# unfoldingWord Open Bible Stories — Bilaspuri - Language code: `kfs` - Canonical page: https://openbiblestories.org/l/kfs/ - Stories in this file: 50 of 50 - Published by: translationCore-Create-BCS, OBS-TLF - Last release: 2026-07-28 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Bilaspuri translation; it is not a translation of the whole Bible. ## 1. सृष्टि https://openbiblestories.org/l/kfs/story-1/ ![](https://cdn.door43.org/obs/jpg/360px/obs-en-01-01.jpg) इयां शुरु च परमेशरे सब चीज़ां री सृष्टि कित्ती। तिने छे दिनां च संसारा री कने जो किछ तिसच आ सबीं कजी री सृष्टि कित्ती। परमेशरा रे जरिये धरतिया जो रचणे ते बाद धरती नेहरी कने खाली थी, कांह्भई हुणा तकौ परमेशरे तिसच किसी बी चीजा जो नीं बणाया था। परमेशरा रा आत्मा पाणिये पर मण्डरावां था। ![](https://cdn.door43.org/obs/jpg/360px/obs-en-01-02.jpg) फेरी परमेशरे बोलया, “लोये हो!” कने लोये हुईगी। परमेशरे देक्खया भई लोये ठीक इ कने तिसो “दिन” बोलया। परमेशरे तिसो नेहरे ते लग कित्या इसो तिने “रात” बोलया। परमेशरे सृष्टि करने ते पेहले दिना च लोयी री रचना कित्ती। ![](https://cdn.door43.org/obs/jpg/360px/obs-en-01-03.jpg) सृष्टि करने ते दुज्जे दिना च परमेशरे बोल्या, “पाणिये रे उपर इक फर्क हो।” इक फर्क हुईग्या। परमेशरे तिस फर्का जो “आकाश” बोल्या। ![](https://cdn.door43.org/obs/jpg/360px/obs-en-01-04.jpg) तीज्जे दिन परमेशरे बोल्या, “पाणी इकी जगा पर कट्ठा हुई जाओ कने सुक्की धरती दुस्सो।” तिने सुक्किया धरतिया जो “पृथ्वी” बोल्या कने पाणिये जो “समुद्र” बोल्या। परमेशरे देक्खया भई जो किछ तिने बणाया था सै खरा था। ![](https://cdn.door43.org/obs/jpg/360px/obs-en-01-05.jpg) फेरी परमेशरे बोल्या, “पृथ्विया पर सबीं किस्मा रे पेड़ कने पौधे जम्मो।” कने येढ़ा इ हुआ। परमेशरे देक्खया भई जो किछ तिनें बणाया था सै खरा था। ![](https://cdn.door43.org/obs/jpg/360px/obs-en-01-06.jpg) सृष्टि करने ते चौथे दिना च परमेशरे बोल्या, “आकाश च जोतियाँ हो।” सुरज, चन्द्रमा कने तारागण प्रकट हुये। परमेशरे तिनां जो पृथ्विया पर लोये देणे खातर दिन कने रात, मौसमां कने सालां च फर्क करने खातर बणाया। ![](https://cdn.door43.org/obs/jpg/360px/obs-en-01-07.jpg) पँजवें दिन परमेशरे बोल्या, “जीवित प्राणी पाणिये जो भरी दो कने आकाशा च पक्षी उड़ो।” इसा किस्मा ते तिने पाणिये च तरने औले सब जन्तुआं जो कने पक्षियां जो बणाया। परमेशरे देक्खया भई ये खरा था कने तिनां जो आशीष दित्ति। ![](https://cdn.door43.org/obs/jpg/360px/obs-en-01-08.jpg) सृष्टिया रे छेवें दिना च परमेशरे बोल्या, “धरितया पर रेहणे औले सबीं किस्मा रे जानवर हो।” परमेशरा रे बोलणे रे मताबक येढा हुईग्या। किछ जानवर पालतु थे, किछ धरतिया पर रघड़ने औले कने किछ जंगली जानवर थे। परमेशरे देक्खया भई ये खरा था। ![](https://cdn.door43.org/obs/jpg/360px/obs-en-01-09.jpg) फेरी परमेशरे बोल्या, “आओ अहां माणुये जो अपणे स्वरुपा च कने अपणी समानता च बणाईये। तिनां धरतिया पर सबीं जानवरां पर प्रभुता करनी।” ![](https://cdn.door43.org/obs/jpg/360px/obs-en-01-10.jpg) इस खातर परमेशरे मिट्टी लईने तिसते माणुये जो बणाया कने तिसच जीवना रे साँसा जो फँक्कीत्या। इस माणुये रा नांव आदम था। परमेशरे आदमा रे रहणे खातर इक बड्डे बगीचे जो बणाया कने तिसरी देखभाल करने खातर आदमा जो तेथी रखी दित्या। ![](https://cdn.door43.org/obs/jpg/360px/obs-en-01-11.jpg) तिस बगीचे रे बीच परमेशरे दो खास डाल लाये - जीवना रा डाल कने भले-बुरे रे ज्ञाना रा डाल। परमेशरे आदमा ने बोल्या भई सै तिस बगीचे रे जीवना रे डाला कने भले-बुरे रे ज्ञाना रे डाला जो छड्डी ने होरीं सबीं डालां रे फलां जो खाई सकां। जे तिने तिस डाला रा फल खादया ता तिस मरी जाणा। ![](https://cdn.door43.org/obs/jpg/360px/obs-en-01-12.jpg) फेरी परमेशरे बोल्या, “माहणुये रा कल्ले रैहणा खरा नीं आ।” पर कोई बी जानवर आदमा रा साथी नीं हुई सक्या। ![](https://cdn.door43.org/obs/jpg/360px/obs-en-01-13.jpg) इस खातर परमेशरे आदमा जो गेहरी नींदा च पाईत्या। फेरी परमेशरे आदमा री इक पसली लईने तिसते इक जनाना री रचना कित्ती कने तिसा जो आदमा लौ लईने आया। ![](https://cdn.door43.org/obs/jpg/360px/obs-en-01-14.jpg) तजे आदमे तिसा जो देक्खया तां तिसाने गलाया, “होर नीं आ तां ये तां मेरे साई हई! ये ‘जनाना’ केहलाणी, कांह्भई ये माहणुये च ते बणाई गईरी।” इसा बजा तर माहणुये अपणे मौ-बुढ़े जो छड्डी ने अपणिया जनाना सौगी इक हुई जां। ![](https://cdn.door43.org/obs/jpg/360px/obs-en-01-15.jpg) परमेशरे आदमी कने औरता जो अपणे स्वरूपा च बणाया। परमेशरे तिनां जो आशीषां दित्तियां कने तिनां ने बोल्या, “बोहत सारी औलादां कने पोते-दोहते सौगी बधा कने धरतिया जो भरी देवा!” इयां परमेशरे देक्खया भई जो किछ तिनें बणाया था सै बोहत खरा था, कने सै तिना सबीं ते बोहत खुश था। ये सब किछ सृष्टि करने ते छेवें दिन हुआ था। ![](https://cdn.door43.org/obs/jpg/360px/obs-en-01-16.jpg) उत्तपति अध्याय 1-2 ते बाइबल री इक कहाणी https://www.youtube.com/watch?v=o7pvdcahhV0 Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_01_128kbps.mp3 ## 2. पाप संसारा च औणा https://openbiblestories.org/l/kfs/story-2/ ![](https://cdn.door43.org/obs/jpg/360px/obs-en-02-01.jpg) आदम कने तिसरी जनाना परमेशरा रे जरिये तिनां खातर बणाई रे तिस सुन्दर बगीचे च खुशी-खुशी रहवां थे। तिनां च ते कोई बी कपड़े नीं पैहनदा था, फेरी भीं इसा गल्ला ते तिनां च ते कोई शर्मिन्दा नीं था, कांह्भई संसारा च पाप नीं था। सै तिस बगीचे च आवां जावां थे कने परमेशरा ने गल्लां करां थे। ![](https://cdn.door43.org/obs/jpg/360px/obs-en-02-02.jpg) पर तिस बगीचे च इक साप्प बी था। सै बोहत चलाक था। तिनें तिसा जनाना ते पुछेया, “क्या सच्ची परमेशरे तुहांने इस बगीचे रे किसी बी डाला रे फलां जो खाणे ते मना कित्तिरा?” ![](https://cdn.door43.org/obs/jpg/360px/obs-en-02-03.jpg) तिसे जनाने जवाब दित्या, “परमेशरे अहां ने बोलीरा भई अहें तिस भले कने बुरे रे ज्ञाना रे डाला ते अलावा किसी बी डाला रे फलां जो खाई सकांये। परमेशरे अहां ने गलाईरा भई जे तुहें तिस फला जो खादया या तिस्सो छुया बी, तां तुहां मरी जाना।” ![](https://cdn.door43.org/obs/jpg/360px/obs-en-02-04.jpg) तिने सप्पे जनाना जो जवाब दित्या, “ये सच्च नीं आ! तुहां नीं मरना। परमेशर जाणां भई तियां इ जे तुहां तिस फला जो खाणा, तुहां परमेशरा साई हुई जाणा कने तिस साई भले कने बुरे जो समझणे लगणा।” ![](https://cdn.door43.org/obs/jpg/360px/obs-en-02-05.jpg) तिसे जनाने देक्खया भई से फल दिला जो खरा लगणे औला कने स्वाद दुस्सेरां था। सै बी समझदार बनणा चाहवां थी, इस खातर तिसे फला जो तोड़ीने खाई लया। फेरी तिसे अपणे खसमा जो सै जे तिसा सौगी था सै फल दित्या कने तिने बी खाई लया। ![](https://cdn.door43.org/obs/jpg/360px/obs-en-02-06.jpg) इकदम ते, तिनां रियां आक्खीं खुली गियां कने तिनांजो पता लगया भई सै नंगे थे। तिनें पत्तेयां जो जोड़ी ने सित्या कने तिनांरे कपड़े बणाई ने तिनां ने अपणे शरीरां जो ढकणे री कोशत कित्ती। ![](https://cdn.door43.org/obs/jpg/360px/obs-en-02-07.jpg) तां आदम कने तिसरी जनाना जो तिस बगीचे च घुमदे परमेशरा री अवाज़ा जो सुणया। सै दोनो परमेशरा ते लुक्खीगे। तां परमेशरे आदमा जो अवाज लाई, “तु कित्ती आ?” आदमे जवाब दित्या, “ मैं तुहांजो बगीचे च औंदे सुणेया कने हऊं डरीग्या था, कांह्भई हऊं नंगा था। इस खातर हऊं लुक्खीग्या।” ![](https://cdn.door43.org/obs/jpg/360px/obs-en-02-08.jpg) फेरी परमेशरे पुछया, “तिज्जो किने दस्सेया भई तू नंगा आ? क्या तैं सै फल खादिरा तिसो ने खाणे खातर मैं तिझो मना कित्या था?” आदमे जवाब दित्या, “तुहें मिंज्जो ये जनाना दित्तिरी इसे इ मिंजो सै फल दित्या।” तां परमेशरे जनाना ते पुछया, “तैं ये क्या कित्तिरा?” सै जनाना गलाई, “सप्पे मिंजो धोखा दित्तिरा।” ![](https://cdn.door43.org/obs/jpg/360px/obs-en-02-09.jpg) परमेशरे सप्पा ने बोलया, “तु स्रापित आ! तु अपणे पेटा रे भार चले करना कने मिट्टी चाटगा। तू कने ये जनाना इक दुज्जे ते घृणा करनी, कने तेरी औलादां कने तिसरी औलादां बी इकी दुज्जे ते घृणा करनी। इसा जनाना रे वंशजां तेरे सिरा जो कुचलणा कने तू तिसरिया अड्डिया जो दसणा।” ![](https://cdn.door43.org/obs/jpg/360px/obs-en-02-10.jpg) तां परमेशरे जनाना ने बोलया, “मांह तेरी औलाद पैदा करने रिया दर्दा जो बोहत बधाणा। तेरी लालसा अपणे खसमा खा हुणी कने तिस तुझ पर प्रभुता करनी।” ![](https://cdn.door43.org/obs/jpg/360px/obs-en-02-11.jpg) परमेशरे आदमा ने गलाया, “तैं अपणिया जनाना री सुणी कने मेरे हुक्म नीं मन्ने। इस खातर धरती सर्आपित हुईरी कने तिजो रोटिया खातर कठण मेहणत करने री जरुरत हुणी। हुण तू मरी जाणा कने तेरी देह मिट्टिया च मिली जाणी।” तिस माहणुये अपणी जनाना रा नांव हव्वा रखया, तिसरा मतलब आ “जीवन देणे औली”, कांह्भई तिसा सब जातियां री माता हुणी। परमेशरे आदम कने हव्वा जो जानवरा री खल्लां ते बणिरे कपड़े पहनाये। ![](https://cdn.door43.org/obs/jpg/360px/obs-en-02-12.jpg) उत्पत्ति अध्याय ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_02_128kbps.mp3 ## 3. बाढ़ https://openbiblestories.org/l/kfs/story-3/ ![](https://cdn.door43.org/obs/jpg/360px/obs-en-03-01.jpg) बोहत बगता ते बाद, संसारा च बोहत सारे लोक रैहणे लगीगे। सै बोहत दुष्ट कने पद्रवी हुई गे थे। ये इतना बुरा था भई परमेशरे मते पाणिये ने इस पूरे संसारा जो नष्ट करने रा निर्णय लया। ![](https://cdn.door43.org/obs/jpg/360px/obs-en-03-02.jpg) परमेशर नूहा ते खुश था। सै दुष्ट माहणुआं रे बिच्च रैहणे औला इक धर्मी माहणु था। परमेशरे नूहा जो दस्या भई सै मती बाढ़ भेजणे औला आ। इसा बजहा ते, तिने नूहा जो इक बड्डा जहाज बनाणे खातर बोल्या। ![](https://cdn.door43.org/obs/jpg/360px/obs-en-03-03.jpg) परमेशरे नूहा जो लगभग 140 मीटर लंबा, 23 मीटर चौड़ा कने 13.5 मीटर उच्चा जहाज बनाणे खातर बोल्या। नूहा जो इसो लकड़िया ते बनाणा था कने तिसच तीन्न मंजलां, मते सारे कमरे, इक छत कने इक खिड़की बनाणी थी। सै जहाज नूह, तिसरे टबरा कने धरतिया रे हर किस्मा रे जानवरां जो बाढ़ा ते बचाणे खातर थी। ![](https://cdn.door43.org/obs/jpg/360px/obs-en-03-04.jpg) नूहे परमेशरा री गल्ल मन्नी। तिने कने तिसरे पुत्रें तेढ़ा इ जहाज बणाया तेढ़ा जे परमेशरे दस्सिरा था। कांह्भई सै जहाज बोहत बड्डा था इस खातर तिस्सो बनाणे च कई साल लगे। नूहे लोकां जो औणे औलिया बाढ़ा रे बारे चेतावनी दित्ती कने तिनां जो परमेशरा री भक्ति करने खातर बोल्या, पर तिनें तिस पर विस्वास नीं कित्या। ![](https://cdn.door43.org/obs/jpg/360px/obs-en-03-05.jpg) परमेशरे नूह कने तिसरे चबरा जो अपणे खातर कने जानवरां खातर खाणे रा समान कठेरने रा हुक्म बी दित्या। तजे सब किछ त्यार था, तां परमेशरे नूहा ने बोल्या भई ये बगत तिसरे, तिस रिया जनाना रे, कने तिन्नां पुत्रां रे कने तिनां रियां जनानां रे - कुल मलाई ने आठ माहणुआं रे जहाजा चौ औणे रा था। ![](https://cdn.door43.org/obs/jpg/360px/obs-en-03-06.jpg) परमेशरे सारे जानवरां कने पंछियाँ च ते नर कने मादा जो नूहा लौ भेज्या भई सै जहाजा चौ जाई सको कने बाढ़ा रे बगता बचीने रई सको। परमेशरे येढ़े हर किस्मा रे जानवरां च ते सात्त नर कने सात्त मादा जो भेज्या सै जे बलि चढ़ाणे रे कम्मा आई सको। तजे सै सब जहाजा च पुज्जीगे तां अप्पुं परमेशरे जहाजा रे दरवाजे जो बंद करीत्या। ![](https://cdn.door43.org/obs/jpg/360px/obs-en-03-07.jpg) तां बरखा पौणे शुरू हुई कने बरखा हुंदी गई, हुंदी गई। बिना रूके चाली दिन कने चाली रात तकौ बरखा हुंदी रई। सारे संसारा री हर इक चीज़, येथी तकौ भई उच्चे ते उच्चे पहाड़ बी पाणिये च डुब्बीगे। ![](https://cdn.door43.org/obs/jpg/360px/obs-en-03-08.jpg) सुक्की धरतिया पर रैहणे औली हर इक चीज खत्म हुई गी, तिनां लोकां कने जानवरां ते अलावा सै जे जहाजा च थे। सै जहाज पाणिये पर तरदा रैया कने जहाजा रे अन्दरा री हर इक चीजां जो डुबणे ते बचाई ने रखेया। ![](https://cdn.door43.org/obs/jpg/360px/obs-en-03-09.jpg) बरखा रे रूकणे ते बाद, पाँज्ज महीनेयां तकौ सै जहाज पाणिये पर तैरदा रैया कने तिस बगता रे बिच्च पाणी घट हुणे लगेया था। तां इक दिन सै जहाज इक पहाड़ा रिया चुंडिया पर टिकी गया, पर संसारा च अजें बी पानी भरीरा था। तीन्न महीने ते बाद, पहाड़ां रियां चुंडियाँ दुसणे लगीयां थियां। ![](https://cdn.door43.org/obs/jpg/360px/obs-en-03-10.jpg) फेरी होर चाली दिनां ते बाद, नूहे इकी कावा जो ये देखणे खातर बाहर भेज्या भई क्या पाणी सुक्कीग्या था। सै कऔ सुक्किया धरतिया जो टोलदा इखा-उखा उड़दा रैया, पर तिसो येढ़ी जगा नीं मिली। ![](https://cdn.door43.org/obs/jpg/360px/obs-en-03-11.jpg) फेरी बाद च नूहे इक कबुतरिया जो बाहर भेज्या। पर तिसो बी कोई सुक्की धरती नीं मिली, इस खातर सै नुहा लौ बापस आईगी। इक हफ्ते ते बाद तिनें तिसा कबुतरिया जो फेरी ते भेज्या कने सै अपणिया चुँजा च जैतुना री इक डाली लई ने बापस आई। पाणी घटे रां था कने पौधे फेरी ते जमणे लगे थे। ![](https://cdn.door43.org/obs/jpg/360px/obs-en-03-12.jpg) नूहे इकी हफ्ते होर रूकी ने तीज्जी बार तिसा कबूतरिया जो बाहर भेज्या। इस बार तिसा जो टिकणे री जगा मिली गी कने सै बापस नीं आई। पाणी सुक्के रां था। ![](https://cdn.door43.org/obs/jpg/360px/obs-en-03-13.jpg) दो महीने ते बाद परमेशरे नूहा ने बोल्या, “हुण तू कने तेरा टबर कने सारे जानवर जहाजा ते बाहरौ आये। बोहत सारी औलादां कने पोते-पड़पोते पैदा करा कने धरतिया जो भरी दो।” आखर च नूह कने तिसरा सारा टबर जहाजा ते बाहर निकली आये। ![](https://cdn.door43.org/obs/jpg/360px/obs-en-03-14.jpg) नूहा रे जहाजा ते बाहर औणे ते बाद, तिनें इक इक वेदी बणाई कने बलिया खातर चढ़ाणे जोगे हर किस्मा रे जानवरां च ते किछ लईने बलि चढ़ाई। परमेशर तिस बलिदाना ते खुश हुआ कने नूह कने तिसरे टबरा जो आशीष दित्ती। ![](https://cdn.door43.org/obs/jpg/360px/obs-en-03-15.jpg) परमेशरे बोल्या, हऊं वादा करां भई माहणुआं रे जरिये कित्ते जाणे औले बुरे कम्मां रिया वजहा ते फेरी कदी धरतिया जो श्राप नीं देणा या बाढ़ा रे जरिये संसारा जो नष्ट नीं करना, तांबी माणु अपणे बचपना रे बगता ते इ पापी हुआं। ![](https://cdn.door43.org/obs/jpg/360px/obs-en-03-16.jpg) उत्पत्ति अध्याय 6-8 च ते बाइला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_03_128kbps.mp3 ## 4. अब्राहमा सौगी परमेशरा रा वायदा https://openbiblestories.org/l/kfs/story-4/ ![](https://cdn.door43.org/obs/jpg/360px/obs-en-04-01.jpg) बाढ़ा ते कई सालां ते बाद, संसारा च बोहत लोक रये करां थे, कने तिनें फेरी ते परमेशरा रे कने इकी दुज्जे रे बरोधा च पाप कित्या। कांह्भई से इक इ भाषा बोला थे, इस खातर सै कट्ठे हुये कने संसारा जो भरी देणे रे परमेशरा रे हुक्मा जो मनणे री बजाये इक इ नगर बनाणे लगे। ![](https://cdn.door43.org/obs/jpg/360px/obs-en-04-02.jpg) सै बोहत घमण्डी थे कने अपणे जीवना जो जीणे रे बारे च सै परमेशरा रे हुक्मां रा पालन नीं करना चाहंदे थे। येथी तकौ भई तिनें इक येढ़ी मीनारा जो बनाणा शुरू कित्या सै जे स्वर्गा तकौ पुज्जो। परमेशरे देक्खेया भई जे सै सौगी मिली ने बुरा ई करदे रैंहगे तां सै बड्डे-बड्डे पापां रे कम्मां जो करी सकांये। ![](https://cdn.door43.org/obs/jpg/360px/obs-en-04-03.jpg) इस खातर परमेशरे तिनां री भाषा जो मत्तियां भाषावां च बदली दित्या कने तिनां लोकां जो सारे संसारा च फैलाई दित्या। तिस नगरा जो तिनें बनाणा शुरू कित्या था तिसरा नौं बाबेल पया, इसरा मतलब आ “गड़बड़ी”। ![](https://cdn.door43.org/obs/jpg/360px/obs-en-04-04.jpg) कई हजारां सालां ते बाद, परमेशरे अब्राम नौं रे इकी माणुये ने गल्लां कित्तियां। परमेशरे तिसने बोल्या, “अपणे देश कने टबरा जो छड्डी ने तिस देशा जो चली जा सै जे मांह तिज्जो दसणा। मांह तिज्जो आशीष देणी कने तेरते इक बड्डी जाति बनाणी। मांह तेरा नौं महान करना। सै जे तिज्जो आशीष देओ मांह बी तिस्सो आशीष देणी, कने सै जे तिज्जो श्राप देओ तिसो श्राप देणा। तेरिया बजहा ते संसारा रे सारे कुलां जो आशीष मिलणी।” ![](https://cdn.door43.org/obs/jpg/360px/obs-en-04-05.jpg) इस खातर अब्रामे परमेशरा री गल्ल मन्नी। तिनें अपणे सारे सेवकां कने अपणी सारी सम्पतिया समेत अपणी पत्नी सारै जो लईने तिस देशा ते कनान देशा जो चलीग्या सै जे परमेशरे तिस्सो दस्सेया था। ![](https://cdn.door43.org/obs/jpg/360px/obs-en-04-06.jpg) तजे अब्राम कनान च पुज्जेया तां परमेशरे तिसने बोल्या, “अपणे चऊं तरफा देख। मां तिज्जो ये सारा देश देणा कने तेरे वंशजां सदा खातर इस पर अधिकार रखणा।” तां अब्राम तिस देशा च बसी गया। ![](https://cdn.door43.org/obs/jpg/360px/obs-en-04-07.jpg) मलिकिसिदक नौं रा इक माहणु था सै जे सबते उच्चे परमेशरा रा याजक था। इक दिन तजे अब्राम युध्द करने ते बाद आये रां था तां सै कने अब्राम मिले। मलिकिसिदके अब्रामा जो आशीष दित्ती कने बोल्या, “सर्वोच्च परमेशर सै जे स्वर्ग कने धरतिया रा मालक आ तिस तिज्जो आशीष देणी।” फेरी अब्रामे युध्दा च जीती रियां सारिया चीज़ा रा दसवां हिस्सा मलिकिसिदक जो दित्या। ![](https://cdn.door43.org/obs/jpg/360px/obs-en-04-08.jpg) कई साल बीती गे, पर अजें बी अब्राम कने सारा रे कोई पुत्र नीं था। परमेशरे अब्रामा ने गल्ल कित्ती कने फेरी ते वायदे कित्या भई तिसरे इक पुत्र जमणा कने तियां जे आकाशा च तारे ये तियां इ तिसरे बोहत सारे वंशज हुणे। अब्रामे परमेशरा री प्रतिज्ञा पर विस्वास कित्या। परमेशरे घोषणा कित्ती भई अब्राम इक धर्मी माहणु था कांह्भई तिने परमेशरा रे वायदे पर विस्वास कित्या था। ![](https://cdn.door43.org/obs/jpg/360px/obs-en-04-09.jpg) उत्पत्ति अध्याय 11-15 ते बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_04_128kbps.mp3 ## 5. वायदे रा पुत्र https://openbiblestories.org/l/kfs/story-5/ ![](https://cdn.door43.org/obs/jpg/360px/obs-en-05-01.jpg) अब्राम कने सारै रे कनान पुजणे रे दस सालां ते बाद बी तिनां ले कोई औलाद नीं थी। इस खातर, अब्रामा री जनाना सारै तिसने बोल्या, “देख परमेशरे अजें तकौ बी मिंज्जो औलाद पैदा करने जोगा नीं बणाया कने हुण हऊं औलाद पैदा करने खातर बुढी हुई गरी, देख, मेरी दासी हाजिरा येथी इ। तिसा ने ब्याह करी ले भई सै मेरे कने तेरे खातर इक औलाद पैदा करी सको।” ![](https://cdn.door43.org/obs/jpg/360px/obs-en-05-02.jpg) इस खातर अब्रामे हाजिरा ने ब्याह करी लया। हाजिरा रे इक पुत्र जम्मेया कने अब्रामे तिसरा नौं इश्माएल रखेया। पर सारै हाजिरा ते जलणे लगी। तजे इश्माएल तेराह सालां रा था, परमेशरे फेरी बीं अब्रामा ने गल्लां कित्तियां। ![](https://cdn.door43.org/obs/jpg/360px/obs-en-05-03.jpg) परमेशरे बोल्या, “हऊं सर्व-शक्तिमान परमेशर आ। मांह तेरने सौगी इक वाचा बन्नणी।” तां अब्राम धरितया पर पईने मथा टेक्या। परमेशरे अब्रामा ने ये बी बोल्या, “तू बोहत सारियां जातियां रा पिता हुणा। मांह तिज्जो कने तेरे वंशजां जो तिनां री अपणी जमीन हुणे खातर कनान देश देणा कने मांह सदा खातर तिनां रा परमेशर हुणा। तिज्जो अपणे घराने रे हरेक माणुये रा खतना करने पौणा। ![](https://cdn.door43.org/obs/jpg/360px/obs-en-05-04.jpg) “तेरी जनाना सारै रे इक पुत्र पैदा हुणा - सै वायदे रा पुत्र हुणा। तिसरा नौं इसहाक रखेयां। मांह तिस सौगी अपणी वाचा जो बणाई रखणा कने तिसते इक बड्डा समाज बणाया जाणा। मांह इश्माएला ते बी इक बड्डा समाज बनाणां, पर मेरी वाचा इसहाका सौगी रैहणी।” तां परमेशरे अब्रामा रा नौं बदली ने अब्राहम रखीत्या, तिसरा मतलब आ “बोहतीं रा पिता”। परमेशरे सारै रा बी नौं बदली ने सारा करित्या, तिसरा मतलब आ “मूलमाता”। ![](https://cdn.door43.org/obs/jpg/360px/obs-en-05-05.jpg) तिस दिन अब्राहमे अपणे घराने रे सबीं माहणुआं रा खतना कित्या। कोई इक साला ते बाद, तजे अब्राहम 100 साला रिया उम्रा रा था कने सारा 90 सालां री थी, तां सारे अब्राहमा रे पुत्रा जो पैदा कित्या। तेढ़ा जे परमेशरे तिनां जो बोल्या था तिनें तिसरा नौं इसहाक रखेया। ![](https://cdn.door43.org/obs/jpg/360px/obs-en-05-06.jpg) तजे इसहाक जवान हुआ तां परमेशरे ये बोलीने अब्राहमा रे विस्वासा री परीक्षा कित्ती, “अपणे इकलौते पुत्रा जो लै कनेस तिसो मेरे खातर बलिया रे तौरा च मारी दे।” फेरी अब्राहमे परमेशरा री गल्ल मन्नी कने अपणे पुत्रा जो बलि करने खातर त्यार कित्या। ![](https://cdn.door43.org/obs/jpg/360px/obs-en-05-07.jpg) तजे अब्राहम कने इसहाक बलि चढ़ाने रिया जगहा खौ जाणे लगे तां इसहाके पुछेया, “हे मेरे पिता, अहांले बलि चढ़ाने खातर लकड़ियाँ तां हई, पर बलि करने रा मेम्ना कित्ति आ?” अब्राहमे जवाब दित्या, “हे मेरे पुत्र, परमेशरा बलि करने खातर मेम्ने रा इंतजाम करना।” ![](https://cdn.door43.org/obs/jpg/360px/obs-en-05-08.jpg) तजे सै बलि चढ़ाने रिया जगहा पुज्जिगे, तां अब्राहमे इसहाका जो बन्नी ने वेदिया पर लटाई तय। सै अपणे पुत्रा जो मारने इ औला था भई परमेशरे बोल्या, “रुकी जा! लड़के रा कोई नुक्सान नीं कर! हुण हऊं जाणी गया भई तू मेरा डर मन्नां कांह्भई तैं अपणे इकलौते पुत्रा जो बी मेरते बचाई ने नीं रख्या।” ![](https://cdn.door43.org/obs/jpg/360px/obs-en-05-09.jpg) सौगी इ अब्राहमे इकी मिन्डे जो देक्खया सै जे झाड़ियां स फस्सिरा था। इसहाका रे बदले बलिया खातर परमेशरे मिन्डे रा इन्तजाम कित्या था। अब्राहमे खुशी-खुशी मिन्डे री बलि चढ़ाई। ![](https://cdn.door43.org/obs/jpg/360px/obs-en-05-10.jpg) उत्पत्ति अध्याय 16-22 ते इक बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_05_128kbps.mp3 ## 6. परमेशरे इसहाका खातर इंतजांम कित्या https://openbiblestories.org/l/kfs/story-6/ ![](https://cdn.door43.org/obs/jpg/360px/obs-en-06-01.jpg) तजे अब्राहम बोहत बुड्ढा हुईग्या था तां तिसरा पुत्र इसहाक जवान हुईग्या था। इस खातर अब्राहमे अपणे इकी सेवका जो अपणे पुत्र इसहाका खातर अपणे रिश्तेदारां रे देशा ते इक ब्याह जोगी कुड़ी लयौणे जो भेज्या, तेथी जे तिसरे रिश्तेदार रैयां थे। ![](https://cdn.door43.org/obs/jpg/360px/obs-en-06-02.jpg) तेथी जे अब्राहमा रे रिश्तेदार रह्वां थे तिस देशा जो जाणे रिया इक लंबी यात्रा ते बाद परमेशरे तिस सेवका रा मिलणा रिबका ने करवाया। सै अब्राहमा रे भाईये री पोती थी। ![](https://cdn.door43.org/obs/jpg/360px/obs-en-06-03.jpg) रिबका अपणे टबरा जो छड्डी ने तिस सेवका सौगी वापस औणे खातर मन्नी गी। तियां जे से पुज्जे, इसहाका रा तिसाने ब्याह कित्या गया। ![](https://cdn.door43.org/obs/jpg/360px/obs-en-06-04.jpg) बोहती बगता ते बाद अब्राहम मरी गया। तां परमेशरे अब्राहमा रे पुत्र इसहाका जो, अब्राहमा सौगी बन्नी गई वाचा री वजहा ते आशीष दित्ती। तिस वाचा च परमेशरा रा इक वायदा था भई अब्राहमा रे अणगिनत वंशज हुणे। पर इसहाका री जनाना रिबका रे औलाद पैदा नीं हुई। ![](https://cdn.door43.org/obs/jpg/360px/obs-en-06-05.jpg) इसहाके रिबका खातर प्राथना कित्ती कने परमेशरे तिसा जो जुड़वां बच्चेयां सौगी भारथी हुणे जोगा बणाया। तिस बगत सै बच्चे रिबका रे गर्भा च इ थे सै अप्पु चींये लड़ने लगे, इस खातर जो किछ हुये रां था रिबके सै परमेशरा जो दस्सेया। ![](https://cdn.door43.org/obs/jpg/360px/obs-en-06-06.jpg) परमेशरे रिबका ने बोल्या, “तू दो पुत्रां जो जन्म देणा। तिनां री पीढीयां दो लग-लग जातियाँ बणनियां। तिनां इकी दुज्जे ने प्यार ने नीं रैहणा। पर बड्डे पुत्रा ते पैदा हुणे औली जातिया जो छोटे पुत्रा री औणे औलेयां रा हुक्म मनणे पौणा।” ![](https://cdn.door43.org/obs/jpg/360px/obs-en-06-07.jpg) उत्पत्ति अध्याय 24:1-25:26 ते इक बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_06_128kbps.mp3 ## 7. परमेशरा रा याकूबा जो आशीष देणा https://openbiblestories.org/l/kfs/story-7/ ![](https://cdn.door43.org/obs/jpg/360px/obs-en-07-01.jpg) तजे से बच्चे बड्डे हुये तां याकूबा जो घरें रैहणा खरा लगेया, पर एसावा जो जानवरां रा शिकार करना खरा लगया। रिबका याकूबा ने, कने इसहाक एसावा ने जादा प्यार रखां था। ![](https://cdn.door43.org/obs/jpg/360px/obs-en-07-02.jpg) इक दिन, तजे एसाव शिकार करीने वापस आया तां तिसो बोहत भुक्ख लगीरी थी। एसावे याकूबा ने गलाया, “सै जे तैं पकाई रा तेथी ते थोड़ी रोटी मिंज्जो खाणे जो दे।” याकूबे जवाब दित्या, “पैहले मेरने ये वादा कर भई पैहलौठा हुणे रिया बजहा ते हरेक चीज़ सै जे तिज्जो मिलणी चाहिंदी, सै सारियां तू मिंज्जो देणियां।” इस खातर एसावे तिनां सबीं चीज़ां जो याकूबा जो देणे री प्रतिज्ञा कित्ती। तां याकूबे तिसो खाणे खातरे रोटी दित्ती। ![](https://cdn.door43.org/obs/jpg/360px/obs-en-07-03.jpg) इसहाक एसावा जो आशीष देणा चाहवां था। पर इसते पैहले भई तिनें येढ़ा कित्या, रिबका कने याकूबे याकूबा जो एसाव बणने रा ढोंग करीने तिसने धोखा कित्या। इसहाक बुड्डा था कने तिस्सो दिसदा नीं था। इस खातर याकूबे एसावा रे कपड़े पैहने कने बकरिया री खाली जो अपणे गले कने हत्थां पर लपेटी लया। ![](https://cdn.door43.org/obs/jpg/360px/obs-en-07-04.jpg) याकूबा इसहाका ले आया कने गलाया, “हऊं एसाव आ। हऊं इस खातर आईरा भई तू मिंजो आशीष देओ।” तजे इसहाके बकरिया रे बालां जो मेहसूस कित्या कने कपड़ेया जो सींगेया, तां तिनें सोचया भई ये एसाव आ कने तिसो आशीष दित्ती। ![](https://cdn.door43.org/obs/jpg/360px/obs-en-07-05.jpg) एसावे याकूबा ते ईर्ष्या कित्ती कांभई याकूबे तिसते पैहले पुत्रा रे अधिकारा जो कने सौगी इ तिस रियां आशीषां जो बी चोरी लया था। इस खातर तिने तिनांरे पिते रे मरने ते बाद याकूबा जो मारने री योजना बनाई। ![](https://cdn.door43.org/obs/jpg/360px/obs-en-07-06.jpg) पर रिबके एसावा रिया योजना जो सुणी लया। इस खातर तिसे कने इसहाके याकूबा जो अपणे रिश्तेदारां सौगी रैहणे खातर बोहत दूर भेज्जी दित्या। ![](https://cdn.door43.org/obs/jpg/360px/obs-en-07-07.jpg) याकूब कई सालां तकौ रिबका रे रिश्तेदरां सौगी रैया। तिस बगता रे बीच्च तिनें ब्याह कित्या कने तिसरे बारा पुत्र कने इक पुत्री बी जम्मी। परमेशरे तिस्सो बोहत धनी बणाई दित्या। ![](https://cdn.door43.org/obs/jpg/360px/obs-en-07-08.jpg) बीह सालां तकौ कनाना च अपणे घरा ते दूर रैहणे ते बाद, याकूब अपणे टबरा, अपणे सेवकां कने अपणे जानवरां रे सारे झुंडाँ सौगी तेथी जो वापस आया। ![](https://cdn.door43.org/obs/jpg/360px/obs-en-07-09.jpg) याकूब इस खातर डरीरा था कांभई तिनें सोचया भई एसाव हुण बी तिस्सो मारी देणा चाहवां था। इस खातर तिनें भेंटा रे तौरा च जानवरां रे झुंडां जो एसावा लौ भेज्या। सै जे सेवक झुंडाँ जो लई ने गये थे तिनें गलाया, “तेरा दास याकूब, इनां जानवरां जो तिज्जो देआं। सै छोड़े इ आये रां।” ![](https://cdn.door43.org/obs/jpg/360px/obs-en-07-10.jpg) उत्पत्ति अध्याय 25:27-35:29 ते बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_07_128kbps.mp3 ## 8. परमेशर यूसुफ कने तिसरे टबरा जो बचावां https://openbiblestories.org/l/kfs/story-8/ ![](https://cdn.door43.org/obs/jpg/360px/obs-en-08-01.jpg) कई