# unfoldingWord Open Bible Stories — Kullu Pahari (Pahari, Kullu)

- Language code: `kfx`
- Canonical page: https://openbiblestories.org/l/kfx/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Kullu Pahari translation; it is not a translation of the whole Bible.

## 1. दुनिया री शुरुआत

https://openbiblestories.org/l/kfx/story-1/

![](https://cdn.door43.org/obs/jpg/360px/obs-en-01-01.jpg)

ऐण्ढी तैरहा शुरूआती न परमेश्वरै सैभ चीजा री सृष्टि केरी। परमेश्वरै छ़ौह रोज़ा न ऐ दुनिया होर ज़ो किछ़ एता न सा,सौ बणाऊ। होर धौरती बनाणै न पैहलै धौरती निहारै सैंघै भौरुईदी ती होर सुनसान ती होर परमेश्वरै री आत्मा पाणी पैंधै मण्डरा ती।

![](https://cdn.door43.org/obs/jpg/360px/obs-en-01-02.jpg)

तैबै परमेश्वरै बोलू,“प्याशा हो” तैबै प्याशा हुआ। परमेश्वरै प्याशा हेरू कि शोभला सा होर परमेश्वरै तेई प्याशै बै ध्याड़ बोलू। परमेश्वरै प्याशा निहारै न आंगी केरू होर तेई निहारै बै परमेश्वरै रात बोलू। परमेश्वरै पैहिलै रोज़ै प्याशा बणाऊ।

![](https://cdn.door43.org/obs/jpg/360px/obs-en-01-03.jpg)

दुनिया बनाणै न दुज़ै रोज़ै परमेश्वरै बोलू, "पाणी रै ऊझै अंतर हुआ लोड़ी" होर एक अंतर हुआ परमेश्वरै तेई अंतरा बै "सर्ग" बोलू।

![](https://cdn.door43.org/obs/jpg/360px/obs-en-01-04.jpg)

त्रिजै रोज़ै परमेश्वरै धौरती न पाणी आँगी केरू होर शुकी धौरती बै ज़मीन होर कठा हुऐदै पाणी बै समुन्द्र बोलू।

![](https://cdn.door43.org/obs/jpg/360px/obs-en-01-05.jpg)

तैबै परमेश्वरै धौरती न हर किस्मै रै बौण-बुटै लागणै बै बोलू, होर तैण्ढाऐ हुआ। तैबै परमेश्वरै हेरू कि जो सैभ किछ़ तेइयै बणाऊ ती सौ शोभला ती।

![](https://cdn.door43.org/obs/jpg/360px/obs-en-01-06.jpg)

सृष्टि रै च़ोउथै रोज़ै परमेश्वरै सूरज़, ज़ोथ होर तारै बणाऐ। परमेश्वरै ध्याड़ी री तैंईंयैं सूरज़ होर राती बै प्याशा केरनै री तैंईंयैं ज़ोथ होर तारै बणाऐ होर मौसम, होर बौर्षा री पछ़ियाणै री तैंईंयैं ऐ बणाऐ।

![](https://cdn.door43.org/obs/jpg/360px/obs-en-01-07.jpg)

पोंज़ुऐ रोज़ै परमेश्वरै पाणी न तैरनू आल़ै सैभी किस्मै रै जन्तु होर सर्गा न उड़नू आल़ै सैभी किस्मै रै च़ीड़ू बणाऐ। परमेश्वरै हेरू कि सैभ किछ़ शोभला सा होर तिन्हां बै आषीश धिनी।

![](https://cdn.door43.org/obs/jpg/360px/obs-en-01-08.jpg)

सृष्टि रै छौऊऐ रोज़ै परमेश्वरै बोलू, “धौरती पैंध रेंगणु आल़ै सैभ किस्मा रै पशु हुऐ लोड़ी।"होर परमेश्वरै रै बोलणै रै मुताबक ऐण्ढाए हुआ। तिन्हांन किछ़ पशु पालतू ती, किछ़ धौरती पैंधै रेंगणु आल़ै, होर किछ़ जंगली पशु ती होर परमेश्वरै हेरू कि ऐ शोभला सा।

![](https://cdn.door43.org/obs/jpg/360px/obs-en-01-09.jpg)

तैबै परमेश्वरै बोलू, “आसा मांहणु आपणै रूपा न आपू सांही बनाणै। होर तिन्हां हागै धौरती होर धौरती रै सैभी पशु रा अधिकार देणा।”

![](https://cdn.door43.org/obs/jpg/360px/obs-en-01-10.jpg)

तैबै परमेश्वरै धौरती रा माटा लेऊ होर तेथै लाइया एक मांहणु बणाऊ होर तेईन ज़िंन्दगी रा शाह फुकरू। एई मांहणु रा नाँ आदम डाहू। परमेश्वरै आदमा बै रौहणै री तैंईंयैं एक बगीच़ा बणाऊ होर तेई बगीच़ै री हेर-शुण केरनै री तैंइयै सौ तौखै रखू।

![](https://cdn.door43.org/obs/jpg/360px/obs-en-01-11.jpg)

तेई बगीच़ै मौंझै परमेश्वरै दुई खास बूटै लाऐ, एक ज़िन्दगी रा बूटा होर दुजा भलै होर बुरै रै ज्ञाना रा बुटा लाऊ। परमेश्वरै आदमा बै बोलू, “तू एई बगीच़ै रै सैभी फौल़ा बै खाई सका सा, पर इन्हां दूई बुटै रै फौल़ा बै नी खाई सकदा। अगर तू इन्हां दूई बुटै रै फौल़ा बै खाला ता, तौ मौरना।”

![](https://cdn.door43.org/obs/jpg/360px/obs-en-01-12.jpg)

तैबै परमेश्वरै बोलू, “आदमा रा केल्हा रौहणा सही नी ऑथी।” पर पशु मौंझ़ै न कोई भी आदमा रा सैंघी नी थी बणी सकदा।

![](https://cdn.door43.org/obs/jpg/360px/obs-en-01-13.jpg)

तैबै परमेश्वरै आदम गहरी नींजा न पाऊ होर परमेश्वरै आदमै रै परोशै सैंघै एक बेटड़ी बणाई होर सौ आदमा हागै आणी।

![](https://cdn.door43.org/obs/jpg/360px/obs-en-01-14.jpg)

ज़ैबै आदमै सौ हेरी ता बोलू, “ऐ मूँ सांही सा।” तैबै आदमै तेसरा नाँ हवा डाऊ। ऐसा बजहा न एक आदमी आपणै आमा होर बापू बै छ़ौड़िया आपणी लाड़ी सैंघै एक होआ सा।

![](https://cdn.door43.org/obs/jpg/360px/obs-en-01-15.jpg)

परमेश्वरै आपणै रूपा न मर्द होर बेटड़ी बणाऐ होर परमेश्वरै हेरू कि शोभला सा ता परमेश्वरै तिन्हां बै आशीष धिनी होर बोलू, “फुला-फ़ौला होर सारी धौरती न फैला।” इन्हरा बणना छ़ौउऐ रोज़ै हुआ ती।

![](https://cdn.door43.org/obs/jpg/360px/obs-en-01-16.jpg)

ज़ैबै सौतुआ रोज़ आऊ ता परमेश्वरै आपणा कोम पूरा केरू ती। परमेश्वरै सौतुऐ रोज़ै बशाँ केरू। तेइयै सौतुऐ रोज़ा बै आशीष धिनी होर सौ पवित्र बणाऊ, किबैकि एई रोज़ै परमेश्वरै बशाँ केरू। ऐण्ढी तरहै परमेश्वरै सारा ब्रह्माण्ड होर ऐ सैभ किछ़ बणाऊ।

*उत्पति अध्याय 1-2 न बाइबला री एक कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_01_128kbps.m4a

## 2. पाप दुनिया न ऐज़ा सा

https://openbiblestories.org/l/kfx/story-2/

![](https://cdn.door43.org/obs/jpg/360px/obs-en-02-01.jpg)

आदम होर तेइरी लाड़ी परमेश्वरै बणाऐदै शोभलै बगीच़ै न बोहू खुश ती। ते नाँगै ती पर दुनियां न कोई पाप नी ती ऑथी एसा बजहा न तिन्हां बै कोई शर्म महसूस नैंई हुई। ते बगीच़ै न च़ला-फिरा ती होर परमेश्वरा सैंघै गैला केरा ती।

![](https://cdn.door43.org/obs/jpg/360px/obs-en-02-02.jpg)

पर बगीच़ै न एक च़लाक कीड़ा ती। तेइयै तेसा बेटड़ी न पुछ़ू, “कि सच़िऐ परमेश्वरै तुसा बै ऐई बगीच़ै रै कौसी भी बूटै रै फौल़ खाँणै बै नाँह केरू सा?”

![](https://cdn.door43.org/obs/jpg/360px/obs-en-02-03.jpg)

तेसै बेटड़िऐ जवाब धिना, “परमेश्वरै आसा बै बोलू सा कि भलै बुरै रै ज्ञानै रै बुटै रै फ़ौला बै छ़ौड़िया आसै सैभी बुटै रै फ़ौला बै खाई सका सी। परमेश्वरै बोलू सा, अगर तुसै एई फ़ौला बै खालै होर छ़ुँगलै भी ता तुसा मौरना।”

![](https://cdn.door43.org/obs/jpg/360px/obs-en-02-04.jpg)

तेई कीड़ै तेसा बेटड़ी बै जवाब धिना, “ऐ सच़ नैंई ऑथी। परमेश्वर ऐ ज़ाणा सा कि ज़ैबै तुसै तेई फ़ौला बै खालै ता तुसा तेई सांही होणा होर तेई सांही भलै होर बुरै रा ज्ञान समझणा।”

![](https://cdn.door43.org/obs/jpg/360px/obs-en-02-05.jpg)

तेसै बेटड़िऐ हेरू कि ऐ फ़ौल़ बड़ा शोभला सा होर मीठा सा होर सौ बुद्धिमान भी बणना चाहा ती ता तेसै सौ फ़ौल़ चोड़िया खाऊ होर आपणै लाड़ै बै भी धिना होर तेइयै भी सौ खाऊ।

![](https://cdn.door43.org/obs/jpg/360px/obs-en-02-06.jpg)

तैबै चानक तिन्हरी औछी खुली होर तिन्हां बै पता च़लू कि ते नाँगै सी होर तिन्है आपणी देह खौटणै री तैंईंयैं पौचा चोड़िया झिकड़ै बनाणै री कोशिश केरी।

![](https://cdn.door43.org/obs/jpg/360px/obs-en-02-07.jpg)

तैबै आदम होर तेइरी लाड़ियै बगीच़ै न परमेश्वरै रै च़लणै री छ़ेड़ शुणी। ते दुऐ गोजुऐ। तैबै परमेश्वरै आदमा बै हाक पाई, “तू कौखै सा?” आदमै जवाब धिना, “मैं तेरै च़लणै री छ़ेड़ बगीच़ै न शुणी ता हाँऊ डौरू किबैकि हाँऊ नाँगा ती तैबै हाँऊ गोजुआ।”

![](https://cdn.door43.org/obs/jpg/360px/obs-en-02-08.jpg)

तैबै परमेश्वरै पुछ़ू, “कुणियै दसू कि तू नाँगा सा? मैं ज़ुण फ़ौल़ खाणै बै नाँह केरू ती कि तैं सौ फ़ौल़ खाऊ? आदमै जवाब धिना, “तैं मुँभै ऐ बेटड़ी धिनी होर तेसै मुँभै सौ फ़ौल़ धिना।” तैबै परमेश्वरै तेसा बेटड़ी न पुछ़ू, “कि तैं ऐण्ढा केरू?” बेटड़िऐ बोलू, “कीड़ै मुँभै धोखा धिना सा।”

![](https://cdn.door43.org/obs/jpg/360px/obs-en-02-09.jpg)

परमेश्वरै कीड़ै बै बोलू, “तू श्रापित सा।” तौ पेटै रै बालै औंढणा होर ज़िन्दगी भर माटा खाणा। तौ होर बेटड़ी एकी दुजै सैंघै नफरत केरनी। तेरी होर तेसरी औलादा भी एकी दुजै सैंघै नफरत केरनी। बेटड़ी रै खानदाना तेरी मुण्डी जेखड़नी होर तौ तेइरी घुंडी डसणी।

![](https://cdn.door43.org/obs/jpg/360px/obs-en-02-10.jpg)

तैबै परमेश्वरै बेटड़ी बै बोलू, “मूँ तेरी सुज़णै री पीड़ा बोहू बढ़ाणी। तेरी इच्छा तेरै लाड़ै धिरिऐ होणी होर तेई तौ पैंधै राज केरना।”

![](https://cdn.door43.org/obs/jpg/360px/obs-en-02-11.jpg)

परमेश्वरै आदमा बै बोलू, “तैं आपणी लाड़ी री गैल शुणी। ऐबै ऐ ज़मीन श्रापित सा होर तौभै एथै री फ़सल खाणै री तैंईंयैं बोहू मेहनत केरनी पौड़नी। तैबै तुसा मौरना होर तुसरी देह वापस माटै न मिलणी। आदमै आपणी लाड़ी रा नाँ हव्वा रखू। एथा रा मतलब होआ सा दुनिया री आमा किबैकि सौ सारै मांहणु जाति री आमा होणी होर परमेश्वरै आदम होर हव्वा बै पशु रै खौलड़ै लाइया बणैदै झिकड़ै लाऐ।

![](https://cdn.door43.org/obs/jpg/360px/obs-en-02-12.jpg)

तैबै परमेश्वरै बोलू, “मांहणु भलै होर बुरै बै ज़ाणिया आसा सांही हुऐ सी। ऐबै तिन्हां बै कैधी भी ज़िन्दगी रै बुटै रै फ़ौल़ खाणै री इज़ाज़त नैंई मिलणी होर परमेश्वरै तेई शोभलै बगीच़ै न आदम होर हव्वा बाहरै भेज़ै। परमेश्वरै ज़िन्दगी रै बुटै रै फ़ौल़ खाणै न रोकणै री तैंईंयैं तेई बगीच़ै न शक्तिशाली स्वर्गदूत डाहै।

*उत्पति अध्याय 3 एक बाइबलै री कहाणी।*

Audio: https://git.door43.org/OBS-TLF/kfx_obs/releases/download/v1/kfx_obs_v1_02_128kbps.m4a

## 3. औढ़

https://openbiblestories.org/l/kfx/story-3/

![](https://cdn.door43.org/obs/jpg/360px/obs-en-03-01.jpg)

एक लोमै अरसै बाद दुनिया न बोहू सारै लोका रौंहदै लागै ती। ते बड़ै भारी दुष्ट हुऐ ती होर बुरै हुऐ ती। तैबै परमेश्वरै फैसला लेऊ कि मूँ एक बड़ै औढ़ै लाइया ऐ पूरी दुनिया नाश केरनी।

![](https://cdn.door43.org/obs/jpg/360px/obs-en-03-02.jpg)

पर परमेश्वर नूहा सैंघै खुश ती। सौ दुष्टा रै बीचा न रौहणु आला एक धर्मी मांहणु ती। परमेश्वरै नूहा बै दसू कि सौ एक बोहू बड़ै औढ़ा बै आंणनु आल़ा सा। ऐसा बजहा न परमेश्वरै नूहा बै एक बड़ा ज़हाज बनाणै बै बोलू।

![](https://cdn.door43.org/obs/jpg/360px/obs-en-03-03.jpg)

परमेश्वरै नूहा बै लगभग 140 मीटर लौम्मा 23 मीटर चौड़ा होर 13.5 मीटर ऊथड़ा ज़हाज बनाणै बै बोलू। नूहा बै सौ ज़हाज गोपेर लकड़ी रा बनाणा ती। तेई ज़हाजा बै त्राई मंजीला बणाई, बोहू सारै कमरै, एक छापर होर एक खिड़की बनाणी ती, सौ ज़हाज नूह होर तेइरै टबर होर धौरती रै हर किस्मा रै पशु बै तेसा औढ़ा न बचाईया रखला।

![](https://cdn.door43.org/obs/jpg/360px/obs-en-03-04.jpg)

नूहै परमेश्वरा री गैल मनी। तेइयै होर तेइरै बेटै तैण्ढाऐ ज़हाज बणाऊ ज़ैण्ढा परमेश्वरै बोलू ती। किबैकि सौ ज़हाज बोहू बड़ा ती तैबै तुंई बै बनाणै न कई बौर्ष लागै। नूहै लोका बै ऐणु आलै औढ़ा रै बारै न चिताऊणी धिनी, होर तिन्हां बै परमेश्वरा धिरिऐ फिरनै रै बारै न बोलू, पर तिन्हैं तेईरा बशाह नैंई केरू।

![](https://cdn.door43.org/obs/jpg/360px/obs-en-03-05.jpg)

परमेश्वरै नूह होर तेइरै टबरा बै आपणै होर पशु री तैंईंयैं पूरा खाणा कठा केरनै रा हुक्म भी धिना। ज़ैबै सैभ किछ़ त्यार ती ता , परमेश्वरै नूहा बै बोलू कि, ऐबै बौगत आऊ सा, तू आपणै त्राई बेटै होर नूशा समेत ज़हाजा आँध्रै ज़ा। ते सारै लोका औठ ती।

![](https://cdn.door43.org/obs/jpg/360px/obs-en-03-06.jpg)

परमेश्वरै हर किस्मै रै जन्तु रा एक-एक ज़ोड़ा नूहा हागै ज़हाजा बै भेज़ू ताकि ते औढ़ा न बच़लै। परमेश्वरै सैभी किस्मै रै पशु रै सौत ज़ोड़ै, ज़ो कि बौलि रै कोमा एज़ी सका ती भेज़ै। ज़ैबै ते सारै ज़हाजा न च़ढ़ै तैबै परमेश्वरै ज़हाजा रा दुआर बन्द केरू।

![](https://cdn.door43.org/obs/jpg/360px/obs-en-03-07.jpg)

तैबै गाश लागणा शुरू हुआ, होर गाश होंदा रौहू।बिना रूकै गाश चाल़ी ध्याड़ होर चाल़ी राती होंदा रौहू। सारी दुनिया री हर चीजा, औखै तकर कि बड़ै-बड़ै ढौग भी सैभ पाणी न डूबै।

![](https://cdn.door43.org/obs/jpg/360px/obs-en-03-08.jpg)

धौरती रै हर किस्मै रै पशु, चिड़ु, पाणी रै ज़ीऊ होर सैभ मांहणु मूँऐ। ज़ो ज़हाजा न ती सिर्फ ते बच़ै। ज़हाज पाणी पैंधै च़लदा लागा सौ डूबणै न बचू।

![](https://cdn.door43.org/obs/jpg/360px/obs-en-03-09.jpg)

गाश रूकणै न बाद जहाज़ पौंज़ म्हीनै तकर पाणी न तैरदी रौही, होर एक रोज़ ज़हाज एकी ढौगा पैंधै टिकू। पर तैबै भी दुनियां न पाणी ती। त्रा म्हीनै बाद ढौगै री चोटी हेरिदी लागी।

![](https://cdn.door43.org/obs/jpg/360px/obs-en-03-10.jpg)

चाल़ी रोज़ा बाद नूहै आपणै बणाऐदै ज़हाजा री ताकी खोलिया एक काउड़ा ऊड़ाऊ ताकि ऐ पता लागला कि धौरती न पाणी शुकू कि नैंईं। काउड़ा औरै-पौरै भटकू पर तेइबै शुकी धौरती नैंई मिली।

![](https://cdn.door43.org/obs/jpg/360px/obs-en-03-11.jpg)

किछ़ रोज़ा बाद नूहै कबूतर उड़ाऊ पर कबूतरा बै आपणी ज़ोंघा टकाणै बै कोई जैगा नी मिली होर सौ वापस आऊ। तैबै सौत रोज़ा बाद नूहै सौऐ कबूतर उड़ाऊ होर ज़ैबै कबूतर सौंझ़की घेरै वापस आऊ ता, नूहै तेइरी च़ुँज़ी न जैतूना रै बुटै रा एक नोउँआ पौचा हेरू। तैबै नूहा बै पता च़लू कि धौरती न पाणी घटूदा सा।

![](https://cdn.door43.org/obs/jpg/360px/obs-en-03-12.jpg)

तैबै सौत रोज़ा बाद त्रीजी बारी नूहै सौऐ कबूतर उड़ाऊ पर एसा बार सौ कबूतर वापस नी आऊ। पाणी शुकू ती।

![](https://cdn.door43.org/obs/jpg/360px/obs-en-03-13.jpg)

दूई म्हीनै बाद परमेश्वरै नूहा बै बोलू। “तू आपणै बेटै, लाड़ी, नूशा समेत बाहरै एज़। परमेश्वरै नूहा बै आशीष धिनी “फूला फौला होर बढ़ा होर धौरती न फैला। तैबै नूह होर तेइरै टबर ज़हाजा न बाहरै आऐ।

![](https://cdn.door43.org/obs/jpg/360px/obs-en-03-14.jpg)

नूहा रै ज़हाजा न बाहरै ऐणै न बाद, नूहै एक वेदी बणाई होर तेइयै सैभी किस्मै रै ज़ीवै री बौलि धिनी। परमेश्वर तेसा बौलि न खुश हुआ होर नूह होर तेइरै टबरा बै आशीष धिनी।

![](https://cdn.door43.org/obs/jpg/360px/obs-en-03-15.jpg)

तैबै परमेश्वरै बोलू, “हाँऊ तुसा सैंघै ऐ वायदा केरा सा कि मांहणु रै ज़रियै केरेदै बुरै कोमै री बजहा न मुँ फिरी कैधी धौरती बै श्राप नैंई देणा या औढ़ै लाइया दुनिया नाश नैंई केरनी, किबैकि मांहणु आपणै बचपना न ऐ पापी सा।”

![](https://cdn.door43.org/obs/jpg/360px/obs-en-03-16.jpg)

तैबै परमेश्वरै आपणै वायदै री नशाणी रै रूपा न पैहला बादला रा धनुष बणाऊ। ज़ैबै भी सर्गा न बादला रा धनुष हेरिला, ता परमेश्वरा याद केरना कि तेइयै वायदा केरू सा होर तैण्ढाऐ तेइरै लोका भी याद केरना।

*उत्पति अध्याय 6-8 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_03_128kbps.m4a

## 4. अब्राहमा सैंघै परमेश्वरा रा वायदा

https://openbiblestories.org/l/kfx/story-4/

![](https://cdn.door43.org/obs/jpg/360px/obs-en-04-01.jpg)

औढ़ा रै कई बौर्षा बाद,, दुनिया न बोहू लोका रौहै केरा ती, तिन्हैं दबारा परमेश्वरा रै होर एकी दुजै रै खिलाफ पाप केरू। किबैकि ते सैभ एकै भाषा बोलै केरा ती, तैबै ते सैंघै कठा हुऐ होर दुनिया बै भौरनै रै परमेश्वरा रै हुक्मा बगैर एक नगर बणाऊ।

![](https://cdn.door43.org/obs/jpg/360px/obs-en-04-02.jpg)

ते बोहू घमण्डी ती, होर तिन्हां बै कैण्ढी जिन्दगी जिणी चेहिऐ। एसा बारै न ते परमेश्वरा रै हुक्मा रा पालन केरना नैंई ती चांहदै। औखै तकर कि तिन्हैं एक ऐण्ढी मीनार बनाणी शुरू केरी जो सर्गा तकर पुजली। परमेश्वरै हेरू कि अगर ते सैंघै मिलिया बुराई केरदै रौहलै, ता ते बोहू पापै रै कोम केरी सका सी।

![](https://cdn.door43.org/obs/jpg/360px/obs-en-04-03.jpg)

तैबै परमेश्वरै तिन्हरी बोली न गड़बड़ी पाई होर ते तौखै न सारी धौरती न फैलाऐ। जो नगर तिन्हैं बनाणा शुरू केरू ती, तेइरा नाँ बेबीलोन ती, जुणिरा मतलब सा “गड़बड़ी”।

![](https://cdn.door43.org/obs/jpg/360px/obs-en-04-04.jpg)

कई बौर्षा बाद परमेश्वरै अब्राहम नाँ रै एकी मांहणु सैंघै गैला केरी। परमेश्वरै अब्राहमा बै बोलू, “आपणा देश, आपणा टबर होर आपणै बापू रै घौरा बै छ़ौड़िया तेई देशा बै ज़ा, ज़ो मूँ तौभै रिहाणा। मुँ तौभै आशीष देणी होर तौ न एक बड़ा देश बनाणा। मुँ तेरा नाँ महान केरना। जो तौभै आशीष देला, तेइबै मुँ आशीष देणी, होर जो तौभै श्राप देला तेइबै मुँ श्राप देणा। तेरी बजहा न सारी दुनिया रै खानदाना आशीष पाणी।”

![](https://cdn.door43.org/obs/jpg/360px/obs-en-04-05.jpg)

तैबै अब्राहमै परमेश्वरा री गैल मनी। तेइयै आपणै सारै सेवक होर आपणी सारी धन दौलता समेत आपणी लाड़ी सारै आपु सैंघै नेई होर कनान देशा बै नौठा जो परमेश्वरै तेइबै रिहाऊ ती।

![](https://cdn.door43.org/obs/jpg/360px/obs-en-04-06.jpg)

ज़ैबै अब्राहम कनान देशा न पुजू ता परमेश्वरै अब्राहमा बै बोलू, “आपणै च़ोहू पासै हेर, मुँ ऐ सारा देश तौभै देणा होर तेरै खानदाना हमेशा री तैंईंयै अधिकार रखणा।” तैबै अब्राहम तेई देशा न रौहंदा लागा।

![](https://cdn.door43.org/obs/jpg/360px/obs-en-04-07.jpg)

एक रोज़ अब्राहम मलकिसिदिक नाँ रै परमेश्वरै रै पुरोहिता सैंघै मिलू। मलकिसिदिकै अब्राहमा बै ऐ आशीर्वाद धिना, “परमप्रधान परमेश्वरै री धिरिऐ न, ज़ो सर्ग होर धौरती रा स्वामी सा, तू धन्य सा।” तैबै अब्राहमै तेइबै सैभी च़ीज़ा रा दशमाँश धिना।

![](https://cdn.door43.org/obs/jpg/360px/obs-en-04-08.jpg)

कई बौर्ष बीतै, पर ऐबै भी अब्राहम होर सारै रा कोई बेटा नैंई ती ऑथि। परमेश्वरै अब्राहमा सैंघै गैला केरी होर दबारा वायदा केरू, कि तेइरा एक बेटा पैदा होंणा होर तेइरा वंश सर्गा रै तारै साही होणा। अब्राहमै परमेश्वरै रै वायदै पैंधै बशाह केरू। परमेश्वरै घोषणा केरी कि अब्राहम एक धर्मी मांहणु ती किबैकि तेइयै परमेश्वरा रै वायदै पैंधै बशाह केरू ती।

![](https://cdn.door43.org/obs/jpg/360px/obs-en-04-09.jpg)

तैबै परमेश्वरै अब्राहमा सैंघै एक वायदा केरू। एक वायदा दुई छुण्डा रै बीचा न एकी होरी री तैंईंयैं कोमा बै केरनै रा एक समझौता होआ सा। परमेश्वरै अब्राहमा सैंघै सौ वायदा तैबै केरू ती ज़ैबै अब्राहम सोंदा लागा ती, पर तैबै भी परमेश्वरा बै शुणी सका ती। परमेश्वरै बोलू, “मुँ तेरै शरीरा न पैदा केरिया तौभै तेरा एक आपणा बेटा देणा। हांऊँ तेरै खानदाना बै ऐई कनान देशा बै देआ सा।” पर ऐबै भी अब्राहम रै कोई बेटा नैंई ती ऑथी।

*उत्पति अध्याय 11-15 एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_04_128kbps.m4a

## 5. वायदै रा बेटा

https://openbiblestories.org/l/kfx/story-5/

![](https://cdn.door43.org/obs/jpg/360px/obs-en-05-01.jpg)

अब्राम होर सारै रै कनान देश पुजणै न दस बौर्षा बाद, ऐबै तकर भी कोई औलाद नैंई औथि। तैबै अब्रामै री लाड़ी सारै बोलू, “किबैकि परमेश्वरै मेरी कोख बन्द केरी सा होर ऐबै हांऊँ औलाद पैदा केरनै बै बोहू खापरी हुई सा, हेर, मेरी दासी हाजिरा औखै सा। तेसा सैंघै ब्याह भी केर ताकि सौ मेरी तैंईंयैं एक औलाद पैदा केरी सकली।”

![](https://cdn.door43.org/obs/jpg/360px/obs-en-05-02.jpg)

तैबै अब्रामै हाजिरा सैंघै ब्याह केरू। हाजिरा रै एक बेटा पैदा हुआ, होर अब्रामै तेइरा नाँ इश्माएल रखु। परमेश्वरै फिरी अब्रामा सैंघै गैला केरी।

![](https://cdn.door43.org/obs/jpg/360px/obs-en-05-03.jpg)

परमेश्वरै बोलू, “ हांऊँ सर्व शक्तिमान परमेश्वर सा। मुँ तौ सैंघै एक वायदा केरना।” तैबै अब्रामै धौरती पैंधै टुँबड़ै पौड़िया प्रणाम केरू। परमेश्वरै अब्रामा सैंघै बोलू, “तौ जाति रा बापू होंणा। मुँ तौभै होर तेरै खानदाना बै तिन्हरी आपणी ज़मीन होंणै री तैंईंयैं कनान देश देणा होर मुँ हमेशा री तैंईंयैं तिन्हां रा परमेश्वर होंणा। तौभै आपणै घरानै रै हर मर्दा रा खतना केरना पौऊ।”

![](https://cdn.door43.org/obs/jpg/360px/obs-en-05-04.jpg)

तेरी लाड़ी सारै सैंघै तौ न एक बेटा होंणा होर तेई मेरै वायदै रा बेटा होणा। तू तेइरा नाँ इसहाक रखेई। मेरा वायदा तेई सैंघै होंणा होर तेई एक बड़ी ज़ाति होणा। परमेश्वरै बोलू ऐबै न तेरा नाँ अब्राम नी बल्कि अब्राहम होणा ऐण्ढी तैरहा तेइरा नाँ अब्रहाम हुआ। ज़ौसरा मतलब होआ सा, “मूलपिता।” परमेश्वरै सारै रा नाँ बदलिया सारा रखू। ज़ौसरा मतलब होआ सा, “आदिमाता।”

![](https://cdn.door43.org/obs/jpg/360px/obs-en-05-05.jpg)

तेई रोज़ अब्राहमै आपणै सैभ घरानै रा खतना केरू। लगभग एक बौर्षा बाद, ज़ैबै अब्राहम 100 बौर्षा रा ती होर सारा 90 बौर्षै री ता सारै अब्राहमै रै शोहरू बै जन्म धिना। ज़ैण्ढै परमेश्वरै तिन्हां बै बोलू ती तिन्हैं तेइरा नाँ इसहाक रखू।

![](https://cdn.door43.org/obs/jpg/360px/obs-en-05-06.jpg)

ज़ैबै इसहाक ज़ुआन हुआ ता परमेश्वरै ऐण्ढै बोलिया अब्राहमै री परीक्षा केरी, “तू आपणै इकलौतै बेटै बै मेरी तैंईंयैं बौलि केरिया च़ढ़ा। तैबै अब्राहमै परमेश्वरा रा हुक्म मनु होर आपणा बेटा इसहाक बौलि री तैंइयै त्यार केरू।

![](https://cdn.door43.org/obs/jpg/360px/obs-en-05-07.jpg)

ज़ैबै अब्राहम होर इसहाक बौलि री ज़ैगा बै जांदै लागै ती ता, इसहाकै पुछ़ू, “ओ मेरै बापू, आसा हागै बौलि री तैंईंयै छ़िड़ी ता सी पर, बौलि री तैंइयै गौभु कौखै सा?” अब्राहमै जवाब धिना, “ओ मेरै बेटैआ, परमेश्वरा बौलि री तकर गौभु रा इंतज़ाम आपू ऐ केरना।”

![](https://cdn.door43.org/obs/jpg/360px/obs-en-05-08.jpg)

ज़ैबै ते बौलि च़ढ़ाणै री ज़ैगा पैंधै पूजै, ता अब्राहमै इसहाक बौनिया वेदी पैंधै रखु। सौ आपणै बेटै बै मारनु ऐ आल़ा ती कि परमेश्वरै बोलू, “रुक! बेटै बै नुकसान हेरी पजांदा! ऐबै मैं ज़ाणू सा कि तू मेरा आदर केरा सा किबैकि तैं आपणा एकलौता बेटा भी मुँ न बचाईया नैंई रखु।”

![](https://cdn.door43.org/obs/jpg/360px/obs-en-05-09.jpg)

तैबै अब्राहमै तेई पिछै एक मेमणा हेरू जो झौकड़ा न फसूदा ती। इसहाका रै बदलै बौलि री तैंईंयैं परमेश्वरै मेमणै रा इंतजाम केरू ती। अब्राहमै खुशी-खुशी मेमणै री बौलि च़ढ़ाई।

![](https://cdn.door43.org/obs/jpg/360px/obs-en-05-10.jpg)

तैबै परमेश्वरै अब्राहमा सैंघै बोलू, “तू मेरी तैंईंयैं सैभ किछ़ देणै री इच्छा रखा ती, औखै तकर कि आपणा एकलौता बेटा भी, तैबै हांऊँ आशीष देणै रा वायदा केरा सा। तेरा खानदान सर्गा रै तारै न भी बोहू होंणा। किबैकि तैं मेरा हुक्म मनु सा तैबै मुँ तेरै टबरा रै ज़रियै दुनिया रै सैभ खानदाना बै आशीष देणी।

*उत्पति अध्याय 16-22 एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_05_128kbps.m4a

## 6. परमेश्वरै इसहाका री तैंईंयैं इंतजाम केरू

https://openbiblestories.org/l/kfx/story-6/

![](https://cdn.door43.org/obs/jpg/360px/obs-en-06-01.jpg)

ज़ैबै अब्रहाम बोहू खापरा हुआ ती, ता तेइरा बेटा, इसहाक ज़ुआन हुआ ती। तैबै अब्राहमै आपणा एक दासा आपणै बेटै इसहाका री तैंईंयै तेई देशा बै लाड़ी आंणदा भेजु।

![](https://cdn.door43.org/obs/jpg/360px/obs-en-06-02.jpg)

ज़ौखै अब्राहमा रै रिश्तेदार रौहा ती तेई देशा बै जाणै री एक लोमी यात्रा बाद ज़ैबै सौ दास तौख पुजू ता, परमेश्वरै तेई दासा सामनै रिबका भेज़ी। सौ अब्राहमै रै भाई री पोत्री ती।

![](https://cdn.door43.org/obs/jpg/360px/obs-en-06-03.jpg)

रिबका आपणै टबरा बै छ़ौड़िया अब्राहमै रै दासा सैंघै इसहाकै रै घौरा बै ज़ाणै री तैंइयैं त्यार हुई। रिबकै तौखै पुजिया एसहाका सैंघै ब्याह केरू।

![](https://cdn.door43.org/obs/jpg/360px/obs-en-06-04.jpg)

एक लोमै अरसै बाद, अब्राहम मूँआ। तैबै परमेश्वरै अब्राहमा रै बेटै इसहाका बै, अब्राहमा सैंघै केरेदै वायदै री बजहा न आशीष धिनी। तेई वायदै न परमेश्वरा री एक प्रतिज्ञा ती कि अब्राहमै रै अनगिनत खानदान होंणै। पर इसहाकै री लाड़ी रिबकै री कोई औलाद नैंई हुई।

![](https://cdn.door43.org/obs/jpg/360px/obs-en-06-05.jpg)

इसहाकै रिबका री तैंईंयैं परमेश्वरा हागै प्रार्थना केरी, होर सौ जुड़वै बच्चै सैंघै सुज़दी रौही। ज़ैबै ते बच्चै रिबका रै पेटा न ऐ ती, ते आपु न लड़दै लागै, तैबै जो किछ़ होंदा लागा ती रिबकै सौ परमेश्वरा बै दसु।

![](https://cdn.door43.org/obs/jpg/360px/obs-en-06-06.jpg)

परमेश्वरै रिबका बै बोलू, “तौ दुई बेटै पैदा केरनै। तिन्हरै खानदाना दुई लग-लग जाति न बौंडिणा। तिन्हां एकी होरी न लड़िना। पर बड़े बेटै न पैदा होंणु आल़ी जाति बै होछ़ै बेटै रै अधीन होंणा पौड़ना।”

![](https://cdn.door43.org/obs/jpg/360px/obs-en-06-07.jpg)

ज़ैबै रिबका रै बेटै पैदा हुऐ, बड़ा बेटा लाल बाला आल़ा ती, होर तिन्हैं तेइरा नाँ एसाव रखु। तैबै होछ़ा बेटा एसाबै री घुंडी ढौकिया पैदा हुआ, होर तिन्हैं तेइरा नाँ याकूब रखु।

*उत्पति अध्याय 24:1-25:26 न एक बाइबीलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_06_128kbps.m4a

## 7. परमेश्वरै याकूबा बै आशीष धिनी

https://openbiblestories.org/l/kfx/story-7/

![](https://cdn.door43.org/obs/jpg/360px/obs-en-07-01.jpg)

ज़ैबै ते बच्च़ै बड़ै हुए ता याकूबा बै घौरा न रौहणा शोभला लागा। पर एसावा बै पशु रा शिकार केरना शोभला लागा ती। रिबीका याकूबा सैंघै झुरी रखा ती, पर इसहाक एसावा सैंघे झुरी रखा ती।

![](https://cdn.door43.org/obs/jpg/360px/obs-en-07-02.jpg)

एक रोज़ ज़ैबै एसाव शिकार केरिया वापस आऊ ता सौ बोहू भूखा ती। एसावै याकूबा बै बोलू, “ज़ो तैं पकाऊ सा तुंई न थोड़ा खाणा मुँभै दै।” याकूबै जवाब धिना, “पैहलै मुँ सैंघै ऐ वायदा केर कि पैहलै बेटै होंणै री बजहा न हर एक चीज़ ज़ो तौभै मिलणी, सौ सैभ तौ मुँभै देणी।” तैबै एसावै ते सैभ चीज़ा याकूबा बै देणै रा वायदा केरू। तैबै याकूबै तेईबै खाणा धिना।

![](https://cdn.door43.org/obs/jpg/360px/obs-en-07-03.jpg)

इसहाक एसावा बै आशीष देणा चाहा ती पर एथा न पैहलै कि तेइयै ऐण्ढा केरू, रिबका होर याकूबै एसाव होंणै रा ढोंग केरिया तेई सैंघै धोखा केरू; इसहाक खापरा हुआ ती, औखै तैकर कि ऐबै हेरी भी नैंई सकदा ती; तैबै याकूबै एसावा रै झिकड़ै लाऐ होर बौकरी री खौल आपणै गौला न होर हौथा न लपेटी;

![](https://cdn.door43.org/obs/jpg/360px/obs-en-07-04.jpg)

याकूब इसहाका हागै आऊ होर बोलू, “हांऊँ एसाव सा। हांऊँ तैबै आऊ सा कि तू मुँभै आशीष देला।” ज़ैबै इसहाकै बौकरी रै बाल महसूस केरै होर झिकड़ै री बास सिंघी, ता तेइयै सोचू कि सौ एसाव सा होर तेईबै आशीष धिनी।

![](https://cdn.door43.org/obs/jpg/360px/obs-en-07-05.jpg)

एसावै याकूबा सैंघै जलन केरी किबैकि याकूबै तेइरै पैहलै बेटै रा अधिकार होर सैंघै तेइरी आशीष भी चोरी ती। तैबै तेइयै तिन्हरै बापू रै मौरनै न बाद याकूबा बै मकाणै री तरकीब बणाई।

![](https://cdn.door43.org/obs/jpg/360px/obs-en-07-06.jpg)

पर रिबकै इसहाका री तरकीब शुणी; तैबै तेसै होर इसहाकै याकूबा तेइरै रिश्तेदारा सैंघै रौहणै री तैंईंयैं बोहू दूर भेजू;

![](https://cdn.door43.org/obs/jpg/360px/obs-en-07-07.jpg)

याकूब कई बौर्षा तकर रिबका रै रिश्तेदारा सैंघै रौहू। तेई बौक्तै तेइयै ब्याह केरू होर तेइरै बारा बेटै होर एक बेटी पैदा हुई। परमेश्वरै सौ बोहू धनी बणाऊ।

![](https://cdn.door43.org/obs/jpg/360px/obs-en-07-08.jpg)

बीह बौर्षा तकर कनान देशा न आपणै घौरा न दूर रौहणै न बाद, याकूब आपणै दास होर पशु रै सारै छुण्डा सैंघै तौखै वापस आऊ

![](https://cdn.door43.org/obs/jpg/360px/obs-en-07-09.jpg)

याकूब तैबै बोहू डौरू ती, किबैकि तेइयै सोचू ती की एसाबा हांऊ मकाणा; तैबै तेइयै भेंटा रै रूपा न पशु रै छुण्ड एसावा हागै भेजै; ज़ो दास तिन्हां छुण्डा बै नेईया नौठै ती तिन्हैं बोलू, “तेरै दास याकूबै ऐ पशु रै छ़ुण्ड तौभै धिनै सी।सो छेकै ऐणु आल़ा सा।”

![](https://cdn.door43.org/obs/jpg/360px/obs-en-07-10.jpg)

पर एसाव ऐबै याकूबा बै नुकसान पजाणा नैंई चाहा ती। सौ तेईबै एक बार दबारा हेरिया बोहू खुश ती। तूंई न बाद याकूब देशा न शान्ति सैंघै रौहू। फिरी इसहाक मूँआ याकूब होर एसावै सौ पौथू। वायदै री कसम जो परमेश्वरै अब्राहमा सैंघै केरी ती ते ऐबै एसाब होर याकूबा पैंधै आई ती।

*उत्पति अध्याय 25:27-35:29 बाइबला री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_07_128kbps.m4a

## 8. परमेश्वरै यूसुफ होर तेइरै टबर बचाए

https://openbiblestories.org/l/kfx/story-8/

![](https://cdn.door43.org/obs/jpg/360px/obs-en-08-01.jpg)

कई बौर्षा बाद ज़ैबै याकूब खापरा हुआ ती तेइयै आपणा प्यारा बेटा यूसुफ तेइरै भाई बै परेखणै री तैंईंयैं भेजू ज़ो पशु रै छुण्डा री हेर-शूण केरा ती;

![](https://cdn.door43.org/obs/jpg/360px/obs-en-08-02.jpg)

यूसुफा रै भाई तेई सैंघै जलन रखा ती, किबैकि तिन्हरा बापू तेई सैंघै बोहु झु़री रखा ती होर यूसुफै सुपना हेरू कि सौ तिन्हरा अधिकारी बणु। ज़ैबै यूसुफ आपणै भाई हागै आऊ ता तिन्हैं सौ ढौकु होर दासा रा व्यापार केरनु आल़ै बै बेचू।

