । भगवान एठा डिकु खे हाराटिंज अंटिन एठा डिकु खे दुसमान कु खे कुलखे कु डान । आखरी टेन डिकु भगवान मेरान पारथना लज्जेन , भगवान डिकु खे मदत जिव घल्या एठा मिया दुसरा मिठाज खे कुलखे डान ।

![](https://cdn.door43.org/obs/jpg/360px/obs-en-16-17.jpg?direct&)

इनी खिजा घोनोज टेमोन इस्राएल कु कमाय लज्जेन की , इस्राएल कु आनुवा गुनुवा डा डा लज्जेन । डो भगवान डिकु खे दन्डो जिखे लज्जेन डान । जब डिकु पसताव लज्जेन डान , भगवान डिकु खे मिया बबचाटिंज मिठाज कुकुल लज्जेन डान । घोनोज साल बादोन भगवान बबचाटिंज मिठाज खे कुकुल डान , चोजाकी डिकु इस्राएल कु गा दुसमान कु टे बचाटिंज अंटिन ।

![](https://cdn.door43.org/obs/jpg/360px/obs-en-16-18.jpg?direct&)

आखरी टे सेबेए दुसरा देसो खिजा इस्राएल कोरकु भगवान खे मिया राजा आरु घल्या आसि-८ डान । डिकु गा इफिन इंनसा डान कि मिया राजा लंबा डो जोर का होना मेंटोन । जेकी डिकु गा लडाई टालान कोरा घगाल सकता । फिनी इनी मिनी भगवान ने बान पसंद हेएन । फिनी डि डिकु गा बिनती खिजा का डिकु घल्या मिया राजा खे जिलेनेंज डान ।

*इनि बाइबला टेन न्यायियो१:३:*

## 17. १७,भगवान दाउद सेंगोन कानुन आरुखे

https://openbiblestories.org/l/kfq/story-17/

![](https://cdn.door43.org/obs/jpg/360px/obs-en-17-01.jpg?direct&)

साउल इस्राएल गा पेएला राजा डान । डिज लम्बा डो खोब आच्चा का डान । जेय्सा डि कोरकु गा इंसा डान ,साउल मिया आच्चा का राजा टेन पेएला कइ सालो अंटिन इस्राएल लिएन राज्जो डाखे । फिनी डे बादोन डिज मिया हेकडा कोरो आरुएन जे कि भगवान खे हिगरा डाडुन का डान । मेटे भगवान निरा मिया डुसरा कोरो खे ककलमएन जे कि डिजा बदला राजा आरुबा मेंटोन ।

![](https://cdn.door43.org/obs/jpg/360px/obs-en-17-02.jpg?direct&)

भगवान दाउद जिमु मेंटोन मिया जबान कोरो खे साउल बादोन राजा अंटिन ककलमएन । दाउद बेतेलेम सेएरेन टेन मिया चाचरा मिठाज डान । नाका तुनिका मिया अल्लगो टेंमोन डिज डिजा बाटे गा मेंडाकु खे चचरा टेंमोन , दाउद मिया कुला डो मिया बाना खे गोजखेन डान । चोजाकि डिकींज मेंडाकु खे उठालज्जेन डान । दाउद मिया नरम डो घिरोमी कोरो डान जे कि भगवान खे ममनाटिंज लक्केन डो भरोसा लक्केन डान ।

![](https://cdn.door43.org/obs/jpg/360px/obs-en-17-03.jpg?direct&)

दाउद मिया खाड सेना डो नेता आरुएन , मेटे दाउद मिया जबान कोरो का डान , डिज मिया खापेड जोर दुसमान कोरो गलियात जिमु मेंटोन डिजा सेंगोन तपानकेन डान । गलियात मिया इठुएन कोरो डान । खाड जोर डो आफिया मिटर कोरो डान ! फिनी भगवान दाउद खे मदोतो डाखे डो इस्राएलकु खे बबचाटिंज खे । डे बादोन , दाउद घोनोज बार इस्राएल कु गा दुसमान कु टेन जिताउ डाखे डान । डे टे कोरकु डिजा बडाई डाखे डान ।

![](https://cdn.door43.org/obs/jpg/360px/obs-en-17-04.jpg?direct&)

कोरकु दाउद खे जाय्दा पिरोमकेन मारे साउल खोब जलन टेन खिजोएन । डो डिज घोनोज टेंमोन दाउद खे गोगोजा गा कोसिसो डाखे , मेटे दाउद साउल टेन उकुएन डान । मिया दिन साउल दाउद खे गोगोजा अंटिन ततरा खेंटोन , साउल डि का गुफा तालान मोएन डान डि का जागा टे दाउद बी उकुएन डान । फिनी साउल डिज खे डो’डुन का डान । नाका दाउद साउल मेरान का टाका डान । डो डिज खे गोगोज सकता डान , फिनी दाउद राजा आरु अंटिन डिज खे बान गोजखे डि बदला डिजा लिजा खे केरेज खेन डान ।

![](https://cdn.door43.org/obs/jpg/360px/obs-en-17-05.jpg?direct&)

माका , साउल लडाइ तालान गोएन डान , डो दाउद इस्राएल गा राजा आरुएन डान । डिज मिया आच्चा राजा डान । डो कोरकु डिज खे पिरोम लक्केन डान । भगवान दाउद खे आसिरवाद जिखे डो डिज खे सफल डाखे डान । दाउद घोनोज लडाई टे जिताएन डो भगवान बी डिजा सेंगोन टाखा डान डो डिज इस्राएल का दुसमान कु खे हाराटिंज खे डान । दाउद यरुसालेम खे बी जिताएन डो डि खे डिजा का खाड सेएरेन आरुएन डान । दाउद का राज्जो टेंमोन , इस्राएल जोर डो डामाकु डान ।

![](https://cdn.door43.org/obs/jpg/360px/obs-en-17-06.jpg?direct&)

दाउद गा इंसा इंदार डान कि डिज मिया मंदिर आरुबा डो डि तालान सेबेए इस्राएल कोरकु भगवान का बडाई डाडाबा डो भेटो पेपेडज बा मेंटोन । काई ४०० सालो टेन कोरकु भगवान गा बडाई डो भेटो मुसा आरु गा तम्बु तालान पेपडेज केन डान ।

![](https://cdn.door43.org/obs/jpg/360px/obs-en-17-07.jpg?direct&)

फिनी भगवान नाथान जिमु मेंटोन मिया कोरो सेंगोन दाउद अंटिन मिया मांडि कुलकेन डान । आम ईया अंटिन इनीज मंदिर हेबा आरुडाउ चोजाकि आम मिया लडाई कोरो टाखा । आमा कोन इनीज आरुबा , फिनी ईज आम खे खोब आसिरवाद जेबा । आमा गा मिया पिडी ईया कोरकु लिएन जनम का राज्जो डाडाबा ! “दाउद गा पिडी टेन का जनम जनम राज्जो डाडा मिठाज मसिहा डान ।” मसिहा जे कि भगवान गा ककलम मिठाज थाडबा जे कि दुनिया गा सेबेए कोरकु खे डिकु गा आनुवा गुनुवा टेन बबचाटिंजबा मेंटोन । .

![](https://cdn.door43.org/obs/jpg/360px/obs-en-17-08.jpg?direct&)

दाउद इनी मांडि आजोमटेन लाका डिज भगवान गा बडाई डाखे डान । चोजाकि डिज दाउद खे वादा खे डान कि डिज खाड मान डो आसिरवाद जेबा मेंटोन । दाउद खे इनी सेबेए हेबाडे डान कि भगवान इनीज सेबेए डाडाबा मेंटोन । फिनी इनी सेबेए डाडा अंटिन इस्राएल कोरकु खे कोरा ततरा होना काई १००० सालो डाउबा ।

![](https://cdn.door43.org/obs/jpg/360px/obs-en-17-09.jpg?direct&)

दाउद घोनोज सालो टाएन इमानदारि टेन डो सच्चो टेन निवाय डाडा लक्केन डान । डो भगवान डिज खे आसिरवाद जिखे डान , माका डिजा गा साना टेंमोन डिज भगवान बिरोदेन मिया खाड आनुवा गुनुवा डाखे डान ।

![](https://cdn.door43.org/obs/jpg/360px/obs-en-17-10.jpg?direct&)

मिया दिन , दाउद गा सेनाकु लडाई अंटिन उरा टेन बल्लन औडजेन टेंमोन , डिज डिजा महल टेन मिया खोब सुंदर बाई खे अंगलुस का डो’एनेज डान । डिजा जिमु बेतसेबा डान ।

![](https://cdn.door43.org/obs/jpg/360px/obs-en-17-11.jpg?direct&)

दाउद डिज खे डो’डो गा बबंद बदला डिज मिखोम खे डिजा मेरान ससा घल्या कोकोंजखेन डान । डिज डिजा मेरान गिटीकेन डो डिज खे उरान एठा कुलकेन डान । मिया जिरीसा टेंमोन बादोन बेतसेबा दाउद खे मिया मांडि कुलकेन डान कि डिज लाजहेएन मेंटोन ।

![](https://cdn.door43.org/obs/jpg/360px/obs-en-17-12.jpg?direct&)

बेतसेबा गा उरा मिठाज जिमु उरियाह डान , जे कि दाउद गा आच्चा का सेना डान । दाउद डिज खे हाक्कोएन डो मेनान कि डिज डिजा जपाई सेंगोन गिटीजबा मेंटोन , फिनी डिज बांगो मेनान चोजाकि डिजा दुसरा सेनाकु लडाई तालान टाखाकु डान । मेटे दाउद एठा उरियाह खे लडाई टे कुलकेन डान डो मेनान कि आम लडाई गा तालान थाड होना टुंगन डिजा दुसमान कु डिज खे गोगोज सकता बा मेमटोन ।

![](https://cdn.door43.org/obs/jpg/360px/obs-en-17-13.jpg?direct&)

उरियाह गोएन बादोन , दाउद बेतसेबा सेंगोन वियाब डाखे । डे बादोन बेतसेबा दाउद गा मिया कोन खे जनम जिखे , मेटे भगवान दाउद गा ईदार कमाई टेन बेभाउ खिजोएन । डो भगवान डिजा का भागीया नाथान खे दाउद गा आनुवा गुनुवा बारे घगाल अंटिन कुलकेनज डान । डो दाउद पसताव टेन पारथना डाखे डो भगवान बी डिज खे माफोएन डान । दाउद गा साना टेंमोन , डिज भगवाना गा हिगरा टेन भगवान खे ममनाटिंज ईफार की डिजा मुसिवत टेंमोन बी भगवान खे का मान जिउ लक्केन डान ।

![](https://cdn.door43.org/obs/jpg/360px/obs-en-17-14.jpg?direct&)

फिनी दाउद गा आनुवा गुनुवा गा दंडो अंटिन डिजा पेएला कोन टे गोएन डान । डेन दाउद गा कुटुम्बो तालान डिजा साना टेंमोन बी काई लडाइ चालुकेन डान । डो दाउद गा जोर बी केमी लक्केन डान । माका दाउद भगवान लिएन एटो इमानदार हेबु फिनी भगवान डिजा वायदा अंटिन इमानदार डान । बादोन , दाउद डो बेतसेबा एठा मिया कोन डाएन डो डिकींज डिज खे सोलोमन मेंटोन जिमु डोखे डान ।

*इनी बाइबल टेन १सामु १०; १५-१९; २४; ३१; २सामु ५; ७; ११-१२*

## 18. १८, दाउद गा राज्जो

https://openbiblestories.org/l/kfq/story-18/

![](https://cdn.door43.org/obs/jpg/360px/obs-en-18-01.jpg?direct&)

घोनोज सालो बादोन दाउद गोएन डान । डो डिजा कोन सोलोमन डिजा जागान इस्राएल लिएन राज्जो डाडा लज्जेन । भगवान सोलोमन खे मेनान डो कोकोम्ब्राखे कि आमेन चुज सेबेटेन आच्चा मिनी होना । मेटे सोलोमन अक्कल होना मेंटोन मांडि के लाका , भगवान आरिएन डो दुनिया गा सेबेटे खाड अक्कल मिठाज डिज खे का आरुएन । मेटे सोलोमन घोनोज मांडि ईठुएन डो दुनिया गा मिया खाड निवाय डाडा कोरो आरुएन । भगवान डिज खे खाड डामा कोरो आरुएन ।

![](https://cdn.door43.org/obs/jpg/360px/obs-en-18-02.jpg?direct&)

यरुसालेमटेन सोलोमन मिया मंदिर आरुएन डि गा घल्या डिजा बाटे दाउद सेबेए आरुगा चिजो गोलाखे डान । नाका कोरकु गोगोला तंबू तालान बदला डि गा मंदिर तालान भगवान गा बडाई लक्केन डो भेटो पेपेडेज लक्केन । डो भगवान बी मंदिर तालान आगरुएन डो डिज डिजा कोरकु तालान पेडालज्जेन ।

![](https://cdn.door43.org/obs/jpg/360px/obs-en-18-03.jpg?direct&)

फिनी सोलोमन दुसरा देसो गा बाईकु खे पिरोम डाखे । डिज डिकु खे वियाब डाटे भगवान खे हेबा हिगराएन । काई १,००० दुसरा देसोगा बाईकु खे डिज वियाब डाखे डो डिकु डिकु गा गोमोजकु साटो पुपुजा अंटिन सोलोमन सेंगोन हेएन डान । नाका सोलोमन सानाएन टेंमौन डिज बी डिकु गा गोटा गोमोज कु खे पुपुजा लज्जेन ।

![](https://cdn.door43.org/obs/jpg/360px/obs-en-18-04.jpg?direct&)

मेटे भगवान खिजोएन चोजाकि सोलोमन भगवान टेन ईमान आराखे डान । डो भगवान डिज खे दंडो जिउ खिजा सोलोमन का गोएन बादोन डि इस्राएल देसोखे बारि भाग्गो आरुएन ।

![](https://cdn.door43.org/obs/jpg/360px/obs-en-18-05.jpg?direct&)

सोलोमन गोएना बादोन , डिजा कोन रेहोबोआम राजा आरुएन । माका रेहोबोआम मिया हेकडि कोरो डान । इस्राएल गा सेबेए कोरकु डिज खे राजा आरु अंटिन डिजा मेरान हेएन डान । डिकु रेहोबोआम खे डिजा बाटे सोलोमन गा खाड कमाई बारेन घागाल खेनेज ।

![](https://cdn.door43.org/obs/jpg/360px/obs-en-18-06.jpg?direct&)

रेहोबोआम बेअकल टेन डिकु खे जबाब जिले कि , “आपे विचारबा कि ईया बाटे सोलोमन आपे गा कमाई खे खाड जोर आरुखे मेंटोन , फिनी ईज आपे गा कमाईकु खे डिजा टेन जाय्दा खाड जोर आरुएबा । डो डिजा टेन जाय्दा बुरा दंडो जेबा ।”

![](https://cdn.door43.org/obs/jpg/360px/obs-en-18-07.jpg?direct&)

इस्राएल गा देसोटेन गेल गोस्टीकु रेहोबोआम विरोदेन औडजेन । डो बारि गोस्टीकु का डिजा गा ईमानदारिकु टाखानेज डान । इनी बारि गोस्टी कु यहुदा राज्जो मेंटोन आरुएन ।

![](https://cdn.door43.org/obs/jpg/360px/obs-en-18-08.jpg?direct&)

इस्राएल देसोगा दुसरा गेल गोस्टीकु रेहोबोआम विरोदेन टेन डिकु निरा मिया कोरो जेरोबोआम जिमु मेंटोन डिकु गा राजा आरुएन । डिकु डिकु गा राज्जो खे उतर दिस जागा कोना डोखेनेज डो इस्राएल राज्जो मेंटोन हाकोएन ।

![](https://cdn.door43.org/obs/jpg/360px/obs-en-18-09.jpg?direct&)

जेरोबोआम बी भगवान गा विरोदेन कमाई डाखे डो कोरकु खे बी बुरा आरुएन । डिज बारि गोटा गोमोज आरुएन डो यहुदा राज्जो गा मंदिर तालान भगवान खे बाडाई डाडा बदला गोटा गोमोजकु खे पुपुजा लज्जेन ।

![](https://cdn.door43.org/obs/jpg/360px/obs-en-18-10.jpg?direct&)

मेटे इस्राएल डो यहुदा राज्जो तालान मिया दुसरा दुसमान आरुएन डो काई बार लडाई चालुएन ।

![](https://cdn.door43.org/obs/jpg/360px/obs-en-18-11.jpg?direct&)

इस्राएल राज्जो तालान सेबेई राजाकु बुरा कु डान । घोनोज राजा कु निरा इस्राएल टि’ टेन गोजखेनेज डान जे कि आपला आप डिकु गा जागान राजा आरु गा कोसिसो डाखे ।

![](https://cdn.door43.org/obs/jpg/360px/obs-en-18-12.jpg?direct&)

इस्राएल राज्जो गा सेबेए कोरकु डो सेबेए राजाकु गोटा गोमोज कु खे पुपुजा डाखेनेज । डिकु गा गोटा गोमोज कु खे भेटो पेपडेज क कमाई सिनाडी कमाई खिजा डो कइ बार चेफनि कु खे बी भेटो पेपडेज केन ।

![](https://cdn.door43.org/obs/jpg/360px/obs-en-18-13.jpg?direct&)

यहुदा गा राज्जो दाउद गा पीडी कु डान । इंडी गा कई राजा कु ईमानदार डान डो भगवान खे ममनाटिंज लक्केन डान । फिनी कइ यहुदा गा राजा कु बुरा डान ,हेकडी, डो डिकु गोटा पुपुजा मिनकु डान । डिकु गा कइ राजाकु डिकु गा चेफनीकु खे गोटा गोमोज मेरान भेटो पेपडेजकेन । डो यहुदा गा राजाकु बी भगवान गा विरोदेन कमाई डो दुसरा गोमोजकु खे पुपुजा डाखे ।

*इनी बाइबल टेन १राजा १-६; ११-१२*

## 19. १९, सुटु भगवान मांडी मिनकु

https://openbiblestories.org/l/kfq/story-19/

![](https://cdn.door43.org/obs/jpg/360px/obs-en-19-01.jpg?direct&)

इनी सेबेए इस्राएल गा पुराना मांडी टेन , भगवान डिकु अंटिन सुटु भगवान मांडी मिनकु खे कुलखेनेज । डि सुटु भगवान मांडी घगाल मिनकु पेएला भगवान टेन मांडि आजोम टेन मेटे डि का मांडी खे कोरकु खे घगाल लज्जेन ।

![](https://cdn.door43.org/obs/jpg/360px/obs-en-19-02.jpg?direct&)

आहाब इस्राएल राज्जो गा राजा टेंमोन एलियाह मिया सुटु भगवान मांडी घगाल मिठाज डान । नि आहाब मिया बुरा कोरो टाखा डान जे कि बाल जिमु मेंटोन गोटा गोमोज कु खे पुपुजा अंटिन कोरकु खे होडाखेनेज डान । मेटे एलियाह आहब खे मेनान ,“ इस्राएल राज्जो तालान ईज मांडी टाएन डेन चुज खे बी डा’ हेबा घामाउ डाउ डो ओस बी हेबा बोचोउ ।” इनी मांडी टेन आहब खुब खिजोएन डान ।

![](https://cdn.door43.org/obs/jpg/360px/obs-en-19-03.jpg?direct&)

भगवान एलियाह खे मेनान कि नाका आम मिया टेकडी गा झिरना मेरान सेने डो डेन उकुएन चोजाकि आहाब आम खे गोगोजा का घगाटा लज्जेन । हर फेजेर डो सिंगरुब कावडा कु डिजा अंटिन सोकडा सेगे लक्केन डान । आहब डो डिजा सेनाकु एलियाह गा कोरा ततरा लज्जेन डान । फिनी डिकु डिज खे हेबा घाटाउ लज्जेन । डि अक्काल खाड जोर डान कि सेबेए झिरना माका लोखोडएन डान ।

![](https://cdn.door43.org/obs/jpg/360px/obs-en-19-04.jpg?direct&)

मेटे एलियाह मिया चेंडुआ देसो अल्डा । डि देसोन मिया विघबा डो डिजा गा मिया कोन अक्काल टेन खुब आटा रांगेज टेन पेडालज्जेन डान । फिनी डिकु एलियाह खे आच्चा टेन पाउना खातिर डाखे डो भगवान बी डिकु अंटिन कोलोम डो सुनुम गा पिपाकु खे केमी हेबा डाडुन का डन । डिकु मेरान भरपुर आटा टाखेजेन डान डो एलियाह डेन पेडा खेंटोन इफीर टेन डिज डेन कई सालो पेडाकेन डान ।

![](https://cdn.door43.org/obs/jpg/360px/obs-en-19-05.jpg?direct&)

साडे आफिया ओरोसो बादोन , भगवान एलियाह खे मेनान कि आम इस्राएल राज्जो कोने इराएन डो आहाब सेंगोन मांडीए चोजाकि भगवान एठा डा’ घामाएबा । मेटे आहाब ईदार मांडी एलियाह टेन आजोम टेन लाका “ मेनान कि आम तकलिफ जिउ मिठाज !” एलियाह डिज खे जबाबो जिले की , “ आम का तकलिफ जिउ कोरो जे की यहोवा सच्चो भगवान खे ललकारखेनेज , डो बाल गोटा गोमोज खे पुपुजा खे । नाका सेबेए इस्राएल कोरकु खे कारमेल डोंगोर लिएन सावेन !”

![](https://cdn.door43.org/obs/jpg/360px/obs-en-19-06.jpg?direct&)

मेटे इस्राएल गा सेबेए कोरकु डो बाल गोमोज गा ४५० भागियाकु बी डि कारमेल डोंगरेन हैन । डो एलियाह कोरकु खे मेनान , “ चोटो दिन टाएन आपे गा मना बदलाटिंज बान मेंटोन ? यहोवा माखा भगवान टाखा टासोन डिजा सेबा डाए ! डो बाल गोटा गोमोज मखा भगवान टाखा टासोन डिजा सेबा डाए !”

![](https://cdn.door43.org/obs/jpg/360px/obs-en-19-07.jpg?direct&)

मेटे एलियाह बाल गा भागियाकु खे मेनान , मिया मेंडा खे गोजखेनेज डो इंडि टे भेटो तितीयार खे । फिनी सिंगेल लमटाए बाकि । ईज बी डिफीर का डाएबा । जे का भगवान सच्चो टाखा डिज का जबाब जेबा “ । मेटे बाल गा भागियाकु भेटो तितीयारकु फिनी सिंगेल हेबा लमटाएन ।

![](https://cdn.door43.org/obs/jpg/360px/obs-en-19-08.jpg?direct&)

मेटे बाल गा भागियाकु बाल खे पारथना डाखे , आले गा पारथना खे आजोमे मेंटोन !” पुरा दिन डिकु पारथना डाखे डो हेजा हेज चाकु टेन गेडखेनेज , फिनी डेन चुज खे बी जबाबो हेज डुन का डान ।

![](https://cdn.door43.org/obs/jpg/360px/obs-en-19-09.jpg?direct&)

दिन का आखरि टेंमोन , एलियाहा भगवान खे मिया भेटो तितीयारखेनेज मेटे डि कोरकु बारा खोबडी का डा’ उखाडीटिंएन नि डि भेटो लिएन , नाका डि चाचाखान डो ओटे पुरा का ओलाएन डान ।

![](https://cdn.door43.org/obs/jpg/360px/obs-en-19-10.jpg?direct&)

मेटे एलियाहा पारथना डाखे , “यहोवा , अब्राहाम , इसहाक, डो याकुब गा भगवान टेंज आम आलेखे घाले की आम का इस्राएल गा भगवान मेंटोन डो ईज आमा गा भागिया मेंटोन । ईज खे जबाब जे कि इनी कोरकु चिचीना बा की आम का सच्चो गोमोज मेंटोन ।”

![](https://cdn.door43.org/obs/jpg/360px/obs-en-19-11.jpg?direct&)

तुरुतो गा बादडा टेन सिंगेल बोचोएन डो डि जिलु खे जुलखेनेज डान , डि चाखान , डो गोटा , कासा डो डा’ बी चुज वेदी लिएन टाखा डान सेबेए जुलखेनेज डान । कोरकु इनीज डो टे , डिकु इठन बोचोएन डो मेनान , “ यहोवा का भगवान यहोवा का भगवान टाखा “ ।

![](https://cdn.door43.org/obs/jpg/360px/obs-en-19-12.jpg?direct&)

मेटे एलियाह मेनान, “बाल गा तुनी बी सुटु भगवान मांडी मिनकु बबचाटिंज बाकी होना मेंटोन !” मेटे कोरकु डि सेबेकु उठा टेन अल्लोगो जागान सायेन डो डिकु खे गोजखेनेज ।

![](https://cdn.door43.org/obs/jpg/360px/obs-en-19-13.jpg?direct&)

मेटे एलियाह आहब खे मेनान , “ सेएरेन वापस इराएन ,चोजाकी डा’ एठा हेजेलक्केन “ । डि लाका वादडा बिडजेन डो अंदराएन , डो खुब डा’ चालुएन । यहोवा हेजा हेज घालखे की डिज का यहोवा मेंटोन डो डि सेबेए अकाल खे सियाखे डान ।

![](https://cdn.door43.org/obs/jpg/360px/obs-en-19-14.jpg?direct&)

एलियाह गा टेंमोन बादोन , भगवान एठा मिया कोरो एलिसा जिमु मेंटोन डिजा का भागिया आरुखेन डान । भगवान घोनोज अचंम्बो कमाई एलिसा टेन डाखे डान । नामान कोरो लिएन मिया चिमीतकार कमाई डान । जे की सेनाकु गा खापेड कोरो डान , डिजेन चमडे गा बुरा रोग्गो टाखा डान । डिज एलिसा का मांडि आजोमयेन डो एलिसा बी डिज खे सासाजा अंटिन अल्डा । मेटेन एलिसा डिज खे मेनान की आम यरदन गाडान एइया टेंमोन नांबुर होना मेंटोन ।

![](https://cdn.door43.org/obs/jpg/360px/obs-en-19-15.jpg?direct&)

पेएला नामान खिजोएन डो इंडी बांगो मेंटोन मांडी खे चोजाकी इंडि डिजा अंटिन बुरा घायेन । फिनी बादोन डिजा मना बदलाटिंजयेन डो डि यरदन गाडान एइया टेंमोन नांबुरेन । डिज आखरी टेंमोन नांबुर टेन बल्लान ओडजेन मेटेन डिज डोएन की डिजा कोम्बोर आच्चा टेन साजाएन डान ! भगवान का डिज खे साजाएन डान ।

![](https://cdn.door43.org/obs/jpg/360px/obs-en-19-16.jpg?direct&)

मेटेन भगवान एठा घोनोज डिजा भागीयाकु खे कुलखेनेज डान । डिकु सेबेए कोरकु खे गोटा गोमोज पुपुजा आराखे मेंटोन मांडी खे डो मिया दुसरा पिरोम थाडे मेंटोन मांडी खे । डि सुटु भगवान मांडी मिनकु एठा कोरकु खे उसीयार खे की आपे मखा आय बी गोटा पुपुजा हेबा आवरा डो भगवान लिएन ईमान हेबा ससा टासोन भगवान आपे लिएन खाड बुरा टेन विचार बा डो दंडो जेबा मेंटोन ।

![](https://cdn.door43.org/obs/jpg/360px/obs-en-19-17.jpg?direct&)

काई टेंमोन , डि कोरकु भगवान खे हेबा ममनाटींज लक्केन ,डिकु कई बार सुटु भगवान मांडी मिनकु खे बुरा वापार खे डो कईकु खे गोजखेनेज खे । यरमियाह मिया कुआ तालान गुजु अंटिन बोचोएन डान डेएन कीचड तालान नांबुरेन , फिनी डि राजा लिएन दया हेएन डो डिज डिजा भागियाकु खे मेनान की इनी यरमियाह खे गुजु सुटु कुआ तालान टेन बबचाटींज होना मेंटोन ।

