# unfoldingWord Open Bible Stories — Kuvi

- Language code: `kxv`
- Canonical page: https://openbiblestories.org/l/kxv/
- Stories in this file: 50 of 50
- Published by: translationCore-Create-BCS, OBS-TLF
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Kuvi translation; it is not a translation of the whole Bible.

## 1. ଗାଡ଼ି ଆତାଇ

https://openbiblestories.org/l/kxv/story-1/

![](https://cdn.door43.org/obs/jpg/360px/obs-en-01-01.jpg)

୩. ବାରେ ଗାଡ଼ି କିତାଇ ଇଲେହେଁ ଆତେ । ୆ଶ ଦିନାତା ମାହାପୁରୁ ଲାକପୁରୁ ଅଡ଼େ ଦାର୍ତି ଅଡ଼େ ଏଦାଆଁ ତି ବାରେ ଗାଡ଼ି କିତେସି । ମାହାପୁରୁ ଗାଡ଼ି କିତି ଡାୟୁ ଦାର୍ତି ଆନ୍ଦେରି ଅଡ଼େ ୱାର୍ଆଇ ମାଚେ । ଏନାଇଜିକେଏ ଗାଡ଼ି କିୱି ଆହାଲାଃତେ । ଅଡ଼େ ମାହାପୁରୁତି ଜିୱୁ ଏୟୁ ଲାକ ମାଚେ ।

![](https://cdn.door43.org/obs/jpg/360px/obs-en-01-02.jpg)

ଏଦାଁ ଜେଚ ମାହାପୁରୁ ଏଲେ ଇଚେସି, ଉଜେଡ଼ି ଆପେ । ଏମ୍ବାଟିଏ ଉଜେଡ଼ି ଆତେ । ମାହାପୁରୁ ଉଜେଡ଼ି ଇଁ ମେସ୍ତେସି ଅଡ଼େ ଏଦାଆଁ ଦିନା ଇଚେସି । ଏୱାସି ଇ ଆନ୍ଦେରି ଟିଏ ଏଟ୍କା ଆମିନାଇ, ଏଦାଆଁ ଏୱାସି ଏଲେ ଇଚେସି ଲାଆଁ । ମାହାପୁରୁ ଗାଡ଼ିକିନି ମାଟ୍ନି ଦିନାତା ଉଜେଡ଼ି ଗାଡ଼ି କିତେସି ।

![](https://cdn.door43.org/obs/jpg/360px/obs-en-01-03.jpg)

ଗାଡ଼ିକିନି ରି ଦିନାତା ମାହାପୁରୁ ଦାର୍ତି ଲାକ ହାଗୁ ଆହାଲି ଏଲେ ଇଚେସି । ଏୱାସି ଏୟୁ ଡ଼କି ଟିଏ ଏୟୁ ଲାକଇଁ ଏଟ୍କା କିହାଲିଏ ହାଗୁ ଗାଡ଼ି କିତେସି ।

![](https://cdn.door43.org/obs/jpg/360px/obs-en-01-04.jpg)

ତିନି ଦିନାତା ମାହାପୁରୁ ଏଲେଇଚେସି ଅଡ଼େ ୱାୟିତି ବୁମିଟି ଏୟୁଇଁ ଏଟ୍କା କିତେସି । ଏୱାସି ୱାଇତି ବୁମିଇଁ “ଦାର୍ତି” ଇଚେସି ଅଡ଼େ ଏୱାସି ଏୟୁଇଁ “ସାମଦୁର୍” ଇଚେସି । ମାହାପୁରୁ ମେସ୍ତେସି ଏମିନାଣି ଗାଡ଼ି କିହାମାଚେସି ଏଦି ବେସି ନେହି ମାଚେ ।

![](https://cdn.door43.org/obs/jpg/360px/obs-en-01-05.jpg)

ଏଦାଆଁ ଜେଚ ମାହାପୁରୁ ଏଲେଇଚେସି “ଦାର୍ତିତା ବାରେ ମସ୍ତରତି ମାର୍କାଁ ଅଡ଼େ ଜାଡ଼ା ଗାଡ଼ି ଆପେ । ଅଡ଼େ ଏଲେକିଁଏ ଆତେ । ମାହାପୁରୁ ମେସ୍ତେସି ଏୱାସି ଏନାଆଁ ଗାଡ଼ି କିହାମାଚେସି ହାରେକା ନେହି ମାଚେ ।

![](https://cdn.door43.org/obs/jpg/360px/obs-en-01-06.jpg)

ଗାଡ଼ିକିତି ଶାରିଦିନାତା, ମାହାପୁରୁ ଏଲେଇଚେସି ଅଡ଼େ ୱେଡ଼ା, ଲେଞ୍ଜୁ ଅଡ଼େ ହୁକାଁୟାଁ ଗାଡ଼ି କିତେସି । ମାହାପୁରୁ ଏ ବାରେଇଁ ଇ ଦାର୍ତିତା ଉଜେଡ଼ି ହିହାଲି ଅଡ଼େ ଦିନା, ଲାଆଁ, କାଲମି ଅଡ଼େ ବାର୍ଷାତି ଚିନ୍ନା ତାକି ଲେମ୍ବାଲି ତାକି ଏଲେଇଚେସି । ମାହାପୁରୁ ମେସ୍ତେସି ଆମିନାଣି ତାନୁ ଗାଡ଼ି କିହାମାଚେସି ବାରେ ହାରେକା ନେହି ମାଚେ ।

![](https://cdn.door43.org/obs/jpg/360px/obs-en-01-07.jpg)

ପାସା ଦିନାତା ମାହାପୁରୁ ଏଲେଇଚେସି ଅଡ଼େ ଏୟୁତା ପାର୍ହାଣ୍ କିନି ବାରେ ଜନ୍ତୁ ଅଡ଼େ ପଟାଁଇଁ ଗାଡ଼ି କିତେସି । ମାହାପୁରୁ ଏଦାଆଁ ନେହିଁ ମେସ୍ତେସି ଅଡ଼େ ଏୱାସି ବାରେ ଇଁ ବର ହିତେସି ।

![](https://cdn.door43.org/obs/jpg/360px/obs-en-01-08.jpg)

ଗାଡ଼ିକିତି ଶ ଦିନାତା ମାହାପୁରୁ ୱେସ୍ତେସି, ”ବୁମିତି ବାରେ ପଶୁୟାଁ ଗାଡ଼ି ଆପେ । ମାହାପୁରୁ ଏନିକି ଜଲିତେସି ଏଲେଃଏଁ ଆତେ । କଚେକା ଡ଼ୁନିହେର୍କା ମାଚୁ, କଚେକା ବୁମି ଲାକ ମାର୍ ହିଁ ତାକିନି ଜନ୍ତୁ ଅଡ଼େ କଚେକା ଜାଡ଼ା ଜନ୍ତୁୟାଁ ମାଚୁ । ଅଡ଼େ ମାହାପୁରୁ ଇଁ ଏଦି ଅଯେ ଚଞ୍ଜା ଆତେ ।

![](https://cdn.door43.org/obs/jpg/360px/obs-en-01-09.jpg)

ତାନିଡାୟୁ ମାହାପୁରୁ ଏଲେଇଚେସି, ୱାଦୁ, ମାର ମାଣ୍‌ସିଇଁ ନା ଲେହେଁ ଗାଡ଼ି କିନ । ଦାର୍ତିଇଁ ଅଡ଼େ ବାରେ ଜନ୍ତୁ ଇଁ ତାକି କିନି ବ୍ଡ଼ାୟୁ ତାଙ୍ଗେ ଡ଼ୟିନେ ।

![](https://cdn.door43.org/obs/jpg/360px/obs-en-01-10.jpg)

ଏଦାଆଁ ତାକି ମାହାପୁରୁ ରଚାଇଁ ଦୁଡି ଅତେସି, ମାଣ୍ସିଇଁ ଗାଡ଼ି କିତେସି, ଅଡ଼େ ତାନି ବିତ୍ରା ଜୀୱୁତି ଉକିତେସି । ଇ ମାଣ୍‌ସିତି ଦରୁ ଆଦମ ମାଚେ । ମାହାପୁରୁ ର ବାଡ଼ା କେପିତେସି, ଆମିନି ତାଣା ଆଦମ ଡ଼ଇନେସି ଅଡ଼େ ଏ ବାଡ଼ା ଇଁ ଯାତ୍ନୁ କିହାଲି ତାଙ୍ଗେ ଏତାଣା ଇଟିତେସି ।

![](https://cdn.door43.org/obs/jpg/360px/obs-en-01-11.jpg)

ଏ ବାଡ଼ାତା, ମାହାପୁରୁ ରିଣ୍ଡାଆଁ କାଜା ମାର୍କା ଉହିତେସି – ଜୀୱୁଗାଟି ମାର୍ନୁ ଅଡ଼େ ନେହାଣି ଅଡ଼େ ଲାଗେଃତାଣି ଇଁ ତେଲ୍ପିନି ମାର୍ନୁ । ମାହାପୁରୁ ଆଦମ ଇଁ ଏଲେ ଇଚେସି ଯେ ନେହାଣି ଅଡ଼େ ଲାଗେଃତାଣି ଇଁ ତେଲ୍ପିନି ମାର୍ନୁତି ପାଡ଼େଇ ପିସାହାଁ ଇ ବାଡ଼ାତି ବାରେ ମାର୍ନୁତି ପାଡ଼େଇ ଇଁ ଚିଞ୍ଜାଲି ଆଡିଦି । ଅଡ଼େ ଇ ମାର୍ନୁତି ପାଡ଼େଇ ଏୱାସି ତିନେସି, ଆତିସାରେ ଏୱାସି ହାନେସି ।

![](https://cdn.door43.org/obs/jpg/360px/obs-en-01-12.jpg)

ଏଦାଆଁ ଜେଚ ମାହାପୁରୁ ଏଲେଇଚେସି, ମାଣ୍‌ସି ରଅସି ଡ଼ୟିନାଇ ନେହେ ଆଃଏ । ମାତ୍ର ଏନି ଜନ୍ତୁ ଜିକେଏ ଆଦମ ଇଁ ସାୟମି ଆନାଇ ହିଲାଃତୁ ।

![](https://cdn.door43.org/obs/jpg/360px/obs-en-01-13.jpg)

ଏଦାଆଁ ତାକି, ମାହାପୁରୁ ଆଦମଇଁ କାଜା ଇଦା ତଲେ ତ୍ରିପ୍‌ହେସି । ଏଦାଆଁ ଜେଚ, ମାହାପୁରୁ ଆଦମତି ର ପାନ୍ଦ୍ରା ପ୍ଡ଼େନୁ ଇଁ ଅହାଁ ର ଆୟାଟି ଇଁ ଗାଡ଼ି କିତେସି ଅଡ଼େ ଏଦାନିଇଁ ଆଦମ ଡାଗେ ତାତେସି ।

![](https://cdn.door43.org/obs/jpg/360px/obs-en-01-14.jpg)

ଏଚିବେଲା ଆଦମ ଏଦାନିଇ ମେସ୍ତେସି, ଏୱାସି ଏଲେଇଚେସି, ଡାୟୁ ! ଇଦି ନାଲେହେଁ ଆତେ । ଏଦି ଆୟାଟି ଇଞ୍ଜି ହାଟ୍କି ଆନେ, ଏନାଃତାକି ଇଚିସାରେ ଏଦି ଆବାଟି ତାଣାଟି ଗାଡ଼ି ଆତାଇ । ଇଦାଆଁ ତାକି ମାଣ୍‌ସି ତାନି ଆୟା ଆବାଇଁ ପିସାନା ତାନି ଡକ୍ରୀ ତାଣା ରଣ୍ଡିଏ ଆନୁ ।

![](https://cdn.door43.org/obs/jpg/360px/obs-en-01-15.jpg)

ମାହାପୁରୁ ଆବାଟି ଅଡ଼େ ଆୟାଟିଇଁ ତାନିଲେହେଁ ଗାଡ଼ି କିତେସି । ଏୱାସି ଏୱାସ୍କାଇଁ ବର ହିତେସି ଅଡ଼େ ୱେସ୍ତେସି, ହାରେକା ମିର୍କା ମାସ୍କା ଅଡ଼େ ନାତିଁ ନାତୁଣୀଁଇଁ ଜାର୍ନା କିଦୁ ଅଡ଼େ ଦାର୍ତିଇଁ ଏପା କିଦୁ । ମାହାପୁରୁ ଆମିନାଣି ଗାଡ଼ି କିହାମାଚେସି, ବାରେ ହାରେକା ଅଜିତାଇ ମେସ୍ତେସି । ଆମିନିଗାଟାଇ ତାଙ୍ଗେ ନେହି ମାଚେ । ଇ ବାରେ ଗାଡ଼ିକିତି ଶ ଦିନାତା ଆତେ ।

![](https://cdn.door43.org/obs/jpg/360px/obs-en-01-16.jpg)

ଏଚିବେଲା ସାତା ଦିନା ୱାତେ, ମାହାପୁରୁ ତାନି ବାରେ ଗାଡ଼ିକିନି କାମା ରାପ୍ହାମାଚେସି । ଏଦାଆଁ ତାକି ମାହାପୁରୁ ବାରେ କାମାଟିଏ ଏମିନାଣି କିହି ୱାହିଁମାଚେସି ଏ କାମା ଟି ଜମିତେସି । ଏୱାସି ସାତା ଦିନା ଇଁ ବର ହିହାଁ ଦାର୍ମୁ କିତେସି । ଏନାଃତାକି ଇଚିସାରେ ଇ ଦିନା ତା ତାନୁ ତାନି କାମାଟି ଏ ଜମା ମାଚେସି । ଇଲେହ୍‌ଏଁ ମାହାପୁରୁ ଇ ବାରେ ଗାଡ଼ି କିତେସି ।

*ବାଇବଲତି ର ପୁସ୍ପନି: ଆଦିପୁସ୍ତକ ୧ – ୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_01_96kbps.mp3

## 2. ପାପୁ ଦାର୍ତିତା ହଡା ୱାତେ ।

https://openbiblestories.org/l/kxv/story-2/

![](https://cdn.door43.org/obs/jpg/360px/obs-en-02-01.jpg)

ମାହାପୁରୁ ତାମିତାକି ତିୟାର୍ କିହାନି ଅଜିତି ବାଡ଼ାତା ଆଦମ ଅଡ଼େ ତାନି ଡକ୍ରୀ ହାରେକା ରାହାଁଗାଟି ଜୀୱୁ ଲେମ୍ବିମାଚୁ । ଏୱି ଆମ୍ବାଇ ଜିକେଏ ହେମ୍ବରି ଦୁକି ହୁଚାଲାଃତୁ, ମାତ୍ର ଇଦି ଏୱାସ୍କା ତାକି ଏନି ଲାଜ୍ଜା ହିଲ୍ଲାଃତେ ଏନ୍ନାଃକି ଇଚିସାରେ, ଦାର୍ତିତା ପାପୁ ହିଲ୍ଲାଃତେ । ଏୱି ସବୁବେଲା ବାଡ଼ାତା ହାଜି ୱାହିଁ ଆହିମାଚୁ ଅଡ଼େ ମାହାପୁରୁ ତଲେ କାତା ଆହିମାଚୁ ।

![](https://cdn.door43.org/obs/jpg/360px/obs-en-02-02.jpg)

ମାତ୍ର, ବାଡ଼ାତା ର ଚାଲାକି ରାଚୁ ମାଚେ । ଏଦି ଆୟାଟିଇଁ ୱେଚେ, ମାହାପୁରୁ ସାତେଏ ଇ ବାଡ଼ାତାଇ ଏମିନି ମାର୍ନୁତି ପାଡ଼େଇ ତିନ୍ନାଃଦୁ ଇଞ୍ଜି ମିଙ୍ଗେ ୱେସା ମାଞ୍ଜାମାନେସି କି ?

![](https://cdn.door43.org/obs/jpg/360px/obs-en-02-03.jpg)

ଆୟାଟି ୱେସ୍ତେ, ମାହାପୁରୁ ମାଙ୍ଗେ ୱେସାମାଞ୍ଜାନେସି ନେହାୟି ଅଡ଼େ ଲାଗେଃତାୟି ଇଁ ତେଲ୍ପିନି ମାର୍ନୁତି ପାଡ଼େଇ ଇଁ ପିସାହାଁ ଏମିନାଣି ଜିକେଏ ଚିଞ୍ଜାଲି ଆଡିନମି । ମାହାପୁରୁ ମାଂଗେ ୱେସାଞ୍ଜାନେସି, ଅଡ଼େ ମିରୁ ଏ ପାଡ଼େଇ ଚିଂଜେରି କି ଡିଗିଦେରି ଏନେଚୁ ଏ ମିରୁ ହାଦେରି ।

![](https://cdn.door43.org/obs/jpg/360px/obs-en-02-04.jpg)

ରାଚୁ ଆୟାଟି ଇଁ ୱେସ୍ତେ, ଏଦି ସାତା ଆଃଏ । ମିରୁ ହାଃଅ ତେରି । ମାହାପୁରୁ ପୁଞ୍ଜାଁଜାନେସି ଯେ, ମିରୁ ଚିଚି ରେଟୁଏ ମାହାପୁରୁ ଲେହେଁ ମିରୁ ଆହା ହାଜେରି ଅଡ଼େ ତାନି ଲେହେଁ ନେହିଁ ଅଡ଼େ ଲାଗେଃତାଣି ଇଁ ତେଲ୍ହାଲି ଆଡିଦେରି ।

![](https://cdn.door43.org/obs/jpg/360px/obs-en-02-05.jpg)

ଆୟାଟି ଏଦାଆଁ ମେସ୍ତେ, ଏ ପାଡ଼େଇ ମେସାଲି ଅଜା ହାଚାଇ ମାଚେ ଅଡ଼େ ଚିଞ୍ଜାଲି ହାରେକା ଡ଼ାକ୍ନାଇ ମାଚେ । ଏଦି ଜିକେଏ ବୁଦ୍ଦିଗାଟାଇ ଆହାଲି ଅଣ୍‌ପିତେ, ଏଦାଆଁ ତାକି ଏଦି ର ପାଡ଼େଇ ଏସ୍ତେ ଅଡ଼େ ଚିଚେ । ତାନି ଜେଚ ଏଦି ର ପାଡ଼େଇ ତାନି ଡକ୍ରା ଇଁ ହିତେ, ଆମ୍ବାଃସି ତାନି ତଲେ ମାଚେସି ଅଡ଼େ ଏୱାସି ଜିକେଏ ରଚାଣି ଚିଚେସି ।

![](https://cdn.door43.org/obs/jpg/360px/obs-en-02-06.jpg)

ସାଣେକାତାକି, ତାମି କାନୁ ଦେପି ଆତେ, ଅଡ଼େ ତାମ୍ବୁ ପୁଞ୍ଜା କଡିତୁ ଯେ, ତାମ୍ବୁ ନାଗ୍ଡ଼ା ଆହାନୁଁ । ଆକାଁଣିଇଁ ଚାଚିହିଁ ତାମି ଆଂଗାତି ପର୍ହାଲି ଚେଷ୍ଟା କିତୁ ।

![](https://cdn.door43.org/obs/jpg/360px/obs-en-02-07.jpg)

ଏଦାଆଁ ଜେଚ ମାହାପୁରୁ ବାଡ଼ା ୱାକି ତାକିଁହିଁ ୱାହିନିଁ କାଲ ଆବାଟି ଅଡ଼େ ତାନି ଡକ୍ରୀ ୱେଞ୍ଜାଲି ଆଡିତୁ । ଏୱା ରିଣ୍ଡି ମାହାପୁରୁଟିଏ । ଏମ୍ବାଟିଏ ମାହାପୁରୁ ଆବାଟିଇଁ ହାଟିତେସି, ନିନୁ ଏମ୍ବି ମାଞ୍ଜି ? ଆଦମ ଜଲିତେସି, ନିନୁ ଏନେଚୁ ବାଡ଼ାତା ତାକିନାଇ ନାନୁ ୱେଚେଏଁ ଅଡ଼େ ନାନୁ ଆଜା ହାଚେଏଁ, ଏନାଃତାକି ଇଚିସାରେ ନାନୁ ନାଗ୍ଡ଼ା ମାଚେଏଁ । ଏଦାଆଁ ତାକି ନାନୁ ଡ଼ୁଗି ତେଏଁ ।

![](https://cdn.door43.org/obs/jpg/360px/obs-en-02-08.jpg)

ଏମ୍ବାଟିଏ ମାହାପୁରୁ ୱେଚେସି, ମିରୁ ନାଗ୍ଡ଼ା ମାଞ୍ଜେରି ଇଞ୍ଜି ମିଙ୍ଗ ଆମ୍ବାଃସି ୱେସ୍ତାତେସି ? ଏମିନି ପାଡ଼େଇ ତିନ୍ନାଃଦୁ ଇଞ୍ଜିଁ ୱେସାମାଞ୍ଜାତେଏଁ, ଏ ପାଡ଼େଇ ମିରୁ ଚିଚେରି କି ? ଆବାଟି ଏଲେଇଚେସି , ଇ ଡକ୍ରୀଇଁ ନିନୁ ନାଙ୍ଗେ ହିୟାତି ଅଡ଼େ ଏଦି ନାଂଗେ ପାଡ଼େଇ ହିୟାତେ । ମାହାପୁରୁ ଆୟାଟିଇଁ ୱେଚେସି, ଇଦି ନିନୁ ଏନାଆଁ କିତି ? ଆୟାଟି ଏଲେଇଚେ, ରାଚୁ ନାଂଗେ ବାଣ୍ ବି କିୟାତେ ।

![](https://cdn.door43.org/obs/jpg/360px/obs-en-02-09.jpg)

ମାହାପୁରୁ ରାଚୁଇଁ ଏଲେଇଚେସି, ନିନୁ ବାକା ବେଟା ଆହାମାଞ୍ଜି । ନିନୁ ନି ବାଣ୍ଡି ତଲେ ତାକିଦି ଅଡ଼େ ଦୁଡ଼ି ଚିଞ୍ଜି । ନିନୁ ଅଡ଼େ ଆୟାଟି ମିରୁ ଅପ୍‌ୱି ଆଅ ତେରି । ଅଡ଼େ ମି ମିର୍କା ଅଡ଼େ ତାନି ମିର୍କା ବିତ୍ରା ଜୀୱୁ ନୱି ଆଅ ତେରି । ଆୟାଟି ଗଚି ନି ତ୍ରାୟୁଁତା ୱେତାନୁ ଅଡ଼େ ନିନୁ ତାନି ଗୁଃନ୍ନାଇଁ କତ୍ ଦି ।

![](https://cdn.door43.org/obs/jpg/360px/obs-en-02-10.jpg)

ତାନିଜେଚ ମାହାପୁରୁ ଆୟାଟିଇଁ ଏଲେଇଚେସି, ନାନୁ ମି ଜାର୍ନି କିନି ବିସା ପାଡିକିୟାଇଁ । ନିନୁ ନି ଡକ୍ରାଇଁ ମନ କିଦି ଅଡ଼େ ଏୱାସି ନିଂଗେ ତାକି କିୟାନେସି ।

![](https://cdn.door43.org/obs/jpg/360px/obs-en-02-11.jpg)

ମାହାପୁରୁ ମାଣ୍ସିଇଁ ଏଲେଇଚେସି, ନିନୁ ନି ଡକ୍ରୀତି କାତା ୱେଚି ଅଡ଼େ ନାଦି ନାମାଃତି । ନେଏଁ ବୁମି ବାକା ବେଟା ଆତେ, ଅଡ଼େ ନିଂଗେ ଆର୍ନ୍ନା କାମ୍ବି କିହାଲି ହାରେକା କାମା କିହାଲି ଲାଗିନେ । ନିନୁ ହାଦି ଅଡ଼େ ନି ଆଂଗା ବୁମିତା ୱେଣ୍ଡିନେ । ଆବାଟି ତାନି ଡକ୍ରୀଇଁ ହବା ଦରୁ ଇଟିତେସି, ଆମ୍ନି ଅର୍ତ ଜୀୱୁ ହିନାଇ, ଏନାଆଁ ତାକି ଇଚିସାରେ ଏଦି ହାରେକା ଲୋକୁତି ଆୟା ଆନେ । ଅଡ଼େ ମାହାପୁରୁ ଆଦମ ଅଡ଼େ ହବାଇଁ ପଶୁତି ତଲୁ ଇଁ ତୁର୍ୱି କିତେସି ।

![](https://cdn.door43.org/obs/jpg/360px/obs-en-02-12.jpg)

ଏଦାଆଁ ଜେଚ ମାହାପୁରୁ ଏଲେଇଚେସି, ନେଏଁ ନେହାଣି ଅଡ଼େ ଲାଗେଃତାଣି ପୁଚି ତାକି ମାଣ୍ସି ମାଁ ଲେହେଁ ରଅସି ଆହାମାନେସି, ଏୱି ସବୁବେଲା ନିଡାଲି ତାକି ଜୀୱୁ ହିନି ମାର୍ନୁତି ପାଡ଼େଇ ତିନି କାତା ହିଲ୍ଲାଃତେ । ଏଦାଆଁ ତାକି ମାହାପୁରୁ ଆଦମ ଅଡ଼େ ହବାଇଁ ଅଜିତି ବାଡ଼ାଟି ପେର୍ହା ପାଣ୍ଡିତେସି ଅଡ଼େ ହେକ ପାଣ୍ଡାନା ଜୀୱୁହିନି ମାର୍ନୁତି ପାଡ଼େଇଇଁ ଏନିକି ତିନା ଉ ଏଦାଆଁ ତାକି, ମାହାପୁରୁ ବ୍ଡ଼ାୟୁଗାଟି ଦୂତୁଣିଁ ବାଡ଼ାତି ଦୁୱେରିତା କାପି କିତେସି ।

*ବାଇବଲତି ର ପୁସ୍ପନି: ଆଦିପୁସ୍ତକ ୩*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_02_96kbps.mp3

## 3. କ୍ଡ଼ୁପ୍ନି ୱାରୁ

https://openbiblestories.org/l/kxv/story-3/

![](https://cdn.door43.org/obs/jpg/360px/obs-en-03-01.jpg)

ହାରେକା ବାର୍ଷା ଡାୟୁ, ହାରେକା ଲୋକୁ ଦାର୍ତିତା ବାସା କିହିମାଚେରି । ଏୱାରି ହାରେକା ଲାଗେଃତାରି ଅଡ଼େ ରିଞ୍ଜିନାରି ମାଚେରି । ଇଚେକା ଲାଗେଃତାଇ ଆତେ ଯେ, ମାହାପୁରୁ ବାରେ ଦାର୍ତିଇଁ କ୍ଡ଼ୁପ୍ନି ୱାରୁ ତଲେ ଇ ଦାର୍ତିଇଁ କ୍ଡ଼ୁପ୍ହାଲି ତିରି କିତେସି ।

![](https://cdn.door43.org/obs/jpg/360px/obs-en-03-02.jpg)

ମାତ୍ର ନୋହ ମାହାପୁରୁ ତାଣା କାର୍ମା ବେଟାଆତାସି ମାଚେସି । ଏୱାସି ଲାଗେଃତି ଲୋକୁ ନକିତା ର ଦାର୍ମୁ ଲୋକୁ ଲେହେଁ ଜୀୱୁ କାଟ କିହିମାଚେସି । ମାହାପୁରୁ ନୋହଇଁ କ୍ଡ଼ୁପ୍ନି ୱାରୁ ପାଣ୍ଡିନି କାତା ୱେସ୍ତେସି । ଏୱାସି ନୋହଇଁ ର କାଜା ଜାଜା ତିଆର କେପାଲି ୱେସ୍ତେସି ।

![](https://cdn.door43.org/obs/jpg/360px/obs-en-03-03.jpg)

୧୪୦ ମିଟର ଲାମ୍ବା, ୨୩ ମିଟର ଓସାରା ଅଡ଼େ ୧୩.୫ ମିଟର ଲାକ ଡଙ୍ଗା ତିଆର୍ କେପାଲି ମାହାପୁରୁ ନୋହଇଁ ଜଲିତେସି । ଏଦାଆଁ ୱେଗୁ ତଲେ କେପାଲି ଅଡ଼େ ତିନି ତାଲା ହାରେକା ଗନ୍ଦି, ର ଛାତ ଅଡ଼େ ର ଜର୍କା ତିଆର୍ କେପାଲି ଏଲେଇଚେସି । ଏ ଜାଜା କ୍ଡ଼ୁପ୍ନି ୱାରୁ ୱାନି ବେଲାତା ନୋହ ଇଲୁତି ଲୋକୁ ଅଡ଼େ ବାରେ ବୁମିତା ଡ଼ଇନି ଜନ୍ତୁଇଁ ଗେଲ୍‌ପିନେ ।

![](https://cdn.door43.org/obs/jpg/360px/obs-en-03-04.jpg)

ନୋହ ମାହାପୁରୁତି ହାଡା ମାନଆତେସି । ମାହାପୁରୁ ଏନିକି ଜଲିତେସି, ଏଲେକିଁଏ ନୋହ ଅଡ଼େ ତାନି ତିନି ଜାଣା ମିର୍କା ଜାଜା ତିଆର୍ କେପାମାଚେରି । ଜାଜା ତିଆର୍ କିହାଲି ହାରେକା ବାର୍ଷା ଲାଗିତେ ଏନାଆ ତାକି ଇଚିସାରେ ଇଦି ହାରେକା କାଜାଇ ମାଚେ । ୱାହିନି କ୍ଡ଼ୁପ୍ନି ୱାରୁ କାତାତି ନୋହ ଲୋକୁଣି ଜାଗାର୍ତା କିହିମାଚେସି, ଅଡ଼େ ମାହାପୁରୁ ତାଣା ୱେଣ୍ଡା ୱାହାଲି ୱେସିମାଚେସି, ଅଡ଼େ ଏୱାରି ତାନିକାତାଇଁ ନାମାଃତେରି ।

![](https://cdn.door43.org/obs/jpg/360px/obs-en-03-05.jpg)

ମାହାପୁରୁ ନୋହଇଁ ଅଡ଼େ ତାନି ଇଜତି ଲୋକୁଣି ତାମି ତାକି ଅଡ଼େ ଜନ୍ତୁଁତାକି ସାରିଃଏ କାଦି କୁଡ଼ି କିହାଲି ଜଲିତେସି । ଏଚିବେଲା ବାରେ କାମା ରାତେ, ନୋହଇଁ ମାହାପୁରୁ ଜଲିତେସି, ନେଏଁ ନିନୁ, ନି ଡକ୍ରୀ, ନି ମିର୍କା ଅଡ଼େ ତାମି ଡକ୍ରୀସ୍କା ବାରେ ଆଟା ଜାଣା ଡଙ୍ଗା ବିତ୍ରା ହଡାଲି ତାକି ବେଲା ଆତେ ।

![](https://cdn.door43.org/obs/jpg/360px/obs-en-03-06.jpg)

ମାହାପୁରୁ ପଶୁ ଅଡ଼େ ପଟାଁ ବାରେ ଜୋଡ଼ୁଇଁ ନୋହତି ଡାଗେ ପାଣ୍ଡିତେସି ଏନିକିକି ଏୱା କ୍ଡ଼ୁପ୍ନି ୱାରୁ ୱାନି ବେଲାତା ଜାଜା ବିତ୍ରା ହାଜାହାଁ ନେହିକି ଡ଼ଇନୁ । ମାହାପୁରୁତି ଦାନା ତାକି ମାହାପୁରୁ ସାତା ଗଟା ପତୁ ଅଡ଼େ ତାଲି ବାରେ ଜନ୍ତୁଇଁ ନୋହତି ଡାଗେ ପାଣ୍ଡିତେସି ଏଚିବେଲା ଏୱା ଜାଜା ବିତ୍ରା ମାଚୁ, ମାହାପୁରୁ ତାନୁଏ ସୁଣ୍ଡିତେସି ।

![](https://cdn.door43.org/obs/jpg/360px/obs-en-03-07.jpg)

ଏଦାଆଁ ଜେଚ ହାରେକା ପିୟୁ, ୱାହାଲି ମାଠ୍ହେ । ୪୦ ଦିନା ଅଡ଼େ ୪୦ ଲାଆଁ ଏପେ ପିୟୁ ଆତେ । ଦାର୍ତି ଲାକ ଏୟୁ ବହାଲି ମାଠ୍ହେ । ଦାର୍ତିତି ବାରେ ଲାକ ଇଲେହେଁ ବାରେକିହାଁ ହାରେକା ଲାକ ହରୁ ଜିକେଏ ଏୟୁତା ମୁଞ୍ଜାଲି ମାଠ୍ହେ ।

![](https://cdn.door43.org/obs/jpg/360px/obs-en-03-08.jpg)

ଜାଜା ବିତ୍ରା ମାନି ଲୋକୁ ଅଡ଼େ ଜନ୍ତୁଁଇଁ ପିସାଁ ବାରେ ଦାର୍ତି ଲାକ ମାନି ବାରେ ଜୀୱୁମାନି ଗାଟାଇ ଡ଼ୟି ମାଚୁ ହାହା ହାଚୁ । ଜାଜା ଏୟୁ ଲାକ ତାକିତେ ଅଡ଼େ ଜାଜା ବିତ୍ରା ମାଚି ବାରେ ଜାଣାଇଁ ନିଟ୍ହେ ।

![](https://cdn.door43.org/obs/jpg/360px/obs-en-03-09.jpg)

ପିୟୁ ପିସ୍ତି ଡାୟୁ, ଜାଜା ଏୟୁ ଲାକ ପାସା ଲେଞ୍ଜୁ ପତେକା ଡ଼ଇତେ, ଅଡ଼େ ଇ ବେଲାତା ଏୟୁ ସିକାଲି ମାଠ୍ହେ । ତାନିଜେଚ ର ଦିନା ଜାଜା ର ହରୁ ଟିପୁତା ଆଟିତେ, ମାତ୍ର ଇ ପାତେକା ଦାର୍ତି ଏୟୁତା ମୁଞ୍ଜାଁଏ ମାଚେ ଅଡ଼େ ତିନି ଲେଞ୍ଜୁ ଡାୟୁ, ହର୍କାଁତି ଟିପୁ ଟିପୁ ଚଞ୍ଜା ଆତେ ।

![](https://cdn.door43.org/obs/jpg/360px/obs-en-03-10.jpg)

ଅଡ଼େ ୪୦ ଦିନା ଡାୟୁ ଏୟୁ ସିକାନେ କି ଆଏ ମେସାଲି ତାକି ନୋହ ର ପଟା କାଃୱାଇଁ ପାଂଗାତା ପାଣ୍ଡିତେସି । କାଃୱା ୱାଇତି ଟାୟୁ ପାରାଲି ୱେଣ୍ଡା ହାଚେ ଇତାଲା ଆତାଲା ଉମ୍ବି ରେତେ, ମାତ୍ର ଏମ୍ନି ଟାୟୁ ବେଟା ଆଆତେ ।

![](https://cdn.door43.org/obs/jpg/360px/obs-en-03-11.jpg)

ଡାୟୁ ନୋହ ଅର ର ପଟା କୁଗୁରିଇଁ ପଂଗାତା ପାଣ୍ଡିତେସି । ମାତ୍ର ଏଦି ଜିକେ ଏ ଏନି ୱାଇତି ଟାୟୁ ବେଟା ଆଆତେ, ଏଦାଆଁ ତାକି ନୋହତି ଡାଗେ ୱେଣ୍ଡା ୱାତେ । ର ହାଟା ଡାୟୁ ନୋହ ୱେଣ୍ଡେଏ କୁଗୁରିଇଁ ପଂଗାତା ପାଣ୍ଡିତେସି ଅଡ଼େ ଏଦି ଜିତ ମାର୍ଣ୍ନୁତି କିଲା ଆସାହାଁ ୱେଣ୍ଡିତେ । ଏୟୁ ରଚେକା ରଚେକା ସିକା ହାଚେ ଅଡ଼େ ମାର୍ନୁ ୱେଣ୍ଡେଏ ଗାଲ୍ହାଲି ମାଠ୍ହୁ ।

![](https://cdn.door43.org/obs/jpg/360px/obs-en-03-12.jpg)

ନୋହ ଅଡ଼େ ର ହାଟା କାତି ଡାୟୁ କୁଗୁରିଇଁ ତିନି ଦେବା ପାଂଗାତା ପାଣ୍ଡିତେସି । ଇବେଲା ଏଦି ଜମିନି ଟାୟୁ ବେଟା ଆତେ ଅଡ଼େ ୱେଣ୍ଡା ୱାଆତେଦେହେଁ । ଏୟୁ ସିକାଲି ମାଠ୍ହେ ।

![](https://cdn.door43.org/obs/jpg/360px/obs-en-03-13.jpg)

ରି ଲେଞ୍ଜୁ ଜେଚ ନୋହଇଁ ମାହାପୁରୁ ଜଲିତେସି, ମି ଇଜତି ଲୋକୁ ଅଡ଼େ ବାରେ ଜନ୍ତୁଁ ଅଡ଼େ ମିରୁ ଜାଜାଟି ହଚାଲି ଆଡିଦେରି । ହାରେକା ମିର୍କା ଅଡ଼େ ନାତିପୁତି ଜାର୍ନା କିହାଁ ଦାର୍ତିଇଁ ଏପା କିଦୁ । ଏମ୍ବାଟିଏ, ନୋହ ଅଡ଼େ ତାମି ଇଜତି ଲୋକୁ ଜାଜାଟିଏ ହଚାୱାତୁ ।

![](https://cdn.door43.org/obs/jpg/360px/obs-en-03-14.jpg)

ନୋହ ଜାଜାଟି ପଂଗାତା ୱାହାଲିଏ, ଏୱାସି ର ବେରମାଣ୍ଡା ତିଆର୍ କିତେସି ଅଡ଼େ ଜନ୍ତୁଣୀ ଅହାଁ ପୁଜା ହିନାଇମାନେ, ହାରେକା ରଲେଃତାଇ ଜନ୍ତୁଣୀ ଅହାଁ ପୁଜା ହିତେସି ମାହାପୁରୁ ପୁଜାତା ରାହାଁ ମାଚେସି । ନୋହ ଅଡ଼େ ତାନି ଇଜତି ଲୋକୁଣି ବର ହିତେସି ।

![](https://cdn.door43.org/obs/jpg/360px/obs-en-03-15.jpg)

ମାହାପୁରୁ ଜଲିତେସି,”ନାନୁ କାତା ଇଟିଞ୍ଜାଇଁ ଲୋକୁତାକି ବୁମିଇଁ ବାକା ଏଚେଲା ଜିକେଏ ଇଟଅଁ ଅଡ଼େ ଲୋକୁ ତାମି ଜାର୍ନାଟିଏ ପାପୁଗାଟାରି ଆତିଁ ଜିକେଏ ନାନୁ ଦାର୍ତିଇଁ ୱେଣ୍ଡେଏ କ୍ଡ଼ୁପ୍ନି ୱାରୁତଲେ କ୍ଡ଼ୁପ୍ଅଁ ।

![](https://cdn.door43.org/obs/jpg/360px/obs-en-03-16.jpg)

କାତା ଇଟିତି ର ଚିନ୍ନା ଲେହେଁ ମାହାପୁରୁ ନକେଏ ହାଗୁ ଗାଡ଼ି କିତେସି । ବାରେ ପାଲି ହାଗୁତା ଏଚେତା ଇନ୍ଦ୍ର ଧନୁ ଚଞ୍ଜା ଆନେ, ମାହାପୁରୁ ତାନି ଇଟିତି କାତାଇଁ ଅଣପିନେସି, ଇଲେହେଁ ଲୋକୁ ଜିକେଏ କିନେରି ।

*ବାଇବଲତି ର ପୁସ୍ପନି: ଆଦିପୁସ୍ତକ ୬-୮*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_03_96kbps.mp3

## 4. ଅବ୍ରାହାମ ତଲେ ମାହାପୁରୁତି କାତା

https://openbiblestories.org/l/kxv/story-4/

![](https://cdn.door43.org/obs/jpg/360px/obs-en-04-01.jpg)

କ୍ଡ଼ୁପ୍ନି ୱାରୁତି ହାରେକା ବାର୍ଷା ଡାୟୁ ଦାର୍ତିତା ହାରେକା ଲୋକୁ ଡ଼ୟାଲି ମାଠ୍ହେରି ଅଡ଼େ ଏଲୋକୁ ରଣ୍ଡିଏ ବାଷା ତଲେ କାତା ଆହିମାଚେରି । ମାହାପୁରୁ ଜଲିତି ଲେହେଁ ଦାର୍ତିଇଁ ଏପା କିନି ବାଟା, ଏ ଲୋକୁ ବାରେ ରଣ୍ଡି ଆହାଁ ର ଗାଡ଼ା ତିଆର୍ କିହାଲି ମାଠ୍ହେରି ।

![](https://cdn.door43.org/obs/jpg/360px/obs-en-04-02.jpg)

ଏଲୋକୁ ହାରେକା ଗର୍ବି ମାଚେରି ଅଡ଼େ ମାହାପୁରୁତି କାତାତି ମନ ହିହାଲାଃତେରି । ଏୱାରି ଲାକପୁରୁ ଏଗା ହାଜାଲି କାଜା ଗାଡ଼ା ତିଆର୍ କିହିମାଚେରି । ମାହାପୁରୁ ମେସ୍ତେସି ଯେ, ଏୱାରି ଲାଗେଃ କାମା କିହିଁ ଡ଼ଇନେରି, ଆତିସାରେ ଏୱାରି ହାରେକା ପାପୁଗାଟି କାମା କିନେରି ।

![](https://cdn.door43.org/obs/jpg/360px/obs-en-04-03.jpg)

ଏଦାଆଁ ତାକି ମାହାପୁରୁ ତାମି ଜକଡ଼ିଇଁ ହାରେକା ଜକଡ଼ିତା ବାଦ୍ଲି କିତେସି ଅଡ଼େ ଦାର୍ତିତି ହାରେକା ଟାୟୁତା ଏୱାରାଇଁ ଏପା କିତେସି । ଆମ୍ନିଗାଟି ଗାଡ଼ା ଏୱାରି ଗାଡ଼ି କିହାଲି ମାଠ୍ହାମାଚେରି, ଏ ଦରୁ ବାବିଲ୍ ମାଚେ । ଏଦାନି ଅର୍ତ “ତିରି ଆଆ ଗାଟାଇ” ।

![](https://cdn.door43.org/obs/jpg/360px/obs-en-04-04.jpg)

ମାଣା ମାଣା ବାର୍ଷା ଡାୟୁ, ର ଲୋକୁ, ଅବ୍ରାମ ତଲେ ମାହାପୁରୁ କାତା ଆତେସି ମାହାପୁରୁ ତାଂଗେ ଜଲିତେସି, “ନିନୁ ନି ଇଜତି ଲୋକୁ ଅଡ଼େ ନି ଦେଶା ପିସାନାଁ ନାନୁ ଏମିନି ଦେଶା ତସ୍ତାଇଁ, ଏ ଦଶାତା ହାଲାମୁ । ନାନୁ ନିଂଗେ ବର ହିୟାଇଁ ଅଡ଼େ ନିଙ୍ଗ କାଜା ଦେଶା କିୟାଇଁ । ନାନୁ ନି ଦରୁଇଁ ୱେଙ୍ଗି କିଇଁ ଆମିନି ଗାଟାରି ନିଂଗେ ବର ହିୟାନେରି, ନାନୁ ଏୱାରାଇଁ ବର ହିଇଁ, ଆମିନିଗାଟାରି ବାକା ଇଟାନେରି, ଏୱାରାଇଁ ବାକା ହିଇଁ । ମି ତାକି ଦାର୍ତିତି ଲୋକୁ ବାରେ ବର ବେଟା ଆନେରି ।”

![](https://cdn.door43.org/obs/jpg/360px/obs-en-04-05.jpg)

ଅଡ଼େ ଅବ୍ରାମ ମାହାପୁରୁତି କାତା ମାନ ଆତେସି । ଏୱାସି ତାନି ଡକ୍ରୀ ସାରୀଇଁ ଅତେସି, ତାନି ହଲିଆଣି ଅଡ଼େ ଆମ୍ନିଗାଟାଇ ତାନିୱାଇ ମାଚେ ଏୱା ବାରେ ଅହାଁ ମାହାପୁରୁ ଆମ୍ନି ଗାଟି ଦେଶା ତସାମାଚେସି, ଏ “କିଣାନ” ଦେଶାତା ହାଚେସି ।

![](https://cdn.door43.org/obs/jpg/360px/obs-en-04-06.jpg)

ଏଚିବେଲା ଅବ୍ରାମ କିଣାନ ଏତେସି, ମାହାପୁରୁ ଜଲିତେସି, “ନି ସାରିୱାକି ସିନିକିମୁ । ଆମିନାଣି ନିନୁ ମେସାଲି ଆଡିଞ୍ଜି, ଇ ବାରେ ଟାୟୁ ନାନୁ ନିଙ୍ଗେ ଅଡ଼େ ନି କୁଟୁମି ତାକି କିନିଲେ ହିୟାଇଁ । ଏଦାଆଁ ଜେଚ ଅବ୍ରାମ ଏ ଟାୟୁତା ବାସା କିତେସି ।

![](https://cdn.door43.org/obs/jpg/360px/obs-en-04-07.jpg)

ର ଦିନା, ଅବ୍ରାମ କାଜା ମାହାପୁରୁତି ଯାଜକ, ମଲକୀସେଦକଇଁ ବେଟା ଆତେସି । ମଲକୀସେଦକ ଅବ୍ରାମଇଁ ବର ହିତେସି ଅଡ଼େ ଏଲେଇଚେସି, ଲାକପୁରୁ ମାନି ମାହାପୁରୁ ଆମ୍ବାଃଆସି ଲେକପୁରୁ ଅଡ଼େ ଦାର୍ତିତି ବାରେ ଗାଡ଼ି କିତାସି, ଅବ୍ରାମଇଁ ବର ହିପେସି । ତାନିଜେଚ ଅବ୍ରାମ ତାନି ବାରେତି ଦଶମାଂଶ ମଲକୀସେଦକଇଁ ହିତେସି ।

![](https://cdn.door43.org/obs/jpg/360px/obs-en-04-08.jpg)

ହରେକା ବାର୍ଷା ହାଚେ, ମାତ୍ର ଇ ପାତେକା ଅବ୍ରାମ ଅଡ଼େ ସାରୀଇଁ ମାସ୍କାମିର୍କା ହିଲାଃତୁ । ମାହାପୁରୁ ଅବ୍ରାମଇଁ ୱେଣ୍ଡେଏ କାତା ଇଟାହାଁ ଜଲିତେସି ଯେ ତାନି ର ମିର୍ଏସି ଆନେସି ଅଡ଼େ ତାନି ଗଚି ହାଗୁତି ହୁକାଁ ଲେହେଁ ଆନେରି । ମାହାପୁରୁତି କାତାଇଁ ଅବ୍ରାମ ନାମିତେସି । ମାହାପୁରୁ ଅବ୍ରାମଇଁ ଦାର୍ମୁଗାଟାସି ଇଞ୍ଜି ୱେଙ୍ଗି କିତେସି, ଏନାଆତାକି ଇଚିସାରେ ଏୱାସି ମାହାପୁରୁତାଣା ନାମିତେସି ।

![](https://cdn.door43.org/obs/jpg/360px/obs-en-04-09.jpg)

ଅଡ଼େ, ମାହାପୁରୁ ଅବ୍ରାମ ତଲେ ର ମେରା କେପିତେସି । ରି ଦଲ ବିତ୍ରା ର କାତା ଇଟାଲି ତାକି ର ମେରା । ମାହାପୁରୁ ଜଲିତେସି, ନି ଆଂଗାଟି ନାନୁ ନି ତାକି ର ମିର୍ଏଣାଇଁ ହିୟାଇଁ । ମି ଗଚିତାରାଇଁ ନାନୁ “କିଣାନ” ଦେଶା ହିୟାଇଁ । ମାତ୍ର ଏ ପାତେକା ଅବ୍ରାମ ମିର୍ଏସି ହିଲାଃତେସି ।

*ବାଇବଲତି ର ପୁସ୍ପନି: ଆଦିପୁସ୍ତକ ୧୧-୧୫*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_04_96kbps.mp3

## 5. କାତା ଇଟିତି ମିର୍ ଏସି

https://openbiblestories.org/l/kxv/story-5/

![](https://cdn.door43.org/obs/jpg/360px/obs-en-05-01.jpg)

ଦଶ ବାର୍ଷା ଡାୟୁ କିଣାନତା ୱାତି ଜେଚ ଜିକେଏ ଅବ୍ରାମ ଅଡ଼େ ସାରୀଇଁ ମିର୍କାମାସ୍କା ହିଲାଃତୁ । ଏଦାଆଁ ତାକି ଅବ୍ରାମତି ଡକ୍ରୀ ସାରୀ ଅବ୍ରାମଇଁ ଏଲେଇଚେ, “ଇ ପାତେକା ମାହାପୁରୁ ନାଙ୍ଗେ ମିର୍କା ହିୟଅଁ ଇଞ୍ଜାତେସି ଅଡ଼େ ନେଏଁ ମିର୍କା ପାଟାଲି ତାକି ନା ବାର୍ଷା ଗାଡି ଆହା ହାଜାମ୍ନେ, ଇଦି ନା ହଲିଏଣି, ହାଗାର ମାନେ । ଏଦି ନା ତାକି ମିର୍କା ଜାର୍ନା କିନେ ।

![](https://cdn.door43.org/obs/jpg/360px/obs-en-05-02.jpg)

ଏଦାଆଁ ତାକି ଅବ୍ରାମ ହାଗାରଇଁ ବିହା ଆତେସି । ହାଗାରଟି ର ମିର୍ଏସି ଆତେସି ଅଡ଼େ ଅବ୍ରାମ ଏୱାଣାଇଁ ଇସମାଏଲ ଦରୁ ଇଟିତେସି । ମାତ୍ର ସାରୀ ହାଗାରଇଁ ରିଞ୍ଜିତେ ଆତେ । ଏଚେତା ଇସମାଏଲଇଁ ତେର ବାର୍ଷା ଆତେ ୱେଣ୍ଡେଏ ମାହାପୁରୁ ଅବ୍ରାମଇଁ କାତା ଆତେସି ।

![](https://cdn.door43.org/obs/jpg/360px/obs-en-05-03.jpg)

ମାହାପୁରୁ ଜଲିତେସି, ”ନାନୁ ବାରେ ବ୍ଡ଼ାୟୁ ଗାଟାତେଏଁ ।“ ମି ତଲେ ନାନୁ ର ମେରା ତିଆର୍ କିଇଁ । ଅଡ଼େ ଅବ୍ରାମ ମେଣ୍ଡା କୁତାହାଁ ଜହରା କିତେସି ମାହାପୁରୁ ଜିକେଏ ଅବ୍ରାମଇଁ ଜଲିତେସି, “ନିନୁ ହାରେକା ଦେଶାତି ଆବା ଆଦି । “ନାନୁ ନିଂଗେ ଅଡ଼େ ନି ଗଚିତାରାଇଁ କିଣାନ ଦେଶାତି ଅଦିକାରା ହିୟାଇଁ, ଏୱାରି ଏମ୍ବାଆଁ ବାସା କିନେରି । ନାନୁ କାଲାକାଲାତାକି ତାମି ମାହାପୁରୁ ଆହାଁ ଡ଼ଇଇଁ । ମି ଇଜତି ବାରେ ଆବାଟିଁଇଁ ସୁନ୍ନତ କିନାଇ ମାନେ ।

![](https://cdn.door43.org/obs/jpg/360px/obs-en-05-04.jpg)

ନି ଡକ୍ରୀ ସାରୀଇଁ ର ମିର୍ଏସି ଆନେସି, ”ଏୱାସି କାତା ଇଟିତି ମିର୍ଏସି ଆନେସି । “ତାନି ଦରୁ ଇସହାକ୍ ଇଟିଦେରି । ତାନି ତଲେ ନାନୁ ର ମେରା ତିଆର୍ କେପିଇଁ ଅଡ଼େ ଏଦି ର କାଜା ଦେଶା ଆନେ । ନାନୁ ଇସମାଏଲଇଁ ଜିକେଏ ର କାଜା ଦେଶା କିଇଁ, ମାତ୍ର ନା ଇଟିତି କାତା ଇସହାକ୍ ତଲେ ଡ଼ଇନେ । ଏଦାଆଁ ଜେଚ ମାହାପୁରୁ ଅବ୍ରାମ ଦରୁଇଁ ଅବ୍ରାହାମ ଦରୁ ତଲେ ବାଦ୍ଲି କିତେସି, ଏମ୍ନି ଅର୍ତ “ହାରେକା ଲୋକୁତି ଆବା”। ମାହାପୁରୁ ସାରୀତି ଦରୁଇଁ ଜିକେଏ ସାରା ଇଞ୍ଜି ବାଦ୍ଲି କିତେସି, ଏମ୍ନି ଅର୍ତ ରାଜାତି ମାଂଗା ।

![](https://cdn.door43.org/obs/jpg/360px/obs-en-05-05.jpg)

ଏ ଦିନାତା ଅବ୍ରାହାମ ତାନି ଇଜତି ବାରେ ଅବାଟିଁଇଁ ସୁନ୍ନତ କିତେସି । ର ବାର୍ଷା ହାଚି ଡାୟୁ, ଅବ୍ରାହାମଇଁ ଏଚେତା ୧୦୦ବାର୍ଷା ଆତେ, ଅଡ଼େ ସାରାଇଁ ୯୦ ବାର୍ଷା ଆତେ, ସାରା ଅବ୍ରାହାମଇଁ ର କକ୍କାଣାଇଁ ଜାର୍ନା କିତେସି । ମାହାପୁରୁତି ଜଲିନି ଲେହେଁ ଏୱା ତାଂଗେ ଇସାହାକ ଇଞ୍ଜି ଦରୁ ଇଟିତେରି ।

![](https://cdn.door43.org/obs/jpg/360px/obs-en-05-06.jpg)

ଏଚିବେଲା ଇସାହାକ ଦାଂଗ୍ଣେଃସି ଆତେସି, ମାହାପୁରୁ ଅବ୍ରାହାମତି ନାମୁଇଁ ପରୀକ୍ଷା କିତେସି ଅଡ଼େ ଜଲିତେସି, ” ନି ରଣ୍ଡିଏ ରଅସି ମିର୍ଏସି ଇସାହାକଇଁ ଅମୁ ଅଡ଼େ ନା ତାକି ବଳି ହିହାଲି ତାଂଗେ ପାୟାମୁ । ୱେଣ୍ଡେଏ ଅବ୍ରାହାମ ମାହାପୁରୁତି କାତା ମାନ ଆତେସି ଅଡ଼େ ଇସାହାକଇଁ ହିହାଲି ତାକି ତିଆର୍ କିତେସି ।

![](https://cdn.door43.org/obs/jpg/360px/obs-en-05-07.jpg)

ଏଚିବେଲା ଅବ୍ରାହାମ ଅଡ଼େ ଇସାହାକ ପୂଜା କିନି ଟାୟୁତା ହାଚେରି, ଇସାହାକ ଆବାଇଁ ୱେଚେସି,” ପୂଜା ହିହାଲି ତାକି, ମା ଡାଗେ ୱେସ୍କା ମାନୁ ମାତ୍ର ମେଣ୍ଡା ଏମ୍ବି ମାନେ ? ” ଅବ୍ରାହାମ ୱେସ୍ତେସି,” ନା ମିର୍ଏଣାଇଁ ପୂଜା ହିହାଲି ମାହାପୁରୁ ର ମେଣ୍ଡା ହିୟାନେସି ।“

![](https://cdn.door43.org/obs/jpg/360px/obs-en-05-08.jpg)

ଏଚିବେଲା ଏୱାରି ପୁଜା ହିନି ଟାୟୁତା ଏତେରି,” ଅବ୍ରାହାମ ତାନି ମିର୍ଏସି ଇସାହାକଇଁ ଦୃଶ୍ପାହାଁ ର ବେରମାଣ୍ଡା ଲାକ ତ୍ରିପ୍‌ହେସି । ଏଚିବେଲା ଏୱାସି ତାନି ମିର୍ଏଣାଇଁ ପାୟିନି ଲାକ ମାଚେ, ମାହାପୁରୁ ତାଙ୍ଗେ ଜଲିତେସି,” ହେମୁଁ “। ମିର୍ଏଣାଇଁ ଏନାଆଁ କିଃଆନି ! ନେଏ ନାନୁ ନିଂଗେ ପୁଞ୍ଜାଜାଇଁ ଯେ , ନିନୁ ନାଂଗେ ଆଜିନାଇ ମାନେ । ଏନାଆଁ ଇଚିସାରେ, ନିନୁ ନି ରଣ୍ଡିଏ ରଅସି ମିର୍ଏଣାଇଁ ନା ତାକି ଇଟାଃତି ।

![](https://cdn.door43.org/obs/jpg/360px/obs-en-05-09.jpg)

ଡାଗେ ମାନି ବୁଟାତା ଡ଼ୟାନି ର ମେଣ୍ଡାଇଁ ଅବ୍ରାହାମ ମେସ୍ତେସି । ଇସାହାକ ଟାୟୁତା ମାହାପୁରୁ ମେଣ୍ଡାଇଁ ପୂଜା ହିହାଲି ତାକି ହିତେସି । ଅବ୍ରାହାମ ମେଣ୍ଡାଇଁ ର ପୁଜା ହିତିଲେହେଁ ରାହା ତଲେ ହିତେସି ।

![](https://cdn.door43.org/obs/jpg/360px/obs-en-05-10.jpg)

ଏଦାଆଁ ଜେଚ ମାହାପୁରୁ ଅବ୍ରହାମଇଁ ଜଲିତେସି, “ ନିଦି ବାରେ ଇଲେହେଁ କି ରଣ୍ଡିଏ ରଅସି ମିର୍ଏଣାଁଇଁ ଜିକେଏ ହିହାଲି ମନ କିହାଂଚି ତାକି ଇଞ୍ଜି, ନାନୁ ନିଙ୍ଗେ ବର ହିହାଲି ତାକି କାତା ହିହିଞ୍ଜାଇଁ ।“ ହାଗୁତି ହୁକାଁଟିଏ ମି କୁଟୁମ୍ ତାରି ହାରେକା ଆନେରି । ଏନାଆଁ ତାକି ଇଚିସାରେ ନିନୁ ନା କାତା ନାମିତି, ନି ତାକି ଦାର୍ତିତି ବାରେ ଇଲୁ କୁଟମି ବର ବେଟା ଆନେରି ।

*ବାଇବଲତି ର ପୁସ୍ପନି:ଆଦିପୁସ୍ତକ  ୧୬-୨୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_05_96kbps.mp3

## 6. ଇସାହାକ ତାକି ମାହାପୁରୁ ହିନେସି

https://openbiblestories.org/l/kxv/story-6/

![](https://cdn.door43.org/obs/jpg/360px/obs-en-06-01.jpg)

ଏଚିବେଲା ଅବ୍ରାହାମ ଗାଡି ବୁଢ଼୍‌ହା ଆହା ମାଚେସି, ତାନି ମିର୍ଏସି, ଇସାହାକ ପାଡା ଆହାଁ ଦାଂଣେଃଏସି ମାଚେସି । ଏଦାଆଁ ତାକି ଅବ୍ରାହାମ ତାନି ମିର୍ଏସି ଇସାହାକତି ତାକି ର ଡକ୍ରୀ ତାକା ହାଜାଲି ତାନି ଇଲୁ କୁଟମି ଏମ୍ନି ତାଣା ବାସା କିହିମାଚେରି ଏ ଟାୟୁତି ହଲିଆଁଟିଏ ରଅଣାଇଁ ପାଣ୍ଡିତେସି ।

![](https://cdn.door43.org/obs/jpg/360px/obs-en-06-02.jpg)

ଗାଡି ବେଲା ତାକିତି ଜେଚ ଏମ୍ନି ଟାୟୁତା ଅବ୍ରାହାମ ଗଚିତି ଲୋକୁ ବାସା କିହିମାଚେରି ମାହାପୁରୁ ହଲିଆ ଇଁ ରିବିକାତି ଡାଗେ ଅତେସି । ଏଦି ଅବ୍ରାହାମତି ନାତି ମାଚେ ।

![](https://cdn.door43.org/obs/jpg/360px/obs-en-06-03.jpg)

ରିବିକା ତାନି ଇଜତି ଲୋକୁଣି ପିସାହାଁ ଇସାହାକତି ଇଲୁତା ହଲିଆ ତଲେ ୱେଣ୍ଡା ୱାହାଲିତାକି ଆଣ୍ଡିତେ ଅଡ଼େ ଏଦି ଏନି ରେଟୁଏ ତାନି ତଲେ ଇସାହାକ ବିହା ଆତେସି ।

![](https://cdn.door43.org/obs/jpg/360px/obs-en-06-04.jpg)

ହାରେକା ଦିନା ଡାୟୁ ଅବ୍ରାହାମ ହାତେସି, ଅଡ଼େ ତାନି ତଲେ ଏମ୍ନି ବାରେ କାତା ଇଟାମାଚେସି ମାହାପୁରୁ ଏ ବାରେ ମେରା ଇସାହାକଇଁ ହିତେସି । ମାହାପୁରୁ କାତା ଇଟାମାଚେସି ଯେ ଅବ୍ରାହାମତି ଗଚି ଏଜିକିହାଲି ଆଡାଃଲେ କିଇଁ, ମାତ୍ର ରିବିକା, ଇସାହାକ ତି ଡକ୍ରୀଇଁ, ମିର୍କା ମାସ୍କା ଆହିଲାଃତେ ।

![](https://cdn.door43.org/obs/jpg/360px/obs-en-06-05.jpg)

ରିବିକା ତାକି ଇସାହାକ ପ୍ରାତନା କିତେସି, ଅଡ଼େ ମାହାପୁରୁ ତାଙ୍ଗେ ଜାଣ୍‌ୱାଁ ବାଣ୍ଡିତା ଆହାଲି ଏଲେଇଚେସି । ରି ମିର୍କା ଏଚିବେଲା ରିବିକାତି ବାଣ୍ଡିତା ମାଚେରି, ଏ ବେଲାଟିଏ ଏୱାରି ମାଡା ଆହିଞ୍ଚେରି, ଏଦାଆଁ ତାକି ମାହାପୁରୁଇଁ ରିବିକା ଇଦି ଏନାଇ ଆହିନେ ଇଞ୍ଜି ୱେଚେ ।

![](https://cdn.door43.org/obs/jpg/360px/obs-en-06-06.jpg)

ମାହାପୁରୁ ରିବିକାଇଁ ଜଲିତେସି, “ମି ବିତ୍ରା ମାନି ରି ମିର୍କା ଟିଏ ରି ଦେଶା ହିଇଁ । ଏୱାରି ରିଆରି ମାଡା ରିୱି ଆନେରି ଅଡ଼େ କାଜା ମିର୍ଏସି ଇଚାଣାଇଁ ସେବା କିନେସି ।

![](https://cdn.door43.org/obs/jpg/360px/obs-en-06-07.jpg)

ଏଚିବେଲା ରିବିକାତି ମିର୍ଏସି ଜାର୍ନା ଆତେସି, କାଜା ମିର୍ଏଣାତି ରଙ୍ଗ ରଙ୍ଗ ଅଡ଼େ ବାଣା ଆଙ୍ଗା ଅଡ଼େ ଏୱାରି ତାନି ଦରୁ ଏଷୌ ଇଟିତେସି । ଏଦାଆଁ ଜେଚ କକାଣିଡାଲୁଇଁ ଆସାହାଁ ୱାତେସି, ଏୱାରି ତାନି ଦରୁ ଯାକୁବ ହିତେସି ।

*ବାଇବଲତି ର ପୁସ୍ପନି: ଆଦିପୁସ୍ତକ ୨୪:୧-୨୫:୨୬*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_06_96kbps.mp3

## 7. ଯାକୁବଇଁ ମାହାପୁରୁ ବର ହିନେସି

https://openbiblestories.org/l/kxv/story-7/

![](https://cdn.door43.org/obs/jpg/360px/obs-en-07-01.jpg)

ଏନିକି କକ୍‌କାରି ପାଡା ଆହାଲି ମାଠ୍ହେରି, ଇଲୁତା ଯାକୁବ ଡ଼ୟାଲି ନେହି ହଚିମାଚେ, ମାତ୍ର ଏଷୌଇଁ ବେଟା ହାଜାଲି ବେସି ନେହିଁ ହଚିମାଚେ । ରିବିକା ଯାକୁବଇଁ ଜୀୱୁ ନହିମାଚେ, ମାତ୍ର ଇସାହାକ ଏଷୌଇଁ ଜୀୱୁ ନହିମାଚେସି ।

![](https://cdn.door43.org/obs/jpg/360px/obs-en-07-02.jpg)

ର ଦିନା, ଏଚିବେଲା ଏଷୌ ବେଟାଟିଏ ୱାତେସି, ଏୱାସି ଗାଡି ହାକି ଆହାମାଚେସି । ଏଷୌ ଯାକୁବଇଁ ଏଲେଇଚେସି,” ନିନୁ ତିଆର୍ କିହାନି କାଦିଟି ନାଙ୍ଗେ ରଚାଣି ହିୟାମୁ“ । ଯାକୁବ ଜଲିତେସି, ନକେଏ, ନିକାଜା ମିର୍ଏଣା ଅଦିକାରା ନାଂଗେ ହିୟାମୁ । ଏଦାଆଁ ତାକି ଏଷୌ ତାନି କାଜା ମିର୍ଏଣାତି ଅଦିକାରା ଯାକୁବଇଁ ହିହାମାଚେସି । ଏଦାଆଁଜେଚ ଯାକୁବ ରଚାଣି କାଦି ହିତେସି ।

![](https://cdn.door43.org/obs/jpg/360px/obs-en-07-03.jpg)

ଏଷୌଇଁ ଇସାହାକ ତାନି ବର ହିହାଲି ଅଣ୍‌ପିତେସି । ମାତ୍ର, ଏୱାସି ଏଦାଆଁ କିନି ନକେଏ, ଯାକୁବ ଏଷୌ ଲେହେଁ ଆହାଲି ରିବିକା ଅଡ଼େ ଯାକୁବ ତାଙ୍ଗେ ଦୁକୁ ହିହାମାଚେସି । ଇସାହାକ ବୁଢ଼୍‌ହା ଆହା ମାଚେସି ଅଡ଼େ ଏୱାସି ମେସାଲି ଆଡିଲାଃତେସି । ଏଦାଆଁ ତାକି ଯାକୁବ ଗରିତି ତଲୁ ହେରକିତା ଅଡ଼େ କେୟୁତା ପ୍‌ଡ଼ିକ୍‌ହା କଡାହାଁ ଅଡ଼େ ଏଷୌତି ହେମ୍ବରି ମେଦିତେସି ।

![](https://cdn.door43.org/obs/jpg/360px/obs-en-07-04.jpg)

ଇସାହାକ ଦାରି ହାଜାନା ଯାକୁବ ୱେସ୍ତେସି,” ନାନୁ ଏଷୌତେଏଁ “। ନାନୁ ୱାହା ମାଇଁ, ଏଦାଆଁ ତାକି ନିନୁ ନାଙ୍ଗେ ବର ହିୟାଦି । ଇସାହାକ ଏଚିବେଲା ହେମ୍ବରିତି ଗାଂଦା ଅଡ଼େ ଗରିତି ତଲୁ ଡିଗିତେସି, ଏୱାସି ଏଷୌ ଅଣପିତେସି ଅଡ଼େ ତାଙ୍ଗେ ବର ହିତେସି ।

![](https://cdn.door43.org/obs/jpg/360px/obs-en-07-05.jpg)

ଏଷୌ ଯାକୁବଇଁ ଅପାଃତେସି ଏନାଆତାକି ଇଚିସାରେ ଯାକୁବ ତାନି କାଜା ମିର୍ଏଣା ଅଦିକାରା ଅଡ଼େ ତାନି ବର ସରୁ କିହାଁମାଚେସି । ଏଦାଆଁ ତାକି ତାନି ଆବାତି ହାକି ଜେଚ ଯାକୁବଇଁ ପାୟାଲି ତିରି କିତେସି ।

![](https://cdn.door43.org/obs/jpg/360px/obs-en-07-06.jpg)

ମାତ୍ର ରିବିକା ଏଷୌତି ତିରି କିତାଇ ପୁଂଜାଲି ଆଡିତେ । ଅଡ଼େ ଏଦି ଅଡ଼େ ଇସାହାକ, ଯାକୁବଇଁ ହେକ ତାମି କୁଟମି ତାଣା ଡ଼ୟାଲି ପାଣ୍ଡିତୁ ।

![](https://cdn.door43.org/obs/jpg/360px/obs-en-07-07.jpg)

ଯାକୁବ ରିବିକାତି ଇଜତି ଲୋକୁ ତଲେ ହାରେକା ବାର୍ଷା ଡ଼ଇତେସି । ଏ ବେଲା ଏୱାସି ବିହା ଆତେସି ଅଡ଼େ ତାନି ବାରା ଜାଣା ମିର୍କା ଅଡ଼େ ର ପଦା ମାଚୁ ।

![](https://cdn.door43.org/obs/jpg/360px/obs-en-07-08.jpg)

ତାନି ଇଲୁ କିଣାନ ଟିଏ କଡ଼େ ବାର୍ଷା ଡ଼ଇତି ଜେଚ, ଯାକୁବ ତାନି ଇଜତି ଲୋକୁ ତଲେ, ତାନି ହଲିଆଁ ଅଡ଼େ ତାନି କଡି ଗରିଁ ତଲେ ଏମ୍ବାଆଁ ୱେଣ୍ଡିତେସି ।

![](https://cdn.door43.org/obs/jpg/360px/obs-en-07-09.jpg)

ଯାକୁବ ହାରେକା ଆଜିମାଚେସି ଏନାଆ ତାକି ଇଚିସାରେ ଏୱାସି ଅଣପିମାଚେସି ଯେ ନେଏ ପାତେକା ଏଷୌ ତାଙ୍ଗେ ପାୟାଲି ଅଣପିମାଚେସି । ଏଦାଆଁ ତାକି ଏୱାସି କଡି ଗରିଁଣିଁ ଏଷୌଇଁ ପାଣ୍ଡିତେସି । ଆମିନି ହଲିଆଁ କଡି ଗରିଁଣି ଚାଚାମାଚେସି ଏଷୌଇଁ ଏଲେଇଚେସି, ”ନି ହଲିଆ, ଯାକୁବ, ନିଙ୍ଗେ ଇ କଡି ଗରିଣିଁ ହିହାମାଚେସି । ଏୱାସି ଜିକି ୱାହିମାନେସି ।

