# unfoldingWord Open Bible Stories — Inner Seraji - Language code: `kfx-x-innerseraji` - Canonical page: https://openbiblestories.org/l/kfx-x-innerseraji/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Inner Seraji translation; it is not a translation of the whole Bible. ## 1. संसारा री सृष्टी https://openbiblestories.org/l/kfx-x-innerseraji/story-1/ ![](https://cdn.door43.org/obs/jpg/360px/obs-en-01-01.jpg) पहिले परमेश्वरे धरती री हर एक चीज एउ तरीके बणाई | तेऊ छहा धयाडी में संसार होर जोह कुछ तेता में आसा सह सबे साह बणाऊ। जेबा परमेश्वरे धरती बणाई तेवा , तेऊ वक्ते पुरी धरती में निहारा थी होर पूरी ख़ाली थी, किबेकी एबरे तणी परमेश्वरे धरती में कोहे भी चीज नाँई बणाई थी। पर परमेश्वरा री आत्मा पाणी पेंदे चला करा थी। ![](https://cdn.door43.org/obs/jpg/360px/obs-en-01-02.jpg) तेउकी परमेश्वरे संसारा बणने का पहिली धयाडी यह आज्ञा दीनी की “परयाशा हो!" होर तेभरी प्र्याशा होऊ, परमेश्वरे हेरू की परयाशा शोभला साहा होर तेता बे परमेश्वरे “धयाड” बोलू। तेउकी तेऊ परयाशा निहारे का अलग करू होर निहारे बे “राच” बोलू। परमेश्वरे हेरू की शोभला साहा। परमेश्वरे संसारा बणने का पहिले धयाडी में प्र्याशा बणाऊ। ![](https://cdn.door43.org/obs/jpg/360px/obs-en-01-03.jpg) तेउकी दूजी धयाडी परमेश्वरे बोलू, “पाणी रे बीचे एक फर्क होए।” होर हेरा पाणी में एक फर्क होऊ। होर परमेश्वरे एउ फर्का बे सरग बोलू। ![](https://cdn.door43.org/obs/jpg/360px/obs-en-01-04.jpg) तेउकी चिऊणे धीयाडे परमेश्वरे बोलू’ पाणी एक तरफा बे इकठे होए होर शुकी जमीन हेर्दी लागे। "परमेश्वरे शुकी जमीना बे “धरती” बोलू होर पाणी बे समुन्द्र बोलू। परमेश्वरे हेरू की जो कुछ माए बणाऊ सह शोभला साहा। ![](https://cdn.door43.org/obs/jpg/360px/obs-en-01-05.jpg) तेउकी परमेश्वरे बोलू, “धरती पेंदे हर तरहा रे बेजे आल़े डाल बूटे लागे। ” होर एडा ही होऊ। परमेश्वरे हेरू जोह कुछ बणाऊ सह सभे शोभला थी। ![](https://cdn.door43.org/obs/jpg/360px/obs-en-01-06.jpg) तेउकी चऊथे धयाडे परमेश्वरे बोलू, "सरगे अलग- अलग परयाशा होये।" होर तेडे ही सरगे सूरज होर जोथ ,तारे प्रगट होई। परमेश्वरे या रौशनी बे धरती पेंदे परयाशा दीणे री तणी होर राच धियाड, होर साला परमेश्वरे ने धरती पेंदे प्रयाशे दींणे री तणी धयाड होर राच होर मोसमा में होर सालोमा में फर्क करने री तणी बडाई। ![](https://cdn.door43.org/obs/jpg/360px/obs-en-01-07.jpg) तेउकी पांजे धयाडे परमेश्वरे बोलू, "पाणी रे बीचे तेरन आल़े सारे जीब जन्तु होर सरगे उडन आल़े सभे चेलू बणाई। एउ साबे परमेश्वरे पाणी में तैरन आल़े जीब जन्तु होर सरगे उडन आल़े चेलू बणाई परमेश्वरे हेरू की यह शोभला साहा की होर तेता बे आशीष दीनी। ![](https://cdn.door43.org/obs/jpg/360px/obs-en-01-08.jpg) छहे धयाडे परमेश्वरे बोलू, "जमीना पेंदे रहण आल़े सारे जानबर बणे।"होर परमेश्वरा रे बोलणे रे साबे एडा होऊ। कुछ जानवर पालतू थी, कुछ जानवर जमीना पेदें रेंगणे आल़े थी, होर कुछ जगली जानबर थी। होर परमेश्वरे हेरू की जो माए बनाऊ सह शोभला थी। ![](https://cdn.door43.org/obs/jpg/360px/obs-en-01-09.jpg) तेउकी परमेश्वरे बोलू, “महा मणश आपणी समानता में बड़ाऊण। तेऊ धरती पेंदे होर सभी जानबरा पेंदे राज करना।" ![](https://cdn.door43.org/obs/jpg/360px/obs-en-01-10.jpg) एता बाद परमेश्वरे माटा आणी करे तेता सगे मणश बणाऊ, होर तेऊ मणशा में शाह फुकरु होर सह एक जिउंद मणश बणु। एऊ पहिले मणशा रा ना परमेश्वरे आदम डाहु। परमेश्वरे आदमा बे रहणे बे एक बडा वगीचा बनाऊ होर आदमा तेत्की भाल शूण करने बे बोलू। ![](https://cdn.door43.org/obs/jpg/360px/obs-en-01-11.jpg) बगीचे रे वीचा में परमेश्वरे दूई मुख्य बूटे लाई, एक जीबना रअ बूटअ होर बुरे रे ज्ञाना रअ बूटअ लाऊ। परमेश्वरे आदमा बे बोलू की तूह तेऊ बगीचे रे फला खाई सका पर शोभेले होर बुरे ज्ञाना रे जोह बूटे आसा तेतके फल तूह कधी भी नाँई खाए | किबेकी जासु धयाडी तूह तेऊरअ फल खालअ तेसी धयाडी तूह मरण। ![](https://cdn.door43.org/obs/jpg/360px/obs-en-01-12.jpg) तेउकी परमेश्वरे बोलू की आदमा मर्दा रा केले रहणा ठीक नाँई आंदा।" पर कोहे भी जानवर आदमा रअ सगी नाँई बणी सकदअ। ![](https://cdn.door43.org/obs/jpg/360px/obs-en-01-13.jpg) तेबा परमेश्वरे आदम घणी नीजा में पाऊ। तेउकी परमेश्वरे आदमा री एक पसली काडी करे एक बेटड़ी बणाई होर सह बेटड़ी आदमा सेटा डाही। ![](https://cdn.door43.org/obs/jpg/360px/obs-en-01-14.jpg) जेबा आदमे सह बेटड़ी हेरी तेवा तेऊ बोलू, " काम से काम यह माह ज़ेही हेरनी साहा! ऐसा बे बेटड़ी बोलणा, किबेकी यह मर्दा का बणाई दी आसा।"एउ साबे मर्द आपणे आमा बापू छाडी करे आपणी बेटड़ी सगे एक हुंदा। ![](https://cdn.door43.org/obs/jpg/360px/obs-en-01-15.jpg) परमेश्वरे मर्द होर बेटड़ी आपु ज़ेही बणाई। तेऊ त्यहा बे आशीष दीनी होर त्याह बे बोलू, "तमें खासे बाल बच्चे पैदा करा होर सारी पृथ्वी में भरा!" एता बाद परमेश्वरे हेरू जो माए बणाऊ दा थी सह शोभला आसा, होर सह तेता सभी चिजा का खुश थी। यह सभे साहा बणाऊणे री छ्ही धयाड होई थी। ![](https://cdn.door43.org/obs/jpg/360px/obs-en-01-16.jpg) साते धयाडे परमेश्वरे त्या सभे काम पुरे करी जोह तेऊ शुरू करी दे थी। होर साती धयाडी बे परमेश्वरे आशीष दीनी होर सह धयाड पवित्र डाही, किबेकी तेसा धयाडी तेऊ संसारा री हर एक चीज बणाई करे आपणा सारा काम करू। एउ तरीके सगे परमेश्वरे संसार होर जोह कुछ तेता में आसा हर एक चीज बणाई। *उत्पत्ति अध्याय 1-2 का बाईबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_01_128kbps.m4a ## 2. पापा रा संसारा में ईहणा https://openbiblestories.org/l/kfx-x-innerseraji/story-2/ ![](https://cdn.door43.org/obs/jpg/360px/obs-en-02-01.jpg) परमेश्वरे मर्द होर बेटडी एकी दूजे सगे रहणे री तणी बणाई, त्या तेऊ बगीचे में खुशी सगे रहंदे लागे थी। परमेश्वरे यह बगीचा त्या बे बणाऊदा थी। तेऊ वक्ते त्या जेह झिकड़े बानणे बे नांई थी तेबा त्या नेगे रहंदा थी , पर तेउकी भी त्या एसा गला री शर्म नाँई हुन्दी थी, किवेकी तेऊ वक्ते संसारा में पाप नाँई थी। त्या दुहे तेऊ बगीचे में घुमदे रहंदा थी होर परमेश्वरे सगे गला करदे रहंदा थी। ![](https://cdn.door43.org/obs/jpg/360px/obs-en-02-02.jpg) पर तेऊ बगीचे में एक सर्प थी सह बहु चलाक थी। तेऊ सरपे बेटड़ी का पुछु, "कह सची परमेश्वरे तमा बे एउ बगीचे रे कासी भी बूटे रे फला खाणे बे नांई करू आसा?" ![](https://cdn.door43.org/obs/jpg/360px/obs-en-02-03.jpg) तेसा बेटड़ी उतर दीना, “परमेश्वरे हामा बे बोलू दा साहा की तमे तेऊ भले होर बुरे रे ज्ञाना रे बूटे रे फला छाडी करे कासी भी बूटे रे फल खाई सका। परमेश्वरे हामा बे बोलू दा साहा की अगर तमे तेऊ ज्ञाना भले होर बुरे रे फला खाले या छुले भी तेबा तमे मरने।” ![](https://cdn.door43.org/obs/jpg/360px/obs-en-02-04.jpg) तेऊ सरपे तेसा बेटड़ी बे उतर दीना, “यह सच नांई आंधा! तमे नांई मरने। परमेश्वर जाणा की जेड़े ही तमे तेऊ फला खाले, तमे परमेश्वरा रे बराबर हुणे होर तेऊ साही भले होर बुरे समझदे लागणे।’’ ![](https://cdn.door43.org/obs/jpg/360px/obs-en-02-05.jpg) जेबा तेसा बेटड़ी हेरू की सह फल हेरने बे शोभलअ थी होर खाणे बे सुआदा आलअ हेरा थी। सह भी समझदार बणना चाह्न्दा थी, तेबा तेसा फल चोडू होर खाऊ। तेऊकी तेसा सह आपणे मर्दा भी दीनअ होर तेऊ भी खाऊ। ![](https://cdn.door43.org/obs/jpg/360px/obs-en-02-06.jpg) फला खाणे बाद एकदम त्या री आछी खुली, होर त्या पता लागा की त्या नेगे आसा। तेउकी त्याहे पाच कठे करी करे मिलाई होर त्यारे झिकडे साही बणाई करे आपणे शरीरा ढोपणे री कोशिश करी। ![](https://cdn.door43.org/obs/jpg/360px/obs-en-02-07.jpg) तेबा आदम होर तेऊरी बेटड़ी बगीचे में हांडदे फिरदे परमेश्वरा री हाका शूणी। त्या दुहे परमेश्वरा का डरी करे गोझी। तेबा परमेश्वरे हाका पाई, “आदम! तूह कई तूह कई आसा?’’ आदमे बोलू, “माए बगीचे में हांडदे वक्ते तेरी हाका शूणी थी, होर हाऊ डरु, किबेकी हाऊ नेगअ थी। तेबा हाऊ गोझू।’’ ![](https://cdn.door43.org/obs/jpg/360px/obs-en-02-08.jpg) तेउकी परमेश्वरे पुछु, “ताह बे कुणी बोलू की तूह नेगअ आसा? कह ताए सह फल खाऊ जासु खाणे बे माए नांई बोलू दा थी?’’ आदमे बोलू, “ताए जोह बेटड़ी महा बे दीनी दी साहा तेसे यह फल महा बे दीनअ।" तेबा परमेश्वरे बेटड़ी का पुछु, "ताए यह कह करू?" तेसा बेटड़ी बोलू, "सरपे महा बे धोखा दीना।" ![](https://cdn.door43.org/obs/jpg/360px/obs-en-02-09.jpg) परमेश्वरे सर्पा बे बोलू, "ताहबे हाऊ शाप दिंदा! तुह आपणे पेटे सगे हांडण होर ताहा माटा खाणा। ताह होर एसा बेटड़ी एकी दूजे का नफरत करनी, होर तेरी संताना भी एकी दूजे का नफरत करनी। एसा बेटड़ी रे बंशा तेरे मुड़ फालण, होर ताहा एसा बेटड़ी री टागा डसणी।" ![](https://cdn.door43.org/obs/jpg/360px/obs-en-02-10.jpg) तेबा परमेश्वरे बेटड़ी बे बोलू, "महा तेरी सुईणे री दाह बहु बढ़ाऊणी। ताह आपणे मर्दा का सहायता मागणी होर तेऊ ता पेंदे अधिकार करणा।" ![](https://cdn.door43.org/obs/jpg/360px/obs-en-02-11.jpg) परमेश्वरे आदमा बे बोलू, "ताए आपणी बेटड़ी री शूणी होर मेरी आज्ञा नांई मनी। तेबा धरती शापित होई, होर ताह फसला बऊदे वक्त बहु मेहनता री जरूरत हुणी। एबा तुह मरण, होर तेरा शारीर माटे में मिलणा।" तेऊ आदमे आपणी बेटड़ी रा ना हबा डाहु, जासका मतलब "जिंदगी दीण आली", किबेकी सह सभी जाति री आमा हुणी। होर परमेश्वरे आदम होर हबा बे जानबरा रे खाली रे झिकड़े बानहणे बे दिने। ![](https://cdn.door43.org/obs/jpg/360px/obs-en-02-12.jpg) तेउकी परमेश्वरे बोलू, "एबा भले होर बुरे रे जाणने मणश हामा बराबर होऊ, तेबा तेऊ जीबना रे बूटे रे फल खाणे नांई दीणा, की त्या सदा बे जिऊद रहे।" तेबा परमेश्वरे आदम होर हबा बे तेऊ बगीचे का बागे काहडी। होर परमेश्वरे कासी भी तेऊ जीबना रे बूटे रे फल ना खाए तेबा परमेश्वरे तेऊ बगीचे रे नाहणे रे दूआरा सेटा शक्तिशाली स्वर्ग दूत दुआरा सेटा पहरे दिंदे डाही की कोहे भी तेऊ जीबना रे बूटे रे फला नाँई खाई सके। *उत्पति पाठ 3 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_02_128kbps.m4a ## 3. खासा पाणी https://openbiblestories.org/l/kfx-x-innerseraji/story-3/ ![](https://cdn.door43.org/obs/jpg/360px/obs-en-03-01.jpg) बहू बकता पहिले संसारा में बहु सारे लोका रहंधा थी। तया बहु ज्यादा दुष्ट होर होई थी। तेऊ वक्ता रे लोक एतरे बुरे कामा करदे लागे थी त्या कासी का भी नाँई डरी थी या। लोका रे बुरे काम हेरी करे परमेश्वरे यह बिचार करू की महा पूरा संसार पाणी सगे नष्ट करणा | ![](https://cdn.door43.org/obs/jpg/360px/obs-en-03-02.jpg) पर परमेश्वर नुहा का खुश थी। सह बुरे लोका रे बीचे एक धर्मी मनश थी, जोह दुष्ट लोका मन्झे रहंदा थी। तेबा परमेश्वरे नुहा बे खोजू की “महा खासा पाणी भेजी करे यह सारी धरती नष्ट करणी’’। तेबा परमेश्वरे नुहा बे एक बडी जहाज बड़ाऊने बे बोलू। ![](https://cdn.door43.org/obs/jpg/360px/obs-en-03-03.jpg) तेउकी परमेश्वरे नुहा बे बोलू, तूह एक काठा री एक जहाज बणा जासकी लम्बाई 140 मीटर होर चोडाई 23 मीट होर उचाई 13.5 मीटर होए। तूह तेता में एक ताकी एक दुआर, छापर होर तेता महितर चीण कमरे बणाये। किस्ती तेरी, होर तेरे परिवारा री होर जमीन में रहण अले हर तरहा रे जानबरा री तेऊ पाणी का रक्षा करनी। ![](https://cdn.door43.org/obs/jpg/360px/obs-en-03-04.jpg) नूहे परमेश्वरा री आज्ञा मनी। नुहे होर तेऊरे चीही शोहरू भी ठीक तेडी किस्ती बणाई जेडी परमेश्वरे त्या बे खोजी थी। किबेकी सह किस्ती बडी थी तेबा तेता बणाऊणे बे कई साला लागी | नुहे लोका बे इहण आल़े खासे पाणी रे बारे में चेताबनी देई करे बोलू की परमेश्वरा पेंदे बुशाह करा,पर लोके नुहा री गला पेंदे बुशाह नाँई करू, होर त्या पापा री जिंदगी जिउंदे रही। ![](https://cdn.door43.org/obs/jpg/360px/obs-en-03-05.jpg) परमेश्वरे नुहा बे आज्ञा दीनी, “तूह आपु बे होर आपणे टबरा बे आपु बे होर जानबरा बे खासा खाणे बे कठे कर। जेबा सबे साहा तयार होऊ, तेबा परमेश्वरे नुहा बे बोलू, एबा तेरा तेरी लाड़ी रा,तेरे चीही शोहरू रा तेरी चीही नुशा रा किस्ती में नाहणे रा वक्त आउआ।’’ ![](https://cdn.door43.org/obs/jpg/360px/obs-en-03-06.jpg) परमेश्वरे हर तरहा रे नर होर मादा जानवर होर हर तरहा रे नर होर मादा चेलू नुहा सेटा भेजी की त्या किस्ती में बेशे। परमेश्वरे एडे साबे हर तरह रे जानबर सात नर होर सात मादा भेजी जासू बे बलि चढाऊणे बे करी सके | जेबा त्याह सभे किस्ती में बेठे तेबा परमेश्वरे आपे किस्ती रअ दुआर बंद करू। ![](https://cdn.door43.org/obs/jpg/360px/obs-en-03-07.jpg) तेबा सरगा का पाणी ईहणा शुरू होऊ, होर पाणी बिना रुके चाहली धयाडी लागातार हुंदा रहू होर संसारा री हर एक चीजा डूबी, अखे तक की बड़े उचटे-उचटे पहाड भी पाणी में डूबी। ![](https://cdn.door43.org/obs/jpg/360px/obs-en-03-08.jpg) शुकी धरती में रहण आली हर एक चीज खत्म होई,पर किस्ती पाणी में चलदी रही, होर जेथरे लोका किस्ती में बेठे दे थी त्या सबे बची। ![](https://cdn.door43.org/obs/jpg/360px/obs-en-03-09.jpg) पाणी रुकणे रे बाद, पाज महीने तणी जहाज पाणी में तैरदी रही, होर तेऊ बकते पाणी कम हुंदा लागा थी। तेबा एकसा धयाडी सह किस्ती एकी पहाडा में टेकी, पर जमीना में एबरे भी बहु सारा पाणी थी। चीई महीने बाद,पहाडा री जोता थोड़ी -थोड़ी हेर्दी लागी थी। ![](https://cdn.door43.org/obs/jpg/360px/obs-en-03-10.jpg) तेउकी नुहे चाहली धयाडी बाद, नुहे एक काऊडअ यह हेरने बे बागे भेजू की पाणी शूका या नाँई | सह काउडअ शुकी जमीना लोडअ होरी – पोरी ऊडदअ रहू, पर तेरु कंधे भी शुकी जमीन बेशणे बे नाँई भेटी। ![](https://cdn.door43.org/obs/jpg/360px/obs-en-03-11.jpg) तेउकी नुहे बागे एक कबूतरी भेजी, पर तेसा कबूतरी भी कंधे भी शुकी जागहा नाँई भेटी,तेबा सह कबूतरी नुहा सेठा बे बापिस आई। एकी हप्ते बाद नुहे सह कबूतरी भी का भेजी, होर तेसा कबूतरी एकी हप्ते बाद तेऊये सह कबूतरी भी भेजी, होर तेसा आपणी चूजी में ब्याल्के वक्ते जैटूना री एक डाली आणी करे बापिस आई। पाणी धटता लागा थी, होर बूटे भीआ का लागदे लागे थी। ![](https://cdn.door43.org/obs/jpg/360px/obs-en-03-12.jpg) नुह एकी हप्ते होर रुकू होर चीऊणी बारी भीआ का सह कबूतरी बागे भेजी।एसा बारी तेसा बेशणे बे जागहा भेटी थी होर बापिस नाँई आई। किबेकी पाणी शुकदा लागा थी। ![](https://cdn.door43.org/obs/jpg/360px/obs-en-03-13.jpg) दुई महीने बाद परमेश्वरे नुहा बे बोलू, “एबा तूह होर तेरा परिवार होर सारे जानबर किस्ती का बागे निखला। होर परमेश्वरे त्या बे आशीष दीनी की बहु शोहरू पैदा करा होर पुरे संसारा में फैला। ’’ तेबा नुह होर तेऊरा सारा परिवार किस्ती का बागे आऊआ। ![](https://cdn.door43.org/obs/jpg/360px/obs-en-03-14.jpg) नुहा रे किस्ती का बागे ईहणे बाद, सभी का पहिले तेऊ एक बेदी बणाई, होर बलि दीणे रे जानबरा में का कुछ जानबर आणी होर परमेश्वरा बे बलि चढ़ाई होर तेउरी आराधना करी। परमेश्वर तेसा बलि का बखे खुश होऊ होर तेऊ नुह होर तेउरे परिवारा बे आशीष दीनी जासु जानबरा री बलि दीणे बे परमेश्वरे बोलू थी, त्या में का एखा जानबरा री बलि नुहे दीनी | परमेश्वर त्यहा बलि का खुश हौऊ होर नुह होर तेउरे टवरा बे आशीष दीनी। ![](https://cdn.door43.org/obs/jpg/360px/obs-en-03-15.jpg) परमेश्वरे बोलू, “हाऊ बचन दिंदा की मणशा सगे हूण आल़े बुरे कामा री बजा का माह कधी भी जमीना बे शराप नाँई दीणा, होर ना पाणी सगे संसार नष्ट नाँई करण,किबिके मणश जन्मा का ही पापी साहा।’’ ![](https://cdn.door43.org/obs/jpg/360px/obs-en-03-16.jpg) तेउकी परमेश्वरे आपणे बायदे रअ निशाण बदल धनुष बणाऊ। जेबरे भी सरगे बादला रअ धनुष हेरदा, तेबा परमेश्वर यह याद करना की तेऊ आपणे लोका सगे केह बाईधा करू थी, होर तेडे ही साबे तेऊरे लोका भी यह याद करना की परमेश्वरे केह बायदा करू दा थी। *उत्पति रअ पाठ 6-8 बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_03_128kbps.m4a ## 4. अब्राहमें सगे परमेश्वरा री बाचा https://openbiblestories.org/l/kfx-x-innerseraji/story-4/ ![](https://cdn.door43.org/obs/jpg/360px/obs-en-04-01.jpg) पाणी रे कई साला वाद संसारा में बहु सारे लोका रहंधा थी, होर त्या एके भाषा बोला करा थी, तेवा त्या एकी बारी कठे होई, होर एकी कोठी बणाऊदे लागे, त्याहे भीआका परमेश्वरा रे बिरोधा में एकी दूजे रे बिरोधा में भीआका पाप करना शरू करू। होर परमेश्वरे त्या बे जेडी आज्ञा दीनी थी, तेऊ रे साबे त्या पुरे संसारा में नाँई फैली। ![](https://cdn.door43.org/obs/jpg/360px/obs-en-04-02.jpg) त्या बहु धमण्डी थी, होर त्या केडी जिंदगी जीई लोडी एउ साबे त्या परमेश्वरा री आज्ञा रा पालन नांई करना चहान्दा थी। तेबा त्याहे एक एडी एक बडी कोठी बणाऊणी शुरू करी जोह सरगे तणी पूजे। परमेश्वरे हेरू की “अगर तया एकी साबे कठे होई करे बुरे कामा करले रहले, तेबा त्या होर भी बहु सारे पापा आल़े कामा में लागी रहणा।’’ ![](https://cdn.door43.org/obs/jpg/360px/obs-en-04-03.jpg) तेबा परमेश्वरे त्यारी भाषा कई अलग -अलग भाषा में बदली, होर त्या लोका सारे संसारा में फैलाई। जासु कोठी त्याहे बणाऊणी शुरू करी थी तेऊ नगरा बे बाबेल बोला जासका मतलब साहा “गडबडी”। ![](https://cdn.door43.org/obs/jpg/360px/obs-en-04-04.jpg) बहु साला बाद, परमेश्वरे अब्राम ना रे एकी मणशे सगे गला करी। परमेश्वरे तेऊबे बोलू, “आपणे देशा होर परिवार छाडी करे तेऊ देशा बे नाह जोह महा ताहबे रीहाऊण। महा ताहबे आशीष दीणी होर तहाक एक बडी जाति बणाऊणी। महा तेरा ना बड़ा करना। जोह ताहबे आशीष देलअ महा तेऊबे आशीष दीणी, होर जोह ताहबे श्राप दे, महा भी तेऊबे श्राप दीणा। तेरी बजा कअ सारी जाति रे लोका आशीष पाऊणी।” ![](https://cdn.door43.org/obs/jpg/360px/obs-en-04-05.jpg) तेबा अब्रामें परमेश्वरा री आज्ञा मनी। तेऊ आपणे सारे सेबक होर आपणे सारे ढबे ढेले सगे आपणी बेटड़ी सौर सगा नी करे कनाना देशा बे ठुरु जोह परमेश्वरे तेऊ बे रिहाऊ थी। ![](https://cdn.door43.org/obs/jpg/360px/obs-en-04-06.jpg) जेबा अब्राहम कनाने देशे पूजअ तेबा परमेश्वरे तेऊबे बोलू, “अब्राहम आपणे चहु तरफा हेरे। महा यह सारा देश ताहबे दीणअ होर तेरे बंशा सदा बे एता पेंदे अधिकार डाहणा।’’ तेबा अब्राहम तेऊ देशे बसु। ![](https://cdn.door43.org/obs/jpg/360px/obs-en-04-07.jpg) मलिकिसिदक ना रअ एक मणश थी जोह परमेश्वरा रअ सभी का बडअ याजक थी। एकसा धयाडी जेबा अबाहम लड़ाई करी करे हिह्न्द लागअ थी तेबा मलिकिसिदक होर अब्राहम मिली। मलिकिसिदके अब्रहमा बे आशीष दीनी होर बोलू “सभी का बडअ परमेश्वर जोह स्बर्ग होर पृथ्वी रअ मालिक आसा सह ताहबे आशीष दे। ” तेउकी अब्राहमा लड़ाई में जीत होई होर सभी चीजा रा द्समाश मलिकिसिदक याजका बे दीना। ![](https://cdn.door43.org/obs/jpg/360px/obs-en-04-08.jpg) कई साला बीती पर एबरे भी अब्राम होर सौरा रे कोई शोहरू नांई होई थी। परमेश्वरे अब्रामा का गला करी होर तेउकी बायदा करू तेऊ यह बायदा करू की तेरे रे एक शोहरू हुणअ, होर तेऊरा बंश जेड़े सरगे तारे आसा याहा तारे जेहे हुणे। परमेश्वरे बोलू की अब्राम एक धर्मी मणश आसा, किबेकी तेऊ परमेश्वरा रे बायदे पेंदे विशवास करू। ![](https://cdn.door43.org/obs/jpg/360px/obs-en-04-09.jpg) तेबा परमेश्वरे अब्रामा सगा एक बाचा बानी। बाचा दुई लोका रे बीच एकी दूजे सगे कामा करने रा समझोता हुंदा। परमेश्वरे बायदा अब्रामा सगे तेबरे करू थी, जेबरे अब्राम सूती चालु थी, पर सह तेबरे भी परमेश्वरा री गला शूणी सका थी। परमेश्वरे यह बायदा करू की तेरी बेटड़ी सारे का तहाबे एक शोहरु पैदा करण। महा तेरे बंशा बे यह कनान देश दीणअ।" पर एबरे भी अब्रामा रे कोई भी शोहरू नांई थी। *उत्पति पाठ 11-15 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_04_128kbps.m4a ## 5. बायदे रअ शोहरू https://openbiblestories.org/l/kfx-x-innerseraji/story-5/ ![](https://cdn.door43.org/obs/jpg/360px/obs-en-05-01.jpg) अब्राम होर सारै रे कनाना पूज़णे कअ दस साला बाद, एबरे तणी भी त्या रे कोहे शोहरू नाई थी। तेवा अब्रामा री वेटडी सारै तेऊ वे बोलू , " हेर परमेश्वरे एबरे तणी हामा बे शोहरू नाँई दीनअ, होर एबा हाऊ शोहरू पैदा करने बे बहू बूढली होई, शूण तूह मेरी दासी हाजिरा का महाबे शोहरू पैदा कर।’’ ![](https://cdn.door43.org/obs/jpg/360px/obs-en-05-02.jpg) तेउकी अब्रामें हाजिरा का आपणी बेटड़ी सारे बा एक शोहरू पैदा करू करु, होर अब्रामें तेऊ रा ना इश्माएल डाहु। पर सारै हाजिरा का जल़दी लागी। जेबा इश्माएल तेरह साला रअ थी, परमेश्वरे भी अब्रामा का गल्ला करी। ![](https://cdn.door43.org/obs/jpg/360px/obs-en-05-03.jpg) परमेश्वरे बोलू , "हाउ सर्व-शक्तिमान परमेश्वर साहा। माह ताह संघे एक बायदा करणा " तेवा अब्रामें जमीना में पड़ी करे प्रणाम करु। परमेश्वरे अब्रामा का यह भी बोलू, "तूह बहु सारी जाति रअ पिता हूणअ। माह ताह बे होर तेरे खानदाना वे त्यारी आपणी जमीन बणने री तणी कनन देश दीणअ होर हाऊ सदा वे त्या रअ परमेश्वर हुणा। तूह आपणे घराने हर एकी मर्दा रा खतना करणा। " ![](https://cdn.door43.org/obs/jpg/360px/obs-en-05-04.jpg) तेरी बेटडी सारै रा एक शोहरू बे जन्म दीणा– सह बायदे रअ पुत्र हुण तूह तेऊरा, ना इसहाक डाहे। माह तेऊ संघे आपणा बायदा बणाई डाहणा और सह एक बड़ी जाति हूँणी। माह इश्माएल बे एक बड़ी जाति बणाऊणी, पर मेरा बायदा इसहाके संघे रहणा। तेवा परमेश्वरे अब्राम रा ना बदली करे अब्राहम करु , जसका मतलब साहा "बहु सारे रअ पिता"। परमेश्वरे सारै रा ना भी बदली करे सारा करु, जसका मतलब साहा “बहु री आमा।’’ ![](https://cdn.door43.org/obs/jpg/360px/obs-en-05-05.jpg) तेसा दिहाड़ी अब्राहमे आपणे सारे घराने रे सारे मर्दा रा खतना करु। लगभग एकी साला बाद, जेबरे अब्राहम शअ साला री उम्र थी होर सारा री उम्र नम्बे साला री थी, तेब्रे सारा इसाहका वे जन्म दीना। जेडा परमेश्वरे तेऊ वे बोलू थीं त्याये आपणे शोहरू रा ना इसहाक डाहू। ![](https://cdn.door43.org/obs/jpg/360px/obs-en-05-06.jpg) जेवा इसहाक जुआन होऊ तेवा परमेश्वरे अब्राहमा रे विश्वासा री परीक्षा करी, परमेश्वरे बोलू, “महाबे आपणे एकलौते शोहरू री बलि चढ़ा।’’ अब्राहमें परमेश्वरा री आज्ञा मनी होर आपणे शोहरू री बलि चडाउणे वे तैयार होऊ। ![](https://cdn.door43.org/obs/jpg/360px/obs-en-05-07.jpg) जेवा अब्राहम होर इसहाक बलि चडाउणे री जगहा वे नाह्दे लागे दे थी तेवा इसहाके अब्राहमा का पूछू, “ पिता जी , हामा सेटा बलि वे झुका तअ आसा, पर बलि चड़ाउणे वे घाबू कई साहा ?" अब्राहमें जवाब दिना, “हे मेरे शोहरूआ , परमेश्वर बलि वे घाबू रा इतजाम करणा।’’ ![](https://cdn.door43.org/obs/jpg/360px/obs-en-05-08.jpg) जेबा त्या बलि चडाउणे री जगहा पूजे, तेवा अब्राहमें इसहाक बाँनि करे वेदी पेंदे लिटाउ। सह आपणे शोहरू मारणे आल़ थी कि परमेश्वररे बोलू, “रुक आपणे शोहरू बे नुकसान नाई करे। एवा माई जाणू, कि तूह माह का डरा, क्योंकि तांई आपण एकलौतअ शोहरू भी माह का बचाई नाँई डाहू। ![](https://cdn.door43.org/obs/jpg/360px/obs-en-05-09.jpg) तखी अब्राहमें एक गाभु हेरू जोह झाखड़े फँसू दअ थी। इसहाक री बलि रे बदले परमेश्वरे गाभु रा इतजाम पहिले ही करू दा थी। अब्राहमें खुशी-खुशी सगे गाभु री बलि चढ़ाई। ![](https://cdn.door43.org/obs/jpg/360px/obs-en-05-10.jpg) तेवा परमेश्वरे अब्राहमाँ का बोलू, “तूह माह वे आपणा सवे सा दींणे वे तैयार थी, अखे तणी कि तूह आपणे एकलौते शोहरू री बलि दीणे बे तयार थी, तेवा हाऊ ताह वे आशीष दीणे रा बायधा करा। तेरे वंश सरगा रे तारे का भी बहू हुणे। किबेकी ताई मेरी आज्ञा मनी तेबा महा तेरे परिवार सगे संसार री सभी जाति बे आशीष दीणी।’’ *उत्पत्ति अध्याय 16-22 का एक बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_05_128kbps.m4a ## 6. परमेश्वर इसहाका वे इतजाम करा https://openbiblestories.org/l/kfx-x-innerseraji/story-6/ ![](https://cdn.door43.org/obs/jpg/360px/obs-en-06-01.jpg) जेवा अब्राहमबहु बूढ़लअ होउ थी तेवा तेऊ रअ शोहरू, इसहाक, जुआन होऊ थी। तेवा अब्राहमें आपणअ एक सेवक तेऊ देशा बे भेजू, जखे तेऊ रे रिश्तेदार रहंधा थी, की सह अब्राहमा रे शोहरू बे बेटड़ी आणी सके। ![](https://cdn.door43.org/obs/jpg/360px/obs-en-06-02.jpg) एक लम्बी यात्रा बाद, अब्राहमा रअ नोकर तेऊ देशे पूजअ जखे अब्राहम रे रिश्तेदार रहंधा थी, परमेश्वरे सह नोकर रिविका सगे मिलाऊ रीबिका अब्राहमा रे रिस्तेदारा री पोची थी। ![](https://cdn.door43.org/obs/jpg/360px/obs-en-06-03.jpg) रिबका आपणे परिवारा छाडी करे अब्राहमा रे सेबका संघे इसहाक रे घरा बे हीहणे बे तयार होई। जेड़े ही त्या घरे पूजे, वापस नाहंणे वे तैयार होई। जैडे त्या पूजे इसहाके रिविका संघे ब्याह करु। ![](https://cdn.door43.org/obs/jpg/360px/obs-en-06-04.jpg) एक लामे वक्ता बाद, अब्राहमा री मऊत होई। तेवा परमेश्वरे अब्राहम रे शोहरू इसहाका वे आशीष दीनी, किबेकी परमेश्वरे अब्राहमें संघे बाचा बानीदी थी। तेसा बाचा में परमेश्वरे एक बायदा करू थी अब्राहमा रे बंशज सरगा रे तारे जेहे हुणे। पर रिबका रे शोहरू नाई होई। ![](https://cdn.door43.org/obs/jpg/360px/obs-en-06-05.jpg) इसहाके रिबका री तणी प्रार्थना करी, होर परमेश्वरे तेउरी प्रार्थना शूणी होर तेउरी लाड़ी बे तेबरी दुई जुड़वाँ शोहरू री आशीष दीनी। जासु वक्ते त्या शोहरू रिबका रे पेटे ही थी त्या पेटा में ही आपु में लड़दे लागे, तेबा रिबिका परमेश्वरा का पुछु यह केह हुंदा लागा। ![](https://cdn.door43.org/obs/jpg/360px/obs-en-06-06.jpg) परमेश्वरे रिबका वे बोलू , " ताह दुई शोहरू वे जन्म दीणा। त्या रे वंशा दुई अलग-अलग जाति बनाऊणी। त्या एकी दूजे का लड़णा। पर तेरेअ बड़अ शोहरू होछे शोहरू रे अधीन रहण।" ![](https://cdn.door43.org/obs/jpg/360px/obs-en-06-07.jpg) तेवा रिबका रे शोहरू रा जन्म होऊ, तेसक बडअ शोहरू ;लाल होर रुई जेहअ थी , होर त्याये तेऊ रा ना एसाव डाहू। होर होछअ शोहरू एसावा री टांग ढाकी करे पैदा होऊ ,होर त्याये तेऊ रा ना याकूब डाहू। *उत्पत्ति अध्याय 24:1-25:26 री एक बाइबला री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_06_128kbps.m4a ## 7. परमेश्वरे यकुबा वे आशीष दीनी https://openbiblestories.org/l/kfx-x-innerseraji/story-7/ ![](https://cdn.door43.org/obs/jpg/360px/obs-en-07-01.jpg) जेवा त्या शोहरू बड़े होई तेवा याकूबा घरे रहणा रामडा लागा, पर बड़े शोहरू एसावा जानवरा रा शिकार करणा ठीक लागा। रिबका याकूबा सगे प्रेम डाहंडा थी, पर इसहाक एसावा सगे प्रेम डाहंडा थी। ![](https://cdn.door43.org/obs/jpg/360px/obs-en-07-02.jpg) एकसा धिहाडी, जेवा एसाव शिकार करी करे वापिस आउअ तेवा तेऊ वखे भोच्छ लागी थी। एसावे आपणे होछे भाई याकूबा का बोलू, "जोह ताई खाणे बे बणाउ दा साहा तेता का थोडा खाणा माह भी दे। " याकूबे जवाब दिना , "पहिले माह का यह बायदा कर कि पहिल शोहरू हुणे री बजहा का जोह हर चीज ताह भेटणी, सह सब्हे सा ताह माह वे दीणा आऊआ।" तेबा एसावे सबे साहा याकुबा वे दीणे रा बायदा करू। तेता बाद यकुबे तेऊ वे खाणे वे दिना। ![](https://cdn.door43.org/obs/jpg/360px/obs-en-07-03.jpg) इसहाक एसावा वे आशीष दीणा चाहन्दा थी। पर एता का पहिले सह एडा करदा की तेऊ , रिबका होर तेसके शोहरू याकूबे एसाहबे सगा धोखा करू होर याकुबे एसाव हुणे रा दिखाबा करू। किबेकी इसहाक बहु बूढ़लअ होऊ थी, होर एबा तेऊ किछे भी नाँई हेरदा थी। तेबा याकुबे एसाबा रे झिकडे बानी होर बाकरी री खाल आपणे गले होर हाथा में पलेटी। ![](https://cdn.door43.org/obs/jpg/360px/obs-en-07-04.jpg) याकूब इसहाका सेटा वे आऊओ होर बोलू, "हाउ एसाव साहा। हाउ तेवा आउअ कि तुह माह वे आशीष दे। " जेवा इसहाके बाकरी री शेली छूही करे होर झिकड़े शिगी ,तेवा तेऊ समझू कि सह एसाव साहा होर तेऊ वे आशीष दीनी। ![](https://cdn.door43.org/obs/jpg/360px/obs-en-07-05.jpg) एसावे याकूबा का जलना करदअ लागअ, किबेकी याकूबे तेऊ रे पहिले शोहरू हूँणे रा अधिकर छिनु , होर बापू का तेउरी आशीष भी धोखे सगे नी थी। पर तेता बाद एसाबे एक स्कीम बणाई जेबरे हमारअ बापू मरलअ तेबरे महा याकूब भी मारी पाऊण। ![](https://cdn.door43.org/obs/jpg/360px/obs-en-07-06.jpg) पर रिबका एसावा री यह स्कीम शुणी। तेवा तेसे होर इसहाके याकूबा त्यारे रिश्तेदारे संघे रहणे री तणी बखे दूर भेजू। ![](https://cdn.door43.org/obs/jpg/360px/obs-en-07-07.jpg) याकूब कई साला तणी रिबका रे रिश्तेदारा संघे रहू। तेऊ वक्ते तेऊ ब्याह करु होर तेउरे बारह शोहरू होर एक शोहरी पैदा होई। परमेश्वरे याकूब छेकअ बहू सेठ बनाऊ। ![](https://cdn.door43.org/obs/jpg/360px/obs-en-07-08.jpg) बीहा साला तणी कनाना देशा में आपणे घरा का दूर रहणे का बाद, याकूब आपणे सारे परिवार होर , आपणे नोकरा होर आपणे जानवरा आणी करे आपणे घरा बे बापिस आउअ। ![](https://cdn.door43.org/obs/jpg/360px/obs-en-07-09.jpg) याकूब तेवा डरू दअ थी किबेकी तेऊ सोचु कि एसाव एबा भी महा मारना चाहन्दा होलअ। तेबा तेउ पहिले आपणे जानबर होर कुछ सेबक एसाव सेटा बे भेजी। जोह सेवक त्या जनबर नी करे नाठे थी त्याहे एसाबा बे बोलू, "तेरअ सेबक याकूब, याह जानवरा ताह वे भेजी दे साहा सह एबरी पूजणे आलअ साहा।" ![](https://cdn.door43.org/obs/jpg/360px/obs-en-07-10.jpg) पर एसाव एवा याकूबा वे एबा मारना नाँई चाहन्दअ थी। तेतके बजाए, सह तेऊ एक बारी भी का हेरी करे बखे खुश थी। तेता बाद दुहे भाई कनाना देशा में मजे संघे रहंदे लागे। तेउकी त्या रअ बापू इसहाक भी मूओ होर याकूब होर एसावे सह दफनाऊ। वाचा रा बायदा जो परमेश्वरे करू दा थी सह एवा इसहाका का याकूबा पेंदे आऊआ। *उत्पत्ति अध्याय 25:27-35:29 का एक बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_07_128kbps.m4a ## 8. परमेश्वर युसफ होर तेऊरे परिवार बचाऊदा https://openbiblestories.org/l/kfx-x-innerseraji/story-8/ ![](https://cdn.door43.org/obs/jpg/360px/obs-en-08-01.jpg) याकुबा कनान देशा में रहंदे कई साला होई मुकी थी, जेबा सह बुढल होऊ , तेबा तेऊ आपणे प्यारे शोहरू युसपा बे तेउरे भाई रा हाला चाला पूछणे बे भेजू , तेऊरे भाई जनबरा री भाल शूण करा थी। ![](https://cdn.door43.org/obs/jpg/360px/obs-en-08-02.jpg) युसुफा रे भाई तेऊका जलन करा थी किबेकी त्या रअ बापू युसफा सगे ज्यादा प्रेम करा थी , होर तेबा भी की युसफे सुपने हेरू थी की तेऊ आपणे भाई सगे राज करणा जेबा युसफ आपणे भाई सेटा आऊओ त्याहे डाकी करे सह बानू, होर सह नोकरा रे व्यापारी बे बेचू। ![](https://cdn.door43.org/obs/jpg/360px/obs-en-08-03.jpg) जेबा युसुफा रे भाई घरा बे बापिस आउए तेबा तयाहे युसुफा रे झिकडे चिरी होर बाकरी रे खुना सगे शगी। तेउकी त्याए आपणे त्या झिकड़े आपणे बापू बे रिहाई करे बोलू की तेरअ शोहरू युसफ जगली जानबरे मारी पाऊ। यहा गला शूणी करे युसफा रअ बापू बहु दुखी होऊ। ![](https://cdn.door43.org/obs/jpg/360px/obs-en-08-04.jpg) नोकरा रा व्यापार करन आल़े लोके युसफ मिस्र देशा बे निऊ। मिस्र देशा में नील नई रे कनारे में एक बडअ देश बसु दअ एक बडअ शक्तिशाली देश थी तयाहे नोकरा रे ब्यपारी युसफ एक सेठ सरकारी अधिकारी बे बेचू।