![](https://cdn.door43.org/obs/jpg/360px/obs-en-19-18.jpg?direct&)

कोरकु डि सुटु भगवान मांडी घगाल मिनकु खे आच्चा बान घालखे माखा डिकु लागातार भगवान अंटिन मांडी लज्जेन । डिकु कोरकु खे उसियार खे की डिकु भगवान लिएन ईमान हेबा ससा डो हेबा पसताव माखान भगवान डिकु खे नानासोएबा । डिकु एठा कोरकु खे यादो जिखे की भगवान मसिहा खे सेगेजबा मेंटोन ।

*इनी बाइबल टेन १राजा १६-१८; २राजा ५; यरमियाह ३८*

## 20. २०, बाल्लान ओडजेन डो वापस इराएन

https://openbiblestories.org/l/kfq/story-20/

![](https://cdn.door43.org/obs/jpg/360px/obs-en-20-01.jpg?direct&)

इस्राएल गा राज्जो डो यहुदा गा राज्जो बारकींज भगवान विरोदेन आनुवा गुनुवा डाखे डान । डिकु भगवान का नियम सियोन टेकडी लिएन आरु मिनी खे डेजखेनेज खे । भगवान डिजा सुटु भगवान मांडी घगाल मिनकु खे कुलखेनेज की डिकु पसताव टेन भगवान कोने एठ ईरा होना डो डिजा का पुपुजा होना मेंटोन, फिनी डिकु डिज खे हेबा ममनाटिंजखे डान ।

![](https://cdn.door43.org/obs/jpg/360px/obs-en-20-02.jpg?direct&)

मेटे भगवान डि बारकींज देसोकु खे दंडो जिखे डो डिकु गा दुसमान कु टेन नानासो अंटिन हुकुमो जिखे डान । डि आसिरीयान राजा मिया जोर डो बुराकु देसो डान, डि इस्राएल राज्जो खे नासोखे डो घोनोज इस्राएल कोरकु खे गोजखे कु डान । सेबेए खाड मोला चिजो सायेन डो आघा राज्जो खे जुलखेनेज डान ।

![](https://cdn.door43.org/obs/jpg/360px/obs-en-20-03.jpg?direct&)

डि आसिरीयान सेबेए खापेडकु खे गोगलाएन , डामा मिनकु खे डो जे जे उसियार डि सेबेए कु खे आसिरीयान सायेन । नाका ठाई का गिरीबकु जे की बान गोगोज मिनकु खे इस्राएल राज्जो तालान पेडाखे ।

![](https://cdn.door43.org/obs/jpg/360px/obs-en-20-04.jpg?direct&)

मेटे आसिरीयन दुसरा निरा कोरकु खे साले डि इस्राएल राज्जो पेडा अंटिन । डि दुसरा जातोकु इस्राएल नानासो जागा खे सुटीखे डो डेन बचाटिएन इस्राएल कोरकु खे वियाब डाटे डेन का पेडा लज्जेन । डि इस्राएल राज्जो का दुसरा जातोकु खे वियाब डाखे मिनकु का पिडीकु खे सामरितान मेंटोन हाक्कोबा ।

![](https://cdn.door43.org/obs/jpg/360px/obs-en-20-05.jpg?direct&)

डि यहुदा राज्जो का कोरकु इनी सेबेए मांडी जो जो इस्राएल राज्जो लिएन डाएन डान डोएना बादोन डिकु भगवान खे हेबा हिगराएन डो एठा गोटा गोमोज कु खे पुपुजा लज्जेन , डि कानान गोमोज खे बी पुपुजा खे । डो भगवान डिजा भागीयाकु खे वापस ईरा डो पसताव अंटिन कुलखेनेज फिनी डिकु डि कोरकु का हेबा आजोम खे ।

![](https://cdn.door43.org/obs/jpg/360px/obs-en-20-06.jpg?direct&)

डि यहुदा राज्जो का कोरकु इनी सेबेए मांडी जो जो इस्राएल राज्जो लिएन डाएन डान डोएना बादोन डिकु भगवान खे हेबा हिगराएन डो एठा गोटा गोमोज कु खे पुपुजा लज्जेन , डि कानान गोमोज खे बी पुपुजा खे । डो भगवान डिजा भागीयाकु खे वापस ईरा डो पसताव अंटिन कुलखेनेज फिनी डिकु डि कोरकु का हेबा आजोम खे ।

![](https://cdn.door43.org/obs/jpg/360px/obs-en-20-07.jpg?direct&)

फिनी जिरीसा सालो बादोन , यहुदा गा राज्जो बाबीलोन विरोदेन ओडजेन , मेटे बाबीलोन यहुदा विरोदेन हामला खे । डिकु यरुसालेम सेएर खे उठाखेनेज , डि मंदिर खे नानासोएन डो सेएर गा डो मंदिर गा सेबेए चिजो डो खाड मोला का चिजो सावेन डान ।

![](https://cdn.door43.org/obs/jpg/360px/obs-en-20-08.jpg?direct&)

यहुदा राजा गा बुरा कमाइ टेन दंडो जिउ अंटिन नबुचदनेझर गा सेना कु डि राजा का सम्मान डिजा कोनकु खे गोजखेनेज खे डो मेटे डिजा मेड खे अंदडाखेनेज डान । डे बादोन डिकु डि राजा खे बाबीलोन केएदोन तालान गुजु अंटिन केडखेनेज डान ।

![](https://cdn.door43.org/obs/jpg/360px/obs-en-20-09.jpg?direct&)

नबुचदनेझर डो डिजा सेनाकु यहुदा राज्जो का सेबेए कोरकु खे बाबीलोन सावेन डान । मेटे ठाई का गिरीबी मिनकु खे खिती कमाई अंटिन आवराखेनेज । नाका डि का टेंमोन भगवान का कोरकु मजबुरी टेन डि वादा का देसो खे आवरा खेंटोन डि का बल्लान ओड मांडीबा ।

![](https://cdn.door43.org/obs/jpg/360px/obs-en-20-10.jpg?direct&)

माखा भगवान डिजा कोरकु खे डिकु गा आनुवा गुनुवा अंटिन दंडो जिखे डो डिकु खे बल्लान ओडखे , डिज डिजा वादा खे हेबा रिरींजखेनेज डान । डो भगवान लागातार डिजा कोरकु लिएन डो’ डो’ लज्जेन डान डो डिजा भागियाकु खे कुलखेनेज डान डिकु खे मांडी अंटिन । डिज वादा खे सतर सालो बादोन डिजा कोरकु डि वादा का देसोन एठा ईराबा मेंटोन ।

![](https://cdn.door43.org/obs/jpg/360px/obs-en-20-11.jpg?direct&)

काई सतर सालो बादोन , पेरसियन का राजा सायरस , बाबीलोन खे हाराटिंज खे । मेटे बाबीलोन राज्जो बदला पेरसियन राज्जो आरुएन । नाका डि इस्राएल कु यहुदी जिमु मेंटोन हाक्कोएबा डिकु गा कइ कु डेन बाबीलोन तालान पेडा लज्जेन डान । जिरीसा यहुदा गा सानाकु यहुदा राज्जो खे यादोखेकु डान ।

![](https://cdn.door43.org/obs/jpg/360px/obs-en-20-12.jpg?direct&)

डि पेरसियन राजा जोर डान फिनी कोरकु लिएन दया लक्केन डन चोजाकी डिकु जिटाएन डान । डे बादोन सायरस पेरसियन देसो का राजा आरुएन । डिज मिया हुकुमो जिले की जे बी यहुदीकु डिकु गा राज्जो यहुदा सेनेबा टासोन डिकु पेरसिया आवरा टेन सेने सकता बा । डिज एठा मंदिर आरु अंटिन डामा बी जिखे ! मेटे सतर सालो बादोन मिया जिरीसा झुंडो यहुदा राज्जो यरुसालेम ईराएन डान ।

![](https://cdn.door43.org/obs/jpg/360px/obs-en-20-13.jpg?direct&)

मेटे कोरकु यरुसालेम आदिरेन लाका , डिकु मंदिर खे एठा आरुएन डो सेएर का उफुन कोना गा दिवाल खे बी । माखा डिकु दुसरा राजा का ईठान पेडालज्जेन डान । एठा मिया बार डिकु वादा का देसोन पेडा खे डो मंदिर तालान भगवान का बडाई डाखे डान ।

*इनी बाइबलटेन २राजा १७;२४-२५ ; २इतीहास ३६;एज्रा १-१०;नेहेमियाह १-१३*

## 21. 21 भागो- यीसु मसिह घल्टी भगवानगा वादा

https://openbiblestories.org/l/kfq/story-21/

![](https://cdn.door43.org/obs/jpg/360px/obs-en-21-01.jpg?direct&)

खाड सुटु लागि भगवान यीसु मसिह खे योजना टेन कुलखेनेज डान । मसिह गा वादा आदम डो हावा खे हेएन । भगवान वादा खे कि हवा का पिडी टेन डिज बिँज गा कापार खे कुचालाटिँयेबा । डो डि बिँज जे की हावा खे धोखा जिले डान डि का सयतान डान । डि वादा का मतलब मसिह सयतान खे जनम जनम का नासोएबा ।

![](https://cdn.door43.org/obs/jpg/360px/obs-en-21-02.jpg?direct&)

भगवान अब्राहाम खे वादा डाखे डान कि डिजा टे का इनी दुनियागा घोनोज कोरकु खे आसिर्वाद घाटोउबा । एने गा आसिर्वाद यीसु टे का सफल डाउबा चोला चोला का बादोन बी डाउबा । यीसु इनी कोसिस डडा लज्जेन डान कि दुनिया गा सेबेए कोरकु बचाटिँयु होना ।

![](https://cdn.door43.org/obs/jpg/360px/obs-en-21-03.jpg?direct&)

भगवान मुसा खे वचन कुलखेनज डान कि सम्मा दिनेन डिजा खिजा मिया सुटु माँडि घगाल मिठाज खे डिज टेगँनकुबा । इनी माँडि नीआरा फिनी मसिह थोडा खाड टेँमो बादोन हेजेबा ।

![](https://cdn.door43.org/obs/jpg/360px/obs-en-21-04.jpg?direct&)

डे बादोन भगवान दाउद खे वचन टोलखेन डान कि डिजा हेजा पिडी टे का मिखोम भगवान कोरकु लिएन राजा आरुटे सेबेए टेँमोन घल्टि राज्जो डडाबा । इनी गा मतलब यीसु मसिह दाउद पिडी टे हेजे का टाखा डान ।

![](https://cdn.door43.org/obs/jpg/360px/obs-en-21-05.jpg?direct&)

मिया सुटु माँडि घगाल मिठाज का जिमु यरमियाहा डान । डिजा टेन भगवान वादा डाखे डान कि डिज मिया उनी कायदा आरुबा । फिनी इनी कायदा इसराएल कोरकु साटो भगवान सिनाय टेकडी लिएन आरु खिजा हेबु ।उनि कायदा टेन भगवान डिजा कायदा कानुन कोरकु गा दिलेन ओलकेन डान । सेबेए कोरकु भगवान गा बारे आपले आप हेडेइ होना का डान ।डिकु सेबेए भगवान गा कोरकु ारुबा डो भगवाना डिकु गा सेबेए आनुवा गुनुवा माफोएबा ।यीसु मसिह टेन का उनि कायदा चालुबा ।

![](https://cdn.door43.org/obs/jpg/360px/obs-en-21-06.jpg?direct&)

भगवान गा सुटु माँडि मिनकु मेनान कि यीसु मसिह का मिया भगवान सुटु माँडि घगाल मिठाज डो राजा डो याजक डाउबा मेँटोन । मिया भगवान सुटु माँडि घगाल कोरो इनि का कि डिज भगवान टेन जो वचन आजोम बा डो डि का वचन खे कोरकु खे घगाल बा । मसिहा इनि का कि भगवान गा वादा खे कुकुल टेन अच्चा टेन पुराउबा ।

![](https://cdn.door43.org/obs/jpg/360px/obs-en-21-07.jpg?direct&)

इसराएल कु गा याजकु भगवान खे मिया भेटो पेपडेज अँटिन कोरकु टेन डिकु का आनुवा गुनुवा घल्या डो दन्डो गा बदला टेन डिकु भेटो आरुखेनेज डान ।डि याजकु कोरकु घल्या एठा भगवान खे प्राथना डाखे । मेटे मसिहा जे की सेबेए टेन बी खाड याजकु टाखा डान डो डिज हेज का भगवान खे मिया सच्चो भेटो खिजा पेपडेजखेनेज डान ।

![](https://cdn.door43.org/obs/jpg/360px/obs-en-21-08.jpg?direct&)

मिया राजा मिखोम थाडबा जे की मिया राजो लिएन डो कोरकु गा निवाय अच्चा टेन डडाबा । मसिह मिया खाड राजा डाउबा जे की दाउद गा का आजा बाबा कोनाटेन डो डिजा खाड कुर्रसि लिेएन सुबान बा । डिज जे की सेबेए दुनिया लिएन जनमो गा घल्या राजो डडाबा डो सेबेए टेँमोन अच्चाटेन डो मिया का विचार टेन निवाय डडाबा ।

![](https://cdn.door43.org/obs/jpg/360px/obs-en-21-09.jpg?direct&)

भगवान गा सुटु घगाल मिनकु मसिह गा बारे दुसरा घनोज माँडि घालखेनेज । मलाखि मेँटोन मिया सुटु भगवान माँडि घगाल मिठाज मेनान की मसिह जनम सुटु मिया खाड सुटु भगवान माँडि हेजेबा । यासायाह भगवान माँडि घगाल मेनान की मसिह मिया कुवारि ताराय लाज टेन पेडाबा । डो मिखा मेँटोन मिया भगवान माँडि घगाल मेनान कि मसिह बेतेलेम सेएरेन पेडाबा मेँटोन ।

![](https://cdn.door43.org/obs/jpg/360px/obs-en-21-10.jpg?direct&)

यासायाह भगवान माँडि मेनान की मसिह गालिली तालान थडबा मेँटोन । डो डिज दिला टेन डेजखेनेज मिनकु खे आराम्बो जेबा । डो केदोन थाड मिनकु खे भगवाना माँडि घालेबा डो केदोन टेन बल्लान ससाबा । डिज भगवान माँडि घगाल मिठाज मेनान की मसिह एठा बिमारी कोरकु खे ससाजा बा डो बेहेरा डो अँदडा डो बान माँडि मिनकु खे डो बान सेसेँद्रा मिनकु खे ससाजा बा ।

![](https://cdn.door43.org/obs/jpg/360px/obs-en-21-11.jpg?direct&)

यासायाह सुटु भगवान माँडि घगाल मिठाज मेनान की मसिह कोरकु टेन का बेगार कारण टेन खिजो डो कोरकु टेन अलग्गो थाडबा । दुसरा भगवान माँडि घगाल मिठाज मेनान की मसिह खे जे गोगोजा बा डिकु डामा ख्याल मिनकु डो डिजा गा मिया सोप्ती डिज खे घोखा टेन किकीँज बा । जिखरियाह सुटु भगवान माँडि घगाल मिठाज मेनान की जे मसिह खे घोका जेबा डिज तिस चाँदी का डामा टेन डिज खे घोखा जेबा ।

![](https://cdn.door43.org/obs/jpg/360px/obs-en-21-12.jpg?direct&)

मेटे डि सुटु भगवान माँडि घगाल मिठाज मेनान की मसिह गुजुबा मेँटोन । यासायाह मेनान की कोरकु मसिह लिएन उलित बा, मजा बा, डो कुठाइँज बा। डिज चोज का बी आनुवा गुनुवा डा डुन का डान फिनी कोरकु डिज खे एतो कुठाइँज बा की डिज गुजु टाएन सेएन डाउडा बा ।

![](https://cdn.door43.org/obs/jpg/360px/obs-en-21-13.jpg?direct&)

डि सुटु भगवान माँडि घगाल मिठाज मेनान की मसिह का सच्चा डो चोखा थाडबा , चोज का बी आनुवा गुनुवा बान डाखे मिठाज दुसरा गा आनुवा गुनुवा का दन्डो घल्या गुजु खे उठायेनेज । डिजा दन्डो घटाउ गा फायदा कोरकु डो भगवान सेँगोन साँति सेगेजबा । इनी अँटिन भगवान मसिह खे भटो खिजा गुजु घल्या आराखेनेज ।

![](https://cdn.door43.org/obs/jpg/360px/obs-en-21-14.jpg?direct&)

डि सुटु भगवान माँडि घगाल मिठाज मेनान की मसिह गुजुबा डो भगवान डिज खे गुजु टेन बी जिटाउ बा । मसिह गा गुजु टेन जिटाउ गा भगवाना अँटिन मिया पुपरा गा योजना , आनुवा गुनुवा कोरकु खे बबचाटिँबा मिया उनि वाचा का कायदा थडबा ।

![](https://cdn.door43.org/obs/jpg/360px/obs-en-21-15.jpg?direct&)

भगवान मसिह का बारे घोनोज चिजो सुटु भगवान माँडि मिनकु खे टिपिकेमि । फिनी मसिह इनि सुटु भगवान माँडि घगाल मिनकु टेँमोन हेज डुन का डान । उफुन सड्डि सालो बादोन डो आखरि भगवान माँडि घगाल टेँमोन पक्का टेँमोन भगवान इनी दुनिया तालान मसिह खे कुलखेनेज डान ।

*इनी आना बाइबल टेन टाखा : उत 3:15; 12: 1-3; वव्य 18; 15:2सामु 7; यर्रमि 31; यासा 59:16; दानी 7:मलाखि 4:5; यासा 7:14:मिखा 5:2:यासा 9:1-7; 35:3-5:61:53; भज 22:18; 35:19; 69: 4; 41:9; जिख11:12-13;यासा 50:6;भज 16:10-11*

## 22. 22,भागो, युहना का जनम

https://openbiblestories.org/l/kfq/story-22/

![](https://cdn.door43.org/obs/jpg/360px/obs-en-22-01.jpg?direct&)

सुटु भगवान डिजा आगासो भगियाकु टेन डो सुटु भगवान माँडि घगाल मिनकु टेन डिजा कोरकु खे घालखे । फिनी उफुन सड्डि सालो ओलेन टेन डिज चोला का बी डिकु खे हेबा माँडिखे डान । अचानक मिया आगासो भगिया भगवान कोना टेन जिखरियाह जिमु मेँटोन मिया साना याजक डो डिजा जपाये एलिजावेत मेरान मिया आवल माँडि टेन हेएन डान । डिकिँज भगवान खे हिगरा लज्जेन डान , फिनी डि बाइ चोज का बी कोनकु डाउ गा लायको हेबु डान ।

![](https://cdn.door43.org/obs/jpg/360px/obs-en-22-02.jpg?direct&)

डि आगासो भगिया जिखरियाह खे मेनान " आमा जपाय खे मिया कोन डाउबा , आम डिज खे यहुना जिमु मेँटोन डोखे । डिज चोखा रावन टेन भरटिउबा , डो मसिह हेजे का कोरा खे तितीयार बा !”जिखरियहा मेनान कि , इँज डो इँया जपाय ठाए का सानाएन नाका चुफार टेन कोन डाउबा !इन्डि डाउबा मेँटोन इँज चुफार टेन हेडेए बा ?”

![](https://cdn.door43.org/obs/jpg/360px/obs-en-22-03.jpg?direct&)

डि आगासो भगिया जिखरियाह खे जबाब जिले, “ इँज भगवान कोनटे आमा मेरान इनि आवल माँडि साये । चोजाकी आम इँया लियेन इमान हेबा ससा । बको जनम टाेएन तक आम चोज का बी माँडि का लायको हेबु ।”डि लाका जिखरियाह माँडि हेबा लज्जेन । डे बादोन आगासो भगिया डिज खे आवरा टेन ओलेन । डे बादोन जिखरियाह उरान इराएन डो डिजा जपाय खे लाज हेएन ।

![](https://cdn.door43.org/obs/jpg/360px/obs-en-22-04.jpg?direct&)

मेटे एलिजाबेत तुरइ मेहनान का डान डि का आगासो भगिया एलिजाबेत कु गा कुटुम्बोकु खे टिपीखेमि, डिजा जिमु मरियम डान । डिज मिया कुवारि डान डो डिजा सगाइ मिया कोरो यिसुफ जिमु मेँटोन डिजा सेँगोन टाखा डान । डि आगासो भगिया मेनान" आम मिया कोन खे लाज टे सेगेजबा डो जनम जेबा आम डिज खे यीसु मेँटोन जिमु डोएबा । डिज सेबेटे खाड भगवान गा कोनटे डो जनम जनम का राज्जो डडा बा ।”

![](https://cdn.door43.org/obs/jpg/360px/obs-en-22-05.jpg?direct&)

मरियम जबाब टेन मेनान,' इन्डि चुफार टेन डाउबा, चोजाकि इँज आय बी कुवारि का ?”डि आगासो भगिया मेनान "चोखा रावन अामेन हेजेबा डो भगवान गा सत्तो आम खे उगुरिबा , मेटे डि कोन टे चोखा आरुएबा , भगवान गा कोनटे ”मेटे मरियम इमान साले जो माँडि डि आगासो भगिया माँडिखेनेज डान।

![](https://cdn.door43.org/obs/jpg/360px/obs-en-22-06.jpg?direct&)

तुरुतो का डि आगासो भगिया मरियम खे माँडि डायन बादोन , मरियम एलिजाबेत खे मिलाटिँजेन ओलेन । जेय्सा एलिजाबेत आजोम खे की मरियम गा आरि माँडि डि लाका एलिजाबेत गा कोनटे लाज तालान हुँजु लज्जेन । डि बाइकु मिया कठा जो भगवान डिकिँया खे डाके डान डि का बडाइ डाखे । मरियम एलिजाबेत मिलाटिँयेन आफिया मेहेना बादोन उरान इराएन डान ।

![](https://cdn.door43.org/obs/jpg/360px/obs-en-22-07.jpg?direct&)

एलिजाबेत डिजा कोनटे के जनम डाएन बादोन , जिखरियहा डो एलिजाबेत डि कोन टे खे यहुना मेँटोन जिमु डोखेनेज । जेय्सा आगासो भागिया हुकुमो जिखे डान । मेटे भगवान एठा जिखरियहा खे माँडि घल्या हुकुम जिले डि लाका जिखरियहा माँडि लज्जेन ।"भगवान का बडाइ डाउ, चोजाकी डिज डिजा कोरकु खे यादोबा !आम इँया कोन , आम खाड सत्तो भगवान गा सुटु भगवान माँडि घगाल मिठाज मेँटोन हाकोबा , जे कि कोरकु खे डिकु गा आनुवा गुनुवा टेन माफो घाटाउ घल्या आवल माँडि घालेबा !”

*बाइबल का आना लुका 1*

## 23. 23 यीसु का जनम

https://openbiblestories.org/l/kfq/story-23/

![](https://cdn.door43.org/obs/jpg/360px/obs-en-23-01.jpg?direct&)

मरियम गा सगाइ यीसुफ मेँटोन मिया घिरोमी कोरो सेँगोन डान । मेटे डिजेन मालुम बोचोएन की मरियम लाज हेएन मेँटोन डिज मरियम खे कोरकु सम्मा बुरा हेजे का बदला उकु टेन डिज खे आराखेनेज का विचार डान । डिजेन हेडेएन की इनी चफनि डिजा का बोउ डो डिज मरियम खे कोरकु सम्मा बुरा हेबा ससा लज्जेन डान । मेटे डिज मरियम खे उकु टेन आरा का विचार डान । इनी डिज डडा सुटु आगासो भगिया यीसुफ मेरान हेएन डो सपना टेन माँडि लज्जेन ।

![](https://cdn.door43.org/obs/jpg/360px/obs-en-23-02.jpg?direct&)

आगासो भगिया मेनान ,” यीसुफ मरियम खे आमा जपाय खिजा कुबुल का हिगरा बाकी । डि चफनी मरियम लाज तालान टाखा डिज चोखा रावन कोनाटेन का । डिज मिया कोनटे खे जनम जेबा , डिजा जिमु यीसु मेँटोन डोखे । (डि का मतलब यहुवा बबचाटिँजबा ) , चोजाकि डिज कोरकु गा आनुवा गुनुवा टेन डिकु खे बबचाटिँज बा ”।

![](https://cdn.door43.org/obs/jpg/360px/obs-en-23-03.jpg?direct&)

मेटे यीसुफ मरियम खे वियाब डाखे डो डिज खे हेजा उरान सावेन । फिनी मरियम कोनटे रिताउ टाएन यीसुफ डिजा मेरान हेबा गिटिकेन डान ।

![](https://cdn.door43.org/obs/jpg/360px/obs-en-23-04.jpg?direct&)

नाका मरियम कोनटे खे रिताउ वेकोतोन रोमि सरकार सेबेए कोरकु खे हुकुमो जिले की टुँगन डिकुगा आजा बाबाकु पेडा लज्जेन डेएन का डिकुगा जिमु ओल होना मेँटोन । यीसुफ डो मरियम मिया खाड लम्बा यात्रा सेसेँद्रा बोचोएन डान जेय्सा डिकु नाजेरेत टे बेतेलेहेम चालकेन चोजाकि डिकु गा आजा बाबा दाउद डान जे की बेतेलेहेम सेएरेन का डान ।

![](https://cdn.door43.org/obs/jpg/360px/obs-en-23-05.jpg?direct&)

मेटे डिकु बेतेलेहेम आदिरेन लाका डिकु घल्या पेडा गा जागा हेबु डान । मिया का जागा डिकीँन घाटाएन डि जागा जनवरकु पेडा लज्जेन डान । डि चफनि डेेन जनम डाएन डो डिजा आँटे डिज खे मिया लिजा टेन उगुर टेन डोखे डान । चोजाकि डिकीँया घल्या मिया पारकोम बी हेबु डान । डिकु डिज खे यीसु मेँटोन जिमु डोखे ।

![](https://cdn.door43.org/obs/jpg/360px/obs-en-23-06.jpg?direct&)

डि राटो , मेँडा चाचारा मिनकु डोँगरेन डिकु गा मेँडाकु खे चाचारा लक्केन डान । अचानक मिया उजाला आगासो भगिया डिकुखे टिपिखेमि डो डिकु बेभाउ हिग्राएन । मेटे आगासो भगिया मेनान , “ आपे हिगरा बाकी , चोजाकि आपे घल्या इँज मिया आवल माँडि सालेनेज । मसिह , जे की गुरु टाखा , बेतेलेहेम सेएरेन पेडाएन ।

![](https://cdn.door43.org/obs/jpg/360px/obs-en-23-07.jpg?direct&)

सेने चेफनी खे घगाटे डो आपे मिया लिजा टेन उगुर का मिया झला लिएन गिटिग घटाउबा । अचानाक बादडा लिएन आगासो भगिया टेन भगवान गा बडाइ भरटिएन डान । " आगासोन भगवाना गा बडाइ डाउ डो ओटे लिएन डिजा कोरकु खे साँति थाडे ।”

![](https://cdn.door43.org/obs/jpg/360px/obs-en-23-08.jpg?direct&)

मेटे चाचारा मिनकु तुरुतो का आदिरेन लाका डो' एन जेय्सा डिकु आजोम खेनेज डान की यीसु मिया लिजा टेन उगुर टेन मिया झोला लिएन गिटिगकेन डान । डिकु बेभाउ भगवान गा बडाइ डाखे डो मरियम बी खोब आरिएन । चाचारा मिनकु इराएन टुँगन डिकु गिटिखेनेज डान , डो भगवान गा बडाइ लज्जेन डि सेबेए डिकु डो' एन डो आजोमखेनेज डान ।

![](https://cdn.door43.org/obs/jpg/360px/obs-en-23-09.jpg?direct&)

थोडा टेँमोन बादोन , पँडित अक्कल मिनकु खड ढिली देसो टेन बादडा लिेन मिया अचम्बो का इफिल डो'एनेज । डो डिकु सासामजाटिएन की युउदि गा मिया उनी राजा पेडाएन मेँटोन । मेटे डिकु मिया खाड लम्बा कोरा टेन इनी राजा खे मिलाटिँजेन हेएन डान । डिकु बेतेलेहेम हेएन टुँगोन यीसु डो डिजा आयुम्बा पेडालक्केन डान डि जागा घटाएन ।

![](https://cdn.door43.org/obs/jpg/360px/obs-en-23-10.jpg?direct&)

मेटे पँडित अक्कल मिनकु यीसु खे डिजा आँटे सेँगोन डो' टेन , डिकु डिजा नाँगा सावेन डो बडाइ डावेन । डिकु यीसु खे आच्चा मोला का भेटो जिखे डान । मेटे डिकु आपला उरान इराएन ।

*इनी बाइबल का आना मत्ति1; लुका 2*

## 24. 24, युहना यीसु खे बपतिस्मा जिखे

https://openbiblestories.org/l/kfq/story-24/

![](https://cdn.door43.org/obs/jpg/360px/obs-en-24-01.jpg?direct&)

युहना, जिखरियहा डो एलिजाबेत गा कोनटे डान खाडजेन डो मिया सुटु भगवान माँडि गगाल मिठाज आरुएन । डिज डोगोरेन पेडालज्जेन डान । डोँगोर रुकु कु डो मघु रोस्सो खे जुजुम लक्केन डान डो उुट का हुप टेन आरु मिनी लिजाखे उरिलज्जेन डान ।

![](https://cdn.door43.org/obs/jpg/360px/obs-en-24-02.jpg?direct&)

घोनोज कोरकु डोँगोरेन हेजे लक्केन यहुना माँडि आजोम अँटिन । डिज डिकु खे 'पसताव' का वचन घगाल लक्केन डान । "चोजाकी भगवाना गा राज्जो मेरान टाखा!”