![](https://cdn.door43.org/obs/jpg/360px/obs-en-07-10.jpg)

ମାତ୍ର ଏଷୌ ଯାକୁବଇଁ କ୍ଷେମା ହିହାମାଚେସି, ଅଡ଼େ ଏୱାରି ଯାହାର ତାକି ରାହାଁତାଲେ ମେସାଲିତାକି ଅଣପିମାଚେସି । ଏଦାଆଁ ଜେଚ ଯାକୁବ କିଣାନତା ସୁକୁ ତଲେ ବାସା କିତେରି ।ଇଦାଆଁ ଜେଚ ଇସାହାକ ହାତେସି, ଅଡ଼େ ଏଷୌ ଅଡ଼େ ଯାକୁବ ତାଙ୍ଗେ ମୁସ୍ତେରି । ମାହାପୁରୁ ଏମିନି ମେରାତି କାତାଇଟାହାଁ ଅବ୍ରାହାମଇଁ ଜଲାମାଚେସି, ନେଏ ଇସାହାକଟିଏ ଯାକୁବ କେୟୁତା ହିପ୍‌କି ଆତେ ।

*ବାଇବଲତି ର ପୁସ୍ପନି: ଆଦିପୁସ୍ତକ ୨୫:୨୭-୩୩:୨୦*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_07_96kbps.mp3

## 8. ମାହାପୁରୁ ଯୋଶେଫ ଅଡ଼େ ତାନି ଇଲୁ କୁଟମିଇଁ ଗେଲ୍ପିତେସି

https://openbiblestories.org/l/kxv/story-8/

![](https://cdn.door43.org/obs/jpg/360px/obs-en-08-01.jpg)

ହାରେକା ବାର୍ଷା ଜେଚ, ଯାକୁବ ଏଚିବେଲା ବୁଢ଼୍‌ହା ମାଚେସି, ଏୱାସି ତାନି ହାରେକା ଜୀୱୁ ନନି ମିର୍ଏସି, ଯୋଶେଫଇଁ ତାନି ତାଇଁ ଡାଗେ ମେସାଲି ତାକି ଏମିନି କଡି ଗରିଁଣିଁ ସେବା କିହିମାଚେସି, ପାଣ୍ଡିତେସି ।

![](https://cdn.door43.org/obs/jpg/360px/obs-en-08-02.jpg)

ଯୋଶେଫତି ତାଇୟାଁ ତାଙ୍ଗେ ଅପି ଲାଆ ତେସି, ଏନାଆତାକି ଇଚିସାରେ ତାମି ଆବା ତାଙ୍ଗେ ହାରେକା ଜୀୱୁ ନହିମାଚେସି, ଏନାଆ ତାକି ଇଚିସାରେ ଯୋଶେଫ ହାପ୍ନା ହେଣ୍ଡା ମାଚେସି ଯେ ଏୱାସି ତାମ୍‌ଗେ ତାକି କିନେସି । ଏଚିବେଲା ଯୋଶେଫ୍ ତାମି ଡାଗେ ୱାତେସି, ଏୱାରି ତାଙ୍ଗେ ଡ଼ୁକ୍‌ହା ଅତେରି ଅଡ଼େ ତାଙ୍ଗେ ହଲିଆତି ବେପାରାଁଇଁ ପାର୍ତେରି ।

![](https://cdn.door43.org/obs/jpg/360px/obs-en-08-03.jpg)

ଯୋଶେଫତି ତାଇୟାଁ ଇଂଜି ୱେଣ୍ଡିନି ନକେଏ, ଯୋଶେଫତି ହେମ୍ବରିଇଁ ଗେସ୍ତୁସ୍ତେରି ଅଡ଼େ ଏଦାନି ଗରି କାସାତା ମେତ୍‌ହାସ୍ତେରି । ଏଦାଆଁ ଜେଚ ଏ ହେମ୍ବରିଇଁ ତାମି ଆବାଇଁ ତସ୍ତେରି, ଏମ୍ବାଟିଏ ଏୱାସି ଅଣ୍‌ପିତେସି ଯେ ର ଜାଡାତି ଜନ୍ତୁ ଯୋଶେଫଇଁ ପାୟାମାନେ । ଯାକୁବ ହାରେକା ଦୁକୁ କିତେସି ।

![](https://cdn.door43.org/obs/jpg/360px/obs-en-08-04.jpg)

ହଲିଆ ପାର୍ନାରି ଯୋଶଫଇଁ ମିଶରତା ଅହାସ୍ତେରି । ମିଶର ର କାଜା, ଵ୍ଡ଼ାୟୁଗାଟି ଦେଶା ନିଲି କାଡା ଡାଗେ ମାଚେ । ହଲିଆ ପାର୍ନାରି ଯୋଶେଫଇଁ ର ହଲିଆ ଲେହେଁ ବ୍ଡ଼ାୟୁ ଗାଟି ସରକାର ପଦ ବେଟା ଆତାଣାଇଁ ପାର୍ତେରି । ଯୋଶେଫ ତାନି ମାଲିକ୍ଇଁ ନେହିଁକି ସେବା କିତେସି, ଅଡ଼େ ମାହାପୁରୁ ଯୋଶେଫଇଁ ବର ହିତେସି ।

![](https://cdn.door43.org/obs/jpg/360px/obs-en-08-05.jpg)

ତାମି ମାଲିକତି ଡକ୍ରୀ ତାନି ତଲେ ଡୁରାଲି ତାକି ଅଣ୍‌ପିମାଚେ, ମାତ୍ର ଇ ୱାକି ଯୋଶେଫ ମାହାପୁରୁ ବିରଦତା ପାପୁ କିହାଲି କିଆନି ଇଚେସି । ଏୱାସି ରିଂଜିତେସି ଅଡ଼େ ମିଚିତଲେ ଦହ ହିତେ, ଏଦାଆଁ ତାକି ତାଙ୍ଗେ ଦସ୍ପା ଆତେସି ଅଡ଼େ ତାନାତା ପଣ୍ଡ୍ୱି ଆତେସି । ତାନାତା ଜିକେଏ ଯୋଶେଫ ମାହାପୁରୁତି ନାମୁ ଆହାଁ ଡ଼ଇତେସି, ଅଡ଼େ ତାଙ୍ଗେ ମାହାପୁରୁ ବର ହିତେସି ।

![](https://cdn.door43.org/obs/jpg/360px/obs-en-08-06.jpg)

ଅଡ଼େ ଏୱାସି ଦହ ହିଲାଆଗାଟାସି ମାଚେସି, ଆତିହିଁ ଜିକେ ଏ ତାନାତା ରି ବାର୍ଷା ଡ଼ଇତେସି । ର ଲାଆଁ, ଫାରୋ, ଏମ୍ଵାରାଇଁ ମିଶରତାରି ଏୱାଣାଇଁ ରାଜା ଇନେରି, ରି ହାପ୍ନା ଏୱାଣାଇଁ ହାରେକା ବିତ୍ ବିତା କିହାମାଚେ । ତାଙ୍ଗେ ୱେହ୍ନାରି ଏମ୍ବାରି ଜିକେଏ ତାନି ହାପ୍ନାତି ଅର୍ତ ୱେସାଲି ଆଡାଆତେରି ।

![](https://cdn.door43.org/obs/jpg/360px/obs-en-08-07.jpg)

ଯୋଶେଫଇଁ ହାପ୍ନାତି ଅର୍ତ ୱେସାଲି ତାକି ମାହାପୁରୁ ବର ହିହାମାଚେସି, ଏଦାଆଁ ତାକି ଫାରୋ ଯୋଶେଫଇଁ ତାନାଟି ତାପ୍ୱି ଆତେସି । ତାମି ତାକି ଯୋଶେଫ ହାପ୍ନାତି ଅର୍ତ ୱେସ୍ତେସି, ସାତା ବାର୍ଷା ମାହାପୁରୁ ହାରେକା ଆର୍ନା ପାଣ୍ଡାଲି ହାଜି ମାନେସି, ଏଲେକିଏଁ ସାତା ବାର୍ଷା ହାକି ୱାନେ ।

![](https://cdn.door43.org/obs/jpg/360px/obs-en-08-08.jpg)

ଯୋଶେଫ ତଲେ ଫାରୋ ହାରେକା ନେହି ଅଣ୍‌ପିତେସି ଏଦାଆଁ ତାକି ତାଙ୍ଗେ ଅ ରଣ୍ଡି ବ୍ଡ଼ାୟୁ ହିତେସି ।

![](https://cdn.door43.org/obs/jpg/360px/obs-en-08-09.jpg)

ସାତା ବାର୍ଷା ନେହି ଆର୍ନା ବେଲାତା ଗାଡି ଗାଡି କୁଡ଼ି କିହାଲି ଲୋକୁଣି ୱେସ୍ତେସି । ଏଚିବେଲା ସାତା ବାର୍ଷା ହାକି ୱାତେ, ଯୋଶେଫ ଆର୍ନା ଲୋକୁଣି ପାର୍ତେସି ଏନାଆଁତାକି ଇଚିସାରେ ଏୱାରି ହାରେକା ତିଂଜାଲି ବେଟା ଆନେରି ।

![](https://cdn.door43.org/obs/jpg/360px/obs-en-08-10.jpg)

ୱାର୍ଇ ମିଶରତା ଆଏ, ମାତ୍ର କିଣାନତା ଜିକେଏ ଏମିନି ତାଣା ଯାକୁବ ଅଡ଼େ ତାମି ଇଲୁ କୁଟମି ବାସା କିହି ମାଚେରି ।

![](https://cdn.door43.org/obs/jpg/360px/obs-en-08-11.jpg)

ଏଦାଆଁ ତାକି ତାନି କାଜା ମିର୍କା କାଆଦି କଡାଲି ତାକି ମିଶରତା ପାଣ୍ଡିତେସି । ଏଚିବେଲା ତାଇୟାଁ କାଆଦି କଡାଲି ତାକି ଯୋଶେଫତି ନକି ୱାକି ନିଚା ମାଚେରି ଏୱାରି ଯୋଶଫଇଁ ପୁଞ୍ଜାଲି ଆଡାଆତେରି । ମାତ୍ର ଯୋଶେଫ ପୁଞ୍ଜାଲି ଆଡିତେସି ।

![](https://cdn.door43.org/obs/jpg/360px/obs-en-08-12.jpg)

ଏୱାରି ବାଦ୍ଲି ଆତେରି କି ଆଏ ଏଦାଣି ପରୀକ୍ଷା କିତି ଡାୟୁ, ଯୋଶେଫ ଏୱାରାଇଁ ଜଲିତେସି, “ନାନୁ ମି ତାଇ ତେଏ, ଯୋଶେଫ!” ଆଜାଃଦୁ । ମିରୁ ଲାଗେ କିହାଲି ଅଣପିତେରି ଏଚିବେଲା ମିରୁ ହଲିଆ କିହାନା ପାର୍ତା ତେରି, ମାତ୍ର ମାହାପୁରୁ ଲାଗେ ତାଣିଇଁ ନେହାଣି ବାଦ୍ଲି କିତେସି । ମିଶରତା ୱାହାନା ବାସା କିତି ସାରେ ନାନୁ ମିଙ୍ଗେ ଅଡ଼େ ମି ଇଲୁ କୁଟମିଇଁ ହିହାଲି ଆଡିଇଁ ।

![](https://cdn.door43.org/obs/jpg/360px/obs-en-08-13.jpg)

ଏଚିବେଲା ଯୋଶେଫତି ତାଇୟାଁ ଇଜ ୱାତେରି ଅଡ଼େ ତାମି ଆବା, ଯାକୁବଇଁ ଏଲେଇଚେରି ଯେ ଯୋଶେଫ ନେଏ ପାତେକା ନିଡା ମାନେସି, ଏୱାସି ହାରେକା ରାହାଁ ଆତେସି ।

![](https://cdn.door43.org/obs/jpg/360px/obs-en-08-14.jpg)

ଯାକୁବ ବୁଢ଼୍‌ହା ଆହାମାଚିହିଁ ଜିକେଲା ଏୱାସି ତାମି ଇଲୁକୁଟମି ତଲେ ମିଶରତା ହାଚେସି ଅଡ଼େ ଏମ୍ବାଆଁ ଏୱାସି ତାମି ତଲେ ବାସା କିତେସି । ଯାକୁବତି ହାକି ନକେଏ, ଏୱାସି ତାମି ବାରେ ମିର୍କାଣିଁ ବର ହିତେସି ।

![](https://cdn.door43.org/obs/jpg/360px/obs-en-08-15.jpg)

କାତା ହିତି ମେରା ଏମିନାଣି ମାହାପୁରୁ ଅବ୍ରାହାମ ତଲେ କିହାମାଚେସି ଏଦାଣି ଏୱାସି ଇସାହାକଇଁ ହିତେସି, ଜେଚ ଯାକୁବ ଅଡ଼େ ଯାକୁବତି ବାରା ଜାଣା ମିର୍କା ଅଡ଼େ ତାମି ଇଲୁ କୁଟମିଇଁ ହିତେସି । ବାରା ଜାଣା ମିର୍କାତି ଗଚି ଇସ୍ରାଏଲତି ବାରେ ଗଚି ଆତେରି ।

*ବାଇବଲତି ର ପୁସ୍ପନି: ଆଦିପୁସ୍ତକ ୩୭-୫୦*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_08_96kbps.mp3

## 9. ମାହାପୁରୁ ମୋଶାଇଁ ହାଟିତେସି ।

https://openbiblestories.org/l/kxv/story-9/

![](https://cdn.door43.org/obs/jpg/360px/obs-en-09-01.jpg)

ଯୋଶେଫତି ହାକି ଜେଚ, ତାମି ବାରେ କୁଟୁମି ମିଶରତା ଡ଼ଇତେରି । ଏୱାରି ଅଡ଼େ ତାମି ଗଚିତାରି ଏମ୍ବାଆଁ ହାରେକା ବାର୍ଷା ଡ଼ଇତେରି ଅଡ଼େ ତାମି ହାରେକା ମିର୍କା ମାସ୍କା ଜାର୍ନା ଆତେରି । ଏୱାରାଇଁ ଏଇସ୍ରାଏଲ ଗାଟାରି ଇଂଜି ଦରୁ ହାଟ୍କି ଆତେ ।

![](https://cdn.door43.org/obs/jpg/360px/obs-en-09-02.jpg)

ଶହେ ଶହେ ବାର୍ଷା ଡାୟୁ, ଇସ୍ରାଏଲତି ଜାନା ଲୋକୁ ଆତେରି । ମିଶର ହଲିଏଣିସ୍କା ଯୋଶେଫଇଁ ଅଡ଼େ ଏୱାସି ଏୱାସ୍କାଣି କିହାମାନି କାମା ଏଚେଲା ଜିକେଏ ଅଣପାଃତେସି । ଏୱାରି ଏଇସ୍ରାଏଲ ଲୋକୁଣି ଆଜାଲିମାଠ୍ହେରି, ଏନାଆତାକିଇଚିସାରେ ଏୱାରି ଗାଡି ଜାଣା ମାଚେରି । ଏଦାଆଁ ତାକି ଏବେଲାତା ଏମିନି ଫାରୋ ମିଶରଇଁ ଚାଲ କିହି ମାଚେସି ଏୱାସି ଇସ୍ରାଏଲ ଲୋକୁଣୀ ମିଶର ତାରାତି ହଲିଆ କିତେସି ।

![](https://cdn.door43.org/obs/jpg/360px/obs-en-09-03.jpg)

ମିଶର ଲୋକୁ ଇସ୍ରାଏଲ ଲୋକୁଣି ଇଲ୍‌କାଣିଁ ଅଡ଼େ ବାରେ ଗାଡ଼ାଣି ଜିକେଏ ତିଆର୍ କିହାଲି ଏଲେଇଚେସି । କଷ୍ଟ କାମା ଏୱାରା ଇଁ ହାରେକା ଦୁକୁ ହିତେ, ଏୱାରାଇଁ ମାହାପୁରୁ ବର ହିତେସି, ଅଡ଼େ ଏୱାରାଇଁ ହାରେକା ମିର୍କା ଅଡ଼େ ମାସ୍କା ଆତେରି ।

![](https://cdn.door43.org/obs/jpg/360px/obs-en-09-04.jpg)

ଫାରୋ ମେସାଲି ଆଡିତେସି ଯେ ଇସ୍ରାଏଲତି ହାରେକା ମିର୍କା ମାନେରି ଏଦାଆଁ ତାକି ଏୱାସି ତାନି ଲୋକୁଣି, ବାରେ ଇସ୍ରାଏଲତି ମିର୍କାୟାଁଇଁ ନିଲିକାଡାତା କୁତୁସାହାଁ ପାୟାଲି ତାକି ହୁକୁମ୍ ହିତେସି ।

![](https://cdn.door43.org/obs/jpg/360px/obs-en-09-05.jpg)

ର ଇସ୍ରାଏଲତି ଆୟାଟି ର ମିର୍ଏଣାଇଁ ଜାର୍ନା ହିତେ । ଏଦି ଅଡ଼େ ତାନି ଡକ୍ରା ଡାଲୁଇଁ ଆଡିନି ଏଚେକା କଚେକା ଦିନା ଡ଼ୁକ୍‌ହାଁ ଇଟିତୁ ।

![](https://cdn.door43.org/obs/jpg/360px/obs-en-09-06.jpg)

ଏଚିବେଲା ଆବା ଅଡ଼େ ଆୟା ଗାଡି ଦିନା ଡ଼ୁକ୍‌ହାଲି ଆଡାଃତୁ, ଏୱା ଏୱାଣାଇଁ ହାକିଟି ଗେଲ୍ପାଲି ତାକି ନିଲିକାଡା ଗାଟାତା ଏୟୁତା ନାଡା ବିତ୍ରା ର ଟିପ୍ପିଣୀ ବିତ୍ରା ତାଙ୍ଗେ ଇଟିତୁ । ତାନି କାଜା ନାନା ତାଙ୍ଗେ ଏନାଆଁ ଆନେ, ମେସାଲିତାକି ହେକ ଡ଼ୟାହାଁ ସିନିକିହିମାଚେ ।

![](https://cdn.door43.org/obs/jpg/360px/obs-en-09-07.jpg)

ଫାରୋତି ମାଙ୍ଗା ଟିପ୍ପିଣୀଇଁ ଅଡ଼େ ଏ ବିତ୍ରା ଜିକେଏ ସିନିକିତେ । ଏଚିବେଲା ଏଦି ର ଡାଲୁଇଁ ସିନିକିତେ, ଏଦି ତାନି ମିର୍ଏଣା କିହା କଡିତେ । ଏଦି ଇସ୍ରାଏଲ ଗଚିତି ର ଆୟାଟିଇଁ ଡାଲୁତି ଆୟା ଇଂଜି ପୁନାଆନାରାଂଗୁ ଉଟ୍‌ହାଲି ଇଟିତେ । ଏଚିବେଲା ଡାଲୁ କାଜାସି ଆତେସି ତାଙ୍ଗେ ଆୟାତି ପାଲୁ ଅଡ଼େ ଲାଗାଃତେ, ତାଙ୍ଗେ ଏଦି ଫାରୋତି ମାଙ୍ଗାଇଁ ୱେଟ୍‌ହାସ୍ତେ, ଆମିନି ଗାଟାଇକି ତାନି ଦରୁ ମୋଶା ଇଂଜି ଇଟିତେ ।

![](https://cdn.door43.org/obs/jpg/360px/obs-en-09-08.jpg)

ର ଦିନା, ଏଚିବେଲା ମୋଶା କାଜାସି ଆତି ଡାୟୁ, ଏୱାସି ମେସ୍ତେସି, ର ମିଶରତାସି ଇସ୍ରାଏଲତାଣାଇଁ ୱେଚିମାଚେସି । ମୋଶା ତାନି ଇସ୍ରାଏଲତାଣାଇଁ ଗେଲ୍ପାଲି ତାକି ଚେଷ୍ଟା କିତେସି ।

![](https://cdn.door43.org/obs/jpg/360px/obs-en-09-09.jpg)

ଏଚେବେଲା ମୋଶା ପୁନ୍ଜାଲି ଆଡିତେସି, ଏମ୍ବାଆରି ମେସିମାଞ୍ଜଃରି, ଏୱାସି ମିଶର ତାଣାଇଁ ପାଇତେସି ଅଡ଼େ ତାନି ମଡ଼ାଇଁ ମୁସ୍ତୁସ୍ତେସି । ମାତ୍ର ରଅସି ମୋଶା ଏନାଆଁ କିହାମାଚେସି, ମେସାମାଚେସି ।

![](https://cdn.door43.org/obs/jpg/360px/obs-en-09-10.jpg)

ଏଚିବେଲା ଫାରୋ, ଏନାଆଁ ମୋଶା କିହାମାଚେସି, ୱେଚେସି, ଏୱାସି ପାୟାଲିତାକି ଅଣପିତେସି । ମୋଶା ଫାରୋତି ସୈନ୍ୟଟିଏ ଗେଲ୍ପି ଆହାଲିତାକି ମିଶର ବୁମୀଇଁ ଏମିନିତାଣା ଏୱାସି ଗେଲ୍ପି ଆନେସି, ହେକ ହାତୁସ୍ତେସି ।

![](https://cdn.door43.org/obs/jpg/360px/obs-en-09-11.jpg)

ମିଶରଟିଏ ହାରେକା ହେକ ଡାହାରାବୁମିତା ମୋଶା ର ଗଡ଼ୁ ଆତେସି । ଏ ଟାୟୁତା ର ପଦା ତଲେ ବିହା ଆତେସି ଅଡ଼େ ତାଙ୍ଗେ ରିଣ୍ଡି ମିର୍କା ମାସ୍କା ଆତୁ ।

![](https://cdn.door43.org/obs/jpg/360px/obs-en-09-12.jpg)

ର ଦିନା ଏଚିବେଲା ମୋଶା ତାନି ମେଣ୍ଡାଁତି ସେବା କିନି ବେଲା, ର ବୁଟାତା ହିଚୁ ଡ଼ିଂଜି ମାଚାଣିଇଁ ମେସ୍ତେସି । ମାତ୍ର ଏବୁଟା ଡ଼ିଞ୍ଜାହାଁ ପୁୟାଁ ଆଆତୁ । ମୋଶା ବୁଟା ୱାକି ନେହିକି ସିନିକିହାଲି ହାଚେସି । ଏଚିବେଲା ଏୱାସି ଡ଼ିଞ୍ଜିମାନି ବୁଟା ୱାକି ହାଜିମାଚେସି, ମାହାପୁରୁତି ହାଡା ୱେସ୍ତେ, ମୋଶା, ନି ପାଣ୍ଡେଇ ହୁକ୍‌ହାଁ । ନିନୁ ଦାର୍ମୁ ଟାୟୁତା ନିଚାମାଂଜି ।

![](https://cdn.door43.org/obs/jpg/360px/obs-en-09-13.jpg)

ମାହାପୁରୁ ଜଲିତେସି, “ନା ଲୋକୁତି ଦୁକୁ ନାନୁ ମେସାମାଇଁ । ଫାରୋ ଡାଗେ ପାଣ୍ଡାଇଁ ଏନାଆ ତାକି ଇଚିସାରେ ନିନୁ ଇସ୍ରାଏଲ ଲୋକୁଣି ତାମି ମିଶର ହଲିଆଟିଏ ହପ୍‌ହା ତାଦି । ଏୱାରାଇଁ ନାନୁ କିଣାନ ଦେଶା ହିଇଁ, ଆମିନି ଦେଶା ନାନୁ ଅବ୍ରାହାମ, ଇସାହାକ ଅଡ଼େ ଯାକୁବଇଁ କାତା ଇଟାମାଚେଏଁ ।

![](https://cdn.door43.org/obs/jpg/360px/obs-en-09-14.jpg)

ମୋଶା ୱେଚେସି, “ଅଡ଼େ ଲୋକୁ ପୁଂଜାଲି ଇଚାକିନୁ ନାଙ୍ଗେ ଆମ୍ବାସି ପାଣ୍ଡାଜାନେସି, ନାନୁ ଏୱାରାଇଁ ଏନାଆଁ କାତା ଆଇଁ?” ମାହାପୁରୁ ଜଲିତେସି, “ନାନୁ ଅମ୍ବାଆତେଏଁ ମାଇଁ ଏୱାତେଏଁ ନେଏଁ ଡ଼ଇଇଁ”। ଏୱାରାଇଁ ୱେହ୍‌ମୁ, “ମି ତାଣା ମାହାପୁରୁ ନାଙ୍ଗେ ପାଣ୍ଡାମାଂଜାନେସି; ଅବ୍ରାହାମ, ଇସାହାକ, ଅଡ଼େ ଯାକୁବତି ମାହାପୁରୁ ତେଏଁ । ବାରେଦିନାତାକି ଇଦି ନା ଦରୁ ।

![](https://cdn.door43.org/obs/jpg/360px/obs-en-09-15.jpg)

ମୋଶା ଆଜିମାଚେସି ଅଡ଼େ ଫାରୋତାଣା ହାଲଅଁ ଇଂଜିମାଚେସି, ମାତ୍ର ଏୱାସି ଅଣ୍‌ପିତେସି, ଏୱାସି ନେହିକି କାତା ଜଲାଲି ଆଡଅଁ, ଏଦାଆଁତାକି ମାହାପୁରୁ ମୋଶାତି ତାଇ, ହାରଣଇଁ, ତାଙ୍ଗେ ତଡ଼ୁ ଆହାଲି ପାଣ୍ଡିତେସି । ମାହାପୁରୁ ମୋଶା ଅଡ଼େ ହାରଣଇଁ ତେଲ୍ପି କିହାମାଚେସି, ଯେ ଫାରୋ ରିଂଜିନାସି ।

*ବାଇବଲତି ର ପୁସ୍ପନି: ଯାତ୍ରାପୁସ୍ତକ ୧-୪*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_09_96kbps.mp3

## 10. ଦଶଗଟା ମର୍ଡି

https://openbiblestories.org/l/kxv/story-10/

![](https://cdn.door43.org/obs/jpg/360px/obs-en-10-01.jpg)

ମୋଶା ଓ ହାରଣ ଫାରୋ ତାଣା ହାଚେରି । ଏୱାରି ୱେସ୍ତେରି, ”ଇସ୍ରାଏଲତି ମାହାପୁରୁ ଏଲେହେଁ ଜଲିମାଞ୍ଜାନେସି,ନା ଲୋକୁଣି ପିସା ହିୟାମୁ,” ଫାରୋ ତାମି କାତା ୱେନାଆତେସି । ଇସ୍ରାଏଲ ଲୋକୁଣି ପିସା ହିନି ବାଟା, ଏୱାରାଇଁ ଗାଡି କାମା କିହାଲି ଟାଣ୍ଡିତେସି ।

![](https://cdn.door43.org/obs/jpg/360px/obs-en-10-02.jpg)

ଲୋକୁଣି ତାମି ଇଚା ତଲେ ତାକାଲି ଫାରୋ ହିହାଲାଃତେସି, ଏଦାଆଁ ତାକି ମାହାପୁରୁ ଦଶଗଟା ସାମ୍ଲ ଆଆ ଗାଟି ମର୍ଡି, ମିଶରଇଁ ପାଣ୍ଡିତେସି । ଇ ମର୍ଡିତାକି, ମାହାପୁରୁ ଫାରୋଇଁ ତସିମାଚେସି ଯେ ଏୱାସି ଫାରୋତି ଅଡ଼େ ମିଶରତି ପେଣ୍କାୟାଁଟିଏ ଗାଡି ବ୍ଡ଼ାୟୁଗାଟାୟି ।

![](https://cdn.door43.org/obs/jpg/360px/obs-en-10-03.jpg)

ମାହାପୁରୁ ନିଲିକାଡାତି ଏୟୁଇଁ କାସାତା ବାଦ୍ଲିକିତେସି, ମାତ୍ର ଫାରୋ ଇପାତେକା ଇସ୍ରାଏଲ ଲୋକୁଣି ପିହ୍‌ଆତେରି ।

![](https://cdn.door43.org/obs/jpg/360px/obs-en-10-04.jpg)

ମହାପୁରୁ ବାରେ ମିଶର ଦେଶାତା ପାନାଣିଁ ପାଣ୍ଡିତେସି । ପାନାଣିଁ ହେକ କିହାଲିତାକି ମୋଶାଇଁ ଫାରୋ ବାତି ରିସ୍‌ତେସି । ମାତ୍ର ବାରେ ପାନା ହାତି ଜେଚ, ଫାରୋ ତାନି ହିୟାଁଇଁ ଆଣ୍ଟ୍ୱା କିତେସି ଅଡ଼େ ଇସ୍ରାଏଲତିଲୋକୁଣି ମିଶରଟିଏ ପିହ୍‌ଆତେସି ।

![](https://cdn.door43.org/obs/jpg/360px/obs-en-10-05.jpg)

ଏଦାଆଁତାକି ମାହାପୁରୁ ଦୁଡ଼ି ପ୍ଡ଼ିଉଲି ମର୍ଡିତା ପାଣ୍ଡିତେସି । ଏଦାଆଁ ଜେଚ ଏ ୱିହାଁତି ମର୍ଡି ପାଣ୍ଡିତେସି । ଫାରୋ ମୋଶା ଅଡ଼େ ହାରଣଇଁ ହାଟାହାଁ ଅଡ଼େ ଏଲେ ଇଚେସି, ଅଡ଼େ ଏୱାରି ମର୍ଡି ଇଁ ସୁଣ୍ଡିତେସି, ଏ ଇସ୍ରାଏଲତି ଲୋକୁ ମିଶରଟିଏ ହାଜାଲି ଆଡିନେରି । ଏଚେତା ମୋଶା ପ୍ରାତନା କିତେସି, ମାହାପୁରୁ ୱିହାଁ ମିଶରଦେଶାଟି ଗୁଚି କିତେସି । ମାତ୍ର ଫାରୋ ତାନି ହିୟାଁଇଁ ଆଣ୍ଟ୍ୱା କିତେସି ଅଡ଼େ ଲୋକୁଣି ପିହ୍ଆତେସି ।

![](https://cdn.door43.org/obs/jpg/360px/obs-en-10-06.jpg)

ଏଦାଆଁ ଜେଚ ମାହାପୁରୁ ବାରେ ବାଡ଼ାତି ଏମିନାଇ ମିଶର ଲୋକୁଁୱାଇ ମାଚେ, ଲାଗେ କିହାଁ ହାକି ପାଣ୍ଡିତେସି । ମାତ୍ର ଫାରୋତି ହିୟାଁ ଆଟ୍ୱା ଆତେ, ଅଡ଼େ ଏୱାସି ଇସ୍ରାଏଲ ଲୋକୁଣି ପିହ୍ଆତେସି ।

![](https://cdn.door43.org/obs/jpg/360px/obs-en-10-07.jpg)

ଏଦାଆଁ ଜେଚ ମୋଶାଇଁ ଫାରୋତି ନକେଏ ଦ୍ରାମ୍ବୁ କୁତୁସାଲି ଏଲେଇଚେସି । ଏଚେତା ଏୱାସି କିତେସି, ମିଶରତିଲୋକୁଣି ତଲୁ ଲାକ ହାରେକା ନନି ଗାହୟଁ ମେସ୍ପିଆତେ, ମାତ୍ର ଇସ୍ରାଏଲ ଲୋକୁଣି ଆଆତେ । ମାହାପୁରୁ ଫାରୋତି ହିୟାଁଇଁ ଆଣ୍ଟ୍ୱା କିତେସି, ଅଡ଼େ ଫାରୋ ଇସ୍ରାଏଲ ଲୋକୁଣି ପିହ୍ଆତେସି ।

![](https://cdn.door43.org/obs/jpg/360px/obs-en-10-08.jpg)

ଏଦାଆଁ ଜେଚ, ମାହାପୁରୁ ହାଗୁଟି ୱାଲ୍‌କା ପାଣ୍ଡାହାଁ ମିଶରତି ହାରେକା ଦିଣସୁ ଇଁ ଲାଗେଏ କିତେସି, ଅଡ଼େ ଏମିନିଗାଟାରି ପଙ୍ଗାତା ହାଚେରି ଏୱାରି ହାତେରି । ଫାରୋ ମୋଶା ଅଡ଼େ ହାରଣଇଁ ହାଟିତେସି ଅଡ଼େ ଜଲିତେସି,” ନାନୁ ପାପୁ କିହାମାଇଁ । ନିନୁ ହାଜାଲି ଆଡିଦି “। ଏଦାଆଁତାକି ମୋଶା ପାର୍ତନା କିତେସି, ଅଡ଼େ ହାଗୁଟି ୱାଲ୍କା ପାଣ୍ଡାଲି ସୁଣ୍ଡି କିତେସି ।

![](https://cdn.door43.org/obs/jpg/360px/obs-en-10-09.jpg)

ମାତ୍ର ୱେଣ୍ଡେଏ ଫାରୋ ପାପୁ କିତେସି ଅଡ଼େ ତାନି ହିୟାଁଇଁ ଆଣ୍ଟ୍ୱା କିତେସି । ଏୱାସି ଇସ୍ରାଏଲ ଲୋକୁଣି ହାଜାଲି ତାକି ପିହ୍ଆତେସି ।

![](https://cdn.door43.org/obs/jpg/360px/obs-en-10-10.jpg)

ଏଦାଆଁ ତାକି ମାହାପୁରୁ ଉମ୍ବୀନି ପିଡ୍କା ମର୍ଡି ପାଣ୍ଡି ତେସି ଅଡ଼େ ମିଶରଦେଶାତା ଏଗାହାଚେ । ଏ ଦିଣ୍‌ସୁ ବାରେ ହାଗୁଟିତର୍ଗିନି ୱାଲ୍‌କା ତାଲେ ଲାଗେ ଆହାଲାଆତୁ ଏୱି ବାରେ ଇ ଉମ୍ବୀନି ପ୍ଡ଼ିକା ଲାଗେଏ କିତୁ ।

![](https://cdn.door43.org/obs/jpg/360px/obs-en-10-11.jpg)

ଏଦାଆଁ ଜେଚ ମାହାପୁରୁ ଆନ୍ଦେରୀତି ପାଣ୍ଡିତେସି ଏଦି ତିନି ଦିନା ପାତେକା ଡ଼ଇତେ । ଇଦି ଇଚେକା ଆନ୍ଦେରୀ ମାଚେ ଯେ ମିଶରତିଲୋକୁ ତାମି ଇଲୁକାଣ୍ଡା ପିସାଲି ଆଡିଲାଆତେରି । ମାତ୍ର ଏମିନି ଟାୟୁତା ଇସ୍ରାଏଲଲୋକୁ ବାସା କିହିମାଚେରି ଏମ୍ବାଆଁ ଉଜେଡି ମାଚେ ।

![](https://cdn.door43.org/obs/jpg/360px/obs-en-10-12.jpg)

ଇ ନଅ ଗଟା ମର୍ଡି ଆତି ଡାୟୁ ଜିକେଏ ଫାରୋ ଇସ୍ରାଏଲତି ଲୋକୁଣି ପିହ୍ଆତେସି । ଫାରୋ ୱେନାଆତି ତାକି, ମାହାପୁରୁ ର ଶେଷା ମର୍ଡି ପାଣ୍ଡାଲିତାକି ଅଣ୍‌ପିତେସି । ଇଦି ଫାରୋତି ହିୟାଁଇଁ ବାଦ୍ଲିକିନେ ।

*ବାଇବଲତି ର ପୁସ୍ପନି: ଯାତ୍ରାପୁସ୍ତକ ୫-୧୦*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_10_96kbps.mp3

## 11. ନିସ୍ତାର ପାର୍ବୁ

https://openbiblestories.org/l/kxv/story-11/

![](https://cdn.door43.org/obs/jpg/360px/obs-en-11-01.jpg)

ମାହାପୁରୁ ଫାରୋଇଁ ତେଲ୍ହାଲି ୱେସ୍ତେସି ଯେ ଏୱାସି ଇସ୍ରାଏଲ ଲୋକୁଣି ହାଜାଲି ହିୟାଃଆସାରେ, ଆତିସାରେ ଏୱାସି ଲୋକୁ ଅଡ଼େ ପଶୁଁତି ବାରେ ନକେଏ ଜାର୍ନା ଆନାଣୀଇଁ ପାୟିନେସି । ଫାରୋ ଏଚିବେଲା ଇଦାଣି ୱେଚେସି ଏୱାସି ଆତିହିଁ ଜିକେଏ ନାମାଲି ଅଡ଼େ ମାହାପୁରୁତି କାତା ତଲେ ତାକାଃଦୁ ଇଚେସି ।

![](https://cdn.door43.org/obs/jpg/360px/obs-en-11-02.jpg)

ତାନି ତାଣା ଏମିନିଗାଟାରି ନାମିତେରି ମାହାପୁରୁ ଏୱାରାଇଁ ନକେଏ ଜାର୍ନା ଆନାଇଇଁ ଗେଲ୍ପିନି ର ସୁତ୍ର ହିତେସି । ବାରେ ଇଲୁ କୁଟମିଇଁ ର ମେଣ୍ଡାଇଁ ଆଚାହାଁ ତାଂଗେ ପାୟାଲି ଲାଗିତେ ।

![](https://cdn.door43.org/obs/jpg/360px/obs-en-11-03.jpg)

ମାହାପୁରୁ ଇସ୍ରାଏଲ ଲୋକୁଣି ମେଣ୍ଡା ଡାଲୁତି କାସା ଚାଚାହାଁ ତାମି ଇଲୁ ଦୁୱେର୍ ବନ୍ଦୁତି ସାରିୱାକି ଉସ୍ପାଲି ଜଲିତେସି, ଅଡ଼େ ଉଙ୍ଗା ହୁଡାହାଁ ଅଡ଼େ ରୁଟି ଜିକି ଚିଞ୍ଜାଲି ଏଲେଇଚେସି । ଏୱାରି ଚିଞ୍ଜାଲି ଆଡିତି ଜେଚ ମିଶରତି ପିସାଲି ତାକି ତିଆର୍ ଆହାଲିତାକି ୱେସାମାଚେସି ।

![](https://cdn.door43.org/obs/jpg/360px/obs-en-11-04.jpg)

ମାହାପୁରୁ ଏନିକି ଏୱାରାଇଁ କିହାଲି ତାକି ହୁକୁମ୍ ହିହାମାଚେସି ଇସ୍ରାଏଲ ଲୋକୁ ବାରେ କାମା କିତେରି । ମାଜା ନେକେରିତା, ମାହାପୁରୁ ମିଶରଟିଏ ହାଜାହାଁ ନକେଏ ଜାର୍ନା ଆତି ବାରେଇଁ ପାଇତେରି ।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲ ଲୋକୁ ଇଲୁତି ଦୁୱେର୍ ବନ୍ଦୁ ସାରିୱାକି କାସା ଆହାମାଚେ, ଏଦାଆଁ ତାକି ମାହାପୁରୁ ଏଦାଣୀ ପିସ୍ତୁସ୍ତେସି । ଇଲୁ ବିତ୍ରା ବାରେ ଗେଲ୍ପିଆତେରି । ମେଣ୍ଡାତି କାସା ତାକି ଏୱାରି ଗେଲ୍ପି ଆହାମାଚେରି ।

![](https://cdn.door43.org/obs/jpg/360px/obs-en-11-06.jpg)

ମାତ୍ର ମିଶରତି ଲୋକୁ ମାହାପୁରୁଇଁ ଅଡ଼େ ତାନି ହୁକୁମ୍ ଇଁ ନାମାଃତେରି । ମାହାପୁରୁ ମିଶରତିଲୋକୁଣୀ ବାରେ ନକେଏ ଜାର୍ନା ଆତାରାଇଁ ପାଇତେରି ।

![](https://cdn.door43.org/obs/jpg/360px/obs-en-11-07.jpg)

ବାରେ ମିଶରତିଲୋକୁ ବାରେ ନକେଏ ଜାର୍ନା ଆତି ନର ହାତେରି, ଜେଲିତା ନକେଏ ଜାର୍ନା ଆତିଟିଏ ଫାରୋତି ନକେଏ ଜାର୍ନା ଆତାରି ବାରେ ହାତେରି । ହାରେକା ମିଶରତାରି ତାମି ହାରେକା ଦୁକୁ ତାକି ଡ଼ିତେରି ଅଡ଼େ ହାରେକା ଦୁକୁ କିହାମାଚେରି ।

![](https://cdn.door43.org/obs/jpg/360px/obs-en-11-08.jpg)

ଏ ଲାଆଁ ଫାରୋ ମୋଶା ଅଡ଼େ ହାରଣଇଁ ହାଟାହାଁ ଏଲେଇଚେସି,” ଇସ୍ରାଏଲତି ଲୋକୁଣି ଅହାଁ ଜିକି ମିଶର ପିସାହାଁ ହାଜୁ !” ମିଶରତି ଲୋକୁ ଜିକେଏ ଇସ୍ରାଏଲତିଲୋକୁଣି ରେଟୁଏ ହାଜାଲିତାକି ଜଲିତେସି ।

*ବାଇବଲତି ର ପୁସ୍ପନି: ଯାତ୍ରାପୁସ୍ତକ ୧୧:୧-୧୨:୩୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_11_96kbps.mp3

## 12. କାଜାତାକୁ

https://openbiblestories.org/l/kxv/story-12/

![](https://cdn.door43.org/obs/jpg/360px/obs-en-12-01.jpg)

ମିଶର ପିସିନି ତାକି ଇସ୍ରାଏଲଲୋକୁ ହାରେକା ରହାଁ ମାଚେରି । ଏୱାରି ଅଡ଼େ ହଲିଆ ଆହାଁ ଡ଼ୟାଃତେରି, ଅଡ଼େ ଏୱାରି କାତାଇଟାମାଚି ଦେଶାତା ହାଜିମାଚେରି । ଇସ୍ରାଏଲତିଲୋକୁ ମିଶରତି ଲୋକୁଣି ରିସ୍ତେରି, ଏୱାରି ଏ ବାରେ ହିତେରି, ଇଲେହେଁକି ବାଂଗାରା ଅଡ଼େ ଅର ଦାରାଗାଟି ଜିନିଷ ହିତେରି । ଏଟ୍କାତି କଚେକା ଲୋକୁ ମାହାପୁରୁ ତାଣା ନାମିତେରି ଅଡ଼େ ଏୱାରି ମିଶର ପିସ୍ତିବେଲା ଇସ୍ରାଏଲତିଲୋକୁ ତଲେ ହାଚେରି ।

![](https://cdn.door43.org/obs/jpg/360px/obs-en-12-02.jpg)

ମାଦେନା ମାହାପୁରୁ ତାମି ନକିତା ର କାଜା ହାଗୁମୁଣ୍ଡା ତଲେ ଏୱାରାଇଁ ଜିରୁ ତାକି କିହାଁ ଅହିମାଚେସି, ଏଦି ଲାଆଁ ବେଲା କାଜା ହିଚୁମୁଣ୍ଡା ଆହିମାଚେ । ମାହାପୁରୁ ତାମିତଲେ ସବୁବେଲା ଡ଼ଇମାଚେସି ଅଡ଼େ ଏୱାରି ତାକିନିବେଲା ତାମ୍ଗେ ଜିରୁ ତସିମାଚେସି । ଏୱାରି ତାମି ଜେଚ ତାକିନାଇ ମାଚେ ।

![](https://cdn.door43.org/obs/jpg/360px/obs-en-12-03.jpg)

ର ସାଣେକା ଜେଚ ଫାରୋ ଅଡ଼େ ତାମି ଲୋକୁ ତାମି ହିୟାଁ ବାଦ୍ଲି କିତେରି ଅଡ଼େ ଇସ୍ରାଏଲତିଲୋକୁଣି ତାମି ହଲିଆ ଆହାଲିତାକି ୱେଣ୍ଡେଏ ଆଣପିତେରି । ମାହାପୁରୁ ଫାରୋଇଁ ଡାଣ୍ଟା ହିୟାଁ କେପିତେସି, ଏନିକି ଲୋକୁ ରଣ୍ଡିଏ ସାତା ମାହାପୁରୁ ଇଞ୍ଜି ପୁଞ୍ଜା କଡିନେରି, ଅଡ଼େ ତେଲ୍ହିନେରି ଯେ ଏୱାସି, ମାହାପୁରୁ ଫାରୋ ଅଡ଼େ ଫାରୋତି ପେଣ୍କାଁଟିଏ ହାରେକା ବ୍ଡ଼ାୟୁଗାଟାସି ।

![](https://cdn.door43.org/obs/jpg/360px/obs-en-12-04.jpg)

ଏଦାଆଁତାକି ଏୱାରାଇଁ ୱେଣ୍ଡେଏ ହଲିଆ କିହାଲି ଇସ୍ରାଏଲଲୋକୁତି ଜେଚ ଜେଚ ଫାରୋ ଅଡ଼େ ତାନି ସୈନ୍ୟୟାଁ ଜେଚ ପେର୍ହେରି । ମିଶରତି ସୈନ୍ୟୟାଁ ୱାନାଣି ଏଚିବେଲା ଇସ୍ରାଏଲଲୋକୁଣି ମେସ୍ତେସି, ଏୱାରି ହିୟାଁତା ଅତେରି ଅଡ଼େ ଏୱାରି ଫାରୋତି ସୈନ୍ୟ ଅଡ଼େ ନିଲି ସାମଦୁର୍ ବିତ୍ରା ହଡା ହାଚେରି । ଏୱାରି ହାରେକା ଆଜା ହାଚେରି ଅଡ଼େ ଏୱାରି କାଚ୍ଡ଼ ଆହାଁ ଏଲେ ଇଚେରି “ ମାମ୍ବୁ ଏନାଆତାକି ମିଶର ପିସ୍ତମି ? ମାମ୍ବୁ ହାହାଲି ହାଜିନମି !”

![](https://cdn.door43.org/obs/jpg/360px/obs-en-12-05.jpg)

ମୋଶା ଇସ୍ରାଏଲତିଲୋକୁଣି ଏଲେଇଚେସି, ”ଆଜାଃଦୁ ! ମାହାପୁରୁ ନିଞ୍ଜୁ ମି ତାକି ଯୁଦ୍ଦ କିନେସି ମିଂଗ ଗେଲ୍ପାନେସି । “ଏଦାଆଁ ଜେଚ ମାହାପୁରୁ ମୋଶାଇଁ ଜଲିତେସି “ ଲୋକୁଣି ନିଲିକାଡା ୱାକି ହାଜାଲି ଏଲେଇନାମୁ ।”

![](https://cdn.door43.org/obs/jpg/360px/obs-en-12-06.jpg)

ଏଦାଆଁ ଜେଚ ମାହାପୁରୁ ହାଗୁମୁଣ୍ଡା ଅହାଁ ଇସ୍ରାଏଲ ଅଡ଼େ ମିଶରତାରା ବିତ୍ରା ଇଟିତେସି ଏନିକିକି ମିଶରତାରି ଇସ୍ରାଏଲଲୋକୁଣି ମେଶାଲି ଆଡଃରି ।

![](https://cdn.door43.org/obs/jpg/360px/obs-en-12-07.jpg)

ମାହାପୁରୁ ମୋଶାଇଁ ତାନି କେୟୁ ପେର୍ହାଁ ସାମଦୁରଇଁ ରି ବାଗା କିହାଲି ଜଲିତେସି । ଏଦାଆଁଜେଚ ମାହାପୁରୁ ସାମଦୁରଇଁ ଗାଲି ତଲେ ଟେବ୍ରି ଅଡ଼େ ଟିଃନି ଟଟ ଏୟୁଇଁ ନାବ୍ଗାଲି କିତେସି, ଏନିକିକି ସାମଦୁର୍ ବିତ୍ରା ର ଜିରୁ ଆତେ ।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲତିଲୋକୁ ସାମଦୁର୍ ବିତ୍ରା ୱାଇତି ବୁମିତା ତାକିତେରି ଅଡ଼େ ତାମି ରିକୱାକି ଏୟୁତି କୁଡୁ ମାଚେ ।

![](https://cdn.door43.org/obs/jpg/360px/obs-en-12-09.jpg)

ଏଦାଆଁଜେଚ ମାହାପୁରୁ ହାଗୁଇଁ ଏ ଟାୟୁଟି ଲାକ ଅହାସ୍ତେସି ଏନିକିକି ଇସ୍ରାଏଲତିଲୋକୁ ହାଜିମାନାଣି ମିଶରତିଲୋକୁ ମେସାଲି ଆଡି ନେରି । ମିଶରତିଲୋକୁ ଏୱାରାଇଁ ଜେଚ ପେର୍ହାଲି ଅଣପିତେରି ।

![](https://cdn.door43.org/obs/jpg/360px/obs-en-12-10.jpg)

ଏଦାଆଁ ତାକି ଏୱାରି ସାମଦୁର୍ ବିତ୍ରାଟି ଆହାମାନି ଜିରୁଟି ଇସ୍ରାଏଲତିଲୋକୁଣି ଜେଚ ପେର୍ହେରି,ଅଡ଼େ ମାହାପୁରୁ ମିଶରତାରାଇଁ କଷ୍ଟ ହିତେସି ଅଡ଼େ ତାମି ରତଁ ବିତ୍ରା ନେସ୍ତେରି । ଏୱାରି କାଲଆହାଁ ଏଲେଇଚେରି “ହାତୁଃଦୁ ! ମାହାପୁରୁ ଇସ୍ରାଏଲତାରା ୱାକି ଯୁଦ୍ଦ କିହିମାଚେସି !”

![](https://cdn.door43.org/obs/jpg/360px/obs-en-12-11.jpg)

ଇସ୍ରାଏଲତାରି ସାମଦୁର୍ ଆତାଲା ନେହିକି ଏତି ଡାୟୁ ମାହାପୁରୁ ମୋଶାଇଁ ତାନି ବମି ୱେଣ୍ଡେଏ ପେର୍ହାଲି ଜଲିତେସି । ଏଚିବେଲା ଏୱାସି ମାହାପୁରୁତି କାତା ନାମିତେସି, ଏୟୁ ମିଶରତାରା ଲେକ ୱାହାସ୍ତେ ଅଡ଼େ ସାମଦୁର୍ ନକେଏତି ଲେହେଁ ଆତେ । ବାରେ ମିଶରତାରି ସୈନ୍ୟ ସାମଦୁର୍ ତା ମେଦାହାଁ ହାତେରି ।

![](https://cdn.door43.org/obs/jpg/360px/obs-en-12-12.jpg)

ଇସ୍ରାଏଲତାରି ଏଚିବେଲା ମେସ୍ତେରି ମିଶରତାରି ହାହା ହାଚେରି, ଏୱାରି ମାହାପୁରୁତାଣା ନାମିତେରି ଅଡ଼େ ମୋଶା ମାହାପୁରୁତାଣା ର ଭାବବାଦୀ ଏଦାଆଁ ନାମିତେରି ।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲତାରି ଜିକେଏ ଗାଡି ରାହାଁ ଆତେରି ଏନାଆ ତାକି ଇଚିସାରେ ମାହାପୁରୁ ହାକି ଅଡ଼େ ହଲିଆଟି ଗେଲ୍ପିତେସି ! ନେଏ ଏୱାରି ମାହାପୁରୁତି ସେବା କିହାଲି ନେହିବେଲା ମାଚେ । ଇସ୍ରାଏଲତାରି ତାମି ପୁଃନି ସ୍ବାଧିନଇଁ କେପାଲି ଅଡ଼େ ମାହାପୁରୁତି ଗୌରମି କିହାଲି ହାରେକା ପାଚୁୟାଁ ପାଚିତେରି ଏନାଆତାକିଇଚିସାରେ ଏ ମିଶରତି ସୈନ୍ୟଟିଏ ତାମ୍ଗେ ଗେଲ୍ପାମାଚେସି ।

![](https://cdn.door43.org/obs/jpg/360px/obs-en-12-14.jpg)

ମାହାପୁରୁ ଇସ୍ରାଏଲତାରାଇଁ ମିଶରତାରା ତାଣା ଏନିକି ଜିଣା କିତେସି ଅଡ଼େ ଏୱାରାଇଁ ହଲିଆଟିଏ ଏନିକି ଗେଲ୍ପିତେସି, ଏଦାଆଁ ଆଣପାଲି ତାକି ଇସ୍ରାଏଲତାରାଇଁ ନିସ୍ତାରପାର୍ବୁ ନାମାଲି ତାକି ହୁକୁମ୍ ହିତେସି । ଏୱାରି ର ମେଣ୍ଡା ଡାଲୁଇଁ ପୁଜା କିତାକି ଅଡ଼େ ରୁଟି ତଲେ ଏଦାଣି ଚିଞ୍ଜାହାଁ ନାମିତେରି ।

*ବାଇବଲ ର ପୁସ୍ପନି: ଯାତ୍ରାପୁସ୍ତକ ୧୨:୩୩ -୧୫:୨୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_12_96kbps.mp3

## 13. ମାହାପୁରୁ ଇସ୍ରାଏଲ ତଲେ ମେରା

https://openbiblestories.org/l/kxv/story-13/

![](https://cdn.door43.org/obs/jpg/360px/obs-en-13-01.jpg)

ମାହାପୁରୁ ଇସ୍ରାଏଲତାରାଇଁ ନିଲି ସାମଦୁର୍ଟି ଗେଣ୍ପି କିତି ଡାୟୁ, ଏୱାସି ର ବାଃଲିବୁମିଟି ସିନୟ ଦରୁଗାଟି ହରୁତା ତାତେସି ା ଇଦି ଏ ହରୁ ମାଚେ ଏମିନିତାଣା ମୋଶା ହୁଡିତି ବୁଟାତା ମେସାମାଚେସି । ହୋରୁ ତି ଡ଼ଏ ଲୋକୁୟାଁ ତାମି ଗୁଡ଼ାଇଁ କାଜାଣି କିତେରି ।

![](https://cdn.door43.org/obs/jpg/360px/obs-en-13-02.jpg)

ମାହାପୁରୁ ମୋଶାଇଁ ଇସ୍ରାଏଲତି ଲୋକୁ ଇଁ ୱେସ୍ତେସି “ମିରୁ ନା ବୋଲୁ ନାମାଦୁ ଓଡ଼େ ନା ମେରା ଇଁ ନାମା ଇଟାଦୁ ଆତିହିଁ ମିରୁ ନା ଇଟିତି ଦନ, ଯାଜକଁ ୱାଇ ରଣ୍ଡି ରାଜାଗୋଚି ଅଡ଼େ ରଣ୍ଡି ଦାର୍ମୁ ଦେଶା ଆନେ ।”

![](https://cdn.door43.org/obs/jpg/360px/obs-en-13-03.jpg)

ତିନି ଦିନା ଡାୟୁ , ଲୋକୁୟାଁ ଯାହାରାଇଁ ଦାର୍ମୁ ଲେହେଁ ସାକାତା ଆତି ଜେଚ, ମାହାପୁରୁ ହାଗୁ ଡ଼ିତେ, ବିଜା, ବୋଇଁ ଅଡ଼େ ର କାଜା ତିତ୍ରି ହାଡା ତଲେ ସିନୟ ହରୁ ଲାକ ରେଚା ୱାତେସି । ୱାର୍ଇ ମୋଶାଦେହେଁ ହରୁ ଲାକ ହାଜାଲି ହୁକୁମ୍ ବେଟା ଆତେସି ।

![](https://cdn.door43.org/obs/jpg/360px/obs-en-13-04.jpg)

ଏଦାଆଁ ଜେଚ ମାହାପୁରୁ ଏୱାରାଇଁ ତାନି ମେରା ହିତେସି ଅଡ଼େ ଜଲିତେସି “ନାନୁ ମି ମାହାପୁରୁ କାଲା କାଲାତି ମାହାପୁରୁତେଏଁ, ଆମ୍ବାଃସି ମିଙ୍ଗ ମିଶରତି ହଲିଆଁଟିଏ ଗେଲ୍ପାତେସି । ଏଟ୍କା ପେଣ୍କାଇଁ ପୂଜା କିଃଆଦୁ ।”

![](https://cdn.door43.org/obs/jpg/360px/obs-en-13-05.jpg)

“ଏନି ବୋମା ତିଆର୍ କେପାଃଦୁ ଅଡ଼େ ଏୱାଆଁ ପୂଜା କିଃଅତେରି, ଏନାଆ ତାକିଇଚିସାରେ, ନାନୁ ରିଞ୍ଜିନି ମାହାପୁରୁତେଏଁ । ନା ଦରୁ ଦାରା ହିଲାଃତିଲେହେଁ କିୟାଃଦୁ । ଜମିନି ଦିନାଇଁ ନାମିନି ଅର ଅର୍ତ, ୱାର୍ଇ ଶ ଦିନାତା ମି ବାରେ କାମା କିଦେରି, ମାତ୍ର ସାତାଦିନା ମି ତାକି ଜମିନି ଦିନା ଆନେ ଅଡ଼େ ମିମ୍ବୁ ନାଂଗେ ଅଣପିଦେରି ।”

![](https://cdn.door43.org/obs/jpg/360px/obs-en-13-06.jpg)

“ମି ଆବା ଅଡ଼େ ଆୟାଇଁ ସନ୍ମାନ କିଦୁ । ନରଣୀ ପାୟାଃଦୁ । ଦାରି କିଃଆଦୁ । ଶରୁ କିଃଆଦୁ । ମିଚି ଜଲାଃଆଦୁ । ମି ପାଡ଼ି ଇଜତି ଡକ୍ରୀଇଁ, ତାନି ଇଲୁଇଁ ଅଡ଼େ ପାଡ଼ି ଇଜତି ଏନି ଦିଣ୍ସୁ ଏମିନାଇ ତାମିୱାଇ, ଲୋବୁ ଆଃଆଦୁ ।”

![](https://cdn.door43.org/obs/jpg/360px/obs-en-13-07.jpg)

ଏଦାଆଁ ଜେଚ ମାହାପୁରୁ ରିଣ୍ଡି ୱାଲି ପାଟାତା ଇ ଦଶଗଟା ହୁକୁମ୍ କୁତିତେସି ଅଡ଼େ ମୋଶାଇଁ ହିତେସି । ମାହାପୁରୁ ଅଡ଼େ ହାରେକା ମେରା ଅଡ଼େ ନୀତି ତଲେ ତାକାଲି ହିତେସି । ମାହାପୁରୁ କାତା ହିହାଁ ଜଲିତେସି, ଅଡ଼େ ଲୋକୁ ଇ ମେରା ତଲେ ତାକିନେରି, ଆତିସାରେ ଏୱାସି ତାମ୍ଗେ ବର ହିନେସି ଅଡ଼େ ଗେଲ୍ପିନେସି । ଅଡ଼େ ଏୱାରି ଏଦାଆଁତି ମାନଆଃଆସାରେ, ମହାପୁରୁ ଏୱାରାଇଁ ବାକା ହିନେସି ।

![](https://cdn.door43.org/obs/jpg/360px/obs-en-13-08.jpg)

ମାହାପୁରୁ ଅଡ଼େଜିକେଏ ଇସ୍ରାଏଲତାରାଇଁ ର ଗୁଡ଼ାତି ବାରେ ପାଣ୍ଡାତେସି ଏମିନାଣି ଏୱାରି କିପେରି ଇଞ୍ଜି ଏୱାସି ୱେସାମାଚେସି । ଏଦାଣି ସମାଗମତମ୍ବୁ ଇଞ୍ଜିମାଚେରି, ଅଡ଼େ ରିଣ୍ଡି ଗନ୍ଦି ମାଚେ ଏମିନାଣି ର କାଜା ପାର୍ଦା ବାଗା କିହିମାଚେ । ୱାର୍ଇ ମହାଜାଯକ ଏ ପାର୍ଦାତି ଡାୟୁୱାକି ମାନି ଗନ୍ଦିତା ହାଜାଲି ତାକି ହେଲ ବେଟା ଆହାମାଚେରି, ଏନାଆତାକି ଇଚିସାରେ ମାହାପୁରୁ ଏମ୍ବାଆଁ ଡ଼ଇମାଚେସି ।

![](https://cdn.door43.org/obs/jpg/360px/obs-en-13-09.jpg)

ଏନାରି ଜିକେଏ ମାହାପୁରୁତି ମେରାତି ନାମାଃତେରି ଏୱାସି ମାହାପୁରୁ ତାକି ର ପୂଜା ଲେହେଁ ର ପଶୁଇଁ ସମାଗମତମ୍ବୁ ନକିତା ମାନି ବେଦି ଦାରି ଚାଚିମାଚେରି । ର ଯାଜକ ପଶୁଇଁ ପାୟାହାଁ ଏଦାଣି ବେଦିତା ପୁରା ହୁଡିମାଚେରି । ପୂଜା ହିହିମାନି ପଶୁତି କାସା ଏ ମାଣ୍ସିତି ପାପୁଇଁ ଡ଼ୁକ୍ହିମାଚେ ଅଡ଼େ ପ୍ଡ଼ି୍କ୍ହିମାଚେ ଅଡ଼େ ଏ ମାଣ୍ସି ମାହାପୁରୁ ନକିତା ଦାର୍ମୁ ଗାଟାସି ଆହିମାଚେସି । ମାହାପୁରୁ ମୋଶାତି ତାଇ ହାରଣ ଅଡ଼େ ହାରଣତି ଗଚି ତାମି ଯାଜକ ଆହାଲିତାକି ଆଚ୍‌ୱି ଆତେସି ।

![](https://cdn.door43.org/obs/jpg/360px/obs-en-13-10.jpg)

ବାରେ ଲୋକୁ ମାହାପୁରୁ ଏୱାରାଇଁ ହିହାମାନି ମେରା ତଲେ ତାକାଲିତାକି, ୱାର୍ଇ ମାହାପୁରୁତି ପୂଜା କିହାଲିତାକି ଅଡ଼େ ତାନି ଆଚିତି ଲୋକୁ ଆହାଲି ତାକି ର ଅଣ୍ପୁ ଆତେସି । ମାତ୍ର ଏୱାରି ମାହାପୁରୁତି କାତା ତଲେ ତାକାଲି ତାକି କାତା ଇଟିନି ସାଣେକା ବେଲା ଡାୟୁ ଏୱାରି ହାରେକା ପାପୁ କିତେରି ।

![](https://cdn.door43.org/obs/jpg/360px/obs-en-13-11.jpg)

ହାରେକା ଦିନା ଆସାହାଁ ମୋଶା ମାହାପୁରୁ ତଲେ ସିନୟ ହରୁ ଟିପୁତା କାତା ଆହିମାଚେସି । ମୋଶା ୱେଣ୍ଡିନାଣି କାଚି କାଚିହିଁ ଲୋକୁ ୱାହିତେରି ଅଡ଼େ କାଚାଲି ଆଡାଃତେରି । ଏଦାଆଁତାକି ଏୱାରି ହାରଣ ଡାଗେ ବାଂଗାରା ଚାଚାହାଁ ତାଂଗେ ତାମି ତାକି ର ବୋମା ତିଆର୍ କିହାଲି ଜଲିତେସି !

![](https://cdn.door43.org/obs/jpg/360px/obs-en-13-12.jpg)

ହାରଣ ଏ ବାଙ୍ଗାରା ତଲେ ର ବାଚା ଡାଲୁତି ଲେହେଁତି ବୋମା ତିଆର୍ କେପିତେରି । ଲୋକୁ ହାରେକା ଲାଗେଃତି ଲେହେଁ ଏ ବୋମାଇଁ ପୂଜା କେପିତେରି ଅଡ଼େ ପୁଜାବଳୀ ହିତେରି ! ତାମି ପାପୁ ତାକି ଏୱାର୍ ତାଣା ମାହାପୁରୁ ଗାଡି ରିଞ୍ଜିତେସି ଅଡ଼େ ଏୱାରାଇଁ କ୍ଡ଼ୁପ୍ହାଲି ଆଣପିତେସି ।

![](https://cdn.door43.org/obs/jpg/360px/obs-en-13-13.jpg)

ମାତ୍ର ମୋଶା ତାମି ତାକି ପାର୍ତନା କିତେସି, ଅଡ଼େ ମାହାପୁରୁ ତାମି ପାର୍ତନାଇଁ ୱେଚେସି ଅଡ଼େ ଏୱାରାଆଁ ପାୟାଃତେସି । ମୋଶା ଏଚେବେଲା ହରୁଟି ରେଚା ୱାତେସି ଅଡ଼େ ଏବୋମା ମେସ୍ତେସି, ଏୱାସି ଇଚେକା ରିଞ୍ଜିତେସି ଯେ ମାହାପୁରୁ ଏମିନି ୱାଲି ପାଟାତା ଦଶ ହୁକୁମ୍ କୁତାମାଚେସି ଏୱାସିଏଦାଣିଇଁ କୁତୁସାଁ ଗୁଣ୍ଡ୍ ଗୁଣ୍ଡା କିହାସ୍ତେସି ।

![](https://cdn.door43.org/obs/jpg/360px/obs-en-13-14.jpg)

ଏଦାଆଁ ଜେଚ ମୋଶା ଏ ବୋମାଇଁ ୱେଚିହିଁ ଗୁଣ୍ଡ୍ ଗୁଣ୍ଡା କିହାସ୍ତେସି, ଅଡ଼େ ଏ ଗୁଣ୍ଡାଇଁ ରଚେକ ଏୟୁ କୁତୁସ୍ତେସି ଅଡ଼େ ଲୋକୁଣି ଏ ଏୟୁ ଗସାଲି ହିତେସି । ମାହାପୁରୁ ଲୋକୁତାଣା କାତାରା ପାଣ୍ଡିତେସି ଅଡ଼େ ଏ କାତାରାତା ହାରେକା ଲୋକୁ ହାତେରି । ମୋଶା ଏମିନି ନକେଏ ୱାଲିତି ପାଟା ଡିକ୍ହାମାଚେସି ତାନି ବାଟା ଏୱାସି ର ପୁଃନି ୱାଲିତି ପାଟାତା ଦଶ ଗଟା ହୁକୁମ୍ କୁତିତେସି ।

![](https://cdn.door43.org/obs/jpg/360px/obs-en-13-15.jpg)

ଏଦାଆଁ ଜେଚ ଏୱାସି ୱେଣ୍ଡେଏ ଏ ହରୁତା ହତେସି ଅଡ଼େ ମାହାପୁରୁ ତାଣା, ଲୋକୁଣି କ୍ଷମା ହିହାଲିତାକି ପାର୍ତନା କିତେସି । ମାହାପୁରୁ ମୋଶାତି ପାର୍ତନା ୱେଞ୍ଜାହାଁ ଏୱାରାଇଁ କ୍ଷମା ହିତେସି । ମୋଶା ହରୁଟି ପୁଃନି ୱାଲି ପାଟାତା ଦଶଗଟା ହୁକୁମ୍ ତଲେ ରେଚା ୱାତେସି । ଏଦାଆଁ ଜେଚ ମାହାପୁରୁ ସିନୟ ହରୁ ଟିଏ କାତା ଇଟିତି ଦେଶା ୱାକି ଇସ୍ରାଏଲତାରାଇଁ ତାକି କିହା ଅତେସି ।

*ବାଇବଲତି ର ପୁସ୍ପନି: ଯାତ୍ରାପୁସ୍ତକ ୧୯-୩୪*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_13_96kbps.mp3

## 14. ବାଃଲିବୁମି ପାକା ହରୁତି ତାକୁ

https://openbiblestories.org/l/kxv/story-14/

![](https://cdn.door43.org/obs/jpg/360px/obs-en-14-01.jpg)

ମାହାପୁରୁ ଇସ୍ରାଏଲତାରାଇଁ ମେରା, ଏମିନାଣି ଏୱାସି ତାମି ତଲେ କାତା ହିହାଁ ର ବାଗା ଅହାଁ ଅଣପୁତା ନାମାଲି ତାକି ଅଣପିମାଚେରି, ୱେସ୍ତି ରେଟୁଏ ଏୱାରି ସିନୟ ହରୁଟି ହତେରି । ମାହାପୁରୁ ଏୱାରାଇଁ କାତାହିତି ଦେଶା ୱାକି ନକି କିହାଁ ତାକି କିତେସି, ଏମିନି ଦେଶାଇଁ କିଣାନ ୱେସ୍ପି ଆହିମାଚେ । ହାଗୁତି ମୁଣ୍ଡା ତାମି ନକିତା କିଣାନ ୱାକି ହାଜିମାଚେ ଅଡ଼େ ଏୱାରି ତାମି ଜେଚ ଜେଚ ତାକିମାଚେରି ।

![](https://cdn.door43.org/obs/jpg/360px/obs-en-14-02.jpg)

ମାହାପୁରୁ ଅବ୍ରାହାମ, ଇସାହାକ ଅଡ଼େ ଯାକୁବଇଁ କାତା ହିହା ମାଚେସି, ଯେ ଏୱାସି କାତା ହିତି ଦେଶା ତାମି ଗଚିତାରାଇଁ ହିନେସି, ମାତ୍ର ନେଏ ଏ ଟାୟୁତା ହାରେକା ଲୋକୁତି ଦଲ ବାସା କିହିମାଚେରି । ତାମ୍ଗେ କିଣାନତାରି ୱେସ୍ପି ଆହିମାଚେ । କିଣାନତାରି ମାହାପୁରୁଇଁ ପୂଜା କିହିଲାଃତେରି ଅଡ଼େ ତାନି କାତା ନାମିଲାଃତେରି । ଏୱାରି ଉଜେଃତି ପେଣ୍କାଇଁ ପୂଜା କିହିମାଚେରି ଅଡ଼େ ହାରେକା ଲାଗେଃତି କାମା କିହିମାେଚରି ।

![](https://cdn.door43.org/obs/jpg/360px/obs-en-14-03.jpg)

ମାହାପୁରୁ ଇସ୍ରାଏଲତାରାଇଁ ଜଲିତେସି “ କାତାହିତି ଦେଶାତା ମିରୁ ବାରେ କିଣାନତାରାଟି ଗେଲ୍ପି ଆନାଇ ମାନେ । ତାମି ତଲେ ସୁକୁ କେପାଃଦୁ ଅଡ଼େ ତାମ୍ଗେ ବିହା ଆଆଦୁ । ମିରୁ ଏ ବାରେତି ବୋମାଣୀ ନଷ୍ଟ କିଦେରି । ଅଡ଼େ ମିରୁ ନା କାତା ତଲେ ତାକାଃସାରେ, ନା ବାଦ୍ଲି ମିରୁ ଏୱାରି ବୋମାଇଁ ପୂଜା କିଅଃତେରି ।”

![](https://cdn.door43.org/obs/jpg/360px/obs-en-14-04.jpg)

ଇସ୍ରାଏଲତାରି ଏଚେବେଲା କିଣାନତାରାତି ଇଡ଼ିତା ଏଦେରି, ଏଚିବେଲା ମୋଶା ବାରେ ଜାତିଟି ରଅ ରଅରି କିହାଁ ବାରା ଜାଣା ଆବାଟିଇଁ ଆଚିତେସି । ଏୱାସି ଲୋକୁଣି ଏ ଦେଶା ହାଜାହାଁ ଏଦାଆଁ ସିନିକିହାଁ ଏନିକି ମାନେ ଏଦାଆଁ ଡ଼ୁଗାହାଁ ସିନି କିହାଁ ୱାହାଲିତାକି ୱେସାମାଚେସି । କିଣାନତାରି ବ୍ଡ଼ାୟୁ ଜିକେଏ ଅଡ଼େ ଆଡାଃଗାଟାରି ମାଚେରି ଏଦାଆଁ ଜିକେଏ ପୁଞ୍ଜାଲିତାକି ୱେସ୍ପି ଆହାମାଚେ ।

![](https://cdn.door43.org/obs/jpg/360px/obs-en-14-05.jpg)

ଏ ବାରଜାଣା କିଣାନ ବାରେ ଚାଳିଶ ଦିନା ରେଚାହଁ ୱେଣ୍ଡା ୱାତେରି । ଏୱାରି ଲୋକୁଣି ୱେସ୍ତେରି” ଏଦେଶା ହାରେକା ନେହି ବୁମି ଅଡ଼େ ଏମ୍ବାଆଁ ହାରେକା ପାଡ଼େଇ ଆନେ! “ମାତ୍ର ଏ ପୁଞ୍ଜାଲି ତାକି ହାଚି ବିତ୍ରା ଦଶ ଜାଣା ଏଲେଇଚେରି” ଏମ୍ବାତି ଗାଡ଼ାୟାଁ ହାରେକା ଆଁଣ୍ଟ୍ୱା ଅଡ଼େ ଏମ୍ବାତି ଲୋକୁ କାଜା କାଜାରି ! ଅଡ଼େ ମାର ଏୱାରାଇଁ ୱେତିସାରେ, ଏୱାରି ସାତେଏ ମାଂଗ ହାର କିୟାନେରି ମାଂଗ ପାୟାନେରି!”