युसफे आपणे मलका री राबड़े सगे सेवा करी होर परमेश्वरे तेऊ बे आशीष दीनी। ![](https://cdn.door43.org/obs/jpg/360px/obs-en-08-05.jpg) एता वाद एडा होऊ की युसुफा री मालका लाड़ीये तेऊ सगे गलत कामा करने री कोशिश करी, पर युसुफे परमेश्वरा रे बिरोधा में पापा करने का नाँई करू। तेबा तेसा रोष आउआ होर तेसा बेटड़ी युसुफा पेंदे झूठा आरोप लाऊ, तेबा युसुफ ढाकु होर जेला में पाऊ। जेला में भी युसुफ परमेश्वरा रे प्रति सचअ होर ईमानदार रहू, होर परमेश्वरे तेऊ बे आशीष दीनी। ![](https://cdn.door43.org/obs/jpg/360px/obs-en-08-06.jpg) दुई साला तणी युसुफ निर्दोष होई करे भी जेला में थी, एकसा राची मिस्र देशा रे राजे फिरोने दुई सुपने हेरी त्याहे सह बहु परेशान करू तेऊरअ कोहे भी भी सलाहकार तेउरे सुपने रा उतर नाँई खोजी सकू। ![](https://cdn.door43.org/obs/jpg/360px/obs-en-08-07.jpg) परमेश्वरे युसफा बे सुपने रा मतलब खोजणे री समझ दीनी थी, तेबा राजे फिरोने युसुफा बे जेला का आपु सेटा बे शादू युसुफे राजे रे सुपने रा मतलब खोजू होर बोलू ,” पुरे मिस्र देशा में सात साला तणी ज्यादा फसल हुणी, पर एता बाद सात साला तणी अकाल पणनअ।" ![](https://cdn.door43.org/obs/jpg/360px/obs-en-08-08.jpg) फिरोन युसुफा का एथरअ खुश होऊ की तेऊ युसुफ मिस्र देशा रअ दूजअ सभी का सामर्थी मणश चुनु। ![](https://cdn.door43.org/obs/jpg/360px/obs-en-08-09.jpg) युसुफे रामडी साता साला में लोका का बहु सारा नाज कठे करने बे बोलू। जेबा साता साला अकाल पडू तेबा युसुफे लोका बे नाज बेचू की सभी लोका बे खाणे बे नाज भेटे। ![](https://cdn.door43.org/obs/jpg/360px/obs-en-08-10.jpg) सह अकाल सीधी मिस्र में नाँई पर कनाना में भी ज्यादा थी जखे युसुफ होर तेऊरे टबर रहंधा थी। ![](https://cdn.door43.org/obs/jpg/360px/obs-en-08-11.jpg) तेबा याकुबे आपणे बड़े शोहरू नाजा लऊणे री तणी मिस्र देशा बे भेजी। जेबा त्या नाजा लऊणे री तणी युसुफा जेह खडे होई तेबा त्याहे भाई सह नाँई पछेणु। पर युसुफे त्याहा पछेणी। ![](https://cdn.door43.org/obs/jpg/360px/obs-en-08-12.jpg) युसफे पहिले आपणे भाई परेखी की त्या बदली की नाँई, होर तेता बाद तेऊ बोलू , “ हाऊ थारअ भाई युसुफ आसा! डरा नाँई आंदे। जेबरे तमे हाऊ मिस्र देशा रे व्यपारी सेटा बेचू थी। तेबा तमे तेऊ वक्ते महाबे बुरे करने री सोची थी, पर परमेश्वरे सह बुराई भलाई री तणी इस्तेमाल करी! ईच्छा होर मिस्र देशा में रहा की हाऊ तमा बे होर थारे परिवार बे खाणे रा इंतजाम करू।" ![](https://cdn.door43.org/obs/jpg/360px/obs-en-08-13.jpg) जेबा युसुफा रे भाई घरा बे वापिस आऊये होर त्याहे आपणे बापू याकुबा बे खोजू की युसुफ एबरे भी जिउंद आसा तेबा सह बखे खुश होऊ। ![](https://cdn.door43.org/obs/jpg/360px/obs-en-08-14.jpg) पर याकूब एक बुढल मणश थी तेबा भी सह पुरे परिवारे सगे मिस्र देशा बे नाठअ, होर त्या तखे बसी। याकुबे मरने का पहिले तेऊ आपणे हर एक शोहरू बे आशीर्वाद दीना। ![](https://cdn.door43.org/obs/jpg/360px/obs-en-08-15.jpg) वाचा रा सह बायदा जोह परमेश्वरे अब्राहमा सगे करू दा थी सह इसाह्का पेंदे होर तेता बाद याकुबा पेंदे , होर तेता बाद तेऊरे बारहा शोहरू पेंदे, होर तेउरे परिबार पेंदे आउआ थी। त्याह बाराह शोहरू रे बंशज इस्राएला रे बारहरा गोत्र बणी। *उत्पत्ति अध्याय 37-50 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_08_128kbps.m4a ## 9. परमेश्वरा रअ मूसा शादणअ https://openbiblestories.org/l/kfx-x-innerseraji/story-9/ ![](https://cdn.door43.org/obs/jpg/360px/obs-en-09-01.jpg) युसफा रे मरने बाद तेउरे सारे रिश्तेदार मिस्र देशा में रहंदे लागे। तया होर तयाहरे बंश कई साला तणी मिस्र देशा ही में रही, होर तयाहरे बहु सारे शोहरू होई। तया इस्राएली होई। ![](https://cdn.door43.org/obs/jpg/360px/obs-en-09-02.jpg) कई शअ साला बीतणे बाद, इस्राइली री आबादी बहु बढी थी। होर मिस्री लोका एबा युसफा होर जोह कुछ तेऊए त्या री सहायता करने री तणी जोह कुछ करू थी तेता बिसरी थी। त्या इस्राएला रे लोका का डरी थी किवेकी इस्राएला रे लोका री आवादी मिस्री लोका का ज्यादा थी। तेबा तेऊ वक्ते मिस्र देशा में राजा करण आल़े फिरोने राजे एस्राएली लोका मिस्री रे गुलाम बणाई। ![](https://cdn.door43.org/obs/jpg/360px/obs-en-09-03.jpg) मिस्र रा रे लोके एस्राएली लोका बे बहु घर होर कई ग्रा बणाऊणे बे मजबूर करी। तेऊ मुशिकला कामे एस्राएली लोका री जिंदगी बडी दुखा आली बणाई, पर परमेश्वरे त्या बे आशीष दीनी होर त्यारे होर बहु शोहरू पैदा होई। ![](https://cdn.door43.org/obs/jpg/360px/obs-en-09-04.jpg) राजे फिरोने हेरू की इस्राएली लोका रे बहु शोहरू पैदा हुँदै लागे, तेबा तेऊ आपणे सपाही बे आज्ञा दीनी इस्राएली लोका रे सभी शोहरू नील नई में शोटी करे मारी पा। ![](https://cdn.door43.org/obs/jpg/360px/obs-en-09-05.jpg) एक इस्राएली बेटड़ी एकी शोहरू बे जन्म दीना। तेसे होर तेसके मर्दे जेतरा होई सके सह शोहरू गझाई डाहु। ![](https://cdn.door43.org/obs/jpg/360px/obs-en-09-06.jpg) जेबा तेऊ शोहरू रे आमा बापू तेऊ शोहरू ज्यादा नाँई घझाई सकी, तेबा त्याहे तेऊ शोहरू मरने का बचाऊणे री तणी एकी टोकरी में डाहु होर सह टोकरी नील नई रे किनारे एकी सरकंडे रे बीचा में डाही। तेउ शोहरू री बडी भीणे दूर खड़ी होई करे एता हेरदी लागी दी थी की तेऊ सगे केह हूणा। ![](https://cdn.door43.org/obs/jpg/360px/obs-en-09-07.jpg) जेबा फिरोना री शोहरी तेसा नई में नेहुदी आई, तखे तेसे सरकंडे रे बीच एक टोकरी हेरी। राजकुमारी आपणी दासी बे आणदी भेजी, तेसे टोकरी में एक शोहरू हेरू राजकुमारी तेऊ शोहरू पेंदे दया करी करे सह आपण शोहरू बणाऊ। तेसा एक इस्राएली बेटड़ी बे तेऊ शोहरू बे दुधा पिलाऊदी डाही, यह बेटड़ी तेउरी आसली आमा थी, पर एसा गला राजकुमारी नाँई जाणदी थी,जेबा सह शोहरू बडअ होऊ,तेबा तेसा इस्राएली बेटड़ी सोचु की एबा शोहरू आमा रे दुदा री जरूरत नाँई आंदी, तेबा तेसा सह शोहरू फिरोना री शोहरी सेटा बापिस दीनअ, होर तेसे तेऊरा ना मूसा डाहु। ![](https://cdn.door43.org/obs/jpg/360px/obs-en-09-08.jpg) एकसा धयाडी जेबा मूसा जुआन हऊ थी,तेबा तेऊ हेरू की एक मिसरी एकी एजराइली बे चीकतअ लागअ साहा।मूसा आपणे सगी इसराइली बे बचाऊणे री कोशिश करी। ![](https://cdn.door43.org/obs/jpg/360px/obs-en-09-09.jpg) मूसा सोचु की हाउ कासीये नाँई हेरू, तेबा तेऊ सह मिस्री मणश मारी पाऊ,होर तेऊर शव आटी पाऊ पर मूसा कासीये तेऊ मिस्री मणशा मारदअ हेरू थी। ![](https://cdn.door43.org/obs/jpg/360px/obs-en-09-10.jpg) फिरोना बे पता लागा की मूसा यह कह करू। तेऊये तेऊ मारने री कोशिश करी, पर मूसा मिस्र देशा का जगला फेरा बे ठुरु। फिरोना रे फऊजी तेऊ तखे नाँई लोडी सके। ![](https://cdn.door43.org/obs/jpg/360px/obs-en-09-11.jpg) मूसा मिस्र देशा का दूर मिधान देशा में रहंधअ लागअ। तेऊ तखे एकी बेटड़ी सगे ब्याह करू होर तेऊररे दुई शोहरु होई। तखे सह एक फुहाल बणु ![](https://cdn.door43.org/obs/jpg/360px/obs-en-09-12.jpg) मूसा तखे आपणे शहरे री भेडा चारा थी। एकसा धीयाडी मूसा एक जलदी होछी शाण हेरी जो बिना भस्म हुँदे जलदी लागी दी थी। सह तेता हेरने री तणी तेसा होछी शाणी नेड नाठअ। तेबा परमेश्वरे तेऊ सगे गला करी। परमेश्वरे तेऊ बे बोलू मूसा बूटा पोरी खोल किबेकी तूह एक पवित्र जगहा में खडअ आसा। ![](https://cdn.door43.org/obs/jpg/360px/obs-en-09-13.jpg) परमेश्वरे मूसा बे बोलू, "माए आपणे लोका रा दुःख हेरू दा साहा जोह मिस्र देशा में आसा। तेबा माह तूह फिरोना राजे सेटा बे भेजणअ की, तूह इस्राएली लोका मिसरा रे लोका री गुलामी का छाडी आणे। माह त्याबे कनान देश दीणअ, सह देश जोह माए अब्राहम, इसाहक, होर याकुबा बे दीणे रा बायदा करू दा साहा।" ![](https://cdn.door43.org/obs/jpg/360px/obs-en-09-14.jpg) मूसा परमेश्वरा का पुछु, "अगर त्या लोका पुछले की तूह कुणी भेजू तेबा महा त्याबे केह जबाब दीणा ?" परमेश्वरे बोलू, " ताए त्याबे बोलणा जो हाऊ साहा सह हाउ आसा। तूह त्याबे एडा भी बोले जासुये हाऊ भेजूद साहा सह थारे पूर्वज अब्राहम इसाहक होर याकूबा रअ परमेश्वर योह्बा आसा, होर सदा तणी तेऊरा यहे ना रहणा।" ![](https://cdn.door43.org/obs/jpg/360px/obs-en-09-15.jpg) मूसा फिरोना सेटा नाहणे डरा थी,किबेकी सह ठीक ढंगा सगे गला नाँई करी पाऊदअ थी, तेबा परमेश्वरे मूसा री सहायता करने री तणी तेऊर भाई हारून तेऊ सगे भेजू। *निर्गमना री कताब पाठ 1- 4 बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_09_128kbps.m4a ## 10. परमेश्वरे मिस्र बे दस मुश्किला भेजी https://openbiblestories.org/l/kfx-x-innerseraji/story-10/ ![](https://cdn.door43.org/obs/jpg/360px/obs-en-10-01.jpg) परमेश्वरे मूसा होर हारूना वे चेतावनी दीनी कि फिरौना जिदी हुण। जेवा त्या फिरौन सेटा वे नाठे तेबा त्याहे बोलू , "इस्राएला रअ परमेश्वर ऐडा बोला साहा, 'मेरे लोका नाहंणे देया!'" पर फिरौने त्या री नाँई शुणी होर तेऊ इस्राएली लोका आजाद करणे का बजाय त्यावे होर ज्यादा मुशिकल काम करने बे मजबूर करी। ![](https://cdn.door43.org/obs/jpg/360px/obs-en-10-02.jpg) फिरौन त्या लोका नाहंणे वे लागातार नाँई कर्दअ रहू, तेवा परमेश्वरे मिस्र देशा पेंदे दस बखे बड़ी मुश्किला भेजीं। याह मुश्किला सगे, परमेश्वरे फिरौना वे रिहाऊ कि हाऊ ताहका होर मिस्र रे सारे देऊआ का बहू शक्तिशाली साहा। ![](https://cdn.door43.org/obs/jpg/360px/obs-en-10-03.jpg) परमेश्वरे नील नई रा पाणी खुना में बदली, पर फिरौन तेबा भी एस्राएली लोका नाहंणे नाँई दिना। ![](https://cdn.door43.org/obs/jpg/360px/obs-en-10-04.jpg) परमेश्वरे सारे मिस्र वे मढूके भेजी। फिरौने मढूके दूर करणे वे मूसा का बिनती करी। जेबा फिरोने हेरू की सारे मुए , तेबा तेऊ अपना मन होर भी कठोर करू होर इस्रराएली लोका मिस्र का नाहणे नाँई दिना । ![](https://cdn.door43.org/obs/jpg/360px/obs-en-10-05.jpg) तेउकी परमेश्वरे मिस्र में काटण आली होछी होछी मयाछी भेजी। तेता बाद तेऊ खुना चुशण आली म्याछी भेजी। फिरने मूसा होर हारून शादी होर त्या का बोलू कि यदि त्या तेसा परेशानी रोकले तेवा महा इस्राएली मिस्रा का आजाद करणे। जेबा मूसा प्रार्थना करी तेवा परमेश्वरे मिस्रा का खूना चुशण आली म्याछी री मुसीबत दूर करी। पर फिरौने आपणा मन कठोर करू होर इस्राएली लोका बे नाहंणे नांई दिना। ![](https://cdn.door43.org/obs/jpg/360px/obs-en-10-06.jpg) एता बाद , परमेश्वरे मिस्रि लोका रे सारे धाचीदे जानबर बीमार करी होर त्याहा मरणे दिना। पर फिरौना रा मन तेबा भी कठोर होऊ होर तेयूये इस्राएली लोका नाहणे नाँई दीना । ![](https://cdn.door43.org/obs/jpg/360px/obs-en-10-07.jpg) तेवा परमेश्वरे मूसा का बोलू फिरौना बे माटे में छार मिलाई करे तेता फिरोना रे सामने ऊडा । जेबा मूसा एडा करू तेवा मिस्रा रे लोका री चामडी में बहू दाहू आल़े दुखणे निखते, पर इस्राएली किछे नाई होऊ। परमेश्वरे फिरौना रा मन कठोर करू, होर फिरौने इस्राएली नाहने नाँई दीना। ![](https://cdn.door43.org/obs/jpg/360px/obs-en-10-08.jpg) एता बाद, परमेश्वरे शरू फेकी होर मिस्रा रे लोका री सारी फसल खराब करी होर जोह कोहे भी बागे निखदअ सह परमेश्वरे मारी पाऊ। फिरौने मूसा होर हारून शादी होर त्या का बोलू, "माई पाप करूदा साहा। तमें इस्राएली लोका मिस्र देशा का नाही सका । " तेउकी मूसा प्रार्थना करी, होर सरगा का शरू पडणा रूकू । ![](https://cdn.door43.org/obs/jpg/360px/obs-en-10-09.jpg) पर फिरौने तेउकी भी का पाप करू होर आपणा मन कठोर करु। तेऊ इस्राएली लोका नाहणे नाँई दिना। ![](https://cdn.door43.org/obs/jpg/360px/obs-en-10-10.jpg) तेउकी परमेश्वरे मिस्रा में टिड्डिया री मुशिकला भेजी। ययाहे टिड्डिये सह सारी फसला खाई जोह शरु का बची दी थी। ![](https://cdn.door43.org/obs/jpg/360px/obs-en-10-11.jpg) तेउकी परमेश्वरे सारे मिस्र देशा में चीई धयाडी तणी निहारा करू। सह ऐतरा निहारा थी कि मिस्री लोका आपणे घरा का नाई निख्ली सकी। पर जखे इस्राएली लोग रहंधा थी तखे प्रियाश थी। ![](https://cdn.door43.org/obs/jpg/360px/obs-en-10-12.jpg) याह नौ मुश्किला का बाद भी, फिरौने इस्राएली लोका नाहणे नाँई दीना। किबेकी फिरौने परमेश्वरा री गल नाँई शुणी थी तेवा परमेश्वरे एक लास्ट मुश्किल भेजने री स्कीम बनाई । सह फिरौना रे मना बदलली सके । *निर्गमन अध्याय 5-10 का बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_10_128kbps.m4a ## 11. फसह री जाज https://openbiblestories.org/l/kfx-x-innerseraji/story-11/ ![](https://cdn.door43.org/obs/jpg/360px/obs-en-11-01.jpg) परमेश्वरे मूसा होर हारूना रे जरीहे चेताबनी दीनी की अगर ताए इस्राएली लोका मिस्र देशा का नाँई नाहणे दीना। तेबा महा मिस्रा रे लोका होर जानबरा रे सभी पहिले शोहरू मारी पाऊणे। फिरौने सह शुणीकरे भी परमेश्वरा पेंदे बुशाह नाँई करू होर परमेश्वरा रा हुक्म मनने का नाँई करु। ![](https://cdn.door43.org/obs/jpg/360px/obs-en-11-02.jpg) परमेश्वरे बोलू जोह मणश महा पेंदे बुशाह करलअ महा तेऊर बडअ शोहरु बचाऊण। पर हर परिवार एक शुद्ध घाभु री बलि दीणी आई। ![](https://cdn.door43.org/obs/jpg/360px/obs-en-11-03.jpg) परमेश्वरे इस्राएली लोका का बोलू की तमे गाभु रा लोहू आपणे घरा रे दुआरा सेटा लाआ। तेसी राची गाभु बुझी करे बिना खमीर आली रोटी सगे खाए। होर तेता बाद मिश्रा देशा भी छाडने बे तयार रहे। ![](https://cdn.door43.org/obs/jpg/360px/obs-en-11-04.jpg) इस्राएली लोके सभे साहा तेडा ही करू जेड़ा परमेश्वरे बोलू थी वे आज्ञा दिनी थी। परमेश्वरे इस्राएली लोका बे बोलू आधी राची महा मिस्र देशा वीचा वीच होई करे नाहणा होर मिस्री लोका सभे बड़े शोहरू होर जानबर मारी पाऊणे। ![](https://cdn.door43.org/obs/jpg/360px/obs-en-11-05.jpg) इस्राएली लोका रे हर एक घरा रे दूआरा में खून लाऊ दा थी, तेवा परमेश्वरे त्या घर छाडी। होर त्या घरा रे सभे लोका गाभु रे खुना री बजा का बची थी। ![](https://cdn.door43.org/obs/jpg/360px/obs-en-11-06.jpg) पर मिस्रिये लोके परमेश्वरा पेंदे बुशाह नाँई करु होर परमेश्वरा री आज्ञा भी नाँई मनी थी। तेवा परमेश्वरे मिस्री लोका रे घरा नाश करी। होर मिस्री लोका रे हर एक बडअ शोहरू मारी पाऊ। ![](https://cdn.door43.org/obs/jpg/360px/obs-en-11-07.jpg) परमेश्वरे मिस्री लोका का हर एक परिवार का, फिरोन राजे रे शोहरू तणी सभे बड़े शोहरू मारी पाई। तेबा मिस्रा में सभे बहु सारे लेरी -लेरी करे दुखा मनाऊदे लागे थी। ![](https://cdn.door43.org/obs/jpg/360px/obs-en-11-08.jpg) तेबा तेसी राची, फिरौने मूसा होर हारून शदाई, होर त्या बे बोलू तमे एवरी, "इस्राएली लोका नी करे एबरी मिस्रा का निखला !" मिस्रा रे लोके भी इस्राएली लोका बे बोलू की तमे मिस्रा का निखला। *निर्गमन अध्याय 11:1-12:32 का बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_11_128kbps.m4a ## 12. इस्राएली लोका रा मिस्र देशा का बागे काहडना https://openbiblestories.org/l/kfx-x-innerseraji/story-12/ ![](https://cdn.door43.org/obs/jpg/360px/obs-en-12-01.jpg) इस्राएली लोका मिस्रा का निखली करी बखे खुश थी। त्या एवा गुलाम नाँई थी, होर एबा त्या बायदे रे देशा वे नाह्दे लागे थी! इस्राएली लोके जोह किछ भी मिस्री लोका का माँगु थी , मिस्रिये सह सव्हे सा दिना, अखे तणी कि सूना होर चाँदी होर बहू कीमती चिजा। दूजे देशा रे एखे लोके परमेश्वरा में विश्वास करू होर जेवा इस्राएली लोका मिस्रा का निखली तेवा भी त्याये संघे चली। ![](https://cdn.door43.org/obs/jpg/360px/obs-en-12-02.jpg) परमेश्वर धयाडी में बादला रअ एक थामअ बणी करे, होर राचके वक्ते आगी रअ थामब बणी करे मूसा, हारून होर इस्राएली लोका जेह जेह चलू। परमेश्वर सदा त्या संघे थी होर हाड्दे वक्ते तया वक्ते त्या री सहायता करा थी। त्या सीधी परमेश्वरा पीछे हांडणा थी। ![](https://cdn.door43.org/obs/jpg/360px/obs-en-12-03.jpg) थोड़े वक्ता बाद, फिरौन होर तेऊ रे लोके रा मन बदलु। त्या इस्राएली भी का आपणे गुलाम बणउणा चाहदा थी। तेवा त्याये इस्राएली लोक रा पीछा करू। यह परमेश्वर ही थी जासु त्यारे मन बदली। परमेश्वरे एडा तेवा करू किवेकी सह चाहन्दा थी कि सभे लोका जाणे कि यहोबा परमेश्वर, फिरौन का होर मिस्रियों लोका रे सारे देउआ का शक्तिशाली साहा। ![](https://cdn.door43.org/obs/jpg/360px/obs-en-12-04.jpg) जेवा इस्राएली लोके मिस्रा री सेना ईहंदी हेरी तेवा त्याये जाणू कि त्या फिरौना री सेना आसा होर लाल समुद्रा मंजे फसी। इस्राएली लोका बखे डरी होर लेरदे लागे, "हामे मिस्र किवे छाडू ? हामा मरणे का कोहे नाँई बचाई सकदे !" ![](https://cdn.door43.org/obs/jpg/360px/obs-en-12-05.jpg) मूसा इस्राएली लोक वे बोलू, "डरना बंद करा ! परमेश्वरा आज थारी तणी आपे लड़णा होर तमे बचाउणे।" तेबा परमेश्वरे मुसा वे बोलू, "याह लोका वे लाला समुद्रा में जेह नाहणे वे बोल। " ![](https://cdn.door43.org/obs/jpg/360px/obs-en-12-06.jpg) तेवा परमेश्वरे सह बादला रअ थाम्ब इस्राएली होर मिस्री रे मंजे खडअ करू होर राची सह आगि रअ थाम्ब बणु मिस्री लोका सारी राच इस्राएली लोका नेड नाँई ईछी सके। ![](https://cdn.door43.org/obs/jpg/360px/obs-en-12-07.jpg) परमेश्वरे मूसा बे समुद्रा पेंदे आपण हाथ बढ़ाउणे वे बोलू। तेउकी परमेश्वरे बागरी का समुद्र रे पाणी वे बाईं फेरा बे होर दाईं फेरा वे करु, होर समुद्रा रे बीचा में एक बात बणी। ![](https://cdn.door43.org/obs/jpg/360px/obs-en-12-08.jpg) इस्राएली लोका आपणे दोहरी तरफे पाणी री दीवारा संघे शुकी जमीन का समुद्रा होई करे हांडदे लागे। ![](https://cdn.door43.org/obs/jpg/360px/obs-en-12-09.jpg) तेवा परमेश्वरे तेसा बाता का बादल चुआकू, होर मिस्री लोका इस्राएली बची करे नाहदे हेरी। मिस्री लोके त्या ढाकणे री तणी भी आका पीछा करणा शुरू करू। ![](https://cdn.door43.org/obs/jpg/360px/obs-en-12-10.jpg) एता वाद मिस्री लोके समुन्द्रा री बाता इस्राएली लोका रा पीछा करू, पर परमेश्वरे मिस्री लोका डरयाई होर त्यारे रथ फसाई। त्या जोरे -जोरे बोलदे लागे, " ठुरा ! इस्राएली री की तरफा का परमेश्वर लड़दअ लागदअ साहा !" ![](https://cdn.door43.org/obs/jpg/360px/obs-en-12-11.jpg) सभे इस्राएली समुद्रा रे दूजी फेरा पूजे। तेवा परमेश्वरे मूसा का बोलू कि सह भी का पाणी पेंदे हाथ बढ़ाए। जेबा मूसा एडा करू , तेवा पाणी मिस्री सेना पेंदे आउआ होर समुन्द्र पहिले जेहअ होउ। तेबा सारी मिस्री सेना डूबी करे मुई। ![](https://cdn.door43.org/obs/jpg/360px/obs-en-12-12.jpg) जेवा इस्राएली लोके हेरू कि मिस्री लोका मुये, तेबा त्याहे परमेश्वरा पेंदे बुशाह करू। त्याहे बुशाह करु कि मूसा परमेश्वरा री तरफा का भविष्यद्वक्ता थी। ![](https://cdn.door43.org/obs/jpg/360px/obs-en-12-13.jpg) इस्राएली लोका तेवा भी बखे खुश थी, किबेकी परमेश्वरे त्या मारणे का होर गुलामा हुणे का बचाई थी। एवा त्या परमेश्वरा री आराधना करणे होर तेऊरी आज्ञा रा पालन करणे वे आजाद थी। इस्राएली लोके आपणी आजदी री खुशी मनाऊणे बे होर परमेश्वरा री बड़ाई करने री तणी बहु सारी गीहा बोली किबेकी परमेश्वरे त्या मिस्री सेना का बचाई थी। ![](https://cdn.door43.org/obs/jpg/360px/obs-en-12-14.jpg) परमेश्वरे इस्राएली लोका वे हर साला एक जाचा मनाउणे रा हुकम दिना, यह याद करणे वे कि कैडे परमेश्वरे इस्राएली लोका मिस्री लोका का गुलाम हुणे का बचाई थी तेबा एसा जाचा बे फसहे री जाच बोलू। एसा जाचा मनाऊणे वे तयाहे एक नरोगे गाभु री बली करी सह भूजण थीहोर तेऊ बिना खमीरा आली रोटी सगे खाण थी, सह गाभु भुजण थी। *निर्गमन अध्याय 12:33-15:21 का एकी बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_12_128kbps.m4a ## 13. इस्राएली लोके सगे परमेश्वरा री बाचा https://openbiblestories.org/l/kfx-x-innerseraji/story-13/ ![](https://cdn.door43.org/obs/jpg/360px/obs-en-13-01.jpg) इस्राएली लोका बे लाल समुन्द्रा पार नीणे बाद, परमेश्वरे तया जगला मेजा का होई करे सीने ना री जोता बाथी नीई थी। यह सहे जोत थी जखे मूसा जलदी होछी शाणी हेरी थी। इस्राएली लोके तेसा जोता थाई आपु बे तम्बू पाई| ![](https://cdn.door43.org/obs/jpg/360px/obs-en-13-02.jpg) परमेश्वरे मूसा का होर इसराइला रे सभी लोका बे बोलू, "अगर सदा तमे मेरी आज्ञा मनले होर मेरी आज्ञा रा पालन करले, तेबा सभी लोका में का तमे ही मेरे कीमती लोका हुणे। यह सारी धरती मेरी आसा होर तमे मेरी नजरा में मेरे याजको रा राज्य होर एक पवित्र जाति हूँणी। ![](https://cdn.door43.org/obs/jpg/360px/obs-en-13-03.jpg) चीई धयाडी तणी त्या आपणे शुद करदे रही की परमेश्वर त्या सेटा ईछे तेबा परमेश्वर सीने पहाडा का उन्दे आऊओ होर् जेबा सह उन्दे आऊओ तेबा जाजरी होई, बिजली चमकी, काले बादल इनदे लागे होर नरशीगे री जोरा री छेड शूणदी लागी तेऊ पहाडा पेंदे नाहणे री इजाजत सीधी मूसा थी होर मूसा पहाडा पेंदे चढू। ![](https://cdn.door43.org/obs/jpg/360px/obs-en-13-04.jpg) तेबा परमेश्वरे लोका सगे एक बाचा बाँनी। तेऊ बोलू , "हाऊ थारअ परमेश्वर यहोबा साहा। हाऊ सहे आसा जासुए तमे मिस्रा री गुलामी का छाडी। तमे महा छाडी कासु होरी साहा री पूजा नाँई करे। " ![](https://cdn.door43.org/obs/jpg/360px/obs-en-13-05.jpg) तमे "मूर्ति बणाई करे तेत्की आराधना नाँई करे , किबेकी हाऊ थारअ होर ना तया री पूजा करे, किबेकी हाऊ यहोबा एके थारअ परमेश्वर साहा। तमे मेरा ना गलत कामा री तणी नाँई लए। होर सब्ता री धयाडी पवित्र मनणे री तणी याद डाहे। तमे छह धीयाडे में आपणा सारा काम करे, साती धयाड तमा बे आराम करने बे होर मेरी आराधना करने बे हुणी। " ![](https://cdn.door43.org/obs/jpg/360px/obs-en-13-06.jpg) तमे आपणे आमा बापू रा आदर करे। होर कासी री हत्या नाँई करे।होर कासी सगे व्यभिचार नाँई करे। कासी री चोरी नाँई करे। तमे आपणे ग्राई री लाडी , या तेसके घरा रा, कासी भी समाना चकणे रा लालच नाँई करे । " ![](https://cdn.door43.org/obs/jpg/360px/obs-en-13-07.jpg) तेबा परमेश्वरे दस आज्ञा पाथरा री दुई पाटी में लिखी करे मूसा बे दीनी। परमेश्वरे तयाह बे होर बहु सारे नियमा रा पालन करने बे बोलू होर त्या सगे यह बाचा बानी की अगर तमे याहा नियमा रा पालन करले तेबा महा तमा बे आशीष दीणी होर थारी रक्षा करनी पर आगर तमे याह नियमा रा पालन नाही करू तेबा महा तमा बे सजा दीणी । ![](https://cdn.door43.org/obs/jpg/360px/obs-en-13-08.jpg) परमेश्वरे इस्राएली लोका बे एक एक बडअ तम्बू बडाऊणे बे बोलू – जासू बे मिलापा आलअ ताम्बू भी बोला। तेऊ त्या बे बोलू की यह तम्बू केडह बणाऊण आसा, होर तेता महीतर कुणा चीजा डाहणी। परमेश्वरे तया बे तेऊ तम्बू में दुई कमरे होर एक बड़े पर्दे लाऊणे बे बोलू। परमेश्वरा तेऊ पिछले आल़े तम्बू रे कमरे में इहणा, होर तखे रहणा। तेऊ कमरे में नाहणे री आज्ञा सीधी महा याजका बे हूणी थी। ![](https://cdn.door43.org/obs/jpg/360px/obs-en-13-09.jpg) परमेश्वरे तया लोका बे बोलू कि तेऊ मिलापा आल़े तम्बू रे सामने एक बेदी बणाऊणा। परमेश्वरे त्याबे यह भी बोलू कि जोह मेरी आज्ञा चोडलअ सह एसा बेदी पेंदे एक बलि चढ़ाऊणे बे एक जानबर आणे। तेबा महा याजका तेऊरे पापा री तणी तेऊ जानबरा री बलि चढ़ाऊणी , होर बेदी पेंदे तेऊ जानबरा मेरी तणी बे बलि रे रूपा में जलाऊलअ। तेऊ जनबरा रे लोहू सगे तेऊ मणशा रे पाप दूर हुणे। एउ साबे एबा, महा सह पाप याद नाँई करना सह मणश मेरी नजरा में शुद हुणअ परमेश्वरे मूसा रे भाई हारूना होर हारुना रे बंशजा बे आपणे याजक बड़ाऊणे बे चुनी। ![](https://cdn.door43.org/obs/jpg/360px/obs-en-13-10.jpg) तेबा परमेश्वरे तया लोका बे जोह नियम दीने थी तया तेता मनणे बे राजी होई। त्या सीधी परमेश्वरा रे लोका हुणे बे होर सीधी तेउरी स्तुति करने बे सहमत होई। ![](https://cdn.door43.org/obs/jpg/360px/obs-en-13-11.jpg) कई धयाडी तणी, मूसा सीने ना री जोता में परमेश्वरे सगा गला करद रहू। पर त्या लोका मूसा रा बापिस निहालदे-निहालदे थकी थी। तेबा तया लोके हारुना सेटा बे सुना आणु होर हारुना का सुने री एक मूर्ति बणाऊणे बे बोलू ,की त्या परमेश्वरा छाडी करे तेसा मूर्ति री पूजा करे । एउ साबे तयाहे परमेश्वरा रे विरोधा में बडा पाप करू। ![](https://cdn.door43.org/obs/jpg/360px/obs-en-13-12.jpg) हरुने बाछू रे रूपा में एक सुने री मूर्ति बणाई। तेउकी तयाहे लोके तेसा मूर्ति री पूजा करनी शुरू करी शुरू करी होर तेसा बे बलि चढ़ाई ! तयारे एउ पापा रे बझा कअ परमेश्वरा बहु गुसा आऊआ । परमेश्वर तया खत्म करना चहान्दा थी। पर मूसा परमेश्वरा का बिनती करी की याह लोका नाँई मारे होर तेऊ मूसा री बिनती शूणी होर त्या लोका नाश हुणे का बची | ![](https://cdn.door43.org/obs/jpg/360px/obs-en-13-13.jpg) जेबा मूसा सीने ना री जोता का उन्दे आऊओ। तेऊए त्या पाथरा री दूई पाटी हाथे डाही दी थी जासु में परमेश्वरे दस आज्ञा लिखी दी थी, तेउकी मूसा जेबा सह मूर्त भाली तेबा सह एथर गुसे होऊ की तेऊ त्या पाटी चोडी पाई, जोह कुछ त्याहे लोके करू सह परमेश्वरा री त्या दस आज्ञा रा बिरोध थी । ![](https://cdn.door43.org/obs/jpg/360px/obs-en-13-14.jpg) तेउकी मूसा तेसा मूर्ति रा पिशी करे बरुदा बणाऊ, होर तेऊ बरुदे रा पाणी मिलाई करे त्या लोका बे सह पाणी झूटणे बे दीना। परमेश्वरे त्या बे एक बिमारी भेजी होर तेता सगे बहु सारे लोका मुए। ![](https://cdn.door43.org/obs/jpg/360px/obs-en-13-15.jpg) जो पाटी मूसा चोडी थी तयाहा री जागहा मूसा दस आज्ञा री पाथरा री नई पाटी बणाई। तेउकी मूसा भीआका जोता बे नाठअ होर प्राथना करी की त्या लोका बे माफ करे। परमेश्वरे मूसा री प्रार्थना शूणी होर तया माफ करी। तेउकी मूसा नई पाटी पेंदे दस आज्ञा लिखी करे जोता का उन्दे आऊओ। तेबा परमेश्वरे सीने जोता का बायदे रे देश तक एस्राएली लोका री अगुबाही करी । *निर्गमन पाठ 19-34 मेजा कअ वाइवला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_13_128kbps.m4a ## 14. इस्राएली लोका रा चाहली साल तणी जंगले भटकणा https://openbiblestories.org/l/kfx-x-innerseraji/story-14/ ![](https://cdn.door43.org/obs/jpg/360px/obs-en-14-01.jpg) इस्राएली वे त्या काईदे कानून खोजने बाद परमेश्वरे सीने पहाडा का त्या री अगुबाही करी। परमेश्वर त्या बायदे रे देशा में नीणा चाह्न्दा थी।