सालां ते बाद, तजे याकूब बुड्ढा हुई गया था, तां तिनें अपणे प्यारे पुत्र यूसुफा जो तिसरे भाईयां री टोल-डूँढ करने जो भेज्या सै जे जानवरां रे झुंडा जो चारने जो दूर आईरे थे। ![](https://cdn.door43.org/obs/jpg/360px/obs-en-08-02.jpg) यूसुफा रे भाईयें सै जे तिसने ईर्ष्या करां थे कांभई तिनांरा पिता तिनां ते जादा तिसने प्रेम करां था कने इस खातर भई यूसुफ सुफने देक्खां था भई तिस तिनां पर राज करना। तजे यूसुफ अपणे भाईयां लौ आया तां तिनें तिसो बन्नी लया कने तिसो दासां रा व्यापार करने औलेयां जो बेची दित्या। ![](https://cdn.door43.org/obs/jpg/360px/obs-en-08-03.jpg) घरें वापस औणे ते पैहले यूसुफा रे भाईयें यूसुफा रे कपड़ेयां जो फाड़ी ने बकरीया रे खुना च डबोई दित्या। फेरी तिनें सै कपड़े अपणे पिते जो दस्से भई सै जे सोचो भई किसी जंगली जानवरे यूसुफा जो मारी दित्तीरा। याकूब बोहत दुआस था। ![](https://cdn.door43.org/obs/jpg/360px/obs-en-08-04.jpg) दासां रा व्यापार करने औले सै लोक मिस्र जो गये। नील नदिया रे कनारे पर बसीरा मिस्र इक बोहत बड्डा कने ताकता औला देश था। तिनें दासां रा व्यापार करने औलेयां यूसुफा जो धनी सरकारी अधिकारिये जो पैसे लईने बेची दित्या। यूसुफे अपणे मालका री खरी सेवा कित्ती कने परमेशरे यूसुफा जो आशीष दित्ती। ![](https://cdn.door43.org/obs/jpg/360px/obs-en-08-05.jpg) तिसरे मालका रिये जनाने यूसुफा ने सौणे री कोशिश कित्ती, पर यूसुफे इसा परिस्थितिया च बी परमेशरा रे बरोधा च पाप करने ते मना करी दित्या। सै गुस्से हुई गी कने यूसुफा पर झुठा इलजाम लाया, इस खातर तिसो कैद करीने कैदखाने जो भेज्जी दित्या गया। येथी तकौ भई जेलखाने च बी, यूसुफ परमेशरा रे प्रति सच्चा रैया कने परमेशरे तिस्सो आशीष दित्ती। ![](https://cdn.door43.org/obs/jpg/360px/obs-en-08-06.jpg) दुईं सालां ते बाद, यूसुफ अजें कैदखाने च था, भले इ सै निर्दोष था। इक रात, फिरौन, तियां जे मिस्री लोक अपणे राजेयां जो पुकारां थे, दो सुफने देक्खे तिनें जे तिसो बोहत परेशान करी दित्या। तिसरा कोई बी सलाहकार तिसो तिनां सुफणेयां रा मतलब नीं दस्सेया। ![](https://cdn.door43.org/obs/jpg/360px/obs-en-08-07.jpg) परमेशरे यूसुफा जो सुफनेयां रा मतलब दसणे रा दान दित्तीरा था, इस खातर फिरौने यूसुफा जो कैदखाने ते अप्पु लौ सदेया। यूसुफे तिस्सो तिनां सुफनेयां रा मतलब दस्सेया कने गलाया, “परमेशर बोहतीं फसलां औले सत्तां सालां ते बाद अकाला रे सात्त साल भेजणे औला आ।” ![](https://cdn.door43.org/obs/jpg/360px/obs-en-08-08.jpg) फिरौन यूसुफा ते इतना प्रभावित हुआ भई तिने तिसो मिस्रा रा दुज्जा सबते ताकता औला माहणु नियुक्त करी दित्या। ![](https://cdn.door43.org/obs/jpg/360px/obs-en-08-09.jpg) यूसुफे लोकां जो बोहत फसलां औले सात्त सालां रे बीच्च बोहत जादा खाणे रा समान जमा करने खातर गलाया। तजे सात्त सालां रा अकाल आया तां यूसुफे लोकां जो सै खाणे रा समान बेचया भई तिनांले खाणे रियां चीज़ां नीं घटो। ![](https://cdn.door43.org/obs/jpg/360px/obs-en-08-10.jpg) सै अकाल सिर्फ मिस्र ची नीं, पर कनान ते बी भयंकर था तेथी जे याकूब कने तिसरा पूरा टबर रहवां था। ![](https://cdn.door43.org/obs/jpg/360px/obs-en-08-11.jpg) इस खातर याकूबे अपणे सबते बड्डे पुत्रां जो खाणे रा समान खरीदणे खातर मिस्र जो भेज्या। तजे सै खाणे रा समान खरीदणे खातर यूसुफा रे सामणे खड़े हुये तां तिनें भाईयें यूसुफा जो नीं पछेयाणेया। पर यूसुफे तिनां जो पछेयाणी लया। ![](https://cdn.door43.org/obs/jpg/360px/obs-en-08-12.jpg) ये पता करने खातर भई तिनांरा स्वभाव बदली गरा की नीं तिनां जो परखणे ते बाद, यूसुफे तिनां ने बोल्या, “हऊं तुहांरा भाई यूसुफ आ! मता डरदे। तजे तुहें मिंज्जो दासा रे तौरा च बेच्या था तां तुहें बुरा करने रा बचार कित्या था, पर परमेशरे तिसा बुराईया जो भलाईया खातर इस्तेमाल कित्या! आवा कने मिस्र च रहवा भई हऊं तुहांरा कने तुहांरे टबरा रे सारे लोकां खातर रोटिया रा प्रबन्ध करी सकूँ। ![](https://cdn.door43.org/obs/jpg/360px/obs-en-08-13.jpg) तजे यूसुफा रे भाई घरें वापस आये कने अपणे पिते याकुबा जो दस्सेया भई यूसुफ अजें बी जीऊंदा आ तां सै बोहत खुश हुआ था। ![](https://cdn.door43.org/obs/jpg/360px/obs-en-08-14.jpg) याकूब बोहत बुड्ढा हुणे रे बावजूद अपणे पूरे टबरां रे लोकां सौगी मिस्र जो आई गया कने सै तेथी बसी गये। याकूबा रे मरने ते पैहले, तनें अपणे सारे पुत्रां जो आशीषां दित्तियां। ![](https://cdn.door43.org/obs/jpg/360px/obs-en-08-15.jpg) उत्पति अध्याय 37-50 ते बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_08_128kbps.mp3 ## 9. परमेशर मूसा जो सद्दां https://openbiblestories.org/l/kfs/story-9/ ![](https://cdn.door43.org/obs/jpg/360px/obs-en-09-01.jpg) यूसुफा रे मरने ते बाद तिसरे सब रिश्तेदार मिस्र च बसी गये। सै कने तिनां रे वंशज कईयां सालां तकौ मिस्रा च ई रई गये कने तिनां ते बोहत औलादां जम्मियां। सै इस्राएली कैहलाये। ![](https://cdn.door43.org/obs/jpg/360px/obs-en-09-02.jpg) कई सौ सालां ते बाद, इस्राएलियां री संख्या बोहत बधी गी थी। मिस्री लोक हुण इसा गल्ला खातर धन्यवादी नीं थे भई तिनां री मद्द करने खातर यूसुफे बोहत किछ कित्या था। सै इस्राएलियां ते डरी गये कांह्भई सै गिणतिया च तिनां ते बोहत जादा थे। इस खातर तिस बगता मिस्र पर राज करने औले फिरौने इस्राएलियां जो मिस्रियां रा दास बणाई दित्या। ![](https://cdn.door43.org/obs/jpg/360px/obs-en-09-03.jpg) मिस्रियें इस्राएलियां जो बोहत सारियां इमारतां कने कई नगरां जो बनाणे खातर मजबूर कित्या। तिस कठण मेहणता ते तिनां रे जीवन बड़े दुख दाई बणाई दित्ते, पर परमेशरे तिनां जो आशीषां दित्तियां कने तिनां रे होर बी जादा औलादां पैदा हुईयां। ![](https://cdn.door43.org/obs/jpg/360px/obs-en-09-04.jpg) फिरौने देख्या भई इस्राएलियां रे बोहत औलादां पैदा हुये रां थियां, इस खातर तिने अपणे कर्मचारियां जो इस्राएलियां रे सबीं नर बच्चेयां जो नील नदिया च सट्टी देणे ते मारी देणे रा हुक्म दित्या। ![](https://cdn.door43.org/obs/jpg/360px/obs-en-09-05.jpg) इक इस्राएली जनाने इक नर बच्चे जो जन्म दित्या। तिसे कने तिसारे पतिये तितना जे संभव हुआ तितना जे तिनां ते हुई सक्या तिस बच्चे जो छुपाई ने रख्या। ![](https://cdn.door43.org/obs/jpg/360px/obs-en-09-06.jpg) तजे तिस बच्चे रे माता कने पिते तिसो होर जादा नीं लुखाई ने रखी सके, तां तिनें तिसो मारी देणे ते बचाणे खातर इक तैरने जोगी टोकरिया च नील नदिया रे कनारे पर सरकंडेयां रे बीच रखी दित्या। तिसरी बड्डी बैहणे ये देखणे खातर तिसरी निगरानी कित्ती भई तिसने क्या हुंगा। ![](https://cdn.door43.org/obs/jpg/360px/obs-en-09-07.jpg) फिरौना रिया पुत्रिये तिसा टोकरिया जो देखी कने तिसरे अन्दर झाँकेया। तजे तिसे इक बच्चा देख्या तां तिसे तिसो अपणे बच्चे रे तौरा च लई लया। तिसे इक इस्राएली जनाना जो तिसो दुध पयाणे खातर कम्मा पर रखी लया, बिना ये जाणे भई सै तिस बच्चे री असली मौ थी। तजे सै बच्चा इतना बड्डा हुई गया भई हुण तिसो अपणी माता रे दुधा री जरुरत नीं थी, तां तिसे फिरौना री पुत्रिया ला जो तिसो बापस करी दित्या, तिसरा नौं मूसा था। ![](https://cdn.door43.org/obs/jpg/360px/obs-en-09-08.jpg) इक दिन, तजे मूसा बड्डा हुई गया था, तां तिसे दिख्या भई इक मिस्री इस इस्राएलिये जो कुट्या रां आ। मूसे अपणे साथी इस्राएलियां जो बचाणे री कोशत कित्ती। ![](https://cdn.door43.org/obs/jpg/360px/obs-en-09-09.jpg) तजे मूसे सोचया भई तिसो कोई नीं देख्या रदा तां तिने तिस मिस्रिये जो मारी दित्या कने तिसरिया लाशा जो दबाई दित्या। पर मूसे जो किछ कित्या था तिसो किसी देखी लया था। ![](https://cdn.door43.org/obs/jpg/360px/obs-en-09-10.jpg) फिरौना जो पता लगी गया भई मूसे क्य कित्तिरा। तिने तिसो मारी देणे री कोशत कित्ती, पर मूसा मिस्र रे जंगला चौ नह्ठी गया। फिरौना रे सैनिक तिसो तेथी टोली नीं सके। ![](https://cdn.door43.org/obs/jpg/360px/obs-en-09-11.jpg) मिस्र ते दूर जंगला च मूसा इक चरवाहा बणी गया था। तिने तेथी इकी जनाना ने ब्याह करी लया कने दो बच्चे पैदा कित्ते। ![](https://cdn.door43.org/obs/jpg/360px/obs-en-09-12.jpg) मूसा अपणे सौरे रियां भेडां रे झुंडा री देखभाल करां था। इक दिन, तिने इक फुखदी झाड़िया जो देख्या सै जे भस्म नीं हुंदी थी पर फुख्या ई रां थी। तिसा जो देखणे खातर सै तिसा झाड़िया रे नेड़े गया। तजे सै तिसा रे बड़े नेड़े था तां परमेशरे तिस ने गल्लां कित्तियां। तिसे बोल्या, “हे मूसा, अपणे जूत्तेयां जो तुआरी दे। तू इक पवित्र जगहा पर खड़ीरा।” ![](https://cdn.door43.org/obs/jpg/360px/obs-en-09-13.jpg) परमेशरे बोल्या, “मैं अपणे लोकां रे दुखां जो देखिरा। मांह तिज्जो फिरौना ला जो भेजणा तां भई तू इस्राएलियां जो मिस्र रिया दासता ते कह्डी ने लयौणा। मांह तिनां जो कनान देश देणा, सै देश तिसरा जे मैं अब्राहम, इसहाक कने याकूबा ने वायदा कित्तिरा।” ![](https://cdn.door43.org/obs/jpg/360px/obs-en-09-14.jpg) मूसे पूछया, “जे लोकें जाणना चाह्या भई मिंज्जो किने भेज्जिरा तां मांह क्या बोलणा?” परमेशरे गलाया, “सै जे हऊं हया सै ई आ। तिने बोल्या, “सै जे मैं आ तिनें मिंज्जो तुहां ला जो भेज्जी रा।’ तिने ये बी गलाया, ‘हऊँ तुहांरे पूवर्जां अब्राहम, इसहाक कने याकूबा रा परमेशर यहोवा आ।’ मेरा ये नौं सदा रा आ।” ![](https://cdn.door43.org/obs/jpg/360px/obs-en-09-15.jpg) मूसा डरां था कने फिरौना ला जो जाणा नीं चांह्दा था कांह्भई तिने सोच्या भई सै खरे तरीके ने नीं गलाई सकदा, इस खातर परमेशरे मूसा रे भाई हारूना, जो तिसरी मद्द करने खातर भेज्या। *निर्गमन अध्याय 1-4 से एक बाइबल की कहानी* Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_09_128kbps.mp3 ## 10. दस्स विपत्तियाँ https://openbiblestories.org/l/kfs/story-10/ ![](https://cdn.door43.org/obs/jpg/360px/obs-en-10-01.jpg) परमेशरे मूसा कने हारूना जो चेतावनी दित्ती भई फिरौना अपणा मन कठोर करी देणा। तजे सै फिरौना ले पुज्जे तां तिनें बोल्या, “इस्राएला रा परमेशर येढ़ा बोलां, ‘मेरे लोकां जो जाणे दे!’” पर फिरौनए तिनां री नीं सुणी कने इस्राएलियां जो जाणे खातर अजाद करने री बजाये तिनें तिनां जो होर कठण मेहणत करने रे खातर मजबूर कित्या। ![](https://cdn.door43.org/obs/jpg/360px/obs-en-10-02.jpg) फिरौन तिनां लोकां जो भेजणे ते मना करदा रैया, इस खातर परमेशरे मिस्र पर दस भयानक विपत्तियां भेजियां। इना विपत्तियां रे जरिये, परमेशरे फिरौना जो दस्सेया भई सै फिरौन कने मिस्रा रे देवतेयां ते जादा ताकता औला आ। ![](https://cdn.door43.org/obs/jpg/360px/obs-en-10-03.jpg) परमेशरे नील नदिया रे पाणिये जो खून बणाई दित्या, पर फिरौने अजें बी इस्राएलियां जो जाणे नीं दित्या। ![](https://cdn.door43.org/obs/jpg/360px/obs-en-10-04.jpg) परमेशरे सारे मिस्रा च मेनके भेजे। फिरौने मेनकेयां जो दूर करने खाते मूसा ते विनती कित्ती। पर सबीं मेनकां रे मरी जाणे ते बाद, फिरौने अपणे मन जो कठण करी लया कने इस्राएलियां जो मिस्रा ते निकलणे दित्या। ![](https://cdn.door43.org/obs/jpg/360px/obs-en-10-05.jpg) इस खातर परमेशरे कुटकियां री विपत्ति भेज्जी। तिसते बाद डाँसां री विपत्ति भेज्जी। फिरौने मूसा कने हारुना जो सदेया कने तिसने गलाया भई जे तिसा विपत्तिया जो रोकी दे तां इस्राएली मिस्रा जो छड्डी ने जाई सक्कांये। मूसा रिया प्राथना करने ते परमेशरे मिस्र परा ते डाँसां जो हटाई दित्या। पर फिरौने अपणे मना जो कठोर करी लया कने तिनां लोकां जो स्वतंत्र हुई ने जाणे नीं दित्या। ![](https://cdn.door43.org/obs/jpg/360px/obs-en-10-06.jpg) इसते अग्गे, परमेशरे मिस्रियाँ रे सबीं पालतू जानवरां जो बमार हुईने मरी जाणे दित्या। पर फिरौना रा मन कठोर हुई गया था कने तिनें इस्राएलियां जो जाणे नीं दित्या। ![](https://cdn.door43.org/obs/jpg/360px/obs-en-10-07.jpg) तां परमेशरे मूसा जो फिरौना रे सामणे हवा च सवाह डुआणे खातर बोल्या। तजे तिनें येढा कित्या तां मिस्रा रे लोकां रिया चमड़िया पर पीड़ देणे औले फोड़े निकली गे, पर इस्राएलियां जो किछ मनी हुआ। परमेशरे फिरौना रे मना जो कठोर करी दित्या कने फिरौने इस्राएलियां जो अजाद करीने जाणे नीं दित्या। ![](https://cdn.door43.org/obs/jpg/360px/obs-en-10-08.jpg) इसते बाद परमेशरे आणा रे बड्डे गोले सट्टे कने मिस्रा री सारियां फसलां जो नास करी दित्या कने जो कोई बी बाहरा जो निकलया सै मारे गये। फिरौने मूसा कने हारूना जो सद्दया कने तिनें गलाया, “मैं पाप कित्तिरा। तुहें लोक जाई सक्कांये।” इस खातर मूसा रे प्राथना करने ते आकाशा ते आण पौने ते रूकी गी। ![](https://cdn.door43.org/obs/jpg/360px/obs-en-10-09.jpg) पर फिरौने फेरी ते पाप कित्या कने अपणे मना जो कठोर करी लया। तिनें इस्राएलियां जो अजाद हुईने जाणे नीं दित्या। ![](https://cdn.door43.org/obs/jpg/360px/obs-en-10-10.jpg) इस खातर परमेशरे मिस्र पर टिड्डियां रे झुण्डां जो भेज्या। इनें टिड्डियें तिनां सारियां फसलां जो खाई लया तिनां जो ने आणी ते नास नीं कित्या था। ![](https://cdn.door43.org/obs/jpg/360px/obs-en-10-11.jpg) फिरी परमेशरे नेहरा करी दित्या से जे तीन्नां दिनां तकौ छाईरा रैया। ये इतना घणा था भई मिस्री लोक अपणे घरां ते निकली नीं सके। पर तेथी जे इस्राएली लोक रैयां थे तेथी लोये थी। ![](https://cdn.door43.org/obs/jpg/360px/obs-en-10-12.jpg) निर्गमन अधयाय 5-10 ते इक बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_10_128kbps.mp3 ## 11. फसह https://openbiblestories.org/l/kfs/story-11/ ![](https://cdn.door43.org/obs/jpg/360px/obs-en-11-01.jpg) परमेशरे मूसा कने हारूना जो फिरौना ले ये गलाणे खातर भेज्या भई इस्राएलियां जो जाणे दे। तिनें तिसो चेतावनी दित्ती भई जे सै तिनां जो जाणे नीं देंगा, तां परमेशरे मिस्रा रे लोकां रे कन जानवरां रे सबीं पैहलौठेयां जो मारी देणा। फिरौने ये सुणी ने बी परमेशरा पर विस्वास करने री बजाये तिसरी गल्ला जो मनणे ते मना करी दित्या। ![](https://cdn.door43.org/obs/jpg/360px/obs-en-11-02.jpg) परमेशरे तिस पर विस्वास करणे औले किसी रे बी पैहलौठे पुत्रा जो बचाणे खातर इक इंतजाम कित्या। हर टबरा जो इक निष्कलंक मेमने जो लईने तिसरा बलिदान करने पौणा था। ![](https://cdn.door43.org/obs/jpg/360px/obs-en-11-03.jpg) परमेशरे इस्राएलियां ने तिस मेमने रे लहुये जो लईने अपणे घरां रियां व्दार साखां पर लाणे जो बोल्या। तिनां जो तिसरे मासा जो भून्नि ने फेरी तिसो अखमीरी रोटिया सौगी तेजिया ने खाणा था। तिनें तिसा रोटिया जो खाणे ते बाद तिनां जो इकदम मिस्र जो छड्डणे जो बी त्यार रैहणे खातर गलाया। ![](https://cdn.door43.org/obs/jpg/360px/obs-en-11-04.jpg) तेढा करने खातर परमेशरे इस्राएलियां जो हुक्म दित्या था तिनें तिसरे मताबक सब किछ कित्या। अधिया राति च, परमेशरे हर इक पैहलौठेयां बच्चेयां जो घात करदे हुये मिस्र रे बिच्च हुईने गया। ![](https://cdn.door43.org/obs/jpg/360px/obs-en-11-05.jpg) इस्राएलियां रे हर इक घरा रे दरवाजेया पर लहू लगीरा था, इस खातर परमेशरे तिनां घरां जो छड्डी दित्या। तिनां अन्दर सब लोक सुरक्षित थे। सै मेमने रे लहू रिया बजहा ते बची गे थे। ![](https://cdn.door43.org/obs/jpg/360px/obs-en-11-06.jpg) पर मिस्रियें परमेशरा पर विस्वास नीं कित्या था कने तिसरे हुक्मां जो नीं मन्नेया था। इस खातर परमेशरे तिनांरे घरां जो नीं छड्डेया। परमेशरे मिस्रियां रे हर इक पैहलौठे पुत्रां जो मारी दित्या। ![](https://cdn.door43.org/obs/jpg/360px/obs-en-11-07.jpg) कैद खाने रे कैदियां रे पैहलौठेयां ते लईने, फिरौना रे पैहलौठे तको, हर इक पैहलौठा नर मरी गया। अपनणिया गेहरिया दरदा रिया वजहा ते मिस्री लोक बोहत रोये रां थे कने दुख मनाये रां थे। ![](https://cdn.door43.org/obs/jpg/360px/obs-en-11-08.jpg) निर्गमन अध्याय 11:1-12:32 ते इक बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_11_128kbps.mp3 ## 12. निकली ने जाणा https://openbiblestories.org/l/kfs/story-12/ ![](https://cdn.door43.org/obs/jpg/360px/obs-en-12-01.jpg) इस्राएली लोक मिस्रा ते निकली ने बोहत खुश थे। सै सब दास नीं थे कने सै वादे औले देशा जो जाये रांथे! जो किछ बी इस्राएलियें मंगेया, मिस्रियें तिनां जो सब चीज़ां दित्तियां, इनां च सोना कने चाँदी कने होर कीमती चीज़ां बी थियां। दुज्जे देशा रे किछ लोकें परमेशरा पर विस्वास कित्या कने सब इस्राएली लोक मिस्र ते निकले तां सै बी तिनां सौगी चलीपे। ![](https://cdn.door43.org/obs/jpg/360px/obs-en-12-02.jpg) दिनें बोहत बड्डा बादलां रा झुण्ड खम्बे साई तिनांरे अग्गे-अग्गे चलां था; कने राति रे बगता ये अग्गी रा खम्बा बणी जां था भई तिनां सबीं जो लोये हो। परमेशर हमेशा तिस बदलां रे खम्बे च कने अग्गीरे खम्बे च तिनां सौगी था कने तिने यात्रा करदे बगता तिनांरी अगुवाई कित्ती। तिनां जो सिर्फ तिसरे पीछे चलणा पौणा था। ![](https://cdn.door43.org/obs/jpg/360px/obs-en-12-03.jpg) थोड़े बगता ते बाद फिरौन कने तिसरे लोकें अपणे मना जो बदली दित्या। सै इस्राएलियां जो फेरी ते अपणा दास बनाणां चाहवां थे। इस खातर तिनें इस्राएलियां रा पीछा कित्य। ये परमेशर इ था तिनें जे तिनांरे मनां जो बदली दित्या था। तिनें येढा इस खातर कित्या कांह्भई सै चाहवां था भई हर कोई ये जाणी लो भई यहोवा, फिरौना ते कने मिस्रियां रे सबीं देवतयां ते जादा ताकता औला आ। ![](https://cdn.door43.org/obs/jpg/360px/obs-en-12-04.jpg) तजे इस्राएलियें मिस्र री सेना जो औंदे देख्या तां तिनां जो पता लगेया भई सै फिरौना री सेना कने लाल समुद्रा रे बीच फसी गरे। सै बोहत डरी गे कने रोणे लगे, “अहें मिस्र जो कैं छड्डया? अहें हुण मरने औले ये!” ![](https://cdn.door43.org/obs/jpg/360px/obs-en-12-05.jpg) मूसे इस्राएलियां ने बोल्या, “डरदे मता! परमेशरा आज्ज तुहां खातर लड़ना कने तुहांजो बचाणा।” तां परमेशरे मूसा ने बोल्या, इनां लोकां जो लाल समुद्रा खौ अग्गे बधणे जो बोल।” ![](https://cdn.door43.org/obs/jpg/360px/obs-en-12-06.jpg) तां परमेशरे तिस बदला रे खम्बे जो लईने इस्राएलियां कने मिस्रियां रे बीच करी दित्या भई मिस्री लोक इस्राएलियां जो देखी नीं सको। ![](https://cdn.door43.org/obs/jpg/360px/obs-en-12-07.jpg) परमेशरे मूसा जो समुद्रा खौ अपणा हात्थ बधाणे खातर गलाया। फेरी परमेशरे हवा ते समुद्रा रे पाणिये जो अखा कने बखा खौ करवाई दित्या, तिसते भई समुद्रा चीयें हुईने इक रस्ता बणी गया। ![](https://cdn.door43.org/obs/jpg/360px/obs-en-12-08.jpg) इस्राएली लोक अपणे दुईं पासेयां पाणिये रिया दीवारा सौगी सुक्की धरतिया पर समुद्रा चीयें अग्गे बधीने चलीपे। ![](https://cdn.door43.org/obs/jpg/360px/obs-en-12-09.jpg) तां परमेशरे तिस रस्ते ते बदलां जो चकी लया भई मिस्री लोक इस्राएलियां जो बची ने जांदे देखो। मिस्रियें तिनां जो पकड़ने खातर तिनांरा पीछा करने रा निर्णय लया। ![](https://cdn.door43.org/obs/jpg/360px/obs-en-12-10.jpg) इस खातर तिनें समुद्रा रे बीच तिस रस्ते पर इस्राएलियां रा पीछा कित्या, पर परमेशरे मिस्रियां जो घबराई दित्या कने तिनां रे रथां जो तेथी फसाई दित्या। सै रढ़ाणे लगे, “नट्ठा! इस्राएलियां खा ते परमेशर लड़े रां आ!” ![](https://cdn.door43.org/obs/jpg/360px/obs-en-12-11.jpg) सारे इस्राएली समुद्रा रे दुज्जे कनारे पुज्जी गे। तां परमेशरे मूसा ने गलाया भई सै फेरी ते पाणिये खौ हात्थ बधाओ। तजे मूसे येढ़ा कित्या, तां पाणी अपणिया पैहलकिया जगा चौ आई गया कने मिस्री सेना पर पई गया, सारी मिस्री सेना डूब्बी गी। ![](https://cdn.door43.org/obs/jpg/360px/obs-en-12-12.jpg) तजे इस्राएलियें देख्या भई मिस्री मरी गे थे तां तिनें परमेशरा पर विस्वास कित्या। तिनां जो ये विस्वास हुई गया भई मूसा परमेशरा खा ते भविष्यव्दक्ता था। ![](https://cdn.door43.org/obs/jpg/360px/obs-en-12-13.jpg) इस्राएली लोक इस खातर बी बोहत खुश थे कांह्भई परमेशरे तिनां जो मरने ते कने दास बणने ते बचाई लरा था। हुण सै परमेशरा री अराधना करने कने तिसरे हुक्मा रा पालन करने खातर स्वतंत्र थे। इस्राएलिये अपणी स्वतंत्रता री खुशी मनाणे खातर कने परमेशरा री प्रशंसा खातर, कई गीत गाये कांह्भई तिनें तिनांजो मिस्रियां री सेना ते बचाया था। ![](https://cdn.door43.org/obs/jpg/360px/obs-en-12-14.jpg) निर्गमन अध्याय 12:33-15:21 ते बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_12_128kbps.mp3 ## 13. इस्राएला सौगी परमेशरा री वाचा https://openbiblestories.org/l/kfs/story-13/ ![](https://cdn.door43.org/obs/jpg/360px/obs-en-13-01.jpg) इस्राएलियां जो लाल समुद्रा ते पार जाणे ते बाद, परमेशर तिनांजो जंगला चीयें हुईने सीनै नौं रे पहाड़ा खौ लईने चल्या। ये सै इ पहाड़ था तेथी जे मूसा जो फुखदिया झाड़ी दुस्सी थी। तिनें लोकें तिस पहाड़ा रिया तराईया च अपणे तम्बु गड्डी ने लाये। ![](https://cdn.door43.org/obs/jpg/360px/obs-en-13-02.jpg) परमेशरे मूसा ने कन इस्राएला रे सबीं लोकां ने गलाया, “तुहें सदा मेरियां गल्लां जो मन्नेयों कने सै जे वाचा मैं तुहां सौगी बन्निरी तिसो बणाई रखेयों। जे तुहें येढ़ा करांये, तां तुहांजो समृध्दि, तुहां याजकां रा समाज कने इक पवित्र लोकां रा झुण्ड बणना।” ![](https://cdn.door43.org/obs/jpg/360px/obs-en-13-03.jpg) परमेशरा रे जरिये तिस लौ आणे खातर लोकां जो तीन्न दिनां तकौ अप्पुं त्यार कित्या। तां परमेशरे सीनै पहाड़ा रिया चुँडिया पर आया। तजे सै आया तां हलण हुआ, बिजलियाँ चमकियां, धूआँ उठेया कने तुरहियाँ रा जोरदार अवाज हुई। तां मूसा अप्पुं पहाड़ा परौ चढ़ी गया। ![](https://cdn.door43.org/obs/jpg/360px/obs-en-13-04.jpg) तां परमेशरे लाकां सौगी इक वाचा बन्नी। परमेशरे बोल्या, “हऊँ तुहांरा परमेशर, यहोवा आ। हऊँ इ हया तिनें जे तुहांजो मिस्र रिया दासता ते छुड़ाया। किसी होरी देवते री उपासना देहां करी बैठदे।” ![](https://cdn.door43.org/obs/jpg/360px/obs-en-13-05.jpg) “मूर्तियाँ नीं बनाणा कने तिनांरी उपासना देहां करदे, कांभई हऊँ यहोवा, तुहांरा इक इ परमेशर आ। बेतरतिबे हुईने मेरे नौं रा उपयोग नी करना। सब्त रे दिना जो पवित्र मनणे खातर याद रखणा। छे दिन तां तुहें काम्म-कार करयों, सतवां दिन तुहांरे खातर अराम करने कने मिंज्जो याद करने रा दिन आ।” ![](https://cdn.door43.org/obs/jpg/360px/obs-en-13-06.jpg) “अपणे माता कने पिते रा आदर करना। हत्या नीं करनी। व्यभिचार नीं करना। चोरी नीं करनी। अपणे पड़ोसिये री जनाना, तिसरे घरा रा या तिसरे किसी बी समाना जो लई लेणे री इच्छा नीं करनी।” ![](https://cdn.door43.org/obs/jpg/360px/obs-en-13-07.jpg) तां परमेशरे इनां दस हुक्मा जो पत्थरा रियां दुईं पट्टियां पर लिखी ने मूसा जो दई दित्या। परमेशरे मतियां सारियां व्यवस्था रियां गल्लां तिनां लोकां जो मन्नणे खातर दित्तियां। जे तिनें इनां व्यवस्था रियां गल्लां रा पालन कित्या तां परमेशरे तिनां लोकां जो आशीष देणे कने तिनां री सुरक्षा करने रा वादा कित्तया। पर तिनें बोल्या भई जे तिनें इनां रा पालन नीं कित्या तां तिस तिनां जो सजा देणी। ![](https://cdn.door43.org/obs/jpg/360px/obs-en-13-08.jpg) परमेशरे इस्राएलियां जो इक बोहत बड्डा तम्बू बनाणे खातर बी गलाया - मलापा औला तम्बू। तिने तिनां जो ठीक ढंगा ने दस्सेया भई इस तम्बुये जो कियां बनाणा, कने तिसरे अन्दर केढ़ीयां चीजां रखणियां। तिनें तिनां जो तिस तम्बुये जो दुईं हिस्सेयां च बंडणे खातर इक बोहत बड्डे पर्दे जो बनाणे खातर बी गलाया। परमेशरे तिस पर्दे रे पीछले हिस्से च आये करने कने तेथी रैहणा। सै जे कमरा परमेशर तिनांने मिलणे खातर दस्सेया तिसच सिर्फ महायाजका जो औणे री इजाजत थी। ![](https://cdn.door43.org/obs/jpg/360px/obs-en-13-09.jpg) तिनां लोकां जो तिस मलापा औले तम्बुये रे सामणे इक वेदी जो बनाणे पौणा। कोई बी सै जे परमेशरा री व्यवस्था मनणे च भूल करो सै तिसा वेदिया पर इकी जानवरा जो लईने आओ। तां याजकां तिसो बलि करना कने वेदिया पर परमेशरा खातर बलि रे तौरा च फुकणा। परमेशरे गलाया भई तिस जानवरा रा लहू तिस माणुये रे पापां जो ढक्की लेणा। इसा रीतिया च, हुण परमेशरा तिस पापा जो नीं देखणा। तिस माणुये परमेशरा रियां नजरां च “शुध्द” ठैहरना। परमेशरे मूसा रे भाईये हारुना जो कने हारूना रे वंशजां जो अपणे याजक हुणे खातर चुणेया। ![](https://cdn.door43.org/obs/jpg/360px/obs-en-13-10.jpg) परमेशरे तिनां लोकां जो सै जे नियम दित्ते थे सै तिनांरा पालन करने खातर सैहमत हुये। सै सिर्फ परमेशरा रे लोक हुणे जो कने सिर्फ तिसरी अराधना करने खातर सैहमत हुये। ![](https://cdn.door43.org/obs/jpg/360px/obs-en-13-11.jpg) कई दिनां तकौ, मूसा सीनै पहाड़ा रिया चुँडिआ पर ई रैया। सै परमेशरा ने गल्लां करे रां था। पर लोक तिनांले वापस औणे जो नहालदे-नहालदे थक्की गे। इस खातर हारूना ले सोना लईने आये कने तिसते इक मूर्ति बनाणे खातर गलाया भई सै परमेशरा रे बजाये तिसरी उपासना करी सको। इसा रीतिया ते, तिनें परमेशरा रे वरोधा च पाप कित्या। ![](https://cdn.door43.org/obs/jpg/360px/obs-en-13-12.jpg) हारूने बछड़े रे आकारा च सोने री इक मूर्ति बणाई। तिनें लोकें तिसा मूर्तिया री उपासना करने शुरू करी दित्ती कने तिसो बलि चढ़ाई! तिनांरे पापा रिया बजहा ते परमेशर तिनां पर बोहत गुस्से हुआ था। सै तिनां जो नास करी देणा चाहवां था। पर मूसे तिनां जो नीं मारने खातर परमेशरा ने विनती कित्ती। परमेशरे तिसरिया विणतिया जो सुणया कने तिनां जो नास नीं कित्या। ![](https://cdn.door43.org/obs/jpg/360px/obs-en-13-13.jpg) आखरकार मूसा सीनै पहाड़ा ते थल्ले उतरी गया। तिसरे हत्था सै दो पत्थरा रियां दो पट्टियां थियां तिनां पर जे परमेशरे दस हुक्मां जो लिखिरा था। फेरी तिनें तिसा मूर्तिया जो देक्खया। सै इतना गुस्से हुआ भई तिनें तिनां पट्टियां जो चकनाचूर करी दित्या। ![](https://cdn.door43.org/obs/jpg/360px/obs-en-13-14.jpg) फेरी मूसे तिसा मूर्तिया जो पीह ने तिसरा बुरादा बणाई दित्या कने तिस बुरादे जो पाणिये च मलाई कने तिनां लोकां जो सै पाणी पयायी दित्या। परमेशरे तिनां लोकां पर इक संकट भेज्या कने तिनां च ते बोहत लोक मरी गे। ![](https://cdn.door43.org/obs/jpg/360px/obs-en-13-15.jpg) निर्गमन अध्याय 19-34 ते बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_13_128kbps.mp3 ## 14. जंगला च भटकणा https://openbiblestories.org/l/kfs/story-14/ ![](https://cdn.door43.org/obs/jpg/360px/obs-en-14-01.jpg) परमेशरे इस्राएलियां जो तिनां नियमां जो दसणा खत्म कित्या तिनांरा जे तिनां जो तिसा वाचा रिया बजहा ते पालन करना जरुरी था। फेरी तिने सीनै पहाड़ा ते अग्गे तिनांरी अगुवाई कित्ती। सै तिनां जो वादे रे तिस देशा च नेणा चाहवां था। ये देश रा नौ कनान बी गलाया जावां था। परमेशरे बदला रे खम्बे च तिनां रे अग्गे-अग्गे चलया, कने सै तिसरे पीछे-पीछे चले। ![](https://cdn.door43.org/obs/jpg/360px/obs-en-14-02.jpg) परमेशरे अब्राहम, इसहाक कने याकूबा ने वादा कित्या था भई सै वादे रा सै देश तिनांरे वंशजा जो देना, पर इस बगत तेथी बोहत सारियां जातियां रये रां थियां। तिनां जो कनानी गलावां थे। ये कनानी लोक परमेशरा री आराधना नीं करदे थे कने तिसरे हुक्मां जो नीं मनदे थे। सै झूठे देवतयां री उपासना करां थे कने मते सारे बुरे काम्म करां थे। ![](https://cdn.door43.org/obs/jpg/360px/obs-en-14-03.jpg) परमेशरे इस्राएलियां ने बोल्या, “तजे तुहां तिस वाचा रे देशा च जाणा तां तेथी रे सबीं कनानियां ते छुटकारा पाई लेणा। तिनां ने कोई संधि नीं करनी कने ना तिनां ने नातेदारी करनी। तुहां तिनां रियां सारियां मूर्तियां जो पूरे तरीके ने नास करी देणा। जे तुहें मेरे हुक्मां जो नीं मनगे, तां तुहां मेरे बजाये तिनांरे देवतयां री उपासना करने लगणा।” ![](https://cdn.door43.org/obs/jpg/360px/obs-en-14-04.jpg) तजे इस्राएली कनान रिया सीमा पर पुज्जे, मूसे इस्राएला रे हरेक गोत्रा च ते इक-इक करीने बरहा माहणुआं जो चुणेया। तिने तिनां जो तिस देशा रा भेत लेणे खातर गल्लां समझाईयां भई सै जाईने देखो कने समझो भई से केढ़ा देश आ। तिनां कनानियां रा बी पता लगाणा था भई देखो सै ताकता औले या कमजोर हुंगे। ![](https://cdn.door43.org/obs/jpg/360px/obs-en-14-05.jpg) तिनें बारहा माहणुयें पुरे कनाना चीयें चलदे-चलदे चाली दिनां रा सफर कित्तया कने फेरी वापस आये।