![](https://cdn.door43.org/obs/jpg/360px/obs-en-14-06.jpg)

ଏଚିବେଲାଏ ଅର ରି ଜାଣା ଡ଼ୁଗିତାରି କାଲେବା ଅଡ଼େ ଯିହୋଶୁୟ ଜଲିତେରି “ଇଦି ସାତେଏ ଯେ କିଣାନତି ଲୋକୁ କାଜା କାଜାରି ଅଡ଼େ ବ୍ଡ଼ାୟୁଗାଟାରି, ମାତ୍ର ମାର ଏୱାରାଇଁ ସାତେଏ ହାର କିନାଇ! ମାହାପୁରୁ ମା ୱାକିଟି ଯୁଦ୍ଦ କିନେସି !”

![](https://cdn.door43.org/obs/jpg/360px/obs-en-14-07.jpg)

ମାତ୍ର ଲୋକୁ କାଲେବ ଅଡ଼େ ଯିହୋଶୁୟ କାତା ୱେନାଃତେରି । ଏୱାରି ମୋଶା ଅଡ଼େ ହାରଣଇଁ କାର୍ବି ଆହାଁ ଜଲିତେରି “ନିଁନୁ ଏନାଆଁ ତାକି ମାଂଗ ଇଲେକି ଲାଗେଃତି ଟାୟୁତା ଚାଚାମାଞ୍ଜି ? ମାମ୍ବୁ ଯୁଦ୍ଦୁତା ହାନି ଟିଏ ଅଡ଼େ ମିଶରତା ଡ଼ଇନାଇ ମାଚେ ଅଡ଼େ ମା ଡକ୍ରୀସ୍କା ଅଡ଼େ କକାରି ପଦାଁ ହଲିଆଣୀ ଲେହେଁ ଡ଼ଇତୁମା ।“ଲୋକୁ ତାମି ତାକି ଅ ରଅସି ଗୁରୁ ଆଚାଲିତାକି ଆଣପିତେରି ଏମିନିଗାଟାସି ଏୱାରାଇଁ ମିଶରତା ଅନେସି ।

![](https://cdn.door43.org/obs/jpg/360px/obs-en-14-08.jpg)

ମାହାପୁରୁ ହାରେକା କାର୍ବି ଆତେସି ଅଡ଼େ କୁଡ଼ାଆତି ଗୁଡ଼ାତା ୱାତେରି । ମାହାପୁରୁ ଜଲିତେସି “ଏନାଃତାକି ଇଚିସାରେ ମିରୁ ନା ବିରୁଦ୍ଦ କାଲିକାମ୍ବା କିହାମାଞ୍ଜେରି, ଏଦାଆଁତାକି ବାରେ ଲୋକୁ ପାକା ହରୁତା ଜିରୁ ବାଣ୍ବି ଆହାଁ ତାକିଦେରି । ଯିହୋଶୁୟ ଅଡ଼େ କାଲେବଇଁ ପିସାହାଁ ବାରେ କୋଡ଼େ ବାର୍ଷା ଅଡ଼େ ଏଦାଆଁଟି ଲାକ ବାରେ ଏମ୍ବାଆଁ ହାନେରି ଅଡ଼େ ଏୱାରି କାତା ହିତି ଦେଶାତା ଏଚେଲା ଜିକେଏ ହଡାଲି ଆଡଃରି ।

![](https://cdn.door43.org/obs/jpg/360px/obs-en-14-09.jpg)

ଲୋକୁ ଏଚିବେଲା ଇଦାଆଁ ୱେଚେରି, ଏଚିବେଲା ଏୱାରି ଯେ ପାପୁ କିହାମାନେରି ଏଦାଆଁ ତାକି ଦୁକୁ ଆତେସି । ଏୱାରି ତାମି କଣ୍ଡାୟାଁ ଅହାଁ କିଣାନତା ମାନି ଲୋକୁଣି ୱେଚାଲି ହଚା ୱାତେରି । ମୋଶା ଏୱାରାଇଁ ହାଜାଲି ହିଆଃତେସି ଏନାଃତାକିଇଚିସାରେ ମାହାପୁରୁ ତାମି ତଲେ ହିଲାଃତେସି, ମାତ୍ର ଏୱାରି ତାମି କାତା ୱେନାଃତେରି ।

![](https://cdn.door43.org/obs/jpg/360px/obs-en-14-10.jpg)

ମାହାପୁରୁ ଏ ଯୁଦ୍ଦୁ ଟାୟୁତା ତାମି ତଲେ ହାଲାଃତେସି, ଏଦାଆଁ ତାକି ଏୱାରି ହାର ଆତେରି ଅଡ଼େ ତାମି ବିତ୍ରା ହାରେକା ହାତେରି । ଏଦାଆଁ ଜେଚ ଇସ୍ରାଏଲତାରି କିଣାନତି ମୁମ୍ବୁ ତିର୍ୱିକିହାଁ ଚାଳିଶ ବାର୍ଷା ପାତେକା ରେତେରି ।

![](https://cdn.door43.org/obs/jpg/360px/obs-en-14-11.jpg)

ଇସ୍ରାଏଲତି ଲୋକୁ ପାକାହରୁତା ରେଜାହାଁ ଚାଳିଶ ବାର୍ଷା ବେଲାତା ମାହାପୁରୁ ଏୱାରାଇଁ ବାରେ ଦରକାର ବିଷୟ ହିତେସି । ଏ “ମାନ୍ନା” ଦରୁତା ୱେଂଗିତି ଲେକପୁରୁ କାଦି ହିତେସି । ଅଡ଼େ ଏୱାସି ତାମି ବାସା ଟାୟୁଇଁ ଜିରୁ ପଟା ପାଣ୍ଡିତେସି (ଏମିନିଗାଟାଇ ମାଦିତି ପଟା ମାଚେ ) ଏନିକିକି ତାମି ତିନିତାକି ଉଂଗା ବେଟାଆନେରି । ଇ ବାରେବେଲା ବିତ୍ରା, ମାହାପୁରୁ ତାମିୱାଇ ମେଦିନି ହେମ୍ବରି ଅଡ଼େ ପାଣ୍ଡେଇ ରାୟାଲି ହିଃଆତେସି ।

![](https://cdn.door43.org/obs/jpg/360px/obs-en-14-12.jpg)

ମାହାପୁରୁ ଇଲେହେଁକି କାବା ଆନି ଲେହେଁ ୱାଲିଟି ଏୱାରାଇଁ ଏୟୁ ହିତେସି । ମାତ୍ର ଇ ବାରେତି କାମା ଆତି ଜିକେଏ, ଇସ୍ରାଏଲତି ଲୋକୁ ଅଡ଼େ ମୋଶାତି ବିରୁଦ୍ଦଇଁ ୱେସ୍ତେରି ହିଆଁତା ଲାଗିତେରି । ଇଲେକି ଆତି ଜିକେଏ ମାହାପୁରୁ ଅବ୍ରାହାମ, ଇସାହାକ ଅଡ଼େ ଯାକୁବ ତଲେ କିହାମାନି କାତାତା ନାମୁ ଇଟିତେସି ।

![](https://cdn.door43.org/obs/jpg/360px/obs-en-14-13.jpg)

ଅର ବେଲାତା, ଲୋକୁ ଏଚିବେଲା ଏୟୁ ବେଟା ଆଆତେରି, ମାହାପୁରୁ ମୋଶାଇଁ ଜଲିତେସି “ଏ ୱାଲିଇଁ କାତା ଆମୁ ଅଡ଼େ ଏମ୍ବାଟି ଏୟୁ ହନେ ।“ ମାତ୍ର ମୋଶା ୱାଲିଇଁ ଜଲିନି ବାଟା ରିଦେବା ବାଡ଼୍ଗା ତଲେ କୁତିତି ତାକି ବାରେ ଲୋକୁ ନକିତା ମାହାପୁରୁଇଁ ସମ୍ମାନ ହିଃଆତେସି । ବାରେ ଏନିକି ଏୟୁ ଗହ୍ନେରି ଏଦାଆଁ ତାକି ଏୟୁ ହଚା ୱାତେ, ମାତ୍ର ମାହାପୁରୁ ମୋଶାଇଁ କାର୍ବି ଆହାମାଚେସି ଅଡ଼େ ଜଲିତେସି “ମିରୁ କାତାହିତି ଦେଶାତା ହଡାଲି ଆଡଃତେରି ।“

![](https://cdn.door43.org/obs/jpg/360px/obs-en-14-14.jpg)

ଇସ୍ରାଏଲତାରି ଚାଲିଶ ବାର୍ଷା ପାକାହରୁତା ତାକିତି ଡାୟୁ, ମାହାପୁରୁ ବିରୁଦ୍ଦତା ଏଚେକା ଲୋକୁ ଏଟ୍କା ଜଲା ମାଚେରି, ବାରେ ହାତେରି । ଏଦାଆଁ ଜେଚ ମାହାପୁରୁ ୱେଣ୍ଡେଏ କାତାହିତି ଦେଶାତି ହରୁତା ଏୱାରାଇଁ ଅହାମାଚେସି । ମୋଶା ନେଏଁ ହାରେକା ବୁଢ଼୍ହା ଆହା ହାଜାମାଚେସି, ଏଦାଆଁ ତାକି ଲୋକୁଣି ଜିରୁତସାଲି ତାକି ତାଙ୍ଗେ ସାୟମୀ ଆହାଲିତାକି ଏୱାସି ଜିହୋଶିୟଇଁ ଆଚି ତେସି । ମାହାପୁରୁ ମୋଶାଇଁ ଅଡ଼େ ର କାତା ହିତେସି , ଏୱାସି ମୋଶା ଲେହେଁ ଅର ଭାବବାଦୀ ପାଣ୍ଡାନେସି ।

![](https://cdn.door43.org/obs/jpg/360px/obs-en-14-15.jpg)

ଏଦାଆଁ ଜେଚ ମାହାପୁରୁ ମୋଶାଇଁ ର ହରୁଲାକ ହଚାଲିତାକି ଜଲିତେସି ଏନିକିକି ଏୱାସି ଏମ୍ବାଟିଏ ଜଲିତି ଦେଶାଇଁ ମେଶାଲି ଆଡିନେସି । ମୋଶା ଜଲିତି ଦେଶା ମେଶାଲି ଆଡିତେସି ମାତ୍ର ଏୱାସି ଏମ୍ବାଆଁ ହଡାଲି ତାକି ମାହାପୁରୁ ବୋଲୁ ହିଆତେସି । ଏଦାଆଁ ଜେଚ ମୋଶା ହାତେସି, ଅଡ଼େ ଇସ୍ରାଏଲତିଲୋକୁ ତିରିଶ୍ ଦିନା ତାନିତାକି ଦୁକୁ କିତେରି । ଯିହୋଶୂୟ ତାମି ପୁଃନି ଗୁରୁ ଆତେସି । ଯିହୋଶୂୟ ର ନେହି ଗୁରୁ ମାଚେସି ଏନାଃତାକି ଇଚିସାରେ ଏୱାସି ମାହାପୁରୁତାଣା ନାମୁ ଇଟାମାଚେସି ଅଡ଼େ ତାନି କାତା ନାମି ମାଚେରି ।

*ବାଇବଲତି ର ପୁସ୍ପନି: ଯାତ୍ରାପୁସ୍ତକ ୧୬-୧୭; ଗଣନାପୁସ୍ତକ ୧୦-୧୪;୨୦;୨୭; ଦ୍ବିତୀୟ ବିବରଣ ୩୪*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_14_96kbps.mp3

## 15. କାତା ହିହାଁ ଜଲିତି ଦେଶା

https://openbiblestories.org/l/kxv/story-15/

![](https://cdn.door43.org/obs/jpg/360px/obs-en-15-01.jpg)

ଡାୟୁ ବେଲାତା କାତା ହିତି ଦେଶା କିଣାନତା ଇସ୍ରାଏଲତାରି ହାନି ର ନେହି ବେଲା ମାଚେ । ଆଁଣ୍ଟ୍ୱା କୁଡୁ ତଲେ ଗୁର୍ପ୍ୱି ଆତି କିଣାନ ଗାଡ଼ା ଯିରିହୋ ଗାଡ଼ାତି କାତାତି ପୁଞ୍ଜାଲିତାକି ଯିହୋଶୁୟ ରି ଜାଣାଇଁ ଡ଼ୁକ୍ହାଁ ପାଣ୍ଡିତେସି । ଏ ଦେଶାତି ରାହବ ଦରୁ ରଅସି ଦାରି କାମାକିନାସି ମାଚେସି ଏମିନି ଗାଟାସି ଏ ଡ଼ୁଗାହାଁ କାତା ଅନାରି ଏୱାରାଇଁ ଡ଼ୁକ୍ହାଁ ଡାୟୁ ଏୱାରାଇଁ ଡ଼ୁଗାଁ ହାତୁସାଲି ସାୟମୀ ଆତେସି । ଏୱାସି ଇଲେହେଁ କିତେସି, ଏନାଆଁ ତାକି ଇଚିସାରେ ଏୱାସି ମାହାପୁରୁ ତାଣା ନାମି ତେସି । ଏୱାରି ରାହବ ଅଡ଼େ ତାନି ଇଜତି ଲୋକୁଣି କାତେସି । ଇସ୍ରାଏଲତାରାଇଁ ଏଚିବେଲା ଯିରିହୋଇଁ ନାସ୍ କିନେସି ଇଞ୍ଜି ଇଦାଆଁ କାତା ହିତେସି ।

![](https://cdn.door43.org/obs/jpg/360px/obs-en-15-02.jpg)

ଇସ୍ରାଏଲତାରି ଜଲିତି ଦେଶାତା ହଡାଲି ତାକି ଜର୍ଦନ କାଡାଇଁ ଗାଣ୍ଚା ହାଜାଲି ଲାଗିତେ । ମାହାପୁରୁ ଯିହୋଶୁୟଇଁ ଜଲିତେସି “ଯାଜକୟାଁ ନକେଏ ହାଲ୍‌ବେରି। “ଯାଜକୟାଁ ଏଚିବେଲା ଜର୍ଦନ କାଡା କଡା ହିହାଲି ମାଠ୍ହେରି, ଏଚିବେଲା ଲାକମାନି ଏୟୁ ୱାହାଲି ବନ୍ଦ ଆତେ ଏନିକିକି ଇସ୍ରାଏଲତାରି ୱାୟିତି ବୁମିତା ତାକି ତାକି ଜର୍ଦନ କାଡା ଗାଣ୍ ତେରି ।

![](https://cdn.door43.org/obs/jpg/360px/obs-en-15-03.jpg)

ଲୋକୁ ଜର୍ଦନ କାଡା ଗାଣ୍ ତି ଡାୟୁ, ବ୍ଡ଼ାୟୁଗାଟି ଗାଡ଼ା ଏନିକି ଯୁଦ୍ଦୁ କିନାଇ ଏଦାଆଁ ମାହାପୁରୁ ଯିହୋଶୁୟଇଁ ଜଲାମାଚେସି । ଲୋକୁ ମାହାପୁରୁତି କାତା ନାମାଃତେରି । ମାହାପୁରୁ ଏନିକି ଜଲିତେସି, ଏଲେକିଁଏ ସୈନ୍ୟୟାଁ ଅଡ଼େ ଯାଜକୟାଁ ଦିନାତାକି ର ଦେବା ଇଲେହେଁ ଶ ଦିନା ଯିରିହୋ ଗାଡ଼ା ଶାରିୱାକି ତିର୍ୱିତେରି ।

![](https://cdn.door43.org/obs/jpg/360px/obs-en-15-04.jpg)

ଏଦାଆଁ ଜେଚ ସାତା ଦିନାତା, ଇସ୍ରାଏଲତାରି ସାତାବେଡ଼ା ତିର୍ୱିତେରି । ଏଚିବେଲା ଏୱାରି ଗାଡ଼ାତି ଶାରିୱାକି ଶେଷା ବେଡ଼ାତାକି ତିର୍ୱିତେରି, ଏଚିବେଲା ସୈନ୍ୟୟାଁ ଜିତ ଆତି କାଲ କାଲଆତେରି ଅଡ଼େ ଯାଜକୟାଁ ତାମି ତିତ୍ରିମୟିରି ଉକିତେରି ।

![](https://cdn.door43.org/obs/jpg/360px/obs-en-15-05.jpg)

ଏଚିବେଲା ଯିରିହୋ ବେଇଁ ତର୍ଗା ହାଚେ !ମାହାପୁରୁତି ବୋଲୁ ତଲେ ଇସ୍ରାଏଲତାରି ଗାଡ଼ାତା ବାରେ ଦିଣ୍ ସୁଇଁ ନଷ୍ଟ କିତେସି । ଏୱାରି ୱାର୍ଇ ରାହାବ ଅଡ଼େ ତାନି ଇଲୁକୁଟମିଇଁ ଗେଲ୍ପିତେସି, ଏମିନିଗାଟାରି ଇସ୍ରାଏଲ ୱାକି ଆତେରି । କିଣାନତା ଏଟ୍କାତି ଲୋକୁ ଏଚିବେଲା ୱେଚେରି ଯେ ଇସ୍ରାଏଲତାରି ଯିରିହୋଇଁ ନାଶା କିହାମାନେରି, ଏୱାରି ଆଜା ହାଚେରି ଯେ ଇସ୍ରାଏଲତାରି ଏୱାରାଇଁ ଜିକେଏ ନାଶ କିନେରି ।

![](https://cdn.door43.org/obs/jpg/360px/obs-en-15-06.jpg)

କିଣାନତି ଏମ୍ବାଃସି ଜିକେଏ ଲୋକୁ ଦଲ ତଲେ ସୁକୁତି କାତା କିଃଆତାକି ମାହାପୁରୁ ଇସ୍ରାଏଲତାରାଇଁ ବୋଲୁ ହିହାମାଚେସି । ମାତ୍ର ଗିବିୟୋନ ଦରୁଗାଟାସି ର କିଣାନତାସି ଲୋକୁଦଲ ଯିହୋଶୁୟଇଁ ମିଚି ଜଲାମାଚେରି ଅଡ଼େ ଏୱାରି କିଣାନଟିଏ ହାରେକା ହେକ ମାନି ର ଟାୟୁଟି ୱାହାମାନେରି । ଏୱାରି ଯିହୋଶୁୟଇଁ ତାମି ତଲେ ର ସୁକୁତି ହାଡା ଆହାଲିତାକି ୱେସ୍ତେରି ।

![](https://cdn.door43.org/obs/jpg/360px/obs-en-15-07.jpg)

ଗିବିୟୋନତାରି ଏମ୍ବିଟି ୱାହାମାଚେରି ଏଦାଆଁ ଯିହୋଶୂୟ ଅଡ଼େ ଇସ୍ରାଏଲତାରି ମାହାପୁରୁଇଁ ୱେଞ୍ଜା ହିଲାଃତେରି । ଏଦାଆଁତାକି ଯିହୋଶୂୟ ତାମିତଲେ ର ସୁକୁତି କାତା ତିଆର୍ କେପିତସି । ଗିବିୟୋନତାରି ଏୱାରାଇଁ ଦୁକୁ ହିହାଲି କିହାମାନେରି ଇଞ୍ଜି ଇସ୍ରାଏଲତାରି ଏଚିବେଲା ପୁଞ୍ଜାଲି ଆଡିତେରି ଏୱାରି କାର୍ବି ଆତେରି, ମାତ୍ର ଏୱାରି ତାମିତଲେ କିହାମାନି ସୁକୁତି କାତା ଇଟାଲି କିହାମାଚେରି ଏନଃତାକି ଇଚିସାରେ ଇଦି ମାହାପୁରୁତି ର କାତା ହିତି ବୋଲୁ ମାଚେ । ସାଣେକା ଡାୟୁ, କିଣାନତା ମାନି ଅମୋରୀୟ ଦରୁ ଗାଟାସି ଅର ର ଲୋକୁଦଲତି ରାଜାୟାଁ ୱେଞ୍ଜାଲି ଆଡିତେରି ଯେ ଏୱାରି ଇସ୍ରାଏଲତାରା ତଲେ ର ସୁକୁତି କାତା ତିଆର୍ କେପାମାନେରି, ଏଦାଆଁ ତାକି ଏୱାରି ତାମି ସୈନ୍ୟୟାଁଣୀ କୁଡ଼ି କିହାଁ କାଜା ସୈନ୍ୟ କେପାଲି ଗିବିୟୋନଇଁ ଯୁଦ୍ଦୁ କିତେରି । ଗିବିୟୋନତାରି ଯିହୋଶୂୟତି ଡାଗେ ସାୟମି ଆହାଲିତାକି ର ବୋଲୁ ପାଣ୍ଡିତେରି ।

![](https://cdn.door43.org/obs/jpg/360px/obs-en-15-08.jpg)

ଏଦାଆଁତାକି ଯିହୋଶୂୟ ଇସ୍ରାଏଲତି ସୈନ୍ୟଣୀଇଁ କୁଡ଼ି କିହାଁ ଗିବିୟୋନତାରା ଡାଗେ ଏଗା ହାଜାଲି ତାକି ଲାଆଁ ୱୈୟେ ତାକିତେରି । ଲାଇସେଏ ଏୱାରି ଅମୋରୀୟ ସୈନ୍ୟଣୀ କାବାକିହାଁ ଏୱାରାଇଁ ଯୁଦ୍ଦୁ କିତେରି ।

![](https://cdn.door43.org/obs/jpg/360px/obs-en-15-09.jpg)

ମାହାପୁରୁ ଏ ଦିନା ଇସ୍ରାଏଲତାରାଟି ଯୁଦ୍ଦୁ କିତେସି । ଏ ଅମୋରୀୟତି ସୈନ୍ୟୟାଁ ଆକାବାକା କିୱିକିତେରି ଅଡ଼େ ଆଜିଁ ପାଣ୍ଡିତେସି ଏମିନାଇ ହାରେକା ଅମୋରୀୟତି ଜୀୱୁ ଅହାମାଚେସି ।

![](https://cdn.door43.org/obs/jpg/360px/obs-en-15-10.jpg)

ମାହାପୁରୁ ହାଗୁତା ୱେଡ଼ାଇଁ ରଣ୍ଡିଏ ତାଣା ଆଂଗିତେସି ଏନିକିକି ଇସ୍ରାଏଲ ଅମୋରୀୟତାରାଇଁ ହାର କିନେରି । ଏ ଦିନା ମାହାପୁରୁ ଇସ୍ରାଏଲ ତାକି ର କାଜା ଜିତୁ ବେଟା ଆତେସି ।

![](https://cdn.door43.org/obs/jpg/360px/obs-en-15-11.jpg)

ମାହାପୁରୁ ଇ ବାରେ ସୈନ୍ୟଣୀ ହାରକିତି ଡାୟୁ, ଅଡ଼େ ହାରେକା କିଣାନତି ଲୋକୁଦଲ ଇସ୍ରାଏଲତାରାଇଁ ୱେଚାଲି ତାକି କୁଡ଼ା ଆତେରି । ଯିହୋଶୂୟ ଅଡ଼େ ଇସ୍ରାଏଲତାରି ଏୱାରାଇଁ ଯୁଦ୍ଦୁ କିତେରି ଅଡ଼େ ନାଶା କିତେରି ।

![](https://cdn.door43.org/obs/jpg/360px/obs-en-15-12.jpg)

ଇ ଯୁଦ୍ଦୁ ଡାୟୁ, ମାହାପୁରୁ ବାରେ ଗଚିଇଁ କାତାହିତି ଦେଶାତା ଜାହାର୍ ଜାହାର୍ ବାଗା ହିତେସି । ଇଦାଆଁ ଜେଚ ମାହାପୁରୁ ଇସ୍ରାଏଲତି ଇଡ଼ିତା ମାନି ବାରେ ଦେଶାଇଁ ସୁକୁ ହିତେସି ।

![](https://cdn.door43.org/obs/jpg/360px/obs-en-15-13.jpg)

ଯିହୋଶୂୟ ଏଚିବେଲା ବୁଢ଼୍ହା ଆତେସି, ଏୱାସି ଇସ୍ରାଏଲତି ବାରେ ଲୋକୁଣି କୁଡ଼ି କିହାଁ ହାଟିତେସି । ଡାୟୁ ମାହାପୁରୁ ଇସ୍ରାଏଲତାରା ତଲେ ଏମିନି ସିନୟ ହରୁତା ଏମିନି ମେରା ତିଆର୍ କେପା ମାଚେସି ଏ ମେରାତି ଲୋକୁଣି ଏ କାତା ଅଣପିକିତେସି । ଲୋକୁ ମାହାପୁରୁ ତାଣା ନାମୁତଲେ ଡ଼ୟାଲି ଅଡ଼େ ତାନି ମେରା ତଲେ ତାକାଲି ତାକି ବୋଲୁ ହିତେସି ।

*ବାଇବଲତି ର ପୁସ୍ପନି: ଯିହୋଶିୟ ୧-୨୪*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_15_96kbps.mp3

## 16. ଗେଲ୍ପିନାରି

https://openbiblestories.org/l/kxv/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶୂୟ ହାତି ଜେଚ, ଇସ୍ରାଏଲତାରି ମାହାପୁରୁତି ବୋଲୁ ମାନ ଆଆତେରି ଅଡ଼େ ଏୱାରି ବାକି ଡ଼ଇତାରାଇଁ କିଣାନତାରାଇଁ ପେର୍ଆତେରି କି ମାହାପୁରୁତି ମେରାତଲେ ତାକାଃତେରି । ଇସ୍ରାଏଲତାରି ସାତା ମାହାପୁରୁ ଯିହୋବାତି ପୂଜା କିନି ବାଟା କିଣାନତାରାତି ପେଣ୍କାୟାଁତି ପୂଜା କିହାଲି ମାଠ୍ହେରି । ଇସ୍ରାଏଲତାରାତି ରାଜା ହିଲାଃତେରି, ଏଦାଆଁ ତାକି ବାରେ ଜାଣା ତାନି କାନୁତା ଏମିନାଇ ନେହାଇ ଚଞ୍ଜା ଆତେ ଏୱାରି ଏଦାଆଁ କିତେରି ।

![](https://cdn.door43.org/obs/jpg/360px/obs-en-16-02.jpg)

ଏନାଆତାକି ଇଚିସାରେ ଇସ୍ରାଏଲତାରି ମାହାପୁରୁତି କାତା ୱେନାଃନା ତାକିତେରି, ଏଦାଆଁ ତାକି ମାହାପୁରୁ ଶାତ୍ରୁଣୀ ୱେସାଲିଏ ଏୱାରାଇଁ ହାର କିହାଁ ଏୱାରାଇଁ ଦଣ୍ଡ ହିତେସି । ଇ ଶାତ୍ରୁୟାଁ ଇସ୍ରାଏଲତାରାତି ହାରେକା ଦିଣ୍ ସୁ ସରୁ କିହାଁ ଅତେରି, ତାମି ବୁମିବାଡ଼ା ନାଶା କିତେରି, ଅଡ଼େ ତାମି ବିତ୍ରା ହାରେକାଇଁ ପାଇତେରି । ହାରେକା ବାର୍ଷା ମାହାପୁରୁତି କାତା ମାନ ଆଆନା ଅଡ଼େ ତାମି ଶାତ୍ରୁଟିଏ କଷ୍ଟ ବେଟା ଆହାହାଁ ଅଣପିତେରି ଅଡ଼େ ଏୱାରାଇଁ ଗେଲ୍ପାଲିତାକି ମାହାପୁରୁ ତାଣା ପାର୍ତନା କିତେରି ।

![](https://cdn.door43.org/obs/jpg/360px/obs-en-16-03.jpg)

ଏଦାଆଁଜେଚ ମାହାପୁରୁ ଏୱାରାଇଁ ର ଗେଲ୍ପିନାଣାଇଁ ହିତେସି ଏମିନିଗାଟାସି ଏୱାରାଇଁ ତାମି ଶାତ୍ରୁଁଟିଏ ଗେଲ୍ପିତେସି ଅଡ଼େ ଦେଶାତା ହିତିଡ଼ି ତାତେସି । ମାତ୍ର ଏଦାଆଁ ଜେଚ ଲୋକୁ ମାହାପୁରୁଇଁ ବାଣା ଅହାହାଚେରି ଅଡ଼େ ୱେଣ୍ଡେଏ ବୋମା ପୂଜା କିହାଲି ମାଠ୍ହେରି । ଏଦାଆଁତାକି ମାହାପୁରୁ ଡାଗେମାନି ଶାତ୍ରୁ ମିଦିୟୋନିୟ ତଲେ ଏୱାରଇଁ ହାର କିତେସି ।

![](https://cdn.door43.org/obs/jpg/360px/obs-en-16-04.jpg)

ମିଦିୟୋନିୟୟାଁ ସାତା ବାର୍ଷା ପାତେକା ଇସ୍ରାଏଲତାରାତି କାଦି ଅତେରି । ଇସ୍ରାଏଲତାରି ହାରେକା ଆଜିତେରି; ମିଦିୟୋନତାରି ଏନିକି ଏୱାରାଇଁ ପାରାଲି ଆଡଃରି,ଏଦାଆଁତାକି ଏୱାରି ପାଉଣାଁ ଡ଼ୁଗିତେରି । ଶେଷାବେଲା, ଏୱାରାଇଁ ଗେଲ୍ପାଲି ତାକି ଏୱାରି ମାହାପୁରୁଇଁ ହାଟିତେରି ।

![](https://cdn.door43.org/obs/jpg/360px/obs-en-16-05.jpg)

ର ଦିନା, ଗିଦିୟୋନ ଦରୁଗାଟାସି ରଅସି ଇସ୍ରାଏଲ ଡ଼ୁଗିହିଁ କାଦି ଇଟିମାଚେସି ଏନିକି କି ମିଦିୟୋନତାରି ଏଦାଆଁ ଅହାଲି ଆଡଃରି । ମାହାପୁରୁତି ଦୂତୁ ଗିଦିୟୋନତି ଡାଗେ ୱାହାଁ ଜଲିତେ, “ବ୍ଡ଼ାୟୁଗାଟି ଲୋକୁ, ମାହାପୁରୁ ନି ତଲେ ମାନେସି । ହାଲାମୁ ଅଡ଼େ ଇସ୍ରାଏଲଇଁ ମିଦିୟୋନତାରାଟିଏ ଗେଲ୍ପାମୁ ।”

![](https://cdn.door43.org/obs/jpg/360px/obs-en-16-06.jpg)

ର ବୋମାଇଁ ପୂଜା ହିହାମାନି ବେରମାଣ୍ଡା ଗିଦିୟୋନତି ଆବା ତାଣା ମାଚେ । ଏ ବେରମାଣ୍ଡା କାଣ୍ଡା କାଣ୍ଡା କିହାଲି ମାହାପୁରୁ ଗିଦିୟୋନଇଁ ଜଲିତେସି । ମାତ୍ର ଗିଦିୟୋନ ଲୋକୁଣି ଆଜିତେସି, ଏଦାଆଁତାକି ଏୱାସି ଲାଆଁ ଆନି ଏପେ କାତେସି । ଏଦାଆଁତାକି ଏୱାସି ଏ ବେରମାଣ୍ଡାଇଁ କାଣ୍ଡା କାଣ୍ଡା କିତେସି ଅଡ଼େ ଗୁଣ୍ଡା କିହାସ୍ତେସି । ବୋମା ଡାଗେ ଏମିନି ବେରମାଣ୍ଡା ମାଚେ ଏ ବେରମାଣ୍ଡା ଡାଗେ ଏୱାସି ମାହାପୁରୁ ତାକି ର ବେରମାଣ୍ଡା କେପିତେସି ଅଡ଼େ ମାହାପୁରୁତାକି ପୂଜା ହିତେସି ।

![](https://cdn.door43.org/obs/jpg/360px/obs-en-16-07.jpg)

ରନେଚୁ ଜେଚ ଲାଇ ଲୋକୁ ମେସ୍ତେରି ଯେ ଏମିନି ଗାଟାସି ଏ କି ବେରମାଣ୍ଡାଇଁ ଗେସାହାଁ ଡିକ୍ହାତୁସାମାନେସି, ଅଡ଼େ ଏୱାରି ହାରେକା କାର୍ବି ଆହାମାଚେରି । ଏୱାରି ଗିଦିୟୋନତି ଇଲୁଇଁ ତାଂଗେ ଟୁଣ୍ହାଲିତାକି ହାଚେରି। ମାତ୍ର ଗିଦିୟୋନତି ଆବା ଜଲିତେସି “ମିରୁ ଏନାଆତାକି ମି ପେଣ୍କାଇଁ ସାୟମି ଆହାଲି ଅଣପିମାଞ୍ଜେରି ? ଏଦି ର ମାହାପୁରୁ ଇଚିସାରେ, ଆତିସାରେ ଏଦି ଜାହାରା ଗେଲ୍ପା କଡାପେ!” ଏୱାସି ଇ କାତା ଜଲାଲିଏ ଲୋକୁ ଗିଦିୟୋନଇଁ ପାୟାଃତେରି ।

![](https://cdn.door43.org/obs/jpg/360px/obs-en-16-08.jpg)

ତାନିଜେଚ ମିଦିୟୋନତାରି ଇସ୍ରାଏଲତାରାଁଟି ସରୁ କିହାଲି ୱେଣ୍ଡେଏ ୱାତେରି । ଏୱାରି ଇଚେକାଜାଣା ମାଚେରି ଯେ ଏଜି କିହାଲି ଆଡି ଲାଃତେରି । ତାମି ତଲେ ଯୁଦ୍ଦୁ କିହାଲିତାକି ଗିଦିୟୋନ ଇସ୍ରାଏଲତାରାଇଁ କୁଡ଼ି କିତେସି । ମାହାପୁରୁ ଇସ୍ରାଏଲଇଁ ଗେଲ୍‌ପିନି ତାକି ତାଙ୍ଗେ ନିପ୍ନେସି, ଇ କାତାଇଁ ସାତେଏକି ପୁଞ୍ଜାଲିତାକି ଗିଦିୟୋନ ମାହାପୁରୁଟିଏ ରିଣ୍ଡି ଚିନ୍ନା ରିସ୍ତେସି ।

![](https://cdn.door43.org/obs/jpg/360px/obs-en-16-09.jpg)

ପର୍ତମ୍ ଚିନ୍ନା ଲେହେଁ, ଗିଦିୟୋନ ବୁମିତା ର ମେଣ୍ଡାତି ତଲୁ ପାସାହାଁ ଅଡ଼େ ମାହାପୁରୁଇଁ ଲାଇସେଏ ମାଚୁ ବୁମିତା ତ୍ରକ୍ଆନା ୱାର୍ଇ ତଲୁ ଲାକ ମେତ୍ହାଲି ଜଲିତେସି ।ମାହାପୁରୁ ଏଦାଣି କିତେସି । ଅର ଲାଆଁ, ଏୱାସି ମାହାପୁରୁଇଁ ୱେସ୍ତେସି ୱାର୍ଇ ବୁମି ଉଦାପେ ମାତ୍ର ତଲୁ ୱାଇତାଇ ମାଣ୍ବେ । ମାହାପୁରୁ ଏଦାଆଁ ଜିକେଏ କିତେସି । ଇ ରିଣ୍ଡି ଚିନ୍ନା ଗିଦିୟୋନଇଁ ସାତେଏ ଅଣପିକିତେ ଯେ ଇସ୍ରାଏଲତାରାଇଁ ମିଦିୟୋନତାରାଟିଏ ଗେଲ୍ପାଲିତାକି ମାହାପୁରୁ ତାଂଗେ ସାୟମି ଆନେସି ।

![](https://cdn.door43.org/obs/jpg/360px/obs-en-16-10.jpg)

୩୨,୦୦୦ ଇସ୍ରାଏଲତି ସୈନ୍ୟୟାଁ ଗିଦିୟୋନତି ଡାଗେ ୱାତେରି, ମାତ୍ର ମାହାପୁରୁ ଜଲିତେସି ଯେ ଇୱାରି ହାରେକା ଗାଡି ଆତେରି । ଏଦାଆଁତାକି ଯୁଦ୍ଦୁ କିହାଲି ଆଜିନାରି ମାଚେରି ଇଲେହେଁ ୨୨,୦୦୦ ଜାଣାଇଁ ଏୱାସି ଇଜ ପାଣ୍ଡାସ୍ତେସି । ମହାପୁରୁ ଗିଦିୟୋନଇଁ ଜଲିତେସି ଯେ ଇ ସଂଖ୍ୟା ଜିକେଏ ଗାଡି ମାନେ । ଏଦାଆଁ ତାକି ୩୦୦ ଜାଣା ଟିଏ ଏଟ୍କା ବାରେଇଁ ଇଜ ପାଣ୍ଡାସ୍ତେସି ।

![](https://cdn.door43.org/obs/jpg/360px/obs-en-16-11.jpg)

ଏ ଲାଆଁ ମାହାପୁରୁ ଗିଦିୟୋନଇଁ ଜଲିତେସି “ମିଦିୟୋନତି ଗୁଡ଼ାତା ହାଜୁ ଅଡ଼େ ଏଚିବେଲା ଏୱାରି କାତା ଆନାଣୀ ମିରୁ ୱେଞ୍ଜେରି, ମିରୁ ଅଡ଼େ ଆଜଃତେରି ।“ଏଦାଆଁତାକି ଏ ଲାଆଁ, ଗିଦିୟୋନ ଏ ଗୁଡ଼ାତା ହାଚେସି ଅଡ଼େ ରଅସି ମିଦିୟୋନତି ସୈନ୍ୟ ମେସାମାନି ହାପ୍ନାତି କାତା ତାନି ତଡ଼ୁଇଁ ୱେସିମାନାଣୀ ୱେଚେସି । ଏଲୋକୁତି ତଡ଼ୁ ଜଲିତେସି “ଇ ହାପ୍ନାତି ଅର୍ତ ଆହି ମାନେ ଗିଦିୟୋନତି ସୈନ୍ୟ ମିଦିୟୋନତି ସୈନ୍ୟଁଣୀ ହାର କିନେରି !” ଗିଦିୟୋନ ଏଚେତା ଇଦାଆଁ ୱେଚେସି, ଏୱାସି ମାହାପୁରୁତି ପୂଜା କିତେସି ।

![](https://cdn.door43.org/obs/jpg/360px/obs-en-16-12.jpg)

ଏଚିବେଲା ଗିଦିୟୋନ ତାନି ସୈନ୍ୟଣୀ ଡାଗେ ୱେଣ୍ଡାୱାହାଁ ବାରେଜାଣାଇଁ ର ତିତ୍ରୀ, ର ଡକା ଅଡ଼େ ର ହିଚୁ କୁଡୁଲି ହିତେସି । ମିଦିୟୋନତି ସୈନ୍ୟୟାଁ ଏମିନିତାଣା ଡୁରାମାଚେରି ଏୱାରି ଏ ଗୁଡାତି ଶାରିୱାକି ଗୁର୍ତେରି । ଗିଦିୟୋନତି ୩୦୦ ସୈନ୍ୟ ଏମିନି ଡକାଁତି ତାମି ହିଚୁ କୁଡୁଲି ଇଟିତେରି ଏନିକିକୀ ମିଦିୟୋନତାରି ଏ ହିଚୁ କୁଡୁଲିତି ଉଜେଡ଼ିଇ ମେଶାଲି ଆଡଃତେରି ।

![](https://cdn.door43.org/obs/jpg/360px/obs-en-16-13.jpg)

ଏଦାଆଁଜେଚ, ଗିଦିୟୋନଇଁ ବାରେ ସୈନ୍ୟୟାଁ ରଣ୍ଡିଏବେଲା ତାମି ଡକାଁ ଅସ୍ତେରି, ଏଦାଆଁ ତାକି ଡକାତା ବାରେ ହିଚୁ କୁଡୁଲିତି ହିଚୁ ଚଞ୍ଜା ଆତେ । ଏୱାରି ଆସାମାନି ତିତ୍ରିମଇରିୟାଁ ଉକି ଗାଡି ହାଡା ତଲେ ଏଲେଇଚେରି “ମାହାପୁରୁ ଅଡ଼େ ଗିଦିୟୋନତାରା ତାକି ର କାଣ୍ଡା !”

![](https://cdn.door43.org/obs/jpg/360px/obs-en-16-14.jpg)

ମାହାପୁରୁ ମିଦିୟୋନତାରାଇଁ ଆକାବାକା କିହାସ୍ତେସି, ଏଦାଆଁତାକି ଏୱାରି ତାମ୍ବୁ ତାମ୍ବୁ ପାୟା କଡିତେରି । ସାଣେକା ତାକି, ବାକିତାରି ଇସ୍ରାଏଲତାରାଇଁ ତାମି ଇଲୁଟିଏ ହାଟ୍କି ଆହାଁ ମିଦିୟୋନତାରାଇଁ ପେର୍ହାଲି ସାୟମି ଆହାଲି ୱେସ୍ପିଆତେ । ଏୱାରି ତାମି ବିତ୍ରା ହାରେକାଇଁ ପାଇତେରି ଅଡ଼େ ବାକିତାରି ହାରେକାଇଁ ଇସ୍ରାଏଲ ଦେଶାତି ପାଂଗାତା ପେର୍ହା ଅତେରି । ଏ ଦିନା ୧,୨୦,୦୦୦ ମିଦିୟୋନତାରି ହାତେରି । ମାହାପୁରୁ ଇସ୍ରାଏଲତାରାଇଁ ଗେଲ୍ପିତେସି ।

![](https://cdn.door43.org/obs/jpg/360px/obs-en-16-15.jpg)

ଲୋକୁ ଗିଦିୟୋନଇଁ ତାମି ଗୁରୁ କିହାଲି ଅଣପିତେରି । ଲୋକୁ ଏଲେକିଁ କିହାଲି ଗିଦିୟୋନ ହିଃଆତେସି, ମାତ୍ର ମିଦିୟୋନତାରାଟିଏ ଏୱାରି ଏମିନି ବାରେ ବାଂଗାରା ଡାବୁଁ ଅହାମାଚେରି, ଏୱା ରିସ୍ତେରି । ଲୋକୁ ଗିଦିୟୋନଇଁ ହାରେକା ବାଂଗାରା ହିତେରି ।

![](https://cdn.door43.org/obs/jpg/360px/obs-en-16-16.jpg)

ଏଦାଆଁଜେଚ ମହାଯାଜକ ମେଦିନି ହେମ୍ବରୀ ଲେହେଁ ର ଏଟ୍କାତି ହେମ୍ବରୀ ଗିଦିୟୋନ ଏ ବାଂଗାରା ଡାବୁଁ ତଲେ ତିଆର୍ କିତେସି । ମାତ୍ର ଏଦାଆଁ ବୋମା ଲେହେଁ ଲୋକୁ ପୂଜା କିହାଲି ମାଠ୍ହେରି । ଏଦାଆଁତାକି ମାହାପୁରୁ ୱେଣ୍ଡେଏ ଏୱାରାଇଁ ବାକା ହିତେସି ଏନାଆତାକି ଇଚିସାରେ ଇସ୍ରାଏଲ ବୋମା ପୂଜା କିହିମାଚେରି । ଏୱାରାଇଁ ହାର କିହାଲିତାକି ମାହାପୁରୁ ୱେସ୍ତେସି । ଏୱାରି ଡାୟୁ ୱେଣ୍ଡେଏ ମାହାପୁରୁତି ସାୟମି ତାକି ପାର୍ତନା କିତେରି, ଅଡ଼େ ମାହାପୁରୁ ତାମି ତାକି ଅରଅଣାଇଁ ଗେଲ୍ପିନାଣାଇଁ ପାଣ୍ଡିତେସି ।

![](https://cdn.door43.org/obs/jpg/360px/obs-en-16-17.jpg)

ଇ ଚିନ୍ନା ହାରେକା ବେଡ଼ା ୱେଣ୍ଡେ ୱେଣ୍ଡେଏ ଆତେ: ଇସ୍ରାଏଲତାରି ପାପୁ କିତେରି, ମାହାପରୁ ଏୱାରାଇଁ ବାକା ହିତେସି, ଏଦାଆଁଜେଚ ଏୱାରି ଅଣପିମାଚେରି ଅଡ଼େ ଏୱାରାଇଁ ଗେଲ୍ପାଲିତାକି ମାହାପୁରୁ ରଅଣାଇଁ ଗେଲ୍ପିନାଣାଇଁ ପାଣ୍ଡିତେସି, ଏମିନିଗାଟାରି ଇସ୍ରାଏଲତାରାଇଁ ତାମି ଶାତ୍ରୁଁଟିଏ ଗେଲ୍ପିମାଚେସି ।

![](https://cdn.door43.org/obs/jpg/360px/obs-en-16-18.jpg)

ଶେଷାବେଲା, ବାରେ ଦେଶାତା ଏନିକି ରାଜା ମାଚେରି ଏଲେକିଁଏ ରାଜା କିହାଲିତାକି ଲୋକୁ ମାହାପୁରୁତାଣା ପାର୍ତନା କିତେରି । ଏୱାରି ଇଲେକି ରଅଣାଇଁ ରାଜା ଆଚିତେରି ଏମିନିଗାଟାସି ଲାମ୍ବା, ବ୍ଡ଼ାୟୁଗାଟାସି ଅଡ଼େ ଆମ୍ବାଃସି ଏୱାରାଇଁ ଯୁଦ୍ଦୁ ତାକି ତାକି କିହା ଅନେସି । ମାହାପୁରୁ ଇ ୱେସ୍ତାଣୀଇଁ ଅପାଃତେସି, ମାତ୍ର ଏୱାରି ଏନିକି ଅଣପିମାଚେରି ଏଲେକି ରଅଣାଇଁ ରାଜା ହିତେସି ।

*ବାଇବଲତି ର ପୁସ୍ପନି: ବିଚାରକର୍ତ୍ତା ୧-୩; ୬-୮*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_16_96kbps.mp3

## 17. ମାହାପୁରୁତି ମେରା ଦାଉଦ ତଲେ

https://openbiblestories.org/l/kxv/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ ଇସ୍ରାଏଲତି ପର୍ତମ ରାଜା ମାଚେସି । ଏୱାସି ଲାମ୍ବା ଅଡ଼େ ଅଜିତାସି ମାଚେସି, ଏନିକି ରାଜାଇଁ ଲୋକୁ ଅଣପିମାଚେରି । ପର୍ତମ ସାଣେକା ବାର୍ଷାତାକି ଶାଉଲ ର ନେହାସି ମାଚେସି ଏଚିବେଲା ଏୱାସି ଇସ୍ରାଏଲଇଁ ତାକି କିହାଁ ଅତେସି । ମାତ୍ର ଏଦି ଡାୟୁ ଏୱାସି ର ଲାଗେଃତାସି ଆତେସି ଏମିନିଗାଟାସି କି ମାହାପୁରୁତି କାତା ଲେମ୍ଵାଃଗାଟାସି, ଏଦାଆଁତାକି ମାହାପୁରୁ ର ଏଟ୍କା ଲୋକୁଇଁ ଆଚିତେସି ଏମିନିଗାଟାସି ତାନି ଟାୟୁତା ରାଜା ଆତେସି ।

![](https://cdn.door43.org/obs/jpg/360px/obs-en-17-02.jpg)

ଶାଉଲ ଡାୟୁ ମାହାପୁରୁ ର ଦାଂଣେଃସି ଇସ୍ରାଏଲତି ରାଜା ଆହାଲିତାକି ଆଚିତେସି । ବେଥଲିହିମ ଗାଡ଼ାଟି ୱାହାମାନି ଦାଉଦ ଗୋଡୁ ମାଚେସି । ର ର ବେଲାତା ଏୱାସି ଏଚିବେଲା ତାନି ଆବାତି ମେଣ୍ଡାୟାଁ କାଚିମାଚେସି, ଏଚିବେଲା ଦାଉଦ ତାନି ମେଣ୍ଡାଣୀ କାଚିନି ର ସିଂହ ଅଡ଼େ ର ଅଅ୍ଡ଼ିଇଁ ହାୟେ ପାୟାମାଚେସି । ଦାଉଦ ର ନାମୁ ଅଡ଼େ ଦାର୍ମୁଗାଟାସି ମାଚେସି ଏମିନିଗାଟାସି ମାହାପୁରୁତାଣା ନାମାହାଁ ତାନି ବୋଲୁ ତଲେ ତାକିମାଚେସି ।

![](https://cdn.door43.org/obs/jpg/360px/obs-en-17-03.jpg)

ଦାଉଦ ର ସୈନ୍ୟ ଅଡ଼େ ନେତା ଆତେସି । ଏଚିବେଲା ଦାଉଦ ଦାଂଣେଃସି ମାଚେସି, ଏୱାସି ଗୋଲିୟାତ ଦରୁଗାଟି କାଜା ଲୋକୁ ତଲେ ଯୁଦ୍ଦୁ କିହାମାଚେସି । ଗୋଲିୟାତ ର ଜାପିତାସି, ହାରେକା ବପୁଗାଟି ସୈନ୍ୟ ଏମିନିଗାଟାସି ତିନିମିଟର ଲାମ୍ବା ମାଚେସି । ମାତ୍ର ମାହାପୁରୁ ଗୋଲିୟାତଇଁ ପାୟାସୁଆଁ ଇସ୍ରାଏଲଇଁ ଗେଲ୍ପାଲିତାକି ଦାଉଦଇଁ ସାୟମି ଆହାମାଚେସି, ଏମିନିଗାଟିତାକି ତାନି ପ୍ରଶାଂସା କିତେରି ।

![](https://cdn.door43.org/obs/jpg/360px/obs-en-17-04.jpg)

ଦାଉଦଇଁ ଲୋକୁ ଜୀୱୁ ନନାଣୀଇଁ ଶାଉଲ ସହ ଆହାଲି ଆଡାଃତେସି । ଶାଉଲ ହାରେକା ବେଲାତା ଦାଉଦଇଁ ପାୟାଲି ଅଣପିମାଚେସି, ଏଦାଆଁ ତାକି ଦାଉଦ ଶାଉଲଟିଏ ଡ଼ୁଗିତେସି । ର ଦିନା, ଦାଉଦଇଁ ପାୟାଲିତାକି ଶାଉଲ ପାରିମାଚେସି । ଶାଉଲ ଏ ପାଉତା ହାଚେସି ଏମିନିତାଣା ଦାଉଦ ଶାଉଲଟିଏ ଜାହାରାଇଁ ଡ଼ୁକ୍ହିମାଚେସି, ମାତ୍ର ଶାଉଲ ତାଂଗେ ମେଶାଲି ଆଡାଃତେସି । ଦାଉଦ ନେଏ ଶାଉଲତି ହାରେକା ଡାଗେ ମାଚେସି ଅଡ଼େ ଏୱାସି ଶାଉଲଇଁ ପାୟାଲି ଆଡିତେସିମା, ମାତ୍ର ଏୱାସି ଏଲେ କିଆତେସି । ମାତ୍ର ଦାଉଦ ଶାଉଲଇଁ ପାର୍ମାଣା କିହାଲିତାକି ଶାଉଲ ହେମ୍ବରୀତି ର କାଣ୍ଡା ଦାତେସି ଏନିକିକି ଏୱାସି ରାଜା ଆହାଲିତାକି ତାଂଗେ ପାୟାଃତେସି ।

![](https://cdn.door43.org/obs/jpg/360px/obs-en-17-05.jpg)

ଡାୟୁ, ଶାଉଲ ଯୁଦ୍ଦୁତା ଜୀୱୁ ହିତେସି, ଅଡ଼େ ଦାଉଦ ଇସ୍ରାଏଲତି ରାଜା ଆତେସି । ଏୱାସି ର ନେହିଁ ରାଜାମାଚେସି, ଅଡ଼େ ଲୋକୁ ତାଂଗେ ଜୀୱୁ ନହିମାଚେରି ମାହାପୁରୁ ଦାଉଦଇଁ ବର ହିତେସି ଅଡ଼େ ଜିଣା କିତେସି । ଦାଉଦ ହାରେକା ଯୁଦ୍ଦୁ କିହାମାଚେସି ଅଡ଼େ ମାହାପୁରୁ ଇସ୍ରାଏଲତି ଶାତ୍ରୁଗାଟାରିଇଁ ହାର କିହାଲି ତାକି ତାଂଗେ ସାୟମି ଆତେସି । ଦାଉଦ ଯିରୁଶାଲମଇଁ ଜିଣା କିତେସି ଅଡ଼େ ଇଦାଆଁ ଦେଶାତି କାଜାଗାଡ଼ା କିତେସି । ଦାଉଦ ତାକିକିନିବେଲାତା, ଇସ୍ରାଏଲ ବ୍ଡ଼ାୟୁଗାଟି ଅଡ଼େ ବାତ୍ କୁ ଆତେ ।

![](https://cdn.door43.org/obs/jpg/360px/obs-en-17-06.jpg)

ଦାଉଦ ର ମନ୍ଦିର ତିଆର୍ କିହାଲି ଇଚାକିତେସି ଆମ୍ବିୟାକି ବାରେ ଇସ୍ରାଏଲମାହାପୁରୁତି ପୂଜା କିହାଲି ଆଡିନେରି ଅଡ଼େ ତାନି ତାକି ପୂଜା ହିହାଲି ଆଡିନେରି । ୪୦୦ବାର୍ଷା ତାକି, ଲୋକୁ ମାହାପୁରୁତି ପୂଜା କିହିମାଚେରି ଅଡ଼େ ମୋଶା ତିଆର୍ କିହାମାନି ବାରେ ଗୁଡ଼ାତା ପୂଜାହିହିମାଚେରି ।

![](https://cdn.door43.org/obs/jpg/360px/obs-en-17-07.jpg)

ମାତ୍ର ମାହାପୁରୁ ନାଥନ ଭବିଷ୍ୟତବକ୍ତାଇଁ ଦାଉଦତି ଡାଗେ ଇଚି କାତା ପାଣ୍ଡିତେସି “ ଏନାଆତାକି ଇଚିସାରେ ନିନୁ ଯୁଦ୍ଦୁତି ର ମାଣ୍ସିତି, ଏଦାଆଁତାକି ନିନୁ ନାତାକି ଇ ମନ୍ଦିର ତିଆର୍ କିଃଅତି ।“ ନି ମିର୍ଏସି ଏଦାଆଁ ତିଆର୍ କିନେସି । ମାତ୍ର ନାନୁ ନିଂଗେ ହାରେକା ବର ହିଆଇଁ । ନି ଗଚିତାରାଟିଏ ରଅସି ନା ଲୋକୁତି ରାଜା ଲେହେଁ ବାରେଦିନା ତାକି ତାକି କିହା ଅୟାନେସି !”କାଲାକାଲାତାକି ତାକି କିହା ଅହାଲି ଆଡିନି ଦାଉଦତି ରଣ୍ଡିଏ ରଅସି ଗଚିତାସି ଆହିମାନେସି ଖ୍ରୀଷ୍ଟ । ଖ୍ରୀଷ୍ଟ ମାହାପୁରୁତି ଆଚିତାସି ଆମିନି ଗାଟାସି ଦାର୍ତିତି ଲୋକୁଣି ତାମି ବାରେ ପାପୁଟି ଗେଲ୍ପିନେସି ।

![](https://cdn.door43.org/obs/jpg/360px/obs-en-17-08.jpg)

ଏଚିବେଲା ଦାଉଦ ଇ ବାରେ ବୋଲୁ ୱେଚେସି, ଏୱାସି ରେଟୁଏ ମାହାପୁରୁଇଁ ଧନ୍ୟବାଦ ହିତେସି ଅଡ଼େ ତାନି ପ୍ରଶଂସା କିତେସି ଏନାଆତାକି ଇଚିସାରେ ଏୱାସି ଦାଉଦଇଁ ଇ କାଜା ସମ୍ମାନ ଅଡ଼େ ହାରେକା ବର ହିହାଲିତାକି କାତା ହିହାମାଚେସି । ମାହାପୁରୁ ଏଚିବେଲା ଇ ବାରେ କାତା କିନେସି ଏଦାଆଁ ଦାଉଦ ପୁଞ୍ଜା ହିଲାଃତେସି । ମାତ୍ର ଇଲେକି ଆତେ, ଇସ୍ରାଏଲତାରାଇଁ ଖ୍ରୀଷ୍ଟ ୱାହାଲିତାକି ୧୦୦୦ ବାର୍ଷା କାଚାଲି ଲାଗିତେ ।

![](https://cdn.door43.org/obs/jpg/360px/obs-en-17-09.jpg)

ହାରେକା ବାର୍ଷା ତାକି ସାତା ଅଡ଼େ ନାମୁତଲେ ତାକି କିତେସି ଅଡ଼େ ମାହାପୁରୁ ତାଂଗେ ବର ହିତେସି । ଆତି ଜିକେଏ, ତାନି ଜୀୱୁ ରାନି ବେଲା ଏୱାସି ମାହାପୁରୁ ବିରଦ କାଜା ପାପୁ କିହାମାଚେସି ।

![](https://cdn.door43.org/obs/jpg/360px/obs-en-17-10.jpg)

ର ଦିନା, ଏଚିବେଲା ଦାଉଦତି ସୈନ୍ୟୟାଁ ଯୁଦ୍ଦୁ କିହାଲି ତାକି ଇଜଟି ହେକ ମାଚେରି, ଏୱାସି ତାନି ରାଜମହଲଟିଏ ପାଂଗାତା ସିନିକିତେସି ର ଅଜାହାଚି ଆୟାଟି ଏୟୁ ମିହିମାଚେ । ଏ ଆୟାଟି ଦରୁ ବେଥଶିବା ମାଚେ ।

![](https://cdn.door43.org/obs/jpg/360px/obs-en-17-11.jpg)

ମେହ୍ନାଣିଇଁ ଏଟ୍କା କିନି ବାଟା ଦାଉଦ ଏଦାଣୀ ଚାଚାଲି ର ଲୋକୁଇଁ ପାଣ୍ଡିତେସି । ଦାଉଦ ତାନି ତଲେ ହୁଞ୍ଜିତେସି ଅଡ଼େ ଏଦାଣୀ ତାନି ଇଜ ପାଣ୍ଡାସ୍ତେସି । ଏଚର ଦିନା ଡାୟୁ ବେଥଶିବା ଦାଉଦଇଁ ର କାତାଇଁ ୱେସା ପାଣ୍ଡିତେ ଯେ ଏଦୀ ବାଣ୍ଡିତା ଆହାମାନେ ।

![](https://cdn.door43.org/obs/jpg/360px/obs-en-17-12.jpg)

ଉରିୟ ଦରୁଗାଟାସି ର ଲୋକୁ ଦାଉଦଇଁ ସୈନ୍ୟ ବିତ୍ରା ର ନେହାସି ସୈନ୍ୟ, ବେଥଶିବାତି ଡକ୍ରା ମାଚେସି । ଦାଉଦ ଉରିୟଇଁ ଯୁଦ୍ଦୁଟି ହାଟାହାଁ ତାନି ଡକ୍ରୀ ତାଣା ହାଜାଲି ଜଲିତେସି । ମାତ୍ର ଏଟ୍କା ସୈନ୍ୟୟାଁ ଯୁଦ୍ଦୁତା ମାଚିବେଲା ଉରିୟ ଇଜ ହାଜାଲି ହିଃଆତେସି । ଏଦାଆଁତାକି ଦାଉଦ ୱେଣ୍ଡେଏ ଯୁଦ୍ଦ ହାଜାଲି ପାଣ୍ଡିତେସି ଅଡ଼େ କାଜା ସୈନ୍ୟଇଁ ୱେସା ପାଣ୍ଡିତେସି ଯେ ଏ ଉରିୟଇଁ ଇଲେତି ଟାୟୁତା ଇଟାମୁ ଏମିନିତାଣା ଶାତ୍ରୁଁ ଗାଡି ବ୍ଡ଼ାୟୁ ମାନିତାଣା ଏନିକିକି ଉରିୟ ଶାତ୍ରୁଁ ତାଣାଟି ହାନେସି ।

![](https://cdn.door43.org/obs/jpg/360px/obs-en-17-13.jpg)

ଉରିୟ ହାତି ଡାୟୁ, ଦାଉଦ ବେଥଶିବାଇଁ ବିହା ଆତେସି । ଜେଚ, ଏଦି ଦାଉଦତି ମିର୍ଏଣାଇଁ ଜାର୍ନା ହିତେ । ଦାଉଦ ଏନାଆଁ କିହାମାଚେସି ଏଦାଆଁତାକି ମାହାପୁରୁ ହାରେକା କାର୍ବି ଆହାମାଚେସି, ଏଦାଆଁତାକି ଏୱାସି ତାନି ତାଣା ନାଥନ ଭବିଷ୍ୟତବକ୍ତାଇଁ ପାଣ୍ଡାହାଁ ତାନି ପାପୁ ଏନିକି ଲାଗେଃତାଇ ମାଚେ ତେଲ୍ପିକିହା ମାଚେସି । ଦାଉଦ ତାନି ପାପୁତି ତେଲ୍ହା କଡିତେସି ଅଡ଼େ ମାହାପୁରୁ ତାଂଗେ କ୍ଷମା ହିତେସି । ଦାଉଦ ତାନି ବାକି ମାନି ଜୀୱୁତା, ଇଲେହେଁକି ତାନି ଦୁକୁ ବେଲାତା ଜିକେଏ ମାହାପୁରୁ ଜେଚ ତାକିହିଁ ତାନି ବୋଲୁ ତଲେ ତାକିତେସି ।

![](https://cdn.door43.org/obs/jpg/360px/obs-en-17-14.jpg)

ମାତ୍ର ଦାଉଦ ପାପୁତି ବାକା ଲେହେଁ ତାନି ମିର୍ଏଗାଟାସି ହାହା ହାଚେସି । ଦାଉଦତି ବାକିମାନି ଜୀୱୁ ହାନି ବିତ୍ରା ତାମି ଇଜ ଲାଗ୍ୱି ଆନାଇ ଡ଼ୟାମାଚେ, ଅଡ଼େ ଦାଉଦତି ବ୍ଡ଼ାୟୁ ହାରେକା ରାହା ହାଜାମାଚେ । ଦାଉଦ ମାହାପୁରୁତାଣା ନାମୁ ହିଲାଃତେ, ଆତିହିଁ ଜିକେଏ ମାହାପୁରୁ ତାନି ଜଲିତି ବୋଲୁ କିହାଲି ତାକି ନାମୁ ଇଟାମାଚେସି । ଡାୟୁ ଦାଉଦ ଅଡ଼େ ବେଥଶିବାଟିଏ ୱେଣ୍ଡେଏ ର କକାସି ଜାର୍ନା ଆତେସି, ଅଡ଼େ ଏୱା ତାନି ଦରୁ ଶଲୋମୋନ ଇଟିତୁ ।

*ବାଇବଲର ଏକ କାହାଣୀ:୧ଶାମୁୟେଲ ୧୦; ୧୫ - ୧୯; ୨୪; ୩୧; ୨ଶାମୁୟେଲ ୫; ୭; ୧୧-୧୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_17_96kbps.mp3

## 18. ବାଗା ଆତି ରାଜି

https://openbiblestories.org/l/kxv/story-18/

![](https://cdn.door43.org/obs/jpg/360px/obs-en-18-01.jpg)

ହାରେକା ବାର୍ଷା ଡାୟୁ ଦାଉଦ ହାତେସି, ଅଡ଼େ ତାନି ମିର୍ଏସି ଶଲୋମୋନ ଇସ୍ରାଏଲଇଁ ତାକି କିହାଲିତାକି ମାଠ୍ହେସି । ମାହାପୁରୁ ଶଲୋମୋନଇଁ, ଅଡ଼େ ଏୱାସି ଏମିନିକାତାଇଁ ହାରେକା ଅଣପିମାଞ୍ଜି ୱେଚେସି । ଏଚିବେଲା ଶଲୋମୋନ ଜ୍ଞାନ ତାକି ପାର୍ତନା କିତେସି, ମାହାପୁରୁ ଏମ୍ବାଆଁ ନେହାସି ଅଣପିତେସି ଅଡ଼େ ତାଂଗେ ଦାର୍ତିତି ବାରେତି କିହାଁ ଗାଡି ଜ୍ଞାନୀ କିତେସି । ଅଡ଼େଜିକେଏ ମାହାପୁରୁ ତାଂଗେ ହାରେକା ବାତ୍କୁଗାଟାସି କିତେସି ।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଲମତା, ଶଲୋମୋନ ମନ୍ଦିର ତିଆର୍ କିତେସି ଏନାଇ ତାନି ଆବାତି ଅଣପୁମାଚେ ଅଡ଼େ ସାୟମି ଆନାଣିଇଁ କୁଡ଼ି କିହାମାଚେସି । ଲୋକୁ ମାହାପୁରୁତି ପୂଜା ଅଡ଼େ ଦାନା ସମାଗମ ଗୁଡ଼ାତା ହିନି ବାଟା ମନ୍ଦିରତା କିହାଲି ମାଠ୍ହେରି । ମାହାପୁରୁ ୱାତେସି ଅଡ଼େ ମନ୍ଦିରତା ଡ଼ଇତେସି, ଅଡ଼େ ଏୱାସି ତାମି ଲୋକୁତଲେ ବାସା କିତେସି ।

![](https://cdn.door43.org/obs/jpg/360px/obs-en-18-03.jpg)

ମାତ୍ର ଶଲୋମୋନ ଏଟ୍କାଦେଶାତି ଆୟାଟିଁଇଁ ଜୀୱୁ ନତେସି । ଏୱାସି ୧୦୦୦ ବିଦେଶା ପଦାଣୀ ବିହା ଆହାଁ ମାହାପୁରୁତି ବିରଦ୍ଦ ହାଚେସି । ଇ ପଦାୟାଁ ବିତ୍ରା ହାରେକା ବିଦେଶାଟି ୱାହାମାଚୁ ଅଡ଼େ ତାମି ତଲେ ତାମି ପେଣ୍କାଇଁ ଚାଚାମାଚୁ ଅଡ଼େ ସବୁବେଲା ଏୱାସ୍କାଣୀଇଁ ପୂଜା କିତୁ । ଶଲୋମୋନ ଏଚିବେଲା ବୁଢ଼୍ହା ଆତେସି, ଏୱାସି ଜିକେଏ ତାମି ପେଣ୍କାଁଣୀ ପୂଜା କିତେସି ।

![](https://cdn.door43.org/obs/jpg/360px/obs-en-18-04.jpg)

ମାହାପୁରୁ ଶଲୋମୋନଇଁ କାର୍ବି ଆହାମାଚେସି, ଅଡ଼େ ଶଲୋମୋନତି ନାମାଃତି ବାକା ଲେହେଁ ଶଲୋମୋନ ହାତି ଡାୟୁ ଏୱାସି ଇସ୍ରାଏଲଦେଶାଇଁ ରି ରାଜିତା ବାଗା କିହାଲିତାକି ତିରି କିତେସି ।

![](https://cdn.door43.org/obs/jpg/360px/obs-en-18-05.jpg)

ଶଲୋମୋନ ହାତି ଡାୟୁ, ତାନି ମିର୍ଏସି ରିହବିୟାମ ରାଜା ଆତେସି । ରିହବିୟାମ ର ଲାଗେଃତାସି ମାଚେସି । ଇସ୍ରାଏଲଦେଶାତି ବାରେ ଲୋକୁ କୁଡ଼ା ଆହାଁ ତାଙ୍ଗେ ର ରାଜାଲେହେଁ ଆଚିତେରି । ଏୱାରି ରିହବିୟାମଇଁ ଏଲେଇଚେରି ଯେ ଶଲୋମୋନ ତାମ୍ଗେ ଆଣ୍ଟ୍ୱା କାମା କିହାଲି ଅଡ଼େ ହାରେକା ଡାବୁ(କର) ହିହିମାଚେରି ।

![](https://cdn.door43.org/obs/jpg/360px/obs-en-18-06.jpg)

