# unfoldingWord Open Bible Stories — Wadiyara Koli (Koli, Wadiyara)

- Language code: `kxp`
- Canonical page: https://openbiblestories.org/l/kxp/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Wadiyara Koli translation; it is not a translation of the whole Bible.

## 1. ૦১. સર્જન

https://openbiblestories.org/l/kxp/story-1/

![](https://cdn.door43.org/obs/jpg/360px/obs-en-01-01.jpg)

આ રીતે હંધાયની શરુઆત થઈ. ઈશ્વરે છ દાહડામાં અખિલ બ્રહ્માંડ અને એમાંના હંધાયની રચના કરી. ઈશ્વરે જ્યારે પૃથ્વી સરજી ત્યારે ઇ અસ્તવ્યસ્ત અને હાવ ખાલી હતી અને જળનિધિ પર અંધારું હતું, અને ઈશ્વરનો આત્મા પાણી પર હાલતો થ્યો..

![](https://cdn.door43.org/obs/jpg/360px/obs-en-01-02.jpg)

ત્યારે ઈશ્વરે કીધું, “અજવાળું થાઓ. “અને અજવાળું થઈ ગ્યું અને ઈશ્વરે અજવાળાને ભાળ્યું કે ઇ બોઉ હારું સે, અને ઈશ્વરે અજવાળું તથા અંધારું નોખા પાયડા. અને ઈશ્વરે અજવાળાને “દહાડો”કીધો અને અંધારાને “રાત” કીધી. એમ ઈશ્વરે પ્રથમ દાહડે અજવાળું સરજયું.

![](https://cdn.door43.org/obs/jpg/360px/obs-en-01-03.jpg)

બીજા દાડે ઈશ્વરે કીધુ કે પાણીની વચ્ચે અંતરિક્ષ થાઓ, ને પાણીને પાણીથી નોખા કરો. અને ઈશ્વરે અંતરિક્ષ બનાયવું, ને અંતરિક્ષ તળેના પાણીને અંતરિક્ષની ઉપરના પાણીથી નોખા કયરા. તેવું થ્યું. અને ઈશ્વરે તે અંતરિક્ષ ને આકાશ કીધુ.

![](https://cdn.door43.org/obs/jpg/360px/obs-en-01-04.jpg)

ત્રીજા દા'ડે, ઈશ્વરે કીધું કે આકાશ તળે ના પાણી એક જગામાં ભેગા થાઓ, ને કોરી ભૂમિ દેખાઓ ને એમ જ થ્યું. અને ઈશ્વરે ઇ કોરી ભૂમિને પૃથ્વી કહી, ને એકઠા થયેલા પાણીને “ દરીયાઓ“કહ્યાં. અને ઈશ્વરે ભાળ્યું કે એમણે જે બનાવ્યું તે બહુ હારું સે.

![](https://cdn.door43.org/obs/jpg/360px/obs-en-01-05.jpg)

ઇ પછી ઈશ્વરે કીધું, “ આ પૃથ્વી ખડ, શાક તથા ફળ-ફળાદી ઊગાવે. “અને એમ જ થ્યું. ઈશ્વરે ભાળ્યું કે એમણે જે બનાયુ ઇ બહુ હારુ સે.

![](https://cdn.door43.org/obs/jpg/360px/obs-en-01-06.jpg)

અને સર્જનના ચોથા દાડે, ઈશ્વરે કીધું કે રાત ને દા'ડો નોખો કરવા હારું આકાશના અંતરિક્ષમાં જ્યોતિઓ થાઓ અને તેઓ ચિહનો તથા ઋતુઓ તથા દિવસો તથા વર્ષોના અર્થે થાઓ. અને ઈશ્વરે દિવસ પર અમલ ચલાવનારી એક મોટી જ્યોતિ ને રાત પર અમલ ચલાવનારી તેનાથી એક નાની જ્યોતિ એવી બે મોટી જ્યોતિ બનાવી. એમ, સૂર્ય, ચંદ્ર અને તારલિયાઓ થયા. જેથી એ પૃથ્વીને ઉજાસ આપે અને એમ રાત અને દાહડાને નોખા થાય. ઈશ્વરે ભાળ્યું કે એમણે જે બનાયું સે તે બહુ સારુ સે.

![](https://cdn.door43.org/obs/jpg/360px/obs-en-01-07.jpg)

પાંચમા દાડે, ઈશ્વર બોલ્યા એટલે દરેક પાણીગરા પ્રાણીઓ જે પાણીમાં રહે છે ઇ બનાવ્યા. ઈશ્વરે ભાળ્યું કે એમણે જે બનાયું છે તે હારુ સે. અને ઈશ્વરે હંધાયને આશીર્વાદ દીધો.

![](https://cdn.door43.org/obs/jpg/360px/obs-en-01-08.jpg)

સર્જનના છઠ્ઠા દાડે ઈશ્વરે કીધું, “પૃથ્વીના પટ પરના હંધાય પ્રકારના જનાવરો થાઓ.“એટલે ઈશ્વરે જેવું કીધું હતું એની ઘોડે જ થ્યું. કેટલાક પાલતું જનાવરો, કેટલાક પેટે સરકનાર અને કેટલાક વન-વગડાના જનાવરો હતા.અને ઈશ્વરે ભાળ્યું કે તે હારુ સે.

![](https://cdn.door43.org/obs/jpg/360px/obs-en-01-09.jpg)

અને ઈશ્વરે કીધું, “ આવો આપણે નિજ સ્વરુપ તથા નિજ ગુણની જેમ માણસને બનાવીએ. તેઓ પૃથ્વી પર અને હંધાય જનાવરો પર અમલ ચલાવે. “

![](https://cdn.door43.org/obs/jpg/360px/obs-en-01-10.jpg)

એમ ઈશ્વરે થોડીક માટી લઈને પોતાના સ્વરૂપ અને પ્રતિમા પ્રમાણે માણસ ને બનાયવું, અને એનામાં જીવનનો શ્વાસ ફૂંક્યો. અને ઇ માણસનું નામ આદમ પાયડું. ઈશ્વરે એદન વાડી બનાવી, કે જેમાં આદમ રહી શકે, આદમને આ બધાની હંભાળ લેવા માટે ઈશ્વરે ઇમા રાખ્યો.

![](https://cdn.door43.org/obs/jpg/360px/obs-en-01-11.jpg)

વાડીની વચોવચ ઈશ્વરે બે એકદમ ખાસ ઝાડ વાવ્યા – જીવનનું ઝાડ અને હારુ- નરહુ જાણવાનું ઝાડ. ઈશ્વરે આદમને કીધું કે આ વાડીના હંધાય ઝાડના ફળ તું ખાઈ શકે સે ફક્ત હારા - નરહા જાણવાના ઝાડનું ફળ તારે ખાવું નહિ. જો તું આ ઝાડનું ફળ ખાશે તો તું મરી જઈશ.

![](https://cdn.door43.org/obs/jpg/360px/obs-en-01-12.jpg)

પછી ઈશ્વરે કીધું. “ માણસ હાવ એકલ પંડો રહે ઇ હારું નથ”.અને જનાવરોમાંથી પણ કોઈ આદમને લાગની સાથી મયળી નય.

![](https://cdn.door43.org/obs/jpg/360px/obs-en-01-13.jpg)

એટલે ઈશ્વરે આદમને ભર નીંદરમાં નાયખો. અને ઈશ્વરે એની પાંસળીઓમાંની એકને લીધી, એની એમણે એક નારી બનાવી. અને એને આદમ પાહે લાવ્યાં.

![](https://cdn.door43.org/obs/jpg/360px/obs-en-01-14.jpg)

એટલે જ્યારે આદમે તેને જોઈ, ત્યારે એણે કીધું, “ અરે! “આ તો મારાં હાડકાંમાંનું હાડકું અને મારાં માંસમાનું માંસ સે. ઇ મારા સરખી અને મારા હાટુ છે. એટલે ઇ નારી કેહવાશે, કેમકે એને નરમાંથી લેવામાં આવી હતી. અને એટલે જ માણસ પોતાના માબાપને છોડી દેશે અને એની બાઈ હારે એક ડીલના થાહે.

![](https://cdn.door43.org/obs/jpg/360px/obs-en-01-15.jpg)

ઈશ્વરે માણસ અને બાઈને પોતાના નિજરૂપ પ્રમાણે ઘડ્યા. ઈશ્વરે એમને આશીર્વાદ દેતા કીધું, “તમને ઘણા છૈયા-છોકરા થાઓ અને એનો વસ્તારો વધતો જાઓ અને એમ કરીને આખી પૃથ્વીને ભરી દયો. ”અને ઈશ્વરે દીઠું કે એમણે જે કંઈ બનાવ્યું હતું એ હંધુય ઘણું હારુ હતું. એનાથી એમને ઘણો હરખ થ્યો. આ હંધીય ઘટના સર્જનના છ દા'ડાઓમાં બયની.

![](https://cdn.door43.org/obs/jpg/360px/obs-en-01-16.jpg)

રે સાતમો દાડો આવ્યો ત્યારે ઈશ્વરે પોતાનું હંધુય કામ પૂરું કર્યું. પછી આ દા'ડે ઈશ્વરે એમના હંધાય કામોમાંથી પોરો લીધો. એમણે સાતમા દા'ડાને આશીર્વાદ દયને પવિત્ર જાહેર કર્યો. કારણ કે આ દા'ડે એમણે એમના હંધાય ઉત્પન્ન કરવાનાં તથા બનાવવાનાં કામોમાંથી પોરો લીધો હતો. આ રીતે ઈશ્વરે અખિલ બ્રહ્માંડ અને એમાનું હંધાયનું સર્જન કર્યું.

*લની વાર્તાઉત્પતિ 1-2*

Audio: https://git.door43.org/OBS-TLF/kxp_obs/releases/download/v1/kxp_obs_v1_01_128kbps.m4a

## 2. ૦૨. દુનિયામાં પાપનો પ્રારંભ

https://openbiblestories.org/l/kxp/story-2/

![](https://cdn.door43.org/obs/jpg/360px/obs-en-02-01.jpg)

ઈશ્વરે એમના હાટુ સરજાવેલી એદન વાડીમાં આદમ અને તેની બાઈ મોજથી રહેતા હતા. ઇ બેમાંથી કોઈએ પણ લુગડા પેર્યા નહોતા, તેમ છતાંય તેઓ લાજતા નહોતા. કારણ કે જગમાં પાપ આયવુ નોતું. તેઓ ઘડીએ ઘડીએ પરમેશ્વર હારે વાડીમાં ફરતા અને વાતું કરતા.

![](https://cdn.door43.org/obs/jpg/360px/obs-en-02-02.jpg)

પણ આ વાડીમાં એક લુચ્ચો એરુ હતો. એણે બાઈને કીધું કે હું પરમેશ્વરે હાચોહાચ એવું કીધુ સે, કે વાડીના હંધાય ઝાડનું ફળ તમારે ન ખાવું?.

![](https://cdn.door43.org/obs/jpg/360px/obs-en-02-03.jpg)

બાઈએ જવાબ દીધો કે, “ પરમેશ્વરે એવું કીધુ સે, કે અમે હંધાય ઝાડનું ફળ ખાઈ શકીએ છીએ સિવાય કે હારું-નરહું જાણવાના ઝાડનું ફળ. “ઈશ્વરે અમને કહ્યું છે કે “જો તમે આ ફળ ખાશો અથવા અડશો તો તમે મરશો જ મરશો“

![](https://cdn.door43.org/obs/jpg/360px/obs-en-02-04.jpg)

એરુએ ઇ બાઈને જવાબ દીધો કે “ આ હાવ હાચું નથ. તમે નહી જ મરશો “પરમેશ્વર જાણે સે કે તમે ખાશો ઇ જ ઘડીએ તમે પરમેશ્વરના ઘોડે હારું-નરહું જાણનારા થઈ જાશો.

![](https://cdn.door43.org/obs/jpg/360px/obs-en-02-05.jpg)

બાઈએ ભાળ્યું કે ફળ ખાવા હાટુ હારુ, અને જોવામાં સુંદર સે. ઇ પણ જ્ઞાનની જાણકાર બનવા માંગતી હતી, આથી એણે એક ફળ તોડ્યું અને ખાધું. એ બીના બાદ એ બાઈએ એના ભરથારને જે એની હારે રહેતો હતો એને પણ ખાવા હાટુ દીધું. એણે પણ તે ખાધું.

![](https://cdn.door43.org/obs/jpg/360px/obs-en-02-06.jpg)

ઇ જ ઘડીએ ઇ બેયની આંખો ઉઘડી ગઈ અને તેઓએ ભાળ્યું કે ઈ બેય ડીલે ઉઘાડા સે. ઇ બેઉએ પાંદડાઓને અંદરો અંદર સીવીને લુંગડા બનાવવાનો અને પોતાના ડીલને ઢાંકવાનો પ્રયત્ન કયરો.

![](https://cdn.door43.org/obs/jpg/360px/obs-en-02-07.jpg)

ઇ જ વેળાએ માણહ અને તેની બાઈએ વાડીમાં હાલતા પરમેશ્વરની અવાજ હાંભળ્યો. ઇ બેઉ જણ પરમેશ્વરથી હંતાણા અને પરમેશ્વરે ઇ માણહને કીધું, “ આદમ, તું ક્યાં સે? “આદમે કહ્યું. “ વાડીમાં તારો અવાજ સાંભળ્યો, અને મારા માં ભેં પેઠો, કારણ કે હું ડીલે હતો.“માટે હું હંતાણો.

![](https://cdn.door43.org/obs/jpg/360px/obs-en-02-08.jpg)

ઇ વેળાએ ઈશ્વરે કીધું “તને કોણે કયુ કે તું ઉઘાડો છે? જે ઝાડનું ફળ ખાવાની મેં તને ના કહી હતી, ઈ ફળ જ તેં ખાધું છે શું ? “માણસે કીધું, મારી હારોહાર રહેવા હારુ જે બાઈ તમે મને દીધી છે. એણે મને ફળ આપ્યું. ત્યારે પરમેશ્વરે બાઈને કીધુ, આ તેં હું કયરું? ઇ વેળાએ બાઈએ જવાબ દીધો “ એરુ એ મને છેતરી“

![](https://cdn.door43.org/obs/jpg/360px/obs-en-02-09.jpg)

પરમેશ્વરે એરુને કીધું, તું શાપિત છે. તું પેટે હાલશે અને ધૂળ ખાહે. તારી અને બાઈની વચ્ચે અને તારા છૈયા અને તેના છૈયાછોરાની વચ્ચે હું વૈર બંધાવીશ. બાઈના છૈયા જ તારું માથું છુંદશે અને તું એની પાની છુંદશે.

![](https://cdn.door43.org/obs/jpg/360px/obs-en-02-10.jpg)

પરમેશ્વરે ઇ બાઈને કહ્યું, કે તું દુઃખે છોરા જણશે. અને તું તારા ધણીને હેઠે રહીશ, ને તારો ધણી તારા પર ધણીપણું કરશે.

![](https://cdn.door43.org/obs/jpg/360px/obs-en-02-11.jpg)

પરમેશ્વરે ઇ માણહને કહ્યું કે તેં તારી બાઈની વાત લેખામાં લઇ મારા આદેશને તોડ્યો સે એથી આ ભૂમિ શ્રાપિત થઈ સે અને એટલે તું પરસેવો પાડીને રોટલી ખાશે. તું મરશે અને તારુ ડીલ પાછું ધૂળમાં ભળી જાહે. ઇ માણહે એની બાઈનું નામ હવા એટલે “ સજીવ“ પાડ્યું કેમકે ઇ હંધાય જીવોની મા હતી. અને પરમેશ્વરે આદમ અને હવાને જનાવરના ચામડાના લુંગડા પહેરાવ્યાં.

![](https://cdn.door43.org/obs/jpg/360px/obs-en-02-12.jpg)

ળાએ પરમેશ્વરે કહ્યું કે, “જુઓ આ માણસ આપણા સરીખો હારા-નરહાનો જાણકાર થ્યો સે. એમને જીવનના ઝાડનું ફળ ખાવા દેવાય નહિ, રખેને તેઓ અમર બની જાય.“એટલે પરમેશ્વરે આદમ અને હવાને એદન વાડીમાંથી બહાર તગેડી મૂક્યા. અને ઈશ્વરે ઇ ઝાડની વાડને હાચવવા હારુ વાડીમાં જવાના છીંડા ઉપર પરાક્રમી દેવદૂતોને પહેરો ભરવા મુયકા. જેથી તેઓ જીવનના ઝાડનું ફળ તોડીને ખાય હકે નહિ.

*લની વાર્તાઉત્પતિ 3*

Audio: https://git.door43.org/OBS-TLF/kxp_obs/releases/download/v1/kxp_obs_v1_02_128kbps.m4a

## 3. ૦૩. જળપ્રલય

https://openbiblestories.org/l/kxp/story-3/

![](https://cdn.door43.org/obs/jpg/360px/obs-en-03-01.jpg)

ઘણાં લાંબા કાળ પછી લોકો જગતમાં જનજીવન જીવતા હતા. પણ તેઓ ઘણા દુષ્ટ અને હત્યારા બની ગયા હતા. ઇ એટલું ભૂંડુ હતું કે, ઈશ્વરને નિર્ણય લેવો પડ્યો કે આખા જગનો જળપ્રલય દ્વારા નાશ કરવો.

![](https://cdn.door43.org/obs/jpg/360px/obs-en-03-02.jpg)

પરંતુ નૂહ ઈશ્વરની નજરમાં કૃપા પામ્યો. તે નરાધમ લોકો મધ્યે જીવતો હોવા છતાંય ન્યાયી માણસ હતો. ઈશ્વર જે જળપ્રલય કરવા માંગતા હતા ઇ યોજના વિશે એમણે નૂહને જણાવ્યું. એમણે નૂહને એક મોટું વહાણ બનાવવાનું કીધું.

![](https://cdn.door43.org/obs/jpg/360px/obs-en-03-03.jpg)

ઈશ્વરે નૂહને 140 મીટર લાંબુ, 23 મીટર પહોળું, 13. 5 મીટર ઉંચુ વહાણ બનાવવાનું કીધું. નૂહને લાકડામાંથી વહાણને ઘડવાનું કહેવામાં આવ્યું. ઇ વહાણને ત્રણ માળ, ઘણા ઓરડા, ધાબાબંધ અને બારીવાળું બનાવવાનું કીધુ. અને જળપ્રલય વેળાએ નૂહ, તેનાં કુટુંબના તથા ઇ વેળાના જનાવરોને હેમખેમ રાખવામાં આવશે.

![](https://cdn.door43.org/obs/jpg/360px/obs-en-03-04.jpg)

નૂહે ઈશ્વરનો આદેશ માન્યો. એટલા હાટુ નૂહ અને ઇના ત્રણ દીકરાઓએ ઈશ્વરે જે રીતે કીધું હતું એની ઘોડે વહાણ બનાયવું. આ વહાણ બનાવતા તેઓને ઘણાય વરહો લાગ્યા કારણ કે ઇ ઘણુંય મોટું હતું. નૂહે માણહોને આવનાર જળપ્રલયથી ચેતી જવા અને ઈશ્વર તરફ ફરી જવા કેટકેટલી વાર કીધું. પરંતુ તેઓએ એનુ કીધું જ નહિ.

![](https://cdn.door43.org/obs/jpg/360px/obs-en-03-05.jpg)

ઈશ્વરે નૂહ અને તેના કુટુંબને પોતાની હારૂ અને જનાવરોને હારૂ પુરતું ખાણું એકઠૂં કરવાનો આદેશ કર્યો. જ્યારે હંધુય તૈયાર થઈ ગયું ત્યારે ઈશ્વરે નૂહને કીધું કે સમય પાકી ગયો સે કે તું, તારી બાઈ, તારા ત્રણ દીકરાઓ અને તેમની ત્રણ વહુઓ વહાણની અંદર જાઓ. જેથી ઇ હંધાયનો જીવ બચી જાય. ઇ હંધાય મળીને કુલ આઠ લોકો હતા.

![](https://cdn.door43.org/obs/jpg/360px/obs-en-03-06.jpg)

ઈશ્વરે હરેક જનાવરો અને પંખીઓમાંથી નર અને નારીને નૂહ પાસે મોકલ્યા કે જેથી તેઓ સર્વ વહાણની અંદર જાય અને જળપ્રલયની વેળાએ તેઓ સુરક્ષિત રહે. ઈશ્વરે બલિ માટે જેનો ઉપયોગ થઈ શકે તેવા દરેક જનાવરો માંથી સાત નર અને સાત માદાને મોકલ્યા. જ્યારે હંધાય વહાણમાં ચડી ગયા ત્યારે ઈશ્વરે વહાણની દ્વારને બંધ કયરા.

![](https://cdn.door43.org/obs/jpg/360px/obs-en-03-07.jpg)

ઇ પછી વરસાદ, વરસાદ અને બસ વરસાદ શરુ થયો. ચાળીસ દિવસ અને ચાળીસ રાત સુધી અનરાધાર વરસાદ વરહિયો. જળનિધીમાંથી પાણીના ઝરા ફુટવા લાગ્યા. આખી પૃથ્વી અને એમાંનું હંધુય પાણી વડે ઢંકાઈ ગયું, એટલે સુધી કે મસમોટા પહાડો પણ નિરાળા રહ્યા નહી.

![](https://cdn.door43.org/obs/jpg/360px/obs-en-03-08.jpg)

જે લોકો અને જનાવરો વહાણમાં હતા એના વગરનું જે કાંઈ કોરી ભૂમિ પર હતું ઈ હંધુય નાશ પામ્યું. વહાણ પાણી પર તરવા લાગ્યું અને એમાં જે કાંઈ હતું ઇને ઈશ્વરે ડૂબતા બચાવ્યું.

![](https://cdn.door43.org/obs/jpg/360px/obs-en-03-09.jpg)

વરસાદી પાણી ઓછા થ્યા પછી, વહાણ પાંચ મહિના સુધી તરતું રહ્યું. અને ઇ પછી પાણી ઓસરવાની શરુઆત થઈ. એક દહાડે વહાણ પહાડની ટોચ પર થંભ્યું, પરંતુ આખું જગ હજી લગી પાણીથી તરોતર હતું. ત્રણ મહિના પછી પર્વતોની ટોચ દેખાણી.

![](https://cdn.door43.org/obs/jpg/360px/obs-en-03-10.jpg)

ચાલીસ દહાડા પછી, નૂહે કાગડાને બહાર મોકલ્યો, જેથી કળી હકાય કે પાણી ઓસરી ગયું સે કે નહિ? કાગડો કોરી ભૂમિ ગોતવાને માટે અહી-તહી ઊડ્યો, પણ એને કોરી જગ્યા મળી નહિ.

![](https://cdn.door43.org/obs/jpg/360px/obs-en-03-11.jpg)

ઇ પછી નૂહે કબૂતર મોકલ્યું. પરંતુ તેને પણ કોરી જગ્યા મળી નહી એટલે તે નૂહ પાહે પાછું આયવું. એક અઠવાડિયા પછી નુહે કબૂતરને ફરી મોકલ્યું. એટલે ઇ જૈતુન ઝાડનું પાંદડુ લઈને વહાણમાં પાછું આયવું. પાણી ઓસરવા માંડયું. અને વનરાઈ પાછી ઉગવા લાગી.

![](https://cdn.door43.org/obs/jpg/360px/obs-en-03-12.jpg)

નૂહે બીજુ એક અઠવાડીયું રાહ જોઈને કબૂતરને ત્રીજી વેળા મોકલ્યું. આ વખતે, તેને વિશ્રામ કરવાનું સ્થાન મળી જતા એ પાછું આયવું નહિ. પાણી સંકોરાવા લાગ્યું.

![](https://cdn.door43.org/obs/jpg/360px/obs-en-03-13.jpg)

બે મહિના પછી ઈશ્વરે નૂહને કહ્યું, “તું અને તારું કુટુંબ તથા હંધાય જનાવરો વહાણમાંથી બહાર નીકળી આઓ. તને ઘણા પુત્રો અને પૌત્રો થાઓ અને એમ પૃથ્વીને ભરી દયો. “ઇ પછી નૂહ અને તેનું કુટુંબ વહાણમાંથી બહાર નીકળી આવ્યા.

![](https://cdn.door43.org/obs/jpg/360px/obs-en-03-14.jpg)

વહાણમાંથી બહાર નીકળી આવ્યા પછી, નૂહે બલીવેદી બનાવી અને હરેક પ્રકારના જનાવરો જેનો ઉપયોગ બલિદાન માટે કરી શકાતો હતો, તેનું બલિદાન કયરૂ. ઈશ્વર બલિદાનથી પ્રસન્ન થયા અને નૂહ તથા તેના કુટુંબને આશીર્વાદ દીધો.

![](https://cdn.door43.org/obs/jpg/360px/obs-en-03-15.jpg)

ઈશ્વરે કહ્યું “માણહને લીધે હું પૃથ્વીને શાપ દઈશ નહિ, કેમ કે માણસના મનની કલ્પના તેના બાળપણથી ભૂંડી સે. જેમ મેં હંધાય પ્રાણીઓનો સંહાર કયરો સે એમ હું ફરી કદી કરીશ નહી. એટલે કે જળપ્રલયથી આ જગતનો નાશ નહી કરું. કારણ કે માણહ એના જન્મથી જ પાપી છે. “

![](https://cdn.door43.org/obs/jpg/360px/obs-en-03-16.jpg)

ઈશ્વરે ઈ વચનના એંધાણી રૂપે નભમાં પહેલું મેઘધનુષ્ય બનાવ્યું. એટલે જ્યારે મેઘધનુષ્ય આકાશમાં દેખાય છે, ત્યારે ઈશ્વરે પોતે ઉચ્ચારેલા વચનનું સમરણ કરે છે અને ઈ જ પ્રમાણે માણહો પણ આ વાતને સમરણમાં લાવે છે.

*લની વાર્તાઉત્પતિ 6-8*

Audio: https://git.door43.org/OBS-TLF/kxp_obs/releases/download/v1/kxp_obs_v1_03_128kbps.m4a

## 4. ૦૪. ઈબ્રાહિમ સાથે ઈશ્વરનો કરાર( દસ્તાવેજ)

https://openbiblestories.org/l/kxp/story-4/

![](https://cdn.door43.org/obs/jpg/360px/obs-en-04-01.jpg)

જળપ્રલય થયાના ઘણા વરહો વિત્યા બાદ, મલકમાં ઘણા લોક થઈ ગ્યા હતા, અને ઈ હંધાય એક જ ભાષા બોલતા હતા. ઈશ્વરે ઈ લોકોને પૃથ્વીને ભરપૂર કરવાનો આદેશ આપ્યો હતો, એના બદલે તેઓ હંધાય ભેગા થયા અને એક શહેર બાંધ્યું.

![](https://cdn.door43.org/obs/jpg/360px/obs-en-04-02.jpg)

તેઓ ઘમંડી બની ગયા અને ઈશ્વરે જે કાઈ કીધું હતું એની તેઓએ કાળજી લીધી નહી. તેઓએ નભને આંબે એવો એક ઊંચો બુરજ બાંધવાની શરુઆત કયરી. ઈશ્વરે ભાળ્યું કે તેઓ દુષ્ટતા કરવા હારું હઉ ભેગા મળીને કામ કરતા રહેશે તો તેઓ વધારે ને વધારે પાપ કર્યા જ કરશે.

![](https://cdn.door43.org/obs/jpg/360px/obs-en-04-03.jpg)

એટલે ઈશ્વરે એમની હંધાયની ભાષા નોખી નોખી કરી દીધી. અને ઈ લોકોને જગત આખામાં વિખેરી કાઢ્યા. જે નગર તેઓએ બાંધવાનું શરૂ કયરું હતું એનું નામ બાબિલ હતું, જેનો અર્થ “ગૂંચવણ” થાય સે.

![](https://cdn.door43.org/obs/jpg/360px/obs-en-04-04.jpg)

ઘણા સૈકાઓ પછી ઈશ્વરે ઈબ્રામ નામના જણ સાથે ગોષ્ઠિ કરી. ઈશ્વરે તેને કહ્યું “ તારો મલક તથા તારું કુટુંબ-કબીલું છોડીને જે મલક હું તને દેખાડું તું ન્યા જા. અને “હુ તને આશીર્વાદ દઈશ અને તારાથી એક મોટી કોમ ઉપજાવીશ. અને હું તારું નામ મોટું કરીશ. જેઓ તને આશીર્વાદ દે, એમને હું આશીર્વાદ આપીશ. અને જેઓ તને શ્રાપ દે એમને હું શાપ દઈશ. તારા લીધે પૃથ્વીના હંધાય કુટુંબ આશીર્વાદ પામશે. “

![](https://cdn.door43.org/obs/jpg/360px/obs-en-04-05.jpg)

એટલે ઈબ્રામે ઈશ્વરનો આદેશ માન્યો. એણે એની બાઈ સારાય, એના હંધાય ચાકરો અને જે કંઈ એણે મેળવ્યું હતું ઇ હંધુય લઈને ઈશ્વરે કનાન નામની જે ભોમકા બતાવી હતી ન્યા તે ગ્યો.

![](https://cdn.door43.org/obs/jpg/360px/obs-en-04-06.jpg)

જ્યારે ઈબ્રામ કનાનમાં પૂગ્યો ત્યારે ઈશ્વરે કીધું, “ તારી આજુબાજુ ભાળ “હું તને તથા તારા વંશજોને આ મલક જે તું જુએ સે તેને તારા વારસા તરીકે તને દઈશ. ત્યારે ઈબ્રામ તે મલકમાં સ્થાયી થ્યો.

![](https://cdn.door43.org/obs/jpg/360px/obs-en-04-07.jpg)

એક દિવસ ઈબ્રામ, પરાત્પર ઈશ્વરના યાજક (પુરોહિત) મલ્ખીસદેકને મળ્યા. મલ્ખીસદેકે ઈબ્રામને આશીર્વાદ દેતા કીધું કે, “ હે આકાશ અને પૃથ્વીના માલિક અને ધણી ઈબ્રામને આશીર્વાદ દયો. “એથી ઈબ્રામે મલ્ખીસદેકને તેના હંધાયમાંથી દસમો ભાગ દીધો.

![](https://cdn.door43.org/obs/jpg/360px/obs-en-04-08.jpg)

ઘણાંય વર્ષોના વાહણા વહી ગયા પણ ઈબ્રામ અને સારાયને હજી પુત્ર થ્યો નો'તો. ઈશ્વર ઈબ્રામને દર્શન દે સે અને ફરીથી વચન દીધું કે તને પુત્ર થાશે અને આકાશના તારાઓ સરીખા તારા વંશજો થાહે. ઈબ્રામે ઈશ્વરના વચનને હૈયે બાંધ્યું. ઈશ્વરે ઈ જાહેર કયરું કે ઈબ્રામ ન્યાયી હતો. કેમકે કે એણે ઈશ્વરના (આદેશ)વચનને માન્યું હતું.

![](https://cdn.door43.org/obs/jpg/360px/obs-en-04-09.jpg)

ઈશ્વરે ઈબ્રામ સાથે કરાર કર્યો. કરાર તો બે જૂથો મધ્યની સહમતી છે. ઈશ્વરે કીધું, “હું તને તારા પોતાના જ પીંડનો પુત્ર દઈશ. “હું કનાન નામનો મલક તારા વંશજોને દઈશ. પણ હજી લગી ઈબ્રામને પુત્ર થ્યો નો'તો.

*લની વાર્તાઉત્પતિ 11-15માંથી*

Audio: https://git.door43.org/OBS-TLF/kxp_obs/releases/download/v1/kxp_obs_v1_04_128kbps.m4a

## 5. ૦૫. વચનનો દીકરો

https://openbiblestories.org/l/kxp/story-5/

![](https://cdn.door43.org/obs/jpg/360px/obs-en-05-01.jpg)

દશ વરહ પછી ઈબ્રામ અને સારાય કનાન દેશમાં પુગ્યાં. એમને હજી પણ કોઈ સંતાન નોતું. માટે ઈબ્રામની પત્ની સારાયે એને કીધું, “ હજી સુધી ઈશ્વરે મને સંતાન દીધું નથ. અને હવે હું બાળક જણી હકું ઇ ઉમરમાં ય નથ. હવે તો હું ઘરડી થૈ ગઈ સુ, અહીં મારી દાસી હાગાર સે તું એની હારે વિવાહ કર કે એનાથી મારી હાટુ સંતાન થાય “

![](https://cdn.door43.org/obs/jpg/360px/obs-en-05-02.jpg)

એટલે ઈબ્રામ હાગારને પરણ્યો. હાગારને પુત્ર થ્યો, અને ઈબ્રામે એનું નામ ઈશ્માએલ રાયખું. પરંતુ સારાયને હાગારની ઈર્ષા થવા લાગી. જ્યારે ઈશ્માએલ 13 વર્ષનો થયો, ત્યારે ઈશ્વર ફરીથી ઈબ્રામ હારે વાણી ઉચ્ચારી.

![](https://cdn.door43.org/obs/jpg/360px/obs-en-05-03.jpg)

ઈશ્વરે કીધું, “ હું સર્વશક્તિમાન ઈશ્વર છું. “હું તારી સાથે કરાર કરીશ. “ત્યારે ઈબ્રામ દંડવત થય નમ્યો. ઈશ્વરે ઈબ્રામને ઇ પણ કીધું, “ તું ઘણી દેશ-જાતિઓનો બાપ થઈશ. “હું તને તથા તારા વંશજોને કનાન દેશ નામનો મલક એમના વારસા તરીકે દઈશ અને હું હરહંમેશ માટે એમનો ઈશ્વર થઈશ. તારે તારા પરિવારના દરેક પુરુષની સુન્નત કરવી. “

![](https://cdn.door43.org/obs/jpg/360px/obs-en-05-04.jpg)

“તારી પત્ની, સારાય ને દીકરો થાશે - અને તે વચનનો દીકરો થાશે. તેનું નામ ઈસહાક રાખજે. હું મારો કરાર એની સાથે નિભાવીશ, અને તે એક મહાન દેશની કોમ બનશે. હું ઈશ્માએલને પણ મોટી દેશજાતિ બનાવીશ, પરંતુ મારો કરાર ઇસહાક હારે રહશે. ઇ પછી ઈશ્વરે ઈબ્રામનું નામ બદલીને ઈબ્રાહિમ પાડ્યું. જેનો અર્થ “ ઘણાઓનો પિતા“ એમ થાય સે. ઈશ્વરે સારાયનું નામ બદલીને સારા રાયખું, જેનો અર્થ રાજકુમારી થાય સે.

![](https://cdn.door43.org/obs/jpg/360px/obs-en-05-05.jpg)

ઇ દિવસે ઈબ્રાહીમે પોતાના કુટુંબના સર્વ પુરુષોની સુન્નત કરી. એક વર્ષ પછી જ્યારે ઈબ્રાહિમ 100 વર્ષનો અને સારા 90 વર્ષની ઉંમરે પહોંચી, ત્યારે સારાએ ઈબ્રાહિમના દીકરોને જણ્યો. એમણે એનું નામ ઈસહાક રાખ્યું. જેમ ઈશ્વરે કીધુ હતું એમ જ.

![](https://cdn.door43.org/obs/jpg/360px/obs-en-05-06.jpg)

જ્યારે ઈસહાક જુવાન થ્યો, ત્યારે એવું કહીને ઈશ્વરે ઈબ્રાહિમની પરીક્ષા(કસોટી) કરી કે, “તારા એકના એક દીકરા ઈસહાકને લે, અને એને મારી હારુ બલિદાન ચઢાવ. “ફરી પણ ઈબ્રાહીમે ઈશ્વરનો આદેશ માન્યો અને પોતાના દીકરાનું બલિદાન દેવાને તૈયાર થયો

![](https://cdn.door43.org/obs/jpg/360px/obs-en-05-07.jpg)

જ્યારે ઈબ્રાહિમ અને ઈસહાક બલિદાનની જગાએ જાતા હતા, ત્યારે મારગમાં ઈસહાકે પૂયછું કે, “ પિતાજી આપણી કને બલિદાન હાટુ લાકડાં તો સે પણ ઘેટું(ગધેડું) ક્યાં સે? “ઈબ્રાહિમે જવાબ દેતા કીધું, “ મારા દીકરા, બલિદાનને હારૂ ઘેટું પણ ઈશ્વર જ પુરું પાડશે. “

![](https://cdn.door43.org/obs/jpg/360px/obs-en-05-08.jpg)

જ્યારે પિતા અને દીકરો બલિદાનની જગ્યાએ પુગ્યા એટલે, ઈબ્રાહીમે તેના દીકરા ઈસહાકને બાંધીને વેદી પર હુવાડ્યો અને ઇને બલી ચઢાવવા હાથ ઉગામી રહ્યો એટલામાં જ ઈશ્વરે કીધું, “ ઈબ્રાહિમ, ઉભો રહેજે, છોકરાને કંઈ કરીશ નહી. હવે મને તારા પર ભરોસો આંયવો સે કે તું મારો ભય રાખે સે અને તેં તારા એકના એક દીકરાને મારાથી પાછો રાખ્યો નથ. “

![](https://cdn.door43.org/obs/jpg/360px/obs-en-05-09.jpg)

ઇ જ ઘડીએ ઈબ્રાહીમે ન્યા જ ઝાડીમાં હલવાયેલો ઘેટાને જોયો. એવી રીતે ઈશ્વરે, ઈસહાકના બદલામાં ઘેટાને બલિદાન તરીકે પુરું પાયડું.

![](https://cdn.door43.org/obs/jpg/360px/obs-en-05-10.jpg)

ઈશ્વરે ઈબ્રાહિમને કીધું, તે મને તારું સર્વસ્વ અર્પવાની ખેવના રાખી સે એટલે સુધી કે તારો એકના એક દીકરાને મારાથી પાછો રાખ્યો નથ તેથી હું તને આશીર્વાદ પર આશીર્વાદ દઈશ, ને આકાશના તારલિયા જેટલા અને દરિયા કાંઠાની રેતી જેટલા તારા સંતાન વધારીશ જ વધારીશ અને તારા વંશમાં પૃથ્વીના સર્વ લોક આશીર્વાદ પામશે, કેમ કે તે મારો આદેશ માન્યો સે.

*લની વાર્તાઉત્પતિ -16-22*

Audio: https://git.door43.org/OBS-TLF/kxp_obs/releases/download/v1/kxp_obs_v1_05_128kbps.m4a

## 6. ૦૬. ઈશ્વર ઈસહાકને હંધુય પૂરું પાડે છે.

https://openbiblestories.org/l/kxp/story-6/

![](https://cdn.door43.org/obs/jpg/360px/obs-en-06-01.jpg)

ઇ પછી ઈબ્રાહિમ ઘણો ઘરડો થયો, અને એના દીકરો ઈસહાક પુખ્ત પુરુષ બન્યો. ત્યારે ઈબ્રાહિમે તેના ચાકરો(દાસો)માંના એકને પોતાના મલકમાં જ્યાં ઈના વડવાઓ વસવાટ કરતા હતા ન્યા ઇના દીકરા ઈસહાકને હાટુ વહુ લાવવા હારું પાછો મોકલ્યો.

![](https://cdn.door43.org/obs/jpg/360px/obs-en-06-02.jpg)

ઈબ્રાહિમના વડવાઓ જ્યાં રહેતા હતા ઇ મલકમાં ઘણી લાંબી મજલ કાયપા બાદ, ઈશ્વર ઈબ્રાહિમના ચાકરને રિબકા હુધી લઇ ગયો. રિબકા ઈબ્રાહિમના ભાઈની પૌત્રી થતી હતી.

![](https://cdn.door43.org/obs/jpg/360px/obs-en-06-03.jpg)

રિબકાએ પોતાના કુટુંબને છોડવાનું અને ચાકર હાર્યે ઈસહાકને ઘરે જવાનું સ્વીકાર્યું. જેવી ઇ આવી કે તરત જ ઈસહાકે એની સાથે વિવાહ કયરા.

![](https://cdn.door43.org/obs/jpg/360px/obs-en-06-04.jpg)

ઘણો સમય વિતતા, ઈબ્રાહિમ દેવલોક પામ્યો. અને ઈશ્વરે દરેક વચન જે એને કોલ-કરાર પેટે દીધા હતા તે ઈસહાકને પણ આપવામાં આવ્યા. ઈશ્વરે ઈબ્રાહિમને વચન દીધું હતું કે તેને ગણી ન શકાય એટલી સંતતિ થશે. પણ ઈસહાકની બાઈ રિબકાને વસ્તાર નોહતો.

![](https://cdn.door43.org/obs/jpg/360px/obs-en-06-05.jpg)

ઈસહાકે રિબકા હાટુ પ્રાર્થના કયરી અને ઈશ્વરે તેની પ્રાર્થના માન્ય કયરી, ને તેની બાઈ રિબકા ગર્ભવતી થઈ. ઈશ્વરે તેને જોડીયા બાળકો દઈને હારા દિવસોની ભેટ દીધી. બન્ને બાળકો જ્યારે રિબકાના પેટમાં હતા ત્યારે તેઓ અંદરો-અંદર બાઝાબાઝ કરવા લાગ્યા, માટે રિબકાએ ઈશ્વરને પૂયછું કે આ હું થઈ રહ્યું સે પ્રભુ?

![](https://cdn.door43.org/obs/jpg/360px/obs-en-06-06.jpg)

ઈશ્વરે રિબકાને કીધું, “તારા પેટમાં બે કૂળ વિકસી રહ્યા છે. એમાંથી બે અલગ પ્રજાઓ થાહે અને એક પ્રજા બીજી પ્રજા કરતા બળવાન થાહે, અને વડો નાનાની ચાકરી કરહે. ”

![](https://cdn.door43.org/obs/jpg/360px/obs-en-06-07.jpg)

ી રિબકાને બાળકો જન્મ્યાં, પહેલો દીકરો જન્મ્યો તે લાલ તથા રૂંવાટીવાળા લૂગડા સરીખો હતો અને તેઓએ ઇનું નામ એસાવ પાયડું. ત્યાર પછી નાનો ભાઈ એસાવના પગની એડી હાથમાં પકડીને બહાર આયવો, અને તેઓએ ઇનું નામ યાકૂબ રાયખું.

*લની વાર્તાઉત્પતિ 24:1-25:26*

Audio: https://git.door43.org/OBS-TLF/kxp_obs/releases/download/v1/kxp_obs_v1_06_128kbps.m4a

## 7. ૦૭. ઈશ્વરે યાકૂબને આશીર્વાદ દીધો.

https://openbiblestories.org/l/kxp/story-7/

![](https://cdn.door43.org/obs/jpg/360px/obs-en-07-01.jpg)

સમય જાતા બાળકો મોટા થાતા ગ્યા, યાકૂબને ઘરમાં જ રહેવાનું વધારે ફાવતું હતું, જયારે એસાવને શિકારે જવાનું વધારે ગમતું હતું. રિબકા ઇના નાના દીકરા યાકૂબને પ્રેમ કરતી પણ ઈસહાક ઇના મોટો દીકરા એસાવને પ્રેમ કરતો હતો.

![](https://cdn.door43.org/obs/jpg/360px/obs-en-07-02.jpg)

એક દહાડે, એસાવ શિકાર પરથી ઘરે પાછો આયવો, ત્યારે તે બહુ ભૂખ્યો થયો. એસાવે યાકૂબને કીધું, “તે રાંધેલા ભોજનમાંથી મને થોડું ખાણું દે. ” યાકૂબે જવાબ દેતા કીધું, “પહેલા તું મને તારું મોટાભાઈપણાના બિરુદને અને તેના હકકપણાને આપી દે. એટલે એસાવે યાકૂબને તેનો મોટાભાઈપણાના બિરુદને અને તેના મોટાભાઈપણાના હકને દઈ દીધો. ત્યારે બદલામાં તેને થોડું ભોજન દીધું.

![](https://cdn.door43.org/obs/jpg/360px/obs-en-07-03.jpg)

ઈસહાક ઈના મોટા દીકરા એસાવને આશીર્વાદ દેવા માંગતો હતો. પરંતુ ઇ એમ કરે, ઇ પહેલા રિબકા અને યાકૂબે યાકૂબના સ્વાંગમાં એસાવ હોય તેવી રીતે બાપને છેતર્યો. ઈસહાક બહુ ઘરડો થયો હતો. અને નજરે ભાળી શકતો નોહોતો. માટે યાકૂબે એસાવના લુંગડા પ્હેરી લીધા અને પોતાના ગળા અને હાથ ઉપર બકરીનું ચામડું પહેર્યું.

![](https://cdn.door43.org/obs/jpg/360px/obs-en-07-04.jpg)

યાકૂબ ઈસહાક પાહે આયવો અને કીધું, “હું એસાવ છું. ”હું તારી કને એટલે આવ્યો સુ કે તું મને આશીર્વાદ દઈ હકે.” જ્યારે ઈસહાક બકરીના વાળને અડક્યો અને તેના પહેરણની વાસ લીધી, ત્યારે“તેણે એવું માન્યું કે, હું એસાવને આશીર્વાદ દય રહ્યો સુ. ”

![](https://cdn.door43.org/obs/jpg/360px/obs-en-07-05.jpg)

ઇ પછીથી એસાવને યાકૂબથી ધ્રુણા થતી હતી કારણ કે તેણે તેના મોટાભાઈપણાનું બિરુદ અને હક્ક અને તેનો આશીર્વાદ ચોરી લીધા હતા. એથી એસાવે તેના પિતાના દેવલોક પામ્યા બાદ યાકુબનું ઢીમ ઢાળી દેવાની યોજના બનાવી.

![](https://cdn.door43.org/obs/jpg/360px/obs-en-07-06.jpg)

પણ રિબકાને એસાવની આ યોજના વિશે આગોતરી જાણ મળતા જ તેણે અને ઈસહાકે યાકૂબને તેના સબંધીઓ કને દૂર વસવા હાટુ મોકલી દીધો.

![](https://cdn.door43.org/obs/jpg/360px/obs-en-07-07.jpg)

યાકૂબ રિબકાના સગાવાળાઓ સાથે ઘણા વર્ષો સુધી રહ્યો. અને ઇ સમય ગાળામાં તેના વિવાહ થયા અને એનાથી ઇને બાર દીકરાઓ અને બીજી દીકરીઓ થયા. ઈશ્વરે એને ઘણો માલેતાજુર(ધનિક) બનાવ્યો.

![](https://cdn.door43.org/obs/jpg/360px/obs-en-07-08.jpg)

એના માદરે વતન કનાનથી વીસ વર્ષો દૂર રહ્યા પછી, યાકૂબ તેના કુટુંબ-કબીલા, તેના ચાકરો અને જનાવરોના ટોળા સાથે ન્યા પાછો વળ્યો.

![](https://cdn.door43.org/obs/jpg/360px/obs-en-07-09.jpg)

યાકૂબ બહુ ડરી ગયો હતો કારણ કે તે વિચારતો હતો કે એસાવ હજી પણ તેનું ઢીમ-ઢાળી નાંખવા મથે સે. એથી તેણે એસાવને હાટુ ભેટ- સોગાદો તરીકે જનાવરોના ઘણાં ટોળા મોકલ્યા. ચાકરો આ જનાવરો એસાવની કને લાવ્યા હતા, એમણે એસાવને કહ્યું કે, “તારો દાસ યાકૂબ તને આ જનાવરો દઈ રહ્યો છે. તે ઉતાવળે આવી રહ્યો સે. ”

![](https://cdn.door43.org/obs/jpg/360px/obs-en-07-10.jpg)

ુ એસાવે તો તેને માફ કરી જ દીધો હતો, અને તેઓ એક-મેકને નીરખી હરખાયા. ઇ પછી યાકૂબ કનાનમાં શાંતિથી વસ્યો. એટલામાં ઈસહાક દેવલોક પામ્યો અને યાકૂબ તથા એસાવે તેના બાપને દાટ્યો. જે કરારના વચનો ઈશ્વરે ઈબ્રાહિમને દીધા હતા ઇ હવે ઈસહાક પછી યાકૂબને દેવામાં આવ્યા.

*લની વાર્તાઉત્પતિ 25:27-33:20*

Audio: https://git.door43.org/OBS-TLF/kxp_obs/releases/download/v1/kxp_obs_v1_07_128kbps.m4a

## 8. ૦૮. ઈશ્વર યૂસફ અને એના કુટુંબને બચાવે છે.

https://openbiblestories.org/l/kxp/story-8/

![](https://cdn.door43.org/obs/jpg/360px/obs-en-08-01.jpg)

વરસોના વ્હાણા વિત્યા પછી જ્યારે યાકૂબ વયોવૃદ્ધ થયો. તેણે પોતાના વહાલા દીકરા યૂસફને, એના ભાઈઓ કે જેઓ ઘેટાં ચરાવતા હતા, એઓની ભાળ કાઢવા મોકલ્યો.