तिनें लोकां जो दसया, “सै देश बोहत उपजाऊ आ कने बोहत फसलां देआं!” पर दस भेतियें बोल्या, “तिनांरे नगर बोहत पक्के कने सै लोक लंबे कने ताकता औले! जे अहें तिनां पर हमला करगे, तां पक्का इ अहां तिनां ते हारी जाणा कने तिनां अहां जो मारी देणा।” ![](https://cdn.door43.org/obs/jpg/360px/obs-en-14-06.jpg) तां कालेब कने यहोशू कने दो होर भेतियें बोल्या, ये सच आ भई कनान रे लोक लंबे कने ताकता औले ये, पर पक्का ई अहां तिनां जो हराई देणा! कांह्भई परमेशरा अहां खा ते लड़ना!” ![](https://cdn.door43.org/obs/jpg/360px/obs-en-14-07.jpg) पर लोकें कालेब कने यहोशू ये री नीं सुणी। सै मूसा कने हारूना पर गुस्से हुई गे कने बोल्या, “तुहें अहां जो इस खतरनाक जगहा पर कैं लईने आई गे? अहां जो मिस्र ची रैहणा चहिंदा था। जे अहें तिस देशा च जावांये तां अहां तेथी युध्दा च मरी जाणा कने कनान रे लोकां अहां रियां जनानां कने बच्चेयां जो दास बणाई लेणा।” सै लोक तिनां जो मिस्र च वापस लई जाणे खातर इक होर अगुवे जो चुणना चाहवां थे। ![](https://cdn.door43.org/obs/jpg/360px/obs-en-14-08.jpg) तजे तिनें लोकें येढ़ा गलाया तां परमेशरे बोहत गुस्सा कित्या था। सै मिलापा औले तंबुये चो आया कने गलाया, तुहें मेरे बरोधा च बलवा कित्तिरा, इस खातर तुहां सबीं जो इस जंगला च भटकणे पौणा। हर इक माणु सै जे बीह साल या तिसते जादा उम्रा रा आ तिस तेथी मरी जाणा कने कदी बी तिस देशा च जाई नीं सकणा सै जे मांह तुहां जो देणा। सिर्फ कालेब कने यहोशू तिसच जाइ सकांये।” ![](https://cdn.door43.org/obs/jpg/360px/obs-en-14-09.jpg) तजे लोकें परमेशरा जो येढ़ा बोलदे सुणेया, तां सै दुखी हुये कांह्भई तिनें पाप कित्या था। इस खातर तिनें कनान रे लोकां पर हमला करने रा निर्णय कित्या। मूसा तिनां जो नीं जाणे खातर चेतावनी दित्ती कांह्भई परमेशरा तिनां सौगी नीं जाणा, पर तिनें तिसरी नीं सुणी। ![](https://cdn.door43.org/obs/jpg/360px/obs-en-14-10.jpg) परमेशर इसा लड़ाईया च तिनां रे सौगी नीं गया था, इस खातर कनानियें तिनां जो हराई दित्या कने तिनां च ते मते सारेयां जो मारी दित्या। तां इस्राएली लोक कनान ते वापस मुड़ी गये। औणे औले चाली सालां तकौ, तिनां जंगला च इखा-उखा भटकणा। ![](https://cdn.door43.org/obs/jpg/360px/obs-en-14-11.jpg) इस्राएली लोकां रे जरिये जंगला च भटकणे रे चाली सालां रे बीच, परमेशरे तिनां रियां जरुरतां जो पूरा कित्या। तिनें तिनां जो स्वर्गा ते “मन्ना” केहलाणे औली रोटी दित्ती। तिनें बटेरां रे झुंडां रे झुंड बी (सै जे बड्डे कुकड़ा साई पंछी हुआंये) तिनां रिया छावनिया चौ भेजे तां भई तिनां जो खाणे खातर मास मिलो। तिस पूरे बगता, परमेशरे तिनां रे कपड़ेयां कने जुत्तेयां जो नीं फटणे दित्या। ![](https://cdn.door43.org/obs/jpg/360px/obs-en-14-12.jpg) येथी तकौ भई परमेशरे तिनांरे पीणे खातर चमत्कार करीने पत्थरा च ते पाणी कड्डेया। पर इनां सबीं ते बाद, इस्राएली लोकें परमेशरा रे बरोधा च कने मूसा रे बरोधा च गलाये कने कुड़कुड़ाये। तां बी, परमेशर विस्वास योग्य था। तिने सै जे वादा कित्तिरा था भई तिस अब्राहम, इसहाक कने याकूबा रे वंशजां खातर वादे रा देश देणा, सै तिनें पूरा कित्या। ![](https://cdn.door43.org/obs/jpg/360px/obs-en-14-13.jpg) होर इक बारी तजे तिनां लोकां ले पाणी नीं था, तां परमेशरे मूसा जो बोल्या, “ पत्थरा ने गल्लां कर, कने तिसते पाणी निकलणा।” पर मूसे पत्थरा ने गल्लां नीं कित्तियां; पर इसरे बजाये तिनें लाठिया ने पत्थरा पर दो बारी मारेया। इस तरीके ने तिनें परमेशरा री बेज्जति कित्ती। सबीं रे पीणे खातर तिस पत्थरा च ते पाणी तां आई गया, पर परमेशर मूसा ते गुस्से हुई गया। तिनें गलाया, “कांह्भई तैं येढ़ा कित्तिरा, इस खातर तू वादे रे देशा च जाई नी सकदा।” ![](https://cdn.door43.org/obs/jpg/360px/obs-en-14-14.jpg) तजे इस्राएली लोक चाली सालां तकौ जंगला च भटकी चूके थे, तां तिनें जे परमेशरा रे बरोधा च बलवा कित्या था सै सब मरी गे थे। तां परमेशरे तिनां लोकां जो फेरी ते तिस वादे रे देशा रिया सीमा तकौ लई गया। हुण मूसा बोहत बुड्डा हुई गया था, इस खातर परमेशरे लोकां री अगुवाई करने च तिसरी मदद करने खातर यहोशूये जो चुणेया। परमेशरे मूसा ते ये वादा बी कित्या था भई इक दिन तिस तिनां लोकां ले मूसा साई इक भविष्यव्दता भेजणा। ![](https://cdn.door43.org/obs/jpg/360px/obs-en-14-15.jpg) निर्गमन अध्याय 16-17; गिनती 10-14; 20; 27; व्यवस्थाविवरण 34 ते बाइबल री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_14_128kbps.mp3 ## 15. वादे रा देश https://openbiblestories.org/l/kfs/story-15/ ![](https://cdn.door43.org/obs/jpg/360px/obs-en-15-01.jpg) आखर च, हुण सै बगत आई गरा था भई इस्राएली लोक वादे रे देश आ, कनान च जाओ। तिस देशा च यरीहो नावां रा इक नगर था। तिसरी सुरक्षा खातर तिसरे चऊं पासेयां मजबूत दीवारां थीयां। यहोशूये तिस नगरा च दो भेतियां जो भेज्या। तिस नगरा च रहाब नावां री इक वेश्या रैयां थी। तिसे तिनां भेतियां जो लुखाया कने फेरी बादा च तिने तिनां नगरां ते बची ने निकलणे च मद्द कित्ती। तिनें येढ़ा इस खातर कित्या कांह्भई सै परमेशरा पर विस्वास करां थी। तिस बगता इस्राएली लोक यरीहो जो नास करगे तां तिनें रहाब कने तिसरे टबरा री मदशद करने रा वादा कित्या था। ![](https://cdn.door43.org/obs/jpg/360px/obs-en-15-02.jpg) इसाएली लोकां जो बादे रे देसा च जाणे खातर यरदन नदिया जो पार करने पौणा । परमेशरे यहोशुये ने बोल्या, “याजकां जो पैहले जाणे दे।” तां याजकें यरदन नदिया च अपणे कदम रखे तां पाणिये रा बगणा रुकी गया, तिसते भई इस्राएली लोक नदिया रे दुज्जिया खौ सुक्किया घरतिया पर पार जाई सको। ![](https://cdn.door43.org/obs/jpg/360px/obs-en-15-03.jpg) तिनें लोकें यरदन नदी पार करी ली तां परमेशरे यहोशूये ने गलाया भई यरीहो पर हमला करने खातर त्यार रै, सै बोहत बड्डा कने पक्का नगर था। परमेशरे तिनां लोकां ने गलाया भई याजकां कने सैनिकां जो छे दिनां तकौ तिस नगरा रे चऊं पासेयां चक्कर लगाणे पौणा। इस खातर याजकें कने सैनिकें येढ़ा इ कित्या। ![](https://cdn.door43.org/obs/jpg/360px/obs-en-15-04.jpg) तां सतवें दिन, इस्राएलियें तिस नगरा रे चऊं पासेयां सात्त बार होर चक्कर लगाये। तिनां रे नगरा रे चऊं पासेयां सतवीं बार चक्कर लाई लेणे ते बाद, याजकें अपणी तुरहियाँ बजाईयां कने सैनिकें बड़े जोरा ने रौला पाया। ![](https://cdn.door43.org/obs/jpg/360px/obs-en-15-05.jpg) तां यरीहो रे चऊं पासेयां री दीवार पई गी! तियां जे परमेशरे हुक्म दित्या था इस्राएलियें नगरा रियां सारियां चीज़ां जो नास करी दित्या। तिनें सिर्फ राहाब कने तिसारे टबरा जो छड्डी दित्या, सै जे इस्राएलियां च मिली गरे थे। तजे कनान च रैहणे औले होरीं लोकें सुणेया भई इस्राएलियें यरीहो जो नष्ट करी दित्तिरा, तां सै डरी गे भई तिनां इस्राएली लोकां तिनां पर बी हमला करना। ![](https://cdn.door43.org/obs/jpg/360px/obs-en-15-06.jpg) परमेशरे इस्राएलियां जो हुक्म दित्या था भई कनान च रैहणे औलिया किसी बी जातिया सौगी मेल करने औला समझौता नीं करना। पर गिबोनी नौं री इक कनानी जातिया रे लोकें यहोशूये ने झुठ गलाया भई सै कनान ते दूर इकी जगहा च रैहणे औले ये। तिनें यहोशूये ने तिनां सौगी मेल करने औला समझौता करने री बिनती कित्ती। यहोशू कने होरीं इस्राएली अगुयें परमेशरा ते नीं पुछेया भई तिनां जो क्या करना चाहिंदा। इतरे बजाये, तिनें गिबोनियां सौगी मेल करने औला समझौता करी लया। ![](https://cdn.door43.org/obs/jpg/360px/obs-en-15-07.jpg) तीन्नां दिनां ते बाद, इस्राएलियां जो ये पता लगया भई गिबोनी लोक कनान च इ रहवां थे। सै बोहत गुस्से हुई गे कांह्भई गिबोनियें तिनां जो धोखा दित्या था। पर तिनें तिनां सौगी कित्तिरी तिस मेल करने औले समझौते जो बणाई रख्या कांह्भई सै परमेशरा रे सामणे कित्या गईरा था। तां किछ बगता ते बाद, कनान देशा च रैहणे औली इक होरी झूंडा रैयां लोकें कने एमोरियां रे राजेयां सुणेया भई गिबोनियें इस्राएलियां सौगी मेल करने औला समझौता करी लरा, इस खातर तिनें अपणियां सेनां जो इक करीने इक बड्डी सेना बणाई कने गिबोना पर हमला करी दित्या। गिबोनियें तिनांरी मद्द करने खातर यहोशूये ले इक संदेशा भेजया। ![](https://cdn.door43.org/obs/jpg/360px/obs-en-15-08.jpg) इस खातर इस्राएलियें सेना जो कट्ठा कित्या कने गिबोनियां ले पुज्जणे खातर सै पूरी रात चले। सबेरे तड़के तिनें एमोरियां रिया सेना जो रेहान करी दित्या कने तिनां पर हमला करी दित्या। ![](https://cdn.door43.org/obs/jpg/360px/obs-en-15-09.jpg) तिस दिन परमेशरे इस्राएलियां खातर लड़ेया। परमेशरे एमोरियां जो घबराई दित्या कने परमेशरे बड्डे-बड्डे आणी रे गोले सट्टी कने मते एमोरियां जो मारी दित्या। ![](https://cdn.door43.org/obs/jpg/360px/obs-en-15-10.jpg) परमेशरे सूरजा जो बी आकाशा च ते इकी जगहा पर रोकी दित्या भई इस्राएलियां जो एमोरियां जो पूरे तरीके कने हराणे खातर पूरा बगत मिली जाओ। तिस दिन, परमेशरे इस्राएलियां खातर इक बोहत बड्डी जीत दई दित्ती। ![](https://cdn.door43.org/obs/jpg/360px/obs-en-15-11.jpg) तजे परमेशरे तिनां सेनां जो हराणे ते बाद, मते सारे कनानियां रे झुंडा रे लोक इस्राएलियां पर हमला करने खातर कट्ठा हुये। यहोशू कने इस्राएलियें हमला करीने तिनां रा सर्वनाश करी दित्या। ![](https://cdn.door43.org/obs/jpg/360px/obs-en-15-12.jpg) इना युध्दां ते बाद, परमेशरे इस्राएला रे सारे गोत्रां जो वादे रे तिस देशा च तिनां रा हिस्सा दित्या। तां परमेशरे इस्राएला जो तिनां रियां सारियां सीमावां पर शान्ति दित्ती। ![](https://cdn.door43.org/obs/jpg/360px/obs-en-15-13.jpg) यहोशू अध्याय 1-24 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_15_128kbps.mp3 ## 16. परमेशर मूसा जो सद्दां https://openbiblestories.org/l/kfs/story-16/ ![](https://cdn.door43.org/obs/jpg/360px/obs-en-16-01.jpg) यूसुफा रे मरने ते बाद तिसरे सब रिश्तेदार मिस्र च बसी गे। सै कने तिनांरे वंशा औले कईयां सालां तकौ मिस्र च इ रये कने तिनांरे मते बच्चे पैदा हुये। तिनां जो इस्राएली बोल्या गया। ![](https://cdn.door43.org/obs/jpg/360px/obs-en-16-02.jpg) कई सौ सालां ते बाद, इस्राएलियां री तादात बोहत बधी गी थी। मिस्री लोक हुण इसा गल्ला खातर तिनां रा धन्यवादी नीं थे भई तिनांरी मद्द करने खातर यूसुफे बोहत किछ कित्या था। मिस्री हुण इस्राएलियां ते डरी गे कांह्भई तिनांरी तादात बोहत हुई गरी थी। इस खातर तिस बगता मिस्र पर शासण करने औले फिरौने इस्राएलियां जो मिस्रियां रा दास बणाई दित्या। ![](https://cdn.door43.org/obs/jpg/360px/obs-en-16-03.jpg) मिस्रियें इस्राएलियां जो बोहत मजबूर कित्या भई सै मते सारे भवन कन कई नगरां जो बनाणे खातर बिना पैसेयां री मजदूरी करो। तिस कठण मेहणता ते तिनांरे जीवना जो बड़ा दुखदायी बणाई दित्या, पर परमेशरे तिनांजो आशीष दित्ती कने तिनांरे बोहत बच्चे पैदा हुंदे रये। ![](https://cdn.door43.org/obs/jpg/360px/obs-en-16-04.jpg) फिरौने देख्या भई इस्राएलियां रे बोहत बच्चे जम्मे रां थे, इस खातर तिनें अपणे अधिकारियां जो इस्राएलियां रे सबीं मुन्नुआं जो नील नदिया च सट्टि ने मारी देणे रा हुक्म दित्या। ![](https://cdn.door43.org/obs/jpg/360px/obs-en-16-05.jpg) इक खास इस्राएली जनाने इकी मुन्नुये जो पैदा कित्या। तिसे कने तिसारे खसमे पूरे तरीके ने तिस बच्चे जो लुखाई ने रखया। ![](https://cdn.door43.org/obs/jpg/360px/obs-en-16-06.jpg) तजे तिस बालका रे माता-पिता तिसो होर नीं लुखाई सके, तां तिनें तिसो मरने ते बचाणे खातर इक तरने लायक डाल्ल बणाई कने नील नदिया रे कनारे सरकण्डेयां रे बीच रखी दित्या। तिसरी बड्डी बेहण ये देखणे खातर तिसरी निगरानी करने लगी भई तिसने क्या हुंगा। ![](https://cdn.door43.org/obs/jpg/360px/obs-en-16-07.jpg) फिरौना रिये मुन्निये तिसा डल्ला जो देखीने तिसा च अन्दर झाँकी ने देख्या। तजे तिसे इक बच्चे जो देख्या तां तिसे तिसो अपणे बच्चे रे तौरा च लई लया। तिसे इक इस्राएलिया जनाना जो तिसो दूध पयाणे रे कम्मा खातर रखी लया, तिसो ये पता नीं था भई सै तिस बच्चे री असली मौ थी। तजे सै बच्चा इतना बड्डा हुई गया भई हुण तिसो अपणिया माता रे दूधा री जरुरत नीं थी, तां तिसे फिरौना रिया मुन्निया लो बापस दई दित्या, तिसरा नौं मूसा था। ![](https://cdn.door43.org/obs/jpg/360px/obs-en-16-08.jpg) इक दिन, तजे मूसा बड्डा हुई गरा था, तां तिने इकी मिस्रिये जो इस्राएलिये जो मारदे देख्या। मूसा अपणे साथिये इस्राएलिये जो बचाणे री कोसत करां। ![](https://cdn.door43.org/obs/jpg/360px/obs-en-16-09.jpg) तजे मूसे सोचेया भई तिसो कोई नीं देखदा तां तिने तिस मिस्रिये जो मारी दित्या कने तिसरी लासा जो दबाई दित्या। पर मूसे जो किछ कित्या था तिसो किन्हिये देखी लरा था। ![](https://cdn.door43.org/obs/jpg/360px/obs-en-16-10.jpg) फिरौना जो पता लगया भई मूसे क्या कित्तीरा। तिनें तिसो मारने री कोसत कित्ती, पर मूसा मिस्रा रे जंगला चौ नट्ठी गया। फिरौना रे सैनिक तिसो तेथी टोली नीं सके। ![](https://cdn.door43.org/obs/jpg/360px/obs-en-16-11.jpg) मिस्र ते दूर जंगला च मूसा इक चरवाहा बणी गया था। तिनें तेथी इकी जनाना ने ब्याह करी लया कने दो पुत्र पैदा कित्ते। ![](https://cdn.door43.org/obs/jpg/360px/obs-en-16-12.jpg) मूसा अपणे सौरे रे भेडां रे झुंडां री देखभाल करां था। इक दिन, तिने इक फुखदिया झाड़िया जो देख्या सै फूक्खे रां थी पर ये भस्म नीं हुये रदी थी। तिसो देखणे खातर सै तिसा झाड़िया रे नेड़े गया। तजे सै तिसरे बोहत नेड़े था तां परमेशरे तिसनेस गल्लां कित्तियां। तिनें गलाया, “हे मूसा, अपणे जुत्तेयां जो तुआरी दे। तू इक पवित्र जगहा पर खड़ीरा।” ![](https://cdn.door43.org/obs/jpg/360px/obs-en-16-13.jpg) परमेशरे बोल्या, “मैं अपणे लोकां रे दुखां जो देखिरा। मांह तिज्जो फिरौना ले भेजणा तां भई तू इस्राएलियां जो मिस्र रे दासत्व ने कड्डी ने लंदेया। मांह तिनांजो कनान देश देणा, सै देश तिसरी जे मैं अब्राहम, इसहाक कने याकूबा ने वादा कित्तिरा।” ![](https://cdn.door43.org/obs/jpg/360px/obs-en-16-14.jpg) मूसे पूछेया, “जे लोकें पुछेया भई मिंज्जो किने भेज्जिरा तां मांह क्या बोलणा?” परमेशरे बोल्या, “ सै जे हऊँ हया सै हया। तिनां ने बोल्यां, ‘मैं इ तिज्जो तुहां ले भेज्जिरा।’ तिनां ने ये बी बोलयां, मैं तुहांरे पूर्वजां अब्राहम, इसहाक कने याकूबा रा परमेशर यहोवा आ।’ मेरा ये नौं सदा रा आ।” ![](https://cdn.door43.org/obs/jpg/360px/obs-en-16-15.jpg) निर्गमन अध्याय 1-4 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_16_128kbps.mp3 ## 17. दाऊदा सौगी परमेशरा रा वादा https://openbiblestories.org/l/kfs/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएला रा पैहला राजा था। सै लंबाईया रा खरा कने सुन्दर था, तेढ़ा जे लोक चाहवां थे सै इक दम तेढ़ा इ था। इस्राएला पर अपणे राज करने रे पैहले किछ सालां च शाऊल इक खरा राजा था। पर बाद च सै इक दुष्ट माहणु बणी गया तिनें परमेशरा री गल्लां जो नीं मन्नेया। इस खातर परमेशरे इक होरी माहणुये जो चुणेया तिस जे भई इक दिन तिसरी जगहा पर राजा बणना था। ![](https://cdn.door43.org/obs/jpg/360px/obs-en-17-02.jpg) परमेशरे दाऊद नौं रे इक जवान इस्राएली माहणुये जो चुणी ने इक दिन शाऊला रिया जगहा पर राजा हुणे खातर त्यार करना शुरु कित्या। दाऊद बैतलहम नगरा रा इक चरवाहा था। बोहत बारी, दाऊदे सिंह कने भालूये जो बी मारी दित्या था। दाऊद इक नरम कने धर्मी माहणु था। तिनें परमेशरा पर भरोसा कित्या कने तिस रियां गल्लां जो मन्नेया। ![](https://cdn.door43.org/obs/jpg/360px/obs-en-17-03.jpg) तजे दाऊद अपणिया जवानिया च था, तां तिनें लंबे कने ताकता औले गोलियता रे बरोधा च लड़ाई कित्ती। गोलियत बोहत ताकता औला सैनिक था। सै बोहत मजबूत कने कोई तीन्न मीटर लंबा था! पर परमेशरे गोलियता जो मारने कने इस्राएला जो बचाणे च दाऊदा री मद्द कित्ती। इसते बाद, दाऊदे इस्राएला रे शत्रुआं पर कई बार जीत हासल कित्ती। दाऊद इक बड्डा सैनिक बणी गया कने तिनें बोहतीं जो युध्दा च इस्राएली सेना री अगुवाई कित्ती। लोकें तिसरी बोहत तारीफ कित्ती। ![](https://cdn.door43.org/obs/jpg/360px/obs-en-17-04.jpg) लोकें दाऊदा ते इतना स्नेह कित्या भई शाऊले तिसते जलणे लगेया। आखर च शाऊल तिसो मारना चाहवां था, इस खातर दाऊद तिसते कने तिसरे सैनिकां ते लुखणे खातर जंगला च नट्ठी गया। इक दिन, तजे शाऊल कने तिसरे सैनिक दाऊदा जो टोले रां थे तां शाऊल इकी गुफा चौ गया। ये सै इ गुफा थी तिसच जे दाऊद लुखीरा था, पर शाऊले तिसो नीं देख्या। दाऊद शाऊला रे पीछे तिसरे बोहत नजदीक चली गया कने तिसरे कपड़े ते इक टुकड़ा कट्टी लया। बाद च, तजे शाऊल तिसा गुफा चते निकलेया तां दाऊद तिसने मिलया कने तिसो सै कपड़े रा टुकड़ा दस्सेया। इस तरीके ने शाऊला जो पता लगी गया भई दाऊदे राजा बणने खातर तिसो मारने ते मना करी दित्तिरा। ![](https://cdn.door43.org/obs/jpg/360px/obs-en-17-05.jpg) किछ बगता ते बाद, शाऊल युध्दा च मरी गया कने दाऊद इस्राएला रा राजा बणी गया। सै इक खरा राजा था कने लोकें तिसने प्रीति रखी। परमेशरे दाऊदा जो आशीषित कित्या कने तिसो सफल बणाया। दाऊदे कई युध्द लड़े कने परमेशरे इस्राएला रे शत्रुआं जो हराणे खातर तिसरी मद्द कित्ती। दाऊदे यरुशलेम नगरा जो जीती कने तिसो अपणी राजधानी बणाया, तेथी जे सै रहेया कने राज कित्या। दाऊद चालियां सालां तकौ राजा बणीरा रैया। इस बगता रे अन्दर, इस्राएल सामर्थी कने धनवान बणी गया। ![](https://cdn.door43.org/obs/jpg/360px/obs-en-17-06.jpg) दाऊद इक मंदर बनाणां चाहवां था तेथी जे सारे इस्राएली परमेशरा री आराधना करी सको कने तिस खातर बलिदान चढ़ाई सको। लगभग 400 सालां ते, सै लोक मूसा रे बणाई रे मलापा औले तम्बुये च परमेशरा री आराधना करे रां थे कने तिस खातर बलिदान चढ़ाये रां थे। ![](https://cdn.door43.org/obs/jpg/360px/obs-en-17-07.jpg) पर तेथी नातान नावां रा इक भविष्यव्दक्ता था। परमेशरे तिसो दाऊदे जो ये गलाणे भेज्या: “तें मते सारे युध्द लड़ीरे, इस खातर तू मेरे खातर इस मंदरा जो नीं बणाई सकदा। तेरा पुत्र इसो बणाई सकां। तां बी, मैं तिज्जो बोहत आशीषां देणियां। तेरा इक वंशज सदा खातर मेरे लोकां पर राजे रे रूपा च राज करगा।” सदा खातर राज करने औला सै दाऊद इको ई मसीह रा वंशज था। मसीह परमेशरा रा चुणी रा माहणु था तिस जे संसारा रे लोकां जो तिनांरे पापां ते बचाणा। ![](https://cdn.door43.org/obs/jpg/360px/obs-en-17-08.jpg) तजे दाऊदे नाताना रे संदेशा जो सुणया तां तिने परमेशरा रा धन्यवाद कित्या कने तिसरी स्तुति कित्ती। परमेशर तिसरी प्रतिष्ठा जो बधाये रां था कने तिसो मत्तियां सारियां आशीषां दे रां था। पक्का ई, दाऊद नीं जाणदा था भई परमेशरा ये गल्लां कदूँ करनीयां। इस बगता अहें जाणांये भई इस्राएलियां जो इक लंबे बगता तकौ, लगभग 1000 सालां तकौ मसीह रे औणे री न्यालप करने पौणी। ![](https://cdn.door43.org/obs/jpg/360px/obs-en-17-09.jpg) दाऊदे कई सालां तकौ न्याय सौगी अपणे लोकां पर शासन कित्या। तिने बड़ी निष्ठा ते परमेशरा री गल्लां जो मन्नेया कने परमेशरे तिसो आशीषित कित्या। हालाँकि, अपणे जीवना रे आखर च तिने परमेशरा रे बरोधा च भयानक पाप कित्या था। ![](https://cdn.door43.org/obs/jpg/360px/obs-en-17-10.jpg) इक दिन दाऊदे अपणे मेहला ते बाहर झाँकी ने इकी सुन्दर जनाना जो नहूंदे देख्या। सै तिसो नीं जाणदा था, पर तिने पता करी लया भई तिसारा नौं बतशेबा था। ![](https://cdn.door43.org/obs/jpg/360px/obs-en-17-11.jpg) अपणियां नजरां जो फेरने री बजाये, दाऊदे तिसो अप्पुं लौ लयौणे खातर किसी जो भेज्या। सै तिसने सौगी सया कने तिसा जो वापस घरा जो भेज्जी दित्या। थोड़े बगता ते बाद बतशेबा ने ये गलाई कने दाऊदा लौ संदेश भेज्या भई सै भारत्थी ई। ![](https://cdn.door43.org/obs/jpg/360px/obs-en-17-12.jpg) बतशेबा रा खसम ऊरिय्याह नौं रा इक माहणु था। सै दाऊदा रे खरे सैनिकां च ते इक था। इस बगत सै युध्द करने बाहर गया था। दाऊदे ऊरिय्याह जो युध्दा ते वापस सद्दी ने तिसो अपणिया जनाना सौगी रैहणे खातर हुक्म दित्या। पर होरीं सैनिक युध्दा च थे इस खातर ऊरिय्याह घरें जाणे ते मना करी दित्या। इस खातर दाऊदे ऊरिय्याह जो वापस युध्दा चौ भेज्ज दित्या कने सेनापतिये ते तिसो युध्दा च येढ़िया जगहा पर रखणे खातर गलाया तेथी जे शत्रु सबते जादा ताकता औले हो तां भई सै मरी जाओ। तां येढ़ा हुआ भई ऊरिय्याह युध्द च मारेया गया। ![](https://cdn.door43.org/obs/jpg/360px/obs-en-17-13.jpg) ऊरिय्याह रे युध्दा च मारे जाणे ते बाद दाऊदे बतशेबा ने ब्याह करी लया। बाद च, तिसे दाऊदा रे पुत्रा जो जन्म दित्या। दाऊदे जो किछ कित्या तिसते परमेशर बोहत गुस्से था, इस खातर तिनें नातान भविष्यव्दक्ता जो दाऊदा जो ये दसणे खातर भेज्या भई तिसरा पाप कितना बुरा था। दाऊदे अपणे पापां रा पश्चाताप कित्या कने परमेशरे तिसो माफ करी दित्या। अपणे बाकि जीवना च, अपणे कठण बगता च बी दाऊद परमेशरा रे पीछे-पीछे चलेया कने तिसरी गल्लां जो मन्नेया। ![](https://cdn.door43.org/obs/jpg/360px/obs-en-17-14.jpg) 1 शमूएल अध्याय 10; 15-19; 24; 31; 2 शमूएल 5; 7; 11-12 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_17_128kbps.mp3 ## 18. राज्य रा बंडोणा https://openbiblestories.org/l/kfs/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजे चालियां सालां तकौ राज कित्या। तां सै मरी गया कने तिसरे पुत्र सुलैमाने इस्राएला पर राज करना शुरु कित्या। परमेशरे सुलैमाना ने गल्लां कित्तियां कने तिसते पुछया भई मेरते तिसा आशीषा जो माँग सै जे तिसो सबते जादा पंसंद हो। सुलैमाने परमेशरा ते तिसो बोहत जादा बुध्दिमान बनाणे रा वरदान मँगया। इसा गल्ला ते परमेशर खुश हुआ, इस खातर परमेशरे सुलैमाना जो संसारा रा सबते जादा बुध्दिमान माहणु बणाई दित्या। सुलैमाने बोहत गल्लां सिखियां कने सै इक बुध्दिमान राजा बणया। परमेशरे तिसो बोहत समृध्द बी बणाई दित्या था। ![](https://cdn.door43.org/obs/jpg/360px/obs-en-18-02.jpg) यरुशलेमा च सुलैमाने मंदरा खातर समान कट्ठा करीने, तिस मंदरा जो बणाया तिस खातर जे तिसरे पिते दाऊदे योजना बणाई थी। हुण लोक मलापा औले तम्बुये री बजाये मंदरा च परमेशरा री आराधना करां थे कने तिस खातर बलि चढ़ावां थे। परमेशरा री उपस्थिति तिस मंदरा च बणीरी रहवां थी कने तेथी सै अपणे लोकां ने रहवां था। ![](https://cdn.door43.org/obs/jpg/360px/obs-en-18-03.jpg) पर सुलैमाने बगाने देशा रियां जनानां ने प्रेम कित्या। तिनें मत्तियां सारियां, लगभग 1000 जनानां सौगी ब्याह करीने परमेशरा रे हुक्मां जो नीं मन्नेया! इनां चते बोहत जनानां बगाने देशां ते आईयां कने अप्पुं सौगी अपणे देवतेयां जो लयाई थी कने तिनांरी पुजा-पाठ करना नीं छडेया था। तजे सुलैमान बूढ़ा हुई गया तां तिनें बी तिनां ने मिली ने तिनांरे देवतयां री उपासना कित्ती। ![](https://cdn.door43.org/obs/jpg/360px/obs-en-18-04.jpg) इसा वजहा ते परमेशर सुलैमाना ते गुस्से था। परमेशरे बोल्या भई तिस इस्राएला जो दुईं हिस्सेयां च बंडणे रे जरिये तिनां जो सजा देणी। तिस सुलैमाना रे मरने ते बाद येढ़ा करना। ![](https://cdn.door43.org/obs/jpg/360px/obs-en-18-05.jpg) सुलैमाना रे मरने ते बाद, रहबाम राजा बणया। इस्राएल देशा रे सब लोक तिसो अपणे राजे रे तौरा च मन्नणे खातर कट्ठे हुईरे थे। तिनें रहबामा ने शकैत कित्ती भई सुलैमाने तिनां ते कठण मेहणत करवाई थी कने मता सारा कर लया था। तिनें रहबामा ने विनती कित्ती भई सै तिनां ते घट मेहनता औला काम्म करवाओ। ![](https://cdn.door43.org/obs/jpg/360px/obs-en-18-06.jpg) पर रहबामे तिनां जो बड़ा मूर्खता औला जवाब दित्या, “तुहें बोलांये भई मेरे पिते सुलैमाने तुहांते कठण मेहणत करवाई। पर मांह तुहांते होर बी जादा कठण मेहणत करवाणी कने मांह तुहां जो इसते बी जादा दुखी करना।” ![](https://cdn.door43.org/obs/jpg/360px/obs-en-18-07.jpg) तजे लोकें तिसो येढ़ा बोलदे सुणया तां तिनां च ते बोहत लोकें तिसरे बरोधा च बलवा कित्या। दस्सें गोत्रें तिसो छड्डी दित्या; तिसने सौगी हुण सिर्फ दो ई गोत्र बचे। इनें दुईं गोत्रें अप्पुं जो यहूदा रा राज्य करीने ने नौं दित्या। ![](https://cdn.door43.org/obs/jpg/360px/obs-en-18-08.jpg) बाकी रे दस्स गोत्रें यारोबाम नौं रे इक माहणुये जो अपणा राजा बणाई लया। ये गोत्र देशा रे उत्तर कने पूर्वा खा रे हिस्से च थे। तिनें अपणे राज्य रा नौं इस्राएल रा राज्य रखेया। ![](https://cdn.door43.org/obs/jpg/360px/obs-en-18-09.jpg) पर यारोबामे परमेशरा रे बरोधा च बलवा कित्या कने लोकां ते पाप करवाया। तिने अपणे लोकां रे जरिये उपासना खातर दो मूर्तियां जो बणवाया। सै हुण यहूदा रे राज्य च यरुशलेमा च परमेशरा रे मंदरा च तिसरी आराधना करने खातर नीं गये। ![](https://cdn.door43.org/obs/jpg/360px/obs-en-18-10.jpg) यहूदा कने इस्राएला रे राज्य अप्पु चीयें शत्रु बणी गे कने अक्सर इकी दुज्जे रे बरोधा च लड़ने लगे। ![](https://cdn.door43.org/obs/jpg/360px/obs-en-18-11.jpg) इस्राएला रे नवें राज्य रे, सारे ई दुष्ट राजा हुये थे। इनां च ते कई राजा येढे इस्राएली लोकां रे जरिये मरवाये गये सै जे अप्पुं जो राजा बनाणा चाहवां थे। ![](https://cdn.door43.org/obs/jpg/360px/obs-en-18-12.jpg) इस्राएल राज्य रे सारे ई राजेयां कने जादा जे लोकें मूर्तियां री उपासना कित्ती। तजे तिनें येढ़ा कित्या, तां सै वेश्यां ने सम्बन्ध बनाई लवां थे कने तिनें कई बार मूर्तियां रे अग्गे बच्चेयां जो बलिदान बी करी दित्या। ![](https://cdn.door43.org/obs/jpg/360px/obs-en-18-13.jpg) 1 राजा अध्याय 1-6; 11-12 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_18_128kbps.mp3 ## 19. भविष्यद्वक्ता https://openbiblestories.org/l/kfs/story-19/ ![](https://cdn.door43.org/obs/jpg/360px/obs-en-19-01.jpg) परमेशर सदा इस्राएलियां ले भविष्यव्दक्तावां जो भेजदा रैयां था। भविष्यव्दक्ता परमेशरा रे संदेशां जो सुणां थे कने फेरी तिसो लोकां जो दस्सां थे। ![](https://cdn.door43.org/obs/jpg/360px/obs-en-19-02.jpg) तजे अहाब इस्राएल राज्य रा राजा था तां तिस बगता एलिय्याह भविष्यव्दक्ता था। अहाब इक बूरा माहणु था। तिनें झुठे बाल देवता री उपासना करवाणे खातर लोकां जो मजबूर कित्या था। इस खातर एलिय्याह अहाबा दस्सेया भई