# unfoldingWord Open Bible Stories — Outer Seraji - Language code: `kfx-x-outerseraji` - Canonical page: https://openbiblestories.org/l/kfx-x-outerseraji/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Outer Seraji translation; it is not a translation of the whole Bible. ## 1. सृष्टी https://openbiblestories.org/l/kfx-x-outerseraji/story-1/ ![](https://cdn.door43.org/obs/jpg/360px/obs-en-01-01.jpg) बिधाता बणांअ सारअ भ्रमंड और तेते सोभै गल्ला छ़हा धैल़ी भितरी। तधू आसा ती धरती पठी शुन्नीं, डुघै पाणीं प्रैंदै रहा त न्हैरअ और पाणीं प्रैंदै रहा त बिधातो शाह बगदअ लागी। ![](https://cdn.door43.org/obs/jpg/360px/obs-en-01-02.jpg) तेखअ बोलअ बिधाता, “प्रैशअ हअ,” करने हुअ प्रैशअ। प्रैशै लै बोलअ बिधाता धैल़ी। करने किअ प्रैशअ न्हैरै का ज़ुदअ तेता लै बोलअ तेऊ राच। पैहली धैल़ी किअ बिधाता प्रैशअ। ![](https://cdn.door43.org/obs/jpg/360px/obs-en-01-03.jpg) दुजी धैल़ी बोलअ बिधाता, “पाणीं मांझ़ै लोल़ी इहअ फरक हुअ कि पाणीं लोल़ी दूई बाखा लै बांढुअ।” सह हुअ तिहअ ई ज़िहअ बिधाता बोलअ त। उंधै और उझे पाणीं मांझ़े ज़ैगा लै बोलअ बिधाता सरग। ![](https://cdn.door43.org/obs/jpg/360px/obs-en-01-04.jpg) चिऊथी धैल़ी बोलअ बिधाता, “सरगा हेठो पाणीं लोल़ी एकी ज़ैगा कठा हुअ, करने लोल़ी शुक्की ज़िम्मीं शुझुई, ज़िहअ बिधाता बोलअ, सह हुअ तिहअ ई। बिधाता बोलअ शुक्की ज़ैगा लै धरती, ता ज़ुंण पाणीं कठा हुअ तेऊ लै बोलअ तेऊ समुंदर। आपणैं इना कामां भाल़ी करै हुअ बिधाता खुश। ![](https://cdn.door43.org/obs/jpg/360px/obs-en-01-05.jpg) तेखअ बोलअ बिधाता, “धरती दी लोल़ी हरेकी ज़ातीए डाल़-बूट टिप्पै।” ज़िहअ बिधाता बोलअ त, सह हुअ तिहअ ई। आपणैं इना कामां भाल़ी करै हुअ बिधाता खुश। ![](https://cdn.door43.org/obs/jpg/360px/obs-en-01-06.jpg) च़ौथी धैल़ी बोलअ बिधाता, सरगा दी लोल़ी ज़ोती हुई, और सुरज़, ज़ोथ, तारै लोल़ी प्रगट हुए। बिधाता डाही तिंयां दूई ज़ोती सरगा दी एते तैणीं कि तिंयां धरती दी प्रैशअ करे और तिंयां धैल़ी और राची, ऋता और सालो भेद प्रगट करें। ![](https://cdn.door43.org/obs/jpg/360px/obs-en-01-07.jpg) पांज़ूई धैल़ी बोलअ बिधाता, “पाणीं लोल़ी ज़िऊंदै ज़ीबा करै भरी हुअ, और च़ेल्लू-पखीरू लोल़ी धरती उझै सरगै डैऊंदै लागै।” इहअ करै बणांऐं बिधाता धतरतीए सोभै ज़ीब, पाणीं दी रहणैं आल़ै सोभै ज़ीब और च़ेल्लू-पखीरू। आपणैं इना कामां भाल़ी करै हुअ बिधाता खुश। तेऊ दैनी तिन्नां लै बर्गत। ![](https://cdn.door43.org/obs/jpg/360px/obs-en-01-08.jpg) सृष्टीए छ़हुई धैल़ी बोलअ बिधाता, “धरती का लोल़ी हरेकी ज़ातीए ज़िऊंदै ज़ीब मतलब घरेलू घरकै डागै-चैणैं, धरती दी हांढणै-फिरनैं आल़ै ज़ीब और बणकै ज़ीबो लोल़ी हरेकी ज़ातीए साबै ज़ल्म हुअ। ” ज़िहअ बिधाता बोलअ त सह हुअ तिहअ ई। आपणैं इना कामां भाल़ी करै हुअ बिधाता खुश। ![](https://cdn.door43.org/obs/jpg/360px/obs-en-01-09.jpg) तेखअ बोलअ बिधाता इहअ, “ऐबै बणांणैं हाम्हां मणछ आपणैं रुपै आप्पू ज़िहै और तिन्नां लै दैणअ संसारे सोभी ज़ीबा प्रैंदै हक कि तिंयां तिन्ना काबू डाही सके। ![](https://cdn.door43.org/obs/jpg/360px/obs-en-01-10.jpg) तेखअ बणांअ बिधाता धरतीए माटै का मणछ करने पाअ तेऊ दी ज़िऊंणेंओ शाह। एऊ मणछा नांअ डाहअ तेऊ आदमी। तेखअ बणांअ बिधाता अदन नांओंए जैगा एक बाग संघा डाहअ आदम तेऊ बागा दी ताकि सह तेते रखबाली करे। ![](https://cdn.door43.org/obs/jpg/360px/obs-en-01-11.jpg) तेऊ बागा मांझ़ा-मांझ़ी लाअ बिधाता ज़िन्दगीओ बूट ज़ुंण भलै और बूरे समझ़ दैई सा त। बिधाता किअ तेऊ मणछा लै इहअ हुकम, “तूह सका एऊ बागे होरी सोभी डाल़ा-बूटो फल़ खाई; पर ज़ुंण अह बागा दी मांझ़ा-मांझ़ी भलै और बूरे समझ़ दैणैं आल़अ बूट आसा, एतो फल़ निं तूह खाई। ज़हा धैल़ी तूह एतो फल़ खाए तैहा धैल़ी हणीं तेरी मौत। ![](https://cdn.door43.org/obs/jpg/360px/obs-en-01-12.jpg) तेखअ बोलअ बिधाता इहअ, “आदमीओ कल्ही रहणअ निं ठीक आथी, पर आप्पू लै निं तेऊ आदमी इहअ साथी भेटअ ज़ुंण तेऊ संघै ढब्बे। ![](https://cdn.door43.org/obs/jpg/360px/obs-en-01-13.jpg) तेखअ सताऊअ बिधाता सह आदमी घणीं निंजा दी, तेऊओ एक शल़्हअ काढी करै बणांईं बिधाता एक बेटल़ी, संघा निंईं सह तेऊ आदमी सेटा लै। ![](https://cdn.door43.org/obs/jpg/360px/obs-en-01-14.jpg) तेसा भाल़ी करै बोलअ तेऊ आदमी, “अह आसा बै मुंह ई ज़ेही, अह आसा मेरी देहीओ भाग और मेरअ आपणअ हाड-मास्स। मुंह डाहणअ ऐहा नांअ बेटल़ी।” तैही रहणअ मर्ध आपणैं ईजा-बाबा छ़ाडी करै आपणीं लाल़ी संघै मिली और तिंयां दुहै हणैं एक देही। ![](https://cdn.door43.org/obs/jpg/360px/obs-en-01-15.jpg) बिधाता बणांअ आदमी और बेटल़ी आपणैं रुपै आप्पू ज़िहै। बिधाता दैनी तिन्नां लै बर्गत; बिधाता बोलअ तिन्नां लै इहअ, “फल़ा-फूला संघा भर्हिया सारी पृथूई दी, तेखअ भाल़ी बिधाता तिंयां सोभै गल्ला ज़ुंण तेऊ बणांईं ती। बिधाता भाल़ी कि तिंयां सोभै गल्ला आसा बधिआ और तेता भाल़ी हुअ सह खुश। ![](https://cdn.door43.org/obs/jpg/360px/obs-en-01-16.jpg) बिधाता किअ सातुऐ धैल़ै आपणैं सोभै काम करी करै बशैघ। बिधाता दैनी सातुऐ धैल़ै लै बर्गत, सह धैल़ी डाही पबित्र धैल़ी किल्हैकि ऐहा धैल़ी किअ त बिधाता भ्रमंडे सोभी गल्ला बणांईं बशैघ। इहअ करै बणांअ बिधाता सारअ भ्रमंड और तेते सोभै गल्ला। *मूल़ धैअ 1-2 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_01_128kbps.m4a ## 2. संसारा दी पाप हणें शुरूआत https://openbiblestories.org/l/kfx-x-outerseraji/story-2/ ![](https://cdn.door43.org/obs/jpg/360px/obs-en-02-01.jpg) बिधाता ज़ुंण बाग बणांअ, आदम और तेऊए बेटल़ी लागै तेथ राज़ी-मौज़ी रहंदै। तिंयां तै खुश, झिक़ल़ै निं तिंयां बान्हदै तै नां तिन्नां तैहा गल्ले शरम हंदी ती किल्हैकि अज़ी तैणीं निं संसारै पाप आथी त। तिंयां रहा तै तेऊ बागा दी हांढदै-फिरदै लागी और बिधाता रहा त तिन्नां संघै गल्ला बाता लागी। ![](https://cdn.door43.org/obs/jpg/360px/obs-en-02-02.jpg) सोभी ज़ीबा जैंदरी आसा ती दानअ खास्सी च़लाक, एकी धैल़ै हुअ इहअ कि सह दानअ आई बेटल़ी सेटा संघा लागी इहअ पुछ़दी, “बिधाता कै सच्च़ी बोलअ तम्हां लै इहअ कि एऊ बागे निं कोही डाल़ा-बूटो फल़ खाई?” ![](https://cdn.door43.org/obs/jpg/360px/obs-en-02-03.jpg) तैहा बेटल़ी दैनअ दानुईं लै ज़बाब, “बिधाता आसा हाम्हां लै बोलअ द, कि हाम्हां सका एऊ बागे सोभी डाल़ा-बूटे फल़ खाई, पर ज़ुंण बूट एऊ बगिच़ै मांझ़ा-मांझ़ी आसा लागअ द, तेता लै आसा नांईं किअ द। तेता लै आसा बिधाता बोलअ द कि एऊ बूटो फल़ खाणअ ता दूर पर एता निं छ़ुंईं बी आथी। ज़हा धैल़ी हाम्हैं एतो फल़ खाए तैहा धैल़ी हणीं म्हारी मौत।” ![](https://cdn.door43.org/obs/jpg/360px/obs-en-02-04.jpg) तैहा दानुईं बोलअ बेटल़ी लै, “तम्हैं निं सच्च़ी च़ाल्लै मरी! बिधाता का आसा थोघ कि ज़हा धैल़ी तम्हैं एऊ बूटो फल़ खाए तैहा धैल़ी किज़ै हणअ और तम्हां का बी जाणअ शुझुई कि तम्हैं किज़ै किअ और तेभै हणैं तम्हैं बिधाता ज़िहै, ज़हा का भलै और बूरैओ थोघ आसा।” ![](https://cdn.door43.org/obs/jpg/360px/obs-en-02-05.jpg) सह बेटल़ी लागी भाल़ी कि सह बूट आसा हेरना लै मना लोभणैं आल़अ और एते फल़ बी शुझिआ कि एता खाई एछणअ सुआद और एता करै एछणी मुंह खास्सी समझ़-बुध बी। तैहा चोल़ै तेऊ बूटा का फल़ संघा पाअ आप्पू खाई, आपणैं लाल़ै लै बी दैनअ और तेऊ बी टाल्लअ खाई। ![](https://cdn.door43.org/obs/jpg/360px/obs-en-02-06.jpg) ज़ेतरी तिन्नैं फल़ खाअ ई त कि तिन्नां आई समझ़ कि तिन्नैं किज़ै किअ और तेखअ ज़ाण्हूंअ तिन्नां का इहअ कि तिंयां आसा नांगै। तेखअ बणांऐं तिन्नैं फेडूए बूटा का बडै-बडै पाच चोल़ी करै इहै झिकल़ै ज़ेता करै तिंयां आपणअ शरीर बुदरी सके। ![](https://cdn.door43.org/obs/jpg/360px/obs-en-02-07.jpg) तधू ज़ांऊं आदमी और तैहा बेटल़ी बागा दी बिधाता एछणें छ़ेल़ शूणीं, तिन्नां छ़ुटी डरै काम्मणीं संघा लुक्कै तिंयां बागा दी डाल़ा बूटा जैंदरी। बिधाता लाई तेऊ आदमी लै हाक्का संघा पुछ़अ इहअ, “तूह किधी आसा?” आदमी दैनअ इहअ ज़बाब, “बागा दी तेरी एछणें छ़ेल़ शूणीं करै छ़ुटी मुखा डरै काम्मणीं, किल्हैकि हुंह आसा त नांगअ, तैही लुक्कअ हुंह डाल़ा-बूटा जैंदरी।” ![](https://cdn.door43.org/obs/jpg/360px/obs-en-02-08.jpg) बिधाता पुछ़अ सह आदमीं, “लै ताखा कुंणी खोज़अ कि तूह आसा नांगअ? ज़ुंण बूट बागा मांझ़ा-मांझ़ी आसा, तंऐं हेरे तेतो फल़ किनी खाअ?” तेऊ आदमी दैनअ इहअ ज़बाब, “अह बेटल़ी ज़ुंण तंऐं मुंह संघै आसा डाही दी, ऐहा दैनअ मुल्है तेतो फल़ खाणां लै, मंऐं बी टाल्लअ सह खाई!” बिधाता पुछ़अ तैहा बेटल़ी का, “तंऐं किल्है किअ इहअ।” तैहा बेटल़ी दैनअ ज़बाब, “ऐहा दानुईं पाई हुंह कबैल़ै दी, तै खाअ मंऐं।” ![](https://cdn.door43.org/obs/jpg/360px/obs-en-02-09.jpg) तेखअ बोलअ बिधाता दानुईं लै, “ज़ुंण तंऐं अह इहअ किअ, ताल्है आसा सोभी घरकै डागै-चैणैं और बणें ज़ीबा का खास्सअ फिटक; ताह लागणअ सारी अमरा पेटा करै घिस्सरुई हांढणअ। ताह और ऐहा बेटल़ी मांझ़ै रहणीं सदा एकी दुजै संघै ज़ीद तेरी लुआद और ऐहा बेटल़ीए लुआदा रहणीं सदा लै एकी दुजै संघै ज़ीद। तिन्नां चल़ेपणअ तेरअ मूंड और ताह दैणअ तिन्नें घुंढी डाम्ह।” ![](https://cdn.door43.org/obs/jpg/360px/obs-en-02-10.jpg) तेखअ बोलअ बिधाता तेसा बेटल़ी लै बी, “सुंदा बारी हणीं तेरी बूरी दशा, तेरअ शाह रहणअ तेरै लाल़ै दी शाची और तेऊ करनअ ताह प्रैंदै राज़।”, ![](https://cdn.door43.org/obs/jpg/360px/obs-en-02-11.jpg) तेऊ आदमी लै बोलअ बिधाता इहअ, “आपणीं बेटल़ीए ज़ाणैं लागी खाअ तंऐं तेऊ बूटो फल़ ज़ेता खाणां लै मंऐं ताल्है नांईं किअ त। तेरै एऊ कर्मा पिछ़ू लागअ धरती लै फिटक, ताह लागणी सारी अमरा दुख भुगती करै एते पज़ैआ खाणीं। ताह लागणअ खेचै खटी करै आपणअ पेट भरनअ, पर धरती पज़ेरनै ताल्है बाण-भेखल़। ताह लागणीं ज़िऊंणां लै खास्सी मैन्थ करनी। ज़िहअ तूह मंऐं माटै का आसा बणांअ द, खिरी डेऊणअ तूह तेऊ ई माटै जैंदरी।” आदमी डाहअ आपणीं लाल़ी नांअ ज़नानी किल्हैकि ज़ेतरै बी धरती दी मणछ ज़िऊंदै आसा लागै दै, सह आसा तिन्नें मूल़ माता। तेखअ बणांऐं बिधाता पशूए खाल्हल़ी करै झिकल़ै संघा बन्हैऊंऐं तिंयां तेऊ आदमी और तेऊए लाल़ी लै। ![](https://cdn.door43.org/obs/jpg/360px/obs-en-02-12.jpg) तेखअ बोलअ बिधाता इहअ, “इना मणछा का गअ ऐबै भलै और बूरै दी तिहअ ई फरक समझ़ एछी ज़िहअ मुखा आसा थोघ। ऐबै इहअ निं हआ कि ईंयां तेऊ बूटे फल़ा बी खाए ज़ेता करै सदा रहा ज़िऊंदै।” एता पिछ़ू काढै बिधाता तिंयां मणछ अदने बागा का बागै। बिधाता डाहै तेखअ अदने बागा दी अमर ज़िन्दगी दैणैं आल़ै बूटे रखबाली करना लै स्वर्ग दूत। *मूल़ धैअ 3 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_02_128kbps.m4a ## 3. पाणींए प्रल़या https://openbiblestories.org/l/kfx-x-outerseraji/story-3/ ![](https://cdn.door43.org/obs/jpg/360px/obs-en-03-01.jpg) खास्सै बगता बाद रहै धरती दी खास्सै मणछ हंदै लागी, सोभै मणछ आसा आपणीं मन मरज़ी दी बूरी ज़िन्दगी ज़िऊंदै लागै दै। धरती हुऐ मणछ बेघै बूरै, “मंऐं हेरअ ऐबै सोठी कि मुंह करनै संसारे सोभै पठी मारी हक्क, किल्हैकि संसारा दी भर्हुअ पाप और सोभ लोग आसा बूरै कामां दी लागै दै। ![](https://cdn.door43.org/obs/jpg/360px/obs-en-03-02.jpg) पर धरती दी आसा त नूह नांओं मणछ; सह त सारी धरती दी कल्ही मणछ ज़ुंण धर्मीं आसा त। बिधाता किई नूहा लै झींण। तेखअ बोलअ बिधाता नूहा लै इहअ, “मंऐं लाई पाणींए प्रल़या छ़ाडी करै धरती दी सोभै ज़िऊंदै ज़ीब मारी। “ऐबै कर तूह इहअ, सरुए बूटे बधिया काठा करै बणांऐं एक ज़हाज़। ![](https://cdn.door43.org/obs/jpg/360px/obs-en-03-03.jpg) तेखअ बोलअ बिधाता नूहा लै, “ऐबै कर तूह इहअ, सरुए बूटे बधिया काठा करै बणांऐं एक ज़हाज़, भितरी बणांऐं तेथ पांडा संघा लेस्सै तेता बागा-भितरा संघी केल़ुईए सेल्हरै करै। तेता बणाऐं तूह 140 मीटर लाम्मअ, 23 मीटर बिरलअ और 13.5 मीटर उछ़टअ। “ज़हाज़ा दी बणांऐं चअन पांडा। एक ताक्की, और तेता उझै का पाऐ छ़ाप्पर और एकी बाखा डाहै तेथ दुआर। “संघा पाऐ तूह हरेकी ज़ातीए सोभी हांढणै-फिरनैं आल़ै ज़ीबे, डागै-चैणैं, च़ेल्लू-पखीरूए ज़ोल़ी-ज़ोल़ी नर-मादा आप्पू संघै ज़हाज़ा दी। हुंह च़ाहा इहअ कि तिंयां बी लोल़ी ताह संघै ज़िऊंदै बच़ै। ![](https://cdn.door43.org/obs/jpg/360px/obs-en-03-04.jpg) बिधाता ज़िहअ-ज़िहअ नूहा लै बोलअ, तेऊ किअ तिहअ ई। तेऊ और तेऊए सोभी शोहरू बणांअ ज़हाज़ तिहअ ई, ज़िहअ-ज़िहअ बिधाता खोजअ त, किल्हैकि सह ज़हाज़ आसा ता बडअ भारी बडअ। तेऊ बणांणैं लै लागी कई साला। नूह लागअ नढैऊऐ-नढैऊऐ सोभी लोगा का इहअ बी खोज़दा कि बिधाता आसा लाऐ दै पाणींए प्रल़या छ़ाडी करै धरतीए सोभी ज़ीब मारी पाई हेरे; धरती दी हणैं सोभै खतम! पर तिन्नैं किई तेऊए गल्ला सुहांगा लै! ![](https://cdn.door43.org/obs/jpg/360px/obs-en-03-05.jpg) बिधाता बोलअ नूहा लै इहअ, “आपणैं सोभी टबरा संघी डेओऐ ज़हाज़ा भितरी, संघा डाहै खाणैं-पिणें रंगा-रंगे च़िज़ा आप्पू संघै ज़हाज़ा दी झाल़ी। तैहा ई धैल़ी डेऊऐ नूह, तेऊए लाल़ी, आपणैं चिई शोहरू शैम, हीम, ज़बेद और तिन्नां चिई नुशा संघी ज़हाज़ा भितरी। तिंयां आसा तै सोभै आठ ज़हणै। ![](https://cdn.door43.org/obs/jpg/360px/obs-en-03-06.jpg) तिन्नैं निंयैं आप्पू संघै हरेकी ज़ातीए घरेलू पशू, धरतीए होर हांढणै-फिरनैं आल़ै ज़ीब और च़ेल्लू-पखीरू ज़हाज़ा दी। ज़ेतरै बी ज़िऊंदै ज़ीब आसा तै, तिंयां निंयैं नूहै नर-मादे साबै आप्पू संघै ज़हाज़ा दी। ज़िहअ बिधाता बोलअ त, ज़ांऊं तेऊ साबै सोभ ज़हाज़ा भितरी पुजै, तेखअ बुदरअ बिधाता ज़हाज़ो दुआर। ![](https://cdn.door43.org/obs/jpg/360px/obs-en-03-07.jpg) च़ाल़्ही धैल़ै रहअ धरती दी सरग कबल्लअ धैल़ी-राची हंदअ लागी। सारी धरती रही पाणीं करै भर्हदी लागी, खिरी भर्हुअ धरती दी एतरअ पाणीं कि, ज़ेतरी बी उछ़टी-उछ़टी धारा आसा, तिंयां डुबी सोभै पाणीं दी। ![](https://cdn.door43.org/obs/jpg/360px/obs-en-03-08.jpg) धरती दी ज़ेतरै बी ज़ीब, च़ेल्लू-पखीरू और मणछ आसा तै, तिंयां मूंऐं सोभै। खिरी लागअ ज़हाज़ धरती का पाणीं प्रैंदै तरदअ। बच़ै सिधै तिंयां हांढणै-फिरनैं आल़ै ज़ीब, च़ेल्लू-पखीरू और मणछ ज़ुंण नूहा संघै ज़हाज़ा भितरी आसा तै बेठै दै। ![](https://cdn.door43.org/obs/jpg/360px/obs-en-03-09.jpg) बिधाता किई सारी धरतीए तिंयां सोबल़ा बंद ज़िधा का पाणीं त लागअ द बागै निखल़दअ, और सरग बी कुआशुअ। एकी शौआ पज़ाह धैल़ी बाद लागअ पाणीं धरती दी कबल्लअ घटदअ। तैहा साले कातीए भिन्नैं सातूई धैल़ी टेक्कअ ज़हाज़ अरारात धारा प्रैंदै। पाणीं रहअ उंधै घटदअ लागी और दसुऐ भिन्नें पैहली धैल़ी शुझुई उछ़टी धारे च़ुंडी। ![](https://cdn.door43.org/obs/jpg/360px/obs-en-03-10.jpg) च़ाल़्ही धैल़ै बाद खोल्हअ नूहै ज़हाज़ो तीरू संघा छ़ाडअ एक काअ बागा लै, पर सह रहअ तेभै तैणीं डैऊंदअ लागी ज़ेभै तैणीं धरती दी पाणीं शुक्कअ निं आथी। ![](https://cdn.door43.org/obs/jpg/360px/obs-en-03-11.jpg) तेखअ छ़ाडी नूहै एक पालल़ी इहअ थोघ लाणां लै कि धरती दी पाणीं शुक्कअ कि नांईं। पाणीं आसा त अज़ी बी सारै दी, ज़ांऊं तैहा पालल़ी बेशणा लै किधी ज़ैगा निं भेटी; सह पुजी ज़हाज़ा दी बापस फिरी, नूहै किअ आपणअ हाथ तीरू बागै संघा ढाकी पालल़ी ज़हाज़ा भितरा लै। साता धैल़ै बाद छ़ाडी नूहै पालल़ी भिई बागा लै। सान्हां पुजी पालल़ी बापस ज़हाज़ा दी फिरी, च़ुंज़ी आणअ तेसा जैतूने बूटा का हरअ पाच। तेखअ हेरअ नूहै ज़ाणीं कि धरती दी गअ पाणीं घटी। ![](https://cdn.door43.org/obs/jpg/360px/obs-en-03-12.jpg) तेखअ न्हैल़ै तेऊ सात धैल़ै होर बित्तदै, संघा छ़ाडी सह पालल़ी और एसा बारी निं सह बापस फिरी आथी। धरती दी गअ त पाणीं खास्सअ थाल्लै तैणीं घटी। ![](https://cdn.door43.org/obs/jpg/360px/obs-en-03-13.jpg) तेखअ बोलअ बिधाता नूहा लै, “ऐबै निखल़ तूह आपणीं लाल़ी और नुशा-शोहरु संघी ज़हाज़ा का बागा लै। इना च़ेल्लू-पखीरू और धरतीए सोभी ज़ीबा बी काढ ज़हाज़ा का बागै ताकि ईंयां आप्पू मांझ़ै आपणीं-आपणीं ज़ातीए साबै फल़े-फूले और सारी धरती दी भर्हिए।” तेखअ निखल़ै नूह और तेऊए लाल़ी आपणैं नुशा-शोहरू संघी ज़हाज़ा का बागै। ![](https://cdn.door43.org/obs/jpg/360px/obs-en-03-14.jpg) नूहै बणांईं बिधाता लै एक बेदी कि सह तिधी बल़ीदान करी बिधाता हूम करी सके। तेखअ किऐ तेऊ छ़ांटी करै तिंयां पशू और च़ेल्लू-पखीरू हूम बल़ी ज़ुंण बल़ीदान करना लै शुचै आसा। बिधाता हुअ तेऊए बल़ीदाना करै खुश। तेखअ दैनी बिधाता नूहा और तेऊए शोहरू लै बर्गत। ![](https://cdn.door43.org/obs/jpg/360px/obs-en-03-15.jpg) तेखअ बोलअ बिधाता, “मेरी आसा ऐबै तम्हां संघै एही करार; ऐबै निं मुंह मणछे इना पापी कामां करनै पिछ़ू धरती लै सज़ा दैणीं, नां मुंह तिंयां ऐबै ज़ल-प्रल़या करै खतम करनै, एही ता आसा सोभी मणछे सोठ ई बूरी।” ![](https://cdn.door43.org/obs/jpg/360px/obs-en-03-16.jpg) तेखअ बोलअ बिधाता इहअ बी, “मेरी अह करार आसा तम्हां संघै सोभी ज़िऊंदै ज़ीबा लै बी, अह रहणीं तम्हां सोभी संघै जुगै-जुगै। सरगे फणैंरी ज़ुंण मेरअ मेघ धणश आसा सह हणअ एतो नछ़ैण। ज़ेभै सरगै बादल़ एछे, तेभै शुझणीं तम्हां का सह फणैंरी बादल़ा दी। तेभै करनी मुंह तम्हां और सोभी ज़ीबा संघै किई दी अह करार आद। *मूल़ धैअ 6-8 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_03_128kbps.m4a ## 4. अब्रामा संघै बी किई बिधाता करार https://openbiblestories.org/l/kfx-x-outerseraji/story-4/ ![](https://cdn.door43.org/obs/jpg/360px/obs-en-04-01.jpg) ज़ल प्रल़या हणें खास्सी साला बाद ज़ाऊं तिन्नें आद-लुआदे बडै-बडै देश और ज़ाती हुऐ; तिंयां बस्सै सारी धरती दी। संसारै भर्हुअ भी खास्सअ पाप और सोभ लोग शाचै बूरै ई कामां दी। किल्हैकि सारी धरती आसा ती एक्कै बोली, सोभै लोग हेरा तै आप्पू मांझ़ै एकी-दुजे गल्ला फैल़ी। तिंयां लागै आप्पू मांझ़ै एही गल्ला करदै, “एछा, हाम्हां बसाऊंणीं इधी एक बडी नगरी और सरगा छ़ुहदी उछ़टी कोठी।” ![](https://cdn.door43.org/obs/jpg/360px/obs-en-04-02.jpg) तिंयां आसा तै बडै भरी घमण्डी, तिंयां गऐ बिसरी कि बिधाते साबै केही ज़िन्दगी लागा जीऊंणीं। तिन्नैं छ़ाडै बिधाते हुकम मनणैं। तिंयां लागै आप्पू मांझ़ै एही गल्ला करदै, “एछा, हाम्हां बसाऊंणीं इधी एक बडी नगरी संघा बणांणी हाम्हां सरगै तैणीं उछ़टी कोठी।” बिधाता सोठअ इहअ, “इनै मणछै आसा एक्कअ किअ द। इहअ करै सका ईंयां आपणीं मन मरज़ी दी ज़िहअ च़ाहे तिहअ करी। ![](https://cdn.door43.org/obs/jpg/360px/obs-en-04-03.jpg) च़ाल्ला तै हाम्हां डेऊणअ उंधै संघा पाणअ हाम्हां इने बोली दी भिंघल़ तै निं इना आप्पू मांझ़ै एकी दुजे गल्ला फैल़णी।” बिधाता पाअ तिन्नें बोली दी भिंघल़, संघा निं तिंयां आप्पू मांझ़ै एकी दुजे गल्ला फैल़ी सकै। तेखअ पाई तिन्नैं तैहा नगरी और सरगै तैणीं उछ़टी कोठी बणांणें छ़ाड़, संघा छिंघुऐ तिंयां सारी पृथूई दी। तैही पल़अ तिधो नांअ बाबेल। बाबेल मतलब आसा “भिंघल़”। ![](https://cdn.door43.org/obs/jpg/360px/obs-en-04-04.jpg) खास्सी साला बाद किई बिधाता अब्रामा नांओंए एकी मणछ संघै गल्ला। बिधाता बोलअ तेऊ लै इहअ, “तूह डेऊ आपणैं रिश्तैदार और आपणैं टबरा छ़ाडी करै तेऊ देशा लै ज़ुंण मुंह ताखा रहैऊंणअ। “मुंह दैणीं ताल्है बर्गत और तेरी आद-लुआदा करै बणांणैं मुंह खास्सै देश। तूह हणअ इहअ मशूर कि ताह करै भेटणीं होरी देशे लोगा बी बर्गत। “ज़ुंण ताल्है भलअ करे तेऊ लै दैणीं मुंह बर्गत, पर ज़ुंण ताल्है फिटक दैए, तिन्नां लै दैणअ मुंह फिटक। पृथूईए सोभी ज़ातीए लोगा भेटणीं ऐबै ताह करै मुखा बर्गत।” ![](https://cdn.door43.org/obs/jpg/360px/obs-en-04-05.jpg) ज़िहअ बिधाता तेऊ लै बोलअ, तिहअ ई लागअ सह तिधा का आपणीं लाल़ी साराई, भतिज़ै लूता संघा लई आपणैं डागै-चैणैं और नोकर-च़ाकरा संघी कनान देशा लै हांढदअ जुंण देश बिधाता तेऊका रहैऊअ त। ![](https://cdn.door43.org/obs/jpg/360px/obs-en-04-06.jpg) ज़ांऊं अब्राम कनान देशै पुजअ, बिधाता बोलअ अब्राम लै, “ज़हा ज़ैगा तूह खल़्हुअ द आसा, तिधा का भाल़ च़ऊ दिशा बाखा फेर। ज़ेतरअ बी देश ताखा शुझिआ, सह दैणअ मुंह ताल्है और तेरै लुआदा लै, सारी सदा लै। तेखअ रहअ अब्राम आपणैं टबरा संघी कनान देशै। ![](https://cdn.door43.org/obs/jpg/360px/obs-en-04-07.jpg) मलिकिसिदक आसा त परम प्रधान परमेशरो परोहित। अब्राम फिरअ च़ऊ राज़ै का जुध ज़िती बापस। तेखअ पुजअ मलिकिसिदक अब्रामा सेटा मिलदअ। मलिकिसिदके दैनी अब्रामा लै बर्गत, संघा बोलअ अब्रामा लै, “हुंह दैआ ताल्है सारै भ्रमंडा बणांणैं आल़ै परम प्रधान परमेशरा बाखा बर्गत।” तेखअ दैनअ अब्रामे, सारी ज़ैदाता का दसुअ हेस्सअ मलिकिसिदक परोहिता लै।” ![](https://cdn.door43.org/obs/jpg/360px/obs-en-04-08.jpg) थोल़ै धैल़ै बाद किई बिधाता धैनै सुपनै अब्रामा संघै एही गल्ला, “अब्राम, तूह निं डरै आथी, तेरी रखबाली करूं हुंह आप्पै और ताह भेटणअ खास्सअ फल।” पर अब्रामै बोलअ बिधाता का इहअ, “हे प्रभू बिधाता सारअ बल आसा ताखा ई, तेरी इना बर्गतो मुल्है कै पुआज़अ हणअ! ज़ै आजू मेरअ शोहरू ई निं आथी?” ऐहा गल्ला शूणीं बोलअ बिधाता अब्रामा लै, “तेरअ हणअ आपणअ शोहरू, और ज़ुंण बी तेरअ आसा सह हणअ तेतो बारस।” तेखअ निंयं बिधाता अब्राम बागा लै संघा बोलअ इहअ, “सरगा बाखा लै भाल़, संघा गण इना तारै ज़ै तूह गणी सका, तेरी आद-लुआद बी हणीं इना तारै ज़ेही खास्सी।” ज़िहअ बिधाता बोलअ, अब्रामै किअ परमेशरे तिन्नां गल्ला दी विश्वास। ![](https://cdn.door43.org/obs/jpg/360px/obs-en-04-09.jpg) अब्रामा संघै किई बिधाता ऐही करार। करारअ हआ दूई दूई थोका मांझ़ो समझौतअ ताकि एकी-दुज़ेओ ओर्ही-पोर्ही काम-काज हई सके। बिधाता किई अह करार अब्रामा संघै तैहा घल़ी जेभै सह घणीं निंजा आस ता सुत्तअ द। पर तिंयां गल्ला ती उपनै बी तेऊए कानै शुंण्हदी लागी दी। तेखअ बोलअ बिधाता अब्रामा लै इहअ, “तेरी हणीं आपणीं आद-लुआद और अह ज़ैगा दैणीं मुंह ताल्है और आजू तिन्नां लै, ज़हा ज़ैगा दी तूह एभै परदेसी आसा। कनान देशे सारी ज़ैगा दैणीं मुंह सदा लै तेरी खांनदानी लै। पर तज़ी बी निं तेऊए लाल़ी साराईए लुआद हुई ती। *मूल़ धैअ 11-15 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_04_128kbps.m4a ## 5. करारे साबै अब्रामो शोहरू https://openbiblestories.org/l/kfx-x-outerseraji/story-5/ ![](https://cdn.door43.org/obs/jpg/360px/obs-en-05-01.jpg) अब्रामा गई ती कनान देशै रहंदी दस साला बित्ती, तज़ी बी निं तेऊए लाल़ी साराईए लुआद हुई ती। एकी धैल़ै बोलअ साराई अब्रामा लै, “बिधाता निं मुल्है लुआद दैनी, हुंह हुई प्रोढी, मेरी अह दासी आसा खारकी, तूह कर ऐहा संघै बैह, ज़ै एसरअ शोहरू होए; ता सह मनणअ मुंह आपणअ शोहरू।” ![](https://cdn.door43.org/obs/jpg/360px/obs-en-05-02.jpg) अब्रामै शूणअ तिहअ ई, अब्रामै किअ दासी हागारा संघै बैह। ज़ेभै हागारा का शोहरू हुअ, तेऊ डाहअ शोहरू नांअ इशमाईल। तेखअ किअ साराई हागारा संघै इहअ बभार कि तेसो हुअ संघा रहणअ ई कठण, खिरी पल़अ तैहा तिधा का दूर ठुहर्नअ। तेसो शोहरू इशमाईल आसा त तधू तेर्हा सालो। बिधाते किई तेखअ अब्रामा संघै भिई का गल्ला; ![](https://cdn.door43.org/obs/jpg/360px/obs-en-05-03.jpg) संघा बोलअ तेऊ लै इहअ, “हुंह आसा सह बिधाता ज़हा का सारअ बल आसा। ज़िहअ हुंह बोला; ज़ै तूह हर बगत तिहअ ई करे, तै रहणीं मेरी ताल्है अह करार और ताल्है दैणीं मुंह खास्सी आद-लुआद ज़हा कुंण गणी निं सकदअ।” अब्रामे टेक्कअ धरनीं उटी बाखा पल़ी करै माथअ संघा किई आराधना और बिधाता बोलअ तेऊ लै इहअ, “भाल़ मेरी आसा ताल्है करार कि तूह हणअ खास्सै देशे लोगो मूल़ बाब, कनान देशे सारी ज़ैगा दैणीं मुंह सदा लै तेरी खांनदानी लै और हुंह हणअ तिन्नों बी बिधाता। मेरअ सह बधान ज़ुंण तम्हां पोस्ती दर पोस्ती करनअ; सह आसा इहअ कि तम्हैं करै लान्हैं का प्रोढै तैणीं सोभी मणछो खतैर। अह हणअ ऐहा गल्लो नछ़ैण कि तम्हैं आसा मेरी करार आद डाही दी।” ![](https://cdn.door43.org/obs/jpg/360px/obs-en-05-04.jpg) बिधाता बोलअ इहअ बी, “तेरी बेटल़ी सारा का हणअ ताल्है एक शोहरू। सह तेरअ शोहरू हणअ करारे साबै असली शोहरू। तूह डाहै तेऊ नांअ इसहाक। मुंह करनी आपणीं करार तेऊ और आजू तेऊ का हुई दी आद-लुआदा संघै पूरी। मंऐं हेरअ शूणीं कि तंऐं इशमाईले बारै किज़ै बोलअ। मुंह दैणीं तेऊ लै बी बर्गत, तेऊ लै बी दैणीं मुंह खास्सी आद-लुआद। तेऊ का बी हणैं आजू बारा मुखियै और तेऊओ बी बणांणअ मुंह बडअ देश। पर मेरी करार हणीं इसहाका संघै। भाल़ मेरी आसा ताल्है करार कि तूह हणअ खास्सै देशे लोगो मूल़ बाब, तैही लाअ मंऐं तेरअ नांअ अब्रामा का आबराम डाही। आबराम, ऐबै निं आपणीं लाल़ी लै साराई बोली, मुंह डाहणअ ऐबै तैहा नांअ सारा। मुंह दैणीं तैहा लै बर्गत और तैहा का हणअ ताल्है एक शोहरू। सह हणीं खास्सै देशे लोगे मूल़ माता। ![](https://cdn.door43.org/obs/jpg/360px/obs-en-05-05.jpg) तैहा ई धैल़ी ज़िहअ बिधाता आबरामा लै बोलअ त तेऊ किअ तिहअ ई। संघा किअ तेऊ इशमाईलो खतैर। आबरामै किअ आपणअ बी खतैर, संघा ज़ेतरै लान्हैं का प्रोढै तैणीं तेऊए टबरा जैंदरी दास और ढबै करै मोलै लऐ दै गुलाम आसा तै तिन्नां सोभिओ किअ तेऊ खतैर। ज़ेभै इसहाक हुअ तेभै ती आबरामे अमर शौआ साले और सारे अमर आसा ती नब्बै साले। ज़िहअ बिधाता आबरामा लै बोलअ; तेऊ किअ तिहअ ई, आबरामै डाहअ तेऊ शोहरू नांअ इसहाक। ![](https://cdn.door43.org/obs/jpg/360px/obs-en-05-06.jpg) थोल़ी साला बाद हुअ इहअ कि बिधाता सोठी आबरामा परखणें गल्ल। तेऊ बोलअ, “आबराम!” आबरामै बोलअ, “बोल प्रभू किज़ै हुकम आसा!” बिधाता बोलअ आबरामा लै, “आपणैं कल्है शोहरू इसहाका ज़हा लै तूह खास्सी झ़ूरी करा, एऊ निंऊं आप्पू संघा मोरिया देशा लै। तिधी खोज़ूं हुंह ताखा एक धार, संघा करै तूह एऊ शोहरू मुल्है हूम बल़ी।” आबरामै किअ तिहअ ई ज़िहअ बिधाता खोज़अ। सह हुअ आपणैं शोहरू हूम बल़ी करना लै बी तैर। ![](https://cdn.door43.org/obs/jpg/360px/obs-en-05-07.jpg) तेखअ लादी आबरामै हूम बल़ी करने झ़ुका इसहाके पिठी और आपणैं हाथै ढाकी आग और छ़ूरी। तेखअ लागै तिंयां दुहै संघा-संघा हांढदै। इसहाक लागअ इहअ बोलदअ, “बाबा, हाम्हां का आग बी आसा और झ़ुका बी आसा, हूम बल़ी करना लै मिम्मूं किधी आसा?” आबरामै दैनअ ज़बाब, “मेरै बेटैआ, मिम्मूंओ इंतज़ाम करनअ बिधाता आप्पै।” संघा रहै तिंयां दुहै हांढदै लागी। ![](https://cdn.door43.org/obs/jpg/360px/obs-en-05-08.jpg) तेखअ पुजै तिंयां ठीक तैहा ज़ैगा ज़ुंण बिधाता आबरामा का खोज़ी ती। तिधी पुजी बणांईं आबरामै एक बेदी, संघा डाही तेथ प्रैंदै झ़ुका। तेखअ बान्हअ आपणअ शोहरू इसहाक संघा पाअ सह बेदी दी तिन्नां झ़ुका प्रैंदै। खिरी च़की आबरामै इसहाका बल़ी करना लै छ़ूरी। पर बिधाते एकी स्वर्ग दूतै पाई उझै का हाक्का, “आबराम! आबराम!” आबरामै बोलअ, “किज़ै हुकम प्रभू।” तेऊ स्वर्ग दूतै बोलअ, “एऊ शोहरू निं मारी, ऐबै गअ मुखा थोघ लागी कि तूह झ़ूरा बिधाता लै खास्सअ, किल्हैकि तेऊए तैणीं निं तूह आपणैं शोहरू बल़ीदान करना लै बी पिछ़ू हटअ।” ![](https://cdn.door43.org/obs/jpg/360px/obs-en-05-09.jpg) आबरामै भाल़अ उझै बाखा और तेऊ का शुझुअ एक गाभू, तेऊ गाभूए शींग आसा तै झ़ाकल़ै शाचै दै। आबरामै आणअ सह गाभू ढाकी संघा किअ आपणैं शोहरूए ज़ैगा सह हूम बल़ी। ![](https://cdn.door43.org/obs/jpg/360px/obs-en-05-10.jpg) बिधाता बोलअ इहअ, “तूह निं मेरी तैणीं आपणैं कल्है शोहरू बल़ीदान करनै का बी पिछ़ू हटअ। तैही खाऐ मंऐं आपणैं सोह कि एता पिछ़ू दैणीं मुंह ताल्है बर्गत, तेरी आद-लुआद बढेरनीं मुंह सरगे तारै और समुंदरे रेता ज़िहै खास्सै ज़हा कुंण गणी निं सकदअ। “पृथूईए सोभी देशे लोगा भेटणीं तेरी खांनदानी करै मुखा बर्गत, किल्हैकि ज़िहअ मंऐं बोलअ, तंऐं किअ तिहअ ई।” *मूल़ धैअ 16-22 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_05_128kbps.m4a ## 6. बिधाता हेरनअ इसहाका लै प्रबंध करी https://openbiblestories.org/l/kfx-x-outerseraji/story-6/ ![](https://cdn.door43.org/obs/jpg/360px/obs-en-06-01.jpg) आबराम गअ त ऐबै खास्सअ प्रोढअ हुई और तेऊए अमर ती खास्सी। बिधाता ती तेऊ लै सोभी गल्ला दी बर्गत दैनी दी। एकी धैल़ै शादअ आबरामै आपणअ सोभी का भरोस्सैमंद दास संघा बोलअ तेऊ लै इहअ, “तूह डेओऐ मेरै आपणैं तेऊ देशा लै ज़िधी हुंह हुअ ज़ल्मअ द आसा, संघा आणै तिधा का मेरै आपणैं रिश्तैदारा मांझ़ा का इसहाका लै लाल़ी लोल़ी।” ![](https://cdn.door43.org/obs/jpg/360px/obs-en-06-02.jpg) जिधी आबरामै रिश्तैदार रहा तै, तेऊ देशे डेऊंणां लै लागा तै खास्सै धैल़ै। बिधाता किई आबरामे तेऊ टैहलूए मज़त। सह त प्राथणां करद ई लागअ द कि तेऊ भेटी रिबिका नांओंए शोहरी, सह आसा ती आबरामे भाई नाहोर और तेऊए लाल़ी मिल्का का हुऐ दै शोहरू बतूएले ज़ाई। ![](https://cdn.door43.org/obs/jpg/360px/obs-en-06-03.jpg) सारी गल्ला थोघ लागणैं बाद शादी तिन्नैं रिबिका संघा पुछ़अ तैहा का, “तूह कै बोला, इना संघै आझ़ ई च़ाहा तूह डेऊणअ?” तैहा बोलअ, “हाँ।” ज़िहअ रिबिका बोलअ तिंयां हुऐ राज्ज़ी और तिन्नैं छ़ाडी आपणीं एक दासी बी आबरामे तेऊ दासा संघै रिबिका सभाहू। तेखअ ज़िहअ-ज़िहअ हुअ, तिंयां सारी गल्ला खोज़ी तेऊ टैहलू इसहाका का। इसहाकै निंईं सह डेरै लै, संघा किअ तेऊ रिबिका संघै बैह। ![](https://cdn.door43.org/obs/jpg/360px/obs-en-06-04.jpg) आबरामे अमर ती खास्सी लाम्मी सह गअ एकी शौआ पझतरा साले अमरा ज़ांऐं। बिधाता दैनी आबरामा मरने का बाद इसहाका लै खास्सी बर्गत। बिधाता ती आबरामा संघै एही करार किई दी कि आजू हणीं तेरी एतरी खास्सी आद-लुआद ज़हा कुंण गणी निं सकदअ। पर बैह करी गई ती बिह साला हई पर रिबिके निं आजू लुआद हुई आथी ती। ![](https://cdn.door43.org/obs/jpg/360px/obs-en-06-05.jpg) इसहाकै किई बिधाता सेटा अरज़ कि मेरी लोल़ी आजू लुआद हुई। बिधाता दैनअ तेऊ लै बअर संघा हुई रिबिका पैरभारी। सूंणैं का आजी गअ रिबिका का थोघ लागी कि तेसे पेटै आसा दोगल़ शोहरू, किल्हैकि तेसा का ज़ाण्हिंआं तै भितरी आसा दुहै झ़घल़दै लागै दै। तैहा सोठअ इहअ, “मुंह संघै इहअ किल्है आसा लागअ द हंदअ?” खिरी लागी सह बिधाता का पुछ़दी, “ईंयां दोगल़ शोहरू पेटै ई किल्है आसा लागै दै झ़घल़दै?” ![](https://cdn.door43.org/obs/jpg/360px/obs-en-06-06.jpg) बिधाता बोलअ तैहा लै इहअ, “तेरै दोगल़ शोहरूए हणीं आजू दूई ज़ुदी-ज़ुदी ज़ातीए देश। इना दूई मांझ़ै हणअ कान्हअ शोहरू बलबान, ज़ेठअ शोहरू हणअ तेऊओ गुलाम।” ![](https://cdn.door43.org/obs/jpg/360px/obs-en-06-07.jpg) तेखअ सिक्कै रिबिके सूंणें धैल़ै, ज़ुंण शोहरू आजी हुअ सह त झुशलअ तिन्नैं डाहअ तेऊअ नांअ एसाब। एसाबा पिछ़ू हुअ नढैऊऐ दुजअ शोहरू, तेऊ ती आजू हणैं आल़ै शोहरूए घुंढी डाही दी ढाकी, तिन्नैं डाहअ तेऊ नांअ याकूब। *मूल़ धैअ 24:1-25:26 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_06_128kbps.m4a ## 7. बिधाता दैनी याकूबा लै बर्गत https://openbiblestories.org/l/kfx-x-outerseraji/story-7/ ![](https://cdn.door43.org/obs/jpg/360px/obs-en-07-01.jpg) एसाब और याकूब हुऐ ज़ुआन। एसाब रहा त बणैं-बूटै खुश और सह बणअ मशूर शकारी। याकूब त सिधअ-सादअ मणछ, सह रहा त ताम्बूए डेरै दी और सह बणअ फुआल। एसाब करा त आपणैं बाबा लै बणां-बूटा का शकार आणी, तैही झ़ूरा त इसहाक आपणैं ज़ेठै शोहरू एसाबा लै खास्सअ। याकूब आसा त आपणीं ईजा रिबिको बी पैरअ। ![](https://cdn.door43.org/obs/jpg/360px/obs-en-07-02.jpg) एकी धैल़ै हुअ इहअ कि याकूबै ती मसरे दाल़ लाई दी सिटदी, एसाब आअ बणां का और तेऊ ती खास्सी भुखै आई दी। तेऊ बोलअ याकूबा लै, “मेरै च़ाल्लअ भुखै मर्हुई! मुल्है दै ऐहा मसरे दाल़ी का धख ज़ेही खाणां लै!” याकूबै बोलअ एसाबा लै, “पैहलै काढ सोह कि तंऐं दैनअ एते बदल़ै आपणअ ज़ेठै हणैंओ हक ऐबै मुल्है।” एसाबै किअ तिहअ ई। याकूबै दैनी तेखअ एसाबा लै रोटी और सह मसरे दाल़ खाणां लै। ![](https://cdn.door43.org/obs/jpg/360px/obs-en-07-03.jpg) इसहाक च़ाहा त ज़ेठै शोहरू एसाबा लै बर्गत दैणीं। ज़ांऊं इसहाक खास्सअ प्रोढअ हुअ और तेऊए आछी का बी निस्सअ शुझुई, तेऊ शादअ आपणअ ज़ेठअ शोहरू एसाब संघा बोलअ इहअ, “मुंह दैणीं ताल्है मरनै का आजी दिल खोल्ही बर्गत।” रिबिका हेरी इसहाके ईंयां सारी गल्ला शूणीं। संघा बन्हैऊंऐं रिबिका आपणैं ज़ेठै शोहरू एसाबे सोभी का बधिया झिकल़ै आपणैं कान्हैं शोहरू याकूबा लै, संघा बन्हैऊंईं तेऊए हाथै और गल़ा दी तैहा छ़ेल्हूए खाल ताकि सह झुशलअ ज़ाण्हिंए। ![](https://cdn.door43.org/obs/jpg/360px/obs-en-07-04.jpg) याकूब डेऊअ आपणैं बाब इसहाका सेटा संघा बोलअ, “बाबा।” इसहाकै पुछ़अ, “तूह मेरअ कुंण ज़ण्हअ शोहरू आसा?” याकूबै बोलअ आपणैं बाबा लै, “हुंह आसा तेरअ ज़ेठअ शोहरू एसाब, ज़िहअ तंऐं मुल्है बोलअ त, मंऐं किअ तिहअ ई, ऐबै दै मुल्है बर्गत।” तेखअ बोलअ इसहाकै याकूबा लै, “मुंह सेटा ज़िहअ एछ मुंह दै तोपणैं हैनूं, हुंह भाल़ूं कि तूह मेरअ शोहरू एसाब सच्च़ी आसा कि नांईं।” इसहाकै दैनी याकूबा लै इहअ सोठी करै बर्गत कि अह आसा एसाब। ![](https://cdn.door43.org/obs/jpg/360px/obs-en-07-05.jpg) एसाबै डाही आपणैं भाऊ याकूबा लै ज़ीद किल्हैकि ज़हा बर्गतो हकदार सह आसा त सह बर्गत पाई ती ठगी करी करै तेऊ। ता एसाब लागअ आप्पू लै इहअ बोलदअ, “ज़ेही ई मेरै बाबे मौत होए, तेभै पाणअ मुंह याकूब मारी।” ![](https://cdn.door43.org/obs/jpg/360px/obs-en-07-06.jpg) ज़ांऊं रिबिका का थोघ लागअ कि एसाब च़ाहा ऐबै याकूबा ज़ानीं का मारी पाणअ, ता तैहा शादअ आपणअ कान्हअ शोहरू याकूब संघा बोलअ, “ऐबै ज़िहअ हुंह बोला मेरी तिन्नां गल्ला शुण ऐबै धैन दैई करै। तूह डेऊ हारान देशा लै आपणैं मामा लाबाना सेटा। ![](https://cdn.door43.org/obs/jpg/360px/obs-en-07-07.jpg) याकूब रहअ खास्सी साला आपणैं मामा लाबाना सेटा। तिधी रहंदी हुऐ याकूबे बारा शोहरू और एक शोहरी। बिधाता दैनी याकूबा लै बर्गत संघा हुअ सह सेठ। ![](https://cdn.door43.org/obs/jpg/360px/obs-en-07-08.jpg) तेखअ बशैल़ै याकूबै आपणीं लाल़ी और शोहरू ऊँटा दी, संघा लागअ इसहाक कनान देशा बाखा आपणैं बाबे घरा लै हांढदअ। डागै-चैणैं और ज़ैदात तेऊ पद्दनराम आपणैं मांऊल़े देशै खटी ती, तिंयां बी निंयैं तेऊ आप्पू संघा। ![](https://cdn.door43.org/obs/jpg/360px/obs-en-07-09.jpg) ज़ांऊं तेऊओ ज़ेठअ भाई एसाब आधी बाता तैणीं तेऊ सेटा मिलदअ आअ, याकूब डरअ, तेऊ बांडै आपणैं सोभै लोग, सोभै भेडा-बाकरी, गाऊई-बल्द, गाधै-गाधी, ऊँट दूई हेल़्ही दी। तेऊ सोठअ इहअ कि ज़ै एसाब तेऊए एकी छ़ुंढा बाखा च़िकदअ-मारदअ एछे, दुजअ छ़ुंड ता सका तेऊ का दूर ठुर्ही करै बच़ी। तेखअ बोलअ याकूबै तेऊ लै ज़ुंण सोभी का आजूए हेल़्ही छ़ेल़्हअ त लागअ द, “ज़ेभै ताह मेरअ भाई एसाब भेटे, और ज़ै सह तम्हां का पुछ़े, ‘तम्हैं कसरै दास आसा? तम्हैं किधा लै च़ाल्लै? ईंयां कसरै डागै-चैणैं आसा?’ “तेभै बोलै तम्हैं इहअ, ‘ईंयां आसा तेरै च़ाकर याकूबे, मालक, ईंयां छ़ाडै तेऊ आप्पू का आजू ताल्है भेंट। आप्पू बी आसा सह पिछ़ू एछदअ लागअ द।’” ![](https://cdn.door43.org/obs/jpg/360px/obs-en-07-10.jpg) एसाब हुअ याकूबा भाल़ी करै खुश, याकूब आअ ठुर्ही करै एसाबा सेटा लै संघा दैनी तेऊ मल़्हैची, च़ुंज़ी माख्खी। पद्दनराम ज़ैगा आपणैं माऊल़े घरा का पुजअ याकूब राज़ी-राम्बल़अ कनान देशे शकेम नगरी। संघा पाअ नगरी का दूर ज़िहअ आपणअ डेरअ। तेखअ गअ इसहाक ज़ांऐं। तेखअ किअ एसाब और याकूबै तेऊओ क्रिया-कर्म। ज़ुणं करार बिधाता आबरामा और इसहाका संघै किई ती सह बर्गत दैनी बिधाता ऐबै इसहाका का याकूबा लै। *मूल़ धैअ 25:27-35:29 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_07_128kbps.m4a ## 8. बिधाता बच़ाऊऐ युसुफ और तेऊए टबर https://openbiblestories.org/l/kfx-x-outerseraji/story-8/ ![](https://cdn.door43.org/obs/jpg/360px/obs-en-08-01.jpg) खास्सी साला बाद हुअ इहअ कि याकूब गअ त खास्सी प्रोढी अमरो हई याकूबै बोलअ युसुफा लै, “तूह डेऊ आपणैं होरी भाई सेटा लै, तिंयां आसा शकेम नेल़ भेडा-बाकरी च़ारदै लागै दै।” युसुफै बोलअ, “हो, हुंह डेऊं तै।” याकूबै बोलअ तेऊ लै, “डेऊ, संघा दैऐ भाल़णीं कि तेरै होर भाई और भेडा-बाकरीए हेल़्ही राम्बल़ै बी आसा। ![](https://cdn.door43.org/obs/jpg/360px/obs-en-08-02.jpg) युसुफे होरी भाई ज़ाणअ इहअ कि म्हारअ बाब झ़ूरा युसुफा लै हाम्हां का खास्सअ, एता पिछ़ू डाहा तै तिंयां तेऊ संघै ज़ीद। युसुफै खोज़अ तिन्नां का सुपनअ, तिन्नैं बोलअ युसुफा लै, “तूह कै इहअ सोठा कि तूह च़ाल्लअ राज़अ बणीं और ताह करनअ हाम्हां प्रैंदै राज़?” युसुफे एऊ सुपनै खोज़णैं का बाद ज़िधूऐ तिंयां तेऊ संघै होर बी खास्सै। ज़ांऊं युसुफ तिन्नां नेल़ पुजअ, तिन्नैं खोल्हअ तेऊओ सह झिटबझिट्टअ च़ोल़अ पोर्ही संघा पाअ सह एकी डुघै कुहै दी ज़ुंण पाणीं बाझ़ी शुक्कअ आसा त। इशमाईली लोगे एक टोली आसा लागी गिलादा बाखा एछदी। तिन्नां भाल़ी बोलअ यहूदा, अह आसा म्हारअ ई भाऊ, म्हारअ खूंन, च़िकणैं मारनै का पाणअ हाम्हां अह इना इशमाईली का बेच़ी।” ![](https://cdn.door43.org/obs/jpg/360px/obs-en-08-03.jpg) तिन्नैं काटअ तेखअ एक छ़ेल्हू संघा छ़ल़िकअ तेतो लोहू युसुफे झिटबझिटै च़ोल़ै दी। संघा निंयं सह च़ोल़अ आप्पू संघै घरा लै, तेखअ बोलअ आपणैं बाबा का इहअ, “हाम्हां भेटअ अह च़ोल़अ, भाल़णीं दै हैनूं अह तेरै शोहरूओ किनी आसा?” याकूबै हेरअ बछ़ैणीं कि अह आसा युसुफो च़ोल़अ, तेऊ बोलअ, “अह आसा मेरै शोहरूओ च़ोल़अ! मेरअ शोहरू पाअ आझ़ बणें कुंणी ज़ीबै धेल़ी-च़िरी करै खाई।” याकूबै किअ आपणैं झिकल़ै धेल़ी शोग और कुछी डाही गाची पल़ेटी संघा किअ खास्सै धैल़ै शोग। ![](https://cdn.door43.org/obs/jpg/360px/obs-en-08-04.jpg) इशमाईली बपारी पजैल़अ युसुफ मिसर देशै, संघा पाअ सह पोतीपोर नांओंए मणछा का बेच़ी, सह त मिसर देशे राज़ैओ दरोगअ। युसुफ लागअ मिसर देशे रहणैं आल़ै पोतीपोरे घरै रहंदअ। ऐबै त सह तेऊओ मालक। पोतीपोरै बी हेरी अह गल्ल फैल़ी कि युसुफा संघै आसा बिधाता आप्पै, किल्हैकि ज़ुंण बी काम अह करा तेता दी हआ अह सफल। ![](https://cdn.door43.org/obs/jpg/360px/obs-en-08-05.jpg) युसुफ त हेरनअ शुंणनअ बेघै बित्तअ, और पोतीपोरे लाल़ी लोभणूंई तेऊ लै। सह लागी युसुफा लै बोलदी कि मुंह संघै कर रही-बस्सी। पर युसुफै किअ तैहा लै नांईं। आपणैं मालका लै धोखअ और इहअ घोर पाप निं हुंह करी सकदअ ज़ेता करै बिधाता मुखा दूर होए।” पोतीपोरे लाल़ी आई रोशै, संघा बोलअ ज़िदै आपणैं मर्धा युसफे बारै झ़ूठअ, “भाल़ा, एऊ इब्रानी मणछै किई आझ़ म्हारी बेइज़ती। इना गल्ला शूणीं हुअ पोतीपोर रोशै लाल पिऊंल़अ, तेऊ पाअ युसुफ कैदखाने दी ज़िधी राज़े होर कैदी बी हआ तै कैद किऐ दै। पर बिधातो जश हुअ युसुफा लै इहअ और कैदखाने दरोगै बी गम्मअ युसुफ। ![](https://cdn.door43.org/obs/jpg/360px/obs-en-08-06.jpg) दूई साला गई ती हई पर युसुफ आसा त अज़ी बी कैदखाने दी। तेऊअ निं किछै कशूर आथी त। मिसर देशे हुऐ दूई सुपनै, दुजै धैल़ै दोती त मिसर देशे फिरोने मनैं खास्सअ झाख पल़अ द। राज़ै शादै तेखअ डांऊं-च़ेल्लै और पंडत। संघा खोज़ी तिन्नां का सुपनै हुई दी सारी गल्ला। पर तिंयां निं कोहै राज़े सुपनैओ फल खोज़ी सकै। ![](https://cdn.door43.org/obs/jpg/360px/obs-en-08-07.jpg) बिधाता त यूसूफा लै सुपनै खोज़णैअ बअर दैनअ द। राज़ै छ़ाडै युसुफा आणदै सपाही, तिन्नैं किअ युसुफ तेभी कैदखाने का आज़ाद। युसुफ लागअ राज़ै लै बोलदअ, “माहाराज़, तेरै इना दुही सुपनैओ फल आसा एक्कै ई। युसफै शूंणीं राज़े गल्ला संघा लागअ इहअ बोली सुपनेओ फल खोज़दअ, “माहाराज़, ईंयां रहैऊई बिधाता ताखा तिंयां गल्ला ज़ुंण तेऊ आजू करनी। साता साला हणीं सारै मिसर देशै खास्सी फसल। “पर तेता बाद पल़णअ साता साला नकाल़। ![](https://cdn.door43.org/obs/jpg/360px/obs-en-08-08.jpg) फिरोना राज़ै गम्मअ युसूफ कि अह आसा अक्ली आल़अ। तेखअ बोलअ फिरोन राज़ै युसुफा का, “शुण, तूह बणांअ मंऐं ऐबै सारै मिसर देशो माहा मंत्री।” ![](https://cdn.door43.org/obs/jpg/360px/obs-en-08-09.jpg) आजू हुई सच्च़ी साता साला सारै देशै खास्सी पज़ैआ। युसुफै किअ नाज़-पाणीं कठा, संघा डाहै सारै मिसर देशै नगरी-नगरी दी नाज़े भढार भरी ज़िधी-ज़िधी तिंयां कठा किऐ तै। खिरी बिती मिसर देशे रज़दी-पज़दी सात साला। देशै गअ नकाल़ पल़दअ लागी, ज़िहअ युसुफै बोलअ त कि साता साला पल़णअ नकाल़। सारै मिसर देशै पल़अ खास्सअ नकाल़। युसुफै खोल्है नाज़े भढार संघा बेच़अ मिसर देशे सोभी लोगा लै राज़ भढारा का नाज़। ![](https://cdn.door43.org/obs/jpg/360px/obs-en-08-10.jpg) नकाल़े मार निं मिसर देशे ई पल़ी पर सह मार पल़ी कनान देशै बी खास्सी ज़िधी याकूब और तेऊए शोहरू रहा तै। ![](https://cdn.door43.org/obs/jpg/360px/obs-en-08-11.jpg) याकूबै बी शूणीं एही गल्ला कि मिसर देशै आसा नाज़, तेऊ बोलअ आपणैं शोहरू लै, “तम्हैं बी डेओआ संघा आणा तिधा का ज़िणस लई, ताकि हाम्हैं भुखै नां मरे।” तेखअ आऐ युसुफे तिंयां दस भाई मिसर देशा लै कि तिंयां तिधा का नाज़ मोलै निंए। तिन्नैं निं युसुफ बछ़ैणीं, पर युसुफै हेरै तिंयां तेभी बछ़ैणीं। ![](https://cdn.door43.org/obs/jpg/360px/obs-en-08-12.jpg) युसफ रहअ आपणैं तिन्नां भाई कई साबै पटंकदअ लागी, तेखअ शादै तिंयां आप्पू सेटा लै। ज़ांऊं तिंयां नेल़ आऐ, युसुफै बोलअ तिन्नां लै, “हाँ, हुंह आसा युसुफ ज़ुंण तम्हैं मिसर देशा लै एछणैं आल़ै इशमाईली का बेच़ी पाअ त। तम्हैं निं फिकर करा और नां एते कशूरबार आप्पू समझ़ी। बिधाता छ़ाडअ हुंह तम्हां बच़ाऊंणा लै तम्हां आजू कि थारी आद लुआद ज़िऊंदी रहे और इहअ करै तम्हैं बच़े। ![](https://cdn.door43.org/obs/jpg/360px/obs-en-08-13.jpg) युसुफै सोभ भाई लागै तेखअ मिसर देशा का हांढदै संघा पुजै कनान देशै आपणैं बाबा याकूबा सेटा। घरै पुजी खोज़ी तिन्नैं आपणैं बाबा का सारी गल्ला कि युसुफ आसा ज़िऊंदअ और सह करा सारै मिसर देशै राज़। याकूब हुअ तिन्नें गल्ला शूणीं करै बडअ भारी खुश। ![](https://cdn.door43.org/obs/jpg/360px/obs-en-08-14.jpg) तेखअ बोलअ याकूबै “ऐबै हुअ मुंह विश्वास! मेरअ शोहरू युसुफ आसा हणअ सच्च़ी ज़िऊंदअ, मरनै का आजी पैहलै लणअ त मुंह तेऊओ मुंह भाल़ी।” तेऊ दैनी आपणैं सभी शोहरू लै बर्गत। ![](https://cdn.door43.org/obs/jpg/360px/obs-en-08-15.jpg) ज़ुंण करार बिधाता आबराम, इसहाक और याकूबा का आसा ती किई दी, सह करार किई बिधाता याकूबै बारा शोहरू संघै। तिन्ना बारा शोहरू का हुऐ आजू इस्राएले बारा गोत्र। *मूल़ धैअ 37-50 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_08_128kbps.m4a ## 9. बिधाता शादअ मुसा https://openbiblestories.org/l/kfx-x-outerseraji/story-9/ ![](https://cdn.door43.org/obs/jpg/360px/obs-en-09-01.jpg) मिसर ज़िऊअ मिसर देशै खास्सी अमरा, तेखअ गअ युसुफ एकी शैआ दस साले अमरा ज़ांऐ। तेऊ ज़ांऐ होणैं बाद बी रहै तेऊए रिश्तैदार मिसर देशै बस्सी। तिन्नें लुआदा रही आजू फुलदी-फल़दी लागी। तिंयां हुऐ एतरै खास्सै कि तिन्नां करै भर्हुअ सारअ मिसर देश। तिन्नों नांअ पल़अ इस्राएली। ![](https://cdn.door43.org/obs/jpg/360px/obs-en-09-02.jpg) मिसर देशै बेठअ खास्सी साला बाद राज़गादी दी राज़ करदअ आजू नऊंईं पोस्तीओ राज़अ और तेऊ का निं युसुफे बारै थोघ आथी त। तेऊ बोलअ आपणीं मिसर देशे परज़ा लै, “भाल़णीं दैआ! ईंयां इस्राएली लोग हुऐ म्हारै देशै खास्सै, और ईंयां च़ाल्लै हाम्हां का खास्सै बलबान हई। एता भाल़ी डरै तिंयां इस्राएली का। एता लै किअ तिन्नैं इहअ कि राज़ै फिरोनै बणांऐ तिंयां मिसर देशै लोगे गुलाम।। ![](https://cdn.door43.org/obs/jpg/360px/obs-en-09-03.jpg) तेखअ बणांईं तिन्नैं राज़ै लै पितोम और रामसेस नांओंए भढारा आल़ी नगरी। ज़िहै-ज़िहै तिंयां इस्राएली लोगा लै दुख दैंदै रहै लागी, तिहै-तिहै रहै इस्राएली होर बी खास्सै हंदै और सारै दी बस्सदै लागी। ![](https://cdn.door43.org/obs/jpg/360px/obs-en-09-04.jpg) तेखअ दैनअ मिसर देशे मिसर देशे राज़ै आपणैं लोगा लै इहअ हुकम कि ज़ेतरै बी इस्राएलीए शोहरू आसा हुऐ दै तिन्नां पाआ नील नदी दी डबेऊई करै मारी और शोहरी छ़ाडै सोभी ज़िऊंदी। ![](https://cdn.door43.org/obs/jpg/360px/obs-en-09-05.jpg) लेबी खांनदानीए एकी मणछै किअ एकी लेबी खांनदानीए ई शोहरी संघै बैह। सह शोहरी हुई पैरभारी और तेसो हुअ आजू भाऊ, ज़ांऊं तैहा भाल़अ कि सह भाऊ त हेरनअ बधिया, तैहा डाहअ सह चिई भिन्नैं तैणीं च़ोरी। ![](https://cdn.door43.org/obs/jpg/360px/obs-en-09-06.jpg) ज़ांऊं तैहा लै सह च़ोरी डाहणअ कठण हुअ; ता तैहा बणांअ तेऊ लै नगाल़ैओ एक बडअ छ़ाबू, संघा लेस्सअ सह च़कणाट माटीए गारा करै, तेसा पाअ सह शोहरू तेऊ छ़ाबू भितरी संघा बहाऊअ सह नील नदीए बाढै लागै दै लाम्मै-लाम्मै घाहा जैंदरी पाणीं दी। तेऊ शोहरूए दाई ती दूरा का ज़ेही भाल़ी लागी दी कि एऊ भाऊ लै किज़ै हणअ। ![](https://cdn.door43.org/obs/jpg/360px/obs-en-09-07.jpg) मिसर देशे राज़े शोहरी ती आपणीं दासी और साथणीं संघै आजू बाढै नहैऊंदी लागी दी, ज़ांऊं तैहा देई का लाम्मै घाहा जैंदरी सह छ़ाबू शुझुअ ता तैहा बोलअ आपणीं दासी लै तेऊ छ़ाबू पाणीं जैंदरा का बागै काढणा लै। देई खोल्हअ छ़ाबू और तेथ भितरी भाल़अ तैहा होछ़अ ज़िहअ शोहरू और तैहा फिरी तेऊ लै बडी भारी झींण। तेखअ शादी तैहा एक इस्राएली बेटल़ी, देई बोलअ तैहा लै इहअ, “एऊ शोहरू लै पणैंऊं तूह दुध और हुंह दैंऊं ताल्है तेते मज़दूरी।” देई का निं थोघ थिअ कि सह आसा तेऊ शोहरूए ईज। शोहरूए ईजै निंयं सह घरा लै, संघा लागी तेऊ का दुधा पणैंऊंदी। ज़ांऊं सह शोहरू धख बडअ हुअ ता तेसा निंयं सह राज़े देई सेटा लै और तेसा बणांअ सह आपणअ गोदी पुतर और तेसा डाहअ तेऊओ नांअ इहअ बोली करै मुसा, “मंऐं आसा काढअ द अह पाणीं जैंदरा का। ![](https://cdn.door43.org/obs/jpg/360px/obs-en-09-08.jpg) ज़ांऊं मुसा ज़ुआन हुअ, तेखअ गअ तेऊ का थोघ लागी कि सह बी आसा एक इस्राइएली ई। सह नाठअ तिधा लै ज़िधी तेऊए आपणैं भाई-बंध नज़िरन काम करा तै। तिधी भाल़अ तेऊ इहअ कि एक मिसर देशो मणछ आसा एकी इस्राएली मणछा च़िकदअ लागअ द। मुसा सोठअ दिलै इहअ कि आपणै इस्राएली मणछे मज़त हुई तेऊ करनी। ![](https://cdn.door43.org/obs/jpg/360px/obs-en-09-09.jpg) मुसा भाल़अ फेर कि कोहै निं आथी भाल़अ लागअ द, तेखअ पाअ तेऊ सह मिसर देशो मणछ मारी संघा डाहअ रेता जैंदरी दाबी। पर एसा गल्लो थोघ गअ सोभी का लागी कि मुसा किज़ै किअ। ![](https://cdn.door43.org/obs/jpg/360px/obs-en-09-10.jpg) ज़ांऊं ईंयां गल्ला मिसर देशे राज़ै शूणीं, तेऊ च़ाहअ मुसा मारी पाणअ। पर मुसा ठुर्हअ राज़ै सेटा का संघा पुजअ मिद्यान देशै। ![](https://cdn.door43.org/obs/jpg/360px/obs-en-09-11.jpg) मिद्यान बोल़णअ त च़ितरू नांओं मणछ, सह त परोहित, मुसा रहअ तिधी तेऊए भेडा-बाकरी फुआल लागी। बादा का किअ च़ितरू परोहितै आपणीं शोहरी सपोरो मुसा संघै बैह। तेसा का हुऐ मुसे दूई शोहरू। ![](https://cdn.door43.org/obs/jpg/360px/obs-en-09-12.jpg) मुसा रहअ आपणैं शौहरै च़ितरुए भेडा-बाकरी फुआल लागी। एकी धैल़ै हुअ इहअ कि मुसा भाल़अ दूरा का ज़िहअ उझै धारठी कि झ़ाकल़ै आसा आग लागी दी पर दझ़दअ निं सह आथी। तेखअ किअ मुसा इहअ बच़ार, “एता नेल़ डेऊई करै भाल़ूं एऊ च़मत्कारा कि अह झ़ाकल़ दझ़दअ किल्है निं आथी।” मुसा फिरअ तेता भाल़अ पिछ़ू, तेखअ बोलअ परमेशरै झ़ाकल़े आगी मांझ़ा का, “ए मुसा, मुसा, ए मुसा,” मुसा बोलअ, “हुकम प्रभू”। परमेशरै बोलअ मुसा लै, “इधी निं नेल़ एछै, आपणैं खूरे पोलल़ै खोल्ह पोर्ही, ज़िधी तूह खल़्हुअ द आसा सह ज़ैगा आसा पबित्र। ![](https://cdn.door43.org/obs/jpg/360px/obs-en-09-13.jpg) तेखअ बोलअ बिधाता मुसा लै, “मुखा शुझिआ मेरै आपणैं लोग मिसर देशै गुलामीं दी किहै दाह-दुख ज़िरदै आसा लागै दै। ऐबै लाअ मंऐं तूह मिसर देशे राज़ै सेटा लै छ़ाडी कि तूह मेरी इस्राएली परज़ा मिसर देशा का छ़ड़ैऊई आणे।” “मुंह काढणैं आपणैं लोग मिसर देशा का तेऊ देशा लै ज़िधी रज़दी-पज़दी ज़िम्मीं ज़ैगा आसा। मुंह दैणअ तिन्ना लै सह देश ज़ेते करार मंऐ थारै बाब-दादै आबराम, इसहाक और याकूबा संघै आसा किई दी। ![](https://cdn.door43.org/obs/jpg/360px/obs-en-09-14.jpg) मुसा पुछ़अ परमेशरा का, “हुंह बोलूं इस्राएली सेटा डेऊई करै इहअ कि थारै पित्तरे परमेशरै छ़ाडअ हुंह तम्हां सेटा लै, पर ज़ै तिंयां इहअ पुछ़े कि तेऊ परमेशरो नांअ किज़ै आसा? तेभै हुंह तिन्नां लै किज़ै ज़बाब दैऊं?” परमेशरै बोलअ मुसा लै, “हुंह आसा सदा रहणैं आल़अ, तूह बोलै इस्राएली लै, हुंह छ़ाडअ तेऊ बिधाता तम्हां सेटा लै ज़सरअ नांअ ‘हुंह आप्पै’ आसा। संघा बोलै तिन्नां लै इहअ कि थारै बाब-दादै आबराम, इसहाक और याकूबे बिधाता, छ़ाडअ हुंह ज़सरअ नांअ सदा लै आसा।” ![](https://cdn.door43.org/obs/jpg/360px/obs-en-09-15.jpg) मुसा डरअ मिसर देशे राज़ै सेटा डेऊंणै का, तेऊ काढअ बिधाता सेटा इहअ भान्नअ, “प्रभू, हुंह निं राम्बल़ै करै गल्ला बी ज़ाणदअ करी! हे, बिधाता, प्रभू, हुंह करा ताल्है ज़ीबाण, तूह छ़ाड एऊ कामां लै कहा होरी मणछा।” बिधाता बोलअ मुसा लै इहअ, “हारूणा करनी ताह बाखा लोगा संघै गल्ला और ज़ेही मंऐं ताखा गल्ला खोज़ी; तेही खोज़ै तूह तेऊ का कि किज़ै बोल़णअ। ज़ेभै तम्हैं गल्ला करे हुंह हणअ तम्हां दुही संघै और हुंह खोज़ूं तम्हां दुही का कि किज़ै करनअ। *लुआह धैअ 1-5 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_09_128kbps.m4a ## 10. मिसर देशे लोगा लै पल़ी दस आफ़ता https://openbiblestories.org/l/kfx-x-outerseraji/story-10/ ![](https://cdn.door43.org/obs/jpg/360px/obs-en-10-01.jpg) हारूण और मुसा आसा तिंयां ई ज़हा लै बिधाता इहअ हुकम किअ कि इस्राएले सोभी गोत्र और टोलीए लोगा निंऊं मिसर देशा का बागै, मिसर देशे राज़ै फिरोना सेटा डेऊई करै बोलअ मुसा और हारूणैं इहअ कि इस्राएली लोगा कर आज़ाद। तेखअ बोलअ बिधाता मुसा लै, “पर मुंह करनअ एऊ राज़ैओ मन होर बी काठअ और तेऊ निं थारी गल्ला शुणनी। राज़ैओ मन हुअ काठअ, तेऊ निं इस्राएली लोगा डेऊणैं दैनअ। तेऊ किअ इस्राएली लोगा संघै होर बी खास्सअ काठअ बभार। ![](https://cdn.door43.org/obs/jpg/360px/obs-en-10-02.jpg) बिधाता बोलअ मुसा लै इहअ, “मिसर देशो राज़अ हुअ खास्सअ काठअ, सह निं मेरै लोगा छ़ाडणअ च़ाहंदअ। तेखअ दैणीं मुंह मिसर देशे लोगा लै एही घोर सज़ा कि तेता बाद दैणअ राज़ै मेरी इस्राएली लोगा डेऊणैं। ज़ांऊं मुंह आपणअ बल रहैऊई करै आपणैं इस्राएली लोग काढी निंणै, तेखअ लागणअ मिसर देशे लोगा का थोघ कि हुंह आसा बिधाता।” ![](https://cdn.door43.org/obs/jpg/360px/obs-en-10-03.jpg) मुसा और हारूणैं किअ तिहअ ई ज़िहअ बिधाता तिन्नां लै हुकम किअ त। हारूणैं किई आपणीं शोठी नील नदीए पाणीं प्रैंदै आजू, राज़ै फिरोन और तेऊए कार करिंदे सम्हनै बणअ नील नदीओ सारअ पाणीं लोहू अह पल़ी मिसर देशे लोगा लै पैहली आफ़त कि तिंयां च़ाल्लै पाणीं बाझ़ी नचिशै मरी। पर तेऊ निं इस्राएली लोगा डेऊणैं दैनअ। ![](https://cdn.door43.org/obs/jpg/360px/obs-en-10-04.jpg) तेखअ बोलअ बिधाता मुसा लै, “हारूणा लै बोल कि आपणीं शोठी कर पाणीं प्रैंदै आजू। तेखअ निखल़णैं मिसर देशे गाडा, कुल्हा, बाऐ-कोफरी का मिंडकै उझै और तिन्नां करै हणअ सारअ देश भरी।” तिन्नैं किअ तिहअ ई और सारै देशै भर्हुऐ मिंडकै और राज़े बेल़्है और कार-करिंदे घर बी हुऐ मिंडकै करै भरी। राज़ै फिरोनै शादै मुसा और हारूण संघा बोलअ इहअ, “आपणैं बिधाता का करा एही अरज़ कि इना मिंडकै कर मुंह और मेरै लोगा जैंदरा का दूर, हुंह दैंऊं तेखअ इस्राएली लोगा डेऊणैं ताकि तिंयां बिधाता लै बल़ीदान करी सके।” पर ज़ांऊं राज़ै फिरोनै भाल़अ कि मिंडकै गऐ ऐबै मरी, तेऊ किअ भिई तिहअ ई ज़िहअ बिधाता आजी हेरअ त बोली और सह हुअ होर बी काठअ और तेऊ निं मुसा और हारूणें गल्ला मनी। ![](https://cdn.door43.org/obs/jpg/360px/obs-en-10-05.jpg) तेखअ बोलअ बिधाता मुसा लै इहअ, “हारूणा लै बोल कि आपणीं शोठी करै बाह धरनीं माटै प्रैंदै, तिहअ करै निखल़णीं सारै मिसर देशै माटेए धूल़ै का कतूआ।” मुसा बी किअ तिहअ ई और सारै देशै पल़ी कतूआ। राज़ै फिरोनै मैहल और तेऊए कार-करिंदै घरै पेठै डगैछे छ़ुंढ और सारअ मिसर देश हुअ डगैछै करै बरैबाद। राज़ै फिरोनै शादै मुसा और हारूण संघा बोलअ इहअ, “हुंह दैंऊं तम्हां थारै बिधाता लै उज़ल़ ज़ैगा बल़ीदान करना लै डेऊणैं, हाम्हां लै करा बिधाता का अरज़।” बिधाता शूणीं मुसे अरज़, डगैछै किऐ राज़ै फिरोने मैहल, तेऊए कार-करिंदे घरै और मिसर देशे सोभी लोगा जैंदरा का दूर, सारै देशै निं एक डगैछअ बी रहअ। राज़ै फिरोनै भाल़अ कि डगैछे आफ़त हुई दूर, सह हुअ एसा बारी बी काठअ और तेऊ निं इस्राएली लोगा डेऊणैं दैनअ। ![](https://cdn.door43.org/obs/jpg/360px/obs-en-10-06.jpg) ज़िहअ बिधाता बोलअ त, दुजै धैल़ै हुअ तिहअ ई, मिसर देशे लोगे बडै भारी खास्सै डागै-धअण और चैणैं मूंऐं, पर इस्राएलीए डागै-चैणैं लै निं किछ़ै हान्नी हूई। राज़ै फिरोनै छ़ाडै भाल़ै और तेऊ का ज़ांऊं थोघ लागअ कि इस्राएलीए डागै-चैणैं मांझ़ै निं एक बी मूंअ, सह हुअ तेखअ होर बी काठअ और तेऊ निं इस्राएली लोगा मिसर देशा का डेऊणैं दैनअ। ![](https://cdn.door43.org/obs/jpg/360px/obs-en-10-07.jpg) तेखअ बोलअ बिधाता मुसा और हारूणा लै, “तम्हैं दुहै निंयां गेठै का एक-एक मुठ भरी छ़ार। मुसा शोटै तेऊ छ़ारा राज़े फिरोने आछी सम्हनै सरगा बाखा लै। मुसा शोटअ सह छ़ार सरगा बाखा लै, हेरा-हेरी निखल़ै मिसर देशे मणछा और डागै-चैणैं दुखणैं। पर इस्राएलीए निं किछ़ै हान्नी हूई। राज़अ हुअ होर बी काठअ और तेऊ निं मुसा और हारूणें गल्ल मनी। ![](https://cdn.door43.org/obs/jpg/360px/obs-en-10-08.jpg) मुसा किई आपणीं बाता हांढणें शोठी सरगा बाखा लै, हेरा हेरी लागअ गुल़ूबिज़ल़ू और सारै मिसर देशै लागै बडै-बडै शरू पल़दै। शरू जैंदरी ती आग बी लागी दी बरशदी। तिंयां शरू तै एतरै बडै-बडै कि ज़धा ओर्ही मिसर देश बस्सअ तधा ओर्ही निं इहै शरू कधि पल़ै तै। सारै मिसर देशै मणछ, डागै-चैणैं, खेचे पज़ैआ ज़ुंण बी बागै आसा तै तिंयां हुऐ खतम। शरू करै हुऐ डाल़-बूट बी खतम। राज़ै शादै मुसा और हारूण संघा बोलअ तिन्नां लै इहअ, “सच्च़ी हुअ मेरै भलै एसा बारी पाप, हुंह और मेरै लोग आसा पापी और बिधाता आसा धर्मीं। “ऐबै निस्सअ म्हारै गुल़ूबिज़ल़ू और शरू ज़िर्हुई। ज़ीबाण, बिधाता का करा अरज़ कि सरग लोल़ी ऐबै कुआशुअ। तम्हैं सोभै लागा ऐबै डेऊंदै, हुंह निं तम्हां ऐबै मिसर देशै रोक्की डाहंदअ।” मुसा किई बिधाता का अरज़, हेरा-हेरी मुक्कअ गुल़ूबिज़ल़ू, शरू और सरग कुअशुई ज़ाथी निम्बल़अ। ![](https://cdn.door43.org/obs/jpg/360px/obs-en-10-09.jpg) ज़ांऊं राज़ै भाल़अ कि सरग कुआशुअ और गुल़ूबिज़ल़ू मुक्कअ, सह हुधूअ तेखअ भिई। राज़अ और तेऊए कार-करिंदै पल़ी होर बी खास्सी हठ। तिन्नैं निं तेखअ इस्राएली लोगा डेऊणैं दैनअ। ![](https://cdn.door43.org/obs/jpg/360px/obs-en-10-10.jpg) सारै मिसर देशै भर्हुऐ रैट्टै ई रैट्टै। तिंयां तै एतरै कि तधा का पैहलै निं मिसर देशै तिहै रैट्टै आऐ तै और नां आजू कधू इहअ च़ाल्लअ हई। धरनीं हुअ रैट्टै करै काल़अ ई काल़अ, तिन्नैं रैट्टै खाई सारी पज़ैआ ज़ुंण शरू का बच़ी ती। ![](https://cdn.door43.org/obs/jpg/360px/obs-en-10-11.jpg) मुसा किअ आपणअ हाथ उझै सरगा बाखा लै, तेभा पोर्ही रहअ चिई धैल़ै तैणीं सारै मिसर देशै नटिप्प न्हैरअ हई। सह न्हैरअ त इहअ कि मिसर देशे लोगे निस्सै एकी दुजे मुंह बी शुझुई और नां कुंण आपणैं घरा का ओर्ही-पोर्ही डेऊऐ। पर ज़हा ज़ैगा इस्राएली रहा तै, तिधी आसा त राम्बल़अ प्रैशअ। ![](https://cdn.door43.org/obs/jpg/360px/obs-en-10-12.jpg) नहुई आफ़तै बाद बी निं इस्राएली लोगा डेऊणैं दैनअ। तेखअ बोलअ बिधाता मुसा लै इहअ, “ऐबै लाई मंऐं मिसर देशे लोगा लै एक होर सज़ा दैई। एता बाद दैणअ तेऊ तम्हां डेऊणैं। *लुआह धैअ 5-10 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_10_128kbps.m4a ## 11. ओवार्णो थैर https://openbiblestories.org/l/kfx-x-outerseraji/story-11/ ![](https://cdn.door43.org/obs/jpg/360px/obs-en-11-01.jpg) तेखअ बोलअ बिधाता मुसा लै इहअ, “ऐबै लाई मंऐं मिसर देशे लोगा लै एक होर सज़ा दैई। एता बाद दैणअ तेऊ तम्हां डेऊणैं, इधी तैणीं कि तेऊ काढणैं तम्हैं ज़ोरा-ज़ोरी मिसर देशा का बागै। तेखअ डेऊअ मुसा राज़ै सेटा लै संघा बोलअ इहअ, “हुंह आअ ताह सेटा इहअ कि ताखा लोल़ी थोघ लागअ बिधाता ऐबै किज़ै लाअ करी। बिधाता बोलअ इहअ, ‘मुंह दैणीं आझ़ राची मिसर देशै हांढ, राज़गादी दी बेशणैं आल़ै राज़ै ओर्ही एकी गुलामा तैणीं सारै मिसर देशै ज़ेतरै बी ज़ेठै शोहरू आसा तिंयां मरनै सोभ। इधी तैणीं कि डागै-चैणैं मांझ़ै बी ज़ुंण पैहलै सोए नर पशू बी निं बच़णैं। बिधाता किअ तेऊओ मन होर बी काठअ और सह निस्सअ इस्राएली लोगा मिसर देशा का छ़ाडी। ![](https://cdn.door43.org/obs/jpg/360px/obs-en-11-02.jpg) तेखअ बोलअ बिधाता मुसा और हारूणा लै, सोभी इस्राएली का खोज़ इहअ कि एऊ भिन्नें दसुई धैल़ी छ़ांटै आपणैं पित्तरे खांनदानीए दी सोभी टोले मुखियै गाभू कि छ़ेल्हू। तेखअ च़ौदुई धैल़ी ज़ांऊं धैल़अ उडे, तेभै करै सोभै इस्राएलीए सोभै टोल आपणैं-आपणैं तेऊ छ़ांटी करै ज़ुदै धाचै दै चैणैं बल़ी। ![](https://cdn.door43.org/obs/jpg/360px/obs-en-11-03.jpg) “तेऊ चैणें लोहू का लाऐ धख लोहू दुआरे दोहरै खल़ै दरिंडा दी और मुंडै। ज़हा-ज़हा घरै तिंयां चैणैं काटै और खाणैं, तेऊ चैणैंओ मास्स खाऐ आगी जैंदरी भुज़ी करै भोज़न और कल़ुऐ शागे भाज़ी संघै, झ़टपटै छ़ेक्कै-छ़ेक्कै। नढैऊऐ रहै मिसर देशा का निखल़णां लै तैर्हुई। ![](https://cdn.door43.org/obs/jpg/360px/obs-en-11-04.jpg) ज़िहअ-ज़िहअ बिधाता मुसा और हारूणा लै हुकम किअ त, सोभी इस्राएली किअ तिहअ ई। तेखअ हुअ बी तिहअ ई, आधा राची पाऐ बिधाता सारै मिसर देशे लोगे हर घरे ज़ेठै शोहरू मारी। ![](https://cdn.door43.org/obs/jpg/360px/obs-en-11-05.jpg) बिधाता त तिन्नां लै इहअ बी बोलअ द, “ज़ुंण दुआरे दरिंडा दी तम्हैं मिम्मूं काटी करै लोहू लाअ, सह हणअ एसा गल्लो नछ़ैण कि तिधी रहा तम्हैं। ज़िधी मुखा सह लोहू शुझिए तिधा का डेऊणअ मूंह प्रैंदी पोर्ही और थारी निं किछ़ हान्नी हणीं। ![](https://cdn.door43.org/obs/jpg/360px/obs-en-11-06.jpg) मिसर देशे लोगे निं थारी गल्लो भरोस्सअ किअ, और नां बिधातो हुकम मनअ। मिसर देशे सोभै लोग लागै हिक्का पटाकी ज़ोरै-ज़ोरै लेरा लांदै, किल्हैकि मिसर देशै निं एक बी घर इहअ आथी त ज़िधी कुंण मूंअ निं आथी त। ![](https://cdn.door43.org/obs/jpg/360px/obs-en-11-07.jpg) राज़गादी दी बेशणैं आल़ै राज़ै ओर्ही एकी गुलामा तैणीं सारै मिसर देशै ज़ेतरै बी ज़ेठै शोहरू आसा तै तिंयां मूंऐं सोभ। इधी तैणीं कि डागै-चैणैं मांझ़ै बी ज़ुंण पैहलै सोए नर पशू आसा तै, तिंयां बी निं बच़ै और सारै मिसर देशै लागी लैल़ा-पकारा। ![](https://cdn.door43.org/obs/jpg/360px/obs-en-11-08.jpg) तेखअ शादै राज़ै तैहा ई राची भितरी मुसा और हारूण, संघा बोलअ तिन्नां लै, “तम्हैं सोभ इस्राएली निखल़ा हाम्हां जैंदरा का म्हारै एऊ देशा का दूर! ज़िहअ तम्हैं बोला तिहै लागा आपणैं बिधाते भगती करदै डेऊंदै। *लुआह धैअ 11:1-12:32 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_11_128kbps.m4a ## 12. लुआह https://openbiblestories.org/l/kfx-x-outerseraji/story-12/ ![](https://cdn.door43.org/obs/jpg/360px/obs-en-12-01.jpg) ज़ांऊं इस्राएली मिसर देशा का निखल़ै तिंयां हुऐ खास्सै खुशी। बिधाता आणै तिंयां मिसर देशे गुलामीं का छड़ैऊई। बिधाते दौलती हुऐ इस्राएली संघा रहणैं आल़ै मिसर देशे लोग इहै भलै कि इस्राएली लोगै ज़ुंण बी च़ीज़ तिन्नां का मांगी, तिन्नैं निं तेता लै नांह किअ। इहअ करै निंईं इस्राएली मिसर देशा का डेऊंदी बारी मिसर देशे लोगा का खास्सी धन-माया बी आप्पू संघा। मिसर देशे कई लोगै बी किअ बिधाता प्रैंदै विश्वास और तिन्नां मांझ़ै बी लागै कई इस्राएली संघै हांढदै। ![](https://cdn.door43.org/obs/jpg/360px/obs-en-12-02.jpg) धैल़ी हांढा त बिधाता खास्सै घणैं बडै थाम्हा ज़िहै बादल़ा दी तिन्नां आजू-आजू और राची हांढा त ज़ल़दी आगीए बडै थाम्हा दी तिन्नां आजू-आजू, ताकि तिंयां धैल़ी और राची हांढी सके। ![](https://cdn.door43.org/obs/jpg/360px/obs-en-12-03.jpg) थोल़ै धैल़ै बाद हुअ इहअ कि मिसर देशे राज़ै फिरी एही सोर कि इस्राएली निं गुलामीं का आज़ाद करनै और सह आअ आपणीं फाहण-फौज़ लई तिन्नां पिछ़ू ढाकदअ कि तिन्नां पिछ़ू फरेऊए। बिधाता किअ मिसर देशे राज़ैओ मन काठअ, तैही आअ सह तिन्नां पिछ़ू। किल्हैकि सह च़ाहा त इहअ कि सोभी का सोभी का थोघ लागे कि सह आसा बिधाता और ज़ुंण बिधाता करनअ च़ाहा, तेता निं कोहै रोक्की सकदअ। ![](https://cdn.door43.org/obs/jpg/360px/obs-en-12-04.jpg) ज़ांऊं इस्राएली मिसर देशो राज़अ आपणीं फौज़ा संघी पिछ़ू एछदअ भाल़अ, तिन्नां पल़अ बडअ भारी हैल़अ, तिंयां लागै ज़ोरै-ज़ोरै लैल़ा लाई बिधाता का मज़ती मांगदै। तेखअ लागै मुसा लै बोलदै, “मिसर देशै ज़ै हाम्हैं मरी बी डेऊंदै, तेथ ती हाम्हां दाबणा लै बतेर्ही घोरी आसा! तंऐं पजैल़ै मारना लै हाम्हैं इधी एऊ उज़ल़ रेगीस्तानै! ![](https://cdn.door43.org/obs/jpg/360px/obs-en-12-05.jpg) मुसा दैनअ इस्राएली लै इहअ ज़बाब, “तम्हैं निं डरदै लागा! ईंयां मिसरी ज़ुंण तम्हां हारदै-मारदै आऐ, ईंयां निं आझ़ा बाद तम्हां तंग करदै एछणैं। तम्हां निं किछ़ करने ज़रुरत आथी, बिधाता करनअ थारै बदल़ै आप्पै इना संघै जुध।” बिधाता बोलअ तेखअ मुसा का, “तूह किल्है आसा मुखा ज़ोरै-ज़ोरै हाक्का लाई मज़ती मांगदअ लागअ द? इस्राएली लोगा लै बोलअ इधा का लागा आजू हांढदै। ![](https://cdn.door43.org/obs/jpg/360px/obs-en-12-06.jpg) परमेशरो स्वर्ग दूत रहा त कबल्लअ इस्राएली लोगा आजू-आजू हांढदअ लागी, पर तेभा पोर्ही लागअ सह तिन्नां पिछ़ू-पिछ़ू हांढदअ। ज़ुंण बादल़ो थाम्ह बी इस्राएली आजू-आजू हआ त, सह बी हुअ इस्राएली लोगा पिछ़ू। इहअ करै आअ सह बादल़ इस्राएली और मिसर देशे फौज़े मांझ़ा-मांझ़ी। ![](https://cdn.door43.org/obs/jpg/360px/obs-en-12-07.jpg) ज़िहअ बिधाता मुसा लै बोलअ, तेऊ किअ समुंदरे पाणीं प्रैंदै आपणअ हाथ आजू और बिधाता छ़ाडी पुर्बा बाखा ढिश-बागर। ढिश-बागरी रही सारी राची लागी, समुंदरो पाणीं हुअ ओर्ही-पोर्ही दूई बाखा लै और धरनीं निखल़ी शुक्की ज़ैगा। ![](https://cdn.door43.org/obs/jpg/360px/obs-en-12-08.jpg) इस्राएली लोग लागै समुंदरै मांझ़ा-मांझ़ी शुक्की ज़ैगा बाती हांढदै और तिन्नें दैहणै-बाऊंऐं आसा ती पाणींए दुआली बणीं दी। ![](https://cdn.door43.org/obs/jpg/360px/obs-en-12-09.jpg) मिसर देशे राज़ै फिरोने रथ, और घोल़ै दी शुंआर सारी फौज़ डेऊई इस्राएली पिछ़ू समुंदरा मांझ़ै। ![](https://cdn.door43.org/obs/jpg/360px/obs-en-12-10.jpg) राचकै च़ौथै पहरै भाल़अ बिधाता आगीए थाम्हा बाती मिसर देशे फौज़ा बाखा और