# unfoldingWord Open Bible Stories — زبان ترکی خراسانی (Khorasani Turkish)

- Language code: `kmz`
- Canonical page: https://openbiblestories.org/l/kmz/
- Stories in this file: 50 of 50
- Published by: OBS-TIBIBLE, fa_gl
- Last release: 2026-08-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the زبان ترکی خراسانی translation; it is not a translation of the whole Bible.

## 1. یارادیلیش

https://openbiblestories.org/l/kmz/story-1/

![](https://cdn.door43.org/obs/jpg/360px/obs-en-01-01.jpg)

باشلانغیج دَه خُدا هر زادِی بِلَه یاراتدِی: اُو، جهانِی و تمام موجودات لارِی آلتِی گینْدَه یاراتدِی. خدا یِرِی یاراتانْ دَنْ سُونرا، هَه نیز هیچ زاد یاراتمادِی غِی ایچینْ، تمام یِئرینْ ایزِی، بُوش و قارانْلیقْ ایدِی. لاکِن خدا نین روحِی سولارِنْگ ایزِنْدَه اِیدِی.

![](https://cdn.door43.org/obs/jpg/360px/obs-en-01-02.jpg)

سونْرا، خدا بویورْدِی: »ایشیق اولْسینْ« و ایشیق اولْدِی. خدا ایشیغینْ یاخْشِی اولدوغونِی، گِرَنْدَه، اونَه »گِینْ دیزْ« آد قُویْدِی. خدا قارانلیغِی ایشیقْدَن، آییرْدِی و اونینْ آدینِی »گِئجَه« قویْدِی. خدا اِیلَکْ گینْدَه ایشیغِی یاراتْدِی.

![](https://cdn.door43.org/obs/jpg/360px/obs-en-01-03.jpg)

یاراتْدیلیغینْ ایکینْجِی گینْدَه خدا بویورْدِی: »سُولارینْ ایسْتِنْدَه بیرْ فَلَک اولْسینْ« و فَلَک یاراتیلدِی. خدا او فلَکِینْ آدِینِی، آسمان قُویْدِی.

![](https://cdn.door43.org/obs/jpg/360px/obs-en-01-04.jpg)

اوچونْچِی گینْدَه خدا بویورْدِی: »قوریلیقْ پیدا اولْماغِی ایچینْ، آسمانینْ آسْتِنْدَه، هَرنَه قَدَرْ سُولار بار، بیر یِئرَه ییغیلْسینْ، هرنَه قَدَر قورو تورپاق بار، آیرِی یِئرَه ییغیلْسینْ، خدا دِئیَنْ اولْدِی. « او تورپاقْلارِی »یِئرْ« سولارِی »دِنیزْ و چایْ« آدلانْدِیردِی. خدا یاراتان زادلارِی یاخْشِی گِردِی.

![](https://cdn.door43.org/obs/jpg/360px/obs-en-01-05.jpg)

سورَه خدا بویورْدِی: »هرنَه جُورْ گؤیْرَنْمَه و دالْ–درخت اولَه بیلَرْ، یِئر اِیسْتِنْدَه بِیتْسین« خدا دِئیَنْ اولدِی. بو دفعه دَه خدا یاراتانْ زادلارِی یاخْشِی گِردِی.

![](https://cdn.door43.org/obs/jpg/360px/obs-en-01-06.jpg)

یاراتْدیلیشینْ دورْدونچِی گینْ دَه، خدا بویورْدِی: »آسماندَه نور پیدا اولسین« بوجورَه خدا یِئرِینْگ اِیزِینْدَه ایشیقْ ساچماق ایچینْ، گِینَشِی، آیِی و اولدوزلارِی یاراتْدِی. بِلَه، گِینْدِیزْ، گِئجَه، فصل لَر و ایلْ لَر بیرْ بیرینْدَن آیریلْدیلار. خدا یاراتدِیغِی زادلارِی یاخْشِی گِئردِی.

![](https://cdn.door43.org/obs/jpg/360px/obs-en-01-07.jpg)

بِئشْشینْجِی گینْ خدا بویوردِی: »دَنیز سویونْدَه یاشایانْلار، دَنیزِی دولْدورْسونْلار و قوشْلار آسمانْدَه اوچْسونْلار. « بِلَه لیکْلَه خدا بوتونْ سودَه یاشایانْ حیوانْلارِی و آسماندَه اوچان قوشْلارِی یاراتْدِی. خدا یاراتْدیغینْ زادْلارِی یاخْشِی گِئردِی و اونْلارَه خیر و بَرَه بِئرْدِی.

![](https://cdn.door43.org/obs/jpg/360px/obs-en-01-08.jpg)

یاراتْدیلیشینْ آلْتینْجِی گینْدَه خدا بویورْدِی: »یِئرینْ ایزِی هَر جورْ جاندارْلارْدَن دولْسین. « خدا هَر نَه دِئیْدِی یِی ایشْلَر، یِئرینَه یِئدِّی. بو حیوانلارْ، ییرتینْجیلار، سؤرُونَنْلَر و بوجَکْلَر اِیدِی. خدا یاراتْدیغِی زادلارِی یاخْشِی گِئردِی و چوخْ سِئوینْدِی.

![](https://cdn.door43.org/obs/jpg/360px/obs-en-01-09.jpg)

سونْرا خدا بویورْدِی: »اینْدِی گلِینْ اِیز شِکْلِی میزْدَه انسانِی یاراداقْ تا بو انسان هَرنَه جاندار کِه یِئرْ اِیزینْدَه بارْدِی اولارَه حُکْمْرانلِیق اِئدْسین. «

![](https://cdn.door43.org/obs/jpg/360px/obs-en-01-10.jpg)

سونْرا خدا بیر آز تورْپاقْ اَلَه آلدِی، اونینْ نَنْ انسانِی یاراتْدِی. اونَه حَیات نِفسِی اؤفْلادِی. خدا اونین آدینِی »آدم« قویْدِی. آدَمینْگ یاشاماقِی ایچین و اونَه قولْلوقْ اِئدْمَه سِی ایچین اورْدَه بِیر کاتا باغ حاضِر و آماده اِئدِی.

![](https://cdn.door43.org/obs/jpg/360px/obs-en-01-11.jpg)

خدا او باغینْ اورْتاسینْدَه ایکِی خاص دال-درخت اَکْدِی، اونْلارْدَن بیریسِی حیات و دیریلیکْ آغاجِی اِئدِی، او بیریسِی دَه، خیر و شرّ حَقِّنْدَه معلومات و بیلیمْ وِئرَنْ آغاجِی اِئدِی. خدا آدَمَه دِئدِی کِه، باغْدَه، حَیات و خیر-شرّی تانینانْ دَرختَنْ باشْقا، تمام دالْ-درختلَرین میوه لَرینِی یِئیَه بیلَرسَن، آنجاق، اگر بو ایکِی خاص درختلَرین میوه سینِی یِئیَه سَن، اِئلَه جَه سَن.

![](https://cdn.door43.org/obs/jpg/360px/obs-en-01-12.jpg)

سونْرا خدا بویورْدِی: »انسانین تَک و یِئکّه قالْماسِی یاخْشِی دِئییلْ. « چون کِه حیوانْلار، آدَمَه یاخْشِی حَیات یولداشِی اولَه بیلْمَزلَر.

![](https://cdn.door43.org/obs/jpg/360px/obs-en-01-13.jpg)

اونَه گِئرَه خدا آدَمِه دَرینْ یوخویَه سالْدِی. سونرا اونینْ قابیرغالارینْ دَن بیرینِی گؤتَردِه و اونْدَن بیر »قادینْ« یاراتْدِی و اونو آدَمینْ یانینَه گَتیرْدِی.

![](https://cdn.door43.org/obs/jpg/360px/obs-en-01-14.jpg)

آدم قادینِی گِئرَنْدَه، دیدِی: »بو مخلوق مَنَه اوخْشاییرْ. مَن اونَه قادینْ و عَیال دِئییرَمْ. چون کِه او، کِیشِی دَن آلینیبْ دِی. « اِئلَه بونَه گِئرَه دَه کیشینِی آتَه – آنَه سِنْ دَن آیِردِی، کیشِی خاتینْ نینَه قووشْدِی، بونْدَن سونْرا، اونْلارینْگْ ایکیسِی بیرلیکْدَه بیر تِنْ اولْدیْلار.

![](https://cdn.door43.org/obs/jpg/360px/obs-en-01-15.jpg)

خدا کیشِی و خاتینْ نِی اِیزینَه اوخشارْ یاراتْدِی. اونْلارَه خِیر و بَرَه بِئردِی و دِیدِی: »یوکْلِی و دولْلِی اولِینْگ. چاغَه دنیایَه گَتیرِینْگ و یِئرْ اِیزینِی آدَمدَن دولْدیرینْگ. « خدا هر یاراتانْ زادلارِی یاخْشِی گِئردِی و راضی و خشنود اولْدِی. تمام بو زادلارینْگ یاراتْماسِی آلْتینجِی گِینْدَه باش وِئردِی.

![](https://cdn.door43.org/obs/jpg/360px/obs-en-01-16.jpg)

یِئدّینْجِه گینْ گلَنْدَه، خدا یارادیلیش ایشْلَرینِی بتیردِی، یِئدّینْجِی گِینْ نِی، خیر و بَرَه بِئردِی و اونِی مقدس گینْ آدلانْدیردِی؛ چون کِه خدا یارادیلیشْ ایشْلَرینِی بیتیرِیبْ قورتارانْدَن سونْرا، دینجَه لَمَه گِینْ نِی ایدِی، او گِینْ دَه آرام تاپْدِی، خدا جهانِی و تمام مخلوقاتْلارینِی بِئلَه یاراتْدِی.

*کتاب مقدسدن بیر حکایه: کتاب پیدایش فصل۱و۲*

## 2. گناهین دونیایه گلمه سی

https://openbiblestories.org/l/kmz/story-2/

![](https://cdn.door43.org/obs/jpg/360px/obs-en-02-01.jpg)

آدم و اونینْ قادینِی خدا اونْلار اوچونْ یارادْدیغِی گِئزَل باغدَه خوشبخت یاشاییرْدیلار. لوچْلارینَه باخْمایاراق، اونْدَن اوتانْمیرْدیلار، چون کِه گناه هَلَه دنیایَه گَلْمَه میشدِی. اونْلارْ چوخْ وقتلَر باغدَه گَزیرْدیلَرْ و خدا نَنْ دانیشارْدیلارْ.

![](https://cdn.door43.org/obs/jpg/360px/obs-en-02-02.jpg)

لاکینْ او باغدَه بیر حیلَه گَر ایلانْ واریدِی. ایلانْ قادینْدَن سوروشْدِی: »بو دوزْ دورْ خدا سیزَه باغدَه کِه بوتونْ دالْ-دَرختلَرینْ میوه لَرینِی یِئمَه یِی قاداغانْ اِئدیبْ؟ «

![](https://cdn.door43.org/obs/jpg/360px/obs-en-02-03.jpg)

قادینْ جواب وئردِی: »بیزَه خیرْ ایلَه شَرّ تانیّنانْ دالْ-درختدَن باشْقَه بوتونْ اورْدَه اولانْ درخت لَرین میوه لَرینِی یِئیَه بیلَریْکْ. « خدا بیزَه دِئیمیشْدِی: »اگر او حَیات دَرختینْ میوه سیندَن یِئیْیَه نیز یا حتّا اونَه اَلْ وِئرَه نیز، اِئلَه جَه نیز. «

![](https://cdn.door43.org/obs/jpg/360px/obs-en-02-04.jpg)

ایلانْ قادینَه دیدِی: »بو دوغرو دَئییل! سیز اِئلْمَه یَه جَهْ سیز. خدا بیلیر کِه او دَرختینْ میوه سینِی یِئیَندَه، خدا کیمِی یاخْشینِی پیسْدَن آییراجاقْسیز. «

![](https://cdn.door43.org/obs/jpg/360px/obs-en-02-05.jpg)

قادینْ گِئردِی کِه او دَرختین میوه سِی گِئزَلْ و دادلِی گِئریْنیرْ. او کِه ایسْتَه ییرْدِی هَر شَئِیِ بیلْسینْ، اونَه گِئرَه او خاصْ دالْ-درخت دَن بیر میوه دَریبْ و یِئدِی. سونْرا او میوه دَن اَریْنَه دَه وِئرْدِی، او دَه او میوه دَنْ یِئدِی.

![](https://cdn.door43.org/obs/jpg/360px/obs-en-02-06.jpg)

بیرْدَنْ اونْلارینْ گئزْلَرِی آچیْلْدِی و ایزْلَرِی لوچْ اولماقْلارینْدَن خَبرْدار اولْدولارْ. آدَم و قادینِی دالْ-دَرختین یارْپاقْلارِی ایلَه لوچْ اولْدوقْلارینِی اورْتْمَه یَه چالیشْدیلار.

![](https://cdn.door43.org/obs/jpg/360px/obs-en-02-07.jpg)

سونْرا آدم و قادینِی خدا هینْ سَسْینِی اِئشیتْدیلَر کِه باغْدَه گَزَرْدِی. اونْلارْ ایزْلَرینِی خدا دَنْ قاییم اِئدیْلَر. خدا دیدِی: »آدم سَنْ هاراداسانْ؟ « آدم جواب وِئرْدِی: »مَن سَنینْ سَسِینِی باغْده اِئشیتْدیم و لوچْ اولْدوغومْ اوچونْ قورخْدوم و ایزیمِی قاییم اِئدیم. «

![](https://cdn.door43.org/obs/jpg/360px/obs-en-02-08.jpg)

سونرا خدا آدَمدَن سوروشْدِی: »سَنَه کیم دیدِی کِه لوچْ و چیلْپاق سَنْ؟ قاداغان اِئدیییم دالْ-دَرختین میوه سینِی یِئدینْ؟ « آدم جواب وِئرْدِی: »مَنَه وِئرْدیینْ بو قادینْ، او میوه دَنْ مَنَه وِئردِی. « سونْرا خدا قادینْدَن سوروشْدِی: »بُو نَه ایشْ ایدِی کِه سَنْ اِئدینْ؟ « قادینْ دیدِی: »ایلانْ مَنِی آلْداتْدِی. «

![](https://cdn.door43.org/obs/jpg/360px/obs-en-02-09.jpg)

خدا ایلانَه دیدِی: »سَنْ لَعْنَتْ لَنْدینْگ. قارینْ اوسْتَه سورونوبْ و تورپاقْ یئیَه جَه سَنْ. سَنْ و قادینْ بیر بیرینیزَه نِفْرَتْ ائدَه جَه سیز، مَنْدَه سیزینْ نَسْل نیزلَه قادینینْ نَسلِی آراسینْدَه دُشْمَنْچیلیک سالاجاغام. قادینینْ نَسْلینْ دَن بیریسِی، سَنینْ باشینَه سَنْ دَه اونونْ دابانینَه ووراجاقْسان. «

![](https://cdn.door43.org/obs/jpg/360px/obs-en-02-10.jpg)

سونْرا خدا قادینَه دیدِی: »مَنْ سَنْ دوغاندَهْ آغْریلارینْنِی چوخْ آرْتیراجاغام. سیزْ اَرِی نیزِی چوخْ ایستیریزْ او دَه سیزَه حاکِم اولاجاقْ. «

![](https://cdn.door43.org/obs/jpg/360px/obs-en-02-11.jpg)

خدا کیشییَه دیدِی: »قادینینْ سؤزونَه قولاق آسْدیغینیزَه و مَنَه اِطاعت اِئدْمَه یینَه گِئرَه، یِئرْ ایزِی سیزَه لعْنَت اِئدَه جَه و سیز دَه یِئمَکْ حاضِرلاماق اوچون چوخْ چالیشاجاقسیز. نهایت سیز اِئلَه جَه سیزْ و بَدَنیزْ تورْپاغَه قاییداجاق. « آدم ایزْ قادینینْ آدینِی حَوّا قویْدِی حَوّا یعنی یِئنِی حَیاتْ وِئرَنْ؛ چون کِه او، بوتونْ اِنسانْلارینْ آناسِی اولْمالیدیرْ. خدا اونلارِی حیوانْلارینْ دَریسینْدَنْ حاضِرْلانْمیشْ پالتارْلَه اورْتْدِی.

![](https://cdn.door43.org/obs/jpg/360px/obs-en-02-12.jpg)

سونْرَه خدا بویورْدِی: »اینْدِی اِنسان بیزیم کیمِی اولوبْ یاخْشینِی پیسْدَنْ آییرابیلیرْ، اینْدِی گَرَکْ اونَه حَیاتینْ دالْ–درخت نینْ میوه سینْدَنْ یِئمَه یَه مانِع اولْلَکْ و اَبَدَه چَنْ یاشاماغَه اِجازَه وِئرْمَه یَکْ. « بِئلَه لیکْلَه خدا اونْلارِی او گِئزَلْ باغْدَنْ اِئشیگَه قووْدوْ. او قُدرتْلِی مَلَکْلَرِی باغْچانین گیریشینَه یاخینْ یِئرْلَشدیرْدِی کِه، حَیاتْ دالْ – دَرخْتینْ میوه سینِی یِئمَه سینْلَر.

*کتاب مقدسدن بیر حکایه: کتاب پیدایش فصل۳*

## 3. سیل

https://openbiblestories.org/l/kmz/story-3/

![](https://cdn.door43.org/obs/jpg/360px/obs-en-03-01.jpg)

اوزون ایلْلَر سونْرا، یِئر ایزینْدَه انسالارینْ سایِی آرْتیدِی. اونْلار او قَدَرْ شِدّتلِی و پیسْ اولْدیلار کِه خدا کاتَه بیر ضَربَه نَنْ بوتونْ دُنیانِی سِئل نَنْ مَحْوْ اِئدْمَک قَرارینَه گلْدِی.

![](https://cdn.door43.org/obs/jpg/360px/obs-en-03-02.jpg)

لاکینْ خدا نوحدَن راضی خشنود اِئدِی. او پیسْلَرینْ آراسینْدِه یاشایانْ صالِح و عادِل بیر انسان اِئدِی. خدا نوحَه کاتَه طوفانلَه باغطْلِی قَرارینِی خَوَرْ وِئرْدِی. نوحَه دیدِی کِه کاته بیر کشتی قاییرتسین .

![](https://cdn.door43.org/obs/jpg/360px/obs-en-03-03.jpg)

خدا نوحَه دیدِی کِه کِشتی نینْ اوزونْلوغو یوزْ و قیرخْ۱۴۰متر، اِئنِی یِرمِی ایچْ۲۳متر و بویِی اونْ ایچْ و یاریم۵. ۱۳متر اولْسین. نوح بو ایچْ قاتْلِی کِشتی نُی سَروْ یا آرچَه آغاجینْدَن قَه ییرْسینْ. کِشتِی نینْ گَرَکْ دامِی اوتاقلاری و آغوشْگَه لارِی چوخْ اولْسین. نوح کِشتِینِی بو جَتَه قَه ییرْدِی کِه تا نوح ایزِی و عائِلَه سِی و قوروداکِه حیوانْلارِی داشقینْ سیلْ و طوفانْدانْ قوروسونْ.

![](https://cdn.door43.org/obs/jpg/360px/obs-en-03-04.jpg)

کِشتِی نینْ گَرَکْ دامِی اوتاقلاری و آغوشْگَه لارِی چوخْ اولْسین. نوح کِشتِینِی بو جَتَه قَه ییرْدِی کِه تا نوح ایزِی و عائِلَه سِی و قوروداکِه حیوانْلارِی داشقینْ سیلْ و طوفانْدانْ قوروسونْ. نوح انسالارا داشْقینْ و طوفانْلِی سیلین گَلَه جَه یینِی و خَلْقینگ خدائه قاییتْمالِی اولْدوقْلارینِی خَوَرْدار اِئدِی. لاکینْ خَلْق نوحونْ دیدیکْلَرینَه اینانْمادیلار.

![](https://cdn.door43.org/obs/jpg/360px/obs-en-03-05.jpg)

خدا همچنین نوحه و عائِلَه سِی ایزْلَرِی و حیوانْلار اوچونْ کِفایَت قَدَرْ یِئمَک توپْلاماق اَمرینِی وِئرْدِی. هَر زاد حاضِر اولْدوقْدانْ سونْرا، خدا نوحَه دِئدِی کِه، سَکّیزْ نَفَرینْ، اونونْ قادینِی، ایچْ اوغلو و گلینْلَرِی نینْ کِشتییَه گیریشْمَه سِی وَقتِی نِی اونْلارا خَوَرْ وِئر دِی.

![](https://cdn.door43.org/obs/jpg/360px/obs-en-03-06.jpg)

خدا نوحَه، هَر نوعْ حیوانْدان و قوشْدان بیر جوفْت اِرکَکْ نِی و دیشِی سینِی گوندردی کِه داشقین سیل زمانِی کِشتییَه گیرسین و ساغ و سلامت اولْسونْلار. همچنین خدا بوتونْ حیوانْلارْدان قورْبانْلیقْ اوچون اویْغونْ اولانْ یِئدِّی اِرکَکْ و دیشِی سینْدَن بیر جوفْت گینْدَرْدِی. هامی کِشتییَه گیرَنْده، خدا کِشتِی نین قاپیسینِی باغْلادِی.

![](https://cdn.door43.org/obs/jpg/360px/obs-en-03-07.jpg)

سونْرا قیرخْ گینْ بوتون گِئجَه و گینْدیزْ یاغیشْ یاغْدِی و یِئردَن او قَدَرْ سو قایْنادِی کِه، هَر زادْ، حَتّا اوجَه داغْلار هَمْ سویونْ آستینْدَه قالْدِی.

![](https://cdn.door43.org/obs/jpg/360px/obs-en-03-08.jpg)

بوتون موجودالار کِه قورو یِئرین ایستینَه یاشایاردیلار، سودَه بوغولدولار و تَلَفْ اولدولار. فقط اونلار کِه کِشتی نین ایچینه گیرودیلَر ساغ و سالِم قالْدیلار. کِشتی سویون اوزَرینْده اوزوبْ و اونون ایچینْدَه کِه هر زاد واریدِی سویَه باتماقدان خِلاصْ اولْدولار.

![](https://cdn.door43.org/obs/jpg/360px/obs-en-03-09.jpg)

یاغیشْ دایانْدیقْدان سونْرا، کِشتی بئش آی سو اوزَرینْدَه اوزارْدِی و بو مدّت عَرضینْدَه سویون سطحِی آز-آز آشاغِی دؤشْمَه یَه باشْلادِی. بیر مَدتْدنْ سونْرا، بیر گینْ بیر داغْینْ ایسْتینْدَه کِشتی حَرکَتْدَن دایانْدِی. امّا، دنیا هَلَه دَه سویونْ آسْتینْدَه ایدِی. ایچْ آیْدان سونْرا داغْلارینْ چینْگِی گیرینْدِی.

![](https://cdn.door43.org/obs/jpg/360px/obs-en-03-10.jpg)

قیرخْ گینْدَن سونْرا، نوح قورو تورْپاقْ و یِئری آخْتارْماغا بیر قارْغا گینْدَرْدِی. قارْغا اوچْدِی گِئدِی، امّا، قورو یِئرِی تاپمادی.

![](https://cdn.door43.org/obs/jpg/360px/obs-en-03-11.jpg)

لاکین نوح گویَرچیْنی گینْدَرَنْدَن سونْرا. گویَرچینْ ده قورو یِئرْ و قورو تورْپاق تاپا بیلْمَه دِی و ناچارْلیقْدان نوحونْ یانینا قاییتْدِی. او بیر گَلَنْ هفته دَه گؤیَرْچینی یِئنیدَن باییرا گینْدَرْدِی و گؤیَرْچین زیتون یارْپاغِی نَنْ کِشتییَه قاییتْدی! سو یِئرَه چَکیلودِی بیتیکْلَر بویودورْلار.

![](https://cdn.door43.org/obs/jpg/360px/obs-en-03-12.jpg)

نوح داها گَنَم بیر هفته گئزلَه دِی و اوچونچو دفعه گَنَه گؤیَرْچینْ گونْدَرْدِی. بو دفعه گؤیَرْچین گِئرِی و دالِی قاییتْدمَه دِی. سو چَکیلْمیشْ ایدِی و گؤیَرْچین قورودا ایزینَه یِئر تاپْمیشْدِی.

![](https://cdn.door43.org/obs/jpg/360px/obs-en-03-13.jpg)

ایکِی آیْ سونْرا خدا نوحَه دیدِی: »عائِلَه نینْ و حیوانْلارینْلَه بیرْلیکْدَه کِشتی دَنْ چیخینْ. بَرَکَتْ لِی یوکْلِی و دولِی اولونْ، چاغَه و اولادْلار دُنیایَه گَتیرین و یِئر ایزینِی دولْدورونْ. « بِئلَه لیکْلَه نوح و عائِلَه سِی کِشتی دَن چیخْدیلار.

![](https://cdn.door43.org/obs/jpg/360px/obs-en-03-14.jpg)

نوح کِشتی دَن چیخانْدان سونْرا، قُربانْگاه دیزَلْتدِی و بو مَقصَدلَه گَتیرْدییِی حیوانْلارِی قُربانْ وِئرْدِی. خدا نوحون ایشینْدَن راضی و خُشنود قالْدِی و عائِلَه سینَه دُعا اِئدِی و اونْلارا خیر و بَرَه وِئرْدِی.

![](https://cdn.door43.org/obs/jpg/360px/obs-en-03-15.jpg)

سونْرا خدا بوجورْ وَعدَه وِئرْدِی: »انسانین پیسْلیینَه گیرَه بیر داها یِئر ایزینِی سیل نَن لعنت اِئدْمَزْ و اونْلارِی مَحْو اِئلَه مَز. بو ایشْ اوچون باخْمایاراق کِه انسان قَلبِی چاغالیقْدان گناه کاردِی. «

![](https://cdn.door43.org/obs/jpg/360px/obs-en-03-16.jpg)

سونْرا خدا وَعْدَه سینَه اِشارَه اولاراقْ آسْمانْدا ایلْکْ گؤیْ قورْشاقّینِی یارادِی. آسْمانْدا گؤیْ قورْشاقِی گیرَنْدَه خدا و اونون قوم، و اونون وعده سِی نِی خاطِرلاییردِی.

*کتاب مقدسدن بیر حکایه کتاب پیدایش فصل۶-۸*

## 4. خدایین ابراهیم نَن عهد باغْلاماسِی

https://openbiblestories.org/l/kmz/story-4/

![](https://cdn.door43.org/obs/jpg/360px/obs-en-04-01.jpg)

نوحونْ زَمانینْدا کِه طوفانْدانْ ایلْلَر سونْرا، اِنسالارینْ سایِی یِئنیدَن آریتْدِی. اونْلارْ یِئنَه خدا هَه و بیر-بیرلَرینَه قارشِی گناه ایشْلَتْدیرْلَر و هامِی سِی یِئنِی بیر دیلْدَه دانیشْماقْلارِی اوچونْ خدا هینْ اَمْرینَه تابِعْ اولوبْ یِئرْ ایزینَه سَه پَه لَنْمَکْ و دولدورماق عَوضینَه بیر یِئرَه توپْلاشیبْ ایزْلَرینَه شَهْرْ سالماغا باشْلادیلار.

![](https://cdn.door43.org/obs/jpg/360px/obs-en-04-02.jpg)

اونلار چوخ تَکَبّورْلو اِنسالار ایدیلَر و خدا هینْ گؤسْتَریشِی نَنْ یاشاماق ایسْتَه میرْدیلَر و حَتّا باشینِی آسمانَه اوزادانْ چوخْ بَلَنْدْ بِنّالارْ تیکْمَه یَه باشْلادیلْلار. خدا گیرْدِی کِه اگر اونْلارْ ایزْ پیسْلیکْلَرینْدَه دَوام اِئدْسَه لَر، چوخْلو گناه ایشْلَر گیرَه جَه لَر.

![](https://cdn.door43.org/obs/jpg/360px/obs-en-04-03.jpg)

بِئلَه لیکْلَه خدا اونْلارینْ دیلینِی مختلف دیلْلَرَه دَییشْدِی و اونْلارِی بوتونْ دنیایا سَه پَه لَه دِی. اِنسانْلارینْ بِنّا تیکْمَه یَه باشْلادیغِی شَهْر بابیلْ آدْلانیرْدِی، بو دا »قاریشیق« معناسی وِئریرْ.

![](https://cdn.door43.org/obs/jpg/360px/obs-en-04-04.jpg)

خدا یوزْ ایلْلَرْدَن سونْرا اَبرام آدْلِی بیر آدامْلا دانیشْ دِی. خدا اونَه دیدِی: »آتانینْ یِئرْ و تورْپاغینِی و اِئوینِی تَرْکْ اِئدینْ و سَنَه رَهْبَرْلیکْ اِئدَه جَه ییمْ. او اؤلْکَه یَه گِئدْ کِه مَن سَنَه خیرْ و بَرَه و بَرَکَتْ وِئرَه جَه یَم و سَنِی کاتَه بیر مِلّتْ اِئدَه جَه یَم. مَنْ آدینیزِی کاتَه اِئدَه جَه یَم. اونْلارْ کِه سَنَه خیر و بَرَه چاتْدیرْسینْلار مَنْ اونْلارا دَه خیر و بَرَه وِئرَه جَه یَم. سَنَه لَعْنَتْ اوخویانْلارِی، مَن ده لَعْنَتْ اِئدیبْ و اونْلارِی مَلْعونْ اِئدَه جَه یَم. یِئرْ ایزینینْ بوتونْ عائِلَه لَرِی سَنینْ کؤلْگنْدَه خیر و بَرَه و دُعا آلاجاقْلار. «

![](https://cdn.door43.org/obs/jpg/360px/obs-en-04-05.jpg)

اَبرام دا خدا هَه اِطاعت اِئدِّی. او ایزْ قادینْ سارای آدلِی، نوکَرلَرینِی و مال دولَتِی نِی گؤتَرْیبْ، خدا اونَه گؤسْتَردییِی کَنْعانْ تورْپاق و اؤلْکَه سینَه گِئدِی.

![](https://cdn.door43.org/obs/jpg/360px/obs-en-04-06.jpg)

وقتی ابرام کنعان اؤلْکَه سینَه گیردِی، خدا اونَه دیدِی: »اطرافیزه باخینْ گیرْدِیینْ بوتونْ بو تورْپاقْ سَنَه و اولادْلارینَه وِئرَه جَه یَم. « سونرا اَبْرام هَمینْ اؤلْکَه دَه مُسَّکَنْ و ساکِنْ اولْدِی.

![](https://cdn.door43.org/obs/jpg/360px/obs-en-04-07.jpg)

اونْدا بیر آدام مِلکیصِدِق )عدل و انصاف معناسینده(آدلَی واریدِی کِه، خدا تَعالی نینْ کاهِنِی ایدِی. ابرام اونِی دؤیوشْلَرینینْ بیرینْ سونونْدا اونونْلا گؤروشْدِی. مِلکیصِدِق، ابرامه خیر و بَرَه وِئریبْ و اونَه دیدِی: »خدا تَعالی آسْمانْلارینْ و یِئرینْ اَیَه سِی، ابرامَه خیر و بَرَه وِئرْسینْ. « سونْرا اَبرام دؤیوشْ غَنیمَتْ لَرینْدَنْ اونْ دَنْ بیرینِی مِلکیصِدِقه وِئرْدِی.

![](https://cdn.door43.org/obs/jpg/360px/obs-en-04-08.jpg)

ایلْلَر گِئچْدِی، اَمّا آبرام و سارایین هَه نِئز دَه چاغالارِی یوخیدِی. خدا آبرام نَنْ دانیشْدِی و وَعْدَه وِئرْدِی کِه اونْلارا بیر اوغولْ وِئرَه جَکْ و اونینْ نَسْلینْدَن آسْمانْدا کِه اولدوزْلار کیمِی چوخْلو اولادْلار دوغولاجاق. خدا اَبرامِی حَقّ و عادل قازانْدیردِی، چون کِه او خدا هینْ وعدَه سینَه اینانیرْدِی.

![](https://cdn.door43.org/obs/jpg/360px/obs-en-04-09.jpg)

سونْرا خدا آبْرامْ نانْ عَهْد باغْلادِی. عادت تَنْ موقاویْلَه ایکِی طرف لِی موقاویْلَه دِی کِه اونَه گِئرَه هَر ایکِی طرف بیر بیرِی اوچون بیر زاد اِئدْمَه یِی عُهْدَه سینَه گؤتورور. لاکین اَبرامّین وضعیتینَه باخاراق خدا بو عَهْدِی ابْرام، دَرینْ یوخودا اولانْدا باغْلادِی. لاکین ابرام باشارارْدِی خدا هینْ سَسینِی ایشیدْسینْ. خدا دیدِی: »سَنَه ایزْ وجودونْدانْ و ایزْ بابَتینْدَن بیر اوغولْ وِئرَه جَه یَم و کنعان اؤلْکَه سینِی و تورْپاقینِی نَسلینَه وِئرَه جَه یَم. « لاکینْ اَبرامینْ هَه نِئزْ ده اوغْلو یوخیدِی.

*کتاب مقدسدن بیر حکایه: کتاب پیدایش فصل۱۱-۱۵*

## 5. وَعْدَه نینْ اوغْلو

https://openbiblestories.org/l/kmz/story-5/

![](https://cdn.door43.org/obs/jpg/360px/obs-en-05-01.jpg)

اون ایلْ کنعانینْ اؤلْکَه و تورْپاقینَه گِئچَنْ دَنْ سونْرا، اَبرام و سارایْ هَه نِئزْ هِئچْ چاغالارِی یوخْیدِی. ابرامین قادینِی سونْرا سارایْ اونَه دیدِی: »اینْدِی کِه خدا مَنَه اولادْ اَیَه سِی اولماغیمَه اِجازَه وِئرْمَه دِی و مَن آرْتیقْ حامِلَه و یا ایکِی جانْلِی اولْماغیمَه گِئرَه قوجالْمیشام، سَنْ کَنیزْ هاجَر نَنْ اِئوْلَنْ کِه، مَنْ اوچون چاغَه دوغْسونْ. «

![](https://cdn.door43.org/obs/jpg/360px/obs-en-05-02.jpg)

بِئلَه لیکْلَه ابرام هاجَرْ نَنْ اِئوْلَنْدِی. هاجَر بیر اوغولْ دوغْدِی و اَبرام اونینْ آدْدینِی »اسماعیل« قویْدِی. لاکینْ سارایْ هاجَرِی قیسْقانیرْدِی. اسماعیل اونْ ایچْ یاشِی اولانْدا خدا یِئنِی دَنْ آبرام نَنْ دانیشْدِی.

![](https://cdn.door43.org/obs/jpg/360px/obs-en-05-03.jpg)

خدا دیدِی: »مَنْ اوجا و اَنْ قادیرْ خدا اَمْ و سَنینْ نَنْ عَهْدْ باغْلایاجاغام. « سونْرا اَبرام خدا هینْ قارْشیسینْدا باشینِی اَیْدِی. همچنین خدا ابرامَه دا دیدِی: »سَنْ چوخْلو ملّت لَرینْ آتاسِی اولاجاقْسانْ. کنعان اؤلْکَه سِی و تورْپاقینِی سَنَه و سَنینْ نَسْلینَه اِرثْ و میراثْ وِئرَرَمْ و هَمِئشَه اونْلارینْ خدا هِی اولاجاغامْ. سَنْدَه عائِلَه نَنْ دَه کِه اوغْلانْلارینْ هامِی سینِی سُنَّتْ اِئدْمَه لِی سَنْ. «

![](https://cdn.door43.org/obs/jpg/360px/obs-en-05-04.jpg)

»قادینینْ سارایْ، وَعْدَه اِئدیلْمیشْ بیرْ اوغولْ دُنیایَه گَتیرَه جَکْ. اونینْ آدینِی اِسحاقْ قویینْ. اونینْ نَنْ عَهْدْ باغْلاجاغامْ و اونْدانْ کاتَه نَسْل یِئتیشْدیرَه جَه یَم. مَنْ دَه اِسماعیلْ دَنْ کاتَه بیر قوم یاراداجاغامْ، امّا، عَهْدیم اِسحاق نَنْ اولاجاقْ. « سونْرا خدا ابرامینْ آدینِی بیر چوخْ خَلْقْلَرینْ آتاسِی معناسینِی وِئرَنْ اِبراهیمْ قویْدِی. همچنین خدا سارایْ نینْ آدینِی سارَه یَه دَییشْدیرْدِی کِه »مَلکه« معناسینِی وِئریرْ.

![](https://cdn.door43.org/obs/jpg/360px/obs-en-05-05.jpg)

او گینْ اِبراهیمْ عائِلَه سینینْ بوتونْ اوغْلانْلارینِی سُنَّتْ اِئدِی. تَخْمینَنْ بیر ایلْدن سونْرا، اِبراهیمینْ یوزْ، سارانینْ دَه دوخْسانْ یاشِی اولانْدا سارَه بیر اوغولْ دوغْدِی. خدا هینْ ایسْتَه دِئییی کیمِی آدینِی اِسحاقْ قویْدولار.

![](https://cdn.door43.org/obs/jpg/360px/obs-en-05-06.jpg)

اِسْحاق گَنْج و جَوانْ اولانْدا، خدا اِبراهیمینْ ایمانْ نینِی سینادِی و دیدِی: »بیرجَه اوغلونْ اِسحاقِی مَنَه قربان اِئدینْ. اِبراهیم بیر دَه گَنَم خدا هَه اِطاعت اِئدِی و اوغْلونو قُربانْ وِئرْمَه یَه حاضِرلاشْدِی.

![](https://cdn.door43.org/obs/jpg/360px/obs-en-05-07.jpg)

اِبراهیم و اِسحاق قُربانْگاهَه گِئدَنْدَه اِسحاق سوروشْدِی: »ایْ آتا، اودینْ قُربانْلیقْ اوچونْ حاضِردِی. امّا، بَسْ قِربانْلیقْ قوزوسو هارْدادِی؟ « اِبراهیم جَوابْ وِئرْدِی: »اوغْلومْ، قَربانْلیقْ قوزوسونو خدا وِئرَه جَکْ. «

![](https://cdn.door43.org/obs/jpg/360px/obs-en-05-08.jpg)

اونْلار قُربانْگاهَه چاتانْدا اِبراهیم اوغْلو اِسحاقِی ایپْ نَنْ باغْلادِی و اونو قُرْبانْگاهینْ ایسْتینْدَه قویْدِیْ. اِبراهیم اوغْلونو قَرْبانْ وِئرْمَکْ ایسْتَه دیکْدَه خدا بویورْدِی: »دورْ! بیر اَلْ ساخْلا، اوغْلانا ضَرَرْ یِئتیرْمَه! اینْدِی بیلْدیمْ کِه سَنینْ اؤرَه یینْدَه مَنیمْ قورْخومْ وارْ، چون کِه تَکْ اوغْلونو مَنْدَنْ اَسیرْگَه مَه دینْ. «

![](https://cdn.door43.org/obs/jpg/360px/obs-en-05-09.jpg)

اِبراهیم او یاخینْلیقْ دا بیتیکْلَرینْ ایچینْدَه ایلیشْمیشْ بیر قوچو گیرْدِی. خدا اِسحاقینْ یِئرینَه قَربانْلیقْ اوچونْ او قوچو حاضِرلامیشْ ایدِی. اِبراهیم سِئوینْجْ نَنْ او قوچو خدا هَه قُرْبانْ وِئرْدِی.

![](https://cdn.door43.org/obs/jpg/360px/obs-en-05-10.jpg)

سونْرا خدا اِبراهیمَه دیدِی: »سَنْ هَر زادِی حَتّا یِئکَه اولادینِی دا قُرْبانْ وِئرْمَه یَه حاضِر اولدوغونْ اوچون سَنَه خیر و بَرَه وِئرَه جَه یِی مَه سؤزْ وِئرَرَمْ. « سَنینْ نَسْلینْ آسْمانْدا کِه اولدوزْلارْدانْ چوخْ اولاجاقْ. مَنَه اِطاعت اِئدیینْ اوچونْ یِئرْ ایزینینْ بوتومْ عائِلَه لَرِی سَنینْ عائِلَه نینْ واسِطَه سیلَه خیر و بَرَه آلاجاقْلار. «

*کتاب مقدسدن بیر حکایه: کتاب پیدایش فصل۱۶-۲۲*

## 6. خدا اِسحاقَه روزی وِئریرْ

https://openbiblestories.org/l/kmz/story-6/

![](https://cdn.door43.org/obs/jpg/360px/obs-en-06-01.jpg)

ابراهیم قوجا و اوغلو اِسحاق ایسَه گَنجْ و جَوانْ اولانْدا ابراهیم ایزْ قولْلوقْچیلارینْدانْ بیرینِی اِسحاق قادینْ آلماقْ اوچونْ، دوغْما شَهْرینَه و عائِلَه سِی نینْ تورْپاقینا گینْدرْدِی تا اسحاق اوچونْ بیرْ قادینْ تاپیبْ گَتیرْسینْ.

![](https://cdn.door43.org/obs/jpg/360px/obs-en-06-02.jpg)

قولْلوقچو اوزونْ بیر یولْ گِئدَن سونْرا ابراهیمین قوهومْلاری نینْگ یاشادیغِی اؤلْکَه و تورْپاغینَه یِئتیشْدِی. خدا قولْلوقچونو ابراهیمینْ قارداشِی نینْ نَوَه سِی رِبِکا آدلِی طرفینَه چاتْدیردِی. رِبِکا ابراهیمین قارداشِی نینْ نَوَه سِی ایدِی.

![](https://cdn.door43.org/obs/jpg/360px/obs-en-06-03.jpg)

رِبِکا عائِله سِی نِی تَرْکْ اِئدیبْ و قولْلوقچو نَنْ اسْحاقینْ اِئوینَه گِئدمَه یَه راضی اولْدی. رِبِکا اسحاقین اِئوینَه گَلَه جَه دَنْ سونْرا، اسحاق دَرْ حالْ اونونْ نَنْ اِئوْلَنْدِی.

![](https://cdn.door43.org/obs/jpg/360px/obs-en-06-04.jpg)

اوزون مُدتْدَنْ سونْرا ابراهیم اِئلْدِی و ابراهیم نَنْ باغلادیغِی عَهْدینْ سَبَبی، خدا اسحاقَه خیر و بَرَه وِئرْدی. بو عَهْدْ دَه خدا نینْ وَعْدَه لَرینْدَنْ بیری او ایدی کِه ابراهیمین سایْسیزْ - حسابْسیزْ نَسْلِی اولاجاقْ، لاکین اسحاقین قادینِی رِبِکا چاغا اَیَه سِی اولَه بیلْمَزیدِی.

![](https://cdn.door43.org/obs/jpg/360px/obs-en-06-05.jpg)

خدا اسحاقینْ دُعاسِی نَنْ رِبِکایَه ایکِی چاغا اَیَه سِی اولماغا اِجازَه وِئرْدِی. رِبِکانینْ قارینْ دَه اولانْ او ایکِی چاغا دُنْیایَه گَلْمَه میشْدَن اوّل، بیر-بیری نَنْ دؤیوشورْدولَرْ و بونا گیرَه رِبِکا خدا دَن بونونْ سَبَبْنِی سوروشْدی.

![](https://cdn.door43.org/obs/jpg/360px/obs-en-06-06.jpg)

خدا رِبِکایَه دیدی: »سَنْ ایکِی اوغولْ دوغاجاقْسانْ. هَر ایکی سینْدَن فَرْقْلِی بیر مِلّتْ چیخاجاقْ. اونْلارْ هَمِئشَه بیر-بیر نَنْ دؤیوشَه جَکْلَرْ. امّا، کاتَه اوغلونونْ آدامْلاری کیچیکْ قارْداشینْ خَلْقینَه اِطاعت اِئدَه جَکْلَرْ. «

![](https://cdn.door43.org/obs/jpg/360px/obs-en-06-07.jpg)

رِبِکانینْ اوغْلانْلاری دوغولانْدا ایلْکْ اوغلونونْ ایزی قیرمیز و بَدَنی توکْلو ایدی، اونا گِئرَه دَه آدینِی عیسَوْ قویْدولار. سونْرا، عیسَوینْ دابانینْدانْ توتاراق ایکینْجِی اوغلو دُنیایَه گَلْدی. اونونْ آدینی یعقوبْ قویْدولار.

*کتاب مقدسدن بیر حکایه: کتاب پیدایش فصل۲۴آیات۱-۲۵و فصل۲۶*

## 7. خدا یَعْقوبَه خیر و بَرَه وِئریرْ

https://openbiblestories.org/l/kmz/story-7/

![](https://cdn.door43.org/obs/jpg/360px/obs-en-07-01.jpg)

اسحاقین او ایکِی اوغْلو، عیسَوْ و یَعْقوبْ آدلی بویودولارْ. عیسَوْ اُووا گِئدمَه یِی خوشْلاییرْدی لاکینْ یَعْقوبْ اِئودَه اوتورانْ بیر کیشِی ایدِی. رِبِکا یعْقوبو سِئویرْدِی، وَلِی عیسَوْ ایسَه اِسْحاقینْ مَحْبوبو ایدِی.

![](https://cdn.door43.org/obs/jpg/360px/obs-en-07-02.jpg)

بیر گون عیسَوْ چوخ آجْ حالْدا اُودان قاییتْدِی. عیسَوْ یَعْقوبَه دیدی: »خواهِش اِئدیرَمْ بیر آز یِئمَه یینْدَنْ وَ چِئرَه یینْدَنْ مَنَه وِئرْ. « یعقوب جَوابْ وِئرْدی: »اوّلْجَه مَنَه سُؤزْ وَ قولْ وِئرْ کِه ایلْکْ اولادْلیغَه گِئره سَنَه مَخْصوصْ اولانْ هَرْ شَئیی مَنَه وِئرَه جَه سَنْ. « بونَه گِئرَه دَه عیسَوْ وَعْدَه وِئرْدی کِه ایلْکْ دوغانْلیقْ حُقوقونْدان بوتونْ اِمتیازْلارینی یَعْقوبَه وِئرْسینْ. سونْرا یَعْقوبْ عیسَوْوَه بیر آز یِئمَک وِئرْدی.

![](https://cdn.door43.org/obs/jpg/360px/obs-en-07-03.jpg)

اِسْحاق عیسَوْوَه خیر وَ بَرَه دُعا ایسته یَنْدَه، رِبِکا دَه اونو آلْداتْدی یَعْقوبو عیسَوْوینْ یِئرینَه اِسحاقینْ اوتاقینَه گِئنْدَرْدی. اِسْحاقْ قوجالْمیشْ ایْدیْ و آرْتیق یاخْشِی گِئرْمزْ ایدِی. یَعْقوبْ عیسَوْوین پالْتارینی گِئیینْدِی بویْنونو وَ اَلْلَرینی گِئچیْ دَریسِی نَنْ اؤرْتْدِی.