परमेशर तिनां लोकां जो सजा देणे जाये रां था। तिनें तिनां ने गलाया, “तदुआं तकौ जे मांह फेरी बरखा हुणे खातर नीं बोलणा तदुआं तकौ इस्राएल राज्य च बरखा नीं हुणी कने ना ई पाला पौणा।” इसा गल्ला ते अहाब इतना गुस्से हुआ भई तिनें एलिय्याह जो मारी देणे रा निर्णय कित्या। ![](https://cdn.door43.org/obs/jpg/360px/obs-en-19-03.jpg) इस खातर परमेशरे एलिय्याह जो बोल्या भई सै जंगला च जाईने अहाबा ते लूक्खी जाओ। एलिय्याह जंगला च तिस पाणिये रे स्त्रोता लो गया तेथी जाणे खातर जे परमेशरे तिसो दस्सीरा था। रोज सवेरे कने रोज संजके बगता पंछी एलिय्याह खातर रोटी कने माँस लई ने आवां थे। इस सारे बगत, अहाब कने तिसरी सेना एलिय्याह जो टोलदे रये, पर सै तिसो टोली नीं सके। ![](https://cdn.door43.org/obs/jpg/360px/obs-en-19-04.jpg) बरखा नीं हुणे ते किछ बगता ते बाद सै स्त्रोत सूक्की गया। इस खातर एलिय्याह नेड़े रे इकी देशा चौ चली गया। तिस देशा च इक गरीब विधवा थी तिसारे इक पुत्र था। तिनां ले रोटी खत्म ई हुणे लगी री थी कांह्भई तेथी कोई फसल नीं हुई थी। पर फेरी बीं, तिसे जनाने एलिय्याह री देखभाल कित्ति, इस खातर परमेशरे तिसारी कने तिसारे पुत्रा री सारियां जरुरतां जो पूरा कित्या, इसा बजहा ते तिसारे आटा रखणे री जगहा ते आटा कने तिसारे तेला रिआ कुप्पिया ते तेल कदी बी खत्म नीं हुआ। तिस पूरे अकाला रे बगता रे बीच तिनां ले रोटी थी। एलिय्याह किछ सालां तकौ तेथी रैया। ![](https://cdn.door43.org/obs/jpg/360px/obs-en-19-05.jpg) साढ़े तीन्नां सालां ते बाद, परमेशरे एलिय्याह ने गलाया भई तिस फेरी बरखा करनी। तिनें एलिय्याह ते वापस इस्राएला रे राज्य च जाई ने अहाबा ने गल्ल बात करने जो गलाया। इस खातर एलिय्याह अहाबा ले गया। तजे अहाबे तिसो देख्या तां तिसने बोल्या, “अच्छा तू आ, मसीबतां जो लयौणे औला!” एलिय्याह जवाब दित्या, “मसीबता पैदा करने औला तां तू आ! तैं जे यहोवा जो छड्डी दित्तिरा। सै इ सच्चा परमेशर आ, पर तू बाल री उपासना करे रां। हुण तिज्जो इस्राएल राज्य रे सबीं लोकां जो कर्मेल पहाड़ा पर लईने औणा आ।” ![](https://cdn.door43.org/obs/jpg/360px/obs-en-19-06.jpg) इस खातर सब लोक कर्मेल पहाड़ा जो गये। सै माहणु बी आये सै जे बोलां थे भई सै बाल रे संदेशां जो बोलां थे। ये बाल रे भविष्यव्दक्ता थे। सै सब 450 माहणु थे। एलिय्याह लोकां ने गलाया, “कदुआं तकौ तुहां अपणे मनां जो फेरी रखणा? जे यहोवा परमेशर आ तां तिसरी अराधना करा! जे बाल परमेशर आ तां तिसरी उपासना करा।” ![](https://cdn.door43.org/obs/jpg/360px/obs-en-19-07.jpg) तां एलिय्याह बाल रे भविष्यव्दक्तावां ने बोल्या, “इकी खरे पालीरे जानवरा जो बलि करीने माँसा जो बलिदान हुणे जो इक वेदी पर रखा, पर आग्ग नी बालणी। तिसते बाद मांह बी येढ़ा ई करना कने इक लग वेदी पर मांह तिस माँसा जो रखणा। तां जे परमेशर वेदिया पर आग्ग सट्टो तां तुहां जाणी लेणा भई सै सच्चा परमेशर आ।” तां बाल रे भविष्यव्दक्तावें इक बलि त्यार किती पर आग्ग नीं बाली। ![](https://cdn.door43.org/obs/jpg/360px/obs-en-19-08.jpg) तां बाल रे भविष्यव्दक्तावें बाल ने प्राथना कित्ती, “हे बाल, अहांरी सुण!” पूरे दिन तिनें प्राथना कित्ती कने रड़ाये कने येथी तकौ भई अप्पुं जो चाकुआं ने कट्टी लया, पर बाले जवाब नीं दित्या, कने तिनें कोई आग्ग नीं सट्टी। ![](https://cdn.door43.org/obs/jpg/360px/obs-en-19-09.jpg) बाल रे भविष्यव्दक्तावें बाल ने प्राथना करने च लगभग पूरा दिन बताई दित्या। आखर च तिनें प्राथना करना बंद करी दित्या। तां एलिय्याह दुज्जे पाली रे जानवरा रे माँसा जो परमेशरा रिया वेदिया पर रखी दित्या। तिसते बाद, तिनें लोकां जो पाणिये रे बड्डे बरतनां जो तिस बलिदाना पर तदुआं तकौ सट्टणे खातर बोल्या तदुआं तकौ जे माँस, लकड़ियाँ कने येथी तकौ भई वेदिया री अखा बखा री पूरी मिट्टी सिज्जी नीं गई हो। ![](https://cdn.door43.org/obs/jpg/360px/obs-en-19-10.jpg) तां एलिय्याह प्राथना कित्ती, “हे यहोवा, अब्राहम, इसहाक कने याकूबा रे परमेशर, अहां जो दस्स भई तू इस्राएला रा परमेशर आ कने ये भई हऊं तुहांरा दास आ। मिंजो जवाब देवा तिसते जे ये लोक जाणी लो भई तु ई सच्चा परमेशर आ।” ![](https://cdn.door43.org/obs/jpg/360px/obs-en-19-11.jpg) इकदम ई, अकाशा ते आग्ग पई कने तिसते माँस, लकड़ियाँ, चट्टानां, मिट्टी कने येथी तकौ भई वेदिया रे अखा बखा रे पाणिये जो बी फुक्की दित्या। तजे लोकें ये देख्या, तां सै धरतिया पर पई गे कने बोले, “यहोवा ई परमेशर आ! यहोवा ई परमेशर आ!” ![](https://cdn.door43.org/obs/jpg/360px/obs-en-19-12.jpg) तां एलिय्याह बोल्या, “बाल रा इक बी भविष्यव्दक्ता बची ने नीं जाणे पाओ!” इस खातर लोकें बाल रे भविष्यव्दक्तावां जो पकड़ी लया कने तिनां जो तेथी ते लग लई गे कने तनां जो मारी दित्या। ![](https://cdn.door43.org/obs/jpg/360px/obs-en-19-13.jpg) तां एलिय्याहे अहाब राजा ने बोल्या, “छोड़े ई अपणे घरा जो नह्ठी जा, कांह्भई बरखा हुणे औली ई।” छोड़े ई बादल घणे हुई गे कने भारी बरखा शुरु हुई गी। यहोवा तिस सूक्के जो खत्म करे रां था। इसते ये प्रकट हुआ भई यहोवा ई सच्चा परमेशर आ। ![](https://cdn.door43.org/obs/jpg/360px/obs-en-19-14.jpg) तजे एलिय्याहे अपणा काम्म खत्म करी दित्या, तां परमेशरे एलीशा नौं रे इकी माहणुये जो परमेशरा खातर भविष्यव्दक्ता हुणे खातर चुणेया। परमेशरे एलीशा रे जरिये मते सारे चमत्कार कित्ते। इक चमत्कार नामाना सौगी हुआ। सै इक शत्रुये री सेना रा सरदार था, पर तिसो चमड़िया री इक बूरी बमारी हुई गरी थी। नामाने एलीशा रे बारे‍ सुणेया था, इस खातर सै एलीशा लौ आया कने तिसने विनती कित्ती भई सै तिसो ठीक करो। एलीशे नामाना जो बोल्या भई जाईने यरदन नदिया रे पाणिये च सात्त बार डुबकी लाई ले। ![](https://cdn.door43.org/obs/jpg/360px/obs-en-19-15.jpg) नामान गुस्से हुई गया। तिने येढ़ा करने ते मना करी दित्या, कांह्भई ये तिसो मूर्खता औली गल्ल लगी थी। पर बाद च तिने अपणा मन बदली लया कने जाई ने यरदन नदिया रे पाणिये च सात्त बार डुबकी लाई। तजे आखरी बार सै पाणिये ते बाहर निकलया तां परमेशरे तिसो ठीक करी दित्या। ![](https://cdn.door43.org/obs/jpg/360px/obs-en-19-16.jpg) परमेशरे इस्राएला रे लोकां ले होरी मते सारे भविष्यव्दक्तावां जो भेज्या। तिनें सबीं लोकां जो मूर्तियां री उपासना बंद करी देणे रे खातर गलाया। इतरे बजाये, तिनां सबीं जो अप्पुं चीयें न्याय सौगी व्योवहार करना चाहिंदा कने इकी दुज्जे पर दया करनी चाहिंदी ये गल्लां बी सखाई यां। तिनें भविष्यव्दक्तावें लोकां जो चेतावनी दित्ती भई तिनां जो अपणे बूरे कम्मां जो बंद करी देणा चाहिंदा कने इतरे बजाये परमेशरा रियां गल्लां रा पालन करना चाहिंदा। जे तिनें लोकें येढा नीं कित्या तां परमेशरा तिनां जो दोषी मन्नी ने तिनांरा न्याय करना कने तिनां जो सजा देणी। ![](https://cdn.door43.org/obs/jpg/360px/obs-en-19-17.jpg) जादा जे बगता, तिनें लोकें परमेशरा रे हुक्मां रा पालन नीं कित्या। अक्सर तिनें लोकें भविष्यव्दक्तावां सौगी बूरा व्योवहार कित्या येथी तकौ भई कदी कदी तिनां जो मारी दित्या। इक बार, तिनें यिर्मयाह भविष्यव्दक्तावां जो सूक्के खुआ च पाई दित्या कने तिसो तेथी मरने खातर छड्डी दित्या। सै खुआ रिआ तलिया च चीकड़ा च धस्सी गया। पर तजे राजे जो तिस पर दया आई कने तिनें अपणे सैनिकां जो हुक्म दित्या भई यिर्मयाह रे मरने ते पैहले तिसो खुआ ते बाहर खींज्जी लौ। ![](https://cdn.door43.org/obs/jpg/360px/obs-en-19-18.jpg) 1 राजा अध्याय 16-18; 2 राजा 5; यिर्मयाह 38 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_19_128kbps.mp3 ## 20. बंधुये बणना कने तेथी ते छुटणा https://openbiblestories.org/l/kfs/story-20/ ![](https://cdn.door43.org/obs/jpg/360px/obs-en-20-01.jpg) इस्राएला रे राज्य कने यहूदा रे राज्य दुईं परमेशरा रे बरोधा च पाप कित्या। तिनें तिसा वाचा जो तोड़ी दित्या सै जे परमेशरे तिनां ने सौगी सीनै पहाड़ा पर बन्नी थी। परमेशरे तिनां जो पश्चाताप करने कने फेरी बीं तिसरी आराधना करने खातर चेतावनी देणे जो अपणे भविष्यव्दक्तावां जो भेज्या, पर तिनें तिस रियां गल्लां जो मन्नणे ते मना करी दित्या। ![](https://cdn.door43.org/obs/jpg/360px/obs-en-20-02.jpg) इस खातर परमेशरे तिनां रे शत्रुआं जो तिनां जो नास करने रे जरिये तिनां दुईं राज्यां जो सजा दित्ती। अश्शूर इक लग देश था सै जे बोहत ताकता औला हुई गया था। सै दुज्जे देशा ते खातर बोहत निर्दयी बी थे। तिनें आई कने इस्राएल रे राज्य जो नाश करी दित्या। अश्शूरियें आई ने इस्राएला रे राज्य च बोहतीं जो मारी दित्या, कने तेढ़ा जे चाहया सै लूटी लया कने देशा रे कई हिस्सेया जो फुक्कि दित्या। ![](https://cdn.door43.org/obs/jpg/360px/obs-en-20-03.jpg) अश्शूरियें सबी अगुवेयां, धनवान लोकां कने येढ़े लोकां जो सै जे कीमती चीज़ां बणाई सक्कां थे कट्ठा कित्या कने सै तिनां जो अश्शूर देशा जो लई गये। इस्राएला च सिर्फ किछ गरीब इस्राएली ई बचे थे। ![](https://cdn.door43.org/obs/jpg/360px/obs-en-20-04.jpg) फेरी अश्शूरी लोक तिस देशा च रैहणे खातर विदेशियां जो लई कने आये। तिनें विदेशियें तिनां नगरां जो फेरी ते बणाया। सै जे इस्राएली तेथी बचे थे तिनां ने तिनें ब्याह करी ले। इनां लोकां रे वंशज सामरी केहलाये गये। ![](https://cdn.door43.org/obs/jpg/360px/obs-en-20-05.jpg) यहूदा रे राज्य रे लोकें देख्या भई कियां परमेशरे तिस पर विस्वास नीं करने कने तिस रियां गल्लां जो नीं मनणे रिया वजहा ते इस्राएला रे राज्य रे लोकां जो सजा दित्ती थी। पर इतना हुणे पर बी तिनें कनानियां रे देवतयां री मूर्तियां री उपासना कित्ती। परमेशरे तिनां जो चेतावनी देणे खातर भविष्यव्दक्तावां जो भेज्या, पर तिनें सुणने ते मना करी दित्या। ![](https://cdn.door43.org/obs/jpg/360px/obs-en-20-06.jpg) लगभग इक सौ सालां ते बाद अश्शूरियें इस्राएला रे राज्य जो नास करी दित्या। परमेशरे बेबीलोना रे राजे, नबूकदनेस्सरा जो यहूदा रे राज्य पर हमला करने खातर भेज्या। बेबीलोन इक ताकत औला देश था। यहूदा रा राजा नबूकदनेस्सरा रा दास बणने कने हर साल तिसो मता सारे पैसे रा भुगतान करन खातर सैहमत हुई गया। ![](https://cdn.door43.org/obs/jpg/360px/obs-en-20-07.jpg) पर किछ सालां ते बाद, यहूदा रे राजे बेबीलोना रे बरोधा च बलवा कित्या। इस खातर बेबीलोनियें बापस आई कने यहूदा रे राज्य पर हमला करी दित्या। तिनें यरूशलेम नगरा पर कब्जा करी लया, मंदरा जो नास करी दित्या कने नगरा कने मंदरा रे खजाने जो लूटी कने लई गये। ![](https://cdn.door43.org/obs/jpg/360px/obs-en-20-08.jpg) बलवा करने रिया वजहा ते यहूदा रे राजा जो सजा देणे खातर, नबूकदनेस्सरा रे सैनिकें राजे रे पुत्रां जो तिसरे सामणे मारी दित्या कने फेरी तिस्सो अन्ना करी दित्या। इसते बाद, सै राजे जो लई गये भई सै बेबीलोना रे कैद खाने च मरी जाओ। ![](https://cdn.door43.org/obs/jpg/360px/obs-en-20-09.jpg) नबूकदनेस्सर कने तिसरी सेना यहूदा रे राज्य रे लगभग सारे ई लोकां जो बेबीलोना जो लई गी, सिर्फ सबते गरीब लोकां जो पीछे छड्डी गे भई सै खेतां च फसल पैदा करो। बगता रे इस दौरा जो बंधुऐ बणना बोल्या गई रा। इसच परमेशरा रे लोकां जो वादे रे देशा च ते निकली कने जाणे खातर मजबूर कित्या गया था। ![](https://cdn.door43.org/obs/jpg/360px/obs-en-20-10.jpg) भले ई परमेशरे अपणे लोकां जो तिनां रे पापां खातर बंधुये बणी ने लई जाणे रे जरिये सजा दित्ती, तां बी सै तिनां जो या अपणिया प्रतिज्ञावां जो नीं भुलया था। परमेशरे अपणे लोकां री निगरानिया रखदा रैया कने अपणे भविष्व्दक्तावां रे जरिये तिनां ने गल्लां करदा रैया। तिनां ते प्रतिज्ञा ते सत्तर सालां ते बाद, सै फेरी भीं प्रतिज्ञा कित्तिरे देशा चौ बापस आई गये। ![](https://cdn.door43.org/obs/jpg/360px/obs-en-20-11.jpg) लगभग सत्तर सालां ते बाद, फारसा रे कुस्रु नौं रे राजे बेबीलोना जो हराई दित्या, इस खातर बेबीलोना रे साम्राज्य रे बजाये फारसा रे साम्राज्य ते कई देशां पर राज कित्या। इस्राएली लोक हुण यहूदी केहलावां थे। तिनां च ते बोहतीं अपण पूरा जीवन बेबीलोना च बताई दित्या था। सिर्फ बोहत थोड़े बूढ़े यहूदियां जो ई यहूदा रे देशा री याद थी। ![](https://cdn.door43.org/obs/jpg/360px/obs-en-20-12.jpg) फारसी लोक बोहत सामर्थी थे, पर तिनें अपणे जीती रे लोकां पर दया कित्ती थी। फारसी लोकां रा राजा बणने ते थोड़े बगता ते बाद, कुस्रु राजे इक हुक्म दित्या भई कोई बी यहूदी सै जे यहूदा जो बापस जाणा चाह्वां था, सै फारस ते निकली कने बापस यहुदा जो जाई सकां आ। येथी तकौ भई तिने तिनां जो मंदरा जो बनाणे खातर फेरी बीं पैसा बी दित्या। ईयां बंधक रैहणे रे सत्तर सालां ते बाद, यहूदियां रा इक छोटा झुंड यहूदा च यरूशलेम नगरा जो बापस आई गये। ![](https://cdn.door43.org/obs/jpg/360px/obs-en-20-13.jpg) 2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_20_128kbps.mp3 ## 21. परमेशरा रा मसीह रे औणे रा वादा https://openbiblestories.org/l/kfs/story-21/ ![](https://cdn.door43.org/obs/jpg/360px/obs-en-21-01.jpg) तजे परमेशरे संसार री सृष्टि कित्ती थी, सै जाणां था भई तिसो बाद च किसी दिन मसीह जो भेजणे पौणा। तिनें आदम कने हव्वा ते वादा कित्या भई तिस येढ़ा करना। तिने गलाया भई हव्वा रे वंशा च इकी जन्म लेणा तिस जे सप्पा रे सिरा जो जिगलणा। तिने सप्पे जे हव्वा जो धोखा दित्या सै पक्का ई शैतान था। परमेशरा रा मतलब था भई मसीह पूरे तरीके ते शैताना जो हराई देणा। ![](https://cdn.door43.org/obs/jpg/360px/obs-en-21-02.jpg) परमेशरे अब्राहमा ने वादा कित्या था भई तिसरे जरिये संसारा रियां सारे वंशा रे लोकां तकौ आशीषां मिलणियां। परमेशरे बाद च किसी बगता पर मसीह जो भेजणे रे जरिये इस वादे जो पूरा करना। तिस मसीहे संसारा रे हर इक जातिया च ते लोकां जो तिनांरे पापां ते छुड़ाणा। ![](https://cdn.door43.org/obs/jpg/360px/obs-en-21-03.jpg) परमेशरे मूसा ने वादा कित्या था भई औणे औले बगता च तिस मूसा रे साई इक होर भविष्यव्दक्ता जो भेजणा। ये भविष्यव्दक्ता मसीह हुणा। इस तरीके ते, परमेशरे फेरी बीं वादा कित्या भई तिस मसीह जो भेजणा। ![](https://cdn.door43.org/obs/jpg/360px/obs-en-21-04.jpg) परमेशरे राजा दाऊदा ने वादा कित्या था भई तिसरे वंश च ते ई मसीह रा औणा हुणा। तिस राजा बणना कने परमेशरा रे लोकां पर सदा खातर राज करना। ![](https://cdn.door43.org/obs/jpg/360px/obs-en-21-05.jpg) परमेशरे यिर्मयाह भविष्यव्दक्ता ने गल्लां कित्तियां कने बोल्या भई इक दिन तिस इक नवीं वाचा बन्नणी। ये नवीं वाचा इस्राएला सौगी सीनै पहाड़ा पर बन्नी गई री पुराणी वाचा साई नीं हुणी। तजे लोकां सौगी तिस अपणी नवीं वाचा जो बन्नणा, तां तिस तिनां पर अप्पुं जो माहणुये रे तौरा पर प्रकट करना। हर इक माहणुये तिसने प्रीति रखणी कने तिसरी व्यवस्था जो मन्नणे री इच्छा रखणी। परमेशरे गलाया भई ये तिसरी व्यवस्था रा तिनां रे दिलां पर लिखणे साई हुणा। तिनां तिसरे बणीने रैहणा कने परमेशरा तिनां रे पापां जो माफ करना। तिस मसीह हुणा तिस जे तिनां सौगी सै नवीं वाचा बन्नणी। ![](https://cdn.door43.org/obs/jpg/360px/obs-en-21-06.jpg) परमेशरा रे भविष्यव्दक्तावें ये बी गलाया भई मसीह इक भविष्यव्दक्ता हुणा। इक भविष्यव्दक्ता सै माहणु आ सै जे परमेशरा रे वचनां जो सुणावां कने फेरी लोकां पर परमेशरा रे संदेशां री घोषणा करां। तिसो भेजणे रा परमेशरे वादा कित्या था सै मसीह इक सिध्द भविष्यव्दक्ता हुणा। मतलब तिस मसीहे परमेशरा रे संदेशां जो खरे तरीके ने सुनाणा कने तिस लोकां जो तिनां संदेशां जो नोखे कने नवें तरीके ने सखाणा। ![](https://cdn.door43.org/obs/jpg/360px/obs-en-21-07.jpg) इस्राएली याजकें लोकां खातर परमेशरा रे अग्गे बलिदान चढ़ाणा नीं छड्डेया। ये बलिदान लोकां रे पापां खातर तिनां जो परमेशरा रे जरिये मिलणे औलिया सजा ते बचणे खातर चढ़ाये जावां थे। याजकें लोकां खातर प्राथना बी कित्ती। पर, तिस मसीहे सिध्द महायाजक हुणा तिस जे परमेशरा जो देणे खातर इक सिध्द बलि रे तौरा च अप्पुं जो चढ़ाई देणा। मतलब तिस कदी पाप नीं करना कने तजे तिस अप्पुं जो बलि हुणे खातर देणा, तां संसारा रा कोई बी होर बलिदान जरुरी नीं हुणा। ![](https://cdn.door43.org/obs/jpg/360px/obs-en-21-08.jpg) लोकां रे समूहां पर राजा कने प्रधान शासन करां ये कने कदी-कदी सै गलतियां करां ये। राजा दाऊदे तां सिर्फ इस्राएलियां पर राज कित्या, पर दाऊदे रे वंशा च औणे औले मसीहे पूरे संसारा पर राज करना, कने तिस सदा खातर राज करना। इसते अलावा तिस सदा न्याय सौगी पूरी रितिया ने राज करना कने ठीक निर्णयां जो लेया करना। ![](https://cdn.door43.org/obs/jpg/360px/obs-en-21-09.jpg) परमेशरे भविष्यव्दक्तावां ने मसीह रे बारे च मतियां सारियां गल्लां गलाईयां। उदाहरणा खातर, मलाकी नौं रे भविष्यव्दक्ते गलाया भई मसीह रे औणे ते पैहले इक होर भविष्यव्दक्ता औणा। तिस भविष्यव्दक्ते बोहत खास हुणा। इसते अलावा, यशायाह भविष्यव्दक्ते लिखया भई मसीह इकी कुआरिया ते जन्म लेणा। मीका नौं रे भविष्यव्दक्ते गलाया भई मसीह रा बैतलहम नगरा च जन्म लेणा जरूरी आ। ![](https://cdn.door43.org/obs/jpg/360px/obs-en-21-10.jpg) यशायाह भविष्यव्दक्ते गलाया भई मसीहे गलील रे लाकेयां च रैहणा। सै जे लोक बोहत दुखी ये मसीह तिनां जो शान्ति देणी। तिस कैदियां जो बी स्वतंत्र करना। मसीह बमारां जो कने सै जे सुणी नीं सकदे, देखी नीं सकदे, बोली नीं सकदे या चली नीं सकदे तिनां जो बी ठीक करना। ![](https://cdn.door43.org/obs/jpg/360px/obs-en-21-11.jpg) यशायाह भविष्यव्दक्ते ये बी गलाया भई लोकां मसीह ते नफरत करया करनी कने तिसो स्वीकार करने ते मना करी देणा। होरी भविष्यव्दक्तावें गलाया भई मसीह रे इकी साथिये तिसरे बरोधा च हुई जाणा। जकर्याह भविष्यव्दक्ते गलाया भई तिसरे साथिये येढ़ा करने खातर दुज्जे लोकां ते चाँदिये रे तीह सिक्के लेणे। इसते अलावा किछ भविष्यव्दक्तें गलाया भई लोकां मसीह मारी देणा कने ये बी भई तिनां तिसरे कपड़े अप्पु चीयें बंडी लेणे। ![](https://cdn.door43.org/obs/jpg/360px/obs-en-21-12.jpg) भविष्यव्दक्ते ये बी दस्सेया भई मसीह कियां मरना। यशायाह भविष्यव्दक्ते भविष्यव्दाणी कित्ती भई लोकां मसीह पर थूकणा, तिसरा मजाक डुआणा कने तिसो कुटणा। तिनां तिसो किलां मारनियां कने तिस बोहत दर्दां कने यातनावां च पईने मरी जाणा, पर तिनें किछ बी गलत नीं कित्तिरा हुणा। ![](https://cdn.door43.org/obs/jpg/360px/obs-en-21-13.jpg) भविष्यव्दक्तावें ये बी दस्सेया भई मसीह पाप नीं करना। तिस सिध्द हुणा। पर तिस इस खातर मरना भई परमेशरा तिसो होरीं लोकां रे पापां रिया बजहा ते सजा देणी। तिसरे मरने ते लोकां परमेशरा सौगी मिलणे जोगे हुई जाणा। इस खातर परमेशर चाहवां भई मसीह मरो। ![](https://cdn.door43.org/obs/jpg/360px/obs-en-21-14.jpg) भविष्यव्दक्तावें ये बी दस्सेया भई परमेशरा मसीह जो मरीरेयां च ते जीऊंदा करना। ये दस्सां भई ये सब तिसा नविंया वाचा जो बन्नणे खातर परमेशरा री योजना थी, तां भई सै तिनां लोकां जो बचाई सको तिनें जे तिसरे बरोधा च पाप कित्तिरा। ![](https://cdn.door43.org/obs/jpg/360px/obs-en-21-15.jpg) उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_21_128kbps.mp3 ## 22. यूहन्ना रा जन्म https://openbiblestories.org/l/kfs/story-22/ ![](https://cdn.door43.org/obs/jpg/360px/obs-en-22-01.jpg) पैहलके बगता च, परमेशरे अपणे भविष्यव्दक्तावां ने गल्लां कित्तियां थियां इस खातर सै लोकां ने गल्लां करी सक्कां थे। पर तिस बगता ते लईने फेरी 400 सालां रे बीतणे तकौ परमेशरे तिनां ने गल्लां नीं कित्तियां। तां परमेशरे जकर्याह नौं रे भविष्यव्दक्ता ले इकी स्वर्गदूता जो भेज्या। जकर्याह कने तिसरी जनाना एलीशिबा परमेशरा रा आदर करां थे। सै बोहत बुड्डे हुई गे थे कने तिनां रे कोई संतान पैदा नीं हुई थी। ![](https://cdn.door43.org/obs/jpg/360px/obs-en-22-02.jpg) तिने स्वर्गदूते जकर्याह ने बोल्या, “तेरिया जनाना रे इक पुत्र पैदा हुणा। तू तिसरा नौं यूहन्ना रखयां। परमेशरा तिसो पवित्र आत्मा ते परिपूर्ण करना कने यूहन्ना लोकां जो मसीह जो ग्रहण करने खातर त्यार करना।” जकर्याहे जवाब दित्या, “हऊँ कने मेरी जनाना औलाद पैदा करने खातर बोहत बुड्डे ये! मिंज्जो कियां पता लगणा भई तुहें मेरने सच गलाये रांये?” ![](https://cdn.door43.org/obs/jpg/360px/obs-en-22-03.jpg) तिने स्वर्गदूते जकर्याह जो जवाब दित्या, “तेरले इस शुभ समाचारा जो लयौणे खातर हऊँ परमेशरा रे जरिये भेज्या गईरा। कांह्भई तैं मेर पर विस्वास नीं कित्या, इस खातर बच्चे रे पैदा हुणे तकौ तू बोलणे जोगा नीं हुणा।” ताहलीं ई, जकर्याह बोलणे च असमर्थ हुई गया। तां सै स्वर्गदूत जकर्याह ला ते चली गया। इसते बाद, जकर्याह घरें बापस आई गया कने तिसरी जनाना भारहत्थी हुई। ![](https://cdn.door43.org/obs/jpg/360px/obs-en-22-04.jpg) तजे एलीशिबा छे महीने री भारहत्थी थी, तां सै ई स्वर्गदूत अचानक ते एलीशिबा रे रिश्तेदारां च ते इकी पर प्रकट हुआ, तिसरा नौं जे मरियम था। मरियम कुवारी थी कने ब्याह हूणे खातर यूसुफ नौं रे इकी माहणुये सौगी तिसारी मंगणी हुई गरी थी। स्वर्गदूते बोल्या, “तू भारहत्थिया हुणा कने इकी पुत्रा जो जन्म देणा। तू तिसरा नौं यीशु रखयां। सै सर्व-शक्तिमान परमेशरा रा पुत्र हुणा कने सदा खातर तिसरा राज रैहणा। ![](https://cdn.door43.org/obs/jpg/360px/obs-en-22-05.jpg) मरियमे जवाब दित्या, “ये कियां हुई सक्कां, कांह्भई हऊँ तां कुआरी ई?” तिने स्वर्गदूते समझाया, “पवित्र आत्मा तुझ पर औणा कने परमेशरा री सामर्था तुझ पर छाया करनी। इस खातर तिस बच्चे पवित्र हुणा कने सै परमेशरा रा पुत्र हूणा।” जो किछ स्वर्गदूते गलाया तिस पर मरियमे विस्वास कित्या। ![](https://cdn.door43.org/obs/jpg/360px/obs-en-22-06.jpg) ये हुणे ते किछ दिनां बाद, मरियम जाई ने एलीशिबा ने मिली। तियां ई जे मरियमे तिसा जो नमस्कार कित्या, एलीशिबा रे पेटा च बच्चा उछल्या। तिनां कातर जो किछ परमेशरे कित्तिरा था तिस बारे च गल्लां करीने सै दोनों बोहत खुश हुईयां। एलीशिबा सौगी तीन्न महीने रेहणे ते बाद, मरियम घरा जो बापस आई गी। ![](https://cdn.door43.org/obs/jpg/360px/obs-en-22-07.jpg) लूका अध्याय 1 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_22_128kbps.mp3 ## 23. प्रभु यीशुये रा जन्म https://openbiblestories.org/l/kfs/story-23/ ![](https://cdn.door43.org/obs/jpg/360px/obs-en-23-01.jpg) यूसुफ नौं रे इक धर्मी माहणुये सौगी मरियमा री मंगणी हुई चकी री थी। तजे तिने सुणेया भई मरियम भारहत्थी ई ता सै जाणना चाहवां था भई सै तिसरा बच्चा नीं आ। पर, सै मरियमा जो बदनाम नीं करना चाहंदा था, इस खातर तिने तिसा पर दया करी ने कने चुपचाप तलाक देणे रे बारे च सोचया। पर इसते पैहले भई सै येढ़ा करदा, इकी स्वर्गदूते तिसरे सुफने च आई ने तिसने गल्लां कित्तियां। ![](https://cdn.door43.org/obs/jpg/360px/obs-en-23-02.jpg) तिनें स्वर्गदूते बोल्या, “हे यूसुफ, मरियमा जो अपणी जनाना रे तौरा च लई जाणे ते मत डरदा। तिसारे अन्दर सै जे बच्चा आ सै पवित्र आत्मा खा ते आ। तिसा इकी पुत्रा जो जन्म देणा। तिसरा नौं यीशु रखेयां (इसरा मतलब आ, ‘यहोवा बचावां आ’), कांह्भई तिस लोकां जो तिनां रे पापां ते छुड़ाणा।” ![](https://cdn.door43.org/obs/jpg/360px/obs-en-23-03.jpg) इस खातर यूसुफे मरियमा ने ब्याह कित्या कने तिसा जो अपणिया जनाना रे तौरा च अपणे घरा जो ली आया, पर तिस बच्चे जो पैदा करने तकौ सै तिसा सौगी नीं सया। ![](https://cdn.door43.org/obs/jpg/360px/obs-en-23-04.jpg) तजे मरियमा रे बच्चा पैदा करने रा बगत नेड़े था, तां तिसे कने यूसुफे बैतलहमा जो जाणे खातर इक लंबी यात्रा कित्ती। तिनां जो तेथी जाणा बोहत जरुरी था कांह्भई रोमी अधिकारी इस्राएला च रैहणे औले सबीं लोकां री गिणती करना चाहवां थे। सै चाहवां थे भई सब लोक तेथी जाओ तेथी जे तिनां रे पूर्वज रह्वां थे। राजा दाउदा रा जन्म बैतलहमा च हुआ था कने सै मरियम कने यूसुफा दुईं रा पूर्वज था। ![](https://cdn.door43.org/obs/jpg/360px/obs-en-23-05.jpg) मरियम कने यूसुफ बैतलहमा जो गये, पर तेथी जानवरां जो रखणे औलिया जगहा ते अलावा तिनां रे ठैहरणे खातर कोई जगहा नीं थी। ये सै ई जगहा थी तेथी जे मरियमे अपणे बच्चे जो पैदा कित्या। तिसे तिसो खुरलिया च लटाया कांह्भई तेथी तिस खातर कोई बिस्तरा नीं था। तिनें तिसरा नौं यीशु रखया। ![](https://cdn.door43.org/obs/jpg/360px/obs-en-23-06.jpg) तिसा राती, तेथी नेड़े रे ई फाटां च किछ चरवाहे अपणे भेडां रे झुंडां री रखवाली करे रां थे। अचानक ते, इक चमकदार स्वर्गदूत तिनां पर प्रकट हुआ कने सै डरी गये। तिने स्वर्गदूते बोल्या, “मत डरदे, कांह्भई मेरे ले तुहां खातर शुभ संदेश आ। बैतलहमा च मसीह, स्वामी रा जन्म हुई रा!” ![](https://cdn.door43.org/obs/jpg/360px/obs-en-23-07.jpg) जाई ने तिस बालका जो टोला कने तुहां तिसो कपड़े च लिपटी रा कने चरनिया च लेटी रा पाणा।” अचानक ई आकाश स्वर्गदूतां ते भरी गया। सै परमेशरा री स्तुति करे रां थे। तिनें बोल्या, “सारी महिमा स्वर्गा च विराजमान हुणे औले परमेशरा जो मिलो। धरतिया पर तिनां लोकां च शान्ति हो तिनां री जे सै चिन्ता करां!” ![](https://cdn.door43.org/obs/jpg/360px/obs-en-23-08.jpg) तां स्वर्गदूत चली गे। सै चरवाहे बी अपणिया भेडां जो छड्डी कने बालकां जो देखणे गये। छोड़े ई सै तिसा जगहा पर पुज्जे तेथी जे यीशु था कने तिनें तिसो खुरलिया च लेटीरा देख्या, तेढ़ा जे तिनें स्वर्गदूते गलाया था। सै बोहत उत्साहित थे। तां सै चरवाहे बापस तेथी जो हटी ने आये तेथी जे तिनां रियां भेडां थियां। तिनें जो किछ बी सुणया कने देख्या तिस सबीं खातर सै परमेशरा री स्तुति करे रां थे। ![](https://cdn.door43.org/obs/jpg/360px/obs-en-23-09.jpg) पूर्वा खौ दूर इक देशा च किछ माहणु थे। तिनें सतारेयां रे बारे च अध्ययन कित्या था कने सै बोहत बुध्दिया औले थे। तिनें इक असामान्य सतारे जो आकाशा च देख्या। तिनें गलाया भई इतरा मतलब आ भई यहूदियां रे इकी नवें राजे रा जन्म हुईरा। इस खातर तिनें तिस बालका जो देखणे खातर अपणे देशा ते यात्रा करने रा निर्णय कित्या। इक लंबी यात्रा ते बाद, सै बैतलहमा जो आये कने तिस घरा जो टोलया तेथी जे यीशुये कने तिसरे माता-पिता ठेहरी रे थे। ![](https://cdn.door43.org/obs/jpg/360px/obs-en-23-10.jpg) मत्ती अध्याय 1; लूका 2 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_23_128kbps.mp3 ## 24. यूहन्ना रा यीशुये जो बपतिस्मा देणा https://openbiblestories.org/l/kfs/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा कने जकर्याह रा इक पुत्र यूहन्ना, बड्डा हुईने इक भविष्यव्दक्ता बणी गया। सै जंगला च रैया करां था कने जंगली शैहत कने टिड्डियाँ खाया करां था कने ऊँटा रे चमड़ रे बणी रे कपड़े पैहनां था। ![](https://cdn.door43.org/obs/jpg/360px/obs-en-24-02.jpg) बोहत सारे लोक यूहन्ना रियां गल्लां सुणने खातर जंगला च जाणे लगे। तिने येढ़ा बोली ने तिनां जो प्रचार कित्या, “पश्चाताप करा, कांह्भई स्वर्गा रा राज्य नेड़े आ!” ![](https://cdn.door43.org/obs/jpg/360px/obs-en-24-03.jpg) तजे लोकें यूहन्ना रे संदेशा जो सुणया, तां तिनां च ते बोहतीं अपणे पापां ते पश्चाताप कित्या कने यूहन्ने तिनां जो बपतिस्मा दित्या। यूहन्ना जो देखणे खातर बोहत सारे धार्मिक अगुवे बी आये, पर तिनें अपणे पापां रा पश्चाताप या अंगीकार नीं कित्या। ![](https://cdn.door43.org/obs/jpg/360px/obs-en-24-04.jpg) यूहन्ने