तिन्नें मनैं पल़ी डर और झाख। तिन्नें रथे थरेट लागै पोर्ही निखल़दै और तेता करै हुअ तिन्नां आजू हांढणअ कठण। तेखअ लागै मिसरी आप्पू मांझ़ै गल्ला करदै, “च़ाल्ला, इना इस्राएली दैआ रहणैं, हाम्हां हुअ पिछ़ू हटणअ! बिधाता आसा आप्पै इना बाखा हाम्हां मिसरी संघै जुधा करदअ लागअ द।” ![](https://cdn.door43.org/obs/jpg/360px/obs-en-12-11.jpg) इस्राएली टपै सोभ समुंदरा मांझ़ा-मांझ़ी शुक्की ज़ैगा बाती पार। तेखअ बोलअ बिधाता मुसा लै इहअ, “आपणअ हाथ कर समुंदरे पाणीं प्रैंदै आजू, समुंदरो पाणीं ढुल़णअ दुही बाखा का मिसरी रथा, घोल़ै और सारी फौज़ा प्रैंदै।” ज़िहअ बिधाता बोलअ मुसा किअ आपणअ हाथ समुंदरे पाणीं प्रैंदै आजू और राची भैणै का आजी हुअ समुंदरो पाणीं बलैल्लअ। मिसर देशे सारी फौज़ लागी पिठ फरेऊई ठुहर्दै पर बिधाता डबेऊऐ तिंयां सोभ समुंदरै पाणीं मांझ़ै। ![](https://cdn.door43.org/obs/jpg/360px/obs-en-12-12.jpg) तैहा धैल़ी भाल़ी इस्राएली लोगै समुंदरे बाढै मिसर देशे फौज़े ल्हासा, तेखअ ज़ाण्हूंअ तिन्नां का कि बिधाता बच़ाऊऐ तिंयां मिसरी का। ज़ेही महान शगती रहैऊई करै बिधाता मिसरी खतम किऐ, तेता भाल़ी किई इस्राएली बिधाते ज़ै-ज़ैकार और तेऊए गूर मुसो बी किअ तिन्नैं विश्वास। ![](https://cdn.door43.org/obs/jpg/360px/obs-en-12-13.jpg) मिसर देशा का निखल़ी तै इस्राएली खास्सै खुश हुऐ दै कि बिधाता आणै तिंयां मिसर देशे गुलामीं का छड़ैऊई। इस्राएली आसा तै ऐबै बिधाते हुकम और पूज़ा, भगती, बल़ीदान और ज़िन्दगी दी हर गल्लै बधान मनणा लै आज़ाद। तेखअ गांठी मुसा और इस्राएली लाल समुंदरा पार डेऊई बिधाता गिह और कई गिहा बोली रहै तिंयां बिधाते ज़ै-ज़ैकार करदै लागी। ![](https://cdn.door43.org/obs/jpg/360px/obs-en-12-14.jpg) बिधाता बिधाता डाहअ मुसा और हारूणा लै इहअ खोज़ी, “ऐहा गल्ला डाहै तम्हैं आद कि मंऐं बिधाता ज़ेऊ देशै तम्हां निंणे करार आसा किई दी, तिधी पुजी करै बी करै तम्हैं एऊ बधाना हर साल एऊ थैरा पोस्ती दर पोस्ती इहै ई मनाऊंईं पूरै। तधा पोर्हि हुई ओवार्णें थैरे शुरूआत। तेखअ किऐ मुसा सोभी इस्राएली टोलीए सैणैं कठा संघा बोलअ तिन्नां लै इहअ, “सोभी इस्राएली टोली दी छ़ांटा सोभै टोल हेल़्ही जैंदरा का एक गाभू कि छ़ेल्हू, संघा काटा तेऊ ओवार्णै लै। इहअ करै मनाऊंआं तम्हैं ओवार्णैओ थैर। तेऊ चैणैंओ मास्स खाऐ आगी जैंदरी भुज़ी करै भोज़न और कल़ुऐ शागे भाज़ी संघै छ़ेक्कै-छ़ेक्कै। *लुआह धैअ 12:33-15:21 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_12_128kbps.m4a ## 13. इस्राएली संघै किई बिधाता करार https://openbiblestories.org/l/kfx-x-outerseraji/story-13/ ![](https://cdn.door43.org/obs/jpg/360px/obs-en-13-01.jpg) इना सोभी गल्ला हणैं बाद लागै इस्राएली लाल समुंदरा का आजू हांढदै। मुसा निंयैं इस्राएली सीनाई धारा नेल़ ज़ुंण उज़ल़ ज़ैगे पछ़मा बाखा आसा ती। अह आसा ती सह ई धार ज़िधी मुसा संघै बिधाता ज़ल़दै झ़ाकल़े आगी बाती गल्ला किई ती। तिधी पुजी पाऐ तिन्नैं तिधी धारा गोधै आपणैं डेरै। ![](https://cdn.door43.org/obs/jpg/360px/obs-en-13-02.jpg) बिधाता बोलअ मुसा और सोभी इस्राएली लै इहअ, “जै तम्हैं बिधातो बधान ज़िहअ खोज़अ तिहअ ई मनें, तै हणैं तम्हैं सफल और बलबान देश। ![](https://cdn.door43.org/obs/jpg/360px/obs-en-13-03.jpg) परमेशर शादअ बिधाता उझै धारा प्रैंदा लै और बाकी सारी परज़ा रही थारा गोधै। ज़ांऊं लोगा का गुल़ूबिज़ल़ूए ढिम्हां, बिज़ल़ीए च़पराल़ी, धूँ और धारा प्रैंदै करनाल़ी बाज़णें छ़ेल़ शुण्हुंई ता तिन्नां छ़ुटी डरै काम्मणीं और तिंयां ठुर्है धारे गोधा का दूर ज़िहै। ज़िधा का परमेशर गल्ला करदअ आसा त लागअ द, मुसा डेऊअ तेऊ घणैं बादल़ा नेल़ पर लोग रहै दूर ई खल़्हुई। ![](https://cdn.door43.org/obs/jpg/360px/obs-en-13-04.jpg) बिधाता बोलअ इस्राएली लोगा लै इहअ, “हुंह आसा थारअ परमेशर सह बिधाता ज़ुंणी तम्हैं मिसर देशे गुलामीं का आणै छ़ड़ैऊई। मुंह छ़ाडी निं कहा होरी आपणअ परमेशर मनी।” ![](https://cdn.door43.org/obs/jpg/360px/obs-en-13-05.jpg) “सरगै, पृथूई या धरतीए पाणीं दी निं तम्हैं कोहिए शक्ला ज़ेही मुर्ति या मैहरै बणांईं। नां तिन्नां मुर्ति और मैहरे पूज़ा करी और नां तिन्नां सेटा माथअ टेकी। थारअ परमेशर आसा हुंह बिधाता और हुंह च़ाहा इहअ कि तम्हैं लोल़ी सिधै मेरै हुऐ। मेरै नांओंआं निं तूह कज़ेही लई, ऐहा गल्ला डाहै तम्हैं आद कि बशैघे धैल़ी आसा मुंह बिधाता लै पबित्र। तम्हां लै आसा होरी कामां करना लै हर हबते छ़ह धैल़ै, पर हर हबते सातूई धैल़ी आसा मुंह थारै परमेशर बिधाता लै बशैघ। तैही दैनी मंऐं बशैघे धैल़ी लै बर्गत और अह धैल़ी आसा मंऐं आप्पू लै पबित्र डाही दी। ![](https://cdn.door43.org/obs/jpg/360px/obs-en-13-06.jpg) “आपणैं ईजा-बाबो करै अदर, तेता करै हणीं तेरी तैहा ज़ैगा खास्सी अमर ज़ुंण ज़ैगा मुंह बिधाता तम्हां लै दैणीं। हत्या निं करी। आपणीं बेटल़ी छ़ाडी होरी संघै सुत्ती कंज़रैई निं करी। च़ोरी निं करी होरीए बारै निं झ़ुठी शाजत दैई। होरीए च़िज़ो मांण निं करी कि सह लोल़ी ताह भेटी। नां कसरै घरो, नां कसरी बेटल़ी-मर्धो, नां कसरै गुलाम, नां कसरै बल्द, गाधै और नां कसरी किज़ू होरी च़िज़ो मांण करी।” ![](https://cdn.door43.org/obs/jpg/360px/obs-en-13-07.jpg) बिधाता दैनी मुसा लै दूई पात्थरे शिला ज़ेथ तिंयां दस हुकम आसा तै लिखै दै। बिधाता खोज़अ मुसा का पुज़ा,भगती, बल़ीदान और ज़िन्दगी दी हर गल्ला लै बधान।बिधाता बोलअ इस्राएली लोगा लै इहअ, ज़ुंण मुल्है झ़ूरा और मेरअ बधान मना, तेऊ लै रहा मेरी झींण और झ़ूरी हज़ारो पोस्ती तैणीं। थारअ परमेशर आसा हुंह बिधाता और हुंह च़ाहा इहअ कि तम्हैं लोल़ी सिधै मेरै हुऐ। ज़ुंण मुल्है नफरत करा, तिन्नां लै दैआ हुंह सज़ा। तिन्नें लागा शोहरू, पोचै, पल़पोचै और च़ौथी पोस्ती तैणीं आपणैं पित्तरे सज़ा भुगतणीं। ![](https://cdn.door43.org/obs/jpg/360px/obs-en-13-08.jpg) बिधाता दैनअ इस्राएली लै इहअ हुकम कि मुल्है बणांऐ पबित्र ताब्बू और तेऊ पबित्र ताम्बू दी मेरी पूज़ा लै सोभै च़िज़ा। ज़िहअ कि बेदी, धूप बेदी और परोहिते झिकल़ै किहै लोल़ी हुऐ और पबित्र और खास पबित्र ज़ैगा मांझा लै पल्दअ तेतो रूप बी खोज़अ। ईंयां गल्ला किई तिन्नैं तेही ई ज़िहअ बिधाता मुसा लै हुकम किअ त। मेल़-ज़ोल़े ताम्बूए खास पबित्र ज़ैगा सका त सिधअ माहा परोहित ई डेऊई। ![](https://cdn.door43.org/obs/jpg/360px/obs-en-13-09.jpg) तेखअ डाही तिन्नैं बिधाते मेल़-ज़ोल़े ताम्बू आजू हूम बल़ी करने बेदी, तेखअ बोलअ बिधाता मुसा लै इहअ, “ज़ै कुंण मणछ भूला-बिसरा बिधाता संघै धोखअ करे, सह आणै दोश बल़ी लै भेडा-बाकरीए हेल़्ही मांझ़ा का एक गाभू ज़ेथ किछ़ै खोट निं होए, तेखअ करै परोहित तेऊ गाभू बल़ी करी पापो प्राशत और इहअ करै हणैं तेऊ मणछे पाप माफ। लेबी लोग आसा तै बिधाता पबित्र ज़ैगा दी सेऊआ करनै आल़ै खास लोग और बिधातो परोहित निखल़ा पोस्ती दर पोस्ती लेबी गोत्रा का। ![](https://cdn.door43.org/obs/jpg/360px/obs-en-13-10.jpg) बिधाता ज़ुंण बधान और बिधी तिन्ना लै दैनी, तिंयां डाही तिन्नै आपणैं दिलै आद। इस्राएली किअ तिहअ ई ज़िहअ बिधाता हुकम आसा किअ द। ![](https://cdn.door43.org/obs/jpg/360px/obs-en-13-11.jpg) मुसा रहअ धारा प्रैंदै च़ाल़्ही धैल़ी और च़ाल़्ही राची बिधाता संघै। इस्राएली लागै भाल़ै कि मुसा पाई धारा प्रैंदै खास्सी बल़ैग, तेखअ झाल़्हुऐ तिंयां हारूणा सेटा, संघा लागै इहअ बोलदै, “ज़ुंणी मुसा हाम्हैं मिसर देशा का इधी तैणीं आणै, कुंण ज़ाणें कि उझै धारा प्रैंदै तेऊ लै किज़ै हुअ होए! तूह बणाऊ हाम्हां लै एक देअ, ज़ुंण हाम्हां सोभी आजू नढैओए और म्हारी रखबाली करे।” इहअ करै किअ तिन्नैं घोर पाप। ![](https://cdn.door43.org/obs/jpg/360px/obs-en-13-12.jpg) तिन्नैं सोभी लोगै खोल्है आपणैं काने बाल़ू पोर्ही संघा किऐ हारूणा सेटा कठा। हारूणैं गाल़अ सह सारअ सुंन्नअ संघा बणांअ एक सुन्नेंओ बाछ़ू। दुजै धैल़ै गऐ सोभै लोग दोथी उझ़ुई और तिन्नैं किऐ हूम बल़ी और आप्पू मांझ़ै खाणां लै बी काटी मेल़ बल़ी। तेखअ बोलअ बिधाता मुसा लै इहअ, “मुसा, मंऐं हेरअ भाल़ी कि ईंयां लोग आसा हठू, ऐबै फिरी मुंह इने एतरी रोश कि ईंयां करनै मुंह खतम, ऐबै निं मुंह रोकदअ लागी। तेखअ लागअ मुसा इहअ बोली करै बिधाता मनैंऊंदअ, “हे म्हारै बिधाता, आपणीं महान शगती करै पजैल़ै तंऐं ईंयां लोग मिसर देशा का इधी, ऐबै निं रोशै इना खतम करी आथी। बिधाता हटअ तेखअ पिछ़ू और तेऊ निं इस्राएली खतम किऐ, ज़िहअ तेऊ बोली हेरअ त। ![](https://cdn.door43.org/obs/jpg/360px/obs-en-13-13.jpg) ज़ांऊं मुसा उंधै लोगा नेल़ ज़िहअ पुजअ, तेखअ शुझुअ तेऊ का सह सुन्नेंओ बाछ़ू और लोग आसा तेऊ फेर नाच़दै लागै दै। एता भाल़ी आई मुसा बडी भारी रोशै और तेऊ शोटी तिंयां बिधाते बधान लिखी दी शिला उंधै धारे गोधा लै और तेते हुऐ ठोर-ठोर। ![](https://cdn.door43.org/obs/jpg/360px/obs-en-13-14.jpg) ज़ुंण इस्राएली सह सुन्नेंओ बाछ़ू देअ बणांअ त, सह पाअ मुसा आगी जैंदरी, और सह किअ पिशी करै छ़ारा ज़िहअ भींन। तेखअ राल़अ सह छ़ार तिन्नें झुटणें पाणीं जैंदरी संघा पणैंऊंअ सह दराणीं तिन्नां सोभी का। तेखअ हुअ इहअ कि बिधाता पाई तिन्नां लै घोर आफ़त तिन्ना मांझै पाऐ खास्सै लोग मारी। ![](https://cdn.door43.org/obs/jpg/360px/obs-en-13-15.jpg) एकी धैल़ै बोलअ बिधाता मुसा लै भिई इहअ, “ज़ेही मंऐं ताल्है पात्थरे शिला बणांईं दैनी ती, तेही काट दूई होर शिला, हुंह लिखूं तेथ तेऊ बधाना तेथ ज़िहअ मंऐं तिन्नां शिला दी लिखअ त, ज़ुंण तंऐं फाल़ी पाई। तेखअ बणांईं मुसा बडै शाफल़ा काटी करै तेही ई दूई शिला ज़ेही तिंयां पैहली शिला आसा ती। तेखअ डेऊअ दोती दोथी तिन्नां शिला संघा पाई उझै सीनाई धारा प्रैंदा लै, ज़िहअ तेऊ लै बिधाता हुकम किअ त। मुसा टेक्कअ उटी बाखा पल़ी बिधाता सेटा माथअ। संघा किई एही अरज़, “हे बिधाता, मेरै प्रभू, अह गल्ल ता आसा कि ईंयां लोग आसा हठू और पापी, पर म्हारै पाप कर माफ। बिधाता शुणी मुसै अरज़ संघा दैनी तिन्ना लै माफी। मुसा च़की तिंयां बिधाते बधान लिखी दी दूई पात्थरे शिला आप्पू संघै, संघा होथअ सीनाई धारा का उंधै। तेखअ रहअ बिधाता इस्राएली लोगा संघै सीनाई धारा का कनान देशा तैणीं। *लुआह धैअ 19-34 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_13_128kbps.m4a ## 14. इस्राएली रहै उज़ल़ रेगिस्तानै रिंगदै लागी https://openbiblestories.org/l/kfx-x-outerseraji/story-14/ ![](https://cdn.door43.org/obs/jpg/360px/obs-en-14-01.jpg) सीनाई धारा प्रैंदै ज़ांऊं बिधाता मुसा का बधान और हुकम खोज़ी मुक्कअ। तेखअ बोलअ बिधाता इस्राएली लै कि ऐबै लागा सीनाई धारा का आजू हांढदै। मुसा लै बोलअ इहअ, “तंऐं आणै इस्राएली मिसर देशा का इधी तैणीं। ऐबै तैर्हू तूह इना लोगा तैहा ज़ैगा पजैल़णां लै ज़ेते करार मंऐं इने बाब-दादै आबराम, इसहाक और याकूबा का आसा किई दी। बिधाता हांढा त बादल़े थाम्हा दी इस्राएली का आजु-आजु, और तिंयां हांढा तै तेऊ पिछू-पिछू। ![](https://cdn.door43.org/obs/jpg/360px/obs-en-14-02.jpg) बिधाता आसा ती आबराम, इसहाक और याकूबा संघै एही करार किई दी कि तेऊ दैणीं अह ज़ैगा आजू तिन्नें आद-लुआदा लै। पर तेऊ देशे आसा ती खास्सी ज़ातीए लोग बस्सै दै, तिन्नां लै बोला तै कनानी। पर ज़ुंण ज़ाती तेऊ देशै आसा बस्सी दी; तिंयां करा तै होरी देओआ-देबते पूज़ा, होर ता होर तिंयां करा तै आपणै शोहरू-शोहरी बी आपणैं देओआ-देबतै लै बल़ीदान। ![](https://cdn.door43.org/obs/jpg/360px/obs-en-14-03.jpg) बिधाता बोलअ इस्राएली लै, ज़ांऊं तम्हैं तिन्नां का जुध ज़िती करै तैहा ज़ैगा आप्पू लै गिम्मी हेरे, तम्हैं करै तिन्नें पूज़ा-गाज़ा करने ज़ैगा पठी खतम और तिन्नां लै निं ल्हैज़ करी, नां तिन्नां संघै किज़ै करार करदै लागी, नां तिन्नें शोहरीओ बैह आपणैं शोहरू संघै करी और नां आपणीं शोहरीओ बैह तिन्नां संघै दैई हणैं। किल्हैकि ज़ै तम्हैं इहअ नांई करे, तेखअ सका तिंयां थारी आद-लुआदा होरी देओआ-देबते पूज़ा कराऊई कबाता पाई। ![](https://cdn.door43.org/obs/jpg/360px/obs-en-14-04.jpg) ज़ांऊं इस्राएली कादेश-बर्ना पुजै। तेखअ छ़ांटै मुसा हर गोत्रे मुखियै मांझ़ै एक-एक मणछ, कनान देशो भेद लणा लै। कनान देशो भेद लणा लै छ़ाडदी बोलअ मुसा तिन्नां लै इहअ कि इधा का डेओआ दखण देशा बाती, संघा भाल़ै सराज़ी देशा बाती डेऊई तेऊ देशा कि तेथ किहअ लाक्कअ आसा, इहअ बी भाल़ै कि तेऊ देशै केतरै लोग आसा और तिंयां केतरै बलबान आसा, ऐहा गल्ले भेख बी लऐ कि तेऊ देशे लोगो रहणअ बस्सणअ किहअ आसा, तिन्नें नगरी फेर खुल्हअ आसा कि फेर बडी दुआली आसा। इहअ भाल़ै ज़रूरी कि सह ज़िम्मीं रज़दी-पज़दी आसा कि नांईं और तेथ किहै-किहै डाल़ बूट आसा। ![](https://cdn.door43.org/obs/jpg/360px/obs-en-14-05.jpg) मुसा जुंण मणछ कनान देशा लै छ़ाडै तै; च़ाल़्ही धैल़ै बाद पुजै तिंयां तेऊ देशो भेद लई बापस फिरी। तिन्नैं खोज़ी सारी गल्ला इहअ बोली करै, “ज़ेऊ देशा लै तंऐं हाम्हैं छ़ाडै तै; हाम्हैं आऐ तिधा का हांढी, तेऊ देशे ज़िम्मीं आसा सच्च़ी रज़दी-पज़दी, पर तिधे रहणैं आल़ै लोग आसा ज़बर ज़ोरा आल़ै और तिन्नें बडी-बडी नगरी फेर आसा बडी उछ़टी-उछ़टी दुआली दैनी दी। म्हारअ ज़ै तिन्नां मणछा संघै जुध होए हाम्हैं निं तिन्नां का ज़िती सकदै और तिन्नां का निं हाम्हैं ज़िऊंदै बच़ी सकदै। ![](https://cdn.door43.org/obs/jpg/360px/obs-en-14-06.jpg) नूनो शोहरू यहोशू और यपुन्नेंओ शोहरू कालेब बी तै तिन्नां होरी संघै कनान देशे भेख लंदै डेऊए दै, तेखअ लागै तिंयां गल्ला खोज़दै, “तेऊ देशे लोग आसा सच्च़ी बडै-बडै दैंतर और ज़बर ज़ोरा आल़ै, तम्हैं करा सिधअ इहअ कि बिधाता का कबाता डेऊई निं एक्कअ करा, नां तिधी रहणैं आल़ै लोगा का डरदै लागा, किल्हैकि तिंयां हारनै आसा हाम्हां लै सान किल्हैकि हाम्हां संघै आसा बिधाता आप्पै। ![](https://cdn.door43.org/obs/jpg/360px/obs-en-14-07.jpg) पर तिन्नैं निं यहोशू और कालेबे गल्ला शूणीं। सोभै इस्राएली टोलीए लोग लागै मुसा और हारूणा सेटा तेऊ लै बखरदै; और इहअ बोलदै, “एता का भलअ हणअ त इहअ ज़ै हाम्हैं मिसर देशै ई मरदै! कि मरदै हाम्हैं पोर्ही तेऊ उज़ल़ रेगीस्तानै! बिधाता किल्है च़ाहा हाम्हां तेऊ देशा लै निंणअ? तेऊ देशे लोगा पाणैं हाम्हैं सोभै मर्ध जुधा दी मारी और म्हारै बेटल़ी माठै करनै तिन्नां कैद, एता का आसा हाम्हां लै मिसर देशा लै बापस फिरनअ ठीक।” संघा लागै तिंयां आप्पू मांझ़ै बोलदै, “एछा हाम्हां बणांणअ आप्पू मांझ़ै आपणअ एक मुखिय संघा डेऊणअ हाम्हां मिसर देशा लै बापस फिरी।” ![](https://cdn.door43.org/obs/jpg/360px/obs-en-14-08.jpg) तेखअ हुअ इहअ कि हेरा-हेरी शुझुअ लोगा कि बिधाता हुअ मेल़-ज़ोल़े ताम्बू दी बादल़ा जैंदरी प्रगट। तेखअ बोलअ बिधाता मुसा लै इहअ, “इना लोगा केभै तैणीं निं मेरी कदर करनी? तम्हैं मरनै इधी एऊ उज़ल़ रेगीस्तानै, ज़ेतरै बी तम्हैं बिहा साला उझै अमरे आसा, तम्हैं रहै मुंह नकदरै समझ़ी बखर्दै लागी। तम्हां मांझ़ै निं यपुन्नें शोहरू कालेब और नूने शोहरू यहोशू छ़ाडी कोहै तेऊ देशै पुजणअ ज़हा देशे बारै मंऐं इहअ आसा बोलअ द कि तम्हैं बसाऊणैं मुंह तिधी। ![](https://cdn.door43.org/obs/jpg/360px/obs-en-14-09.jpg) ज़ांऊं मुसा ईंयां सारी गल्ला इस्राएली का खोज़ी; तिंयां लागै लेरा-पकारा लांदै और तिन्नैं मनाऊंअ शोग। संघा लागै इहअ बोलदै “हाम्हैं किअ पाप; पर ऐबै आसा हाम्हैं डेऊणा लै राज्ज़ी, हाम्हां डेऊणअ तैहा ज़ैगा लै ज़ेते बारै बिधाता करार आसा किई दी।” पर मुसा बोलअ तिन्नां लै इहअ, “तम्हैं निं आजी बिधाते गल्ला शूणीं और ऐबै ज़िहअ तम्हैं च़ाहा, सह निं सफल हई सकदअ। इहअ करदै निं तम्हैं धख बी लागी आथी हेरे बिधाता निं ऐबै तम्हां बाखा आथी। पर इस्राएली निं मुसे गल्ला शूणीं तिंयां रहै धारा बाखा लै हांढदै लागी। ![](https://cdn.door43.org/obs/jpg/360px/obs-en-14-10.jpg) तैहा धारा रहा तै अमोलकी और कनानी लोग, तिन्नैं दैनअ इस्राएली लै फेरा-फेर गोट, संघा च़िकदी मारदी दरल़ाऊऐ तिंयां होर्मा नांओंए नगरी तैणीं। तेखअ ठुर्है तिंयां तिन्नां सेटा का संघा पुजै कादेश-बर्ना मेल़-ज़ोल़े ताम्बू सेटा फिरी। संघा रहै तिंयां च़ाल़्ही साला तैणीं धारा फेर रिंगदै लागी। ![](https://cdn.door43.org/obs/jpg/360px/obs-en-14-11.jpg) बिधाता किई तेऊ डरैऊंणै रेगीस्ताने च़ाल़्ही साला तैणीं इस्राएलीए मज़त और हेर-सभाल़। खिरी लागै तिंयां मुसा संघै हठ करदै कि तिंयां रुंझ़ूऐ तेऊ खाणा खाई और तिन्नां खाणीं ती शिखा ज़ेही तिंयां मिसर देशै खाआ तै! बिधाता दैनअ इस्राएली लै सरगा का खाणां लै, तेखअ हुअ इहअ कि समुंदरे बाढा का आऐ होछ़ै-होछ़ै च़ेल्लू इस्राएलीए ताम्बूए डेरै फेर सारै दी संघा बेठअ तिन्नों छ़ुंढ तिधी। बिधाता दैनी तिन्नां लै बैल़ी-कलारी ई खाणां लै शिखा ज़ेतरी तिंयां खाई सका तै। इना च़ाल़्ही साला नां ता तिन्नें झिकल़ै धेल़्हुऐ और नां खूरे पोलल़ै। ![](https://cdn.door43.org/obs/jpg/360px/obs-en-14-12.jpg) बिधाता काढअ इस्राएली लै शुक्की टोल्हा का पाणीं बी झुटणा लै। तेखअ बी किअ तिन्नैं मुसा और बिधातो बरोध। तैबी किई बिधाता आपणीं सह करार पूरी ज़ुंण तेऊ आबराम, इसहाक और याकूबा संघा किई ती। ![](https://cdn.door43.org/obs/jpg/360px/obs-en-14-13.jpg) च़ैत्रै पुजी सारी इस्राएली टोली सीन नांओए रेगीस्तानै, संघा पाऐ तिन्नैं तिधी कादेश नगरी नेल़ आपणैं डेरै। तैहा ज़ैगा निस्सअ इस्राएली टोली झुटणा लै बी पाणीं भेटी। तेखअ बोलअ बिधाता मुसा लै इहअ, “मुसा, आपणीं हांढणें शोठी निंऊं, तेखअ बोल बडी टोल्हा सेटा डेऊई करै कि तेता का लोल़ी पाणीं निखल़अ।” ज़िहअ बिधाता बोलअ मुसा निंईं मेल़-ज़ोल़े ताम्बू भितरा का आपणीं शोठी। तेखअ किई मुसा आपणीं शोठी उझै खल़ी संघा बाही तेता करै दूई बारी टोल्हा लै। ज़ेतरी सह बाही निं मुक्कअ, तेतरी गई पारा का पाणींए गाड़ निखल़ी। पर बिधाता बोलअ मुसा और हारूणा लै, “ज़ुंण देश मंऐं इना इस्राएली लै दैनअ तिधी पजैल़णैं आल़ै निं ऐबै तम्हैं दूई रहणैं किल्हैकि तम्हैं निं इना इस्राएली सम्हनै मेरै बला दी इहअ भरोस्सअ किअ कि ईंयां मुंह पबित्र समझ़े।” ![](https://cdn.door43.org/obs/jpg/360px/obs-en-14-14.jpg) ज़ांऊं इस्राएली च़ाल़्ही साला तैणीं धारा फेर रिगीं मुक्कै और जुंणी इस्राएली बिधाता बरोध किअ त; तिंयां गऐ तै सोभ मरी। तेखअ बोलअ मुसा सोभी इस्राएली लै इहअ, “मेरी अमर गई ऐबै एकी शौआ बिहा साले हई, ऐबै निं हुंह इधा आजू तम्हां संघै थारअ सैणअ हणअ। बिधाता बी हेरअ मुल्है इहअ बोली कि हुंह निं ऐबै जरदण नदी पार टपी डेऊई सकदअ। पर बिधाता बोलअ इहअ कि यहोशू हणअ ऐबै मेरी ज़ैगा थारअ सैणअ।” संघा बोलअ मुसा सारी इस्राएली टोली नदरी यहोशू लै इहअ, “यहोशू, तूह डाह हैअ और हिम्मत कर, ताह लागणै ईंयां सोभै तेऊ देशै पजैल़णैं ज़ेता दैणें करार बिधाता इने बाब-दादै संघै आसा किई दी।” ![](https://cdn.door43.org/obs/jpg/360px/obs-en-14-15.jpg) तेखअ बोलअ तैहा ई धैल़ी बिधाता मुसा लै इहअ, “मुसा, तूह डेऊ इधी मोआब अबरीम धारा लै ज़ेता सम्हनै जरदण नदी पार येरिहो नगरी आसा। तेखअ डेऊ उझै नोबा नांओंए च़ुंडी लै, तिधा का जाणीं ताखा कनान देशे सह ज़ैगा दूर तैणीं शुझुई ज़ुंण मंऐं इस्राएली लै आसा लाई दी दैई।” तेखअ बोलअ बिधाता मुसा लै इहअ, “अह आसा सह ई ज़ैगा ज़ेते करार मंऐं आबराम, इसहाक और याकूबा संघै आसा किई दी कि तिन्नें आद-लुआदा लै दैणीं मुंह अह ज़ैगा। ऐबै हेरी मंऐं तम्हां का अह रहैऊई, पर तूह निं आप्पू जरदण नदी पार टपी ऐहा ज़ैगा पुजणअ आथी।” तेखअ हुअ इहअ कि बिधाते दास मुसा गूर गअ मोआब देशै तिधी ज़ांऐं, ज़िहअ बिधाता बोली त हेरअ द। तिधी किअ तिन्नैं मुसा लै तिहा धैल़ै तैणीं लेरा-पकारा पाई शोग ज़िहअ तिन्नों रबाज़ आसा त। मुसा हेरी ती मरनै का आजी आपणीं पदबी नूने शोहरू यहोशू का सभाल़ी। बिधाता दैनी यहोशू लै राम्बल़ी समझ़-बुध। यहोशू बी किअ तिहअ ई ज़िहअ बिधाता बोलअ त। *लुआह धैअ 16-17; गणांई 10-14; 20; 27; बधान 34 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_14_128kbps.m4a ## 15. सह देश ज़ेते बिधाता इस्राएली लै दैणें करार आसा ती किई दी https://openbiblestories.org/l/kfx-x-outerseraji/story-15/ ![](https://cdn.door43.org/obs/jpg/360px/obs-en-15-01.jpg) खिरी पुजअ इस्राएली लै कनान देशै पुजणेंओ बगत एछी ज़ेते बिधाता तिन्नां लै करार आसा ती किई दी। तेऊ देशै आसा ती यरिहो नांओंए नगरी, तेता फेर-फिरदी आसा ती बड़ी भारी उछ़टी दुआल ज़ेता करै तैहा नगरीए रखबाल्ली हआ ती। यहोशू छ़ाडै तैहा नगरीए भेद लणां लै दूई दूत। तैहा नगरी रहा ती राहाब नांओंए एक कंज़री बी। ज़ांऊं तिन्नां दूते बारै थोघ लागअ; तैहा डाहै तिंयां आपणैं घरै च़ोरी, तिहअ करै बच़ी तिन्नें ज़ान। तैहा किअ इहअ किल्हैकि सह डाहा ती आप्पू बी बिधाता दी भरोस्सअ। तिन्नैं दूतै बोलअ नांहदा बारी इहअ कि ऐहा नगरीओ हणअ बनाश पर ताह निं हाम्हां तेभै होरी मारनै दैणअ, अह रही म्हारी ज़बान। ![](https://cdn.door43.org/obs/jpg/360px/obs-en-15-02.jpg) ज़ेऊ देशा दैणें करार बिधाता आसा ती किई दी, तिंयां पुजै तेता आर बाखा मांझ़ै ती जरदण नदी, पार डेऊणां लै शाची तिन्नां जरदण नदी टपणीं। बिधाता बोलअ यहोशू लै इहअ, “इना परोहिता दै सोभी का आजी दरैअ टपणैं।” ज़ेतरी तिन्नैं परोहितै जरदण नदीए दरैऊए पाणीं दी आपणीं गंईं लाई, दरैअ शुक्कअ हेरा-हेरी और पिछ़ू टप्पै सोभै इस्राएली राज़ी-राम्बल़ै जरदण नदी पार कनान देशा लै। ![](https://cdn.door43.org/obs/jpg/360px/obs-en-15-03.jpg) जरदण नदी पार टप्पी बोलअ बिधाता यहोशू लै, “तम्हैं रहै नगरी गोट दैणां लै तैर, आपणैं परोहिता लै बोला इहअ कि छ़हा धैल़ी तैणीं दैऐ नगरी फेर फेरी। परोहितै और सपाही बी किअ तिहअ ई ज़िहअ बिधाता बोलअ त। ![](https://cdn.door43.org/obs/jpg/360px/obs-en-15-04.jpg) सातुई धैल़ी दैनीं सोभी इस्राएली तैहा नगरी फेर फेरी संघा बाज़ै ज़ोरै-ज़ोरै नर्शिंगै। ![](https://cdn.door43.org/obs/jpg/360px/obs-en-15-05.jpg) ज़िहअ परमेशरै बोलअ तिन्नैं किअ तिहअ ई और यरीहो नगरी फेर-फिरदी उछ़टी दुआल ढूल़ी पठी। तिन्नैं किई सह नगरी पठी बरैबाद। तेथ बच़ै सिधै राहब कंज़री और तेसे टबर, तिन्नां निं इस्राएली पेहुश दैनअ लागणैं, बाकी किऐ सोभै खतम। ज़ांऊं कनान देशे होरी लोगै शूंणअ कि तिन्नैं किई यरिहो नगरी पठी बरैबाद, तिन्नां बी लागी तेखअ डअर कि ऐबै इहअ निं हआ कि इस्राएली हाम्हां संघै बी इहअ ई करे। ![](https://cdn.door43.org/obs/jpg/360px/obs-en-15-06.jpg) परमेशरै आसा त इस्राएली लै इहअ डाहअ द बोली कि तम्हैं निं कनान देशै रहणैं आल़ै कोही संघै किछ़ै मेल़-ज़ोल़ और बभार डाही। एकी गिबोनी नांओंए कनानी मणछै बोलअ यहोशू का झ़ुठअ कि तिंयां निं तिधी च़ाल्लै रही और तिंयां च़ाल्लै होर्ता लै, तिन्नैं किई यहोशू का अरज़ कि तिन्नां करनअ आप्पू मांझ़ै सुल्हअ। एता लै नां यहोशू और नां इस्राएली मांझ़ै बिधाते कुंणीं गूरै बिधाता का पुछ़अ और तिन्नैं टाल्लअ तिन्नां संघै मेल़-ज़ोल़ करी। ![](https://cdn.door43.org/obs/jpg/360px/obs-en-15-07.jpg) चिई धैल़ी बाद ज़ांऊं इस्राएली का थोघ लागअ कि तिंयां गिबोनी आसा कनान देशै ई रहंदै लागै दै, इस्राएली आई एते खास्सी रोश्शै कि तिन्नैं किअ हाम्हां संघै धोखअ। कनान देशै रहणैं आल़ै अमोरी राज़ै का बी गअ थोघ लागी कि इस्राएली और गिबोनीओ हुअ आप्पू मांझ़ै मेल़ ज़ोल़। तिन्नैं किई होर बी खास्सी फौज़ तैर संघा छ़ेल़अ गिबोनी संघै जुध। गिबोनी दैनअ यहोशू लै समाद कि इस्राएली तिन्नें मज़त करे। ![](https://cdn.door43.org/obs/jpg/360px/obs-en-15-08.jpg) यहोशू डेऊअ आपणीं सारी फौज़ पाई राची भितरी गिबोनी सेटा तिन्नां बाखा जुधा लै, अमोरी सैना हुई भैणीं दोती हक्की बकक्की और यहोशू छ़ेल़अ अमोरी संघै जुध। ![](https://cdn.door43.org/obs/jpg/360px/obs-en-15-09.jpg) तैहा धैल़ी त इस्राएली बाखा आप्पै जुधा करदअ लागअ द, सरगा का अल़ै अमोरी लै टोल्हा ज़िहै शरू और अमोरी बच़ै आधै-शुधै। ![](https://cdn.door43.org/obs/jpg/360px/obs-en-15-10.jpg) बिधाता डाहअ तैहा धैल़ी स़ूरज़ बी टकैल़ी ताकि अमोरी सैना हारना लै इस्राएली का खास्सा बगत भेटे और इस्राएली भेटी तैहा धैल़ी खास्सी बडी ज़ीत। ![](https://cdn.door43.org/obs/jpg/360px/obs-en-15-11.jpg) तेखअ झाल़्हुऐ होर कनानी लोग बी इस्राएली और यहोशू संघै जुधा करदै, पर यहोशू और इस्राएली लाई तिन्नां मारने ल्हल़ी-थहल़ी और कई डाहै आंघै-जैंघै करी। ![](https://cdn.door43.org/obs/jpg/360px/obs-en-15-12.jpg) इना जुधा बाद दैनअ बिधाता इस्राएले सोभी लोगा लै तेऊ करारे देशा दी हेस्सअ और सोभी लै सुख-शान्ति। ![](https://cdn.door43.org/obs/jpg/360px/obs-en-15-13.jpg) ज़ाऊं यहोशू खास्सअ प्रोढअ हुअ; तेऊ शादै इस्राएले सोभ लोग आपू सेटा लै। संघा लागा तिन्नां का तेसा करारा आद फरेऊंदअ ज़ेता मनणें तिन्नैं सीनाई धारा नेल़ बिधाता लै ज़बान दैनीं ती कि हाम्हां निं कधि बिधाता लै धोखअ दैणअ और नां तेऊए बधाने साबै ज़िन्दगी ज़िऊंणीं छ़ाडणीं। *यहोशू धैअ 1-24 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_15_128kbps.m4a ## 16. छ़डैऊंणैं आल़ै https://openbiblestories.org/l/kfx-x-outerseraji/story-16/ ![](https://cdn.door43.org/obs/jpg/360px/obs-en-16-01.jpg) यहोशू मरनै का बाद छ़ाडअ इस्राएली परमेशरे साबै ज़िऊंणअ नां तेऊए हुकम अदरा जोगी समझ़ै। ज़ुंण देश करारे साबै बिधाता तिन्नां लै दैनअ त, तिन्नैं निं सोभै कनानी तेऊ देशा का बागै काढै, तेतो असर हुअ तिन्नां लै इहअ कि तिंयां लागै आप्पू ई बिधाता छ़ाडी कनानी संघै तिन्नें देओआ देबतै पुज़दै। इस्राएली किअ ज़िहअ तिन्नों दिल बोलअ तिहअ आपणीं मन-मरज़ी दी किल्हैकि तिन्नों निं कोहै राज़अ आथी त। ![](https://cdn.door43.org/obs/jpg/360px/obs-en-16-02.jpg) इहअ करै लागै इस्राएली कनानी रिती-रबाज़े साबै ज़िऊंदै और इस्राएली लै बी हुअ इहअ रबाज़ शूरू ज़ुंण बिधाता पैहलै ई त हेरअ त खोज़ी, सह हुअ इहअ करै कि इस्राएली बिस्सरूऐ खिरी बिधाता ई। बिधाता बी दैनीं तिन्नें दुशमणां तिन्नां लै सज़ा दैणैं, तिन्नें दुशमणैं लुट्टै-घशिट्टै तिंयां पठी और बतेर्है पाऐ तिन्नां मांझ़ै मारी। इस्राएलीए दुशमणैं किअ तिन्नां प्रैंदै कई साला तैणीं राज़ और ज़ुल्म तेखअ मांगी तिन्नैं आपणैं परमेशर बिधाता का माफी और खिरी लागै परमेशरा का अरज़ करदै कि हाम्हां बच़ाऊ। ![](https://cdn.door43.org/obs/jpg/360px/obs-en-16-03.jpg) ज़ांऊ इस्राएली बिधाता सेटा आपणैं पापा लै माफी मांगी, बिधाता शूंणीं तिन्नें अरज़। सह काम हुअ मसीहा करै पूरअ। तेऊ करै हणअ सोभी देशा लै मेल़-ज़ोल़। सह हुअ इहअ करै कि मसीहा लल़ण तिन्नें दुशमणा का तिन्नें बदल़ै आप्पै। राज़ बी करनअ सोभी प्रैंदै तेऊ आप्पै। बिधाता छ़ाडै तिन्नां बच़ाऊंदै कई और परमेशरै किई तिन्नां हारना लै तिन्नां ई माझ़ै एक ज़ाती खल़ी ज़ुंण मिद्यानीं आसा तै। ![](https://cdn.door43.org/obs/jpg/360px/obs-en-16-04.jpg) साता साला तैनीं रहै मिद्यानीं लोग इस्राएलीए साल-फसला लुटदै लागी, तिन्नां डरै रहा तै इस्राएली ढुंघरै-डुआरै लुक्की। खिरी किई तिन्नै बिधाता का अरज़ कि हाम्हां बच़ाऊ। ![](https://cdn.door43.org/obs/jpg/360px/obs-en-16-05.jpg) इस्राएली मांझ़ै आसा त गिदोन नांओं एक मर्ध, सह त लागअ द च़ुप्प-च़ुप्पै लुक्की करै गिंहूंए काशी शल़ाकदअ। बिधातो स्वर्ग दूत आअ तेऊ सेटा लै संघा बोलअ तेऊ लै, “ए शूर-बीर मर्धा, ताह संघै आसा बिधाता आप्पै, तूह डेऊ संघा आण इस्राएली लोगा मिद्यानीं ज़ातीए लोगा का बच़ाऊई। ![](https://cdn.door43.org/obs/jpg/360px/obs-en-16-06.jpg) गिदोने बाबै ती एक मैहरै आल़ी बेदी बणांईं दी, बिधाता बोलअ गिदोना लै इहअ कि सोभी का आजी लअ तूह ऐहा मैहरै आल़ी बेदी फाल़ी पाई। गिदोन डरा त लोगा का खास्सअ, तेऊ न्हैल़ी राच पल़दी संघा किई तेऊ सह बेदी चोल़ी फाल़ी खतम। आप्पू बणांईं बिधाता लै एक होर बेदी संघा किअ तेथ तेऊ बिधाता लै बल़ीदान करी हूम। ![](https://cdn.door43.org/obs/jpg/360px/obs-en-16-07.jpg) दुजै धैल़ै दोती ज़ांऊ होरी लोगै सह बेदी चोल़ी-फाल़ी दी भाल़ी, तिंयां हुऐ रोश्शै लाल पिंऊंल़ै। तिंयां पुजै गिदोने घरै कि एऊ करा ज़ानीं का मारी खतम। पर गिदोने बाबै बोलअ तिन्नां लै इहअ, “लै तम्हैं आपणैं देओआ देबतै बच़ाऊंदै और तिन्नें मज़त करदै? इना देबतै एतरअ ज़ोर बी निं आथी कि ईंयां आपणीं मज़त आप्पै करे!” गिदोने बाबे इना गल्ला शूंणीं हटै तिंयां पिछ़ू संघा निं तिन्नैं गिदोन मारअ आथी। ![](https://cdn.door43.org/obs/jpg/360px/obs-en-16-08.jpg) तेखअ आऐ मिद्यानी लोग बी इस्राएली लुटदै, तिंयां तै एतरै खास्सै कि तिन्नां निं कुंण गणीं सकदअ त। गिदोनै बी शादै इस्राएली आप्पू संघै कि तिंयां मिद्यानीं संघै जुध करे। गिदोनै बोलअ बिधाता लै इहअ कि मुंह लणअ जुधा का आजी भाल़ी कि सच्च़ी हणअ तूह जुधा लै मुंह संघै और तंऐं दैनीं मुल्है सच्च़ी ज़ाज़त? तै रहैऊ तूह मुखा दूई नछ़ैण हैनूं। ![](https://cdn.door43.org/obs/jpg/360px/obs-en-16-09.jpg) पैहलै नछ़ैणा लै बोलअ गिदोनै इहअ, “मुंह डाहणीं बागै धरनीं भेडे ऊंन, दूजै धैल़ै दोती लोल़ी मुंह ओशे टिप्पू तैह उना प्रैंदै पल़ै दै शुझुऐ पर होर ज़ैगा लोल़ी थाल्लै और फेर सारै दी शुक्की रही।” ज़िहअ गिदोनै बोलअ दुजै धैल़ै दोती भाल़अ तेऊ तिहअ ई। दुजै नछ़ैणा लै बोलअ गिदोनै बिधाता का भिई, “काल्ला लोल़ी ऐबै ऊन शुक्की हुई और धरनीं लोल़ी फेर ओश हुई पल़ी दी तै ज़ाणूं हुंह कि मुल्है आसा तेरी ज़ाज़त।” सह बी हुअ तिहअ ई, इहअ करै हुअ गिदोना भरोस्सअ कि बिधाता आसा तेऊ संघै। ![](https://cdn.door43.org/obs/jpg/360px/obs-en-16-10.jpg) तेखअ बेदै गिदोनै कई सपाही आपू सेटा दै और तियां सपाही हुऐ ती कोऐ 32,000 मर्ध। पर परमेशरै बोलअ इहअ की ईंयां आसा बेघै खासै, ता तेखअ छ़ाडै गिदोनै तीना मंझ़ै 22,000 सपाही घरा लै बापस ज़हा जुधा करने का डअर लागा ती। परमेशरै बोलअ ईंयां आसा अज़ी बी खास्सै। तेखअ डाहै गिदोनै सीधै 300 सपाही और बाकी भेज़ै सोभ घरा लै। ![](https://cdn.door43.org/obs/jpg/360px/obs-en-16-11.jpg) तैहा राची बोलअ बिधाता गिदोना लै इहअ, “तूह डेऊ राची मिद्यानींए ताम्बू सेटा, संघा शूंणैं राम्बल़ै करै कि तिंयां किज़ै गल्ला करा। ज़ांऊं ताख थोघ जाए लागी तेखअ निं तूह तिन्नां संघै जुधा का डरनअ आथी। ज़ांऊं गिदोन मिद्यानींए ताम्बू नेल़ डेऊअ, तेऊ शूंणअ कि एक मिद्यानीं सपाही आसा आपणैं दुजै सपाही का सुपनै खोज़दअ लागअ द। तेऊओ सुपनैओ फल आसा इहअ कि गिदोने सपाही दैणैं मिद्यानींए सपाही हारी। इना गल्ला शूंणीं लागअ गिदोन दिलै बिधाते ज़ै-ज़ैकार करदअ। ![](https://cdn.door43.org/obs/jpg/360px/obs-en-16-12.jpg) तेखअ गिदोन बी तेभी आपणैं सोभी सपाही सेटा नाठअ और संघा दैनै तीनै हाथै एक-एक नरशींगै और एक-एक माटे भांडै और एक-एक दैनै सोभीऐ हाथै मसल्लै। संघा बाहअ बै तीनै छ़ानी फेरा-फेर घेरअ और तियां मिधानी ती तेऊ बगतै सोब सुतै दै। तेखअ डेऊआ गिदोन तेभी आपणैं सपाही सेटा, तिन्नें हाथै दैनैं तेऊ एक-एक नरशिंगै, एक-एक पारू और सोभिए हाथै एक एक मसाल्लै। संघा दैनअ तिन्नैं हेरा-हेरी मिद्यानींए ताम्बू फेर गोट, मिद्यानीं तै तेभै सुत्तै दै। ![](https://cdn.door43.org/obs/jpg/360px/obs-en-16-13.jpg) जांऊं तिंयां ताम्बूए दला नेल़ पुजै तिन्नैं फाल़ै तिंयां पारू सोभी एक्की बारी, सोभी ज़ाल़ै आपणैं आपणैं मसाल्लै नढैऊऐ बाज़ै सोभी एक्की बारी नर्शिंगै, तेखअ उझ़ुई तिधी बडी भारी काठ मल़ैठी। ![](https://cdn.door43.org/obs/jpg/360px/obs-en-16-14.jpg) मिद्यानीं