![](https://cdn.door43.org/obs/jpg/360px/obs-en-24-03.jpg?direct&)

मेटे घोनोज कोरकु युहना गा माँडि आजोम टेन लाका डिकु पसताव टेन डिकु गा आनुवा गुनुवा टेन वापस इराएन डो यहुना डिकुखे बपतिस्मा जिखे । घोनोज गिरोमी नेता कोरकु बी हेएन डो बपतिस्मा सावेन डान । फिनी डिकु बान पसताव डाखे डो डिकु गा आनुवा गुनुवा खे हेबा कुबुल डाखे ।

![](https://cdn.door43.org/obs/jpg/360px/obs-en-24-04.jpg?direct&)

यहुना गिरोमि नेता कोरकु खे मेनान की " आम जेहेरिला बिँज कु ! पसताव डाए डो आपला हेजा सेसेनद्रा बदलाटिँज होना । सेबेए सिँया जो आच्चा पिको हेबा जोउ डि सेबेए मागेबा डो सिँगेल तालान जुलुबा । "यहुना डि डाखे डान , जेय्सा सुटु भगवान माँडि घगाल मिठाज माँडिखे डान । " डो'गे , इँज इँया आवल माँडि घगाल मिठाज खे आमा सम्मा कुकुल लक्केन , जे की आमा कोरा तितीयार बा ।

![](https://cdn.door43.org/obs/jpg/360px/obs-en-24-05.jpg?direct&)

कइ यहुदिकु यहुना खे कोकोम्राखेनेज की आम का मसिह मेँटोन , मेटे यहुना मेनान "इँज मसिह बाने ,फिनी डेएन मिया इँया बादोन हेजे लक्केन डिज खाड सत्तो थाडबा डो इँज डिजा नागा गा जुता खे कोकोला का बि लायको बाने ।

![](https://cdn.door43.org/obs/jpg/360px/obs-en-24-06.jpg?direct&)

डि का दुसरा दिन , यीसु यहुना मेरान बपतिस्मा ससा हेएन । मेटे यहुना डिज खे डो' टेन डिज मेनान, “ डो' गे ! डेएन भगवाना गा मेँडा टाखानेज जे की दुनिया गा सेबेए आनुवा गुनुवा खे हेज का टुलयेबा ।

![](https://cdn.door43.org/obs/jpg/360px/obs-en-24-07.jpg?direct&)

यहुना यीसु खे मेनान, “इँज आम खे बपतिस्मा जिउगा लायक हेबु । डि बदला आम इँज खे बपतिस्मा जे”। फिनी यीसु मेनान " आम का इँज खे बपतिस्मा जेबा चोजाकि इनिज का आच्चा का ”मेटे यहुना यीसु खे बपतिस्मा जिले,एटो की यीसु चोजका बी आनुवा डा डुन का डान ।

![](https://cdn.door43.org/obs/jpg/360px/obs-en-24-08.jpg?direct&)

मेटे यीसु बपतिस्मा डाटे वापस इरा टेँमोन भगवाना गा रावन मिया कबुतर खिजा टेन यीसु गा लिएन हेएन डि का टेँमोन भगवान गा आवाज आगासो टेन हेेएन , की मेनान " आम इँया कोनटे जे खे की इँज पिरोम्बा ,डो इँज आमा सेँगोन खोब आरि थाडबा ।”

![](https://cdn.door43.org/obs/jpg/360px/obs-en-24-09.jpg?direct&)

मेटे भगवान यहुना खे माँडिखेनेज डान की आम जे खे बपतिस्मा जेबा "चोखा रावन डिजा लिएन हेजेबा । डि का भगवान गा कोनटे थाडबा ”। डेएन मिया का भगवान टाखा , फिनी जेय्सा यहुना यीसु के बपतिस्मा जिले डिज मिया आवाज आबा भगवान गा माँडि आजोमखेनेज,डो डो'एनेज भगवान डि कोनखे जे की यीसु का मेँटोन ,डो डिज चोखा रावन खे बी डो'एनेज डान ।

*बाइबल टेन इनि आना मत्ति3;मरकुस1:9-11;लुका 3:1-23,*

## 25. 25, सायतान यीसु खे पपराखिटिंयेन

https://openbiblestories.org/l/kfq/story-25/

![](https://cdn.door43.org/obs/jpg/360px/obs-en-25-01.jpg?direct&)

यीसु बपतिस्मा सायेन लाका डि चोखा रावन डिज खे डोंगोर कोने सायेन डान । डिज डेएन चालिस दिन डो राटो उपवास लक्केन डान । मेटेन सायतान डिजा मेरान हेएन डो तपाज लज्जेन आनुवा गुनुवा डडा अंटिन ।

![](https://cdn.door43.org/obs/jpg/360px/obs-en-25-02.jpg?direct&)

सायतान यीसु खे मांडि टेन तपास लज्जेन " आम भगवान गा कोन टासोन इनिज गोटा खे सोकडा टेन आरुए डो आम जोजुम डाउबा !”

![](https://cdn.door43.org/obs/jpg/360px/obs-en-25-03.jpg?direct&)

यीसु जबाब जिले, इनीज इदांर भगवाना गा किताबेन ओलकेन की ,' कोरकु सोकडा टेन का जिताउ हेबा थाड, फिनी डिकु भगवाना गा सेबेए मांडि टेन का जिटा थाडबा!”

![](https://cdn.door43.org/obs/jpg/360px/obs-en-25-04.jpg?direct&)

डे बादोन सायतान यीसु खे मंदिर गा खाड माठा लिएन सावेन डो मेनान, “ आम भगवाना गा कोन टाखा टासोन हेजा हेज का इटान उये, चोजाकि इंदार ओलकेन कि भगवान आम खे उठा घल्या डिजा भागियाकु खे हुकुमो जेबा डो आमा नांगान चोजका बी गोटा हेबा घाउ ।”

![](https://cdn.door43.org/obs/jpg/360px/obs-en-25-05.jpg?direct&)

फिनी यीसु सायतान खे जबाब टेन मेनान कि ,इनी इंदार टाखा , डो डिज मांडिखे डिज हुकुमो जेबा डिजा कोरकु खे , आम आमा भगवान खे तपास बाकी ।”

![](https://cdn.door43.org/obs/jpg/360px/obs-en-25-06.jpg?direct&)

मेटे सायतान यीसु खे दुनीया गा सेबेए राज्जो डो'डो' घल्या डो डिकुगा मान घालखे डो मेनान, “ इंज इनी सेबेए आम खे जेबा आम इंज खे का नांगा साबबा डो इंया बडाइ डाउबा टासोन ।

![](https://cdn.door43.org/obs/jpg/360px/obs-en-25-07.jpg?direct&)

यीसु जबाब जिले , इंया टेन सेने , सायतान! भगवाना गा वचन टेन डिज डिजा कोरकु खे हुकुमो जेबा, सिर्प मिया का भगवान आमा भगवान खे बडाइ डाए डो डिजा का सेबा डाए ।”

![](https://cdn.door43.org/obs/jpg/360px/obs-en-25-08.jpg?direct&)

यीसु सायतान गा तपास तालान हेबा बचोएन डान , मेटे सायतान डिज खे आराखेनेज , मेटे आगासो भगिया हेएन डो यीसु का देख रेख डावेन ।

*इनी बाइबल टेन आना मत्ति 4:1-11; मरकुस 1:12-13; लुका 4: 1-13*

## 26. 26, यीसु डिजा सेबा चालुकेन

https://openbiblestories.org/l/kfq/story-26/

![](https://cdn.door43.org/obs/jpg/360px/obs-en-26-01.jpg?direct&)

सायातान टेन पपराखिटिंयेन बादोन , यीसु चोखा रावन टेन डि जागान गालिली टुगंन डिज पेडा लज्जेन वापस इराएन डान ।यीसु मिया जागा टेन दुसरा जागान इठुटेन सेनद्रा लज्जेन , डो डिजा बारे सेबेए कोरकु आच्चा का मेंटोन मांडि लज्जेन ।

![](https://cdn.door43.org/obs/jpg/360px/obs-en-26-02.jpg?direct&)

यीसु डिजा चेफनी टेंमोन पेडा डान जागान नाजरेत जिमु मेंटोन सेएरेन ओलेन डान । डिज पेडागा दिनेन भगवाना गा बडाइ जागान ओलेन डान । डिकु डिज खे सुटु भगवान मांडि गगाल यासायाह गा किताब खे जिले की डिज इंडी टेन पपडाटिंजबा ।यीसु इनी किताब खे खुलाटेन कोरकु घल्या पपडाटिंयेन ।

![](https://cdn.door43.org/obs/jpg/360px/obs-en-26-03.jpg?direct&)

यीसु पडाटिंयेन, “भगवान इंज खे डिजा चोखा रावन जिखे की इंज गिरीबि कोरकु घल्या आवल मांडि घगाल बा । केदोन मिनकु खे मुकलाटिंबा, अंदाडा मिनकु खे साजाउ बा , डो लुटाटिंन मिनकु टे बबचाटिंयु बा । इनी का साल भगवाना गा दया टाखा ।

![](https://cdn.door43.org/obs/jpg/360px/obs-en-26-04.jpg?direct&)

मेटे यीसु इठान सुबाएन, सेबेए डिज खे मेरान टेन डो'डो लज्जेन, डिकुन हेडेएन की डिज मसिह गा बारे इनी किताब टेन पपडाटिंज लक्केन मेंटोन । यीसु मेनान , “नाका डि वचन इंज आपे साम्मा चालु मांडि बारे का पपडाटिंज लक्केन", सेबेए कोरकु अचम्बोएन । "डिकु मेनान की इंनज गा डि यसुफ कोनटे कि बान ?”।

![](https://cdn.door43.org/obs/jpg/360px/obs-en-26-05.jpg?direct&)

मेटे यीसु मेनान ,”इनी सच्चो का तुनि बी सुटु भगवाना घगाल मांडि कोरो हेजा सेएरेन कुबुल हेबा डाउ । इसराएल देसोन घोनोज विघबा बाइकु टाखा डान डि सुटु भगवाना मांडि घगाल कोरो एलियाहा टेंमोन । फिनी आफिया डो आधा सालो डा' हेबा घामोउ टेंमोन भगवान एलियाहा खे इसराएल देसोन टेन तुनि बी विघबा बाइकु मदतो जिउ अंटिन हेबा कुकुल डुन का डान । माखा बादोन मिया निरा जातोटेन मिया विघबा खे मदतो डाखे ।

![](https://cdn.door43.org/obs/jpg/360px/obs-en-26-06.jpg?direct&)

यीसु लगातार मेनान , “ सुटु भगवान मांडि घगाल कोरो एलिसा टेंमोन टेन , डेन इसराएल तालान घोनोज कोरकु कोम्बोर गा बिमारि थाड डान । फिनी एलिसा जे खे बी बान साजाखेन डान । डिज नामान जिमु मेंटोन मिया का कोरो खे साजाखेन जे की इसराएल सेनाकु गा खोपा डान । डि कोरकु जे की हेडेएन नी यिसु यहुदि कोरो जातो का मेंटोन डो डिकु इंदार मांडि आजोम टेन डिजा लिएल खोब खिजोएन डान ।

![](https://cdn.door43.org/obs/jpg/360px/obs-en-26-07.jpg?direct&)

नाजारेत कोरकु भगवाना गा बडाइ जागा टेन डिज खे ओडजेन डो डि जागा गा सेबेटेन माठा लिएन सावेन डो डिंगाटेन डिज खे ताडपाटेन गोगोजा कोसिसो डाखे ।फिनी यीसु कोरकु गा झुंडो टेन सेंद्राटेन डि नाजारेत सेएरेन ओलेन डान ।

![](https://cdn.door43.org/obs/jpg/360px/obs-en-26-08.jpg?direct&)

मेटे यीसु गालिली गा गाओ टेन अल्डा । डो डेन घोनोज कोरकु डिजा मेरान हेएन डान । डिकु घोनोज बिमारि मिनकु डो अपंगोकु डो बान डो'डो'कु डो बान सेसेंद्रा डो बान मांडि मिनकु डिजा मेरान हेएन डान डो यीसु डिकु खे सासाजाखेनेज डान ।

![](https://cdn.door43.org/obs/jpg/360px/obs-en-26-09.jpg?direct&)

डिकु तालान घोनोज कोरकु जे की बुरा रावन टेन टोटोल मिनकु यीसु मेरान सावेन डान , मेटे यीसु गा मिया का हुकुमो टेन डि सेबेए बुरा रावन कु डि कोरकु टेन बल्लान सेने लक्केन डान । डो लेका टेंमोन डि भुतोकु हाक्को लज्जेन कि "आम भगवाना गा कोनटे मेंटोन ।” डो घोनोज कोरकु अचम्बोएन डो ढगवाना गा बडाइ डाखे ।

![](https://cdn.door43.org/obs/jpg/360px/obs-en-26-10.jpg?direct&)

मेटे यीसु बारा कोरकु खे ककलमयेन जे की डिजा चेलाकु मेंटोन हाक्कोबा । डि चेलाकु यीसु सेंगोन सेंद्रा टेन डिजा टेन इठु लज्जेन डान ।

*इनी बाइबल टेन का आना , मत्ति 4:12-25; मरकुस 1: 14-15; 35-39; 3: 13-21; लुका 4: 14-30;38-44*

## 27. 27, आच्चा सामारितन गा आना

https://openbiblestories.org/l/kfq/story-27/

![](https://cdn.door43.org/obs/jpg/360px/obs-en-27-01.jpg?direct&)

मिया दिन , यहुदि कायदा गा मिया अक्कल कोरो यीसु खे पपराखिटिंन हेएन डान । मेनान,” गुरु टे , जनमा जिवन अंटिन इंज चोज डडाबा ?” यीसु जबाब जिले , “ भगवाना किताबोन चुज ओलकेन ?”

![](https://cdn.door43.org/obs/jpg/360px/obs-en-27-02.jpg?direct&)

डि अक्कल मिठाज मेनान की भगवाना कायदा इंदार ओलकेन की " आमा भगवान सेवा दिला टेन ,परान टेन , जोर टेन डो माना टेन पिरोम डाए । डो आमा चेंडुआ टेन आमा खिजा पिरोम डाए " यीसु जबाब टेन मेनान " आम सच्चो का मांडि खे ! इनि का डाए डो आमेन जनमा जिवन घाटाउबा ।

![](https://cdn.door43.org/obs/jpg/360px/obs-en-27-03.jpg?direct&)

फिनी डि अक्कल मिठाज आपले आप घिरोमि कोरो मेंटोन डिज कोकोम्बारा खे की " जे इंया गा चेंडुआ मेंटोन"?

![](https://cdn.door43.org/obs/jpg/360px/obs-en-27-04.jpg?direct&)

मेटे यीसु डि अक्कल मिठाज खे मिया आना टेन जबाबो जिले की " डेन मिया यहुदि कोरो यरुसालेम टेन जेरिहो सेएरेन एकला चालकेन डान "।

![](https://cdn.door43.org/obs/jpg/360px/obs-en-27-05.jpg?direct&)

डि चालकेन टेंमोन कइ चुचरि मिनकु डिज खे कुठाखेनेज डो डिकु डिजा टेन सेबेए चिजो सावेन डो डिज गुजु गा लायको टाएन बेभाउ कुठाखेनेज डे बादोन ओलेन डान " ।

![](https://cdn.door43.org/obs/jpg/360px/obs-en-27-06.jpg?direct&)

डि लाका डिंगाटेन मिया यहुदि कोरो सेसेंद्रा लक्केन डान । मेटे डि घिरोमि यहुदि कोरो जे की इनी घायाल कोरो खे डो' टेन डिज निरा दुसरा कोरा टेन ओडजेन डान । डि कोरो खे बेगार मदत्तो टेन ओलेन डान "।

![](https://cdn.door43.org/obs/jpg/360px/obs-en-27-07.jpg?direct&)

थोडा टेंमोन बादोन , मिया लेबी जातो गा कोरो डि का कोरा टेन चालकेन डान । ( इनी लेबी कोरकु यहुदि जातो टेन जे की मंदिर तालान याजकु खे मदत्तो जेबा ) डि लेबी कोरो माखा दुसरा कोरान टेन हेएन डो डि घयाल कोरो खे बान मदत्तो डाखे डो निडेन डान ।

![](https://cdn.door43.org/obs/jpg/360px/obs-en-27-08.jpg?direct&)

डे बादोन आखरि कोरो डि कोरा टेन चालकेन डान डि कोरो मिया सामारितन डान।( सामारितनकु यहुदि पिडी टेन गा डान जे की दुसरा जातो कोरकु खे वियाब डाखे डान , डो सामारितानकु डो यहुदिकु मिया दुसरा हेबा मिलाटिंजलक्केन डान ) फिनी इनी सामारितन कोरो डि घायाल यहुदि कोरो खे डो' टेन डिज बेभाउ डिजा लिएन दया हेएन । मेटे डिज डिजा गा देख रेख डावेन डो डिजा सेबेए उजुखे टोलखेनेज डान ।

![](https://cdn.door43.org/obs/jpg/360px/obs-en-27-09.jpg?direct&)

मेटे डि सामारितन इनि घायाल कोरो खे डिजा डोबा गाडी लिेन डोखे डो मिया तालामंजिल दबाखाना सावेन डान की डेन डिजा देखरेक डाउबा मेंटोन ।

![](https://cdn.door43.org/obs/jpg/360px/obs-en-27-10.jpg?direct&)

डि गा दुसरा दिनेन डि सामारितन डिजा सेसेंद्रा लागातार डाखे डान डो डि गा देख रेख कोरो खे जिरीसा डामा बी जिखे डो मेनान की " आम इनी का आच्चा टेन सेबा डाए डो एठा डामा घाउबा टासोन इंज वापस इराटेंमोन आम खे डि ज्यादा डामा जेबा" ।

![](https://cdn.door43.org/obs/jpg/360px/obs-en-27-11.jpg?direct&)

मेटेन यीसु डि अक्कल मिठाज खे कोकोम्ब्राखेनेज , “ आम चोज विचार बा ? डि घायाल कोरो गा इनी आफिआ कोरकु टेन जे वे डिजा गा चेंडुआ आरुबा ?” डिज मेनान, “ डि मिया जे की डिज घायाल कोरो लिएन दया डाखे डो मदत्तो डो सेबा डाखे डान ।" मेटे यीसु डिज खे मेनान , "नाका आम सेने डो डि गा डाए" ।

*इनी बाइबल टेन का आना लुका 10:25-37*

## 28. 28, मिया जवान डामा कोरो

https://openbiblestories.org/l/kfq/story-28/

![](https://cdn.door43.org/obs/jpg/360px/obs-en-28-01.jpg?direct&)

मिया दिन, मिया डामा जवान कोरो यीसु मेरान हेएन डो डिजखे कोकोम्ब्रा लज्जेन, “ ए आच्चा गुरु टे , इंज चुज डडाबा डि जनमा जिवन अंटिन ? यीसु डिजखे मेनान, “ आम चोजा इंज खे आच्चा हाक्कोबा ? डेन मिया का जे की आच्चा टाखा , डो डिज भगवान का । फिनी आमेन जनमा जिवन होना टासोन भगवाना गा कायदा खे हेडेए होना "।

![](https://cdn.door43.org/obs/jpg/360px/obs-en-28-02.jpg?direct&)

डिज कोकोम्ब्राखेनेज की "तुनी मिनी खे इंज ममानटिंज होना?”यीसु जबाब जिले " जे का बी खुन बाकी , सिनाडी कमाए बाकी, चुचुरि बाकी, लाबाड बाकी, आमा आयुम्बा का मान डोए, डो आमा चेंडुआ खे आमा खिजा पिरोम डाए "।

![](https://cdn.door43.org/obs/jpg/360px/obs-en-28-03.jpg?direct&)

फिनी डि जबान कोरो मेनान ,इंज चेफनी लागि इनंज सेबेए कायदा ममनाटिंज लक्केन । "इंज खे एठा चोज डडा टाखा की इंज खे जनमा जिवन घाटाउबा मेंटोन ?” यीसु डिजा कोने डो'एन डो डिज खे पिरोम डाखे ।

![](https://cdn.door43.org/obs/jpg/360px/obs-en-28-04.jpg?direct&)

मेटे यीसु जबाब जिले , “ आमेन चोखा जिवन होना टासोन , सेने डो आमा गा सेबेए चिजो खे किजीखेमि डो डि डामाकु गिरीबोकु खे कठिंज खे । मेटेन आमा खजानदार आगासो तालान आरुबा । मेटे हेजे डो इंया टाउन सेंद्राए ।

![](https://cdn.door43.org/obs/jpg/360px/obs-en-28-05.jpg?direct&)

यीसु का इनी मांडि आजोम टेन डि जबान कोरो खोब दुक्कोटेन उदासोएन डान । चोजाकि डिज काड डामा कोरो डान डो डिजा इंसा हेबु की डिजा सेबेए डामा डो चिजो आवरा अंटिन । डिज टाउन इराएन डो यीसु टेन बी ढिली ओलेन डान ।

![](https://cdn.door43.org/obs/jpg/360px/obs-en-28-06.jpg?direct&)

मेटे यीसु डिजा चेलाकु के मेनान,” इंनिज डामा कोरकु अंटिन खोब परिसान थाडबा भगवाना गा राज्जो मु का! हा'आ मिया डामा कोरो भगवाना गा राज्जो मु टेन मिया उट सुजा गा पोपा टेन मु का आसान टाखा ।

![](https://cdn.door43.org/obs/jpg/360px/obs-en-28-07.jpg?direct&)

नी चेलाकु यीसु गा मांडि आजोम टेन लाका डिकु खोब अचम्बोएन डो मेनान की "मेटे जे का बी बबचाटिंज डाउबा ?

![](https://cdn.door43.org/obs/jpg/360px/obs-en-28-08.jpg?direct&)

यीसु चेलाकु खे डो' टेन डो मेनान, “ कोरकु टेन इनींज हेबा डाउ फिनी भगवाना टेन आसान डाउबा"।

![](https://cdn.door43.org/obs/jpg/360px/obs-en-28-09.jpg?direct&)

पतरस यीसु खे मेनान, “ आले सेबेए आरा टेन आमा टाउन सेंद्रा लज्जेन , मेटे आले गा डोज इनाम डाउबा?

![](https://cdn.door43.org/obs/jpg/360px/obs-en-28-10.jpg?direct&)

यीसु जबाब जिले की , हर मिखोम जे बी इंया अंटिन उराकु, डाइकु, बकोकु, बाटे खे , अंटे खे डो चेफनि कु खे डो डामाडकुडाकु खे आरा टेन इंया टाउन हेजेबा डिकुन 100 टेन ज्यादा का इनाम घाटाउबा डो जनमा जिवन बी घटाउबा, फिनी घोनोज पेएला मिनकु आखरिनंज थाडबा डो आखरिंज मिनकु पेएला थाडबा "।

*इनी बाइबल टेन का आना मत्ति 19:16-30; मरकुस 10:17-31; लुका 18:18-30*

## 29. 29, दया बान भागिया गा आना

https://openbiblestories.org/l/kfq/story-29/

![](https://cdn.door43.org/obs/jpg/360px/obs-en-29-01.jpg?direct&)

मिया दिन , पतरस यीसु खे कोकोमब्रा लज्जेन ए 'गुरु इंज चोटो टेंमोन इंया बोक्को खे माफोएबा जे की इंया बिरोदेन आनुवा गुनुवा डडाबा ? एइया टेंमोन की चोज ? मेटे यीसु मेनान, एइया टेंमोन का बान फिनी एइया गा सतर टेंमोन टाएन ! इनी टेन यीसु इनी मांडि मांडिगा मतलब आले खे सेबेए टेंमोन माफो जिउ होना । मेटे यीसु इंदार टेन मिया आना गालखेनेज ।

![](https://cdn.door43.org/obs/jpg/360px/obs-en-29-02.jpg?direct&)

यीसु मेनान , भगवाना गा आगासो राज्जो मिया राजा खिजा जे की आपला डामाडुकडा गा देख रेख डिजा का मिया भागिया खे जेबा ।डिजा गा मिया भागिया डिजा टेन 200.000 मिया उघार खिजा सालो घल्या मंजुरि सावेन डान ।

![](https://cdn.door43.org/obs/jpg/360px/obs-en-29-03.jpg?direct&)

"मेटे डे बादोन डि भागिया डिजा उघार डामा इरा डा डुन का डान । राजा मेनान, इंडि कोरो खे डो डिजा कुटुम्बोकु खे किजिखे मिया उरा भागियाकु खिजा डो डिजा उधार डामा पुराउ टाएन ।"

![](https://cdn.door43.org/obs/jpg/360px/obs-en-29-04.jpg?direct&)

डि भागिया राजा गा टोपरे इठा सम्मा बोचोएन डो मेनान,'ए' राजा इंया सेंगोन दया डाए, डो इंज सेबेए डामा वापस जेबा जो इंज आमा टेन उघार टेन सायेन डान । मेटे राजा दिलेन दया हेएन डो डिजा सेबेए उघार डामा सावेन मिनी खे माफोएन डान । डो डिज खे सेने डाएन ।

![](https://cdn.door43.org/obs/jpg/360px/obs-en-29-05.jpg?direct&)

“ फिनी डिज बल्लान ओडजेन बादोन डिजा टेन दुसरा निरा कोरो जे की डिजा टेन थोडा डामा उफुन मेहेना अंटिन उघार सावेन डान ।डि भागिया डिजा निरा भागिया खे उठाखेनेज डो मेनान, इंया उघार डामा इंज खे वापस इराए जो आम इंया टेन सावेन डान !”