धार्मिक अगुवेयां ने बोल्या, “हे जेहरीले सप्पो! पश्चाताप करा कने अपणे व्योवहारा जो बदला। परमेशरा हर इक तिस डाला जो कटी देणा सै जे खरा फल नीं लयोंदा कने तिस तिनां जो अग्गी च पाई देणा।” सै जे भविष्यव्दक्तावें गलाया था यूहन्ने तिसो पूरा कित्या, “देख, छोड़े ई मांह तेरे अग्गे अपणा संदेशा देणे औले जो भेजणा तिस जे तेरे खातर रस्ता त्यार करना।” ![](https://cdn.door43.org/obs/jpg/360px/obs-en-24-05.jpg) किछ धार्मिक अगुवेयां यूहन्ना ते पुछेया भई क्या सै मसीह आ। यूहन्ने जवाब दित्या, “हऊं मसीह नीं आ, पर सै मेरे बाद आये रां। सै इतना महान आ भई हऊं तिसरे जूत्तेयां रे तसमे खोलणे रे बी जोगा नीं आ।” ![](https://cdn.door43.org/obs/jpg/360px/obs-en-24-06.jpg) अगले दिन, यीशु बपतिस्मा लेणे रे खातर यूहन्ना लौ आया। तजे यूहन्ने तिसो देख्या, तां तिने बोल्या, “देखा! परमेशरा रा मेमना तिस जे संसारा रे पापां जो चक्की ने लई जाणा।” ![](https://cdn.door43.org/obs/jpg/360px/obs-en-24-07.jpg) यूहन्ने यीशुये ने गलाया, “हऊं तिज्जो बपतिस्मा देणे रे जोगा नीं आ। इतरे बजाये जरुरी आ भई तू मिंजो बपतिस्मा देओ।” पर यीशुये गलाया, “तिज्जो मिंजो बपतिस्मा देणा चाहिंदा, कांह्भई ये ई काम्म करना अहां खातर ठीक आ।” इस खातर यूहन्ने तिसो बपतिस्मा दित्या, यीशुये कदी बी पाप नीं कित्या था। ![](https://cdn.door43.org/obs/jpg/360px/obs-en-24-08.jpg) बपतिस्मा दित्ते जाणे ते बाद तजे यीशु पाणिये ते निकली ने बाहर आया, तां परमेशरा रा आत्मा कबूतरा रे रुपा च प्रकट हुआ कने थल्ले आई ने यीशुये पर ठेहरी गया। तिस ई बगत, परमेशरे स्वर्गा ते गल्ल कित्ती। तिने बोल्या, “तू मेरा पुत्र आ। हऊं तेरने प्रेम करां कने हऊँ तेरते बोहत खुश आ।” ![](https://cdn.door43.org/obs/jpg/360px/obs-en-24-09.jpg) मत्ती अध्याय 3; मरकुस 1:9-11; लूका 3:1 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_24_128kbps.mp3 ## 25. प्रभु यीशुये रा परखया जाणा https://openbiblestories.org/l/kfs/story-25/ ![](https://cdn.door43.org/obs/jpg/360px/obs-en-25-01.jpg) यीशुये रा बपतिस्मा हुणे ते इकदम बाद ई, पवित्रा आत्मा तिसो जंगला च लई गया। यीशु तेथी चाली दिन कने चाली रात था। तिस बगत तिने ब्रत कित्या कने शैताने यीशुये ले आईने पाप करवाणे खातर तिसरी परिक्षा कित्ती। ![](https://cdn.door43.org/obs/jpg/360px/obs-en-25-02.jpg) पैहले, शैताने यीशुये ने बोल्या, “जे तू परमेशरा रा पुत्र आ तां इनां पत्थरां जो रोटी बणाई दे तां बई तू खाई सको!” ![](https://cdn.door43.org/obs/jpg/360px/obs-en-25-03.jpg) पर यीशुये शैताना ने बोल्या, “परमेशरा रे वचना च लिखीरा, ‘जीऊंदे रैहणे खातर माहणुआं जो सिर्फ रोटिया री जरुरत नीं, पर तिनां जो हर तिनां गल्लां जो मन्नणे री जरुरत ई सै जे परमेशर तिनां ने गलाओ!’” ![](https://cdn.door43.org/obs/jpg/360px/obs-en-25-04.jpg) तां शैताने यीशुये जो यरुशलेमा रे मंदरा रे सबते उच्चे सिरे पर लई गया। तिने यीशोये ने गलाया, “जे तू परमेशरा रा पुत्र आ तां येथी ते थल्ले छाल मारी दे, कांह्भई लिखीरा, ‘परमेशरा तिज्जो चकणे खातर अपणे स्वर्गदूतां जो हुक्म देणा भई तेरे पेरां जो पत्थरा ते बी ठोकर नीं लगो।’” ![](https://cdn.door43.org/obs/jpg/360px/obs-en-25-05.jpg) पर यीशुये तेढ़ा नीं कित्या सै जे शैताने तिसो करने खातर बोल्या था। इतरे बजाये, तिनें गलाया, “परमेशर सबीं ने गलावां, ‘तू प्रभु अपणे परमेशरा री परिक्षा देहां करदा।’” ![](https://cdn.door43.org/obs/jpg/360px/obs-en-25-06.jpg) फेरी शैताने यीशुये जो संसारा रे सारे राज्य दस्से। तिने तिसो दस्या भई सै कितने ताकता औले थे कने सै कितने सम्पन्न थे। तिने यीशुये जो बोल्या, “मांह तिज्जो ये सब किछ देणा जे तू गोडे टेकी ने मेरी उपासना करो।” ![](https://cdn.door43.org/obs/jpg/360px/obs-en-25-07.jpg) यीशुये जवाब दित्या, “हे शैतान, मेरे ला ते चली जा! परमेशरा रे वचनां च सै लोकां जो हुक्मा देआं, ‘सिर्फ अपणे प्रभु परमेशरा री आराधना करो। परमेशरा रे रुपा च सिर्फ तिसरा ई आदर करा।’” ![](https://cdn.door43.org/obs/jpg/360px/obs-en-25-08.jpg) यीशुये शैताना रे परखणे ते हार नीं मन्नी, इस खातर शैतान तिस ला ते चली गया। तां स्वर्गदूत आई ने यीशुये री सेवा करने लगे। मत्ती अध्याय 4:1-11; मरकुस 1:12-13; लूका 4:1-13 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_25_128kbps.mp3 ## 26. प्रभु यीशु सेवा करने शुरू करां https://openbiblestories.org/l/kfs/story-26/ ![](https://cdn.door43.org/obs/jpg/360px/obs-en-26-01.jpg) शैताना री लई री परिक्षा जो पूरा करने ते बाद, यीशु बापस गलील रे लाके चौ आया। ये सै ई जगा ई तेथी जे सै रहवां था। पवित्र आत्मा तिसो बोहत सामर्थ दे रां था कने यीशु इकी जगहा ते दुज्जिया जगहा जो जाई ने लोकां जो शिक्षा देणे रा काम्म करने लगया। सबीं तिसरे बारे च खरियां गल्लां गलाये रां थे। ![](https://cdn.door43.org/obs/jpg/360px/obs-en-26-02.jpg) यीशु नासरत नगरा चौ गया। ये सै गांव आ तेथी जे सै अपणे बच्चपना च रह्वां था। सब्ता रे दिन, सै आराधना करने रिया जगहा पर गया। अगुवे तिसो यशायाह भविष्यव्दक्ता रे संदेशां री इक कताब दित्ती। सै चाहवां थे भई सै तिस चते पढ़ो। इस खातर यीशुये तिसा कताबा जो खोली कने तिसते इकी हिस्से जो लोकां खातर पढ़ा। ![](https://cdn.door43.org/obs/jpg/360px/obs-en-26-03.jpg) यीशुये पढ़ा, “परमेशरे मिंजो अपणा आत्मा दित्तिरा भई हऊँ कंगालां च सुसमाचार प्रचार करी सकूँ। तिनें मिंज्जो इस खातर भेज्जिरा भई कैदियां जो स्वतंत्र करूष, अन्नेयां जो फेरी नजरां देऊँ कने तिनां जो छुटकारा देऊँ तिनां जो जे दुज्जे लोक जिगलेया रां ये। ये सै बगत आ तजे परमेशरे अहां पर कृपा करनी कने अहांरी मद्द करनी।” ![](https://cdn.door43.org/obs/jpg/360px/obs-en-26-04.jpg) फेरी यीशु बैठी गया। सब लोक तिसो बड़े ध्याना ने देख्या रां थे। सै जाणां थे भई पवित्र शास्त्र रा सै जे हिस्सा तिनें अजें पढ़या था सै मसीह रे बारे च था। यीशुये बोल्या, “सै जे गल्लां मैं हुण तुहांरे खातर पढ़ियां, सै इस बगत घटे बी रां ईयां।” सब लोक रैहान थे। तिनें गलाया, “क्या सै यूसुफा रा पुत्र नीं आ?” ![](https://cdn.door43.org/obs/jpg/360px/obs-en-26-05.jpg) तां यीशुये गलाया, “ये सच्च आ भई लोक किसी येढ़े भविष्यव्दक्ता जो कदी स्वीकार नीं करदे सै जे तिनां रे नगरा च पलेया कने बड्डा हुई रा हो। एलिय्याह भविष्यव्दक्ता रे बगता च, इस्राएला च मतियां सारियां विधवा थियां। पर तजे साड्डे तीन्न सालां तकौ बरखा नीं हुई तां परमेशरे एलिय्याह जो इस्राएला च किसी विधवा री मद्द करने खातर नीं भेज्या। इसरे बजाये, तिने एलिय्याह जो किसी होरी देशा रिया विधवा लौ भेज्या।” ![](https://cdn.door43.org/obs/jpg/360px/obs-en-26-06.jpg) यीशु बोलदा रैया, “कने एलीशा भविष्यव्दक्ता रे बगता च, इस्राएला च बोहत सारे लोकां जो चमड़िया री बमारी ते घिरी रे थे। पर एलीशे तिनां च ते किसी जो बी चंगा नीं कित्या। तिने सिर्फ इस्राएल रे बैरियां रे सेनापतिये नामाना जो ई ठीक कित्या।” पर सै जे लोक यीशुये जो सुणे रां थे सै यहूदी थे। इस खातर तजे तिनें ये गल्लां सुणियां तां सै तिस पर गुस्से हुये। ![](https://cdn.door43.org/obs/jpg/360px/obs-en-26-07.jpg) नासरत रे लोकें यीशुये जो पकड़ी लया कने तिसो आराधना रिया जगहा ते घसीटी ने बाहरा जो लई गे। सै तिसो मारी देणे खातर थल्ले सट्टणे जो इकी पत्थरा रे सिरे पर लई गे। पर यीशु भीड़ा च ते निकली कने चली गया कने नासरत नगरा जो छड्डी ने होरती जो चली गया। ![](https://cdn.door43.org/obs/jpg/360px/obs-en-26-08.jpg) फेरी यीशुये सारे गलीगा रे लाके च गया कने बड्डी भीड़ तिसले आई। सै मते सारे लोकां जो लई कने आये सै जे बमार कने लंगड़े थे। तिनां च ते किछ देखी, चली, सुणी या बोली नीं सकदे थे। प्रभु यीशुये तिनां जो चंगा कित्या। ![](https://cdn.door43.org/obs/jpg/360px/obs-en-26-09.jpg) इसते अलावा, मते सारे येढ़े लोक यीशुये ला जो तिनें लयांदे तिनां च जे कई दुष्टात्मा थियां। यीशुये कई दुष्टात्मा जो तिनां च ते निकलणे रा हुक्म दित्या। सै दुष्टात्मा आम तौरा ते रड़ावां थियां, “तू परमेशरा रा पुत्र आ!” भीड़ा रे लोक रैहान थे कने तिनें परमेशरा री स्तुति कित्ती। ![](https://cdn.door43.org/obs/jpg/360px/obs-en-26-10.jpg) मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_26_128kbps.mp3 ## 27. दयालु सामरीये री कहाणी https://openbiblestories.org/l/kfs/story-27/ ![](https://cdn.door43.org/obs/jpg/360px/obs-en-27-01.jpg) इक दिन, यहूदी व्यवस्था रा इक खरा जाणकार यीशुये ला जो आया। सै सबीं जो ये दस्णा चाहवां था भई यीशु गलत रितिया ने शिक्षा दे रां था। इस खातर तिनें गलाया, “हे गुरू, अनन्त जीवन पाणे खातर हऊँ क्या करुँ?” यीशुय जवाब दित्या, “परमेशरा री व्यवस्था च क्या लिखी रा?” ![](https://cdn.door43.org/obs/jpg/360px/obs-en-27-02.jpg) तिनें माहणुये बोल्या, “तेथी लिखिरा भई अपणे परमेशरा ते अपणे सारे मन, प्राण, सामर्थ कने बुध्दिया ने प्रेम रख। कने अपणे पड़ेसिये ने अप्पुं साई प्रेम रख।” यीशुये जवाब दित्या, “तू इकदम ठीक आ! जे तू येढ़ा करो, तां तिज्जो अनन्त जीवन पक्का ई मिलणा।” ![](https://cdn.door43.org/obs/jpg/360px/obs-en-27-03.jpg) पर सै व्यवस्था रा खरा जाणने औला लोकां जो दसणा चाहवां था भई तिसरा जीवन जीणे रा तरीका ठीक था। इस खातर तिने यीशुये ते पुछया, “ठीक आ, तां मेरा पड़ोसी कुण आ?” ![](https://cdn.door43.org/obs/jpg/360px/obs-en-27-04.jpg) यीशुये तिस व्यवस्था रे खरे जाणने औले जो इक कहाणी दस्सी ने जवाब दित्या। “इक यहूदी माहणु था सै इक सड़का ते हुईने यरुशलेमा ते यरीहो जो जाये रां था।” ![](https://cdn.door43.org/obs/jpg/360px/obs-en-27-05.jpg) “पर किछ डाकुयें तिसो देख्या कने तिस पर हमला करी दित्या। तिनें तिसरा सब किछ लई लया कने तिसो लगभग मरने तकौ मारेया कने कुटया। तां सै चली गे।” ![](https://cdn.door43.org/obs/jpg/360px/obs-en-27-06.jpg) “तिसते बाद, इक यहूदी याजक तिसा सड़का चीयें चली ने जाये रां था। तिने याजके तिस माहणुये जो सड़का पर पई रा देख्या। तजे तिने दिख्या तां सै सड़का रे दुज्जिया खा ते चली कने अग्गे बधी गया। तिने तिस माहणुये जो पूरे तरीके ने अणदेखा करी दित्या।” ![](https://cdn.door43.org/obs/jpg/360px/obs-en-27-07.jpg) “इसते बाद थोड़ा बगत बीतणे पर, इक लेवी तिस सड़का चीयें आया। (लेवी यहूदियां रा इक गोत्र था तिनें जे मंदरा च याजकां री मद्द कित्ती थी।) सै लेवी बी सड़का रे दुज्जे खा ते निकली गया। तिने बी तिस माहणुये जो अणदेखा करी दित्या।” ![](https://cdn.door43.org/obs/jpg/360px/obs-en-27-08.jpg) “अगला माहणु तिस सड़का पर आया सै सामरिया रा इक माहणु था। (सामरी कने यहूदी इकी दुज्जे ते नफरत करां थे।) तिने सामरिये सड़का पर तिस माहणुये जो देख्या। तिने देख्या भई सै इक यहूदी था, पर फेरी बीं तिसो तिस पर बोहत दया आई। इस खातर सै तिस ला जो गया कने तिसरे जख्मा पर पट्टियाँ बन्नियाँ।” ![](https://cdn.door43.org/obs/jpg/360px/obs-en-27-09.jpg) “फेरी तिस सामरिये तिस माहणुये जो अपणे गधे पर रखी कने तिसो सड़का ते इकी सरांयी चौ लई गया। तेथी तिने तिसरी देखभाल करने रा प्रबन्ध कित्या।” ![](https://cdn.door43.org/obs/jpg/360px/obs-en-27-10.jpg) “अगले दिन, तिस सामरिये जो अपणी यात्रा जो जारी रखणे री जरुरत थी। तिने तिस सरांई रे संभाल करने औले इकी माहणुये जो किछ पैसे दित्ते। तिने तिसने बोल्या, “इस माहणुये री देखभाल करयां। जे इनां पैसेयां ते अलावा तेरा किछ होर पैसा खर्च हो तां बापस औणे पर मांह तेरे तिस पैसे रा भुगतान करी देणा।” ![](https://cdn.door43.org/obs/jpg/360px/obs-en-27-11.jpg) लूका अध्याय 10:25-37 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_27_128kbps.mp3 ## 28. धनी जवान शासक https://openbiblestories.org/l/kfs/story-28/ ![](https://cdn.door43.org/obs/jpg/360px/obs-en-28-01.jpg) इक दिन, इक धनी जवान शासके यीशुये ले आई ने तिसते पुछया, “हे उत्तम गुरु, अनन्त जीवन पाणे खातर मिंजो क्या करना चाहिंदा?” यीशुये तिसने बोल्या, “तू मिंज्जो ‘उत्तम’ कैं बोलां? सिर्फ इक ई उत्तम आ कने सै परमेशर आ। पर जे तू अनन्त जीवन पाणा चाहवां तां परमेशरा री व्यवस्था रा पालन कर।” ![](https://cdn.door43.org/obs/jpg/360px/obs-en-28-02.jpg) “मिंज्जो कुण कुण झे हुक्मा रा पालन करने ती जरुरत ई?” तिने पूछया। यीशुये जवाब दित्या, “हत्या नीं करना। व्यभिचार नीं करना। चोरी नीं करनी। झूठ नीं बोलणा। अपणे पिता कने माता रा आदर करना कने अपणे पड़ोसिये ने अप्पुं साई प्रेम करना।” ![](https://cdn.door43.org/obs/jpg/360px/obs-en-28-03.jpg) पर तिस जवान माहणुये बोल्या, “ हऊँ अपणिया छोटिया उम्रा ते ई इनां सबीं हुक्मां रा पालन करदा आई रा। मिंज्जो सदा खातर जीऊंदे रेहणे खातर होर बी क्या करने री जरुरत ई?” यीशुये तिस खा जो देख्या कने तिसने प्रेम कित्या। ![](https://cdn.door43.org/obs/jpg/360px/obs-en-28-04.jpg) यीशुये जवाब दित्या, “जे तू सिध्द हुणा चाहवां तां जाईने अपणा सब किछ बेची दे कने सै पैसा गरीबां च बंड्डी दे कने तिज्जो स्वर्गा च धन मिलणा। तां आई ने मेरे पीछे आई जा।” ![](https://cdn.door43.org/obs/jpg/360px/obs-en-28-05.jpg) तजे तिनें जवान माहणुये सुणेया भई प्रभु यीशुये तिस्सो क्या जवाब दित्या, तां सै जवान बोहत उदास हुई गया, कांह्भई सै बोहत धनी था कने सै अपणी सारी धन दौलत नीं देणा चाहंदा था। सै मुड़ी ने यीशुये ला ते चली गया। ![](https://cdn.door43.org/obs/jpg/360px/obs-en-28-06.jpg) तां यीशुये अपणे चेलेयां ने गलाया, “परमेशरा रे राज्य चौ जाणा धनी लोकां खातर बोहत कठण आ! हाँ, किसी धनी माहणुये रा परमेशरा रे राज्य चौ जाणे ते तां किसी ऊँटा रा सूईया रे नक्के चीयें हुई ने निकली ने जाणा असान आ।” ![](https://cdn.door43.org/obs/jpg/360px/obs-en-28-07.jpg) जो किछ यीशुये गलाया तजे चेलेयां सुणया ता सै बोहत रैहान हुये। तिनें बोल्या, “जे येढ़ा आ तां परमेशर किसो बचांगा?” ![](https://cdn.door43.org/obs/jpg/360px/obs-en-28-08.jpg) यीशुये चेलेयां पर दृष्टि कित्ती कने बोल्या, “लोकां खातर अप्पुं अपणा उध्दार करना तां असम्भव आ। पर परमेशरा खातर किछ बी करना असम्भव नीं आ।” ![](https://cdn.door43.org/obs/jpg/360px/obs-en-28-09.jpg) पतरसे यीशुये ने बोल्या, अहें सारे चेले अपणा सब किछ छड्डी कने तेरे पीछे आई गरे। तां अहां जो क्या इनाम मिलणा?” ![](https://cdn.door43.org/obs/jpg/360px/obs-en-28-10.jpg) मत्ती अध्याय 19:16-30; मरकुस 10:17-31; लूका 18:18-30 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_28_128kbps.mp3 ## 29. निर्दई दासा री कहाणी https://openbiblestories.org/l/kfs/story-29/ ![](https://cdn.door43.org/obs/jpg/360px/obs-en-29-01.jpg) इक दिन, पतरसे यीशुये ते पूछया, हे स्वामी, मिंज्जो अपणे भाईये जो कितनी बार माफ करना चाहिंदा तजे सै मेरे बरोधा च पाप करो? क्या सात्त बार तकौ?” यीशुये बोल्या, “सात्त बार नीं, पर सात्त रे सत्तर बार माफ कर!” इसरे जरिये यीशु ये दसणा चाहवां आ भई अहां जो सदा माफ करना चाहिंदा। तां यीशुये ये कहाणी दस्सी। ![](https://cdn.door43.org/obs/jpg/360px/obs-en-29-02.jpg) प्रभु यीशुये बोल्या, “परमेशरा रा राज्य इकी राजे साई आ सै जे अपणे दासा ते लेखा लेणा चाहवां था। तिसरा इक दास 200000 रपईये रे मजदूरिया रे पैसेयां रे इक बड्डे करजे रा करजदार था।” ![](https://cdn.door43.org/obs/jpg/360px/obs-en-29-03.jpg) पर सै दास अपणा करजा नीं दई पाया, इस खातर राजे बोल्या, “इसरा करज चुकाणे खातर इस माहणुये जो कने इसरे टबरा औलेयां जौ दासां रे तौरा च बेची दो।” ![](https://cdn.door43.org/obs/jpg/360px/obs-en-29-04.jpg) “तिने दासे राजे रे सामणे अपणे गोडेयां टेकी ने बोल्या, ‘मेहरबानी ने मेरे सौगी धीरजा ने काम्म लै, कने मांह अपणे करजा रिया पूरिया रकमा रा भुगतान करी देणा।’ राजे तिस दासा पर दया कित्ती। इस खातर तिने तिसरे सारे करजा जो माफ करी दित्या कने तिसो जाणे दित्या।” ![](https://cdn.door43.org/obs/jpg/360px/obs-en-29-05.jpg) “पर तजे सै दास राजे ला जो बाहर गया, तां तिसो तिसरा इक साथी दास मिलय सै जे सिर्फ चार महीनेयां रिया मजदूरिया बराबर करजदार था। तिने दासे अपणे साथी दासा जो पकड़ी लया कने गलाया, ‘सै जे मेरे उपर करज आ मिंज्जो तिसरा भुगतान कर!” ![](https://cdn.door43.org/obs/jpg/360px/obs-en-29-06.jpg) “तिने साथी दासे गोडेयां रे भार पई ने बोल्या, ‘मेहरबानी ने मेरे सौगी धीरजा ने काम्म लै, कने मांह अपणे करजा रे पूरे पैसेयां रा भुगतान करी देणा।’ पर इसरे बजाये, तिने दासे अपणे साथी दासा जो जेलखाने च पाई दित्या तदुआं तकौ जे भई सै तिस करजा रा भुगतान नीं करी दो।” ![](https://cdn.door43.org/obs/jpg/360px/obs-en-29-07.jpg) “जो किछ हुआ था ये गल्ल किछ होरीं दासें बी देखी कने सै बोहत परेशान हुये। सै राजे ला जो गये कने तिसो सब किछ दस्सया।” ![](https://cdn.door43.org/obs/jpg/360px/obs-en-29-08.jpg) “राजे तिस दासा जो सद्दी कने बोल्या, ‘हे दुष्ट दास! मैं तेरे करजा जो इस खातर माफ कित्या था कांभई तैं मेरने विनती कित्ती थी। तां तिजो बी तेढ़ा ई करना चाहिंदा था।’ राजा इतने गुस्से था भई तिने तिस दुष्ट दासा जो जेलखाने च पाई दित्या तदुआं तकौ जे भई सै अपणे सारे करजा रा भुगतान नीं करी दो।” ![](https://cdn.door43.org/obs/jpg/360px/obs-en-29-09.jpg) मत्ती अध्याय 18:21-35 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_29_128kbps.mp3 ## 30. यीशुये रा पांज्ज हजार लोकां जो रोटी खुआणा https://openbiblestories.org/l/kfs/story-30/ ![](https://cdn.door43.org/obs/jpg/360px/obs-en-30-01.jpg) यीशुये अपणे प्रेरितां जो प्रचार करने कने लोकां जो शिक्षा देणे खातर बोहत सारे लग-लग गावाँ च भेज्या। तजे सै तेथी ते बापस प्रभु यीशुये ला जो आये तां तिनें दस्सया भई तिनें क्या कित्या था। तां यीशु तिनां जो किछ बगता खातर आराम करने खातर गलाया, कने झीला रिया दुज्जिया तरफा जो तिनां सौगी इक शान्त जगहा पर जाईने किछ बगता तकौ अराम करने खातर लई चलया। इस खातर सै किस्तिया पर चढ़ी गये कने झीला रे दुज्जे पासे चली गये। ![](https://cdn.door43.org/obs/jpg/360px/obs-en-30-02.jpg) पर तेथी मते सारे येढ़े लोक थे तिनें जे यीशुये कने चेलेयां जो किस्तिया च जांदे देख्या था। ये लोक तिनां ते अग्गे झीला रे दुज्जिया खा जाणे खातर झीला रे कनारे चीयें तजिया ने गये। इस खातर तजे यीशु कने चेले पुज्जे तां लोकां रा इक बड्डा झुंड तिनां जो तेथी पैहले ई पुज्जी कने तेथी नह्यालणे लगीरे थे। ![](https://cdn.door43.org/obs/jpg/360px/obs-en-30-03.jpg) तिसा भीड़ा च जनानां कने बच्चेयां ते बगैर सिर्फ 5000 जे जादा माहणु ई थे। यीशुये जो तिनां लोकां पर बोहत तरस आया। यीशुये खातर सै लोक बिना चरवाहे रियां भेड्डां साई थे। इस खातर तिनें तिनां जो शिक्षा दित्ती कने तिनां रे बीच्च सै जे लोक बमार थे तिनां जो चंगा कित्या। ![](https://cdn.door43.org/obs/jpg/360px/obs-en-30-04.jpg) दिनां रे आखर च, चेलेयां यीशुये ने बोल्या, “हुण देर हुई गरी कने नेड़े तेड़े बी कोई नगर नीं आ। इनां लोकां जो जाणे दे भई सै जाई ने खाणे खातर किछ खरीदी लो।” ![](https://cdn.door43.org/obs/jpg/360px/obs-en-30-05.jpg) पर यीशुये चेलेयां ने बोल्या, “तुहें ई तिनां जो खाणे खातर किछ देओ!” तिनें जवाब दित्या, “अहें येढ़ा कियां करी सकां ये?” अहां ले सिर्फ पांज्ज रोटियां कने दो मछियाँ इयां।” ![](https://cdn.door43.org/obs/jpg/360px/obs-en-30-06.jpg) यीशुये अपणेयां चेलेयां ने गलाया बई सै भीड़ा रे लोकां जो घा पर इकी लेणी च पंजाह लोकां जो बेठणे खातर बोलो। ![](https://cdn.door43.org/obs/jpg/360px/obs-en-30-07.jpg) तां यीशुये पांज्ज रोटियां कने दो मछियाँ जो लईने स्वर्गा खो देख्या कने तिसा रोटिया खातर परमेशरा रा धन्यवाद कित्या। ![](https://cdn.door43.org/obs/jpg/360px/obs-en-30-08.jpg) फेरी यीशुये रोटी कने मछियां जो टुकड़ेयां च तोड़ेया। तिनें लोकां जो देणे खातर अपणे चेलेयां जो सै टुकड़े दई ते। चेले तिसा रोटिया जो बँडदे रहे कने सै कदी बी खत्म नीं हुआ! सै सब लोक खाई ने रज्जी गये। ![](https://cdn.door43.org/obs/jpg/360px/obs-en-30-09.jpg) मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_30_128kbps.mp3 ## 31. यीशुये रा पाणिये पर चलणा https://openbiblestories.org/l/kfs/story-31/ ![](https://cdn.door43.org/obs/jpg/360px/obs-en-31-01.jpg) पांज्ज हजार लोकां जो रोटी खुआणे ते बाद, यीशुये अपणे चेलेयां जो किस्तिया पर जाणे खातर गलाया। तिने तिनां जो झीला रिया दुज्जिया खा जाणे खातर गलाया पर अप्पुं किछ बगता खातर ओथी ई रैया। इस खातर चेले चली गे कने यीशु भीड़ा जो विदा कित्या भई सै अपणे घरा जो चली जाओ। इसते बाद, यीशु प्राथना करने खातर इकी पहाड़ा पर चली गया। तेथी सै कल्ला था, कने तिने बोहत देर राती तकौ प्राथना कित्ती। ![](https://cdn.door43.org/obs/jpg/360px/obs-en-31-02.jpg) तिस बगत, चेले अपणिया किस्तिया जो चलांदे जाये रां थे, पर हवा तिनांरे बरोधा च जोरा ने बगे रां थी। बोहत रात हुणे पर बी सै सिर्फ झीला रे बीच ई पुज्जे थे। ![](https://cdn.door43.org/obs/jpg/360px/obs-en-31-03.jpg) तिस बगत यीशुये प्राथना करना खत्म कित्ती कने अपणे चेलेयां लौ बापस जाणे शुरु कित्या। सै किस्तिया खा जो जाणे खातर पाणिये पर चलणे लगया। ![](https://cdn.door43.org/obs/jpg/360px/obs-en-31-04.jpg) ता चेलयां तिसो देख्या। सै बोहत डरी गये कांह्भई तिनें सोच्या था भई ये कोई भूत आ। यीशु जाणां था भई सै डरी गे थे, इस खातर तिने तिनां जो हाक्क पाई ने बोल्या, “मता डरदे, ये हऊँ आ!” ![](https://cdn.door43.org/obs/jpg/360px/obs-en-31-05.jpg) तां पतरसे यीशुये ने बोल्या, “हे प्रभु, जे ये तू आ तां मिंज्जो पाणिये पर चली कने तेरे ला जो औणे रा हुक्म दे।” यीशुये पतरसा ने बोल्या, “औ!” ![](https://cdn.door43.org/obs/jpg/360px/obs-en-31-06.jpg) इस खातर पतरस किस्तिया ते उतरी गया कने यीशुये ला जो जाणे खातर पाणिये पर चलणा शुरु कित्या। पर थोड़ी दूर जाई ने, तिने अपणियां नजरां यीशुये ते हटाई ने लैहरां जो देखणा शुरु कित्या कने तिसो हवा ते तेज हुणे रा बी पता लगणे लदी गया। ![](https://cdn.door43.org/obs/jpg/360px/obs-en-31-07.jpg) तां पतरस डरी गया कने पाणिये च डूबणे लगया। सै रड़ाया, “हे प्रभु, मिंज्जो बचा!” यीशुये तिस ई बगत हात्थ बधाया कने तिसो पकड़ी लया। तां पतरसे गलाय, “तेरा विस्वास बोहत घट आ! तिजो बजाई ने रखणे खातर तैं मेरे पर भरोसा कां नीं कित्या?” ![](https://cdn.door43.org/obs/jpg/360px/obs-en-31-08.jpg) मत्ती अध्याय 14:22-33; मरकुस 6:45-52; यूहन्ना 6:16-21 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_31_128kbps.mp3 ## 32. प्रभु यीशुये रा इक दुष्टात्मा रे पकड़ी रे कने इकी बमार जनाना जो ठीक करना https://openbiblestories.org/l/kfs/story-32/ ![](https://cdn.door43.org/obs/jpg/360px/obs-en-32-01.jpg) यीशु कने तिसरे चेले अपणिया किस्तिया च तिस लाके जो गये तेथी जे गिरासेनी लोक रहवां थे। सै तिस लाके च पुज्जी कने किस्तिया ते उतरी गये। ![](https://cdn.door43.org/obs/jpg/360px/obs-en-32-02.jpg) तेथी इक माहणु दुष्टात्मा रा पकड़ी रा था। ![](https://cdn.door43.org/obs/jpg/360px/obs-en-32-03.jpg) सै माहणु इतना ताकता औला था भई कोई बी तिस्सो बसा च नीं करी सकदा था। कई बार लोकें तिसरे हत्था पैरां जो जंजीरां ने बन्नेया। पर सै तिनां जो तोड़ी देआं था। ![](https://cdn.door43.org/obs/jpg/360px/obs-en-32-04.jpg) सै माहणु तिस लाके च कब्रां च रहवां था। ये माहणु पूरे दिन कने पूरी रात रड़ांदा रहवां था। सै कपड़े नीं पैहनदा था कने अक्सर अप्पुं जो पत्थरां ने घायल करदा रहवां था। ![](https://cdn.door43.org/obs/jpg/360px/obs-en-32-05.jpg) सै माहणु दौड़ी कने यीशुये ला जो आया कने तिसरे सामणे गोडे टेकी दित्ते। तां यीशुये तिस माहणु रे अन्दर बैठी री दुष्टात्मा ने गल्ल बात कित्ती कने गलाया, “इन माहणुये च ते बाहर निकली जा!” ![](https://cdn.door43.org/obs/jpg/360px/obs-en-32-06.jpg) सै दुष्टात्मा ऊच्चिया आवाजा च रड़ाई, “हे यीशु, परम प्रधान परमेशरा रे पुत्र, तिज्जो मेरने क्या काम्म? मेहरबानी करी ने मिंज्जो परेशान मत करदा!” तां यीशुये तिसा दुष्टात्मा ते पुछया, “तेरा नौं क्या?” तिसे जवाब दित्या, “मेरा नौं सेना आ, कांह्भई अहें बोहत ये।” (रोमी सेना च कई हजार सैनिकां रा इक झुण्ड “सेना” हुआं थी।) ![](https://cdn.door43.org/obs/jpg/360px/obs-en-32-07.jpg) तिनें दुष्टात्मायें यीशुये ने विनती कित्ती, “मेहरबानी करीने अहां जो इस लाके ते बाहर मत भेजदा!” तेथी नेड़े पहाड़ा पर सूराँ रा इक झुंड चरे रां था। इस खातर तिनें दुष्टात्मायें यीशुये ने विनती कित्ती, “मेहरबानी करी ने अहां जो तिनां सूराँ च भेज्जी दे!” यीशुये बोल्या, “ठीक आ, तिनां च चली जावा!” ![](https://cdn.door43.org/obs/jpg/360px/obs-en-32-08.jpg) इस खातर सै दुष्टात्मां तिस माहणुये च ते निकली ने तिनां सूराँ च चली गियां। सै सूर दौड़े कने इक बड्डिया टिह्गा परा ते झीला रे पाणिये च पई गे कने डूब्बी ने मरीगे। तिस झुंडा च लगभग 2000 सूर थे। ![](https://cdn.door43.org/obs/jpg/360px/obs-en-32-09.jpg) तेथी सूराँ री देखरेख करने औले लोक थे। जो किछ हुआ था तजे तिनें देख्या तां सै नगरा चौ नह्ठी गये। यीशुये जो किछ कित्या था तेथी तिनें सबीं लोकां जो दस्सया। तिस नगरा रे लोक निकली आये कने तिस माहणुये जो देख्या, तिसच जे दुष्टात्मावां थियां। सै शान्त हुई ने, कपड़े पैहनी ने, इकी आम माहणुये साई गल्ल बात करदा बैट्ठी रा था। ![](https://cdn.door43.org/obs/jpg/360px/obs-en-32-10.jpg) सै लोक डरी रे थे कने तिनें यीशुये जो तेथी ते चली जाणे जो गलाया। इस खातर यीशु किस्तिया पर चढ़ी गया। सै माहणु तिसच जे दुष्टात्मावां थियां तिनें यीशुये सौगी जाणे री विनती कित्ती। ![](https://cdn.door43.org/obs/jpg/360px/obs-en-32-11.jpg) पर यीशुये तिसने बोल्या, “नईं। हऊं चाहवां भई तू घरें जाई कने सबीं जो दस्सो भई परमेशरे तेरे खातर क्या कित्तिरा। तिनां जो दस्स भई कियां परमेशरे तू पर दया कित्ती थी।” ![](https://cdn.door43.org/obs/jpg/360px/obs-en-32-12.jpg) इस खातर सै माहणु चली गया कने सबीं जो इस बारे च दस्सया जो किछ यीशुये तिस खातर कित्या था। तिसरी कहाणिया जो सुणने औलास हर इक माहणु रैहान हुआ था। ![](https://cdn.door43.org/obs/jpg/360px/obs-en-32-13.jpg) यीशु झीला रिया दुज्जिया तरफा बापस आया। तिने तेथी पुज्जणे ते बाद, इक बड्डी भीड़ तिस अखा बखा कट्ठी हुई कने तिसो घरी लया। तिसा भीड़ा च इक जनाना थी सै जे बारहां सालां ते लहू बैहणे रिया बमारिया ते बमार थी। तिसे अपणा सारा पैसा वैदां जो दई तरा था भई सै तिसा जो ठीक करी दो, पर तिसारी बमारी होर बी बिगड़ी गी थी। ![](https://cdn.door43.org/obs/jpg/360px/obs-en-32-14.jpg) तिसे सुणया था भई यीशुये कईयां बमार लोकां जो ठीक कित्या था कने तिसे सोच्या, मिंज्जो पक्का विस्वास आ भई जे हऊँ सिर्फ यीशुये रे कपड़ेयां जो छूई लेंगी, तां मांह ठीक हुई जाणा!” इस खातर सै यीशुये रे पीछे खा आई कने तिसरे कपड़े जो छुया। तियां जे तिसे सै छुये, तिसारा लहू बगणा बंद हुई