ठुर्है तिधा का च़ऊ पाओऐ, गिदोनै छ़ाडै तिन्नां पिछ़ू होर इस्राईली बी दर्ल़ाऊंदै, कोई पाऐ तिन्नैं मारी और कोऐ काढै तिन्नैं देशा बागै दर्ल़ाऊई। तैहा धैल़ी मूंऐं एक लाख बिह हज़ार मिद्यानीं। इहअ करै बच़ाऊऐ बिधाता इस्राएली मिद्यानी का। ![](https://cdn.door43.org/obs/jpg/360px/obs-en-16-15.jpg) एऊ जुधा बाद च़ाहा तै इस्राईली गिदोना लै कि सह तिन्नों राज़अ बणें, पर गिदोन निं तेता लै राज्ज़ी हुअ। गिदोनै बोलअ तिन्नां लै इहअ, “ज़ुंण सुन्नैं च़ंदीए गहणैं तम्हैं मिद्यानीं का लुटी आणैं, तिन्नां दैआ सोभै ओर्ही।” ![](https://cdn.door43.org/obs/jpg/360px/obs-en-16-16.jpg) तिन्नैं झाल़अ सारअ सुन्नअ गिदोना सेटा, तेता करै बणांऐं गिदोनै खास झिकल़ै ज़ुंण सिधै परोहित बान्हां तै। पर लोग लागै तेऊ मैहरै ज़िहै पुज़दै। तेखअ दैनीं परमेशरै तिन्नां लै भिई सज़ा, किल्हैकि तिन्नैं किअ हटी-फिरी तिहअ ई काम ज़ेता का बिधाता नफ़रत करा त। खिरी लागै इस्राएली बिधाता का मज़त मांगदै कि हाम्हां बच़ाऊ। तेखअ छ़ाडअ बिधाता तिन्नें मज़ती करदअ एक होर। ![](https://cdn.door43.org/obs/jpg/360px/obs-en-16-17.jpg) ईंयां एही गल्ला रही कबल्ली हंदी लागी, इस्राएली करा पाप करी और बिधाता करा त तिन्नां नैरना लै सज़ा दैई और इस्राएली बी रहा तै बिधाता का पाप माफ करना लै अरज़ करदै लागी। परमेशर करा त तिन्नें पाप माफ करी और कहा नां कहा हेरा त तिन्नां बच़ाऊंदै छ़ाडी। ![](https://cdn.door43.org/obs/jpg/360px/obs-en-16-18.jpg) और खिरी पाई तीनै होरी देशे लोगा ज़िही परमेशरा लै ईही मांग कि हाम्हां लै दै एक ईहअ राज़अ बडअ लामअं-पलामअं और खासै ज़ोरा आल़अ हुअ ताकि सह ज़ुधा दी म्हारअ होली-सोली होऐ। परमेशरा नी तीनै अह गल भाऊई पर तज़ी बी कीई परमेशरै तीनै ई मनै पूरी। खिरी पाई इस्राईली बिधाता सेटा मांग कि हाम्हां लोल़ी आप्पू लै बडअ जोधअ राज़अ ज़िहै होरी देशै राज़ै हआ। सह लोल़ी सोभी गल्ला लै म्हारअ सैणअ और जुधा लै हाम्हां बच़ाऊंणैं आल़अ हुअ। बिधाता निं तिन्नें ऐहा गल्ला लै खुश आथी त, पर तज़ी बी किई बिधाता तिन्नें दिला-मनें पूरी। *पांच़ धैअ 1-3; 6-8; 1 शमूएल 1-10 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_16_128kbps.m4a ## 17. दाबेदा संघै परमेशरे करार। https://openbiblestories.org/l/kfx-x-outerseraji/story-17/ ![](https://cdn.door43.org/obs/jpg/360px/obs-en-17-01.jpg) इस्राएली मांझ़ै आसा त शाऊल नांओं एक शोभलअ बित्तअ और लाम्मअ-पल़ाम्मअ मणछ। सह बणांअ बिधाता इस्राएली लै पैहलअ राज़अ। थोल़ी साला रहअ सह बेघै राम्बल़अ पर बादा का हुअ सह खास्सअ कदुष्ट सह निं तेखअ बिधाते साबै किछ़ै करदअ त। तैही छ़ांटअ बिधाता तेऊए ज़ैगा एक होर मणछ ज़ुंण तेऊए ज़ैगा इस्राएलीओ राज़अ बणें। ![](https://cdn.door43.org/obs/jpg/360px/obs-en-17-02.jpg) ता तेखअ छ़ांटअ परमेशरै एक दाऊद नांओं एक जु़आन मर्ध शाऊले ज़ैगा राज़अ बणाणैं लै। और सह दाऊद आसा त बैतलहम नगरीओ एक भेडा च़राऊंणैं आल़अ फुआल। और तेऊ ती ज़धनी परमेशरै छ़ांटअ दाबेद नांओं एक ज़ुआन मर्ध कि सह शाऊले ज़ैगा राज़अ बणें। दाबेद आसा त बेतलेहम गरांओं और सह हआ त तेऊए बाबै भेडा फुआल डाहअ द। सह त खास्सअ नडरअ, फुआला बणैं मारै तै तेऊ कल्ही ज़ण्हैं कई सिह और भाल्लू बराघ बी ज़ुंण तेऊए डागै चैंणैं खांदै एछा तै। सह त खास्सअ धर्मीं और मानदार मणछ। सह मना त बिधाते हर गल्ला और भरोस्सअ बी डाहा त सह बिधाता ई दी। ![](https://cdn.door43.org/obs/jpg/360px/obs-en-17-03.jpg) खारकी अमरा किअ त दाबेदै गोलियत नांओंए दैंतर जोधै संघै जुध। गोलियत त चअन मिटर लाम्मअ जिंढ मर्ध। पर बिधाता किई दाबेदे मज़त और गोलियत पाअ दाबेदै मारी और इस्राएली ज़ितै। दाबेदै ज़ताऊऐ इस्राएली कई बारी तिन्नें दुशमणा का और इहअ करै हुअ सह सोभी का जोधअ सपाही और क्ई जुधा लै आसा त सह इस्राएली सैनो सैनापती। सह हुअ इहअ मशूर कि सोभ लोग करा तै तेऊए ई सराहतणीं। ![](https://cdn.door43.org/obs/jpg/360px/obs-en-17-04.jpg) एता पिछ़ू ज़िधूअ राज़अ शाऊल दाबेदा लै कि लोग लागै एऊ खास्सै सराहंदै, सह च़ाहा त दाबेदा किहअ करै मारी पाणअ। ज़ांऊं दाबेदा का थोघ लागअ, सह ठुर्हअ शाऊल और तेऊए सैना का दूर बणां लै संघा रहअ तेथ किधी डुआरै जुहल़ी लुक्की। राज़अ शाऊल और तेऊए सपाही नाठै तेऊ लोल़ै संघा पुजै तैहा जुहल़ी ज़िधी दाबेद आसा त, पर शाऊलै निं सह भाल़अ आथी। दाबेद डेऊअ पिछ़ू बाखा तेऊ नेल़ संघा काटी तेऊए झिकल़ै का धख ज़ेही शाट्टी। ज़ांऊं राज़अ शाऊल तैहा जुहल़ी सेटा का दूर ज़िहअ डेऊअ; दाबेदै लाई तेऊ लै पिछ़ू का हाक्का, संघा रहैऊ तेऊ का सह शाट्टी ज़ुंण तेऊए झिकल़ै का काटी ती। शाऊलै समझ़ी अह गल्ल कि ज़ै अह मुंह मारने ताका हंदअ; तै सका तह ऐहा शाट्टी काटणें बदल़ै मेरअ कैल़अ बी काटी! पर एऊ निं इहअ किअ! एतो मतलब आसा इहअ कि अह निं मुह मारनअ च़ाहंदअ। ![](https://cdn.door43.org/obs/jpg/360px/obs-en-17-05.jpg) थोल़ी साला बाद मूंअं शाऊल राज़अ एकी जुधा दी और तेखअ बणअ दाबेद इस्राएलीओ राज़अ और परज़ा बी झ़ूरा ती दाबेदा लै खास्सी। बिधाता दैनीं दाबेदा लै खास्सी बर्गत। दाबेद रहअ जुधा प्रैंदै जुध ज़ितदअ लागी, तेऊ निं इस्राएलीए एक दुशमण बी छ़ाडै किल्हैकि बिधाता आसा त तेऊ संघै। बादा का ज़िती तेऊ येरूशलेम नगरी संघा बणांईं सह आपणीं राज़धानीं। तिधी बी रहअ सह च़ाल़्ही साला तैणीं राज़अ और दाबेदे ज़मानैं हुअ इस्राएल बलबान देश ज़हा कोहै निं हारी सकदअ त। ![](https://cdn.door43.org/obs/jpg/360px/obs-en-17-06.jpg) दाबेद च़ाहा त बिधाता लै इहअ मांदर बणांणअ ज़िधी एछी सोभै इस्राएली बिधाते पूज़ा-गाज़ा और बल़ीदान करी सके। तिधी आसा त मेल़-ज़ोल़ो ताम्बू ज़ुंण च़ऊ शौआ साला आजी मूसा गूरै आसा त बणांअ द। सोभै इस्राएली एछा तै तिधा लै और बल़ीदान बी करा तै तिधी। ![](https://cdn.door43.org/obs/jpg/360px/obs-en-17-07.jpg) तिधी आसा त नातान नांओं बिधातो एक गूर; सह छ़ाडअ बिधाता राज़ै दाबेदा सेटा लै कि तूह बोल राज़ै दाबेदा लै इहअ कि तंऐं ज़ितै बडैभारी जुध पर मुल्है मांदर निं तंऐं अज़ी बणांअ आथी! पर मूंह दैणीं ताल्है बर्गत और तेरअ शोहरू हणअ आजू मेरी परज़ो राज़अ और तेऊ ई करनअ तिन्नां प्रैंदै सदा राज़। ![](https://cdn.door43.org/obs/jpg/360px/obs-en-17-08.jpg) नाताने इना गल्ला शूंणीं लागअ दाबेद बिधाते बड़ैई और ज़ै-ज़ैकार करदअ। इहअ थोघ निं दाबेदा का बी आथी त कि ईंयां गल्ला कधू हणीं। पर आझ़ आसा हाम्हां का थोघ कि इस्राएली न्हैल़अ सह एकी हज़ारा साला तैणीं एछदअ। ![](https://cdn.door43.org/obs/jpg/360px/obs-en-17-09.jpg) राज़ै दाबेदै किअ कई साला तैणीं आपणीं परज़ा प्रैंदै धर्मीं और शुचै रही राज़। बिधाते हुकम मनणा लै बी थिअ सह मानदार। बिधाता बी दैनीं तेऊ लै खास्सी बर्गत, पर खिरी हुई ढल़दी अमरा दाबेदे भलै घोर पाप। ![](https://cdn.door43.org/obs/jpg/360px/obs-en-17-10.jpg) एकी धैल़ै हुअ इहअ कि राज़अ दाबेद त आपणैं बेल़्है का ताकी बाती बागा लै भाल़अ लागअ द, तेऊ का शुझुई एक बेटल़ी न्हैंऊंदी लागी दी सह ती हेरनीं बेघै बित्ती। तेऊ किअ तेसे बारै थोघ कि तेसा नांअं आसा बेतशेबा। ![](https://cdn.door43.org/obs/jpg/360px/obs-en-17-11.jpg) राज़ै दाबेदे आछ रही तैहा दी लागी और तेऊ छ़ाडै आपणैं सपाही और सह पजैल़ी तेऊ आपणैं बेल़्है! बैल़ी सुत्तअ सह तैहा संघै और दोती छ़ाड़ी सह तेसे घरा लै बापस। थोल़ै धैल़ै बाद ज़ांऊं तैहा बेटल़ी का इहअ थोघ लागअ कि सह आसा पैराभारी; तैहा दैनअ राज़ै दाबेदा लै इहअ समाद कि मेरै पेटै शाचअ तेरअ शोहरू! ![](https://cdn.door43.org/obs/jpg/360px/obs-en-17-12.jpg) तैहा बेटल़ीओ मर्ध आसा त इस्राएली सैना दी खास सपाही पै, तेऊ नांअं त उरियाह और सह त तधू काला जुधा लै नाठअ द। राज़ै दाबेदै दैनअ तेऊ लै समाद कि तूह एछ घरा लै फिरी संघा रह घरै आपणीं बेटल़ी संघै। ज़ांऊं सह राज़ै सेटा पुजअ तेऊ किअ इहअ बोली नांईं कि मेरै होर साथी भाई बी आसा मुंह ई ज़िहै जुधा लै हुंह निं घरै च़ाल्लअ रही। राज़ै दैनअ तेऊ जुधा लै डेऊणैं पर सैनापति लै दैनअ तेऊ इहअ समाद कि उरियाह छ़ाडै तेऊ बाढै ज़िधी घोर जुध होए लागअ द और ज़ेथ बाखा दुशमण बलबान होए, ताकि अह जुधा दी मरे और हुअ बी तिहअ ई। ![](https://cdn.door43.org/obs/jpg/360px/obs-en-17-13.jpg) बेतशेबे लाल़ै उरियाह मरनै का बाद किअ राज़ै दाबेदै तैहा संघै बैह। आजू हुअ तिन्नों शोहरू पर बिधाता आई दाबेदे एऊ बूरै कामा लै रोश्शै। तैही छ़ाडअ त बिधाता आपणअ गूर नातान दाबेदा सेटा लै कि तेऊ का थोघ लागे कि तेऊ किहअ बूरअ काम किअ। तेखअ लागअ राज़अ दाबेद ठुंईंऐं बेशी बिधाता का माफी मांगदअ, खिरी छ़ाडी बिधाता तेऊ लै माफी और तधा बाद रहअ दाबेद आपणीं सारी ज़िन्दगी बिधाते डरा हेठै, तेखअ निं तेऊ होर किछ़ै पाप किअ। ![](https://cdn.door43.org/obs/jpg/360px/obs-en-17-14.jpg) बिधाता दैनीं दाबेदा लै तेऊए पापे एही सज़ा कि तेऊओ मूंअं सह शोहरू ई, एता का लाऊआ हुऐ दाबेदा मरनै तैणीं तेऊए कोई-कोई टबर बी तेऊए खलाफ जुधा लै और खिरी निं राज़ै दाबेदा ज़ोर-ज़ाहण रहै आथी। पर भरोस्सै करनै जोगी आसा त बिधाता ई; तेऊ किई तज़ी बी सह करा पूरी ज़ुंण तेऊ राज़ै दाबेदा संघै किई ती। बादा का हुअ दाबेद और बेतशेबो एक होर शोहरू और तेऊ नांअं डाहअ तिन्नैं सुलैमान। *1 शमूएल अध्याय 10; 15-19; 24; 31; 2 शमूएल 5; 7; 11-12 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_17_128kbps.m4a ## 18. इस्राएल बांढुअ दूई दूई राईसी दी https://openbiblestories.org/l/kfx-x-outerseraji/story-18/ ![](https://cdn.door43.org/obs/jpg/360px/obs-en-18-01.jpg) राज़अ दाबेद रहअ च़ाह्ल़ी साला तैण्हीं इस्राएलो राज़अ। तेता बाद गअ सह ज़ांऐं और बादा का बणअं तेउअ शोहरु इस्राएलो राज़अ तेऊ नाओं आसा त सुलैमान, बिधाता बोलअ सुलैमाना लै इहअ कि तूह किज़ै च़ाहा कि हूंह ताल्है करूं? सुलैमानै बोलअ इहअ, “प्रभु मुल्है दै तूह इहअ वरदान कि मुखा लोल़ी सोभी का खास्सी अक्ल हुई।” तेऊऐ ऐसा गला शुणीं हुअ बिधाता बडअ खुश। बिधाता दैनीं तेऊ लै सोभी का खास्सी अक्ल। तेऊ शिखल़ै कई ज्ञैन और सह हुअ खास्सअ सेठ। ![](https://cdn.door43.org/obs/jpg/360px/obs-en-18-02.jpg) सुलैमानै ई बंणांअ बिधाता लै मांदर ज़ेते बारै तेऊए बाबै त डाहअ द सोठी कि येरूशलेम नगरी बणांणअ बिधाता लै मशूर मांदर। तेता बाद हुअ मेल़-ज़ोल़े ताम्बू दी बिधाते भगती और बल़ीदान करनेओ रबाज़ खतम। ऐबै डेओआ तै सोभै मांदरा लै, पूज़ा-गाज़ा बी करा तै तिधी और बल़ीदान बी करा तै मांदरै ई ज़ुंण राज़ै सुलैमानै बणांअ। बिधाता बी हआ त तिन्नां लै तेऊ ई मांदरै प्रगट। ![](https://cdn.door43.org/obs/jpg/360px/obs-en-18-03.jpg) पर राज़ै सुलैमानै किऐ कई बैह और तेऊ आणीं ज़ैगा-ज़ैगा का और देशा-देशा का आप्पू लै बेटल़ी, इहअ करै ती तेऊए कोऐ एक हज़ार राणीं। तेऊए इहै कामां लै हुअ बिधाता तेऊ लै नराज़ किल्हैकि तिन्नां राणीं मांझ़ै आणैं कोई आपणैं पेऊकै का आपणैं देअ-देबतै बी संघा और तिंयां करा ती तिन्नें पूज़ा-गाज़ा। बुढल़दा लागअ खिरी सुलैमान बी तिन्नां देबतै पुज़दअ। ![](https://cdn.door43.org/obs/jpg/360px/obs-en-18-04.jpg) तेऊए इना इहै कामां करै फिरी बिधाता बी तेऊ लै रोश्श। बिधाता बोलअ सुलैमाना लै इहअ कि तेरै मरनै बाद हणैं इस्राएले दूई हेस्सै। ![](https://cdn.door43.org/obs/jpg/360px/obs-en-18-05.jpg) राज़ै सुलैमाना मरी करै बणअ इस्राएला दी रहबाम राज़अ। तेखअ हुअ एकी बारी इहअ कि सोभी इस्राएली किअ आपणैं नंऊंऐं राज़ै रहबामा सेटा झाल़अ, संघा लागै राज़ै सुलैमाने खरी खोज़दै कि सह त खास्सअ नर्दैई राज़अ, सह कराऊआ त हाम्हां का खास्सअ काम और और परज़ा का कारअ बी गराहा त खास्सअ। पर ताखा आसा म्हारी एही अरज़ कि तूह निं हाम्हां संघै तिहअ करी और कारै लै बी दै धख छ़ूट। ![](https://cdn.door43.org/obs/jpg/360px/obs-en-18-06.jpg) पर रहबामै दैनअ परज़ा लै इहअ ज़बाब, “मेरै बाबै सुलैमानै तम्हां खास्सअ काम कराऊअ! पर मुंह कराऊंण तम्हां का तेता का बी खास्सअ और कारअ बी लागणअ तेता का खास्सअ ई दैणअ।” ![](https://cdn.door43.org/obs/jpg/360px/obs-en-18-07.jpg) ज़ांऊं परज़ा राज़े ईंयां गल्ला शूंणीं; कई उझ़ुऐ तेऊ संघै च़िखदै खल़ै, परज़ा बांढुई दूई बाखा, बारा गोत्रा मांझ़ै दूई गोत्रे परज़ा हुई रहाब राज़ै बाखा और बाकी दस गोत्रे परज़ा हुई राज़े खलाफ़। तिन्नैं दूई गोत्रे परज़ा बोलअ इहअ कि हाम्हां लोल़ी यहूदा राईसी। ![](https://cdn.door43.org/obs/jpg/360px/obs-en-18-08.jpg) बाकी तिन्नैं दसा गोत्रै बणांअ यरोबान नांओं मर्ध आपणअ राज़अ, तिंयां रहा तै उतर-पुर्बा दिशा बाखा लाक्कै और सह राईसी हुई इस्राएल। ![](https://cdn.door43.org/obs/jpg/360px/obs-en-18-09.jpg) पर यारोबाम राज़ै कि कई बूरै काम और होरी का बी कराऊऐ तिहै ई बूरै काम ज़ेता का बिधाता नफरत करा त। तेऊ बझ़ैल़ै दूई मैहरै बणांणैं कि तिंयां तेते पुज़ा-गाज़ा करे! येरुशलेम परमेशरे मांदरा लै पूज़ा-गाज़ा करदै छ़ाडअ तिन्नैं डेऊंणअ ई। ![](https://cdn.door43.org/obs/jpg/360px/obs-en-18-10.jpg) तेखअ हुऐ यहूदी और इस्राएली आप्पू मांझ़ै काठदै-मारदै दुशमण। ![](https://cdn.door43.org/obs/jpg/360px/obs-en-18-11.jpg) इस्राएले तैहा नंईंईं राईसिए राज़ै आसा तै सोभै कदुष्ट। ज़हा बी राज़ै बणणें शौक बी रहा ती या ज़ुंण भलै राज़ै बणीं सका तै; तिंयां पा तै तिन्नां मारी। ![](https://cdn.door43.org/obs/jpg/360px/obs-en-18-12.jpg) इस्राएले तिन्नैं राज़ै डाही सारी परज़ा तिन्नां मैहरै-मुर्ती पुज़दै लाई और सोभी लागा त तेथ सेटा माथअ टेक्कणअ। होर ता होर तेखअ च़लअ इहअ रबाज़ कि तिन्नां मुर्ति सेटा लाई लोगै शोहरू-माठे बल़ी तोही करी। ![](https://cdn.door43.org/obs/jpg/360px/obs-en-18-13.jpg) यहूदा राईसीए सारै राज़ै आसा तै राज़ै दाबेदे खांनदानीं का। इना मांझ़ै कोऐ ता आसा तै भलै ज़ुंणीं धर्मीं और शुचै रही राज़ किअ, पर ज़ादै आसा तै कदुष्ट ई, तिन्नैं आणीं आपणीं परज़ा हंती-हंती मारी और तिंयां बी लागै बिधाता छ़ाडी मैहरै-मुर्ति पूज़दै और शोहरू-माठे बल़ी करदै। मतलब यहूदा राईसीए परज़ा बी पेठी इस्राएल राईसी ज़ेही ई होरी देओआ देबदै पुज़दी बिधाता छ़ाडी कबाता। *1 राज़ै धैअ 1-6; 11-12 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_18_128kbps.m4a ## 19. गूर https://openbiblestories.org/l/kfx-x-outerseraji/story-19/ ![](https://cdn.door43.org/obs/jpg/360px/obs-en-19-01.jpg) बिधाता रहा त इस्राएली लै कबल्लअ इस्राएली सेटा आपणैं कहा ना कहा गूरा छ़ाडदअ लागी। तिंयां गूर शूणां तै परमेशरै खोज़ी दी गल्ला पठी; तेखअ खोज़ा तै तिंयां परज़ा का। ![](https://cdn.door43.org/obs/jpg/360px/obs-en-19-02.jpg) ज़धू इस्राएल राईसीओ राज़अ अहाब आसा त, तधनी आसा त एलीआ नांओं बिधातो एक गूर बी। अहाब राज़अ आसा त खास्सअ कदुष्ट, तेऊ आसा ती सारी परज़ा बाल देओआ पूज़दी लाई। एलीआ बोलअ अहाब राज़ै लै कि हेरे बिधातो कोप आसा ताल्है पल़णैं आल़अ। बिधाता बोलअ इहअ कि ज़ेभै तैणीं हुंह निं बोले तेभै तैणीं नां सरग हणअ और नां तेभै तैणीं ओश पल़णीं। ऐहा गल्ला पिछ़ू हुअ अहाब राज़अ एलीआ लै रोश्शै लाल पिंऊंल़अ और तेऊ सोठअ इहअ कि एलीआ पाणअ तेऊ मारी। ![](https://cdn.door43.org/obs/jpg/360px/obs-en-19-03.jpg) बिधाता बोलअ एलीआ लै इहअ कि तूह रह बणैं दूर नाल़ै पाणींए सुहै सेटा लुक्की संघा रहै तूह तिधी। एलीआ किअ तिहअ ई ज़िहअ बिधाता बोलअ; संघा रहा नाल़ै लुक्की। बिधाता छ़ाडा त दोती-उडै धैल़ तेऊ सेटा लै काअ; सह आणा त धैल़ एलीआ लै च़ुंज़ी दी रोटी और शिखा। तेता खाई रहा त एलीआ नकैंसअ पल़ी और अहाब राज़ै छ़ाडै एलीआ लोल़ै सारै दी सपाही पर तिन्नां निं सह किधी भेटअ आथी। ![](https://cdn.door43.org/obs/jpg/360px/obs-en-19-04.jpg) सरगा का निं पाणीं हुअ और सारै देशै पल़अ शुक्कअ, ज़ेऊ नाल़ै एलीआ रहा त, तिधी बी शुक्कअ पाणीं पठी। तिधा का डेऊअ एलीआ दूर देशा लै, तिधी आसा ती एक गरीब बिधबा बेटल़ी। तेसो आसा त एक शोहरू और तेऊ देशै बी आसा त खास्सअ नकाल़ पल़अ द। तेसे घरै बी निं खाणां लै किछ़ै आथी त; पर तज़ी किई तैहा एलियाहो खास्सअ अदर और ज़ुंण धख आसा त, सह दैनअ एलीआ लै खाणां लै। तेखअ निं तेसे घरै किछ़ू गल्ले काम्मीं रही और नां तेसे शोहरु लै किज़ै काम्मीं हुई। तेसे पिठे द्रोठी और तेल्ले रही तधा बाद भरी ए भरी। ज़ेतरै धैल़ै नकाल़ रहअ, तेतरै धैल़ै रहअ तिन्नां का नाज़ बी खाणां लै। एलीआ बी रहअ थोल़ी साला तिधी तिन्नां ई संघै। ![](https://cdn.door43.org/obs/jpg/360px/obs-en-19-05.jpg) साढै चिई साला बाद बोलअ बिधाता एलीआ लै इहअ कि मंऐं लाअ ऐबै सरग बरशाऊई; तूह डेऊ ऐबै अहाब राज़ै सेटा संघा खोज़ कि हुंह बोला इहअ। ज़िहअ बिधाता बोलअ एलीआ किअ तिहअ ई। सह डेऊअ इस्राएल देशा लै फिरी। अहाब राज़ै ज़ांऊं एलीआ भाल़अ, तेऊ बोलअ एछी गअ भाल़ी आफ़ता पाणैं आल़अ। एलीआ दैनअ अहाबा लै ज़बाब कि आफ़ता पाणैं आल़अ निं हुअ आथी पर एतो मूल़ आसा तूह। आफ़ता पल़ी ताह करै ज़ुंणी आप्पू संघी शुचै बिधाता छ़ाडी सारी परज़ा बाल देओआ पूज़दै डाहै लाई। बिधाता बोला ताल्है इहअ कि इस्राएली राईसीए परज़ा निंऊं आप्पू संघै सोभी कर्मेल धारा लै। ![](https://cdn.door43.org/obs/jpg/360px/obs-en-19-06.jpg) अहाब राज़ै पज़ैल़ी सारी परज़ा कर्मेल धारा प्रैंदै। तिन्नां संघै तै बाल देओए गूर-पीर बी। तिंयां सोभै तै कोऐ च़ार शौ पज़ाह ज़ण्हैं। एलीआ लागअ लै बोलदअ, “तम्हां कधू तैणीं निं बिधाता बाखा लै आपणअ मन फरेऊंणअ? ज़ै बिधाता आसा, तै करा तेऊए ई पूज़ा-गाज़ा और ज़ै-ज़ैकार, ज़ै आसा बाल देअ, तै रहा सदा तेऊए पूज़ा करदै लागी। ![](https://cdn.door43.org/obs/jpg/360px/obs-en-19-07.jpg) एलीआ बोलअ बाल देओए सोभी गूरा लै, “बल्दो बल़ीदान करी डाहा तेतो मास्स बेदी प्रैंदै पर आग निं तेथ चैल़ी आथी, हुंह बी बणांऊं एक बेदी और तेथ डाहूं हूंह बल़ीदान करी पशूओ मास्स। ज़सरअ परमेशर बेदी दी उझै का आग छ़ाडे सह आसा शुचअ परमेशर। तिन्नैं किअ तिहअ ई। ![](https://cdn.door43.org/obs/jpg/360px/obs-en-19-08.jpg) पैहलै लागै तेऊ बाल देओए गूर आपणैं बाल देवतै का अरज़ करदै, कि हे बाल देओआ म्हारी अरज़ शुण। सारी धैल़ी रहै तियां तेऊ बाल देओआ का ज़ोरै-ज़ोरै अरज़ करदै लागी आपणी घेरी बी पाऐ तीनै छ़ूरी करै च़ीरै पर तेथ निं किछ़ हुअ नां बाल देओऐ बेदी दी आग लाई। ![](https://cdn.door43.org/obs/jpg/360px/obs-en-19-09.jpg) खिरी थकै तियां अरज़ करी-करी संघा छ़ुट्टी तिन्नां का छ़ाड़। ज़ाऊं तेऊ एलीए बारी आई; तेऊ बोलअ लोगा लै इहअ, “मेरी बेदी दी तरैल़ा पाणीऐ बडै-बडै हांडै। एथ पाआ एतरअ पाणीं कि ज़ेभै तैणीं बेदी ओरी-पोरीए ज़िम्मीं पठी निं भिज़ी जाए और फेर कोती दी खाल़्ही भरी निं होए तेभै तैणीं रहै पाणीं तरैल़दै लागी। ![](https://cdn.door43.org/obs/jpg/360px/obs-en-19-10.jpg) तेखअ लागअ एली बिधाता का अरज़ करदअ कि हे बिधाता हुंह करा ताखा अरज़ ज़हा आबराम, इसहाक और याकूब बी परमेशर मना तै। आझ़ रहैऊ तूह कि तूह ई आसा इस्राएलो परमेशर और हुंह आसा तेरअ दास। आझ़ शुंण तूह मेरी अरज़ ताकी इना सोभी का थोघ लागे कि तूह ई आसा शुचअ परमेशर। ![](https://cdn.door43.org/obs/jpg/360px/obs-en-19-11.jpg) एलीआ मुक्कअ एही अरज़ करी और नढैऊऐ बरशी बेदी प्रैंदा लै आग। बेदी प्रैंदै मास्स, झ़ुक्का और इधी तैणीं बेदीए पात्थर और माटअ बी दझ़अ पठी। बेदी फेर पाणीं शुक्कअ ज़ात पठी। एता भाल़ी हुऐ सोभै रहैन और तिन्नें टेक्कअ उटी बाखा धरनीं माथअ। सोभी बोलअ इहअ, “बिधाता ई आसा परमेशर, बिधाता ई आसा परमेशर।” ![](https://cdn.door43.org/obs/jpg/360px/obs-en-19-12.jpg) तेखअ बोलअ एलीआ तिन्नां लोगा लै, “एऊ बाल देओए ज़ेतरै बी गूर आसा; इना सोभी ढाका, एक्की बी निं छ़ाडी, इना पाआ सोभी मारी। ![](https://cdn.door43.org/obs/jpg/360px/obs-en-19-13.jpg) तेखअ बोलअ एलीआ अहाब राज़ै लै, “घरा लै ठुर्ह छ़ेक्कै, सरगै घोर्हुऐ घणैं काल़ै बादल़, एबै च़ाल्लै पाणींए हर्हल-खर्हल रिंगी। ज़ेतरी एलीआ गल्ला करी निं मुक्कअ तेतरी गअ पाणीं छ़ुटी और तै लागअ सोभी का थोघ कि बिधाता ई आसा परमेशर। ![](https://cdn.door43.org/obs/jpg/360px/obs-en-19-14.jpg) ज़ाऊं एलीआ ईना कामा करी मुकअ ता तेखअ छ़ांटअ तेऊ एलीशा नाओं एक मर्ध आप्पू बाद बिधातो गूर निखल़णा। ता बिधाता किऐ तेऊ एलीशा गूरे हाथै बी कई च़मत्कार। एक च़मत्कार हुअ एकी नामान नाओंए मणछा संघै। सह आसा ती एकी सैना दी बडअ सपाही, पर तेऊ ती कोहल़ निखल़ी दी। नामान कोह्ल़ी त तेऊ एलीशा गूरे बारै शुणअं द कि सह करा हर दाहा का नरोगै। नामान आअ एलीशा गूरा सेटा संघा लागअ तेऊ का अरज़ करदअ कि मूंह कर एसा बमारी का नरोगै। एलीशा गूरै बोलअ तेऊ लै कि जरदण नदीए पाणीं दी दैऐ साता बारी डुबकी। ![](https://cdn.door43.org/obs/jpg/360px/obs-en-19-15.jpg) नामान कोहल़ी आई तेते बड़ी बडी भारी रोश्शै कि एलीशा गूरै भाल़ केही ऐडी गल्ल किई और तेऊ देनअ एलीशा लै ज़बाब कि मंऐं निं लाई डुबकी दैई। पर बादा का लागअ सह आपणैं मनैं सोठदअ कि च़ल्ल ज़िहअ अह बोला तिहअ करूं हैनूं कि किज़ै हणअ। संघा लागअ सह जरदण नदी दी डुबकी दैंदअ। ज़ांऊं सह सातूई बारी पाणीं दी डुबकी दैई पाणीं का बागै निखल़अ, सह तैहा कोहल़े बमारी का ज़ात राम्बल़अ। ![](https://cdn.door43.org/obs/jpg/360px/obs-en-19-16.jpg) बिधाता छ़ाडै होर बी आपणैं कई गूर इस्राएली सेटा। तिन्नैं सोभी त इस्राएली लै खोज़ी बोली करै नांई किअ द कि देअ-देबते मैहरै मुर्ति बणांई पूज़ा करनीं छ़ाडा। आप्पू डाहै एक्की दुजै संघू भलअ बभार और एकी-दुजै लै करै झींण। बूरै काम करनै छ़ाडै पोर्ही। तम्हैं करै तिहअ ज़िहअ बिधाता च़ाहा कि तम्हैं करे। ज़ै तम्हैं इहअ नांईं करे; तै पल़णीं तम्हां सज़ा भुगतणीं। ![](https://cdn.door43.org/obs/jpg/360px/obs-en-19-17.jpg) इस्राएली गअ त खास्सअ बगत हई; तिंयां निं बधाते साबै ज़िन्दगी ज़िऊई निस्सै तै। परमेशर छ़ाडा त तिन्नां सेटा लै आपणैं गूर पर तिंयां करा तै तिन्नां संघै बी खास्सअ बूरअ बर्ताअ। कोऐ गूर पाऐ तै तिन्नैं मारी बी। तिन्नां मांझ़ै त बिधातो एक यिर्मयाह नांओं गूर। सह पाअ तिन्नैं लूणैं पाणींए एकी शुक्कै डुघै कुहै दी कि सह लोल़ी तेथ मूंअं। तेऊ कुहे थाल्लै आसा ती खास्सी च़िकरै और यिर्मयाह लागअ तेथ उंधै डुबदअ; पर राज़ै फिरी तेऊ लै झींण और तेऊ दैनअ सपाही लै हुकम कि एऊ काढा उझै अह निं लोल़ी मूंअं। ![](https://cdn.door43.org/obs/jpg/360px/obs-en-19-18.jpg) बिधाते गूर रहा तै लोगा का खोज़दै लागी कि बिधाता तिन्नां लै किज़ै बोला। तिन्नां संघै लोगै ज़ेतरअ बी बूरअ बर्ताअ किअ, तज़ी बी रहै तिंयां लोगा लै चतैनगी दैंदै लागी कि ज़ै तम्हैं बिधाता सेटा आपणैं पापा लै माफी नांईं मांगे, तै करनअ परमेशा थारअ बनाश। तिन्नैं तिन्नां का इहअ बी डाहअ खोज़ी कि बिधाता आसा तम्हां लै करार किई दी कि तेऊ छ़ाड़णअ तम्हां बच़ाऊंणां लै एक मसीहा। *1 राज़ै धैअ 16-18; 2 राज़ै 5; यिर्मयाह 38का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_19_128kbps.m4a ## 20. गुलामीं दी डेऊंणअ और बापस फिरनअ https://openbiblestories.org/l/kfx-x-outerseraji/story-20/ ![](https://cdn.door43.org/obs/jpg/360px/obs-en-20-01.jpg) इस्राएल और यहूदा राईसी किअ दुही बिधाते खलाफ घोर पाप। तिन्नैं चोल़ी बिधाता संघै सह करार ज़ुंण तिन्नैं सीनाई धारा बिधाता संघै किई ती। बिधाता छ़ाडै तिन्नां सेटा लै आपणैं कई गूर बी समादा लई कि तिंयां आपणैं पापा लै माफी मांगे और बृथा मैहरै-मुर्ति छ़ाडी बिधाता बाखा फिरे। पर तिन्नैं निं तिन्नां गूरे एक गल्ल बी मनी। ![](https://cdn.door43.org/obs/jpg/360px/obs-en-20-02.jpg) तेखअ डाही बिधाता बी तिन्नां बाखा लै पिठ फरेऊई और तेऊ दैनअ तिन्नां तिन्नें दुशमणें बशै पल़णैं। तिन्नों दुशमण अश्शूर राज़अ त खास्सअ बलबान गअ द हई। सह त खास्सअ नर्दैई और तेऊ किई इस्राएले राईसी बरैबाद औ बडै भारी खास्सै इस्राएली पाऐ तेऊ मारी। तिंयां लुट्टै तेऊ ज़िहै नां किहै, सारअ देश किअ तेऊ दहई पलुशी खतम। ![](https://cdn.door43.org/obs/jpg/360px/obs-en-20-03.jpg) तेऊ निंऐं इस्राएली मांझ़ा का इहै-इहै लोग झाल़ी ज़ुंण खास्सै सेठ आसा तै और ज़ुंण किम्मती च़ीज़ा ज़ाणां तै बणांईं और तेऊ निंऐं इस्राएलीए सोभै मुखिऐ अप्पू संघै गुलाम बणांईं। इस्राएल बच़ै पिछ़ू थोल़ै ई लोग। ![](https://cdn.door43.org/obs/jpg/360px/obs-en-20-04.jpg) अश्‍शूरी निंऐं इस्राएली तिधा का बाघलै देशा लै और ज़ुंण अशूरी तिधी रहै तिन्नैं बसाऊई तिधी एक नगरी संघा लागै इस्राएली संघै बैहूंदै-ठैहुंदै और इहअ करै पल़अ तैहा नगरी नांअं सामरी। ![](https://cdn.door43.org/obs/jpg/360px/obs-en-20-05.jpg) यहूदा राईसीए लोगै भाल़ी ईंयां गल्ला कि एस्राएली संघै किज़ै-किज़ै हुअ और अह सज़ा भेटी तिन्नां एता लै कि तिन्नैं निं बिधातो हुकम मनअ। पर तज़ी बी रहै तिंयां यहूदी कनानी देओआ देबते मैहरै पूज़दै लागी। बिधाता छ़ाडै तिन्नां सेटा लै समादा पजैल़ै आपणैं बतेर्है गूर कि इना मुर्ति पूज़णें पा छ़ाड़ पर तिन्नैं निं एक्कीए बी शूणीं। ![](https://cdn.door43.org/obs/jpg/360px/obs-en-20-06.jpg) शौआ साला बाद किई अश्शूरी लोगै इस्राएल राईसी पठी बरैबाद। बाबेल देशो आसा त एक खास्सअ बलबान राज़अ; तेऊ नांअं त नबूकदनेसर। बिधाता लाई तेऊ लै एही बुध कि सह डेऊअ यहूदा राईसी गोट दैई गिम्मदअ। यहूदा राईसीओ राज़अ बणांअ नबूकदनेसरै आपणअ गुलाम। तेऊ संघै हुअ इहअ सुल्हअ कि हर साल लागणअ यहूदा राईसीए राज़ै नबूकदनेसरा लै कारअ दैणअ। ![](https://cdn.door43.org/obs/jpg/360px/obs-en-20-07.jpg) पर थोल़ी साला बित्तणैं बाद हुअ यहूदा राईसीओ राज़अ बाबेल देशे राज़े खलाफ। बाबेल देशै छ़ेल़अ यहूदा संघै जुध और येरूशलेम नगरी बिधातो मांदर बी किअ तिन्नैं ढोल़ी खतम और सारी नगरी गिम्मीं आप्पू लै। ![](https://cdn.door43.org/obs/jpg/360px/obs-en-20-08.jpg) बाबेल देशो बरोध करनै पिछ़ू पाअ यहूदे राज़ैओ शोहरू मारी और राज़अ किअ आछीओ कांणअ, संघा निंअ बान्हीं करै बाबेल देशा लै। तिधी डाहअ सह तिन्नैं कैदखानैं दी मर्दअ लाई। ![](https://cdn.door43.org/obs/jpg/360px/obs-en-20-09.jpg) बाबेले राज़ै नबूकदनेसरै निंऐं यहूदा राईसी बस्सै दै लगभग सारै ई लोग बाबेल देशा लै गुलाम बणांईं। पिछ़ू डाहै सिधै गरीब मणछ ई; ताकि तिंयां ज़िम्मींदारअ करी सके। अह त बिधाते परज़ा इस्राएली लै गुलामींओ बगत। ज़ेथ बिधाता तिंयां आपणैं करारे देशा का दूर निखल़णां लै मज़बूर किऐ। ![](https://cdn.door43.org/obs/jpg/360px/obs-en-20-10.jpg) तिन्नां लै दैनीं बिधाता तिन्नें पापा पिछ़ू सज़ा और तैही पाऐ तिंयां गुलामीं दी। पर बिधाता निं तज़ी बी तिन्नां संघै किई दी आपणीं करार बिसरी। सह रहअ तिन्नें हेर-सभाल़ करदअ लागी और आपणैं गूरा बाती रहअ तिन्नां संघै खोज़दअ-बोलदअ लागी। तिन्नां लै डाहअ बिधाता इहअ बोली कि सत्तरा साला बाद आणणैं मुंह तम्हैं एऊ देशा लै बापस फरेऊई। ![](https://cdn.door43.org/obs/jpg/360px/obs-en-20-11.jpg) कोऐ सत्तरा साला बाद हुअ फारसी राज़ै कुसरू और बाबेल देशे राज़ै आप्पू मांझ़ै जुध। तेथ हारअ बाबेल राज़अ फारसी राज़ै का। तेखअ हुअ बाबेल देशै फारसी राज़ैओ राज़। बाबेल देशै रहणैं आल़ै इस्राएली लै बोला तै यहूदी। तिन्नां मांझ़ै काटी कई आपणीं सारी ज़िन्दगी बाबेल देशै ई। सोभ तै बिसरी मुक्कै दै पर ज़ुंण धख प्रोढै मणछ आसा तै बच़ै दै; सिधी तिन्नां ती आपणैं देश यहूदे आद। ![](https://cdn.door43.org/obs/jpg/360px/obs-en-20-12.jpg) तिंयां फारसी लोग तै खास्सै बलबान, पर ज़हा देशा तिंयां ज़ित्ता तै, तिन्नां संघै निं तिंयां बूरअ बभार करदै तै। ज़ांऊं बाबेल देशै बी फारसी राज़अ कुसरू राज़अ बेठअ, तेऊ दैणअ थोल़ै धैल़ै बाद इहअ हुकम कि ज़ुंण बी यहूदी आपणैं देशा लै बापस डेऊंणअ च़ाहा; तिंयां लागा डेऊंदै। तिन्नां लै दैनैं तेऊ बिधाते मांदरा बणांणां लै ढब्बै बी। तेखअ फिरै थोल़ै ज़िहै यहूदी सत्तर साले गुलामीं का आज़ाद हई येरूशलेम नगरी लै बापस। ![](https://cdn.door43.org/obs/jpg/360px/obs-en-20-13.jpg) और ज़ाऊं तियां लोग यरुशलेम पुज़ै ता तेखअ च़ीणअं तीनै सह मांदर भी और नगरै च़हु फेर्है दुआली बी च़ीणीं भी। पर तीना प्रैंधै राज़ त तज़ी बी फरीसी लोगअ ई। येरुशलेम पुजी च़िणअ तिन्नैं बिधातो सह मांदर भिई और नगरी फेर-फिरदी दुआल बी च़िणीं। पर तिन्नां प्रैंदै राज़ आसा त तज़ी बी फारसी राज़ैओ। *2 राज़ै 17; 24-25; 2 इतिहास 36; एज़्रा 1-10; नहेम्याह 1-13 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_20_128kbps.m4a ## 21. परमेशर करा मसीहे बारै सकल़्प https://openbiblestories.org/l/kfx-x-outerseraji/story-21/ ![](https://cdn.door43.org/obs/jpg/360px/obs-en-21-01.jpg) ज़धू बिधाता अह संसार बणांअ, तेऊ का आसा त तधू ई थोघ कि खिरी लागणअ तेऊ एऊ संसारा बच़ाऊंणां लै मसीहा छ़ाडणअ। आदम और ज़नांनी लै त बिधाता बच़न दैनअ द कि तेरी आद-लुआदा चल़ेपणअ दानुंईंओ (मतलब राख्सो) मूंड ज़ुंणीं राख्सै तम्हैं कबाता पाऐ। ![](https://cdn.door43.org/obs/jpg/360px/obs-en-21-02.jpg) बिधाता त आबरामा लै बच़न दैनअ द कि ताह करै भेटणीं सारै संसारे लोगा बर्गत और तेऊ बच़ना पूरै करदअ छ़ाडणअ मुंह संसारा लै मसीहा। तेऊ मसीहा करनअ संसारे सोभी लोगो तिन्नें पापा का उध्दार। ![](https://cdn.door43.org/obs/jpg/360px/obs-en-21-03.jpg) आपणैं गूर मूसा लै बी आसा त बिधाता बच़न दैनअ द कि खिरी छ़ाडणअ मुंह ताह ई ज़िहअ आपणअ गूर और सह हणअ मसीहा। ![](https://cdn.door43.org/obs/jpg/360px/obs-en-21-04.jpg) राज़ै दाबेदा लै बी आसा त बिधाता इहअ ई बच़न दैनअ द कि तेरी खांनदानीं दी हणअ मसीहो ज़ल्म और सह हणअ मुंह बिधाते सारी परज़ा प्रैंदै राज़अ। ![](https://cdn.door43.org/obs/jpg/360px/obs-en-21-05.jpg) एकी बारी हुअ इहअ कि बिधाता बोलअ आपणैं गूर यिर्मयाह लै इहअ, “शुंण, आजू एछणैं इहै धैल़ै, मुंह करनीं तिन्नां धैल़ै आपणीं इस्राएली और यहूदी परज़ा संघै करार। अह करार हणीं तैहा करारा का होरी साबे ज़ुंण मंऐं तिन्नें बाब-दादै संघै किई ती। अह करार आसा एही कि मुंह बसाऊंणअ आपणअ बधान तिन्नें हिक्का दी। तिंयां हणीं मेरै राज़ा दी मेरी परज़ा और हुंह हणअ तिन्नों राज़अ। होछ़ै का उझै प्रोढै तैणीं हणअ मेरै बारै सोभी का थोघ। ज़ुंण मेरै तेऊ बधाना मनें, तिन्नें करनै मुंह सोभ पाप माफ।” ![](https://cdn.door43.org/obs/jpg/360px/obs-en-21-06.jpg) पैहलकै ज़मानै ज़ुंण बिधाते गूर आसा तै, तिन्नैं आसा एही गल्ला प्रगट किई दी कि मसीहा बी हणअ बिधातो गूर ई। एक गूर आसा इहअ ज़ुंण बिधाता का शूंणा और सह खोज़ा होरी लोगा का तेऊए एछणें बारै ज़हा छ़ाडणें बिधाता करार आसा किई दी। तेऊ शुंणनीं बिधाते गल्ला राम्बल़ै करै और लोगा का बी खोज़णीं तिंयां तेही ई। ![](https://cdn.door43.org/obs/jpg/360px/obs-en-21-07.jpg) इस्राएली परोहित करा तै लोगे पाप माफी लै बिधाता सेटा पशूओ बल़ीदान संघा करा तै पाप माफी लै अरज़। पर मसीहा हणअ माहा परोहित ज़हा बिधाता सेटा होरीए पापे बदल़ै आपणअ बल़ीदान करनअ, तेखअ निं संसारै पाप माफी लै होर किछ़ू गल्ले बल़ीदान करने ज़रुरत रहणीं। ![](https://cdn.door43.org/obs/jpg/360px/obs-en-21-08.jpg) राज़ै और मुखिऐ करा राईसीए सोभी लोगा प्रैंदै राज़ पर तिन्नें भलै बी जाआ किज़ै नां किज़ै भूल-च़ूक हई। राज़ै दाबेदो राज़ आसा त सिधअ इस्राएली लोगा प्रैंदै, पर आजू हणअ राज़ै दाबेदै खांनदानी दी मसीहो ज़ल्म, तेऊओ राज़ हणअ सारै संसारा प्रैंदै। सह निं भूल-च़ूक करदअ तेऊ करनअ शुचअ नसाफ। ![](https://cdn.door43.org/obs/jpg/360px/obs-en-21-09.jpg) पराणैं ज़मानैं ओर्ही खोज़ी बिधाते कई गूरै मसीहे बारै कई गल्ला। तिन्नां मांझ़ै त बिधातो एक गूर; तेऊ नांअ त मलाकी। तेऊ ती एही गल्ला प्रगट किई दी कि मसीहा एछणैं का आजी एछणअ एक होर गूर और बिधातो सह गूर होणअ सोभी का खास। बिधाते गूर याशायाह आसा इहअ डाहअ द लिखी कि मसीहो ज़ल्म हणअ कुंआरी शोहरीए ओदरा का। बिधाते गूर मिका आसा इहआ खोज़अ द कि मसीहो ज़ल्म हणअ बेतलेहम नगरी। ![](https://cdn.door43.org/obs/jpg/360px/obs-en-21-10.jpg) याशायाह गूरै खास्सी साला आजी इहअ डाहअ द खोज़ी कि मसीहा रहणअ गलील लाक्कै और तेऊ दैणीं रैनै-गरीब और दुखी लोगा लै शांती। रोगी, लैंगल़ै, डुंडै, डाट्टै-टऊंणैं और नबिज़री बमारी आल़ै करनै तेऊ नरोगै। ![](https://cdn.door43.org/obs/jpg/360px/obs-en-21-11.jpg) तेऊ गूरै त खास्सी साला आजी ई इहअ डाहअ द खोज़ी कि लोगा करनीं मसीहा लै नफरत और तेऊओ बरोध बी, तेऊओ हणअ आपणअ ई साथी तेऊ लै धोखै दैणैं आल़अ, तेऊ कामां लै लणीं तेऊ दुशमणां का तिह च़ंदीए सिक्कै रेशपत। लोगा निंणअ मसीहा ढाकी संघा पाणअ सह मारी और तेऊए घेरीए झिकल़ै बांडणैं तिन्नां परच़ी पाई। ![](https://cdn.door43.org/obs/jpg/360px/obs-en-21-12.jpg) मसीहे मौते बारै बी आसा खास्सी साला आजी बिधाते कई गूरै गल्ला खोज़ी हेरी दी कि तेऊए मौत केऊ साबै हणीं और केभै हणीं। याशायाह गूरै आसा मसीहे बारै इहअ बी डाहअ द लिखी कि तेऊओ निं किछ़ै कशूर हणअ पर तज़ी बी करनै लोगा तेऊए बूरै हाल। तेऊए मुंहैं थुक्की करनअ सह तिन्नां बेईज़त संघा च़िकणअ सह कोल़ै करै, मुंडै बन्हैंऊंणअ तेऊ लै झ़रीलै कांडैओ मुगट और खिरी बिन्हणअ सह कुछी का बरछ़ै करै। ![](https://cdn.door43.org/obs/jpg/360px/obs-en-21-13.jpg) मसीहे बारै त इहअ बी हेरअ द पैहलै ई खोज़ी कि तेऊ निं आपणीं ज़िन्दगी दी किछ़ पाप करनअ पर संसारे मणछे पापा पिछ़ू दैणीं तेऊ आपणीं ज़ान। तेऊए बल़ीदान हणैं करै भेटणीं संसारे सोभी लोगा परमेशरा सेटा डेऊंणे बात। बिधाता आसा सह तैही छ़ाडअ द कि सह एऊ संसारा बच़ाऊंणे कामा पूरअ करे। ![](https://cdn.door43.org/obs/jpg/360px/obs-en-21-14.jpg) मसीहे बारै आसा इहअ बी खोज़अ द कि बिधाता करनअ सह तेऊए मरनै का बाद चिऐ धैल़ै भिई ज़िऊंदअ। इना गल्ला का लागा थोघ कि अह आसा बिधाता मणछा लै नंऊंईं करार डाही दी सोठी। ![](https://cdn.door43.org/obs/jpg/360px/obs-en-21-15.jpg) ईंयां सारी गल्ला आसा ती बिधाता आपणैं गूरा का डाही दी खोज़ी कि आजू किज़ै आसा हणैं आल़अ। तिन्नें ज़मानै बी निं मसीहा धरती दी आअ आथी त। इना गल्ला प्रगट करनै पोर्ही लागणअ त मसीहा च़ऊ शौआ का बी खास्सी साला तैणीं धरती दी एछदअ न्हैल़णअ। ज़ुंण बगत बिधाता छ़ांटी त डाहअ द; तेऊ छ़ाडणअ त सह तेभै ई। *मूल़ धैअ 3:15; 12:1-3; बधान 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भज़न 22:18; 35:19; 69:4; 41:9; जकर्याह 11:12-13; यशायाह 50:6;भज़न 16:10-11 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_21_128kbps.m4a ## 22. यहून्नों ज़ल्म https://openbiblestories.org/l/kfx-x-outerseraji/story-22/ ![](https://cdn.door43.org/obs/jpg/360px/obs-en-22-01.jpg) बिधाता करा त मणछा संघै आपणैं गूरा बाती गल्ला और गूर खोज़ा तै बिधाता का गल्ला शूंणीं लोगा का। खिरी निं तेखअ बिधाता च़ऊ शौआ साला तैणीं कोही गूरा बाती मणछा संघै किछ़ै गल्ला किई। एतरी साला निभी करै छ़ाडअ बिधाता जकर्याह नांओंए परोहिता सेटा आपणअ स्वर्ग दूत। जकर्याहे लाल़ी ती इलिशिबा और सह ती बिधाते डरा हेठै रहणैं आल़ी। तिंयां दुहै गऐ तै खास्सै प्रोढै हई और आजू निं तिन्नें आद-लुआद किछ़ै आथी ती हुई दी। ![](https://cdn.door43.org/obs/jpg/360px/obs-en-22-02.jpg) स्वर्गदूतै बोलअ जकर्याह लै इहअ कि तेरअ हणअ आजू एक शोहरू, तूह डाहै तेऊओ नांअ यहून्ना। बिधाता दैणीं तेऊ लै आपणीं पबित्र आत्मां और तेऊ पजैल़णैं खास्सै लोग मसीहा सेटा। पर जकर्याह बोलअ स्वर्ग दूता लै इहअ कि हुंह और मेरी लाल़ी गऐ खास्सै बुढल़ै हई! म्हारी किधी च़ाल्ली ऐबै लुआद हई! हुंह किहअ करै करूं तेरी गल्ला दी भरोस्सअ कि ज़ुंण तूह बोला तिहअ हणअ सच्च़ी? ![](https://cdn.door43.org/obs/jpg/360px/obs-en-22-03.jpg) तेऊ स्वर्ग दूतै बोलअ जकर्याह लै इहअ कि हुंह आसा आप्पै बिधाता आप्पै ताह सेटा लै एऊ खुशीए समादा पजैल़अ छ़ाडअ द, किल्हैकि ताह निं भरोस्सअ आथी। ![](https://cdn.door43.org/obs/jpg/360px/obs-en-22-04.jpg) तेखअ हुअ इहअ कि ज़धू इलिशिबा पैरभारी हई छ़हुअ भिन्नअ त लागअ द, सह ई स्वर्ग दूत आअ इलिशिबे रिश्तेदार मरिअमा सेटा। मरिअम ती कुंआरी शोहरी और तेसे आसा ती युसुफ नांओंए मणछा संघै बरनीं डाही दी लाई। स्वर्ग दूतै बोलअ तैहा लै बी इहअ कि तूह हणीं पैरभारी, तेरअ हणअ भाऊ और तेऊ नांअं डाहै तू ईशू। सह हणअ महान परमेशरो शोहरू और सारै संसारा प्रैंदै हणअ तेऊओ राज़। ![](https://cdn.door43.org/obs/jpg/360px/obs-en-22-05.jpg) मरिअम लागी स्वर्ग दूता लै बोलदी कि इहअ किधी सका हई! हुंह आसा कुंआरी नां अज़ी मेरअ बैह हुअ! स्वर्ग दूतै समझ़ाऊई सह कि तेरै ओदरै एछणअ परमेशरे पबित्र आत्मां करै शोहरू। तैही हणअ सह शोहरू बी पबित्र। स्वर्ग दूते इना गल्ला शूंणीं किअ मरिअमै विश्वास। ![](https://cdn.door43.org/obs/jpg/360px/obs-en-22-06.jpg) इना गल्ला हणैं बाद डेऊई मरिअम इलिशिबे घरा लै, ज़ेती तिंयां दुहै एकी दुजै का राज़ी-खुशी पुछ़दी लागी, तेतरी गअ इलिशिबे पेटै च़ुकदअ लागी। तिंयां दुहै हुई खास्सी खुश और तिंयां दुहै रही चिई भिन्नैं तैणीं कठा और च़ऊथै भिन्नैं आई मरिअम घरा लै। ![](https://cdn.door43.org/obs/jpg/360px/obs-en-22-07.jpg) इलीशिबा सूई और तेसो हुअ भाऊ, तेऊ नांअ डाहअ तिन्नैं यहून्ना। जकर्याह लागअ परमेशरे बड़ैई और ज़ै-ज़ैकार करदअ कि हे बिधता आपणैं लोगे हेर सभाल़ करदअ आसा तूह ई। जकर्याह लागअ शोहरू भाल़ी इहअ बोलदअ, “तूह हणअ तेऊ परमेशर बिधातो गूर ज़हा का सारअ बल आसा। ताह खोज़णअ लोगा का कि तिन्नें पापा लै परमेशरा का किहअ करै भेटणीं माफी।” *लुका धैअ 1 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_22_128kbps.m4a ## 23. ईशूओ ज़ल्म https://openbiblestories.org/l/kfx-x-outerseraji/story-23/ ![](https://cdn.door43.org/obs/jpg/360px/obs-en-23-01.jpg) एक धर्मीं मणछ थिअ, तेऊ नांअ त युसुफ और तेऊए ती मरिअम नांओंए एकी शोहरी संघै बरनीं डाही दी लाई। ज़ांऊं तेऊ का थोघ लाग कि मरिअम हुई बैहा का आजी पैरभारी; तेऊ किअ मरिअमा छ़ाडणैंओ बच़ार कि तैहा संघै निं तेऊ ऐबै बैह करनअ, और तैहा शोहरीए बदनामीं बी निं सह च़ाहंदअ त। सह त इहअ सोठदअ ई लागअ द कि एक स्वर्ग दूत आअ तेऊए धैनै सुपनै संघा किई तेऊ संघै गल्ला कि ![](https://cdn.door43.org/obs/jpg/360px/obs-en-23-02.jpg) युसुफ, तूह निं मरिअमा संघै बैह करनै का डरी आथी, तेसे ओदरै ज़ुंण शोहरू आसा; सह आसा पबित्र आत्मां करै आअ द। ज़ेभै तेऊ शोहरूओ ज़ल्म होए, तूह डाहै तेऊओ नांअं ईशू ( मतलब बच़ाऊंणैं आल़अ) किल्हैकि एऊ करै भेटणीं संसारा आपणैं पापे माफी। ![](https://cdn.door43.org/obs/jpg/360px/obs-en-23-03.jpg) तेखअ किअ युसुफै मरिअमा संघै बैह संघा आणीं तेऊ सह आपणै घरा लै। पर ज़ेभै तैणीं तेऊ शोहरूओ ज़ल्म निं हुअ, तेभै तैणीं निं सह तैहा संघै सुत्तअ-बेठअ आथी। ![](https://cdn.door43.org/obs/jpg/360px/obs-en-23-04.jpg) तेऊ ज़मानै आसा त सारै देशै रोमी राज़, तिन्नां धैल़ै त रोमीं माहाराज़ै अगस्तूसै इहअ हुकम किअ द कि सोभी लागणैं आपणैं नांअ दर्ज़ करनै और मरिअमें आसा तै सूंणें धैल़ै सिक्कै दै। सोभै डेऊए आपणीं आपणीं नगरी लै और युसुफा बी पल़अ डेऊंणअ। युसुफ और मरीअम आसा तै दुहै राज़े दाबेदे खांनदानीं का और तैही डेऊऐ युसुफ और मरिअम दुहै ज़ण्हैं गलील लाक्कै बेतलेहम नगरी लै नांअं दर्ज़ करदै। ![](https://cdn.door43.org/obs/jpg/360px/obs-en-23-05.jpg) ज़ांऊं युसुफ और मरिअम बेतलेहम नगरी पुजै; तिन्नां निं तिधी रहणां लै ज़ैगा भेटी, तेखअ रहै तिंयां गौशाल़ा दी डागै-चैणें घाह-पाणीं दैणें च़राठी नेल़ बेशी। मरिअमा लागी सुणें दाह और तेसो हुअ भाऊ और तेऊ नांअं डाहअ तिन्नैं ईशू। ![](https://cdn.door43.org/obs/jpg/360px/obs-en-23-06.jpg) तैहा ई राची हुअ इहअ कि ओर्ही-पोर्ही आसा तै दहल़ै फुआल आपणीं भेडा-बाकरीए पहरी बेठै दै। तिन्नां लै हुअ च़मच़मांदै झ़ामणां जैंदरी स्वर्गदूत प्रगट। तिंयां फुआल डरै तेऊ स्वर्गदूता भाल़ी। पर तेऊ स्वर्गदूतै बोलअ तिन्नां लै इहअ, “तम्हैं निं लागा डरदै, हुंह आसा तम्हां का खुशीए समादा खोज़दअ आअ द; बेतलेहम नगरी गअ राज़ै दाबेदे खांनदानीं दी मसीहो ज़ल्म हई। ![](https://cdn.door43.org/obs/jpg/360px/obs-en-23-07.jpg) तम्हैं डेओआ भाल़ै, सह भेटणअ तम्हां गोशाल़ा दी तेऊए ईजा संघै। इना गल्ला करदी भर्हुअ सारअ सरग स्वर्गदूता करै और तिंयां लागै खुशी-खुशी परमेशरे ज़ै-ज़ैकार करदै। ![](https://cdn.door43.org/obs/jpg/360px/obs-en-23-08.jpg) तेऊ स्वर्गदूते गल्ला शुंणी फिरअ तिन्नां फुआला तेऊ शोहरू भाल़णैंओ खास्सअ च़ाअ, तेखअ डेऊऐ तिंयां फुआल तेभी आपणीं भेडा-बाकरी छ़ाडी तेऊ शोहरू भाल़ै। तिधी पुजी भाल़अ तिन्नैं कि सह शोहरू आसा सच्च़ी आपणीं माए कऊटी दी सुत्तअ द। तेखअ फिरै तिंयां आपणीं भेडा बाकरीए हेल़्ही सेटा लै बापस संघा लागै परमेशरे ज़ै-ज़ैकार करदै। ![](https://cdn.door43.org/obs/jpg/360px/obs-en-23-09.jpg) पुर्बा देशा बाखा आसा तै जोतषी तिन्नां त खास्सअ ज्ञन, तिंयां लाआ तै सरगे तारै भाल़ी जोतष कि संसारै किज़ै हुअ। तिन्नां का गअ थोघ लागी कि संसारै हुअ मसीहो ज़ल्म। तिन्नां का गअ थोघ लागी कि सह च़मच़मांदअ तारअ टेक्कअ राज़ै दाबेदे डेरै प्रैंदै। तिन्नां का गअ थोघ लागी कि यहूदा देशै बेतलेहम नगरी हुअ मसीहो ज़ल्म। तिन्नैं जोतशी बोलअ आप्पू मांझ़ै इहअ कि हाम्हां डेऊंणअ मसीहे दर्शण करदै बेतलेहम नगरी लै, संघा पुजै तिंयां पुछ़दी ज़ाच़दी तिधी ज़िधी ईशू और तेऊए ईज-बाब आसा तै। ![](https://cdn.door43.org/obs/jpg/360px/obs-en-23-10.jpg) तेऊ शोहरू भाल़ी लागै तिंयां सात जोतषी तेऊए पैरा बंददै और तेऊ सेटा माथै टेकदै। तिन्नैं किई तेऊ शोहरू लै कई किम्मती च़िज़ा भेंट और तेखअ फिरै तिंयां आपणैं देशा लै बापस। *मत्ती धैअ 1; लुका 2 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_23_128kbps.m4a ## 24. यहून्ना दैनीं ईशू लै डुबकी https://openbiblestories.org/l/kfx-x-outerseraji/story-24/ ![](https://cdn.door43.org/obs/jpg/360px/obs-en-24-01.jpg) इलिशिबा और जकर्याहो शोहरू निखल़अ बडअ हई करै परमेशरो गूर। सह रहा त रेगीस्तानै और तेथ खाआ त सह सिधअ मखीर और रैट्टै बुटी। घेरी हआ तै तेऊ ऊंटे ऊने झिकल़ै बान्हैं दै। ![](https://cdn.door43.org/obs/jpg/360px/obs-en-24-02.jpg) यहून्ना सेटा लै लागै नगरी-गराऊंआं का खास्सै लोग तेऊए गल्ला शूंणै नांहंदै। सह खोज़ा त सोभी लोगा का इहअ कि पाप करनअ छ़ाडी, आझ़ा का पैहलै ज़ुंण पाप किऐ तेता लै मांगा परमेशरा का माफी किल्हैकि ऐबै गअ स्वर्गो राज़ नेल़ एछी। ![](https://cdn.door43.org/obs/jpg/360px/obs-en-24-03.jpg) यहून्नें समादा शुंणीं लागै खास्सै लोग परमेशरा का माफी मांगदै संघा लई यहून्नें हाथै जरदण नदी दी डुबकी। यहूदी धर्में परोहित और मुखिऐ बी एछा तै तेऊ भाल़ै कि अह किज़ै करा और किज़ै बोला। पर तिन्नैं निं तेऊए गल्ला मनीं नां आपणैं पापा लै परमेशरा का माफी मांगी। ![](https://cdn.door43.org/obs/jpg/360px/obs-en-24-04.jpg) यहून्नां बोलअ तिन्नां परोहित और मुखिऐ लै, “तम्हैं आसा शपैल़ा ज़िहै झ़रीलै, पाप करनअ छ़ाडा संघा मांगा परमेशरा सेटा माफी। किल्हैकि ज़ुंण बूट फल़ निं दैंदअ, तेता पाआ सह गोधी का काटी करै आगी जैंदरी दहई।” अह हुई खास्सी साला आजी बिधाते गूरै बोली पबित्र शास्त्रे सह गल्ल पूरी, “मसीहा छ़ाडणैं का आजी छ़ाडणअ मुंह तेऊ आजू एक होर गूर ज़हा तेऊए सुआगत करना लै शुंहीं-शोधी बात आज़री डाहणीं करी।” ![](https://cdn.door43.org/obs/jpg/360px/obs-en-24-05.jpg) यहूदी धर्में कोऐ मुखिऐ लागा यहून्ना का पुछ़दै कि तूह मसीहा आसा? यहून्ना बोलअ इहअ कि हूंह निं मसीहा आथी, मसीहा आसा एतरअ महान कि हुंह निं तेऊए पोलल़े तस्समै कोल़्हणैं जोगी बी आथी। सह आसा एछणैं आल़अ। ![](https://cdn.door43.org/obs/jpg/360px/obs-en-24-06.jpg) इना गल्ला हणें दुजै धैल़ै त यहून्ना जरदण नददी दी लोगा लै पाप माफीए डुबकी दैंदअ लागअ द। ईशू बी आअ तेऊ सेटा लै। तेऊ भाल़ी हेरअ यहून्ना दूरा ई का बोली कि भाल़ा, अह आसा परमेशरो शोहरू; मसीहा गअ एछी। ![](https://cdn.door43.org/obs/jpg/360px/obs-en-24-07.jpg) यहून्नां बोलअ ईशू लै हूंह निं ताल्है डुबकी जोगी आथी, मुंह लागा हधू तेरै हाथै पै डुबकी लणीं। ईशू बोलअ यहून्ना लै, “एभै हणअ इहअ ई ठीक कि मुंह लणीं तेरै हाथै डुबकी।” ईशू दी निं किछ़ै पाप दोश आथी त, पर तज़ी बी लई तेऊ डुबकी। ![](https://cdn.door43.org/obs/jpg/360px/obs-en-24-08.jpg) ज़ांऊं ईशू पाणीं दी डुबकी दैई उझै उझै उझ़ुअ, स्वर्गा का आई पबित्र आत्मां पालल़ी ज़ेही संघा बेठी ईशू प्रैंदै। तेखअ शुंण्हुंअ सरगा का बिधातो इहअ बैण, “अह आसा मेरअ शोहरू, एऊ लै झ़ुरा हुंह खास्सअ और हुंह आसा एऊ लै खुश।” ![](https://cdn.door43.org/obs/jpg/360px/obs-en-24-09.jpg) ईंयां गल्ला ती परमेशरै यहून्ना का खोज़ी हेरी दी डाही कि डुबकी दैंदा बारी ज़हा दी पबित्र आत्मां एछे; सह ई हणअ परमेशरो शोहरू मसीहा। सह आसा एक्कै। *मत्ती धैअ 3; मरकुस 1:9-11; लुका 3:1 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_24_128kbps.m4a ## 25. राख्सा लागअ ईशू परखदअ https://openbiblestories.org/l/kfx-x-outerseraji/story-25/ ![](https://cdn.door43.org/obs/jpg/360px/obs-en-25-01.jpg) डुबकी लणैं का बाद निंयं पबित्र आत्मां ईशू उज़ल़ रेगीस्ताना बाखा लै, तिधी रहअ च़ाल़्ही धैल़ी च़ाल़्ही राची तैणीं भुखअ नचिशअ। राख्स लागअ कई च़िज़ा रहैऊई ईशू परखदअ। ![](https://cdn.door43.org/obs/jpg/360px/obs-en-25-02.jpg) सोभी का आजी बोलअ राख्सै ईशू लै इहअ, “ज़ै तूह सच्च़ी परमेशरो शोहरू आसा तै लोल़ी तैरै बोल़णैं करै ताल्है ईंयां पात्थर रोटी बणीं ताकि तूह तेता खाई आपणीं पेटे भुख बशैल़ी सके।” ![](https://cdn.door43.org/obs/jpg/360px/obs-en-25-03.jpg) तेता लै दैनअ ईशू राख्सा लै इहअ ज़बाब, “परमेशरे बधाना दी आसा इहै बैण खोज़ै दै कि मणछ निं सिधअ रोटी करै ज़िऊंदअ, सह सका परमेशरे खाखा का निखल़ै दै हरेकी बैणां करै बी ज़िऊंदअ रही।” ![](https://cdn.door43.org/obs/jpg/360px/obs-en-25-04.jpg) तेखअ निंअं राख्सै उछ़टी ज़ैगा लै, संघा बोलअ ईशू लै इहअ, “ज़ै तूह परमेशरो शोहरू आसा; तै दै इधा का उंधै छ़ाहल़ और ताह च़कदै एछणैं परमेशरे स्वर्गदूत, तिन्नां च़कणअ तूह हाथो-हाथ और ताह निं तिन्नां पेहुश बी दैणीं लागणैं।” ![](https://cdn.door43.org/obs/jpg/360px/obs-en-25-05.jpg) पर ईशू निं राख्से एक गल्ल बी मनी, तेऊ दैनअ राख्सा लै इहअ ज़बाब, “परमेशरै आसा इहअ डाहअ द खोज़ी कि तम्हैं निं आपणैं परमेशर बिधाता परखदै लागी।” ![](https://cdn.door43.org/obs/jpg/360px/obs-en-25-06.jpg) तेखअ रहैऊअ राख्सै ईशू का संसार कि भाल़ राज़ी मौज़ी रहणां लै किज़ै-किज़ै निं आथी, ईंयां गल्ला हणीं सोभै तेरी ज़ै तूह मुह सेटा माथअ टेकी मेरी बड़ैई करे। ![](https://cdn.door43.org/obs/jpg/360px/obs-en-25-07.jpg) ईशू बोलअ राख्सा लै, “मेरी आछी आजू का डेऊ पोर्ही, परमेशरै आसा इहअ बोलअ द कि आपणैं प्रभू परमेशरा छ़ाडी निं कोही सेटा माथअ टेक्की।” ![](https://cdn.door43.org/obs/jpg/360px/obs-en-25-08.jpg) ईशू नी शताना का हार ही खाई बलकि शताना पल़अ भागणअं। और तेखअ आऐ ईशू सेटा स्वर्गदूत संघा लागै ईशूऐ सेअवा-टैहली करदै। ईशू निं राख्‍सा का हार खाई और राख्सा ई पल़अ तेऊ सेटा का दूर ठुर्हनअ। तेखअ आऐ ईशू सेटा लै स्वर्ग दूत संघा लागै ईशूए सेऊआ करदै। *मत्ती धैअ 4:1-11; मरकुस 1:12-13; लुका 4:1-13 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_25_128kbps.m4a ## 26. ईशूए लोगा मांझ़ै सेऊआ https://openbiblestories.org/l/kfx-x-outerseraji/story-26/ ![](https://cdn.door43.org/obs/jpg/360px/obs-en-26-01.jpg) राख्सा संघै इना गल्ला हणैं का बाद आअ ईशू उज़ल़ रेगीस्ताना का बापस गलील लाक्कै लै फिरी ज़िधी सह रहा त। तिधा का हांढअ सह ज़ैगै-ज़ैगै संघा लागअ लोगा का असली ज्ञैना खोज़दअ और सोभ लोग करा तै तेऊए बड़ैई। ![](https://cdn.door43.org/obs/jpg/360px/obs-en-26-02.jpg) तेखअ डेऊअ ईशू नासरत नगरी लै ज़िधी सह होछ़ी बेरी रहा त। तिधी डेऊअ सह बशैघे धैल़ी आराधना सभा दी, संघा उझ़ुअ पबित्र शास्त्रा पहल़दअ खल़अ। तेऊ का दैनीं याशायाह गूरे कताब पहल़णा लै। ![](https://cdn.door43.org/obs/jpg/360px/obs-en-26-03.jpg) ईशू पहल़अ तेता का सह परमेशरो सह बैण ज़िधी इहअ आसा त लिखअ द, “परमेशरो आत्मा आसा मुंह प्रैंदै तैही आसा हुंह तेऊ संसारा लै छ़ाडअ द कि रैनै-गरीबा लै खुशीओ समाद खोज़ूं और खरी-आफ़ता दी पल़ै दै लोगा बच़ाऊं।” ![](https://cdn.door43.org/obs/jpg/360px/obs-en-26-04.jpg) तेता बाद बेठअ ईशु धरनी ता सोभ लोग लागै तेऊ बडै गौरा संघै भाल़दै। ईहअ ता हेरअ तीनै लोगै ज़ाणी कि ऐभै तैण्हीं ज़ुण ऐऊ हाम्हां का पल़्हाऊअ सह आसा मसीहै ही बारै दी। ता ईशू बोलअ ज़ुण मंऐं ऐभै तैण्हीं तम्हां लै पल़्हाऊअ सहै ही लागअ दआ आझ़ हंदअ। सोभ लोग ती बडै रहैन हुऐ दै संघा लागै ईहअ बोलदै कि अह सह यूसुफो शोहरु नी आथी? तेता बाद बेठअ ईशू धरनीं और सोभ लागै तेऊ राम्बल़ै करै भाल़ै कि अह एऊ किज़ै बोलअ। इहअ ता हेरअ तिन्नैं समझ़ी कि ज़ुंण एऊ पहल़अ, सह आसा मसीहे बारै लिखअ द। पर ईशू बोलअ ज़ुंण मंऐं एभै तम्हां का पहल़ी कै खोज़अ, सह आसा आझ़ हंदअ लागअ द। सोभै हुऐ रहैन और कई लागै इहअ बोलदै कि अह कै हाम्हैं बछ़ैणदै निं आथी? अह युसुफ मिस्त्रीओ शोहरू निं आथी? ![](https://cdn.door43.org/obs/jpg/360px/obs-en-26-05.jpg) तै बोलअ तेखअ ईशू तिन्नां लै इहअ कि ईंयां गल्ला आसा शुची कि लोग निं आपणैं गराऊंए गूरे गल्ला मंदै आथी। एलीआ गूरे ज़मानैं बी ती इस्राएली मांझ़ै खास्सी बिधबा पर ज़ेभै साढै चिई साला तैणीं सरग निं बरशअ त, तेभै बी निं परमेशरै एलीआ तिन्नां सेटा मज़त करदअ छ़ाडा। सह छ़ाडअ तेऊ तिधा का होर्ती सारपत गरांऊंए बिधबा सेटा कि तेसा लै बर्गत दैए। ![](https://cdn.door43.org/obs/jpg/360px/obs-en-26-06.jpg) ईशू रहअ तिन्नां का खोज़दअ लागी कि एलीशा गूरे ज़मानैं बी आसा तै इस्राएला दी खास्सै कोहल़े रोगी; पर तेऊ किअ इस्राएलो दुशमण सैनापति कोहल़े रोगा का नरोगअ। ईशूए गल्ला शूंणैं आसा तै तिधी यहूदी और तिंयां हुऐ तेऊ लै रोश्शै लाल-पिंऊंल़ै। ![](https://cdn.door43.org/obs/jpg/360px/obs-en-26-07.jpg) तिन्नैं ढाकअ ईशू संघअ काढअ घिशी-तल़िंगी करै बागा लै, संघा नियं मारना लै कि एऊ लै दैणअ उछ़टै का हाम्हां ढेका बाती उंधै धाक्कअ। पर ईशू निखल़अ तिन्नां जैंदरा का दूर संघा डेऊअ नासरत नगरी लै। ![](https://cdn.door43.org/obs/jpg/360px/obs-en-26-08.jpg) तेखअ डेऊअ ईशू गलील लाक्कै लै, तिधी आऐ तेऊ सेटा बड़ै भारी खास्सै लोग। लोगै आणैं तेऊ सेटा लै कांणै, टाट्टै, टऊंणैं, लाट्टै और रंगा-रंगे रोगी और ईशू किऐ तिंयां सोभ नरोगै। ![](https://cdn.door43.org/obs/jpg/360px/obs-en-26-09.jpg) तिन्नां मांझ़ै कई ईहै ज़हा हारनै मारनै आल़ै भूत हआ तै शाचै दै, कई दरंगे मरीज़ और ईशू किऐ तिंयां सोभ नरोगै। कई भूत बी बोला तै ईशू लै तिन्नां मणछे ज़रीऐ कि तूह आसा परमेशरो शोहरू और लोग हआ तै रहैन-टैन संघा लागा तै परमेशरे बड़ैई करदै। ![](https://cdn.door43.org/obs/jpg/360px/obs-en-26-10.jpg) तेखअ छ़ांटै ईशू बारा मणछ और तिंयां बणांऐं च़ेल्लै और तिंयां च़ेल्लै बी रहा तै ईशू संघै और तिन्नैं शिखल़ी परमेशरे राज़े बारै खास्सी गल्ला और ज्ञैन। *मत्ती धैअ 4:12-25; मरकुस 1:14-15, 35-39; 3:13-21; लुका 4:14-30, 38-44 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_26_128kbps.m4a ## 27. झैणैल़ी सामरी ज़ातीए मणछे कथ्या https://openbiblestories.org/l/kfx-x-outerseraji/story-27/ ![](https://cdn.door43.org/obs/jpg/360px/obs-en-27-01.jpg) एकी धैल़ै हुअ इहअ कि यहूदी बधानो ज़ाणका मुखिअ आअ ईशू सेटा लै। सह च़ाहा त सोभी लोगा का इहअ रहैऊंणअ कि ईशू आसा गलत और अह निं असली बधान और ज्ञैन खोज़दअ। सह लागअ ईशू का इहअ पुछ़दअ, “हे गूरु, मुंह मोक्ष पाणां लै किज़ै लागणअ करनअ।” ईशू पुछ़अ तेऊ का इहअ, “परमेशरे बधाना दी किज़ै आसा लिखअ द?” ![](https://cdn.door43.org/obs/jpg/360px/obs-en-27-02.jpg) तेऊ दैनअ ज़बाब कि बधान बोला इहअ कि आपणअ सारअ मन, आपणअ प्राण, आपणअ सारअ और आपणीं सारी अक्ल लाई झ़ूरनअ बिधाता लै और आपणैं संघी साथी संघै बी डाहणीं तेही ई झ़ूरी। ईशू बोलअ तेऊ लै, “तंऐं बोलअ ठीक, मोक्ष पाणां लै लागणअ ताह इहअ ई करनअ।” ![](https://cdn.door43.org/obs/jpg/360px/obs-en-27-03.jpg) सह यहूदी मुखिअ च़ाहा त लोगा का ऐबै इहअ रहैऊंणअ कि ईशूए निं आपणीं ज़िन्दगी ई ठीक आथी, तैही त सह ईशू का सुआला पुछ़दअ लागअ द। तेखअ पुछ़अ तेऊ इहअ, “तै मेरअ संघी-साथी कुंण आसा?” ![](https://cdn.door43.org/obs/jpg/360px/obs-en-27-04.jpg) एऊ सुआलो ज़बाब दैणां लै खोज़ी ईशू तेऊ बधाने ज़ाणकारा का कथ्या, कि एक आसा त यहूदी (धणीं) मणछ, सह डेऊआ यरूशलेम नगरी का येरिहो नगरी लै। ![](https://cdn.door43.org/obs/jpg/360px/obs-en-27-05.jpg) बाता भेटै तेऊ मणछा च़ोर-डाकू और तिन्नैं लुट्टअ सह पठी संघा डाहअ सह च़िकी फणांटी बाता मुंअं नां ज़िंऊंदअ शोटी और आप्पू ठुहरै। ![](https://cdn.door43.org/obs/jpg/360px/obs-en-27-06.jpg) तिन्नां पिछ़ू आअ एक यहूदी (धणीं) तैहा ई बाता, तेऊ भाल़अ सह मणछ धरनीं पल़अ द, पर तेऊ भाल़अ तेऊ बाखा सिधअ टेरअ संघा निखल़अ दुजी बाता बाती आजू! ![](https://cdn.door43.org/obs/jpg/360px/obs-en-27-07.jpg) थोल़ी घल़ी बाद आअ एक लेवी परोहित तैहा ई बाता, तेऊ बी भाल़अ सह आध मूंअं द मणछ पर तेऊ बी निं सह उझै च़कअ, तेऊ बी बदल़ी तेऊ भाल़ी बात संघा निखल़अ होरी बाता आजू। ![](https://cdn.door43.org/obs/jpg/360px/obs-en-27-08.jpg) तेखअ आअ एक सामरी मणछ (होछ़ी ज़ातीओ, यहूदी करा तै तिन्नां संघै छ़ुंह)। ज़ांऊ तैऊ सामरी मणछै सह आध मूंअं मणछ भाल़अ कि सह आसा यहूदी (धणीं), तेऊ फिरी तेऊए बडी भारी झींण; संघा च़कअ सह तेऊ उझै और ज़िधी-ज़िधी तैऊ ज़खम तै, तेऊए ज़खमा दी लाई दाखो रस लाई करै शाटी। ![](https://cdn.door43.org/obs/jpg/360px/obs-en-27-09.jpg) संघा नियं तेऊ सह आपणैं गाधै प्रैंदै बशैल़ी। तेखअ डाहअ तेऊ सह एकी सरांईं दी संघा रहअ तिधी तेऊए हेर-सभाल़ करदअ लागी। ![](https://cdn.door43.org/obs/jpg/360px/obs-en-27-10.jpg) दुजै धैल़ै त तेऊ आप्पू तिधा का आजू ज़रूरी डेऊंणां लै और तेऊ डाहै सराईंए मालका लै तेऊ मणछे लाज़ा-पुआई लै ढब्बै दैई। संघा डाहअ इहअ बोली कि ज़ै एऊ मणछे लाज़ा लै ज़ै होर बी खर्च़अ एछे तेता दैऊं हुंह फिरदा, तेभै तैणीं लाऐ तूह आपणीं गांठी का। ![](https://cdn.door43.org/obs/jpg/360px/obs-en-27-11.jpg) तेखअ बोलअ ईशू तेऊ बधाने ज़ाणकार मणछा लै, “ऐबै तूह कै सोठा कि तेऊ आध मूंऐं मणछो असली संघ-साथी कुंण आसा?” तेऊ दैनअ ईशू लै ज़बाब कि ज़ुणीं सह तेऊए ज़खमा डी मल्हम शाटी लाई मरनै का बच़ाऊअ सह आसा तेऊऔ असली संघी-साथी। ईशू बोलअ तेऊ लै, “तूह बी कर इहअ ई।” *लूका धैअ 10:25-37 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_27_128kbps.m4a ## 28. खारकअ सेठ मणछ https://openbiblestories.org/l/kfx-x-outerseraji/story-28/ ![](https://cdn.door43.org/obs/jpg/360px/obs-en-28-01.jpg) एकी धैल़ै आअ एक खारकअ सेठ मणछ ईशू सेटा लै संघा लागअ इहअ पुछ़दअ, “हे महान गूरू, मोक्ष पाणां लै हुंह किज़ै करूं?” ईशू बोलअ तेऊ लै, “तूह मुल्है महान किल्है बोला? महान गूरू आसा परमेशर एक्कै। मोक्ष पाणां लै मन तूह तेऊ परमेशरे हुकम।” ![](https://cdn.door43.org/obs/jpg/360px/obs-en-28-02.jpg) सह खारकअ सेठ मणछ लागअ पुछ़दअ, “कुंण ज़ण्हअ हुकम मनणअ आसा मुल्है ज़रूरी?” ईशू बोलअ तेऊ लै, “पैहलै ता इहअ कि हत्या निं करी, आपणीं बेटल़ी छ़ाडी होरी बेटल़ी लै निं आछ डाही लाई, नां झ़ुठअ बोली, आपणैं ईजा बाबो करै सदा अदर और आपणैं संघी-साथी संघै लै झ़ूरै तिहअ ज़ेतरअ तूह आप्पू लै झ़ूरा।” ![](https://cdn.door43.org/obs/jpg/360px/obs-en-28-03.jpg) पर तेऊ सेठ मणछै बोलअ इहअ, “इना सोभी गल्ला मना हुंह होछ़ी उझै एही ई, मुंह दी होर किज़ै काम्मीं आसा रही दी कि हुंह किज़ै करूं?” ईशू भाल़अ तेऊ बाखा झींण करी संघा बोलअ इहअ, ![](https://cdn.door43.org/obs/jpg/360px/obs-en-28-04.jpg) “ज़ै तूह सिद्ध हणअ च़ाहा, तै कर इहअ कि आपणीं सारी ज़ैदात बेच़ पठी, संघा बांड तैहा गरीबा लै, ताह भेटणअ स्वर्गै धन और आप्पू एछ तेखअ तूह मुंह संघै।” ![](https://cdn.door43.org/obs/jpg/360px/obs-en-28-05.jpg) इशूए इना गल्ला शूंणीं शेऊअ तेऊ सेठ मणछै आपणअ मुंह, किल्हैकि सह त अज़ी ज़ुआन और खास्सअ सेठ। आपणीं धन-माया बेच़ी गरीबा लै बांडणां लै निं तेऊओ दिल्ल बोली निस्सअ, तेखअ फिरअ सह ईशू सेटा का घरा लै। ![](https://cdn.door43.org/obs/jpg/360px/obs-en-28-06.jpg) तै बोलअ तेखअ ईशू आपणैं च़ेल्लै लै इहअ, “ऊंट सका सिऊंणींए पाशी बाती आजू निखल़ी पर सेठ मणछो स्वर्गे राज़ा दी पुजणअ आसा बेघै मुशकल़।” ![](https://cdn.door43.org/obs/jpg/360px/obs-en-28-07.jpg) ईशूए इना गल्ला शूंणीं हुऐ च़ेल्लै रहैन, संघा लागै आप्पू मांझ़ै एही गल्ला करदै, “ज़ै इहअ आसा, तै निं स्वर्ग राज़ा दी कोहै च़ाल्लअ पुजी।” ![](https://cdn.door43.org/obs/jpg/360px/obs-en-28-08.jpg) ईशू भाल़अ आपणैं च़ेल्लै बाखा संघा बोलअ इहअ, “आपणैं हाथै निं कोहै आप्पू लै मोक्ष दैई सकदअ, पर परमेशर सका सोभै गल्ला करी।” ![](https://cdn.door43.org/obs/jpg/360px/obs-en-28-09.jpg) ईशूए च़ेल्लै पतरसै बोलअ ईशू लै, “हाम्हैं तेरै च़ेल्लै ता आसा भाल़ सोभ गल्ला छ़ाडी ताह संघै आऐ दै, हाम्हां एतो किज़ै पुआज़अ भेटणअ?” ![](https://cdn.door43.org/obs/jpg/360px/obs-en-28-10.jpg) ईशू दैनअ तिन्नां लै ज़बाब, “इहअ मणछ ज़ुंणीं मुंह पिछ़ू आपणैं भाई-बैहण, ईज-बाब, शोहरू-माठै और आपणीं धन-माया छ़ाडी होए, तेऊ भेटणअ तेतो शौ गुणा नफअ और मोक्ष ता भेटणअ ई। पर इहै आसा खास्सै ज़ुंण आजू आसा तिंयां हणैं पिछ़ू, ज़ुंण एभै पिछ़ू आसा तिंयां हणैं आजू।” *मत्ती धैअ 19:16-30; मरकुस 10:17-31; लुका 18:18-30 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_28_128kbps.m4a ## 29. नर्दैई नोकरे कथ्या https://openbiblestories.org/l/kfx-x-outerseraji/story-29/ ![](https://cdn.door43.org/obs/jpg/360px/obs-en-29-01.jpg) एकी बारी लागअ पतरस ईशू का पुछ़दअ, “मेरै मालक, ज़ै मेरअ भाई-बंध मुल्है ज़ुल्म करे, तेऊ लै केतरी बारी छ़ाडूं माफी, साता बारी?” ईशू बोलअ तेऊ लै, “साता बारीओ सत्तर गुणा कर, संघा कर तेतरी बाई माफ।” ![](https://cdn.door43.org/obs/jpg/360px/obs-en-29-02.jpg) ईशू बोलअ, “परमेशरो राज़ आसा ऐहा कथ्या ज़िहअ कि एकी मालकै बोलअ आपणैं नोकरा लै कि मेरअ साब-कताब कर, किल्हैकि नोकरा तै तेऊए आझ़कै ढबे साबै कोऐ दूई लाख ऋण हुअ द दैणा लै। ![](https://cdn.door43.org/obs/jpg/360px/obs-en-29-03.jpg) पर सह नोकर निं तेऊ ऋणा भरी सकअ और तेऊए मालकै बोलअ इहअ कि एऊए परिबारा पाआ गुलाम बणांईं बेच़ी। ![](https://cdn.door43.org/obs/jpg/360px/obs-en-29-04.jpg) तेऊ नोकरै किई आपणैं तेऊ मालका सेटा अरज़ कि मुल्है दै थोल़अ बगत होर, तेखअ हेरनअ मुंह तेरअ ऋण बैज़ा संघी भरी। मालका फिरी तेऊए झींण और तेऊ किअ तेऊओ सारअ ऋण माफ। ![](https://cdn.door43.org/obs/jpg/360px/obs-en-29-05.jpg) पर ज़ांऊं सह नोकर भितरा का बागै निखल़अ, तेऊ भेटअ बागै सह मणछ ज़हा लै तेऊ आप्पू त ऋण दैनअ द, सह ऋण त कोऐ चिई भिन्नें मज़दूरी बराबर। तेऊ ढाकअ सह गल़ा का संघा लागअ इहअ बोलदअ कि मेरै ढबै दै एभी। ![](https://cdn.door43.org/obs/jpg/360px/obs-en-29-06.jpg) सह मणछ लागअ तेऊ का हाथ-ज़ोल़ी अरज़ करदअ कि थोल़ै थोल़अ बगत दै मुल्है होर तेखअ हेरनअ मुंह तेरअ ऋण बैज़ा संघी भरी। पर तेऊ निं तेऊए एक बी शूंणीं और तेऊ किअ सह कैद। ![](https://cdn.door43.org/obs/jpg/360px/obs-en-29-07.jpg) तेऊ नोकरै ज़िहअ बभार तेऊ मणछा संघै किअ, सह भाल़अ तिधी होरी नोकरै बी, तिंयां डेऊऐ मालका सेटा संघा खोज़ी सारी गल्ला कि तेऊ किअ इहअ। ![](https://cdn.door43.org/obs/jpg/360px/obs-en-29-08.jpg) मालकै शादअ सह नोकर बापस संघा बोलअ तेऊ लै इहअ, “मंऐं किअ तेरअ ऋण माफ किल्हैकि तंऐं किई मुखा हाथ ज़ोल़ी अरज़, ताह बी लागा त तेऊ मणछा संघै तिहअ ई बभार करनअ ज़ुंणीं ताखा त ऋण काढदअ द! मालका आई तेऊ लै खास्सी रोश्शै और सह डाहअ तेभै तैणीं कैद करी ज़ेभै तैणीं सह तेऊओ ऋण भरी निं मुक्कअ। ![](https://cdn.door43.org/obs/jpg/360px/obs-en-29-09.jpg) तेखअ बोलअ ईशू इहअ, “ज़ै तम्हैं आपणैं भाई बंधा दिल्ला का माफ निं करे, तै निं मेरै बाब परमेशरा बी तम्हां लै माफी छ़ाडणीं।” *मत्ती धैअ 18:21-35 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_29_128kbps.m4a ## 30. ईशू खैऊई पांज़ हज़ार लोगा का रोटी। https://openbiblestories.org/l/kfx-x-outerseraji/story-30/ ![](https://cdn.door43.org/obs/jpg/360px/obs-en-30-01.jpg) ईशू छ़ाडै आपणैं तिंयां च़ेल्लै ज़ोल़ी-ज़ोल़ी ज़ैगै-ज़ैगै गराऊंऐं लोगा का परमेशरे राज़े बारै खोज़दै। तिन्नां गराऊंआं का हांढी पुजै तिंयां बापस ईशू सेटा फिरी संघा डेऊए किश्ती दी बेटी गलील समुंदरा पारा बाखा लै एकी कांगनरांगी ज़ैगा लै। ![](https://cdn.door43.org/obs/jpg/360px/obs-en-30-02.jpg) पार बाखा तै होर बी क्ई लोग, तिन्नैं हेरअ भाल़ी कि ईशू और तेऊए च़ेल्लै डेऊऐ किश्ती दी बेशी पारा बाखा लै। तिंयां लोग ठुर्है तिधा का इहै कि तिंयां गऐ ज़ांघा हांढी तिन्नां का आजी गलील समूंदरा पार बाखा पुजी संघा लागै तिंयां ईशू और तेऊए च़ेल्लै एछदै न्हैल़ै। ![](https://cdn.door43.org/obs/jpg/360px/obs-en-30-03.jpg) तिन्नां लोगे छ़ुंढा दी तै मर्ध ई मर्ध कोऐ पांज़ हज़ार, बेटल़ी और माठै थिऐ तेता का लाऊआ। तिंयां लोग तै बाझ़ी फुआले भेडा ज़िहै। ईशू फिरी तिन्नां भाल़ी तिन्नें झींण, परमेशरे राज़े गल्ला खोज़ी करै ज़ुंण तिन्नां जैंदरी रोगी आसा तै; तिंयां किऐ तेऊ सोभै नरोगै। ![](https://cdn.door43.org/obs/jpg/360px/obs-en-30-04.jpg) तेतरी च़ाल्ली ती सान्ह पल़ी और च़ेल्लै लागै ईशू लै बोलदै, “ऐबै च़ाल्ली सान्ह पल़ी, हाम्हैं आसा गटा-गराऊंआं का खास्सै दूर, ऐबै कर तूह इहअ कि ईन्नां छ़ाड तूह घरा लै ताकि ईंयां आप्पू लै खाणैं पीणैंओ इंतज़ाम करी सके।” ![](https://cdn.door43.org/obs/jpg/360px/obs-en-30-05.jpg) पर ईशू बोलअ तिन्नां लै इहअ, “तम्हैं दैआ इना लै खाणां लै।” च़ेल्लै बोलअ इहअ, “हाम्हां का किधी आसा इना एतरै लोगा लै रोटी? हाम्हां का आसा सिधी पांच़ रोटी और दूई होछ़ी-होछ़ी म्हाछ़ली! ![](https://cdn.door43.org/obs/jpg/360px/obs-en-30-06.jpg) ईशू बोलअ तिन्नां लै, “इना बशैल़ा पज़ाह-पज़ाह लोगो घिर्नू बणांईं धरनीं घाह प्रैंदै घेल़्ही दी ज़ुदै-ज़ुदै। ![](https://cdn.door43.org/obs/jpg/360px/obs-en-30-07.jpg) इहअ बोली ढाकी ईशू तिंयां पांज़ रोटी और दूई म्हाछ़ली आपणैं हाथै