![](https://cdn.door43.org/obs/jpg/360px/obs-en-29-06.jpg?direct&)

डि निरा भागिया डिजा टोपरे इठा सम्मा बोचोएन डो मेनान,ए' डाइ इंया सेंगोन दया डाए, डो इंज सेबेए डामा वापस जेबा जो इंज आमा टेन उघार टेन सायेन डान '। फिनी दया गा बदले डि भागिया डि निरा भागिया खे केदोन तालान केडखेनेज डान । डिजा उघार डामा वापस जिउ टाएन ।

![](https://cdn.door43.org/obs/jpg/360px/obs-en-29-07.jpg?direct&)

नि दुसरा भागियाकु इनि सेबेइ मांडि डो'डो' लज्जेन डान । डो डिकु गा मना टेन आराम्बो हेबा घाटाउ लक्केन डान । मेटे डिकु इनि सेबेइ मांडि राजा खे घालखेनेज"

![](https://cdn.door43.org/obs/jpg/360px/obs-en-29-08.jpg?direct&)

डि राजा भागिया खे हाक्कोएन डो मेनान,” आम बुरा भागिया ! इंज आमा उघार खे माफिेन डान चोजाकि आम इंज खे विनति डाखे डान । डो आम बी डि गा डडा होना का डान । मेटे राजा बेभाउ खिजोएन डो डि बुरा भागिया खे केदोन तालान केडखेनेज डान डिजा सेबेए डामा वापस इरा टाएन ।

![](https://cdn.door43.org/obs/jpg/360px/obs-en-29-09.jpg?direct&)

मेटेन यीसु मेनान,” इनि खिजा इंया आगासो आबा बी डाएबा आपे हर मिखोम खे आम आमा बोक्कोकु पुरा दिला टेन बान माफोएबा टासोन "।

*इनि बाइबल टेन आना मत्ति 18:21-35*

## 30. 30, यीसु मनाइ हजार कोरकु खे चाराएन

https://openbiblestories.org/l/kfq/story-30/

![](https://cdn.door43.org/obs/jpg/360px/obs-en-30-01.jpg?direct&)

यीसु डिजा चेलाकु खे घोनोज अलग्गो अलग्गो गावेन आवल मांडि परचार डो इठु अंटिन कुलखेनेजकेन । मेटे डिकु वापस इराटेन यीसु खे मेनान की, जो जो कमाइ डिकु टेन डाखे डान सेबेए डिकु यीसु खे मांडिखेन डान । मेटे यीसु डिकु खे हाक्कोएन डिकु सेंगोन समुंदर गा दुसरा पार मिया सांत जागान सेने घल्या डो थोडा टेंमोन आराम्बो डाखे डान । मेटेन डिकु नाव तालान सुबान टेन समुंदर गा दुसरा पार ओडजेन ।

![](https://cdn.door43.org/obs/jpg/360px/obs-en-30-02.jpg?direct&)

फिनी डेन घोनोज कोरकु जे की यीसु डो डिजा चेलाकुखे डो'एनेज डान नाव तालान टाेएन हेएन डान । डो डि कोरकु डिकु टे सुटु संमुदर गा दुसरा पारोम साडुब टेन ओलेन डान , मेटे यीसु डो डिजा चेलाकु आदिरेन लाका , कोरकु गा मिया खाड झुंडो पेएला टेन डिकु घल्या कोरा ततरालज्जेन डान ।

![](https://cdn.door43.org/obs/jpg/360px/obs-en-30-03.jpg?direct&)

बाइकु डो चेफनिकु खे आवरा टेन, डेन मनाइ हजार टेन ज्यादा कोरकु गरदि टेन इंगेन टाखा डान । मेटे यीसु डि कोरकु लिएन खोब दया हेएन , डो यीसु अंटिन इंडि कोरकु बेगार चचरा मिठाज मेंडाकु खिजा इंगेन उंगान डायेन, मेटे डिज डिकु खे इठुखेनेज डो डिकु गा रेंगो रेंगो बिमारि टेन डिकु खे साजाखेन डान ।

![](https://cdn.door43.org/obs/jpg/360px/obs-en-30-04.jpg?direct&)

सिंगरुब टेंमोन, चेलाकु यीसु खे मेनान,” इंनिज खाड टेंमोन डान डो एनेन चोज का बी दुकान हे का बान । डिकु खे सेने का मांडिए मेटे डिकु जुजोम अंटिन चुज बी ससाबा"।

![](https://cdn.door43.org/obs/jpg/360px/obs-en-30-05.jpg?direct&)

फिनी यीसु डिजा चेलाकु खे मेनान, “ आपे डिकु खे चोज बी जिजोम का जे !” डिकु मेनान इनि चुफार टेन डाउबा मेंटोन, “ आले चुफार टेन डडाबा? आले मेरान मनाइ सोकडा डो बारि सानि काकु का टाखा" ।

![](https://cdn.door43.org/obs/jpg/360px/obs-en-30-06.jpg?direct&)

यीसु डिजा चेलाकुखे मेनान की आपे कोरकु खे जारा इठान ओटे लिएन सुबान मांडिए डि बी हर मिया भागो टेन पचास कोरकु टेन सुबान का ।

![](https://cdn.door43.org/obs/jpg/360px/obs-en-30-07.jpg?direct&)

मेटे यीसु डि मनाइ सोकडा डो बारि सानि काकु खे उठाटेन माठान आगासो कोनेन डोटे डो आटा घल्या भगवान खे घन्यवाब जिखे ।

![](https://cdn.door43.org/obs/jpg/360px/obs-en-30-08.jpg?direct&)

मेटे यीसु डि सोकडा डो काकु खे टुकडा टुकडा टेन डेजखेनेज डो डिज डिजा चेलाकु खे कोरकु खे कठिज अंटिन जिले ।डि चेलाकु सेबेए कोरकु खे जिउ लक्केन डो इंडि चोलाका बी हेबा सिया डुन का ! सेबेए कोरकु सांति टेन जोवेन डान ।

![](https://cdn.door43.org/obs/jpg/360px/obs-en-30-09.jpg?direct&)

डे बादोन , चेलाकु बचाटिंन मिनी आटाकु टेन बारा टोकलि आटाकु गोगलाएन डान ! डि मनाइ सोकडा डो बारि सानि काकु टेन गा इनि सेबेइ आटा हेएन डान ।

*इनि आना बाइबल टेन मत्ति 14:13-21;मरकुस 6:31-44;लुका 9:10-17;यहुना 6:5-15*

## 31. 31, यीसु डा' गा लिएन सेसेंद्राखेनेज

https://openbiblestories.org/l/kfq/story-31/

![](https://cdn.door43.org/obs/jpg/360px/obs-en-31-01.jpg?direct&)

मेटे यीसु डिजा चेलाकु खे मेनान, नावा तालान समुंदर गा दुसरा पारोम ओडे डो डिज कोरकु खे उरान कुलखेनेज डान । यीसु कोरकु खे उरान कुलखेनेज बादोन , डिज मिया टेकडि लिएन पारथना घल्या पेडेजेन । यीसु डेन एकला गा टाखा डो आघी राटोन टाएन पारथना डाखे ।

![](https://cdn.door43.org/obs/jpg/360px/obs-en-31-02.jpg?direct&)

डि गा टेंमोन यीसु गा चेलाकु डिकु गा नाव खे सेसेंद्रा लज्जेन डान । फिनी आघी राटो मारेन डिकु समुंदर गा तालामंजिल टेन टाखा डान । डिकु टेन सेसेंद्रा बेभाउ मुसकिल डान चोजाकि डिकु विरोदेन कोयो खाड जोर टेन सेसेंद्रा लज्जेन डान ।

![](https://cdn.door43.org/obs/jpg/360px/obs-en-31-03.jpg?direct&)

मेटेन यीसु पारथना डा टेन डिजा चेलाकु कोने डा' लिएन सेसेंद्रा टेन हेजे लक्केन डान । डिज समुंदर गा डा' लिएन डिकु गा नावा कोनेन नांगा टेन सेसेंद्रा लज्जेन डान ।

![](https://cdn.door43.org/obs/jpg/360px/obs-en-31-04.jpg?direct&)

यीसु खे डो' टेन डि चेलाकु खाड हिगराएनेज , चोजाकि डिकु विचारएन की डिकु मिया भुतो खे डो'डो' लज्जेन मेंटोन । यीसु चिनाेन की डिकु हिगरा लज्जेन मेंटोन , मेटे डिज डिकु खे हाक्कोएन डो मेनान , “ इंज का आपे हिगरा बाकी !”

![](https://cdn.door43.org/obs/jpg/360px/obs-en-31-05.jpg?direct&)

मेटे पतरस यीसु खे मेनान , "ए गुरु टे , इनि आम का टासोन इंज खे हुकुमो जे आमा मेरान डा' लिएन सेसेंद्रा टेन हेजे अंटिन" । यीसु पतरस खे मेनान "हेजे मा !"

![](https://cdn.door43.org/obs/jpg/360px/obs-en-31-06.jpg?direct&)

मेटेन पतरस नाव टेन डा' लिएन आगुरुएन डो यीसु कोने सेसेंद्रा लज्जेन । फिनी थोडा ढिली सेसेंद्राएन बादोन , डिज डिजा मेंड यीसु टेन दुसरा कोनेन डो'डो' लज्जेन डो खाड ढुंडि डो कोयो खे डो'डो' लज्जेन ।

![](https://cdn.door43.org/obs/jpg/360px/obs-en-31-07.jpg?direct&)

मेटे पतरस हिगराएन डो डा' तालान नाब्रु लज्जेन डान । डिज हाक्कोएन "ए गुरु टे इंज खे बचाटिंजखेमी"!

यीसु डिजा मेरान आदिरेन डो डिज खे डा' तालाटेन बल्लान ओडजेन । मेटे डिज पतरस खे मेनान , आम जिरिसा का इमान मिठाज , “ आम चोजा बरावर इमान साडुन का डान ?”

![](https://cdn.door43.org/obs/jpg/360px/obs-en-31-08.jpg?direct&)

यीसु डो पतरस नाव तालान सुबानएन लाका , डि कोयो सेसेंद्रा अचानक बंदोएन डो डि डा' बी सांत आरुएन । मेटे डि चेलाकु अचम्बोएन डो यीसु का बडाइ डाखे ।, डिज खे मेनान , सच्चो का आम भगवाना गा कोनटे मेंटोन "।

*इनि आना बाइबल टेन मत्ति 14:22-33; मरकुस 6:45-52यहुना6:16-21*

## 32. 32, यीसु मिया  भुतो उठा कोरो खे डो मिया बिमारि बाइ खे सासाजाखेनेज

https://openbiblestories.org/l/kfq/story-32/

![](https://cdn.door43.org/obs/jpg/360px/obs-en-32-01.jpg?direct&)

मिया दिन, यीसु डो डिजा चेलाकु मिया नाव टेन समुंदर गा दुसरा पारोमखेन गेरासिन कोरकु पेडा जागान आदिरेन ।

![](https://cdn.door43.org/obs/jpg/360px/obs-en-32-02.jpg?direct&)

मेटे डिकु झिल गा दुसरा कोनेन आदिरेन लाका , मिया भुत्तो उठाखेनेज कोरो यीसु मेरान साडुब टेन हेएन ।

![](https://cdn.door43.org/obs/jpg/360px/obs-en-32-03.jpg?direct&)

इनी कोरो खोब जोर कोरो डान डो जे का टेन बी कबजान बान हेजे लक्केन डान । कोरकु डिज खे सेकेले टेन टोलखेनेज डान फिनी डिज इनी सेबेए खे टिआखेन डान ।

![](https://cdn.door43.org/obs/jpg/360px/obs-en-32-04.jpg?direct&)

डि कोर मर्रकटा मेरान पेडालक्केन डान । इनी कोरो डिया डो राटो हाक्को लक्केन डान डो चोज का बी हेबा उरिलज्जेन डान डो गोटा टेन हेजा हेज का बुरा टेन गेगेडज लक्केन डान ।

![](https://cdn.door43.org/obs/jpg/360px/obs-en-32-05.jpg?direct&)

मेटे डि कोरो यीसु मेरान हेएना बादोन , डिजा टोपरे टेन डिजा सम्मा बोचोएन । यीसु डि भुत्तो खे मेनान, “ इनी कोरो टेन बल्लान हेजे !”

![](https://cdn.door43.org/obs/jpg/360px/obs-en-32-06.jpg?direct&)

डि भुत्तो जे की इनी कोरो तालान टाखानेज डान खाड आवाज टेन हाक्कोएन ,”ए यीसु, खाड भगवाना गा कोनटे आम इंया सेंगोन चुज डडा लज्जेन,? इंज खे दया टेन आतार बाकी !” मेटे यीसु डि भुत्तो खे कोकोम्ब्राखे की "आमा जिमु चुज वे?” डिज जबाब जिले , इंया जिमु लेजिओ टाखा , चोजाकि आले घोनोज कु मेंटोन"। ( मिया लेजिओ गा मतलब रोमियो सेना गा कइ हजार सिपाइ कोरकु गा मिया झुंडो डान)।

![](https://cdn.door43.org/obs/jpg/360px/obs-en-32-07.jpg?direct&)

डि भुत्तोकु यीसु खे विनती लज्जेन, “दया टे इनी राज्जो टेन आले खे कुकुल बाकि !” डेन खाड झुंडो टेन मिया टेकडि लिएन सुकडिकु चचरालाज्जेन डान , मेटे डि भुत्तोकु यीसु खे विनती खे की " इनी का बदले आले खे सुकडि तालान सेने मांडिेए !” यीसु मेनान , "सेने !”

![](https://cdn.door43.org/obs/jpg/360px/obs-en-32-08.jpg?direct&)

डि भुत्तोकु कोरो टेन बल्लान ओडजेन डो सुकडिकु तालान मु एन डान । डि सुकडिकु साडुब डोने झिल गा तालामंजिल ओलेन डो नामब्रुएनेज डान । डेन 2,000 सुकडिकु डि टेकडी टेन टाखा डान ।

![](https://cdn.door43.org/obs/jpg/360px/obs-en-32-09.jpg?direct&)

नाका जे इनी सुकडीकु खे चचरालक्केन डान डिकु इनी सेेबेए डो'टेन ,डिकु साडुब डोने सेएरेन ओलेन डो हर मिखोम खे इनी सेबेए मांडि जो यीसु डाखे डान घालखेनेज । मेटे सेेएरेन गा सेबेए कोरकु डि भुत्तकु उठा कोरो खे डो'डो लक्केन । डो डिज लिजा उरिटेन सांत टेन सुबानकेन डान ,डो मिया साघा कोरो खिजा वापार लज्जेन ।

![](https://cdn.door43.org/obs/jpg/360px/obs-en-32-10.jpg?direct&)

डि कोरकु खाड हिगराएन डो यीसु खे कोकोम्ब्राखेनेज सेने अंटिन डो यीसु नाव तालान सुबान टेन डो सेने गा तितीयारखेनेज डान । डि भुत्तोकु उठा कोरो बी यीसु खे विनती खे यीसु सेंगोन सेने घल्या ।

![](https://cdn.door43.org/obs/jpg/360px/obs-en-32-11.jpg?direct&)

फिनी यीसु डिज खे मेनान, “ हेबु इंया इंसा आम उरान सेने डो आमा सप्तिकु खे डो उरामिनकु खे डि सेबेए मांडि जो भगवान आमा सेंगोन दया टेन डाखे डान डि सेबेइ अचम्बो मांडि डिकु खे घाले "।"

![](https://cdn.door43.org/obs/jpg/360px/obs-en-32-12.jpg?direct&)

मेटे डि कोरो ओलेन डो हर मिखोम खे यीसु जो मांडि डाखे डान डिजा घल्या सेबेइ मांडि घालखेनेज । जे बी इनी मांडि का आना आजोम टेन लाका सेबेइ हिगरा टेन अचम्बोएन ।

![](https://cdn.door43.org/obs/jpg/360px/obs-en-32-13.jpg?direct&)

यीसु झिल गा दुसरा पारम टेन इराेएन । डिज डेन आदिरेन बादोन , मिया खाड झुंडो गा कोरकु डिजा मेरान हेएन डो डिजा लिएन बोचोउ लज्जेन । डि गा टेंमोन गरदि तालाटेन मिया बाइ जे की बारा सालो लागि मिया पचना गा समस्याटेन पेडाखेन डान । डिज डिजा सेबेए डामाडुकडा टेन इलाज डाखे डान फिनी इनी चोज खे बी कमाइ हेज डुन का डान ।

![](https://cdn.door43.org/obs/jpg/360px/obs-en-32-14.jpg?direct&)

डिज आजोम खे की यीसु सेबेइ बिमारि कोरकु खे साजा खे मेंटोन डो विचारएन कि " इंज यीसु गा लिजा खे उठाबा टासोन इंज पक्का साजाउबा मेंटोन"! मेटे डिज यीसु गा टाउन हेएन डो डिजा लिजा खे उठाखेनेज , डि लाका डिजा पचना आदि गा बिमारि बबंदोएन !

![](https://cdn.door43.org/obs/jpg/360px/obs-en-32-15.jpg?direct&)

तुरुत्तो का यीसु खे मालुम बोचोएन की डिजा टेन मिया खाड जोर ओडजेन खिजा ,मेटेन डिज सेबेए कोना हिंदिडी खे डो कोकोम्ब्राखे , "जे इंज खे उठाखेनेज ?” डिजा चेलाकु मेनान ,” एनेन घोनोज कोरकु आमा लिएन बोचोउ लक्केन डो आम चोजा इनी कोकोम्ब्रालज्जेन ,की "जे इंज खे उठाखेनेज "?

![](https://cdn.door43.org/obs/jpg/360px/obs-en-32-16.jpg?direct&)

डि बाइ डिजा टोपरे टेन यीसु सम्मा बोचोएन , खाड हिगरा डो हलाउ टेन डान ,मेटे डि बाइ जो मांडि डाखे डान डो चुफार टेन डिज साजाएन सेबेइ मांडि डिज खे घालखेनेज । मेटे यीसु डिज खे मेनान ,” आमा इमान टेन आम खे साजाखे , नाका आम सांतिटेन सेने"।

*इनी आना बाइबल टेन मत्ति 8:28-34; 9:20-22;मरकुस 5:1-20;5:24बी-34;लुका 8:26-39;8:42बी-48*

## 33. 33, खिती कोरो गा आना

https://openbiblestories.org/l/kfq/story-33/

![](https://cdn.door43.org/obs/jpg/360px/obs-en-33-01.jpg?direct&)

मिया दिन, यीसु समुंदर गा कोना मेरान मिया खाड झुंडो कोरकु खे इठु लज्जेन डान । मेटे घोनोज कोरकु डिजा मांडि आजोम घल्या हेजेलक्केन डो यीसु आच्चा टेन घल्या डा' गा लिएन मिया नावा तालान सुबान टेन डिकु खे इठु लज्जेन । डिज कोरकु खे नाव तालान टेन गा इठु खे ।

![](https://cdn.door43.org/obs/jpg/360px/obs-en-33-02.jpg?direct&)

यीसु इनी का आना मेनान,”मिया खिटी कोरो डिजा विजो खे विबीड ओलेन डान । डिजा टि टे का डिज विजोकु खे विबीड लक्केन डान, डि टे चोटो विजोकु कोरा दुरान बोचोएन डो पंखुरकु हेएन डो डि सेबेए विजोकु जोवेन डान "।

![](https://cdn.door43.org/obs/jpg/360px/obs-en-33-03.jpg?direct&)

“डि गा दुसरा विजोकु पाठाकु लिएन बोचोएन, डेन जिरीसा गा कासा टाखा डान मारे डि विजोकु पाठान थाड मिनी झल्लो गा खाडजेन, फिनी डिकु गा जड कासा गा इठान हेबा मु मारेन इनी झाराकु घामोटेन डो गरमि टेन लोखोडेएन डो गोएन " ।

![](https://cdn.door43.org/obs/jpg/360px/obs-en-33-04.jpg?direct&)

“ माखान डि गा दुसरा विजोकु जोनोम गा झाडि तालान बोचोएन , डि विजोकु खाड घल्या कोसिसो डाखे फिनी डि जोनोमकु डिकु खे दबाटिंएन डान । मेटे डि झाराकु जोनोम तालान खाडजेन माखान चोजखे बी जोउ डा डुन का डान "।

![](https://cdn.door43.org/obs/jpg/360px/obs-en-33-05.jpg?direct&)

“ डि गा दुसरा विजोकु जो आच्चा कासा गा इठान बोचोएन, इनी विजोकु आच्चा टेन खाडजेन डो 30,गुना,60, गुना डो 100,गुना टेन जाय्दा जोउ जिले डिफीर टेन का डि विजो खितीन विबीड डान । जे का लुतुर टाखा डिज का आजोम बा" !

![](https://cdn.door43.org/obs/jpg/360px/obs-en-33-06.jpg?direct&)

इनी आना टेन चेलाकु हेबा सासामजाटिंन डान । मेटे यीसु एठा अच्चाटेन घालखे, “ डि विजो भगवाना गा वचन का टाखा , डि कोरा मिया कोरो का टाखा जे की भगवाना वचन आजोमबा, फिनी बान सासामजाटिंज लक्केन डो डिजा टेन सायतान डि वचन खे रुरुटिन लक्केन " ।

![](https://cdn.door43.org/obs/jpg/360px/obs-en-33-07.jpg?direct&)

“ डि पाठा गा कासा मिया कोरो खिजा जे कि आरिटेन भगवाना गा वचन खे आजोम बा , फिनी दुक्को डो परिक्सा टेंमोन डिज बोचोउबा "।

![](https://cdn.door43.org/obs/jpg/360px/obs-en-33-08.jpg?direct&)

“ डि जोनोम कासा मिया कोरो खिजा जे की भगवान गा वचन आजोम बा , फिनी टेंमोन ओडजेन बादोन डो हेजा का बारे विचार बा, डो डामाडुकडा डो दुनिया गा सुक्को घगाट बा , मेटे डिज जो बी इठुएनेज डान डि तुनी बी जोउ हेबा जिउ डाउ "।

![](https://cdn.door43.org/obs/jpg/360px/obs-en-33-09.jpg?direct&)

“ फिनी डि आच्चा कासा इनी का जे की भगवाना गा वचन खे आजोम बा , डो डेन इमान सेगेज बा , डो जोउ जेबा "।

*इनी आना बाइबल टेन मत्ति 13:1-8;18-23;मरकुस4:1-8,13-20;लुका8:4-15*

## 34. 34, यीसु दुसरा आनाकु इठुखेनेज

https://openbiblestories.org/l/kfq/story-34/

![](https://cdn.door43.org/obs/jpg/360px/obs-en-34-01.jpg?direct&)

यीसु भगवाना गा राज्जो बारेन दुसरा घोनोज आना कु घालखेनेज, उदाहरन टेन डिज मेनान ,” भगवाना गा राज्जो मिया राइ गा विजो खिजा जे की मिखोम डिजा खिती तालान हेंडाखेनेज , आपे मालुम की राइ गा विजो सेबेइ विजो टेन बी जिरीसा गा " ।

![](https://cdn.door43.org/obs/jpg/360px/obs-en-34-02.jpg?direct&)

“ फिनी राइ विजो बडाटिंएन , डो इनी डि बारिगा सेबेइ सिंयाटेन बी खाड सिंया टेन खाडजेन,एतो काडजेन की डि गा डांगो लिएन पंखुर कु हेजेबा डो डेन आराम्बो डडा बा ।

![](https://cdn.door43.org/obs/jpg/360px/obs-en-34-03.jpg?direct&)

यीसु दुसरा आना मेनान, “ भगवाना गा राज्जो गुंडाचि कोलोम गा आटा खिजा की मिया बाइ इंडि टेन गुंडाचि बा , डि फुलाटिंज टाएन "।

![](https://cdn.door43.org/obs/jpg/360px/obs-en-34-04.jpg?direct&)

“ भगवाना गा राज्जो डामा गा खादान खिजा जे की मिखोम मिया खिती तालान उकु टेन डोखे डान । मेटे दुसरा कोरो इंडी खे घाटाएन डो एठा गाडाटिंएन । डिज बेभाउ आरिएन टेन ओलेन डो डिजा मेरान जो टाका डान सेबेइ किजीखेमि डो डि डामा टेन इंडि खिति खे सावेन डान "।

![](https://cdn.door43.org/obs/jpg/360px/obs-en-34-05.jpg?direct&)

“ भगवाना गा राज्जो मिया खाड मोला गा चोखा हिरा खिजा टाखा । मेटे मिया सोनार डिज खे गाटाएन टासोन , डिज डिजा सेबेइ चिजो किजिखे डो डि डामा टेन इंडि चोखा हिरा खे ससाबा "।

![](https://cdn.door43.org/obs/jpg/360px/obs-en-34-06.jpg?direct&)

मेटे यीसु मिया आना घालखे की कइ कोरकु जेकी डिकु गा हेजा का कमाइ खे आच्चा मेनबा फिनी दुसरा कु खे आच्चा बान मेनबा । डिज मेनान , “ बारिकिँज मंदिर तालान पारथना अंटिन ओलेन डान, मिखोम कर वसुलि मिठाज डान , डो दुसरा मिठाज मिया घारोमि नेता डान "।

![](https://cdn.door43.org/obs/jpg/360px/obs-en-34-07.jpg?direct&)

” डि घिरोमी कोरो इनी खिजा पारथना डाखे की , भगवान आम खे घन्यवाद, की इंज दुसरा कोरकु खिजा आनुवा गुनुवा कोरो हेबु ,- जेय्सा गुंडाकु , दया बान कोरकु खिजा, सिनाडि कमाइ मिनकु खिजा ,एतो का की इनी कर वसुलि कोरो खिजा गा बान मेंटोन "।

![](https://cdn.door43.org/obs/jpg/360px/obs-en-34-08.jpg?direct&)

“ मिया मांडि टेन ,इंज मिया हाप्तान बारि टेंमोन उपवास डोएबा डो इंज आम खे इंया गेल भगो जेबा , डो सेबेइ आच्चा का चिजो जेबा"।

![](https://cdn.door43.org/obs/jpg/360px/obs-en-34-09.jpg?direct&)

फिनी डि कर वसुलि मिठाज डि घिरोमी कोरो टेन ढिली टेंगेन खेन डो आगासो कोने बी डो'डो गा हिम्मोतो हेबा डाडुन । फिनी डिज डिजा चाती टे मुमुंडा टेन भगवान खे पारथना डाखे , ए भगवान , इंया लिएन दया डाए चोजाकि इंज आमा विरोदेन आनुबा गुनुवा डाखेनेज "।

![](https://cdn.door43.org/obs/jpg/360px/obs-en-34-10.jpg?direct&)

मेटे यीसु मेनान ,“ इंज आपेखे सच्चो सच्चो मांडिबा , कि भगवान डि वसुलि कोरोगा पारथना खे आजोमखे डो डिज खे सेबेए कु सम्मान मेनान कि इनिज का धिरोमी कोरो का । फिनी डिज डि धिरोमी खापेडकु गा पारथना खे ठाय का हेबा पसंदो । जो कोरकु घमनंडो बा डिकु खे भगवान इठान बोचोकुबा फिनी जो कोरकु सानी सोबाव टे थाडबा डिज डिकु खे माठान टुलकु बा”।

*इनी बाइबल टेन गा आना मत्ति 13:31-33;44-46;मरकुस4:30-32;लुका 13:18-21;18:9-14*

## 35. 35, दया गा आबा का आना

https://openbiblestories.org/l/kfq/story-35/

![](https://cdn.door43.org/obs/jpg/360px/obs-en-35-01.jpg?direct&)

मिया दिन , यीसु घोनोज कर वसुलि डो दुसरा आनुवा गुनुवा मिनकु जे की डेन गोलाखेन डान डिजा आजोम लक्केन डान ।

![](https://cdn.door43.org/obs/jpg/360px/obs-en-35-02.jpg?direct&)

चोटो घिरोमी नेताकु जे की डेन ठखनेज डान यीसु गा आनुवा गुनुवा कोरकु सेंगोन व्यवार गा डो'एनेज डो डिकु मिया दुसरा डिज खे परिक्सा टेन बोचोउ खे डान जेय्सा यीसु डिकु खे इनी आना घालखेनेज डान

![](https://cdn.door43.org/obs/jpg/360px/obs-en-35-03.jpg?direct&)

डेन मिया कोरो डान डिजा गा बारिकिंज कोनटे डान । डि सानी गा कोन डिजा बाटे खे मेनान, “ए आबा ,नाका इंज खे इंया गा इसा होना मेंटोन !” मेटे डि बाटे डिजा बारिकिंज कोनकु तालान डिजा डामाडुकडा खे कठिंजखेन "।

![](https://cdn.door43.org/obs/jpg/360px/obs-en-35-04.jpg?direct&)

” तुरुत्तो गा डि सानि जबान कोनटे सेबेइ गोगोलाटेन लेका ढिली ओलेन डान । डो डेएन डिजा सेबेए डामाडुकडा खे वाया डो आनुवा गुनुवा टेन सियाखेन डान "।

![](https://cdn.door43.org/obs/jpg/360px/obs-en-35-05.jpg?direct&)

"डे बादोन, डि सानी कोनटे थाड जागान मिया खाड अक्काल हेएन डान डो डिजा मेरान आटा ससा अंटिन चुज खे बी डामा हेबु डान । मेटेन डिजेन मिया सुकडिकु गा चचरा कमाइ घाटाएन डान । डिज खुब रांगेेेएन मारे डिजा बान इंसा चिजो सुकडिकु गा आटा खे बी जोवेन डान "।

![](https://cdn.door43.org/obs/jpg/360px/obs-en-35-06.jpg?direct&)

आखरिटेन , डि सानी कोनटे हेजा का हेज विचार खे की, इंज चुज डडा लज्जेन ? इंया आबा का सेबेइ भगियाकु मेरान घोनोज आटा थाडबा , डो इंज एनेन आटा गा रागेंज टेन टाखा । इंज वापस इंया उरान इराबा डो इंया बाटे गा मिया भागिया मेंटोन पेडाबा ।"

![](https://cdn.door43.org/obs/jpg/360px/obs-en-35-07.jpg?direct&)

” मेटे डि सानी कोनटे डिजा आबा उरा मेरान कोनेन वापस इराकेन चालुएन । मेटे डिज लेका ढिली दुरान डान, डिजा बाटे डिज खे डो'एनेज डो डिजा लिएन खुब दया हेएन । डिज साडुब डोने डिजा कोनटे मेरान हेएन डो डिज खे पिरोम डाखे "।

![](https://cdn.door43.org/obs/jpg/360px/obs-en-35-08.jpg?direct&)

“ डि कोनटे मेनान, 'आबा , इंज भगवाना गा डो आमा विरोदेन आनुवा गुनुवा डाखे । इंज आमा कोन मेंटोन हाक्को का लायको हेबु "।

![](https://cdn.door43.org/obs/jpg/360px/obs-en-35-09.jpg?direct&)

“ फिनी डिजा बाटे डिजा गा मिया भागिया खे मेनान, ' झल्लो का सेने डो आच्चा टेन आच्चा का अंगि डो चोलना साये डो इंया कोन खे उरिये ! मिया मुदि डिजा बोटो टेन उरिये डो डिजा नांगा अंटिन चपल्ल जे ए । मेटे आच्चा का गाइ गा कोन खे मागे की आले मिया पंगत डाएबा डो कुसि ममनाटिंजबा चोजाकि इंया कोनटे गोएन डान, फिनी नाका डिज जिटाएन ! डिज आडजेन डान नाका घाटाेन मेंटोन !”

