# unfoldingWord Open Bible Stories — ພາສາລາວ (Laotian)

- Language code: `lo`
- Canonical page: https://openbiblestories.org/l/lo/
- Stories in this file: 50 of 50
- Published by: Door43-Catalog
- Last release: 2026-07-24
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the ພາສາລາວ translation; it is not a translation of the whole Bible.

## 1. ເລື່ອງການຊົງສ້າງ

https://openbiblestories.org/l/lo/story-1/

![](https://cdn.door43.org/obs/jpg/360px/obs-en-01-01.jpg)

ນີ້ຄືຈຸດເລີ່ມຕົ້ນຂອງສັບພະສິ່ງທັງໝົດ. ພຣະເຈົ້າໄດ້ຊົງສ້າງຈັກກະວານແລະທຸກໆສິ່ງພາຍໃນ6ມື້. ຫຼັງຈາກທີ່ພຣະເຈົ້າໄດ້ສ້າງໂລກ, ມັນຍັງມືດແລະຫວ່າງເປົ່າຢູ່ ແລະພຣະວິນຍານຂອງພຣະນີ້ຄືຈຸດເລີ່ມຕົ້ນຂອງສັບພະສິ່ງທັງໝົດ. ພຣະເຈົ້າໄດ້ຊົງສ້າງຈັກກະວານແລະທຸກໆສິ່ງພາຍໃນ6ມື້. ຫຼັງຈາກທີ່ພຣະເຈົ້າໄດ້ສ້າງໂລກ, ມັນຍັງມືດແລະຫວ່າງເປົ່າຢູ່ ແລະພຣະວິນຍານຂອງພຣະເຈົ້າກໍຍັງປົກຄຸມເໜືອໜ້ານ້ຳຢູ່ເຊັ່ນກັນ.

![](https://cdn.door43.org/obs/jpg/360px/obs-en-01-02.jpg)

ຈາກນັ້ນພຣະອົງຊົງກ່າວວ່າ, “ຈົ່ງມີແສງແຈ້ງ” ແລະແສງແຈ້ງນັ້ນກໍເກີດຂຶ້ນ. ພຣະອົງຊົງເບິ່ງແສງແຈ້ງນັ້ນແລະເຫັນວ່າດີ. ພຣະອົງຊົງເອີ້ນແສງແຈ້ງນັ້ນວ່າ “ກາງເວັນ” ແລະແຍກແສງແຈ້ງນັ້ນອອກຈາກຄວາມມືດເອີ້ນວ່າ, “ກາງຄືນ” ພຣະອົງຊົງສ້າງແສງແຈ້ງຂຶ້ນໃນມື້ທີໜຶ່ງ.

![](https://cdn.door43.org/obs/jpg/360px/obs-en-01-03.jpg)

ການສ້າງໃນວັນທີສອງ ພຣະເຈົ້າກ່າວໃຫ້ເກີດມີທ້ອງຟ້າຢູ່ຂ້າງເທິງແລະແຜ່ນດິນໂລກຢູ່ຂ້າງລຸ່ມ. ພຣະອົງສ້າງທ້ອງຟ້າໂດຍແຍກນ້ຳໃຫ້ມີຢູ່ເທິງຟ້າແລະນ້ຳຢູ່ລຸ່ມຕິດກັບແຜ່ນດິນໂລກ.

![](https://cdn.door43.org/obs/jpg/360px/obs-en-01-04.jpg)

ໃນວັນທີ3 ພຣະເຈົ້າກ່າວໃຫ້ນ້ຳແຍກອອກຈາກດິນ. ພຣະອົງເອີ້ນດິນນັ້ນວ່າ “ແຜ່ນດິນໂລກ” ແລະເອີ້ນນໍ້ານັ້ນວ່າ “ທະເລ” ແລ້ວພຣະເຈົ້າກໍເຫັນວ່າດີ.

![](https://cdn.door43.org/obs/jpg/360px/obs-en-01-05.jpg)

ແລ້ວພຣະເຈົ້າກໍກ່າວ, “ໃຫ້ໂລກເກີດມີຕົ້ນໄມ້ແລະພືດພັນຕ່າງໆແລ້ວມັນກໍເກີດຕາມນັ້ນ. ພຣະເຈົ້າເຫັນວ່າສິ່ງທີ່ສ້າງນັ້ນດີ.

![](https://cdn.door43.org/obs/jpg/360px/obs-en-01-06.jpg)

ໃນວັນທີ4 ພຣະເຈົ້າໄດ້ກ່າວໃຫ້ມີຕາເວັນ, ມີເດືອນ ແລະດວງດາວຕ່າງໆ. ພຣະເຈົ້າໃຫ້ພວກມັນມີແສງສະຫວ່າງສ່ອງໄປທົ່ວແລະສ່ອງໃສ່ໂລກຄືກັນ ເຮັດໃຫ້ໂລກມີກາງເວັນ,ກາງຄືນ,ລະດູການ ແລະປີ. ພຣະເຈົ້າເຫັນວ່າສິ່ງທີ່ສ້າງນັ້ນດີ.

![](https://cdn.door43.org/obs/jpg/360px/obs-en-01-07.jpg)

ໃນວັນທີ5 ພຣະເຈົ້າໄດ້ກ່າວແລະສ້າງສັດນ້ຳແລະສັດປີກທຸກຊະນິດ. ພຣະເຈົ້າເຫັນວ່າມັນດີ ແລ້ວພຣະອົງໄດ້ອວຍພອນພວກມັນໃຫ້ເພີ່ມຂຶ້ນ.

![](https://cdn.door43.org/obs/jpg/360px/obs-en-01-08.jpg)

ໃນວັນທີ6 ພຣະເຈົ້າໄດ້ກ່າວໃຫ້ມີສັດທຸກຊະນິດທີ່ຢູ່ເທິງແຜ່ນດິນ ແລະມັນກໍເກີດຂຶ້ນຕາມນັ້ນ. ມີທັງສັດບ້ານແລະສັດເລືອຄານຕ່າງໆ ແລະສັດປ່ານຳ. ພຣະເຈົ້າເຫັນວ່າມັນດີ.

![](https://cdn.door43.org/obs/jpg/360px/obs-en-01-09.jpg)

ຈາກນັ້ນພຣະເຈົ້າຊົງກ່າວວ່າ, “ໃຫ້ເຮົາສ້າງມະນຸດຕາມລັກສະນະຂອງເຮົາ. ພວກເຂົາຈະເປັນຜູ້ປົກຄອງທຸກໆສິ່ງແລະສັດທຸກຊະນິດເທິງແຜ່ນດິນໂລກ.

![](https://cdn.door43.org/obs/jpg/360px/obs-en-01-10.jpg)

ຈາກນັ້ນພຣະອົງຊົງຈັບເອົາຂີ້ດິນຂຶ້ນມາປັ້ນເປັນຜູ້ຊາຍແລະໃສ່ລົມຫາຍໃຈຂອງພຣະອົງໃນລາວ. ພຣະອົງຊົງໃສ່ຊື່ຂອງລາວວ່າ ອາດາມ. ພຣະເຈົ້າຊົງສ້າງສວນໄວ້ສຳລັບອາດາມເພື່ອໃຫ້ອາໄສຢູ່ ແລະມອບໃຫ້ລາວເປັນຜູ້ເບິ່ງແຍງສວນນັ້ນ.

![](https://cdn.door43.org/obs/jpg/360px/obs-en-01-11.jpg)

ຢູ່ກາງສວນ ພຣະເຈົ້າໄດ້ຊົງສ້າງຕົ້ນໄມ້ພິເສດ 2 ຕົ້ນ, ຄືຕົ້ນໄມ້ແຫ່ງຊີວິດ ແລະ ຕົ້ນໄມ້ແຫ່ງການຮູ້ຈັກຄວາມດີແລະຄວາມຊົ່ວ. ພຣະເຈົ້າບອກກັບອາດາມວ່າ ໃຫ້ລາວສາມາດກິນໝາກໄມ້ທຸກຊະນິດຈາກທຸກຕົ້ນໄດ້ ຍົົກເວັ້ນຕົ້ນໄມ້ແຫ່ງການຮູ້ຈັກຄວາມດີແລະຄວາມຊົ່ວ. ຖ້າລາວກິນ ລາວກໍຈະຕາຍ.

![](https://cdn.door43.org/obs/jpg/360px/obs-en-01-12.jpg)

ຈາກນັ້ນພຣະເຈົ້າຊົງກ່າວວ່າ, “ບໍ່ເປັນການດີທີ່ຈະປ່ອຍໃຫ້ຊາຍຄົນນີ້ຢູ່ຄົນດຽວ.” ແຕ່ກໍບໍ່ມີສັດຊະນິດໃດທີ່ຈະສາມາດເປັນຜູ້ຊ່ວຍຂອງອາດາມໄດ້.

![](https://cdn.door43.org/obs/jpg/360px/obs-en-01-13.jpg)

ສະນັ້ນ ພຣະເຈົ້າຈຶ່ງໃຫ້ອາດາມນອນຫຼັບ ຈາກນັ້ນພຣະເຈົ້າກໍເອົາກະດູກຂ້າງຂອງອາດາມມາສ້າງເປັນຜູ້ຍິງ ແລະມອບຍິງນັ້ນໃຫ້ກັບລາວ.

![](https://cdn.door43.org/obs/jpg/360px/obs-en-01-14.jpg)

ເມື່ອອາດາມເຫັນຍິງນັ້ນກໍກ່າວວ່າ, “ໃນທີ່ສຸດ ຍິງຄົນນີ້ເປັນເໝືອນຂ້ອຍ! ຂ້ອຍຈະເອີ້ນລາວວ່າ “ຜູ້ຍິງ” ເພາະລາວມາຈາກຜູ້ຊາຍ. ຍ້ອນເຫດນີ້ຜູ້ຊາຍຈິ່ງລະຈາກພໍ່ແມ່ເພື່ອໄປຢູ່ກັບເມຍຂອງຕົນ

![](https://cdn.door43.org/obs/jpg/360px/obs-en-01-15.jpg)

ພຣະເຈົ້າໄດ້ຊົງສ້າງຜູ້ຊາຍ ແລະ ຜູ້ຍິງຈາກພຣະລັກສະນະຂອງພຣະອົງ. ພຣະອົງໄດ້ຊົງອວຍພອນໃຫ້ພວກເຂົາແລະກ່າວວ່າ, “ຈົ່ງເກີດລູກຫຼານໃຫ້ເຕັມທົ່ວແຜ່ນດິນໂລກ! ພຣະອົງເບິ່ງສິ່ງທີ່ພຣະອົງຊົງສ້າງແລະເຫັນວ່າດີ ແລະຊົງພໍພຣະໄທກັບທຸກສິ່ງທີ່ພຣະອົງສ້າງ. ພຣະອົງໄດ້ຊົງສ້າງມະນຸດຂຶ້ນໃນວັນທີຫົກ.

![](https://cdn.door43.org/obs/jpg/360px/obs-en-01-16.jpg)

ເມື່ອເຖິງວັນທີເຈັດ ພຣະອົງຊົງສຳເລັດການຊົງສ້າງຂອງພຣະອົງ ແລະພຣະອົງຊົງພັກຜ່ອນ. ພຣະອົງໄດ້ຊົງອວຍພອນໃຫ້ວັນທີ7 ເປັນວັນສິນສັກສິດບໍຣິສຸດ ເພາະເປັນວັນທີ່ພຣະອົງຊົງພັກຜ່ອນຈາກການເຮັດວຽກງານຂອງພຣະອົງ. ນີ້ຄືວິທີທີ່ພຣະເຈົ້າຊົງສ້າງຈັກກະວານແລະທຸກສິ່ງທຸກຢ່າງ.

*ຈາກພຣະຄຳພີ ປະຖົມມະການ  1-2*

## 2. ຄວາມບາບເຂົ້າມາໃນໂລກ

https://openbiblestories.org/l/lo/story-2/

![](https://cdn.door43.org/obs/jpg/360px/obs-en-02-01.jpg)

ອາດາມ ແລະ ເມຍຂອງລາວມີຄວາມສຸກຫຼາຍໃນການດໍາລົງຊີວິດທີ່ສວນອັນສວຍສົດງົດງາມເຊິ່ງພຣະເຈົ້າໄດ້ສ້າງຂຶ້ນໃຫ້ພວກເຂົາ. ພວກເຂົາບໍ່ໄດ້ນຸ່ງເສື້ອຜ້າ, ແຕ່ສິ່ງນີ້ກໍບໍ່ໄດ້ເຮັດໃຫ້ເຂົາຮູ້ສຶກອາຍ, ເພາະບໍ່ມີຄວາມບາບຢູ່ໃນໂລກ. ພວກເຂົາມັກຈະຍ່າງຫຼິ້ນຕາມສວນ ແລະ ເວົ້າກັບພຣະເຈົ້າຢູ່ເລື້ອຍ.

![](https://cdn.door43.org/obs/jpg/360px/obs-en-02-02.jpg)

ແຕ່ຢູ່ທີ່ນັ້ນໄດ້ມີງູເຈົ້າເລ້ໂຕໜຶ່ງ. ມັນຖາມຜູ້ຍິງວ່າ, “ພຣະເຈົ້າໄດ້ຫ້າມບໍ່ໃຫ້ກິນໝາກໄມ້ຢູ່ໃນສວນນີ້ບໍ່?”

![](https://cdn.door43.org/obs/jpg/360px/obs-en-02-03.jpg)

ຍິງຄົນນັ້ນຕອບວ່າ, “ພຣະເຈົ້າອານຸຍາດໃຫ້ພວກເຮົາສາມາດກິນໝາກໄມ້ໄດ້ທຸກຕົ້ນ ຍົກເວັ້ນຕົ້ນໄມ້ຮູ້ຄວາມດີ ແລະ ຄວາມຊົ່ວ. ພຣະເຈົ້າບອກວ່າ, ‘ຖ້າພວກເຮົາກິນໝາກໄມ້ນັ້ນ ແລະ ຈັບມັນ ເຮົາຈະຕາຍ’”.

![](https://cdn.door43.org/obs/jpg/360px/obs-en-02-04.jpg)

ງູນັ້ນຕອບຜູ້ຍິງວ່າ, “ມັນບໍ່ແມ່ນຄວາມຈິງ, ທີ່ວ່າເຈົ້າຈະຕາຍ. ພຣະເຈົ້າຮູ້ວ່າທັນທີ່ທັນໃດທີ່ເຈົ້າກິນໝາກໄມ້ນັ້ນເຈົ້າຈະເປັນເໝືອນພຣະອົງ ແລະ ຈະຮູ້ດີ ຮູ້ຊົ່ວຄືກັບພຣະອົງ.”

![](https://cdn.door43.org/obs/jpg/360px/obs-en-02-05.jpg)

ຍິງຄົນນັ້ນເຫັນວ່າໝາກໄມ້ນັ້ນງາມ ແລະ ເປັນຕາແຊບຫຼາຍ. ລາວຢາກເປັນຄົນສະຫຼາດ, ສະນັ້ນ ລາວຈຶ່ງບິດເອົາໝາກໄມ້ນັ້ນຈໍານວນໜຶ່ງ ແລະ ກິນມັນ. ແລ້ວລາວກໍຍັງເອົາໃຫ້ຜົວຂອງລາວກິນຄືກັນ, ແລະ ຜົວລາວກໍກິນມັນຄືກັນ.

![](https://cdn.door43.org/obs/jpg/360px/obs-en-02-06.jpg)

ໃນທັນໃດນັ້ນ, ຕາຂອງພວກເຂົາກໍເປີດອອກ, ແລະ ພວກເຂົາກໍຮູ້ວ່າເຂົາກໍາລັງເປືອຍຢູ່. ພວກເຂົາພະຍາຍາມຫາແນວມາປິດຮ່າງກາຍພວກເຂົາດ້ວຍການຫຍິບໃບໄມ້ເຮັດເປັນເຄື່ອງນຸ່ງ.