छ़ाबी दी। ईशू भाल़अ उझै सरगा बाखा लै संघा किअ तिन्नां रोटी और म्हाछ़ली लै परमेशरो शूकर। ![](https://cdn.door43.org/obs/jpg/360px/obs-en-30-08.jpg) तेखअ किऐ तिन्नां रोटी और म्हाछ़लीए चोल़ी करै होछ़ै-होछ़ै ठोर, संघा बोलअ च़ेल्लै लै कि ऐबै बांडा इना सोभी लोगा लै। च़ेल्लै बांडी रोटी और म्हाछ़ली सोभी लोगा लै। सोभी लोगै खाई रज्ज़ी रोटी और तज़ी बी बच़ी पिछ़ू खास्सी रोटी एही। ![](https://cdn.door43.org/obs/jpg/360px/obs-en-30-09.jpg) तेखअ छाल़ी तिन्नैं पिछ़ू बच़ी दी रोटी और तेते भर्हुऐ बारा च़ठै। *मत्ती धैअ 14:13-21; मरकुस 6:31-44; लुका 9:10-17; युहन्ना 6:5-15 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_30_128kbps.m4a ## 31. ईशू हांढअ डुघै पाणी प्रैंदै। https://openbiblestories.org/l/kfx-x-outerseraji/story-31/ ![](https://cdn.door43.org/obs/jpg/360px/obs-en-31-01.jpg) तिन्नां पांज़ा हज़ारा लोगा का रोटी खैऊंणै बाद बोलअ ईशू आपणैं तिना च़ेल्लै लै, ऐबै डेऊआ तम्हैं किस्ती दी बेशी सुमंदरा पारा बाखा लै। ईशू बोलअ सोभी लोगा लै कि तम्हैं डेओआ ऐबै आपणैं-आपणैं घरा लै। आप्पू डेऊअ ईशू उझै धारा बाखा लै संघा रहअ तिधी आथा राची तैणीं परमेशरा सेटा अरज़ करदअ लागी। ![](https://cdn.door43.org/obs/jpg/360px/obs-en-31-02.jpg) तैहा बकती तै च़ेलै आपणीं किस्ती च़लाऊँदै लागै दै, पर बागरी आसा ती तज़ी का वी तिनां ई बाखा ले बड़ी ज़बर फीरी दी। बड़ी भारी राच़ गई ती पली च़ेलै ते तेभै वी सारा ई माँझै। ![](https://cdn.door43.org/obs/jpg/360px/obs-en-31-03.jpg) ईशू मुक्कअ परमेशरा सेटा गल्ला-और अरज़ करी, च़ेल्लै तै दूर समुंदरा आधा-आधी गऐ दै पुजी। ईशू लागअ बाढा पोर्ही समुंदरे पाणीं प्रैंदै तिन्नां बाखा आजू हांढदअ। ![](https://cdn.door43.org/obs/jpg/360px/obs-en-31-04.jpg) ज़ांऊं च़ेल्लै का ईशू पाणीं प्रैंदै हांढी आप्पू बाखा एछदअ शुझुअ, तिन्नां छ़ुटी डरै काम्मणीं किल्हैकि तिन्नैं ज़ाणअ इहअ कि अह झ़ाणीं भूत आअ होए। ईशू पाई तिन्नां लै हाक, “हुंह आसा डरा निं आथी।” ![](https://cdn.door43.org/obs/jpg/360px/obs-en-31-05.jpg) पतरसै बोलअ, “प्रभू, ज़ै तूह ई आसा, तै दै मुल्है पाणीं प्रैंदै हांढी आप्पू सेटा लै एछणें ज़ाज़त।” ईशू बोलअ, “एछ।” ![](https://cdn.door43.org/obs/jpg/360px/obs-en-31-06.jpg) पतरस निखल़अ तेभी किस्ती का उंधै पाणीं प्रैंदा लै, संघा लागअ हांढदअ, तेभै त तेऊओ धैन ईशू बाखा पठी। पर थोल़ी घल़ी बाद डेऊअ तेऊओ धैन समुंदरे छ़ाल्ली बाखा लै, ![](https://cdn.door43.org/obs/jpg/360px/obs-en-31-07.jpg) तैऊ फिरअ बैअ और तेखअ लागअ सह डुबदअ। सह लागअ ज़ोरै-ज़ोरै लैल़ा लाई हाक्का लांदअ, “हे प्रभू, हे प्रभू, मुंह बच़ाऊ, हुंह च़ाल्लअ डुबी। ईशू ढाकअ तेऊओ हाथ, तेरअ विश्वासा आसा धिठअ, तंऐं मेरअ भरोस्सअ किल्है निं किअ?” ![](https://cdn.door43.org/obs/jpg/360px/obs-en-31-08.jpg) तेखअ उखल़ै पतरस और ईशू दुहै ज़ण्हैं किश्ती प्रैंदा लै और समुंदरे छ़ाल्ली और ठिश-डुआल़अ बी हुअ शांत। सोभै च़ेल्लै लागै ईशू सेटा माथै टेकदै और ज़ै-ज़ैकार करदै। संघा लागै ईहअ बोलदै, “प्रभू तूह आसा सच्च़ी परमेशरो शोहरू।” *मत्ती धैअ 14:22-33; मरकुस 6:45-52; युहन्ना 6:16-21 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_31_128kbps.m4a ## 32. ईशू किअ एक इहअ मणछ नरोगअ, ज़हा भूत त शाचअ द और एक बारा साला ओर्ही लोहू बगणें बमारी आल़ी बेटल़ी नरोगी। https://openbiblestories.org/l/kfx-x-outerseraji/story-32/ ![](https://cdn.door43.org/obs/jpg/360px/obs-en-32-01.jpg) ईशू डेऊऐ किशती दी बेठी करै गरसेनी लोगे लाक्कै बाखा लै, ज़ांऊं किश्ती का धरनीं होथै, ![](https://cdn.door43.org/obs/jpg/360px/obs-en-32-02.jpg) तिधी आअ एक एक मणछ ईशू सेटा लै ठुर्ही, तेऊ त भूत शाचअ द। ![](https://cdn.door43.org/obs/jpg/360px/obs-en-32-03.jpg) तेऊ भूता त एतरअ ज़ोर कि तेऊ मणछा निं कोहै ढाकी सकदअ द। क्ई बारी डाहअ सह लोगै शांघल़ी लोगै पाई बान्हीं पर सह पाआ त तेता बी चोल़ी। ![](https://cdn.door43.org/obs/jpg/360px/obs-en-32-04.jpg) सह मणछ रहा त धैल़-राच लैल़ा-पकारा लांदअ लागी। नां सह घेरी झिकल़ै बान्हदअ त। आपणीं घेरी डाहा त सह काठा-पात्थरा करै क्रिंज़ा पाई लोहू लल़िछ़ी लाई। ![](https://cdn.door43.org/obs/jpg/360px/obs-en-32-05.jpg) ईशू भाल़ी आअ सह मणछ ठुर्ही करै तेऊ सेटा लै संघा धरनीं ठुंईंअ। तेखअ लागअ तेऊ दी शाचअ द सह भूत गल्ला करदअ और ईशू बोलअ तेऊ लै इहअ, “एऊ मणछा का निखल़ पोर्ही।” ![](https://cdn.door43.org/obs/jpg/360px/obs-en-32-06.jpg) पर सह भूत लागअ ज़ोरै-ज़ोरै क्रिंगा पांदअ और इहअ बोलदअ, “हे परम प्रधान परमेशरे शोहरूआ, मुंह ताह संघै किज़ै काम? मेरी आसा ताखा एही अरज़, मुल्है निं सज़ा दैई।” तेखअ बोलअ ईशू तेऊ भूता लै, “ताह नाअं किज़ै आसा?” तेऊ दैनअ ज़बाब, “मुंह नाअं आसा फौज़।” मतलब तिंयां तै खास्सै भूत। ![](https://cdn.door43.org/obs/jpg/360px/obs-en-32-07.jpg) तिंयां भूत लागै ईशू का एही अरज़ करदै, “हाम्हां निं एऊ गराऊंआं का बागै दरल़ाऊई आथी।” तिधी आसा त नेल़ ज़िहअ धारठी सुंगरो छ़ुंढ च़रदअ लागअ द और तिन्नैं भूतै बोलअ इहअ, “हाम्हां छ़ाड इना सुंगरा मांझ़ा लै।” ईशू बोलअ, “ठीक आ डेओआ।” ![](https://cdn.door43.org/obs/jpg/360px/obs-en-32-08.jpg) ज़ांऊं तिंयां भूत तेऊ मणछा का निंखल़ी तिन्नां सुंगरा लै पेठी, सारअ सुंगरो छ़ुंढ बेघरूअ संघा दैनीं धारठी प्रैंदा का समुंदरे डुघी आल़ी और सारअ छ़ुंढ हुअ खतम। तिंयां सुंगर तै कोऐ तूई हज़ार। ![](https://cdn.door43.org/obs/jpg/360px/obs-en-32-09.jpg) तिन्नां सुंगरा गुलाल़ै तै इना सोभी गल्ला भाल़ै लागै दै कि ईशू किज़ै किज़ै किअ। तिंयां ठुर्है तेभी गराऊंआ लै संघा खोज़ी सोभी का सारी गल्ला कि किज़ै-किज़ै हुअ। गरांऊंए लोग आऐ तिधा लै और तिन्नैं भाल़अ कि सह भूत शाचअ द मणछ कि सह आसा राम्बल़अ हई बेठअ द राम्बल़ी गल्ला करदअ लागअ द। ![](https://cdn.door43.org/obs/jpg/360px/obs-en-32-10.jpg) तिंयां लोग तै डरै दै संघा लागै ईशू लै बोलदै, “तूह डेऊ म्हारै लाक्कै का पोर्ही, ज़ांऊं ईशू किश्ती दी बेठदअ लागअ, भूता का नरोगअ हुअ द मणछ लागअ ईशू का अरज़ करदअ कि हुंह बी च़ाल्लअ ताह ई संघै। ![](https://cdn.door43.org/obs/jpg/360px/obs-en-32-11.jpg) पर ईशू किअ तेऊ लै इहअ बोली नांह कि हुंह च़ाहा इहअ कि तू खोज़ इना गल्ला सोभी का घरै-घरै डेऊ कि परमेशरै ताल्है केही झींण किई। ![](https://cdn.door43.org/obs/jpg/360px/obs-en-32-12.jpg) तेखअ डेऊअ सह मणछ आपणैं घर गराऊंआं लै संघा खोज़ी तिंयां सोभै गल्ला कि किहअ करै हुअ सह राम्बल़अ। लोग बी हुऐ इना गल्ला शूंणीं रहैन। ![](https://cdn.door43.org/obs/jpg/360px/obs-en-32-13.jpg) तेखअ आअ ईशू किश्ती दी बेशी समुंदरे दुजै बाढा बाखा लै , ज़ांऊं सह आर बाखा पुजअ; तेतरी गऐ तेऊ फेर खास्सै लोग झाल़्हुई। तिन्नां जैंदरी आसा ती एक एक रोगी बेटल़ी, तैहा ती बारा साला ओर्ही लोहू बगणे बमारी, सह निंस्सी दी केही राम्बल़ी हई। आपणैं ढब्बै बी हेरै तै तैहा लाज़ा-पुआई पिछ़ू पठी खतम करी पर बमारी लागी ती होर बी खास्सी सल्लदी। ![](https://cdn.door43.org/obs/jpg/360px/obs-en-32-14.jpg) तैहा बेटल़ी आसा त ईशूए बारै इहअ शूंणअ द कि ईशू किऐ कई मणछ हर रोगा का नरोगै और हुंबी जाणीं राम्बल़ी हई। तैहा बेटल़ी त इहअ भरोस्सअ कि ज़ै हूह ईशूए झिक़ल़ै बी छ़ुंए; तै जाणीं हुंह राम्बल़ी हई। तैही आई सह लोगा जैंदरी ईशू पिछ़ू, तैहा छ़ुंअ पिछ़ू ईशूए झिकल़ेओ पाल्लअ और सह हुई तेभी नरोगी। ![](https://cdn.door43.org/obs/jpg/360px/obs-en-32-15.jpg) ईशू का गअ थोघ लागी कि तेऊ का निखल़अ बल। ईशू लागअ पिछ़ू फिरी च़ेल्लै का पुछ़दअ, “हुंह कुंणीं छ़ुंअ।” च़ेल्लै बोलअ प्रभू, इधी आसा खास्सै लोग कुंण ज़ाणें जेल्ह-मरेल्ही जैंदरी कसरअ हाथ लागअ, एथ छ़ुंअं तूह कई ज़ण्हैं पर तूह किल्है पुछ़ा, “हुंह कुंणीं छ़ुंअं।” ![](https://cdn.door43.org/obs/jpg/360px/obs-en-32-16.jpg) तेतरी आई सह बेटल़ी डरदी-काम्बदी ईशू सेटा संघा बेठी ठुंईंए ज़ोरै धरनीं। तैहा बोलअ इहअ कि प्रभू मंऐं छ़ुंऐं तम्हैं और हुंह हुई तेभी आपणीं बमारी का नरोगी। ईशू बोलअ तैहा लै, “तंऐं किअ मुंह दी विश्वास; तेता करै हुई तूह नरोगी, ऐबै डेऊ, संघा रहअ आझ़ा पोर्ही खुश।” *मत्ती धैअ 8:28-34; 9:20-22; मरकुस 5:1-20; 5:24b-34; लुका 8:26-39; 8:42b-48 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_32_128kbps.m4a ## 33. एकी ज़िम्मींदारे कथ्या, https://openbiblestories.org/l/kfx-x-outerseraji/story-33/ ![](https://cdn.door43.org/obs/jpg/360px/obs-en-33-01.jpg) एकी बारी त ईशू गलील समुंदरे बाढै लोगा परमेशरे राज़े बारै गल्ला खोज़दअ लागअ द। तिधी हुऐ एतरै खास्सै लोग कठा कि तिधी निं खल़ै हणां लै बी ज़ैगा रही। तेखअ किई समुंदरे बाढै किश्ती खल़ी संघा खल़्हुअ तेथ प्रैंदै। तेखअ लागअ तिधा का लोगा संघै गल्ला करदअ। ![](https://cdn.door43.org/obs/jpg/360px/obs-en-33-02.jpg) ईशू खोज़ी तिन्नां का एक कथ्या कि एकी बारी डेऊअ एक ज़िम्मींदार बेज़ै बऊंदअ, ज़ांऊं सह बेज़ै शोटदअ लागअ, धख बेज़अ पल़अ बाता और सह बेज़अ हेरअ च़ेल्लू पखीरू नढैऊऐ च़ुंघी। ![](https://cdn.door43.org/obs/jpg/360px/obs-en-33-03.jpg) धख बेज़अ पल़अ शाफल़ा प्रैंदै, तेथ थिअ धख माटअ और तेथ टिप्परू ता लागै पर ज़ल़ैल़ै लै डुघअ माटअ निं आथी त, ज़ांऊं तिन्नां टिप्पूरू लै धुप्पे मार पल़ी, तिंयां शुक्कै पठी। ![](https://cdn.door43.org/obs/jpg/360px/obs-en-33-04.jpg) धख बेज़अ पल़अ कांडै-रिंडै जैंदरी, तेते टिप्परू संघै टिप्पै होर आल़-जाल़ बी संघा दाभुऐ तेते डाल़ तेता जैंदरी और तेथ निं राम्बल़अ नाज़ लागी सकअ। ![](https://cdn.door43.org/obs/jpg/360px/obs-en-33-05.jpg) जुंण बेज़अ राम्बल़ी रज़दी-पज़दी ज़िम्मीं दी पल़अ, सह टिप्पअ बधिया और तेथ लागी फसल बी राम्बल़ी, कोई दी लागै तिह, कोई दी शाठ और कोई दी शौ दाणैं। खिरी बोलअ ईशू इहअ, “ज़ुंण परमेशरा संघै एछणअ च़ाहा, सह दैआ एहा गल्ला दी धैन कि मंऐं एभै किज़ै बोलअ।” ![](https://cdn.door43.org/obs/jpg/360px/obs-en-33-06.jpg) ऐहा कथ्या शूंणीं पल़ै च़ेल्लै बड़ै सोच़ा बच़ारा दी, और तेखअ लागअ ईशू एतो भेद खोज़दअ कि ज़ुंण बेज़अ आसा, सह आसा परमेशरो बैण, बाता पल़अ द बेज़अ आसा इहै मणछ ज़ुंण परमेशरे गल्ला शूंणां पर समझ़दै निं आथी, तेऊए दिल्ला का हेरा राख्स तेभी तिन्नां गल्ला उझै च़की। ![](https://cdn.door43.org/obs/jpg/360px/obs-en-33-07.jpg) शाफल़ा प्रैंदै पल़अ द बेज़अ आसा इहै मणछ, ज़ुंण परमेशरे गल्ला खुशी-खुशी ता मना, पर दुख मुसिबता निं सह ज़िरी सकदअ संघा डेओआ परमेशरा का दूर। मतलब तिंयां निं परमेशरा दी भरोस्सअ डाहंदै। ![](https://cdn.door43.org/obs/jpg/360px/obs-en-33-08.jpg) कांडै-रिंडै और आल़-जाल़ा आल़ी ज़िम्मीं दी पल़अ द बेज़अ आसा इहै मणछ, ज़ुंण परमेशरे गल्ला ता शूंणा पर दिल्लै हआ तिन्नें फिकर पल़अ द। ![](https://cdn.door43.org/obs/jpg/360px/obs-en-33-09.jpg) और रांबल़ी ज़िमी आसा सह ईहअ मणछ ज़ो परमेशरे गला शुणा-मना और तेथ दी च़ला, और तेऊ ही प्रैंदै भरोसअ डाहा, और खास्सै फल़ पैदा करा।” राम्बल़ी रज़दी-पज़दी ज़िम्मीं दी पल़अ द बेज़अ आसा इहअ मणछ ज़ुंण परमेशरे गल्ला, *मत्ती धैअ 13:1-8, 18-23; मरकुस 4:1-8, 13-20; लुका 8:4-15 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_33_128kbps.m4a ## 34. ईशू खोज़ी एक होर कथाहणीं कि स्वर्ग राज़ केता ज़िहअ आसा। https://openbiblestories.org/l/kfx-x-outerseraji/story-34/ ![](https://cdn.door43.org/obs/jpg/360px/obs-en-34-01.jpg) परमेशरे राज़े बारै खोज़ी ईशू ऐहा कथाहणीं खोज़ी करै कि परमेशरो राज़ आसा एकी शाऊईए दाणैं ज़िहअ। राईओ बेज़अ हआ संसारै सोभी का होछ़अ; सह ब्ऊअ एकी मणछै खेचै। ![](https://cdn.door43.org/obs/jpg/360px/obs-en-34-02.jpg) बडअ ह्ई करै हुअ सह बागा दी सोभी घाह-पाचा का एतरअ बडअ तेथ बणांऐं च़ेल्लू पखीरू आप्पू लै कोल्ह। ![](https://cdn.door43.org/obs/jpg/360px/obs-en-34-03.jpg) तेखअ समझ़ाऊऐ ईशू तिंयां होर कथाहणीं खोज़ी करै कि परमेशरो राज़ आसा सज़ेल़ै ज़िहअ, एक बेटल़ी मुछ़अ पिठअ और तेथ पाअ धख ज़िहअ सज़ेल़अ। तेऊ सज़ेल़ै करै बणां सह सारअ मुछ़अ द पिठअ बी सज़ेल़अ ई। ![](https://cdn.door43.org/obs/jpg/360px/obs-en-34-04.jpg) तेखअ समझ़ाऊऐ ईशू स्वर्गे राज़े बारै एही कथाहणीं खोज़ी कि स्वर्गो राज़ आसा दाबी डाही दी धन-माया ज़िहअ। सह धन माया भेटी एकी मणछा, तेऊ सोठअ इहअ कि एतो थोघ निं लोल़ी कहा होरी का लागअ। तेऊ डाही सह माया तिधी दाबी और तेऊओ निं खुशिओ कोई टकाणअ रहअ, घरै पुज़ी बेज़ी तेऊ आपणीं सारी ज़ैगा ज़िम्मीं पठी और आप्पू लअ सह खेच मोलै ज़िधी सह धन-माया आसा ती। ![](https://cdn.door43.org/obs/jpg/360px/obs-en-34-05.jpg) तेखअ खोज़अ ईशू कि स्वर्गो राज़ आसा इहै किम्मती मोती ज़िहअ कि बपारी दैआ तेऊ मोती लणें तैणीं आपणीं सारी ज़ैदात बेच़ी। ![](https://cdn.door43.org/obs/jpg/360px/obs-en-34-06.jpg) ईशू त इना गल्ला खोज़दअ लागअ द, और लोगे छ़ुंढा जैंदरी आसा तै इहै बी मणछ ज़ुंण इहअ सोठा तै कि तिंयां आसा रिती-रबाज़ पूरअ करी बडै धर्मीं, ज़ुंण रिती-रबाज़े साबै भलअ निं करी सकदै तै, तिन्नां समझ़ा तै तिंयां बृथा। एता लै खोज़ी ईशू तिन्नां का एही कथाहणीं कि एकी बारी तै दूई मणछ, एक त सरकारी कारै गराहणैं आल़अ ज़हा म्हारअ समाज़ पापी समझ़ा और दुजअ त धर्में बारै बधाना सखाऊंणैं आल़अ गूरू। तिंयां डेऊऐ दुहै ज़ण्हैं मांदरा लै बिधाता सेटा अरज़ करदै। ![](https://cdn.door43.org/obs/jpg/360px/obs-en-34-07.jpg) धर्मीं बधानो गूरू लागअ बिधाता सेटा एही अरज़ करदअ, “हे परमेशर, हुंह करा तेरअ शूकर कि हुंह निं इना ज़िहअ लुटणैं घशीटणैं आल़अ, कंज़रअ और लोगा लै ज़ुल्म करनै आल़अ पापी आथी। ![](https://cdn.door43.org/obs/jpg/360px/obs-en-34-08.jpg) हुंह करा हबतै दी तूई बारी ब्रत और आपणीं कमाई का दसुअ हेस्सअ ल्आ हुंह ज़रूर तेरै भढारा लै दैई।” ![](https://cdn.door43.org/obs/jpg/360px/obs-en-34-09.jpg) सह कारै गराहणैं आल़अ त तेऊ धर्मीं बधाना सखाऊंणैं आल़ै गूरू का दूर ज़िहअ खल़्हुअ द। तेऊ निं उझै स्वर्गा बाखा लै भाल़अ बी, सह रहअ आपणअ मूंड ढोल़ी और तेऊ किई आपणीं हिक्क पटाकी एही अरज़, “हे बिधाता, हुंह आसा पापी मणछ, मुल्है लोल़ी तेरी झींण हुई।” ![](https://cdn.door43.org/obs/jpg/360px/obs-en-34-10.jpg) तेखअ बोलअ ईशू कि हुंह खोज़ा तम्हां का सत्त कि बिधाता शूंणीं तेऊ कारै गराहणैं आल़ै पापी मणछे अरज़ और सह बणांणअ तेऊ आप्पू संघै धर्मीं। पर तेऊ धर्मीं बधाना सखाऊंणैं आल़ै गूरू निं तेऊ शूंणीं किल्हैकि बिधाता निं घमंडी मणछे अरज़ शुंणदअ।” *मत्ती धैअ 13:31-33, 44-46; मरकुस 4:30-32; लुका 13:18-21; 18:9-14का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_34_128kbps.m4a ## 35. ईशू खोज़ी कथाहणीं कि बाब आपणैं शोहरू लै किहअ झ़ूरा। https://openbiblestories.org/l/kfx-x-outerseraji/story-35/ ![](https://cdn.door43.org/obs/jpg/360px/obs-en-35-01.jpg) एकी धैल़ै आसा त ईशू खास्सै लोगा का बच़न खोज़दअ लागअ द, तिन्नां खास्सै लोगा मांझ़ै आसा त एक कारै गराहणैं आल़अ मणछ बी और होर बी तै इहै ज़ुंण मूसा गूरै खोज़ै दै बधाने साबै रबाज़ पूरअ निं करदै तै। ![](https://cdn.door43.org/obs/jpg/360px/obs-en-35-02.jpg) यहूदी धर्में गूरू लागै ईशू भाल़ी कि अह ईशू रहा तिन्नां लोगा संघै रल़ी-मिल़ी करै। तिंयां लागै लोगा का इहअ बोलदै कि एऊए गल्ला आसा गलत। ईशू का गआ थोघ लागी कि इंयां किज़ै सोठा। तेता लै समझ़ाऊऐ तेऊ तिंयां एही कथाहणीं खोज़ी करै कि ![](https://cdn.door43.org/obs/jpg/360px/obs-en-35-03.jpg) एकी मणछे तै दूई शोहरू। तेऊए कान्हैं शोहरू बोलअ तेऊ लै, “बाबा मुल्है दै बांड।” तेऊ शादै आपणैं दुहै शोहरू संघा दैनीं सारी ज़ैदात तिन्नां दुही शोहरू लै बांडी।” ![](https://cdn.door43.org/obs/jpg/360px/obs-en-35-04.jpg) कान्हअ शोहरू निखल़अ इहअ बाधू कि शोहरू पाई आपणैं हेस्से सारी ज़ैदात बेच़ी संघा डेऊअ परदेसा लै। तेथ दी किई तेऊ आपणैं तिंयां सारै ढब्बै मौज़-मस्ती लै खतम। ![](https://cdn.door43.org/obs/jpg/360px/obs-en-35-05.jpg) थोल़ी साला बाद पल़अ तेऊ देशै खास्सअ नकाल़ ज़िधी सह कान्हअ शोहरू रहा त। तेऊए ढब्बै मुक्कै पठी और तेऊ का निं रोटी खाणा लै बी किछ़ै बच़अ। तेखअ भेटअ तेऊ किधी सुंगरा च़राऊंणेंओ काम। सह त बेघै दुखी और भुखअ कि तेऊ लागा ती सुंगरा ई संघै रोटी बी खाणीं और सह ई ती तेऊए मज़दूरी। ![](https://cdn.door43.org/obs/jpg/360px/obs-en-35-06.jpg) खिरी लागअ सह आपणैं मनै सोठदअ कि आझ़ हुंह किहअ हुअ! मेरै बाबे घरै निं नोकर-च़ाकरा लै बी खाणैं-पिणें किछ़ै काम्मीं आथी, तज़ी बी आसा हुंह इधी भुखै मर्दअ लागअ द, मुंह डेऊंणअ ऐबै घरा लै आपणैं बाबा सेटा लै फिरी। सह नांईं बी मनें, तेऊ सेटा करनीं मुंह एही अरज़ कि हुंह रहूं तेरअ नोकर बणीं संघा करूं ज़िहअ तूह बोला तिहअ काम। ![](https://cdn.door43.org/obs/jpg/360px/obs-en-35-07.jpg) तेखअ फिरअ सह परदेसा का आपणैं घरा लै बापस, ज़ांऊं सह घरा नेल़ ज़िहअ पुजअ, तेऊए बाबै हेरअ सह दूरा का भाल़ी कि पार आअ मेरअ शोहरू। तेऊओ बाब आअ तेऊ सेटा ठुर्ही करै संघा किई तेऊ लै च़ुंज़ी-माख्खी और पिड्डी मल़्हैची दैई खास्सी झींण। ![](https://cdn.door43.org/obs/jpg/360px/obs-en-35-08.jpg) तेखअ लागअ सह कान्हअ शोहरू बोलदअ, “मंऐं किअ ताल्है और बिधाता लै पाप। हुंह निं तेरअ शोहरू बोल़णैं जोगी आथी!” ![](https://cdn.door43.org/obs/jpg/360px/obs-en-35-09.jpg) पर तेऊए बाबै किअ आपणैं नोकर-च़ाकरा लै हुकम कि नंऊंऐं झिकल़ै आणा संघ बन्हैऊंआं एऊए हाथै सुन्नें मुंदल़ी और खूरै बन्हैंऊंआं नऊंऐं पोलल़ै। तेखअ काटा एऊए घरा लै फिरनें खुशी दी रिठ; आझ़ मनाऊंणीं हाम्हां सोभी खुशी। किल्हैकि मेरअ शोहरू त मरी गअ द, ऐबै हुअ अह मुल्है भिई ज़िऊंदअ। ![](https://cdn.door43.org/obs/jpg/360px/obs-en-35-10.jpg) सोभै लागै खुशी मनांऊंदै पर तेखअ आअ उडै ज़ेठअ शोहरू कामा बणा का घरा लै, सह पल़अ सोच़ा कि आझ़ घरै अह बाज़अ-गुज़अ और नाच़-खेल्ह किज़ू आसा लागअ द? ![](https://cdn.door43.org/obs/jpg/360px/obs-en-35-11.jpg) जांऊं तेऊ का इहअ थोघ लागअ कि भाऊए घरा लै फिरने खुशी दी आसा अह सारअ इंतज़ाम हुअ द, तेऊ फिरै खास्सै रोश्श और सह निस्सअ भितरा लै डेऊई। बाब आअ तेऊ सेटा बागै कि च़ाल्ल बेटैआ आझ़ आअ भाल़ तेरअ भाऊ घरा लै फिरी। पर ज़ेठअ शोहरू निस्सअ मनी। ![](https://cdn.door43.org/obs/jpg/360px/obs-en-35-12.jpg) तेखअ लागअ ज़ेठअ शोहरू आपणैं बाबा लै इहअ बोलदअ, “मंऐं किअ सारी अमरा ज़िहअ तंऐं बोलअ तिहअ काम, तेरी निं मंऐं एक गल्ल बी टाल़ी, पर तंऐं निं मुल्है होछ़ी बाकरी बी काटी कि हुंह बी आपणैं साथी-संघी संघै खुशी मनाऊं! आझ़ आअ अह सारी ज़ैदात नांगै नाल़ै पाई घरा लै फिरी और तंऐं किअ रिठ काटी एऊओ सुआगत! ![](https://cdn.door43.org/obs/jpg/360px/obs-en-35-13.jpg) तेऊऐ बापू बोलअ तेऊ लै मेरै शोहरुआ तूह आसा मूंहैं ही संघै ईधी कबल्अ और ज़ुण मेरअ आसा सह आसा सारअ तेरअ ई, पर ऐभै आसा अह खुशी मनाऊंणीं ज़रूरी किल्हैकि तेरअ भाई गअ ती मरी पर ऐबै आसा सह ज़िऊंदअ, अह ती लूकअ द ऐबै भेटअ हाम्हां अ।” बाबै बोलअ ज़ैठै शोहरू लै, “बेटैआ, तूह आसा भाल़ मुंह ई संघै सदा, ज़ुंण मेरअ आसा सह आसा सोभै तेरअ ई। पर एभै आसा मेरी खुशी मनांऊंणीं भली; किल्हैकि तेरअ अह भाऊ गअ त भाल़ हाम्हां लै मरी और आझ़ हुअ अह ज़िऊंदअ। अह त लुक्कअ द और आझ़ भेटअ अह हाम्हां।” *लुका धैअ 15:11-32 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_35_128kbps.m4a ## 36. ईशूए काया बधल़ूई https://openbiblestories.org/l/kfx-x-outerseraji/story-36/ ![](https://cdn.door43.org/obs/jpg/360px/obs-en-36-01.jpg) एकी धैल़ै निंयैं ईशू आपणैं चअन च़ेल्लै; पतरस, यहून्ना और याकूब आप्पू संघा। (यहून्नां नांओं अह च़ेल्लअ आसा होर, अह निं सह यहून्ना आथी ज़ुंणीं ईशू लै डुबकी दैनीं ती।) तिंयां डेऊऐ प्राथणां करदै उछ़टी धारा प्रैंदा लै। ![](https://cdn.door43.org/obs/jpg/360px/obs-en-36-02.jpg) ईशू त प्राथणां करदअ ई लागअ द कि तेऊए काया बधल़ूई और तेऊओ मूंह हुअ सुरज़ा ज़िहअ च़मच़मांदअ। तेऊए झिकल़ै हुऐ इहै शेतै कि धरती दी निं तेता खा खास्सअ शेतअ किछ़ै आथी और तेता का लागअ झ़ामण। ![](https://cdn.door43.org/obs/jpg/360px/obs-en-36-03.jpg) तेखअ हुऐ तिधि मूसा और एलिआ गूर प्रगट। तिंयां रहा तै ऐहा धरती तेऊ ज़मानैं का का खास्सी शौआ साला पैहलै। तिंयां लागै ईशूए मौते बारै गल्ला करदै कि येरूशलेम जाणअ सह छ़ेक्कै मरी। ![](https://cdn.door43.org/obs/jpg/360px/obs-en-36-04.jpg) मूसा और एलिआ गूर तै ईशू संघै गल्ला करदै लागै दै कि ईशूए च़ेल्लै पतरसै बोलअ ईशू लै, “प्रभू अह हुअ राम्बल़अ कि हाम्हैं आसा ताह संघै इधी, हाम्हां बणांणैं इधी चअन मंडप, एक ताल्है, एक मूसा लै और एक एलिआ गूरा लै।” पर पतरसा निं आप्पू ई थोघ कि तेऊ किज़ै बोलअ। ![](https://cdn.door43.org/obs/jpg/360px/obs-en-36-05.jpg) ज़ांऊं पतरस इना एही गल्ला करदअ त लागअ द, उझै का आअ एक च़मच़मांदअ बादल़ उंधै और सह घोर्हुअ तिन्नां प्रैंदै। तेखअ शुण्हुंऐं बादल़ा जैंदरा का तिन्नां का इहै बोल, “अह आसा मेरअ शोहरू ज़हा लै हुंह खास्सअ झ़ूरा, हुंह आसा एऊ का खुश, ज़िहअ अह बोला; तिहअ शूणा।” तिंयां चिहै च़ेल्लै डरै संघा बधल़ूऐ तिंयां धरनीं। ![](https://cdn.door43.org/obs/jpg/360px/obs-en-36-06.jpg) तेखअ बोलअ ईशू तिन्नां लै इहअ, “डरा निं आथी।” तेखअ लागै तिंयां फेर भाल़ै, तिधी निं तिन्नां का ईशू छ़ाडी होर किछ़ै शुझुअ। ![](https://cdn.door43.org/obs/jpg/360px/obs-en-36-07.jpg) तेखअ होथै ईशू और तिंयां चिहै च़ेल्लै धारा का उंधै और तेखअ बोलअ ईशु तिन्नां लै इहअ, “ज़ुंण इधी हुअ, एते बारै निं कोही का खोज़ी, ऐबै जाणअ हुंह छ़ेक्कै मरी और तेखअ हणअ हुंह भिई ज़िऊंदअ। तेता बाद लागै तम्हैं लोगा का खोज़दै। *मत्ती धैअ 17:1-9; मरकुस 9:2-8; लुका 9:28-36 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_36_128kbps.m4a ## 37. ईशू किअ लाजर नांओं मणछ मरी करै भिई ज़िऊंदअ। https://openbiblestories.org/l/kfx-x-outerseraji/story-37/ ![](https://cdn.door43.org/obs/jpg/360px/obs-en-37-01.jpg) एक त लाज़र नांओं मणछ। तेऊए ती दू बैहणीं; एकी नांअ त मरिअम और दुजी नांअ त मार्था। तिंयां डाहा तै ईशू संघै खास्सी साथ संगत। ईशू का खोज़अ कुंणीं इहअ कि लाज़र आसा खास्सअ बमार। ईहअ शूंणीं बोलअ ईशू इहअ, “अह बमारी निं लाज़रे मरी डेऊंणैं करै खतम हणीं, ऐहा बमारी करनै लोग इहै कि तिंयां परमेशरो अदर करे। ![](https://cdn.door43.org/obs/jpg/360px/obs-en-37-02.jpg) ईशू झ़ूरा त तिन्नां लै खास्सअ पर तधू ज़िधी ईशी थिअ; सह रहअ दूई धैल़ै तैणीं तिधी। तेऊ बोलअ आपणैं च़ेल्लै लै इहअ, “च़ाल्ला हाम्हां डेऊंणअ यहूदिआ लाक्कै लै फिरी।” च़ेल्लै लागै इहअ बोलदै, “गुरू, तिधी थोल़ै धैल़ै आजी ई ता तिधी लोग ताह मारनअ च़ाहा तै!” ईशू बोलअ, “म्हारअ साथी लाज़र गअ सुत्ती, मुंह झ़ैऊंणअ सह खल़अ।” ![](https://cdn.door43.org/obs/jpg/360px/obs-en-37-03.jpg) ईशूए च़ेल्लै लागै इहअ बोलदै, “हे प्रभू, ज़ै लाज़र सुत्तअ द आसा, तै जाणअ सह ठीक हई।” तेखअ दैनअ ईशू तिन्नां लै समुखअ बोली, “लाज़र गअ मरी।” मुंह आसा ऐहा गल्ले खुशी कि हुंह निं तिधी आथी त, तै करनअ तम्हां मेरअ विश्वास। ![](https://cdn.door43.org/obs/jpg/360px/obs-en-37-04.jpg) ज़ांऊं ईशू लाज़रे गराऊंऐं पुजअ, लाज़रा मरी गऐ तै च़ार धैल़ै हई। मार्था आई ईशू सेटा लै बागै संघा लागी इहअ बोलदी, “हे प्रभू ज़ै तूह इधी हंदअ, तै निं मेरअ भाई मरदअ त। पर मुंह आसा विश्वास कि ज़िहअ बी तू परमेशरा का मांगे; तेऊ हेरनअ ताल्है दैई।” ![](https://cdn.door43.org/obs/jpg/360px/obs-en-37-05.jpg) ईशू दैनअ तैहा लै ज़बाब, “ज़िऊई उझ़णअ और ज़िन्दगी आसा हुंह। ज़ुंण मुंह दी विश्वास करा; सह ज़ै मरी बी जाए, तैबी हणअ सह ज़िऊंदअ। ज़ुंण मुंह दी विश्वास करे सह निं कधि मरनअ। ताह आसा मुंह दी विश्वास ऐ?” मार्था बोलअ इहअ, “हे प्रभू मुंह आसा विश्वास कि तूह आसा परमेशरो शोहरू मसीहा।” ![](https://cdn.door43.org/obs/jpg/360px/obs-en-37-06.jpg) तेखअ आई मरिअम, तैहा टेक्कअ ईशूए पैरा सेटअ माथअ संघा बोलअ इहअ, “हे प्रभू, ज़ै तूह इधी हंदअ, तै निं मेरअ भाई मरदअ त।” ईशू पुछ़अ तैहा का इहअ, “तम्हैं तेऊए ल्हास किधी आसा डाही दी?” तिन्नैं बोलअ, “घोरी आसा दाबी दी, एछ भाल़ भाल़ै।” ईशू लागअ तेखअ लेरा लांदअ। ![](https://cdn.door43.org/obs/jpg/360px/obs-en-37-07.jpg) सह घोर ती डुआरा ज़ेही और तेते मोहरै दी आसा त एक बडी टोल्ह डाही दी। तिधी पुजी बोलअ ईशू, “ऐहा टोल्हा बदल़ा पोर्ही।” पर मार्था बोलअ इहअ, “तेऊ मरी गऐ आझ़ च़ार धैल़ै हई, ऐबै हणीं ल्हासा का चजैन्ह लागी दी।” ![](https://cdn.door43.org/obs/jpg/360px/obs-en-37-08.jpg) ईशू दैनअ इहअ ज़बाब, “मंऐं तम्हां लै इहअ निं बोलअ कि ज़ै तम्हैं मुंह दी विश्वास करे, तै भाल़णअ तम्हां परमेशरो बल?” तेखअ बदल़ी तिन्नैं सह टोल्ह पोर्ही। ![](https://cdn.door43.org/obs/jpg/360px/obs-en-37-09.jpg) तेखअ लागअ ईशू उझै स्वर्गा बाखा भाल़अ, “हे बाबा, तंऐं शूणीं मेरी एता लै करा हुंह तेरअ शूकर। मुखा आसा थोघ कि तूह शूणां मेरी कबल्ली, पर मंऐं बोलअ इहअ एते तैणीं कि ज़ुंण मुंह सेटा इधी होर आसा; इना लोल़ी त विश्वास हुअ कि हुंह आसा तंऐं ई छ़ाडअ द।” तेखअ लाई ईशू ज़ोरै हाक्का, “ए लाज़र, बागा लै निखल़!” ![](https://cdn.door43.org/obs/jpg/360px/obs-en-37-10.jpg) लाज़र निखल़अ घोरी का बागै! तेऊ फेर ती कुआया पल़ेटी दी। ईशू बोलअ तिधी होरी लै, “ऐहा कुआया खोल्हा एऊए घेरी का पोर्ही, एऊ करा एता का आज़ाद।” एऊ च़मत्कारा भाल़ी किअ क्ई यहूदी ईशू दी विश्वास। ![](https://cdn.door43.org/obs/jpg/360px/obs-en-37-11.jpg) पर यहूदी धर्में मुखियै लागै ईशू लै ज़ीद डाहंदै, तैही किअ तिन्नैं झाल़अ और तिंयां लागै एही जोग करदै कि ईशू और लाज़र पाणैं दुहै मारी। *युहन्ना 11:1-46 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_37_128kbps.m4a ## 38. इशू बझ़ैल़अ ढाकणैं https://openbiblestories.org/l/kfx-x-outerseraji/story-38/ ![](https://cdn.door43.org/obs/jpg/360px/obs-en-38-01.jpg) यहूदी मनाऊंआं तै हर साल ओवार्णैओ थैर। अह थैर त ऐहा गल्ला सदा आद करना लै कि खास्सी साला पैहलै किऐ तै परमेशरै तिन्नें बाब दादै मिसर देशे गुलामीं का आज़ाद। कोई चिई साला बाद लागअ ईशू तेखअ सोभी आम लोगा जैंदरी परमेशरे राज़े गल्ला खोज़दअ और शिक्षा दैंदअ। ईशू बोलअ आपणैं च़ेल्लै लै इहअ कि तिन्नां संघै मनाऊंणअ तेऊ बी ओवार्णैंओ थैर और यहूदी पाणअ सह येरूशलेम नगरी मारी। ![](https://cdn.door43.org/obs/jpg/360px/obs-en-38-02.jpg) ईशूए च़ेल्लै मांझ़ै त एक च़ेल्लअ; तेऊ नांअ त यहूदा। सह त च़ेल्लै मांझ़ै ढब्बै-धेल्लै डाहणैं सभाल़णैं आल़अ शैहण। पर ढब्बे थैल्लू का करा त सह आप्पू लै धख-धख ढब्बै काढी। ज़ांऊं ईशू और सोभै च़ेल्लै येरूशलेम नगरी पुजै, यहूदा डेऊआ यहूदी मुखिऐ सेटा लै। संघा किई तेऊ धख ढब्बै पिछ़ू तिन्नां संघै ईशू ढाकणें सांठ-गांठ। तेऊ का थिअ थोघ कि यहूदी मुखिऐ निं ईशू मंदै तै कि अह ई आसा मसीहा और इहअ बी आसा त तेऊ का थोघ कि तिंयां च़ाहा किहअ करै तेऊ मारनअ। ![](https://cdn.door43.org/obs/jpg/360px/obs-en-38-03.jpg) माहा परोहिते बोल़णैं करै दैनै यहूदी मुखिऐ यहूदा लै तिह च़ंदीए सिक्कै कि ईशू दैऐ तिन्नें हाथै। इहअ हुअ तिहअ ई ज़िहअ खास्सी साला आजी त एकी गूरै हेरअ द बोली कि इहअ हणअ। यहूदा हुअ राज़ी और तिन्नां ढब्बै लई लागअ सह हांढदअ। सह रहअ तेऊ मोक्कै लै ताखुई कि केभै बझ़ैल़णअ तेऊ ईशू यहूदी मुखिए हाथै ढाकणैं। ![](https://cdn.door43.org/obs/jpg/360px/obs-en-38-04.jpg) ईशू मनाऊंअ येरूशलेम नगरी आपणैं च़ेल्लै संघै ओवारणैंओ थैर, ईशू चोल़ी रोटी संघा बोलअ सोभी च़ेल्लै लै, “एता खाआ अह आसा मेरी देही और अह दैनीं मंऐं तम्हां लै, मेरी आदी लै करै तम्हैं बी इहअ ई।” ऐहा गल्ला करै किअ ईशू प्रगट कि तेऊ दैणैं तिन्नां लै आपणैं प्राण मतलब तेऊ करनअ आपणअ बल़ीदान। ![](https://cdn.door43.org/obs/jpg/360px/obs-en-38-05.jpg) तेखअ ढाकअ ईशू दाखे रसो बतिल्लू हाथै संघा बोलअ आपणैं च़ेल्लै लै, “एता झुटा, अह आसा नऊंईं करारो मेरअ लोहू ज़ुंण मुंह तरैल़णअ ताकि परमेशर थारै पाप माफ करे। ज़िहअ मंऐं एभै किअ; तम्हैं करै मेरी आदी लै सदा इहअ ई। ![](https://cdn.door43.org/obs/jpg/360px/obs-en-38-06.jpg) तेखअ बोलअ ईशू आपणैं च़ेल्लै लै इहअ, “तम्हां मांझ़ै बझ़ैल़णअ हुंह एकी ज़ण्हैं ढाकणैं।” च़ेल्लै हुऐ रहैन कि अह कै गल्ल बोली! तिंयां लागै ईशू का पुछ़दै कि ईहअ काम कुंण सका करी? ईशू बोलअ इहअ, “ज़हा लै मुंह अह रोटीओ म्हार दैणअ, तेऊ बझ़ैल़णअ हुंह ढाकणैं।” तेखअ दैनअ तेऊ रोटीओ म्हार यहूदा लै। ![](https://cdn.door43.org/obs/jpg/360px/obs-en-38-07.jpg) तेऊ रोटीए म्हारा बाद बस्सअ राख्स यहूदे दिल्लै। सह डेऊअ यहूदी मुखिऐ सेटा लै तिन्नें मज़त करदअ कि ईशू आसा इधी तेऊ ढाका। ईंयां गल्ला हुई राची। ![](https://cdn.door43.org/obs/jpg/360px/obs-en-38-08.jpg) बैल़ी खाई डेऊऐ ईशू और तेऊए च़ेल्लै जैतून धारा बाखा लै। ईशू बोलअ तिन्नां लै इहअ, “आझ़ राची छ़ाडणअ हुंह तम्हां सोभी ज़िहअ पबित्र शास्त्रा दी आसा लिखअ द, ‘मुंह पाणअ फुआल मारी और भेडा छिंघणीं ओर्ही-पोर्ही।’” ![](https://cdn.door43.org/obs/jpg/360px/obs-en-38-09.jpg) एता लै बोलअ पतरसै इहअ, “होर लागे ताह छ़ाडदै पर हुंह निं ताह छ़ाडदअ आथी!” ईशू बोलअ इहअ, “राख्स च़ाहा तम्हां सोभी निंणअ, पर हे पतरस, मंऐं आसा ताल्है प्राथणां किई दी कि तूह निं लोल़ी विश्वासा का कबाता पेठअ। तज़ी बी बोल़णअ ताह आझ़ राची दोती मुर्गै बाशणैं का आजी हुधणअ तूह चिई बारी कि तूह निं मुंह बछ़ैणदअ बी आथी।” ![](https://cdn.door43.org/obs/jpg/360px/obs-en-38-10.jpg) पतरसै बोलअ ईशू लै, “हुंह च़ाऐ मरी बी जाए, तज़ी बी निं हुंह तेरै बारै हुधदअ आथी!” होर च़ेल्लै बी लागै इहअ ई बोलदै। ![](https://cdn.door43.org/obs/jpg/360px/obs-en-38-11.jpg) ईशू डेऊअ आपणैं च़ेल्लै संघै गतसमनीं नांओंए ज़ैगा, तिधी बोलअ तेऊ आपणैं च़ेल्लै लै इहअ कि प्राथणां करा ताकि राख्स तम्हां नांईं पटंके, संघा डेऊअ ईशू दूर ज़िहअ कल्ही प्राथणां करदअ। ![](https://cdn.door43.org/obs/jpg/360px/obs-en-38-12.jpg) ईशू किई चिई बारी प्राथणा, “हे मेरै बाबा, ज़ै हई सका; तै निं तूह एऊ दुखे बतिल्लू का मुल्है झुटणां लै दैई। ज़ै मणछे पाप माफी लै होर बात आथी ई निं, तै लोल़ी ज़िहअ तूह च़ाहा तिहअ पूरअ हुअ।” ईशू निं हैल़ी हांस ई रहअ, प्रसिन्नअ लागअ तेऊका लोहूए टिप्पू ज़िहअ धरनीं छ़ुटदअ। परमेशरै छ़ाडअ एक स्वर्ग दूत कि ईशू लै बल दैए। ![](https://cdn.door43.org/obs/jpg/360px/obs-en-38-13.jpg) हर प्राथणां बाद करा त ईशू आपणैं च़ेल्लै सेटा लै डेऊई, पर तिंयां हआ तै सुत्तै दै। ज़ांऊं सह चिऊथी बारी प्राथणां करी आअ; तेखअ बोलअ ईशू तिन्नां लै, “निंजा का उझ़िआ ऐबै खल़ै! मुंह ढाकणैं आल़ै गऐ एछी।” ![](https://cdn.door43.org/obs/jpg/360px/obs-en-38-14.jpg) यहूदी मुखिऐ आऐ खास्सै लोग और सपाही संघा लई और यहूदा बी त तिन्नां