![](https://cdn.door43.org/obs/jpg/360px/obs-en-08-02.jpg)

યૂસફના ભાઈઓ, યૂસફને નફરત કરતા હતા. કારણ કે, તેમનો બાપ એને હંધાયથી વધારે વ્હાલ કરતા હતા. વળી યૂસફને સપનું આવ્યું હતું કે તે એમના ભાઈઓ પર ધણીપણું કરનાર છે. જ્યારે યૂસફ, એના ભાઈઓ કને આવ્યો, ત્યારે એમણે એનું અપહરણ કરી લીધું અને એને કેટલાક ગુલામોના વેઠિયાના વેપારીઓને વેચી માર્યો.

![](https://cdn.door43.org/obs/jpg/360px/obs-en-08-03.jpg)

યૂસફના ભાઈઓ ઘરે પાછા આવે ઇ પહેલા એમણે યૂસફના ઝભ્ભાને ફાડી નાંખ્યો અને એને બકરાના લોહીમાં ઝબોળ્યો. ઇ પછી એમણે ઇ ઝભ્ભો એમના બાપને દેખાડ્યો કે જેથી તે એવું હમજે કે જંગલી જનાવરે યૂસફને ફાડી ખાધો સે. ઇ જોઈને યાકૂબ ઘણો ખેદિત થયો.

![](https://cdn.door43.org/obs/jpg/360px/obs-en-08-04.jpg)

ગુલામ- વેઠિયાઓના વેપારીઓ યૂસફને મિસરમાં લઈ ગયા. મિસર જબરો અને જોરાવર મલક હતો અને ઇ નાઈલ નદીના તીરે આવેલો હતો. ગુલામોના વેપારીઓએ યૂસફને રાજવી શ્રીમંત અધિકારીને ન્યા વેચી માર્યો. યુસફે એના માલિકની સેવા-ચાકરી બહુ હારી રીતે આદરી. અને ઈશ્વરે યૂસફને આશીર્વાદ દીધો.

![](https://cdn.door43.org/obs/jpg/360px/obs-en-08-05.jpg)

એના માલિકની બાઈએ યૂસફ સાથે સહવાસ કરવા ચાહ્યું, પણ યુસફે આમાં ઈશ્વર સામે પાપ કરવાનો નકાર ક્યરો . બાઈ ઘણી જ કોપાયમાન થઈ અને એણે યૂસફ ઉપર ખોટા આળ ચડાવ્યો એટલે એની ધરપકડ કરવામાં આવે સે અને એને જેલમાં ધકેલવામાં આવે સે. જેલખાનામાં પણ યૂસફ ઈશ્વર તરફ ભરોસાપાત્રો ઠર્યો અને ઈશ્વરે એને આશીર્વાદિત કયરો.

![](https://cdn.door43.org/obs/jpg/360px/obs-en-08-06.jpg)

ઇ નિર્દોષ હોવા છતાંય બંદીખાનામાં રહ્યો. બે વર્ષ પછી, યૂસફ જેલમાં હતો ત્યારે એક રાત્રે, ફારુન કે જે મિસર દેશનો રાજા હતો, એને બે સ્વપ્નો આવ્યા. એનાથી ઇને ઘણો મૂંઝારો થવા લાગ્યો. એના ભોમીયામાંથી કોઈ એનો અર્થ બતાવી શક્યું નહી.

![](https://cdn.door43.org/obs/jpg/360px/obs-en-08-07.jpg)

ઈશ્વરે યૂસફને સપનાનો મરમ (ભેદ) ઉકેલવાની શક્તિ દીધી હતી. એટલે ફારુન યૂસફને જેલમાંથી કાઢી લાવ્યો. યૂસફે સપનાનો ભેદ ઉકેલતા રાજાને જણાવ્યું કે, ”ઈશ્વર કાપણીના ભર્યાપૂર્યા સાત વર્ષો દેવાનો સે અને ત્યાર પછી દુકાળના સાત વર્ષો. ”

![](https://cdn.door43.org/obs/jpg/360px/obs-en-08-08.jpg)

ફારુન યૂસફથી ઘણો જ પ્રસન્ન થયો. અને તેણે આખા મિસરમાં એને રાજા પછીના બીજા દરજ્જાનો અધિકારી ઠરાવ્યો.

![](https://cdn.door43.org/obs/jpg/360px/obs-en-08-09.jpg)

યુસફે લોકોને કાપણીના શુભ સાત વર્ષોમાં ખોરાક હાટુ ધાન એકઠું કરવા કીધું. ઇ પછી યુસફે લોકોને દુકાળની વેળાએ ઇ ધાન વેચ્યુ જેથી એમની પાહે પૂરતા જથ્થામાં ખાણું હોય.

![](https://cdn.door43.org/obs/jpg/360px/obs-en-08-10.jpg)

આ દુકાળ કેવળ મિસર હાટુ જ ભયાનક નોહતો, પણ કનાન કે જ્યાં યાકૂબ અને એનું કુટુંબ રહેતું હતું ઇ માદરે વતનમાં પણ એટલો જ ભયાનક હતો.

![](https://cdn.door43.org/obs/jpg/360px/obs-en-08-11.jpg)

આથી યાકૂબે તેના મોટા દીકરાઓને હટાણું કરવા હાટુ મિસર દેશમાં મોકલ્યા. એના ભાઈઓ જ્યારે અનાજ લેવા હાટુ યૂસફ કને ઊભા રહ્યા ત્યારે તેઓ યૂસફને જાણી શક્યા નહીં. પણ યૂસફ એમને ઓળખી ગયો.

![](https://cdn.door43.org/obs/jpg/360px/obs-en-08-12.jpg)

તેના ભાઈઓની એણે કસોટી કરી એ જાણવા હારુ કે ઈ લોકો સુધર્યા સે કે નહીં? ઈ પછી, યુસફે એમને કીધું, “હું તમારો ભાઈ યૂસફ છું! ડરશો માં! તમે જયારે મને ગુલામ-વેઠિયા તરીકે વેચી માર્યો ત્યારે તમે મારું ભૂડું કરવાને ઈચ્છ્યું હતું, પરંતુ ઈશ્વરે ઇ ભૂંડાયને હારામાં ફેરવી તોળી સે! તમે હંધાય આવીને મિસરમાં વસો કે હું તમને અને તમારા કુટુંબીજનોની ખોટ પૂરૂ. ”

![](https://cdn.door43.org/obs/jpg/360px/obs-en-08-13.jpg)

જ્યારે યૂસફના ભાઈઓ ઘરે પરત ફર્યા અને તેમના બાપ યાકૂબને કીધું કે, “યૂસફ જીવે છે. ” ત્યારે તે ઘણો જ હરખાયો.(હરખ ઘેલો થ્યો)

![](https://cdn.door43.org/obs/jpg/360px/obs-en-08-14.jpg)

જો કે યાકૂબ ઘણો વયોવૃદ્ધ માણસ હતો. તે પોતાના કુટુંબ હારે મિસરમાં ગ્યો અને ન્યા વસ્યો. યાકૂબ દેવલોક પામ્યો ઇ પહેલા એણે એના હરેક દીકરાઓને આશીર્વાદ દીધો.

![](https://cdn.door43.org/obs/jpg/360px/obs-en-08-15.jpg)

ના વચનો કે જે ઈશ્વરે ઈબ્રાહિમને દીધા હતા તે ઈસહાક કને આવ્યા અને એ પછી યાકૂબ કને અને એ પછી એના બાર દીકરાઓ અને એમના કુટુંબો કને આવ્યા. આ બાર દીકરાઓના વંશજો બાર કુળમાં ઉજર્યા.

*લની વાર્તાઉત્પતિ 37-50*

Audio: https://git.door43.org/OBS-TLF/kxp_obs/releases/download/v1/kxp_obs_v1_08_128kbps.m4a

## 9. ૦૯. ઈશ્વરે મૂસાને બોલાવ્યો.

https://openbiblestories.org/l/kxp/story-9/

![](https://cdn.door43.org/obs/jpg/360px/obs-en-09-01.jpg)

યૂસફના દેવલોક પામ્યા પછી એના હંધાય સગા-વાહલા મિસરમાં વસ્યા. તેઓ અને તેમના વંશજો ઘણાય વરહો લગણ ન્યા વસ્યા અને તેમને ઘણાં છોકરા-છૈયા થ્યા. તેઓ ઈઝ્રારાએલી પ્રજાથી ઓળખાયા.

![](https://cdn.door43.org/obs/jpg/360px/obs-en-09-02.jpg)

ઘણા વરહોના વ્હાણા વહી ગ્યા અને પછી ઈઝ્રારાએલીઓની સંખ્યા વધતી ગઈ. મિસરી પ્રજાને હવે યૂસફ દ્વારા એમને કેટલી બધી સહાય મળી તે એમને એમના હવેના રાજાને સમરણમાં નોહતું. મિસરી લોકો ઈઝ્રારાએલીઓથી બીધા. કારણ કે તેઓ સંખ્યામાં ઘણા જ હતા. એથી મિસરમાં ઇ વેળાએ જે ફારુન રાજા રાજ્ય ચલાવતો હતો એણે ઈઝ્રારાએલીઓને મિસરીઓના ગુલામો બનાવી દીધા.

![](https://cdn.door43.org/obs/jpg/360px/obs-en-09-03.jpg)

મિસરીઓએ ઈઝ્રારાએલી પ્રજા ઉપર હવેલીઓ અને મોટા નગરો બાંધવા હાટુ દબાણ વધાર્યું. મહાવેઠને લીધે એમની જીંદગી બદ્દતર બનીને રહી ગઈ, એમ છતાંય ઈશ્વરે એમને આશીર્વાદ દીધો અને એમને વધારે ને વધારે છોકરાં-છૈયા થયા.

![](https://cdn.door43.org/obs/jpg/360px/obs-en-09-04.jpg)

ફારૂને ભાળ્યું કે ઈઝ્રારાએલીઓને ઝાઝા છોરું છે, હાટુ એથી એણે એના લોકોને હુકમ દીધો કે તેઓ ઈઝ્રારાએલીઓના હંધાય નર દીકરાને નાઈલ નદીમાં ફંગોળી દઈને મારી નાખે.

![](https://cdn.door43.org/obs/jpg/360px/obs-en-09-05.jpg)

એક ઈઝ્રારાએલી બાઈએ નર દીકરાને જણ્યો. ઇ બાઈએ અને તેના ધણીએ ઈ દીકરાને જેમ બને એમ લાંબો સમય ઘરમાં હંતાડી રાખ્યો.

![](https://cdn.door43.org/obs/jpg/360px/obs-en-09-06.jpg)

જ્યારે દીકરાના માં-બાપ એને લાંબો સમય હંતાડી ના શક્યા, એટલે એમણે એને એક ટોપલીમાં પોઢાડી અને બરુઓની વચમાં નાઈલ નદીના તીરે તરતો કર્યો. જેથી એઓ એને મૃત્યુથી તારી શકે. તેની મોટી બહેન એના ઉપર મિટ માંડીને જોતી રહી કે, આ તરતી ટોપલીનું હું થાય સે?

![](https://cdn.door43.org/obs/jpg/360px/obs-en-09-07.jpg)

ફારુનની દીકરીએ તરતી ટોપલીને દીઠી અને એની માંય ભાળ્યું કે આમાં તો બાળક સે એટલે તરત જ એણે આ બાળકને પોતાના દીકરા તરીકે રાખી લીધો. એણે ઈઝ્રારાએલી બાઈને આયા તરીકે ભાડૂતી રાખી કે જેથી આ દીકરાની એ સાર-સંભાળ કરે. એ જાણતી નહોતી કે ભાડૂતી આયા ઈ આ બાળકની જ જનેતા (જણનારી) હતી. જ્યારે દીકરો સમજણો થયો એટલે હવે માં ના દુધની ખપ નોહતી, આયાએ દીકરાને પાછો મોકલી દીધો. એણે એનું નામ મૂસા રાયખું.

![](https://cdn.door43.org/obs/jpg/360px/obs-en-09-08.jpg)

એક દાહડે જ્યારે મૂસા પુખ્ત વયનો થ્યો ત્યારે તેણે ભાળ્યું કે એક મિસરી એક ઈઝ્રારાએલી જણને ઢીબી રહ્યો છે. મૂસાએ તેના જાતિ ઈઝ્રારાએલીને બચાવવાનો પ્રયાસ કર્યો.

![](https://cdn.door43.org/obs/jpg/360px/obs-en-09-09.jpg)

એ સમયે મૂસાએ વિચાર્યું કે કોઈ એને ભાળતું નથી, એ વેળાએ તેણે પેલા મિસરીનું ઢીમ ઢાળી દીધું. અને એના મડદાને દફનાવી દીધું. પરંતુ મૂસાએ જે કાંઈ કયરૂ હતું ઇ કોઈક ભાળી ગયું હતું.

![](https://cdn.door43.org/obs/jpg/360px/obs-en-09-10.jpg)

મૂસાએ જે કયરું એની જાણ ફારુનને થઈ ગઈ ત્યારે એણે મૂસાને હણી નાંખવાનો પ્રયાસ કર્યો. મૂસા મિસરમાંથી અરણ્યમાં(વનમાં) મુઠીઓ વાળીને ભાગી ગ્યો, કે ત્યાં તે ફારુના સિપાઈઓથી બચી શકે.

![](https://cdn.door43.org/obs/jpg/360px/obs-en-09-11.jpg)

મૂસા મિસરથી ઘણે દૂર એવા વન-વગડામાં ભરવાડ થઈને વસ્યો. અને આ જગ્યામાં એક બાઈને હારે વિવાહ કર્યો. પછી એને બે દીકરાઓ થયા.

![](https://cdn.door43.org/obs/jpg/360px/obs-en-09-12.jpg)

એક દાહડે જ્યારે મૂસા ઘેટાંનું ધણ ચરતો હતો, તે વેળાએ એણે ભાળ્યું કે એક ઝાડવું સળગી રહ્યું હતું. પરંતુ ઝાડવું બળીને રાખ થતું ન હતું. આ ઘટનાને નજીકથી નિહાળવાને માટે તે એની પાંહે ગયો. જેવો ઈ સળગતા ઝાડવા પાંહે પૂગ્યો કે, ઈશ્વરની વાણીનો અવાજ હંભળાયો, “મૂસા, તારા ખાંસડા ઉતાર, કારણ કે જે ભૂમિ પર તું ઊભો સે તે પવિત્ર સે. ”

![](https://cdn.door43.org/obs/jpg/360px/obs-en-09-13.jpg)

ઈશ્વરે આગળ કીધું કે, “મેં મારી પ્રજાની પીડા દીઠી સે અને હું તને ફારુન પાહે મોકલીશ. જેથી તું ઈઝ્રારાએલીઓને મિસરની વેઠમાંથી બહાર લાવી શકે. હું તમને કનાન દેશ આપીશ, એ વિષે મેં ઈબ્રાહિમને, ઈસહાકને અને યાકૂબને વચન દીધું હતું.

![](https://cdn.door43.org/obs/jpg/360px/obs-en-09-14.jpg)

મૂસાએ પૂયછું કે, “જો લોકો પરખવા માંગે કે મને કોણે મોકલ્યો સે, તો મારે હું કહેવું ?” ઈશ્વરે કીધું કે, “હું જે છું તે છું. તેઓને જણાવ કે, “હું છું” એણે મને મોકલ્યો છે. ”તેઓને ઇ પણ જણાવજે કે, “હું યહોવા છું. તમારા પૂર્વજો ઈબ્રાહિમ, ઈસહાક અને યાકૂબનો ઈશ્વર. આ મારું નામ હર હંમેશનું નામ છે. ”

![](https://cdn.door43.org/obs/jpg/360px/obs-en-09-15.jpg)

ફારુન પાસે જતા ડરતો હતો. કારણ કે તે માનતો હતો કે પોતે સરખી રીતે બોલી શકતો નથી, એટલે ઈશ્વરે મૂસાની મદદે એના ભાઈ હારૂનને મોકલ્યો. ઈશ્વરે મૂસા તથા હારુનને ચેતવણી આપતા કીધું કે આ ફારુન નઠારો થાહે જ. (જીદ્દીબનશે જ.)

*લની વાર્તાનિર્ગમન 1-4*

Audio: https://git.door43.org/OBS-TLF/kxp_obs/releases/download/v1/kxp_obs_v1_09_128kbps.m4a

## 10. ૧૦. દશ મહામારીઓ

https://openbiblestories.org/l/kxp/story-10/

![](https://cdn.door43.org/obs/jpg/360px/obs-en-10-01.jpg)

મૂસા અને હારુન બેઉં ફારુન પાંહે પૂગ્યા. એમણે કીધું, “ઈઝ્રારાએલના ઈશ્વરનું કહેણ સે કે, મારા લોકને જાવા દયે !” ફારુને એમની વાત કાન ધરી નહીં. ઈઝ્રારએલીઓને ગુલામીમાંથી આઝાદ કરવાને બદલે એણે એમની પાંહે વધુને વધુ વેઠ કરાવી.

![](https://cdn.door43.org/obs/jpg/360px/obs-en-10-02.jpg)

ફારુન ઇઝરાયેલી લોકોને ગુલામીમાંથી આઝાદ કરવાની મના કરતો રહ્યો એટલે ઈશ્વરે મિસર પર દસ ભયંકર મહામોટી વિપત્તિઓ મોકલી. આ મહામારીઓથી ઈશ્વરે ફારુનને બતાવી દીધું કે તે ફારુન કરતાં અને મિસરના બધા દેવતાઓ કરતાં મહાશક્તિશાળી છે.

![](https://cdn.door43.org/obs/jpg/360px/obs-en-10-03.jpg)

ઈશ્વરે નાઈલ નદીને લોહીમાં ફેરવી તોળી, તો પણ ફારૂને ઈઝ્રારાએલીઓને છોડ્યા નહીં.

![](https://cdn.door43.org/obs/jpg/360px/obs-en-10-04.jpg)

ઈશ્વરે આખે-આખ્ખા મિસર ઉપર દેડકા છોડ્યા. ફારૂને મૂસાને દેડકા દૂર કરવાની વિનંતી કરી. બધા દેડકાઓ મરણને શરણથયાં. એમ પછી પણ ફારૂને પોતાના હૃદયને હઠે ભરાવ્યું અને ઈઝ્રારાએલીઓને મિસરમાંથી આઝાદ કયરા નહીં.

![](https://cdn.door43.org/obs/jpg/360px/obs-en-10-05.jpg)

એટલે ઈશ્વરે જૂઓના ઝુંડની મહામારી મોકલી. ત્યાર પછી તેણે માખીઓની મહામારી મોકલી. એટલે ફારૂને મૂસા તથા હારૂનને તેડાવીને કીધું કે જો તેઓ આ મહામારીઓને દૂર કરશે તો તે ઈઝ્રારાએલીઓને મિસરમાંથી જવા દેહે, એટલે જ્યારે મૂસાએ પ્રાર્થના કરી ત્યારે ઈશ્વરે મિસરમાંથી માખીઓ દૂર કરી. પરંતુ ફારૂને પોતાના હૃદયને કઠણ કયરૂ અને લોકોને જાવા દીધા નહીં.

![](https://cdn.door43.org/obs/jpg/360px/obs-en-10-06.jpg)

તે પછી, ઈશ્વરે મિસરીઓના બધા જનાવરોને માંદા પાડ્યા અને તેઓ મરવા લાગ્યા. પરંતુ ઈશ્વરે ફારુનના હૃદયને કઠણ કયરૂ અને તેણે ઈઝ્રારાએલીઓને છુટા કર્યા નહીં.

![](https://cdn.door43.org/obs/jpg/360px/obs-en-10-07.jpg)

તેથી ઈશ્વરે મૂસાને ફારુનની આગળ હવામાં રાખ ઊડાડવાનું કીધું. જ્યારે એણે એમ કીધું એટલે મિસરીઓ ઉપર પીડાદાયક ગુમડા ફૂટી નીકળ્યા પણ ઈઝ્રારાએલી કોમને કાંઈ પણ થયું નહીં. ઈશ્વરે ફારુનનું હૃદય હઠીલું કયરું એટલે ફારુને ઈઝ્રારાએલીઓને જાવા દીધા નહીં.

![](https://cdn.door43.org/obs/jpg/360px/obs-en-10-08.jpg)

ઇ પછી, ઈશ્વરે કરા વરસાવ્યા, એથી મિસરની હંધીય વાવણી અને જે કોઈ ઘર બહાર નીકળ્યા ઇ હંધાયનો નાશ કયરો. ફારૂને મૂસા અને હારુનને બરકીને કીધું કે “મેં પાપ કર્યું છે. તમે અહીંયાથી જઈ હકો છો. ”એટલે મૂસાએ પ્રાર્થના કરી અને આકાશમાંથી કરા વરસવાનું બંધ થયું.

![](https://cdn.door43.org/obs/jpg/360px/obs-en-10-09.jpg)

એમ છતાંય ફારુને પાછું પાપ કયરુ અને પોતાનું હૃદયને કઠોર કયરું. એણે ઈઝ્રારાએલીઓને ગુલામીમાંથી જાવા દીધા નહીં.

![](https://cdn.door43.org/obs/jpg/360px/obs-en-10-10.jpg)

એટલે ઈશ્વરે મિસર ઉપર તીડોના ઝુંડે-ઝુંડ મોકલ્યા. કરાથી જે વાવણી બચી હતી ઇ આ તીડોએ સફાચટ્ટ કરી દીધી.

![](https://cdn.door43.org/obs/jpg/360px/obs-en-10-11.jpg)

ઇ પછી ઈશ્વરે અંધાર ઓઢાડયો. જે ત્રણ દાહડા હુધી હાલ્યો. ઇ એટલો ગાઢ અંધાર હતો કે મિસરીઓ પોતાની ડેલીમાંથી બહાર નીહરી હક્યા નહીં. પણ ઈઝ્રારાએલીઓ જ્યાં વસતા હતા ન્યા અજવાસ પથરાયેલો હતો.

![](https://cdn.door43.org/obs/jpg/360px/obs-en-10-12.jpg)

મહામારીઓ પછી પણ, ફારુન હજી પણ ઈઝ્રારાએલીઓને છુટ્ટા કરવાને રાજી નોહતો. હજી ફારુન આ હંધુય કાને ધરતો ન હતો. એટલે ઈશ્વરે એક છેલ્લી મહામારી મોકલવાનું આયોજન કરીયું કે, જે ફારુનનો મ્હાયલો બદલી નાંખશે.

*લની વાર્તાનિર્ગમન 5-10*

Audio: https://git.door43.org/OBS-TLF/kxp_obs/releases/download/v1/kxp_obs_v1_10_128kbps.m4a

## 11. ૧૧. પાસ્ખા (આકાશી રોટલો)

https://openbiblestories.org/l/kxp/story-11/

![](https://cdn.door43.org/obs/jpg/360px/obs-en-11-01.jpg)

ઈશ્વરે ફારુનને ચેતવ્યો કે જો તે ઈઝ્રરાએલીઓને જવા નહીં દે તો તે લોકો અને પશુઓમાંથી હરેક પહેલા જન્મલાને હણી નાંખશે. જ્યારે ફારુને ઈ હાંભળ્યું ત્યારે તેણે તે માન્યો નહિ અને ઈશ્વરના આદેશને માન્યો નહિ.

![](https://cdn.door43.org/obs/jpg/360px/obs-en-11-02.jpg)

ઈશ્વર પર જે કોઈ વિશ્વાસ કરે એના હાટુ એક મારગ દીધો સે કે, જેનાથી પોતાના પ્રથમ જન્મેલાને હણાવાથી બચાવી (ઉગારી) શકાય. દરેક કુટુંબે(ખોરડાએ) એક સંપૂર્ણ બલિદાન (ઘેટું) લેવું અને તેનું બલી ચડાવવું.

![](https://cdn.door43.org/obs/jpg/360px/obs-en-11-03.jpg)

ઈશ્વરે ઈઝ્રરાએલીઓને કીધું કે હવીના લોહીમાંથી થોડુંક એમના ઘરના દરવાજાની બારસાખો પર છાંટવું અને શેકેલું માંસ ખમીર વગરની રોટલી સાથે ફટાફટ ખાઈ લ્યો. તેઓ જ્યારે વાળું કરતા હતા ત્યારે એમને એણે મિસર છોડી જવા હાટુ તૈયાર થઈ રહેવા કીધું.

![](https://cdn.door43.org/obs/jpg/360px/obs-en-11-04.jpg)

ઈશ્વરે ઈઝ્રરાએલીઓને જેમ કરવા હાટુ કીધું હતું એમ જ એમણે કીધું. મધરાતે ઈશ્વરનો દૂત મિસરના પ્રથમ જન્મેલાઓને હણવાહાટુ નિહરિયો.

![](https://cdn.door43.org/obs/jpg/360px/obs-en-11-05.jpg)

હંધાય ઈઝ્રરાએલીઓના ડેલીઓ ઉપર લોહી લગાવ્યાનું નિશાન હતું. એટલે ઈશ્વરે એવાઓમાના દરેકને બચાવ્યા. તેઓમાંના હંધાય હેમખેમ હતા. હલવાનના લોહીને લીધે એમને છોડી દેવામાં આવ્યા.

![](https://cdn.door43.org/obs/jpg/360px/obs-en-11-06.jpg)

પરંતુ મિસરીઓએ ઈશ્વરનું કહેવું માન્યું નહીં અને એમના અનાદર કર્યો. એટલે ઈશ્વરે તેમના ઘર છોડ્યા નહીં. ઈશ્વરના દુતે મિસરના હરેકના પ્રથમ જન્મેલાઓને હણી નાંખ્યા.

![](https://cdn.door43.org/obs/jpg/360px/obs-en-11-07.jpg)

મિસરનું દરેક નર બાળક જેલમાં બંદીવાન બનાવ્યાથી લઇને ફારુનનાં પ્રથમ જન્મેલા સુધીના હંધાય મરણ-ને-શરણ થયા. મિસરમાં લોકો પોતા પર આવેલા આ ઊંડા દુ:ખોને લીધે છાતી કુટી કલ્પાન કરવા લાગ્યા અને રુદન કરવા લાગ્યા.

![](https://cdn.door43.org/obs/jpg/360px/obs-en-11-08.jpg)

રાત્રે, ફારુને, મૂસા અને હારુનને બોલાવીને કીધું, “ઈઝ્રરાએલીઓને લઈને હાલ જ મિસર છોડી જા!” ’’મિસરીઓએ પણ ઈઝ્રરાએલી લોકોને તરત જ વઈ જવા આજીજી કરી.

*લની વાર્તાનિર્ગમન 11:1-12:32*

Audio: https://git.door43.org/OBS-TLF/kxp_obs/releases/download/v1/kxp_obs_v1_11_128kbps.m4a

## 12. ૧૨. નિર્ગમન (વનવગડે)

https://openbiblestories.org/l/kxp/story-12/

![](https://cdn.door43.org/obs/jpg/360px/obs-en-12-01.jpg)

ઈઝ્રારાએલીઓ મિસરને છોડવાથી ઘણાં જ હરખાતા હતા. હવે તેઓ વેઠિયા રહ્યા ન હતાં પણ તેઓ વચનના મલકમાં જઈ રહ્યાં હતા. ઈઝ્રારાએલીઓએ મિસરીઓ પાસેથી જે કંઈ પણ માગ્યું તે હંધુય એટલે સુધી કે સોનું-ચાંદી, ઝવેરાત અને અન્ય મહામોંઘી ચીજો પણ દીધી. કેટલાક બીજા દેશોના લોકો કે, જેઓ ઈશ્વરમાં શ્રદ્ધા રાખતા હતા. તેઓ પણ ઈઝ્રારાએલીઓ સંગાથે મિસર છોડીને હાલી નીકળ્યા.

![](https://cdn.door43.org/obs/jpg/360px/obs-en-12-02.jpg)

ઈશ્વરે તેઓને દાહડાનો વેળાએ ઊંચા મેઘસ્તંભ થકી દોરવણી આપતાં અને રાત્રે એ અગ્નિસ્તંભ બની જતો. એમની યાત્રા વખતે ઈશ્વર હંમેશા એમની હારે હતા અને દોરવણી આપતા હતા. એટલે એમને ઈશ્વરની વાંહે જ હાલવાનું હતું.

![](https://cdn.door43.org/obs/jpg/360px/obs-en-12-03.jpg)

થોડાક સમય પછી, ફારુન અને તેના લોકોનું મન પલટાયું અને તેઓ ફરીથી ઈઝ્રારાએલીઓને પોતાના વેઠીયા બનાવવાની ઈચ્છા સેવતા હતા. ઈશ્વરે ફારુનને જીદ્દી બનાવ્યો કે જેથી માણસો સમજી હકે કે ઈ જ એક માત્ર ઈશ્વર છે એમને ખાતરી થાય કે, યહોવા જ, ફારુન અને તેના દેવતાઓ કરતા વધારે બળવાન સે.

![](https://cdn.door43.org/obs/jpg/360px/obs-en-12-04.jpg)

આથી ફારુન અને તેની સેના ઈઝ્રારાએલીઓને ફરીથી પોતાના વેઠિયા કરવા હાટુ વાંહે ગયું, ત્યારે ઈઝ્રારાએલીઓએ ભાળ્યું કે મિસરની સેના આવી રહી છે. એ વેળાએ એમને જણાયું કે, એઓ ફારુનની સેના અને લાલ દરિયાની વચમાં ફસાણા સે. ઈ હંધાય ઘણા જ ભયમાં આવી ગયા. અને બકવા લાગ્યા કે, “શા હારું અમોએ મિસર મૂકી દીધું ? અમે તો મિસર છોડીને મરણને જ વાહલું કીધું સે !”

![](https://cdn.door43.org/obs/jpg/360px/obs-en-12-05.jpg)

મૂસાએ ઈઝ્રારાએલીઓને કીધું કે, “ડરપોક ના બનો!” ઈશ્વર આજે જ તમારે હાટુ ધીંગાણે ચડશે અને તમારી વ્હારે આવશે. ત્યારે ઈશ્વરે મૂસાને કીધું, “પ્રજાને કહે કે, એઓ લાલ દરિયા સામે આગળ જાય. ”

![](https://cdn.door43.org/obs/jpg/360px/obs-en-12-06.jpg)

ઇ પછી ઈશ્વરે મેઘસ્તંભ હટાવીને ઈઝ્રારાએલીઓ અને મિસરીઓની વાચો-વચ્ચ મુક્યો એટલે મિસરીઓ ઈઝ્રારાએલીઓને ભાળી ના શકે.

![](https://cdn.door43.org/obs/jpg/360px/obs-en-12-07.jpg)

ઈશ્વરે મૂસાને કીધું કે તારો હાથ દરિયા પર લંબાવીને પાણીના બે ભાગ કરી દયે. ત્યારે ઈશ્વરે એવો વા હલાવ્યો કે દરિયાનું પાણી ડાબી તથા જમણી બાજુ સંકોરાવા લાગ્યું એટલે દરિયાની વાચો-વચ્ચ મારગ થઈ ગ્યો.

![](https://cdn.door43.org/obs/jpg/360px/obs-en-12-08.jpg)

ઈઝ્રારાએલીઓ બેઉ બાજુ ઉભી થયેલી વંડી અને કોરી કટ જમીન પર હાલવા લાગ્યા.

![](https://cdn.door43.org/obs/jpg/360px/obs-en-12-09.jpg)

ઇ પછી ઈશ્વરે મેઘસ્તંભ હટાવી લીધો જેથી મિસરીઓ ઈઝ્રારાએલીઓને જતા ન ભાળી શકે. મિસરીઓએ એવોની વાંહે ધપવાનો મનસુબો કરીયો.

![](https://cdn.door43.org/obs/jpg/360px/obs-en-12-10.jpg)

એથી એમણે દરિયાવ મારગે ઈઝ્રારાએલીઓની વાંહે ગ્યા. પરંતુ ઈશ્વરે મિસરીઓને ભયમાં નાખ્યા એટલે એમના રથો ફસાણા. તેઓ અંદરો-અંદર બુમા-બૂમ કરવા લાગ્યા કે, “અહીંથી ભાગો !” ઈશ્વર ઈઝ્રારાએલીઓ હાટુ ધીગાણું ખેલી રહ્યા સે.

![](https://cdn.door43.org/obs/jpg/360px/obs-en-12-11.jpg)

ઈઝ્રારાએલીઓ હેમખેમ દરિયાને ઓલે પાર પૂગી ગ્યા. ઇ પછી ઈશ્વરે મૂસાને ફરીથી પોતાનો હાથ લંબાવવા કીધું. જ્યારે એણે એમ કર્યું કે, લાગલું પાણી મિસરીઓ ઉપર ફરી વળ્યું અને પાછું પાણી મૂળ સ્થિતિમાં આવી દરિયો બની ગયું. અને હંધીય મિસરી સેના પાણીમાં બૂડી મરી.

![](https://cdn.door43.org/obs/jpg/360px/obs-en-12-12.jpg)

એથી ઈઝ્રારાએલીઓએ ભાળ્યું કે મિસરીઓનું ઢીમ ઢળી ચુક્યું સે, ત્યારે એમણે ઈશ્વરમાં ભરોહો ઉભો થયો અને શ્રદ્ધા દાખવતા કીધું કે, મૂસા ઈશ્વરનો સંત હતો.

![](https://cdn.door43.org/obs/jpg/360px/obs-en-12-13.jpg)

ઈઝ્રારાએલીઓ આ બધી બીનાઓથી હરખાયા અને અચંબિત થયા. આ રીતે ઈશ્વરે એમને મોતના “મો” માંથી અને વેઠપ્રથામાંથી અને મિસરીઓની ગુલામીમાંથી ઉગાર્યા હતા! એટલે હવે તેઓ ઈશ્વરની ઉપાસના કરવા હાટુ આઝાદ હતા. ઈઝ્રારાએલીઓએ એમની નૂતન આઝાદીનો ઉત્સવ માનવતા ઘણા ગીતડા ગાયા. એ હારું એમણે ઈશ્વર સ્તુતિગાન ગાયા.

![](https://cdn.door43.org/obs/jpg/360px/obs-en-12-14.jpg)

રે ઈઝ્રારાએલીઓને હર વર્ષે પાસ્ખા ઉત્સવ મનાવવાનો આદેશ કર્યો. જેથી એઓ એને સ્મરણમાં રાખી શકે કે, કેટલા અજાયબ રીતે ઈશ્વરે એમને મિસરીઓ ઉપર મહાવિજય દેવડાવ્યો અને એમના વેઠિયાપણાથી અને મિસરની ગુલામીમાંથી છોડાવ્યા. એમણે આ ઉત્સવને પૂર્ણ હલવાન ચઢાવીને, એને બેખમીર રોટલા હારે જમીને માનવતા હતા.

*લની વાર્તાનિર્ગમન 12:33-15:21*

Audio: https://git.door43.org/OBS-TLF/kxp_obs/releases/download/v1/kxp_obs_v1_12_128kbps.m4a

## 13. ૧૩. ઈઝ્રાયલ હારે ઈશ્વરનો કરાર (પંચનામું)

https://openbiblestories.org/l/kxp/story-13/

![](https://cdn.door43.org/obs/jpg/360px/obs-en-13-01.jpg)

ઈશ્વરે ઈઝ્રાયલીઓને લાલ દરિયામાંથી ઉગાર્યા પછી એમને વનવગડે સિનાઈ ગઢ બાજુ દોરી ગ્યા. આ ઇ જ પ્હાડી ગઢ હતો ન્યા મૂસાએ સળગતું ઝાડવું નીરખ્યુંતું લોકોએ ઇ ગઢની તળેટીમાં પોતાના તંબુ તાણ્યા.

![](https://cdn.door43.org/obs/jpg/360px/obs-en-13-02.jpg)

ઈશ્વરે મૂસા અને ઈઝ્રાયલના લોકોને કીધું, “તમે મારા આદેશો પ્રમાણે હાલશો અને મારા કીધેલા કોલ-કરારો મજરે લેશો તો તમે ખાસ રત્નો, સંત-પુરોહીતોનું રજવાડું અને પવિત્ર મલક થાહો. ”

![](https://cdn.door43.org/obs/jpg/360px/obs-en-13-03.jpg)

ત્રણ દાહડા પછી, જ્યારે લોકોએ પોતાને આત્મિક રીતે ઉજળા કર્યા, ત્યારે ઈશ્વર ગર્જના, વિજળી, ધૂમાડા અને રણ-શીંગડાના મોટી વાણીઓ હારે સિનાઈ ગઢ પર ઊતર્યા. ખાલી મૂસાને જ ઇ ગઢ ઉપર જવાની મંજુરી હતી.

![](https://cdn.door43.org/obs/jpg/360px/obs-en-13-04.jpg)

ઇ વેળાએ ઈશ્વરે એમને કરાર દીધો અને કીધું, “હું યહોવા તમારો ઈશ્વર છું, જે તમને મિસરની વેઠમાંથી છોડાવી લાવ્યો. ”અન્ય દેવોને ન ભજો.

![](https://cdn.door43.org/obs/jpg/360px/obs-en-13-05.jpg)

તમે મૂર્તિઓ ઘડશો નહીં અને એની પૂજા કરશો નહીં. કારણ કે હું યહોવા ભરોસાપાત્ર ઈશ્વર છું. મારું નામ અમથે-અમથું લેશો નહીં. સાતમો સાબ્બાથ દાહડો પવિત્ર પાળવાનું ભૂલશો માં. તમે છ દાહડા લગી તમારાં હંધાય કામો કરો, સાતમો દાહડો તમારા માટે આરામનો અને મારું સમરણ કરવાનો દાહડો સે.

![](https://cdn.door43.org/obs/jpg/360px/obs-en-13-06.jpg)

તમારા મા-પિતાને સન્માનો. હત્યા કરશો માં. શીનાળવા કરશો માં. ચોરી કરશો માં. ખોટું બોલશો માં. તમારા પડોશીની બાઈ, એનું ખોરડું અને એનું જે કંઈ હોય એની ઈચ્છા સેવસો નહીં.

![](https://cdn.door43.org/obs/jpg/360px/obs-en-13-07.jpg)

ઇ પછી ઈશ્વરે આ દસ આદેશો પથ્થરની શિલાઓ ઉપર લખી અને એમણે મૂસાને દીધી. ઈશ્વરે બીજા ઘણા આદેશો અને વિધિઓ આચરવાને હાટુ દીધા. જો લોકો આ આદેશોને આધીન રહેશે, તો ઈશ્વરે જેમ વચન દીધું હતું એમ તે એમને આશીર્વાદિત કરશે અને એમની રક્ષા કરશે. જો તેઓ તેનો અનાદર કરશે, તો ઈશ્વર એમને દંડ દેશે.

![](https://cdn.door43.org/obs/jpg/360px/obs-en-13-08.jpg)

ઈશ્વર એમની આરાધના અને પૂજા માટે ઈઝ્રાયલીઓને પાહે જે મંડપ રચાવા માંગતા હતા એનું હંધુય વર્ણન દીધું. એને ઈશ્વરે ‘મળવાનો મંડપ’ એટલે કે મુલાકાત મંડપ થી ઓળખાવ્યો. એને બે ખંડ હતા, જેને એક મોટા પડદા વડે નોખા પાડવામાં આવતા હતા. પડદાની વાંહે ખંડમાં જવાની મંજુરી માત્ર મુખ્ય સંત-પુરોહિતને જ હતી, કારણ કે ન્યા ઈશ્વર બિરાજમાન હતા.

![](https://cdn.door43.org/obs/jpg/360px/obs-en-13-09.jpg)

જે કોઈ ઈશ્વરના આદેશોનું અનાદર કરતું તે “મળવાના મંડપ” કને એક પશુને આણતા અને તેનું ઈશ્વરને બલિદાન ચઢાવતા. સંત-પુરોહિત ઇ પશુનો વધ કરતો અને એને વેદી ઉપર દાહ દેતો. જે પશુનું બલિદાન દેવામાં આવતું એનું લોહી માણસના પાપ-કર્મને ઢાંકી દેતું અને તે માણહને ઈશ્વરની નજરમાં પુણ્ય બનાવતું. ઈશ્વરે મૂસાના ભાઈ હારુન અને એના વંશજોને સંત-પુરોહિતો બનાવવા હાટુ જાહેર કર્યા.

![](https://cdn.door43.org/obs/jpg/360px/obs-en-13-10.jpg)

હરેક લોકોને, ઈશ્વરે જે આદેશો દીધા હતા, એમાં ઈશ્વર એકલાનું જ ભજન કરવું અને એના જ ખાસ લોક બનવું ઇ આદેશ માટે તેઓ એકીસાથે સહમત બન્યા. એમ છતાંય એમણે ઈશ્વરને જ આધિન રહેવાના જે વચને બંધાયા હતા એમાં થોડીક વેળા બાદ જ એમણે મહામોટુ પાપ કર્યું.

![](https://cdn.door43.org/obs/jpg/360px/obs-en-13-11.jpg)

મૂસા ઘણાં દાહડા સુધી ઈશ્વર સાથે સંવાદ કરતો સિનાઈ ગઢ ઉપર રહ્યો. લોકો એના પાછા વળવાની વાટ જોઈ કંટાળી ગયા. એટલે તેઓ હારુન પાંહે સોનું લઈને આવ્યા. અને એમના માટે મૂર્તિ ઢાળવાનું કીધું.

![](https://cdn.door43.org/obs/jpg/360px/obs-en-13-12.jpg)

હારુને એમના હાટુ સોનાની મૂર્તિ દીધી. અને તેનો ઘાટ પોઠિયા જેવો હતો. લોકો વનવાસીની રીતે મૂર્તિની પૂજા કરવા લાગ્યા. અને તેને બલિદાનો દેવા લાગ્યા. ઈશ્વર એમનાથી ખુબ જ કોપાયમાન થયો. અને એમનો નાશ કરવાને આયોજન કર્યું.

![](https://cdn.door43.org/obs/jpg/360px/obs-en-13-13.jpg)

પરંતુ મૂસાએ એમના હાટુ પ્રાર્થના કરી અને ઈશ્વરે એની આજીજી સાંભળી અને એમનો સંહાર કર્યો નહી. જ્યારે મૂસા ગઢ ઊપરથી ઉતર્યો અને તેણે મૂર્તિ દીઠી ત્યારે તે એટલો બધો કોપાયમાન થયો કે એણે શીલાપાટ્ટીઓ જેની ઊપર ઈશ્વરે દસ આદેશો લખીને દીધા હતા ઈ શીલાપાટીઓને પછાડીને તોડી નાખી.

![](https://cdn.door43.org/obs/jpg/360px/obs-en-13-14.jpg)

ત્યારે મૂસાએ ઈ મૂર્તિઓને ભરડી તેનો ભુક્કો કરીને એ ભુક્કાને એણે પાણીમાં હલાવીને લોકોને પીવડાવી દીધો. ઈશ્વરે લોકો ઉપર મરકી મોકલી અને એમાંના ઘણાં મરણને શરણ થ્યા.

![](https://cdn.door43.org/obs/jpg/360px/obs-en-13-15.jpg)

બીજી વાર ગઢ પર ચઢી ગયો અને ઈશ્વરને લોકોને ક્ષમા કરવા આજીજી કરી. ઈશ્વરે મૂસાનું સાંભળ્યું અને તેઓને ક્ષમા કરી. મૂસાએ જે શીલાપાટી તોડી નાંખી હતી એની જગ્યાએ તેણે બીજી શીલાપાટી ઉપર દસ આદેશો કોતરીને દીધા. ઇ પછી ઈશ્વર ઇઝરાએલીઓને સિનાઈ ગઢથી વચનના મલક બાજુ આગળ હંકારી ગ્યા.

*લની વાર્તાનિર્ગમન 19-34*

Audio: https://git.door43.org/OBS-TLF/kxp_obs/releases/download/v1/kxp_obs_v1_13_128kbps.m4a

## 14. ૧૪. અરણ્યે(વનવગડે) રઝડવું

https://openbiblestories.org/l/kxp/story-14/

![](https://cdn.door43.org/obs/jpg/360px/obs-en-14-01.jpg)

ઈશ્વર એમના કરારના ભાગરૂપે જે આદેશો એમની કને મનાવવાની ઈચ્છા રાખતા હતા તે કીધા પછી એમણે સિનાઈ ગઢનો વસવાટ છોડી ઈશ્વરે એમને જે વચનનો મલક કે જેનું નામ કનાન હતું ઇ બાજુ લઇ જવાનો પ્રારંભ કર્યો. મેઘસ્તંભ કનાન બાજુ આગળ વધતો અને ઈ હંધાય એની પાછળ ધસતા હતા.

![](https://cdn.door43.org/obs/jpg/360px/obs-en-14-02.jpg)

ઈશ્વરે ઈબ્રાહિમ, ઈસહાક અને યાકૂબને જે વચન દીધું હતું ઇ એમના વંશજોને તે વચનનો મલક દેશે. પરંતુ હવે ત્યાં અનેક દેશજાતિઓ રેહેતી હતી. એમને કનાનીઓથી ઓળખવામાં આવતા હતા. કનાનીઓ ઈશ્વરને ભજતા પણ નોહતા અને એમને અનુસરતા પણ નોહતા. તેઓ જૂઠા દેવતાઓની પૂજા અને દુષ્ટ કાર્યો કરતા હતા.

![](https://cdn.door43.org/obs/jpg/360px/obs-en-14-03.jpg)

ઈશ્વરે ઈઝ્રારાએલીઓને કીધું, “તમારે વચનના મલકમાં હંધાય કનાનીઓથી અલગ થવું. તમે એમની હારે વાર્તાલાપ (સંવાદ) કરો માં. અને એમની હારે વિવાહ પણ કરો માં. તમારે એમની હંધીય મૂર્તિઓનો નામશેષ કરવો. જો તમે મને વફાદાર નહીં રહો તો તમે મારે બદલે એમની મૂર્તિઓને સેવા કરશો? ”

![](https://cdn.door43.org/obs/jpg/360px/obs-en-14-04.jpg)

જ્યારે ઈઝ્રારાએલીઓ કનાનની સીમાએ પુગ્યા એટલે મૂસાએ બાર માણસોને નક્કી કર્યા, ઈઝ્રારાએલના દરેક કુળમાંથી એક એક. તેણે ઈ માણહોને તે મલકની ખબર મેળવવા(ભાળ કાઢવા) મોકલ્યા કે ઈ મલક કોના સરીખો છે તે ભાળો. તેઓને કનાનીઓની પણ ભાળ મેળવવા કીધું કે, તેઓ જોરાવર સે કે માંયકાંગલા?

![](https://cdn.door43.org/obs/jpg/360px/obs-en-14-05.jpg)

બાર માણસો ચાલીસ દાહડા લગી કનાનમાં વિચર્યા અને એ પછી તેઓ પાછા ફર્યા. તેઓએ લોકોને કીધું, “એ મલકની જમીન ફળાઉ છે અને એમાં મબલક પાક થાય છે. ”પરંતુ તેમાંના દશ જાસુસોએ કીધું, “નગર ખુબ જ બળીયુ અને લોકો ઘણા કદાવર છે! જો આપણે એમના પર હલ્લો કરીએ તો તેઓ ખરેખર આપણને હરાવીને હણી દેશે!”

![](https://cdn.door43.org/obs/jpg/360px/obs-en-14-06.jpg)

તરત જ કાલેબ અને યહોશુઆ, બીજા બે જાસુસોએ કીધું, “એ હાવ સાચું છે કે કનાનીઓ ઊંચા અને જોરાવર છે, પરંતુ ખરેખર આપણે એમને હરાવી શકીએ એમ છીએ! ઈશ્વર આપણે સારું ધીગણું ખેલશે !”

![](https://cdn.door43.org/obs/jpg/360px/obs-en-14-07.jpg)

પરંતુ લોકોએ કાલેબ અને યહોશુઆના સાદને સંભાળ્યો નહીં. તેઓએ મૂસા અને હારુન ઉપર ગુસ્સો કર્યો થયા અને કીધું, “શા હાટુ તું અમોને આ ગોઝારી જગાએ લાવ્યો છે? અમારે અહીં ધીગાણામાં હણાવા કરતા અને અમારી બાઈઓ ને બાળકો વેઠિયા બને ઈ કરતા અમારે મિસરમાં વસવું જોઈતું તું. લોકો મિસરમાં પાછા જવા માટે બીજા નેતાઓને પસંદ કરવા ઈચ્છતા હતા.