ରିହବିୟାମ ଏୱାରାଇଁ ଜଲିତେସି “ମିରୁ ଅଣପିମାଞ୍ଜେରି ମାବା ଶଲୋମୋନ ମିଂଗ ଆଣ୍ଟ୍ୱା କାମା କେୱି କିହାମାଞ୍ଜାନେସି, ମାତ୍ର ତାନିଟିଏ ନାନୁ ହାରେକା ଆଣ୍ଟ୍ୱା କାମା କିହାଲି ହିୟାଇଁ, ତାନିଟିଏ ହାରେକା ଗାଡି ମିଂଗ ଆଡାଃଗାଟି ଦଣ୍ଡ ହିୟାଇଁ ।”

![](https://cdn.door43.org/obs/jpg/360px/obs-en-18-07.jpg)

ଇସ୍ରାଏଲଦେଶାତି ଦଶ ଦଲ ରିହାବିୟାମ ବିରୁଦ୍ଦତି ବିରଦ କିତେରି । ୱାର୍ଇ ରି ଦଲ ତାନି ତଲେ ନାମୁ ଡ଼ଇତୁ । ଇ ରି ଦଲ ଯିହୁଦା ରାଜି ଆତେ ।

![](https://cdn.door43.org/obs/jpg/360px/obs-en-18-08.jpg)

ଇସ୍ରାଏଲ ଦେଶାତି ଏଟ୍କା ଦଶ ଗଟା ଗଚି ରିହବିୟାମତି ବିରୁଦ୍ଦ କାଲ ଆତେରି ଅଡ଼େ ଯାରବିୟାମ ଦରୁଗାଟାଣାଇଁ ତାମି ରାଜା ଆହାଲିତାକି ଆଚିତେରି । ଏୱାରି ଟେବ୍‌ରି ଟଟ ୱାକି ତାମି ରାଜି ତିଆର୍ କିତେରି ଅଡ଼େ ଏୱାରାଇଁ ଇସ୍ରାଏଲ ରାଜି ଅଡ଼େ ଦେଶା ୱେସ୍ପିଆତେ ।

![](https://cdn.door43.org/obs/jpg/360px/obs-en-18-09.jpg)

ଯାରବିୟାମ ଇସ୍ରାଏଲତି ବିରୁଦ୍ଦ କାଲ ଆତେସି ଅଡ଼େ ଲୋକୁଣି ପାପୁ କିୱିକିତେସି । ଯିହୁଦା ରାଜିତା ମାନି ମନ୍ଦିରତା ମାହାପୁରୁତି ପୂଜା କିନି ବାଟା ଏୱାରି ବୋମାପୂଜା କିହାଲିତାକି ତାମି ଲୋକୁ ତାକି ରିଣ୍ଡି ବୋମା ତିଆର୍ କେପିତେସି ।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ରାଜି ଅଡ଼େ ଇସ୍ରାଏଲ ରାଜି ଶାତ୍ରୁ ଆହାହାଚେରି ଅଡ଼େ ହାରେକା ଦେବା ତାମି ବିତ୍ରା ବିରୁଦ୍ଦ ଆହାଁ ଯୁଦ୍ଦୁ କିହିମାଚେରି ।

![](https://cdn.door43.org/obs/jpg/360px/obs-en-18-11.jpg)

ପୁଃନି ରାଜି ଇସ୍ରାଏଲତା ବାରେ ରାଜା ଲାଗେଃତାରି ମାଚେରି । ଇବାରେ ରାଜାୟାଁ ବିତ୍ରା ହାରେକା ରାଜା ଏଟ୍କା ଇସ୍ରାଏଲତାରାଟି ପାଇୱି ଆହାମାଚେରି ଏମିନିଗାଟାରି ତାମି ତାଣା ରାଜା ଆହାଲି ଅଣପିତେରି ।

![](https://cdn.door43.org/obs/jpg/360px/obs-en-18-12.jpg)

ବାରେ ରାଜାୟାଁ ଅଡ଼େ ଇସ୍ରାଏଲ ରାଜିତି ବାରେ ଲୋକୁ ବୋମାପୂଜା କିହିମାଚେରି । ତାମି ବୋମାପୂଜାତା ର ର ବେଲା ଲାଗେଃତି କାମା ଅଡ଼େ ଇଲେହେଁକି ର ର ଦେବା ଡାଲ୍ କାଣୀ ପୂଜା ହିହିମାଚେରି ।

![](https://cdn.door43.org/obs/jpg/360px/obs-en-18-13.jpg)

ଯିହୂଦାତି ରାଜାୟାଁ ଦାଉଦତି ଗଚିମାଚେରି । ଇ ବାରେତି ରାଜାଁ ବିତ୍ରା ହାରେକା ନେହିଁ ଲୋକୁ ମାଚେରି ଏମିନାରିକି ସାତା ତଲେ ତାକି କିହି ମାଚେରି ଅଡ଼େ ମାହାପୁରୁତି ପୂଜା କିହିମାଚେରି । ମାତ୍ର ଯିହୁଦାତି ହାରେକା ରାଜାୟାଁ ଲାଗେଃତି କାମା ଅଡ଼େ ଲାଗେଃ କିନାରି ମାଚେରି ଅଡ଼େ ଏୱାରି ବୋମାଁଣୀ ପୂଜା କିହିମାଚେରି । କଚେକା ରାଜାୟାଁ ଇଲେହେଁ ତାମି ମିର୍କାମାସ୍କାଣୀ ପୁନାଃଗାଟି ପେଣ୍କାଁଣୀ ପୂଜା ହିହିମାଚେରି । ଯିହୁଦାତି ହାରେକା ଲୋକୁ ଜିକେଏ ମାହାପୁରୁତି ବିରୁଦ୍ଦ କାଲ ଆତେରି ଅଡ଼େ ଏଟ୍କା ପେଣ୍କାଁଣୀ ପୂଜା କିହି ମାଚେରି ।

*ବାଇବଲତି ର ପୁସ୍ପନି:୧ରାଜାବଳୀ ୧-୬;୧୧-୧୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_18_96kbps.mp3

## 19. ଭବିଷ୍ୟତବକ୍ତାୟାଁ (ଭାବବାଦୀୟାଁ)

https://openbiblestories.org/l/kxv/story-19/

![](https://cdn.door43.org/obs/jpg/360px/obs-en-19-01.jpg)

ଇସ୍ରାଏଲତାରାତି ପୁର୍ବେତା, ମାହାପୁରୁ ତାମି ଡାଗେ ଭାବବାଦୀଣୀ ପାଣ୍ଡାମାଚେସି । ଭାବବାଦୀୟାଁ ମାହାପୁରୁ ଟିଏ କାବ୍ରୁ ୱେଞ୍ଜାହାଁ ଅଡ଼େ ଏଦାଆଁଜେଚ ମାହାପୁରୁତି କାବ୍ରୁୟାଁ ଲୋକୁଣି ୱେସିମାଚେରି ।

![](https://cdn.door43.org/obs/jpg/360px/obs-en-19-02.jpg)

ଆହାବ ଏଚିବେଲା ଇସ୍ରାଏଲ ରାଜିତି ରାଜା ମାଚେସି ଏଚିବେଲା ଏଲୀୟ ରଅସି ଭାବବାଦୀ ମାଚେସି । ଆହାବ ର ଲାଗେଃତାସି ମାଚେସି ଏମିନିଗାଟାସି ବାଲ୍ ଦରୁଗାଟି ର ପୁନାଃତି ପେଣ୍କାଇଁ ପୂଜା କିହାଲି ତାକି ଲୋକୁଣି ୱେସି ମାଚେସି । ଏଲୀୟ ଆହବଇଁ ଜଲିତେସି, “ନାନୁ ଜଲାଃ ପାତେକା ଇସ୍ରାଏଲ ଦେଶାତା ଏନିକି ଜିକେ ଏ ପିୟୁ ଅଡ଼େ ମାଚୁ ରିଏ ।” ଇଦାଆଁ ତାକି ଆହବ ଗାଡି କାର୍ବି ଆତେସି ।

![](https://cdn.door43.org/obs/jpg/360px/obs-en-19-03.jpg)

ଏଲୀୟଇଁ ପାୟାଲିତାକି ଅଣପିନି ଆହବଟିଏ ଯାହାରାଇଁ ପାକାହରୁତାମାନି ର ହୁଟାତା ଡ଼ୁକ୍ହାଲି ତାକି ମାହାପୁରୁ ଏଲୀୟଇଁ ଜଲାମାଚେସି । ସବୁଦିନା ଲାଇ ଅଡ଼େ ଲାଆଁ ପଟାୟାଁ ରୁଟି ଅଡ଼େ ଉଂଗା ଚାଚା ହିହିମାଚୁ । ଆହବ ତାନି ସୈନ୍ୟ ଏଲୀୟଇଁ ପାରିତେରି, ମାତ୍ର ଏୱାରି ତାମ୍ଗେ ବେଟା ଆଆତେରି । କାତାରା ଇଲେକି ମାଚେ ଯେ ହୁଟା ଦିରେ ଦିରେ ୱାୟା ହାଚେ ।

![](https://cdn.door43.org/obs/jpg/360px/obs-en-19-04.jpg)

ଏଦାଆଁତାକି ଏଲୀୟ ର ପାଡ଼ି ଦେଶାତା ହାତୁସ୍ତେସି । କାତାରା ୱାହାଲିଏ ଏ ଦେଶାତା ର ରାଣ୍ଡେଣୀ ଅଡ଼େ ତାନି ମିର୍ଏଣା ୱାଇ କାଦି ରାହାହାଜାମାଚେ । ଏନାଆତାକିଇଚିସାରେ ହିଲାଃତାକି କାତାରା ଆହାମାଚେ ମାତ୍ର ଏୱା ଏଲୀୟଇଁ ସେବା କିତୁ, ଅଡ଼େ ମାହାପୁରୁ ତାମ୍ଗେ କାଦି ହିତେସି ଏନିକିହିଁ ତାମି ଗହଁ ଗୁଣ୍ଡା ଡକା ଅଡ଼େ ନିୟୁଁ ଇଟିନାଇ ଏଚେଲା ରାହାହିଲାଃତେ । ଏ କାତାରା ରାନି ଏପେ ତାମି କାଦି ମାଚେ । ଏଲୀୟ ଏମ୍ବାଆଁ ହାରେକା ବାର୍ଷା ପାତେକା ଡ଼ଇତେସି ।

![](https://cdn.door43.org/obs/jpg/360px/obs-en-19-05.jpg)

ତିନି ବାର୍ଷା ଡାୟୁ, ମାହାପୁରୁ ଏଲୀୟଇଁ ଇସ୍ରାଏଲ ଦେଶାତା ୱେଣ୍ଡା ହାଜାଲିତାକି ଜଲିତେସି, ଅଡ଼େ ଆହାବଇଁ ୱେସାଲି ଯେ ଏୱାସି ୱେଣ୍ଡେଏ ପିୟୁ ପାଣ୍ଡାଲି ହାଜିମାନେସି, ଏଚିବେଲା ଆହାବ ଏଲୀୟଇଁ ମେସ୍ତେସି, ଏୱାସି ଜଲିତେସି “ ଇଦି କି ନିନୁ ଦୁକୁ ଗାଡିକିନାତି!” ଏଲୀୟ ତାଂଗେ ଜଲିତେସି “ନିନୁ ଦୁକୁ ଗାଡି କିନାତି! ନିନୁ ସାତା ମାହାପୁରୁଇଁ ନାମାଃତି ଅଡ଼େ ବାଲ୍ ପେଣ୍କାଇଁ ପୂଜା କିହାମାଞ୍ଜି । ଇସ୍ରାଏଲରାଜିତା ବାରେ ଲୋକୁଣି କର୍ମିଲ ହରୁ ଡାଗେ ତାମୁ ।”

![](https://cdn.door43.org/obs/jpg/360px/obs-en-19-06.jpg)

୪୫୦ ବାଲ୍ ଭବିଷ୍ୟତବକ୍ତା ତଲେ ଇସ୍ରାଏଲ ରାଜିତି ବାରେ ଲୋକୁ କର୍ମିଲ ହରୁତା ୱାତେରି । ଏଲୀୟ ଲୋକୁଣି ଜଲିତେସି, “ମିରୁ ଏଚିବେଲା ମି ମନଇଁ ବାଦ୍ଲି କିହାଁ ତାକିମାଞ୍ଜେରି ? କାଲାକାଲାତିମାହାପୁରୁ ମାହାପୁରୁ ଇଚିସାରେ, ଆତିସାରେ ତାନି ସେବା କିଦୁ ! ଅଡ଼େ ବାଲ୍ ଦେବ ମାହାପୁରୁ ଇଚିସାରେ, ତାନି ସେବା କିଦୁ!”

![](https://cdn.door43.org/obs/jpg/360px/obs-en-19-07.jpg)

ଏଦାଆଁଜେଚ ଏଲୀୟ ବାଲ୍ ଭାବବାଦୀୟାଁଇଁ ଜଲିତେସି “ର କଡିଇଁ ପାୟାଦୁ ଅଡ଼େ ଏଦାଣୀ ପୂଜା ତାକି ତିଆର୍ କିଦୁ, ମାତ୍ର ଏମ୍ବାଆଁ ହିଚୁ ଆଟ୍ଆଦୁ । ନାନୁ ଜିକେଏ ଏଲେଁ କିଇଁ । ଏମିନି ମାହାପୁରୁ ହିଚୁ ତଲେ କାତା ଆନେସି ଏୱାସି ସାତା ମାହାପୁରୁ ଆନେସି ।” ଏଦାଆଁ ତାକି ବାଲ୍ ଭବିଷ୍ୟତବକ୍ତାୟାଁ ର ପୂଜା ହିନି (ବେରମାଣ୍ଡା ) ତିଆର୍ କେପିତେରି ମାତ୍ର ଏତାଣା ହିଚୁ ହିଃଆ ତେରି ।

![](https://cdn.door43.org/obs/jpg/360px/obs-en-19-08.jpg)

ଏଦାଆଁ ଜେଚ ବାଲ୍ ଭବିଷ୍ୟବକ୍ତାୟାଁ ବାଲ୍ ଦେବଇଁ ପାର୍ତନା କିତେରି “ବାଲ୍, ମା ପାର୍ତନା ୱେନାମୁ!” ଦିନା ୱେୟେ ଏୱାରି ପାର୍ତନା କିତେରି ଅଡ଼େ କାଜା ହାଡା ତଲେ କାଲ ଆତେରି ଅଡ଼େ ତାମ୍ବୁ ତାମ୍ବୁ ଏ ପିପେଲି ତଲେ ଦାପା କଡିତେରି, ମାତ୍ର ଏନି ହାଡା ୱାଆତେ ।

![](https://cdn.door43.org/obs/jpg/360px/obs-en-19-09.jpg)

ଦିନା ରାନିବେଲାତା, ଏଲୀୟ ମାହାପୁରୁତାଣା ର ପୂଜା ତିଆର୍ କିତେସି । ଏଦାଆଁ ଜେଚ ଏୱାସି ଲୋକୁଣି ଏଲେଇଚେସି, ପୂଜା କିତି ଉଂଗା, ୱେସ୍କା ଇଲେହେଁକି ବେରମାଣ୍ଡା ଶାରିୱାକିତି ବୁମି ଏୟୁତା ବାରେ ଉଦିନି ପାତେକା ବାର ଗଟା ଡକାତା ଏୟୁ ଅହାଁ ୱାକ୍ହାଲି ୱେସ୍ତେସି ।

![](https://cdn.door43.org/obs/jpg/360px/obs-en-19-10.jpg)

ଏଦାଆଁଜେଚ ଏଲୀୟ ପାର୍ତନା କିତେସି “ହେ ଅବ୍ରାହାମତି,ଇସାହାକତି ଅଡ଼େ ଯାକୁବତି ମାହାପୁରୁ, ନିଞ୍ଜୁ ମାଂଗ ତସ୍ତାମୁ ଅଡ଼େ ନିନୁ ଇସ୍ରାଏଲତି ମାହାପୁରୁ ଅଡ଼େ ନାନୁ ନି ହଲିଆ ତେଏଁ । ନାଂଗେ ଜଲାମୁ ଏନିକିକି ଇ ବାରେ ଲୋକୁ ପୁଞ୍ଜାନେରି ଯେ ନିନୁ ସାତା ମାହାପୁରୁତି ।”

![](https://cdn.door43.org/obs/jpg/360px/obs-en-19-11.jpg)

ରେଟୁଏ, ହାଗୁଟି ହିଚୁ ତର୍ଗାହାଁ ପୂଜା ବେଦିତା ମାନି ଉଂଗା, ୱେସ୍କା, ପୁନାଦି, ଦୁଡ଼ି ଅଡ଼େ ଇଲେହେଁକି ପୂଜାବେଦୀ ଶାରିୱାକି ମାନି ଏୟୁଇଁ ଗୁସ୍ତେ । ଲୋକୁ ଏଚିବେଲା ଇଦାଆଁ ମେସ୍ତେରି, ଏୱାରି ବୁମିତା ମାର୍ହିଁ ତର୍ଗାହାଁ ଏଲେଇଚେରି “କାଲାକାଲାତିମାହାପୁରୁ ଏ ମାହାପୁରୁ ! କାଲାକାଲାତିମାହାପୁରୁ ଏ ମାହାପୁରୁ !”

![](https://cdn.door43.org/obs/jpg/360px/obs-en-19-12.jpg)

ଏଦାଆଁଜେଚ ଏଲୀୟ ଜଲିତେସି, “ବାଲ୍ ତି ଆମିନି ଭବିଷ୍ୟତବକ୍ତାଇଁ ପିସ୍ଲ ଆହାଁ ହାଜାଲି ହିଃଆଦୁ !” ଏଦାଆଁତାକି ଲୋକୁ ବାଲ୍ ତି ଭବିଷ୍ୟତବକ୍ତାଣୀ ଆସାହାଁ ଏୱାରାଇଁ ପାଇତେରି ।

![](https://cdn.door43.org/obs/jpg/360px/obs-en-19-13.jpg)

ଏଦାଆଁଜେଚ ଏଲୀୟ ଏଲେଇଚେସି, “ଗାଡ଼ାତା ଜିକି ୱେଣ୍ଡା ହାଜୁ, ଏନାଆତାକି ଇଚିସାରେ ପିୟୁ ୱାହିମାନେ ।” ଜିକି ହାଗୁ କାଡ଼ିନାଇ ଚଞ୍ଜା ଆହାଲି ମାଠ୍ହେ । ଯିହୋବା ମର୍ଡିଇଁ ରାପ୍ହାମାଚେସି ଅଡ଼େ ଏୱାସି ର ସାତା ମାହାପୁରୁ ଏଦାଆଁ ଏୱାସି ପାର୍ମାଣା କିତେସି ।

![](https://cdn.door43.org/obs/jpg/360px/obs-en-19-14.jpg)

ଏଲୀୟତି ବେଲାତା, ମାହାପୁରୁ ଇଲିଶାୟ ଦରୁ ଗାଟାଣାଇଁ ତାନି ଭାବବାଦୀ ଆହାଲି ତାକି ଆଚିତେସି । ମାହାପୁରୁ ଇଲିଶାୟତାଣାଟି ହାରେକା କାବାଆନି କାମା କିତେସି । ନାମାନ୍ଇଁ ର କାବା ଆନି କାମା ଆହାମାଚେ, ଆମିନିଗାଟାସି ର ଶାତ୍ରୁ କାଜା ସୈନ୍ୟ ମାଚେସି, ଆମ୍ବାରାଇଁ ହରେକା ତଲୁ ରୋଗ ଆହାମାଚେ । ଏୱାସି ଇଲିଶାୟତି କାତା ୱେଞ୍ଜି ମାଚେସି ଏଦାଆଁତାକି ହାଜାହାଁ ତାଂଗେ ନେହି କିହାଲି ତାକି ଇଲିଶାୟଇଁ ୱେସ୍ତେସି । ଇଲିଶାୟ ନାମାନ୍ଇଁ ଯର୍ଦ୍ଦନ କାଡାତା ସାତାଦେବା ମୁଞ୍ଜାଲି ୱେସାମାଚେସି ।

![](https://cdn.door43.org/obs/jpg/360px/obs-en-19-15.jpg)

ନକେଏ ନାମାନ୍ କାର୍ବି ଆହାମାଚେସି ଅଡ଼େ ଇଦାଆଁ କିଃଆତେସି ଏନାଆତାକିଇଚିସାରେ ଇଦି ମୂର୍ଖତି କାତାଲେହେଁ ଅଣପାକଡିତେସି । ମାତ୍ର ଡାୟୁବେଲାତା ଏୱାସି ତାନି ମନ ବାଦ୍ଲି କିହାଁ ଯର୍ଦ୍ଦନତା ସାତାଦେବା ମୁଞ୍ଜା କଡିତେସି । ଏୱାସି ଏଚିବେଲା ରାନିବେଲାତା ଏୟୁଟି ମୁଞ୍ଜାହାଁ ପାଂଗାତା ହତେସି ତାନି ତଲୁ ବାରେ ନେହି ଆତେସି! ମାହାପୁରୁ ଏୱାଣାଇଁ ନେହି କିତେସି ।

![](https://cdn.door43.org/obs/jpg/360px/obs-en-19-16.jpg)

ମାହାପୁରୁ ଅଡ଼େ ଏଟ୍କାତି ଭାବବାଦୀୟାଁଇଁ ପାଣ୍ଡାମାଚେସି । ଏୱାରି ବାରେ ଲୋକୁଁଇଁ ବୋମା ପୂଜା କିଃଆଦୁ ଇଞ୍ଜି ୱେସ୍ତେସି ଅଡ଼େ ଏଟ୍କାତାରାଇଁ ସାତା ଅଡ଼େ କାର୍ମା ତସାଲିତାକି ୱେସାମାଚେରି । ଭାବବାଦୀୟାଁ ଲୋକୁଣି ତେଲ୍ପାଲି ତାକି ଜଲିତେରି ଯେ ଏୱାରି ଲାଗେଃତି କାମା କିତିସାରେ ଅଡ଼େ ମାହାପୁରୁତି ବୋଲୁ ତଲେ ତାକାଃସାରେ, ମାହାପୁରୁ ଏୱାରାଇଁ ଦୋହ ଡେକାହାଁ ବିଚାରା କିନେସି ଅଡ଼େ ଏୱାରାଇଁ ବାକା ହିନେସି ।

![](https://cdn.door43.org/obs/jpg/360px/obs-en-19-17.jpg)

ହାରେକା ବେଲାତା ଲୋକୁ ମାହାପୁରୁତି ବୋଲୁ ତଲେ ତାକାଃତେରି । ଏୱାରି ହାରେକା ବେଲାତା ଭାବବାଦୀଁ ତଲେ ଲାଗେଃ ଲେମ୍ବୀ ମାଚେରି ଅଡ଼େ ର ର ବେଲାତା ଇଲେହେଁକି ତାମ୍ଗେ ପାଇ ମାଚେରି । ର ଦେବା, ଯିରିମିୟ ଭାବବାଦୀଇଁ ର ୱାଇତି କୁହିତା ମେତ୍ୱି ଆହାମାଚେ ଅଡ଼େ ଏୱାରି ହାହାଲି ତାକି ତାଂଗେ ଏମ୍ବାଆଁ ରଅଣାଇଁ ପିସ୍ପି ଆହାମାଚେ । ଏ କୁହି ବିତ୍ରା ମାନି ଲାଦିତା ମେଦା ହାଜାମାଚେସି, ମାତ୍ର ରାଜା ତାଂଗେ କାର୍ମା ମେସ୍ତେସି ଅଡ଼େ ଯିରିମିୟ ହାନି ନକେଏ ତାଂଗେ କୁହିଟି ପାଂଗାତା ଚାଚାଲି ତାକି ଏୱାସି ତାନି ହଲିଆଇଁ ହୁକୁମ୍ ହିତେସି ।

![](https://cdn.door43.org/obs/jpg/360px/obs-en-19-18.jpg)

ଭାବବାଦୀୟାଁଇଁ ଲୋକୁ ଅପାଃତିହିଁ ଜିକେଏ ଏୱାରି ମାହାପୁରୁତାକି କାତା ଆହାଲି ମାଠ୍ହେରି । ଏୱାରି ଲୋକୁଣି ତେଲ୍ପି କିହାଁ ୱେସାମାଚେରି ଯେ ଏୱାରି ମନ ୱେଟ୍ଆସାରେ ମାହାପୁରୁ ଏୱାରାଇଁ କ୍ଡ଼ୁପ୍ହାତୁଃନେସି । ମାହାପୁରୁ ପାଣ୍ଡିନି ଖ୍ରୀଷ୍ଟ ଯେ ୱାନେସି ଏ କାତାତି ଜିକେଏ ଏୱାରି ଲୋକୁଣି ଅଣପି କିହାମାଚେରି ।

*ବାଇବଲତି ର ପୁସ୍ପନି:୧ରାଜାବଳୀ ୧୬-୧୮; ୨ରଜାବଳୀ ୫; ଯିରିମିୟ ୩୮*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_19_96kbps.mp3

## 20. ବାସାକିନାଇ ଅଡ଼େ ୱେଣ୍ଡେ ୱାନାଇ

https://openbiblestories.org/l/kxv/story-20/

![](https://cdn.door43.org/obs/jpg/360px/obs-en-20-01.jpg)

ରି ରାଜି ଜିକେଏ ଇସ୍ରାଏଲରାଜି ଅଡ଼େ ଯିହୁଦା ରାଜି ମାହାପୁରୁତି ବିରୁଦ୍ଦ ପାପୁ କିତେସି । ମାହାପୁରୁ ସିନୟ ହରୁତା ତାମି ତଲେ ଏମିନି ମେରା କିହାମାଚେସି ଏୱାରି ଏ ମେରାଇଁ ଡିକ୍ହାସ୍ତେରି । ଲୋକୁ ଏନିକି ମନ ୱେଟ୍ନେରି ଅଡ଼େ ୱେଣ୍ଡେଏ ତାନି ପୂଜା କିନେରି ଏଦାଆଁ ତାକି ମାହାପୁରୁ ତାନି ଭାବବାଦୀୟାଁଇଁ ପାଣ୍ଡାହାଁ ତେଲ୍ପିକିହାମାଚେସି, ମାତ୍ର ଏୱାରି ଏଦାଆଁ ନାମାଲି କୁତେରି ।

![](https://cdn.door43.org/obs/jpg/360px/obs-en-20-02.jpg)

ଏଦାଆଁ ତାକି ମାହାପୁରୁ ରି ରାଜିଇଁ ଜିକେଏ ତାମି ଶାତ୍ରୁୟାଁଟି କ୍ଡ଼ୁପ୍ନାଶ୍ ଆହାଲିତାକି ହୁକୁମ୍ ହିତେସି । ର ବ୍ଡ଼ାୟୁଗାଟି ଅଡ଼େ ହିୟାଁ ହିଲାଃଗାଟି ଦେଶା ଆସିରୀୟ ଦେଶା ଇସ୍ରାଏଲ ଦେଶାଇଁ ନାଶ୍ କିତେରି । ଇସ୍ରାଏଲତା ମାନି ହାରେକା ଲୋକୁଣି ଆସିରୀୟତାରି ପାଇତେରି, ଦାରାଗାଟି ଜିନିଷଇଁ ଅହାସ୍ତେରି, ଅଡ଼େ ଦେଶାତି ହାରେକାଇଁ ହୁଡାସ୍ତେରି ।

![](https://cdn.door43.org/obs/jpg/360px/obs-en-20-03.jpg)

ଆସିରୀୟତାରି ବାତ୍କୁଗାଟାରାଇଁ, ହକ୍ ମାନି ଲୋକୁଣି ଏଲେହେଁ ବାରେ ନେତାଣୀ କୁଡ଼ି କିତେରି ଅଡ଼େ ଏୱାରାଇଁ ଆସାହାଁ ଆସିରୀୟତା ହାତୁସ୍ତେରି । ୱାର୍ଇ ହିଲାଃଗାଟାରି ଇସ୍ରାଏଲତାରି ଏମିନିଗାଟାରାଇଁ ପାଇୱି ଆହାଲାଃତେ ଏୱାରି ଏ ଇସ୍ରାଏଲ ରାଜିତା ଡ଼ଇତେରି ।

![](https://cdn.door43.org/obs/jpg/360px/obs-en-20-04.jpg)

ଏଦାଆଁ ଜେଚ ଆସିରୀୟତାରି ବିଦେଶତାରାଇଁ ତାମି ଦେଶାତା ବାସା କିହାଲିତାକି ତାତେରି ଏମିନିତାଣା ଇସ୍ରାଏଲତି ରାଜି ମାଚେ । ବିଦେଶତାରି ନାଶ୍ ଆହାମାନି ଗାଡ଼ାଁଣୀ ୱେଣ୍ଡେଏ ତିଆର୍ କେପିତେରି ଅଡ଼େ ଇସ୍ରାଏଲତାରାଇଁ ବିହା ଆତେରି ଏମିନିଗାଟାରି ଏମ୍ବାଆଁ ଡ଼ୟାହାଜାମାଚେରି । ଏମିନି ଇସ୍ରାଏଲତାରାତି ଗଚି ବିଦେଶତାରାଇଁ ବିହା ଆହା ମାଚେରି ଏାୱାରାଇଁ ଶମିରୋଣିୟ ୱେସ୍ପିଆତେ ।

![](https://cdn.door43.org/obs/jpg/360px/obs-en-20-05.jpg)

ଯିହୁଦା ରାଜିତା ଲୋକୁ ମେସ୍ତେରି ଯେ ଇସ୍ରାଏଲ ରାଜିତି ଲୋକୁ ମାହାପୁରୁଇଁ ନାମିଲାଃତେରି ଅଡ଼େ ତାନି ବୋଲୁ ତଲେ ତାକାଃତି ତାକି ଏୱାରାଇଁ ବାକା ହିତେସି । ମାତ୍ର ଏୱାରି କିଣାନତି ପେଣ୍କା ତଲେ ବୋମାଣୀ ପୂଜା କିହି ମାଚେରି । ଏୱାରାଇଁ ତେଲ୍ପି କିହାଲିତାକି ମାହାପୁରୁ ଭାବବାଦୀଁଣୀ ପାଣ୍ଡା ମାଚେସି, ମାତ୍ର ଏୱାରି ୱେନାଃତେରି ।

![](https://cdn.door43.org/obs/jpg/360px/obs-en-20-06.jpg)

ଆସିରୀୟତାରି ଇସ୍ରାଏଲ ରାଜି ନାଶ୍ କିତି ୧୦୦ ବାର୍ଷା ଡାୟୁ, ମାହାପୁରୁ ବାବିଲତି ରାଜା ନାବୁଖଦ୍ନିସ୍ଚର ଯିହୁଦା ରାଜି ଯୁଦ୍ଦୁ କିହାଲିତାକି ପାଣ୍ଡିତେସି । ବାବିଲୋନ ର ବ୍ଡ଼ାୟୁଗାଟି ରାଜି ମାଚେ । ଯିହୁଦାତି ରାଜା ନବୁଖେଦ୍ନିସ୍ଚରତି ହଲିଆ ଆହାଲି ତାକି ତଡ଼ୁ ଆତେସି ଅଡ଼େ ବାରେ ବାର୍ଷା ତାଂଗେ ହାରେକ ଡାବୁଁ ହିତେସି ।

![](https://cdn.door43.org/obs/jpg/360px/obs-en-20-07.jpg)

ମାତ୍ର ସାଣେକା ବାର୍ଷା ଡାୟୁ, ଯିହୂଦାତି ରାଜା ବାବିଲୋନ ବିରୁଦ୍ଦ କାଲ ଆତେସି । ଏଦାଆଁତାକି, ବାବିଲୋନତାରି ୱେଣ୍ଡା ୱାହାଁ ଯିହୂଦା ରାଜିଇଁ ଯୁଦ୍ଦୁ କିତେରି । ଏୱାରି ଯିରୁଶାଲମ ଗାଡ଼ା ହିତେରି, ମନ୍ଦିରଇଁ ନାଶ୍ କିତେରି, ଅଡ଼େ ଗାଡ଼ାତି ଅଡ଼େ ମନ୍ଦିରତି ଦିଣ୍‌ସୁ ବାରେ ଅହାସ୍ତେରି ।

![](https://cdn.door43.org/obs/jpg/360px/obs-en-20-08.jpg)

କାଲ ଆହାଲିଏ ଯିହୂଦାତି ରାଜାଇଁ ବାକା ହିହାଲି ତାକି ନବୁକଦନିସ୍ଚର ସୈନ୍ୟୟାଁ ରାଜାତି ମିର୍କାୟାଁ ନକିତା ପାଇତେସି ଅଡ଼େ ଏୱାଣାଇଁ କାଣା କିହାସ୍ତେରି । ଏଦାଆଁ ଜେଚ, ଏୱାସି ଏନିକି ବାବିଲୋନତି ଜେଲତା ହାନେସି ଏଦାଆଁତାକି ଏୱାରି ତାଂଗେ ଅହାସ୍ତେରି ।

![](https://cdn.door43.org/obs/jpg/360px/obs-en-20-09.jpg)

ନବୁଖଦ୍ନିସ୍ଚର ଅଡ଼େ ତାନି ସୈନ୍ୟ ଯିହୁଦାତି ବାରେଇଁ ଯିହୁଦାତା ପିସା ହାଚେରି ଅଡ଼େ ସାରିଆତା କାମା କିହାଲି ୱାର୍ଇ ହିଲାଃଗାଟାରାଇଁ ଯିହୂଦାତା ପିସା ହାଚେରି । ମାହାପୁରୁ ଲୋକୁଣି କାତାହିତି ଦେଶାଟି ଆଡିନି ଏଚେକା ଅହାମାନି ବେଲାତିଇଁ ବାସା ଆନାଣୀଇଁ ୱେସ୍ପି ଆହାମାନେ ।

![](https://cdn.door43.org/obs/jpg/360px/obs-en-20-10.jpg)

ଆତି ହିଁ ଜିକେଏ ପାପୁ ତାକି ମାହାପୁରୁ ଏୱାରାଇଁ ବାସାଟାୟୁ ଟି ଏଟ୍କା ଦେଶା ପାଣ୍ଡିତେସି, ଅଡ଼େ ଜିକେଏ ଏୱାସି ଏୱାରାଇଁ ଅଡ଼େ ତାମି ବୋଲୁଇଁ ବାଣା ଆହାଲାଃତେସି । ମାହାପୁରୁ ତାମି ଲୋକୁଇଁ ମେସି ମାଚେସି ଅଡ଼େ ତାମି ଭାବବାଣୀ ତଲେ ଏୱାରି ତାଣା କାତା ଜଲିତେସି । ଏୱାସି କାତା ଇଟା ମାଚେସି ଯେ, ସତୁରି ବାର୍ଷା ଯେଚ ଏୱାରି ଅଡ଼େ କାତା ଇଟା ମାଚି ଦେଶାତା ୱେଣ୍ଡା ୱାନେରି ।

![](https://cdn.door43.org/obs/jpg/360px/obs-en-20-11.jpg)

ସତୁରି ବାର୍ଷା ଡାୟୁ, ପାର୍ସିୟାଁ ରାଜା ସାଇରସ ବାବିଲୋନ୍ ଇଁ ହାର କିତେରି, ଏଦାଆଁ ତାକି ପାରସ୍ୟ ଦେଶା ବାବିଲୋନିୟ ଦେଶା ଟାୟୁ ଅତେରି । ନେଏଁ ‌‌‌‍ ଇସ୍ରାଏଲ୍ ତାରାଇଁ ଯିହୂଦୀ ଇଞ୍ଜି ୱେଖ୍ ହେରି ଅଡ଼େ ଏୱାରି ଏୱାରାଇଁ ସବୁ ଦିନା ବାବିଲୋନ ତା ବାସା କିତେରି ଅଡ଼େ ଏଚର୍ ଜାଣା ଯିହୂଦୀ ବୁଡ଼ହାଁ ଯିହୁଦା ଟାୟୁ ଇଁ ଅଣପିତେରି ।

![](https://cdn.door43.org/obs/jpg/360px/obs-en-20-12.jpg)

ପାରସ୍ୟ ଦେଶା ଆଣ୍ଟ୍ୱା ମାଚେ ଅଡ଼େ ଇଦି ହାର କିହାଁ ମାଚେରି ଏମ୍ବାଟିଏ ଲୋକୁଁ ତାକି କାର୍ମା ମେସ୍ତେସି । ସାଇରସ୍ ପାରୋସ୍ୟତି ରାଜା ଆନି ସାଣେକା ବିତ୍ରା, ଏୱାସି ର ହୁକୁମୀ ହିତେସି ଯେ ଆମ୍ବାଃରି ପାରସ୍ୟ ଦେଶା ପିସାହାଁ ଯିହୂଦା ଦେଶାତା ୱେଣ୍ଡା ହାଜାଲି ଅଣପିନାରି ଏୱାରି ଏମ୍ବାଆଁ ୱେଣ୍ଡାହାଜାଲି ଆଡିନେରି । ଏୱାଶି ଇଲେଃଏଁ ମନ୍ଦିର ପୁଃନି ତଲେ କେପାଲି ଡାବୁଁ ହିତେସି! ଅଡ଼େ ବାସାଟାୟୁତା ସତୁରି ବାର୍ଷା ଡ଼ୟିତି ଜେଚ, ଯିହୂଦୀୟାଁ ୱାଇ ର ଉଣା ଦଲ ଯିହୁଦାତା ମାଚାରି ଯିରୁଶାଲମ୍ ଗାଡ଼ାତା ହାଚେରି ।

![](https://cdn.door43.org/obs/jpg/360px/obs-en-20-13.jpg)

ଲୋକୁୟାଁ ଏଚିବେଲା ଯିରୁଶାଲମ୍ ତା ଏତେରି, ଏୱାରି ମନ୍ଦିର ଅଡ଼େ ଗାଡ଼ା ସାରିୱାକି ମାନି ଗୁଡ୍ରା ପୁଃନି ତଲେ କିତେରି । ଆତିହିଁ ଜିକେ ଏୱାରି ନେଏ ପାତେକା ଏଟ୍କା ଲୋକୁ ଜେଚ ତାକି ମାଚେରି, ଅଡ଼େ ର ଦେବା ଏୱାରି କାତା ଇଟିତି ଦେଶାତା ବାସା କିତେରି ଅଡ଼େ ମନ୍ଦିରତା ପ୍ରାତନା କିତେରି ।

*ବାଇବଲତି ର ପୁସ୍ପନି:୨ ରାଜାବଳୀ ୧୭:୨୪-୨୫; ୨ ବଂଶାବଳୀ ୩୬; ଏଜ୍ରା ୧-୧୦; ନିହିମିୟା ୧-୧୦*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_20_96kbps.mp3

## 21. ମାହାପୁରୁ ଖ୍ରୀଷ୍ଟତି କାତା ଇଟିନେସି

https://openbiblestories.org/l/kxv/story-21/

![](https://cdn.door43.org/obs/jpg/360px/obs-en-21-01.jpg)

ମାଟ୍ନିଟିଏ ମାହାପୁରୁ ଖ୍ରୀଷ୍ଟଇଁ ପଣ୍ଡାଲି ତାକି ଅଣପାମାଚେସି । ଖ୍ରୀଷ୍ଟତି କାତା ନକେଏ କାତା ହିତାଇ ଆଦମ ଅଡ଼େ ହବା ତାଣାଟି ୱାତେ । ମାହାପୁରୁ କାତା ହିତେସି ଯେ ହବାତି ଗଚିଟି ରଅସି ଜାର୍ନା ଆନେସି ଆମିନିଗାଟାସି ରାଚୁତି ତ୍ରାୟୁଁଇଁ ଗୁଣ୍ଡା କିନେସି । ହବାଇଁ ଏମିନି ରାଚୁ ସାକ୍ରି ୱେସାମାଚେ ଏଦି ଶୟତାନ ମାଚେ । କାତାହିତି ଅର୍ତ ମାଚେ ଯେ ଖ୍ରୀଷ୍ଟ ଶୟତାନଇଁ ହାର କିନେସି ।

![](https://cdn.door43.org/obs/jpg/360px/obs-en-21-02.jpg)

ମାହାପୁରୁ ଏ ଅବ୍ରାହାମ କାତା ହିହାଁ ଜଲିତେସି ଯେ ତାନି ତାକି ଦାର୍ତିତି ବାରେ ଲୋକୁଦଲ ବର ବେଟା ଆତେରି । ଇ ବର ରାନେ ଏଚିବେଲା ଖ୍ରୀଷ୍ଟ ନକିତା ର ଦିନା ୱାନେସି । ଦାର୍ତିତା ମାନି ବାରେ ଲୋକୁଦଲ ଗେଲ୍ପି ଆହାଲି ତାକି ଏୱାସି କିନେସି ।

![](https://cdn.door43.org/obs/jpg/360px/obs-en-21-03.jpg)

ମାହାପୁରୁ ମୋଶାଇଁ କାତା ହିହାଁ ଜଲିତେସି ଯେ ନକିତା ଏୱାସି ମୋଶାତି ଲେହେଁ ର ଭାବବାଦୀଇଁ ନିପ୍ନେସି । ଖ୍ରୀଷ୍ଟତି କାତା ଇଦି ଅର କାତାହିତାଇ ଏମିନିଗାଟାସି ଜେଚବେଲା ର ଦିନା ୱାନେସି ।

![](https://cdn.door43.org/obs/jpg/360px/obs-en-21-04.jpg)

ମାହାପୁରୁ ରାଜା ଦାଉଦଇଁ କାତା ହିହାମାଚେସି ଯେ ତାନି ଗଚିଟିଏ ରଅସି ମାହାପୁରୁତି ଲୋକୁତାକି କାଲାକାଲାତାକି ରାଜା ଆନେସି । ଏଦି ଇଲେହେଁ ତେଲ୍ପି କିହିମାଞ୍ଜାନେ ଯେ ଖ୍ରୀଷ୍ଟ ରାଜା ଦାଉଦତି ଗଚି ବିତ୍ରା ରଅସି ଆନେସି ।

![](https://cdn.door43.org/obs/jpg/360px/obs-en-21-05.jpg)

ଯିରିମିୟ ଭାବବାଦୀଟି ମାହାପୁରୁ କାତାହିତେସି ଯେ ଏୱାସି ର ପୁଃନି ମେରା କିନେସି, ମାତ୍ର ମାହାପୁରୁ ଇସ୍ରାଏଲତଲେ ସିନୟ ହରୁତା ଏମିନି ମେରା କିହା ମାଚେସି ଏଲେତି ମେରା ଆଃଏ । ପୁଃନି ମେରାତା, ମାହାପୁରୁ ଲୋକୁତି ହିୟାଁତା ତାନି ପାଣ୍ଇ ମେରା କୁତିନେସି, ଲୋକୁ ରଅ ରଅରି ମାହାପୁରୁଇଁ ପୁନେରି, ଏୱାରି ତାମି ଲୋକୁ ଆନେରି ଅଡ଼େ ମାହାପୁରୁ ତାମି ପାପୁଇଁ କ୍ଷମା କିନେସି । ଖ୍ରୀଷ୍ଟ ପୁଃନି ମେରା ମାଠ୍ନେସି ।

![](https://cdn.door43.org/obs/jpg/360px/obs-en-21-06.jpg)

ମାହାପୁରୁତି ଭାବବାଦୀ ଅଡ଼େ ଜିକେଏ ଏଲେ ଇଚେରି ଯେ ଖ୍ରୀଷ୍ଟ ରଅସି ଭାବବାଦୀ, ଯାଜକ ଅଡ଼େ ରାଜା ଜିକେଏ ଆନେସି । ଭାବବାଦୀ ଆହିମାନେସି ଏମିନି ଗାଟାସି ମାହାପୁରୁତି ବୋଲୁ ୱେଞ୍ଜାହାଁ ଏ ବୋଲୁଇଁ ଲୋକୁତାଣା ୱେକ୍ ନେସି । ମାହାପୁରୁ ପାଣ୍ଡାଲି ତାକି କାତା ହିହାମାନି ଖ୍ରୀଷ୍ଟ ରଅସି ସାତାଗାଟି ଭାବବାଦୀ ଆନେସି ।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲତାରି ଯାଜକୟାଁ ମାହାପୁରୁ ତାଣା ଲୋକୁତାକି ତାମି ପାପୁତି ବାକା ବାଟା ପୂଜା ହିହିମାଚେରି । ଯାଜକୟାଁ ଜିକେଏ ଲୋକୁ ତାକି ମାହାପୁରୁତାଣା ପାର୍ତନା କିହିମାଚେରି । ମସୀହ ଆହିମାନେସି ଏମିନିଗାଟାସି ସାତା ମହାଯାଜକ ଅଡ଼େ ଜାହାରାଇଁ ମାହାପୁରୁତି ର ସାତା ପୂଜା ହିତି ଲେହେଁ ପୂଜା ହିନେସି ।

![](https://cdn.door43.org/obs/jpg/360px/obs-en-21-08.jpg)

ର ରାଜା ଏୱାସି ଏମିନିଗାଟାସି ର ରାଜିତିଇଁ ତାକି କିନେସି ଅଡ଼େ ତାନି ଲୋକୁଣି ବିଚାରା କିନେସି । ଖ୍ରୀଷ୍ଟ ରଅସି ନେହିଁ ରାଜା ଆନେସି ଏମିନିଗାଟାସି ପୁର୍ବେତିଆବାଁ ଦାଉଦତି ସିଂହାସାଣୀତା କୁଗିନେସୀ । ଏୱାସି ବାରେ ଦାର୍ତିଇଁ କାଲାକାଲାତାକି ତାକି କିନେସି, ଅଡ଼େ ସବୁବେଲା ସାତା ବିଚାରା କିନେସି ଅଡ଼େ ନେହିଁ ତାକି ତିରି କିନେସି ।

![](https://cdn.door43.org/obs/jpg/360px/obs-en-21-09.jpg)

ମାହାପୁରୁ ଭାବବାଦୀଣୀଁ ହାରେକା ଏଟ୍କା କାତା ଖ୍ରୀଷ୍ଟତି କାତା ଭାବବାଣୀ କିହାମାଚେସି । ଭାବବାଦୀ ମଲାଖୀ ନକେଏ ଜଲାମାଚେସି ଯେ ମସୀହ ୱାନି ନକେଏ ର କାଜା ଭାବବାଦୀ ୱାନେସି । ଭାବବାଦୀ ଯିଶାଇୟ ଭାବବାଣୀ କିହାମାଚେସି ଯେ ଖ୍ରୀଷ୍ଟ ରଅସି ଦାଂଏଣୀ ପଦା ବାଣ୍ଡିତା ଜାର୍ନା ଆନେସି । ମୀଖା ଭାବବାଦୀ ଜଲିତେସି ଯେ ଏୱାସି ଗାଡ଼ାତା ଜାର୍ନା ଆନେସି ।

![](https://cdn.door43.org/obs/jpg/360px/obs-en-21-10.jpg)

ଯିଶାଇୟ ଭାବବାଦୀ ଜଲିତେସି ଯେ ଖ୍ରୀଷ୍ଟ ଗାଲିଲୀତା ବାସା କିନେସି, ଡିତି ହିୟାଁଣୀ ହିତିଡ଼ିତି ବୋଲୁ ହିନେସି, ଅଡ଼େ ବନ୍ଦୀଗାଟାରିଇଁ ମୁକ୍ଲ ଆତି ବୋଲୁ ୱେକ୍ନେସି ଅଡ଼େ ବନ୍ଦୀଗାଟାରାଇଁ ମୁକ୍ଲ କିନେସି । ଏୱାସି ଅଡ଼େ ଜିକେଏ ଭାବବାଣୀ ଜଲିତେସି ଯେ ଏୱାସି ଆଡାଃଗାଟାରାଇଁ ଏମିନିଗାଟାରି ୱେନେରି, ମେହ୍ନେରି, ଜଲିନେରି ଅଡ଼େ ତାକାଲି ଆଡାଃଗାଟାରି ଏୱାରାଇଁ ନେହି କିନେସି ।

![](https://cdn.door43.org/obs/jpg/360px/obs-en-21-11.jpg)

ଭାବବାଦୀ ଯିଶାଇୟ ଜିକେଏ ଭାବବାଣୀ ଜଲିତେସି ଯେ ଖ୍ରୀଷ୍ଟଇଁ ଅପଃରି ଅଡ଼େ ଉଜେଃନେଏ ୱେନେରି । ଏଟ୍କା ଭାବବାଦୀୟାଁ ଭାବବାଣୀ ଜଲିତେରି ଯେ ଏମିନିଗାଟାରି ଖ୍ରୀଷ୍ଟଇଁ ପାଇତେରି ଏୱାରି ତାନି ହେମ୍ବରୀ ତାକି ଗୁଲିବାଣ୍ଟ କିନେରି ଅଡ଼େ ର ତଡୁଗାଟାସି ନାମୁଡିକ୍ନେସି । ଯିଖରିୟ ଭାବବାଦୀ ଭାବବାଣୀ ଜଲିତେସି ଯେ ଖ୍ରୀଷ୍ଟଇଁ ନାମୁଡିକ୍ହାଲି ଏ ତଡୁଗାଟାଣାଇଁ ତିରିଶ୍ ଗଟା ଡାବୁ ହିନେରି ।

![](https://cdn.door43.org/obs/jpg/360px/obs-en-21-12.jpg)

ଭାବବାଦୀୟାଁ ଅଡ଼େ ଜିକେଏ ଜଲାମାଚେରି ଖ୍ରୀଷ୍ଟ ଏନିକି ହାନେସି । ଯିଶାଇୟ ଭାବବାଣୀ ଜଲିତେସି ଯେ ଲୋକୁ ଖ୍ରୀଷ୍ଟଇଁ ହୁପିନେରି, ତାଂଗେ ଲାଜାକିହିଁ କାକ୍ନେରି ଅଡ଼େ ତାଂଗେ ବେଃନେରି ( ବିଦା, ଲାତା ) । ଏୱାରି ତାଂଗେ ବେଃନେରି ଅଡ଼େ ଏୱାସି ହାରେକା ତାଡ଼ନା ଅଡ଼େ କଷ୍ଟତା ହାନେସି ଏନି ଲାଗେଃତି କାମା କିଃଆନା ।

![](https://cdn.door43.org/obs/jpg/360px/obs-en-21-13.jpg)

ଭାବବାଦୀୟାଁ ଅଡ଼େ ଜିକେଏ ଜଲିତେରି ଯେ ଖ୍ରୀଷ୍ଟ ସାତାଗାଟାସି ଆନେସି ଅଡ଼େ ଏମିନିଗାଟାଣା ୱାଇ ଏନି ପାପୁ ଜିକେଏ ଡ଼ୟେଏ । ଏୱାସି ଏଟ୍କା ଲୋକୁତି ପାପୁତି ବାକାଇଁ ତାନୁ ଅହାଲି ତାକି ହାନେସି । ତାମି ବାକା ମାହାପୁରୁ ଅଡ଼େ ଲୋକୁ ବିତ୍ରା ସୁକୁ ତାନେ । ଇଦାଆଁତାକି, ଖ୍ରୀଷ୍ଟ ହାହାଲି ତାକି ମାହାପୁରୁ ଅଣପିତେସି ।

![](https://cdn.door43.org/obs/jpg/360px/obs-en-21-14.jpg)

ଭାବବାଦୀୟାଁ ଭାବବାଣୀତା ଜଲିତେରି ଯେ ଖ୍ରୀଷ୍ଟ ହାନେସି ଅଡ଼େ ମାହାପୁରୁ ତାଂଗେ ନିକ୍ନେସି । ଖ୍ରୀଷ୍ଟତି ହାକି ଅଡ଼େ ୱେଣ୍ଡେନିଂଗିନାଇ ପାପୁ ଲୋକୁଣି ଗେଲ୍ପିନ ଅଡ଼େ ପୁଃନି ମେରା ମାଠ୍ନି ତାକି ମାହାପୁରୁ ତାନି ଅଣପୁଇଁ ଆୱି କିନେସି ।

![](https://cdn.door43.org/obs/jpg/360px/obs-en-21-15.jpg)

ମାହାପୁରୁ ଖ୍ରୀଷ୍ଟ କାତାତି ଭାବବାଦୀଣୀଁ ହାରେକା କାତା ୱେସ୍ତେସି, ମାତ୍ର ଖ୍ରୀଷ୍ଟ ଇ ବାରେ ଭାବବାଦୀଁଟିଏ ଆମ୍ବାଃରି ବେଲାତା ଜିକେଏ ୱାହା ହିଲାଃତେସି । ଇ ବାରେ ଭାବବାଣୀ ହିନି ୪୦୦ଟିଏ ଲାକ ବାର୍ଷା ଡାୟୁ, ବେଲାତାଏ, ମାହାପୁରୁ ଇ ଦାର୍ତିତା ଖ୍ରୀଷ୍ଟଇଁ ପାଣ୍ଡିତେସି ।

*ବାଇବଲତି ର ପୁସ୍ପନି: ଆଦି ୩:୧୫;୧୨:୧-୩; ଦ୍ୱିତୀୟ ବିବରଣ ୧୮:୧୫; ୨ଶାମୁୟେଲ ୭; ଯିରିମିୟ ୩୧; ଯିଶାଇୟ ୫୯:୧୬; ଦାନିୟେଲ ୭; ମଲାଖି୪:୫; ଯିଶାଇୟ ୭:୧୪; ମୀଖା୫:୨; ଯିଶାଇୟ ୯:୧-୭; ୩୫:୩-୫;୬୧;୫୩; ଗୀତସଂହିତା ୨୨:୧୮;୩୫:୧୮;୬୯:୪; ଯିଖରିୟ ୧୧:୧୨-୧୩; ଯିଶାଇୟ ୫୦:୬; ଗୀତସଂହିତା ୧୬:୧୦-୧୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_21_96kbps.mp3

## 22. ଡୁବକ ଯୋହନ ଜାର୍ନା

https://openbiblestories.org/l/kxv/story-22/

![](https://cdn.door43.org/obs/jpg/360px/obs-en-22-01.jpg)

ନକେଏ, ମାହାପୁରୁ ତାନି ଦୂତୁୟାଁ ଅଡ଼େ ଭାବବାଦୀଁଟିଏ ଜଲାମାଚେସି । ମାତ୍ର ୪୦୦ ବାର୍ଷା ହାଚେ ମାତ୍ର ଏ ପାତେକା ଏୱାରାଇଁ ଜଲା ଲାଃତେସି । ସାଣେକା ଟିଏ ର ଦୂତୁ ମାହାପୁରୁଟିଏ ର କାତା ଚାଚିହିଁ ଯିଖରିୟ ଦରୁଗାଟି ର ବୁଢ଼୍ହା ତାଣା ୱାତେ । ଯିଖରିୟଅଡ଼େ ତାନି ଡକ୍ରୀ ଇଲିଶାବେଥ ମାହାପୁରୁତି ଲୋକୁ ମାଚୁ, ମାତ୍ର ଏଦି ପାଟାଲି ଆଡାଃଗାଟାଇ ମାଚେ ।

![](https://cdn.door43.org/obs/jpg/360px/obs-en-22-02.jpg)

ଦୂତୁ ଯିଖରିୟଇଁ ଜଲିତେ, “ନି ଡକ୍ରୀ ର କକାଣାଇଁ ଜାର୍ନା ହିନେ । ନିନୁ ଏୱାଣାଇଁ ଯୋହନ ଇଞ୍ଜି ଦରୁ ଇଟିଦି । ଏୱାସି ପବିତ୍ର ଆତ୍ମାତଲେ ଡ଼ଇନେସି ଅଡ଼େ ଖ୍ରୀଷ୍ଟତାକି ଲୋକୁଣି ତିଆର୍ କିନେସି । ଯିଖରିୟ ଜଲିତେସି “ନାନୁ ଅଡ଼େ ନା ଡକ୍ରୀ ତ ପାଟାଲି ତାକି ହାରେକା ବୁଢ଼୍ହା ବୁଢ଼୍ହି ଆତମିଏ ! ଇଦି ଆନେ ଇଞ୍ଜି ଏନିକି ନାନୁ ପୁଇଁ ?”

![](https://cdn.door43.org/obs/jpg/360px/obs-en-22-03.jpg)

ଦୂତୁ ଯିଖରିୟଇଁ ଜଲିତେ “ଇ ନେହି କାବ୍ରୁ ନିଂଗ ହିହାଲିତାକି ମାହାପୁରୁ ପାଣ୍ଡାମାଞ୍ଜାନେସି । ଏନାଆତାକି ଇଚିସାରେ ନିନୁ ନା ତାଣା ନାମାଃତି ଲାକା ମିର୍ଏସି ଜାର୍ନା ଆନି ପାତେକା ନିନୁ କାତା ଆହାଲି ଆଡଃତି ।” ରେଟୁଲିଏ ଯିଖରିୟ କାତା ଜଲାଲି ଆଡାଃତେସିଦେହେଁ । ଏଦାଆଁ ଜେଚ ଏ ଦୂତୁ ତାଂଗେ ପିସା ହାଚେ । ଇଦାଆଁ ଜେଚ, ଯିଖରିୟ ଇଜ ୱେଣ୍ଡା ହାଚେସି ଅଡ଼େ ତାନି ଡକ୍ରୀ ବାଣ୍ଡିତା ଆତେ ।

![](https://cdn.door43.org/obs/jpg/360px/obs-en-22-04.jpg)

ଇଲିଶାବେଥ ଏଚିବେଲା ଶ ଲେଞ୍ଜୁତାକି ବାଣ୍ଡିତା ଡାଲୁ ମାଚେ,ଏ ଦୂତୁ ଇଲିଶାବେଥତି ଲୋକୁଇଁ, ଚଞ୍ଜା ଆତେ ତାନି ଦରୁ ମରିୟମ ମାଚେ । ଏଦି ର ଦାଂଏଣୀ ମାଚେ ଅଡ଼େ ଯୋଷେଫ ଦରୁଗାଟାସି ରଅଣାଇଁ ବିହାତାକି ରିସ୍ପି ଆହାମାଚେ । ଦୂତୁ ଜଲିତେ “ନିନୁ ବାଣ୍ଡିତା ଆହାଁ ର ମିର୍ଏଣାଇଁ ଜାର୍ନାକିଦି । ନିନୁ ତାନି ଦରୁ ଯୀଶୁ ଇଟିଦି । ଏୱାସି ଲାକପୁରୁତି ମାହାପୁରୁତି ମିର୍ଏସି ଆନେସି ଅଡ଼େ କାଲାକାଲାତାକି ତାକି କିନେସି ।”

![](https://cdn.door43.org/obs/jpg/360px/obs-en-22-05.jpg)

ମରିୟମ ଜଲିତେ “ଇଦି ଏନିକି ଆନେ, ଏନିକିଇଚିସାରେ ନାନୁ ର ଦାଂଏଣୀ ତେଏଁ ?” ଦୂତୁ ତେଲ୍ପିକିତେ “ପବିତ୍ର ଆତ୍ମା ନି ଲାକ ୱାନେ, ଅଡ଼େ ମାହାପୁରୁତି ବ୍ଡ଼ାୟୁ ନିଂଗ ପ୍ଡ଼ିକ୍ହାନେ । ଏଦାଆଁତାକି ଏ ଡାଲୁ ଦାର୍ମୁ ଅଡ଼େ ମାହାପୁରୁତି ମିର୍ଏସି ଆନେସି ।” ଦୁତୁ ଏଦାନୀ ଏନାଆଁ ଜଲାମାଚେ ମରିୟମ ଏଦାଆଁ ନାମିତେ ।

![](https://cdn.door43.org/obs/jpg/360px/obs-en-22-06.jpg)

ଦୂତୁ ମରିୟମଇଁ ଜଲିତି ଜେଚ, ଏଦୀ ହାଜାହାଁ ଇଲିଶାବେଥ ତାଣା ହାଚେ । ଇଲିଶାବେଥ ମରିୟମଇଁ ଜହରା କିତେ ୱେଞ୍ଜିତି ରେଟୁଲିଏ ଇଲିଶାବେଥ ବାଣ୍ଡିତା ମାନି ଡାଲୁ ଡେଁୱିତେ । ତାମ୍ଗେ ମାହାପୁରୁ ଏନାଆଁ କିହାମାଚେସି ଏକାତାଇଁ ଅଣପିହିଁ ଆୟାସ୍କା କୁଡ଼ାଆହାଁ ରାହାଁ ଆତୁ । ମରିୟମ ଇଲିଶାବେଥଇଁ ଆଣ୍ଡିତି ତିନି ଲେଞ୍ଜୁ ଡାୟୁ ମରିୟମ ଇଜ ୱେଣ୍ଡିତେ ।

![](https://cdn.door43.org/obs/jpg/360px/obs-en-22-07.jpg)

ଇଲିଶାବେଥ ତାନି ଡାଲୁଇଁ ଜାର୍ନା ହିତି ଡାୟୁ, ଯିଖରିୟ ଅଡ଼େ ଇଲିଶାବେଥ, ଦୂତୁ ହୁକୁମ ହିତି ଲେହେଁ ଯୋହନ ଦରୁ ହିତୁ । ତାନିଜେଚ ମାହାପୁରୁ ଯିଖରିୟଇଁ କାତା ଜଲିନି ତାକି ୱେଣ୍ଡେଏ ଆଣ୍ଟୱା କିତେସି । ଯିଖରିୟ ଜଲିତେସି “ମାହାପୁରୁତି ଗାଉରମି ଆପେ, ଏନାଆତାକିଇଚିସାରେ ଏୱାସି ତାମି ଲୋକୁଣି ଅଣପିମାନେସି !” ନା ମିର୍ଏତି, ନିଂଗ ଲାକପୁରୁତି ମାହାପୁରୁତି ଭାବବାଦୀ ଇଞ୍ଜି ହାଟ୍କି ଆନେ ଏମିନିଗାଟାସି ଏନିକି ଲୋକୁ ତାମି ପାପୁଟି କ୍ଷମା ବେଟା ଆନେରି ଏଦାଆଁ ଏୱାରାଇଁ ୱେହ୍ନେସି ।

*ବାଇବଲଟିଏ ର ପୁସ୍ପନି: ଲୁକ ୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_22_96kbps.mp3

## 23. ଯୀଶୁତି ଜାର୍ନା

https://openbiblestories.org/l/kxv/story-23/

![](https://cdn.door43.org/obs/jpg/360px/obs-en-23-01.jpg)

ଯୋଶେଫ ଦରୁ ଗାଟାସି ର ଦାର୍ମୁ ଲୋକୁ ତଲେ ମରିୟମତି ବିହା ତାକି ରିସ୍ପି ଆହାମାଚେ । ମରିୟମ ବାଣ୍ଡିତା ଆହାମାନେ ଇଞ୍ଜି ଏୱାସି ପୁଚେସି, ଏୱାସି ପୁଞ୍ଜାମାଚେସି ଏ ଡାଲୁ ତାନିୱାଇ ଆଏ । ମରିୟମଇଁ ଲାଜା କିହାଲିତାକି ଅଣପାଃତେସି, ଏଦାଆଁତାକି ଏୱାସି ଡ଼ୁକ୍ହାଁ ତାଂଗେ ହେଲଟାକା ହିହାଁ ପିସାଲିତାକି ଅଣପିତେସି । ଏୱାସି ଏଲେହେଁ କିନି ନକେଏ ର ଦୂତୁ ତାନି ଡାଗେ ୱାହାଁ ହାପ୍ନାତା ତାଂଗେ ଜଲିତେ ।

![](https://cdn.door43.org/obs/jpg/360px/obs-en-23-02.jpg)

ଦୂତୁ ଜଲିତେ “ଯୋଶେଫ, ନି ଡକ୍ରୀ ମରିୟମଇଁ ଅହାଲିତାକି ଆଜାଃନି । ତାନି ବାଣ୍ଡିତା ମାନି ଡାଲୁ ପବିତ୍ରଆତ୍ମାଟିଏ ଆହାମାନେ । ଏଦି ର ମିର୍ଏଣାଇଁ ଜାର୍ନା ହିନେ । ତାନି ଦରୁ ଯୀଶୁ ଇଟାଦୁ (ଏମିନି ଅର୍ତ “ମାହାପୁରୁ ଗେଲ୍ପିନାସି” ), ଏନାଃତାକି ଇଚିସାରେ ଏୱାସି ଲୋକୁଣି ତାମି ପାପୁଟିଏ ଗେଲ୍ପିନେସି ।”

![](https://cdn.door43.org/obs/jpg/360px/obs-en-23-03.jpg)

ଏଦାଆଁତାକି ଯୋଶେଫ ମରିୟମଇଁ ବିହା ଆତେସି ଅଡ଼େ ତାଂଗେ ଡକ୍ରୀ ଲେହେଁ ଅତେସି ଅଡ଼େ ତାନି ଇଜ ଅତେସି ମାତ୍ର ଏୱାସି ମିର୍କାମାସ୍କା ଜାର୍ନା ଆନି ପାତେକା ତାନି ତଲେ ବାସା କିତେସି ।

![](https://cdn.door43.org/obs/jpg/360px/obs-en-23-04.jpg)

ଏଚିବେଲା ମରିୟମତି ଜାର୍ନା କିନିବେଲା ୱାତେ, ରୋମିୟ ସରକାର ବାରେତିଇଁ ତାମି ଆବାଁ ଟାୟୁତା ହାଜାହାଁ ଲୋକୁଣି ଏଜିକିନିତାଣା ହାଜାଲିତାକି ଜଲିତେସି । ଯୋଶେଫ ଅଡ଼େ ମରିୟମ ବାସା କିହିମାନି ନାଜରିତଟିଏ ହେକ ହାଜାହାଁ ବେଥଲିହିମ ହାଜାଲି ଲାଗିତେ ଏନାଃକି ଇଚିସାରେ ତାମି ଆବାଁ ଗଚି ଦାଉଦତି ଗାଡ଼ା ବେଥଲିହିମ ମାଚେ ।

![](https://cdn.door43.org/obs/jpg/360px/obs-en-23-05.jpg)

ଏୱା ଏଚିବେଲା ବେଥଲିହିମତା ଏତୁ, ତାମ୍ଗେ ଡ଼ୟାଲିତାକି ଟାୟୁ ହିଲାଃତେ । ପଶୁଁ ଡ଼ଇନି ଇଜ ତାମ୍ବୁ ଟାୟୁ ବେଟା ଆତୁ । ଡାଲୁ ଏମ୍ବାଆଁ ଜାର୍ନା ଆହା ମାଚେ ଅଡ଼େ ତାନି ଆୟା କଡିଁ ତିନି ଦନିତା ତ୍ରିପ୍ହାମାଚେ, ଏନାଆତାକି ଇଚିସାରେ ତାଂଗେ ତ୍ରିପ୍ହାଲିତାକି ତାମି ପାସ୍ପନି ଜିକେଏ ହିଲାଃତେ । ଏୱା ତାଙ୍ଗେ ଯୀଶୁ ଦରୁ ଇଟିତୁ ।

![](https://cdn.door43.org/obs/jpg/360px/obs-en-23-06.jpg)

ଏ ଲାଆଁ ଟଟ ର ବାଡ଼ାତା କଚେକା ଗଡ୍କା ତାମି ପଶୁଁଣୀ କାଚି ମାଚେରି । ର ଉଜେଡ଼ି ଦୂତୁ ତାମି ଡାଗେ ନିତେ, ଏୱାରି ଆଜାହାଚେରି । ଦୂତୁ ଜଲିତେ “ଆଜାଃଦୁ, ନାନୁ ମି ତାକି ର ନେହି କାବ୍ରୁ ଚାଚା ମାଃଇଁ । ମାହାପୁରୁ ଖ୍ରୀଷ୍ଟ ବେଥଲିହିମତା ଜାର୍ନା ଆହାମାନେସି!”

![](https://cdn.door43.org/obs/jpg/360px/obs-en-23-07.jpg)

“ଏ ଡାଲୁତିଇଁ ପାରାଦୁ, ଅଡ଼େ ମିରୁ ଏୱାଣାଇଁ ହାଃଲାତି ଦନିତା ହେମ୍ବରି ପ୍ଡ଼ିକ୍ୱି ଆହା ଡ଼ଇନେ ଅଡ଼େ ଡୁରାଣାଇଁ ମେହ୍ଦେରି । “ହାଗୁ ଦୂତୁୟାଁ ତଲେ ବର୍ତି ଆତୁ ଅଡ଼େ ମାହାପୁରୁତି ଗାଉରମି କିତୁ ଅଡ଼େ ଜଲିତୁ, “ଲାକମାନି ଲୋକୁତାଣା ମାହାପୁରୁତି ଗାଉରମି ଅଡ଼େ ଦାର୍ତିତା ତାନି ରାହାଁ ମାଣ୍ସି ତାଣା ହିତିଡ଼ି ୱାପେ !”