![](https://cdn.door43.org/obs/jpg/360px/obs-en-08-03.jpg)

घौरा वापस ऐणै न बाद तिन्है तेइरै झिकड़ै बौकरी मकाईया तेसा रे लोहू न डबैऐईया होर तिन्है ते झिकड़ै आपणै बापू न रिहाऐ होर बोलू, “कौसी दुष्ट पशुऐ सौ खाऊ।” तैबै याकूब बोहू उदास हुआ ती।

![](https://cdn.door43.org/obs/jpg/360px/obs-en-08-04.jpg)

दासा रा व्यापार केरनु आल़ै तिन्हैं व्यपारिऐ युसुफ मिस्रा बै नेऊ। मिस्र नील नौई रै बौढ़ा रा एक बड़ा शक्तिशाली देश ती। तिन्हैं व्यपारिऐ युसुफ एक धनी सरकारी अधिकारी बै दासा रै रूपा न बेच़ू। यूसुफै आपणै मिस्री मालकै री शोभली तैरह सेवा केरी, होर परमेश्वरै यूसुफा बै आशीष धिनी।

![](https://cdn.door43.org/obs/jpg/360px/obs-en-08-05.jpg)

तेइरै मालकै री लाड़ियै युसुफा सैंघै सोणै री कोशिश केरी, पर यूसुफै परमेश्वरा रै खिलाफ पाप केरनै बै नाँह केरू होर बोलू, “हांऊँ एतरी बड़ी दुष्टता केरिया परमेश्वरा रा गुनहगार किबै बणनू?” तैबै सौ बोहू झ़िकुई होर युसुफा पैंधै झ़ूठै दोष लाइया सौ कैदखानै न पाऊ। यूसुफ जेला न भी परमेश्वरै रै तैंईंयैं सचा रौहू होर परमेश्वरै तेइबै आशीष धिनी।

![](https://cdn.door43.org/obs/jpg/360px/obs-en-08-06.jpg)

दुई बौर्षा बाद निर्दोष होणै रै बावज़ूद यूसुफ ऐबै कैदखानै न ऐ ती। एकी राती न मिस्र देशा रै राज़ै ज़ौसरा नाँ फिरौन ती, तेइयै दूई सुपनै हेरै ज़ो तेइबै परेशान केरदै लागै ती। ज़ो सुपनै तेई राज़ै हेरै ती, तिन्हरा मतलब दसणु आल़ा कोई नी ती ऑथी।

![](https://cdn.door43.org/obs/jpg/360px/obs-en-08-07.jpg)

परमेश्वरै युसुफा बै ऐण्ढी समझ़ धिनी ती कि सौ सुपनै रा मतलब समझ़ी सकला। तैबै फिरौन राज़ै सौ कैदखानै न शाधू। यूसुफै तिन्हां सुपनै रा मतलब दसू होर बोलू, “सारै मिस्र देशा न सौत बौर्षा न बोहू ज़ादा फसल होणी होर तेथा न बाद सौत बौर्षा तकर अकाल पौड़ना।”

![](https://cdn.door43.org/obs/jpg/360px/obs-en-08-08.jpg)

फिरौन राज़ा युसुफा न बोहू प्रभावित हुआ होर तेइयै सौ मिस्रा रा दूजा सैभी न शक्तिशाली मांहणु चुनु।

![](https://cdn.door43.org/obs/jpg/360px/obs-en-08-09.jpg)

युसुफै लोका बै शोभली फसला आल़ै सौत बौर्षा न खाणै री च़ीज़ा बै कठा केरनै बै बोलू। अकालै रै ध्याड़ै न ज़ैबै लोका हागै खाणै बै किछ़ नी ती ऑथी होर सारी धौरती न अकाल पौड़ू ता यूसुफ मिस्री लोका बै नाज़ बेच़दा लागा ताकि तिन्हां हागै खाणै बै होला।

![](https://cdn.door43.org/obs/jpg/360px/obs-en-08-10.jpg)

सौ अकाल सिर्फ मिस्र देशा न ऐ नैईं ती ऑथि पर कनान देशा न भी भयंकर ती ज़ौखै याकूब होर तेइरा टबर ती।

![](https://cdn.door43.org/obs/jpg/360px/obs-en-08-11.jpg)

तैबै याकूबै आपणै बेटै नाज़ आंणनै री तैंईंयैं मिस्र देशा बै भेजै। ज़ैबै ते नाज़ लेणै री तैंईंयैं यासूफा रै सामनै खड़ै हुऐ ता तेईरै भाईयै यूसुफ नैंई पछियाणु।

![](https://cdn.door43.org/obs/jpg/360px/obs-en-08-12.jpg)

ऐ जाणनै री तैंईंयैं कि ते बदलै सी या नैंई ते परेखै होर यूसुफै तिन्हां बै बोलू, “हांऊँ तुसा रा भाई यूसुफ सा! मौता डौरदै। ज़ैबै तुसै हांऊँ दासा रै रूपा न बेचू ती ता तुसै बुरा केरनै री सोची ती, पर परमेश्वरै सौ बुराई भलाई रै रूपा न इस्तेमाल केरी! ऐज़ा होर मिस्रा न रौहा ताकि हांऊँ तुसा होर तुसा रै टबरा री तैंईंयैं नाज़ै रा इंतजाम केरी सकनु।”

![](https://cdn.door43.org/obs/jpg/360px/obs-en-08-13.jpg)

ज़ैबै यूसुफा रै भाई घौरा वापस आऐ होर आपणै बापू बै दसु कि यूसुफ ऐबै भी जिन्दा सा ता सौ बोहू खुश हुआ ती।

![](https://cdn.door43.org/obs/jpg/360px/obs-en-08-14.jpg)

हालांकि याकूब एक खापरा मांहणु ती तैबै भी सौ आपणै पूरै टबरा सैंघै मिस्र देशा बै नौठा। होर ते तौखै रौहंदै लागै, याकूबै मौरनै न पैहलै सैभी बेटै बै आशीष धिनी।

![](https://cdn.door43.org/obs/jpg/360px/obs-en-08-15.jpg)

परमेश्वरै ज़ो वायदा अब्राहमा सैंघै केरू ती, अब्राहमा न बाद इसहाका सैंघै, इसहाका न बाद याकूब होर तेता न बाद तेइरै बारा बेटै होर तिन्हरै परिवारा सैंघै। बारा बेटै री औलादी सैंघै इस्राइलै रै बारा गोत्र बणै।

*उत्पति अध्याय 37-50 एक बाइबला री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_08_128kbps.m4a

## 9. परमश्वरै मूसा शाधु

https://openbiblestories.org/l/kfx/story-9/

![](https://cdn.door43.org/obs/jpg/360px/obs-en-09-01.jpg)

यूसुफा रै मौरने न बाद तेईरै सैभ रिशतैदार मिस्रा न रौंहदै लागै। कई बौर्षा तकर ते होर तिन्हरै खानदान तौखै रौहै होर तिन्हरी बोहू सारी औलाद पैदा हुई। ते इस्राइली कहलाऐ।

![](https://cdn.door43.org/obs/jpg/360px/obs-en-09-02.jpg)

कई बौर्षा बाद मिस्र देशा न एक नोऊँआ राज़ा आऊ। मिस्र देशै रै लोकै ऐबै यूसुफ होर तेइरै ते सारै कोम ज़ो तेइयै तिन्हरी मज़ती री तैंइयै केरै ती ते बिसरै ती। ते इस्राइली लोका न डौरा ती किबैकि ते बोहू ती। तेई बौगतै फिरौन राज़ै इस्राइली लोका मिस्री रै गुलाम बणाऐ।

![](https://cdn.door43.org/obs/jpg/360px/obs-en-09-03.jpg)

मिस्री लोकै इस्राइली लोका सैंघै कठोरतापूर्ण व्यवहार केरू। तिन्हैं तिन्हां न कई बड़ी-बड़ी कोठी होर ग्राँ बणाणै धियाऐ। पर, परमेश्वरै तिन्हां बै आशीर्वाद धिना होर तिन्हरै होर ज़ादा सन्तान पैदा हुई।

![](https://cdn.door43.org/obs/jpg/360px/obs-en-09-04.jpg)

ज़ैबै फिरौनै हेरू कि इस्राएली री औलादा बोहू ज़ादा बढ़दी लागी, तैबै फिरौनै आपणै लोका बै हुक्म धिना कि, इस्राएली रै ज़ेतरै बेटै पैदा होलै तिन्हां सैभी बै तुसै नील नौई न शेटिया मारेइत्।

![](https://cdn.door43.org/obs/jpg/360px/obs-en-09-05.jpg)

एक इस्राइली बेटड़ियै एक शोहरू बै जन्म धिना। तेसै होर तेसरै लाड़ै सौ शोहरू गज़याईया रखु।

![](https://cdn.door43.org/obs/jpg/360px/obs-en-09-06.jpg)

ज़ैबै तेई शोहरू रै आमा बापू तेइबै होर ज़ादा गजियाई नैंई सकू, तैबै तिन्हैं सौ बचाणै री तैंईंयैं सौ एकी टोकरी न रखिया नील नौई न छ़ौड़ू। तेई शोहरू री बैहण दूर खड़ी हेरदी रौही कि एई शोहरू रा कि होआ सा।

![](https://cdn.door43.org/obs/jpg/360px/obs-en-09-07.jpg)

फिरौन राज़ै री बेटियै तेसा टोकरी बै हेरिया तेथा भीतरै हेरू। ज़ैबै तेसै सौ शोहरू हेरू ता, तेसै सौ शोहरू आपणै बेटै रै रूपा न रखू। तेसै एक इस्राइली बेटड़ी ज़ो तेई शोहरू री आमा ती, दूध पियाणै री तैंइयै रखी। ज़ैबै सौ शोहरू बड़ा हुआ, फिरौन राज़ै री बेटियै तेइरा नाँ मूसा रखू।

![](https://cdn.door43.org/obs/jpg/360px/obs-en-09-08.jpg)

एक रोज़ ज़ैबै मूसा ज़ुआन हुआ, तेइयै हेरू कि एक मिस्री मांहणु इस्राइली मांहणु बै मारदा लागा सा, तैबै मूसै आपणै इस्राएली सैंघी बै बच़ाणै री कोशिश केरी।

![](https://cdn.door43.org/obs/jpg/360px/obs-en-09-09.jpg)

ज़ैबै मूसै सोच़ू कि सौ कौसियै नी हेरू होर तेइयै सौ मिस्री मांहणु मारू होर सौ दबाऊ, पर मूसा ऐण्ढा केरदा कौसियै हेरू ती।

![](https://cdn.door43.org/obs/jpg/360px/obs-en-09-10.jpg)

ज़ैबै मूसा बै पता लागा कि मूसै कि केरू सा। तेइयै तेईबै मारनै री कोशिश केरी, पर मूसा मिस्रा न कौसी सुनसान ज़ैगा बै नौठा ताकि सौ तौखै बचिया रौहला।

![](https://cdn.door43.org/obs/jpg/360px/obs-en-09-11.jpg)

मिस्रा न दूर सुनसान ज़ैगा न मूसा एक फुआल बणु ती। तेइयै तौखै एक बेटड़ी सैंघै ब्याह केरू होर दुई बेटै पैदा हुऐ।

![](https://cdn.door43.org/obs/jpg/360px/obs-en-09-12.jpg)

मूसा आपणै शौहरै री भेड़ा रै छुण्डै री हेर-शुण केरा ती। एक रोज़ ज़ैबै मूसा आपणी भेड़ा बै हेरदा लागा ती, तैबै तेइयै एक झौकड़ भौकदा हेरू। पर सौ झौकड़ भौकदा ता लागा सा, पर फुकिदा नी ऑथी। तैबै मूसा तेसा ज़ैगा बै ऐ हेरदा नौठा कि झौकड़ किबै नैंई फुकिदा लागा। ज़ैबै मुसा झौकड़ हेरदा नौठा, तैबै परमेश्वरै तेइबै बोलू, “ओ मूसा, “आपणै बुट खोल! ज़ुणि ज़ैगा न तू खड़ा सा, सौ पवित्र ज़ैगा सा।”

![](https://cdn.door43.org/obs/jpg/360px/obs-en-09-13.jpg)

परमेश्वरै बोलू, “मैं आपणी प्रजा रा दु:ख हेरू सा। ज़ो मिस्रा न सी। ऐबै एज़ मूँ तू फिरौन राज़ै हागै भेज़णा। ताकि तू इस्राएली प्रजा बै मिस्रै री गुलामी न खोलिया आणला। मूँ तिन्हां बै कनान देशै री सौ ज़मीन देणी, ज़ौसरा वायदा मैं अब्राहम, इसहाक होर याकूबा सैंघै केरूदा ती”

![](https://cdn.door43.org/obs/jpg/360px/obs-en-09-14.jpg)

मूसै पुछू, “अगर लोका ऐ जाणना चाहलै हाँउं कुणिऐ भेजू सा ता मुँ कि बोलणा?” परमेश्वरै बोलू, “ज़ो हांऊँ सा सौऐ सा। तिन्हां सैंघै बोल,तेइयै हाँऊं तुसा हागै भेज़ू सा। तिन्हां सैंघै ऐ भी बोला, ‘हाँउं तुसरा बुज़ुर्ग अब्राहम, इसहाक होर याकूबा रा परमेश्वर प्रभु सा।’ मेरा ऐ नाँ हमेशा तकर रौहणा।”

![](https://cdn.door43.org/obs/jpg/360px/obs-en-09-15.jpg)

मूसा फिरौना हागै ज़ाणै बै डौरदा लागा ती, किबैकि तेइयै सोचु कि हांऊँ शोभली तैरहा नैंई बोली सकदा। तैबै परमेश्वरै तेइरी मज़ती री तैंइयै तेइरा भाई हारून तेई सैंघै भेज़ू। परमेश्वरै मूसा होर हारूना बै चेतावनी धिनी कि फिरौन कठोर मांहणु सा।

*निर्गमन अध्याय 1-4 बाईबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_09_128kbps.m4a

## 10. दस विपती

https://openbiblestories.org/l/kfx/story-10/

![](https://cdn.door43.org/obs/jpg/360px/obs-en-10-01.jpg)

ज़ैबै मूसा होर हारून फिरौना हागै नौठै। तिन्है बोलू, “इस्राइला रा परमेश्वर ऐण्ढा बोला सा, ‘मेरै लोका बै ज़ाणै दै।” पर फिरौनै तिन्हरी नैंई शुणी होर इस्राइली लोका ज़ाणै नैंई धिनै। फिरौनै तिन्हां न होर भी मुश्किल कोम कराणा शुरू केरू।

![](https://cdn.door43.org/obs/jpg/360px/obs-en-10-02.jpg)

फिरौन राज़ै रा मन होर भी कठोर हुआ होर तेइयै इस्राएली लोका ज़ाणै नी धिनै। तैबै परमेश्वरै मिस्र देशा पैंधै दस भयानक विपति भेज़ी। इन्हां विपति रै ज़रिऐ परमेश्वर ऐ रिहाणा चाहा ती कि सौ फिरौन होर मिस्र देशै रै देऊआ न ज़ादा शक्तिशाली सा।

![](https://cdn.door43.org/obs/jpg/360px/obs-en-10-03.jpg)

परमेश्वरै नील नौई लोहू न बदली, पर फिरौनै ऐबै भी इस्राएली लोका जाणै नैंई धिनै।

![](https://cdn.door43.org/obs/jpg/360px/obs-en-10-04.jpg)

परमेश्वरै पूरै मिस्र देशा मेंढक भेजै। फिरोनै मेंढक दूर केरनै री तकर मूसा सैंघै अर्ज़ केरी। पर सैभ मेंढक खत्म होंणै न बाद, फिरौनै आपणा मन कठोर केरू होर इस्राएली लोका मिस्रा न जाणै नैंई धिनै।

![](https://cdn.door43.org/obs/jpg/360px/obs-en-10-05.jpg)

तैबै परमेश्वरै खाँणु आल़ी मौछ़ी री विपति भेजी। तेथा न बाद रिंगला री विपति भेजी। फिरौनै मूसा होर हारून शाधै होर तिन्हां सैंघै बोलू कि अगर ते तेसा विपति बै रोकलै ता इस्राएली लोका मिस्रा बै छौड़िया जाई सका सी। ज़ैबै मूसै प्रार्थना केरी ता परमेश्वरै रिंगल़ हटाऐ। पर फिरौनै आपणा मन फिरी कठोर केरू होर ते लोका आज़ाद होईया जाणै नैंई धिनै।

![](https://cdn.door43.org/obs/jpg/360px/obs-en-10-06.jpg)

ऐथा न बाद, परमेश्वरै मिस्री लोकै रै सैभ पालतू पशु बीमार होईया मौरनै धिनै। पर फिरौना रा मन कठोर हुआ ती होर तेइयै इस्राएली लोका जाणै नैंई धिनै।

![](https://cdn.door43.org/obs/jpg/360px/obs-en-10-07.jpg)

तैबै परमेश्वरै मूसा बै बोलू, फिरौना रै सामनै बागरी न भौस शेटा। ज़ैबै तेइयै ऐण्ढा केरू ता मिस्रा रै लोका रै शरीरा दुःखणै निकतै, पर इस्राएली लोका बै किछ. नैंई हुआ। परमेश्वरै फिरौना रा मन कठोर केरू, होर फिरौनै इस्राएली लोका आज़ाद होइया जाणै नैंई धिनै।

![](https://cdn.door43.org/obs/jpg/360px/obs-en-10-08.jpg)

एथा न बाद परमेश्वरै शौऊरू शेटे होर मिस्र लोकै री बोहू सारी फसल नाश केरी होर जो कोई भी बाहरै निकता सौ मकाऊ। फिरौनै मूसा होर हारून शाधै होर बोलू, “मैं पाप केरू सा। तुसै लोका जाई सका सी।” तैबै मूसै प्रार्थना केरी होर सर्गा न शौऊरु औल़ना बन्द हुऐ।

![](https://cdn.door43.org/obs/jpg/360px/obs-en-10-09.jpg)

पर फिरौनै दबारा पाप केरू होर आपणा मन कठोर केरू। तेइयै इसराएली लोका आज़ाद होईया जाणै नैंई धिनै।

![](https://cdn.door43.org/obs/jpg/360px/obs-en-10-10.jpg)

तैबै परमेश्वरै मिस्रा पैंधै टिटलै रै छुण्ड भेज़ै। इन्हैं टिटलै सारा नाज़ खाऊ जो शौऊरैऐ नाश नैंई केरै ती।

![](https://cdn.door43.org/obs/jpg/360px/obs-en-10-11.jpg)

फिरी परमेश्वरै गड़ीप निहारा केरू जो त्राई रोजा तकर रौहु। ऐ ऐतरा निहारा ती कि मिस्री लोका घौरा न बाहरै नैंई निकली सकै। पर ज़ौखै इस्राएली लोका रौहा ती तौखै प्याशा ती।

![](https://cdn.door43.org/obs/jpg/360px/obs-en-10-12.jpg)

इन्हां नौऊ विपति न बाद भी, फ़िरौनै इस्राएली लोका आज़ाद होईया जाणै नैंई धिने। किबैकि फिरौनै नैंई शुणु ती तैबै परमेश्वरै एक आखरी विपति भेजणै री तरकीब बणाई। एसा फ़िरौना रा मन बदलना।

*निर्गमन अद्याय 5-10 एक बाईबीलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_10_128kbps.m4a

## 11. फसह रा त्यौहार

https://openbiblestories.org/l/kfx/story-11/

![](https://cdn.door43.org/obs/jpg/360px/obs-en-11-01.jpg)

परमेश्वरै मूसा फिरौना हागै ऐ बोलणै री तैंईंयैं भेजू कि इस्राएली लोका बै जाणै दै। तिन्हैं तेइबै चिताऊणी धिनी कि अगर कोई तिन्हां बै जाणै नैंई देला. ता परमेश्वरा मिस्रा रै लोका होर पशु रै सैभ पैहलै शोहरू मकाणै। फिरौनै ऐ शुणिया भी रमेश्वरा पैंधै बशाह केरनै न होर तेइरी गैल मनणै न नाँह केरू।

![](https://cdn.door43.org/obs/jpg/360px/obs-en-11-02.jpg)

परमेश्वरै तेई पैंधै कौसी रै भी पहलौठै शोहरू बै बचाणै री तैंईंयैं एक तरकीबै रा इंतजाम केरू। हर टबरा बै एक निर्दोष मेमणै बै लेइया तेइरी बौलि देणी ती।

![](https://cdn.door43.org/obs/jpg/360px/obs-en-11-03.jpg)

परमेश्वरै इस्राएली लोका बै तेई मेमणै रै लोहू बै लेइया आपणै घौरा रै द्वारा पैंधै लाणै री तैंईंयैं बोलू। तिन्हां बै तेइरा मांस भूनणा ती होर फिरी तिन्हां बै बगैर मलेड़े री रोटी सैंघै सौ छ़ेकै खाणा ती। तेइयै तेई खाणै न बाद छ़ेकै मिस्र छौड़नै बै भी त्यार रौहणै बै बोलू।

![](https://cdn.door43.org/obs/jpg/360px/obs-en-11-04.jpg)

ज़ैण्ढा केरनै री तैंईंयैं परमेश्वरै इस्राएली लोका बै हुक्म धिना ती। औधी राती न, परमेश्वर सैभी रै पैहलै शोहरू बै मकांदैआ मिस्र देशा न होईया नौठा।

![](https://cdn.door43.org/obs/jpg/360px/obs-en-11-05.jpg)

इस्राएली लोकै रै हर घौरा रै दुआरा पैंधै लोहू लागादा ती, तैबै परमेश्वरै ते घौर छौड़ै। तिन्हां घौरा रै आँध्रलै लोका बच़ेदै ती। ते मेमणै रै लोहू री बजहा न बचे ती।

![](https://cdn.door43.org/obs/jpg/360px/obs-en-11-06.jpg)

पर मिस्री लोकै परमेश्वरा पैंधै बशाह नैंई केरू ती होर तेइरा हुक्म नैंई मनु ती। तैबै परमेश्वरै तिन्हरै घौर नैंई छौड़ै। परमेश्वरै मिस्री लोका रै हर ज़ेठै शोहरू मकाऐ।

![](https://cdn.door43.org/obs/jpg/360px/obs-en-11-07.jpg)

कैदखानै न कैदी रै ज़ेठै न लेईया, फिरौना रै ज़ेठै तकर, हर ज़ेठा शोहरू मुँआ| दुखा री बजहा न मिस्र देशा रै बोहू लोका रोंदै लागै ती।

![](https://cdn.door43.org/obs/jpg/360px/obs-en-11-08.jpg)

तेसा राती, फिरौनै मूसा होर हारून शाधै होर बोलू, “इस्राएली लोका बै लेईया छ़ेकै मिस्र देशा न निकल़ा।” मिस्री लोकै भी इस्राएली लोका बै छ़ेकै जाणै री अर्ज़ केरी।

*निर्गमन अध्याय 11:1-12:32 एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_11_128kbps.m4a

## 12. मिस्रा न निकल़ना

https://openbiblestories.org/l/kfx/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोका मिस्र देशा न निकलिया बोहू खुश ती। ते ऐबै दास नैंई ती औथि, होर ते वायदै बै जांदै लागै ती! ज़ो किछ़ भी इस्राएली लोकै मौंगू, मिस्री लोकै तिन्हां बै सैभ किछ़ धिना, औखै तकर कि सूना च़ाँदी होर कीमती चीज़ा। होरी देशा रै किछ़ लोकै परमेश्वरा पैंधै बशाह केरू होर ज़ैबै इस्राएली लोका मिस्रा न निकतै ता ते भी तिन्हां सैंघै चलै।

![](https://cdn.door43.org/obs/jpg/360px/obs-en-12-02.jpg)

ध्याड़ी रै बौक्तै एक बड़ा बादल़ा रा थौम्बा तिन्हां रै आगै-आगै च़लु। होर राती रै बौक्तै एक औगी रा थौम्बा बणु। परमेश्वर ज़ो कि तेई बादला रै थौम्बै न ती, हमेशा तिन्हां सैंघै ती होर तेइयै यात्रा केरदी घेरै तिन्हरी अगुवाई केरी। तिन्हां बै सिर्फ ऐतरा केरना ती कि तेई पिछ़ै च़लै।

![](https://cdn.door43.org/obs/jpg/360px/obs-en-12-03.jpg)

थोड़ै बौक्ता न बाद, फिरौन होर तेइरै लोकै आपणा मन बदलू। ते इस्राएली लोका बै दबारा आपणा दास बनाणा चाहा ती। तैबै तिन्हैं इस्राएली लोका रा पीछा केरू। ऐ परमेशरै ती ज़ुणियै तिन्हरा मन बदलू ती। तेइयै ऐण्ढा तैबै केरू किबैकि सौ हा ती कि फिरौन ऐ जाणला कि परमेश्वरै ए इस्राइली धिरीए न लड़ीदा लागा सा।

![](https://cdn.door43.org/obs/jpg/360px/obs-en-12-04.jpg)

ज़ैबै इस्राएली लोकै मिस्रै री सैना ऐन्दी हेरी ता तिन्हां बै पता लागा कि ते फ़िरौना री सैना लाल समुन्द्रा रै बीचा न फसै। ते बोहू डौरै होर रोंदै लागै, “आसै मिस्र देश किबै छौड़ू? आसै मौरनु आल़ै सी!”

![](https://cdn.door43.org/obs/jpg/360px/obs-en-12-05.jpg)

मूसै इस्राएली लोकै बै बोलू, “मौत डौरदै! परमेश्वरा औज़ तुसरी तैंईंयैं लड़ना होर तुसै बच़ाणै।” तैबै परमेश्वरै मूसा बै बोलू, “इन्हां लोका बै लाल समुन्द्रा धिरिऐ आगै बढ़नै बै बोल।”

![](https://cdn.door43.org/obs/jpg/360px/obs-en-12-06.jpg)

तैबै परमेश्वरै तेई बादल़ा रा थौम्बा लेइया इस्राएली होर मिस्री लोकै रै बीचा न रखु कि मिस्री लोका इस्राएली बै हेरी नैंई सकलै।

![](https://cdn.door43.org/obs/jpg/360px/obs-en-12-07.jpg)

परमेश्वरै मूसा बै समुन्द्रा पैंधै आपणा हौथ बढ़ाणै री तैंईंयैं बोलू। फिरी परमेश्वरै बागरी सैंघै समुन्द्रा रा पाणी बाऊँई होर दैहिणै धिरिऐ कराऊ, ज़ुणी सैंघै समुन्द्रा न होइया एक बौत बणी

![](https://cdn.door43.org/obs/jpg/360px/obs-en-12-08.jpg)

इस्राएली लोका आपणै दुई पासै री दीवारा सैंघै शुकी धौरती पैंधै समुन्द्रा न होईया च़लै

![](https://cdn.door43.org/obs/jpg/360px/obs-en-12-09.jpg)

तैबै परमेश्वरै तेसा बौता न बादल हटाऊ ताकि मिस्री लोका इस्राएली लोका बै बच़िया जांदैआ हेरलै। मिस्री लोकै तिन्हां बै ढौकणै री तैंईंयैं तिन्हरा पिछा केरनै रा फैसला केरू।

![](https://cdn.door43.org/obs/jpg/360px/obs-en-12-10.jpg)

तैबै तिन्हैं समुन्द्रा रै ज़रियै तेसा बौता पैंधै इस्राएली लोका रा पिछा केरू, पर परमेश्वरै मिस्री लोका घबराऐ होर तिन्हरै रौथ अटकाऐ। ते चिखदै लागै, “भगा! इस्राएली धिरिऐ न परमेश्वर लड़दा लागा सा!”

![](https://cdn.door43.org/obs/jpg/360px/obs-en-12-11.jpg)

सारै इस्राएली लोका समुन्द्रा रै दुज़ै पासै पूजै। तैबै परमेश्वरै मूसा सैंघै बोलू कि सौ दबारा पाणी पैंधै हौथ बढ़ाला ज़ैबै मूसै ऐण्ढा केरू, ता पाणी मिस्री सैना पैंधै आऊ होर पाणी आपणी स्थिति न हुआ। सारी मिस्री सैना पाणी न डूबी।

![](https://cdn.door43.org/obs/jpg/360px/obs-en-12-12.jpg)

ज़ैबै इस्राएली लोकै हेरू कि मिस्री लोका मुँऐं ती ता तिन्हैं परमेश्वरा पैंधै बशाह केरू। तिन्हैं बशाह केरू कि मूसा परमेश्वरा धिरिऐ न भविष्यवाणी केरनु आल़ा ती।

![](https://cdn.door43.org/obs/jpg/360px/obs-en-12-13.jpg)

इस्राएली लोका तैबै भी बोहू खुश ती किबैकि परमेश्वरै ते मौरनै न होर गुलाम होंणै न बचाऐ ती। ऐबै ते परमेश्वरा री आराधना केरनै होर तेइरा हुक्म मनणै री तैंईंयैं आज़ाद ती। इस्राएली लोकै आज़ादी रा त्यौहार मनाणै री तैंईंयैं होर परमेश्वरा री सराऊथि केरनै री तैंईंयैं कई गाणै लाऐ किबैकि तेइयै ते मिस्री लोकै री सैना न बचाए ती।

![](https://cdn.door43.org/obs/jpg/360px/obs-en-12-14.jpg)

परमेश्वरै इस्राएली लोका बै हर बौर्ष एक त्यौहार मनणै रा हुक्म धिना ऐ याद केरनै री तैंईंयैं कि कैण्ढै परमेश्वरै मिस्री लोका हराऐ होर ते दास होंणै न आज़ाद केरै। ऐ फसहा रा त्यौहार कहलाईया ती। एथा न तिन्हां बै त्यौहार मनाणै री तैंईंयैं एक शोभला मेमणु बौलि केरना ती, सौ भुनणा ती, होर सौ बिना मलेड़े री रोटी सैंघै खाणा ती।

*निर्गमन अध्याय 12:33-15:21 एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_12_128kbps.m4a

## 13. इस्राएली लोका सैंघै परमेश्वरा रा वायदा

https://openbiblestories.org/l/kfx/story-13/

![](https://cdn.door43.org/obs/jpg/360px/obs-en-13-01.jpg)

इस्राएली लोका बै लाल समुन्द्रा न पारै नेणै न बाद, परमेश्वरै ते सुनसान ज़ैगा न होईया सीनै ढौगा धिरिऐ नेऐ। ऐ सौऐ ढौग ती ज़ौखै मूसै फुकिदा लागादा झौकड़ हेरू ती। तिन्हें लोकै तेई ढौगा हेठै आपणै तौम्बू खड़ै केरै।

![](https://cdn.door43.org/obs/jpg/360px/obs-en-13-02.jpg)

परमेश्वरै मूसा होर इस्राएली रै सेभी लोका सैंघै बोलू, “तुसा बै हमेशा मेरी गैला मनणी पौई होर ज़ो वायदा हांऊँ तुसा सैंघै केरा सा तुंई बै बणाईया रखेई। अगर तुसै ऐण्ढा केरा सी, ता तुसा मेरा ईनाम, कीमती धन, पुरोहिता रा राज्य, होर एक पवित्र जाति होंणा।”

![](https://cdn.door43.org/obs/jpg/360px/obs-en-13-03.jpg)

परमेश्वरा रै ज़रियै तिन्हां हागै ऐणै री तैंईंयैं लोकै त्राई रोजा तकर आपु बै त्यार केरू। तैबै परमेश्वर सीनै ढौगा री चोटी न बुनै ओसू। ज़ैबै सौ आऊ ता, जौजरी हुई, बिजली चमकी, धूँआ उठू, रही री जोरै सैंघै आव़ाज हुई। तैबै मूसा आपू ढौगा पैंधै च़ढ़ू।

![](https://cdn.door43.org/obs/jpg/360px/obs-en-13-04.jpg)

तैबै परमेश्वरै लोका सैंघै एक वायदा केरू। तेइयै बोलू, “हांऊँ तुसरा परमेश्वर, प्रभु सा। ज़ुणियै तुसै मिस्रा री गुलामी न छ़ड़ाऐ। कौसी होरी देऊआ री पूजा हेरित् केरदै।”

![](https://cdn.door43.org/obs/jpg/360px/obs-en-13-05.jpg)

“मूर्ति हेरित् बणादै होर तिन्हरी पूजा हेरित् केरदै, किबैकि हाँऊँ प्रभु सा, तुसरा एकै परमेश्वर सा। गलत रीति सैंघै मेरे नाँ रा इस्तेमाल हेरित् केरदै। बशाँ रा ध्याड़ा मनणै री तैंईंयैं याद रखेईत्। छौ रोजा न आपणै सारै कोम केरेईत्, सौतुआ रोज़ तुसरी तैंईंयैं बशाँ केरनै होर मुँभै याद केरनै रा ध्याड़ा सा।”

![](https://cdn.door43.org/obs/jpg/360px/obs-en-13-06.jpg)

“आपणै आमा बापू रा आदर केरना। हत्या हेरित् केरदै। व्यभिचार हेरित् केरदै। चोरी हेरित् केरदै, आपणै पड़ेशी री लाड़ी, तेई रै घौर, या तेइरै कौसी घौरा, या तेइरै कौसी भी चीजा नेणै री इच्छा हेरी केरदै।”

![](https://cdn.door43.org/obs/jpg/360px/obs-en-13-07.jpg)

तैबै परमेश्वरै ते दस हुक्म पात्थरा री दुई पौटी न लिखिया मूसा बै धिनी। परमेश्वरै लोका बै मनणै री तैंईंयैं होर बिधान धिनै। अगर तिन्हैं इन्हां बिधाना रा पालन केरू ता परमेश्वरै तिन्हां लोका बै आशीष देणै होर तिन्हरी सुरक्षा केरनै रा वायदा केरू। पर तेइयै बोलू अगर ते इन्हरा पालन नैंई केरलै ता तेई तिन्हां बै सज़ा देणी।

![](https://cdn.door43.org/obs/jpg/360px/obs-en-13-08.jpg)

परमेश्वरै इस्राएली लोका बै एक बड़ा तौम्बू बनाणै बै बोलू, मिलाप आल़ा तौम्बू। तिन्हैं तिन्हां बै ठीक-ठीक दसु कि ऐ तौम्बू कैण्ढै बनाणा, होर तेई आँध्रै कि-कि चीजा रखणी। तेइयै तिन्हां बै तेई तौम्बू रै दुई कमरै न बौंडणै री तैंईंयैं एक बड़ै पर्दे बै बनाणै री तैंईंयैं बोलू। परमेश्वरा तेई पर्दे रै पिछलै कमरै न ऐणा होर तौखै रौहणा। ज़ौखै परमेश्वर ती तेई कमरे बै जाणै रा हुक्म सिर्फ महापुरोहिता बै ती

![](https://cdn.door43.org/obs/jpg/360px/obs-en-13-09.jpg)

तिन्हां लोका बै तेई मिलाप आल़ै तौम्बू रै सामनै एक वेदी बनाणी पौड़नी। कोई भी जो परमेश्वरा रै बिधाना बै नैंई मनदै सौ तेसा वेदी पैंधै एक पशु बै लेइया आंणै। तैबै पुरोहिता सौ बौलि केरनी होर वेदी पैंधै परमेश्वरा री तैंईंयै बौलि रै रूपा न फुकला। परमेश्वरै बोलू कि तेई पशु लोहू सैंघै तेई मांहणु रै पाप खौटणै। ऐण्ढी तैरहा परमेश्वरा ऐबै सौ पाप नैंई हेरना तिन्हा मांहणु परमेश्वरा री ज़री न “च़ोखै” होंणा। परमेश्वरै मूसा रा भाई हारूना होर तेइरै खानदान पुरोहित होंणै री तैंईंयैं चुनू सा।

![](https://cdn.door43.org/obs/jpg/360px/obs-en-13-10.jpg)

परमेश्वरै तिन्हां लोका बै ज़ो नियम धिनै ती ते तिन्हरा पालन केरनै री तैंईंयैं सहमत हुऐ| ते सिर्फ परमेश्वरा रै लोका होंणै री तैंईंयैं होर सिर्फ तेइरी आराधना केरनै री तैंईंयैं सहमत हुऐ|

![](https://cdn.door43.org/obs/jpg/360px/obs-en-13-11.jpg)

कई रोजा तकर मूसा सीनै ढौगा री चोटी पैंधै रौहू। परमेश्वरा सैंघै गैला केरदा लागा ती। पर लोका तिन्हरा वापस ऐणै रा इन्तजार केरदै-केरदै थकै। तैबै ते हारूना हागै सूना लेइया आऐ होर मूर्ति बनाणै री तैंईंयैं बोलू ताकि ते परमेश्वरा रै बजाय तेइरी आराधना केरी सकलै। ऐण्ढी तैरहा तिन्हैं भयंकर रूपा सैंघै परमेश्वरा रै खिलाफ पाप केरू।

![](https://cdn.door43.org/obs/jpg/360px/obs-en-13-12.jpg)

हारूनै बौछू रै रूपा न सूनै री एक मूर्ति बणाई। तिन्हैं लोकै तेसा मूर्ति री पूजा केरनी शुरू केरी होर तेसा बै बौलि च़ढ़ाई! तिन्हरै पापै री बजहा न परमेश्वर तिन्हां सैंघै बोहू झिकूआ ती। सौ तिन्हां बे नाश केरना चाहा ती। पर मूसै परमेश्वरा सैंघै अर्ज़ केरी परमेश्वरै तेइरी अर्ज शुणी होर सौ नाश नैंई केरू।

![](https://cdn.door43.org/obs/jpg/360px/obs-en-13-13.jpg)

तैबै मूसा सीनै ढौगा न बुनै औसू। सौ तिन्हां दुई पात्थरा री पौटी बै लेऐ दै ती ज़ुणी पैंधै परमेश्वरै दस हुक्म लिखै ती। फिरी तेइयै सौ मूर्ति हेरी। सौ ऐतरा झिकूआ कि तेइयै सौ पौटी चकनाचूर केरी।

![](https://cdn.door43.org/obs/jpg/360px/obs-en-13-14.jpg)

फिरी मूसै सौ मूर्ति पिशिया तेसा रा बुरा बणाऊ, होर सौ बुरा पाणी न मिलाईया तिन्हा लोका बै पियाऊ परमेश्वरै तिन्हां लोका पैंधै एक विपति भेजी होर तिन्हां मौंझ़ै न बोहू लोका मूँऐ।

![](https://cdn.door43.org/obs/jpg/360px/obs-en-13-15.jpg)

ज़ो पौटी मूसै चोड़ी ती तिन्हरी ज़ैगा लेणै री तैंईंयैं मूसै ते दस हुक्म पात्थरै री नौउँई पौटी बणाई। तैबै सौ दबारा ढौगा पैंधै च़ढ़ू होर प्रार्थना केरी कि परमेश्वर तिन्हां लोका बै माफ केरै। परमेश्वरै मूसा री शुणी होर तेआ माफ़ केरै। नौंऊई पौटी न दस हुक्म लेइया मूसा ढौगा न बूनै औसू। तैबै परमेश्वरै सीनै ढौगा न लेइया वायदै रै देशा तकर इस्राएली री अगुवाई केरी।

*निर्गमन अध्याय 19-34 एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_13_128kbps.m4a

## 14. सुनसान ज़ैगा न भटकणा

https://openbiblestories.org/l/kfx/story-14/

![](https://cdn.door43.org/obs/jpg/360px/obs-en-14-01.jpg)

परमेश्वरै इस्राएली लोका बै ते नियम दसणै बन्द केरै ज़ुणिरा तिन्हां बै केरैदै वायदै री बजहा न मनणा ती। फिरी तेइयै सीनै ढौगा न आगै तिन्हरी अगुवाई केरी। सौ तिन्हां बै वायदै रै देशा न नेणा चाहा ती। ऐ देश कनान भी बोलिया ती। परमेश्वर बादला रै थौम्बै न तिन्हां न आगै-आगै च़लू, होर ते तेई पिछे च़लै।

![](https://cdn.door43.org/obs/jpg/360px/obs-en-14-02.jpg)

परमेश्वरै अब्राहम, इसहाक होर याकूबा न वायदा केरू ती कि सौ वायदै रा देश तिन्हां रै खानदाना बै देणा, पर ऐई बौगत तौखै बोहू जाति रौहंदी लागी ती ते कनानी बोलिया ती ऐ कनानी लोका परमेश्वरा री आराधना नैंई केरदै ती होर तेइरा हुक्म नैंई मनदै ती ते झूठै देऊआ री पूजा केरा ती होर बोहू बुरै कोम केरा ती

![](https://cdn.door43.org/obs/jpg/360px/obs-en-14-03.jpg)

परमेश्वरै इस्राएली लोका सैंघै बोलू, “ज़ैबै तुसै तेई वायदै रै देशा न जालै ता तौखलै सैभ कनानी न छुटकारा पाईत्। तिन्हां सैंघै मिलाप हेरी केरदै होर न ऐ ब्याह हरित केरदै। तुसा बै तिन्हरी सैभ मूर्ति पूरी तैरहा नाश केरनी पौई। अगर तुसै मेरा हुक्म नैंई मनलै ता, तैबै तुसा मेरी नैंई तिन्हरी पूजा केरनी शुरू केरनी।”

![](https://cdn.door43.org/obs/jpg/360px/obs-en-14-04.jpg)

ज़ैबै इस्राएली लोका कनान देशा री सीमा न पूजै, ता मूसै इस्राएली रै हर गोत्रा मौंझ़ै न एक-एक केरिया बारा मर्द चुनै। तेइयै तिन्हां बै तेई देशा रा भेद लेणै री तैंईंयैं हुक्म धिना कि हेरलै कि सौ कैण्ढा देश सा। तिन्हां बै तिन्हां कनानी रा भी भेद लेणा ती कि ते ताकतवर ती या कमजोर ती।

![](https://cdn.door43.org/obs/jpg/360px/obs-en-14-05.jpg)

तिन्हां बारा मर्दे पूरै कनान देशा न होइया चाल़ी रोज़ा री यात्रा केरी होर ते वापस आऐ तिन्हैं लोका बै दसु, “सौ देश उपजाऊ सा होर तौखै बोहू नाज़ होआ सा!” पर दस भेदीयै बोलू, “तिन्हरै नगर बोहू मजबूत सी होर ते लोका बोहू लौम्मे- चौड़ै सी! अगर आसै तिन्हां पैंधै हमला केरा सी , ता तिन्हां आसै पक्का हराणै होर आसा मकाणै”

![](https://cdn.door43.org/obs/jpg/360px/obs-en-14-06.jpg)

छ़ेकै कालेब होर यहोशू होर दुई भेदियै बोलू, “ऐ सच़ सा कि कनानी लोका लौम्मै होर ताकतवर सी, पर पक्का आसा बै हराई सका सी! परमेश्वरा ऐ आसरी री तैंईंयैं लड़ना!”