![](https://cdn.door43.org/obs/jpg/360px/obs-en-07-04.jpg)

یَعْقوبْ آتاسی نینْ یانینَه گَلیبْ دیدی: »مَنْ عیسَوْوَمْ وَ مَنَه خیر وَ بَرَه دُعاسی وِئرْمَکْ ایچین گَلْمیشَمْ. « اِسْحاق گِئچی نینْ قئل و تؤکونَه توخونوبْ، پالْتارینْ ایسینی آلانْدا ایلَه بیلْدِی کِه عیسَوْ اونینْ یانینَه گَلِیبْ اونَه خیر و بَرَه دُعاسِی وِئرْدی.

![](https://cdn.door43.org/obs/jpg/360px/obs-en-07-05.jpg)

عیسَوْوینْ یَعْقوبْ دَن نِفْرَتِی واریدی، چونکِی اونونْ ایلْکینْ حَقّینی وَ خیر وَ بَرَه دُعاسینی اوغورْلادِی. هَمْچِنینْ او نَقْشَه چَکْدِی کِه اِسْحاقینْ اِئلیمینْدَن سونْرا یَعْقوبو اِئلدیرْسینْ.

![](https://cdn.door43.org/obs/jpg/360px/obs-en-07-06.jpg)

آنْجاقْ رِبِکا دَه بونْدان خَبَرْدارْ اولْدِی. او، اِسْحاقْ نَنْ یَعْقوبو اوزاقْ بیر یِئرَه رِبِکانینْ قومْلاری نینْ یانینَه گِئنْدَرْدِی.

![](https://cdn.door43.org/obs/jpg/360px/obs-en-07-07.jpg)

یَعْقوبْ اوزونْ ایلْلَرْ دَه رِبِکانینْ قومْلاری نَنْ یاشارْدی. او مُدَتینْ عَرْضینْدَه او، اِئوْلَنْدی و اونْ ایکِی اوغْلو وَ بیر قیزی اولْدِی. خدا یَعْقوبَه چوخْلو ثِرْوَتْ وِئرْدی.

![](https://cdn.door43.org/obs/jpg/360px/obs-en-07-08.jpg)

یَعْقوب کَنْعانْ داکِی اِئوینْدَنْ، ییرْمِی ایلْ اوزاقلاشْدیقْ دانْ سونْرا عائلَه سِی، قولْلوقْچولارِی وَ بوتونْ سورولَری نَنْ اورایَه قاییتْدی.

![](https://cdn.door43.org/obs/jpg/360px/obs-en-07-09.jpg)

آنْجاقْ، یَعْقوبْ چوخْ قورْخورْ دور، چونْکِی، عیسَوْوینْ هَلَه دَه اونو اِئلْدیرْمَه یِی نَقْشَه سِینِی دؤشونَرْدِی. بو جِهَتَه او، اؤزْ سوروسونونْ چوخْلو حیوانْلارینْ دانْ عیسَوْوَه هَدیَه ایچین گِئنْدَرْدِی. او مالْ-قارانِی عیسَوْوینْ یانینَه آپارانْ قولْلوقْچو، اونَه دیدی: »قولونْ یَعْقوبْ، بو مالْ - قارانِی سَنَه تَقْدیمْ اِئدیرْ. او تِئزْلیکْدَه بورادا اولاجاقْ. «

![](https://cdn.door43.org/obs/jpg/360px/obs-en-07-10.jpg)

لاکین عیسَوْ آرتیقْ یَعقوبَه آزارْ وِئرْمَکْ فِکْرینْدَه دِئییلْ ایدِی وَ اونو گِئرَنْدَه چوخْ سِئوینْدِی. یَعْقوبْ باریشْ ایلَه دینجْ کَنْعانْ دَه یاشاییرْدی. سونْرا اِسحاقْ اِئلْدِی و یَعْقوبْ ایلَه عیسَوْ اونو قَوِرَه باسْدیرْدیلار. اَلْلاهینْ اِبْراهیمْ نَنْ باغْلادیغِی عَهْدْ ایلَه پیمانْ، اِسْحاقْ دانْ سونْرا یَعْقوبَه چاتْدِی.

*کتاب مقدسدن بیر حکایه: کتاب پیدایش فصل۲۵آیات۲۷-۳۵و فصل۲۹*

## 8. خدا یوسف و عایلِسی نجات وئریر

https://openbiblestories.org/l/kmz/story-8/

![](https://cdn.door43.org/obs/jpg/360px/obs-en-08-01.jpg)

اوزون ایلْلَردَن سونْرا، یعقوب قوجا اولانْدا سِئویمْلِی اوغْلو یوسفی گِئندَردِی کِه، سورو اوتارانْ قارْداشْلاری نینْ ساغْلام لیغینْدَن خبر گَتیرْسینْ.

![](https://cdn.door43.org/obs/jpg/360px/obs-en-08-02.jpg)

یوسُفینْ قارْداشْلاری اونَه نِفْرَت اِئدیرْدیلَر، چونکُه آتالاری اونو نَه اینْ کِه اونْلارْدان چوخْ سِئویرْدی، هَمْدَه یوسُف اونْلارینْ اوزَرینْدَه حُکْمْرانْلیق اِئدَه جَه یِینِی یوخودَه دؤشْدَه گِئرودی. یوسف قارْداشْلاری نین یانینَه گِئدَنْدَه اونو قاچیریبْ قولْ آلْ وِئرْچِی لَرینَه ساتْدیلار.

![](https://cdn.door43.org/obs/jpg/360px/obs-en-08-03.jpg)

یوسُفینْ قارْداشْلاری اِئوَه لَرینَه چاتْمامیشْ، یوسفین پالْتارینِی جیریبْ و اوستونَه گِئچِی قانِی سَپْدیلَر. سونْرا قانْلِی پالْتاری آتالارِی یَعْقوبه گؤسْتَردیلَر کِه، یوسُفِی وَحْشی قورْدْ حیوانینْ اِئلْدیردینی تَصَوّرْ اِئدْسینْ. یعقوب بو حالِی گِئرَنْدَه چوخْ کَدَرْلَنْدی.

![](https://cdn.door43.org/obs/jpg/360px/obs-en-08-04.jpg)

قولْ تاجِرْلَرِی یوسفی اِئزْلَرِی نَنْ مِصْرَه آپارْدیلار. مِصْرْ نیلْ چایینینْ یانینْدا یِئرْلَشَنْ کاتَه و گوجْلو بیر اؤلْکَه ایدی. قارْداشْلاری اونو مِصرینْ بیر زَنگین و دولَتْلِی مامورونَه ساتْدیلار. یوسف اَرْبابینَه یاخْشی قولْلوقْ اِئدیرْدی وَ خدا دَه اونَه خیر و بَرَه وِئرْدی.

![](https://cdn.door43.org/obs/jpg/360px/obs-en-08-05.jpg)

هَمینْ مامورینْ خاتینی یوسف لَه جِنْسِی عَلاقَه دَه اولْماقْ ایستَه دِی، و بو ایشْ ایچینْ چوخْ چالیشْدِی، لاکینْ یوسف خدااِ قارْشی گَناه اِئدْمَکْدَن اِمتِناعْ اِئدِّی. بونَه گِئرَه دَه او قادینْ غَضَبْلَنْدی و یوسفی ناحَقّ بُهتانْدا اِتْهامْ اِئدِّی و اونو توتوبْ، دوسْتاقدا حَبْسْ اِئدْمَه یَه گِئنْدَرْدِی. آنْجاقْ یوسَفْ زِنْدانْدا دا خدااِ صادِق قالْدی و خدا دَه اونَه خیر و بَرَه وِئرْدی.

![](https://cdn.door43.org/obs/jpg/360px/obs-en-08-06.jpg)

ایِکی ایلْدَن سونْرا، یوسف گُناه سیز اولْسادا، هَلَه دَه حَبْسْدَه ایدِی. بیر گِئجَه فِرعونْ )مُصْرْلِی لَر اؤزْ پادشاه لارینَه فِرعونْ دِئییرْدیلَر(، ایکِی غَریبَه یوخو گِئرْدی و اونو چوخْ چاشْدیرْدی. فِرعونونْ مُصْلِحَت چِی لَرینْدَنْ هِئچْ بیری، اونونْ یوخولارینی یوزا /تَفْسیر/بیلْمَه میشْدِیلَر.

![](https://cdn.door43.org/obs/jpg/360px/obs-en-08-07.jpg)

خدا یوسفَه یوخو یوزْماقْ قابیلیتِی وِئرْدیِی ایچینْ، فِرعونینْ یوخولارینِی یوزْماقْ اوچونْ، یوسُفِی زِنْدانْدانْ چاغیردی. یوسَف اونَه دیدی: »خدا یِئدّی ایلْ بولْلوق وِئرَه جَه لاکین اونْدان سونْرا یِئدّی ایلْ آجْلیقْ اولاجاق. «

![](https://cdn.door43.org/obs/jpg/360px/obs-en-08-08.jpg)

فِرعونْ یوسفین شَخْصیَه تینَه او قَدَرْ حیرانْ اولْدی کِه، اونو مِصْرْدَه ایکینْچی اَنْ گوجْلو شَخْصْ یِئرینَه قویْدی.

![](https://cdn.door43.org/obs/jpg/360px/obs-en-08-09.jpg)

یوسف خَلْقَه دیدی کِه یِئدّی ایلْ بولْلوقْ چاغِی، اَرْزاق مَحْصولْ لاری اَنْبارْ اِئدیبْ و ساخْلاسینلار. سونْرا یِئدّی ایلْ آجْلیقْ باشْلایانْدا، یوسف بو محصول لارِی اِنْسانْلارا ساتْدی کِه تا، اونْلار کِفایَت قَدَرْ یِئمَک تاپْسینْلار.

![](https://cdn.door43.org/obs/jpg/360px/obs-en-08-10.jpg)

شِدّتلی آجْلیق و قوراقْلیق، تَکْجَه مِصردَه دِئییلْ اِیدی، هَمْدَه یَعْقوبْ و عائِلَه سی نینْ یاشادیغی، کَنْعانْ تورْپاقینِی بوروموش اِیدی.

![](https://cdn.door43.org/obs/jpg/360px/obs-en-08-11.jpg)

بِئلَه لیکْلَه، یَعْقوبْ کاتَه اوغْلانْلارینی یِئمَک و یِئمَک آلْماقْ اویچین، مِصْرَه گِئنْدَرْدی. اونْلار یوسفین قاباقینْدا اونْدان یِئمَکْ آلماقْ ایچینْ دایانْدیقْدا، اونو تانیمیرْدیلار. لاکین یوسف اونْلاری تانیدی.

![](https://cdn.door43.org/obs/jpg/360px/obs-en-08-12.jpg)

یوسف قارْداشْلارینی سینادیقْدان سونْرا، اونْلارا دیدی: »مَن سیزین قارْداشینیز یوسفَم، قورْخْمایین. سیز مَنَه پیسْلیکْ اِئدینیز، امّا خدا سیزین پیسْلِیینی یاخْشیلیغا چِئویرْدی. اینْدی گَلین و مَصرْدَه یاشایین و مَن سیزین و عائِلَه لَرینیزْ ایچین بورادا هَر شَئیی تامین اِئدَه بیلَه رَم. «

![](https://cdn.door43.org/obs/jpg/360px/obs-en-08-13.jpg)

وقتی یوسفین قارْداشْلاری اِئوْلَرینَه قاییدیبْ و آتالارینَه یوسفین دیری و ساغْ اولْماغونو دِئیَندَه، چوخْ سِئوینْدی.

![](https://cdn.door43.org/obs/jpg/360px/obs-en-08-14.jpg)

یعقوب قوجا اولْسادا، عائِلَه سِی ایلَه بیرْلیکْدَه مِصْرَه کوچْدی و هامی سی اورْدا بیر یِئرْدَه یاشادیلار. یعقوب اِئلیمینْدَن اؤنْجَه، بوتون اوغولْلارینَه خیر و بَرَه وِئرْدی.

![](https://cdn.door43.org/obs/jpg/360px/obs-en-08-15.jpg)

خدایین ابراهیمَه وِئرْدییی عَهْدْ و پیمانِی اِسْحاقدان سونْرا یعقوبَه اونْدانْ سونْرا، اونونْ اونْ ایکِی اوغْلو و اونْلارین عائِلَه لَری نَنْ باغْلانْدی. یعقوبونْ اونْ ایکِی اوغْلونونْ نَسْلینْدَن، اِسرائیلین اونْ ایکی قومْ وَ قَبیلَه سی دوْغولْدی.

*کتاب مقدسدن بیر حکایه : کتاب پیدایش پیدایش: فصل۳۷-۵۰*

## 9. خدا موسانی چاغیریر

https://openbiblestories.org/l/kmz/story-9/

![](https://cdn.door43.org/obs/jpg/360px/obs-en-09-01.jpg)

یوسفین اِئلیمینْ دَنْ سونْرا، بوتونْ قومْلاری مِصردَه قالْدیلار. اوزونْ ایلْلَر اولادْلاری نَنْ بیرلیکْدَه اورادا یاشاماغا دَوامْ اِئدیلَر وَ چوخْلو اوشاق صاحِبی اولْدولار. مِصرلیلَر اونْلارا اِسرائیلْ لیلَر دِئییرْدیلَر.

![](https://cdn.door43.org/obs/jpg/360px/obs-en-09-02.jpg)

یوزْ ایلْلَر دَنْ سونْرا، اِسرائیلْ لَرینْ سایی خیلی چوخْ آرتْمیشْدی. مِصریلَر آرْتیق یوسفِی وَ اونونْ کؤمَه یی نی خاطِرلامیرْدیلار. اونْلار اِسرائیلی لَرْدَنْ قورْخورْدولار، چونکِه اونْلارینْ سایی چوخْ ایدی. بونَه گِئرَه دَه او دورَه دَه مِصری اِدارَه اِئدَن فِرعونْ اِسْرائیلی لَری مِصْریلی لَره قولْ اِئدی.

![](https://cdn.door43.org/obs/jpg/360px/obs-en-09-03.jpg)

مِصْریلی لَر، اِسْرائیلی لَری چوخْ بِنالار و حَتّا شَهرلَر تیکْمَه یَه مَجْبورْ اِئدیلَر. چَتینْ زَحْمَت اونْلار ایچین حَیاتی آجیلاشْدیرْمیشْ دِی، لاکین، خدا اونْلارا خیر و بَرَه وِئردی وَ داها چوخْ اولاد صاحیبی اولْدولار.

![](https://cdn.door43.org/obs/jpg/360px/obs-en-09-04.jpg)

فِرعونْ اِسْرائیلی لَرینْ چوخْلو اوشاق صاحبی اولْدوقلارینی گِئریبْ خَلْقینَه اَمْر اِئدی کِه، بوتون اوغْلان اوشاقلارینی نیل چایْ یینَه آتیبْ اونْلاری اِئلْدیرسینْلَر.

![](https://cdn.door43.org/obs/jpg/360px/obs-en-09-05.jpg)

تا این کِه اِسْرائیلْ لِی قادینْ اوغْلان چاغانِی دُنیایَه گَتیرَه نَه قَدَرْ، او اَری نَنْ بیرلیکْدَه کؤرْپَه چاغانی باجاردیقجَه قَدَرْ گیزلَتْدیلَر.

![](https://cdn.door43.org/obs/jpg/360px/obs-en-09-06.jpg)

کؤرپه چاغانینْ آتا-آناسی، اونو داها گیزْلَه دَه بیلْمَه یَنْدَه، اِئلْدیرْمَه سینینْ قارشی سینی آلْماق ایچین کؤرپه چاغانی نیلْ چایینْ ساحیلینْ دَه کِه قامیشْلیقْلار آراسینْدا اوزَنْ سَبَدَه قویْدولار. امّا کاتَه باجیسی اونونْ باشینَه نَمَه گلَه جَه یینی اوزاقْدانْ ایزلَه ییرْدی.

![](https://cdn.door43.org/obs/jpg/360px/obs-en-09-07.jpg)

فِرعونونْ قیزی سَبَدِی گِئریبْ ایچَرِی باخْدی. کؤرپه چاغانی گِئرَنْدَه، اونو اوغْلو کیمی ایزی ایچین قَبولْ اِئدی. او، کؤرپه چاغایَه قولْلوق اِئدْمَکْ ایچین اِسرائیل لی قادینی دایَه لیکْ ایشَه گؤتَرْدی تا چاغایه سود وِئرْسین. هَمین قادینْ کؤرپه چاغانین آناسی اولْماسینْدانْ خَوَرْسیز اِئدی. آناسی کؤرپه چاغانی سودْدان آییرانْدان سونْرا، اونو فِرعونونْ قیزینَه قایْتارْدی. چاغانینْ آدینی موسا قویْدولار.

![](https://cdn.door43.org/obs/jpg/360px/obs-en-09-08.jpg)

موسا بویویَنْدَه بیر مِصریلی نی گِئردی کِه، بیر اِسْرائیلْ لِی غُلامِی دؤیورْدی. موسا اِسرائیلْ لِی قاراشینی خِلاصْ اِئدْمَه ایچین چوخْ چالیشْدی.

![](https://cdn.door43.org/obs/jpg/360px/obs-en-09-09.jpg)

موسا اونو هئچ کیمین گِئرْمَه یَه جَه یینی دؤشونرَرَکْ، او مِصریلینی اؤئلْدیریب جَسَدینی گیزْلَتْدی. امّا بیر شَخْص موسانین بو ایشینی گِئرْدی.

![](https://cdn.door43.org/obs/jpg/360px/obs-en-09-10.jpg)

فِرعون موسانین بو حَرکتینْدَن خبر توتدی و موسانی ائلدیرمَک ایسْتَه دی. موسا مِصردَن چؤل صَحْرایَه قاچْدی وَ فِرعونونْ قولْلوقْچولاری اونو اورادا تاپا بیلْمَه دیلَر.

![](https://cdn.door43.org/obs/jpg/360px/obs-en-09-11.jpg)

موسا مِصردَن اوزاق بیر اؤلْکَه نین شَهْرین دَه چوبان اولْدی. هَمین اؤلْکَه دَن بیر قادین نانْ اِئوْلَنْدی وَ اونْدان ایکِی اوغْلو اولْدی.

![](https://cdn.door43.org/obs/jpg/360px/obs-en-09-12.jpg)

بیر گِین موسا قایینْ آتاسی نینْ قویونْ سوروسونو اوتارارْکَنْ بیر کولْ گِئرْدی، شَعْلَه وَ آلووِی باریدی، امّا، یانْمیارْدی. بونا گِئرَه دَه سَبَبینی اؤرَنْمَکْ اوچونْ اونا یاخینْلاشْدی. موسا یانان کولونْ یانینا گَلَنْدَه، خدا کولونون آراسینْدان سَسْلَنْدی: »آیاغْ کووشْلارینی چیخار، چونْکِه دورْدوغونْ یِئر مَقدّسْ دیر. «

![](https://cdn.door43.org/obs/jpg/360px/obs-en-09-13.jpg)

سونرا خدا دیدی: »مَنْ مِصردَه خَلْق و قومومین عَذابْ و اَذیتینی گِئردیم. خَلْق و قومومین مِصر اِسارَتینْدَن چیخارْماق ایچینْ سَنی فِرعونونْ یانینَه گِئنْدَریرَمْ. مَن کَنعان تورْپاقینی، اِبراهیمَه، اِسْحاقَه و یَعْقوبَه وَعْدَه اِئدیییم تورْپاغِی، اونْلارا وِئرَه جَه یَمْ. «

![](https://cdn.door43.org/obs/jpg/360px/obs-en-09-14.jpg)

موسا دیدی: »اَگَر جَماعَتْ مَنْدَنْ سوروشْسَه کِه مَنِی کیمْ گِئنْدَریبْ دی، اونْلارا نَمَه دِئییم؟ خدا دیدی: »مَن وارَم، او وارْلیقیم". اونْلارا دِئیین،"وارَمْ"مَنِی سیزینْ یانینَه گِئنْدَرْدی. هَمْچِنینْ اونْلارا دِئیینْ کِه، مَنْ "یَهُوَه"سیزین آتالارْنیزینْ، یَعْنِی اِبراهیمین، اِسْحاقین وَ یَعْقوبین اَللهِی یَم. بو مَنیم آدیم اَبدَه چَن هَمِئشَه لیکْدی. «

![](https://cdn.door43.org/obs/jpg/360px/obs-en-09-15.jpg)

موسا فِرعونونْ یاخْشی دانیشَه بیلْمَه یَه جَه یینْدَن قورْخْدوغو ایچین اونینْ یانینَه گِئدْمَکْ ایسْتَه مَه دِی. بونَه گِئرَه دَه خدا موسانین قارْداشی هارونی اونَه کؤمَک اِئدْمَکْ ایچین گِئنْدَرْدی.

*کتاب مقدسدن بیر حکایه: کتاب خروج فصل۱-۴*

## 10. اونْ بِلا

https://openbiblestories.org/l/kmz/story-10/

![](https://cdn.door43.org/obs/jpg/360px/obs-en-10-01.jpg)

خدا موسایَه و هارونَه فرعونون عنادکار اولاجاغی بارَه دَه خبردارْلیقْ اِئدی. موسا و هارون، فِرعونینْ یانینَه گِئدیبْ، دیدیلَر: »سِرائیلینْ اَللهی نینْ سَنَه سیز بویور: بیزیمْ خلقی میزیْ بوراخْ، تا گِئدسینْلَر. « فرعون اونْلارینْ سیزْلَرینَه مِحَلْ قویْماراق، اِسْرائیلینْ خَلْقینی آزاد اِئدْمَکْ عَوَضینَه، اونْلاری اوّلْکینْدَن داها چوخْ ایشْلَه مَه یَه مَجْبور اِئدی.

![](https://cdn.door43.org/obs/jpg/360px/obs-en-10-02.jpg)

فِرعون هَلَه دَه اِسرائیلینْ خَلْقینی آزاد اِئدْمَکْدَنْ اِمتناع اِئدی. بو سَبَبْ دَن، خدا مِصرَه اون دَهْشَتْلِی بِلا گِئنْدَرْدی. بو بِلالار واسِطَه سیلَه، خدا فِرعونَه گؤسْتَرْدی کِه، اونونْ گوجو فِرعونْدَن وَ مِصرینْ بوتون خدا لَرینْدَن اوسْتونْ دور.

![](https://cdn.door43.org/obs/jpg/360px/obs-en-10-03.jpg)

خدا نیل چایین سویونو قانا چِئوِئرْدی. لاکین فِرعون یِئنَه دَه اِسْرائیلین خَلْقینی تَرْک اِئدْمَه دی.

![](https://cdn.door43.org/obs/jpg/360px/obs-en-10-04.jpg)

خدا بوتون مِصر اؤلْکَه سینی قورْباغالارْلا دولْدورْدی. فِرعون موسادان قورْباغالاری ایزْ تورْپاقْلارینْدان چیخارْماسینی ایسْتَه دِی. لاکین قورْباغالار اِئلَنْدَن سونْرا، فِرعونین اِئرَه یِی سَرْتْلَشْدِی وَ او، اونْلارین مِصردَن چیخْماسینَه اِجازَه وِئرْمَه دِی.

![](https://cdn.door43.org/obs/jpg/360px/obs-en-10-05.jpg)

بِئلَه لیکْلَه، خدا آغجا قانادْلَری و اونْدان سونْرا، میلْچَکْ وَباسینی گِئنْدَرْدی. فِرعون موسایا و هارونا دیدی کِه، اَگَر بو بِلالارْدان خِلاصْ اولْسالار، مِصری تَرْکْ اِئدْمَه یَه اِجازَه وِئرَه جَکْلَر. موسا دُعا اِئدیکْدَن سونْرا، خدا بو بِلالاری آرادان قالْدیرْدی، لاکین فِرعونینْ اِئرَه یینی گَنَمْ سَرْتْلَشْدیرْدی وَ یِئنَه دَه اونْلارینْ مِصردَنْ چیخْماسینَه اِجازَه وِئرْمَه دِی.

![](https://cdn.door43.org/obs/jpg/360px/obs-en-10-06.jpg)

بونْدانْ سونْرا، خدا مِصرلِی لَره مَخْصوصْ اولانْ بوتونْ حیوانْلاری ناچاق اِئدِی، اونْلارین اِئلْمَه سینَه سَبَبْ اولْدی. امّا، فِرعون ایرَه یِی سَرْتْلَشْدِی و بو دَفْعَه دَه اونْلاری بوراخْمادی تا گِئدْسینْلَر.

![](https://cdn.door43.org/obs/jpg/360px/obs-en-10-07.jpg)

خدا موسایا دیدی کِه، یومْروقْلارینی کؤلْ دَن دولْدورْسون و فِرعونینْ قارْشی سینْدا اونْلاری هَوایَه سَپْسینْ. موسا بو ایشی اَئدَندَه، اِسْراِئیلینْ اولادلارینْ دانْ باشْقا، بوتونْ مِصر خَلْقین دَه آغیریلِی چیبانْلار اولْدی. لاکین خدا فِرعونینْ قَلْبینی سَرْتْلَشْدیرْدی وَ فِرعون اونْلارینْ گِئدْمَه سینَه اِجازَه وِئرْمَه دِی.

![](https://cdn.door43.org/obs/jpg/360px/obs-en-10-08.jpg)

سونْرا، خدا تولی بِلاسی گِئنْدَرْدی وَ اَکینْلرینْ چوخونو و آچیقْ مَکانْدا اولانْ بوتونْ جانْلِی لاری مَحْوْ اِئدِی. فرعون موسانی و هارونی چاغیریبْ، دیدی: »مَنْ بو دَفْعَه گُناه اِئدیمْ، سیز گِئدَه بیلَرْسیز. « سونْرا، موسا دُعا اِئدی وَ تولی دایانْدی.

![](https://cdn.door43.org/obs/jpg/360px/obs-en-10-09.jpg)

لاکین فِرعون یِئنِی دَنْ گَناه ایشْلَتْدی وَ ایرَه یینِی سَرْتْلَشْدیرْدی وَ اِسْرائیلی لَرینْ آزاد اِئدیلْمَه سینَه اِجازَه وَ اَمْکان وِئرْمَه دِی.

![](https://cdn.door43.org/obs/jpg/360px/obs-en-10-10.jpg)

بِئلَه لیکْلَه، خدا مِصر تورْپاغینَه چوخْلو چورْتیکانْ /چَییرِتْکَه/ گِئنْدَرْدی. اونْلار تولی دان قالانْ بوتون مَحْصول لَری یِئدیلَر.

![](https://cdn.door43.org/obs/jpg/360px/obs-en-10-11.jpg)

سونرا، خدا ایچْ گینْ دوام اِئدَن بیر ظُلْمَتْ وَ قارانْلیق بِلاسی گِئنْدَرْدی. هَر یِئرْ او قَدَرْ قارانْلیق اِئدی کِه، مِصرلیلَر اِئوْدَنْ چیخا بیلْمیرْدیلَر. آنْجاق اِسرائیل لی لَرینْ یاشادیغِی یِئرْدَه ایشیق وار اِئدِی.

![](https://cdn.door43.org/obs/jpg/360px/obs-en-10-12.jpg)

حتّا بو دوقْقوزْ بِلادان سونْرا، دَه فِرعون اِسْرائیل لی لَری تَرْکْ اَئدْمَه یَه، اِجازَه وِئرْمَه دِی. فِرعونینْ دینْلَه یَنْ قولاغِی اولْمادیغِی ایچین، خدا سونْ بِلانِی دَه گِئنْدَرْمَه یَه قَرارْ وِئرْدِی. بو بِلا و مُصیبَتْ فِرعونی قَرارینی دَییشْمَه یَه، مَجْبور اِئدَه جَکْ.

*کتاب مقدسدن بیر حکایه: کتاب خروج فصل۵-۱۰*

## 11. پِسَخ بایرامی

https://openbiblestories.org/l/kmz/story-11/

![](https://cdn.door43.org/obs/jpg/360px/obs-en-11-01.jpg)

خدا موسانی و هامونی فرعون یانینَه گِئندَرْدی کِه، اِسْرائیل لَری آزاد اِئدْسین. اونْلار فِرعونَه خَبَرْدارْلیق اِئدیلَر کِه، اگر اِسْرائیل خَلقینی بوراخْماسَه، خدا مِصْرینْ بوتونْ ایلْکْ اوغلانْلارینی وَ حتّا حیوانْ لارینی مَحْوْ اِئده جَکْ. فِرعون بونی اِئشیتدَندَه ایمان گَتیرْمَه دی و یِئنَه دَه خدایین اَمْرینَه عاصی اولْدی.

![](https://cdn.door43.org/obs/jpg/360px/obs-en-11-02.jpg)

خدا اونَه ایمان گَتیرَنْلَر ایچینْ بیرْ یولْ حاضِرلادی تا ایلْکْ اوغولْلاری بو بَلادانْ حِلاصْ اولْسونْلار. هَر بیر اِئوْ عائِلَه قوصورْسوزْ بیر قوزو سِئچیبْ قُربان وِئرْمَه لِی اِئدی.

![](https://cdn.door43.org/obs/jpg/360px/obs-en-11-03.jpg)

خدا اِسْرائیلین قوم و خَلْقینَه قوزونونْ قانینی اِئوْلَری نینْ قاپیلارینَه وَ اِئوْلَرینْ اَطْرافینَه سورْتْمَه یینَه اَمْر اِئدی. قوزونو دا قیزاردیب قوورمَه اِئدَن دَن سونْرا، تِئزْراق مایاسیزْ فَطیر چؤرَه کْ نَن یِئمَه لی اِئدیلَر. خدا دا اونْلارا دِئدی کِه، مِصری یِئی دیکْ دَن سونْرا، تِئزْراق اورْدان چیخْماغَه حاضِر اولْسونْلار.

![](https://cdn.door43.org/obs/jpg/360px/obs-en-11-04.jpg)

اِسْرائیل لی لَر، خدایین بوتون اَمْرلَرینی دِقَّتْلَه یِئرینَه یِئتیرْدیلَر. او گِئجَه نینْ اورْتاسینْ دا خدا مِصْردَن گِئچْدی وَ مِصْرلَرینْ بوتون ایلْکْ اوغْلانْ لارینی مَحْو اِئدی.

![](https://cdn.door43.org/obs/jpg/360px/obs-en-11-05.jpg)

خدا اِسْرائیلین قومْ و خَلقی نین قاپیلارینْدا، قانْ عَلامَتی اولانْ بوتون اِئوْلَرینْدَن گِئچْدی. او اِئوْلَردَه اولانْلارینْ هامی سی، قوزونونْ قانی اؤزَرینْدنْ خِلاصْ اولْدولار.

![](https://cdn.door43.org/obs/jpg/360px/obs-en-11-06.jpg)

امّا، خدا ایمان گَتیرْمَه یَنْ و اونون اَمْرلَرینَه تابِع اولمایانْ مَصْرلی لَری نینْ اِئوْلَری نینْ کِناریندا خدا گِئچمَه دی وَ اونْلارینْ بوتون اوغْلانْ لارینی اِئلْدیردی.

![](https://cdn.door43.org/obs/jpg/360px/obs-en-11-07.jpg)

بوتونْ مِصْرلی لَرین ایلْکْ اوغْلانْ لارینْ اِئلْدیرْلَر. فِرعون کاتَه اوغْلان دان توتْموش، زِندانْ دا اولانْ بیر قولونْ کاتَه اوغْلونَه قَدَر، مِصْرلی لَرین چوخْلاری خیلی کَدَرلی اولْدیلار و حَتّا ییغْلادیلَر.

![](https://cdn.door43.org/obs/jpg/360px/obs-en-11-08.jpg)

اِئلَه هَمینْ گِئجَه، فِرعون موسانی و هارونی چاغیرْدی و دِئدی: »اِسْرائیلینْ قوم و اولادْلارینی گؤتوروب، دَر حال مِصْری تَرْکْ اِئدین. « مِصْرلی لَر دَه اونْلاری بو اؤلْکَه نی تِئز بیر چاغْدا تَرْکْ اِئدْمَه یَه چاغیردیلار.

*کتاب مقدسدن بیر حکایه: کتاب خروج، فصل۱۱آیه۱تا۱۲و فصل۳۲*

## 12. چیخیشْ

https://openbiblestories.org/l/kmz/story-12/

![](https://cdn.door43.org/obs/jpg/360px/obs-en-12-01.jpg)

اِسْرائیل لی لَر مِصری تَرْکْ اِئدْمَکْدَن چوخْ خوشْحال اولوب و سِئوینْدیلَر. اونْلار سونْرا، آرتیق قولْ دِئییلْ ایدیلَر وَ وَعْدَه اِئدْمیشْ اؤلْکَه یَه وَ تورْپاغَه گِئدیرْدیلَر. مِصْرلی لَر اِسْرائیل لی لَره ایسْتَه دیکْ لَری، هَر شَئ یِی او جُمْلَه دَن گوموشْ، قیزیل و قیمَتْلی اَشْیاءْ لارینی وِئرْدیلَر. خدا ایمانْ گَتیرَنْ بَعْضی قَبیلَه لَر دَه اونْلار نَن بیرلیکْ دَه مِصْری تَرْک اِئدیلَر.

![](https://cdn.door43.org/obs/jpg/360px/obs-en-12-02.jpg)

گِیندیز بیر بولودْ سُتونی گِئجَه دَه ایسَه اودْ سُتونی اونْلاریْن اونونْدَه حَرَکَتْ اِئدیرْدی. خدایین حَضورو بولودْ و اودْ سُتونونْدا اونْلارْدا اِئدی و بو سَفَرْدَه اونْلارا دَوامْلی اولاراقْ، رَهْبَرلیکْ اِئدیرْدی. اونْلارینْ یالنیزْ اونون آرْخاسینْجَه گِئدْمَه سِی لازم ایدی.

![](https://cdn.door43.org/obs/jpg/360px/obs-en-12-03.jpg)

قیسَه مُدّتْدَن سونْرا، فِرعون و اونونْ قومی، اِئدیکْلَرین دَن پِشیمانْ اولْدولار وَ اِسْرائیلین اولادلارینی یِئنی دَن اِسارَتْ آسْتینَه آلْماق ایچین، و اِسْرائیل لی لَری بیر داها قولْلوق اِئدْمَکْ ایچین اونْلاری تَعقیب اِئدیلَر. بو خدا ایدی کِه اونْلارینْ فِکرلَرینی دَییشَنْ اِئدی، تا اونْلارا، یالْنیز وَ حَقیقی خدا اولْدوغونو گؤسْتَرسینْ وَ اِنسانْ لار دؤشونْ سونْلَر کِه، یَهُوَه، فِرعون دَن و مِصْرلی لَرین بُتْ لارینْ دَن داها گوجْلو دور.

![](https://cdn.door43.org/obs/jpg/360px/obs-en-12-04.jpg)

اْسْرائیل لی لَر مِصْر قوشونْلارینی گِئرَنْدَه، آنْلادیلار کِه، قیرمیزی دَنیزْلَه فِرعون قوشونْلارینْ آراسینْدا قالیبْلار. اونْلار چوخْ قورخْدولار و قیشْقیرْدیلار: »بیزْ مِصْری نِئیَه، تَرْکْ اِئدیکْ؟ « ـبیز هامی میز تِئزْلیکْلَه اِئلَه جَه ییکْ! «

![](https://cdn.door43.org/obs/jpg/360px/obs-en-12-05.jpg)

موسا اِسْرائیل لی لَره دِئدی: »قورخْمایینْ! خدا بو گِینْ سیزینْ ایچین دؤیوشورْ و سیزی خِلاصْ اِئدیر. سونْرا خدا موسایا دِئدی: »اِسْرائیل خَلقینَه دِئیینْ کِه قیرمیزی دَنیزَه طَرَف رَوانَه اولْسونْلار. «

![](https://cdn.door43.org/obs/jpg/360px/obs-en-12-06.jpg)

سونْرا خدا بولودْ سُتونی یِئرینْدَن تَرپَتْدِی و اونی اِسْرائیل اولادْلاری نَنْ فِرعون اورْدوسو آراسینْدا یِئرْلَشْدیرْدی تا مِصْرینْ اورْدوسو، اونْلاری داها گِئرْمَه سین.

![](https://cdn.door43.org/obs/jpg/360px/obs-en-12-07.jpg)

خدا موسایا اَلینی دَنیزَه قالْدیرْماغا اَمْر اِئدی. سونْرا خدا دَنیزینْ سویونو ساغا سولا ایتَه لَه یَنْ بیر یِئلْ گِئنْدَرْدی کِه، دَنیزْدَه بیر یولْ آچیلْدی.

![](https://cdn.door43.org/obs/jpg/360px/obs-en-12-08.jpg)

سونْرا اِسْرائیلینْ قوم و اولادْلاری، دَنیزینْ اورْتاسینْدا یولْ لارینَه دَوام اِئدیلَر کِه، اونْلارینْ هَر ایکی طَرفینْ دَه سو دیواری واریدی.

![](https://cdn.door43.org/obs/jpg/360px/obs-en-12-09.jpg)

بونْدان سونْرا خدا بولودْ سُتونونو بیر کِنارا چَکْدی کِه، مِصری لی لَر اِسْرائیل لی لَرین قاچمادیغینی گورْسونلر. نَتیجَه دَه مصْرلی لَر اونْلاری تَعْقیبْ اِئدْمَکْ قَرارینَه گَلْدیلَر.

![](https://cdn.door43.org/obs/jpg/360px/obs-en-12-10.jpg)

بَئلَه لیکْدَه اونْلار اِسْرائیل لی لَرینْ آرْدینْجَه دَنیزَه گیرْدیلَر، لاکینْ، خدا، مِصْرلی لَری قورْخوتْدی و اونْلارینْ اَرابَه لاری نِی پالْچیغا ایلیشْدیرْدی. اونْلار قیشْقیرْدیلار: »قاچینْ، چونْکِه خدا اِسْرائیل لی لَر ایچینْ دؤیوشور. «

![](https://cdn.door43.org/obs/jpg/360px/obs-en-12-11.jpg)

اِسْرائیلین قوم لاری ساغْ و سَلامَتْ دَنیزینْ او بیر تایینَه چاتْدیقْدان سونْرا، خدا موسایا بویورْدی: »اَلینی یِئنی دَن دَنیزه اوزات. « موسا بو ایشی اِئدَنْدَن سونْرا، سو مِصْرلی لَرین و اونْلارینْ دؤیوشْ اَرابَه لاری نینْ اؤزَرینَه دؤشْدی و اونْلارینْ هامی سی دَنیزْدَه بوغولْدولار.

![](https://cdn.door43.org/obs/jpg/360px/obs-en-12-12.jpg)

اِسْرائیل لی لَر مِصْرلی لَرین، اورْدولاری نینْ تَمامی مَحْو اولْدوغونو گِئرَندَه خدا گوْوَنْدیلَر و موسانین خدا طَرَفینْدَن گِئنْدَریلیمیشْ پیغمبر اولْدوغونَه اینانْدیلار.

![](https://cdn.door43.org/obs/jpg/360px/obs-en-12-13.jpg)

اِسْرائیلین قوم و خَلْقی چوخْ سِئوینْدیلَر، چونْکِه خدا اونْلاری قوللوق دان و اِئلیمْدَن خِلاص اِئدی. ایندی اونْلار خدااِ عِبادَتْ اِئدْمَکْ دَه و اونْون آرْدینْجَه گِئدْمَک دَه سَر بَسْت آزاد اِئدیلَر. اِسْرائیل لی لَر آزادْلیق لاری حَقّینْدَه چوخْلو ماهَنی لار اوخویورْدولار و اونْلاری مِصْرین اورْدوسونْدان خِلاص اِئدییی ایچینْ خدااِ حَمْد و ثِنا اِئدیرْدیلَر.

![](https://cdn.door43.org/obs/jpg/360px/obs-en-12-14.jpg)

بِئلَه لیکْلَه، خدا قوم و اِنسانْلارا هَر ایلْ بو حادِثَه نی بایرامْ توتوبْ و شادْلیق اِئدْمَه یی و خدایین مِصْرلی لَری نِئجَه مَغْلوبْ اِئدْمَه یینی و هَم دَه اِسْرائیلینْ قومْلارینی قولْلوقْ دَن آزاد اِئدیینی خاطیرلاماقْ اَمْر اِئدی. اونْلار بو بایرامی پِسَخْ آدلانیرْدیلار. اونْلار هَر ایلْ بو بایرامی قُربانْ کَسْمَکْله و مایاسیز فَطیر چؤرَه کْ نَن قوزونون اَتینی قووورْماقْلا قید اِئدیرْدیلَر و بو بایرام دا شادْلیق اِئدیلَر.

*کتاب مقدسدن بیر حکایه: کتاب خروج فصل۱۲آیه۳۳تا فصل۱۵آیه۲۱*

## 13. خدایین اِسرائیل نَن باغْلادیغی عَهْدی

https://openbiblestories.org/l/kmz/story-13/

![](https://cdn.door43.org/obs/jpg/360px/obs-en-13-01.jpg)

اِسرائیل لی لَر قیرمیزی دَنیزی کِئچْدیکْدَن سونْرا، خدا اونْلاری سینا داغینَه آپاردی. یعنی شو موسانین یانان و آلوولی گِئرَنْ کؤلو، داغ دِئمَکْ دی. سونْرا قوم و جَماعَتْ هَمینْ داغین اَتَه یینْ دَه اُردو و دؤشَرْگَه سالْدیلار.

![](https://cdn.door43.org/obs/jpg/360px/obs-en-13-02.jpg)

خدا موسایَه و اِسرائیلین قوم و خَلقینَه دئدی: »سیز گَرَکْ مَنْ دَن اِطاعَتْ اِئدَه سیزْ وَ سیزینْ نَنْ باغْلادیغیم عَهْدَه صادِق قالاسیز. اَگَر بو ایشی اِئدَه سیز، مَنیم ایچینْ خصوصی مُلْکو، کاهین لَرینْ سَلْطَنتی وَ مُقَدّسْ بیر خَلْق و اُمَّتْ اولاجاق سیز. «

![](https://cdn.door43.org/obs/jpg/360px/obs-en-13-03.jpg)

اِنسالار ایزْلَرینی خدااِ نَنْ گؤروشْمَکْ ایچینْ ایچْ گِینْ حاضِرْلادیلار. بِئلَه لیکْ دَه، خدا ایلْدیریم، دودْ و شیپورْ سَسی نَنْ سینا داغی نینْ قُلَه سینَه اِئینْدی. موسا او داغَه تَکْ و یِئکّه سینَه چیخْدی.

![](https://cdn.door43.org/obs/jpg/360px/obs-en-13-04.jpg)

سونْرا خدا اونْلارا عَهْدْ باغْلادی و دِئدی: »مَن سَیزی مِصْردَه قولْلوقدان /کولَه لیکْ دَن/آزاد اِئدَنْ خدا نیز، یَهُوَه اَم. مَنْدَنْ باشقَه هِئچْ بیر خدا اِ عِبادَتْ اِئدْمَه یینْ. «

![](https://cdn.door43.org/obs/jpg/360px/obs-en-13-05.jpg)

»هِئچْ بُتْ قاییریتْمَه یینْ و اونو عِبادَتْ اِئدْمَه یینْ؛ چونْکِه مَن یَهُوَه گَرَکْ سیزینْ بیرْجَه خدا نیز اولْمالیام. مَنیم آدیمَه حُرْمَتْ سیزلیکْ اِئدْمَه یینْ، شَنْبِه گِینی نی مُقَدّسْ توتینْ. بوتونْ ایشْلَری نیزی آلتی گِینْدَه بیتیرین، چونْکِه یِئدّینجی گینْ دینْجَلَمَه لی وَ مَنی خاطِرلامالی سیزْ. «

![](https://cdn.door43.org/obs/jpg/360px/obs-en-13-06.jpg)

آتا-آنانیزَه حُرْمَتْ اِئدین. هِئچْ کیمی اِئلْدیرْمَه یین، زَنا اِئدْمَه یین، اوغورْلوق اِئدْمَه یین و یالانْ دانیشمَه یین. قوشْنی نینزین مالینَه و قادین نینَه حَریصْ لیکْ اِئدْمَه یین.

![](https://cdn.door43.org/obs/jpg/360px/obs-en-13-07.jpg)

اِنسانلار خدایین اونْلارا وِئرْدی یی قانون و یاسالارا عَمَلْ اِئدْمَه یَه راضی لاشْدیلار. اونْلار خدا اِ مَخْصوص اولْدوقْلارینی و یالْنیز اونَه عِبادَتْ اِئدیکْلَرینی قَبولْ اِئدْیلُر.

![](https://cdn.door43.org/obs/jpg/360px/obs-en-13-08.jpg)

خدا اِسرائیلین خَلقینَه دَه کاتَه بیر چادیر /خیمه/گؤروش ایچینْ، تیکْمَه یی نی اَمْر اِئدی. او اونْلارا تاپْشیردی کِه چادیری، بوتونْ تَفَرُّعاتْ لاری و ایچینْدَه یِئرْلَشْدیریلَه جَکْ هَر شَئِی لَه تیکْسینْلَر. او اَمْر اِئدی کِه چادیر و خیمَه نی ایکی یِئرَه بولْمَکْ ایچینْ، بیر پَرْدَه دَه دوزلَتْسینْلَر. خدا پَرْدَه نین آرْخاسینْداکی اوتاقْدا، ظُهور اِئدیبْ و یاشاییردی. خدایین حُضورونْدا او اوتاقْدا یالْنیز باشْ کاهین نینْ گیرمَه سینَه اِجازَه وِئریلَردی.

![](https://cdn.door43.org/obs/jpg/360px/obs-en-13-09.jpg)

خَلْقین حُضورو ایچین چادیرینْ قارْشیسینْدا دا قُربانگاه قورْمالیدیرْلار. خدایین یاساسینَه تابِع اولْمایانْ، هَر شَخْص قُربانگاهَه بیر حیوان گَتیرمَه لی اِئدی. کاهین گَرَکْ، هَمین حیوانی اِئلْدیریبْ، خدا اَ قُربانْلیق اولاراق، اونو قُربانْگاه دا یانْدیرْمالیدیر. خدا دِئدی کِه قَربانْ کَسیلَنْ حیوانین قانی اِنسانین گُناهی نی اورْتورْ. بِئلَه لیکْده، خدا اونون گُناهینَه مَحَلْ قویْمارْدی و او اِنسان، خدایین نَظَرینْدَه پاکْ و گُناه سیز ساییلیرْدی. خدا موسانین قارْداشی هارونی و اونون نَسْلینی ایزینَه کاهین سِئچْدی.

![](https://cdn.door43.org/obs/jpg/360px/obs-en-13-10.jpg)

سونْرا خدا آن اَمری ایکی داشْلی لوحَه دا یازدی و موسایَه وئردی. خدا اِنسانْلارا باشْقَه یاسالارْدا وِئرْدی تا اونْلارا عَمَلْ اِئدْسینْلَر. خدا سِئز و قولْ وِئرْمیشْ ایدی کِه، اَگَرْ اونْلار بو یاسالارا عَمَلْ اِئدْسینْلَر، اونْلاری خیر و بَرَه وِئریبْ اونْلاری قورویاجاقْ. لاکین، اَگَرْ اِطاعَتْ سیزلیکْ اِئدْسینْلَر، اونْلاری جَزالانْدیراجاقْ.