![](https://cdn.door43.org/obs/jpg/360px/obs-en-02-07.jpg)

ແລ້ວຊາຍ ແລະ ຍິງຜູ້ນັ້ນກໍໄດ້ຍິນສຽງພຣະເຈົ້າກໍາລັງຍ່າງໃນສວນ. ພວກເຂົາລີ້ພຣະອົງ. ພຣະເຈົ້າເອີ້ນຫາຊາຍຜູ້ນັ້ນ, “ເຈົ້າຢູ່ໃສ?” ອາດາມຕອບ, “ລູກໄດ້ຍິນສຽງພຣະອົງຍ່າງໃນສວນ, ລູກຢ້ານ, ເພາະວ່າລູກບໍ່ໄດ້ໃສ່ເສື້ອຜ້າ.”

![](https://cdn.door43.org/obs/jpg/360px/obs-en-02-08.jpg)

ແລ້ວພຣະເຈົ້າຖາມລາວວ່າ, “ໃຜບອກວ່າເຈົ້າເປືອຍກາຍ? ບໍ່ແມ່ນເຈົ້າກິນໝາກໄມ້ທີ່ເຮົາຫ້າມຫວາ?” ລາວເລີຍຕອບວ່າ,”ຍ້ອນພຣະອົງມອບຍິງຄົນນີ້ໃຫ້ລູກ, ແລະ ລາວເປັນຄົນເອົາໝາກໄມ້ນັ້ນໃຫ້ລູກກິນ.” ແລ້ວພຣະເຈົ້າຖາມຍິງນັ້ນວ່າ, “ເຈົ້າເຮັດຫຍັງລົງໄປ?” ຍິງນັ້ນຕອບວ່າ, “ຍ້ອນງູໂຕນັ້ນມັນຫຼອກລູກ.”

![](https://cdn.door43.org/obs/jpg/360px/obs-en-02-09.jpg)

ພຣະເຈົ້າເລີຍຮ້າຍໃສ່ງູໂຕນັ້ນວ່າ,”ມຶງຈະຖືກສາບແຊງ! ມຶງຈະເລືອຄານດ້ວຍທ້ອງຂອງມຶງ ແລະ ກິນຂີ້ດິນ. ສ່ວນຜູ້ຊາຍ ແລະ ຜູ້ຍິງ ຈະຊັງກັນ, ແລະ ລູກຂອງເຈົ້າທັງສອງກໍຈະຊັງກັນຄືກັນ. ເຊື້ອສາຍຂອງຝ່າຍຍິງຈະຢຽບຫົວມຶງຈົນມຸ່ນ ແລະ ມຶງຈະຕອດສົ້ນນ່ອງຂອງເຂົາ.”

![](https://cdn.door43.org/obs/jpg/360px/obs-en-02-10.jpg)

ຫຼັງຈາກນັ້ນພຣະເຈົ້າກ່າວກັບຍິງຄົນນັ້ນວ່າ,”ເຮົາຈະເຮັດໃຫ້ເຈົ້າເກີດລູກຢ່າງເຈັບປວດທໍລະມານ. ແຕ່ເຈົ້າກໍຍັງຢາກໄດ້ມີອຳນາດເໜຶອຜົວ ແລະ ຜົວຈະປົກຄອງເຈົ້າ.”

![](https://cdn.door43.org/obs/jpg/360px/obs-en-02-11.jpg)

ພຣະເຈົ້າກໍຍັງກ່າວຕໍ່ຊາຍຄົນນັ້ນວ່າ, “ ເຈົ້າເຊື່ອຟັງເມຍຂອງເຈົ້າ ແລະ ບໍ່ເຊື່ອຟັງເຮົາ. ບັດນີ້ແຜ່ນດິນຈະຖືກສາບແຊ່ງ. ເຈົ້າຈະເຮັດວຽກໜັກເພື່ອຈະມີອາຫານກິນ. ແລ້ວເຈົ້າຈະຕາຍ ແລະ ຮ່າງກາຍຂອງເຈົ້າຈະກາຍເປັນຂີ້ດິນ.” ເມຍຂອງລາວຊື່ວ່າ ເອວາ, ເຊິ່ງໝາຍຄວາມວ່າ “ຜູ້ໃຫ້ຊີວິດ,” ເພາະລາວຈະເປັນແມ່ຂອງທຸກຊົນຊາດ. ແລ້ວພຣະເຈົ້າກໍເອົາໜັງສັດເປັນເຄື່ອງນຸ່ງໃຫ້ອາດາມ ແລະ ເອວາ.

![](https://cdn.door43.org/obs/jpg/360px/obs-en-02-12.jpg)

ແລ້ວພຮະເຈົ້າກໍກ່າວວ່າ, “ບັດນີ້ມະນຸດຈະເປັນຄືເຮົົາ ຮູ້ຄວາມດີ ແລະ ຄວາມຊົ່ວ, ພວກເຂົາຈະບໍ່ໄດ້ຮັບອານຸຍາດໃຫ້ກິນຕົ້ນໄມ້ແຫ່ງຊີວິດຕະຫຼອດໄປ.” ດັ່ງນັ້ນ ພຣະເຈົ້າຈຶ່ງໄລ່ເຂົາທັງສອງອອກຈາກສວນອັນສວຍງາມນັ້ນ. ພຣະເຈົ້າໄດ້ສົ່ງເທວະດາມາຍາມເຝົ້າທາງເຂົ້າຂອງສວນນັ້ນເພື່ອປ້ອງກັນບໍ່ໃຫ້ໃຜເຂົ້າໄປກິນຕົ້ນໄມ້ແຫ່ງຊີວິດນັ້ນອີກ.

*ຈາກພຣະຄໍາພີ ປະຖົມມະການ 3*

## 3. ເລື່ອງນໍ້ຳຖ້ວມໂລກ

https://openbiblestories.org/l/lo/story-3/

![](https://cdn.door43.org/obs/jpg/360px/obs-en-03-01.jpg)

ຫຼາຍປີຕໍ່ມາຫຼາຍຄົນໄດ້ຢູ່ໃນໂລກ ພວກເຂົາໄດ້ພາກັນເຮັດຊົ່ວແລະເຮັດຜິດສິນທຳ ແລະມີຈິດໃຈຊົ່ວຊ້າ. ສິ່ງເຫຼົ່ານັ້ນເຮັດໃຫ້ພຣະເຈົ້າຕັດສິນໃຈທີ່ຈະທຳລາຍມະນຸດໝົດທັງໂລກໂດຍການເຮັດໃຫ້ນ້ຳຖ້ວມໂລກ.

![](https://cdn.door43.org/obs/jpg/360px/obs-en-03-02.jpg)

ບໍ່ມີມະນຸດຄົນໃດເຮັດໃຫ້ພຣະເຈົ້າພໍພຣະໄທນອກຈາກໂນອາ. ພຣະເຈົ້າຈຶ່ງບອກໂນອາກ່ຽວກັບນໍ້າຖ້ວມໂລກແລະບອກເຖິງແຜນການຂອງພຣະອົງກ່ຽວກັບເຫດການນັ້ນ. ອົງພຣະຜູ້ເປັນເຈົ້າບອກໂນວ່າໃຫ້ສ້າງເຮືອໃຫຍ່ລຳໜຶ່ງຂຶ້ນ.

![](https://cdn.door43.org/obs/jpg/360px/obs-en-03-03.jpg)

ພຣະເຈົ້າໄດ້ບອກໂນອາໃຫ້ສ້າງເຮືອທີ່ມີຄວາມຍາວ 140ແມັດ, ກ້ວາງ23ແມັດ ແລະ ສູງ 13.5 ແມັດ. ໂນອາສ້າງເຮືອນັ້ນດ້ວຍໄມ້ແລະເຮັດເປັນ3ຊັ້ນຄື: ຫຼັງຄາ, ປ່ອງຢ້ຽມ ແລະຫ້ອງຫຼາຍຫ້ອງສຳລັບຄອບຄົວແລະສັດທຸກຊະນິດ. ຊຶ່ງມີແຕ່ລະຫ້ອງ ແຕ່ລະຊັ້ນໃນຊ່ວງເວລານ້ຳຖ້ວມ.

![](https://cdn.door43.org/obs/jpg/360px/obs-en-03-04.jpg)

ໂນອາໄດ້ເຊື່ອຟັງແລະເຮັດຕາມຄຳສັ່ງຂອງອົງພຣະຜູ້ເປັນເຈົ້າແລະພຣະເຈົ້າໄດ້ບອກໂນອາວ່າ ໃຫ້ເອົາສັດທຸກຊະນິດເຂົ້າໄປເພາະເຮືອນັ້ນເປັນເຮືອທີ່ໃຫຍ່ຫຼາຍແລະໃຊ້ເວລາເພື່ອຕຽມອາຫານໃຫ້ພຽງພໍສຳລັບຄອບຄົວແລະສັດ. ສ່ວນສັດນັ້ນແມ່ນໃຫ້ເອົາສັດເປັນຄູ່ໆເປັນໂຕຜູ້ໂຕເມຍ ສ່ວນອາຫານນັ້ນແມ່ນໃຫ້ຕຽມໄວ້ສຳລັບ 40ມື້.

![](https://cdn.door43.org/obs/jpg/360px/obs-en-03-05.jpg)

ເມື່ອທຸກຢ່າງພ້ອມແລ້ວອົງພຣະຜູ້ເປັນເຈົ້າໄດ້ບອກໂນອາໃຫ້ໂນອາເອົາເມຍແລະລູກຊາຍ 3ຄົນແລະທັງລູກໄພ້ເຂົ້າໄປໃນເຮືອລວມທັງໝົດມີ8ຄົນ.

![](https://cdn.door43.org/obs/jpg/360px/obs-en-03-06.jpg)

ພຣະເຈົ້າໄດ້ສົ່ງສັດ 7ໂຕຜູ້ແລະ7ໂຕແມ່ຂອງສັດທຸກໆຊະນິດທີ່ສາມາດຖວາຍເປັນເຄື່ອງບູຊາໄດ້ມາໃຫ້ໂນອາ.ເມື່ອພວກເຂົາໄປໃນເຮືອໝົດທຸກຄົນແລ້ວ ອົງພຣະຜູ້ເປັນເຈົ້າກໍປິດປະຕູ.

![](https://cdn.door43.org/obs/jpg/360px/obs-en-03-07.jpg)

ຫຼັງຈາກນັ້ນຝົນກໍເລີ່ມຕົກ. ຝົນຕົກແລ້ວຕົກອີກເປັນເວລາ 40ມື້ 40ຄືນບໍ່ຢຸດ!! ລະດັບນ້ຳໄດ້ເພີ່ມຂຶ້ນເລື້ອຍໆ. ມີທັງນ້ຳທີ່ມາຈາກຝົນແລະນ້ຳທີ່ພົ້ນອອກມາຈາກພື້ນດິນ. ແລ້ວທຸກສິ່ງທຸກຢ່າງທີ່ຢູ່ເທິງໂລກກໍຖືກປົກຄຸມໄດ້ດ້ວຍນ້ຳແມ່ນແຕ່ພູເຂົາທີ່ສູງທີ່ສຸດຍັງຖືກນ້ຳຖ້ວມ.

![](https://cdn.door43.org/obs/jpg/360px/obs-en-03-08.jpg)

ທຸກສິ່ງທີ່ມີຊີວິດເທິງໜ້າດິນກໍຕາຍໝົດ ຍົກເວັ້ນຄົນແລະສັດທີ່ຢູ່ໃນເຮືອ ແລ້ວທຸກຄົນແລະສັດທຸກໂຕແລະທຸກສິ່ງທຸກຢ່າງທີ່ຢູ່ໃນເຮືອກໍປອດໄພຈາກນ້ຳຖ້ວມ.

![](https://cdn.door43.org/obs/jpg/360px/obs-en-03-09.jpg)

ຫຼັງຈາກຝົນເຊົາຕົກ ເຮືອກໍຍັງລອຍຢູ່ເທິງໜ້ານ້ຳເປັນເວລາ 5ເດືອນ ແລະໃນຊ່ວງເວລານັ້ນນ້ຳກໍເລີ່ມບົກລົງ. ແລ້ວມື້ໜຶ່ງເຮືອກໍລອຍໄປຄ້າງຢູ່ເທິງຈອມພູ ແຕ່ນ້ຳຖ້ວມແຜ່ນດິນໂລກຢູ່.

![](https://cdn.door43.org/obs/jpg/360px/obs-en-03-10.jpg)

ຫຼັງຈາກ30ວັນຜ່ານໄປໂນອາໄດ້ສົ່ງນົກກາງແກອອກໄປເພື່ອເບິ່ງວ່ານ້ຳໄດ້ບົກລົງບໍ່. ຈາກນັ້ນ ນົກເຂົາກໍບິນວົນໄປວົນມາເພື່ອຊອກຫາແຜ່ນດິນແຫ້ງ ແຕ່ມັນບໍ່ເຫັນບ່ອນໃດແຫ້ງມັນຈິ່ງບິນກັບມາ.

![](https://cdn.door43.org/obs/jpg/360px/obs-en-03-11.jpg)

ຫຼັງຈາກນັ້ນໂນອາກໍສົ່ງນົກເຂົາອອກໄປອີກ ແຕ່ມັນກໍບໍ່ສາມາດຊອກຫາແຜ່ນດິນແຫ້ງໄດ້ ສະນັ້ນມັນຈິ່ງກັບມາຫາໂນອາ. ອາທິດຕໍ່ມາ ໂນອາໄດ້ປ່ອຍນົກເຂົາອອກໄປອີກ ແລ້ວມັນກໍກັບມາພ້ອມດ້ວຍໃບໝາກກອກເທດ. ນໍ້າໄດ້ບົກລົງແລ້ວຕົ້ນໄມ້ໃບຫຍ້າກໍເກີດຂຶ້ນອີກ!

![](https://cdn.door43.org/obs/jpg/360px/obs-en-03-12.jpg)

ອາທິດຕໍ່ມາໂນອາໄດ້ປ່ອຍນົກເຂົາອອກໄປອີກເປັນຄັ້ງທີ3. ຄັ້ງນີ້ມັນສາມາດຊອກຫາບ່ອນພັກອາໄສໄດ້ ສະນັ້ນມັນຈິ່ງບໍ່ບິນກັບມາອີກ. ແຜ່ນດິນແຫ້ງໝົດແລ້ວ!

![](https://cdn.door43.org/obs/jpg/360px/obs-en-03-13.jpg)

2ເດືອນຕໍ່ມາພຣະເຈົ້າເວົ້າກັບໂນອາວ່າ, “ບັດນີ້ ເຈົ້າແລະຄອບຄົວຂອງເຈົ້າ ພ້ອມທັງສັດທຸກໂຕສາມາດລົງໄປຈາກເຮືອໄດ້ແລ້ວ. ຈົ່ງເກີດລູກ ແລະຫຼານໃຫ້ເຕັມທົ່ວແຜ່ນດິນໂລກ. ສະນັ້ນໂນອາແລະຄອບຄົວຂອງລາວຈຶ່ງອອກມາຈາກເຮືອ.

![](https://cdn.door43.org/obs/jpg/360px/obs-en-03-14.jpg)

ຫຼັງຈາກທີ່ໂນອາອອກມາຈາກເຮືອ, ເພິ່ນໄດ້ສ້າງແທ່ນບູຊາ ແລະ ນຳເອົາສັດບາງຊະນິດມາຖວາຍເປັນເຄື່ອງບູຊາ. ພຣະເຈົ້າຊົງພໍພຣະໄທໃນເຄື່ອງຖວາຍຂອງໂນອາແລະໄດ້ອວຍພອນເພິ່ນແລະຄອບຄົວຂອງເພິ່ນ.