![](https://cdn.door43.org/obs/jpg/360px/obs-en-14-07.jpg)

पर लोकै कालेब होर यहोशू री नैंई शुणी ते मूसा होर हारूना पैंधै झिकूऐ होर बोलू, “तुसै आसै ऐसा खतरनाक ज़ैगा न किबै आंणै सी? आसा मिस्रा न ऐ रौहणा ती अगर आसै तेई देशा बैं जान्दै ता आसा युद्धा न मौरना, कनाना रै लोका आसरी लाड़ी होर शोहरू गुलाम बनाणै” ते लोका तिन्हां बै मिस्रा न वापस नेणै री तैंईंयैं एक होर अगुवै बै चुनना चाहा ती

![](https://cdn.door43.org/obs/jpg/360px/obs-en-14-08.jpg)

ज़ैबै इन्हें लोकै ऐण्ढा बोलू ता परमेश्वर बोहू झिकुआ ती। सौ मिलाप आल़ै तौम्बू न आऊ होर बोलू, “तुसै मेरे खिलाफ़ विद्रोह केरू, तैबै तुसा बै ऐसा सुनसान ज़ैगा न भटकणा पौड़ना। हर एक मांहणु ज़ो बीह बौर्ष या तूंई न ज़ादा उम्रा रा सा तौखै मौरना होर कैधी भी तेई देशा न नैंई एज़ी सकदा। ज़ो हांऊँ तुसा बै देआ सा। सिर्फ कालेब होर यहोशू तेथा न एज़ी सका सा।”

![](https://cdn.door43.org/obs/jpg/360px/obs-en-14-09.jpg)

ज़ैबै लोकै परमेश्वर ऐण्ढा केरदा शुणु, ता ते दुखी हुऐ किबैकि तिन्हैं पाप केरू ती। तैबै तिन्हैं कनाना रै लोका पैंधै हमला केरनै रा फैसला केरू। मूसै तिन्हां बै नैंई जाणै रा हुक्म धिना किबैकि परमेश्वरै तिन्हां सैंघै नैंई जाणै री तैंईंयैं चेताऊणी धिनी किबैकि परमेश्वरै तिन्हां बै बोलू ती कि नैंई जाणा, पर तिन्हैं तेइरी नैंई शुणी।

![](https://cdn.door43.org/obs/jpg/360px/obs-en-14-10.jpg)

परमेश्वर ऐई युद्धा न तिन्हां सैंघै नैंई नौठा ती, तैबै कनानी लोकै ते हराऐ होर तिन्हां मौंझ़ै न बोहू मकाऐ। तैबै इस्राएली लोका कनाना न वापिस आऐ। आगलै चाल़ी बौर्षा तकर ते सुनसान ज़ैगा न औरै-पौरै भटकदै रौहै।

![](https://cdn.door43.org/obs/jpg/360px/obs-en-14-11.jpg)

इस्राएली लोकै रै ज़रियै सुनसान ज़ैगा न भटकणै रै चाल़ी बौर्षा न, परमेश्वरै तिन्हरी ज़रूरत पूरी केरी। तेइयै तिन्हां बै स्वर्गा न “मन्ना” री रोटी धिनी। तेइयै तितरा रै छ़ुण्ड भी तिन्हरै डेरै न भेज़ै ताकि तिन्हां हागै खाणै री तैंईंयैं मांस होला। तेई पूरै बौगता न, परमेश्वरै तिन्हरै झिकड़ै होर बूट चुटणै न बचाऐ।

![](https://cdn.door43.org/obs/jpg/360px/obs-en-14-12.jpg)

औखै तकर कि परमेश्वरै तिन्हरै पीणै री तैंईंयैं चमत्कार केरिया टोहली न पाणी खोलू। पर इन्हां सैभी रै बावजूद, इस्राएली लोकै परमेश्वरा रै खिलाफ़ होर मूसा रै खिलाफ़ शिकायत केरी होर कुड़कुड़ांदै लागै। तैबै भी परमेश्वर विश्वासयोग्य ती। तेइयै जो वायदा केरू ती कि सौ अब्राहम, इसाहक, होर याकूबा रै खानदाना री तैंईंयैं केरना, तेइयै सौ केरू।

![](https://cdn.door43.org/obs/jpg/360px/obs-en-14-13.jpg)

एक होर बारी ज़ैबै तिन्हां लोका हागै पाणी नैंई ती ऑथि, परमेश्वरै मूसा बै बोलू, “टोलही सैंघै गैला केर, होर तुंई न पाणी निकलणा” पर मूसै टोलही सैंघै गैला नैंई केरी। पर तेइयै शोठी सैंघै दुई बारी मारी। ऐण्ढी तैरहा तेइयै परमेश्वरा रा निरादर केरू। सैभी री तैंईंयैं पीणै रा पाणी टोलही न ता निकता, पर परमेश्वर मूसा न झिकुआ। तेइयै बोलू, “किबैकि तैं ऐण्ढा केरू सा, तैबै तू वायदै रै देशा न नैंई जाई सकदा।”

![](https://cdn.door43.org/obs/jpg/360px/obs-en-14-14.jpg)

ज़ैबै इस्राएली लोका चाल़ी बौर्षा तकर सुनसान ज़ैगा न भटकदै रोहै, तैबै तिन्हैं परमेश्वरा रै बिरोधा न विद्रोह केरू ती होर ते सैभ मूँऐ ती, तैबै परमेश्वरै लोका री अगुआई केरनै होर तिन्हरी मज़त केरनै री तैंईयैं यहोशू चुनू। परमेश्वरै मूसा सैंघै वायदा केरू ती कि एक रोज़ सौ तिन्हां लोका हागै मूसा सांही एक भविष्यवाणी केरनु आल़ा भेजणा।

![](https://cdn.door43.org/obs/jpg/360px/obs-en-14-15.jpg)

तैबै परमेश्वरै मूसा बै एक ढौगै री चोटी पैंधै जाणै री तैंईंयैं बोलू ताकि सौ वेतनदै रै देशा बै हेरी सकला मूसै सौ वायदै रा देश हेरू पर परमेश्वरै तेइबै तेथा न जाणै रा हुक्म नैंई धिना तैबै मूसा मूँआ, होर इसराएली लोकै तीह रोज़ा तकर दुःख मनाऊ यहोशू तिन्हरा नोंऊँआ अगुवा बणु यहोशू तिन्हरा एक शोभला अगुवा ती किबैकि तेइयै परमेश्वरा पैंधै बशाह केरू होर तेइरी गैला मनी

*निर्गमन अध्याय 16-17; गिणती 10- 14 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_14_128kbps.m4a

## 15. वायदै रा देश

https://openbiblestories.org/l/kfx/story-15/

![](https://cdn.door43.org/obs/jpg/360px/obs-en-15-01.jpg)

आखरी न, ऐबै सौ बौगत आऊ ती कि इस्राएली लोका वायदै रै देशा न, कनाना न प्रवेश केरलै। तेई देशा न यरीहो नाँ रा एक मांहणु ती। तेइरी सुरक्षा री तैंईंयैं तेइरै चौऊ पासै होर मजबूत दीवारा ती। यहोशूऐ तेई नगरा न दुई भेदी भेजै। तेई नगरा न राहाब नाँ री एक वेश्या रौहा ती। तेसै ते भेदी गज़ियाऐ, होर फिरी बादा न तेसै तिन्हां बै नगरा न बचिया निकलनै री मज़त केरी। तेसै ऐण्ढा तैबै केरू किबैकि सौ परमेश्वरा पैंधै बशाह रखा ती। ज़ैबै इस्राएली लोका यरीहो बै नाश केरलै तैबै तिन्हैं राहाब होर तेसा रै टबरा बै बचाणै रा वायदा केरू ती।

![](https://cdn.door43.org/obs/jpg/360px/obs-en-15-02.jpg)

इस्राएली लोका बै वायदै रै देशा न प्रवेश केरनै री तैंईंयैं यरदन नौई पार केरनी पौड़ा ती। परमेश्वरै यहोशू बै बोलू, “पुरोहिता बै पैहलै जाणै दै” ज़ैबै पुरोहितै यरदन नौई न आपणै कदम रखै ता पाणी री धारा एक दम रूकी, ज़ुणी सैंघै इस्राएली लोका नौई रै दुजी धिरिऐ शुकी धौरती पैंधै जाई सकलै।

![](https://cdn.door43.org/obs/jpg/360px/obs-en-15-03.jpg)

तिन्हैं लोकै नौई पार केरी ता परमेश्वरै यहोशू बै बोलू कि यरीहो पैंधै हमला केरनै री तैंईंयैं त्यार रौहा, सौ बोहू मजबूत नगर ती। परमेश्वरै तिन्हां लोका बै बोलू कि तिन्हरै पुरोहित होर सैनिक छौ रोज़ा तकर तेई नगरा रै चौऊ धिरिऐ चक्कर लाणा सा। तैबै पुरोहित होर सैनिकै ऐण्ढा केरू।

![](https://cdn.door43.org/obs/jpg/360px/obs-en-15-04.jpg)

तैबै सौतुऐ रोज़, इस्राएली लोकै तेई नगरा रै चौऊ धिरिऐ सौत बारी होर चक्कर लाऐ। तिन्हरै नगरा रै चौऊ पासै सौतुई बार चक्कर लाणै न बाद पुरोहितै आपणी तुरही फुकरी होर सैनिकै जोरै री आवाज़ केरी।

![](https://cdn.door43.org/obs/jpg/360px/obs-en-15-05.jpg)

तैबै यरीहो रै चौऊ धिरिऐ री दीवारा ढौल़ी! ज़ैण्ढै परमेश्वरै हुक्म धिना ती इस्राएली लोकै नगरा री हर चीज़ नाश केरी। तिन्हैं सिर्फ राहब होर तेसा रै टबर छौड़ै, ज़ो इस्राएली रा भाग बणै ती। ज़ैबै कनाना न रौहणु आल़ै होरी लोकै शुणु कि इस्राएली लोकै यरीहो नाश केरै. ता ते डौरै कि ते इस्राएली लोकै यरीहो नाश केरू सा, ता ते डौरै कि इस्राएली लोका तिन्हां पैंधै भी हमला केरना।

![](https://cdn.door43.org/obs/jpg/360px/obs-en-15-06.jpg)

परमेश्वरै इस्राएली लोका बै ऐ हुक्म धिना ती कि कनान देशा न रौहणु आल़ी कौसी भी जाति सैंघै मेल-मिलाप नैंई केरना सा। पर गिबोनी नाँ री एक कनानी जातियै झुठ बोलू कि कनाना न दूर एकी ज़ैगा रै रौहणु आल़ै सी। तिन्हैं यहोशू सैंघै मेल-मिलाप केरनै री अर्ज़ केरी। यहोशू होर होरी इस्राएली अगुवै परमेश्वरा न नैंई पुछू कि तिन्हांबै कि केरना चेहिऐ। तिन्हैं गीबोनी सैंघै मेल-मिलाप केरू।

![](https://cdn.door43.org/obs/jpg/360px/obs-en-15-07.jpg)

त्राई रोज़ा बाद, इस्राएली लोका बै पता लागा कि गिबोनी लोका कनान देशा न रौहा ती। ते झिकुऐ किबैकि गिबोनी लोकै तिन्हां बै धोखा धिना ती। पर तिन्हैं तिन्हां सैंघै केरूदा मेल-मिला बणाईया रखु। किबैकि सौ परमेश्वरा रै सामनै केरूदा ती। तैबै किछ़ बौगता बाद, कनाना न रौहणु आली एक होरी जाति, एमोरी रै राज़ै शुणु कि गिबोनी लोकै इस्राएली लोका सैंघै ल मिलाप केरू, तैबै तिन्हैं आपणी-आपणी सैना बै एक-एक केरिया बड़ी सैना बणाई होर गिबोना पैंधै हमला केरू। गिबोनी लोकै तिन्हरी मज़त केरनै री तैंईंयैं यहोशू हागै एक संदेश भेजू।

![](https://cdn.door43.org/obs/jpg/360px/obs-en-15-08.jpg)

तैबै यहोशू ए इस्राएली लोकै री सैना कठा केरी होर गिबोनी हागै पूजणै री तैंई ते पूरी रात च़लै। दोती झिशा तिन्हें एमोरी री सैना हैरान केरी होर तिन्हां पैंधै हमला केरू।

![](https://cdn.door43.org/obs/jpg/360px/obs-en-15-09.jpg)

तेई रोज़ परमेश्वर इस्राएली लोका री तैंईंयैं लड़ू। तेइयै एमोरी लोका घबराऐ होर तेइयै बड़े-बड़े शौऊरू शेटिया बोहू एमोरी लोका मकाऐ।

![](https://cdn.door43.org/obs/jpg/360px/obs-en-15-10.jpg)

परमेश्वरै सूरज भी सर्गा न एकी ज़ैगा न रखू। ताकि इस्राएली लोका बै पूरा बौगत मिली सकै कि एमोरी लोका बै पूरी तैरहा हराई सकलै। तेई रोज़ परमेश्वरै इस्राली लोका री तैंईंयैं एक बौहू बड़ी जीत हासिल केरी।

![](https://cdn.door43.org/obs/jpg/360px/obs-en-15-11.jpg)

ज़ैबै परमेश्वरै तिन्हां सैना बै हराणै न बाद, बोहू कनानी लोका बै इस्राएली पैंधै हमला केरनै री तैंईंयैं कठा हुऐ। यहोशू होर इस्राइली लोकै हमला केरिया तिन्हरा नाश केरू।

![](https://cdn.door43.org/obs/jpg/360px/obs-en-15-12.jpg)

इन्हां युद्धा न बाद, परमेश्वरै इस्राएली रै हर गोत्रा बै वायदै रै तेई देशा न तिन्हरा भाग धिना। तैबै परमेश्वरै इस्राएली लोका बै तेइरी सैभ सीमा पैंधै शान्ति धिनी।

![](https://cdn.door43.org/obs/jpg/360px/obs-en-15-13.jpg)

ज़ैबै यहोशू खापरा हुआ ता तेइयै इस्राएली रै सैभ लोका सैंघै शाधै। तैबै यहोशूऐ तिन्हां सैभी लोका बै याद कराऊ कि तिन्हैं तेई वायदै रा पालन केरनै री प्रतिज्ञा की ती ज़ो, परमेश्वरै तिन्हां सैंघै सीनै ढौगा पैंधै केरू ती तिन्हैं लोकै परमेश्वरा री तैंईंयैं विश्वास योग्य रौहणै होर तेइरै बिधाना रा पालन केरनै रा वायदा केरू सा।

*यहोशू अध्याय 1-24 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_15_128kbps.m4a

## 16. छुड़ाणु आल़ा

https://openbiblestories.org/l/kfx/story-16/

![](https://cdn.door43.org/obs/jpg/360px/obs-en-16-01.jpg)

यहोशू रै मौरनै न बाद इस्राएली लोकै परमेश्वरा रा हुक्म नैंई मनु। तिन्हैं परमेश्वरा रै नियमा रा पालन नैंई केरू, होर तिन्हैं तेई वायदै रै देशा न बचेदै कनानी लोका बाहरै खोलै। इस्राएली लोकै आपणै सच़ै परमेश्वर, प्रभु बै छौड़िया कनान देशा रै देऊआ री पूजा केरनी शुरू केरी। इस्राएली हागै कोई राजा नैंई ती, तैबै ज़ुणिबै ज़ो सही लागा सौऐ केरू।

![](https://cdn.door43.org/obs/jpg/360px/obs-en-16-02.jpg)

परमेश्वरा रा हुक्म नैंई मनणै रै ज़रियै इस्राएली लोकै एक विधि मनणी शुरू केरी ज़ो कई बार दोहराई ती। ऐ विधि ऐण्ढी रीतियै च़ली, किछ़ बौर्षा तकर इस्राएली लोका परमेश्वरा रा हुक्म नैंई मनणा, तैबै सौ तिन्हां बै तिन्हरै बैरी न हराणै रै ज़रियै सज़ा देला। इन्हां बैरी इस्राएली न तिन्हरी चिजा लूटणी, तिन्हरी धन दौलत नाश केरनी, होर तिन्हां न बोहू सारै मकाणै। फिरी ज़ैबै इस्राएली रै बैरीऐ तिन्हां पैंधै कई बौर्षा तकर अत्याचार केरना, तेथा न बाद इस्राएली लोका आपणै पापा न पछ़तावा केरना होर परमेश्वरा न तिन्हां बै बचाणै री तैंईंयैं प्रार्थना केरलै।

![](https://cdn.door43.org/obs/jpg/360px/obs-en-16-03.jpg)

हर बार ज़ैबै इस्राएली पापा न पछ़तावा केरलै ता परमेश्वरा ते बचाणै। तेई एक छुड़ाणु आल़ै बै ऐण्ढा केरना। परमेश्वरै तिन्हां लोका बै बचाणै री तैंईंयैं बोहू सारै छुडानु आल़ै भेजै। परमेश्वरा सैंघलै एक बैरी मिद्यानीजै लोका रै ज़रियै इस्राएली लोका हराणै रै ज़रियै दबारा ऐण्ढा केरू।

![](https://cdn.door43.org/obs/jpg/360px/obs-en-16-04.jpg)

मिद्यानी लोकै सौत बौर्षा तकर इस्राएली लोका रा नाज़ लुटू| इस्राएली लोका बोहू डौरै ती, होर ते गुफा न गोजुऐ ताकि मिद्यानी लोका तिन्हां बै तोपी नैंई सकलै। आखिरकार, तिन्हां बै बचाणै री तैंईंयैं तिन्हैं परमेश्वर पुकारू।

![](https://cdn.door43.org/obs/jpg/360px/obs-en-16-05.jpg)

गिदोन नाँ रा एक इस्राएली मर्द ती। एक रोज़, सौ एक गुप्त ज़ैगा न गेंहू फड़ाकदा नौठा ती ताकि मिद्यानी लोका तूंईबै चोरी नैंई सकलै। प्रभु रै स्वर्गदूते गिदोना हागै एज़िया तेइबै बोलू, “ओ शूरवीर परमेश्वर तौ सैंघै सा। जा होर इस्राएली लोका बै मिद्यानी लोका बै बचा।”

![](https://cdn.door43.org/obs/jpg/360px/obs-en-16-06.jpg)

गिदोना रै बापू हागै मूर्ति बै च़ढ़ाणै री तकर एक वेदी ती। सैभी न पैहली गैल ज़ो परमेश्वरै गिदोना बै केरनै री तैंईंयैं बोली सौ तेसा वेदी बै चोड़ना ती। पर गिदोन लोका न डौरा ती, तैबै तेइयै रात होंणै रा इन्तजार केरू। तैबै तेइयै तेसा वेदी रै चोड़िया टुकड़े टुकड़े केरै। तेइयै परमेश्वरा री तैंईंयैं बौलि च़ढ़ाई।

![](https://cdn.door43.org/obs/jpg/360px/obs-en-16-07.jpg)

आगलै रोज़ दोती लोकै हेरू कि कौसियै वेदी चोड़िया टुकड़े-टुकड़े केरै, तैबै ते झिकुऐ। ते गिदोना बै मारनै री तैंईंयैं तेइरै घौरा बै नौठै, पर गिदोना रै बापू सैंघै बोलू, “तुसै किबै आपणै देऊऐ री मज़त केरनै री कोशिश केरदै लागै सी? अगर सौ देऊ सा ता तेइबै आपणी सुरक्षा आपु केरनै दै!” किबैकि तेइयै ऐण्ढा बोलू तैबै लोकै गिदोन नैंई मकाऊ।

![](https://cdn.door43.org/obs/jpg/360px/obs-en-16-08.jpg)

तैबै इस्राएली लोका बै लूटणै री तैंईंयैं मिद्यानी लोका फिरी भी आऐ। ते ऐतरै सारै ती कि तिन्हरी गिणती भी नैंई केरी सका ती। गिदोने तिन्हरै खिलाफ लड़ने री तैंईंयैं इस्राएली लोका आपू सैंघै शाधै। गिदोनै परमेश्वरा न दुई चिन्ह मुँगै ताकि तेइबै बशाह होला कि परमेश्वर सच़ियै तेइबै इस्राएला बै बचाणै री तैंईंयैं बोलदा लागा ती।

![](https://cdn.door43.org/obs/jpg/360px/obs-en-16-09.jpg)

पैहलै चिन्हा री तैंईंयैं, गिदोनै भेड़ा री ऊन धौरती पैंधै रखिया परमेश्वरै बोलू कि दोतकी ओश सिर्फ भेड़ा री तिना ऊना पैंधै पौई लोड़ी पर धौरती पैंधै नैंई पौई लोड़ी। परमेश्वरै ऐण्ढा केरू। आगली राती, तेइयै परमेश्वरा बै बोलू कि धौरती सिन्हीं हुई लोड़ी पर भेड़े री ऊन शुकी शुकी लोड़ी रौही। परमेश्वरे ऐण्ढा भी केरू। इन्हां दुई चिन्हा री बजहा न, गिदोनै बशाह केरू कि परमेश्वर सच़ीए चाहा सा कि सौ इस्राएली लोका बै मिद्यानी लोका न बचा।

![](https://cdn.door43.org/obs/jpg/360px/obs-en-16-10.jpg)

तैबै गिदोनै सैनिक आपु हागै शाधु होर 32,000 मर्द आऐ। पर परमेश्वरै तेईन बोलू कि ऐ बोहू ज़ादा सी। तैबै गिदोनै तिन्हां सैभ 22,000 सैनिक घौरा वापस भेज़ै ज़ो लड़ने न डौरा ती। परमेश्वरै गिदोना बै बोलू ऐ मर्द भी बोहू ती। तैबै गिदोनै 300 सैनिका न छौड़िया ते सैभ घौरा भेजै।

![](https://cdn.door43.org/obs/jpg/360px/obs-en-16-11.jpg)

तेसा राती परमेश्वरै गिदोना बै बोलू, “मिद्यानी लोके रै डेरै न जा होर तिन्हां बै गैला केरदै शुण। ज़ैबै तू शुणला कि ते कि गैला केरा सी ता तौ तिन्हां पैंधै हमला केरनै न नैंई डौरना।” तैबै तेसा राती, गिदोन बुनै तिन्हरै डेरै न नौठा होर तेइयै मिद्यानी सैनिका बै आपणै सैंघी बै गैला दसदैआ शुणी ज़ो तेइयै सुपनै न हेरी ती। तेई मर्दा रै सैंघियै बोलू, “ऐई सुपनै रा मतलब सा किगिदोनै री सैने आसै मिद्यानी सैना हराणी!” ज़ैबै गिदोनै ऐ शुणु ता तेइयै परमेश्वरा री सराऊथि केरी।

![](https://cdn.door43.org/obs/jpg/360px/obs-en-16-12.jpg)

तैबै गिदोन आपणै सैनिका हागै वापस आऊ होर तिन्हां मौंझ़ै न हर एकी बै नरशिंगा, एक माटै रा भाण्डा होर एक मशाल धिनी। तिन्हैं सौ डेरा घेरू ज़ौखै मिद्यानी सैनिक सौंदै लागै ती। गिदोना रै 300 सैनिकै पणी मशाला भाण्डै न खौटी ती तैबै मिद्यानी लोका तिन्हां मशाला रै प्याशै बै हेरी नैंई ती सकदै।

![](https://cdn.door43.org/obs/jpg/360px/obs-en-16-13.jpg)

तैबै गिदोना रै सैभ सैनिकै आपणै भाण्डै एकी बारी न चोड़िया अचानक मशाला न औग प्रकट केरी। तिन्हें आपणै नरशिंगे फुकरै होर जोरै- जोरै सैंघै चिखै, "यहोवा री धिरिए न गिदोनै री तलवार!"

![](https://cdn.door43.org/obs/jpg/360px/obs-en-16-14.jpg)

परमेश्वरै मिद्यानी लोका डराऐ, तैबै ते एकी दुजै बै मारदै काटदै लागै। छ़ेकै, गिदोनै ते समाद देणु आल़ै बैहू सारै इस्राएली लोका मिद्यानी लोका रा पिछा केरनै न तिन्हरी मज़त केरनै री तैंइयैं भेजै। तिन्हैं तिन्हां मौंझ़ै न बोहू सारै सारै लोका मकाऐ होर बाकी रा पिछा केरिया ते इस्राएल देशा न बाहरै खोलै। तेई रोज़ 1,20, 000 मिद्यानी लोका मकाऐ। ऐण्ढी तैरहा परमेश्वरै इस्राएली लोका बच़ाऐ।

![](https://cdn.door43.org/obs/jpg/360px/obs-en-16-15.jpg)

ते लोका गिदोना बै आपणा राजा बनाणा चाहा ती, पर गिदोनै तिन्हां बै ऐण्ढा केरनै नैंई धिना, पर तेइयै तिन्हां न ते सूनै रै गैहणै मुँगै ज़ो तिन्हां मौंझ़ै न सैभिऐ मिद्यानी लोका न लूटै ती। तिन्हैं लोकै बोहू ज़ादा सूना गिदोना बै धिना।

![](https://cdn.door43.org/obs/jpg/360px/obs-en-16-16.jpg)

तैबै गिदोनै तेई सूनै सैंघै एक खास किस्मै झिकड़ै बणाऐ ज़ैण्ढै कि एक महापुरोहित ला ती। पर लोकै तेइरी पूजा केरनी शुरू केरी ज़ैण्ढै कि सौ एक मूर्ति होली। तैबै परमेश्वरै फिरी इस्राएली लोका बै सज़ा धिनी किबैकि तिन्हैं मूर्ति री पूजा केरी ती। परमेश्वरै तिन्हरै बैरी बै हराणै री तैईंयै मज़बूर केरै। आखिरकार तिन्हैं फिरी परमेश्वरा न मज़त मौंगणै री तैईयैं प्रार्थना केरी, होर परमेश्वरै तिन्हां हागै तिन्हांबै बच़ाणै री तैईयैं एक होर छुड़ाणु आल़ा भेज़ु।

![](https://cdn.door43.org/obs/jpg/360px/obs-en-16-17.jpg)

ऐ गैल कई बार हुई: इस्राएली लोका पाप केरना, परमेश्वरा तिन्हां बै सज़ा देणी, तिन्हां पछ़तावा केरना, होर परमेश्वरा तिन्हां बै छुड़ाणै री तैंईंयैं कोई भेजणा। कई बौर्षा तकर, परमेश्वरै बोहू सारै छुडाणु आल़ै भेजै ऐ ज़ंणियै इस्राएली लोका तिन्हरै बैरी न बच़ाऐ ती।

![](https://cdn.door43.org/obs/jpg/360px/obs-en-16-18.jpg)

आखिरकार, तिन्हैं लोकै होरी देशा सांही परमेश्वरा न आपणी तैंईंयैं एक राजा मुँगु। ते एक ऐण्ढा राजा चाहा ती ज़ो लौम्मा होर शक्तिशाली हो, होर ज़ो युद्धा न तिन्हरी अगुवाई केरी सकला। परमेश्वरा बै ऐ अर्ज़ पसन्द नैंई आई, पर तेइयै तिन्हां बै एक ऐण्ढा राजा धिना ज़ैण्ढा तिन्हैं माँग केरी ती।

*न्यायियों अध्याय 1-3;6-8; 1 श्मूएल 1-10 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_16_128kbps.m4a

## 17. दाऊदा सैंघै परमेश्वरा रा वायदा

https://openbiblestories.org/l/kfx/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएली रा पैहला राजा ती। सौ लौम्मा होर बांका ती, ज़ैण्ढै ते लोका चाहा ती। इस्राएली पैंधै आपणै शासकै रै पैहलै किछ़ बौर्षा तक शाऊल एक शोभला राजा ती। पर बादा न सौ एक दुष्ट मांहणु बणु ज़ुणियै परमेश्वरै री गैल नैंई मनी, तैबै परमेश्वरै एक होर मांहणु चुनू।

![](https://cdn.door43.org/obs/jpg/360px/obs-en-17-02.jpg)

परमेश्वरै दाऊद नाँ रै एक ज़ुआन इस्राएली मर्दा बै चुनिया एक रोज़ शाऊला री ज़ैगा पैंधै राजा होंणै री तैंईंयैं त्यार केरना शुरू केरू। दाऊद बैतलहम नगरा रा एक फुआल ती। कई बार, दाऊदै शेर होर भालू दुऐ मकाऐ ती किबैकि ज़ैबै दाऊद भेड़ा-बौकरी री हेर-शुण केरा ती तैबै तिन्हैं हमला केरू ती। दाऊद एक दीन होर धर्मी मांहणु ती। तेइयै परमेश्वरा पैंधै बशाह केरू होर तेइरी गैला मनी।

![](https://cdn.door43.org/obs/jpg/360px/obs-en-17-03.jpg)

ज़ैबै दाऊद ऐबै ज़ुआनै ती, तेइयै लौम्मै-चौड़ै गोलीयता रै खिलाफ लड़ाई केरी। गोलियत एक बोहू शोभला सैनिक ती। सौ बोहू ताकतवर होर त्राई मीटर लौम्मा ती! पर परमेश्वरै गोलियता बै मारनै होर इसराएली बै बचाणै न दाऊदा री मज़त केरी। एथा न बाद, दाऊदै इस्राएला रै देशा पैंधै कई बार जीत हासिल केरी। दाऊद एक बड़ा सैनिक बणु, होर तेइयै बोहू सारै युद्धा न इस्राएली सैना री अगुवाई केरी। लोकै तेइरी सराऊथि केरी।

![](https://cdn.door43.org/obs/jpg/360px/obs-en-17-04.jpg)

लोकै दाऊदा सैंघै एतरी झ़ुरी केरी कि शाऊल तेई सैंघै मिश केरदा लागा। आखिरकार शाऊल तेई बै मारना चाहा ती, तैबै दाऊद तेईन होर तेई सैंघै सैनिका न गोज़िणै री तैंईंयैं सुनसान ज़ैगा न भगू। एक रोज़, ज़ैबै शाऊल होर तेइरै सैनिक दाऊदा बै तोपदै लागै ती ता शाऊल एक गुफा न नौठा। ऐ सौऐ गुफा ती, ज़ुणिन दाऊद गोजुआ ती, पर शाऊलै सौ नैंई हेरू। दाऊद तेई पिछै बोहू नेड़ नौठा होर तेइरै झिकड़ै न एक टुकड़ा काटू। बादा न, ज़ैबै शाऊल तेसा गुफा न निकता ता दाऊदै हाक पाइया तेई रै ढौकेदै झिकड़ै रा टुकड़ा रिहाऊ ऐण्ढी तैरहा, शाऊला बै पता लागा कि दाऊदै राजा बनणै री तैंईंयैं तेईबै मारनै री तैंईंयैं नाँह केरू।

![](https://cdn.door43.org/obs/jpg/360px/obs-en-17-05.jpg)

किछ़ बौगता बाद, शाऊल युद्धा न मूँआ, होर दाऊद इस्राएली रा राजा बणु। सौ एक शोभला राजा ती, होर लोकै तेई सैंघै झ़ुरी रखी। परमेश्वरै दाऊदा बै आशीष धिनी होर सौ सफल बणाऊ। दाऊदै कई युद्ध लड़े, होर परमेश्वरै इस्राएली रै बैरी बै हराणै री तैंईंयैं तेइरी मज़त केरी। दाऊदै यरूशलेम नगर जितिया सौ आपणी राजधानी बणाई, ज़ौखै सौ रौहू होर तौखै राज़ केरू। दाऊद चाल़ी बौर्षा तकर राजा रौहू। ऐई बौगत, इस्राएल सामर्थी होर धनवान बणु ती।

![](https://cdn.door43.org/obs/jpg/360px/obs-en-17-06.jpg)

दाऊद एक मन्दिर बनाणा चाहा ती ज़ौखै सारै इस्राएली परमेश्वरा री आराधना केरी सकलै होर तेइरी तैंईंयैं बौलि चकढ़ाई सकलै। लगभग 400 बौर्षा न, ते लोका मूसा रै बणाऐदै मिलापा आल़ै तौम्बू न परमेश्वरा री आराधना केरदै लागै ती होर तेइरी तैंईंयै बौलि च़ढ़ाँदै लागै ती।

![](https://cdn.door43.org/obs/jpg/360px/obs-en-17-07.jpg)

पर तौखै नातान नाँ रा एक भविष्यवाणी केरनु आल़ा ती। परमेश्वरै सौ दाऊद ऐ बोलणै री तैंईंयैं भेजू, “तैं बोहू युद्ध लड़ै सी, तैबै तू मेरी तैंईंयैं मन्दिर नैंई बणाई सकदा तेरै बेटै ऐ बनाणा। तैबै, मुँ तौभै बोहू आशीष देणी। तेरै एक खानदाना हमेशा री तैंईंयैं मेरे लोका पैंधै राज़ केरना।” हमेशा री तैंईंयैं राज़ केरनु आल़ा सौ दाऊदा रा एकै खानदान मसीह ती। मसीह परमेश्वरा रा चुनूदा मांहणु ती जो दुनिया रै लोका बै तिन्हरै पापा न बचांदा आऊ ती।

![](https://cdn.door43.org/obs/jpg/360px/obs-en-17-08.jpg)

ज़ैबै दाऊदै नाताना रा संदेश शुणु ता तेइये परमेश्वरा रा धन्यवाद केरू होर सराऊथि केरी। परमेश्वर तेइरी इज़ता बै बढ़ाँदा लागा ती होर तेइबै बोहू आशीष देंदा लागा ती, बेशक, नैंई जाणदा ती इन्हां गैला बै कैबै केरला। ऐई बौगत आसै जाणा सी कि इस्राएला बै एक लौम्मै बौगता तकर लगभग 1,000 बौर्षा तकर मसीह रै ऐणै रा इन्तजार केरना पौड़ना।

![](https://cdn.door43.org/obs/jpg/360px/obs-en-17-09.jpg)

दाऊदै कई बौर्षा तकर न्याय सैंघै आपणै लोका पैंधै राज़ केरू। तेइयै बड़ै आदरा सैंघै परमेश्वरा रा वचन मनु होर परमेश्वरै तेइबै आशीष धिनी। हालांकि, आपणै जिन्दगी रै आखरी न तेइयै परमेश्वरा रै खिलाफ खतरनाक पाप केरू ती।

![](https://cdn.door43.org/obs/jpg/360px/obs-en-17-10.jpg)

एक रोज़ दाऊदै महला न बारै झाँकू होर बांकी बेटड़ी नहांदैआ हेरी। सौ नैंई जाणदा ती, पर तेइयै पता लाऊ कि तैसा नाँ बेतशेदा ती।

![](https://cdn.door43.org/obs/jpg/360px/obs-en-17-11.jpg)

आपणी नज़री बै फेरनै न बाद, दाऊदै तैसा बै आपु हागै आंणनै री तैंईंयैं कोई भेजू। सौ तेई सैंघै सूती होर सौ घौरा भेजी। थोड़ै रोज़ा बाद बतशेबै ऐ बोलिया दाऊदा हागै संदेशा भेजू कि सौ सूज़दी सा|

![](https://cdn.door43.org/obs/jpg/360px/obs-en-17-12.jpg)

बतशेबा रा लाड़ा उरिय्याह नाँ रा एक मांहणु ती। सौ दाऊदा रै एक शोभलै सैनिका मौंझ़ै न ती। ऐई बौगत सौ युद्ध केरनै री तैंईंयैं बाहरै नौठा ती। दाऊदै उरिय्याह युद्धा न वापस शाधिया तेइबै आपणी लाड़ी सैंघै रौहणै री तैंईंयैं बोलू। पर होर सैनिक युद्धा न ती तैबै उरीय्याहै घौरा जाणै न नाँ केरू। तैबै दाऊदै उरिय्याह वापस भेजू होर सेनापति सैंघै ऐण्ढा बोलू कि तेइबै तेसा ज़ैगा न रख ज़ौखै सैभी न शक्तिशाली बैरी होलै ताकि सौ मकाऊ लोड़ी। ता ऐण्ढा हुआ कि उरिय्याह युद्धा न मूँआ|

![](https://cdn.door43.org/obs/jpg/360px/obs-en-17-13.jpg)

उरिय्याह रै युद्धा न मौरनै न बाद दाऊदै बेतशेदा सैंघै ब्याह केरू। बादा न तेसै दाऊदा रै बेट बै जन्म धिना। दाऊदै ज़ो केरू तेथा न परमेश्वर बोहू झिकुआ ती, तैबै तेइयै नातान भविष्यवाणी केरनु आल़ै बै दाऊदा बै ऐ दसणै री तैंइंयैं भेजू कि तेइरा पाप केतरा बुरा ती। दाऊदै आपणै पापै रा पश्चाताप केरू होर परमेश्वरै तेइबै माफ़ केरू। आपणी बाकि ज़िन्दगी न, आपणै मुश्कलाता न भी दाऊद परमेश्वरा पिछ़ै-पिछ़ै च़लू होर तेइरी गैला मनी।

![](https://cdn.door43.org/obs/jpg/360px/obs-en-17-14.jpg)

पर दाऊदा रा बेटा मूँआ। ऐण्ढी तैरहा परमेश्वरै दाऊदा बै सज़ा धिनी। ऊँईरै अलावा, दाऊदा रै मौरनै तकर तेइरै आपणै टबरा रै किछ़ लोकै तेइरै खिलाफ़ लड़ाई केरी, होर दाऊदै री आपणी शक्ति कम हुई ती। पर परमेश्वर विश्वासयोग्य ती होर ऐबै भी तेइयै सौ केरू जो तेइयै दाऊदा सैंघै केरनै रा वायदा केरू ती कि तेई केरना, भलै ही दाऊदै तेइरी गैल नैं मनी ती। बादा न, दाऊद होर बेतशेदा री दुजी औलाद पैदा हुई, होर तिन्हैं तेइरा नाँ सुलैमान रखु।

*1 शमूएल अध्याय 10;15-19; 24;31; 2 शमूएल 5;7; 11-12 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_17_128kbps.m4a

## 18. राज्य रा बौंडिणा

https://openbiblestories.org/l/kfx/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजै चाल़ी बौर्षा तकर राज़ केरू, होर तेइरै बेटै सुलैमानै इस्राएली पैंधै राज़ केरना शुरू केरू। परमेश्वरै सुलैमानै री गैला केरी होर तेइन पुछू कि सौ सैभी न ज़ादा कि चाहा सा कि परमेश्वर तेइरी तैंईंयैं केरला। सुलैमानै परमेश्वरा ना मुँगु कि सौ तेइबै बोहू बुद्धिमान बणाऐ। ऐसा गैला सैंघै परमेश्वर बोहू खुश हुआ, तैबै परमेश्वरै सुलैमान दुनिया रा सैभी न बुद्धिमान मर्द बणाऊ सुलैमानै बोहू गैला सिखी होर सौ एक बुद्धिमान राजा ती। परमेश्वरै सौ बोहू धनी भी बणाऊ ती।

![](https://cdn.door43.org/obs/jpg/360px/obs-en-18-02.jpg)

यरूशलेमा न सुलैमानै सौ मन्दिर बणाऊ ज़ुणिरी तैंईंयैं तेइरै बापूऐ तरकीब बणाई ती होर चिजा कठा केरी ती। ऐबै लोका मिलापा आल़ै तौम्बू रै बजाय मन्दिरा न परमेश्वरा री आराधना केरा ती होर तेइरी तैंईंयैं बौलि च़ढ़ा ती। परमेश्वर एज़िया मन्दिरा न मौजूद रौहा ती, होर तौखै सौ आपणै लोका सैंघै रौहा ती।

![](https://cdn.door43.org/obs/jpg/360px/obs-en-18-03.jpg)

पर सुलैमानै दुजै देशा री बेटड़ी सैंघै झ़ुरी रखी। लगभग 1,000 बेटड़ी सैंघै ब्याह केरिया परमेश्वरा रा अनादर केरू! इन्हां मौंझ़ै न बोहू बेटड़ी पराऐ देशा न आई होर आपु सैंघै आपणै देऊ भी आंणै होर तिन्हरी पूजा केरनी शुरू केरी। ज़ैबै सुलैमान खापरा हुआ ता तेइयै भी तिन्हरै देऊऐ री पूजा केरनी शुरू केरी।

![](https://cdn.door43.org/obs/jpg/360px/obs-en-18-04.jpg)

ऐसा बजहा न परमेश्वर सुलैमाना सैंघै बोहू झिकुआ ती। तेइयै बोलू कि सौ इस्राएल देशा बै दुई राज्य न बौंडिया तेइबै सज़ा देला। तेई सुलैमाना रै मौरनै न बाद ऐण्ढा केरना।

![](https://cdn.door43.org/obs/jpg/360px/obs-en-18-05.jpg)

सुलैमाँना रै मौरनै न बाद, रहबाम राजा बणु। इस्राएल देशा रै सैभ लोका तेइबै आपणै राजा रै रूपा न अपनाणै री तैंईंयैं कठै हुऐ। तिन्हैं रहबामा सैंघै शिकायत केरी कि सुलैमानै तिन्हां सैंघै बोहू मेहनत कराई ती होर बोहू कर वसूल केरै ती। तिन्हैं रहबामा सैंघै अर्ज़ केरी कि तिन्हां न कम कोम करालै।

![](https://cdn.door43.org/obs/jpg/360px/obs-en-18-06.jpg)

पर रहबा बै तिन्हां बै बड़ी मूर्खता सैंघै ज़वाब धिना, “तुसै बोला सी की मेरे बापू सुलैमानै तुसा न बोहू मेहनत कराई। पर मूँ तुसा न होर भी ज़ादा कड़ी मेहनत कराणी, होर मुँ तुसै तेथा न भी ज़ादा दुखी केरनै।

![](https://cdn.door43.org/obs/jpg/360px/obs-en-18-07.jpg)

ज़ैबै लोकै सौ ऐण्ढा बोलदा शुणु ता तिन्हां मौंझ़ै न कई लोकै तेइरै खिलाफ़ विद्रोह केरू। दस गोत्रे सौ छौड़ू; तेई सैंघै ऐबै सिर्फ दुई गोत्र बच़ै। इन्हां दुई गोत्रै आपू बै यहूदा रा राज्य बोलू।

![](https://cdn.door43.org/obs/jpg/360px/obs-en-18-08.jpg)

बाकी रै दस गोत्रै यारोबाम नाँ रै एक मर्द आपणा राजा बणाऊ। ऐ गोत्र देशा रै उतरी-पूर्वी भागा न ती। तिन्हैं आपु बै इस्राएलै रा राज्य बोलू।

![](https://cdn.door43.org/obs/jpg/360px/obs-en-18-09.jpg)

पर यारोबामै परमेश्वरा रै खिलाफ विद्रोह केरू होर लोका न पाप कराऊ। तेइयै आपणै लोका रै ज़रियै पूजा केरनै री तैंईंयैं दुई मूर्ति बणाई। ते ऐबै यहूदा रै राज्य न यरूशलेमा न परमेश्वरा रै मन्दिरा न तेइरी आराधना केरनै री तैंईंयैं नैंई नौठै।

![](https://cdn.door43.org/obs/jpg/360px/obs-en-18-10.jpg)

यहूदा होर इस्राएला रै राज्य बैरी बणै, होर ते एकी दुजै रै बिरोधा न लड़दै लागै।

![](https://cdn.door43.org/obs/jpg/360px/obs-en-18-11.jpg)

इस्राएला रै नोंऊँऐ राज्य न, सारै राजै दुष्ट ती। इन्हां मौंझ़ै न कई राजा तिन्हरी ज़ैगा पैंधै राजा बणनै री चाहा रखणु आल़ै होरी इस्राएली रै ज़रियै मारूऐ ती।

![](https://cdn.door43.org/obs/jpg/360px/obs-en-18-12.jpg)

इस्राएल राज्य रै सारै राजै होर बोहू लोकै मूर्ति री पूजा केरी। ज़ैबै तिन्हैं ऐण्ढा केरू, ता ते वेश्या सैंघै सुते होर औखै तकर कि कई बार मूर्ति रै आगै शोहरू री बौलि भी च़ढ़ाई।

![](https://cdn.door43.org/obs/jpg/360px/obs-en-18-13.jpg)

यहूदा राज्य रै राजा, दाऊदा रै खानदान ती। इन्हां राजै मौंझ़ै कई भलै मांहणु ती ज़ुणियै न्याय सैंघै राज़ केरू होर परमेश्वरा री आराधना केरी। पर यहूदा रै बोहू राजा दुष्ट ती। तिन्हैं दुष्टता सैंघै राज़ केरू, होर मूर्ति री पूजा केरी। औखै तकर कि इन्हां मौंझ़ै न किछ़ राजै झुठै देऊआ आगै आपणै शोहरू री भी बौलि केरी। यहूदा रै बोहू लोकै भी परमेश्वरा रै बिरोधा न विद्रोह केरू होर होरी देऊआ री पूजा केरी।

*1 रजा अध्याय 1-6; 11-12 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_18_128kbps.m4a

## 19. भविष्यवाणी केरनु आल़ा

https://openbiblestories.org/l/kfx/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इस्राएली हागै भविष्यवाणी केरनु आल़ै बै भेजदा लागा ती। भविष्यवाणी केरनु आल़ै परमेश्वरा न संदेशा बै शुणा ती होर फिरी तेथा बै लोका बै दसा ती।

![](https://cdn.door43.org/obs/jpg/360px/obs-en-19-02.jpg)

ज़ैबै अहाब इस्राएल राज्य पैंधै राजा ती ता तेई बौगत एलिय्याह भविष्यवाणी केरनु आल़ा ती। तेइयै झूठै देऊआ री पूजा कराणै री तैंईंयैं लोका मजबूर केरै ती। तैबै एलिय्याहे आहाबा सैंघै बोलू कि परमेश्वर तिन्हां लोका बै सज़ा देणु आल़ा ती। तेइयै बोलू, “ज़ैबै तकर हांऊँ दबारा गाश होंणै री तैंईंयैं नैंई बोलनु तैबै तकर इस्राएला न गाश नैंई होंणा होर न ऐ औश पौड़नी” ऐसा गैला न अहाब ऐतरा झिकुआ कि तेइयै एलिय्याह बै मकाणै रा फैसला केरू।

![](https://cdn.door43.org/obs/jpg/360px/obs-en-19-03.jpg)

तैबै परमेश्वरै एलिय्याह बै बोलू कि जंगला न जाईया अहाबा न गोज़िया। एलिय्याह जंगला न तेई सोते हागै नौठा ज़ौखै परमेश्वरै तेईबै दसु ती। हर दोती होर हर सौंझ़ा, चिड़ू एलिय्याह री तैंईंयैं रोटी होर मांस लेइया एज़ा ती ऐई पूरै बौगता न, अहाब होर तेइरी सैना एलिय्याह बै तोपदै रौहै, पर ते तेइबै तोपी नैंई सकै|,

![](https://cdn.door43.org/obs/jpg/360px/obs-en-19-04.jpg)

गाश नैंई होंणै न बाद सौ सोता शुकू। तैबै एलिय्याह सैंघै एकी देशा बै नौठा। तेई देशा न एक गरीब विधवा ती। ज़ुणिरा एक बेटा ती। तिन्हां हागै खाँणा लगभग खत्म हुआ ती किबैकि तौखै कोई नाज़ नैंई हुआ ती। पर फिरी भी, तेसै बेटड़ियै एलिय्याह री हेर-शुण केरी, तै परमेश्वरै तेइरी होर तेइरै बेटै री जरूरत पूरी केरी, ऐसा बजहा न तेसा रै पीठै रा भाण्डा होर तेसा रै तेला री कुप्पी कैधी खाली नैंई हुई। तेई पूरै अकाला न तिन्हां हागै नाज़ ती। एलिय्याह किछ़ बौर्षा तकर तौखै रौहू।

![](https://cdn.door43.org/obs/jpg/360px/obs-en-19-05.jpg)

साढ़े त्राई बौर्षा न बाद, परमेश्वरै एलिय्याह सैंघै बोलू कि तेई दबारा गाश देणा तेइयै एलिय्याह न वापस इस्राएला रै राज्य न जाईया अहाबा सैंघै गैला केरनै री तैंईंयैं। तैबै एलिय्याह आहाबा हागै नौठा। ज़ैबै अहाबे सौ हेरु होर बोलू, शोभला तू सा, मुसीबत पैदा केरनु आल़ा!” एलिय्याहै ज़वाब धिना, “मुसीबत पैदा केरनुआलै ता तूहै सा! सौऐ सच्चा परमेशर सा, पर तू बाल देऊआ री पूजा केरदा लागा सा। ऐबै तौभै इस्राएल राज्य रै सैभी लोका बै कर्मेल ढैगा पैंध लेइया आंणा सा।”

![](https://cdn.door43.org/obs/jpg/360px/obs-en-19-06.jpg)

तैबै सैभ लोका क्र्मेल ढौगा बै नौठै। ते मर्द भी आऐ ज़ो बोला ती कि ते बाल देऊऐ रै संदेशा बै बोला सी। ऐ सैभ बाल देऊआ रै भविष्यवाणी केरनु आल़ै ती| ते सैभ 450 ती। एलिय्याहै लोका बै बोलू, “कैबै तकर तुसा आपणा मन फेरना? अगर प्रभु परमेश्वर सा ता तेइरी आराधना केरा! अगर बाल देऊ सा ता तेइरी पूजा केरा!”