![](https://cdn.door43.org/obs/jpg/360px/obs-en-35-10.jpg?direct&)

“ मेटे डि कोरकु पंगत डडा चालुएन , खाड टेंमोन टेन डि खाड कोनटे खिती कमाइटेन उरान हेएन । मेटे डिज बाजा का आजोमखेनेज डो गादुलिगा डो'टेन आचम्बोएन की इनि चुज डाउ लक्केन मेंटोन"।

![](https://cdn.door43.org/obs/jpg/360px/obs-en-35-11.jpg?direct&)

“ मेटे डि खाड कोनटे इनी सेबेइ डो'टेन खुब खिजोएन डो डिजा उरा तालान बान मु लज्जेन डान । फिनी डिजा बाटे डिजा मेरान हेएन डो डिज खे विनती लज्जेन उरा तालान हेजे का डो पंगत ममनाटिंज अंटिन ,फिनी डिज बांगो का मेनान "।

![](https://cdn.door43.org/obs/jpg/360px/obs-en-35-12.jpg?direct&)

“डि खाड कोनटे डिजा बाटे खे मेनान एतो सालो टाएन इंज आमा सेंगोन पेडाखे डो आमा सेबेइ कमाइ खे इमानदार टेन डाखे ! इंज चोलाका आम खे दुक्को हेबा जिखे , डो आम जिरिसा बी सानी बकरा खे बी इंया सोप्ती अंटिन कुसि ममनाटिंज हेबा जिखे डान । फिनी आम इनी सानी कोन घल्या जे की आमा डामाडुकडा खे सिनाडि कमाइ टेन सिया खे डिजा अंटिन आच्चा का गइ का कोन खे मागे ।

![](https://cdn.door43.org/obs/jpg/360px/obs-en-35-13.jpg?direct&)

“ डि बाटे जबाब जिले की , 'ए इंया गा कोन , आम सेबेए टेंमोन इंया सोप्तीन टाखा , डो इंया सेबेए गा चिजो आमा का टाखा , फिनी इंनीज आबुंया घाल्टि पंगत डडा गा आच्चा का चोजाकि आमा बकोटे गोएन डान नाका जिटाएन , डिज आडजेन डान नाका घाटाएनेज "!

*इनी आना बाइबल टेन लुका 15:11-32*

## 36. 36, रुपो का बबदालाटिंजगा

https://openbiblestories.org/l/kfq/story-36/

![](https://cdn.door43.org/obs/jpg/360px/obs-en-36-01.jpg?direct&)

मिया दिन, यीसु डिजा आफिया चेलाकु खे पतरस, जेम्स,डो यहुना खे डिजा सोप्तीन सावेन डान ।( डि यहुना जिमु मेंटोन जे की यीसु खे बापतिस्मा जिखे डि गा यहुना हेबु डान) डिकु मिया टेकडि लिएन पारथना डडा अंटिन ओलेन डा ।

![](https://cdn.door43.org/obs/jpg/360px/obs-en-36-02.jpg?direct&)

यीसु पारथना डडा टेंमोन , डिजा मुआर गा रुप्पो सुरोजो खिजा उजलाएन डो डिजा अंगि गा लिजा बेभाउ उजलाटिंएन जेय्सा दुनिया टेन जे गा बी डिफिर हेबु डान ।

![](https://cdn.door43.org/obs/jpg/360px/obs-en-36-03.jpg?direct&)

मेटे मोसे डो डि सुटु भगवानागा मांडि घगाल मिठाज एलियाहा टिपीएन , इनी बारकिंज इनी दुनीया तालान मिया सड्डि साल सुटु पेडाखेन डान । डिकु यीसु सेंगोन डिजा गुजु गा बारे मांडि लज्जेन डि झल्लो का यरुसालेम डाउबा मेंटोन ।

![](https://cdn.door43.org/obs/jpg/360px/obs-en-36-04.jpg?direct&)

जेय्सा मुसा डो एलियाहा यीसु सेंगोन मांडि वेकोटोन , पतरस यीसु खे मेनान , इनी आबुंज अंटिन एनेन आच्चा डाउबा की आबुंज आफिया खम्बो आरुएबा मेंटोन , मिया आमा घल्या, डो मिया मुसा घल्या, डो मिया एलियाहा घल्या, “ पतरस खे बान मालुमएन कि डिज चुज मांडि लक्केन मेंटोन ।

![](https://cdn.door43.org/obs/jpg/360px/obs-en-36-05.jpg?direct&)

पतरस मांडि टेंमोन मिया उजाला गा बादडा टेन हेएन डो उगुरेन डिकु का सेबेइ कोना खे डो मिया आवाज बादडा टेन हेएन की मेनान, “ इंडी इंया गा कोनटे जे खे इंज पिरोमबा , इंज डिजा सेंगोन आरिएबा, डिजा आजोमे,” डि आफिया चेलाकु हिगराएन डो इठान बोचोएन ।

![](https://cdn.door43.org/obs/jpg/360px/obs-en-36-06.jpg?direct&)

मेटे यीसु डिकु खे उठा टेन मेनान, “ आपे हिगरा बाकी , टेंगने " डिकु टेंगने टेन यीसु खे गा डो'एनेज डो डेन जे का बी हेबु डान।

![](https://cdn.door43.org/obs/jpg/360px/obs-en-36-07.jpg?direct&)

यीसु डो डिजा आफिया चेलाकु डि टेकडिटेन इठान आगरुएन । मेटे यीसु डिकु खे मेनान , “ जे खे बी इंगेन डाएन मिनी मांडि घगाल बाकी । इंज झल्लो गा गुजुबा डो मेटे एठा जिटा टेन हेजेबा । डे बादोन आपे कोरकु खे घाले डाउबा ।

*इनी आना बाइबल टेन मत्ति17:1-9;मरकुस 9:2-8;लुका9:28-36*

## 37. 37, यीसु लाजार खे गुजु टेन जिटाखे

https://openbiblestories.org/l/kfq/story-37/

![](https://cdn.door43.org/obs/jpg/360px/obs-en-37-01.jpg?direct&)

मिया दिन, यीसु लाजारस बिमार टाखा मेंटोन मिया मांडि आजोमखेनेज ,डि लाजारस डो डिजा बारिकिंज बोकोजेकु मरियम डो मारथा यीसु गा खुब मेरान सोपत्तिकु डान । मेटे यीसु इनी मांडि आजोम टेन डिज मेनान की, “ इनी बिमारि गुजु अंटिन हेबु फिनी भगवाना गा बडाइ अंटिन " यीसु डिजा सोपत्तिकु पिरोम लक्केन ,फिनी डिज बारि दिन घल्या टुंगन कोरा तराएन डान ।

![](https://cdn.door43.org/obs/jpg/360px/obs-en-37-02.jpg?direct&)

बारि दिन ओडजेन बादोन , यीसु डिजा चेलाकु खे मेनान , "बो मा नाका युउदा कोने" “डिजा चेलाकु डिज खे जबाब जिले, "फिनी ए गुरु टे ", इंडि जिरिसा टेंमो सुटु डेन कोरकु आम खे गोगोजा गा कोसिसो डाखे ! यीसु मेनान , “ आबुंया सोप्ति खाड दुनुम टेन गिटीएन ,डो इंज डिज खे टेंगेन का होना मेंटोन "।

![](https://cdn.door43.org/obs/jpg/360px/obs-en-37-03.jpg?direct&)

चेलाकु यीसु खे जबाब जिले ,” ए गुरु टे, माखा लाजारस गिटिखेनेज टासोन डिज चोजा साजाओ बान लक्केन " मेटे यीसु डिकु खे सोपा सोपा टेन मेनान,” लाजारस ठाइ का गोएन ,इंया कुसि का टाखा चोजा की इंज डेन हेबु डान ,मेटे आपे इंया लिएन इमान सेंगेजबा मेंटोन"।

![](https://cdn.door43.org/obs/jpg/360px/obs-en-37-04.jpg?direct&)

मेटेन यीसु लाजारस सेएरेन आदिरेन वेकोटोन लाजारस डि सुटु गा गुजु टेन उफुनया दिन डान । मारथा यीसु टेन मिलाटिंज अंटिन बल्लान ओडजेन डो मेनान, “ ए गुरु टे, आम एनेन थानाडबा टासोन इंया बोकोटे गुजु हेबा डाउ डान । फिनी इंया इमान टाखा की आम जो बी भगवान खे आसिबा डिज आम खे जेबा मेंटोन "।

![](https://cdn.door43.org/obs/jpg/360px/obs-en-37-05.jpg?direct&)

यीसु जबाब टेन मेनान,” इंज का पुनररुतान डो जिवन , जे इंया लिएन इमान सेंगेजबा डिज गोएन माखा जिटा थानाड बा । हर मिखोम जे इंया लिएन इमान डोएबा डिज चोला का बी हेबा गुजु । आमा इमान टाखा की चुज ? ” मारथा मेनान , "हा आ, ए गुरु टे ! इंया इमान टाखा की आम का भगवाना गा कोनटे डो मसिह मेंटोन "।

![](https://cdn.door43.org/obs/jpg/360px/obs-en-37-06.jpg?direct&)

मेटेन मरियम बी बल्लान हेएन डो यीसु गा नांगान बोचोएन डो मेनान, “ ए गुरु टे, आम एनेन थनाड बा टासोन इंया बोकोटे हेबा गुजु डान ", यीसु डिकु खे कोकोमब्राखेनेज , आपे लाजारस खे टुंगनेज डोखेनेज मेंटोन ?” डिकु डिज खे मेनान , “ कबरित्सान टालान , हेजे डो डो'गे " मेटे यीसु जामखेनेज ।

![](https://cdn.door43.org/obs/jpg/360px/obs-en-37-07.jpg?direct&)

डि कबरित्सान टे मिया गुफा डान इनी गा दरवाजा मिया गोटा गा पाठा टेन उगुरएन डान । मेटे यीसु आदिरेन डि कबरित्सान मेरान डो डिज डिकु खे मेनान, “ डि गोटा खे आतारखेनेज मेंटोन " फिनी मारथा मेनान , “ डिजा गुजु टेन उफुनया दिन डान नाका डिजा टेन बदबु गा सुकिंज हेजेलक्केन मेंटोन "।

![](https://cdn.door43.org/obs/jpg/360px/obs-en-37-08.jpg?direct&)

यीसु जबाब जिले , “ इंज आपेखे हेबा घालडुन की आपे इंया लिएन इमान डोए मेटेन भगवाना गा बडाइ डो'डो' बा?” मेटे डिकु डि गोटा पाटा खे आतारखेनेज डान ।

![](https://cdn.door43.org/obs/jpg/360px/obs-en-37-09.jpg?direct&)

मेटेन लाजारस बल्लान हेएन ! डिज लिजा टेन गुंडीखेनेज डान । यीसु डिकु खे मेनान, “ डिज खे डिजा टेन लिजा कोकोला गा मदत्तो डाए डो डिज खे खुल्लाखेन !” इनी अचोम्बो कमाइ टेन घोनोज यहुदिकु यीसु लिएन इमान साले ।

![](https://cdn.door43.org/obs/jpg/360px/obs-en-37-10.jpg?direct&)

मेटेन लाजारस बल्लान हेएन ! डिज लिजा टेन गुंडीखेनेज डान । यीसु डिकु खे मेनान, “ डिज खे डिजा टेन लिजा कोकोला गा मदत्तो डाए डो डिज खे खुल्लाखेन !” इनी अचोम्बो कमाइ टेन घोनोज यहुदिकु यीसु लिएन इमान साले ।

![](https://cdn.door43.org/obs/jpg/360px/obs-en-37-11.jpg?direct&)

फिनी यहुदिकु गा घिरोमी कोरकु खोब जलन हेएन । मेटे डिकु मिया काठा गोगोलाएन डो विचार लज्जेन की चोफार टेन यीसु डो लाजारस खे गोगोजा बा मेंटोन ।

*इनी आना बाइबल टेन यहुना 11:1-46*

## 38. 38, यीसु खे घखा टेन उठाखेनेज

https://openbiblestories.org/l/kfq/story-38/

![](https://cdn.door43.org/obs/jpg/360px/obs-en-38-01.jpg?direct&)

हर साल यहुदिकु भगवाना गा तिवार खे ममनाटिंज लक्केन डान । इनी तिवार सालो सुटु चुफार टेन भगवान डिकु गा आजा आबाकु टेन मिसरा देसोने भागिया टेन डिकु खे रुटिखे मेंटोन । मेटेन आफिया ओरोसो बादोन इनी पेएला यीसु बाल्लान कोरकु खे परचार खेन डो इठुखेन डान । यीसु डिजा चेलाकु सेंगोन यरुसालेम टेन इनी भगवाना गा तिवार खे ममानाटिंज गा हिन्सा डान । डो मेटे डिज डेन गुजुबा मेंटोन ।

![](https://cdn.door43.org/obs/jpg/360px/obs-en-38-02.jpg?direct&)

यहुदा जिमु मेंटोन यीसु गा मिया चेला डान , इनी यहुदा चेलाकु गा खजिनदार खिजा टाखा डान डो कइ टेंमोन डिज डि गा डामा का पेटि टेन डामा कोलाएन डान । यीसु डो डिजा चेलाकु यरुसालेम आदिरेन बादोन , यहुदा डामा गा बदले यीसु खे यहुदि जातो गा नेताकु मेरान जिउगा बारेन विचार घलखेनेज डान । डो डिज खे हेडेए की यहुदि नेताकु यीसु खे मसिह मेंटोन हेबा कुबुल लज्जेन डो डिज खे गोगोजा गा विचार लक्केन मेंटोन ।

![](https://cdn.door43.org/obs/jpg/360px/obs-en-38-03.jpg?direct&)

डि यहुदि नेताकु खाड याजक गा टेन का मांडि आजोम लक्केन डान , यहुदा खे आफिया चांदि गा डामा टेन यीसु खे उठा का विचार डाएन । इनी डि गा सुटु भगवान मांडि घगाल कोरो खिजा का डाएन । यहुदा कुबुल खेन डान , डो डि डामा खे साएन , डो ओलेन , मेटे डिज यीसु खे उठा गा मोक्का घगाटा लज्जेन डान ।

![](https://cdn.door43.org/obs/jpg/360px/obs-en-38-04.jpg?direct&)

यरुसालेमेन , यीसु डिजा चेलाकु सेंगोन भगवाना गा तिवार खे ममानाटिंज लक्केन । तिवार का आटा टेंमोन यीसु जिरिसा आटा खे माठान टुलखेनेज डो इंडि खे डेजखेनेज । मेटे डिज मेनान , “ इंनिज खे साए डो जोमे । इनी का इंया गा सोकडा जो आपे अंटिन जिखे ,इनी इंया गा यादो घल्या डाए,” इनी खिजा यीसु मेनान की, डिजा कोम्बोर डिकु अंटिन भेटोटेन जिखेनेज मेंटोन ।

![](https://cdn.door43.org/obs/jpg/360px/obs-en-38-05.jpg?direct&)

मेटे यीसु डि खिजा कोटोरा उठाएन डो मेनान,” इनी टेन आपे नुए, इंनीज उनी वाचा गा इंया पचना डेटेन आपे गा आनुवा गुनुवा का माफो डाउबा मेंटोन । इनी टेन आपे नुनु बा डो इंज खे यादोबा मेंटोन "।

![](https://cdn.door43.org/obs/jpg/360px/obs-en-38-06.jpg?direct&)

मेटे यीसु डिजा चेलाकु खे मेनान , “ आपे टालान मिखोम इंज खे उठाएबा " डि चेलाकु अचम्बोएन , डो कोकोम्ब्रा लज्जेन की जे वे इनी खिजा कमाइबा मेंटोन । यीसु मेनान, “ इनी सोकडा टेन जिरिसा भाग्गो जे खे जेबा डिज का इंज खे उठाएबा मेंटोन "। मेटेन डिज यहुदा खे डि सोकडा जिरिसा जिले ।

![](https://cdn.door43.org/obs/jpg/360px/obs-en-38-07.jpg?direct&)

यहुदा डि सोकडा खे साएन बादोन , सायतान डिजा तालान मोएन , मेटे राटो टेंमोन यहुदा ओलेन डो यहुदि नेताकु खे यीसु खे उठा अंटिन मदत्तो डाखेनेज ।

![](https://cdn.door43.org/obs/jpg/360px/obs-en-38-08.jpg?direct&)

डि आटा बादोन , यीसु डो डिजा चेलाकु जित टेकडि लिएन कोने सेसेंद्रा लज्जेन । यीसु मेनान, “ टेंज गा राटोन आपे सेबेइ इंज खे आराखेनेज बा । इनी इंदार ओलेन की, ' इंज चचरा मिठाज खे मुमुडा बा डो सेबेइ मेंडाकु इंगेन उंगान थाडबा " ।

![](https://cdn.door43.org/obs/jpg/360px/obs-en-38-09.jpg?direct&)

पतरस जबाब जिले, “ सेबेकु आम खे बाएबा माखान, इंज चोला का बी आम खे हेबा आवरा !” मेटेन यीसु पतरस खे मेनान, सायतान आपे सेबेए ताला टेन हेजेबा ,फिनी इंज आपे अंटिन पारथना डाखे की, आपे गा इमान बाकि सोरुउ होना मेंटोन । टेंया राटोन कोम्बा रा सुटु आम इंज खे आफिआ टेंमोन हेबाडे मेंटोन कुबुल बा ।"

![](https://cdn.door43.org/obs/jpg/360px/obs-en-38-10.jpg?direct&)

मेटे पतरस यीसु खे मेनान, “ इंज गुजु टाएन आम खे चोला गा बी हेबा आवरा ! “ डि गा सेबेए चेलाकु डि खिजा का मेनान ।

![](https://cdn.door43.org/obs/jpg/360px/obs-en-38-11.jpg?direct&)

मेटेन यीसु डिजा चेलाकु सेंगोन गेतसेमने मेंटोन मिया जागा खे ओलेन । चोला गा बी परिक्सान तालान बाकी बोचोउ होना मेंटोन यीसु डिजा चेलाकु खे हामेसा पारथना टेन थाडे मेंटोन मांडिखे । मेटे यीसु एकला का पारथना डडा ओलेन डान ।

![](https://cdn.door43.org/obs/jpg/360px/obs-en-38-12.jpg?direct&)

यीसु आबा खे आफिआ टेंमोन पारथना डाखे की ," ए आबा आमा टेन डाउबा टासोन इनी दुक्को गा कोटारा खे इंया टेन आतारखेनेज । फिनी डेन कोरकु गा आनुवा गुनुवा खे माफो अंटिन दुसरा कोरा हे का बान मेंटोन । मेटेन आमा गा इंसा का डाउबा , मेटेन यीसु खोब दुक्कोएन डान डो डिजा हुबरा पचना खिजा ओडजेन । भगवान डिज खे मदत्तो अंटिन डिजा आगासो भागियाकु खे कुलखेनेज केन ।

![](https://cdn.door43.org/obs/jpg/360px/obs-en-38-13.jpg?direct&)

पारथना गा हर घडि , यीसु डिजा चेलाकु मेरान एठा हेएन । फिनी डिकु गिटिकेन डान , मेटे डिज आफिआ टेंमोन डिजा चेलाकु मेरान अल्डा , डो यीसु मेनान, “ टेंगेनएन डो जागलिटेन थाडे इंया उठागा मिठाज एनेन का टाखा ।"

![](https://cdn.door43.org/obs/jpg/360px/obs-en-38-14.jpg?direct&)

मिया खाड झुंडो डो सेनाकु साटो यहुदा डि यहुदि नेताकु मेरान हेएन । डिकु तलवार डो हतियार साटोन हेएन डान । मेटे यहुदा यीसु मेरान हेएन डो मेनान , ए गुरु टे, आमखे नमस्ते मेंटोन ,” डो डिज खे चुमाटिएन , इनी का यहुदि नेताकु घल्या मिया खोजो डान जे खे की डिकु उठाबा मेंटोन । मेटेन यीसु मेनान, "यहुदा चुज आम इंज खे चुम्मा टेन उठाखेनेज की ? “

![](https://cdn.door43.org/obs/jpg/360px/obs-en-38-15.jpg?direct&)

जेय्सा सेनाकु यीसु खे उठाखेनेज , पतरस खाड याजक गा मिया भागिया खे तलवार टेन डिजा लुतुर खे गेडखेनेज केन । मेटे यीसु मेनान, “ डि तलवार खे आमा टेन ढिली का डोखे ! इंज इंया गा आगासो भागियाकु खे हाक्कोबा टासोन डिकु इंज खे बबचाटिंबा मेंटोन । फिनी इंज इंया गा आबा खे का आजोमबा " मेटेन यीसु डि सेना गा लुतुर खे साजाखेन । यीसु खे उठाखेनेज बादोन डि सेबेए चेलाकु साडुब टेन ओडजेन ।

*इनी आना बाइबल टेन मत्ति26: 14-56; मरकुस 14:10-50;लुका22:1-53;यहुना12:6;18:1-11*

## 39.यीसु मुसिवत तालान टाखा

https://openbiblestories.org/l/kfq/story-39/

![](https://cdn.door43.org/obs/jpg/360px/obs-en-39-01.jpg?direct&)

]नाका इनींज आघि राटोन डान । डि सिपाइकु यीसु खे खाड याजक मेरान सावेन डेन डि याजक डिज खे सबाल कोकोमब्रा सकता मेंटोन । पतरस डिकु गा टाउ टेन ढिली टेन टाखा डान । मेटे यीसु खे उरा टेन बल्लान सावेन टेंमोन, पतरस बल्लान सिंगेल मेरान सेकाटिंन लक्केन डान ।

![](https://cdn.door43.org/obs/jpg/360px/obs-en-39-02.jpg?direct&)

डि यहुदिकु यीसु खे उरा टालान मुसिवतेन बोचोखेन डान । डिकु घोनोज लावाड मांडि गवाहीकु खे डिज लिएन आरोप टेन हेंडाखेन डान । माखान ,डिकु गा तुनी बी मांडि मिया दुसरा अंटिन बरावर बान डाउलज्जेन डान । मेटे यहुदिकु चोजखे बी गवाह हेबा घाटाउ लक्केन डान डो यीसु बी चोज का बान मांडि डान ।

![](https://cdn.door43.org/obs/jpg/360px/obs-en-39-03.jpg?direct&)

आखरिटेन , डि खाड याजक यीसु खे आच्चा टेन डो' टेन मेनान,” आले खे घाले की आम गा डि मसिह, डि जिटा भगवाना गा कोनटे ?”

![](https://cdn.door43.org/obs/jpg/360px/obs-en-39-04.jpg?direct&)

यीसु मेनान, “ इंज का डो आम इंज खे आगासोन टेन हेजेगा डो भगवाना सेंगोन डिजा कुरसिटे सुबाना गा डो'डो'बा मेंटोन " । डि खाड याजक खिजोएन डो जोर टेन डिजा अंगी खे चिराएन डो दुसरा घिरोमी नेताकु खे हाक्कोएन , “ आले खे जाय्दा गवाहीकु बान होना मेंटोन ! आपे इनिंज टेन आजोम खे की डिज का भगवाना गा कोनटे टाखा । आपे गा विचार चोज वे ?”

![](https://cdn.door43.org/obs/jpg/360px/obs-en-39-05.jpg?direct&)

डि सेबेए यहुदि नेताकु खाड याजक खे मेनान की , “ डिजा गुजु गा इंसा टाखा !” मेटे डिकु यीसु खे टोलखेनेज डो डिजा लिएन उलित खे, डो डिज खे कुठा खे , डो डिज खे मज्जा खे डान ।

![](https://cdn.door43.org/obs/jpg/360px/obs-en-39-06.jpg?direct&)

जेय्सा पतरस बल्लान सुबान टेन कोरा ततरालज्जेन डान , मिया भागिया गा ताराइ डिज खे डो'टेन मेनान , “ आम बी यीसु सेंगोन टाखा डान !” मेटेन पतरस बांगो मेनान, डे बादोन दुसरा ताराइ डि गा मांडि टेन मेनान,डो पतरस एठा बांगो मेनान, आखरि टेन ,कोरकु मेनान, “ आले खे हेडेए की आम बी यीसु सेंगोन टाखा डान चोजाकी आपीन बारकिंज गा गालिली टेन का मेंटोन "।

![](https://cdn.door43.org/obs/jpg/360px/obs-en-39-07.jpg?direct&)

मेटे पतरस वादाटेन मेनान , “ इंज इनी कोर खे हेडेए टाखा टासोन भगवान इंज खे साराप जेबा मेंटोन !” डि गा तुरुत्तो कोम्बा रा लज्जेन , डो यीसु पतरस कोने घुमाटिंयेन डो डिज खे डोएनेज ।

![](https://cdn.door43.org/obs/jpg/360px/obs-en-39-08.jpg?direct&)

पतरस जिरिसा ढिली ओलेन डो चातिलिएन मुंडा, मुंडा टेन जाम लज्जेन । डि टेंमोन यहुदा जे की यीसु खे यहुदिकु टि टेन उठा खे जिखे डान । डिज चिनाएन की यीसु खे गोगोजा गा दंड्डो घटाएन मेंटोन , मेटे यहुदा खुब दुक्कोएन डो हेजा हेज खे गोएन डान ।

![](https://cdn.door43.org/obs/jpg/360px/obs-en-39-09.jpg?direct&)

डि पाटा फेजेर गा यहुदिकु यीसु खे पिलात राजा मेरान सावेन डान । रोमियीकु गा सरकार डिकु सोचोएन की पिलात राजा यीसु टेन गलति उठा टेन डिज खे गुजु गा दंड्डो जेबा मेंटोन ,” मेटेन पिलात यीसु खे कोकोमब्रालज्जेन की , आम का यहुदि कु गा राजा टाखा ?”