![](https://cdn.door43.org/obs/jpg/360px/obs-en-14-08.jpg)

ઈશ્વર એ બધાથી ઘણો કોપાયમાન થયો અને તે “મળવાના મંડપમાં” પધાર્યા. ઈશ્વરે એમને કીધું, તમે મારી સામે છળ કર્યું છે, એ હાટુ તમે બધા લોકો વન-વગડે રઝડશો. કાલેબ અને યહોશુઆ સિવાય, એક-એક જણ જે વીસ વરસથી અથવા એનાથી મોટો હશે ઇ હણાશે અને ક્યારેય વચનના મલકમાં જઈ હકશે નહિ.

![](https://cdn.door43.org/obs/jpg/360px/obs-en-14-09.jpg)

જ્યારે લોકોએ ઇ હાંભળ્યું ત્યારે લોકે કરેલા પાપ માટે પોતે ભોંઠા પડ્યા. તેમણે પોતાના શસ્ત્ર-સરંજામ ઉઠાવ્યા અને કનાન મલકના લોક ઉપર ધિંગાણે ચઢ્યા. મૂસાએ એમને ન્યા જવાને મના કરી, કારણ કે ઈશ્વર એમની હારે નહતો, પરંતુ એમણે એનું ધ્યાને લીધું નહીં.

![](https://cdn.door43.org/obs/jpg/360px/obs-en-14-10.jpg)

ઈશ્વર એમની હારે ધીંગાણે ગયા નહીં એમની ભુંડી-પેટ હાર થઈ. એમના ઘણાંય હણાયા. એટલે ઈઝ્રારાએલીઓ કનાનથી પાછા ફરીને ચાલીસ વરસો લગી વન-વગડે રઝડ્યા.

![](https://cdn.door43.org/obs/jpg/360px/obs-en-14-11.jpg)

આ ચાલીસ વર્ષોમાં ઈઝ્રારાએલીઓ લોકો વન-વગડે રઝડ્યા ઈ વેળા દરમ્યાન ઈશ્વરે એમનું ભરણ-પોષણ કયરું. તેણે એમને આકાશની રોટલો જેને “માન્ના” કહેવાય સે તે દીધી. તેણે લાવરીઓના ટોળાનું ઝુંડ (મધ્યમ કદનું એક પક્ષી) મોકલ્યું જે એમના તંબુઓ માંય તેણે આણ્યું જેથી એનું માંસ ખાઈ શકે. આ સમય વચ્ચે ઈશ્વરે એમના લુગડા અને ખાસડાં ફાટવા દીધા નહીં.

![](https://cdn.door43.org/obs/jpg/360px/obs-en-14-12.jpg)

ઈશ્વરે એમને ચમત્કારિક રીતે પાણામાંથી પાણી દીધું. આમ છતાંય, ઈઝ્રારાએલઓએ ઈશ્વર અને મૂસા સામે ફરીયાદોની બુમો ચલાવી. ત તોપણ ઈશ્વર ઈબ્રાહિમ, ઈસહાક અને યાકૂબને દીધેલા પોતાના વચનો હાટુ ભરોસાપાત્ર રહ્યા.

![](https://cdn.door43.org/obs/jpg/360px/obs-en-14-13.jpg)

બીજા વાર જ્યારે લોકો પાસે પાણી નોહતું, ત્યારે ઈશ્વરે મૂસાને કીધું, “પાણાને કહે-ને-પાણી વ્હેશે. ”પરંતુ મૂસાએ બધા લોકોની સામે ઈશ્વરની આજ્ઞા ઉથાપી અને પાણાને કેહવાને બદલે તેણે પાણાને બે વાર લાકડી ફટકારી. દરેક લોકો હાટુ પાણામાંથી પાણી વહેવા માંડ્યું, પણ ઈશ્વર મૂસા ઉપર ગુસ્સે-ભરણો અને કીધું, “તું વચનના મલકમાં જઈ શકશે નહીં. ”

![](https://cdn.door43.org/obs/jpg/360px/obs-en-14-14.jpg)

ચાલીસ વર્ષો સુધી ઈઝ્રારાએલીઓ વન-વગડે રઝળ્યા પછી તેઓ હંધાય જેઓએ ઈશ્વરની સામે બાંયો ચડાવી હતી તે હંધાય મરણને શરણ થયા. ઇ પછી ઈશ્વર લોકોને વચનના મલકની સીમા પર લઈ ગયા. હવે મૂસા વયોવૃદ્ધ થયો હતો, માટે ઈશ્વરે યહોશુઆને આ લોકોને હલાવવા અને સહાય કરવા માટે પસંદ કર્યો. ઈશ્વરે મુસાને વચન દીધું કે એક દાહડે તે મૂસા જેવો સંત-પુરોહિત પાછો મોકલશે.

![](https://cdn.door43.org/obs/jpg/360px/obs-en-14-15.jpg)

રે ઈશ્વરે મૂસાને કીધું કે, તું પર્વતની ટોચ ઉપર ચઢી જા જેથી તું વચનનો મલક નીરખી શકે. મૂસાએ વચનનો મલક દીઠો. પરંતુ એમાં એને જવાની મંજુરી દીધી નહિ. ઇ પછી મૂસા દેવલોક પામ્યો. એટલે ઇઝરાએલે ત્રીસ દિવસ લગી શોક પાળ્યો. યહોશુઆ એમનો નવો મુખીયો બન્યો થયો. યહોશુઆ સારો મૂખીયો સાબિત થયો કારણ કે, તે ઈશ્વરને વફાદાર હતો.

*લની વાર્તાનિર્ગમન 16-17, ગણના 10-14, 20:27, પુનર્નિયમ 34*

Audio: https://git.door43.org/OBS-TLF/kxp_obs/releases/download/v1/kxp_obs_v1_14_128kbps.m4a

## 15. ૧૫. વચનનો મલક

https://openbiblestories.org/l/kxp/story-15/

![](https://cdn.door43.org/obs/jpg/360px/obs-en-15-01.jpg)

છેવટે, સમય આવી પૂગ્યો કે, ઈઝ્રારાએલીઓ વચનન મલક કનાનમાં ઘર કરે. યહોશુઆએ યરીખો નગર કે જે મજબુત બાંધાની ડેલીઓથી વાડાબંધ હતું એમાં બે જાસુસો મોકલ્યા. નગરમાં રાહાબ નામની એક વેશ્યા(લલના) રહેતી હતી એણે જાસુસોને છુપાવવામાં અને ઈ પછી એમને ભાગવામાં સહાય કરી. એણે એમ કયરું કારણ કે, તે ઈશ્વર પર ભરોસો કરતી હતી. એમણે રાહાબ અને તેના કુટુંબને જ્યારે તેઓ યરીખોનો નાશ કરે ત્યારે બચાવવાનો કોલ આપ્યો.

![](https://cdn.door43.org/obs/jpg/360px/obs-en-15-02.jpg)

ઈઝ્રારાએલીઓએ વચનના મલકમાં ગરવા માટે યર્દન નદીને ઓળંગવાની હતી. ઈશ્વરે યહોશુઆને કીધું, “સંત-પુરોહિતોને પહેલા નિકળવા દયો. ”જ્યારે સંત-પુરોહિતોએ પોતાના પગલાં યર્દન નદીમાં પખાળ્યા કે, દખ્ખણ બાજુનું પાણીનું વ્હેણ બંધ થઈ ગયું અને એટલે ઈઝ્રારાએલીઓ નદીની બીજી બાજુએ(ગમ) સુકી જમીન પર પુગ્યા.

![](https://cdn.door43.org/obs/jpg/360px/obs-en-15-03.jpg)

યર્દન નદી પાર કરી એટલે ઈશ્વરે યહોશુઆને કીધું કેવી રીતે યરીખો નગર પર જોરદાર હલ્લો કરવો અને લોકોએ ઈશ્વરના આદેશોની આણ સ્વીકારવી. જેમ ઈશ્વરે એમને કોઠા સૂઝની હમજ દીધી હતી, એમ દળો અને સંત-પુરોહિતો યરીખો નગરની ફરતે એક દાહાડામાં છ વાર એમ છ દાહાડાઓ સુધી ફર્યા.

![](https://cdn.door43.org/obs/jpg/360px/obs-en-15-04.jpg)

એટલે સાતમા દાહડે,ઈઝ્રારાએલીઓએ નગર ફરતે સાત વાર ફેરફુદરડી ફર્યા. જ્યારે તેઓ નગરનો છેલ્લો ફેરો ફરી રહ્યા હતા ત્યારે, જ્યારે સંત-પુરોહિતોએ રણશીંગના સુરો ફુંક્યા અને સિપાઈઓએ મોટી આવાજે બૂમોની ગર્જનાઓ કરી

![](https://cdn.door43.org/obs/jpg/360px/obs-en-15-05.jpg)

એટલે યરીખોનો કોટ ખરી પડ્યો. ઈઝ્રારાએલીઓને ઈશ્વરે જેવા આદેશો કર્યા હતા એમ નગરમાંનાં હંધાયનો સમૂળગો નાશ થયો. એમણે રાહાબ અને એના કુટુંબને જ છોડી દીધું. જે કુટુંબ ઈઝ્રારાએલનો ભાગ ગણાયું. જ્યારે બીજા લોકો કે જેઓ કનાનમાં વસતા હતા. એમણે સાંભળ્યું કે ઈઝ્રારાએલીઓએ યરીખોને ધૂળ ભેગું કીધું છે ત્યારે એમને ભય લાગ્યો કે ઈઝ્રારાએલીઓ એમના પર પણ ધીંગાણું કરશે તો?

![](https://cdn.door43.org/obs/jpg/360px/obs-en-15-06.jpg)

ઈશ્વરે ઈઝ્રારાએલીઓને આજ્ઞા આપતા કીધું હતું કે, એમણે કનાનમાંની કોઈ પણ પ્રદેશની જાતિ- વર્ણ હારે સંધી કરવી નહીં. પરંતુ કનાનીઓની એક દેશજાતિ, કે જેઓ ગિબયોનીઓથી ઓળખાતા હતા. એમણે યહોશુઆને ખોટું કીધું કે તેઓ કનાનથી ખુબ જ આઘા વસે છે. એમણે યહોશુઆને સંધી કરી સંબંધ બાંધવા નોતર્યા.

![](https://cdn.door43.org/obs/jpg/360px/obs-en-15-07.jpg)

યહોશુઆ અને ઈઝ્રારાએલી પ્રજાએ આ બાબતે ઈશ્વરની પૂછ-પરછ કયરી નહી કે, ગિબયોનીઓ ખરેખર ક્યાંના રહેવાસીઓ છે? માટે યહોશુઆએ એમની સાથે શાંતિ સંધી-કરાર કયરા. ઈઝ્રારાએલીઓએ જ્યારે જાણ્યું કે, ગિબયોનીઓએ એમને છળ્યા છે ત્યારે તેઓ ઘણા ગુસ્સે ભરાણા, પરંતુ એમ છતાં એમણે સંધી-કરાર શરુ રાખ્યા, કારણ કે ઈ ઈશ્વર આગળનું વચન હતું. થોડા સમય પછી, કનાન મલકની બીજી જ્ઞાતિ અમોરીઓએ સાંભળ્યું કે ગિબયોનીઓએ ઈઝ્રારાએલ પર સંધી કરી છી, એટલે એમણે પોતાનું એક દળ બનાવી એની સેના કરીને ગિબયોન પર હલ્લો કરી દીધો. ગિબયોનીઓએ યહોશુઆ ઉપર મદદ સહાયને માટે સંદેશો કહેવડાવ્યો.

![](https://cdn.door43.org/obs/jpg/360px/obs-en-15-08.jpg)

એટલે યહોશુઆએ ઈઝ્રારાએલની સેનાને એકઠી કરી.એમણે ગિબયોન પુગવાને માટે આખી રાત પગપાળા કરી. વહેલી પ્હોરે એમણે અમોરી સેનાને અચંબિત કરતો હલ્લો કર્યો.

![](https://cdn.door43.org/obs/jpg/360px/obs-en-15-09.jpg)

ઇ દાહડે ઈશ્વર ઈઝ્રારાએલ હાટુ ધીગાણે ચડ્યો. એમણે અમોરીઓને દાંત ખાટા કરી દીધા. એમાંય પાછા મોટા કરા વરસાવ્યા. એટલે ઘણા અમોરીઓનો દાટ વળી ગ્યો.

![](https://cdn.door43.org/obs/jpg/360px/obs-en-15-10.jpg)

ઈશ્વરે સુરજને પણ આભમાં એક ખૂણે અટકાવી રાખ્યો, એટલે ઈઝ્રારાએલી પાંહે અમોરીઓને સમૂળગો નાશ કરી ધૂળ ચાટતા કરવાનો કાળ રહે. ઇ દાહડે ઈશ્વરે ઈઝ્રારાએલ માટે મહામોટો વિજય મેળવ્યો.

![](https://cdn.door43.org/obs/jpg/360px/obs-en-15-11.jpg)

ઈશ્વરે તે સેનાને પરાજય દીધા પછી, કનાનની બીજી જાતિઓ પણ એકઠી થવા લાગી. ને તેઓ એકઠાથઈ ઈઝ્રારાએલ ઉપર હુમલો કરવા લાગી. યહોશુઆ અને ઈઝ્રારાએલીઓએ એમના ઉપર હલ્લો કરીને એમને ભોંયભેગા કર્યો.

![](https://cdn.door43.org/obs/jpg/360px/obs-en-15-12.jpg)

આ યુધ્ધ પછી, ઈશ્વરે ઈઝ્રારાએલના હંધાય કુળને વચનના મલકમાં પોત-પોતાનો હિસ્સો વ્હેચી આપ્યો. ઇ પછી ઈશ્વરે ઈઝ્રારાએલની હદોમાં શાંતિ સ્થાપી.

![](https://cdn.door43.org/obs/jpg/360px/obs-en-15-13.jpg)

રે યહોશુઆ વયોવૃધ્ધ થયો એટલે એણે ઈઝ્રારાએલના હંધાય લોકોને ભેગાં કર્યા. ઇ સમયે યહોશુઆએ ઈશ્વરે સિનાઈ ગઢમાં એમની સાથે કરેલાં કોલ-કરારને પાળવાની જે-જે શરતો હતી ઈ એમણે સ્મરણમાં લેવડાવી. લોકોએ પણ ઈશ્વરના વિશ્વાસમાં અડીખમ રહેવાનું અને એના આદેશોને પાળવાનું વચન દીધું.

*લની વાર્તાયહોશુઆ 1-24*

Audio: https://git.door43.org/OBS-TLF/kxp_obs/releases/download/v1/kxp_obs_v1_15_128kbps.m4a

## 16. ૧૬. છોડાવનાર

https://openbiblestories.org/l/kxp/story-16/

![](https://cdn.door43.org/obs/jpg/360px/obs-en-16-01.jpg)

યહોશુઆના દેવલોક સીધાવ્યા પછી ઈઝ્રારાએલીઓ ઈશ્વરના આદેશોને પાળતા ન્હોતા, અને તેઓએ બાકી રહેલા કનાનીઓને હાંકી કાઢ્યા નહીં અને ઈશ્વરના નિયમનું પાલન કર્યું નહીં. ઈઝ્રારાએલીઓએ સાચા ઈશ્વ્રર પ્રભુને ભજવાને બદલે કનાનના દેવતાઓની ઉપાસના કરી. ઈઝ્રારાએલીઓમાં રાજા નહોતા, માટે દરેક જણ તેમને જે સારુ લાગે તે કરતો.

![](https://cdn.door43.org/obs/jpg/360px/obs-en-16-02.jpg)

ઈઝ્રારાએલીઓએ ઈશ્વ્રરના આદેશો ધ્યાને ધર્યા નહીં એટલે ઈશ્વરે એમને એમના શત્રુઓ ઉપર વિજય અપાવ્યો નહિ. અને તેમને દંડ કર્યો. આ હંધાય શત્રુઓ ઈઝ્રારાએલીઓની ચીજ-વસ્તુઓને હરી લઈને એમની માલ-મિલકતો નાબુદ કરતા અને ઘણાંયને હણી નાંખતાં. ઘણાંય વરસો હુધી ઈશ્વ્રરને ધ્યાને ન ધરતા એવા એમના શત્રુઓના દાબમાં સંકોચાયેલી રહ્યા પછી ઈઝ્રારાએલીઓએ પસ્તાવો કીધો અને પોતાના છુટકારા હાટુ ઈશ્વરને આજીજી કરી.

![](https://cdn.door43.org/obs/jpg/360px/obs-en-16-03.jpg)

એટલે ઈશ્વરે એમને શત્રુઓના પંજામાંથી છોડાવા માટે છોડાવનાર મોકલી આપ્યા. અને એમના મલકમા શાંતિ આણી. એમ છતાંય લોકો ફરીથી ઈશ્વરને ભૂલ્યા અને મુર્તિપુજામાં પાછુ મન પરોવ્યું. એટલે ઈશ્વર મિદ્યાની પ્રજાઓને એમની ઉપર એવી રીતે લાવ્યા કે એમને હરાવે.

![](https://cdn.door43.org/obs/jpg/360px/obs-en-16-04.jpg)

મિદ્યાનીઓ સતત સાત વરસો હુધી ઈઝ્રારાએલીઓની હંધીય ફસલ ખાઈ ગયા. ઈઝ્રારાએલીઓ બહુ ભયભીત થઈ ગુફાઓમાં ગરી ગ્યા હતા. કે એમને મિદ્યાનીઓ ભાળી ના જાય . આખરે એમના છુટકારા હાટુ એમણે ઈશ્વરને પોકાર્યા.

![](https://cdn.door43.org/obs/jpg/360px/obs-en-16-05.jpg)

એક દાહડે ગિદિઓન નામનો એક ઈઝ્રારાએલી માણસ સંતાઈને ઘંઉ મસળતો હતો. કે એના ઘઉં મિદ્યાનીઓ ચોરી ના જાય. એવી વેળાએ ઈશ્વરના દૂતે આવીને ગિદિયોનને કીધું, “હે પરાક્રમી શૂરવીર, ઈશ્વર તારી હારે સે. જા અને ઈઝ્રારાએલીઓને મિદ્યાનીઓના પંજામાંથી છોડાવ. ”

![](https://cdn.door43.org/obs/jpg/360px/obs-en-16-06.jpg)

ગિદિયોનના બાપ પાસે એક દેવવેદી હતી. પણ હાલ એ મૂર્તિઓથી ભરેલી હતી. ઈશ્વરે ગિદિયોનને કીધું કે તું વેદીનો ચૂરે-ચુરા કરી નાંખ. પણ ગિદિયોન લોકોના ભયથી ભયભીત થયો. અને એણે રાત પડવા હુંધી રાહ જોઈ. એ પછી એણે તે વેદીને તોડી નાખી અને એના ભુક્કા બોલાવી દઈ ઇ જગ્યાની પડખે મૂર્તિ માટે નૈવેદ ચઢાવાનું હતું ઇ જગ્યાએ એણે એક નવી વેદી બાંધી.

![](https://cdn.door43.org/obs/jpg/360px/obs-en-16-07.jpg)

બીજા દાહડે લોકોએ ભાળ્યું કે કોઈકે વેદીને ભાંગીને ભુક્કો કરી નાંખી છે. ત્યારે લોકો ગુસ્સે ભરાણા. તેઓ ગિદિયોનના ઘેર એને હણી નાંખવાને ગયા, પરંતુ ગિદિયોનના બાપે એમને જણાવ્યું, “શા હારુ તમે તમારા દેવોને બચાવવાનો પ્રયાસ કરો છો ? જો એ મૂર્તિયો ઈશ્વર છે તો એને પોતાનું રક્ષણ એની જાતે કરવા દયો. ” એણે આવું કીધું એટલે લોકોએ એને મારી નાખ્યો નહીં.

![](https://cdn.door43.org/obs/jpg/360px/obs-en-16-08.jpg)

ઇ પછી પાછા મિદ્યાનીઓ ઈઝ્રારાએલીઓને લૂંટવા આવ્યા. એઓ એટલા બધા હતા કે એમને ગણી શકાય નહીં. ગિદિયોને ઈઝ્રારાએલીઓને એમની હારે ધિંગાણે ચડવા એકઠા કર્યા. ગિદિયોને ઈશ્વરને બે નિશાનીઓ આપવાનું ઠરાવ્યું. જેથી એને ખાતરી બંધાય કે ઈશ્વર ઈઝ્રારાએલીઓને છોડાવવાને એનો ઉપયોગ કરી રહ્યા છે.

![](https://cdn.door43.org/obs/jpg/360px/obs-en-16-09.jpg)

પ્રથમ એંધાણીમાં , ગિદિયોને લૂગડું લઈને એને બહાર જમીન પર મુક્યું અને ઈશ્વરને કીધું કે સવારે આ લુગડા પર જ ઝાકળ ઝરશે. પણ જમીન પર ઝરશે નહીં. ને ઈશ્વરે તેવું કયરું. બીજી રાત્રે, એણે ઈશ્વરને કીધું કે જમીન ભીની થવી જોઈએ પણ આ લૂગડું નહીં. અને ઈશ્વરે ઇ રીતે પણ કયરું. આ બે એંધાણીઓથી ગિદિયોનને ખાતરી દેવડાવી કે, ઈશ્વર ઈઝ્રારાએલીઓને મિદ્યાનીઓના પંજામાંથી છોડાવવા ચાહે છે.

![](https://cdn.door43.org/obs/jpg/360px/obs-en-16-10.jpg)

32,000 ઈઝ્રારાએલી સિપાઈઓ ગિદિયોન કને આવ્યા, પરંતુ ઈશ્વરે એને કીધું કે એટલા બધા નહિ. માટે ગીદીયોને એમાંથી 22,000 સિપાઈઓ કે, જેઓ ધીંગાણાથી ફફડતાં હતા. એમને ઘેરે પરત કર્યા. ઈશ્વરે ગિદિયોનને કીધું કે હજુ પણ સિપાઈનું જૂથ ઝાઝું છે. એટલે ગિદિયોને 300 સિપાઈઓ સિવાયના હંધાને ઘેર રવાના કયરા.

![](https://cdn.door43.org/obs/jpg/360px/obs-en-16-11.jpg)

તે રાત્રે ઈશ્વરે ગિદિયોનને કીધું, “નીચે મિદ્યાનીઓની છાવણીમાં જા અને ન્યા તેઓ જે કહે છે તે હંધુય હાંભળે ત્યારે તું ડરીશ માં. ” એટલે તે રાત્રે ગિદિયોન છાવણીમાં ગ્યો અને એક મિદ્યાની સિપાઈને તેના ભેરુને એણે જે સપનામાં ભાળ્યું હતું એના વિષે વર્ણના કરતા હાંભળ્યો. ઇ માણસના ભેરુએ કીધું, “આ સપનાનો અર્થ ઇ છે કે ગિદિયોનની સેના મિદ્યાનીઓની સેનાને હરાવશે !” જ્યારે ગિદિયોને આ હંધુય સાંભળ્યું ત્યારે એણે ઈશ્વરની આરાધના કરી.

![](https://cdn.door43.org/obs/jpg/360px/obs-en-16-12.jpg)

ઇ પછી તે પોતાના સિપાઈઓ કને પાછો ફર્યો. અને એમને એણે રણશીંગડુ, માટીના ઘડુંલીયા અને દિવાઓ દીધા. તેઓ મિદ્યાની સિપાઈઓ જ્યાં નિંદર માણતા હતા ઈ છાવણીને ઘેરો ઘાલ્યો. ગિદિયોનના 300 સિપાઈઓ કને ઘડુંલીયોમાં દીવડાઓ હતા. એટલે મિદ્યાનીઓ એમના દિવડાઓના અજવાળાને ભાળી શક્યા નહીં.

![](https://cdn.door43.org/obs/jpg/360px/obs-en-16-13.jpg)

એટલે ગિદિયોનના સિપાઈઓએ એકી સાથે ઘડુંલીયાઓ ફોડી દીધા. અને એકદમ જ દીવાઓનું અજવાળું ઝળકવા લાગ્યો. એમણે એમનું રણશીંગડુ ફુક્યું, અને મોટેથી પડકાર કર્યો “યહોવાની તથા ગિદિયોનની તલવાર !”

![](https://cdn.door43.org/obs/jpg/360px/obs-en-16-14.jpg)

ઈશ્વરે મિદ્યાનીઓને ગુંચમાં નાંખી દીધા, એટલે એ હંધાય એકમેકને હણી નાંખવા અને હલ્લો કરવાની શરૂઆત કરી દીધી. એટલે બાકીના ઈઝ્રારાએલીઓને તેમના ડેલીઓમાંથી બરકવામાં આવ્યા. જેથી તેઓ મિદ્યાનીઓની વાંહે ધાય. તેઓએ એમનામાના ઘણાઓને મસળી નાખ્યા. અને બાકીનાઓને ઈઝ્રારાએલીઓની મલકમાંથી તગેડી દીધા. અને એમની વાંહે ધાયા. 1,20,000 મિદ્યાનીઓ એ દાહડે ધૂળમાં ભળ્યા(હણાયા). એવી રીતે ઈશ્વરે ઈઝ્રારાએલનો છુટકારો કયરો.

![](https://cdn.door43.org/obs/jpg/360px/obs-en-16-15.jpg)

લોકો ગિદિયોનને પોતાનો રાજા બનાવવા ઈચ્છતા હતા. ગિદિઓને એમને એવું નો કરવા દીધું, પરંતુ એણે એમને સોનાનાં જે કુંડળો તેઓએ મિદ્યાનીઓ કનેથી જુટાવ્યા હતા ઇ આણવા જણાવ્યું. લોકોએ ઘણા જથ્થામાં સોનું દીધું

![](https://cdn.door43.org/obs/jpg/360px/obs-en-16-16.jpg)

એટલે ગિદિયોને એ સોનાનો ઉપયોગ ખાસ પ્રકારના પહેરણ કે જે મુખ્ય સંત-પુરોહિતો પહેરે છે તે વણવામાં કર્યો. પરંતુ લોકોએ એને મૂર્તિની જેમ પૂજા કરવાનું શરૂ કર્યું. એટલે ઈશ્વરે ફરીથી ઈઝ્રારાએલીઓને શિક્ષા કરી કારણ કે એમણે ઈશ્વરથી ભૂલીને ફરીથી મૂર્તિઓને ભજી હતી. ઈશ્વરે એ’મના શત્રુઓને એમને હણવાની મંજુરી દીધી. અને છેલ્લે તેઓએ ફરીથી ઈશ્વરની સહાય માંગી અને ઈશ્વરે એમને છોડાવવા હારુ બીજા કોઈકને મોકલ્યો.

![](https://cdn.door43.org/obs/jpg/360px/obs-en-16-17.jpg)

આ બીના વારંવાર ઘટતી જ રહી. ઈઝ્રારાએલીઓ પાપ કરતા, ઈશ્વર એમને દંડ કરતા, એઓ પાછા પસ્તાવો કરતા અને ઈશ્વર એમને છોડાવવા માટે સંતો મોકલતા. ઘણાય વરસો લગ, ઈશ્વરે ઈઝ્રારાએલીઓને એમના શત્રુઓના પંજામાંથી છોડાવવા હાટુ છોડાવનાર મોકલી આપ્યા.

![](https://cdn.door43.org/obs/jpg/360px/obs-en-16-18.jpg)

,લોકોએ ઈશ્વર કને રાજાની માંગણી કરી. જેવી રીતે બીજા મલકોમાં હતા એમ. એમણે મહા અને બાહુબળીયા રાજાને માંગ્યા કર્યા. જેઓ એમને ધીંગાણામાં આગેવાની આપે. ઈશ્વરે એમની આ આજીજી ગમી નોહતી. એમ છતાંય એમણે જેમ-જેમ રાજાની ઈચ્છા રાખી એમ-એમ તેણે એમને રાજા નીમી આપ્યો.

*લની વાર્તાન્યાયાધીશો 1-3:6-8*

Audio: https://git.door43.org/OBS-TLF/kxp_obs/releases/download/v1/kxp_obs_v1_16_128kbps.m4a

## 17. ૧૭. ઈશ્વરનો દાઉદ સાથેનો કોલ-કરાર

https://openbiblestories.org/l/kxp/story-17/

![](https://cdn.door43.org/obs/jpg/360px/obs-en-17-01.jpg)

શાઉલ ઈઝ્રારાએલનો પહેલો રાજા હતો. લોકો જેવો ચાહતા હતા એવો જ એ કદાવર અને રૂપાળો હતો. શાઉલે પરથમ વરસોમાં ઈઝ્રારાએલ ઉપર રાજ કર્યું ત્યારે એક યશસ્વી રાજાની જેમ આખા રજવાળા હંભાળ્યું. અને ઇ પરથમની વેળાએ હારો રાજા નીવડ્યો. પરંતુ ઇ પછી નરાધમ માણસ બની ગ્યો. એણે ઈશ્વરના આદેશોનું પરિપાલન કર્યું નહીં. એટલે ઈશ્વરે એક દહાડે એક નોંખો જ માણસ પસંદ કર્યો કે, એની જગ્યાએ ઇઝ્રરાએલનું આખું રાજય દિપાવે.

![](https://cdn.door43.org/obs/jpg/360px/obs-en-17-02.jpg)

ઈશ્વરે જુવાન ઈઝ્રારાએલી જેનું નામ દાઉદ હતું એને, શાઉલ પછીના બીજા રાજા તરીકે નીમણુંક કર્યો. દાઉદ બેથલેહેમ ગામમાં ઘેટાં ચરાવનાર હતો. એક વાર જ્યારે દાઉદ એના બાપના ઘેટાં ચરાવતો હોય છે, ત્યારે તે દાઉદે ઘેટા ઉપર તરાપ મારનાર હાવજ અને રીંછ એમ બેઉને રેહશી નાંખ્યા હતાં. દાઉદ સ્વભાવે નમ્ર અને ન્યાયી માણહ હતો. જે ઈશ્વ્રર પર ભરોસો રાખતો હતો. અને એના આદેશોને આધિન હતો.

![](https://cdn.door43.org/obs/jpg/360px/obs-en-17-03.jpg)

દાઉદ મહાસૈનિક અને બહાદૂર આગેવાન બન્યો. જ્યારે દાઉદ હજુ તો યુવાસ્થામાં હતો. ત્યારે જ તેણે ગોલ્યાથ નામના મહાયોધ્ધા સામે બથ ભીડી હતી. ગોલ્યાથ નીવડેલો યોદ્ધા હતો. ખુબ જ જબરો અને ત્રણ મીટરની ઊંચાઈ ધરાવતો કદાવદાર હતો. પરંતુ ઈશ્વરે દાઉદ વડે ગોલ્યાથને હણવામાં અને ઈઝ્રારાએલની લાજ બચાવવામાં સહાયતા કરી હતી. ઇ પછી દાઉદે ઈઝ્રારાએલના શત્રુઓ ઉપર અનેક મહાવિજય મેળવ્યા હતા. જેના લીધે લોકોએ એની વધામણી કરતા થાકતા ન હતા.

![](https://cdn.door43.org/obs/jpg/360px/obs-en-17-04.jpg)

દાઉદ તરફી લોકોનો વધતો સ્નેહ ભાળીને શાઉલની અદેખાય વધતી હતી. શાઉલે એને દબોચી નાંખવા હાટુ ઘણાબધા વાર કયરા હતા. એટલે દાઉદ શાઉલથી સંતાઈને રહેતો હતો. એક દાહાડે શાઉલ દાઉદનું ઢીમ ઢાળી નાંખવા ફિરાકમાં એને ગોતતો હતો. ઇ વેળાએ શાઉલ એ જ ગુફામાં પૂગ્યો. જ્યાં દાઉદ શાઉલથી સંતાઈને બેઠો હતો, પરંતુ શાઉલ એને ભાળી શક્યો નહીં. દાઉદ શાઉલની ઘણી નજીક જ હતો અને શાઉલનો વધ કરી શક્યો હોત પણ દાઉદે એવું કર્યું નહિ. પણ એની નિશાનીરૂપી એના લુંગડાની કોરને કાપી લીધી એટલા હારુ કે, રાજા બનવા હાટુ ઇ કદાચ એને મારી શક્યો હોત પણ એવું હાવ એની પર ના આવે ઇ હાટુ ઇને માત્ર લુગડાની કોર જ કાપી. બીજું કાઈ કયરુ નહી .

![](https://cdn.door43.org/obs/jpg/360px/obs-en-17-05.jpg)

અંતે, શાઉલ યુદ્ધમાં શહિદ થ્યો. અને દાઉદ ઈઝ્રારાએલનો રાજા બન્યો. તે ભલો રાજા હતો અને લોકો એને જ ઈચ્છતા હતા. ઈશ્વરે દાઉદને આશીર્વાદિત કર્યો અને એને સફળ રાજવી બનાવ્યો. દાઉદ ઘણા મહાયુદ્ધ લડ્યો. અને ઈશ્વરે એને ઈઝ્રારાએલના શત્રુઓ ઉપર ફતેહ મેળવવા ભારે સહાય કરી. દાઉદે યરૂશાલેમ જીતી લીધુ અને એને રાજનગરી બનાવી. દાઉદના રજવાળામાં ઈઝ્રારાએલ મહાશક્તિશાળી અને વૈભવી રાજ બન્યું.

![](https://cdn.door43.org/obs/jpg/360px/obs-en-17-06.jpg)

દાઉદ એક ભક્તિસ્થાન બાંધવા માંગતો હતો, જ્યાં હંધાય ઈઝ્રાયલીઓ ઈશ્વરની આરાધના કરી શકે અને અર્પણ બલિદાન ચઢાવી શકે. 400 વર્ષો સુધી લોકો મુસાએ રચેલા “મિલન મંડપમાં” ઈશ્વરની આરાધના કરતા અને તેમને બલિ ચઢાવતા.

![](https://cdn.door43.org/obs/jpg/360px/obs-en-17-07.jpg)

પરંતુ ઈશ્વરે નાથાન સંત-મહંતને એવા સંદેશા સાથે એને દાઉદ કને મોકલ્યો કે, તું યુદ્ધ કરનાર કરનાર લડવૈયો છે, માટે તું મારા હાટુ ભક્તિ સ્થાનક બાંધી શકીશ નહીં. પણ તારો દીકરો તે બાંધશે. એમ છતાંય હું તને ખુબ જ આશીર્વાદ દઈશ. તારા વારસદારોમાંથી એક હરહંમેશ રાજ ચલાવશે. એક જ વંશવેલો કે, જે હરહંમેશ રાજ ચલાવશે એ તો ખ્રિસ્તછે.” ”ખ્રિસ્ત તો ઈશ્વરના પસંદ કરેલા એવા એક છે, જે આ જગતના લોકોને એમના પાપથી તારશે.

![](https://cdn.door43.org/obs/jpg/360px/obs-en-17-08.jpg)

જ્યારે દાઉદે આ ઉચ્ચારણો સાંભળ્યા કે, તેણે તરત જ ઈશ્વરનો પાડ માન્યો. કારણ કે તેણે દાઉદને બહુમાન દીધુ હતું અને એને ઘણા આશીર્વાદો દીધા હતા. દાઉદ જાણતો નહોતો કે ઈશ્વર ક્યારે આ બીનાઓ કરશે. પરંતુ આ બને એ હાટુ ખ્રિસ્તના અવરણ હાટુ ઈઝ્રાયલીઓને ઘણાં લાંબા વેળા રાહ જોવી પડશે. 1000 વર્ષો સુધી.

![](https://cdn.door43.org/obs/jpg/360px/obs-en-17-09.jpg)

દાઉદે ન્યાયથી અને વિશ્વાસુપણે લાંબા વરસો રજવાડુ હંકાર્યું અને ઈશ્વરે એને આશીર્વાદ દીધો. જો કે, એના જીવનના અંત સમયની વેળાએ એણે ઈશ્વર સામે ભયંકર દુષ્ટતા આદરી.

![](https://cdn.door43.org/obs/jpg/360px/obs-en-17-10.jpg)

એક દહાડે, જ્યારે દાઉદના સિપાઈઓ ધિંગાણે પરદેશ ગયા હતા, એવી વેળાએ એણે પોતાના મહેલ ઉપરથી એક સુંદર બાઈને ના'તી ભાળી એનું નામ બેથશેબા હતું.

![](https://cdn.door43.org/obs/jpg/360px/obs-en-17-11.jpg)

નજર ફેરવી લેવાને કે આંખ આડા હાથ દેવાને બદલે દાઉદે કોઈક વડે એ બાઈને મહેલે તેડવાને મોકલ્યો. અને એ પછી દાઉદ એ બાઈ સાથે સોડ તાણી અને પછી એને એના ઘેર પાછી મોકલી દીધી. થોડા સમય પછી બેથશેબા દાઉદને કહેણ મોકલે છે કે એ પોતે ગર્ભવતી છે. એને હારા દિવસો રહ્યા સે.

![](https://cdn.door43.org/obs/jpg/360px/obs-en-17-12.jpg)

બેથશેબાનો ધણી, જેનું નામ ઉરીયા હતું, તે દાઉદનો ઉત્તમ સિપાઈ હતો. દાઉદે ઉરીયાને યુધ્ધમાંથી પરત બોલાવીને કીધું કે તે પોતાની બાઈ કને જાય. પરંતુ સાથી સિપાઈઓ યુદ્ધ લડે અને હું ઘરે જાઉં, એવી દલીલ સાથે વાતને ઉરીયાએ નકારી. એટલે દાઉદે સેનાપતિને એમ કહેણ મોકલ્યું કે, એને જ્યાં શત્રુઓનો પ્રહાર વધુ હોય ન્યા એને આગળ રાખજો, જેથી એનુ કળશ કાઢી નાંખવામાં આવે.

![](https://cdn.door43.org/obs/jpg/360px/obs-en-17-13.jpg)

ઉરીયાની શહિદી પછી, દાઉદ બેથશેબાની હારે વિવાહ કર્યો. ઇ પછી, એણે દાઉદના દીકરાને જણ્યો. દાઉદે જે પ્રમાણે આચર્યું હતું એ રીતે તો ઈશ્વર ખૂબ જ કોપાયમાન થ્યા હતા, એટલે એણે નાથાન સંત-મહંતને દાઉદ કને મોકલ્યો એ હારું કે એણે મહાપાપ આચર્યું હતું. દાઉદે એના મહાપાપનો પસ્તાવો કર્યો અને ઈશ્વરે એને માફ કર્યો. એ પછીના જીવન સુધી, દાઉદ ઈશ્વરની વાંહે હાલ્યો. અને એના આદેશોને આધિન રહ્યો, એની તકલીફોની વેળાએ પણ.

![](https://cdn.door43.org/obs/jpg/360px/obs-en-17-14.jpg)

ના પાપની દંડના રૂપમાં એનું બાળક મરણ પામ્યુ. દાઉદના જીવનની હંધીય વેળાઓમાં એના કુટુંબમાં લડાઈ ચાલી અને દાઉદનું સામર્થ્ય નિસ્તેજ થ્યું. જો કે, દાઉદ ઈશ્વર તરફે અવિશ્વાસુ બન્યો પણ ઈશ્વર આપલા કોલ-કરાર અને વચનો તરફ ઈશ્વર હરહંમેશ વિશ્વાસુ રહ્યા. ઇ પછી દાઉદ અને બેથશેબાને બીજો એક દિકરો જન્મ્યો અને એમણે એનું નામ સુલેમાન રાખ્યું.

*લની વાર્તા1 શમુએલ 10: 15;19, 24, 31, 2 શમુએલ 5, 7, 11-12*

Audio: https://git.door43.org/OBS-TLF/kxp_obs/releases/download/v1/kxp_obs_v1_17_128kbps.m4a

## 18. ૧૮. રજવાડાના ભાગ પડ્યા

https://openbiblestories.org/l/kxp/story-18/

![](https://cdn.door43.org/obs/jpg/360px/obs-en-18-01.jpg)

વરહોના વ્હાણા વીત્યા પછી દાઉદ દેવલોક પામ્યો. અને એનો દીકરો સુલેમાન ઈઝ્રારાએલ ઉપર રજવાડુ હલાવવા લાગ્યો. ઈશ્વ્રરે સુલેમાનને કીધુ કે તારે જે માંગવુ હોય ઈ માંગ. જ્યારે સુલેમાને જ્ઞાન માંગ્યું ત્યારે ઈશ્વર એનાથી ખુબજ આનંદિત થયા અને એને દુનિયાનો સૌથી મહાજ્ઞાની બનાવી દીધો. સુલેમાન ઘણી સારી ઊંડી બાબતો શીખ્યો અને મોટો ન્યાયી ન્યાયાધીશ બન્યો. ઈશ્વરે એને ઘણો ધનવાન બનાવ્યો.

![](https://cdn.door43.org/obs/jpg/360px/obs-en-18-02.jpg)

યરૂશાલેમમાં સુલેમાને ભક્તિસ્થાનક બંધાવ્યું. જેના હાટુ એના બાપ દાઉદે યોજના ચિતરી હતી. અને એને લગતી સામગ્રી એકઠી કરી હતી. લોકો હવે “મિલનમંડપ”ને બદલે ભક્તિસ્થાનકમાં બલિદાન ચઢાવવા લાગ્યા. અને ઈશ્વરને ભજવા લાગ્યા. ઈશ્વર ભક્તિસ્થાનકમાં હાજરાહજૂર હતાં અને એ ન્યા એના લોકો હારે હતા.

![](https://cdn.door43.org/obs/jpg/360px/obs-en-18-03.jpg)

પરંતુ સુલેમાનને પરદેશના મલકની બાઈઓ હારે પ્રેમબંધાણો. એણે એમાની 1000 બાઈઓ હારે વિવાહ કર્યા. અને એણે ઘણી બાઈઓને પોતાની પટરાણીઓ બનાવી અને એમ એ ઈશ્વરને આધિન ના રહયો. એમાની ઘણી બાઈઓ કે જે પારકા મલકની હતી. એવીઓ એમના મલકના જુદા દેવતાઓને લઈ આવી. અને એમની પૂજા કરવાનુ એમણે ચાલુ રાખ્યુ. એટલે જયારે સુલેમાન વયોવૃદ્ધ થયો ત્યારે એણે પણ ઇ મૂર્તિઓને સેવી.

![](https://cdn.door43.org/obs/jpg/360px/obs-en-18-04.jpg)

ઈશ્વર સુલેમાનથી ઘણો કોપાયમાન થયા અને એના અવિશ્વાસીપણાને લીધે દંડના રૂપમાં એણે ઈઝ્રારાએલના રજવાડાને સુલેમાનના દેવલોક પામ્યા પછી બે ભાગમાં વહેચી નાંખવાનું વચન દીધું.

![](https://cdn.door43.org/obs/jpg/360px/obs-en-18-05.jpg)

સુલેમાનના દેવલોક થયા પછી એનો દીકરો રહાબઆમ રાજા થયો. રહાબઆમ મૂર્ખ માણસ હતો. ઈઝ્રારાએલનુ આખું રજવાડુ એને રાજા ઘોષિત કરવા હાટુ એકઠું થયું. એમણે રહાબઆમને ઠપકો આપતા કહ્યું કે, અમારા શાહુંકારોએ કાળી મજૂરી કરાવી ભારેખમ કરનો બોજ અમારા માથે કર નાંખ્યો છે.

![](https://cdn.door43.org/obs/jpg/360px/obs-en-18-06.jpg)

રહાબઆમેં મૂર્ખતાથી એમને જવાબ આપતા કીધું કે, ”તમે એવુ વિચારો છો કે મારા બાપે તમારી પાસે કાળી મજૂરી કરાવી છે. પરંતુ હું એના કરતા પણ કાળી વેઠ તમારા પર લાદીશ અને એના કરતા પણ વધારે દંડ કરીશ. ”

![](https://cdn.door43.org/obs/jpg/360px/obs-en-18-07.jpg)

ઈઝ્રારાએલના દસ કુળોએ રહાબઆમની સામે બળવો કર્યો. કેવળ બે કુળો જ એની સાથે સાથી બની રહ્યા. આ બે કુળો છેવટે યહુદાના રજવાડા તરીકે ઓળખાયા.

![](https://cdn.door43.org/obs/jpg/360px/obs-en-18-08.jpg)

ઈઝ્રારાએલના બાકીના દસ કુળો કે, જેઓએ રહાબઆમ સામે વિરોધ કર્યો હતો એમણે યરોબઆમ નામના એક આદમીને પોતાના રજવાળુ મલકની ઉત્તર દિશાએ સ્થાપ્યુ. અને એને ઈઝ્રારાએલનુ રજવાડું તરીકે પ્રસિદ્ધ કર્યું.

![](https://cdn.door43.org/obs/jpg/360px/obs-en-18-09.jpg)

યરોબઆમે ઈશ્વર સામે બળવો કર્યો અને લોકોને ગેરમારગે પાપ કરવા દોર્યું. એણે ઈશ્વરની આરાધના કરવાને બદલે એના લોકને હાટુ યહુદાના રજવાડાના ભક્તિસ્થાનકમાં પણ બે મૂર્તિઓની સ્થાપના કરી.

![](https://cdn.door43.org/obs/jpg/360px/obs-en-18-10.jpg)

યહુદાનું રજવાડુ અને ઈઝ્રારાએલનું રજવાડુ એકબીજાનું વેરી બની ગયું. અને પરસ્પર વારંવાર ધિંગાણે ચડવા લાગ્યા.

![](https://cdn.door43.org/obs/jpg/360px/obs-en-18-11.jpg)

ઈઝ્રારાએલના નવા રજવાડામાં એકે એક રાજા નરાધમ બન્યા. ઘણા રાજાઓને ઈઝ્રારાએયલી લોકો એમની જગ્યાએ મનગમતા રાજા બનાવવાને હારું ઘણાને હંણી નંખાવતા હતા.

![](https://cdn.door43.org/obs/jpg/360px/obs-en-18-12.jpg)

ઈઝ્રારાએલના રજવાળાના હંધાય રાજાઓને અને પ્રજાઓ મૂર્તિપુજા કરતા હતા. એમની મૂર્તિપુજામાં ઘણી વખત જાતિય લંપટતા અને અમાનવિયતા આવી જતી હતી. એમાં એમણે બાળકોના બલી ચડાવવાનું નરાધમ કૃત્ય પણ આચર્યું હતું.

![](https://cdn.door43.org/obs/jpg/360px/obs-en-18-13.jpg)

ાના રાજાઓ દાઉદના વંશજો હતા. એમના ઘણાંય રાજાઓ સારા નીવડ્યા. એમણે ન્યાયથી રાજધરમ નિભાવ્યો. અને ઈશ્વરની આરાધના કરી. પરંતુ યહુદાના ઘણા રાજાઓ દુષ્ટ, ભ્રષ્ટ અધમ અને મૂર્તિપૂજક બન્યા. એમના ઘણાં રાજાઓએ તો તેમના પોતાના બાળકોનુ બલી પણ જુઠા દેવતાઓને બલિદાન તરીકે ચડાવ્યા. યહુદા રજવાડાના મોટા ભાગના લોકોએ ઈશ્વરનો અનાદર કર્યો અને બીજા દેવતાઓની પૂજા કરી.

*લની વાર્તા1રાજા 1-6: 11-12*

Audio: https://git.door43.org/OBS-TLF/kxp_obs/releases/download/v1/kxp_obs_v1_18_128kbps.m4a

## 19. ૧૯. સંતો-પુરોહિતો

https://openbiblestories.org/l/kxp/story-19/

![](https://cdn.door43.org/obs/jpg/360px/obs-en-19-01.jpg)

ઈઝ્રારાએલના હંધાય ઈતિહાસની વેળાઓમાં વચાળે ઈશ્વરે સંતો- મહંતોને મોકલ્યા. સંતો-મહંતો ઈશ્વર કનેથી સંદેશો હાંભળતા અને ઇ પછી લોકોને ઇ સંદેશ જણાવતા હતા.

![](https://cdn.door43.org/obs/jpg/360px/obs-en-19-02.jpg)

આહાબ જ્યારે ઈઝ્રારાએલનો રાજા હતો ઇ વેળાએ એલિયા નામનો સંત-મહંત હતો. આહાબ નરાધમ મનુષ્ય હતો. જેણે લોકોને જુઠો દેવતા જેનુ નામ બઆલ હતુ એની પૂજા કરવા દોર્યા હતા. એલીયાએ આહાબને કીધુ ”હુ જ્યાં હુંધી કહુ નહિ ન્યા લગણ ઈઝ્રારાએલમાં વરસાદ કે ઝાકળ વરહસે નહિ. ”આના લીધે આહાબ ઘણો ક્રોધે ભરાણો.