संघै। तिन्नें हाथै डांग-मुसल़ी और तलबारा। यहूदा बोलअ ईशू नेल़ एछी, “हे गूरू, नमस्ते,” संघा दैनअ तेऊ ईशू लै माख्खू। तेऊ किअ यहूदी मुखिऐ और सपाही लै इहअ करी शारअ कि अह ई आसा ईशू। ईशू बोलअ तेऊ लै इहअ, “यहूदा, माख्खू दैई बझ़ैल़अ हुंह तंऐं ढाकणैं भाल़ी?” ![](https://cdn.door43.org/obs/jpg/360px/obs-en-38-15.jpg) ज़ाऊं तिंयां सपाही ईशू ढाकदै लागै, पतरसै काढी आपणीं तलबार और तेऊ बाही माहा परोहिते एकी नोकरे कानै और कान शोटअ धरनीं। ईशू बोलअ पतरसा लै इहअ, “तलबार कर दूर! हुंह सका आपणैं बाब परमेशरा का अरज़ करी कि स्वर्दूते एक सैना छ़ाड, पर मुंह आसा मेरै बाबो हुकम पूरअ करना लै।” ईशू च़कअ सह काटअ द कान धरना का उझै संघा लाअ तेऊ नोकरे तैहा ई ज़ैगा और सह हुअ ज़ात राम्बल़अ। ईशूए च़ेल्लै ठुहरै तिधा का सोभ। *मत्ती 26:14-56; मरकुस 14:10-50; लुका 22:1-53; युहन्ना 12:6; 18:1-11 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_38_128kbps.m4a ## 39. ईशूओ किअ मकदमअ https://openbiblestories.org/l/kfx-x-outerseraji/story-39/ ![](https://cdn.door43.org/obs/jpg/360px/obs-en-39-01.jpg) ऐबै गअ त आधा राचीओ बगत हई, तिन्नैं सपाही नियं ईशू माहा परोहिते घरा लै, किल्हैकि सह च़ाहा त ईशू का सुआल पुछ़णैं। पतरस रहअ दूर ज़िहअ तिन्नां पिछ़ू-पिछ़ू हांढदअ लागी। ज़ांऊं सपाही ईशू घरा भितरा लै नियं, पतरस रहअ बागै होरी संघै आगी सेटा नैथदअ लागी। ![](https://cdn.door43.org/obs/jpg/360px/obs-en-39-02.jpg) माहा परोहिते घरा भितरी तै यहूदी मुखिऐ ईशू लै मकदमै करदै लागै दै। तिन्नैं आणैं ईशूए खलाफ झ़ुठी गल्ला बोलदै खास्सै झुठै शाजत लोल़ी। पर तिन्नें गल्ला नांईं ती एकी दुजै का मेल खांदी। इहअ करै निं यहूदी मुखिऐ ऐहा गल्ला पाक्की करी सकै कि ईशूओ दोश किज़ै आसा। ईशू रहअ तिन्नां जैंदरी च़ुप्पी खल़्हुई। ![](https://cdn.door43.org/obs/jpg/360px/obs-en-39-03.jpg) खिरी भाल़अ माहा परोहितै ईशू बाखा, संघा पुछ़अ इहअ, “हाम्हां का खोज़ ओर्ही कि तूह ज़िऊंदै परमेशरो शोहरू मसीहा आसा?” ![](https://cdn.door43.org/obs/jpg/360px/obs-en-39-04.jpg) ईशू बोलअ इहअ, “हुंह आसा, तम्हां जाणअ हुंह परमेशरा संघै बेठअ द और स्वर्गा का एछदअ बी शुझुई।” माहा परोहितै धेल़ै रोश्शै आपणैं झिकल़ै और सह लागअ ज़ोरै-ज़ोरै तिन्नां होरी मुखिऐ लै बोलदअ, “ऐहा गल्ला खोज़णा लै निं हाम्हां ऐबै होरी कोही शाजते ज़रूरत आथी कि एऊ मणछै किज़ै किअ! तम्हैं सोभी शूंणअ आपणैं कानै कि अह बोला कि अह आसा परमेशरो शोहरू, एता लै तम्हैं होर कै बोला?” ![](https://cdn.door43.org/obs/jpg/360px/obs-en-39-05.jpg) सोभी यहूदी मुखिऐ दैनअ माहा परोहिता लै ज़बाब, “अह मणछ आसा मारनै ई जोगी!” तेखअ बान्हीं तिन्नैं ईशूए आछी दी शाट्टी, संघा लागै तेऊ लै थुकदै, च़ैंडै बाहंदै और सुहांगा करदै। ![](https://cdn.door43.org/obs/jpg/360px/obs-en-39-06.jpg) पतरस त घरा बागै न्हैल़अ लागअ द कि ऐबै झ़ाणीं किज़ै हणअ होए। तेखअ आई एक दासी शोहरी तैहा हेरअ सह तिधी भाल़ी और तैहा पुछ़अ तेऊ का, “तूह बी आसा त भाल़ी ईशू संघै?” पतरस हुधुअ कि हुंह किधी आसा! बादा का पुछ़अ भिई कुंणीं शोहरी इहअ ई और पतरस हुधुअ भिई कि हुंह निं आथी ताह गई बछ़ैणां। खिरी बोलअ चिउथी बारी तिधी होरी लोगै, “हाम्हैं हेरअ तूह बछ़ैणीं कि तूह थिअ ईशू संघै, किल्हैकि तम्हैं दुहै आसा गलील लाक्कै का।” ![](https://cdn.door43.org/obs/jpg/360px/obs-en-39-07.jpg) पतरस हुधुअ ज़ात पठी संघा लागअ इहअ बोलदअ, “मंऐं खाऐ सोह, ज़ै हुंह एऊ मणछा बछ़ैणां बी होए, मुल्है लोल़ी परमेशरो फिटक लागअ!” पतरसे इहै सोहा काढणैं बाद गअ तिधी नढैऊऐ मुर्गअ बाशी। ईशू भाल़अ पिछ़ू फिरी करै पतरसा बाखा। ![](https://cdn.door43.org/obs/jpg/360px/obs-en-39-08.jpg) पतरस लागअ तिधा का हांढदअ संघा लागअ हिक्की-सल़िक्की लेरा लांदअ। ज़ुंणीं यहूदा ईशू ढाकणैं बझ़ैल़अ त, तेऊ का बी गअ थोघ लागी कि यहूदी मुखिऐ दैनीं ईशू लै मौते सज़ा; तेऊ हुअ खास्सअ दुख और तेऊ दैनीं आप्पू लै फांसी संघा मूंअं। ![](https://cdn.door43.org/obs/jpg/360px/obs-en-39-09.jpg) तधू काला त सारै दी रोमीं राज़ और तेऊ देशै त पीलातूस रोम राज़ैओ राजपाल। यहूदी मुखिऐ नियं ईशू तेऊ सेटा लै। तिंयां च़ाहा तै इहअ कि पिलातुसै लोल़ी तेऊ लै मौते सज़ा दैनीं और तेऊ मारे। पिलातुसै पुछ़अ ईशू का, “तूह यहूदीओ राज़अ आसा?” ![](https://cdn.door43.org/obs/jpg/360px/obs-en-39-10.jpg) ईशू दैनअ इहअ ज़बाब, “तंऐं बोलअ ठीक, पर मेरअ राज़ निं पृथूईओ आथी, ज़ै इहअ हंदअ तै करनअ त मेरी सेऊआ-च़ाकरी करनै आल़ै मेरी तैणीं जुध। हुंह आसा धरती दी परमेशरे बारै शुची गल्ला खोज़दअ आअ द। ज़ुंण बी मणछ शुची झ़ुरी डाहा सह शुंणां मेरी।” पिलातुसै बोलअ, “शुचअ किज़ै आसा?” ![](https://cdn.door43.org/obs/jpg/360px/obs-en-39-11.jpg) पिलातुसे खोल़ै तै बागै यहूदी मुखिऐ आपणैं पक्षे खास्सै लोग झाल़ै दै, ईशू संघै गल्ला करनै का बाद बोलअ पिलातुसै उपर च़ाऊल़ी खल़्हुई तिन्नां लोगा लै, “मारनै जोगी सज़ा दैणां लै निस्सअ मुखा एऊ मणछा दी किछ़ै दोश शुझुई।” पर तिंयां यहूदी मुखिऐ और तिंयां होर लोग लागै ज़ोरै-ज़ोरै लैल़ा पाई इहअ बोलदै, “एऊ पाआ क्रुसा दी मारी!” पिलातुसै दैनअ तिन्नां लै इहअ ज़बाब, “एऊ लै निं किछ़ी गलतीओ दोश आथी।” पर तिंयां लागै होर बी ज़ोरै-ज़ोरै लैल़ा लांदै। पिलातुसै बोलअ चिऊथी बारी भिई, “एऊओ निं किछ़ै दोश आथी।” ![](https://cdn.door43.org/obs/jpg/360px/obs-en-39-12.jpg) पिलातुसा पल़अ फिकर कि किधी इहअ निं हआ कि ईंयां एतरै खास्सै लोग उपद्रभ शुरू करा, तेखअ पल़अ तेऊ तिन्नें गल्ल मनणीं। रोमीं सपाही च़िकअ सह रोमीं बधाने साबै कोल़ै करै, तेऊ का बन्हैऊंऐं राज़ै ज़िहै झिकल़ै और मुंडै लाअ झ़रीलै कांडैओ मुगट। तेखअ लागै तिंयां इहअ बोली करै तेऊए सुहांगा करदै, “भाल़ा, यहूदीओ राज़अ!” *मत्ती 26:57-27:26; मरकुस 14:53-15:15; लुका 22:54-23:25; युहन्ना 18:12-19:16 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_39_128kbps.m4a ## 40. ईशू छ़ड़ाऊअ क्रूसा प्रैंदै https://openbiblestories.org/l/kfx-x-outerseraji/story-40/ ![](https://cdn.door43.org/obs/jpg/360px/obs-en-40-01.jpg) ईशूओ सुहांग बणांणै बाद नियं ईशू तिन्नैं सपाही क्रूसा दी छ़ड़ाऊणां लै। सह क्रूस दैनअ तिन्नैं ईशूए ई कान्हां च़कणां लै ज़ेथ सह मारनअ त। ![](https://cdn.door43.org/obs/jpg/360px/obs-en-40-02.jpg) ईशू पजैल़अ तिन्नैं तैहा ज़ैगा ज़ेता नांअं “खोपल़ी” आसा त, तिधी टोक्कै तिन्नैं तेऊए हाथ खूर मोई ज़िहै काठा दी ज़ेता लै क्रूस बोला। पर ईशू बोलअ तज़ी बी इहअ, “हे बाबा, तूह कर इना माफ, किल्हैकि इना का निं थोघै कि ईंयां किज़ै करा।” तेऊए मुंडा प्रैंदै टोक्की तिन्नैं क्रूसे च़ुंडी एक फल़्हटी, तेथ त तेऊओ दोश लिखअ द, :यहूदीओ राज़अ!” पिलातुसै त तिन्नां लै इहअ ई लिखणेंओ हुकम किअ द। ![](https://cdn.door43.org/obs/jpg/360px/obs-en-40-03.jpg) तिन्नैं सपाही पाई ईशूए झिकल़ै लै च़िठी, इहअ करै हुई तिंयां गल्ला पूरी ज़ुंण खास्सी साला आजी गल्ला प्रगट ती हुई दी, “तिन्नैं बांडै मेरै झिकल़ै आप्पू मांझ़ै, और मेरै झिकल़ै लै पाई तिन्नैं परच़ी।” ![](https://cdn.door43.org/obs/jpg/360px/obs-en-40-04.jpg) तिधी तै दूई डाकू बी, और तिंयां बी छ़ड़ाऊऐ ईशू ई संघै दैहणीं बाऊंईं बाखा क्रूसा दी। तिन्नां मांझ़ै किअ एकी डाकू ईशूओ सुहांग, पर दुजै बोलअ तेऊ डाकू लै इहअ, “ता डअर बी निं आथी कि परमेशरा दैणीं ताल्है सज़अ? हाम्हैं किऐ बूरै काम तै भेटी हाम्हां सज़ा, पर एऊओ निं किछ़ै कशूर आथी!” तेखअ लागअ सह ईशू लै बोलदअ, “ज़ेभै तेरअ राज़ एछे, तेभै डाहै तूह मुंह बी आद।” ईशू बोलअ तेऊ लै इहअ, “तूह हणअ आझ़ ई मुंह संघै स्वर्ग लोकै।” ![](https://cdn.door43.org/obs/jpg/360px/obs-en-40-05.jpg) यहूदी मुखिऐ और तिन्नां खास्सै लोगा मांझ़ै बी लागै कई ईशूए सुहांगा करदै, “ज़ै तूह परमेशरो शोहरू आसा, तै होथ क्रूसा का धरनीं संघा बच़ हैनूं आप्पू! तै करमै हाम्हैं ताह दी विश्वास।” ![](https://cdn.door43.org/obs/jpg/360px/obs-en-40-06.jpg) हेरा हेरी हुअ सारी पृथूई दी न्हैरअ, तेभै त खरअ दपहर पर चिई घांटै रहअ तिहअ ई न्हैरा-घोर हई। ![](https://cdn.door43.org/obs/jpg/360px/obs-en-40-07.jpg) तेखअ बोलअ ईशू, “ऐबै हुअ पूरअ! हे बाबा, मंऐं दैनीं ऐबै आपणीं आत्मां तेरै हाथै।” तेखअ ढोल़ी ईशू आपणीं मुंडकी संघा शोटै प्राण। जांऊं ईशू मुअं, सारी धरती दी हुई ज़ाज़री। परमेशरे मांदरै ज़ुंण बडअ पल्द ज़ुंन पबित्र ज़ैगा और खास पबित्र ज़ैगा खल़बाल़ा ज़िहअ थिअ, सह धेल़्हुअ मांझ़ा-मांझ़ी का उपरा उंधै तोल़ तैणीं दूई बाखा लै। ![](https://cdn.door43.org/obs/jpg/360px/obs-en-40-08.jpg) आपणीं मौता करै खोल्ही ईशू आम लोगा लै परमेशरा सेटा डेऊंणे बात। तिधी ज़ुंण रोमीं सपाही पहरी थिऐ, तिन्नैं बोलअ इना सोभी गल्ला भाल़ी इहअ, “अह मणछ त सच्च़ी नर्दोश, अह आसा परमेशरो शोहरू।” ![](https://cdn.door43.org/obs/jpg/360px/obs-en-40-09.jpg) तेखअ आऐ युसुफ और निकुदेमस नांओंए दूई यहूदी मुखिऐ, तिंयां करा तै इहअ विश्वास कि ईशू आसा मसीहा। तिन्नैं किई पिलातुसा का ईशूए ल्हासे मांग। तिन्नैं पल़ेटी ईशूए ल्हास कापल़ै दी, संघा डाहअ सह शाफल़ा दी कोती दी नंऊंई घोरी भितरी दाबी और तेते मोहरै दी डाही एक बडी टोल्ह घरैऊई। *मत्ती 27:27-61; मरकुस 15:16-47; लुका 23:26-56; युहन्ना 19:17-42 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_40_128kbps.m4a ## 41. परमेशरै किअ ईशू भिई ज़िऊंदअ! https://openbiblestories.org/l/kfx-x-outerseraji/story-41/ ![](https://cdn.door43.org/obs/jpg/360px/obs-en-41-01.jpg) ज़ांऊं रोमीं सपाही ईशू क्रूसा दी छ़ड़ाऊई हेरअ, यहूदी मुखिऐ डेऊऐ राजपाल पिलातुसा सेटा लै संघा लागै इहअ बोलदै, “तेऊ झ़ुठै ईशू बोलअ त इहअ कि सह हणअ चिऐ धैल़ै मुंऐं दै मांझ़ा का भिई ज़िऊंदअ। एता लै लागणअ घोरी बागै सपाही डाही पहरअ पाणअ, इहअ निं हआ कि तेऊए च़ेल्लै तेऊए देही च़ोरी पाए। इहअ करै सका तिंयां इहअ बोली कि सह हुअ मरी करै भिई ज़िऊंदअ।” ![](https://cdn.door43.org/obs/jpg/360px/obs-en-41-02.jpg) राजपाल पिलातुसै किअ हुकम, “तम्हैं निंयां धख सपाही, तेखअ ज़िहअ तम्हैं च़ाहा, तम्हैं डाहा तिहअ पहरअ पाई।” तेता लै डाही तिन्नैं घोरीए मोहरै दी डाही दी टोल्हा दी रोमीं सरकारे मोहर लाई। ल्हास च़ोरी निं होए तेता लै डाहै तिन्नैं सरकारी सपाही पहरी लाई। ![](https://cdn.door43.org/obs/jpg/360px/obs-en-41-03.jpg) ईशूए मरने धैल़ी बाद आसा त शणिहचर बार ज़ेता लै बशैघे धैल़ी बोला। बशैघे धैल़ी मना तै सोभै पबित्र और तैहा धैल़ी निं कोहै किछ़ै काम करदै तै। तैही निं तैहा धैल़ी कोहै घोरी सेटा डेऊअ ई आथी। पर बशैघे धैल़ी बाद डेऊई दोत्ती-दोथ्ही कई ज़नाना घोरी सेटा, ताकि तिंयं यहूदी रबाज़े साबै ईशूए ल्हासा दी खुशबूदार मसालै मल़ी सके। ![](https://cdn.door43.org/obs/jpg/360px/obs-en-41-04.jpg) तिन्नां जनाने तिधी पुजणैं का आजी हुई तैहा घोरी दी बड़ी ज़ाज़री, स्वर्गा का आअ एक स्वर्ग दूत और तेऊ बदल़ी सह टोल्ह पोर्ही संघा बेठअ तेथ प्रैंदै। अह स्वर्ग दूत त धुप्पे झ़ामणां ज़िहअ च़मच़मांदअ। तिधी ज़ुंण रोमीं सपाही तै; तिन्नैं बी भाल़अ सह और तिंयां हुऐ धरनीं पल़ी मूंऐं नां ज़िऊंदै मणछा ज़िहै। ![](https://cdn.door43.org/obs/jpg/360px/obs-en-41-05.jpg) ज़ांऊं तिंयां जनाना घोरी सेटा पुजी; स्वर्ग दूतै बोलअ तिन्नां लै इहअ, “डरा निं आथी, ईशू निं इधी आथी, सह हुअ मरी करै भिई ज़िऊंदअ, ज़िहअ तेऊ बोलअ द थिअ कि सह हणअ भिई ज़िऊंदअ! तम्हैं भाल़ा घोरी भितरी आप्पै।” तिंयां डेऊई घोरी भितरा लै संघा लागी तेसी सारै दी भाल़ी ज़िधी ईशूए ल्हास ती डाही दी और तिन्नां निं सह तिधी भेटी! ![](https://cdn.door43.org/obs/jpg/360px/obs-en-41-06.jpg) तेखअ बोलअ तेऊ स्वर्ग दूतै तिन्नां लै, “एऊ समादा खोज़ा तेऊए च़ेल्लै का, ‘ईशू हुअ मरी करै भिई ज़िऊंदअ और सह डेऊंणअ तम्हां का आजू-आजू गलील लाक्कै लै।’” ![](https://cdn.door43.org/obs/jpg/360px/obs-en-41-07.jpg) तिंयां जनाना हुई रहैन और तिंयां ठुर्ही खुशी-खुशी एऊ खुशीए समादा खोज़दी ईशूए च़ेल्लै सेटा लै। ![](https://cdn.door43.org/obs/jpg/360px/obs-en-41-08.jpg) तिंयां पुजी ती बाता तैणीं कि ईशू हुअ तिन्नां सेटा प्रगट, तिन्नैं टेक्कअ तेऊ सेटा माथअ और ईशू बोलअ तिन्नां लै, “डरा निं आथी, मेरै च़ेल्लै लै बोला इहअ कि गलील लाक्कै लै लोल़ी आऐ हुंह भेटणअ तम्हां तिधी।” *मत्ती 27:62-28:15; मरकुस 16:1-11; लुका 24:1-12; युहन्ना 20:1-18 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_41_128kbps.m4a ## 42. ईशू डेऊअ च़ेल्लै सम्हनै स्वर्गा लै फिरी https://openbiblestories.org/l/kfx-x-outerseraji/story-42/ ![](https://cdn.door43.org/obs/jpg/360px/obs-en-42-01.jpg) ज़हा धैल़ी परमेशरै ईशू मूंऐं दै मांझ़ा का ज़िऊंदअ किअ त, तेऊए दूई च़ेल्लै तै किधी नेल़ गराऊंआं लै लागै दै डेऊंदै। हांढदी-हांढदी तै तिंयां तिन्नां गल्ला लागै दै कि ईशू संघै किहअ किहअ हुअ। तिंयां तै तेऊए बारै गल्ला लागै दै, तिन्नां ती आशा कि सह आसा त मसीहा, पर सह पाअ मारी! ऐबै बोला कोऐ जनाना इहअ कि सह हुअ भिई ज़िऊंदअ। तिन्नां निस्सी ती समझ़ पल़ी कि कसरी गल्ला दी करमै विश्वास। ![](https://cdn.door43.org/obs/jpg/360px/obs-en-42-02.jpg) ईशू रहअ तिन्नां संघा-संघा हांढदअ लागी, पर तिन्नैं निं सह बछ़ैणअ आथी। सह लागअ तिन्नां का पुछ़दअ कि तम्हैं किज़ू गल्ला आसा लागै दै, तिन्नैं खोज़ी तेऊ का ईशू संघै हुई बिती दी सारी गल्ला। तिन्नें सोठअ इहअ कि अह आसा तिन्नां संघै कुंण परदेसी मणछ लागअ द हांढदअ ज़हा का इहअ थोघ निं आथी कि येरूशलेम किज़ै हुअ। ![](https://cdn.door43.org/obs/jpg/360px/obs-en-42-03.jpg) तेखअ समझ़ाऊऐ ईशू तिंयां कि पबित्र शात्रा दी परमेशर ईशूए बारै किज़ै बोला। खास्सी साला आजी हेरअ त बिधाते गूरै इहअ खोज़ी कि मसीहा लै दैणअ तिन्नां दुख संघा पाणअ मारी। पर तिन्नैं गूरै त इहअ बी बोलअ द कि सह हणअ चिऐ धैल़ै भिई ज़िऊंदअ। ![](https://cdn.door43.org/obs/jpg/360px/obs-en-42-04.jpg) ज़िधा लै तिंयां च़ेल्लै च़ाल्लै दै थिऐ; ज़ांऊं तिंयां तेऊ गराऊंआं पुजै, तेखअ ग्ई ती सान्ह च़ाल्ली पल़ी। तिन्नैं बोलअ परदेसी समझ़ी करै ईशू लै इहअ कि तूह दै हाम्हां संघै ई रहणैं, ईशू डेऊअ तिन्नां संघै एकी घरै और तेखअ बेठै तिंयां बैल़ी खांदै। ईशू च़की एक रोटी संघा कि परमेशरो शूकर संघा दैनी चोल़ी करै तिन्नां लै। तेखअ आई हेरा-हेरी तिन्नां समझ़ कि अह ता ईशू आसा त। पर सह हुअ तेभी तिन्नें आछी हेरदी-हेरदी लोप। ![](https://cdn.door43.org/obs/jpg/360px/obs-en-42-05.jpg) तिंयां दुहै लागै आप्पू मांझ़ै इहअ बोलदै, “अह त ईशू! ज़ांऊं सह परमेशरे बैणा खोज़दअ त लागअ द, तैही तै हाम्हैं भितरा का खुश लागै दै हंदै!” तिंयां लागै तेभी बापस येरूशलेम नगरी लै हांढदै। तिधी पुजी खोज़ी तिन्नैं होरी च़ेल्लै का पठी गल्ला, “ईशू आसा ज़िऊंदअ, हाम्हैं भाल़अ सह आपणीं आछी!” ![](https://cdn.door43.org/obs/jpg/360px/obs-en-42-06.jpg) च़ेल्लै तै इना गल्ला करदै लागै दै, ईशू हुअ नच़ानक तैहा पांडा प्रगट ज़िधी तिंयां थिऐ। तेऊ बोलअ तिन्नां लै, “तम्हां लै लोल़ी शांती हुई।” च़ेल्लै सोठअ इहअ कि अह आसा हणअ भूत, पर ईशू बोलअ तिन्नां लै इहअ, “तम्हैं किज़ू डरै? तम्हैं इहअ किल्है निं सोठदै कि हुंह आसा असली दी ईशू? मेरै हाथा खूरा दैआ भाल़णीं। भूते निं एही देही हंदी ज़ेही मुखा आसा।” ऐहा गल्ला रहैऊणां लै कि सह निं भूत आथी, तेऊ मांगअ तिन्नां का किज़ै खाणां लै, तिन्नैं दैनी तेऊ लै रोटी खाणां लै और ईशू खाई सह। ![](https://cdn.door43.org/obs/jpg/360px/obs-en-42-07.jpg) ईशू बोलअ इहअ, “मेरै बारै पबित्र शास्त्रा दी ज़िहअ लिखअ द आसा कि इहअ हणअ, सह हेरअ त मंऐं तम्हां का खोज़ी डाही कि इहअ हणअ ज़रूर।” तेखअ समझ़ाऊई ईशू तिन्नां का पबित्र शास्त्रे सारी गल्ला राम्बल़ै करै। तेऊ बोलअ इहअ, “खास्सी साला आजी लिखअ त परमेशरे गूरै कि मुंह मसीहा लागणअ दुख ज़िरनअ, मरनअ और तेखअ चिऐ धैल़ै मुंऐं दै मांझ़ा का ज़िऊंदै हणअ।” ![](https://cdn.door43.org/obs/jpg/360px/obs-en-42-08.jpg) “तिन्नैं गूरै त इहअ बी लिखअ द कि मेरै च़ेल्लै खोज़णै परमेशरे बैण सोभी का। तिन्नां बोल़णअ सोभी लै कि पापो प्राश्त करा। ज़ै लोग तिहअ करे तै करनै परमेशरा तिन्नें पाप माफ। मेरै च़ेल्लै करनअ अह समाद खोज़णअ येरूशलेम नगरी का शुरू और तिन्नां डेऊंणअ हर ज़ैगा सोभी ज़ाती सेटा। तम्हैं आसा मेरी हर गल्ले, हर कामे शाजत ज़ुंण मंऐं बोलअ और किअ। ज़ुंण मुंह संघै हुअ; तेते बी आसा तम्हैं आपणीं आछी भाल़णैं आल़ै शाजत। ![](https://cdn.door43.org/obs/jpg/360px/obs-en-42-09.jpg) च़ाल़्ही धैल़ै तैणीं रहअ ईशू आपणैं च़ेल्लै का कई ज़ैगा प्रगट हंदा लागी। एकी ज़ैगा तै तिंयां पांज़ शौ ज़ण्हैं कठा हुऐ दै और तिधी बी आअ ईशू तिन्नां जैंदरी! ईशू रहैऊअ आपणैं च़ेल्लै का इहअ कि सह आसा ज़िऊंदअ संघा रहअ तिन्नां लै परमेशरे राज़े बारै गल्ला खोज़दअ लागी। ![](https://cdn.door43.org/obs/jpg/360px/obs-en-42-10.jpg) ईशू बोलअ तिन्नां लै इहअ, “परमेशरै दैनअ मुल्है स्वर्ग और पृथूई दी सारै दी राज़। ऐबै बोला हुंह तम्हां लै इहअ, तम्हैं बणांआं सोभी ज़ातीए लोगा मेरै च़ेल्लै, एता लै दैऐ तिन्नां लै बाब, शोहरू और पबित्र आत्में नाओंऐं डुबकी। ज़ुंण बी मंऐं तम्हां लै हुकम किऐ; तेते शिक्षा बी दैऐ तिन्नां लै कि तिंयां बी मनै एता इहअ ई। ऐहा गल्ला डाहै आद कि हुंह रहणअ सदा तम्हां संघै। ![](https://cdn.door43.org/obs/jpg/360px/obs-en-42-11.jpg) मूंऐं दै मांझ़ा का ज़िऊंदै हणें च़ाल़्ही धैल़ै बाद बोलअ ईशू आपणैं च़ेल्लै का, “ज़ेभै तैणीं मेरअ बाब तम्हां लै बल निं दैए, तेभै तैणीं रहै येरूशलेम नगरी न्हैल़ै लागी। ज़ेभै इहअ हणअ; तेभै एछणीं तम्हां लै पबित्र आत्मां।” तेखअ डेऊअ ईशू स्वर्गा लै और एक बादल़ आअ इहअ कि तेऊ च़ोरअ ईशू तिन्नें आछी समन्हैं का। सोभी गल्ला प्रैंदै राज़ करना लै बेठअ ईशू स्वर्गै परमेशरे दैहणीं बाखा। *मत्ती 28:16-20; मरकुस 16:12-20; लुका 24:13-53; युहन्ना 20:19-23; Acts 1:1-11 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_42_128kbps.m4a ## 43. मसीही टोलीए शुरूआत https://openbiblestories.org/l/kfx-x-outerseraji/story-43/ ![](https://cdn.door43.org/obs/jpg/360px/obs-en-43-01.jpg) ईशूए स्वर्गा लै फिरी डेऊंणैं का बाद रहै सोभै च़ेल्लै येरूशलेम न्हैल़ै लागी ज़िहअ ईशू तिन्नां लै हुकम किअ त। तिंयां सोभै ईशू दी विश्वास करनै आल़ै रहै कबल्लै प्राथणां करदै कठा हंदै लागी। ![](https://cdn.door43.org/obs/jpg/360px/obs-en-43-02.jpg) हर साल मनाऊंआं तै यहूदी ओवार्णें थैरा का का बाद पज़ाहुऐ धैल़ैओ एक खास थैर। अह हआ त तेभै; ज़ेभै यहूदी कणके लऊंणीं करी मुक्का दै। सारै संसारा का आसा तै यहूदी एऊ थैरा मनाऊंदै येरूशलेम नगरी आऐ दै। ईशूए स्वर्गा लै डेऊंणैं का बाद आठुऐ धैल़ै गअ त ऐहा साला अह थैर एछी। ![](https://cdn.door43.org/obs/jpg/360px/obs-en-43-03.jpg) ईशू दी विश्वास करनै आल़ै तै सोभै एकी ज़ैगा कठा हुऐ दै। ज़हा घरै तिंयां थिऐ, तेथ हुई नच़ानक ढिश बागरी ज़ेही छ़ेल़। कई विश्वासीए मुंडा प्रैंदै शुझुअ कि तेथ आऐ आगीए लुपल़ै ज़िहै। तिंयां सोभै भर्हुऐ पबित्र आत्मां करै। तिंयां लागै होरी-होरी बोली परमेशरे स्तोती और ज़ै-ज़ैकार करदै। तिंयां ती एही बोली ज़ेता बोल़णां लै तिंयां पबित्र आत्मां तिन्नां लै बल दैनअ। ![](https://cdn.door43.org/obs/jpg/360px/obs-en-43-04.jpg) ज़ांऊं तेऊ घरा ओर्ही-पोर्ही येरूशलेम नगरी रहणैं आल़ै होरी लोगै हाल्लअ शूंणअ, तिधी झाल़ुऐ खास्सै लोग कि एथ किज़ै हुअ। विश्वासी तै लागै दै परमेशरे महान कामें बारै खोज़दै। तिधी हुअ खास्सै लोगो झाल़अ और तिंयां हुऐ रहैन किल्हैकि तिंयां ज़ुदी-ज़ुदी बोली-भाषा का लोग और तिन्नां मांझ़ै हरेकी का ज़ाण्हिंआं त इहअ कि तिंयां च़ेल्लै आसा तिन्नें ई बोली दी गल्ला करदै लागै दै! ![](https://cdn.door43.org/obs/jpg/360px/obs-en-43-05.jpg) तिन्नां लोगा मांझ़ै लागै कई लोग इहअ बोलदै कि इनै आसा शराब झुटी दी, पर पतरस उझ़ुअ खल़अ संघा लागअ इहअ बोलदअ, “मेरी गल्ला शूंणा! ईंयां निं नशै दी आथी! ज़ुंण तम्हैं इधी भाल़ै आसा लागै दै एते बारै आसा योएल गूरै पैहलै ई बोलअ द कि इहअ हणअ, ‘खिरीए धैल़ै पाणीं मुंह आपणीं आत्मां मणछा दी।’” ![](https://cdn.door43.org/obs/jpg/360px/obs-en-43-06.jpg) “इस्राएलीओ, ईशू थिअ हाम्हां जैंदरी, एता लै किऐ तैऊ बडै-बडै नुआहरै काम कि तेऊओ थोघ लागे कि सह कुंण आसा। तेऊ किऐ तिंयां सारै महान काम परमेशरे बला करै। तम्हां का आसा इना गल्लो थोघ किल्हैकि तम्हैं आसा तिंयां काम आपणीं आछी भाल़ै दै, पर तम्हैं पाअ सह क्रूसा दी छ़ड़ाऊई मारी। ![](https://cdn.door43.org/obs/jpg/360px/obs-en-43-07.jpg) ईशू मूंअ ता ज़रूर पर सह किअ परमेशरै चिऐ धैल़ै भिई ज़िऊंदअ। इहअ करै हुई सह गल्ल पूरी ज़ुंण खास्सी साला आजी एकी गूरै बोली ती, ‘ताह निं आपणैं पबित्र मणछा घोरी चिज़णैं दैणअ।’ ऐहा गल्ले शाजत आसा हाम्हैं कि परमेशरै किअ ईशू ज़िऊंदअ।” ![](https://cdn.door43.org/obs/jpg/360px/obs-en-43-08.jpg) “आपणीं दैहणीं बाखा बशैल़ी किअ परमेशरै ईशूओ अदर। ईशू छ़ाडी हाम्हां लै पबित्र आत्मां ज़िहअ तेऊ वाहिदअ किअ त। ज़ुंण काम तम्हैं भाल़ै और शूंणैं तिंयां आसा लागै दै पबित्र आत्मां करै हंदै। ![](https://cdn.door43.org/obs/jpg/360px/obs-en-43-09.jpg) “तम्हैं छ़ड़ाऊअ सह मणछ, ईशू क्रूसा दी! पर ऐबै शूंणा तम्हैं कान खोल्ही कि परमेशरै दैनी ईशू लै दोहरी पदबी, सोभी गल्लो मालक बी आसा सह ई और मसीहा बी आसा सह ई।” ![](https://cdn.door43.org/obs/jpg/360px/obs-en-43-10.jpg) ज़ुंण तिधी पतरसे गल्ला शुंणैं तै लागै दै, तिन्नें लागी तिंयां गल्ला दिल्लै। तैही लागै तिंयां तेखअ पतरस और होरी च़ेल्लै का पुछ़दै, “भाईओ, तै ऐबै हाम्हां किज़ै लागा करनअ?” ![](https://cdn.door43.org/obs/jpg/360px/obs-en-43-11.jpg) पतरसै दैनअ तिन्नां लै ज़बाब, “तम्हैं सोभै करा आपणैं पापा लै प्राश्त ताकि परमेशर थारै पाप माफ करे और ईशूए नाओंऐं लआ पाणीं दी डुबकी। तेऊ दैणअ तम्मां लै पबित्र आत्मों बरदान।” ![](https://cdn.door43.org/obs/jpg/360px/obs-en-43-12.jpg) पतरसे गल्ला शूंणीं किअ तैहा ई धैल़ी कोई चअन हज़ार लोगै विश्वास संघा बणैं ईशू मसीहे च़ेल्लै। तिन्नैं बी लई डुबकी संघा ज़ुल़ै येरूशलेम विश्वासी टोली संघै। ![](https://cdn.door43.org/obs/jpg/360px/obs-en-43-13.jpg) ईशू मसीहे च़ेल्लै ज़हा लै शधाणूं बी बोला; तिंयां रहै तिन्नां लै कबल्लै शिक्षा दैंदै लागी, तिंयां करा तै धैल़ एकी-दुजे संगत और एकी दुज़ै लै करा तै प्राथणां करी। मिल़ी-ज़ुल़ी करा तै तिंयां परमेशरे ज़ै-ज़ैकार और ज़ुंण बी तिन्नां का थिअ, तिंयां करा तै एकी दुजै संघै बांडी। नगरीए सोभै लोग करा तै तिन्नें बड़ैई, हर धैल़ै रहा तै तिन्नां संघै लोग ज़ुल़दै लागी। *शधाणूं धैअ 2 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_43_128kbps.m4a ## 44. पतरस और यहून्ना करा एकी भिख मांगणैं आल़ै नरोगै https://openbiblestories.org/l/kfx-x-outerseraji/story-44/ ![](https://cdn.door43.org/obs/jpg/360px/obs-en-44-01.jpg) एकी धैल़ै डेऊऐ पतरस और यहून्ना येरूशलेम मांदरा लै। दुही ज़ांघो लैंगल़अ मणछ सुंदर नांओंए प्रऊल़ी आजू भिख मांगदअ लागअ द। ![](https://cdn.door43.org/obs/jpg/360px/obs-en-44-02.jpg) पतरसै भाल़अ तेऊ लैंगल़ै बाखअ संघा बोलअ इहअ, “ताल्है दैणा लै मुखा ढब्बै ता निं आथी, पर ज़ुंण मंऐं ताल्है दैई लाअ; ईशूए नाओंऐं लाग हांदअ-फिरदअ!” ![](https://cdn.door43.org/obs/jpg/360px/obs-en-44-03.jpg) तेभी किअ परमेशरै सह लैंगल़अ मणछ नरोगअ और सह लागअ ओर्ही-पोर्ही हांढदअ, छ़ाहल़ा दैंदअ और परमेशरे ज़ै-ज़ैकार करदअ। मांदरे खोल़ै ज़ेतरै बी लोग आसा तै; तिंयां हुऐ तेऊ भाल़ी रहैन कि अह कै च़मत्कार हुअ। ![](https://cdn.door43.org/obs/jpg/360px/obs-en-44-04.jpg) तिधी हुऐ तेऊ मणछा भाल़ै खास्सै लोग कठा कि अह किहअ करै हुअ राम्बल़अ। पतरसै बोलअ तिन्नां लोगा लै, “एऊ मणछा नरोगै भाल़ी निं तम्हैं रहैन हआ। एऊ नरोगै करनै आल़ै निं हाम्हैं आथी, नां इहअ करै हुअ कि हाम्हैं करा परमेशरो अदर। एऊ मणछा नरोगै करनै आल़अ आसा ईशू किल्हैकि हाम्हैं करा ईशू दी विश्वास। ![](https://cdn.door43.org/obs/jpg/360px/obs-en-44-05.jpg) “तिंयां तै तम्हैं ई ज़ुंणीं रोमीं राजपाला का ईशू मारना लै बोलअ। तम्हैं पाअ सह मारी ज़ुंण सोभी लै ज़िन्दगी दैआ। पर परमेशरै किअ सह मुंऐं दै मांझ़ा का ज़िऊंदअ। तम्हैं निं इहअ इहअ बी सोठअ कि तम्हैं किज़ू करदै तै लागै दै, पर ज़ेभै तम्मैं तिन्नां कामा करदै तै लागै दै; तिंयां हुई खास्सी साला आजी बिधाते गूरै खोज़ी दी गल्ला पूरी कि मसीहा लागणअ दुख भुगतणअ और मरनअ। परमेशरै दैनअ इना गल्ला हणैं। तैही बोला हुंह ऐबै करा प्राशत संघा फिरा परमेशरा बाखा लै ताकि परमेशर थारै पाप धोई तम्हां निम्बल़ै करे। ![](https://cdn.door43.org/obs/jpg/360px/obs-en-44-06.jpg) पतरस और यहून्नें गल्ला शूंणी डरै मांदरे कार-करिंदै खास्सै। तिन्नैं ढाकै तिंयां संघा डाहै कैद खानै दी बंद करी। पर ज़ुंण गल्ला पतरसै बोली ती, तेता दी किअ कई लोगै विश्वास। ईशू दी विश्वास करनै आल़ै मणछ हुऐ तै ऐबै कोई पांज़ हज़ार। ![](https://cdn.door43.org/obs/jpg/360px/obs-en-44-07.jpg) दुजै धैल़ै नियैं पतरस और यहून्नां यहुदी मुखियै माहा परोहिता और होरी धर्म गूरू सेटा लै। सह प्रऊल़ी आज़ू भिख मांगणैं आल़अ मणछ बी नियं तिन्नैं संघा ज़ुंण दुही ज़ांघो लैंगल़अ थिअ और पतरस और यहून्ना ईशूए नाओंऐं नरोगअ किअ त। तिन्नैं पुछ़अ पतरसा का, “तम्हैं केऊ हका करै किअ अह लैंगल़अ मणछ नरोगअ?” ![](https://cdn.door43.org/obs/jpg/360px/obs-en-44-08.jpg) पतरसै दैनअ तिन्नां लै ज़बाब, “अह मणछ ज़ुंण तम्हां आजू खल़अ आसा; अह हुअ ईशूए शगती करै नरोगअ। तम्हैं पाअ ईशू क्रूसा दी छ़ड़ाऊई करै मारी पर परमेशरै किअ सह भिई ज़िऊंदअ! तम्हैं निं सह मनअ आथी पर ईशू का लाऊआ निं मोक्ष पाणां लै होर दुजी कोई बात ई आथी!” ![](https://cdn.door43.org/obs/jpg/360px/obs-en-44-09.jpg) तिंयां यहूदी मुखिऐ हुऐ रहैन और यहून्ना किई बड़ी हिम्मती संघै गल्ला। तिंयां लागै भाल़ै कि ईंयां आसा आम और नपहल़ मणछ! तेखअ फिरी तिन्नां आद कि ईंयां मणछ रहा तै ईशू संघै। तैही बोलअ तिन्नैं तिन्नां लै, “ज़ै तम्हैं तेऊ ईशू नाओंए मणछे बारै लोगा का किज़ै होर गल्ला खोज़दै लागे, तम्हां लै दैणीं हाम्हां एही सज़ा कि तम्हैं बी आद करे।” एही खास्सी गल्ला बोल़णैं बाद दैनअ तिन्नें पतरस और यहून्नां डेऊंणैं। *शधाणूं 3:1-4:22 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_44_128kbps.m4a ## 45. स्तिफनुस और फिलिपुस https://openbiblestories.org/l/kfx-x-outerseraji/story-45/ ![](https://cdn.door43.org/obs/jpg/360px/obs-en-45-01.jpg) शुरूआती मसीही मुखिऐ मांझ़ै त स्तिफनुस नांओं एक मणछ। सोभै लोग करा तै तेऊओ अदर। तेऊ ती पबित्र आत्मां करै खास्सी शगती भेटी दी। तेऊ किऐ तै खास्सै च़मत्कार ई। तेऊ दैनीं लोगा लै ईशू दी विश्वास करनें शिक्षा और खास्सै लोगै किअ तेऊए शिक्षा करै विश्वास। ![](https://cdn.door43.org/obs/jpg/360px/obs-en-45-02.jpg) एकी धैल़ै त स्तिफनुस ईशूए बारै लोगा का खोज़दअ लागअ द, ज़ुंण ईशू दी विश्वास निं करदै तै तिंयां आऐ तिधी संघा लागै तेऊ संघै हठल़दै। तिंयां हुऐ तेऊ लै रोश्शै लाल, तिंयां डेऊऐ आपणैं यहूदी धर्में मुखिऐ सेटा संघा डाहै तिंयां स्तिफनुसे बारै झ़ुठी खोज़ी शगरेऊई। तिन्नैं बोलअ इहअ, “हाम्हैं शूंणअ स्तिफनुस मूसा और परमेशरे बारै बृथा गल्ला करदअ!” तेता पिछ़ू किअ तिन्नें स्तिफनुस कैद, संघा नियं सह माहा परोहित और होरी यहूदी मुखिऐ सेटा लै। संघा निंऐं तिन्नैं इहअ मणछ बी ज़ुंणी स्तिफनुसे बारै झ़ुठी शाजत दैनी। ![](https://cdn.door43.org/obs/jpg/360px/obs-en-45-03.jpg) माहा परोहितै पुछ़अ स्तिफनुसा का, “ज़ुंण ईंयां लोग बोलदै आसा लागै दै, ईंयां गल्ला शुची आसा?” स्तिफनुसे दैनअ खास्सी गल्ला खोज़ी माहा परोहिता लै ज़बाब। तेऊ खोज़अ इहअ कि आबरामे ज़मानै ओर्ही ईशूए जमानै तैणीं किऐ परमेशरै इस्राएला लै खास्सै नुआहरै काम, पर लोगै दैनअ हर बगत परमेशरा लै धोखअ ई। होर बोलअ स्तिफनुसै इहअ, “तम्हैं आसा परमेशरा लै धोखै दैणैं आल़ै और हठू। तम्हैं निं किधी पबित्र आत्मां मनी, ज़िहअ पराणैं ज़मानै म्हारै बाब-दादै किअ त और हर बारी पाआ तै तिंयां बिधाते गूरा मारी, पर तम्हैं निखल़ै बूरै करना लै तिन्नां का च़ार गंईं आजू! तम्हैं पाअ मसीहा ई मारी!” ![](https://cdn.door43.org/obs/jpg/360px/obs-en-45-04.jpg) स्तिफनुसे गल्ला शूंणीं हुऐ यहूदी धर्म गूरू और मुखिऐ रोश्शै लाल पिंऊंल़ै। तिन्नैं पाई आपणैं कानै गुंठी संघा लागै ज़ोरै-ज़ोरै लैल़ा लांदै, तिन्नैं नियं स्तिफनुस घिशी करै नगरी बागै कि तेऊ तिंयां पात्थरो ढो दैई करै मारे। ![](https://cdn.door43.org/obs/jpg/360px/obs-en-45-05.jpg) तिन्नैं सोभी दैनअ स्तिफनुसा लै पात्थरो ढो, ज़ांऊं तेऊ प्राण निखल़ी च़ाल्लै तै तेऊ बोलअ सरगा बाखा भाल़ी करै, “हे ईशू, मेरी आत्मां ढाक!” सह बेठअ ज़ान्हूंए बलै धरनीं संघा बोलअ इहअ, “हे प्रभू, एऊ पापा निं इना प्रैंदै पाई।” संघा शोटै तेऊ प्राण। ![](https://cdn.door43.org/obs/jpg/360px/obs-en-45-06.jpg) तधू लागै येरूशलेम नगरी रहैणैं खास्सै लोग ईशू दी विश्वास करनै आल़ै हंतदै और उपद्रभ करदै और तैही ठुहरै कई विश्वासी येरूशलेम नगरी छ़ाडी होर्ता-होर्ता लै। पर ज़िधी बी तिंयां डेऊऐ; तिंयां रहै तिधी ईशूए बारै सोभी का खोज़दै लागी। ![](https://cdn.door43.org/obs/jpg/360px/obs-en-45-07.jpg) एक त फिलिपुस नांओं विश्वासी, ज़िहअ होरी विश्वासी किअ, सह बी ठुहरअ येरूशलेम नगरी छ़ाडी सामरी लाक्कै लै। तिधी रहअ सह लोगा का ईशूए बारै खोज़दअ लागी। खास्सै लोगै किअ तेऊए गल्ला दी विश्वास और तिन्नां भेटअ उद्धार। एकी धैल़ै हुअ इहअ कि फिलिपुसा सेटा आअ परमेशरो एक स्वर्ग दूत और तेऊ बोलअ फिलिपुसा लै कि तूह डेऊ फलाणीं बाता रेगीस्ताना बाखा लै। फिलिपुसै किअ तिहअ ई संघा डेऊअ तैहा बाता लै, सह त हांदअ लागअ द कि तेऊ का शुझुअ एक मणछ रथा दी डेऊंदअ। सह त कूश देशो बज़ीर। पबित्र आत्मां खोज़अ फिलिपुसा का इहअ कि एऊ मणछा संघा-संघा लाग हांढदअ। ![](https://cdn.door43.org/obs/jpg/360px/obs-en-45-08.jpg) फिलिपुस रहअ तेऊ रथा संघै ठुर्हदअ लागी, तेऊ शूंणअ कि सह रथा दी बेठअ द मणछ आसा पबित्र शास्त्रा पहल़दअ लागअ द। सह त याशायाह गूरै बोली दी गल्ले बारै पहल़दअ लागअ द, “तिन्नैं नियं सह डिलण करने भेडा ज़िहअ मिंम्मूं शांत रहा, तिहअ ई निं तेऊ बी किछ़ै बोलअ। तिन्नैं किअ तेऊ संघै बूरअ बभार, नां तेऊओ अदर किअ, तिन्नैं पाअ सह मारी ई।” ![](https://cdn.door43.org/obs/jpg/360px/obs-en-45-09.jpg) फिलिपुसै पुछ़अ तेऊ कूश देशे मणछा का, “तूह ज़ेता पहल़दअ आसा लागअ द, तेता तूह समझ़ा बी?” तेऊ दैनअ ज़बाब, “समझ़ निस्सी मुंह पल़ी, ज़ेभै तैणीं कुंण समझ़ाऊए निं तेभै तैणीं किधी च़ाल्ली मुंह समझ़ पल़ी, तूह बेश मूंह संघै रथा दी संघा समझ़ाऊ मुखा कि याशायाह अह गल्ल आपणैं बारै बोला कि कहा होरीए बारै?” ![](https://cdn.door43.org/obs/jpg/360px/obs-en-45-10.jpg) फिलिपुस उखल़अ रथा दी संघा बेठअ तेऊ संघै। तेखअ खोज़अ तेऊ कूश देशे बज़ीरा