![](https://cdn.door43.org/obs/jpg/360px/obs-en-19-07.jpg)

तैबै एलिय्याहै बाल देऊआ री भविष्यवाणी केरनु आल़ै सैंघै बोलू, “एक बौल्दा बै बौलि केरिया तेइरा मांस वेदी पैंधै रखा, पर औग हेरित् लांदै।तेथा न बाद मुँ भी तैण्ढाऐ केरना, होर एक आँगी वेदी न मुँ मांस रखणा। तैबै अगर परमेश्वर वेदी पैंधै औग भकेआ सा ता तुसा जाणना कि सौ सच़ा परमेश्वर सा।” तैबै बाल देऊरा रै भविष्यवाणी केरनु आल़ै एक बौलि तैयार केरी पर औग नैंई लाई।

![](https://cdn.door43.org/obs/jpg/360px/obs-en-19-08.jpg)

तैबै बाल देऊआ रै भविष्यवाणी केरनु आल़ै तेई सैंघै प्रार्थना केरी, “ओ बाल देऊ आसरी शुण!” पूरी धयाड़ तिन्हैं प्रार्थना केरी होर चिखै, औखै तकर कि आपु बै छुरी सैंघै काटु, पर बाल देऊऐ कोई ज़वाब नैंई धिना, होर तेईयै कोई औग नैंई शेटी।

![](https://cdn.door43.org/obs/jpg/360px/obs-en-19-09.jpg)

बाल देऊआ रै भविष्यवाणी केरनु आल़ै बाल देऊआ सैंघै प्रार्थना केरनै न लगभग पूरी ध्याड़ लाई। तैबै तिन्हैं प्रार्थना केरनी बन्द केरी। तैबै एलिय्याहे दुजै बौल्दा रा मांस परमेश्वरा री वेदी पैंधै रखु। तेथा न बाद, तेइयै लोका बै पाणी रै बड़े भाण्डै बै तैबै तकर पेरनै बै बोलू ज़ैबै तकर कि मांस, छीड़ी, औखै तकर कि वेदी रै चौऊ पासै री ज़मीन सिन्ही नैंई होली।

![](https://cdn.door43.org/obs/jpg/360px/obs-en-19-10.jpg)

तैबै एलिय्याहे प्रार्थना केरी, “ओ प्रभु, अब्राहम, इसहाक, होर याकूबै रै परमेश्वर, आसा बै रिहा कि तुसै इस्राएला रै परमेश्वर सी होर ऐ कि हांऊँ तुसा रा दास सा। ज़वाब देआ। ज़ुणी सैंघै इन्हां लोका जाणना कि तुसै सच़ै परमेश्वर सी।”

![](https://cdn.door43.org/obs/jpg/360px/obs-en-19-11.jpg)

छ़ेकै, सर्गा न औग आई होर तेइयै, मांस, छीड़ी, पात्थर, माटा, औखै तकर कि वेदी रै औरै-पौरै रा पाणी भी शुकू। ज़ैबै लोकै ऐ हेरू कि, ते ज़मीना पैंधै पौऐ होर बोलू, “प्रभुऐ परमेश्वर सा! प्रभुऐ परमेश्वर सा!”

![](https://cdn.door43.org/obs/jpg/360px/obs-en-19-12.jpg)

तैबै एलिय्याहै बोलू, “बाल देउआ रा एक भी भविष्यवाणी केरनु आल़ा बच़िया नैंई निकता लोड़ी!” तैबै लोकै बाल देऊआ रै भविष्यवाणी केरनु आल़ै ढौकै होर ते तौखै न आँगी केरै होर ते मकाऐ।

![](https://cdn.door43.org/obs/jpg/360px/obs-en-19-13.jpg)

तैबै एलिय्याहै अहाब राज़ै सैंघै बोलू, “छ़ेकै आपणै घौरा बै जा, किबैकि गाश होनु आल़ा सा।” छ़ेकै बादल घौणै हुऐ, होर गाश शुरू हुआ। प्रभु तेई शुकै बै खत्म केरदा लागा ती। एथा न ऐ प्रगट होआ सा कि प्रभुऐ सच़ा परमेश्वर सा

![](https://cdn.door43.org/obs/jpg/360px/obs-en-19-14.jpg)

ज़ैबै एलिय्याहै आपणा कोम खत्म केरू, ता परमेश्वरै एलीशा नाँ रा एक मर्द भविष्यवाणी केरनु आल़ा चुनू। परमेश्वरै एलीशा रै ज़रियै बोहू सारै च़मत्कार केरै। एक च़मत्कार नामान नाँ रै मर्दा सैंघै हुआ सौ एक बेरी रै सैना रा नेता ती, पर तेइबै चम्बड़ी री एक बुरी बीमारी ती। नामानै एलीशा रै बारै न शुणु ती, तैबै सौ एलीशा हागै आऊ तेईन तेइबै ठीक होंणै री अर्ज़ केरी। एलीशै नामाना सैंघै बोलू जाइया यरदन नौई रै पाणी न सौत बारी डुबकी लाई।

![](https://cdn.door43.org/obs/jpg/360px/obs-en-19-15.jpg)

नामान झिकुआ। तेइयै ऐण्ढा केरनै न नाँह केरू, ऐ तेइबै मुर्खता रा कोम लागा ती। पर बादा न तेइयै आपणा मन बदलू होर जाईया यरदन नौई रै पाणी न सौत बारी डुबकी लाई। ज़ैबै आखरी बार सौ पाणी न बाहरै निकता ता परमेश्वरै सौ ठीक केरू।

![](https://cdn.door43.org/obs/jpg/360px/obs-en-19-16.jpg)

परमेश्वरै इस्राएली लोका हागै होर बोहू सारै भविष्यवाणी केरनु आल़ै भेजै। तिन्हैं सैभिऐ लोका बै मूर्ति री पूजा केरनी बन्द केरनै बै बोलू। एथा रै बजाय कि तिन्हैं एकी होरी सैंघै सही तरीकै बर्ताव केरू लोड़ी होर एकी होरी पैंधै दया केरी लोड़ी। तिन्हैं भविष्यवाणी केरनु आल़ै लोका बै ऐ चिताऊणी धिनी कि तिन्हां बै बुरै कोम केरना बन्द केरनै चेहिऐ होर परमेश्वरा री गैला रा पालन केरना चेहिऐ। अगर तिन्हैं लोकै ऐण्ढा नैंई केरू ता परमेश्वरा ते दोषी मनिया तिन्हरा न्याय केरना, होर तिन्हां बै सज़ा देणी।

![](https://cdn.door43.org/obs/jpg/360px/obs-en-19-17.jpg)

ज़ादा बौगत, तिन्हैं परमेश्वरा रै हुक्मा रा पालन नैंई केरू। पर तिन्हैं भविष्यवाणी केरनु आल़ै सैंघै बुरा बर्ताव केरू औखै तकर कि कैधी-कैधी ते मकाऐ। एक बारी तिन्हैं यिर्मयाह भविष्यवाणी केरनु आल़ा शुकै कुँऐ न पाऊ होर तौखै मौरनै री तैंईंयैं छौड़ू। सौ कुँऐ रै च़िकरा न डूबू पर राजै बै तेई पैंधै दया आई होर तेइयै आपणै सैनिका बै हुक्म धिना कि यिर्मयाह रै मौरनै न पैहलै तेइबै कुँऐ न बाहरै खिंचिया आंणै।

![](https://cdn.door43.org/obs/jpg/360px/obs-en-19-18.jpg)

भविष्यवाणी केरनु आल़ै परमेश्वरा धिरिऐ न बोलणा जारी रखु, चाहैँ लोकै तिन्हां सैंघै नफरत केरी। तिन्हैं लोका बै हुक्म धिना कि अगर तिन्हैं पछ़तावा नैंई केरू ता परमेश्वरा ते नाश केरनै। तिन्हैं लोका बै ऐ भी याद कराऊ कि परमेश्वरै तिन्हां हागै मसीह बै भेजणै रा वायदा केरू सा।

*1राजा अध्याय 16-18; 2 राजा5; यिर्मयाह 38 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_19_128kbps.m4a

## 20. गुलामी न रोहणा होर बापसी

https://openbiblestories.org/l/kfx/story-20/

![](https://cdn.door43.org/obs/jpg/360px/obs-en-20-01.jpg)

इस्राएला रै राज्य होर यहूदा रै राज्य दुई ए परमेश्वरा रै खिलाफ़ पाप केरू। तिन्हैं सौ वायदा चोड़ू ज़ो परमेश्वरै तिन्हां सैंघै सीनै ढौगा न केरू ती। परमेश्वरै तिन्हां बै पछ़तावा केरनै होर दबारा आराधना केरनै री तैंईंयैं चिताऊणी देणै बै आपणै भविष्यवाणी केरनु आल़ै भेज़ै, पर तिन्हैं तिन्हरी गैल मनणै न नाँह केरू।

![](https://cdn.door43.org/obs/jpg/360px/obs-en-20-02.jpg)

तैबै परमेश्वरै तिन्हरै बेरी बै तिन्हां बै नाश केरनै रै ज़रियै दुई राज्य बै सज़ा धिनी। अश्शूर एक होर देश ती ज़ो बोहू शक्तिशाली हुआ ती ते होरी देशा री तैंईंयैं निर्दय भी ती तिन्हैं एज़िया इस्राएला रै राज्य नाश केरै। अश्शूरा रै लोकै इस्राएला रै राज्य न बोहू लोका मकाऐ।, ज़ो चाहू सौ लूटू, होर देशा रै कई हिस्सै फूकै।

![](https://cdn.door43.org/obs/jpg/360px/obs-en-20-03.jpg)

अश्शूरी लोकै सैभ अगुवे, सेठ लोका, होर ऐण्ढै लोका ज़ो कीमती चीज़ा बणाई सका ती सैंघै कठै केरै होर तिन्हैं ते अश्शूर देशा न नेऐ। इस्राएला न सिर्फ़ किछ़ गरीब इस्राएली ऐ बच़ै।

![](https://cdn.door43.org/obs/jpg/360px/obs-en-20-04.jpg)

फिरी अश्शूरी लोका तेई देशा न रौहणै री तैंईंयैं विदेशी बै लेइया आऐ ज़ो इस्राएली तौखै बचैदै ती तिन्हैं तौखै ब्याह केरू इन्हां लोका रै खानदान सामरी कहलाऐ।

![](https://cdn.door43.org/obs/jpg/360px/obs-en-20-05.jpg)

यहूदा रै राज्य रै लोकै हेरू कि कैण्ढै परमेश्वरै तेई पैंधै बशाह नैंई केरनै होर तेइरी गैला नैंई मनणै री बजहा न इस्राएला रै लोका बै सज़ा धिनी ती पर तैबै भी तिन्हैं कनानी रै देऊआ री मूर्ति री पूजा केरी परमेश्वरै तिन्हां बै चिताऊणी देणै री तैंईंयैं भविष्यवाणी केरनु आल़ै भेजै, पर तिन्हैं शुणनै न नाँह केरू।

![](https://cdn.door43.org/obs/jpg/360px/obs-en-20-06.jpg)

लगभग 100 बौर्षा बाद अश्शूरी लोकै इस्राएली राज्य नाश केरू। परमेश्वरै बेबीलोना रै राजा नबुकदनेस्सर यहूदा रै राज्य पैंधै हमला केरनै री तकर भेजू। बेबीलोन एक शक्तिशाली देश ती। यहूदा रा राजा, नबूकदनेस्सर रा नोकर बणिया तिन्हां बै हर बौर्ष बोहू सारा धन देणै बै त्यार हुआ।

![](https://cdn.door43.org/obs/jpg/360px/obs-en-20-07.jpg)

पर किछ़ बौर्षा बाद, यहूदा रै राजै बेबीलोना रै बरोधा न विद्रोह केरु। तैबै बेबीलोने बापस एजिया यहूदा रै राज्य पैंधै हमला केरू। तिन्हैं यरूशलेम जीतू, मंदिरा रा नाश केरू, नगर होर मंदिरा री सैभ कीमती चीज़ा तिन्हां न लेई।

![](https://cdn.door43.org/obs/jpg/360px/obs-en-20-08.jpg)

विद्रोह केरनै री बजहा न यहूदा रै राजै बै सज़ा धिनी होर नबूकदनेस्सर रै सैनिके तेइरा बेटा तेइरै सामनै मकाऊ होर तेथा न बाद सौ काणा केरू। एथा न बाद, तिन्हैं राजा आपू सैंघै नेऊ ताकि सौ बेबिलोना रै कैद खानै न मुँआ लोड़ी।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर होर तेइरी सैना यहूदा रै राज्य रै लगभग सारै लोका बेबिलोना बै आंणै। तौखे सिर्फ गरीब मांहणु छौड़ै ताकि ते तौखे छेता न कौम केरी सकलै। ऐ सौ बौगत ती ज़ैबै परमेश्वरा रै लोका बै वायदा केरूईदी ज़ैगा छौड़नै री तैंईंयैं मजबूर केरै, ऐई बौगता बै बंधुआई बोलिया ती|

![](https://cdn.door43.org/obs/jpg/360px/obs-en-20-10.jpg)

परमेश्वरै आपणै लोका बै तिन्हरे पापा री तैंईंयैं सज़ा धिनी। तैबै भी तेइयै ते होर आपणा वायदा नैंई बिसरू ती। परमेश्वरै आपणै लोका री निगरानी रखणी शुरू केरी होर आपणै भविष्यवाणी केरनै रै ज़रियै तिन्हां सैंघै गैला केरदा रौहू। तेइयै तिन्हां सैंघै वायदा केरू कि 70 बौर्षा बाद, तिन्हां दबारा वायदै रै देशा न वापस।

![](https://cdn.door43.org/obs/jpg/360px/obs-en-20-11.jpg)

लगभग 70 बौर्षा बाद, फारसा रै राजै कुस्रूऐ बेबिलोन हराऊ, तैबै बेबिलोना रै सम्राज्य रै बजाय फारसा रै सम्राज्य कई देशा पैंधै राज़ केरू। इस्राईली बै ऐबै यहूदी बोलिया ती तिन्हां मौंझे बौहु लोकै आपणी पूरी जिन्दगी बेबिलोना न बिताई सिर्फ किछ़ पराणै बुज़ुर्ग यहूदी बै यहूदा नगर याद ती।

![](https://cdn.door43.org/obs/jpg/360px/obs-en-20-12.jpg)

फारसी लोका बड़ै शक्तिशाली ती, पर तिन्हैं आपणै जीतेदै लोका पैंधै दया केरी ती। ज़ैबै फारसी रा राजा कुस्तर बणु,तेइयै ऐ हुक्म धिना कि अगर कोई यहूदी ज़ो यहूदा बै वापस जाणा चाहा सा ता, सौ फारसा बै छौड़िया जाई सका सा। औखै तकर कि तेइयै मन्दिर बनाणै री तैंईंयैं ढैबुऐ भी धिनै। गुलामी रै 70 बौर्षा बाद, यहूदी रा एक होछ़ा छ़ुण्ड यहूदा न यरूशलेम नगरा बै वापस आऐ।

![](https://cdn.door43.org/obs/jpg/360px/obs-en-20-13.jpg)

ज़ैबै ते लोका बापस यरूशलेम पूजै ता तिन्हैं मन्दिर होर नगरा रै चौऊ धिरिऐ री दीवारा भी दबारा बणाई पर हाज़ी भी तौखै फारसी लोका राज़ केरा ती, पर एक बार फिरी ते वायदा केरूऐदै देशा न रौहंदै लागै ती होर मन्दिरा न आराधना केरदै लागै ती।

*2 राजा अध्याय 17; 24-25; 2 इतिहास 36; एज्रा1-10; नहेम्याह1-13 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_20_128kbps.m4a

## 21. परमेश्वर मसीह रा वायदा केरा सा

https://openbiblestories.org/l/kfx/story-21/

![](https://cdn.door43.org/obs/jpg/360px/obs-en-21-01.jpg)

ज़ैबै परमेश्वरै दुनिया बणाई, सौ जाणा ती कि तेइबै बाहदा न कौसी रोज़ मसीह भेज़णा पौड़ना तेइयै आदम होर हव्वा न वायदा केरू ती कि सौ ऐण्ढा केरला। हव्वा सैंघै एक खानदान पैदा होंणा ज़ुणी कीड़ै री मुण्डी जेखड़नी। ज़ुणी कीड़ै हव्वा बै धोखा धिना सौ शैतान ती। परमेश्वरा रा मतलब ती कि मसीह पूरी रीतियै शैतान हराणा।

![](https://cdn.door43.org/obs/jpg/360px/obs-en-21-02.jpg)

परमेश्वरै अब्राहमा सैंघै वायदा केरू ती कि तेइरै ज़रियै दुनिया रै सारै देशा आशीष पाणी। परमेश्वरा ऐणु आल़ै बौगता न मसीह भेजणै रै ज़रियै ऐ वायदा पूरा केरना। तेई मसीहा दुनिया रै हर देशा रै लोका तिन्हंरै पापा न छुड़ाणै।

![](https://cdn.door43.org/obs/jpg/360px/obs-en-21-03.jpg)

परमेश्वरै मूसा सैंघै वायदा केरू ती कि ऐणु आल़ै बौगता न तेई मूसा सांही एक होर भविष्यवाणी केरनु आल़ा भेजणा। ऐई भविष्यवाणी केरनु आल़ै मसीह होंणा। ऐण्ढी तैरहा परमेश्वरै दबारा वायदा केरू कि तेई मसीह भेजणा।

![](https://cdn.door43.org/obs/jpg/360px/obs-en-21-04.jpg)

परमेश्वरै राजा दाऊदा सैंघै वायदा केरू ती कि तेइरा एक खानदान मसीह होंणा। तेई राजै होंणा या परमेश्वरा रै लोका पैंधै राज़ केरना।

![](https://cdn.door43.org/obs/jpg/360px/obs-en-21-05.jpg)

परमेश्वरै यिर्मयाह भविष्यवाणी केरनु आल़ै सैंघै गैला केरी होर बोलू कि एक रोज़ तेई एक वायदा केरना। तेई नोंऊँएं वायदै इस्राएला सैंघै सीनै ढौगा न केरूएदै पराणै वायदै सांही नैंई होंणा। ज़ैबै लोका सैंघै तेई आपणा नोंऊँआ वायदा केरना, ता तेई तिन्हां पैंधै आपु ए व्यक्तिगत रूपा न प्रगट होणा। हर लोका तेई सैंघै झ़ुरी रखणी होर तेइरै बिधाना रा पालन केरनै री इच्छा रखणी। परमेश्वरै बोलू कि तिन्हरै दिला न लिखणै सांही होंणा। ते तेइरै लोका होंणै, होर परमेश्वरा तिन्हरै पाप माफ़ केरनै। तेई मसीह होंणा होर तेई तिन्हां सैंघै सौ नोंऊँआं वायदा केरना।

![](https://cdn.door43.org/obs/jpg/360px/obs-en-21-06.jpg)

परमेश्वरा रै भविष्यवाणी केरनु आल़ै ऐ भी बोलू कि मसीह एक भविष्यवाणी केरनु आल़ा होंणा। एक भविष्यवाणी केरनु आल़ा सौ मांहणु सा ज़ो परमेश्वरा रै वचना बै शुणा सा होर फिरी लोका पैंधै परमेश्वरा रै वचना री घोषणा केरा सा। ज़ुणिबै भेजणा रा परमेश्वरै वायदा केरू ती। तेई मसीह सिद्ध भविष्यवाणी केरनु आल़ा होंणा। तेई मसीह परमेश्वरा रा संदेश शोभली तैरहा शुणना, होर तेई लोका बै ते संदेश शोभली तेरहा सिखाणै।

![](https://cdn.door43.org/obs/jpg/360px/obs-en-21-07.jpg)

इस्राएली पुरोहिते लोकै री तैंईंयैं परमेश्वरा आगै बौलि च़ढ़ाणी शुरू केरी। ऐ बौलि लोकै रै पापा री तैंईंयैं परमेश्वरा रै ज़रियै सज़ा देणै री ज़ैगा न च़ढ़ाई ती। पुरोहिते लोका री तैंईंयैं प्रार्थना भी केरी। पर तेई मसीह सिद्ध महापुरोहित होंणा ज़ो परमेश्वरा बै देणै री तैंईंयैं एक सिद्ध बौली रै रूपा न आपु बै च़ढ़ाला। तेई कैधी पाप नैंई केरना, होर ज़ैबै सौ आपु बै बौलि होंणै री तैंईंयैं देला, ता दुनिया री कोई भी बौलि ज़रूरी नैंई होंणी।

![](https://cdn.door43.org/obs/jpg/360px/obs-en-21-08.jpg)

लोका रै छ़ुण्डा पैंधै राजे होर प्रधान राज़ केरा सी, कैधी-कैधी ते गलती भी केरा सी। राजा दाऊदै सिर्फ इस्राएली लोका पैंधै राज़ केरू, पर राजा दाऊदै रा खानदान न मसीह पूरी दुनिया पैंधै राज़ केरना, होर तेई हमेशा री तैंईंयैं राज़ केरना। ऊँई रै अलावा, तेई हमेशा न्याय सैंघै राज़ केरना, होर सही फैसला केरना।

![](https://cdn.door43.org/obs/jpg/360px/obs-en-21-09.jpg)

परमेश्वरा री भविष्यवाणी केरनु आल़ै मसीह रै बारै न बोहू सारी गैला बोली, मलाकी ऐ बोलू कि मसीह रै ऐणै न पैहलै एक दुजी भविष्यवाणी केरनु आल़ै ऐणा। तेई भविष्यवाणी केरनु आल़ै बोहू खास होंणा। ऊँई रै आलावा, यशायाह भविष्यवाणी केरनू आल़ै लिखू सा कि मसीहा एक कुँआरी न जन्म लेणा

![](https://cdn.door43.org/obs/jpg/360px/obs-en-21-10.jpg)

यशायाह भविष्यवाणी केरनु आल़ै बै बोलू कि मसीह गलीला न रौहणा। ज़ो लोका बोहू दुखी सी मसीहा तिन्हां बै शान्ति देणी। तेई कैईदी भी आज़ाद केरनै। मसीह बीमारी बै होर ज़ो शुणी नैंई सकदै, हेरी नैंई सकदै, बोली नैंइ सकदै, या च़ली नी सकदै ती ते भी ठीक केरनै।

![](https://cdn.door43.org/obs/jpg/360px/obs-en-21-11.jpg)

यशायाह भविष्यवाणी केरनु आल़ै ऐ भी बोलू सा लोका मसीह न नफरत केरनी होर तेइबै मनणै न नाँह केरना। होरी भविष्यवाणी केरनु आल़ै बोलू की मसीह रै एक सैंघी तेइरै खिलाफ उठणा। जकर्याह भविष्यवाणी केरनु आल़ै ऐ बोलू सा कि तेइरै सैंघिऐ ऐण्ढा केरनै री तैंईंयैं होरी लोका न चाँदी रै 30 सिक्के लेणै। ऊँइरै अलावा, किछ़ भविष्यवाणी केरनु आल़ै बोलू सा, कि लोका मसीह मारना, होर ऐ कि तिन्हां तेइरै टौलै सैघैं जुआ खेलणा।

![](https://cdn.door43.org/obs/jpg/360px/obs-en-21-12.jpg)

भविष्यवाणी केरनु आल़ै ऐ भी दसु कि मसीहा कैण्ढै मौरना। यशायाहे भविष्यवाणी केरी कि लोका मसीह पैंधै थूकणा, तेइरा मजाक उड़ाणा, होर सौ कूटणा। लोका सौ भिनणा होर तेई बोहू दाह होर दुखा न मौरना, ज़ैबैकि तेइयै किछ़ भी नैंई केरूदा होला।

![](https://cdn.door43.org/obs/jpg/360px/obs-en-21-13.jpg)

भविष्यवाणी केरनु आल़ै ऐ भी बोलू कि मसीहा पाप नैंई केरना तेई सिद्ध होंणा। पर तेई तैबै मौरना परमेश्वरा तेईबै होरी लोके रै पापै री बजहा न सज़ा पाणी। तेइरै मौरनै सैंघै लोका परमेश्वरा सैंघै मेल-मिलाप केरनै लाइक होंणा। तैबै परमेश्वर चाहा सा कि मसीह मुँआ लोड़ी।

![](https://cdn.door43.org/obs/jpg/360px/obs-en-21-14.jpg)

भविष्यवाणी केरनु आल़ै ऐ भी दसु सा कि परमेश्वरा मसीह मुँऐंदै न जिन्दा केरना। ऐ रिहा सा कि ऐ सैभ नोंऊँऐ वायदै बै केरनै री परमेश्वरा री तरकीब ती, ताकि सौ तिन्हां लोका बै बचाई सकै ज़ुणियै तेइरै खिलाफ पाप केरू।

![](https://cdn.door43.org/obs/jpg/360px/obs-en-21-15.jpg)

परमेश्वरै भविष्यवाणी केरनु आल़ै पैंधै मसीह रै बारै न बोहू गैला प्रगट केरी, पर मसीह भविष्यवाणी केरनु आल़ै मौंझै न कौसी रै भी ज़िन्दगी न नैंई आऊ ती। इन्हां भविष्यवाणी रै देणै रै 400 न ज़ादा बौर्षा न बाद, सही बौगता पैंधै, परमेश्वरा मसीह ऐसा दुनिया न भेजणा।

*उत्पति 3:15; 12:1-3; बिधाना रा ब्यौरा 18:15; 2 शमूएल7; यिर्मयाह 31, यशायाह 59:16; दानिय्ये 7; मलाकी 4:5 यशाया 7:14; मीका 5:2: यशायाह 9:1-7;35:3-5; 61; 53; भजन सहिता 22: 18; 35:19; 69:4; 41:9: जकर्याह11:12-13; यशयाह 50:6; भजन सहिता 16:10-11 एक बाइबीलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_21_128kbps.m4a

## 22. यूहन्ना रा जन्म

https://openbiblestories.org/l/kfx/story-22/

![](https://cdn.door43.org/obs/jpg/360px/obs-en-22-01.jpg)

पैहलै ज़मानै न, परमेश्वर आपणै लोका सैंघै स्वर्गदूत होर भविष्यवाणी केरनु आल़ै रै ज़रियै गैला केरा ती। पर फिरी 400 बौर्षा तकर परमेश्वरै तिन्हां सैंघै गैला नैंई केरी। तैबै परमेश्वरै जकर्याह नाँ रै भविष्यवाणी केरनु आल़ै हागै एक स्वर्गदूत भेजू। जकर्याह होर तेइरी लाड़ी एलीशिबा परमेश्वरा रा आदर केरा ती। ते दुऐ बोहू खापरै हुऐ ती,तिन्हरी कोई औलाद नैंई ती औथि।

![](https://cdn.door43.org/obs/jpg/360px/obs-en-22-02.jpg)

तेई स्वर्गदूते जकर्याह सैंघै बोलू, “तेरी लाड़ी रै एक बेटा पैदा होंणा| तू तेइरा नाँ यूहन्ना रखेई। परमेश्वरा सौ पवित्र आत्मा सैंघै भौरना, होर यूहन्ना लोका मसीह बै मनणै री तकर त्यार केरनै।” जकर्याहे ज़वाब धिना, “हांऊँ होर मेरी लाड़ी औलाद पैदा केरनै बै बोहू खापरै हुऐ सी! हांऊँ कैण्ढै जाणनु कि तुसै मूँ सैंघै सच़ बोलदै लागै सी?”

![](https://cdn.door43.org/obs/jpg/360px/obs-en-22-03.jpg)

तेई स्वर्गदूते जकर्याह बै ज़वाब धिना, “तौ हागै ऐई शुभ समादा बै देणै री तैंईंयैं हांऊँ परमेश्वरै भेजू सा। किबैकि तैं मुँ पैंध बशाह नैंई केरू, तैबै त्तू बच्च़ै होंणै तकर बोली नैंई सकदा।” छ़ेकै, जकर्याह रा बोलणा बन्द हुआ। तैबै सौ स्वर्गदूत जकर्याह हागै न नौठा। एथा न बाद, जकर्याह घौरा बै वापस आऊ होर तेइरी लाड़ी सुज़दी रौही।

![](https://cdn.door43.org/obs/jpg/360px/obs-en-22-04.jpg)

जैबै एलिशिवा बै छौ महीने हुए ती, ता सौऐ स्वर्गदूत च़ानक एलीशिवा रै रिश्तेदार मरियमा आगै नौठा। मरियम एक कुँवारी शोहरी ती ज़ुणिरी मंगणी युसूफ नाँ रै एक मर्दा सैंघै हुई ती। स्वर्गदुते तेसा बै बोलू, “तौ सूजणा, होर तेरै एक शोरूह पैदा होणा। तू तेईरा नाँ यीशु रखेई। तेई सर्वशक्तिमान परमेश्वरा रा बेटा होंणा होर हमेशा री तैंईये राज़ केरना।”

![](https://cdn.door43.org/obs/jpg/360px/obs-en-22-05.jpg)

मरियमे स्वर्गदूता बै ज़वाब धिना, “कैण्ढै होई सका सा, किबैकि हांऊँ ता कुँआरी सा?” तेई स्वर्गदुते सौ समझाई, “पवित्र आत्मा तौ पैंधै ऐणा, होर परमेश्वरा री शक्ति तौ पैंधै होणी, तैबै तेई शोहरू पवित्र होंणा, तेई परमेश्वरा रै बेटै होंणा।” तैबै सौ पवित्र जो पैदा होणु आल़ा सा,परमेश्वरा रा बेटा बोलिणा। जे किछ़ तेई स्वर्गदूते मरियमा सैंघै बोलू तेसै तेई पैंधै बशाह केरू।

![](https://cdn.door43.org/obs/jpg/360px/obs-en-22-06.jpg)

ऐ होंणै न बाद, मरियम एलिशिवा सैंघै मिलदी नौठी। ज़ैण्ढै मरियमे तेसा बै नमस्कार केरी, एलीशिवा रा शोहरू पेटा न पटीकु। तिन्हरी तैंइंयैं परमेश्वरै ज़ो केरू ती तेथा रै बारै न ते बेटड़ी खुश हुई। एलीशिवा सैंघै त्राई म्हीनै रौहणै न बाद, मरियम घौरा वापस आई।

![](https://cdn.door43.org/obs/jpg/360px/obs-en-22-07.jpg)

एथा न बाद, एलीशिवे आपणै शोहरू बै जन्म धिना। जकर्याह होर एलीशिवे तेई शोहरू रा नाँ यूहन्ना रखु, ज़ैण्ढा कि स्वर्गदूते हुक्म धिना ती। तैबै परमेश्वरै जकर्याह रा मुँह खोलू, “परमेश्वरा री सराऊथि हो, किबैकि तेइयै आपणै लोका री मज़त केरनै री तैंईंयैं रखु सा! ओ मेरै बेटेआ, तौ सर्वशक्तिमान परमेश्वरा री भविष्यवाणी केरनु आल़ै होंणा। तौ लोका बै दसणा कि कैण्ढै आपणै पापा री तैंईंयैं माफी पाई सका सी!”

*लूका अध्याय 1 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_22_128kbps.m4a

## 23. यीशु रा जन्म

https://openbiblestories.org/l/kfx/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाँ रै एक धर्मी मांहणु सैंघै मरियमा री मंगणी हुई ती। ज़ैबै तेइयै शुणु कि मरियम सुज़दी सा ता सौ जाणा ती कि सौ तेइरा शोहरू नैंई ऑथि। पर, सौ मरियमा बै बदनाम नैंई ती केरना चाहदां, तैबै तेइयै तेई पैंधै कृपा केरनै री होर तेसा बै चुपचाप तलाक देणै री सोच़ी। एथा न पैहलै कि सौ ऐण्ढा केरदा, एक स्वर्गदूते तेइरै सूपनै न एज़िया तेई सैंघै गैला केरी।

![](https://cdn.door43.org/obs/jpg/360px/obs-en-23-02.jpg)

तेई स्वर्गदूते बोलू, “ओ यूसुफ, मरियमा बै आपणी बणाईया औखै आंणनै न मौत डौरदा। ऐसा रै पेटा न ज़ो बच्चा सा सौ पवित्र आत्मा धिरिऐ न सा। तेसा एक शोहरू बै जन्म देणा। तेइरा नाँ यीशु रखेई, किबैकि तेई लोका तिन्हरै पापा न बच़ाणै।”

![](https://cdn.door43.org/obs/jpg/360px/obs-en-23-03.jpg)

तैबै यूसुफै मरियमा सैंघै ब्याह केरू होर सौ लाड़ी बणाईया आपणै घौरा बै आंणी, पर तेसा रै सुज़णै तकर सौ तेसा सैंघै नैंई सुता।

![](https://cdn.door43.org/obs/jpg/360px/obs-en-23-04.jpg)

ज़ैबै मरियमा रै सुज़णै रा बौगत नेड़ ती, ता तेसै होर यूसुफै बैलतहम जाणै री एक लौम्मी यात्रा शुरु केरी। तिन्हां बै तौखै जाणा ऐ ती किबैकि रोमी अधिकारी इस्राएली न रौहणु आल़ै सैभी लोकै री गिणती केरना चाहा ती। ते चाहा ती कि सैभ लोका तौखै बै जालै ज़ौखै तिन्हरै बुज़ुर्ग रौहा ती। राजा दाऊदा रा जन्म बैतलहमा न हुआ ती होर सौ मरियम होर यूसुफ दुई रा बुज़ुर्ग ती।

![](https://cdn.door43.org/obs/jpg/360px/obs-en-23-05.jpg)

मरियम होर यूसुफ बैतलहम नौठै, पर तौखै खुड़ा रै अलावा रौहणै री कोई ज़ैगा नैंई मिली। सौऐ ज़ैगा ती ज़ौखै मरियमे आपणै शोहरू बै जन्म धिना। तेसै सौ खुड़ा न डाहू, किबैकि तौखै तेइरी तैंईंयैं तौखै टौलै नैंई तीऑथि। तिन्हैं तेइरा नाँ यीशु रखु।

![](https://cdn.door43.org/obs/jpg/360px/obs-en-23-06.jpg)

तेसा राती, तौखै नेड़ा रै छ़ेता न किछ़ फुआल आपणै भेड़ा रै छ़ुण्डा री हेर-शुण केरदै लागै ती। च़ानक एक स्वर्गदूत तिन्हां पैंधै प्रगट हुआ, होर ते डौरै। तेई स्वर्गदूते बोलू, “मौत डौरदा, किबैकि मुँ हागै तुसरी तैंईंयैं शोभला समाद सा। बैतलहमा न मसीह, प्रभु रा जन्म हुआ सा!”

![](https://cdn.door43.org/obs/jpg/360px/obs-en-23-07.jpg)

जाईया तेई शोहरू बै तोपा, होर तुसा सौ टौलै न लपेटूआदा होर खुड़ा न सुतादा पाणा” च़ानक, सर्ग स्वर्गदूता न भौऊरूआ। ते परमेश्वरा री सराऊथि केरदै लागै ती। तिन्हैं बोलू, “सारी महिमा स्वर्गा न बैठैदै परमेश्वरा बै मिली लोड़ी। धौरती पैंधै तिन्हां लोका न शान्ति हुई लोड़ी ज़ुणिरी सौ चिन्ता केरा सा!”

![](https://cdn.door43.org/obs/jpg/360px/obs-en-23-08.jpg)

तैबै स्वर्गदूत नौठै। ते फुआल भी आपणी भेड़ा बै छ़ौड़िया शोहरू बै हेरदै नौठै। छ़ेकै ते तेसा ज़ैगा न पुजै ज़ौखै यीशु ती होर तिन्हैं सौ खुड़ा न सुतादा हेरू, ज़ैण्ढै कि स्वर्गदूते बोलू ती। ते बोहू खुश हुऐ ती। तैबै ते फुआल तौखै बै वापस नौठै ज़ौखै तिन्हरी भेड़ा ती। तिन्हैं ज़ो किछ़ भी शुणु होर हेरू तिन्हां सैभी री तैंईंयैं ते परमेश्वरा री स्तुति केरदै लागै ती।

![](https://cdn.door43.org/obs/jpg/360px/obs-en-23-09.jpg)

पूर्वा धिरिऐ दूर एक देशा न किछ़ मर्द ती। ते तारै रै बारै न जाणा ती, होर ते बोहू बुद्धिमान ती। तिन्हैं लग किस्मा रा तारा सर्गा न हेरू। तिन्हैं बोलू कि यहूदी रै एक राजा रा जन्म हुआ सा। तैबै तिन्हैं तेई शोहरू बै हेरनै री तैंईंयैं आपणै देशा न यात्रा केरनै र फैसला केरू। एक लौम्मी यात्रा न बाद, ते बैतलहम आऐ होर सौ घौर तोपू ज़ौखै यीशु होर तेइरै आमा बापू रौहंदै लागै ती।

![](https://cdn.door43.org/obs/jpg/360px/obs-en-23-10.jpg)

ज़ैबै इन्हैं मर्दे यीशु आपणी आमा सैंघै हेरू ता तिन्हैं प्रणाम करिया तेइरी आराधना केरी। तिन्हैं यीशु बै कीमती भेंट धिनी। फिरी ते घौरा बै वापस नौठै।

*मति अध्याय 1; लूका 2 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_23_128kbps.m4a

## 24. यूहन्ना यीशु बै बप्तिस्मा देआ सा

https://openbiblestories.org/l/kfx/story-24/

![](https://cdn.door43.org/obs/jpg/360px/obs-en-24-01.jpg)

एलिशिवा होर जकर्याह रा बेटा यूहन्ना, बड़ा होईया एक भविष्यवाणी केरनु आल़ा बणु। सौ जंगला न रौहा ती, होर जंगली माँऊ होर टिटल़ै खाए केरा ती, होर ऊँटा रै चौंबड़ै रै झिकड़ै लाए केरा ती।

![](https://cdn.door43.org/obs/jpg/360px/obs-en-24-02.jpg)

बोहू सारै लोका यूहन्ना री गैला शुणनै री तैंईंयैं जंगला न आऐ। तेइयै ऐ बोलिया तिन्हां बै प्रचार केरू, “पापा न पछ़तावा केरा, किबैकि स्वर्गा रा राज्य नेड़ सा!”