![](https://cdn.door43.org/obs/jpg/360px/obs-en-23-08.jpg)

ଗଡ଼୍କାଁ ଜିକି ଜିକି ଯୀଶୁ ଏମିନିତାଣା ମାଚେସି ଏମ୍ବାଆଁ ଏତେରି ଅଡ଼େ ଏୱାରି ତାଂଗେ ଦୂତୁ ଜଲାମାନି ଲେହେଁ ହାଃଲାତା କଡିଁ ତିନି ଦନିତା ହୁଞ୍ଜାମାନାଣାଇଁ ମେସ୍ତେରି । ଏୱାରି ହାରେକା ରାହାଁ ଆହାମାଚେରି । ଗଡ଼୍କାଁ ବାଡ଼ାତା ଏତେରି ଏମିନିତାଣା ତାମି ମେଣ୍ଡାଁ ମାଚୁ ଅଡ଼େ ଏୱାରି ଏନାଆଁ ୱେଞ୍ଜାମାଚେରି ଅଡ଼େ ମେସାମାଚେରି ଏଦାଆଁ ତାକି ମାହାପୁରୁତି ଗାଉରମି କିହିମାଚେରି ।

![](https://cdn.door43.org/obs/jpg/360px/obs-en-23-09.jpg)

ସାଣେକା ଡାୟୁ, ପୂର୍ବ ଦେଶାଟି ୱାହାମାନି ପଣ୍ଡିତୟାଁ ହାଗୁଟି ର ମସ୍ତରତି ହୁକା ମେସ୍ତେରି । ଏୱାରି ହିୟାଁତା ଇଟିତେରି ଅଡ଼େ ଯିହୁଦୀଁତି ପୁଃନି ରାଜା ଜାର୍ନା ଆନି କାତା ତେଲ୍ପି କିହି ମାଚେରି । ଏଦାଆଁତାକି, ଏୱାରି ଇ ରାଜାଇଁ ମେସାଲି ତାକି ହେକଟି ୱାହି ମାଚେରି । ଏୱାରି ବେଥଲିହିମତା ୱାତେରି ଅଡ଼େ ଯୀଶୁ ଅଡ଼େ ତାନି ଆୟା ଆବା ଏମିନି ଇଜ ଡ଼ଇ ମାଚେରି ଏ ଇଲୁ ବେଟା ଆତେରି ।

![](https://cdn.door43.org/obs/jpg/360px/obs-en-23-10.jpg)

ପଣ୍ଡିତୟାଁ ଏଚିବେଲା ଯୀଶୁଇଁ ତାନି ଆୟାତଲେ ମେସ୍ତେରି, ଏୱାରି ବୁମିତା କୁତିକିହାଁ ତାଂଗେ ଜହରା କିତେରି । ଏୱାରି ଯୀଶୁଇଁ ଦାରାଗାଟି ଜିନିଷ ହିତେରି । ତାନି ଜେଚ ଏୱାରି ଯାହାର ଇଜ ୱେଣ୍ଡା ୱାତେରି ।

*ବାଇବଲତି ର ପୁସ୍ପନି: ମାଥିଉ ୧; ଲୁକ ୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_23_96kbps.mp3

## 24. ଯୋହନ ଯୀଶୁଇଁ ଡୁବନ ହିନେସି

https://openbiblestories.org/l/kxv/story-24/

![](https://cdn.door43.org/obs/jpg/360px/obs-en-24-01.jpg)

ଯିଖରିୟ ଅଡ଼େ ଇଲିଶାବେଥତି ମିର୍ଏସି ଯୋହନ କାଜାସି ଆହାଁ ର ଭାବବାଦୀ ଆତେସି । ଏୱାସି ପାକା ହରୁତା ବାସା କିତେସି, କ୍ରିୟାଁ ଅଡ଼େ ପ୍ଡିକା ଚିଞ୍ଜି ମାଚେସି, ଅଡ଼େ ଉଣ୍ଟୁତି ତଲୁଇଁ ହେମ୍ବରୀ କିହାଁ ତୁର୍ହି ମାଚେସି ।

![](https://cdn.door43.org/obs/jpg/360px/obs-en-24-02.jpg)

ହାରେକା ଲୋକୁ ଯୋହନତି କାତା ୱେଞ୍ଜାଲି ତାକି ପାକା ହରୁଟି ୱାହାମାଚେରି । ଏୱାସି ଏୱାରାଇଁ ୱେକ୍ହେସି “ହିୟାଁ ବାଦ୍ଲି କିଦୁ, ଏନାଆ ତାକି ଇଚିସାରେ ମାହାପୁରୁତି ରାଜି ଡାଗେ ୱାହି ମାନେ !”

![](https://cdn.door43.org/obs/jpg/360px/obs-en-24-03.jpg)

ଲୋକୁ ଏଚିବେଲା ଯୋହନତି ବୋଲୁ ୱେଚେରି, ତାମି ବିତ୍ରା ହାରେକା ତାମି ପାପୁଟି ବାଦ୍ଲି ଆତେରି, ଅଡ଼େ ଯୋହନ ତାମ୍ଗେ ଡୁବନ ହିତେସି । ହାରେକା ଦାର୍ମୁ ନେତାଁ ଜିକେଏ ଯୋହନଟିଏ ଡୁବନ ଅହାଲିତାକି ୱାତେରି, ମାତ୍ର ଏୱାରି ହିୟାଁ ବାଦ୍ଲି କିଃଆନା ଅଡ଼େ ଏୱାରି ତାମି ପାପୁଇଁ ତେଲ୍ହାଲାଃତେରି ।

![](https://cdn.door43.org/obs/jpg/360px/obs-en-24-04.jpg)

ଯୋହନ ଏ ଦାର୍ମୁ ନେତାଁଣୀ ଏଲିଇଚେସି “ହେ କାଡ଼ାହାଚି ରାଚୁତି ଗଚିତାତେରି! ତେଲ୍ହା କଡାଦୁ ଅଡ଼େ ମି ଜଲାଜକଡ଼ି ବାଦ୍ଲିକିଦୁ । ଏମିନିଗାଟି ମାର୍ନୁ ନେହି ପାଡ଼େଇ ହିଃଏ ଏଦାଣୀ ଟୁଣ୍ପି ଆନେ ଅଡ଼େ ହିଚୁତା କୁତୁସ୍ପି ଆନେ ।” ଭାବବାଦୀୟାଁ ଏନାଏନାଆଁ ତାମି କାତା ୱେସାମାଞ୍ଜାତେରି ଯୋହନ ଏଦାଣୀ କିତେସି “ମେହ୍‌ଦୁ, ନାନୁ ମି ନକିତା ନା ଦୂତୁଁଣୀ ପାଣ୍ଡିମାଞ୍ଜାଇଁ ଏମିନିଗାଟାଇ ମି ଜିରୁ ତିଆର୍ କିନୁ ।”

![](https://cdn.door43.org/obs/jpg/360px/obs-en-24-05.jpg)

କଚେକା ଯିହୁଦୀୟାଁ ଯୋହନଇଁ ଇୱାସିଏ ଖ୍ରୀଷ୍ଟ କି ଇଞ୍ଜି ୱେଚେରି । ଯୋହନ ଏଲେଇଚେସି, “ନାନୁ ଖ୍ରୀଷ୍ଟ ଆଃଏ, ମାତ୍ର ନା ଜେଚ ରଅସି ୱାହି ମାନେସି । ଏୱାସି ଇଚେକା କାଜାସି ଯେ ତାନି ପାଣ୍ଡେଇ ଦସ୍ପିଆତି ଡରି ଜିକେଏ ହୁକ୍ହାଲି ତାକି ନାନୁ ଯୋଗ୍ୟ ଆଃଏ ।”

![](https://cdn.door43.org/obs/jpg/360px/obs-en-24-06.jpg)

ଜେଚଦିନା ଯୋହନଟିଏ ଡୁବନ ଅହାଲି ତାକି ଯୀଶୁ ୱାତେସି । ଯୋହନ ଏଚିବେଲା ତାଂଗେ ମେସ୍ତେସି, ଏୱାସି ଜଲିତେସି “ଇୱାସି ମେହ୍‌ଦୁ ! ମାହାପୁରୁତି ମିର୍ଏସି ଏମିନିଗାଟାସି ଦାର୍ତିତି ପାପୁତି ବୋଜୁ ଡେକା ଅନେସି ।”

![](https://cdn.door43.org/obs/jpg/360px/obs-en-24-07.jpg)

ଯୋହନ ଯୀଶୁଇଁ ଜଲିତେସି” ନିଙ୍ଗ ଡୁବନ ହିହାଲିତାକି ନାନୁ ଯୋଗ୍ୟ ଆଏ । ଅଡ଼େ ନିନୁ ନାଂଗ ଡୁବନ ହିନି କାତା ।” ମାତ୍ର ଯୀଶୁ ଜଲିତେସି “ନିନୁ ନାଂଗେ ଡୁବନ ହିହାଲି ଲାଗିନେ, ଏନାଃତାକିଇଚିସାରେ ଇଲେହେଁଏ ବାରେ ଦାର୍ମୁ ପୁରାଆନେ ଏଦାଆଁ ତାକି ଯୋହନ ତାଂଗେ ଡୁବନ ହିତେସି, ଯୀଶୁ ଏଚେଲା ପାପୁ କିଃଆତିହିଁ ଜିକେଃଏ ।

![](https://cdn.door43.org/obs/jpg/360px/obs-en-24-08.jpg)

ଡୁବନ ଅତି ଜେଚ ଏଚିବେଲା ଯୀଶୁ ଏୟୁଟି ହଚା ୱାତେସି, ମାହାପୁରୁତି ଆତ୍ମା ର ପାର୍ୱା ଲେହେଁ ଚଞ୍ଜା ଆତେ ଅଡ଼େ ଏଦୀ ଡ଼କି ରେଚା ୱାହାଁ ତାନି ଲାକ କୁଗିତେ । ଏଚିବେଲାତା, ମାହାପୁରୁତି ବୋଲୁ ହାଗୁଟି ୱେଂଗି ୱାତେ ଅଡ଼େ ଜଲିତେସି, “ନିନୁ ନା ମିର୍ଏତି ଆମ୍ବାର୍ ତାଣା ନାନୁ ହାରେକା ରାହାଁ ଆତେଏଁ ।”

![](https://cdn.door43.org/obs/jpg/360px/obs-en-24-09.jpg)

ମାହାପୁରୁ ଯୋହନଇଁ ଜଲାମାଚେସି “ନିନୁ ଆମ୍ବାରାଇଁ ଡୁବନ ହିଦି ତାନି ଲାକ ପବିତ୍ର ଆତ୍ମା ୱାନେ ଅଡ଼େ ଡ଼ଇନେ । ଏୱାସି ମାହାପୁରୁତି ମିର୍ଏସି ।” ୱାର୍ଇ ରଅସି ମାହାପୁରୁ ମାନେସି । ମାତ୍ର ଯୋହନ ଏଚିବେଲା ଯୀଶୁଇଁ ଡୁବନ ହିତେସି, ଏ ଆବା କାତା ଆହିମାନାଣୀ ୱେଚେସି, ମାହାପୁରୁ ମିର୍ଏସି ଯୀଶୁଇଁ ମେସ୍ତେସି, ଅଡ଼େ ପବିତ୍ର ଆତ୍ମାଇଁ ମେସ୍ତେସି ।

*ବାଇବଲତି ର ପୁସ୍ପନି: ମାଥିଉ ୩; ମାର୍କ ୧:୯ -୧୧; ଲୁକ ୩:୧-୨୩*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_24_96kbps.mp3

## 25. ଶୟତାନ ଯୀଶୁ ଇଁ ପରୀକ୍ଷା କିନେ

https://openbiblestories.org/l/kxv/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁ ଡୁବନ ଅତି ରେଟୁଲିଏ ପବିତ୍ରଆତ୍ମା ତାଂଗେ ପାକା ହରୁ ୱାକି ତାକି କିତେ, ଏମିନିତାଣା ଏୱାସି ଚାଲିଶ୍ ଦିନା ଅଡ଼େ ଚାଲିଶ୍ ଲାଆଁ ଉପାସ୍ କିତେସି । ଏଦାଆଁଜେଚ ଶୟତାନ ଯୀଶୁ ତାଣା ୱାତେ ଅଡ଼େ ତାଂଗେ ପାପୁ କିହାଲି ତାକି ଲୋବୁ ତସ୍ତେ ।

![](https://cdn.door43.org/obs/jpg/360px/obs-en-25-02.jpg)

ଶୟତାନ ଇଦାଆଁ ୱେସାହାଁ ଯୀଶୁଇଁ ଲୋବୁ ତସାମାଚେ “ନିନୁ ମାହାପୁରୁ ମିର୍ଏତି ଇଚିସାରେ, ଇ ୱାଲ୍କାଇଁ ରୁଟିତା ବାଦ୍ଲି ଆହାଲିତାକି ହୁକୁମ୍ ହିମୁ !”

![](https://cdn.door43.org/obs/jpg/360px/obs-en-25-03.jpg)

ଯୀଶୁ ଉତ୍ତର ହିତେସି “ମାହାପୁରୁତି ବୋଲୁତା ରାଚ୍କି ଆହାମାନେ,’ ମାଣ୍ସି ୱାର୍ଇ ରୁଟି ତଲେ ନିଡଃରି ମାତ୍ର, ମାହାପୁରୁତି ଗୁତିଟି ହତି ବାରେ ବୋଲୁଟି ନିଡିନେରି !”

![](https://cdn.door43.org/obs/jpg/360px/obs-en-25-04.jpg)

ଏଦାଆଁ ଜେଚ ଶୟତାନ ମନ୍ଦିରତି ଟିପୁତା ଅହାଁ ତାଂଗେ ଏଲେଇଚେ” ନିନୁ ମାହାପୁରୁତି ମିର୍ଏତି ଇଚିସାରେ, ଡ଼କି ଡେୱାଁତୁଃମୁ, ଏନାଆତାକି ଇଚିସାରେ ରାସ୍କି ଆହାମାନେ, ନି ଗୁଃନା ଏନିକି ଗାହାଁ ଆଃଏ ଏଦାଆଁ ତାକି ଏୱା ନିଂଗ କେୟୁ ତଲେ ଆସାଲି ତାକି ମାହାପୁରୁ ଦୂତଁଣୀ ହୁକୁମ୍ ହିନେସି ।”

![](https://cdn.door43.org/obs/jpg/360px/obs-en-25-05.jpg)

ମାତ୍ର ଯୀଶୁ ଶାସ୍ତ୍ରଟିଏ ଶୟତାନଇଁ ଜଲିତେସି । ଏୱାସି ଜଲିତେସି “ମାହାପୁରୁ ବୋଲୁତା, ଏୱାସି ତାନି ଲୋକୁଣି ହୁକୁମ୍ ହିତେସି ‘ମି ମାପୃ ଆପାଣା ମାହାପୁରୁଇଁ ପରୀକ୍ଷା କିଅଃତି ।”

![](https://cdn.door43.org/obs/jpg/360px/obs-en-25-06.jpg)

ଏଦାଆଁଜେଚ ଶୟତାନ ଦାର୍ତିତି ବାରେ ରାଜି ଅଡ଼େ ଏ ବାରେ ଅଜିତି ବୁମି ବାଡ଼ା ତସିହିଁ ଏଲେଇଚେ “ନିନୁ ଉଣା ଆହାଁ ନାଂଗେ ଜହରା କିୟାତିସାରେ ନାନୁ ଇ ବାରେ ନିଂଗ ହିୟାଇଁ ।”

![](https://cdn.door43.org/obs/jpg/360px/obs-en-25-07.jpg)

ଯୀଶୁ ଏଲେଇଚେସି “ହେକ ଆମୁ ଶୟତାନ! ମାହାପୁରୁବୋଲୁତା ଲୋକୁଣି ଜଲ୍‌କି ଆହାମାନେ ‘ନିନୁ ୱାର୍ଇ ନି ମାହାପୁରୁଇଁ ଏ ପୂଜା କିଦି ଅଡ଼େ ତାନି ସେବା କିଦି ।”

![](https://cdn.door43.org/obs/jpg/360px/obs-en-25-08.jpg)

ଯୀଶୁ ଶୟତାନତି ଲୋବୁତା ଆପାଣାଇଁ ହିହାଲାଃତେସି, ଏଦାଆଁ ତାକି ତାଂଗେ ପିସାହାଁ ହାଜାମାଚେ । ଏଦାଆଁ ଜେଚ ଦୂତୁୟାଁ ୱାହାଁ ଯୀଶୁଇଁ ସେବା କିତୁ ।

*ବାଇବଲତି ର ପୁସ୍ପନି: ମାଥିଉ ୪:୧-୧୧; ମାର୍କ ୧:୧୨-୧୩; ଲୁକ ୪:୧-୧୩*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_25_96kbps.mp3

## 26. ଯୀଶୁ ତାନି ସେବା କାମା ମାଟ୍ନେସି

https://openbiblestories.org/l/kxv/story-26/

![](https://cdn.door43.org/obs/jpg/360px/obs-en-26-01.jpg)

ଶୟତାନତି ଲୋବୁତା ଜିଣା ଆତି ଜେଚ, ଯୀଶୁ ପବିତ୍ରଆତ୍ମାତି ବ୍ଡ଼ାୟୁ ତଲେ ଏୱାସି ସେବା କିହିମାନି ଗାଲିଲୀ ୱାକି ୱାତେସି । ଯୀଶୁ ଜାପ୍ହାହାଁ ର ର ଟାୟୁତା ରେଚେସି । ବାରେ ଜାଣା ତାନି କାତାଇଁତି ନେହି କାତା ଇଚେରି ।

![](https://cdn.door43.org/obs/jpg/360px/obs-en-26-02.jpg)

ଯୀଶୁ ଏମିନି ନାଜରିତତା ତାନି ଉଣାୱେଡ଼ାଟିଏ ଡ଼ଇମାଚେସି, ଏ ଗାଡ଼ାତା ହାଚେସି । ଜମିନିଦିନାତା ଏୱାସି ପାର୍ତନା କିନି ତାଣା ହାଚେସି । ତାନି କେୟୁତା ଗୁର୍ତି ଆତି ର ବହି (ଏ ବେଲା ମାଚେ ପାଣ୍ଇ ମେରା) ହିପ୍କି ଆତେ ଏନିକିକି ଏୱାସି ଯିଶାଇୟ ଭାବବାଦୀତି ବହି ପଡ଼ ଆନେସି । ଯୀଶୁ ଗୁର୍ଞ୍ଜିତି ବହିଇଁ ଦେତେସି ଏମ୍ବାତାଇଇଁ ରଚାଇଁ ଲୋକୁ ନକିତା ପଡ଼ ଆତେସି ।

![](https://cdn.door43.org/obs/jpg/360px/obs-en-26-03.jpg)

ଯୀଶୁ ପଡ଼ ଆତେସି “ମାହାପୁରୁ ତାନି ଆତ୍ମା ନାଙ୍ଗେ ହିହାମାଞ୍ଜାନେସି ଏନିକିକି ହିଲାଃଗାଟାରି ତାଣା ମାହାପୁରୁତି ବୋଲୁ ୱେକ୍ହାଲି, ବନ୍ଦୀଗାଟାରିଇଁ ମୁକ୍ଲ ଆନି ବୋଲୁ, କାଣାଇଁ ମେହ୍ନି କାତା, ଅଡ଼େ ହାଡାଚିଚି ଲୋକୁଣି ମୁକ୍ଲ କିନି କାତା ୱେକ୍ଇଁ । ଇଦି କାଲାକାଲା ମାହାପୁରୁତି ହିୟାତି ବାର୍ଷା ।”

![](https://cdn.door43.org/obs/jpg/360px/obs-en-26-04.jpg)

ତାନିଜେଚ ଯୀଶୁ କୁଗିତେସି । ବାରେ ଜାଣା ତାମ୍ଗେ ନେହିକି ସିନିକିତେରି । ଯୀଶୁ ଶାସ୍ତ୍ରତି ଏମିନିଗାଟି ପାଟା ପଡ଼ ଆହାମାଚେସି ଏଦି ଖ୍ରୀଷ୍ଟଇଁ ତସିମାନାଣି ଏୱାରି ତେଲ୍ହା କଡିତେରି । ଯୀଶୁ ଏଲେଇଚେସି “ନାନୁ ଏମିନି ବୋଲୁ ପଡ଼ ଆତେଏଁ ଏଦି ନେଏଁ ଘଟ ଆହି ମାନେ । ଏୱାରି ଏଲେଇଚେରି “ଇୱାସି ଏନାଆଁ ଯୋଷେଫତି ମିର୍ଏସି ଆଃଏ ?”

![](https://cdn.door43.org/obs/jpg/360px/obs-en-26-05.jpg)

ଏଦାଆଁ ଜେଚ ଯୀଶୁ ଏଲେଇଚେସି “ଇଦି ସାତା ଯେ ଏମିନି ଭାବବାଦୀ ଜିକେଏ ତାମି ଗାଡ଼ାତ ଅପ୍‌ୱି ଆଃଅରି । ଏଲୀୟ ଭାବବାଦୀବେଲା ଜିକେଏ ହାରେକା ରାଣ୍ଡେଣୀସ୍କା ମାଚୁ । ମାତ୍ର ଏଚିବେଲା ତିନି ବାର୍ଷା ଆଦା ଆଃଆତେ ଏଚିବେଲା ମାହାପୁରୁ ଏଲୀୟଇଁ ଇସ୍ରାଏଲତା ମାନି ଏ ରାଣ୍ଡେଣୀତାଣା ପାଣ୍ଡାଃନା ଏଟ୍କା ଦେଶାତା ମାନି ରାଣ୍ଡେଣୀ ତାଣା ପାଣ୍ଡାମାଚେସି ।”

![](https://cdn.door43.org/obs/jpg/360px/obs-en-26-06.jpg)

ଯୀଶୁ ୱେସିମାଚେସି “ଅଡ଼େ ଇଲିଶାୟ ଭାବବାଦୀ ବେଲାତି ତଲୁ ରୋଗ ହାରେକା ଇସ୍ରାଏଲତା ମାଚେରି । ମାତ୍ର ଇଲିଶାୟ ତାମି ବିତ୍ରା ଏମ୍ବାରାଇଁ ନେହି କିହାଲାଃତେସି । ଏୱାସି ଇସ୍ରାଏଲତି ଶାତ୍ରୁ ଦେଶାତା ର ସେନାପତି ନାମାନ୍ଇଁ ତଲୁ ରୋଗଟି ୱାର୍ଇ ନେହି କିହାମାଚେସି । ଏମିନି ଲୋକୁ ଯୀଶୁତି କାତା ୱେଞ୍ଜି ମାଚେରି ଏୱାରି ବାରେ ଯିହୁଦୀ ମାଚେରି । ଏଦାଆଁ ତାକି ଏୱାରି ଏଚିବେଲା ଇ ୱେହ୍ନାଣୀଇଁ ୱେଚେରି, ଏୱାରି ତାଂଗେ ହାରେକା କାର୍ବି ଆତେରି ।

![](https://cdn.door43.org/obs/jpg/360px/obs-en-26-07.jpg)

ନାଜରିତତା ମାନି ଲୋକୁ ପାର୍ତନା କିନି ଟାୟୁ ଟିଏ ଯୀଶୁଇଁ ପାଂଗାତା ଚାଚାହାଁ ପାୟାଲି ତାକି ର ଲାକଟି କୁତୁସାଲି ତାକି ଏମ୍ବାଆଁ ତାତେରି । ମାତ୍ର ଯୀଶୁ ଲୋକୁ ମାନ୍ଦାଟି ହାତୁସ୍ତେସି ଅଡ଼େ ନାଜରିତ ଗାଡ଼ା ପିସ୍ତୁସ୍ତେସି ।

![](https://cdn.door43.org/obs/jpg/360px/obs-en-26-08.jpg)

ଏଦାଆଁଜେଚ ଯୀଶୁ ଗାଲିଲୀ ୱାକି ହାଚେସି, ହାରେକା ଲୋକୁ ମାନ୍ଦା ତାନି ଡାଗେ ୱାତେରି । ଏମିନି ଲୋକୁ ମେସାଲି ଆଡିଃଲାଃତେରି, ତାକାଲି ଆଡିଲାଃତେରି, ୱେଞ୍ଜାଲି ଆଡିଲାଃତେରି ଏୱାରା ତଲେ ବାରେ ହାରେକା ରୋଗ ଅଡ଼େ ଆଂଗା ଆଡିଲାଃ ଗାଟାରି ବାରେ ଲୋକୁଣି ତାତେରି ।

![](https://cdn.door43.org/obs/jpg/360px/obs-en-26-09.jpg)

ଡୁମ୍ବା ଆଟିତି ଲୋକୁଣି ଯୀଶୁ ତାଣା ତାପ୍ୱି ଆହିମାଚେ । ଯୀଶୁତି ହୁକୁମ୍ ତଲେ ଡୁମ୍ବାୟାଁ ଲୋକୁଁଟିଏ ହଚା ୱାହିମାଚୁ, ଅଡ଼େ ହାରେକା ବେଲାତା ଏୱା କାଲ ଆହି ମାଚୁ, “ନିନୁ ମାହାପୁରୁତି ମିର୍ଏତି !” ହାରେକା ଜାଣା କାବା ଆହିମାଚେରି ଅଡ଼େ ମାହାପୁରୁଇଁ ପାର୍ତନା କିହିମାଚେରି ।

![](https://cdn.door43.org/obs/jpg/360px/obs-en-26-10.jpg)

ଏଦାଆଁ ଜେଚ ଯୀଶୁ ବାର ଜାଣା ଲୋକୁଇଁ ଆଚିତେସି ଏମିନିଗାଟାରି ପ୍ରେରିତ ଶିଷ୍ୟ ଇଣ୍ବି ଆହିମାଚେ । ଶିଷ୍ୟୟାଁ ଯୀଶୁ ତଲେ ରେଜିମାଚେରି ଅଡ଼େ ତାନି ତାଣାଟିଏ ଜାପିମାଚେରି ।

*ବାଇବଲତି ର ପୁସ୍ପନି: ମାଥିଉ ୪:୧୨-୨୫; ମାର୍କ ୧:୧୪-୧୫; ୩୫-୩୯;୩:୧୩-୨୧; ଲୁକ ୪:୧୪-୩୦,୩୮-୪୪*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_26_96kbps.mp3

## 27. ନେହି ଶମିରୋଣିୟତି ପୁସ୍ପନି

https://openbiblestories.org/l/kxv/story-27/

![](https://cdn.door43.org/obs/jpg/360px/obs-en-27-01.jpg)

ର ଦିନା, ର ଯିହୁଦୀ ପାଣ୍ଇମେରା ପୁଚି ଶାସ୍ତ୍ରଜ୍ଞ ଯୀଶୁଇଁ ପରିକ୍ଷା କିହାଲି ତାକି ୱେଚେସି, “ଗୁରୁ, କାଲାକାଲାତି ଜୀୱୁ ବେଟା ଆହାଲି ତାକି ନାନୁ ଏନାଆଁ କିହାଲି ଲାଗିନେ ?” ଯୀଶୁ ଏଲେଇଚେସି “ପାଣ୍ଇମେରାତା ଏନାଆଁ ରାସ୍କି ଆହାମାନେ ?”

![](https://cdn.door43.org/obs/jpg/360px/obs-en-27-02.jpg)

ପାଣ୍ଇମେରା ପୁଚାସି ଏଲେଇଚେସି ଯେ ମାହାପୁରୁତି ପାଣ୍ଇମେରା ଜଲିମାଞ୍ଜାନେ “ମିରୁ ମାହାପୁରୁଇଁ ମି ବାରେ ହିୟାଁ, ବାରେ ବ୍ଡ଼ାୟୁ ଅଡ଼େ ବାରେ ମନ ହିହାଁ ଜୀୱୁ ନଦୁ । ଅଡ଼େ ମି ଇଲୁ ଟଟ ତାରାଇଁ ହିୟାଁତଲେ ଜୀୱୁ ନଦୁ ।” ଯୀଶୁ ଏଲେଇଚେସି “ନିନୁ ସାତା ଜଲାତି ! ଇଦାଆଁ କିମୁ ଆତିଁଦେ ନିନୁ ନିଡିଦି ।”

![](https://cdn.door43.org/obs/jpg/360px/obs-en-27-03.jpg)

ମାତ୍ର ପାଣ୍ଇମେରା ପୁଚି ଶାସ୍ତ୍ରଜ୍ଞ ଯାହାରାଇଁ ଦାର୍ମୁ ତସା କଡାଲି ୱେଚେସି “ନା ଇଲୁ ଗାଟାତାରି ଏମ୍ବାଃରି ?”

![](https://cdn.door43.org/obs/jpg/360px/obs-en-27-04.jpg)

ଯୀଶୁ ପାଣ୍ଇମେରା ପୁଚି ଶାସ୍ତ୍ରଜ୍ଞଣୀ ର ପୁସ୍ପନି ୱେସାହାଁ ଜଲିତେସି । ରଅସି ଯିରୁଶାଲମ ଜିରୁଟିଏ ଯିରିହୋତା ହାଜିମାଚେସି ।

![](https://cdn.door43.org/obs/jpg/360px/obs-en-27-05.jpg)

ଏୱାସି ଏଚିବେଲା ହାଜିମାଚେସି, ଏଚିବେଲା ଏୱାସି ର ଡାକୁଁ ଦଲ ତାଣା ହେର୍ୱା ହାଚେସି । ତାନିତାଣା ମାନି ବାରେ ଜିନିଷ ଏୱାରି ଅତେରି ଅଡ଼େ ତାଂଗେ ହାନିଲେହେଁ ମାଡା ୱେତେରି । ଏଦାଆଁଜେଚ ଏୱାରି ହାତୁସ୍ତେରି ।”

![](https://cdn.door43.org/obs/jpg/360px/obs-en-27-06.jpg)

ଏ ବେଲାତା ର ଯିହୁଦୀ ଯାଜକ ଏ ଜିରୁଟି ହାଜିମାଚେସି । ଏଚିବେଲା ଏ ଦାର୍ମୁ ଗୁରୁ ମାଡା ୱେପି ଆହାଁ ତର୍ଗାମାନି ଲୋକୁଇଁ ମେସ୍ତେସି ଏୱାସି ଏଚିବେଲା ଜିରୁତି ଅରୱାକି ହାତୁସ୍ତେସି, ଏମିନାସି ସାୟମି ରିସିମାନି ଲୋକୁଟିଏ ମୁମ୍ବୁ ତିର୍ୱି କିହାଁ ହାତୁସ୍ତେସି ।”

![](https://cdn.door43.org/obs/jpg/360px/obs-en-27-07.jpg)

“ଏଦାଆଁଜେଚ ସାଣେକା ବିତ୍ରା, ଏ ଜିରୁଟି ର ଲେବିୟ ୱାତେସି । (ଲେବିୟଁ ଆହିମାନେରି ର ଯିହୁଦୀୟାଁ ର ଗଚି ଏମିନାରି ଯାଜକୟାଁ ମନ୍ଦିରତା ସାୟମି ଆହିମାଚେରି ) ଲେବିୟ ଜିକେଏ ଏ ଜିରୁତି ଅରୱାକିଟି ହାଜାହାଁ ଏ କାର୍ମାଗାଟାଣାଇଁ ଆମ୍ବାର୍ ତାଣାଟି ଶରୁ କିହାମାଚେରି ଅଡ଼େ ମାଡା ଚିଞ୍ଜା ତର୍ଗାମାନି ଲୋକୁଟିଏ ମୁମ୍ବୁ ତିର୍ୱି କିହାଁ ହାତୁସ୍ତେସି ।”

![](https://cdn.door43.org/obs/jpg/360px/obs-en-27-08.jpg)

“ଡାୟୁ ବେଲାତା ଏମିନି ଗାଟାସି ଏ ଜିରୁଟି ହାଚେସି ଏୱାସି ର ଶମିରୋଣିୟ ଲୋକୁ ମାଚେସି ।(ଶମିରୋଣୀୟଁ ଆହିମାନେରି ଯିହୁଦୀତି ଗଚିତାରି ଏମିନିଗାଟାରି ଏଟ୍କା ଦେଶାଟି ବିହା ଆହାମାଚେରି )। ଶମିରୋଣୀୟୟାଁ ଅଡ଼େ ଯିହୁଦୀୟାଁ ତାମ୍ବୁତାମ୍ବୁ ଅପ୍ୱି ଆହିଲାଃତେରି । ମାତ୍ର ଶମିରୋଣୀୟ ଲୋକୁ ଏଚେବେଲା ଏ ଯିହୁଦୀ ଲୋକୁଇଁ ମେସ୍ତେସି, ଏୱାସି ତାଂଗେ କାର୍ମା ମେସ୍ତେସି । ଏଦାଆଁ ତାକି ତାନି ସେବା କିତେସି ଅଡ଼େ ତାନି ଗାହାଁ ବାରେଇଁ ଯେତେସି ।”

![](https://cdn.door43.org/obs/jpg/360px/obs-en-27-09.jpg)

“ତାନିଜେଚ ଏ ଶମିରୋଣୀୟ ଏ ଲୋକୁଇଁ ପେର୍ହାଁ ତାନି ଗଦ ଲାକ କୁଗି କିତେସି ଅଡ଼େ ତାଂଗେ ଜିରୁ ଦାରି ର ଇଲୁତା ଅତେସି ଏମିନିତାଣା ତାଂଗେ ସେବା କିତେରି ।”

![](https://cdn.door43.org/obs/jpg/360px/obs-en-27-10.jpg)

“ର ନେଚୁ ଡାୟୁ, ଶମିରୋଣୀୟ ଲୋକୁ ହାଚେସି । ଏ ଇଲୁତା ୱେସା ୱାହାନି ଲୋକୁଣି ଏଚେକା ଡାବୁଁ ହିହାଁ ଏଲେଇଚେସି “ତାନି ସେବା କିଦୁ ଅଡ଼େ ମିରୁ ଇଦାଆଁଟିଏ ଗାଡି କର୍ଚ କିତିସାରେ, ଆତିସାରେ ନାନୁ ୱେଣ୍ଡିନିବେଲା ଏ କର୍ଚ ୱେଠ୍ହାଇଁ ।”

![](https://cdn.door43.org/obs/jpg/360px/obs-en-27-11.jpg)

ଏଦାଆଁ ଜେଚ ଯୀଶୁ ଏ ପାଣ୍ଇ ମେରା ପୁଚି ଶାସ୍ତ୍ରଜ୍ଞଇଁ ୱେଚେସି” ନିନୁ ଏନାଆଁ ଅଣପିମାଞ୍ଜି ? ଇ ତିନିଜାଣା ବିତ୍ରା ଏମ୍ବାଃସି ଡାକୁଁତାଣା ହେର୍ୱି ଆତି ଲୋକୁତି ଗାଟାତି ଲୋକୁ ଏମିନିଗାଟାଣା ୱାଇ ଶରୁ ଆତେ ଅଡ଼େ ମାଡା ୱେପି ଆତେ? ଏୱାସି ଜଲିତେସି “ଏମିନିଗାଟାସି ତାଂଗେ କାର୍ମା ମେସ୍ତେସି, ଏୱାସି ।” ଯୀଶୁ ତାଂଗେ ଏଲେଇଚେସି “ନିନୁ ହାଲାମୁ ଅଡ଼େ ଏଲେକିଁଏ କିମୁ ।”

*ବାଇବଲତି ର ପୁସ୍ପନି: ଲୁକ ୧୦:୨୫-୩୭*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_27_96kbps.mp3

## 28. ବାତ୍କୁ ଦାଂଣେଃସି ତାକିକିନାସି

https://openbiblestories.org/l/kxv/story-28/

![](https://cdn.door43.org/obs/jpg/360px/obs-en-28-01.jpg)

ର ଦିନା, ର ବାତ୍କୁ ଦାଂଣେଃ ଗାଟାସି ଯୀଶୁ ତାଣା ୱାତସି ଅଡ଼େ ୱେଚେସି “ନେହିଁ ଗୁରୁ, କାଲାକାଲାତି ଜୀୱୁ ତାକି ଏନାଆଁ କିଇଁ ?” ଯୀଶୁ ତାଂଗେ ଏଲେଇଚେସି”ନାଂଗେ ଏନାଃତାକି ନେହାସି ଇଞ୍ଜି ମାଞ୍ଜାଦି ?” ରଅସିଏ ନେହାସି ମାନେସି ଅଡ଼େ ଏୱାସି ଆହିମାନେସି ମାହାପୁରୁ । ମାତ୍ର ନିନୁ କାଲାକାଲାତି ଜୀୱୁ(ହାଃଆ ଗାଟି ଜୀୱୁ) ବେଟା ଆହାଲି ତାକି ଅଣପିମାଞ୍ଜି ଆତିସାରେ ମାହାପୁରୁତି ବାରେ ପାଣ୍ଇମେରା ନାମାମୁ ।”

![](https://cdn.door43.org/obs/jpg/360px/obs-en-28-02.jpg)

ଏୱାସି ୱେଚେସି “ଏମିନି ଏମିନି ବୋଲୁଇଁ ନାନୁ ନାମିନାଇ ମାନେ ?” ଯୀଶୁ ଉତ୍ତର ହିତେସି “ନରଇଁ ପାୟାଃନି । ଦାରି କିଃଆନି । ଶୋରୁ କିଃଆନି । ମିଚି କାତା ଜଲାଃନି । ମି ଆବା ଅଡ଼େ ଆୟାଇଁ କାତା ନାମାଦୁ, ଅଡ଼େ ମି ଇଲୁ ଗାଟାତାରାଇଁ ଜାହାରା ଜୀୱୁ ଲେହେଁ ଜୀୱୁ ନମୁ ।”

![](https://cdn.door43.org/obs/jpg/360px/obs-en-28-03.jpg)

ମାତ୍ର ଏ ଦାଂଣେଃସି ତାଂଗେ ଜଲିତେସି “ନାନୁ ଇ ବାରେ ଉଣାୱେଡ଼ାଟିଏ ନାମା ୱାହିମାଇଁ । ହାଃଆ ଗାଟି ଜୀୱୁ ବେଟା ଆହାଲି ତାକି ନାଂଗେ ଅଡ଼େ ଏନାଆଁ କିହାଲି ଲାଗିନେ ?” ଯୀଶୁ ତାନିୱାକି ସିନି କିହାଁ ତାଙ୍ଗେ ଜୀୱୁ ନତେସି ।

![](https://cdn.door43.org/obs/jpg/360px/obs-en-28-04.jpg)

ଯୀଶୁ ଏଲେଇଚେସି “ନିନୁ ନେହାତି ଆହାଲି ଅଣପିମାଚିସାରେ, ଆତିସାରେ ହାଲାମୁ ଅଡ଼େ ନି ବାରେ ପାର୍ମୁ ଅଡ଼େ ହିଲାଃଗାଟାରିଇଁ ଦନ ଦାନା ହିମୁ, ଅଡ଼େ ନିନୁ ଲାକପୁରୁତା ଦନ ବେଟା ଆଦି । ଏଦାଆଁଜେଚ ୱାହାଁ ନା ଜେଚ ତାକାମୁ ।“

![](https://cdn.door43.org/obs/jpg/360px/obs-en-28-05.jpg)

ଯୀଶୁ ଜଲାମାନି କାତାଇଁ ଦାଂଣେଃସି ଏଚିବେଲା ୱେଚେସି, ଏୱାସି ହାରେକା ଦୁକୁ ଆତେସି, ଏନାଆଁତାକି ଇଚିସାରେ ଏୱାସି ହାରେକା ବାତ୍କୁଗାଟାସି ମାଚେସି ଅଡ଼େ ଏୱାସି ଅର୍ଜ ଆହାନି ବାରେଇଁ ପିସାଲିତାକି ଇଚା କିଃଆତେସି । ଏୱାସି ମୁମ୍ବୁଇଁ ୱେଠ୍ହାଁ ଯୀଶୁ ତାଣାଟି ହାତୁସ୍ତେସି ।

![](https://cdn.door43.org/obs/jpg/360px/obs-en-28-06.jpg)

ଏଦାଆଁ ଜେଚ ଯୀଶୁ ତାନି ଶିଷ୍ୟଁଣୀ ଏଲେଇଚେସି “ବାତ୍କୁ ଗାଟାରି ମାହାପୁରୁତି ରାଜିତା ହାଜାଲିତାକି ହାରେକା କଷ୍ଟ ମାନେ!ହଁ, ବାତ୍କୁଗାଟି ଲୋକୁ ଲାକପୁରୁ ହଡିନି ବାଟା ସୁଜା ତି କାଣିଟି ଉଁଟୁ ହଡ଼୍ନାଇ ସହଜ ।”

![](https://cdn.door43.org/obs/jpg/360px/obs-en-28-07.jpg)

ଯୀଶୁ ଜଲାମାନି କାତାଇଁ ଏଚିବେଲା ଶିଷ୍ୟୟାଁ ୱେଚେରି ଏୱାରି କାବା ଆହାଁ ୱେଚେରି “ଆତିସାରେ ଅମ୍ବାଃସି ଗେଲ୍ପି ଆନେସି ?”

![](https://cdn.door43.org/obs/jpg/360px/obs-en-28-08.jpg)

ଯୀଶୁ ଶିଷ୍ୟୟାଁ ୱାକି ମେସାହାଁ ଜଲିତେସି “ମାଣ୍ସିତି ମେସ୍ପୁ ଇଦି ଆହାଲି ଆଡେ ଏ, ମାତ୍ର ମାହାପୁରୁତି ମେସ୍ପୁତା ବାରେ କାତା ଆହାଲି ଆଡିନେ ।”

![](https://cdn.door43.org/obs/jpg/360px/obs-en-28-09.jpg)

ପିତର ଯୀଶୁଇଁ ଏଲେଇଚେସି “ମାମ୍ବୁ ବାରେ ପିସାହାଁ ନି ଜେଚ ୱାହାମାନମି । ମା ତାକି ଏନି ପୁରଷ୍କାର ମାନେ ?”

![](https://cdn.door43.org/obs/jpg/360px/obs-en-28-10.jpg)

ଯୀଶୁ ଏଲେଇଚେସି “ଏମିନିଗାଟି ଲୋକୁ ନାତାକି ଇଲୁ,ତାଇ, ତାଂଗି, ଆୟା, ଆବା, ମିର୍କା, ମାସ୍କା ଅଡ଼େ ସମ୍ପତି ପିହ୍ନେରି ଅଡ଼େ ତାନି ୧୦୦ ଗୁଣୁ ଇ ଦାର୍ତିତା ଅଡ଼େ ହାଃଆ ଗାଟି ଜୀୱୁ ବେଟା ଆନେରି । ମାତ୍ର ନକେଏ ମାନାରି ହାରେକା ଡାୟୁ ଡ଼ଇନେରି ଅଡ଼େ ଡାୟୁ ମାନାରି ହାରେକା ନକେଏ ଆନେରି ।”

*ବାଇବଲତି ର ପୁସ୍ପନି: ମାଥିଉ ୧୯:୧୬-୩୦; ମାର୍କ ୧୦:୧୭-୩୧; ଲୁକ ୧୮:୧୮-୩୦*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_28_96kbps.mp3

## 29. କାର୍ମା ମେହ୍ଆଗାଟି ହଲିଆତି ପୁସ୍ପନି

https://openbiblestories.org/l/kxv/story-29/

![](https://cdn.door43.org/obs/jpg/360px/obs-en-29-01.jpg)

ର ଦିନା, ପିତର ଯୀଶୁଇଁ ୱେଚେସି “ଗୁରୁ, ନା ତାଇ ନା ବିରୁଦ୍ଦତା ପାପୁ କିନେସି ଆତିସାରେ ନାନୁ ଏଚି ଦେବା କ୍ଷମା ହିଇଁ? ଏନାଆଁ ସାତାଦେବା ପାତେକା ?” ଯୀଶୁ ଏଲେଇଚେସି “ସାତା ଦେବା ଆଃଏ,ମାତ୍ର ସାତାଦେବା ସତୁରୀ ଗୁଣୁ ପାତେକା !” ଇଦାଆଁ ତଲେ, ଯୀଶୁ ଜଲିନି ଅର୍ତ ମାଚେ ମାର ସବୁବେଲା କ୍ଷମା କିନାଇ ମାନେ । ଏଦାଆଁ ଯୀଶୁ ର ପୁସ୍ପନି ୱେସ୍ତେସି ।

![](https://cdn.door43.org/obs/jpg/360px/obs-en-29-02.jpg)

ଯୀଶୁ ଏଲେଚେସି “ମାହାପୁରୁତି ରାଜି ଇଲେତି ର ରାଜାଲେହେଁ ଏମିନିଗାଟାସି ତାନି ହଲିଆଁ ତଲେ ପୁରା କୁଗାହାଁ କିହାଲି ଅଣପିତେସି । ତାନି ହାଲିଆଁ ବିତ୍ରା ରଅସି ୨,୦୦,୦୦୦ ବାର୍ଷାତି ହାରେକା ଡାବୁଁ ଇଟା ମାଚେସି ।”

![](https://cdn.door43.org/obs/jpg/360px/obs-en-29-03.jpg)

ଏନାଆଁତାକି ଇଚିସାରେ ଏ ଡାବୁଁ ୱେଠ୍ହାଲି ଆଡାଃତେସି, ଏଦାଆଁ ତାକି ରାଜା ଏଲେଇଚେସି” ଇୱାଣାଇଁ ଅଡ଼େ ଇୱାଣା ଇଜତି ଲୋକୁଣିଇଁ ହଲିଆ ଲେହେଁ ପାର୍ଚାହାଁ ଡାବୁଁ ୱେଠ୍ହାଲି ହିଦୁ ।”

![](https://cdn.door43.org/obs/jpg/360px/obs-en-29-04.jpg)

“ଏ ହଲିଆ ରାଜା କଡାଁ ଡ଼ଇ ତର୍ଗାହାଁ ଏଲେ ଇଚେସି ‘କାର୍ମା ମେସାନା ନା କାତାଇଁ କାତାମୁଁ, ଅଡ଼େ ନାନୁ ନି ତାଣା ମାନି ରିଣା ବାରେ ୱେଠ୍ହାସ୍ତାଇଁ ।’ ରାଜା ଏ ହଲିଆତି କାର୍ମା ମେସ୍ତେସି, ଏଦାଆଁ ତାକି ଏୱାସି ତାନି ବାରେ ରିଣାଇଁ ପିସ୍ତୁସ୍ତେସି ।”

![](https://cdn.door43.org/obs/jpg/360px/obs-en-29-05.jpg)

ମାତ୍ର ଏ ହଲିଆ ଏଚିବେଲା ରାଜା ତାଣାଟି ହାଚେସି, ଏଚିବେଲା ଏୱାସି ଅଡ଼େ ର ତାନିଲେହେଁ ର ହଲିଆଇଁ ବେଟା ଆତେସି ଏମିନିଗାଟାସି ତାଙ୍ଗେ ଶାରି ଲେଞ୍ଜୁତି ରିଣା ହିନାଇ ମାଚେ । ଏ ହଲିଆ ତାନିଲେହେଁତି ହଲିଆଇଁ ହେର୍କି ଆସ୍ତେସି ଅଡ଼େ ଏଲେଇଚେସି “ନା ଟିଏ ଉଦାରା କିହାନି ରିଣା ହିୟାମୁ !”

![](https://cdn.door43.org/obs/jpg/360px/obs-en-29-06.jpg)

“ତାନିଲେହେଁତି ହଲିଆଇଁ ଏ ହଲିଆ କଡାଁଣାଁ ରିହାଁ ଏଲେଇଚେସି ‘କାର୍ମା ମେସ୍ତାମୁ ନାଂଗେ ସାଣେକା କାତାମୁ, ଅଡ଼େ ନାନୁ ଉଦାରା ଅହାନାଣୀ ବାରେ ନିଂଗ ୱେଠ୍ହାଇଁ ।‘ ମାତ୍ର ଏଦାଆଁ କିନି ବାଟା ଏୱାସି ରିଣା ହିନି ପାତେକା ତାଂଗେ ଜେଲ୍ ତା ମେତ୍‌ହାସ୍ତେସି ।

![](https://cdn.door43.org/obs/jpg/360px/obs-en-29-07.jpg)

“ଏମିନି ହଲିଆଁ ଇଦାଆଁ ମେସାମାଚେରି, ଏୱାରି ହାରେକା ଦୁକୁ ଆତେରି । ଏୱାରି ରାଜାତି ଡାଗେ ହାଚେରି ଅଡ଼େ ଇ କାତା ବାରେ ୱେସ୍ତେରି ।

![](https://cdn.door43.org/obs/jpg/360px/obs-en-29-08.jpg)

“ରାଜା ଏ ହଲିଆଇଁ ହାଟାହାଁ ଏଲେଇଚେସି, ’ନିନୁ ର ଲାଗେଃତି ହଲିଆ !” ନିନୁ ନାଂଗେ କ୍ଷମା ରିସାମାଞ୍ଜାତି ଏଦାଆଁ ତାକି ନାନୁ ନି ବାରେ ରିଣା ପିସାମାଞ୍ଜାତେଏଁ ! ନିନୁ ଜିକେଏ ଏଲେକିଁଏ କିନି କାତା ମାଚେ ।‘ ରାଜା ଇଚେକା କାର୍ବି ଆହା ମାଚେସି ଯେ ଏ ଲାଗେଃତି ହଲିଆଇଁ ରିଣା ହିନି ପାତେକା ଜେଲ୍ ତା ମେଥ୍‌ହାସ୍ତେସି ।

![](https://cdn.door43.org/obs/jpg/360px/obs-en-29-09.jpg)

ଏଦାଆଁଜେଚ ଯୀଶୁ ଏଲେଇଚେସି “ଏମିନିଗାଟାରି ଯାହାରା ତାଇଇଁ କ୍ଷମା ହିଃଅରି ନା ଲାକପୁରୁମାନି ମାହାପୁରୁ ଜିକେଏ ଏଲେହେଁଏ କିନେସି ।”

*ବାଇବଲତି ର ପୁସ୍ପନି: ମାଥିଉ ୧୮:୨୧-୩୫*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_29_96kbps.mp3

## 30. ଯୀଶୁ ପାଶା ହାଜାର୍ ଲୋକୁଣି ତିହ୍ନେସି

https://openbiblestories.org/l/kxv/story-30/

![](https://cdn.door43.org/obs/jpg/360px/obs-en-30-01.jpg)

ହାରେକା ର ର ନାଟାତା ପର୍ଚାର୍ କିହାଲିତାକି ଅଡ଼େ ଜାପ୍ହାଲିତାକି ଯୀଶୁ ତାନି ଶିଷ୍ୟଁଣୀ ପାଣ୍ଡିତେସି । ଯୀଶୁ ଏମିନିତାଣା ମାଚେସି ଏମ୍ବାଆଁ ଏୱାରି ଏଚିବେଲା ୱେଣ୍ଦିତେରି ଏନା ଏନାଆଁ ଆତେ ଏଦାଣୀ ଏୱାରି ତାଂଗେ ୱେସ୍ତେରି । ଏଦାଆଁ ଜେଚ ଯୀଶୁ କାଡାତି ଅରୱାକି ମାନି ର ହିତିଡି ଟାୟୁତା ହାଜାଲି ତାକି ହାଟିତେସି । ଏଦାଆଁ ତାକି ଏୱାରି ର ଡଂଗାତା କୁଗିତେରି ଅଡ଼େ କାଡା ଆତାଲା ହାଚେରି ।

![](https://cdn.door43.org/obs/jpg/360px/obs-en-30-02.jpg)

ମାତ୍ର ଏ ଟାୟୁତା ହାରେକା ଲୋକୁ ମାଚାକି ଯୀଶୁ ଅଡ଼େ ତାନି ଶିଷ୍ୟୟାଁ ଡଂଗାଇଁ ପିସାହାଁ ହାଚେରି । ଇ ଲୋକୁ ତାମି ଡାଗେ ହାଜାଲିତାକି ନକେଏ କାଡା ଗାଟାତା ହଟେରି । ଏଦାଆଁ ତାକି ଯୀଶୁ ଅଡ଼େ ତାନି ଶିଷ୍ୟୟାଁ ଏଚେବେଲା ଏତେରି, ହାରେକା କାଜା ଲୋକୁମାନ୍ଦା କାଡାତି ଆତାଲା ତାଂଗେ କାଚି ମାଚେରି ।

![](https://cdn.door43.org/obs/jpg/360px/obs-en-30-03.jpg)

ଏୱାରି ୫୦୦୦ ଆବାଟିଁ ମାଚେରି, ଆୟାଟିଁସ୍କା ଅଡ଼େ କକାରିଁପଦାଁ ଏଜି କିୱି ଆହାଲାଃତେ । ଯୀଶୁ ଇ ଲୋକୁତି ବାରେ ହାରେକା କାର୍ମା ମେସ୍ତେସି । ଯୀଶୁଇଲୋକୁ ବାରେ ଗଡ଼୍କା ହିଲାଃତି ଲେହେଁ ମାଚେରି । ଏଦାଆଁ ତାକି ଏୱାସି ତାମ୍ଗେ ଜାପ୍ହେସି ଅଡ଼େ ତାମି ବିତ୍ରା ଏମିନିଗାଟାରି ରୋଗ ମାଚେରି ଏୱାରାଇଁ ନେହି କିତେସି ।

![](https://cdn.door43.org/obs/jpg/360px/obs-en-30-04.jpg)

ୱେଡ଼ା ହାନିବେଲା, ଶିଷ୍ୟୟାଁ ଯୀଶୁଇଁ ଏଲେଇଚେରି “ୱେଡ଼ା ଗାଡି ଆହା ହାଚେଇ ଏ ଅଡ଼େ ଡାଗେ ଏନି ଗାଡ଼ା ହିଲେଏ । ଲୋକୁଣି ପାଣ୍ଡାତୁହ୍ମୁ ଏନିକିକି ଏୱାରି ଏନାଆପାଟେ ବେଟା ଆନେରି ।”

![](https://cdn.door43.org/obs/jpg/360px/obs-en-30-05.jpg)

ମାତ୍ର ଯୀଶୁ ଶିଷ୍ୟଁଣୀ ଏଲେଇଚେସି “ମିରୁ ଏୱାରାଇଁ ଚିଞ୍ଜାଲି ହିଦୁ !” ଏୱାରି ଏଲେଇଚେରି “ମାମ୍ବୁ ଏଦାଆଁ ଏନିକି କିହାଲି ଆଡିନମି ? ମା ଡାଗେ ୱାର୍ଇ ପାଶା ଗଟା ରୁଟି ଅଡ଼େ ରିଣ୍ଡି ମିଣ୍‌କା ମାନୁ ।”

![](https://cdn.door43.org/obs/jpg/360px/obs-en-30-06.jpg)

ଯୀଶୁ ତାନି ଶିଷ୍ୟଁଣୀ ଏଲେଇଚେସି ଲୋକୁଣି ଏଲେ ଇଞ୍ଜୁ ଜାଡ଼ା ଲାକ ପଚାଶ ପଚାଶ ଦଲ ଆହାଁ କୁଗାଦୁ ।

![](https://cdn.door43.org/obs/jpg/360px/obs-en-30-07.jpg)

ଏଦାଆଁଜେଚ ଯୀଶୁ ଏ ପାଶା ଗଟା ରୁଟି ଅଡ଼େ ରିଣ୍ଡି ମିଣ୍‌କାଇଁ ଅହାଁ ହାଗୁୱାକି ମେସାହାଁ, ଅଡ଼େ ଏ କାଦି ତାକି ମାହାପୁରୁ ତାଣା ଧନ୍ୟବାଦ ହିତେସି ।

![](https://cdn.door43.org/obs/jpg/360px/obs-en-30-08.jpg)

ଏଦାଆଁ ଜେଚ ଯୀଶୁ ରୁଟି ଅଡ଼େ ଏ ମିଣ୍‌କାଇଁ ରି କାଣ୍ଡା କିହାଁ ଡିକ୍ହେସି । ଏୱାସି ଏ କାଣ୍ଡାଁଣୀ ଲୋକୁଣି ହିହାଲି ତାନି ଶିଷ୍ୟଁଣୀ ହିତେସି । ଶିଷ୍ୟଁୟାଁ ଏ କାଦିଇଁ ବାଟି କିହାଲି ମାଠ୍ହେରି, ଅଡ଼େ ଏଦି ରାଃଆତେ ଦେହେଁ । ବାରେ ଲୋକୁ ଚିଞ୍ଜାହାଁ ପାଞ୍ଜା ହାଚେରି ।

![](https://cdn.door43.org/obs/jpg/360px/obs-en-30-09.jpg)

ଏଦାଆଁ ଜେଚ, ଶିଷ୍ୟୟାଁ ଲୋକୁତି କାଦିଟି ହାରାମାନି କାଣ୍ଡାଁଇଁ କୁଡ଼ି କିତେରି ଅଡ଼େ ବାର ଗଟା ଡାଲିତା କୁଡ଼ି କିତେରି । ବାରେ କାଦି ୱାର୍ଇ ପାଶା ଗଟା ରୁଟି ଅଡ଼େ ରିଣ୍ଡି ମିଣ୍କାଟି ହଚା ମାଚେ ।

*ବାଇବଲତି ର ପୁସ୍ପନି: ମାଥିଉ ୧୪:୧୩-୨୧; ମାର୍କ ୬:୩୧-୪୪; ଲୂକ ୯:୧୦-୧୭; ଯୋହନ ୬:୫-୧୫*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_30_96kbps.mp3

## 31. ଯୀଶୁ ଏୟୁ ଲାକ ତାକିନେସି

https://openbiblestories.org/l/kxv/story-31/

![](https://cdn.door43.org/obs/jpg/360px/obs-en-31-01.jpg)

ଏଦାଆଁ ଜେଚ ଯୀଶୁ ତାନି ଶିଷ୍ୟଁଣୀ ଡଂଗାତା ହଚାହାଁ ଡଂଗାଇଁ ଚାଲ କିହିଁ କାଡା ଆତାଲା ହାଜାଲି ତାକି ଏଲେଇଚେସି ଏଚିବେଲା ଏୱାସି ଲୋକୁଣି ପାଣ୍ଡିତେସି । ଯୀଶୁ ଲୋକୁଣି ପାଣ୍ଡିତି ଜେଚ, ଏୱାସି ପାର୍ତନା କିହାଲି ତାକି ଡାଗେ ମାନି ର ହରୁ ଲାକ ହାଚେସି । ଯୀଶୁ ଏମ୍ବାଆଁ ରଅସିଏ ମାଚେସି, ଅଡ଼େ ଏୱାସି ଲାଆଁ ୱେଇନି ପାତେକା ଏମ୍ବାଆଁ ପାର୍ତନା କିହାଲି ମାଠ୍ହେସି ।

![](https://cdn.door43.org/obs/jpg/360px/obs-en-31-02.jpg)

ଇବିତ୍ରା, ଶିଷ୍ୟଁୟାଁ ତାମି ଡଙ୍ଗାତା ୱେଣ୍ଡି ମାଚେରି, ମାତ୍ର ଲାଆଁ ଏୱାରି କୁଢ଼୍ହାହାଚି କାଡା ମାଦିତା ଆହାମାଚେରି । ଏୱାରି ବାଡ଼େଃଟିଏ ଡଙ୍ଗା ଚାଲ କିହି ମାଚେରି ଏନାଆତାକି ଇଚିସାରେ ପିୟୁ ଗାଲି ତାମି ୱାକି ୱାହିମାଚେ ।

![](https://cdn.door43.org/obs/jpg/360px/obs-en-31-03.jpg)

ଏଦାଆଁ ଜେଚ ପାର୍ତନା କିନାଇ ରାଫ୍ହେସି ଅଡ଼େ ଶିଷ୍ୟଁ ଡାଗେ ହାଚେସି । ଏୱାସି କାଡାତି ଏୟୁ ଲାକ ତାମି ଡଙ୍ଗା ୱାକି ତାକି ତାକିହିଁ ହାଚେସି ।

![](https://cdn.door43.org/obs/jpg/360px/obs-en-31-04.jpg)

ଏୱାରି ଏଚିବେଲା ଯୀଶୁଇଁ ମେସ୍ତେରି ଏଚିବେଲା ଶିଷ୍ୟୟାଁ ଆଜା ହାଜାମାଚେରି, ଏନାଆତାକି ଇଚିସାରେ ଏୱାରି ଡୁମ୍ବା ମେସିନମି ଇଞ୍ଜି ଅଣପିତେରି । ଯୀଶୁ ପୁଚେସି ଯେ ଏୱାରି ଆଜାମାନେରି, ଏଦାଆଁ ତାକି ଏୱାସି ତାମ୍ଗେ ହାଟାହାଁ ଏଲେଇଚେସି “ଆଜାଃଦୁ । ଇୱାତେଏଁ ନାନୁ !”

![](https://cdn.door43.org/obs/jpg/360px/obs-en-31-05.jpg)

ଏଦାଆଁ ଜେଚ ପିତର ଯୀଶୁଇଁ ଏଲେଇଚେସି, “ଗୁରୁ, ନିନୁ ଏୱାତି ଇଚିସାରେ, ଏୟୁ ଲାକ ତାକାଲି ତାକି ନାଙ୍ଗେ ହୁକୁମ୍ ହିୟାମୁ ।” ଯୀଶୁ ପିତରଇଁ ଏଲେଇଚେସି “ୱାମୁ”!

![](https://cdn.door43.org/obs/jpg/360px/obs-en-31-06.jpg)

ଏଦାଆଁ ତାକି ପିତର ଡଙ୍ଗାଟିଏ ପାଙ୍ଗାତା ୱାହାଁ ଯୀଶୁ ତାଣା ଏୟୁ ଲାକ ତାକାଲି ମାଠ୍ହେସି ।ମାତ୍ର ସାଣେକା ହେକ ତାକିତି ଜେଚ,ଏୱାସି ଯୀଶୁଟିଏ କାନୁ ୱେଠ୍ହା ଅତେସି ଅଡ଼େ ଏୟୁ ମେସାଲି ମାଠ୍ହେସି ଅଡ଼େ ଏୱାସି ହାରେକା ଗାଲି ୱାନାଣୀ ପୁଞ୍ଜା କଡିତେସି ।

![](https://cdn.door43.org/obs/jpg/360px/obs-en-31-07.jpg)

ଏଦାଆଁତାକି ପିତର ଆଜା ହାଚେସି ଅଡ଼େ ସାମଦୁର୍‌ତା ମୁଞ୍ଜାଲି ମାଠ୍ହେସି । ଏୱାସି କାଲ ଆତେସି “ଗୁରୁ, ନାଙ୍ଗେ ଗେଲ୍ପାମୁ!” ଯୀଶୁ ରେଟୁଲିଏ ହାଜାହାଁ ତାଂଗେ ଆସ୍ତୁସ୍ତେସି । ଏଦାଆଁ ଜେଚ ଏୱାସି ପିତରଇଁ ଏଲେଇଚେସି “ହେ ଉଣା ନାମୁଗାଟାତି, ନିନୁ ଏନାଆତାକି କିଲିବିଲି ଆତି ?”

![](https://cdn.door43.org/obs/jpg/360px/obs-en-31-08.jpg)

ଏଚେବେଲା ପିତର ଅଡ଼େ ଯୀଶୁ ଡଙ୍ଗା ବିତ୍ରା ହାଚେରି, ଏଚିବେଲା ଗାଲି ରେଟୁଲିଏ ତିରି ଆତେ ଅଡ଼େ ଏୟୁ ତାମ୍ବୀତେ । ଶିଷ୍ୟୟାଁ କାବା ଆହା ହାଜାମାଚେରି । ଏୱାରି ଯୀଶୁଇଁ ଗାଉରମି କିହିଁ ଏଲେଇଚେରି “ ସାତା, ନିନୁ ମାହାପୁରୁତି ମିର୍ଏତି ।”

*ବାଇବଲତି ର ପୁସ୍ପନି: ମାଥିଉ ୧୪:୨୨-୩୩; ମାର୍କ ୬:୪୫-୫୨; ଯୋହନ ୬:୧୬-୨୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_31_96kbps.mp3

## 32. ଯୀଶୁ ର ଡୁମ୍ବା ଆଟିତି ଲୋକୁଇଁ ଅଡ଼େ ର ରୋଗ ଆୟାଟିଇଁ ନେହି କିନେସି

https://openbiblestories.org/l/kxv/story-32/

![](https://cdn.door43.org/obs/jpg/360px/obs-en-32-01.jpg)

ର ଦିନା, ଯୀଶୁ ଅଡ଼େ ତାନି ଶିଷ୍ୟୟାଁ ର ଡଂଗାତା ହଚାହାଁ ଗରାଶୀୟ ଲୋକୁ ବାସା କିହିନି କାଡାତି ଆତାଲା ହାଚେରି ।

![](https://cdn.door43.org/obs/jpg/360px/obs-en-32-02.jpg)

ଏଚିବେଲା ଏୱାରି କାଡା ଆତାଲା ଏତେରି, ର ଡୁମ୍ବା ଆଟିତି ଲୋକୁ ଯୀଶୁ ଡାଗେ ହଟିଁ ୱାତେସି ।

![](https://cdn.door43.org/obs/jpg/360px/obs-en-32-03.jpg)

ଏ ଲୋକୁଇଁ ଇଚେକା ବ୍ଡ଼ାୟୁ ମାଚେ ଯେ ଏମିନି ଲୋକୁ ଜିକେଏ ତାଂଗେ ଆସାଲି ଆଡିଲାଃତେରି । ଲୋକୁ ଇଲେହେଁକି ତାନି ବୋମିୟାଁ ଅଡ଼େ କଡାଁ ବାରେ ହିକିଣୀଁ ତଲେ ଦସ୍ପାମାଚେରି, ମାତ୍ର ଏୱାସି ଏୱାଆଁ ବାରେ ଡାପ୍ହାତୁସିମାଚେସି ।

![](https://cdn.door43.org/obs/jpg/360px/obs-en-32-04.jpg)

ଲୋକୁ ଏ ୱାକି ମାନି ମାହ୍‌ଣିମେଣ୍ଡାତା ବାସା କିହି ମାଚେସି । ଇ ଲୋକୁ ବାରେ ଦିନା ଅଡ଼େ ବାରେ ଲାଆଁ କାଲ ଆହି ମାଚେସି । ଏୱାସି ହେମ୍ବରୀ ଜିକେଏ ତୁର୍ହାଲାଃତେସି ଅଡ଼େ ଯାହାରାଇଁ ୱାଲ୍କା ତଲେ ୱେଚା କଡିମାଚେସି ।

![](https://cdn.door43.org/obs/jpg/360px/obs-en-32-05.jpg)

ଏଚିବେଲା ଏୱାସି ଯୀଶୁ ଡାଗେ ୱାତେସି, ଏୱାସି ତାନି ନକିତା ମେଣ୍ଡା କୁତିତେସି । ଯୀଶୁ ଏ ଡୁମ୍ବାଇଁ ଏଲେଇଚେସି “ଇ ଲୋକୁଟିଏ ହଚା ହାଲାମୁ !”

![](https://cdn.door43.org/obs/jpg/360px/obs-en-32-06.jpg)

ଡୁମ୍ବାଆଲଗିତାସି ହାରେକା କାଜା ଗିୟାଁ ତଲେ ଏଲେଇଚେସି “ହେ ଲାକପୁରୁ ମାନି ମାହାପୁରୁତି ମିର୍ଏତି ଯୀଶୁ ନି ତଲେ ନାଦି ଏନାଇ ମାନେ? କାର୍ମା ମେସାନା ନାଙ୍ଗେ ତାଡ଼ନା ହିୟାଃନି!” ଏଦାଆଁ ଜେଚ ଯୀଶୁ ଏ ଡୁମ୍ବାଇଁ ୱେଚେସି ନି ଦରୁ ଏନି ଦରୁ ?“ ନା ଦରୁ ବାହିନୀ, ଏନାଆତାକି ଇଚିସାରେ ମାମ୍ବୁ ହାରେକାଜାଣା ତମି ।” (ରୋମିୟ ସୈନ୍ୟ ବାହିନୀତା ମାନି ହାରେକା ହଜାରତି ର ଦଲ ।)

![](https://cdn.door43.org/obs/jpg/360px/obs-en-32-07.jpg)

ଡୁମ୍ବାୟାଁ ଯୀଶୁଇଁ ବାତିମାଲିହିଁ ଜଲିତୁ “ଦୟା କିହାଁ ମାଙ୍ଗେ ଇମ୍ବାଟିଏ ଏଟ୍କା ୱାକି ପାଣ୍ଡାତୁସ୍ତାମୁ !” ଡାଗେ ର ହରୁତା ପାଜୀଁମାନ୍ଦା ମେଚିମାଚୁ । ଏଦାଆଁତାକି, ଏ ଡୁମ୍ବାୟାଁ ଯୀଶୁଇଁ ବାତିମାଲିହିଁ ଏଲେଇଚୁ “ତାନି ବାଟା ମାଂଗେ ଇ ପାଜୀଁ ବିତ୍ରା ପାଣ୍ଡାସ୍ତାମୁ !” ଯୀଶୁ ଏଲେଇଚେସି “ହାଜୁ!”