![](https://cdn.door43.org/obs/jpg/360px/obs-en-03-15.jpg)

ພຣະເຈົ້າກ່າວວ່າ, ເຮົາຂໍສັນຍາວ່າເຮົາຈະບໍ່ສາບແຊ່ງແຜ່ນດິນໂລກຍ້ອນການບາບທີ່ພວກເຂົາເຮັດ ຫຼື ຈະບໍ່ທຳລາຍໂລກດ້ວຍການເຮັດໃຫ້ນ້ຳຖ້ວມອີກຈັກເທື່ອ ເຖິງວ່າພວກເຂົາຈະເຮັດບາບຕັ້ງແຕ່ນ້ອຍຈົນໃຫຍ່.

![](https://cdn.door43.org/obs/jpg/360px/obs-en-03-16.jpg)

ແລ້ວພຣະເຈົ້າຈິ່ງສ້າງຮຸ້ງກິນນ້ຳຄັ້ງທຳອິດ ເພື່ອເປັນສັນຍາລັກແຫ່ງຄຳສັນຍາຂອງພຣະອົງ. ທຸກຄັ້ງເມື່ອເຫັນຮຸ້ງກິນນໍ້າເທິງຟ້າ ພຣະເຈົ້າຈະລະນຶກເຖິງຄຳສັນຍາທີ່ພຣະອົງມີໄວ້ກັບຄົນຂອງພຣະອົງ.

*ເລື່ອງຈາກພຣະຄຳ ປະຖົມມະການ 6-8*

## 4. ພັນທະສັນຍາຂອງພະເຈົ້າຕໍ່ອັບບຣາຮາມ

https://openbiblestories.org/l/lo/story-4/

![](https://cdn.door43.org/obs/jpg/360px/obs-en-04-01.jpg)

ຫຼັງຈາກໄພນໍ້າຖ້ວມ, ໂລກໄດ້ເກີດມີຄົນອີກຄັ້ງ ແລະ ເຂົາກໍ່ເວົ້າພາສາດຽວກັນ, ແທນທີ່ເຂົາຈະເຕີມເຕັມໂລກຕາມທີ່ພະເຈົ້າບອກ, ເຂົາກັບຢູ່ຮ່ວມກັນ ແລະ ຊ່ວຍກັນສ້າງຕົວເມືອງຂຶ້ນ.

![](https://cdn.door43.org/obs/jpg/360px/obs-en-04-02.jpg)

ພວກເຂົາພູມໃຈໃນສິ່ງທີ່ເຂົາສ້າງ, ແລະ ບໍ່ໄດ້ສົນໃຈວ່າພະເຈົ້າຈະເວົ້າຫຍັງ. ພວກເຂົາເລີ່ມສ້າງຕຶກທີ່ສູງທີ່ສຸດເພື່ອໄປເຖິງສະຫວັນໄດ້. ພະເຈົ້າເຫັນວ່າຖ້າພວກເຂົາຍັງສືບຕໍ່ເຮັດສິ່ງຊົ່ວຊ້າດັ່ງກ່າວ, ທຸກສິ່ງທີ່ເຂົາເຮັດຈະເຕັມໄປດ້ວຍຄວາມບາບ.

![](https://cdn.door43.org/obs/jpg/360px/obs-en-04-03.jpg)

ດັ່ງນັ້ນ ພະເຈົ້າຈຶ່ງປ່ຽນໃຫ້ເຂົາທຸກຄົນໃຊ້ພາສາທີ່ແຕກຕ່າງກັນທົ່ວທັງໂລກ. ເມືອງທີ່ເຂົາສ້າງຂຶ້ນມີຊື່ວ່າ: ບາເບວ,ຄວາມໝາຍວ່າ: ສັບສົນ.

![](https://cdn.door43.org/obs/jpg/360px/obs-en-04-04.jpg)

ຫຼາຍຮ້ອຍປີຫຼັງຈາກນັ້ນ, ພະເຈົ້າໄດ້ເວົ້າກັບຊາຍຜູ້ໜຶ່ງຊື່ວ່າ: ອັບຣາມ. ພະເຈົ້າເວົ້າກັບລາວວ່າ: ເຈົ້າ ແລະ ຄອບຄົວຂອງເຈົ້າ ອອກຈາກເມືອງຂອງເຈົ້າໄປ. ເຮົາຈະມອບດິນແດນໃໝ່ແກ່ເຈົ້າ. ເຮົາຈະອວຍພອນເຈົ້າ ແລະ ເຈົ້າຈະມີຊົນຊາດຢ່າງຫຼວງຫຼາຍ. ເຮົາຈະເຮັດໃຫ້ຊື່ຂອງເຈົ້າເປັນທີ່ຮູ້ຈັກທົ່ວໂລກ. ເຮົາຈະອວຍພອນຜູ້ທີ່ອວຍພອນເຈົ້າ ແລະ ເຮົາຈະຊາບແຊ່ງຜູ້ທີ່ຊາບແຊ່ງເຈົ້າ. ຊົນຊາດທົ່ວໂລກຈະໄດ້ຮັບການອວຍພອນເພາະເຈົ້າ.

![](https://cdn.door43.org/obs/jpg/360px/obs-en-04-05.jpg)

ອັບຣາມໄດ້ເຮັດຕາມທີ່ພຣະເຈົ້າບອກ, ລາວໄດ້ນໍາເມຍຂອງລາວຊື່ ຊາລາຍ ແລະ ຄົນຮັບໃຊ້ລວມໄປເຖິງທຸກສິ່ງທຸກຢ່າງຂອງລາວໄປສູ່ດິນແດນທີ່ພຣະເຈົ້າຈະມອບໃຫ້ລາວ, ຄືເມືອງການາອານ.

![](https://cdn.door43.org/obs/jpg/360px/obs-en-04-06.jpg)

ເມື່ອອັບຣາມໄປເຖິງການາອານ ພຣະເຈົ້າໄດ້ກ່າວຕໍ່ອັບຣາມວ່າ: ຈົ່ງຫຼຽວເບິ່ງໄປທົ່ວຈົນສຸດສາຍຕາຂອງເຈົ້າເພາະສິ່ງທີ່ເຈົ້າແນມເຫັນເຮົາຈະມອບໃຫ້ເຈົ້າ ແລະ ເຊື້ອສາຍຂອງເຈົ້າທັງໝົດ ເປັນມໍລະດົກ. ແລ້ວອັບຣາມກໍໄດ້ເຮັດຕາມທີ່ພຣະເຈົ້າບອກ.

![](https://cdn.door43.org/obs/jpg/360px/obs-en-04-07.jpg)

ມື້ໜຶ່ງອັບຣາມໄດ້ພົບກັບ ເມຄີຊາເດັກ ປະໂລຫິດໃຫຍ່ຂອງພຣະເຈົ້າ. ເມຄີຊາເດັກໄດ້ອວຍພອນອັບຣາມວ່າ: ຂໍໃຫ້ພຣະເຈົ້າຂອງຈັກກະວານຜູ້ທີ່ເປັນເຈົ້າສະຫວັນ ແລະ ແຜ່ນດິນໂລກນີ້ອວຍພອນອັບຣາມດ້ວຍເຖີດ. ແລ້ວອັບຣາມກໍ່ໄດ້ຖວາຍໜຶ່ງສ່ວນສິບແກ່ເມຄີຊາເດັກ.

![](https://cdn.door43.org/obs/jpg/360px/obs-en-04-08.jpg)

ຫຼາຍປີຜ່ານໄປ, ແຕ່ອັບຣາມ ແລະ ຊາລາຍກໍຍັງບໍ່ມີລູກ. ພຣະເຈົ້າໄດ້ເວົ້າສັນຍາກັບອັບຣາມວ່າ: ເຈົ້າຈະມີລູກຊາຍ ແລະ ເຊື້ອສາຍຂອງເຈົ້າຈະມີຢ່າງຫຼວງຫຼາຍເໝືອນກັບດວງດາວເທິງຟ້າ. ອັບຣາມເຊື່ອທີ່ພຣະເຈົ້າສັນຍາ. ພຣະເຈົ້າກ່າວວ່າ: ອັບຣາມເປັນຄົນຊອບທໍາເພາະລາວເຊື່ອໃນສິ່ງທີ່ພຣະເຈົ້າສັນຍາ.

![](https://cdn.door43.org/obs/jpg/360px/obs-en-04-09.jpg)

ແລ້ວພຣະເຈົ້າກໍ່ໄດ້ເຮັດພັນທະສັນຍາກັບອັບຣາມ. ພັນທະສັນຍານັ້ນແມ່ນໄດ້ເຫັນດີທັງສອງຝ່າຍ. ພຣະເຈົ້າກ່າວວ່າ: ເຈົ້າຈະມີລູກຊາຍທີ່ສືບຕໍ່ເຊື້ອສາຍເຈົ້າ. ເຮົາຈະມອບດິນແດນການາອານແກ່ເຊື້ອສາຍຂອງເຈົ້າ. ແຕ່ອັບຣາມກໍຍັງຄົງບໍ່ມີລູກ.

*ຈາກພະຄໍາພີ: ປະຖົມມະການ 11-15*

## 5. ລູກແຫ່ງພຣະສັນຍາ

https://openbiblestories.org/l/lo/story-5/

![](https://cdn.door43.org/obs/jpg/360px/obs-en-05-01.jpg)

ສິບປີຫຼັງຈາກອັບຣາມ ແລະ ຊາລາຍມາເຖິງການາອານ, ເຂົາກໍຍັງຄົງບໍ່ມີລູກ. ດັ່ງນັ້ນ ເມຍຂອງອັບຣາມເວົ້າກັບລາວວ່າ, “ຕັ້ງແຕ່ພຣະເຈົ້າບໍ່ໃຫ້ຂ້ອຍມີລູກຈົນເຖິງດຽວນີ້ຂ້ອຍກໍເຖົ້າຫຼາຍແລ້ວ, ນີ້ແມ່ນຮາກ້າຄົນຮັບໃຊ້ຂອງຂ້ອຍ. ແຕ່ງງານກັບນາງສາເພື່ອນາງຈະມີລູກໃຫ້ກັບເຮົາ.”

![](https://cdn.door43.org/obs/jpg/360px/obs-en-05-02.jpg)

ດັ່ງນັ້ນ, ອັບຣາມຈຶ່ງແຕ່ງງານກັບຮາກ້າ. ຮາກ້າໃຫ້ກໍາເນີດເດັກຊາຍຄົນໜຶ່ງ, ອັບຣາມໃສ່ຊື່ໃຫ້ລາວວ່າ ອິດສະມາເອວ. ແຕ່ນາງຊາລາຍເກີດອິດສານາງຮາກ້າ. ເມື່ອອິດສະມາເອວໃຫຍ່ເປັນໜຸ່ມແລ້ວ, ພຣະເຈົ້າໄດ້ເວົ້າກັບອິດສະມາເອວອີກຄັ້ງ.

![](https://cdn.door43.org/obs/jpg/360px/obs-en-05-03.jpg)

ພຣະເຈົ້າກ່າວວ່າ, “ເຮົາຄືພຣະເຈົ້າຜູ້ຊົງລິດອໍານາດ. ເຮົາຈະເຮັດພັນທະສັນຍາກັບເຈົ້າ.” ແລ້ວອັບຣາມກໍຟ້າວກົ້ມກາບລົງທີ່ພື້ນ. ພຣະເຈົ້າກໍຍັງກ່າວຕໍ່ອັບຣາມຕື່ມວ່າ, “ເຈົ້າຈະເປັນພໍ່ຂອງທຸກໆຊົນຊາດ. ເຮົາຈະມອບດິນແດນການາອານໃຫ້ແກ່ເຈົ້າ ແລະ ເຊື້ອສາຍຂອງເຈົ້າເພື່ອປົກຄອງ ແລະ ເຮົາກໍຈະເປັນພຣະເຈົ້າຂອງພວກເຂົາຕະຫຼອດໄປ. ເຈົ້າຕ້ອງຕັດປາຍອະໄວຍະວະເພດຊາຍທຸກຄົນໃນຄອບຄົວຂອງເຈົ້າ.”

![](https://cdn.door43.org/obs/jpg/360px/obs-en-05-04.jpg)

"“ເມຍຂອງເຈົ້າ, ນາງຊາລາຍຈະມີບຸດຊາຍ-ລາວຈະເປັນບຸດໃນພັນທະສັນຍາ. ໃສ່ຊື່ລາວວ່າ ອີຊາກ. ເຮົາຈະເຮັດພັນທະສັນຍາກັບລາວ ແລະ ລາວຈະກາຍເປັນຊົນຊາດໃຫຍ່. ເຮົາກໍຈະເຮັດໃຫ້ອິດສະລາເອນເປັນຊົນຊາດໃຫຍ່ຄືກັນ, ແຕ່ເຮົາຈະເຮັດພັນທະສັນຍາກັບອີຊາກເທົ່ານັ້ນ.” ຫຼັງຈາກນັ້ນ ພຣະເຈົ້າປ່ຽນຊື່ ອັບຣາມ ເປັນອັບລາຮາມ, ທີ່ມີຄວາມໝາຍວ່າ “ພໍ່ຂອງທຸກໆຊົນຊາດ”. ພຣະເຈົ້າກໍຍັງປ່ຽນຊື່ ນາງຊາລາຍ ເປັນຊາຣາ, ທີ່ມີຄວາມໝາຍວ່າ “ເຈົ້າຍິງ.”

![](https://cdn.door43.org/obs/jpg/360px/obs-en-05-05.jpg)

ຫຼັງຈາກນັ້ນ, ອັບລາຮາມໄດ້ຕັດອະໄວຍະວະເພດຊາຍທຸກຄົນໃນບ້ານ. ປີຜ່ານໄປ, ອັບລາຮາມໄດ້ 100ປີ ແລະ ນາງຊາຣາ 90ປີ, ນາງຊາຣາໄດ້ໃຫ້ກໍາເນີດເດັກຊາຍຄົນໜຶ່ງ ພວກເຂົາໃສ່ຊື່ໃຫ້ເດັກນັ້ນວ່າ ອີຊາກ ຕາມທີ່ພຣະເຈົ້າບອກເຂົາ.

![](https://cdn.door43.org/obs/jpg/360px/obs-en-05-06.jpg)

ເມື່ອອີຊາກໃຫຍ່ເປັນໜຸ່ມ, ພຣະເຈົ້າໄດ້ທົດສອບຄວາມເຊື່ອຂອງອັບລາຮາມໂດຍກ່າວວ່າ, “ນໍາເອົາອີຊາກລູກຊາຍຄົນດຽວຂອງເຈົ້າມາ, ແລ້ວຂ້າລາວເປັນເຄື່ອງຖວາຍບູຊາແກ່ເຮົາ. ” ອີກຄັ້ງໜຶ່ງທີ່ອັບລາຮາມເຊື່ອຟັງພຣະເຈົ້າ ແລະ ພ້ອມທີ່ຈະຖວາຍລູກຊາຍຄົນດຽວຂອງລາວໃຫ້ແກ່ພຣະເຈົ້າ.

![](https://cdn.door43.org/obs/jpg/360px/obs-en-05-07.jpg)

ໃນຂະນະ ທີອັບລາຮາມ ແລະ ອີຊາກ ກໍາລັງຍ່າງໄປສະຖານທີ່ຖວາຍບູຊາ, ອີຊາກຖາມຂຶ້ນວ່າ, “ພໍ່! ເຮົາມີໄມ້ໄວ້ຖວາຍບູຊາ, ແຕ່ເຮົາບໍ່ມີແກະ?” ອັບລາຮາມຕອບວ່າ, “ພຣະເຈົ້າຈະຈັດຕຽມແກະໄວ້ໃຫ້ເຮົາ, ລູກເອີ້ຍ.”