![](https://cdn.door43.org/obs/jpg/360px/obs-en-19-03.jpg)

ઈશ્વરે એલિયાને વનવગડે આવેલા નાળામાં છૂપાઈ જવા જણાવ્યું કારણ કે આહાબ એનુ ઢીમ ઢાળી દેવા ઈચ્છતો હતો. દરેક પ્રભાતે અને સંધ્યા ટાણે કાગડા એના હાટુ માંસ (ઘોંસ) અને રોટલો આણતા હતા. આહાબ અને તેનુ કટક એલિયાને ગોત'તુ રહયું પરંતુ તેઓ એને ગોતી હક્યા નહિ. દુકાળ એટલો બધો ભયંકર હતો કે, નાળુ અંતે સુકાઈ ગયું.

![](https://cdn.door43.org/obs/jpg/360px/obs-en-19-04.jpg)

એટલે એલિયા પાંસે-ના મલકમાં ગયો તે મલકમાં એક વિધવા અને એનો દીકરો દુકાળને લીધે ભોજનની અછતમાં જ હતા. તેમ છતાંય એમણે એલિયાની હંભાળ રાખી. અને એને હાટુ ઈશ્વરે એમનુ પૂરું પાડ્યુ. એટલે એમની કુપ્પિમાનું તેલ અને ડબ્બામાનો લોટ ખૂટ્યો નહિ. આખાય દુકાળની વેળાએ એમની પાહે ખાવાને પૂરતો પુરવઠો રહ્યો. એલીયા ઘણા વર્ષો સુધી ન્યા રહ્યો.

![](https://cdn.door43.org/obs/jpg/360px/obs-en-19-05.jpg)

સાડા ત્રણ વરસ પછી, ઈશ્વરે એલીયાને ઈઝ્રારાએલના રજવાળામાં પાછા ફરવા જણાવ્યું. અને આહાબને મળવા કીધુ. કારણ કે ફરીથી વરસાદ મોકલવા એ ઈચ્છતા હતા. જ્યારે આહાબે એલિયાને ભાળ્યો, ત્યારે એણે એને કીધુ કે, “તું દુ:ખડા દેનાર સે !” એલિયાએ એને જવાબ દીધો, “તું દુ:ખડા વ્હોરનાર છે ! તમે યહોવાના આદેશોનો અનાદર કર્યો છે અને બઆલની ચાકરી કરી સે. હવે તું ઈઝ્રારાએલના હંધાય લોકોને કાર્મેલ ગઢ ઉપર દોરી લઈ આવ. ”

![](https://cdn.door43.org/obs/jpg/360px/obs-en-19-06.jpg)

ઈઝ્રારાએલના હંધાય લોકોને અને બઆલના 450 સંતો- મહંતોને, હારે કાર્મેલ ગઢ પર ચડી આવી આવ. એલિયાએ લોકોને કીધુ, “ક્યાં સુધી તમે બે મોંઢાવાળા રહેશો ? જો યહોવા એ ઈશ્વર છે તો એને ભજો ! અને જો બઆલ દેવ છે તો તેની પૂજા કરો !”

![](https://cdn.door43.org/obs/jpg/360px/obs-en-19-07.jpg)

એટેલે એલિયાએ બઆલના સંતો- મહંતોને કહ્યું કે, “એક ગોધાને હણીને એના હાટુ વેદી તૈયાર કરો, પરંતુ તેના પર આગ પ્રગટાવશો મા. હું પણ એમ જ કરીશ. જે આગ જવાબ આપે એ જ ખરો ઈશ્વર છે. એ પ્રમાણે બઆલના સંતો- મહંતોએ વેદી તૈયાર કરી પરંતુ આગ પ્રગટાવી નહીં.

![](https://cdn.door43.org/obs/jpg/360px/obs-en-19-08.jpg)

ઇ પછી બઆલના સંતો- મહંતોએ બઆલને પ્રાર્થના કરી કે, “બઆલ અમારી અરજ ધ્યાને લે. ”આખો દાહડો એમણે અરજ કર્યા જ કરી. અને હાકલા-પડકારા કર્યા જ કર્યા. એમ જ પોતાના ડીલને છરીઓ વડે ઘાયલ કર્યા, પરંતુ કોઈ જવાબ મળ્યો નહીં.

![](https://cdn.door43.org/obs/jpg/360px/obs-en-19-09.jpg)

અને ઇ સંધ્યા ટાણે એલિયાએ ઈશ્વરની વેદી તૈયાર કરી. ઇ પછી એણે લોકોને વેદી પરનું ઘોંસ, લાકડા અને વેદીની ચારેકોરથી જમીન પલળીના જાય ન્યા સુધી બાર માટલા વડે પાણી છાંટવાને કીધુ.

![](https://cdn.door43.org/obs/jpg/360px/obs-en-19-10.jpg)

એટલે એલિયાએ પ્રાર્થના કરી, “હે યહોવા, ઈબ્રાહિમ, ઈસહાક અને યાકૂબના ઈશ્વર, અમને બતાવી દે કે તું જ ઈઝ્રારાએલનો ઈશ્વર છે અને હું તારો સેવક છું. મને જવાબ દે કે જેથી આ લોકો ભાળી શકે કે તું જ સાચો ઈશ્વર છે. ”

![](https://cdn.door43.org/obs/jpg/360px/obs-en-19-11.jpg)

એટલે તરત જ, આકાશમાંથી આગ ઉતરી અને ઘોંસ, લાકડાને, ધૂળ અને પાણી કે જે વેદીની ચારેકોટ હતું ઇ હંધુય બાળીને નાખ્યું ભસ્મ થ્યું. જ્યારે આ બધું લોકોએ ભાળ્યું એટલે એઓ જમીન પર પડ્યા અને કિધુ, “યહોવા જ ઈશ્વર છે ! યહોવા જ ઈશ્વર છે !”

![](https://cdn.door43.org/obs/jpg/360px/obs-en-19-12.jpg)

એટલે એલિયાએ કીધુ, “બઆલના એક પણ સંતો- મહંતને ભાગી જવા દેશો મા!” એથી લોકોએ બઆલના સંતો- મહંતોને પકડ્યા અને એમને ન્યાંથી દૂર લઈ જઈ અને એમનું ઢીમ ઢાળી દીધુ.

![](https://cdn.door43.org/obs/jpg/360px/obs-en-19-13.jpg)

એટલે એલિયાએ આહાબ રાજાને કીધુ, “તુ તરત જ નગર ભણી જા. કેમકે વરસાદ આવી પૂગ્યો છે. ” તરત જ એક નાની વાદળી દેખાય આવી અને અતિ ભારે વરસાદ વરહ્યો. એમ યહોવાએ દુકાળનો અંત આણ્યો અને પ્રમાણ દીધુ કે એ જ સાચો ઈશ્વર સે.

![](https://cdn.door43.org/obs/jpg/360px/obs-en-19-14.jpg)

એલિયાના સમય પછી, ઈશ્વરે એલિશા નામના માણસને પોતાના સંતો- મહંત તરીકે પસંદ કરી નિમ્યો. ઈશ્વરે એલિશા મારફતે ઘણા ચમત્કારો કર્યા. એક પરચો નામાન નામના એક સેનાપતિ હારે ઘટયો. જે દુશ્મન દળનો સેનાપતિ હતો, જેને ભયંકર ચર્મરોગ હતો. એણે એલીશાને વિશે સાંભળ્યુ હતું. અને ઇ એલિશા કને જઈને એને સાજો કરવા હાટુ જણાવે છે. એલિશાએ નામાનને યર્દન નદીમાં સાત વાર ડુબકી મારવાનું કીધુ.

![](https://cdn.door43.org/obs/jpg/360px/obs-en-19-15.jpg)

પહેલા નામાન કોપાયમાન થયો અને એણે એમ કર્યુ નહિ, કારણ કે ઇ એને મૂર્ખતા સમાન લાગ્યું. પરંતુ ઇના રથના સારથિએ કીધુ કે ઇશ્વરના સંતે જે કીધુ સે એ કરવામાં તને કોઈ તકલીફ ના હોવી જોઈએ. એકવાર ઇ કરી તો જો. એટલે અંતે એણે સાત વાર યર્દનમાં ડૂબકી મારી. સાતમી વાર જ્યારે એ પાણીમાં ડૂબકી મારીને બહાર આવ્યો, ત્યારે એની ચામડી પૂરેપૂરી સાજી-નરવી થઈ ગઈ હતી. ઈશ્વરે એને નરવો કર્યો હતો.

![](https://cdn.door43.org/obs/jpg/360px/obs-en-19-16.jpg)

ઈશ્વરે બીજા ઘણા સંતો- મહંતોને મોકલ્યા. એમણે લોકોને મૂર્તિપૂજા ન કરવાનું અને નીતિમય જીવવાનું અને બીજાઓ તરફ દયા-ભાવ રાખવાનું સૂચવ્યું. સંતો- મહંતોએ લોકોને ચેતવ્યા કે જો તેઓ દુષ્ટતા કરવાનું ત્યાગશે નહીં અને ઈશ્વરને આધીન થવાનું શરૂ નહીં કરે તો ઈશ્વર એમને દંડિત માનીને ન્યાય તોળશે. અને એમને દંડ ફટકારશે.

![](https://cdn.door43.org/obs/jpg/360px/obs-en-19-17.jpg)

ઘણી બધી વેળાએ લોકો ઈશ્વરને આધીન રહ્યા નહીં. તેઓ સંતો- મહંતોની હાર્યે અ જુગતિ રીતે વર્ત્યા અને અનેકવાર એમને હણી પણ નાંખ્યા. એકવાર, યર્મિયા સંતો- મહંતોને સૂકા ભઠ કૂવામાં નાખી દેવામાં આવ્યા. અને એને મરવાની હાલતમાં છોડી દીધો. ઇ કૂવામાં રહેલા ગારામાં ખૂંચી ગ્યો, પરંતુ રાજાને એની પર રહેમ આવી અને એણે પોતાના સિપાઈઓને આદેશ દીધો કે યર્મિયા ઢળી પડે ઇ પ્હેલા એને બહાર કાઢી લાવો.

![](https://cdn.door43.org/obs/jpg/360px/obs-en-19-18.jpg)

કે લોકો એમને પસંદ કરતા ન હતા. તો પણ સંતો- મહંતો ઈશ્વરને માટે વાણી ઉચ્ચારતા રહ્યા. એમણે લોકોને ચેતવણી દેતા અને કહેતા રહ્યા કે તમે પસ્તાવો નહીં કરશો તો ઈશ્વર તમારો સર્વનાશ કરશે. એમણે લોકોને ઈશ્વરની ઇ વાણી પણ સ્મરણમાં લાવ્યા કે ખ્રિસ્ત (મસીહ) આવશે.

*લની વાર્તા1 રાજા 16-18, 2 રાજા 5, યર્મિયા 38*

Audio: https://git.door43.org/OBS-TLF/kxp_obs/releases/download/v1/kxp_obs_v1_19_128kbps.m4a

## 20. ૨૦. બંદીવાસ અને પાછા ફરવું

https://openbiblestories.org/l/kxp/story-20/

![](https://cdn.door43.org/obs/jpg/360px/obs-en-20-01.jpg)

ઈઝ્રરાએલના રજવાડાએ અને યહુદાના રજવાડાએ ઇ બેઉએ ઈશ્વરનો અનાદર કરી પાપ કયરૂ. એમણે ઈશ્વરે જે કોલ-કરાર સિનાઇ ગઢ પર દીધો હતો ઈ રદ કયરી દીધો લોકો પસ્તાવો કરે અને ફરી, પાછા એની ભક્તિ કરે ઇ હારુ ચેતવવા ઈશ્વરે પોતાના સંતો- મહંતોને મોકલ્યા પણ એમણે એમનું માન્યું નહિ.

![](https://cdn.door43.org/obs/jpg/360px/obs-en-20-02.jpg)

એટલે ઈશ્વરે બેઉ રજવાડાઓને એમના શત્રુઓ દ્વારા એમનો નાશ કરવા હાટુ મંજુરી દીધી. આશૂરનું રજવાડુ, જે બહુબળિયું હતુ અને ઘાતકી રજવાડુ હતુ, એણે ઈઝ્રારાએલના રજવાડાઓનો ભુક્કો બોલાવ્યો અને આશૂરના સિપાઈઓએ ઈઝ્રરાએલના ઘણા લોકોને હણી દીધા. બધી જ માલ-મિલ્કત તેઓ હરી ગયા અને દેશને ભસ્મીભૂત કર્યો.

![](https://cdn.door43.org/obs/jpg/360px/obs-en-20-03.jpg)

આશૂરના બધા લોકોએ એમના આગેવાનો, ધનપતિઓને અને કુશળ કારીગરોને ઈ હંધાયને ભેગા કરી એમને આશૂર લઈ ગયા. ફક્ત ગરીબ ઈઝ્રરાએલીઓ જેમને હણ્યા નહોતા એમને જ ઈઝ્રરાએલમાં રાખવામાં આવ્યા.

![](https://cdn.door43.org/obs/jpg/360px/obs-en-20-04.jpg)

ઇ પછી આશૂરીઓ પરદેશીઓને ઈઝ્રરાએલનું જે રજવાડુ ન્યા વસવા હાટુ લાવવામાં આવ્યા. પરદેશીઓએ જે નગરો નેસ્તાનાબુદ કર્યા હતા એમને ફરીથી સમારવા હાટુ એમને રાખ્યા. ઈઝ્રરાએલીઓ હાર્યે પરણ્યા કે, જેઓ ન્યા જ વસી ગયા હતા. ઈઝ્રરાએલના જેઓ વંશજો પરદેશીઓ હાર્યે પરણ્યા હતા તેઓ સમરૂનીઓ તરીકે ઓળખાયા.

![](https://cdn.door43.org/obs/jpg/360px/obs-en-20-05.jpg)

યહુદા રજવાડાના લોકોએ ભાળ્યું કે ઈશ્વરની આરાધના અને આધિનતા ન પાળતા ઈઝ્રરાએલના રજવાળાને દંડ કરી કવો બેહાલ કર્યો સે. એમ છતાંય તેમણે મૂર્તિપૂજા કરવાનું અને કનાનીઓના દેવતાઓની આરાધના કરવાનું શરુ જ રાખ્યુ. ઈશ્વરે એમને ચેતવવા હાટુ સંતો- મહંતો મોકલ્યા પણ એમણે એમની દરકાર કરી નહિ.

![](https://cdn.door43.org/obs/jpg/360px/obs-en-20-06.jpg)

આશૂરે ઈઝ્રરાએલના રજવાડાનો ખાત્મો બોલાવ્યો એના 100 વર્ષો પછી, ઈશ્વરે નબૂખાદનેસ્સાર જે બાબિલનો રાજા હતો, એને યહુદાના રજવાડા ઉપર હલ્લો કરવા મોકલ્યો. બાબિલ બહુબળિયું રજવાડુ હતું. યહુદાના રાજાએ નબુખાદનેસ્સાર રાજાના વેઠિયા બનવાનું મંજુર કર્યું અને એને દર વર્ષે ઘણા નાણા આપવાનુ ઠેરાવ્યું.

![](https://cdn.door43.org/obs/jpg/360px/obs-en-20-07.jpg)

પરંતુ કેટલાક વર્ષોના વ્હાણા વિત્યા પછી, યહુદિયાના રાજાએ નબુખાદનેસ્સાર સામે બળવો કર્યો. એટલે બાબિલે પાછા આવીને યહુદિયાના રજવાડા ઉપર હલ્લો કરી દીધો. એમણે યરૂશાલેમ નગર કબજે કરીને ભક્તિસ્થાનકનો નાશ કર્યો અને નગરનો તેમજ ભક્તિસ્થાનકનો ખજાનો હરી લીધો.

![](https://cdn.door43.org/obs/jpg/360px/obs-en-20-08.jpg)

યહુદિયાના રાજાને એના બળવાની શિક્ષા દેવાને હાટુ નબુખાદનેસ્સાર રાજાના સિપાઈઓએ રાજાના દીકરાને એની નજર સામે હણી નાખ્યો. અને ઇ પછી એને આંધળો કરી દીધો. ઇ પછી, એમણે રાજાને બાબિલના બંદિવાસમાં મરવા હાટુ તેને લઈ ગ્યા.

![](https://cdn.door43.org/obs/jpg/360px/obs-en-20-09.jpg)

નબુખાદનેસ્સાર અને એની સેનાએ યહુદિયાના રજવાડાના હંધાય લોકોને બાબિલ લઈ ગયા, જેઓ અતિ કંગાળ હતા એમને એમની જ વાડીયોમાં ખેતી કરવા હાટુ રહેવા દીધા. આ ઈ વેળા હતી કે જેમાં ઈશ્વરના લોકોને વચનનો મલક ત્યજીને બંદિવાસમાં જવા હાટુ રીતસરનું દબાણ કરવામાં આવ્યું.

![](https://cdn.door43.org/obs/jpg/360px/obs-en-20-10.jpg)

જોકે ઈશ્વર એના લોકોને એમના પાપોને લીધે દંડ કરીને તેઓને બંદિવાસમાં ધકેલવામાં આવ્યા, પરંતુ ઇ એમને અથવા પોતાના વચનને ભૂલ્યા નહીં. ઈશ્વરે એમના ઉપર પોતાની રહેમ નઝર રાખવાનું તથા પોતાના સંતો- મહંતો વડે એમની સાથે વાત કરવાનું ચાલુ રાખ્યું. એણે વચન દીધું કે સિત્તેર વર્ષો પછી, તેઓ વચનના મલકમાં ફરીથી પાછા ફરશે.

![](https://cdn.door43.org/obs/jpg/360px/obs-en-20-11.jpg)

સિત્તેર વરસો પછી, કોરેશ, જે પર્શિયાનો રાજા હતો, એણે બાબિલને હરાવ્યું અને પર્શિયાના રજવાડાએ બાબિલના રજવાડાની જગ્યા લીધી. ઈઝ્રરાએલીઓ હવે યહુદીઓ તરીકે ઓળખાતા હતા. અને એમાના ઘણા લોકોએ પોતાનુ આયખું બાબિલમાં પસાર કયરૂ. એમાના ઘણા ઓછા ઘરડા લોકને પોતાનો યહુદિયા મલક સ્મરણમાં હતો.

![](https://cdn.door43.org/obs/jpg/360px/obs-en-20-12.jpg)

પર્શિયન રજવાડુ બહુબળિયું શાસન હતું. પરંતુ તેઓ જીતેલી પ્રજા પ્રત્યે તરફ દયાળુ હતા. કોરેશ પર્શિયાનો રાજા બન્યો ઇ પછી તરત જ એણે આદેશ દીધો કે, જે યહુદીઓ યહુદિયા પાછા જવા ઈચ્છતા હોય તેઓ પર્શિયા ત્યજીને યહુદિયા જઈ શકે સે. એણે ભક્તિસ્થાનકનુ પુન:નિર્માણ કરવા હાટુ નાણાં પણ દીધા ! એથી, બંદિવાસમાં સિત્તેર વરસો પછી, યહુદીઓની એક નાની ટોળી યહુદિયાના યરૂશાલેમ નગરમાં પાછું વસ્યું.

![](https://cdn.door43.org/obs/jpg/360px/obs-en-20-13.jpg)

રે લોકો યરૂશાલેમમાં પાછા વસ્યા, ત્યારે એમણે ભક્તિસ્થાનક અને નગરને ફરતે કોટ બાંધ્યો. જો કે હજુ પણ બીજા લોકો વડે એમના પર રજવાડુ ચલાવાતું, ફરીથી તેઓ વચનના મલકમાં વસવા લાગ્યા અને ભક્તિસ્થાનકમાં આરાધના કરવા લાગ્યા.

*લમાંથી એક વાર્તા:2 રાજઓ 17; 24-25; 2 કાળવ્રત્તાંત 36; એઝરા 1-10; નહેમ્યાહ 1-13*

Audio: https://git.door43.org/OBS-TLF/kxp_obs/releases/download/v1/kxp_obs_v1_20_128kbps.m4a

## 21. ૨૧.ઈશ્વરે મસિહનું વચન દીધું.

https://openbiblestories.org/l/kxp/story-21/

![](https://cdn.door43.org/obs/jpg/360px/obs-en-21-01.jpg)

પ્રારંભથી જ ઈશ્વરે મસિહને મોકલવાનું આયોજન કર્યું હતું. મસિહનું પરથમ વચન આદમ-હવા કને આવ્યું હતું. ઈશ્વરે વચન દિધુ કે, હવા દ્વારા એક વંશવેલો સર્જાશે અને એ એરુનું માથું છુંદશે. જે એરુએ હવાને ભૂલવી હતી એ શેતાન હતો. વચન નો અર્થ એ હતો કે મસિહ સંપૂર્ણ રીતે શેતાનને પરાસ્ત કરશે.

![](https://cdn.door43.org/obs/jpg/360px/obs-en-21-02.jpg)

ઈશ્વરે ઈબ્રાહિમને વચન દીધું, કે એના દ્વારા પૃથ્વીના હંધાય જાતિના લોકોને આશીર્વાદ મળશે. ભાવિકાળમાં જયારે મસિહ આવશે ત્યારે આ વચન પૂરું થાશે. એમની મારફતે એક-એક માનવજાતિનો મોક્ષ શક્ય બની શકશે.

![](https://cdn.door43.org/obs/jpg/360px/obs-en-21-03.jpg)

ઈશ્વરે મુસાને વચન દીધું કે ભાવિકાળમાં મૂસાની જેમ જ બીજા સંતો- મહંતોને ઉભો કરશે. મસિહ થોડાક જ વેળામાં આવવાના હતા. એની વિશે આ બીજુ વચન હતું.

![](https://cdn.door43.org/obs/jpg/360px/obs-en-21-04.jpg)

ઈશ્વરે દાઉદને વચન દીધું હતુ કે, એના પોતાનો જ એક વંશ ઈશ્વરના લોકો પર હરહંમેશ રાજ કરશે. એનો અર્થ એ હતો કે, મસિહ દાઉદના પોતાના વંશમાના રહેશે.

![](https://cdn.door43.org/obs/jpg/360px/obs-en-21-05.jpg)

સંત- મહંત યર્મિયા મારફતે ઈશ્વરે વચન દિધુ હતું કે, સિનાઈ ગઢ પર ઈઝ્રાયલ હારે કરાર કર્યો એમ નહિ, પરંતુ એક નવો જ કરાર સ્થાપવામાં આવશે. નવા કરારમાં ઈશ્વર લોકોના હૃદયપટ પર એના આદેશો કોતરશે. લોકો ઈશ્વરને વ્યક્તિગત રીતે ઓળખશે. તેઓ એમના લોકોમાના થશે. અને ઈશ્વર એમના પાપો માફ કરશે. મસિહ જ નવા કરારનો પ્રારંભ કરશે.

![](https://cdn.door43.org/obs/jpg/360px/obs-en-21-06.jpg)

ઈશ્વરના સંતો- મહંતોએ દર્શાવ્યું હતું કે, એ મસિહ એક સંત- મહંત, એક પુરોહિત અને એક રાજા હશે. સંત- મહંત એક વ્યક્તિ છે જે ઈશ્વરની વાણી સાંભળે છે અને પછી એ પ્રમાણે લોકોને જણાવે છે. જે મસિહને ઈશ્વરે આપવાનું વચન દીધું હતું, એ એક પૂર્ણરીતે મસિહા હશે.

![](https://cdn.door43.org/obs/jpg/360px/obs-en-21-07.jpg)

ઈઝ્રારાએલી પુરોહિતો લોકો માટે એમના પાપોની સજાને લીધે ઈશ્વરની આગળ બલિદાન ચઢાવનાર પાત્રો હતા. પુરોહિતો પણ લોકો હાટુ ઈશ્વરને પોકારનાર બન્યા. મસિહ એક સંપૂર્ણરીતે પ્રમુખ પુરોહિત થશે જે એક સંપૂર્ણ બલિદાન તરીકે પોતાને અર્પણ તરીકે આગળ ધરશે.

![](https://cdn.door43.org/obs/jpg/360px/obs-en-21-08.jpg)

રાજા એ વ્યક્તિ છે જે એક રજવાડા પર રાજ કરે છે અને એ લોકોનો ન્યાય કરે છે. મસિહ એક સંપૂર્ણ રાજા હશે. જે એના પૂર્વજ દાઉદના રાજસિંહાસન પર બિરાજશે. તેઓ સમસ્ત પૃથ્વી પર રાજ કરશે. અને હરહંમેશા પ્રમાણિકપણે અદલ ન્યાય તોળશે. અને યોગ્યતાની રૂએ નિર્ણયો લેશે.

![](https://cdn.door43.org/obs/jpg/360px/obs-en-21-09.jpg)

ઈશ્વરના સંતો- મહંતોએ મસિહને માટે ઘણી બધી એને વિષયક આગાહીઓના આલેખ ભાખ્યા હતા. માલાખી સંતે આગાહી કરી હતી કે મસિહ પહેલાં એક મહાન- પુરોહિત આવશે. એટલે કે, યશાયા પુરોહિતે ભવિષ્ય ભાખ્યું હતું કે, મસિહનો જન્મ કુંવારીને કૂખે થાશે. મીખાહ પુરોહિતે કહ્યું હતું કે એમનો જન્મ બેથલેહેમ નગરમાં થાશે.

![](https://cdn.door43.org/obs/jpg/360px/obs-en-21-10.jpg)

યશાયા પુરોહિતે ભાખ્યું હતું કે, મસિહ ગાલીલમાં વસશે. ભંગિત હૃદયોને દિલાસોજી કરશે, બંદીવાનોને આઝાદ થયેલા જાહેર કરશે અને કેદીઓને બંધનમુક્ત કરશે. એમણે ઇ વાતની પણ આગોતરી જાણ કરી હતી કે, મસિહ માંદા લોકોને નરવા કરશે અને જેઓ હાંભળવા, જોવા, બોલવા અથવા ચાલવા અશક્ત છે એમને નરવા કરશે.

![](https://cdn.door43.org/obs/jpg/360px/obs-en-21-11.jpg)

યશાયા પુરોહિતે એમ પણ ભાખ્યું હતું કે, મસિહનો વગર કારણે દ્વેષ કરવામાં આવશે અને ઇમનો તિરસ્કાર કરવામાં આવશે. અન્ય પુરોહિતોએ ભવિષ્ય ભાખતાં કીધું કે, જે લોકો મસિહને હણશે ઇ લોકો એમના ઉતરાયેલા લૂગડાં હાટુ જુગાર રમશે. અને એમનો જ એક મિત્ર મસિહને પકડવામાં મદદ કરશે. ઝખાર્યાહ પુરોહિતે આગાહી કરી કે જે મિત્ર મસિહને પકડવામાં મદદ કરશે એને દલાલી તરીકે ત્રીસ ચાંદીના સિક્કાની મ્હોર ચૂકવણી પેટે મળશે.

![](https://cdn.door43.org/obs/jpg/360px/obs-en-21-12.jpg)

પુરોહિતોએ એ પણ આલેખ્યું કે, મસિહનું મરણ કેવી રીતે થશે! યશાયાએ ભવિષ્ય આલેખતા કીધું કે, લોકો મસિહના મુખ પર થુંકશે, એમની હાંસી ઉડાવશે, અને એમને માર મારશે. તેઓ એમને વીંધી-પીંખી નાખશે. અને એમણે કાઈ ખોટું કર્યું ન હોવા છતાંય, ઇ અતિ દુઃખ અને કારમી યાતના ભોગવતા મરણ પામશે.

![](https://cdn.door43.org/obs/jpg/360px/obs-en-21-13.jpg)

પુરોહિતોએ ભવિષ્ય આલેખતા ઇ પણ ભાખ્યું કે, મસીહ કોઈપણ પાપ કર્યા વિનાના નકળંગ હશે. એ બીજા લોકોના પાપોને લીધે સજા ભોગવનાર તરીકે મૃત્યુ પામશે. એમને થયેલ દંડ ઇ ઈશ્વર અને માનવો વચ્ચે શાંતિ સ્થાપશે. એથી જ, ઈશ્વરની મહેચ્છા ઇ હતી કે તેઓ મસિહનો કચ્ચર ઘાણ કાઢીને કચડી નાખે.

![](https://cdn.door43.org/obs/jpg/360px/obs-en-21-14.jpg)

પુરોહિતોએ ભવિષ્ય આલેખતા એવું પણ કીધું કે મસિહ મૃત્યુ તો પામશે, પણ ઈશ્વર ઇમને મૃત્યુમાંથી સજીવન કરશે. મસિહના મરણ અને પુનરુત્થાન ( મરણમાંથી પાછા ઉઠવા) વડે, ઈશ્વર પાપીઓને બચાવવાની એમની યોજનાને પરિપૂર્ણ કરશે, અને એમ નવા કરારનો પ્રારંભ કરાવશે.

![](https://cdn.door43.org/obs/jpg/360px/obs-en-21-15.jpg)

રે પુરોહિતોને મસિહ વિષયક અનેક કથનો કહી હંભળાવ્યા, પરંતુ મસિહ એમાંના કોઈ પણ પુરોહિતોના કાળમાં આવ્યા નહોતા. આ અંતિમ ભવિષ્ય વાણીઓં આલેખવામાં આવી ઇના ૪૦૦ થી વધુ વરસોના કાળ પછી યોગ્ય સમયે ઈશ્વર સંસારમાં મસિહને મોકલશે.

*લમાંથી એક વાર્તા:ઉત્પત્તિ ૩: ૧૫; ૧૨: ૧-૩; પુનર્નિયમ ૧૮: ૧૫; ૨ શમૂએલ ૭; યર્મિયા ૩૧; યશાયા ૫૯: ૧૬; દાનીયેલ ૭; માલાખી ૪: ૫; યશાયા ૭: ૧૪; મીખાહ ૫: ૨; યશાયા ૯: ૧-૭; ૩૫: ૩-૫; ૬૧; ૫૩; ગીતશાસ્ત્ર ૨૨: ૧૮; ૩૫: ૧૯; ૬૯: ૪; ૪૧: ૯; ઝખાર્યા ૧૧: ૧૨-૧૩; યશાયા ૫૦: ૬; ગીતશાસ્ત્ર ૧૬: ૧૦-૧૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_21_128kbps.m4a

## 22. ૨૨ યોહાનનો જન્મ

https://openbiblestories.org/l/kxp/story-22/

![](https://cdn.door43.org/obs/jpg/360px/obs-en-22-01.jpg)

ગતકાળમાં, ઈશ્વરે દેવદૂતો અને સંતો- મહંતો મારફતે ઇમના લોકો હાથે સંવાદ કર્યો હતો. પરંતુ ઇ પછી ૪૦૦ વર્ષના વ્હાણા વિતા ગયા જેમાં તેમણે કોઈની હાથે વાર્તાલાપ કર્યો નહિ. અચાનક એક ઈશ્વરના દૂત, ઝખાર્યા નામના વયોવૃદ્ધ પુરોહિત કને ઈશ્વરનો સંદેશ લાયવ્યો. ઝખાર્યા અને ઇની બાઈ એલિઝાબેથ ઈ પરભુ પરાયણ લોકો હતા, પણ ઈમને બાળક પ્રસવ થાય એવી કોઈ શક્યતા નોહતી.

![](https://cdn.door43.org/obs/jpg/360px/obs-en-22-02.jpg)

દૂતે ઝખાર્યાને કીધું, “તારી બાઈને પુત્ર પ્રસવ થાશે. એનું તું નામ યોહાન પાડીશ એ પવિત્ર આત્માથી ભર્યો- ભર્યો થાશે અને ઇ મસિહા (મોક્ષદાતા) માટે લોકોને સાવધ કરશે!” ઝખાર્યાએ કીધું, “મારી બાઈ અને હું બાળકો પેદા કરવા હાટુ ઘણા વૃદ્ધ છીએ. અને તેમે કહો છો ઇ હંધુય થાશે ઇ મને કઈ રીતે જણાશે? "

![](https://cdn.door43.org/obs/jpg/360px/obs-en-22-03.jpg)

દૂતે ઝખાર્યાને કિધુ, “તમને આ શુભ સમાચાર દેવા હાટુ ઈશ્વરે મને મોકલ્યો છે. બાળકનો જન્મ જ્યાં લગણ ના થઈ જાય ન્યા લગણ તું વાણી ઉચ્ચારી શકીય નહિ. કારણ કે, તેં મારી વાત પર ભરોસો કર્યો નહિ. ” એ જ પળે ઝખાર્યાની બોલવાની શક્તિ ગુમાવી બેઠો. પછી ઈશ્વરનો દૂત ઝખાર્યા કનેથી હાલ્યો ગ્યો. ઇ પછી, ઝખાર્યા ઘરે પાછો ફર્યો અને ઇની બાઈને સારા દિવસો શરૂ થયા.

![](https://cdn.door43.org/obs/jpg/360px/obs-en-22-04.jpg)

જયારે એલિસાબેથ છ મહિના ગર્ભે હતી, ત્યારે અચાનક ઇ જ સ્વર્ગદૂત એલિઝાબેથના એક સંબંધી કને દેખાયો અને ઇ સંબંધીનું નામ મરિયમ હતું. એ કુંવારી હતી. અને એનુ સગપણ યૂસફ નામના એક જણ હારે થ્યું હતું. દૂતે ઇ કુંવારી મરિયમને કિધુ, તને હારા દાહડા થશે અને તુ એક દીકરાને જણીશ,જેનું નામ તુ ઈસુ રાખજે. એ હંધાયથી ઉચાં ઈશ્વરના દીકરા હશે અને હરહંમેશ સર્વ જાતિઓ અને કુળો પર રાજ કરશે. ”

![](https://cdn.door43.org/obs/jpg/360px/obs-en-22-05.jpg)

મરિયમે જવાબ દીધો "આ તે કેવી રીતે બની શકે? હું તો એક કુંવારી કન્યા છું! ઈશ્વરના દૂતે સમજણ દેતા કીધું, “પવિત્ર આત્મા તારા પર આવશે, અને ઈશ્વરની મહામોટી શક્તિ તારા ઉપર રહેશે.. એટલે ઇ બાળક પવિત્ર થશે કારણકે ઇ ઈશ્વરના દીકરા છે. "મરિયમે દૂતની વાણી પર ભરોસો કરીને વાતનો સ્વીકાર કર્યો.

![](https://cdn.door43.org/obs/jpg/360px/obs-en-22-06.jpg)

ઈશ્વરના દૂતની વાણી પછી તરત જ મરિયમ એલિસાબેથને મળવા પ્હોચી. જયારે એલિસાબેથે મરિયમના હારા દાહડાની શુભવાત સાંભળી કે તરત જ ઇના પેટમાં બાળકે કુદકો માર્યો. ઈ બેઉ બાઈઓ ઈશ્વરે ઈમના હાટુ જે મહાકામ કર્યું હતું ઇ હારું ખૂબ જ હરખાતી હતી. ત્રણ મહિના પછી મરિયમ એલિસાબેથને મળીને ઘરે પરત ફરી.

![](https://cdn.door43.org/obs/jpg/360px/obs-en-22-07.jpg)

ાબેથે દીકરાને જન્મ આપ્યો, પછી ઈશ્વરના દૂતનાં કીધા પ્રમાણે, ઝખાર્યા અને એલિસાબેથે ઇ બાળકનું નામ યોહાન પાડ્યું. ઈશ્વરે ફરી ઝખાર્યાને બોલતો કિધો. ઝખાર્યાએ કહ્યું, “ ઈશ્વરનો મહિમા થાઓ, કારણ કે એમણે એમની પ્રજાને સ્મરણમાં રાખી છે! મારા દીકરા તું સર્વાધિપતિ ઈશ્વરનો સંત તરીકે ઓળખાઇશ, જે લોકોને પોતાના પાપોની માફી કેવી રીતે મેળવવી એ દેખાડશે!”

*લમાંથી એક વાર્તા: લૂક ૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_22_128kbps.m4a

## 23. ૨૩. ઈસુનો જન્મ

https://openbiblestories.org/l/kxp/story-23/

![](https://cdn.door43.org/obs/jpg/360px/obs-en-23-01.jpg)

મરિયમનું સગપણ યૂસફ નામના એક નીતિમાન જણ હાર્યે થયું હતું. એણે હાંભળ્યું કે, હાલ મરિયમને પેટે હારા દાહડા હાલી રહ્યા છે અને ઇ બાળક ઈના પોતાના પંડનું નથી. ઇ હંધુય જાણતો હોવા છતાંય ઈ મરિયમને બદનામ (કલંકિત) કરવા માંગતો ન હતો. એટલે ઈણે શાંતિથી ઇને છૂટા-છેડા દેવાનું મનોમન નક્કી કર્યું હતું. આ બાબતે કંઈ પગલું ભરે ઈ પહેલા તો ઈશ્વરના દૂતે ઇને સપનામાં આવીને, એની હારે સંવાદ કયોં.

![](https://cdn.door43.org/obs/jpg/360px/obs-en-23-02.jpg)

દૂતે કીધું, “યૂસફ, મરિયમને તારી બાઈ હમજીને તેડી લાવવામાં ડરીશ મા. ઈને જે બાળક છે એ પવિત્ર આત્માથી છે. ઈ એક દીકરાને જણશે ઇનુ નામ તું “ઈસુ” પાડજે (એનો અર્થ’, ઈશ્વર બચાવે છે) કારણ કે ઈ લોકોને એમના પાપોમાંથી તારશે. "

![](https://cdn.door43.org/obs/jpg/360px/obs-en-23-03.jpg)

એટલે યૂસફે મરિયમ હાર્યે વિવાહ કરી એને ઘરે લઇ આવ્યો. બાળકનો જન્મ ન થઈ જાય ન્યા લગણ ઈ એના શરીર હાર્યે કોઈ સબંધમાં આવ્યો નહિ.

![](https://cdn.door43.org/obs/jpg/360px/obs-en-23-04.jpg)

જયારે મરિયમને બાળકનો જન્મ દેવાની વેળા પાહે આવે એમ હતી ત્યારે, રોમન રજવાડાની હકૂમતે હંધાયને એમના પૂર્વજો જ્યાં વસતા હતા ન્યા ઇ વતનના નગરમાં જઈને વસ્તી ગણતરીમાં પોતાના નામની નોધણી કરવા હુકમ કર્યો. એથી યૂસફ અને મરિયમને નાઝરેથથી બેથેલહેમ પહોંચવા હાટુ લાંબી મુસાફરી કરવી પડી. કારણ કે, ઈમના પૂર્વજ દાઉદ હતા અને ઇમનું માદરે વતન બેથેલહેમ હતું.

![](https://cdn.door43.org/obs/jpg/360px/obs-en-23-05.jpg)

જયારે તેઓ બેથલેહેમમાં પુગ્યા ત્યારે ઇમને રોકાવા ધર્મશાળામાં કોઈ જગા ખાલી નોહતી . તેઓ ઘણી મેહનત પછી એક જગા ગોતી શક્યા જે પશુઓની ગમાણ હતી. અને ન્યા બાળકનો જન્મ થયો અને ઇની માએ ઈને ગમાણમાં પોઢાડયું કારણ કે, ઇમની પાહે આસન ન હતું. એમણે ઈનું નામ “ઈસુ” રાયખ્યું.

![](https://cdn.door43.org/obs/jpg/360px/obs-en-23-06.jpg)

ઇ રાત્રે, કેટલાયેક ભરવાડો, પાહેની સીમમાં ઇમના ઘેટાંઓની રખેવાડી કરતા હતા. અચાનક એક અજવાળે ભરેલો દૂત ઇમની આગળ પ્રગટયો. અને તેઓ ડરી ગયા. દૂતે તેઓને કીધું, “ ડરો માં, કારણ કે તમારે હાટુ મારી પાંહે ખુબ જ શુભ સમાચાર છે. મસિહ (મોક્ષદાતા), સ્વામી, બેથલેહેમમાં જન્મી ચુક્યા છે!”

![](https://cdn.door43.org/obs/jpg/360px/obs-en-23-07.jpg)

"જાઓ અને બાળકને ગોતો. ઇ તમને લૂગડાંમાં લપેટેલો અને ગમાણમાં પોઢેલો મળશે. ”અચાનક, આકાશ ધૂન ગાતા દેવદૂતોની મંડળીથી ભરાઈ ગ્યું, તેઓ ધૂનમાં ગાતા હતાં કે, “આકાશમાં ઈશ્વરનો મહામોટો મહિમા થાય છે અને એમણે ચુંટી કાઢેલા લોકોને આ ધરા પર મહાશાંતિ મળે. ‘’

![](https://cdn.door43.org/obs/jpg/360px/obs-en-23-08.jpg)

થોડા જ સમયમાં ભરવાડો ઈસુ જ્યાં જન્મ્યા'તા એ જગાને ગોતી કાઢીને પૂગ્યા અને એમને દૂતે કીધું હતું ઇ જ પ્રમાણે ગમાણમાં એક બાળકને લૂગડાંમા લપેટેલો ઇમણે ભાળ્યો. તેઓ ઘણા હરખાયેલા હતા. મરિયમનો હરખ પણ માંતો ન હતો. હવે ભરવાડોએ જે હાભળ્યું તથા ભાળ્યું એ હારૂ તેઓ ઈશ્વરની વધામણીના ગીતો ગાતા ઇમના ઘેટાઓ જ્યાં હતા ઇ સીમોમાં પાછા ફર્યા.

![](https://cdn.door43.org/obs/jpg/360px/obs-en-23-09.jpg)

થોડીક જ વેળા પછી, પૂર્વમાં દૂર દેશાવરમાં મહાજ્ઞાની પુરુષોએ નભમાં એક અજુગતો તારલિયો ભાળ્યો. ઈમને ઇનો અરથ ન હમજાણો કે ઇ તો યહૂદીઓનો એક નવો રાજા જન્મ્યો છે એની એંધાણી છે. પણ તેઓ ઇ જાણવાની હોશને લીધે લાંબી મજલની મુસાફરી આદરી. તેઓ બેથલહેમમાં પૂગ્યા અને ઈસુને અને ઇમના મા-બાપ જ્યાં હતા ન્યા ઇ ઓરડીને ગોતી.

![](https://cdn.door43.org/obs/jpg/360px/obs-en-23-10.jpg)

ે મહાજ્ઞાનીઓએ ઈસુને ઇમના મા-બાપની હાર્યે ભાળ્યા ત્યારે એમણે નમીને ઈસુનુ ભજન કરિયું. ઇમણે ઈસુને અણમોલ સોગાદો ચરણે ઘરી. પછી તેઓ પોતાના મલક પાછા ફર્યા.

*લમાંથી એક વાર્તા: માથ્થી ૧; લૂક ૨*

Audio: https://git.door43.org/OBS-TLF/kxp_obs/releases/download/v1/kxp_obs_v1_23_128kbps.m4a

## 24. ૨૪. યોહાન ઈસુને બાપ્તિસ્માં સંસ્કાર આપે છે.

https://openbiblestories.org/l/kxp/story-24/

![](https://cdn.door43.org/obs/jpg/360px/obs-en-24-01.jpg)

ઝખાર્યા અને એલિસાબેથનો દીકરો યોહાન મોટો થયો અને સંત બન્યો. એ વન-વગડે વસતો હતો. જંગલી મધ અને તીડ આરોગતો હતો, અને ઊંટ (સાંઢિયા)ના વાળથી વણેલા લૂગડા પહેરતા હતો.

![](https://cdn.door43.org/obs/jpg/360px/obs-en-24-02.jpg)

ઘણાય લોકો યોહાનને હાંભળવાને હાટુ વન-વગડે આવતા હતા. એણે તેઓને બોધ દેતા કીધું કે, પસ્તાવો કરો, કારણ કે ઈશ્વરનું રાજ આવવું ઘણું પાહે સે!”

![](https://cdn.door43.org/obs/jpg/360px/obs-en-24-03.jpg)

લોકોએ જયારે યોહાનનો બોધ હાંભળ્યો ત્યારે, ઈમાંના ઘણાએ પોતાના પાપનો પસ્તાવો કર્યો, અને યોહાને ઇમને બાપ્તિસ્મા (જળ સંસ્કાર) આપ્યું. ઘણા ધર્મગુરુઓ પણ યોહાનથી પવિત્ર જળસંસ્કાર પામવા આવ્યા હતા. પણ એમણે પસ્તાવો કરીયો નહિ અને માફી પણ માંગી નહિ.

![](https://cdn.door43.org/obs/jpg/360px/obs-en-24-04.jpg)

યોહાને એવાં ધર્મગુરુને કીધું, “તમે ઝેરીલા એરુઓ છો! પસ્તાવો કરો અને તમારી કરણીઓ સુધારો. એક-એક ઝાડ જે સારા ફળ દેતું નથી ઇને કાપી નાખવામાં આવશે અને ઇને આગમાં ફેકી દેવામાં આવશે. ” ઈશ્વરે અગાઉના સંતો- મહંતો મારફતે યોહાન વિશે જે કીધું હતું એ પૂરું કર્યું કે “જો હું તમારી પહેલા મારા સંદેશવાહકને મોકલીશ, જે તમારા માટે કેડી કંડારશે.

![](https://cdn.door43.org/obs/jpg/360px/obs-en-24-05.jpg)

કેટલાક યહુદીઓએ યોહાનને પૂછ્યું કે, તું આવનાર મસિહ છે? યોહાને જવાબ દેતા કીધું કે, “હું મસિહ નથી, પણ મારી વાંહે જે આવી રહ્યા છે ઇ મહામોટા છે. એવા મહાન સે કે, ઇમના પગરખાની વાધરી છોડવાને પણ હું લાયક નથ.

![](https://cdn.door43.org/obs/jpg/360px/obs-en-24-06.jpg)

બીજે દાહડે, ઈસુ યોહાન કને જળ સંસ્કાર પામવા હાટુ આવિયા. જયારે યોહાને ઇમને ભાળ્યા, ત્યારે કીધું, "જુઓ! આ ઈશ્વરના બલિ છે કે જે જગતના પાપોને દૂર કરશે. ”

![](https://cdn.door43.org/obs/jpg/360px/obs-en-24-07.jpg)

યોહાને ઈસુને કીધું, હું તમને જળસંસ્કાર આપવાને લાયક નથી. ખરેખર તો તમારે મને જળસંસ્કાર જોઈએ. "ઈસુએ કીધું કે, "તું મને જળસંસ્કાર દે, કારણ કે ઇ કરવું ઘટારત છે. એટલે ઈસુએ કોઈપણ પાપ કર્યું ન હોવા છતાંય સંતો-પુરોહિતોના અગમ નિગમના આલેખને પુરા કરવા યોહાને ઈસુને પવિત્ર જળસંસ્કાર દિધો.

![](https://cdn.door43.org/obs/jpg/360px/obs-en-24-08.jpg)

ઈસુ પાણીથી જળસંસ્કારની વિધિ સંપન કર્યા પછી પાણીમાંથી જેવા બહાર આવ્યા કે તરત જ ઈશ્વરનો આત્મા પારેવાના સ્વરૂપમાં આકાશથી ઉતર્યો અને એમના પર મંડરાયો. ઇ જ વેળાએ આકાશમાંથી ઈશ્વરની વાણીનો અવાજ હંભળાયો કે, "આ મારો વહાલો દીકરો સે, અને હું એનાથી ઘણો જ પ્રસન્ન છું. "

![](https://cdn.door43.org/obs/jpg/360px/obs-en-24-09.jpg)

રે યોહાનને કીધું, "પવિત્ર આત્મા નીચે ઉતરશે અને જે કોઈ વ્યક્તિ કે, જેને તમે જળસંસ્કાર દેશો એના પર મંડાશે એટલે ઇ વ્યક્તિ ઈશ્વરનો દીકરો છે. યાદ રાખો "માત્ર એક જ ઈશ્વર છે.” યોહાને ઈસુને જળસંસ્કાર દિધુ ઇ વેળાએ, એણે ઈશ્વર બાપને બોલતાં હાંભળ્યા, ઈશ્વરનાં દીકરા ઈસુને ભાળ્યા અને પવિત્ર આત્માને અનુભવ્યા.

*લમાંથી વાર્તા:માથ્થી ૩; માર્ક ૧: ૯-૧૧; લુક ૩:૧-૨૩*

Audio: https://git.door43.org/OBS-TLF/kxp_obs/releases/download/v1/kxp_obs_v1_24_128kbps.m4a

## 25. ૨૫. શેતાન વડે ઈસુનું પરીક્ષણ થાય છે.

https://openbiblestories.org/l/kxp/story-25/

![](https://cdn.door43.org/obs/jpg/360px/obs-en-25-01.jpg)

પવિત્ર જળસંસ્કાર પામ્યા પછી પવિત્ર આત્મા ઈસુને વનવગડે લઇ ગયા ન્યાં એમણે ૪૦ (ચાળીસ) દાહડા અને ૪૦ (ચાળીસ) રાત નકોરડા ઉપવાસ કરીયા. આ સમયે શેતાન ઈસુ કને આવ્યો અને ઈસુ પાપમાં પડે એટલા હાટુ તેણે એમનું પરીક્ષણ કયરુ.

![](https://cdn.door43.org/obs/jpg/360px/obs-en-25-02.jpg)

શેતાને ઈસુને પ્રલોભનમાં નાંખવા હાટુ કીધું કે, જો તું ઈશ્વરનો દીકરો હોય, તો આ પા'ણાને કહે કે ઇ રોટલો બની જાય જેથી તમે ખાઈ શકો!"

![](https://cdn.door43.org/obs/jpg/360px/obs-en-25-03.jpg)

ઈસુએ જવાબ દીધો કે, ઈશ્વરના વચનમાં લયખું સે કે, માણહ કેવળ રોટલીથી જ નહિ પણ ઈશ્વરના પવિત્ર મુખમાંથી નીકળતા હરેક વચન માત્રથી જીવી હકે છે.

![](https://cdn.door43.org/obs/jpg/360px/obs-en-25-04.jpg)

ઇ પછી શેતાન ઈસુને મંદિરના સૌથી ઊંચા મિનારા પર લઈ ગ્યો અને કીધું કે, જો તમે ઈશ્વરના દીકરા સો, તો અહીંયાથી હેઠે ઠેકડો મારો. કારણ કે લયખું સે કે, ‘ઈશ્વર પોતાના દૂતોને આદેશ કરહે એટલે તેઓ તમને ઇમની હથેળીમાં ઝીલી લેવા આવી જાહે જેથી તમારા પગો પાણા પર પછાડાશે નહિ.

![](https://cdn.door43.org/obs/jpg/360px/obs-en-25-05.jpg)

પરંતુ ઈસુએ શેતાનને પવિત્ર ગ્રંથમાંથી વચન કીધું કે,’’ એમ લયખુ સે કે, તમારા પ્રભુ, તમારા ઈશ્વરનું પરીક્ષણ તમારે કદાપી કરવું નહિ.’’

![](https://cdn.door43.org/obs/jpg/360px/obs-en-25-06.jpg)

ઇ પછી શેતાન ઈસુને પૃથ્વીના હંધાય રાજ-રજવાડા અને એનો હંધોય દેખાડ્યો અને કીધું કે ,જો તું પગે પડીને મારું ભજન કરે તો આ હંધુય હું તને દઈ દઈશ.

![](https://cdn.door43.org/obs/jpg/360px/obs-en-25-07.jpg)

ઈસુએ જવાબ દેતા કીધું કે, અરે આધો જા શૈતાન ! મારી કનેથી હાલતો થા! ઈશ્વરના વચનમાં એમણે એમના લોકોને આદેશ દેતા ખાસ જણાવેલું સે કે, પ્રભુ તારા ઈશ્વરનું જ ભજન કર અને કેવળ એમની જ સેવા કર.

![](https://cdn.door43.org/obs/jpg/360px/obs-en-25-08.jpg)

શેતાન એમને મૂકીને હાલ્યો ગ્યો. કેમકે ઈસુ ઇના પરીક્ષણોથી લગીરે બદલાયા નહિ. પછી દૂતોએ ઈસુની કને આવીને એમની સેવા કરી.(પગચંપી કરી)

*લમાંથી એક વાર્તા:માથ્થી 4:1-11; માર્ક 1:12-13; લૂક 4:1-13*

Audio: https://git.door43.org/OBS-TLF/kxp_obs/releases/download/v1/kxp_obs_v1_25_128kbps.m4a

## 26. ૨૬. ઈસુએ પોતાના સેવાકાર્યનો આરંભ કર્યો

https://openbiblestories.org/l/kxp/story-26/

![](https://cdn.door43.org/obs/jpg/360px/obs-en-26-01.jpg)

શેતાનના પરીક્ષણોમાંથી હેમખેમ પાર ઉતર્યા પસી ઈસુ જ્યાં વસતા હતા ઇ ગાલીલના મલકમાં પવિત્ર આત્માની શક્તિ સાથે પરત ફર્યા. ઈસુ લોકોને શીખવવા હાટુ એક જગાએથી બીજી જગાએ ગ્યા. હરેક લોકો ઇમના બારામાં હારી જ વાત્યું વાગોળી.

![](https://cdn.door43.org/obs/jpg/360px/obs-en-26-02.jpg)

ઈસુ જ્યાં ઉછર્યા હતા ન્યા નાઝરેથ નગરમાં ગ્યા. વિશ્રામવારના દાહડે ઈ પ્રાર્થનાના સ્થાનકે ગ્યા. ત્યાના સભાજનોએ ઇમને પવિત્રગ્રંથમાંથી યશાયા સંતનું ખંડનું વાંચન કયરું. ઈસુએ પવિત્રગ્રંથ ખોલ્યો અને ઇમાનો એક વિભાગ સભાજનોની આગળ વાંચી હંભળાવ્યો.

![](https://cdn.door43.org/obs/jpg/360px/obs-en-26-03.jpg)

ઈસુએ વાંચ્યું, "ગરીબોને સુવાર્તા દેવા, કેદીઓને બંધનમુક્ત કરવા, આંધળાને દૃષ્ટિ દેવા અને શોષિતોને આઝાદ કરવાને હાટુ ઈશ્વરે મને એમનો આત્મા દીધો સે”. વરહની જે આ વેળા સે, ઇ ઈશ્વર કૃપાની વેળા સે.

![](https://cdn.door43.org/obs/jpg/360px/obs-en-26-04.jpg)

ઇ વાંચીને પછી ઈસુ હેઠા બેઠા. હંધાય સભાજનો ઈમને એકીટસે જોઈ રહ્યા. એમણે ગ્રંથમાંથી મસીહા વિશે જે વિભાગ વાયચો હતો, ઇ સભાજનો પહેલેથી જ જાણતા હતા. ઈસુએ કીધું કે, "જે શબ્દો મેં વાંચી હંભળાવ્યા છે ઇ આ વેળાએ બધું જ થઈ રહ્યું સે. "હંધાય સભાજનો અચંબિત (અવાક) થઈ ગયા. ને કહેવા લાગ્યા "હુ આ યૂસફનો દીકરો નથ?" એમણે પૂછ્યું,

![](https://cdn.door43.org/obs/jpg/360px/obs-en-26-05.jpg)

એટલે ઈસુએ વળતો જવાબ દેતા કીધું કે, ઇ હાવ હાચું જ છે કે, કોઈપણ સંત-મહંતનો ઇમના પોતાના જ મલકમાં આદર થતો નથ. એલિયા જે સંત હતો ઇ વેળાએ ઇઝ્રારાએલમાં ઘણી વિધવાઓ હતી. પણ જ્યારે સાડા ત્રણ વર્ષ લગી વરસાદ ન વરહયો ત્યારે, ઈશ્વરે એલિયાને ઇઝ્રારાએલી વિધવાની પાહે નય, પણ ઇને બદલે પરદેશની વિધવા કને મદદ લેવાને હાટુ મોકલ્યો હતો. "

![](https://cdn.door43.org/obs/jpg/360px/obs-en-26-06.jpg)

આગળ વાત વધારતા ઈસુએ કિધુ, " એલિશા સંતની વેળાએ, ચર્મરોગથી પીડિત ઇઝ્રારાએલમાં ઘણા લોકો હતા. પરંતુ ઇમાંથી એલિશાએ કોઈને નરવા કર્યા નહોતા. પણ એમણે કેવળ નામાન સેનાપતિ નો કોઢ મટાડયો હતો. જે ઇઝ્રારાએલના શત્રુનો સેનાપતિ હતો. જે સભાજનો ઈસુને હાંભળતા હતા ઇ હંધાય યહૂદીઓ હતા. ઈસુને આવુ કથન કહેતા હાંભળીને તેઓ કોપાયમાન થ્યા.

![](https://cdn.door43.org/obs/jpg/360px/obs-en-26-07.jpg)

નાઝરેથના લોકોએ ઇમને સ્થાનકમાંથી બહાર તગેડી દીધા. અને ઇમને રેહશી નાખવા હાટુ એક પ્હાડની ધાર કને લઈ ગયા. પરંતુ ઈસુ એ ભીડની વચાળેથી છટકીને નીકળી ગ્યા. અને નાઝરેથનું નગર છોડીને હાલ્યા ગ્યા.

![](https://cdn.door43.org/obs/jpg/360px/obs-en-26-08.jpg)

એ પછી ઈસુ ગાલીલના મલકમાં ગયા. અને મોટી સંખ્યામાં ભીડ એમની કને આવી પ્હોંચી. અને લોકો માંદા, ચાલવા, ભાળવા, સાંભળવા અને બોલવામાં લાચાર એવા વિકલાંગ લોકોને એમની કને લાવ્યા, અને ઈસુએ એમને નરવા કરી દીધા.

![](https://cdn.door43.org/obs/jpg/360px/obs-en-26-09.jpg)

ઘણા લોકોમાં દુષ્ટ આત્માઓ હતી. એવાઓને ઈસુ પાસે આણવામાં આવ્યા. ઈસુના આદેશમાત્રથી, દુષ્ટઆત્માઓ લોકોમાંથી બહાર નીકળી આવ્યા, અને ઘણીવાર એ દુષ્ટઆત્માઓ પોકારતા કે, "તું ઈશ્વરનો દીકરો સે! "એટલે ભીડમાંના લોકો અચંબિત થતા હતા અને ઈશ્વરની સ્તુતિ કરતા હતા.

![](https://cdn.door43.org/obs/jpg/360px/obs-en-26-10.jpg)

ી ઈસુએ બાર જણને ચુંટ્યા, જેઓ પ્રેરિત સંતો કહેવાયા. ઈ સંત પ્રેરિતો ઈસુની સંગાથે મુસાફરીઓ કરી અને એમની કનેથી શિક્ષણ મેળવ્યું.

*લમાંથી એક વાર્તા:માથ્થી ૪: ૧૨-૨૫; માર્ક ૧:૧૪-૧૫, ૩૫-૩૯; ૩:૧૩-૨૧; લૂક ૪:૧૪-૩૦, ૩૮-૪૪*

Audio: https://git.door43.org/OBS-TLF/kxp_obs/releases/download/v1/kxp_obs_v1_26_128kbps.m4a

## 27. ૨૭. દયાળુ સમરૂનીની કથા

https://openbiblestories.org/l/kxp/story-27/

![](https://cdn.door43.org/obs/jpg/360px/obs-en-27-01.jpg)

એક’દી એક યહૂદી ધર્મશાસ્ત્રનો જાણકાર ઈસુના જ્ઞાનની કસોટી કરવા હાટુ એમની કને આવ્યો અને પૂયછું કે, અનંત જીવન મેળવવા હાટુ મારે હું કરવું જોઈએ?" ઈસુએ જવાબ દેતા કીધું કે " ઈશ્વરના નિયમગ્રંથમાં હું લયખ્યું સે?"

![](https://cdn.door43.org/obs/jpg/360px/obs-en-27-02.jpg)

શાસ્ત્રના જાણકારે ઉત્તર દેતા કીધું કે, ઈશ્વરનો નિયમ શીખવાડે સે કે, "તમારા ઈશ્વરને પૂરેપૂરા હૃદયથી, પૂરેપૂરા આત્માથી, પૂરેપૂરી શક્તિથી અને પૂરેપૂરી બુદ્ધિથી પ્રેમ કરો અને જેમ તમે પોતાની જાતને પ્રેમ કરો સો ઇમ જ તમારા પાડોશી પર પણ પ્રેમ રાખો. "ઈસુએ ઉત્તર દેતા કીધુ કે, તું હાચો છે! જા ને ઇ પ્રમાણે કર કે તું જીવતો રહે.”

![](https://cdn.door43.org/obs/jpg/360px/obs-en-27-03.jpg)

ુધર્મશાસ્ત્રનો જ્ઞાતા ઈસુની આગળ પોતાને પ્રામાણિક દેખાડવા ચાહતો હતો કે, પોતે નીતિમાન જણ છે. એટલે ઇણે પૂયછું કે, "મારો પાડોશી કોણ સે?"

![](https://cdn.door43.org/obs/jpg/360px/obs-en-27-04.jpg)

એક કથા હંભળાવતા કીધુ કે, "એક યહૂદી માણસ યરુશાલેમથી યરિખો ગામ બાજુ મુસાફરી કરતો હતો."

![](https://cdn.door43.org/obs/jpg/360px/obs-en-27-05.jpg)

ળાએ મારગમાં બહારવટિયા ની એક ટોળીએ એના પર હુમલો કરીને એનું હંધુય લૂટી લીધુ અને ઇને મરણતોલ ઢીકા-પાટુ કરી ન્યાંથી હાલ્યા ગ્યા. "

![](https://cdn.door43.org/obs/jpg/360px/obs-en-27-06.jpg)

"થોડી વેળા પછી, એક યહૂદી પુરોહિત એ મારગેથી પસાર થ્યો. લુટાયેલા અને અધમૂઆ થયેલા આ જણને ઇ ધાર્મિક આગેવાને જયારે ભાળ્યો, ત્યારે એણે પોતાનું મોઢું અવળું ફેરવીને મારગની ઓલી કોરથી હાલતો થ્યો.

![](https://cdn.door43.org/obs/jpg/360px/obs-en-27-07.jpg)

"થોડી વેળા પછી એક લેવી ઇ મારગે આવ્યો. (લેવીઓ એટલે યહૂદિઓંની એક જાતિ છે જે સ્થાનકમાં સંત-પુરોહિતોને પૂજાપાઠમાં મદદ કરનાર ) લેવીએ પણ આ મરણતોલ જણને ભાળીને મારગ ફંટાવીને બીજી કોરે હાલતો થ્યો.

![](https://cdn.door43.org/obs/jpg/360px/obs-en-27-08.jpg)

આ મારગે આવતો એક બીજો જણ જે સમરૂની હતો. (સમરૂની જાતિ ઇ યહૂદીઓના જ વંશજો હતા. પણ ઇમણે પરદેશી લોકોની હારે વિવાહ કર્યા હતા.) આ સમરૂનીઓ અને યહૂદીઓ પરસ્પર એકમેકનો તિરસ્કાર કરતા હતા.) પણ જયારે સમરૂનીએ યહૂદી માણસને તરફડતો ભાળ્યો એટલે ઇના પર એને દયા આવી એટલે એણે એની કાળજી લીધી અને ઇના ઘા પર પાટો બાંધ્યો.”

![](https://cdn.door43.org/obs/jpg/360px/obs-en-27-09.jpg)

એટલું જ નહિ પણ ઇ સમરૂની એને પોતાના ગધેડા પર બેહાડીને મારગ કાંઠે આવેલી એક ધરમશાળામાં લઈ ગ્યો અને એની હંભાળ લીધી.

![](https://cdn.door43.org/obs/jpg/360px/obs-en-27-10.jpg)

"બીજા દાહડે, સમરૂનીએ મુસાફરી કરવી જ પડે એમ હતી. એટલે એણે ધરમશાળામાં કર્મચારીને થોડાક નાણા દીધા અને કીધું, ‘આની સંભાળ રાખજો, અને જો આના કરતાં કાંઈ વધારે નાણાંનું ખરચ થાય તોય ખરચ કરજો હું પાછા વળતે દઈ દઈશ.”(ચૂકતે કરીશ)

![](https://cdn.door43.org/obs/jpg/360px/obs-en-27-11.jpg)

ઇ પછી ઈસુએ બંધારણના જ્ઞાતાને પૂયછું કે તું હું વિચારે સે? આ ત્રણેય જણમાંથી ઓલા ઘવાયેલા જણનો હાચો પડોશી કોણ થયો કહેવાય? "એણે જવાબ દીધો કે," જે માણહે દયા કરી ઇ”. ઈસુએ એને કીધું કે, "તું જા અને ઇ જ પ્રમાણે કર.

*બાઈબલમાંથી એક વર્તા:લૂક ૧૦:૨૫-૩૭*

Audio: https://git.door43.org/OBS-TLF/kxp_obs/releases/download/v1/kxp_obs_v1_27_128kbps.m4a

## 28. ૨૮. જુવાન ધનવાન અધિકારી

https://openbiblestories.org/l/kxp/story-28/

![](https://cdn.door43.org/obs/jpg/360px/obs-en-28-01.jpg)

એક દહાડે, એક ધનવાન જુવાન અધિકારીએ ઈસુ કને આવીને પૂયછું કે, "હે ઉત્તમ બોધકાર! " અનંત જીવન મેળવવા હાટુ મારે હું કરવું જોઈએ? ઈસુએ ઇને કહ્યું, તું શા હારું મને 'ઉત્તમ' કહે છે? કેવળ એક જ છે જે ઉત્તમોત્તમ છે, અને ઇ ઈશ્વર જ છે. પણ જો તું અનંતજીવન મેળવવા ઈચ્છતો હોય તો ઈશ્વરના આદેશોનું પાલન કર.

![](https://cdn.door43.org/obs/jpg/360px/obs-en-28-02.jpg)

કયો આદેશ મારે પાળવો જોઈએ? "એણે પૂછ્યું. એટલે ઈસુએ જવાબ દીધો, "હત્યા કરવી નહિ. વ્યભિચાર કર મા. ચોરી કર મા. ખોટુ બોલ મા. તારા મા અને બાપનો આદર કર, અને તારા પાડોશીને તારી જાતની માફક જ પ્રેમ કર. "

![](https://cdn.door43.org/obs/jpg/360px/obs-en-28-03.jpg)

ઇ સાંભળીને જુવાને ઉત્તર દીધો કે, આ હંધાય આદેશો તો હું પાળું સુ. પણ હજીએ વધારે હું શું કરું જેનાથી મને અનંતજીવન મળે? "ઈસુએ એને ભાળ્યો અને એને વ્હાલ કર્યો.

![](https://cdn.door43.org/obs/jpg/360px/obs-en-28-04.jpg)

આગળ ઈસુએ જવાબ દેતા કિધુ કે, જો તું સંપૂર્ણ થાવા ઈચ્છતો હોય તો, પછી જા અને જે કાંઈ તારી કને છે એ હંધુય વેચી નાખ અને જે નાણા ઉપજે ઈ હંધાય ગરીબોમાં વ્હેચી દે એટલે તને સ્વર્ગમાં ખજાનો લાધશે. ઇ પછી આવ અને મારી વાંહે હાલવા મંડ. ”

![](https://cdn.door43.org/obs/jpg/360px/obs-en-28-05.jpg)

જુવાન માણસને જયારે ઈસુએ જે કાંઈ કિધુ ઇ હાંભળ્યું, ત્યારે ઇ ખૂબ જ ઢીલો થઈ ગ્યો. કારણ કે ઇ ઘણો જ સંપતિવાન હતો. અને ઇ સંપત્તિનો ત્યાગ કરવા માંગતો ન હતો. ઇ ન્યાથી પાછો વળીને ઈસુ કનેથી હાલતો થ્યો.

![](https://cdn.door43.org/obs/jpg/360px/obs-en-28-06.jpg)

ઇ પછી ઈસુએ એના શિષ્યોને કીધુ કે, ધનવાનોને ઈશ્વરના રજવાડામાં પ્રવેશ કરવો ઇ કેટલું આકરું સે! હા, એક ધનવાનને ઈશ્વરના રજવાડામાં પ્રવેશ કરવા કરતા એક ઊંટને સોયના નાકામાંથી નીકળી જવું સરળ સે. "

![](https://cdn.door43.org/obs/jpg/360px/obs-en-28-07.jpg)

જયારે શિષ્યોએ ઈસુએ જે કીધું ઇ હાંભળ્યું, ત્યારે એમનેય આંચકો લાયગ્યો. અને વળતા શિષ્યોએ પૂયછું કે, "તો પછી કોણ મોક્ષ મેળવી હકશે?"

![](https://cdn.door43.org/obs/jpg/360px/obs-en-28-08.jpg)

ઈસુએ શિષ્યો તરફ નજર કરીને કીધું કે, લોકોને ઇ હંધુય અશક્ય સે, પરંતુ ઈશ્વર હાટુ ઇ હંધુય શક્ય સે. "

![](https://cdn.door43.org/obs/jpg/360px/obs-en-28-09.jpg)

પિતરે ઈસુને કહ્યું, અમે હંધુય છોડીને તમારી વાંહે-વાંહે આવ્યા છીએ. અમને હું ઈનામ મળશે? "

![](https://cdn.door43.org/obs/jpg/360px/obs-en-28-10.jpg)

જવાબ દેતા કીધું કે, હરેક જણ જે મારા હાટુ પોતાનાં ઓરડાંઓ, ભાઈઓ, બહેનો, મા-બાપ, બાળકો, અને સંપતિ ત્યજી દેશે, એ ૧૦૦ ગણું વધારે મેળવશે અને ઇને અનંતજીવન મળશે, એ નોખું! "પણ કટલાક લોકો જે પહેલા સે તેઓ હંધાયની પાછળ થાહે અને જે હંધાયને છેલ્લે છે તેઓ સૌની પહેલા થાહે. "

*લમાંથી એક વાર્તા: માથ્થી ૧૯:૧૬-૩૦; માર્ક૧૦:૧૭-૩૧; લૂક ૧૮:૧૮-૩૦*

Audio: https://git.door43.org/OBS-TLF/kxp_obs/releases/download/v1/kxp_obs_v1_28_128kbps.m4a

## 29. ૨૯. એક નઠારા સેવકની કથા

https://openbiblestories.org/l/kxp/story-29/

![](https://cdn.door43.org/obs/jpg/360px/obs-en-29-01.jpg)

એક દહાડે, પિતરે ઈસુને પૂયછું કે, “સ્વામી, કેટલી વાર મારે મારા ભાઈને માફ કરી દેવો જોઈએ જ્યારે ઇ મારી હામે ગુનો કરે? શું સાત વાર સુધી? ”ઈસુએ કીધું, “સાત વાર નહિ, પણ સિત્તેર ગણી સાત વાર!” આ રીતે, ઈસુએ એનો અરથ તારવ્યો કે, આપણે હરવખતે માફ જ કરવું જોઈએ. એ સમજાવતા ઈસુએ આ કથા હંભળાવી.

![](https://cdn.door43.org/obs/jpg/360px/obs-en-29-02.jpg)

ઈસુએ કીધુ, “ઈશ્વરનું રજવાડું એક રાજા જેવું છે કે, જે પોતાના સેવકો કને હિસાબ જોવા માંગે સે. ઇના એક સેવકે અધધધ કરજ લીધું. જેનું મૂલ એક વરહના ૨૦૦,૦૦૦ મજુરી જેટલું હતું. ”

![](https://cdn.door43.org/obs/jpg/360px/obs-en-29-03.jpg)

“સેવક એ કરજનું ચુકવણું કરી હક્યો નહિ, એટલે રાજાએ કીધુ,“કરજનું ચુકવણું દેવા હાટુ આ જણને અને એના પરિવારને ગુલામ-વેઠિયા તરીકે વેચી દો ”

![](https://cdn.door43.org/obs/jpg/360px/obs-en-29-04.jpg)

“સેવકે રાજા આગળ એના ઘૂંટણીએ પડી જઈને અરજ કરતા કીધુ કે,“મારી હાર્યે ધીરજ ધરો, એટલે હું તમને કરજની એક-એક દમડી ચૂકવી દઈશ. 'રાજાએ સેવક ઉપર દયા કયરી અને એમણે ઇનું હંધૂય કરજ માફ કરી દીધું અને ઇને જાવા દીધો. ”

![](https://cdn.door43.org/obs/jpg/360px/obs-en-29-05.jpg)

પરંતુ જયારે ઇ સેવક રાજા પાસેથી નીકળી જઈને ઇના સાથીદાર એવા સેવકને મળ્યો કે જેના પર ચાર મહિનાની મજુરી જેટલું કરજ હતું. ઇ સેવકે એના સાથીદાર સેવકનો કાટલો પકડીને કીધુ કે, “મારી કનેથી લીધેલુ નાણું મને ભરી ધ્યે”

![](https://cdn.door43.org/obs/jpg/360px/obs-en-29-06.jpg)

"સાથીદાર સેવકે ઘૂંટણીએ પડીને અરજ કરતાં કીધુ કે,‘મારી તરફ ધીરજ ધર, હું તને કરજની દમડીએ દમડી ચૂકતે કરી દઈશ. પણ દયા કરવાને બદલે ઇ સેવકે ઇના સાથીદાર સેવકને જ્યાં સુધી કરજ ચૂકવે નહિ ન્યા લગણ એને જેલમાં પૂર્યો. ”

![](https://cdn.door43.org/obs/jpg/360px/obs-en-29-07.jpg)

કેટલાક બીજા સેવકોએ આ બીના ભાળી એટલે નિસાસો નાંખતાં તેઓ રાજા કને ગ્યા. અને હંધીય બીના એમને કહી હંભળાવી. ”

![](https://cdn.door43.org/obs/jpg/360px/obs-en-29-08.jpg)

રાજાએ પેલા સેવકને બરકયો અને કીધુ, હે નરાધમ સેવક! મેં તારું અધધ કરજ જાતું કયરૂ કારણ એટલું જ કે તેં મને આજીજી કરી. હું તારે પણ એમ જ કરવું ઘટિત નોહતું? ”રાજા ખુબ જ કોપાયમાન થયો અને જ્યાં લગણ હંધુય કરજનું ચુકવણું નો થાય ન્યા લગણ ઇ સેવકને જેલમાં ધકેલી દીધો. ”

![](https://cdn.door43.org/obs/jpg/360px/obs-en-29-09.jpg)

ઈસુએ કીધુ,“જો તમે તમારા ભાઈના અપરાધ પૂરા હૃદયથી માફ નહી કરો તો મારા સ્વર્ગધામના બાપ પણ તમારા હંધાયની હાર્યે ઇ જ રીતે હાલશે. ”

*લમાંથી એક વાર્તા: માથ્થી ૧૮:૨૧-૩૫*

Audio: https://git.door43.org/OBS-TLF/kxp_obs/releases/download/v1/kxp_obs_v1_29_128kbps.m4a

## 30. ૩૦. ઈસુ પાંચ હજારને જમાડે છે.

https://openbiblestories.org/l/kxp/story-30/

![](https://cdn.door43.org/obs/jpg/360px/obs-en-30-01.jpg)

ઈસુએ ઈમના શિષ્યોને બોધ દેવા અને શિક્ષણ દેવા હાટુ ચારેકોરના મલકના ગામોમાં મોકલ્યા. ઇ પછી તેઓ ઈસુ જ્યાં હતાં ન્યા પાસા આયવા. એમણે ઇ ગામોમાં જે, જે કીધુ હતું ઇ હંધુય એમને કહી હંભળાવ્યું, એટલે ઈસુએ એમને થોડી વેળા આરામ કરવા હાટુ સરોવરના તિરે શાંત જગાએ એમની હાર્યે આવવા નોતર્યા. એટલે, તેઓ હોડીમાં સવાર થઈ સરોવરને પેલે કાંઠે પોંગ્યા.

![](https://cdn.door43.org/obs/jpg/360px/obs-en-30-02.jpg)

ઘણા લોકોએ ઈસુ અને એમના શિષ્યોને હોડીમાં સવાર થઈ જતા ભાળ્યા. એથી લોકો એમને મળવા હાટુ દોડીને એમની અગાઉ એ સ્થળે પૂગી ગ્યા. ત્યારે, લોકોનું એક મોટું ટોળું પહેલેથી જ એમની રાહ જોઈ ઉભું હતું.

![](https://cdn.door43.org/obs/jpg/360px/obs-en-30-03.jpg)

એ ટોળામાં આશરે ૫૦૦૦ માણહો હતા, જેમાં બાઈઓ અને બાળકોની ગણતરી ધ્યાને લીધી નથી. ઈસુને લોકો પર વધારે દયા ઊભરી આયવી. ઈસુને મન આ હંધાય લોકો ભરવાડ વગરનાં ઘેટા જેવા હતા. ઇ હારું ઈસુએ એમને શીખવ્યું અને ઇમાં જે માંદા હતા એવાઓને પણ એમણે નરવા કરિયા.

![](https://cdn.door43.org/obs/jpg/360px/obs-en-30-04.jpg)

હમી હાંજે શિષ્યોએ ઈસુને કીધું કે , “મોડું થઈ ગ્યું સે અને અહીં આટલાકમાં કોઈ ગામડાઓ ય નથ. એટલે ઇ લોકો પોત-પોતાની રીતે ખાવાની વ્યવસ્થા કરી હકે.”

![](https://cdn.door43.org/obs/jpg/360px/obs-en-30-05.jpg)

ઈસુએ ઇના શિષ્યોને કીધુ કે, “તમે જ એમને કાંઈક ખાવાનું દયો!” તેમણે કીધું કે , અમે તો કેમ કરીને દઈ હકીએ? અમારી કને તો કેવળ પાંચ રોટલી અને બે માછલી જ સે.”

![](https://cdn.door43.org/obs/jpg/360px/obs-en-30-06.jpg)

પછી ઈસુએ એમના શિષ્યોને કીધુ કે, લોકોને ઘાસના મેદાનમાં પચાસ-પચાસની હારમાં બેહવા કયો.

![](https://cdn.door43.org/obs/jpg/360px/obs-en-30-07.jpg)

પછી ઈસુએ પાંચ રોટલી અને બે માછલી હાથમાં લઇ, ઊંચે નભમાં નિરખીને આ ભોજન હાટુ ઈશ્વરનો આભાર માન્યો.

![](https://cdn.door43.org/obs/jpg/360px/obs-en-30-08.jpg)

ઇ પછી ઈસુએ રોટલી અને માછલીનાં બટકા કરી ઇ બટકાઓ લોકોને વહેંચવા હાટુ શિષ્યોને દીધા. શિષ્યોએ ઇ ભોજન બીજા લોકોને દેવા ગયા છતાંય એ ખાણું ખૂટ્યુ જ નહિ! હંધાય લોકોએ ધરાઈને ખાધું અને ઓડકાર લીધો.

![](https://cdn.door43.org/obs/jpg/360px/obs-en-30-09.jpg)

ી, શિષ્યો વધેલું અન્ન એકઠું કરવા લાગ્યા. જેની બાર ટોપલીઓ ભરાઈ. આ હંધોય ખોરાક ઓલી પાંચ રોટલી અને બે માછલીઓમાંથી થ્યો હતો.

*લની એક વાર્તા: માથ્થી 14:13-21; માર્ક 6:31-44; લુક 9:10-17; યોહાન 6:5-15*

Audio: https://git.door43.org/OBS-TLF/kxp_obs/releases/download/v1/kxp_obs_v1_30_128kbps.m4a

## 31. ૩૧. ઈસુ પાણી ઉપર હાલે છે.

https://openbiblestories.org/l/kxp/story-31/

![](https://cdn.door43.org/obs/jpg/360px/obs-en-31-01.jpg)

જ્યારે ઈસુ લોકોને વળાવી રહ્યા હતા ત્યારે એમણે શિષ્યોને નાવમાં બેહાડીને દરિયાની ઓલી કોર જાવાનું કીધું. પછી ઈસુ પ્રાર્થના કરવા ડુંગરે એકાંતમાં ગ્યા. ન્યા ઈસુ પોતે એકલા જ હતા અને બહુ લાંબી રાત હુંધી એમણે પ્રાર્થના કયરી.

![](https://cdn.door43.org/obs/jpg/360px/obs-en-31-02.jpg)

ઇ વેળાએ શિષ્યો એમની નાવને હલેંસા મારી હાંકી રહ્યા’તા. લાંબી રાત થવા આવી તોય તેઓ મધદરિયે જ પુગ્યા હતા. તેઓ મહામેહનતે નાવને હલેસાથી આગળ ધપાવી રહ્યા હતા, કેમ કે પવન સામો વાતો હતો.

![](https://cdn.door43.org/obs/jpg/360px/obs-en-31-03.jpg)

ઇ વેળાએ ઈસુ પોતાની પ્રાર્થના પૂરી કરીને શિષ્યોની કને ગયા. એટલે પાણી પર હાલીને ઓલી કોર એમની નાવ બાજુ ગ્યા.

![](https://cdn.door43.org/obs/jpg/360px/obs-en-31-04.jpg)

શિષ્યોએ જ્યારે ઈસુને ભાળ્યા તો તેઓ ઘણા જ ભયભીત થ્યા . એમનો મનમાં એવો વિચાર આયવો કે, તેઓ કોઈ ભૂત-પ્રેતને ભાળી રહ્યા હોય! ઈસુ જાણી ગ્યા કે તેઓ બહુ ગભરાય ગ્યા છે, એટલે ઈસુએ પોકારીને કીધુ કે, ગભરાતાં નહી. એ તો હું સુ!

![](https://cdn.door43.org/obs/jpg/360px/obs-en-31-05.jpg)

એટલે પિતરે ઈસુને કીધુ “ઓ પ્રભુ, જો એ તમે જ હો, તો મને આદેશ દયો કે હું પણ તમારી ગોડ્યે પાણી પર હાલીને તમારી કને આવું.” ઈસુએ પિતરને કીધુ, “હાલ્યો આવ!”

![](https://cdn.door43.org/obs/jpg/360px/obs-en-31-06.jpg)

એટલે લાગલો પિતર નાવ પરથી હેઠો ઉતરીને ઈસુ કને જવાને પાણી પર હાલવા લાગ્યો. પણ થોડી વેળા હાલ્યા પછી, એણે પોતાની આંખ ઈસુ હામેથી ફેરવી લીધી અને ધુરકતા મોજાઓને ભાળીને તેમજ પવનના સુસવાટાથી પિતરના હાંજા ગગડી ગ્યા.

![](https://cdn.door43.org/obs/jpg/360px/obs-en-31-07.jpg)

અને ઇ પાણીની માંય ડૂબવા લાગ્યો. એણે લાગલી બૂમ પાડીને પોકાર કર્યો કે, “ઓ સ્વામી, મને ઉગારો!” ઈસુએ લાગલો હાથ લાંબો કરીને એને પકડી લીધો. ત્યારે એમણે પિતરને કીધુ કે, “અરે ભરોસા વગરના , તેં શંકા કેમ ઉપજાવી?”

![](https://cdn.door43.org/obs/jpg/360px/obs-en-31-08.jpg)

અને ઈસુ નાવમાં આયવાં પછી તરત જ પવન પડી ગ્યો. અને પાણી હેઠુ પડી શાંત થ્યું. શિષ્યો અચંબિત થ્યા. એમણે ઈસુની આરાધના કરીને કીધુ કે, “હાચો-હાચ, તમે જ ઈશ્વરના દીકરા છો.”

*લની એક વાર્તા: માથ્થી ૧૪:૨૨-૩૩; માર્ક ૬ઃ૪૫-૫૨; યોહાન ૬ઃ૧૬-૨૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_31_128kbps.m4a

## 32. ૩૨. ઈસુ એક આસુરી આત્માના વળગાડવાળાને અને એક માંદી બાઈને હાજી કરે સે.

https://openbiblestories.org/l/kxp/story-32/

![](https://cdn.door43.org/obs/jpg/360px/obs-en-32-01.jpg)

એક દહાડે ઈસુ અને એમના ચેલા એક નાવડીમાં બેસીને દરિયાની ઓલી કોર એક મલકમાં ગ્યા. ન્યા ગરસાની દેશના લોકો વસતા હતા.

![](https://cdn.door43.org/obs/jpg/360px/obs-en-32-02.jpg)

જ્યારે તેઓ દરિયાની ઓલી કોર પુગ્યા, ત્યારે એક આસૂરી આત્માના વળગાડ વાળો માણહ દોડતો એમની પાહે આયવો.

![](https://cdn.door43.org/obs/jpg/360px/obs-en-32-03.jpg)

આ માણહ એટલો બધો જોરાવર હતો કે કોઈ પણ ઇને કાબુમાં રાખી હકતું નોહતું. ન્યા હુંધી કે, લોકો ઇના હાથ અને પગને સાંકળોએ બાંધતા પણ એને પણ ઇ તોડી નાંખતો હતો.

![](https://cdn.door43.org/obs/jpg/360px/obs-en-32-04.jpg)

ઇ માણહ ઇ મલકની સીમાડે આવેલ મહાણમાં કબરોમાં વસતો હતો. ઇ માણહ રાત- દાહડો રાડા-રાડ કારીયા કરતો હતો. ઇ લૂગડા પહેરતો નોહતો અને પાણાઓથી પોતાને વેતરતો હતો.

![](https://cdn.door43.org/obs/jpg/360px/obs-en-32-05.jpg)

જ્યારે ઇ માણહ ઈસુની પાહે આયવો, ત્યારે ઈસુની આગળ ઘૂંટણિયે પડી ગ્યો. ઈસુએ એની માંયના આસુરી આત્માને કીધુ કે, “આ માણહમાંથી નીકળી જા!”

![](https://cdn.door43.org/obs/jpg/360px/obs-en-32-06.jpg)

આસુરી આત્મા ઇ વ્યક્તિના મોઢે પ્હાડી અવાજે પોકારી ઊઠ્યો કે, હંધાયથી ઊંચા ઈશ્વરનાં દીકરા, ઈસુ, તુ મારી પાહેથી હેની ઈચ્છા રાખે સે? કૃપા કરી મને પીડા દેશો મા!” એટલે ઈસુએ આસુરી શક્તિના આત્માને પૂયછું કે, “તારું નામ હું સે?” એટલે વળતો ઉત્તર દેતા એણે કીધું કે, “મારું નામ સેના સે. કેમ કે અમે ઘણાય છીએ. (‘સેના”નો અર્થ રોમન રજવાળાના લશ્કરોમાંના કેટલાક હજારોની સંખ્યામાં સિપાઈઓની ટોળી)

![](https://cdn.door43.org/obs/jpg/360px/obs-en-32-07.jpg)

આસુરી શક્તિના આત્માઓએ ઈસુને આજીજી કરી કે ,“કૃપા કરીને અમને આ મલકમાંથી બહાર ધકેલી દેતા નહિ!” ન્યા કને જ પ્હાડ પર ભૂંડોનું એક ટોળું ચરી રહ્યું હતું. એથી આસુરી શક્તિના આત્માઓએ ઈસુને આજીજી કરતા કીધુ કે “કૃપા કરીને અમને ભૂંડોના ટોળામાં ગરકાવી દયો. એટલે ઈસુએ કીધુ કે, “જાઓ!”

![](https://cdn.door43.org/obs/jpg/360px/obs-en-32-08.jpg)

એટલે આસુરી આત્માઓ પેલા માણહમાંથી નીકળી જઈને ભૂડોમાં ગર્યા. ભૂંડો પ્હાડના ઢોળાવ પરથી હેઠેની બાજુ દોડ્યા અને દરિયામાં પડી મરી ગયા. ઇ ટોળામાં આશરે ૨,૦૦૦ ભૂંડો હતા.

![](https://cdn.door43.org/obs/jpg/360px/obs-en-32-09.jpg)

જે લોકો ભૂંડોની ભાળ રાખતા હતા તેઓએ જે બીના ઘટી એ ભાળ્યું એટલે તેઓ નગરમાં નાસી ગ્યા. અને જે કોઈને મળ્યા એમને જે કાંઈ ઈસુથી થયું હતું એ હંધુય એમને કહી હંભળાવ્યું. નગરમાંથી લોકોએ આવીને પેલા માણહને ભાળ્યો કે, જેમાં આસુરી વળગાળ હતો. એને પુરા લૂગડે અને શાંતચિત્તે બેઠેલો અને એક હારા માનવની ગોળ્યે વ્યવહાર કરતો ભાળ્યો.

![](https://cdn.door43.org/obs/jpg/360px/obs-en-32-10.jpg)

લોકો ઘણા ગભરાયા અને ઈસુને ન્યાથી હાલતા થાવા કીધું. એટલે ઈસુ નાવમાં ચઢી જાવાની તૈયારી કયરી. જે માણહમાં પહેલા જે આશુરી આત્માઓ હતા એણે પણ ઈસુને પોતાની હાર્યે લઈ જવા આજીજી કરી.

![](https://cdn.door43.org/obs/jpg/360px/obs-en-32-11.jpg)

પણ ઈસુએ એને કીધુ કે, “હું આજ્ઞા કરી સુ કે તૂ તારે ઘરે જા અને ઈશ્વરે તારા હાટુ જે કયરૂ સે, ઇ હંધુય તારા મિત્રો અને કુટુંબને જણાવ કે ઈશ્વરે તારા પર કેટલી બધી મ્હેર કયરી સે!

![](https://cdn.door43.org/obs/jpg/360px/obs-en-32-12.jpg)

ઇ પછી ઇ માણહ ન્યાંથી હાલતો થ્યો અને હંધાયને ઈસુએ જે મહાકામ એની હાટુ કયરું હતું ઇ કહી હંભળાવ્યું. જે કોઈ-એ એની આ વાત હાંભળી તેઓની આંખો અચંબાથી ફાટી ગઇ.

![](https://cdn.door43.org/obs/jpg/360px/obs-en-32-13.jpg)

ઈસુ દરિયાની ઓલી કોર પાછા હાલ્યા ગયા. જ્યારે તેઓ ન્યા પુગ્યા, તો એક મોટું ટોળુ એમની ચારે-કોર એકઠું થયું. અને એમના પર પડા-પડી કરવા લાગ્યા. ઇ ટોળામાં એક બાઈ પણ હતી જે બાર-બાર વરહથી લોહીવાની બીમારીથી પીડા ભોગવતી હતી. એણે પોતાનું હંધુય ધન વૈદો પર ખર્ચી કાઢ્યું હતું. ઇને એમ હતું કે ઇ વૈદો એને હાજી કરહે. પણ ઉલટાની એની હાલત હાવ બગડતી ગઈ.

![](https://cdn.door43.org/obs/jpg/360px/obs-en-32-14.jpg)

એણે હાંભળેલું કે, ઈસુએ ઘણાય બીમારોને હાજા કરી દેય છે એટલે એણે મનમાં વિચાર્યું કે જો હું એમના પહેરણ માત્રને પણ અડકીશ, તો હું સાજી થઈ જાઈશ!" એટલે ઈ ઈસુની વાંહે આવીને એમના પહેરણની કોરને અડકી એટલે તરત જ ઇનો લોહીવા બંધ થઈ ગ્યો!

![](https://cdn.door43.org/obs/jpg/360px/obs-en-32-15.jpg)

ઈસુએ લાગલું જાણી લીધું કે એમનામાથી પરાક્રમી શક્તિ બહાર વહી સે. એટલે એમણે વાંહે જોઈને પૂયછું કે, “મને કોણ અડક્યું?”

![](https://cdn.door43.org/obs/jpg/360px/obs-en-32-16.jpg)

યોએ વળતો જવાબ આપતા કીધુ કે, “તમારી ચારેકોર ટોળે-ટોળા અફડા-તફડી મચાવે છે. ને તમે એમ ક્યોસો કે, મને કોણ અડક્યું?’”ઇ બાઈ ડરતી અને ધ્રુજતી ઈસુની પાહે આવીને ઘૂટણયે પડી ગઈ. ઇ પછી બાઈએ એમને કીધુ કે એણે હું કયરૂ હતું અને એ કેવી રીતે હાજી થઈ. ઈસુએ એને કીધુ કે, “બાઈ! તારા ભરોસાએ તને હાજી કરી સે. શાંતિથી હાલી જા.”

*લની એક વાર્તાઃ માથ્થી ૮:૨૮-૩૪; ૯ઃ૨૦-૨૨; માર્ક ૫ઃ૧-૨૦; ૫ઃ૨૪-૩૪; લુક ૮ઃ૨૬-૩૯; ૮ઃ૪૨-૪૮*

Audio: https://git.door43.org/OBS-TLF/kxp_obs/releases/download/v1/kxp_obs_v1_32_128kbps.m4a

## 33. ૩૩. ખેડૂતની કથા

https://openbiblestories.org/l/kxp/story-33/

![](https://cdn.door43.org/obs/jpg/360px/obs-en-33-01.jpg)

એક દહાડે, ઈસુ દરિયાકાંઠે એક મહામોટા ટોળાને બોધ દઈ રહ્યા હતા. એમને સાંભળવા હાટુ એટલુ માનવમેહારામણ આયવું કે, ઈસુને કાંઠાના પાણીમાં રહેલી એક નાવમાં ચઢવું પડ્યું, જેથી એમને બોધ કરવા પૂરતી જગા મળી રહે. એમણે નાવમાં બેહીને લોકોને સત્સંગ પીરહતા એક કથા હંભળાવી.

![](https://cdn.door43.org/obs/jpg/360px/obs-en-33-02.jpg)

“એક ખેડૂત બી વાવવાને ગ્યો. એ પોતાને હાથે બી વાવતો હતો, ત્યારે કેટલાંક બીજ મારગમાં પયડા અને પંખીઓ આવીને ઇને ચણી ગ્યા.

![](https://cdn.door43.org/obs/jpg/360px/obs-en-33-03.jpg)

“બીજા બી પાણાવાળી જમીનમાં પયડા, ન્યા થોડીક જ માટી હતી. ઇ બી પાણાવાળી જમીનમાં વહેલાં તો ઊગી ગ્યા પણ ઇનાં મૂળીયા પાણામાં ઊંડે ગરી હક્યા નહિ. એટલે જયારે સુરજનો તાપ વધ્યો ત્યારે છોડવા વિલયને નાશ પામ્યા.

![](https://cdn.door43.org/obs/jpg/360px/obs-en-33-04.jpg)

“વળી કેટલાક બીજ કાંટા-ઝાખરામાં પયડા. ઇ બી વધ્યા તો ખરા પણ કાંટાઓએ અને ઝાંખરાઓએ ઇમને દાબી વધવા નો દીધા. છેવટે ઇમાં કાંઈ ધાન લાગ્યું નહી.”

![](https://cdn.door43.org/obs/jpg/360px/obs-en-33-05.jpg)

“બાકીના બીજ હારી જમીનમાં પયડા. એ બીજ ફાલ્યા-ફોર્યા અને એનાથી ૩૦, ૬૦, અને ૧૦૦ ગણા ધાન પાક્યા. “જેને કાન સે ઇ આ કથા હાંભળી લ્યો!”

![](https://cdn.door43.org/obs/jpg/360px/obs-en-33-06.jpg)

આ કથાએ ચેલકાઓને ગુચવણમાં નાંખ્યા. ઇ હાટુ ઈસુએ એમની ગુંચને ઉકેલતા હમજાવ્યું કે, “બી” ઇ તો પરમેશ્વરનું વચન સે. મારગે પડેલા બી, ઇ એવા માણહો સે જે પરમેશ્વરના વચન પર કાન તો દેય સે, પણ હમજતો નથી. અને શેતાન આવીને ઇ વચનને એનામાંથી ચણી જાય સે.

![](https://cdn.door43.org/obs/jpg/360px/obs-en-33-07.jpg)

પાણાવાળી જમીન પર પડેલા બી, ઇ એવા માણહો સે કે જે ઈશ્વરનાં વચનને કાને દેય સે, અને ખંતથી મને લગાડે સે. પણ જ્યારે વિપત્તિ અને કપરા સમયો આવે સે ઇ વેળાએ તેઓ પાછા પડી જાય સે.

![](https://cdn.door43.org/obs/jpg/360px/obs-en-33-08.jpg)

“કાંટાળી જમીન પર પડેલા બી, ઇ એવા માણહોને બતાવે સે કે, જે ઈશ્વરના વચનોને કાને ધરે સે, પણ વેળા વહી જાય ઇમ-ઇમ એમને ચિંતા, વૈભવ અને જીવનની ઘેલછા એવી તો ઉછળે સે કે, ઈશ્વર હાટેના એમના સ્નેહને તેઓ સુકવી નાંખે સે. જેના પરિણામે એમણે સત્સંગમાં ઈશ્વરનું જે વચન હાંભળ્યું હતું ઇ ફળવંત થાતું નથ.”

![](https://cdn.door43.org/obs/jpg/360px/obs-en-33-09.jpg)

તુ હારી ફળદ્રુપ જમીન ઇ એવા માણહોને દર્શાવે સે કે, જે ઈશ્વરના વચનને હાંભળે સે, ઇના પર પૂરો ભરોસો કરે સે, અને ઝાઝા ફળ પેદા કરે સે.”