का इहअ कि अह आसा याशायाह गूरै ईशूए बारै लिखअ द। होर बी समझ़ाऊई फिलिपुसै तेऊ का पबित्र शास्त्रे खास्सी गल्ला। इहअ करै खोज़अ फिलिपुसै तेऊ कूश देशे बज़ीरा का खुशीओ समाद। ![](https://cdn.door43.org/obs/jpg/360px/obs-en-45-11.jpg) तेखअ पुजै तिंयां दुहै ज़ण्हैं किधी पाणीं नेल़, तिधी बोलअ तेऊ बज़ीरै, भाल़! इधी आसा पाणीं, ऐबै कुंण सका मुंह आपणैं पापे प्राश्त करना पाणीं दी डुबकी लणैं का रोक्की।” तेऊ बोलअ सारथी लै रथ खरैल़णा लै। ![](https://cdn.door43.org/obs/jpg/360px/obs-en-45-12.jpg) तिंयां डेऊऐ पाणींए आल़ी दी और फिलिपुसै दैनीं तेऊ कूश देशे बज़ीरा लै पाणीं दी डुबकी। ज़ांऊं तिंयां तिधा का बागै आऐ, पबित्र आत्मां च़कअ फिलिपुस तिधा का संघा पज़ैल़अ किधी होर्ती ज़ैगा। तिधी रहअ फिलिपुस लोगा का ईशूए बारै खोज़दअ लागी। ![](https://cdn.door43.org/obs/jpg/360px/obs-en-45-13.jpg) सह कूश देशो बज़ीर लागअ तिधा का खुशी-खुशी आजू हांढदअ कि तेऊ का आसा त ऐबै ईशूए बारै थोघ। *शधाणूं 6:8-8:5; 8:26-40 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_45_128kbps.m4a ## 46. स्तिफनुसा मारनै आल़ैओ साथी शाऊल बणअ विश्वासी। https://openbiblestories.org/l/kfx-x-outerseraji/story-46/ ![](https://cdn.door43.org/obs/jpg/360px/obs-en-46-01.jpg) एक त शाऊल नाओं मणछ सह बी निं ईशू दी विश्वास करदअ त। सह बी त तिन्नों साथी ज़ुंणी स्तिफनुस मारअ त, तेऊ सेटा तै तिन्नैं स्तिफनुसे झिकल़ै सभाल़ै दै, बादा का होरी विश्वासी लै उफद्रभ करनै आल़अ बी आसा त सह सोभी का आजू। तेऊ ढाकै तै येरूशलेम नगरी घरै-घरै डेऊई विश्वासी कै मर्ध कै बेटल़ी; संघा डाहै तै कैद खानै दी पाई। तेखअ छ़ाडअ माहा परोहितै शाऊल दमिश्क नगरी लै कि तिधे विश्वासी आणैं कैद करी करै बापस येरुशलेम नगरी लै। ![](https://cdn.door43.org/obs/jpg/360px/obs-en-46-02.jpg) शाऊल डेऊअ आपणैं आदमीं संघै दमिश्क नगरी लै। दमिश्क नगरी पजणैं का आजी हुअ तेऊ लै इहअ कि तेऊ का शुझुअ सरगै धैल़ी दपहरै एक इहअ च़मच़मांदअ प्रैशअ कि सह बधल़ुअ धरनीं। तेऊ का शुंण्हुंअ कुंण इहअ बोलदअ, “शाऊलआ, शाऊलआ! तूह किल्है आसा मुंह हंतदअ लागअ द?” शाऊल बोलअ, “प्रभू, तूह कुंण आसा?” तेऊ दैनअ ज़बाब, “हुंह आसा ईशू ज़हा हंतदअ तूह आसा लागअ द!” ![](https://cdn.door43.org/obs/jpg/360px/obs-en-46-03.jpg) शाऊल उझ़ुअ खल़अ और सह सह हुअ आछीओ काणअ और तेऊ का निस्सअ किछ़ै शुझुई। तेऊए साथी नियं सह दमिश्क नगरी लै। शाऊलै निं चिई धैल़ै तैणीं किछ़ै खाअ खाअ-पिअ आथी। ![](https://cdn.door43.org/obs/jpg/360px/obs-en-46-04.jpg) दमिश्क हनन्याह नाओं एक ईशूओ च़ेल्लअ, तेऊ लै बोलअ परमेशरै इहअ, “तूह डेऊ तेऊ घरा लै ज़िधी शाऊल आसा, तेऊए मुंडा प्रैंदै डाहै आपणअ हाथ ताकि तेऊए आछी का भिई शुझदअ लागे।” पर हनन्याह बोलअ इहअ, “हे प्रभू, पर मंऐं शूंणअ दा तेऊए बारै कि तेऊ आणै विश्वासी हंती-हंती मारी!” परमेशरै दैनअ तेऊ लै ज़बाब, “तूह डेऊ, मंऐं छ़ांटअ सह ई कि सह यहूदी और होरी ज़ाती सेटा डेऊई मेरै नांओंआ खोज़े। तेऊ भुगतणअ आजू मेरै नांओंआ पिछ़ू खास्सअ दुख।” ![](https://cdn.door43.org/obs/jpg/360px/obs-en-46-05.jpg) खिरी डेऊअ हनन्याह शाऊला सेटा, तेऊए मुंडै हाथ लाई करै बोलअ इहअ, “ईशू छ़ाडअ हुंह ताह सेटा लै ज़ुंण इधी पुजणैं का आजी बाता ताल्है प्रगट हुअ त, सह च़ाहा इहअ कि तेरी आछी का लोल़ी भिई शुझदअ लागअ और ताह दी लोल़ी पबित्र आत्मां बस्सी।” शाऊला का लागअ तेभी शुझदअ, तेखअ दैनी हनन्याह तेऊ लै पापे प्राश्त करना लै पाणीं दी डुबकी। तेखअ खाई शाऊलै रोटी और तैबै जाई फिरै तेऊ तराण। ![](https://cdn.door43.org/obs/jpg/360px/obs-en-46-06.jpg) तधा पोर्ही लागअ शाऊल दमिश्क नगरी रहणै आल़ै यहूदी का परमेशरे बारै खोज़दअ। तेऊ खोज़अ इहअ, “ईशू आसा परमेशरो शोहरू!” यहूदी लोग हुऐ रहैन किल्हैकि शाऊल ता विश्वासी मणछा मारदअ फिरा त, पर ऐबै किअ त तेऊ बी ईशू दी विश्वास। शाऊल रहअ यहूदी संघै हठल़दअ लागी और तेऊ खोज़अ तिन्नां का इहअ कि ईशू ई आसा त मसीहा। ![](https://cdn.door43.org/obs/jpg/360px/obs-en-46-07.jpg) खास्सै धैल़ै बाद किअ यहूदी इहअ एक्कअ कि शाऊल पाणअ किहअ करै मारी। तिन्नैं छ़ाडै तेऊ मारदै नगरीए प्रऊल़ी सेटा आपणैं आदमीं कि तेऊ रहै भाल़ै लागी कि सह नगरी बागै नां डेओए। पर शाऊला का गअ तिन्नें ऐहा गल्लो थोघ लागी और तेऊए साथी किई तिधा का बच़ी निखल़णे तेऊए मज़त। एकी राची पाअ तिन्नैं सह किरलै भितरी संघा छ़ड़ाऊअ नगरीए उछ़टी दुआली बाती उंधै। दमिश्क नगरी का बच़ी करै रहअ शाऊल ईशूए बारै गल्ला खोज़दअ लागी। ![](https://cdn.door43.org/obs/jpg/360px/obs-en-46-08.jpg) शाऊल डेऊअ होरी शधाणूं सेटा मिलदअ येरूशलेम नगरी लै, पर तिंयां डरा तै तेऊ का। तेखअ डेऊअ बरनबास नांओं विश्वसी शाऊला संघा लई शधाणूं सेटा लै। तेऊ खोज़ी तिन्नां का सारी गल्ला कि शाऊलै दमिश्क नगरी मसीहो किहअ प्रच़ार किअ। तेखअ मनअ शधाणूं शाऊल कि सह बी आसा तिन्नां संघै। ![](https://cdn.door43.org/obs/jpg/360px/obs-en-46-09.jpg) येरूशलेम नगरी विश्वासी लै उपद्रभ हणैं का बाद ज़ांऊं विश्वसी ओर्ही पोर्ही होर्ती नगरी लै छिंघुऐ, तिन्नां मांझ़ै डेऊए कोऐ विश्वासी उत्तर दिशा बाखा अन्ताकिआ नगरी लै संघा रहै तिधी ईशूए बारै लोगा का खोज़दै लागी। अंतआकिआ रहणै आल़ै लोग तै खासकर यहूदी ई, पर पैहली बारी हुअ इहअ कि खास्सै यहूदी किअ विश्वा। तेखअ डेऊऐ बरनबास और शाऊल इना यहूदी विश्वासी लै होर शिक्षा दैंदै तिधा लै और इहअ करै किई तिन्नैं तिधे विश्वसी टोली मज़बूत। अन्ताकिआ नगरी ई पल़अ ईशू दी विश्वास करनै आल़ैओ नांअं “मसीही”। ![](https://cdn.door43.org/obs/jpg/360px/obs-en-46-10.jpg) एकी धैल़ै तै अंताकिआ रहणैं आल़ै मसीही प्राथणां करदै लागै दै। पबित्र आत्मां बोलअ तिन्नां लै इहअ, “मुल्है करा बरनबास और शाऊला तेऊ कामा लै ज़ुदै ज़ेता लै मंऐं ईंयां शादै दै आसा।” तेखअ किई अंताकिआ विश्वासी टोली तिन्नां दुही लै प्राथणा और तिन्नें मुंडा प्रैंदै लाऐ हाथ और तेखअ छ़ाडै तिंयां होरी कई ज़ैगा लै ईशूए समादा खोज़दै। तिंयां दुहै रहै सोभी ज़ातीए लोगा लै शिक्षा दैंदै लागी और खास्सै लोगै किअ विश्वास। *शधाणूं 8:3; 9:1-31; 11:19-26; 13:1-3 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_46_128kbps.m4a ## 47. फिलिप्पी में पल़सी और सीलास https://openbiblestories.org/l/kfx-x-outerseraji/story-47/ ![](https://cdn.door43.org/obs/jpg/360px/obs-en-47-01.jpg) ज़हा-ज़हा देशै रोमीं राज़ आसा त, शाऊलै दैनी तिन्नां सोभी देशा दी हांढ और तेऊ तिन्नां देशै खोज़ा त सह आपणअ रोमीं नांअ पल़सी। एकी धैल़ै तै पल़सी और तेऊओ साथी फिलिप्पी नगरी ईशूए बारै खुशीए समादा खोज़दै डेऊऐ दै। तिंयां डेऊऐ नगरी बागै दरैऊए बाढै एकी ज़ैगा ज़िधी लोग प्राथणां करना लै कठा तै हुऐ दै। तिधी ती लुदिआ नाओंए एक बेटल़ी ज़ुंण ताम्बू बेच़णेंओ बपार करा ती। सह झ़ूरा ती परमेशरा लै खास्सी और कबल्ली रहा ती सह भगती लागी। ![](https://cdn.door43.org/obs/jpg/360px/obs-en-47-02.jpg) परमेशरे हुणाकार हुई एही कि लुदिआ किअ ईशू दी विश्वास, पल़सी और सीलासै दैनी तेसे सारै टबरा संघी पाप माफीए डुबकी। तैहा शादै पल़सी और सिलास आपणैं घरा लै प्राहुंणैं, तेखअ रहै तिंयां तिधी। ![](https://cdn.door43.org/obs/jpg/360px/obs-en-47-03.jpg) पल़सी और सीलास डेऊआ तै कबल्लै तिन्नां ज़ैगा लै ज़िधी यहूदी लोग प्राथणां करा तै। ज़िधी तिंयां धैल़ डेओआ तै, तिधी भाल़ी तिन्नैं एक दासी शोहरी सह ती भूतै आपणैं बशै किई दी और सह रहा ती तिन्नां पिछ़ू हांढदी लागी। तेऊ भूता करै फिरा ती सह लोगा का इहअ खोज़दी कि तिन्नां लै आजू तिन्नें ज़िन्दगी किज़ै हणअ। तिहअ करै खटा ती सह आपणैं मालका लै खास्सै ढब्बै। ![](https://cdn.door43.org/obs/jpg/360px/obs-en-47-04.jpg) तिन्नें डेऊंदी बारी लागा ती सह शोहरी ज़ोरै-ज़ोरै लैल़ा लाई इहअ बोलदी, “ईंयां आसा परम प्रधान परमेशरे शोहरू। ईंयां खोज़ा थारै मोक्ष भेटणें बात।” सह करा ती धैल़ इहअ और पौलूसा आई तैहा लै रोशै। ![](https://cdn.door43.org/obs/jpg/360px/obs-en-47-05.jpg) खिरी एकी धैल़ै ज़ांऊं सह भिई लैल़ा लांदी लागी, पौलूस फिरअ तैहा बाखा संघा बोलअ तेसा दी बस्सै दै तेऊ भूता लै, “ईशूए नाओंऐं निखल़ ऐहा शोहरी का पोर्ही।” तैहा शोहरी भेटअ तेभी तेऊ भूता का छ़ुटकारअ। ![](https://cdn.door43.org/obs/jpg/360px/obs-en-47-06.jpg) तैहा दासी शोहरीए मालका आई तेता पिछ़ू खास्सी रोश्शै, तिन्नां का लागअ थोघ कि तेऊ भुता बाझ़ी निं ऐबै सह शोहरी लोगा का तिन्नें आजू हणैं आल़ी गल्ला खोज़ी सकदी ती। एतो मतलब हुअ त इहअ कि नां लोगा तिन्नां लै ऐबै ढब्बै दैणैं और नां लोग पुछ़दै एछणैं तै। ![](https://cdn.door43.org/obs/jpg/360px/obs-en-47-07.jpg) तैहा दासी शोहरीए मालकै नियैं पल़सी और सीलास रोमीं अफसरा सेटा लै। तिन्नैं च़िक्कै तिंयां दुहै ज़ण्हैं संघा डाहै कैद खानै दी बंद करी। ![](https://cdn.door43.org/obs/jpg/360px/obs-en-47-08.jpg) तिन्नैं डाहै पल़सी और सिलास कैद खानै दी तैहा ज़ैगा ज़िधी सोभी खास्सै सपाहीओ पहरअ त। तिन्नैं डाहै तिन्नें खूर काठा जैंदरी जंदरी। पल़सी और सिलास लागै आधी परमेशरे ज़ै-ज़ैकारे गिहा बोलदै। ![](https://cdn.door43.org/obs/jpg/360px/obs-en-47-09.jpg) नभैऊशै हुई तिधी एक बडी ज़ाज़री! कैद खाने सारै दुआर खुल्है आप्पै और सोभी कैदीए शांघल़ी लोहै बी चुटै। ![](https://cdn.door43.org/obs/jpg/360px/obs-en-47-10.jpg) तेखअ उझ़ुअ दरोगअ निंजा का खल़अ, तेऊ भाल़ै कैद खाने सारै दुआर खुल्है। तेता भाल़ी ज़ाणअ तेऊ इहअ कि सारै कैदी ठुहरै हणैं। तेऊ पल़ी एही डर कि ठुहरनैं पिछ़ू पाणअ रोमीं अफसरा सह ई मारी। तेता का सोठअ तेऊ आपणैं हाथै आप्पै मरनअ! पर पल़ी लाई तेऊ भाल़ी करै हाक्का, “रुक, आप्पू लै निं किछ़ै हान्नीं करी। हाम्हैं सोभै आसा इधी।” ![](https://cdn.door43.org/obs/jpg/360px/obs-en-47-11.jpg) सह दरोगअ आअ डरदी काम्बदी पल़सी सेटा लै संघा पुछ़अ इहअ, “हुंह किज़ै करूं कि मुंह मोक्ष भेटे।” पल़सी दैनअ तेऊ लै ज़बाब, “प्रभू ईशू दी कर विश्वास तै जाणअ ताह तेरै टबरा संघी मोक्ष भेटी।” तेखअ नियैं तेऊ दरोगै पल़सी और सीलास आपणैं घरा लै संघा धोऐ तिन्नें ज़खम। तेखअ खोज़अ पल़सी तिन्नें सोभी टबरा का ईशूए बारै खुशीओ समाद। ![](https://cdn.door43.org/obs/jpg/360px/obs-en-47-12.jpg) दरोगै और तेऊए सारै टबरै किअ ईशू दी विश्वास और पल़सी और सीलासै दैनीं तिन्नां लै पापे प्राश्त करना लै डुबकी। तेखअ खैऊई दरोगै तिन्नां का रोटी। ![](https://cdn.door43.org/obs/jpg/360px/obs-en-47-13.jpg) दुजै धैल़ै आऐ नगरीए मुखिऐ तिन्नैं किऐ पल़सी और सीलास कैद खानै का आज़ाद और तिन्नां लै किअ हुकम कि फिलिप्पी नगरी का डेओआ दूर। तिंयां दुहै डेऊऐ लुदिआ और होरी साथी सेटा मिलदै, तेखअ लागै तिंयां नगरी का हांढदै। ईशूए बारै समाद रहअ सारै दी छिंघदअ लागी और टोली रही बढदी लागी। ![](https://cdn.door43.org/obs/jpg/360px/obs-en-47-14.jpg) पल़सी और होरी विश्वासी मुखिऐ दैनी कई नगरी दी हांढा। तिन्नैं खोज़अ सोभी का ईशूए बारै खुशीओ समाद। तिन्नैं लिखी टोली लै हौंसलै और शिक्षा दैणा लै कई च़िठी बी, तेता माझ़ै आसा कई च़िठी ज़ुंण पबित्र शात्रा दी बी आसा ज़ोल़ी दी। *शधाणूं 16:11-40 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_47_128kbps.m4a ## 48. ज़हा मसीहा छ़ाडणें बिधाता करार आसा ती किई दी, सह आसा ईशू। https://openbiblestories.org/l/kfx-x-outerseraji/story-48/ ![](https://cdn.door43.org/obs/jpg/360px/obs-en-48-01.jpg) ज़धू परमेशरै संसार बसाऊअ, तधू ती सोभै गल्ला भल्ली और पाप नांईं त किधी आथी ई। आदमीं और पैहली बेटल़ी झ़ुरा तै एकी दुजै लै खास्सै और तिंयां दुहै डाहा तै परमेशरा संघै संगत। तधू निं कोई रोग और मौत आथी ती। परमेशर बी च़ाहा त इहअ ई संसार। ![](https://cdn.door43.org/obs/jpg/360px/obs-en-48-02.jpg) राख्सै बस्सअ दानुंईं दी संघा किई तैहा बाती गल्ला, किल्हैकि सह च़ाहा त धोखअ दैणअ। तैहा बेटल़ी किअ आपणैं मर्धा तेऊ आदमींए खलाफ डेऊई पाप। तिन्नें पाप करनै पिछ़ू आई तधा ई ओर्ही मणछा लै मौत, तैही मरा धरती रहणैं आल़ै मणछ। ![](https://cdn.door43.org/obs/jpg/360px/obs-en-48-03.jpg) तेऊ पैहलै आदमीं और तेऊए बेटल़ी किअ पाप और तेता करै हुई होर बी कई बूरी गल्ला, तिंयां हुऐ तै ऐबै परमेशरा का दुशमणा ज़िहै दूऊ। तधा ओर्ही हआ हर मणछो ज़ल्म पापा ई संघै और हर मणछ हआ जल्मा का ई परमेशरे बैरी ज़िहअ। इहअ करै निं परमेशरा और मणछा मांझ़ै मेल़ ज़ोल़ आथी ई। पर परमेशर च़ाहा त मणछा संघै भिई तिहअ ई मेल़-ज़ोल़ डाहणअ ज़िहअ सोभी का पैहलै मणछा संघै थिअ। ![](https://cdn.door43.org/obs/jpg/360px/obs-en-48-04.jpg) परमेशरै डाही त इहअ सकल़्प करी कि तैहा पैहली बेटल़ीए ई आद-लुआदा का हणअ आजू एकी जुगै इहअ ज़हा तैहा दानुंईंए मतलब राख्से मुंडकी झेचणीं। परमेशरै इहअ बी बोलअ त कि दानुंईंए लुआदा दैणअ तेऊए घुंढी ढाम्ह। दुजै साबै बोले ता तेऊ पाणअ मसीहा मारी पर परमेशरा करनअ सह भिई ज़िऊंदअ। तेखअ करनी मसीहा तेऊ राख्सो बल सदा लै खतम। खास्सी साला बाद किअ ईशू इहअ प्रगट कि मसीहा आसा ईशू ई। ![](https://cdn.door43.org/obs/jpg/360px/obs-en-48-05.jpg) परमेशरै बच़ाऊऐ पाणींए प्रल़या का आपणैं तिंयां मणछ ज़हा सह संसारै आपणीं तैणीं डाहणैं आल़अ त। नूहा का बझ़ैल़अ तेऊ बडअ पाणींओं ज़हाज़ बणांणै ताकि सह तिन्नां मणछा बच़ाऊई सके ज़ुंण तेऊ दी विश्वास करा तै। सारै संसारे लोग तै मारनै ई जोगी हुऐ दै किल्है कि तिन्नैं किअ त पाप। पर परमेशरै छ़ाडअ तिन्नां सोभी बच़ाऊंणा लै ईशू एऊ संसारै ताकि ज़ुंण तेऊ दी विश्वास करे तिंयां बच़े। ![](https://cdn.door43.org/obs/jpg/360px/obs-en-48-06.jpg) खास्सी साला तैणीं रहअ इहअ रबाज़ कि परोहित करा तै बिधाता लै पशूओ बल़ीदान। सह हआ त एता लै कि लोगै किअ पाप और तेते बदल़ै किअ सह पशू बल़ीदान ताकि तिन्नां तेते सज़ा नां भेटे। पर तेऊ बल़ीदाना करै बी निं तिन्नें पाप माफ हंदै तै। ईशू आसा माहा परोहित, तेऊ किअ सह काम ज़ुंण कोहै निं करी सकदअ त। तेऊ किअ इहअ बल़ीदान ज़ेथ तेऊ आपणीं ई बल़ी दैनीं और ज़ेता करै संसारे सोभिए पाप सका माफ हई। तेऊ मनी अह गल्ल कि सारै संसारे बदल़ै भुगतणीं तेऊ एक्की सज़ा। इहअ करै हुअ ईशू महान माहा परोहित। ![](https://cdn.door43.org/obs/jpg/360px/obs-en-48-07.jpg) परमेशरै बोलअ त आबरामा लै, “मुंह दैणीं ताह करै संसारे सोभी खानदानीं लै बर्गत।” ईशू त एऊ ई आबरामें खांनदानी का। परमेशर दैआ आबरामे खानदानीं का संसारे सोभी खानदानीं लै बर्गत। किल्हैकि ज़ुंण ईशू दी विश्वास करा, परमेशर बच़ाऊआ तिन्नां सोभी पापा का। ज़ांऊं लोग ईशू दी विश्वास करा, तिंयां गण्हिंआं तेखअ आबरामे खानदानीं दी। ![](https://cdn.door43.org/obs/jpg/360px/obs-en-48-08.jpg) परमेशरै बोलअ त आबरामा लै कि आपणैं कल्ही शोहरू इसहाका कर तू तेऊ लै बल़ीदान। पर ज़ांऊं सह इहअ करनै आल़अ त, तेखअ दैनअ तिधी परमेशरै तेते बदल़ै गाभू कि सह इसहाके ज़ैगा तेऊ बल़ीदान करे। हाम्हैं सोभै तै म्हारै पापा पिछ़ू मारनै ई जोगी! परमेशरै दैनअ म्हारी ज़ैगा मरना लै ईशू बल़ीदाने रूपै। तैही बोला हाम्हैं ईशू लै परमेशरो मिम्मूं। ![](https://cdn.door43.org/obs/jpg/360px/obs-en-48-09.jpg) ज़ांऊं परमेशरै मिसर देशे लोगा लै छ़ैंहकी दस्सुई आफ़त छ़ाडी, तधू बोलअ परमेशरै इस्राएलीए सोभी टोला लै इहअ कि एक एक मिम्मू करै बल़ीदान ज़ेथ किछ़ै खोट निं होए। संघा डाहै आपणैं दुआरे मडोथरै और दुही दरिंडै तेतो लोधल़अ लाई। ज़ांऊं परमेशरे दूतै सह लोधल़अ भाल़अ, सह निखल़अ तिन्नें घरा का आजू और तिन्नें ज़ेठै शोहरू निं तेऊ मारै। ज़धू इहअ हुअ, तेता लै बोलअ परमेशरै ओवार्णैओ थैर। ![](https://cdn.door43.org/obs/jpg/360px/obs-en-48-10.jpg) ईशू आसा ओवार्णे थैरे मिम्मू ज़िहअ, तेऊ निं कधि किछ़ै पाप किअ और तेऊ दी निं एक बी गलती आथी ती। ज़धू सह बल़ीदान हुअ, तधू बी त ओवार्णैओ थैर। ज़ेभै कुंण ईशू दी विश्वास करा, तेभै दैआ ईशूओ लोहू तिन्ने पापे सांठ। सह आसा इहअ ई परमेशर निखल़ा तेऊ मणछा का आजू और तेऊ लै निं सज़ा दैंदअ। ![](https://cdn.door43.org/obs/jpg/360px/obs-en-48-11.jpg) परमेशरै ती इस्राएली लोगा संघै एक करार किई दी, किल्हैकि तिंयां लोग तै परमेशरै आपणीं खास परज़ा हणां लै छ़ांटै दै। पर ऐबै किई ती परमेशरै एही करार ज़ुंण सारै संसारे लोगा लै आसा ती। ज़ै संसारे कोही बी ज़ातीओ मणछ ऐहा नंऊंईं करारा मना, सह गण्हिंआं तेखअ परमेशरे पबित्र परज़ा संघै किल्हैकि तेऊ किअ ईशू दी विश्वास। ![](https://cdn.door43.org/obs/jpg/360px/obs-en-48-12.jpg) मूसा आसा त बिधातो गूर, ज़ुंणीं परमेशरे बारै लोगा का पूरअ ज़ोर लाई खोज़अ। पर ईशू आसा सोभी गूरा का महान गूर। सह आसा परमेशर और तैही ज़ुंण बी तेऊ बोलअ तिंयां तै परमेशरे काम और बैण। तैही आसा पबित्र शास्त्रा दी लिखअ द कि ईशू आसा परमेशरो बैण। ![](https://cdn.door43.org/obs/jpg/360px/obs-en-48-13.jpg) परमेशरै किई ती राज़ै दाबेदा संघै एही करार कि तेऊए ई खानदानीं दी हणअ आजू एक इहअ ज़हा सदा राज़ करनअ। ईशू आसा परमेशरो शोहरू मसीहा, और तेऊओ ज़ल्म हुअ राज़ै दाबेदे खानदानी का ज़ुंण ऐबै सदा लै माहाराज़अ आसा। ![](https://cdn.door43.org/obs/jpg/360px/obs-en-48-14.jpg) राज़अ दाबेद आसा त इस्राएल देशो राज़अ, पर ईशू आसा सारै संसारो राज़अ! सह एछअ स्वर्गा का भिई फिरी संघा करनअ तेऊ सदा लै नसाफ और मेल़-ज़ोल़ करी राज़। *मूल़ 1-3, 6, 14, 22; लुआह 12, 20; 2 शमूएल 7; इब्रानी 3:1-6, 4:14-5:10, 7:1-8:13, 9:11-10:18; प्रगट किई दी गल्ला 21 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_48_128kbps.m4a ## 49. परमेशरे नऊंईं करार https://openbiblestories.org/l/kfx-x-outerseraji/story-49/ ![](https://cdn.door43.org/obs/jpg/360px/obs-en-49-01.jpg) एकी स्वर्ग दूतै बोलअ एकी कुंआरी शोहरी मरिअमा लै कि ताह दैणअ परमेशरे शोहरू लै ज़ल्म। सह ती अज़ी कुंआरी, पर सह हुई पबित्र आत्मां करै पैरभारी। तैहा दैनअ एकी शोहरू लै ज़ल्म और तेऊ नांअ डाहअ ईशू। ईशू आसा मणछ और परमेशर दुहै। ![](https://cdn.door43.org/obs/jpg/360px/obs-en-49-02.jpg) ईशू ज़ुंण महान च़मत्कार किऐ तेता का लागा थोघ कि सह आसा परमेशर। सह हांढअ डुघै पाणींए समुंदरा प्रैंदै, बडै-ढिश बागर हआ तै तेऊए एकी बैणा बोल़णैं करै शांत। मणछा ज़िहै बी नबिज़रै रोग तै तिंयां किऐ तेऊ नरोगै। बडै का बडै भूत निखल़ा तै तेऊए डरै दूर। तेऊ किऐ मूंऐं दै मणछ बी भिई ज़िऊंदै। होछ़ी-होछ़ी दूई म्हाछ़ली और पांज़ रोटी ज़ुंण ज़ेता करै एक मणछ बी राम्बल़ै करै निं रज़दअ, तिंयां खैऊई तेऊ पांज़ हज़ारा लोगा का रज्ज़ी! ![](https://cdn.door43.org/obs/jpg/360px/obs-en-49-03.jpg) ईशू त एक महान गूरू, ज़ुंण बी तेऊ सखाऊअ, सह सखाऊअ तेऊ सिद्ध गूरू ज़िहअ। ज़िहअ सह करना लै बोला तिहअ लागा लोगा करनअ किल्हैकि सह आसा परमेशरो शोहरू। ज़िहअ कि सह बोलअ इहअ, “तम्हैं डाहा सोभी संघै एही झ़ूरी ज़िहै तम्हैं आप्पू लै झ़ूरा।” ![](https://cdn.door43.org/obs/jpg/360px/obs-en-49-04.jpg) तेऊ दैनी एही शिक्षा कि धन-माया का खास्सअ लागा मणछा परमेशरा लै झ़ुरनअ। ![](https://cdn.door43.org/obs/jpg/360px/obs-en-49-05.jpg) तेऊ खोज़अ इहअ कि संसारे बडै-बडै खज़ानै भेटणै का भलअ आसा परमेशरे राज़ा दी हणअ। परमेशरे राज़ा दी पुजणां लै आसा ज़रूरी कि परमेशर तम्हां पापा का बच़ाऊए। ![](https://cdn.door43.org/obs/jpg/360px/obs-en-49-06.jpg) ईशू आसा आप्पै खोज़अ त कि कई लोगा मनणआ सह और परमेशरा हेरनै तिंयां मणछ बच़ाऊई। पर कई निं सह मनणअ। एता लै खोज़ी तेऊ एक कथाहणी कि कोऐ मणछ आसा रज़दी-पज़दी ज़िम्मी ज़िहै ज़ुंण ईशूए बारै खुशीओ समाद मना और परमेशर बच़ाऊआ तिन्ना। पर कोऐ मणछ आसा बाते बाढै काठी ज़िम्मी ज़िहै, परमेशरो बैण पल़ा तेथ बेज़ै ज़िहअ पर तिधी निं किछ़ै पज़दअ और ईंयां निं ईशूए बारै खुशीओ समाद मंदै और तेऊए राज़ा दी डेऊंणैं का बी हटा तिंयां पिछ़ू। ![](https://cdn.door43.org/obs/jpg/360px/obs-en-49-07.jpg) ईशू दैनी एही शिक्षा कि परमेशर करा पापी मणछा लै बी झींण, सह च़ाहा तिन्नां माफ करी आपणीं लुआद बणांणअ। ![](https://cdn.door43.org/obs/jpg/360px/obs-en-49-08.jpg) ईशू आसा इहअ बी खोज़अ द कि परमेशर का पापा का नफरत। पैहलै मणछ आदमीं और तेऊए बेटल़ी किअ पाप और तिन्नें सारी आद-लुआद हुई तिन्नां पिछ़ू पापी। इहअ करै आसा संसारै रहणैं आल़अ हरेक मणछ परमेशरा का दूर और पाप हणैं पिछ़ू आसा सोभै परमेशरा लै दुशमणा ज़िहै। ![](https://cdn.door43.org/obs/jpg/360px/obs-en-49-09.jpg) पर परमेशरै किई संसारे सोभी मणछा लै एही झ़ूरी कि तेऊ दैनअ आपणअ कल्ही शोहरू संसारे पापे बदल़ै बल़ीदान हणैं ताकि ज़ुंण तेऊ दी विश्वास करे सह लोल़ी पापे सज़ा का बच़अ और तिंयां लोल़ी तेऊ संघै सदा रहै। ![](https://cdn.door43.org/obs/jpg/360px/obs-en-49-10.jpg) मणछ आसा तै मरनै ई जोगी किल्हैकि तिन्नैं किअ पाप और परमेशरे घोर सज़ा भेटणीं आसा तिन्नां लै ज़ाईज़। पर तिन्नें बदल़ै पल़अ सारअ कोप ईशू लै और तेऊ भेटी तिन्ने बदल़ै क्रूसा दी मौते सज़ा। ![](https://cdn.door43.org/obs/jpg/360px/obs-en-49-11.jpg) ईशू निं कधि किछ़ै पाप किअ, पर परेशरै दैनी तेऊ लै संसारे बदल़ै सज़ा। तेऊ निं मरना लै बी नांह किअ और संसारे सोभी मणछे पाप आपणीं कान्हां च़की किअ तेऊ आपणअ सिध्द बल़ीदान। सह हुअ परमेशरा लै आप्पू ई परमेशरा लै बल़ी दान। तैही करा परमेशर ईशू दी विश्वास करनै आल़ै मणछो घोर का घोर पाप बी माफ। ![](https://cdn.door43.org/obs/jpg/360px/obs-en-49-12.jpg) च़ाऐ मणछ ज़ेतरै बी भलै का किल्है निं करे, तेता करै निं मणछ बच़ी सकदअ, संसारे कामा करै निं मणछ परमेशरा राज़ी करी सकदै। मणछा लागणअ विश्वास करनअ कि ईशू आसा परमेशरो शोहरू और तिन्नें बदल़ै हुअ सह क्रूसा दी बल़ीदान, और परमेशरै किअ सह भिई ज़िऊंदअ। ज़ै कुंण मणछ इहअ विश्वास करे, परमेशरा करनै तिन्नें पाप माफ। ![](https://cdn.door43.org/obs/jpg/360px/obs-en-49-13.jpg) परमेशरा बच़ाउंणअ सह हरेक मणछ ज़ुंण ईशू दी विश्वास करा और आपणअ प्रभू मना। पर ज़ुंण तेऊ दी विश्वास निं करे; तिंयां निं बच़दै। एतो निं किछ़ै फरक पल़अ कि तम्हैं सेठ आसा कि गरीब, मर्ध आसा कि बेटल़ी, प्रोढै आसा कि खारकै, कि तम्हैं किधी रहा। परमेशर करा सोभी लै झ़ूरी और झींण, सह च़ाहा इहअ कि मणछ ईशू दी विश्वास करे और तेऊ संघै तिन्नों मेल़-ज़ोल़ होए। ![](https://cdn.door43.org/obs/jpg/360px/obs-en-49-14.jpg) ईशू आसा तम्हां शाददअ लागअ द, तेऊ दी करा विश्वास संघा दैआ आपणैं पापे प्राश्त करना लै पाणीं दी डुबकी। तम्हां विश्वास आसा कि ईशू आसा कल्ही परमेशरो शोहरू, और सह ई आसा मसीहा? तम्हैं ऐहा गल्ला मना कि तम्हैं आसा पापी और तेता लै आसा तम्हैं परमेशरे सज़ा जोगी? तम्हैं विश्वास करा कि ईशू हुअ थारै पापा धोणा लै क्रूसा दी बल़ीदान? ![](https://cdn.door43.org/obs/jpg/360px/obs-en-49-15.jpg) ज़ै तम्हैं ईशू दी और ज़ुंण तेऊ तम्हां लै किअ; तिन्नां गल्ला दी विश्वास करा, तै आसा तम्हैं बी मसीही! तै हुऐ तम्हैं राख्से न्हैरै राज़ा का आज़ाद। ऐबै आसा तम्हैं परमेशरे प्रैशे राज़ा दी। तेऊ हेरै तम्हैं ऐबै पाप करनै का रोक्की ज़ुंण तम्हैं आझ़ तैणीं करदी आऐ। तेऊ दैनीं तम्हां लै नऊंईं, असली ज़िन्दगी। ![](https://cdn.door43.org/obs/jpg/360px/obs-en-49-16.jpg) ज़ै तम्हैं मसीही आसा, तै हुऐ तेता करै थारै पाप माफ ज़ुंण ईशू किअ। ऐबै निं तम्हैं परमेशरा लै दुशमणा ज़िहै रहै पर ऐबै हुऐ तम्हैं तेऊए आपणैं खास साथी ज़िहै। ![](https://cdn.door43.org/obs/jpg/360px/obs-en-49-17.jpg) ज़ै तम्हैं परमेशरे साथी और प्रभू ईशूए सेऊआ करनै आल़ै आसा, तै झ़ूरनअ तम्हां तिन्ना गल्ला मनणा लै ज़ुंण ईशू तम्हां का सखाऊआ। च़ाऐ तम्हैं ऐबै मसीही बी आसा, तज़ी बी रहा राख्स तम्हां पाप करना लै पटंकदअ लागी। परमेशर करा सदा तिहअ ई ज़िहअ सह बोली हेरा और तेऊ करनअ बी। सह बोला इहअ कि ज़ै तम्हैं आपणैं पाप मने, तै हेरनै तेऊ थारै पाप माफ करी। तेऊ दैणअ तम्हां लै बल कि तम्हैं पापे खलाफ जुध ज़िती सके। ![](https://cdn.door43.org/obs/jpg/360px/obs-en-49-18.jpg) परमेशर च़ाहा इहअ कि तम्हैं तेऊ सेटा अरज़ करे और पबित्र शास्त्र पहल़े कि सह किज़ै बोला। होरी विश्वास करनै आल़ै संघै तम्हैं संगत डाहे। होरी लोगा का बी लागा तम्हां खोज़णअ कि परमेशरै तम्हां लै किज़ै किअ। ज़ै तम्हैं इना कामा करे; तै हणै तम्हैं तेऊए खास साथी। *रोमी 3:21-26, 5:1-11; युहन्ना 3:16; मरकुस 16:16; कुलुस्सी 1:13-14; 2 कुरिन्थी 5:17-21; 1 युहन्ना 1:5-10 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_49_128kbps.m4a ## 50. ईशू एछाणअ भिई फिरी https://openbiblestories.org/l/kfx-x-outerseraji/story-50/ ![](https://cdn.door43.org/obs/jpg/360px/obs-en-50-01.jpg) कोई दूई हज़ार साला ओर्ही आसा संसारै हर ज़ैगा खास्सै लोग मसीहा ईशूए बारै खुशीओ समाद खोज़दै लागै दै। मसीही टोली आसा लागी दी बढदी ई। ईशू आसा ज़बान दैनीं दी कि ज़ेभै अह संसार खतम हणअ; तेभै एछणअ सह भिई फिरी। एही ता निं सह आज़ी बापस आअ आथी, पर तेऊ करनीं आपणीं ज़बान पूरी। ![](https://cdn.door43.org/obs/jpg/360px/obs-en-50-02.jpg) हाम्हैं सोभै आसा मसीहा ईशू बापस एछदै न्हैल़ै लागै दै, परमेशर च़ाहा ईहअ कि हाम्हैं पबित्र ज़िन्दगी ज़िऊए ज़ेता करै तेऊओ अदर हआ। ज़धू ईशू एऊ संसारै आसा त; तेऊ आसा इहअ बोलअ द, “ज़ांऊं मेरै च़ेल्लै संसारै सोभी ज़ैगा परमेशरे राज़े बारै खुशीओ समाद खोज़ी मुक्कणैं; तेखअ एछणअ एऊ संसारा खतम हणैंओ बगत।” ![](https://cdn.door43.org/obs/jpg/360px/obs-en-50-03.jpg) संसारै आसा एही कई ज़ाती ज़ुंणीं ईशूए बारै अज़ी शूंणअ बी निं आथी। ज़धू ईशू स्वर्गअ लै डेऊअ, तधू डाहअ तेऊ मसीही मणछा लै इहअ बोली कि तिन्नां का लऐ खुशीओ समाद खोज़ी ज़ुंणीं नांईं शूंणअ आथी। इशू बोलअ इहअ, “डेओआ, सोभी ज़ाती बणांआं मेरै च़ेल्लै! फसल ग्ई लऊंणां लै हई।” ![](https://cdn.door43.org/obs/jpg/360px/obs-en-50-04.jpg) ईशू आसा इहअ बी बोलअ द, “कोहै दास निं आपणैं मालका का बडअ हंदअ। एऊ संसारे खास मणछै किई मुल्है नफरत। मुंह पिछ़ू हंतणैं तिन्नां तम्हैं बी और कई पाणैं तम्हां मांझ़ै मारी बी! एऊ संसारै लागणअ तम्हां दुख ज़िरनअ, पर तम्हैं बणां पाक्कै किल्हैकि मंऐं हेरअ सह राख्स हारी ज़ुंणीं अह संसार काबू त डाहअ द करी। ज़ै तम्हैं खिरी तैणीं भरोस्सैमंद रहे; तै हेरनै परमेशरा तम्हैं बच़ाऊई।” ![](https://cdn.door43.org/obs/jpg/360px/obs-en-50-05.jpg) एहा गल्ला समझ़ाऊंणा लै खोज़ी ईशू एक कथाहणीं कि ज़ेभै संसार खतम हणअ तेभै लोगा संघै किहअ-किहअ हणअ। ईशू खोज़अ एऊ साबै, “एकी मणछै बऊअ आपणैं खेचै बधिआ कणको बेज़अ। सह त सुत्तअ द और तेऊए बैरी डाहअ तेऊ कणके बेज़ै जैंदरी लबहरेओ बेज़अ छिंगी संघा लागअ सह हांढदअ।” ![](https://cdn.door43.org/obs/jpg/360px/obs-en-50-06.jpg) ज़ांऊं गिंहूं बाडै हुऐ; तेऊए दासै बोलअ तेता भाल़ी इहअ, ‘मालक, तंऐं ता बधिआ बेज़अ बऊअ त, एथ ईंयां लबहरै किधै का आऐ?’ मालकै बोलअ इहअ, ‘अह इहअ काम सका मेरै दुशमण ई करी, अह आसा कुंण दुशमण ज़ुंणी इहअ काम किअ।’ ![](https://cdn.door43.org/obs/jpg/360px/obs-en-50-07.jpg) तिन्नैं दासै दैनअ आपणै मालका लै इहअ ज़बाब, ‘तै हाम्हैं कै करमैं, इना लबहरै पोर्ही पाऊं पेच़ी?’ मालकै बोलअ इहअ, ‘नांईं पेच़ी, ज़ै तम्हैं इहअ करे; तेता संघै सका गिंहूंए झोट बी पेछ़ुई। लऊंणीं तैणीं लआ इना न्हैल़ी, तेभै लाणअ लबहरे डाल़ीओ एकी ज़ैगा रूल़ संघा चैल़णीं तेथ आग और गिंहूं करनै खहल़ै कठा।’” ![](https://cdn.door43.org/obs/jpg/360px/obs-en-50-08.jpg) च़ेल्लै निं ऐहा कथाहणींओ मतलब समझ़ै, तैही बोलअ तिन्नैं इशू लै कि एता समझ़ाऊ। ईशू बोलअ इहअ, “राम्बल़ै बेज़ै बऊणैं आल़अ मणछ आसा मसीहा, अह संसार आसा खेचा ज़िहअ। बधिआ बेज़अ आसा परमेशरे राज़े लोग।” ![](https://cdn.door43.org/obs/jpg/360px/obs-en-50-09.jpg) लबहरै आसा तेऊ कदुष्ट राख्से साबै ज़िऊंणै आल़ै मणछ। दुशमण आसा सह राख्स ज़ुंणीं ईंयां लबहरै बऊऐ। लऊंणीं आसा सह बगत ज़ेभै संसार खतम हणअ और लऊंणै आल़ै आसा परमेशरे स्वर्ग दूत।” ![](https://cdn.door43.org/obs/jpg/360px/obs-en-50-10.jpg) “ज़ेभै संसार खतम हणअ; तेभै करनै स्वर्गतूता तिंयां मणछ एकी ज़ैगा कठा ज़ुंण तेऊ राख्से आसा। तिन्नां शोटणैं तिंयां बडै आगीए कूंडा दी। तिधी लागणअ तिन्नां घोर कष्‌ट ज़िरनअ और किर्ही-किर्ही मरनअ। पर ज़ुंण तम्हैं धर्मीं मणछ ज़ुंणी ईशूए साबै ज़िन्दगी ज़िऊई, तिंयां च़मकणै परमेशरे राज़ा दी सुरज़ा ज़िहै।” ![](https://cdn.door43.org/obs/jpg/360px/obs-en-50-11.jpg) ईशू बोलअ इहअ बी कि संसार संसारा खतम हणैं का आजी एछणअ सह पृथूई लै फिरी। ज़िहअ सह डेऊ सह एछणअ तिहअ ई फिरी। मतलब तेऊ का हणीं एही ई मणछा ज़ेही देही और सह एछणअ सरगै बादल़ा दी शुंआर हई। ज़ेभै ईशू फिरी एछै तेभी हणैं तिंयां मसीही मणछ बी ज़िऊंदै ज़ुंण मरी आसा गऐ दै और तिंयां पुजणैं प्रभू मिलदै सरगै। ![](https://cdn.door43.org/obs/jpg/360px/obs-en-50-12.jpg) ज़ुंण मसीही तेभै ज़िऊंदै होए तिंयां च़कणैं तिहै ई हेरा-हेरी उझै सरगा लै तिन्नां ई सेटा ज़ुंणी मरी करै ज़िऊंदै हुऐ। तिंयां सोभै रहणैं ईशू संघै और तधा पोर्ही रहणअ ईशू आपणीं परज़ा संघै और तेखअ हणीं सदा लै पठी शांती। ![](https://cdn.door43.org/obs/jpg/360px/obs-en-50-13.jpg) ज़ुंण ईशू दी विश्वास करे, तिन्नां लै आसा ईशू बोलअ द कि तिन्नां लै दैणअ तेऊ एक-एक अदरो मुगट। तिन्नां करनअ परमेशरा संघै रही सदा राज़ और तिन्नां का हणीं अटल़ शांती। ![](https://cdn.door43.org/obs/jpg/360px/obs-en-50-14.jpg) पर परमेशरा करनअ तिन्नां सोभीओ नसाफ ज़ुंण ईशू दी विश्वास निं करदै, तिंयां पाणैं तेऊ नरकै। तिधी हणैं तिंयां लेरदै और दांदा कटिल्लदै और सदा लै दाह ज़िरदै। तिंयां रहणैं एही आगी दी दझ़दै लागी ज़ुंण कधि निं हिशदी और तिन्नां पल़णैं इहै कील़ै ज़ुंण कधि निं खाई रज़दै। ![](https://cdn.door43.org/obs/jpg/360px/obs-en-50-15.jpg) ज़ेभै ईशू फिरी एछणअ, तेऊ करनअ सह राख्स और तेऊओ राज़ पठी खतम। सह राख्स बी पाणअ नरके आगी जैंदरी। तिधी रहणअ सह तिन्नां संघै सदा दझ़दअ लागी ज़ुंण परमेशरे गल्ला छ़ाडी तेऊ राख्से जाणैं लागै तै। ![](https://cdn.door43.org/obs/jpg/360px/obs-en-50-16.jpg) किल्हैकि पैहलै आदमीं और तेऊए बेटल़ी चोल़अ परमेशरो हुकम और इहअ करै आणअ तिन्नैं एऊ संसारा दी पाप। तिन्नां लै लागअ परमेशरो फिटक और परमेशरै किअ त तिन्नां खतम करनैओ बच़ार। पर बादा का बणाणअ परमेशरा नऊंअ स्वर्ग और पृथूई ज़ेथ सत्त ई सत्त हणअ। ![](https://cdn.door43.org/obs/jpg/360px/obs-en-50-17.jpg) तैहा नऊंईं पृथूई दी बस्सणैं ईशू और तेऊए परज़ा संघा हणअ तिन्नों राज़ सोभी गल्ला दी सदा लै। ईशू टुशणैं लोगे आछी का आशू। तेखअ निं कोही दाह-दुख हणअ, नां लेर-पकार हणीं, ना मौत। तिधी निं बूराई नाओंए कोई च़ीज़ हणीं। ईशूए राज़ा दी हणअ नसाफ, शान्ती और तेऊ रहणअ आपणीं परज़ा संघै सदा। *मत्ती 24:14; 28:18; युहन्ना 15:20, 16:33; प्रगट किई दी गल्ला 2:10; मत्ती 13:24-30, 36-42; 1 थिस्सलुनी 4:13-5:11; याकूब 1:12; मत्ती 22:13; प्रगट किई दी गल्ला 20:10, 21:1-22:21 का पबित्र शास्त्रे एक काहणीं* Audio: https://git.door43.org/OBS-TLF/kfx-x-outerseraji_obs/releases/download/v1/kfx-x-outerseraji_obs_v1_50_128kbps.m4a