![](https://cdn.door43.org/obs/jpg/360px/obs-en-05-08.jpg)

ເມື່ອພວກເຂົາໄປເຖິງບ່ອນຖວາຍບູຊາ, ອັບລາຮາມໄດ້ມັດອີຊາກ ແລະ ວາງເທິງແທ່ນບູຊາ. ລາວກໍາລັງຈະຂ້າລູກຊາຍຂອງລາວ ແຕ່ພຣະເຈົ້າໄດ້ເວົ້າຂຶ້ນຢ່າງກະທັນຫັນວ່າ, “ຢຸດກ່ອນ! ຢ່າເຮັດໃຫ້ຊາຍເດັກນີ້ບາດເຈັບ! ບັດນີ້ເຮົາຮູ້ແລ້ວວ່າເຈົ້າຢ້ານເຮົາເພາະເຈົ້າບໍ່ຫວງລູກຊາຍຄົນດຽວຂອງເຈົ້າເລີຍ.”

![](https://cdn.door43.org/obs/jpg/360px/obs-en-05-09.jpg)

ໃກ້ໆຫັນອັບລາຮາມ, ໄດ້ແນມໄປເຫັນແກະຜູ້ຕົວໜຶ່ງທີ່ຄາຢູ່ຟຸ່ມໄມ້. ແກະນັ້ນ ແມ່ນສິ່ງທີ່ພຣະເຈົ້າໄດ້ຕຽມໄວ້ໃຫ້ເຂົາເພື່ອຈະເປັນເຄື່ອງຖວາຍບູຊາແທນອີຊາກ. ອັບລາຮາມດີໃຈຫຼາຍກັບເຄື່ອງຖວາຍບູຊານັ້ນ.

![](https://cdn.door43.org/obs/jpg/360px/obs-en-05-10.jpg)

ແລ້ວພຣະເຈົ້າກ່າວກັບອັບລາຮາມວ່າ, “ເພາະເຈົ້າເຕັມໃຈທີ່ຈະໃຫ້ເຮົາໄດ້ທຸກສິ່ງທຸກຢ່າງ, ແມ້ກະທັ້ງລູກຊາຍຄົນດຽວຂອງເຈົ້າ, ເຮົາສັນຍາວ່າຈະອວຍພອນເຈົ້າ. ເຊື້ອສາຍຂອງເຈົ້າຈະຫຼວງຫຼາຍກ່ວາດວງດາວທີ່ຢູ່ເທິງຟ້າ. ເພາະເຈົ້າເຊື່ອຟັງເຮົາ, ທຸກໆຄອບຄົວໃນໂລກຈະໄດ້ຮັບການອວຍພອນຜ່ານຄອບຄົວເຈົ້າ.”

*ຈາກພະຄໍາພີ ປະຖົມມະການ 16-22*

## 6. ພຣະເຈົ້າຈັດຕຽມເພື່ອອີຊາກ

https://openbiblestories.org/l/lo/story-6/

![](https://cdn.door43.org/obs/jpg/360px/obs-en-06-01.jpg)

ເມື່ອອັບຣາຮາມເຖົ້າຫຼາຍແລ້ວ, ລູກຊາຍຂອງລາວຊື່: ອີຊາກ ໄດ້ເຕີບໃຫຍ່ເປັນໜຸ່ມ. ດັ່ງນັັ້ນ, ອັບຣາຮາມຈຶ່ງໄດ້ສົ່ງຜູ້ຮັບໃຊ້ຄົນໜຶ່ງໄປຍັງດິນແດນທີ່ພີ່ນ້ອງຂອງລາວອາໄສຢູ່ນັ້ນ ເພື່ອໄປຫາເມຍມາໃຫ້ອີຊາກ.

![](https://cdn.door43.org/obs/jpg/360px/obs-en-06-02.jpg)

ຫຼັງຈາກການເດີນທາງອັນຍາວໄກໄປສູ່ດິນແດນທີ່ພີ່ນ້ອງຂອງອັບຣາຮາມອາໄສຢູ່ນັ້ນ, ພຣະເຈົ້າໄດ້ນໍາຄົນຮັບໃຊ້ໄປຫານາງເຣບາກາ, ນາງເປັນຫຼານສາວຂອງນ້ອງຊາຍອັບຣາຮາມ.

![](https://cdn.door43.org/obs/jpg/360px/obs-en-06-03.jpg)

ນາງເຣເບກາຕົກລົງອອກຈາກຄອບຄົບເພື່ອໄປບ້ານຂອງອີຊາກພ້ອມກັບຄົນຮັບໃຊ້ນັ້ນ. ອີຊາກໄດ້ແຕ່ງງານກັບນາງທັນທີ ທີ່ນາງໄປຮອດບ້ານຂອງລາວ.

![](https://cdn.door43.org/obs/jpg/360px/obs-en-06-04.jpg)

ຫຼັງຈາກນັ້ນຕໍ່ມາ, ອັບຣາຮາມໄດ້ຕາຍໄປ ແລະ ພຣະສັນຍາທັງໝົດທີ່ພຣະເຈົ້າໄດ້ເຮັດກັບລາວກໍ່ສືບທອດມາຫາອີຊາກ. ພຣະເຈົ້າໄດ້ສັນຍາວ່າ: ອັບຣາຮາມຈະມີຜູ້ສືບເຊື້ອສາຍ, ແຕ່ເມຍຂອງອີຊາກຄື: ນາງເຣເບກາຈະບໍ່ສາມາດມີລູກ.

![](https://cdn.door43.org/obs/jpg/360px/obs-en-06-05.jpg)

ອີຊາກໄດ້ພາວະນາອະທິຖານເພື່ອນາງເຣເບກາ, ແລະ ພຣະເຈົ້າກໍໄດ້ເຮັດໃຫ້ນາງຖືພາລູກແຝດ. ເດັກນ້ອຍທັງສອງໄດ້ສູ້ກັນໃນຂະນະທີ່ພວກເຂົາຍັງຢູ່ໃນທ້ອງຂອງນາງເຣເບກາ, ດັ່ງນັ້ນ ນາງຈຶ່ງຖາມພຣະເຈົ້າວ່າມັນເກີດຫຍັງຂຶ້ນ.

![](https://cdn.door43.org/obs/jpg/360px/obs-en-06-06.jpg)

ພຣະເຈົ້າບອກນາງເຣເບກາວ່າ: “ ລູກຊາຍທັງສອງຂອງເຈົ້າຈະເປັນສອງຊົນຊາດໃຫຍ່. ພວກເຂົາທັງສອງຈະຕໍ່ສູ້ເຊິ່ງກັນ ແລະ ກັນ,ຜູ້ອ້າຍຈະຮັບໃຊ້ຜູ້ນ້ອງ”.

![](https://cdn.door43.org/obs/jpg/360px/obs-en-06-07.jpg)

ເມື່ອນາງເຣເບກາອອກລູກ, ຜູ້ອ້າຍອອກມາພ້ອມກັບຂົນສີແດງ, ແລະ ພວກເຂົາຕັ້ງຊື່ໃຫ້ລາວວ່າ: ເອຊາວ. ຫຼັງຈາກນັ້ນ ຜູ້ນ້ອງອອກມາພ້ອມກັບຈ່ອງສົ້ນນ່ອງຂອງເອຊາວອອກມາ, ແລະ ພວກເຂົາຕັ້ງຊື່ໃຫ້ລາວວ່າ: ຢາໂຄບ.

*ຈາກພະຄໍາ ປະຖົມມະການ 24:1-25:26*

## 7. ພຣະເຈົ້າອວຍພອນຢາໂຄບ

https://openbiblestories.org/l/lo/story-7/

![](https://cdn.door43.org/obs/jpg/360px/obs-en-07-01.jpg)

ເມື່ອເດັກຊາຍສອງຄົນນັ້ນໃຫຍ່ຂຶ້ນ, ຢາໂຄບມັກທີ່ຈະຢູ່ບ້ານ ແຕ່ເອຊາວພັດມັກອອກໄປລ່າເນື້ອ. ນາງເຣເບກາຮັກຢາໂຄບ ແຕ່ ອີຊາກຮັກເອຊາວ.

![](https://cdn.door43.org/obs/jpg/360px/obs-en-07-02.jpg)

ມື້ໜຶ່ງ ເອຊາວກັບມາຈາກການລ່າເນື້ອ ລາວຮູ້ສຶກຫິວເຂົ້າຫຼາຍ. ເອຊາວຈຶ່ງເວົ້າກັບຢາໂຄບວ່າ, “ກະລຸນາເອົາອາຫານບາງຢ່າງທີ່ເຈົ້າມີນັ້ນໃຫ້ຂ້ອຍກິນແນ່.” ຢາໂຄບຕອບວ່າ, “ເຈົ້າຕ້ອງເອົາສິດທິອ້າຍກົກຂອງເຈົ້າໃຫ້ກ່ອນ.” ດັ່ງນັ້ນ ເອຊາວຈິ່ງເອົາສິດທິອ້າຍກົກຂອງຕົນໃຫ້ກັບຢາໂຄບ. ແລ້ວຢາໂຄບກໍເອົາອາຫານໃຫ້ລາວກິນ

![](https://cdn.door43.org/obs/jpg/360px/obs-en-07-03.jpg)

ອີຊາກຕ້ອງການອວຍພອນໃຫ້ເອຊາວ. ແຕ່ກ່ອນທີ່ລາວຈະເຮັດນັ້ນ ນາງເຣເບກາແລະຢາໂຄບໄດ້ຫຼອກລວງອີຊາກ ໂດຍໃຫ້ຢາໂຄບປອມຕົວເປັນເອຊາວ. ຍ້ອນວ່າອີຊາກເຖົ້າແກ່ຫຼາຍແລ້ວ ແລະບໍ່ສາມາດເບິ່ງເຫັນ, ສະນັ້ນ ພວກເຂົາຈິ່ງໃຫ້ຢາໂຄບໃສ່ເຄື່ອງຂອງເອຊາວ ແລະ ເອົາຂົນແກະໃສ່ມືແລະຄໍຂອງຢາໂຄບ.

![](https://cdn.door43.org/obs/jpg/360px/obs-en-07-04.jpg)

ຢາໂຄບເຂົ້າໄປຫາອີຊາກແລະບອກວ່າ, “ລູກແມ່ນເອຊາວ. ລູກເຂົ້າມາເພື່ອໃຫ້ພໍ່ອວຍພອນລູກ.” ເມື່ອອີຊາກບາຍຄໍທີ່ມີຂົນແກະແລະໄດ້ກິ່ນເສື້ອຜ້າເອຊາວ ເພິ່ນຄິດວ່າແມ່ນເອຊາວ ແລ້ວເພິ່ນຈິ່ງອວຍພອນໃຫ້ລາວ.

![](https://cdn.door43.org/obs/jpg/360px/obs-en-07-05.jpg)

ເອຊາວກຽດຊັງຢາໂຄບຍ້ອນວ່າລາວໄດ້ລັກເອົາສິດທິອ້າຍກົກແລະພຣະພອນໄປຈາກລາວ. ດັ່ງນັ້ນ ລາວຈິ່ງວາງແຜນຂ້າຢາໂຄບຫຼັງຈາກທີ່ພໍ່ຂອງພວກເຂົາຕາຍ.

![](https://cdn.door43.org/obs/jpg/360px/obs-en-07-06.jpg)

ແຕ່ນາງເຣເບກາໄດ້ຍິນແຜນການຂອງເອຊາວ, ສະນັ້ນ ນາງແລະອີຊາກຈຶ່ງສົ່ງຢາໂຄບໃຫ້ໄປຢູ່ກັບພີ່ນ້ອງນາງ.

![](https://cdn.door43.org/obs/jpg/360px/obs-en-07-07.jpg)

ຢາໂຄບໄດ້ອາໄສຢູ່ກັບພີ່ນ້ອງຂອງນາງເຣເບກາເປັນເວລາຫຼາຍປີ. ໃນຊ່ວງໄລຍະເວລານັ້ນ ລາວໄດ້ແຕ່ງງານແລະມີລູກຊາຍ12ຄົນ ແລະລູກສາວ 1ຄົນ. ພຣະເຈົ້າອວຍພອນໃຫ້ລາວເປັນຄົນຮັ່ງມີ.

![](https://cdn.door43.org/obs/jpg/360px/obs-en-07-08.jpg)

ຫຼັງຈາກ20ປີທີ່ລາວໜີອອກຈາກບ້ານຂອງລາວໃນການາອານ, ຢາໂຄບພ້ອມກັບຄອບຄົວ, ຂ້າຮັບໃຊ້ ແລະຝູງສັດຂອງລາວ ໄດ້ກັບຄືນໄປຫາບ້ານເກີດຂອງລາວ.

![](https://cdn.door43.org/obs/jpg/360px/obs-en-07-09.jpg)

ຢາໂຄບຮູ້ສຶກຢ້ານຫຼາຍ ເພາະເພິ່ນຄິດວ່າເອຊາວຍັງຕ້ອງການຂ້າລາວຢູ່. ສະນັ້ນລາວສົ່ງຝູງສັດໃຫ້ກັບເອຊາວເພື່ອເປັນຂອງຂວັນ. ຂ້າໃຊ້ຄົນທີ່ນຳເອົາຝູງສັດມາໃຫ້ເອຊາວໄດ້ເວົ້າວ່າ, “ຢາໂຄບຜູ້ເປັນຂ້າໃຊ້ຂອງທ່ານໄດ້ມອບຝູງສັດເຫຼົ່ານີ້ໃຫ້ກັບທ່ານ. ລາວກຳລັງເດີນທາງມາທີ່ນີ້.”

![](https://cdn.door43.org/obs/jpg/360px/obs-en-07-10.jpg)

ແຕ່ເອຊາວໄດ້ໃຫ້ອະໄພກັບຢາໂຄບແລ້ວ ແລະພວກເຂົາກໍມີຄວາມສຸກທີ່ພວກເຂົາໄດ້ພົບກັນອີກຄັ້ງໜຶ່ງ. ແລ້ວຢາໂຄບກໍອາໄສຢູ່ການາອານຢ່າງສະຫງົບສຸກ. ແລ້ວອີຊາກກໍຕາຍ ແລະ ຢາໂຄບກັບເອຊາວກໍຝັງເພິ່ນໄວ້ຢູ່ທີ່ນັ້ນ.

ພັນທະສັນຍາທີ່ພຣະເຈົ້າຊົງເຮັດໄວ້ກັບອັບຣາຮາມກໍໄດ້ຕົກທອດມາເຖິງອີຊາກແລະຢາໂຄບ.

*ເລື່ອງຈາກພຣະຄຳ: ປະຖົມມະການ 25:27-33:20*

## 8. ພຣະເຈົ້າຊ່ວຍຊີວິດຂອງໂຢເຊບແລະຄອບຄົວ

https://openbiblestories.org/l/lo/story-8/

![](https://cdn.door43.org/obs/jpg/360px/obs-en-08-02.jpg)

ມີຄັ້ງໜຶ່ງເມື່ອຢາໂຄບເຖົ້າແກ່ຫຼາຍແລ້ວລາວໄດ້ສົ່ງໂຢເຊບລູກທີ່ລາວຮັກທີ່ສຸດໄປສັງເກດເບິ່ງອ້າຍຂອງລາວທີ່ກຳລັງລ້ຽງແກະຢູ່.

![](https://cdn.door43.org/obs/jpg/360px/obs-en-08-01.jpg)

ພວກອ້າຍຂອງໂຢເຊບຊັງໂຢເຊບເພາະພໍ່ຮັກໂຢເຊບຫຼາຍກວ່າພວກເຂົາແລະໂຢເຊບກໍເຄີຍບອກຄວາມຝັນແກ່ພວກເຂົາວ່າລາວຈະເປັນຫົວໜ້າຂອງພວກເຂົາ ພໍເມື່ອໂຢເຊບມາຮອດພວກເຂົາທີ່ທົ່ງນາ ພວກອ້າຍກໍຈັບລາວແລະໄດ້ຂາຍລາວໃຫ້ແກ່ພໍ່ຄ້າທາດຮັບໃຊ້ຂອງເອຢິບ.