*લ ની એક કથા : માથ્થી ૧૩ઃ૧-૮, ૧૮-૨૩; માર્ક ૪ઃ૧-૮, ૧૩-૨૦; લુકા ૮ઃ૪-૧૫*

Audio: https://git.door43.org/OBS-TLF/kxp_obs/releases/download/v1/kxp_obs_v1_33_128kbps.m4a

## 34. ૩૪. ઈસુ બીજી કથાઓ શિખવાડે છે.

https://openbiblestories.org/l/kxp/story-34/

![](https://cdn.door43.org/obs/jpg/360px/obs-en-34-01.jpg)

ઈસુએ તેમને સ્વર્ગના રજવાડા વિશે કેટલાક કથાનકો કીધા. દાખલા તરીકે, “સ્વર્ગનું રજવાડુ રાઈના એક દાણા સરીખું સે. કોઈ માણહે ઇ દાણો લઈને પોતાની વાડીમાં વાયવો. તમને ખબર સે કે, રાઈનો દાણો હંધાય બી કરતા ઝીણો હોય છે.”

![](https://cdn.door43.org/obs/jpg/360px/obs-en-34-02.jpg)

“પણ જ્યારે રાઈનો છોડ વધે સે, તો ઇ વાડીના છોડોવાંઓમાં સૌથી મોટો છોડવો બની જાય છે. એટલો મોટો કે, પંખીઓ આવીને એની ડાળીએ બેહે સે.”

![](https://cdn.door43.org/obs/jpg/360px/obs-en-34-03.jpg)

ઈસુએ બીજી કથા કહેતા કીધું કે, “સ્વર્ગનું રજવાડુ એક એવા ખમીર સરીખું સે કે જેને કોઈ બાઈએ રોટલીના થોડાક જ લોટમાં ભેળવી દીધું અને ઇ હંધાય લોટમાં સમૂળગું ભેળવાય ગ્યું.

![](https://cdn.door43.org/obs/jpg/360px/obs-en-34-04.jpg)

સ્વર્ગનું રજવાડુ એક એવા ખજાના સરીખું સે કે, જેને કોઇ માણહે ઇ ખજાનો મેળવ્યો અને એને પોતાની વાડીમાં સંતાડી દીધો. ઇ ખજાનો કોઈ બીજા માણસને લાધ્યો અને એણે ઇ ફરીથી દાટી દીધો. હરખની હેલી ઇને એવી ચડી કે, એની કને જે કાંઈ હતું ઇ હંધુય એણે વેચી માર્યું અને પછી ઇ ધનથી એણે ઇ વાડી જ વેચાતી લઇ લીધી.”

![](https://cdn.door43.org/obs/jpg/360px/obs-en-34-05.jpg)

“ઈશ્વરનું રજવાડુ અમૂલ્ય ઉત્તમો-ઉત્તમ મોતીડા સરીખું સે. જયારે કોઈ વેપારીને એ મોતિડું લાધ્યું ત્યારે એને મૂલવવા હાટુ ઇ વેપારીએ જઈને એનુ હંધુય વેચી માર્યું

![](https://cdn.door43.org/obs/jpg/360px/obs-en-34-06.jpg)

એ પછી ઈસુએ, જેઓ પોતાના હાથે કરેલાં સત્કાર્યોને ભરોહે જીવતા હતા અને બીજા લોકોને નબળા માનીને તુચ્છાકારતા હતા એવા કેટલાક લોકોને આ કથાનક હંભળાવતા એમણે કીધુ કે, “બે જણ મંદિરમાં પ્રાર્થના-અર્ચના કરવા ગ્યા. એમાંથી એક કર-વેરો ઉઘરાવનારો, અને બીજો એક ધાર્મિક પુરોહિત હતો.”

![](https://cdn.door43.org/obs/jpg/360px/obs-en-34-07.jpg)

“ધાર્મિક પુરોહિત આ પ્રમાણે પ્રાર્થના કરતા બોલ્યો કે, ‘હે ઈશ્વર તમારો જય હો, કે હું બીજા લોકોના જેવો નથ અને આ કર ઉઘરાવનારાના જેવો પાપી - લુંટારો, અન્યાયી, વ્યભિચારી અને લંપટ નથ.

![](https://cdn.door43.org/obs/jpg/360px/obs-en-34-08.jpg)

પણ, હું અઠવાડિયામાં બે વાર ઉપવાહ કરું સુ અને મારી માલ-મિલકતના નફામાંથી દહ ટકા દાન કરું સુ.

![](https://cdn.door43.org/obs/jpg/360px/obs-en-34-09.jpg)

ઑલો કરવેરો ઉઘરાવનાર માણહ પુરોહિતથી થોડેક આઘે ઊભો રહ્યો હતો, એણે આંખ ઉઠાવીને આકાશ ઉપર નજર ન કરતા પોતાની હાથની મુઠ્ઠીઓ વાળીને છાતી ફૂટીને પ્રાર્થના કરતા કીધુ કે, ‘ હે ઈશ્વર, મારા પર કૃપા કરો. મારા પર દયા કરો કારણ કે હું તો હાલ પાપી સુ.”

![](https://cdn.door43.org/obs/jpg/360px/obs-en-34-10.jpg)

ી ઈસુએ કીધુ કે, “હું તમને કહું સુ કે, ઈશ્વરે ઑલા કરવેરો ઉઘરાવનારની પ્રાર્થના હાંભળી અને એને ન્યાયી ઠરાવ્યો.. ઓલ્યા ધાર્મિક પુરોહિતની પ્રાર્થના ઈશ્વરને મન સારી ના લાગી. કારણ કે ઇ ઘમંડીની પ્રાર્થના હતી. જે ઘમંડી સે એવા હરેકને ઈશ્વર નમ્ર (નરમ) કરહે અને જી કોઈ પોતાને નીચો કરે છે ઇને ઈશ્વર ઉચો ઠેરાવશે.”

*લ ની એક વાર્તાઃ માથ્થી ૧૩ઃ૩૧-૩૩, ૪૪-૪૬; માર્ક ૪ઃ૩૦-૩૨; લુક૧૩ઃ૧૮-૨૧;૧૮;૯-૧૪*

Audio: https://git.door43.org/OBS-TLF/kxp_obs/releases/download/v1/kxp_obs_v1_34_128kbps.m4a

## 35. ૩૫. દયાળુ બાપનું કથાનક

https://openbiblestories.org/l/kxp/story-35/

![](https://cdn.door43.org/obs/jpg/360px/obs-en-35-01.jpg)

એક દહાડે ઈસુ ઘણા બધા એવા કર ઉઘરાવનારાઓને અને બીજા પાપીઓને સંબોધી રહ્યા હતા ત્યારે ઇમને હાંભળવા હાટુ જેઓ એકઠા થ્યા હતા

![](https://cdn.door43.org/obs/jpg/360px/obs-en-35-02.jpg)

ન્યા કેટલાંક ધાર્મિક પુરોહિતો પણ હતા. એમણે ભાળ્યું કે ઈસુ આ પાપીઓ હાર્યે પણ મિત્ર જેવો વેહવાર કયરી રહ્યા સે.. એટલે ઈ ધાર્મિક પુરોહિત લોકો અંદરોઅંદર ટીકા-ટિપ્પણી કરવા લાગ્યા. એટલે ઈસુએ એમને આ કથાનક હંભળાવતા કીધું કે,

![](https://cdn.door43.org/obs/jpg/360px/obs-en-35-03.jpg)

એક માણહને બે દીકરા હતા. નાના દીકરાએ ઇના બાપને કીધુ,‘બાપા, માલમિલકતનો મારો જી ભાગ થાય ઈ મને હાલ જ દયો!’ ઇ જ વેળાએ એના બાપાએ પોતાની સંપત્તિ એના બેઉ દીકરાઓ વચાળે વહેંચી દીધી.

![](https://cdn.door43.org/obs/jpg/360px/obs-en-35-04.jpg)

નાના દીકરાએ ઉતાવળે એના ભાગમાં જી આયવું હતું ઇ હંધુય એકઠુ કરી દૂર દેશાવરમાં હાલ્યો ગ્યો. ન્યા ઇને પાપી લોકો અને નઠારા દોસ્તારોની વાંહે પોતાની સંપત્તિને ઉડાડી મારી.

![](https://cdn.door43.org/obs/jpg/360px/obs-en-35-05.jpg)

ઇ પછી જી મલકમાં ઇ નાનો દીકરો જઈ વસ્યો હતો ન્યા કારમો દુકાળ પયડો, એથી એની પાંહે ખાવા ધાન અને ખરીદવાના દોકડિયા નોહતા. એને માત્ર ભૂંડો ચરાવવાની મજૂરી મળી. ઇ એટલો બધો દુઃખી અને ભૂખથી ત્રાહિમામ હતો કે, ભૂંડો જે ખોરાક ખાતા હતા એ ખોરાકથી પેટનો ખાડો પૂરવા એને મન થયું.

![](https://cdn.door43.org/obs/jpg/360px/obs-en-35-06.jpg)

"અંતે, નાના દીકરાએ પોતાની જાતને ઢંઢોળતા કીધુ કે,‘હું અહીં આ હું કરી રહ્યો સુ? મારા બાપના ઘેર હંધાય જ નોકરો કને ખાવાને હાટુ પુરતુ ધાન છે. અને અહીં તો ભૂખે મારો જીવ જાય સે. હું મારા બાપની કને પાછો ઘેર જઈશ. અને એમના એક નોકરની જેમ રહીશ.

![](https://cdn.door43.org/obs/jpg/360px/obs-en-35-07.jpg)

છેવટે નાનો દીકરો પાછો પોતાના બાપને ઘેર જાવા તૈયાર થ્યો. જ્યારે ઇ હજી તો ઘણે વેગળે હતો ન્યા તો એના બાપે એને નીરખી લીધો અને બાપના હૃદયમાં દયા ઉપજી. ઇ પોતાના દીકરાની પાહે દોડ્યો અને એને ભેટી પડ્યો અને બથમાં લઇ ચુંબન કરવા લાગ્યો.

![](https://cdn.door43.org/obs/jpg/360px/obs-en-35-08.jpg)

દીકરાએ કીધુ, પિતાજી, મેં ઈશ્વર અને તમારી વિરુદ્ધ મહાપાપ કયરુ સે. હું તમારો દીકરો કહેવડાવવાને જરાય લાયક નથ.

![](https://cdn.door43.org/obs/jpg/360px/obs-en-35-09.jpg)

પરંતુ ઇના બાપે પોતાના નોકરોને કીધુ, ‘ઉતાવળે જાઓ અને હારા લૂગડા(પહેરણ) લાવો અને મારા દીકરાને પહેરાવો. ’એની આંગળીમાં વીંટી પહેરાવો અને પગને જોડાથી સજાવો. જાનવાન વાછરડો લાવીને વધેરો કે આપણે હંધાય હરખથી આરોગીએ. આવો, આપણે ઉજાણી કરીએ કારણ કે આ મારો દીકરો મરણને શરણ થ્યો હતો પરતું હવે તે જીવતો થ્યો સે! ઇ ખોવાઈ ગ્યો હતો, પણ હવે ઇ મને જડ્યો( લાધ્યો) સે.

![](https://cdn.door43.org/obs/jpg/360px/obs-en-35-10.jpg)

અને ઈ લોકો ઉજાણી કરવા લાગ્યા. થોડી વેળા પછી મોટો દીકરો વાડીએથી કામ કરીને ઘરે પાછો ફર્યો. એને કાને ગીત-સંગીત અને નાચ-ગાનનો અવાજ પડ્યો અને અચંબામાં પડી ગયો કે આ હંધુય હું થઈ રહ્યું સે?.

![](https://cdn.door43.org/obs/jpg/360px/obs-en-35-11.jpg)

જ્યારે મોટા દીકરાને જાણ થઈ કે, આ નાના દીકરાના ઘરે પાછા આવવાને લીધે, હંધાય ઉજાણી મનાવી રહ્યા સે, ત્યારે ઇ ઘણો કોપાયમાન થ્યો. અને ઇ ઘરમાં ગરવા ય રાજી નહોતો. એના બાપા બહાર આવ્યા અને એને મનાવતા કીધુ કે, તું પણ અમારી હાર્યે ઉજાણીમાં સામેલ થા. પણ એણે ધરાર ના પાડતા બાપાને હંભળાવી દીધુ કે,

![](https://cdn.door43.org/obs/jpg/360px/obs-en-35-12.jpg)

‘આટ-આટલા વરહોમાં મેં તમારી હાટુ પ્રમાણિકતાથી ને ખંતથી કામ કયરું સે. મેં કદીય તમારી વાતને ઉથાપીને નથ. એમ છતાંય તમે ક્યારેય મારા મિત્રો હાર્યે ઉજાણી કરવા એક બકરીનું નાનું બચુડુય મને દીધુ નથ. પણ આ તમારો ઉડાઉ દીકરો તમારી સંપદાને નઠારા કામોમાં વેડફી મારીને ઘરમાં ગરી ગ્યો સે, તો એને હાટુ તમે જાનવાન વછરડાને વધેરી ઉજાણીએ ચડયા સો!

![](https://cdn.door43.org/obs/jpg/360px/obs-en-35-13.jpg)

એ વાત વાળતા કીધુ, ‘મારા કમાઉ દીકરા, તું તો રોજ મારી હાર્યે જ સે. અને જી કાંઈ મારું સે ઈ હંધુય તારું જ સે. ’પણ હવે આપણા હાટુ આનંદ કરવો એટલે યોગ્ય સે, કેમકે આ તારો ભાઈ કળટમાં ગ્યો તો, ઇ હવે જીવતો થ્યો છે. જે ખોવાયેલો હતો, પણ હવે ઇ આપણને જડ્યો સે!”

*લની એક વાર્તા :લૂક 15:11-32*

Audio: https://git.door43.org/OBS-TLF/kxp_obs/releases/download/v1/kxp_obs_v1_35_128kbps.m4a

## 36. ૩૬. રૂપાંતર

https://openbiblestories.org/l/kxp/story-36/

![](https://cdn.door43.org/obs/jpg/360px/obs-en-36-01.jpg)

એક દહાડે, ઈસુએ પોતાના ત્રણ ચેલાઓ, એટલે કે, પિતર, યાકૂબ અને યોહાનને પોતાની હાર્યે લીધા. ( ઈસુને બાપ્તિસ્મા આપનાર યોહાન અને ઇસુનો શિષ્ય યોહાન આ બેઉ અલગ વ્યક્તિ છે.) એમને લઇને ઈસુ એક ઊંચા ગઢ પર એકાંતમાં(અવાવરુ જગાએ) પ્રાર્થના કરવા ગ્યા.

![](https://cdn.door43.org/obs/jpg/360px/obs-en-36-02.jpg)

જ્યારે ઈસુ પ્રાર્થનામાં મગ્ન હતા, ત્યારે એમનું મુખ સૂરજ સરીખું તેજમય બન્યું અને એમના પહેરણ અજવાસથી ઉજળા થઈ ગયા. એવા કે પૃથ્વી પર એના જેટલું કોઈ ઊજળું ના હોઈ શકે.

![](https://cdn.door43.org/obs/jpg/360px/obs-en-36-03.jpg)

ઇ વેળાએ મૂસા અને એલિયા જે પુરાણા સમયના સંતો-પુરોહિતો હતા એને એમણે એમના સમયમાં ઈસુનું બલિદાન અને મરણ યરૂશાલેમમાં થવાનું હતું ઇ હંધીય વાતો એમના અગમ-નિગમમાં ભાગી હતી.

![](https://cdn.door43.org/obs/jpg/360px/obs-en-36-04.jpg)

આ વેળાએ મૂસા અને એલિયા ઇ ગઢ પર ઊતરી આવી ઈસુની હારે સંવાદ કરતા હતા. એટલે પિતરે ઈસુને કીધુ, “આપણે અહીં વસવું જ હારું સે.” ચાલો, આપણે ત્રણ માંડવા રચીએ. એક પ્રભુ તમારે હાટુ અને બીજા બે મૂસા અને એલિયાને હાટુ.” પણ પોતે શું બકવાટ બાફી રહ્યો ઇ પિતરને ખબર ન્હોતી.

![](https://cdn.door43.org/obs/jpg/360px/obs-en-36-05.jpg)

હજી તો પિતર આ બકવાટ કરતો હતો એટલામાં તો એક ચળકતા વાદળીયાએ તેઓ પર ઢાંકપીછોડો કયરો. અને ઇ વાદળીયામાંથી એક વાણી હંભળાઈ, “આ મારો વ્હાલો દીકરો સે, જેને હું પ્રેમ કરું સુ અને હું એના પર પ્રસન્ન સુ. ઇ જી કહે કે ઇ તમે હંધાય હાંભળો અને માનો.” ત્રણેય ચેલકાઓ ઘણા ભયભીત થ્યા અને જમીન પર ઢળી ગ્યા.

![](https://cdn.door43.org/obs/jpg/360px/obs-en-36-06.jpg)

એટલે ઈસુ એમને અડક્યા અને કીધુ કે, “ગભરાશો મા, ઉભા થાવ.” જ્યારે એમણે ચારેકોર ચકર-વકર નજર કરી તો એમણે કેવળ ઈસુને જ ભાળ્યા.

![](https://cdn.door43.org/obs/jpg/360px/obs-en-36-07.jpg)

અને ત્રણ ચેલાઓ ગઢથી ઊતર્યાં. ત્યારે ઈસુએ એમને કીધુ, “જે કાંઈ અહીં ઘટ્યું સે ઇ કોઈને કેહશો મા. જુઓ હું થોડી વેળામાં જ મરણ પામીશ અને પછી પાછો જીવતો થઈશ. ઇ પછી તમે બીજા લોકોને આ હંધીય બીના જણાવજો.”

*લની એક વાર્તા :માથ્થી ૧૭ઃ૧-૯; માર્ક ૯ઃ૨-૮; લૂક ૯ઃ૨૮-૩૬*

Audio: https://git.door43.org/OBS-TLF/kxp_obs/releases/download/v1/kxp_obs_v1_36_128kbps.m4a

## 37. ૩૭. ઈસુ લાજરસને મૂએલામાંથી સજીવન કરે છે

https://openbiblestories.org/l/kxp/story-37/

![](https://cdn.door43.org/obs/jpg/360px/obs-en-37-01.jpg)

એક દહાડે, ઈસુને ખબર મળી કે, લાજરસ ઘણો માંદો સે. લાજરસ અને એની બે બહેનો, મરિયમ અને માર્થા, ઈસુના નજીકના ઓળખાણમાં હતા. જ્યારે ઈસુએ એવી ખબર હાંભળી ત્યારે એમણે કીધુ, “આ બીમારીનો અંત મૃત્યુને વરતો નથી. પણ એમાં ઈશ્વરના મહિમાનો હેતુ સમાયેલો છે.” ઈસુ એમના ઓળખીતા ભાઈબંધો(ભેરુઓ) ઉપર અનેરું હેત રાખતા હતા. એમ છતાંય ઈસુ જ્યાં રોકાણા હતા ન્યા બે દાહડા વધુ રોકાણ કર્યા.

![](https://cdn.door43.org/obs/jpg/360px/obs-en-37-02.jpg)

જ્યારે બે દાહડા વિતી ગ્યા, એટલે ઈસુએ પોતાના શિષ્યોને કીધુ, “હાલો આપણે પાછા યહૂદિયા મલકમાં જઈએ.” શિષ્યોએ વળતી વાતે કીધુ કે, “ગુરુજી થોડા દાહડા પ્હેલા જ ન્યાના લોકોએ તમારું ઢીમ ઢાળી નાખવા મનસુબો કરેલ.” ઈસુએ કીધુ, “આપણો ઓળખીતો ભાઈબંધ લાજરસ નીંદરમાં પોઢી ગ્યો સે. અને હું ઈને જગાડવાને જવાનો સુ.”

![](https://cdn.door43.org/obs/jpg/360px/obs-en-37-03.jpg)

શિષ્યોએ ઈસુને કીધુ, “સ્વામી જો, લાજરસ નિંદરમાં હશે તો ઈ એની મેળે જાગી જાશે.” ત્યારે ઈસુએ એમને ચોખવટ કરતાં કીધુ કે, “લાજરસ મુત્યુને શરણ થ્યો સે. પણ હું હરખાઉં સુ કે હું ન્યા નોહતો કે, જેથી તમે મારા પર ભરોહો કરી હકો.”

![](https://cdn.door43.org/obs/jpg/360px/obs-en-37-04.jpg)

ઇ પછી જ્યારે ઈસુ લાજરસના ગામે પહોંચ્યા ત્યારે લાજરસને દટાયાને ચાર દાહડા થૈ ગ્યા તા. ઇ વેળાએ માર્થા ઈસુને મળવા બહાર આવી પૂગી. એણે ઈસુને કીધુ, “જો તમે અહીં હાજર હોત તો મારો એકનો એક ભાઈ મરત નહિ. એમ છતાંય મને ભરોસો સે કે, તમે ઈશ્વર કને જે કાંઈ માગશો, ઇ હંધુય ઈશ્વર તમારા હાટુ તો કરશે જ.”

![](https://cdn.door43.org/obs/jpg/360px/obs-en-37-05.jpg)

ઈસુએ કીધુ કે, “મુત્યુ પછીના જીવન તથા પૃથ્વી પરના જીવનનો સ્વામી હું છું. જો કોઈ મારા પર ભરોહો કરે સે ઈ જો કે મરણને શરણ જાય તો પણ ઇ મરણને આધીન થાહે નહિ. હુ તું આ સબંધી ભરોહો રાખી હકે સે? ” માર્થાએ ઉત્તર દેતા કીધુ કે, “હા, મારા પ્રભુ. હું ઇ ભરોહો તમારા પર રાખી હકું સુ. કારણ કે તમે ઈશ્વરના દીકરા સો.”

![](https://cdn.door43.org/obs/jpg/360px/obs-en-37-06.jpg)

ઇ પછી મરિયમ પણ ન્યા આવી. ઇ ઈસુને પગે પડી ગઈ અને બોયલી, “જો પ્રભુ તમે અહીં હોત તો મારો ભાઈ મરણને શરણ જાત નહિ.” ઈસુએ એમને પૂયછું કે, “તમે લાજરસને ક્યાં દફનાવ્યો સે?” એમણે એને કીધુ કે, “કબરે જઈને ભાળો.” ત્યારે ઈસુએ ન્યા જઈને રુદન કયરુ.

![](https://cdn.door43.org/obs/jpg/360px/obs-en-37-07.jpg)

કબર એક પાણાની ગુફામાં હતી. એના મોઢીયા પર એક મોટો પાણો ઢાંકેલો હતો. જ્યારે ઈસુ, ઇ મોઢિયાના પાણા કને ગ્યા, ને એમણે આદેશ આપતા કીધુ કે, “પાણાને ખસેડો.” પરંતુ માર્થાએ કાકલુદીથી કીધુ અરે ! “એના મરણને તો ચાર-ચાર દાહડા વીતી ગ્યા. હવે તો એનું મડદું ગંધાતું હશે.”

![](https://cdn.door43.org/obs/jpg/360px/obs-en-37-08.jpg)

ઈસુએ એને ભરોહો દેતા કીધુ કે, “હું મેં તમને નહોતું જણાવ્યું કે, જો તું ભરોહો કરશે તો તું ઈશ્વરનો મહિમા ભાળશે?” એટલે એમણે ઇ પાણાને ખસેડી દીધો.

![](https://cdn.door43.org/obs/jpg/360px/obs-en-37-09.jpg)

ઇ પછી ઈસુએ નજર ઉપર કરીને પ્રાર્થના કરતાં કીધુ કે, “હે બાપ, તમે આજ દિન હુંધી મારું હાંભળ્યું સે. એથી તમારો આભાર. હું જાણું સુ કે હરહંમેશ તમે મારી વાતને કાન ધરો સો, એમનામાં ભરોસો પેદા થાય ઈ હાટુ તમે મને અહિ મોકલ્યો સે, એટલા હાટુ આ લોકના ભરોસાને લઇને હું તમને વિનંતી કરું સુ. ઇ પછી ઈસુએ મોટેથી પોકાર કયરો, “લાજરસ કબરની ગુફામાંથી બહાર આવ!”

![](https://cdn.door43.org/obs/jpg/360px/obs-en-37-10.jpg)

એટલે લાજરસ ઊઠીને બહાર આવ્યો! હજી ઇ મરણવિધિના પહેરણથી વીંટાળાયેલો હતો. ઈસુએ એમને કીધુ કે, “એના મરણવિધિના પહેરણ ખોલો અને હંધાય બંધન ખોલી દયો.” લાજરસ ને જીવતો ભાળીને લોકો હરખાયા. આ અનેરા પરચાને લીધે ઘણાય યહૂદીઓએ ઈસુ પર ભરોહો કયરો.

![](https://cdn.door43.org/obs/jpg/360px/obs-en-37-11.jpg)

તાંય યહૂદીઓના ધાર્મિક ધુરંધરો ઈસુની નિંદા અને ઈર્ષા કરતા હતા. એટલા હાટુ તેઓ એક-બીજા હાર્યે મળીને નઠારી યોજના કરવા એકઠા થ્યા. એમણે ઠરાવ કરતા કીધુ કે, કેવી રીતે આ ઈસુને અને જીવતા થયેલા લાજરસના કાંટાનું કાસળ આપણે કાઢી નાંખવું!

*લની એક વાર્તાઃ યોહાન ૧૧ઃ૧-૪૬*

Audio: https://git.door43.org/OBS-TLF/kxp_obs/releases/download/v1/kxp_obs_v1_37_128kbps.m4a

## 38. ૩૮. ઈસુની હાર્યે દગો થ્યો!

https://openbiblestories.org/l/kxp/story-38/

![](https://cdn.door43.org/obs/jpg/360px/obs-en-38-01.jpg)

દર વરહે-દહાડે યહૂદી પ્રજા પાસ્ખા પર્વની ઉજાણી કરતાં હતા. ઘણી સદીઓ પહેલાં ઈશ્વરે કેવી રીતે મહાકામ કરીને એમના પૂર્વજોને મિસરની વેઠમાંથી ઉગાર્યા હતા એની એંધાણીરૂપે આ ઉજાણી હતી. ઈસુએ હંધાયને હાટુ જ્યારે પોતાનો પરથમ પ્રચાર અને સત્સંગ શરૂ કયરો ઇના લગભગ ત્રણ વરહોના વ્હાણા વિત્યા પસી, ઈસુએ પોતાના ચેલાઓને જણાવ્યું કે, ઇ યરૂશાલેમ નગરમાં એમની હાર્યે આ ઉજાણીનું પરબ મનાવવા માંગે સે. ને અહીં જ તેમનો વધ કરવામાં આવશે.

![](https://cdn.door43.org/obs/jpg/360px/obs-en-38-02.jpg)

ઈસુના બાર ચેલા માનો એક ચેલો જેનુ નામ યહૂદા હતું જે હંધાય ચેલાઓના દાન-ઉધારણાનો હિસાબ રાખનાર ખજાનચી હતો. પરંતુ એને પૈસાથી પ્રેમ હતો. ઇ હરવખત એમાંથી પૈસાની ચોરી પણ કરતો હતો. ઇ વેળાએ ઈસુ અને એમના શિષ્યો યરૂશાલેમ પૂગ્યા. એટલે દગાખોર યહૂદા યહૂદીઓના પૂરોહિતો-મહંતો કને ગ્યો. ઈસુને પકડાવી દેવાની દલાલી પેટે રૂપિયા લેવાનો સોદો કયરો. ઇ પ્હેલેથી જ જાણતો હતો કે, યહૂદી પૂરોહિતો ઈસુને મસીહ(મોક્ષદાતા) તરીકે સ્વીકારતા નહોતા અને એમનું કળશ કાઢી નાંખવાની ફિરાકમાં જ હતા.

![](https://cdn.door43.org/obs/jpg/360px/obs-en-38-03.jpg)

મહા અધ્યક્ષ કે જી યહૂદી ધર્મગુરુ અને પુરોહિતોના વડા કેહવાય એમણે આ હંધાય પુરોહિતો અને ધર્મગુરુઓને ઈસુની વિરુદ્ધમાં ઘણી હાચી – ખોટી ઉશ્કેરણી કયરી હતી. તેઓએ ઈસુને પકડવાને હાટુ યહૂદાને દલાલી પેટે ત્રીશ ચાંદીના દોકડા દીધા. આગમવાણી દેનાર ઈશ્વરના સંતોએ જે આગમ ભાખ્યા હતા ઇ જ પરમાણે ધટનાઓ ધટી. યહૂદા ઇ દગાગીરીના કામ માટે સહમત થ્યો. દોકડા ગણ્યા, ને ન્યાંથી હાલતો થ્યો. ને ઈસુને પકડાવવા હાટુની તક શોધતો રહ્યો.

![](https://cdn.door43.org/obs/jpg/360px/obs-en-38-04.jpg)

યરૂશાલેમમાં નક્કી થયા પ્રમાણે ઈસુએ પોતાના ચેલાઓ હાર્યે “પાસ્ખા પર્વ”ની ઉજાણી કરી. રોટલી લીધી અને એને ભાંગી ને ઈસુએ કીધુ, “ લ્યો આમાંથી ખાઓ. આ રોટલીરૂપી મારું શરીર છે જી તમારા હારું અલગ કરવામાં આયવું સે. મારા સમરણમાં આમ કર્યા જ કરો. ” આ રીતે, ઈસુએ દર્શાવ્યું કે, એમના શરીરને બલિદાન તરીકે ઉપયોગમાં લઇ વધ કરાશે.

![](https://cdn.door43.org/obs/jpg/360px/obs-en-38-05.jpg)

ઇ પછી ઈસુએ પ્યાલો લીધો અને કીધુ કે, “ લ્યો, આમાંથી પીઓ. આ નવા કોલ-કરારનું મારું લોહી સે , જી હંધાયના પાપોની માફીને હારું વહેડાવવામાં આવ્યું સે. આ પણ મારા સમરણમાં કરતા જ રહેજો. ”

![](https://cdn.door43.org/obs/jpg/360px/obs-en-38-06.jpg)

ઇ પછી ઈસુએ પોતાના ચેલાઓને કીધુ કે, “તમારામાંથી જ કોઈ મને પકડાવી દેશે. ” ચેલાઓ તો અચંબિત થઈ ગયા, અને અંદરો-અંદર પૂછવા લાગ્યા. ઇ કોણ સે ? જે આવું નરાધમ કામ કરશે? ઈસુએ નિશાની દેતા કીધુ કે, “ અત્યારે જેને હું આ રોટલીનો ટુકડો દઉં સુ, ઇ જ મને દગો દેશે.” ઇ પછી એમણે યહુદાને રોટલીનો ટુકડો દીધો.

![](https://cdn.door43.org/obs/jpg/360px/obs-en-38-07.jpg)

ઈસુ પાહેથી રોટલી આરોગ્યા બાદ, શેતાન યહૂદામાં ગરયો. એટલે યહૂદા ન્યાંથી હાલતો થ્યો, કેમકે એને ઈસુને પકડવવામાં યહૂદી પૂરોહિતોની મદદ કરવાની હતી. ઇ તો કાળી રાતની વેળા હતી.

![](https://cdn.door43.org/obs/jpg/360px/obs-en-38-08.jpg)

વાળુ કયરા પસી, ઈસુ અને એમના ચેલાઓ જૈતૂન ગઢ પર ગ્યા. ન્યા ઈસુએ એમને કીધુ કે, “આજ આ કાળી રાત્રે તમે હંધાય મને છોડીને હાલ્યા જશો. કેમકે એવું વચન ભાંખેલું સે કે, ‘હું ભરવાડને હણીશ અને હંધાય ઘેટાં રઝળી પડશે. ’

![](https://cdn.door43.org/obs/jpg/360px/obs-en-38-09.jpg)

પિતરે ઈસુને કીધુ કે, “ ઇ હંધાય તમને છોડીને જાશે પણ હું તમને કદી છોડીશ નહિ. ” ત્યારે ઈસુએ વળતા જવાબમાં પિતરને કીધુ કે, “શેતાને તારો કબજો કરવા ચાહ્યો છે, એમ છતાંય મે તારા હાટુ ઈશ્વરને પ્રાર્થના કયરી સે કે, તારો ભરોહો તૂટે નહિ. એમ છતાંય આજે પ્રભાતે બે વાર કૂકડો બોલે ઇ પહેલાં તું મારો ત્રણ વાર નકાર કરીશ કે તું મને ઓળખતો જ નથી.”

![](https://cdn.door43.org/obs/jpg/360px/obs-en-38-10.jpg)

પિતરે વળતા જવાબ દેતા ઈસુને કીધુ કે, “જો કે મારે જાનથી જાવું પડશે તો પણ હું તમારો નકાર કરીશ નહિ. ” અને એમ જ હંધાય ચેલાઓએ આ જ વાત કયરા કરી.

![](https://cdn.door43.org/obs/jpg/360px/obs-en-38-11.jpg)

ી ઈસુ પોતાના ચેલાઓ હાર્યે જૈતુન ગઢ પાહે ‘ગેથશેમા’ નામની એક વાડીમાં ગ્યા. પસી ઈસુએ ચેલાઓને કીધુ કે, “અહી રહી પ્રાર્થના કરો કે, તમે પરીક્ષામાં આવી ન પડો. ” ઇ પછી ઈસુ ન્યા પ્રાર્થના કરવા હાલ્યા ગ્યા.

![](https://cdn.door43.org/obs/jpg/360px/obs-en-38-12.jpg)

ન્યા ત્રણ-ત્રણ વાર લગલગાટ પ્રાર્થના કરી. “હે મારા પિતા, જો શક્ય હોય તો, આ કારમી પીડાનો પ્યાલો મારાથી આઘો લઈ જાઓ. પણ જો માણહજાતના પાપોની માફી હાટુ બીજો કોઈ મારગ જ નો હોય, તો પછી તમારી મરજી પ્રમાણે થાઓ. ” આ વેળા ઈસુ ઘણી જ માનસિક યાતનાની તાણમાં હતા. એટલી તાણ કે એમનો પરસેવો લોહીના ટીપાંની જેમ નીતરી રહ્યો'તો. એમને શક્તિ દેવા હાટુ ઈશ્વરે એક દૂત મોકલી આયપો.

![](https://cdn.door43.org/obs/jpg/360px/obs-en-38-13.jpg)

ે તેઓ પ્રાર્થના કરીને ચેલાઓ કને આવતા ત્યારે તેઓ ચેલાઓને નિરાંતે ઊંઘતા જ ભાળતા. એમ જ્યારે તેઓ આ વેળાએ આવ્યા, ત્યારે ઘોરતા ચેલાઓને પોકારીને કીધુ કે, “ઊઠો! મને પકડનાર આવી પુંગ્યો સે. ”

![](https://cdn.door43.org/obs/jpg/360px/obs-en-38-14.jpg)

ાજ યહૂદા પોતાની હાર્યે યહૂદી સંતો-પુરોહિતો અને સિપાઈઓના એક મોટા કટકને(દળને) લઈને આવી પુંગ્યો. એમની પાહે ઉઘાડી તલવાર અને બડીયો હતા. યહૂદા ઈસુની કને આવી પુંગ્યો ને કીધુ, “નમસ્તે, ગુરુજી!” ને એણે ઈસુની ઓળખ દેવા હાટુ ઈસુને ચુંબન કયરું. યહૂદી સંતો-પુરોહિતો માટે આ એક એંધાણી હતી કે, ઇ જેને ચુંબન કરે ઈ એજ હોવો જોઈએ કે જેથી બીજો કોઈ પકડાય ના જાય. ઇ પછી ઈસુએ યહુદાને કીધુ કે, “શું તું મને ચુંબન કરીને પકડાવી દેવા ચાહે સે?”

![](https://cdn.door43.org/obs/jpg/360px/obs-en-38-15.jpg)

એટલામાં સિપાઈઓએ ઈસુને ઘેરી લીધા, એટલે પિતરે પોતાની તલવાર કાઢી અને મહાઅધ્યક્ષના એક સેવકનો કાન વાઢી નાખ્યો. પણ ઈસુએ કીધુ કે, “તારી તલવાર તારા મ્યાનમાં પાછી નાંખ. જો હું મારી રક્ષાને હાટુ મારા બાપને વિનંતી કરું તો ઈ દૂતોના મહામોટા દળને ઘડીકમાં મોકલી ધ્યે. પણ, મારે હાટુ મારા બાપે જે નક્કી કયરુ સે ઇ પ્રમાણે કરવું ઇ જ મારી આધિનતા સે. ” ઇ પછી ઈસુએ ઇ સેવકનો કાન હાજો કરી દીધો. જ્યારે ઈસુને બંદીવાન બનાવ્યા ઇ વેળાએ હંધાય ચેલાઓ એમને છોડીને હાલતા થ્યા.

*બાઇબલની એક વાર્તાઃમાથ્થી ૨૬ઃ૧૪-૫૬; માર્ક ૧૪ઃ૧૦-૫૦; લૂક ૨૨ઃ૧-૫૩; યોહાન ૧૨ઃ૬; ૧૮ઃ૧-૧૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_38_128kbps.m4a

## 39. ૩૯. ઈસુ પર લગાવેલા આળનો મુકદમો કચેરીમાં હલાવવામાં આવે સે.

https://openbiblestories.org/l/kxp/story-39/

![](https://cdn.door43.org/obs/jpg/360px/obs-en-39-01.jpg)

ઇ વેળા મધરાત થઈ ગઈ હતી. સિપાઈઓ ઈસુને મહાઅધ્યક્ષની હવેલીએ લઈ ગ્યા. કે જેથી ન્યા એમની હાર્યે વાર્તાલાપ કરી હકાય. પિતર આઘેરો રહી એમનો પીછો કરી રહ્યો હતો. જ્યારે ઈસુને હવેલીમાં લઈ જવામાં આવ્યા, ત્યારે પિતર બહાર બેસીને તાપણું તાપતો હતો.

![](https://cdn.door43.org/obs/jpg/360px/obs-en-39-02.jpg)

હવેલી અંદર યહૂદીના પુરોહિતો ઈસુ ઉપર આળનો મુકદમો ચલાવી રહ્યા હતા. તેઓ ઘણાંય એવા જૂઠા સાક્ષી પૂરનારા લઈ આવ્યા. પણ એમની સાક્ષી એક-મેકથી મળતી આવતી નોહતી, આથી યહૂદીના પુરોહિતો અને મહાઅધ્યક્ષ ઈસુને કલંકીત જાહેર કરી હક્યા નહિ. ઇ હંધાયમાં ઈસુએ કાઈ બોલ્યા નહીં પણ મૂંગા રહ્યા.

![](https://cdn.door43.org/obs/jpg/360px/obs-en-39-03.jpg)

અંતે મહાઅધ્યક્ષે ઈસુની હામે જોઈને પુયછુ કે, “હું તું ખરેખર ઈશ્વરનો દીકરો સે? જે આવનાર મસિહા (મોક્ષદાતા) સે ઇ તું સે ?”

![](https://cdn.door43.org/obs/jpg/360px/obs-en-39-04.jpg)

ઈસુએ જવાબ દેતા કીધુ કે, “હા હું એ સુ! તમે મને ઈશ્વરની જમણી બાજુએ બિરાજેલો અને સ્વર્ગથી ઊતરતા ભાળશો. ” મહાઅધ્યક્ષ કોપાયમાન થઈને પોતાન પહેરણ ફાડ્યા અને પોકારી-પોકારીને ધાર્મિક આગેવાનોને કીધુ કે, “હવે આપણને વધારાના પુરાવાની જરૂર નથી! તમે જ તમારા કાને ઇને કહેતા હાંભળ્યો સે કે, હું ઈશ્વરનો દીકરો સુ. હું જ આવનાર મસિહા (મોક્ષદાતા) સુ. તો પસી તમારા હંધાયનો નિર્ણય શો છે ઈ જણાવો.”

![](https://cdn.door43.org/obs/jpg/360px/obs-en-39-05.jpg)

હંધાય યહૂદી આગેવાનોએ, મહાપુરોહિત-સંતોએ એકી અવાજે ઉત્તર દેતા કીધુ કે, “ઇ મરણજોગ જ છે. ” એટલે એમણે ઈસુની આંખો પર પટ્ટો બાંધ્યો, અને એના પર તિરસ્કારથી થૂંક્યા, એમને માર માર્યા અને એમની ઠઠ્ઠા-મશ્કરી કયરી.

![](https://cdn.door43.org/obs/jpg/360px/obs-en-39-06.jpg)

જ્યારે પિતર ધર્મઅધ્યક્ષની હવેલી બહાર બેઠો તાપતો હતો, ત્યારે ન્યા એક દાસી આવી ને એણે કીધુ કે, “તું પણ આ ઈસુની હાર્યે જ હતો ને!” પણ પિતરે હાવ ના પાડી. ઇ પછી, બીજી દાસીએ ન્યા આવીને ઇ જ વાત ફરી કયરી. અને પિતરે ફરી પાછી એમ જ ના પાડી દીધી. અંતે લોકોએ ભેગા થઈને કીધુ કે, “તું ઈસુની હાર્યે જ હતો ઇ અમે જાણીએ છીએ કેમ કે તમે હંધાય ગાલીલ પંથકના સો. ”

![](https://cdn.door43.org/obs/jpg/360px/obs-en-39-07.jpg)

એટલે પિતર શ્રાપ દેવા માંડ્યો અને સમ ખાઈને કેહવા લાગ્યો કે, “હું એ માણસને ઓળખતો જ નથ. ” ઇ જ વેળાએ કૂકડો બોલ્યો અને લાગલું ઈસુએ પિતર તરફ જોયું.

![](https://cdn.door43.org/obs/jpg/360px/obs-en-39-08.jpg)

પિતર ભોંઠો પડીને ન્યાંથી દૂર હાલ્યો ગ્યો. અને ભેંકણો તાણી રુદન કયરું. ઇ જ વેળાએ ઈસુને મરણદંડની સજા ફરમાવી. એમને પકડાવનાર દગાખોર યહૂદાએ આ હંધુય ભાળ્યું. અને ઇ મનમાં મૂજાણો અને પોતે આત્મઘાત કરીને મરણ પામ્યો.

![](https://cdn.door43.org/obs/jpg/360px/obs-en-39-09.jpg)

બીજા દાહડે પ્રભાતે, યહૂદી પુરોહિતો ઈસુને રોમન રજવાડાના પિલાત કને લઈ ગ્યા. તેઓને એવો જ ભરોસો હતો કે પિલાત પણ ઈસુના કલંકને સાચુ ઠેરવી દોષી ઠેરવશે. અને અમારી જેમ તેઓ પણ ઈસુને મૃત્યુદંડની સજા ફટકારશે. પિલાતે ઈસુની પૂછપરછ કરતા પુયછું કે, “હું તું યહૂદીઓનો રાજા સે?”

![](https://cdn.door43.org/obs/jpg/360px/obs-en-39-10.jpg)

ઈસુએ વળતા ઉત્તર દેતા કીધુ કે, “એવું તો તમ જ કયો સો. પણ મારું રજવાળુ, તમારી ગોડ્યે આ જગતનું રજવાડું નથી. જો એમ જ હોત તો મારા આ ચેલાઓ તમારી હામે ધીંગાણું કરત. પણ હું ઈશ્વર વિષે સત્ય કહેણ કહેવા આયવો સુ અને જે સત્યનો જણ સે ઇ મારી વાણીને કાન ધરશે. ” પિલાતે કીધુ કે, “તો સત્ય હું સે?”

![](https://cdn.door43.org/obs/jpg/360px/obs-en-39-11.jpg)

ઈસુની સાથે સંવાદ કયરા પછી પિલાત ટોળા કને ગ્યો. અને કીધુ કે, “મને આ માણસમાં કાંઈ દોષ જણાતો નથ. ” પણ એની સામે યહૂદી પુરોહિતો, સંતો- મહંતોએ અને એમના ધર્માંધ ટોળાએ બુમા-બૂમ કરીને (કાગારોળ કરીને) કીધુ કે, “ઇને વધસ્તંભે ઠોકી ધ્યો!” પિલાતે ચોખવટ કરતા કીધુ કે, “જુઓ મને એનામાં કાંઈ પણ અપરાધ નજરે પડતો નથ. ” ઇ સાંભળીને તેઓએ કાળો દેકારો કયરો કે ઇને વધ:સ્તંભે જડી દયો. એટલે પિલાતે ત્રીજી વાર કીધુ કે, “જુઓ, હજીય મને એનામાં કોઇ કલંક દેખાણું નથ. ”

![](https://cdn.door43.org/obs/jpg/360px/obs-en-39-12.jpg)

પિલાત ડરી ગ્યો કારણ કે, આ તો ધર્માંધ ટોળુ સે. આનો ભારોહો કરાય નહિ, ક્યાંક હલ્લો કરી ધ્યે તો! એટલે ના છૂટકે ઇ ઈસુને વધસ્તંભે ઠોકી દેવા સહમત થયા. એમ છેલ્લે લોકોના દેકારા ફાવી ગયા અને ઈસુને વધસ્તંભે જડવાનો આદેશ કયરો. પછી રોમન રજવાડાના સૈનિકોએ ઈસુને અસહ્ય કોરડા માર્યા. અને એને રાજ પહેરણ પેહરાવ્યું અને માથે કાંટાનો મુંગટ પહેરાવ્યો. અને એની ઠઠ્ઠા-મશ્કરી (ઠેકડી) કરતા કીધુ કે, “જુઓ, જુઓ આ યહૂદીઓનો રાજા!”

*લની વાર્તાઃમાથ્થી ૨૬ઃ૫૭-૨૭ઃ૨૬; માર્ક ૧૪ઃ૫૩-૧૫ઃ૧૫; લૂક ૨૨ઃ૫૪-૨૩ઃ૨૫; યોહાન ૧૮ઃ૧૨-૧૯ઃ૧૭*

Audio: https://git.door43.org/OBS-TLF/kxp_obs/releases/download/v1/kxp_obs_v1_39_128kbps.m4a

## 40. ૪૦. ઈસુને વધ:સ્તંભે ઠોકી મારવામાં આવ્યાં

https://openbiblestories.org/l/kxp/story-40/

![](https://cdn.door43.org/obs/jpg/360px/obs-en-40-01.jpg)

ઈસુની ઠઠ્ઠા-મશ્કરી ને કનડગત કયરા પછી, સિપાઈ એમને વધ:સ્તંભ પર ઠોકી બેસાડવા આઘે લઈ ગ્યા. એમણે ઈસુને જેની પર એમને ઠોકી બેસાડવાના હતા ઇ ભારેખમ વધ:સ્તંભ એમની પાહે ઊંચકાવ્યો.

![](https://cdn.door43.org/obs/jpg/360px/obs-en-40-02.jpg)

સિપાઈઓ ઈસુને “ખોપરી” નામના સ્થાનકે લાવ્યા અને એમના હાથ અને પગ વધ:સ્તંભના લાકડા પર તિક્ષ્ણ(અણીદાર) ખીલા ખોડી જડી દીધા. એમ છતાંય પીડા ભોગવતા ઈસુના મુખમાંથી વાણી સરી પડી કે, “હે બાપ, આ લોકોને માફ કરો કેમ કે, ઇ લોકો જે કંઈ કરી રહ્યા સે તે તેઓ ઇ જાણતા નથ. પિલાતે આદેશ કર્યો કે, એના માથા પર “યહૂદીઓનો રાજા” એવા લખાણનું કલંકનામું તૈયાર કરી ટીંગાળવામાં આવે.

![](https://cdn.door43.org/obs/jpg/360px/obs-en-40-03.jpg)

સૈનિકોએ ઈસુના લુંગડા ઉતારી એના માટે ચિઠ્ઠીઓ નાખી કે કોણ ઇ પેહરણ લેહે?. અને જેનું નામ આયવુ એણે મસીહના પેહરણ લઈ લીધા. “એમણે આવુ કર્યું એટલે ઇ પુરાતન આગમ-નિગમના ભાખ્યો લેખ પુરા થ્યો કે, એમણે અંદરો-અંદર મારાં કપડાં વહેંચ્યા અને મારા પહેરણને હાટુ એમણે જુગડાની ચિઠ્ઠીઓ નાખી.”

![](https://cdn.door43.org/obs/jpg/360px/obs-en-40-04.jpg)

ઈસુને બે લુંટારાઓની વચમાં જડવામાં આવ્યા. એમાંનો એક લુંટારો હતો જે ઈસુની નિંદા કરતો હતો. ઇ બીજા લુંટારાએ સંભાળ્યું ત્યારે એણે કીધુ કે, “શું તને ઈશ્વરની બીક લાગતી નથી? આપણે તો ગુન્હો કયરો સે એટલે એની સજા ભોગવીએ છીએ પણ આ મસિહા તો નિર્દોષ સે. એમ કેહતાં ઇ લુંટારાએ ઈસુને કીધુ કે , “કૃપા કરીને, તમે તમારા રજવાડામાં મને યાદ રાખજો.” ઈસુએ એને કિધુ કે, “આજે તું મારી હાર્યે પારાદેશમાં (ગુરુજીના દેશમાં) હોઈશ.”