जासु बे कनान देश भी बोला थी। परमेश्वर बादला रअ थामब बड़ाई करे त्या जेह -जेह होर त्या तेऊ पीछे -पीछे हांडी। ![](https://cdn.door43.org/obs/jpg/360px/obs-en-14-02.jpg) परमेश्वरे अब्राहम, इसहाक होर याकूबा का बायदा करू थी कि महा बायदे रअ देश थारे वंशजा वे दिणअ, पर एबा तखे बहू जाति रे लोका बसी मुके थी। त्या वे कनानी लोका बोला थी। या कनानी लोका परमेश्वरा आराधना नाँई करदे थी होर तेऊ री आज्ञा नाँई मनदे थी। त्या झूठे देऊआ री भक्ति करा थी होर त्या बहू सारे बुरे काम करा थी । ![](https://cdn.door43.org/obs/jpg/360px/obs-en-14-03.jpg) परमेश्वरे इस्राएली लोका वे बोलू , "जेवा तमे बायदे रे देशा में नाहले तेवा तखले सारे कनानी लोका का छुटकारा पाये। त्या संघे संगत नाँई करे होर त्या संघे ब्याह नाँई करे। तमा त्या री सारी मूर्ति खत्म करे। अगर तमे मेरी आज्ञा नाई मनले, तेबा तमे माह छाडी करे, त्या रे देऊआ री की स्तुति करदे लागणा।" ![](https://cdn.door43.org/obs/jpg/360px/obs-en-14-04.jpg) जेवा इस्राएली लोका कनान री सीमा में पूजे, मूसा इस्राएली रे हर गोत्रा में का एक-एक करी करे बारह मर्द चुनी। तेउये त्या कनाना देशा रा भेदा लउणे री आज्ञा दीनी कि हेरे कि सह कैडा देश साहा। त्या कनानी रा भेद भी लउणा थी कि हेरे कि त्या ताकत आल़े साहा या कमजोर साहा। ![](https://cdn.door43.org/obs/jpg/360px/obs-en-14-05.jpg) त्याहे बारहे मर्दे सारे कनाना देशा में चाहली दिहाड़ी री यात्रा करी होर त्या तेउकी वापिस आउये। त्याये लोका वे खोजू , "कनान देश बहु उपजाऊ देश साहा होर फसला बखे हुंदा साहा !" पर त्याह बारहा लोका में का दस लोके कनानी लोका रे नगर बहु पाके आसा बोलू , "त्या रे होर त्या लोका लाम्बे -चौड़े तगड़े लोका साहा ! अगर हामे त्या पेंदे हमला करले तेबा त्या हामा जरुर हराई सका होर हामे मारी पाऊणे। " ![](https://cdn.door43.org/obs/jpg/360px/obs-en-14-06.jpg) तेबा तेवरी कालेब होर यहोशू होर होरी दुई भाई बोलदे लागे की, "यह सची साहा कि कनाना रे लोका लाम्बे होर ताकत आल़े आसा, पर हामे त्या पाके में त्या हराई सका ! किबेकी परमेश्वरा हमारी तणी लड़णा !" ![](https://cdn.door43.org/obs/jpg/360px/obs-en-14-07.jpg) पर लोके कालेब होर यहोशू री नाँई शुणी। त्या मूसा होर हारून का बखे गुसे होई होर बोलू , " ताए हामें एसा डरयाऊणी जगहा पेंदे किबे आणी ? हामा तखी मिस्रा में ही रहणे वे थी । अगर हामे कनान देशा बे नाठे तेबा हामे लड़ाई में मरने, होर कनाना रे लोका हमारी बेटडी होर शोहरू गुलाम बड़ाऊणे। " त्या लोका एकी नयुए अगुबे चुनदे लागे की सह त्या वापिस मिस्रा देशा बे नीणे। ![](https://cdn.door43.org/obs/jpg/360px/obs-en-14-08.jpg) जेवा त्याये लोके एडा बोलू तेबा परमेश्वर बखे रोष आऊआ। सह मिलापा आल़े तंबू में आउओ होर बोलू , "तमे मेरे खिलाफ बलवा करूदा साहा , तेवा तमा सभी एउ जंगले भटकणा होला। तमा में जोह बीहा साला रअ आसा या तेता का ज्यादा उमरा रअ साहा तखे मरणअ होर कधी भी तेऊ देशा में राज नाँई करी पाऊणा जोह देश हाऊ तमा वे दिंदा। तेऊ देशा में केले कालेब होर यहोशू ही नाही सका।" ![](https://cdn.door43.org/obs/jpg/360px/obs-en-14-09.jpg) जेवा लोके परमेश्वर एडा बोलदअ शुणू , तेवा त्या दुखी होई किबेकी त्याये पाप करु थी। तेवा त्याये कनाना रे देशा में हमला करणे रा फैसला करू। मूसा त्या वे चताबनी दीनी तमे कनान देशा बे नाँई नाहे किबेकी परमेश्वर तमा सगे नाँई नाहण, पर त्याहे मूसा री गल नाँई शूणी। ![](https://cdn.door43.org/obs/jpg/360px/obs-en-14-10.jpg) परमेश्वर एसा लडाई में त्या संघे नाँई नाठअ थी ,तेवा कनानी लोके त्या हराई करी होर त्या में बहू सारे लोका मारी पाई। तेवा इस्राएली लोका कनाना का से वापस मुड़ी आये। आगली चाहली साला तणी ,त्या जंगले ओहरी –पोहरी भटकते रही। ![](https://cdn.door43.org/obs/jpg/360px/obs-en-14-11.jpg) जेबा इस्राएली लोका चाहली साला तक जंगला में भटकते रही। तेबा, परमेश्वरे त्यारी सारी जरूरता पूरी करी। परमेश्वरे त्या बे खाणे बे रोटी दीनी जासू बे मना बोला। परमेश्वरे त्या बे तेऊ बटेरे रे झुंड त्या रे डेरे में भेजी की त्या ज़ेह खाणे वे माँस होये। याह चाहली साला में परमेश्वरे त्या रे झीकड़े होर बूटा थोचणे नाँई दीना । ![](https://cdn.door43.org/obs/jpg/360px/obs-en-14-12.jpg) परमेश्वरे त्या रे झुटणे बे पाणी वे चमत्कारे सगे शाफ्डा का पाणी काडू। पर एता सभी सा बाद भी, इस्राएली लोके परमेश्वरा रे खिलाफ होर मूसा रे खिलाफ शिकायत करी होर कुड़कुड़ाइ। तेउकी भी, परमेश्वर आपणे बायदे पेंदे विश्वासयोग्य थी। परमेश्वरे अब्राहम इसाहक होर याकुबा रे बंशजा बे जो बायदा करू थी सह तेऊ पूरा करू तेऊ। ![](https://cdn.door43.org/obs/jpg/360px/obs-en-14-13.jpg) एक होर वक्ते जेबरे त्या लोका सेटा पाणी नाँई थी , परमेश्वरे मूसा का बोलू , "शाफ्डा का गल्ला कर, होर तेताका पाणी निखलणा। " पर मूसा शाफ्ड़े संघे गल्ला नाई करी। बजाए तेतके ,तेऊ शोठी संघे दुई बारी शाफडे बाही। एउ सावे तेऊ परमेश्वरा रा निरादर करू। सभी वे झुटणे वे शाफ्डा का पाणी तों निख्दा , पर परमेश्वर मूसा का गुसा होउ। परमेश्वरे बोलू , " किवेकी ताई मेरी आज्ञा नाँई मनी ,तेवा तूह बायदे रे देशा में नाई नाही सकदअ। " ![](https://cdn.door43.org/obs/jpg/360px/obs-en-14-14.jpg) जेवा इस्राएली लोका चाली साला तणी जंगला में भटकी छेकी थी, तेबा जासुये परमेश्वरा रे खिलाफ बलवा करु थी त्या सबे मुये। तेवा परमेश्वर त्या लोका वे भी का तेऊ बायदे रे देशा बे नीई। एवा मूसा बखे बूढलअ होऊ थी, तेवा परमेश्वरे लोका री अगुवाई करणे मे तया री सहायता करणे री तणी यहोशू चुनु। परमेश्वरे मूसा का यह बायदा करू थी कि एकसा दिहाड़ी त्या लोका सेटा मूसा रे साही भविष्यद्वक्ता भेजण। ![](https://cdn.door43.org/obs/jpg/360px/obs-en-14-15.jpg) तेवा परमेश्वरे मूसा एकी पहाडा री चोटी में नाहणे वे बोलू की सह बायदे रे देशा हेरी सके। मूसा सह बायदे रअ देश हेरू पर परमेश्वरे तेऊ वे तेता में नाहणे री आज्ञा नाँई दीनी। तेवा मूसा मुंअ, होर इस्राएली तीह धियाडी तणी दुःख मनाऊ। तेउकी मूसा री जागहा यहोशू त्यारअ नउंअ अगुव बणू। यहोशू एक राम्बडअ अगुब थी किबेकी तेऊ परमेश्वरा में बुशाह करु होर तेऊरी गल्ला मनी। *निर्गमन अध्याय 16-17; गिनती 10-14; 20; 27; व्यवस्थाविवरण 34 री एकी बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_14_128kbps.m4a ## 15. बायदे रअ देश https://openbiblestories.org/l/kfx-x-innerseraji/story-15/ ![](https://cdn.door43.org/obs/jpg/360px/obs-en-15-01.jpg) एबा इस्राएली लोका रा कनान देशा में नाहणे रा बक्त आऊआ थी। तेऊ देशा में यरीहो ना रअ एक नगर थी। तेऊ री सुरक्षा वे तेऊ रे चहु फेरे पाकी दीवार थी। यहोशू यरीहो नगरा रा भेद लऊणे री तणी तखे दुई मणश भेजी। तेऊ नगरा में राहाब ना री एक वेश्या रहदा थी। तेसे या भेदी गजयाई थी, होर तेता बाद तेसे त्या नगरा का बची करे निखलणे में सहायता करी। तेसे एडा तेवा करू किबेकि सह परमेश्वरा में बुशाह करा थी। त्या दुई भेदी राहबे सगा बायदा करू जासु वक्ते इस्राएली लोका यरीहो नगरा नाश करणे तेवा हामे तेरी होर तेरे परिवारा री रक्षा करले। ![](https://cdn.door43.org/obs/jpg/360px/obs-en-15-02.jpg) इस्राएली लोका वे बायदे रे देशा में नाहणे वे यरदन नई पार करणी थी। परमेश्वरे यहोशू का बोलू , "याजका पहिले नाहणे देया। " ज़ेबा याजका यरदन नदी में आपणे कदम डाही तेवा पाणी रा बहणा बंद होऊ,कि इस्राएली लोका शुकी जमीना का होई करे पारा फेरा बे पार नाशी सके। ![](https://cdn.door43.org/obs/jpg/360px/obs-en-15-03.jpg) जेबा त्याहे लोके यरदन नदी पार करी तेवा परमेश्वरे यहोशू का बोलू कि यरीहो में हमला करणे वे तैयार रहा, किबेकि सह बखे मजबूत नगर थी। परमेश्वरे इस्राएली लोका वे बोलू कि याजका होर सैनिका वे छहां धिहाड़ी तणी नगरा री चहु फेरे चक्कर लाउणे बे बोल। तेउकी याजके होर सैनिके एडा ही करू। ![](https://cdn.door43.org/obs/jpg/360px/obs-en-15-04.jpg) परमेश्वरे यह भी बोलू , इस्राएली रे तेऊ नगरा रे चहु फेरे सात बारी चक्कर लाइ। तेबा त्याहे नगरा रे चहु फेरे साती फेरे चक्करा लाऊ बाद, याजके नरशीगे बाजी होर सैनिके जोर -जोरे परमेश्वरा रा जय जयकार करू। ![](https://cdn.door43.org/obs/jpg/360px/obs-en-15-05.jpg) तेवा यरीहो नगरा री चहु तरफा री दिबारा ढूली ! परमेश्वरा रे साबे इस्राएला रे लोके यरीहो नगरा री हर एक चीज नष्ट करी। त्याये केहली राहाब होर तेसके टबर छाडी दिने, किबेकी त्या इस्राएली लोका री सहायता करन आल़े बणी थी। जेवा कनाना में रहणे आल़े होरी लोके शूणू कि इस्राएली लोके यरीहो नगर नष्ट करू तेवा त्या डरी, कि एबा इस्राएली लोका हामा पेंदे भी हमला करना। ![](https://cdn.door43.org/obs/jpg/360px/obs-en-15-06.jpg) परमेश्वरे इस्राएली वे आज्ञा दीनि थी कि तमे कनाना में रहणे आल़ी कासी भी जाति संघे समझोता नाई करे। पर गिबोनियों ना रअ एक कनानी जाति रे एकी मणशे यहोशू का झूठ बोलू कि हामे कनाना का दूर रहणे आल़े लोका साहा। त्याये यहोशू का त्या संघे समझोते करणे री बिनती करी। यहोशू होर होरी इस्राएली अगुवे परमेश्वरा का नाँई पुछु कि त्या कैह करणा। एता छाडी करे , त्याये गिबोनियों संघे समझोता करू। ![](https://cdn.door43.org/obs/jpg/360px/obs-en-15-07.jpg) चीइ दिहाड़ी बाद, इस्राएली लोका बे पता लागा कि गिबोनी लोका कनाना में ही रहंधा थी। त्या बखे रोष आउआ किबेकि गिबोनिये त्या वे धोखा दिना थी। पर त्याये गिबोनी लोका संघे करूदा समझोता बणाई डाहु किबेकि सह समझोता परमेश्वरा सामने करू दा थी। तेवा थोड़े वक्ता बाद , कनाना में रहणे आल़ी एक होरी जाति, एमोरियों रे राजे शुणू कि गिबोनिये इस्राएली संघे समझोता करू दा साहा, तेवा त्याये आपणी- आपणी सेना कठे करी करे बड़ी सेना बनाई होर गिबोना जाति में हमला करू। गिबोनी लोके यहोशु सेटा फयाडा भेजू की सह हमारी सहायता करे। ![](https://cdn.door43.org/obs/jpg/360px/obs-en-15-08.jpg) यह समाचार शूणी करे यहोशू ये इस्राएली री सेना कठे करी होर गिबोनियों सेटा पूजणे वे त्या पूरी राची हांडी। दोती दोती त्याये एमोरियों री सेना हैरान करी होर त्या में हमला करू। ![](https://cdn.door43.org/obs/jpg/360px/obs-en-15-09.jpg) तेसा दिहाड़ी परमेश्वर इस्राएली वे लडू। तेयूये एमोरियों बखे डरयाई होर तेऊ बड़े- बड़े शहरू फेकी करे बहू सारे एमोरी सैनिक मारी पाई। ![](https://cdn.door43.org/obs/jpg/360px/obs-en-15-10.jpg) परमेश्वररे धिहाड़अ भी सरगे एकी जगहा खडअ करू कि इस्राएली वे पूरा वक्त भेटे कि एमोरियों बखे बुरी तरहा हराई। तेसा दिहाड़ी , परमेश्वरे इस्राएली वे एक बड़ी जीत प्राप्त करी। ![](https://cdn.door43.org/obs/jpg/360px/obs-en-15-11.jpg) जेवा परमेश्वरे एमोरीयो री हराई सेना हराई तेबा तेता बाद , कनानी जाति रे बहु सारे लोका इस्राएली लोका पेंदे हमला करने री तणी कठे होई। यहोशू होर इस्राएलीये हमला करी करे त्या रा सबे साह नाश करू। ![](https://cdn.door43.org/obs/jpg/360px/obs-en-15-12.jpg) याह लड़ाई बाद, परमेश्वरे इस्राएला सभी लोका बे कनान देश दीनअ, जासु दीणे रा बायदा परमेश्वरे त्या रे बजुर्गे सगे करू दा थी। तेवा परमेश्वरे इस्राएला रे लोका बे त्या री सारी सीमा में शान्ति दीनी। ![](https://cdn.door43.org/obs/jpg/360px/obs-en-15-13.jpg) जेवा यहोशू बूढ़लअ होऊ तेवा तेऊ इस्राएला रे सभी लोका एकी बारी शादाई। तेवा यहोशूये त्या सभी वे याद दिलाई कि हामे तेसा वाचा रा पालन करणे प्रतिज्ञा करी थी जोह परमेश्वरे त्या संघे सीनै पहाड़ा में बानी थी। त्याये लोके परमेश्वरे संघे बुशाहे संघे रहणे होर तेऊरी व्यवस्था रा पालन करणे रा वादा करु थी। *यहोशू अध्याय 1-24 का एकी बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_15_128kbps.m4a ## 16. छाडण आले https://openbiblestories.org/l/kfx-x-innerseraji/story-16/ ![](https://cdn.door43.org/obs/jpg/360px/obs-en-16-01.jpg) यहोशू रे मरने बाद, इस्राएली लोके परमेश्वरा री आज्ञा होर नियमा रा पालन नाँई करू,होर बायदे रे देशा में में बची दे कनानी लोका बागे नाँई निकदे। इस्राएली लोके आपणे सचे परमेश्वर, यहोवा छाडी करे कनानी देऊआ री आराधना करनी शुरू करी। इस्राएली लोका सेटा कोहे भी राजा नाँई थी, तेबा जासु जोह ठीक लागा त्याहे सहे करू। ![](https://cdn.door43.org/obs/jpg/360px/obs-en-16-02.jpg) परमेश्वरा री आज्ञा नाँई मनणे री बजा का इस्राएली लोके एक रिवाज शुरू करु जोह कई बारी भीयाका करू। यह रिवाज एउ साबे चलदा रहू कुछ साला बाद इस्राएली लोक परमेश्वरा री आज्ञा नाँई मनदे थी, तेबा परमेश्वरे त्या दुश्मना रे जरीए हराई करे सजा दिंदा थी। याह दुशमण इस्राएली लोका का सबे साह लुटा थी, होर त्यारी जायदात नष्ट करी दिंदा थी, औरहोर त्या में बहु सारे इस्राएली लोका मारी भी पाऊदा थी। तेउकी इस्राएली लोका रे दुशमन कई साला तणी त्या पेंदे अत्याचार करा थी, एता बाद इस्राएली लोका आपणे पापा री माफी मागा थी होर परमेश्वरा का प्रार्थना करा थी की हामा बचा। ![](https://cdn.door43.org/obs/jpg/360px/obs-en-16-03.jpg) हर बार जेबा इस्राएली लोका पापा री माफी मागा थी तेबा परमेश्वर त्या बचाऊदा थी। त्या छडाऊण आल़े रे झरीये एडा करा थी – एडअ मणश जोह इस्राएली लोका रे दुशमणा रे बिरोधा में लड़ा थी होर त्या हराउन्दा थी। तेबा देशा में शांति हुंदा थी होर सह छाडण आलअ रामडे साबे त्या पेंदे राज करा थी। परमेश्वरे त्या लोका बे बचाऊणे री तणी बहु सारे छाडन आल़े भेजी। परमेश्वरे एक नेडा री एक दुशमण जाति, मिद्यानियो बे इजाजत दीनी कि इस्राएली लोका हराए। ![](https://cdn.door43.org/obs/jpg/360px/obs-en-16-04.jpg) मिद्यानी लोके सात साला तणी इस्राएली लोका री फसल चुटी। इस्राएली लोका बहु ज्यादा डरी थी,होर त्या गुफा में गोझा थी की मिद्यानी लोका नाँई लोडी सके। होर अंता में त्याहे परमेश्वर पुकारू की हामा बचा। ![](https://cdn.door43.org/obs/jpg/360px/obs-en-16-05.jpg) गिदोन ना रअ एक इस्राएली मर्द थी। एकसा धयाडी कराणी जागहा में गीहू मांडद लागअ थी एक की मिद्यानी लोका तेता चोरी नाँई सके। यहोबा परमेश्वरा एकी स्वर्गदूते गिदोना सेटा इछी करे तेऊ बे बोलू नेड इछी करे तेऊबे बोलू, “हे शूरवीर, परमेश्वर त्या सगे आसा। ना होर इस्राएली लोका मिद्यानी लोका का बचा।” ![](https://cdn.door43.org/obs/jpg/360px/obs-en-16-06.jpg) गिदोन री पाप री मूर्ति रे सामने बलि चडाऊणे री तणी एक वेदी बनाई थी |सभी का पहिले परमेश्वर रे गिदोन बे तेसा बेदी चोडणे री तणी बोलू | पर गिदोन लोका का डरा थी, एत्की तणी तेऊ राची हुणे रा इन्ताजार करू | तेबा गिदोने तेसा वेदी रे चोडी करे टुकड़े- टुकड़े करी दिने| तेऊ परमेश्वरे री तणी नई वेदी बनाई होर तेता पेंदे परमेश्वरे री तणी बलि चढाई ![](https://cdn.door43.org/obs/jpg/360px/obs-en-16-07.jpg) दोती लोके हेरू की कुणी बेदी चोडी करे टुकड़े-टुकड़े करी दिने, तेबा लोका बहु रोष आऊआ। जेबा त्या पता लागा की यह गिदोने चोडी त्या तेऊ मार्डे तेऊ रे घरा बे नाठे, पर गिदोना रे बापू बोलू, “तमे किबे अपणे देऊआ री रक्षा करने री कोशिशा करदे लागेदे? अगर सह देऊ आसा तेबा तेऊ आपणी रक्षा आपे करने देआ!” तेऊ एडा ही बोलू तेबा लोके गिदोन नाँई मारू। ![](https://cdn.door43.org/obs/jpg/360px/obs-en-16-08.jpg) तेबा इस्राएली लोका लूटने री तणी मिद्यानी लोका भीका आए। त्या एथरे ज्यादा आये की त्या री गिनती भी नाँई करी सकते थी। गिदोने त्या रे बिरोधा में लड़ने री तणी के इस्राएली लोका एकी बारी शादी। गिदोने परमेश्वरा का दुई नशाणी मागी की तेऊ बुशाह होए की परमेश्वर सची तेऊबे इस्राएली लोका बचाऊणे री तणी बोलदअ लागअ साहा साहा। ![](https://cdn.door43.org/obs/jpg/360px/obs-en-16-09.jpg) पहिले निशाणा री तणी, गिदोने भेडा री ऊन जमीना में डाही करे परमेश्वरा का बोलू की दोती ओश सीधी एसा ऊना में पड़े होरी जमीना में नाँई पड़े। परमेश्वरे एडा ही करू। दूजी राची तेऊ परमेश्वरे बोलू की जमीन शागे पर भेडा री ऊन शुकी रहे। परमेश्वरे भी एडा ही करू। या दुई निशाणा री बजा, गिदोने बुशाह करू की परमेश्वर सची में चाहन्दा की माह इस्राएली लोका मिद्यानी लोका का से बचाऊँणे। ![](https://cdn.door43.org/obs/jpg/360px/obs-en-16-10.jpg) तेबा गिदोने सैनिक आपु सेटा शादी होर 32,000 सैनिक आये। पर परमेश्वरे तेऊ बे बोलू याह बहु ज्यादा आसा। तेबा गिदोने 22,000 सैनिक घरा बे वापिस भेजी जोह लड़ने का डरा थी। परमेश्वरे गिदोना का बोलू की याह सैनिक एबा भी बहु ज्यादा आसा। तेबा गिदोने 300 सैनिका छाडी करे बाकी सारे सैनिक घरा बे भेजी। ![](https://cdn.door43.org/obs/jpg/360px/obs-en-16-11.jpg) तेसा राची परमेश्वरे गिदोना बे बोलू, “मिद्यानी लोका रे ताम्बु में नाह होर त्या गला करदे शूण। जेबा तू शूणनल की त्या केह – केह गला करदे लागेदे तेबा तूह त्या पेंदे हमला करने का नाँई डरे।” तेबा तेसी राची, गिदोन उन्दे त्या रे ताम्बु में आओ होर गिदोने एक मिद्यानी सैनिक आपणे दोस्त गला करद शूणु जोह गिदोने सुपने में हेरू थी। तेऊ सैनिका रे दोस्ते बोलू, “एउ सुपने रा मतलब यह आसा की गिदोना री सेना मिद्यानी सेना बे हराई देली!” जेबा गिदोने यह शूणु की तेबा तेऊ परमेश्वरा री स्तुति करी। ![](https://cdn.door43.org/obs/jpg/360px/obs-en-16-12.jpg) तेबा गिदोन अपणे सैनिका सेटा बे वापस आऊओ होर तेऊ हर सैनिका बे एक – एक नरशीगअ, होर एक-एक माटे रे भाडे, होर एक -एक मसलअ दीनअ। त्याहे त्या ताम्बु सेटा जखे मिद्यानी सैनिक सुते दे थी। गिदोना रे 300 सैनिके अपणे मूसाले माटे रे भाडे ढोपी करे डाही थी तेबा मिद्यानी लोका त्या मुशाले रे प्र्याशे नाही हेरी सके। ![](https://cdn.door43.org/obs/jpg/360px/obs-en-16-13.jpg) तब गिदोना रे सैनिके एकी बारी आपणे- आपणे माटे रे भाड़े चोडी होर एक दम आगी रा प्र्याशा चमकू। गिदोना रे सैनिके आपणे -आपणे नरशीगे बाजी होर बोलदे लागे,“यहोवा री तुलार होर गिनोना री तुलार!” ![](https://cdn.door43.org/obs/jpg/360px/obs-en-16-14.jpg) परमेश्वरे मिद्यानी लोका डराई, तेबा त्या एकी दूजे मारदे होर काटते लागे। तेबरी गिदोने बाकी इस्राएली लोका भी त्यारे घरा का शदाई की त्या मिद्यानी लोका रा पीछा करने त्या री सहायता करी सके। त्याहे बहु सारे मिद्यानी लोका खत्म करी होर बाकी जो बची त्या इस्राएल देशा का बागे काहडी दीने। तेसा धयाडी 1,20,000 मिद्यानी लोका मारी पाई। एउ साबे परमेश्वरे इस्राएल देश बचाऊ। ![](https://cdn.door43.org/obs/jpg/360px/obs-en-16-15.jpg) त्या लोका गिदोना आपण राजा बड़ाणा चाह्न्दा थी, पर गिदोने त्या एडा नाँई करने दीना, पर तेऊ त्याका सुने रे गहणे मागी जोह त्याहे मिद्यानी लोका का लुटी दे थी। पर त्याहे लोके गिदोना बे बहु सारा सूना दीना। ![](https://cdn.door43.org/obs/jpg/360px/obs-en-16-16.jpg) तेबा गिदोने तेऊ सुने रा एक बढीया झिकडे रअ जोड़ा बड़ाऊ जेडअ महायाजक बाना थी। पर लोके एक मूर्ति ज़ेही तेतकी आराधना करनी शुरू करी। तेबा भी परमेश्वरे तब परमेश्वरे इस्राएली लोका बे भी को सजा दीनी किबेकी त्याहे मूर्ति री आराधना करी थी। परमेश्वरे त्या हराऊणे बे दुश्मन तयार करी। तेबा तयाहे सहायता मागणे री तणी त्याहे भीआक परमेश्वरा का प्रार्थना करी, होर परमेश्वरे त्याह बचाऊणे री तणी एक छाडण आलअ भेजू। ![](https://cdn.door43.org/obs/jpg/360px/obs-en-16-17.jpg) यह गल कई बारी होई, इस्राएली लोका पाप करा होर परमेश्वर त्या सजा दिन्दा, त्या माफी मागा, परमेश्वर त्या छाडने बे कासु भेजी दिंदा। कई साला तणी परमेश्वरे बहु सारे छाडण आल़े भेजी त्याहे इस्राएली लोका त्या रे दुशमना का बचाई। ![](https://cdn.door43.org/obs/jpg/360px/obs-en-16-18.jpg) तेबा अन्त में, त्याहे लोके दूजे देशा जेहे परमेश्वरा का राजे ज़ेही माग करी।त्या एक एड राजा नए चाह्न्दा थी जोह लामबअ होर ताकता आलअ हो, होर लड़ाई में त्यारी सहायता करी सके। परमेश्वरा त्यारी गला ठीक नाँई लागी, पर तेऊ त्याबे तेडअ ही राजा दीनअ जेडअ त्याहे मागु थी। *न्यायियों पाठ1-3; 6-8; 1 शमूएल1-10 बीचा में कअ बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_16_128kbps.m4a ## 17. दाऊदा संघे परमेश्वर री वाचा https://openbiblestories.org/l/kfx-x-innerseraji/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएला देशा रअ पहिलअ राजअ थी। सह लामअ होर शोभलअ थी, जेडा राजअ इस्राएली लोका चाह्न्दा थी त्या तेडअ ही राजा भेटअ। इस्राएल देशा में राजा करने का पहिले कुछ साला तणी शाऊल राम्बड राजा थी। पर बादा में सह एक दुष्ट मनश बणू होर तेऊ परमेश्वरा री आज्ञा नाँई मनी, तेवा परमेश्वरे तेऊ री जगहा होर राजा चुनु। ![](https://cdn.door43.org/obs/jpg/360px/obs-en-17-02.jpg) परमेश्वरे एक जुआन इस्राएली मर्द चुनू जासका ना दाऊद थी की सह शाऊला री जागहा राजा बणी सके। दाऊद बैतलहम नगरा रअ फुआल थी। सह आपणे बापू री भेडा चारा थी, तेऊ एक बारी शेर होर एकसा बारी भालू मारी पाई थी किवेकि त्याहे तेऊरी भेडा मारनी लाई थी। दाऊद एक नम्र होर धर्मी मनश थी। तेऊ परमेश्वरा में भरोसा करु होर तेऊ री गल्ला मानी। ![](https://cdn.door43.org/obs/jpg/360px/obs-en-17-03.jpg) जेवा दाऊद एबरे जुआन मर्द ही थी, तेऊ लाम्बे -चौड़े गोलियत रे खिलाफ लड़ाई लड़ी। गोलियत एक बहु खतरनाक सैनिक थी। सह बहु ताकता आलअ होर लगभग चिण मीटर लाम्मअ थी सपाही थी ! पर परमेश्वरे गोलियत वे मारणे होर इस्राएला बचाउणे में दाऊद री सहायता करी थी। एता बाद, दाऊदे इस्राएला देशा रे शत्रु पेंदे कई बारी जीत करी । दाऊद एक बड़अ सैनिक बणु, होर तेऊ बहु लड़ाई में इस्राएली सेना री अगुवाई करी। लोके तेऊ री बहु सराहना करी। ![](https://cdn.door43.org/obs/jpg/360px/obs-en-17-04.jpg) इस्राएली लोके दाऊदा सगे ऐतरा प्यार करू कि शाऊला तेऊ रा रोष लागा। शाऊल तेऊ दाऊदा मारणा चाहदा थी, तेवा दाऊद तेऊ का होर तेऊ रे सैनिका का गोजणे वे जंगला बे ठुरू। एक धयाडी जेवा शाऊल होर् तेऊ रे सैनिक दाऊदा लोडदे लागे थी तेवा शाऊल एकी गुफा में नाठाअ। यह सहे गुफा थी जासु में दाऊद गजूदअ थी, पर शाऊले सह नाँई हेरू। दाऊद शाऊला पीछे-पीछे तेऊ बहू नेड नाठअ होर तेऊ रे झीकड़े का एक टुकड़ काटू। बाद में, जेवा शाऊल तेसा गुफा का निखदअ तेवा दाऊदे सह काटू दअ टुकड रीहाऊ। तेबा शाऊला पता चलू की दाऊद राजा बणने री तणी महा मारना नाँई चाहंद। ![](https://cdn.door43.org/obs/jpg/360px/obs-en-17-05.jpg) थोड़े वक्ता बाद, शाऊल लड़ाई में मारू, होर दाऊद इस्राएला देशा रअ राजा बणू। सह एक राम्बडअ राजा थी, होर लोका सगे प्रेम डाहन्दा थी। परमेश्वरे दाऊद बे आशीर्वाद दीना होर सह सफल बणाउ। दाऊदे कईये लड़ाई लड़ी, होर परमेश्वरे इस्राएला का दुश्मणा हराउणे में दाऊदा री सहायता करी। दाऊदे यरूशलेम नगरा जीती करे सह आपणी राजधानी बणाई, होर तखे रही करे तेऊ राज करू। दाऊद चाहली साला तणी एक राजा रहू। तेऊ वक्ते, इस्राएल देश बहु ज्यादा सामर्थी होर ताकता आलअ होर सेठ बणू। ![](https://cdn.door43.org/obs/jpg/360px/obs-en-17-06.jpg) दाऊद एक मंदिर बनाउणा चाहदा थी जखे सारे इस्राएली लोका परमेश्वरा री आराधना करी सकें होर तेऊ वे बलिदान चढ़ाइ सकें। इस्राएली लोका लगभग 400 साला का मूसा रे बणाई दे मिलाप आल़े ताम्बु में परमेश्वरा री आराधना करदा थी होर तेऊ वे बलि चड़ाउदा थी। ![](https://cdn.door43.org/obs/jpg/360px/obs-en-17-07.jpg) पर तखे नातान ना रअ एक भविष्यद्वक्ता थी। परमेश्वरे सह दाऊदा सेटा वे एडा बोलणे वे भेजू : "ताई बहु सारी लड़ाई लड़ी, तेवा ताए माह वे एक मंदिर नाई बणाऊ। मनिदर तेरे शोहरू यह तेरी शोहरी बणाउण। तेवा भी, माह ताह बे ज्यादा आशीष दीणी। तेरे वंशजा सदा वे मेरे लोका में राजा रे के रूपा में राज करणा।" सदा वे राजा करण आल़अ सह दाऊदा रअ एक मात्र वंशज मसीह आसा। मसीह परमेश्वरा रअ चुनू दअ जन आसा जोह संसारा रे लोका त्या रे पापा का बचाऊदा। ![](https://cdn.door43.org/obs/jpg/360px/obs-en-17-08.jpg) जेवा दाऊदे नाताना रा यह संदेश शुणू तेवा तयूये परमेश्वर रा धन्यवाद करू होर तेऊ री स्तुति करी। परमेश्वर दाऊदा री ईजता बडाउदअ लागअ थी होर तेऊ वे बहू सारी आशीष दीनदअ लागअ थी। पर, दाऊद नाँई जाणदअ थी कि परमेश्वरा या गल्ला केबरे पूरी करणी। एउ वक्ते हामे हामे जाणा कि इस्राएली लोका, लगभग 1,000 साला तणी मसीहा रे इहणे री इंतजार करणा आऊआ। ![](https://cdn.door43.org/obs/jpg/360px/obs-en-17-09.jpg) दाऊदे कईये साला तणी आपणे लोका पेंदे राज करु। तेऊ ईमानदारी संघे परमेश्वरा री आज्ञा रा पालन करू होर परमेश्वरे तेऊबे आशीष दीनी। हालाँकि, तेऊ आपणी जिंदगी रे आखरी में परमेश्वरा रे बिरोधा में बहु खतरनाक पाप करू थी। ![](https://cdn.door43.org/obs/jpg/360px/obs-en-17-10.jpg) एकसा दिहाड़ी दाऊदे आपणे सारे सैनिक दूर लड़ाई करदे नाठे थी। तेबा दाउद आपणे मैहला का बागे आऊअ होर तेऊ एक शोभली बेटड़ी नेहूदी हेरी। पर तेसा तेसा का आपणी नाँई ओरी पोरी नाँई करी, दाऊद तेसा बेटड़ी नाँई जाणद थी। पर तेऊ पता करू की तेसा बेटड़ी रा ना बतशेबा आसा। ![](https://cdn.door43.org/obs/jpg/360px/obs-en-17-11.jpg) ेदाऊदे तेसा आपु बे आडने बे आपण एक सैनिक तेसा सेटा बे भेजू। दाऊदे तेसा सगे गलत काम करू होर तेऊकी सह वापिस घरा वे भेजी। थोड़े वक्ता बाद बतशेबा ने यह बोली करे दाऊदा सेटा वे फयाडा भेजू की सह सुईदी साहा है। ![](https://cdn.door43.org/obs/jpg/360px/obs-en-17-12.jpg) बतशेबा ऊरिय्याह ना रे एकी सैनिका री बेटड़ी थी। सह दाऊदा रे रामबड़े सैनिका मेंजा का एक थी। तेऊ वक्ते सह लड़ाई लड़ने री तणी बागा बे चालु दअ थी। दाऊदे ऊरिय्याहा लड़ाई का वापस शदाई करे तेऊ आपणी बेटड़ी संघे रहणे वे बोलू। पर होरा सैनिक लड़ाई में थी तेवा ऊरिय्याह घरा वे नाहणे वे नाँई करू । तेवा दाऊदे ऊरिय्याह वापस लड़ाई करद भेजू होर सेनापति का बोलू तेऊ लड़ाई में एहडी जगहा डाहणे वे बोलू जखे शत्रु सभी का शक्तिशाली होये ताकि सह मरे। होर तेता बाद एडा ही होऊ कि ऊरिय्याह लड़ाई में मारू। ![](https://cdn.door43.org/obs/jpg/360px/obs-en-17-13.jpg) जेबा ऊरिय्याह रे लड़ाई मारी पाऊ तेबा दाऊदे बतशेबा संघे ब्याह करु। बादा में, तेसे दाऊदा रे शोहरू वे जन्म दिना। दाऊदे जोह पाप करू तेता का परमेश्वरा बखे रोष आऊआ, तेवा परमेश्वरे नातान ना रअ भविष्यद्वक्ता दाऊद वे यह खोजने वे भेजू की दाऊदा रा पाप केतरा बुरा थी। दाऊदे आपणे पाप मनु होर परमेश्वरे सह माफ भी करू। आपणे बाकी बचिदे जीवना में, आपणे मुश्किल वक्ता में भी दाऊद परमेश्वरा रे पीछे-पीछे हाण्डू होर तेऊ री गल्ला मानी। ![](https://cdn.door43.org/obs/jpg/360px/obs-en-17-14.jpg) पर दाऊद रअ शोहरू मुअं। एउ सावे परमेश्वरे दाऊद रे पापा री सजा दीनी। एतके अलावा, दाऊदा रे मरणे तणी, तेऊ रे आपणे टवरे तेऊ सगे लड़ाई करी,होर दाऊद हर तरहा का कमजोर होऊ थी। पर परमेश्वर बुशह लाईक थी, होर परमेश्वरे एबा भी सहे करू जोह तेऊ दाऊदे सगे बायदा करू दा थी, पर तेऊ परमेश्वरा री आज्ञा नाँई मनी पर बाद में दाउद होर वतशेबा रे दूजी ओलाद पैदा होई होर तयाहे तेऊ रा ना सुलेमान डाहू। *1 शमूएल अध्याय 10; 15-19; 24; 31; 2 शमूएल 5; 7; 11-12 का एकी बाइबला री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_17_128kbps.m4a ## 18. इस्राएल देशा रा बटवारा https://openbiblestories.org/l/kfx-x-innerseraji/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजे चाहली साला तणी राज करू। तेता वाद सह मुअं, होर तेऊ रे शोहरू सुलैमाने इस्राएला में राज करणा शुरू करू। परमेश्वरे सुलैमाना का गल्ला करी होर तेऊ का पुछु सह सभी का ज्यादा कैह चाहदा जोह महा ताहब करना। सुलैमाने परमेश्वरा का बोलू की महा बहु बुद्धिमान बणा। ऐसा गले सगा परमेश्वर खुश करू, तेवा परमेश्वरे सुलैमाना वे संसारा रअ सभी का बुद्धिमान मणश बणाउ। सुलैमाने बहु गल्ला सीखी होर सह राजा करन आलअ एक बुद्धिमान मणश थी। परमेश्वरे सह बहू सेठ बणाउ थी। ![](https://cdn.door43.org/obs/jpg/360px/obs-en-18-02.jpg) सुलेमाने यरूशलेमा शहरा में सह मंदिर बणाउ जासकी योजना तेऊ रे बापू बणाई दी थी होर होर मदिरा बे बड़ाऊणे बे सामान कठे करूदा थी। एवा लोका मिलापा आल़े ताम्बु छाडी करे मंदिरा में परमेश्वरा री आराधना करा थी होर तेऊ वे बलि चढ़ाउदा थी। परमेश्वर इच्छी करे मंदिर में हाजीर रहंधा थी,होर तखे सह आपणे लोका संघे रहंधा थी। ![](https://cdn.door43.org/obs/jpg/360px/obs-en-18-03.jpg) पर सुलैमाने दूजे देशा री बेटड़ी संघे प्रेम करू। तेउये बहू, लगभग 1,000 बेटड़ी संघे ब्याह करी करे परमेश्वरा रा आदर नाँई करू! याह में बहू बेटड़ी होरी देशा का आई दी थी होर आपु संघे आपणे देऊ भी सगे आणी दे थी होर त्या आपणे देऊ री आराधना करणी नाँई छाडी। जेवा सुलैमान भी बूढ़लअ होऊ तेवा तेउये भी त्या रे देऊ री आराधना करी। ![](https://cdn.door43.org/obs/jpg/360px/obs-en-18-04.jpg) एसा बजहा का परमेश्वर सुलैमाना का नाराज थी। होर तेऊ सुलेमाना का बोलू महा तेरे मरने बाद इस्राएला देशा रे दुई राज्य बडाऊणे होर त्या बे सजा दीणी। ![](https://cdn.door43.org/obs/jpg/360px/obs-en-18-05.jpg) सुलैमान रे मरणे का बाद, रहबाम राजअ बणू। इस्राएल देशा रे सभे लोका तेऊ आपणे राजा रे रूपा में स्वीकार करणे री तणी एकी बारी कठे होई। लोके रहबामा का शिकायत करी कि सुलैमाने हामा का बहु मेहनत कराई थी होर बहू चुगी वसूली थी। त्याये रहबामा का बिनती करी कि त्या का कम काम कराए। ![](https://cdn.door43.org/obs/jpg/360px/obs-en-18-06.jpg) पर रहबामें त्या वे बड़ी रोशे संघे जबाब दिना, "तमे बोला कि मेरे बापू सुलैमाने तमा का बहू मेहनत कराई। पर माह तमा का तेता का भी बहू मेहनत कराऊणी, होर माह तमे तेता का भी बहू दुखी करणे।" ![](https://cdn.door43.org/obs/jpg/360px/obs-en-18-07.jpg) जेवा लोके रहबाम एडअ बोलदअ शुणू तेवा कई लोके तेउरा बिरोध करू।