![](https://cdn.door43.org/obs/jpg/360px/obs-en-13-11.jpg)

موسا گینْلَرلَه سینا داغینْدا قالْدی و خدا لَه دانیشْدی. اِنسالانْلار اونینْ قاییتْماسینی گِزْلَه مَکْدَنْ یورولْدیلار. اونْلار قیزیلْ لاری هارونینْ یانینَه گَتیرْدیلَر و اونْدانْ، خدا عَوَضینَه عِبادَتْ اِئدْمَه لَری ایچین، بیر بُتْ تیکْمَه سینی ایستَه دیلَر. بونونْلا دا خدا اَ قارْشی، داها کاتَه بیر دَهْشَتْلی گُناه، خدایین حَقّینْدَه ایستَه دیلَر.

![](https://cdn.door43.org/obs/jpg/360px/obs-en-13-12.jpg)

هارون جووانَه /بوزو/شَکْلینْدَه قیزیلْدانْ بیر بُتْ دوزلَتْدی. اِنسانْلار بُتَه وَحْشیجَه سینَه سِتایِش اِئدیرْدیلَر و اونین ایچین فَداکارْلیق و قُربانْلیق اِئدیرْدیلَر! خدا اونْلارینْ گَناه لارینَه گِئرَه، اونْلارا چوخْ غَضَبْلَنْدی. بو حالْدا، موسایَه، اونْلاری مَحْو اِئدْمَه سینی خَبَر وِئرْدی. لاکین، موسا خدا دان ایستَه دی کِه بو ایشی اِئدْمَه سین. موسا دُعا ائدی و خدا موسانین دُعاسینی اِئشیتْدیب و قَبولْ اِئدی و اونْلاری مَحْوْ اِئدْمَه دی.

![](https://cdn.door43.org/obs/jpg/360px/obs-en-13-13.jpg)

موسا سینا داغینْدان ائنْنَرْکَنْ اَلینْدَه خدایین اونْ اَمْری یازْدیغی، ایکی داشْلی لوحَه دَه واری. آنجاق او جواننا شَکلینْده بُتی گِئرَنْدَه، اوقَدَرْ چَتینْ غَضَبْلَنْدی کِه، او داشْلی لوحَه لَری یِئرَه چالیبْ سینْدیرْدی.

![](https://cdn.door43.org/obs/jpg/360px/obs-en-13-14.jpg)

سونْرا او بُتی یانْدیریبْ و تیکَه پارَه اِئدیبْ، اونی اَزدی. توزونو سویا تؤکوبْ جَماعَتَه ایچْدیرْدی. خدا اِنسانلارینْ باشینَه فَلاکَتْ گینْدَرْدی و اونْلارین چوخو اِئلْدیلَر.

![](https://cdn.door43.org/obs/jpg/360px/obs-en-13-15.jpg)

موسا سینْدیرْدیغی داشْلی بُتْ لوحَه لَری نین عَوَضینَه، اونْ اَمْرْ ایچین، باشْقَه داشْلی لوحَه لَر یونْدورْدی. سونْرا، یِئنی دَنْ داغین باشینَه چیخْدی و قوم و اِنسانلارینْ گُناه لاری نینْ باغیشْلاماسی ایچین، خدا دَرْگاهینه دُعا اِئدی. خدا موسانین دُعالارینی اِئشیتْدی و اونْلارین گُناه لارینی باغیشْلادی. موسا خدایین یِئنی لوحَه لَره یازْدیغی، اونْ اَمْرلَه، داغْدان آشاغی اِئنْدی. سونْرا، خدا اونْلاری سینا داغینْدان وَعْدَه اِئدیلْمیش دیارا آپارْدی.

*کتاب مقدسدن بیر حکایه : کتاب خروج فصل۱۹تا۳۴*

## 14. شهرده دولاشماق

https://openbiblestories.org/l/kmz/story-14/

![](https://cdn.door43.org/obs/jpg/360px/obs-en-14-01.jpg)

خدا انسانلاری شَریعَتْ یاسالارینْدان خَبَرْدارْلیکْ اِئدیکْدَن سونْرا، اونْلاری سینا داغینَه چیخاریتْدی. اونْلار خدا اَ باغْلادیقْلاری عَهْدَه گِئرَه، شَریعَتینْ قانون و یاسالارینَه تابِع اولمالی اِئدیلَر. خدا اونْلارا وَعْدَه اِئدیلْمیشْ تورْپاق و اؤلْکَه یَه، یَعْنی کَنْعانَه چاتْمالارینی ایستَه دی. خدا اونْلارین قاباغینْدا بولودْ سُتونونْدا گِئدیرْدی و اِنسانلار دا اونینْ آرْدینْجَه گِئدیرْدیلَر.

![](https://cdn.door43.org/obs/jpg/360px/obs-en-14-02.jpg)

خدا اِبْراهیمَه، اِسحاقَه و یَعْقوبَه سِئزْ و قولْ وْئرْمیشْدی کِه، وَعْدَه اِئدیلْمیشْ تورْپاق و اؤلکَه نی اونْلارین اولادْلارینَه وِئرَه جَکْ. لاکین، او وَقْت دَه اورْدا چوخْلو قَبیلَه لَر یاشاییرْدی و اونْلاری کَنعانْ لی لار آدْلانْدیریرْدیلار. کَنْعان لی لار خدااَ تابِع اولْمادیلار و اونَه عِبادَت اِئدْمَه دیلَر. اونْلار یالانْچی خدا لاْرا عِبادَت اِئدیرْدیلَر و چوخْلو پیسْ و شَرْلی ایشْلَر گِئرورْدیرْلَر.

![](https://cdn.door43.org/obs/jpg/360px/obs-en-14-03.jpg)

خدا اِسرائیلینْ قوم و خَلقینَه بویورْدی: »وَعْدَه اِئدیلْمیشْ تورْپاق و اؤلکَه یَه چاتْدیقْدان سونْرا، ایزینیزی گَرَکْ اورْدا یاشایان کَنْعان لی لارینْ شَرّینْدَنْ آزاد اولین. اونْلارلا باریشْمایین و اِئوْلَنْمَه یین. سیز اونْلارین بوتون بُتْ لَرینی مَحْو اِئدْمَه لی سیز. بو اَمْرلَره تابِع اولْماماغین نَتیجَه سی، مَنیم یِئریمَه اونْلارین بُتْ لَرینه عِبادَت اِئدْمَک اولاجاق. «

![](https://cdn.door43.org/obs/jpg/360px/obs-en-14-04.jpg)

اِسرائیل لی لَر کَنْعان تورپاق و اؤلکه لَری نین سَرْ حَدینَه چاتانْدا، موسا هَر قَبیلَه دَن بیر نفر، یعنی اون ایکی کیشی سِئچْدی. او اونْلارا کَنْعان تورْپاغینْدا جاسوس لوق اِئدْمَکْ ایچین یولْ لار اؤرگتْدی و اِجازه وِئرْدی. او هَمچنین اونْلارْدان کَنْعان لی لارین گوجْلو و یا ضَعیف اولْدوغونو آراشْدیرْماغی خواهِش اِئدی.

![](https://cdn.door43.org/obs/jpg/360px/obs-en-14-05.jpg)

او ایکی کیشی قیرْخْ گین کَنعانی گَزْدیلَر و سونْرا، گِئری و دالی قاییتْدیلَر. اونْلار جَماعَتَه دِئدیلَر: »تورْپاق بَرَکَتْ لی دیر، مَحْصولْ لو بولور. « لاکین او جاسوس لارْدان اونْ نَفره دئدیلَر: »شَهْرلَر چوخْ کاتَه دی، امّا اورْداکی اِنسانلار گوچلو و غول پیکر و نِهَنْگ کیمی دیرْلَر. اگر بیز اونْلارا هُجومْ اِئدْسَکْ، مُطْلَقْ مَغْلوبْ اولاجاغیق و اونْلار طَرَفینْدَن اِئلَه جَه ییکْ. «

![](https://cdn.door43.org/obs/jpg/360px/obs-en-14-06.jpg)

سونْرا ایکی آییری آدْلاری کالیبْ و یوشع اولانْ جاسوس لار دئدیلر: »دوغْرو دور کَنْعان خَلقی بیزْدَن هونْدور /اوجا/و گوجْلو دورلار، لاکین، شُبْهَه سیز دیر کی، بیز اونْلاری مَغْلوبْ ائده بیلَریکْ! چونْکِه خدا بیزیم ایچین دؤیوشَه جَکْ. «

![](https://cdn.door43.org/obs/jpg/360px/obs-en-14-07.jpg)

لاکین، قوم و خَلْق یوشع و کالیب نین سِئزْلَرینه قولاق آسْمادیلار و غَضَبْ نَنْ موسایَه و هارونَه دِئدیلَر: »بیزی نِئیَه بو دَهْشَتْلی یِئرَه گَتیرْدینیز؟ بیز گَرَکْ مِصردَه قالمالی ییقْ. اَگَر بیز او تورْپاغه گیرْسَکْ، مُحارِبَه دَه هَلاکْ اولاجاغیق. قادینْلاریمیز، چاغالاریمیزْ اِسارَتَه دؤشَه جَکلَر. « اونْلار مِصرَه قایتارْماق ایچین باشقَه رَهْبَر سِئچْمَک ایستَه ییرْدیلَر.

![](https://cdn.door43.org/obs/jpg/360px/obs-en-14-08.jpg)

خدا جَماعَتین بو سِئزینَه چوخْ غَضَبْ لَنْدی و حَضورْ و گوروش چادیرینَه گَلیبْ دِئدی: »سیز مَنَه عُصیانْ اِئدیریز، بونا گِئرَه دَه سیز هامی نیز چؤل لَردَه سَر گَردان اولاجاق سینیز. کالیبْ و یوشع دَن باشقَه بوتون اییرمی یاشینْدان یوخاری هَر شَخْص شَهْردَه واردی، اَئلَه جَکْلَر و هَرگِز وَعْدَه اِئدیلْمیشْ دیارا گیرْمَه یَه جَکْلَر. «

![](https://cdn.door43.org/obs/jpg/360px/obs-en-14-09.jpg)

اِنسانلار خدایین سِئزْلَرینی اِئشیتْدَن دَه گُناه لارینَه گِئرَه پِشیمان اولْدیلار و کَنْعان لی لارا هُجوم اِئدْمَک قَرارینَه گَلْدیلَر. موسا اونْلارا خَبَرْدارلیق اِئدی کِه، گِئدْمَه سینْلَر، چونْکِه، خدا اونْلارلا دِئییل ایدی. لاکین، اونْلار موسایَه قولاق آسْمادیلار.

![](https://cdn.door43.org/obs/jpg/360px/obs-en-14-10.jpg)

هَمین مُحاربَه دَه خدا اونْلارلا دِئییل ایدی. بِئلَه لیکْلَه، اونْلار کَنعان لی لارا مَغْلوب اولْدیلار و اونْلارین چوخو اِئلْدیلَر. سونْرا، اِسرائیل اولادْلاری کَنْعان تورْپاغینْدان قاییدیبْ قیرْخ ایل چؤل لَرده سَرْگَرْدان دولاشْدیلار.

![](https://cdn.door43.org/obs/jpg/360px/obs-en-14-11.jpg)

اِسرائیل لی لَرین خَلْقی چؤلْ دَه دولاشْدیقْلاری، قیرْخْ ایل عَرْضینْدَه خدا اولارین اِحتیاجْ لارینی اودَه دی. اونْلارا آسْمانْدانْ چؤرَه کْ وِئرْدی، آدی »مَنّا« ایدی. هَمْچِنین اونْلارا بیلْدیرچینْ دَه گینْدَرْدی کِه، اَتی نی یِئیْسینْلَر. بوتون بو مُدَّتْ عَرْضینْدَه خدا اونْلارین کووش لاری نینْ و پالْتارْلاری نین کُهْنَه لَنْدیرمَه سینَه امَکانْ وِئرْمَه دی.

![](https://cdn.door43.org/obs/jpg/360px/obs-en-14-12.jpg)

خدا مُعْجِزَه شَکْلْ لی دَه اونْلارا قایادان ایچْمَکْ ایچین سو وِئرْدی. لاکین، بوتون بونْلارا باخْمایاراق، اِسرائیلین خَلْقی خدا دان و موسادان گِلایه لَه و شِکایَتْ لانْدیرْدی. بونَه باخْمایاراق، خدا اِبراهیم، اِسحاق و یَعْقوبه باغْلادیغی عَهْد دَه صادق قالْدی.

![](https://cdn.door43.org/obs/jpg/360px/obs-en-14-13.jpg)

یِئنَه جَماعَتْ ایچْمَه یَه سو تاپْمایانْدا، خدا موسایَه دِئدی: »قایایا دِئیین کِه، اونْدان سو آخْسینْ. « لاکین، موسا قایایا اَمْر وِئرْمَکْ عَوَضینَه اونو ایکی دَفْعَه اَل آغاجی نَنْ دَیَنْنَکْلَه ووردی و بونونْلا دا خدا اَ حُرْمَتْ سیزلیکْ اِئدی. قایادان هَر شَخْص ایچین کِفایَتَه قَدَرْ سو چیخْدی، لاکین، خدا موسایَه غَضَبْ لَنْدی و دِئدی: »سَن وَعْده اِئدیلْمیشْ یِئرَه و اؤلْکَه یَه گیرْمَه یَه جَکْ سَن. «

![](https://cdn.door43.org/obs/jpg/360px/obs-en-14-14.jpg)

اسرائیلین خَلْقی قیرْخْ ایل چؤلْ لَرده دولاشْدیقْدان سونْرا، خدا اَ قارْشی عُصیانْ اِئدَنْ لَرینْ هامی سینی اِئلْدیلر. سونْرا، موسا قوم و خَلْقی یِئنیدَن وَعْدَه اِئدیلْمیش تورْپاق و اؤلْکَه نینْ سَرْ حَدْلَرینَه یاخینْلاشْدیرْدی. موسا چوخ قوجا اولْدوغونَه گِئرَه خدا، یوشع یَه سِئزْ و قول وِئرْمیش ایدی کِه، بیر گین اونین کیمی بیر پیغمبری خَلقَه گینْدَرَه جَکْ.

![](https://cdn.door43.org/obs/jpg/360px/obs-en-14-15.jpg)

خدا موسایَه هونْدور و اوجا بیر داغین باشینَه چیخْماغی اَمْر اِئدی کِه، اورادان وَعْدَه اِئدیلْمیش تورْپاغی گیرْسین. موسا وَعْدَه اِئدیلْمیش تورْپاغی گیرْدی، لاکین، خدا اونین ایچَری گیرمَه سینَه، اِجازَه وِئرْمَه دی. سونْرا، موسا اِئلْدی و اِسرائیلین قوم و خَلْقی اونین ایچین اوتوزْ گین یاس توتْدیلار. یوشع اونْلارین رَهْبَری اولدی. او، خدا اَ گووَنْدییی و اِطاعَتْ اِئدْمَه یی ایچین، یاخْشی رَهْبَرْ اِئدی. چونْکِه، او، خدا اَ تَوَکُلْ اِئدیبْ و اونَه اِطاعَتْ اِئدیرْدی.

*کتاب مقدسدن بیر حکایه : کتاب خروج فصل۱۶و۱۷، کتاب اعداد فصل۱۰تا۱۴، کتاب تثنیه فصل۳۴*

## 15. وَعْدَه اِئدیلْمیشْ اؤلْکَه.

https://openbiblestories.org/l/kmz/story-15/

![](https://cdn.door43.org/obs/jpg/360px/obs-en-15-01.jpg)

نهایت، اِسْرائیل خَلْق نین وَعدَه اِئدیلْمیش تورْپاق و اؤلْکَه، یعنی کَنْعانَه گیریشْمَه سین وقتی گَلْدِی. اورْدا "اریحا"آدلی بیر شهر واریدی، اطرافِی مُحْکَمْ دیوارلارْ نَنْ قورولْموشْ اِئدی. یوشع او شَهْرَه ایکی جاسوس گِینْدَرْدی. اورْدا "راحاب"آدلی بیر فاحِشَه خانیم یاشاییردی. او جاسوس لاری اِئزْ یانینْدا گیزْلَتْدی و اونْلارینْ شَهْردَن قاچْماسینا کُؤمکْ اِئدی. او، خدا اَ اینادیغی ایچین، بو ایشی گیردی. جاسوسْلار راحابه سؤز و قولْ وِئرْدیلَر، اریحانی مَحْو اِئدَنْدَنْ سونْرا، اونُو و عائِلَه سینی قورویاجاقْلار.

![](https://cdn.door43.org/obs/jpg/360px/obs-en-15-02.jpg)

وَعْدَه اِئدیلْمیش دیارا گِئدْمَک ایچین، اِسرائیل لی لَر، گَرَکْ اُرْدون چایین دان کِئچْمَه لی اِئدیلَر. خدا یوشع-یه دِئدی: »اَوّلْ کاهِنْلری گِینْدَرْ. « کاهِنلَرین آیاغْلاری اُرْدون چایین نین سویونا چاتانْدا، آخارْ سو دایانْدی و اِسرائیل لی لَر، قورولْموشْ چایْدان کِئچَه بیلْدیلَر.

![](https://cdn.door43.org/obs/jpg/360px/obs-en-15-03.jpg)

او قوم اُرْدون چایین دان کِئچَنْدَن سونْرا، خدا یوشع-یه دِئدی کِه، قُدْرَتْلی "اریحا"آدلی شَهْرَه هُجومَه حاضر اولْسین. خدا خَلْقَه دِئدی: کاهِنْلَر و قوشون، گَرَکْ آلْتی گِینْ عَرضینْ دَه و هَر گینْدَه بیر دَفعَه شَهرین اطرافینْ دَه گَزْسینْلَر. بِئلَه لیکْلَه، کاهِنلَر و قوشون بو ایشی اِئدیلَر.

![](https://cdn.door43.org/obs/jpg/360px/obs-en-15-04.jpg)

یِئدّینْجی گینْ، اِسرائیل لی لَر، گَرَکْ شَهْری یِئدّی دَفعه دورَه وورسون اِئدیلَر، سونْرا، کاهِنلَر شیپورْلاری چالْسینْلار و بوتونْ خَلْق اوجادان قیشْقیرْسین. اونْلار بو ایشی دَه اِئدیلَر.

![](https://cdn.door43.org/obs/jpg/360px/obs-en-15-05.jpg)

سونْرا، اریحا شَهرین اطرافینْ دَه بوتون دیوارْلار اوچْدی. اِسرائیل لی لَر، خدایین اَمْری نَنْ، شَهریین ایچینْدَه، بوتون هَر زادْلار کِه واریدی، مَحْو اِئدیلَر. یالْنیز اِسرائیل لی لَره قوشولانْ،"راحاب"آدلی و اونون عائِله سی ساغ قالْدیلار. وَقتی کَنْعان تورْپاغینْدا یاشایان، او بیر قَبیلَه لَر، اِسرائیل لی لَر، اریحا شَهرینی دارْماداغونْ اِئدیکْ لَرینی بیلَنْدَه، اِسرائیلین خَلقی، اونْلارا داها هُجوم اِئدْمَه سینْدَن چوخْ قورْخْدیلار.

![](https://cdn.door43.org/obs/jpg/360px/obs-en-15-06.jpg)

خدا کَنعان دَه هِئچ بیر قَبیلَه نَنْ باریش موقاویلاسی باغْلاماغینی، اْسرائیل خَلقینَه، اَمْر اِئدْمَه میشْ ایدی. لاکین،"جبعونیان"آدلانانْ، کَنعانین قَبیلَرینْدَن بیر، یوشع-یه، یالانْ دانیشْدی و اونْلار، کَنعان دان اوزاق بیر یِئرْدَن گَلْدیکْ لَرینی اِدْعا اِئدیلَر. اونْلار یوشع دَن ایسْتَه دیلَر، اونْلار نَنْ باریش موقاویلاسی باغلاسین. یوشع و اِسرائیلین دیگر رَهبَرلَری، خدا اَ دَن مِصْلِحَت سیزْ، جبعونیان نَنْ موقاویلَه سی باغلادیلار.

![](https://cdn.door43.org/obs/jpg/360px/obs-en-15-07.jpg)

ایچْ گینْدَن سونْرا، اِسرائیل لی لَر، جبعونیانین کَنعانْلی اولْدوغونو باشا دؤشْدیلَر. بِئلَه لیکْدَه، اونْلارین آلْدادیلْماسینا غَضب لَنْدیلَر. امّا، اونْلار نَنْ باریش موقاویله سینی پوزْمادیلار، چون، او موقاویله نِی خدایین حُضورونْدا باغْلامیش ایدیلَر. بونْدانْدا بیر آز مُدّت دَن سونْرا، کَنعانْلارین باشْقا قَبیلَه سین "اموریان"آدلانان پادشاه لاری، وقتی جبعونیان نَن اسرائیل لَرین باریش موقاویله سی باغْلادیقْ لارینی، اِئشیدیلَر، بیر-بیرله اِتْفاق اولوب و عَهْد باغْلادیلار و اِئزْ قوشْنِی لارینی توپْلاییبْ و جبعونیان لارین قوشونونا هَجوم اِئدیلَر. بو حالْدا، جبعونیان لار، یوشع دَن کُؤمَکْ ایستَه دیلَر.

![](https://cdn.door43.org/obs/jpg/360px/obs-en-15-08.jpg)

یوشع اِسرائیل اورْدوسونو توپْلادی. اونْلار بوتون گِئجَه نِی جبعونه چاتانا قَدَرْ یولْدا اِئدیلَر. اونْلارْ سِحَرْ تِئزَه دَن و غافیلْدان اموریان لارا هُجوم اِئدیلَر.

![](https://cdn.door43.org/obs/jpg/360px/obs-en-15-09.jpg)

خدا او گینی اِسرائیل ایچین دؤیوشْدی. او، اموریان لاری چاشْدیرْدی، آسْمانْدان کاتا تولولاری یاغْدیرْدی و چوخْلُو اموریان لاری اِئلْدیرْدی.

![](https://cdn.door43.org/obs/jpg/360px/obs-en-15-10.jpg)

خدا هَمچِنین آسْمانْدا گینَشین حَرَکَتینی دایانْدیرْدی، تا اِسرائیل قوشونْلارین، اموریان لاری تمامیلا مغلوب اِئدْمَکْ ایچین، کِفایَت قَدَرْ وَقت اولْسون. خدا او گین اسرائیل لَره کاتا غَلَبَه قازانْدیرْدی.

![](https://cdn.door43.org/obs/jpg/360px/obs-en-15-11.jpg)

خدا بو اورْدولاری مَغْلوب اِئدیکْدَن سونْرا، بیر چوخ دیگر کَنعان قَبیله لَری، اِسرائیل لی لَرَه هُجوم اِئدْمَکْ ایچین بیرْلَشْدیلَر. یوشع و اسرائیل لی لَر، اونْلارا هُجوم اِئدَرَکْ اونْلاری مَحْو اِئدیلَر.

![](https://cdn.door43.org/obs/jpg/360px/obs-en-15-12.jpg)

بو مُحارِبَه لَرْدَنْ سونْرا، خدا اِسرائیلین هَر قَبیلَه سینَه وَعْدَه اِئدیلْمیشْ تورْپاقْدان بیر پایْ وِئرْدی. سونْرا، خدا اِسرائیلین بوتون سَرْحَدْلَرینْدَه باریش یاراتْدی.

![](https://cdn.door43.org/obs/jpg/360px/obs-en-15-13.jpg)

یوشع قوجالانْدا، بوتون اِسرائیل لی لَری توپْلادی. سونْرا، او، اِنسانْلارا سینا داغینْدا خدایین اونْلارا باغْلادیغی عَهْدَه تابِع اولْماغا سؤز وِئرْدیکْلَرینی خاطرلادی. اِسرائیل لار خدا صادِق قالْماغا و اونون قانون لارینْا تابِع اولْماغا سؤز وئرْدیلَر.

*کتاب مقدسدن بیر حکایه: کتاب یوشع فصل۱تا۲۴*

## 16. خِلاصْ کارْلار.

https://openbiblestories.org/l/kmz/story-16/

![](https://cdn.door43.org/obs/jpg/360px/obs-en-16-01.jpg)

یوشع نین اِئلیمینْ دَن سونْرا، اِسرائیل خَلْقی خدایین اَمْرلَرینَه تابِع اولْمادیلار و بوتون کَنعان لَری وَعْدَه اِئدیلْمیش تورْپاق دان قوومادیلار. اونْلار هَمْچِنین حَقیقی خدا یَهُوَه یِئرینُه، کَنعان بُت لَرینَه سِتایِش اِئدْمَه یِی باشْلادیلار. او زَمان اِسرائیل خَلقین پادشاهی یوخیدی. اونَه گیرَه دَه هَر کَسْ اِئزْ فِکرینَه اویْغون داورَنْدی.

![](https://cdn.door43.org/obs/jpg/360px/obs-en-16-02.jpg)

اِسرائیل خَلْقی نین اِطاعَت سیزلی یی، اونْلار حَیاتینْدَه نِئچَه دَفْعَه لَره تِکرارلانان حادِثَه لَر سِلْسِلَه سی نین یارانْماسینا سَبَبْ اولْدی. بو دورَه نین حادثَه لَری بِئله اِئدی: اِسرائیل خَلقی بیر نِئچَه ایل خدا اَ اِطاعَت سیزلیکْدَه دوام اِئدی. سونْرا، خدا دُشْمَن لَرینی جَزالَنْدیرْماق ایچین اونْلارا قالیب گَلْمَه یَه اِجازَه وِئرْدی. دُشْمَنْلَری اونْلارین مُلْک لَرینی غارَتْ اِئدیب، داغیدیب، بیر چوخونو اِئلْدیرْدیلَر. سونْرا، ایل لَرلَه دُشْمَنْ لَری طَرفینْ دَنْ سیخیشْدیرْدیق دان سونْرا، خدا اَ توبَه اِئدَه رَکْ، اونْدان اونْلاری دُشمن لَرینْدَن آزاد اِئدْمَه سینی ایستَه دیلَر.

![](https://cdn.door43.org/obs/jpg/360px/obs-en-16-03.jpg)

هر دَفعَه توبَه اِئدْمَکْ دَه خدا بیر خِلاصْ کار گیندَرْمَکْ نَنْ اونْلاری آزاد اِئدَرْدی. هَمین شَخص اونْلارین دُشمن لَری نَنْ ووروشوب و اونْلاری مَغلوب اِئدَرْدی. بِئلَه لیکْلَه، اونْلارین تورْپاقّینْدا امین–امانْلیق یارانار و آزاد اِئدَنْ شَخص اونْلاری یاخْشیلیق نَنْ اِدارَه اِئدَرْدی. خدا اِسرائیل خَلقی نی آزاد اِئدْمَکْ ایچین چوخلو خِلاص کارْلار گینْدَرْدی. خدا اونْلارین مَدیان آدلی بیر قوروپْ دُشمَنینَه اِسرائیل خَلقینی مَغْلوب اْئدْمَه- یَه اِجازَه وِئرْدیکْ دَنْ سونْرا، یِئنیدَن، اونْلارا خِلاص کار گینْدَرْدی.

![](https://cdn.door43.org/obs/jpg/360px/obs-en-16-04.jpg)

مدیانیان یِئدّی ایل عَرضین دَه، اِسرائیل خَلقی نین اَکینْ لَرینی غارَتْ اِئدیلَر. اِسرائیلین قومْلَری، مدیانیان لار اونْلاری تاپْماماسین دان قورْدوخْلاری ایچین، قَواخْلار ده گیزلَنیرْدیلَر. نِهایَت، خدا دان، اونْلاری خِلاص اِئدْمَه سینی ایستَه دیلَر.

![](https://cdn.door43.org/obs/jpg/360px/obs-en-16-05.jpg)

بیر گین "جِدعون"آدلی اِسرائیل لی بیر آدام گیزْلینْجَه بوغْدا دویورْدی، مدیانیان اونو غارَت اِئدَه بیلْمَه سینْلَر. بو زَمان یَهُوَه ملائکَه اونی گیرَندَه، دئدی: »ای ایگید دویوشْچو، خدا سَنینْ نَنْ دی. گِئدینْ اِسرائیلی مدیانیان لارین اَلینْدَن قورْتارینْ. «

![](https://cdn.door43.org/obs/jpg/360px/obs-en-16-06.jpg)

جِدعونون آتاسی، قُربان گاهی نِی، بیر بُتَه تَقدیم اِئدْمیشْ ایدی. خدایین، جدعونَه ایلْکْ ایستَه دیی، او قُربان گاهی داغیتْماق اِئدی. لاکین، جِدعون خَلْق دَن قورخْدوغو ایچین گِئجَه یاریسینَه قَدَرْ گِئزْلَدی. سونْرا، قُربان گاهی سینْدیریبْ، سینْدیرْدی. او، هَمین یِئرین یاخینْلیغینْ دا خدا ایچین یِئنی بیر قُربان گاه دوزلَتْدی و اونین اوزَرینْده قُربان کَسْدی.

![](https://cdn.door43.org/obs/jpg/360px/obs-en-16-07.jpg)

سِحَرینْ اِئرْتَه سی گین، جَماعَت بیر کَسْ قُربان گاهی سیندیریبْ داغیدّیغینی گیردیلَر و چوخ غَضَبْ لَنْدیلَر. اونْلار جِدعونو اِئلْدیرْمَکْ ایچین، اونین اِئوینَه گِئدیلَر، لاکین، جِدعونین آتاسی دِئدی: »ئِیه تانْری نیزَه کؤمَکْ اِئدْمَکْ ایستَه ییریز؟ اگر او خدا دیرسَه، اِئزینی قورسون. « اونْلار جِدعونین دِئدیکْلَرینَه گیرَه اونی اِئلْدیرْمَکْدَن اَل چَکْدیلَر.

![](https://cdn.door43.org/obs/jpg/360px/obs-en-16-08.jpg)

بونْدان سونْرا، مدیانیان، اِسرائیل خَلقینی تالاماق ایچین یِئنی دَن گَلْدیلَر. اونْلارین سایی او قَدَرْ چوخ اِئدی، سایماق مُمکون دئییل اِئدی. جِدعون بوتون خلق مدیانیانی قارْشی دؤیوشْمَه-یَه چاغیرْدی. جِدعون خدا دان ایکی عَلامَت ایستَه دی، خدا حَقیقَتْ دَن اونْدان اسرائیلی خِلاص اِئدْمَه سینی ایستَه دی.

![](https://cdn.door43.org/obs/jpg/360px/obs-en-16-09.jpg)

ایلْکْ عَلامَت ایچین جِدعون یِئرَه قویون دَری سینْ دَن بیر پارچَه قویْدی و خدا دان نَمْ یالنیز اوتورماسینا اِجازَه وِئرْمَه سینی ایستَه دی، لاکین، یِئر قورو قالْسین. خدا دا بو ایشی بِئله اِئدی. او بیر گین اِئرْته سی، او، خدا دان تورپاغین هِئل اولْماسینی و دَری نین ایسَه قورو قالْماسینی ایستَه دی و خدا داها دا بونو اِئدی. بو ایکی عَلامَت جِدعونی اینانْدیرْدی، خدا اونْدان اِسرائیلی مدیانیان لارْ دان خِلاص اِئدْمَکْ ایستَه ییردی.

![](https://cdn.door43.org/obs/jpg/360px/obs-en-16-10.jpg)

اوتوزْ ایکی مینْگ، اِسرائیل قوشونو جِدعون یانینَه گَلْدیلَر. لاکین، خدا اونا اونْلارین سایی نین چوخْ اولْدوغونو سؤیلَه دی. جِدعون مُحاربَه دان قورْخانْ، ییرمی ایکی مینْگ قوشونو اِئولَرینَه گینْدَرْدی. خدا جِدعونَه بیر داها دِئدی کِه، بو رَقَمْ حَدّنْ آرْتیق چوخْ دی. جِدعون ایچْ یوزْ نَفَردَن باشْقا اونْلاری هامی سینی اِئوْلَرینَه گینْدَرْدی.

![](https://cdn.door43.org/obs/jpg/360px/obs-en-16-11.jpg)

هَمین گِئجَه خدا جِدعونَه دِئدی: »مدیانیان دؤشَرْگه سینَه گِئدین، اونْلارین سِئزلَرینی اِئشیتْدَنْ دَه، داها اونْلارا هُجومْ اِئدْمَکْ دَن قورخْمایاجاقسان. « جِدعون اونْلارین دوشَرْگه سینَه گِئدی و مدیانیان بیر عَسْگرینی یوخودا گیرْدیکْلرینی دوستونَه دانیشْدیق نی اِئشیتْدی. دوستو اونَه دِئدی: »یوخوسونین معناسی او ایدی کِه، جِدعونون اورْدوسو بیزیمْ مدیانیان اورْدوسونو مَغْلوبْ اِئدَه جَکْ. « جِدعون بونو اِئشیتْدَنْ دَه خدا حَمْد اِئدی.

![](https://cdn.door43.org/obs/jpg/360px/obs-en-16-12.jpg)

جِدعون عَسْگرْلَری نین یانینا قاییدیبْ اونْلارین هَر بیرینَه بیر شیپورْ و ایچینْدَه مَشْعَلْ اولان بیر شَخصی قابْ کوزه وِئرْدی. مدیانیان عَسْگَرلَر یاتارْکن دُشْمَن دوشَرْگه سینی مُحاصِرَه-یَه آلْدیلار. جِدعونون ایچ یوز عَسْگَری مَشْعَل لَرینی بیر کوزَه-یه قویْموشْدولار کِه، مدیانیان لار مَشْعَلْ لَرین ایشیغینی گورمَه سینْلَر.

![](https://cdn.door43.org/obs/jpg/360px/obs-en-16-13.jpg)

سونْرا، جِدعونون بوتون عَسْگَرلَری عینی آنْدا کوزَه لَرینی سینْدیرْدیلار و مَشعَل لَرین ایشیغی گورونْدی. اونْلار شیپورلارینی چالارْکَنْ، قیشْقیرْدیلار: »قیلینْجْ یَهُوَه و جدعون اوچون. «

![](https://cdn.door43.org/obs/jpg/360px/obs-en-16-14.jpg)

خدا مدیانیان لاری او قَدَرْ ناراحت اِئدی کِه، اونْلار بیر-بیرلَرینَه هُجوم اِئدیب اِئلدیرمَه-یَه باشْلادیلار. جِدعون دَر حال اِسرائیل خَلقینی اِئوْلَرینْدَن چاغیرْدی، تا مدیانیان لاری قووماغا کؤمَکْ اِئدْسینْلَر. چوخلو مدیانیان لاری اِئلْدیرْدیلر و قالانْلارینی اِسرائیل تورْپاغینْدان قوودیلار. هَمین گین، یوزْ ییرْمی مینْگ مدیانیان لی اِئلْدیلَر. بِئلَه لیکْ دَه، خدا اِسرائیل خَلقینی خِلاص اِئدی.

![](https://cdn.door43.org/obs/jpg/360px/obs-en-16-15.jpg)

خَلْق جِدعونو اِئزْلَرینَه پادشاه اِئدْمَکْ ایستَه ییرْدیلَر. او، اونْلار بونون اِئدْمَه-یَه اِجازَه وِئرْمَه دی، لاکین، اونْلارْدان مدیانیان لارْدان آلْدیقْلاری قیزیل اوزوکْلری نین بیر حصّه سینی اونا وِئرْمَه لَرینی ایسْتَه دی. خَلْق جِدعونَه چوخلو قیزیل وِئرْدیلَر.

![](https://cdn.door43.org/obs/jpg/360px/obs-en-16-16.jpg)

جِدعون هَمین قیزیل لارْدان باش کاهِنلَرین گِئییدیبب کیمی جِلیقَه تیکْدی. لاکین، اِنسالار بُتْ کیمی تیکیلْمیش سِتایِش اِئدیرْدیلَر. بونَه گِئرَه دَه خدا اِسرائیل خَلقینی یِئنی دَنْ بُتْ پَرست لیکَه گَله جَکْ لَرینَه گیرَه جزالانْدیرْدی و دُشمن لَری نین اونْلارا مَغْلوب اِئدْمَه سینی اِجازَه وِئرْدی. نِهایَت، اونْلار یِئنَه خدا دان کؤمَکْ ایستَه دیلَر و خدا اونْلارا بیر باشْقا خِلاص کار گینْدَرْدی.

![](https://cdn.door43.org/obs/jpg/360px/obs-en-16-17.jpg)

بو دورْرَه ده، دَفعَه لَر تِکرار اولونْدی: اِسرائیلین قومو گناه اِئدی، داها اونْلاری جَزالانْدیرْدی. توبَه اِئدیلَر و خدا اونْلارا بیر خِلاص کار گینْدَرْدی. ایل لَر عَرضینْ دَه خدا اِسرائیل خَلقینی دُشمن لَرینْ دان خِلاص اِئدْمَکْ ایچین چوخلو خِلاص کار آدامْلار گینْدَرْدی.

![](https://cdn.door43.org/obs/jpg/360px/obs-en-16-18.jpg)

نِهایَت، اِسرائیل خَلقی، خدا دان باشْقا خَلق لَر کیمی، اونْلارا دا پادشاه وِئرْمَه سینی ایستَه دیلَر. مُحاربَه لَردَه اونْلارا، رَهبَرلیکْ اِئدَه بیلَه جَکْ، هونْدور و گوجْلو بیر پادشاه ایستَه دیلَر. خدا بو ایستَه مَکْ دَن راضی قالْمادی، لاکین، اونْلارا ایستَه دیکْ لَری کیمی بیر سِلطَنَت وِئرْدی.

*کتاب مقدسدن بیر حکایه: کتاب داوران فصل۱تا۳و۶تا۸؛ کتاب اول سموئیل فصل۱تا۱۰*

## 17. خدایین داود نَنْ باغْلادیغی عَهْد

https://openbiblestories.org/l/kmz/story-17/

![](https://cdn.door43.org/obs/jpg/360px/obs-en-17-01.jpg)

شائول اِسرائیلین ایلْکْ پادشاهی اِئدی. اِنسانْلارین ایسْته یی کیمی، اوجا بویْلو، هونْدورْلو و یاراشیلیق اِئدی. او، پادشاه لیغی نین اوّلینْ دَه یاخْشی بیر پادشاه اِئدی. لاکین، او، یاواش-یاواش خدا اَ تابِع اولْمایانْ پیسْ بیر انسانَه چِئویریلْدی. بِئلَه لیکْلَه، خدا اونونْ یِئرینَه باشْقا بیر آدامی پادشاه سِئچْدی.

![](https://cdn.door43.org/obs/jpg/360px/obs-en-17-02.jpg)

خدا "داود"آدْلی بیر گَنْج اِسرائیلینی سِئچْدی، و اونا دئدی، پادشاه شائولون یِئرینَه، اِئزینی حاضِر ائدْسین. او بِیتْلَحْم اهالی سینْدَه بیر چوبان اِئدی. او آتاسین قویونْلارینی قورویارْکَن، سوروسونو ایکی دَفعَه بیر آیی و آسْلانینْ هُجومونْدان خِلاصْ اِئدَه رَکْ، او ییرتینْچی حیوانلاری اِئلْدیرْدی. داود، فَروتَن و عادِل بیر اِنسانْ اِئدی. خدا اَ اِعْتِمادی واریدی و اونا اِطاعَتْ اِئدیرْدی.

![](https://cdn.door43.org/obs/jpg/360px/obs-en-17-03.jpg)

داود هَلَه گَنْج ایکَن، ایچ مِتْر بویو و چوخْ گوجْلو اولانْ "جُلیات"آدْلی نَنْ قارْشی دؤیوشْموشْ اِئدی. لاکین، خدا داودا جُلیاتی اِئلْدیرْمَه -یَه و اِسرائیلی خِلاصْ اِئدْمَه-یَه، کؤمَکْ اِئدی. بونْدان سونْرا، دَفعَه لَرلَه اِسرائیلین دُشْمَنْ لَرینی مَغْلوبْ اِئدی. او، گوجْلو بیر عَسْگَر اولْدی و بیر چوخْ دؤیوشْلَردَه اِسرائیل خَلْقینی رَهْبَرْلیکْ اِئدی. بوتون اِنسانلار اونا چوخْ حیرانْ اِئدیلَر و اونو چوخْ سِئویرْدیلَر.

![](https://cdn.door43.org/obs/jpg/360px/obs-en-17-04.jpg)

خَلْقینْ داودا مُحَبّتی، شائولو قیشْقانیرْدی. نِهایَت، شائول داودو اِئلدیرْمَکْ قَرارینَه گَلْدی، لاکین، او، چؤلَرَه قاچیبْ گیزْلَنْدی. بیر گون شائول و عَسْگَرلَری دواودو آخْتارارکَن شائول تَصادُفا دواودون گیزْلَنْدیی قواخَه گیرْدی. شائول داودو گِئرمَه دی. داود شائولَه یاخینْلاشْدی و شائولون پالْتارینْدان بیر پارچَه کَسْدی. شائول قَواخْدنْ چیخانْدا، داود قیشْقیراق کَن شائولون پالْتارینْدان بیر پارچَه گوسْتَرْدی. بِئلَه لیکْلَه، شائولَه ثابِتْ اولْدی کِه، داود اونو اِئلدیرمَکْلَه پادشاه لیغی اَلْدَه اِئدْمَکْ ایسْتَه میر.

![](https://cdn.door43.org/obs/jpg/360px/obs-en-17-05.jpg)

نِهایَتْ، شائول دؤیوشْدَه اِئلْدیریلْدی و داود اِسرائیلین پادشاهی اولْدی. او، یاخشی پادشاه اِئدی و خَلْق اونو سِئویرْدی. خدا داودا خیر و بَرَه وِئرْدی و اونون بوتون ایشْلَرینْدَه اوغورْ قازانْدی. داود بیر چوخْ مَحارِبَه لَردَه اِشْتِراکْ اِئدی و خدایین کؤمَه یی نَنْ اِسرائیلین دُشْمَنْلَرینی مَغْلوب اِئدی. داود اورْشَلیمی فَتْح اِئدی و بو شهر اونون پایتخت اِئدی. داود اورادا یاشادی و دَفْن اِئدیلْدی. او قیرْخ ایل پادشاه لیق ائدی و بو مُدّت عرضینْ دَه اِسرائیل گوجْلَنیب و وارْلَنْدی.

![](https://cdn.door43.org/obs/jpg/360px/obs-en-17-06.jpg)

داود بوتون اِسرائیل خَلْق نین خدا اَ عِبادَت اِئدْمَه و اونا قُرْبان کُسَه بیلَه جَه یی ایچین، بیر مَعْبَد تیکْمَکْ ایسْتَه ییرْدی. موسانین تیکْدییی حُضورْ چادیری آدلانان یِئرْدَه، تَخْمین نَنْ قیرْخ یوزْ ایل اِنسانْلار عِبادَت اِئدیبْ، اورْدا قُربان کَسمیشلَر، او یِئری معبد ایچین سِئچْدی.

![](https://cdn.door43.org/obs/jpg/360px/obs-en-17-07.jpg)

لاکین خدا داودا،"ناتان"آدلی بیر پیغمبر گینْدَرْدی و اونا دِئدی: »چوخْلو دؤیوشْلَردَه اولْموشْ سانْ، مَنیم ایچین مَعبدی تیکْمَه یَه جَه سَن، آنْجاق اوغْلون تیکَه جَکْ. بونا باخْمایاراق، مَنْ سیزَه چوخْلو خیر و بَرَه وِئرَه جَه یَم. سَنین نَسْلین دَن بیری خَلْقیم اؤزَرینْدَه تا اَبَدْ دَه چَنْ پادشالیق اِئدَه جَکْ. « داوودون نَسْلین دَن اَبَدی پادشاه لیق اِئدَه بیلَه جَه یی، یِگانَه شَخْص "مَسیح"اِئدی. مَسیح دُنیانی اونْلارین گناه لاریْندان خِلاصْ اِئدَه جَه یی و خدایین سِئچیلْمیش شَخصی اِئدی. «

![](https://cdn.door43.org/obs/jpg/360px/obs-en-17-08.jpg)

داود بو سِئزی اِئشیتْدَن دَه خدا اَ شوکورْ اِئدیبْ و حَمْد اِئدی. خدا دا اونو اوجا ائدیب و چوخْلو خیر و بَرَه وِئرْدی. البته، داود خدایین وَعْدَه لَری نین یِئرینَه یِئتْمَه سینْدَن خبرْسیز اِئدی. امّا، اینْدی بیز بیرلیکْ کِه، اِسرائیلین خَلْقی داوودون دورونْدَن دَکْ مَسیح گَلیشینَه چَنْ، تَخْمینَه مینگ ایل گیزْلَه مَه لی اولْدیلار.

![](https://cdn.door43.org/obs/jpg/360px/obs-en-17-09.jpg)

داود اوزون ایلْلَر عدالَت لَه حُکومَت دارْلیق اِئدی. او، خدا اَ اِطاعَت ائدی و خدا اونا خیر و بَرَه وِئرْدی. لاکین، عومْرونون سونوندَه خدا اَ قارشی کاتا بیر گناه ایشْلَتْمیش ائدی.

![](https://cdn.door43.org/obs/jpg/360px/obs-en-17-10.jpg)

بیر گون وقتی، بوتون عَسْگَرلَر دؤیوش ایچین شَهردَن دیشاری گِئدْمیش دیلَر، داود سارایین دامینْدان چؤل و ائشیگَه باخْدی و گِئزَلْ بیر قادینین حَمام و چیمّکْدَه اولْدوغونو گِئردی. داود اونو تانیمیرْدی، لاکین، اونون آدینین بَتْشِبَع اولْدوغونو باشا دؤشْدی.

![](https://cdn.door43.org/obs/jpg/360px/obs-en-17-11.jpg)

داود سیناقدان یانینْماق و وسوسَه دَن اوزاقْلاشْماق عَوضینَه، قادینی یانینا گتیرْمَکْ ایچین بیرینی اونون یانینا گینْدَرْدی. هَمین قادینْلا یاتدی، سونْرا، اونون اِئز ائوینَه گینْدَرْدی. بیر آز مُدَتْ دَن سونْرا، بَتْشِبَع داودا خبر گینْدَرْدی و اوندان حامِلَه اولْدوغونو بیلْدیرْدی.