![](https://cdn.door43.org/obs/jpg/360px/obs-en-32-08.jpg)

ଡୁମ୍ବାୟାଁ ଏ ଲୋକୁଟିଏ ହଚାହାଁ ପାଜୀଁ ବିତ୍ରା ହଟୁ । ଏ ପାଜୀଁୟାଁ ଲାକଟିଏ ହଟିହିଁ କାଡାତା ମେଦାହାଁ ହାତୁ । ଏମ୍ବାଆଁ ୨୦୦୦ ପାଜୀଁ ମାନ୍ଦା ମାଚୁ ।

![](https://cdn.door43.org/obs/jpg/360px/obs-en-32-09.jpg)

ଏମିନି ଲୋକୁ ପାଜୀଁତି ସେବା କିହିମାଚେରି ଏୱାରି ଏନାଆ ଆତେ ଏଦାଆଁ ମେସ୍ତେରି, ଏୱାରି ଗାଡ଼ାତା ହଟେରି ଅଡ଼େ ଯୀଶୁ ଏନା ଏନାଆଁ କିହାମାଚେସି ଏଦାଆଁ ଏୱାରି ଯେତେ ଲୋକୁଇଁ ବେଟା ଆତେରି ବାରେ ଜାଣାଇଁ ୱେସ୍ତେରି । ଗାଡ଼ାତା ମାନି ଲୋକୁ ୱାହାଁ ନକେଏ ଡୁମ୍ବା ଆଲ୍ଗା ମାଚାଣାଇଁ ଏନାଏନାଆଁ ଆତେ ଏଦାଆଁ ବାରେ ମେସ୍ତେରି । ଏୱାସି ହିତିଡ଼ିତା, ହେମ୍ବରି ମେଦାହାଁ ମନତା ନେହି ଲୋକୁ ଲେହେଁ କୁଗା ମାନାଣାଇଁ ମେସ୍ତେରି ।

![](https://cdn.door43.org/obs/jpg/360px/obs-en-32-10.jpg)

ଲୋକୁ ହାରେକା ଆଜା ହାଜା ମାଚେରି ଅଡ଼େ ତାମି ତାଣାଟିଏ ଯୀଶୁଇଁ ହାଜାଲି ତାକି ଏଲେଇଚେରି । ଏଦାଆଁ ତାକି ଯୀଶୁ ଡଙ୍ଗାତା ହଚାହାଁ ହାଜାଲି ତାକି ତିଆର୍ ଆତେସି । ଏମିନି ଲୋକୁଇଁ ଡୁମ୍ବା ଆଲ୍‌ଗା ମାଚେ ଏୱାସି ଯୀଶୁ ତଲେ ହାଜାଲି ତାକି ତାଙ୍ଗେ ବାତିମାଲି ତେସି ।

![](https://cdn.door43.org/obs/jpg/360px/obs-en-32-11.jpg)

ମାତ୍ର ଯୀଶୁ ତାଙ୍ଗେ ଏଲେଇଚେସି “ଆଃଏ, ନାନୁ ଅଣପିମାଇଁ, ନିନୁ ଇଜ ହାଲାମୁ ଅଡ଼େ ନି ତଡ଼ୁ ଅଡ଼େ ଇଜତାରାଇଁ ମାହାପୁରୁ ନି ତଲେ ଏନାଏନାଆଁ କିହା ମାନେସି ଅଡ଼େ ନିଂଗେ ଏମିନି କାମା ତସାମାଞ୍ଜାନେସି ଏଦାଆଁ ବାରେ ୱେହ୍‌ମୁ ।”

![](https://cdn.door43.org/obs/jpg/360px/obs-en-32-12.jpg)

ଏଦାଆଁ ତାକି ଏ ଲୋକୁ ତାନି ଜିରୁତା ହାଚେସି ଅଡ଼େ ଯୀଶୁ ତାଂଗେ ଏନାଏନାଆଁ କିହାମାଚେସି ଏ ବାରେ କାତା ୱେସ୍ତେସି । ଏମିନିଗାଟାରି ତାନି କାତା ୱେଚେରି ଏୱାରି କାବା ଆତେରି ।

![](https://cdn.door43.org/obs/jpg/360px/obs-en-32-13.jpg)

ଯୀଶୁ କାଡାତି ଆତାଲା ୱେଣ୍ଡିତେସି । ଏୱାସି ଏମ୍ବାଆଁ ଏତି ଜେଚ, ର କାଜା ମାନ୍ଦାଲୋକୁ କୁଡ଼ା ଆତେରି ଅଡ଼େ ତାନି ଲାକ ୱିସ୍ତୁସିମାଚେରି । ମାନ୍ଦାଲୋକୁ ବିତ୍ରା ର ଆୟାଟି ବାର ବାର୍ଷା ପାତେକା କାସା ହନି ରୋଗ ଆହା ମାଚେ । ଏଦି ହାରେକା ବୈଦ୍ୟତାଣା ହାଜାହାଁ ନେହି ଆହାଲି ତାକି ବାରେ ଡାବୁଁ ରାପ୍‌ହେ ମାତ୍ର ତାନୁ ଦିନା ତାକି ଦିନା ଗାଡି ଆତେ ।

![](https://cdn.door43.org/obs/jpg/360px/obs-en-32-14.jpg)

ଏଦି ୱେଞ୍ଜା ମାଚେ ଯେ ଯୀଶୁ ହାରେକା ଆଡାଃଗାଟାରାଇଁ ନେହି କିହା ମାଚେସି ଅଡ଼େ ଅଣପିତେ “ନାନୁ ପୁଞ୍ଜାମାଇଁ ଯେ ନାନୁ ୱାର୍ଇ ଯୀଶୁତି ହେମ୍ବରୀ ଡିଗିତିହିଁ ନାନୁ ନେହି ଆଇଁ !” ଏଦାଆଁତାକି ଏଦୀ ଯୀଶୁଇଁ ଡାୟୁ ୱାକି ୱାହାଁ ତାନି ହେମ୍ବରୀ ଡିଗିତେ । ଏଚିବେଲା ଏଦି ହେମ୍ବରୀ ଡିଗିତେ ତାନି କାସା ହାନାଇ ବନ୍ଦ ଆତେ !

![](https://cdn.door43.org/obs/jpg/360px/obs-en-32-15.jpg)

ରେଟୁଏ ଯୀଶୁ ପୁଞ୍ଜାଲି ଆଡିତେସି ଯେ ତାନି ତାଣାଟି ବ୍ଡ଼ାୟୁ ହାଜାମାନେ । ଏଦାଆଁତାକି ତିର୍ୱାହାଁ ୱେଚେସି “ଏମ୍ବାଇ ନାଂଗେ ଡିଗାତେ”

![](https://cdn.door43.org/obs/jpg/360px/obs-en-32-16.jpg)

ଶିଷ୍ୟୟାଁ ଏଲେ ଇଚେରି “ହାରେକା ଲୋକୁ ନି ଶାରିୱାକି ମାନେରି ଅଡ଼େ ନି ଲାକ ୱିସି ମାଞ୍ଜାନେରି ।“ନାଂଗେ ଆମ୍ବାଇ ଡିଗାତେ?” ଇଞ୍ଜି ଏନାଆଁ ତାକି ୱେଞ୍ଜି ମାଞ୍ଜାଦି ? ଏ ଆୟାଟି ଯୀଶୁ ନକିତା ମେଣ୍ଡା କୁତିତେ, ଏଦି ତିର୍ଗିମାଚେ ଅଡ଼େ ହାରେକା ଆଜା ହାଚା ମାଚେ । ଏଦି ଏନାଆଁ କିହାମାଚେ, ଏଦାଆଁ ବାରେ ତାଙ୍ଗେ ୱେସ୍ତେ ଅଡ଼େ ଏଦି ନେହି ଆତେ । ଯୀଶୁ ତାଂଗେ ଏଲେଇଚେସି “ନି ନାମୁ ନିଙ୍ଗେ ନେହି କିହା ମାଞ୍ଜାନେ । ହିତିଡ଼ି ତଲେ ହାଲାମୁ ।”

*ବାଇବଲତି ର ପୁସ୍ପନି: ମାଥିଉ ୮:୨୮-୩୪; ୯:୨୦-୨୦; ମାର୍କ ୫:୧- ୨୦; ୫: ୨୪ଖ-୩୪; ଲୂକ ୮:୨୬-୩୯; ୮: ୪୨ଖ-୪୮*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_32_96kbps.mp3

## 33. କୃଷକତି  ପୁସ୍ପନି

https://openbiblestories.org/l/kxv/story-33/

![](https://cdn.door43.org/obs/jpg/360px/obs-en-33-01.jpg)

ର ଦିନା, ଯୀଶୁ କାଡା ଗାଟାତା ର ମାନ୍ଦାଲୋକୁଇଁ ଜାପ୍ହି ମାଚେସି । ହାରେକା ଲୋକୁ ୱେଞ୍ଜାଲି ତାକି ଯୀଶୁ ଡାଗେ ୱାତେରି ଅଡ଼େ ଲୋକୁଣି ଏନି ଟାୟୁତା ଏନିକି ଜାପ୍ହାଲି ଆଡିନେସି ଏଦାଆଁ ତାକି ଏୱାସି ଗାଟାତା ର ଡଂଗା ଲାକ କୁଗିତେସି । ଏୱାସି ଡଂଗାତା ଅଡ଼େ ଲୋକୁଣିଏ ଜାପ୍‌ହେସି ।

![](https://cdn.door43.org/obs/jpg/360px/obs-en-33-02.jpg)

ଯୀଶୁ ର ପୁସ୍ପନି ଏଲେ ଇଚେସି । “ର କୃଷକ ରଚାଣି ବିଚା ମାଟାଲି ତାକି ହତେସି । ଏୱାସି ଏଚିବେଲା କେୟୁତା ବିଚାଇଁ ମାଟାଲି ମାଠ୍ହେସି, କଚେକା ବିଚା ଜିରୁତା ତର୍ଗିତେ, ଅଡ଼େ ପଟାୟାଁ ୱାହାଁ ଏ ବିଚାଇଁ ତିନ୍ତୁସ୍ତୁ ।”

![](https://cdn.door43.org/obs/jpg/360px/obs-en-33-03.jpg)

“ଏଟ୍କା ବିଚା କରଡ଼ା ବୁମିତା ତର୍ଗିତେ, ଏମିନି ତାଣା ରଚାଇଁ ବୁମି ମାଚେ । କରଡ଼ା ବୁମିତା ମାନି ବିଚା ଜିକି ଗଜା ଆତେ, ମାତ୍ର ଏୱା ହିର୍କା ବୁମିତା ହଡାଲି ଆଡାଃତୁ । ଏଚିବେଲା ୱେଡ଼ା ୱାତେ ଅଡ଼େ କାରା ଆତେ, ଗଚାଁ ମୁଚା ହାଚୁ ଅଡ଼େ ହାହା ହାଚୁ ।”

![](https://cdn.door43.org/obs/jpg/360px/obs-en-33-04.jpg)

“ଆତିହିଁ ଜିକେଏ ବିଚା ହାପ୍କାବୁଟାଁ ବିତ୍ରା ତର୍ଗିତେ । ଇ ବାରେ ବିଚା ଗଜା ଆହାଲି ମାଠ୍ହୁ, ମାତ୍ର ହାପ୍କାୟାଁ ଏୱାଆଁ ନାବ୍ଗା ତୁସ୍ତୁ । ଏଦାଆଁତାକି ହାପ୍କା ଗଚାଁ ବିତ୍ରା ମାନି ଗଚାୟାଁ ଏମିନି ଗାଟାଇ ବିଚାଟି କାଜାଇ ଆହାମାଚୁ, ଏନାଇ ଜିକେଏ ଆଆତୁ ।”

![](https://cdn.door43.org/obs/jpg/360px/obs-en-33-05.jpg)

“ଏଟ୍କା ବିଚାୟାଁ ନେହି ବୁମିତା ତର୍ଗିତୁ । ଯେତେ ବିଚା ମାଟ୍ୱି ଆହା ମାଚେ, ଏ ବାରେ ବିଚା କାଜାଇ ଆହାଁ ୩୦,୬୦ ଅଡ଼େ ଇଲେହେଁକି ୧୦୦ ଗୁଣୁ ପାତେକା ପାଡ଼େଇ ଆତେ । ଆମ୍ବାଃର୍ ୱାଇ କ୍ରୀଉଁ ମାନେ, ଏୱାତେରି ୱେଞ୍ଜୁ !”

![](https://cdn.door43.org/obs/jpg/360px/obs-en-33-06.jpg)

ଇ ପୁସ୍ପନି ଶିଷ୍ୟଣୀଁ ବିଲ୍‌କି କିହାସ୍ତେ । ଏଦାଆଁ ତାକି ଯୀଶୁ ତେଲ୍‌ପି କିହାଁ ଜଲିତେସି,”ବିଚା ଆହିମାନେ ମାହାପୁରୁତି ବୋଲୁ । ଜିରୁ ଆହିମାନେ ଏ ଲୋକୁ ଏମିନି ଗାଟାରି ମାହାପୁରୁତି ବୋଲୁଇଁ ୱେନେରି, ମାତ୍ର ଏଦାଆଁ ତେଲ୍‌ହାଲି ଆଡଃରି, ଅଡ଼େ ଶୟତାନ ତାମି ତାଣାଟି ବୋଲୁ ଶରୁ କିହାଁ ଅନେ ।”

![](https://cdn.door43.org/obs/jpg/360px/obs-en-33-07.jpg)

“କରଡ଼ା ବୁମି ଆହିମାନେ ଏ ଲୋକୁ ଏମିନିଗାଟାରି ମାହାପୁରୁତି ବୋଲୁ ୱେନେରି ଅଡ଼େ ରାହାଁ ତଲେ ହିୟାଁତା ଇଟିନେରି । ଏଚିବେଲା ଏୱାରି କଷ୍ଟ ଅଡ଼େ ତାଡ଼ନା ବେଟା ଆନେରି, ଏୱାରି ତର୍ଗାହାନେରି ।”

![](https://cdn.door43.org/obs/jpg/360px/obs-en-33-08.jpg)

“ହାପ୍କା ବୁମି ଆହିମାନେ ଏ ଲୋକୁ ଏମିନି ଗାଟାରି ବୋଲୁ ୱେନେରି, ମାତ୍ର ଏଚିବେଲା ବେଲା ୱାନେ, ସେବା କିନାଇ, ଦନ ଅଡ଼େ ଜୀୱୁତା ସୁକୁ ଅଡ଼େ ବ୍ଡ଼ାୟୁ ମାହାପୁରୁ ତଲେ ମାନି ଜୀୱୁ ନନାଣୀଇଁ ନାବ୍‌ଗା ଇଟିନେ ।“ ଡାୟୁ, ଏୱାରି ଏନାଆଁ ୱେଞ୍ଜାମାଚେରି ଏଦୀ ପାଡ଼େଇ ହିହାଲି ଆଡେଏ ।”

![](https://cdn.door43.org/obs/jpg/360px/obs-en-33-09.jpg)

“ମାତ୍ର ନେହି ବୁମି ଆହିମାନେ ଏ ଲୋକୁ ଏମିନି ଗାଟାରି ମାହାପୁରୁତି ବୋଲୁ ୱେନେରି ,ନାମିନେସି ଅଡ଼େ ପାଡ଼େଇ ହିନେରି ।”

*ବାଇବଲତି ର ପୁସ୍ପନି: ମାଥିଉ ୧୩:୧-୮, ୧୮-୨୩; ମାର୍କ ୪:୧-୮, ୧୩-୨୦; ଲୂକ ୮:୪-୧୫*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_33_96kbps.mp3

## 34. ଯୀଶୁ ଏଟ୍କା ପୁସ୍ପନି ତଲେ ଜାପ୍‌ନେସି

https://openbiblestories.org/l/kxv/story-34/

![](https://cdn.door43.org/obs/jpg/360px/obs-en-34-01.jpg)

ମାହାପୁରୁ ରାଜି କାତାତି ଯୀଶୁ ଅଡ଼େ ହାରେକା ପୁସ୍ପନି ୱେସ୍ତେସି । ଉଦାହରଣ ତଲେ, ଏଲେଇଚେସି “ଲାକପୁରୁ ଆହିମାନେ ର ହାର୍ସୁ ପାଡ଼େଇ ବିଚା ଲେହେଁ ଏମିନାଣୀ ରଅସି ତାନି ବାଡ଼ାତା ମାଟିତେସି । ମିରୁ ପୁଞ୍ଜାମାଞ୍ଜେରି ଯେ ହାର୍ସୁ ପାଡ଼େଇ ବାରେ ପାଡ଼େଇଟିଏ ଇଚାଇ ।”

![](https://cdn.door43.org/obs/jpg/360px/obs-en-34-02.jpg)

“ମାତ୍ର ଏଚିବେଲା ହାର୍ସୁ ପାଡ଼େଇ ମାଟ୍ୱିଆନେ, ଇଦି ବାରେ ଗଚାଁଟିଏ ଇଚେକା କାଜାଇ ଆନେ ଯେ ପଟାୟାଁ ୱାହାଁ ତାନି ଗମାତା ବାସା କିନୁ ।”

![](https://cdn.door43.org/obs/jpg/360px/obs-en-34-03.jpg)

ଯୀଶୁ ଅଡ଼େ ର ପୁସ୍ପନି ୱେସ୍ତେସି “ମାହାପୁରୁ ରାଜି ର ଖମିର ଲେହେଁ ଏମିନି ଗାଟାଇ ଆୟାଟି ଆହାଁ ମଇଦାତି ବାରେ ୱାକି ଆନି ପାତେକା ରଚାଇ ମଇଦାତା ଆଣ୍ଡିନେ ।”

![](https://cdn.door43.org/obs/jpg/360px/obs-en-34-04.jpg)

“ମାହାପୁରୁ ରାଜି ଅଡ଼େ ଜିକେଏ ଡ଼ୁକ୍ହାମାନି ଦନ ଲେହେଁ ଏନିକି ରଅସି ଅହାଁ ର ବାଡ଼ାତା ଡ଼ୁକ୍ହା ଇଟିତେସି ଅ ରଅସି ଏ ଡ଼ୁକ୍ହାମାନି ଦନଇଁ ବେଟା ଆତେସି ଅଡ଼େ ୱେଣ୍ଡେଏ ମୁସ୍ତେସି ଡ଼ୁକ୍ହାମାନି ଦନ ଏୱାସି ରାହାଁ ତଲେ ଏ ବାରେ ଦିଣ୍ଶୁଇଁ ପାର୍ତେସି ଅଡ଼େ ଏ ବାଡ଼ାଇଁ କଡାଲି ତାକି ଏ ଡାବୁଁଇଁ ଲେମ୍ବିତେସି ।”

![](https://cdn.door43.org/obs/jpg/360px/obs-en-34-05.jpg)

“ମାହାପୁରୁ ରାଜି ର ଦାରାଗାଟି ମଣି ଲେହେଁ । ଏଚିବେଲା ର ମଣି ପାର୍ନାସି ଇଦାଣୀ ମେସ୍ତେସି, ଏୱାସି ହାଜାହାଁ ତାନି ବାରେ ପାର୍ଚାହାଁ ଇଦାଣୀଁ କଡାଲି ତାକି ଡାବୁଁଇଁ ଲେମ୍ବିତେସି ।”

![](https://cdn.door43.org/obs/jpg/360px/obs-en-34-06.jpg)

ଏଦାଆଁ ଜେଚ ଯୀଶୁ ଲୋକୁଣି, ତାମି ନେହି କାମା ତାକି ନାମୁ ଇଟାହାଁ ଏଟ୍କା ଲୋକୁଣି ଅପିଲାଃତି କାତା ର ପୁସ୍ପନି ୱେସ୍ତେସି । ଏୱାସି ଏଲେଇଚେସି “ରି ଜାଣା ଲୋକୁ ପାର୍ତନା କିହାଲିତାକି ମନ୍ଦିରତା ହାଚେରି । ତାମି ବିତ୍ରା ର କରଗ୍ରାହୀ ଅଡ଼େ ଅ ରଅସି ଦାର୍ମୁ ଗୁରୁ ।”

![](https://cdn.door43.org/obs/jpg/360px/obs-en-34-07.jpg)

“ଏ ଦାର୍ମୁ ଗୁରୁ ଇଲେହେଁ ପ୍ରାତନା କିତେସି “ହେ ମାହାପୁରୁ ନାନୁ ନିଂଗ ଧନ୍ୟବାଦ ହିହି ମାଞ୍ଜାଇଁ ଅଡ଼େ ଏଟ୍କା ଲୋକୁ ଲେହେଁ ନାନୁ ପାପୀ ଆଃଏ, ଏନିକି କି ର ଡାକୁ, ଲାଗେଃତାରି,ଦାରୀ ଅଡ଼େ ଇ କରଗ୍ରାହି ଲେହେଁ ଜିକେଏ ଆଃଏ ।”

![](https://cdn.door43.org/obs/jpg/360px/obs-en-34-08.jpg)

“ଉଦାହରଣ ଲେହେଁ, ନାନୁ ହାଟାତାକି ରି ଦେବା ଉପବାସ କିଇଁ ଅଡ଼େ ବେଟା ଆହିମାନି ଡାବୁଁ ଅଡ଼େ ଜିନିଷତି ବାରେ ଦଶ ବାଗା ହିହି ମାଇଁ ।”

![](https://cdn.door43.org/obs/jpg/360px/obs-en-34-09.jpg)

“ମାତ୍ର କରଗ୍ରାହୀ ଗୁରୁଟିଏ ହାରେକା ହେକ ନିତେସି, ଅଡ଼େ ଲାକାପୁରୁୱାକି ସିନି କିହାଲି ଜିକେଏ ଶାସା କିଃଆତେସି । ଅଡ଼େ ଏୱାସି ତାନି ବକତା କେୟୁତଲେ ବିଦା ୱେଚା କଡିତେସି, ଅଡ଼େ ପ୍ରାତନା କିତେସି,” ହେ ମାହାପୁରୁ, କାର୍ମା ମେସାହାଁ ନା ୱାକି କାର୍ମା ଆମୁ, ଏନାଆତାକି ଇଚିସାରେ ନାନୁ ର ପାପୀ ମାଣ୍ସି ତେଏଁ ।”

![](https://cdn.door43.org/obs/jpg/360px/obs-en-34-10.jpg)

ଆତିସାରେ ଯୀଶୁ ଏଲେଇଚେସି, ”ନାନୁ ନିଂଗେ ସାତା ଜଲିମାଂଜାଇଁ, ମାହାପୁରୁ କରଗ୍ରାହୀତି ପ୍ରାତନା ୱେଚେସି ଅଡ଼େ ତାନି ଦାର୍ମୁ ଏଜି କିତେସି । ମାତ୍ର ଏୱାସି ଦାର୍ମୁ ଗୁରୁତି ପ୍ରାତନା ୱେନାଃତେସି । ଏମିନିଗାଟାସି ଯାହାରାଇଁ କାଜାସି ତସା କଡିନେସି, ମାହାପୁରୁ ତାଂଗେ ଉଣା କିନେସି, ଅଡ଼େ ଏମିନିଗାଟାରି ଯାହାରାଇଁ ଉଣା କିନେରି ମାହାପୁରୁ ତାଙ୍ଗେ କାଜାସି କିନେସି ।

*ବାଇବଲତି ର ପୁସ୍ପନି: ମାଥିଉ ୧୩:୩୧-୩୩, ୪୪-୪୬; ମାର୍କ ୪:୩୦-୩୨; ଲୂକ ୧୩:୧୮-୨୧; ୧୮:୯-୧୪*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_34_96kbps.mp3

## 35. କାର୍ମା ମେହ୍ନି ଆବାତି ପୁସ୍ପନି

https://openbiblestories.org/l/kxv/story-35/

![](https://cdn.door43.org/obs/jpg/360px/obs-en-35-01.jpg)

ର ଦିନା, ଯୀଶୁ ହାରେକା କରଗ୍ରାହୀୟାଁ ଅଡ଼େ ଏଟ୍କା ପାପୀଣୀଇଁ ଏମିନିଗାଟାରି ଶଭାତା କୁଡ଼ା ଆହାମାଚେରି, ଜାପ୍ହିମାଚେସି ।

![](https://cdn.door43.org/obs/jpg/360px/obs-en-35-02.jpg)

ଏମ୍ବାଆଁ ମାନି କଚେକା ଦାର୍ମୁ ନେତାଣୀ ଯୀଶୁଇଁ ପାପୀୟାଁ ତଲେ ତଡ଼ୁ ଲେହେଁ ଲେମ୍ବି ମାଚାଣୀଇଁ ମେସ୍ତେରି, ଅଡ଼େ ଯାହାର୍ ତାକି ଏୱାରି ତାନି ବିରୁଦ୍ଦତା କାଲ ଆହାଲି ମାଠ୍ହେରି । ଏଦାଆଁ ତାକି ଏୱାରାଇଁ ର ପୁସ୍ପନି ୱେସ୍ତେସି ।

![](https://cdn.door43.org/obs/jpg/360px/obs-en-35-03.jpg)

“ରଅଣାଇଁ ରି ମିର୍କା ମାଚେରି । ଇଚାସି ଆବାଇଁ ଏଲେଇଚେସି,’ଆବା,ବୁମିବାଡାତି ଏମିନି ବାଗା ନାଦି ମାନେ ଏଦାଆଁ ନାଂଗେ ହିୟାମୁ !’ ଏଦାଆତାକି ଆବା ଏ ରି ମିର୍କାଁ ବିତ୍ରା ବୁମିବାଡା ବାଗା କିତେସି ।”

![](https://cdn.door43.org/obs/jpg/360px/obs-en-35-04.jpg)

“ତାନି ଇଚି ମିର୍ଏସି ତାନି ତାଣା ମାନି ବାରେ କୁଡ଼ି କିହାଁ ହେକ ଟାୟୁତା ହାତୁସ୍ତେସି ଅଡ଼େ ହାରେକା ଲାଗେଃତି ଜୀୱୁ ଲେମ୍ବାଲିତାକି ଦନ ଉପ୍‌ହାସ୍ତେସି ।”

![](https://cdn.door43.org/obs/jpg/360px/obs-en-35-05.jpg)

“ଏଦାଆଁ ଜେଚ, ଇଚାସି ଏମିନି ଦେଶାତା ଡ଼ଇ ମାଚେସି ଏ ଦେଶାତା ର ଗାଡି କାତାରା ୱାତେ, ଅଡ଼େ କାଦି କଡାଲିତାକି ତାନି ତାଣା ଡାବୁଁ ହିଲାଃତେ । ଏଦାଆଁତାକି ୱାର୍ଇ ପାଜୀଁ ତିସାଲିଏଦେ କାମା ମେଡ଼ା ଆତେ । ଏୱାସି ଇଚେକା କାର୍ମାଗାଟାସି ଅଡ଼େ ହାକି ମାଚେସି ଯେ ଏୱାସି ପାଜୀଁ ତିନାଣୀ ଚିଞ୍ଜାଲି ଅଣପିତେସି ।”

![](https://cdn.door43.org/obs/jpg/360px/obs-en-35-06.jpg)

“ଜେଚବେଲା, ଉଣା କକାସି ତାନୁ ତାନୁ ଜଲା କଡିତେସି ‘ନାନୁ ଏନାଆଁ କିହିମାଇଁ ? ମାବାତି ବାରେ ହଲିଆଁ ତାକି ହାରେକା କାଦି ମାନେ, ଅଡ଼େ ନାନୁ ଇମ୍ବାଆଁ ହାକିତା ହାହିମାଇଁ । ନାନୁ ମାବା ତାଣା ହାଃଇଁ ଅଡ଼େ ନାଙ୍ଗେ ତାନି ହଲିଆଁ ବିତ୍ରାତି ର ଜାଣା ଲେହେଁ ଇଟାଲି ଏଲେଇଇଁ ।”

![](https://cdn.door43.org/obs/jpg/360px/obs-en-35-07.jpg)

“ଏଦାଆଁତାକି ଇଚାସି ତାନି ଆବା ତାଣା ୱେଣ୍ଡା ହାଜାଲି ତାକି ହତେସି । ଏୱାସି ଏଚିବେଲା ହେକ ମାଚେସି, ତାନି ଆବା ହେକଟିଏ ମେସାହାଁ ଡ଼ୟାଲି ଆଡାଃନା କାର୍ମା ଆହା ହାଚେସି । ଏୱାସି ତାନି ମିର୍ଏଣା ଡାଗେ ହଟି ହାଜାହାଁ ପମାସ୍ତେସି ଅଡ଼େ ନଣ୍ଡାସ୍ତେସି ।”

![](https://cdn.door43.org/obs/jpg/360px/obs-en-35-08.jpg)

“ମିର୍ଏସି ଜଲିତେସି,’ଆବା, ନାନୁ ମାହାପୁରୁତି ବିରୁଦ୍ଦ ଅଡ଼େ ନି ବିରୁଦ୍ଦ ପାପୁ କିହା ମାଇଁ । ନି ମିର୍ଏତେଏଁ ଇଞ୍ଜି ହାଟ୍କି ଆହାଲି ଯୋଗ୍ୟ ତେଏଁ ଆଃଏ।”

![](https://cdn.door43.org/obs/jpg/360px/obs-en-35-09.jpg)

“ମାତ୍ର ତାନି ଆବା ତାନି ହଲିଆଁ ବିତ୍ରା ରଅଣାଇଁ ଏଲେଇଚେସି,’ ଜିକି ହାଲାମୁ ଅଡ଼େ ବାରେକିହାଁ ନେହି ହେମ୍ବରୀ ଚାଚିଁ ୱାମୁ ଅଡ଼େ ଏଦାଣୀ ନା ମିର୍ଏଣାଇଁ ତୁର୍ୱି କିମୁ ! ତାନି ୱାଞ୍ଜୁତା ମୁଦି ଅଡ଼େ କଡାତା ଶେପୁଁ ହିମୁ । ଏଦାଆଁ ଜେଚ ବାରେକିହାଁ ନେହି ଗରି ଡାଲୁଇଁ ପାୟାମୁ ଅଡ଼େ ମାର ୱାଜାହାଁ ତିନାଇ ତିଆର୍ କିହାଁ ରାହାଁ କିନ, ଏନାଆତାକି ଇଚିସାରେ ନା ମିର୍ଏସି ହାହାମାଚେସି, ମାତ୍ର ନେଏ ଏୱାସି ନିଡାମାନେସି ! ଏୱାସି ଜାଂଗା ହାଜାମାଚେସି, ମାତ୍ର ନେଏ ବେଟା ଆତେଏଁ!”

![](https://cdn.door43.org/obs/jpg/360px/obs-en-35-10.jpg)

“ଏଦାଆଁତାକି ଲୋକୁ ରାହାଁ କିହାଲି ମାଠ୍ହେରି । ବେଲା ଆନି ନକେଏ, ବାଡ଼ାତା କାମା କିହିନି କାଜାସି ଇଜ ୱାତେସି । ଏୱାସି ପାଚୁ ଅଡ଼େ ଏନ୍ଦିନି ହାଡା ୱେଚେସି ଅଡ଼େ ଏନାଆଁ ଆହାମାନେ ଇଞ୍ଜି କାବା ଆହାହାଚେସି ।”

![](https://cdn.door43.org/obs/jpg/360px/obs-en-35-11.jpg)

“ତାନି ବୋୱା ୱାହାମାନେସି ଇଞ୍ଜି ଇ ବାରେ ପାର୍ବୁ ଆହି ମାନେ ଇଞ୍ଜି ଏଚିବେଲା କାଜା ମିର୍ଏସି ମେସ୍ତେସି, ଏଚିବେଲା ଏୱାସି ହାରେକା କାର୍ବି ଆହାମାଚେସି ଅଡ଼େ ଇଜ ବିତ୍ରା ହାଲାଃତେସି । ତାନି ଆବା ୱାତେସି ଅଡ଼େ ତାମି ତଲେ ପାର୍ବୁ ନାମାଲି ତାକି ଏଲେଇଚେସି, ମାତ୍ର ଏୱାସି କୁତେସି ।”

![](https://cdn.door43.org/obs/jpg/360px/obs-en-35-12.jpg)

କାଜା ମିର୍ଏସି ତାନି ଆବାଇଁ ଏଲେଇଚେସି “ଇଚେକା ବାର୍ଷା ଆସାହାଁ ନାନୁ ନାମୁ ତଲେ ନି କାମା କିହାମାଇଁ! ନାନୁ ଏଚେଲା ନି ବୋଲୁ କୁହାଲଃଅଁ, ଆତିଁ ଜିକେଏ ନିନୁ ନା ତାକି ର ଇଚି ଗରି ଡାଲୁ ଜିକେଏ ହିହା ମାଞ୍ଜଃତି ଏନିକିକି ନା ତଡୁଁ ତଲେ ପାର୍ବୁ କିଇଁ । ମାତ୍ର ନି ଇ ମିର୍ଏସି ଉଜୁଉଜେଏ ନି ବାରେ ଦନ ରାପ୍ହାହାଁ ଇଜୱେଣ୍ଦିତେସି, ନିନୁ ଏୱାଣ୍ ତାକି ବାରେ କିହାଁ ନେହି ଡାଲୁଇଁ ପାଇତି !”

![](https://cdn.door43.org/obs/jpg/360px/obs-en-35-13.jpg)

“ଆବା ଏଲେଇଚେସି,’ମିର୍ଏତି, ନିନୁ ସବୁବେଲା ନା ତଲେ ମାଞ୍ଜି, ଏମିନିଗାଟାଇ ନାଦି ଇ ବାରେ ନିଦି । ମାତ୍ର ମା ତାକି ପାର୍ବୁ କିନାଇ ମାଚେ, ଏନାଆଁ ତାକି ଇଚିସାରେ ନି ତାଇ ହାହା ହାଜା ମାଚେସି, ମାତ୍ର ନେଏଁ ନିଡା ମାନେସି । ଏୱାସି ଜାଂଗା ହାଜା ମାଚେସି ମାତ୍ର ନେଏଁ ବେଟା ଆତାଇ!”

*ବାଇବଲତି ର ପୁସ୍ପନି: ଲୂକ ୧୫: ୧୧-୩୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_35_96kbps.mp3

## 36. ବାଦ୍ଲି ଆନାଇ

https://openbiblestories.org/l/kxv/story-36/

![](https://cdn.door43.org/obs/jpg/360px/obs-en-36-01.jpg)

ର ଦିନା, ଯୀଶୁ ତାନି ଶିଷ୍ୟଁ ବିତ୍ରା ତିନି ଜାଣା ପିତର, ଯାକୁବ ଅଡ଼େ ଯୋହନଇଁ ତାନି ତଲେ ଅତେସି । (ଯୋହନ ଦରୁ ଗାଟାସି ଯୀଶୁତି ଶିଷ୍ୟ ଅଡ଼େ ଯୀଶୁଇଁ ଡୁବନ ହିହାମାନି ଯୋହନ ରଅସିଏ ଆଏ ।) ଏୱାରି ତାମ୍ବୁ ପ୍ରାତନା କିହାଲି ତାକି ର ହାରେକା କାଜା ହରୁତା ହାଚେରି ।

![](https://cdn.door43.org/obs/jpg/360px/obs-en-36-02.jpg)

ଯୀଶୁ ଏଚିବେଲା ପ୍ରାତନା କିହି ମାଚେସି, ତାନି ମୁମ୍ବୁ ୱେଡ଼ାଲେହେଁ ଉଜେଡ଼ି ଆତେ ଅଡ଼େ ତାନି ହେମ୍ବରୀ ଉଜେଡ଼ି ଲେହେଁ ଦବ୍ଲା ଚଞ୍ଜା ଆତେ, ଏମିନାରି ଦାର୍ତିତା ମାନି ଏମିନି ଲୋକୁ ଜିକେଏ କିହାଲି ଆଡଃରି ।

![](https://cdn.door43.org/obs/jpg/360px/obs-en-36-03.jpg)

ଏଦାଆଁ ଜେଚ ମୋଶା ଅଡ଼େ ଏଲୀୟ ଚଞ୍ଜା ଆତେରି । ଇ ରିଃଆରି ଇ ଘଟଣାତି ଶହେ ଶହେ ବାର୍ଷା ନକେଏ ପୁର୍ତିତା ମାଚେରି । ଏୱାରି ଯୀଶୁ ତଲେ ତାନି ହାକି କାତା କାତା ଆହି ମାଚେରି, ଏମିନିଗାଟାଇ ଯିରୁଶାଲମତା ହାରେକା ଜିକି ଘଟ ଆହାଲି ହାଜି ମାଚେ ।

![](https://cdn.door43.org/obs/jpg/360px/obs-en-36-04.jpg)

ଏଚିବେଲା ମୋଶା ଅଡ଼େ ଏଲୀୟ ଯୀଶୁ ତଲେ କାତା ଆହି ମାଚେରି, ପିତର ଯୀଶୁଲଁ ଏଲେଇଚେସି,” ମାମ୍ବୁ ଯେ ଇମ୍ବାଆଁ ମାନାଇ ହାରେକା ନେହିଁ । ମାମ୍ବୁ ତିନିଗଟା ଇଲୁ ତିଆର୍ କିନମି, ନି ତାକି ରଣ୍ଡି, ମୋଶାତାକି ରଣ୍ଡି ଅଡ଼େ ଏଲୀୟତାକି ରଣ୍ଡି ।” ପିତର ଏନାଆଁ ଜଲିମାଚେସି ଏଦାଆଁ ଏୱାସି ପୁନାଃତେସି ।

![](https://cdn.door43.org/obs/jpg/360px/obs-en-36-05.jpg)

ଏଚିବେଲା ପିତର କାତା ଜଲିମାଚେସି, ର ଉଜ୍ଜେଡି ହାଗୁ ଡ଼କି ରେଚା ୱାତେ ଅଡ଼େ ଏୱାରାଇଁ ଏଦି ପ୍ଡ଼ିକ୍ହାସ୍ତେ ଅଡ଼େ ହାଗୁଟି ଇବାଣୀ ୱାତେ “ଇୱାସି ନା ମିର୍ଏସି ଏମିନି ଗାଟାଣାଇଁ ନାନୁ ଜୀୱୁ ନଇଁ । ତାନି ତାଣା ନା ରାହାଁ । ତାଙ୍ଗ ୱେଞ୍ଜୁ ।” ଏ ତିନିଜାଣା ଶିଷ୍ୟଁ ଆଜାହାଜାହାଁ ବୁମିତା ତର୍ଗାହାଜା ମାଚେରି ।

![](https://cdn.door43.org/obs/jpg/360px/obs-en-36-06.jpg)

ଏଦାଆଁ ଜେଚ ଯୀଶୁ ଏୱାରାଇଁ ଡିଗିତେସି ଅଡ଼େ ଏଲେଇଚେସି “ଆଜାଃଦୁ । ନିଙ୍ଗାଦୁ ।”ଏୱାରି ଏଚିବେଲା ଶାରି ୱାକି ମେସ୍ତେରି, ଏୱାରି ରଅସିଏ ଯୀଶୁଇଁ ମେସ୍ତେରି ।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ଅଡ଼େ ତାନି ତିନିଜାଣା ଶିଷ୍ୟଁ ହରୁ ଡ଼ଇ ରେଚା ୱାତେରି । ଏଦାଆଁ ଜେଚ ଯୀଶୁ ଏୱାରାଇଁ ଏଲେଇଚେସି “ଏମ୍ବାଆଁ ଏନା ଆତେ ଏଦାଣୀ ଆମ୍ବାରାଇଁ ୱେହ୍ଆଦୁ । ନାନୁ ଜିକି ହାଇଁ ଅଡ଼େ ୱେଣ୍ଡେଏ ନିଡିଇଁ । ଏଦାଆଁ ଜେଚ, ମିରୁ ଲୋକୁଣି ୱେହ୍ ଦେରି ।”

*ବାଇବଲତି ର ପୁସ୍ପନି: ମାଥିଉ ୧୭:୧-୨; ମାର୍କ ୯:୨-୮; ଲୂକ ୯:୨୮*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_36_96kbps.mp3

## 37. ଯୀଶୁ ଲାଜାରଇଁ ହାକିଟି ନିଟ୍‌ନେସି

https://openbiblestories.org/l/kxv/story-37/

![](https://cdn.door43.org/obs/jpg/360px/obs-en-37-01.jpg)

ର ଦିନା, ଯୀଶୁ ର କାବ୍ରୁ ୱେଚେସି ଯେ ଲାଜାର ହାରେକା ଆଡିଲଃସି । ଲାଜାର ଅଡ଼େ ତାନି ରି ତାଂଗୀସ୍କା, ମରିୟମ ଅଡ଼େ ମାର୍ଥା, ଯୀଶୁତି ତଡୁ ମାଚୁ । ଯୀଶୁ ଏଚିବେଲା ଇ କାବ୍ରୁ ୱେଚେସି, ଏୱାସି ଜଲିତେସି “ଇ ଆଡାଃଗାଟାଇ ହାକି ତଲେ ରାଏ, ମାତ୍ର ଇଦି ମାହାପୁରୁତି ଗାଉରମି ତାକି ଆନେ ।” ଯୀଶୁ ତାନି ତଡ଼଼ୁଗାଟାରିଇଁ ଜୀୱୁ ନହି ମାଚେସି, ମାତ୍ର ଏୱାରି ଏମିନି ଟାୟୁତା ମାଚେରି ଏମ୍ବାଆଁ ରିଦିନା ଡ଼ୟସ୍ତେରି ।

![](https://cdn.door43.org/obs/jpg/360px/obs-en-37-02.jpg)

ରିଦିନା ରାତି ଜେଚ, ଯୀଶୁତାନି ଶିଷ୍ୟଁଣୀ ଏଲେଇଚେସି, ”ୱାଦୁ, ମାର ଯିହୁଦା ଦେଶାତା ହାନ ।“ ଶିଷ୍ୟୟାଁ ଉତ୍ତର ହିତେରି”ଗୁରୁ, ସାଣେକା ନକେଏ ଲୋକୁ ନିଂଗ ପାୟାଲି ତାକି ଅଣପିମାଚେରି!” ଯୀଶୁ ଏଲେଇଚେସି “ମା ତଡୁ ଲାଜାର ଇଦା କିହାମାନେସି, ଅଡ଼େ ନାନୁ ତାଂଗେ ସାତେଏ ଇଦାଟି ନିକ୍ହାଲି ଲାଗିନେ ।”

![](https://cdn.door43.org/obs/jpg/360px/obs-en-37-03.jpg)

ଯୀଶୁତି ଶିଷ୍ୟଁ ଏଲେ ଇଚେରି “ଗୁରୁ, ଲାଜାର ଇଦା କିହାମାଚିସାରେ, ଏୱାସି ନିଂଗୀନେସି ।”ଏଦାଆଁ ଜେଚ ଯୀଶୁ ଏୱାରାଇଁ ନେହିକି ଜଲିତେସି “ଲାଜାର ହାହା ହାଜା ମାନେସି । ନାଙ୍ଗେ ରାହାଁ ଯେ ନାନୁ ଏମ୍ବାଆଁ ହିଲାଃତେଏଁ, ଏନିକିକି ମିରୁ ନାତାଣା ନାମାଦେରି ।”

![](https://cdn.door43.org/obs/jpg/360px/obs-en-37-04.jpg)

ଯୀଶୁ ଏଚିବେଲା ଲାଜାରତି ଗାଡ଼ାତା ୱାତେସି, ଲାଜାର ହାହାଁ ମୁସ୍ପି ଆହାଁ ଶାରିଦିନା ଆହାମାଚେ । ମାର୍ଥା ଯୀଶୁଇଁ ବେଟା ଆହାଲି ହାଜାହାଁ ଏଲେଇଚେ “ମାହାପୁରୁ, ନିନୁ ଇମ୍ବାଆଁ ମାଚିଁମା, ନା ତାଇ ହାଃଆତେସିମା । ମାତ୍ର ନାନୁ ନାମି ମାଇଁ ନିନୁ ମାହାପୁରୁଇଁ ଏନାଆଁ ରିହ୍ଦି ଏୱାସି ନିଂଗ ହିୟାନେସି ।”

![](https://cdn.door43.org/obs/jpg/360px/obs-en-37-05.jpg)

ଯୀଶୁ ଏଲେଇଚେସି “ନାନୁ ୱେଣ୍ଡେ ନିଙ୍ଗିତାତେଏଁ ଅଡ଼େ ଜୀୱୁତେଏଁ । ଏମିନି ଗାଟାସି ନାଙ୍ଗେ ନାମାନେସି, ଏୱାସି ହାତିଁଜିକେଏ ନିଡିନେସି । ଏମିନିଗାଟାସି ନାଂଗେ ନାମାନେସି ଏୱାସି ଏଚେଲା ହାଃଅସି । ନିନୁ ଇଦାଆଁ ନାମିମାଞ୍ଜି କି ? ”ମାର୍ଥା ଏଲେଇଚେ, “ହଁ,ଗୁରୁ! ନାନୁ ନାମିମାଇଁ ଯେ ନିନୁ ମାହାପୁରୁତି ମିର୍ଏତି ଖ୍ରୀଷ୍ଟ।”

![](https://cdn.door43.org/obs/jpg/360px/obs-en-37-06.jpg)

ଏଦାଆଁ ଜେଚ ମରିୟମ ଏତେ । ଏଦି ଯୀଶୁତି କଡାଁ ଡ଼ଇ ତର୍ଗାହାଁ ଏଲେଇଚେ “ମାହାପୁରୁ, ନିନୁ ଇମ୍ବାଆଁ ମାଚିମାଁ, ନା ତାଇ ହାଃଆତେସିମା । “ଯୀଶୁ ଏୱାରାଇଁ ୱେଚେସି “ମିରୁ ଲାଜାରଇଁ ଏମ୍ବିୟା ଇଟାମାଞ୍ଜେରି ?” ଏୱାରି ଏଲେଇଚେରି “ମାହିଣି ମେଣ୍ଡାତା । ୱାଦୁ ସିନିକିନ । “ଏଦାଆଁ ଜେଚ ଯୀଶୁ ଡ଼ିତେସି ।

![](https://cdn.door43.org/obs/jpg/360px/obs-en-37-07.jpg)

ମାହିଣିମେଣ୍ଡାତା ର ପାଉ ମାଚେ ଅଡ଼େ ଏ ମୁମ୍ବୁତା ର ୱାକି ଉସ୍ପି ଆହି ମାଚେ ।ଯୀଶୁ ଏଚିବେଲା ମାହିଣିମେଣ୍ଡାତା ଏତେସି, ଏୱାସି ଏୱାରାଇଁ ଏଲେଇଚେସି “ୱାଲି କୁତ୍ ଦୁ ଅଡ଼େ ହେକ କିଦୁ । “ମାତ୍ର ମାର୍ଥା ଏଲେଇଚେ “ଏୱାସି ହାହାଁ ଶାରି ଦିନା ଆତେଇ ଏ । ଏମ୍ବାଆଁ ଗାଂଦା ଆନେ ।”

![](https://cdn.door43.org/obs/jpg/360px/obs-en-37-08.jpg)

ଯୀଶୁ ଏଲେଇଚେସି “ନାନୁ ଏନାଆଁ ମିଙ୍ଗ ୱେସା ମାଞ୍ଜଅଁ କି ଯେ ମିରୁ ନା ତାଣା ନାମିସାରେ ମାହାପୁରୁତି ଗାଉରମି ମେହ୍ ଦେରି ?” ଏଦାଆଁ ତାକି ଏୱାରି ୱାଲିଇଁ ଉସି କିହାଁ ହେକ କିତେରି ।

![](https://cdn.door43.org/obs/jpg/360px/obs-en-37-09.jpg)

ଏଦାଆଁ ଜେଚ ଯୀଶୁ ଲାକପୁରୁୱାକି ସିନିକିହାଁ ଏଲେଇଚେସି “ଆବାଃ,ନା ପ୍ରାତନା ୱେଞ୍ଜିନାକି ଧନ୍ୟବାଦ । ନାନୁ ପୁଞ୍ଜା ମାଇଁ ନିନୁ ସବୁବେଲା ନା କାତା ୱେଞ୍ଜିମାଞ୍ଜାଦି,ବାରେ ଲୋକୁ ଇମ୍ବାଆଁ ନିଚା ମାନେରି ଏ ଲୋକୁତାକି ନାନୁ ଇଦାଆଁ ଜଲି ମାଞ୍ଜାଇଁ ।“ଏଦାଆଁ ଜେଚ ଯୀଶୁ ଗାଡି କାଲ ତଲେ ଏଲେ ଇଚେସି “ଲାଜାର, ପାଙ୍ଗାତା ହଚା ୱାମୁ!”

![](https://cdn.door43.org/obs/jpg/360px/obs-en-37-10.jpg)

ଏଦାଆଁ ତାକି ଲାଜାର ହଚା ୱାତେସି ! ଏ ବେଲାତା ଜିକେଏ ମୁସ୍ପିଆନି ହେମ୍ବରୀ ପ୍ଡ଼ିକ୍ୱି ଆହାମାଚେ । ଯୀଶୁ ଏୱାରାଇଁ ଏଲେଇଚେସି “ଇ ମୁସ୍ପି ଆନି ହେମ୍ବରି ତାନିତାଣାଟିଏ କଡାହାଁ ଦସ୍ପି ଆତାଣିଇଁ ହୁକ୍ ଦୁ!” ଯୀଶୁତି ଇ କାବା ଆନି କାମାତାକି ହାରେକା ଯିହୁଦୀ ତାନି ତାଣା ନାମି ତେରି ।

![](https://cdn.door43.org/obs/jpg/360px/obs-en-37-11.jpg)

ମାତ୍ର ଯିହୁଦୀୟାଁ ଦାର୍ମୁ ନେତାଁୟାଁ ଇର୍ଷା ଆହିମାଚେରି, ଏଦାଆଁ ତାକି ଏୱାରି ଏନିକି ଯୀଶୁ ଅଡ଼େ ଲାଜାରଇଁ ପାଇନେରି ଏଦାଆଁ କୁଡ଼ା ଆହାଁ କାତା ଆହି ମାଚେରି ।

*ବାଇବଲତି ର ପୁସ୍ପନି: ଯୋହନ ୧୧:୧-୪୬*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_37_96kbps.mp3

## 38. ଯୀଶୁଇଁ ମିଚି ଜଲିତେରି

https://openbiblestories.org/l/kxv/story-38/

![](https://cdn.door43.org/obs/jpg/360px/obs-en-38-01.jpg)

ସବୁ ବାର୍ଷା ଯିହୁଦୀୟାଁ ନିସ୍ତାର ପାର୍ବୁ ନାମିମାଚେରି । ଇଦି ଆହିମାନେ ଏ ପାର୍ବୁ ଏମିନିଗାଟାଇ ଶହେ ବାର୍ଷା ନକେଏ ଟିଏ ମାହାପୁରୁ ଏନିକି ତାମି ଆକୁଁଆବାଁଟିଏ ହଲିଆଁଟିଏ ଗେଲ୍ପା ଚାଚାମାଚେସି । ଯୀଶୁ ଏମ୍ବାତି ଲୋକୁ ଲେହେଁ ଅଡ଼େ ପ୍ରଚାର କିହାଁ ତିନି ବାର୍ଷା ଜେଚ ଯୀଶୁ ତାମି ଶିଷ୍ୟଁଣୀ ଏଲେଇଚେସି ତାମି ତଲେ ଯିରୁଶାଲମତା ନିସ୍ତାର ପାର୍ବୁ ନାମାଲି ଅଣପିତେସି, ଅଡ଼େ ଏମ୍ବାଆଁ ତାଂଗେ ପାଇୱି ଆନେ ।

![](https://cdn.door43.org/obs/jpg/360px/obs-en-38-02.jpg)

ଯୀଶୁ ଶିଷ୍ୟଁ ବିତ୍ରା ଯିହୂଦୀ ଦରୁଗାଟି ଶିଷ୍ୟ ମାଚେସି । ଯିହୂଦୀ ଶିଷ୍ୟଁତି ଡାବୁଁ ଇଟିନି କାମାତା ମାଚେସି, ମାତ୍ର ଏୱାସି ଡାବୁଁଇଁ ଜୀୱୁ ନତେସି ଅଡ଼େ ହାରେକା ବେଲାତା ଡାବୁଁ ଶରି କିହିମାଚେସି । ଯୀଶୁ ଅଡ଼େ ତାନି ଶିଷ୍ୟୟାଁ ଯିରୁଶାଲମତା ଏତି ଜେଚ, ଯିହୁଦା ଡାବୁଁ ବାଟା ଯୀଶୁଇଁ ଶାତ୍ରୁଁ କେୟୁତା ହେର୍ପିାଲି ତାକି ନେତାଁ ତାଣା ହାଚେସି । ଏୱାସି ପୁଞ୍ଜାମାଚେସି ଯେ ଯୀଶୁ ଖ୍ରୀଷ୍ଟ ଇଞ୍ଜି, ଇଦାଆଁ ଯିହୂଦୀ ନେତାୟାଁ ନାମିଲାଃତେରି ଅଡ଼େ ଏୱାରି ତାଙ୍ଗେ(ଯୀଶୁଇଁ) ପାୟାଲିତାକି କାତା ଆହିମାଚେରି ।

![](https://cdn.door43.org/obs/jpg/360px/obs-en-38-03.jpg)

ଯିହୂଦୀ ନେତାୟାଁ କାଜା ମହାଯାଜକଟିଏ ଯୀଶୁଇଁ ଶାତ୍ରୁ କେୟୁତା ହେର୍ପାଲିତାକି ତିରିଶ୍ ଗଟା ରୁପା ଡାବୁଁ ହିହାମାଚେସି । ଭାବବାଦୀୟାଁ ଭାବବାଣୀ କିହାନିଁ ଲେହେଁ ଘଟଆତେ । ଯିହୁଦୀ ଏଦାଆଁ କାତାଆହାଁ ଡାବୁଁ ଅହିଁ ହାଚେସି । ଏୱାସି ଏନିକି ଯୀଶୁଇଁ ଆସାହାଁ ଶାତ୍ରୁ କେୟୁତା ହେର୍ପିନେସି ଏଦାଆଁ ତାକି ସୁଯୋଗ ପାରିମାଚେସି ।

![](https://cdn.door43.org/obs/jpg/360px/obs-en-38-04.jpg)

ଯିରୁଶାଲମତା ଯୀଶୁ ତାନି ଶିଷ୍ୟଁ ତଲେ ନିସ୍ତାର ପାର୍ବୁ ନାମିତେସି । ନିସ୍ତାର ପାର୍ବୁ ତିନି ବେଲା, ଯୀଶୁ ରୁଟିଇଁ ଅହାଁ ଏଦାଆଁ ଡିକ୍ହେସି । ଏୱାସି ଜଲିତେସି “ଇଦାଆଁ ଅହାଁ ଚିଞ୍ଜୁ । ଇଦି ନା ଆଙ୍ଗା, ଏମିନିଗାଟାଇ ମିତାକି ହିପ୍‌କି ଆହାମାନେ । ନାଙ୍ଗେ ଅଣପାଲିତାକି ଇଦାଆଁ କିଦୁ ।” ଇଲେହେଁ କି, ଯୀଶୁ ଜଲିତେସି, ତାମି ତାକି ତାନି ଆଙ୍ଗା ବଳୀ ହିପ୍‌କିଆନେ ।

![](https://cdn.door43.org/obs/jpg/360px/obs-en-38-05.jpg)

ଏଦାଆଁ ଜେଚ ଯୀଶୁ ର ଗହ୍ନିମୁତା ପେର୍ତେସି ଅଡ଼େ ଜଲିତେସି “ଇଦାଆଁ ଗହ୍ ଦୁ । ଇଦି ନା ପୁଃନି ମେରାତି କାସା ଏମିନାଇ ପାପୁକ୍ଷମା ଆହାଲି ତାକି ୱାକ୍ପି ଆହାମାନେ । ମିରୁ ବାରେବେଡ଼ା ଇଦାଆଁ ଗହ୍ନିବେଲା ନାଙ୍ଗେ ଅଣପାଦୁ ।”

![](https://cdn.door43.org/obs/jpg/360px/obs-en-38-06.jpg)

ଏଦାଆଁ ଜେଚ ତାନି ଶିଷ୍ୟଁଣୀ ଏଲେଇଚେସି “ମି ବିତ୍ରା ରଅସି ନାମୁ ଡିକ୍ ହାନେସି ।” ଶିଷ୍ୟୟାଁ କାବା ଆହା ହାଚେରି, ଅଡ଼େ ଇଲେତି କାତା ଆମ୍ବାଃସି କିନେସି ଇଞ୍ଜି ୱେଚେରି । ଯୀଶୁ ଏଲେଇଚେସି “ନାନୁ ଅମ୍ବାରାଇଁ ଇ ରୁଟି କାଣ୍ଡା ହିଇଁ ଏୱାସି ନାଂଗେ ନାମୁ ଡିକ୍ ହାନେସି । ”ଏଦାଆଁ ଜେଚ ଏୱାସି ଏ ରୁଟି ଯିହୂଦାଇଁ ହିତେସି ।

![](https://cdn.door43.org/obs/jpg/360px/obs-en-38-07.jpg)

ଯିହୂଦା ଏ ରୁଟି କାଣ୍ଡାଇଁ ଅତି ଡାୟୁ, ଶୟତାନ ତାନି ବିତ୍ରା ହଟେ । ଯିହୂଦା ଏ ଟାୟୁ ପିସାହାଁ ଯୀଶୁଇଁ ଦସ୍ପି କିହାଲି ଯିହୂଦୀ ନେତାଁଣୀ ସାୟମି ଆହାଲି ତାମି ତାଣା ହାଚେସି । ଏଚିବେଲା ଲାଁଆ ଆହାମାଚେ ।

![](https://cdn.door43.org/obs/jpg/360px/obs-en-38-08.jpg)

ଚିଚି ଜେଚ, ଯୀଶୁ ଅଡ଼େ ତାନି ଶିଷ୍ୟଁ ଜିତ ହରୁତା ତାକି ତାକିହିଁ ହାଚେରି । ଯୀଶୁ ଏଲେଇଚେସି”ମିରୁ ବାରେ ନାଂଗେ ପିସ୍ତୁ ସ୍ତାଦେରି । ରାସ୍କି ଆହାମାନେ “ନାନୁ ଗଡ଼ୁଇଁ ୱେଇଁ ଅଡ଼େ ବାରେ ମେଣ୍ଡା କିଲିବିଲି ଆନୁ ।

![](https://cdn.door43.org/obs/jpg/360px/obs-en-38-09.jpg)

ପିତର ଏଲେ ଇଚେସି “ବାରେ ଜାଣା ନିଂଗ ପିସ୍ତା ତିହିଁ ଜିକେଏ, ନାନୁ ପିସ୍ତଅଁ!” ଅଡ଼େ ଯୀଶୁ ଏଲେଇଚେସି “ ଶୟତାନ ମି ବାରେ ତଲେ ଡ଼ୟାଲି ଇଚା କିହିମାନେ, ମାତ୍ର ପିତର ନି ନାମୁ ଏନିକି ହିତିଡ଼ି ଆଆପେ ଏଦାଆଁ ତାକି ନାନୁ ବାତିମାଲିଇଁ ।ଏନିକିକି, ନିଞ୍ଜୁ ଲାଆଁ କୟୁ କ୍‌ଣେକ୍‌ନି ନକେଏ ନିନୁ ନାଙ୍ଗେ ତିନି ଦେବା ନାମୁଇଁ ଡ଼ୁକ୍ ଦି ।”

![](https://cdn.door43.org/obs/jpg/360px/obs-en-38-10.jpg)

ଏଦାଆଁ ଜେଚ ପିତର ଯୀଶୁଇଁ ଏଲେଇଚେସି “ନାନୁ ହାତିଁ ଜିକେଏ, ନାନୁ ଏଚେଲା ନାମୁତି ଡ଼ୁକ୍ଅଁ !” ଏଟ୍କା ଶିଷ୍ୟଁ ବାରେ ଜିକେଏ ଏଲେଇଚେରି ।

![](https://cdn.door43.org/obs/jpg/360px/obs-en-38-11.jpg)

ଏଦାଆଁ ଜେଚ ତାନି ଶିଷ୍ୟଁ ତଲେ ଗେଥଶିମନୀ ଟାୟୁତା ହାଚେରି । ଶିଷ୍ୟଁ ଏନିକି ପରିକ୍ଷାତା ତର୍ଗଃରି ଏଦାଆଁ ତାକି ଯୀଶୁ ତାନି ଶିଷ୍ୟଁଣୀ ପ୍ରାତନା କିହାଲି ଏଲେଇଚେସି । ଏଦାଆଁ ଜେଚ ଯୀଶୁ ତାନୁଏ ପ୍ରାତନା କିହାଲି ହାଚେସି ।

![](https://cdn.door43.org/obs/jpg/360px/obs-en-38-12.jpg)

ଯୀଶୁ ତିନି ଦେବା ପ୍ରାତନା କିତେସି’ ନା ଆବା, ଆହାଲି ଆଡିସାରେ, ଇ ଦୁକୁତା ଇ ଜୀୱୁଇଁ ନାତାଣାଟି ଇଦାଆଁ ହେକ କିମୁ । ମାତ୍ର ଲୋକୁତି ପାପୁଇଁ କ୍ଷମା କିହାଲିତାକି ଅଡ଼େ ଏନି ଉପାୟ ହିଲାଃତେ, ଆତିସାରେ ନି ଇଚା ଆପେ ।” ଯୀଶୁ ହାରେକା ଦୁକୁତା ମାଚେସି ଅଡ଼େ ତାନି ଗାମା କାସା ବନ୍ଦା ଲେହେଁ ମାଚେ । ମାହାପୁରୁ ତାଂଗେ ଶାସା ଆସାଲି ତାକି ର ଦୁତୁଇଁ ତାନି ଡାଗେ ପାଣ୍ଡିତେସି ।

![](https://cdn.door43.org/obs/jpg/360px/obs-en-38-13.jpg)

ବାରେ ଦେବା ପ୍ରାତନା କିତି ଡାୟୁ, ଯୀଶୁ ତାନି ଶିଷ୍ୟଁ ତାଣା ହାଜି ମାଚେସି ମାତ୍ର ଏୱାରି ଡୁର୍ତୁସାଂଚେରି । ଏଚିବେଲା ଏୱାସି ତିନି ଦେବା ୱାତେସି, ଯୀଶୁ ଏଲେଇଚେସି” ନିଙ୍ଗାଦୁ! ନା ନାମୁତା ବିଷା ହିନାସି ଇମ୍ଵାଆଁ ମାନେସି ।”

![](https://cdn.door43.org/obs/jpg/360px/obs-en-38-14.jpg)

ଯିହୂଦୀ ନେତାୟାଁ, ସୈନ୍ୟୟାଁ ଅଡ଼େ ହାରେକା ଲୋକୁ ତଲେ ଯିହୂଦା ୱାତେସି । ଏୱାରି କାଣ୍ଡା ଅଡ଼େ ହିଚୁ କୁଡୁଲି ଆସାହାଁ ୱାତେରି । ଯିହୁଦା ଯୀଶୁ ଡାଗେ ୱାହାଁ ଏଲେଇଚେସି “ହେ ଗୁରୁ ନମସ୍କାର” ଅଡ଼େ ତାଙ୍ଗେ ନଣ୍ଡାସ୍ତେସି । ଯିହୂଦୀ ନେତାୟାଁ ଏମ୍ବାରାଇ ଏମ୍ବାରାଇଁ ଦସ୍ପିନେରି ଏଦି ର ଚିନ୍ନା ମାଚେ । ଏଦାଆଁ ଜେଚ ଯୀଶୁ ଏଲେଇଚେସି “ଯିହୂଦା, ନଣ୍ଡିତି ତାକି କି ନିନୁ ନାଂଗେ ଶାତ୍ରୁ କେୟୁତା ହେର୍ପି ମାଞ୍ଜାଦି ?”

![](https://cdn.door43.org/obs/jpg/360px/obs-en-38-15.jpg)

ଏଚିବେଲା ସୈନ୍ୟଁୟାଁ ଯୀଶୁଇଁ ଦସ୍ପିତେରି, ପିତର ତାନି କାଣ୍ଡା ହପ୍ହେସି ଅଡ଼େ ମହାଜାଯକତି ହଲିଆତି କ୍ରିୟୁଁ ଦାତୁସ୍ତେସି । ଯୀଶୁ ଏଲେଇଚେସି “କାଣ୍ଡାଇଁ ହେକ ଇଟାମୁଁ ! ନାଙ୍ଗେ ଗେଲ୍ପାଲିତାକି ନାନୁ ନା ଆବାତି ଦୂତୁଁତି ର ସୈନ୍ୟଦଲ ରିସାଲି ଆଡିଇଁ । ମାତ୍ର ନାନୁ ନା ଆବାତି ବୋଲୁ ନାମିନାଇ ମାନେ ।” ଏଦାଆଁ ଜେଚ ଯୀଶୁ ଏ ଲୋକୁତି କ୍ରିୟୁଁଇଁ ନେହି କିତେସି । ଯୀଶୁଇଁ ଦସ୍ତି ଡାୟୁ ବାରେ ଶିଷ୍ୟୟାଁ ହଡ଼ତୁ ସ୍ତେରି ।

*ବାଇବଲତି ର ପୁସ୍ପନି: ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୂକ ୨୨:୧-୫୩; ଯୋହନ ୧୨:୬; ୧୮:୧-୧୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_38_96kbps.mp3

## 39. ଯୀଶୁଇଁ ବିଚାରା କିୱି ଆନେ

https://openbiblestories.org/l/kxv/story-39/

![](https://cdn.door43.org/obs/jpg/360px/obs-en-39-01.jpg)

ଏଚିବେଲା ମାଦି ଲାଆଁ ମାଚେ । ମହାଯାଜକ ଏନିକି ପ୍ରଶ୍ନ ୱେନେରି ଏଦାଆଁ ତାକି ସୈନ୍ୟୟାଁ ତାଂଗେ ମହାଯାଜକତି ଇଜ ଅହାସ୍ତେରି । ପିତର ହେକଟି ମାଞ୍ଜାହାଁ ତାମି ଜେଚ ଜେଚ ହାଜି ମାଚେସି । ଯୀଶୁଇଁ ଏଚିବେଲା ଏ ଇଲୁତା ଅତେରି, ପିତର ପଂଗାତା ମାଞ୍ଜାହାଁ ହିଚୁ କାଇ ମାଚେସି ।

![](https://cdn.door43.org/obs/jpg/360px/obs-en-39-02.jpg)

ଇଲୁବିତ୍ରା, ଯିହୂଦୀ ନେତାୟାଁ ଯୀଶୁଇଁ ବିଚାରା କିତେରି । ଏୱାରି ହାରେକା ମିଚି ସାକିଣୀ ତାତେରି ଏମିନିଗାଟାରି ତାନି ବିରୁଦ୍ଦତା ମିଚି ସାକୀ ଜଲିନେରି । ମାତ୍ର, ତାମି କାତା ତାମି ତାମି ବିତ୍ରା କାତା ଆଣ୍ଡିଲାଃତେ, ଏଦାଆଁ ତାକି ଯିହୂଦୀ ନେତାୟାଁ ପାର୍ମାଣା କିହାଲି ଆଡାଃତେରି ଯେ ଏୱାସି ଏନି ଭୁଲ୍ କିହାମାନେସି । ଯୀଶୁ ଏନାଆଁ ଜଲାଃତେସି ।

![](https://cdn.door43.org/obs/jpg/360px/obs-en-39-03.jpg)

ଡାୟୁ, ମହାଯାଜକ ଯୀଶୁଇଁ ମେସାହାଁ ଏୱାଣାଇଁ ୱେଚେସି “ମାଙ୍ଗେ ୱେସ୍ତାମୁ, ନିନୁ ଏ କି ଜୀୱୁଗାଟି ମାହାପୁରୁତି ମିର୍ଏତି ଖ୍ରୀଷ୍ଟ ?”

![](https://cdn.door43.org/obs/jpg/360px/obs-en-39-04.jpg)

ଯୀଶୁ ଏଲେଇଚେସି “ନାନୁ ଏୱାତେଏଁ, ଅଡ଼େ ମିରୁ ନାଙ୍ଗେ ମାହାପୁରୁତି କୁର୍ଚିତା କୁଗାଲି ଅଡ଼େ ସର୍ଗଟି ୱାନାଣୀଇଁ ମେହ୍ ଦେରି ।” କାଜା ଯାଜକ କାର୍ବିତଲେ ତାନି ହେମ୍ବରି ଗେସାହାଁ ଏଟ୍କା ଦାର୍ମୁତି ନେତାଣୀଁ କାଲ ଆହାଁ ଏଲେଇଚେସି “ମା ସାକୀ ଦରକାର ଆଃଏ! ମିରୁ ୱେଚେରି ଯେ ଇୱାସି ମାହାପୁରୁତି ମିର୍ଏସି ଇଞ୍ଜି ୱେସି ମାଞ୍ଜାନେସି । ମି ବିଚାରା ଏନାଇ ?”

![](https://cdn.door43.org/obs/jpg/360px/obs-en-39-05.jpg)

ଯିହୂଦୀ ନେତାୟାଁ ମହାଯାଜକଣୀଁ ଏଲେଇଚେରି “ଏୱାସି ପାଇୱି ଆନାଇମାନେ” ଏଦାଆଁ ଜେଚ ଏୱାରି ଯୀଶୁଇଁ କାନୁତା ପାସ୍କି ଦସ୍ତୁସ୍ତେରି, ତାଂଗେ ବେତେରି, ତାନି ଲାକ ହୁପିତେରି ଅଡ଼େ ତାଂଗେ ଲାଜା କିତେରି ।

![](https://cdn.door43.org/obs/jpg/360px/obs-en-39-06.jpg)

ପିତର ଇଲୁ ପଙ୍ଗାତା କାଚି ମାନିବେଲା, ର ହଲିଏଣୀ ପଦା ତାଙ୍ଗେ ମେସାହାଁ ଏଲେଇଚେ “ନିନୁ ଜିକେଏ ଯୀଶୁ ତଲେ ମାଚି!” ପିତର ଇ କାତାଇଁ ମିଚି ଜଲିତେସି । ଡାୟୁ ବେଲାତା, ଅର ପଦା ଇ ରଣ୍ଡିଏ କାତା ଜଲିତେ, ମାତ୍ର ପିତର ଏଦାଆଁ ଜିକେଏ ମିଚି ଜଲିତେସି । ଡାୟୁବେଲାତା, ଲୋକୁ ଏଲେଇଚେରି,” ମାର ପୁଞ୍ଜାମାନମି ଯେ ନିନୁ ଯୀଶୁ ତଲେ ମାଚି ଏନାଆଁତାକି ଇଚିସାରେ ମିରୁ ରିଆତେରି ଗାଲିଲୀଟି ୱାହା ମାଞ୍ଜେରି ।”

![](https://cdn.door43.org/obs/jpg/360px/obs-en-39-07.jpg)

ଏଦାଆଁ ଜେଚ ପିତର ପାର୍ମାଣା କିତେସି, ଜଲିତେସି “ମାହାପୁରୁ ନାଙ୍ଗେ ବାକା ହିୟାପେସି ନାନୁ ଏ ଲୋକୁଇଁ ପୁଞ୍ଜାମାଚିସାରେ!” ରେଟୁଲିଏ କୟୁ କ୍‌ଣେତେ, ଅଡ଼େ ଯୀଶୁ ୱେଣ୍ଡାହାଁ ପିତରଇଁ ମେସ୍ତେସି ।

![](https://cdn.door43.org/obs/jpg/360px/obs-en-39-08.jpg)

ପିତର ହାତୁସ୍ତେସି ଅଡ଼େ ହାରେକା ଡ଼ିତେସି । ଇଦାଆଁ ବିତ୍ରା, ନାମୁ ଡିକ୍‌ହି ଯିହୂଦା ମେସ୍ତେସି ଯେ ଯିହୂଦା ନେତାୟାଁ ଯୀଶୁଇଁ ପାୟାଲି ତାକି ଦହ କିହାମାଚେରି । ଯିହୂଦା ହାରେକା ଦୁକୁ ଆତେସି ଅଡ଼େ ହାଜାହାଁ ତାଙ୍ଗେ ପାୟା କଡିତେସି ।

![](https://cdn.door43.org/obs/jpg/360px/obs-en-39-09.jpg)

ଏ ଦିନା ଡାୟୁ ଲାଇସେଏ, ଯିହୂଦୀ ନେତାୟାଁ ଯିଶୁଇଁ ପିଲାତ ତାଣା ତାତେରି ଏମିନିଗାଟାସି ରୋମିୟଣୀଁ ତାକି କିହି ମାଚେସି । ଏୱାରି ଅଣପାମାଚେରି ପିଲାତ ଯୀଶୁଇଁ ଦହ କିହାଁ ପାୟାଲି ତାକି ବିଚାରା କିନେସି । ପିଲାତ ଯୀଶୁଇଁ ୱେଚେସି “ନିନୁ ଏନାଆଁ ଯିହୂଦୀଁତି ରାଜାତି ?”