![](https://cdn.door43.org/obs/jpg/360px/obs-en-24-03.jpg)

ज़ैबै लोकै यूहन्ना रा समाद शुणु, ता तिन्हां मौंझ़ै न बोहू लोकै आपणै पापा न पछ़तावा केरू, होर यूहन्नै तिन्हां बै बप्तिस्मा धिना। यूहन्ना बै हेरनै री तैंईंयैं बोहू सारै धार्मिक अगुवै आए, पर तिन्हैं आपणै पाप नैंई मनै।

![](https://cdn.door43.org/obs/jpg/360px/obs-en-24-04.jpg)

यूहन्नै धार्मिक अगुवै सैंघै बोलू, “ओ जैहरी लै कीड़ैओ! पापा बै मना होर आपणै बर्तावा बै बदला। परमेश्वरा हर सौ बूटा काटणा ज़ो शोभला फौल़ नैंई आंणदा, होर तेई ते औगी न फुकणै।” ज़ो भविष्यवाणी केरनु आल़ै बोलू ती यूहन्ने सौ पूरा केरू, “हेर, छ़कै मुँ तेरै आगै आपणै दूत भेजणै ज़ो तेरी तैंईंयैं बौत त्यार केरनी।”

![](https://cdn.door43.org/obs/jpg/360px/obs-en-24-05.jpg)

किछ़ धार्मिक अगुवै यूहन्ना न पुछू कि सौ, मसीह सा। यूहन्ने ज़वाब धिना, “हांऊँ मसीह नैंई ऑथि, पर सौ मेरे बाद ऐणु आल़ा सा। सौ ऐतरा बड़ा सा कि हांऊँ तेइरै बुटा रै तस्मे खोलणै रै काबिल भी नैंई ऑथि।”

![](https://cdn.door43.org/obs/jpg/360px/obs-en-24-06.jpg)

आगलै रोजा, यीशु बप्तिस्मा लेणै री तैंईंयैं यूहन्ना हागै आऊ। ज़ैबै यूहन्नै सौ हेरू, ता तेइयै बोलू, “हेरा! परमेश्वरा रा मेमणा ज़ुणी दुनिया रै पाप च़किया नेणै।”

![](https://cdn.door43.org/obs/jpg/360px/obs-en-24-07.jpg)

यूहन्नै यीशु सैंघै बोलू, “हांऊँ तौभै बप्तिस्मा देणै रै काबिल नैंई ऑथि। बल्कि ऐ ज़रूरी सा कि तुसै मुँभै बप्तिस्मा देआ।” पर यीशुऐ बोलू, तू मुँभै बप्तिस्मा दै, किबैकि एतरी गैरै केरनै री तैंईंयैं सही कोम ऐ सा” तैबै यूहन्ने बप्तिस्मा धिना, ज़ैबैकि यीशुऐ कैधी पाप नैंई केरू ती।

![](https://cdn.door43.org/obs/jpg/360px/obs-en-24-08.jpg)

बप्तिस्मा देणै न बाद ज़ैबे यीशु पाणी न निकलिया बाहरै आऊ, ता परमेश्वरा री आत्मा कबूतरा रै रूपा न प्रगट हुई होर बुनै एज़िया तेई पैंधै रुकी। तेई बौगत, परमेश्वरै स्वर्गा न गैला केरी। तेइयै बोलू, “तू मेरा प्यारा बेटा सा हांऊँ तौ सैंघै झ़ुरी केरा सा, होर हांऊँ तौ सैंघै बोहू खुश सा।”

![](https://cdn.door43.org/obs/jpg/360px/obs-en-24-09.jpg)

परमेश्वरै यूहन्ना बै बोलू, “पवित्र आत्मा बुनै औसिया कौसी पैंधै एज़िया ठहरनी ज़ुणिबै तौ बप्तिस्मा देणा।” सौऐ परमेश्वरा रा बेटा सा परमेश्वर सा। पर ज़ैबै यूहन्नै यीशु बै बप्तिस्मा धिना, ता तेइयै परमेश्वर पिता गैला केरदा शुणु, बेटै परमेश्वर हेरू, ज़ो कि यीशु सा, होर तेइयै पवित्र आत्मा हेरी।

*मती अध्याय 3; मरकुस 1:9-11; लूका 3:1 एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_24_128kbps.m4a

## 25. शैतान यीशु री परीक्षा केरा सा

https://openbiblestories.org/l/kfx/story-25/

![](https://cdn.door43.org/obs/jpg/360px/obs-en-25-01.jpg)

यीशु रै बप्तिस्मा होंणै न तुरन्त बाद ऐ, पवित्र आत्मै सौ सुनसान ज़ैगा न नेऊ। यीशु तौखै चाल़ी ध्याड़ होर चाल़ी राती ती। तेई बौगत तेइयै ब्रत केरू, होर शैतानै यीशु हागै एज़िया पाप कराणै री तैंईंयैं तेइरी परीक्षा लेई।

![](https://cdn.door43.org/obs/jpg/360px/obs-en-25-02.jpg)

पैहलै, शैतानै यीशु सैंघै बोलू, “अगर तू परमेश्वरा रा बेटा सा ता इन्हां पात्थरा बै रोटी बणा ताकि तू खाई सकला!”

![](https://cdn.door43.org/obs/jpg/360px/obs-en-25-03.jpg)

पर यीशुऐ शैताना बै बोलू, “परमेश्वरा रै वचना न ऐ लिखू सा, ‘जिन्दै रौहणै री तैंईंयैं मांहणु बै रोटी री ज़रूरत नैंई ऑथि, पर तिन्हां बै हर तेसा गैला री ज़रूरत सा ज़ो परमेश्वर तिन्हां सैंघै बोला सा!”

![](https://cdn.door43.org/obs/jpg/360px/obs-en-25-04.jpg)

तैबै शैतानै यीशु मन्दिरा री सैभी न उथड़ी ज़ैगा पैंधै नेऊ। शैतानै यीशु बै बोलू, “अगर तू परमेश्वरा रा बेटा सा ता औखै न बुनै छलाँग दै, किबैकि लिखू सा, ‘परमेश्वरा तौभै च़कणै री तैंईंयैं आपणै स्वर्गदूता बै हुक्म देणा कि तेरी जौंघा बै ठोकर नैंई लागी लोड़ी!’”

![](https://cdn.door43.org/obs/jpg/360px/obs-en-25-05.jpg)

पर यीशुऐ सौ नैंई केरू ज़ो शैतानै तेईबै केरनै बै बोलू ती। ऊँई रै बजाय, तेइयै बोलू, “परमेश्वर सैभी बै बोला सा, ‘तू प्रभु आपणै परमेश्वरा री परीक्षा हेरी केरदा।”

![](https://cdn.door43.org/obs/jpg/360px/obs-en-25-06.jpg)

फिरी शैतानै तेइबै दुनिया रै सारै राज़-पाठ रिहाऐ। तेइयै तेइबै रिहाऊ कि सौ केतरा शक्तिशाली सा, तेइयै यीशु बै बोलू, “मुँ तौभै ऐ सैभ किछ़ देणा अगर तू प्रणाम केरिया मेरी आराधना केरला।”

![](https://cdn.door43.org/obs/jpg/360px/obs-en-25-07.jpg)

यीशुऐ ज़वाब धिना, “ओ शैतान, मुँ हागै न फेटै जा! परमेश्वरा रै वचना न सौ लोका बै हुक्म देआ सा, ‘सिर्फ आपणै प्रभु परमेश्वरा री आरधना केरा। परमेश्वरा रै रूपा न सिर्फ तेइरा आदर केरा।”

![](https://cdn.door43.org/obs/jpg/360px/obs-en-25-08.jpg)

यीशुऐ शैतानै री परीक्षा न हार नैंई मनी, तैबै शैतान तेई हागै न भगू। तेबै स्वर्गदूत एज़िया यीशु री सेवा केरदै लागै।

*मती अध्याय 4:1-11; मरकुस 1:12-13; लूका 4:1-13 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_25_128kbps.m4a

## 26. यीशु आपणी सेवा शुरू केरा सा

https://openbiblestories.org/l/kfx/story-26/

![](https://cdn.door43.org/obs/jpg/360px/obs-en-26-01.jpg)

शैतानै री परीक्षा रै नाँ केरनै न बाद, यीशु वापस गलील नाँ री ज़ैगा न आऊ। ऐ सौऐ ज़ैगा सा ज़ौखै सौ रौहा ती। पवित्र आत्मा तेई बै बोहू शक्ति देंदा लागा ती, होर यीशु एकी ज़ैगा न होरी ज़ैगा बै नौठा होर लोका बै शिक्षा धिनी। सैभिऐ तेइरै बारै न शोभली गैला केरी।

![](https://cdn.door43.org/obs/jpg/360px/obs-en-26-02.jpg)

यीशु नासरत नगरा बै नौठा। ऐ सौ नगर सा ज़ौखै सौ आपणै बचपना न रौहा ती, बशाँ रै ध्याड़ै सौ आराधना केरनै री ज़ैगा बै नौठा। अगुवै तेइबै यशायाह भविष्यवाणी केरनु आल़ै रै समादा री एक कताब धिनी। सौ चाहा ती कि सौ तुँइबै पौढ़ै तैबै यीशुऐ सौ कताब खोलिया तेइरा एक भाग लोका री तैंईंयैं पौढ़ू।

![](https://cdn.door43.org/obs/jpg/360px/obs-en-26-03.jpg)

यीशुऐ पौढ़ू, “परमेश्वरै मुँभै आपणी आत्मा धिनी सा ताकि हांऊँ गरीबा बै खुशी रा समाद दसी सकनु। तेइयै हांऊँ तैबै भेजू कि कैइदी बै अज़ाद केरनु, कांणै बै औछ़ी देनु, होर तिन्हां बै छुटकारा देनु ज़ुणिबै दुजै लोका दबांदै लागै सी। ऐ सौ बौगत सा ज़ैबै परमेश्वरा आसा पैंधै कृपा केरनी होर आसरी मज़त केरनी”

![](https://cdn.door43.org/obs/jpg/360px/obs-en-26-04.jpg)

फिरी यीशु बेठा। सैभ लोका तेइबै बड़ै ध्याना सैंघै हेरदै लागै ती। ते ज़ाणा ती कि पवित्रशास्त्रा रा भाग ज़ो तेइयै ऐबै पौढ़ू ती सौ मसीह रै बारै न ती। यीशुऐ, बोलू, “ज़ो गैला मैं ऐबै पौढ़ी सी, सौ ऐबै होंदी लागी सा।” सैभ लोका हैरान हुऐ। तिन्हैं बोलू, “कि ऐ यूसुफा रा बेटा नैंई ऑथि?”

![](https://cdn.door43.org/obs/jpg/360px/obs-en-26-05.jpg)

तैबै यीशुऐ बोलू, “ऐ सच़ सा कि लोका ऐण्ढै भविष्यवाणी केरनु आल़ै बै नैंई मनदै ज़ो तेई नगरा न होछ़ै न बड़ै तकर रौहू सा। एलिय्याह भविष्यवाणी केरनु आल़ै रै बौगता, इस्राएला न बोहू सारी बिधवा ती। पर ज़ैबै साढ़ै त्राई बौर्षा तकर गाश नैंई आऊ ता परमेश्वरै एलिय्याह इस्राएला न कौसी बिधवा री मज़त केरनै री तैंईंयैं भेजू। ऊँई रै अलावा, तेइयै एलिय्याह कौसी होरी देशा री बिधवा हागै भेजू”

![](https://cdn.door43.org/obs/jpg/360px/obs-en-26-06.jpg)

यीशुऐ बोलणा जारी रखु, “होर एलीशा भविष्यवाणी केरनु आल़ै रै बौक्ता न, इस्राएला न बोहू सारै लोका चौंबड़ी री बीमारी न परेशान ती। पर एलीशे तिन्हां मौंझ़ै न कोई भी ठीक नैंई केरै। तेइयै सिर्फ इस्राएला रा बैरी रा सेनापति नामान ठीक केरू।” पर ज़ो लोका यीशु री शुणदै लागै ती ते यहूदी ती। तैबै ज़ैबै तिन्हैं ऐ बोलदा शुणु ता ते तेई न झिकुऐ।

![](https://cdn.door43.org/obs/jpg/360px/obs-en-26-07.jpg)

नासरत नगरा रै लोकै यीशु ढौकु होर सौ आराधना री ज़ैगा न घशीटिया बाहरै नेऊ। तिन्हैं सौ मकाणै री तैंईंयैं बुनै शेटणै बै पत्थरा री एकी चोटी पैंधै नेऊ। पर यीशु भीड़ा मौंझ़ै न निकता होर नासरत नगरा बै छौड़िया नौठा।

![](https://cdn.door43.org/obs/jpg/360px/obs-en-26-08.jpg)

फिरी यीशु सारी गलीला री जैगा बै नौठा, होर बड़ी भीड़ तेई हागै आई। ते ऐण्ढै बोहू लोका बै लेइया आऐ ज़ो। बीमार होर लंगड़ै ती। तिन्हां मौंझ़ै न किछ़ हेरी, च़ली शुणी, होर बोली नैंई सकदै ती, होर यीशुऐ ते ठीक केरै।

![](https://cdn.door43.org/obs/jpg/360px/obs-en-26-09.jpg)

ऊँईरै अलावा, बोहू सारै ऐण्ढै लोका यीशु हागै नौठै ज़ुणिन दुष्टात्माऐं ती। यीशुऐ दुष्टात्मा बै निकल़नै रा हुक्म धिना। ते दुष्टात्मा चिटा पांदी लागी, “तू परमेश्वरा रा बेटा सा!” भीड़ा रै लोका हैरान ती, होर तिन्हैं परमेश्वरा री सराऊथि केरी।

![](https://cdn.door43.org/obs/jpg/360px/obs-en-26-10.jpg)

फिरी यीशुऐ 12 मर्द चुनै ज़ुणिबै तेइयै प्रेरित बोलू। तिन्हां प्रेरिते तेई सैंघै यात्रा केरी होर तेईन शिक्षा प्राप्त केरी।

*मती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_26_128kbps.m4a

## 27. दयालू सामरी बेटड़ी री कहाणी

https://openbiblestories.org/l/kfx/story-27/

![](https://cdn.door43.org/obs/jpg/360px/obs-en-27-01.jpg)

एक रोज़़,यहूदी गुरु जो धर्मा रै बारै न सैभ किछ़ जाणा ती यीशु हागै आऊ। सौ सैभी बै रिहाणा चाहा ती कि यीशु गलत रीतियै शिक्षा देंदा लागा ती। तैबै तेइयै बोलू, “ओ गुरु हमेशा री जिन्दगी पाणै री तकर हाँऊं कि केरनु?” यीशुऐ ज़वाब धिन्ना, “परमेश्वरा रै बिधाना न कि लिखुदा सा?”

![](https://cdn.door43.org/obs/jpg/360px/obs-en-27-02.jpg)

तेई धर्म गुरूऐ बोलू, “सौ बोला सा कि आपणै परमेश्वरा सैंघै आपणै सारै मन, प्राण, शक्ति होर बुद्धि सैंघै झ़ुरी रख। होर आपणै पड़ेशी सैंघै आपु सांही झ़ुरी रख।” यीशुऐ ज़वाब धिना, “तैं एकदम सही बोलू! ता तौभै हमेशा री ज़िन्दगी प्राप्त होंणी।”

![](https://cdn.door43.org/obs/jpg/360px/obs-en-27-03.jpg)

पर सौ धर्म गुरू लोका बै रिहाणा चाहा ती कि तेइरै जीणै रा तरीका सही नैंई ऑथि। तैबै तेइयै पूछू, “ठीक सा, ता मेरा पड़ेशी कुण सा?”

![](https://cdn.door43.org/obs/jpg/360px/obs-en-27-04.jpg)

यीशुऐ तेई गुरू बै एक कहाणी दसणै रै ज़रियै जबाब धिना। “एक यहूदी मांहणु ती ज़ो एक सड़का न होईया यरूशलेमा न यरीहो नगरा धिरिऐ जांदा लागा ती।”

![](https://cdn.door43.org/obs/jpg/360px/obs-en-27-05.jpg)

“पर कि़छ़ डाकुऐ सौ हेरू होर तेई पैंधै हमला केरू। तिन्हैं सैभ किछ़ लूटू होर सौ औधमूँआ केरू। तैबै ते नौठै।”

![](https://cdn.door43.org/obs/jpg/360px/obs-en-27-06.jpg)

“तेथा न बाद तैभै, एक यहूदी पुरोहित तिया सड़का न होईया नौठा। तेई पुरोहिते सौ मांहणु सड़का पैंधै पौड़ुदा हेरू। ज़ैबै तेइयै सौ हेरू ता सौ सड़का री दुजी धिरिऐ नौठा। तेइयै सौ मांहणु हेरिया भी नैंई हेरू।”

![](https://cdn.door43.org/obs/jpg/360px/obs-en-27-07.jpg)

“ऊँईन बाद किछ़ देरी बाद, एक लेवी तेसा सड़का पैंधै आऊ। (लेवी यहूदी रा एक गोत्र ती ज़ुणियै मन्दिरा न पुरोहिता री मज़त केरी ती) सौ लेवी भी सड़का री दुजी धिरिऐ न नौठा। तेइयै भी सौ मांहणु हेरिया भी नैंई हेरू।”

![](https://cdn.door43.org/obs/jpg/360px/obs-en-27-08.jpg)

“आगला मांहणु ज़ो तेसा सड़का न आऊ सौ सामरी मांहणु ती। (सामरी होर यहूदी एकी होरी न नफरत केरा ती) तेई सामरी मांहणुऐ सड़का पैंधै सौ मांहणु हेरू। तेइयै हेरू कि सौ एक यहूदी ती, पर फिरी भी तेइयै तेई पैंधै तरस खाऊ। तैबै सौ तेई हागै नौठा होर तेइरै ज़ख्मा न पट्टी बौनी।”

![](https://cdn.door43.org/obs/jpg/360px/obs-en-27-09.jpg)

फिरी तेई सामरी मांहणुऐ सौ मांहणु आपणै गधे पैंधै पाऊ होर सौ तेसा सड़का सैंघली एक सरांया न नेऊ। ज़ौखै तेइयै तेइरी हेर-शुण केरनी शुरू केरी।”

![](https://cdn.door43.org/obs/jpg/360px/obs-en-27-10.jpg)

आगलै रोज़ तेई सामरी मांहणु बै कौंईचै जाणा ज़रूरी ती। तेइयै संराय रै मालका बै किछ़ ढैबुऐ धिनै। तेइयै तेइबै बोलू, “ऐई मांहणु री हेर-शुण केरेई। अगर ऊँईरै अलावा तेरै किछ़ होर ढैबुऐ लागलै ता मुँ वापस एज़िया तौभै देणै।”

![](https://cdn.door43.org/obs/jpg/360px/obs-en-27-11.jpg)

फिरी यीशुऐ तेई बिधाना रै गुरु न पुछू, “तुसै कि सोचा सी? इन्हां त्राई लोका मौंझ़ै न कुण तेई मांहणु रा पड़ेशी सा ज़ुण लुटू होर पिटू ती?” तेइयै ज़वाब धिना, “सौऐ ज़ुणियै तेई पैंधै दया केरी ती।”यीशुऐ तेइबै बोलू, “तू जा होर ऐण्ढाऐ केर।”

*लूका अध्याय 10:25-37 बाइबीलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_27_128kbps.m4a

## 28. एक धनी ज़ुआन मांहणु

https://openbiblestories.org/l/kfx/story-28/

![](https://cdn.door43.org/obs/jpg/360px/obs-en-28-01.jpg)

एक रोज़ एक धनी ज़ुआन मांहणुऐ यीशु हागै एज़िया तेईन पुछू, “ओ सही गुरू, हमेशा री ज़िन्दगी पाणै री तैंईंयैं मुँभै कि केरना पौऊ?” यीशुऐ तेई सैंघै बोलू, “तू मुँभै ‘सही’ किबै बोला सा? सिर्फ एकै सही सा होर सौ परमेश्वर सा। पर अगर तू हमेशा री ज़िन्दगी पाणा चाहा सा ता परमेश्वरा रै बिधाना रा पालन केर।”

![](https://cdn.door43.org/obs/jpg/360px/obs-en-28-02.jpg)

तेइयै पुछू, “मुँभै कुणी-कुणी हुक्मा रा पालन केरनै री ज़रूरत सा?” यीशुऐ ज़वाब धिना, “हत्या हेरी केरदा, व्यभिचार हेरी केरदा, चोरी हेरी केरदा, झूठ हेरी बोलदा, आपणै आमा बापू रा आदर केरी, होर आपणै पड़ेशी सैंघै आपु सांही झ़ुरी रखेई।”

![](https://cdn.door43.org/obs/jpg/360px/obs-en-28-03.jpg)

पर तेई ज़ुआन मांहणुऐ बोलू, “हांऊँ आपणै बचपना न ऐ इन्हां सैभी हुक्मा बै मनदा आऊ सा। मुँभै हमेशा री तैंईंयैं जिन्दै रौहणै बै ऐबै भी कि केरनै री ज़रूरत सा?” यीशुऐ तेई पैंधै नज़र फेरी होर तेई सैंघै झ़ुरी केरी।

![](https://cdn.door43.org/obs/jpg/360px/obs-en-28-04.jpg)

यीशुऐ ज़वाब धिना, “अगर तू सिद्ध होंणा चाहा सा ता जाईया आपणा सैभ किछ़ बेच़ होर सौ धन -दौलत गरीबा न बौंड, होर तौभै स्वर्गा न धन मिलणा। तैबै च़लिया तमुँ पिछ़ै एज़।”

![](https://cdn.door43.org/obs/jpg/360px/obs-en-28-05.jpg)

ज़ो यीशुऐ बोलू ता तैबै ज़ैबै तेई ज़ुआन मांहणुऐ शुणु ता सौ बोहू उदास हुआ, किबैकि सौ बोहू धनी ती होर सौ आपणी दौलत देणा नैंई ती चाहदां। सौ यीशु हागै न वापस नौठा।

![](https://cdn.door43.org/obs/jpg/360px/obs-en-28-06.jpg)

तैबै यीशुऐ आपणै चेले बै बोलू, “परमेश्वरा रै राज्य न धर्मी रा ऐणा बोहू मुश्किल सा! हाँ, एक धनी मांहणु रा परमेश्वरा रै राज्य न ऐणै री तुलना न कौसी ऊँटा रा सुई रै नाके न होईया निकलना सान सा।”

![](https://cdn.door43.org/obs/jpg/360px/obs-en-28-07.jpg)

ज़ो यीशुऐ बोलू ज़ैबै चेले शुणु ता ते हैरान ती। तिन्हैं बोलू, “अगर ऐण्ढा सा ता परमेश्वरा कुण बच़ाणा?”

![](https://cdn.door43.org/obs/jpg/360px/obs-en-28-08.jpg)

यीशुऐ चेले धिरिए हेरू होर बोलू, “लोका री तैंईंयैं उद्धार केरना सान नैंई ऑथि। पर परमेश्वरा री तैंईंयैं सैभ किछ़ केरना सान सा।”

![](https://cdn.door43.org/obs/jpg/360px/obs-en-28-09.jpg)

पतरसे यीशु बै बोलू, “आसै चेले आपणा सैभ किछ़ छौड़िया तेरे पिछ़ै हुऐ सी। ता आसा रा ईनाम कि होंणा?”

![](https://cdn.door43.org/obs/jpg/360px/obs-en-28-10.jpg)

यीशुऐ ज़वाब धिना, “हर एक मांहणु ज़ुणियै मेरी बजहा न, आपणा घौर, भाई, बैहण, आमा-बापू, या धन-दौलत छौड़ा सा, सौ तेई शौऊ गुणा प्राप्त केरना होर हमेशा री ज़िन्दगी भी पाणी। पर ज़ो पैहलै सी तिन्हां पिछै होंणा, होर ज़ो पिछ़ै सी तिन्हां पैहलै होंणा।”

*मती अध्याय 19:16-30; मरकुस 10:17-31; लूका18:18-30*

Audio: https://git.door43.org/OBS-TLF/kfx_obs/releases/download/v1/kfx_obs_v1_28_128kbps.m4a

## 29. निर्दयी दासै री कहाणी

https://openbiblestories.org/l/kfx/story-29/

![](https://cdn.door43.org/obs/jpg/360px/obs-en-29-01.jpg)

एक रोज़, पतरसे यीशु न पुछू, “ओ मालक, मुँभै आपणै भाई बै केतरी बारी माफ केरना चेहिऐ ज़ैबै सौ मेरे खिलाफ पाप केरा सा? कि सौत बारी तकर?” यीशुऐ बोलू, “सौत बारी नैंई, पर सौता रै सतर बारी!” यीशु रा मतलब सा कि आसा बै हमेशा माफ केरना चेहिऐ। तैबै यीशुऐ कहाणी दसी’।

![](https://cdn.door43.org/obs/jpg/360px/obs-en-29-02.jpg)

यीशुऐ बोलू, “परमेश्वरा रा राज्य एक राजै सांही सा ज़ो आपणै दासा न लेखा लेणा चाहा ती। तेइरा एक दास दस हज़ार बौर्षा री मजदूरी रै एक बड़ै कर्जा रा कर्जदार ती।”

![](https://cdn.door43.org/obs/jpg/360px/obs-en-29-03.jpg)

पर सौ दास आपणै कर्जा बै चुकाई नैंई पाऊ, तैबै राज़ै बोलू, “एईरा कर्ज चुकाणै री तैंईंयैं ऐई मांहणु बै होर ऐई रै टबरा बै दासा रै रूपा न बेच़।”

![](https://cdn.door43.org/obs/jpg/360px/obs-en-29-04.jpg)

“ तेई दासै राजै रै सामनै आपणै घुटनै रै बालै टुँबड़ै पौड़िया बोलू, ‘जिबाण मुँ सैंघै धीरज रख, होर मुँ आपणै ऋणा रा पूरा भुगतान केरना।’ राजै दासा पैंधै दया केरी, तैबै तेइयै तेइरै सारै ऋण माफ़ केरै होर सौ जाणै धिना।”

![](https://cdn.door43.org/obs/jpg/360px/obs-en-29-05.jpg)

“पर ज़ैबै सौ दास राजै हागै न बाहरै नौठा, ता तेइयै तेइरा एक सैंघी ढौकू होर बोलू, ‘ज़ो तौ पैंधै मेरा ऋण सा मुँभै तेइरा भूगतान केर!”

![](https://cdn.door43.org/obs/jpg/360px/obs-en-29-06.jpg)

“तेई सैंघी दासै घुटने टेकिया बोलू ‘जिबाण केरिया मुँ सैंघै धीरज रख, होर मुँ आपणै ऋणा रा पूरा भुगतान केरना।”

![](https://cdn.door43.org/obs/jpg/360px/obs-en-29-07.jpg)

“ज़ो किछ़ हुआ ती सौ सैभ किछ़ होरी दासे हेरु होर ते परेशान हुऐ। ते राजै हागै नौठै होर तेइबै सैभ दसु।”

![](https://cdn.door43.org/obs/jpg/360px/obs-en-29-08.jpg)

“राजै तेई दासा बै शाधिया बोलू, ‘ओ दुष्ट दास! मैं तेरा ऋण तैबै माफ केरू ती किबैकि तैं मुँ सैंघै अर्ज़ केरी ती। तैं भी तैण्ढाऐ केरू लोड़ी।’ राजा ऐतरा झिकुआ कि तेइये सौ दास कैदखानै न पाऊ ज़ैबै तक कि सौ आपणै सारै ऋणा रा भुगतान नैंई केरला

![](https://cdn.door43.org/obs/jpg/360px/obs-en-29-09.jpg)

तैबै यीशुए बोलू, “मेरा स्वर्गा न विराजमान बापू तुसा मौंझ़ै न सैभी सैंघै ऐण्ढा केरला अगर तूसै आपणै भाई बै आपणै दिला न माफ नैंई केरदै”

*मती अध्याय 18:21-35 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_29_128kbps.m4a

## 30. यीशु पौंज़ हज़ार लोका बै खाँणा खिया सा

https://openbiblestories.org/l/kfx/story-30/

![](https://cdn.door43.org/obs/jpg/360px/obs-en-30-01.jpg)

यीशुऐ आपणै प्रेरित प्रचार केरनै होर लोका बै शिक्षा देणै री तैंइयैं बोहू सारै लग-लग ग्राँ न भेजै। ज़ैबै ते तौखै वापस आऐ ज़ौखै यीशु ती ता तिन्हैं तेइबै दसु कि तिन्हैं कि केरू ती। तैबै यीशुऐ ते समुन्द्रा रै दुजी धिरिऐ तेई सैंघै एक शान्त ज़ैगा न जाईया थोड़ी देरी री तैंईंयैं बशाँ केरनै री तकर शाधै। तैबै ते किश्ती न च़ढ़ै होर समुन्द्रा रै दुजी धिरिऐ नौठै।

![](https://cdn.door43.org/obs/jpg/360px/obs-en-30-02.jpg)

पर तौखै बोहू सारै ऐण्ढै लोका ती ज़ुणियै यीशु होर चेले किश्ती न जांदैआ हेरै ती। ऐ लोका तिन्हां न आगै समुन्द्रा रै दुजी धिरिऐ जाणै री तैंईंयैं समुन्द्रा रै बौढ़ा-बौढ़ा भगै।

![](https://cdn.door43.org/obs/jpg/360px/obs-en-30-03.jpg)

तेसा भीड़ा न बच्च़ै होर बेटड़ी री गिणती रै अलावा 5,000 न ज़ादा मर्द ती। यीशुऐ तिन्हां लोका पैंधै बड़ा तरस खाऊ। यीशु रै बिना ते लोका बिना फुआलै री भेड़ा सांही ती। तैबै तेइयै तिन्हां बै शिक्षा धिनी होर तिन्हरै बिच़ा न ज़ो बीमार ती ते ठीक केरै।

![](https://cdn.door43.org/obs/jpg/360px/obs-en-30-04.jpg)

सौंझ़की घेरै, चेले यीशु बै बोलू, “ऐबै देर हुई सा होर औरै-पौरै कोई नगर नैंई ऑथि। इन्हां लोका बै विदा केर ताकि ते जाईया खाणै री तैंइयैं किछ़ आंणलै।

![](https://cdn.door43.org/obs/jpg/360px/obs-en-30-05.jpg)

पर यीशुऐ चेले सैंघै बोलू, “तुसै तिन्हां बै खाँणै री तैंईंयै किछ़ देआ!” तिन्हैं ज़वाब धिना, “आसै ऐण्ढा कैण्ढै केरी सका सी? आसा हागै सिर्फ पौंज़ रोटी होर दुई होछ़ी मैछ़ी सी”

![](https://cdn.door43.org/obs/jpg/360px/obs-en-30-06.jpg)

यीशुऐ आपणै च़ेले बै बोलू कि भीड़ा रै लोका बै गाह पैंधै पजाह-पजाह रै छ़ुण्डा न बेशणै री तैंईंयैं बोला।

![](https://cdn.door43.org/obs/jpg/360px/obs-en-30-07.jpg)

तैबै यीशुऐ पौंज़ रोटी होर दुई मैछ़ी लेई होर स्वर्गा धिरिऐ हेरू, होर तेई खाँणै री तैंईंयैं परमेश्वरा रा धन्यवाद केरू।

![](https://cdn.door43.org/obs/jpg/360px/obs-en-30-08.jpg)

फिर यीशुऐ रोटी होर मैछ़ी रै टुकड़ै केरै। तेइयै लोका बै बौंडणै री तैंईंयैं ते टुकड़ै धिनै। चेले तेई खाँणै बे बौंडदै रौहै, होर सौ कैधी खत्म नैंई हुआ! ते सैभ लोका खाईया रौज़ै।

![](https://cdn.door43.org/obs/jpg/360px/obs-en-30-09.jpg)

तुंई न बाद, च़ेले सौ खाँणा कठा केरू होर तुंई सैंघै बारा टोकरी भौरुई! सौ सारा खाँणा तिन्हां पौंज़ रोटी होर दुई मैछ़ी न बच़ु ती

*मती अध्याय 14:13-21; मरकुस 6:31-44; लूका 9:10-17; यूहन्ना 6:5-15 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_30_128kbps.m4a

## 31. यीशु पाणी पैंधै च़ला सा

https://openbiblestories.org/l/kfx/story-31/

![](https://cdn.door43.org/obs/jpg/360px/obs-en-31-01.jpg)

पौंज़ हजार लोका बै खाणा खियाणै न बाद, यीशुऐ आपणै चेले बै किश्ती न जाणै बै बोलू। तेइयै समुन्द्रा रै दूजी धिरिऐ जाणै री तैंईंयैं बोलू ज़ैबैकि सौ थोड़ी देरी तकर तौखै रूकू। तैबै चेले नौठै होर यीशुऐ भीड़ा रै लोका विदा केरै कि ते आपणै घौरा बै जालै। ऊँई न बाद, यीशु प्रार्थना केरनै री तैंईंयैं एक ढौगा पैंधै बै नौठा। तौखै सौ केल्हा ती, होर तेइयै देर राती तकर प्रार्थना केरी।

![](https://cdn.door43.org/obs/jpg/360px/obs-en-31-02.jpg)

तेई बौगत, च़ेले आपणी किश्ती च़लांदैआ जान्दै लागै ती। बोहू रात होंणै पैंधै ते हाज़ी समुन्द्रा रै बिच़ा न पूज़ै ती।

![](https://cdn.door43.org/obs/jpg/360px/obs-en-31-03.jpg)

तेई बौक्त यीशुऐ प्रार्थना केरनी खत्म केरी होर आपणै चेले हागै वापस जाणा शुरू केरू। सौ किश्ती धिरिऐ जाणै री तैंईंयैं पाणी पैंधै च़लदा लागा।

![](https://cdn.door43.org/obs/jpg/360px/obs-en-31-04.jpg)

तैबै सेभी चेले सौ हेरू। ते बोहू डौरै किबैकि तिन्हैं सोचू ती कि कोई भूत सा। यीशु जाणा ती कि ते डौरै ती, तैबै तेइयै तिन्हां बै हाक पाइया बोलू, “डौरदै मौता, ऐ हांऊँ सा!”

![](https://cdn.door43.org/obs/jpg/360px/obs-en-31-05.jpg)

तैबै पतरसै यीशु सैंघै बोलू, “ओ प्रभु, अगर ऐ तू सा ता मुँभै पाणी पैंधै च़लिया तौ हागै ऐणै रा हुक्म दै।” यीशुऐ पतरसा बै बोलू, एज़!”

![](https://cdn.door43.org/obs/jpg/360px/obs-en-31-06.jpg)

तैबै पतरस किश्ती न औसु होर यीशु हागै जाणै री तैंईंयैं पाणी पैंधै चलना शुरू केरू। पर थोड़ी दूर जाइया, तेइयै आपणी औछी यीशु हागै न हटाई होर छलाकी बै हेरदा लागा होर तेज़ बागरी रा ऐणा महसूस केरू।

![](https://cdn.door43.org/obs/jpg/360px/obs-en-31-07.jpg)

तैबै पतरस डौरू होर पाणी न डूबदा लागा। सौ चिखु, “ओ प्रभु, मुँभै बच़ात्|” यीशुऐ फट हौथ आगे केरिया सौ खींचू होर पतरसा बै बोलू, “तेरा बशाह बोहू कम सा! तैं मुँ पैंधै किबै शक केरू?”

![](https://cdn.door43.org/obs/jpg/360px/obs-en-31-08.jpg)

ज़ैबै यीशु होर पतरस किश्ती पैंधै च़ढ़ै, ता तैबै बागर रुकी होर पाणी शान्त हुआ। चेले हैरान हुऐ होर तिन्हैं परमेश्वरै री आराधना केरी होर तेई सैंघै बोलू, “सच़ियै तू परमेश्वरा रा बेटा सा”

*मती अध्याय 14:22-33; मरकुस 6:45-52; यूहन्ना 6:16-21 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_31_128kbps.m4a

## 32. यीशु दुष्टात्मा न भौऊरूऐदै मांहणु होर एक बीमार बेटड़ी बै ठीक केरा सा

https://openbiblestories.org/l/kfx/story-32/

![](https://cdn.door43.org/obs/jpg/360px/obs-en-32-01.jpg)

यीशु होर तेइरै चेले आपणी किश्ती न तेसा ज़ैगा बै नौठै ज़ौखै गिरासेनी लोका रौहा ती। ते तेसा ज़ैगा न पुजिया किश्ती न उतरै।

![](https://cdn.door43.org/obs/jpg/360px/obs-en-32-02.jpg)

तौखै एक मांहणु ती ज़ो दुष्टात्मा न भौरूआदा ती।

![](https://cdn.door43.org/obs/jpg/360px/obs-en-32-03.jpg)

ऐ मांहणु ऐतरा ताकतवर ती कि कोई भी ऐईबै काबू नैंई केरी सकदा ती। कई बार लोकै तेइरै हौथ होर जौंघा शाँगल़ी लाइया बौनै, पर सौ तिन्हां बै चोड़ा ती।

![](https://cdn.door43.org/obs/jpg/360px/obs-en-32-04.jpg)

सौ मांहणु तेसा ज़ैगा न कब्रा न रौहै केरा ती होर पूरी ध्याड़ चिटा पांदा रोहा ती। सौ झिकड़ै नैंई ती लांदा होर आपु बै पात्थरा सैंघै घायल केरा ती।

![](https://cdn.door43.org/obs/jpg/360px/obs-en-32-05.jpg)

सौ मांहणु भगिया यीशु हागै आऊ होर तेईरै सामनै टुँबड़ा पौऊ। तैबै यीशुऐ तेई मांहणु आँध्रली दुष्टात्मा सैंघै गैला केरी होर बोलू, “ऐई मांहणु न बाहरै निकलिया एज़!”

![](https://cdn.door43.org/obs/jpg/360px/obs-en-32-06.jpg)

सौ दुष्टात्मा जौरै सैंघै चिटा पांदी लागी, “ओ यीशु, “ओ सैभी न बड़े परमेश्वरा रै बेटैआ, तेरा मुँ सैंघै कि कोम? जिबाण केरिया मुँभै मौत सतांदा।” तैबै यीशुऐ तेसा दुष्टात्मा सैंघै पुछू, “तेरा कि नाँ सा?” तेसै ज़वाब धिना, “मेरा नाँ सैना सा, किबैकि आसै बोहू सी।” (रोमी सैना न कई हज़ार सैनिका रा एक छ़ुण्ड एक “सैना होआ ती)

![](https://cdn.door43.org/obs/jpg/360px/obs-en-32-07.jpg)

तिन्हां दुष्टात्मे यीशु सैंघै अर्ज़ केरी, “जीबाण केरिया आसा बै ऐसा ज़ैगा न बाहरै मौत भेजदा!” तौखै नेड़ ढौगा न एक सुंगरा रा एक छ़ुण्ड च़ौरदा लागा ती। तैबै तिन्हैं दुष्टात्मे यीशु सैंघै अर्ज़ा केरी, “जिबाण केरिया आसा बै तिन्हां सुंगरै रै छ़ुण्डा न भेज़!” यीशुऐ बोलू, “ठीक सा, तिन्हां न जात्!”

![](https://cdn.door43.org/obs/jpg/360px/obs-en-32-08.jpg)

तैबै ते दुष्टात्माऐं तेई मांहणु न निकलिया तिन्हां सुंगरा न तुरी। ते सुंगर दौउड़िया ढौगा न झपटिया झीला न डूबै होर मूँऐं। तेई छ़ुण्डा न लगभग 2,000 सुंगरा ती।

![](https://cdn.door43.org/obs/jpg/360px/obs-en-32-09.jpg)

तौखै सुंगरा री हेर-शुण केरनु आल़ै लोका ती। ज़ो किछ़ हुआ ती ज़ैबै तिन्हैं हेरू ता ते नगरा बै भगै। यीशुऐ ज़ो केरू ती तौखै तिन्हैं सैभी बै दसु। तेई नगरा रै लोका तौखै आऐ होर सौ मांहणु हेरू ज़ुणिन दुष्टात्मा ती। सौ शान्ति सैंघै झिकड़ै लाइया, होर एक आम मांहणु सांही बर्ताव केरदैआ बेठा ती।

![](https://cdn.door43.org/obs/jpg/360px/obs-en-32-10.jpg)

ते लोका बोहू डौरै ती होर तिन्हैं यीशु बै जाणै री तैंईंयैं बोलू। यीशु किश्ती पैंधै च़ढ़ू। सौ मांहणु ज़ुणिन दुष्टात्मा ती तेइयै यीशु सैंघै एणै री अर्ज़ केरी।

![](https://cdn.door43.org/obs/jpg/360px/obs-en-32-11.jpg)

पर यीशुऐ तेई सैंघै बोलू, “नैंई। हांऊँ चाहा सा कि तू घौरा जाईया सैभी बै दसै कि परमश्वरै तेरी तैंईंयैं कि केरू सा। तिन्हां बै दस कि कैण्ढै परमेश्वरै तौ पैंधै दया केरी सा।”

![](https://cdn.door43.org/obs/jpg/360px/obs-en-32-12.jpg)

तैबै सौ मांहणु नौठा होर सैभी बै एथा रै बारै न दसु ज़ो यीशुऐ तेइरी तैंईंयैं केरू ती। तेइरी कहाणी बै शुणनु आल़ा हर मांहणु हैरान हुआ ती।

![](https://cdn.door43.org/obs/jpg/360px/obs-en-32-13.jpg)

यीशु समुन्द्रा रै दुजी धिरिऐ वापस आऊ। तेइरै तौखै पूजणै न बाद, एक बड़ी भीड़ तेइरै चौऊ पासै कठा हुई होर तेइबै दबांदी लागी। तेसा भीड़ा न एक बेटड़ी ती ज़ो बारा बौर्षा न लोहू च़लणै री बीमारी न दुखी ती। तेसै आपणै सारै ढैबुऐ डॉक्टरा बै धिनै ती ताकि ते तेसा बै ठीक केरी सकलै, पर तेसा री बीमारी होर भी बिगड़ी ती।

![](https://cdn.door43.org/obs/jpg/360px/obs-en-32-14.jpg)

तेसै शुणु कि यीशुऐ कई बीमारी आल़ै लोका ठीक केरै ती होर तेसै सोचु, “हांऊँ बेफिक्र सा कि अगर हांऊँ यीशु रै जिकड़ै छूँगली भी ता मुँ ठीक होंणा!” तैबै सौ यीशु रै पिछ़ै आई होर तेइरै झकड़ै छूँगै। ज़ैण्ढै तेसै यीशु रै झिकड़ै छूँगै, लोहू रा च़लणा बन्द हुआ।

![](https://cdn.door43.org/obs/jpg/360px/obs-en-32-15.jpg)

तैभै यीशुऐ जाणु कि तेइन शक्ति निकती सा। तैबै तेइयै पिछै मुड़िया पूछु, “हांऊँ कुणिऐ छुँगु?” चेले ज़वाब धिना, “औखै एतरै सारै लोकै तेरे चौऊ पासै भीड़ लाइदी सा, होर तौभै धाका देंदे लागै सी। ता तैं किबै पुछू कि हांऊँ कुणिऐ छूँगु?”