![](https://cdn.door43.org/obs/jpg/360px/obs-en-17-12.jpg)

بَتْشِبَع نین اَرین، آدی اورْیا اِئدی، داودون اَنْ یاخْشی عَسْگَرلَرینْدَن بیر، شو اورْیا اِئدی. اورْیا او وقت ائوْدَن اوزاقْدا و دؤیوشْدَه اِئدی. داود اونو چاغیریبْ و دئدی کِه، ائوینَه گِئدین، آرْوادنین یانینْدا اولون. آنجاق دیگر عَسْگَرلَر دؤیوش میدانینْدا اولارْکَن، اورْیا اِئوَه قاییدماقْدان اِمتِناع اِئدی. بونا گِئرَه دَه داود اوریانی داها گَنَه دؤیوش میدانینَه گینْدَرْدی و سَرکَردَه لَردَن خواهِشْ اِئدیب و ایسْتَه دی، اونو دؤیوشونْ اونْگ جَرْگَه سینْدَه یِئرْلَشْدیرْسینْلَر تا اونو اِئلْدیرْسینْلَر. بِئلَه لیکْلَه، اوریا دؤیوشْدَه اِئلْدیریلْدی.

![](https://cdn.door43.org/obs/jpg/360px/obs-en-17-13.jpg)

اوریا اِئلْدیریلْدیکْ دَنْ سونْرا، داود بَتْشِبَع نَنْ اِئوْلَنْدی و او، بیر اوغول دوغْدی. خدا داودون اِئدیکْلَرینَه غَضَب لَنْدی، اونا گِئرَه دَه داودون گناهینی چیرکینْلیی بارَه دَه اونو خبردار اِئدْمَکْ ایچین "ناتان"پیغمبری گینْدَرْدی. داود گناهینی اِعتِراف اِئدی و خدا اونو باغیشْلادی. داود عومرونون سونونا قَدَرْ، حتّی اَن چَتینْ شَرایِط دَه بِئله، خدایین آرْدینْجا گِئدی و اونا اِطاعَت اِئدی.

![](https://cdn.door43.org/obs/jpg/360px/obs-en-17-14.jpg)

گناهین جَزاسی اولاراق داودون اوغْلو اِئلْدی. هَمْچِنین، عائِلَه سی نین بیر چوخْ اوزو اونا قارشی عُصیان اِئدی و اونون گوجو خیلی آزالْدی. لاکین، داودون اِطاعَت سیزلیینَه باخْمایاراق، خدا اونونْلا باغلادیغی عَهْدَه صادِق قالْدی و اونو یِئرینَه یِئتیرْدی. داها سونْرا، داودلا بَتْشِبَع نین بیر اوغْلو اولْدی و اونون آدینی سُلیمان قویْدیلار.

*کتاب مقدسدن بیر حکایه: فصل۱۰؛ و فصل۱۵تا۱۹و۲۴و۳۱؛ کتاب دوم سموئیل فصل۵و۷و۱۱و۱۲*

## 18. داودون سِلْطَنَتین بؤلونْمَه سی

https://openbiblestories.org/l/kmz/story-18/

![](https://cdn.door43.org/obs/jpg/360px/obs-en-18-01.jpg)

پادشاه داود قیرخ ایل پادشاه لیق اِئدی. اونون اِئلیمینْدَن سونْرا، اوغلو سلیمان اِسرائیلین پادشاهی اولْدی. خدا سلیمان نَنْ دانیشْدی و اونْدان سوروشْدی: »سَنَه نَمَه وِئرْمَه یی ایسْتَه ییرسَنْ؟ « سلیمان خدا دان اونا حِکْمَتْ وِئرْمَه سینی ایسْتَه دی. سلیمان نین خواهِش و ایسْتَه یی خدا راضی سالْدی و اونو یِئرْ اِئزینْدَه اَن بیلیم لی و مُدْریکْ اِنسان اِئدی. سلیمان چوخْ شَئی اویْرَنْدی و چوخْ مُدْریکْ و بیلیملی بیر پادشاه اِئدی. خدا سلیمانی دا چوخْ زنْگین و دارا اِئدی.

![](https://cdn.door43.org/obs/jpg/360px/obs-en-18-02.jpg)

سلیمان اورشَلیم شَهرینْدَه داودون پلانْلاشْدیغی و ماتِریالارینی توپلادیغی بیر مَعبد تیکْدیرْدی. او، وَقت دَن اِنسانلار اورادا گؤروشْ چادیرین عَوضینَه، خدا اَ عِبادَت اِئدیب قُرْبان کَسَه بیلیردیلَر. خدا مَعبد دَه حاضِر و اِئز قوم و خَلقی نَنْ بیرلیکْ دَه یاشاییرْدی.

![](https://cdn.door43.org/obs/jpg/360px/obs-en-18-03.jpg)

لاکین، سلیمان باشْقا قَبیله لَردَن اولان قادینْلارا عاشیق اولورْ و اونْلاری آرواد آلیر. او، مینگَه یاخین قادینْ نَن اِئولَنْدی و بونونْ نَن دا خدا اَ عاصی اولْدی. او، قادینْلارین یاد و غَریبَه اولْکَه لَردَن گَلیب عِبادَت اِئدْمَکْ ایچین اِئزْلَری نَن بُت لار گَتیریرْدیلَر، سلیمان قوجالیق چاتْدیغینا چاتانْدا آروادلاری نین بُت لارینْه دَه سِتایش اِئدَرْدی.

![](https://cdn.door43.org/obs/jpg/360px/obs-en-18-04.jpg)

بو سَبَب دَن خدا سلیمانَه غَضَب لَنْدی و اونا دِئدی کِه، بو اِطاعَت سیزلیی، جَزالانْدیرْماق ایچین اونین اِئلیمینْدَن سونرا، اِسرائیل پادشاه لیغینی ایکی یِئرَه بؤلَه جَکْ.

![](https://cdn.door43.org/obs/jpg/360px/obs-en-18-05.jpg)

سلیمانین اِئلیمینْدَن سونْرا، یِئرینَه اوغلو رِحُبعام پادشاه اولْدی. بوتون اِسرائیل خَلقی اونو اِئزْ پادشاهی کیمی قَبول اِئدْمَکْ ایچین توپْلانْدی. اونْلار رِحُبعامَه شِکایَت اِئدیلَر کِه، سلیمان اونْلاردان چوخْ ایش چَکیرْدی، اونْلار مَجبورا چوخْلو وِئرْگی اودَه مَه لی اولْورْلار. اونْلار رِحُبعام دان خواهِش و ایسْتَه دیلَر کِه، آتاسی کیمی سَرْت اولْماسین.

![](https://cdn.door43.org/obs/jpg/360px/obs-en-18-06.jpg)

لاکین، رِحُبعام اونْلارا آخْماقجاسینا جَواب وِئریب دِئدی: »سیز بیلیرسیز، آتام سلیمان، چوخْ سَرْت اِئدی، امّا، مَن سیزی داها چوخ چالیشْدیراجاغام و سیزی جَزالَنْدیراجاغام. «

![](https://cdn.door43.org/obs/jpg/360px/obs-en-18-07.jpg)

اونون سِئزْلَرینی اِئشیتْدَنْ دَن سونْرا، بیر چوخْ اِنسانلار اونا قارْشی عُصیان اِئدی. اونْدان اِسرائیل قَبیله لَری نین اونْ قَبیله سی یاریلْدی. یالنیز، ایکی قَبیله اونا صادِق قالیب و اِئزلَرینی یهودا پادشاهی آدلانْدیرْدیلار.

![](https://cdn.door43.org/obs/jpg/360px/obs-en-18-08.jpg)

قالان اونْ قَبیله ایسَه او اؤلْکَه نین شِمال بؤلْکَه لَرینْده یاشایان و اِئزلَرینی اِسرائیل پادشاه لیقی آدلانْدیران یِرُبعام آدلی بیر آدامی اِئزْلَرینَه پادشاه اِئدیلَر.

![](https://cdn.door43.org/obs/jpg/360px/obs-en-18-09.jpg)

یِرُبعام خدا اَ اِطاعت اَئدْمَه دی و اِنسالاری گناهَه سووق اِئدی. او، ایکی بُت دوزلَتْدی و انسانْلاردان اونْلارا عِبادت اَئدْمَه لَرینی ایسْتَه دی. اونْلار داها یهودا پادشاه لیغینْ دا اولان اورشَلیمَه عِبادت اَئدْمَه -یه گِئدمیرْدیلَر.

![](https://cdn.door43.org/obs/jpg/360px/obs-en-18-10.jpg)

یهودانین پادشاه لیغی و اِسرائیلین پادشاه لیغی بیر - بیرینَه دُشمن اولْدیلار و تئز – تئز، بیر – بیریلَه دؤیوشورْدیلَر.

![](https://cdn.door43.org/obs/jpg/360px/obs-en-18-11.jpg)

یئنی اسرائیل پادشاه لیغین دا بوتون پادشاه لار پیس و شرور اَئدیلَر. اونْلارین بیر چوخ سِلطنتی ایله کِئچیرْمَکْ ایسْتَه یَنْ انسانلار طرفینْدَن اِئلْدیریلْدیلَر.

![](https://cdn.door43.org/obs/jpg/360px/obs-en-18-12.jpg)

بوتون او، پادشاه لار و اِسرائیل خَلقی نین چوخ بُت لَر نینَه سِتایش اِئدیرْدیلَر. بُت لَره سِتایش اِئدَرْکَن فاحِشَه لَر نَن یاتیرْدیلار، حتّی اوشاقْلاری داها بُت لَره قُربان وِئرمیشْلَر.

![](https://cdn.door43.org/obs/jpg/360px/obs-en-18-13.jpg)

یَهودا پادشاه لاری داودون نَسْلینْدَن اِئدیلَر. بو پادشاه لارین بَعضی لَری یاخْشی انسانلار اِئدیلَر، عدالَتْله حُکْم اِئدَرْدیلَر و خدا اَ عِبادت اِئدیرْدیلَر. لاکین، یَهودا پادشاه لاری نین چوخو پیس و شرور اِئدیلَر. حتّی بَعضی لَری اِئزْ اولادْلارینی بُت لَره قُربان وِئریرْدیلَر. یَهودا خَلقی نین چوخو دا خدا اَ قارشی عُصیان اِئدیرْدیلَر و باشْقا خدا لارا عِبادت اِئدیرْدیلَر.

*کتاب مقدسدن بیر حکایه: کتاب اول پادشاهان فصل۱تا۶و۱۱و۱۲*

## 19. پیغمبرلَر

https://openbiblestories.org/l/kmz/story-19/

![](https://cdn.door43.org/obs/jpg/360px/obs-en-19-01.jpg)

اِسرائیلین بوتون تاریخ بویو خدا اونْلارا بیر سِری پیغمبرلَر گیندَرْمیش دی. پیغمبرلَر خدا دان خَبَرْلَر آلیب و اِنسانْلارا چاتْدیرْمیشْدیلار.

![](https://cdn.door43.org/obs/jpg/360px/obs-en-19-02.jpg)

ایلیا آدْلی بیر پیغمبر اِئمیش، بو پیغمبر، آخابْ پادشاهین دورونْده یاشارْمیش. اَخاب، اِسرائیل لَری بَعَل بُتَه سِتایش اِئدْمَه-یَه تَشْویقْ اِئدَنْ بیر پیسْ و شَرارَتْلی آدام ایمیشْ. بیر گین ایلیا پیغمبر، اَخاب شاهَه دِئدی که خدا اونو جَزالانْدیراجاق. ایلیا گَنَمْ اَخابه دئدی: »اِسرائیلین بؤلْکَه سینْدَه، مَنیمْ اَمْریمْ اولْمایانْدان، یِئرْ ایزینْدَه هِئچْ یاغیشْ، حتّا شِحْ یاغْمایاجاق. « آخاب شاه، ایلیا پیغمبرین بو سِئزْلَرینْدَنْ، او قَدَرْ غَضَبْ لَنْدی، اونو اِئلدیرمَکْ قَرارینْدا گَلْدی.

![](https://cdn.door43.org/obs/jpg/360px/obs-en-19-03.jpg)

خدا، ایلیا پیغمبرَه، چِئلَه گئدْمَه-یه و اِئزینی اَخاب شاه دان، گیزْلَنْمَه-یَه اَمْر اِئدی. ایلیا پیغمبر، چِئلَه گئدی و خدایین اونا گؤسْتَرْدییِی بیر چایین قیراغینْدا یاشاماق ایچین، مَشْغولْ اولْدی. اونا، هَر سِحَرْ و هَر آخْشامْ، قارْغالار چِئرَکْ و اَتْ گَتیرَرْدیلَر. بو مُدّتْ عَرضینْدَه، اَخاب شاه و قوشونْلاری ایلیانین آرْخاسینْدان گِئدیبْ و اونو آختارْدیلار، امّا، اونو تاپا بیلْمادیلار.

![](https://cdn.door43.org/obs/jpg/360px/obs-en-19-04.jpg)

یاغیشْ یاغْمادیغی ایچین بیر مَدّتْ دَن سونْرا، او دَرَه نین سویو قورودی. ایلیا او دَرَه نین یاخینْدا، باشْقا بیر اؤلْکَه-یه گِئدی. اوْرادا بیر فَقیر قادین اوغْلو ایلَه یاشاییرْدیلَر. اونْلارین قوراقْلیقْدان یِئیمَه لَری توکَنْمیش اِئدی. بو قورانْلیقَه باخْمایاراق، او قادین ایلیادین قایْغی سینَه قالْدی و اونْدان مُراقِبَتْ اِئدی. خدا قادینی و اونین اوغْلونین اِحتیاجْلارینی اُودَه دِی. اونین قاب-کوزَه سی هِئچْ وَقْت، اونْدان و یاغْدان، بوشْ قالْمایارْدی و قورالیقْدا یِئیمَکْ ایچین، هَمیشَه یِئیمَه یِی واریدی. ایلیا ایچْ ایل اورادا قالْدی.

![](https://cdn.door43.org/obs/jpg/360px/obs-en-19-05.jpg)

ایچْ ایلْ یاریمْدان سونْرا، خدا ایلیایَه یِئنیدَن یاغیشْ یاغاجاغینِی بیلْدیرْدی. خدا ایلیادان، اِسرائیل پادشاهین اؤلْکَه سینه، قاییدْماسینِی و اَخاب نَنْ دانیشْماسینی ایستَه دی. اَخاب، ایلیانی گیرَنْدَه اونا دئدی: »بوتون بو بَلالارینْ سَبَبْ کاری سَنْ سَنْ! « ایلیادا، اَخابین جوابینْدا دِئدی: »بوتون بو چَتینْلیکْلَر سَنینْ اِئزینْدَن دی! سَنْ حَقیقی خدا اولانْ یَهُوَه نی تَرْک اِئدیبْ، بَعَل بُتی عِبادَت اِئدیرْسَنْ. بوتون اِسرائیل خَلقینی کَرمِل داغینا گَتیرینْ. «

![](https://cdn.door43.org/obs/jpg/360px/obs-en-19-06.jpg)

بوتون اِسرائیل، او جُمْلَه دَن، دورْد یوزْ و اَلی نَفَر اولانْ بَعَل پیغمبرلَری کَرمِل آدْلانانْ داغینا گَلْدیلَر. ایلیا پیغمبر اورادا ییغیلان خَلْقَه دِئدی: »نَه وَقْتَه قَدَرْ، ایکی یورَکْلی قالْماقْ ایستَه ییرْ سیزْ؟ اَگَر یَهُوَه خدا دیرْسَه، اونا سُجْدَه اِئدین، یوخْسا اگر، بَعَل خدا دیرْسَه، اونا تابِع اولون. «

![](https://cdn.door43.org/obs/jpg/360px/obs-en-19-07.jpg)

ایلیا بَعَل پیغمبرلَرینَه دِئدی: »بیر سیغیری قُرْبان لیق ایچین کَسینْ، اَتینی دوغْرایین و قُربانْگاه دا قویونْ، آنْجاق اونو اودْ نَنْ یانْدیرْمایین. عینْ بو ایشی مَن باشْقا قُربانْگاه دا اِئدَه جَه یَم. قربانْگاهینَه اودْ گینْدَرَنْ خدا، حَقیقی خدا دی. « بونا گِئرَه دَه، بُتْ بَعَلین پیغمبرلَری، قُربانْلیقی حاضِرلادیلار، لاکین، اودْ یانْدیرْمادیلار.

![](https://cdn.door43.org/obs/jpg/360px/obs-en-19-08.jpg)

سونْرا، اونْلار بَعَل بُتَه دُعا اِئدیبْ دئدیلَر: »ای بَعَل، بیزیم سَسی میزی اِئشید! « اونْلار بوتونْ گینی دُعا، قیشْقیرْمافْلا، بیچاقْلا ایزْ بَدَنْ لَرینی یارالانْدیلار و چوخْ خِسارَت یاتیرْمَکْلَه مَشغول اولْدیلار. لاکین، بَعَل دَن هئچ بیر جواب گَلمَه دی و آسمانْدان دا، اودْ اِئندیرْلَنْمَه دی.

![](https://cdn.door43.org/obs/jpg/360px/obs-en-19-09.jpg)

بَعَل پیغمبرلَری، بوتون گینی دُعا اِئدیکْدَنْ سونْرا، یورولوب دُعا اِئدْمَه یی دایانْدیرْدیلار. سونْرا، ایلیا باشْقا بیر سیغیری قُرْبان گاهینْ اوستونَه قویْدی و خَلْقَه دِئدی: »قُرْبان گاهین اؤزَرینَه اون ایکی کاتا کوپْ-قازان سو تؤکْسونْلر، سیغیرین اَتی، اودین و حَتّا اونون اَطرافین، یِئرلَری دَه تمامی هِئلْ اولْسون. «

![](https://cdn.door43.org/obs/jpg/360px/obs-en-19-10.jpg)

سونرا، ایلیا بِئله دُعا اِئدی: »ای اِبراهیمین، اِسحاقین و یقوبین خدایی، یَهُوَه، بو گینْ بیزَه گئرْسَتْ، سَن اِسرائیل خدایی سان، مَن دَه سَنین قولونام. منیم دُعامی قَبولْ اِئد و جواب وِئر، بو خَلقْ سَنین حَقیقی خدا اولْدوغونو بیلْسینْلَر. «

![](https://cdn.door43.org/obs/jpg/360px/obs-en-19-11.jpg)

دَر حال آسماندان آلوو و اودْ اِئنْدی. اودْ، قُربان گاهین اَطرافینی، بوتون اَتی، اودینْلاری، داشْلاری، تورپاغی و حَتّا سویو یانْدیرْدی. خَلقْ بونی گیرَنْدَه دَر حال یِئرَه ییخیلْدیلار و دِئدیلَر: »یَهُوَه خدا دیر! یَهُوَه خدا دیر! «

![](https://cdn.door43.org/obs/jpg/360px/obs-en-19-12.jpg)

سونْرا، ایلیا دِئدی: »بَعَل بُتْ پیغمبرلرینْدن هِئچ بیری نین قاچْماسینا اِمْکان وِئرمَه یین! « سونْرا، خَلْق، بَعَل پیغبرلَرینی توتوب و هامی سینی اورادان گؤتوروبْ و اِئلْدیرْدیلَر.

![](https://cdn.door43.org/obs/jpg/360px/obs-en-19-13.jpg)

سونْرا، ایلیا پیغمبر، اَخاب پادشاهَه دِئدی: »دَر حال اِئزْ اِئوینَه قاییدینْ، چونْکی، تِئزْلیکْلَه یاغیش یاغاجاق. « عینْ زَمان دا آسمانْدانْ قارا بولودْلار بؤرودو و گؤجْلو یاغیش یاغْماغا باشْلادی. یَهُوَه قورالیقْلیغا سونْ قویْدو و بونونْ نَنْ ثابت ائدی کِه، یالْنیزْ او، حَقیقی خدا دی.

![](https://cdn.door43.org/obs/jpg/360px/obs-en-19-14.jpg)

ایلیا اِئز ماموریتینی بیتیرْدیکْ دَن سونْرا، خدا اِلَیْشَعْ آدلی بیر آدامی پیغمبرلیغَه سِئچدی. خدا اِلَیْشَعْ واسِطَه سی نَنْ چوخْلو مُعْجُزَه لَر گوسْترْدی. بو مَعْجَزَه لَردَن بیری دُشْمَنْ اورْدوسونْ سَرْکَرْدَه لَرینْدَن بیری، نَعَمانْ آدلی اولانین باشینا گَلْدی. او، بیر نوع دَهْشَتْلی دَرِی ناچاق و خَسْتَه لی یین دَن دَرْد و اَذیت چَکیرْدی. او، اِلَیْشَعْ حقّینْدَه بیر سِئزْلَر ائشیتْدْمیش اِئدی، اونا گِئرَه دَه اونین یانینا گِئدیبْ شَفاء ایسْتَه دی. اِلَیْشَعْ، نَعَمانَه دِئدی: »یِئدّی دَفْعَه اُردون چایینَه باتسین تا یاخشی اولْسون. «

![](https://cdn.door43.org/obs/jpg/360px/obs-en-19-15.jpg)

نَعَمان، اوّلْجَه بو تَکْلیفَه غَضَبْ لَنْدی و بونون آخْماق اولْدوغونو دؤشونْمَکْ ایچین، بو ایشی اْئدْمَکْ ایسْتَه مَه دی. لاکین، سونْرادان قَرارینی دَییشَه رَکْ، اِئزینی یِئدّی دَفعَه اُردون چایی نین سویونا آتیرْدی. یئدّینجی دَفعَه سودان چیخانْدا، تامْ ساغالْمیش ایدی! بِئلَه لیکْلَه، خدا اونا شَفاء وِئردی.

![](https://cdn.door43.org/obs/jpg/360px/obs-en-19-16.jpg)

خدا اِسرائیل خَلْقینَه، چوخْ باشْقا پیغمبرلَر گیندَریب. اونْلارین هامیسی اِنسانْلاری بُتْ لَره سِتایِش اِئدْمَه-یی دایانْدیرْماغا، باشْقالاری نَن عَدالَتْلَه رَفتار اِئدْمَه-یَه، بیر-بیرلَرینَه یاخْشی لیق اِئدْمَه-یَه، پیسْلیکْ دَن چَکینْمَه-یَه و خدا اِ اِطاعَت اِئدْمَه-یَه، چاغیریرْدیلار. اگر بِئلَه رَفتار اِئدْمَه سَه لَر، خدا یانینْدا گناهکار ساییلیرْلار و خدا اونْلاری جَزالانْدیراجاق.

![](https://cdn.door43.org/obs/jpg/360px/obs-en-19-17.jpg)

چوخْ وَقت اِنسانْلار خدا اِ اِطاعت اِئدْمیرْدیلَر. اونْلار چوخْ وَقت پیغمبرلَرلَه پیس رَفتار اِئدیرْدیلَر. حَتّا بَعْضا اونْلاری اِئلدیلَرْدیلَر! بیر دَفعَه اَرمیایْ آدلی پیغمبری چاهَه آتْدیلار و اؤلْمَکْ ایچین اونی اورادا قویْدیلار. اَرمیای چاهین دیبینْدَه پالْچیغا باتْدی. لاکین، بونْدان سونْرا، پادشاه اونا یازیغی گَلْدی و اِئلْمَزْدَن اوّلْ قوللوقْچولارینا، اونو چاهدان چیخارْماغی اَمْر اِئدی.

![](https://cdn.door43.org/obs/jpg/360px/obs-en-19-18.jpg)

اِنسانلار پیغمبرلَرَه نِفْرَت اِئدسَه لَردَه، پیغمبرلَر یِئنَه دَه خدا دان دانیشیرْدیلار. اِنسانْلارا خبرْدارْلیق اِئدیرْدیلَر. اگر، توبَه اِئدْمَه سَه لَر، هَلاکْ اولاجاقْلار. اونْلار هَمْچِنین، اِنسانْلارا خدایین مَسیحْ نین گینْدَرْمَکْ وَعْدَه سینی خاطِرالادیلار.

*کتاب مقدسدن بیر حکایه: کتاب اول پادشاهان فصل۱۶تا۱۸؛ کتاب دوم پادشاهان فصل۵؛ کتاب ارمیا فصل۳۸*

## 20. سؤرْگون و قاییدیش

https://openbiblestories.org/l/kmz/story-20/

![](https://cdn.door43.org/obs/jpg/360px/obs-en-20-01.jpg)

اِسرائیلین پادشاهی و یَهُودانین سِلْطَنَتی هَر ایکیسی خدا اَ قارشی گناه ائدیلَر. سینا داغینْدا، خدا اَ باغْلادیغی عَهْدی قیرْدیلار. خدا، پیغمبرلَر طَرَفینْدن، اونْلاری توبَه اِئدْمَه یی و یِئنیدَن عِبادَت اِئدْمَه سینْلَر بارَه دَه اونْلاری خَبَرْدارْلیق اِئدی. امّا، اونْلار خدا اَ اِطاعَت اِئدْمَه دیلَر.

![](https://cdn.door43.org/obs/jpg/360px/obs-en-20-02.jpg)

بِئلَه لیکْلَه، خدا اونْلاری جَزالانْدیرْدی و دُشْمَن لَرینَه، اونْلاری مَحْو اِئدْمَه سینی اِجازَه وِئرْدی. او دورانْدا، آشورْ آدلی باشْقا بیر قُدْرَتْلی قومْ واریدی. آشورْلولار، باشْقا قومْ لارا قارْشی، چوخْ رَحْم سیز اِئدیلَر. اِسرائیلین پادشاه لیغی، آشورْلار طَرَفینْدَن مَحْو اِئدیلْدی. آشورْلولار، اِسرائیل پادشاه لیغی نین چوخْلو آدامْلارینی اِئلْدیرْدیلَر، سونْرا، ایسْتَه دیکْلَری هَر شَئی غارَت اِئدیلَر و تورْپاقْلاری نین چوخْ حِصَه سینی دَه یانْدیرْدیلار.

![](https://cdn.door43.org/obs/jpg/360px/obs-en-20-03.jpg)

آشورْلولار بوتون رَهْبَرْلَری، وارْلی لاری و خُصوصی باجاریقْلاری آشورا آپارْدیلار. اِسرائیل دَه یالْنیز بَعضی چوخْ فَقیر اِنسانْلار قالادیلار.

![](https://cdn.door43.org/obs/jpg/360px/obs-en-20-04.jpg)

آشورْلولار اورادا یاشاماق ایچین، یاد و غَریبَه اِئل لَری، اِسرائیل تورْپاغینا گَتیرْدیلَر. او اَجْنَبی لَر داغیلْدیمیش شَهرلَری یِئنی دَن قاییرْدیلار و قالانْ اِسرائیل لی لَرلَه اِئوْلَنْدیلَر. بو اِئوْلی لیکْلَرین اولادْلاری، سامِریلار آدلانْدیلار.

![](https://cdn.door43.org/obs/jpg/360px/obs-en-20-05.jpg)

یَهُودا پادشاه لیغی نین خَلقی، گِئردیلر کِه، خدا، اِسرائیل پادشاه لیغی نین ساکِنْ لَرینی، ایمانْ سیزلیق لارینا و اِطاعَت سیزلیکْ لَرینَه، گِئرَه جَزالانْدیرْدی، لاکین، اونْلار یِئنَه دَه بُتْ لَرَه و کَنْعان خدا لَرینَه سِتایش اِئدیلَر. خدا اونْلاری خَبَردار اِئدْمَکْ ایچین، پیغمبرلَر گیندَرْدی، لاکین، اونْلار اِئز ایشْلَرینَه دَوامْ اِئدیلَر.

![](https://cdn.door43.org/obs/jpg/360px/obs-en-20-06.jpg)

اِسرائیل پادشاه لیغین نین آشورْلولار طَرَفینْدَن داغیدیلْمیش دان تَخْمین نَن یوز ایل سونْرا، خدا بابل پادشاهی نِبوکَدنِصَّر آدلینی، یَهُودا پادشاه لیغینَه هُجومْ اِئدْمَکْ ایچین گیندَرْدی. بابلی لار گوجْلو بیر خَلْق اِئدیلَر. یَهُودا پادشاهی، نِبوکَدنِصَّر خِدْمَت چی سی اولْماغا و اونا هَر ایل چوخْلو پول اودَه - مَه - یَه راضی اولْدی.

![](https://cdn.door43.org/obs/jpg/360px/obs-en-20-07.jpg)

لاکین بیر نِئچَه ایلْدَن سونْرا، یَهُودا پادشاهی بابلَه قارشی عَصیان قالْدیرْدی. بونا گِئرَه، بابل لی لَر گِئری قاییتْدیلار و یِئنیدَن یَهُودا پادشاهینَه هُجومْ اِئدیلَر. بابل لی لَر اورْشَلیم شَهرینی اَلَه کِئچیرْدیلر، مَعبَدی داغیتْدیلار و شَهردَه و مَعبَدده اولانْ بوتون ثِرْوَتْ لَری اَلینْدَن آلیبْ و اِئزْلَری نَن آپارْدیلار.

![](https://cdn.door43.org/obs/jpg/360px/obs-en-20-08.jpg)

نِبوکَدنِصَّر قوشونْلاری، یَهُودا پادشاهینی جَزالانْدیرْماق ایچین، اونین اوغول لارینی، اونین گِئزینْ قارْشی سینْدا اِئلدیردیلَر و سونْرا، اونین اِئز گِئزْلَرینی ده کورْ اِئدیلَر. بونْدان سونْرا، بابل پادشاهینی اِئزْلَری نَن آپارْدیلار. اونی اِئلدیرْمَکْ ایچین زِنْدانَه سالْدیلار.

![](https://cdn.door43.org/obs/jpg/360px/obs-en-20-09.jpg)

نِبوکَدنِّصَّر و اونین قوشونْلاری، یَهُودا پادشاه لیغی نین بوتون اهالی سینی هَر نِئچِه کِه، دِئمَکْ اولارْدی اِئزْلَری نَنْ بابلَه آپارْدیلار. یالْنیز اَکینْچی لیکْ و مال-دووار بَجَرْمَکْ ایچین، چوخْ یوخْسولْ اِنسانلاری اورادا بوراخْدیلار. خدایین قومی، وَعْدَه اِئدیلْمیش اؤلْکَه سینْدَن تَرْکْ اِئدْمَه -یَه، مَجْبور اولْدوغو زَمانی "سورگون" آدلانیر.

![](https://cdn.door43.org/obs/jpg/360px/obs-en-20-10.jpg)

خدا اِئز قومونی، گناه لارینَه گِئره جَزالانْدیرْدی، لاکین، اونْلاری و اونْلارا وِئرْدییی وَعْدَه لَری اونوتْمادی. خدا اِئز قوم نین قایغی سینَه قالْدی و پیغمبرلَرین واسِطَه سی نَن اونْلارْنان دانیشْدی. خدا وَعْدَه وِئرْدی کِه، یِئتْمیش ایلْدَن سونْرا، اِسرائیل قومونی وَعْدَه اِئدیلْمیش اؤلْکَه - یَه، قایْتاراجاق.

![](https://cdn.door43.org/obs/jpg/360px/obs-en-20-11.jpg)

یِئتْمیش ایلْدَن سونْرا، پارسْلارین پادشاهی، کوروش آدلی، بابلی لَری مَغْلوب اِئدی. بِئله لیکْلَه، بابل امپراطوری عَوَضینَه، پارسْلار امپراطوری سی، بیر چوخْ مِلّتْ لَرَه حاکِمْ اولْدی. بو زَمان، اسرائیلین خَلْقی، یَهُودی آدلانْدیرْدیلار و اونْلارین چوخْ لاری بوتون عُمورْلَرینی بابل دَه یاشامیشْدیلار. یالْنیز یَهُودا اؤلْکَه سین چوخْ قوجالاری، او اؤلْکَه نی خاطِرلایه بیلَرْدیلر.

![](https://cdn.door43.org/obs/jpg/360px/obs-en-20-12.jpg)

پارسْلار قَدْرَتْلی اولْسالارْدا، اونْلارین حُکْم دارْلیغین آلتینْدا اولان اِنسانلارا قارْشی، مُلاییم و مِهربان داوْرانیرْدیلار. قیسَه مُدّت دَن سونْرا، کوروش، پارسْ پادشاهی لیغینَه چاتْدیقْدان سونْرا، او، اَمْر اِئدی: »یَهُودا قاییدْماق ایسْتَه یَنْ هر بیر یَهُودی، پارس تورْپاغینی تَرْکْ اْئدیب، یَهُودا تورْپاغینَه قاییدا بیلیرْلَر. « او، حَتّا، اورْشَلیم دَه، مَعْبَدی یِئنی دَن تیکْمَکْ ایچین، اونْلارا پول وِئرْدی! بِئلَه لیکْلَه، سورْگونْ دَن یِئتْمیش ایل گِئچَنْدَن سونْرا، کیچیک بیر یَهُودی قوروپو یَهُودا تورْپاق نین، اورْشَلیم شَهرینه قاییدیلار.

![](https://cdn.door43.org/obs/jpg/360px/obs-en-20-13.jpg)

اونْلار، اورْشَلیمه چاتانْدا، مَعْبَدی و شَهرین اَطرافینْداکی، دیواری یِئنیدَن تیکْدیلَر. پارسْلار هَلَه دَه اونْلارا حاکِمْ اِئدیلَر، لاکین اونْلار یِئینیدَن وَعْدَه اِئدیلْمیش دیارادا یاشاییرْدیلار. اونْلار باشارادیلار مَعبَددَه گَلیب، خدا اَ عِبادت اِئدسینْلر.

*کتاب مقدسدن بیر حکایه: کتاب دوم پادشاهان فصل۱۷و۲۴و۲۵؛ کتاب دوم تواریخ فصل۳۶؛ کتاب عزرا فصل۱تا۱۰؛ کتاب نحمیا فصل۱تا۱۳*

## 21. خدا مسیح گَلیشینی وَعْدَه اِئدیر.

https://openbiblestories.org/l/kmz/story-21/

![](https://cdn.door43.org/obs/jpg/360px/obs-en-21-01.jpg)

خدا یارادیلیشْ اوّلینْدَن چوخ یاخْشی بیلیرْدی کِه، اوزون مدّتدَن سونْرا، وَعْدَه اِئدیلْمیش مَسیحی گیندَرَه جَکْ. او، آدَم نَن حَوّایَه وَعْدَه و سِئز وِئرْمیش ایدی کِه، بونو شُبْهَه سیز یِئرینَه یِئتیرَه جَکْ. خدا سِئز وِئرْمیش ایدی کِه، حَوّانین نَسْلینْدَن بیری گَلیبْ و ایلانین باشینی اَزَه جَکْ. حَوّانی آلْدادان ایلان شو شیطان ایدی. وَعْدَه بو اِئدی کِه، مسیحین شیطانی تَمامْلا مَغْلوب اِئدَه جَه جَکْ دی.

![](https://cdn.door43.org/obs/jpg/360px/obs-en-21-02.jpg)

خدا، ابراهیمَه سِئز وِئرْدی کِه، اونین واسِطَه سی نَن بوتون دُنیانین بوتون مِلّت لَری، خیر و بَرَه آلاجاقْلار. او، بیر مُدّت دَن سونْرا، مسیحی گینْدَرْمَکْلَه، اِئزْ وَعْدَه سینی یِئرینَه یِئتیرْدی. وَعْدَه ائدیلْمیش مَسیحْ دُنیانین هَر خَلقین دان اولان اِنسانْلاری، گِناه لارینْدان خِلاص اِئدَه جَکْ دی.

![](https://cdn.door43.org/obs/jpg/360px/obs-en-21-03.jpg)

خدا موسایا، گَلَه جَکْ دَه، اونین کیمی بیر خِلاص کارین چیخاجاغینی وَعْدَه اِئدمیش ایدی. بو خِلاص کار وَعْدَه ائدیلْمیش "مسیحا" ایدی. بِئلَه لیکْلَه، خدا بیر داها مَسیحین گَلیشینی وَعْدَه ایدی.

![](https://cdn.door43.org/obs/jpg/360px/obs-en-21-04.jpg)

خدا، داود پادشاهَه سِئز وِئرْدی کِه، اونین نَسْلینْدَن بیری پادشاه اولاجاق و خدایین قومینَه اَبَدَه چَن سِلْطَنَت و پادشاه لیق اِئدَه جَکْ. بو او دِئمَکْ اِئدی کِه، مَسیح داودون نَسْلینْدَن اولاجاق دی.

![](https://cdn.door43.org/obs/jpg/360px/obs-en-21-05.jpg)

اَرْمیای پیغمبرین واسِطَه سی نَن، خدا، یِئنی عَهْد باغلایاجاییغینی وَعْدَه اِئدی، لاکین، بو عَهْد، خدایین سینا داغینْدا اِسرائیل نَن باغلادیغی عَهْد کیمی دَئییل ایدی. یِئنی عَهْددَه خدا اِئز قانونینی، اِنسانلارین قَلْبینَه یازْدیرْدی، اِنسانلار اونی شَخْصا تانییرْلَر و اونی سِئویب و اَمْرلَرینَه عَمَلْ اِئدیرْلَر. اونلارْلا بو یِئنی عَهْدی باغْلایان، مَسیح ایدی. اونْلار، اونین قومو اولاجاقلار و خدا اونْلارین گُناه لارینی باغیشْلایاجاق.

![](https://cdn.door43.org/obs/jpg/360px/obs-en-21-06.jpg)

خدایین پیغمبرلَری دَه دِئدیلَر کِه، وَعْدَه اِئدیلْمیش مَسیح، پیغمبر، کاهِن و پادشاه اولاجافْدی. پیغمبر، خدایین کَلامینی ائشیتْدَن و اِنسانلارا چاتْدیران شَخص دیر. خدا وَعْدَه اِئدمیش مَسیح، بیر کامِلْ پیغمبر اولاجاق، چونکِه، او، خدایین ساولارینی تمام و بوتون باشا دؤشَه جَکْ و ساوْلاری اِنسانْلارا کامِل و مُکَمِّل شَکیل دَه چاتْدیراجاق.

![](https://cdn.door43.org/obs/jpg/360px/obs-en-21-07.jpg)

یَهَودین کاهِن لاری، خَلقین گُناه لاری نین جَزاسین عَوَضْ اِئدْمَکْ ایچین، اونْلارین آدینْدان خدا اَ قُربانْلار تَقدیم اِئدیرْدیلَر. هَمْچِنین کاهِین لار اِنسانلار ایچین، خدا اَ دُعا اِئدیرْدیلَر. بونونْلا بِئلَه، قَرار اِئدی وَعْدَه اِئدیلْمیش مَسیح، کاتا و باش کاهِن اولسون کِه، اِئزینی خدا اَ بیر کامِل و مُکَمِّل قُربانْلیق کیمی، تَقدیم اِئدسین. یَعنی او، هِئچ وَقت گِناه ایشْلَتْمَز وَقتی اِئزینی قُربان وِئرَنْدَه، باشْقا قُربانْلیقَه اِحتیاج قالمایاجاق.

![](https://cdn.door43.org/obs/jpg/360px/obs-en-21-08.jpg)

پادشاه لار و بیگلر-بیگی لر بیر قوروپ انسانلارا حُکم دارلیق ائدیرْدیلَر. اونلار بعضا سَهْو و یانْلیش ایشْلری دَه بارْدی. داود پادشاه یالْنیز اِسرائیل لی لَری، اِدارَه اِئدیرْدی. لاکین، داودون نَسْلین دَن اولان وَعْدَه اِئدیلْمیش مَسیح گَلَه جَکْ دی. او بوتون دنیایا اَبَدَه چَنْ حُکْم دارلیق اِئدَه جَکْ. او، عَدالَتْلَه حُکْم اِئدَه جَکْ و دوزْگون قَرارلار توتیب، وَعْدَه وِئرَه جَکْ.

![](https://cdn.door43.org/obs/jpg/360px/obs-en-21-09.jpg)

خدا طَرفینْدن گیندَریلْمیش پیغمبرلَر وَعْدَه اِئدیلْمیش مَسیح حَقّینْدَه چوخْلو خَبرلَر سؤیله میشلَر. مَلاکی پیغمبر، مَسیحین گَلیشینْدَن اوّل، باشْقا بیر کاتا پیغمبرین گَلَه جَه یینی خَبر وِئْرمیشدی. اِشَعیای پیغمبردَه، مسیحین باکِره قیزدان دوغولاجاغینی خَبر وِئرْمیشْدی. میکاه پیغمبردَه، مسیحین بَیتْ لَحْم شَهرینْدَه دوغولاجاغینی سؤیلَه میشْدی.

![](https://cdn.door43.org/obs/jpg/360px/obs-en-21-10.jpg)

اِشَعیای پیغمبر دئییبدی کِه، مسیح، اَلْجَلیلْ شهرین دَه یاشایاجاق. او، اِنسانلارین قیریلان قَلْب لَرینَه تَسَلّی وِئرَه جَکْ، اَسیرلَری آزاد اِئدَه جَکْ. او، هَمْچنین خَبر وِئرْمیشْدی کِه، وَعْدَه اِئدیلْمیش مَسیح، ناچاق و خَسْتَه لَرَه، کورْلارا، توپاللارا، کارْلارا، شَفاء وِئرَه جَکْ دی.

![](https://cdn.door43.org/obs/jpg/360px/obs-en-21-11.jpg)

اِشَعیای پیغمبردَه، خبر وِئرْمیشْدی کِه، اِنسانلار وَعْدَه اِئدیلْمیش مَسیحَه نِفْرَت اِئدَه جَکْ لَر و اونی قَبول اِئدْمَه-یَه جَکْ لَر. دیگر پیغمبرلَر خبر وِئرْمیشْلَر کِه، مَسیحین یولْداشْلارینْدا بیری، اونْدان یوزْ دونْدَرَه جَک. زَکَرْیا پیغمبر خَبر وِئرْمیش کِه، بو یولْداش اوتوزْ گؤموش سِکّه مُقابِلین دَه اونا خیانَت اِئدَه جَک. دیگر پیغمبرلَر دَه خَبر وِئریبلَر کِه، اونْلار مَسیح پیغمبری اِئلدیره جَکْلَر و اونین پالْتارینا پوشْک و قَرْعَه آتاجاقلار.

![](https://cdn.door43.org/obs/jpg/360px/obs-en-21-12.jpg)

پیغمبرلَر، اونین نِئجَه اِئلَه جَه یینَه دَه خبر وِئرْمیشْلَر. اِشَعیای پیغمبر دِئمیشْدیر کِه، اِنسانلار اونا توپورورْلار، دؤیورْلَر و اَلَه سالارْلار. سونْرا، اونین بَدَنینی دیشیب و سانْجارْلار کِه، بیر کاتا آغیریدان اِئلَه جَک. بونا باخمایاراق کِه، هِئچ بیر گَناه ایشْلَتْمَه میش اولار.

![](https://cdn.door43.org/obs/jpg/360px/obs-en-21-13.jpg)

دیگر پیغمبرلَر دَه خبر وِئریبلَر کِه، وَعْدَه اِئدیلْمیش مَسیح، هِئچ بیر گُناهی اولْمایان و کامِل بیر اِنسان اولْمالیدیر. او، گَرَک اؤلْسین، چونْکِه، خدا اونی، بوتون دُنیانین اِنسانلارین گَناهی عَوَضینَه، چَزالانْدیراجاق. اونین جَزاسی، سَبَب اولار تا اِنسان نَن خدا آراسینْدا آرامِش و صَلْح یاراتْدیلْسون. بو سَبَب دَن مَسیح وورولوب اِئلْدیریلْمَه سی خدایین اِرادَه سی ایدی.

![](https://cdn.door43.org/obs/jpg/360px/obs-en-21-14.jpg)

دیگر پیغمبرلَر دَه، خَبر وِئرْمیشْلَر کِه، خدا مَسیحی اِئلیمینْدن سونْرا، دیریلْدَه جَک. بونا گِئرَه دَه، مَسیح اِئلْمَکْلَه و یِئنَه اِئلیمدَن دیریلْمَکْلَه، گَناهکار اِنسانْلاری، خِلاص اِئدْمَک نَقْشَه سینی تَمام و کامِل اِئدَه جَک. خدا بو ایشْدَن، بَشریت لَه یِئنی عَهْد باغْلاماق ایسْتَه ییرْمیش دی.

![](https://cdn.door43.org/obs/jpg/360px/obs-en-21-15.jpg)

خدا پیغمبرلَره، مسیحین گَلیشی نَن باغْلی چوخ شَئی آچیقْلادی. لاکین، بو پیغمبرلَرین، هِئچ بیرین نین وَقتین دَه مَسیج هَلَه گَلْمَه میش ایدی. سون پیغمبرلیک دَن دورْد یوز ایل دَن چوخ وَقت کِئچْدیکْ دَن سونْرا، وَقت کامِل و مُکَمِّلْ اولانْدا، خدا مَسیحی دُنیایا گینْدرْدی.

*کتاب مقدسدن بیر حکایه: کتاب پیدایش فصل۳آیه۱۵، فصل۱۲آیه۱تا۳، کتاب تثنیهفصل۱۸آیه۱۵، کتاب دوم سموئیل فصل ۷، کتاب ارمیا فصل۳۱، کتاب اشعیا فصل۵۹آیه۱۶، کتاب دانیال فصل۷، کتاب ملاکی فصل۴آیه۵، کتاب اشعیا فصل۷آیه ۱۴، کتاب میکا فصل۵آیه۲، کتاب اشعیا فصل۹آیه۱تا۷و فصل۳۵آیه۳تا۵و فصل۵۳، کتاب مزامیر فصل۲۲آیه۱۸و فصل۳۵آیه۱۹و فصل۶۹آیه۴و فصل۴۱آیه۹، کتاب زکریا فصل۱۱آیه۱۲و۱۳، کتاب اشعیا فصل۵۰آیه۶، کتاب مزامیر فصل۱۶آیه۱۰و۱۱(*

## 22. تَعمید وِئرَن یوحَنانین دوغولْماسی

https://openbiblestories.org/l/kmz/story-22/

![](https://cdn.door43.org/obs/jpg/360px/obs-en-22-01.jpg)

خدا، چوخْدان اِئز پیغمبرلَری واسِطَه سی، خلق نَن دانیشیرْدی. لاکین، دورْد یوزْ ایلْدَن سونْرا، خدا هَه نیز اِئز خَلقی نَن دانیشْمامیش ایدی، خدایین مَلائکَه سی قافیلْدان "زَکریا"آدلی قوجا کاهِنَه گِئریندی. او و حَیات یولْداشی "اِلیزابَت"آدلی، خدا دان قورْخان و اونا تابِع اِنسانْلاردان ایدیلَر. اونْلار چوخ قوجالْمیش ایدیلر و اِلیزابَت چاغا دُنیایه گَتیرَه بیلْمیرْدی.