![](https://cdn.door43.org/obs/jpg/360px/obs-en-40-05.jpg)

યહૂદી પુરોહિતો-મહંતો અને બીજા જે ટોળામાં હતા ઇ હંધાય ઈસુની ઠેકડી ઉડતા કહેતા હતા કે, “જો તું હાચો-હાચ ઈશ્વરનો દીકરો હોય તો વધ:સ્તંભ ઉપરથી હેઠે ઊતરી આવ! અને પોતાની જાતને બચાવી લ્યે. ઇ પછી અમે તારા પર ભરોહો કરીશું કે. તું ઇશ્વરનો દીકરો સે.”

![](https://cdn.door43.org/obs/jpg/360px/obs-en-40-06.jpg)

ળા બપોરની હતી. એમ છતાં આખાય મલકમાં કાળો અંધાર છવાય ગ્યો. ખરા બપોરે ૩.૦૦ વાગ્યાને સુમારે ગાઢ અંધકાર છવાયો.

![](https://cdn.door43.org/obs/jpg/360px/obs-en-40-07.jpg)

વેળાએ ઈસુએ બુલંદ અવાજે પોકારીને કીધુ કે, “હે બાપ! હું મારો આત્મા તમારા હાથમાં સોંપી દઉં સુ અને ઈ જ વેળાએ માથું નમાવીને એમણે પોતાનો પ્રાણ છોડી દીધો. જ્યારે તેઓ મરણ પામ્યા, ત્યારે એક મહાભૂકંપની ધ્રુજારી આવી. યરુશાલેમનું પવિત્ર મંદિર ધણધણી ઉઠ્યું. એની અંદરનો મહામોટો પડદો જે મંદિરના ગર્ભગ્રુહ (ઈશ્વરની હાજરી) અને લોકોની હાજરી વચ્ચે હતો. ઇ પડદો ઉપરથી હેઠે લગી બે ભાગમાં ચિરાય ગ્યો.

![](https://cdn.door43.org/obs/jpg/360px/obs-en-40-08.jpg)

ના બલિદાનના મૃત્યુ દ્વારા ઈસુએ લોકોને ઈશ્વર પાહે સરળતાથી આવવાના માર્ગને ખુલ્લો કરીને સંતો- પુરોહિતોના ઠેકાને (દરમિયાનગીરી) નાબુદ કર્યો. જે સિપાઈ ઈસુની રખેવાળી કરી રહ્યો હતો એણે હંધુય ભાળ્યું અને મક્કમતાથી કીધુ કે, “ખરેખર, ઈસુ નકલંક હતા. હા, ઇ જ ઈશ્વરના દીકરા, જે આવનાર મસિહ સે તે, ઇ જ હતા.”

![](https://cdn.door43.org/obs/jpg/360px/obs-en-40-09.jpg)

યે યૂસફ અને નીકોદેમસ નામના બે યહૂદીઓ કે જેઓ સાચો-સાચ ઈસુ પર ભરોસો કરતા હતા કે, ઈસુ એ જ આવનાર ખ્રિસ્ત-મસિહ- તારનાર છે, એમણે પિલાત પાસે જઈને ઈસુનું મડદું માગ્યું એટલે કે તેઓ ઈસુના મડદાને કપડાથી લપેટીને પહાડને વેતરી બનાવેલી કબરમાં યહૂદી પરંપરા પ્રમાણે મૂકી શકે. એ કબરમાં મુખ્યદ્વાર ઉપર એક મહા-મોટો પાણાની શીલા બેસાડી એને બંધ કરવામાં આવી.

*બાઇબલની એક વાર્તા :માથ્થી 27:27-61; માર્ક 15:16-47; લૂક 23:26-56; યોહાન 19:17-42*

Audio: https://git.door43.org/OBS-TLF/kxp_obs/releases/download/v1/kxp_obs_v1_40_128kbps.m4a

## 41. ૪૧. ઈશ્વર મરેલા ઈસુને સજીવન કરે છે

https://openbiblestories.org/l/kxp/story-41/

![](https://cdn.door43.org/obs/jpg/360px/obs-en-41-01.jpg)

જ્યારે સિપાઈઓએ ઈસુને વધ:સ્તંભ પર ઠોકી બેહાડ્યા, ત્યારે અવિશ્વાસી યહૂદી પુરોહિતોએ પિલાતને કીધુ, “આ જૂઠા એવા ઈસુએ જીવતા કીધેલું કે, ઇ ત્રણ દાહડા પછી મરણમાંથી જીવતો થઈ ઉઠશે. એટલે કોઈકને કોઈકે તો એની કબરની રખેવાળી કરવી જોઈશે. પછી એવું નો થાય કે, શિષ્યો એના મડદાને ચોરી લઇ જાય અને પાછા અફવા ના ફેલાવે કે ઈસુએ મરણને હરાવી જીવીત થયો સે અને મૃત્યુંજય બન્યો સે. ”

![](https://cdn.door43.org/obs/jpg/360px/obs-en-41-02.jpg)

એટલે પિલાતે કીધુ, “કબરની રખેવાળી કરવા હાટુ કેટલાંક જોરાવર સિપાઇયો લઈ જાઓ. અને એમણે કબરના ઢાંકેલા મોટા પાણા પર રજવાડી મ્હોર છપાવી (કોતરી) અને એની પર જોરવાર સિપાઈઓનું કટક બેહાડી દીધું. જેથી કોઈ પણ ઈસુના મડદાને ચોરીને અફવા ના ફેલાવે.

![](https://cdn.door43.org/obs/jpg/360px/obs-en-41-03.jpg)

ઇસુને પવિત્ર વિધિથી દફન કરીયા ઇ પછીનો દાહડો પવિત્ર વિશ્રામવારનો હતો. જે જુના સમયમાં ઈશ્વરે ઠરાવેલ હતો ઇ દહાડે યહૂદીઓને કબર પાસે જવાની મનાઈ ફરમાવી હતી. વિશ્રામવાર પછીના દાહડે વહેલી પ્હોરે કેટલીક ઈસુપ્રેમી બાઈઓ તેમની કબર કને સુગંધી દ્રવ્યો લગાવવા આવી.

![](https://cdn.door43.org/obs/jpg/360px/obs-en-41-04.jpg)

અચાનક જ ન્યા ભૂકંપ થ્યો. અને એક ઝબકારે ઈશ્વરનો સ્વર્ગદૂત ન્યા પ્રગટ થ્યો. એણે જ કબરના મુખ દ્વાર ઉપર ઢાંકેલા મહાકાય પાણાને હટાવી દીધો અને એના પર બેસી ગ્યો. જે સિપાઈઓ કબરની રખેવાળી કરી રહ્યા હતા. તેઓ ગભરાઈને ભાગી ગ્યા.

![](https://cdn.door43.org/obs/jpg/360px/obs-en-41-05.jpg)

જ્યારે બાઈઓ કબર કને પૂંગી ત્યારે સ્વર્ગદૂતે એમને કીધુ કે, “ગભરાશો માં, ઈસુ તો અહીંયા નથી. જેમ એમણે જીવતા કીધુ હતું એમ તેઓ મરેલામાંથી સજીવન થ્યા સે. આવો અને આ ખાલી કબરને નીરખો. ”બાઈઓ કબરમાં જ્યાં ઈસુનું મડદું(ડીલ) રાખ્યું હતું ન્યા ગ્યા અને ભાળ્યું કે, ન્યા એમનું મડદું(ડીલ) હતું નહિ!

![](https://cdn.door43.org/obs/jpg/360px/obs-en-41-06.jpg)

સ્વર્ગદૂતે ઇ બાઈઓને ઉદ્દેશીને કીધુ કે, “જાઓ અને શિષ્યોને ખબર દયો કે, એણે કીધેલું હતું એમ ઈસુ જીવતા થ્યા સે. ઇ હવે કબરમાં નથી પણ ઇ હંધાયની પ્હેલા ગાલીલ મલકમાં જાશે. ”

![](https://cdn.door43.org/obs/jpg/360px/obs-en-41-07.jpg)

ઇ બાઈઓ ઘણાં ગભરાટની હારે પણ હરખની ધેલી થઈને આ શુભસંદેશ દેવા શિષ્યો કને દોડી ગઈ.

![](https://cdn.door43.org/obs/jpg/360px/obs-en-41-08.jpg)

રે આ બાઈઓ સારી ખબર દેવાને મારગે જઈ રહી હતી, ત્યારે ઈસુ સ્વયં પ્રગટ થ્યા. અને બાઈઓએ એમની પૂજા-અર્ચના કરી. ઈસુએ એમને કીધુ કે, “ડરો માં, મારા શિષ્યોને કહો કે, તેઓ ગાલીલના મલકમાં જાય એટલે ન્યા તેઓ મને ભાળશે. ”

*લની એક વાર્તા : માથ્થી ૨૭ઃ૬૨-૨૮ઃ૧૫; માર્ક ૧૬ઃ૧-૧૧; લૂક ૨૪ઃ૧-૧૨; યોહાન ૨૦ઃ૧-૧૮*

Audio: https://git.door43.org/OBS-TLF/kxp_obs/releases/download/v1/kxp_obs_v1_41_128kbps.m4a

## 42. ૪૨. ઈસુ સ્વર્ગે સિધાવે છે

https://openbiblestories.org/l/kxp/story-42/

![](https://cdn.door43.org/obs/jpg/360px/obs-en-42-01.jpg)

જે દિવસે ઈસુ મૂએલામાંથી સજીવન થ્યા, ઇ પછી એમના બે શિષ્યો નજીકના એક નગરમાં જઈ રહ્યાં હતાં. જે કંઈ ઈસુ હાર્યે થ્યું એની ચર્ચા તેઓ અંદરો-અંદર કર્યે જાતા હતાં. એમને ભરોસો હતો જ કે, ઇ જ આવનાર મસીહ(તારણહાર) હતા. પણ એમને તો હણી નાખવામાં આવ્યા હતા. પણ એમાં ઓલી બાઈઓએ કીધુ કે, ઇ ફરી સજીવન થ્યા સે. આ ગુંચવણમાં તેઓ કાંઈ નક્કી કરી હકતા નહોતા. કરે તો કઈ વાત પર તેઓ ભરોસો કરે!.

![](https://cdn.door43.org/obs/jpg/360px/obs-en-42-02.jpg)

આજ વેળાએ ઈસુ એમની વચાળે પૂગ્યા પણ એમણે ઈસુને ઓળખ્યા નહિ. ઈસુએ એમને પૂછ્યું કે, તમો માંહોમાહે હું વાર્તાલાપ કરી રહ્યા સો? ત્યારે એમણે જણાવ્યું કે, પાછલી વેળાએ જે ઈસુ હાર્યે ઘટ્યુ ઇ વિશે. હારોહાર એમને અચંબો પણ લાગ્યું કે આ માણસને ખબર જ નથી કે, યરૂશાલેમ જેવી નગરીમાં હું ઘટ્યું સે.

![](https://cdn.door43.org/obs/jpg/360px/obs-en-42-03.jpg)

ઇ પછી ઈસુએ ઈશ્વરના વચનોનાં ગ્રંથમાં મસિહ વિષે જે ભાખ્યું હતું ઇ ઈસુએ એમને સમજાવ્યું. અને એમને પાછું યાદ દેવડાવ્યું કે, ભવિષ્ય ભાગનાર સંતો- મહંતો કીધુ હતું કે, મસિહ જે આવનાર સે ઇ દુઃખો ભોગવશે, અને એમનો વધ કરવામાં આવશે એમ છતાંય ઈશ્વર એમને ત્રીજે દહાડે પાછા સજીવન કરશે. ઇ પછી તેઓ નગરીમાં પહોંચ્યા જયાં ઇ બે શિષ્યો રાત રોકાણ કરવા માંગતા હતા. ઇ પૂગ્યાં ન્યા લગણ તો લગભગ સંધ્યા ઢળી ગઈ હતી.

![](https://cdn.door43.org/obs/jpg/360px/obs-en-42-04.jpg)

ઇ બેઉ શિષ્યોએ ઈસુને પોતાની હાર્યે રોકવા કીધુ. એટલે ઈસુ ન્યા રોકાણો. જ્યારે ઇ લોકો હાંજનું વાળુ ખાવા બેઠા, ત્યારે ઈસુએ રોટલાનો એક ભાગ લઈને એમના હાટુ ઈશ્વરનો આભાર માન્યો. અને એને તોડ્યો એટલે શિષ્યોની યાદ તાજી થાતા જ એમણે ઈસુને ઓળખી લીધા. ઇ તો ઇસુ જ સે. પણ તે જ વેળાએ ઈસુ એમની વચાળેથી અલોપ થઈ ગ્યા.

![](https://cdn.door43.org/obs/jpg/360px/obs-en-42-05.jpg)

ઇ બે માણસોએ અંદરો-અંદર વાત કરતા કીધુ કે, “ઇ તો ઈસુ જ હતા!” ઇ જ્યારે જીવતા હતા ત્યારે એમણે ઈશ્વરના વચનોને આધારે આપણને ઇ હંધુય સમજાવ્યું હતું. ઇ જાણી એમનું હદય ધેલું થ્યું. અને એઓ તત્કાળ પાછા યરૂશાલેમ નગર તરફ હાલતા થ્યા. તેઓ ન્યા પૂગ્યા એટલે એમણે શિષ્યોને જણાવ્યું કે, “ઈસુ મરણમાંથી પાછા સજીવન થ્યા સે. અને અમારી સગ્ગી આંખોએ એમને ભાળ્યા સે. ”

![](https://cdn.door43.org/obs/jpg/360px/obs-en-42-06.jpg)

ઇ વેળાએ આ બાબતે શિષ્યો માંહોમાંહ વાર્તાલાપ કરી રહ્યા હતા ત્યારે જ અચાનક ઈસુ એમની વચાળે પ્રગટ થ્યા. શિષ્યોએ વિચાર્યું કે, ઇ કોઈ ભૂત-પ્રેત હશે, ભ્રમ થ્યો હશે! પણ ઈસુએ એમને કીધુ કે, “તમે હંધાય કેમ ગભરાયા સો? અને શા માટે શંકા કર્યા કરો સો? આ મારા હાથ અને પગને ભાળો. કેમકે આત્માને શરીર હોતું નથી. જેમ મને છે.” આ કોઈ આશુરી ભૂત-પ્રેત નથી ઇ વાતને પ્રમાણિત કરવા એમણે કાંઈ ખાવાને માગ્યું. એટલે એમણે એમને શેકેલો રોટલી અને માછલીનો કટકો દીધો. અને એમણે ઇ હાથો-હાથ લઈને ખાધો.

![](https://cdn.door43.org/obs/jpg/360px/obs-en-42-07.jpg)

ઇ પછી ઈસુએ કીધુ, “મેં તમને કીધુ જ હતું ને! કે, મારા વિશે ઈશ્વરના પવિત્ર ગ્રથમાં ભાખેલું જ છે. ઇ પછી ઈસુએ એમની અંત:ચક્ષુને ખોલી એટલે તેઓ સમજી શક્યા કે, “ઘણા વખત પ્હેલાં આ ભવિષ્ય ભાખેલું હતું કે, આવનાર મસીહ ઘણું દુઃખ ઉઠાવશે, હણાશે અને ત્રીજે દાહડે ઇ સજીવન થાશે.

![](https://cdn.door43.org/obs/jpg/360px/obs-en-42-08.jpg)

વળી "પવિત્ર ગ્રંથમાં ઇ લેખ પણ સે કે, મારા શિષ્યો આ વિશે પ્રચાર-પ્રસાર કરશે અને ઇ હાંભળીને હંધાય પસ્તાવો કરશે અને પાપોની માફી મેળવવી ફરજીયાત સે ઇ લોકો હમજશે. આ મહાકાર્યનો આરંભ યરૂશાલેમથી થાશે, અને ઇ પછી હરેક મલકની કોમ અને હરેક જગાએ આ વાતનો પ્રચાર -પસાર થાશે અને તમે જ આ હંધીય વાતના સાક્ષી સો. ”

![](https://cdn.door43.org/obs/jpg/360px/obs-en-42-09.jpg)

ઇ ઘટના પછી ચાળીસ દહાડા સુધી ઈસુ પોતાના શિષ્યોની આગળ પ્રગટ થતા રહ્યા. એક દહાડે એક જ વેળાએ ૫૦૦ કરતા વધારે લોકોની આગળ પ્રગટ થ્યા. એમણે આ અજાયબ રીતથી શિષ્યોની આગળ ઈ પ્રમાણિત કયરૂ કે, તેઓ પોતે જીવતા સે અને એમણે શિષ્યોને ઈશ્વરના રજવાડા વિષયક બોધ દીધો.

![](https://cdn.door43.org/obs/jpg/360px/obs-en-42-10.jpg)

ઈસુએ પોતાના શિષ્યોને બોધ દેતા કીધુ કે, “સ્વર્ગના રજવાડા અને પૃથ્વીના હંધાય રજવાડા ઉપર સર્વેસર્વ અધિકાર મને અપાયો સે. એટલે હવે તમે જાઓ અને આ ધરા-માની હંધીય જાતિઓના લોકોને શિષ્યો બનાવો. અને એમને બાપ, દીકરા અને પવિત્ર આત્માના નામથી પવિત્ર બાપ્તિસ્મા(જળસંસ્કાર) દયો, વળી જે-જે આદેશો મેં તમને દીધા સે ઇ હંધાય પાળવાનું તેઓને શીખવતા જાઓ, અને જૂઓ જગતના અંત સુધી હું સર્વકાળ (હરહંમેશ) તમારી હાર્યે જ સુ. ”

![](https://cdn.door43.org/obs/jpg/360px/obs-en-42-11.jpg)

ા ફરીથી જીવતા થયાને ચાળીસ દાહડા વિત્યા પછી એમણે એમના શિષ્યોને કીધુ કે, “જ્યાં લગી મારા પિતા તમને પવિત્ર આત્મા વડે તમારા પર સામર્થ્ય ન મોકલે ન્યા લગણ યરૂશાલેમ નગરમાં જ રહેજો. એમ કહી રહ્યા પછી શિષ્યોને ભાળતા ઈસુને સ્વર્ગમાં ખેંચી લેવામાં આવ્યા. અને ઘનઘોર વાદળોઓએ એમને ઢાંકી દીધો. સ્વર્ગે સિધાવી ઈસુ ઈશ્વરના જમણા હસ્તે બિરાજમાન થ્યા અને ન્યાંથી ઇ હંધીય રીતે રાજ ચલાવી રહ્યા સે.

*લની એક વાર્તા :માથ્થી ૨૮:૧૬-૨૦; માર્ક ૧૬ઃ૧૨-૨૦; લૂક ૨૪ઃ૧૩-૪૩; યોહાન ૨૦ઃ૧૯-૨૩; પ્રેરિત ૧ઃ૧-૧૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_42_128kbps.m4a

## 43. ૪૩. મંડળીનો શુભારંભ

https://openbiblestories.org/l/kxp/story-43/

![](https://cdn.door43.org/obs/jpg/360px/obs-en-43-01.jpg)

જ્યારે ઈસુનું સ્વર્ગારોહણ થ્યું ઇ વેળાએ શિષ્યો ઈસુના આદેશ પ્રમાણે યરૂશાલેમમાં જ રોકાણા. વિશ્વાસીઓનું ટોળું હંમેશા ન્યા જ પ્રાર્થના કરવા હાટુ એકઠું થતું હતું.

![](https://cdn.door43.org/obs/jpg/360px/obs-en-43-02.jpg)

દર વરહે, કાપણીની મોંસમના ૫૦ દાહડા પછી, યહૂદી લોકો એક ખુબ જ અગત્યના દાહડાને મહાપર્વની જેમ ઉજવતા હતા. જેને પચાસમાનો દાહડા તરીકે ઓળખવામાં આવે સે. પચાસમાના દાહડાના પર્વને યહૂદી લોકો કાપણીના પર્વ તરીકે પણ મનાવતા હતા. સમસ્ત દુનિયામાં ઠેક-ઠેકાણે વસેલા યહૂદીઓ માદરે વતન યરૂશાલેમમાં આવીને આ પચાસમાના દાહડાને ઉજવતા હતા. આ વર્ષે યહૂદી પંચાંગ પ્રમાણે પચાસમાનો દાહડો ઇ ઈસુના સ્વર્ગ સિધાવ્યાને લગભગ એક સપ્તાહ પછી આવ્યો હતો.

![](https://cdn.door43.org/obs/jpg/360px/obs-en-43-03.jpg)

જ્યારે હંધાય વિશ્વાસીઓ એક જ ઠેકાણે આરાધના કરવા એકઠા થ્યા હતા, ત્યારે અચાનક જ ઇ ઘર ધણધણી ઉઠ્યું આખું ઘર એક ઝંઝાવાતી પવન જેવા દેકારથી ભરાઈ ગ્યું. ને પછી આગના જેવી જીભો હંધાય વિશ્વાસીના ઉપર આવી. ઇ હંધાય પવિત્ર આત્માથી છલકાયા અને ઇ હંધાય નોખી નોખી ભાષાઓમાં બોલવા લાગ્યા.

![](https://cdn.door43.org/obs/jpg/360px/obs-en-43-04.jpg)

જ્યારે યરૂશાલેમના લોકોએ આ દેકારો હાંભળ્યો ત્યારે ન્યા હું થઈ રહ્યું સે ઇ જાણવા હાટુ એક આખું ટોળુ ન્યા ભેગું થઈ ગ્યું. જ્યારે લોકો વિશ્વાસીઓને મુખે ઈશ્વરના પરાક્રમી કાર્યોને વર્ણવતા હાંભળ્યા ત્યારે એમની આંખો ફાટી ગઈ. તેઓ ખુબ જ અચંબિત થાતા વિશ્વાસીઓની વાતોનું વર્ણન પોત-પોતાની ભાષા-બોલીમાં થતું હાંભળીને ખુબ જ નવાઈ પામ્યા.

![](https://cdn.door43.org/obs/jpg/360px/obs-en-43-05.jpg)

કેટલાક લોકોએ શિષ્યો પર દારૂના નશામાં ફજેતો કરી રહ્યા છે એવો દોષ કાઢ્યો. પણ ઈસુના એક શિષ્ય, પિતરે હિમંતભેર ઊભા થઈને તેઓને કહ્યું, “મારી વાત કાન ધરો ! આ લોકો કોઈ નશામાં નથી! આ તો અગાઉ ભાંખેલ ભવિષ્યવાણી પૂરી થઈ રહી છે કી જી યોએલ નામના પુરોહિત-સંતે ભાંખી હતી કે, ‘છેલ્લા દાહડાઓમાં, હું મારો આત્મા રેડી દઈશ. ’

![](https://cdn.door43.org/obs/jpg/360px/obs-en-43-06.jpg)

"હે ઇસ્રાએલના લોકો, ઈસુ એક સંપુર્ણ મનુષ્ય હતા જેમણે ઈશ્વરીય શક્તિની સહાયથી ઘણા પ્રકારના ચિહ્ન અને ચમત્કારો કયરા હતા, જેને તમે તમારી સગ્ગી આંખે ભાળ્યા છે અને તમે સારી પેઠે જાણતા હોવા છતાંય. એમને તમે વધ:સ્તંભ પર જડી દીધા!"

![](https://cdn.door43.org/obs/jpg/360px/obs-en-43-07.jpg)

"અને ઈસુ મૃત્યુ પામી કબરે દટાયા પણ ઈશ્વરે એમને મૂએલામાંથી સજીવન કરી દીધા. આ તો અગાઉ ભાખેલી ભવિષ્યવાણી પૂરી થયાની આ વાત છે. એમણે અગમ ભાખતા કીધુ હતું કે, ‘તું તારા પવિત્રને કબરમાં સડવા દેશે નહિ. ’અમો ઇ જ વાતના સાક્ષી છીએ કે ઈશ્વરે ઈસુને ફરીથી સજીવન કર્યો સે. "

![](https://cdn.door43.org/obs/jpg/360px/obs-en-43-08.jpg)

"હાલ ઈસુ ઈશ્વરની જમણી બાજુએ બિરાજેલો છે. અને જેમ એમણે વચન દીધુ હતું ઇ પ્રમાણે એમણે પવિત્ર આત્માને મોકલ્યા છે. જે વસ્તુઓ હવે તમે જોઈ અને હાંભળી રહ્યા છો, ઈ મુજબ એમણે પવિત્રઆત્માને મોકલી દીધા સે. " જે બિનાઓ બનતી તમે ભાળી રહ્યા છો ઇ તો પવિત્રઆત્માને આભારી સે.”

![](https://cdn.door43.org/obs/jpg/360px/obs-en-43-09.jpg)

"તમે આજ ઈસુને વધ:સ્તંભે ઠોકી બેસાડ્યા. ” પણ આ વાત દિવા જેવી સે કે ઇશ્વરે જ ઈસુને પ્રભુ અને મસીહા(મોક્ષદાતા) બનાવ્યા સે. ”

![](https://cdn.door43.org/obs/jpg/360px/obs-en-43-10.jpg)

જી વાતોનું વર્ણન પિતર કહી રહ્યો હતો, ઇ હંધાય બહુ ગંભીરતાથી હાંભળીને પ્રભાવિત થયા. એટલે એમણે પિતર અને બીજા પ્રેરિતોને પૂછ્યું, “ભાઈઓ, હવે અમારે હું કરવું જોઈએ?”

![](https://cdn.door43.org/obs/jpg/360px/obs-en-43-11.jpg)

પિતરે એમને વળતો ઉત્તર દેતા કીધુ, “હરેકે પોતાનું મન પાપમાંથી ફેરવવું જોઈએ અને ઈસુ ખ્રિસ્તના નામથી બાપ્તિસ્મા(જળ-સંસ્કાર) લેવું જોઈએ એટલે તમારા પાપ-ગુન્હા માફ થઈ જશે. અને ઇ તમને પવિત્રઆત્માનું દાન આપશે. ”

![](https://cdn.door43.org/obs/jpg/360px/obs-en-43-12.jpg)

પિતરે જે કીધુ એના પર લોકોએ ભરોસો કયરો અને ઈ જ દહાડે ૩૦૦૦ જેટલા લોકો ઈસુ ખ્રિસ્ત પર ભરોસો કરીને ઈસુના શિષ્યો બન્યા. એમણે બાપ્તિસ્મા(જળ-સંસ્કાર) લીધું અને યરૂશાલેમ નગરની મંડળીના સભાસદ બની ગયા.

![](https://cdn.door43.org/obs/jpg/360px/obs-en-43-13.jpg)

યો હરહંમેશા પ્રરિતોના બોધને ધ્યાનથી હાંભળતા હતા. એકબીજાની હારે સમય ગાળતા હતા, એકબીજાની હારે ભોજન લેતા હતા. અને હારે મળીને પ્રાર્થના કરતા હતા. તેઓ એકમેકની હારે મંડળીમાં ઈશ્વરને સ્તુતિના અર્પણો ચઢાવતા હતા. વળી જે કાંઈ પણ એમની કને હતું ઇ તેઓ અંદરો-અંદર વહેચતાં હતા. એકમેકની કાળજી રાખતા હતા. અને દરરોજ મંડળીમાં ઈસુ પર વિશ્વાસ કરનારાઓની સંખ્યા વધતી જતી હતી.

*લની એકવાર્તા :પ્રરિતોનાં કૃત્યો ૨*

Audio: https://git.door43.org/OBS-TLF/kxp_obs/releases/download/v1/kxp_obs_v1_43_128kbps.m4a

## 44. ૪૪. પિતર અને યોહાન એક ભિક્ષુક્ને સાજો કરે છે

https://openbiblestories.org/l/kxp/story-44/

![](https://cdn.door43.org/obs/jpg/360px/obs-en-44-01.jpg)

એક દાહડે ખરા બપોરે પિતર અને યોહાન મંદિરમાં જઈ રહ્યાં હતાં. જ્યારે તેઓ મંદિરના દરવાજે પૂગ્યા ત્યારે એમણે એક અપંગ ભિક્ષુક્ને ભિક્ષા માંગતા ભાળ્યો.

![](https://cdn.door43.org/obs/jpg/360px/obs-en-44-02.jpg)

પિતરે ઇ અપંગ ભિક્ષુક ઉપર નજર કરીને કીધુ, “મારી કને તને દેવા હાટુ તો કાંઈ નાણું નથી. પણ મારી કને જે સે ઇ હું તને આપું સુ. એમ કહીં પિતરે ભિક્ષુક્ને કીધુ કે, ઈસુના નામમાં ઊઠ ઉભો થા અને હાલતો થા!”

![](https://cdn.door43.org/obs/jpg/360px/obs-en-44-03.jpg)

ઇ જ વેળાએ ઈશ્વરે ઇ અપંગ ભિક્ષુક્ને સાજો કરી દીધો, અને ઇ હાલતો- ને કૂદતો ચારેકોર ફેર-ફુદરડી ફરતો, અને ઈશ્વરના ગુણલા ગાવા લાગ્યો. મંદિરના પટાંગણમાં(ચોકમાં) જી લોકો હતા ઇ હંધાય અચંબો પામી ગ્યા.

![](https://cdn.door43.org/obs/jpg/360px/obs-en-44-04.jpg)

જે અપંગ ભિક્ષુક સાજો થ્યો હતો એને જોવાને હાટુ લાગલું ટોળુ એકઠું થઈ ગ્યું. પિતરે એમને ઉદ્દેશીને કીધુ, “તમે હંધાય આ વાતથી કેમ ચક-ચકિત થ્યા સો ? કે આ માણસ કેવીરીતે સાજો થ્યો હશે? આ ઘટના અમારી શક્તિથી બની નથી. પણ કેવળ ને કેવળ ઈસુના શક્તિથી આ વ્યક્તિ સાજો થયો સે."

![](https://cdn.door43.org/obs/jpg/360px/obs-en-44-05.jpg)

"તમે જ રોમન રજવાડાના રાજ્યપાલને બુમ-બરડા પાડી-પાડીને કીધુ હતું ને કે, ઈસુને હણી નાખવામાં આવે. તમે જીવન દેનારને હણી નાખ્યો, પણ ઈશ્વરે એમને મૂએલાઓમાંથી જીવતા કર્યા. તમે જાણતા નહોતા કે તમે ખરેખર હું કરી રહ્યા હતા, પણ જુઓ ઈશ્વરે તમારા ઇ નઠારા કામોની ભવિષ્યવાણી હાચી ઠેરવવા હાટુ તમારો ઉપયોગ કર્યો. ઇ હાટુ કે, તમે હવે તો મન બદલાવો અને ઈશ્વર પાહે પાછા ફરો જેથી કે,તમારા અપરાધ માફ કરી દેવામાં આવે.”

![](https://cdn.door43.org/obs/jpg/360px/obs-en-44-06.jpg)

પિતર અને યોહાનના મહા પરાક્રમી વિશ્વાસના કાર્યોથી મંદિરના મહંતો અને આગેવાનો હેરાન-પરેશાન હતા એટલે એમણે તેઓને બંદી બનાવ્યા. અને જેલમાં નાખી દીધા. પણ ઘણાએ બોધ પર વિશ્વાસ કયરો અને વિશ્વાસ કરનારાઓની સંખ્યા વધીને ૫,૦૦૦ થઈ ગઈ.

![](https://cdn.door43.org/obs/jpg/360px/obs-en-44-07.jpg)

બીજા દાહડે, યહૂદી સેનાપતિએ પિતર અને યોહાનને મહાપુરોહિત અને બીજા ધાર્મિક સંતો-પુરોહિતો સામે લઈ ગ્યા. એમણે પિતર અને યોહાનને પૂછ્યું કે, “તમે આ અપંગ ભિક્ષુકને કોની શક્તિથી સાજો કયરો સે?”

![](https://cdn.door43.org/obs/jpg/360px/obs-en-44-08.jpg)

પિતરે તેઓને ઉત્તર દેતા કીધુ, “આ માણસ ઈસુ મસિહની શક્તિથી સાજો થઈને હાલ તમારી આગળ ઊભો સે. તમે ઈસુને વધ:સ્તંભે જડી હણી નાંખ્યા, પણ ઈશ્વરે એમને મૂએલામાંથી ફરી પાછા સજીવન કરી દીધા. તમે એમનો તિરસ્કાર કયરો, પણ જાણી લ્યો કે, તારણ પામવા હાટુ ઈસુ વિના બીજો કોઈ જ મારગ નથી.”

![](https://cdn.door43.org/obs/jpg/360px/obs-en-44-09.jpg)

ાનો હેપતાય ગ્યા. પિતર અને યોહાનમાં આટલી હિંમત આવી ક્યાંથી? અધિકારીઓ જાણતા હતા કે આ લોકો(શિષ્યો) તો સાવ સાધારણ અને અભણ માણસો સે. પરંતુ પાછું એમને એ પણ સ્મરણમાં આવ્યુ કે, આ ઇ જ લોકો સે કે, જેમની હાર્યે ઈસુ રહેતા હતા. એટલે પછી તેઓએ પિતર અને યોહાનને ચીમકી આપી અને પછી છોડી મુક્યા.

*લની એકવાર્તા : પ્રેરિતોનાં કૃત્યો ૩ઃ૧-૪ઃ૨૨*

Audio: https://git.door43.org/OBS-TLF/kxp_obs/releases/download/v1/kxp_obs_v1_44_128kbps.m4a

## 45. ૪૫. ફિલિપ અને કૂશ મલકનો અધિકારી

https://openbiblestories.org/l/kxp/story-45/

![](https://cdn.door43.org/obs/jpg/360px/obs-en-45-01.jpg)

પરથમના ખ્રિસ્તી સમુદાયમાં એક માણસ હતો એનું નામ સ્તેફન હતું. તે એક સારી શાખ ધરાવતો, જાણકાર અને પવિત્રઆત્માથી ભરપૂર હતો. સ્તેફને ઘણા અજાયબ કામો કિધા હતા. વળી એ લોકોને બહુ સારી રીતે સમજાવતો હતો.

![](https://cdn.door43.org/obs/jpg/360px/obs-en-45-02.jpg)

એક દહાડે જ્યારે સ્તેફન ઈસુ વિષે બોધ આપી રહ્યો ત્યારે, કેટલાક યહૂદીઓ એની હાર્યે વાદ-વિવાદ કરવા લાગ્યા. આ યહૂદીઓ ઈસુને માનતા ના હોતા એટલે ગુસ્સામાંથી તેઓ સ્તેફનની હાર્યે જીભા-જોડી પર ઊતરી આવ્યા. અને એને ફાંદામાં નાંખીને ધાર્મિક આગેવાનો આગળ જૂઠો ઠેરવતા કિધુ કે, “અમે આ માણસને આપણા પયંગબર મૂસા અને ઈશ્વરની વિરુદ્ધ નિંદા સાથે ટી પ્પણી કરતા સાંભળ્યો છે!” એટલે ધાર્મિક આગેવાનોએ સ્તેફનને કેદી બનાવી ધર્મના વાડા મહા-પુરોહિત આગળ રજુ કર્યો, જ્યાં એમણે સ્તેફન વિરુદ્ધ જૂઠા તહોમદારો ઊભા કરીને એને ખોટો ઠેરવ્યો.

![](https://cdn.door43.org/obs/jpg/360px/obs-en-45-03.jpg)

વડા મહા-પુરોહિતે સ્તેફનને પૂછ્યું, “શું આ બધી વાતો સાચી છે?” સ્તેફને એમને ઇબ્રાહિમના સમયથી લઈને ઈસુના સમય સુધી ઈશ્વર દ્વારા થઈ ગયેલી મહાન વાતો યાદ કરાવતા ઉત્તર આપ્યો કે કેવી રીતે ઈશ્વરના લોકોએ એમની આજ્ઞાનો અનાદર કર્યો. ત્યારે એણે કહ્યું, “તમે કઠોર મનના અને બળવો કરનારા લોકો છો, તમે હંમેશા પવિત્ર આત્માનો વિરોધ કરતા રહો છો જેવી રીતે તમારા પયંગબરોને મારી નાખીને ઈશ્વરનો વિરોધ કર્યો. પણ તમે એમનાથી પણ ખરાબ કામ કર્યું! તમે ખ્રિસ્તને એટલે કે તારણહરને હણી મારી નાખ્યા!”

![](https://cdn.door43.org/obs/jpg/360px/obs-en-45-04.jpg)

જ્યારે આ કડવી પણ સત્યવાન ધાર્મિક આગેવાનોએ સાંભળી એટલે તેઓ ખુબ જ કોપાયમાન થ્યા. તેઓએ પોતાના કાન જાણે કે બંધ કરી લીધા અને જોર-જોરથી દેકારો કરતા તેઓ સ્તેફનને નગરીની બહાર ઢસડી ગ્યા. અને એનું ઢીમ ઢાળી દેવા હાટુ એના પર પથ્થરમારો શરુ કર્યો.

![](https://cdn.door43.org/obs/jpg/360px/obs-en-45-05.jpg)

પથ્થરોના મારથી જ્યારે સ્તેફન મરી રહ્યો હતો, એ વેળાએ તેણે ઊંચા અવાજે પોકાર્યું, “હે ઈસુ પિતા મારા આત્માને કબૂલ કરો.” એ પછી એણે ઘૂટણીયે પડીને મોટો ઘાંટો પાડતા પોકાર્યું કે, “હે પ્રભુ, આ દોષ એમના માથા પર ના નાંખતા.”એટલું બોલીને તે મરણ પામ્યો.

![](https://cdn.door43.org/obs/jpg/360px/obs-en-45-06.jpg)

શાઉલ નામનો એક જુવાનીયો સ્તેફનને હણવામાં સહમત હતો. અને એ લોકોના પહેરણની રખેવાડી કરી રહ્યો હતો. જેઓ સ્તેફનને પથ્થરે મારતા હતા. એ જ દહાડે, યરૂશાલેમમાં ઘણા લોકો ઈસુની પાછળ ચાલનારા એમના અનુયાયીઓની કનડગત(સતાવણી) કરવા લાગ્યા, એટલે વિશ્વાસથી લોકો અહી-તહી અન્ય સ્થળોએ ભાગી છૂટ્યા. એમ છતાંય એ જ્યાં પણ ગયા ન્યા એમણે ઈસુની શુભ સુવાર્તાનો પ્રચાર-પ્રસાર કર્યે જ રાખ્યો

![](https://cdn.door43.org/obs/jpg/360px/obs-en-45-07.jpg)

ઈસુનો એક શિષ્ય કે, જેનું નામ ફિલિપ હતું એ વિશ્વાસીઓમાંનો એક હતો. એ પણ સતાવણીના કારણે યરૂશાલેમ છોડીને ભાગી ગ્યો હતો. એ સમરૂન નગરીમાં ગ્યો. ન્યા એણે ઈસુની સુવાર્તાનો પ્રચાર-પ્રસાર કર્યો. એથી ઘણા લોકો ઉદ્ધાર પામ્યા. એક દહાડે, ઈશ્વરના દૂતે ફિલિપને વન-વગડાના મારગે જવાનો આદેશ આપ્યો. જ્યારે એ મારગે હાલતો હતો ત્યારે ફિલિપે કૂશ મલકના એક મોટા અમલદારને પોતાના રથ પસાર થતા ભાળ્યો. એ વેળાએ પવિત્ર આત્માએ ફિલિપને જણાવ્યું કે, “જા અને આ વ્યક્તિ હાર્યે વાર્તાલાપ કર!.”

![](https://cdn.door43.org/obs/jpg/360px/obs-en-45-08.jpg)

જ્યારે ફિલિપ રથની કને ગયો ત્યારે એણે ખોજાને યશાયા પુરોહિતનું પવિત્ર ગ્રંથ વાંચતા ભાળ્યો. એ વાંચી રહ્યો હતો કે, “તેઓ એમને ઘેટાંની જેમ વધ કરવા હાટુ લઈ ગ્યા તેમ છતાંય તેઓ ઘેટાંની જેમ શાંત રહે તેમ શાંત જ હતા, એમણે જીભે એક પણ હરફ સુધ્ધાં ના ઉચ્ચાર્યો. તેઓએ એમની હાર્યે અન્યાયથી વ્યવહાર કર્યો અને એનો અનાદર કર્યો. અને આખરે તેઓએ એનો પ્રાણ હરી લીધો.”

![](https://cdn.door43.org/obs/jpg/360px/obs-en-45-09.jpg)

ફિલિપે ખોજાને પૂછ્યું, “તમે જે વાંચી રહ્યા છો શું તમે સમજી પણ રહ્યા છો?” ખોજાએ ઉત્તર દેતા કિધુ “ના હો. જ્યાં લગી મને કોઈ સમજાવે નહિ ત્યાં લગન હું કેમ સમજી શકું. મહેરબાની કરીને મારી હાર્યે આવ અને બેસ. શું યશાયા પુરોહિત આ હંધુય પોતાના વિશે લખે છે કે, કોઈ બીજાના હાટું ક્યે છે?

![](https://cdn.door43.org/obs/jpg/360px/obs-en-45-10.jpg)

ફિલિપે ઈથિયોપિયાના મલકના એ માણસને સમજાવતા કિધુ કે, યશાયા પુરોહિત ઈસુના વિષે લખે છે. ફિલિપે પવિત્ર ગ્રંથના બીજા ખંડોના સારાંશનો ઉપયોગ કરીને ઈસુની આખે-આખી સુવાર્તા એને સંભળાવી દિધી.

![](https://cdn.door43.org/obs/jpg/360px/obs-en-45-11.jpg)

મારગમાં જાતા ફિલિપ અને ઈથિયોપિયાના મલકના રહેવાસી જ્યાં થોડુ પાણી હતું ન્યાં પૂગ્યા. એટલે ઈથિયોપિયાના રહેવાસીએ કિધુ, જુઓ! અહીંયા થોડુ પાણી છે! શું મને હાલ જ બાપ્તિસ્મા(જળસંસ્કાર) મળી શકે?” એટલે એણે રથ થોભાવવાનો આદેશ કર્યો.

![](https://cdn.door43.org/obs/jpg/360px/obs-en-45-12.jpg)

એ પછી એ બેઉ પાણીમાં ઊતર્યા, અને ફિલિપે ખોજાને બાપ્તિસ્મા(જળસંસ્કાર) કારવ્યું. જ્યારે તેઓ પાણીમાંથી બહાર નીકળ્યા ત્યારે પવિત્ર આત્મા અચાનક જ ફિલિપને અન્યત્ર લઈ ગયા. ન્યા એણે લોકોને ઈસુની સુવાર્તાનો પ્રચાર-પ્રસાર કર્યે રાખ્યો.

![](https://cdn.door43.org/obs/jpg/360px/obs-en-45-13.jpg)

ઈસુને પામીને ખુબ જ હરખાયો અને પોતાના ઘર તરફની મુસાફરીએ હાલતો થ્યો.

*લની એક વાર્તાઃપ્રેરિતોનાં કૃત્યો 6:8-8:5; 8:26-40*

Audio: https://git.door43.org/OBS-TLF/kxp_obs/releases/download/v1/kxp_obs_v1_45_128kbps.m4a

## 46. ૪૬. પાઉલ ખ્રિસ્તનો અનુયાયી બને છે

https://openbiblestories.org/l/kxp/story-46/

![](https://cdn.door43.org/obs/jpg/360px/obs-en-46-01.jpg)

શાઉલ એક જુવાનિયો માણસ હતો. જે લોકોના પહેરણની રખેવાળી કરતો હતો. જેઓએ સ્તેફનને હણી નાંખ્યો તેઓ ઈસુ ખ્રિસ્ત પર ભરોસો કરતો નહોતા. શાઉલ પણ એમાનો એક જ કરતા હતો. અને એટલે જ એ વિશ્વાસીઓને કનડગત કર્યા કરતો હતો. એ યરૂશાલેમના ઘેર-ઘેર જઈને પુરુષો અને બાઈઓને કેદી બનાવતો હતો કે, જેથી એ તેઓને જેલમાં પૂરાવી શકે. ધર્મોધ્યક્ષે પુર્રોહિત શાઉલને મંજૂરી આપી દીધી હતી કે, એ ખ્રિસ્તીઓને બંદી બનાવવા હાટુ દમસ્ક નગરમાં જાય. અને એમને અહીં યરૂશાલેમમાં લઈ આવે.

![](https://cdn.door43.org/obs/jpg/360px/obs-en-46-02.jpg)

જ્યારે શાઉલ દમસ્કના મારગે હાલતો હતો ત્યારે આકાશમાંથી એક મોટા ઝબકારાના પ્રકાશે એને પાડી નાંખ્યો. શાઉલે કોઈકને એમ કહેતા સાંભળ્યો કે, “શાઉલ! શાઉલ! તું મને કેમ કનડે છે?” શાઉલે હેલતાઈને પૂછ્યું, “પ્રભુ, તમે કોણ છો?” ઈસુએ જવાબ દીધો, “હું ઈસુ છું કે, તું જેને હેબતાઈને કનડયા કરે છે તે !”

![](https://cdn.door43.org/obs/jpg/360px/obs-en-46-03.jpg)

જ્યારે શાઉલ ઊઠ્યો, ત્યારે એ કાંઈ ભાળી શકતો નહોતો. એના સાથીદારોને એને દમસ્ક બાજુ ટીંગાટોળી કરીને લઈ જવો પડ્યો. શાઉલે ત્રણ દહાડા લગી કાંઈ ખાધું કે પીધું નહિ.

![](https://cdn.door43.org/obs/jpg/360px/obs-en-46-04.jpg)

દમસ્કમાં અનાન્યા નામનો પ્રભુનો એક શિષ્ય વસતો હતો. ઈશ્વરે એને જણાવ્યું,કે, “જે ઘરમાં શાઉલ રોકાયેલો છે ન્યા જા. અને એના પર તારો હાથ મૂક. એટલે એ ફરીથી ભાળતો થાશે. ” પણ અનાન્યાએ કીધું “અરે! મારા પ્રભુ આ માણસે તારા વિશ્વાસીઓને કેવી કનડગત કરી ને કાળો કેર વર્તાવ્યો છે?એ બારામાં મે સાંભળ્યું છે .ઈશ્વરે એને ઉત્તર દીધો, “તું જા! મેં એને પસંદ કર્યો છે કે, એ યહૂદીઓ તથા અન્ય જાતિના લોકોને મારું નામ જણાવે. અને એ એમ કરતા મારા નામને હાટે એને ઘણા કષ્ટો ઉઠાવવવા પડશે. ”

![](https://cdn.door43.org/obs/jpg/360px/obs-en-46-05.jpg)

એ સાંભળીને અનાન્યા શાઉલ કને ગ્યો, ને એના માથા ઉપર તેનો હાથ મુક્યો, અને એને કીધું કે, “મારગમાં હાલતા તને જે પ્રગટ થ્યા, એમણે મને તારી કને મોકલ્યો છે. જેથી તારોઅંધાપો દૂર થાય અને તું પવિત્ર આત્માથી ભરપૂર થઈ શકે. શાઉલ તરત જ પાછો દેખતો થઈ ગ્યો અને અનાન્યાએ એને બાપ્તિસ્મા(જળસંસ્કાર) આપ્યું. એ પછી એણે ભોજન કર્યું અને એનામાં પાછી સ્ફૂર્તિ આવી.

![](https://cdn.door43.org/obs/jpg/360px/obs-en-46-06.jpg)

એ સમયે, શાઉલ દમસ્કમાં રહેતા યહૂદીઓને પ્રચાર કરવા લાગ્યો કે, “ઈસુ જ ઈશ્વરના દીકરા છે!” યહૂદી લોકોને બહુ જ નવાઈ લાગી કે, જે માણસ વિશ્વાસીઓને હતા-નહતા કરવાની પેરવીમાં હતો, એને જ ઈસુની લગની લાગી ગઈ. શાઉલ બહુ નક્ક્ર્તાતાથી યહૂદીયોમાં એ સાબિત કરતો હતો કે, ઈસુ એ જ ખ્રિસ્ત એટલે કે, તારણહાર છે.