![](https://cdn.door43.org/obs/jpg/360px/obs-en-39-10.jpg)

ଯୀଶୁ ଏଲେଇଚେସି “ନିନୁ ଏନାଆଁ ଇଞ୍ଜିମାଞ୍ଜି, ମାତ୍ର ନା ରାଜି ଇ ଦାର୍ତିତି ଲେହେଁ ଆଃଏ । ଇଲେହେଁ ଅହାମାଚିହିଁ, ନା ହଲିଆଁୟାଁ ନା ତାକି ଯୁଦ୍ଦୁ କିତେରିମାଁ । ମାହାପୁରୁତି କାତାତି ସାତା କାତା ୱେସାଲିତାକି ନାନୁ ଦାର୍ତିତା ୱାହାମାଇଁ । ଏମିନିଗାଟାସି ସାତାଇଁ ଜୀୱୁ ନନେସି ଏୱାସି ନା କାତା ୱେନେସି । “ପିଲାତ ଏଲେଇଚେସି “ସାତା ଏନାଇ?”

![](https://cdn.door43.org/obs/jpg/360px/obs-en-39-11.jpg)

ପିଲାତ ଯୀଶୁ ତଲେ କାତା ଆହାଲି ଆଡିତି ଜେଚ, ଲକୁତାଣା ହାଜାହାଁ “ଇ ଲକୁତାଣା ନାନୁ ଏନି ଦହ ବେଟା ଆହିଲଃଅଁ । ମାତ୍ର ଯିହୁଦୀ ନେତାୟାଁ ଅଡ଼େ ଜାନାଲୋକୁ କାଲ ଆହାଁ ଏଲେଇଚେରି” ତାଂଗେ କୃଶତା ୱେଦୁ !” ପିଲାତ ଏଲେଇଚେସି “ଏୱାସି ଦୋହ ଗାଟାସି ଆଃଏ । “ମାତ୍ର ଏୱାରି ହାରେକା କାଲ ଆହାଲି ମାଠ୍ହେରି । ଏଦାଆଁ ଜେଚ ପିଲାତ ତିନିବେଡ଼ା ଏଲେଇଚେସି “ଏୱାସି ଦହଗାଟାସି ଆଃଏ!”

![](https://cdn.door43.org/obs/jpg/360px/obs-en-39-12.jpg)

ପିଲାତ ଆଜା ହାଜା ମାଚେସି ଯେ ଏଚୈତ ଲୋକୁ ଦଂଗା କିହାଲି ମାଠ୍ହା ତୁହ୍ନେରି, ଏଦାଆଁ ତାକି ଯୀଶୁଇଁ କ୍ରୁଶତା ୱେଚାଲି ତାକି ତାନି ସୈନ୍ୟଣୀ ହୁକୁମ୍ ହିତେସି । ରୋମିୟ ସୈନ୍ୟୟାଁ ଯୀଶୁଇଁ ଶାଟ୍‌ଣି ୱେତେରି ଅଡ଼େ ର ରାଜାତି ହେମ୍ବରୀ ଅଡ଼େ ତ୍ରାୟୁଁତା ହାପ୍କାତି ମୁକୁଟ ତୁର୍ୱି କିତେରି । ଏଦାଆଁ ଜେଚ ଏୱାରି ତାଙ୍ଗେ “ଯିହୂଦୀୟାଁ ରାଜାଇଁ ମେହ୍‌ଦୁ !” ୱେସିହିଁ ଲାଜା କିହିମାଚେରି ।

*ବାଇବଲତି ର ପୁସ୍ପନି: ମାଥିଉ ୨୬:୫୭-୨୭; ମାର୍କ ୧୪:୫୩-୧୫:୧୫; ଲୂକ ୨୨:୫୪-୨୩:୨୫; ଯୋହନ ୧୮:୧୨-୧୯:୧୬*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_39_96kbps.mp3

## 40. ଯୀଶୁ କ୍ରୁଶତା ଲେଜ୍‌ୱି ଆତେସି

https://openbiblestories.org/l/kxv/story-40/

![](https://cdn.door43.org/obs/jpg/360px/obs-en-40-01.jpg)

ସୈନ୍ୟୟାଁ ଯୀଶୁଇଁ ଲାଜା କିତି ଡାୟୁ, ଏୱାରି କ୍ରୁଶତା ୱେଚାଲି ତାକି ତାଂଗେ ଅତେରି । ଏୱାସି ଏମିନି କ୍ରୁଶତା ହାନେସି ଏ କ୍ରୁଶ ତାଙ୍ଗେ ଡେକି କିତେରି ।

![](https://cdn.door43.org/obs/jpg/360px/obs-en-40-02.jpg)

ସୈନ୍ୟୟାଁ “ମୁନ୍ଜୁତି ଟାୟୁ” ଦରୁ ଗାଟି ଟାୟୁତା ତାତେରି ଅଡେ କ୍ରୁଶତା ତାନି କେୟୁ ଅଡ଼େ ଗୁଃନାଇଁ କୁଟି ତଲେ ୱେତେରି । ମାତ୍ର ଯୀଶୁ ଏଲେଇଚେସି “ଆବା, ଇୱାରାଇଁ କ୍ଷମା କିମୁ, ଏନାଆଁ ତାକି ଇଚିସାରେ ଇୱାରି ଏନାଆଁ କିହିମାନେରି ଏଦାଆଁ ପୁଞ୍ଜି ହିଲଃରି । “ଯିହୂଦୀୟାଁ ରାଜା” କୁତାହାଁ ଏଦାଆଁ ଯୀଶୁ ତ୍ରାୟୁଁ ଲାକ ଲେଚାଲି ତାକି ପିଲାତ ଏଲେ ଇଚେସି ।

![](https://cdn.door43.org/obs/jpg/360px/obs-en-40-03.jpg)

ସୈନ୍ୟୟାଁ ଯୀଶୁତି ହେମ୍ବରୀଇଁ ଗୁଲିବାଣ୍ଟ କିତେରି । ଏୱାରି ଏଚିବେଲା ଏଲେ କିତେରି, ୱେସ୍ପି ଆତି ଭାବବାଣୀ ସଫଳ ଆତେ “ଏୱାରି ନା ହେମ୍ବରୀଇଁ ବାଗା କିତେରି ଅଡ଼େ ହେମ୍ବରୀ ତାକି ଗୁଲିବାଣ୍ଟ କିତେରି ।”

![](https://cdn.door43.org/obs/jpg/360px/obs-en-40-04.jpg)

ଯୀଶୁଇଁ ରି ଜାଣା ଡାକୁଁ ମାଦି କ୍ରୁଶତାୱେପି ଆତେ । ତାମି ବିତ୍ରା ରଅସି ଯୀଶୁଇଁ ଲାଜା କିତେସି, ମାତ୍ର ଅରଅସି “ ନିଦି ଏନାଇ ମାହାପୁରୁତି ଆଜି ହିଲେଃଏ, ମାର ଦହ ଗାଟାତାଇ, ମାତ୍ର ଇୱାସି ଦହ ହିଲାଃଗାଟାସି ।” ଏଦାଆଁ ଜେଚ ଏୱାସି ଯୀଶୁଇଁ ଏଲେଇଚେସି “କାର୍ମାଁ ମେସାହାଁ ନି ରାଜିତା ନାଙ୍ଗେ ଅଣପାମୁ ।” ଯୀଶୁ ତାଙ୍ଗେ ଏଲେଇଚେସି “ନିନୁ ନିଞ୍ଜୁ ନା ତଲେ ପାରଦିଶତା ଏଦି ।”

![](https://cdn.door43.org/obs/jpg/360px/obs-en-40-05.jpg)

ଯିହୁଦା ନେତାୟାଁ ଅଡ଼େ ଲୋକୁ ବିତ୍ରା ହାରେକା ଲାଜା କିତେରି । ଏୱାରି ତାଙ୍ଗେ ଏଲେଇଚେରି “ନିନୁ ମାହାପୁରୁତି ମିର୍ଏତି ଇଚିସାରେ, କ୍ରୁଶଟି ରେଚା ୱାମୁ ଅଡ଼େ ଯାହାରାଇଁ ଗେଲ୍ପାମୁ ! ଆତିସାରେ ମାମ୍ବୁ ନିଙ୍ଗେ ନାମାନମି ।”

![](https://cdn.door43.org/obs/jpg/360px/obs-en-40-06.jpg)

ଏଦାଆଁ ଜେଚ ବାରେ ୱାକି ମାନି ହାଗୁ ବାରେ ଆନ୍ଦେରି ଆହା ହାଚେ, ଏଦି ମାଦେନା ବେଲା ମାଚେ । ମାଦେନା ବେଲା ଆନ୍ଦେରୀ ଆତେ ଅଡ଼େ ତିନି ଗଣ୍ଟା ଆହାମାଚେ ।

![](https://cdn.door43.org/obs/jpg/360px/obs-en-40-07.jpg)

ଏଦାଆଁ ଜେଚ ଯୀଶୁ କାଜା ହାଡା ତଲେ ଏଲେଇଚେସି “ ରାତେ ! ଆବାଃ, ନି କେୟୁତା ନାନୁ ନା ଜୀୱୁ ହିହିମାଞ୍ଜାଇଁ । ଏଦାଆଁ ଜେଚ ଏୱାସି ତ୍ରାୟୁଁ ଡ଼ଇ କିତେସି ଅଡ଼େ ହାତେସି । ଏଚିବେଲା ଏୱାସି ହାତେସି, ଏଚିବେଲା ବୁମି ତିର୍ଗିତେ ଅଡ଼େ ମନ୍ଦିରତା ମାନି କାଜା ପାର୍ଦା ମାହାପୁରୁ ମାଚିତାଣାଟିଏ ଲୋକୁଇଁ ଏଟ୍କା ଇଟିମାଚେ ଏଦି ଲେକଟିଏ ଡ଼ଇ ପାତେକା ଗେଞ୍ଜାହାଁ ରି କାଣ୍ଡା ଆହାହାଚେ ।

![](https://cdn.door43.org/obs/jpg/360px/obs-en-40-08.jpg)

ଯୀଶୁ ତାନି ହାକି ତଲେ ଲୋକୁଣି ମାହାପୁରୁ ତାଣାଟି ୱାନି ଜିରୁ ଦେତୁସ୍ତେସି । ଯୀଶୁଇଁ କାଚାମାନି ସୈନ୍ୟଁ ଏଚିବେଲା ଇ ବାରେ ଆହିମାନାଣୀଇଁ ମେସ୍ତେରି ଏୱାସି ଏଲେଇଚେସି “ସାତେଏ, ଏୱାସି ଦହ ହିଲାଃଗାଟାସି, ମାଚେସି । ଏୱାସି ମାହାପୁରୁତି ମିର୍ଏସି ମାଚେସି ।”

![](https://cdn.door43.org/obs/jpg/360px/obs-en-40-09.jpg)

ଏଦାଆଁ ଜେଚ ଯୋଶେଫ ଅଡ଼େ ନିକଦିମ, ଯୀଶୁଇଁ ନାମିଲାଃଗାଟାରିଇଁ ରି ଜାଣା ଯିହୂଦୀ ନେତା ଯୀଶୁତି ମଡ଼ା ଅହାଲିତାକି ଏଲେଇଚେରି । ଏୱାରି ର ହେମ୍ବରୀ ପ୍ଡ଼ିକ୍ହାଁ ବୁମି କାର୍ୱି ଆହାମାନି ର ମାହିଣୀମେଣ୍ଡାତା ଇଟିତେରି । ଏଦାଆଁ ଜେଚ ଏୱାରି ମାହିଣିମେଣ୍ଡା ମୁମ୍ବୁତା ର କାଜା ୱାଲି ଉସି କିତେରି ଅଡ଼େ ଏମ୍ବାତି ମୁମ୍ବୁ ସୁଣ୍ଡିତେରି ।

*ବାଇବଲତି ର ପୁସ୍ପନି: ମାଥିଉ ୨୨:୨୭-୬୧; ମାର୍କ ୧୫:୧୬-୪୭; ଲୂକ ୨୩:୨୬-୫୬; ଯୋହନ ୧୯:୧୭-୪୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_40_96kbps.mp3

## 41. ମାହାପୁରୁ ଯୀଶୁଇଁ ହାକିଟି ନିକ୍‌ନେସି

https://openbiblestories.org/l/kxv/story-41/

![](https://cdn.door43.org/obs/jpg/360px/obs-en-41-01.jpg)

ସୈନ୍ୟୟାଁ ଯୀଶୁଇଁ କ୍ରୁଶତା ପାଇତି ଜେଚ, ନାମାଃଗାଟି ଯିହୂଦୀ ନେତାୟାଁ ପିଲାତଇଁ ଏଲେଇଚେରି “ଏ ମିଚି ଗାଟି ଯୀଶୁ ଜଲାମାନେସି ଯେ ଏୱାସି ତିନି ଦିନା ଡାୟୁ ନିଂଗିନେସି । ଏମ୍ବାଃରି ପାଟେ ମାହିଣୀମେଣ୍ଡାଇଁ କାଃନାଇମାନେ ଅଡ଼େ ସାତା ୱେସ୍ତା ନାଇ ମାନେ ଯେ ଏନିକି ଶିଷ୍ୟଁୟାଁ ତାନି ହାତି ମାଡ଼ାଇଁ ଶରି କିହାଁ ୱେସ୍ତାନେରି ଯେ ଏୱାସି ହାକିଟି ନିଂଗା ମାନେସି ।”

![](https://cdn.door43.org/obs/jpg/360px/obs-en-41-02.jpg)

ପିଲାତ ଏଲେଇଚେସି “କଚେକା ସୈନ୍ୟଁଣୀ ଅହାଁ ମି ଆଡିନିଏଚେକା ମାହିଣୀମେଣ୍ଡାଇଁ ସିନିକିଦୁ ।” ଏଦାଆଁ ତାକି ଏୱାରି ମାହିଣୀମେଣ୍ଡାତି ହଡିନି ଟାୟୁତା ମାନି ୱାଲ୍କାଇଁ ଚିନ୍ନା କିତେରି ଅଡ଼େ ଏମ୍ବାଆଁ ସୈନ୍ୟଁଣୀ ଇଟିତେରି ଏନିକିକି ଏମ୍ବାଃରି ଜିକେଏ ତାନି ମଡ଼ାଇଁ ଶରୁ କିହାଲି ଆଡଃରି।

![](https://cdn.door43.org/obs/jpg/360px/obs-en-41-03.jpg)

ଯୀଶୁ ମୁସ୍ପି ଆତି ର ନେଚୁ ଡାୟୁତି ଦିନା ଜମିନି ଦିନା ମାଚେ, ଅଡ଼େ ଏ ଦିନା ମାହିଣୀମେଣ୍ଡା ହାଜାଲି ତାକି ଯିହୂଦୀୟାଁଇଁ ଅନୁମତି ହିଲାଃତେ । ଏଦାଆଁ ତାକି, ଜମିନି ଦିନାତି ଡାୟୁତି ଦିନାତି ଲାଇସେଏ ହାରେକା ଆୟାସ୍କା ଯୀଶୁତି ମଡ଼ାତା ନେହି ଗାଂଦା ଆନି ଜିନିଷ ହିହାଲି ତାକି ମାହିଣୀମେଣ୍ଡାତା ହାଜାଲି ତାକି ତିଆର୍ ଆତୁ ।

![](https://cdn.door43.org/obs/jpg/360px/obs-en-41-04.jpg)

ସାଣେକାଜେଚ ବୁମି ଗାଡି ତିର୍ଗିତେ । ବିଜା ଉଜେଡି ଲେହେଁ ଡ଼ିଞ୍ଜିମାନି ର ଦୂତୁ ହାଗୁଟି ଚଞ୍ଜା ଆତେ ଅଡ଼େ ମାହିଣୀମେଣ୍ଡା ହଡିନି ଟାୟୁତା ପ୍ଡ଼ିକ୍ୱି ଆହାମାନି ୱାଲିଇଁ ଗୁଚି କିହାନା ଏ ଲାକ କୁଗିତେ । ଏମିନି ସୈନ୍ୟୟାଁ ମାହିଣୀମେଣ୍ଡା କାଚା ମାଚେରି ଏୱାରି ଆଜାହାଁ ହାତି ଲକୁ ଲେହେଁ ବୁମିତା ତର୍ଗା ହାଚେରି ।

![](https://cdn.door43.org/obs/jpg/360px/obs-en-41-05.jpg)

ଏଚିବେଲା ଆୟାଟିସ୍କା ମାହିଣୀମେଣ୍ଡା ତା ଏତୁ, ଦୂତୁ ଏୱସ୍କାଣୀ ଏଲେଇଚେ “ଆଜାଃଦୁ । ଯୀଶୁ ଇମ୍ବାଆଁ ହିଲଃସି । ଏୱାସି ଏନିକି ଜଲା ମାଚେସି, ଏଲେକିଁଏ ହାକିଟିଏ ନିଡାମାନେସି ! ୱାଦୁ ଅଡ଼େ ମାହିଣୀମେଣ୍ଡାଇଁ ସିନିକିଦୁ ।” ଏମିନି ଟାୟୁତା ଯୀଶୁତି ଆଙ୍ଗା ଇଟ୍‌କି ଆହାମାଚେ, ଆୟାଟିସ୍କା ମାହିଣୀମେଣ୍ଡା ବିତ୍ରା ହାଜାହାଁ ସିନିକିତୁ । ତାନି ଆଙ୍ଗା ଏମ୍ବାଆଁ ହିଲାଃତେ ।

![](https://cdn.door43.org/obs/jpg/360px/obs-en-41-06.jpg)

ଏଦାଆଁ ଜେଚ ସର୍ଗଦୂତୁ ଏ ଆୟାଟିସ୍କାଣୀ ଏଲେଇଚେ “ହାଜାହାଁ ଶିଷ୍ୟଁଣୀ ୱେହ୍ ଦୁ,’ଯୀଶୁ ନିଂଗା ମାନେସି ଅଡ଼େ ମି ତଲିଃଏ ଗାଲିଲୀତା ହାନେସି ।”

![](https://cdn.door43.org/obs/jpg/360px/obs-en-41-07.jpg)

ଏ ଆୟାଟିସ୍କା ହାରେକା ଆଜାହାଜା ମାଚୁ ଅଡ଼େ ହାରେକା ରହାଁ ଆହାମାଚୁ । ଶିଷ୍ୟଁଣୀ ନେହି କାବ୍ରୁ ୱେସାଲି ତାକି ଏୱି ହଟିଁ ହଟିଁ ହାଚୁ ।

![](https://cdn.door43.org/obs/jpg/360px/obs-en-41-08.jpg)

ଏଚିବେଲା ଏ ନେହି କାବ୍ରୁଇଁ ଶିଷ୍ୟଁଣୀ ୱେସାଲି ତାକି ଜିରୁତା ମାଚୁ, ଯୀଶୁ ଏୱାସ୍କାଣୀ ଚଞ୍ଜା ଆତେସି ଅଡ଼େ ଏୱା ତାଙ୍ଗେ ଜହାରା କିତୁ । ଯୀଶୁ ଏଲେଇଚେସି “ଆଜାଃଦୁ ।” ହାଜୁ ଅଡ଼େ ଗାଲିଲୀତା ହାଜାଲି ତାକି ନା ଶିଷ୍ୟଁଣୀ ଜଲାଦୁ । ଏମ୍ବାଆଁ ଏୱାରି ନାଙ୍ଗେ ମେସ୍ତାନେରି ।”

*ବାଇବଲତି ର ପୁସ୍ପନି: ମାଥିଉ ୨୭:୬୨-୨୮:୧୫; ମାର୍କ ୧୬:୧-୧୧; ଲୂକ ୨୪:୧-୧୨; ଯୋହନ ୨୦:୧-୧୮*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_41_96kbps.mp3

## 42. ଯୀଶୁ ଲାକପୁରୁ ହାନାଇ

https://openbiblestories.org/l/kxv/story-42/

![](https://cdn.door43.org/obs/jpg/360px/obs-en-42-01.jpg)

ଯୀଶୁ ଏମିନି ଦିନା ହାକିଟିଏ ନିଂଗିତେସି, ରି ଜାଣା ଶିଷ୍ୟଁ ଡାଗେ ର ଲାକ ହାଜି ମାଚେସି । ଏୱାରି ତାକିନି ବେଲାତା, ଯୀଶୁଇଁ ଏନାଆଁ ଘଟ ଆହାମାଚେ ଏ କାତାତି ଏୱାରି କାତା ଆହିମାଚେରି । ଏୱାରି ଅଣପିମାଚେରି ଯେ ଏୱାସି ଖ୍ରୀଷ୍ଟ ମାଚେସି ମାତ୍ର ତାଂଗେ ପାଇୱି ଆହା ମାଚେ । ନେଏଁ ଏ ଆୟାଟି ଏଲେଇଚେ ଯେ ଏୱାସି ୱେଣ୍ଡେଏ ନିଡାମାନେସି । ଏୱାରି ପୁଞ୍ଜାଲି ଆଡାଃତେରି ଆମ୍ବାରାଇଁ ନାମିନେରି ।

![](https://cdn.door43.org/obs/jpg/360px/obs-en-42-02.jpg)

ଯୀଶୁ ତାମି ଡାଗେ ୱାତେସି ଅଡ଼େ ତାମି ତଲେ ତାକାଲି ମାଠ୍ହେସି, ମାତ୍ର ଏୱାରି ତାଂଗେ ପୁଞ୍ଜାଲି ଆଡାଃତେରି । ଏୱାରି ଏମିନି କାତାଇଁ କାତା ଆହିମାନେରି ଇଞ୍ଜି ଏୱାସି ଏୱାରାଇଁ ୱେଚେସି, ଅଡ଼େ ସଣେକା ଦିନା ନକେଏ ଯୀଶୁ ତଲେ ଏନାଆଁ ଘଟ ଆହାମାଚେ ଏ କାଜା କାବ୍ରୁ ଏୱାରି ତାଂଗେ ୱେସ୍ତେରି । ଏୱାରି ଅଣପିତେରି ଯେ ଏୱାରି ର ରେଗା ୱାହାମାନି ଲକୁ ତଲେ କାତା ଆହିମାନେରି ଏମିନି ଗାଟାସି କି ଯିରୁଶାଲମତି କାତା ପୁନାଃତାସି ।

![](https://cdn.door43.org/obs/jpg/360px/obs-en-42-03.jpg)

ଏଦାଆଁ ଜେଚ ଯୀଶୁ ତାମ୍ଗେ ତେଲ୍ପି କିହାଲି ମାଠ୍ହେସି ଯେ ମାହାପୁରୁ ଖ୍ରୀଷ୍ଟତି କାତାତି ଏନାଆଁ ଜଲାମାଚେସି । ଏୱାସି ତାମ୍ଗେ ଭବିଷ୍ୟତ କାତାଇଁ ଅଣପିକିହାଁ ଏଲେଇଚେସି ଯେ ଖ୍ରୀଷ୍ଟ ଦୁକୁ ବେଟା ଆନେସି ଅଡ଼େ ପାଇୱି ଆନେସି ଅଡ଼େ ତିନି ଦିନାତା ୱେଣ୍ଡେଏ ନିଂଗିନେସି ଏ ରିଆରି ଏମିନି ଗାଡ଼ାତା ଡ଼ୟାଲିତାକି ଅଣପାମାଚେରି, ଏୱାରି ଏଚିବେଲା ଏମ୍ବାଆଁ ଏତେରି, ଏଚିବେଲା ମିଲ୍ଅଡ଼ା ଆହା ହାଜାମାଚେ ।

![](https://cdn.door43.org/obs/jpg/360px/obs-en-42-04.jpg)

ଏ ରିଆରି ତାମି ତଲେ ଡ଼ୟାଲି ଯୀଶୁଇଁ ହାଟିତେରି, ଏଦାଆଁ ତାକି ତାମି ତଲେ ଡ଼ଇ ହାଚେସି । ଏୱାରି ଏଚିବେଲା ଲାଆଁ ଚିଞ୍ଜାଲି ତାକି ତିଆର୍ ଆତେରି, ଯୀଶୁ ର ରୁଟି କଡାହାଁ ମାହାପୁରୁଇଁ ପ୍ରାତନା କିତେସି ଅଡ଼େ ଏଦାଆଁ ଡିକ୍‌ହେସି । ରେଟୁଏ ଏୱାରି ଇୱାସି ଯୀଶୁ ଇଞ୍ଜି ପୁଚେରି । ମାତ୍ର ଏ ବେଲାତା ଏୱାସି ତାମି ତାଣାଟି ମେଣ୍‌ଗା ହାଚେସି ।

![](https://cdn.door43.org/obs/jpg/360px/obs-en-42-05.jpg)

ଏ ରିଆରି ତାମ୍ବୁ ଜଲ୍କି ଆତେରି “ଏୱାସି ଯୀଶୁ ମାଚେସି ! ଏଦାଆଁ ତାକି ଏୱାସି ମାଂଗ ମାହାପୁରୁତି ବୋଲୁ ତେଲ୍ପି କିନି ବେଲାତା ମା ହିୟାଁ ଉଜେଡ଼଼ି ଆହି ମାଚେ !” ରେଟୁଲିଏ ଏୱାରି ଯିରୁଶାଲମତା ୱେଣ୍ଡା ୱାତେରି । ଏୱାରି ଏଚିବେଲା ଏତେରି, ଏୱାରି ଶିଷ୍ୟଁଣୀ ଏଲେଇଚେରି “ଯୀଶୁ ନିଡାମାନେସି ! ମାମ୍ବୁ ତାଙ୍ଗେ ମେସାମାନମି !”

![](https://cdn.door43.org/obs/jpg/360px/obs-en-42-06.jpg)

ଶିଷ୍ୟୟାଁ ଏଚିବେଲା କାତାବାର୍ତା କିହିମାଚେରି, ଯୀଶୁ ଏୱାରି ଡ଼ଇମାନି ଗନ୍ଦିତା ତାମି ନକିତା ଚଞ୍ଜାଆତେସି ଅଡ଼େ ଏଲେଇଚେସି “ମି ତାଣା ଶାନ୍ତି ୱାପେ !” ଶିଷ୍ୟଁୟାଁ ଅଣପିତେରି ଯେ ଏୱାସି ର ଡୁମ୍ବା, ମାତ୍ର ଯୀଶୁ ଏଲେଇଚେସି ଯେ “ମିରୁ ଏନାଃତାକି ଆଜିମାଞ୍ଜେରି ଅଡ଼େ ନାମିଲଃତେରି ?ନା କେୟୁ ଅଡ଼େ ଗୁଃନା ସିନିକିଦୁ । ନାଦି ଏନିକି ଆଂଗା ମାନେ ଡୁମ୍ବାଁ ୱାଇ ଏଲେକି ଆଙ୍ଗା ଡ଼ୟେଏ ।“ ଏୱାସି ର ଡୁମ୍ବା ଆଃଏ ପାର୍ମାଣା କିହାଲିତାକି, ଏୱାସି ଚିଞ୍ଜାଲିତାକି ରଚାଇଁ ରିସ୍ତେସି । ଏୱାରି ତାଙ୍ଗେ ୱାଜ୍‌ୱି ଆତି ରାନ୍ଦା ମିଣ୍‌କା ହିତେରି, ଅଡ଼େ ଏୱାସି ଇଦାଆଁ ତିନେସି ।

![](https://cdn.door43.org/obs/jpg/360px/obs-en-42-07.jpg)

ଯୀଶୁ ଏଲେଇଚେସି “ନାନୁ ମିଙ୍ଗ ୱେସାମାଞ୍ଜାତେଏଁ ଯେ ନା କାତାତି ମାହାପୁରୁତି ବୋଲୁତା ରାସ୍କି ଆହାମାନି ବାରେ କାତା ସଫଳ ଆନେ । “ଏଦାଆଁ ଜେଚ ଏୱାସି ତାମି ହିୟାଁଇଁ ଦେତେସି ଏନିକିକି ତାମ୍ବୁ ମାହାପୁରୁତି ବୋଲୁ ତେଲ୍ହାଲି ଆଡିନେରି । ଏୱାସି ଏଲେଇଚେସି “ନକେଏ ରାସ୍କି ଆହାମାନେ ଯେ ଖ୍ରୀଷ୍ଟ ଦୁକୁ ବେଟା ଆହାଁ ହାନେସି ଅଡ଼େ ତିନି ଦିନାତା ୱେଣ୍ଡେଏ ନିଙ୍ଗିନେସି ।“

![](https://cdn.door43.org/obs/jpg/360px/obs-en-42-08.jpg)

“ଶାସ୍ତ୍ରତା ଅଡ଼େ ଜିକେଏ ରାସ୍କି ଆହାମାଚେ ଯେ ବାରେ ଜାଣା ତାମି ପାପୁଟି ଗେଲ୍ପି ଆହାଲିତାକି ଅଣପା କଡିନେରି ଏମିନାଇକି ଶିଷ୍ୟଁୟାଁ ୱେକ୍ନେରି । ଏୱାରି ଇଦାଆଁ ଯିରୁଶାଲମଟିଏ ମାଠ୍ହାହାଁ ବାରେ ଟାୟୁତା ମାନି ଲକୁ ଦଲ ତାଣା ହାନେରି । ମିରୁ ଇ ବାରେ କାତାତି ସାକ୍ଷି ମାଞ୍ଜେରି ।

![](https://cdn.door43.org/obs/jpg/360px/obs-en-42-09.jpg)

ଡାୟୁ ଚାଲିଶ୍ ଦିନା ପାତେକା, ଯୀଶୁ ହାରେକା ଦେବା ତାନି ଶିଷ୍ୟଁଣୀଁ ଚଞ୍ଜାଆତେସି । ର ଦେବା, ଏୱାସି ଏକାବେଡ଼େଏ ୫୦୦ଟିଏ ଗାଡି ଲୋକୁଇଁ ଚଞ୍ଜା ଆତେସି ! ଏୱାସି ଯେ ନିଡିତାସି ଇ କାତାଇଁ ଏୱାସି ହାରେକାଦେବା ତାନି ଶିଷ୍ୟଁୟାଁ ତାଣା ପାର୍ମାଣା କିତେସି, ଅଡ଼େ ଏୱାସି ମାହାପୁରୁତି ରାଜିତି କାତା ଜାପ୍ହେସି ।

![](https://cdn.door43.org/obs/jpg/360px/obs-en-42-10.jpg)

ଯୀଶୁ ତାନି ଶିଷ୍ୟଁଣୀ ଏଲେଇଚେସି “ଲାକପୁରୁ ଅଡ଼େ ଦାର୍ତିତି ବାରେ ଅଦିକାରା ନାଙ୍ଗେ ହିପ୍‌କି ଆହାମାନେ । ହାଲାମୁ, ବାରେ ଲୋକୁଦଲ ତାଣା ହାଜାହାଁ ଆବା, ମିର୍ଏସି ଅଡ଼େ ପବିତ୍ରଆତ୍ମାତି ଦରୁତଲେ ତାଙ୍ଗେ ଡୁବନ ହିଦୁ ଅଡ଼େ ନାନୁ ମିଙ୍ଗ ଏମିନି ଏମିନିଗାଟି ହୁକମ୍ ହିହା ମାଞ୍ଜାଇଁ ଏ ବାରେ ବୋଲୁ ତଲେ ତାକାଲି ତାକି ଜାପ୍‌ହା ହାଁ ଶିଷ୍ୟ କିଦୁ । ଅଣପା ଇଟାଦୁ, ନାନୁ ସବୁବେଲା ମି ତଲେ ମାଇଁ ।”

![](https://cdn.door43.org/obs/jpg/360px/obs-en-42-11.jpg)

ଯୀଶୁ ହାହାଁ ନିଂଗିତି ଚାଲିଶ୍ ଦିନା ଜେଚ, ଏୱାସି ତାନି ଶିଷ୍ୟଁଣୀ ଏଲେଇଚେସି “ପବିତ୍ରଆତ୍ମା ମି ତାଣା ରେଚା ୱାନି ବେଲା ନା ଆବା ମିଂଗେ ଏମିନି ପାତେକା ବ୍ଡ଼ାୟୁ ହିୟଃସି ଏ ପାତେକା ଯିରୁଶାଲମତା ମାଞ୍ଜୁ । ”ଏଦାଆଁ ଜେଚ ଯୀଶୁ ଲାକପୁରୁ ହାଚେସି, ଅଡ଼େ ର ହାଗୁ ତାମି କାଣ୍କାଟି ଡ଼ୁକ୍‌ହାତେ । ଯୀଶୁ ବାରେ କାତାଇଁ ତାକି କିହାଲି ତାକି ମାହାପୁରୁତି ଟିଇନି ଟଟ କୁଗିତେସି ।

*ବାଇବଲତି ର ପୁସ୍ପନି: ମାଥିଉ ୨୮:୧୬-୨୦; ମାର୍କ ୧୬:୧୨-୨୦; ଲୂକ ୨୪:୧୩-୫୩; ଯୋହନ ୨୦:୧୯-୨୩; ପ୍ରେରିତ ୧:୧-୧୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_42_96kbps.mp3

## 43. ମଣ୍ଡଳୀତି ମାଠ୍ହୁ

https://openbiblestories.org/l/kxv/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁ ଲାକପୁରୁ ହାଚି ଜେଚ, ଯୀଶୁ ଏନିକି ବୋଲୁ ଜଲାମାଚେସି ଏଲେକିଁଏ ଶିଷ୍ୟଁୟାଁ ଯିରୁଶାଲମତା ଡ଼ଇତେରି । ନାମିତାରି ଏମ୍ବାଆଁ ପ୍ରାତନା କିହାଲି ତାକି ସବୁବେଲା କୁଡ଼ାଆହାଁ ଡ଼ଇତେରି ।

![](https://cdn.door43.org/obs/jpg/360px/obs-en-43-02.jpg)

ନିସ୍ତାରପାର୍ବୁତି ୫୦ ଦିନା ଡାୟୁ ଯିହୂଦୀୟାଁ ପେଣ୍ଟିକଷ୍ଟ ଦରୁଗାଟି ର ଗାଡି ୱେଂଗିତି ଦିନା ନାମି ମାଚେରି । ପେଣ୍ଟିକଷ୍ଟ ଆହିମାନେ ଏ ବେଲା ଏଚିବେଲା ଯିହୂଦୀୟାଁ ଆର୍ନା କୁଡ଼ିକିନି ପାର୍ବୁ ନାମି ମାଚେରି । ପେଣ୍ଟିକଷ୍ଟ କୁଡ଼ା ଆହାଁ ନାମାଲି ତାକି ବାରେ ଦାର୍ତିଟି ଯିରୁଶାଲମତା ୱାତେରି । ଇ ବାର୍ଷା, ଯୀଶୁ ଲାକପୁରୁ ହାଜାହାଁ ର ହାଟା ଜେଚ ପେଣ୍ଟିକଷ୍ଟ ଦିନା ୱାତେ ।

![](https://cdn.door43.org/obs/jpg/360px/obs-en-43-03.jpg)

ନାମିତାରି ଏଚିବେଲା କୁଡ଼ା ଆହାଁ ମାଚେରି, ଏମିନି ଇଲୁତା ଏୱାରି ମାଚେରି ହାରେକା ଗାଲି କାଲ ଏ ଟାୟୁତା ନେଞ୍ଜିତେ । ଏଦାଆଁ ଜେଚ ହିଚୁ ଲେହେଁ ୱେନ୍ଦରିୟାଁ ବାରେ ନାମିତାରା ତ୍ରାୟୁଁ ଲାକ ଚଞ୍ଜା ଆତେ । ଏୱାରି ବାରେ ପବିତ୍ରଆତ୍ମା ତଲେ ନେଞ୍ଜା ହାଚେରି ଅଡ଼େ ଏଟ୍କା ଏଟ୍କା ବାସା ତଲେ କାତା ଆହାଲି ମାଠ୍ହେରି ।

![](https://cdn.door43.org/obs/jpg/360px/obs-en-43-04.jpg)

ଏଚିବେଲା ଯିରୁଶାଲମତା ମାନି ଲୋକୁ ଇ ହାଡାଇଁ ୱେଚେରି, ଏନାଆଁ ଘଟ ଆତେ ଏଦାଆଁ ମେସାଲି ତାକି ଲୋକୁ କୁଡ଼ା ଆତେରି । ମାହାପୁରୁ କାବା ଆନି କାମାଇଁ ନାମିତାରି ୱେକ୍ନି ଲୋକୁ ଏଚିବେଲା ୱେଚେରି, ଏୱାରି କାବା ଆତେରି ଏନାଆଁ ତାକି ଇଚି ସାରେ ଏୱାରି ଏୱାଆଁ ତାମି ବାଷା ତଲେ ଜଲି ମାନାଣିଇଁ ୱେଚେରି ।

![](https://cdn.door43.org/obs/jpg/360px/obs-en-43-05.jpg)

କଚେକା ଲୋକୁ ଶିଷ୍ୟଁ ହଚିତାରି ଇଞ୍ଜି ମାଚେରି । ମାତ୍ର ପିତର ନିଚାହାଁ ଏୱାରାଇଁ ଏଲେଇଚେସି “ନା କାତା ୱେଞ୍ଜୁ ! ଇ ବାରେ ଲୋକୁ ହଚାଲଃରି !ଇଦାଆଁ ଯୋୟେଲ ଭାବବାଦୀ କିହାମାନି ଭାବବାଣୀ ସଫଳ ଆତେ, ଏମିନିତାଣା ମାହାପୁରୁ ଜଲାମାଚେସି “ଶେଷାବେଲାତା, ନାନୁ ନା ଆତ୍ମା ୱାକ୍ଇଁ ।”

![](https://cdn.door43.org/obs/jpg/360px/obs-en-43-06.jpg)

“ହେ ଇସ୍ରାୟେଲତି ଲୋକୁ, ଯୀଶୁ ର ଲକୁ ମାଚେସି ଏମିନିଗାଟାସି ମାହାପୁରୁତି ବ୍ଡ଼ାୟୁ ତଲେ ହାରେକା କାଜା କାମା ଅଡ଼େ କାବା ଆନି କାମା ବାରେ କିତେସି, ଏମିନାଣୀ ମିରୁ ମେସାମାଞ୍ଜେରି ଅଡ଼େ ପୁଞ୍ଜାମାଞ୍ଜେରି । ମାତ୍ର ମିରୁ ତାଂଗେ କ୍ରୁଶତା ପାଇତେରି !”

![](https://cdn.door43.org/obs/jpg/360px/obs-en-43-07.jpg)

“ଯୀଶୁ ହାତିହିଁ ଜିକେଏ, ମାହାପୁରୁ ତାଂଗେ ହାକିଟି ନିଟ୍ହେସି । ଇଦି ଏ ଭାବବାଣୀ ସଫଳ କିନେ, ଏନାଆଁ ଜଲିନେ ‘ନିନୁ ନି ଦାର୍ମୁ ଲୋକୁ ନକିତା ଉଣା ଆହାଲି ହିଃଅତି ।‘ ମାହାପୁରୁ ଯେ ଯୀଶୁଇଁ ୱେଣ୍ଡେଏ ଜୀୱୁ ହିହାମାନେସି, ମାମ୍ବୁ ସାକୀ ମାନମି ।‘

![](https://cdn.door43.org/obs/jpg/360px/obs-en-43-08.jpg)

“ନେଏଁ ଯୀଶୁ ଆବାତି ଟିଇନି ଟଟ କୁଗା ମାନେସି । ଅଡ଼େ ଯୀଶୁ ଏନିକିହିଁ ପବିତ୍ରଆତ୍ମାଇଁ ପାଣ୍ଡାନେସି ଇଞ୍ଜି ଜଲାମାଞ୍ଜାତେସି, ଏଲେକିଁଏ ପବିତ୍ରଆତ୍ମାଇଁ ପାଣ୍ଡାତେସି । ନେଏଁ ମିରୁ ଏମିନି କାତା ମେସିମାଞ୍ଜେରି ଅଡ଼େ ୱେଞ୍ଜିମାଜେରି ଇ ବାରେ ପବିତ୍ରଆତ୍ମା କିହାମାନେ ।”

![](https://cdn.door43.org/obs/jpg/360px/obs-en-43-09.jpg)

“ଇ ଯୀଶୁଇଁ ମିରୁ କ୍ରୁଶତା ପାୟାମାଞ୍ଜେରି । ମାତ୍ର ସାତେଏ ପୁଞ୍ଜୁ ଯେ ମାହାପୁରୁ ଯୀଶୁଇଁ ରିଆରି ମାହାପୁରୁ ଅଡ଼େ ଖ୍ରୀଷ୍ଟ କିହାମାନେରି !”

![](https://cdn.door43.org/obs/jpg/360px/obs-en-43-10.jpg)

ଲୋକୁ ପିତରତି କାତାଇଁ ୱେଚେରି ଅଡ଼େ ଏୱାସି ଜଲାମାନି କାତା ତାକି ହାରେକା ବିତ୍ରା ହଟେ । ଏଦାଆଁ ତାକି ଏୱାରି ପିତର ଅଡ଼େ ଏଟ୍କା ଶିଷ୍ୟଁଇଁ ୱେଚେରି “ତାଇୟାଁ, ମାର ଏନାଆଁ କିନ ?”

![](https://cdn.door43.org/obs/jpg/360px/obs-en-43-11.jpg)

ପିତର ଏୱାରାଇଁ ଏଲେଇଚେସି “ମିରୁ ବାରେ ଜାଣାତେରି ଯୀଶୁ ମାହାପୁରୁ ଦରୁ ତଲେ ଡୁବନ ଅଦୁ ଏନିକିକି ମାହାପୁରୁ ମି ପାପୁଟି କ୍ଷମା କିୟାନେସି । ଏଦାଆଁ ଜେଚ ଏୱାସି ପବିତ୍ରଆତ୍ମାତି ଦାନା ହିୟାନେସି ।”

![](https://cdn.door43.org/obs/jpg/360px/obs-en-43-12.jpg)

୩୦୦୦ଲୋକୁ ଆନେରି, ପିତର ଜଲାମାନି କାତାଇଁ ନାମାହାଁ ଯୀଶୁତି ଶିଷ୍ୟଁ ଆତେରି । ଏୱାରି ନାମାହାଁ ଯିରୁଶାଲମତା ମାନି ମଣ୍ଡଳୀତି ର ବାଗା ଆତେରି ।

![](https://cdn.door43.org/obs/jpg/360px/obs-en-43-13.jpg)

ଶିଷ୍ୟଁୟାଁ ସବୁବେଲା ନକେଃତି ଶିଷ୍ୟଁତି ଜାପ୍ନାଣୀଁଇଁ ୱେଞ୍ଜାଲି ମାଠ୍ହେରି, ରହେଁଏ ଜୀୱୁ ତାକି କିତେରି, ରହେଁଏ ଚିଚେରି, ଅଡ଼େ ରହେଁଏ ପ୍ରାତନା କିତେରି । ଏୱାରି ରହେଁଏ ମାହାପୁରୁତି ଗାଉରମି କିହାଲି ରାହାଁ ଆତେରି ଅଡ଼େ ତାମି ୱାଇ ଏନା ଏନାଇ ମାଚେ ଏଦାଆଁ ତାମି ତାମି ବିତ୍ରା ବାଟି କିତେରି । ବାରେ ଜାଣା ନେହାଆଁ ଅଣପି ମାଚେରି । ସବୁଦିନା ହାରେକା ଲୋକୁ ନାମି ମାଚେରି ।

*ବାଇବଲତି ର ପୁସ୍ପନି: ପ୍ରେରିତ ୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_43_96kbps.mp3

## 44. ପିତର ଅଡ଼େ ଯୋହନ ର ରିସ୍ପା ତିନାଣାଇଁ ନେହି କିନେରି

https://openbiblestories.org/l/kxv/story-44/

![](https://cdn.door43.org/obs/jpg/360px/obs-en-44-01.jpg)

ର ଦିନା, ପିତର ଅଡ଼େ ଯୋହନ ମନ୍ଦିରତା ହାଜି ମାଚେରି । ଏୱାରି ଏଚିବେଲା ମନ୍ଦିର ଡୁକୁ ନକିତା ହାଚେରି, ଏୱାରି ର ଶଟାଇଁ ରିସିମାନାଣୀଁଇଁ ମେସ୍ତେରି ।

![](https://cdn.door43.org/obs/jpg/360px/obs-en-44-02.jpg)

ପିତର ପଙ୍ଗୁ ଗାଟାଣା ୱାକି ମସ୍ତେସି “ହିହାଲି ତାକି ନା ତାଣା ଡାବୁଁ ହିଲାଃଉ । ମାତ୍ର ନା ତାଣା ଏନାଇ ମାନେ ଏଦାଆଁ ନାନୁ ହିହି ମାଞ୍ଜାଇଁ । ନାଜରିତତି ଯୀଶୁ ଦରୁ ତଲେ ନିଙ୍ଗା ତାକାମୁ!”

![](https://cdn.door43.org/obs/jpg/360px/obs-en-44-03.jpg)

ସାଣେକା ତାକି, ମାହାପୁରୁ ଏ ପଙ୍ଗୁଗାଟାଣାଇଁ ନେହି କିତେସି ଅଡ଼େ ଏୱାସି ଶାରିୱାକି ଡେଂୱାଲି ମାଠ୍ହେସି । ମନ୍ଦିର ଦୁୱେରିତା ମାନି ଲୋକୁ କାବା ଆହା ହାଚେରି ।

![](https://cdn.door43.org/obs/jpg/360px/obs-en-44-04.jpg)

ଏମିନି ଗାଟାସି ନେହି ଆହାମାଚେସି ତାଙ୍ଗେ ମେସାଲି ତାକି ଲୋକୁ ମାନ୍ଦା ଆତେରି । ପିତର ଏୱାରାଇଁ ଏଲେଇଚେସି “ଇ ଲକୁ ନେହି ଆହାଲିଏ ମିରୁ ଏନାଆତାକି ଇଚେକା କାବା ଆହି ମାଞ୍ଜେରି ? ମା ବ୍ଡ଼ାୟୁ ଅଡ଼େ ମାମ୍ବୁ ନେହିତମି ତାକି ନେହିଁ କିହାଲଃମି । ଏନାଆଁତାକି ଇଚିସାରେ ଯୀଶୁତି ବ୍ଡ଼ାୟୁ ଅଡ଼େ ଯୀଶୁ ହିହାମାଞ୍ଜାନି ନାମୁ ଏମିନିଗାଟାଇ ଏୱାଣାଇଁ ନେହି କିତେ ।”

![](https://cdn.door43.org/obs/jpg/360px/obs-en-44-05.jpg)

“ମିରୁଏ ଯୀଶୁଇଁ ପାୟାଲି ତାକି ରୋମୀୟତାରି ତାକିକିନାରାଇଁ ୱେସାମାଚେରି । ମିରୁ ଜୀୱୁତି ମାହାପୁରୁଇଁ ପାଇତେରି, ମାତ୍ର ମାହାପୁରୁ ତାଙ୍ଗେ ହାକିଟି ନିଟ୍ହା ମାନେସି । ମିରୁ ଏନା ଏନାଆଁ କିହିମାଞ୍ଜେରି ଏଦାଆଁ ତେଲ୍‌ହାଲି ଆଡାଃତିମାଁ, ଖ୍ରୀଷ୍ଟ ଯେ ଦୁକୁ ବେଟା ଆନେସି ଅଡ଼େ ଇ ଭାବବାଣୀୟାଁ ସଫଳ ଆହାଲି ତାକି ମାହାପୁରୁ ମି କାମାଇଁ ଲେମ୍ବିତେସି । ଏଦାଆଁତାକି, ନେଏ, ଅଣପା କଡାଦୁ ଅଡ଼େ ମାହାପୁରୁତାଣା ୱେଣ୍ଡାଦୁ ଏନିକିକି ମି ପାପୁଟି ଗେଲ୍‌ପି ଆହାଲି ଆଡିଦେରି ।”

![](https://cdn.door43.org/obs/jpg/360px/obs-en-44-06.jpg)

ପିତର ଅଡ଼େ ଯୋହନ ଏନାଆଁ ଜଲିମାଚେରି ଏଦାଆଁ ୱେଞ୍ଜାହାଁ ମନ୍ଦିରତି ନେତାଁୟାଁ କିଲିବିଲି ଆହାହାଜା ମାଚେରି ।ଏଦାଆଁ ତାକି ଏୱାରାଇଁ ଏୱାରି ଦସ୍ପା ଅହାଁ ଜେଲତା ଇଟିତେରି । ମାତ୍ର ହାରେକା ଲୋକୁ ପିତରତି କାବ୍ରୁ ୱେଞ୍ଜାହାଁ ନାମିତେରି, ଅଡ଼େ ଯୀଶୁଇଁ ନାମିତି ଲୋକୁମାଚେରି ୫୦୦୦ତା ଏତେ ।

![](https://cdn.door43.org/obs/jpg/360px/obs-en-44-07.jpg)

ଡାୟୁତି ଦିନା ଯିହୂଦୀ ନେତାୟାଁ ପିତର ଅଡ଼େ ଯୋହନଇଁ ମହାଯାଜକ ଅଡ଼େ ଏଟ୍କା ଧର୍ମଗୁରୁଁ ତାଣା ତାତେରି । ଏୱାରି ପିତର ଅଡ଼େ ଯୋହନଇଁ ୱେଚେରି “ଏମିନିଗାଟି ବ୍ଡ଼ାୟୁ ତଲେ ମିରୁ ଇ ତାକାଲି ଆଡାଃଗାଟାଣାଇଁ ନେହି କିତେରି ?”

![](https://cdn.door43.org/obs/jpg/360px/obs-en-44-08.jpg)

ପିତର ଏୱାରାଇଁ ଏଲେଇଚେସି “ଇୱାସି ଯୀଶୁ ଖ୍ରୀଷ୍ଟତି ବ୍ଡ଼ାୟୁ ତଲେ ନେହିଁ ଆହାଁ ନିଚାମାନେସି । ମିରୁ ଯୀଶୁଇଁ କ୍ରୁଶତା ପାଇତେରି, ମାତ୍ର ମାହାପୁରୁ ତାଂଗେ ୱେଣ୍ଡେଏ ନିଟ୍ହାମାନେସି ! ମିରୁ ତାଙ୍ଗେ ନାମାଃତେରି, ମାତ୍ର ଗେଲ୍‌ପି ଆହାଲିତାକି ଯୀଶୁଇଁ ପିସାହାଁ ଅଡ଼େ ଏମିନିତାଣା ହିଲେଏ ।

![](https://cdn.door43.org/obs/jpg/360px/obs-en-44-09.jpg)

ପିତର ଅଡ଼େ ଯୋହନ ଇଚେକା ଶାସା ତଲେ କାତା ୱେସିମାନାଣୀ ମେସାହାଁ ନେତାୟାଁ କାବା ଆହା ହାଚେରି ଏନାଆ ତାକି ଇଚିସାରେ ଏୱାରି ମେସ୍ତେରି ଯେ ସାଧାରଣ ଲୋକୁ ଏମିନି ଗାଟାରି ପାଟା ଜାପାଃତାରି ମାଚେରି । ମାତ୍ର ଡାୟୁ ଏୱାରି ଅଣପିତେରି ଯେ ଇୱାରି ଯୀଶୁ ତଲେ ମାଚେରି ।

*ବାଇବଲତି ର ପୁସ୍ପନି: ପିତର ୩:୧-୪:୨୨*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_44_96kbps.mp3

## 45. ସ୍ତିଫାନ ଅଡ଼େ ଫିଲିପ୍ପ

https://openbiblestories.org/l/kxv/story-45/

![](https://cdn.door43.org/obs/jpg/360px/obs-en-45-01.jpg)

ନକେଃତି ମଣ୍ଡଳୀଇଁ ତାକି କିନାରି ବିତ୍ରା ସ୍ତିଫାନ ଦରୁ ଗାଟାସି ରଅସି ମାଚେସି । ଏୱାସି ୱେଂଗି ତାସି ମାଚେସି ଅଡ଼େ ଏୱାସି ପବିତ୍ରଆତ୍ମା ଅଡ଼େ ବୁଦ୍ଧି ତଲେ ନେଞ୍ଜିତାସି ଅଡ଼଼େ ସ୍ତିଫାନ ହାରେକା କାବା ଆନି କାମା କିତେସି ଅଡ଼େ ନେହିଁକି ବିଚାରା କିତେସି ଏନିକିକି ଲୋକୁ ଯୀଶୁତାଣା ନାମିନେରି ।

![](https://cdn.door43.org/obs/jpg/360px/obs-en-45-02.jpg)

ରଦିନା, ଏଚିବେଲା ସ୍ତିଫାନ ଯୀଶୁତି କାତା ଜାପ୍ହିମାଚେସି, ଏଚିବେଲା ଯୀଶୁତାଣା ନାମିଲାଃ ଗାଟାରି କଚେକା ଯିହୂଦୀ ସ୍ତିଫାନ ତଲେ ଯୁକ୍ତି କିହାଲି ମାଠ୍ହେରି ।ଏୱାରି ହାରେକା କାର୍ବି ଆହାଁ ମାଚେରି ଅଡ଼େ ସ୍ତିଫାନତି କାତାତି ଧର୍ମନେତାଁଣୀଁଇଁ ମିଚି ୱେସ୍ତେରି । ଏୱାରି ଇଲେଇଚେରି “ମାମ୍ବୁ ତାଂଗେ ମୋଶା ଅଡ଼େ ମାହାପୁରୁତି ବିରୁଦ୍ଦତି କାତା ୱେହ୍ନାଣୀଇଁ ୱେଞ୍ଜାମାନମି!”ଏଦାଆଁତାକି ଧର୍ମନେତାୟାଁ ସ୍ତିଫାନଇଁ ଦସ୍ପା ଅତେରି ଅଡ଼େ ମହାଯାଜକ ଅଡ଼େ ଯିହୁଦୀତାରାତି ନେତାଁ ତାଣା ସ୍ତିଫାନଇଁ ତାତେରି ଏମିନି ତାଣା ସ୍ତିଫାନତି ବିରୁଦ୍ଦତା ହାରେକା ମିଚି ସାକୀ ମାଚେରି ।

![](https://cdn.door43.org/obs/jpg/360px/obs-en-45-03.jpg)

ମହାଜାଯକ ସ୍ତିଫାନଇଁ ୱେଚେସି “ଇ ବାରେ କାତା ସାତା କି ?”ଅବ୍ରାହାମତି ବେଲାଟିଏ ମାଠ୍ହାହାଁ ଯୀଶୁବେଲା ପାତେକା ମାହାପୁରୁ ଏମିନି ବାରେ କାଜା କାଜା କାମା କିହା ମାଚେସି ଏମ୍ବାଟି ହାରେକା ଅଣପିକିହାଁ ଏୱାରାଇଁ ଏଲେଇଚେସି ଯେ ମାହାପୁରୁତି ଲୋକୁ ଏନିକି ସବୁବେଲା ତାନି ବୋଲୁତଲେ ତାକିଲାଃତେରି । ଏଦାଆଁ ଜେଚ ଏୱାସି ଏଲେଇଚେସି “ହେ ଆଣ୍ଟ୍ୱା ହିୟାଁ ଅଡ଼େ କିଲିବିଲି କିନାତେରି ମିରୁ ସବୁବେଲା ପବିତ୍ରଆତ୍ମାଇଁ ବାଦା ହିହିମାଞ୍ଜେରି, ଏନିକି ମି ପୁର୍ବେତାରି ସବୁବେଲା ମାହାପୁରୁଇଁ ବାଦା ହିହାଁ ତାନି ଭାବବାଦୀଁଇଁ ପାୟାମାଚେରି । ମାତ୍ର ତାମିଟିଏ ହାରେକା ଲାଗେଃ କିହାମାନେରି! ମିରୁଏ ଖ୍ରୀଷ୍ଟଇଁ ପାୟାମାଞ୍ଜେରି !”

![](https://cdn.door43.org/obs/jpg/360px/obs-en-45-04.jpg)

ଏଚିବେଲା ଧର୍ମନେତାୟାଁ ଇଦାଆଁ ୱେଚେରି, ଏୱାରି ଇଚେକା କାର୍ବି ଆହାମାଚେରି ଯେ ଏୱାରି ତାମି କ୍ରିୟୁଁଇଁ ନାବ୍ଗା ଗାଡି କାଲ ଆତେରି । ଏୱାରି ସ୍ତିଫାନଇଁ ଗାଡ଼ା ପାଂଗାତା ରେଜା ଅତେରି ଅଡ଼େ ତାଂଗେ ପାୟାଲି ତାକି ୱାଲି ଗୁରିତେରି ।

![](https://cdn.door43.org/obs/jpg/360px/obs-en-45-05.jpg)

ସ୍ତିଫାନ ହାତିବେଲା ଗାଡି କାଲ ଆତେସି ଅଡ଼େ ଏଲେଇଚେସି “ହେ ଯୀଶୁ, ନା ଆତ୍ମା ଇଁ ଅମୁଁ ।” ଏଦାଆଁ ଜେଚ ଏୱାସି ମେଣ୍ଡା କୁତାହାଁ ୱେଣ୍ଡେଏ କାଲ ଆହାଁଏଲେଇଚେସି” ହେ ମାହାପୁରୁ, ଇ ପାପୁ ତାମି ବିରୁଦ୍ଦତା ଏଜି କିଃଆନି ।" ଏଦାଆଁ ଜେଚ ଏୱାସି ହାତେସି ।

![](https://cdn.door43.org/obs/jpg/360px/obs-en-45-06.jpg)

ଶାଉଲ ଦରୁଗାଟି ର ଲକୁ ସ୍ତିଫାନଇଁ ପାଇନି ଲୋକୁ ତଲେ ରଣ୍ଡିଏ ମନ ଆହାଁ ମାଚେସି ଏମିନି ଗାଟାସି ପାଇୱି ଆନି ବେଲତା ତାମି ହେମ୍ବରୀଇଁ କାଆଚି ମାଚେସି । ଏ ଦିନା, ଯିରୁଶାଲମତା ମାନି ଲୋକୁ ଯୀଶୁତାଣା ତାକିନି ଲୋକୁଇଁ ସାଆଦି ହିହାଲି ମାଠ୍ହେସି, ଏଦାଆଁ ତାକି ନାମିନାରି ଏଟ୍କାଏଟ୍କା ଟାୟୁତା ହଣ୍ ତୁସ୍ତେରି । ମାତ୍ର, ଇ ବାରେ ଆତି ହିଁ ଜିକେଏ, ଏୱାରି ଏମିନିତାଣା ହାଚେରି ଏମ୍ବାଆଁ ମାହାପୁରୁ ବୋଲୁ ୱେକ୍ହାଲି ମାଠ୍ହେରି ।

![](https://cdn.door43.org/obs/jpg/360px/obs-en-45-07.jpg)

ଯୀଶୁତି ର ଶିଷ୍ୟ ଏମିନିଗାଟାଣା ଦରୁ ଫିଲିପ୍ପ ଯିରୁଶାଲମତା ସାଆଦି ଆତି ତାକି ହାଜାମାନି ନାମିନି ଲୋକୁ ବିତ୍ରା ରଅସି ମାଚେସି । ଏୱାସି ଶମରୀୟତା ହାଜାହାଁ ଏମ୍ବାଆଁ ଯୀଶୁତି କାତା ୱେସ୍ତେସି ଅଡ଼େ ହାରେକା ଲୋକୁ ଏମ୍ବାଆଁ ଗେଲ୍ପି ଆତେରି । ଏନେଚୁ ଡାୟୁ, ମାହାପୁରୁତି ର ଦୂତୁ ଫିଲିପ୍ପ ତାଣା ୱାହାଁ ବାଃଲିବୁମିଟି ମାନି ର ଜିରୁଟି ହାଜାଲି ତାକି ଜଲିତେ । ଏୱାସି ଏଚିବେଲା ଏ ଜିରୁଟି ହାଜି ମାଚେସି, ଫିଲିପ୍ପ ମେସ୍ତେସି ଯେ ଇଥିଓପିଆ ରାଜା ଇଲୁତି ର କାଜା ପଦତା ମାନାସି ତାନି ରତତା ୱାହିମାନେସି । ଏ ଲକୁ ତାଣା ହାଜାହାଁ ତାମିତଲେ କାତାଆହାଲି ତାକି ପବିତ୍ରଆତ୍ମା ଫିଲିପ୍ପଇଁ ଜଲିତେ ।

![](https://cdn.door43.org/obs/jpg/360px/obs-en-45-08.jpg)

ଫିଲିପ୍ପ ଏଚିବେଲା ରତତି ଡାଗେ ଆତେସି, ଏ ଇଥିଓପିଆ ଲକୁ ଯିଶାଇୟ ଭାବବାଦୀତି ବହିଟି ପଡ଼ ଆହିମାନାଣୀଁଇଁ ୱେଚେସି । ଏ ଲକୁ ପଡ଼ ଆହିମାଚେସି “ଏୱାରି ମେଣ୍ଡାଲେହେଁ ତାଙ୍ଗେ ପାୟାଲି ତାକି ଅତେରି, ଅଡ଼େ କାତା ଆଆ ମେଣ୍ଡା ଲେହେଁ ଏୱାସି ଗୁତି ଏକ୍ଆତେସି । ଏୱାରି ତାଙ୍ଗେ ଲାଗେଃ ଲେମ୍ବିତେରି ଅଡ଼େ ତାଙ୍ଗେ ନେହିକି ଲେମ୍ବାଃତେରି । ଏୱାରି ତାମି ତାଣା ଟିଏ ତାଙ୍ଗେ ଜୀୱୁ ଅତେରି ।”

![](https://cdn.door43.org/obs/jpg/360px/obs-en-45-09.jpg)

ଫିଲିପ୍ପ ଏ ଇଥିଓପିଆ ଲକୁଇଁ ୱେଚେସି ”ନିନୁ ଏନାଆଁ ପଡ଼ ଆହିମାଞ୍ଜି ଏଦାଆଁ ଏନାଆଁ ତେଲ୍ହାଲି ଆଡିମାଞ୍ଜି ?” ଏ ଇତିଓପିଆ ଲକୁ ଏଲେଇଚେସି, ଆଏ, ଆମ୍ବାଃରି ତେଲ୍ପି କିଆଃସାରେ ନାନୁ ଏନିକି ତେଲ୍ହିଇଁ । କାର୍ମା ମେସାହାଁ ନା ଡାଗେ କୁଗାମୁ । ଯୀଶାଇୟ ଏନାଆଁ ତାନି କାତାତି କି ଅଡ଼େ ଆମ୍ବାଃରି କାତାତି ଇମ୍ବାଆଁ ରାଚାମାନେସି ?” ଫିଲିପ୍ପ ତାଂଗେ ତେଲ୍ପିକିହାଁ ଜଲିତେସି ଯେ ଯୀଶାଇୟ ଯୀଶୁତି କାତା ରାଚାମାନେସି ।

![](https://cdn.door43.org/obs/jpg/360px/obs-en-45-10.jpg)

ଯୀଶୁତି କାତା ମାନାଣୀଇଁ ନେହି କାବ୍ରୁ ୱେସାଲି ତାକି ଫିଲିପ୍ପ ଏଟ୍କାତି ବାଗା ଜିକେଏ ତେଲ୍ପିକିତେସି । ଏଚିବେଲା ଫିଲିପ୍ପ ଅଡ଼େ ଇଥିଓପିଆ ହାଜିମାଚେରି, ଏୱାରି ର ଏୟୁ ଡାଗେ ୱାତେରି ।

![](https://cdn.door43.org/obs/jpg/360px/obs-en-45-11.jpg)

ଇଥିଓପିଆ ଲକୁ ଏଲେଇଚେସି “ମେହ୍ଃମୁ ! ଇମ୍ବାଆଁ ରଚାଇଁ ଏୟୁ ମାନେ ! ନାନୁ ଡୁବନ ଅହାଲି ଆଡିଇଁ କି ?” ଅଡ଼େ ଏୱାସି ତାନି ରତ ତାକି କିନାଣାଇଁ ରତ ଇଟାଲି ତାକି ଏଲେଇଚେସି । ଏଦାଆଁ ତାକି ଏୱାରି ଜିକେଏ ଏୟୁତା ରେତେରି, ଫିଲିପ୍ପ ଏ ଇଥିଓପିଆଇଁ ଡୁବନ ହିତେସି ।

![](https://cdn.door43.org/obs/jpg/360px/obs-en-45-12.jpg)

ଏୱାରି ଏୟୁଟି ନିଙ୍ଗା ୱାତି ଡାୟୁ, ପବିତ୍ରଆତ୍ମା ଫିଲିପ୍ପଇଁ ଅର ଟାୟୁତା ଅତେ ଏମିନିତାଣା ଏୱାସି ଯୀଶୁତି କାତାତି ଲୋକୁଇଁ ସବୁବେଲା ୱେସାଲି ମାଠ୍ହେସି । ଇଥିଓପିଆ ତାନି ଇଲୁ ୱାକି ତାକିତେସି, ଏୱାସି ରାହାଁ ମାଚେସି ଯେ ଏୱାସି ଯୀଶୁଇଁ ପୁଚେସି ।

![](https://cdn.door43.org/obs/jpg/360px/obs-en-45-13.jpg)

ବାଇବଲତି ର ପୁସ୍ପନି:

*ପ୍ରେରିତ ୬:୮-୮:୫; ୮:୨୬-୪୦:୪୬*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_45_96kbps.mp3

## 46. ସ୍ତିଫାନଇଁ ପାଇମାନି ଲୋକୁତି ହେମ୍ବରୀଇଁ କାଚିମାନି ଦାଂଣେଃସି ରଅସି ଶାଉଲ ମାଚେସି ।

https://openbiblestories.org/l/kxv/story-46/

![](https://cdn.door43.org/obs/jpg/360px/obs-en-46-01.jpg)

ଏୱାସି ଯୀଶୁ ତାଣା ନାମାଃତେସି, ଏଦାଆଁତାକି ଏୱାସି ନାମୁଗାଟାରାଇଁ ସାଦି କିହିମାଚେସି । ରିଣ୍ଡାସ୍କାଣୀ ଜିକେଏ ଆବାଟି ଅଡ଼େ ଆୟାସ୍କାଣୀ ଜିକେଏ ଦସ୍ପା ଚାଚାଲି ତାକି ଏୱାସି ଯିରୁଶାଲମତା ମାନି ବାରେ ନାମିତି ଇଜ ହଡି ମାଚେସି ଅଡ଼େ ଜେଲତା ଦସ୍ପା ଇଟିମାଚେସି । ଦମ୍ମେସକତା ମାନି ଖ୍ରୀଷ୍ଟିୟାନଗାଟାରିଇଁ ଜିକେଏ ଶାଉଲ ଆସାହାଁ ଯିରୁଶାଲମ ଚାଚାଲି ଆଡିନେସି ଏଦାଆଁତାକି ମହାଯାଜକ ତାଂଗେ ହୁକୁମ ହିହାମାଚେରି । ଶାଉଲ ଏଚେଇତା ଦମ୍ମେସକ ଜିରୁତା ହାଜି ମାଚେସି, ହାଗୁଟି ର ଗାଡି ଉଜେଡ଼ି ତାନି ଶାରିୱାକି ମିଣ୍ସା ହାଚେ ଅଡ଼େ ଏୱାସି ବୁମିତା ତର୍ଗା ହାଚେସି ।

![](https://cdn.door43.org/obs/jpg/360px/obs-en-46-02.jpg)

ରଅସି ଇଲେହେଁ ଜଲି ମାନାଣୀଇଁ ୱେଚେସି, “ଶାଉଲ! ଶାଉଲ! ନିନୁ ଏନାଆ ତାକି ନାଙ୍ଗେ ସାଦି କିହିମାଞ୍ଜାଦି ?” ଶାଉଲ ୱେଚେସି “ମାହାପୁରୁ, ନିନୁ ଆମ୍ବାଃତି ?” ଯୀଶୁ ଏଲେଇଚେସି “ନାନୁ ଯୀଶୁ ତେଃଏଁ । ନିନୁ ନାଙ୍ଗେ ସାଦି କିହିମାଞ୍ଜାଦି !” ଶାଉଲ ଏଚିବେଲା ନିଙ୍ଗିତେସି, ଏୱାସି ଏନାଆଁ ମେସାଲି ଆଡାଃତେସି ।

![](https://cdn.door43.org/obs/jpg/360px/obs-en-46-03.jpg)

ତାନି ତଡ଼ୁଗାଟାରି ତାଙ୍ଗେ ଦମ୍ମେସକ ଜିରୁତା ତାକି କିହାଁ ଅତେରି । ଶାଉଲ ତିନିଦିନା ପାତେକା ଏନାଆଁ ତିନାଃତେସି ଅଡ଼େ ଗହ୍ଆତେସି । ହନନିୟ ଦରୁଗାଟାସି ର ଶିଷ୍ୟ ଦମ୍ମେସକତା ଡ଼ଇମାଚେସି ।

![](https://cdn.door43.org/obs/jpg/360px/obs-en-46-04.jpg)

ମାହାପୁରୁ ତାଙ୍ଗେ ଏଲେଇଚେସି “ଶାଉଲ ଡ଼ଇମାନି ଇଜ ହାଲାମୁ । ତାନି ଲେକ କେୟୁ ଇଟାମୁ ଏନିକିକି ଏୱାସି ୱେଣ୍ଡେଏ ମେସାଲି ଆଡିନେସି ।” ମାତ୍ର ହନନିୟ ଏଲେଇଚେସି “ମାହାପୁରୁ, ଇ ଲକୁ ଏନିକିକି ନାମୁଗାଟାରାଇଁ ସାଦି କିହାମାନେସି ଏଦାଆଁ ନାନୁ ୱେଞ୍ଜାମାଇଁ ।” ମାହାପୁରୁ ତାଙ୍ଗେ ଜଲିତେସି” ହାଲାମୁ! ଯିହୂଦୀ ଅଡ଼େ ଏଟ୍କା ଦଲ ତାଣାଟି ନା ଦରୁ ୱେକ୍‌ହାଲି ତାକି ନାନୁ ତାଙ୍ଗେ ନିପ୍‌ହାମାଇଁ । ଏୱାସି ନା ଦରୁତାକି ହାରେକା ଦୁକୁ ବେଟା ଆନେସି । “ଏଦାଆଁ ତାକି ହନନିୟ ଶାଉଲ ଡ଼ଇମାନି ଇଜ ହାଚେସି, ତାନି ଲାକ ତାନି କେୟୁ ଇଟିତେସି ଅଡ଼େ ଏଲେଇଚେସି “ନିନୁ ଇମ୍ବାଆଁ ୱାନିବେଲା ଏମିନି ଯୀଶୁ ନିଙ୍ଗ ଚଞ୍ଜା ଆୟାତେସି, ଏୱାସି ନାଙ୍ଗେ ନି ତାଣା ପାଣ୍ଡା ମାଞ୍ଜାନେସି ଏନିକିକି ନି କାନୁ ୱେଣ୍ଡେଏ ମେସାଲି ଆଡିଦି ଅଡ଼େ ପବିତ୍ରଆତ୍ମା ତଲେ ନେଞ୍ଜିଦି ।

![](https://cdn.door43.org/obs/jpg/360px/obs-en-46-05.jpg)

ଶାଉଲ ରେଟୁଏ ୱେଣ୍ଡେଏ ମେସାଲି ଆଡିତେସି, ଅଡ଼େ ହନନିୟ ତାଙ୍ଗେ ଡୁବନ ହିତେସି । ଏଦାଆଁ ଜେଚ ଶାଉଲ ରଚାଣି କାଦି ଚିଚେସି ଅଡ଼େ ୱେଣ୍ଡେଏ ବ୍ଡ଼ାୟୁ ବେଟାଆତେସି । ରେଟୁଏ ଶାଉଲ ଦମ୍ମେସକତା ମାନି ଯିହୂଦୀୟାଁ ତାଣା ଇଲେହେଁ ୱେକ୍ହାଲି ମାଟ୍‌ହେସି “ଯୀଶୁ ଏ ମାହାପୁରୁତି ମିର୍ଏସି !”