![](https://cdn.door43.org/obs/jpg/360px/obs-en-32-16.jpg)

सौ बेटड़ी यीशु सामनै कौमदैआ होर बोहू डौरदैआ आपणै घुटनै रै बलै बेठी। तैबै तेसै तेइबै दसु कि तेसै कि केरू सा, होर ऐ भी कि सौ ठीक हुई सा। यीशुऐ तेसा सैंघै बोलू, “तेरै बशाह री बशाह सैंघै तू ठीक हुई सा। तेरै बशाहै तू ठीक केरी। शान्ति सैंघै जा।”

*मती अध्याय मरकुस 28:4; 9:20-22; मरकुस 5:1-20; 5:24-34; लूका 8:26-39; 8:42-48 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_32_128kbps.m4a

## 33. एक किसानै री कहाणी

https://openbiblestories.org/l/kfx/story-33/

![](https://cdn.door43.org/obs/jpg/360px/obs-en-33-01.jpg)

एक रोज़, यीशु समुन्द्रा रै बौढ़ा न बेठा ती। सौ लोका री बोहू बड़ी भीड़ा बै शिक्षा देंदा लागा ती। शिक्षा बै शुणनै री तैंईंयैं बोहू सारै लोका आऐ कि यीशु हागै तिन्हां सैभी सैघैं गैला केरनै रा बौगत नैंई बचू। तैबै सौ पाणी न खड़ी किश्ती पैंधै च़ढ़ू। तौखै सौ बेठा होर लोका बै शिक्षा धिनी।

![](https://cdn.door43.org/obs/jpg/360px/obs-en-33-02.jpg)

यीशुऐ तिन्हां बै ऐ कहाणी शुणाई, “एक किसान बेज़ा बाहणै री तैंईंयैं बाहरै निकता। ज़ैबै सौ हौथा सैघैं बेज़ा शेटदा लागा ती ता किछ़ बेज़ा बौता न औल़ू। पर चीड़ूऐ एज़िया सौ सैभ बेज़ा खाऊ।”

![](https://cdn.door43.org/obs/jpg/360px/obs-en-33-03.jpg)

“दुजा बेज़ा रड़खड़ी ज़मीना पैंधै औल़ू ज़ौखै बोहू कम माटा ती। रड़खड़ी ज़ैगा पैंधै औल़ूदा बेज़ा बोहू छ़ेकै निकलू, पर तिन्हरै ज़लाड़ै माटै न डूघै नैंई नौठै। ज़ैबै सूरज निकता होर गर्मी हुई ता ते बूटै फूकिया होर शुकै।”

![](https://cdn.door43.org/obs/jpg/360px/obs-en-33-04.jpg)

“तैबै त्रिजा बेज़ा झौकड़ा जौंदरै औल़ू। तिन्हैं बेज़ै बढ़ना शुरू केरू, पर कौन्डै ते दबाऐ। तैबै कौन्डै आल़ी ज़मीना पैंधै औल़ूदै बेज़ै मौंझ़ै न कोई भी नाज़ पैदा नैंई होई सकू।”

![](https://cdn.door43.org/obs/jpg/360px/obs-en-33-05.jpg)

“ चौउथा बेज़ा शोभली ज़मीना पैंधै औल़ू। सौ बेज़ा बढ़ू होर ज़ेतरा बेज़ा बाहू ती तेथा मौंझ़ै न 30, 60, होर 100 गुणा नाज़ पैदा केरू। ज़ो कोई भी परमेश्वरा पिछै चलणा चाहा सी, सौ तिन्हां गैला पैंधै ध्यान दै ज़ो हांऊँ बोलदा लागा सा!”

![](https://cdn.door43.org/obs/jpg/360px/obs-en-33-06.jpg)

ऐसा कहाणी सैंघै च़ेले उलझना न पौऐ। तैबै यीशुऐ बखान केरू, “सौ बेज़ा परमेश्वरा रा वचन सा। सौ बौत एक ऐण्ढा मांहणु सा ज़ो परमेश्वरा रा वचन शुणा सा, पर तेइबै समझदा नैंई। तेबै शैतान तेई हागै न वचन चोरिया नेआ सा। शैतान तेइबै वचन शुणनै न दूर रखा सा”

![](https://cdn.door43.org/obs/jpg/360px/obs-en-33-07.jpg)

“सौ रड़खड़ी ज़मीन ऐण्ढा मांहणु सा ज़ो परमेश्वरै रै वचना बै शुणा सा होर खुशी सैंघै तेइबै मैना सा। पर ज़ैबै मुश्किल एज़ा सा, या ज़ैबै होर लोका तेइबै सता सी, ता सौ परमेश्वरा न दूर जा सा। सौ परमेश्वरा पैंधै बशाह केरना बन्द केरा सा।

![](https://cdn.door43.org/obs/jpg/360px/obs-en-33-08.jpg)

“सौ कौन्डै आल़ी ज़मीन रा बेज़ा ऐण्ढा मांहणु सा ज़ो परमेश्वरा रै वचना बै शुणा सा। पर सौ बोहू सारी गैला रै बारै न फिक्र केरना शुरू केरा सा, होर सौ बोहू धन-दौलत कमौणै री कोशिश केरा सा, होर सौ बोहू सारी चीजा पाणै री कोशिश केरा सा। किछ बौगता बाद, ऐबै सौ परमेश्वरा बै बिसरा सा। तैबै तेइयै ज़ो परमेश्वरा रै वचना न सिखु ती सौ परमेश्वरा बै खुश नैंई केरी सकदा। सौ गेंहू रै डंठला सांही सा ज़ो नाज़ पैदा नैंई केरी सकदा।”

![](https://cdn.door43.org/obs/jpg/360px/obs-en-33-09.jpg)

“पर शोभली ज़मीन सौ मांहणु सा ज़ो परमेश्वरा रै वचना बै शुणा सा, होर तेई पैंधै बशाह केरा सा, होर फौल़ पैदा केरा सा।”

*मती अध्याय 13:1-8,18-23; मरकुस 4:1-8,13-20; लूका 8:4-15 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_33_128kbps.m4a

## 34. होरी कहाणी री शिक्षा

https://openbiblestories.org/l/kfx/story-34/

![](https://cdn.door43.org/obs/jpg/360px/obs-en-34-01.jpg)

यीशुऐ परमेश्वरा रै राज्य रै बारै न होर बोहू कहाणी शुणाई। उदाहरणा री तैंईंयैं तेइयै बोलू, “परमेश्वरा रा राज्य एक राई रै बेज़ै सांही सा ज़ो कौसियै आपणै छेता न बाहू। तुसै जाणा सी कि राई रा बेजा सारै बेज़ै मौंझ़ै न सैभी न होछ़ा सा।”

![](https://cdn.door43.org/obs/jpg/360px/obs-en-34-02.jpg)

“पर ज़ैबै राई रा बेज़ा बढ़ा सा ता सौ बगीच़ै रै सारै बूटै न सैभी न बड़ा होआ सा, एतरा बड़ा होआ सा चीड़ू एज़िया तेइरी शांहणी पैंधै बशाँ केरा सी।”

![](https://cdn.door43.org/obs/jpg/360px/obs-en-34-03.jpg)

यीशुऐ एक होर कहाणी दसी, “परमेश्वरा रा राज्य मलेड़े सांही सा ज़ुणिबै लेइया एक बेटड़ी पिठै न मुछ़ा सा तैबै सौ सारा पिठा मलेड़िया सा।”

![](https://cdn.door43.org/obs/jpg/360px/obs-en-34-04.jpg)

“स्वर्गा रा राज्य तेई खजानै सांही सा ज़ो कौसी मांहणुऐ छेता न गज़िआऊ। कौसी होरी मांहणु बै सौ खजाना मिलू होर तेइयै तेइबै पाणै री बोहू इच्छा केरी। तैबै तेइयै सौ दबारा पौथू। सौ खुशी सैंघै एतरा भौरूआदा ती कि तेइयै जाइया आपणा सैभ किछ़ बेचू ताकि सौ तेई छेता बै कीमतियै लेई सकै ज़ौखै सौ खज़ाना ती।”

![](https://cdn.door43.org/obs/jpg/360px/obs-en-34-05.jpg)

“स्वर्गा रा राज्य एक बोहू कीमती च़ोखै मोती सांही भी सा। ज़ैबै कोई मोती रा व्यापारी तेइबै पा सा ता सौ तेइबै लेणै री तैंईंयैं आपणा सैभ किछ देआ सा।”

![](https://cdn.door43.org/obs/jpg/360px/obs-en-34-06.jpg)

तौखै किछ़ लोका ती ज़ो ऐ सोचा ती कि परमेश्वरा ते स्वीकार केरनै किबैकि ते भलै कोम केरदै लागै सी। ऐ लोका ऐण्ढै लोका बै तुच्छ जाणा ती ज़ो तिन्हां भलै कोमा बै नैंई ती करदै। तैबै यीशुऐ तिन्हां बै ऐ कहाणी दसी, “दुई मांहणु ती दुऐ प्रार्थना केरनै री तैंईंयैं मन्दिरा बै नौठै। तिन्हां मौंझ़ै न एक चुंगी लेणु आल़ा ती, होर दुजा एक धार्मिक अगुवा ती।”

![](https://cdn.door43.org/obs/jpg/360px/obs-en-34-07.jpg)

“तेई धार्मिक अगुवै ऐण्ढी तैरहा प्रार्थना केरी, ‘ओ परमेश्वर, तेरा धन्यवाद हुआ लोड़ी हुआ कि हांऊँ होरी लोका सांही ज़ैण्ढै कि डाकू, साही न्याय नैंई केरनु आल़ै मांहणु, व्यभिचारी, औखै तकर कि औखै मौजुद तेई चुंगी लेणु आल़ै सांही एक पापी नैंई ऑथि।”

![](https://cdn.door43.org/obs/jpg/360px/obs-en-34-08.jpg)

“उदाहरणै री तैंईंयैं, हांऊँ हफ्ते न ब्रत रखा सा होर हाँऊ आपणै खज़ानै न दसुवां हिस्सा तौभै देआ सा।”

![](https://cdn.door43.org/obs/jpg/360px/obs-en-34-09.jpg)

“पर सौ चुंगी लेणु आल़ा तेई धार्मिक अगुवै सैंघै बोहू दूर खड़ा हुआ। तेइयै स्वर्गा धिरिऐ औछी भी नैंई च़की,होर बोलु ‘ओ परमेश्वर, जिबाण केरिया मुँ पैंधै दया केर किबैकि हांऊँ एक पापी सा।’”

![](https://cdn.door43.org/obs/jpg/360px/obs-en-34-10.jpg)

फिरी यीशुऐ बोलू, “हांऊँ तुसा सैंघै सच़ बोला सा, परमेश्वरै तेई चुंगी लेणु आल़ै री प्रार्थना शुणी होर सौ धर्मी ठहराऊ। पर तेइयै तेई धार्मिक अगुवै री प्रार्थना नैंई शुणी। परमेश्वर हर घमण्डी मांहणु री मुँडी निष्टि केरा सा, पर सौ हर मांहणु बै आदर देआ सा ज़ो आपु बै दीन केरा सी।

*मती अध्याय 13:31-33, 44-46; मरकुस 4:30-32; लूका 13:18:9-14 बाइबलै री कहाणी।”*

Audio: https://git.door43.org/OBS-TLF/kfx_obs/releases/download/v1/kfx_obs_v1_34_128kbps.m4a

## 35. दयालु बापू री कहाणी

https://openbiblestories.org/l/kfx/story-35/

![](https://cdn.door43.org/obs/jpg/360px/obs-en-35-01.jpg)

एक रोज़, यीशु तिन्हां बोहू बै शिक्षा देंदा लागा ती ज़ो तेइरी शुणनै री तैंईंयैं कठै हुऐ ती। ऐ लोका चुंगी लेणु आल़ै होर सैंघै दूजै लोका भी ती ज़ुणियै मूसा रा बिधान मनणै री कोशिश नैंई केरी ती।

![](https://cdn.door43.org/obs/jpg/360px/obs-en-35-02.jpg)

किछ़ धार्मिक अगुवै हेरू कि यीशु इन्हां लोका सैंघै एक सैंघी सांही गैला केरदा लागा ती। तैबै यीशुऐ ते गैला केरदै शुणै, तैबै तेइयै तिन्हां बै ऐ कहाणी दसी।

![](https://cdn.door43.org/obs/jpg/360px/obs-en-35-03.jpg)

“एक मांहणु ती ज़ुणिरै दुई बेटै ती। होछ़ै बेटै आपणै बापू बै बोलू, ‘ओ बापू, मुँभै मेरा हिस्सा लोड़ी!’ तैबै बापूऐ आपणै दुऐ बेटै रै बिचा न आपणी धन-दौलता रा बंटवारा केरू।”

![](https://cdn.door43.org/obs/jpg/360px/obs-en-35-04.jpg)

“छ़ेकै होछा बेटा आपणा सैभ किछ. कठा केरिया दूर देशा बै नौठा होर पापी ज़िन्दगी जिणै री तैंईंयैं आपणा सारा धन बर्वाद केरू।”

![](https://cdn.door43.org/obs/jpg/360px/obs-en-35-05.jpg)

“एथा न बाद, ज़ौखै होछा बेटा ती तेई देशा न एक भयंकर अकाल पौड़ू, होर तेई हागै खाँणा लेणै री तैंईंयैं ढैबुऐ नैंई ती ऑथि। तैबै तेइयै ज़ो कोम मिलूसौ सुंगरा बै चारनै रा ती। सौ एतरा दुखी होर भूखा ती कि सौ सुंगरा रा चारा खाँणा चाहा ती।”

![](https://cdn.door43.org/obs/jpg/360px/obs-en-35-06.jpg)

“आखिरकार तेई होछ़ै बेटै आपु न बोलू, ‘हांऊँ कि केरनु? मेरे बापू रै सैभ नौकरा हागै खाँणै बै बोहू सा, फिरी भी हांऊँ औखै भूखा मौरदा लागा सा। मुँ आपणै बापू हागै वापस जाणा होर आपणै बापू रा एक नौकर बणनै री तकर तेईन अर्ज़ केरनी।’”

![](https://cdn.door43.org/obs/jpg/360px/obs-en-35-07.jpg)

“तैबै तेई होछ़ै बेटै आपणै घौरा धिरिऐ जाणा शुरू केरू। ज़ैबैकि सौ हाज़ी दूरै ती, तेइरै बापूऐ हेरू होर तेई पैंधै तरस खाऊ। सौ दौड़िया आपणै बेटै हागै नौठा होर तेइबै गौल़ै लाइया मांकी धिनी।”

![](https://cdn.door43.org/obs/jpg/360px/obs-en-35-08.jpg)

“तेई बेटै बोलू, ‘ओ बापू जी, मैं परमेश्वर होर तेरै खिलाफ पाप केरू सा। हांऊँ तेरा बेटा कहलाणै रै लायक नैंई ऑथि।’”

![](https://cdn.door43.org/obs/jpg/360px/obs-en-35-09.jpg)

“पर बापूऐ आपणै एक दासा सैंघै बोलू, ‘छेकै जाईया सैभी न शोभलै टोहलै लेइया आंणा होर मेरै बेटै बै लात्! तेइरी गुठी न मुंदरी होर तेइरी जौंघा न बूट लात्। तैबै सैभी न शोभला बौकरा मारा ताकि आसै खालै होर त्यौहार मनालै, किबैकि मेरा बेटा मुँआ ती, पर ऐबै सौ ज़िन्दा सा! सौ राहुआ ती, पर ऐबै आसा बै मिलू सा!”

![](https://cdn.door43.org/obs/jpg/360px/obs-en-35-10.jpg)

“तैबै लोकै त्यौहार मनाणा शुरू केरू। किछ़ रोज़ा बाद, बड़ा बेटा छेता न कोम केरिया आऊ। तेइयै नौच़णै होर गाणै री आवाज़ शुणी होर हैरान हुआ कि ऐ कि होंदा लागा सा।”

![](https://cdn.door43.org/obs/jpg/360px/obs-en-35-11.jpg)

“ज़ैबै बड़े बेटै बै पता लागा कि ते तैबै त्यौहार मनांदै लागै ती किबैकि तेइरा भाई घौरा आऊ ती, ता सौ झिकुआ होर घौरा नैंई आऊ। तेइरै बापूऐ बाहरै एज़िया तेइबै तिन्हां सैंघै त्यौहार मनाणै री अर्ज़ केरी, पर तेइयै नाँह केरू।”

![](https://cdn.door43.org/obs/jpg/360px/obs-en-35-12.jpg)

“तेई बड़े बेटै आपणै बापू सैंघै बोलू, ‘एतरै बौर्षा न मैं तेरी तैंईंयैं इमानदारी सैंघै कोम केरू! कैधी तेरी गैल नैंई टाली, पर तैं कैधी मुँभै एक होछ़ा गोभू भी नैंई धिना ताकि हांऊँ आपणै सैंघी सैंघै धाम केरदा। पर तेरे ऐई बेटै तेरा धन पापा रै कोमा न बर्वाद केरू। होर ऐबै ज़ैबै सौ आऊ ती ता तेइरी तैंईंयैं त्यौहार मनाणै री तैंइयैं सैभी न शोभला बौकरा काटू!’”

![](https://cdn.door43.org/obs/jpg/360px/obs-en-35-13.jpg)

“बापूऐ ज़वाब धिना, ‘ओ मेरै बेटैआ, तू हमेशा मूँ सैंघै सा, होर ज़ो किछ़ मेरा सा सौ सैभ तेरा सा। पर आसा री तैंईंयैं त्यौहार मनाणा सही सा किबैकि तेरा भाई मुँआ ती, पर ऐबै सौ जिन्दा सा। सौ राहुआ ती, पर ऐबै सौ आसा बै मिलू सा!’”

*लूका अध्याय 15:11-32 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_35_128kbps.m4a

## 36. रूप बदलना

https://openbiblestories.org/l/kfx/story-36/

![](https://cdn.door43.org/obs/jpg/360px/obs-en-36-01.jpg)

एक रोज़, यीशुऐ आपणै त्राई चेले, पतरस, याकूब होर यूहन्ना आपु सैंघै नेऐ (ऐ युहन्ना नाँ रा चेला सौ मांहणु नैंई ऑथि ज़ुणियै यीशु बै बप्तिस्मा धिना ती।) ते प्रार्थना केरदै एक उथड़ी ज़ैगा पैंधै नौठै।

![](https://cdn.door43.org/obs/jpg/360px/obs-en-36-02.jpg)

ज़ैबै यीशु प्रार्थना केरदा लागा ती ता तेइरा मुँह सूरजा सांही प्याशा हुआ। सौ प्याशै सांही शेता हुआ, ज़ैण्ढा धौरती पैंधै कोई केरी सकलै तेइन भी बढ़ी केरिया शेता।

![](https://cdn.door43.org/obs/jpg/360px/obs-en-36-03.jpg)

तैबै मूसा होर एलिय्याह भविष्यवाणी केरनु आल़ै प्रगट हुऐ। ऐ मांहणु एसा धौरती पैंधै सैंकड़ों बौर्ष पैहलै रौहा केरा ती, तिन्हैं यीशु री मौऊती रै बारै न गैला केरी ती, किबैकि तेई छ़ेकै यरूशलेमा न मौरना।

![](https://cdn.door43.org/obs/jpg/360px/obs-en-36-04.jpg)

ज़ैबै मूसा होर एलिय्याह यीशु सैंघै गैला केरदै लागै ती, तैबै पतरसै यीशु सैंघै बोलू, “आसरा औखै होंणा सही सा। आसा त्राई मंडप बनाणै, एक तेरी तैंईंयैं, एक मूसा री तैंईंयैं, होर एक एलिय्याह री तैंईंयैं।” पर पतरस नैंई जाणदा ती कि सौ कि केरदा लागा सा।

![](https://cdn.door43.org/obs/jpg/360px/obs-en-36-05.jpg)

ज़ैबै पतरस गैला केरदा लागा ती, एक चमत्कारी बादलै एज़ियै ते खौटै। फिरी तिन्हैं बादला न एक आवाज़ शुणी। तेइयै बोलू, “ऐ मेरा प्यारा बेटा सा ज़ुणी सैंघै हांऊँ झ़ुरी केरा सा। हांऊँ तेईन खुश सा। तेइरी शुणा।” ते त्राई चेले डौरै होर मूसा धौरती पैंधै लेटू।

![](https://cdn.door43.org/obs/jpg/360px/obs-en-36-06.jpg)

तैबै यीशुऐ ते छ़ुँगै होर बोलू, “मौता डौरदै। खड़ै उठा।” ज़ैबै तिन्हैं चौऊ पासै हेरू, ता ज़ो भी तौखै ती, सिर्फ यीशु ती।

![](https://cdn.door43.org/obs/jpg/360px/obs-en-36-07.jpg)

यीशु होर ते त्राऐ चेले तेई ढौगा पैंधै न वापस बुनै ओसै। तैबै यीशुऐ बोलू, “ऐबै ज़ो किछ़ औखै हुआ तेइरी चर्चा कौसी सैंघै हेरित केरदै। मुँ छ़ेकै मौरना होर फिरी जिन्दै होंणा। तेथा न बाद तुसै लोका बै दसी सका सी।”

*मती अध्याय 17:1-9; मरकुस 9:2-8; लूका 9:28-36 बाइबीलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_36_128kbps.m4a

## 37. यीशु लाजरा बै मूँऐंदै न जिन्दा केरा सा

https://openbiblestories.org/l/kfx/story-37/

![](https://cdn.door43.org/obs/jpg/360px/obs-en-37-01.jpg)

लाज़र नाँ रा एक मांहणु ती। तेइरी दुई बैहणी ती ज़ुणिरै नाँ मरियम होर मार्था ती। ते सैभ यीशु रै गैहरै सैंघी ती। एक रोज़ कौसियै यीशु बै बोलू कि, लाजर बोहू बीमार ती। ज़ैबै यीशुऐ ऐ शुणु ता तेइयै बोलू, “ऐ बीमारी लाजरा रै मौरनै सैंघै खत्म नैंई होंणी। एथा रै बजाय, इन्हां लोका बै परमेश्वरा रा आदर केरनै री तैंईंयैं उत्साहित केरना पौड़ू।”

![](https://cdn.door43.org/obs/jpg/360px/obs-en-37-02.jpg)

यीशु आपणै सैंघी सैंघै झ़ुरी केरा ती, पर ज़ौखै सौ ती तौखै तेईए दुई रोज़ा तकर इन्तजार केरू। तिन्हां दुई रोजा बाद, तेइयै आपणै चेले सैंघै बोलू, “एज़ा आसा यहूदिया बै जाणा” च़ेले ज़वाब धिना, “पर ओ गुरू जी, ऐबै किछ़ रोज़ा पैहलै तौखलै लोका तौभै मारना चाहा ती!” यीशुऐ बोलू, “आसरा सैंघी लाजर सुता सा, होर मुँ सौ च़कणा सा।”

![](https://cdn.door43.org/obs/jpg/360px/obs-en-37-03.jpg)

यीशुऐ चेले बै ज़वाब धिना, “ओ प्रभु, अगर लाजर सोंदा लागा सा, ता तेई ठीक होंणा।” तैबै यीशुऐ स्पष्ट रूपा न बोलू, “लाजर मुँआ सा। हांऊँ खुश सा कि हांऊँ तौखै नैंई ती, ताकि तुसै मुँ पैंधै बशाह केरी सकलै।”

![](https://cdn.door43.org/obs/jpg/360px/obs-en-37-04.jpg)

ज़ैबै यीशु लाजरा रै ग्राँ न पुजू ता लाजरा बै मुँऐंदै चार रोज़ हुऐ ती। मार्था यीशु सैंघै मिलनै री तैंईंयैं बाहरै आई होर बोलू, “ओ प्रभु, अगर तू औखै होंदा ता मेरा भाई नैंई मौरदा। पर हांऊँ बशाह केरा सा कि ज़ो किछ़ भी तौ परमेश्वरा न मुँगणा तेई तौभै देणा।”

![](https://cdn.door43.org/obs/jpg/360px/obs-en-37-05.jpg)

यीशुऐ ज़वाब धिना, “तेई दबारा जिन्दै होंणा होर ज़िन्दगी हांऊँ सा। ज़ो कोई मुँ पैंधै बशाह केरा सा अगर सौ मौरला भी तैबै भी जिन्दै होंणा। ज़ो कोई मुँ पैंधै बशाह केरा सा तेई कैधी भी नैंई मौरना। कि तू मुँ पैंधै बशाह केरा सा?” मार्थे ज़वाब धिना, “ओ प्रभु हांऊँ बशाह केरा सा कि तू परमेश्वरा रा बेटा मसीह सा।”

![](https://cdn.door43.org/obs/jpg/360px/obs-en-37-06.jpg)

तैबै मरियम आई। तेसै यीशु री जौंघा पैंधै टुँबड़ै पौड़िया बोलू, “ओ प्रभु, अगर तू औखै होंदा ता मेरा भाई नैंई मौरदा।” यीशुऐ पुछू, “तुसै लाजर कौखै रखु सा? तिन्हैं दसु, “कब्रा न। एज़ा होर हेर।” तैबै यीशु रोंदा लागा।

![](https://cdn.door43.org/obs/jpg/360px/obs-en-37-07.jpg)

सौ कब्र एक गुफा ती ज़ुणिरै दुआरा पैंधै एक पात्थर डाहऊदा ती| ज़ैबै यीशु कब्रा न पुजू ता तेइयै बोलू, “पात्थरा बै हटात्” पर मार्थे बोलू, “तेइबै मौरिया चार रोज़ हुऐ सी। तेइन बास पौईदी होली।”

![](https://cdn.door43.org/obs/jpg/360px/obs-en-37-08.jpg)

यीशुऐ ज़वाब धिना, “कि मैं तुसा सैंघै नैंई बोलू ती कि अगर तुसै मुँ पैंधै बशाह केरलै ता परमेश्वरै री सामर्थ हेरनी?” तैबै तिन्हैं पात्थर हटाऊ।

![](https://cdn.door43.org/obs/jpg/360px/obs-en-37-09.jpg)

तैबै यीशुऐ स्वर्गा धिरिऐ एज़िया बोलू, “ओ बापू। जी, मेरी अर्ज़ शुणनै री तैंईंयैं हांऊँ तेरा धन्यवाद केरा सा। हांऊँ जाणा सा कि तू हमेशा मेरी शुणा सा, पर मैं औखै इन्हां सैभ लोका री मज़त केरनै री तैंईंयैं बोलू ताकि ऐ बशाह केरलै कि तैं हांऊँ भेजू सा।” तैबै यीशुऐ हाक पाई, “ओ लाजर, बाहरै एज़!”

![](https://cdn.door43.org/obs/jpg/360px/obs-en-37-10.jpg)

तैबै लाजर बाहरै निकता!सौ हाज़ी भी टौलै न लपेटूआदा ती। “यीशुए बोलू, “ऐई टौलै बै खोलणै न तेइरी मज़त केरा होर तेइबै आजाद केरा” ऐई चमत्कारा री बजहा न यहूदी लोकै यीशु मसीह पैंधै बशाह केरू।

![](https://cdn.door43.org/obs/jpg/360px/obs-en-37-11.jpg)

पर यहूदी लोका रै धार्मिक अगुवै यीशु सैंघै जलन केरदै लागै, तैबै ते तरकीब बनाणै री तैंईंयै सैभै ए कठा हुऐ कि कैण्ढी तरह यीशु होर लाजर मकाणै।

*यूहन्ना 11:1-46 बाइबला री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_37_128kbps.m4a

## 38. जैबै यीशु बै ढौका सी

https://openbiblestories.org/l/kfx/story-38/

![](https://cdn.door43.org/obs/jpg/360px/obs-en-38-01.jpg)

हर बौर्ष यहूदी लोका फसह रा त्यौहार मना ती। ऐ ऊँईरै बारै न एक त्यौहार ती कि बौर्ष पैहलै परमेश्वरै तिन्हरै बुज़ुर्ग मिस्रा री गुलामी न छुड़ाऐ ती। लगभग त्राई बौर्षा बाद यीशुऐ लोका बै प्रचार केरना होर शिक्षा देणा शुरू केरू। यीशुऐ आपणै चेले बै दसु कि सौ तिन्हां सैंघै यरूशलेमा न फसह रा त्यौहार मनाणा चाहा सा, होर ऐ भी कि तौखै सौ मारना

![](https://cdn.door43.org/obs/jpg/360px/obs-en-38-02.jpg)

यीशु रै चेले मौंझ़ै न एक यहूदा नाँ रा मांहणु ती। यहूदा चेले न ढैबुऐ रखणै री थैली रखणै रा कोम केरा ती, पर सौ हमेशा तेसा थैली मौंझ़ै न ढैबुऐ खोला ती। यीशु होर चेले रै यरूशलेमा न पूजणै न बाद यहूदा यहूदी अगुवै हागै नौठा। तेइयै ढैबुऐ रै बदलै यीशु बै तिन्हरै हौथा न ढौकणै रा प्रस्ताव रखु। सौ जाणा ती कि यहूदी अगुवै नैंई मनदै ती कि यीशु ऐ मसीह ती कि ते तेइबै मकाणा चाहा ती।

![](https://cdn.door43.org/obs/jpg/360px/obs-en-38-03.jpg)

महापुरोहिता रै बोलणै पैंधै यहूदी अगुवै यीशु बै तिन्हरै हौथा न ढौकणै री तैंईंयैं यहूदा बै तीह चाँदी रै सिक्कै धिनै। सौ यीशु बै ढौकणै न तिन्हरी मज़त केरनै री तैंईंयैं कौसी मौकै री खोज केरदा लागा।

![](https://cdn.door43.org/obs/jpg/360px/obs-en-38-04.jpg)

यरूशलेमा न, यीशुऐ आपणै चेले सैंघै फसह रा त्यौहार मनाऊ। फसह रै भोजे रै बौगत, यीशुऐ रोटी लेइया चोड़ी। तेइयै बोलू, “ऊँईबै लेआ होर खात। ऐ मेरा शरीर सा ज़ो हांऊँ तुसा री तैंईंयैं देआ सा। ऊँईंबै मेरी यादा री तैंईंयैं केरदै रौहित।” ऐण्ढी तैरहा, यीशुऐ बोलू कि तेई तिन्हंरी तैंईंयैं मौरना, तिन्हंरी तैंईंयैं तेई आपणा शरीर बौलि च़ढ़ाणा।

![](https://cdn.door43.org/obs/jpg/360px/obs-en-38-05.jpg)

फिरी यीशुऐ अँगूरा रै रसा रा एक प्याला लेऊ होर बोलू, “ऊँईबै पियात् ऐ नोंऊँऐ वायदै रा लोहू सा ज़ो कि मुँ पेरना ताकि परमेश्वर तुसाबै माफ केरला। हर बारी ऊँईबै पिंदै घेरै मेरी यादी न ऐण्ढा केरदै रौहित ज़ो हांऊँ ऐबै केरदा लागा सा।”

![](https://cdn.door43.org/obs/jpg/360px/obs-en-38-06.jpg)

तैबै यीशुऐ आपणै चेले सैंघै बोलू, “तुसा मौंझ़ै न एकी मांहणु हांऊँ ढौकणै ध्याणा।” चेले हैरान हुऐ, होर पूछदै लागै कि कुणी ऐण्ढा कोम केरना। यीशुऐ बोलू, “मेरा ढौकणु आल़ा मांहणु तेई होंणा ज़ुणिबै मुँ रोटी रा टुकड़ा देणा।” तैबै तेइयै रोटी यहूदा बै धिनी।

![](https://cdn.door43.org/obs/jpg/360px/obs-en-38-07.jpg)

तेसा रोटी बै लेणै न बाद, यहूदा न शैतान आऊ। यहूदा निकलिया यीशु बै ढौकणै री तैंईंयैं यहूदी अगुवे री मज़त केरदा नौठा। ऐ राती रा बौगत ती।

![](https://cdn.door43.org/obs/jpg/360px/obs-en-38-08.jpg)

खाँणै न बाद, यीशु होर तेइरै चेले जैतूना रै ढौगा बै नौठै। यीशुऐ बोलू, “तुसा सैभिऐ औज़ राती हांऊँ छौड़ना सा। ऐ लिखूदा सा, मुँ फुआल मारना होर सारी भेड़ा तितर-बितर होंणा।’”

![](https://cdn.door43.org/obs/jpg/360px/obs-en-38-09.jpg)

पतरसै ज़वाब धिना, “भलै चाहै बाकी सैभ छौड़लै, मुँ तू नैंई छौड़ना!” तैबै यीशुऐ पतरसा बै बोलू, “शैतान तुसा सैभी बै लेणा चाहा सा, पर ओ पतरस, मैं तेरी तैंईंयैं प्रार्थना केरी सा कि तू बशाह न पिछै नैंई लोड़ी हुआ। तैबै भी, औज़ की रात, मुर्गे रै बाशणै न पैहलै तौ त्राई बार मेरा नाँह केरना कि तू मुँभै जाणदा भी नैंई।”

![](https://cdn.door43.org/obs/jpg/360px/obs-en-38-10.jpg)

पतरसै यीशु बै बोलू, “भलै हांऊँ मौरनु, मुँ कैधी भी तेरा नाँ नैंई केरना!”होरी चेले भी ऐण्ढाऐ बोलू।

![](https://cdn.door43.org/obs/jpg/360px/obs-en-38-11.jpg)

तैबै यीशु आपणै चेले सैंघै गतसमनी नाँ री ज़ैगा बै नौठा। यीशुऐ आपणै चेले सैंघै प्रार्थना केरने री तैंईंयैं बोलू ताकि शैतान तिन्हरी परीक्षा नैंई केरी सकला। तैबै यीशु आपु भी प्रार्थना केरनै री तैंईंयै नौठा।

![](https://cdn.door43.org/obs/jpg/360px/obs-en-38-12.jpg)

यीशुऐ त्राई बारी प्रार्थना केरी,“ओ मेरे बापू जी, अगर होई सका सा ता ऐ दुःख मुँ न दूर केर। पर अगर लोका हागै माफ़ केरनै री तैंईंयै कोई होर बौत नैंई ऑथि, ता मेरी ऐ इच्छा पूरी केर।” यीशु बोहू उदास ती होर तेइरा पसीना लोहू री बूंदा सांही हुआ ती। तेइबै सामर्थ देणै री तैंईंयैं परमेश्वरै एक स्वर्ग दूत भेजू।

![](https://cdn.door43.org/obs/jpg/360px/obs-en-38-13.jpg)

हर बार प्रार्थना न बाद, यीशु आपणै चेले सैंघै वापस आऊ, पर ते सूतैदै ती। ज़ैबै यीशु त्राई बार वापस आऊ ता यीशुऐ बोलू, “बिऊज़ात्! मेरा ढौकणु आल़ा औखै सा।”

![](https://cdn.door43.org/obs/jpg/360px/obs-en-38-14.jpg)

यहूदी अगुवै, सैनिक, होर एक बड़ी भीड़ा सैंघै यहूदा आऊ। तिन्हैं तलवार होर शोठै लेएदै ती। यहूदै यीशु हागै एजिया तेइन बोलू, ओ गुरू जी, नमस्ते, “होर तेइबै माँकी धिनी। तेइयै गिरफ्तार केरनु आल़ै मांहणु यहूदी अगुवै पैंधै प्रगट केरनै री तैंईंयैं ऐण्ढा केरू ती। तैबै यीशुऐ बोलू, “ओ यहूदा, कि तू एक माँकी देईया मुँभै ढौकदा लागा सा।

![](https://cdn.door43.org/obs/jpg/360px/obs-en-38-15.jpg)

ज़ैबै ते सैनिक यीशु बै ढौकदै लागै ती, ता पतरसै आपणी तलवार खोली होर महापुरोहिता रै एक दासा रा कोन काटू। यीशुऐ बोलू, “तलवारी बै दूर केर! हांऊँ आपणै बापू सैंघै आपणा बचाव केरनै री तैंईंयैं स्वर्गदूता री एक सैना री तैंईंयैं अर्ज़ केरी सका सा। पर मुँभै मेरे बापू री गैल मनणी सा।” तैबै यीशुऐ तेई मांहणु रा कोन ठीक केरू। तैबै सारै चेले भगै।

*मती 26:14-56; मरकुस 14:10-50; लूका 22:153; यूहन्ना 12:6; 18:1-11 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_38_128kbps.m4a

## 39. यीशु पैंधै मुकदमा च़ला सा

https://openbiblestories.org/l/kfx/story-39/

![](https://cdn.door43.org/obs/jpg/360px/obs-en-39-01.jpg)

ऐबै ऐ औधी राती रा बौगत ती। ते सैनिक यीशुऐ महापुरोहिता रै घौरा बै आंणै, किबैकि ते यीशु सैंघै सवाल केरना चाहा ती। पतरस दूरा न तिन्हरा पिछा केरदा लागा ती। ज़ैबै सैनिकै यीशु घौरा नेऊ, ता पतरस बाहरै रुकिया आपु बै औगी न गर्म केरदा लागा।

![](https://cdn.door43.org/obs/jpg/360px/obs-en-39-02.jpg)

घौरा आँध्रै, यहूदी अगुवै यीशु पैंधै मुकदमा चलाऊ। तिने तेइरै खिलाफ झूठी गैला बोलणै री तैंईंयैं बोहू सारै झूठे गवाह आंणै। हालांकि तिन्हरी गैला एकी होरी सैंघै नैंई मिला ती, तैबै यहूदी अगुवै ऐ साबित नैंई केरी सकै कि सौ कौसी गैला रा दोषी ती। यीशुऐ किछ़ नैंई बोलू।

![](https://cdn.door43.org/obs/jpg/360px/obs-en-39-03.jpg)

आखरी न, महापुरोहिते सीधे यीशु धिरिऐ एज़िया बोलू,“आसा बै दस कि तू परमेश्वरा रा बेटा सा?”

![](https://cdn.door43.org/obs/jpg/360px/obs-en-39-04.jpg)

यीशुऐ बोलू, “हांऊँ सा, होर तुसा हांऊँ परमेश्वरा सैंघै बेठादा होर स्वर्गा न ऐंदैआ हेरना।” महापुरोहिते आपणै टौलै चीरै किबैकि जो यीशुऐ बोलू सौ तेसा गैला पैंधा झिकुआ ती। सौ होरी अगुवै पैंधै चिल्लाऊ, “आसा बै दसणै री तैंईंयैं कौसी होर गवाह री ज़रूरत नैंई ऑथि कि ऐई मांहणुए लिखू सा! तुसै आपु ऐ बोलदा शुणु सा कि सौ परमेश्वरा रा बेटा सा एथा रै बारै न तुसरा कि फैसला सा?”

![](https://cdn.door43.org/obs/jpg/360px/obs-en-39-05.jpg)

सैभ यहूदी अगुवै महापुरोहिता बै ज़वाब धिना,“सौ मौरनै लायक सा!” तैबै तिन्हैं यीशु री औछी पैंधै पट्टी बौनी, तेई पैंधै थूकु, सौ मारू होर तेइरा मज़ाक उड़ाऊ।

![](https://cdn.door43.org/obs/jpg/360px/obs-en-39-06.jpg)

होर पतरस, ज़ैबै सौ घौरा बाहरै इन्तजार केरदा लागा ती। तैबै एक दासी शोहरीयै सौ हेरु। तेसै बोलू, “तू भी यीशु सैंघै ती!” पतरसै नाँ केरू। बादा न कौसी होरी शोहरीयै भी ऐ गैल बोली, होर पतरसै फिरी नाँह केरू। आखरी न, किछ़ लोकै बोलू, “आसै जाणा सी कि तू यीशु सैंघै ती किबैकि तुसै दुऐ गलीला न ती”

![](https://cdn.door43.org/obs/jpg/360px/obs-en-39-07.jpg)

तैबै पतरसै बोलू, “अगर हांऊँ ऐई मांहणु बै जाणा सा ता परमेश्वरा मुँभै श्राप देणा!” तुरन्त पतरसा रा ऐण्ढी तैरहा कसम खाँणै न बाद, एक मुर्गे बांग धिनी। यीशुऐ पिछै मुड़िया हेरू।

![](https://cdn.door43.org/obs/jpg/360px/obs-en-39-08.jpg)

पतरस तौखै न नौठा होर जोरै-जोरै रोंदा लागा। तेई बौगता, यीशु बै ढौकणै ध्याणु आल़ै यहूदै हेरू कि यहूदी अगुवै यीशु बै मौऊती री सज़ा धिनी सा। यहूदा बोहू दुखी हुआ होर जाईया आपु बै मका सा|

![](https://cdn.door43.org/obs/jpg/360px/obs-en-39-09.jpg)

ऐबै तेई देशा रा राज्यपाल पिलातुस ती। सौ रोम शैहरा री तैंईंयैं कोम केरा ती। यहूदी अगुवै यीशु तेई हागै आंणु। ते चाहा ती कि पिलातुस तेइबै मौऊती री सज़ा दे होर तेइबै मकालै। तैबै पिलातुसै यीशु न पुछू, “कि तू यहूदी रा रजा सा?”

![](https://cdn.door43.org/obs/jpg/360px/obs-en-39-10.jpg)

यीशुऐ ज़वाब धिना, “तैं सच़ बोलू सा। पर राज्य औखै धौरती रा नैंई ऑथि। अगर होंदा ता मेरै दास मेरी तैंईंयैं युद्ध केरदै। हांऊँ धौरती पैंधै परमेश्वरा रै बारै न सच दसणै री तैंईंयैं आऊ सा। हर एक मांहणु ज़ो सचा सैंघै झ़ुरी रखा सा सौ। मेरी शुणा सा।” पिलातुसै बोलू, “ता सच़ कि सा?”