![](https://cdn.door43.org/obs/jpg/360px/obs-en-22-02.jpg)

خدایین مَلائکَه سی، زَکریایَه دِئدی: »قادی نین بیر اوغول دوغاجاق. سَن اونین آدینی "یوحَنا"قویاجاقْسان. خدا اونی اِئز روحونْدان دولْدوراجاق و یوحَنا خَلقی، وَعْدَه اِئدیلْمیش مَسیحین گَلیشین یِئرینی حاضِرلایاجاق. « زَکریا جَواب وِئرْدی: »مَن و قادینیم چاغا صاحِبی اولْماق ایچین چوخ قوجالْمیشیق! مَن هارْدان بِئلَه بیلَرَم کِه، مَنه دوغْرو دِئییرْسَن؟ «

![](https://cdn.door43.org/obs/jpg/360px/obs-en-22-03.jpg)

خدایین مَلائکَه سی زَکریایه جَواب وِئرْدی: »مَن خدا طَرَفین دَن بو سِئوینجی سَنَه چاتْدیرْماق ایچین گینْدَریلْمیشَم. اینْدی مَنیم سِئزْلَریمَه اینانْمادیغینَه گِئرَه، او، چاغا دُنیایَه گَلَنَه قَدَرْ دانیشْماق گوجونو ایتیرَه جَک سَن. « شو آنْدان زَکریا داها دانیشَه بیلْمارْدی. سونْرا، خدایین مَلائکَه سی زَکریادان آیریلْدی، زَکریا دَه اِئوینَه قاییتْدی و چوخ مُدّت گِئچْمَه میش ایدی کِه، تِئزْلیکْلَه قادینی ایکی جانْلی اولْدی.

![](https://cdn.door43.org/obs/jpg/360px/obs-en-22-04.jpg)

اِلیزابت آلتی آیلیق ایکی جانلی اوللاندا یئنی دن شو ملائکه بیردن الیزابَت نین "مَریَم"آدْلی قوهومونَه گیرینْدی. او، باکِرَه بیر قیز ایدی و "یوسَف"آدلی بیر کیشی نَن نشانْلی و اونا آداخْلی ایدی. مَلائکَه اونا دِئدی: »سَن ایکی جانْلی اولاجاق، بیر اوغول دوغاجاق و آدینی "عیسی" قویاجاقْسان. او، اوجا خدایین اوغلو اولاجاق و اونین سِلْطَنَت و حُکْم دارلیغی اَبَدی اولاجاق. «

![](https://cdn.door43.org/obs/jpg/360px/obs-en-22-05.jpg)

مَریم جَواب وِئرْدی: »"مَن باکِرَه اولْدوغوم حالْدا، بو نِئجَه اولا بیلَر؟ « مَلائکَه ایضاح ائدی: »مقدّس روح سنین اؤزَرینَه گَلَه جَک و خدایین قُدْرَتی، سَنَه کؤلْگَه سالاجاق. بونا گِئرَه دَه او اوغول مَقدّس و اوجا خدایین اوغْلو آدلاناجاق. « مَریم مَلائکَه نین دئدیکْلرینَه اینانْدی و اونین دیدیکْلَرینی قَبول ائدی.

![](https://cdn.door43.org/obs/jpg/360px/obs-en-22-06.jpg)

بو حادِثَه دَن، بیر آز مَدّت گِئچَنْ دَن سونْرا، مَریم اِلیزابتین اِئوینَه گِئدی. اِلیزابَت مَریمین سَلامینی اِئشیتْدَن دَه کؤرْپه، اونین رَحْم و بَطْ نین دَه ترْپَنْمَه-یَه باشْلادی. خدایین اونْلار ایچین اِئدیکْلَرینَه گِئرَه، چوخ سِئوینْدیلَر و خوش حال اولْدیلار. مَریم ایچ آیا یاخین اِلیزابَتین یانینْدا قالْدی و سونْرا، اِئز اِئوینَه قاییتْدی.

![](https://cdn.door43.org/obs/jpg/360px/obs-en-22-07.jpg)

بو حادِثَه دَن سونْرا، اِلیزابَت بیر اوغول دوغْدو. او و زَکریا مَلائکَه دئیدیی کیمی، کؤرْپَه نین، آدینی "یوحَنا"قویْدیلار. سونْرا، خدا زَکریانین آغْزینی یِئنیدَن آچْدی و زَکریا بو حالْدا دِئدی: »خدا اَ شوکورْلَر اولْسون کِه، او، اِئزْ قومونه کؤمَکْ اِئدْمَه-یَه تَلَسیکْ گَلْدی! سَن ایسَه، ای اوغْلوم، اوجا خدایین پیغمبری آدْلاناجاقسان و اِنسانْلار گُناه لارینی باغیشلانْماسینی نِئجَه تاپاجاقْلارینی سؤیله یَه جَکْ سَن! «

*کتاب مقدسدن بیر حکایه: کتاب پیدایش فصل۳آیه۱۵و فصل۱۲آیه۱تا۳، کتاب تثنیه فصل۱۸آیه۱۵، کتاب دوم سموئیل فصل ۷، کتاب ارمیا فصل۳۱، کتاب اشعیا فصل۵۹آیه۱۶، کتاب دانیال فصل۷، کتاب ملاکی فصل۴آیه۵، کتاب اشعیا فصل۷آیه ۱۴، کتاب میکا فصل۵آیه۲، کتاب اشعیا فصل۹آیه۱تا۷و فصل۳۵آیه۳تا۵و فصل۶۱و فصل۵۳، کتاب مزامیر فصل ۲۲آیه۱۸و فصل۳۵آیه۱۹و فصل۶۹آیه۴و فصل۴۱آیه۹، کتاب زکریا فصل۱۱آیه۱۲و۱۳، کتاب اشعیا فصل۵۰آیه ۶، کتاب مزامیر فصل۱۶آیه۱۰و۱۱*

## 23. عیسی نین دوغولْماسی

https://openbiblestories.org/l/kmz/story-23/

![](https://cdn.door43.org/obs/jpg/360px/obs-en-23-01.jpg)

مَریَم، عادل و صالح بیر شخص یوسُف آدلی نَنْ نِشانْلانْمیش ایدی. یوسُف مَریمین ایکی جانْلی اولْدوغونو بیلَنْدَه بیلیرْدی کِه، چاغا اونین دئییلْ دی. یوسُف مَریمی رِسْوا و آبْروسیز اِئدْمَکْ ایسْتَه میرْدی. بو جِهتَه، اونی ساکِتْجَه تَرْک ائدْمَکْ قَرارینَه گلْدی. لاکین او، بو ایشی ائدْمَه میشْ دَنْ، اونْجَه، یوخودا اونا بیر مَلَکْ گِئرینْدی.

![](https://cdn.door43.org/obs/jpg/360px/obs-en-23-02.jpg)

مَلَکْ یوسَفَه دیدی: »مَریم نَنْ ائوْلَنْمَکْدَن قورْخمایین. اونین بَطْ نینْدَه کِه چاغا مُقدّسْ روحْدان دیر. مَریم بیر اوغول دوغاجاق و سَن اونین آدینی عیسی قویاجاقسان. )یهُوَه باغیشْلاییر(، چونْکِه، او، اِنسانْلاری گَناه لارینْدان خِلاص ائدَه جَکْ. «

![](https://cdn.door43.org/obs/jpg/360px/obs-en-23-03.jpg)

بِئلَه لیکْلَه، یوسَف مَریم نَنْ ائوْلَنْدی و اونو ایز ائوینَه گتیرْدی. امّا، چاغا دونیایه گلَنَه قَدَرْ اونین نَن یاتْمادی.

![](https://cdn.door43.org/obs/jpg/360px/obs-en-23-04.jpg)

مَریمین حامله لی یی نین سون گینلرینْدَه رومین امپراطورو نُفوس سانیمی ایچین هر کَسینْ ایزْ آنا یورْدونا، آتا-بابا شَهرینَه قاییتْماسینی اَمْر ائدی. یوسُف و مَریم گرَکْ ناصِرَه دَن بِیتْلَحِم قَدَرْ اوزون بیر مسافت گِئدمَه لی اولْدولار، چونْکِه، اَجدادلاری پادشاه داود، شَهْرلی ایسَه بِیتْلَحِم ائدی.

![](https://cdn.door43.org/obs/jpg/360px/obs-en-23-05.jpg)

مَریم و یوسُف بِیتْلَحِمه چاتانْدا، اونْدا قالماغا یِئرْ تاپْمادیلار. اونْلارین قالا بیلَه جَه یی یِگانَه یِئرْ حیوان ساخْلاماق اویچین یِئرْ ائدی. اورادا مَریم چاغانی دوغْدو و یاتْماغا یِئرْ اولْمادیغی ایچین اونو آخورْدا یاتیرتْدی. اونو عیسی آدلانْدیرْدیلار.

![](https://cdn.door43.org/obs/jpg/360px/obs-en-23-06.jpg)

همین گِئجَه چوبانْلار صَحْرادا سورولَرینی قورویورْدولار. بیرْدَن اونْلارین آراسینْدا پارلاق بیر مَلَکْ گِئرینْدی و اونْلاری قورخو نَن دولْدورْدو. مَلَکْ اونْلارا دئدی: »قورْخْمایین، سیزین ایچین سِئوینْجیم وار. خدا اولان وَعْدَه اِئدْمیش مَسیح بِیتْلَحِم دَه دوغولْدو. «

![](https://cdn.door43.org/obs/jpg/360px/obs-en-23-07.jpg)

مَلَکْ اونْلارا دئدی: »گِئدین او چاغانی آخْتارین، قونْداغا بورونْموش و آخورْدا یاتان بیر کورْپَه تاپاجاقْسینیز. « بیرْدَن سایسیز-حساب سیز آسمانین مَلَکْلَر قوروپو او مَلَه یَه قوشولْدو. اونْلار خدایی مَدْح و تَرَنومْ اده رَک دئدیلر: »خدا اَ گؤیدَه جَلال و حَمْد اولْسون، یِئرْدَه ایسَه، خدایین لطف ائدَه یی اِنسانْلارا صلح و امین - آمانْلیق اولْسون! «

![](https://cdn.door43.org/obs/jpg/360px/obs-en-23-08.jpg)

مَلَکْلَر اونْلاری تَرْکْ ائدی و چوبانْلار سورولَرینی عیسانین اولْدوغو یِئرْ آپارْدیلار و مَلَه یین دِئدیی کیمی کورپَه نی آخورْدا یاتْدیغینی گورْدولَر. اونْلار چوخْ هَیَجانْلی اولْدولار. چوبانْلار سورولَرینین یانینا قاییتْدیلار و گِئرْدیکْلَری و ائشیتْدیکْلَری ایچین خدا اَ شوکور و حَمْد ائدیلَر.

![](https://cdn.door43.org/obs/jpg/360px/obs-en-23-09.jpg)

بونْدان سونْرا، یِئرین گین چیخان طَرَفینْدَن اولْدوز تانیان و چوخ مدْریکْ اولان کیشیلَر آسْمانْدا اِعجازْکار بیر اولْدوز گئرْدیلَر. اونْلار باشا دیشْدیلَر کِه، یِئنی یَهُودی پادشاهی دوغولوب. اونا گِئرَه دَه بو چاغانی گِئرْمَکْ ایچین ایز تورْپاقْلارینْدان چوخ اوزاقْلارا گِئدیبْلَر. اونْلار بِیتْلَحِمه گَلْدیلَر و عیسانین آتا-آنالاری نَنْ بیرلیکْدَه یاشادیغی اِئوی تاپْدیلار.

![](https://cdn.door43.org/obs/jpg/360px/obs-en-23-10.jpg)

او عالِمْ کیشیلَر عیسانی آناسی نَنْ گِئرَنْدَه دیز چوکوب اونا سُجْدَه ائدیلَر. اونْلار عیسایا قیمَتْلی هَدیَه لَر وِئرْدیلَر و سونْرا، اِئوْلَرینَه قاییتْدیلار.

*کتاب مقدسدن بیر حکایه: انجیل متی فصل۱و انجیل لوقا فصل۲*

## 24. یوحَنا، عیسانی تَعْمید وئریر

https://openbiblestories.org/l/kmz/story-24/

![](https://cdn.door43.org/obs/jpg/360px/obs-en-24-01.jpg)

زکریا و الیزابتین اوغلو "یوحَنا"آدلی بویودو و پیغَمبرلیقه سِئچیلْدی. او، چؤل و صَحْرالارْدا یاشاییردی. او چؤلْلَردَه بالْ و چورْدوگان یِئییرْدی. دِوه نین توکْ و یونْگونْدَن پالتار گِئیینیرْدی.

![](https://cdn.door43.org/obs/jpg/360px/obs-en-24-02.jpg)

چوخْلو آدام چؤلْلَرْدَه یوحَنانین یانینا گَلَرْدیلَر اونین دانیشْدیغینَه قولاق آسیرْدیلار. او، اونْلارا تبْلیغ ائدیب و دِئییرْدی: »توبَه اِئدین، چونْکِه خدایین پاشالیغی یاخینْدیر. «

![](https://cdn.door43.org/obs/jpg/360px/obs-en-24-03.jpg)

اِنسانْلار یوحَنانین خَبرینی اِئشیتْدَنْدَه چوخْلاری گناه لارینْدان توبَه اِئدیرْدیلَر و یوحَنا اونْلاری سونان تَعْمید /غُسْل/وِئرَرْدی. بیر چوخ دینی رَهْبَرْلَر دَه یوحَنانین یانینا گَلَرْدیلَر، لاکین، اونْلار گناه لارینی اِعْتِراف و توبَه اِئدْمَه دیلَر.

![](https://cdn.door43.org/obs/jpg/360px/obs-en-24-04.jpg)

تَعْمیدچی یوحَنا دین رَهبَرلَرینَه دِئدی: »ای زَهْرلی ایلانْلار! توبُه اِئدین و داوْرانیشْی نیزی دَییشْدیرین. خدا یاخْشی مِئیوَه وِئرْمَه یَنْ هَر دال-آغاجی کَسیب، اودا آتاجاق. « یوحَنا پیغَمْبرلین اونْگَه دَن دییینی بوتون بیتیرْدی. پیغمبرلَر اونْجَه دَن دِئمیش ایمیشْلَر: »باخین، اینْدی مَن سیزین ایچین ائلْچی و ساوچیمی، یول حاضِرلاماق ایچین سیزدَن قاباق گیندَریرَم تا یولو سیز ایچین هَمْوار اِئدْسین. «

![](https://cdn.door43.org/obs/jpg/360px/obs-en-24-05.jpg)

بَعضی دینی رَهبَرلَر یوحَنادان سوروشْدولار: »سَن مَسیح سَن؟ « یوحَنا جَواب وِئرْدی: »مَن مَسیح دئییلَم، امّا، مَنْدَن سونْرا، مَنْدَن قات-قات یوکْسَکْ اولان بیری گَلَه جَکْ. مَن اونین آیاغ قابیلارینی آچْماغا لاییق دئییلَم. «

![](https://cdn.door43.org/obs/jpg/360px/obs-en-24-06.jpg)

اِئرْتَه سی گین عیسی سودا تَعْمید /غُسل/اولونْماق ایچین، تَعْمیدچی یوحَنانین یانینا گَلْدی. یوحَنا اونو گِئرَنْدَه دِئدی: »بو بوتون دونیانین گناه لارینی گوتورَن خدایین قوزوسو دور. «

![](https://cdn.door43.org/obs/jpg/360px/obs-en-24-07.jpg)

تَعْمیدچی یوحَنا، عیسایا دِئدی: »مَن سَنی تَعْمید /غُسْل/وِئرْمَه یَه لاییق دئییلَم. سَنین طَرَفینْدن تَعْمید اِئدْمَه لی اولان مَنَم. « امّا عیسی دِئدی: »مَنی تَعْمید اِئدین، چونْکِه، بو دوزْگون ایشْدیر. « بِئلَه لیکْلَه، یوحَنا، عیسانی تَعْمید اِئدی، باخْمیاراق کِه، عیسی هِئچ وَقْت گناه اِئدْمَه میشْدی.

![](https://cdn.door43.org/obs/jpg/360px/obs-en-24-08.jpg)

عیسی تَعْمید اولْدوغونْدان سونْرا، سودان چیخانْدا، خدایین روحو گؤیَرْچین کیمی گِئرینْدی و آشاغی اِئنْدی و اونین اؤزَرینَه اوتوردی و عینی زَمانْدا آسْمانْدا خدایین سَسی گَلْدی: »بو، مَنیم اوغْلوم دور. مَن اونو سِئوْگی و مَن اونْدان راضی و خُشْنودَم. «

![](https://cdn.door43.org/obs/jpg/360px/obs-en-24-09.jpg)

خدا یوحَنایا دِئمیش ایدی: »مَقْدّسْ روحو اِئدییز شَخصین اؤزَرینَه گَلَه جَکْ، او، خدایین اوغْلو دور. « خدا بیر و یِئکّه دیر و یوحَنا عیسانی تَعْمید اِئدَنْدَه، آتا خدایین سَسینی اِئشیدی. او اوغول خدایی، یَعنی عیسانی گِئرْدی و مُقّدْس روحو دا گؤیرَچین شَکْلینْ دَه گِئردی.

*کتاب مقدسدن بیر حکایه: کتاب انجیل متی باب۳، کتاب انجیل مرقس باب۱آیه۹تا۱۱، کتاب انجیل لوقا باب۳آیه۱تا۲۳*

## 25. شیطان عیسانی سیناغا چَکیر

https://openbiblestories.org/l/kmz/story-25/

![](https://cdn.door43.org/obs/jpg/360px/obs-en-25-01.jpg)

عیسی تَعْمید اولونْدوقْدان سونْرا، خدایین روحو اونی دَر حال چؤل و صَحْرایَه آپارْدی. اورْدا قیرخ گین و گِئجَه اوروجْ توتْدو. سونْرا شیطان عیسانین یانینا گَلْدی و اونی گناهَه طَرَف وَسْوَسَه و سوق اِئدی.

![](https://cdn.door43.org/obs/jpg/360px/obs-en-25-02.jpg)

شیطان عیسانی سیناییب دِئدی: »اگر سَن خدایین اوغْلوسانْسا، بو داشْلارا دئیین کِه، چِئرَه یْ اولْسون کِه، یِئییَه سَن! «

![](https://cdn.door43.org/obs/jpg/360px/obs-en-25-03.jpg)

عیسی جَواب وِئرْدی: خدایین کَلامینْدا یازیلیب: »اِنسان دیری قالیب و یاشاماق ایچین تَکْ چِئرَه یْ یِئی مَه یَه نیازی یوخْدی، بَلْکَه، خدایین آغْزینْدان چیخان هَر بیر سِئزَه احتیاج دا وار! «

![](https://cdn.door43.org/obs/jpg/360px/obs-en-25-04.jpg)

سونْرا، شیطان اونی مَعْبَدین اَن اوجا یِئرینَه آپاریب، دئدی: »اگر سَن خدایین اوغْلوسانْسا، ایزینی بورادان آشاغی آتْ، چون مُقدَّس کِتابْدا دِئییلیب: »آیاغینی داشا ووماماق ایچین، خدا ایز مَلَکْلَرینَه سَنی داشیماغی اَمْر اِئدَه جَکْ. «

![](https://cdn.door43.org/obs/jpg/360px/obs-en-25-05.jpg)

امّا، عیسی شیطانین دِئیدیینی اِئدْمَه دی و جَواب وِئرْدی: خدا ایز سِئزی نَنْ خَلْقینَه اَمْر اِئدی: »خدایی نیز رَبّی سینانْمایین. «

![](https://cdn.door43.org/obs/jpg/360px/obs-en-25-06.jpg)

سونْرا شیطان اونی هونْدور بیر داغین باشینا چیخاریب بوتون دونیا اؤلْکَه لَرینه و اونْلارین گوج و ثِروَتْلَرینی اونا گوسْتَریب دِئدی: »اگر دیز چوکوب مَنَه دوعا و نیایش اِئدَه سَن، بونْلارین هامی سینی سَنَه وِئریب باغیشْلارام. «

![](https://cdn.door43.org/obs/jpg/360px/obs-en-25-07.jpg)

عیسی جَواب وِئرْدی: »مَنْدَن اوزاق اوْلین، شیطان!"او، خدایین سِئزی نَنْ خَلْقینَه اَمْر اِئدی: »یالْنیز خدایی نیز رَبّه عِبادَت اِئدین و یالْنیز اونا قولْلوق اِئدین. «

![](https://cdn.door43.org/obs/jpg/360px/obs-en-25-08.jpg)

عیسی شیطانین وَسْوَسَه لَری نین تَلَه سینَه دؤشْمَه دی. بِئلَه لیکْلَه، شیطان اونی تَرْک اِئدی و مَلَکْلَر گَلیب عیسایا خِدْمَتْ اِئدیلَر.

*کتاب مقدسدن بیر حکایه: کتاب انجیل متی باب۴آیه۱تا۱۱، کتاب انجیل مرقس باب۱آیه۱۲و۱۳، کتاب انجیل لوقا باب۴آیه ۱تا۱۳*

## 26. عیسانین خدمتی نین باشلانغیجی

https://openbiblestories.org/l/kmz/story-26/

![](https://cdn.door43.org/obs/jpg/360px/obs-en-26-01.jpg)

شیطانین وَسْوَسَه لَرینَه غالِب گَلْدیکدَن سونْرا، عیسی، ایز مَسکن و یاشاییش یِئرینَه "جَلیل"آدلی شهرَه قاییتدی. روح الْقُدْس، عیسایَه چوخْلو گوجْ وِئرْدی و او، خَلْقی اؤرَتْمَکْ اوچون، یِئرْدَن یِئرَه گِئدیرْدی و هامی اونون حَقّینْدَه یاخشی دانیشیرْدیلار.

![](https://cdn.door43.org/obs/jpg/360px/obs-en-26-02.jpg)

عیسی چاغالیغینی کِئچیرْدییی "ناصِرَه"آدلی کَندینَه گِئدی. شَبّات گینی، او مَعبدَه گِئددی. دین رَهبرلَری اونا اوخوماق اوچون، اِشَعیای پیغمبرین بیر نُسْخَه سینی وِئرْدیلر، بونا گِئرَه دَه عیسی طوماری آچیب اونو بیر حِصّه سینی خَلْق ایچین اوخودو.

![](https://cdn.door43.org/obs/jpg/360px/obs-en-26-03.jpg)

عیسی بِئلَه اوخودو: »خدا ایز روحونو مَنیم اؤزَریمَه قویْدو کِه، خوش خَبری و سِئوینْجی یوخْسول لارا چاتدیریم. مَنی گینْدَردی کِه، کورْلَری گِئریم اَسیرلَری و مَظلوم لاری آزاد اِئدیم. چونکِه خدایین اِنسانلارا رَحْمَت وقتی گَلیب چاتْمیشدی. «

![](https://cdn.door43.org/obs/jpg/360px/obs-en-26-04.jpg)

سونرا عیسی یِئرْدَه اوتورْدو و هامی دِقّت نَن اونا باخیرْدی. اونْلار بیلیرْدیلر کِه، مُقّدَس کتابین اوخودوقلاری حِصّه وَعْدَه اِئدیلْمیش مَسیحَه اِستِناد اِئدیر. بو حالْدا، عیسی دِئدی: »سیزه اوخودوغوم سیز آرتیق یِئرینَه یئتْمَکْدَه دیر. « بوتون جَماعَت حِیرَتَه گَلْدی و سوروشْدولار: »بو، یوسُفین اوغْلو دئییل می؟ «

![](https://cdn.door43.org/obs/jpg/360px/obs-en-26-05.jpg)

سونْرا عیسی دئدی: »دوغْرو دور پیغمبرلَر ایز مَملِکَتین دَه قبول اولْمورْلار. ایلیای پیغمبرین دورونْدَه ایچ ایل یاریم یاغیش یاغْمایانْدا، اِسرائیل دَه دول قادینْلارین چوخ اولْماسینا باخْمیاراق، خدا ایلیانی باشْقا اؤلْکَه دَه یاشایان بیر دول قادینا کؤمَکْ اِئدْمَکْ ایچین گینْدَرْدی. «

![](https://cdn.door43.org/obs/jpg/360px/obs-en-26-06.jpg)

عیسی دوام اِئدی: »اِلیَشَع پیغمبرین زمانیندا، اِسرائیل دَه بیر چوخ اِنسانلار دَری ناچاقلیق و خَسْتَه لیک لَری اِئدی. لاکین اِلیَشَع اونْلارین هِئچ بیرینی شَفاء وِئرْمَک نَن ساغالتْمادی. او آنجاق، اِسرائیلین دُشمنین کومانْدیری سوریَه لی "نَعَمان"آدلینی، بو خَسْتَه لیکْدَن شَفاء نان ساغالتْدی. « یَهودی اولان دینْلَه ییجیلَر بو سیزلَری اِئشیتْدَن دَه اونا غَضَبْ لَنْدیلَر.

![](https://cdn.door43.org/obs/jpg/360px/obs-en-26-07.jpg)

ناصِره نین خَلْقی، عیسانی مَعْبَدْدَن چیخاریب بیر اوچورومون کنارینه آپارْدیلار کِه، اونو، اورادان آشاغی آتْسینْلار و اونو ائلدیرسینلر. لاکین عیسی اونْلارین آراسینْدان کِئچْدی و ناصِرَه شَهرینی تَرْک اِئدی.

![](https://cdn.door43.org/obs/jpg/360px/obs-en-26-08.jpg)

سونرا عیسی جَلیل شَهرینَه گِئدی و بوتون کَنْدلَرینی گَزْدی. خَلقین چوخو اونون یانینا گَلیرْدیلر و ایزْلَری نَن چوخلو ناچاق و خَسْتَه لَر گتیریرْدیلَر. اونْلارین آراسینْدا، عَلیل، کورْ و کَرْ اِنسانلار واریدی. بَعضی لَر یِئریَه بیلْمیرْدیلر و بَعضی لَر دَه دانیشا بیلْمیرْدیلر. عیسی اونْلارا شَفاء وِئریرْدی و اونْلار ساغْلام قاییتْدارْدیلار.

![](https://cdn.door43.org/obs/jpg/360px/obs-en-26-09.jpg)

اونْلار هَمْچِنین پیس روحْلارا توتولْموش چوخْلاری عیسانین یانینا گَتیرَرْدیلَر. عیسانین اَمْری نَن پیس روحْلار اِنسانلاری تَرْک اِئدیرْدی. اونْلارین چوخو قیشْقیراردیلار: »سَنْ خدایین اوغْلوسان! « جَماعَت حیرَت لَنیب و خدااَ حَمْد اِئدیرْدیلر.

![](https://cdn.door43.org/obs/jpg/360px/obs-en-26-10.jpg)

سونْرا، عیسی اؤرَنْجیلَردَن اون ایکی کیشینی سِئچْدی و اونْلارا رَسولان آد قویْدی. اونْلار عیسی نَن سیاحَت اِئدیرْدیلَر و اونْدان اؤرَنَرْدیلَر.

*کتاب مقدسدن بیر حکایه: کتاب انجیل متی باب۴آیههای۱۲تا۲۵، کتاب انجیل مرقس بابهای۱تا۳، کتاب انجیل لوقا باب۴*

## 27. یاخشی سامری حِکایَه

https://openbiblestories.org/l/kmz/story-27/

![](https://cdn.door43.org/obs/jpg/360px/obs-en-27-01.jpg)

بیر گین یَهودی دین اُستادلارینْدان بیری، عیسانین یانینا گَلْدی. او عیسانین تَعلیم لَرینین یانْلیش اولْدوغونو ثابِت اِئدْمَک ایسْتَه ییرْدی. او عیسادان سوروشْدو: »اُسْتاد، اَبَدی حَیاتَه صاحِب اولْماق ایچین اِنسان نَه اِئدْمَه لی دیر؟ « عیسی جَواب وِئرْدی: »تورات کتابینْدا بو بارَه دَه نَمَه یازیلیب؟ «

![](https://cdn.door43.org/obs/jpg/360px/obs-en-27-02.jpg)

اُستاد یَهودی دِئدی: »یا ربّ خداینی بوتون ایره ی نَن، بوتون جانْلا، بوتون گوجونْلَه و بوتون عَقْلین نَن سِئوین. قوشْنی نی ایزین کیمی سِئوین. « سونْرا عیسی دِئدی: »دوغْرو دِئییرْسَن! سَنْ دَه بوجور اِئدین کِه اَبَدی حَیاتَه صاحِب اولاسانیز. «

![](https://cdn.door43.org/obs/jpg/360px/obs-en-27-03.jpg)

امّا او دین عالِمی تَقوالی گِئرینْمَکْ ایسْتَه یَه رَکْ یِئنیدَن سوروشدو: »قوشْنیم کیمْدیر؟ «

![](https://cdn.door43.org/obs/jpg/360px/obs-en-27-04.jpg)

عیسی هَمین دین رَهبَرَه بیر حِکایه نَن جَواب وِئرْدی: »بیر یَهودی کیشی اورْشَلیم دَن اَریحایَه گِئدَرْدی.

![](https://cdn.door43.org/obs/jpg/360px/obs-en-27-05.jpg)

یولْدا اوغْرو و قولْدورْلار اونا هُجوم اِئدَه رَک بوتون وار یوخونو اَلینْدَن آلْدیلار و ایزینی دَه دؤیْدویْلَر و یاری ائلی جَسَدینی یولون کِنارینْدا قویوب گِئدیلَر.

![](https://cdn.door43.org/obs/jpg/360px/obs-en-27-06.jpg)

بو حادثَه دَن سونْرا، اورادان بیر یَهودی کاهِن گِئچَرْدی. هَمین آدَمی یولون اورْتاسینْدا گِئریب یولون او بیری طرفینْدن، یولونا دَوام ائدی و اونا هِئچ مُحَلْ قویْمادی. «

![](https://cdn.door43.org/obs/jpg/360px/obs-en-27-07.jpg)

بیر آزْدان سونْرا بیر لاوی لی یولْدان گَلْدی ییتیشْدی.)لاوی لار مَعبدین کاهِن لارینا کؤمک ائدن اسرائیل قبیله سینْدن اِئدیلر.(او دا یولون او بیر طرفینَه کِئچْدی، همین آدَمه هِئچ فِکْر اِئدْمَه دی.

![](https://cdn.door43.org/obs/jpg/360px/obs-en-27-08.jpg)

سونْرا، سامرلی لاردان اولان باشْقا بیر آدَم گَلْدی.)سامرلی لار و یَهودی لر بیر بیرینَه نِفْرَت اِئدیرْدیلَر(. یارالایان یَهودی اولْدوغونو گِئرسَه دَه، یوره یی اونین ایچین یانْدی و یارالارینی یویْدو، مَلْحَمْ چِکدی، یارانی سارْدی و اوسْتونو باغْلادی.

![](https://cdn.door43.org/obs/jpg/360px/obs-en-27-09.jpg)

سونْرا سامِرلی اونو اِئشّه یینَه مینْدیرْدی، قوناق خانایا آپارْدی و اورْدا اونا قولْلوقْلوق اِئدی. «

![](https://cdn.door43.org/obs/jpg/360px/obs-en-27-10.jpg)

اِئرْتَه سی گین سامِرلی سیاحتینَه دَوام اِئدْمَه لی اولْدی. او قوناق خاتاچیا بیر آز پول وِئرْدی و دِئدی: »بو یارالی آدَمَه باخین و اونا قولْلوق اِئدین، بونْدان آرْتیق خَرْج ایلَه سَن، مَن قاییدانْدا آرْتیق سَنَه پول وِئرَرَم. «

![](https://cdn.door43.org/obs/jpg/360px/obs-en-27-11.jpg)

سونْرا عیسی هَمین دین عالِمینْدان سوروشدو: »اینْدی، سَنجَه بو ایچ نَفَر دَن هانْسی اوغْرولارْدان و زوراکی لیغا مَعْروض قالان آدامین قوشْنی سی اِئدی؟ « دین عالِمی جَواب وِئرْدی: »اونین ایچین قَلبینی قیران یورَه یینی یاخان. « عیسی اونا جَواب وِئردی: »سَن دَه گِئدین بویلَه اِئدین. «

*کتاب مقدسدن بیر حکایه: کتاب انجیل لوقا باب۱۰آیههای۲۵تا۳۷*

## 28. زنگین گنج

https://openbiblestories.org/l/kmz/story-28/

![](https://cdn.door43.org/obs/jpg/360px/obs-en-28-01.jpg)

بیر گین وارلی و بیر رَهبر عیسانین یانینَه گَلْدی و اونْدان سوروشْدو: »یاخْشی اُستاد، اَبَدی حَیاتَه چاتْماق و اونَه صاحب اولْماق ایچین نَه ایش اِئدْمَه لییَم؟ « عیسی اونَه بویورْدو: »نِئیَه مَنَه یاخْشی دِئییرْسَن؟ حال بو کی، خدا دان باشْقا هِئچ کیم یاخْشی دِئییل دی. اگر اَبَدی حَیاتَه صاحِب اولْماق و اونَه اَیَه چیخْماق ایستَه ییرسَن، خدایین اَمْرلَرینَه عَمَلْ اِئدین. «

![](https://cdn.door43.org/obs/jpg/360px/obs-en-28-02.jpg)

او وارلی سوروشْدو: »اَمْرلَردَن هانسینَه تابِع اولْمالییَم. « عیسی جَواب بِئرْدی: »هِئچ کیمی ائلْدورْمَه، زَنا اِئدْمَه، اوغْرولوق اِئدْمَه، یالان دانیشْمَه، آتا - آنانا حُرْمَت اِئد، و قوشنینی ایزین کیمی سِئو. «

![](https://cdn.door43.org/obs/jpg/360px/obs-en-28-03.jpg)

امّا گَنْج دِئدی: »مَن چاغالیقْدان بَری بوتون بو اَمْرلَره عَمَل اِئدْمیشَم، اینْدی اَبَدی حَیاتَه صاحِب اولْماق ایچین نَه اِئدْمَه لییَم؟ « بو حالْدا، عیسی اونَه مِحَبَتْلَه باخْدی.

![](https://cdn.door43.org/obs/jpg/360px/obs-en-28-04.jpg)

و جَواب بِئرْدی: »اگر اَن یاخْشی سینی اِئدْمَکْ ایستَه ییرْسَن، گِئد هَر نَه یین وارْسَه سات و پولونو یوخْسولْلارا بِئرْ کِه، سَنین خَزینَه نین یِئرْدَه یوخ، بَلْکَه آسْمانْدا اولْسون! او زَمان مَنیم آرْخامْدان گَلْ! «

![](https://cdn.door43.org/obs/jpg/360px/obs-en-28-05.jpg)

گنْج عیسانین بو سِئزْلَرینی اِئشیتْدَنْدَه چوخ کَدَرْلَنْدی، چونْکِه زنگین ایدی و وار دولتینی و اَمانَتینی ایتیرْمَکْ ایستَه مَه دی. عیسی دان ایز چِئویرْدی.

![](https://cdn.door43.org/obs/jpg/360px/obs-en-28-06.jpg)

سونْرا عیسی اؤرَنْجیلَرینَه دِئدی: »بیلین کِه وارلی آدَم ایچین خدایین پادشلیغینَه گیرْمَکْ چوخ چَتینْدی. یِئنَه دِئییرَم، دِوَه نین اینَه دیشینْدَن گِئچْمَه سی وارلی نین خدایین سِلْطَنَتینَه گیرْمَه سینْدَن آسانْدی! «

![](https://cdn.door43.org/obs/jpg/360px/obs-en-28-07.jpg)

اؤرَنْجیلَری عسانین بو سِئزْلَرینی ائشیتْدَنْدَه تَعَجُب لَنْدیلَر و سوروشْدولار: »بَس کیم خِلاص اولا بیلر؟ «

![](https://cdn.door43.org/obs/jpg/360px/obs-en-28-08.jpg)

عیسی اؤرَنْجیلَرَه باخیب، دِئدی: »اِنسان ایزینی خِلاص اِئدَه بیلْمَزْ، لاکین خدا هَر شَئی مُمکِن دور. «

![](https://cdn.door43.org/obs/jpg/360px/obs-en-28-09.jpg)

پِتْروس عیسایَه دئدی: »بیز هَر شَئی دَن اَلْ چَکْدیکْ تا تابِع اولاق، اینْدی مُکافاتیمیز نَه اولاجاق؟ «

![](https://cdn.door43.org/obs/jpg/360px/obs-en-28-10.jpg)

عیسی جَواب بِئرْدی: »کیم مَنیم ایچین قارْداش و باجی، آتا-آنا و چاغا، ائو و یِئر تورْپاق دان تَرْک اِئدْسَه، یوز قات آرْتیق آلاجاق و اَبَدی حَیاتَه صاحِب اولاجاق. آنجاق بیرینْجی اولانْلارین چوخو سونونْجو، سونونْجو اولانْلارین چوخو بیرینْجی اولاجاق. «

*کتاب مقدسدن بیر حکایه: انجیل متی فصل۱۹آیه های۱۶تا۳۰، انجیل مرقس فصل۱۰آیه های۱۷تا۳۱، انجیل لوقا فصل۱۸ آیه های۱۸تا۳۰*

## 29. داشْلی یؤرَه کْلی قولْلوقْچونون حِکایَه سی

https://openbiblestories.org/l/kmz/story-29/

![](https://cdn.door43.org/obs/jpg/360px/obs-en-29-01.jpg)

بیر گون پِتْروس عیسی دان سوروشْدو: »اُستادیم مَنَه پیسْلیک و ظَلْم اِئدَن قارْداشیمی نِئچَه دَفْعَه باغیشْلامالییَم؟ آیا یِئدّی دَفْعَه ؟ « عیسی دِئدی: »یِئدّی دَفْعَه یوخ، یِئتمیش سانی یِئدّی دَفْعَه! « عیسی ایسْتَه ییردی کِه، بیز همیشَه باغیشلامالی اولْدوغوموزو باشَه دؤشَک. سونْرا عیسی بو اَحْوالاتی دانیشْدی.

![](https://cdn.door43.org/obs/jpg/360px/obs-en-29-02.jpg)

او دئدی: »خدایین سِلْطَنَتی ایز قولْلاری نان حَقّ حِساب چَکْمَکْ ایسْتَه یَنْ پادشاهَه بَنْزَییر. هَمین قولْلوقْچولارین دان بیرینین بورْجو ایکی یوز مین ایلْلیک ایشینین اوجْرت -مُعاشینَه برابر ایدی. «

![](https://cdn.door43.org/obs/jpg/360px/obs-en-29-03.jpg)

قولْلوقْچو بو مَبلغ دَه بورْجو اوْدَه یَه بیلْمَه دیِی ایچین پادشاه بو بورْجونو قارْشی سین دَه اونون آرْوادی، چاغالاذی و بوتون مال –دولتی ایلَه بیرْلیکْدَه ساتْماغی اَمْر ائدی.

![](https://cdn.door43.org/obs/jpg/360px/obs-en-29-04.jpg)

امّا کیشی ایزینی پادشاهین آیاغینَه آتیبْ یالْواریب، دِئدی: »ای پادشاه، لَطفَن مَنَه بوتون بورْجْلاریمی آخیرا قَدَرْ اوْدَه مَک ایچین وقت بِئر. « پادشاهین اونَه یازیغی گَلْدی، اونو آزاد اِئدی و بوتون بورْجلارینی باغیشْلادی.

![](https://cdn.door43.org/obs/jpg/360px/obs-en-29-05.jpg)

لاکین او قولْلوقْچو پادشاهین سارایینْدان چیخانْدا اَمَکْداشْلارینْدان بیرینین اونَه دوْرد آیلیق مَعاش بورْجو اولْدوغونو گورْدو. او، بوغازینی سیخیب دِئدی: »مَنَه بورْجونو اوْدَه. «

![](https://cdn.door43.org/obs/jpg/360px/obs-en-29-06.jpg)

بورادا دوستو اونون آیاغینَه ییخیلاراق دِئدی: »خواهِش اِئدیرَم، مَنَه بیر آز وقت بِئرین، بوتون بورْجومو قایْتاریم. « امّا، طَلَبْکار قانِع اولْماییب و بوتون بورْجلاری اوْدَنیلَنَه قَدَرْ اَمَکْداشینی زندان سالیب و اونو حَبْس ائدی.

![](https://cdn.door43.org/obs/jpg/360px/obs-en-29-07.jpg)

شَخصین دوستلاری حِکایَه نی ائشیتْدیکْدَه، چوخ کَدَرْلی اولْدولار و پادشاهین حضور و وارلیغینَه گِئدیلَر، حِکایه نی اونَه بیلْدیرْدیلَر.

![](https://cdn.door43.org/obs/jpg/360px/obs-en-29-08.jpg)

پادشاه در حال، قولْلوقْچولارْدان سوروشْدو و دِئدی: »ای شَرور! و ای قولْدور، مَن سَنَه کاتا بیر بورْجو باغیشْلادیم. سَن دَه گَرَک اَمْکْداشین نَنْ عینی داوْرانْنیشی اِئدْمَه لی سینیز. « پادشاه چوخ عَصَبْلَشْدی و حَبْس اولونْماسینی اَمْر ائدی تا بوتون بورْجو اوْدَه مَه یَنَه قَدَرْ زِندانْدان سَر بَسْت بوراخْماسینْلار.

![](https://cdn.door43.org/obs/jpg/360px/obs-en-29-09.jpg)

سونرا عیسی دِئدی: »قارْداشینیزی باغیشْلامیرْسان، آسْمانلی آتام سَنَه عینی مُناسِبَت گؤسْتَه رَه جَکْ. «

*کتاب مقدسدن بیر حکایه: انجیل متی فصل۱۸آیه های۲۱تا۳۵*

## 30. عیسی مسیح بئش مینگ انسانی یئدیزدیردی.

https://openbiblestories.org/l/kmz/story-30/

![](https://cdn.door43.org/obs/jpg/360px/obs-en-30-01.jpg)

عیسی حواریون لَرینی چاغیریش و اؤیرَتْمَکْ ایچین بیر چوخ کَندْلَره گیندَرْدی. قاییدانْدا اونْلار، عیسی یَه ائدیکْ ایشْلَرینی بیلْدیرْدیلر. سونْرا عیسی اونْلاری دینْجَلَه مَک ایچین چایْلیق یاخینْلیغین دا خَلْوَتْ اولان یئکَه یِئرَه آپارْدی. بِئلَه لیکْلَه هامی بیر قاییقَه مینْدیلَر و چایین او بیر طَرفینَه کئچْدیلَر.

![](https://cdn.door43.org/obs/jpg/360px/obs-en-30-02.jpg)

چون جَماعَت عیسی و اؤیْرَنْجی لَری نین قاییق دا گِئدی یینی گئرْدیلَر، اونْلاردان اونْجَه دَنیزین او تایینَه ییتیشْماق ایچین دَنیزین ساحِلین دا قاچْماغا باشْلادیلار. بونا گئرَه دَه عیسی و اؤیْرَنْجی لَری اورایا گَلَنْدَه کاتا بیر گوروپ آدام اونْلاری گئزْلَه ییرْدی و اونْلاری قارْشیلارْدیلار.

![](https://cdn.door43.org/obs/jpg/360px/obs-en-30-03.jpg)

اونْلارین سایی قادینْلار و چاغالار ایسْتینَه اولْماق نان بئش مینگه یاخین کیشی ایدیلَر. عیسی مَسیح ایرَه یی اونْلار ایچین بَرَک یانْدی، چونکِه اونْلار چوبان سیز قویونْلار کیمی ایدیلَر. او، اونْلارا اؤیْرَتْمَه یَه و ناخوش لاری ساغ ائدْمَه یَه باشْلادی.

![](https://cdn.door43.org/obs/jpg/360px/obs-en-30-04.jpg)

آخشام چاغی، اؤیْرَنْجی لَر عیسی نین یانینا گَلیب، دئدیلَر: »ای اُستاد، جَماعتی گینْدَر تا ایزْلَری ایچین یِئمَکْلَر تامین ائدسینْلَر، چونکِه بو اوجْقار یِئرْدَه یِئیمَه یَه هئچ نَمَه یوخْدور. «

![](https://cdn.door43.org/obs/jpg/360px/obs-en-30-05.jpg)

لاکین عیسی اؤیْرَنْجی لَرینَه دئدی: »اونْلاری ایزینیز یِئدیزْدیرین. « اونْلار جَواب وِئرْدیلَر: »بیز بو جَماعتی نِئجَه یِئدیزْدیرَک؟! بیز جَمعا بِئش دَنَه چِئرَه ی یی میز و ایکی بالاجا بالیقمیز وار والسلام. «

![](https://cdn.door43.org/obs/jpg/360px/obs-en-30-06.jpg)

عیسی اؤیْرَنْجی لَرینَه دِئدی کِه جَماعتَه دِئسینْلَر: اَلْلی نَفَرْلیک گوروپ لار دوزَلْدیب و یاشیل اودْلارین اوسْتونْدَه اوتورْسونْلار.

![](https://cdn.door43.org/obs/jpg/360px/obs-en-30-07.jpg)

سونرا عیسی الینَه بِئش دَنَه چِئرَه یْ و ایکی بالاجا بالیق گؤتورْدو، اَلْلَرینی آسْمانْدا قالْدیرْدی و یِئمَکْ ایچین، خدااِ شوکور و خیرْلی دوعا ائدیب و اونا بَرَکَتْ وِئرْدی.

![](https://cdn.door43.org/obs/jpg/360px/obs-en-30-08.jpg)

بونْدان سونْرا عیسی چِئرَه ی لَری و بالیقْلاری سینْدیرْدی و خَلق آراسینْدا پایْلاماق ایچین اؤیْرَنْجی لَرینَه وِئرْدی. اؤیْرَنْجیلَر خَلقَه یِئمَک وِئرْدیلَر و هامی سی یِئدیلَر و دؤیْدولَر، لاکین او یِئمَکْلَردن خوچ اَسْکیک و آز اولْمادی.

![](https://cdn.door43.org/obs/jpg/360px/obs-en-30-09.jpg)

ااؤیْرَنْجیلَر یِئمَک قالیقْ لارینی توپْلادیلار و بِئلَه جَه، او بِئش چِئرَه ی و ایکی بالیقْدان قالانْلار، اونْ ایکی سَبَدی دولْدورْدولار.

*کتاب مقدسدن بیر حکایه: انجیل متی فصل۱۴آیه های۱۳تا۲۱ ، انجیل مرقس فصل۶آیه های۳۱تا۴۴، انجیل لوقا فصل۹آیه های۱۰تا۱۷، انجیل یوحنا فصل۶آیه های۵تا۱۵*

## 31. عیسی سویون یوزَرینده یئریرییر

https://openbiblestories.org/l/kmz/story-31/

![](https://cdn.door43.org/obs/jpg/360px/obs-en-31-01.jpg)

عیسی جماعتی یئدیزدیردیک دن سونرا، اؤیْرَنْجی لَرینَه قاییقه مینیب چایلیقین او بیر ساحِلیَنه گئدْمَه یی تاپْشیرْدی، لاکین او، قیسَه مَدَت اورادا قالْدی. اؤیْرَنْجیلَر و عیسی جَماعتی یولا سالْدیقْدان سونْرا دوعا اِئدْمَکْ اوچون بیر داغین باشینَه چیخْدی. او اورادا تَکْ گئجه نین یاریسینَه قَدَرْ دوعا اِئدَرْدی.