![](https://cdn.door43.org/obs/jpg/360px/obs-en-39-10.jpg?direct&)

यीसु जबाब जिले की " आम गा मांडि खे, फिनी इंया राज्जो दुनीया गा राज्जो हेबु मेंटोन । इंगेन टाखा टासोन इंया भागिया कु इंया अंटिन लडाइबा मेंटोन , माखान इंज इनी दुनीयान भगवाना गा सच्चो खे का घगाल अंटिन हेजेकेन । हरमिखोम जे सच्चो खे पिरोमबा डिकु का इंया आजोमबा ,” पिलात मेनान, “ सच्चो चुज टाखा'?

![](https://cdn.door43.org/obs/jpg/360px/obs-en-39-11.jpg?direct&)

यीसु सेंगोन मांडि डाएन बाडोन , पिलात कोरकु गा गरदि तालान ओलेन डो मेनान,” इंज चुज बी इनी कोरो टेन आनुवा गुनुवा हेबा डुगु लक्केन ,” फिनी डिकु खोब जोर टेन मेनान ,” डिज खे कुरुसो टेन टांगा टेन ! पिलात मेनान ,” डिज चुज बी हेबा डा डुन का मेंटोन " फिनी डिकु जोर टेन मांडि लज्जेन की डिज खे कुरुसो टेन गा टांगा टेन मेंटोन ,मेटे आफिआ टेंमोन पिलात मेनान, डिज चुज बी हेबा डाडुन का मेंटोन !”

![](https://cdn.door43.org/obs/jpg/360px/obs-en-39-12.jpg?direct&)

पिलात मेटेन कोरकु गा गरदि खिजो खे डो' टेन हिगराएन डो डिज कुबुलएन की यीसु खे कुरुसो लिएन टांगा टेन अंटिन । रोमियोकु गा सिपाइकु यीसु खे कुठाखेनेज डो राजो गा लिजा उरिखेन डो मिया जनोम गा मुकुट डिजा कापारेन उरिखे । डिकु डिजा लिएन मज्जा डाखे डो मेनान" डो' गे यहुदि गा राजा !”

*इनी आना बाइबल टेन मत्ति 26:57-27:26;मरकुस14:53-15:15;लुका22:54-23:25;यहुना18:12-19:16*

## 40. 40, यीसु गा कुरसो खाम्बा लिएन टांगाटिएन

https://openbiblestories.org/l/kfq/story-40/

![](https://cdn.door43.org/obs/jpg/360px/obs-en-40-01.jpg?direct&)

सिपाइकु यीसु खे मज्जा डाएन बादोन, डिकु डिज खे कुरसो आखाटिंन कोने चालकेन डान । डिकु मिया चाखान गा कुरसो खाम्बा खे आरुएन डो डिजा लिएन ओझा खे डि गा कुरसो खाम्बा जे की डि लिएन गुजु का टाखा मेंटोन ।

![](https://cdn.door43.org/obs/jpg/360px/obs-en-40-02.jpg?direct&)

सिपाइकु यीसु खे खोपडी मेंटोन मिया जागा खे सायेन डो डि कुरसो खाम्बा लिएन डिजा टि टेन डो नांगा टेन खिला मुंडाखेनेजखेन । फिनी यीसु मेनान, “आबा, डिकु खे माफोेएन ,चोजाकि डिकु चुज डाडा लक्केन डिकु खे चुज खे बी हेबाडे मेंटोन ।" पिलात डिकु खे मिया बोड लिएन ओल टेन मिया हुकुम जिले की ,” यहुदिकु गा राजा" मेंटोन डो यीसु गा कापार गा माठान कुरसो खाम्बा लिएन टांगाटिएन ।

![](https://cdn.door43.org/obs/jpg/360px/obs-en-40-03.jpg?direct&)

यीसु गा लिजाखे सिपाइकु मिया दुसरा टेन ओरलि खिजा ख्यालकेन डान । इंडि डिकु डाटेन सुटु भगवाना गा मांडि खे पुपराखेनेजकेन डो " डिकु डिकिंया तालान इंया लिजा खे भाग्गो आरुखेनेज डो इंया लिजा अंटिन ओरलि ख्यालकेन

![](https://cdn.door43.org/obs/jpg/360px/obs-en-40-04.jpg?direct&)

यीसु बारिकिंज डाकुकु तालान कुरसो खाम्बा लिएन टंगाटिन । डिकु गा मिखोम यीसु खे मज्जा डाखे । फिनी दुसरा मेनान ,”आमेन भगवाना गा हिगरा हेका बान की चुज ? आलिन आनुवा गुनुवा डाखे , फिनी इनी कोरो चुज बी डाडुन का "। मेटे डि दुसरा डाकु यीसु खे मेनान ,” आमा राज्जो घल्या इंज खे यादोखे ", डो यीसु डिज खे जबाब जिले, “ टेंज गा आम इंया सेंगोन आगासोन हेजेबा मेंटोन (पारादिस) ।

![](https://cdn.door43.org/obs/jpg/360px/obs-en-40-05.jpg?direct&)

यहुदिकु डो दुसरा घोनोज कोरकु यीसु खे मज्जा लक्केन । डिकु डिज खे मेनान , “ आम गा भगवाना गा कोन टासोन , कुरसो खम्बा टेन आगरुएन ,डो आपले आप बबचाटिंजखेमी ! मेटे आलीन आमा लिएन इमान सेगेजबा "।

![](https://cdn.door43.org/obs/jpg/360px/obs-en-40-06.jpg?direct&)

मेटेन डिया गा दोपारि टेंमोन माखान डि सेबेए राज्जो अंदरा टेन भरटिंएन डान , इंडी दोपारि टेन 3.00टाएन खुब अंदरा डान ।

![](https://cdn.door43.org/obs/jpg/360px/obs-en-40-07.jpg?direct&)

मेटेन यीसु हाक्कोएनेज ,” आबा, इंडि पुराएन ! इंज इंया रावन खे आमा टि'टेन जिउ लक्केन "। मेटेन डिज डिजा रावन खे भगवाना गा टि' टेन जिखे डो डिज गोएन । डेन मिया भुइडोल डान डो मंदिर तालान भगवाना गा परदा बारि भाग्गो टेन चिराएन इठान टेन माठान टाएन ।

![](https://cdn.door43.org/obs/jpg/360px/obs-en-40-08.jpg?direct&)

डिजा गुजु टेन , यीसु कोरकु खे भगवान मेरान हेजे गा कोरा खोल्लाखेन । मेटे डि सिपाइ सेबेइ मांडि जो यीसु टेन डाखे डान सेबेइ डो'एनेज डान । डिज मेनान, “ हा आ, इंडी कोरो गा विचारा कोरो डान । डिज गा भगवाना गा कोनटे का "।

![](https://cdn.door43.org/obs/jpg/360px/obs-en-40-09.jpg?direct&)

मेटेन युसुफ डो निकोदेमुस, बारिकिंज नेताकु जे की यीसु लिएन इमान सावेन डान की डिज गा मसिह मेंटोन, डिकु पिलात खे यीसु गा लासो खे आसिएन डान । डिकु डिजा गा लासो खे लिजा टेन गुंडिखेन डान डो डिज खे मिया पाठा गा गुफा तालान डोखेनेज डान । मेटेन डिकु मिया खाड गोटा खे डि गुफा गा सम्मा उगुरखेनेज डान ।

*इनी आना बाइबल टेन मत्ति27:27-61;मरकुस15:16-47;लुका23:26-56;यहुना19:17-42*

## 41. 41, भगवान यीसु खे गुजु टेन जिटाखे

https://openbiblestories.org/l/kfq/story-41/

![](https://cdn.door43.org/obs/jpg/360px/obs-en-41-01.jpg?direct&)

सिपाइकु यीसु खे आखाडेनंज बादोन , वेगार यहुदि नेताकु पिलात खे मेनान, “ डि यीसु लाबाड का मेंटोन , जे की गोएन बादोन आफिआ दिनेन जिटाउबा मेंटोन मांडिखेनेज डि अंटिन डिजा गुफा खे सेकडाटेन टोलखे डो सिपाइकु खे जागली अंटिन मांडिए चोजाकि डिजा चेलाकु डिज खे चुचरिटेन इंदार बाकी मांडि होना की यीसु गुजु टेन जिटाएन मेंटोन" ।

![](https://cdn.door43.org/obs/jpg/360px/obs-en-41-02.jpg?direct&)

पिलात मेनान,” कइ सिपाइकु खे आपे मांडि खिजा साय्ये डो डिफीर गा डाए । मेटेन डिकु डि गुफा खे सिक्का टेन सेकडा टोलखेनेज डो सिपाइकु खे डि गा देख रेख अंटिन होडाखे की जे का बी डिज खे चुचरि हेबा डाउ मेंटोन ।

![](https://cdn.door43.org/obs/jpg/360px/obs-en-41-03.jpg?direct&)

यीसु गा गाडाटिन दिन बादोन पेडागा दिन डान डो यहुदिकु गा रितो टेन डिकु डि दिन गुफा तालान हेबा सेने । मेटे कइ बाइकु फेजेर फेजेर डि यीसु गा गुफा खे खाड मसाला साटोन डिजा लासो लिएन हेंडा अंटिन ओलेन डान ।

![](https://cdn.door43.org/obs/jpg/360px/obs-en-41-04.jpg?direct&)

अचानक डेन मिया खाड भुइडोल डान । मिया आगासो भागिया आगासोन टेन खाड उजाला टेन उजलाटिंन लक्केन डान । डिज डि उगुर टेन थाडबा गोटा पाठा खे आतार खेनेज डान डो डे लिएन सुबानकेन डान । डि सिपाइकु हिगराटेन गुफा गा देख रेख डाखे डान डो गोएन कोरकु खिजा इठान बोचोएन डान ।

![](https://cdn.door43.org/obs/jpg/360px/obs-en-41-05.jpg?direct&)

मेटेन बाइकु गुफा मेरान आदिरेन, डि आगासो भागिया डिकु खे मेनान ,” आपे हिगरा बाकी , यीसु एनेन हेबु,डिज गोएन टेन जिटाएन , जेय्सा डिज मांडिखेन डान डिफीर गा डाखे ! डोगे इनी कबरस्तान खे ,” मेटेन डि बाइकु डि गुफा खे डो'एनेज माखान डेन यीसु गा लासो हेबु डान ।

![](https://cdn.door43.org/obs/jpg/360px/obs-en-41-06.jpg?direct&)

मेटेन डि आगासो भागिया डि बाइकु खे मेनान, “ सेने डो घाले चेलाकु खे ,'यीसु गोएन टेन जिटाएन डो डिज आपे गा सम्मा गालिली सेनेबा मेंटोन "।

![](https://cdn.door43.org/obs/jpg/360px/obs-en-41-07.jpg?direct&)

डि बाइकु हिगरा टेन भरटिंएन डो खुब आरिएन । डिकु साडुब टेन चेलाकु खे आवल मांडि घगाल अंटिन ओलेन ।

![](https://cdn.door43.org/obs/jpg/360px/obs-en-41-08.jpg?direct&)

बाइकु चेलाकु खे आवल मांडि घगाल अंटिन कोरा तालान यीसु डिकु खे टिपीखेनेज, डो डिकु डिज खे बडाइ डाखे , “ यीसु मेनान, “ आपे हिगरा बाकी , सेने डो इंया चेलाकु खे घाले की गालिली खे सेने अंटिन । डिकु इंज खे डेन डो'खेनेज "।

*इनी आना बाइबल टेन मत्ति27:62-28:15; मरकुस 16:1-11;लुका24:1-12;यहुना 20:1-18*

## 42. 42,यीसु वापस आगासोन इराएन

https://openbiblestories.org/l/kfq/story-42/

![](https://cdn.door43.org/obs/jpg/360px/obs-en-42-01.jpg?direct&)

सावत गा दिनेन यीसु गोएन टेन जिटाएन, डि मेरागा गावेन डिजा का बारिकिंज चेलाकु सेनेलक्केन डान । डिकु जेयशसा सेसेंद्रालज्जेन डान मेटे डिकु यीसु गा बारेन का विचार लक्केन डान । डिकु खे मालुम डान की यीसु गा मसिहा मेंटोन , फिनी डिज गोएन डान ,नाका बाइकु एठा मांडि लक्केन की डिज जिटाएन मेंटोन , डिकींज बान मालुम की चुज गा लिएन इमान सेगेजबा मेंटोन ।

![](https://cdn.door43.org/obs/jpg/360px/obs-en-42-02.jpg?direct&)

यीसु डिकु मेरान आदिरेन डो डिकु सेंगोन सेसेंद्रा लज्जेन , फिनी डिकु डिज खे हेबा चिचनाएन डान । डिज डिकु खे कोकोम्ब्राखेनेज की आपे चुज विचार लक्केन मेंटोन । डो डिकु डिज खे सेबेए मांडि जो यीसु सुटु यरुसालेम टेन पेडाखेंटोन डिजा साटोन डाएन । डि मांडि यीसु खे मिया हिंदिड कोरो मेंटोन सासामजाटिंएन डो डिकु सेबेए मांडि घालखेनेज डान ।

![](https://cdn.door43.org/obs/jpg/360px/obs-en-42-03.jpg?direct&)

मेटेन यीसु डिकु खे भगवान गा सेबेए मांडिखे आच्चा टेन मसिहा बारेन घालखेनेज । डिज डिकु खे सुटु भगवान मांडि गा जे की मसिहा खे बारे घालखेनेक की डिज दुक्को भोगाटिंबा डो गुजुबा मेंटोन यादोखेनेज डान । फिनी तिसरा दिन एठा जिटाउबा मेंटोन । मेटेन डिकु डि सेएरेन पेडागा जागान आदिरेन टेंमोन इंडि सिंगरुब गा डान ।

![](https://cdn.door43.org/obs/jpg/360px/obs-en-42-04.jpg?direct&)

डि बारिकिंज यीसु खे डिकु सेंगोन थाड अंटिन नेवता जिखेखेनेज, मेटेन डिज ओलेन डान , डो डिकु सिंगरुब गा आटा खे जुजुंम्बा अंटिन तियीर खेन , डो यीसु डि सोकडा गा टुकडाखे उठाएन डो भगवान खे घन्यबाद जिखे , डे बादोन डिज खे टुकडाखेनेज डान मेटेन डिकिंया मेंड तुरुत्तो गा खुल्लाएन डो डिकु डिज खे चिनाएन की इंडी का यीसु मेंटोन ,फिनी डि गा टेंमोन यीसु डिकु मेरान टेन निडेन डान ।

![](https://cdn.door43.org/obs/jpg/360px/obs-en-42-05.jpg?direct&)

डि बारकिंया कोरकु मिया दुसरा मांडि लज्जेन ,” की डिज गा यीसु ! डिज चोला आलिन खे भगवाना गा मांडि घालखेनेज डि टेंमोन आलिन गा दिल खोब जुलु लक्केन डान । " तुरुत्तो का , डिकु यरुसालेम वापस ओलेन डो डिकु आदिरेन लाका डेन डिकु चेलाकु खे मांडिखेन की,” यीसु जिटा गा ! आले डिज खे डो'खेनेज मेंटोन !”

![](https://cdn.door43.org/obs/jpg/360px/obs-en-42-06.jpg?direct&)

जेय्सा चेलाकु मांडि लज्जेन , यीसु अचानक उरा तालान डिकु खे टिपिखेन डो मेनान, “आपे खे सांति हेउ" ! चेलाकु सोचोएन की डिज मिया भुतो गा मेंटोन , फिनी यीसु मेनान, “ आपे चोजा हिगरा लक्केन डो बारि मना टेन विचार लक्केन ? डो'गे इंया गा टि खे डो नांगा खे , भुत्तो खे डिफिर हेबा थाड जेय्सा इंज खे टाखा ।" सेबेकु हेडेए अंटिन की डिज भुत्तो हेबु मेंटोन , डिकु खे जुजुम्बा अंटिन जिरिसा आटा आसिएन , डिकु होंडार मिनी मिया काकु गा टुकडा खे डिज खे जिले , डो डिज इंडि जोएन डान ।

![](https://cdn.door43.org/obs/jpg/360px/obs-en-42-07.jpg?direct&)

यीसु मेनान, “ इंज आपे खे मांडि खे की भगवाना गा वचन टेन इंया गा बारेन चुज ओलकेन डान डि सेबेइ पुराएबा मेंटोन ,” मेटेन डिज डिकुगा मना खे खुल्लाखेन की डिकु भगवाना गा वचन खे सासामजाटिंन होना मेंटोन । डिज मेनान, “ इंडि इंदार ओलकेन की मसिहा दुक्को टुलएबा ,गुजुबा, डो आफिया दिनेन गुजु टेन जिटाउबा मेंटोन ।"

![](https://cdn.door43.org/obs/jpg/360px/obs-en-42-08.jpg?direct&)

इनी इंदार ओलकेन की इंया चेलाकु भगवान गा मांडि खे हर मिखोम खे घालेबा डो डिकु खे डिकु गा आनुवा गुनुवा टेन पसताउ टेन इराबा ,डिकु इनी पेएला यरुसालेम टेन चालुबा डो बादोन हर मिखोम झुंडो मेरान सेबेए कोरकु मेरान सेनेबा । आम इनी सेबेए गा गवाहि थाडबा " ।

![](https://cdn.door43.org/obs/jpg/360px/obs-en-42-09.jpg?direct&)

डि गा चालिस दिन तालान , यीसु गोनोज टेंमोन डिजा चेलाकु साम्मा टिपिखेनेज डान । मिया दिन, डिज मियाकाठा 500 कोरकु टेन जाय्दा कोरकु खे टिपिखेनेज डान ! डिज घनोज तरिका टेन डिजा चेलाकु सेंगोन हेजा हेज गा बारेन टिपिखेनेज डान की डिज जिटा का मेंटोन , डो डिज डिकु खे भगवाना गा राज्जो का बारे इठुखेन डान ।

![](https://cdn.door43.org/obs/jpg/360px/obs-en-42-10.jpg?direct&)

यीसु डिजा चेलाकु खे मेनान,” आगासो डो पूरथिबी का सेबेए अघिकार इंज खे का घाटाएन , मेटे सेने , डो सेबेए कोरकु खे आबा, कोन ,डो चोखा रावन टेन बपतिस्मा जे डो चेला आरुएन डो इंज चुज आपेखे हुकुमो जिखे डि डिकु खे मामनाटिंज अंटिन आपे इठुए । डो'गे इंज सेबे टेंमोन आपे गा सेंगोन टाखा "।

![](https://cdn.door43.org/obs/jpg/360px/obs-en-42-11.jpg?direct&)

यीसु गुजु टेन जिटाएन बादोन चालिस दिन डिज पेडाखेन डान , डिज डिजा चेलाकु खे मांडिखे ,” यरुसालेम टेन गा आपे थाडे , इंया आबा आपेखे चोखा रावन टेन जोर जिउ टाएन डिजा कोरा ततरा टेन थाडे "। मेटेन यीसु आगासोन ओलेन, डो मिया बादडा डिज खे उगुरखेनेज डिकु गा मेंड टेन । मेटेन यीसु भगवान गा जोवानी टि मेरान सुबानएन डो सेबेए गा लिएन राज्जो डाखेनेज ।

*इनी आना बाइबल टेन मत्ति28:16-20;मरकुस16:12-20;लुका 24:13-53;यहुना20:19-23; चेलाकुगा 1:1-11*

## 43. 43,कलिसिया गा सुरुवात

https://openbiblestories.org/l/kfq/story-43/

![](https://cdn.door43.org/obs/jpg/360px/obs-en-43-01.jpg?direct&)

यीसु आगासोन वापस सेने बादोन , जेय्सा यीसु हुकुम्मो जिले डान डिफीर गा डिजा चेलाकु यरुसालेम टेन गा थाडजेन डान । बिस्वासिकु डेन लागातार पारथना अंटिन गोगोलाएन डान ।

![](https://cdn.door43.org/obs/jpg/360px/obs-en-43-02.jpg?direct&)

पचास दिन बादोन हर साल भगवानागा तिवार , यहुदिकु मिया पेनटेकस्ट मेंटोन तिवार खे ममानाटिंज लक्केन डान ।पेनटेक्सट मिया टेंमोन डान डि खे यहुदिकु फसह गा तिवार टेन ममानाटिंज बा । इनि यहुदिकु दुनिया गा सेबेए जागा टेन यरुसालेम इंडि पेनटेकस्ट तिवार ममानाटिंज अंटिन हेजेबा डो गोलाउबा । इनि साल पेनटेकस्ट तिवार हेजे का टेंमोन टेन मिया हप्ता बादोन यीसु आगासोन वापस ओलेन डान ।

![](https://cdn.door43.org/obs/jpg/360px/obs-en-43-03.jpg?direct&)

डि बिस्वासिकु सेबेए मिया कठ्ठा गोगोलाटेंमोन ,अचानक मिया खाड कोयो खिजा मिया आवाज साटोन डिकु सुबाना जागान भरटिएन डान । मेटेन डि सेबेए बिस्वासिकु कापार लिएन सिंगेल जुजुल का उजाला खिजा डो'एनेज डान । डिकु सेबेए चोखा रावन टेन भरटिएन डो दुसरा मांडि टेन मांडिलज्जेन डान ।

![](https://cdn.door43.org/obs/jpg/360px/obs-en-43-04.jpg?direct&)

मेटेन यरुसालेम गा कोरकु इनि खाड आवाज गा मांडि आजोम टेन चुज डाएन मेंटोन डो'डो' अंटिन हेएन डान । डो बिस्वासिकु भगवाना गा अचंम्बो कमाइ बारे घगाल लक्के मेंटोन कोरकु आजोमएन लाका डिकु अंचम्बोएन डान ,चोजाकि डिकु डिकुगा मांडिखे बारे आजोम लक्केन मेंटोन ।

![](https://cdn.door43.org/obs/jpg/360px/obs-en-43-05.jpg?direct&)

कइ कोरकु डि चेलाकु खे सिडु नुएन मेंटोन सोचोएन डान । फिनी पतरस टेंगेन टेन डिकु खे मेनान ,” इंया गा आजोमे! इंडि कोरकु बान नुएन ! इनि सुटु भगवान गा मांडि घगाल कोरो जोएल गा मांडि पुपरा अंटिन इनि डाएन जो की भगवान मेनान, ' आखरि दिनेन इंज इंया रावन खे हेंडाबा मेंटोन ।

![](https://cdn.door43.org/obs/jpg/360px/obs-en-43-06.jpg?direct&)

“ इसराएगा कोरकु , यीसु इया कोरो डान जे की खाड खाड कमाइ डाखे डान डो भगवान गा जोर टेन का अंचम्बो कमाइ डाखे डान , जेय्सा आपे डिक खे डो'एनेज डो पेएला टेन का हेडेए डान । फिनी आपे डिज खे कुरसो खम्बा लिएन टंगाटिन डान !”

![](https://cdn.door43.org/obs/jpg/360px/obs-en-43-07.jpg?direct&)

“माखान यीसु गोएन डान , डो भगवान डिज खे गुजु टेन जिटाएन, डि सुटु भगवाना गा मांडि पुपुराटिंज डान । ' गुफा तालान आमा चोखा मिठाज खे सडाती अंटिन हेबा आवरा'। आले का भगवान गा कमाइ घल्या पुरवा टाकु की भगवान यीसु खे गुजु टेन एठा जिटाएन मेंटोन ।"

![](https://cdn.door43.org/obs/jpg/360px/obs-en-43-08.jpg?direct&)

“ नाका यीसु गा बडाइ डाउबा आबा भगवाना गा जोेएना टि' टेन का डो यीसु डि चोखा रावन खे कुलखेनेज जेय्सा डिज वादा खे डान । डि चोखा रावन का पुरवा टाखा आपे गा डो'डो' का डो आजोम का " ।

![](https://cdn.door43.org/obs/jpg/360px/obs-en-43-09.jpg?direct&)

“ आपे इनि कोरो यीसु खे कुरसो खाम्बा लिएन गोजखे , फिनी आपे खे हेडेए की भगवान डिज खे परबु डो मसिहा आरुखेनेज "!

![](https://cdn.door43.org/obs/jpg/360px/obs-en-43-10.jpg?direct&)

पतरस गा होन्डा मांडि खे कोरकु आजोमखेनेज डान । मेटेन डिकु पतरस डो चेलाकु खे कोकोम्ब्रा लक्केन की, “ डाइचो आले खे चुज डाउ होना मेंटोन ?”

![](https://cdn.door43.org/obs/jpg/360px/obs-en-43-11.jpg?direct&)

पतरस डिकु खेे जबाब जिले की,आपे गा हर मिखोम पसताव टेन डो आपे गा आनुवा गुनुवा खे कुबल बा डो आबा ,यीसु मसिह जिमु टेन बापतिस्मा ससाबा मेटेन भगवान आपे गा आनुवा गुनुवा खे माफोएबा मेटेन डिज एठा आपे खे चोखा रावन गा इनाम बी जेबा " ।

![](https://cdn.door43.org/obs/jpg/360px/obs-en-43-12.jpg?direct&)

कइ 3,000 कोरकु बिस्वासि यीसु मसिहा गा चेला आरुएन जो पतरस डिकु खे आवल मांडि घालखेनेज डान । डिकु बापतिस्मा सायेन डो यरुसालेम टेन कलिसिया का भाग्गो आरुएन ।

![](https://cdn.door43.org/obs/jpg/360px/obs-en-43-13.jpg?direct&)

डि चेलाकु लागातार पतरस डो सेबेए चेलाकु गा इठु मांडि खे आजोम लक्केन डान । मिया कठ्ठा पेडालज्जेन , डो मिया कठ्ठा जुजुम लज्जेन, डो मिया कठ्ठा मिया दुसरा पारथना लक्केन डान । डिकु मिया कठ्ठा भगवान गा बडाइ डाखे डो मिया दुसरा सेंगोन डिकु गा सेबेइ कठिज लक्केन डान । डुकु गा बारे सेबेए कु आच्चा का विचार लक्केन डान । हर दिन एठा जाय्दा कोरकु बिस्वासिकु आरुलक्केन डान ।

*बाइबल टेन इनि आना चेलाकु गा काकडो 2.*

## 44. 44, पतरस डो यहुना मिया भिक्को मिठाज खे ससाजा खे

https://openbiblestories.org/l/kfq/story-44/

![](https://cdn.door43.org/obs/jpg/360px/obs-en-44-01.jpg?direct&)

मिया दिन, पतरस डो यहुना मंदिर खे सेने लक्केन डान । डिकु मंदिर फाटा मेरान आदिरेन वेकोटो, डिकु मिया भिक्को मिठाज लंगडाटेन डामा अंटिन भिक्को आसि गा डो'एनेज ।

![](https://cdn.door43.org/obs/jpg/360px/obs-en-44-02.jpg?direct&)

पतरस डि लंगडाटेन कोरो खे डो' टेन मेनान, “आम खे डामा जिउ घल्या इंया मेरान चुज खे बी हेबु, sफिनी इंज आम खे जेबा जो इंया मेरान टाखा, यीसु जिमु टेन टेंगने डो सेंद्राए!”