![](https://cdn.door43.org/obs/jpg/360px/obs-en-39-11.jpg)

यीशु सैंघै गैला केरनै न बाद, पिलातुसै बाहरै भीड़ा हागै जाइया बोलू ,“हांऊँ ऐण्ढी कोई बजहा नैंई पांदा कि ऐ मांहणु मारनै रै लायक सा।” पर यहूदी अगुवै होर भीड़ा रै लोकै चिखिया बोलू, “ऐईबै क्रुसा पैंधै च़ढ़ा!” पिलातुसै ज़वाब धिना, “सौ किछ़ केरनै रा दोषी नैंई ऑथि।” पर ते होर भी ज़ोरै सैंघै बोलदै लागै। तैबै पिलातुसै त्रीजी बारी बोलू,“सौ दोषी नैंई ऑथि।”

![](https://cdn.door43.org/obs/jpg/360px/obs-en-39-12.jpg)

पिलातुस डौरू कि भीड़ा रै लोका लड़ाई केरनी शुरू केरनी, तैबै सौ आपणै सैनिका रै ज़रियै क्रुसा पैंधै च़ढ़ाणै री तकर मनु। रोमी सैनिकै यीशु बै कोढ़ै लाऐ तेइबै राजै रै झकड़ै लाऐ, होर तेइरी मुण्डी पैंधै कौन्डै रा बणाऊदा ताज़ रखु। तैबै ते ऐ बोलिया तेइरा मजाक उड़ांदै लागै, “हेरा यहूदी रा राजा!”

*मती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_39_128kbps.m4a

## 40. यीशु बै क्रुसा पैंधै च़ढ़ा सी

https://openbiblestories.org/l/kfx/story-40/

![](https://cdn.door43.org/obs/jpg/360px/obs-en-40-01.jpg)

यीशु रा मज़ाक केरनै न बाद, सैनिक तेइबै क्रुसा पैंधै च़ढ़ाणै री तैंईंयैं नौठै। तिन्हैं सौ क्रुस तेईबै च़कणै धिना ज़ुणी पैंधै तेई मौरना।

![](https://cdn.door43.org/obs/jpg/360px/obs-en-40-02.jpg)

ते सैनिक यीशु बै तेसा ज़ैगा पैंधै लेइया आऐ ज़ो “खोपड़ी” कहला सा होर तेइरै हौथा होर जौंघा न क्रुसा पैंधै कीलै ठोकै। पर यीशुऐ बोलू, “ओ बापू जी, इन्हां बै माफ़ केर, किबैकि ऐ नैंई जाणदै कि ऐ कि केरदै लागै सी।” तिन्हैं एक पौटी भी तेइरी मुण्डी पैंधै लटकाई। तुंई पैंधै लिखू ती, “यहूदी रा राजा।” पिलातुसै तिन्हां बै ऐ लिखणै री तैंईंयैं बोलू ती।

![](https://cdn.door43.org/obs/jpg/360px/obs-en-40-03.jpg)

तैबै सैनिकै यीशु रै झिकड़ै री तैंईंयैं चिट्ठी पाई। ज़ैबै तिन्हैं ऐण्ढा केरू ता तिन्हैं सौ भविष्यवाणी पूरी केरी ज़ो बोली ती, “तिन्हैं मेरे झकड़ै आपु न बौंडै, होर मेरे झिकड़ै री तैंईंयैं चिट्ठी पाई”

![](https://cdn.door43.org/obs/jpg/360px/obs-en-40-04.jpg)

तौखै दुई डाकू भी ती, ज़ो सैनिकै तेई बौगत क्रुसा पैंधै च़ढ़ाऐ ती| तिन्हैं ते यीशु रै दुई धिरिऐ रखे ती। तिन्हां मौंझ़ै एक डाकूऐ यीशु रा मज़ाक उड़ाऊ, पर दुजै बोलू, “कि तू नैंई डौरदा कि परमेश्वरा तौभै सज़ा देणी? आसै बोहू बुरै कोम केरनै रै दोषी सी, पर ऐ मांहणु निर्दोष सा।”तैबै तेइयै यीशु सैंघे बोलू,“ज़ैबै तू आपणै राज्य न ऐला ता जिबाण मुँभै याद रखेई।” यीशुऐ ज़वाब धिना, “औज़ै तौ मुँ सैंघै स्वर्गलोका न होंणा।”

![](https://cdn.door43.org/obs/jpg/360px/obs-en-40-05.jpg)

यहूदी लोकै होर भीड़ा रै होरी लोकै यीशु रा मजाक उड़ाऊ। तिन्हैं तेई सैंघै बोलू, “अगर तू परमेश्वरा रा बेटा सा ता, क्रूसा न बुनै औसिया एज़ होर आपु बै बचा! तैबै आसा तौ पैंधै बशाह केरना।”

![](https://cdn.door43.org/obs/jpg/360px/obs-en-40-06.jpg)

तैबै तेई पूरै देशा रा सर्ग सारा काला हुआ, भलै सौ ध्याड़का बौगत ती। ऐ ध्याड़की बौगत काला हुआ ती होर त्राई घण्टै तकर ऐण्ढाऐ रौहू ती।

![](https://cdn.door43.org/obs/jpg/360px/obs-en-40-07.jpg)

तैबै यीशुऐ जोरै सैंघै बोलू, “बौगत पूरा हुआ! ओ बापू जी, हांऊँ आपणी आत्मा तेरे हौथा न देआ सा।” तैबै तेइयै आपणी मुण्डी टुँम्बड़ी केरी होर आपणै प्राण छौड़ै। ज़ैबै सौ मुँआ ता एकदम जौजरी हुई। सौ बड़ा पर्दा ज़ो परमेश्वरा री मौज़ुदगी न लोका बै आँगी केरा ती उझ़ै न बुनै तकर फूटिया दुई भाग हुऐ।

![](https://cdn.door43.org/obs/jpg/360px/obs-en-40-08.jpg)

आपणी मौऊती रै ज़रियै, यीशुऐ लोका री तैंईंयैं परमेश्वरा हागै ऐणै री बौत खोली। ज़ैबै यीशु री हेर-शुण केरनु आल़ै एक सैनिकै ज़ो किछ़ हुआ ती ऐ सैभ हेरू ता तेइयै बोलू, “पक्का, ऐ मांहणु निर्दोष ती। ऐ परमेश्वरा रा बेटा सा।”

![](https://cdn.door43.org/obs/jpg/360px/obs-en-40-09.jpg)

तैबै यूसुफ होर नीकूदेमुस नाँ रै यहूदी अगुवै आऐ। ते बशाह केरा ती कि यीशु ऐ मसीह ती। तिन्हैं पिलातुसा न यीशु रा शरीर मुँगु। तिन्हैं तेइरा शरीर टौलै न लपेटू। तैबै तिन्हैं सौ एक टोलही मौंझ़ै न काटिया बणाईदी कब्रा न नेऊ होर तुंई आँध्रै रखु। तैबै तिन्हैं तेसा कब्रा रै दुआरा बै बन्द केरनै री तैंईंयैं एक बड़ा पात्थर लुढ़काऊ।

*मती 27:27-61; मरकुस 15:16-47; 23:26-56; यूहन्ना 19:17-42 बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_40_128kbps.m4a

## 41. परमेश्वर यीशु बै मुऐदै न जिन्दा केरा सा

https://openbiblestories.org/l/kfx/story-41/

![](https://cdn.door43.org/obs/jpg/360px/obs-en-41-01.jpg)

सैनिका रै दुआरा यीशु मसीह रा क्रुसा पैंधै चड़ाणै न बाद, यहूदी रै सेभी अगुवै बोलू, तेई झुठै, यीशुऐ, बोलू ती कि मुँ मौरनै न त्राई रोज़ा बाद जिन्दै होणा। कौसी बै ऐ पता केरनै री तेईये कब्रै री पैहरेदारी केरनी पौई; कि तेई रै चेले तेई री लाशा बै चोरीया नेलै अगर ते ऐण्डा केरलै होर बोललै कि सौ मौरिया जिन्दा हुआ सा।

![](https://cdn.door43.org/obs/jpg/360px/obs-en-41-02.jpg)

पिलातुसै तिन्हां बै बोलू, “तुसा हागै ता पहरैदार सी ज़ा, होर आपणी समझ़ै रै मुताबक पौहरैदारी केरा।” तैबै तिन्हैं पहरैदार नेऐ, होर कब्रा न मोहर लाई। होर तिन्हैं पहरैदार बशाऐ कि कोईऐ लाश नी लोड़ी नेई।

![](https://cdn.door43.org/obs/jpg/360px/obs-en-41-03.jpg)

यीशु रै मौरने न बाद वशाँ रा धियाड़ा ती। बशाँ रै धियाड़ै न कोई भी कौम नी ती केरदा, हाज़ी तकर यीशु रा कोई भी सैंघी कब्रा बै नेई आऊ ती,पर वशाँ रै धियाड़ै न बाद, दोथी झिशा, किछ़ बेटड़ी यीशु री कब्रा हागै जाणै री तैंइयैं त्यार हुई। ते यीशु रै शरीरा पैंधै होर भी मसाला लाणा चाहा ती।

![](https://cdn.door43.org/obs/jpg/360px/obs-en-41-04.jpg)

तिन्हां बेटड़ी पुजणै न पेहलै, कब्रा हागै एक बड़ी ज़ौज़री हुई होर सर्गा न एक स्वर्गदूत तौखै एज़िया सौ बड़ा पात्थर लुढ़काऊ, जुणी सैंघै सौ बन्द ती होर तेथा पैंधै बेठा तेइरा रूप बिजली सांही च़मकदा लागा ती होर तेइरै झिकड़ै हिंऊँआ सांही शेतै ती। ते पैहरैदार ज़ो कब्रा रा पैहरा देंदै लागै ती कब्रा पैन्धै जो सैनिक ती ते डौरै लाइया कोमदै लागै, होर मूँऐंदै सांही हुऐ।

![](https://cdn.door43.org/obs/jpg/360px/obs-en-41-05.jpg)

जैबे ते बेटड़ी कब्रा हागै पुज़ी ता तैबै स्वर्गदूतै तिन्हां बेटड़ी बै बोलू, “डौरदी मौता। यीशु औखै नी ऑथि, ज़ैण्ढा तेइयै बोलू ती सौ मौरेनै न बाद ज़िन्दा हुआ सा। एज़ा, तेसा ज़ैगा बै हेरा होर तौपा ज़ौखै यीशु रा शरीर रैखू ती। तिन्हैं बेटड़ीए कब्रा आँन्द्रै जाईया हेरु कि तौखे यीशु रा शरीर नी ती ऑथि।

![](https://cdn.door43.org/obs/jpg/360px/obs-en-41-06.jpg)

तैबै तेई स्वर्गदूते तिन्हां बेटड़ी बै बोलू,“जाईया तेई रै चेले बै दसा, ‘यीशु मुँएदै न जिन्दा हुआ सा होऱ तुस्सा न आगै-आगै गलिला बै जा सा।

![](https://cdn.door43.org/obs/jpg/360px/obs-en-41-07.jpg)

ते बेटड़ी हेरान हुई होर बौहु खुश हुई। ते चेलै बै ऐ खुश खबरी शुनाणै री तैंईयैं दौऊड़ी।

![](https://cdn.door43.org/obs/jpg/360px/obs-en-41-08.jpg)

जैबै ते बेटड़ी च़ेले बै ऐ खबर दसणै री तैंईंयैं हाज़ी बौता न ती,ता तैबै यीशुऐ तिन्हां पैन्धै प्रगट हुआ। तै तेईरी ज़ौंगा पैंधै पौड़ी। तेबै यीशुऐ बोलू” मौता डोरदै, जाइया मेरे चेलै बै गलील जाणै बै बोला। तिन्हां तौखै हांऊ हेरना।

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी*

Audio: https://git.door43.org/OBS-TLF/kfx_obs/releases/download/v1/kfx_obs_v1_41_128kbps.m4a

## 42. यीशु सर्गा बै जा सा

https://openbiblestories.org/l/kfx/story-42/

![](https://cdn.door43.org/obs/jpg/360px/obs-en-42-01.jpg)

जुणी रोज़ परमेश्वरै यीशु मुँऐदै न जिन्दा केरू ती, तेई ध्याड़ै यीशु रै दुई च़ेले नैड़ै रै ग्राँ न जाँन्दै लागै ती, औंढदी गैरै ते यीशु री सब गैला बै ज़ो हुईदी ती गैल बात केरदै ज़ाँदै लागै ती। तिन्हां बै आश ती कि सौ मसीह ती,पर तैबै भी सौ लोकै मारु, ऐबै ते बेटड़ी बोला सी कि सौ फिरी जिन्दा हुआ सा। ते नी जाँणदै कि कौसी गला पैन्धै बशाह केरना सा।

![](https://cdn.door43.org/obs/jpg/360px/obs-en-42-02.jpg)

यीशुऐ तिन्हां हागै ऐज़िया तिन्हां सैंघै हौंढणा शुरु केरु,पर ते यीशु बै पछिआणी नी सेकै। यीशुऐ तिन्हां न पुछू तुस्सै कुणी रै बारे न गल केरदै लागै सी। तिन्हैं तेई बै यीशु सैंघै हुईदी पिछलै महिनै री सारी घटना रै बारै न दसु। तिन्हैं सोचु कि ते कौसी परदेशी सैंघै गल्ला केरदै लागै सी जो नी जाँणदा कि यरुश्लेमा न कि हुआ ती।

![](https://cdn.door43.org/obs/jpg/360px/obs-en-42-03.jpg)

तैबै यीशुऐ ते समझाए कि परमेश्वरा रा वचन मसीह रै बारै न कि बोला सा। बोहू साल पेहलै,भविष्यवाणी केरनु आलै बोलू ती कि बुरे लोका मसीह दुख देईया मारना, पर भविष्यवाणी केरनु आलै ऐ भी बोलू ती कि तेई त्रीज़ै रोज़ जिन्दै होणा।

![](https://cdn.door43.org/obs/jpg/360px/obs-en-42-04.jpg)

ज़ैबै ते तेई ग्राँ न पुजै ज़ौखै ते दुऐ जैण रोहणा चाहा ती, तैबै तकर लगभग सौझ़ हुई ती। तिन्हैं यीशु बै बोलू, कि “औज़ औखै रौहा किबैकि ध्याड़ा ओड़ू सा होर सौंझ़ हुई सा।” तैबै यीशु तिन्हां सैंघै भितरै नौठा। ज़ैबै ते रोटी खाँदै बेठै ता यीशुऐ रोटी हौथा न लेईया परमेश्वरा रा धन्यवाद केरू होर रोटी चोड़िया तिन्हां बै धिनी। तैबै च़ानक तिन्हरी औछ़ी खुली होर तिन्हैं यीशु पछ़ियाणु , पर ते तिन्हरी नज़री न राहुऐ।

![](https://cdn.door43.org/obs/jpg/360px/obs-en-42-05.jpg)

तिन्हैं दुई जणै आपुन बोलू, “सौ यीशु ती, तैबै जैबै तेईयै आसा बै परमेश्वरै रै वचन समझाऐ ता आसै उत्साहित हुऐ ती, तैबै तुरन्त ते यरुश्लेमा बै नौठे। जेबै ते पुज़ै ता तिन्हैं सेभी चेलै बै दसु, कि यीशु जिन्दा सा। आसे सौ हेरु सा!

![](https://cdn.door43.org/obs/jpg/360px/obs-en-42-06.jpg)

जैबै चेलै आपु न इन्हां गैला बै केरदै लागै ती, कि यीशु तिन्हां मौंझ़ै एज़िया खड़ै हुऐ, होर तिन्हां बै बोलू, “तुसाबै शान्ति मिलै। ते सब बोऊ घबराऐ होर डौरै तिन्हैं बुझू ऐ ता कोई भूत सा। तैबै यीशुऐ तिन्हां बै बोलू, “तुसै किबै डौरा सी? तुसै ऐण्ढा किबै नी सोचदै कि हांऊ यीशु सा? तुसै मेरै हौथा-ज़ोंघा बै हेरा हांऊँ कोई भूत नी ऑथि, मुँभै छ़ुँगिया हेरा किबैकि भूतै रै हाड-मांस नी होंदा, ज़ैण्ढा मूँ हागै सा।” तेईयै खाणै री तैंईयै किछ़ मौंगू। तिन्हैं तेई बै मच्छी रा एक टुकडा धिना, होर तेईयै खाऊ।

![](https://cdn.door43.org/obs/jpg/360px/obs-en-42-07.jpg)

यीशुऐ बोलू, “मेरै बारै न परमेश्वरा रा वचन जो किछ़ मेरै बारै न बोलू सा सौ पूरा होणा। तैबै यीशुऐ परमेश्वरै रा वचन शौभली तरह समझाऊ। यीशुऐ बोलू, “बोहू पैहलै भविष्यवाणी केरनू आलै लिखू सा मुँ, मसीह बै दु:ख सौहणा, होर मौरना पौऊ होर त्रीज़ै रोज़ फिरी मूँऐंदै न ज़िन्दै होंणा।”

![](https://cdn.door43.org/obs/jpg/360px/obs-en-42-08.jpg)

“तिन्है भविष्यवाणी केरनु आलै भी लिखू ती कि मेरै चेलै परमेश्वरै रै वचनै री घौषणा केरलै। तिन्हां सेभी बै पश्चाताप केरनै री तैंईयैं दसलै। अगर ते ऐण्डा केरा सी ता परमेश्वर तिन्है रै पापा बै माफ केरा सा। मेरै चेलै ऐई सन्देश यरुश्लेमा न शुरू केरना। तैबै तिन्हा सब जगाह सब जाति न जाणा। तुस्सै लोका मेरी हर एक गल्ला होर कौमै रै गवाह सी जो मैं बोलू होर केरू ती, होर तेथा सैभि रै भी जो मुँ सैंघै हुआ ती।”

![](https://cdn.door43.org/obs/jpg/360px/obs-en-42-09.jpg)

आगलै 40 रोज़ा रै दौरान, प्रभु यीशु केई बार आपणै चेले सामनै प्रगट हुआ। एक बार ता 500 न ज्यादा माँहणु रै सामने प्रगट हुआ। तेईयै आपणै सेभी चेलै पैंधै कैई तरिकै न प्रगट केरू कि सौ जिन्दा सा, होर तेईये तिन्हां बै परमेश्वरै रै राज्य रै बारै न शिक्षा धिन्नी।

![](https://cdn.door43.org/obs/jpg/360px/obs-en-42-10.jpg)

तैबै यीशुऐ आपणै चेले बै बोलू, “स्वर्ग होर धौरती रा सारा हक मुँभै धिना सा। तैबै ऐबै तुसै ज़ाआत् होर सैभी ज़ाति बै मेरा च़ेला बणात् होर तिन्हां बै परमेश्वर पिता, बेटै होर पवित्र आत्मै रै नाँ न बपतिस्मा दैआत्, जौ किछ़ मैं तुस्सा बै हुक्म धिन्नै सी तिन्हां बै मनणा सिखात् ज़ो मैं तुसाबै सीखाई। ऐ याद रखा कि हांऊँ दुनिया रै आखरी तैंईंयैं तुसा सैंघै रौहणा।

![](https://cdn.door43.org/obs/jpg/360px/obs-en-42-11.jpg)

यीशु रै मुँऐंदै न जिन्दा होणै रै चाहली रोज़ा न बाद, तेईयै आपणै चेलै बै बोलू,“जैबै तकर मेरा बापू तुस्सा बै शक्ति नी देला तैबै तकर यरुश्लेमा न रूकिया रौहित। प्रभु तुस्सा पैंधै पवित्र आत्मा भेजणै रै ज़रियै ऐण्ढा केरना,“ तैबै यीशु सर्गा बै नोठा, होर ऐकी बादलै सौ तिन्हां न गजिहाऊ सर्गा न यीशु सैभी चिज़ा पैंधै अधिकार केरनै री तैंइयैं परमेश्वरा रै दैहिणै धिरै बैठा।

*मती 28:16-20; मरकूस16:12-20; लूका 24:13-53; यहून्ना 20:19-23; Acts 1:1-11 न एक बाईबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_42_128kbps.m4a

## 43. मण्डली री शुरुआत होंणा

https://openbiblestories.org/l/kfx/story-43/

![](https://cdn.door43.org/obs/jpg/360px/obs-en-43-01.jpg)

यीशु रै सर्गा जाणै न बाद, चेले यरुश्लेमा न एँ रुकै ती जैण्डा कि यीशुऐ तिन्हा बै केरनै रा हुक्म धिन्ना ती। तौखे रै विश्वासी लोका लगातार प्रार्थना केरनै री तैंइयैं कट्ठे होए केरा ती।

![](https://cdn.door43.org/obs/jpg/360px/obs-en-43-02.jpg)

हर साल फसह रै त्योहारा रै 50 रोज़ा बाद, यहूदी लोका पिन्तैकुस्ता नाँ रै ऐक खास ध्याड़ै बै मनाऐ केरा ती। पिन्तेकुस्त सौ ध्याड़ाड़ा ती जेबै यहूदी लोका गेहूँ काटदै नौठै ती। सारे संसारै रै यहूदी लोका पिन्तेकूस्ता रै ध्याड़ै मंनाणै री तैंईयैं यरुश्लेमा न ऐज़ै केरा ती। ऐसा साल, पिन्तेकुस्ता बै मनाणै रा सौ बौगत यीशु रै सर्ग जाणै न एक हप्ते बाद आऊ ती।

![](https://cdn.door43.org/obs/jpg/360px/obs-en-43-03.jpg)

जुणी बौक्त ते सैभ विश्वासी लोका एकी ज़ैगा कठै ती।ता जुणी घौरा न ते ती चानक सौ तेज़ बागरी री आवाज़ी सैंघै बौरुआ। तैबै औगी री ज़ीभा सांही हेरनु आला किछ़ विश्वासी लोके री मुण्ड़ी पैंधै प्रगट हुआ। ते सभै पवित्र आत्मा सैंघै बोरुऐ होऱ तिन्है होरी-होरी भाषा न परमेश्वरै री स्तुति केरी। ऐ ते भाषा ती जूणी बै बोलणै री तैईयैं पवित्र आत्मै तिन्हां बै शक्ति धिन्नी ती।

![](https://cdn.door43.org/obs/jpg/360px/obs-en-43-04.jpg)

जैबै यरूश्लेमा न रोहणु आलैं लोकै ज़ोरै रा हाला शुणु, ता लोकै री भीड़ कठी हेरनै री तैंइयैं आई कि होन्दा लागा सा, तिन्है विश्वासी लोका बै परमेश्वरै रै केरूऐदै बड़ै-बड़ै कौमै री तारीफ केरदै शुणै। ते हेरान ती किबैकी ते आपणी भाषा न शुणदै लागे ती।

![](https://cdn.door43.org/obs/jpg/360px/obs-en-43-05.jpg)

इन्हां मौंझ़ै न किछ़ लोकै बोलू ते ता नशै न ती। पर पतरस खड़ा हुआ होर तेईयै बोलू,“मेरी गैला बै शुणा। ऐ लोका नशै न नैंई ऑथि। ऐथे रै बज़ायै,जो तुसै हेरा सी जो योएल नाँ रै भविष्यवाणी केरनु आल़ै रै ज़रियै बोलू ती कि होंणा, परमेश्वरै बोलू, मुँ आपणी आत्मा सैभी पैंधै भेज़णी।

![](https://cdn.door43.org/obs/jpg/360px/obs-en-43-06.jpg)

“ओ इस्राएली मर्दो,“यीशु एक ऐण्डा माँहणु ती जुणीऐ ए रिहाणै री तैंईयैं कि सौ कुण ती बौहू सारै नौखै कौम केरैदै ती। तेईयै परमेश्वरै री शक्ति सैंघैं बोहू सारे नौखै कौम केरैदै ती। तुसै ऐथा बै जाँणा सी,किबैकि तुसै ऐ कौम हेरैदै सी। पर तुसै सौ क्रुसा पैंधै च़ढ़ाऊ।

![](https://cdn.door43.org/obs/jpg/360px/obs-en-43-07.jpg)

“यीशु मुँआ पर परमेश्वरै सौ मुंऐ हुन्दै न जिन्दा केरू सा। तेईयै सौ गल पूरी केरी धिन्नी जुण भविष्यदक्तै लिखी ती: ‘तू आपणै पवित्र भक्ता बै शौड़ने नी देन्दा। ‘आसै गवाह सी कि परमेश्वरै यीशु मुएँ हुन्दै न जिन्दा केरू सा।

![](https://cdn.door43.org/obs/jpg/360px/obs-en-43-08.jpg)

“परमेश्वर बापूऐ ऐबै सौ आपणै दैहिणै होथै बशाईया तेई बै आदर धिन्ना सा। होर यीशुऐ आसै री तैंईयैं पवित्र आत्मा भेजु सा जेण्डा कि यीशुऐ वायदा केरू ती मुँ तुसरी तैंईयैं एक सैंघी भेज़णा। पवित्र आत्मा ए तेथा बै होणै देआ सा जुणी बै तुसै हेरदे होर शुणदै लागै सी।”

![](https://cdn.door43.org/obs/jpg/360px/obs-en-43-09.jpg)

“तुसै सौ मांहणु, यीशु क्रुसा पैंधै च़ढ़ाऊ सा। पर ऐ ज़ाँणी लेआ कि परमेश्वरै यीशु सेभी चीज़ा पैन्धैं प्रभु होर मसीह ठहराऊ सा!”

![](https://cdn.door43.org/obs/jpg/360px/obs-en-43-10.jpg)

पतरसै रै शुणनु आलै लोके तेई रै दुआरा बोलू हुन्दी गल शुणियाँ आँन्ध्रै न हिलै ती। तेबै तिन्है पतरस होर चेले न पुछू “ओ भाईओ, “ऐबै आसा कि केरना दसा?”

![](https://cdn.door43.org/obs/jpg/360px/obs-en-43-11.jpg)

पतरसै तिन्हा बै जबाब धिन्ना, “तुसा न हर एक आपणै पापें री तैंईयैं पश्चाताप केरा ताकि परमेश्वर तुसा रै पापा बै माफ केरलै, होर यीशु रै नाँऊ न बप्तिस्मा लेआ। तेबै परमेश्वरा तुसा बै वरदानै रै रुपा न पवित्र आत्मा भी देणी।”

![](https://cdn.door43.org/obs/jpg/360px/obs-en-43-12.jpg)

पतरसै जो बोलू तेथा पैंधै लगभग 3,000 लोकै बशाह केरु होर यीशु रै चेलै बणे। तिन्है बप्तिस्मा लेऊ होर मण्डली रा हिस्सा बणै।

![](https://cdn.door43.org/obs/jpg/360px/obs-en-43-13.jpg)

ज़ैबै प्रेरीत लोकै तिन्हां बै शिक्षा धिन्नी ता विश्वासी लगातार तिन्हरी शुणी। ते हमेशा मिलदै रौहा सी होर खाणा खाऐ केरा ती, होर तिन्है हमेशा एकी दुज़े री तैईऐ प्रार्थना केरी। तिन्है मिलिया परमेश्वरै री स्तुती केरी होर जो किछ़ भी तिन्हां हागै ती तिन्है सौ एकी दुज़ै सैंघै सौ बौंडू। शैहरा रा हर एक माँहणु तिन्है री तैंईयैं शोभला विचार केरा ती। हर रोज़, ज़ादै न ज़ादै लोका विश्वासी बणदै रोहै।

*प्रेरितों रै कौम 2 न एक बाईबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_43_128kbps.m4a

## 44. पतरस होर यहुन्ना एक भिखारी बै ठीक केरा सी

https://openbiblestories.org/l/kfx/story-44/

![](https://cdn.door43.org/obs/jpg/360px/obs-en-44-01.jpg)

एक रोज़, पतरस होर यहुन्ना मंदिरा बै नोठै। एक माँहणु जो अपंग ती मौंगणै री तैंईयैं शीड़ी हागै बेठा ती।

![](https://cdn.door43.org/obs/jpg/360px/obs-en-44-02.jpg)

पतरसै सौ लंगड़ा माँहणु हेरू होर बोलू, “मुँ हागै तौभे देणै री तैंइयैं ढबुऐ ता नी ऑथि। पर जो मुँ हागै सा सौ तौभै देनु। उठ होर हौंढ फिर।”

![](https://cdn.door43.org/obs/jpg/360px/obs-en-44-03.jpg)

परमेश्वरै सौ लंगड़ा माहणु ठीक केरी धिन्ना। तेईयै छेकै छेकै औरे-पौरे कूदणा शुरु केरू, होर परमेश्वरै री स्तुति केरना शुरू केरी। मंन्दिरा रै लोका ऐथा हेरीया हेरान ती।

![](https://cdn.door43.org/obs/jpg/360px/obs-en-44-04.jpg)

तैबै लोकै री एक बड़ी भीड़ तेई माँहणु बै हेरनै री तैईयैं जो ठीक हुआ ती। पतरसै तिन्हां लोका बै बोलू, , “ऐ माँहणु ठीक सा, पर तुसै ऐसा गला पैंधै हैरान मौता होन्दै। आसै ऐ आपणी शक्ति सेगैं ठिक नेई केरू सा, या तेबै नैंई कि आसे परमेश्वरा रा आदर केरा सी। बल्कि,यीशु सा जुणिऐ ऐ आपणी शक्ति सैंघै ठीक केरू सा, किबैकी आसै यीशु पैंधै बशाह केरा सी।”

![](https://cdn.door43.org/obs/jpg/360px/obs-en-44-05.jpg)

तैबै तुसै सी जुणीऐ सौ रोमी राज्यपाला बै यीशु मारनै री तैंईयैं बोलू ती। तुसै सौ मारु जो सेभी बै ज़िन्दगी देया सा। पर परमेश्वरै सौ मुँई हुन्दै न जिन्दा केरु। तुसै नी बुझू कि तुसै कि केरदै लागै सी, पर जेबै तुसै तेई कौमा बै केरदै लागे ती, तेबै जो भविष्यदक्तै बोलू ती सौ पूरा हुआ। तिन्है बोलू ती कि मसीही दुख च़कणा होर मौरना सा। परमेश्वरै ऐण्ढा होंणै धिन्ना। तेबै, पश्चाताप केरा होर परमेश्वरा धिरै फिरा, ताकि सौ तुसै रै पापा बै धोईया माफ केरी देला।”

![](https://cdn.door43.org/obs/jpg/360px/obs-en-44-06.jpg)

ज़ैबै मन्दिरा न अगुवे पतरस होर यहुन्ना री गला शुणी, ता ते बोहू घबराऐ। तेबै तिन्है ते जेलखाने न पाऐ। पर जो पतरसै बोलू ती तेथा पैन्धै बोहू सारे लोके बशाह केरू, यीशु पेन्धै बशाह केरनुआलै री गिनती बढ़ीया लगभग 5,000 हुई।

![](https://cdn.door43.org/obs/jpg/360px/obs-en-44-07.jpg)

आगलै रोज़, ते यहूदी अगुवै पतरस होर यहून्ना बै महायाजक होर धार्मिक अगुवै रै सामने आंणा सी। होर ते तेई अंपग माहणु बै भी आंणा सी। तिन्है यहुन्ना होर पतरसा न पुछू, “कुणी अधिकारा सेघैं तुसै ऐ अंपग माँहणु ठीक केरू?”

![](https://cdn.door43.org/obs/jpg/360px/obs-en-44-08.jpg)

पतरसै ज़वाब धिन्ना,“ऐ माँहणु जो तुसा सामनै खड़ा सा सौ यीशु मसीह री शक्ति रै दुआरा ठीक हुआ सा। तुसै यीशु क्रूसा पैंधै चढ़ाऊ, पर परमेश्वरै सौ फिरी जिन्दा केरू! तुसै यीशु रा नाँह केरू, पर यीशु री शक्ति रै बगैर होर कोई उद्धार नैंई देई सकदा होर कोई दुज़ा रस्ता नैंई ऑथि।”

![](https://cdn.door43.org/obs/jpg/360px/obs-en-44-09.jpg)

ते अगुवै हैरान ती कि पतरस होर यहून्नै बोहू साहसा सैंघैं गल्ला केरी ती। तिन्है हेरू कि ऐ ता साधारण माँहणु ती जो अनपढ़ ती। पर फिरी तिन्हां बै याद आऊ कि ऐ माँहणु ता यीशु सैघैं रोहा ती। तेबै तिन्हैं तिन्हां बै बोलू,“आसा तुसा बै ज्यादा सज़ा देणी अगर तुसै तेई माँहणु यीशु रै बारै न लोका बै कोई सन्देश देलै। “ऐण्ड़ी बोहू सारी गल्ला बोलणै न बाद,तिन्है पतरस होर यहून्ना जाणै धिन्ना।

*प्रेरितों रै कौम 3:1-4:22 न एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_44_128kbps.m4a

## 45. स्तिफनुस होर फिलिप्‍पुस

https://openbiblestories.org/l/kfx/story-45/

![](https://cdn.door43.org/obs/jpg/360px/obs-en-45-01.jpg)

पैहलै मसीह अगुवै मौंझै एक स्तिफनुस नाँ रा मर्द ती। सैभ लोका तेई रा आदर केरा ती,पवित्र आत्में तेई बै बोहू शक्ति होर बुध्दि धिन्नी ती। स्‍तिफनुसै बोहू सारै चमत्कार केरै ती, ज़ैबै तेईयै लोका बै यीशु पैन्धैं बशाह केरनै रै बारे न लोका बै शिक्षा धिन्नी ता बौहू लोकै तेई पैंधै बशाह केरु।

![](https://cdn.door43.org/obs/jpg/360px/obs-en-45-02.jpg)

ऐक रोज़ स्तिफनुस यीशु रै बारै न शिक्षा देन्दा लागा ती, होर किछ़ यहूदी लोका आये जुणा यीशु पैंधै बशाह नी ती केरदै होर तेई सैंघै पुछ़-ताछ़ केरदै लागै ते बौहू झिकुऐ, तैबै ते धार्मिक अगुवै हागै नोठै होर तेई रै बारै न झूठ बोलू। तिन्हें बोलू, “आसे स्तिफनुस मूसा होर परमेश्वरै रै बारै न बूरी गल्ला बोलदा शुणू सा!” तेबै धार्मिक अगुवै स्तिफनुस गिरफ्तार केरू होर सौ महापुरोहित होर यहूदी लोके रै होरी अगुवै सामने आणु। होर भी झूठें गवाह आणें होर तिन्हें तेई रै बारै न झूठ बोलू।

![](https://cdn.door43.org/obs/jpg/360px/obs-en-45-03.jpg)

तैबै महापुरोहिते स्तिफनुसा न पुछू, “कि ऐ लोका तेरै बारै न सच़ बोलदै लागै सी?” स्तिफनुसै महापुरोहिता बै जबाब देणें री तैंइयैं बोहू सारी गल्ला बोलणी शुरू केरी। तेईयै बोलू अब्राहमैं रै बौक्ता न लेईया यीशु रै बौक्ता तकर परमेश्वरै इस्राएली लोकै री तैंईयैं बोहू सारै नौखै कोम केरै सी। पर लोका हमेशा परमेश्वरै रै विरुधा रा हठिलै कोम केरदै रोहै सी, तुसै हमेशा पवित्र आत्मा रा इन्कार केरू होर हमेशा तेई रै भविष्यवाणी केरनु आलै बै मारा ती। पर जो तिन्है केरू ती तेथै री तुलना न तुसै होर भी ज्यादा बूरा केरू सा! तुसै मसीह यीशु मारू सा!

![](https://cdn.door43.org/obs/jpg/360px/obs-en-45-04.jpg)

ज़ैबै तिन्हैं धार्मिक अगुवै शुणू, ता ते बोहू ज्यादा गुस्सै न हुऐ तिन्हें आपणै कौन बन्द केरै होर जौरै सैघें बोलदे लागै, ते स्तिफनुसा बै घशीटीया नगरा न बाहरै नेआ सी होर तेई बै खत्म केरनै री तैंईयैं पात्थर मारा सी।

![](https://cdn.door43.org/obs/jpg/360px/obs-en-45-05.jpg)

ज़ैबै स्तिफनुस मौरदा लागा ती, तेईयै ज़ोरै सेगैं बोलू, “ओ प्रभु यीशु मेरी आत्मा बै ग्रहण केर।” तैबै स्तिफनुस घुटनै टेकिआ ज़ोरै सैंघै पुकारू, ओ प्रभु ऐई पापा बै तिन्हां पैंधै मत लान्दा होर ऐण्ढा बोलिआ सौ मूँआ।

![](https://cdn.door43.org/obs/jpg/360px/obs-en-45-06.jpg)

तेई रोज़,यरुशलेमा न रौहणु आल़ै बोहु सारै लोकै यीशु पिछ़ै चलणु आल़ै बै दु:ख देणा शुरु केरू, तेबै विश्वासी लोका अलग-अलग ज़गाह बै भगै। पर तेबै भी, जौखै-जौखै ते नोठै तोखै यीशु रै बारै न प्रचार केरू।

![](https://cdn.door43.org/obs/jpg/360px/obs-en-45-07.jpg)

फिलिप्पूस नाँ रा एक यीशु रा विश्वासी ती। जैण्ढा कि होरी विश्वासीऐ भी केरू ती सौ भी यरुशलेमा न भगिया नौठा। सौ सामरिया रै ग्राँ बै नौठा। तौखै तेईयै लोका मौंझै यीशु रै बारे न प्रचार केरू,बोहू सारे लोके तेई पेन्धैं बशाह केरू होर उध्दार पाऊ। एक रोज़,फिलिप्पूसा हागै परमेशवरै री धिरै न स्वर्गदूत आऊ होर सौ जगलां न नेऊ,होर ऐकी सड़का पैन्धैं चलणै री तैंईयैं बोलू, जेबै फिलिप्पुस सड़का पैंधै हौंढदा लागा ती,ता तेईये माँहणु आपणै रौथा पैंधै जान्दा हेरू। सौ माँहणु कूश देशा रा एक खास अधिकारी ती,पवित्र आत्मै फिलिप्पुसा बै बोलू कि जाइया तेई माँहणू सैंघै च़ला।

![](https://cdn.door43.org/obs/jpg/360px/obs-en-45-08.jpg)

तेबै फिलिप्पुस रौथा हागै नोठा, तेईयै शुणू कि ऐ कूशी माँहणू परमेश्वरै रै वचना बै पौड़दा लागा सा। जो यशायाह भविष्य वाणी केरनु आल़ै लिखू ती सौ पौढ़दा लागा ती, “ते तेई बै मारनु आल़ी भेड़ा सैंही लेआ सी, होर जेण्ड़ै एक मैम्णु च़ुप रोहा सा, तेईयै भी एक शब्द नी बोलू, तिन्हैं तेई सैघैं बूरा व्यवहार केरू होर तेई रा आदर नैंई केरु। तिन्हैं तेई री ज़ान लेई।”

![](https://cdn.door43.org/obs/jpg/360px/obs-en-45-09.jpg)

फिलिप्पुसै तेई माँहणू न पूछू, “जो तू पौड़दा लागा सा कि तू तेथा बै समझ़ा भी सा?” तेई कूशी माँहणूऐ जबाब धिन्ना,“नेंई। जैबै तक कोई मुँभै नेईं समझाला ता, तैबै तकर हाँऊ ऐथा बै नी समझी सकदा। विनती केरीया मुँ हागै ऐज़िया बैश, यशायाह ऐ आपणै बारै न लिखदा लागादा ती कि होरी रै बारे न?”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथा पैंधै चड़ीया बैठा। तेबै तेईयै कूशी माँहणु बै तेथै रै बारै न दसू जो यशायाहै यीशु रै बारै न लिखू ती। फिलिप्पुसै परमेश्वरै रै वचनै रै बोहू हिस्सै री चर्चा केरी। ऐण्डी तरह न, तेईयै तेई माँहणु बै यीशु रै बारै न खुशी री खबर शुणाई।

![](https://cdn.door43.org/obs/jpg/360px/obs-en-45-11.jpg)

फिलिप्पुस होर सौ माँहणु च़लदे च़लदे पाणी हागै पुज़ै। तेई कूशी माँहणुऐ बोलू, “हेरा! औखै पाणी सा! कि हांऊँ बपस्तिमा लेई सका सा?” होर तेईयै सारथी बै रथ रोकणै बै बोलू।

![](https://cdn.door43.org/obs/jpg/360px/obs-en-45-12.jpg)

तेबै ते पाणी न ऊतरै, होर फिलिप्पुसै तेई कूशी बै बपतिस्मा धिना। जैबै ते पाणी न बाहरै आये, ता पवित्र आत्मा चानक ए फिलिप्पुसा च़किया कौसी होरी ज़गाह पैंधै नेऊ। तौखै भी फिलिप्पुसै लोका बै यीशु रै बारै न दसणां ज़ारी रखु।

![](https://cdn.door43.org/obs/jpg/360px/obs-en-45-13.jpg)

सौ कूशी आपणै घोरे री यात्रा न आगै नौठा। सौ खुश ती, कि सौ ऐबै यीशु बै ज़ाणा ती।

*प्रेरितों रे कोम 6:8-8:5; 8:26-40 न एक बाईबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_45_128kbps.m4a

## 46. पौलुस मसीही विश्वासी बणा सा।

https://openbiblestories.org/l/kfx/story-46/

![](https://cdn.door43.org/obs/jpg/360px/obs-en-46-01.jpg)

तेबै महापरोहितै शाऊला बै दमिश्क शैहरा बै जाणै री ईज़ाजत धिनी। तेईयै तौखे रै मसीह लोका बै गिरफ्तार केरनै होर तिन्हां बै यरूशलेमा न वापस आणंनै बै बोलू।

![](https://cdn.door43.org/obs/jpg/360px/obs-en-46-02.jpg)

तेबै शाऊलै दमिश्क जाणै री यात्रा शुरू केरी। तेई शैहरा न पुजणै न थोड़ी देर पेहलै, तेई रै चौऊ पासै सर्गा न तेज़ प्याशा च़मकू, होर सौ धौरती पैंधै झ़ौड़ीया पौडू, शाऊलै कोई बोलदा शुणू, “ओ शाऊल! ओ शाऊल! तु मुँभै किबै दु:ख देआ सा?” शाऊलै पुछू, “ओ प्रभु तु कुण सा?” यीशुऐ तेई बै जवाब धिन्ना, “हाँऊ यीशु सा! तू मुँभै किबै सता सा!”