![](https://cdn.door43.org/obs/jpg/360px/obs-en-08-03.jpg)

ກ່ອນພວກອ້າຍຂອງໂຢເຊບກັບມາເຮືອນ ພວກເຂົາໄດ້ຈີກເສື້ອຄຸມຂອງໂຢເຊບແລະເອົາຈຸ່ມໄສເລືອດຂອງແກະ ແລ້ວພວກເຂົາເອົາເສຶ້ອຄຸມນັ້ນກັບມາບ້ານໃຫ້ພໍ່ຂອງພວກຕົນເບິ່ງ ເພື່ອໃຫ້ພໍ່ຄິດວ່າສັດປ່າໄດ້ຂ້າໂຢເຊບຕາຍ. ຢາໂຄບກໍເລີຍໂສກເສົ້າເສຍໃຈຫຼາຍ.

![](https://cdn.door43.org/obs/jpg/360px/obs-en-08-04.jpg)

ພໍ່ຄ້າທາດຮັບໃຊ້ຂອງເອຢິບເອົາໂຢເຊບມາທີ່ປະເທດເອຢິບຊຶ່ງໃຫຍ່ໂຕແລະເປັນປະເທດທີ່ມີອຳນາດໃນເຂດແມ່ນ້ຳນາຍ. ພໍ່ຄ້າຂາຍໂຢເຊບໃຫ້ເປັນທາດຮັບໃຊ້ຂອງຂ້າຣາຊການຂອງເອຢິບ. ໂຢເຊບໄດ້ຮັບໃຊ້ນາຍຂອງຕົນຢ່າງດີ ແລະພຣະເຈົ້າກໍໄດ້ອວຍພອນລາວດ້ວຍ.

![](https://cdn.door43.org/obs/jpg/360px/obs-en-08-05.jpg)

ເມຍຂອງຫົວໜ້າຂອງໂຢເຊບຢາກຫຼັບນອນກັບໂຢເຊບ ແຕ່ໂຢເຊບປະຕິເສດທີ່ຈະເຮັດບາບຕໍ່ສູ້ພຣະເຈົ້າດ້ວຍການເຮັດຢ່າງນັ້ນ. ນາງຈຶ່ງໃຈຮ້າຍແລະຫາເລື່ອງຜິດໃສ່ໂຢເຊບ ເຮັດໃຫ້ໂຢເຊບຖືກຈັບເຂົ້າໃນຄຸກ. ຕອນທີ່ໂຢເຊບຢູ່ໃນຄຸກ ລາວຍັງຄົງສັດຊື່ຕໍ່ພຣະເຈົ້າແລະພຣະອົງກໍຍັງຄົງອວຍພອນລາວ.

![](https://cdn.door43.org/obs/jpg/360px/obs-en-08-06.jpg)

ສອງປີຜ່ານໄປ ໂຢເຊບຍັງຄົງຢູ່ໃນຄຸກເຖິງແມ່ນວ່າລາວບໍ່ມີຄວານຜິດ. ມີຄືນໜຶ່ງ ຟາໂລຜູ້ເປັນກະສັດຂອງເອຢິບໄດ້ຝັນເຖິງ 2ຢ່າງທີ່ເຮັດໃຫ້ລາວກັງວົນໃຈຫຼາຍ. ບໍ່ມີທີ່ປຶກສາຄົນໃດຂອງລາວບອກຄວາມໝາຍຂອງຄວາມຝັນນັ້ນໄດ້.

![](https://cdn.door43.org/obs/jpg/360px/obs-en-08-07.jpg)

ພຣະເຈົ້າໃຫ້ໂຢເຊບສາມາດແປຄວາມຝັນຂອງກະສັດໄດ້, ສະນັ້ນກະສັດຟາໂລຈິ່ງສັ່ງໃຫ້ພາໂຢເຊບອອກຈາກຄຸກມາພົບ. ໂຢເຊບໄດ້ແປຄວາມຝັນແລະບອກກັບກະສັດວ່າ “ພຣະເຈົ້າຈະໃຫ້ມີການເກັບກ່ຽວທີ່ອຸດົມສົມບູນເປັນເວລາ 7ປີ ຈາກນັ້ນຈະແມ່ນ 7ປີ ແຫ່ງຄວາມອຶດຢາກ.

![](https://cdn.door43.org/obs/jpg/360px/obs-en-08-08.jpg)

ກະສັດຟາໂລຮູ້ສຶກປະທັບໃຈໂຢເຊບຫຼາຍ ເພິ່ນຈຶ່ງແຕ່ງຕັ້ງໃຫ້ໂຢເຊບຮັບໜ້າທີ່ຮອງຈາກເພິ່ນທີ່ມີອຳນາດໃນປະເທດເອຢິບ.

![](https://cdn.door43.org/obs/jpg/360px/obs-en-08-09.jpg)

ໂຢເຊບບອກໃຫ້ປະຊາຊົນເກັບຮັກສາອາຫານເປັນຈຳນວນຫຼວງຫຼາຍພາຍໃນລະຫວ່າງ7ປີແຫ່ງການເກັບກ່ຽວທີ່ອຸດົມສົມບູນ. ແລ້ວໂຢເຊັບກໍບອກໃຫ້ປະຊາຊົນຂາຍອາຫານຈຳນວນນັ້ນໃຫ້ກັບຄົນທັງຫຼາຍເພື່ອພວກເຂົາຈະມີອາຫານກິນພຽງພໍສຳລັບ7ປີແຫ່ງຄວາມອຶດຢາກ.

![](https://cdn.door43.org/obs/jpg/360px/obs-en-08-10.jpg)

ປີແຫ່ງຄວາມອຶດຢາກນັ້ນບໍ່ພຽງແຕ່ເກີດຂຶ້ນຢູ່ໃນເອຢິບ ແຕ່ຍັງລວມທັງການາອານບ່ອນທີ່ຢາໂຄບແລະຄອບຄົວຂອງເພິ່ນອາໄສຢູ່.

![](https://cdn.door43.org/obs/jpg/360px/obs-en-08-11.jpg)

ດັ່ງນັ້ນ ຢາໂຄບຈຶ່ງໄດ້ສົ່ງບັນດາລູກຊາຍຂອງລາວໄປຍັງປະເທດເອຢິບເພື່ອຊື້ອາຫານ. ພວກອ້າຍຂອງໂຢເຊບບໍ່ສາມາດຈື່ໂຢເຊບໄດ້ເມື່ອພວກເຂົາຢືນຢູ່ຕໍ່ໜ້າໂຢເຊບເວລາທີ່ພວກເຂົາມາຂໍຊື້ອາຫານ. ແຕ່ໂຢເຊບຈື່ພວກເຂົາໄດ້.

![](https://cdn.door43.org/obs/jpg/360px/obs-en-08-12.jpg)

ຫຼັງຈາກທີ່ໂຢເຊບໄດ້ທົດລອງພວກອ້າຍຂອງລາວວ່າພວກເຂົາມີການປ່ຽນແປງບໍ, ໂຢເຊບໄດ້ກ່າວຕໍ່ພວກເຂົາວ່າ, “ຂ້ອຍແມ່ນ ໂຢເຊບ! ນ້ອງຊາຍຂອງພວກເຈົ້າ. ຢ່າຕົກໃຈ. ພວກເຈົ້າໄດ້ພະຍາຍາມເຮັດສິ່ງທີ່ບໍ່ດີຕໍ່ຂ້ອຍເມື່ອພວກເຈົ້າຂາຍໃຫ້ມາເປັນທາດ, ແຕ່ພຣະເຈົ້າຊົງໃຊ້ສິ່ງທີ່ບໍ່ດີນັ້ນເພື່ອການດີຂອງພຣະອົງ! ຈົ່ງມາ ແລະອາໄສຢູ່ໃນປະເທດເອຢິບ ເພື່ອຂ້ອຍຈະສາມາດຊ່ວຍພວກເຈົ້າແລະຄອບຄົວຂອງພວກເຈົ້າໄດ້.”

![](https://cdn.door43.org/obs/jpg/360px/obs-en-08-13.jpg)

ເມື່ອພວກອ້າຍຂອງໂຢເຊບກັບຄືນເມື່ອບ້ານເຮືອນຂອງຕົນ ແລະເລົ່າເຖິງເຫດການຕ່າງໆສູ່ຢາໂຄບ ພໍ່ຂອງພວກເຂົາຟັງ ວ່າໂຢເຊບຍັງມີຊີວິດຢູ່, ຢາໂຄບກໍມີຄວາມຍິນດີຫຼາຍ.

![](https://cdn.door43.org/obs/jpg/360px/obs-en-08-14.jpg)

ເຖິງວ່າຢາໂຄບຈະເຖົ້າແກ່ລົງ, ລາວກໍຕັດສິນໃຈຍ້າຍໄປປະເທດເອຢິບພ້ອມກັບສະມາຊິກຄອບຄົວທຸກຄົນແລະພວກເຂົາກໍມາຕັ້ງຖິ່ນຖານຢູ່ທີ່ນັ້ນ. ກ່ອນທີ່ຢາໂຄບຈະຕາຍ ລາວໄດ້ອວຍພອນໃຫ້ກັບລູກຊາຍຂອງລາວແຕ່ລະຄົນ.

![](https://cdn.door43.org/obs/jpg/360px/obs-en-08-15.jpg)

ພຣະສັນຍາຂອງພຣະເຈົ້າທີ່ໃຫ້ໄວ້ກັບອັບຣາຮາມໄດ້ຕົກທອດມາເຖິງ ອີຊາກ, ຢາໂຄບ ແລະລູກຊາຍທັງ12ຄົນຂອງຢາໂຄບແລະຄອບຄົວຂອງພວກເຂົາ.ເຊື້ອສາຍຂອງຢາໂຄບທັງ12ຄົນ ໄດ້ກາຍມາເປັນ12 ຊົນເຜົ່າຂອງປະເທດອິດສະລາເອນ

*ຈາກພຣະຄຳພີ ປະຖົມມະການ 37-50*

## 9. ພຣະເຈົ້າເອີ້ນໂມເຊ

https://openbiblestories.org/l/lo/story-9/

![](https://cdn.door43.org/obs/jpg/360px/obs-en-09-01.jpg)

ຫຼັງຈາກໂຢເຊບຕາຍ, ຍາດຕິພີ່ນ້ອງຂອງລາວທັງໝົດໄດ້ອາໄສໃນເອຢິບ. ຍາດຕິພີ່ນ້ອງຂອງລາວໄດ້ດໍາລົງຊີວິດຢູ່ທີ່ນັ້ນຫຼາຍປີ ແລະມີລູກຫຼານເພີ່ມຂຶ້ນຫຼາຍ. ພວກເຂົາຖືກເອີ້ນວ່າ ຊາວອິດສະລາເອນ.

![](https://cdn.door43.org/obs/jpg/360px/obs-en-09-02.jpg)

ຫຼັງຈາກຫຼາຍຮ້ອຍປີ, ຊາວອິດສະລາເອນມີຈໍານວນຫຼາຍຂຶ້ນຕື່ມກາຍມາເປັນຊົນຊາດໃຫຍ່. ຊາວເອຢິບບໍ່ໄດ້ຈື່ຈໍາໂຢເຊັບ ແລະ ສິ່ງທີ່ລາວໄດ້ເຮັດເພື່ອພວກເຂົາແຕ່ຢ່າງໃດ. ພວກເຂົາເລີ່ມຢ້ານປະຊາຊົນອິດສະລາເອນ ເພາະວ່າປະຊາຊົນອິດສະລາເອນມີຈໍານວນຫຼວງຫຼາຍ. ດັ່ງນັ້ນ ຟາໂຣ ຜູ້ທີ່ປົກຄອງເອຢິບໃນເວລານັ້ນ ໄດ້ສັ່ງໃຫ້ປະຊາຊົນອິດສະລ່າເອນເປັນທາດຂອງຊາວເອຢິບ.

![](https://cdn.door43.org/obs/jpg/360px/obs-en-09-03.jpg)

ຊາວເອຢິບບັງຄັບໃຫ້ປະຊາຊົນອິດສະລາເອນສ້າງອາຄານຫຼາຍຫຼັງ ແລະ ຈົນເຖິງການສ້າງຕົວເມືອງທັງໝົດ. ການເຮັດວຽກໜັກເຮັດໃຫ້ຊີວິດຂອງພວກເຂົາທຸກຍາກຫຼາຍ, ແຕ່ພຣະເຈົ້າອວຍພອນພວກເຂົາ, ແລະໃຫ້ພວກເຂົາມີລູກຫຼານເພີ່ມຂຶ້ນ.

![](https://cdn.door43.org/obs/jpg/360px/obs-en-09-04.jpg)

ຟາໂຮເຫັນປະຊາຊົນອິດສະລາເອນ ມີເດັກນ້ອຍເພີ່ມຈໍານວນຫຼວງຫຼາຍ ດັ່ງນັ້ນ ເພິ່ນຈຶ່ງສັ່ງໃຫ້ຄົນຂອງເພິ່ນ ໄປຂ້າເດັກນ້ອຍຜູ້ຊາຍທັງໝົດຂອງຊາວອິດສະລາເອນໂດຍການໂຍນລົງໄປໃນແມ່ນໍ້ານາຍ.

![](https://cdn.door43.org/obs/jpg/360px/obs-en-09-05.jpg)

ຍິງຊາວອິດສະລາເອນຄົນໜຶ່ງໃຫ້ກໍາເນີດເດັກຊາຍ. ລາວ ແລະ ຜົວຂອງລາວພະຍາຍາມເຊື່ອງເດັກນ້ອຍໄວ້ໃຫ້ດົນເທົ່າທີ່ຈະດົນໄດ້.

![](https://cdn.door43.org/obs/jpg/360px/obs-en-09-06.jpg)

ເມື່ອພໍ່ແມ່ຂອງເດັກບໍ່ສາມາດເຊື່ອງລາວໄວ້ໄດ້, ພວກເຂົາເອົາເດັກໃສ່ໃນກະຕ່າ ລອຍຕາມແຄມແມ່ນໍ້ານາຍ ເພື່ອບໍ່ໃຫ້ເດັກຖືກຂ້າ. ເອື້ອຍຂອງລາວແນມເບິ່ງວ່າຈະມີຫຍັງເກີດຂຶ້ນກັບເດັກນັ້ນ.

![](https://cdn.door43.org/obs/jpg/360px/obs-en-09-07.jpg)

ລູກສາວຂອງຟາໂລເຫັນກະຕ່ານັ້ນ ແລະ ເບິ່ງວ່າມີຫຍັງຢູ່ໃນ, ເມື່ອລາວເຫັນເດັກນ້ອຍ, ລາວໄດ້ລ້ຽງເດັກຄົນນັ້ນເໝືອນລູກແທ້ໆຂອງລາວ. ລາວຈຶ່ງຈ້າງຍິງຊາວອິດສະລາເອນ ມາດູແລເດັກ ໂດຍບໍ່ຮູ້ວ່າຍິງຄົນນັ້ນເປັນແມ່ແທ້ໆຂອງເດັກນັ້ນ. ເມື່ອເດັກໃຫ່ຍພໍທີ່ບໍ່ຈໍາເປັນໃຫ້ນົມອີກຕໍ່ໄປ, ລາວຈຶ່ງສົ່ງເດັກຄືນໃຫ້ລູກສາວຂອງຟາໂລ, ຊື່ຂອງລາວແມ່ນ ໂມເຊ.

![](https://cdn.door43.org/obs/jpg/360px/obs-en-09-08.jpg)

ວັນໜຶ່ງ, ໂມເຊໄດ້ເຕີບໃຫ່ຍຂຶ້ນ, ລາວໄດ້ເຫັນຄົນເອຢິບກໍາລັງຕີທາດອິດສະລາເອນ. ໂມເຊໄດ້ພະຍາຍາມຈະຊ່ວຍທາດຄົນນັ້ນ.

![](https://cdn.door43.org/obs/jpg/360px/obs-en-09-09.jpg)

ໂມເຊຄິດວ່າບໍ່ມີໃຜເຫັນ, ລາວຈຶ່ງຂ້າຄົນເອຢິບນັ້ນ ແລະ ຝັງລາວໄວ້. ແຕ່ມີຄົນໜຶ່ງເຫັນເຫດການນັ້ນ.