![](https://cdn.door43.org/obs/jpg/360px/obs-en-44-03.jpg?direct&)

तुरुत्तो गा भगवान डि लंगडा कोरो खे सासजाखेनेज, डो डिज सेसेंद्रा लक्केन डो सेबेइ जागान हुंजु लक्केन डो भगवान गा बडाइ लक्केन डान । डि मंदिर गा जागान थाड कोरकु भगवान गा बडाइ अचोम्बो टेन डाखे डान ।

![](https://cdn.door43.org/obs/jpg/360px/obs-en-44-04.jpg?direct&)

मिया खाड झुंडो टेन कोरकु डि लंगडा सासाजाएन कोरो खे डो'डो' अंटिन हेएन डान । मेटेन पतरस डिकु खे मेनान, “इनि कोरो सासाजाएन मेंटोन आपे चोजा अचम्बो लक्केन? आले इनि कोरो खे आले गा हेज का जोर डो अच्चा टेन हेबा डाडुन का फिनी यीसु गा जोर डो इमान टेन इनी कोरो खे सासाजखेन डान " ।

![](https://cdn.door43.org/obs/jpg/360px/obs-en-44-05.jpg?direct&)

“आपे का डि मिखोम जे की यीसु खे गुजु अंटिन रोमियो सरकार खे मांडिखेन डान । आपे जिवन गा करता खे गोजखेनेज, फिनी भगवान डिज खे गुजु टेन जिटाएन । माखान आपे खे हेबा सासमजाटिंजखे की आपे चुज डाखे मेंटोन । डो भगवान आपे गा कमाइ खे डिजा सुटु मांडि टेन पुपुराटिंएन की मसिहा दुक्को टुलएबा डो गुजुबा मेंटोन । डो नाका आपे पसताव टेन भगवान मेरान हेजे डो डिज आपे गा आनुवा गुनुवा खे माफोएबा मेंटोन" ।

![](https://cdn.door43.org/obs/jpg/360px/obs-en-44-06.jpg?direct&)

मंदिर गा नेताकु पतरस डो यहुना का मांडि टेन खुब दुक्को टेन उदासोएन । मेटेन डिकु डिकिंया खे उठा टेन केदोन हेंडाखेन डान । फिनी घनोज कोरकु पतरस आवल मांडि टेन इमान साले डान, डो तुनी कोरकु यीसु मसिह लिएन इमान साले डान डिकु 5,000 डाइचो कोरकु डान ।

![](https://cdn.door43.org/obs/jpg/360px/obs-en-44-07.jpg?direct&)

डि गा दुसरा दिन, यहुदिकु गा नेताकु पतरस डो यहुना खे खाड याजक डो दुसरा घिरोमी नेताकु मेरान सायेन डान । डिकु पतरस डो यहुना खे कोकोम्ब्रा लक्केन, की " आपे जे गा जोर टेन इनि लंगडा कोरो खे सासाजाएन मेंटोन?”

![](https://cdn.door43.org/obs/jpg/360px/obs-en-44-08.jpg?direct&)

पतरस डिकु खे जबाब जिले की,” इनी कोरो आपे साम्मा टेंगनकेन जे की यीसु मसिहा जिमु गा जोरटेन का सासाजाएन मेंटोन । आपे यीसु खे गोजखेनेज, फिनी भगवान डिज खे जिटाएन डो एठा जिवन जिखे! आपे डिज खे बांग्गो मेनान ,फिनी डेन बबचाटिंन अंटिन यीसु मसिहा गा जोर टेन खे आवरा दुसरा कोरा हेबु डान !”

![](https://cdn.door43.org/obs/jpg/360px/obs-en-44-09.jpg?direct&)

डि नेताकु पतरस डो यहुना गा मांडि टेन अचम्बोएन डोजाकि डिकु खाड जोर डो हिमत्तो टेन घगाल लक्केन डो डिकु इनी बारकिंज खे सानी कोरकु मेंटोन सोचोएन चोजाकि डिकिंज अनपडकु डान । फिनी बादोन डिकु यादोेन की इनि बारकिंज बी यीसु सेंगोन टाकनेज डान । डिकु पतरस डो यहुना खे काकतडाटिंएन बादोन डिकु बारकिंज खे आवराखेनेज डान ।

*इनि बाइबल टेन गा आना चेलाकु गा काकडो 3:1-4:22.*

## 45. 45, फिलीप डो एथिओपिआन सरकार

https://openbiblestories.org/l/kfq/story-45/

![](https://cdn.door43.org/obs/jpg/360px/obs-en-45-01.jpg?direct&)

मिया कोरो स्तिपान जिमु मेंटोन सुटु कलिसिया गा अगुवाइ कोरो डान । डिज मिया अच्चा स्वाव डो चोखा रावन टेन डो अक्कल टेन भरटिएन कोरो डान । डिज घनोज अचम्बो कमाइ डाखे डान की कोरकु यीसु मसिहा लिएन इमान सेगेज बा डो डिजा टाउ सेसेंद्राबा मेंटोन ।

![](https://cdn.door43.org/obs/jpg/360px/obs-en-45-02.jpg?direct&)

मिया दिन, स्तिपान यीसु खे बारे इठु लक्केन डान ,कइ यहुदिकु जे की यीसु खे हेबा ममनाटिंज लक्केन डान डिकु स्तिपान सेंगोन बेहेस लक्केन डो डिकु स्तिपान खे खुब खिजोएन डो डिजा लिएन लाबाड आरोप टेन घिरोमी नेताकु मेरान सावेन डान । डिकु मेनान,” आले आजोम खे की डिज मुसा डो भगवान गा बिरोदेन मांडि लज्जेन मेंटोन ! “ मेटेन डि यहुदि नेताकु स्तिपान खे उठा खे डो खाड याजक मेरान सावेन डान डो यहुदिकु गा दुसरा नेताकु स्तिपान लिएन घनोज लाबाड पुरवा हेंडाखेन डान ।

![](https://cdn.door43.org/obs/jpg/360px/obs-en-45-03.jpg?direct&)

डि खाड याजकु स्तिपान खे कोकोम्ब्रा लक्केन ,” चोज इंडि मांडिकु सच्चो का ?” मेटेन स्तिपान डिकु खे यादोजिखे की चुफार टेन भगवान अब्राहाम टेंमोन टेन यीसु गा टेंमोन टाएन डाखे डान डि सेबेए खाड कमाइ बारेन । चुफार भगवाना गा कोरकु डिज खे कुबुल बान लक्केन डान । मेटे डिज मेनान, “ आपे हाठेलि डो हेबा आजोम कोरकु चोखा रावन खे बी कुबुल बान लक्केन, जेय्सा आपेगा आजा आबा कु भगवान खे बान ममनाटिंज लक्केन डो सुटु भगवान मांडि घगाल कोरो खे गोजखेनेज डान । फिनी आपे डिकु टेन जाय्दा बुरा कमाइ डाखेनेज ! आपे मसिहा खे बी गोजखेनेज !”

![](https://cdn.door43.org/obs/jpg/360px/obs-en-45-04.jpg?direct&)

मेटेन घिरोमी नेताकु इनी आजोम खे लाका, डिकु खुब खिजोएन डो डिकु गा मेंड खे बंदो डाखे जोर टेन हाक्कोएन । डिकु स्तिपान खे सेएरेन टेन बल्ला ओडजेन डो डिज खे गोटा टेन मुमुंडा लज्जेन डे टेन डिक खे गोगोज खे ।

![](https://cdn.door43.org/obs/jpg/360px/obs-en-45-05.jpg?direct&)

स्तिपान गुजु टेंमोन, डिज जोर टेन हाक्कोनेजे डान,” यीसु, इंया रावन खे कुबुल खे "मेटे डिज एठा डिजा टोपरे टेन बोचोएन डो हाक्कोएन, “ए गुरु टे, डिकु खे डिकु गा आनुवा गुनुवा लिएन बाकी उमुनाटिंये ", मेटेन डिज गोएन ।

![](https://cdn.door43.org/obs/jpg/360px/obs-en-45-06.jpg?direct&)

मिया जबान जिमु साउल डान जे की स्तिपान गा गोगोज कोरकु तालान मिखोम टाखा डान । डो डिकु डिजा लिएन गोटा ताडपाइ खेंटोन डि साउल डिकुगा रेखदेख डडा लक्केन डान । डि गा दिनेन डिकु घनोज यीसु मसिह कोरकु लिएन सताव लक्केन डान । मेटेन विस्वासिकु दुसरा जागान ओलेन डान । फिनी डिकु टुंगन सेनेबा डेएन आवल माडिं घगाल लक्केन डान ।

![](https://cdn.door43.org/obs/jpg/360px/obs-en-45-07.jpg?direct&)

मिया विस्वासि जिमु फिलीप जे की सताव टेंमोन यरुसालेम टेन निडेन डान । डिज सामारिया ओलेन डान डो डेन आवल मांडि घगाल लक्केन डो डेन घनोज कोरकु बबचाटिंयेन डान । मेटेन भगवाना गा आगासो भागिया फिलीप खे मेनान की तुनि गा मिया खालि जागान कोरा टेन सेने मेंटोन । जेय्सा डिज कोरा लिएन सेसेंद्रा लज्जेन, फिलीप मिया खास्सो सरकारि एथिपोनिया खे डो'एनेज जे की डिजा घोरा गा गाडि लिएन सेसेंद्रा लक्केन डान । डि चोखा रावन फिलीप खे मेनान की सेने डो इनि एथिपोनिया खे घाले मेंटोन ।

![](https://cdn.door43.org/obs/jpg/360px/obs-en-45-08.jpg?direct&)

मेटेन फिलीप घोरा गा गाडि मेरान आदिरेन लाका, डिज आजोम खे की एथिओपिआन जो पपडाटिंज लक्केन डि सुटु भगवाना गा मांडि घगाल कोरो यसायह ओलकेन मांडि । डि कोर पपडाटिंजखे की ,” डिकु डिज खे मिया मेंडा खिजा गोगोजा अंटिन सावेन डान । डो मिया मेंडा खिजा सांत डान । डिज मिया बी मांडि हेबा मांडिखेन डान । डिकु डिज खे बुरा व्यवार डाखेनेज, डो डिजा मान हेबा डाडुन का । डिकु डिजा टेन जिवन सावेन डान ।

![](https://cdn.door43.org/obs/jpg/360px/obs-en-45-09.jpg?direct&)

फिलीप डिज खे कोकोम्ब्राखेनेज की चुज आम सासामजाटिंयेन जो आम पापडाटिंयेन?” एथिओपिआन जबाबो टेन मेनान की जबतक मिखोम इंज खे हेबा घगाल टासोन इंज खे सासामजाटिंज हेबा डाउ । कूपाए हाजे डो इंया बाजु मेरान सुबाए । यसायहा डिजा हेजा बारे ओलकेन की दुसरा खे बारेन?”

![](https://cdn.door43.org/obs/jpg/360px/obs-en-45-10.jpg?direct&)

फिलीप एथिओपिआन खे सेबेए मांडि आच्चा टेन घालखेनेज की यसायाह यीसु खे बारेन गा ओलकेन मेंटोन । फिलीप यीसु खे बारे आवल मांडि घगाल अंटिन दुसरा भाग्गो टेन मांडिखेनेज ।

![](https://cdn.door43.org/obs/jpg/360px/obs-en-45-11.jpg?direct&)

जेय्सा एथिओपिआन डो फिलीप सेसेंद्रा लज्जेन , डिकु जिरिसा डा' गा जागा मेरान आदिरेन , डि एथिओपिआन मेनान, डो'गे ! एनेन जिरिसा डा' टाखानेज ! इंज खे बापतिस्मा जेबा की चुज ? “ डो डिज डिजा गाडि सेसेंद्रा कोरो खे टेंगने मेंटोन मांडि खे ।

![](https://cdn.door43.org/obs/jpg/360px/obs-en-45-12.jpg?direct&)

मेटेन डिकु डा' गा तालान आगरुएन, डो फिलीप एथिओपिआन खे बापतिस्मा जिले । डे बादोन चोखा रावन फिलीप खे अचानक दुसरा जागान सावेन डान की डेन डिज आवल मांडि घगाल बा मेंटोन ।

![](https://cdn.door43.org/obs/jpg/360px/obs-en-45-13.jpg?direct&)

डि एथिओपिआन आरि टेन डिजा उरा कोनेन सेसेंद्रा लज्जेन चोजा की डिज यीसु खे हेडेएन मेंटोन ।

*इनी आना बाइबल टेन चेलाकुगा काकडो 6: 8-8:5;8:26-40*

## 46. 46, पाउल मिया मसिह कोरो आरुएन

https://openbiblestories.org/l/kfq/story-46/

![](https://cdn.door43.org/obs/jpg/360px/obs-en-46-01.jpg?direct&)

साउल मिया जबान कोरो डान जे की स्तिपान खे गोगोजा कोरोकु गा लिजाकु खे देखरेख डाखे डान । डिज यीसु लिएन इमान हेबा ससालक्केन डान । डो डिज बिस्वासि कोरकु खे सताव लक्केन डान । डिज यरुसालेमेन उरान टेन उरान डाइचो डो बाइचो कोरकु खे उठाटे डिकु खे केदोन तालान हेंडा लक्केन डान । डि खाड याजक साउल खे मिया हुकुम जिले की दामासकस सेएरेन सेने गा डो कइ मसिह कोरकु खे उठा टेन यरुसालेम एठा वापस ससा अंटिन ।

![](https://cdn.door43.org/obs/jpg/360px/obs-en-46-02.jpg?direct&)

साउल दामासकस कोरा लिएन सेसेंद्रा वेकोटो , डिजा उफुन कोना टे मिया खाड उजाला टिपिखेन डान । डो डिज इठान बोचोएन डान ,मेटेन डिज मिया आवाज आजोमयेन की ,” साउल ! साउल ! आम चोजा इंज खे सताव लक्केन ?” साउल मेनान, आम जे वे गुरुटे ?” मेटे यीसु जबाब टेन मेनान ,” इंज यीसु, आम इंज खे सताव लक्के !”

![](https://cdn.door43.org/obs/jpg/360px/obs-en-46-03.jpg?direct&)

मेटे साउल टेंगेनएन डो डिज चुज खे बी बान डो'डो'लज्जेन । डिजा सोपत्तिकु डिज खे दामासकस सावेन डान । डो साउल आफिया दिन टाएन चुज खे बी जुजुम डो नुनु डुन का डान ।

![](https://cdn.door43.org/obs/jpg/360px/obs-en-46-04.jpg?direct&)

नि दामासकस तालान मिया भगवाना गा चेला डिजा जिमु अनानिया मेंटोन टाखा डान । भगवान डिज खे मेनान , “ साउल पेडालक्केन उरा सेने । आमा टि डिजा लिएन हेंडाए डो डिज एठा डो'डो लाक्कोबा । " फिनी अनानिया मेनान ,” ए गुरुटे , इंज आजोम खे की चुफार डिज बिस्वासि कोरकु खे सताव खे मेंटोन । " “ सेने ! इंज का डिज खे ककलमयेन की डिज इंया जिमु अंटिन सेबेए यहुदिकु डो दुसरा जात्तो कोरकु झुंडो मेरान इंया गा आवल मांडि घगाल बा डो डिज इंया जिमु अंटिन घनोज दुक्को सेएन डडाबा " ।

![](https://cdn.door43.org/obs/jpg/360px/obs-en-46-05.jpg?direct&)

मेटे अनानिया साउल मेरान ओलेन डान । डिजा लिएन टि हेंडा टेन डिज खे मेनान, “यीसु जे आम खे कोरा लिएन डो'एन डान, डिज गा इंज खे आमा मेरान कुलखेनेज की आम एठा डो'डो' होना डो चोखा रावन टेन भरटिएन मेंटोन । " मेटे साउल तुरुत्तो गा एठा डो'डो' लज्जेन डान, डो अनानिया डिज खे बापतिस्मा जिले । डे बादोन साउल जिरिसा आटा जोएन डो डिजा जोर एठा वापस हेएन डान ।

![](https://cdn.door43.org/obs/jpg/360px/obs-en-46-06.jpg?direct&)

डिफीर का साउल दामासकस तालान यहुदि कोरकु खे आवल मांडि घगाल लक्केन चालुेन डो मेनान, की " यीसु गा भगवानागा कोनटेन मेंटोन!” डि यहुदिकु अचम्बोएन डो मेनान की इनि कोरो जे की बिस्वासिकु खे सताव लक्केन डान नाका डिज का यीसु लिएन इमान सायेन! साउल यहुदि कोरकु खे मिया कारन साटो घगाल लक्केन ,यीसु गा मसिह डान मेंटोन ।

![](https://cdn.door43.org/obs/jpg/360px/obs-en-46-07.jpg?direct&)

घनोज दिन बादोन, डि यहुदिकु साउल खे बी गोगोजा गा कोसिसो डाखे डान । डिकु डिज खे गोगोजा अंटिन सेएरेन गा फाटा डिज खे उठा घल्या कोरकु खे कुलखेनेज । फिनी साउल इनि गा मांडि आजोमयेन डो डिजा सोपत्तिकु डिज खे सेने अंटिन मदत्तो डाखे डान । मिया राटो डिकु मिया टोकलि तालान डिज खे सेएर गा दिवाल लिएन टेन इठान आगरुएन डान । दामासकस टेन साउल बचाटिंएन बादोन, डिज लागातार यीसु गा बारे आवल मांडि घगाल लक्केन डान ।

![](https://cdn.door43.org/obs/jpg/360px/obs-en-46-08.jpg?direct&)

साउल चेलाकु सेंगोन मिलाटिंन अंटिन यरुसालेम ओलेन डान, फिनी डिकु डिज खे हिगरा लक्केन डान । मेटेन मिया बिस्वासि बारनावस जिमु मेंटोन साउल खे चेलाकु मेरान सावेन डान डो मेनान की चुफार टेन साउल दामासकस तालान जोर टेन डो हिमोतोटेन आवल मांडि घालखे मेंटोन, डे बादोन डि चेलाकु डिज खे कुबुल खेन डान ।

![](https://cdn.door43.org/obs/jpg/360px/obs-en-46-09.jpg?direct&)

कइ बिस्वासिकु जे की सताव टेंमोन यरुसालेम टेन निडेन डान, डिकु खाड ढिली मिया एनचिअस सेएरेन पेडाखेन डान । डो डेन यीसु गा बारे आवल मांडि घगाल लक्केन डान । जाय्दा कोरकु जे की एनचिअस टाखेनेज डान डिकु यहुदिकु हेबु डान । फिनी पेएला टेंमोन कइ घनोज कोरकु बिस्वासि आरुएन । मेटेन बारनवास डो साउल इनि उनी बिस्वासिकु यीसु गा बारेन जाय्दा इठु अंटिन डो कलिसीया खे बडाटि डेन ओलेन डान । इनि एनचिअस बिस्वासिकु पेएला बार "मसिहीकु" मेंटोन हाक्कोएन डान ।

![](https://cdn.door43.org/obs/jpg/360px/obs-en-46-10.jpg?direct&)

मिया दिन, एनचिअन टेन डि बिस्वासिकु उपवास टेन पारथना लक्केन, डि चोखा रावन डिकु खे मेनान,” बारनवास डो साउल खे इंया अंटिन अलग्गो डोखे चोजाकि इंज डिकु खे इंया कमाइ अंटिन हाक्कोेएनेज " । मेटे एनचिअस गा कलिसिया बारनवास डो साउल अंटिन पारथना डाखे डो डिकु गा टि हेंडा टेन डिकु खे यीसु गा बारेन आवल मांडि घगाल दुसरा जागान अंटिन कुलखेनेज डान । बारनवास डो साउल कोरकु खे मिया जागान टेन दुसरा जागान दुसरा कोरकु झुंडोकु खे इठुएन डो घनोज कोरकु यीसु लिेन इमान सावेन डान ।

*बाइबल गा आना चेलाकु काकडो 8:3;9:1-31;11:19-26;13:1-3*

## 47. 47, पाउल डो सिलास फिलीप तालान टाखा

https://openbiblestories.org/l/kfq/story-47/

![](https://cdn.door43.org/obs/jpg/360px/obs-en-47-01.jpg?direct&)

नि साउल रोमियीकु गा राज्जो टेन सेसेंद्रा वेक्कोतो, डिज डिजा रोमियीकु गा मांडि खे वपार डाखे डान, “पाउल" मिया दिन, पाउल डो डिजा सोपत्ति सिलास यीसु खे बारे आवल मांडि घगाल अंटिन फिलीप सेएरेन ओलेन डान । डिकु सेएरेन गा बल्लान गाडा दुरान टुंगन कोरकु सुबानकेन डान डेन पारथना अंटिन ओलेन डान । डेएन डिकु लिदिआ मेंटोन मिया बाइ खे मिलाटिंएन जे की कमाइ लक्केन डान डो डिज पिरोम डाखे डो भगवान खे बडाइ डाखे ।

![](https://cdn.door43.org/obs/jpg/360px/obs-en-47-02.jpg?direct&)

भगवान लिदिआ गा दिल खे खुल्लाखे की डिज यीसु मांडि वचन लिएन इमान ससा होना मेंटोन । डो डिज डो डिजा कुटुम्बोकु बापतिस्मा सावेन डान । डिज पाउल डो सिलास खे डिजा उरान पेडा अंटिन डिकु खे नेवता जिखे डान, मेटे डिकु डिजा डो डिजा कुटुम्बो साटोन उरान पेडाखे डान ।

![](https://cdn.door43.org/obs/jpg/360px/obs-en-47-03.jpg?direct&)

पाउल डो सिलास सेबेए टेंमोन कोरकु सेंगोन पारथना गा जागाटेन गा थाड लक्केन डान । हर दिन डिकु सेसेंद्रा टेंमोन डिकु गा टाउ टेन मिया भागिया ताराइ भुत्तो उठा टेन सेसेंद्रा लक्केन डान । डि भुत्तो गा भरोसाटेन कोरकु अंटिन सुटु मांडि घगाल लक्केन डान । मेटेन डिज घोनोज डामा डिजा गुरु अंटिन मिया सुटु मांडि कोरो खिजा गोगोला लक्केन डान ।

![](https://cdn.door43.org/obs/jpg/360px/obs-en-47-04.jpg?direct&)

डि भागिया ताराइ लगातार हाक्को लक्केन जेय्सा डिकिंज सेसेंद्रा लज्जेन डान, “ इंडि कोरकु खाड सत्त भगवान गा भागियाकु । डिकु आपे खे बबचाटिंज गा कोरा खे बारेन घगाल लक्केन !” डिज लगातार इंदार डाखे की पाउल बेभाउ खिजोएन डान ।

![](https://cdn.door43.org/obs/jpg/360px/obs-en-47-05.jpg?direct&)

मेटेन मिया दिन डि भागिया ताराइ हाक्कोएन चालुखे, पाउल डिजा कोने घुमाटिंयेन डो डि ताराइ खे मेनान, “यीसु जिमु टेन डिजा टेन बल्लान ओडे मेंटोन,” डि लाका भुत्तोकु डिजा टेन बल्लान ओडजेन ।

![](https://cdn.door43.org/obs/jpg/360px/obs-en-47-06.jpg?direct&)

डि कोरो जे की इनी ताराइ खे भागिया खिजा डोखे डान खुब खिजोएन डान! डिकु सासामजाटिंएन की वेगार इनी भुत्तो टेन भागिया ताराइ कोरकु अंटिन चुज खे बी सुटु मांडि घगाल हेबा डाउ । मेटेन कोरकु डि भागिया ताराइ गा मालिको खे चुज बी डामा हेबा जिउ चोजाकि डिज सुटु मांडि घगाल कमाइ हेबा डाउ मेंटोन ।

![](https://cdn.door43.org/obs/jpg/360px/obs-en-47-07.jpg?direct&)

मेटेन भागिया ताराइ गा मालिको पाउल डो सिलास खे रोमियिकु गा नेताकु मेरान सावेन डान, जे की डिकु खे कुठाखेनेज डो केदोन तालान हेंडाखेन डान ।

![](https://cdn.door43.org/obs/jpg/360px/obs-en-47-08.jpg?direct&)

डिकु पाउल डो सिलास खे खाड तालामंजिल केदोन सांत जागान हेंडाखेन डो डिकु गा नांगाकु खे कुलुप हेंडाखे डान । माखान डिकु आघि राटोन भगवाना गा बडाइ सिरिंज सिसीरिंज टेन डाखे डान ।

![](https://cdn.door43.org/obs/jpg/360px/obs-en-47-09.jpg?direct&)

अचानक, डेन मिया खाड भुइडोल डान! सेबेए केदोन तालान गा दरवाजा खुल्लाएन , डो सेबेए कैदिकु गा सेकेला खुल्लाएन ।

![](https://cdn.door43.org/obs/jpg/360px/obs-en-47-10.jpg?direct&)

डि कैदि सिपाइ डो'एनेज की कोदोन गा दरवाजा खुल्लाएन, डो डिज खुब अचम्बो टेन हिगराएन! डिज सोचोएन की सेबेए कैदिकु निडेन मेंटोन डिज हेजा हेज गुजु अंटिन तियार खे डान । ( डिज खे हेडेए की कैदिकु निडेन मेंटोन डिज खे बी हेबा आवरा ) फिनी पाउल डिज खे डो'एन डो हाक्कोएन "टेंगन" आम आमा गा चुज खे बी डडा बकी ,आले सेबेए एनेन टाखानेज " ।

![](https://cdn.door43.org/obs/jpg/360px/obs-en-47-11.jpg?direct&)

डि सिपाइ पाउल डो सिलास मेरान हिगराटेन हेएन डो कोकोम्ब्राखे की,” इंज खे चुज डडा बोचोउबा बबचाटिंज अंटिन?” पाउल मेनान यीसु "लिएन इमान सेगे, डि गा गुरु टे, डो आम डो आमा कुटुम्बोकु बबचाटिंबा " । मेटे डि सिपाइ पाउल डो सिलास खे डिजा उरान सावेन डो डिकु गा उजु खे ओजा खे । डो पाउल डिजा उरा तालान सेबेएकु खे यीसु खे बारेन आवल मांडि घालखेनेज ।

![](https://cdn.door43.org/obs/jpg/360px/obs-en-47-12.jpg?direct&)

डि सिपाइ डो डिजा सेबेए कुटुम्बोकु यीसु मसिह लिएन इमान साले डो बापतिस्मा सावेन डान । मेटे डि सिपाइ पाउल डो सिलास खे आटा चाराएन डो डिकु मिया कठ्ठा आरिेन ।

![](https://cdn.door43.org/obs/jpg/360px/obs-en-47-13.jpg?direct&)

डि गा दुसरा दिन सेएरेन गा नेताकु पाउल डो सिलास खे केदोन टेन बल्लान कोलाखे डो डिकु खे फिलीपि सेने गा मांडि खे । पाउल डो सिलास लिदिआ डो दुसरा सोपत्तिकु खे मिलाटिएन डो डि सेएरेन आवराखेनेज डान । डि यीसु गा आवल मांडि फैलाटिंएन डो कलिसिया बडाटिंजेन ।

![](https://cdn.door43.org/obs/jpg/360px/obs-en-47-14.jpg?direct&)

पाउल डो दुसरा मसिह कोरकु घोनोज सेएरेन सेसेंद्रा लक्केन, यीसु खे बारेन परचार डो इठु लक्केन । डिकु एठा लेका काकडोकु ओलकेन डि घोनोज कलिसिया डो बिस्वासिकु की चुफार टेन बिस्वासि टेन खाडु अंटिन । डि गा कइ काकडकु बाईबल गा किताब आरुएन ।

*इनि बाइबल टेन गा आना चेलाकु गा काकडो 16:11-40*

## 48. 48, वादा गा मसिहा यीसु का टाखा

https://openbiblestories.org/l/kfq/story-48/

![](https://cdn.door43.org/obs/jpg/360px/obs-en-48-01.jpg?direct&)

मेटे भगवान दुनिया आरुटेन सेबेएकु आच्चा का मेनान, डेन चुज खे बी आनुवा गुनुवा हेबु डान, आदम डो हावा मिया दुसरा खोब पिरोम लक्केन डान डो भगवा‌न बी डिकु खे पिरोम लक्केन डान । डेन चुज खे बी रुआ डो गुजु हेबु डान । भगवान खे इनि खिजा टेन दुनिया थाड का इनसा डान ।