![](https://cdn.door43.org/obs/jpg/360px/obs-en-46-07.jpg)

ઘણાં વખત પછી, યહૂદીઓએ જ શાઉલને પતાવી દેવાની યોજના ઘડી કાઢી. એમણે નગરના મુખ્ય માર્ગો અને પ્રવેશદ્વારો પર નજર રાખવા માણસોને ઊભા કર્યા. કે જેથી એનું કાસળ કાઢી શકાય. પરંતુ શાઉલે એ યોજનાની ખબર પડી ગઈ અને એ સાબધે થઈ ગયો. એમાં એના સાથીમિત્રોએ બચવામાં છુપી મદદ કરી. એક રાત્રે કરંડિયામાં છુપાવી એને કોટની પાર રવાના કર્યો. દમસ્કથી નીકળીને પણ એણે અન્ય જગ્યાઓમાં ઈસુનો પ્રચાર-પ્રસાર કરવાનું શરુ જ રાખ્યું.

![](https://cdn.door43.org/obs/jpg/360px/obs-en-46-08.jpg)

શાઉલ શિષ્યોને મળવા હાટુ યરૂશાલેમમાં ગ્યો. પરંતુ શિષ્યો શાઉલના ભૂતકાળને કારણે(પહેલાના જીવનને લીધે ગભરાયેલા હતા. પછી બર્નાબાસ નામના એક શિષ્યે પહેલ કરી. શાઉલને પ્રેરિતોની મુલાકાત કરાવી. અને એ પણ જણાવ્યું કે, શાઉલે કેવી રીતે હિંમતથી દમસ્કમાં ઈસુને પ્રગટ કર્યા હતા. એ હંધીય ઘટનાઓ વર્ણવી એટલે શિષ્યોએ શાઉલનો પણ શાઉલનો સ્વીકાર કર્યો.

![](https://cdn.door43.org/obs/jpg/360px/obs-en-46-09.jpg)

કેટલાક વિશ્વાસીઓ જે યરૂશાલેમમાં થયેલી કનડગતથી ગભરાઈને ભાગી ગયા હતા. તેઓ દૂર એવા અંત્યોખ નગરમાં ચાલ્યા ગ્યા. અને ન્યા એમણે ઈસુને પ્રગટ કર્યો. અંત્યોખમાં યહૂદીઓની સંખ્યા વધારે ન હતી, પણ પ્રથમ વેળા તેઓમાંથી ઘણા વિશ્વાસીઓ તરીકે પોતાને જાહેર કર્યા. બાર્નાબાસ અને શાઉલ આ નવા-સવા વિશ્વાસીઓની કને ગયા. જેથી તેઓ તેમને ઈસુના વિશે ઊંડાણથી સમજાવી શકે. અને ખ્રિસ્તી સમુદાય તરીકે એમને બરાબર સ્થિર કરી શકે. અંત્યોખમાં વિશ્વાસીઓ સૌ પ્રથમ “ખ્રિસ્તી” તરીકે ઓળખ પામ્યા.

![](https://cdn.door43.org/obs/jpg/360px/obs-en-46-10.jpg)

એક દહાડે, જ્યારે અંત્યોખના હંધાય ખ્રિસ્તીઓ ઉપવાસ સહિત પ્રાર્થના કરી રહ્યા હતા, એ વેળાએ પવિત્ર આત્મા એ તેમને કીધું કે, “બાર્નાબાસ અને શાઉલને મારુ કામ કરવા હાટુ તમારાથી અલગ કરો(છુટા પાડો)( અલગ તરવો),જે હેતુ માટે મેં એમને તેડ્યા છે. એ પૂર્ણ થાય એટલે અંત્યોખની મંડળીએ બાર્નાબાસ અને શાઉલ હાટુ પ્રાર્થના કરી અને એમને બીજા વિસ્તારો હાટુ ઈસુને પ્રગટ કરવા મોકલ્યા. બાર્નાબાસ અને શાઉલે ઘણી બધી કોમના લોકોને ઈસુની શુભ સુવાર્તા સુણાવી. અને એનાથી ઘણા લોકોએ ઈસુ પર વિશ્વાસ જાહેર કર્યો.

*બાઇબલની એક વાર્તાઃ પ્રેરિતોનાં કૃત્યો ૮ઃ૩; ૯ઃ૧-૩૧; ૧૧ઃ૧૯-૨૬; ૧૩ઃ૧-૩*

Audio: https://git.door43.org/OBS-TLF/kxp_obs/releases/download/v1/kxp_obs_v1_46_128kbps.m4a

## 47. ૪૭. ફિલિપી નગરીમાં પાઉલ અને સિલાસ

https://openbiblestories.org/l/kxp/story-47/

![](https://cdn.door43.org/obs/jpg/360px/obs-en-47-01.jpg)

જ્યારે શાઉલ આખાય રોમન રજવાડાના મલકમાં મુસાફરી કરવા લાગ્યો ત્યારે એ પોતાના રોમન નામ “પાઉલ” નો ઉપયોગ કરવા લાગ્યો. એક દાહાડે, પાઉલ અને એનો મિત્ર સિલાસ ઈસુની સુવાર્તા પ્રચાર કરવા હાટુ ફિલિપી નગરીમાં ગ્યા. આ નગરી બહાર એક નદીને કાંઠે એક જગાએ તેઓ પૂગ્યા. જ્યાં લોકો પ્રાર્થના કરવા હાટુ એકઠા થ્યા હતા. ન્યા તેઓને લુદિયા નામની બાઈ મળી. જે એક વેપારી હતી. પણ એ ઈશ્વરને ચાહતી હતી. અને એની આરાધના કરતી હતી.

![](https://cdn.door43.org/obs/jpg/360px/obs-en-47-02.jpg)

ઈશ્વરે લુદિયાનું અંતરંકરણને ખોલી દીધુ કારણ કે, એ ઈસુની સુવાર્તા પર ભરોસો કરતી હતી. વળી એણે અને એના કુટુંબે બાપ્તિસ્મા લીધું. એણે પાઉલ અને સિલાસને પોતાના ઘરે રહેવા નોતરું દીધું. એટલે તેઓ ભાઈને અને તેનું કુટુંબ સાથે રહ્યા.

![](https://cdn.door43.org/obs/jpg/360px/obs-en-47-03.jpg)

પાઉલ અને સિલાસ મોટા ભાગે લોકોને પ્રાર્થના કરવાની જગ્યાએ મળ્યાં કરતા હતા. હરવખત જ્યારે તેઓ એમ મળતા હતા, ન્યા આશુરી -આત્માથી પીડિત એક છોકરી એમની વાંહે-વાંહે ફર્યા કરતી હતી. આશુરી આત્મા વડે એ છોકરી લોકોને એમનું ભવિષ્ય ભાખની હતી. એટલે એક જોષ જાનારી આધારે જ્યોતિષીના રૂપમાં એના માલિકોને સોનાની મરઘીની જેમ નાણા ઉપજાવી આપતી હતી.

![](https://cdn.door43.org/obs/jpg/360px/obs-en-47-04.jpg)

જ્યારે તેઓ પસાર થઈ રહ્યા હતા ત્યારે આ દાસી બૂમો પાડીને જોર-જોરથી કહેતી હતી કે, “આ માણસો સૌથી મોટા ઈશ્વરના સેવકો છે. તેઓ તમને મોક્ષ પામવાનો મારગ બતાવી રહ્યા છે. ”આ જ રીતે એ કર્યા કરતી એટલે એનાથી પાઉલ નિરાશ થઇ ગ્યો.

![](https://cdn.door43.org/obs/jpg/360px/obs-en-47-05.jpg)

છેવટે એક દહાડે દાસીએ બૂમ-બરાડા પાડવાનું શરૂ કર્યું, તો એની અંદર રહેલા આશુરી આત્માને પાઉલે કહ્યું, “ઈસુના નામમાં તેનામાંથી બહાર નીકળી આવ. ” ને એ જ વેળાએ આશુરી શક્તિએ એને છોડી દિધી.

![](https://cdn.door43.org/obs/jpg/360px/obs-en-47-06.jpg)

એટલે એ છોકરીના માલિકો ઘણા કોપાયમાન થ્યા. તેઓ જાણી ગ્યા કે, આશુરી આત્માની શક્તિ વગર હવે આ છોકરી લોકોનું ભવિષ્ય ભાગી શકશે નહિ. એનો સીધો અરથ એ થ્યો કે, હવે એ ભવિષ્ય ભાખવાને સમર્થે નથી રહી ને હવે એના તરફથી જે આવક એના માલીકોને થતી હતી એ થશે નહિ.

![](https://cdn.door43.org/obs/jpg/360px/obs-en-47-07.jpg)

એટલે દાસીના માલિકો પાઉલ અને સિલાસને રોમન રજવાડાના અધિકારીઓની કણૅ લઈ ગ્યા. એમણે એમને માર માર્યા અને જેલમાં પૂરી દીધા.

![](https://cdn.door43.org/obs/jpg/360px/obs-en-47-08.jpg)

એમણે પાઉલ અને સિલાસને જેલની અંદરના ગુપ્તખાનામાં નાખ્યા. એટલે સુધી કે, એમનાં પગોમાં ભારેખમ બેડીઓ પહેરાવી દીધી. એમ છતાંય તેઓ મધરાતે તેઓ ઈશ્વરના ગુણલા ગાતા હતાં.

![](https://cdn.door43.org/obs/jpg/360px/obs-en-47-09.jpg)

અચાનક જ ન્યા એક ભયંકર ભૂંકપ આવ્યો. જેલના હંધાય દરવાજા ખૂલી ગ્યા. અને હંધાય કેદીઓની બેડીઓ તૂટી ગઈ.

![](https://cdn.door43.org/obs/jpg/360px/obs-en-47-10.jpg)

રખેવાળ સિપાઈ જાગી ગ્યો. એણે ભાળ્યું કે, જેલના દરવાજા તો ખુલ્લી ગ્યા છે. એના મોતિયા મરો ગ્યા ડરના માર્યા એણે વિચાર્યું કે, હંધાય કેદી ભાગી છૂટ્યા છે. એટલે સરકારના ડરથી એણે પોતાને મારી નાખવાની યોજના બનાવી. (એ બહુ સારી રીતે જાણતો હતો કે, કેદીઓ ભાગી જશે તો રોમન અધિકારીઓ એને જીવતો નહિ જાવાદે. ) પરંતુ પાઉલે એને એમ કરતા ભાળ્યો ને બૂમ પાડી, “થોભી જા! પોતાને આત્મઘાત કર માં! અમો અહીં જ છીએ. ”

![](https://cdn.door43.org/obs/jpg/360px/obs-en-47-11.jpg)

રખેવાળ સિપાઈ થરથરતો પાઉલ અને સિલાસની કણે આવ્યો, અને પૂછ્યું “ઉદ્ધાર પામવા હાટુ હું શું કરું?” પાઉલે ઉત્તર દિધો, “જો તું પ્રભુ ઈસુ ખ્રિસ્ત પર ભરોસો કરીશ તો તું અને તારા ઘરના હંધાય ઉદ્ધાર પામશો. ”ત્યારે એ રખેવાળ સિપાઈ પાઉલ અને સિલાસને પોતાના ઘરે લઈ ગ્યો. અને એમના ઘા ધોયા. પાઉલે રખેવાળ સિપાઈના ઘરના હંધાયને ઈસુની સુવાર્તા સંભળાવી.

![](https://cdn.door43.org/obs/jpg/360px/obs-en-47-12.jpg)

રખેવાળ સિપાઈએ અને એના પૂરા કુટુંબે ઈસુ પર ભરોસો કર્યો અને બાપ્તિસ્મા લીધું. એ પછી રખેવાળ સિપાઈએ પાઉલ અને સિલાસને ભોજન પીરસ્યું અને હારે આનંદ કર્યો.

![](https://cdn.door43.org/obs/jpg/360px/obs-en-47-13.jpg)

બીજા દાહાડે નગરના અધિકારીઓએ પાઉલ અને સિલાસને છોડી મુક્યા. અને એમને ચેતવ્યા કે, તમે ફિલિપી નગરીને છોડીને હાલતા થાવ. પાઉલ અને સિલાસ લુદિયા અને બીજા સાથી વિશ્વાસીઓની મુલાકાત-સંગત કરીને ફિલીપી નગર છોડી દીધું. ઈસુની સુવાર્તા પવનવેગે ફેલાતી ગઈ. અને ખ્રિસ્તી સમુદાય વધતો ગયો.

![](https://cdn.door43.org/obs/jpg/360px/obs-en-47-14.jpg)

પાઉલ અને બીજા ખ્રિસ્તી આગેવાનોએ ઇસુનેપ્રગટ કરતા સુવાર્તાનો પ્રચાર-પ્રસાર અને ઊંડું શિક્ષણ આપવા નગરયાત્રાઓ કરી. એમણે મંડળીના વિશ્વાસીઓને પ્રેરણા આપતા અને સુવાર્તા પચાર કરવા હાટુ ઘણા પત્રો પાઠવ્યા. એમાના ઘણા પત્રો પવિત્રગ્રંથ બાઇબલની પુસ્તકો બની ગ્યા.

*બાઇબલની એકવાર્તાઃ પ્રેરિતોનાં કૃત્યો ૧૬ઃ૧૧-૪૦*

Audio: https://git.door43.org/OBS-TLF/kxp_obs/releases/download/v1/kxp_obs_v1_47_128kbps.m4a

## 48. ૪૮. ઈસુ એ જ આવનાર મસિહા(મોક્ષદાતા)

https://openbiblestories.org/l/kxp/story-48/

![](https://cdn.door43.org/obs/jpg/360px/obs-en-48-01.jpg)

જ્યારે ઈશ્વરે (પૃથ્વીનું) સૃષ્ટિનું સર્જન કયરું, ત્યારે હંધુય સંપૂર્ણ હતું. એમાં કોઈ પાપ કે એની દૃષ્ટતા હતી જ નહિ. આદમ અને હવા એક-મેકને પ્રેમ કરતા હતા, અને તેઓ ઈશ્વરને પ્રેમ કરતા હતા. અને એમને કોઈ બિમારી લાગુ પડી શકતી નહોતી વળી તેઓ મૃત્યુને પણ આધીન ન હતા. કારણ કે મુત્યુ હતું જ નહિ. જેવું ઈશ્વરના મનમાં હતું એવું જ જગત પવિત્રતાઈને ધોરણે ચાલતું હતું.

![](https://cdn.door43.org/obs/jpg/360px/obs-en-48-02.jpg)

હવાને લલચાવવા હાટુ શેતાને એરુનો ઉપયોગ કરીને એદન વાડીમાં એની હાર્યે વાર્તાલાપ કર્યા. ઇ પછી આદમ અને હવા શેતાનના વાર્તાલાપની છેતરામણી ચુંગાલમાં ફસાઈને ઈશ્વર વિરુદ્ધ પાપ કયરુ. એટલે એની પાપી અસરથી, પૃથ્વી પર હરેક વ્યક્તિ બિમારીને આધિન થઈને મૃત્યુ વરે સે.

![](https://cdn.door43.org/obs/jpg/360px/obs-en-48-03.jpg)

આદમ અને હવાના પાપ કર્યાને કારણે એક ખતરનાક વાત ઇ બની કે, તેઓ ઈશ્વરના શત્રુ બની ગયા. આનું પરિણામ ઇ આવ્યું કે, આદમની પેઢી સમસ્ત માનજાત પાપી સ્વભાવથી પેદા થાય છે. અને ઇ પણ ઈશ્વરનો શત્રુ છે. ઈશ્વર અને માણસની વચ્ચેનો અતુટ સંબંધ પાપને કારણે જ તૂટી ગ્યા. પરંતુ ઈશ્વરની કને ઇ સંબંધને ફરીથી બાંધવા હાટુ એક યોજના હતી.

![](https://cdn.door43.org/obs/jpg/360px/obs-en-48-04.jpg)

દેવે વચન દીધુ કે, હવાના વશંવેલામાંથી એક શેતાનના માથાને છુંદી નાખશે, અને શેતાન એના પગની એડીને(પેનીએ) ઘા દેશે. એનો અરથ ઇ થ્યો કે, શેતાન મસિહને મારી નાખશે, પરંતુ ઈશ્વર એમને ફરીથી સજીવન કરશે. ત્યાર બાદ મસિહ શેતાનની શક્તિને સદાયને માટે નામશેષ કરશે. એના કેટલાક કાળ પછી ઈશ્વરે પ્રગટ કીધુ કે, ઈસુ જ ખ્રિસ્ત(તારણહાર) સે.

![](https://cdn.door43.org/obs/jpg/360px/obs-en-48-05.jpg)

જ્યારે ઈશ્વરે મહાજળપ્રલય વડે હંધીય પૃથ્વીનો નાશ કિધો, ત્યારે એણે એક મોટું વહાણ બનાવવાનું કીધુ જેથી જે ઈશ્વર પર ભરોસો કરીને એમાં બેસનારાને ઊગારી શકાય. એવી જ રીતે દરેક પોતે પોતાના પાપો ને કારણે મરણ યોગ્ય છે, પરંતુ ઈશ્વરે ઈસુને મોકલી આપ્યાં. ઇ હાટુ કે, જે કોઇ એમના પર ભરોસો કરે એને ઉગારી શકાય.

![](https://cdn.door43.org/obs/jpg/360px/obs-en-48-06.jpg)

યુગોથી પુરોહિતો લોકોને હાટુ ઈશ્વરને બલિ ચઢાવતા. જેથી એમને જાણ થાય કે, એમના પાપોનું પરિણામ કેવળ દંડ જ છે. પણ એ બલિ એમના પાપોના પરિણામને દૂર કરી શક્યું નહી. ઈસુ મહામોટા અને સર્વસર્વાં મહાપુરોહિત છે. બીજા પુરોહિતની ગોડ્યે નહી, પણ એમણે હંધાયને હાટુ પોતે જ પોતાનું હવિ બલિદાનમાં પરમેશ્વરની આગળ ચઢાવ્યું. જેથી જગતના લોકના હંધાય પાપોનું નિવારણ થાય. ઈસુ પૂરી રીતે જણાયેલા મહાપુરોહિત સે. એમણે હંધાયના પાપોના પરિણામનો દંડ પોતાના માથે ચડાવી લીધો.

![](https://cdn.door43.org/obs/jpg/360px/obs-en-48-07.jpg)

ઈશ્વરે ઇબ્રાહિમને કીધુ, “પૃથ્વીની હંધીય જાતિઓ તારા થકી આશીર્વાદ પામશે. ”ઈસુ, ઇબ્રાહિમના વંશમાં જનમ્યા હતા.

![](https://cdn.door43.org/obs/jpg/360px/obs-en-48-08.jpg)

એટલે હંધીય કોમ એમના વડે જ આશીર્વાદિત પામી છે, કેમકે હરેક જે ઈસુ પર ભરોસો રાખે સે, એના પાપોનું નિવારણ ઈસુ બને છે, અને ઇ મોક્ષ પામે છે. અને ઇ રીતે આપોઆપ વ્યક્તિ ઇબ્રાહિમનું આત્મિક સંતાન બની જાય છે. જ્યારે ઈશ્વરે ઇબ્રાહિમને પોતાના દીકરા, ઇસાહકનું બલિ ચઢાવવાનું કીધુ તો ઈશ્વરે ઈસાહક બદલામાં બલી તરીકે એક ઘેટાને પુરું પાડયું. આપણે હંધાય આપણા પાપોને લીધે મરણને જ યોગ્ય છીએ. એમ છતાંય ઈશ્વરે એમના પુત્ર, ઈસુને આપણા બદલે મરવાને મોકલી આપ્યા.

![](https://cdn.door43.org/obs/jpg/360px/obs-en-48-09.jpg)

જ્યારે ઈશ્વરે મિસર મલકમાં છેલ્લી મહામારીની આફત મોકલી, ત્યારે ઈશ્વરે દરેક ઇસ્રાએલી પરિવારને આદેશ આપ્યો હતો કે, તેઓ એક બલીને માટે અલગ કરાયેલ સંપૂર્ણ ઘેટાંનું બલિદાન ચઢાવે અને એનું લોહી પોતાના ઘરની ડેલીએ દરવાજાની બારશાખો પર ચારેકોર ફેલાવી દે. જ્યારે ઈશ્વરે જેટલી ડેલીઓ ઉપર છંટકાવ થયેલા લોહીને ભાળ્યું. ત્યારે એમણે એટલા ઘરને છોડીને બાકીના લોહીના છંટકાવ વિનાના ઘરમાંના પ્રથમપિંડે જન્મેલા દીકરાનો નાશ કયરો. આ ઘટના પાસ્ખાપર્વ તરીકે ઓળખાય છે.

![](https://cdn.door43.org/obs/jpg/360px/obs-en-48-10.jpg)

ઇસુ ઇ આપણા પાસ્ખાપર્વનું ઘેટું છે. તેઓ સંપૂર્ણ અને નિષ્કલંક હતા. અને એમને પાસ્ખાના ઉત્સવ સમયે મારી નાંખવામાં આવ્યા હતા. જ્યારે કોઈ પણ માણસ ઈસુ પર ભરોસો કરે છે, ત્યારે ઈસુ એના પાપોનું મુલ્ય ચૂકવે છે અને ઇ માણહ ઈશ્વરના દંડથી ઉગરી જાય છે.

![](https://cdn.door43.org/obs/jpg/360px/obs-en-48-11.jpg)

જયારે ઈશ્વરે ઇઝરાએલને વચન દીધુ હતું કે, તેઓ એમના પસંદ કરેલા ખાસ લોકો હતા. પરંતુ હવે ઈશ્વરે એક નવો કરાર કર્યો જે હંધાય લોકો હાટુ સે. આ નવા કરાર દ્વારા કોઈ પણ જાતિનો કોઈ પણ મનુષ્ય જો ઈસુમાં ભરોસો કરે તો ઇ ઈશ્વરના ખાસ લોકોમાનો એક બને છે.

![](https://cdn.door43.org/obs/jpg/360px/obs-en-48-12.jpg)

મૂસા એક મહાન સંત-મહંત હતો, જેણે ઈશ્વરના વચનને પ્રગટ કર્યું. પણ ઈસુ તો હંધાય સંત-મહંત અને પુરોહિતો મહાન હતા. કારણ કે તેઓ સ્વયં ઈશ્વર છે, જે કાંઈ પણ તેઓ બોલ્યા અને કીધુ કે ઇ ઈશ્વરના શબ્દો અને મહાકામો હતા. અને એટલે જ ઈસુને ઈશ્વરનો શબ્દ કિધો સે.

![](https://cdn.door43.org/obs/jpg/360px/obs-en-48-13.jpg)

ઈશ્વરે દાઉદ રાજાને વચન દીધુ હતું કે, એના વંશવેલામાંથી એક, પ્રભુના લોકો પર, સર્વકાળ રજવાળું ચલાવશે. કેમકે ઈસુ ઈશ્વરનો દીકરો મસિહ છે. એ ખ્રિસ્ત(તારનાર) છે. એ દાઉદ રાજાનો ખાસ વંશજ છે, જેનું રજવાડું હરહંમેશને સદાકાળ રહેશે.

![](https://cdn.door43.org/obs/jpg/360px/obs-en-48-14.jpg)

દાઉદ ઇઝરાયેલનો રાજા હતો, પરંતુ ઈસુ તો અખિલ બ્રહ્માંડના મહારાજા છે. તેઓ પુનઃપધારશે. અને પોતાના રજવાડામાં ન્યાય અને શાંતિ સ્થાપી હર હંમેશને માટે રાજ્ય કરશે.

*બાઇબલની એકવાર્તાઃઉત્પત્તિ ૧-૩,૬,૧૪,૨૨; નિર્ગમન ૧૨,૨૦; ૨શમુએલ ૭; હિબ્રૂ ૩ઃ૧-૬, ૪, ૧૪-૫ઃ૧૦, ૭ઃ૧-૮ઃ૧૩, ૯ઃ૧૧-૧૦ઃ૧૮; પ્રકટીકરણ ૨*

Audio: https://git.door43.org/OBS-TLF/kxp_obs/releases/download/v1/kxp_obs_v1_48_128kbps.m4a

## 49. ૪૯. ઈશ્વરનો નવો કરાર

https://openbiblestories.org/l/kxp/story-49/

![](https://cdn.door43.org/obs/jpg/360px/obs-en-49-01.jpg)

ઈશ્વરના દૂતે મરિયમ નામની કુમારિકાને કીધુ કે, તું ઈશ્વરના દીકરાને જણશે. ઇ વેળાએ મરિયમ કુંવારી હતી. ને એણે એક દીકરાને જણ્યો. અને ઈશ્વરના કિધા પ્રમાણે એણે એનું નામ ઈસુ પાડ્યું. ઇ હાટુ કે, ઈસુ પૂર્ણ રીતે માણસ અને પૂર્ણ રીતે ઈશ્વર બેઉ છે.

![](https://cdn.door43.org/obs/jpg/360px/obs-en-49-02.jpg)

ઈસુએ અનેકાનેક અદ્દભુત ચમત્કારો કયરા. ઇ પરચાઓથી પ્રમાણિત થાય સે કે તે ઈશ્વર છે. તેઓ પાણી પર હાલ્યા, દરિયાની મહાઆંધીને શાંત કયરી, ઘણાય બિમારોને સાજા કયરા, આસુરી આત્માઓને હાંકી કાઢ્યા, મરેલાઓની જીવીત કયરા, વળી પાંચ રોટલી અને બે નાની માછલીમાંથી ૫,૦૦૦ કરતા વધારે માણસોને ખાતાં વધે એવો ચમત્કાર કયરો.

![](https://cdn.door43.org/obs/jpg/360px/obs-en-49-03.jpg)

ઈસુ એક મહાન માસ્તર પણ હતા. અને ઇ અધિકાર હાર્યે બોલતા હતા. એમણે શિક્ષણ આપતા શિખવ્યું કે, તમે બીજાને એવી રીતે પ્રેમ કરો કે, જેવો તમે તમારી જાત્યને કરો સો.

![](https://cdn.door43.org/obs/jpg/360px/obs-en-49-04.jpg)

એમણે શીખવતા સમજાવ્યું કે, તમારે હંધીય ચીજો અને સંપતિ કરતા પણ વધારે પ્રેમ ઈશ્વર પર રાખવો જોઈએ.

![](https://cdn.door43.org/obs/jpg/360px/obs-en-49-05.jpg)

ઈસુએ કીધુ કે, ઈશ્વરનું રજવાડું આ હંધાય સંસાર સધળી વસ્તુઓથી વધારે મૂલ્યવાન છે. ઈશ્વરના રજવાળામાં જીવવું એ કોઈ પણ માણસને હાટુ બહુ મોટી વાત છે. ઈશ્વરના રજવાડામાં પેસવા હાટુ, તમારે તમારા પાપથી મુકત થવા હાટુ ઉદ્ધાર(મોક્ષ) મેળવવો ખુબ જ જરૂરી છે.

![](https://cdn.door43.org/obs/jpg/360px/obs-en-49-06.jpg)

ઈસુએ કીધુ કે, ઘણા લોકો તેમને સ્વીકારશે અને એમનો ઉદ્ધાર થાશે. પણ એવા ઘણાંય હશે તેઓ એવું માનશે નહિ. એમણે કીધુ કે, કેટલાંક લોકો સારી ફળાઉ જમીન સરીખા હોય છે કે, તેઓ ઈસુની આ સુવાર્તાનો સ્વીકાર કરીને ઉદ્ધાર(તારણ) પામશે. પણ બીજા કોરા પાણા જેવી રેતાળ જમીન જેવા હશે કે, જ્યાં ઈશ્વરની વાતોના બીજ એમાં ખુપતા નથી, અને કોઇ ફસલ પાકતી નથી. એવા લોકો ઈસુના બોધનો અનાદર કરે છે અને અંતે તેઓ ઈશ્વરના રજવાડામાં પ્રવેશ કરી શકતા નથી.

![](https://cdn.door43.org/obs/jpg/360px/obs-en-49-07.jpg)

ઈસુએ શિક્ષણ દેતા ઇ શિખવ્યું કે, ઈશ્વર પાપીઓની ઉપર ઘણો પ્રેમ રાખે છે ને, તેઓ એમને માફ કરવા તલપાપડ છે. વળી તેમને પોતાનાં સંતાન બનાવવાની ઇચ્છે રાખે છે.

![](https://cdn.door43.org/obs/jpg/360px/obs-en-49-08.jpg)

ઈસુએ બોધમાં એમ કીધુ કે, ઈશ્વર પાપને ધિક્કારે છે. જ્યારે આદમ અને હવાએ ઈશ્વરનો અનાદર કરી પાપ કયરું ત્યારે એના પરિણામે ઇના હંધાય સંતાનો પર એની અસર થઈ. ઇ અસર તો એટલી બધી ખતરનાક હતી કે, અત્યારે જગતનો એક-એક માણહ પાપ કરે છે અને ઇ પાપને લીધે માણહ ઈશ્વરથી દૂર છે. એટલે મનુષ્ય પાપી અવસ્થાની વૃતિને કારણે ઈશ્વરનો શત્રુ બની ગ્યો.

![](https://cdn.door43.org/obs/jpg/360px/obs-en-49-09.jpg)

એમ છતાંય ઈશ્વરે આ પાપી જગતમાના મનુષ્યની ઉપર એટલો બધો પ્રેમ કયરો કે, એમણે પોતાના એકના એક દીકરાને દઈ દીધો, એટલે જે કોઈ એમના પર ભરોહો કરે એને પાપનો દંડ ભોગવવો ના પડે, પણ ઇ ઈશ્વરની હાર્યે એમના રજવાડામાં હરહંમેશને હાટુ વસે.

![](https://cdn.door43.org/obs/jpg/360px/obs-en-49-10.jpg)

પોતાની પાપી વૃતિને લીધે તમે અપરાધી ઠરી ચુક્યા છો અને તમને મૃત્યુદંડ થાય એમાં કાંઈ ખોટું નથી. ખરેખર તો આને કારણે ઈશ્વર તમારા પર કોપાયમાન થવા જોઈએ. પરંતુ આપણા હંધાયના અપરાધનો કોપ ઈસુ પર કાઢ્યો. જ્યારે ઈસુ વધ:સ્તંભ ઉપર વધેરાયા ત્યારે એમણે આપણા પાપની હાટુ ઇ સજા ભોગવી.

![](https://cdn.door43.org/obs/jpg/360px/obs-en-49-11.jpg)

ઈસુએ કદીએ કોઈ પાપ કર્યું જ નહોતું, એમ છતાંય નકલંક એવા એમણે આપણી સજા એમના માથે ઓઢી અને આપણી જગાએ એમણે ઇ કલંકીત મરણ પસંદ કયરું એમણે વધઃસ્તંભ પર સંપૂર્ણ બલિદાનના રૂપમાં આપણા તથા હંધાય મલકના હરેકને હાટુ પોતાની પવિત્ર જાતને અર્પણ કરી દીધી. ઈસુ એટલે સ્વેચ્છાએ (રાજીખુશીથી) પોતાનું અર્પણ કયરું કે ઈશ્વર આપણા ગમે-તેવા અને કોઈ પણ પ્રકારના પાપોની માફી દઇ હકે, એટલે હુંધી કે, આપણા ભયાનક, માફ નો કરી હકાય એવા નરાધમ અપરાધો પણ ઈસુના દીધેલા બલિદાનને લીધે માફ થઈ હકે છે.

![](https://cdn.door43.org/obs/jpg/360px/obs-en-49-12.jpg)

તમારા સતકાર્યો તમને બચાવી શકતા નથી કે, જેનાથી પવિત્ર અને સર્વશક્તિમાન ઈશ્વર હાર્યે તમે સંબંધ સ્થાપિને વ્યવહર કરી હકો! ફક્ત ઈસુ જ તમારા પાપોને ક્ષમા કરી શકે છે. તમારે ભરોસો કરવો જ રહ્યો કે, ઈસુ ઈશ્વરનો દીકરો છે, જે તમારી જગ્યાએ વધ:સ્તંભ પર વધેરાય ગ્યા. અને ઇ પછી ઈશ્વરે એમના બલિદાનનો સ્વીકાર કરી એમને મૂએલામાંથી (મરણમાંથી) સજીવન કયરા.

![](https://cdn.door43.org/obs/jpg/360px/obs-en-49-13.jpg)

જે કોઈ ઈસુ પર ભરોહો કરશે અને ઈસુ ઇ જ પ્રભુ સે એમ સ્વીકારશે એનો જ ઉદ્ધાર(મોક્ષ) થાશે. પરંતુ જે કોઈ ઈસુ પર ઈ રીતે ભરોસો કરતો નથી એવા કોઈ પણ જણને ઈશ્વર બચાવશે નહિ. ઇ વાત બહુ ખાસ નથી કે, તમે અમીર કે ગરીબ, પુરુષ કે બાઈ, ઘરડાં કે યુવાન, કે પછી ક્યા મલકના રહેવાસી છો? બસ ઇ વાત મોટી છે કે, તમે ઈસુ પર ભરોસો કરો. જેથી ઈશ્વર તમારી હાર્યે સાવ અંગત(અંતરંગ) સંબંધ સ્થાપી શકે.

![](https://cdn.door43.org/obs/jpg/360px/obs-en-49-14.jpg)

ઈસુ તમને એમના પર ભરોસો કરવા અને બાપ્તિસ્મા(જળસંસ્કાર) લેવા હાટુ નોતરે છે. શું તમે ઇ ભરોહો કરો છો કે, ઈસુ જ મસિહા (મોક્ષદાતા) છે અને ઇ જ ઈશ્વરના એકના એક દીકરા છે.! શું તમે ભરોસો કરો છો કે, તમે પાપી છો અને એને લીધે ઈશ્વરના દંડને યોગ્ય છો. શું તમે ભરોસો કરો છો કે ઈસુ તમારા ભૂંડા હા અતિભૂંડા પાપોને હરવા હારું વધ:સ્તંભ પર વધેરાયા ને મરણ પામ્યા?

![](https://cdn.door43.org/obs/jpg/360px/obs-en-49-15.jpg)

એટલે જો તમે ઈસુ પર અને એમણે જે કાંઈ આપણે માટે મહાન કામ કયરું એના પર શ્રદ્ધા રાખો છો અને કબૂલ કરો છો કે ઈસુ ઇ પ્રભુ છે તો તમે મોક્ષ પામો છો અને તમે હવે એક ખ્રિસ્તી છો! ઈશ્વરે તમને શેતાનના અંધરીયા રજવાડામાંથી બહાર ખેંચી કાઢીને તમને એમના અજવાળાના રજવાડામાં મુક્યા છે. અને જો કોઈ માણહ ખ્રિસ્તમાં સે તો ઇ નવું સર્જન છે. જૂનું હંધુય વહી ગયું સે અને જુઓ હંધુય નવું થયું સે.

![](https://cdn.door43.org/obs/jpg/360px/obs-en-49-16.jpg)

જો તમે એક ખ્રિસ્તી છો તો જે કાંઈ ઈસુએ તમારે હાટુ કયરું એના લીધે ઈશ્વરે હવે તમારા હંધાય ગુન્હા, અપરાધો, પાપો માફ કરી દીધા છે. હવેથી ઈશ્વર તમને શત્રુ ગણતા નથી પણ તમને એમના ગાઢ-ભેરું માને સે.

![](https://cdn.door43.org/obs/jpg/360px/obs-en-49-17.jpg)

હવે તમે ઈશ્વરના ભેરું સો અને પ્રભુ ઈસુના શિષ્ય છો તો ઈસુ તમને એમના વચનોમાંથી ઉત્તમ વાતો શિખવાડેશે . તમને પાપના પ્રલોભનથી ઉગારશે. ઈશ્વર ભરોસાપાત્ર છે અને તમને પાપ અને એના પ્રલોભનની સામે લડવાને હાટુ તમને શક્તિ દેશે.

![](https://cdn.door43.org/obs/jpg/360px/obs-en-49-18.jpg)

ઈશ્વર કહે છે કે, તમે બીજા ખ્રિસ્તીઓ સાથે મળીને પ્રાર્થના કરો, એનું વચન વાંચો, અને એની આરાધના કરો. અને જે એમણે આપણા જીવનને હાટુ કયરું સે ઇ બીજાને પણ સાક્ષી તરીકે જણાવો. આ હંધીય બાબતો ઈશ્વર હાર્યે એક અંગત અને ગાઢ સંબંધ નિભાવવામાં તમારી મદદમાં આવે છે.

*બાઇબલની એકવાર્તાઃ રોમીયો ૩ઃ૨૧-૨૬, ૫ઃ૧-૧૧; યોહાન ૩ઃ૧૬, માર્ક ૧૬ઃ૧૬; કલોસ્સીઓ ૧ઃ૧૩-૧૪; ૨ કરિંથીઓ ૫ઃ૧૭-૨૧; ૧ યોહાન ૧ઃ૫-૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_49_128kbps.m4a

## 50. ૫૦. ઈસુ પાછા આવી રહ્યા છે

https://openbiblestories.org/l/kxp/story-50/

![](https://cdn.door43.org/obs/jpg/360px/obs-en-50-01.jpg)

લગભગ ૨,૦૦૦ વરહોના વા'ણા વચ્ચે જગતમાં વધુ ને વધુ લોકો ઈસુ ખ્રિસ્તની સુવાર્તા સાંભળે છે. ખ્રિસ્તી સમુદાય વધતો જ રહ્યો છે. ઈસુએ જ વચન દેતા કીધુ સે કે, એ જગતની અંત વેળાએ પાછા પધારશે. ભલે ને ઇ આજ દિન લગ પાછા આવ્યા નથ. પણ ઇ એમનું વચન પૂરું કરશે જ!

![](https://cdn.door43.org/obs/jpg/360px/obs-en-50-02.jpg)

જ્યારે આપણે હંધાય ઈસુની રાહ જોઈ રહ્યા છીએ, ત્યારે ઈશ્વર ઇચ્છે છે કે, આપણે એવું જીવન જીવીએ કે જે પાવન-પવિત્ર હોય. તથા એમના મહિમાને શોભે એવું હોય. તેઓ આપણી કનેથી ઈચ્છા રાખી રહ્યા છે કે આપણે બીજાને પણ એમના રજવાડા અંગે કેહતાં રહીએ. જ્યારે ઈસુ આ પૃથ્વીપટ્ટ પર વસતા હતા ત્યારે એમણે કીધુ કે, “મારા શિષ્યો આ જગતની માલી-પા હંધીય જગાઓએ જઈને લોકને ઈશ્વરના રજવાડા વિશે સુવાર્તાનો પ્રચાર-પ્રસાર કરશે અને પછી જ દુનિયાનો અંતની વેળા આવશે.

![](https://cdn.door43.org/obs/jpg/360px/obs-en-50-03.jpg)

હજીએ ઘણી જાતિઓ એવી સે કે જેમણે ઈસુ વિશે હાંભળ્યું નથી. સ્વર્ગમાં જતી વેળાએ ઈસુ ખ્રિસ્તે કીધુ હતું કે, જેઓએ કદીયે સાંભળ્યું નથી. એવો લોકોને સુવાર્તા પ્રગટ કરો. એમણે કીધુ, “જાઓ અને હંધીય જાતિના લોકોને મારા શિષ્ય બનાવો! દુનિયારૂપી ખેતરોમાં આત્મારૂપ ફસલની કાપણી તૈયાર સે.

![](https://cdn.door43.org/obs/jpg/360px/obs-en-50-04.jpg)

ઈસુએ એમ પણ કિધુ કે, “એક સેવક પોતાના સ્વામીથી ક્યારેય મોટો નથી હોતો. ”જેમ આ જગતના લોકોએ મને ધિક્કારર્યો, એવી જ રીતે મારા કારણે તમારો પણ ઇ લોકો ધિક્કાર કરશે અને તમને કનડશે અને તમને હણી નાખશે. આ જગતમાં તમારે દુઃખો ઉઠવવા પડશે, પરંતુ હૈયે હામ રાખજો મેં શેતાન શત્રુને કે, જે આ જગત પર રજવાડું ચાલવે છે એને વધ:સ્તંભ પર કારમી હાર આપી છે. જો તમે અંત લગી મારા પર ભરોહો રાખી હાલસો, તો ઈશ્વર તમને બચાવશે!

![](https://cdn.door43.org/obs/jpg/360px/obs-en-50-05.jpg)

જ્યારે જગતના અંતની વેળા આવશે ત્યારે આ જગના લોકો હાર્યે શું-શું વિતશે ઇ વિશે ઈસુએ પોતાના શિષ્યોને એક કથા હંભળાવતા કીધુ, “એક માણએ ખેતરમાં સારા બીજ વાવ્યા. પણ જ્યારે એ ઊંઘતો હતો ત્યારે એના શત્રુ આવ્યો અને જંગલી બીયારણ ઘઉંના બી હારે ભેળવીને વાવી ગ્યો. ”

![](https://cdn.door43.org/obs/jpg/360px/obs-en-50-06.jpg)

ને, જ્યારે અંકુર ફુટ્યા, તો એ ખેડૂતના મજુરે કીધુ, ‘સ્વામી, તમે તો ખેતરમાં સારું બીયારણ વાવ્યું હતું. તો પછી આ જંગલી બીયારણના બીજ ક્યાંથી ફૂટી નીકળ્યા?’ સ્વામીએ કીધુ, ‘કોઈ શત્રુએ ઇ બી વાવ્યા સે. ’

![](https://cdn.door43.org/obs/jpg/360px/obs-en-50-07.jpg)

દાસોએ માલિકને ઉત્તર દીધો, ‘શું અમે ઇ જંગલી છોડવાં ઉખાડી દઈએ. ’ માલિકે કીધુ, ‘ના, એમ કરો માં! જો તમે એમ કરવા જાશો, તો સુકા હાર્યે લીલુ બળે એમ, હારા ઘઉંને પણ ઉખેડી દેશો. પણ કાપણીના મોસમ લગી રાહ જુઓ. અને પછી કાપણીની મોસમમાં પેહલા જંગલી છોડોને એક્ઠા કરી લઇ ઇને બળવા હાટુ એક બાજુ ઢગલો કરી ધ્યો. પરંતુ ઘઉં તો વખારે ભરવાં જ લઈ આવજો. ’”

![](https://cdn.door43.org/obs/jpg/360px/obs-en-50-08.jpg)

શિષ્યો આ કથાનો મરમ સમજી શક્યા નહિ, એ હાટુ એમણે ઈસુને આ કથા વિગતે સમજાવવા વિનંતી કરી. ઈસુએ કીધુ, “જે ખેડૂતે સારા બીયારણની વાવણી કરી એને તમારે મસિહ તરીકે ઓળખવો, ખેતરને તમારે જગત માનવું. અને સારું બીયારણ એ ઈશ્વરના રજવાડાના લોકો તરીકે માનવા.

![](https://cdn.door43.org/obs/jpg/360px/obs-en-50-09.jpg)

જંગલી બીજને દુષ્ટજનો માનવા. અને અને જંગલી બીજ વાવનાર શત્રુને શેતાન ગણવો. કાપણીની વેળા ઇ જગતના અંતને બતાવે છે અને ફસલ લણવાવાળા ઈશ્વરના દૂતો ગણવા.

![](https://cdn.door43.org/obs/jpg/360px/obs-en-50-10.jpg)

જ્યારે આ જગતના અંતની વેળા આવશે તો જે લોકો શેતાનના છે ઈ હંધાય લોકોને સ્વર્ગદૂત એકી હાર્યે એકઠા કરશે. અને એમને ધોમ-ધગતા અંગારામાં નાખી દેશે. જ્યાં તેઓ દર્દનાક પીડા ભોગવશે, અને પોતાના દાંતને ગુસ્સાથી કચ-કચાવશે અને પોક મૂકી રુદન કરતા હશે. ઇ વેળાએ ન્યાયી લોકો પોતાના બાપ ઈશ્વરના રજવાડામાં સુરજની જેમ દિપતા હશે. ”

![](https://cdn.door43.org/obs/jpg/360px/obs-en-50-11.jpg)

ઇસુએ એમ પણ કીધુ જગતના અંતની વેળા આવે ઈ પ્હેલાં ઈસુ પૃથ્વી પર પાછા આવશે. જેવી રીતે તેઓ આકાશવાટે ગ્યા હતા એમ જ તે પાછા આવશે. ઇ આકાશમા વાદળાઓ ઉપર સવાર થઈને આવશે. જ્યારે ઈસુ પાછા આવશે ઈ વેળાએ ઉદ્ધાર પામેલાઓ, મોક્ષ પામેલાઓ મૂએલાંમાંથી ઉઠશે અને એમને આકાશમાં ઉઠાવી લેવામાં આવશે.

![](https://cdn.door43.org/obs/jpg/360px/obs-en-50-12.jpg)

વળી ઇ વેળાએ જે ખ્રિસ્તીઓ જીવતા હશે તેઓ આકાશમાં ઉપર ઉડશે. વળી જેઓ મૂએલાંમાંથી જીવતા ઉઠ્યા તેઓ પણ એમની હાર્યે ભળી જશે. ઇ પછી ઈસુ સંપૂર્ણ શાંતીમાં પોતાનાં લોકોની હાર્યે હરહંમેશને હાટુ વસસે.

![](https://cdn.door43.org/obs/jpg/360px/obs-en-50-13.jpg)

ઈસુએ વચન દીધુ હતું કે, જેટલા લોકો એમના ઉપર ભરોસો કરે છે, એમાંથી દરેકને ઇ રાજમુગટ પહેરાવશે. અને તેઓ હંધાય પૂરે-પૂરી નિર્મળ શાંતિમાં ઈશ્વરની હાર્યે વસસે અને રજવાડું કરશે.

![](https://cdn.door43.org/obs/jpg/360px/obs-en-50-14.jpg)

પરંતુ જેમણે ઈસુ ઉપર જે ભરોસો નહિ કર્યો હોય ઇ લોકોનો ઈશ્વર ન્યાય કરશે. અને ઇ એમને નરકમાં ફેકી દેશે, ન્યા તેઓ અતિ વેદનામાં હરહંમેશ લગી રુદન કરશે, અને દાંત કચકચાવશે. અને કદીય ન હોલાવનાર આગ તેઓને સદાયને હાટુ બાળતી રહેશે. અને કીડાઓ એમને કનડવાનું બંધ કરશે નહિ.

![](https://cdn.door43.org/obs/jpg/360px/obs-en-50-15.jpg)

જ્યારે ઈસુ પાછા આવશે, ત્યારે ઇ શેતાન અને એના રજવાડાને પૂરે-પૂરી રીતે નામશેષ કરી દેશે. ને શેતાનને પણ નરકમાં હોમી દેશે જ્યાં ઇ અને જેમણે દેવને અનુસરવાને બદલે શેતાનને આધિન થવાનું પસંદ કયરું એમની હાર્યે સદાય બળતો રહેશે.

![](https://cdn.door43.org/obs/jpg/360px/obs-en-50-16.jpg)

કેમકે આદમ અને હવાએ ઈશ્વરના આદેશનો અનાદર કરી નિયમ તોડ્યો. અને આ દુનિયામાં પાપે પ્રવેશ કર્યો, ઇ હાટુ ઈશ્વરે એને શ્રાપ દીધો અને એનો નાશ કરવાનું નક્કી કયરું. પણ એક દાહડે ઈશ્વર નવું નભ અને નવી પૃથ્વીને સ્વર્ગમાંથી નીચે ઉતારશે અને ઇ તો સંપૂર્ણ હશે.

![](https://cdn.door43.org/obs/jpg/360px/obs-en-50-17.jpg)

વળી ઈસુ અને એમના લોકો આ નવ્યનભ નીચે નવી પૃથ્વીમાં રહેશે. એમાં જે કાંઈ હશે એ હંધાય ઉપર ઇસુ સદા-સર્વદા રજવાડું ચલાવશે. ઇ હરેક ની આંખના આંસુડા લૂછી નાંખશે. ને ન્યા કોઈ દુઃખ, બેચેની, રૂદન, ભૂંડાઈ, પીડા કે મરણ હશે જ નહિ. ઈસુ પોતાના રજવાડામાં શાંતિ અને નિતિમાનથી રાજ ચલાવશે, અને ઈસુ હરહંમેશા પોતાના લોકોની હાર્યે જ વસસે.

*બાઇબલની એકવાર્તાઃ માથ્થી ૨૪ઃ૧૪;૨૮ઃ૧૮; યોહાન ૧૫ઃ૨૦, ૧૬ઃ૩૩; પ્રકટીકરણ ૨ઃ૧૦, માથ્થી ૧૩ઃ૨૪-૩૦,૩૬-૪૨; ૧ થેસ્સાલોનિકિયા ૪ઃ૧૩-૫ઃ૧૧; યાકૂબ ૧ઃ૧૨; માથ્થી ૨૨ઃ૧૩; પ્રકટીકરણ ૨૦ઃ૧૦, ૨૧ઃ૧-૨૨ઃ૨૧*

Audio: https://git.door43.org/OBS-TLF/kxp_obs/releases/download/v1/kxp_obs_v1_50_128kbps.m4a