![](https://cdn.door43.org/obs/jpg/360px/obs-en-09-10.jpg)

ເມື່ອຟາໂລຮູ້ໃນສິ່ງທີ່ໂມເຊເຮັດ; ລາວພະຍາຍາມຈະຂ້າໂມເຊ, ລາວໄດ້ແລ່ນໜີອອກຈາກເອຢິບໄປຍັງປ່າເລິກເພື່ອຈະລົບໜີຈາກທະຫານຂອງຟາໂລ.

![](https://cdn.door43.org/obs/jpg/360px/obs-en-09-11.jpg)

ໂມເຊກາຍເປັນຄົນລ້ຽງແກະໃນດິນແດນທີ່ຫ່າງໄກຈາກປະເທດເອຢິບ. ລາວໄດ້ແຕ່ງງານກັບຍິງທີ່ຢູ່ໃນດິນແດນນັ້ນ ແລະ ມີລູກຊາຍສອງຄົນ.

![](https://cdn.door43.org/obs/jpg/360px/obs-en-09-12.jpg)

ມື້ໜຶ່ງໃນຂະນະທີ່ໂມເຊກໍາລັງລ້ຽງແກະຢູ່, ລາວແນມໄປເຫັນຟຸ່ມໄມ້ທີ່ມີໄຟລຸກ. ແຕ່ຟຸ່ມໄມ້ນັ້ນບໍ່ໄໝ້ ໂມເຊຈຶ່ງຍ່າງໄປທີ່ຟຸ່ມໄມ້ນັ້ນ ເບິ່ງວ່າ ມີຫຍັງເກີດຂຶ້ນ. ໃນຂະນະທີ່ລາວຍ່າງເຂົ້າໄປໃກ້ຟຸ່ມໄມ້, ສຽງຂອງພຣະເຈົ້າດັງຂຶ້ນວ່າ,”ໂມເຊປົດເກີບຂອງເຈົ້າສາ. ເຈົ້າກໍາລັງຢຶນຢູ່ພື້ນດິນອັນສັກສິດ.”

![](https://cdn.door43.org/obs/jpg/360px/obs-en-09-13.jpg)

ພຣະເຈົ້າກ່າວວ່າ, “ເຮົາເຫັນຄວາມທຸກທໍລະມານຂອງປະຊາຊົນເຮົາ ເຮົາຈະສົ່ງເຈົ້າໄປຫາຟາໂລເພື່ອໃຫ້ເຈົ້າສາມາດນໍາຄົນອິດສະລາເອນອອກມາຈາກການເປັນທາດໃນເອຢິບ. ເຮົາຈະມອບແຜ່ນດິນການາອານໃຫ້ພວກເຂົາ, ແຜ່ນດິນທີ່ເຮົາໄດ້ສັນຍາໄວ້ກັບອັບຣາຮາມ, ອີຊາກ ແລະ ຢາໂຄບ.”

![](https://cdn.door43.org/obs/jpg/360px/obs-en-09-14.jpg)

ໂມເຊຖາມ, “ຖ້າປະຊາຊົນຢາກຮູ້ວ່າໃຜສົ່ງຂ້ານ້ອຍມາ, ຂ້ານ້ອຍຄວນຈະຕອບຢ່າງໃດ?” ພຣະເຈົ້າກ່າວວ່າ, “ເຮົາເປັັນຜູ້ທີ່ເຮົາເປັນ.” ບອກເຂົາເຈົ້າ, ເຮົາເປັນຜູ້ສົ່ງເຈົ້າໄປ ນອກຈາກນັ້ນບອກກັບພວກເຂົາ, ເຮົາແມ່ນ “ຢາເວ”; ພຮະເຈົ້າຂອງບັນພະບຸລຸດຂອງເຈົ້າຄື: ອັບຣາຮາມ ແລະ ຢາໂຄບ. ນີ້ຄືຊື່ຂອງເຮົາຕະຫຼອດການ.

![](https://cdn.door43.org/obs/jpg/360px/obs-en-09-15.jpg)

ໂມເຊຢ້ານ ແລະ ບໍ່ຕ້ອງການທີ່ຈະໄປຫາຟາໂລ ເພາະວ່າ ລາວເປັນຄົນເວົ້າບໍ່ເກັ່ງປານໃດ, ດັ່ງນັ້ນ ພຣະເຈົ້າຈຶ່ງສົ່ງອ້າຍຂອງໂມເຊ, ອາໂຣນ ເພື່ອຊ່ວຍລາວ. ພຣະເຈົ້າເຕືອນໂມເຊ ແລະ ອາໂຣນວ່າ ຟາໂລຈະໃຈແຂງ.

*ຈາກພະຄໍາ ອົບພະຍົບ 1-4*

## 10. ໄພພິບັດ 10 ຢ່າງ.

https://openbiblestories.org/l/lo/story-10/

![](https://cdn.door43.org/obs/jpg/360px/obs-en-10-01.jpg)

ໂມເຊ ແລະ ອາໂລນ ໄດ້ໄປຫາກະສັດຟາໂລ ແລະ ບອກວ່າ: ນີ້ແມ່ນຄໍາເວົ້າຂອງພະເຈົ້າແຫ່ງອິດສະລາເອນກ່າວ: “ຈົ່ງປ່ອຍປະຊາຊົນຂອງເຮົາໄປ”, ແຕ່ຟາໂລບໍ່ເຊື່ອຟັງທີ່ພະເຈົ້າບອກ. ແທນທີ່ຈະປ່ອຍປະຊາຊົນອິດສະລາເອນໄປ, ແຕ່ກັບບັງຄັບເຂົາເຮັດວຽກໜັກກ່ວາເກົ່າ.

![](https://cdn.door43.org/obs/jpg/360px/obs-en-10-02.jpg)

ກະສັດຟາໂລປະຕິເສດທີ່ຈະປ່ອຍປະຊາຊົນອິດສະລາເອນໄປ, ດັ່ງນັ້ນພະເຈົ້າໄດ້ເຮັດໃຫ້ເກີດໄພພິບັດໃຫຍ່ 10 ຢ່າງໃນເອຢິບ. ຈາກໄພພິບັດດັ່ງກ່າວ, ພະເຈົ້າຢາກສະແດງໃຫ້ກະສັດຟາໂລເຫັນວ່າ ພະອົງຊົງມີລິດອໍານາດຍິ່ງໃຫ່ຍກ່ວາກະສັດຟາໂລ ແລະ ພະເຈົ້າຂອງເອຢິບ.

![](https://cdn.door43.org/obs/jpg/360px/obs-en-10-03.jpg)

ພະເຈົ້າໄດ້ເຮັດໃຫ້ແມ່ນໍ້ານາຍກາຍເປັນເລືອດ, ແຕ່ກະສັດຟາໂລບໍ່ຍອມປ່ອຍປະຊາຊົນອິດສະລາເອນໄປ.

![](https://cdn.door43.org/obs/jpg/360px/obs-en-10-04.jpg)

ພະເຈົ້າໄດ້ສົ່ງກົບລົງມາເຕັມເມືອງເອຢິບ. ຟາໂລໄດ້ຂໍໃຫ້ໂມເຊໄລ່ກົບອອກຈາກເມືອງເອຢິບ, ເມື່ອກົບຕາຍໝົດ, ກະສັດຟາໂລກໍ່ຍັງໃຈແຂງກະດ້າງ ແລະ ບໍ່ຍອມປ່ອຍປະຊາຊົນອິດສະລາເອນໄປຈາກເອຢິບ.

![](https://cdn.door43.org/obs/jpg/360px/obs-en-10-05.jpg)

ດັ່ງນັ້ນພະເຈົ້າໄດ້ສົ່ງຝູງຮີ້ນ. ຫຼັງຈາກນັ້ນພະເຈົ້າກໍ່ຍັງສົ່ງຝູງເຫຼືອກ. ກະສັດຟາໂລໄດ້ຂໍໃຫ້ໂມເຊ ແລະ ອາໂລນໄລ່ໄພພິບັດດັ່ງກ່າວອອກໄປແລ້ວຈະປ່ອຍຊາວອິດສະລະເອນອອກຈາກເອຢິບ. ເມື່ອໂມເຊອະທິຖານຕໍ່ພະເຈົ້າ, ພະເຈົ້າຈຶ່ງເຮັດໃຫ້ຝູງເຫຼືອກດັ່ງກ່າວໝົດໄປຈາກເອຢິບ, ແຕ່ກະສັດຟາໂລຍັງສືບຕໍ່ໃຈແຂງດື້ດຶງບໍ່ຍອມປ່ອຍປະຊາຊົນອິດສະເອນໃຫ້ເປັນອິດສະລະ.

![](https://cdn.door43.org/obs/jpg/360px/obs-en-10-06.jpg)

ຕໍ່ມາພະເຈົ້າໄດ້ເຮັດໃຫ້ສັດລ້ຽງທຸກໂຕຂອງປະຊາຊົນເອຢິບລົ້ມປ່ວຍ ແລະ ຕາຍຈົນໝົດ. ແຕ່ກະສັດຟາໂລກໍ່ຍັງໃຈແຂງ ແລະ ບໍ່ຍອມປ່ອຍປະຊາຊົນອິດສະລະເອນໄປ.

![](https://cdn.door43.org/obs/jpg/360px/obs-en-10-07.jpg)

ພະເຈົ້າບອກໂມເຊປ່ອຍຂີ້ເຖົ່າໃນອາກາດຕໍ່ໜ້າຟາໂລ. ເມື່ອລາວເຮັດແບບນັ້ນ, ພະຍາດຜິວໜັງຮ້າຍແຮງກໍ່ເກີດຂຶ້ນ ກັບ ປະຊາຊົນເອຢິບທຸກຄົນ, ແຕ່ຍົກເວັ້ນປະຊາຊົນອິດສະລາເອນ. ພະເຈົ້າເຮັດໃຫ້ກະສັດຟາໂລໃຈແຂງຂຶ້ນກ່ວາເກົ່າ ແລະ ຟາໂລກໍ່ບໍ່ປ່ອຍປະຊາຊົນອິດສະລາເອນໄປ.

![](https://cdn.door43.org/obs/jpg/360px/obs-en-10-08.jpg)

ຫຼັງຈາກນັ້ນພະເຈົ້າກໍ່ເຮັດໃຫ້ເກີດຝົນໝາກເຫັບທີ່ເຮັດໃຫ້ພືດຜົນຂອງຊາວເອຢິບຖືກທໍາລາຍໝົດ ແລະ ທຸກຄົນທີ່ອອກຈາກບ້ານຈະຕາຍໝົດ. ກະສັດຟາໂລຈຶ່ງເອີ້ນໂມເຊ ແລະ ອາໂລນມາຫາແລ້ວກ່າວວ່າ: ເຮົາມີບາບ. ເຈົ້າຈົ່ງພາປະຊາຊົນຂອງເຈົ້າອອກຈາກເມືອງເຮົາໄປ. ດັ່ງນັ້ນ ໂມເຊຈຶ່ງອະທິຖານກັບພະເຈົ້າແລ້ວຝົນໝາກເຫັບກໍ່ເຊົາຕົກລົງມາຈາກທ້ອງຟ້າ.

![](https://cdn.door43.org/obs/jpg/360px/obs-en-10-09.jpg)

ແຕ່ກະສັດຟາໂລກໍ່ເຮັດບາບອີກຄັ້ງ, ລາວບໍ່ຍອມປ່ອຍຊາວອິດສະລາເອນໄປ ແລະ ຍັງສືບຕໍ່ໃຈແຂງກະດ້າງ.

![](https://cdn.door43.org/obs/jpg/360px/obs-en-10-10.jpg)

ພະເຈົ້າຈຶ່ງເຮັດໃຫ້ເກີດຝູງຕັກແຕນເຕັມໄປທົ່ວເມືອງເອຢິບ. ຝູງຕັກແຕນໄດ້ກີນພືດຜົນທີ່ໝາກເຫັບທໍາລາຍບໍ່ໝົດ.

![](https://cdn.door43.org/obs/jpg/360px/obs-en-10-11.jpg)

ແລ້ວພະເຈົ້າໄດ້ສົ່ງຄວາມມືດຫຼັງຈາກສາມມື້ສຸດທ້າຍ. ມັນມືດຫຼາຍຈົນປະຊາຊົນເອຢິບບໍ່ສາມາດອອກຈາກບ້ານເຂົາໄດ້. ແຕ່ບ່ອນທີ່ຊາວອິດສະລາເອນຢູ່ແມ່ນແຈ້ງສະຫວ່າງ.

![](https://cdn.door43.org/obs/jpg/360px/obs-en-10-12.jpg)

ຫຼັງຈາກເກົ້າໄພພິບັດທີ່ພະເຈົ້າໄດ້ສົ່ງມາສູ່ເອຢິບ, ກະສັດຟາໂລຍັງຄົງປະຕິເສດທີ່ຈະປ່ອຍປະຊາຊົນອິດສະລາເອນເປັນອິດສະລະ. ນັບຕັ້ງແຕ່ຟາໂລບໍ່ເຊື່ອຟັງ, ພະເຈົ້າວາງແຜນຈະສົ່ງໄພພິບັດອັນສຸດທ້າຍທີ່ຈະເຮັດໃຫ້ກະສັດຟາໂລປ່ຽນແນວຄິດ.

*ຈາກພະຄໍາພີ: ອົບພະຍົບ: 5-10*

## 11. ປັດສະຄາ

https://openbiblestories.org/l/lo/story-11/

![](https://cdn.door43.org/obs/jpg/360px/obs-en-11-01.jpg)

ພຣະເຈົ້າໄດ້ເຕືອນກະສັດຟາໂລວ່າ: ຖ້າເຈົ້າບໍ່ປ່ອຍຊາວອິດສະລາເອນໄປ. ພຣະອົງກໍຈະຂ້າລູກຊາຍກົກທັງໝົດຂອງຄົນ ແລະ ສັດ. ເມື່ອກະສັດຟາໂລໄດ້ຍິນສິ່ງນີ້ ເພີ່ນຍັງຄົງບໍ່ເຊື່ອຟັງພຣະເຈົ້າ.

![](https://cdn.door43.org/obs/jpg/360px/obs-en-11-02.jpg)

ພຣະເຈົ້າຊົງໄດ້ຈັດຕຽມທາງເພື່ອຊ່ວຍລູກຊາຍກົກທຸກຄົນທີ່ຕິດຕາມພຣະອົງ ແລະ ແຕ່ລະຄອບຄົວກໍໄດ້ຈັດເລືອກເອົາແກະໂຕທີ່ສົມບູນທີ່ສຸດມາແລ້ວກໍຂ້າ.

![](https://cdn.door43.org/obs/jpg/360px/obs-en-11-03.jpg)

ພຣະເຈົ້າຊົງບອກໃຫ້ຊາວອິດສະລາເອນເອົາເລືອດແກະທາໃສ່ອ້ອມຂອບປະຕູເຮືອນຂອງເຂົາ ແລະ ປີ້ງຊີ້ນກີນຢ່າງໄວ. ພ້ອມກັບກີນເຂົ້າຈີ່ທີ່ບໍ່ມີເຊື້ອແປ້ງ. ພຣະອົງຍັງຊົງບອກອີກວ່າໃຫ້ກຽມພ້ອມທີ່ຈະອອກຈາກເອຢິບເມື່ອກີນແລ້ວ.

![](https://cdn.door43.org/obs/jpg/360px/obs-en-11-04.jpg)

ປະຊາຊົນອິດສະລາເອນໄດ້ປະຕິບັດຕາມທຸກສິ່ງທີ່ພຣະເຈົ້ານັ້ນຊົງໄດ້ສັ່ງໄວ້ໃຫ້ພວກເຂົາເຮັດ. ໃນທ່ຽງຄືນນັ້ນ ພຣະເຈົ້າໄດ້ຊົງຂ້າລູກຊາຍກົກທັງໝົດຂອງຊາວເອຢິບ.