![](https://cdn.door43.org/obs/jpg/360px/obs-en-48-02.jpg?direct&)

सायतान बिंज टेन गा हावा खे घुमाटिंन अटिंन बारि तालान हेएन डान । मेटेन आदम डो हावा भगवाना गा बिरोदेन कमाइ डाखे डान । दुनिया तालान बिमारी डो गुजु सेबेएकु लिएन हेएन चोजाकि आदम डो हावा भगवाना गा बिरोदेन आनुवा डो गुनुवा डाखे डान ।

![](https://cdn.door43.org/obs/jpg/360px/obs-en-48-03.jpg?direct&)

आदम डो हावा गा आनुवा गुनुवा टेन डेन जिरीसा खाड परिसान हेएन डान । डिकु भगवान गा दुसमान आरुएन । डे बादोन दुनिया तालान हर मिखोम आनुवा डो गुनुवा टेन गा जनम सावेन डो भगवान गा दुसमान आरुएन । आनुवा गुनुवा टेन भगवान डो कोरकु तालान मेल गा संमन्ध डेजखेनेज । फिनी भगवान गा विचार एठा टाखा कि सेबेए पेएला खिजा होना मेंटोन ।

![](https://cdn.door43.org/obs/jpg/360px/obs-en-48-04.jpg?direct&)

भगवान मिया वादा डाखे की हावा गा पिडीकु सायातान गा कापार खे कुचलाटिंबा मेंटोन, डो सायतान बी डिजा नांगा खे घाउबा , इनी का मतलब सायतान मसिहा खे गोगोजाबा ,फिनी भगवान डिज खर गुजु टेन एठा जिवन जेबा , मेटेन मसिहा जनम का सायतान गा जोर खे कुचलाटिंबा । लेका सालो बादोन भगवान यीसु खे मसिहा मेंटोन टिपीखेनेज डान ।

![](https://cdn.door43.org/obs/jpg/360px/obs-en-48-05.jpg?direct&)

माखान भगवान आदि टेन सेबेए दुनियाकु खे नानासो डाखे डान,डो डिज मिया जाहाजो जिखे डान जे जे कोरकु डिजा लिएन इमान सावेन डान । डिफीर का आनुवा गुनुवा डडा मिनकु गोएन डान , फिनी जे जे कोरकु भगवान लिएन इमान सावेन डिकु खे बबचाटिंन अंटिन यीसु हेएन डान ।

![](https://cdn.door43.org/obs/jpg/360px/obs-en-48-06.jpg?direct&)

सडि सालो टायेन, याजक कोरकु गा आनुवा गुनुवा का माफि अंटिन भगवान खे भेटो जिउ लक्केन डान । फिनी इंडि भेटोकु टेन डिकु गा आनुवा गुनुवा खे आतार हेबा डाउ लक्केन डान । मेटेन यीसु जे की खाड सत्तो याजक डान, दुसरा खिजा हेबु डान , डिज हेजा हेज मिया भेटो खिजा दुनिया गा सेबेए कोरकु अंटिन भेटो टेन पेपडेजखेनेज डान । यीसु गा चोखा खाड याजक डान जे की सेबेएकु अंटिन दोन्डो खिजा डिजा लिएन सावेन डान ।

![](https://cdn.door43.org/obs/jpg/360px/obs-en-48-07.jpg?direct&)

भगवान अब्राहाम खे मेनान, "आमा टेन गा दुनिया का सेबेए कोरकु झुंडो आसिरवाद बा मेंटोन ।" यीसु अब्राहाम गा पिडी कोनटे डान । सेबेए खुंडो गा कोरकु डिजा टेन का आसिरवाद डाउबा, चोजाकि जे गा बी यीसु लिएन इमान सावेन डिकु आनुवा गुनुवा टेन बबचाटिंएन मेंटोन । डो अब्राहाम गा मिया रावना गा पिडी आरुएबा ।

![](https://cdn.door43.org/obs/jpg/360px/obs-en-48-08.jpg?direct&)

मेटे भगवान अब्राहाम खे मेनान डिजा कोन टे इसहाक खे भेटो पेपडेज अंटिन, मिया भेटो खिजा भगवान इसहाक गा बदले मिया मेंडा खे जिखे डान । आले सेबेए आपला आनुवा गुनुवा टेन गुजु गा टाखा डान! फिनी भगवान यीसु खे भगवान गा मेंडा खिजा आले का गुजु गा जागान डिज खे मिया भेटो खिजा पेपडेज डान ।

![](https://cdn.door43.org/obs/jpg/360px/obs-en-48-09.jpg?direct&)

मेटेन भगवान मिसरा देसोन लिएन आखरि दुक्को ससा टेंमोन, डिज हर मिखोम इसराएल कुटुम्बोकु खे मेनान की आपे मिया चोखा मेंडा खे गोगाजा बा डो इनि गा पचना टेन डिकु गा दरवाजा गा माठान डो लिएन हेंडाबा । मेटे भगवान डि पचना खे डो'एन टेन डिज डिकु गा पेएला कोनटे चुज खे बी हेबा डडा । इनि गा मांडि भगवान गा तिवार मेनबा ।

![](https://cdn.door43.org/obs/jpg/360px/obs-en-48-10.jpg?direct&)

नाका यीसु गा आले का मेंडा खिजा भगवाना गा तिवार । डिज गा चोखा डो चुज खे बी आनुवा गुनुवा बान डाखे डान, डि भगवान गा तिवार टेंमोन गोएन डान । मेटे जे बी आइ डिजा पचना लिएन इमान सेगेजबा चोजाकि यीसु गा पचना टेन डि कोरो गा आनुवा गुनुवा खे माफि अंटिन मोलाखे । डो भगवान गा दंडो डि कोर लिएन टेन बल्लान ओडजेन का ।

![](https://cdn.door43.org/obs/jpg/360px/obs-en-48-11.jpg?direct&)

भगवान इसराएलकु सेंगोन मिया वाचा आरुकेन डान, जे की डिजा गा ककलोम कोरकु डान । फिनी भगवान हर मिखोम जे जे टाखानेज डान डिकु सेंगोन मिया उनी वाचा आरुकेन डान । चोजाकि इनि उनी वाचा टेन तुनि गा बी झुंडो गा कोरकु जे की यीसु लिएन इमान सेगेज बा डिकु भगवान गा कोरकु आरुएबा ।

![](https://cdn.door43.org/obs/jpg/360px/obs-en-48-12.jpg?direct&)

मुसा मिया खाड सुटु भगवाना गा मांडि घगाल कोरो डान जे की भगवान गा वचन खे घगाल लक्केन डान । फिनी यीसु सेबेए टेन खाड सुटु भगवान मांडि घगाल कोरो टाखा, डिज गा भगवान टाखा, जो बी डिज डाखे डान डो कमाइ टेन मांडिखेन डान डो भगवाना गा वचन टाखा । डि अंटिन यीसु भगवाना गा वचन मेंटोन हाक्कोएबा ।

![](https://cdn.door43.org/obs/jpg/360px/obs-en-48-13.jpg?direct&)

मुसा मिया खाड सुटु भगवाना गा मांडि घगाल कोरो डान जे की भगवान गा वचन खे घगाल लक्केन डान । फिनी यीसु सेबेए टेन खाड सुटु भगवान मांडि घगाल कोरो टाखा, डिज गा भगवान टाखा, जो बी डिज डाखे डान डो कमाइ टेन मांडिखेन डान डो भगवाना गा वचन टाखा । डि अंटिन यीसु भगवाना गा वचन मेंटोन हाक्कोएबा ।

![](https://cdn.door43.org/obs/jpg/360px/obs-en-48-14.jpg?direct&)

दाउद इसराएल गा राजा डान, फिनी यीसु सेबेए दुनिया गा राजा टाखा! डिज एठा हेजेबा डो राज्जो डडाबा सच्चो टेन डो घिरोमि टेन जनम गा ।

*इनि बाइबल टेन गा आना उत 1:3,6,14,22;निरगमन 12,20;2सामु7;इब्रा3:1-6,4:14-5:10,7:1-8:13,9:11-10:18;प्रका21*

## 49. 49, भगवाना गा उनी वाचा

https://openbiblestories.org/l/kfq/story-49/

![](https://cdn.door43.org/obs/jpg/360px/obs-en-49-01.jpg?direct&)

मिया आगासो भागिया मरियम जिमु मेंटोन मिया कुवारी खे मेनान की डिज मिया भगवाना गा कोनटे खे जनम जेबा मेंटोन । मेटे डिज मिया कुवारी वेकोतो, डिज मिया कोन टे खे जनम जिखे डो डिजा जिमु यीसु डोखे । चोजाकि यीसु गा भगवान डो कोरो टाखा डान ।

![](https://cdn.door43.org/obs/jpg/360px/obs-en-49-02.jpg?direct&)

यीसु घोनोज अचम्बो कमाइ डाखे डान की डिज गा भगवान मेंटोन । डिज डा' गा लिएन सेसेंद्राएन, आदि खे सांत डाखे, घोनोज बिमारी कोरकु खे साजाखे , भुत्तोकु खे आतार खेनेज , गोएन मिनकु खे जिटाखे ,डो मोनाइ हजार टेन जाय्दाा कोरकु अंटिन मोनइ सोकडा डो बारि काकु टेन घोनोज आरुखेनेज ।

![](https://cdn.door43.org/obs/jpg/360px/obs-en-49-03.jpg?direct&)

यीसु मिया खाड गुरु बी टाका डान, डो डिज हुकुमो टेन मांडिखेन डान चोजाकि डिज गा भगवान का कोनटे मेंटोन । डिज इठुखे की आम जेय्सा हेजा हेज गा पिरोम बा डिफीर गा आम दुसराकु खे पिरोम डाए ।

![](https://cdn.door43.org/obs/jpg/360px/obs-en-49-04.jpg?direct&)

डिज एठा इठुखे कि आम हेजा हेज टेन बी जाय्दा पिरोम भगवान खे डडा होना इफर का कि आमा डामाडुकडा सेंगोन गा ।

![](https://cdn.door43.org/obs/jpg/360px/obs-en-49-05.jpg?direct&)

यीसु मेनान की दुनिया तालान सेबेए चिजोटेन बी खाड मोला गा चिजो भगवाना गा राज्जो टाखा इनी का की जे खे घल्या बी भगवान गा राज्जो आरु का खुब खाड मांडि टाखा । आम खे भगवाना गा राज्जो सेने अंटिन आम आमा आनुवा गुनुवा टेन बबचाटिंन होना टाखा ।

![](https://cdn.door43.org/obs/jpg/360px/obs-en-49-06.jpg?direct&)

यीसु इठुखे की कई कोरकु डिज खे कुबुल खे डो डिकु बबचाटिंएन डान । फिनी दुसरा कु हेबु, डिज मेनान की कई कोरकु आच्चा कासा खिजा का , डिकु आवल मांडि कुबुल खे डो बबचाटिंएन । दुसरा कोरकु मिया कोरा गा जोर कासा गा खिजा टाखा , टुंगन भगवाना गा विजो हेबा मुएन डो डेएन चुज गा बी इर हेबा डाउ । डि कोरकु जे भगवान गा आवल मांडि खे डो यीसु खे बांगो मेनान डिकु भगवाना गा राज्जो तालान हेबा मु डाउबा ।

![](https://cdn.door43.org/obs/jpg/360px/obs-en-49-07.jpg?direct&)

यीसु इठुखे की भगवान आनुवा गुनुवा कु खे खुब पिरोम डाखे , डिजा इनसा इनी का की डिकु खे माफोएबा डो डिकु खे डिजा कोनकु आरुएबा ।

![](https://cdn.door43.org/obs/jpg/360px/obs-en-49-08.jpg?direct&)

यीसु आले खे एठा मांडिखे की भगवान आनुवा गुनुवा खे इनसा बान डो खिजोएबा मेंटोन । मेटे आदम डो हावा गा आनुवा गुनुवा टेन डिकु गा सेबेेए पिडी कु खे असर बचोएन । डि गा बदला खिजा , दुनिया तालान हर मिखोम कोरकु गा आनुवा गुनुवा टेन डिकु भगवान टेन अलग्गो आरुएन । डे मारे हर मिखोम भगवान गा दुसमान आरुेन ।

![](https://cdn.door43.org/obs/jpg/360px/obs-en-49-09.jpg?direct&)

फिनी भगवान दुनिया तालान हर मिखोम खे पिरोम डाखे की डिज डिजा मिया गा कोनटे जिखे की जे बी डिजा लिएन इमान सावेन डिकु खे दंडो हेबा डाउ फिनी जनम जिवन घाटाउबा ।

![](https://cdn.door43.org/obs/jpg/360px/obs-en-49-10.jpg?direct&)

आमा आनुवा गुनुवा टेन आम गुजु अंटिन आनुवा डाखे । भगवान आमा सेंगोन खिजोएन , फिनी डिज डिजा खिजोउ आमा बदले यीसु लिेन हेंडाएन । मेटेन यीसु कुरसो लिेएन आकडाएन , डिज आपे गा दंडो खे कुबुलखेनेज ।

![](https://cdn.door43.org/obs/jpg/360px/obs-en-49-11.jpg?direct&)

यीसु चोला का बी आनुवा गुनुवा डा डुन का , फिनी डिज आपे गा आनुवा गुनुवा खे आतार अंटिन मिया चोखा भेटो खिजा डो गुजु अंटिन बी दंडो खे ककलमखेनेज , डो दुनिया तालान हर मिखोम गा आनुवा गुनुवा अंटिन, चोजाकि यीसु गा हेज का भेटो खिजा डान , भगवान जे गा बी आनुवा गुनुवा डो खाड आनुवा गुनुवा खे माफो जे सकता ।

![](https://cdn.door43.org/obs/jpg/360px/obs-en-49-12.jpg?direct&)

आच्चा कमाई आम खे हेबा बबचाटिंबा । डेन चुज खे बी आम टेन डडा हेबा डाउ भगवान सेंगोन मिलाटिंन अंटिन । यीसु गा आमा आनुवा गुनुवा खे माफो जेबा । आम पक्का टेन इमान होना की यीसु का भगवान गा कोनटे मेंटोन, की डिज गा आमा बदला गोएन डो भगवान डिज खे एठा गोएन टेन जिटाएन ।

![](https://cdn.door43.org/obs/jpg/360px/obs-en-49-13.jpg?direct&)

भगवान हर मिखोम खे बबचाटिंबा जे यीसु लिएन इमान सेगेज बा डो डिज खे डिजा गुरु मेंटोन कुबुल बा । फिनी डिज खे जे बांगो मेनबा डिकु खे डिज हेबा कुबुल बा । इनी डि गा मटलब हेबु की आम डामा कोरो की गिरीबी, डाइ डो बाई, खाड डो सानी, डो आम टुंगन गा मेंटोन । भगवान गा इनसा इनीका की डिज आम खे पिरोम लक्केन डो आम डिजा लिएन इमान सेगेज बा टासोन डिज आमा सेंगोन मिया मेरान डोएबा ।

![](https://cdn.door43.org/obs/jpg/360px/obs-en-49-14.jpg?direct&)

यीसु आम खे नेवता जिउलक्के की आम डिजा लिएन इमान सेगे डो बापतिस्मा साये । चुज आमेन इमान टाखा की यीसु गा मसिहा टाखा मेंटोन , डि चोखा भगवान गा कोनटे मेंटोन ? चुज आमेन हेडेइ की आम मिया पापी कोरो मेंटोन डो भगवान आम खे दंडो जेबा मेंटोन ? चुज आमेन हेडेइ की यीसु आमा आनुवा गुनुवा खे आतार अंटिन कुरसो खम्बा लिएन गोएन मेंटोन ?

![](https://cdn.door43.org/obs/jpg/360px/obs-en-49-15.jpg?direct&)

आम यीसु लिएन ईमान सेेगेज बा डो डिज चुज आमा अंटिन डाखे मेंटोन हेडेइबा टासोन आम मिया मसिह आरुएबा ! भगवान आम खे अंदरा गा सायतान राज्जो टेन कोला खे उजाला गा भगवान गा राज्जो आरुखे । भगवान आमा जुना आनुवा गुनुवा कमाई खे आतार खे डो उनी कमाई जिखे , घिरोमी कमाई गा कोरा खे ।

![](https://cdn.door43.org/obs/jpg/360px/obs-en-49-16.jpg?direct&)

आम मिया मसिह टाखा टासोन , भगवान आमा आनुवा गुनुवा खे माफोएन चोजाकि यीसु चुज आमा घल्या डाखे । नाका भगवान गा विचार इनी का की आम खे दुसमान गा बदले मिया सोपत्ति आरुबा मेंटोन ।

![](https://cdn.door43.org/obs/jpg/360px/obs-en-49-17.jpg?direct&)

आम भगवान गा सोपति टाखा डो यीसु मसिहा गुरु गा मिया भागिया टाखा टासोन, आम जे जे मांडि यीसु आम खे इठुखे ममनाटिंज होना । आम मिया मसिहा कोरो मखान आम आनुवा गुनुवा अंटिन परिक्सान बोचोएबा । फिनी भगवान इमानदार गा डो मेनबा की आम आमा आनुवा गुनुवा खे कुबुल बा टासोन डिज आम खे माफोएबा । डिज आम खे आनुवा गुनुवा गा दुसमान टेन बबचाटिंबा मेंटोन ।

![](https://cdn.door43.org/obs/jpg/360px/obs-en-49-18.jpg?direct&)

भगवान आम खे पारथना डडा अंटिन मांडिखे , डिजा वचन खे पपडाटिंज अंटिन , दुसरा मसिह कोरकु साटोन डिजा बडाइ अंटिन , डो आमा घल्या चुज कमाइ डाखे डि मांडि घगाल अंटिन , इनी सेबेए चिजो आम खे मदत्तो जेबा की आम डिजा सेंगोन खाड होंडा टेन मेल मिलाप डाए मेंटोन ।

*इनी बाइबल टेन गा आना रोमि3: 21-26;5:1-11;यहुना3:16;मरकुस16:16;कुलुसि1:13-14;2कुरुनथि5:17-21;1यहुना 1:5-10*

## 50. 50, यीसु इराएन

https://openbiblestories.org/l/kfq/story-50/

![](https://cdn.door43.org/obs/jpg/360px/obs-en-50-01.jpg?direct&)

काई 2,000 सालो टाएन ,दुनिया तालान जाय्दा टेन जाय्दा कोरकु आवल मांडि आजोमखेनेज की यीसु गा मसिहा मेंटोन । कलिसीयाकु बढोत्ति लक्केन , यीसु वादा खे की डिज दुनिया गा आखरीटेंमोन इरावा मेंटोन ।माखान डिज आइ टाएन हेबा हेजे , डिज डिजा वादा खे डोएबा मेंटोन ।

![](https://cdn.door43.org/obs/jpg/360px/obs-en-50-02.jpg?direct&)

आले जेय्सा यीसु गा इरा गा कोराखे ततरा लक्केन, भगवान गा इन्सा इनी का की आले डिजा इन्सा टेन सेसेंद्रा होना जेय्सा चोखा टे, डो डिजा बडाइ डाउ होना । डिज एठा आले खे मांडिखे की डिजा राज्जो बारेन दुसराकु खे घगाल होना मेंटोन । यीसु ओटे लिएन पेडाखेंटोन डिज मेनान,” इंया चेलाकु भगवान गा राज्जो बारेन आवल मांडि दुनिया तालान सेबेए कोरकु घगाल बा डो मेटेन डि आखरि हेजेबा "।

![](https://cdn.door43.org/obs/jpg/360px/obs-en-50-03.jpg?direct&)

घोनोज कोरकु झुन्डोकु आय टाएन यीसु गा बारेन हेबा आजोम डुन का ,यीसु आगासोन इरा सुटु डिज मेनान की यीसु मसिह कु दुसरा बेगार डो बान आजोम मिनकु खे आवल मांडि घगाल होना मेंटोन ।डिज मेनान ,” सेने डो सेबेए कोरकु गा झुंडोकु खे चेला आरुएन !” चोजाकि ओरोकु इर का तितियार टाखा !”

![](https://cdn.door43.org/obs/jpg/360px/obs-en-50-04.jpg?direct&)

यीसु एठा मेनान ,”मिया भागिया डिजा मालिको टेन खाड हेबा आरु । नाका इंडि दुनिया गा मालिको इंज खे बुरा डाखे डान , इंया गा मारे डिकु आम खे कुठाएजबा डो गोगोजबा । माखान इनि दुनिया तालान आम दुक्को टुलेएबा , फिनी हिगरा बाकी चोजाकि इंज सायतान खे हाराटिंजखेमी जे की इनि दुनिया गा मालिको टाखा । आम आखरि टाएन इमानदार थानड बा टासोन ,भगवान आम खे बबचाटिंबा !”

![](https://cdn.door43.org/obs/jpg/360px/obs-en-50-05.jpg?direct&)

इनि दुनिया सियान टेंमोन इनि कोरकु खे चुज घाउबा डि का बारेन यीसु मिया आना डिजा चेलाकु खे घालखे । डिज मेनान मिया कोरो डिजा खितीन आच्चा गा विजोकु बिवीड खे , मेटेन डिज गिटीग टेंमोन डिजा दुसमान कु हेएन डो गेहू सेंगोन जनम गा विजोकु बिवीड खे ,डो मेटेन डि ढिली ओडजेन ।"

![](https://cdn.door43.org/obs/jpg/360px/obs-en-50-06.jpg?direct&)

“मेटेन झारा कु बढाटिंन बादोन , डि कोरो गा भागिया मेनान ,” ए मालिको , आम खिती तालान आच्चा गा बिजोकु बिवीड खे , मेटे डेन इनि जनम गा झारा चोजा ओडजेन ?' डि मालिको जबाबो जिले की , ' मिया दुसमान इनी सेबेए खे बिवीड खेनेज "।

![](https://cdn.door43.org/obs/jpg/360px/obs-en-50-07.jpg?direct&)

“ डि भागिया मालिको खे जबाबो जिले की ,' नाका आले इनी जनमोकु खे टुटुल बा की चुज? मेटे डि मालिको मेनान ,'बाकि ,आम डिफीर बा टासोन , डि जनमो साटोन गेहू बी टुटुल बा । डेमारे इर टाेएन आम कोरा ततरा होना डो सेबेए मिया कठा इर डाएन बादोन ,जनमोकु खे जुजुल होना डो गेहूकु खे इंया गा कोठान सेगे ।

![](https://cdn.door43.org/obs/jpg/360px/obs-en-50-08.jpg?direct&)

डि चेलाकु इनी आना गा बारेन चुज बी बान सासामजाटिंएन , मेटेन डिकु यीसु खे कोकोमब्राखे एठा डि गा बारेन घगाल अंटिन । यीसु मेनान , “ डि कोरो जे आच्चा बिजोकु बिवीड खे डिज मसिह का मेंटोन । डि खिती दुनिया गा बारे टाखा । डि आच्चा बिजोकु भगवाना गा राज्जो का कोरकु टाखा "।

![](https://cdn.door43.org/obs/jpg/360px/obs-en-50-09.jpg?direct&)

“ डि जनमोकु सायतान गा कोरकु बारे टाखा । डि दुसमान जे की जनमोकु बिविड खे सायतान टाखा , डि इर गा बारे इनी दुनिया का आखरि टेंमोन टाखा । डो डि इर गा कोरकु बारे भगवान गा आगासो भागियाकु टाखा " ।

![](https://cdn.door43.org/obs/jpg/360px/obs-en-50-10.jpg?direct&)

“ मेटेन दुनिया सियान टेंमोन , डि आगासो भागियाकु सेबेए कोरकु खे गोगोलाबा डो जे जे सायतान गा कोरकु टाखा डिकु खे मिया खाड सिंगेल कुंडो तालान बोचोएबा , डेन डिकु जाम बा डो खुब दुक्को टेन डिकु गा टिडिन खे काकापा बा । मेटे डि घिरोमिकु सुरोजो खिजा डिकु गा भगवान गा राज्जो तालान चिमीतकिटिंजबा "।

![](https://cdn.door43.org/obs/jpg/360px/obs-en-50-11.jpg?direct&)

यीसु एठा मांडि खे की दुनिया सियान सुटु डिज इनी ओटे लिएन इराबा मेंटोन । डिज जेय्सा दुनिया आराखेनेज डिफीर गा डिज एठा हेजेबा । डेमारे डिज मिया कोरो खिजा बादडा लिएन हेजेबा । नाका यीसु हेजे वेकोत्तो सेबेए यीसु मसिह कोरकु जे जे गोएन डिकु जिटाउबा डो वादडा लिएन यीसु टे मिलाटिंबा ।

![](https://cdn.door43.org/obs/jpg/360px/obs-en-50-12.jpg?direct&)

मेटेन डि यीसु मसिह कोरकु जे जे आय टाएन जिटा टाकु , डिकु वादडा लिएन टुलएबा डो डि दुसरा गोएन टेन जिटाएन कोरकु सेंगोन बेल्लाबा । डिकु सेबेए मिया कठा डेन यीसु मसिह सेंगोन थाडबा । डे बादोन यीसु डिजा कोरकु सेंगोन चोखा सांति टेन डो मियाका मना टेन जनम का पेडाबा ।

![](https://cdn.door43.org/obs/jpg/360px/obs-en-50-13.jpg?direct&)

यीसु मसिह वादा खे की जे जे डिजा लिएन इमान सेगेज बा डिकु खे डिज मिया मुकुट जेबा । डिकु भगवान सेंगोन चोखा सांति टेन जनम का राज्जो डडाबा ।

![](https://cdn.door43.org/obs/jpg/360px/obs-en-50-14.jpg?direct&)

फिनी यीसु लिएन जे जे इमान हेबा ससालक्केन डिकु खे भगवान विचार बा । डिज डिकु खे सिंगेले कुंडोन ताडपाटिंबा । डेन डिकु जनमो गा जामबा डो गासारबा । मिया सिंगेल डि हेबा इरिज मिनी हामेसा डिकु खे जुलुबा मेंटोन । डो किडाकु डिकु खे जुजुंम्बा का हेबा आवरा ।

![](https://cdn.door43.org/obs/jpg/360px/obs-en-50-15.jpg?direct&)

मेटेन यीसु इरा टेंमोन ,डिज सायतान गा राज्जो खे जनमो का नानासोबा मेंटोन । डिज सायतान खे सिंगेल कुंडो तालान ताडापाये बा डो जनमो गा नानासो बा मेंटोन । भगवान खे आवरा खे डिजा सेंगोन जे जे टाखा डिकु सेबेए डेन बोचोउबा ।

![](https://cdn.door43.org/obs/jpg/360px/obs-en-50-16.jpg?direct&)

चोजाकि आदम डो हावा भगवान खे हेबा आजोमखेनेज डो इनी दुनिया तालान आनुवा गुनुवा सालेनेज । डो इंडि खे भगवान विचार खे की सारापो जेबा मेंटोन डो नानासो खे । फिनी भगवान डे बादोन मिया उनी आगासो डो उनी ओटे आरुखे डि चोखा थाडबा मेंटोन ।

![](https://cdn.door43.org/obs/jpg/360px/obs-en-50-17.jpg?direct&)

यीसु डो डिजा कोरकु जे की उनी ओटे लिएन पेडामिनकु , डो जो डेन थाडबा डि सेबेए लिएन डिज जनमो गा राज्जो डडाबा । डिज सेबेए दुक्को खे आतार बा डो ओझा बा डो डेन चुज गा बी दुक्को , बिखा , जाम डो गासार, बुरा, कासु, डो गुजु हेबा थानाड बा । यीसु सांति डो सच्चो टेन डिजा राज्जो खे राज्जो डडा बा , डो डिज डिजा कोरकु सेंगोन जनमो गा पेडाबा ।

*इनी बाइबल टेन आना टाखा मत्ति24:14;28:18;यहुना15:20,16:33;प्रकटि2:10;मत्ति13:24-30,36-42;1थेसो4:13-5:11;जेम्स1:12;मत्ति22:13;प्रकटि20:10,21:1-22:21*