तेता में दसे गोत्रा रे लोके सह छाडू ; तेउ संघे सीधी दुइये ही गोत्र बची थी। याहे दुई गोत्रे आपणे आपा वे यहूदा रा राज्य बणाऊ। ![](https://cdn.door43.org/obs/jpg/360px/obs-en-18-08.jpg) बाकी रे दसे गोत्रे यारोबाम ना रअ एक मणश राजा बणाउ। या गोत्र देशा रे उत्तर-पूर्वी भागा में थी। याहे दस गोत्रे मिली करे आपणे आपु वे इस्राएला रा राज्य बणाऊ। ![](https://cdn.door43.org/obs/jpg/360px/obs-en-18-09.jpg) पर यारोबामें परमेश्वरा रा बिरोध करू होर लोका का पाप करवाउ। तेऊये आपणे लोका का आरधना करणे री तणी दूइ मूर्ति बणाई। त्या एबा यहूदा रे राज्य में यरूशलेमा परमेश्वरा रे मंदिरा में परमेश्वरा री अराधना करणे री तणी नाँई नाहदे थी। ![](https://cdn.door43.org/obs/jpg/360px/obs-en-18-10.jpg) यहूदा रे राज्य होर इस्राएली रे राज्य शत्रु बणी होर एकी दूजे रे खिलाफ लड़दे लागे। ![](https://cdn.door43.org/obs/jpg/360px/obs-en-18-11.jpg) इस्राएला रे नउये राज्य में, जेथरे भी राजा आए त्या सारे राजा दुष्ट थी। याह में कई राजा इस्राएली लोके मारी जोह आपु राजा बणना चहान्दा थी। ![](https://cdn.door43.org/obs/jpg/360px/obs-en-18-12.jpg) इस्राएला देशा रे सारे राजे होर बहू लोके मूर्ति री पूजा करी। जेबा त्याहे एडा करु,तेबा त्याहे हर बारी बेश्या बेटड़ी गलत काम करू, पर कई बारी त्याहे मूर्ति जेह आपणे शोहरू री बलि भी दीनी। ![](https://cdn.door43.org/obs/jpg/360px/obs-en-18-13.jpg) यहूदा राज्य रे राजा, दाऊदा रे वंशज थी। याहा राजा में कई भले मनश थी,जासुये भले कामे सगे राज करु होर परमेश्वरा री स्तुति करी। पर यहूदा रे बहू राजा दुष्ट थी। तयाहे बुराई सगे राज करु, होर मूर्ति री पूजा करी। अखे तणी की याहा में का एखा राजा झुठे देऊआ सेटा आपणे शोहरू री बलि भी करी। यहूदा रेराज्य रे बहू लोके परमेश्वरा रे बिरोधा करु, होर होरी मूर्ति री पूजा करी। *1 राजा पाठ 1-6; 11-12 का एक बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_18_128kbps.m4a ## 19. भविष्यद्वक्ता https://openbiblestories.org/l/kfx-x-innerseraji/story-19/ ![](https://cdn.door43.org/obs/jpg/360px/obs-en-19-01.jpg) परमेश्वर सदा इस्राएली लोका सेटा भविष्यद्वक्ता भेजदअ रहंधा थी। भविष्यद्वक्ता परमेश्वरा का खुशखबरी शूणा थी होर तेउकी तेता लोका बे खोजा थी। ![](https://cdn.door43.org/obs/jpg/360px/obs-en-19-02.jpg) जेवा अहाब इस्राएल देशा रअ राजा थी तेबा तेऊ बकते एलिय्याह भविष्यद्वक्ता थी। अहाब एक बुरअ मनश थी। तेऊ परमेश्वरा री आराधना छाडी करे झूठे देऊ री पूजा करणे री तणी लोका विवश करी थी। तेवा एलिय्याहे अहाब का बोलू कि परमेश्वर त्या लोका वे सजा दिणी लाइदी आसा। तेउये तेऊ का बोलू , " जेबरे तणी हाऊ भी का पाणी हुणे वे नाँई बोललअ तेव्रे तणी इस्राएल देशा में पाणी नाँई हुणा होर नाह ही ओश पडणा।" एसे गल्ले का अहाब एतरअ नाराज रोष आऊआ कि कि तेउये एलिय्याह मारणे रा फैसला करू .। ![](https://cdn.door43.org/obs/jpg/360px/obs-en-19-03.jpg) तेवा परमेश्वरे एलिय्याहा भविष्यवक्ता का बोलू कि सह बूणे नाही कर्रे अहाबा का गोंझी रह । एलिय्याह बूणे तेसा सुबली सेटा नाठअ जखे नाहणे री तणी परमेश्वरे तेऊ बे खोजू थी। हर दोती होर हर ब्याले, चेलू एलिय्याह वे रोटी होर माँस आणदा थी। एउ पुरे वक्ते, अहाब होर तेऊ री सैना एलिय्याह लोडदे रही , पर त्या तेऊ लोदी नाँई सकी। ![](https://cdn.door43.org/obs/jpg/360px/obs-en-19-04.jpg) पाणी नाँई हूणे रे थोड़े वक्ता बाद सह सुबल शूकी। तेवा एलिय्याह नेडा रे ही एकी देशा में नाठअ। तेऊ देशे एक गरीब विधवा बेटड़ी थी जासके एक शोहरू थी। त्या ज़ेह खाना लगभग खत्म होई मुका थी। किबेकि तखे किछे भी अनाज नाई होऊ थी। पर तेउकी भी, तेसे बेटड़ी एलिय्याह री हेर भाल करी,तेवा परमेश्वरे तेसकी होर तेसरे शोहरू री जरूरता पूरी करी , एसा बजा का त्या सेटा पीठे रे भाड़े तेला री कुपी कधी भी खली नाँई होई। तेऊ पुरे अकाला रे बक्त तेसा सेटा खाना थी। एलिय्याह बहु साला तणी तखे रहू। ![](https://cdn.door43.org/obs/jpg/360px/obs-en-19-05.jpg) साढ़े चीई साला बाद, परमेश्वरे एलिय्याहा भविष्यवक्ता का बोलू कितेऊ भीआ का पाणी दीणा। परमेश्वरे एलिय्याह का बोलू तूह इस्राएला रे देशा में नाह होर अहाबा सगे मिल।तेवा एलिय्याह अहाबा सेटा नाठअ । जेवा अहाबे एलिय्याह हेरू तेवा तेऊ बोलू , "अच्छा तूह साहा, मुशकला पाउणे आल़अ !" एलिय्याह भविष्यवक्ता उतर दिना , "मुशकला में पाउणे आल़अ तूह साहा ! ताई यहोवा छाड़ूदअ साहा। तूह सचे परमेश्वरा री आराधना छाडी करे, झूठे बाल देऊआ री पूजा करद लागदअ साहा। एबा ताह इस्राएला देशा रे सारे लोका होर बाला रे भविष्यवक्ता बे कर्मेल ना रे पहाड़ा में आंणणे साहा।" ![](https://cdn.door43.org/obs/jpg/360px/obs-en-19-06.jpg) तेबा आहाब राजे इस्राएल देशा रे सारे लोका कर्मेल पहाड़ा वे कठे करी। एलिय्याह भविष्यवक्ता लोका बे बोलू, “तमा कधू तणी आपणे बचारा सगे समझोता करदे रहणा? आगर परमेश्वर आसा तेबा तेऊरी आराधना !" ![](https://cdn.door43.org/obs/jpg/360px/obs-en-19-07.jpg) तेवा एलिय्याह भविष्यद्वक्ता बाल देऊआ रे भविष्यवक्ता का बोलू, "एकी जानवरा री बलि चढाआ होर तेऊ रा मॉस एकी बेदी पेंदे डाहा, पर आग नाँई लाए। तेता बाद माह जानबरा रा मॉस एकसा अलग बेदी पेंदे डाहणा। तेवा अगर परमेश्वर वेदी में आग फेकलअ तेवा तमा जाणा कि सह सचअ परमेश्वर साहा।" तेवा बाला देऊआ रे भविष्यद्वक्ता एक बलि तैयार करी पर आग नाँई लाई। ![](https://cdn.door43.org/obs/jpg/360px/obs-en-19-08.jpg) तेवा बाला देऊरा रे भविष्यद्वक्ताये आपणे बाल देऊआ का प्रार्थना करी, "हे बाला देऊआ, हमारी शुण!" पूरी धिहाड़ त्याये जोरे -जोरे प्रार्थना करी होर होर अखे तणी कि आपणे आपा वे चाक़ू संघे जख्मी करी, पर बाल देऊए कोई भी उतर नाई दिना, होर तेऊ किछे आग नाई फेकी। ![](https://cdn.door43.org/obs/jpg/360px/obs-en-19-09.jpg) बाला देऊरा रे भविष्यद्वक्ताये बाल देऊआ का प्रार्थना करणे में लगभग पूरी दिहाड़ नाठी। तेउकी त्याये प्रार्थना करणी बंद करी। तेवा एलिय्याहे दूजे बलदा रा माँस वे परमेश्वरा री बेदी में डाहू। तेता बाद, तेउये लोका बोलू की तमे पाणी रे बारहा बड़े-बड़े घडे भांडे तेबरे तणी एउ मासा में पाऊनदे रहा जेबरे तणी मॉस जेबरे तणी मॉस होर झुका,होर बेदी री नेडा री जमीन सिनी नाँई होए। ![](https://cdn.door43.org/obs/jpg/360px/obs-en-19-10.jpg) तेवा एलिय्याह भविष्यवक्ता प्रार्थना करी, "हे यहोवा, अब्राहम, इसहाक, होर याकूब रे परमेश्वर, हामा बे रिहाआ कि तुह इस्राएला रअ परमेश्वर साहा होर हाऊ तेऊअ सेबक साहा। माह बे उतर दे की याहा लोका पता चले की तूह सचअ परमेश्वर साहा।" ![](https://cdn.door43.org/obs/jpg/360px/obs-en-19-11.jpg) तेबरी एकदम, सरगा का आग पड़ी होर तेऊ माँस, जूका, पात्थर,माटा, होर अखे तणी और कि वेदी सेटा रा पाणी भी जालू। जेवा लोके यह हेरू,त्या जमीना पेंदे पड़ी होर बोलू , "यहोवा ही सच परमेश्वर साहा ! सिर्फ तूह ही सच परमेश्वर साहा !" ![](https://cdn.door43.org/obs/jpg/360px/obs-en-19-12.jpg) तेवा एलिय्याह भविष्यवक्ता बोलू, "बाला देऊआ रअ एक भी भविष्यद्वक्ता बची करे नाहणे नाँई नाठअ लोडी !" तेवा लोके बाला देऊरा रे भविष्यद्वक्ता ढाकी होर त्या तखा का अलग नी करे त्या मारी पाई। ![](https://cdn.door43.org/obs/jpg/360px/obs-en-19-13.jpg) तेवा एलिय्याहे भविष्यवक्ता अहाबा रे राजा का बोलू , "छेकअ आपणे घरा वे नाह, किबेकि पाणी बखे जोरा रा इहणे आल़ा साहा। "छेकअ ही बादल घणे होई , होर बहू पाणी होऊ। यहोवा सारा आकाल अकाल खत्म करू। होर लोका हेरू की यहोवा ही सचअ परमेश्वर साहा। ![](https://cdn.door43.org/obs/jpg/360px/obs-en-19-14.jpg) एलिय्याह भविष्यवक्ता रे वक्ता बाद परमेश्वरे एलिशा भविष्यवक्ता चुनी। परमेश्वरे एलिशा रे सामने बड़े चमत्कार करी। जासु में एक चमत्कार नामान ना रे एकी मणशे सगा होऊ। नामान दुश्मना री सेना रअ सरदार थी,पर तेऊ कोढ़ री बीमारी होई थी। नामाने एलीशा रे बारे में शुणूदा थी,तेवा तेऊ एलीशा सेटा नाही करे बिनती करी की तेऊ एसा कोढा री बीमारी का ठीक कर। एलीशा नामाना का बोलू कि नाशी करे यरदन नदी री पाणी में सात बार डुबकी लाये। ![](https://cdn.door43.org/obs/jpg/360px/obs-en-19-15.jpg) यह गल शूणी करे नामान नाराज होऊ। होर तेऊ एडा करणे का नाँई करू,किबेकि तेऊ सह मुर्ख बड़ाऊणे रा लागा। पर बादा में तेऊ आपणा मन बदलू होर नाशी करे यरदना नदी रे पाणी में सात बारी डुबकी लाई। जेबा तेऊ साती डुबकी लाई करे सह पाणी का बागे निखदअ तेवा परमेश्वर तेऊरा कोढ़ ठीक करु। ![](https://cdn.door43.org/obs/jpg/360px/obs-en-19-16.jpg) परमेश्वरे इस्राएला रे लोका सेटा होरा बहू भविष्यद्वक्ता भेजी। तयाहे भविष्यवक्ता लोका का बोलू, की तमे मूर्ति री आराधना बंद करा। एतके बजाए, तमे एकी दूजे संघे रामडा व्यवहार करा,होर एकी दूजे पेंदे दया करा। त्याये भविष्यद्वक्ताए लोका वे चेतावनी दीनी कि त्या बुरे काम करणे बंद करे होर एतके बजाए परमेश्वरा री गल्ला रा पालन करे। होर तेतके बदले परमेश्वरा री आज्ञा रा पालन करे। तेउकी त्याए एडा भी बोलू अगर तमे एडा नाँई करू तेबा परमेश्वरा तमे दोषी ठराई करे थारा इंसाफ करना, होर तमा बे सजा दीणी। ![](https://cdn.door43.org/obs/jpg/360px/obs-en-19-17.jpg) बहू वक्ता तणी, त्याये लोके परमेश्वरा री आज्ञा रा पालन नाँई करु। सदा त्याये भविष्यद्वक्ता संघे बुरा व्यवहार करू त्याहे एखा भविष्यवक्ता मारी पाई। एक बारी, त्याये यिर्मयाह भविष्यद्वक्ता शुके कुएँ में पाऊ होर और सह तखे मरणे बे छाडू। सह कुएँ रे तल्ले में चिचा में फसू। पर बिनयामिन राजे तेऊ में दया आई होर तेऊ आपणे सैनिका वे आदेश दिना कि यिर्मयाह मरणे का पहिले तेऊ कुएँ का बाग़े काहडा। ![](https://cdn.door43.org/obs/jpg/360px/obs-en-19-18.jpg) भविष्यद्वक्ता परमेश्वर री तरफा का लागदार बोलदे रही पर लोके त्या सगे नफरत करी। त्याये लोका वे चेतावनी दीनि कि अगर तमे आपणे पापा नाँई मनले, तेबा परमेश्वरा तमे नाश करने। तयाहे लोका बे परमेश्वरा रा सह बायदा याद कराऊ की मसीह छेकअ ईहणे आलअ साहा। *1 राजा अध्याय 16-18; 2 राजा 5; यिर्मयाह 38 का एकी बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_19_128kbps.m4a ## 20. गुलामी होर बायदे रे देशा में बापिस मुड़ी करे ईहणा https://openbiblestories.org/l/kfx-x-innerseraji/story-20/ ![](https://cdn.door43.org/obs/jpg/360px/obs-en-20-01.jpg) इस्राएल होर यहूदा याह दुही राज्य रे लोके परमेश्वरा रे बिरोधा में पाप करू। तयाहे सह बायदा चोडू जोह परमेश्वरे त्या सगे सीने पहाडा में करू दा थी। परमेश्वरे बहु सारे भविष्यवक्ता बे चाताबनी दीणे री तणी त्या सेटा भेजू, की त्या आपणे पापा माने होर भी आक परमेश्वरा री आराधना करनी शुरू करे पर तयाहे भविष्यवक्ता री गला शूणने का नाँई करू। ![](https://cdn.door43.org/obs/jpg/360px/obs-en-20-02.jpg) तेबा परमेश्वरे इस्राएल राज्य होर यहूदा राज्य रे दुई लोका बे सजा दीनी होर त्याहरे दुशमना बे आज्ञा दीनी की तमे दुई राज्य रा नाश करा। अश्शूर राज्य एक शक्तिशाली, होर निर्दयी राज्य थी। तयाहे इछी करे इस्राएल राज्य रा नाश करू। अशुरी लोके इस्राएल राज्य में इछी करे बहु लोका मारी , तयाहे जोह जाहू सह लुटू होर देशा रे कई हिसे आगि सगे जाली पाई। ![](https://cdn.door43.org/obs/jpg/360px/obs-en-20-03.jpg) अशुरी सेना शिक्षा दीण आल़े लोका,सेठ लोका, होर एडे कारीगीर लोका जो कीमती चीजा बडाई सका सबे एकी बारी कठे करी होर त्या अशुर देशा बे नीई। एबा इस्राएल देशा में थोड़े जेहे गरीब इस्राएली लोका बची दे थी। ![](https://cdn.door43.org/obs/jpg/360px/obs-en-20-04.jpg) तेउकी अशुरी लोका इस्राएल राज्य में रहणे री तणी बिदेशी लोका आणी करे आए। त्याहे बदेशी लोके तया नगर भीआक बणाई। जो इस्राएली लोका तखे वची दे थी बिदेशी त्या सगे ब्याह करू एया लोका रे बंशजा सामरी बोला। ![](https://cdn.door43.org/obs/jpg/360px/obs-en-20-05.jpg) यहूदा राज्य रे लोके हेरू की परमेश्वरा री आज्ञा नाँई मनणे का होर तेऊ पेंदे बुशाह नाँई करने का कड़े परमेश्वरे इस्राएल राज्य रे लोका बे सजा दीनी। पर तेता बाद भी त्याहे कनानी देऊआ री आरधना करनी नाँई छाडी। परमेश्वरे तयावे चेतानी दीणे री तणी भविष्यवाणी करन आले भेजी , पर त्याहे भविष्यवक्ता री गला शूणने का नाँई करू। ![](https://cdn.door43.org/obs/jpg/360px/obs-en-20-06.jpg) अशुरी लोका रे जरिए इस्राएल राज्य रा नाश करने का लगभग 100 साला बाद, परमेश्वरे बेबीलोन देशा रे रजा , नबूकदनेसर बे यहूदा राज्य में हमला करने री तणी भेजी। बेलिलोन एक शक्तिशाली देश थी। यहूदा रअ राजा , नबकदनेसर रअ सेबादार बणने री तणी होर हर साल तेऊ बे बहु सारा धन दीणे बे तयार होऊ। ![](https://cdn.door43.org/obs/jpg/360px/obs-en-20-07.jpg) पर कुछ साला बाद, यहूदा रे राजा वेविलोना का धोखा करू। तेबा वेविलोनी रे लोके बापिस इछी करे यहूदा रे राज्य पेंदे हमला करू। तयाहे यरूशलेम शहरा में कब्जा करू, देऊरअ नष्ट करू, होर देऊरे रा खजाना लुटी करे नीऊ। ![](https://cdn.door43.org/obs/jpg/360px/obs-en-20-08.jpg) बेबीलोन देशे सगे धोखा करने री बजा का नबूकदनेस्सर राजे यहूदा रे राजे बे सजा दीनी, होर तेऊरे सैनिके यहूदा राजा रअ पुत्र तेउरे सामने मारी पाऊ होर तेउकी यहूदा रअ राजा काण करू, एता वाद तयाहे सह यहूदा रअ राजा निऊ की सह बेबिलेना रे जेला में मरे। ![](https://cdn.door43.org/obs/jpg/360px/obs-en-20-09.jpg) नबूकदनेस्सर होर तेउरी सेना यहूदा राज्य रे लगभग सारे लोका ढाकी करे बेबीलोन देशा बे नीई, यहूदा राज्य में का त्याए सीधी गरीब लोका छाडी, की त्या तखे खेचा में फसला रा काम करी सके। यह सह बक्त थी जेबा परमेश्वरा रे लोका वायदे रे देशा छाडने बे मजबूर करी थी। ![](https://cdn.door43.org/obs/jpg/360px/obs-en-20-10.jpg) पर परमेश्वरे आपणे लोका बे त्या रे पापा री बजा का सजा दीनी, पर त्यारे गुलाम हुणे बाद भी परमेश्वर आपणे लोका होर आपणे बायदे नाँई बिसरू। परमेश्वरा री नजर हर वक्ते आपणे लोका पेंदे रहंदा थी होर सह आपणे भविष्यवक्ता रे जरीहे त्या सगे गला करद रहू। परमेश्वरे बायदा करू की सतर साला बाद त्या भी आका वायदे रे देशा में ईहणे। ![](https://cdn.door43.org/obs/jpg/360px/obs-en-20-11.jpg) लगभग सत्तर साला बाद, फारसा रे राजा कुशनू बेबीलोन देश हराऊ, तेबा बेलिलोना देशा रे बजाए फारस देशे कई देशा में राज करू। इस्राएली लोका एबा एवा यहूदी बोला थी। तया में का बहु आपणी जिंदगी बेबिलोना में बताई थी। सिर्फ बहु कम यहूदी यहूदा रअ देश याद थी। ![](https://cdn.door43.org/obs/jpg/360px/obs-en-20-12.jpg) फारसी लोका बहु सामर्था आल़े थी , पर त्याहे आपणे जिउंदे वक्ते लोका पेंदे दया करी । फारसी लोका रे राजा बणने रे थोड़े वक्ता वाद, कुशनु राजे राजे एक एक आज्ञा दीनी की दीना की कोहे भी यहूदी जो यहूदा रे राज्य में बापिस इहणा चान्दा, त्या फरसा का निखली करे यहूदा बे वापिस नाही सका। पर तेऊ त्यावे मनिदरा भीआका बणाऊणे बे धन भी दीना गुलामी रे सतर साला वाद थोड़े बहु यहूदी लोका यहूदा राज्य रे यरूशलेम शहरा में बापिस आऊए। ![](https://cdn.door43.org/obs/jpg/360px/obs-en-20-13.jpg) जेबा तया लोका यरुश्लेमा शहरा में पूजे, तेबा तयाहे देऊरे रे होर नगरा रे चहु तरफा री दीवार भीआक बड़ाई। फारसी लोका एवा भी त्याह पेंदे राज करा थी, पर त्या एक बारी भीआका त्या पेंदे राज करा थी पर त्या एकी बारी भीआक बायदे रे देशा में रहंदे लागे थी, होर देऊरे में पूजा करदे लगे थी। *2 राजा पाठ 17; 24-25; 2 इतिहास 36; एज़्रा 1-10; नहेम्याह 1-13 में एक बएबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_20_128kbps.m4a ## 21. परमेश्वर मसीहा भेजणे रा बायदा करा https://openbiblestories.org/l/kfx-x-innerseraji/story-21/ ![](https://cdn.door43.org/obs/jpg/360px/obs-en-21-01.jpg) जेबरे परमेश्वरे संसार बणाऊ थी, तेबा तेऊ पता थी की एकसा धयाडी महा मसीह भेजण आऊओ। परमेश्वरे आदम होर हबा सगे बायदा करू दा थी की महा एडा करना। परमेश्वरे बोलू की हबा का एक बंश जन्म लऊणा जासु सर्पा रअ मुड़ चोडणन। परमेश्वरा रे बोलणे रा मतलब थी की मसीहा पूरी तरहा शैतान हराऊण। किबेकी सह शैतान ही थी जासु सर्पा रे रूपा में इछी करे हबा बे धोखा दीना थी परमेश्वरा रा अर्थ थी। ![](https://cdn.door43.org/obs/jpg/360px/obs-en-21-02.jpg) परमेश्वरे अब्राहमा सगे बायदा करू थी तेरी बजा कअ संसारा री सभी जाति आशीष भेटणी। परमेश्वरे बोलू, एकसा धयाडी महा मसीह संसारा में भेजी करे यह बायदा जरुर पूरा करना। मसीहा संसारा री हर जाति रे लोका त्या रे पापा का छुडाऊणे। ![](https://cdn.door43.org/obs/jpg/360px/obs-en-21-03.jpg) परमेश्वरे मूसा सगे बायदा करू दा थी की ईहणे आल़े वक्ते महा ताह जेहअ एक भविष्यवक्ता भेजण। यह भविष्यवाणी करन आलअ मसीह हुणअ। एउ साबे परमेश्वरे भीआका बायदा करू की महा संसारा में मसीह भेजणं। ![](https://cdn.door43.org/obs/jpg/360px/obs-en-21-04.jpg) परमेश्वरे राजा दाऊदा का बायदा करू थी तेरअ एक वशंज मसीह हुणअ। सह राजा हुणं होर तेऊ परमेश्वरा रे लोका पेंदे सदा राज करना। ![](https://cdn.door43.org/obs/jpg/360px/obs-en-21-05.jpg) परमेश्वरे यिर्मयाहा भविष्यवक्ता सगे गला करी होर बोलू की एकसा धियाड़ी, “महा एक नया वायदा करणा पर यह नया बायदा पूराणे बायदे जेहा नाँई हुणा। जोह इस्राएला रे लोके सगे सीने पहाडा पेंदे करू दा थी। जेबा महा लोके सगा आपणा नया बायदा करणा, तेबा महा त्या पेंदे आपणे आपु बे प्रगट करणा। एकी मणशा माए सगा प्रेम करना, होर मेरी व्यवस्था रा पालन करने री इच्छा करनी। महा आपणी व्यवस्था त्यारे मना में लिखणी। त्या मेरे लोका हुणे, होर महा त्यारे पाप माफ करने। सह मसीह हुणअ जो त्या लोके सगा नया वायदा करेगा। ![](https://cdn.door43.org/obs/jpg/360px/obs-en-21-06.jpg) परमेश्वरा रे भविष्यवाणी करन आल़े यह बी बोलू की मसीह एक भविष्यवाणी करन आलअ हुणं। एक भविष्यवाणी करन आल मन्श जोह परमेश्वरा रे बचना शूणदा, होर तेउकी परमेश्वरा रे लोका सिखाऊन्दा। परमेश्वरे जासु भेजणे रा बायदा करू दा थी सह सिद्ध भविष्यवक्ता मसीह हुणअ। मसीहा परमेश्वरा रअ वचन रामडे चारे शूणाऊदा थी, होर समझणे होर तेउकी वचन रामडे साबे परमेश्वरा रे लोका बे सिखाऊणे। ![](https://cdn.door43.org/obs/jpg/360px/obs-en-21-07.jpg) इस्राइली याजके लोका री तणी परमेश्वरा जेह बलिदान चढ़ाऊणा जारी डाहु।की परमेश्वर त्या बे त्या री पापा री सजा नाँई दे। याजके लोका री तणी प्रार्थना भी करी। पर मसीह सिद्ध याजक हुणअ जोह एउ संसारा रे लोका रे पाप आपु पेंदे लई करे, परमेश्वरा वे आपणी बलि चढ़ाऊणी मतलब मसीह कधी भी पाप नाँई करद, होर जेबरे सह आपणी बलि चढाऊलअ,तेबा संसारा री कोहे भी दूजी जरूरी नाँई हुणी। ![](https://cdn.door43.org/obs/jpg/360px/obs-en-21-08.jpg) राजा सह हुंदा जो लोका पेंदे राज करा होर लोका रा इंसाफ करा, होर केबरे-केबरे त्या पाप भी करा। राजा दाऊदे सिर्फ इस्राएली लोका पेंदे राज करू, पर राजा दाऊदा रा बंश मसीह पुरे संसारा में सदा बे राज करना। तेऊ हमेशा सचाई सगा राज करणा, होर सही फैसला करणा। ![](https://cdn.door43.org/obs/jpg/360px/obs-en-21-09.jpg) परमेश्वरा रे भविष्यवाणी करन आल़े मसीहा का ईहणे का पहिले बहु सारी भविष्यवाणी करी। मलाकी भविष्यवक्ता भविष्यवाणी करी की मसीहा का ईहणे का पहिले एक महान भविष्यवक्ता ईहण। सह भविष्यवक्ता ज्यादा खास हुणअ। यशायाह भविष्यवक्ता ने भविष्यवाणी करी, की एक मसीह कुआरी शोहरी का जन्म लऊणा। होर मिका भविष्यवक्ता भविष्यवाणी करी की मसीह बैतल्मा में जन्म लऊणा। ![](https://cdn.door43.org/obs/jpg/360px/obs-en-21-10.jpg) यशायाह भविष्यवाणी करन आल़े बोलू मसीहा गलीला रे जिले में रहणा। जो लोका बहु ज्यादा दुखी आसा तयाबे मसीहा शान्ति दीणी। मसीहा कैदी लोका भी स्वतंत्र करने। मसीहा बीमार, होर आंधे, गूंगे, टऊणे, लेगडे सभे लोका ठीक करणे। ![](https://cdn.door43.org/obs/jpg/360px/obs-en-21-11.jpg) यशायाह भविष्यवाणी करन आल़े यह भी बोलू की लोका मसीहा का नफरत करना होर तेऊ मनणे का नाँई करना। होरी भविष्यवाणी करन आल़े बोलू की मसीहा रे एकी सगी तेऊबे धोखा दीणा। जकर्याह भविष्यवाणी करन आल़े बोलू मसीहा ढाकण आल़े बे तेउरे सगी लोका का चांदी रे दस सिक्के मागणे। एता बाद एखे भविष्यवाणी करन आल़े बोलू, की लोका मसीह मारी पाऊण, होर तेउरे झिकड़े री तणी पर्ची पाई करे तास खेलणे। ![](https://cdn.door43.org/obs/jpg/360px/obs-en-21-12.jpg) भविष्यवाणी करन आल़े यह भी खोजू की मसीह केडह मरणं।यशायाह भविष्यवाणी करी की लोका मसीहा पेंदे थूकणा, होर तेऊरा मजाक उड़ाऊणा, होर सह त्याह चिकणं। त्या तेउरे हाथे होर जागहां छेद करने, होर तेउरी मऊत ज्यादा दाहू आली हुणी, जो की तेऊ किछे भी पाप नाँई करी दे हुणे। ![](https://cdn.door43.org/obs/jpg/360px/obs-en-21-13.jpg) भविष्यवाणी करन आल़े यह खोजू की मसीहा कोहे भी पाप नाँई करने। सह सिद्ध हुणं। पर सह लोका रे पापा री तणी मारण। तेउरे मरने का लोका परमेश्वरे जाणनअ। तेबा परमेश्वर चाहन्दा की मसीह मरे। ![](https://cdn.door43.org/obs/jpg/360px/obs-en-21-14.jpg) भविष्यवाणी करन आल़े यह भी खोजू की परमेश्वर मसीह मुएदे में का जिउंद करन। मसीहा री मऊत होर तेउरे जिउंदे हुणा यह खोजा की यह रीहाऊदा की यह सब नई बाचा री बानणे री परमेश्वरा री योजना थी, की सह त्या लोका बचाई सके जासुये तेऊ रे बिरोधा में पाप करू दा आसा। ![](https://cdn.door43.org/obs/jpg/360px/obs-en-21-15.jpg) परमेश्वरे भविष्यवाणी करन आल़े पेंदे बहु सारी गला खोजी, पर मसीह तया भविष्यवाणी करन आल़े में का कासी री जिंदगी में नाँई आऊओ थी। याहा भविष्यवाणी करने रे चऊ शअ साला बाद ठीक वक्ता में परमेश्वरा मसीह एउ संसारा मसीह एउ संसारा में भेजणं। *उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_21_128kbps.m4a ## 22. यूहन्ना रा जन्म https://openbiblestories.org/l/kfx-x-innerseraji/story-22/ ![](https://cdn.door43.org/obs/jpg/360px/obs-en-22-01.jpg) पुराने जमाने में, परमेश्वरे आपणे लोके सगे भविष्यवक्ता रे जरीहे गला करा थी की त्या तेऊरे लोका बे मसीहा रे बारे में खोजी सके। पर तेऊ बक्ता का तेउकी 400 साला रे बीतने तणी परमेश्वरे त्या संघे कोई गल्ला नाई करी। तेवा परमेश्वरे जकर्याह ना रअ एकी भविष्यद्वक्ता सेटा एक स्वर्गदूत भेजू। जकर्याह होर तेऊरी बेटड़ी एलीशिबा परमेश्वरा रा आदर करा थी। त्या बहू बूढ़ले होई थी, होर त्या रे कोहे भी ओलाद नाँई होई थी। ![](https://cdn.door43.org/obs/jpg/360px/obs-en-22-02.jpg) तेऊ स्वर्गदूते जकर्याह का बोलू , "तेरी बेटड़ी रे एक शोहरू पैदा हुणअ। तूह तेऊ रा ना यूहन्ना डाहे। परमेश्वरा सह पवित्र आत्मा संघे भरण, होर यूहन्ना लोका मसीहा मानने री तणी तैयार करणे। " जकर्याहे जवाब दिना, "हाऊ होर मेरी बेटड़ी शोहरू पैदा करणे री तणी बहू बूढ़ले होईदे साहा ! हाऊ कैडे जाणू कि तुह माह वे सची बोलदअ लाग साहा ?" ![](https://cdn.door43.org/obs/jpg/360px/obs-en-22-03.jpg) तेऊ स्वर्गदूते जकर्याह वे जबाब दिना, “एउ शुभ समाचार शूणाऊणे बे परमेश्वरे हाऊ ताह सेटा भेजूदअ साहा। पर ताए माह पेंदे बुशाह नाई करू, तेवा शोहरू रे जन्म हुणे तणी तेरी जीभ बंद रहणी। होर तेबरी ही, तेऊरी जुबान बंद होई। तेवा सह स्वर्गदूत जकर्याह सेटा का नाठअ। एता बाद , जकर्याह घरा वे आउअ होर तेऊ री बेटड़ी सुईदी होई। ![](https://cdn.door43.org/obs/jpg/360px/obs-en-22-04.jpg) जेवा एलीशिबा छहा महीने री सुईदी होई थी, तेवा सहे स्वर्गदूत एलीशिबा रे रिश्तेदार में मरियम रे सामने प्रकट होऊ। मरियम कुँआरी थी होर तेसका रीसता यूसुफ ना रे मर्धे संघे होई छेकी थी। स्वर्गदूते मरियमा बे बोलू, "तूह सुईदी हुणी होर तेरे एक शोहरू हुणअ। होर तूह तेऊरा ना यीशु डाहे। सह सर्व-शक्तिमान परमेश्वरा रअ शोहरू हुणअ होर सदा बे तेऊ राजा करणा।" ![](https://cdn.door43.org/obs/jpg/360px/obs-en-22-05.jpg) तेबा मरियमें जवाब दिना, “यह कैडे हुणा, किबेकी हाऊ कुबारी साहा?" तेऊ स्वर्गदूते मरियम समझाई, “पवित्र आत्मा ताह पेंदे इहंणा, होर परमेश्वरा री सामर्था ताह पेंदे बणी रहणी। तेबा सह बालक पवित्र, होर परमेश्वरा रअ शोहरू हुणअ।" जोह तेऊ स्वर्गदूते बोलू तेता पेंदे मरियमें बुशाह करु होर मरियमे बोलू शूण हाऊ प्रभु री दासी आसा जेडा प्रभु चाहन्दा माहब तेडा ही होए तेबा स्वर्गदूत तखा का नाठअ। ![](https://cdn.door43.org/obs/jpg/360px/obs-en-22-06.jpg) तेता बाद, मरियमें नाही करे एलीशिबा का मिली। जेडा ही मरियमें एलिशिबा वे नमस्ते करी , एलीशिबा रअ बालक तेसके मितर उछलू। होर एलिशिवा पवित्र आत्मा सगे भरी। वत्य दुई मर्द -बेटड़ी री जिंदगी में जोह परमेश्वरे करू तेता हेरी करे बाकी लोका खुश होई। मरियम ईलिशिवा सगे चीई महीने तणी रही होर तेता बाद घरा वे बापस आई। ![](https://cdn.door43.org/obs/jpg/360px/obs-en-22-07.jpg) जेबा एलीशिबा रे बालका वे जन्म दिणे रा वक्त आऊआ तेबा तेसा एकी शोहरू बे जन्म दीना। जकर्याह होर एलीशिबा तेऊ बालका रा नाम यूहन्ना डाहू, जैडा कि तेऊ स्वर्गदूते आदेश दिना थी। तेवा परमेश्वरे जकर्याह री जुबान खोली। होर सह भीआ कअ बोलदअ लागअ जकर्याह बोलू, "परमेश्वरा री स्तुति हो, किबेकि तेऊ आपणे लोका री दया करी ! होर बोलू यह जोह मेरअ पुत्र आसा, यह सर्ब शक्तिमान भविष्यवक्ता हुणअ। एउ लोका बे खोजणा की केहडे त्या रे पाप माफ होई सका। ” *लूका रे पाठा 1 का एकी बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_22_128kbps.m4a ## 23. यीशु रा जन्म https://openbiblestories.org/l/kfx-x-innerseraji/story-23/ ![](https://cdn.door43.org/obs/jpg/360px/obs-en-23-01.jpg) यीशु मसीहा रे जन्मा लऊणे का पहिले यह होऊ की तेऊरी आमा मरियमा रा रिश्ता यूसुफ ना रे एकी मणशे सगा होऊ। पर त्या रा बियाह हुणे का पहिले मरियम पवित्र आत्मा सगे सुईदी होई युसुफ जोह मरियमा रअ हुणे आलअ मर्द थी। सह एक धर्मी मणश थी। जेबा तेऊ एसा गला रा पता लागा तेबा सह मरियमा बदनाम नाँई करना चाहन्द थी, यह सोची करे तेऊ चुप चाप तेसा छाडने रा बिचार करू। पर युसुपा रे एडा करने का पहिले परमेश्वरा रअ स्वर्गदूते इछी करे तेऊ सगे सुपने गला करी। ![](https://cdn.door43.org/obs/jpg/360px/obs-en-23-02.jpg) तेऊ स्वर्गदूते बोलू, "हे यूसुफ, मरियमा आपणी बेटड़ी बड़ाऊणे का नाँई डरे। मरियमा रे पेटे जोह बालक साहा सह पवित्र आत्मा री तरफा का साहा। तेसा एकी शोहरू वे जन्म दिणा। तूह तेऊरा ना यीशु डाहे (जासका अर्थ साहा , 'यहोवाबचाउदा साहा '), किबेकि तेऊ लोका वे त्या रे पापा का बचाउणे। " ![](https://cdn.door43.org/obs/jpg/360px/obs-en-23-03.jpg) जेबा यूसुफे मरियमें संघे ब्याह करु होर सह आपणी वेटडी रे बणाई करे घरा वे आणी, पर यीशु रा जन्म हुणे तणी युसफे मासा रा रिश्ता नाँई डाहु। ![](https://cdn.door43.org/obs/jpg/360px/obs-en-23-04.jpg) जेवा मरियमा रे शोहरू हुणे रा वक्त नेड आउआ थी, तेवा तेसे होर यूसुफे बैतलहमा नाहणे री एक लामी यात्रा करी। त्यारा तखे नाहणा जरूरी थी ; किबेकि रोमी अधिकारी इस्राएला में रहणे आल़े सभी लोका गिणणा चाहदा थी। त्या चाहदा थी कि सब्हे लोका तखा वे नाहे जखे त्या रे पूर्वज रहंधा थी। राजा दाऊद रा जन्म बैतलहमा में होऊ थी, होर सह मरियम होर यूसुफा दुही रे पूर्वज थी। ![](https://cdn.door43.org/obs/jpg/360px/obs-en-23-05.jpg) मरियम होर यूसुफ बैतलहमा वे नाठे, पर तखे रहणे बे त्या जानवरा रे डाहणे आली जगहा छाडी करे रहणे कोहे जागहा नाँई भेटी। सहे जागहा थी जखे मरियमें सह शोहरू झिकडे में लपेटी करे खुडे डाहु किबेकी तखे मरियमा बे रहणे वे रामडी जागहा नाँई थी। त्याये तेऊ वच्चे रा ना यीशु डाहू। ![](https://cdn.door43.org/obs/jpg/360px/obs-en-23-06.jpg) तेसा राची, तखी नेडा रे खेचे एखा फुआल आपणी भेड़ा री रखवाली करदे लागे थी। तेभरी , एकदम चमकदारी स्वर्गदूत त्या पेंदे प्रकट होऊ, होर त्या डरी। तेऊ स्वर्गदूते बोलू, "नाँई डरे, किबेकि माह तमा बे खुशखबरी रा समाचार शूणाऊणा जोह संसारा रे सभी लोका बे हुणा। आज राजा दाऊदा रे बैतलहमा नगरा में तमा बे छुटकारा दीण आलअ पैदा होऊ दअ साहा, होर सहे प्रभु साहा!" ![](https://cdn.door43.org/obs/jpg/360px/obs-en-23-07.jpg) तमा बे तेऊ बच्चे री यह पहचाहण आसा, सह तमा झिकडे में लपेटू दअ खुड़े सताऊदअ बेटणअ।" एकदम सरगे बहु सारे स्वर्गदूत होई। होर त्या परमेश्वरा री स्तुति करदे लागे थी। त्याहा एसा गिहा बोलदे लागे दे थी, स्वर्ग में बिराजमान हमारे परमेश्वरा री बड़ाई हो, धरती में त्याहा लोका शान्ति हो जासकी सह चिंता करा!" ![](https://cdn.door43.org/obs/jpg/360px/obs-en-23-08.jpg) तेवा स्वर्गदूत नाठे।