![](https://cdn.door43.org/obs/jpg/360px/obs-en-11-05.jpg)

ເຮືອນທຸກຫຼັງຂອງປະຊາຊົນອິດສະລາເອນທີ່ມີເລືອດທາອ້ອມຂອບປະຕູ ພຣະເຈົ້າຊົງໄດ້ຜ່ານເຮືອນຫຼັງນັ້ນໄປທຸກຄົນທີ່ຢູ່ໃນພວກເຂົາກໍປອດໄພ. ພວກເຂົາໄດ້ຮັບການປົກປ້ອງເພາະວ່າພວກເຂົາມີເລືອດແກະ.

![](https://cdn.door43.org/obs/jpg/360px/obs-en-11-06.jpg)

ແຕ່ວ່າປະຊາຊົນເອຢິບນັ້ນບໍ່ໄດ້ຟັງ ຫຼື ເຮັດຕາມພຣະເຈົ້າສັ່ງ. ດັ່ງນັ້ນພຣະເຈົ້າຈຶ່ງບໍ່ຜ່ານເຮືອນພວກເຂົາ. ພຣະເຈົ້າໄດ້ຂ້າລູກຊາຍກົກທຸກຄົນຂອງຊາວເອຢິບ.

![](https://cdn.door43.org/obs/jpg/360px/obs-en-11-07.jpg)

ລູກຊາຍກົກຂອງຊາວເອຢິບທຸກໆຄົນນັ້ນໄດ້ຕາຍ, ເລີ່ມຈາກລູກຊາຍກົກຂອງນັກໂທດໃນຄຸກ, ຈົນເຖິງລູກຊາຍກົກຂອງກະສັດຟາໂລ. ທຸກຄົນໃນເອຢິບຕ່າງກໍພາກັນຮ້ອງໄຫ້ຄວນຄາງເພາະພວກເຂົາໂສກເສົ້າຫຼາຍ.

![](https://cdn.door43.org/obs/jpg/360px/obs-en-11-08.jpg)

ໃນຄືນນັ້ນ, ກະສັດຟາໂລໄດ້ເອີ້ນເອົາໂມເຊ ແລະ ອາໂລນ ແລະ ໄດ້ເວົ້າວ່າ: “ໃຫ້ເອົາຊາວອິດສະລາເອນ ແລະ ນຳອອກຈາກເອຢິບໂດຍທັນທີ !” ປະຊາຊົນເອຢິບກໍຮີບເລັ່ງຊາວອິດສະລາເອນໃຫ້ອອກຈາກເອຢິບໂດຍທັນທີ.

*ຈາກພຣະຄຳພີ 11:1‒12:32*

## 12. ການອົບພະຍົບ

https://openbiblestories.org/l/lo/story-12/

![](https://cdn.door43.org/obs/jpg/360px/obs-en-12-01.jpg)

ຊົນຊາດອິດສະລາເອນດີໃຈຫຼາຍທີ່ຈະໄດ້ໜີຈາກເອຢິບ. ພວກເຂົາຈະບໍ່ເປັນທາດອີກຕໍ່ໄປແລ້ວ, ແລະພວກເຂົາກໍຈະໄປຍັງດິນແດນແຫ່ງພັນທະສັນຍາ, ຊາວເອຢິບໄດ້ໃຫ້ທຸກຢ່າງຕາມທີ່ຊາວອິດສະລາເອນຕ້ອງການ ບໍ່ວ່າຈະແມ່ນເງິນຄໍາ ແລະ ສິ່ງຂອງມີຄ່າອື່ນໆ. ມີບາງຄົນທີ່ມາຈາກຊາດອື່ນກໍເຊື່ອໃນພຣະເຈົ້າໄດ້ເດີນທາງໄປນໍາຊົນຊາດອິດສະລາເອນທີ່ໜີອອກຈາກເອຢິບ.

![](https://cdn.door43.org/obs/jpg/360px/obs-en-12-02.jpg)

ພຣະເຈົ້າໄດ້ນໍາພວກເຂົາໄປດ້ວຍເສົາເມກໃຫຍ່ເວລາກາງເວັນ ແລະ ໃນເວລາກາງຄືນດ້ວຍເສົາໄຟ. ຖ້າພວກເຂົາທັງໝົດໄດ້ເຮັດ ແລະ ຕາມພຣະອົງໄປ ພຣະເຈົ້າຈະສະຖິດກັບເຂົາຕະຫຼອດໃນຂະນະທີ່ເຂົາເດີນທາງນັ້ນ.

![](https://cdn.door43.org/obs/jpg/360px/obs-en-12-03.jpg)

ຫຼັງຈາກໄລຍະໜຶ່ງຜ່ານໄປ ກະສັດຟາໂລພ້ອມດ້ວຍປະຊາຊົນຂອງເພິ່ນກໍໄດ້ປ່ຽນໃຈ ແລະ ຕ້ອງການຊາວອິດສະລາເອນກັບມາເປັນທາດອີກ, ພຣະເຈົ້າໄດ້ເຮັດໃຫ້ກະສັດຟາໂລດື້ດ້ານ ເພື່ອປະຊາຊົນອິດສະລາເອນຈະໄດ້ເຫັນວ່າພຣະອົງຊົງເປັນພຣະເຈົ້າທີ່ທ່ຽງແທ້ພຽງອົງດຽວ. ແລະ ຮູ້ວ່າພຣະເຈົ້າຄືພຣະເຈົ້າຢາເວ ຜູ້ທີ່ມີອໍານາດ ເໜືອຟາໂລ ແລະ ພະເຈົ້າຂອງເຂົາອີກດ້ວຍ.

![](https://cdn.door43.org/obs/jpg/360px/obs-en-12-04.jpg)

ດັ່ງນັ້ນ, ຟາໂລ ແລະ ທະຫານຂອງເຂົາກໍໄດ້ໄລ່ຕິດຕາມປະຊາຊົນອິດສະລາເອນເພື່ອນໍາເຂົາກັບມາເປັນທາດອີກ. ເມື່ອປະຊາຊົນອິດສະລາເອນເຫັນວ່າເຂົາກໍາລັງຖືກໄລ່ຕາມມາ ເຂົາກໍຮູ້ເລີຍວ່າຈະຕ້ອງຖືກຂະຍີ້ລະຫວ່າງທະຫານຂອງຟາໂລ ແລະ ທະເລແດງຢ່າງແນ່ນອນ. ພວກເຂົາຢ້ານຫຼາຍ ແລະ ຮ້ອງໄຫ້, ເປັນຫຍັງພວກເຮົາຈຶ່ງຕ້ອງໜີອອກມາຈາກເອຢິບ? “ພວກເຮົາສິຕາຍກັນໝົດແລ້ວ”

![](https://cdn.door43.org/obs/jpg/360px/obs-en-12-05.jpg)

ໂມເຊໄດ້ບອກຊາວອິດສະລາເອນວ່າ: ຢຸດ! ຢ່າຢ້ານເລີຍ. ມື້ນີ້ ພຣະເຈົ້າຈະຕໍ່ສູ້ເພື່ອພວກເຈົ້າ ແລະ ພວກເຈົ້າກໍຈະປອດໄພ, ແລ້ວພຣະເຈົ້າກໍບອກໂມເຊວ່າ, “ຈົ່ງບອກປະຊາຊົນເຄື່ອນຍ້າຍໄປຂ້າງໜ້າຂອງທະເລແດງ”

![](https://cdn.door43.org/obs/jpg/360px/obs-en-12-06.jpg)

ແລ້ວພຣະເຈົ້າໄດ້ເຄື່ອນຍ້າຍເສົາເມກຕັ້ງຢູ່ລະຫວ່າງກາງປະຊາຊົນອິດສະລາເອນ ແລະ ເອຢິບ, ດັ່ງນັ້ນ ຊາວເອຢິບຈຶ່ງບໍ່ສາມາດເຫັນປະຊາຊົນອິດສະລາເອນໄດ້.

![](https://cdn.door43.org/obs/jpg/360px/obs-en-12-07.jpg)

ພຣະເຈົ້າໄດ້ບອກໂມເຊໃຫ້ຍົກແຂນຂຶ້ນເໜືອນໍ້າທະເລ ແລ້ວທະເລແດງກໍແຍກອອກ, ພຣະເຈົ້າເຮັດໃຫ້ລົມຍູ້ນໍ້າທະເລອອກຂ້າງຊ້າຍ ແລະ ຂ້າງຂວາ ເພື່ອເປັນທາງຍ່າງຜ່ານທະເລ.

![](https://cdn.door43.org/obs/jpg/360px/obs-en-12-08.jpg)

ປະຊາຊົນອິດສະລາເອນໄດ້ຍ່າງຜ່ານໜ້າດິນແຫ້ງໃນທະເລຊຶ່ງມີນໍ້າເປັນກໍາແພງຢູ່ສອງຝາກຂ້າງພວກເຂົາ.

![](https://cdn.door43.org/obs/jpg/360px/obs-en-12-09.jpg)

ຫຼັງຈາກນັ້ນ, ພຣະເຈົ້າໄດ້ເຄື່ອນຍ້າຍເມກອອກຈາກບ່ອນນັ້ນ ເພື່ອຊາວເອຢິບຈະໄດ້ເຫັນປະຊາຊົນອິດສະລາເອນກໍາລັງລົບໜີ, ຊາວເອຢິບໄດ້ຕັດສິນໃຈໄລ່ລ້າຕາມພວກເຂົາໄປ.

![](https://cdn.door43.org/obs/jpg/360px/obs-en-12-10.jpg)

ດັ່ງນັ້ນ, ພວກເຂົາຈຶ່ງໄລ່ຕາມຊາວອິດສະລາເອນໄປໃນທາງຜ່ານທະເລນັ້ນ, ແຕ່ພຣະເຈົ້າເຮັດໃຫ້ຊາວເອຢິບຢ້ານຈົນຕົວສັ່ນຂວັນເສຍ ແລະ ເຮັດໃຫ້ລົດມ້າຂອງພວກເຂົາຢຸດສະງັກ, ພວກເຂົາທັງໝົດຮ້ອງຂຶ້ນ, “ ແລ່ນໜີໄວໆ, ພຣະເຈົ້າກໍາລັງຕໍ່ສູ້ເພື່ອຊາດອິດສະລາເອນ”

![](https://cdn.door43.org/obs/jpg/360px/obs-en-12-11.jpg)

ຫຼັງຈາກນັ້ນ, ຊາວອິດສະລາເອນທັງໝົດຂຶ້ນໄປເຖິງອີກຝັງໜຶ່ງຂອງແມ່ນໍ້າຢ່າງປອດໄພແລ້ວ, ພຮະເຈົ້າໄດ້ບອກໂມເຊຢຽດແຂນຂອງລາວຂຶ້ນອອກ, ເມື່ອລາວປະຕິບັດຕາມ ນໍ້າທະເລກໍຕົກລົງມາໃສ່ທະຫານເອຢິບ ແລະ ກັບຄືນມາເປັນນໍ້າທະເລເໝືອນເດີມ. ທະຫານເອຢິບທັງໝົດກໍຈົມນໍ້າຕາຍ.

![](https://cdn.door43.org/obs/jpg/360px/obs-en-12-12.jpg)

ເມື່ອປະຊາຊົນອິດສະລາເອນເຫັນວ່າ ທະຫານເອຢິບຕາຍໝົດ ພວກເຂົາກໍໄວ້ວາງໃຈພຣະເຈົ້າ ແລະ ເຊື່ອວ່າໂມເຊເປັນຜູ້ປະກາດພະຄໍາຂອງພຣະເຈົ້າ.

![](https://cdn.door43.org/obs/jpg/360px/obs-en-12-13.jpg)

ປະຊາຊົນອິດສະລາເອນມີຄວາມຍິນດີ ແລະ ຕື່ນເຕັ້ນຫຼາຍ. ເພາະພຣະເຈົ້າໄດ້ຊ່ວຍພວກເຂົາຈາກຄວາມຕາຍ ແລະ ການເປັນທາດ. ບັດນີ້ ພວກເຂົາເປັນອິດສະຫຼະທີ່ຈະຮັບໃຊ້ພຣະເຈົ້າ. ປະຊາຊົນອິດສະລາເອນໄດ້ຮ້ອງຫຼາຍບົດເພງເພື່ອສະຫຼອງອິດສະລະພາບໃໝ່ຂອງພວກເຂົາ ແລະ ສັນລະເສີນພຣະເຈົ້າເພາະພຣະອົງໄດ້ຊ່ວຍກູ້ພວກເຂົາໃຫ້ພົ້ນຈາກກອງທັບເອຢິບ.

![](https://cdn.door43.org/obs/jpg/360px/obs-en-12-14.jpg)

ພຣະເຈົ້າໄດ້ສັ່ງໃຫ້ປະຊາຊົນອິດສະລາເອນສະຫຼອງປັດສະຄາໃນທຸກໆປີ ເພື່ອລະນຶກເຖິງພຣະເຈົ້າທີ່ປະທານໄຊຊະນະເໜືອເອຢິບ ແລະ ການຫຼົບໜີຈາກການເປັນທາດຮັບໃຊ້. ພວກເຂົາສະຫຼອງດ້ວຍການຂ້າລູກແກະທີ່ຕຸ້ຍພີດີງາມ ແລະ ກີນກັບເຂົ້າຈີ່ທີ່ບໍ່ມີເຊື້ອແປ້ງ.

*ຈາກພະຄໍາພີ: ອົບພະຍົບ 12:33-15:21*

## 13. ພັນທະສັນຍາຂອງພຣະເຈົ້າຕໍ່ຊົນຊາດອິດສະຣາເອນ

https://openbiblestories.org/l/lo/story-13/

![](https://cdn.door43.org/obs/jpg/360px/obs-en-13-01.jpg)

ຫຼັງຈາກທີ່ພຣະເຈົ້າໄດ້ນຳຊົນຊາດອິດສະລາເອນຂ້າມທະເລແດງມາແລ້ວ ພຣະອົງຊົງນຳພວກເຂົາຜ່ານຖິ່ນແຫ້ງແລ້ງກັນດານເພື່ອໄປຍັງພູເຂົາຊີນາຍ ບ່ອນດຽວກັບທີ່ໂມເຊໄດ້ເຫັນໄຟໄໝ້ຕົ້ນໄມ້. ປະຊາຊົນໄດ້ຕັ້ງເຕັນຂອງພວກເຂົາຢູ່ຕີນພູ.

![](https://cdn.door43.org/obs/jpg/360px/obs-en-13-02.jpg)

ພຣະເຈົ້າກ່າວກັບໂມເຊແລະປະຊົນອິດສະລາເອນວ່າ, “ຖ້າພວກເຈົ້າເຊື່ອຟັງແລະຖືກຮັກພັນທະສັນຍາຂອງເຮົາ ເຮົາຈະໃຫ້ເຈົ້າເປັນຊົນຊາດທີ່ຮັກຂອງເຮົາ, ເປັນອານາຈັກຂອງປະໂລຫິດ ແລະ ເປັນຊົນຊາດບໍຣິສຸດ.””

![](https://cdn.door43.org/obs/jpg/360px/obs-en-13-03.jpg)

ສາມມື້ຕໍ່ມາ ຫຼັງຈາກທີ່ປະຊາຊົນໄດ້ຕຽມຕົວຝ່າຍວິນຍານແລ້ວ ພຣະເຈົ້າໄດ້ລົງມາເທິງຍອດພູເຂົາຊີນາຍ ເໝືອນດັ່ງຟ້າຜ່າ, ຟ້າແມບ, ຄວັນ ແລະສຽງແກດັງ. ມີພຽງໂມເຊເທົ່ານັ້ນທີ່ໄດ້ຮັບອະນຸຍາດໃຫ້ຂຶ້ນໄປເທິງພູເຂົາ.