![](https://cdn.door43.org/obs/jpg/360px/obs-en-31-02.jpg)

اؤیْرَنْجیلَر قاییق ده پارو وورْماغا مَشغول ایدیلَر، لاکین، کولاک اونْلارا قارشی اَسَرْدی. گئجه یاریسینَه یاخین وَقتی چایْلیق یالْنیز کیچیک بیر حِصّه سینی گِئدمیش ایدیلَر.

![](https://cdn.door43.org/obs/jpg/360px/obs-en-31-03.jpg)

سونرا عیسی دوعاسی نی بیتیردی و اؤیْرَنْجیلَرین یانینا گِئدی. او سویون یؤزَرینْدن اونْلارین قاییقینَه طَرَف قَدَم وورْدی.

![](https://cdn.door43.org/obs/jpg/360px/obs-en-31-04.jpg)

اؤیْرَنْجی لَر عیسی نی گؤرَنْدَه چوخ قورْخْدولار، چونْکِه اونون روح اولْدوغونو دؤشونوردولَر. عیسی اونْلارین قورخْدوغونو بیلْدی و اونْلارا دئدی: »قورخْمایین، منم! «

![](https://cdn.door43.org/obs/jpg/360px/obs-en-31-05.jpg)

سونْرا پِتِرسْ عیسی یَه دئدی: »یا سَرورَم! اگر سَن سُنْسَه، دِئیین تا سویون اوسْتونَه سَنین یانینا گَلیم. « عیسی پِترَه دِئدی: »گَلْ! «

![](https://cdn.door43.org/obs/jpg/360px/obs-en-31-06.jpg)

پِتِرس قاییق دان دؤشوب سویون اوسْتونْده عیسی نین یانینا گِئدی. لاکین بیر قَدَرْ گِئدیکْدَن سونْرا، ایزینی عیسی دَن چِئویردی، بَلَنْد و یوکْسَکْ دالغالارا باخْدی، سونْرا گؤجْلو چایلیقین گؤجونو حِسْ ائدی.

![](https://cdn.door43.org/obs/jpg/360px/obs-en-31-07.jpg)

اونْدان سونْرا پِترسه قورْخو بؤرْونْدو و سویا باتانْدا قیشْقیرْدی: »یا سَرورَم، مَنی خِلاص اِئدینْ و نِجات وِئرین! « عیسی تَئزْ اَلینی اوزادیب اونو سودان چیخارْدی. سونْرا دئدی: »ای ایمانی آز! اولانْلارْدا تَهْلوکَه سیز قالْماغا نِئیَه مَنه اینانْمادین؟ «

![](https://cdn.door43.org/obs/jpg/360px/obs-en-31-08.jpg)

پِترس ایله عیسی قاییقه مینَنْدَه دَر حال کولاک دایانْدی و سو ساکِت اولْدو. چوخ تَعجُب لَه نَنْ اؤیْرَنْجی لَر عیسی یَه سَجْدَه اِئدَه رَک اونا دِئدیلَر: »حَقیقتْدَن سَن خدایین اوغْلوسان. «

*کتاب مقدسدن بیر حکایه: کتاب انجیل متی باب۱۴آیههای۲۲تا۳۳؛ کتاب انجیل مرقس باب۶آیههای۴۵تا۵۲؛ کتاب انجیل یوحنا باب۶آیههای۱۶تا۲۱*

## 32. عیسی بیر دیو توتولموش کیشینی و بیر ناخوش قادینی ساغالدیر

https://openbiblestories.org/l/kmz/story-32/

![](https://cdn.door43.org/obs/jpg/360px/obs-en-32-01.jpg)

بیر گین عیسی و اؤیْرَنْجی لَری قاییق نان جَدَریان اؤلْکَه سیندَه بیر گیلین او بیر ساحِلینَه گِئدیلَر. قورویا ییتیشَنْدَه قاییقدان دؤشْدولَر.

![](https://cdn.door43.org/obs/jpg/360px/obs-en-32-02.jpg)

اورادا بیر پیس روحْلارا توتولموش بیر آدام واریدی.

![](https://cdn.door43.org/obs/jpg/360px/obs-en-32-03.jpg)

او آدام او قَدَرْ گوجْلو ایدی کی هئچ کیم اونو رام ائدَه بیلْمَزیدی. دفعه لَر اونو زنجیرنان باغْلامیشْدیلار، امّا او زنجیرلَری قیریرمیشْدی.

![](https://cdn.door43.org/obs/jpg/360px/obs-en-32-04.jpg)

همین آدام اورادا اولان قبْرلَرین آراسینْدا یاشاییرْدی. گِئجَه گیندیز قیشْقیریرْدی. اونین اَیْنینْدَه هئچ بیر رَخْت و پالتار یوخیدی و ایتی داشْلارنان ایزینه خِسارَت ییتیریب ایزینه یارلار وورور دور.

![](https://cdn.door43.org/obs/jpg/360px/obs-en-32-05.jpg)

او آدم عیسی نین یانینا گَلَنْدَه اونین قارْشی سینْدا دیز چؤکْدو. عیسی او دیوَه اَمْر اِئدی: »بو آدامدان چیخ. «

![](https://cdn.door43.org/obs/jpg/360px/obs-en-32-06.jpg)

دیو اوجا سَسْلَه دئدی: »ای اوجا خدایین اوغْلو عیسی، مَنْدَن نه ایسْتَه ییرْسَن؟ خواهِش ائدیرَم مَنه ایشْکَنْجَه وِئرْمَه یین! « سونرا عیسی اونْدان سوروشدو: »آدین نَمَه دیر؟ « او جواب وِئرْدی: »منیم آدیم لژیون دور. چونْکِه بیز چوخوق. «)لژینون، روما اوردوسونْدا بیر نئچه مینگ عَسْگرلَردَن عِبارت دیر.(

![](https://cdn.door43.org/obs/jpg/360px/obs-en-32-07.jpg)

دیولار عیسی یَه یالْوارْدیلار: »بیزی بو اؤلْکَه و بو تورْپاقْدان قووما. « بیر تَپَه دَه بیر دونْقوز سوروسو اوتْلاییرْدیلار. ناتمیز روحْلی لار عیسی یَه یالْواریب، دِئدیلر: »اونْدا بیزی دونْقوزلارین یانینا گینْدَرین. « عیسی اجازه وِئریب و دئدی: »گِئدین. «

![](https://cdn.door43.org/obs/jpg/360px/obs-en-32-08.jpg)

دیولار آدامْدان چیخیب، دونْقوزلارین ایچینَه گلدیلر. ایکی مینگه یاخین اولان دونْقوزلارین بوتونو تپه دَن آشاغی گئله /گؤله/دؤشْدولَر و بوغولوب و ائلْدیلر.

![](https://cdn.door43.org/obs/jpg/360px/obs-en-32-09.jpg)

سورویه باخان دونْقوزچولارا بو باش وِئرَن حادِثَه نی گیرَنْدَه شهره قاچیب عیسی نین اِئدیکْلرینی جماعتَه خبر وئردیلر. شهر جماعتی گَلیب گیرْدیلَر کِه، دیو توتموش آدام ساکِت اولوب، یئنی پالتار گئییب عاقلی باشیندا اوتوروب.

![](https://cdn.door43.org/obs/jpg/360px/obs-en-32-10.jpg)

چوخ قورخان خَلْق عیسی دَن گِئدْمَه سینی و اورانی تَرْک اِئدْمَه سینی ایسْتَه دیلَر. امّا عیسی قاییقه منیدی. لاکین دیوه اسیر اولان آدام، عیسی دَن اونْلا گِئدْمَه سینی خواهِش ایلَه ایسْتَه دِی.

![](https://cdn.door43.org/obs/jpg/360px/obs-en-32-11.jpg)

لاکین، عیسی اونا دِئدی: »ائوینَه قایید و خدا سَنین اوچون نَه اِئدیینی و اونون مَرْحَمَتی سَنی نِئجَه احاطه اِئدییینی هامی خَلْقَه دانیش. «

![](https://cdn.door43.org/obs/jpg/360px/obs-en-32-12.jpg)

بو آدام گِئدی و عسی نین اونون اوچون اِئدیکْلَرینی قارْشی سینْدا چیخان هَر کَسَه دانیشْدی. اونون حِکایَه سینی اِئشیدَن هَر کَسْ حیرَتَه گَلَرْدی.

![](https://cdn.door43.org/obs/jpg/360px/obs-en-32-13.jpg)

عیسی گیلین او بیری ساحِلینَه قاییتدی. اورایا چاتْدیقْدان سونْرا، اطرافینَه کاتا بیر دسته جماعت ییغیلْدیلَر. اِذدِهام آراسینْدا اون ایکی ایل قان آخْماقْدان اذیت چَکَنْ بیر قادینْدا واریدی. بوتون وار-دولتینی مُعالِجَه سینه خَرْج ائدْمیش و حَکیم لَرَه وئرْمیش ایدی. امّا، وضعیتی دادها یاخشی یوخ، بلکه، پیس اولانْمیش.

![](https://cdn.door43.org/obs/jpg/360px/obs-en-32-14.jpg)

قادین ائشیدْمیش ایدی کِه، عیسی چوخْلو ناخوش و خَسْتَه لَرَه شَفاء وئریب، او ایز-ایزینَه دئدی: »اینانیرام کِه، یالنیز عسی نین پالتاریا توخونْسام، من دَه ساغالاجاغام. « قادین جَماعت ایچینْدَن عیسی نین دالیندان آرخاسینا پیتیشَنْدَه اوزانیب، اونون پالتارینا توخونْدو. عیسی نین پالتارینا توخونادا اونون قان آخاماسی دایانْدی.

![](https://cdn.door43.org/obs/jpg/360px/obs-en-32-15.jpg)

عیسی در حال باشا دؤشْدو کِه بیر قُوّه اونو تَرْک ائدی. اونا گیرَه دلی دؤنْدِی و سوروشْدو: »منیم پالتاریما کیم توخونْدو؟ « اؤیرَنْجی لَر جواب وئرْدیلر: »چوخْلولار هَر طرفْدَن سَنی سیخیرْلَر نِئیَه، سوروشْورْسَن مَنَه کیم توخونْدو؟ کیم منیم پالتاریما اَل وورْدو؟ «

![](https://cdn.door43.org/obs/jpg/360px/obs-en-32-16.jpg)

قادین قورْخودان تیتْرَه یَه رَکْ عیسی نین آیاغْلارین آلتینا دیز چؤکْدو. سونْرا اونا ائدییینی و نِئجَه ساغْلادیغینی سؤیلَه دی. عیسی اونا دئدی: »ایمانین سَنی ساغْلاتْدی! ساغ - ساغْلام گئدین. «

*کتاب مقدسدن بیر حکایه: نجیل متی فصل۸آیه های۲۸تا۳۴؛ فصل۹: آیه های۲۰تا۲۲؛ انجیل مرقس فصل۵؛ انجیل لوقا فصل ۸آیه های۲۶تا۴۸*

## 33. اکینچی نین حِکایَه سی

https://openbiblestories.org/l/kmz/story-33/

![](https://cdn.door43.org/obs/jpg/360px/obs-en-33-01.jpg)

بیر گین عیسی بیر گیلین کناریندا کاتا بیر گوروپ انسانْلارا درس دئییرْدی. اونْلارین سایی او قَدَرْ چوخْ ایدی کِه اونْلارا دانیشْماق اوچون کِفایَت قَدَرْ یِئری یوخ ایدی. بئله کِه، او سویون کنارینْدا بیر قاییقَه مینْدی و اورادان انسانْلارا درس دِئیمَه یَه باشْلادی.

![](https://cdn.door43.org/obs/jpg/360px/obs-en-33-02.jpg)

عیسی انسانْلارا بو اَحوالاتی دانیشْدی: »بیر اکینْچی توخوم اَکْمَه یَه چیخْدی. توخومْلاری هَر یَئرَه سَپَرْکَنْ اونْلارین بیر چوخو یولْدا دؤشْدولَر و قوشْلار گَلیب اونْلارین هامی سینی یِئدیلَر. «

![](https://cdn.door43.org/obs/jpg/360px/obs-en-33-03.jpg)

»بعضی توخومْلار بیر آزْجا تورْپاق اورْتولْموش قایانین ایسْتینَه دؤشْدولَر. او آزجا تورْپاقدا توخومْلار چوخ تِئزْ گؤرَیْنیب و جَوانَه وِئرْدیلَر. لاکین اونْلارین کؤکْلَری تورْپاغین دَرینْلیینَه گِئدَه بیلْمیرْدیلَر. اونا گؤرَه دَه یانان گؤنش اونْلارین یؤزَرینَه دؤشَنْدَه هامیسی یانیب، مَحْو اولْدیلار. «

![](https://cdn.door43.org/obs/jpg/360px/obs-en-33-04.jpg)

»بعضی توخومْلارْدا تیکانْلارین آراسینا دؤشْدولَر. تیکانْلار و توخومْلار بیرلیکْدَه بؤیودولَر و بیتْکی نین یِئنی یارْپاقْلاری و ساقَه لَری تیکانْلارین آلتینْدا تَضْییق اولْدیلار و هِئچ بیر میوه وِئرْمَه دیلَر. «

![](https://cdn.door43.org/obs/jpg/360px/obs-en-33-05.jpg)

»بیر نِئچه توخوم یاخشی تورْپاق اولان یِئرَه دؤشْدولَر و هَر توخوم اوتوز، آلتمیش، حتّی یوز دفعه آرتیق مَحصول وئرْدی. هر کیم خدااِ تابع اولْماق ایسْتَه ییرسَه، سیزلَرینَه قولاق آسّین. «

![](https://cdn.door43.org/obs/jpg/360px/obs-en-33-06.jpg)

اؤیرَنْجی لَر بو احوالاتی ائشیدَنْدَن سونْرا چاشْقین و حیران اولْدولار. بَس عیسی اونْلارا بِئله ایضاح ائدی: »توخومْلار خدایین کلام و سیزْلَری کیمین دیر. یولدن کئچن و خدایین کلامینی ائشْیدَن، امّا باشا دؤشْمَه یَنْ و شیطان ایسَه سیزی اونْدان اوغورْلایان شَخص دیر. اَصلینْدَه شیطان اونا خدایین کلامینی دَرْک ائدْمَکْدَن چَکینْدیریر. «

![](https://cdn.door43.org/obs/jpg/360px/obs-en-33-07.jpg)

»داشْلی یِئر، خدایین پیغام و خبرینی ائشیدَن و سئوینْجلَه قبول ائدَن، لاکین چَتینلیکْلَر زمانی و یا انسانلار اونو اینجیدیکْدَه خدا دان یوز دونْدَرَن انسانْلارْدیر. یعنی خدااِ تَوَکّلْ ائدْمَکْدَن اَلْ چَکَر. «

![](https://cdn.door43.org/obs/jpg/360px/obs-en-33-08.jpg)

»تیکان ایله اورْتولْموش تورْپاق، پیغام و خبرلری ائشیدَن انساندیر. لاکین حَیات قایغیلاری و قَلبی نین پول لا باغلی اولْماسی و چوخ شَئی لَری، قازانْجیقْدان بیر آز مَدَتْدَن سونْرا، خدایی سِئوْمَه یَه مانِع اولور. او آرْتیق خدایین کلام لَرینْدان اؤیْرَنْدیکْلَری اساسینْدا خدایی راضی سالابیلْمَه یَه جَک. او میوه وئرْمَه یَنْ بوغْدا سُنبُل لَری کیمین دیر. «

![](https://cdn.door43.org/obs/jpg/360px/obs-en-33-09.jpg)

»آنجاق یاخشی تورْپاق خدایین کلام و خبرینی ائشیدَن، اونا اینانان و بَهره وِئرَن انسان دیر. «

*کتاب مقدسدن بیر حکایه: انجیل متی فصل۱۳آیه های۱تا۲۳؛ انجیل مرقس فصل۴آیه های۱تا۲۰؛ انجیل لوقا فصل۸آیه های ۴تا۱۵*

## 34. عیسی باشقا مثللر اؤیرَه دیر

https://openbiblestories.org/l/kmz/story-34/

![](https://cdn.door43.org/obs/jpg/360px/obs-en-34-01.jpg)

عیسی خدایین پادشاه لیغی حقّینْدَه بیر چوخ باشْقا حِکایَه لَر دانیشیب، مَثَلا او دئدی: »خداین پادشاه لیغی او شَخصه اوخشاییر ایز زَمی و تارْلاسینْدا خَرْدِل توخومو اَکْدی. سیز یاخشی بیلیرسیز کِه خَرْدِل توخومو، توخوموم لارین اَنْ کیچیکی دیر. «

![](https://cdn.door43.org/obs/jpg/360px/obs-en-34-02.jpg)

»بونونْلا بِئلَه خَرْدِل توخومو بؤیودوکْدَه باغداکی بوتون آییری بیتْکی لَری اوسْتَه لَه ییر. او قَدَرْ کِه قوشْلار اونون بوداقْلارین آراسیندا دینْجُه لیرْلر. «

![](https://cdn.door43.org/obs/jpg/360px/obs-en-34-03.jpg)

عیسی باشْقا آییری بیر حِکایَه بِئلَه دانیشْدی: »خدایین پادشاه لیغی چِئرَه یین مایاسی کیمین دیر تا بوتون خَمیرَه یاییلْسین. «

![](https://cdn.door43.org/obs/jpg/360px/obs-en-34-04.jpg)

»خدایین پادشاه لیغی زَمی و تارْلادا گیزْلَنْمیش گَنْج خَزینَه سی کیمین دیر. باشْقا آییری بیر شَخص اونو تاپیب، اونو یِئنیدَن تورْپاغین آسْتینْدا گیزْلَتْدی. اونون ذوقونْدان، گِئدی اَلینْدَه هَر نَه مال-دولَتی واریدی و ساتْدی تا بِقَدْرْ کِفایَت پول قازانْسین و نِهایَت او یِئرِی یِئنیدَن آلابیلْسین. «

![](https://cdn.door43.org/obs/jpg/360px/obs-en-34-05.jpg)

»خدایین پادشاه لیغی چوخ قیمَتْلی و گِئزَه لْ بیر مروارید و اینجی کیمین دیر. بیر تاجِر اونو تاپْدی و یِئنَه اونو آلماق اوچون هَر نَه مال –دولتی واریدی، ساتْدی تا بِقَدْرْ کِفایَت پول قازانْسین و او مرواریدی یئنَه آلْسین. «

![](https://cdn.door43.org/obs/jpg/360px/obs-en-34-06.jpg)

اورادا بیر عِدَه آدام وار ائدیلَر کِه گُمان ائدَرْدیلَر کِه، یاخشی عَمَلْ لَرینَه گِئرَه خدایین درگاهینْدا قبول اولونوبْلار. اونْلار یاخشی ایش گِئرمَه یَنْ باشْقالاری خوار گِئزْدَه باخیرْدیلار. عیسی اونْلارا بو حِکایَه نی دانیشْدی: »ایکی کیشی دوعا ائدْمَک اوچون مَعبَدَه گِئدیلَر. اونْلارْدان بیری دینی رَهبَری و او بیریسی ایسَه وِئرْگی ییغان ائدی. «

![](https://cdn.door43.org/obs/jpg/360px/obs-en-34-07.jpg)

دینی رَهبَری دوروب آیاغا قالْخْدی و بِئلَه دوعا اوخودو: »خدایم، سَنَه شوکور اِئدیرَم، مَن باشْقا اِنسانْلار کیمی، گناهکار، اوغْرو، ظالِم، زَناکار، حَتّی بو وئرْگی ییغان کیمی دئییلَم.

![](https://cdn.door43.org/obs/jpg/360px/obs-en-34-08.jpg)

هفته دَه ایکی دَفعه اوروج توتورام و قازانْدیغیم بوتون پول و اَلیمَه گَلَنْ بوتون گَلیریمْدَن، اونْ دان بیرینی سیزَه وئریرَم. «

![](https://cdn.door43.org/obs/jpg/360px/obs-en-34-09.jpg)

امّا، همین وئرْگی ییغان اودَه ییسی او دین رَهبَرینْدَن اوزاق دایانیب، دوعا ائدَنْ دَه حَتّی باشینی آسْمانا قالْدیرْماییب، یوموروغونو سینَه سینَه توتوب، دئدی: »خدایم، مَنَه رَحمْ ائدین، چونْکِه مَن گناهْکارَم! «

![](https://cdn.door43.org/obs/jpg/360px/obs-en-34-10.jpg)

سونْرا عیسی دانیشْدیغینی دوام ائدی: نسیزه دوغْروسونو دئییرَم؛ خدا او وِئرْگی ییغانین دوعاسینی ائشیدی و اونا حقّ قازانْدی. خدا ایزینی یوخاری توتانی آدامی آلْچادار و ایزینی آلچالْدانی دا اوجالْدار. «

*کتاب مقدسدن بیر حکایه: انجیل متی فصل۱۳آیههای۳۱تا۴۶؛ انجیل مرقس فصل۴آیههای۲۶تا۳۴؛ انجیل لوقا فصل۱۳ آیههای۱۸تا۲۱؛ فصل۱۸آیههای۹تا۱۴*

## 35. مَرْحَمَتْلی آتانین حِکایَه سی

https://openbiblestories.org/l/kmz/story-35/

![](https://cdn.door43.org/obs/jpg/360px/obs-en-35-01.jpg)

بیر گین عیسی اَطرافینَه چوخ انسانلار توپْلانْمیش ائدیلَر تا اونْدان تَعلیم اوچون، سؤز ائشیدْسینلَر. اونْلارین چوخوسو وِئرْگی ییغانْلارْدان و موسی نین قانونونا تابِع اولْماق ایستَه مَه یَنْ باشْقا اِنسانْلارْدان ائدیلَر.

![](https://cdn.door43.org/obs/jpg/360px/obs-en-35-02.jpg)

لاکین اورادا اولان دین رَهبَرلَری، عیسی نین گَناهکارلارلا نِئجَه یاخین یولْداش کیمی رَفتار اِئدییینی گِئرْدیلَر. بِئله لیکْلَه اونْلار بیر- بیرینَه عیسی نین سَهْو و یانْلیش ایش اِئدییینی سُؤیْلَه دیلَر. عیسی اونْلارین سِئزْلَرینی اِئشیدَنْدَه بو اَحوالاتی اونْلارا دانیشْدی.

![](https://cdn.door43.org/obs/jpg/360px/obs-en-35-03.jpg)

بیر کیشی نین ایکی اوغلو واریدی. بیر گین کیچیکْ اوغلو آتاسینا دِئدی: »آتا، اینْدی میراثیمی ایستَه ییرَم! « بونا گِئرَه دَه آتاسی اونا مالینْدان بیر پایْ وِئرْدی.

![](https://cdn.door43.org/obs/jpg/360px/obs-en-35-04.jpg)

تِئزلیکْلَه کیچیک اوغلو اَلینْدَه هَر مال-دولتی توپلاییب، گؤتوردو و اوزاق بیر اؤلْکَه یَه گِئدی و اورادا گناه لیایشلر ایله، یاشایش و حیاتْیندا، بوتون وار-دولتینی اِسراف ائدی.

![](https://cdn.door43.org/obs/jpg/360px/obs-en-35-05.jpg)

تئزلیکْلَه اوغْلانین اولْدوغو یِئرْدَه شِدّتْلی قَحْط لیق باش وئرْدی و اونون یِئمَک آلْماغا پولو یوخ ایدی. بونا گِئرَه دَه او، یالنیز الینْدَن گَلَن یِگانَه ایشی، دونْقوزْلارین اوتارْماقدان عِبارَت ائدی و اوقَدَرْ عاجِزْ و آج ایدی، دونْقوزْلارین یِئمَه یی ایله دؤیورْدو.

![](https://cdn.door43.org/obs/jpg/360px/obs-en-35-06.jpg)

نهایت بیر گین کیچیک اوغْلان ایز-ایزینَه دِئدی: »منیم بورادا نه ایشیم وار؟ آتامین بوتون قولْلوقْچولاری نین یِئمَه لَری بولْدور، امّا، مَن بورادا آجیمْدان ائلمه لییَم. اونا گِئرَه ده آتامین یانینا قاییدیب، اونون قولْلارینْدان بیری اولْماسینی اونْدان خواهِش ائدَه جَه یَم. «

![](https://cdn.door43.org/obs/jpg/360px/obs-en-35-07.jpg)

بِئلَه لیکْلَه او آتاسی نین ائوینه گِئدی. هَلَه ائودَن اوزاقدا ائدی آتاسی اونو گیرَنْدَه ایرَه یی یانْدی و تَلَه سیکْ حادا، اونون طرف قاچْدی گئدی، اونو قوجاقْلاییب، ایز و گئزیندن اوپْدو.

![](https://cdn.door43.org/obs/jpg/360px/obs-en-35-08.jpg)

اوغلان آتاسینا دِئدی: »آتا، مَن سَنَه و خدااِ قارْشی گناه ایشْلر ائدْمیشم و داها سَنین اوغْلون اولْماغا لاییق دئییلَم. «

![](https://cdn.door43.org/obs/jpg/360px/obs-en-35-09.jpg)

امّا، آتاسی قولْلوقچولارْدان بیرینَه دئدی: »تِئز اوْل و گئدین ائودَن اَن یاخشی پالْتاری گَتیرین، اوغْلوما گئیینْدیر. « اَلینَه قیمتلی ایزی آیاغینا آیاغ قابی تاخین و کؤکْله میش و چاق جووانانی گَتیرین کَسین، گِئدین شَنْلیکْ و شادلیق ائدین. چونْکِه بو اوغْلوم اینْدیَه چَنْ ائلْمیش ائدی، ایندی دَه ساغ و دیری اولوب. او ایتمیش ایدی اینْدی اونو تاپْمیشام. «

![](https://cdn.door43.org/obs/jpg/360px/obs-en-35-10.jpg)

بِئلَه لیکْلَه، اونْلارین هامیسی کاتا بیر بایرام و جَشْن توتوب کئچیرْدیلر. چوخ کئچْمَه میش ائدی زَمی و تارْلادا ایشْلَه ییب، ائوه قاییدان کاتا اوغْلان، ساز آلَتْ لارین سَسینی، اویون ایلَه ماهَنی اوخودونو ایشیدی و کُنجکاو اولوب نه یاش وئرْدیی اوچون ماراقْلانْدی.

![](https://cdn.door43.org/obs/jpg/360px/obs-en-35-11.jpg)

کاتا اوغْلان بو شَنلیک قارْداشینی ائوَه قاییدْماق اوچون اولْدوغونو آنْلایانْدا، غَضَبلَنْدی و ائوَه گیرْمَک ایستَه مَه دی. آتاسی ایشیگَه چیخْدی و اونْدان ائوَه گَلْمَه یی و شَنْلیک و شادْلیق دَه شرکت و اِشتراک ائدمَه سینی یالْوارْدی، امّا، او قبول ائدمه دی و آتاسی نین دَعوتینی رَدّ ائدی.

![](https://cdn.door43.org/obs/jpg/360px/obs-en-35-12.jpg)

کاتا اوغْلو آتاسینا گلایَه ائدیب دئدی: »بو ایلْلر عَرضینْدَه سَنَه صِداقَت ایلَه خِدْمَت ائدیم! مَن هئچ وقت سَنین اَمرینَه قارْشی اولْمامیشام و بوتون بو مَدّت عَرضینْدَه یولداشْلاریمْ ایلا بایْرام ائدْمَک اوچون مَنَه بیر گئچی اوغْلاغی دَه وئرمه میش سَن. امّا، بو کیچیک اوغْلون، سَنین مالینی اؤز گناهکارلیق یولونْدا اِسراف ائدی و اینْدی ائوَه قاییدیقْدان سونْرا، سَن اونون بایْرام و سَنلیک ائدْمَه سی اوچون، اَن یاخشی کؤکْلَنمیش و چاق چووانانی کَسیب سَن. «

![](https://cdn.door43.org/obs/jpg/360px/obs-en-35-13.jpg)

آتاسی جواب وئرْدی: »اوغلوم، سَن همیشه مَنیم یانیمْداسان و مَندَه اولان هَر شئی سَنینْدیر. آنْجاق اَن یاخشی ایش اینْدی بو دور شَنْلیک ائدیب، سِئوینْمَک دیر. چونْکِه، قارْداشین اینده چَن ائلمیش ائدی اینْدی دیریلیب و ساغدیر. او اینَدیه دَک ایتْمیش ائدی، اینْدی تاپیلْمیش دیر. «

*کتاب مقدسدن بیر حکایه: انجیل لوقا فصل۱۵*

## 36. مسحین ایزینین چئوریلْمَه سی

https://openbiblestories.org/l/kmz/story-36/

![](https://cdn.door43.org/obs/jpg/360px/obs-en-36-01.jpg)

بیر گین عیسی ایچ اؤیرَنْجی لَرین پِتِرس، یعقوب و یوحنانی گئتَرْدی و بیرلیکْدَه دوعا ائدْمَک اوچون بَلَنْد و اوجا بیر داغا ائرِتْدی. )عیسی نی تعمید ائدَن یوحنا باشقا بیر شخص دیر(.

![](https://cdn.door43.org/obs/jpg/360px/obs-en-36-02.jpg)

دوعا آراسینْدا، عیسی نین ایزی گینَشْ کیمی پارْلادی و پالْتاری ایشیق کیمی آغ اولْدو. ایلَه یئر ایزینده تاپیلْمایان شَکیلْده آغ اولْدو.

![](https://cdn.door43.org/obs/jpg/360px/obs-en-36-03.jpg)

سونْرا موسی و الیلیا پیغمبر گِئرینْدیلَر. بو کیشی لر بو حادثه دَن ایز ایلْ لَر اؤنْجَه یِئر ایزینْدَه یاشامیشْلار. اونْلار عیسی نَن اورْشَلیم دَه گِئزلَنیلَنْ ائلماغین حقّینْدَه دانیشارْدیلار.

![](https://cdn.door43.org/obs/jpg/360px/obs-en-36-04.jpg)

موسی و ایلیا، عیسی ایله دانیشانْدا، پِتِرس عیسی یَه دِئدی: »نَه یاخشی، بوراداییق. گَلینْ کئلْگَه اوچون ایچ چارْداق تیکَکْ، بیری سَن اوچون، بیری موسی اوچون، بیری دَه ایلیا اوچون. «

![](https://cdn.door43.org/obs/jpg/360px/obs-en-36-05.jpg)

لاکین، پِترس نه دئیدیینی بیلْمیرْدی. پِترس سئزینی بیتیرْمَه میش ایدی کِه، پارلاق بیر بولود، آسْمانْدان اینیب، اونْلاری بورودو و بولودون ایچینْدَن بیر بئله سَس گَلْدی: »بو منیم سِئویمْلی اوغْلوم دور، اونْدان راضی ام، اونون سئزلَرینَه قولاق آسین. « ایچ اؤیرَنْجی بو سَسی ائشیدَنْدَه قورخودان یِئرَه یئخیلْدیلَر.

![](https://cdn.door43.org/obs/jpg/360px/obs-en-36-06.jpg)

بو حالْدا، عیسی اَلْلَرینی اونْلارین ایزرینْده قویوب و دِئدی: »قالْخین و قورخْمایین. « اونْلار اطرافَه باخانْدا عیسی دان باشْقا هئچ کیم گِئرمَه دیلَر.

![](https://cdn.door43.org/obs/jpg/360px/obs-en-36-07.jpg)

عیسی و ایچ اؤیرَنْجی داغین دیوینْدَه قاییدیلار. عیسی اونْلارا دئدی: »اینْدی گئردیلَری نیزی هئچ کیمَه دئمَه یین. مَن تِئزلیکْده ائلیب یِئنیدَن حَیاتَه قاییداجاغام. او زمان گِئردیکلَری نیزی باشْقالارینا دا دانیشا بیلَرسیز. «

*کتاب مقدسدن بیر حکایه: انجیل متی فصل۱۷آیههای۱تا۹، انجیل مرقس فصل۹آیههای۲تا۸، انجیل لوقا فصل۹آیههای۲۸ تا۳۶*

## 37. عیسی ایلْعازری دیریلْدیر.

https://openbiblestories.org/l/kmz/story-37/

![](https://cdn.door43.org/obs/jpg/360px/obs-en-37-01.jpg)

ایلْعازَر آدلی بیر کیشی وار ایدی او و ایکی باجیسی مریم و مرتا نَن، عیسی نین یاخین یولْداشْلارینْدان ایدیلَر. بیر گین عیسی ایلْعازَرین آغیر ناخوش و خَسته اولْدوغونو ائشیدی. عیسی بو خبری ائشیدنده دئدی: »بو ناخوشْلوق اونون ائلیمینه سبب اولمایاجاق، لاکین خدایین عَظمتی و عِزّتی اونْدا باشْقالارینا آشْکار اولوناجاق. «

![](https://cdn.door43.org/obs/jpg/360px/obs-en-37-02.jpg)

عیسی اونْلاری سِئوْسَه دَه داها ایکی گین اولْدوغو یِئرْدَه قالْدی. بو ایکی گینْدَن سونْرا، عیسی اؤیْرَنجی لَرینَه دئدی: »گَلین یَهودیه قاییداق. « امّا اؤیْرَنجی لَر دئدیلَر: »ای اوستاد، بیر نِئچَه گین اؤنْجَه یَهودیه خَلقی سَنی ائلْدیرْمَکْ ایستَه ییرْدیلَر! « عیسی جَواب وِئرْدی: »دوسْتوموز ایلْعازَر یاتیب و من اونو اویاتْمالییام. «

![](https://cdn.door43.org/obs/jpg/360px/obs-en-37-03.jpg)

عسی نین اؤیْرَنْجی لَری جَواب وئرْدیلَر: »یا ربّ! اگر او یاتیبسا، ساغْلایاجاق. « سونْرا عیسی آیْدین حالْدا دئدی: »ایلْعازَر ائلیبدی. اورادا اولْمادیغیما گِئرَه خوشْحال و شادام، تا سیز مَنَه اینانا بیلَه سیز. «

![](https://cdn.door43.org/obs/jpg/360px/obs-en-37-04.jpg)

عیسی ایلْعازَر یاشایان شَهرَه گَلَنْدَه، ایلْعازَرین ائلیمینْدَن دورْد گین کِئچْمیش ایدی. مرتا عیسی نی قارشیلاماغا گِئدی و دِئدی: »یا آغایِ مَن، اگر بورادا اولْسایدین، قارداشیم ائلْمَزیدی. امّا، مَن اینانیرام کِه خدا دان هَر نَه دیلَه سَن، او دا سَنه وِئرَه جَک. «

![](https://cdn.door43.org/obs/jpg/360px/obs-en-37-05.jpg)

عیسی جَواب وئردی: »قیامت دا دیریلْمَه و حَیات مَنم. هَر کیم مَنَه اینانْسا، ائلْسَه دَه دیری اولوب یاشایار. مَنَه اینانان هِئچ وقت ائلْمَز. آیا مَنیم دیدیی لَریمَه اینانیرْسان؟ « مَرتا جَواب وِئردی: »بلی اوستاد، اینانیرام، سَن خدایین اوغْلو مَسیح سَن. «

![](https://cdn.door43.org/obs/jpg/360px/obs-en-37-06.jpg)

مَریم عسی نین یانیتا گَلْدی و اونون آیاغْلارینا ییخیلْدی و دِئدی: یا آعا و سَرْوَرَم، اگر بورادا اولْسایدین، قارْداشیم ائلْمَزیدی. « عیسی اونْلارْدان سوروشدو: »اونو هارادا قَبْرَه باسْدیرمیش سیز؟ « اونْلار جَواب وئرْدیلَر: »بیر مَقْبَرَه دَه، گَلْ گِئدَکْ گِئرین. « سونْرا عیسی آغْلادی.

![](https://cdn.door43.org/obs/jpg/360px/obs-en-37-07.jpg)

ایلْعازَرین قَبْری قواخ و ماراغا ایدی آغْزی نین اؤنْگینَه ایرْلی داش قویْموشْدولار. عیسی مَقْبَرَه یَه چاتانْدا اونْلارا دئدی: »داشینی بیر کِنارَه یووارْلایین! « لاکین، مَرتا دئدی: »اونون ائلیمینْدن دورْد گین کِئچیب، اینْدی اونون جَسَدینْدن قوخو و پیس ایس گَلیر. «

![](https://cdn.door43.org/obs/jpg/360px/obs-en-37-08.jpg)

عیسی جَواب وئردی: »مَگر مَن دئیمَه دیم کِه اگر مَنَه اینانْسانیز خدایین جَلال و عِزّتینی گِئرَه جَک سیز؟ « بِئلَه لیکْلَه داشی بیر طَرفَه یووارلادیلار.

![](https://cdn.door43.org/obs/jpg/360px/obs-en-37-09.jpg)

سونْرا عیسی آسْمانَه باخیب و دئدی: »آتا، مَنی ائشیدیینَه گئرَه سَنَه تَشَکور ائدیرَم. بیلیرَم کِه سَن مَنی همئشه دیلَه ییرسَن، امّا مَن بونون بورادا اولانْلار انسانْلار اوچون دئدیم، تا اینانْسینلار کِه مَنی سَن گِئنْدَرْمیش سَن. « سونْرا اوجا سَسْلَه دئدی: »ایلْعازَر، چیخ قَبیرْدَن چیخ گَلْ بورایا! «

![](https://cdn.door43.org/obs/jpg/360px/obs-en-37-10.jpg)

ایلْعازَر جَسَدی دفینَه بؤکولْموش حالْدا مَزارْدان چیخْدی. عیسی اونْلارا دئدی: »اونو آچین تا باجارسین یِئریسین. « بیر چوخ یَهودی لَر بو معجزه نی گِئرَنْدَه عیسی یَه اینانْدیلار.

![](https://cdn.door43.org/obs/jpg/360px/obs-en-37-11.jpg)

امّا، یَهودیلَرین دینی رَهبرلَری پاخیلْلیق ائدیرْدیلَر، بونا گئرَه دَه عیسی و ایلْعازَر ائلْدیریمَه سینی پالاشْدیرماق اوچون بیر آرایا توپْلاشْدیلار.

*کتاب مقدسدن بیر حکایه: انجیل یوحنا فصل۱۱آیه های۱تا۴۶*

## 38. عیسی یه خیانت ائدْمک

https://openbiblestories.org/l/kmz/story-38/

![](https://cdn.door43.org/obs/jpg/360px/obs-en-38-01.jpg)

یَهودیلَر هَر ایلْ پِسَخ بایْرامینی جَشن توتومیشْلار. بو بایْرام، خدایین ایز ایلْلَر اؤنْجَه اونْلارین آتالارینی مِصردَه قولوقْدان و کؤلَه لیکْدَن نِئجَه خِلاص اِئدییینی خاطِرلاییر. عیسی اِنسانلارا تابِع لیق ائدْمَه یَه و اونْلاری اؤیْرَتْمَه یَه باشْلایانْدان تَخْمینَن ایچ ایلْدَن سونْرا، اؤیْرَنْجی لَرینَه پِسَخ بایْرامینی اورْشَلیم دَه اونْلارا بیرلیکْدَه قید ائدْمَک ایسْتَه دیینی سؤیْلَه دی. اورادا دا ائلدیریلَه جَه یینی دَه بیلْدیرْدی.

![](https://cdn.door43.org/obs/jpg/360px/obs-en-38-02.jpg)

یَهودا عیسی نین اؤیْرَنْجی لَرینْدَن بیری و اؤیْرَنْجی لَر قوروپونون خَزانَه داری ایدی. چوخ وقت لَر اونْدان پول اوغورْلاییرْدیلار. عیسی و اؤیْرَنْجی لَری اورْشَلیمَه گَلْدیکْدَن سونْرا، یَهودا یَهودی باش کاهِن لارینین یانینا گِئدی و پول مُقابلینْدَه عیسی نی اونْلارا اِفشاء و لو اِئدْمَه یی تَکلیف ائدی. او بیلیرْدی یَهودی رَهبرلَری، عیسی نین مسیح اولْدوغونا اینانْمیرْلار و اونو اِئلْدیرْمَک ایسْتَه ییرلَر.

![](https://cdn.door43.org/obs/jpg/360px/obs-en-38-03.jpg)

باش کاهِن نین باشْچیلیق اِئدیی یَهودی دین رَهبرلَری یَهودایا خیانَت اِئدیب عیسی نی اونْلارا تَسْلیم ائدیینَه گِئره اونا اوتوز گوموش پول وِئرْدیلر. دوز شوجور پیغمبرلَر اونْجَه دَن خَبر وِئرْمیشْلَر. یَهودا پولو قَبول ائدی و پولو آلْدی و یولانیب و گِئدی. او وقتدَن او عیسی نی اونْلارا چاتدیرْماق اوچون فُرصَت آختاریرْدی.

![](https://cdn.door43.org/obs/jpg/360px/obs-en-38-04.jpg)

عیسی اورْشَلیم دَه اؤیْزَنْجی لَری نَن بیرْلیکْدَه پِسَخ بایْرامینی جَشن توتْدو. پِسَخ شام یِئمَه یی یِئیَرکَن عیسی چِئره یی گؤتوروب جیریب و دئدی: »گؤتورون و یِئیین، بو سیزین اوچون وِئریلَن مَنیم بَدنینم دیر. بونو مَنیم اوچون خاطِرلایین. « بِئلَه لیکْلَه، عیسی اونْلار اوچون ائلَه جَه یینی و بَدَنی نین اونْلار اوچون قُربان اولاجاغینی سؤیْلَه دی.

![](https://cdn.door43.org/obs/jpg/360px/obs-en-38-05.jpg)

سونْرا عیسی شَراب جامینی گؤتوروب اونْلارا دئدی: »بو مَنیم یِئنی عَهْددَه تؤکولَنْ قانیم دیر، بو مَنیم قانیم سیزین گناه لاری نیزین باغیشْلاماسی اوچون تؤکولور. اونْداندا ایچین. بونو گَلَه جَکْدَه مَنیم خاطِرَم اوچون اِئدین. «

![](https://cdn.door43.org/obs/jpg/360px/obs-en-38-06.jpg)

سونْرا عیسی اؤیْرَنْجی لَرینَه دِئدی: »سیزدَن بیری نیز مَنَه خیانَت اِئدَه جَک. « اؤیْرَنْجی لَر تَعجب اِئدیب و کیم بِئله بیر ایش ائدَه جَه یینی سوروشْدولار. عیسی دئدی: »بو لُقْمَه نی مَنْدَن آلان خائِن دیر. « سونْرا چِئرَه یی یَهودایا وِئرْدی.

![](https://cdn.door43.org/obs/jpg/360px/obs-en-38-07.jpg)

یَهودا چئرَه یی گؤتورَنْدَن سونْرا، شیطان اونون ایچَری سینَه گیرْدی. او عیسی نی توتْماغا کؤمَک و یارْدیم اِئدْمَک اوچون، یَهودی رَهبرلَری نین یانینا گِئدی. بوتون بونْلار گِئجَه باش وِئرْدی.

![](https://cdn.door43.org/obs/jpg/360px/obs-en-38-08.jpg)

یِئمَک یَئیَنْدَن سونْرا، عیسی و اؤیْرَنْجی لَری زیتون داغینا گِئدیلَر. عیسی دِئدی: »بو گِئجَه هامی نیز مَنی تَک قویاجاق سیز. « چونْکِه یازیلیب: »مَن چوبانی ووراجاغام و بوتون قویونْلار اطرافه داغیناجاقلار. «

![](https://cdn.door43.org/obs/jpg/360px/obs-en-38-09.jpg)

پِترس دِئدی: »اگر بوتون بونْلار سنی تَرْکْ اِئدْسَه، مَن گِئدمَه یَه جَه یَم. « عیسی اونا دِئدی: »شیطان هامی نیزی آلْماق ایسْتَه ییر، امّا، ایمانیزی پوچ اولْماسین دَئیَه مَن سیزین اوچون دوعا اِئدیم. بونا گِئرَه بِئلَه، بو گِئجَه، خوروز بانْلامازْدان اونْجَه، مَنی ایچ دَفعه تانیدیغی نیز اِنْکار اِئدَه جَک سیز. «

![](https://cdn.door43.org/obs/jpg/360px/obs-en-38-10.jpg)

پِترس عیسی یَه دئدی: »ائلْسَم دَه، سَنی اِنْکار اِئدْمَه یَه جَه یَم. « اوبیری اؤیْرَنْجی لَر دَه بِئلَه دِئدیلَر.

![](https://cdn.door43.org/obs/jpg/360px/obs-en-38-11.jpg)

سونْرا عیسی و اؤیْرَنْجی لَری جتسیمانی باغینا گئدیلَر. عیسی اونْلارا دوعا ائدْمَه یی اَمْر ائدی تا شیطان اونْلاری سیناغا چَکْمَه سین. بِئلَه لیکْلَه اونْلاری تَرْک ائدی و دوعا ائدْمَک اوچون تَکْلیک اونْلاردان آییرینْدی.

![](https://cdn.door43.org/obs/jpg/360px/obs-en-38-12.jpg)

عیسی ایچ دَفعه بئلَه دوعا ائدی: »ای آتام، اگر مُمکُن اولْسَه اجازَه وِئرین بو جامْدان ایچسَم. امّا، اگر انسان گناه لارینی باغیشْلاماغین باشْقا یولو یوخْدورْسا، سَنین ایسْتَه یَن ایش اولْسا. « عیسی او قدر سیخیلْمیش و مُضْطرِب ایدی کِه اونون تَری قان دامْچیلارینا بَنزَه ییرْدی. خدا اونو گوجْلَنْدیرْمَک اوچون بیر مَلَکْ گینْدَرْدی.

![](https://cdn.door43.org/obs/jpg/360px/obs-en-38-13.jpg)

هَر دوعادان سونْرا، عیسی اؤیْرَنْجی لَری نین یانینا قاییدیرْدی، لاکین اونْلاری یوخودا گئریرْدی. ایچینْچی دفعه قاییدانْدا دئدی: »قالْخین، او ساتْقین مُرید بورادادیر. «

![](https://cdn.door43.org/obs/jpg/360px/obs-en-38-14.jpg)

یَهودا، یَهودی رَهبرلَری و بیر عِدَه عَسْگرْلَر و کاتا بیر توپْلوم نَن گَلْدیلَر. اونْلار قیلینج و چَماق ائزْلَری نَن داشییرْدیرْلار. یَهودا عیسی نین یانینا گلیب و دئدی: »سلام ای اوستاد« و اونو اوپْدو. بو عیسی نی توتْماق اوچون، یَهودی رَهبرلَرینه تانیتْماق اوچون عَلامت ایدی. عیسی اونا دئدی: »یَهودا، سَن مَنَه بو اوپوشْلَه خیانَت ائدیرْسَن. «

![](https://cdn.door43.org/obs/jpg/360px/obs-en-38-15.jpg)

عَسگرلَر عیسی نی توتانْدا، پِترس قیلینْجینی چیخاریب، باش کاهِن نین نوکَری نین قولاغینی کَسْدِی. عیسی اونا دئدی: »قیلینجی قینینه سالین. من آتامْدان خواهِش ائدَه بیلیرَم کِه، مَنَه کؤمَک و یارْدیم ائدْمَک اوچون مَلَکْلَر اورْدوسو گیندَرْسین. امّا مَن آتاما تابِع اولْمالیام. « سونْرا عیسی آدامین قولاغینی ساغالَتدی و بوتون اؤیْرَنْجی لَر قاچْدیلار.