त्या फुआल भी आपणी भेड़ा छाडी करे तेऊ बालका हेरदे नाठे। तेवरी त्या तेसा जागहा में पूजे जखे यीशु थी होर त्याये सह नेहटे डाहुदअ हेरू,ज़ेहडा तेऊ स्वर्गदूते बोलू थी। त्या बखे खुश थी। तेवा त्या फुआल तखा वे वापस आउये जखे त्या री भेड़ा थी। त्याये सभे साहा हेरी करे होर शूणी करे तयाहे परमेश्वरा री स्तुति करी। ![](https://cdn.door43.org/obs/jpg/360px/obs-en-23-09.jpg) पूर्व दिशा रे एकी देशा का एखा बुद्धिमान मणश आये। जासु तारे रे बारे में ज्ञान थी। त्याये एक सरगे बहु बडअ तारअ हेरू। त्याये बोलू कि एउ तारे रा मतलब साहा कि यहूदी रे एकी राजा रा जन्म होऊ साहा। तेवा त्याये तेऊ बालका हेरणे री तणी आपणे देशा का यात्रा करणे रा फैसला करू। एक लामी यात्रा का बाद, त्या बैतलहम नगरे पूजे होर तखे त्या सह घर भेटअ जखे यीशु होर तेऊरे आमा-बापू रुकीदे थी। ![](https://cdn.door43.org/obs/jpg/360px/obs-en-23-10.jpg) जेबा याहे बुधिमाने मर्दे यीशु आपणी आमा रे भोसले हेरू तेवा त्याये घुटने टेकी करे तेऊबे प्रणाम करू। तयाहे यीशु बे कुछ कीमती गिफ्ट भी दीने तेउकी त्या आपणे घरा वे वापस आउये। *मत्ती री कताब 1; लूका 2 का एकी बाइबला री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_23_128kbps.m4a ## 24. यूहन्ना यीशु वे पतिस्मा दीना https://openbiblestories.org/l/kfx-x-innerseraji/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा होर जकर्याह रअ शोहरू यूहन्ना, बड़अ होई करे एक भविष्यद्वक्ता बणू। सह जंगले रहंधा थी , होर टीडीया होर शेहत खाए करा थी, होर ऊंटा रे शरयाला रे बणी रे झीकडे बाना थी। ![](https://cdn.door43.org/obs/jpg/360px/obs-en-24-02.jpg) बहु लोका यूहन्ना री गल्ला शूणने री तणी जंगला वे आउये। यहुना त्या लोका बे खोजू, की आपणे पापा मानी करे परमेश्वरा का माफी मागे, किबेकी स्वर्गा रा राज्य नेड आसा!" ![](https://cdn.door43.org/obs/jpg/360px/obs-en-24-03.jpg) जेवा लोके यूहन्ना रा संदेश शुणू, तेवा त्या में बहूये आपणे पापा मनी करे परमेश्वरा का माफी मागी, होर यूहन्ना त्याबे पाणी में बपतिस्मा दीना। यहुना भाले बहु सारे धर्म गरु भी आए, पर तयाहे आपणे पाप नाँई मनी, होर ना परमेश्वरा का माफी मागी। ![](https://cdn.door43.org/obs/jpg/360px/obs-en-24-04.jpg) यूहन्ना धर्म गुरु का बोलू, "हे सर्पा जेहे जहरीले लोको ! आपणे पापा माना होर आपणे व्यवहारा बदला। एबा गलअ एडी आसा की परमेश्वर हर एकी मणशा बे जोह आपणे पाप नाँई मनले, त्याबे सजा दीणे बे बिलकुल तयार आसा ठीक तेडे ही जेडी कोई डाली रामबड फल नाँई दीणे बाद आगि में जाली पाउंदा।’’ यहुना सह वचन पुरअ करू जोह यशायाह भविष्यद्वक्ता री किताबा में लिखू दअ आसा, “की हेर महा छेकअ तमा सेटा आपण शुभ समाचार दीण आल़े बे भेजणअ जासु तेरी तणी लोका तयार करने।" ![](https://cdn.door43.org/obs/jpg/360px/obs-en-24-05.jpg) एखे धर्मगुरु यूहन्ना का पुछु कैह तूह मसीह साहा। यूहन्ना उतर दिना, " हाऊ मसीह नाई साहा, पर सह माह बाद इह्न्दअ लागअ साहा। सह एचडअ महान साहा कि हाऊ तेउरे बूटा रे तस्मे खोलणे रे लायक भी नाई साहा।" ![](https://cdn.door43.org/obs/jpg/360px/obs-en-24-06.jpg) दूजे धिहाड़े, यीशु यरदना नई सेटा बपतिस्मा लउणे री तणी यूहन्ना सेटा वे आउआ। जेवा यूहन्ना यीशु हेरू, तेवा तेऊ बोलू, "हेरा ! परमेश्वरा रअ गाभु आसा जासु संसारा रे सारे पाप आपु पेंदे चुआकणे।" ![](https://cdn.door43.org/obs/jpg/360px/obs-en-24-07.jpg) यूहन्ना यह बोली करे यीशु रोकदअ लागअ, " महा तेरे हाथा का बपतिस्मा दीणे री जरूरत आसा, होर तूह महा का बपतिस्मा लऊन्द आऊ।" पर यीशुये बोलु, "ताइये माह वे बपतिस्मा दिना लोडी, किबेकि महा एउ साबे परमेश्वरा री इच्छा पूरी करनी। ’’ तेबा यूहन्ना यीशु बे बपतिस्मा दीना,पर यीशु कोहे भी पाप नाँई करी थी। ![](https://cdn.door43.org/obs/jpg/360px/obs-en-24-08.jpg) बपतिस्मा लऊणे का बाद , जेवा यीशु पाणी का बागे निकदअ, तेबा परमेश्वरा रा आत्मा कबूतरा रे रूपा में प्रगट होऊ, होर यीशु पेंदे रुकू। तेऊ वक्ते परमेश्वरे स्वर्गा का बोलू, तू मेरअ प्यारअ शोहरू आसा होर हाऊ ताहक बखे खुश आसा। " ![](https://cdn.door43.org/obs/jpg/360px/obs-en-24-09.jpg) परमेश्वरे यूहन्ना का बोलू थी , "की जासु पेंदे तूह पवित्र आत्मा उतरते होर बेश्ते हेरे, सहे परमेश्वरा रअ पुत्र मसीह आसा, पुत्र होर परमेश्वर एक आसा, पर जेबा यहुना यीशु बे बपतिस्मा दीना, तेबा तेऊ पिता परमेश्वरा बे पुत्रा सगे गला करदअ शूणु, तेऊ पुत्र होर परमेश्वर हेरू, जो की यीशु आसा , होर तेऊ पवित्र आत्मा यीशु पेंदे बेश्ती हेरी। *मत्ती अध्याय 3; मरकुस 1:9-11; लूका 3:1 का एकी बाइबल री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_24_128kbps.m4a ## 25. शैतान यीशु री परीक्षा करदा साहा https://openbiblestories.org/l/kfx-x-innerseraji/story-25/ ![](https://cdn.door43.org/obs/jpg/360px/obs-en-25-01.jpg) यीशु रा बपतिस्मा तेवरी हुणे बाद , पवित्र आत्मा सह जंगला वे निऊ। यीशु तखे चाली धिहाड़ी तणी होर चाली राची थी। तेऊ टाइमे तेऊ ब्रत करी, होर शैताने यीशु सेटा इच्छी करे पापा करणे री तणी तेऊ री परीक्षा करी। ![](https://cdn.door43.org/obs/jpg/360px/obs-en-25-02.jpg) पहिले, शैताने यीशु का बोलू , " अगर तूह परमेश्वरा रअ शोहरू साहा तेवा याह पात्थरा री रोटी बणा कि तूह खाई सके!" ![](https://cdn.door43.org/obs/jpg/360px/obs-en-25-03.jpg) पर यीशुये शैताना का बोलू , "परमेश्वरा रे वचना में एडा लिखूदा साहा, 'जीउदे रहणे री तणी मन्शा अकेली रोटी री जरूरत नाँई साहा, पर त्या तेसा गल्ला री जरूरत साहा जोह परमेश्वर त्या का बोल्दा साहा!'" ![](https://cdn.door43.org/obs/jpg/360px/obs-en-25-04.jpg) तेवा शैतान यीशु मंदिरा रे सभी का ऊचटे सिरे वे निऊ। तेउये तेऊ का बोलू, "अगर तुह परमेश्वरा रअ शोहरू साहा तेवा अखा का छलाग दे, किबेकि लिखूदा साहा, 'परमेश्वरा ताह चुआकणे री तणी आपणे स्वर्गदूता वे आज्ञा दीणी कि तेरी जाँघा में पात्थरा संघे नाँई लागे। '" ![](https://cdn.door43.org/obs/jpg/360px/obs-en-25-05.jpg) पर यीशुये सह नाँई करू जोह शैताने तेऊ का करणे वे बोलू थी। एतके बजाए, तेऊ बोलू , "परमेश्वर हर एकी का बोलदा साहा , 'तूह प्रभु आपणे परमेश्वरा री परीक्षा नाँई करे। '" ![](https://cdn.door43.org/obs/jpg/360px/obs-en-25-06.jpg) तेउकी शैताने तेऊ वे संसारा रे सारे राज्य रीहाई। तेउये तेऊ वे रिहाऊ कि त्या केतरे शक्तिशाली थी, होर त्या केतरे सम्पन्न थी। तेउये यीशु का बोलू, " माह ताह वे यह सब्हे सा दीणा अगर तुह घुटने टेकी करे मेरी उपासना करे।" ![](https://cdn.door43.org/obs/jpg/360px/obs-en-25-07.jpg) यीशु ये उतर दिना , "हे शैताना , माह सेटा का नाह ! परमेश्वरा रे वचना में सह लोका वे सन्देश दिंदा साहा, ' अकेले आपणे प्रभु परमेश्वरा री आराधना करा। परमेश्वरा रे रूपा में अकेले तेऊ रा आदर करा।'" ![](https://cdn.door43.org/obs/jpg/360px/obs-en-25-08.jpg) यीशुये शैताना री परीक्षा का हार नाँई मानी , तेवा शेतान तेऊ सेटा का नाठअ। तेवा स्वर्गदूत इच्छी करे यीशु री सेवा करदे लगे। *मत्ती अध्याय 4:1-11; मरकुस 1:12-13; लूका 4:1-13 का एकी बाइबला री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_25_128kbps.m4a ## 26. यीशु आपणी सेवा करनी शुरु करी https://openbiblestories.org/l/kfx-x-innerseraji/story-26/ ![](https://cdn.door43.org/obs/jpg/360px/obs-en-26-01.jpg) जेबा शैतान यीशु री परीक्षा लई मऊक तेता बाद यीशु, बापिस गलीला जिले बे आऊओ। यह सहे जागहा आसा जखे यीशु रहंधा थी। यीशु पवित्र आत्मा सगे भरूदअ थी। होर तेऊ जागहा- जागहा नाही करे लोका बे शिक्षा दीनी। सभी लोके यीशु रे बारे में रामडी गला बोली। ![](https://cdn.door43.org/obs/jpg/360px/obs-en-26-02.jpg) यीशु नासरत शहरा बे आओ, यह सह शहर आसा जखे तेऊ आपण वचपन बिताऊ थी। सब्ता री धिहाड़ी , यीशु आराधना रे घरे आऊओ,तेबा तखले लोके तेऊबे यशायाह भविष्यवक्ता री कताब पढने बे दीनी। काणे रे घरा बे नाठअ। अगुवे सह यशायाह भविष्यद्वक्ता रे संदेशा री एक कताब दीनी। तेबा यीशु कताब खोली करे तेत्कअ एक वचन पढ़ी करे लोका बे शूणाऊ। ![](https://cdn.door43.org/obs/jpg/360px/obs-en-26-03.jpg) तेबा यीशुये यह वचन पढ़ी करे शूणाऊ, “कि महा पेंदे परमेश्वरा रा आत्मा आसा तेबाकी तेऊ हाऊ कंकाला बे सुसमाचार सुणाऊणे बे चुनुद साहा। परमेश्वरे हाऊ तेबा भेजू की कैदी आजाद करे, होर आंधे लोका त्या री आछी ठीक करने रा प्रचार करू, होर दबी रे लोका रा छुटकारा देये यह सह वक्त आसा जेबा परमेश्वर हामा पेंदे दया करे, होर तेऊ हमारी सहायता करणी।" ![](https://cdn.door43.org/obs/jpg/360px/obs-en-26-04.jpg) तेउकी यीशु बैठअ। सब्हे लोक तेऊ बड़े ध्याने संघे हेरदे लागेदे थी। त्या पता थी कि पवित्रशास्त्र रअ जोह वचन तेऊ एवरे पढू थी ,सह मसीहा रे बारे में थी। यीशुये बोलू, "जोह वचन माई एवरे थारी तणी पढ़ी , आज सह वचन थारे सामने पुरे होई।" सब्हे लोका हैरान होई त्याहे बोलू, " कैह यह यूसुफा रअ शोहरू नांई साहा?" ![](https://cdn.door43.org/obs/jpg/360px/obs-en-26-05.jpg) तेवा यीशुये बोलू, "यह सच साहा कि एकी भविष्यद्वक्ता रा आपणे नगरा में आदर कधी नाँई हुंदा। जेबा एलिय्याह भविष्यद्वक्ता रे वक्ता में साडे चीई साला तणी पाणी नाँई होऊ, होर पाणी नाँई हुणे री बजा का सारे देशा में अकाल पडू, इस्राएला में बहु विधवा थीं,तेऊ वक्ते इस्राएल देशा में बहु सारी बिधबा थी, पर परमेश्वरे एलिय्याह कासी भी बिधबा सेटा नाँई भेजू, परमेश्वरे सह सिदोन देशा री एक बिधबा सेटा भेजू।" ![](https://cdn.door43.org/obs/jpg/360px/obs-en-26-06.jpg) यीशुये यह भी बोलू, “कि एलिशा भविष्यद्वक्ता रे वक्ता में, इस्राएल देशा में बहु लोका कोढ़ा री बीमारी आल़े रोगी थी। पर एलीशा त्या में कोहे भी ठीक नाँई करी। तेउये अकेल इस्राएला रे शत्रु रअ सेनापति नामान ठीक करू।" पर जोह लोका यीशु शूणदे लागेदे थी त्या यहूदी थी। तेवा त्याये यीशु एडा बोलदे शूणू, तेवा त्या तेऊ पेंदे रोष आउआ। ![](https://cdn.door43.org/obs/jpg/360px/obs-en-26-07.jpg) नासरता रे लोके यीशु ढाकु होर सह आराधना रे घरे घशीटी करे बागे नीऊ। त्या यीशु जानी का मारणा चाह्न्दा थी, तेबा त्याहे सह एकी ढगा बे नीऊ, होर त्या लोका यीशु ढगा का उन्दे शोटणा चाहंदा थी। पर यीशु भीड़ा का निखदअ होर नासरत शहर छाडी करे ठुरु। ![](https://cdn.door43.org/obs/jpg/360px/obs-en-26-08.jpg) तेउकी यीशु गलीला रे इलाके में नाठअ, होर बहु सारे लोका तेऊ पीछे आऊए। त्याहे आपु सगे बहु बीमार लोका भी आणी, त्याह बीमार लोका में एखा लोका बिक्लांग थी, एखा लोका लेगडे थी, होर एखा लोका काले थी, यीशुये त्या सभे बीमार लोका ठीक करी। ![](https://cdn.door43.org/obs/jpg/360px/obs-en-26-09.jpg) एता का छाडी करे, बहु सारे एडे लोका यीशु सेटा वे आणी जासु में दुष्टात्मा थीं। यीशुये दुष्टात्मा त्या का बागे निखलणे री आज्ञा दीनी। तेबा दुष्टात्मा त्या लोका में का बागे नीकदी होर जोरे- जोरे यीशु का बोल्दी लागी, “तूह परमेश्वरा रअ शोहरू आसा!"एता हेरी करे रे सभे लोका हैरान होई, होर त्याये परमेश्वरा री स्तुति करी। ![](https://cdn.door43.org/obs/jpg/360px/obs-en-26-10.jpg) तेउकी यीशुये खास बारहा चेले चुनी जासु वे तेउये आपणे प्रेरिता रा ना दीना। त्याये खास चेले तेऊ संघे यात्रा करी होर तेऊ का शिक्षा प्राप्त करी। *मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 का एकी बाइबला री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_26_128kbps.m4a ## 27. दयालु सामरी मणशा री कहाणी https://openbiblestories.org/l/kfx-x-innerseraji/story-27/ ![](https://cdn.door43.org/obs/jpg/360px/obs-en-27-01.jpg) एकसा धियाड़ी जेबा यीशु लोका बे शिक्षा दीनदअ लागअ थी, एक व्यवस्था जाणने आलअ एक गुरु यीशु री परीक्षा लऊन्द आऊओ, होर बोलदअ लागअ, “हे उतम गुरु, सदा री जिंदगी पाऊणे बे महा केह करणा ? यीशु जबाब दीना, “ परमेश्वरा री ब्यवस्था में केह लिखू दा, तूह तेता केहडे समझा?" ![](https://cdn.door43.org/obs/jpg/360px/obs-en-27-02.jpg) तेऊ गुरु बोलू, "परमेश्वरा री व्यवस्था में यह लिखू दा साहा की आपणे पुरे मना सगे, आपणे पुरे प्राण, आपणे पुरे सामर्थ, होर सारी बुधि सगे प्रेम डाह। होर आपणे गराई सगे आपु जेहा प्रेम डाह।" यीशुये उतर दीना, "ताए एकदम ठीक बोलू ! अगर तूह एडा करलअ, तेबा ताह अनन्त जिंदगी भेटणी।" ![](https://cdn.door43.org/obs/jpg/360px/obs-en-27-03.jpg) पर गुरुये आपणे आपु बे धर्मी हुणे री इच्छा का यीशु का पुछु, “की मेरअ गराई कूहण ?" ![](https://cdn.door43.org/obs/jpg/360px/obs-en-27-04.jpg) यह गल शूणी करे यीशु तेऊ गुरु बे एक कहाणी शूणाई की एकसा बारी एक मणश यरूशलेम शहरा का यरीहो नगरा बे नाहन्द लागअ थी।" ![](https://cdn.door43.org/obs/jpg/360px/obs-en-27-05.jpg) तेबा बाता सह एखे गुंडे सह हेरू होर तेऊ पेंदे हमला करू। तयाहे सह बहु चीकू, होर तेऊरा सभे साहा लुटू होर सह आधअ मुअदअ छाडी करे आपु ठुरी। ![](https://cdn.door43.org/obs/jpg/360px/obs-en-27-06.jpg) तेता बाद एडा होऊ की, तेसी बाता का एक यहूदी याजक नाहन्दअ लागअ थी। तेऊ याजके सह मनश बाता में जख्मी पडूदअ हेरू। होर तेऊ तेऊरी किछे भी सहायता नाँई करी, होर सह पूरी तरहा नाँई हेरी करे दूजी बाता हांडदअ लागअ। ![](https://cdn.door43.org/obs/jpg/360px/obs-en-27-07.jpg) एता बाद कुछ वक्त बीतणे वाद,एक लेवी मणश तेसी बाता आऊओ जोह मंदिरे काम करा थी। तेऊ भी तेऊ री किच्छे सहायता नाँई करी होर सह भी तेऊ नाँई भाली करे दूजी बाता हांडदअ लागअ। ![](https://cdn.door43.org/obs/jpg/360px/obs-en-27-08.jpg) एतावाद जो होर मणश तेसा बाता आऊओ सह एक सामरी मणश थी।तेऊ सामरी मणशे तेसा बाता एक जख्मी मणश पडूदअ हेरू। तेऊ हेरू की यह यहूदी आसा, पर तेऊ तेउकी भी तेऊ पेंदे दया करी। सह सामरी मणश तेऊ जख्मी सेटा नाठअ होर तेऊरे जखमा में पाटी बानी। ![](https://cdn.door43.org/obs/jpg/360px/obs-en-27-09.jpg) तेऊकी सह सामरी मणश तेऊ जख्मी मणशा बे आपणे गाधे में बशयाली करे, एकी सराय में नीऊ। जखे तेऊ तेउरी देख रेख करी। ![](https://cdn.door43.org/obs/jpg/360px/obs-en-27-10.jpg) दूजी धयाडी,तेऊ सामरी मणशा बे आपणी यात्रा करना जरूरी थी। तेऊ सयाये रे मालका बे धख खर्चा दीना। होर तेऊबे बोलू, "एउ जख्मी मणशा री हेर भाल करे। अगर होरी डबे री जरूरत पडली तेबा तूह आपणे डबे खर्च करे, हाऊ बापसी पेंदे तेरे सभी डबे बापिस देलअ।" ![](https://cdn.door43.org/obs/jpg/360px/obs-en-27-11.jpg) तेउकी यीशु तेऊ गुरु का पुछु, “ताह केह लागा? याहा चीई में कुण तेऊ जख्मी रअ गराई होऊ ? “गुरु उतर दीना, सहे जूणी जख्मी मणशा पेंदे दया करी।” यीशु तेऊबे बोलू , “ नाह तूह भी एडा कर।" *लुका रअ पाठ 10:25-37 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_27_128kbps.m4a ## 28. एक सेठ जुआन राजा https://openbiblestories.org/l/kfx-x-innerseraji/story-28/ ![](https://cdn.door43.org/obs/jpg/360px/obs-en-28-01.jpg) एकसा धिहाड़ी , एकी सेठ जुआन राजा यीशु सेटा आऊओ होर तेऊकअ पूछतअ लागअ , "हे उत्तम गुरु, अनन्त जिदंगी पाउणे री तणी माह कैह करणा आऊआ?" यीशुये तेऊ का बोलू, "तूह माह वे 'उत्तम' किवे बोला? उतम सीधी एक आसा होर सह परमेश्वर आसा। पर अगर तूह अनन्त जिदंगी पाउणा चाहदा साहा तेवा परमेश्वरा री आज्ञा रा पालन कर। " ![](https://cdn.door43.org/obs/jpg/360px/obs-en-28-02.jpg) तेऊ पुछु, महा कासु-कासु आज्ञा मनणे री जरूरत साहा? यीशु उतर दीना, " हत्या ना करना। व्यभिचार ना कर। चोरी ना कर। झूठ नांई बोल। आपणे बापू होर आमा रा आदर करना, होर आपणे गराई सगे आपु जेहा प्रेम करे। " ![](https://cdn.door43.org/obs/jpg/360px/obs-en-28-03.jpg) पर तेऊ जुआन मणशे बोलू, " हाऊ याहा सभी आज्ञा होछे होरी मनदअ आओदअ आसा। अनमहा सदा री जिंदगी पाऊणे बे महा कह करने री जरूरत साहा?" यीशु प्यारे सगे तेऊ फेरा बे हेरू। ![](https://cdn.door43.org/obs/jpg/360px/obs-en-28-04.jpg) यीशुये तेऊबे बोलू, “अगर तूह सिद्ध हुणा चाह्न्दा तेबा तुह नांही करे आपणा सभे साहा बेचीं दे, होर सारा धन गरीवा में बाडी दे, ताह स्वर्गा में धन भेटणा। तेबा महा पीछे ईछ।" ![](https://cdn.door43.org/obs/jpg/360px/obs-en-28-05.jpg) यीशु री याहा गला शूणी करे सह जूआन मणश बहु नराज होऊ, किबेकी सह बहू सेठ थी होर सह आपणा सारा धन नाँई दीणा चाह्न्दा। तेबा सह यीशु जेह का मुड़ी करे बापिस नाठअ। ![](https://cdn.door43.org/obs/jpg/360px/obs-en-28-06.jpg) तेवा यीशुये आपणे चेले का बोलू , "परमेश्वरा रे राज्य में सेठा लोका रा इहंणा बहू मुश्कल साह! एक सेठा मणशा रा परमेश्वरा रे राज्य में इहणा बहु मुशिकल आसा जेबा की ऊँटा का सूई रे नाके में का होई करे निखलणा आसन साहा।" ![](https://cdn.door43.org/obs/jpg/360px/obs-en-28-07.jpg) यीशु री गला शूणी करे चेले हैरान होई। होर बोलदे लागे, “ अगर एडा साहा तेबा परमेश्वरा कुण बचाऊण?" ![](https://cdn.door43.org/obs/jpg/360px/obs-en-28-08.jpg) यीशु ये चेले फेरा वे हेरी करे बोलू, "मणशा का यह नाँई होई सकता पर परमेश्वर सबे साहा सका।" ![](https://cdn.door43.org/obs/jpg/360px/obs-en-28-09.jpg) पतरसे यीशु का बोलू, "हामे बारहा चेले आपणा सभे साहा छाडी करे ताह पीछे होईदे साहा। तेवा हामा एतका केह इनाम भेटणा ?" ![](https://cdn.door43.org/obs/jpg/360px/obs-en-28-10.jpg) यीशुये उतर दिना, "हर एक मणश जासुये मेरी बजहा का घर, भाई, भींण ,आमा, बापू ,शोहरू , या जमीन छाडीदी साहा, तेऊ तेता का 100 गुणा ज्यादा भेटणा होर अनन्त जिदंगी भी पाउणा। पर बहु जोह पहिले साहा त्या पीछे हुणे, होर जोह पीछे साहा त्या पहिले हुणे।" *मत्ती अध्याय 19:16-30; मरकुस 10:17-31; लूका 18:18-30 का एकी बाइबला री कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_28_128kbps.m4a ## 29. निर्दयी नोकरा री कहाणी https://openbiblestories.org/l/kfx-x-innerseraji/story-29/ ![](https://cdn.door43.org/obs/jpg/360px/obs-en-29-01.jpg) एकसा धियाड़ी पतरसये यीशु का पुछु, "हे गुरु, जेबा मेरअ भाई महाबे पाप करे तेबा महा सह आपण भाई केतरी बारी माफ करू लोडी? कह सात बारी तणी?" यीशु बोलू, "सात बारी नाँई, पर स्तर वारी!" एता सगे यीशु रा मतलब आसा की हामा एकी दूजे सदा बे क्षमा करी लोडी।तेबा यीशु यह कहाणी खोजी। ![](https://cdn.door43.org/obs/jpg/360px/obs-en-29-02.jpg) यीशु बोलू, "परमेश्वरा रा राज्य तेऊ राजा जेहा साहा जासुये आपणे नोकरा का ईसाब किताब लऊणा चाहु। जेबा सह हिसाबा कताबा लऊन्द लागअ, तेबा एक सेबक तेऊ सेटा बे आणु, जोह पाज हजार चांदी रे सीके रअ कर्जदार थी।" ![](https://cdn.door43.org/obs/jpg/360px/obs-en-29-03.jpg) पर सह नोकर आपणे कर्जा नाँई देई सकू,तेबा राजा बोलू, "एउरा कर्ज मागणे री तणी एउ होर एउरे परिवार नोकरा रे रूपा में बेचा।" ![](https://cdn.door43.org/obs/jpg/360px/obs-en-29-04.jpg) सह नोकर राजा रे चरणे पडू होर बोलू, 'महा पेंदे दया कर, महा तेरा सारा कर्ज दीणा। राजा तेऊ नोकरा पेंदे दया करी, तेबा राजा तेऊ नोकरा रे सारे कर्ज माफ करी होर तेऊ नाहणे दीना।" ![](https://cdn.door43.org/obs/jpg/360px/obs-en-29-05.jpg) पर जेबा सह नोकर राजा सेटा का बागे नाठअ, तेबा तेऊ एक तेऊर सघी भेटअ जासु जेह शाठ हजार रूपयी रा कर्ज थी। तेऊ नोकरे आपण सह नोकर ढाकु होर बोलू, 'जोह मेरा कर्जा ताह दीणे बे साहा तेऊ सारे एबरी दे! ![](https://cdn.door43.org/obs/jpg/360px/obs-en-29-06.jpg) तेऊ नोकरा रे सगी उटे पड़ी करे तेऊ नोकरा बे बोलू, “महा पेंदे दया कर, महा तेरा सारा कर्ज दीणा।' पर तेऊ नोकरे नाँई शुणू होर सह आपण सगी नोकर जेला में पाऊ, जेबरे तणी सह तेऊरा कर्जा नाँई देई सकू। ![](https://cdn.door43.org/obs/jpg/360px/obs-en-29-07.jpg) जोह कुछ तेऊ नोकरे आपणे सघी सगे करू सह होरी नोकरे हेरू, होर यह हेरी करे दूजे नोकर बहु परेशान होई, त्या राजा सेटा नाही करे तेऊ सेवका रे बारे में, सभ कुछ खोजू। ![](https://cdn.door43.org/obs/jpg/360px/obs-en-29-08.jpg) राजा सह नोकर आपु सेटा बे होर तेऊ बे बोलू, 'हे दुष्ट नोकर! माए तेरा कर्ज तेबा माफ करू थी, किबेकी ताए महाक प्रार्थना करी थी। होर ताह भी आपणे नोकरा रा कर्ज माफ करू लोडी थी।” राजे तेऊ नोकरा पेंदे एथरा रोष आउआ राजे सह नोकर तेबरे तणी जेला में बंद करू जेबरे तणी राजे रा सारा कर्ज नाँई देई सके। ![](https://cdn.door43.org/obs/jpg/360px/obs-en-29-09.jpg) तेबा यीशु बोलू, "स्वर्गा में मेरअ बापू परमेश्वर भी तमा सभी सगा एडा करना अगर तमे भी आपणे भाई दिला का माफ नाँई करले।" *मती पाठ 18:21-35 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_29_128kbps.m4a ## 30. पांज हजार लोका बे रोटी खलाई https://openbiblestories.org/l/kfx-x-innerseraji/story-30/ ![](https://cdn.door43.org/obs/jpg/360px/obs-en-30-01.jpg) यीशु आपणे चेले अलग -अलग ग्राआ बे भेजी की त्या लोका बे शिक्षा दे। जेबा त्या चेले बापिस आऊये तेबा त्याए यीशु बे खोजू की हामे ग्राए कह – कह करू।" जखे यीशु थी, यीशु तया चेले झीला री दूजी तरफा एक सुनसान जागा में थोड़ी देरी आराम करने बे बोलू। तेबा त्या एकी किस्ती में बैठे, झीला री दूजी तरफा बे नाठे। ![](https://cdn.door43.org/obs/jpg/360px/obs-en-30-02.jpg) पर तखे बहु लोके यीशु होर तेऊरे चेले किस्ती में नाह्न्दे हेरी। होर त्या लोका तयाका पहिले झीला री दूजी तरफा बे नाहण री तणी झीला रे किनारे-किनारे होई करे ठुरी। जेबा यीशु होर तेऊरे चेले झीला रे दूजी तरफा पूजे, तेबा तखे लोका रअ एक बडअ छुड पहिले का त्या निहालदअ लागे दे थी। ![](https://cdn.door43.org/obs/jpg/360px/obs-en-30-03.jpg) तेऊ छूडा में लगभग 5,000 मर्द थी पर त्या में बेटड़ी होर वच्चे री गिनती नाँई हुन्दी थी। यीशु त्या लोका पेंदे बडी दया करी। किबेकी त्या लोका भटकी ज़ेही भेडा जेहे थी, जासु सम्भालण आलअ कोहे नाँई थी। तेबा यीशु तया बे शिक्षा दीनी, होर यीशु त्यामें का सभे बीमार लोका ठीक करी। ![](https://cdn.door43.org/obs/jpg/360px/obs-en-30-04.jpg) जेबा धयाड बीतती लागी तेबा चेले यीशु बे बोलू, "एबा बहु देर होई, होर अखे होरी पोरी कोहे भी ग्राआ नाँई आन्दअ। याहा लोका अखा का नाहणे दे, की तया आपु बे खाणे बे लई करे आणी सके।" ![](https://cdn.door43.org/obs/jpg/360px/obs-en-30-05.jpg) पर यीशु चेले बे बोलू, "तमे आपे याहा लोका बे खाणे रा इंतजाम करा !"चले उतर दीना, "हामा एडा केई साबे करना?हामा सेटा सिर्फ पाज रोटी होर दुई माछी आसा।" ![](https://cdn.door43.org/obs/jpg/360px/obs-en-30-06.jpg) यीशु आपणे चेले बे बोलू याह लोका बे बोला की 50 – 50 लोका री गेहड बणाई करे जमीना में बशयागा। ![](https://cdn.door43.org/obs/jpg/360px/obs-en-30-07.jpg) तेबा यीशु पांज रोटी होर दुई माछी आणी करे स्वर्गा फेरा बे हेरू, होर तेऊ खाणे बे परमेश्वरा रा धनयवाद करू। ![](https://cdn.door43.org/obs/jpg/360px/obs-en-30-08.jpg) तेउकी यीशुये रोटी होर माछी रे टुकडे करी। होर चेले बे बोलू याहा टुकड़े सभी लोका में बाडा। चेले त्या टुकड़े सभी लोका बे बाडी, पर तेबा भी त्या टुकड़े खत्म नाँई होई ! तयाहे सभी लोके पेट भरी करे खाणा खाऊ। ![](https://cdn.door43.org/obs/jpg/360px/obs-en-30-09.jpg) सभी लोका रे खाणे रे बाद चेले बची दे टूकडे कठे करी, होर तेता में बची दे टूकडे रे बारहा टोकरे भरी जोह बची दी थी तेतकी बारहा टोकरी भरी! यह सारा खाणा त्या दुई पाज रोटी होर दुई माछी रा थी। *मत्ती रअ पाठ 14:13-21; मरकुस 6:31-44; लूका 9:10-17; यूहन्ना 6:5-15 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_30_128kbps.m4a ## 31. यीशु रा पाणी में हांडणा https://openbiblestories.org/l/kfx-x-innerseraji/story-31/ ![](https://cdn.door43.org/obs/jpg/360px/obs-en-31-01.jpg) पांज हजार लोका बे रोटी खलाऊणे बाद, यीशु आपणे चेले बे बोलू, किस्ती में बैशा होर महा का पहिले झीला री दूजी तरफा बे नाहा, तेबरे तणी हाऊ याहा लोका अखा का बिदा करू। तेबा चेले ठुरी। लोका रे छुडा बिदा करी करे,यीशु प्रार्थना करने बे एकी पहाडा बे नाठअ। यीशु तखे केलअ थी, होर तेऊ राची खासी देरी तणी प्रार्थना करी। ![](https://cdn.door43.org/obs/jpg/360px/obs-en-31-02.jpg) तेऊ वक्ते, चेले जेबा आपणी किस्ती नाह्न्दे लागे थी, तेबरे आधी राच होई मुकी थी पर एबरे किस्ती झिला रे बीचा में पूजी थी, चेले बडी मुशिकला सगे किस्ती चलाऊनदे लागे दे थी किबेकी बागर उलटे फेरा बे चली दी थी। ![](https://cdn.door43.org/obs/jpg/360px/obs-en-31-03.jpg) प्रार्थना करने बाद यीशु आपणे चेले सेटा बे नाठअ। यीशु पाणी में हांडी करे किस्ती सेटा पूजअ। ![](https://cdn.door43.org/obs/jpg/360px/obs-en-31-04.jpg) तेबा यीशु पाणी में हाडदअ हेरू। तेबा त्याहे जाणु की यह राक्स आसा। होर त्या बहु ज्यादा डरी, यीशु पता चलू की चेले डरी, तेबा यीशु चेले बे हाका पाई, “डरा नाँई हाऊ आसा!" ![](https://cdn.door43.org/obs/jpg/360px/obs-en-31-05.jpg) तेबा पतरसे यीशु का बोलू, "हे प्रभु अगर तूह साहा तेबा महा भी आज्ञा दे की ताह सेटा बे पाणी में हांडी करे ईछु।" यीशु पतरसा का बोलू, "ईछअ!" ![](https://cdn.door43.org/obs/jpg/360px/obs-en-31-06.jpg) तेबा पतरस किस्ती का उतरु होर यीशु सेटा नाहणे री तणी पाणी पेंदे हांडद लागअ। पर थोड़ी दूर नाही करे, पतरसे आपणी आछी यीशु का फेरी। ![](https://cdn.door43.org/obs/jpg/360px/obs-en-31-07.jpg) तेबा पतरस बागर होर पाणी री छाली हेरी करे डरु होर पाणी में डूबद लागअ। होर जोरे -जोरे बोलू, " हे प्रभु, महा बचा!" यीशु तेबरी हाथ आपण हाथ जेह काहडी करे सह ढाकु। तेबा यीशु पतरसा बे बोलू, " हे कम बुशाह आल़ेआ ! ताए महा पेंदे बुशाह किबे नाँई करू ?" ![](https://cdn.door43.org/obs/jpg/360px/obs-en-31-08.jpg) तेबा यीशु होर पतरस किस्ती में चढ़ी, होर तेबरी बागरी रा हुणा बंद होऊ। होर पाणी री छाली शांत होई। चेले हैरान होई, त्याहे उटे पड़ी करे यीशु री स्तुति करी, होर यीशु का बोलू तूह सची परमेश्वरा रअ शोहरू आसा।" *मत्ती रअ पाठ 14:22-33; मरकुस 6:45-52; यूहन्ना 6:16-21 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_31_128kbps.m4a ## 32. यीशु दुष्टात्मा का ग्रस्त मन्शा होर एक बीमार वेटड़ी ठीक करी https://openbiblestories.org/l/kfx-x-innerseraji/story-32/ ![](https://cdn.door43.org/obs/jpg/360px/obs-en-32-01.jpg) एकसा धयाडी यीशु होर तेऊ रे चेले आपणी किश्ती में गिरासेनी रे नगरा बे नाठे, जखे गिरसेनी लोका रहंधा थी। ![](https://cdn.door43.org/obs/jpg/360px/obs-en-32-02.jpg) जेबा यीशु किस्ती में का उतरु तेबा तेऊ वक्ते एक मणश जासु में बहु सारी दुष्टात्मा थी कब्रिस्ताना का निखली करे सह मणश यीशु का मिलु। ![](https://cdn.door43.org/obs/jpg/360px/obs-en-32-03.jpg) सह मनश एतरअ शक्ति आलअ थी कि कोहे भी तेऊ वशा में करी नाँई सकदअ थी। कईये बारी लोके तेऊ रे हाथ होर जाँघा शागली संघे बांधी, पर सह त्या शागली चोडी पाउंदा थी। ![](https://cdn.door43.org/obs/jpg/360px/obs-en-32-04.jpg) सह मनश कब्रिस्तान में रहंधा थी। होर राच धयाड क्रिगा लाऊदा थी। सह झिकड़े नाँई बांदअ थी होर आपणे आपु बे पाथरे सगे बानधअ रहंधा थी। ![](https://cdn.door43.org/obs/jpg/360px/obs-en-32-05.jpg) सह मनश ठुरी करे यीशु सेटा वे आऊओ होर सह यीशु सेटा उटअ पडू।