![](https://cdn.door43.org/obs/jpg/360px/obs-en-46-03.jpg)

जैबै शाऊल उठू ता सौ हेरी नी सकदा ती। तेई रै दोस्त तेई बै दमिशक देशा बै नेआ सी, शाऊलै त्राई रोज़ा तकर किछ़ भी खाऊ पिऊदा नेंई तीऑथि।

![](https://cdn.door43.org/obs/jpg/360px/obs-en-46-04.jpg)

दमिशक देशा न हनन्याह नाँ रा ऐक चेला ती। परमेश्वरै तेई बै बोलू, “तेई घौरा बै जा जौखै शाऊल रूकूदा सा।” आपणैं हौथा बै तेई पैंधै रख ताकि सौ दबारा हेरी सकला।” पर हनन्याहै बोलु, ‘ओ प्रभु, मैं शुणू सा कि ऐई माँहणुऐ विश्वासी लोका केण्ढी तेरह सताऐ ती।” परमेश्वरै तेई बै जवाब धिन्ना, “जा! मैं तिन्हां यहूदी लोका होर होरी जाति रै लोके रै बिचा न मेरै नाँ रा प्रचार केरनै होर घोषणा केरनै री तैंईयैं चुनू सा। तेई मेरै नाँ री तैंइयैं बोहू दु:ख सौहणा।”

![](https://cdn.door43.org/obs/jpg/360px/obs-en-46-05.jpg)

तेबै हनन्याह शाऊला हागै नौठा, होर तेईयै आपणे हौथ तेई पैंधै रखै, होर बोलू, “यीशुऐ, जो तौभै औखै ऐन्दी गैरै रस्तै न तौ पैंधै प्रगट हुआ ती, हाँऊ तौ हागै भेजू ती, ताकि तू दबारा हेरी सकै, होर पवित्र आत्मा तौभै मिलला।” तैभै ए शाऊल हेरदा लागा, होर हनन्याहै तेई बै बप्तिस्मा धिना। तेबै शाऊलै रोटी खाई होर ताकत पाई।

![](https://cdn.door43.org/obs/jpg/360px/obs-en-46-06.jpg)

तेबै न लेईया, शाऊलै दमिशका न रोहणू आलै यहूदी लोका न प्रचार केरना शुरू केरी धिन्ना। बोलू, “यीशु ए परमेश्वरै रा बेटा सा!” यहूदी लोका हैरान ती, किबैकि शाऊलै यहूदी लोका बै मारने री कोशीश केरी ती, पर ऐबै तेईयै यीशु पैंधै बशाह केरू ती। शाऊलै यहूदी लोका सैंघै बैंहस केरी। तेईयै हेरू की यीशु ए मसीह ती।

![](https://cdn.door43.org/obs/jpg/360px/obs-en-46-07.jpg)

बोहू धियाड़ै बाद, यहूदी लोकै शाऊला बै मारनै री तरकीब बणाई। तिन्है तेईबै मारनै री तैंइयैं शैहरा न लोका भेजै, कि तेई पैंधै नज़र रखलै पर शाऊलै तिन्हें री तरकीबै रै बारै न शुणू ती, होर तेई रै सैंघियै बचिया निकलणें न तेई री मदत केरी, एकी राती न तिन्हें एकी टोकरी न बशाईया नगरै री दिवारा हेठै ऊतारी धिना। दमिश्का न बचिया निकलणै न बाद शाऊलै यीशु रै बारे न प्रचार केरना शुरू केरू।

![](https://cdn.door43.org/obs/jpg/360px/obs-en-46-08.jpg)

शाऊल प्रेरित लोका सैंघै मिलणैं री तैंइयैं यरुशलेमा बै नोठा,पर ते तेई न डोरा ती। तेबै बरनबास नाँ रा एक विश्वासी शाऊला बै प्रेरिता हागै नेया सा। तेईयै तिन्हां बै दसू कि शाऊलै कैण्ढै हिम्मती सैंघैं दमिशक देशा न प्रचार केरू ती। तेथा न बाद, प्रेरित लोकै सौ मैनू।

![](https://cdn.door43.org/obs/jpg/360px/obs-en-46-09.jpg)

किछ़ विश्वासी जो यरुशलेमा न सताऊदै ती दूर अंताकिया नगरा न नोठै ती होर यीशु रै बारै न प्रचार केरा ती। अंताकिया न रोहणु आलै ज्यादातर यहूदी नी ती आथि, पर पेहली बार, तिन्हा मौझें न बोहू सारै लोक विश्वासी बणै। बरनबास होर शाऊल इन्हा नौऊँऐ विश्वासी बै यीशु रै बारै होर ज्यादा शिक्षा देणैं री तैंइयैं तौखै नोठै होर कलीसिया मज़बूत केरी। यीशु पैंधै बशाह केरनै न पैहली बार अंताकिया आल़ै ऐ “मसीह” कहलाऐ।

![](https://cdn.door43.org/obs/jpg/360px/obs-en-46-10.jpg)

ऐक रोज़, अंताकिया रै मसीह लोक व्रत केरीया प्रार्थना केरदै रोहै ती। पवित्र आत्मै तिन्हां बै बोलू,“मेरी तैंइयैं बरनबास होर शाऊला बै तेई कौमै री तैंइयैं अलग केरी देया जुणी कौम केरनै री तैंइयैं मैं शाधै सी।” तेबै अंताकिया री कलीसिए बरनबास होर शाऊलै री तैंइयैं प्रार्थना केरी होर तिन्हा पैंधै आपणै हौथ रखै। तेबै तिन्हैं ते बोहू सारी जगाह न यीशु रै बारै न खुशी री खबरी रा प्रचार केरनै री तेईयें भैजै। बरनबास होर शाऊलै अलग-अलग जाति रै लोका बै शिक्षा धिन्नी, होर बोहु सारै लोकै यीशु पैंधै बशाह केरू।

*प्रेरिते रै कोम 8:3; 9:1-31; 11:19-26; 13:1-3 न ऐक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_46_128kbps.m4a

## 47. फिलिप्पी न पौलुस होर सिलास

https://openbiblestories.org/l/kfx/story-47/

![](https://cdn.door43.org/obs/jpg/360px/obs-en-47-01.jpg)

ज़ैबै शाऊलै सारै रोमी राज्य न यात्रा केरी ता तेबै तेईयै आपणै रोमी नाँ,“पौलुसै” रा इस्तेमाल केरना शुरू केरु। एक रोज़, पौलुस होर तेई रा दोस्त सिलास फिलिप्पी नगरा न यीशु रै बारै न खुशी री खबर शुणादै नौठै। ते नगरा रै बाहर नौई रै बौढ़ा न ऐकी जगह पैंधै नोठै जौखै लोका प्रार्थना केरनै री तैईंयैं कट्ठा ती। तौखै ते ऐक लुदिया नाँ री बेटड़ी सैंघैं मिले जो व्यपार केरा ती। सौ परमेश्वरा सैंघैं झ़ुरी रखा ती होर तेई री आराधना केरा ती।

![](https://cdn.door43.org/obs/jpg/360px/obs-en-47-02.jpg)

पौलुसै लुदिया यीशु रै बारै शिक्षा होर बशाहा न मज़बूत केरी, पौलुस होर सिलासै तेसा बै होर तेसै रै परिवारा बै बपतिस्मा धिन्ना। तेसै पौलुस होर सिलासा बै आपणै घौरा न रौहणै री तैंईंयैं शाधै, तैबै ते तौखै रुकै।

![](https://cdn.door43.org/obs/jpg/360px/obs-en-47-03.jpg)

पौलुस होर सीलास लोका सैंघै हमेशा तौखै मिला ती जौखै यहूदी लोका प्रार्थना केरा ती। हर रोज़ जैबै ते तौखै जा ती, तौखै एक चेली शौहरी जो दुष्टात्मा न भौरुदी ती तिन्हां रा पिछ़ा केरा ती। दुष्ट आत्में री बज़ह न सौ लोका बै भबिष्य रै बारै न दसै केरा ती, तेबै सौ आपणै मालकै री तैंईंयैं बोहु ढैबूऐ कमौऐ केरा ती।

![](https://cdn.door43.org/obs/jpg/360px/obs-en-47-04.jpg)

तिन्हैं रै जान्दै बौक्त सौ चेली शौहरी ज़ोरा सेघैं बोलै केरा ती, “ऐ परमप्रधान परमेश्वरै रै सेवक सी। ऐ तुसै रै उद्धार पाणै रा रस्ता दसदै लागै सी!” सौ हर रोज़ ऐण्ढा केरै केरा ती जुणी सैंघैं पौलुस नराज़ हुआ।

![](https://cdn.door43.org/obs/jpg/360px/obs-en-47-05.jpg)

आखिरी रा, एक रोज़ ज़ैबै सौ च़ेली ता शोहरीए ज़ोरा सैंघैं बोलणा शुरु केरु, ता पौलुसै तेसा धिरै फिरीया तेसा आँध्र री दुष्टात्मा बै बोलू, “यीशु रै नाँ न निकलिया जा।” तेई बौगत सौ दुष्टात्मा तेसा बै छौड़ीया नौठी।

![](https://cdn.door43.org/obs/jpg/360px/obs-en-47-06.jpg)

तेसा शौहरी रै मालिका बै बोहू झिक आई, तिन्हांबै ऐबै पता चलू कि दुष्टात्मैं रै बगैर ऐ शोहरी लोका बै होणु आली गल्ला नैईं दसी सकदी ती। ऐथा रा मतलब ऐबै लोका तेसै रै मालिका बै ढबुऐ नैंई देणैं कि सौ तिन्हां बै भविष्य दसदी कि तिन्हां सैंघैं कि होणा सा।

![](https://cdn.door43.org/obs/jpg/360px/obs-en-47-07.jpg)

तेबै तेसा चेली रै मालकै पौलुस होर सीलास रोमी अधिकारी हागै नैऐ। तिन्हैं ते मारै-पिटै, होर जेला न पाऐ।

![](https://cdn.door43.org/obs/jpg/360px/obs-en-47-08.jpg)

तिन्हैं पौलुस होर सीलास जेला न ऐण्डी जगाह न रैखै जौखै बोहू सैनिक ती। औखै तकर कि तिन्हैं री जौंघा न लकड़ी रै फटै जोड़ै। पर पौलुस होर सीलास औधि राती बै भी परमेश्वरै रै स्तुति भजन गान्दै लागै ती।

![](https://cdn.door43.org/obs/jpg/360px/obs-en-47-09.jpg)

चानक एक, एक जौज़री हुई! जेलखानै रै सारै दुरआज़ै खुलूऐ, होर सारै कैदी लोकै री शांगल़ीयां खुलूईया औल़ी।

![](https://cdn.door43.org/obs/jpg/360px/obs-en-47-10.jpg)

तैबै दरोगा ऊठू, तेईयै हेरू कि जेलखानै रै सारै दुरआजै खुलूएदै सी। तेईयै सोचू कि सारै केदी बचिया भगै सी। सौ डोरु कि तिन्हैं भगणै री बज़ह न रोमी अधिकारी सौ मारना, तेबै सौ आपु बै मारनै री तैंईंयैं त्यार हुआ! पर पौलुस तेईबै हेरीया ज़ोरै ज़ोरै चिटा पांदा लागा,“रूकी जा! आपु बै नुकसान मौत केरदा। आसै सब औखे सी।”

![](https://cdn.door43.org/obs/jpg/360px/obs-en-47-11.jpg)

तेई दरोगै कौमदैया पौलुसा होर सीलासा हागै ऐज़िया पुछू, “उद्धार पाणै री तैईंयैं हांऊ कि केरनु?”पौलुसै जवाब धिना,“प्रभु यीशु पैधैं बशाह केर, ता तेबै तु होर तेरै टवरा रा होणा।” तेबै सौ दरोगा पौलुस होर सीलासा बै आपणै घौरा बै नेया सा होर तिन्हैं री ज़ौघा बै धौआ सा। पौलुसै तेई रै टबरै रै सैभी लोका बै यीशु रै बारै न खुशी रा सन्देश शुणाऊ।

![](https://cdn.door43.org/obs/jpg/360px/obs-en-47-12.jpg)

दरोगा होर तेई रै पूरै टवरै यीशु बशाह केरू, तेबै पौलुस होर सीलासै तिन्हां बै बपतिस्मा धिन्ना। तेबै दरोगै पौलुस होर सीलासा बै रोटी खियाई,होर ते सैभ मिलिया खुश हुऐ।

![](https://cdn.door43.org/obs/jpg/360px/obs-en-47-13.jpg)

आगलै रोज़ नहरै रै अगुवै पौलुस होर सीलास जेलखानै न आज़ाद केरै होर फिलिप्पी देशा न जाणें बै बोलु। पौलुस होर सीलास लुदिया होर होरी सैंघी सैंघै मिलै तेबै न बाद ते नगरा न निकलै, ते यीशु रै बारै न खुशी रा सन्देश फलान्दै रौहै,होर कलीसिया बढ़दी रोही।

![](https://cdn.door43.org/obs/jpg/360px/obs-en-47-14.jpg)

पौलुस होर होरी मसीह अगुवै बोहू सारै नगरै री यात्रा केरी। तिन्हैं लोका बै यीशु रै बारै न खुशी रा सन्देश शुणाऊ। तिन्हैं कलीसिया रै लोका बै उत्साहित केरनै होर शिक्षा देणै री तैंईंयैं केई चिट्ठी लिखी, इन्हां न कई चिट्ठी बाईबलै री कताबा न सी।

*प्रेरितों रै कौम 16:11-40 न बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_47_128kbps.m4a

## 48. यीशु वायदा केरुदा मसीह सा

https://openbiblestories.org/l/kfx/story-48/

![](https://cdn.door43.org/obs/jpg/360px/obs-en-48-01.jpg)

जैबै परमेश्वरे संसार बणाऊ ता सैभ किछ़ शौभला ती, तेबै कोई पाप नेंई ती ऑथि। आदम होर हव्वा ऐकी दुजै सैंघै झ़ुरी केरा ती, होर परमेश्वरा सेघैं भी झ़ुरी केरा ती। तेसा बौक्तै कोई बीमारी होर मौऊत नैंई ती ऑथि। परमेश्वर ऐसा दुनिया न झ़ुरी केरा ती।

![](https://cdn.door43.org/obs/jpg/360px/obs-en-48-02.jpg)

शैतान कीड़ै रै रुपा न बगीचै न हव्वा सैंघै गल्ला केरदा लागा, किबैकि सौ तेसा बै धोखा देणा चाहा ती। तैबै आदम होर हव्वै परमेश्वरै रै बिरुद्ध पाप केरू, किबैकि तिन्हैं पाप केरु ती तेबै दुनियाँ रै सैभ लोका मौरा ती।

![](https://cdn.door43.org/obs/jpg/360px/obs-en-48-03.jpg)

किबैकि आदम होर हव्बै पाप केरू ती,तैबै किछ़ होर भी बुरा हुआ, ते परमेश्वरै रै बैरी बणै। जुणी रा नतिज़ा निकलु, कि तैबै न लेईया सेभिऐ पाप केरु सा। हर एक पैदा होणैं न लेईया परमेश्वरै रै दुश्मन सी। परमेश्वर होर लोकै रै बीचा न शान्ति नेंईं रोही, पर परमेश्वर शान्ति देणा चाहा सा।

![](https://cdn.door43.org/obs/jpg/360px/obs-en-48-04.jpg)

परमेश्वरै वायदा केरु कि हब्बा होर तेसै रै बशा शैतानै री मुंण्डी जेथणी, होर ऐ भी बोलू कि शैताना तेई री गुण्ढी डंसणी। दुज़ै शब्दा न, शैताना मसीह मारना, पर परमेश्वरा सौ फिरी जिन्दा केरना। ऐथा न बाद, यीशु मसीह शैतानै री शक्ति हमेशा री तैंईंयै खत्म केरनी। कई बौर्षा बाद, परमेश्वरै प्रगट केरु कि मसीह यीशु सा।

![](https://cdn.door43.org/obs/jpg/360px/obs-en-48-05.jpg)

परमेश्वर तेई औढ़ काठा न आपणै टबरा बै बच़ाणैं री तैईयैं जो होणु आला ती, नूहा बै एक ज़हाज़ बनाणै बै बोलू कि सौ ऐण्ढी तैरह परमेश्वरै रै तिन्हां लोका बै बच़ाई सकै जो तेई पैंधै बशाह केरा ती। पर परमेश्वरै तिन्हां सेभी बै बचाणै री तैंईंयैं यीशु मसीह भेजू जो तेई पैंधै बशाह केरा सी।

![](https://cdn.door43.org/obs/jpg/360px/obs-en-48-06.jpg)

केई बौर्षा तकर, परोहित परमेश्वरै री तैंईयें बौल़ि चढ़ांदै रोहा ती। ऐ दसा सा कि लोकै पाप केरु, होर ऐण्ढा ती कि ते परमेश्वरा न सज़ा पाणै रै लाईक ती। पर ते बौलि चढ़ाई सका ती आपणै पापै री तैंईंयैं तैबै भी तिन्हैं रै पाप माफ नेंई होई सकदै ती, यीशु सैभी न बड़ा महापुरोहित सा। तेईयै सौ केरु जो कोई पुरोहित नेंई केरी सकदा ती, तेईयै आपणी किमती ज़ान बौलि होणैं री तैंईंयैं धिनी जो सैभी रै पाप मिटाई सका सा। सेभी रै पापै री तैंईंयैं परमेश्वरै तेई बै सज़ा धिनी। ऐसा बज़ाह न, यीशु सिद्ध महापुरोहित ती।

![](https://cdn.door43.org/obs/jpg/360px/obs-en-48-07.jpg)

परमेश्वरै अब्राहमा सैंघै बोलू, “मुँ तेरे द्वारा दुनिया री सैभी जाति बै आशीष देणी।” यीशु मसीह भी अब्राहमैं रै खानदाना न सा, परमेश्वरै अब्राहमैं रे जरीऐ सैभी जाति बै आशीष देआ सा, किबैकि जो यीशु पैंधैं बशाह रखा सी परमेश्वर तिन्हां बै तिन्हैं रै पापा न छुड़ा सा जैबै ऐ लोका यीशु पैधैं बशाह केरा सी, तैबै परमेश्वर तिन्हां बै अब्राहमैं रै वंश मना सी।

![](https://cdn.door43.org/obs/jpg/360px/obs-en-48-08.jpg)

परमेश्वरै अब्राहमा बै बोलू कि सौ आपणै बेटै बै, तेई री तैंईंयैं बौलि केरी दै। पर फिरी परमेश्वरै इसहाकै रै बदलै बौल़ि केरने री तैंईंयैं गौभु धिना। आसै आपणै पापै री तैंईंयैं मौरनु आलै ती! पर परमेश्वरै आसै रै बदलै यीशु बै मौरनै री तैंईंयैं धिन्ना। ऐसा बज़ाह न आसै यीशु बै परमेश्वरै रा मैमणु बोला सी।

![](https://cdn.door43.org/obs/jpg/360px/obs-en-48-09.jpg)

ज़ैबै परमेश्वरै मिस्र देशा न आखरी मुसीबत भेजी ता, तेईयै सैभी इस्राएली टबरा बै बोलू, कि ते एक मेमणु बौल़ि केरले। तेई मेमणु न कोई खुभी नैंई हुई लोड़ी। तेबै आपणै दुराज़ै री चौखटा पैंधैं होर साईढ़ा न तिन्हां तेई मेमणु रा खुन लाणा ती। ज़ैबै परमेश्वरै सौ खुन हेरू ता सौ तेई घौरा न आगे बै नौठा होर तिन्है रै पैहलै शौहरु नैंई मारै, जैबै तेण्ढा हुआ ता तैबै तेथा बै परमेश्वरै फसाह रा त्योहार बोलू।

![](https://cdn.door43.org/obs/jpg/360px/obs-en-48-10.jpg)

यीशु भी फसाह रै एक मैमणु साहीं सा। तेईयै कैधी पाप नेंई केरू, तैबै तेईयै किछ़ भी गलत नैंई केरू, सौ फसाह रै त्योहारै रै बौगत मारू ती। जैबै कोई यीशु पैंधै बशाह केरा सा, तैबै यीशु रा खून तेई माहणु रै पापै री किम्मत चुका सा। ऐ ऐण्ढा सा कि ज़ैण्ढै परमेश्वर तेई घौरा न आगै नौठा ती, किबैकि सौ तेई बै सज़ा नैंई देंदा।

![](https://cdn.door43.org/obs/jpg/360px/obs-en-48-11.jpg)

परमेश्वरै इस्राएली लोका सैंघैं एक वायदा केरू, किबैकि ते खास लोका ती जुणा परमेश्वरै आपणी जाति होणें री तैंईंयैं चुनी ती। पर ऐबै परमेश्वरै एक ऐण्डा वायदा केरू सा जो सैभी री तैंईंयैं सा, ता ते परमेश्वरै रै ऐ लोका न शामिल होआ सी। सौ ऐण्ढा तैबै केरा सा किबैकि ते यीशु पैंधै बशाह केरा सी।

![](https://cdn.door43.org/obs/jpg/360px/obs-en-48-12.jpg)

मूसा एक ऐण्ढा भविष्यवाणी केरनु आल़ा ती जुणीऐ परमेश्वरा रा वचन बड़ी शक्ति सैंघैं प्रचार केरू ती। पर यीशु सैंही भविष्यवाणी केरनु आल़ै न बड़ा सा। सौ परमेश्वर सा, तैबै जो किछ़ भी तेईयै केरू होर बोलू ते परमेश्वरै रै कौम होर वचन ती, तैबै पवित्र शास्त्र यीशु रा वचन बोला सा।

![](https://cdn.door43.org/obs/jpg/360px/obs-en-48-13.jpg)

परमेश्वरै राजा दाउदा सैंघैं वायदा केरू ती कि राज़ै रै रुपा न तेई रा एक वंश परमेश्वरा रै लोका पैंधै हमेशा री तैंईंयैं राज़ केरदै रोहणा। यीशु परमेश्वरा रा बेटा सा, तैबै सौ राजा दाऊदा रा वंश सा जो हमेशा री तैंईयैं राज़ केरा सा।

![](https://cdn.door43.org/obs/jpg/360px/obs-en-48-14.jpg)

दाऊद ता इस्राएला रा राजा ती पर यीशु सारी दुनिया रा राजा ती! तेई फिरी दवारा ऐणा होर हमेशै री शान्ति होर सही फैंसलै सैंघैं राज्य होर अधिकार केरना।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी*

Audio: https://git.door43.org/OBS-TLF/kfx_obs/releases/download/v1/kfx_obs_v1_48_128kbps.m4a

## 49. परमेश्वरा रा वायदा

https://openbiblestories.org/l/kfx/story-49/

![](https://cdn.door43.org/obs/jpg/360px/obs-en-49-01.jpg)

ऐकी स्वर्गदूतै एक शोहरी मरियमा बै बोलू कि तौ परमेश्वरै रै शोहरू बै जन्म देणा। सौ ता कुँआरी शोहरी ती, पर पवित्र आत्मा तेसा हागै आऊ होर सौ सुज़दी रौही। तेसै एकी शोहरु बै जन्म धिन्ना जुणि रा नाँ यीशु रखु। तैबै यीशु परमेश्वर होर माँहणु दुऐ सा।

![](https://cdn.door43.org/obs/jpg/360px/obs-en-49-02.jpg)

यीशुऐ बौहू सारै चमत्कार रिहाऐ सी कि सौ परमेश्वर सा। सौ पाणी पैंधैं च़लू होर आँधी तुफान शांन्त केरू। तेईयै बोहू सारै बीमार लोका ठीक केरै होर बोहू सारै लोका न दुष्टात्मा खोली। यीशुऐ मुँएंदै जिन्दै केरै, होर तेईयै पौज़ रोटी होर दुई मैच्छी सैंघै 5,000 लोका बै खियाणै री तेईयैं रज़ रोटी धिन्नी।

![](https://cdn.door43.org/obs/jpg/360px/obs-en-49-03.jpg)

यीशु एक महान गुरु भी ती, जो किछ़ भी तिन्हैं सिखाऊ, सौ तिन्‍हैं सिद्धता सैंघैं सिखाऊ, जो सौ लोका बै केरनै री तैंईंयैं बोला सा सौ लोकै केरु लोड़ी किबैकि सौ परमेश्वरा रा बेटा सा। उदाहरणै री तैंईंयैं, यीशुऐ सिखाऊ कि तुसै होरी लोका बै भी ऐण्डी तरह झ़ुरी केरनै री जरूरत सा जैण्ढी तुसै आपु बै केरा सी।

![](https://cdn.door43.org/obs/jpg/360px/obs-en-49-04.jpg)

तिन्हें ऐ भी सिखाऊ कि तुसा बै सैभी चिज़ा न ज्यादा होर आपणी धन दौलता न पैंधै परमेश्वरा सैंघै झ़ुरी केरा।

![](https://cdn.door43.org/obs/jpg/360px/obs-en-49-05.jpg)

यीशुऐ बोलू कि संसारै री कौसी चीज़ा बै पाणैं न पैंधै शौभला सा परमेश्वरै रै राज्य न होणा। तेई रै राज्य न आँन्ध्रै जाँणा जरूरी सा कि परमेश्वर आसा बै आसै रै पापा न बचाला।

![](https://cdn.door43.org/obs/jpg/360px/obs-en-49-06.jpg)

यीशुऐ बोलू कि किछ़ लोका हाँऊ ग्रहण केरना, परमेश्वरा ते लोका बचाणैं। पर दुजै लोका तेई बै ग्रहण नी केरलै, तिन्हैं ऐण्ढा भी बोलू किछ़ लोका शौभली ज़मीना सांही सी, किबैकि ते यिशु रै बारै न खुशी रै सन्देशा बै ग्रहण केरा सी, होर परमेश्वर तिन्हाबै बच़ा सा। पर किछ़ लोका बौता री ज़मीना सांही होआ सी सख्त, परमेश्वरा रा वचन बेज़ै सांही रस्तै न पौआ सा, पर तेथा न किछ भी नैंई निकलदा। ऐण्ढै लोका यीशु बै ग्रहण नैंई केरदै। ते तेई रै राज्य न जाणै बै नाँह केरा सी।

![](https://cdn.door43.org/obs/jpg/360px/obs-en-49-07.jpg)

यीशुऐ सिखाऊ कि परमेश्वर पापी मांहणु सैंघैं झ़ुरी केरा सा। सौ तिन्हां बै माफ केरना चाहा सा होर तिन्हां बै आपणी औलाद बनाणा चाहा सा।

![](https://cdn.door43.org/obs/jpg/360px/obs-en-49-08.jpg)

यीशुऐ दसु कि परमेश्वर पापा सैंघैं नफरत केरा सा। किबैकि आदम होर हब्बै पाप केरू, तैबै तिन्हैं री औल़ादीऐ भी पाप केरू। ऐई संसारा न रौहणु आल़ै हर कोई पाप केरा सी होर परमेश्वरा न दुर सी, हर ऐक माँहणु परमेश्वरा रा दुशमन सा।

![](https://cdn.door43.org/obs/jpg/360px/obs-en-49-09.jpg)

पर परमेश्वरै ऐई संसारा न रौहणु आलै सेभी सैंघै एण्डी झ़ुरी केरी कि तेईयै आपणा केल्हा बेटा धिन्ना ताकि परमेश्वर तिन्हां बै सज़ा नेंई देला ता जो कोई यीशु पैंधै बशाह केरा सी। तेई री बज़हा न,तिन्हां तेई सैंघैं हमेशा री तैंईंयैं रौहणा।

![](https://cdn.door43.org/obs/jpg/360px/obs-en-49-10.jpg)

तुसै मौरनै रै लाईक सी, किबैकि तुसै पाप केरू सा। तुसा सैंघै परमेश्वरा रा झिकिणा सही सा, आसै री बज़हा न, सौ यीशु पैंधै झिकुआ। होर यीशु बै क्रुसै री मौऊती री सज़ा धिन्नी।

![](https://cdn.door43.org/obs/jpg/360px/obs-en-49-11.jpg)

यीशुऐ कैधी पाप नैंई केरुदा ती, पर तेईयै परमेश्वरा बै सज़ा देणै धिन्नी। तेईयै मौरना मंज़ुर केरू। ऐण्डी तरह, तुसै पापा बै होर ऐई संसारा न रौहणु आल़ै सैभी माँहणु रै पापा बै च़कणै री तैंईंयैं सैभी न खरी बौल़ि ती। यीशुऐ आपणै आपु बै परमेश्वरै री तैंईंयैं बौल़ि केरी, तैबै परमेश्वर कौसी रै भी पापा बै, औखै तकर कि भयंकर पापा बै माफ केरा सी।

![](https://cdn.door43.org/obs/jpg/360px/obs-en-49-12.jpg)

च़ाहै तुसै शौभलै कोम केरै होलै, तेबै भी परमेश्वरा तुसै नेंई बचाणैं। तेथै रे दुआरा परमेश्वरा तुसै नेंई बचाणें। तेई रा दोस्त बणनै री तेईयें किछ़ भी नैंई ऑथि जो तुसै केरी सका सी। ऐथा न खरा, तुसा बै बशाह केरना सा कि यीशु परमेश्वरा रा बेटा सा, होर सौ तुसै री तैईयैं क्रुसा पैंधैं मुँआ, होर परमेश्वरै सौ मुँएंदै न जिन्दा भी केरू, अगर तुसै तेई पैंधै बशाह केरलै, ता परमेश्वरा तुसरै पाप माफ केरनै।

![](https://cdn.door43.org/obs/jpg/360px/obs-en-49-13.jpg)

परमेश्वरा ते सैभी माँहणु बचाणै जो यीशु पैधैं बशाह केरा सी होर तेई बै आपणा प्रभु मना सी। पर ते नेंई बचाणै जो तेई पैंधै बशाह नैंई केरदै। ऐ कोई मायनै नी रखदा कि तुसै अमीर सी या गरीब सी, मर्द सी या बेटड़ी सी, खापरै सी या जुआन सी, या तुसै कौखै रौहा सी। परमेश्वर तुसा सैंघैं झुरी केरा सा होर चाहा सा कि तुसै यीशु पैंधै बशाह केरलै होर सौ तुसा रा दोस्त बणी सकला।

![](https://cdn.door43.org/obs/jpg/360px/obs-en-49-14.jpg)

यीशु तुसा बै शाधदा लागा सा कि तुसै तेई पैंधैं बशाह केरलै होर बपतिस्मा लैलै, कि तुसै बशाह केरा सी कि परमेश्वरा रा इकलौता बेटा, यीशु मसीह सा? कि तुसै बशाह केरा सी तुसै एक पापी सी होर ऐ कि तुसै परमेश्वरा न सज़ा पाणैं रै लायक सी? कि तुसै बशाह केरा सी कि तुसै रै पापा बै मिटाणै री तैंईंयै यीशु क्रुसा पैंधै मुँआ?

![](https://cdn.door43.org/obs/jpg/360px/obs-en-49-15.jpg)

अगर तुसै यीशु पैंधै होर ज़ो किछ़ तेईयै तुसै री तैंईंयैं कि केरु सा तेई पैधैं बशाह केरा सी, तैबै तुसै मसीह सी! शैतान आपणै निहारै राज्य न ऐबै तुसा पैंधै राज़ केरा सा। ऐबै परमेश्वर आपणै प्याशै सैंघैं तुसा पैंधै राज़ केरा सा। तेईयै तुसै पाप केरनै न रोकै सी, जुणा तुसै केरा ती। तेईयै तुसा बै एक नोंऊँई, होर सही जिन्दगी धिन्नी सा।

![](https://cdn.door43.org/obs/jpg/360px/obs-en-49-16.jpg)

अगर तुसै एक मसीह सी ता जो यीशुऐ केरू सा तेई री बज़ाह न परमेश्वरै तुसै रै पाप माफ केरै सी। ऐबै परमेश्वर तुसा बै दुश्मन नेंई दोस्त बनाणा चाहा सा।

![](https://cdn.door43.org/obs/jpg/360px/obs-en-49-17.jpg)

अगर तुसै परमेश्वरै रै दोस्त सी होर प्रभु यीशु रै सेबक सी तैबै तुसा तिन्हां गलै बै जो यीशुऐ सिखाई सी पालन केरलै। चाहे तुसै मसीह सी, शैताना हाज़ी भी तुसा बै पाप केरनै री तैंईंयैं तुसैरी परीक्षा केरा सा। पर परमेश्वर हमेशा जो सौ बोला सा होर केरा सा। कि अगर तुसै आपणै पापा बै मंनलै, तेबै सौ तुसै रै पाप माफ केरा सा, सौ तुसा बै पापा सैंघै लड़नै री शक्ति देया सा।

![](https://cdn.door43.org/obs/jpg/360px/obs-en-49-18.jpg)

परमेश्वर तुसा बै प्रार्थना केरनै होर तेई रै वचना बै पौड़नै री तैंईंयैं बोला सा। सौ तुसा बै होरी विश्वासी सैंघै तेई री आराधना केरने बै बोला सा। तुसा बै होरी लोका बै भी दसणा कि यीशुऐ तुसै री तैईंयैं कि केरु सा। अगर तुसै इन्ना कौमा बै केरलै, ता तुसै तेई रै एक पक्कै दोस्त बणी सका सी।

*रोमियों 3:21-26, कुरिन्थियों 5:1-11; यहुन्ना 3:16; मरकुस16:16; कुलुस्सियों1:13-14; 2 5:17-21; 1 यहुन्ना1:5-10 न एक बाईबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_49_128kbps.m4a

## 50. यीशु रा वापस ऐणा

https://openbiblestories.org/l/kfx/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 बोर्षा न पैहलै, संसारा न सैभी ज़ैगा पैंधै ज्यादा लोका मसीह यीशु रै बारै न खुशी री खबर शुणदै लागै ती। कलीसिया फैलदी लागी ती। यीशुऐ वादा केरू ती कि तेई दुनिया रै आखरी न वापस ऐंणा, तैबै भी आपणै वायदे पूरै केरनै।

![](https://cdn.door43.org/obs/jpg/360px/obs-en-50-02.jpg)

ज़ैबै कि आसै यीशु रै वापस ऐणै रा वायदा केरा सी, परमेश्वर आसा न शौभली जिन्दगी जीणैं री इच्छा केरा सा जो पवित्र सा होर जो आदर केरा सा। जैबै यीशु धोरती पैंधै रौहंदा लागा ती तैबै तेईयै बोलू, “मेरै च़ेलै सारै संसारा री ज़गाह न जाईया लोका बै खुशी री खबरा रा प्रचार केरलै, तेबै दुनिया रा खात्मा होणा।”

![](https://cdn.door43.org/obs/jpg/360px/obs-en-50-03.jpg)

बोहु सारी जाति रै लोके हाज़ी तकर यीशु रै बारे न नेईं शुणु सा। सर्गा न जाणें न पेहलै, यीशुऐ मसीह लोका बै खुशी री खबर शुनाणैं बै बोलू जुणियै हाज़ी ढौई नेंई शुणु सा। तेईयै बोलु, “जा होर सेभी जाति रै लोका बै च़ेला बणा!” होर” काटणें री तैंईंयैं छ़ेत पोकैदै सी!”

![](https://cdn.door43.org/obs/jpg/360px/obs-en-50-04.jpg)

यीशुऐ ऐण्ढा भी बोलु कि, “कौसी माँहणु रा सेवक तेई रै मालका न बड़ा नेंई होन्दा। ऐई संसारै रै खास लोकै मुँ सैंघै नफरत केरनी, होर मेरी बज़ह न तुसा बै दु:ख देलै होर मारलै। ऐई संसारा न तुसा बै दु:ख मिलणा, पर हिम्मत रखैईत्, किबैकि मैं शैतान हराऊ सा जो एई संसारा पैंधै राज़ केरा सा। अगर तुसै आखिरी तक विश्वासयोग्य बणीया रौहलै, ता परमेश्वरा तुसै बचाणै!”

![](https://cdn.door43.org/obs/jpg/360px/obs-en-50-05.jpg)

यीशुऐ आपणै चेलै बै समझाणै री तैंईयैं कहाणी शुणाई कि ज़ैबै संसारा रा खात्मा होला तैबै लोका सैंघै कि होणा। तेईयै बोलू, “कौसी माँहणुऐ आपणैं छ़ेता न शौभला बेज़ा बाहु ती। ज़ैबै सौ सोन्दा लागा ती तैबै दुश्मनै आऊ होर गेंहु रै बेजै जौन्दरै बौणै रै कौन्डै आल़ै बेज़ै बाहै, होर फिरी नौठा।”

![](https://cdn.door43.org/obs/jpg/360px/obs-en-50-06.jpg)

“ज़ैबै बुटै निकल़दै लागै ता सेबकै तेई माँहणु सैंघै बोलू, ‘ओ मालका, तैं ता आपणै छ़ेता न शौभला बेजा बाहु ती। तैबै फिरी ऐथा न बौणै रै बुटै किबै निकतै सी? तेई माँहणुऐ ज़वाब धिन्ना, ‘मेरा दुश्मन बाहणां चाहा होन्दा। ऐ मेरा कोई दुश्मन सा जुणिऐ ऐण्ढा केरु सा।”

![](https://cdn.door43.org/obs/jpg/360px/obs-en-50-07.jpg)

तेई रै सेवकै तेई बै जवाब धिन्ना, ‘कि ऐ बौणै रै बुटै पेचिया खोलणै सी?’ तेई मालकै बोलू, ‘नेंई। अगर तुसै ऐण्ढा केरलै ता तुस्सा किछ़ गेंहुं भी पैचणै। काटणे रै बौगता तकर इन्तज़ार केरा। तैबै बौणै रै बुटै रै डण्डै बै कट्ठा केरीत् ताकि तिन्हां बै फुकी सकलै। पर गेंहुँ बै मेरे भण्डारा न आंणीत्।”

![](https://cdn.door43.org/obs/jpg/360px/obs-en-50-08.jpg)

तेई रै च़ेलै ऐसा कहाणी रा मतलब नेंईं समझु, तैबै तिन्हैं यीशु बै समझाणै री तैंईंयैं विनती केरी। यीशुऐ बोलु, “शौभला बेज़ा बाहणु आल़ै माँहणु मसीह रै पिछै च़ला केरा सी। छेत दुनिया री अगुआई केरा सा। शौभला बेज़ा परमेश्वरै रै राज्य रै लोकै री अगुआई केरा सा।”

![](https://cdn.door43.org/obs/jpg/360px/obs-en-50-09.jpg)

बौणै रै बुटे तेई बुरै माँहणु, शैताना रै लोका पिछै चला केरा सी। तेई माँहणु रा दुश्मन शैतानै रे पिछै चला केरा सा, जुणिऐ बौणै रै बुटे बाहे ती। कटाई केरना एई संसारा रै खात्मै बै दर्शाए सी, छैता बै काटणु आल़ै लोका परमेश्वरै रै पिछै च़लणु आलै सी।”

![](https://cdn.door43.org/obs/jpg/360px/obs-en-50-10.jpg)

“जैबै दुनिया रा खात्मा होणा तैबै स्वर्गदुतै तिन्हां सैभी लोका ऐकी ज़ैगा न कठै केरै जो शैतानै रै सी। तिन्हां स्वर्गदूता तै सैभ बौहु ज्यादा भौकदी औगी न शौटणै सी। तौखै तिन्हां लोका बोहु ज ज़ादा दु:ख सौहणा होर दौंद पिशणै। पर जो लोका धर्मी सी, जो यीशु पिछै चला सी, तिन्हां परमेश्वर बापू रै राज्य न सुरज़ा सांही च़मकणा।”

![](https://cdn.door43.org/obs/jpg/360px/obs-en-50-11.jpg)

यीशुऐ ऐण्डा भी बोलू कि तेई संसारै रै खत्म होणै न पेहलै धौरती पैंधै ऐणा। तेई तेण्डी तरह ऐणा जैण्डी तरह सौ सर्गा बै नौठा ती। मतलब, तेई हागै आपणा शरीर होणा, होर तेई सर्गा रै बादला पैंधै स्वार होईया ऐणा। जैबै यीशु वापस ऐणा सा, तैबै हर एक मसीह जो मुँऐ सी मुँएंदै न जिन्दा होणा होर तेई सैंघै स्वर्गा न मिलणा।

![](https://cdn.door43.org/obs/jpg/360px/obs-en-50-12.jpg)

तेबै जो मसीह हाज़ी भी जिन्दा सी तिन्हां स्वर्गा न चकणा होर तिन्हां मसीह लोका सैंघैं शामिल होई जाँणा जो मुँएंदै न जिन्दा हुऐ सी। तिन्हां सैभी तौखै यीशु सैंघैं होणा। तेथा न बाद, यीशु आपणै लोका सैंघैं रौहणा। जैबै तिन्हां सैभी एकी ज़ैगा रौहणा ता तिन्हां हागै हमेशा री शान्ति होणी।

![](https://cdn.door43.org/obs/jpg/360px/obs-en-50-13.jpg)

यीशुऐ तेई पैंधै बशाह केरनु आलै सैभी माँहणु बै एक मुकूट देणै रा वायदा केरु सा। ते हमेशा री तैंईंयै परमेश्वरा सैंघै सेभी चिज़ा पैंधै राज़ केरना सा। तेई हागै पूरी शान्ति होणी।

![](https://cdn.door43.org/obs/jpg/360px/obs-en-50-14.jpg)

पर परमेश्वरा तिन्हां सैभी रा न्याय केरना जो यीशु पैंधैं बशाह नेंई केरदै। तेई ते सैभ नरका न पाणै। तौखै तिन्हां रौहणा होर दौँदै रा पिशणां होणा, होर तिन्हां हमेशा तकलीफा न रोहणा। कदी नी हिशणु आल़ी औगी तिन्हां हमेशा फुकिदै रोहणा, होर हमेशा किड़ै तिन्हां बै खान्दै रौहणा होर नैंई रुकणा।

![](https://cdn.door43.org/obs/jpg/360px/obs-en-50-15.jpg)

ज़ैबै यीशु वापस ऐणा, ता तेई पूरी तरह न शैताना रा राज्य रा खात्मा केरना। तेई शैतान नरका न पाणा। तौखै शैतान हमेशा री तैईयै फुकिदै रौहणा, तिन्हां सैभी सैंघै जुणियैं परमेश्वरै री गैला नेंई मनी होर शैतानै रै पिछै चलणै रा फेसला केरु ती।

![](https://cdn.door43.org/obs/jpg/360px/obs-en-50-16.jpg)

किबैकि आदम होर हब्बै भी परमेश्वरै रै हुक्म नेंई मन्नै ती होर पाप एई संसार न आणु ती, परमेश्वरै तेई बै श्राप धिना होर तेथा बै नाश केरनै रा फैसला केरु। पर कोई रोज़ परमेश्वरा एक नौऊँआ सर्ग होर नौऊँई धौरती बनाणी होर सिद्ध होणी।

![](https://cdn.door43.org/obs/jpg/360px/obs-en-50-17.jpg)

यीशु होर तेई रै लोका तेसा नोंऊँई धौरती पैंधै रौहणा, होर हमेशा री तैंईंयैं सैभी चीज़ा पैंधै राज़ केरना। तेई लोकै री औछ़ी न हर एक औछू दुर केरनै। ऐबै कोई तकलीफ या दु:खी नेंई होणा। तिन्हां रोणा नेंई। तिन्हां बीमार नेंई होणा होर नाँ ता मौरना। होर नाँ तौखै किछ़ बुराई होणी। यीशु आपणैं राज्य पैंधै सही न्याय केरना होर शान्ति सैंघै राज़ केरना। तेई हमेशा आपणै लोका सैंघै रौहणा।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 न एक बाइबलै री कहाणी*

Audio: https://git.door43.org/OBS-TLF/kfx_obs/releases/download/v1/kfx_obs_v1_50_128kbps.m4a