*کتاب مقدسدن بیر حکایه: انجیل متی فصل۲۶آیه های۱۴تا۵۶، انجیل مرقس فصل۱۴آیه های۱۰تا۵۰، انجیل لوقا فصل۲۲ آیه های۱تا۵۳، انجیل یوحنا فصل۱۸آیه های۱تا۱۱*

## 39. عیسی نین سیناق و محاکمَه سی

https://openbiblestories.org/l/kmz/story-39/

![](https://cdn.door43.org/obs/jpg/360px/obs-en-39-01.jpg)

گئجه یاریسی عَسْگرلَر عیسی نی سورغو –سوال ائدْمَک اوچون باش کاهِن نین ائوینَه آپارْدیلار. پِترس دَه اونْلاری اوزاقدان ایزْلَه ییردی. عیسی نی ائوَه گتیریلَنْدَه، پِترس قیزغین و ایسینْمَک اوچون اِئوین کِنارینْدا اوتون یانینْدا دایانْدی.

![](https://cdn.door43.org/obs/jpg/360px/obs-en-39-02.jpg)

ائوین ایچینْدَه یَهودی رَهبرلَری عیسی نی سورغو-سوال ائدیلَر. اونْلار عیسی نی یالانْدان تُهمَت و اِتهام اِئدَن چوخْلو یالانْچی شاهِدلار گَتیرْدیلَر. لاکین، اونْلارین اِفادَه لَری عینی اولْمادیغی اوچون یَهودی رَهبرلَری اونون گناهینی ثابِت و ثوبوت ائدَه بیلْمَه دیلَر. عیسی دَه هئچ نَمَه دِئمَه دی.

![](https://cdn.door43.org/obs/jpg/360px/obs-en-39-03.jpg)

نِهایت، باش کاهِن عیسی یَه باخیب و دِئدی: »بیزَه دئیین گئریم، سَن یاشایان و دیری خدایین اوغْلو مَسیح سَن؟ «

![](https://cdn.door43.org/obs/jpg/360px/obs-en-39-04.jpg)

عیسی دئدی: هَه مَنَم، و مَنیم خدایین ساغ طَرفینْدا اوتوروب گؤیْدَن یِئرَه قاییداجاغیمی، بیر گین گِئرَه جَه سَن. « عیسی نین سِئزْلَرینْدَن غَضَبْ لَنَن باش کاهِن پالْتارینی جیریب و او بیر دین رَهبرلَرینَه قیشْقیرْدی: »بیزَه داها شاهِد لازم دِئییل. هامی نیز اونون مَن خدایین اوغْلویام دئدیینی ائشیدینیز. نَه رای و سَس وئریرْسیز؟ «

![](https://cdn.door43.org/obs/jpg/360px/obs-en-39-05.jpg)

یَهودی رَهبرلَری نین هامی سی باش کاهِن نین جَوابینْدا دئدیلَر: »او ائلْمَه یَه لاییق دیر. « سونْرا عیسی نین گِئزْلَرینی باغْلادیلار اییزینَه توپورْدولار دؤیْدولَر و اَلَه سالْدیلار.

![](https://cdn.door43.org/obs/jpg/360px/obs-en-39-06.jpg)

پِترس ائوین کنارینْدا دایانْمیش ایدی. بیر قولْلوقچو اونو گئردی و دئدی: »سَن دَه عیسی نین یانینْدا ائدین؟ « پِترس اِنکار و تَکذیب ائدی. بیر آزدان سونْرا باشْقا بیر قولْلوقچو اونا عینی شو سِئزی دِئدی و پِترس یِئنَه بونو دا اِنکار ائدی. نِهایت، اورادا دورانْلار اونا دئدیلر: »بیز بیلیریک کِه سَن عیسی نین اؤیْرَنْجی لَریندن سَن، چونِکه سَن دَه جَلیلی سَن. «

![](https://cdn.door43.org/obs/jpg/360px/obs-en-39-07.jpg)

سونْرا پِترس آنْد ایچیب و دئدی: »اگر مَن بو آدامی تانی سام، خدا مَنی لَعنَت ائلَه سین. « ایلَه بو وقت خوروز بانْلادی و عیسی دونوب پِترسه باخْدی.

![](https://cdn.door43.org/obs/jpg/360px/obs-en-39-08.jpg)

پِترس گِئدی و آغْلادی. عینی زمانْدا ساتْقین یَهودا یَهودی رَهبرلَری نین عیسی نی اِئلیمه مَحکوم ائدیینی گِئرْدی. کَدَرْ اونو بؤرودو، گِئدی و اِنتهار ائدیب ایزینی اِئلْدیرْدی.

![](https://cdn.door43.org/obs/jpg/360px/obs-en-39-09.jpg)

بو گینْلَردَه روم والیسی پیلاتس یَهودیَه یؤزَرینْده حُکْم دارلیق اِئدیرْدی. یَهودی رَهبرلَری عیسی نی اونون یانینا آپارْدیلار. اونْلار ایسْتَه ییرْدیلَر کِه پیلاتس عیسی نی اِئلیمَه مَحْکوم اِئدسین. پیلاتس عیسی دان سوروشدو: »سَن یَهودلَرین پادشاهی سَن؟ «

![](https://cdn.door43.org/obs/jpg/360px/obs-en-39-10.jpg)

عیسی جَواب وِئرْدی: »دوغْرو دئییرْسن. امّا، مَنیم سِلْطنَتیم یِئر اییزینْدَه دئییل. بِئلَه اولْساییدی، ایزْلَه ییچیلَریم مَنیم اوچون دؤیوشورْدولَر. امّا مَن بو دونیایَه هَر کَسَه خدا حَقّینْدَه حقیقتی سؤیلَه مَک اوچون گَلْمیشم. حقیقتی سِئوَن هَر کَس مَنی دینْلَه یَه جَک. « پیلاتس سوروشدو: »حقیقت نَه دیر؟ «

![](https://cdn.door43.org/obs/jpg/360px/obs-en-39-11.jpg)

عیسی دانیشْدیقْدان سونْرا پیلاتس جَماعَتین یانینا چیخیب و دِئدی: »من بو آدامَه اِئلیمَه لاییق هِئچ بیر گناه گِئرْمَه دیم. « لاکین یَهودی رَهبرلَری و جَماعَت »اونو چار میخَه چَک! « دِئیَه قیشْقیرْدیلار. بو حالْدا پیلاتس جَواب وِئردی: »اونون گناهی یوخْدور. « امّا، بو دَفعه داها یوکْسَک سَسْلَه قیشْقیرْدیلار. سونْرا پیلاتس اوچونْچو دَفعه دِئدی: »اونون گناهی یوخْدور. «

![](https://cdn.door43.org/obs/jpg/360px/obs-en-39-12.jpg)

اِغْتِشاش اولاجاغینْدان قورْخان پیلاتس عیسی نی قَبول اِئدی و چار میخَه چَکْمَک اوچون اونو عَسگرلَرینَه تَسلیم اِئدی. روملی عَسگرلَر عیسی نی قامچی ایله ووردیلار، اونا پادشاه پالْتاری گئیینْدیرْدیلر و باشینا تیکانْلارْدان تاج قویْدولار. سونْرا اِستِهْزاء ایلَه دِئدیلر: »یاشاسین یَهودیلَرین پادشاهی. «

*کتاب مقدسدن بیر حکایه: انجیل متی فصل۲۶آیه۵۷و فصل۲۷آیه۲۶، انجیل مرقس فصل۱۴آیه۵۳و فصل۱۵، انجیل لوقا فصل۲۲آیه۵۴و فصل۲۳آیه۲۵، انجیل یوحنا فصل۱۸آیه۱۲و فصل۱۹آیه۱۶*

## 40. عیسی چارمیخَه چَکیلْدی

https://openbiblestories.org/l/kmz/story-40/

![](https://cdn.door43.org/obs/jpg/360px/obs-en-40-01.jpg)

عَسگرلَر عیسی نی اِستهزاء اِئدیکْدَن سونْرا، اونو چارْمیخَه چَکْمَک اوچون، اونو ایشیگه چیخارْدیلار. اونو چارْمیخ نی داشینْماغا مَجبور اِئدیلر.

![](https://cdn.door43.org/obs/jpg/360px/obs-en-40-02.jpg)

عَسگرلَر عیسی نی جُلجُتا )باشین کلّه و جُمْجُمَه سی(آدلی یِئره آپارْدیلار و اونون اَلینی آیاغینی چار میخَه میخْلادیلار. لاکین، عیسی دئدی: »آتا! بو اِنسانْلاری باغیشْلاسان، چونکِه اونْلار نَه ائدیکْلَرینی بیلْمیرلَر. « پیلاتس نین اَمْر ایلَه اونون باشی نین یؤزَرینه بِئلَه بیر یازی قویْدولار: »بو یَهودیلَرین پادشاهی دیر. «

![](https://cdn.door43.org/obs/jpg/360px/obs-en-40-03.jpg)

سونْرا عَسگرلَر عیسی نین پالْتاری اوچون پوشْک آتْدیلار. بونونْلا مُقدّس کِتابین اؤنْجَه دَه خَبر وِئرْدیی یِئرینَه یِئتْدی: »گِئییم و پالْتارْلاریمی ایز آرالارینْدا بؤلْدولَر و پالْتاریم اوچون پوشْک آتْدیلار. «

![](https://cdn.door43.org/obs/jpg/360px/obs-en-40-04.jpg)

عَسگرلَر عینی آنْدا ایکی اوغْرونون چارْ میخَه چَکدیلَر و عیسی نی اونْلارین آراسیندا چار میخَه قویْدولار. اونْلاردان بیری عیسی نی اَلَه سالیرْدی، او بیری ایسَه اونا دِئدی: »خدا دان قورْخْمورسان؟ بیز گناه کاریق، امّا، بو آدام گناه سیردیر. « سونْرا عیسی یَه دِئدی: »ای عیسی! سِلطنتینْدَه منی خاطِرلایین. « عیسی اونا جَواب وئردی: »بو گیون سَن مَنیمْلَه بیرْلیکْدَه جَنّتدَه اولاجاق سان. «

![](https://cdn.door43.org/obs/jpg/360px/obs-en-40-05.jpg)

یَهودی دین رَهبرلَری و اورادا اولان اِنسانْلار عیسی نی اَلَه سالیب، دِئدیلَر: »اگر سَن خدایین اوغْلوسان چار میخ دان آشاغی اِئنْ و ایزینی خِلاص اِئد! او زمان بیز دَه سَنَه ایناناجاغیق. «

![](https://cdn.door43.org/obs/jpg/360px/obs-en-40-06.jpg)

او وقت گین اورْتا اولْسادا، او اَرْضین هَر طَرفینی آسْماندا قارانْلیق اولْدو. بو تام قارانْلیق ایچ ساعَت دوام اِئدی.

![](https://cdn.door43.org/obs/jpg/360px/obs-en-40-07.jpg)

سونْرا عیسی قیشْقیرْدی: »تام اولْدو. آتا، جانیمی سَنین الینه تاپْشیرْدیم. « سونْرا باشینی آشاغی سالیب، روحونو تَسلیم اِئدی. او وفات اِئدَنْدَه یِئر تیتیَره دی، و مَعبدین اِنسانلاری خدایین حضوروندان آییران کاتا پَرْدَه سینی )قُدس القُداس(، یوخاریدان آشاغیا دوغْرو ایکی یَه بؤلونْدو.

![](https://cdn.door43.org/obs/jpg/360px/obs-en-40-08.jpg)

عیسی ائلیمی ایله انسانلارین خدایین حُضورونَه گَلْمَه سی اوچون بیر یول آچْدی. رومْلی مُحافظ چی بو حادِثَه لَری گئرَنْدَه، دئدی: »دوغْرودان دا بو آدام گناه سیز ائدی. او خدایین اوغْلو ائدی. «

![](https://cdn.door43.org/obs/jpg/360px/obs-en-40-09.jpg)

سونْرا عیسی نین وعده ائدیلْمیش مَسیح اولْدوغونا اینانان یَهودی رَهبرلَرینْدن ایکی نفر، نیقودیموس و یوسف آدلی لار، پیلاتس یانینا گئدیب، عیسی نین جَسدینی تَحویل وِئرْمَه یی خواهِش اِئدیلَر. جَسدی کِتان پارْچایا بؤکوب داشْدان دوزلْمیش مَقبرَه نین ایچینَه قویْدولار و مَزاری باغْلاماق اوچون کاتا بیر داش قَبرین آغْزینی یووارْلادیلار تا قَبْرین آغْزی باغْلاسین.

*کتاب مقدسدن بیر حکایه: کتاب انجیل متی باب۲۷آیههای۲۷تا۶۱، کتاب انجیل مرقس باب۱۵آیههای۱۶تا۴۷، کتاب انجیل لوقا باب۲۳آیههای۲۶تا۵۶، کتاب انجیل یوحنا باب۱۹آیههای۱۷تا۴۲*

## 41. خدا عیسی نی ائلی لر آراراسیندان دیریلدیر

https://openbiblestories.org/l/kmz/story-41/

![](https://cdn.door43.org/obs/jpg/360px/obs-en-41-01.jpg)

عسگرلر عیسی نی چارمیخَه چَکدیکْدَن سونْرا، یَهودی خَلقین باشْچیلاری پیلاتسین یانینا گِئدیب و دِئدیلَر: »عیسی یالان دانیشْدی ائچ گیندن سونْرا ائلی لر آراسیندان دیریلَه جَک. اؤیْرَنْجی لَری اونون جَسدینی اوغْرولاماماسی ایچین ائچ گین مَزارین کشیکْچی سینی تَعیین اِئدْمَه لییک. اگر جَسدِی اوغْرولا بیلْسَه لَر، او زمان اونین ائلیم دَن دیریلْدیینی اِدعا اَئدَه جَکْلَر. «

![](https://cdn.door43.org/obs/jpg/360px/obs-en-41-02.jpg)

پیلاتس دئدی: »ائزینیزلَه عَسگر گئتَرین و مَزاری باجارْدیغیز قَدَرْ قورویون. « بونا گِئرَه دَه قَبرین گیریشینْدَه داشی قویوب و اونو مُهورْلَه موم اِئدیلَر تا جَسدی هئچ کیم اوغْرولاماسین. اونی قوروماف ایچین، عَسگرلَر قویْدولار.

![](https://cdn.door43.org/obs/jpg/360px/obs-en-41-03.jpg)

عیسی نین دَفینین گِئچَن گینی، یِئنی شنبه گینین ایشْلَه مَکْ قاداغان اِئدیلْدیی ایچین عیسی نین دوسْتلارینْدان هئچ بیری قَبرین اوستونَه گِئده بیلْمَزیدی. لاکین، اِئرتَه سی گین سَحر تِئزْدَن بیر نِئچَه قادین عیسی نین مَزارینَه گِئدْمَه یَه و عیسی نین بَدنینَه عَطر وورماغا حاضر اولدیلار.

![](https://cdn.door43.org/obs/jpg/360px/obs-en-41-04.jpg)

قادینْلار اورا چاتْمامیش تورْبَه نین یانینْدا گوجلو تَپَریْم /زلزله/اولْدو. آسماندان بیر مَلَکْ یِئرَه اِئنَرَه کْ، قَبرین گیریش داشینی قیراغا یووارْلادی و اوستونْدَه اوتورْدو. او مَلَکْ آسمانبن بَرق یا شیمشَه یی کیمی پاریلْداییرْدی. مُحافِظ چیلَر اونو گِئرَندَه ائلَه قورخْدولار کی ائلمیش کیمی یِئرَه ییخیلْدیلار.

![](https://cdn.door43.org/obs/jpg/360px/obs-en-41-05.jpg)

قادینْلار مزاره چاتانْدا، مَلَک اونْلارا دِئدی: »قورْخْمایین! عیسی بورادا دئییل. او وَعده اِئدیی کیمی ائلی لَردَن دیریلْدی. قَبرین ایچینَه باخین و گِئرین. « قادینْلار قَبْرین ایچینَه باخْدیلار و عیسی نین جَسَدِی نین هارا قویولْدوغونو گئردیلر، لاکین جَسَدی تاپْمادیلار.

![](https://cdn.door43.org/obs/jpg/360px/obs-en-41-06.jpg)

سونْرا مَلَک قادینْلارا دِئدی: »گِئدین و اؤیْرَنْجی لَره دِئیین عیسی ائلیرلَر آراسینْدان دیریلْدی و سیزدَن اوّل جَلیلَه یَه گِئدَه جَک. «

![](https://cdn.door43.org/obs/jpg/360px/obs-en-41-07.jpg)

قادینلار سِئوینب تَعَجُب اِئدَرْکَن اؤیْرَنْجی لَره خوش خَبر چاتْدیرْماق ایچین گِئدیلَر.

![](https://cdn.door43.org/obs/jpg/360px/obs-en-41-08.jpg)

قادینْلار اؤیْرَنْجی لَره بو خوش خَبری چاتْدیرْماق ایچین قاچارْکَن بیرْدَن عیسی اونْلارا گِئرینْدی. اونا سُجدَه اِئدیلَر. عیسی اونْلارا دِئدی: »قورْخمایین! گِئدین و اؤیْرَنْجی لَریمَه دِئیین جَلیلیَه گِئدسینْلَر مَنی اورادا گِئرَه جَکْلَر. «

*کتاب مقدسدن بیر حکایه: کتاب انجیل متی باب۲۷آیه۶۲تا باب۲۸آیه۱۵؛ کتاب انجیل مرقس باب۱۶آیههای۱تا۱۱؛ کتاب انجیل لوقا باب۲۴آیههای۱تا۱۲؛ کتاب انجیل یوحنا باب۲۰آیههای۱تا۱۸*

## 42. عیسی نین آسمانا قاییدماسی

https://openbiblestories.org/l/kmz/story-42/

![](https://cdn.door43.org/obs/jpg/360px/obs-en-42-01.jpg)

خدا عیسی نی دیریلْتدِیی گین اؤیْرَنْجی لَرینْدَن ایکیسی یاخینْداکی شَهرَه گِئدَرْکَن عیسی نین باشینا گلَنْلر حقّینده دانیشیرْدیلار. اونْلار عیسی نین وَعدَه اِئدیلْمیش مَسیح اولْدوغونا اومید اِئدیرْدیلَر، لاکین او ائلْدیریلیب. اینْدی قادینْلار اونون یِئنیدَن دیریلْدِیینی دئییرْلَر، لاکین اؤیْرَنْجی لَر نِئیه ایناناجاقْلارینی بیلْمیرْدیلَر.

![](https://cdn.door43.org/obs/jpg/360px/obs-en-42-02.jpg)

عیسی اؤیْرَنْجی لَرینه یاخینْلاشیب و اونْلارلا دانیشْدی. لاکین، اونْلار اونو تانیمیرْدیلار. عیسی اونْلارْدان نَه دانیشْدیقْلارینی سوروشدو. اونْلار عیسی یَه دِئدیلَر بیر نِئجَه گینْدَن سون عیسی نین باشینا گلَن حادِثَه لَردَن دانیشیرْلار. اونْلار ائلَه بیلیرْدیلَر عیسی اورشلیم دَه کی حادِثَه لَردَن خَبرسیز و بیر غَریبَه کیمین دیر.

![](https://cdn.door43.org/obs/jpg/360px/obs-en-42-03.jpg)

سونرا عیسی اونْلارا خدایین کَلِمَه لَرینین مَسیح حقّینده دِئدِیینی ایضاء اِئدی. اوزون مُدَت اوّل پیغمبرلَر دِئدیلَر پیس آدامْلار مَسیحَه ایشْکَنْجَه وِئریب و اونو اِئلْدیرَه جَکْلَر، لاکین او اؤچونْچو گین یِئنی دَن دیریلَه جَک.

![](https://cdn.door43.org/obs/jpg/360px/obs-en-42-04.jpg)

ایکی کیشی مَقصد یِئرینَه چاتانْدا، گِئجَه یَه آز قالمیش اِئدی. اونْلار عیسی نی گِئجه اونْلارلا قالْماغا دَعوت اِئدیلَر و عیسی دَه اونْلارلا بیر ائوَه گیرْدی. اونْلارین شام سُفْرَه سی آرْخاسینْدا، عیسی چِئرَه یِی گِئتَرْدی و شؤکور اِئدیب، چِئرَه یی پارْچالادی. بیرْدَن گِئزْلَری آچیلْدی و در حال اونو تانیدیلار. لاکین عیسی هَمین آنْدا اونْلارین گِئزینْدَن ایتْدی.

![](https://cdn.door43.org/obs/jpg/360px/obs-en-42-05.jpg)

ایکیسی بیر-بیرینَه دِئدیلَر: »او عیسی اِئدِی، بونا گِئرَه دَه اَنجیلین کِتابین مَضمونو بیزَه ایضاح اِئدَنْدَه یؤرَه ییمیز دؤیونورْدو. « سونْرا در حال اورشلیمَه قاییتْدیلار و اورا چاتانْدا اؤیْرَنْجی لَره دِئدیلَر: »عیسی ساغ و دیری دیر! بیز اونو گئرمیشیک. «

![](https://cdn.door43.org/obs/jpg/360px/obs-en-42-06.jpg)

اونْلار دانشانْدا بیرْدَن عیسی اونْلارین آراسینْدا چیخْدی و دِئدی: »سیزَه سَلام اولْسون! « اؤیْرَنْجی لَر بیر روح گِئردیکْلَرینی ظِنْ اِئدیلَر، لاکین، عیسی دِئدی: »نِئیَه قورخْدونوز! مَنیم عیسی اولْدوغوما شُبْهَه اِئدیرْسیز؟ ال-آیاغیما باخین، روحْلارین مَنیم کیمی بَدَنْلَری یوخْدور. « اونْلارا بونون روح اولْماغینی گؤسْتَرْمَک ایچین اونا یِئمَک وِئرْمَه لَرینی ایسْتَه دی. اونا بیر پارْچه بالیق وِئرْدیلَر و عیسی اونو یِئدِی.

![](https://cdn.door43.org/obs/jpg/360px/obs-en-42-07.jpg)

عیسی دئدی: »مَن سیزَه دِئدیم خدایین کلامینْدَه مَنیم حَقّیمده دئییلَنْ لَر مُطلَق یِئرینَه یِئتْمَه لیدیر. « سونْرا عیسی اونْلارا خدایین سؤزونو داها یاخشی باشا دؤشْمَه یَه کؤمَک و یارْدیم اِئدی. او دِئدی: »قَدیم دورْلَردَن بَری پیغمبرلَرینْ کِتابلارینْدا یازیلیب، وَعدَه اِئدیلْمیش مَسیح عَذاب چَکْمَه لی، ائلْمَه لی و ایچینچی گین ائلیلَردَن دیریلْمَه لی دیر. «

![](https://cdn.door43.org/obs/jpg/360px/obs-en-42-08.jpg)

»پیغمبرلَر دَه یازمیشْدیلار اؤیْرَنْجی لَریم خدایین کَلامینی اعلام و تبلیغ اِئدَه جَکْلَر و هامیَه توبَه اِئدْمَه لَرینی سؤیلَه یَه جَکْلَر. هَر کیم توبَه اِئدْسَه، خدا اونون گناه لارینی باغیشْلایار. اؤیْرَنْجی لَریم اورشلیم دَن بو خَبری تبلیغ اِئدْمَه یَه باشْلایاجاق، سونْرا بوتون ملّت لَره و هَر یِئرَه گِئدَه جَکْلَر. سیز مَنیم سِئزلَریمین، حَرکت لَریمین، باشیما گلَن بوتون حادثه لَرین شاهِدی سیز. «

![](https://cdn.door43.org/obs/jpg/360px/obs-en-42-09.jpg)

دیریلیکْدَن سونْرا قیرخْ گین عَرضیندَه عیسی اؤیْرَنْجی لَرینه دَفعه لَرلَه گِئرینْدی. حتّی بیر دَفعه ائزینی عین آنْدا بئش یوز دَن چوخ انسانه تَقدیم اِئدی. او مَختلف یولْلارا اؤیْرَنْجی لَرینَه ساغ اولْدوغونو ثَبوت ائدی و اونْلارا خدایین پادشاه لیغی حَقّینده اؤیْرَتْدی.

![](https://cdn.door43.org/obs/jpg/360px/obs-en-42-10.jpg)

عیسی اؤیْرَنْجی لَرینَه دئدی: »خدا مَنه یَئرْدَه و آسماندا بوتون صِلاحیت و اِختیارلاری وِئریبْدی. بونا گِئرَه دَه گِئدین و بوتون ملّت لَری مَنیم اؤیْرَنْجیم ائدین و اونْلاری آتا، اوغول و مقدّس روحون آدی ایله تَعمید ائدین و سیزَه وئرْدِییم بوتون اَمرلَرَه نئجه عَمَل اِئدْمَه یی اونْلارا اؤیْرَتْدین. اونودْمایین کی مَن همئشه سیزیننَم. «

![](https://cdn.door43.org/obs/jpg/360px/obs-en-42-11.jpg)

عیسی اِئلی لَر آراسینْدان دیریلْدیکْدَن قیرخْ گین سونْرا اؤیْرَنْجی لَرینَه دِئدی: »آتام مقدّس روحو گینْدَرْمَکْلَه سیزَه گوج وِئرَنَه قَدَرْ اورشلیم دَه قالین. « بونْدان سونْرا عیسی اونْلارین گِئزلَری اؤنونْده آسمانا قالْخْدی و بولودْدا گِئزْدَن ایتْدی. عیسی هَر شئی یَه حاکیم اولْماق ایچین خدایین ساغ طَرفینْدَه اوتورْدو.

*کتاب مقدسدن بیر حکایه: کتاب متی باب۲۸آیههای۱۶تا۲۰؛ کتاب مرقس باب۱۶آیههای۱۲تا۲۰؛ کتاب لوقا باب۲۴آیههای ۱۳تا۵۳؛ کتاب یوحنا باب۲۰آیههای۱۹تا۲۳؛ کتاب اعمال باب۱آیههای۱تا۱۱*

## 43. کلسانین باشلانیغی

https://openbiblestories.org/l/kmz/story-43/

![](https://cdn.door43.org/obs/jpg/360px/obs-en-43-01.jpg)

عیسی آسمانا قاییتْدیقدان سونْرا، اؤیْرَنْجی لَر عیسی نین گؤستریشی ایله اورشلیم دَه قالْدیلار. مؤمِنْلَر دوعا قیلْماق ایچین مَنتظم اولاراق توپْلاشیرْدیلار.

![](https://cdn.door43.org/obs/jpg/360px/obs-en-43-02.jpg)

یَهودیلَر هر ایل پنتیکاست آدلانان بایْرامی جَشْن توتارْدیلار. بو بایرام اَلْلی گین پسخ بایْرامدان سونْرا بیر مُهم بایرامی ائدی. پپنتیکاست یَهودی لَرین بوغْدا بیچینی بایرامی اِئدی. اونْلار بو بایرامی بیرلیکْدَه جَشن و قید اِئدْمَک ایچین دونیانین هَر یِئرینْدَن اورشلیمه گَلْمیشْدیلر. شو ایل پپنتیکاست بایرامی عیسی نین آسمانا قالْخْماسینْدان بیر هَفته سونْرا باش وِئرْدی.

![](https://cdn.door43.org/obs/jpg/360px/obs-en-43-03.jpg)

بوتون مؤمِنلر بیر یِئرَه توپْلاشانْدا بیرْدَن گوچلو کولاک و شِدّتلی یِئلین سَسینَه بَنْزَر بیر سَس ائشیدیلْدی. سونْرا هامی سین یؤزَرینْدَه آلوو کیمی بیر شَئی آلوولانْدی. سونْرا هَر کَس مقدّس روح ایلَه دولْدو و بیلْمَه دیکْلَری دیلْلَردَه خدااِ عِبادت اِئدْمَه یِی سوروشْدولار. مقدّس روح اونْلارا او غَریبَه دیلْلَردَه اونْلارا دانیشماق باجاریغی وِئرمیش اِئدی.

![](https://cdn.door43.org/obs/jpg/360px/obs-en-43-04.jpg)

اورشلیمه گَلَن اِنسانْلار بو سَسی اِئشیدنْدَه نَه باش وِئردِیینی گِئرْمَک ایچین بیر یِئرَه توپْلانْدیلار. اونْلار مؤمِن لَرین خدایین کاتا ایشْلَرینی بَیان اِئدیکْلَرینی اِئشیدیلَر. اونْلارین سِئزْلَرینی باشا دؤشَه بیلْدیکْلَری ایچین تَعجُب لَنْدیلَر. اؤلْکَه لَرینْدَه انسانلارین باشْقا دیلْلَری وار ائدی. طَلَبَه لَر اسرائیلْدَن اِئدیلَر و یالنیز آرامی، عبرانی و یادا یونانجا دانیشا بیلیرْدیلَر. امّا، ائشیدیلَر اؤیْرَنْجی لَر اؤز آنا دیلْلَرینْدَه خدایین ایشْلَرینی بیان و اعلام ائدیرْلَر.

![](https://cdn.door43.org/obs/jpg/360px/obs-en-43-05.jpg)

بَعضی لَری طلبه لَرین سَرخوش اولْدوغونودا بیلْدیریبلَر. پِترس ایسَه دایانیب اونْلارا دِئدی: »قولاق آسین! بو اِنسانلار سَرخوش دئییلْلَر! بلکه تَرسَه و عَکْسینَه بو یوئیل پیغمبرین خدایین دِئیی دیر کِه دِئمیش: »سون و آخر گینْلَردَه من روحومو بوتون بَشریتین یؤزَرینَه تؤکَه جَه یَم. «

![](https://cdn.door43.org/obs/jpg/360px/obs-en-43-06.jpg)

»ای اسرائیلین خَلقی، عیسی ائزینی بیزَه تانیتْماق ایچین چوخ داها یاخْشی ایشْلَر گؤرموش بیر شَخص ائدی. او خدایین گوج و قدرتی ایلَه چوخ گِئزَه لْ ایشْلر گِئردی. سیز بونْلاری بیلیرسیز، چونکِه اونون ایشْلرینَه شاهِد اولْدونوز، امّا چارمیخَه چَکْدینیز. «

![](https://cdn.door43.org/obs/jpg/360px/obs-en-43-07.jpg)

»عیسی ائلْدی، لاکین خدا اونو ائلی لَر آراسینْدان دیریلْتْدی. بو او پیغمبرین دِئدِیینی یِئرینَه یِئتیرمیشْدیر دِئدی: سن مقدّس اولادی نین جَسَدینین قَبردَه چؤرومَه سینه اجازه وِئرْمَه یَه جَکْ سَن. بیز شاهِد اولوروق، خدا عیسی نی ائلی لَر آراسینْدان دیریلَتْدی. «

![](https://cdn.door43.org/obs/jpg/360px/obs-en-43-08.jpg)

اینْدی آتا خدا عیسی نی آسماندا اَن یوسَکْ یِئرَه، ساغ طَرفینَه قویْوبْدو. عیسی وَعده اِئدیی کیمی بیزَه مقدّس روحو گینْدَرْدی. بو گین گِئرْدیینیز و ائشیدیینیز بو شَئی لَر مقدّس روح طرفیندن ائدیلَر.

![](https://cdn.door43.org/obs/jpg/360px/obs-en-43-09.jpg)

سیز عیسی نی چارمیخَه چَکْدینیز، امّا امین اولون خدا اونو، مسیح تعیین اِئدْمیشْدیر.

![](https://cdn.door43.org/obs/jpg/360px/obs-en-43-10.jpg)

انسانلار پِترس سِئزلَرینْدَن چوخ تاثیر تاپْدیلار. اونْدان و آیری اؤیْرَنْجی لَردَن سوروشدولار: »ای قارداشْلار، ایندی نَه ائدْمَه لییک. «

![](https://cdn.door43.org/obs/jpg/360px/obs-en-43-11.jpg)

پِترس جواب وئردی: »هامیزین گناه لاریزین باغیشْلانْماسینا اِحتیاجیز وار. بِئلَه لیکْلَه، توبَه اِئدین و عیسی مسیحین آدی ایلَه تَعمید اولون. اونْدا خدا سیزه مقدّس روح هَدیَه سینی وِئرَه جَک. «

![](https://cdn.door43.org/obs/jpg/360px/obs-en-43-12.jpg)

دِئمَکْ اولار ایچ مین نفر پترس سِئزْلَرینَه اینانْدیلار و عیسی نین اؤیْرَنْجیسی اولْدولار. اونْلار سو ایله تَعمید اولونْدولار و اورشلیم کلیسا اولان ایمانلی لارا قوشولْدولار.

![](https://cdn.door43.org/obs/jpg/360px/obs-en-43-13.jpg)

مؤمِن و ایمانْلیلار همیشه حَواریلَرین تَعلیم لَرینه قولاق آسیرْدیلار. اونْلار بیر یِئرَه توپْلاشیب، بیرلیکْدَه یِئمَک یِئییب، بیرلیکْدَه دوعا و نَماز قیلیرْدیلار. اونْلار خدااِ بیرلیکْدَه عِبادت اِئدیرْدیلَر و اللرینْدَه اولان هر شَئیی بیر-بیرلَری ایلَه بؤلوشورْدولر. انسانلار اونْلار حَقّیندَه یاخْشی دانیشیرْدیلار و هَر گین داها چوخ انسان انیانیرْدی.

*کتاب مقدسدن بیر حکایه: کتاب اعمال رسولان فصل۱آیه۱۲تا۱۴و فصل۲*

## 44. یترس و یوحنانین دیلنچیه شفاء وئرمه سی

https://openbiblestories.org/l/kmz/story-44/

![](https://cdn.door43.org/obs/jpg/360px/obs-en-44-01.jpg)

بیر گین یترس و یوحنا معبد و پرستشگاهه گِئدیرْدیرْلَر. دروازه نین یانینْدا بیر سینیق و افلیج آدامین دیلَندیینی گِئردیلر.

![](https://cdn.door43.org/obs/jpg/360px/obs-en-44-02.jpg)

پترس او اَفلیج آدامَه باخیب و دئدی: »سَنَه وئرْمَه یَه هئچ پولوم یوخْدور. امّا مَنْدَه نَه اولْدوغومو وارسَه، سَنَه وِئریرَم. عیسی نین آدی ایلَه قالْخ و یولانْدا گِئدین! «

![](https://cdn.door43.org/obs/jpg/360px/obs-en-44-03.jpg)

خدا او آدامَه ائلَه هَمین آنْدا شفاء وِئرْدی و او، اونْلارین اطرافینده گَزْمَه یَه، سِئوینیب خدااِ عِبادت اِئدْمَه یَه باشْلادی. مَعبدین حَیاطینْدُه اولانْلار تَعجُب ائدیلَر.

![](https://cdn.door43.org/obs/jpg/360px/obs-en-44-04.jpg)

سیغلانمیش آدامی گؤرمک اوچون تئز بیر زماندا کاتا بیر اِذدِهام توپْلانْدی. پِترس جَماعته دِئدی: »بو آدامین ساغالْدیغینی گئریب تعجب اِئدْمَه یین. بیز بو آدامی اِئز گؤجوموز ایله، دیندارلیق ایله ساغالاتْمادیق. تَرْسَه و عَکْسینَه اونو ساغالْدان عیسی نین گؤجو دور، چونْکی بیز اونا اینانیریق. «

![](https://cdn.door43.org/obs/jpg/360px/obs-en-44-05.jpg)

»سیز روم والیسینْدان عیسی نین اِئلْدیرمَه یینی خواهِش اِئدَنْلَرینْدَن سیز. هامیَه حَیات و یاشاییش وِئرَنی سیز اِئلْدیردینیز، امّا، خدا ایسَه اونو اِئلی لَر آراسینْدان دیریلَتْدی. اگر سیز نَه ائدیی نیزی بیلْمَه دینیز دَه، امّا، پیغمبرلَرین اؤنچَه دَن خَبر وِئرْدیینی عَمَلا گؤسْتریب، یِئرینَه یِئتیرْدینیز. دِئیمیشْدیلَر: مَسیح گَرَکْ عَذاب چَکیب اِئلیمَه گِئدسین. خدا ایسْتَه ییرْدی، بِئلَه اولْسون. ائلَه ایسَه توبَه اِئدین و خدااِ طَرف قاییدین، گناه لاری نیزی باغیشْلاییب، تَمیز و پاک اِئدسین. «

![](https://cdn.door43.org/obs/jpg/360px/obs-en-44-06.jpg)

»معبدین رَهبرلَری، پِترس و یوحنانین سِئزْلَرینی اِئشیدنْدَه چوخ غَضبلی اولْدو. بَئلَه لیکْلَه، اونْلاری توتوب، دوستاغا سالیب، حَبْس اِئدیلَر. لاکین پِترسین پیغامینی اِئشیدَنْلَرین چوخو ایمان گَتیرْدیلَر و ایمان گَتیرَنْلَرین سایی بِئش مین نفره چاتْدی.

![](https://cdn.door43.org/obs/jpg/360px/obs-en-44-07.jpg)

اِئرْتَه سی گین یَهودی رَهبرلَری پِترس و یوحنانی و او اَفلیج اولان آدامی بیرلیکْده باش کاهِن و دین رَهبرلَرین یانینا گَتیرْدیلَر. اونْلار پِترس و یوحنادان سوروشْدولار: »سیز بو اَفلیج اولانی هانْسی گوج و قوَّه ایلَه ساغاتْدینیز؟ «

![](https://cdn.door43.org/obs/jpg/360px/obs-en-44-08.jpg)

پِترس جواب وِئردی: »سیزین قارْشینیزْدا دوران بو آدام عیسی مسیحین قدرتی ایلَه ساغالْدی. سیز عیسی نی چارمیخَه چَکْدینیز، امّا، خدا اونو دیریلَتْدی! سیز اونو رَدّ اِئدینیز، امّا، عیسی نین گوجونْدَن باشقا خِلاص یولو یوخْدور! «

![](https://cdn.door43.org/obs/jpg/360px/obs-en-44-09.jpg)

دین رَهبرلَری پِترس و یوحنانین جِسارَتینَه تَعجُب اِئدیلَر، چونْکی اونْلار سَوادسیز و عادی اِنسانلاردان اِئدیلَر. سونْرا بو آداملارین عیسی نین یانینْدا اولْدوقلارینی خاطیرلادیلار. بونَه گِئره دَه اونْلارا دِئدیلَر: »اگر جَماعتَه عیسی حَقّینْدَه بیر داها دانیشانیز، سیزی ضِدیت ایلَه جَزالانْدیراجاغیق. « پِترس و یوحنانی هَدَه لَه دیکْدَن سونْرا اونْلاری آزاد اِئدیلَر.

*کتاب مقدسدن بیر حکایه: کتاب اعمال رسولان فصل۳و فصل۴تا آیه۲۲*

## 45. استیفان و فیلیپس

https://openbiblestories.org/l/kmz/story-45/

![](https://cdn.door43.org/obs/jpg/360px/obs-en-45-01.jpg)

ایلْکْ کلیسانین رَهبرلرینْدَن بیری هَمین حُرْمَت ائدیی اِستیفان آدلی آدام اِئدی. روحالقُدس اونا گوج و حِکمت وِئرمیش ائدی. استیفان بیر چوخ مَعجزه لَر گؤسْتَرْدی و چوخْلار اونون سِئزلَری ایلَه عیسی یَه ایمان گَتیرْدیلَر.

![](https://cdn.door43.org/obs/jpg/360px/obs-en-45-02.jpg)

بیر گین استیفان عیسی حقّینْدَه درس دِئیَنْدَه، عیسی یَه اینانمایان بعضی یَهودی لَر استیفان ایله مُباحِثَه اِئدْمَه یَه باشْلادیلار. اونْلار چوخ غَضَب لَنْدیلَر و استیفان خقّینْدَه دین رَهبرلَرینَه یالان دانیشْدیلار: »بیز اونون موسی یَه و خدا حقّینْدَه پیس دِئیینی ائشیدیک. « بِئلَه لیکْلَه، دین رَهبرلَری استیفانی توتوب اَلَ قولارینی باغْلادیلار و انون باش کاهِن نین و آییری یَهودی رَهبرلَری نین یانینا آپارْدیلار. سونْرا داها چوخ یالانْچی شاهِدلار گَلیب و اونون حقّینْده یالان دانیشْدیلار.

![](https://cdn.door43.org/obs/jpg/360px/obs-en-45-03.jpg)

باش کاهِن استیفان دان سوروشدو: »بو اِنسانلار سَنین حقّینْدَه دئدیکْلَری دوغرو دورْمو؟ « استیفان بو سورغویا جَواب وئرمَک اوچون باش کاهِنَه چوخلو سِئزلَر دئدی. او دئدی خدا ابراهیمین دورونْدان عیسی نین زمانیه قَدَر یَهودیلَر اوچون چوخ کاتا اشیلَر گؤروب. لاکین، بو انسانلار دَفعه لَر اونا اطاعت ائدْمَه دیلر. استیفان اونْلارا دِئدی: »سیز عِنادْکار و خدااِ اطاعت سیز بیر خَلْق اِئمیش سیز. سیز هَمئشه روحالقدسو اِنکار اِئدمیش سیز. شو جور کی، بیزیم آتالاریمیز خدایی رَدّ اِئدیلَر و اونون پیغمبرلَرینی ائلْدیرْدیلَر. امّا، سیز اونْلارْدان داها چوخ پیس بیر ایش اِئدینیز، سیز مَسیحی ائلْدیرْدینیز! «

![](https://cdn.door43.org/obs/jpg/360px/obs-en-45-04.jpg)

دینی رَهبرلَر بو سِئزلَری ائشیدَنْدَه، چوخ غَضَب لَندیلَر قولاقلارینی توتوب، قیشقیردیلار. اونْلار اِستیفانی چؤلَه چَکیب شَهردَن دیشاری آپارْدیلار و ائلْمَک اوچون داشا ایلا وورْدولار اوستونو دَه داشْقالاق اِئدیلَر.

![](https://cdn.door43.org/obs/jpg/360px/obs-en-45-05.jpg)

اِستیفان ائلْدیی وقتدَه قیشْقیریب، دئدی: »ای عیسی! روحومو قبول ائدین! « سونْرا دیز چؤکدو و یِئنیدَن قیشْقیرْدی: »ای خدا! بو گناهی اونْلارا گؤتورْمَه یین. « و سونْرا چانی بَدَندَن چیخیب ائلْدی.

![](https://cdn.door43.org/obs/jpg/360px/obs-en-45-06.jpg)

او گین اورشلیم دا چوخْلو خَلْق عیسی نین ایزْلَه یی چی لَرینی تَعقیب اِئدْمَه یَه باشْلادیلار و مؤمن و ایمان گَتیرَنْلَر، آییری اَراضی لَره قاچیدیلار. امّا، آنجاق بو حادِثَه لَره باخْمیاراق، گِئدیکْلَری یِئرْدَه عیسی یَه تابِع لیق و موعِظه اِئدیلَر.

![](https://cdn.door43.org/obs/jpg/360px/obs-en-45-07.jpg)

عیسی نین اؤیْرَنْجیلَرینْدَن بیری فیلیپُس آدلی آییری ایمانلی لار ایله بیرلیکْدَه تعقیب و جَفا زمانی اورشلیم دان قاچیب، سامِرَه یَه گِئدمیش، اورادا عیسی حَقّینْده تابِع لیق و موعظه ائدمیش دیر و اورادا چوخْلو انسانلار خِلاص اولْدولار. سونْرا بیر گین خدایین مَلَه یی، فیلیپُسه بیر یولا گِئدْمَه یی تاپشیرْدی. او، هَمین یولْدا ایکن حَبَشَه نی مُهِم مُقاماتْلارین دان بیرینی اِئز آراباسینْدا گِئدیینی گؤیردی. مقدس روح فیلیپُسه دئدی: »او آدامین یانینا گِئدیب اونون ایله دانیشسین. «

![](https://cdn.door43.org/obs/jpg/360px/obs-en-45-08.jpg)

فیلیپُس آرابایا یاخینْلاشانْدا حبشه نین اشعیای پیغمبرین کتابینْدان بیر پارچه اوخودوغونو ائشیدی. او اوخودوغو یِئرْدَه، دئییردی: »هر کیمی توتوب و عینی قویون کیمی آپارادیلار تا یؤنگونو قیرْخسینْلار و اودا اونْلارین قارشی سینْدا سوسْموش قوزو کیمی بیر سِئز دِئمیرْدی. اونا قارشی حقّ سیزلیک اِئدیب، احترام و حُرْمَت قویْمورْدولار. نِهایت دا اونون حیات و جانی آلیب، ائلْدیرْدیلر. «

![](https://cdn.door43.org/obs/jpg/360px/obs-en-45-09.jpg)

فیلیپُس حبشدن سوروشدو: »اوخودوغونو باشا دؤشَه بیلیرْسَن می؟ « حبشی جواب وئردی: »یوخ. بیر کیمْسَه مَنَه ایضاح ائدْمَه سَه، باشا دؤشَه بیلْمیرَم. زحمت اولماسا، سَن گَل یانیما اوتور و مَنَه دِئیین: اشعیا بونو اِئز حقّینْدَه دِئییر یوخْسا باشْقاسین حقّینْده؟ «

![](https://cdn.door43.org/obs/jpg/360px/obs-en-45-10.jpg)

فیلیپُس ارابه یَه مینیب، اونون یانینْدا اوتوردو، سونْرا حبشیه ایضاح اِئدی کی اشعیا، عیسی حقّینْده بو پارچانی یازیب دیر. فیلیپُس اونا خدایین سِئزینین بیر چوخ حِصَه سینی ایضاح اِئدی و عیسی نین سِئوینجی سینی اونا چاتْدیرْدی.

![](https://cdn.door43.org/obs/jpg/360px/obs-en-45-11.jpg)

فیلیپس و حبشی کیشی قاباغا گِئدیلَر، اونْلار گِئدیکْجه بیر سو گؤلونَه چاتْدیلار. حبشی کیشی دئدی: »باخین، بورادا سو وار! تَعمیدیه اولْماق ممکن دورْمو؟ « حبشی کیشی، قولْلوقچوسونا، ارابه نی ساخْلاماق اوچون اَمر ائدی.

![](https://cdn.door43.org/obs/jpg/360px/obs-en-45-12.jpg)

بئله لیکله، اونْلار سویا گیرْدیلَر و فیلیپُس حبشی کیشینی تَعمید اِئدی. اونْلار سودان چیخانْدا، روحالقدس بیرْدَن فیلیپسی باشْقا بیر یِئرَه آپارْدی. فیلیپس اورادا عیسی حقّینْدَه تابِع لیق و موعظه اِئدْمَه یَه دوام ائدی.