![](https://cdn.door43.org/obs/jpg/360px/obs-en-46-06.jpg)

ଏମିନିଗାଟାସି ନାମିତାରାଇଁ ପାୟାଲି ତାକି ଚେଷ୍ଟା କିହିମାଚେସି ଅଡ଼େ ଏୱାସି ଯେ ନିଏଁ ଯୀଶୁତାଣା ନାମି ମାନେସି ଏ କାତାତି ଯିହୂଦୀୟାଁ କାବା ଆହା ହାଚେରି । ଶାଉଲ ଯିହୂଦୀତାରା ତଲେ ଯୁକ୍ତି କିହାଁ ପାର୍ମାଣା କିତେସି ଯେ ଯୀଶୁ ଏ ଖ୍ରୀଷ୍ଟ । ହାରେକା ଦିନାଟିଏ, ଶାଉଲଇଁ ପାୟାଲି ତାକି ଯିହୂଦୀତାରି ଅଣ୍‌ପିତେରି ।

![](https://cdn.door43.org/obs/jpg/360px/obs-en-46-07.jpg)

ଏୱାରି ତାଙ୍ଗେ ପାୟାଲି ତାକି ଗାଡ଼ାତି ଦୁୱେରିତା କାଚାଲିତାକି ଲୋକୁ ପାଣ୍ଡିତେରି । ମାତ୍ର ଶାଉଲ ଏ ଅଣପିତି କାତାଇଁ ୱେଞ୍ଜାଲି ଆଡାଃତେସି, ଅଡ଼େ ଏମ୍ବାଟିଏ ଡ଼ୁଗା ହାଜାଲି ତାକି ତାନି ତଡ଼ୁଗାଟାରି ସାୟମି ଆତେରି । ର ଲାଆଁ ଏୱାରି ର ଡାଲି ତଲେ ତାଙ୍ଗେ କାତି ଲେକଟି ଡ଼କି ରେପ୍‌ହେରି । ଶାଉଲ ଦମ୍ମେସକଟିଏ ଡ଼ୁଗା ହାଚି ଡାୟୁ, ଯୀଶୁତି କାତାଇଁ ୱେସିହିଁ ମାଚେସି । ଶାଉଲ ଶିଷ୍ୟଁ ତଲେ ଆଣ୍ଡାଲି ତାକି ଯିରୁଶାଲମତା ହାଚେସି, ମାତ୍ର ଏୱାରି ତାଙ୍ଗେ ଆଜି ମାଚେରି ।

![](https://cdn.door43.org/obs/jpg/360px/obs-en-46-08.jpg)

ଏଦାଆଁ ଜେଚ ବର୍ଣ୍ଣବା ଦରୁ ଗାଟି ର ନାମିତି ଶିଷ୍ୟଁତି ତାଣା ଶାଉଲଇଁ ଅତେସି ଅଡ଼େ ଏୱାରାଇଁ ଏଲେଇଚେସି ଯେ ଏୱାସି ଏନିକି ଦମ୍ମେସକ ଶାସାଟି ବୋଲୁ ୱେସାମାଚେସି । ଏଦାଆଁ ଜେଚ, ଶିଷ୍ୟଁୟାଁ ଶାଉଲଇଁ ନାମିତେରି । ଏମିନିଗାଟି ନାମିତାରି ସାଦି ତାକି ଯିରୁଶାଲମ ପିସାହାଁ ହାଜାମାଚେରି, ଏୱାରି ଆନ୍ତିୟକିଆ ପାତେକା ହାଜାହାଁ ଯୀଶୁତି କାତା ୱେସାଲି ମାଠ୍‌ହେରି ।

![](https://cdn.door43.org/obs/jpg/360px/obs-en-46-09.jpg)

ଆନ୍ତିୟକିଆତା ମାନି ହାରେକା ଲୋକୁ ଯିହୂଦୀ ହିଲାଃତେରି, ମାତ୍ର ପ୍ରତମଦେବା ତାକି ତାମି ବିତ୍ରା ହାରେକା ନାମିତେରି । ବର୍ଣ୍ଣବା ଅଡ଼େ ଶାଉଲ ଏମ୍ବାଆଁ ମାନି ପୁଃନି ନାମିତାରାଇଁ ଯୀଶୁତି କାତା ଗାଡି ଜାପ୍ହାଲି ତାକି ଅଡ଼େ ମଣ୍ଡଳୀଇଁ ଆଣ୍ଟ୍ୱା କିହାଲି ତାକି ହାଚେରି । ଆନ୍ତିୟକିଆ ମଣ୍ଡଳୀତା ମାନି ନାମିତାରାଇଁ ନକେଏ “ଖ୍ରୀଷ୍ଟିୟାନ” ଇଞ୍ଜି ୱେସ୍ପିଆତେ । ର ଦିନା, ଆନ୍ତିୟକିଆ ମଣ୍ଡଳୀତା ମାନି ଖ୍ରୀଷ୍ଟିୟାନୟାଁ ଉପାସ୍ ଅଡ଼େ ପ୍ରାତନା କିହିମାନି ବେଲାତା ପବିତ୍ରଆତ୍ମା ଏୱାରାଇଁ ଏଲେଇଚେ “ବର୍ଣ୍ଣବ୍‍ବା ଅଡ଼େ ଶାଉଲ ଏମିନିଗାଟି କାମା କିହାଲି ତାକି ନାନୁ ଆଚାମାଞ୍ଜାଇଁ ଏଦାଆଁତାକି ଏୱାରାଇଁ ନା ତାକି ଏଟ୍କା କିଦୁ ।”

![](https://cdn.door43.org/obs/jpg/360px/obs-en-46-10.jpg)

ଏଦାଆଁ ତାକି ଆନ୍ତିକିଆ ମଣ୍ଡଳୀ ବର୍ଣ୍ଣବା ଅଡ଼େ ଶାଉଲ ତାକି ପ୍ରାତନା କିହାଁ ତାମ୍‌ଗେ ହିତେ । ଏଦାଆଁ ଜେଚ ଏୱାରି ହାରେକା ଟାୟୁତା ଯୀଶୁତି କାତା ନେହି କାବ୍ରୁ ୱେସାଲି ତାକି ଏୱାରାଇଁ ପାଣ୍ଡିତେ । ବର୍ଣ୍ଣବା ଅଡ଼େ ଶାଉଲ ହାରେକା ଲକୁଦଲତା ୱେସାଲି ମାଠ୍‌ହେରି ଅଡ଼େ ହାରେକା ଲୋକୁ ଯୀଶୁତାଣା ନାମାଲି ମାଠ୍‌ହେରି ।

*ବାଇବଲତି ର ପୁସ୍ପନି: ପ୍ରେରିତ ୮:୩; ୯:୧-୩୧; ୧୧:୧୯-୨୬; ୧୩:୧-୩:୪୭*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_46_96kbps.mp3

## 47. ଶାଉଲ ରୋମୀୟ ରାଜିତା ହାନିବେଲାତା ଏୱାସି ତାନି ରୋମୀୟ ଦରୁ “ପାଉଲ” ଲେମ୍ବି ମାଚେସି ।

https://openbiblestories.org/l/kxv/story-47/

![](https://cdn.door43.org/obs/jpg/360px/obs-en-47-01.jpg)

ର ଦିନା ପାଉଲ ଅଡ଼େ ତାନି ତଡ଼ୁ ଶୀଲା ଫିଲିପ୍ପୀ ଯୀଶୁତି ନେହି କାବ୍ରୁ ୱେକ୍‌ହାଲି ହାଚେରି । ଏୱାରି ଗାଡ଼ା ପାଙ୍ଗାତା କାଡା ଗାଟାତା ମାନି ର ଟାୟୁତା ହାଚେରି ଏମିନିତାଣା ଲୋକୁ ପ୍ରାତନା କିହାଲି ତାକି କୁଡ଼ା ଆତେରି । ଏମ୍ବାଆଁ ଏୱାରି ଲୁଦିଆ ଦରୁ ଗାଟି ବେପାର୍ ଗାଟି ଆୟାଟିଇଁ ମେସ୍ତେରି । ଏୱାସି ମାହାପୁରୁଇଁ ଜୀୱୁ ନହିମାଚେସି ଅଡ଼େ ପ୍ରାତନା କିହିମାଚେସି । ଯୀଶୁ କାତାତି କାବ୍ରୁ ଏନିକି ଲୁଦିଆ ନାମିନେ ଏଦାଆଁ ତାକି ମାହାପୁରୁ ତାନି କାନୁ ଦେତେସି, ଅଡ଼େ ଏୱାସି ଅଡ଼େ ତାନି ଇଜତି ଲୋକୁ ଡୁବନ ଅତୁ ।

![](https://cdn.door43.org/obs/jpg/360px/obs-en-47-02.jpg)

ଏୱାସି ପାଉଲ ଅଡ଼େ ଶୀଲାଇଁ ତାନି ଇଜ ଡ଼ୟାଲି ତାକି ହାଟିତେସି, ଏଦାଆଁ ତାକି ଏୱାରି ତାନି ତଲେ ଅଡ଼େ ତାନି ଇଜତି ଲୋକୁ ତଲେ ଡ଼ଇତେସି । ପାଉଲ ଅଡ଼େ ଶୀଲା ପ୍ରାତନା ଟାୟୁତା ହାରେକା ବେଲାତା ଲୋକୁଣି ଆଣ୍ଡି ମାଚେରି ।

![](https://cdn.door43.org/obs/jpg/360px/obs-en-47-03.jpg)

ସବୁଦିନାତି ଲେହେଁ ଏୱାରି ଏଚିବେଲା ପ୍ରାତନା ଟାୟୁତା ହାଜି ମାଚେରି, ଏଚିବେଲା ଡୁମ୍ବା ଆଟିତି ର ପଦା ଡାଲୁ ତାନି ଜେଚ ଜେଚ ହାଜି ମାଚେ । ଏ ଡୁମ୍ବା ତାକି ଏଦି ଭବିଷ୍ୟତ କାତା ଲୋକୁଣି ୱେସାଲି ଆଡିମାଚେ ଏଦାଆଁ ତାକି ଏୱାସି ତାନି ମାଲିକ ତାକି ର ଭବିଷ୍ୟତ ୱେହ୍‌ନି ଲେହେଁ ହାରେକା ଡାବୁଁ କୁଡ଼ି କିହିଁ ହିହିମାଚେ । ଏୱାରି ତାକିଁ ହାନିବେଲା ଏ ଡୁମ୍ବା ଆଟିତି ହଲିଏଣୀ ସବୁବେଲା କିରିଡ଼ିଁ ଏଲେଇଞ୍ଜିମାଚେ “ଇ ଲୋକୁ ଲାକମାନି ମାହାପୁରୁତି ହଲିଆୟାଁ ।”

![](https://cdn.door43.org/obs/jpg/360px/obs-en-47-04.jpg)

ଏୱାରି ଗେଲ୍ପି ଆନାଣୀଇଁ ୱେସିମାଞ୍ଜାନେରି !”ଏୱାସି ହାରେକା ବେଲାତା ଇଲେହେଁ କିହିମାଚେ ଯେ ପାଉଲ ଇଦାଆଁ ୱେଞ୍ଜିୱେଞ୍ଜି କାର୍ବି ଆହା ହାଚେସି । ଡାୟୁବେଲାତା ଏଚିବେଲା ଏ ହଲିଏଣୀ ପଦା କିରିଡ଼ିଁ ଏଲେଇଞ୍ଜାଲି ମାଠ୍‌ହେ, ପାଉଲ ତିର୍ୱାହାଁ ଏ ହଲିଏଣୀତା ମାନି ଆତ୍ମାଇଁ ଏଲେଇଚେସି “ଯୀଶୁ ଦରୁ ତଲେ ଇଦାଣୀଟିଏ ହଚା ହାଲାମୁ ।”

![](https://cdn.door43.org/obs/jpg/360px/obs-en-47-05.jpg)

ରେଟୁଲିଏ ଏ ଡୁମ୍ବା ତାଙ୍ଗେ ପିସାହାଁ ହାତୁସ୍ତେ । ଏମିନିଗାଟି ଲୋକୁ ଏ ହଲିଏଣୀ ପଦାଇଁ ହଡାମାଚେ, ଏୱାସି ହାରେକା କାର୍ବି ଆତେସି ।

![](https://cdn.door43.org/obs/jpg/360px/obs-en-47-06.jpg)

ଏୱାରି ହିୟାଁତା ଅତେରି ଯେ ଡୁମ୍ବା ଏ ହଲିଏଣୀ ପଦା ଲୋକୁଣି ଭବିଷ୍ୟତ ୱେସାଲି ଆଡେଏ । ଇ ଅର୍ତ ଆହିମାନେ ଲୋକୁତି ଭବିଷ୍ୟତ ୱେସାଲି ତାକି ଏୱାରି ଏ ହଲିଏଣୀ ପଦାତି ମାଲିକଇଁ ଅଡ଼େ ଡାବୁଁ ହିଅରି । ଏଦାଆଁ ତାକି ହଲିଏଣୀ ପଦାତି ମାଲିକୟାଁ ପାଉଲ ଅଡ଼େ ଶୀଲାଇଁ ରୋମୀୟ ତାକି କିନାରାତାଣା ଅତେରି, ଏମିନିଗାଟାରି ପାଉଲ ଅଡ଼େ ଶୀଲାଇଁ ୱେଚାହାଁ ଜେଲତା ମେଥ୍‌ହେରି ।

![](https://cdn.door43.org/obs/jpg/360px/obs-en-47-07.jpg)

ଏୱାରି ପାଉଲ ଅଡ଼େ ଶୀଲାଇଁ ଜେଲ୍‌ତା ହାରେକା ହଚାଲି ଆଡାଃଗାଟି ଟାୟୁତା ଇଟାହାଁ କଡାଣୀଁ ଦସ୍ପାସ୍ତେରି ।

![](https://cdn.door43.org/obs/jpg/360px/obs-en-47-08.jpg)

ଆତିହିଁ ଜିକେଏ ମାଦି ଲାଆଁ ଏୱାରି ମାହାପୁରୁ ତାଣା ଗାଉରମି ଗୀତଁ ପାଚାଲି ମାଠ୍‌ହେରି । ରେଟୁଏ, ଗାଡି ବୁମି ତିର୍ଗିତେ !

![](https://cdn.door43.org/obs/jpg/360px/obs-en-47-09.jpg)

ଜେଲତା ମାନି ବାରେ ଦୁୱେରି ଦେପି ଆତେ, ଅଡ଼େ ବାରେ ବନ୍ଦିଗାଟାରା କେୟୁତି ହିକ୍‌ଣିଁୟାଁ ହୁଙ୍ଗା ହାଚେ । ଜେଲତା କାନାରି ଇଦାଟି ନିଙ୍ଗିତେରି,ଅଡ଼େ ଏଚିବେଲା ଏୱାସି ମେସ୍ତେସି ଯେ ଜେଲତି ଦାରା ବାରେ ଦେପି ଆହା ହାଜ଼ା ମାଚେ, ଏୱାସି ଆଜା ହାଚେସି ।

![](https://cdn.door43.org/obs/jpg/360px/obs-en-47-10.jpg)

ଏୱାସି ଅଣପିତେସି ଯେ ବାରେ ବନ୍ଦି ଗାଟାରି ହାତୁସ୍ତେରି, ଏଦାଆଁ ତାକି ଏୱାସି ତାନୁ ତାନୁ ପାୟା କଡାଲି ତାକି ଅଣପିତେସି ।(ଏୱାସି ପୁଞ୍ଜାମାଚେସି ଯେ ରୋମୀୟ ତାକି କିନାରି ତାଙ୍ଗେ ପାଇନେରି ଏୱାସି ବନ୍ଦିଗାଟାରାଇଁ ପିସ୍ତୁସ୍ତିସାରେ ।)ମାତ୍ର ପାଉଲ ଏଦାଆଁ ମେସାହାଁ କାଲ ଆତେସି “ଡ଼ୟାମୁ”! ଯାହାରାଇଁ ପାୟା କଡାଃନି । ମାମ୍ବୁ ବାରେ ଇମ୍ବାଆଁ ମାନମି ।“ ଜେଲ କାନାସି ଏଚିବେଲା ପାଉଲ ଅଡ଼େ ଶୀଲା ତାଣା ୱାତେସି, ଏୱାସି ଆଜିତାକି ତିର୍ଗିମାଚେସି ଅଡ଼େ ଏଲେଇଚେସି, ଗେଲ୍ପି ଆହାଲି ତାକି ନାନୁ ଏନାଆଁ କିଇଁ? ।

![](https://cdn.door43.org/obs/jpg/360px/obs-en-47-11.jpg)

ପାଉଲ ଏଲେଇଚେସି”ଯୀଶୁତାଣା, ନାମାମୁ ଏମିନିଗାଟାସି ଗୁରୁ, ଏଦାଆଁ ତାକି ମିରୁ ଅଡ଼େ ମି ଇଜତି ଲୋକୁ ଗେଲ୍ପି ଆଦେରି । ଏଦାଆଁତାକି ଏ ଜେଲତା କାନାସି ତାନି ଇଜ ଅହାଁ ପାଉଲ ଅଡ଼େ ଶୀଲାଇଁ ତାମି ଗାହାଁଇଁ ନର୍ତେସି । ତାନି ଇଜ ମାନି ବାରେ ଜାଣାଇଁ ପାଉଲ ଯୀଶୁଇଁ ନେହି କାବ୍ରୁ ୱେସ୍ତେସି । ଜେଲ କାନାସି ଅଡ଼େ ତାମି ଇଜତି ଲୋକୁ ବାରେ ନାମାହାଁ ଡୁବନ ଅତେରି ।

![](https://cdn.door43.org/obs/jpg/360px/obs-en-47-12.jpg)

ଜେଲତା କାନାସି ପାଉଲ ଅଡ଼େ ଶୀଲାଇଁ ଚିଞ୍ଜାଲି ହିତେସି ଅଡ଼େ ଏୱାରି ବାରେ ର ତାଣା ରାହାଁ ଆତେରି । ର ଦିନା ଗାଡ଼ାତି ନେତାୟାଁ ପାଉଲ ଅଡ଼େ ଶୀଲାଇଁ ଜେଲଟି ଗେଲ୍ପିତେସି ଅଡ଼େ ଏୱାରାଇଁ ଫିଲିପ୍ପୀଟିଏ ହାଜାଲିତାକି ଏଲେଇଚେସି ।

![](https://cdn.door43.org/obs/jpg/360px/obs-en-47-13.jpg)

ପାଉଲ ଅଡ଼େ ଶୀଲା ଲୁଦିଆ ଅଡ଼େ ଏଟ୍କାତି କଚେକା ତଡୁଗାଟାରାଇଁ ଆଣ୍ଡିତି ଜେଚ ଏୱାରି ଏ ଗାଡ଼ା ପିସ୍ତେରି ।ଯୀଶୁତି କାତା ନେହି କାବ୍ରୁ ୱେଂଗା ହାଜାମାଚେ, ଅଡ଼େ ମଣ୍ଡଳୀ ଜିକେଏ ପାଡା ଆହାଲି ମାଠ୍‌ହେ । ପାଉଲ ଅଡ଼େ ଏଟ୍କାତି ଖ୍ରୀଷ୍ଟିୟାନ ନେତାୟାଁ ହାରେକା ଗାଡ଼ା ରେଚେରି ଅଡ଼େ ଯୀଶୁତି ନେହି କାବ୍ରୁ ଜାପ୍‌ହାଲି ମାଠ୍‌ହେରି ।

![](https://cdn.door43.org/obs/jpg/360px/obs-en-47-14.jpg)

ଏୱାରି ମଣ୍ଡଳୀତା ମାନି ନାମିନାରି ରାହାଁ ଅଡ଼େ ଜାପ୍ନି ତାକି ହାରେକା ଚିଟି କୁତିତେରି । ଇ ଚିଟିଁ ବିତ୍ରା କଚେକା ବାଇବଲତି ବହିଁ ଆତୁ ।

*ବାଇବଲତି ର ପୁସ୍ପନି: ପ୍ରେରିତ ୧୬:୧୧-୪୦-୪୮.*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_47_96kbps.mp3

## 48. ମାହାପୁରୁ ଏଚିବେଲା ଦାର୍ତି ଗାଡ଼ି କିତେସି, ଏଚିବେଲା ବାରେ କାତା ସାତା କାତା ମାଚେ ।

https://openbiblestories.org/l/kxv/story-48/

![](https://cdn.door43.org/obs/jpg/360px/obs-en-48-01.jpg)

ଏଚିବେଲା ଏନି ପାପୁ ହିଲାଃତେ । ଆଦମ ଅଡ଼େ ହବା ରିଣ୍ଡି ବେସି ଜୀୱୁ ନହିଁ ଆହିଁମାଚୁ ଅଡ଼େ ଏୱା ମାହାପୁରୁଇଁ ଜୀୱୁ ନହିମାଚୁ । ଏଚିବେଲା ଏନି ଆଡାଃଗାଟାଇ କି ହାକି ଜିକେଏ ହିଲାଃତେ । ଦାର୍ତି ଇଲେହେଁ ଆପେ ଇଞ୍ଜି ମହାପୁରୁ ଅଣ୍‌ପିମାଚେସି । ହବାଇଁ ଲାଗେଃ କିହାଲି ତାକି ଶୟତାନ ର ରାଚୁ ଟି କାତା ଏଲେଇଚେ ।

![](https://cdn.door43.org/obs/jpg/360px/obs-en-48-02.jpg)

ଏଦାଆଁ ଜେଚ ଏଦି ଅଡ଼େ ଆଦମ ମାହାପୁରୁତି ବିରୁଦ୍ଦତା ପାପୁ କିତୁ । ଏନାଆଁତାକି ଇଚିସାରେ ଏୱି ପାପୁ କିତୁ, ଏଦାଆଁତାକି ଦାର୍ତିତା ମାନି ବାରେ ଆଂଗା ନେହି ଡ଼ୟେଏ ଅଡ଼େ ବାରେ ହାନେରି । ଏନାଆଁତାକି ଇଚିସାରେ ଆଦମ ଅଡ଼େ ହବା ପାପୁ କିତୁ, ଇଦାଆଁଟିଏ ଅଡ଼େ ର କାଜା କାତା ଘଟ ଆତେ ।

![](https://cdn.door43.org/obs/jpg/360px/obs-en-48-03.jpg)

ଏୱି ମାହାପୁରୁତି ଶାତ୍ରୁ ଆତୁ । ଇ ପାଡ଼େଇ ଲେହେଁ, ଏ ଦିନାଟିଏ ଜାର୍ନା ଆହିମାନି ବାରେ ମାଣ୍‌ସି ପାପୁ କିତି ଲେହେଁ ଜାର୍ନା ଆନେରି ଅଡ଼େ ମାହାପୁରୁତି ଶାତ୍ରୁ ଆନେରି । ମାହାପୁରୁ ଅଡ଼େ ମାଣ୍‌ସି ତଲେ ମାନି ସମ୍ପର୍କ ପାପୁ ତଲେ ଡିକ୍‌ୱି ଆହାମାଚେ । ମାତ୍ର ଏ ସମ୍ପର୍କଇଁ ୱେଣ୍ଡେଏ କେପାଲି ତାକି ମାହାପୁରୁ ଅଣପାମାଚେସି । ମାହାପୁରୁ କାତା ଇଟା ହାଁ ଜଲିତେସି ଯେ ହବାଁ ଗଚିତା ଜାର୍ନା ଆତି ର ଶୟତାନତି ତ୍ରାୟୁଁତି ଗୁଣ୍ଡା କିନେସି, ଅଡ଼େ ଶୟତାନ ତାନି ଗୁଃନାଇଁ କତ୍‌ନେ ।

![](https://cdn.door43.org/obs/jpg/360px/obs-en-48-04.jpg)

ଇ ଅର୍ତ ଆହିମାନେ ଯେ ଶୟତାନ ଖ୍ରୀଷ୍ଟଇଁ ପାଇନେ, ମାତ୍ର ମାହାପୁରୁ ତାଙ୍ଗେ ହାତାରାଟିଏ ନିକ୍ନେସି, ଅଡ଼େ ଏଦାଆଁ ଜେଚ ଖ୍ରୀଷ୍ଟ କାଲାକାଲାତାକି ଶୟତାନତି ବ୍ଡାୟୁଇଁ ଗୁଣ୍ଡା କିନେସି । ହାରେକା ବାର୍ଷା ଡାୟୁ, ମାହାପୁରୁ ୱେକ୍ହେସି ଯେ ଯୀଶୁ ଏ ଆହିମାନେସି ଏ ଖ୍ରୀଷ୍ଟ । ମାହାପୁରୁ ଏଚିବେଲା ର କ୍ଡ଼ୁପ୍ନି ଏୟୁତାକି ବାରେ ଦାର୍ତିଇଁ ନାଶ୍ କିତେସି, ଏଚିବେଲା ଏମିନିଗାଟାରି ତାନି ତାଣା ନାମାମାଚେରି ଏୱାରାଇଁ ଗେଲ୍ପାଲିତାକି ଜାଜା ପାଣ୍ଡିତେସି ।

![](https://cdn.door43.org/obs/jpg/360px/obs-en-48-05.jpg)

ଏଲେକିଏଁ, ବାରେ ଲୋକୁ ତାମି ପାପୁ ତାକି ନାସ୍ ଆନାଇ ମାଚେ, ମାତ୍ର ଏମିନିଗାଟାରି ତାମି ତାଣା ନାମି ମାଚେରି ତାମ୍‌ଗେ ଗେଲ୍ପାଲି ତାକି ମାହାପୁରୁ ଯୀଶୁଇଁ ହିତେସି । ଶହେ ଶହେ ବାର୍ଷା ତାକି ଲୋକୁ ତାମି ପାପୁ ତାକି ଏମିନି ଦଣ୍ଡ ବେଟା ଆନାଇ ମାଚେ ଏଦାଆଁ ତସାଲି ତାକି ଯାଜକୟାଁ ସବୁବେଲା ମାହାପୁରୁତାଣା ପୂଜା କିହିମାଚେରି ।

![](https://cdn.door43.org/obs/jpg/360px/obs-en-48-06.jpg)

ମାତ୍ର ଏ ବାରେ ପୂଜା ତାମି ପାପୁଇଁ ହେକ କିହାଲି ଆଡିଲାଃତେ । ଯୀଶୁ ଆହିମାନେସି କାଜା ମହା ଯାଜକ । ଅର ଯାଜକୟାଁ ଲେହେଁ ଆଃଏ, ଏନିକି ଯୀଶୁ କିହାଁ ତସ୍ତେସି – ରଣ୍ଡିଏ ରଅସି ପୂଜା ହିନି ଲେହେଁ ଏୱାସି ତାଙ୍ଗେ ହିତେସି ଏମିନାଇ ଦାର୍ତିତା ମାନି ବାରେ ପାପୁଇଁ ଗୁଚି କିନେ । ଯୀଶୁ ସିଦ୍ଧଗାଟି ମହାଯାଜକ ଏନାଆତାକି ଇଚିସାରେ ଦାର୍ତିତା ମାନି ଏମିନିଗାଟାସି ଏମିନିବେଲାତା ଜିକେଏ କିହାମାନି ବାରେ ପାପୁତି ବାକାଇଁ ଗୁଚି କିତେସି । ମାହାପୁରୁ ଅବ୍ରାହାମଇଁ ଏଲେଇଚେସି “ଦାର୍ତିତି ବାରେ ଲୋକୁ ନି ଟିଏ ବର ବେଟା ଆନେରି ।“

![](https://cdn.door43.org/obs/jpg/360px/obs-en-48-07.jpg)

ଯୀଶୁ ଅବ୍ରାହାମତି ର ଗଚିତାସି ମାଚେସି । ବାରେ ଲୋକୁ ତାନି ତାକି ବର ବେଟା ଆତାରି, ଏନାଆଁତାକି ଇଚିସାରେ ଯୀଶୁ ଦରୁତା ନାମିମାନି ବାରେ ପାପୁଟି ଗେଲ୍ପି ଆହାମାନେରି, ଅଡ଼େ ଅବ୍ରାହାମତି ଆତ୍ମିକ ଗଚିତା ବାଦ୍ଲି ଆହାମାନେରି ।

![](https://cdn.door43.org/obs/jpg/360px/obs-en-48-08.jpg)

ଅବ୍ରାହାମ ତାନି ମିର୍ଏସି ଇସାହାକଇଁ ପୂଜା ହିହାଲି ତାକି ଏଚିବେଲା ମାହାପୁରୁ ଏଲେଇଚେସି, ଏଚିବେଲା ତାନି ମିର୍ଏସି ଇସାହାକ ବାଟା ପୂଜା ହିହାଲି ତାକି ର ମେଣ୍ଡା ହିତେସି । ମାମ୍ବୁ ବାରେ ମା ପାପୁ ତାକି ହାନମି ! ମାତ୍ର ମାହାପୁରୁ ତାନି ମିର୍ଏସି ଯୀଶୁଇଁ ମା ଟାୟୁତା ର ପୁଜା ହିତିଲେହେଁ ହାହାଲି ତାକି ହିତେସି । ମାହାପୁରୁ ଏଚିବେଲା ମିଶରତା ଡାୟୁ କାତାରା ପାଣ୍ଡିତେସି, ଏୱାସି ବାରେ ଇସ୍ରାଏଲତାରା ଇଜତି ଲୋକୁଇଁ ର ର ମେଣ୍ଡା ଡାଲୁ ପାୟାହାଁ ତାମ୍ବୁ ଦୁୱେରି ବନ୍ଦୁ ଲାକ ଏ ମେଣ୍ଡାତି କାସା ଉସ୍ପାଲି ଜଲାମାଚେସି ।

![](https://cdn.door43.org/obs/jpg/360px/obs-en-48-09.jpg)

ମାହାପୁରୁ ଏଚିବେଲା କାସା ମେସ୍ତେସି, ଏୱାସି ତାମି ଇଲୁ ପିସ୍ତେସି ଅଡ଼େ ତାମି ନକେଏ ଜାର୍ନା ଆତାରାଇଁ ପାୟାଃତେସି । ଇ କାତାଇଁ ନିସ୍ତାର ପାର୍ବୁ ଇନେରି । ଯୀଶୁ ଆହିମାନେସି ନିସ୍ତାର ପାର୍ବୁତି ମେଣ୍ଡା ।

![](https://cdn.door43.org/obs/jpg/360px/obs-en-48-10.jpg)

ଏୱାସି ସିଦ୍ଧ ଅଡ଼େ ପାପୁ ହିଲାଃଗାଟାସି ମାଚେସି ଅଡ଼େ ନିସ୍ତାର ପାର୍ବୁ ନାମିନି ବେଲାତାଏ ପାଇୱି ଆହାମାଚେସି । ଏମିନିଗାଟାସି ଯୀଶୁ ତାଣା ନାମିନେସି, ଏଚିବେଲା ଯୀଶୁତି କାସା ଏ ଲକୁତି ପାପୁତି ଗେଲ୍‌ପିନେ, ଅଡ଼େ ମାହାପୁରୁ ଏ ବାକାଇଁ ଏ ଲକୁଟି ଗୁଚି କିନେସି । ମାହାପୁରୁ ଇସ୍ରାଏଲତାରା ତଲେ ର ମେରା କିତେସି, ଏମିନିଗାଟାରି ତାନି ଆଚ୍ୱି ଆତାରି ମାଚେରି ।

![](https://cdn.door43.org/obs/jpg/360px/obs-en-48-11.jpg)

ମାତ୍ର ମାହାପୁରୁ ନେଏ ର ମେରା ତିରି କିହାମାନେସି ଏମିନିଗାଟାଇ ବାରେତାକି ମାନେ । ଇ ପୁଃନି ମେରା ତଲେ, ଏମିନିଗାଟି ଲୋକୁଦଲତି ଏମିନିଗାଟି ଲକୁ ଯୀଶୁଇଁ ନାମିତାକି ମାହାପୁରୁତି ଲୋକୁ ଆହାଲି ଆଡିନେରି । ମୋଶା ର କାଜା ଭାବବାଦୀ ମାଚେସି ଏମିନିଗାଟାସି ମାହାପୁରୁତି ବୋଲୁ ୱେକ୍ହେସି ।

![](https://cdn.door43.org/obs/jpg/360px/obs-en-48-12.jpg)

ମାତ୍ର ଯୀଶୁ ବାରେ ଭାବବାଦୀୟାଁ ବିତ୍ରା କାଜାସି ମାଚେସି । ଏୱାସି ମାହାପୁରୁ, ଏଦାଆଁ ତାକି ଏୱାସି ଏନା ଏନାଆଁ କିହିମାଚେସି ଅଡ଼େ ଏଦି ମାହାପୁରୁତି କାମା ଅଡ଼େ ମାହାପୁରୁତି ବୋଲୁ ମାଚେ । ଏଦାଆଁ ତାକି ଯୀଶୁଇଁ ମାହାପୁରୁତି ବୋଲୁ ୱେସ୍ପି ଆନେ । ମାହାପୁରୁ ରାଜା ଦାଉଦଇଁ କାତା ହିହା ମାଚେସି ଯେ ତାନି ଗଚିତାରା ବିତ୍ରା ରଅସି ମାହାପୁରୁତି ଲୋକୁଇଁ କାଲାକାଲାତାକି ତାକି କେନେସି ।

![](https://cdn.door43.org/obs/jpg/360px/obs-en-48-13.jpg)

ଏନାଆଁ ତାକି ଇଚିସାରେ ଯୀଶୁ ମାହାପୁରୁତି ମିର୍ଏସି ଅଡ଼େ ଖ୍ରୀଷ୍ଟ ମାଚେସି, ଏୱାସି ଦାଉଦତି ଗଚିତାସି ମାଚେସି ଏମିନିଗାଟାସି କାଲାକାଲାତାକି ତାକି କିନେସି । ଦାଉଦ ଇସ୍ରାଏଲତି ରାଜା ମାଚେସି, ମାତ୍ର ଯୀଶୁ ବାରେ ଦାର୍ତିତି ରାଜା !

![](https://cdn.door43.org/obs/jpg/360px/obs-en-48-14.jpg)

ଏୱାସି ୱେଣ୍ଡେଏ ୱାନେସି ଅଡ଼େ ସାତା ଅଡ଼େ ହିତିଡ଼ି ତଲେ କାଲାକାଲାତାକି ତାକି କିନେସି ।

*ବାଇବଲତି ର ପୁସ୍ପନି: ଆଦି ୧-୩, ୬, ୧୪, ୨୨; ଯାତ୍ରା ୧୨, ୨୦; ୨ଶାମୁୟେଲ ୭; ଏବ୍ରୀ ୩:୧-୬, ୪:୧୪-୫:୧୦; ୭:୧-୮:୧୩; ୯:୧୧-୧୦:୧୮; ପ୍ରକାଶିତ ୨୧:୪୯*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_48_96kbps.mp3

## 49. ମରିୟମ ଦରୁଗାଟି ର ଦାଂଗ୍ଡ଼ିଇଁ ର ଦୁତୁ ଏଲେଇଚେ ଯେ ଏଦି ମାହାପୁରୁତି ମିର୍ଏଣାଇଁ ଜାର୍ନା ହିନେ ।

https://openbiblestories.org/l/kxv/story-49/

![](https://cdn.door43.org/obs/jpg/360px/obs-en-49-01.jpg)

ଏଦାଆଁ ତାକି ଏଚେବେଲା ଏଦି ଦାଙ୍ଗ୍ଡ଼ିମାଚେ, ପବିତ୍ରଆତ୍ମା ତାଙ୍ଗେ ଜୀୱୁନତେ ଅଡ଼େ ଏଦି ବାଣ୍ଡିତା ଆତେ, ଏଦାଆଁତାକି ଏଦି ର ମିର୍ଏଣାଇଁ ଜାର୍ନା ହିତେ ଅଡ଼େ ତାନି ଦରୁ ଯୀଶୁ ହିତୁ । ଆତିସାରେ, ଯୀଶୁ ଆହିମାନେସି ମାହାପୁରୁ ଜିକେଏ ଅଡ଼େ ମାଣ୍‌ସି ଜିକେଏ ।

![](https://cdn.door43.org/obs/jpg/360px/obs-en-49-02.jpg)

ଯୀଶୁ ହାରେକା କାବାଆନି କାମା କିତେସି ଏନିକିକି ଏୱାସି ମାହାପୁରୁତି ମିର୍ଏସି ଇଞ୍ଜି ତସାଲି ଆଡିନେସି । ଏୱାସି ଏୟୁ ଲାକ ତାକିତେସି, ଗାଲିଇଁ ତିରି କିତେସି, ହାରେକା ଆଡାଆ ଗାଟି ଲୋକୁଣି ନେହି କିତେସି, ଡୁମ୍ବାଣୀ ପିସ୍ପି କତେସି, ହାତାରାଇଁ ଜୀୱୁ ହିତେସି ଅଡ଼େ ୫୦୦୦ଟିଏ ଗାଡି ଲୋକୁଣି ପାଶଗାଟି ରୁଟି ଅଡ଼େ ମିଣ୍କାଇଁ ତିସ୍ତେସି ।

![](https://cdn.door43.org/obs/jpg/360px/obs-en-49-03.jpg)

ଯୀଶୁ ର ଜାପ୍ନାସି ଜିକେଏ ମାଚେସି, ଅଡ଼େ ଏୱାସି ଅଦିକାରା ତଲେ ଜଲିମାଚେସି ଏନାଆଁ ତାକି ଇଚିସାରେ ଏୱାସି ମାହାପୁରୁତି ମିର୍ଏସି ମାଚେସି । ଏୱାସି ଜାପ୍‌ହାମାଚେସି ଯେ ଏନିକି ମିରୁ ଆପ୍‌ଣାଇଁ ଏନିକି ଜୀୱୁ ନହିମାଞ୍ଜେରି ଏଲେକିଏ ଏଟ୍କାତାରାଇଁ ଜିକେଏ ଜୀୱୁ ନନାଇ ମାନେ ।

![](https://cdn.door43.org/obs/jpg/360px/obs-en-49-04.jpg)

ଏୱାସି ଅଡ଼େ ଜିକେଏ ଜାପ୍‌ହେସି ଯେ ମିରୁ ଏନି କାତାଇଁ କି ଦନଇଁ ଜୀୱୁ ନନି ବାଟା ମାହାପୁରୁଇଁ ଗାଡି ଜୀୱୁ ନନାଇ ମାନେ ।

![](https://cdn.door43.org/obs/jpg/360px/obs-en-49-05.jpg)

ଯୀଶୁ ଏଲେଇଚେସି ଯେ ଦାର୍ତିତା ମାନି ଏନି ଦାରାଗାଟି ବାଟା ମାହାପୁରୁତି ରାଜି ହାରେକା ଗାଡି ଦାରାଗାଟାଇ । ଏମିନିଗାଟାଇ ମାଣ୍ସି ତାକି ହାରେକା କାଜା କାତା ଆହିମନେ ଯେ ଏୱାସି ମାହାପୁରୁତି ରାଜିତା ହାନାଇ । ମାହାପୁରୁ ରାଜିତା ହାଜାଲି ତାକି, ନିନୁ ନି ପାପୁଟିଏ ଗେଲ୍‌ପି ଆନାଇ ମାନେ ।

![](https://cdn.door43.org/obs/jpg/360px/obs-en-49-06.jpg)

ଯୀଶୁ ଏଲିଇଚେସି, କଚେକା ଲୋକୁ ତାଙ୍ଗେ ନାମାହାଁ ଗେଲ୍ପି ଆନେରି, ମାତ୍ର ଏଟ୍କାତାରି ନାମଃରି । ଏୱାସି ଏଲେଇଚେସି ଯେ କଚେକା ଲୋକୁ ନେହି ବୁମି ଲେହେଁ । ଏୱାରି ଯୀଶୁତି ନେହି କାବ୍ରୁ ୱେଞ୍ଜାହାଁ ଗେଲ୍ପି ଆନେରି । ଏଟ୍କାତାରି ଜିରୁଦାରି ମାନି ଆଣ୍ଟ୍ୱା ୱାଲି ବୁମି ଲେହେ, ଏମିନି ତାଣା ମାହାପୁରୁତି ବୋଲୁତି ବିଚା ହଡାଲି ଆଡେଏ ଅଡ଼େ ଆର୍ନା ଆଏ । ଏମିନିଲୋକୁ ଯୀଶୁତି ନେହି କାବ୍ରୁ ନାମଃରି ଏୱାରି ତାନି ରାଜିତା ହାଜାଲି ଆଡଃରି ।

![](https://cdn.door43.org/obs/jpg/360px/obs-en-49-07.jpg)

ଯୀଶୁ ଜାପ୍‌ହାମାଚେସି ଯେ ମାହାପୁରୁ ପାପିଣୀ ହାରେକା ଜୀୱୁ ନନେସି । ଏୱାସି ଏୱାରାଇଁ କ୍ଷମା କିହାହାଁ ତାନି ମିର୍କା ମାସ୍କା କିନେସି ।

![](https://cdn.door43.org/obs/jpg/360px/obs-en-49-08.jpg)

ଯୀଶୁ ମାଙ୍ଗେ ଅଡ଼େ ଜିକେଏ ଏଲେଇଚେସି, ଯେ ମାହାପୁରୁ ପାପୁଇଁ ଅପଃସି । ଏଚେବେଲା ଆଦମ ଅଡ଼େ ହବା ପାପୁ କିତୁ, ଏଦି ତାମି ବାରେ ଗଚିତାରାଇଁ ଆତେ । ଇଦାଆଁତି ପାଡ଼େଇ ଲେହେଁ, ଦାର୍ତିତା ମାନି ବାରେଜାଣା ପାପୁ କିନେରି ଅଡ଼େ ମାହାପୁରୁଟି ଏଟ୍କା ଆନେରି । ଏଦାଆଁ ତାକି ବାରେଜାଣା ମାହାପୁରୁତି ଶାତ୍ରୁ ଆହାମାନେରି ।

![](https://cdn.door43.org/obs/jpg/360px/obs-en-49-09.jpg)

ମାତ୍ର ମାହାପୁରୁ ଦାର୍ତିତା ମାନି ବାରେ ଜାଣାଇଁ ଇଲେହେଁ ଜୀୱୁ ନତେସି ଯେ ତାନି ରଣ୍ଡିଏ ରଅସି ମିର୍ଏଣାଇଁ ହିତେସି ଏନିକିକି ଏମିନି ଗାଟାସି ତାନିତାଣା ନାମିନେସି, ଏୱାସି ତାନି ପାପୁତି ବାକା ବେଟା ଆଆନା ମାହାପୁରୁତଲେ କାଲାକାଲାତାକି ଡ଼ଇନେସି ।

![](https://cdn.door43.org/obs/jpg/360px/obs-en-49-10.jpg)

ନି ପାପୁ ତାକି, ନି ଦହ ଅଡ଼େ ହାନି କାତା । ମାହାପୁରୁ କାର୍ବି ଆନି କାତା, ମାତ୍ର ଏୱାସି ନିଙ୍ଗ କାର୍ବି ଆଆନା ଯୀଶୁ ଲାକ ମି କାର୍ବି ହିତେସି । ଯୀଶୁ ଏଚିବେଲା କ୍ରୁଶତା ହାତେସି, ଏଚିବେଲା ଏୱାସି ନି ଦହ ବେଟାଆତେସି ।

![](https://cdn.door43.org/obs/jpg/360px/obs-en-49-11.jpg)

ଯୀଶୁ ଏଚେଲା ପାପୁ କିହାଲଃସି, ମାତ୍ର ନିଙ୍ଗେ ଅଡ଼େ ଦାର୍ତିତା ମାନି ବାରେ ପାପୁଇଁ ଡେକାଲି ତାକି ର ସିଦ୍ଧ ପୁଜା ହିତିଲେହେଁ ଦହ ବେଟାଆତେସି । ଏଦାଆଁ ତାକି ଯୀଶୁ ତାନୁ ତାନୁଏ ପୁଜା ହିତେସି, ଏଦାଆଁ ତାକି ମାହାପୁରୁ ଏନି ପାପୁ, ଇଲେହେଁକି ବାରେ କାଜା ପାପୁ ଜିକେଏ କ୍ଷମା କିହାଲି ଆଡିନେସି ।

![](https://cdn.door43.org/obs/jpg/360px/obs-en-49-12.jpg)

ନେହି କାମା ନିଙ୍ଗ ଗେଲ୍ପାଲି ଆଡେଏ । ମାହାପୁରୁ ତଲେ ତଡ଼ୁ ଆହାଲିତାକି ଇଲେହେଁ ଏନି କାତା ହିଲେଏ । ୱାର୍ଇ ଯୀଶୁଏ ନି ପାପୁଇଁ ନର୍ହାଲି ଆଡିନେସି । ଯୀଶୁ ଏ ମାହାପୁରୁତି ମିର୍ଏସି ଅଡ଼େ ନି ବାଟା ଯୀଶୁ ଯେ କ୍ରୁଶତା ହାତେସି ଅଡ଼େ ମାହାପୁରୁ ଏ ତାଂଗେ ହାକିଟି ନିକ୍‌ହାହାଁ ଜୀୱୁ ହିତେସି ଇ କାତାଇଁ ନିନୁ ନାମିନାଇ ମାନେ ।

![](https://cdn.door43.org/obs/jpg/360px/obs-en-49-13.jpg)

ଏମିନିଗାଟାସି ଯୀଶୁ ତାଣା ନାମିନେସି ଅଡ଼େ ଯାହାରା ମାହାପୁରୁ ଲେହେଁ ନାମିନେସି, ମାହାପୁରୁ ଏ ବାରେ ଜାଣାଇଁ ଗେଲ୍ପିନେସି । ମାତ୍ର ତାନିତାଣା ଏମ୍ବାଃସି ନାମଃସି ଏୱାସି ତାଙ୍ଗେ ଗେଲ୍‌ପଃସି । ନିନୁ ଦନ କି ହିଲାଃଗାଟାତି, ଆବାଟି କି ଆୟାଟି, ବୁଢ଼୍ହା କି ଦାଂଣେଏସି ଅଡ଼େ ଏମିନି ତାଣା ଡ଼ଇତିହିଁ ଏଦି ଏନାଆଁ ଆଏ । ମାହାପୁରୁ ନିଙ୍ଗ ଜୀୱୁ ନୟାନେସି ଅଡ଼େ ନିନୁ ଏନିକି ଯୀଶୁତାଣା ନାମିଦି ଏଦାଆଁ ଅଣପିନେସି ଏନିକିକି ତାନି ତଲେ ନି ତଡ଼ୁ ଡ଼ଇନେ ।

![](https://cdn.door43.org/obs/jpg/360px/obs-en-49-14.jpg)

ଯୀଶୁ ନିଙ୍ଗ ତାନିତାଣା ନାମାଲିତାକି ଅଡ଼େ ଡୁବନ ଅହାଲି ହାଟାନେସି । ଯୀଶୁ ଏ ଖ୍ରୀଷ୍ଟ ଅଡ଼େ ମାହାପୁରୁତି ରଣ୍ଡିଏ ର ମିର୍ଏସି ଏଦାଆଁ ଏନାଆଁ ନିନୁ ନାମି ମାଞ୍ଜି ? ନିନୁ ଏନାଆଁ ନାମିମାଞ୍ଜିକି ଯେ ନିନୁ ର ପାପୁଗାଟାତି ଅଡ଼େ ମାହାପୁରୁତାଣାଟି ନିନୁ ବାକା ବେଟା ଆନାତି ? ନିନୁ ଏନାଆଁ ନାମିମାଂଜିକି ଯେ ନି ପାପୁ ଡେକା ଅହାଲିତାକି କ୍ରୁଶ ଲାକ ହାତେସି ?

![](https://cdn.door43.org/obs/jpg/360px/obs-en-49-15.jpg)

ଯୀଶୁ ନି ତାକି ଏନାଆଁ କିହା ମାଞ୍ଜାନେସି ଏଦାଆଁ ନାମି ମାଚି ସାରେ, ନିନୁ ର ଖ୍ରୀଷ୍ଟିୟାନତି ! ମାହାପୁରୁ ନିଙ୍ଗ ଶୟତାନତି ଆନ୍ଦେରି ରାଜିଟିଏ ଚାଚା ମାଂଜାନେସି ଅଡ଼େ ମାହାପୁରୁତି ରାଜିତି ଉଜେଡ଼ି ତଲେ ଗାଡ଼ି କିହାମାନେସି । ମାହାପୁରୁ ନି ପୁର୍ବେତି ପାପୁଗାଟି କାମାତି ଜୀରୁ ବାରେ ଅହାମାନେସି ଅଡ଼େ ଏୱାସି ନିଙ୍ଗେ ପୁଃନି ଅଡ଼େ ଦାର୍ମୁତି କାମାତି ଜୀରୁ ହିହା ମାଞ୍ଜାନେସି ।

![](https://cdn.door43.org/obs/jpg/360px/obs-en-49-16.jpg)

ନିନୁ ର ଖ୍ରୀଷ୍ଟିୟାନତି ଇଚିସାରେ, ଯୀଶୁ ଏନାଆଁ କିହାମାନେସି ଏଦାଆଁ ତାକି ମାହାପୁରୁ ନି ପାପୁବାରେ କ୍ଷମା କିହା ମାଞ୍ଜାନେସି । ନେଏ, ନିନୁ ମାହାପୁରୁତି ର ଶାତ୍ରୁ ଆଆନା ତାନି ର ତଡ଼ୁ ଅହାଲି ତାକି ମାହାପୁରୁ ଅଣ୍‌ପିମାନେସି ।

![](https://cdn.door43.org/obs/jpg/360px/obs-en-49-17.jpg)

ନିନୁ ମାହାପୁରୁତି ତଡ଼ୁ ଇଚିସାରେ ଅଡ଼େ ମାହାପୁରୁ ଯୀଶୁତି ର ସେବା କିନାତି ଇଚିସାରେ, ଆତିସାରେ ଯୀଶୁ ଜାପ୍‌ହିମାଞ୍ଜାନେସି ଯେ ଏଦାଆଁ ନାମାଲିତାକି ନିନୁ ଅଣପିଦି । ନିନୁ ର ଖ୍ରୀଷ୍ତୟାନ ଇଚିସାରେ, ନିନୁ ପାପୁ କିହାଲି ତାକି ଲବୁ ଆଦି । ମାତ୍ର ମାହାପୁରୁ ନାମୁଗାଟାସି ଅଡ଼େ ଏୱାସି ଜଲି ମାଞ୍ଜାନେସି ଯେ ନିନୁ ନି ପାପୁ ବାରେ ଅଣପିଦି, ଏୱାସି ନିଙ୍ଗ କ୍ଷମା ହିୟାନେସି । ପାପୁ ବିରୁଦ୍ଦତା ଯୁଦ୍ଦ କିହାଲିତାକି ଏୱାସି ନିଙ୍ଗ ବ୍ଡ଼ାୟୁ ହିୟାନେସି ।

![](https://cdn.door43.org/obs/jpg/360px/obs-en-49-18.jpg)

ନିନୁ ଏନିକି ପାର୍ତନା କିଦି, ତାନି ବୋଲୁ ପଡ଼ ଆଦି, ଏଟ୍କାତି ଖ୍ରୀଷ୍ଟିୟାନ ତଲେ ତାନି ପୁଜା କିଦି ଅଡ଼େ ଏୱାସି ନି ତାକି ଏନା ଏନାଆଁ କିହା ମାନେସି ଏଦାଆଁ ଏଟ୍କାତାରାଇଁ ୱେହ୍ଦି, ଏଦାଆଁ ମାହାପୁରୁ ନିଙ୍ଗ ଜଲିମାଞ୍ଜାନେସି । ଇ ବାରେ ନିଙ୍ଗ ତାନି ତଲେ ର ହରେକା ବିତ୍ରା ତଡ଼ୁ କିହାଲିତାକି ସାୟମି ଆୟାନେ ।

*ବାଇବଲତି ର ପୁସ୍ପନି: ରୋମୀୟ ୩:୨୧-୨୬; ୫:୧-୧୧; ଯୋହନ ୩:୧୬; ମାର୍କ ୧୬:୧୬; କଲସୀୟ ୧:୧୩-୧୪; ୨ କରିନ୍ଥୀୟ ୫:୧୭-୨୧; ୧ଯୋହନ୧:୫-୧୦*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_49_96kbps.mp3

## 50. ଯୀଶୁ ୱେଣ୍ଡେ ଏ ୱାନାସି

https://openbiblestories.org/l/kxv/story-50/

![](https://cdn.door43.org/obs/jpg/360px/obs-en-50-01.jpg)

୨୦୦୦ବାର୍ଷାଟିଏ ଲାକ ବାରେ ଦାର୍ତିଟି ହାରେକା ଲୋକୁ ଖ୍ରୀଷ୍ଟ ଯୀଶୁତି କାତା ନେହି କାବ୍ରୁ ୱେଞ୍ଜିମାନେରି । ମଣ୍ଡଳୀ ପାଡା ଆହିମାନେ । ଯୀଶୁ କାତା ହିହାମାନେସି ଯେ ଏୱାସି ଶେଷା ବେଲାତା ଦାର୍ତିତା ୱେଣ୍ଡା ୱାନେସି । ଏୱାସି ନିଏ ପାତେକା ୱାହାଲାଃତିଁ ଜିକେଏ, ଏୱାସି ତାନି କାତା ହିତାଣୀ କିନେସି ।

![](https://cdn.door43.org/obs/jpg/360px/obs-en-50-02.jpg)

ମାର ଯୀଶୁଇଁ ୱାନାଣୀ କାଚି କାଚିହିଁ, ମାହାପୁରୁ ଅଣପିନେସି ଏନିକିକି ମାର ର ପବିତ୍ର ଅଡ଼େ ତାଙ୍ଗେ ଗାଉରମି ହିନି ର ଜୀୱୁ ଲେମ୍ବିନ । ଏୱାସି ଅଣପିନେସି ଯେ ଏନିକି ମାର ତାନି ରାଜିତି କାତା ଏଟ୍କାତାରାଇଁ ୱେହ୍ନ । ଯୀଶୁ ପୁର୍ତିତା ଡ଼ଇନିବେଲାତା ଏଲେଇଚେସି “ନା ଶିଷ୍ୟୟାଁ ମାହାପୁରୁତା ରାଜିତି ନେହି କାବ୍ରୁ ଦାର୍ତିତା ମାନି ବାରେ ଲୋକୁଇଁ ୱେକ୍ନେରି, ଏଦାଆଁ ଜେଚ ଦେହେଁ ଯୁଗୁ ରାନେ ।”

![](https://cdn.door43.org/obs/jpg/360px/obs-en-50-03.jpg)

ହାରେକା ଲୋକୁଦଲ ନେଏ ପାତେକା ଯୀଶୁତି କାତା ୱେଞ୍ଜା ହିଲଃରି । ଏୱାସି ଲାକପୁରୁ ୱେଣ୍ଡା ହାନି ନକେଏ, ଏମିନିଗାଟାରି ଏଚେଲା ଜିକଏ ସୁସମାଚାର ୱେଞ୍ଜା ହିଲଃରି ଏୱାରି ତାଣା ସୁସମାଚାର ୱେକ୍‌ହାଲି ତାକି ଯୀଶୁ ଖ୍ରୀଷ୍ଟିୟାନଗାଟାରାଇଁ ଜଲାମାନେସି । ଏୱାସି ଏଲେଇଚେସି “ମିରୁ ହାଜାହାଁ ବାରେ ଲୋକୁଦଲଇଁ ଶିଷ୍ୟ କିଦୁ !” ଅଡ଼େ “ଦାଚାଲି ଆର୍ନା କାମ୍ବା ହାଜାମାନେ!”

![](https://cdn.door43.org/obs/jpg/360px/obs-en-50-04.jpg)

ଯୀଶୁ ଅଡ଼େ ଏଲେଇଚେସି “ହଲିଆ ମାଲିକ୍ ଟିଏ କାଜାସି ଆଏ । ଇ ଦାର୍ତିତା ଅଦିକାରା ବେଟାଆତି ଲୋକୁୟାଁ ଏନିକି ନାଙ୍ଗେ ଅପଃରି, ଏଲେକିଏଁ ଏୱାରି ନା ତାକି ମିଙ୍ଗ କଷ୍ଟ ହିହାଁ ପାୟାନେରି । ଇ ଦାର୍ତିତା ମିରୁ ଦୁକୁ ବେଟା ଆତିସାରେ, ରାହାଁ ଆଦୁ ଏନାଆଁତାକି ଇଚିସାରେ ଦାର୍ତିଇଁ ତାକି କିହିମାନି ଶୟତାନଇଁ ନାନୁ ଜିଣା ଆହାମାଇଁ । ମିରୁ ଶେଷା ପାତେକା ନା ତାଣା ନାମୁତଲେ ଡ଼ୟାଦୁ, ଆତିସାରେ ମାହାପୁରୁ ମିଙ୍ଗ ଗେଲ୍ପାନେସି !”

![](https://cdn.door43.org/obs/jpg/360px/obs-en-50-05.jpg)

ଦାର୍ତି ଶେଷା ଆନି ବେଲାତା ଲୋକୁତାକି ଏନାଆଁ ଆନେ ଏଦାଆଁ ତେଲ୍‌ପିକିହାଲି ତାକି ଯୀଶୁ ଶିଷ୍ୟଣୀ ର ପୁସ୍ପନି ୱେସ୍ତେସି । ଏୱାସି ଏଲେଇଚେସି “ର ଲକୁ ତାନି ବାଡ଼ାତା ନେହି ବିଚା ମାଟା ମାଚେସି । ଏୱାସି ହୁଂଜାମାନି ବେଲାତା ତାନି ଶାତ୍ରୁ ୱାହାଁ ଗହମ ତଲେ ଜାଡ଼ା ବିଚା ମାଟିତେ ଅଡ଼େ ଏଦି ହାତୁସ୍ତେ ।”

![](https://cdn.door43.org/obs/jpg/360px/obs-en-50-06.jpg)

ଏଚେବେଲା ବିଚା ଗଜା ଆତେ, ଏ ଲକୁତି ହଲିଆଁ ୱାହାଁ ଏଲେଇଚେରି ‘ମାଲିକ, ନିନୁ ଏ ବାଡ଼ାତା ନେହି ବିଚା ମାଟା ମାଚି । ଅଡ଼େ ଏମ୍ବାଆଁ ଏନାଆଁ ତାକି ଜାଡ଼ା ଚଞ୍ଜା ଆତୁ ?” ମାଲିକ୍ ଏଲେଇଚେସି,’ର ଶାତ୍ରୁ ଏଦାଆଁ କିହାମାନେ ।”

![](https://cdn.door43.org/obs/jpg/360px/obs-en-50-07.jpg)

“ହଲିଆୟାଁ ତାମି ମାଲିକ୍ ଇଁ ଏଲେଇଚେରି, ’ମାର ଏନାଆଁ ଇ ଜାଡ଼ାଇଁ ରେନମି ?” ମାଲିକ୍ ଏଲେଇଚେସି, ’ଆଃଏ, ମିରୁ ଏଲେ କିତିସାରେ, ତାନି ତଲେ ମିରୁ ଗହଁ ଜିକେଏ ରେତୁହ୍‌ଦେରି । ଆର୍ନା ଦାନି ପାତେକା କାଦୁ, ଜାଡ଼ା କୁଡ଼ି କିହାଁ ହୁଡ଼ାତୁହ୍‌ଦୁ, ମାତ୍ର ଗହମ ଆର୍ନାଇଁ ଟୁଡିତା ତାଦୁ ।”

![](https://cdn.door43.org/obs/jpg/360px/obs-en-50-08.jpg)

ଶିଷ୍ୟୟାଁ ଏ ପୁସ୍ପନିତି ଅର୍ତ ତେଲ୍ହାଲି ଆଡାଃତେରି, ଏଦାଆଁ ତାକି ଏୱାରି ଏଦାଆଁ ତେଲ୍ପି କିହାଲି ଯୀଶୁଇଁ ଏଲେଇଚେରି । ଯୀଶୁ ଏଲେଇଚେସି “ଏମିନିଗାଟାସି ନେହି ବିଚା ମାଟିତେସି ଏୱାସି ଖ୍ରୀଷ୍ଟତି ଚିନ୍ନା । ବାଡା ଆହିମାନେ ଦାର୍ତି । ନେହି ବିଚା ମାହାପୁରୁତି ରାଜିତି ଲୋକୁ ।

![](https://cdn.door43.org/obs/jpg/360px/obs-en-50-09.jpg)

“ଜାଡ଼ା ଏ ଲୋକୁ ଏମିନିଗାଟାରି ଲାଗେଃତାରି । ଏମିନି ଶାତ୍ରୁ ଜାଡ଼ା ମାଟାହାଁ ହାତୁସ୍ତେ ଏଦି ଆହିମାନେ ଶୟତାନ । ଆର୍‌ନା ଦାନାଇ ଆହିମାନେ ଦାର୍ତିତି ଶେଷା ଅଡ଼େ ଦାନା ଇ ଆହିମାନୁ ଦୂତୁୟାଁ ।”

![](https://cdn.door43.org/obs/jpg/360px/obs-en-50-10.jpg)

ଏଚିବେଲା ଦାର୍ତି ଶେଷା ଆନେ, ଏଚିବେଲା ଦୁତୁୟାଁ ପାପୁତି ମିର୍କାଇଁ କୁଡ଼ି କିହାହାଁ ଡ଼ିଞ୍ଜିମାନି ହିଚୁତା ମେତ୍‌ନୁ, ଏମିନିତାଣା ଡ଼ିକି ଅଡ଼େ ପାଲୁ କାର୍କିନାଇ ଆନେ । ଏଚିବେଲା ଦାର୍ମୁଗାଟାରି ତାମି ଆବା ମାହାପୁରୁତି ରାଜିତା ୱେଡ଼ା ଲେହେଁ ଉଜେଡ଼ି ଆନେରି ।

![](https://cdn.door43.org/obs/jpg/360px/obs-en-50-11.jpg)

ଯୀଶୁ ଅଡ଼େ ଜିକେଏ ଏଲେଇଚେସି ଦାର୍ତି ରାନି ଟିକ୍ ନକେଏ ଏୱାସି ଦାର୍ତିତା ୱେଣ୍ଡେ ୱାନେସି । ଏୱାସି ଏନିକି ଦାର୍ତିଟିଏ ଲାକପୁରୁ ହାଜାମାଚେସି, ଏୱାସି ଏଲେକିଁଏ ଦାର୍ତିତା ୱେଣ୍ଡେ ୱାନେସି । ତାନି ର ଆଙ୍ଗା ଡ଼ଇନେ ଅଡ଼େ ଏୱାସି ହାଗୁତଲେ ୱାନେସି । ଯୀଶୁ ଏଚିବେଲା ୱେଣ୍ଡିନେସି, ଏଚରଜାଣା ଖ୍ରୀଷ୍ଟିୟାନ ଆହାଁ ହାନେରି, ଏୱାରି ହାକିଟି ନିଙ୍ଗିନେରି ଅଡ଼େ ତାଙ୍ଗେ ହାଗୁତା ଆଣ୍ଡିନେରି ।

![](https://cdn.door43.org/obs/jpg/360px/obs-en-50-12.jpg)

ଏଦାଆଁ ଜେଚ ଏମିନି ଖ୍ରୀଷ୍ଟିୟାନୟାଁ ନିଡିତାରି ଡ଼ଇନେରି ଏୱାରି ହାକିଟି ନିଙ୍ଗାହାଁ ଖ୍ରୀଷ୍ତୟାନଗାଟାରା ତଲେ ଆଣ୍ଡ୍ୱି ଆହାଁ ହାଗୁତା ନିଙ୍ଗିନେରି । ଏୱାରି ବାରେ ଏମ୍ବାଆଁ ଯୀଶୁ ତଲେ ଡ଼ଇନେରି । ଏଦାଆଁ ଜେଚ, ଯୀଶୁ ତାନି ଲୋକୁ ତଲେ ହିତିଡ଼ି ଅଡ଼େ ଆଣ୍ଡ୍ୱି ଆହାଁ କାଲାକାଲାତାକି ଡ଼ଇନେରି ।

![](https://cdn.door43.org/obs/jpg/360px/obs-en-50-13.jpg)

ଏମିନିଗାଟାରି ଯୀଶୁତାଣା ନାମିନେରି ଏୱାରାଇଁ ର ମୁକୁଟ୍ ହିହାଲି ତାକି ଯୀଶୁ କାତା ହିହା ମାଞ୍ଜାନେସି । ଏୱାରି ମାହାପୁରୁତଲେ ହିତିଡ଼ି ତଲେ ଡ଼ଇନେରି ।

![](https://cdn.door43.org/obs/jpg/360px/obs-en-50-14.jpg)

ମାତ୍ର ଏମିନିଗାଟାରି ଯୀଶୁତାଣା ନାମଃରି ମାହାପୁରୁ ତାମି ବିଚାରା କିନେସି । ଏୱାସି ଏୱାରାଇଁ ନର୍କତା ପାଣ୍ଡିନେସି, ଏମିନିତାଣା ଡ଼ିକି ଅଡ଼େ ପାଲୁ କାର୍କିନାଇ ଆନେ । ଇଲେହେଁ କି ଏ ହିଚୁ ଏଚେଲାଜିକେଏ ଡୁମ୍ବେଏ ଅଡ଼େ ଡ଼ିଞ୍ଜାହାଁ ଡ଼ଇନେ, ଅଡ଼େ ପ୍ଡ଼ିକା ଏୱାରାଇଁ କାର୍କାଲି ପିହ୍‌ଉ ।

![](https://cdn.door43.org/obs/jpg/360px/obs-en-50-15.jpg)

ଯୀଶୁ ଏଚିବେଲା ୱେଣ୍ଦିନେସି, ଏୱାସି ଶୟତାନତି ଅଡ଼େ ତାନି ରାଜିତି ଡାମ୍ବେ କୁଡ଼୍‌ପୁନାସ୍ କିନେସି । ଏୱାସି ଶୟତାନଇଁ ଅଡ଼େ ମାହାପୁରୁତି ବୋଲୁ ନାମିନି ବାଟା ତାନି ଜେଚ ତାକାଲି ଆଚିତାରାଇଁ ବାରେ ନର୍କତା ମେତ୍ନେସି ଏମିନିତାଣା କାଲାକାଲାତାକି ଡ଼ିଞ୍ଜି ଡ଼ଇନେ ।

![](https://cdn.door43.org/obs/jpg/360px/obs-en-50-16.jpg)

ଏନାଆତାକି ଇଚିସାରେ ଆଦମ ଅଡ଼େ ହବା ମାହାପୁରୁତି ବୋଲୁ ତଲେ ତାକାଃତୁ ଅଡ଼େ ଇ ଦାର୍ତିତା ପାପୁ ହଡ଼୍ୱି କିତୁ, ଏଦାଆଁ ତାକି ଇଦାଆଁ ବାକା ହିତେସି ଅଡ଼େ ଏଦାଣୀ ନାସ୍ କିହାଲି ତାକି ତିରି କିତେସି । ମାତ୍ର ର ଦିନା ମାହାପୁରୁ ର ପୁଃନି ଲାକପୁରୁ ଅଡ଼େ ପୁଃନି ଦାର୍ତି ଗାଡ଼ି କିନେସି ଏମିନିଗାଟାଇ ସିଦ୍ଦ ଅଡ଼େ ପୁରା ଆନେ ।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ଅଡ଼େ ତାନି ଲୋକୁ ପୁଃନିଦାର୍ତିତା ବାସା କିନେରି, ଅଡ଼େ ଏମିନିଗାଟାଇ ଡ଼ଇନେ ଏ ବାରେ ଲାକ ଏୱାସି କାଲାକାଲାତାକି ତାକି କିୟାନେସି । ଏୱାସି ବାରେ କାଣ୍ଡ୍ରୁ ଜେଜାନେସି ଅଡ଼େ କଷ୍ଟ, ଦୁକୁ,ଡ଼ିକି, ଲାଗେଃତାଇ, କଷ୍ଟ କି ହାକି ଆଃଏଦେ । ଯୀଶୁ ଶାନ୍ତି ଅଡ଼େ ସାତାତଲେ ରାଜି ଲାକ ରାଜି କିନେସି ଅଡ଼େ ଏୱାସି ତାନି ଲୋକୁ ତଲେ କାଲାକାଲାତାକି ଡ଼ଇନେରି ।

*ବାଇବଲତି ର ପୁସ୍ପନି: ମାଥିଉ ୨୪:୨୪; ୨୮:୧୮; ଯୋହନ ୧୫:୨୦, ୧୬:୩୩; ପ୍ରକାଶିତ ୨:୧୦; ମାଥିଉ ୧୩:୨୪-୩୦, ୩୬-୪୨; ୧ଥେସଲନିକୀୟ ୪:୧୩-୫:୧୧; ଯାକୁବ ୧:୧୨; ମାଥିଉ ୨୨:୧୩; ପ୍ରକାଶିତ ୨୦:୧୦ ;୨୧:୧-୨୨:୨୧*

Audio: https://git.door43.org/translationCore-Create-BCS/kxv_obs/releases/download/v1/kxv_obs_v1_50_96kbps.mp3