गया। ![](https://cdn.door43.org/obs/jpg/360px/obs-en-32-15.jpg) ताहलूं ई, यीशुये जाणी लया भई मेरते सामर्थ निकली री। इस खातर तिने पीछे मुड़ी कने पुछया, “मिंजो किने छुया?” चेलेयां जवाब दित्या, “येथी इतने सारे लोक तेरे चऊं पासेयां तिज्जो घेरी ने खड़ी रे कने तिज्जो छुणे री कोसत करे रां ये। तां तैं कैं पूछया भई मिंजो किने छुयी रा?” ![](https://cdn.door43.org/obs/jpg/360px/obs-en-32-16.jpg) मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_32_128kbps.mp3 ## 33. इकी करसाणा री कहाणी https://openbiblestories.org/l/kfs/story-33/ ![](https://cdn.door43.org/obs/jpg/360px/obs-en-33-01.jpg) इक दिन, यीशु झीला रे कनारे रे नेड़े था। सै लोकां जो इक बोहत बड्डी भीड़ा जो शिक्षा दे रां था। तिसो सुणने खातर इतने सारे लोक आये भई यीशुये ले तिनां सबीं ने गल्लां करने खातर जगहा नीं बची। इस खातर सै पाणिये च खड़ी रिया इकी किस्तिया पर चढ़ी गया। तेथी सै बैठी गया कने लोकां जो शिक्षा दित्ती। ![](https://cdn.door43.org/obs/jpg/360px/obs-en-33-02.jpg) यीशुये तिनां जो ये कहाणी सुणाई, “इक किसान बीऊ बाहणे खातर खेतां जो चलया। तजे सै हत्थां ते बीऊआं जो बखेरे रां था तां किछ बीऊ रस्ते रे कंडे पये। पर पंछियें आई ने तिनां सबीं बीऊआं जो खाई लया।” ![](https://cdn.door43.org/obs/jpg/360px/obs-en-33-03.jpg) “किछ बीऊ पथरीली धरतिया पर पये तेथी जे बोहत घट्ट मिट्टी थी। पथरीली धरतिया पर पईरे बीऊआं जो बोहत छोड़े ई लूंगाँ निकली गी आं, पर तिनां रियां जड़ां धरतिया च गेहराईया च जाई नीं सकदियां थियां। तजे सूरज निकलया कने गर्मी हुई तां सै पौधे मुरझाई गे कने खत्म हुई गये।” ![](https://cdn.door43.org/obs/jpg/360px/obs-en-33-04.jpg) “किछ बीऊ झाड़ियाँ रे बीच्च पये। तिनें बीऊयें बधणे लगे, पर कण्डेआं तिनां जो दबाई दित्या। इस खातर कण्डेआं औलिया मिट्टिया पर पईरे बीऊआं च ते निकली रे पौधे किछ बी अनाज पैदा नीं करी सके।” ![](https://cdn.door43.org/obs/jpg/360px/obs-en-33-05.jpg) “किछ बीऊ खरिया मिट्टिया च पये। सै बीऊ बधे कने तितने जे बाईरे थे तिसते 30,60 कने येथी तकौ भई 100 गुणा अनाज पैदा कित्या। जो कोई परमेशरा रे पीछे चलणा चाहवां, सै इसा मेरिया गलाई रियां इनां गल्ला जो ध्यान दई ने सुणो!” ![](https://cdn.door43.org/obs/jpg/360px/obs-en-33-06.jpg) इसा कहाणिया ते चेले परेशानिया च पई गे। इस खातर यीशुये व्याख्या कित्ती, “सै बीज परमेशरा रा वचन आ। सै रस्ता इक येढ़ा माहणु आ सै जे परमेशरा रे वचनां जो सुणां, पर तिस्सो समझदा नीं आ। तां शैतान तिस ला ते वचनां जो चोरी ने लई जां। मतलब शैतान तिसो वचनां जो समझणे नीं देंदा।” ![](https://cdn.door43.org/obs/jpg/360px/obs-en-33-07.jpg) “सै पथरीली मिट्टी सै माहणु आ सै जे परमेशरा रे वचनां जो सुणा कने खुशिया ने सौगी वचनां जो मन्नी बी लां। पर तजे मुस्कला रा बगत आवां, या तजे होर लोक तिस्सो सतावांये, तां सै परमेशरा ते दूर चली जां। मतलब सै परमेशरा पर भरोसा करना बंद करी देआं।” ![](https://cdn.door43.org/obs/jpg/360px/obs-en-33-08.jpg) “सै कण्डेयां औली मिट्टी येढ़ा माहणु आ सै जे परमेशरा रे वचनां जो सुणां। पर सै मतियां सारियां गल्लां रे बारे च चिन्ता करने शुरु करी देआं, कने सै बोहत पैसा कमाणे री कोसत करां कने कईयां चीजां जो कट्ठा करने री कोसत करां। किछ बगता ते बाद, हुण सै परमेशरा जो प्रेम करने जोगा नीं मेहसूस करदा। इस खातर जो किछ तिने परमेशरा रे वचनां ते सीखया था सै तिस रिया तरफा ते परमेशरा जो खुश करने जोगा नीं बणांदा। सै बगैर सिल्लुआं औलिया कणका साई आ तिसते जे कोई अनाज पैदा नीं हुंदा।” ![](https://cdn.door43.org/obs/jpg/360px/obs-en-33-09.jpg) मत्ती अध्याय 13:1-8, 18-23; मरकुस 4:1-8, 13-20; लूका 8:4-15 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_33_128kbps.mp3 ## 34. यीशु होरीं कहाणियां रे जरिये शिक्षा देआं https://openbiblestories.org/l/kfs/story-34/ ![](https://cdn.door43.org/obs/jpg/360px/obs-en-34-01.jpg) यीशुये परमेशरा रे राज्य रे बारे च होर बी मती सारी कहाणियां सुणाईयां। उदाहरणा खातर, तिने बोल्या, “परमेशरा रा राज्य इक राईया रे बीजा साई आ तिसो जे किन्हिये अपणे खेता च बाहया। तुहें जाणांये भई राईया रा बीज सारे बीजां च ते सबते छोटा हुआं आ।” ![](https://cdn.door43.org/obs/jpg/360px/obs-en-34-02.jpg) “पर तजे राईया रा बीज बधी जां तां सै बगीचे रे सारे डालां च सबते बड्डा हुई जां, इतना बड्डा भई पंछी आई ने तिस रियां डालियां पर अराम करां ये।” ![](https://cdn.door43.org/obs/jpg/360px/obs-en-34-03.jpg) यीशुये इक होर कहाणी दस्सी, “परमेशरा रा राज्य खमीरा रे साई आ तिसो लई कने इक जनाना आटे रे पेड़े च मलाई देआं ई तां सै सारा पेड़ा फेली जावां आ।” ![](https://cdn.door43.org/obs/jpg/360px/obs-en-34-04.jpg) “स्वर्गा रा राज्य तिस खजाने साई आ तिसो जे किन्हिये खेता च लकोई दित्या। कने किसी होरी माहणुये जो सै खजाना मिली गया कने तिसो तिसरे मिलणे री बोहत इच्छा थी। इस खातर तिनें तिसो फेरी ते गड्डी दित्या। सै खुशिया ने इतना भरीरा था भई तिनें जाई ने अपणा सब किछ बेची दित्या भई सै तिस खेता जो खरीदी सको तेथी जे सै खजाना था।” ![](https://cdn.door43.org/obs/jpg/360px/obs-en-34-05.jpg) “स्वर्गा रा राज्य इक बोहत कीमती शुध्द मोतिये साई बी आ। तजे किसी मोतियां रे व्यापारिये जो तिसरे मिलणे री टोह लगी जांई तां सै तिसो खरीदणे खातर अपणा सब किछ बेची देआं।” ![](https://cdn.door43.org/obs/jpg/360px/obs-en-34-06.jpg) तेथी किछ लोक थे सै जे सोचां थे भई परमेशरे तिनां जो इक खातर स्वीकार कित्तिरा कांह्भई सै भले काम्म करे रांये। ये लोक येढ़े लोकां जो बेकार समझां थे सै जे तिनां भले कम्मां जो नीं करदे थे। इस खातर यीशुये तिनां जो ये कहाणी दस्सी: “दो माहणु थे कने दोनों ई प्राथना करने खातर मंदरा चौ गये। तिनां च ते इक चुंगी लेणे औला था कने दुज्जा इक धार्मिक अगुआ था।” ![](https://cdn.door43.org/obs/jpg/360px/obs-en-34-07.jpg) “तिने धार्मिक अगुए इस तरीके ने प्राथना कित्ती, ‘हे परमेशर, तेरा धन्यवाद हो भई होरीं माहणुआं साई नीं आ – तियां जे डाकू, अन्यायी माहणु, व्यभिचारी या येथी तकौ भई येथी हाजर तिस चुंगी लेणे औले साई इक पापी नीं आ।’” ![](https://cdn.door43.org/obs/jpg/360px/obs-en-34-08.jpg) “उदाहरणा खातर, हऊँ हफ्ते च दो बार बरत रखां कने हऊँ मिंज्जो मिलणे औले पैसेयां कने समाना च ते दसवाँ हिस्सा तिज्जो देआं।” ![](https://cdn.door43.org/obs/jpg/360px/obs-en-34-09.jpg) “पर सै चुंगी लेणे औला तिस धार्मिक अगुए ते बोहत दूर खड़ी गया। तिने अपणा मूँह स्वर्गा खा जो नीं कित्या पर आक्खीं चकी ने नीं देख्या। इतरे बजाये, तिनें अपणी मुट्ठ बट्टी कने अपणी छातिया जो मारने कने प्राथना करने लगया, ‘हे परमेशर, किरपा करीने मेरे पर दया कर कांह्भई हऊँ इक पापी आ।’” ![](https://cdn.door43.org/obs/jpg/360px/obs-en-34-10.jpg) मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_34_128kbps.mp3 ## 35. दयालू पिते री कहाणी https://openbiblestories.org/l/kfs/story-35/ ![](https://cdn.door43.org/obs/jpg/360px/obs-en-35-01.jpg) इक दिन, यीशु मते सारे लोकां जो शिक्षा दे रां था सै जे तिसरी सुणने खातर कट्ठा हुईरे थे। ये लोक चुंगी लेणे औले कने होर मते लोक बी थे तिनें जे मूसा री व्यवस्था रा पालन करने री कोसत नीं कित्ती थी। ![](https://cdn.door43.org/obs/jpg/360px/obs-en-35-02.jpg) किछ धार्मिक अगुवेयां जो देक्खया भई यीशु इनां लोकां ने इक मित्रा साई गल्लां करे रां था। इस खातर तिनें इकी दुज्जे ने बोलणा शुरु करी दित्या भई सै गलत करे रां था। यीशुये तिनां जो गल्लां करदे सुणया, इस खातर तिने तिनां जो ये कहाणी सुणाई। ![](https://cdn.door43.org/obs/jpg/360px/obs-en-35-03.jpg) “इक माहणु था तिसरे दो पुत्र थे। छोटे पुत्रे अपणे पिते ने बोल्या, ‘हे पिता, मिंज्जो हुण ई मेरा हिस्सा चाहिंदा!’ इस खातर पिते अपणे दुईं पुत्रां रे बीच्च अपणी सम्पतिया बंडवारा करी दित्या।” ![](https://cdn.door43.org/obs/jpg/360px/obs-en-35-04.jpg) “छोड़े ई तिसरे छोटे पुत्रे अपणा सब किछ कट्ठा कित्या कने दुज्जे देशा जो चली गया कने पापियां साई जीवन जीणे च अपणा सारा धन बर्बाद करी दित्या।” ![](https://cdn.door43.org/obs/jpg/360px/obs-en-35-05.jpg) “इसते बाद, तेथी जे तिसरा छोटा पुत्र था तिस देशा च इक भयंकर अकाल पया कने तिसले रोटी खरीदी ने खाणे खातर पैसे नीं थे। इस खातर तिसो सै जे काम्म मिलया सै सूअरां जो चराणे रा था। सै इतना दुखी कने भुखा था भई सै सूअरां रा खाणा खाई लेणा चाहवां था।” ![](https://cdn.door43.org/obs/jpg/360px/obs-en-35-06.jpg) “आखर कार, तिने छोटे पुत्रे अप्पुं ने गलाया, ‘हऊँ क्या करे रां? मेरे पिते रे सब सेवकां ले खाणे खातर बोहत चीज़ां ईयां, फेरी भीं हऊँ येथी भूखा मरे रां आ। मांह अपणे पिते ला जो बापस जाणा कने अपणे पिते रा इक सेवक बणने खातर तिसने बिनती करगा।’” ![](https://cdn.door43.org/obs/jpg/360px/obs-en-35-07.jpg) “इस खातर तिने छोटे पुत्रे बापस आई ने अपणे पिते रे घरा खातर चलणा शुरु कित्या। अजें सै दूर ई था, तिसरे पित्ए तिसो देख्या कने तिस पर बोहत दया आई। सै दौड़ी कने अपणे पुत्रा ला जो आया कने तिसो गला लाई ने पुक्के लये।” ![](https://cdn.door43.org/obs/jpg/360px/obs-en-35-08.jpg) “तिने पुत्रे बोल्या, ‘हे पिता, मैं परमेशरा रे कने तेरे बरोधा च पाप कित्तिरा। हऊँ तेरा पुत्र बी कैहलाणे जोगा नीं आ।’” ![](https://cdn.door43.org/obs/jpg/360px/obs-en-35-09.jpg) “पर पिते अपणे इकी सेवका ने बोल्या, ‘छोड़े ई जाई कने सबते खरे कपड़े लई ने आओ कने मेरे पुत्रा जो पहनाओ! तिसो हत्था च गुट्ठी कने तिसरे पैरां च जूत्ते पहनाओ। फेरी सबते खरा मोटा ताजा पलीरा जानवर मारा, भई अहें खाईये कने त्योहार मनाओ, कांभई मेरा पुत्र मरी गरा था, पर हुण सै जीऊंदा आ! सै गवाच्छी गरा था, पर हुण अहां जो सै मिली गरा!’” ![](https://cdn.door43.org/obs/jpg/360px/obs-en-35-10.jpg) “इस खातर सारेयां खुशियां मनाणे शुरु कित्तियां। किछ बगत बीतणे पर, बड्डा पुत्र खेतां च काम्म करीने घरा जो आया। तिने संगीत कने नाच गाणे री अवाज सुणी कने रैहान हुआ भई ये क्या हुये रदा हुंगा।” ![](https://cdn.door43.org/obs/jpg/360px/obs-en-35-11.jpg) “तजे बड्डे पुत्रा जो पता लगया भई सै तिसरे छोटे भाईये रे घरा जो औणे रिया खुशिया च खुशियाँ मनाये रां थे, तां सै बोहत गुस्से हुआ कने घरा चौ नीं गया। तिसरे पिते बाहर आई कने तिनां ने सौगी खुशियाँ मनाणे खातर तिसो गलाया, पर तिने मना करी दित्या।” ![](https://cdn.door43.org/obs/jpg/360px/obs-en-35-12.jpg) “तिस बड्डे पुत्रे अपणे पिते ने बोल्या, ‘इतने सारे सालां च मैं तेरे खातर इमानदारिया ने काम्म कित्या! कदी बी तेरिया गल्ला जो नीं टालया, पर तैं कदी मिंज्जो इक छेटी बकरी बी नीं दित्ती भई हऊँ अपणे मित्रां सौगी खुशियाँ मनाई सक्कुं। पर तेरे इने पुत्रे तेरे पैसेयां जो गलत कम्मां च बर्बाद करी दित्या। कने हुण तजे सै आईरा तां तिस खातर त्योहार मनाणे जो तैं सबते खरा पालीरा जानवर मारी दित्या!” ![](https://cdn.door43.org/obs/jpg/360px/obs-en-35-13.jpg) लूका अध्याय 15:11-32 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_35_128kbps.mp3 ## 36. रूपबदलणा https://openbiblestories.org/l/kfs/story-36/ ![](https://cdn.door43.org/obs/jpg/360px/obs-en-36-01.jpg) इक दिन, यीशुये अपणे तीन्नां चेलेयां, पतरस, याकूब कने यूहन्ना जो अप्पुं सौगी लया। (ये यूहन्ना नौं रा चेला सै माहणु नीं आ तिनें जे यीशुये जो बपतिस्मा दित्या था।) सै प्राथना करने खातर इकी उच्चे पहाड़ा पर गये। ![](https://cdn.door43.org/obs/jpg/360px/obs-en-36-02.jpg) तजे यीशु प्राथना करे रां था तां तेसरा मुँह सूरजा साई उज्जवल हुई गया। तिसरे कपड़े बरफा साई चिट्टे हुई गये, तेढ़ा जे कोई घरतिया पर करी सको तिसते बी कई मान चिट्टे। ![](https://cdn.door43.org/obs/jpg/360px/obs-en-36-03.jpg) तां मूसा कने एलिय्याह भविष्यव्दक्ता प्रकट हुये। ये माहणु इस धरतिया पर इस बगता ते कई सौ साल पैहले रैया करां थे। तिनें यीशुये ने तिसरे मरने रे बारे च गल्लां कित्तियां, कांह्भई तिस छोड़े ई यरुशलेमा च मरी जाणा। ![](https://cdn.door43.org/obs/jpg/360px/obs-en-36-04.jpg) तजे मूसा कने एलिय्याह यीशुये ने गल्लां कर रां थे तां पतरसे यीशुये ने गलाया, “अहां खातर येथी रैहणा खरा आ। अहां येथी तीन्न मंडप बनाणे, इक तेरे खातर, इक मूसा खातर कने इक एलिय्याह खातर।” पर पतरस नीं जाणदा था भई सै क्या बोले रां था। ![](https://cdn.door43.org/obs/jpg/360px/obs-en-36-05.jpg) तजे पतरस गाल्ल करे रां था, तां इक चमकदार बादल तेथी आईने तिनां पर छाई गया। फेरी तिनें बदला च ते किसी रे गलाणे जो सुणेया। तिने बोल्या, “ये मेरा पुत्र आ तिसने जे हऊँ प्रेम करां। हऊँ तिसते खुश आ। तिसरी सुणा।” सै तिन्नो चेले डरी गे कने धरतिया पर लेटी गे। ![](https://cdn.door43.org/obs/jpg/360px/obs-en-36-06.jpg) तां यीशुए तिनां जो छुया कने बोल्या, “मता डरदे। उठी जावा।” तजे तिनें चऊं पासेयां देख्या, तां सै जे तेथी था सै सिर्फ यीशु ई था। ![](https://cdn.door43.org/obs/jpg/360px/obs-en-36-07.jpg) मत्ती अध्याय 17:1-9; मरकुस 9:2-8; लूका 9:28-36 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_36_128kbps.mp3 ## 37. प्रभु यीशु लाज़रा जो मरी रेयां च ते जीऊंदा करां https://openbiblestories.org/l/kfs/story-37/ ![](https://cdn.door43.org/obs/jpg/360px/obs-en-37-01.jpg) लाज़र नौं रा इक माहणु था। तिस रियां दो बैहणीं थियां तिनांरे नौं मरियम कने मार्था थे। सै सारे यीशुये रे खरे मित्र थे। इक दिन, किन्हिये यीशुये जो दस्या भई लाज़र बोहत बमार था। तजे यीशुये ये सुणया तां तिने बोल्या, “ये बमारी लाज़र रे मरने ते खत्म नीं हुणी। इतरे बजाये, ये लोकां जो परमेशरा रा आदर करने खातर इक बजहा बणनी।” ![](https://cdn.door43.org/obs/jpg/360px/obs-en-37-02.jpg) यीशु अपणे दोस्तां ने प्रेम करां था, पर तेथी जे सै था तेथी तिने दुईं दिनां तकौ नह्यालया। तिनां दुईं दिनां ते बाद, तिनें अपणे चेलेयां ने गलाया, “आओ, वापस यहूदिया जो चलिये।” चेलेयां जवाब दित्या, “पर हे गुरु, अजें किछ बगत पैहले तेथी रे लोक तिज्जो मारी देणा चाहवां थे!” यीशुये बोल्या, “अहांरा दोस्त लाज़र सई गई रा, कने मांह तिस्सो जगाणा।” ![](https://cdn.door43.org/obs/jpg/360px/obs-en-37-03.jpg) यीशुये रे चेलेयां जवाब दित्या, “हे प्रभु, जे लाज़र सई गई रा, तां तिस ठीक हुई जाणा।” तां यीशुये तिनां ने साफ तौरा ते दस्सी दित्या, “लाज़र मरी गरा। हऊँ आनन्दित आ भई हऊँ तेथी नीं था, इस खातर भई तुहें मेरे पर विस्वास करी सको।” ![](https://cdn.door43.org/obs/jpg/360px/obs-en-37-04.jpg) तजे यीशु लाज़रा रे गावां पुज्जया तां लाज़रा जो मरी रे पैहले ते ई चार दिन हुई गरे थे। मार्था यीशुये ने मिलणे खातर बाहर आई कने बोल्या, “हे प्रभु, जे तू येथी हुंदा तां मेरा भाई नीं मरदा। पर हऊँ विस्वास करां ई भई जो किछ बी तू परमेशरा ते मंगो तिस तिज्जो देणा।” ![](https://cdn.door43.org/obs/jpg/360px/obs-en-37-05.jpg) यीशुये जवाब दित्या, “पुनरुत्थान कने जीवन हऊँ आ। जो कोई मेरे पर विस्वास करां जे सै मरी बी जाओ तां बी तिस जीऊंदे रैहणा। जो कोई मेरे पर विस्वास करां तिस कदी मनी करना। क्या तू इस पर विस्वास करां ई?” मार्थे जवाब दित्या, “हे प्रभु, हऊँ विस्वास करांई भई तू परमेशरा रा पुत्र मसीह आ।” ![](https://cdn.door43.org/obs/jpg/360px/obs-en-37-06.jpg) तां मरियम आई। तिसे यीशुये रे पैरां पर पई कने बोल्या, “हे प्रभु, जे तू येथी हुंदा तां मेरा भई नीं मरदा।” यीशुये तिसाते पुछया, “तुहें लाज़रा जो कित्ती रखी रा?” तिनें तिसो दस्सया, “तिसा कब्रा च। आओ कने देखी ले।” तां यीशु रोणे लगया। ![](https://cdn.door43.org/obs/jpg/360px/obs-en-37-07.jpg) सै कब्र इक गुफा थी तिसरे दरवाजे पर इक पत्थरा जो लुढ़काया गईरा था। तां यीशुय कब्रा पर पुज्जया तां तिने तिनां ने बोल्या, “पत्थरा जो हटाई देओ।” पर मार्थे बोल्या, “तिसो मरीरे अजें चार ई दिन हुई रे। कने तिसते बुरी सड़यान आये रदी हुणी।” ![](https://cdn.door43.org/obs/jpg/360px/obs-en-37-08.jpg) यीशुये जवाब दित्या, “क्या मैं तुहां ने नीं गलाया था भई जे तुहें मेरे पे विस्वास करगे तां परमेशरा रे सामर्था रे कम्मां जो देखगे?” इस खातर तिनें पत्थरा जो हटाई दित्या। ![](https://cdn.door43.org/obs/jpg/360px/obs-en-37-09.jpg) तां यीशुये उपर स्वर्गा खा जो देखी कने बोल्या, “हे पिता, मेरी प्राथना सुणने खातर हऊँ तेरा धन्यवाद करां। हऊँ जाणां भई तू सदा मेरी सुणां, पर मैं ये येथी खड़ी रे इनां लोकां री मद्द करने खातर गलाया तां भई ये विस्वास करो भई तैं मिंज्जो भेज्जी रा।” तां यीशुये अवाज लाई, “हे लाज़र, बाहर निकली कने औ!” ![](https://cdn.door43.org/obs/jpg/360px/obs-en-37-10.jpg) इस खातर लाज़र बाहरा जो निकली आया! सै अजें बी कफणा रे कपड़े च लिपटी रा था। यीशुये तिनां जो बोल्या, “इस कफणा जो कडणे खातर तिसरी मद्द करा कने तिसो अजाद करा।” इसा चमत्कारा रिया वजहा ते बोहत यहूदियें यीशुये पर विस्वास कित्या। ![](https://cdn.door43.org/obs/jpg/360px/obs-en-37-11.jpg) पर यहूदियां रे धार्मिक अगुवे यीशुये ते जलणे लगे, इस खातर सै योजना बनाणे खातर सौगी कट्ठा हुये भई कियां यीशु कने लाज़रा जो मारी दित्या जाओ। यूहन्ना 11:1-46 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_37_128kbps.mp3 ## 38. यीशुये रा पकड़वाया जाणा https://openbiblestories.org/l/kfs/story-38/ ![](https://cdn.door43.org/obs/jpg/360px/obs-en-38-01.jpg) हर साल, यहूदी लोक फसह रा त्योहार मनावां थे। ये इस बारे च इक त्योहार था भई कई सौ साल पैहले परमेशरे तिनां रे पूर्वजां जो मिस्र रिया दासता ते छुड़वाया था। लगभग तीन्न सालां ते बाद यीशुये सब्बीं जो प्रचार करना कने शिक्षा देणा शुरु कित्या। यीशुये अपणे चेलेयां जो दस्सया भई सै तिनां सौगी यरुशलेमा च फसह रे त्योहारा जो मनणा चाहवां, कने ये बी भई तिसो तेथी मारी दित्या जाणा। ![](https://cdn.door43.org/obs/jpg/360px/obs-en-38-02.jpg) यीशुये रे चेलेयां च इक यहूदी नौं रा इक माहणु था। यहूदा प्रेरितां री पैसेयां री थैली रखणे रा प्रभारी था, पर अक्सर सै तिस थैलिया च ते पैसे नकाली लेयां था। यीशु कने चेलेयां रे यरुशलेमा पुज्जणे ते बाद यहूदा यहूदी अगुवेयां ले गया। तिने पैसेयां रे बदले च यीशुये जो तिनां रे हत्था पकड़वाणे री गल्ल रखी। सै जाणां था भई यहूदी अगुवे ये नीं मनदे थे भई यीशु ई मसीह था। सै जाणां था भई सै तिसो मारी देणा चाहवां थे। ![](https://cdn.door43.org/obs/jpg/360px/obs-en-38-03.jpg) महायाजका रे गलाणे पर यहूदी अगुवेयां यीशुये जो तिनांरे हत्थां च पकड़ुआणे खातर यहूदा जो तीह चाँदिये रे सिक्के दित्ते। ये तियां ई हुआ तियां जे भविष्यव्दक्ते गलाया था भई ये हुणा। यहूदा मन्नी गया कने पैसे लई कने चली गया। सै यीशुये जो पकड़वाणे च तिनां री मद्द करने खातर किसी खास मौके जो टोलणे लगया। ![](https://cdn.door43.org/obs/jpg/360px/obs-en-38-04.jpg) यरूशलेमा च, यीशुये अपणे चेलेयां सौगी फसह रा त्योहार मनाया। फसह रे त्योहारा रे बीच, यीशुये रोटी लई कने तोड़ी। तिनें गलाया, “इसो लवा कने खावा। ये मेरा शरीर आ सै जे हऊँ तुहां खातर देआं। येढ़ा मिंज्जो याद करने खातर करना।” इस तरीके ते, यीशुये गलाया भई तिस तिनां खातर मरी जाणा, मतलब तिनां खातर तिस अपणे शरीरा जो बलि चढ़ाई देणा। ![](https://cdn.door43.org/obs/jpg/360px/obs-en-38-05.jpg) फेरी यीशुये इक दाखरसा रा प्याला लया कने गलाया, “इसो पी लवा। ये नवीं वाचा रा मेरा लहु आ सै जे मांह दई देणा तां भई परमेशर तुहांरे पापां जो माफ करो। हर बार इसो पींदे बगता मेरी यादा च इसो करो सै जे हऊँ हुण करे रां।” ![](https://cdn.door43.org/obs/jpg/360px/obs-en-38-06.jpg) तां यीशुये अपणे चेलेयां ने बोल्या, “तुहां च ते इकी माहणूये मिंज्जो पकड़वाणा।” चेले रैहान हुई गे कने पुछणे लगे भई किस येढ़ा काम्म करना। यीशुये गलाया, “मेरा पकड़वाणे औला माहणु सै तिसो जे मांह ये रोटिया रा टुकड़ा देणा।” तां तिने सै रोटिया रा टुकड़ा यहूदा जो दित्या। ![](https://cdn.door43.org/obs/jpg/360px/obs-en-38-07.jpg) तिसा रोटिया जो लेणे ते बाद, यहूदा च शैतान समाई गया। यहूदा निकली कने यीशुये जो गिरफ्तार करने रे खातर यहूदी अगवेयां री मद्द करने जो चली गया। ये रात का बगत था। ![](https://cdn.door43.org/obs/jpg/360px/obs-en-38-08.jpg) रोटी खाणे ते बाद, यीशु कने तिसरे चेले जैतून पहाड़ा जो चली गे। यीशुये बोल्या, “तुहां सबीं आज्ज राती मिंज्जो छड्डी देणा। ये लिखिरा, ‘मांह चरवाहे जो मारना कने सारियां भेड्डां ऊरे परे खो हुई जाणियां।’” ![](https://cdn.door43.org/obs/jpg/360px/obs-en-38-09.jpg) पतरसे जवाब दित्या, “भले ई बाकी सारे तिज्जो छड्डी देओ, मांह तिज्जो नीं छडणा!” तां यीशुये पतरसा ने गलाया, “शैतान तुहां सबीं जो लई लेणा चाहवां, पर हे पतरस, मैं तेरे खातर प्राथना कित्तिरी भई तू विस्वासा ते चुक नी करी लो। फेरी बीं, आज्ज की रात, मुर्गे रे बाँग देणे ते पैहले तू तीन्न बार इंकार करना भई तू मिंज्जो जानदा मनीं आ।” ![](https://cdn.door43.org/obs/jpg/360px/obs-en-38-10.jpg) तां पतरसे यीशुये ने गलाया, “भले ई हऊँ मरी बी जाउँ, मांह कदी बी तेरा मुकरना नीं करना!” बाकी रे सबीं चेलेयां बी ये ई गलाया। ![](https://cdn.door43.org/obs/jpg/360px/obs-en-38-11.jpg) तां यीशु अपणे चेलेयां सौगी गतसमनी नौं रिया जगहा पर गया। यीशुये अपणे चेलेयां जो प्राथना करने खातर गलाया तां भई शैतान तिनांरी परीक्षा नीं करो। तां यीशु अप्पुं प्राथना करने खातर चली गया। ![](https://cdn.door43.org/obs/jpg/360px/obs-en-38-12.jpg) यीशुये तीन्न बार प्राथना कित्ती, “हे मेरे पिता, जे संभव हो तां मेहरबानी करी ने ये दुखा रा प्याला मिंज्जो पीणे खातर मता देंदे। पर जे लोकां रे पाप माफ कित्ते जाणे खातर कोई होर रस्ता नीं आ, तां तेरी ई इच्छा पूरी हो।” यीशु बोहत व्याकूल था कने तिसरा पसीना खुना रियां बूँदां साई था। तिसो सामर्थ देणे खातर परमेशरे इक स्वर्गदुता भेज्या। ![](https://cdn.door43.org/obs/jpg/360px/obs-en-38-13.jpg) हर बार प्राथना ते बाद, यीशु अपणे चेलेयां ला जो बापस आया, पर सै सई गरे थे। तजे यीशु तीज्जी बार बापस हुआ तां यीशुये गलाया, “जागी जावा! मेरा पकड़ुआणे औला येथी आ।” ![](https://cdn.door43.org/obs/jpg/360px/obs-en-38-14.jpg) यहूदी अगुवेयां, सैनिकां कने बोहत बड्डिया भीड़ा सौगी यहूदा आया। तिनें तलवारां कने लाठियाँ लई रियां थियां। यहुदा यीशुये ला जो आया कने तिसने बोल्या, “हे गुरु, नमस्कार,” कने तिसो चूमेया। तिने कैद करने औले माहणुआं जो कने यहूदी अगुवेयां पर प्रकट करने खातर येढ़ा कित्या था। तां यीशुये बोल्या, “हे यहूदा, क्या तू इक चुम्बन लई ने मिंज्जो पकड़वाये रां आ?” ![](https://cdn.door43.org/obs/jpg/360px/obs-en-38-15.jpg) मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_38_128kbps.mp3 ## 39. यीशुये पर मकदमा चलणा https://openbiblestories.org/l/kfs/story-39/ ![](https://cdn.door43.org/obs/jpg/360px/obs-en-39-01.jpg) ये अधिया राती रा बगत था। सै सैनिक यीशुये जो महायाजका रे घरा जो लई गे, कांह्भई सै यीशुये ने सवाल पुछणा चाहवां था। पतरस दूरा ते तिनां रा पीछा करे रां था। तजे सैनिक यीशुये जो महायाजका रे घरा जो लई गे, तां पतरस बाहर रुकी कने अप्पुं आग्ग सेकणे लगया। ![](https://cdn.door43.org/obs/jpg/360px/obs-en-39-02.jpg) घरा रे अन्दर सभा च, यहूदी अगुवेयां यीशुये पर मकदमा चलाया। सै तिसरे बरोधा च झुठियाँ गल्लां जो बोलणे खातर झूठे गवाहां जो लई कने आये। ईयां तां, तिनां रियां गल्लां इकी दुज्जे ने नीं मिलदियां थियां, इस खातर यहूदी अगुवे ये साबत नीं करी सके भई सै किसा गल्ला च दोषी था। यीशुये किछ मनी गलाया। ![](https://cdn.door43.org/obs/jpg/360px/obs-en-39-03.jpg) आखर च, महायाजके खड़ी ने यीशुये खा जो देख्या कने गलाया, “अहां जो दस्स भई क्या तू ई जीऊंदे परमेशरा रा पुत्र मसीह आ?” ![](https://cdn.door43.org/obs/jpg/360px/obs-en-39-04.jpg) यीशुये गलाया, “हऊं आ, कने तुहें मिंज्जो परमेशरा सौगी बैठिरा कने स्वर्गा ते औंदे बी देखणा।” महायाजके अपणे कपड़े फाड़ी दित्ते कांह्भई सै जे यीशुये गलाया सै तिसा गल्ला पर बोहत गुस्सा था। सै होरीं अगुवेयां पर रड़ाया, “अहां जो ये दस्सणे खातर किसी होरी गवाह री जरुरत नीं भई इने माहणुये क्या कित्तिरा! तुहें अप्पुं ई तिसो ये गलांदे सुणी लई रा भई सै परमेशरा रा पुत्र आ। तिसरे बारे च तुहांरा क्या निर्णय आ?” ![](https://cdn.door43.org/obs/jpg/360px/obs-en-39-05.jpg) सब यहूदी अगुवेयां महायाजका जो जवाब दित्या, “सै मरने रे जोगा आ!” तां तिनें यीशुये रियां आक्खीं पर पट्टी बन्नी दित्ती, तिस पर थुक्केया, तिसो मारया, कने तिसरा मजाक डुआया। ![](https://cdn.door43.org/obs/jpg/360px/obs-en-39-06.jpg) पतरस, तजे घरा रे बाहर अगंणा च न्हायलया रां था। तां इक दासी जनाने तिसो देख्या। तिसे तिसो बोल्या, “तू बी यीशुये सौगी था!” पतरसे मना करी दित्या। आखर च, किछ लोकें गलाया, “अहें जाणांये भई तू यीशुये सौगी था कांह्भई तुहें दोनों गलील लाके रे।” ![](https://cdn.door43.org/obs/jpg/360px/obs-en-39-07.jpg) तां पतरसे बोल्या, “जे हऊं इस माहणुये जो जाणदा हो तां परमेशर मिंजो श्राप देओ!” ताहलूं ई पतरसा रे इयां कसम खाणे ते बाद, इकी कुकड़ चाँह्ग दित्ती। यीशुये पीछे मुड़ी ने पतरसा जो देख्या। ![](https://cdn.door43.org/obs/jpg/360px/obs-en-39-08.jpg) पतरस तेथी ते चली गया कने बड़ा भारी रोया। तिस बगत, यीशुये जो पकड़ाणे औले यहूदे देख्या भई यहूदी अगुवेयां यीशुये जो मौता री सजा दित्ती री। यहुदा बोहत दुखी हुई गया कने जाई कने अप्पुं जो मारी दित्या। ![](https://cdn.door43.org/obs/jpg/360px/obs-en-39-09.jpg) हुण तिस देशा रा राज्यपाल पिलातुस था। सै रोमा खातर काम्म करां था। यहूदी अगुवे यीशुये जो तिस ला जो लई कने आये। सै चाहवां थे भई पिलातुस तिसो मौता री सजा देओ कने तिसो मारी देओ। तां पिलातुसे यीशुये ते पुछया, “क्या तू यहूदियां रा राजा आ?” ![](https://cdn.door43.org/obs/jpg/360px/obs-en-39-10.jpg) यीशुये जवाब दित्या, “तैं सच्च ई गलाई रा। पर मेरा राज्य इसा पृथ्विया रा नीं आ। जे हुंदा तां मेरे दास मेरे खातर लड़ाई करदे। हऊँ पृथ्विया पर परमेशरा रे बारे च सच दसणे आई रा। हर इक माहणु सै जे सच्चा कने प्रेम करां सै मेरी सुणां।” पिलातुसे बोल्या, “तां सच्च क्या आ?” ![](https://cdn.door43.org/obs/jpg/360px/obs-en-39-11.jpg) यीशुये सौगी गल्लां करने ते बाद, पिलातुसे बाहर लोकां ले आई ने बोल्या, “हऊँ इस च येड़ी कोई बजहा नीं देख्दा भई ये माहणु मारी दित्या जाणे रे जोगा हो।” पर यहूदी अगुवें कने भीड़े रड़ाई ने बोल्या, “तिसो क्रुसा पर चढ़ाई देओ!” पिलातुसे जवाब दित्या, “सै किछ बी गलत करने रा दोषी नीं आ।” पर सै होर बी जोरा ने उच्चिया आवाजा च रड़ाणे लगी गे। तां पिलातुसे तीज्जी बार गलाया, “सै दोषी नीं आ!” ![](https://cdn.door43.org/obs/jpg/360px/obs-en-39-12.jpg) मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_39_128kbps.mp3 ## 40. यीशये रा क्रूसा पर चढ़ाया जाणा https://openbiblestories.org/l/kfs/story-40/ ![](https://cdn.door43.org/obs/jpg/360px/obs-en-40-01.jpg) यीशुये रा मजाक डुआणे ते बाद, सैनिक तिसो क्रूसा पर चढ़ाणे खातर लई गे। तिनें तिस क्रूसा जो तिस ते ई चकवाया, तिस पर जे सै तिनां टंगणा था। ![](https://cdn.door43.org/obs/jpg/360px/obs-en-40-02.jpg) सै सैनिक यीशुये जो तिसा जगहा पर लई कने आये तिसो जे “खोपड़ी” बोलां थे कने तिसरे हात्थ कने पैरा जो क्रूसा पर कीलां ने गड्डी दित्या। पर यीशुये गलाया, “हे पिता, इनां जो माफ कर, कांह्भई ये नीं जाणदे भई ये क्या करे रां ये।” तिने इक फट्टे जो बी तिसरे सिरा रे उपर टंगी दित्या। तिस पर लिखी रा था, “यहूदियां रा राजा।” पिलातुसे तिनां जो येढ़ा लिखणे खातर गलाया था। ![](https://cdn.door43.org/obs/jpg/360px/obs-en-40-03.jpg) तां सैनिकें यीशुये रे कपड़े बंडणे खातर पर्चियां पाईयां। तजे तिनें येढ़ा कित्या तां तिनें तिसा भविष्यव्दाणिया जो पूरा कित्या सै जे दस्सां थी, “तिनें मेरे कपड़ेयां जो अप्पु चीयें बंड्डी लया, कने मेरे कपड़ेयां खातर चिट्ठियां पाईयां।” ![](https://cdn.door43.org/obs/jpg/360px/obs-en-40-04.jpg) तेथी दो डाकू बी थे, सैनिकें तिनां जो बी तिस ई बगता पर क्रूसा पर चढ़ाया था। तिनें तिनां जो यीशुये री दुईं पासेयां खा रखया था। तिनां च ते इकी डाकूये यीशुये रा मजाक डुआया, पर दुज्जे गलाया, “क्या तू नीं डरदा भई परमेशरा तिज्जो सजा देणी? अहें बोहत सारे बुरे कम्मां जो करने रे दोषी ये, पर ये माहणु निर्दोष आ।” फेरी तिने यीशुये ने गलाया, “तजे तू अपणे राज्य च आओ तां मेहरबानी करी ने मिंज्जो याद रखयां।” यीशुये जवाब दित्या, “आज्ज ई तू मेरे सौगी स्वर्गलोका च हुणा।” ![](https://cdn.door43.org/obs/jpg/360px/obs-en-40-05.jpg) यहूदी अगुवे कने भीड़ा रे होर लोकें यीशुये रा मजाक डुआया। तिनें तिसने बोल्या, “जे तू परमेशरा रा पुत्र आ, तां क्रूसा ते थल्ले जो आई जा कने अप्पुं जो बचाई ले! तां अहां तेरे पर विस्वास करना।” ![](https://cdn.door43.org/obs/jpg/360px/obs-en-40-06.jpg) तां तिस सारे देशा रा अकाश पूरे तरीके ने काला हुई गया, सै अधिया दिहाड़िया रा बगत था। ये दपेहरका बगत काला हुई गया था कने लगभग तीन्नां घंटेयां खातर येढ़ा ई रैया था। ![](https://cdn.door43.org/obs/jpg/360px/obs-en-40-07.jpg) तां यीशुये परमेशरा जो अवाज लाई कने बोल्या, “पूरा हुआ! हे पिता, हऊँ अपणी आत्मा तेरे हत्थां च दई दां।” तां तिने अपणे सिरा जो झुकाया कने अपणे प्राणां जो छड्डी दित्या। तजे सै मरया तां बोहत हिलण हुआ। सै बड्डा पर्दा सै जे परमेशरा री हजुरिया ते लोकां जो लग्ग कित्या जां था उपरा ते थल्ले तकौ फटी कने दो हिस्से हुई गया। ![](https://cdn.door43.org/obs/jpg/360px/obs-en-40-08.jpg) अपणिया मौता रे जरिये, यीशुये लोकां खातर परमेशरा ले औणे रा रस्ता खोली दित्या। तजे यीशुये री निगरानी करने औले इकी सैनिके जो किछ हुआ था ये सब देख्या तां तिनें बोल्या, “पक्का ई, ये माहणु निर्दोष था। ये परमेशरा रा पुत्र आ।” ![](https://cdn.door43.org/obs/jpg/360px/obs-en-40-09.jpg) मत्ती 27:27-61; मरकुस 15:16-47; लूका 23:26-56; यूहन्ना 19:17-42 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_40_128kbps.mp3 ## 41. परमेशर यीशुये जो मरी रेयां च ते जीऊंदा करां https://openbiblestories.org/l/kfs/story-41/ ![](https://cdn.door43.org/obs/jpg/360px/obs-en-41-01.jpg) सैनिकां रे जरिये यीशुये जो क्रूसा पर चढ़ाने ते बाद, यहूदी अगुवेयां पिलातुसा ने बोल्या, “तिने झुठे, यीशुये गलाया था भई सै तीन्नां दिनां ते बाद मरी रेयां च ते जी उठणा। किसी जो ये पक्का करने खातर कब्रा री निगरानी करने पौणी भई किते तिसरे चेले तिसरे शरीरा जो चोरी कने नीं लई जाओ। जे सै येढ़ा करां ये तां तिनां बोलणा भई सै मरी रेयां च ते जीऊंदा हुई गरा।” ![](https://cdn.door43.org/obs/jpg/360px/obs-en-41-02.jpg) पिलातुसे बोल्या, “किछ सैनिकां जो लई जाओ कने तियां जे तुहें करी सको तियां ई कब्रा री निगरानी करो।” इस खातर तिनें तिस कब्रा च जाणे रे दरवाजे रे पत्थरा पर इक मोहर लाई दित्ती। तिनें ये पक्का करने खातर ते थी सैनिकां जो बी बठाई दित्या भई कोई बी तिसरे शरीरा जो चोरी नीं सको। ![](https://cdn.door43.org/obs/jpg/360px/obs-en-41-03.jpg) यीशुये रे मरने ते बाद का दिन सब्ता रा दिन था। कोई बी सब्ता रे दिन काम्म नीं करी सकदा था, इस खातर यीशुये रा कोई बी दोस्त कब्रा पर नीं आया था। पर सब्ता ते बाद के दिन, सबेरे बोहत भ्यागा जो, किछ जनानां यीशुये रिया कब्रा पर जाणे खातर त्यार हुईयां। सै तिसरे शरीरा पर होर बी मसालेयां जो लाणा चाहवां थियां। ![](https://cdn.door43.org/obs/jpg/360px/obs-en-41-04.jpg) तिनां जनानां रे पुजणे ते पैहले, कब्रा पर बोहत बड्डा हिलण हुआ। स्वर्गा ते इक स्वर्गदूते आई कने तिस पत्थरा जो हटाई दित्या सै जे कब्रा रे जाणे औले दरवाजे पर रखी रा था कने तिस पर बैठी गया। ये स्वर्गदूत लोई साई चमके रां था। कब्रा पर सै जे सैनिक थे तिनें तिसो देख्या। सै इतने डरी गये थे भई मरी रेयां साई धरतिया पर पई गये। ![](https://cdn.door43.org/obs/jpg/360px/obs-en-41-05.jpg) तजे सै जनानां कब्रा पर पुज्जियां तां तिने स्वर्गदूते तिनां ने बोल्या, “मता डरदे। यीशु येथी नीं आ। सै मरी रेयां च ते जी उट्ठीरा, तेढ़ा जे तिनें बोल्या था भई तिस जीऊंदे हुई जाणा! कब्रा च जाई कने देखा।” तिनें जनानें कब्रा चौ अन्दर तेथी जे यीशुये रा शरीर रखी रा था तेथी टोलया कने देख्या भई तिसरा शरीर तेथी नीं था! ![](https://cdn.door43.org/obs/jpg/360px/obs-en-41-06.jpg) तां तिने स्वर्गदूते तिनां जनानां ने गलाया, “जाई कने तिसरे चेलेयां जो दस्सा, ‘यीशु मरी रेयां च ते जीऊंदा हुई गरा कने तिस तुहां ते अग्गे गलीला जो जाणा।’” ![](https://cdn.door43.org/obs/jpg/360px/obs-en-41-07.jpg) सै जनानां रैहान हुईयां कने बोहत खुश हुईयां। सै चेलेयां जो ये खरा संदेश सुनाणे खातर दौड़ीयां। ![](https://cdn.door43.org/obs/jpg/360px/obs-en-41-08.jpg) मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 ते बाइबला री इक कहाणी। Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_41_128kbps.mp3 ## 42. यीशुये रा स्वर्गा जो बापस जाणा https://openbiblestories.org/l/kfs/story-42/ ![](https://cdn.door43.org/obs/jpg/360px/obs-en-42-01.jpg) तिस दिन जे परमेशरे यीशुये जो मरी रेयां च ते जीऊंदा कित्या था, तिसरे दो चेले बखा रे गावाँ चौ जाये रां थे। चलदे चलदे से जो किछ यीशुये सौगी हुआ था। तिसरे बारे च गल्लां करे रां थे, तिनां जो आस थी भई सै मसीह था, पर तां बी सै मारी दित्या गया था। हुण सै जनानां बोलां इयां भई सै फेरी जीऊंदा हुई गरा। सै नीं समझी पाये रदे भई किसा गल्ला पर विस्वास करो। ![](https://cdn.door43.org/obs/jpg/360px/obs-en-42-02.jpg) यीशुये तिनां ले आई कने तिनां ने चलणा शुरु कित्या, पर सै तिसो पछयाणी नीं सके। तिनें पुछया तुहें किसरे बारे च गल्लां करे रां थे। तिनें यीशुये सौगी हुई रियां पैहल कियां सारियां बीती रियां गल्लां रे बारे च दस्सया। तिनें सोचया भई सै किसी परदेशिये ने गल्लां करे रां थे सै जे ये नीं जानदा था भई यरूशलेमा च क्या हुआ था। ![](https://cdn.door43.org/obs/jpg/360px/obs-en-42-03.jpg) तां यीशुये तिनां जो समझाया भई परमेशरा रा वचन मसीह रे बारे च क्या दस्सां। बोहत पैहले, भविष्यव्दक्तावें गलाया था भई बुरे लोकां मसीहा जो कुट्टणा कने मारी देणा। पर भविष्यव्दक्तावें ये बी गलाया था भई तिस तीज्जे दिन जीऊंदे हुई जाणा। ![](https://cdn.door43.org/obs/jpg/360px/obs-en-42-04.jpg) तजे सै तिस नगरा च पुज्जे तेथी जे दो माहणु ठेहरना चाहवां थे, तां लगभग संज्का बगत हुई गरा था। तिनें यीशुये जो तिनां सौगी रुकणे खातर गलाया, इस खातर सै तिनां सौगी इकी घरा चौ गया। अपणे संझकिया रोटिया जो खाणे खातर बैठी गे। यीशुये इक रोटी लई कने तिसा खातर परमेशरा रा धन्यावाद कित्या, कने फेरी सै खाणे लगया। तां इकदमा च तिनें ये पता लाई लेया भई सै यीशु था। पर तिस बगता, सै तिनां रिया आक्खीं ते दूर चली गया। ![](https://cdn.door43.org/obs/jpg/360px/obs-en-42-05.jpg) तिनें दुईं माहणुयें इकी दुज्जे ने गलाया, “सै प्रभु यीशु था! इस खातर तजर तिनें अहां जो परमेशरा रे वचनां जो समझाया था तां अहें बोहत हिम्मता ने भरी गरे थे!” ताहलूं ई, सै निकली कने बापस यरूशलेमा जो गये। तजे सै पुज्जे तां तिनें चेलेयां जो दस्सया, “यीशु जीऊंदा आ! अहें तिसो देखी रा!” ![](https://cdn.door43.org/obs/jpg/360px/obs-en-42-06.jpg) तजे चेले गल्लां करे रां थे, यीशु इकदम ते तिस कमरे च तिनां सौगी प्रकट हुआ। तिनें बोल्या, “तुहां जो शान्ति मिलो!” चेलेयां सोचया भई सै कोई भूत था, पर यीशुये बोल्या, “तुहें कैं डरांये? तुहें येढ़ा कैं नीं सोचदे भई हऊँ सचमुच च ई, यीशु आ? मेरे हत्थां पैरां जो देखा। भूतां ले येढ़ा शरीर नीं हुंदा तेढ़ा जे मेर ले आ।”ये दसणे खातर भई सै कोई भूत नीं था, तिनें खाणे खातर किछ मँगया। तिनें तिसो मछिया रा इक टुकड़ा दित्या, कने तिसो खाई लया। ![](https://cdn.door43.org/obs/jpg/360px/obs-en-42-07.jpg) यीशुये बोल्या, “मेरे बारे च परमेशरा रा वचन जो किछ बी बोलां से ई हुई जां। मैं तुहां जो दस्सी तरा था भई इता गल्ला रा हुणा जरुरी आ।” तां यीशुये तिनां जो परमेशरा रा वचन खरे तरीके ने समझाया। तिने बोल्या, “बोहत पैहले भविष्यव्दक्तावें लिखिरा था भई मिज्जो, मतलब मसीह जो दुख चकणे पौणा, मरने पौणा कने फेरी तीज्जे दिन मरी रेयां च ते जी उठणा पौणा।” ![](https://cdn.door43.org/obs/jpg/360px/obs-en-42-08.jpg) “तिनें भविष्यव्दक्तावें ये बी लिखिरा था भई मेरे चेलेयां परमेशरा रे वचनां री घोषणा करनी। तिनां हर इक जो पश्चाताप करने खातर बोलणा। जे सै पश्चाताप कर गे तां परमेशरे तिनां रे पापां जो माफ करना। मेरे चेलेयां यरूशलेमा ते इस सन्देशा रा प्रचार शुरु करना। तां तिनां सबीं देशां सबीं लोकां लौ जाणा। तुहें लोक मेरी हर इक गल्ल कने कम्मा रे गवाह ये सै जे मैं बोल्या कने कित्या था, कने तिनां सबीं गल्लां रे सै जे मेरने बीत्ती रियां।” ![](https://cdn.door43.org/obs/jpg/360px/obs-en-42-09.jpg) औणे औले चाली दिनां रे बीच, यीशु अपणे चेलेयां पर कई बार प्रकट हुआ। इक बार तां सै इकी बगता पर 500 ते जादा लोकां पर प्रकट हुआ! तिने अपणे चेलेयां पर कईयां तरीकयां ते साबत कित्या भई सै जीऊंदा था कने तिने तिनां जो परमेशरा रे राज्य रे बारे च शिक्षा दित्ती। ![](https://cdn.door43.org/obs/jpg/360px/obs-en-42-10.jpg) यीशुये अपणे चेलेयां ने बोल्या, “परमेशरे मिंज्जो स्वर्ग कने धरतिया रे हर इक माहणुये पर राज करने रा अधिकार दित्तिरा। इस खातर हुण हऊँ तुहां ने बोलां: जाई कने सबीं समाजां रे लोकां जो चेला बणाओ। येढ़ा करने खातर, तुहां जो तिनां जो पिता परमेशर, पुत्र प्रभु यीशु मसीह कने पवित्र आत्मा रे नौं ते बपतिस्मा देणे पौणा। जो किछ मैं तुहां जो हुक्म दित्तिरा तिनां सबीं गल्लां जो मनणा बी तुहां जो तिनां जो सखाणे पौणा। याद रखा, मांह सदा खातर तुहां सौगी रैहणा।” ![](https://cdn.door43.org/obs/jpg/360px/obs-en-42-11.jpg) मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_42_128kbps.mp3 ## 43. पैहली कलीसिया री शुरुआत https://openbiblestories.org/l/kfs/story-43/ ![](https://cdn.door43.org/obs/jpg/360px/obs-en-43-01.jpg) यीशुये रे स्वर्गा जो बापस जाणे ते बाद, चेले यरूशलेमा च ई रुकी गे तियां जे यीशुये तिनां जो करने रा हुक्म दित्या था। तेथी रे विस्वासी लोक लगातार सौगी प्राथना करने खातर कट्ठे हुये करां थे। ![](https://cdn.door43.org/obs/jpg/360px/obs-en-43-02.jpg) हर साल, फसह रे त्योहारा रे 50 दिनां ते बाद, यहूदी लोक पिन्तेकुस्त नौं रे इक खास दिना जो मनाया करां थे। पिन्तेकुस्त सै बगत था तजे यहूदी लोक कणका री बढाई री खुशी मनाया करां थे। सारे संसारा ते यहूदी लोक पिन्तेकुस्त रे दिना जो सौगी हुई ने मनाणे खातर यरूशलेमा चौ आये थे। इस साल, पिन्तेकुस्त मनाणे रा बगत यीशुये रे स्वर्गा जो जाणे रे लगभग इकी हफ्ते ते बाद आया था। ![](https://cdn.door43.org/obs/jpg/360px/obs-en-43-03.jpg) तिस बगता जे सारे विस्वासी लोक सौगी कट्ठे हुये थे, तां तिस घरा च जे सै थे अचानक तुफाना साई अवाजा कने भरी गया। तां अग्गी रियां लपटां साई दुसणे औला किछ विस्वासियां रे सिरां रे उपर प्रकट हुआ। सै सब पवित्र आत्मा ते भरी गे कने तिनें अन्य भाषा च परमेशरा री स्तुति कित्ती। ये सै भाषा थी तिसो जे बोलणे खातर तिनां जो पवित्र आत्मा रे जरिये सामर्थ मिली थी। ![](https://cdn.door43.org/obs/jpg/360px/obs-en-43-04.jpg) तजे यरूशलेमा च रैहणे औले लोकें तिस रौले जो सुणया, तां सै भीड़ रे तौरा च ये देखणे खातर सौगी कट्ठे हुई ने आये भई क्या हुये रां था। तिनें विस्वासियां जो परमेशरा रे जरिये कित्ते गई रे बड्डे-बड्डे कम्मां री घोषणा करदे सुणया। सै रैहान थे कां भई सै तिनां कम्मां जो अपणी ई भाषा च सुणे रां थे। ![](https://cdn.door43.org/obs/jpg/360px/obs-en-43-05.jpg) इनां च ते किछ लोकें बोल्या भई सै चेले नशे च थे। पर पतरस खड़ा हुआ कने तिनां ने बोल्या, “मेरी गाल्ल सुणा! ये लोक नशे च नीं ये! इसरे बजाये, जो किछ तुहें देख्या रांये ये सै ई आ तेढ़ा जे योएल भविष्यव्दक्ते गलाई रा था भई हुणा; परमेशरे बोल्या, ‘आखर रे दिनां च मांह अपणा आत्मा तुहां जो देणा।’” ![](https://cdn.door43.org/obs/jpg/360px/obs-en-43-06.jpg) “हे इस्राएली माहणुओ, यीशु इक येढ़ा माहणु था तिने बोहत नोखे काम्म करी ने ये दस्सया भई सै कुण था। तिनें परमेशरा रे सामर्था ते मते सारे नोखे कम्मां जो करी ने दस्सया था। तुहें येढ़ा अप्पुं जाणांये, कांभई तुहें इनां कम्मां जो देख्खिरा। पर तुहें तिसो क्रूसा पर चढ़ाई दित्या!” ![](https://cdn.door43.org/obs/jpg/360px/obs-en-43-07.jpg) “यीशु मरी गया पर परमेशरे तिसो मरी रेयां च ते जीऊंदा करी दित्या। तिनें इसा गल्ला जो पूरा करी दित्या सै जे इकी भविष्यव्दक्ते लिखिरा था : ‘तू अपणे पवित्र माहणुये जो कब्रा च सड़णे नीं देणा।’ अहें इस गल्ला रे गवाह ये भई परमेशरे यीशुये जो फेरी ते जीऊंदा करी दित्या।” ![](https://cdn.door43.org/obs/jpg/360px/obs-en-43-08.jpg) “परमेशरे पिते हुण यीशुये जो अपणे सज्जिया खा बठाली ने तिसो आदर दित्तिरा। यीशुये अहां खातर पवित्र आत्मा जो भेज्या तेढ़ी जे तिने प्रतिज्ञा कित्तिरी थी भई तिस भेजणा। पवित्र आत्मा ई तिनां कम्मां जो हुणे दे रां तिनां जो जे तुहें देख्या रां ये कने सुणे रांये।” ![](https://cdn.door43.org/obs/jpg/360px/obs-en-43-09.jpg) “तुहें तिस माहणुये, यीशुये जो क्रूसा पर चढ़ाई दित्या। पर पक्के तौरा ते जाणी लवा भई परमेशरे यीशुये जो सबीं चीजां पर प्रभु कने मसीह दुईं जो ठेहराई रा!” ![](https://cdn.door43.org/obs/jpg/360px/obs-en-43-10.jpg) पतरसा री सुणने औले लोक तिस रियां बोली रियां गल्लां ते अंदरा तका हिली गरे थे। इस खातर तिनें पतरस कने चेलेयां जो पुछया, “हे भाईयो, अहां जो क्या करना चाहिंदा?” ![](https://cdn.door43.org/obs/jpg/360px/obs-en-43-11.jpg) पतरसे तिनां जो जवाब दित्या, “तुहां च ते हर इक अपणे पापां खातर पश्चाताप करा तां भई परमेशरे तुहांरे पापां जो माफ करो कने प्रभु यीशु मसीह रे नौं ते बपतिस्मा लौ। तां तिस तुहां जो वरदान रे तौरा पर पवित्र आत्मा बी देणा।” ![](https://cdn.door43.org/obs/jpg/360px/obs-en-43-12.jpg) पतरसे जो किछ गलाया तिस पर लगभग3000 लोकें विस्वास कित्या कने यीशुये रे चेले बणी गे। तिनें बपतिस्मा लया कने यरूशलेमा री कलीसिया रा हिस्सा बणी गया। ![](https://cdn.door43.org/obs/jpg/360px/obs-en-43-13.jpg) प्रेरितों के काम 2 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_43_128kbps.mp3 ## 44. पतरस कने यूहन्ना रा भिखारिये जो ठीक करना https://openbiblestories.org/l/kfs/story-44/ ![](https://cdn.door43.org/obs/jpg/360px/obs-en-44-01.jpg) इक दिन, पतरस कने यूहन्ना मंदरा चौ गये। इक लंगड़ा माहणु भीख मँगणे खातर मूरले दरवाजे पर बैठिरा था। ![](https://cdn.door43.org/obs/jpg/360px/obs-en-44-02.jpg) पतरसे तिस लंगड़े माहणुये खौ देख्या कने बोल्या, “मेरले तिज्जो देणे खातर पैसे तां हये नीं ये। पर जो किछ मेरले आ सै मांह तिज्जो देणा। प्रभु यीशुये रे नौं ते, उठ कने चल-फिर!” ![](https://cdn.door43.org/obs/jpg/360px/obs-en-44-03.jpg) ताहलूं ई, परमेशरे तिस लंगड़े माहणुये जो ठीक करी दित्या। तिने इखा-उखा चलणा कने दौड़ना कने परमेशरा री स्तुति करना शुरु करी दित्या। मंदरा रे अँगणा च हाजर लोक रैहान थे। ![](https://cdn.door43.org/obs/jpg/360px/obs-en-44-04.jpg) छोड़े ई लोकां री इक भीड़ तिस ठीक हुई रे माहणुये जो देखणे खातर आई। पतरसे तिनां ने बोल्या, “ये माहणु ठीक आ, पर इसा गल्ला पर रैहान मता हुंदे। अहें इसो अपणिया ताकता ने ठीक नीं कित्तिरा, या इस खातर नीं भई अहें परमेशरा रा आदर करांये। पर, सै प्रभु यीशु आ तिनें जे इस माहणुये जो अपणिया ताकता ते चंगा कित्तिरा, कांह्भई अहें यीशुये पर भरोसा करांये।” ![](https://cdn.door43.org/obs/jpg/360px/obs-en-44-05.jpg) “सै तुहें ई हये तिनें जे तिस रोमी राज्यपाला जो यीशुये जो मारी देणे खातर बोल्या था। तुहें तिसो मारी दित्या सै जे सबीं जो जीवन देआं आ। पर परमेशरे तिसो मरी रेयां च ते जीऊंदा कित्या। तुहां जो ये पता नीं लगया भई तुहें क्या करे रां थे, पर तजे तुहें तिनां कम्मां जो करे रां थे, तां सै जे भविष्यव्दक्तावें बोल्या था सै पुरा हुआ। इस खातर हुण, पश्चाताप करा कने परमेशरा खा जो फिरा, तां भई तिस तुहांरे पापां जो धोई कने साफ करी देओ।” ![](https://cdn.door43.org/obs/jpg/360px/obs-en-44-06.jpg) तजे मंदरा रे अगुवेया पतरस कने यूहन्ना जो सुणया, तां सै बोहत घबराई गये। इस खातर तिनें तिनां जो पकड़ी कने कैदा च पाई दित्या। पर जो किछ पतरसे गलाया था तिस पर बोहत सारे लोकें विस्वास कित्या। यीशुये पर विस्वास करने औलेयां री संख्या बधी कने लगभग 5000 हुई गी। ![](https://cdn.door43.org/obs/jpg/360px/obs-en-44-07.jpg) अगले दिन, सै यहूदी अगुवे पतरस कने यूहन्ना जो महायाजक कने होरीं धार्मिक अगुवेयां रे सामणे लई कने आये। सै तिस माहणुये जो बी लई कने आये सै जे लंगड़ा था। तिनें पतरस कने यूहन्ना ते पुछया, “किस अधिकारा ते तुहें तिस लंगड़े माहणुये जो चंगा कित्या?” ![](https://cdn.door43.org/obs/jpg/360px/obs-en-44-08.jpg) पतरसे जवाब दित्या, “ये माहणु सै जे तुहांरे सामणे खड़ी रा तिसो प्रभु यीशु मसीह रिया सामर्था रे जरिये ठीक कित्या गईरा। तुहें प्रभु यीशुये जो क्रूसा पर चढ़ाई दित्या, पर परमेशरे तिसो फेरी बीं जीऊंदा करी दित्या! तुहें तिसो नीं मन्नया, पर प्रभु यीशुये रिया सामर्था रे जरिये ते अलावा उध्दार मिलणे रा कोई होर रस्ता नीं आ!” ![](https://cdn.door43.org/obs/jpg/360px/obs-en-44-09.jpg) प्रेरितों के काम 3:1-4:22 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_44_128kbps.mp3 ## 45. स्तिफनुस कने फिलिप्पुस https://openbiblestories.org/l/kfs/story-45/ ![](https://cdn.door43.org/obs/jpg/360px/obs-en-45-01.jpg) सबते पैहले मसीही अगुवेयां रे बीच्च स्तिफनुस नौं रा इक माहणु था। सब लोक तिसरा आदर करां थे। पवित्र आत्मा ते तिसो बोहत सामर्थ कने बुध्दि मिलीरी थी। स्तिफनुसे मते सारे चमत्कारां औले काम्म कित्ते थे। तजे तिनें प्रभु यीशुये पर भरोसा करने रे बारे च लोकां जो दसणा शुरु कित्या तां बोहत सारे लोकें तिस पर विस्वास कित्या। ![](https://cdn.door43.org/obs/jpg/360px/obs-en-45-02.jpg) इक दिन, स्तिफनुस प्रभु यीशुये रे बारे च सखाये रां था, तां किछ यहूदी तेथी आई गे तिनें जे प्रभु यीशुये पर विस्वास नीं कित्या था कने तिसने सौगी बेहस करने लगी गे। सै बोहत गुस्से च थे, इस खातर सै धार्मिक अगुवेयां लौ गये कने तिसरे बारे च झुठ गलाया। तिनें बोल्या, “अहें स्तिफनुसा जो मूसा कने परमेशरा रे बारे च बुरियां गल्लां बोलदे सुणी रा!” इस खातर धार्मिक अगुवेयां स्तिफनुसा जो कैद करी लया कने तिसो महायाजक कने यहूदियां रे होरीं अगुवेयां रे सामणे ली आये। बोहत झूठे गवाह बी आये कने तिनें स्तिफनुसा रे बारे च झूठी गवाईयां दित्तियां। ![](https://cdn.door43.org/obs/jpg/360px/obs-en-45-03.jpg) महायाजके स्तिफनुसा पुछया, “क्या ये लोक तेरे बारे च सच बोल्या रांये?” स्तिफनुसे महायाजका जो जवाब देणे खातर बोहत सारियां गल्लां गलाणे शुरु करी दित्तियां। तिने गलाया भई अब्राहमा रे बगता ते प्रभु यीशये रे बगता तकौ परमेशरे इस्राएला रे लोकां खातर मते सारे अनोखे काम्म कित्तिरे। पर लोकें सदा परमेशरा रे हुक्मां जो नीं मन्नया। स्तिफनुसे बोल्या, “ तुहें लोक परमेशरा रे बरोधा च कठोर कने बलवा करने औले ठैहरी रे। तुहें सदा पवित्र आत्मा जो नीं मन्नया, तियां जे अहांरे पूर्वजें सदा पवित्र आत्मा जो नीं मन्नया था कने सदा परमेशरा रे भविष्यव्दक्तावां जो मारी दित्या था। पर जो किछ तिनें कित्या था तिसरी तुलना च तुहें होर बी बुरा कित्तिरा! तुहें मसीह जो मारी दित्या!” ![](https://cdn.door43.org/obs/jpg/360px/obs-en-45-04.jpg) तजे तिनें धार्मिक अगुवेयां ये सुणया, तां सै इतने गुस्से हुई गे भई तिनें अपणे कन्नां जो बंद करी लया कने उच्चिया आवाजा च रड़ाये। सै स्तिफनुसा जो घसीटी कने नगरा ते बाहरा जो लई गे कने तिसो मारने खातर तिसो पत्थर मारे। ![](https://cdn.door43.org/obs/jpg/360px/obs-en-45-05.jpg) तजे स्तिफनुस मरे रां था, तिसरे मुंहा ते निकलया, “हे यीशु, मेरिया आत्मा जो ग्रहण कर!” तां सै अपणे गोडेयां पर पया कने फेरी सै प्रभुये ने गलाया, “हे प्रभु, ये पाप तिनां पर मत लांदा।” तां सै मरी गया। ![](https://cdn.door43.org/obs/jpg/360px/obs-en-45-06.jpg) तिस दिन, यरूशलेमा च रैहणे औले बोहत सारे लोकें यीशुये रे मनणे औलेयां जो सताणा शुरु करी दित्या, इस खातर विस्वासी लोक होरीं लग जगहां जो नह्ठी गे। पर इतरे बावजूद बी, तेथी कित्ती जे सै गये तिनें यीशुये रे बारे च प्रचार कित्या। ![](https://cdn.door43.org/obs/jpg/360px/obs-en-45-07.jpg) फिलिप्पुस नौं रा प्रभु यीशुये रा इक विस्वासी था। होरीं विस्वासियां सौगी सताव रे बगता च सै बी यरूशलेमा ते नह्ठी गया। सै सामरिया रे लाके चौ चली गया। तेथी तिने लोकां जो प्रभु यीशुये रे बारे च प्रचार कित्या। बोहत सारे लोकें तिस पर विस्वास कित्या कने उध्दार पाया। इन दिन, फिलिप्पुसा ले परमेशरा रिया तरफा ते इक स्वर्गदूत आया कने तिसो जंगला च जाणे खातर कने तेथी रिया किसी सड़का पर चलणे खातर गलाया। फिलिप्पुस तेथी जो चली गया। तजे सै तिसा सड़का पर चले रां था, तां तिने इकी माहणुये जो अपणे रथा पर जांदे देख्या। ये माहणु कूश देशा रा इक खास अधिकारी था। फिलिप्पुसा जो पवित्र आत्मा गलया भई जाई कने तिस माहणुये सौगी चलो। ![](https://cdn.door43.org/obs/jpg/360px/obs-en-45-08.jpg) इस खातर फिलिप्पुस रथा ला जो गया। तिनें सुणया भई सै कूशी परमेशरा रे वचनां जो पढ़े रां था। सै जे यशायाह भविष्यव्दक्ते लिखिरा था सै तिसो पढ़े रां था। सै पढ़े रां था, “सै तिसो बडणे खातर जाणे औलिया भेडा साई लई गे कने तियां जे मेम्ना शान्त रहवां, तिनें बी कोई अवाज नीं कित्ती। तिनें तिस सौगी बुरा व्योवहार कित्या कने तिसरा आदर नीं कित्या। तिनें तिसरा प्राण लई लया।” ![](https://cdn.door43.org/obs/jpg/360px/obs-en-45-09.jpg) फिलिप्पुसे तिस कूशीये ते पुछया, “जो किछ तू पढ़े रां क्या तू तिसरा मतलब बी समझां?” तिनें कूशीये जवाब दित्या, “नईं। तदुआं तकौ जे कोई मिंज्जो नीं समझाओ, तदुआं तकौ हऊं इसो नीं समझी सकदा। मेहरबानी करी ने मेरे ले आई ने बैठ। यशायाह ये अपणे बारे च लिखे रां था या किसी होरी रे बारे च?” ![](https://cdn.door43.org/obs/jpg/360px/obs-en-45-10.jpg) फिलिप्पुस रथा पर चढ़ी कने बैठी गया। तां तिने तिस कूशी माहणुये जो ये दस्सया सै जे यशायाहे प्रभु यीशुये रे बारे च लिख्या था। फिलिप्पुसे परमेशरा रे वचनां रे होर बी मते सारे हिस्सेयां रे बारे च गल्ल बात कित्ती। इयां तरीके ने, तिने तिस माहणुये जो प्रभु यीशुये रे बारे च शुभ संदेश सुणाया। ![](https://cdn.door43.org/obs/jpg/360px/obs-en-45-11.jpg) फिलिप्पुसे कने सै कूशी चलदे पाणिये ले पुज्जीगे। तिने कूशिये बोल्या, “देख! येथी पाणी आ! क्या हऊँ बपतिस्मा लई सकां?” कने तिने रथ चलाणे औले जो रथा जो रोकणे खातर गलाया। ![](https://cdn.door43.org/obs/jpg/360px/obs-en-45-12.jpg) इस खातर सै पाणिये चौ चली गे कने फिलिप्पुसे तिस कूशिये जो बपतिस्मा दित्या। तजे सै पाणिये ते बाहर आये, तां पवित्र आत्मा अचानक ई फिलिप्पुसा जो चक्की कने किसी होरी जगहा जो लई गया। तेथी फिलिप्पुस लोकां जो प्रभु यीशुये रे बारे च दसदा रैया। ![](https://cdn.door43.org/obs/jpg/360px/obs-en-45-13.jpg) प्रेरितों के काम 6:8-8:5; 8:26-40 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_45_128kbps.mp3 ## 46. पौलुसा रा मसीही विस्वासी बणना https://openbiblestories.org/l/kfs/story-46/ ![](https://cdn.door43.org/obs/jpg/360px/obs-en-46-01.jpg) शाऊल नौं रा इक माहणु था तिने जे प्रभु यीशुये पर विस्वास नी कित्या था। तजे सै जवान था, तां तिनें स्तिफनुसा जो मारने औले लोकां रे कपड़ेयां री निगरानी कित्ती थी। बाद च, तिनें विस्वासियां जो सताया था। तिने यरूशलेमा च घरें-घरें जाई कने मर्द कने जनाना दुईं जो पकड़ी कने कैद खाने च पाई दित्या था। तां महायाजके शाऊला जो दमिशक नगरा च जाणे रा हुक्म दित्या। तिने तेथी रे मसीहियां जो कैद करी ने कने तिनां जो बापस यरूशलेमा जो लई ने औणे खातर शाऊला ने गलाया। ![](https://cdn.door43.org/obs/jpg/360px/obs-en-46-02.jpg) इस खातर शाऊले दमिश्का जो जाणे खातर यात्रा शुरू कित्ती। तिस नगरा च पुजणे ते थोड़ा पैहले, तिसरे चऊँ पासेयां आसमाना ते इक तेज चमकदार लोये चमकी कने सै घरतिया पर पई गया। शाऊले किसी जो ये गलांदे सुणया, “हे शाऊल! हे शाऊल! तू मिंजो कां सताये रां?” शाऊले पुछया, “हे प्रभु, तू कुण आ?” यीशुये तिसो जवाब दित्या, “हऊँ यीशु आ। तू मिंज्जो कैं सताये रां!” ![](https://cdn.door43.org/obs/jpg/360px/obs-en-46-03.jpg) तजे शाऊल उठेया तां सै देखी नीं सकदा था। तिसरे दोस्त तिसो दमिश्का च लई ने गये थे। शाऊले तीन्न दिना तकौ किछ मनी खाद्या ना किछ पित्या था। ![](https://cdn.door43.org/obs/jpg/360px/obs-en-46-04.jpg) दमिश्क च हनन्याह नौं रा इक चेला था। परमेशरे तिसने बोल्या, “तिस घरा जो जा तेथी जे शाऊल ठैहरी रा। अपणे हत्थां जो तिस पर रख तां भई सै फेरी ते देखणे लगो।” पर हनन्याहे बोल्या, “हे प्रभु, मैं सुणीरा भई इने माहणुये विस्वासियाँ जो कितना सताई रा।” परमेशरे तिसो जवाब दित्या, “जा! मैं तिसो यहूदियां च कने दुज्जी जातियां रे लोकें मेरे नौं री घोषणा करने खातर चुणी लरा। तिस मेरे नौं खातर बोहत कष्ट सेहन करने।” ![](https://cdn.door43.org/obs/jpg/360px/obs-en-46-05.jpg) इस खातर हनन्याह शाऊला ला जो गया, अपणे हत्थां जो तिस पर रखया कने गलाया, “यीशुये, सै जे येथी औणे रे तेरे रस्ते च तू पर प्रगट हुआ था, मिंज्जो तेरे ला जो भेज्जिरा तां भई तू फेरी देखणे लगो कने पवित्र आत्मा तिज्जो भरी देओ।” ताहलूं ई शाऊल फेरी देखणे लगी गया कने हनन्याहे तिसो बपतिस्मा दित्या। तां शाऊले रोटी खादी कने फेरी ते ताकत पाई। ![](https://cdn.door43.org/obs/jpg/360px/obs-en-46-06.jpg) तदुआं ते, शाऊले दमिश्क च रैहणे औले यहूदियां च प्रचार करना शुरु करी दित्या। तिने बोल्या, “प्रभु