![](https://cdn.door43.org/obs/jpg/360px/obs-en-45-13.jpg)

حبشی کیشی سَفَری اِئوینَه دوغرو گِئدْمَه یی دوام ائدی. او، عیسی نی تانیدیغینا گیرَه چوخ سِئوینْدی.

*کتاب مقدسدن بیر حکایه: کتاب اعمال رسولان باب۶تا۸*

## 46. پولس مسیحی اولور

https://openbiblestories.org/l/kmz/story-46/

![](https://cdn.door43.org/obs/jpg/360px/obs-en-46-01.jpg)

سولُس آدلی بیر کیشی واریدی، او گَنْجْلی یینْدَه استیفانی ائلْدیرَه کَن یَهودلَرین پالتارینی قورودو و عیسی یَه اینانْمادی. او مسیحی لَری اینجیدیب آزار وئریردی و اورشلیم دا ائودَن-ائوَه گَزَرَه کْ کیشیلَری و قادینْلاری توتوب اَل-قولْلارینی باغْلاییب، دوستاقْدا سالیب، حَبْس اِئدیرْدی. باش کاهِن اونا دِئدی کی، دَمشق شهرینه گِئدیب و اورادا اولان مسیحی لَری توتوب اورشلیمه قایتارْسین.

![](https://cdn.door43.org/obs/jpg/360px/obs-en-46-02.jpg)

بِئله لیکْلَه سولُس دَمشقه گِئدی. اورایا چاتْمامیش آسمانْدان گَلَن پارْلاق بیر ایشیق اونو اِحاطَه اِئدی و یِئرَه ییخیلْدی. سولُس بیر سَس اِئشیدی کی اونا دِئدی: »شائول! شائول! نِئیَه مَنی اینْجیدیرْ سَن؟ « سولُس سوروشدوئ: »سَرورَم سَن کیم سَن؟ « عیسی اونا جواب وئردی: »مَن عیسی ام. شو شخص سَن اونو اینْجیتدین! «

![](https://cdn.door43.org/obs/jpg/360px/obs-en-46-03.jpg)

سولُس آیاغا قالْخانْدا گِئزْلَری گِئرْمَه دی. یولْداشْلاری اونو دمشقه دوغْرو یولا سالْدیلار. سولُس اوچ گین هئچ نَمَه یِئمَه دی و هئچ نَمَه ایچْمَه دی.

![](https://cdn.door43.org/obs/jpg/360px/obs-en-46-04.jpg)

دمشق شهریندَه حنانیا آدلی بیر اؤیْرَنْجی واریدی. خدا اونا دئدی: »سولُسون یاشادیغی ائوینَه گِئدین. اَلْلَرینی اونون گِئزْلَرینَه قویون. او داها گِئرَه جَک. « لاکین، حنانیا دئدی: »ای رَبّیم! من ائشیدمیشم بو آدام مؤمن و ایمانْلی لاری نِئجه اینْجیدیرْدی. « خدا بِئله جواب وئردی: »گِئدین! من اونو سِئچْدیم کی، مَنیم آدیمی یَهودلَرَه و باشْقا قَبیلَه لَرَه اِعْلان اِئدسین. او مَنیم آدیما گِئرَه چوخ اذیت چَکَه جَک. «

![](https://cdn.door43.org/obs/jpg/360px/obs-en-46-05.jpg)

حنانیا، سونْرا، سولُسون یانینا گِئدی و اَلْلَرینی اونون یؤزَرینَه قویوب، دئدی: »یولْدا سَنَه گِررینَن هَمین عیسی منی گِیندَرْدی تا سَنین گِئزْلَرین آچیلْسین و مُقدس روح ایلَه دولْسون. « سولُس در حال یِئنَه گِئرَه بیلْدی و حنانیا طَرفینْدَن تَعمید اولونْدو. سونْرا سولُس بِئمَک یِئدی و گوجو گِئری قاییدی.

![](https://cdn.door43.org/obs/jpg/360px/obs-en-46-06.jpg)

سولُس در حال دمشق یَهودی لَرینَه موعِظه اِئدْمَه یَه باشْلادی و دئدی: »عیسی خدایین اوغْلو دور! « یَهودیلَر چوخ تَعجُب اِئدیلَر، چونْکی، مؤمن لَری مَحْو اِئدْمَه یَه چالیشان آدام، اینْدی ایزی عیسی یَه اینانْمیشْدی! سولُس یَهودیلَر ایلَه مُباحثه و مُجادله اِئدی. او عیسی نین مسیح اولْدوغونو اونْلارا ثابت ائدی.

![](https://cdn.door43.org/obs/jpg/360px/obs-en-46-07.jpg)

بیر نئچه گِیندن سونْرا، یَهودیلَر سولُسو اِئلْدیرْمَه یَه جَهْد اِئدیلَر. اونو شَهرین دروازه سینْدَه تاپیب ائلدیرْمَک اوچون آداملار گِینْدَرْدیلَر. لاکین، سولُس اونْلارین نیّتینْدَن خبردار اولْدو و یولْداشْلاری اونا قاچْماق اوچون کؤمک و یارْدیم اِئدیلَر. بیر گِئجَه اونو بیر سَبَدَه قویْدولار و شَهرین دیوارلارینْدان آشاغی اِئنْدیرْدیلَر. سولُس دمشق دَن قاچْدیقْدان سونْرا، عیسی حقّینْدَه تابِع لیق اِئدْمَه یَه دوام ائدی.

![](https://cdn.door43.org/obs/jpg/360px/obs-en-46-08.jpg)

سولُس حواری لَری قارشیلاماق اوچون اورشلیمه گِئدی، لاکین، اونْلار اونْدان قورخْدولار. سونْرا، برنابا آدلی مؤمن سولُسو حواری لَرین یانینا آپارْدی. او اونْلارا سولُسون دمشق دَه جِسارَت ایله تابِع لیق ائدیینی دانیشیب و موعِظه ائدی. بونْدان سونْرا حواری لَر، سولُسو قبول ائدیلر.

![](https://cdn.door43.org/obs/jpg/360px/obs-en-46-09.jpg)

اورشلیمین اینْجیدیلَرینْدَن خِلاص اولان بعضی ایمانلی لار، اَنطاکیه آدلی اوزاق بیر شَهره گئدیب عیسی حقّینْدَه تابِع لیق و موعِظه ائدیلر. انطاکیه اهالی سین چوخو یَهودی دئییل اِئدیلُر، لاکین، اونْلار ایلْک دَفعه ایمان گَتیرْدیلَر. برنابا و سولُس اورا یِئنی ایمان گَتیرَنْلَرَه عیسی حقّینْدَه داها چوخ اؤیْرَتْمَک و کلیسانی گوج لَنْدیرْمَک اوچون گِئدیلَر. مَحض انطاکیه دَه مسیحَه ایمان گَتیرَنلَرَه ایلْک مسیحی دئییلْدی.

![](https://cdn.door43.org/obs/jpg/360px/obs-en-46-10.jpg)

بیر گین انطاکیه مسیحی لَری دوعا ائدیب اوروج توتارْکن مُقدس روح اونْلارا دِئدی: »اونْلاری گِئرْمَه یَه چاغیرْدیغیم ایش اوچون برنابا و سولُسو آییرین. « سونْرا، انطاکیه کلیساسی اَلْلَرینی برنابا و سولُسون یؤزْلَرینَه قویْدو اونْلار اوچون دوعا ائدیلر. سونْرا، اونْلاری عیسی نین خوش خبرلَرینی باشْقا یِئرْلَرَه یایْماق و موعِظه اوچون گِینْدَرْدیلَر. برنابا و سولُس مختلف قَبیله لَردن اونْلان بیر چوخ انسانلارا اؤیْرَتْدی و چوخْلار عیسی یَه ایمان گَتیرْدیلَر.

*کتاب مقدسدن بیر حکایه: کتاب اعمال رسولان باب۸آیه۱تا۳؛ باب۹آیه۱تا۳۱؛ باب۱۱آیههای۱۹تا۲۶؛ باب۱۳آیههای ۱تا۱۴*

## 47. پولس و سیلاس فیلیپیده

https://openbiblestories.org/l/kmz/story-47/

![](https://cdn.door43.org/obs/jpg/360px/obs-en-47-01.jpg)

سولُس بوتون روم امپراتوری سینی گَزَرْکَن روم لی پولُس آدینی استفاده ائدْمَک قرارینه گَلْدی. بیر گین پولُس ایله یولْداشی سیلاس عیسی حقّینْدَه خوش خبری تابِع لیق ائدْمَک اوچون فیلیپی شهرینَه گِئدیلَر. اونْلار شهرین دیشارینْداکی چایا گِئدیلَر. جَماعت دوعا قیلْماق اوچون اورایا توپْلاشیرْدیلار. اورادا تاجِر اولان لیدیَه آدلی بیر قادین ایله تانیش اولْدولار. او، خدایی سِئویب و اونا عبادت ائدیرْدی.

![](https://cdn.door43.org/obs/jpg/360px/obs-en-47-02.jpg)

تورکچه: هللا لیدیایَه عیسی یَه ایمان گَتیرْمَه یَه اِمکان وِئرْدی. پولُس و سیلاس اونو عائله سی ایلَه تعمید وِئرْدیلَر. سونْرا، پولُس و سیلاسی اِئوینَه چاغیرْدی تا اونون اِئوینْدَه قالْسینْلار و اونْلاردا اونونْ ایله قالْدیلار.

![](https://cdn.door43.org/obs/jpg/360px/obs-en-47-03.jpg)

پولُس و سیلاس چوخ وقتلَر یهودی لَرین دوعا اِئدیی یِئرَه گِئدیب، جَماعتدَن باش چَکیرْدیلر. اورادا بیر مُردار روحلو قولْلوقْچو واریدی و هَر گین اونْلارین آرخاسینْدا گَلیرْدی. او، بو پیس روحون کؤمَه یی ایلَه انسانلارین گَلَه جَه یینی اؤنْجَه دَن خَبر وئریرْدی و بو یول ایلَه فالْچی کیمی اؤز آغالارینا چوخ قازانْج گَتیریرْدی.

![](https://cdn.door43.org/obs/jpg/360px/obs-en-47-04.jpg)

اونْلار یِئرییَنْدَه او قولْلوقْچو قیشْقیریب، دِئییرْدی: »بو بَیکْلَر اوجا خدایین بَندَه لَری دیلَر. اونْلار سیزه چیخیش و خِلاص یولونو گؤسْتَرَه جَکْلَر! « او پولُسون صَبر تؤکَن نَه قَدَر، نِئچَه چوخْ گونْلَر بِئلَه ائدی.

![](https://cdn.door43.org/obs/jpg/360px/obs-en-47-05.jpg)

نِهایت، بیر گین قولْلوقْچو قیشْقیرانْدا پولُس اونا طرف دؤنوب اونون ایچینْداکی مُردار روحَه دئدی: »عیسی آدی ایلَه بو قیزْدان چیخ. « ناتَمیز روح اونو بیر آنْدا بوراخیب گِئدی.

![](https://cdn.door43.org/obs/jpg/360px/obs-en-47-06.jpg)

وقتی قولْلوقْچونون آغالاری نَه ایش باش وِئرْدیی گِئرْدیلَر، چوخ غَضب لَنْدیلَر. بو او دِئمَک ایدی کی، جَماعَت آرْتیق پول، او قیزین آغالارینا اوده میرْدیلَر. چونْکی، اونْلار باشا دؤشدولَر کی، او پیس روح اولْمایانْدا، او قولدا آرْتیق فالْچیلیق ائده بیلْمَزیدی.

![](https://cdn.door43.org/obs/jpg/360px/obs-en-47-07.jpg)

او قولْلون آغالاری، پولُس و سیلاسی، رومون حکومتی نین یانینا آپارْدیلار. پولُس و سیلاسی دؤیوب دوستاقْدا حَبْس ائدیلَر.

![](https://cdn.door43.org/obs/jpg/360px/obs-en-47-08.jpg)

اونْلار، پولُس و سیلاسی دوستاقین اَن چوخ گؤزَتْچی اولان حِصَه سینَه آتْدیلار. اونْلار، آیاقْلارینی دا کاتا و آیری تَخْتَه پارْچالاری ایلَه باغْلادیلار. بونا گِئرَه باخْمیاراق، گِئجه نین یاری سینْدا خدااَ حَمْد و عبادت اوچون حدایی دوعا و قوشما اوخویوردولار.

![](https://cdn.door43.org/obs/jpg/360px/obs-en-47-09.jpg)

بیردن گوجْلو تَپَریم اولْدو! دوستاقین بوتون قاپیلاری آچیلْدی و بوتون مَحبوس لارین زَنجیرلری دؤشْدو.

![](https://cdn.door43.org/obs/jpg/360px/obs-en-47-10.jpg)

دوستاقین ایشچی و قولْلوقْچوسو اویانْدی و گِئردی کی، دوسْتاقین قاپیلاری آچیلیب. او، بوتون مَحبوسلارین قاچدیغینی دؤشونوب و روم حاکمیت نین اؤلوم جزاسینْدان قورْخاراق اؤزونون اِئلْدیرْمَک قَرارینَه گَلْدی. لاکین، پولُس اونو گئرَنْدَه، قیشْقیرْدی: »ائزینی اینجیتْمَه! « هامی میز بوراداییق.

![](https://cdn.door43.org/obs/jpg/360px/obs-en-47-11.jpg)

دوسْتاقْدا اولانْلار هامی قورْخاراق و تیتَرَه یَرَه کْ پولُس و سیلاس یانینا گَلْدیلَر و سوروشدولار: »خِلاص اولْماق اوچون نَه اِئدْمَه لییک؟ « پولُس جواب وئرْدی: »عیسی نین خدا سینه اینانین. او زمان سَن و عائلَه یین خِلاص اولاجاق. « سونْرا دوسْتاق ایشچی سی پولُس و سیلاسی اِئز ائوینَه آپاریب یارالارینی یودو. پولُس ائوینْدَه اولانْلارین هامی سینَه عیسی حقّینْدَه خوش خَبری تبلیغ و موعِظه ائدی.

![](https://cdn.door43.org/obs/jpg/360px/obs-en-47-12.jpg)

همین دوسْتاق ایشْچی سی و اونون بوتون عائلَه عضولَری عیسی یَه ایمان گَتیرْدیلَر، پولُس و سیلاس اونْلاری تَعمید ائدی. سونْرا دوستاقچی پولس و سیلاسی یئدیزْدیرْدی و اونْلار بیرلیکْدَه سِئوینْدیلَر.

![](https://cdn.door43.org/obs/jpg/360px/obs-en-47-13.jpg)

او بیر گینین اِئرْتَه سی شَهر رَهبرلَری، پولس و سیلاسی دوسْتاقْدان آزاد ائدَه رَک فیلیپی تَرْک اِئدْمَه یی خواهِش ائدیلَر. پولس و سیلاس، لیدیَه و بعضی یولْداشْلارینی گِئرْمَه یَه گِئدیلَر و سونْرا، شَهری تَرْک ائدیلَر. عیسی حقّینْدَه خوش خبر یاییلماغا دوام ائدیب و کلیسا بویودوردو.

![](https://cdn.door43.org/obs/jpg/360px/obs-en-47-14.jpg)

پولُس و آییری مسیح چی رهبرلَری بیر چوخ شهرلَرَه سیاحت و سَفَرَه گِئدیلَر. اونْلار عیسی نین خوش خبرینی اؤیْرَه دیر و تابِع لیق ائدیرْدیلر. اونْلار همچنین کلیسالارْدا مؤمن لَری اؤیْرَتْمک و تشویق ائدْمَک اوچون مَکْتوبلار یازْدیلار. بو مکتوبلارین بعضی لَری انجیلین کتابلارینَه چئوریلْدی.

*کتاب مقدسدن بیر حکایه: کتاب اعمال رسولان فصل۱۶آیه های۱۱تا۴۰*

## 48. عیسی وعده ائدیلْمیش مسیح دیر

https://openbiblestories.org/l/kmz/story-48/

![](https://cdn.door43.org/obs/jpg/360px/obs-en-48-01.jpg)

خدا دونیانی یارادانْدا هر شَئی کامل یاراتْدی و هئچ بیرین گناه سی یوخ ائدی. آدم و حوا بیر-بیرلَرینی سِئویردیلر و خدایی ده چوخ سِئویردیلَر. ناخوشلوق و خَسْتَه لیک و حتّی ائلیم یوخیدی. بو خدایین ایسْتَه یی دونیا ائدی.

![](https://cdn.door43.org/obs/jpg/360px/obs-en-48-02.jpg)

شیطان حوا ایله باغْداکی ایلان واسِطه سیلَه دانیشْدی، چونْکی، اونو آلْداتْماق ایسْتَه ییرْدی. سونْرا، او و آدم گناه ائدیلَر. اطاعت سیزلیکْلَرینَه گِئرَه بوتون انسانلار ائلیمه محکوم دورلار.

![](https://cdn.door43.org/obs/jpg/360px/obs-en-48-03.jpg)

آدام ایله حوانین گناه لارین سبَبینْدَن داها دَهْشَتْلی ایش و حادثه لَر باش وئرْدی. اونْلار خدایین دوشْمنی اولْدولار. نتیجه دَه، او وقتدَن اینْدیَه قَدَرْ هامی گناه ائدمیشْلَر. هر کَس دوغولْدوغو آنْدان خدااَ دوشمن دیر. خدا ایلَه انسان آراسینْدا صلح مناسبتی یوخیدی، لاکین، خدا صلح برقرار اولْماسینی ایستَه ییردی.

![](https://cdn.door43.org/obs/jpg/360px/obs-en-48-04.jpg)

خدا سِئز وئرمیشْدی کی، حوانین نَسلیندَن اولان بیر شخص، شیطانین باشینی ووراجاق و شیطان اونین دابانینی دیشْلَه یَه جَک. بو او معنا دئمکْدیر کی، شیطان میسیحی ائلْدیره جَک، لاکین، خدا اونو یِئنیدَن دیریلْدَه جَک. اونْدان سونْرا، وَعده ائدیلمیش مسیح شیطانین گوجونو ابَدِی و همیشه مَحو ائدَه جَک. اوزون ایلْلَردَن سونْرا، خدا عیسی نین وعده ائدیلْمیش مسیح اولْدوغونو آچیقْلادی.

![](https://cdn.door43.org/obs/jpg/360px/obs-en-48-05.jpg)

خدا نوح پیغمبره امر ائدی بیر گیمی تیکیب دوزلْدسین. عائلبه سینی گینْدَرَه جَه یی طوفانْدان خِلاص ائدْمَک اوچون بو امری وئرْمیش دی. بئله لیکْلَه، خدا اونا ایمان گَتیرَنْلَری خِلاص ائدی. عینی بو شکیلْدَه، بوتون انسانلار گناه لارینَه گِئرَه، خدا طریفینْدَن ائلیمَه لاییق دیلَر، لاکین، خدا، عیسی نی اونا ایمان گتیرَن هر کسی خِلاص ائدْمک اوچون گینْدَرْدی.

![](https://cdn.door43.org/obs/jpg/360px/obs-en-48-06.jpg)

یوز ایلْلر بویو کاهِن لار انسانلار اوچون، خدااَ قوربانْلار گتیریرْدیلَر. بو ایش انسانلارا گناه ایشْلَتْدیکْلَرینی و خدایین جَزاسینَه لاییق اولْدوقْلارینی گؤسْتَریرْدی. لاکین او قوربانْلار انسان گناه لاری نین باغیشْلانْماسینا سَبب اولا بیلْمَزیدی. عیسی باش کاهِن دیر. او، کاهِن لارین ائدَه بیلْمَه دیکْلَرینی ائدی. او، بَشریتین گناه لاری اوچون، قوربان وئرمَک اوچون ائزینی قوربان وئرْدی. او، بوتون بشریتین گناه لارینه گِئرَه جَزا آلماغی قبول ائدی. بونا گِئرَه دَه عیسی باش کاهِن دیر.

![](https://cdn.door43.org/obs/jpg/360px/obs-en-48-07.jpg)

خدااَ ابراهیمه دئمیش: »سنین واسطه لیلَه دونیانین بوتون قَبیله لَرینَه خیر بَرکت وئرَه جَه یَم. « عیسی دَه ابرهیم نسلینْدَن ائدی. خدا ابراهیم واسطه سیلَه دونیانین بوتون ملت لَرینه خیر و برکت وئریر، چونکی، عیسی یَه ایمان گتیرَنْلَر، گناه دان خِلاص اولاجاق. وقتی بو انسانلار عیسی یَه ایمان گتیریرْلَر، خدا اونْلاری ابراهیمین نَسلی کیمی تانییر.

![](https://cdn.door43.org/obs/jpg/360px/obs-en-48-08.jpg)

خدا ابراهیمه اوغْلو/اسحاق یا اسماعیل/اونون اوچون قوربان وئرْمَه یَه سینی سؤیلَه دی. لاکین، خدا قوربانْلیق اوچون اوغْلونون یِئرینَه بیر قوزو حاضر ائدی تا قوربان ائدْسین. هامی میز گناه لاریمیز اوچون ائلیمه لاییق و مَحکوم ایق. امّا، خدا عیسی نی دونیایا باغیشْلادی تا بیزیم یِئریمیزْدَه قوربان اولْسون و بو یولْدا ائلسین. بونا گِئرَه دَه بیز عیسی نی خدایین قوزوسو آدلانْدیریریق.

![](https://cdn.door43.org/obs/jpg/360px/obs-en-48-09.jpg)

خدا مصره سون بلا گیندَرَنْدَه هر بیر اسرائیل عائله یَه بیر قوزو کَسْمَه یی امر ائدی. بو قوزو گَرَکْ قوصورْسؤز و عیب سیز اولْمالی ائدی. سونْرا، اونون قانینی قاپی چارْچیوه سی نین اوسْت و یانلارینَه سَپْمَه لی دیرْلَر. خدا او قانی گئریب، ائوْلَری نین یانینْدان کئچیب، او عائله نین ایلْک اوغْلونو ائلْدیرْمَه ایدی. بو باش وئرَنْدَه خدا اونو پِسَخْ آدلانْدیرْدی.

![](https://cdn.door43.org/obs/jpg/360px/obs-en-48-10.jpg)

عیسی پِسَخ بایرامی قوزو کیمینْ دیر. او، هئچ بیر سَهو ائدْمَه میشْدی و هئچ وقت دَه گناه ائدْمَه میشْدی. او شو پِسَخ بایرامین گینْلَرینْدَه ائلدی. وقتی هر کیمْسَه عیسی یَه ایمان گتیرَنْدَه، عیسی نین قانی اونون گناه لاری نین جَزاسینی اودَه ییرْدی. سانکی، خدا، اونو جَزالانْدیرْماماق ایلَه یانینْدا کِئچیر.

![](https://cdn.door43.org/obs/jpg/360px/obs-en-48-11.jpg)

خدا بنی اسرائیل ایلَه عَهد باغْلادی، چونْکی، اونْلار مخصوص بیر قوم ائدیلَر کی، ائزی اونْلاری سِئچْمیش ایدی تا اونا مخصوص اولْسونْلار. لاکین، خدا اینْدی هر کَس اوچون اَل-چاتان اولان یِئنی عهد یارادمیشْدیر. هر کیم و هر قَبیلَه دَن اولْسادا اگر بو عَهد و مُقاولَه نی قَبول ائدْسه، خدایین خَلقینَه قووشور. او، عیسی یَه ایمان ائدیی اوچون خدایین خَلقینه قووشولور.

![](https://cdn.door43.org/obs/jpg/360px/obs-en-48-12.jpg)

موسی بیر پیغمبر ایدی، خدایین کلامینی، کاتا قدرت ایلَه اِعلان ائدی. لاکین، عیسی پیغمبرلَرین اَن بؤیویو دور. او، خدا دیر، اونا گِئرَه دَه اونون ائدیی و دئدییی هر شئی خدایین عَمل لَری و سِئزلَری ایدی. بونا گِئرَه دَه اینجیل عیسی نین مُقدس کتابی، خدایین کلامی آدلانْدیریر.

![](https://cdn.door43.org/obs/jpg/360px/obs-en-48-13.jpg)

خدا داود پادشاه وَعده و سِئز وئرْمیش ایدی، اونون نَسلینْدَن بیری خدایین خَلقینه ابدی اولاراق پادشاه لیق ائدَه جَک. عیسی خدایین اوغلو و وعده ائدیلْمیش مسیح دیر و او، داوودون نَسلسنْدَن دیر و ابدی پادشاه لیق ائده بیلَر.

![](https://cdn.door43.org/obs/jpg/360px/obs-en-48-14.jpg)

داود اسرائیلین پادشاهی ایدی، عیسی ایسَه بوتون دونیانین پادشاهی دیر! او، یِئنیدَن گَلَه جَک و ابدی اولاراق عَدالت و صلح ایله پادشاه لیق ائدَه جَک.

*کتاب مقدسدن بیر حکایه: کتاب پیدایش فصل۱؛ فصل۳؛ فصل۶؛ فصل۱۴؛ فصل۲۲؛ کتاب خروج فصل۱۲؛ فصل۲۰؛ کتاب دوم سموئیل فصل۷؛ کتاب عبرانیان فصل۳آیه های۱تا۶؛ فصل۴آیه۱۴؛ فصل۵آیه۱۰؛ فصل۷آیه۱؛ فصل۸آیه۱۳؛ فصل۹آیه۱۱؛ کتاب مکاشفه فصل۲۱*

## 49. خدایین یئنی عهدی

https://openbiblestories.org/l/kmz/story-49/

![](https://cdn.door43.org/obs/jpg/360px/obs-en-49-01.jpg)

بیر مَلَک مریم آدلی بیر قیز خدایین اوغْلونو دونیایا گتیرَه جَه یینی سؤیلَه دی. مریم هَلَه باکِرَه ایکَن اونا مُقدَس روح اوفوردو، و او، ایکی جانلی /حامله/ اولْدو. او، بیر اوغول دوغْدو و آدینی عیسی قویْدو. بونا گِئرَه دَه عیسی هم خدا نون اوغْلو دیر، هَم دَه انسانْدیر.

![](https://cdn.door43.org/obs/jpg/360px/obs-en-49-02.jpg)

عیسی خدایین اوغْلو اولدوغونو ثُبوت ائدْمَک اوچون بیر چوخ معحزَه لَر گؤسْتَرْدی. او، سویون یوزَرینْدَه گَزَدی، طوفانی ساکِت ائدی، چوخْلو خَسْتَه و ناخوشْلاری شفا وئرْدی، چوخْلو انسانْلارین ایچینْدَن شرّ روح لاری قوودو، ائلیلَری دیریلَتدی، بِئش چِئرَه یَه و ایکی کیچیک بالیغا خیرلی دوعا و بَرَکت وئریب، بیر یِئمَک دوزَلَتْدی، اونو بِئش مین نَفردَن چوخ انسانی دویورْماق اوچون کِفایت قَدَرْ یِئمَک اِئدی.

![](https://cdn.door43.org/obs/jpg/360px/obs-en-49-03.jpg)

عیسی هم دَه کاتا معلم ائدی. اونون بوتون اؤیْرَتْمَک لَری دوغْرو ائدی. انسانلار اونون دِئدیینی، گَرَک اؤیْرَنیب، عَمل ائدْمَه لی ائدیلَر. چونْکی، او خدایین اوغْلو ایدی. مثلا او اؤیْرَتْدی کی، باشْقالارینی اؤزوموز کیمی سِئوْمَه لییک.

![](https://cdn.door43.org/obs/jpg/360px/obs-en-49-04.jpg)

او همچنین اونْلارا خدا نی هَر شَئی دَن، او جمله دَن مال-دولت لارینْدان چوخ سِئوْمَه یی اؤیْرَتْدی.

![](https://cdn.door43.org/obs/jpg/360px/obs-en-49-05.jpg)

عیسی دئدی کی، خدایین پادشاه لیغینْدا اولْماق بو دونیادا هر شَئی دَن قیمت لی دیر. خدایین پادشاه لیغینا گیرمَک اوچون سَنی گناه لارینْدان آزاد ائدْمَه لی دیر.

![](https://cdn.door43.org/obs/jpg/360px/obs-en-49-06.jpg)

عیسی دئدی کی، بعضی انسانلار اونو قبول ائدَه جَک، سونْرا خدا اونْلاری خِلاص ائده جک، امّا، هامی اونو قبول ائدمه یه جک. او همنچنین دئدی کی بعضی انسانلار یاخشی تورپاق کیمیدیرلر، چونکی اونلار عیسی نین خوش خبرلرینی قبول ائدیرلر و خدا اونلاری خِلاص ائدیر. بعضی لر یولون کناریندا بَرک آغ تورپاغا بَنزه ییر. خدایین کلامی یئره دؤشَن توخومو بَنزه ییر، امّا، محصول آلینمیر. بونلار عیسی نین خبرلَرینی قبول ائدْمَه یَن و خدایین پادشاه لیغینا گیرمَک ایسْتَه مَه یَن انسالارْدیرْلار.

![](https://cdn.door43.org/obs/jpg/360px/obs-en-49-07.jpg)

عیسی اونْلارا اؤیْرَتْدی کی، خدا گناه کارلری چوخ سِئویر. اونْلاری باغیشْلاییب، ایز اولادْلاری ائدْمَک ایسته ییر.

![](https://cdn.door43.org/obs/jpg/360px/obs-en-49-08.jpg)

عیسی همچنین اونْلارا دئدی، خدا گناهدان نِفرتی گَلیر. آدم ایلَه حوّانین گناهی اؤزَرینْده، اونْلارین بوتون نَسلی دَه گناه ائدیرْلر. نتیجه دَه، دونیادا هر بیر انسان گناه ایشْلَه دیر و خدا دان آیْریلیر. هامی خدایین دشمنی دیر.

![](https://cdn.door43.org/obs/jpg/360px/obs-en-49-09.jpg)

امّا خدا بوتون دونیا انسانلارینی او قَدَرْ سِئوْدی، یِگانه اوغْلو عیسی نی وئرْدی، هر کیم اونا ایمان گَتیرْسین، گناه لارینه گِئرَه جَزا آلماسین، بَلکه، خدا ایَله اَبَدی یاشاسین.

![](https://cdn.door43.org/obs/jpg/360px/obs-en-49-10.jpg)

سیز گناه ایشْلَتْدییز اوچون ائلْمَه یَه لاییق سیز. خدا سیزَه غَضب لَنْمَه یَه حقّی وار، امّا عیسی بیزیم گناه لاریمیزین جَزاسینی چَکْمَکْ اوچون، چارْمیخَه گئدیب، ائلْمَک ایلَه ایز یؤزَرینَه گؤتورْدو.

![](https://cdn.door43.org/obs/jpg/360px/obs-en-49-11.jpg)

عیسی هئچ وقت گناه ائدْمَه دی، لاکین، انسان گناه لارینه گِئرَه جَزالانْدیریلْدیغی قبول ائدی. او، حتّی اَن آغیر جَزانی ائلیمی قبول ائدی. بِئلَه لیکْلَه، او، سیزین و بو دونیادا هر کیمین گناه لارینی یوماق اوچون مُکَمّل بیر قوربان ائدی. عیسی ایزینی خدااَ قوربان ائدیی اوچون خدا بوتون گناه لاری، حتّی اونا ایمان گَتیرَنْلَرین اَن پیس گناه لارینی بِئلَه باغیشْلایار.

![](https://cdn.door43.org/obs/jpg/360px/obs-en-49-12.jpg)

حتّی یاخشی عمل لَرینیزدَه سیزی خِلاص ائدَه بیلْمَز. اونونْلا دوسْتلوق ائدْمَک اوچون، هئچ نَه ائدَه بیلْمَزْسیز. بونون عوضینه عیسی نین خدایین اوغلو اولْدوغونا و او، سیزین یِئرینیزَه چارْمیخ دَه ائلْدیینَه و خدایین اونو یِئنیدَن دیریلَتْدیینَه اینانْمالی سیز. اگر بو حقّیقته ایناناسانیز، خدا بوتون گناه لارینیزی باغیشْلایار.

![](https://cdn.door43.org/obs/jpg/360px/obs-en-49-13.jpg)

خدا عیسی یَه ایمان گَتیرَنْلَرَه و اونو خدایین اوغْلو کیمی قبول ائدَن هر شَخصی خِلاص ائده جَک. لاکین، خدا اونا اینانْمایانْلاری خِلاص ائدْمَز. وارلی و یا یوخسول، کیشی و یا قادین، قوجا و یا گَنج، هارادان اولْماغین فرقی یوخْدور. خدا بوتون سیزی سِئویر و عیسی یَه ایمان گَتیرْمَه یَنی ایسْتَه ییر، تا او سیزینْ ایلَه مهربان اولْماغو قورا بیلْسین.

![](https://cdn.door43.org/obs/jpg/360px/obs-en-49-14.jpg)

عیسی سیزی اونا ایمان گَتیرْمَه یَه و تَعمید اولْماغا دعوت ائدیر. عیسی نین وَعده ائدیلْمَه میش مسیح و خدایین یِگانه اوغْلو اولْدوغونا اینانیرْسیز؟ سیز اینانیرْسیز کی، گناه کارسیز و خدایین جَزاسینَه لاییق سیز؟ عیسی سیزین گناه لاری نیز اوچون چارْمیخ دا ائلْدیینَه اینانیرسیز؟

![](https://cdn.door43.org/obs/jpg/360px/obs-en-49-15.jpg)

اگر سیز عیسی یَه و اونون سیزین اوچون ائدیکْلَرینه اینانیرسیز، دِئمَه لیک سیز مَسیحی سیز! بونْدان سونْرا، شیطان ایز قارانْلیق سِلطنَتینَه آرتیق سیزین یوزَرینْدَه حُکومت دارلیق ائدْمَه یَه جَک. اینْدی خدا ایز نور سِلطنَتین دَه سیزَه حُکم ائدیر. خدا سیزه کئچْمیشْ دَه اولْدوغو کیمی گناه ائدْمَه مَه یَه موفق ائدی و سیزه دوزْگون یاشاماق اؤیْرَتْدی.

![](https://cdn.door43.org/obs/jpg/360px/obs-en-49-16.jpg)

اگر سیز مَسیحی سیز، عیسی نین ائدیکْلَرینَه گِئرَه، خدا سیزین گناه لاری نیزی باغیشْلادی. اینْدی خدا سیزی ایزینَه دشمن یوخ، بَلکه یاخین دوستو حساب ائدیر.

![](https://cdn.door43.org/obs/jpg/360px/obs-en-49-17.jpg)

اگر سیز خدایین دوستو و عیسی نین قولْلوقچوسو سیز، عیسی نین تعلیم لَرینه عمل ائدْمَه یَه مُشتاق اولاجاق سیز. مسیحی اولْسانیز دا، شیطان یِئنه دَه سیزی گناهه سوق ائدیر، لاکین، خدا هَمیشه وَعده لَرینه عمل ائدیر. او دئییر کی، اگر گناه لاری نیزی اعتراف ائدْسه نیز، سیزی باغیشْلایار و گناهه قارشی مبارزه آپارْماق اوچون سیزه گوج وئریر.

![](https://cdn.door43.org/obs/jpg/360px/obs-en-49-18.jpg)

خدا سیزه دئییرکی، دوعا ائدین و اونون کلمه لرینی اؤیْره نین. او همچنین باشْقا مسیحی لَر ایلَه بیرلیکْدَه اونا عِبادت ائدْمَه یی و اونون سیزین اوچون ائدیکْلَرینی باشْقالارینا سُؤیلَه مَه یینیزی سُؤیلَه ییر. بوتون بونْلاری ائدسَه نیز، سیزینْ ایلَه خدا آراسینْدا مُحکم بیر دوستلوق یارانار.

*کتاب مقدسدن بیر حکایه: کتاب پیدایش باب۳؛ انجیل متی باب۱۳و۱۴؛ انجیل لوقا باب۲و باب۱۰آیه۲۵تا۳۷؛ انجیل یوحنا باب۳آیه۱۶؛ رساله پولس به رومیان باب۳آیه۲۱تا۲۶؛ باب۵آیه۱تا۱۱؛ رساله پولس به کولسیان باب۱آیه۱۳تا۱۴؛ رساله اول یوحنا باب۱آیه۵تا۱۰*

## 50. عیسی قاییدیر

https://openbiblestories.org/l/kmz/story-50/

![](https://cdn.door43.org/obs/jpg/360px/obs-en-50-01.jpg)

تخمینَن۲۰۰۰ایلدیر، دونیادا بیر چوخ انسانلار، عیسی مسیحین اینجیلی نین خوش خبرلرینی ائشیدمیشلر. کلیسا گئد-گئدَه بؤیودو. عیسی دونیانین سونونْدا قاییداجاغینی وعده ائدمیش دی. عیسی هَلَه گَلْمَه مَه سَه دَه، وعده سینَه عَمل ائدَه جَک.

![](https://cdn.door43.org/obs/jpg/360px/obs-en-50-02.jpg)

خدا بیزْدَن ایسْتَه ییر، بیز مسیحین گَلیشینی گِئزْلَه یَرْکَن مُقدس یاشاماق و اونو عِزّت لَنْدیرْک. او، همچنین بیزْدَن ایسْتَه ییر، اونون پادشاه لیغی حَقّینْدَه باشْقالاری ایلَه دانیشاق. مسیح هَلَه یِئر یؤزونْدَه یاشایانْدا دِئمیش: »اؤیْرَنْجی لَریم خدایین پادشاه لیق حقّینْدَه خوش خبری بوتون دونیادا تبلیغ و موعظه ائدَه جَکْلَر، او زمان سون گله جک. «

![](https://cdn.door43.org/obs/jpg/360px/obs-en-50-03.jpg)

عیسی حَقّینده هئچ نَه ائشیدْمَه یَنْ بیر چوخ خَلق وار. مسیح آسمانا قاییدمازْدان اؤنْجَه مسیحی لَرَه دِئدی، بو خوش خبری اینْدیَه چَنْ هئچ وقت ائشیدْمَه میشْلَرَه، هامی سینَه اِعلان ائدْسینْلر. عیسی دئدی: »گئدین و بوتون مِلّت لَرَه منیم اؤیْرَنْجیم کیمی حاضرلایین، چونْکی، ایرَیْ لَر، بیجین اوچون حاضر ائدیلْمیش زَمی لَرَه بَنْزه ییر. «

![](https://cdn.door43.org/obs/jpg/360px/obs-en-50-04.jpg)

عیسی همچنین دئدی: »قولْ آغاسینْدان اوسْتون دئییل! بو دونیانین آغالاری مَنَه نِفرت ائدیکْلَری کیمی، مَنَه گِئرَه، سیزی ایشْکَنْجَه ائدیب، ائلْدیرَه جَکلَر. بو دونیادا اذیت چکَه چَک سیز، امّا، ایرَه ییز گوجْلو اولْسون. چونْکی، مَن بو دونیانین حُکْم دَن اولان شیطانَه غالِب گَلْدیم. اگر سونا قَدَرْ مَنَه صادِق قالْسانیز، خدا سیزی خِلاص ائدَه جَک! «

![](https://cdn.door43.org/obs/jpg/360px/obs-en-50-05.jpg)

عیسی اؤیْرَنْجی لَرینَه، بو دونیانین سونْونْدا انسالارین باشینا نَه گَلَه جَه یینی ایضاح اِئدْمَک اوچون بیر ناغیل دانیشْدی. او دئدی: »بیر آدام ایز زمی سینه یاخشی توخوم اکیب. هَلَه یوخودا ایکَن دشمنی گَلیب، بوغْدا توخومونون آراسینْدا اوت توخومو سَپْدی و یولونا یولانیب، گئدی.

![](https://cdn.door43.org/obs/jpg/360px/obs-en-50-06.jpg)

توخومْلار جوجَرْدیکْدَن سونْرا، آدامین فَهْلَه لَری دئدیلر: »آغا، سیز بو تورْپاغا یاخشی توخوم اَکْمیش سیز، نَه اوچون اونْلارین آراسینْدا اوتْلار یؤیویوب؟ « آدام جواب وئردی: »اولاری اَکْمَک یالْنیز دشمن لَرین ایشی اولابیلَر. منیم دشمن لَریمْدَن بیری بو ایشی ائدیب. «

![](https://cdn.door43.org/obs/jpg/360px/obs-en-50-07.jpg)

ایشْچی لَر اربابلارینَه بِئله جواب وئردیلر: »آیا اوتلاری یِئرینْدن چیخاراق؟ « ارباب جواب وئردی: »یوخ. اگر بِئلَه ائدْسَه نیز، اوتْلار ایلَه بیرلیکْده بوغْدانین بیر حَصّه سینی دَه یِئرْدَن چیخارار سیز. مَحصولو گِئزْلَه یین، سونْرا اوتلاری ییغیب یانْدیرین، امّا، بوغْدانی منیم انباریمَه گَتیرین. «

![](https://cdn.door43.org/obs/jpg/360px/obs-en-50-08.jpg)

اؤیْرَنْجی لَر بو حِکایَه نین معناسینی باشا دؤشْمَه دیلَر و مسیح دَن بو حکایه نی اونْلارا ایضاح ائدْمَه سینی ایسْتَه دیلَر. عیسی دئدی: »یاخشی توخوم سَپَنْ مسیحین تَمثیل دیر. زَمی بو دونیانین، توخوم ایسَه، خدایین پادشاه لیغینْدا اولان انسانلار دئمَکْدی. «

![](https://cdn.door43.org/obs/jpg/360px/obs-en-50-09.jpg)

یابانی اوتْلار شیطان و پیس انسالارا عاییدیر. او آدامین دشمنی، یعنی اوت اَکَنْ، شیطانْدیر. بیچین دورو فَصلی دونیانین سونو، بیچینْچیلَر ایسَه مَلَکْلَرْدیلَر.

![](https://cdn.door43.org/obs/jpg/360px/obs-en-50-10.jpg)

دونیانین سونو گَلَنْدَه، مَلَکْلَر دونیانین هر یِئرینْدن شیطانَه مَنسوب اولان بوتون انسانلاری، توپْلایاراق اوتْلو گؤلونَه آتاجاقْلار. هارادا اونْلار دَهْشَتْلی عَذاب ایچینْدا آغلایاجاقْلار، دیشْلَرینی قیجایاجاقلار. لاکین، عیسی نین آرْدینْجا گِئدَن صالِح لار آتالارین پادشاه لیغینْدا گؤنَش کیمی پارْلایاجاقلار.

![](https://cdn.door43.org/obs/jpg/360px/obs-en-50-11.jpg)

عیسی هَم دَه دونیانین آخیرینْدان اوّل یِئر ایزینَه قاییداجاغینی سؤیلَه دی. او، یِئرْدَن آیْریلان کیمی قاییداجاق، یِئنی بَدَنَه صاحب اولاجاق و آسمانْدا بولودْلار یؤزَرینْدَه گَلَه جَک. عیسی قاییدانْدا ائلَن هَر بیر مسیح چی ائلیلَر آراسینْدان دیریلَه جَک و اونو آسْمانْدا قارشیلاجاق.

![](https://cdn.door43.org/obs/jpg/360px/obs-en-50-12.jpg)

سونْرا هَلَه ساغ اولان مسیحی لَر آسْمانا قاخاجاق و ائلیلَرْدَن دیریلْمیش دیگر مسیحی لارا قوشولاجاقلار. اونْلارین هامیسی اورادا عیسی ایلَه اولاجاق و عیسی ایز خَلْقی ایله بیرْلیکْدَه یاشایاجاق. اونْلار بیرْلیکْدَه اَبَدی صُلح ایچینْدَه یاشایاجاقلار.

![](https://cdn.door43.org/obs/jpg/360px/obs-en-50-13.jpg)

عیسی اونا ایمان ائدَن هر کَسَه تاج وِئرَه جَه یی نی وَعده ائدیب. اونْلار خدا ایلَه بیرْلیکْدَه هر شَئی یَه سونْسوزا قَدَرْ حاکِم اولاجاقلار و تام امن-امانْلیق ایچینْدَه اولاجاقلار.

![](https://cdn.door43.org/obs/jpg/360px/obs-en-50-14.jpg)

لاکین، خدا عیسی یه اینانْمایانْلاری مَحاکِمَه ائدَه جَک. او، اونْلاری جِهنمَه آتاجاق. اونلار اورادا آغْلایاجاقلار، دیشْلَرینی قیجایاجاقلار و اَبَدی عَذاب چَکَه جَکْلَر. هئچ وقت سونْمَه یَنْ اود اونْلاری یانْدیرار، قورْدلار ایسَه اونْلاری یِئمَکْدَن اَل چَکْمَزْلَر.

![](https://cdn.door43.org/obs/jpg/360px/obs-en-50-15.jpg)

عیسی قاییدانْدا شیطان و اونون پادشاه لیغینی تمام ایلَه مَحْو ائدَه جَک. شیطان خدااَ اِطاعت ائدْمَک عوضینه اونا تابِع اولانْلار ایلَه بیرْلیکْدَه اورادا اَبَدی اولوب، یاناجاقلار.

![](https://cdn.door43.org/obs/jpg/360px/obs-en-50-16.jpg)

آدم و حوّانین اطاعت سیزلیی و گناهی بو دونیایا گَتیرْدیی اوچون خدا دونیانی لَعنت ائدیب، اونو مَحو ائدْمَک قرارینَه گَلْدی. آداما بیر گون خدا مُکَمّل اولاجاق یِئنی بیر آسمان و یئر یاراداجاق.

![](https://cdn.door43.org/obs/jpg/360px/obs-en-50-17.jpg)

عیسی و اونون خَلقی یِئنی یَئرْدَه یاشایاجاق و او، اَبَدی اولاراق موجود اولان هَر شئی یؤزَرینْدَه حُکمرانْ لیق ائدَه جَک. او، انسانلارین گِزلَرینْدَن هر یاشینی سیلَه جَک. آرتیق کَدَرْ اولْمایاجاق و هئچ کیم اذیت چَکْمَه یَه جَک. اونْلار هئچ وقت آغْلامایاجاقلار، هئچ کیم ناخوشْلوق چَکْمَه ییبب، ائلْمَه یَه جَک. اورادا هئچ بیر پیسْلیک اولْمایاجاق و عیسی ایز پادشالیغینْدا صلح و عَدالت ایلَه حُکم سؤرَه جَک. بونْدان سونْرا او، اَبَدی اولوب، خَلقی نین یانینْدا اولاجاق.

*کتاب مقدسدن بیر حکایه: انجیل متی باب۱۳آیه۲۴تا۴۲و باب۲۲آیه۱۳و باب۲۴آیه۱۴و باب۲۸آیه۱۸؛ انجیل یوحنا باب ۱۵آیه۲۰و باب۱۶آیه۳۳؛ رساله اول پولس به تسالونیکیان باب۴آیه۱۳و باب۵؛ کتاب مکاشفه باب۲آیه۱۰*