तेवा यीशुये तेऊ मनशा रे मितरा री दुष्टात्मा का बोलू सह, " हे दुष्टात्माओ एउ मन्शा का बागे निखला !" ![](https://cdn.door43.org/obs/jpg/360px/obs-en-32-06.jpg) त्या दुष्टात्मा जोरे संघे बोल्दी लागी, “ हे यीशु, परम प्रधान परमेश्वरा रे शोहरू, ताह हामा सगे केह काम आसा ? हामा पेंदे कृपा करी करे हामा सजा नाँई दे!" तेवा यीशुये दुष्टात्मा का पूछु , "तेरा ना कैह आसा?" दुष्टात्मा बोलू, “माहरा ना सेना आसा, किबेकी हामे खासी आस।" ![](https://cdn.door43.org/obs/jpg/360px/obs-en-32-07.jpg) त्या बहु दुष्टात्मा यीशु का प्रार्थना करी, "कृपा करी करे हामा एउ नगरा का बागे नाँई भेजे!" तखी नेडा रे पहाडा में सूअरा रअ एक छुढ चरदअ लागदअ थी। तेवा त्याये दुष्टात्मा यीशु का प्रार्थना करी , "कृपा करी करे हामा या सूअरा में भेज !" पर हामा बे सजा नाँई दे यीशुये दुष्टात्मा का बोलू, "ठीक साहा, तमे याहा सूरा में नाशा!" ![](https://cdn.door43.org/obs/jpg/360px/obs-en-32-08.jpg) तेउकी त्या दुष्टात्मा तेऊ मणशा का निखली करे त्या सुअरा में नाठी। त्या सूअर ठुरी करे एकी ढगा का छलागा दीनी होर पाणी में डूबी करे मुंये। तेऊ छुडा में लगभग 2,000 सूअर थी। ![](https://cdn.door43.org/obs/jpg/360px/obs-en-32-09.jpg) जेबा तखे त्या सूअरा री हेरभाल करणे आल़े लोके यह सभी हेरू तेबा त्या ग्रा होर नगरा बे ठुरी। जोह किछ तखे यीशु करू थी सह सभे त्याए ग्राए होर नगरे खोजू। होर जोह कुछ तखे होऊ थी लोका तेता हेरे आए। तखे ईछी करे लोके सह मणश हेरू, जासु में पहिले बहु सारी दुष्टात्मा थी, सह मणश शांत,रामडे झीकड़े बानिदे, होर एक राम्बडे मनशा साही व्यवहार करदअ बैठदअ हेरू। ![](https://cdn.door43.org/obs/jpg/360px/obs-en-32-10.jpg) त्या लोका बहु डरीदे थी,त्याये यीशु बे बोलू मारे ईलाके का बापिस नाहा। जेबा यीशु किस्ती में बेठअ। होर जासु मणशा में पहिले दुष्टात्मा थी सह मणश यीशु का प्रार्थना करदअ लागअ कि महा भी आपु संघे ईहणे दे। ![](https://cdn.door43.org/obs/jpg/360px/obs-en-32-11.jpg) पर यीशुये तेऊ मणशा का बोलू , "नाँई। हाऊ चाहन्दा कि तुह घरे नाही करे सभी लोका वे खोजे कि परमेश्वरे तेरी तणी केथरा बड़ा काम करुदा साहा। त्या लोका वे खोज कि कैडे परमेश्वरे ताह पेंदे दया करी।" ![](https://cdn.door43.org/obs/jpg/360px/obs-en-32-12.jpg) तेउकी सह मणश ठुरु होर तेऊ सभी लोका बे खोजू की यीशुये मेरी तणी केतरे बड़े -बड़े काम करी। होर जूणी भी तेऊ मणश री कहाणी शूणी त्या सभे हैराण हेरी। ![](https://cdn.door43.org/obs/jpg/360px/obs-en-32-13.jpg) जेबा यीशु झीला री दूजी फेरा वे बापिस आऊओ। तेबा तखे पूजणे का बाद, एक बड़ी भीड़ तेऊ ज़ेह पीछे कठे होई होर यीशु दबाउदे लागे। त्या में एक वेटड़ी थी जासु बारहा साला का लोहू बहणे री बीमारी थी।सह बेटड़ी बहु सारे बईदा सेटा नाठी, होर तेसा आपणा सारा धन बईदा सेटा खर्च करू दा थी की तेसकी बीमारी ठीक होए, पर तेसकी बीमारी होर भी ज्यादा बडी थी। ![](https://cdn.door43.org/obs/jpg/360px/obs-en-32-14.jpg) तेसा बेटड़ी शुणुदा थी कि यीशुये बहु सारे बीमार लोका ठीक करीदे साहा, होर तेसे सोचु, " अगर हाऊ यीशु रे झिकदे ही छुये, तेवा भी हाऊ ठीक हुणी !" तेवा सह बेटड़ी यीशु रे पीछा का आई होर तेसे यीशु रे झिकड़े छुई। तेऊ वक्ते तेसका लोहू बहणा रुकू। ![](https://cdn.door43.org/obs/jpg/360px/obs-en-32-15.jpg) यीशु एक दम पता लागा की महा का सामर्थ निकदी। तेवा यीशु पीछे मुड़ी करे पुछु, "हाऊ कुणी छूऊ?" चेले उतर दिना, "अखे एतरे सारे लोका आसा जोह ताह पेंदे पड़दे लागे दे साहा। होर तूह बोला की हाऊ कुणी छुहु?" ![](https://cdn.door43.org/obs/jpg/360px/obs-en-32-16.jpg) जेबा सह बेटडी डरे सगे कामदे आपणे घुटणे सगे यीशु बैठी। होर तेसा यीशु बे सच खोजू की तेरे झिकडे माए छुई, होर तेसे यीशु बे यह भी खोजू की ताह छूणे का मेरी बीमारी ठीक होई। यीशुये तेसा का बोलू, " बेटी, तेरे बुशाहे तुह ठीक करी दी साहा। खुशी संघे नाह।" *मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_32_128kbps.m4a ## 33. एकी किसना री कहाणी https://openbiblestories.org/l/kfx-x-innerseraji/story-33/ ![](https://cdn.door43.org/obs/jpg/360px/obs-en-33-01.jpg) एकसा धयाडी यीशु, झीला रे किनारे बहु लोका बे शिक्षा दीनदअ लागअ थी। यीशु री गला शूणने री तणी एथरे लोका आए की त्याबे खडने बे जागहा नाँई रही। तेबा यीशु किस्ती में बेठअ होर लोका बे शिक्षा दीनदअ लागअ। ![](https://cdn.door43.org/obs/jpg/360px/obs-en-33-02.jpg) यीशु त्याबे एक कहाणी शूणाई, "एक किसान बेजे बऊन्दअ बागे नीकदअ। बेजे बऊदे वक्ते थोडा बेजा बाता रे किनारे पडू चेलू ईछी करे सह चुगू। " ![](https://cdn.door43.org/obs/jpg/360px/obs-en-33-03.jpg) थोडा बेजा शाफडा आली जमीना में पडू, जखे माटा कम थी। सह बेजा छेकअ लागा, पर थोडा माटा हुणे री बजा का तेऊ बेजे री जड़ा डूगी नाँई नाठी थी। जेबा धयाडअ निकदअ होर धूपा लागा तेबा तेऊ बेजे रे पिभु शुके। ![](https://cdn.door43.org/obs/jpg/360px/obs-en-33-04.jpg) थोडा बेजा झाखडे पडू। सह बेजा लागा, पर कान्डे सह दबाऊ। होर जेह बढ़णे नांही दीना, तेबा जोह बेजा झाखडे लागा दा बेजा किछे फला नाँई देई सका। ![](https://cdn.door43.org/obs/jpg/360px/obs-en-33-05.jpg) जोह बेजा रामडी जमीना में पडू। सह बेजा लागा होर बड़े होई करे तेता में फसल होई, कई 30 गुणा कई 60 गुणा होर कई अखे तणी की शह गुणा फसल होई। तेबा यीशु लोका बे बोलू, “जोह कुछ हाऊ तमा बे बोला तमे तेता समझने री कोशिश करा! ![](https://cdn.door43.org/obs/jpg/360px/obs-en-33-06.jpg) एसा कहाणी शूणी करे चेले उलझना में पडी। तेबा यीशु तेया समझाई की, "सह बेजा परमेश्वरा रा वचन साहा।बाता पडू दा बेजा तेऊ मणशा साही साहा जोह परमेश्वरा रअ वचन तअ शूणा, पर तेऊ समझदअ नाँई। तेबा सह वचन शूणा, तेबा शैतान तेऊरे मना का वचना चोरी पाउदा। " ![](https://cdn.door43.org/obs/jpg/360px/obs-en-33-07.jpg) शाफडा आली जमीना में पडू दा बेजा तेऊ मणशा साही साहा जोह परमेश्वरा रअ वचन शूणी करे तेता खुशी सगे मना। पर जेबा तेऊरी जिंदगी में दुखा रा वक्त ईहन्दा, तेबा सह तेऊ वक्ते परमेश्वरा पेंदे बुशाह नाँई कर दअ। ![](https://cdn.door43.org/obs/jpg/360px/obs-en-33-08.jpg) झाखडे पडू दा बेजा तेऊ मणशा साही साहा जोह परमेश्वरा रा वचन शूणा, पर सह संसारा री चिंता में होर परेशानी में फसी रहंदा, जेड़ा की ढबे रा लालच, धोखा. चीजा रा लोभ। याहा सारी गला तेऊरे मितरा का वचना दबाऊन्दा, होर एसा बजा का एउ साबा रे लोका आत्मिक फला पाऊणे का रहंदा। ![](https://cdn.door43.org/obs/jpg/360px/obs-en-33-09.jpg) पर शोभली जमीना में पडू दा बेजा सह मणश साहा, जोह परमेश्वरा रे वचना शूणा, होर तेऊ पेंदे बुशाह करा, होर फल पैदा करा। *मत्ती पाठ 13:1-8, 18-23; मरकुस 4:1-8, 13-20; लूका 8:4-15 में का बाईबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_33_128kbps.m4a ## 34. यीशु बहु सारी कहाणी सुणाई https://openbiblestories.org/l/kfx-x-innerseraji/story-34/ ![](https://cdn.door43.org/obs/jpg/360px/obs-en-34-01.jpg) यीशुये परमेश्वरा रे राज्य रे बारे में होरा बहू कहाणी शुणाई। यीशु बोलू, "परमेश्वरा रा राज्य एकी राई रे बेजे रे साही साहा जासु कासीये आपणे खेचे बऊ। तमे जाणा कि राई रा बेजा सभी बजे का होछअ हुंदा साहा।" ![](https://cdn.door43.org/obs/jpg/360px/obs-en-34-02.jpg) पर जेबरे राई रअ दाणअ बडअ होऊ तेबा सह सभी सागा पाचा का बडअ हुंदा,एछअ बडअ हुंदा की चेलू भी तेत्की शाणी पेंदे आराम करा। ![](https://cdn.door43.org/obs/jpg/360px/obs-en-34-03.jpg) यीशुये एक होर कहानी खोजी, "परमेश्वरा रा राज्य खमीरा बराबर साहा जोह जासु बेटड़ी आणी करे चीई किलो पीठे में मिलाऊ होर मिलाऊनदे मिलाऊनदे सह सारा पीठा खमीर बणु।" ![](https://cdn.door43.org/obs/jpg/360px/obs-en-34-04.jpg) परमेश्वरा रा राज्य तेऊ खजाने रे साही साहा जोह कासुये खेचे गजयाऊदअ साहा। कासु होरी मन्शा सह खजाना भेटा होर तेऊ पाउणे री बहू इच्छा करी। तेवा तेउये सह भीआ का दबाई डाहू। सह मणश एथरअ ज्यादा खुश होऊ की तेऊ आपणा सब्हे सा बेचीं पाऊ कि सह तेऊ खेचा लई सके। ![](https://cdn.door43.org/obs/jpg/360px/obs-en-34-05.jpg) परमेश्वरा रा राज्य एक बहु कीमती शुद्ध मोती रे साही साहा। जेवा कासु व्यापारी सह कीमती मोती भेटअ, तेबा सह तेता लउणे बे सभे साहा आपणा सब्हे सा बेचीं पाउदा साह। ![](https://cdn.door43.org/obs/jpg/360px/obs-en-34-06.jpg) तखे एखा लोका थी जोह सोचा थी कि परमेश्वरा हामे तेवा ग्रहण करने किबेकि हामे भले कामा करदे लागेदे साहा। त्या एडे लोका तुच्छ माना थी जोह त्या जेहे भले कामा नाई करदे थी। तेवा यीशुये त्या वे यह कहाणी खोजी "दुई मणश थी होर दुहे मणश प्रार्थना करदे मंदिरा बे नाठे। त्या में एक चुंगी लउणे आल़ थी, होर दूजअ एक धार्मिक गुरु थी।" ![](https://cdn.door43.org/obs/jpg/360px/obs-en-34-07.jpg) तेऊ धार्मिक गुरु एउ साबे प्रार्थना करी, 'हे परमेश्वर, तेरा धन्यवाद हो कि हाऊ एउ दूजे मणशा जेहअ चुगी लऊण आलअ डाकू, होर व्यभिचार करन आलअ पापी मणश नाँई आंदअ।' ![](https://cdn.door43.org/obs/jpg/360px/obs-en-34-08.jpg) हाऊ हर हप्ते दुई बारी व्रत डाहदा, होर आपणी कमाई रा दशमास भी ताह बे दिंदा। ![](https://cdn.door43.org/obs/jpg/360px/obs-en-34-09.jpg) पर तेऊ चुंगी लउणे आल़े मणशे तेऊ धार्मिक गुरु का बहू दूर खडे होई करे तेऊ आपणी हीक टोकी -टोकी प्रार्थना करी, “हे परमेश्वर महा पापी पेंदे दया कर किबेकी हाऊ एक पापी मणश आसा ![](https://cdn.door43.org/obs/jpg/360px/obs-en-34-10.jpg) तेउकी यीशुये बोलू, "हाऊ तमा का सच बोलादा साहा, परमेश्वरे तेऊ धर्मी गुरु री नाँई पर तेऊ चुंगी लउणे आले री प्रार्थना शुणी होर सह धर्मी मनु। पर तेऊ चुंगी लऊण आल़े री प्रार्थना धार्मिक गुरु ज़ेही नाँई थी। किबेकी जोह आपणे आपा बे बडअ समझलअ, सह होछअ करनअ, होर जोह आपणे आपा बे होछअ समझलअ सह बडअ करनअ।" *मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_34_128kbps.m4a ## 35. दयालु बापु री कहाणी https://openbiblestories.org/l/kfx-x-innerseraji/story-35/ ![](https://cdn.door43.org/obs/jpg/360px/obs-en-35-01.jpg) एकसा दिहाड़ी, यीशु बहू सारे चुंगी लऊण आल़े होर होरी पापी लोका बे शिक्षा दीनदअ लागअ थी जोह यीशु री शिक्षा शूणने बे तखे कठे होई थी। ![](https://cdn.door43.org/obs/jpg/360px/obs-en-35-02.jpg) तखे एखा धार्मिक गुरु भी बेठेदे थी, त्या हेरू कि यीशु पापी लोका सगे एकी दोस्ता साही गल्ला करदअ लागअ आसा। तेवा त्या आपु में गला करदे लागे, यह गलत लाऊ दा करना, यीशु त्या री याह गला जाणी करे की तयाहे कह बोलणा लाऊदा, तेबा यीशु त्याबे यह कहाणी खोजी। ![](https://cdn.door43.org/obs/jpg/360px/obs-en-35-03.jpg) एक मनश थी जासके दुई शोहरू थी। होच्छे शोहरू आपणे बापू का बोलू, 'हे बापूआ, माहबे ऐवरी आपणा हिस्सा लोडी!' तेउकी बापू आपणे दुही शोहरू मंजे आपणी सम्पत्ति रा बँटवारा करू। ![](https://cdn.door43.org/obs/jpg/360px/obs-en-35-04.jpg) धख धयाडे बाद, होछअ शोहरू आपणा सभे साहा बेचीं करे दूरा देशा वे नाठअ, होर तेऊ पापी जीन्दगी जिउणे री तणी आपणा सारा धन खत्म करू। ![](https://cdn.door43.org/obs/jpg/360px/obs-en-35-05.jpg) एता बाद, जासू देशा में होच्छअ शोहरू थी तेऊ देशे एक तगड़ा आकाल पडू, होर सह होछअ शोहरू कंगाल होऊ तेऊ जेह रोटी खाणे बे ढबे नाँई रही थी। तखे तेऊ सीधी सूरा चारने रा काम भेटा।सह एथरअ दुखी होर भोछअ थी सह सुरा रे खाणे सगा आपण पेट भरण चाह्न्दा थी। ![](https://cdn.door43.org/obs/jpg/360px/obs-en-35-06.jpg) जेबा तेऊ होछे शोहरू समझ आई तेबा सह आपणे मने सोचतअ लागअ, मेरे बापू रे घरे केतरे मजदूर काम करा होर त्या बे खाणे बे रज रोटी भेटा, होर हाऊ अखे भोछे मरदअ लागअ आसा। एबा महा आपणे बापू रे घरा बे बापिस नाहणा होर तेऊ बे बोलणा की बापूआ माए तेरे बिरोधा में होर परमेश्वरा रे बिरोधा में पाप करूदा आसा। एबा हाऊ तेरअ शोहरू लाईक नाँई रहू, महा एबा नोकर बणाई करे डाह।'" ![](https://cdn.door43.org/obs/jpg/360px/obs-en-35-07.jpg) तेउकी सह होच्छअ शोहरू वापस आपणे घरा बे आओ। सह एबरे घरा का दूर ही थी की तेऊरे बापूए सह हेरू होर तेऊ पेंदे दया करी।बापू ठुरी करे आपणे शोहरू सेटा बे नाठअ होर गले लाई करे तेऊ सगे प्रेम करू।" " तेऊ शोहरू ये बोलू, “हे बापूआ, माई परमेश्वरा रे होर तेरे बिरोधा में पाप करूदा साहा। हाउ तेरे शोहरू बोलणे रे लायक भी नाई साहा।” " " पर बापूये आपणे एकी सेवका का बोलू, “छेकअ नाशी करे सभी का राम्बडे झिकड़े आणा होर मेरे शोहरू वे बाहणे बे देआ! तेऊ री गुठी में मुदडी होर जागा बे बूट बाहनी देया। तेउकी सभी का राम्बडअ बाकरअ काटा की हामे तेता खाई करे खुशी मनाई सके, किबेकी मेरअ शोहरू मुअ थी, पर एबा यह जिउंद होऊ !” " ![](https://cdn.door43.org/obs/jpg/360px/obs-en-35-08.jpg) तेवा लोके ख़ुशी मनाणी शुरु करी। थोड़े वक्ता बाद, बड़अ शोहरू खेचा का काम करी करे घरा वे आउअ। तेउये गाणे होर नाचणे रा हाला शुणी करे हैरान होऊ कि अखे यह कैह हुंदा लागादा साहा। ![](https://cdn.door43.org/obs/jpg/360px/obs-en-35-09.jpg) जेवा बड़े शोहरू पता लागा कि मेरअ घरा बे बापिस आओ,होर याहा एऊरे ईहणे री खुशी मनाऊदे लागे दे आसा, तेवा तेऊ बहू रोष आउआ होर सह घरा मितरे नाई आऊओ। तेऊ रे बापू बागे इच्छी करे तेऊबे बोलू तूह भी खुशी मनाऊदअ हामा सगे ईच्छ, पर सह मुड़ी करे नाठअ की माह नाँई ईहणा। ![](https://cdn.door43.org/obs/jpg/360px/obs-en-35-10.jpg) तेऊ बड़े शोहरू आपणे बापू का बोलू, “बापू, माए एथरी साला इमानदारी सगे काम करू! होर कधी भी तेरी गल्ला मनणे बे मना नाँई करू, पर ताई माहवे एक होच्छी बाकरी रह छेलू भी नाँई दीनअ कि हाऊ आपणे दोस्ता संघे पार्टी करी सके। पर तेरे एउ होछे शोहरूये तेरा सारा धन बुरे कामा बे उडाऊ। होर एवा जेवा यह घरा बे बापिस आऊओ तेबा ताए खुशी मनाऊणे री तणी बडअ छेलू काटू!' ![](https://cdn.door43.org/obs/jpg/360px/obs-en-35-11.jpg) बापूये उतर दिना, “हे मेरे शोहरुआ, तूह सदा माई संघे साहा, होर जोह किछ मेरा साहा सह सब्हे सा तेरा साहा। पर हामा वे ख़ुशी मनाउणी ठीक साहा किवेकि तेरअ होछअ भाऊ मुअ थी, पर एवा सह जीउदअ साहा। सह गोजु थी, पर एवा हामा सह भेटदअ साहा!' *लूका अध्याय 15:11-32 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_35_128kbps.m4a ## 36. यीशु रा रूप बदलणा https://openbiblestories.org/l/kfx-x-innerseraji/story-36/ ![](https://cdn.door43.org/obs/jpg/360px/obs-en-36-01.jpg) एकसा धयाडी यीशु आपणे चीई चेले पतरस ,याकूब, होर यहुना, आपु सगे नीई। होर त्या प्रार्थना करदे एकी उचटी जोता बे नीई। ![](https://cdn.door43.org/obs/jpg/360px/obs-en-36-02.jpg) जेबा यीशु प्रार्थना करदअ लागअ थी तेबा तेऊ रा चेहरा सुरजा जेहअ चमकदअ लागअ। तेउरे झिकडे परयाशे जेहे शेते होई ,त्या एथरे शेते होई की धरती पेंदे कोहे भी मणश आपणे झिकडे कोहे नाँई चमकाई सकदअ। ![](https://cdn.door43.org/obs/jpg/360px/obs-en-36-03.jpg) तेबा मूसा होर एलिय्हाह भविष्यवाणी करन आल़े प्रगट होई। या मणश एसा पृथ्वी मे शहा साला पहिले रहंधा थी। त्याहे यीशु री मऊता रे वारे में गला लगे दे थी, जोह यरूशलेम शहरा में हुणे आली थी। ![](https://cdn.door43.org/obs/jpg/360px/obs-en-36-04.jpg) जेबा मूसा होर एलीय्हाह यीशु सगे गला करदे लागे दे थी, तेबा पतरसे यीशु बे बोलू, “हमारा अखे रहणा ठीक साहा। हामा चीण मंडप बड़ाऊणे, एक ताहबे होर एक मूसा बे , होर एक एलीय्हाह बे। " पर पतरस नाँई जाणद थी की सह कीजी बोलदअ लागअ आसा। ![](https://cdn.door43.org/obs/jpg/360px/obs-en-36-05.jpg) जेबा पतरस बोलदअ लागअ थी, की तेबा एक चमका आलअ बादल त्या पेंदे आओ। तेउकी त्याहे बादला में का एक छेडअ शूणी। की यह मेरअ प्यार शोहरु साहा जासूका हाऊ बहु खुश आसा। तमे सभे एउ री शूणा। " त्या चीणे चेले डरी होर नेहटे जमीना में पड़ी। ![](https://cdn.door43.org/obs/jpg/360px/obs-en-36-06.jpg) तेबा यीशु त्या छूई होर बोलू डरा, "नाँई। खड़े उठा। " जेबा त्याहे चहु तरफा हेरू, तेबा त्याहे तखे यीशु रे सिबाए कोहे नाँई हेरू। ![](https://cdn.door43.org/obs/jpg/360px/obs-en-36-07.jpg) यीशु होर त्या चीहे चेले तेसा जोता का बापिस उन्दे इंदे लागे दे थी। तेबा यीशुये त्या बे बोलू, " जेबरे तणी मणशा रअ शोहरू की हाऊ मुए का जिउंद नाँई होए तेबरे तणी जोह तमे हेरू तेता कासी जेह नाँई खोजे।" *मत्ती अध्याय 17:1-9; मरकुस 9:2-8; लूका 9:28-36 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_36_128kbps.m4a ## 37. यीशुये लाजर मुएदे मेका जिउंदअ करू https://openbiblestories.org/l/kfx-x-innerseraji/story-37/ ![](https://cdn.door43.org/obs/jpg/360px/obs-en-37-01.jpg) एकसा धयाडी लाजर ना रअ एक मणश थी। तेऊरी दुई भीणा थी एकी रा ना मरियम होर दूजी रा ना मारथा थी, या चीणे यीशु रे खास दोस्त थी। एकसा धयाडी यीशु बे यह समाचार खोजू की लाजर बहु बीमार आसा। यह समाचार सुणी करे यीशुये बोलू , "यह बीमारी मऊता री नाँई आंधी; पर परमेश्वरा री महिमा री तणी आसा। ” यीशु आपणे दोस्त, मार्था होर तेऊरी भीण होर लाजरे सगा प्रेम डाहन्दा थी। " तेउकी जेबा यीशु यह शूणु की की लाजर बीमार आसा, की जखे सह थी तखे दुई धयाडी होर रुकू। ![](https://cdn.door43.org/obs/jpg/360px/obs-en-37-02.jpg) दुई धयाडी बाद, यीशु बोलू आपणे चेले का बोलू, “ ईछा हामा यहूदिया प्रदेशा बे नाहणा। चेले तेऊबे बोलू, “ हे गुरु कुछ वक्त पहिले लोका ताह मारणा चाह्न्धा थी!" यीशु बोलू, "मेरे दोस्त लाजर सूतअ दअ आसा, महा तेऊ जगाऊंदे नाहणा। " ![](https://cdn.door43.org/obs/jpg/360px/obs-en-37-03.jpg) यीशु रे चेले उतर दीना, "हे प्रभु, अगर लाजर सूतअ दअ आसा तेवा सह ठीक हुणअ।" तेवा यीशु त्यावे स्पष्ट खोजू की, " लाजर मुअ। होर हाऊ थारी बजा का खुश आसा की हाऊ तखे नाँई थी, तमे महा पेंदे बुशाह करा। " ![](https://cdn.door43.org/obs/jpg/360px/obs-en-37-04.jpg) जेबा यीशु लाजरा रे ग्राए पूजअ, तेबा लाजरा कबरा में डाही चार धयाडी होई थी। मार्था यीशु का मिलदी बागे आई होर बोल, " हे प्रभु अगर तूह अखे हुन्दअ तेबा मेरअ भाई नाँई मरण थी। पर हाऊ बुशाह करा की जोह कुछ तूह परमेश्वरा का मागलअ सह परमेश्वरा ताह बे दीणा। " ![](https://cdn.door43.org/obs/jpg/360px/obs-en-37-05.jpg) यीशु त्या का बोलू, "जिंदगी दीण आलअ होर मुएदे में का जिउंद करन आलअ सीधी हाऊ आसा। जो कोई महा पेंदे बुशाह करल, अगर सह मरलअ भी तेबा भीका सह जिऊदअ हुणअ। जोह महा पेंदे बुशाह करा सह कधी नाँई मरण।कह तूह एता पेंदे विशवास करा?"मार्था बोलू, "हे प्रभु हाऊ विशवास करा की तूह परमेश्वरा रअ शोहरू मसीह साहा।" ![](https://cdn.door43.org/obs/jpg/360px/obs-en-37-06.jpg) तेबा मरियम तखे पूजी जखे यीशु थी। सह यीशु रे चरणा में पड़ी होर बोल्दी लागी, “ हे प्रभु अगर तूह अखे हुन्दअ तेबा मेरअ भाई नाँई मरदअ।" यीशु तेसा का पुछु, "तमे लाजर कई आटू दअ साहा?" त्याहे यीशु का बोलू , "चालअ होर हेर। " तेबा यीशु लेरदअ लागअ। ![](https://cdn.door43.org/obs/jpg/360px/obs-en-37-07.jpg) सह कब्र एक शाफड कोती करे बडाई थी जासके दुआरा सेटा एक पाथर डाहुदअ थी। जेबा यीशु कब्रा सेटा पूजअ तेबा तेऊ बोलू, "एउ पथरा काहडा। " तेबा मार्था यीशु बे बोलू, " हे प्रभु तेऊ मरी चार धयाडी होई मुकी। तेऊक एबा बास ईणी। " ![](https://cdn.door43.org/obs/jpg/360px/obs-en-37-08.jpg) यीशु बोलू, "कह माई तमा बे नाँई बोलू थी अगर तमे महा पेंदे बुशाह करले तेबा तमा परमेश्वरा सामर्थ हेरना?" तेबा त्याहे सह पाथर चकु। ![](https://cdn.door43.org/obs/jpg/360px/obs-en-37-09.jpg) तेवा यीशु उझे स्वर्गा फेरा बे हेरू होर बोलू, "हे पिता, हाऊ तेरा धन्यवाद करा। हाऊ जाणा की तूह मेरी सदा शूणा, हाऊ जाणा भी की तूह मेरी सदा शूणा, पर जोह अखे ओरी फोरी लोका खडी दे आसा, याहा री बजा का माए यह बोलू, की याहा लोका बुशाह करे की ताए हाऊ भेजूदअ आसा।"तेबा यीशु जोरे आका पाई, " हे लाजर कब्रा का बागे निखलअ!" ![](https://cdn.door43.org/obs/jpg/360px/obs-en-37-10.jpg) तेबा लाजर कफना सगे कब्रा का बागे निकदअ ! यीशु त्यहा का बोलू, एउरे कफना खोला होर एउ नाहणे देआ। ” तेबा जोह यहूदी लोका मरियमा सेटा आए दे थी, होर जेबा त्याहे यीशु रा यह चमत्कार हेरू, तेबा त्या में बहु सारे लोके यीशु पेंदे विशवास करू। ![](https://cdn.door43.org/obs/jpg/360px/obs-en-37-11.jpg) पर यहूदी रे धार्मिक गुरु यीशु का जलदे लागे, तेबा त्या आपु में कठे होई करे यीशु होर लाजर केहडे साबे मारी पाऊणे एतके बारे में सोचते लागे। *यूहन्ना 11:1-46 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_37_128kbps.m4a ## 38. यीशु ढाकणअ https://openbiblestories.org/l/kfx-x-innerseraji/story-38/ ![](https://cdn.door43.org/obs/jpg/360px/obs-en-38-01.jpg) यहूदी लोका हर साल फसह री जाच मनाउदा थी। एसा जाचा में त्या याद करा थी कई साला पहिले परमेश्वरे हमारे पुर्बज मिस्री लोका री गुलामी का बचाई थी। लगभग चीइ साला बाद यीशुये लोका बे शिक्षा दीणी शुरू करी थी,यीशु आपणे चेले बे बोलू, महा तमा सगे यरूशलेम शहरा में फसह री जाच मनाऊणा चाह्न्दा,होर यह सहे जागहा जखे हाऊ मारण। ![](https://cdn.door43.org/obs/jpg/360px/obs-en-38-02.jpg) यीशु रे चेलों मेंजे का एक यहूदा इसकरीयोती ना रअ मनश थी। यहूदा चेले रे धना रा हिसाब किताब डान्दा थी, सह ढबे सगा प्रेम करा थी। होर हर बारी झोली का ढबे काडी करे चोरा थी। जेबा यीशु होर तेऊरे चेले यरूशलेम शहरा में पूजे, तेबा तेता बाद यहूदा यहूदी गुरु सेटा नाथअ तेऊ ढबे रे बदले यीशु ढाकणे रे बारे स्कीम बडाई। किबेकी सह जाणा थी की यहूदी गुरु मसीहा स्वीकार नाँई करदे,सह जाणा थी की त्या तेऊ खत्म करना चाहंदा। ![](https://cdn.door43.org/obs/jpg/360px/obs-en-38-03.jpg) महायाजका रे बोलणे पेंदे यहूदी गुरु यीशु वे धोखे सगा ढाकणे री तणी यहूदा बे तीह चांदी रे सीके दिने। एसा गला री भविष्यवाणी भविष्यवक्ता पहिले ही करी दी थी, यहूदा यीशु ढाकणे री तणी मनु होर त्या तीह चांदी रे सीके नी करे तखा बे ठुरु। होर मोके लोडअ लागअ कि यीशु केहडे साबे ढाकणअ साहा | ![](https://cdn.door43.org/obs/jpg/360px/obs-en-38-04.jpg) यीशु यरुशलेमा शहरा में आपणे चेले सगे फसहे री जाचा मनाऊदअ लागदअ थी। फसह री जाचा में रोटी खांदे रे वक्ते यीशु रोटी मागी होर आशीष मागी करे चोडी, होर त्या बे दीनी होर बोलू, “एता निआ होर खाआ। यह मेरा मॉस आसा, जोह हाऊ तमा बे दिंदा मेरी यादी में एडा ही करा। ” एउ साबे, यीशु त्याका बोलू की मेरा मॉस तमा बे बलिदान हुणा। ![](https://cdn.door43.org/obs/jpg/360px/obs-en-38-05.jpg) तेउकी यीशुये एकी दाखरसा रअ एक कप आणु होर बोलू, “ एता झुटा यह नये बायदे रा मेरा सह लोहू आसा, जोह बहु सारे पापा री माफी बे बहणा। मेरी यादी में तमे एडा ही करा।’’ एउ साबे यीशु त्याबे बोलू की मेरा लोहू थारे थारे पापा री माफी री तणी बहणा।" ![](https://cdn.door43.org/obs/jpg/360px/obs-en-38-06.jpg) तेवा यीशुये आपणे चेले का बोलू, “तमा मेजा का एकी हाऊ डाकणे बजयालण।" चेले हैरान होई , होर पूछदे लागे कि हामा में सह कुण एडा करी सका। यीशुये बोलू, “ जासु बे हाऊ रोटी रअ टुकड देलअ सहे महा ढाकण आलअ हुणअ।’’ तेउकी तेऊ रोटी रअ टूकडअ यहूदा इस्क्रियोती बे दीनअ। ![](https://cdn.door43.org/obs/jpg/360px/obs-en-38-07.jpg) तेसा रोटी खाणे का बाद, यहूदा में शैतान फसू। यहूदा तखा का निखली करे यीशु वे ढाकणे री तणी यहूदी गुरु री सहायता करी सके। यह राचका वक्त थी। ![](https://cdn.door43.org/obs/jpg/360px/obs-en-38-08.jpg) रोटी खाणे बाद, यीशु होर तेऊ रे चेले जैतूना रे पहाडा वे नाठे। तेबा यीशुये त्याकअ बोलू , "तमा सभी महा छाडी करे ठुरने।” किबेकी पवित्र शाश्त्रा में लिखू दा आसा; की महा भेडा रअ फुआल मारनअ,होर सारी भेडा ठुरनी।'" ![](https://cdn.door43.org/obs/jpg/360px/obs-en-38-09.jpg) पतरसे बोलू, "बेशक सभे ताह छाडी करे ठुरले,पर महा ताह छाडी करे नाँई ठुरना !"तेवा यीशुये पतरसा का बोलू, "शैतान तमा सभी री परीक्षा लऊणा चाहदा साहा, पर हे पतरस ,माई तेरी तणी प्रार्थना करीदी साहा कि तूह विश्वास कमजोर नाँई होए। तेउकी भी, आज की राची, मुर्गे बाषणे का पहिले ताह चीण बारी महा जाणने का नाँई करना, की हाऊ ताह नाँई जाणदअ।" ![](https://cdn.door43.org/obs/jpg/360px/obs-en-38-10.jpg) पतरसे तेवा यीशु का होर भी जोरे सगे बोलू, "अगर महा ताए सगा मरना भी पड़े तेबा भी महा ताह पछेणने का कधी भी मना नाँई करना!"एडा होरी चेले भी बोलू। ![](https://cdn.door43.org/obs/jpg/360px/obs-en-38-11.jpg) तेवा यीशु आपणे चेले संघे गतसमनी ना री जगहा वे नाठअ। यीशुये आपणे चेले का प्रार्थना करने बे बोलू कि शैतान त्या री परीक्षा नाँई करे। तेउकी यीशु प्रार्थना करद नाठअ। ![](https://cdn.door43.org/obs/jpg/360px/obs-en-38-12.jpg) यीशुये चिण बारी प्रार्थना करी, "हे मेरे पिता परमेश्वर, आगर तेरी इच्छा आसा तेबा महा एउ दुखा रे वक्ते महा वचा। पर अगर लोका रे पाप क्षमा करणे री तणी होर कोहे जरीहा नाई साहा ,तेवा मेरी नाँई पर तेरी इच्छा पूरी हो।" यीशु बहु परेशान थी, होर तेऊ रा पसीना खुना री बूंदा साही जमीना पेंदे पड़दा लागा। यीशु बे सामर्थ दीणे री तणी परमेश्वरे एक स्वर्गदूत भेजू। ![](https://cdn.door43.org/obs/jpg/360px/obs-en-38-13.jpg) हर बारी प्रार्थना का बाद, यीशु आपणे चेले सेटा वे नाठअ , पर त्या सुतेदे थी। जेवा यीशु चीउणी बारी वापस आउअ तेवा यीशुये बोलू, " उठा ! माह ढाकणे आल़े अखी साहा।" ![](https://cdn.door43.org/obs/jpg/360px/obs-en-38-14.jpg) तेबा यहूदा यहूदी गुरु, होर बहु सारे सैनिक छुरे आणी करे आये। यहूदा यीशु सेटा बे आऊओ होर बोलू “प्रमाण गुरु जी,“होर तेऊरे गले ढाखी करे तेऊ सगे पेमा करद लागअ। यहूदा त्याबे पहिले ही खोजू दा थी की जासु हाऊ प्रणाम करलअ होर गले ढाखलअ सहे यीशु हुणअ, तेबा यीशु बोलू, “हे यहूदा, केह तूह महा ढाकणा चाहन्दा ?" ![](https://cdn.door43.org/obs/jpg/360px/obs-en-38-15.jpg) जेवा सैनिक यीशु ढाकदे लागे थी, तेवा पतरसे आपणी तुलार काडी होर महायाजका रे एकी सेवका रअ कनेट काटू। तेबा यीशुये बोलू, “आपणी तुलारी का मयाना में डाह! केह तूह नाँई जाणदअ की अगर हाऊ आपणे परमेश्वर पिता का बिनती करे, तेबा तेऊ महा बचाऊणे बे स्वर्ग्दुता री सेना भेजणी। पर माह आपणे पिता री आज्ञा मननी जरूरी साहा।’’ यीशुये तेऊ रअ कनेट छूई करे पहिले जेहअ ठीक करू। तेवा सारे चेले यीशु छाडी करे ठुरी। *मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_38_128kbps.m4a ## 39. महासभा में यीशु रा मुकदमा https://openbiblestories.org/l/kfx-x-innerseraji/story-39/ ![](https://cdn.door43.org/obs/jpg/360px/obs-en-39-01.jpg) जेबा सैनिके यीशु ढाकु तेबा आधी राची रा वक्त थी। त्याये सैनिके यीशु महायाजका रे घरा वे नीऊ, किवेकि त्या यीशु का सवाल करणा चाहदा थी। पतरस दूरा का तेऊ रा पीछे करदअ लागअ थी। जेवा सैनिके यीशु घरा महीतरा बे निऊ, तेवा पतरस बागे रुकू होर आगी छिपदअ लागअ। ![](https://cdn.door43.org/obs/jpg/360px/obs-en-39-02.jpg) घरा मीतरे, यहूदी गुरु यीशु पेंदे मुकद्दमा चलाउ। त्या कई झूठे गुआई आणी जोह यीशु रे बिरोधा में झूठी गुआई दिंदे लागे दे थी। त्या री गुआही एकी दूजे सगे मिलदी नाँई लागी थी, तेबा यहूदी गुरु यीशु दोषी नाँई सावित करी सके। यीशुये कीछे नाई बोलू। ![](https://cdn.door43.org/obs/jpg/360px/obs-en-39-03.jpg) तेबा महायाजके यीशु फेरा वे हेरी करे बोलू , "हामा वे खोज कैह तुहे ही जिउदे परमेश्वरा रअ शोहरू मसीह साहा ?" ![](https://cdn.door43.org/obs/jpg/360px/obs-en-39-04.jpg) यीशुये बोलू, "हाऊ साहा, होर तमे माह परमेश्वरा संघे बैठदअ होर स्वर्ग का इह्दे भी हेरण। " महायाजके रोषा में आपणे झिकडे थोची पाई किवेकि सह यीशु री एसा गला का बहु रोष आऊआ होर होरी लोके गुरु का बोलदे लागे एबा हामा गुआही री जरूरत नाँई आंधी। हामे एबा आपे शुणू की एउ आपणे आपा बे परमेश्वरा रअ शोहरू बोलू। एवा थारा कह फैसला?" ![](https://cdn.door43.org/obs/jpg/360px/obs-en-39-05.jpg) सभी यहूदी गुरु महायाजका वे उतर दिना , "यह मारणे लायक साह!" तेवा त्याये यीशु री आछी में पाटी बानी, तेऊ पेंदे थुकू, सह चीकू, होर तेऊ रा मजाक करू। ![](https://cdn.door43.org/obs/jpg/360px/obs-en-39-06.jpg) पतरस बागे खोले बेठदअ थी, होर एकसा बेटड़ी सह हेरू होर बोलू, “तूह भी यीशु सगे थी!” पतरसे नाँई करू। तेता बाद एकसा होरी बेटड़ी भी पतरस हेरी करे यहे बोलू, की तूह यीशु सगे थी, होर पतरसे भी नाँई करू तेता वाद एखे लोके पतरसा का बोलू, “हामा बे खोज की तूह यीशु सगे थी किबेकी तमे दूहे गलीला जिले का आसा।" ![](https://cdn.door43.org/obs/jpg/360px/obs-en-39-07.jpg) तेवा पतरसे बोलू , "अगर हाऊ एउ मनशा जाणदा साहा तेवा परमेश्वर माह वे श्राप दे!" तेवरी ही पतरस रे एसा गला बोलणे बाद एकदम मुर्ग बाठअ। यीशुये पीछे हेरी करे पतरस फेरा बे हेरू। ![](https://cdn.door43.org/obs/jpg/360px/obs-en-39-08.jpg) पतरस तखा का नाठअ होर बागे नाही करे जोरे जोरे लेरदअ लागअ। तेऊ वक्ते , यीशु डाकण भझयालण आल़े यहूदा हेरू कि यहूदी गुरु यीशु दोषी बनाई करे मारना चहान्दा। यहूदा बहु दुःखी होउ होर नाशी करे आपणे आपु बे फांसी लाई। ![](https://cdn.door43.org/obs/jpg/360px/obs-en-39-09.jpg) एवरे एउ देशा रअ राज्यपाल पिलातुस थी। तेबा यहूदी गुरु यीशु पिलातुसा सेटा बे नीऊ। त्या चाह्न्दा की पिलातुस यीशु बे मऊता री सजा देई करे खत्म करे, तेबा पिलातुसे यीशु का पुछु, “केह तूह यहूदी रअ राजा आसा?" ![](https://cdn.door43.org/obs/jpg/360px/obs-en-39-10.jpg) यीशुये उतर दिना, "ताई ठीक बोलू पर मेरा राज्य अखे पृथ्वी रा नाई साहा। अगर मेरा राज्य अखला हुंदा तेवा मेरे सेबका मेरी तणी लड़दे। हाऊ धरती में परमेश्वरा री सचाई खोजदअ आऊदअ आसा। हर एक मनश जोह सचाई का प्रेम करदा सह मेरी शुणदा साहा। " पिलातुसे बोलू , " तेवा सच कैह साहा?" ![](https://cdn.door43.org/obs/jpg/360px/obs-en-39-11.jpg) यीशु संघे गल्ला करणे का बाद, पिलातुसे बागे भीड़ा सेटा नाडी करे बोलू, "महा एउ मणशा में मऊता री सजा दीणे लाईक किछे दोष नाँई भेटा।" पर यहूदी गुरु होर बहु लोके जोरे संघे बोलू, " एउ क्रूसा पेंदे चढ़ा!" पिलातुसे उतर दीना, " एउ मणशे किछे गलत काम नाँई करू सह किछे भी गलत काम नाँई करू।" पर त्या होर भी जोरे जोरे बोलदे लागे। तेवा पिलातुसे चिऊणी वारी बोलू , "यह मणश दोषी नाई साहा !" ![](https://cdn.door43.org/obs/jpg/360px/obs-en-39-12.jpg) पिलातुस डरू कि त्या खासे लोका झगड़ा चोड फोड़ नाँई करे, तेबा सह यीशु बे क्रुसा पेंदे चढ़ाऊणे बे मनु। रोमी सैनिके यीशु वे कोड़े बाही, होर तेऊ वे बेगनी झिकड़े बानी, होर तेऊ रे मुढे कांढे का बणूदअ मुकुट डाहू। तेवा त्या एडा बोली करे तेऊ रा मजाक करदे लागे, " हेरा यहूदी रअ राजा !" *मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_39_128kbps.m4a ## 40. यीशु रा क्रुसा में चढाऊणा https://openbiblestories.org/l/kfx-x-innerseraji/story-40/ ![](https://cdn.door43.org/obs/jpg/360px/obs-en-40-01.jpg) यीशु रे ठठा करने बाद, सपाही सह क्रुसा में चढाऊणे बे नीऊ। तयाहे सह क्रुस यीशु जेह चुआकणे भझयालू जासु में सह चढ़ाऊण थी। ![](https://cdn.door43.org/obs/jpg/360px/obs-en-40-02.jpg) तयाहे सपाही यीशु तेसा जागहा बे आणु जासु जागहा “खोपड़ी” रे ना का जाणा थी, होर तखे त्याहे तेउरे हाथे होर जाघा किले सगे क्रुसा में टोकी दीनी। पर यीशु बोलू, " हे पिता परमेश्वर याहा माफ माफ कर, किबेकी याहा नांई जाणदे की याहे कह लाऊदा करना। " पिलातुसे सपाही बे यीशु रे मुडा पेंदे क्रुसा पेंदे एक फटी लाऊणे री आज्ञा दीनी। तेता में लिखू दा थी, "यीशु यहूदी रअ राजा आसा। " ![](https://cdn.door43.org/obs/jpg/360px/obs-en-40-03.jpg) तेबा सपाही यीशु रे झीकडे बाडणे री तणी चिठ्ठी पाई। की कासु कह भेटणा जेबा तयाहे एडा करू तेबा तयाहे तेऊ पेंदे भविष्यवाणी पूरी करी जोह बोला थी, "तयाहे मेरे झिकडे आपु में बानडी, होर मेरे झिकड़े री चिठ्ठी पाई। " ![](https://cdn.door43.org/obs/jpg/360px/obs-en-40-04.jpg) तखे दुई डाकू भी थी, जोह सपाही कृसा पेंदे चढाई दे थी। एक यीशु री दाई तरफ होर दूजअ बाई तरफ। तया दुई में का एकी यीशु री निन्दा करी करे बोलू, अगर तूह मसीह आसा तेबा हामा होर आपणे आपु बे बचा पर दूजे बोलू, "कह तूह परमेश्वरा का नांई डरदअ? हामे दुहे तअ आपणे बुरे काम री सजा पाऊदे लगे दे आसा पर एउ किछे बुरा काम नाँई करू। " तेऊ यीशु का बोलू, कि आपणे राज्य में महा याद करे। " यीशु उतर दीना, "आज ही तूह माए सगा स्वर्ग लोका में हुणअ। " ![](https://cdn.door43.org/obs/jpg/360px/obs-en-40-05.jpg) एता बाद यहूदी गुरु होर भीडा रे लोके यीशु रा मजाक उड़ाऊ । त्यहाहे तेऊबे बोलू, "अगर तूह परमेश्वरा रअ शोहरू साहा, तेबा आपणे आपा बे बचा होर क्रुसा का उन्दे नीखलअ, तेबा हामा ताह पेंदे बिश्वास करना। " ![](https://cdn.door43.org/obs/jpg/360px/obs-en-40-06.jpg) जेबा दोपहरा रे बारा बाजे का चिण बाजे तणी पुरे देशे नयारा होऊ। पर यह धयाडी रा वक्त थी। लगभग दोपहरा रे चीण बाजे तणी सारा देश नयारा रहू। ![](https://cdn.door43.org/obs/jpg/360px/obs-en-40-07.jpg) तेबा यीशु बोलू, " पूरा होऊ! हे पिता परमेश्वर, हाऊ आपणी आत्मा तेरे हाथे दिन्दा |" तेबा यीशु आपण मुड़ उटअ पाऊ होर होर आपणे प्राण शोटी। जेबा सह मुअ तेबा जाजरी होई। होर देहुरे रअ बडअ पड़दअ जोह सभी पवित्र जागहा नाहणे का रोका थी उपरा का जील तणी थोछी करे दुई टूकडे होई। ![](https://cdn.door43.org/obs/jpg/360px/obs-en-40-08.jpg) आपणी मऊती सगे, यीशु लोका बे परमेश्वरा सेटा बे नाहणे रा रास्ता साफ करू। तेबा सूबेदार होर सपाही तेऊ सगे यीशु री निगरानी करदे लागे दे थी, यह सभे भाली करे तेऊ बोलू, की यह मणश धर्मी थी। सची में यह परमेश्वरा रअ शोहरू थी।" ![](https://cdn.door43.org/obs/jpg/360px/obs-en-40-09.jpg) तेबा यसुफ होर निकुदेमुस ना रे दुई यहूदी गुरु थी जासु बुशाह थी की यीशु ही मसीह आसा। त्याहे पिलातुसा सेटा नाही करे का यीशु री लास मागी। त्याहे यीशु री लास चमकदार झिकड़े में लपेटी। होर जोह कब्र शाफड कोती करे बड़ाई दी थी तेता में डाही, होर तेतके दुआरा जेह एक बडअ पाथर डाहू। *मत्ती 27:27-61; मरकुस 15:16-47; लूका 23:26-56; यूहन्ना 19:17-42 में का बाईबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_40_128kbps.m4a ## 41. यीशु मरी करे जिउदे हुणा https://openbiblestories.org/l/kfx-x-innerseraji/story-41/ ![](https://cdn.door43.org/obs/jpg/360px/obs-en-41-01.jpg) जेबा सपाही यीशु क्रुसा पेंदे चढाई मकअ थी तेबा तेता बाद, यहूदी गुरु पिलातुसा का बोलू, "तेऊ झूठे, यीशुये बोलू थी,कि महा चीऊणी दिहाड़ी बाद मरी करे जिउदअ हुणअ। एता हेरने बे हामा कब्रा री निगरानी करनी आई, कई एडा नांई होए की, तेउरे चेले तेऊरी लासा चोरे, होर तेता बाद बोले, की मरी करे जिउंदअ होऊ। " ![](https://cdn.door43.org/obs/jpg/360px/obs-en-41-02.jpg) पिलातुसे बोलू, "एखा सपाही निआ, होर आपणी समझा रे साबे कब्रा री निगरानी करा। " तेबा त्याये तेसा कब्रा के मितरे नाहणे आल़े दुआरा सेटा एक बडअ पात्थरा पेंदे शाणे लाई होर निगरानी करने बे सपाही रा पहरा डाहू, की कोहे भी तेऊरी लास चोरी नाँई सके। ![](https://cdn.door43.org/obs/jpg/360px/obs-en-41-03.jpg) यीशु रे मरणे का बादा री दिहाड़ सब्ता री दिहाड़ थी। यहूदी गुरु कब्रा में नाहणे री इजाजत कासी बे नाँई दीनी। पर सब्ता री धयाडी का पहिली धयाडी दोती नयारे एख बेटड़ी यीशु री कब्रा नाहणे बे तयार होई। त्या यीशु रे लासा में बडिया खुशबु आल़े मसाले लाऊणा चाहन्दा थी। ![](https://cdn.door43.org/obs/jpg/360px/obs-en-41-04.jpg) त्या वेटड़ी रे कब्रा में पूजणे का पहिले, तखे बड़ी जाजरी होई। स्वर्गा का इछी करे एकी स्वर्ग दुते कब्रा रअ सह पाथर किनारे करू जोह कब्रा रे दुआरा सेटा डाहुदअ थी तेता पेंदे बेठअ यह स्वर्ग दूत लाईटा जेहअ चमकद लाग थी। जोह सपाही कब्रा री निगरानी करदे लागे थी तयाहे सह स्वर्ग दूत हेरू। त्या एथरे ज्यादा डरी की मुएदे जेहे जमीना पेंदे पड़ी। ![](https://cdn.door43.org/obs/jpg/360px/obs-en-41-05.jpg) जेबा त्या बेटड़ी कब्रा में पूजी तेबा तेऊ स्वर्ग दुते त्या बेटड़ी बे बोलू, "नाँई डरा। यीशु अखे नाँई आंनद। सह मुएदे में का जिउंद होऊ, जेड़ा की तेऊ पहिले बोलू थी की हाऊ जिउंदअ हुणअ! कब्रा में लोडा होर हेरा।" त्याए बेटड़ी कब्रा में नाही करे यीशु री लासा लोडी लागी होर त्याहे हेरू तखे यीशु री लास अखे नाँई आंधी! ![](https://cdn.door43.org/obs/jpg/360px/obs-en-41-06.jpg) तेवा तेऊ स्वर्गदूते त्या वेटड़ी का बोलू, "नाशी करे तेऊ रे चेले वे खोजा, 'यीशु मरी करे जिउंदअ होऊदअ साहा होर सह तमा का पहिले गलील जिले वे नाहणा।" ![](https://cdn.door43.org/obs/jpg/360px/obs-en-41-07.jpg) त्या बेटड़ी बखे हैरान होई होर बखे खुश होई। त्या चेले वे यह खुशी रा समाचार शूणाऊणे री तणी ठुरी। ![](https://cdn.door43.org/obs/jpg/360px/obs-en-41-08.jpg) जेवा त्या बेटड़ी चेले वे यह शुभ संदेश खोजणे री तणी आपणी वाता हांडदी लागी थी, तेवा यीशु त्या वे प्रकट होऊ। त्या तेऊ री जांघा में पड़ी। तेवा यीशुये बोलू, "नाँई डरे। नाशी करे मेरे चेले वे गलीला वे नाहणे वे बोला। त्या हाऊ तखे हेरण।" *मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_41_128kbps.m4a ## 42. यीशु स्वर्गा वे बापस नाह्न्दा साहा https://openbiblestories.org/l/kfx-x-innerseraji/story-42/ ![](https://cdn.door43.org/obs/jpg/360px/obs-en-42-01.jpg) जासु दिहाड़ी परमेश्वरे यीशु को मुयेदे में का जिउदअ करू, तेसी धयाडी दुई चेले नेडा रे ग्रा वे नाह्न्दे लागेदे थी। हांडदे हांडदे त्या येशु संघे जोह होऊ थी। तेतके बारे में गल्ला करदे लागेदे थी, त्या बोलदे लागे थी की सह मसीह थी, पर तेवा भी सह मारी पाऊ। एवा त्या वेटडी आई होर त्याहे बोलू की यीशु भीआ का जिउंदअ होऊदअ साहा। त्या नाँई जाणदे थी कि कासु गल्ला पेंदे विशवास करणा। ![](https://cdn.door43.org/obs/jpg/360px/obs-en-42-02.jpg) यीशुये त्या सेटा इच्छी करे त्या संघे हांडणा शुरू करू, पर त्या तेऊ पछेणी नाई सकी। तेउये पूछी कि त्या कीचके बारे में गल्ला करदे लागेदे। त्याये तेऊ पिछले दिहाड़े में यीशु संघे होई सारी घटना रे बारे में खोजू। त्याये सोचु कि त्या कासु परदेशी संघे गल्ला करदे लागेदे, जोह नाई जाणदअ थी कि यरूशलेमा में केह होऊ थी। ![](https://cdn.door43.org/obs/jpg/360px/obs-en-42-03.jpg) तेवा यीशुये त्या समझाई कि परमेश्वरा रअ वचन मसीहा रे बारे में कैह बोलदा साहा। बहु पहिले , भविष्यद्वक्ताये बोलू थी कि बुरे लोका मसीहा बे बहु ज्यादा दुःख दीणा होर सह मारी पाउण। पर भविष्यद्वक्ताये यह भी बोलू थी की सह चिऊणे दिहाड़े मरी करे जिउणं हुणअ। ![](https://cdn.door43.org/obs/jpg/360px/obs-en-42-04.jpg) जेवा त्या तेऊ नगरे पूजे जखे त्या दुई मन्श रुकणा चाह्न्दा थी, तेवरी तणी लगभग ब्यालक होई थी।त्याये यीशु त्याये संघे रहणे वे बोलू, तेबा यीशु त्याये संघे एकी घरा बे नाठअ। होर त्या रोटी खांदे बेठे। यीशुये एक रोटी ढाकी तेतकी तणी परमेश्वरा रा धन्यवाद दिना ,होर तेउकी त्याहे रोटी चोडी। तेबा तेबरी त्याहे, जाणू कि सह यीशु आसा। पर तेबरी सह त्या री आछी का गोजु। ![](https://cdn.door43.org/obs/jpg/360px/obs-en-42-05.jpg) त्याये दुई चेले एकी दूजे का बोलू, "सह यीशु थी! जेबरे तेऊ हामा वे परमेश्वरा रे वचन समझाई थी तेवा हामे बहु खुश थी?" तेबरी, त्या निखली करे यरूशलेम शहरा बे बापस नाठे। जेवा त्या पूजे तेवा त्याये चेले वे खोजू, "यीशु सची जिउदअ होऊ! हामे सह हेरू!" ![](https://cdn.door43.org/obs/jpg/360px/obs-en-42-06.jpg) जेवा चेले गल्ला करदे लागे दे थी, तेबा यीशु एकदम तेऊ कमरे त्या रे सामने प्रकट होऊ। तेऊये बोलू, "तमा वे शांति भेटे!" चेले सोचु कि यह कुण राक्स आसा, पर यीशु ये बोलू, "तमे किबे डरदा? तमे किबे नाँई सोचदे कि सची हाउ आसा, यीशु साहा ? मेरे हाथा होर जांघा छुही करे हेरा। किबेकी आत्मा रे मॉस होर हाडके नाई हुंदे जेडा तमे माह सेटा हेरा।" तेबा यीशु त्याका पूछूकी अखे खाणे बे कुछ आसा? त्याए भुजी दी माछी रअ एक टुकडअ दीनअ, होर यीशु सह टूकडअ रे सामने खाऊ। ![](https://cdn.door43.org/obs/jpg/360px/obs-en-42-07.jpg) यीशुये बोलू, "मेरे बारे में पवित्र शास्त्रा में लिखू दा आसा जोह कुछ लिखू दा आसा सह पूरा हूँणा। माई तमा वे बोलू थी कि एता सभी रा हुणा जरूरी साहा।"तेवा यीशु त्या बे परमेश्वरा रअ वचन राम्बडे ढगे समझाऊ। तेउये बोलू, "पवित्र शाशत्रा में लिखू दा आसा, कि मसीहा दुःख सहणा, सह मारन, होर चीऊणे धयाडे मरी दे में का जिउंद हुणअ।" ![](https://cdn.door43.org/obs/jpg/360px/obs-en-42-08.jpg) पवित्रशाशत्रा में यह भी लिखू दा कि मेरे चेले परमेश्वरा रे वचना रा प्रचार करना। होर त्या हर एकी मणशा बे खोजणा। की आपणे पापा का पचताबा करा। त्या एतकी शुरुआत येरूशलेम शहरा का करनी। तेबा त्या सभी जागहा होर सभी जाति में नाहणा, जोह कुछ माए बोलू होर करू तमे याहा सभी गला रे गुआही आसा। ![](https://cdn.door43.org/obs/jpg/360px/obs-en-42-09.jpg) अगले चाली दिहाड़ी तणी, यीशु आपणे चेले रे सामने कई बारी प्रकट होऊ। एकसा बारी सह एकी वक्ता में 500 लोका रे सामने प्रकट होउ! यीशु आपणे चेले बे कई तरीके संघे सावित करू कि हाऊ जिउदअ साहा, होर तेउये त्या वे परमेश्वरा रे राज्य रे बारे में शिक्षा दीनी। ![](https://cdn.door43.org/obs/jpg/360px/obs-en-42-10.jpg) यीशुये आपणे चेले का बोलू, "परमेश्वरे माह वे स्वर्ग होर पृथ्वी रे सारे अधिकार दिने दे आसा। तेवा हाऊ तमा का बोलदा साहा :नाशी करे सभी जाती रे लोका चेले बाणा। होर त्या बे पिता, पुत्र होर पवित्र आत्मा रे ना का बपतिस्मा देआ। जोह कुछ भी माई तमा वे आज्ञा दीनीदी साहा त्या सभी आज्ञा तमे लोका बे मानणा सिखाआ। याद डाहे, हाऊ सदा तमा संघे रहण।" ![](https://cdn.door43.org/obs/jpg/360px/obs-en-42-11.jpg) यीशु रे मरी करी जिउणे का चाली दिहाड़ी बाद ,तेऊ आपणे चेले का बोलू , "शूणा महा तमा बे पवित्र आत्मा भेजणी जासका दीणे रा बाईदा मेरे बापू परमेश्वरे करू दा आसा पर तेबा तमा येरूशलेम शहरा में नीहालणा आऊआ जेबरे तणी पिता परमेश्वर तमा बे सामर्थ ना दे। " प्रभु यीशु त्या सगे गला करने बाद स्वर्गा बे चुआकु होर एकी बादले सह त्या री नजरा का घगजयाऊ। यीशु स्वर्गा में सभी चीजा पेंदे राजा करने री तणी परमेश्वरा री दाई तरफा बेठ। *मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेरित 1:1-11 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_42_128kbps.m4a ## 43. कलीसिया री शुरूआत https://openbiblestories.org/l/kfx-x-innerseraji/story-43/ ![](https://cdn.door43.org/obs/jpg/360px/obs-en-43-01.jpg) यीशु रे स्वर्गा बे बापिस नाहणे बाद, चेले यरूशलेमा में शहरा में ही रुकी जेडा कि यीशुये त्या वे करणे वे बोलू थी। तखले विश्वासी लोका लगातार सब्हे प्रार्थना करणे री तणी कठे हुंदा थी। ![](https://cdn.door43.org/obs/jpg/360px/obs-en-43-02.jpg) हर साला, फसह री जाचा रे बाद रे पाजा दिहाड़े बाद, यहूदी लोका पिन्तेकुस्त ना री एक दिहाड़ मनाऊदे लागे थी। पिन्तेकुस्त री धयाडी यहूदी लोका गिहू काटणे री खुशी मनाऊदे लागेदे थी। सारे संसारा में यहूदी लोका पिन्तेकुस्त री धयाड मनाउणे री तणी यरूशलेमा आऊये थी। एसा साला, पिन्तेकुस्त मणाउणे रा वक्त यीशु रे स्वर्गा नाहणे का लगभग एकी हप्ते बाद आउआ थी। ![](https://cdn.door43.org/obs/jpg/360px/obs-en-43-03.jpg) पिन्तेकुस्ता री धयाडी सारे विशवासी लोका सब्हे कठे थी, तेवा जासु घरे त्या थी तखे तेवरी जोरा री बागरी री छेडे होईजासु सगे पूरअ घर भरू। तेवा त्या रे सामने एक आगी साही झलअ प्रगट होई जोह सभी मणशा पेंदे बेठी। त्या सब्हे पवित्र आत्मा संघे भरी होर त्याये होरी भाषा संघे परमेश्वरा री स्तुति करी। यह सह भाषा थी जासु वे बोलणे री तणी त्या पवित्र आत्मा तेयार करी थी। ![](https://cdn.door43.org/obs/jpg/360px/obs-en-43-04.jpg) जेवा यरूशलेमा रहणे आल़े लोके सह हाला शुणू, तेवा तेता भालणे री तणी सारे लोका एकी बारी आए की यह केह हुंदा लागा। त्याये विश्वासी लोका बे परमेश्वरा रे करीदे बड़े बड़े काम री घोषणा करदे शुणी। त्या हैरान होई थी किबेकी त्या त्यारे कामा आपणी भाषा में सुणदे लागे थी। ![](https://cdn.door43.org/obs/jpg/360px/obs-en-43-05.jpg) याह में एखे लोके बोलू, कि त्या चेले नशे में थी। पर पतरस खड़अ होऊ होर त्या का बोलू, "मेरी गला शुणा ! या लोका नशे में नाई साहा! एत्के बजाए, जोह तमे हेरा याहा त्या साहा जोह योएल भविष्यद्वक्ता बोलू थी कि हुणा परमेश्वरे बोलू , 'अन्ता रे दिहाड़े में, माह आपणा आत्मा सभी लोका पेंदे भेजणा उंडेलना। ” ![](https://cdn.door43.org/obs/jpg/360px/obs-en-43-06.jpg) हे इस्राएली लोको, यीशु एक एडअ मनश थी, जासु यह रिहाऊणे री तणी माए अनोखे काम करी थी। तेऊये परमेश्वरा री सामर्था का बहु अद्भुत काम करी थी। तमें यह जाणदा साहा, किबेकी तमे या सभे काम हेरी दे साहा। पर तमे सह क्रूसा पेंदे चडाई करे मारी पाऊ! ![](https://cdn.door43.org/obs/jpg/360px/obs-en-43-07.jpg) यीशु मुअं थी पर परमेश्वरे सह मरी करे जिउन्दअ करू। परमेश्वरे सह गल पूरी करी जोह एकी भविष्यद्वक्ता लिखी थी: 'तूह आपणे पवित्र मनशा कब्रा में सड़णे नाई दीणा।' हामे गवाह साहा कि परमेश्वरे यीशु भीआ का मरी करे जिउंन्दअ करू। ![](https://cdn.door43.org/obs/jpg/360px/obs-en-43-08.jpg) परमेश्वरे पिता सह एवा आपणी दाई तरफा बशेली करे तेऊ बे आदर दीना। होर यीशुये हमारी तणी पवित्र आत्मा भेजूदा जेड़ा की तेऊ बाईदा करू थी महा भेजण। यह सभे काम पवित्र आत्मा करदा लागा दा जोह तमे हेरू होर शूणु। ![](https://cdn.door43.org/obs/jpg/360px/obs-en-43-09.jpg) तमे सह यीशु क्रूसा पेंदे चढ़ाई करे मारी पाऊ। पर तमे यह जाणा की परमेश्वरे यीशु बे सभी चीजा पेंदे प्रभु होर मसीह दुई ठराई दे आसा! ![](https://cdn.door43.org/obs/jpg/360px/obs-en-43-10.jpg) पतररसा री गल्ला शुणन आल़े लोका तेऊरी गला महीतर तणी हिली थी तेबा तेऊ पतरस होर चेले का पुछु, हे भाईयो, हामे कह करू लोडी ?" ![](https://cdn.door43.org/obs/jpg/360px/obs-en-43-11.jpg) पतरसे त्या वे उतर दिना, "तमा में का हर एक आपणे पापा री तणी पचताए कि, परमेश्वर थारे पापा तमा माफ करे, होर यीशु मसीहा रे ना का बपतिस्मा लआ। तेबा तेऊ तमा बे पवित्र आत्मा दीणी |" ![](https://cdn.door43.org/obs/jpg/360px/obs-en-43-12.jpg) पतरसा री गलअ शूणी करे लगभग 3,000 लोके यीशु पेंदे विशवास करू होर त्या यीशु रे चेले बणी। त्याहे बपतिस्मा लउ होर यरूशलेमा शहरा री कलीसिया रा हिस्सा बणी। ![](https://cdn.door43.org/obs/jpg/360px/obs-en-43-13.jpg) जेबा चेले त्याबे शिक्षा दिनी, तेबा बुशाह करन आल़े लोके लागातार शिक्षा शूणी। त्या एकी बारी कठे होई करे सगती करदे लागे दे थी। त्याहे मिली करे परमेश्वरा री स्तुति करी होर जोह त्या सेटा जोह थी, त्याहे सह एकी दूजे बे बाडू। नगर रअ हर एक मन्श त्याबे रामबडा बिचार डाहंडा थी। हर धयाडी, बहु का बहु लोका विशवास करदे लागे। *प्रेरितों के काम 2 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_43_128kbps.m4a ## 44. पतरस होर यूहन्ना भिखारी ठीक करदा साहा https://openbiblestories.org/l/kfx-x-innerseraji/story-44/ ![](https://cdn.door43.org/obs/jpg/360px/obs-en-44-01.jpg) एकसा दिहाड़ी, पतरस होर यूहन्ना मंदिरा वे नाठे। तेबा एखे लोके एक लेगडअ बिखारी आणु, होए त्याए सह मंदिरा बागे बशयागु की ईहण होर नाहण आल़े लोका का भीख मागी सके। जेबा तेऊ पतरस होर यहुना मंदिरा बे नाह्न्दे हेरी, तेबा सह त्या का भीख मागदअ लागअ। ![](https://cdn.door43.org/obs/jpg/360px/obs-en-44-02.jpg) पतरसे तेऊ लेगडे बिखारी फेरा वे हेरू होर बोलू, "माह सेटा ताह वे दीणे वे ढबे नाँई आंदे। पर जोह माह सेटा आसा, सह हाउ ताह वे दिंदा साहा। यीशु रे ना का, उठ होर हाड फिर !" ![](https://cdn.door43.org/obs/jpg/360px/obs-en-44-03.jpg) एक दम परमेश्वरे सह लेगडअ बिखारी ठीक करू। सह ओरी –पोरी हांडदअ फिरदअ,पटीकदअ होर परमेश्वरा री स्तुति करदअ शुरू लागअ। मंदिरा रे बराडे लोका तेऊ हेरी करे हैरान होई थी। ![](https://cdn.door43.org/obs/jpg/360px/obs-en-44-04.jpg) लोका री एक भीड़ तेऊ मनशा हेरी आई जोह ठीक होऊ थी। पतरसे बोलू , "तमे एउ मणशा हेरी करे हेरान नाँई होए? हामे यह आपणी शक्ति संघे ठीक नाँई करूदअ साहा, पर सह यीशु साहा जासू यह मणश आपणी शक्ति सगे ठीक करू, किबेकी हामे यीशु पेंदे विश्वास करा। " ![](https://cdn.door43.org/obs/jpg/360px/obs-en-44-05.jpg) त्या तमे ही साहा जासुये तेऊ रोमी राज्यपाल पिलातुसा का बोलू थी यीशु वे मारी पाआ। तमें सह मारी पाऊ जोह सभी वे जीवन दिंदा साहा। पर परमेश्वरे सह मर्री करे जिउदअ करू। तमी नाँई समझू कि तमें कीजी करदे लागेदे थी, पर जेबा तमे त्या कामा करदे लागेदे थी, तेबा जोह भविष्यद्वक्ताए बोलू थी सह पूरा होए।होर सह मरण। परमेश्वरे यह एउ सावे हुणे दिना। तेवा एवा, पश्चाताप करा होर परमेश्वरा फेरा वे फिरा, ताकि सह थारे पापा धोई करे साफ़ करे। ![](https://cdn.door43.org/obs/jpg/360px/obs-en-44-06.jpg) जेवा मंदिरा रे यहूदी गुरु पतरस होर यूहन्ना शुणी, तेवा त्या बहु डरी। तेउकी त्याये त्या ढाकी करे जेला में पाई। पर जोह पतरसा री गला शूणदे लागे थी तेता पेंदे बहु लोके विश्वास करू। होर तेता में लगभग पाजा हजार मर्दे विश्वास करू। ![](https://cdn.door43.org/obs/jpg/360px/obs-en-44-07.jpg) दूजी धयाड़ी एडा होऊ की त्या यहूदी गुरु पतरस होर यूहन्ना वे महायाजक होर होरी धार्मिक गुरु रे सामने आणी। त्याये सह मनश भी आणू जोह लेगडअ थी। त्याये पतरस होर यूहन्ना का पूछु, " एउ लेगडे मणशा ठीक करने री सामर्थ होर अधिकार तमा बे कुणे दीना ?" ![](https://cdn.door43.org/obs/jpg/360px/obs-en-44-08.jpg) पतरसे जवाब दीना, "यह मणश जोह तमा ज़ेह खडअ साहा तेऊ यीशु मसीहां री सामर्थ रे सगे ठीक होऊ दअ साहा। तमें यीशु क्रूसा पेंदे चड़ाऊ थी, पर परमेश्वरे सह भीआ का जिउदअ करू! तमे सह नाँई मनु, पर यीशु मसीहा छाडी करे उदार पाऊणे रा दूजा ना नाँई आंदा जासु का हामा उदार भेटी सके!" ![](https://cdn.door43.org/obs/jpg/360px/obs-en-44-09.jpg) त्या धार्मिक गुरु पतरस होर यूहन्ना री गला शूणी करे हैरान होई। त्या हेरू की या आम मणश जो अनपढ़ थी। पर तेउकी त्या याद आऊआ की याहा मणश यीशु सगे रहंदा थी। तेबा त्याहे पतरसा होर युहना का बोलू, “अगर तमे लोका बे यीशु रे बारे में कोई समाचार शूणाऊ, तेबा हामा तमा बे बडी सजा दीणी। ” तेबा त्याए पतरस होर यहुना डराई धमकाई करे छाडी। *प्रेरितों के काम 3:1-4:22 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_44_128kbps.m4a ## 45. स्तिफनुस होर फिलिप्पुस https://openbiblestories.org/l/kfx-x-innerseraji/story-45/ ![](https://cdn.door43.org/obs/jpg/360px/obs-en-45-01.jpg) पहिले मसीही गुरु में रे मंझा में स्तिफनुस ना रअ एक मनश थी। सबे लोका तेऊरा आदर करा थी। पवित्र आत्मा तेऊ वे बहु सामर्थ होर बुधि दीनी थी। जेबा तेऊ यीशु पेंदे विशवास करणे रे बारे में त्यावे शिक्षा दीनी,तेवा तेऊ री शिक्षा का बहु लोके यीशु पेंदे विशवास करू। ![](https://cdn.door43.org/obs/jpg/360px/obs-en-45-02.jpg) एकसा दिहाड़ी, स्तिफनुस यीशु रे बारे में शिक्षा दिंदअ लागअ थी, होर एखा एडे यहूदी आये जासुये यीशु पेंदे विशवास नाई करू, त्याहे तेऊ संघे वाद-विवाद करणा शुरू करू। त्या बखे रोष आउआ ,तेवा त्या धार्मिक गुरु सेटा नाठे होर तेऊ रे बारे में झूठ बोलू। त्याये बोलू, "हामे स्तिफनुस को मूसा होर परमेश्वरा रे बारे में बुरी गल्ला बोलदे शुणी दे साहा!" तेवा धार्मिक अगुवे स्तिफनुस ढाकु होर सह महायाजक होर यहूदिये ते होरी गुरु जेहा वे आणु। होरा भी झूठे गवाह आऊये होर त्याये स्तिफनुसा री बारे में झूठ बोलू। ![](https://cdn.door43.org/obs/jpg/360px/obs-en-45-03.jpg) महायाजके स्तिफनुस का पूछु, "कैह या लोका तेरे बारे सची बोलदे लागेदे साहा?" स्तिफनुसे महायाजका वे जवाबा दीणे री तणी बहु गला बोलणी शुरू करी। तेउये बोलू कि अब्राहमा रे बकते होर यीशु रे बकते तणी परमेश्वरे इस्राएला रे लोका री तणी बहु अनोखे काम करीदे साहा। पर लोके सदा परमेश्वरा री आज्ञा नाई मनी थी। स्तिफनुसे बोलू, "तमे लोका परमेश्वरा रे खिलाफ हठीले होर झगदे करणे आल़े लोका साहा। तमे सदा पवित्र आत्मा नाई मनी, जेड़ा कि हमारे बजुर्गे सदा पवित्र आत्मा नाँई मनी थी होर सदा त्या रे भविष्यद्वक्ता मारी पाई थी। पर जोह त्याये करूदा थी तेतकी तुलना में तमे होर भी बुरा करू थी ! तमें मसीहां मारी पाऊ !" ![](https://cdn.door43.org/obs/jpg/360px/obs-en-45-04.jpg) जेबा त्याहे धार्मिक गुरु यह शूणू कि तेबा त्यहा एथरा रोष आऊआ, कि त्याहे आपणे कनेट बंद करी होर जोरे सगे बोलू। त्याहे स्तिफनुस घशिटी करे नगरा का बागे नीऊ, होर तेऊ मारने री तणी तेऊ बे पाथरे बाही। ![](https://cdn.door43.org/obs/jpg/360px/obs-en-45-05.jpg) जेबा स्तिफनुस मरी चालु थी, तेबा तेऊ बोलू, " हे यीशु, मेरी आत्मा ग्रहण कर!" तेबा सह पडू होर भीका बोलू, "है प्रभु यह पाप याहा पेंदे नाँई आणे।”तेता बाद सह मुअ। ![](https://cdn.door43.org/obs/jpg/360px/obs-en-45-06.jpg) तेसा दिहाड़ी, यरूशलेमा में यीशु मसीह मनण आल़े आल़े बहु सारे लोका सताणे शुरू करी , तेवा विश्वासी लोका होरी जगहा वे ठुरी। पर एता बाद त्या जही भी नाठे त्याए तखे यीशु रा प्रचार करू। ![](https://cdn.door43.org/obs/jpg/360px/obs-en-45-07.jpg) फिलिप्पुस ना रअ एक मणश यीशु पेंदे विशवास करा थी। जैडा कि होरा विशवासी लोका ठुरी तेडअ सह भी यरूशलेमा का ठुरु। सह सामरिया रे नगरा में नाठअ। त्खे तेउये लोका में यीशु रे बारे में प्रचार करू। बहु लोके तेऊ पेंदे दुशाह करू होर उदार पाउ। एकसा दिहाड़ी, फिलिप्पुसा सेटा परमेश्वरा री तरफा का एक स्वर्गदूत आउअ होर सह एक सुनसान जागहा बे नाहणे री तणी एकी सड़का में हांडणे वे बोलू। फिलिप्पुस तखे नाठअ जेवा सह तेसा सडका हाडदअ लागदअ थी, तेवा तेउये एक मनश आपणे रथा में नाह्दअ हेरू। यह मनश कूश देशा रअ एक महत्वपूर्ण अधिकारी थी। पवित्र आत्मा फिलिप्पुसा का बोलू कि नाशी करे तेऊ मनशे संघे संघे हांड। ![](https://cdn.door43.org/obs/jpg/360px/obs-en-45-08.jpg) तेवा फिलिप्पुस रथा सेटा नाठअ। तेउये तेऊ कुश देशा रे अधिकारी बे परमेश्वरा रअ वचन जोह यशायाह भविष्यवक्ता लिखू दअ थी, पढ़ी करे शूणाऊ शुणू, “त्याहे सह काटणे बे भेडा साही नीऊ,होर जेड़े एक भेडा रअ शोहरू ऊणा काटते बक्त चुप रहंदा, तेडा तेऊ किछे नाँई बोलू। तयाहे तेऊ सगे बुरा व्यवहार करू होर तेऊरा आदर नाँई करू। होर तेऊरे प्राण लई। ” ![](https://cdn.door43.org/obs/jpg/360px/obs-en-45-09.jpg) फिलिप्पुसे तेऊ कूश देशा रे अधिकारी से का पुछु, "जोह तुह पढदअ लागदअ साहा कैह तुह तेऊ समझदा भी ?" तेऊ कूशी अधिकारी जवाब दिना, " नाई। जेबरे तणी माह कुण एत्के बारे में नाई समझाये, तेबरे तणी हाउ एता नाइ समझी सकदअ। कृपा करी करे माह सेटा बेश। यशायाह यह आपणे बारे में लिखु थी कि होरी रे बारे में ?" ![](https://cdn.door43.org/obs/jpg/360px/obs-en-45-10.jpg) फिलिप्पुस रथा में बैठअ। तेवा तयूये तेऊ कूशी अधिकारी वे वचन समझाऊ,जोह यशायाह यीशु री बारे में लिखुदा थी। फिलिप्पुसे सह परमेश्वरा रे वचन होर भी खोज। एउ साबे तेऊ कुशी आधिकारी बे यीशु रे बारे में शुभ समाचार शूणाऊ, होर तेऊ अधिकारी यीशु पेंदे विशवास करू। ![](https://cdn.door43.org/obs/jpg/360px/obs-en-45-11.jpg) फिलिप्पुस होर सह कूशी हांडदे हांडदे नई सेटा पूजे। तेऊ कूशी अधिकारी बोलू , "हेर !