यीशु ई परमेशरा रा पुत्र आ!” यहूदी लोक रैहान थे, कांभई शाऊले तां विस्वासियां जो मारी देणे री कोशत कित्ती थी, पर हुण सै प्रभु यीशुये पर विस्वास करां था। शाऊले यहूदियां सौगी तर्क-विर्तक कित्ते। तिने साबत कित्या भई प्रभु यीशु ई मसीह था। ![](https://cdn.door43.org/obs/jpg/360px/obs-en-46-07.jpg) बोहत दिनां ते बाद, यहूदियें शाऊला जो मारी देणे री योजना बणाई। तिनें तिसो मारी देणे खातर नगरा रे फाटकां पर लोकां जो भेज्या भई तिसो टोलदे रओ पर शाऊले तिसा योजना रे बारे च सुणी लया कने तिसरे दोस्तें तेथी ते बची ने जाणे खातर तिसरी मद्द कित्ती। इकी राती जो तिनें तिसो टोकरूये च बठाली ने नगरा रिया चऊं पासेयां औलिया कन्धा ते थल्ले तुआरी दित्या। दमिश्का ते बची कने निकलणे ते बाद शाऊल प्रभु यीशुये रे बारे च प्रचार करदा रैया। ![](https://cdn.door43.org/obs/jpg/360px/obs-en-46-08.jpg) शाऊल प्रेरितां ने मिलणे खातर यरूशलेमा जो गया, पर सै तिसते डरां थे। तां बरनबास नौं रे इक विस्वासी शाऊला जो प्रेरितां ला जो लई गया। तिनें तिनां जो दस्सया भई शाऊले कितनी हिम्मत करी ने दमिश्क च प्रचार कित्या था। तिसते बाद, प्रेरितें शाऊला जो स्वीकार करी लया। ![](https://cdn.door43.org/obs/jpg/360px/obs-en-46-09.jpg) किछ विस्वासी सै जे यरूशलेमा रे सतावा ते नह्ठी गे थे सै दूर अंताकिया नगरा जो चली गये थे कने प्रभु यीशुये रे बारे च प्रचार करां थे। अंताकिया च रैहणे औले लोक जादा जे यहूदी नीं थे, पर पैहली बार, तिनां च ते बोहत लोक विस्वासी बणी गे। बरनबास कने शाऊल इनां नवें विस्वासियां जो प्रभु यीशुये रे बारे च होर जादा सखाणे खातर तेथी गये कने कलीसिया जो मजबूत कित्या। प्रभु यीशुये पर विस्वास करने औले पैहली बार अंताकिया च ई “मसीही” कैहलाये। ![](https://cdn.door43.org/obs/jpg/360px/obs-en-46-10.jpg) प्रेरितों के काम 8:3; 9:1-31; 11:19-26; 13:1-3 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_46_128kbps.mp3 ## 47. फिलिप्पी च पौलुस कने सीलास https://openbiblestories.org/l/kfs/story-47/ ![](https://cdn.door43.org/obs/jpg/360px/obs-en-47-01.jpg) तजे शाऊले सारे रोमी सम्राज्या रियां यात्रा कित्तियाँ तां तिनें अपणे रोमी नौं “पौलुसा” रा इस्तेमाल करना शुरु करी दित्या। इक दिन, पौलुस कने तिसरा दोस्त सीलास फिलिप्पी नगरा च यीशुये रे बारे च खुश खबरी सुनाणे खातर गये। सै नगरा ते बाहर नदिया रे कनारे इकी जगहा पर गये तेथी लोक प्राथना करने रे खातर कट्ठे थे। तेथी से लुदिया नौं री इक जनाना ने मिले सै जे इक व्यापारी थी। सै परमेशरा ने प्रेम करां थी कने परमेशरा री आराधना करां थी। ![](https://cdn.door43.org/obs/jpg/360px/obs-en-47-02.jpg) परमेशरे लुदिया जो यीशुये रे बारे च संदेशा पर विस्वास करने खातर योग्य कित्या। पौलुस कने सीलासे तिसा जो कने तिसारे टबरा जो बपतिस्मा दित्या। तिसे पौलुस कने सीलासा जो अपणे घरा च ठैहरने खातर सद्या। इस खातर सै तेथी रूकी गये। ![](https://cdn.door43.org/obs/jpg/360px/obs-en-47-03.jpg) पौलुस कने सीलासे लोकां ने अक्सर तिसा जगहा पर मिलां थे तेथी जे यहूदी लोक प्राथना करां थे। हर रोज तजे सै तेथी जो जां थे तां इक दासी जनाना च तिसा च जे दुष्टात्मा रे जरिये चलाई जावां थी तिनां रा पीछा करां थी। इसा दुष्टात्मा रे जरिये ते सै लोकां रा औणे औला बगत दस्सां थी, इस खातर सै औणे औला बगत दस्सणे औलिया रे तौरा च अपणे मालकां खातर बोहत पैसे कमां थी। ![](https://cdn.door43.org/obs/jpg/360px/obs-en-47-04.jpg) तिनां रे जांदे बगता सै दासी जनाना रड़ाई ने दस्सां थी, “ये माहणु परम प्रधान परमेशरा रे सेवक ये। ये तुहां जो उध्दार पाणे रा रस्ता दस्से रां ये!” सै हर रोज येढ़ा ई करां थी तिसते जे पौलुस नराज हुई गया। ![](https://cdn.door43.org/obs/jpg/360px/obs-en-47-05.jpg) आखर च, इक दिन तजे तिसे दासी जनाने रड़ाणा शुरू कित्या, तां पौलुसे तिसा खौ मुड़ी कने तिसा रे अंदरा रिया दुष्टात्मा ने बोल्या, “प्रभु यीशुये रे नौं ते इसा चते निकली जा।” तिस बगत तिसे दुष्टात्मे तिसा जो छड्डी दित्या। ![](https://cdn.door43.org/obs/jpg/360px/obs-en-47-06.jpg) तिसा दासी कुड़िया रे मालक बोहत गुस्से हुई गये। तजे तिनां जो पता लगया भई बिना तिसा दुष्टात्मा ते सै दासी कुड़ी लोकां जो औणे औलियां गल्लां नीं सकदी थी। इतरा मतलब था भई लोकां हुण तिसा रे मालकां जो पैसे नीं देणे भई सै तिनां जो तिनां रा औणे औला बगत दस्सो भई तिनां ने सौगी क्या हुणा। ![](https://cdn.door43.org/obs/jpg/360px/obs-en-47-07.jpg) इस खातर तिसे दासिये कुड़िया रे मालके पौलुस कने सीलासा जो रोमी अधिकारियां ला जो लई गये। तिनें पौलुस कने सीलासा जो कुट्टया कने फेरी तिनां जो कैद खाने च पाई दित्या। ![](https://cdn.door43.org/obs/jpg/360px/obs-en-47-08.jpg) तिनें पौलुसा कने सीलासा जो जेलखाने रे येढ़े हिस्से‍ रख्या तेथी जे सबते जादा सपाई थे। येथी तकौ भई तिनें तिनां रे पैरां जो लकड़िया रे बड्डे टुकड़ेयां च जोड़ी दित्या। पर पौलुस कने सीलासे अधिया राती रे बगता, परमेशरा री स्तुति रे गीत गाये रां थे। ![](https://cdn.door43.org/obs/jpg/360px/obs-en-47-09.jpg) अचानक ते, इक बड्डा हिलण हुआ! जेलखाने रे सारे दरवाजे खुली गये कने सारे कैदियां रियां जंजीरां खुली ने पई गईयां। ![](https://cdn.door43.org/obs/jpg/360px/obs-en-47-10.jpg) तजे दरोगा जागी गया। तिने देख्या भई कैद खाने रे सारे दरवाजे खुली गरे थे। तिने सोचया भई सारे कैदी बची कने नह्ठी गरे थे। सै डरी गया भई तिनां रे नह्ठी जाणे रिया बजहा ते रोमी अधिकारियां तिसो मारी देणा, इस खातर सै अप्पुं जो मारने खातर तैयार हुई गया! पर पौलुस तिसो देखी ने जोरा ने हाक्क पाई, “रूकी जा! अपणा किछ नुक्सान मत करदा। अहें सारे येथी ई हये।” ![](https://cdn.door43.org/obs/jpg/360px/obs-en-47-11.jpg) तिस दरोगे कंबदे हुये पौलुस कने सीलासा ला जो आई ने पूछया, “उध्दार पाणे खातर हऊँ क्या करूँ?” पौलुसे तिसो जवाब दित्या, “प्रभु यीशुये पर विस्वास कर, तां तिज्जो कने तेरे घराने जो उध्दार मिलणा।” तां सै दरोगा पौलुस कने सीलासा जो अपणे घरा जो लई गया कने तिनां रे जख्मां जो साफ कित्या। पौलुसे तिसरे घरा रे सबीं लोकां जो प्रभु यीशुये रे बारे च खुश खबरी सुणाई। ![](https://cdn.door43.org/obs/jpg/360px/obs-en-47-12.jpg) दरोगे कने तिसरे पूरे टबरे प्रभु यीशुये पर विस्वास कित्या, इस खातर पौलुसे कने सीलासे तिनां जो बपतिस्मा दित्या। तां दरोगे पौलुस कने सीलासा जो रोटी खुआई कने सै इकी दुज्जे सौगी खुश हुये। ![](https://cdn.door43.org/obs/jpg/360px/obs-en-47-13.jpg) अगले दिन नगरा रे अगुवेयां पौलुसा कने सीलासा जो कैद खाने ते अजाद करी दित्या कने फिलिप्पी ते चली जाणे खातर गलाया। पौलुस कने सीलासे लुदिया कने किछ होर दोस्तां ने मिले कने तिसते बाद नगरा ते निकली गये। प्रभु यीशुये रे बारे च खुश खबरी फैलदी गई कने कलीसिया बद्दी गई। ![](https://cdn.door43.org/obs/jpg/360px/obs-en-47-14.jpg) प्रेरितों के काम 16:11-40 ते इक बाइबला री कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_47_128kbps.mp3 ## 48. प्रभु यीशु ई वादा कित्तिरा मसीह आ https://openbiblestories.org/l/kfs/story-48/ ![](https://cdn.door43.org/obs/jpg/360px/obs-en-48-01.jpg) तजे परमेशरे सृष्टिया जो बणाया तां सब किछ खरा था। कोई पाप नीं था। आदम कने हव्वा इकी दुज्जे जो प्रेम करां थे कने सै परमेशरा ने प्रेम करां थे। कोई बमारी या मौत नीं थी। परमेशरे ईयां ई संसारा जो चाहवां था। ![](https://cdn.door43.org/obs/jpg/360px/obs-en-48-02.jpg) शैताने सप्पा रे जरिये बगीचे च हव्वा ने गल्लां कित्तियां, कांह्भई सै तिसो धोखा देणा चाहवां था। तां हव्वा कने आदमे परमेशरा रे बरोधा च पाप कित्या। कांह्भई तिनें पाप कित्या था इस खातर धरतिया पर रैहणे औले सब माहणु मरां ये। ![](https://cdn.door43.org/obs/jpg/360px/obs-en-48-03.jpg) कांह्भई आदम कने हव्वे पाप कित्या था, इस खातर किछ होर बी बुरा हुआ। सै परमेशरा रा बरोध करने औले हुई गये। इतरे परिणाम ये हुआ भई तिनां ते जमणे औले सारे पापी कैहलाये। हर इक माहणु जन्मा ते ई परमेशरा रे बरोधा च पापी हुआं। परमेशर कने लोकां रे बीच शान्ति नीं थी। पर परमेशर शान्ति बनाणां चाहवां था। ![](https://cdn.door43.org/obs/jpg/360px/obs-en-48-04.jpg) परमेशरे वादा कित्या भई हव्वा रे इकी वंशजा शैताना रे सिरा जो जीगलणा। तिनें ये बी गलाया भई शैताना तिसरिया अड्डिया जो डस्णा। मतलब शैताना मसीह जो मारी देणा, पर परमेशरा तिसो फेरी ते जीऊंदा करी देणा। इसते बाद, मसीह शैताना रियां शक्तिया जो सदा खातर खत्म करी देणा। कई सालां ते बाद, परमेशरे प्रकट कित्या भई सै मसीह यीशु आ। ![](https://cdn.door43.org/obs/jpg/360px/obs-en-48-05.jpg) परमेशरे तिसा बाढ़ा ते अपणे टबरा जो बचाया तिसो जे सै लौणे औला था। नूहा जो इक किस्ती बनाणे खातर बोल्या। कने इयां परमेशरे तिनां लोकां जो बचाया सै जे तिस पर विस्वास करां थे। इस तरीके ने, सै सारे रे सारे परमेशरा रे जरिये मारी देणे जोगे थे कांह्भई तिनें पाप कित्या था। पर परमेशरे तिनां सबीं जो बचाणे खातर प्रभु यीशुये जो भेज्या सै जे तिस पर विस्वास करां ये। ![](https://cdn.door43.org/obs/jpg/360px/obs-en-48-06.jpg) कई सौ सालां ते बाद, याजक परमेशरा खातर बलिदान चढ़ांदे रये। ये दस्सां था भई लोकें पाप कित्या कने ये भई सै परमेशरा रे जरिये तिनां जो सजा मिलणे रे जोगे थे। पर सै बलिदान तिनांरे पापां जो माफ नीं करी सके थे। प्रभु यीशु सबते बड्डा महायाजक आ। तिने सै कित्या सै जे कोई याजक नीं करी सकदा था। तिने अप्पुं जो तिस इको ई बलिदाना खातर दई दित्या सै जे हर किसी रे पापां जो मटाई सकां था। तिनें ये मन्नया भई परमेशरे तिनां सबीं रे पापां खातर तिसो सजा देओ। इसा बजहा ते, प्रभु यीशु सिध्द महायाजक था। ![](https://cdn.door43.org/obs/jpg/360px/obs-en-48-07.jpg) परमेशरे अब्राहमा ने बोल्या, “मांह तेरे जरिये संसारा रे सबीं कुलां जो आशीष देणी।” प्रभु यीशु अब्राहमा रा वंशज था। परमेशरे अब्राहमा रे जरिये ते सबीं कुलां जो आशीषां देआं आ, कांह्भई सै जे प्रभु यीशुये पर विस्वास करांये परमेशर तिनां सबीं जो पापां ते बचावां। तजे ये लोक प्रभु यीशुये पर विस्वास करांये, तां परमेशरे तिनां जो अब्राहमा रे वंशज मन्नां। ![](https://cdn.door43.org/obs/jpg/360px/obs-en-48-08.jpg) परमेशरे अब्राहमा ने गलाया भई सै अपणे इकलौते पुत्रा जो तिस खातर बलिदान करी देओ। पर फेरी परमेशरे इसहाका रे बदले च बलि करने खातर इक मेम्ना दई दित्या। अहें सारे अपणे पापां खातर मारे जाणे रे जोगे थे! पर परमेशरे अहां रिया जगहा पर मरने खातर प्रभु यीशुये जो बलिदाना रे तौरा च दई दित्या। इसा वजहा ते अहें प्रभु यीशुये जो परमेशरा रा मेम्ना बोलांये। ![](https://cdn.door43.org/obs/jpg/360px/obs-en-48-09.jpg) तजे परमेशरे मिस्र पर आखरी बिपत्ति भेजी तां तिने हर इक इस्राएली परिवारां ने गलाया भई सै इक मेम्ने जो बलि करो। तिस मेम्ने च कोई दोष नीं हुणा चाहिंदा। तां अपणे दरवाजे रिया चौखटा रे उपर कने बखा खा तिनां जो तिसरे खुना जो लगाणे पौणा था। तजे परमेशरे तिस खुना जो देख्या तां सै तिनांरे घरां ते अग्गे बधी गया कने तिनांरे पैहलोठे पुत्रां जो नीं मारया। तजे ये हुआ तां परमेशरे इसो फसह रा त्योहार गलाया। ![](https://cdn.door43.org/obs/jpg/360px/obs-en-48-10.jpg) प्रभु यीशु फसह ते त्योहारा रे इकी मेम्ने साई आ। तिनें जे कदी बी पाप नीं कित्या, इस खातर तिस च बी गलत नीं था। सै फसह रे पर्वा रे बगता पर मरेया। तजे कोई प्रभु यीशुये पर विस्वास करां, तां प्रभु यीशुये रा लहु तिस माहणुये रे पापां री कीमत चुकावां। ये तेढ़ा आ तियां जे परमेशरे तिस माहणुये ला जो अग्गे बधीने गया, कांह्भई सै तिसो सजा नीं देंदा। ![](https://cdn.door43.org/obs/jpg/360px/obs-en-48-11.jpg) परमेशरे इस्राएली लोकां सौगी इक वाचा बन्नेयां, कांह्भई सै येड़े लोक थे तिनां जो परमेशरे अपणा बनाणे खातर चुणया था। पर हुण परमेशरे इक येढ़ी वाचा बन्नीरी सै जे सबीं खातर आ। जे किसी बी समाजा रा कोई बी माहणु बी इसा नविंयां वाचा जो मन्नां, तां सै परमेशरा रे लोकां च मिली जां। सै येढ़ा इस खातर कराम आ कांह्भई सै प्रभु यीशुये पर विस्वास करां आ। ![](https://cdn.door43.org/obs/jpg/360px/obs-en-48-12.jpg) मूसा इक येढ़ा भविष्यव्दक्ता था तिने जे परमेशरा रे वचनां जो बड्डिया सामर्था सौगी प्रचार कित्या था। पर प्रभु यीशु सबीं भविष्यव्दक्तावां च बड्डा आ। सै परमेशर आ, इस खातर जो किछ तिने कित्या कने गलाया सै परमेशरा रे काम्म कने वचन थे। इस खातर पवित्र शास्त्र प्रभु यीशुये जो परमेशरा रा वचन दस्सां। ![](https://cdn.door43.org/obs/jpg/360px/obs-en-48-13.jpg) परमेशरे राजा दाऊदा ने वादा कित्या था भई राजा रे तौरा च तिसरा इकी वंशजा परमेशरा रे लोकां पर सदा खातर शासन करना। प्रभु यीशु परमेशरा रा पुत्र कने मसीह आ, इस खातर सै राजा दाऊदा रा वंशज आ सै जे सदा खातर राज्य करी सकां आ। ![](https://cdn.door43.org/obs/jpg/360px/obs-en-48-14.jpg) उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 ते बाइबला री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_48_128kbps.mp3 ## 49. परमेशरा री नवीं वाचा https://openbiblestories.org/l/kfs/story-49/ ![](https://cdn.door43.org/obs/jpg/360px/obs-en-49-01.jpg) इकी स्वर्गदूते इकी जवान जनाना मरियमा ने गलाया भई तिसा परमेशरा रे पुत्रा जो जन्म देणा। अजें सै कुआरी ई थी, पर पवित्र आत्मा रिया सामर्था ते तिसा जो गर्भ रैया। तिसे इकी पुत्रा जो पैदा कित्या तिसरा नौं यीशु रख्या गया। इस खातर, प्रभु यीशु परमेशर कने माहणु दोनों आ। ![](https://cdn.door43.org/obs/jpg/360px/obs-en-49-02.jpg) प्रभु यीशुये बोहत सारे चमत्कार कित्ते तिनां ते जे ये पता लगां भई सै परमेशर आ। सै पाणिये पर चलया कने तुफाना जो शान्त करी दित्या। तिनें बोहत सारे बमार लोकां जो चंगा कित्या कने बोहत सारे लोकां च ते दुष्टात्मां जो कड्डया। तिने मरी रे लोकां जो जीऊंदा करी दित्या कने तिने पाँज्ज रोटी कने दो मछियाँ ते पाँज्ज हजार लोकां जो खुआणे खातर रोटिया चौ बदली दित्या। ![](https://cdn.door43.org/obs/jpg/360px/obs-en-49-03.jpg) प्रभु यीशु इक महान शिक्षक बी था। जो किछ बी तिनें सखाया, सै तिनें सिध्द हुई ने सखाया। सै जे से लोकां ते करने खातर बोलां भई तिनां जो करना चाहिंदा कांह्भई सै परमेशरा रा पुत्र आ। उदाहरणा खातर, तिने सखाया भई तुहां जो होरीं लोकअं जो तिसा रीतिया ते प्रेम करने री जरुरत ई तियां जे तुहें अप्पुं सौगी प्रेम करां ये। ![](https://cdn.door43.org/obs/jpg/360px/obs-en-49-04.jpg) तिने ये बी सखाया भई तुहांजो सबीं चीजां ते जादा कने अपणी संपतिया ते बी जादा परमेशरा जो प्रेम करना चाहिंदा। ![](https://cdn.door43.org/obs/jpg/360px/obs-en-49-05.jpg) प्रभु यीशुये गलाया भई संसारा च किसी बी चीजा रे मिलणे ते खरा आ परमेशरा रे राज्य चौ जाणा। तिसरे राज्य च तुहांरे जाणे खातर जरुरी आ भई परमेशर तुहां जो तुहां रे पापां ते बचाओ। ![](https://cdn.door43.org/obs/jpg/360px/obs-en-49-06.jpg) प्रभु यीशुये गलाया भई तिनां लोकां जे तिसो ग्रहण करना। परमेशरा तिनां लोकां जो बचाणा। पर किछ लोकां तिसो ग्रहण नीं करना। तिने ये बी गलाया भई किछ लोक खरिया मिट्टिया साई ये, कांह्भई सै प्रभु यीशुये रे बारे च खु खबरिया जो मन्नी लेयांये कने परमेशर तिनां जो बचावां। पर किछ लोक रस्ते रिया सख्त मिट्टिया साई ये। परमेशरा रा वचन बीजा साई रस्ते पर पवां, पर तेथी किछ मनी पैदा हुंदा। ये लोक प्रभु यीशुये रे बारे च संदेशां जो नीं मन्नदे। सै परमेशरा रे राज्या च जाणे ते मना करी देआंये। ![](https://cdn.door43.org/obs/jpg/360px/obs-en-49-07.jpg) प्रभु यीशुये सखाया भई परमेशर पापियां ने बोहत प्रेम करां। सै तिनां जो माफ करना चाहवां कने तिनां जो अपणी औलादां बनाणा चाहवां। ![](https://cdn.door43.org/obs/jpg/360px/obs-en-49-08.jpg) प्रभु यीशुये ये बी दस्सया भई परमेशर पापा ते घृणा करां। कांह्भई आदम कने हव्वे पाप कित्या, इस खातर तिनां ते पैदा हुणे औले सारे पापी हुये। इस संसारा च रैहणे औला हर इक माणू पाप करां कने परमेशरा ते दूर आ। हर इक माहणु परमेशरा ने बैर करां। ![](https://cdn.door43.org/obs/jpg/360px/obs-en-49-09.jpg) पर परमेशरे इस संसारा च रैहणे औले हर इक माहणुये ने इस तरीके ने प्रेम कित्या : तिने अपणा इकलौता पुत्र दई दित्या भई परमेशर तिस पर विस्वास करने औलेयां जो सजा नीं देओ। इसरे बजाये, तिनां तिस सौगी सदा खातर रैहणा। ![](https://cdn.door43.org/obs/jpg/360px/obs-en-49-10.jpg) तुहें मरने रे जोगे ये। कांह्भई तुहें पाप कित्ती रा। तुहां ने परमेशरा रा गुस्से हुणा ठीक ई आ, इसरे बजाये, सै प्रभु यीशुये पर गुस्से हुआ। तिनें प्रभु यीशुये जो क्रूसा पर मौता री सजा दई कने सजा दित्ती। ![](https://cdn.door43.org/obs/jpg/360px/obs-en-49-11.jpg) प्रभु यीशुये कदी बी पाप नीं कित्या, पर तिने परमेशरा जो तिसो सजा देणे दित्ती। तिनें अहां खातर मरना स्वीकार कित्या। इस तरीके ने, तुहां रे पापां जो कने इस संसार च रैहणे औले हर इक माहणुये रे पापां जो चक्की लेणे खातर सै इक सिध्द बलिदान था। प्रभु यीशुये अप्पुं जो परमेशरा खातर बलिदान करी दित्या, इस खातर परमेशरे किसी बी पापा जो, येथी तकौ भई खतरनाक ते खतरनाक पापां जो बी माफ करां। ![](https://cdn.door43.org/obs/jpg/360px/obs-en-49-12.jpg) भले ई जे तुहें बोहत खरे काम्म बी करदे हो, तां इतरे जरिये परमेशरा तुहां जो अनन्त मौता ते बचाणा नीं आ। परमेशरा रा दोस्त बणने खातर तुहें अप्पुं खा ते किछ मनी करी सकदे। इतरे बजाये, तुहां जो विस्वास करने पौणा भई प्रभु यीशु परमेशरा रा पुत्र आ कने सै तुहां रे बदले क्रूसा पर मरी गया कने ये बी भई परमेशरे तिसो फेरी भीं जीऊंदा करी दित्या। जे तुहें इस पर विस्वास करो, तां परमेशरा तुहां रे सारे पाप माफ करी देणे। ![](https://cdn.door43.org/obs/jpg/360px/obs-en-49-13.jpg) परमेशरा प्रभु यीशुये पर विस्वास करने औले कने सै जे प्रभुये जो अपणा प्रभु स्वीकार करां येढ़े हर इक माहणुये जो बचाणा। पर जो कोई प्रभु यीशुये पर विस्वास नीं करदे सै कियां बी बची नीं सकदे। ये कोई मायने नीं रखदा भई तुहें गरीब हो या अमीर हो, मर्द हो या जनाना, येथी रैंहदे हो या ओथी। परमेशर तुहां ने प्रेम करां कने चाहवां भई तुहें प्रभु यीशुये पर विस्वास करो भई सै तुहां रा दोस्त बणी सको। ![](https://cdn.door43.org/obs/jpg/360px/obs-en-49-14.jpg) प्रभु यीशु तुहां जो सद्दे रां भई तिस पर विस्वास करो कने बपतिस्मा लओ। क्या तुहें विस्वास करां ये भई परमेशरा रा इकलौता पुत्र यीशु मसीह ई आ? क्या तुहें विस्वास करां ये भई तुहें पापी ये कने ये भई तुहें परमेशरा रे जरिये पापां री सजा भुगतणे रे जोगे ये? क्या तुहें विस्वास करां ये भई प्रभु यीशु तुहां रे पापां जो मटाणे खातर क्रूसा पर मरया? ![](https://cdn.door43.org/obs/jpg/360px/obs-en-49-15.jpg) जे तुहें प्रु यीशुये पर कने जो किछ तिने तुहां खातर कित्तिरा तिस पर विस्वास करां ये, तां तुहें इक मसीही ये! शैतान अपणे नेहरे रे राज्य च हुण तुहां पर राज्य नीं करदा। हुण परमेशर अपणिया लोई च राज्य च तुहां पर राज करां आ। तिनें तुहां जो पाप करने ते रोकी दित्तिरा, सै जे तुहें पीढ़ियां ते करदे आये रां थे। तिनें तुहां जो इक नवां, खरा जीवन दित्या। ![](https://cdn.door43.org/obs/jpg/360px/obs-en-49-16.jpg) जे तुहें इक मसीही ये तां सै जे प्रभु यीशुये कित्तिरा तिस रिया बजहा परमेशरे तुहांरे पापां जो माफ करी दित्तिरा। हुण, परमेशर इकी बैरिये री बजाये तुहां जो घणा दोस्त मन्नां। ![](https://cdn.door43.org/obs/jpg/360px/obs-en-49-17.jpg) जे तुहें परमेशरा रे दोस्त हो कने प्रभु यीशुये सेवक हो तां तुहें तिनां गल्लां रा पालन करने री इच्छा करगे सै जे किछ प्रभु यीशु तुहां जो सखावां। भले ई तुहें इक मसीही हो, शैताना हुण बी पाप करने खातर तुहां री परीक्षा करने री कोशत करनी। पर परमेशरा सदा सै करना सै जे तिनें करने रे वादे कित्तिरे। सै बोलां भई जे तुहें अपणे पापां जो मन्नी लो, तां तिस तुहां जो माफ करी देणा। तिस तुहां जो पापां रे बरोधा च लड़ने री सामर्थ देणा। ![](https://cdn.door43.org/obs/jpg/360px/obs-en-49-18.jpg) रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 ते बाइबला रि इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_49_128kbps.mp3 ## 50. प्रभु यीशुये बापस औणा https://openbiblestories.org/l/kfs/story-50/ ![](https://cdn.door43.org/obs/jpg/360px/obs-en-50-01.jpg) लगभग दो हजार सालां ते, संसारा च सबी जगहां पर जादा ते जादा लोक मसीह यीशुये रे बारे च खुश खबरी सुणाये रां ये। कलीसिया तरक्की करे रां ई। प्रभु यीशुये रा वादा भई तिस संसारा रे आखर च बापस औणा। अजें तकौ तां सै बापस नीं आईरा, तां बी तिस अपणा वादा पूरा करना। ![](https://cdn.door43.org/obs/jpg/360px/obs-en-50-02.jpg) तजे भई अहें प्रभु यीशुये रे बापस औणे जो न्हालया रां ये, परमेशरे अहां ते येढ़े तरीके ते जीवन जीणे री इच्छा करां सै जे पवित्र आ कने तिसते जे तिसरा आदर हुंदा हो। तजे सै धरतिया पर रये रां था तां तिने गलाया, “मेरे चेलेयां संसारा रियां सबीं जगहां पर लोकां जो परमेशरा रे राज्य रे बारे च खुश खबरी प्रचार करनी कने तां अंत आई जाणा।” ![](https://cdn.door43.org/obs/jpg/360px/obs-en-50-03.jpg) मते सारे समाजा रे लोक अजें तकौ बी प्रभु यीशुये रे बारे च नीं सुणी रा। स्वर्गा जो बापस जाणे ते पैहले, प्रभु यीशुये मसीहियां ते तिनां लोकां जो खुश खबरी सुणाने खातर गलाई रा तिनें जे कदी मनी सुणी रा। प्रभु यीशुये बोल्या, “जावा कने सबीं जातियां रे लोकां जो चेला बणावा!” कने लूणने खातर खेत तां पक्की चुक्किरे!” ![](https://cdn.door43.org/obs/jpg/360px/obs-en-50-04.jpg) प्रभु यीशुये ये बी बोल्या, “किसी माहणुये रा सेवक अपणे मालका ते बड्डा नीं हुंदा। इस संसारा रे खास लोकें मेरते नफरत कित्ती कने मेरिया बजहा ते तिनां तुहां जो बी सताणा कने मारी देणा। इस संसारा च तुहां जो दुख कने कष्ट हुणे, पर मजबूत बणा कांह्भई मैं शैताना जो हराई दित्तिरा सै जे इस संसारा पर राज्य करां था। जे तुहें आखर तकौ मेरे सौगी विस्वासा जोगे बणी रे रओ, तां परमेशरा तुहां जो बचाणा!” ![](https://cdn.door43.org/obs/jpg/360px/obs-en-50-05.jpg) प्रभु यीशुये अपणे चेलेयां जो ये समझाणे खातर इक कहाणी सुणाई भई तजे संसारा रा अंत हुआं तां लोकां सौगी क्या हुणा। तिनें बोल्या, “किसी माहणुये अपणे खेता च खरा बीऊ बाह्या। तजे सै सये रां था तां तिसरा शत्रु आया कने कणका रे बीऊआं रे बीच जंगली पौधे रे बीजां जो बाह्ई दित्या कने फेरी सै चली गया।” ![](https://cdn.door43.org/obs/jpg/360px/obs-en-50-06.jpg) “तजे पौधेयां जो लुंगां निकलियां तां सेवकेम तिस माहणुये ने बोल्या, ‘हे स्वामी, तैं तां अपणे खेता च खरा बीज बाह्या था, तां फेरी इसच जंगली पौधे कां ये?’ तिने माहणुये जवाब दित्या, ‘सिर्फ मेरे शत्रु ई तिनां जो बाह्णा चाहंगे। ये मेरा कोई शत्रु आ तिने जे येढ़ा कित्तिरा।’” ![](https://cdn.door43.org/obs/jpg/360px/obs-en-50-07.jpg) “तिनें सेवकें अपणे मालका जो जवाब दित्या, ‘क्या अहें जंगली पौधेयां जो पट्टी देणा चाहिंदा?’ तिने मालके बोल्या, ‘नईं। जे तुहें येढ़ा करगे तां तुहां किछ कणक बी पट्टी देणी। लूणाईया रे बगता तकौ न्हयाला। तां जंगली पौधेयां रे पुल्ले बन्नी ने कट्ठे करी लवा तां भई तुहें तिनां जो फुक्की सको। पर कणका जो मेरे पेड़ुआं चौ ली आवा।’” ![](https://cdn.door43.org/obs/jpg/360px/obs-en-50-08.jpg) चेले इसा कहाणिया रे मतलबा जो नीं समझी सके, इस खातर तिनें प्रभु यीशुये ते तिनां जो समझाणे री प्राथना कित्ती। प्रभु यीशुये बोल्या, “खरा बीज बाह्णे औला माहणु मसीह रे बारे च दस्सां। खेत संसारा रे बारे दस्सां ये। खरा बीऊ परमेशरा रे राज्य रे लोकां रे बारे च दस्सां ये।” ![](https://cdn.door43.org/obs/jpg/360px/obs-en-50-09.jpg) “जंगली पौधे तिस दुष्ट माहणुये, शैताना रे लोकां रे बारे च दस्सां ये। तिस माहणुये रा शत्रु शैताना रे बारे च दस्सां, तिने जे जंगली पौधेयां जो बाह्ई दित्या था। लूणाई इस संसारा रे अंत हुणे रे बारे च दस्सां ई, कने लूणाई करने औले परमेशरा रे स्वर्गदूतां रे बारे च दस्सां ये।” ![](https://cdn.door43.org/obs/jpg/360px/obs-en-50-10.jpg) “तजे संसारा रा अन्त हुणा तां स्वर्गदूतां तिनां सबीं लोकां जो सौगी कट्ठा करना सै जे शैताना जो मन्नां ये। तिनां स्वर्गदूतां तिनां जो बोहत गर्म आग्गी च सट्टि देणा। तेथी तिनां लोकां पीड़ां च खतरनाक सताये जाणे च रोणा कने अपणे दाँद किर्डने रा काम्म करना। पर सै जे लोक धर्मी ये, तिनें जे प्रभु यीशुये रे पीछे चलना नीं छड्डया, तिनां अपणे पिता परमेशरा रे राज्य च सूरजा साई चमकणा।” ![](https://cdn.door43.org/obs/jpg/360px/obs-en-50-11.jpg) प्रभु यीशुये ये बी गलाया भई इस संसारा रा अंत हुणे रे पैहले तिस पृथ्विया पे बापस औणा। तिस तिस ई तरीके कने बापस औणा तियां जे सै गया था। मतलब, तिस ले असली शरीर हुणा कने तिस आकाशा रेयां बदलां पर सवार हुई कने औणा। तजे प्रभु यीशुये बापस औणा, तां हर इक मसीही सै जे मरी चुक्की रे तिनां मरी रेयां च ते जी उठणा कने तिनां ने अकाशा च मिलणा। ![](https://cdn.door43.org/obs/jpg/360px/obs-en-50-12.jpg) तां सै जे मसीही अजें तकौ जीऊंदे हुणे सै अकाशा चौ चक्कि लये जाणे कने तिनां दुज्जे मसीहियां सौगी मिली जाणा सै जे मरी रेयां च ते जीऊंदे हुई गरे। तिनां सब्बीं तेथी प्रभु यीशुये सौगी रैहणा। तिसते बाद, प्रभु यीशुये अपणे लोकां सौगी रैहणा। तजे तिनां सौगी रैहणा तां तिनां ले सदा खातर पूरी शान्ति हुणी। ![](https://cdn.door43.org/obs/jpg/360px/obs-en-50-13.jpg) प्रभु यीशुये तिस पर विस्वास करने औले हर इक माहणुये जो इक मुकुट देणे री प्रतिज्ञा कित्तिरी। तिनां सदा खातर परमेशरा सौगी हर इक चीजा पर राज्य करना। तिनां ले सिध्द शान्ति हुणी। ![](https://cdn.door43.org/obs/jpg/360px/obs-en-50-14.jpg) पर परमेशरा तिनां सबीं रा न्याय करना तिनां सै जे प्रभु यीशुये पर विस्वास नीं करदे। तिस तिनां जो नरका च पाई देणा। तेथी तिनां रोणा कने अपणे दँदां जो किर्डणा कने तिनां जो सदा खातर दर्दां रैहणियां। कदी मनी बुझणे औलिया आग्गी तिनां जो सदा फुखदे रैहणा कने तेथी रेयां कीड़ेयां तिनां जो बड्डदे ई रैणा। ![](https://cdn.door43.org/obs/jpg/360px/obs-en-50-15.jpg) तजे प्रभु यीशु बापस आवां, तां तिस पूरे तरीके ने शैताना जो कने तिसरे राज्य जो नष्ट करी देणा। तिस शैताना जो नरका च पाई देणा। तेथी शैताना खातर जलदे रैहणा, तिनां सबीं सौगी तिनें जे परमेशरा रियां गल्लां जो मनणे रे बजाये शैताना रे पीछे चलणे रा चुनाव कित्या था। ![](https://cdn.door43.org/obs/jpg/360px/obs-en-50-16.jpg) कांह्भई आदम कने हव्वे परमेशरा रे हुक्मां जो नीं मन्नेया था कने पापा जो संसारा चौ लई कने आये थे, परमेशरे तिसो श्राप दित्या कने तिसो नष्ट करने रा निर्णय कित्या। पर किसी दिन परमेशरा इक नवां स्वर्ग कने इक नवीं पृथ्विया री रचना करनी सै जे सिध्द हुणे। ![](https://cdn.door43.org/obs/jpg/360px/obs-en-50-17.jpg) मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 ते बाइबल री इक कहाणी Audio: https://git.door43.org/translationCore-Create-BCS/kfs_obs/releases/download/v1/kfs_obs_v1_50_128kbps.mp3