अखे पाणी साहा! कैह हाउ लइ सका?" फिलिपुसे बोलू, “अगर तूह आपणे मना में विशवास करा, तेबा तूह लई सका तेऊ बोलू हाऊ विशवास करा की यीशु परमेश्वरा रअ शोहरू आसा तेबा तेऊ आपणे सपाही बे रथा रोकणे बे बोलू। ![](https://cdn.door43.org/obs/jpg/360px/obs-en-45-12.jpg) तेबा त्या पाणी सेटा नाठे, होर फिलिप्युसे तेऊ कुशी अधिकारी बे बपतिस्मा दीना जेबा त्या पाणी में का बापिस आए, तेबा पवित्र आत्मा रे सामर्था का फिलिप्युस दूजी जागहा पूजअ। फिलिप्युसे तखले लोका बे खोजणा जारी डाहु। ![](https://cdn.door43.org/obs/jpg/360px/obs-en-45-13.jpg) सह कूशी आपणे घरा री यात्रा में ज़ेह नाठअ। सह खुश थी कि सह एवा यीशु जाणदा थी। *प्रेरितों के काम 6:8-8:5; 8:26-40 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_45_128kbps.m4a ## 46. पौलुसा रा मसीहा पेंदे विशवास करना। https://openbiblestories.org/l/kfx-x-innerseraji/story-46/ ![](https://cdn.door43.org/obs/jpg/360px/obs-en-46-01.jpg) शाऊल ना रअ एक मनश थी जासुये यीशु पेंदे विशवास नाँई करदअ थी। जेबरे सह जुआन थी, तेवरे तेयूये स्तिफनुसा वे मारणे आल़े लोका रे झिकड़े री निगरानी करी थी। बाद में,तेउये विश्वासी लोका तग करी थी। तेउये यरूशलेमा में घरे –घरे नाशी कर्रे मर्द होर वेटडी दुही ढाकी करे जेला में पाई थी। तेवा महायाजके शाऊल वे दमिश्क नगरा में नाहणे री आज्ञा दीनी। महायाजके तेऊबे बोलू दमिश्क शहरा में नाह होर तखे मसीहा लोका ढाकी करे बापिस यरूशलेम शहरा बे आण। ![](https://cdn.door43.org/obs/jpg/360px/obs-en-46-02.jpg) तेउकी शाऊले दमिश्क नाहणे री यात्रा शुरू करी। तेऊ शहरा का पूजणे का थोड़े ही पहिले, तेऊ रे चहु तर्फे होर सरगा का एक शेता परयाशा चमकु, होर सह धरती पेंदे पडू। शाऊले कुण बोलदअ शुणू, "हे शाऊल! हे शाऊल! तूह माह किवे सताउदअ लागदअ साहा?" शाऊले पुछु , "हे प्रभु, तूह कुण साहा?" यीशुये उतर दीना, "हाउ यीशु साहा। तूह माह सताऊदअ लागदअ साहा !" ![](https://cdn.door43.org/obs/jpg/360px/obs-en-46-03.jpg) जेवा शाऊल उठू तेवा सह हेरी नाँई सकदअ थी। तेऊ रे साथी सह दमिश्क वे आणू थी। शाऊले चीइ दिहाड़ी तणी किछे भी नाँई खाऊ थी। ![](https://cdn.door43.org/obs/jpg/360px/obs-en-46-04.jpg) दमिश्क में हनन्याह ना रअ एक यीशु रअ चेलअ थी। परमेश्वरे तेऊ वे बोलू, "तेऊ घरा वे नाह जखे शाऊल रुकूदअ साहा। आपणे हाथा तेऊ पेंदे डाह कि सह भीआ का हेरदअ लागे।" पर हनन्याह बोलू, "हे प्रभु, माई शुणू दा साहा कि एउ मनशे विश्वासी कैडे तग करी दे साहा।" परमेश्वरे तेऊ वे जवाब दिना, "नाश! माई सह यहूदियों में होर दूजी जाति रे लोका में मेरे ना री घोषणा करने री तणी चुनुदअ साहा। तेऊ मेरे ना री तणी बहु कष्ट सेहणे।" ![](https://cdn.door43.org/obs/jpg/360px/obs-en-46-05.jpg) तेवा हनन्याह शाऊला सेटा वे नाठअ, होर आपणे हाथ तेऊ पेंदे डाही, होर बोलू, "यीशुये, जोह अखे इहंणे का तेरी वाता ताह पेंदे प्रकट होऊ थी, हाउ ताह सेटा वे भेजूदअ साहा कि तुह भीआ का हेरे, होर पवित्र आत्मा ताह भरे।" एक दम शाऊला री आछी बापिस आई होर सह भीआ का हेरदअ लागअ, होर हनन्याह तेऊ वे बपतिस्मा दिना। तेवा शाऊले खाणा खाऊ होर भीआ का शक्तिशाली होऊ। ![](https://cdn.door43.org/obs/jpg/360px/obs-en-46-06.jpg) तेवरी का, शाऊले दमिश्का में रहणे आल़े यहूदियों में यीशु रा प्रचार करणा शुरू करू। तेयूये बोलू, "यीशु ही परमेश्वरा रअ शोहरू साहा!" यहूदी लोका हैरान थी, किबेकी शाऊले विश्वासी लोका बे मारणे री कोशिश करी थी, पर एवा तेउये यीशु में विश्वास करू थी। शाऊले यहूदी संघे वाद-विवाद करू। तेऊये रिहाऊ कि यीशु ही मसीह थी। ![](https://cdn.door43.org/obs/jpg/360px/obs-en-46-07.jpg) बहु दिहाड़े बाद, यहूदी लोके शाऊला मारणे री स्कीम बणाई। त्याये तेऊ मारणे री तणी नगरा रे बड़े दूआरा सेटा लोका भेजी। कि तेऊ री निगरानी करें पर शाऊले तेसा स्कीमा रे बारे में शुणू, होर तेऊरे सगी बची करे निखलणे में तेऊ री सहयता करी। एकसा राची त्याये सह टोकरी बशयाली करे नगरा री भीती का उन्धे उतरी | दमिश्का का बची करे निखलणे का बाद शाऊले यीशु रे बारे में प्रचार करणा जारी डाहू। ![](https://cdn.door43.org/obs/jpg/360px/obs-en-46-08.jpg) शाऊल प्रेरिता वे मिलणे री तणी यरूशलेमा वे नाठअ, पर त्या तेऊ का डरा थी। तेवा बरनबास ना रअ एक विश्वासी शाऊल प्रेरिता सेटा वे नीऊ। तेउये त्या वे खोजू कि शाऊले कैडे साबे हिमत करी करे दमिश्क शहरा में प्रचार करू थी। तेता बाद, चेले शाऊल स्वीकार करू। ![](https://cdn.door43.org/obs/jpg/360px/obs-en-46-09.jpg) एखा विश्वासी जोह यरूशलेमा रे तग करने बाद ठुरी थी, त्या दूर अंताकिया नगरा बे नाठे थी होर यीशु रे बारे में प्रचार करदा थी। अंताकिया नगरा में रहणे आल़े लोका बहु यहूदी नाई थी, पर पहिली बारी, त्या में बहु सारे लोका विश्वासी बणी थी। बरनबास होर शाऊल याह नउये विश्वासी लोका बे यीशु रे बारे में होर बहु सिखाउणे री तणी तखे नाठे, होर कलीसिया पाकी करी। यीशु पेंदे विशवास करणे आल़े पहिली बारी अंताकिया नगरा में ही "मसीही" होई। ![](https://cdn.door43.org/obs/jpg/360px/obs-en-46-10.jpg) एकसा दिहाड़ी , अंताकिया नगरा रे मसीही लोका ब्रतु रही करे प्रार्थना करदे लागेदे थी। पवित्र आत्मा त्या का बोलू, "मेरी तणी बरनबास होर शाऊला वे तेऊ कामा करणे री तणी अलग करा, जासु कामा करणे री तणी माई या शादी दे आसा।"तेवा अंताकिया री कलीसिया बरनबास होर शाऊला री तणी प्रार्थना करी होर त्या पेंदे आपणे हाथ डाही। तेवा तेऊ यीशु रे बारे में शुभ समाचार प्रचार करने री तणी दूजी जागहा भेजी। बरनबास होर शाऊले अलग-अलग जाति रे लोका वे शिक्षा दीनी, होर बहु सारे लोके यीशु में विशवास करू। *प्रेरितों के काम 8:3; 9:1-31; 11:19-26; 13:1-3 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_46_128kbps.m4a ## 47. फिलिप्पी में पौलुस होर सीलास https://openbiblestories.org/l/kfx-x-innerseraji/story-47/ ![](https://cdn.door43.org/obs/jpg/360px/obs-en-47-01.jpg) जेवा शाऊले सारे रोमी साम्राज्य में यात्रा करी, तेवा तेऊ आपणे रोमी ना "पौलुस" रा इस्तेमाल करना शुरू करू। एकसा दिहाड़ी, पौलुस होर तेऊ रअ साथी सीलास फिलिप्पी नगरा में यीशु रे बारे में शुभ संदेश शुणाउणे री तणी नाठे। त्या नगरा बागे नदी रे किनारे एकसा जगहा नाठे जखे लोका प्रार्थना करणे री तणी कठे होई दे थी। तखे त्या लुदिया ना री एकसा बेटड़ी का मिली जोह एक व्यापारी थी। सह परमेश्वरा का प्रेम करदा थी, होर तेऊरी आराधना करदा थी। ![](https://cdn.door43.org/obs/jpg/360px/obs-en-47-02.jpg) परमेश्वरे लुदिया रा मन यीशु रे शुभ समाचारा पेंदे विशवास करणे री तणी सक्षम करी। पौलुस होर सीलासे तेसा होर तेसके टबरा वे बपतिस्मा दिना। तेसे पौलुस होर सीलासा वे आपणे घरे रहणे री तणी बोलू , तेवा त्या तखे रुकी। ![](https://cdn.door43.org/obs/jpg/360px/obs-en-47-03.jpg) पौलुस होर सीलास लोका वे सदा तेसा जगहा भेटा थी, जखे यहूदी लोका प्रार्थना करदे रहंदा थी। रोज जेवा त्या तखे नाह्न्दा थी, तेबा एक सेबक लड़की जोह दुष्टात्मा जकड़ी डाही दी थी, त्या रा पीछा करदी रहंदा थी। एसा दुष्टात्मा रे सगे सह लोका रा भविष्य खोजदी रहंदा थी, तेवा सह भविष्य खोजणे आल़ी रे रूपा में आपणे मालका वे बहु ढबे खटे करा थी। ![](https://cdn.door43.org/obs/jpg/360px/obs-en-47-04.jpg) त्या नाह्दे वक्ते यह दासी शोहरी जोरे- जोरे बोल्दी लागी थी, "या मणश परम प्रधान परमेश्वरा रे सेवक साहा। या तमा वे उदार पाउणे री बाता खोजदे लागेदे साहा!" सह रोज एडा करदा थी जासु का पोलुस तग होऊ। ![](https://cdn.door43.org/obs/jpg/360px/obs-en-47-05.jpg) एकसा धयाडी जेवा सह सेबक शोहरी जोरे -जोरे बोल्दी लागी, तेवा पौलुसे तेसा फेरा वे फिरि करे तेसके मितरा री दुष्टात्मा वे बोलू, "यीशु रे ना का एसा का निखल।"तेऊ बकते तेसा शोहरी का दुष्टात्मा बागे निकदी। ![](https://cdn.door43.org/obs/jpg/360px/obs-en-47-06.jpg) तेसा शोहरी रे मालका बखे रोष होऊ। त्या पता लागा कि बिना तेसा दुष्टात्मा का सह दासी शोहरी लोका रा भविष्य नाँई खोजी सकदी थी। एतका मतलब यह थी कि लोका एवा तेसरे मालका वे ढबे नाँई दीणे कि सह त्या वे भविष्य खोजे कि त्या संघे कैह हुणा। ![](https://cdn.door43.org/obs/jpg/360px/obs-en-47-07.jpg) तेवा तेसा शोहरी रे मालके पौलुस होर सीलास रोमी अधिकारी सेटा वे निई। त्याये पौलुस होर सीलास चिकी, होर तेउकी त्या जेले पाई। ![](https://cdn.door43.org/obs/jpg/360px/obs-en-47-08.jpg) त्याये पौलुस होर सीलास जेला रे ऐडे हिस्से में डाही जखे सभी का ज्यादा सिपाही थी। होर त्याहे त्याहा री जांघा एकी लकडा रे एकी बड़े छेदा में बानी। पर पौलुस होर सीलास आधा राची रे बक्त , परमेश्वरा री स्तुति री गीआ गाउदे लागे थी। ![](https://cdn.door43.org/obs/jpg/360px/obs-en-47-09.jpg) तेबा एक दम, तगड़ी जाजरी होई ! जेला रे सारे दूआर खुली, होर सारे कैदी री जंजीर खुली। ![](https://cdn.door43.org/obs/jpg/360px/obs-en-47-10.jpg) तेवा दरोगा उठू। तेऊ हेरू कि जेला रे सारे दुआर खुलीदे दे थी। तेयूये सोचु कि सारे कैदी बची करे ठुरी हूँणे। सह डरू थी कि त्यारे ठुरणे री बजहा का रोमी अधिकारी हाऊ मारी पाउण, तेवा सह आपणे आपु वे मारणे री तणी त्यार होऊ ! पर पौलुस तेऊ हेरी करे जोरे बोलू, "रुक ! आपणे आप वे नुक्सान नाँई पजेरे। हामे सब्हे अखे साहा।" ![](https://cdn.door43.org/obs/jpg/360px/obs-en-47-11.jpg) तेऊ दरोगे काँमदे काँमदे पौलुस होर सीलासा सेटा इच्छी करे पुछु , "उदार पाउणे री तणी हाउ कैह करू?" पौलुसे जवाब दिना, "प्रभु यीशु पेंदे विशवास कर, तेवा ताह होर तेरे घराने उदार पाउणा।" तेवा तेऊ दरोगे पौलुस होर सीलास आपणे घरा वे नीई, होर त्या रे घाव धोई। पौलुसे तेऊ रे घरा रे सभी लोका वे यीशु रे बारे में शुभ समाचार सुणाउ। ![](https://cdn.door43.org/obs/jpg/360px/obs-en-47-12.jpg) दरोगा होर तेऊरे पुरे टबरे यीशु पेंदे विशवास करू, तेवा पौलुस होर सीलासे त्याबे बपतिस्मा दीना। तेवा दरोगे पौलुस होर सीलासा वे खाणा खिलाऊ, होर त्या एकी बारी कठे होई करे खुश होई। ![](https://cdn.door43.org/obs/jpg/360px/obs-en-47-13.jpg) आग़ले दिहाड़े नगरा रे गुरु पौलुस होर सीलास जेला का आजाद करी, होर त्या का बोलू फिलिप्पी नगरा का नाहा। पौलुस होर सीलास लुदिया होर एखा होरी साथी का मिली होर तेता बाद तेऊ नगरा का निखदे। यीशु रे बारे में शुभ संदेश फैलदा रहू, होर कलीसिया बढ़दी रही। ![](https://cdn.door43.org/obs/jpg/360px/obs-en-47-14.jpg) पौलुस होर होरी मसीही गुरु बहु नगरा री यात्रा करी। त्याये लोका वे यीशु रे बारे में शुभ समाचार शुणाउ। त्याये कलीसिया रे के विश्वासी लोका बे शिक्षा दीणे री तणी कईये चिठ्ठी भी लिखी। याह में एखा चिठ्ठी बाइबला री कताबा बणी। *प्रेरितों के काम 16:11-40 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_47_128kbps.m4a ## 48. यीशु ही सचअ मसीह आसा। https://openbiblestories.org/l/kfx-x-innerseraji/story-48/ ![](https://cdn.door43.org/obs/jpg/360px/obs-en-48-01.jpg) जेवा परमेश्वरे संसार बणाउ तेवा सब्हे सा रामबडा थी। आदम होर हब्बा एकी दूजे सगे प्रेम करदा थी, होर परमेश्वर का प्रेम करदा थी। किछे भी बीमारी या मऊत नाँई थी। परमेश्वर ऐडे ही संसारा चाह्न्दा थी। ![](https://cdn.door43.org/obs/jpg/360px/obs-en-48-02.jpg) शैताने सर्प बणी करे हव्वा संघे गल्ला करी, किबेकी सह तेऊ बे धोखा दीणा चाह्न्दा थी। तेवा हव्वा होर आदमें परमेश्वरा रे बिरोधा में पाप करू। किबेकी त्याये पाप करू थी तेवा धरती में रहणे आल़े सारे मणश मरदा साहा। ![](https://cdn.door43.org/obs/jpg/360px/obs-en-48-03.jpg) आदम होर हव्वा पाप करू थी, तेवा होर भी बुरा होऊ। त्या परमेश्वरा रे दुश्मन बणी। तेता बाद, हर एक मणशे पाप करुदा साह। हर एक मणश जन्मा का ही परमेश्वरा रअ दुश्मन साहा। परमेश्वर होर लोका रे बीचा में शान्ति नाँई थी। पर परमेश्वर त्या बे शान्ति दीणा चाहंदा थी। ![](https://cdn.door43.org/obs/jpg/360px/obs-en-48-04.jpg) परमेश्वरे बईदा करू की करी कि हव्वा रे वंशज सर्पा रअ मुड़ फालणअ। परमेश्वरे यह भी बोलू कि सर्पा त्याहा री जाघा डासणी। शैताना मसीह मारी पाउण, पर परमेश्वरा सह भीआ का जिउदअ करणअ। तेता बाद, मसीहा शैताना री शक्ति सदा बे खत्म करणी। कईये साला बाद , परमेश्वरे प्रकट करू कि मसीह यीशु साहा। ![](https://cdn.door43.org/obs/jpg/360px/obs-en-48-05.jpg) जोह पाणी परमेश्वर धरती में आणण आलअ थी तेऊ पाणी का तेऊ आपणे परिबार बचाई। तेऊ नूहां बे एक बडी किश्ती बणाउणे री तणी बोलू, एउ सावे परमेश्वरे त्या लोका बचाई जोह तेऊ पेंदे विशवास करदा थी। त्या सारे परमेश्वरा रे जरिए मारने लाईक थी, एउ सावे, त्या सब्हे रे सब्हे किबेकी त्याये पाप करूदा थी। पर परमेश्वरे त्या सभी बचाऊणे री तणी यीशु भेजू जासु पेंदे त्या विशवास करे। ![](https://cdn.door43.org/obs/jpg/360px/obs-en-48-06.jpg) कई शह साला तणी, याजक परमेश्वरा री तणी बलि चढ़ाउदे रही। तेबा की सभी लोके पाप करू तेबा की त्या सबे परमेश्वरा रे जरीए मारने लाईक थी। पर सह बलिदान त्या रे पाप माफ नाँई करी सके। यीशु सभी का बडअ महायाजक आसा। तेऊ सह करू जोह कोहे याजक नाँई करी सकदअ थी। तेऊ आपणे आपा बे बलिदान चढ़ाऊ, जोह हर एक मणशा रे पाप मटाई सकदा थी। तेऊ मनु की परमेश्वर सभी लोका रे पापा री सजा महा दे एउ साबे यीशु सिद्ध महायाजक थी। ![](https://cdn.door43.org/obs/jpg/360px/obs-en-48-07.jpg) परमेश्वरे अब्राहमा का बोलू, "माह ताह सगे संसारा रे सभी कुला बे आशीष दीणा।" यीशु एउ अब्राहमा रअ वंशज थी। परमेश्वरा अब्राहमा रे जरिए का सभी कुला बे आशीष दिंदा साहा, किबेकी जोह यीशु पेंदे विशवास करदा साहा परमेश्वर त्या सभी पापा का बचाउदा साहा। जासू भी यीशु पेंदे विशवास करू तयाहे पापा का छुटकारा पाऊ, होर परमेश्वर त्या अब्रहमा रे बंशज बड़ाऊन्द। ![](https://cdn.door43.org/obs/jpg/360px/obs-en-48-08.jpg) परमेश्वरे अब्राहमा का बोलू कि सह महा बे आपणे शोहरू इसाहाका री बलि चढा, पर तेउकी परमेश्वरे इसाहका रे बदले बलि चढ़ाऊणे बे एकी गाभु रा इंतजाम करू। हामे सब्हे आपणे पापा री तणी मारणे लायक थी ! पर परमेश्वरे हमारी जगहा मरणे री तणी यीशु वे बलिदाना रे रूपा में दिनअ। एसा बजहा का हामे यीशु बे परमेश्वरा रअ गाभु भी बोल्दा। ![](https://cdn.door43.org/obs/jpg/360px/obs-en-48-09.jpg) जेवा परमेश्वरे मिस्र में विपत्ति भेजी तेवा तेउये हर एकि इस्राएली परिवार बे बोलू, कि त्या एकी छेलू री बलि करे।तेऊ मेमने में किछे भी दोष नाँई होऊ लोडी। तेवा आपणे दुआरा री चौखटा पेंदे होर बगला में तेऊ त्या रे खून लाउणा थी। जेवा परमेश्वरे सह खून हेरू तेवा सह त्यारे घरा का ज़ेह नाठअ होर त्या रे पहिले शोहरू नाँई मारी। जेवा यह होऊ तेवा परमेश्वरे एता वे फसहा री जाच बोलू। ![](https://cdn.door43.org/obs/jpg/360px/obs-en-48-10.jpg) यीशु फसहां जाचा री एकी गाभु साही साहा। तेउये कधी भी पाप नाँई करू, तेवा तेऊ में किछे भी गलत नाँई थी। सह फसह री जाचा री धयाडी मारू। जेवा कुण यीशु पेंदे विशवास करदा साहा ,तेवा यीशु रा लहू तेऊ मनशा रे पापा री कीमत चुकाऊदा साहा। होर परमेश्वर री सजा तेऊ मनशा का हटा साहा। ![](https://cdn.door43.org/obs/jpg/360px/obs-en-48-11.jpg) परमेश्वरे इस्राएली लोके संघे एक वाचा बाँधी, किबेकी त्या ऐडे लोका थी जोह परमेश्वरे आपणे हुणे री तणी चुनी दअ साहा। पर एवा परमेश्वरे एडी वाचा बाँधीदी साहा जोह सभी वे साहा। अगर कासी भी जाती रअ कोहे भी मनश एसा नउइ वाचा स्वीकार करदा साहा, तेवा सह परमेश्वरा रे लोका में नाह्न्दा साहा। सह एडा तेवा करदा साहा क्योंकि सह यीशु पेंदे विशवास करदा साहा। ![](https://cdn.door43.org/obs/jpg/360px/obs-en-48-12.jpg) मूसा एक एडअ भविष्यद्वक्ता थी, जासुये परमेश्वरा रे वचना बड़ी सामर्थ संघे प्रचार करुदा थी। पर यीशु सभी भविष्यद्वक्ताओं का सभी का बडअ साहा। सह परमेश्वर साहा, तेवा जोह भी तेउये करू होर बोलू सह परमेश्वरा रे काम होर वचन थी। तेवा पवित्र-शास्त्र यीशु वे परमेश्वरा रअ वचन बोल्दा साहा। ![](https://cdn.door43.org/obs/jpg/360px/obs-en-48-13.jpg) परमेश्वरे राजा दाऊदे सगा बाईदा करू थी,कि तेरअ एक बंशज राजे रे साही परमेश्वरा रे लोका पेंदे सदा बे राज करणा। यीशु परमेश्वरा रअ शोहरू होर मसीह साहा, तेवा सह राजा दाऊदा रअ वंशज साहा, जोह सदा री तणी राज करी सकदा। ![](https://cdn.door43.org/obs/jpg/360px/obs-en-48-14.jpg) दाऊद तो इस्राएला रअ राजा थी, पर यीशु सारे संसारा रअ राजा साहा! सह भीआ का इहंणा, होर सदा री तणी आपणे राज्य में इंसाफ होर शान्ति सगे राज करणा। *उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_48_128kbps.m4a ## 49. परमेश्वरा री नऊई वाचा https://openbiblestories.org/l/kfx-x-innerseraji/story-49/ ![](https://cdn.door43.org/obs/jpg/360px/obs-en-49-01.jpg) एकी स्वर्गदूते मरियमा ना री एकी कुआरी शोहरी का बोलू, ताह परमेश्वरा रे शोहरू बे जन्म दीणा। सह एबरे कुँआरी थी, पर पवित्र आत्मा तेसा सेटा बे आउअ होर सह सुईदी होई। तेसे एकी शोहरू वे जन्म दिना जासका ना तेसे यीशु डाहू। तेवा, यीशु परमेश्वर होर मनश दुहे साहा। ![](https://cdn.door43.org/obs/jpg/360px/obs-en-49-02.jpg) यीशुये बहु सारे चमत्कार आल़े काम करी जासु का पता चला कि सह परमेश्वर साहा। सह पाणी पेंदे हाण्डू होर बागर शान्त करी। तेउये बहु सारे बीमार लोका ठीक करी, होर बहु सारे लोका का दुष्टात्मा काडी। तेउये मुंयेदे लोका जिउंदे करी, होर तेउये पांज रोटी होर दुई मछली का 5,000 लोका वे रज खाणा खिलाऊ। ![](https://cdn.door43.org/obs/jpg/360px/obs-en-49-03.jpg) यीशु एक महान शिक्षक भी थी। जोह किछ भी तेउये सिखाऊ, सह तेउये पुरे अधिकारे संघे सिखाउ। जोह सह लोका वे करणे बे बोल्दा थी सह त्याये करू लोडी किवेकी सह परमेश्वरा रअ शोहरू साहा। तेऊ लोका बे सिखाऊ की तमे दूजे लोका सगे तेहडा ही प्रेम करू लोडी,जेहडा प्रेम तमे आपु सगे करा। ![](https://cdn.door43.org/obs/jpg/360px/obs-en-49-04.jpg) तेयूये यह भी सिखाऊ कि तमा सभी चिजा का बहु होर आपणी संपत्ति का भी बहु परमेश्वरे सगे प्रेम डाहू लोडी। ![](https://cdn.door43.org/obs/jpg/360px/obs-en-49-05.jpg) यीशुये बोलू कि संसारा में कासी भी चीजा पाउणे का ठीक साहा परमेश्वरा रे राज्य में हुणा। तेउरे राज्य में तमा नाहणे री तणी जरूरी साहा कि परमेश्वर तमा वे थारे पापा का बचाये। ![](https://cdn.door43.org/obs/jpg/360px/obs-en-49-06.jpg) यीशुये बोलू कि तमा लोका हाऊ ग्रहण करणअ। होर परमेश्वरा त्या लोका बचाउणे। पर दूजे लोका हाऊ नाँई मनण। तेउये यह भी बोलू, एखा लोका रामबडी जमीना साही साहा, किबेकी त्या यीशु रे बारे में शुभ समाचार मना साहा, होर परमेश्वर त्या बचाऊदा। पर एखा लोका हांडणे री बाता जेहे पाके साह। परमेश्वरा वचन बेजे साही बाता में पडा, पर तखे किछे भी नांई लाग्दा। याहा लोका यीशु रे समाचारा नांई शूणदे। त्या तेऊ रे राज्य में ईहणे वे नांई करा। ![](https://cdn.door43.org/obs/jpg/360px/obs-en-49-07.jpg) यीशु बोलू कि परमेश्वर पापी सगे बहु प्रेम करा। यीशु पापी क्षमा करना चहान्दा होर त्या आपण पुत्र बडाऊण चाह्न्दा। ![](https://cdn.door43.org/obs/jpg/360px/obs-en-49-08.jpg) यीशु यह भी बोलू, की परमेश्वर पापा रे कामा का रोष करा। किबेकी आदम होर हबा पाप करू, तेबा त्यारे सारे बंशे भी पाप करू। एउ संसारा में रहण आलअ हर एक मणश पाप करा होर परमेश्वरा का दूर आसा। हर एक मणश परमेश्वरा रअ दुशमन आसा। ![](https://cdn.door43.org/obs/jpg/360px/obs-en-49-09.jpg) पर परमेशवरे एउ संसारा में रहण आल़े हर मणशा सगे एथरा ज्यादा प्रेम करू की तेऊ आपण एक्लोतअ शोहरु दीनअ की जोह कोई तेऊ पेंदे विशवास करे तेऊ तेऊरे पापा री सजा नाँई भेटे, पर परमेश्वर तेऊबे अन्त जिंदगी दे। ![](https://cdn.door43.org/obs/jpg/360px/obs-en-49-10.jpg) तमे मरणे लायक साहा, किबेकी तमें पाप करुदा साहा। परमेश्वरा रा रोष तमा पेंदे ठीक साहा ,पर थारी तणी, तेऊ आपणे शोहरू यीशु पेंदे रोष आउआ। तेउये यीशु वे क्रूसा री मऊत देई करे सजा दीनी। ![](https://cdn.door43.org/obs/jpg/360px/obs-en-49-11.jpg) यीशुये कदी पाप भी नाई करू, पर तेउकी तेऊए सजा होर मरणा स्वीकार करू। एउ सावे ,थारे पापा वे होर एउ संसारा में रहणे आल़े हर एकी मनशा रे पापा चुआकणे री तणी सह एक सिद्ध बलिदान थी। यीशुये परमेश्वरा री तणी आपणा बलिदान करू, तेवा परमेश्वर कासी भी पापा, अखे तणी कि बड़े बड़े पापा भी माफ करा साहा। ![](https://cdn.door43.org/obs/jpg/360px/obs-en-49-12.jpg) भले ही तमे बहु रामबडे काम करदा साह, पर याहा कामा रे जरिये परमेश्वर तमा नाँई बचाऊलअ । तेउरे दोस्त बणणे री तणी एडा किछे भी नाई साहा जोह तमे करी सका। एतके बजाए, तमा विशवास करणा साहा कि यीशु ही परमेश्वरा रअ शोहरू साहा, होर सह थारे बदले क्रुसा पेंदे मूअ ,होर यह भी कि परमेश्वरे सह भीआ का जिउन्दअ करू। ![](https://cdn.door43.org/obs/jpg/360px/obs-en-49-13.jpg) परमेश्वरा सह हर एक मनश बचाउणा जोह यीशु पेंदे विशवास करदा, होर तेऊ आपणे प्रभु स्वीकार करदा। पर सह तेऊ त्या नाई बचाऊणे जोह तेऊ पेंदे विशवास नाई करदा साहा। यह जरूरी नाई आन्दी कि तमे सेठ साहा या गरीब साहा, मर्द होले या बेटड़ी, बूढ़ले होले या जुआन, या तमें कही रहंदा। परमेश्वर तमा का प्रेम करदा साहा होर चाह्न्दा कि तमे यीशु पेंदे विशवास करे कि सह थारअ दोस्त बणी सके। ![](https://cdn.door43.org/obs/jpg/360px/obs-en-49-14.jpg) यीशु तमा शाददअ लागदअ साहा कि परमेश्वरा पेंदे विशवास करा, होर बपतिस्मा लआ। कैह तमे विशवास करदा कि परमेश्वरा रअ एकलौतअ शोहरू, यीशु ही मसीह साहा? कैह तमे विशवास करदा कि तमे एक पापी आसा, होर परमेश्वरा रे जरिये सजा पाऊणे रे लायक आसा? कैह तमे विश्वास करदा साहा कि थारे पाप वे मिटाउणे री तणी यीशु क्रूसा पेंदे मुअ? ![](https://cdn.door43.org/obs/jpg/360px/obs-en-49-15.jpg) अगर तमे यीशु पेंदे होर जोह तेऊ थारी तणी करुदा साहा तेऊ पेंदे विशवास करदा साहा, तेवा तमे एक मसीही साहा! शैताना आपणे अंधकारा रे राज्य में एवा तमा पेंदे राज नाँई करना। एवा परमेश्वरा आपणे प्र्याशे रे राज्य में तमा पेंदे राज करा साहा। तेउये तमें पापा करणे का रोकी दे साहा, जासु तमे करदा थी। तेउये तमा वे एक नउआ,जीबन दिनादा साहा। ![](https://cdn.door43.org/obs/jpg/360px/obs-en-49-16.jpg) अगर तमे एक मसीही साहा, तेवा जोह यीशुये करूदा साहा, तेतकी बजहा का परमेश्वरे थारे पाप क्षमा करी। एवा, परमेश्वर तमा एक दुश्मना का तमा एक सचअ दोस्त मनदा साहा। ![](https://cdn.door43.org/obs/jpg/360px/obs-en-49-17.jpg) अगर तमे परमेश्वरा रे दोस्त साहा होर प्रभु यीशु रे सेवक साहा तेवा तमे दुई गला रा मनणे री इच्छा करणी जोह यीशु तमा वे सिखाउदा साहा। भले ही तमें एक मसीही साहा, शैतान एवरे भी पापा करणे री तणी थारी परीक्षा करणी। पर परमेश्वर सदा सह करदा साहा जोह सह बोलदा साहा कि महा करणा। सह बोलदा साहा कि अगर तमें आपणे पापा मानले, तेवा तेऊ तमा वे क्षमा करणा। तेऊ तमा वे पापा रे खिलाफ लड़णे री ताकत दीणी। ![](https://cdn.door43.org/obs/jpg/360px/obs-en-49-18.jpg) परमेश्वर तमा वे प्रार्थना करणे होर वचना पढ़णे री तणी बोलदा साहा। सह तमा बे दूजे विशवासी सगे होरी विश्वासी संघे मिली करे तेऊ री आराधना करणे री तणी भी बोलदा साहा। तमा होरी लोका वे भी खोजणा साहा, तेउये थारी तणी कैह करुदा साहा। अगर तमे याह सभी कामा करले, तेवा तमें तेऊरे सचे दोस्त बडने। *रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से एक बाइबल की कहानी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_49_128kbps.m4a ## 50. यीशु रा भीआ का बापिस ईहणा https://openbiblestories.org/l/kfx-x-innerseraji/story-50/ ![](https://cdn.door43.org/obs/jpg/360px/obs-en-50-01.jpg) लगभग दुई हजार साला का, संसारा में सभी जागहा पर बहु का बहु लोका मसीहा यीशु रे बारे में शुभ समाचार शूणदे लागे दे आसा। होर कलीसिया बढ़दी लागी दी आसा। यीशुये बाईदा करू दा की सह संसारा रे अन्ता में बापिस इहण। पर सह एबरे बापिस नांई आऊओ, तेबा भी तेऊ आपणा बाईदा पूरा करना। ![](https://cdn.door43.org/obs/jpg/360px/obs-en-50-02.jpg) जेबरे हामे यीशु रे बापिस ईहणे नहयालदे लागेदे साहा , परमेश्वर चहंदा की हामे एडी जिंदगी जिये जोह पवित्र आसा होर तेता बे आदर दे। जेबा यीशु धरती में रहंद लागअ थी तेबा तेऊ बोलू, "मेरे चेले संसारा री हर एक जागहा रे लोका बे परमेश्वरा रे राज्य रे बारे में शुभ समाचार प्रचार करले तेबा संसारा रा अन्त हीहणा। " ![](https://cdn.door43.org/obs/jpg/360px/obs-en-50-03.jpg) बहु सारी जाति एबरे तणी यीशु रे बारे में नांई शूणु दा आसा। स्वर्गा का बापिस ईहणे का पहिले यीशुये मसीही लोका बे बोलू की त्या लोका बे शुभ समाचार शूणाआ, जासुये यह कधी भी शूणु दा नांई आंदा। तेऊ बोलू, "नांहा होर सभी जाति रे लोका मेरे चेले बणाआ!" होर कटाई करने बे खेच री फसल पाकी मुकी दी साहा!" ![](https://cdn.door43.org/obs/jpg/360px/obs-en-50-04.jpg) यीशु यह भी बोलू, "एक सेबक आपणे मालका का बडअ नांई हुन्दअ। एउ संसारा रे बड़े लोके महा का नफरत करी, होर मेरी बजा का त्या तमे भी चीकणे होर मारी पाऊणे। एउ संसारा में तमे दुखी हुणे, पर पाके बणा, किबेकी माए शैतान हराऊ दअ आसा जोह एउ संसारा में राज करा। अगर तमे अन्त तणी मेरे बुशाह में बणी रहले, तेबा परमेश्वरा तमे बचाऊणे!" ![](https://cdn.door43.org/obs/jpg/360px/obs-en-50-05.jpg) यीशु आपणे चले बे समझाऊणे बे यह कहाणी शूणाई की जेबरे संसारा रा अन्त हुंदा तेबरे लोका सगे केह हूँणा। यीशु बोलू , "कासु मणशे आपणे खेचे रामबड़ा बेजा बऊ। जेबा सह सूती चालु थी तेबा तेऊर दुशमण आओ होर गीहू रे बेजे में जगली बूटे रा बेजा मिलाऊ, होर तेउकी सह ठुरु।" ![](https://cdn.door43.org/obs/jpg/360px/obs-en-50-06.jpg) जेबा बेजा लागा तेबा नोकरे आपणे मालिका बे बोलू, 'हे मालका त्याए तो आपणे खेचे रामबड़ा बेजा बोउ थी तेबा या जगली बूटे कधा कअ लागे?' तेऊ मणशे उतर दीना, यह जगली बेजा मेरे दुशमने बऊ होला। ' ![](https://cdn.door43.org/obs/jpg/360px/obs-en-50-07.jpg) तेऊ नोकरे आपणे मालका बे उतर दीना, 'केह हामा जगली घाह पेची लोडी?' तेऊ मालके बोलू, 'नांई। अगर तमे एडा करले तेबा तमा तेता सगे कुछ गीहू भी पेचणे। पसला काटणे तणी रुका। तेबा जगली घाह एकी गाड़े में कठे करा की तमे याहा जाली सके। पर गीहू मेरे बक्सा में कठे करा। ![](https://cdn.door43.org/obs/jpg/360px/obs-en-50-08.jpg) चेले एसा कहाणी रा मतलब नांई समझू, तेबा त्याहे यीशु का बिनती करी की हामा एसा कहाणी रा मतलब समझा। यीशु बोलू, रामडे बेजे बऊण आलअ मणश यीशु मसीह साहा। खेच संसारा साहा। रामडा बेजा परमेश्वरा रे लोका रे बारे में खोजा। " ![](https://cdn.door43.org/obs/jpg/360px/obs-en-50-09.jpg) जगली घाह त्या लोका रे बारे में खोजा जोह शैताने सगे सम्बंद डाहन्दा। फसला री कटाई एउ संसारा रा अन्त हुणे रे बारे में खोजा। होर कटाई करन आल़े लोका परमेश्वरा रे लोका रे बारे में खोजा। ![](https://cdn.door43.org/obs/jpg/360px/obs-en-50-10.jpg) जेबरे संसारा रा अन्त हुणा, तेबा स्बर्गदूत शैताना रे सभी लोका कठे करने। त्या स्वर्ग दूत त्या नरका री आगि में फेकणे तखे त्या लोका दुःख हुणे री बजा का बहु लेरने होर त्या आपणे दाद पिशणे। पर जोह लोका धर्मी आसा त्या पिता परमेश्वरा रे राज्य में सुरजा जेहे चमकणे। त्या स्वर्गदूता त्या एकी बहु गर्म आगि में फेकणे। तखे त्या लोका बहु बड़े दुखा में हुणे, होर त्या लेरने होर बहु दुखी हुणे। पर जोह लोका धर्मी साहा जोह यीशु जाणा, त्या परमेश्वर पिता रे राज्य में सुरजा जेहे चमकणे। ![](https://cdn.door43.org/obs/jpg/360px/obs-en-50-11.jpg) यीशु यह भी बोलू की संसारा रा अन्त हुणे का पहिले तेऊ धरती में बापिस हीहणा। सह तेऊ तरीके सगे बापिस हीहणा जेडअ सह नाठअ थी। मतलब तेऊ सेटा हाड होर मास हूँणा, होर सह सरगा में बादला पेंदे सवार होई करे इहण। जेबरे यीशु बापिस ईहणा, तेबा हर एक मसीह जोह मरी मुके दे साहा त्याह जिउंदे हुण, होर यीशु सगे सरगे मिलणे । ![](https://cdn.door43.org/obs/jpg/360px/obs-en-50-12.jpg) होर तेऊ वक्ते जोह मसीहा लोका जिउंदे हुणे त्या सभे तखे यीशु सगे हुणे, होर त्या दूजे लोका सगे मसीहा में शामिल हुणे जोह मरीदे में जिउंदे हुणे त्या सभे तखे यीशु सगे जिउंदे हुणे। त्या सभे तखे यीशु सगे हुणे एता बाद यीशु आपणे लोका सगे सदा बे पूरी शान्ति सगे रहणे। ![](https://cdn.door43.org/obs/jpg/360px/obs-en-50-13.jpg) यीशु तेऊ पेंदे बुशाह करन आल़े हर एकी मणशा बे एक मुकटा दीणे री कसम खाई दी आसा। त्या सदा बे परमेश्वरा सगे हर चीजा पेंदे राज करणा। त्या सेटा सिद्ध करी दी शान्ति हुणी। ![](https://cdn.door43.org/obs/jpg/360px/obs-en-50-14.jpg) पर परमेश्वरा त्या सभी रा इन्साफ करणा जोह यीशु पेंदे विशवास नांई भी करदे त्या तेऊ नरका में फेकणे जखे त्या लेरने होर दाद पिशणे, होर त्या सदा दुखी रहणे। कधी नाँई हीशण आली आग लागातार त्या जाल्दी रहणी, होर कीड़े त्या सदा खांदे रहणे। ![](https://cdn.door43.org/obs/jpg/360px/obs-en-50-15.jpg) जेबा यीशु बापिस हीहण, तेबा तेऊ शैतान होर तेऊरा राज्य सदा बे नष्ट करणा। यीशु शैतान नरका में पाऊण। सह शैतान सदा बे जलदअ रहण, त्या सभी सगे जासुये परमेश्वरा री गला मनणे का मना करी करे शैताने सगे हांडणे रा फैसला करू थी। ![](https://cdn.door43.org/obs/jpg/360px/obs-en-50-16.jpg) किबेकी आदम होर हबा परमेश्वरा री आज्ञा नांई मनी थी, होर त्याहे पाप एउ संसारा में आणू थी, परमेश्वरे एउ संसारा बे श्राप दीना, होर एउ नष्ट करने रा फैसला करू।पर कासु धयाडी परमेश्वरे एक नऊय स्बर्ग होर एक नई पृथ्वी री रचना करणी। ![](https://cdn.door43.org/obs/jpg/360px/obs-en-50-17.jpg) यीशु होर तेऊरे लोका तेसा नई धरती में रहणे ,होर यीशु तखे सदा बे सभी चीजा पेंदे राज करणा। तेऊ लोका री आछी का हर एक आशु टूशणे। तखे कोहे भी बीमार होर दुखी नांई हुणे। त्याहा कधी नाँई लेरना। त्या बीमार नांई हुणे होर त्या नांई कधी मरने। होर तखे किछे भी बुराई नांई हुणी। यीशु आपणे राज्य में न्याय सगे होर शांति सगे राज करणा। सह सदा बे आपणे लोका सगे रहण। *मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 में का बाइबला री कहाणी* Audio: https://git.door43.org/OBS-TLF/kfx-x-innerseraji_obs/releases/download/v1/kfx-x-innerseraji_obs_v1_50_128kbps.m4a