![](https://cdn.door43.org/obs/jpg/360px/obs-en-13-04.jpg)

ແລ້ວພຣະເຈົ້າກໍໄດ້ໃຫ້ພັນທະສັນຍາກັບພວກເຂົາໂດຍເວົ້າວ່າ, “ເຮົາຄືພຣະເຈົ້າຢາເວ ພຣະເຈົ້າຂອງພວກເຈົ້າຜູ້ຊ່ວຍເຈົ້າອອກຈາກປະເທດເອຢິບ. ຢ່ານະມັດສະການພະອື່ນນອກຈາກເຮົາ.”

![](https://cdn.door43.org/obs/jpg/360px/obs-en-13-05.jpg)

“ຢ່າເຮັດຮູບເຄົາຣົບແລະຢ່ານະມັດສະການພວກມັນ. ເພາະເຮົາຄື ພຣະເຈົ້າຢາເວ ພຣະເຈົ້າຜູ້ຫວງແຫນ. ຢ່າໃຊ້ນາມຊື່ຂອງເຮົາໃນທາງທີ່ຜິດ. ຈົ່ງຖືຮັກສາວັນຊະບາໂຕໃຫ້ເປັນວັນສັກສິດບໍຣິສຸດ. ຈົ່ງເຮັດວຽກພາຍໃນ6ມື້ ແລະມື້ທີ7ໃຫ້ຖືເປັນມື້ພັກຜ່ອນແລະລະນຶກເຖິງເຮົາ.”

![](https://cdn.door43.org/obs/jpg/360px/obs-en-13-06.jpg)

“ຈົ່ງໃຫ້ກຽດບິດາມານດາຂອງເຈົ້າ. ຢ່າຂ້າຄົນ. ຢ່າຫຼິ້ນຊູ້ສູ່ຜົວເມຍ, ຢ່າລັກ, ຢ່າຕົວະ, ຢ່າຢາກໄດ້ເມຍ, ບ້ານ ຫຼືສິ່ງຂອງ ຂອງເພື່ອນບ້ານມາເປັນຂອງຕົນ.”

![](https://cdn.door43.org/obs/jpg/360px/obs-en-13-07.jpg)

ຫຼັງຈາກນັ້ນພຣະເຈົ້າໄດ້ຂຽນພຣະບັນຍັດ10ປະການໃສ່ເທິງແຜ່ນຫີນ2ແຜ່ນມອບໃຫ້ໂມເຊ. ພຣະເຈົ້າຍັງໄດ້ມອບກົດບັນຍັດແລະລະບຽບອື່ນໆເພື່ອໃຫ້ປະຕິບັດຕາມ.ຖ້າພວກເຂົາເຊື່ອຟັງກົດບັນຍັດນີ້ ພຣະເຈົ້າສັນຍາວ່າຈະຊົງອວຍພອນແລະປົກປ້ອງພວກເຂົາ. ຖ້າພວກເຂົາບໍ່ຍອມເຊື່ອຟັງກົດບັນຍັດນີ້ ພຣະອົງກໍຈະລົງໂທດພວກເຂົາ.

![](https://cdn.door43.org/obs/jpg/360px/obs-en-13-08.jpg)

ພຣະເຈົ້າໄດ້ບອກລາຍລະອຽດຂອງ ຫໍເຕັ້ນທີ່ພຣະອົງຕ້ອງການໃຫ້ພວກເຂົາສ້າງຂຶ້ນ. ເຕັ້ນນັ້ນເອີ້ນວ່າ ຫໍເຕັ້ນສັກສິດ ເຊິ່ງແຍກອອກເປັນ 2ຫ້ອງ ຂັ້ນດ້ວຍຜ້າກັ້ງຜືນໃຫຍ່. ມີພຽງປະໂລຫິດຕົນໃຫ່ຍເທົ່ານັ້ນທີ່ໄດ້ຮັບອະນຸຍາດໃຫ້ເຂົ້າໄປໃນຫ້ອງຫຼັງຜ້າກັ້ງ ເພາະພຣະເຈົ້າຊົງສະຖິດຢູ່ໃນຫ້ອງນັ້ນ.

![](https://cdn.door43.org/obs/jpg/360px/obs-en-13-09.jpg)

ຄົນທີ່ເຮັດຜິດຕໍ່ກົດບັນຍັດຂອງພຣະເຈົ້າ ຕ້ອງນຳເອົາສັດມາເທິງແທ່ນບູຊາຕໍ່ໜ້າຫໍເຕັ້ນສັກສິດເພື່ອເປັນເຄື່ອງຖວາຍແກ່ພຣະເຈົ້າ. ປະໂລຫິດຈະເປັນຄົນຂ້າແລະເຜົາເຄື່ອງບູຊາເທິງແທ່ນບູຊານັ້ນ. ເລືອດຂອງສັດທີ່ຖືກຂ້າເພື່ອເປັນເຄື່ອງບູຊານັ້ນ ຈະທົດແທນຄວາມຜິດບາບຂອງຄົນທີ່ເຮັດຜິດນັ້ນ ແລະ ຈະເຮັດໃຫ້ຄົນນັ້ນກາຍເປັນຄົນບໍຣິສຸດໃນສາຍຕາຂອງພຣະເຈົ້າ. ພຣະເຈົ້າຊົງເລືອກ ອາໂຣນ ອ້າຍຂອງໂມເຊແລະເຊື້ອຂອງເພິ່ນໃຫ້ເປັນປະໂລຫິດຂອງພຣະອົງ.

![](https://cdn.door43.org/obs/jpg/360px/obs-en-13-10.jpg)

ປະຊາຊົນທຸກຄົນຕ່າງກໍເຫັນດີທີ່ຈະເຊື່ອຟັງກົດບັນຍັດຂອງພຣະເຈົ້າທີ່ໃຫ້ໄວ້ກັບພວກເຂົາ ເພື່ອຈະເປັນການນະມັດສະການພຣະເຈົ້າ ແລະ ເປັນໄພ່ພົນພິເສດຂອງພຣະອົງ. ແຕ່ເຂົາເຊື່ອຟັງພຽງແຕ່ໃນຊ່ວງເວລາສັ້ນໆເທົ່ານັ້ນ ຈາກນັ້ນພວກເຂົາກໍຍັງກັບມາເຮັດຄວາມບາບຢ່າງໜັກໜ່ວງ.

![](https://cdn.door43.org/obs/jpg/360px/obs-en-13-11.jpg)

ໂມເຊໄດ້ລົມກັບພຣະເຈົ້າຢູ່ເທິງພູເຂົາຊີນາຍເປັນຫຼາຍວັນ. ປະຊາຊົນເມື່ອຍລໍຖ້າໃຫ້ໂມເຊກັບລົງມາ. ສະນັ້ນ ພວກເຂົາຈຶ່ງນ້ຳເອົາຄຳມາໃຫ້ອາໂຣນ ເພື່ອສ້າງຮູບເຄົາລົບສຳລັບພວກເຂົາ!

![](https://cdn.door43.org/obs/jpg/360px/obs-en-13-12.jpg)

ອາໂຣນໄດ້ສ້າງຮູບເຄົາຣົບເປັນຮູບງົວ. ປະຊາຊົນຕ່າງກໍພາກັນນະມັດສະການຮູບເຄົາລົບນັ້ນຢ່າງໃຫຍ່. ພຣະເຈົ້າໃຈຮ້າຍກັບຄວາມບາບຂອງພວກເຂົາ ແລະ ພຣະອົງຄິດວ່າຈະທຳລາຍພວກເຂົາ. ແຕ່ໂມເຊໄດ້ອະທິຖານເພື່ອພວກເຂົາ ແລະພຣະເຈົ້າຮັບຟັງຄຳອະທິຖານຂອງເພິ່ນ ແລະພຣະອົງກໍບໍ່ໄດ້ທຳລາຍພວກເຂົາ.

![](https://cdn.door43.org/obs/jpg/360px/obs-en-13-13.jpg)

ເມື່ອໂມເຊກັບລົງມາແລະເຫັນຮູບເຄົາລົບນັ້ນ ລາວຮູ້ສຶກໃຈຮ້າຍຫຼາຍ ຈົນລາວທັບແຜ່ນຫີນທີ່ພຣະເຈົ້າຂຽນພຣະບັດຍັດສິບປະການນັ້ນຈົນແຕກໝົດ.

![](https://cdn.door43.org/obs/jpg/360px/obs-en-13-14.jpg)

ແລ້ວໂມເຊທຸບຮູບເຄົາຣົບນັ້ນໃຫ້ກາຍເປັນຜົງ, ແລ້ວກໍໂຍນຜົງນັ້ນໃສ່ນ້ຳ ແລະໃຫ້ປະຊາຊົນດື່ມນ້ຳນັ້ນ. ພຣະເຈົ້າໄດ້ສົ່ງໂລກລະບາດໃສ່ປະຊາຊົນແລະຫຼາຍຄົນກໍຕາຍ.

![](https://cdn.door43.org/obs/jpg/360px/obs-en-13-15.jpg)

ໂມເຊປີນຂຶ້ນໄປເທິງພູອີກຄັ້ງໜຶ່ງເພື່ອອະທິຖານຂໍໃຫ້ພຣະເຈົ້າຊົງໃຫ້ອະໄພຕໍ່ປະຊາຊົນ. ພຣະເຈົ້າຊົງຟັງຄຳອະທິຖານຂອງໂມເຊ ແລະໃຫ້ອະໄພແກ່ພວກເຂົາ. ໂມເຊໄດ້ຂຽນພຣະບັນຍັດ10ປະການໃສ່ແຜ່ນຫີນໃໝ່ ເພື່ອທົດແທນແຜ່ນຫີນທີ່ລາວທຳລາຍໄປແລ້ວນັ້ນ. ແລ້ວພຣະເຈົ້າກໍນຳຊົນຊາດອິດສະລາເອນອອກຈາກພູເຂົາຊີນາຍແລ້ວມຸ່ງໜ້າເຂົ້າໄປຍັງແຜ່ນດິນແຫ່ງພັນທະສັນຍາ.

*ເລື່ອງຈາກພຣະຄຳພີ ອົບພະຍົບ 19-34*

## 14. ການເດີນທາງໃນຖິ່ນແຫ້ງແລ້ງກັນດານ

https://openbiblestories.org/l/lo/story-14/

![](https://cdn.door43.org/obs/jpg/360px/obs-en-14-01.jpg)

ຫຼັງຈາກພຣະເຈົ້າໄດ້ໃຫ້ກົດບັນຍັດແກ່ປະຊາຊົນອິດສະລາເອນ ພຣະອົງຕ້ອງການໃຫ້ພວກເຂົາເຊື່ອຟັງກົົດບັນຍັດນັ້ນ ເໝືອນດັ່ງກັບທີ່ພຣະອົງຮັກສາພັນທະສັນຍາຂອງພຣະອົງທີ່ມີຕໍ່ພວກເຂົາ ແລ້ວພວກເຂົາກໍອອກຈາກພູເຂົາຊີນາຍ. ພຣະເຈົ້າເລີ່ມນຳພວກເຂົາໄປສູ່ດິນແດນແຫ່ງພັນທະສັນຍາ ບ່ອນທີ່ມີຊື່ວ່າ “ການາອານ”. ພວກເຂົາໄດ້ພາກັນຕິດຕາມເສົາເມກທີ່ນຳໜ້າພວກເຂົາໄປກ່ອນສູ່ດິນແດນການາອານ.

![](https://cdn.door43.org/obs/jpg/360px/obs-en-14-02.jpg)

ພຣະເຈົ້າໄດ້ສັນຍາກັບອັບຣາຮາມ, ອີຊາກ ແລະຢາໂຄບ ວ່າຈະຊົງປະທານດິນແດນແຫ່ງພັນທະສັນຍາໃຫ້ກັບເຊື່ອສາຍຂອງພວກເພິ່ນ, ແຕ່ຍັງຄົງມີຄົນຫຼາຍກຸ່ມອາໄສຢູ່ໃນແຜ່ນດິນນັ້ນທີ່ເອີ້ນວ່າ “ຊາວການາອານ.” ຄົນເຫຼົ່ານັ້ນບໍ່ໄດ້ນະມັດສະການພຣະເຈົ້າ ແຕ່ພວກເຂົານັດສະການພຣະເຈົ້າປອມແລະເຮັດແຕ່ສິ່ງຊົ່ວໆ.

![](https://cdn.door43.org/obs/jpg/360px/obs-en-14-03.jpg)

ພຣະເຈົ້າຊົງບອກໃຫ້ຊາວອິດສະລາເອນວ່າ, “ພວກເຈົ້າຕ້ອງຂ້າຊາວການາອານໃນແຜ່ນດິນແຫ່ງພັນທະສັນຍານັ້ນໃຫ້ໝົດ. ຢ່າສ້າງຄວາມສຳພັນທີ່ດີກັບພວກເຂົາ ແລະ ຢ່າແຕ່ງງານກັບພວກເຂົາ. ພວກເຈົ້າຕ້ອງທຳລາຍຮູບເຄົາລົບຂອງພວກເຂົາໃຫ້ໝົດກ້ຽງ. ຖ້າຫາກພວກເຈົ້າບໍ່ເຊື່ອຟັງເຮົາ ພວກເຈົ້າຈະນະມັດສະການຮູບເຄົາລົບຂອງພວກເຂົາແທນເຮົາ.”

![](https://cdn.door43.org/obs/jpg/360px/obs-en-14-04.jpg)

ເມື່ອຊາວອິດສະລາເອນມາເຖິງຊາຍແດນຂອງການາອານ ໂມເຊໄດ້ເລືອກເອົາຊາຍຈາກແຕ່ລະເຜົ່າທັງໝົດ 12 ຄົນ. ເພິ່ນໄດ້ສັ່ງໃຫ້ພວກເຂົາເຂົ້າໄປສອດແນມໃນແຜ່ນດິນນັ້ນວ່າມັນເປັນແນວໃດ. ພວກເຂົາຍັງໄດ້ສັງເກດເບິ່ງວ່າຊາວການາອານເປັນຄົນເຂັ້ມແຂງ ຫຼື ອ່ອນແອ

![](https://cdn.door43.org/obs/jpg/360px/obs-en-14-05.jpg)

ຊາຍທັງ12ຄົນໄດ້ທ່ອງທ່ຽວທົ່ວແຜ່ນດິນການາອານເປັນເວລາ 40ວັນ ແລ້ວພວກເຂົາກໍກັບຄືນມາ. ພວກເຂົາໄດ້ເລົ່າສູ່ປະຊາຊົນຟັງວ່າ, “ແຜ່ນດິນນັ້ນມີຄວາມອຸດົມສົມບູນຫຼາຍແລະມີພືດພັນຢ່າງຫຼວງຫຼາຍ.” ແຕ່ມີ 10ຄົນໃນພວກເຂົາເວົ້າຂຶ້ນວ່າ, “ເມືອງນີ້ເປັນເມືອງທີ່ແໜ້ນໜາຫຼາຍ ແລະປະຊາຊົນໃນບັນດາເມືອງນັ້ນເປັນຄົນຫຸ່ນໃຫຍ່ຫຼາຍ! ຖ້າຫາກພວກເຮົາເຂົ້າໂຈມຕີພວກເຂົາ ແນ່ນອນວ່າພວກເຂົາຈະຕ້ອງຊະນະແລະຂ້າພວກເຮົາຖິ້ມຢ່າງແນ່ນອນ!”

![](https://cdn.door43.org/obs/jpg/360px/obs-en-14-06.jpg)

ທັນໃດນັ້ນ ຄາເລັບແລະໂຢຊວຍ ຊາຍ2ຄົນໃນທີມນັກສືບນັ້ນກໍເວົ້າຂຶ້ນວ່າ, “ມັນເປັນຄວາມຈິງທີ່ຄົນໃນເມືອງການາອານນັ້ນເປັນຄົນສູງໃຫຍ່ແລະແຂງແຮງ, ແຕ່ພວກເຮົາສາມາດເອົາຊະນະພວກເຂົາໄດ້ຢ່າງແນ່ນອນ! ພຣະເຈົ້າຈະຕໍ່ສູ້ແທນພວກເຮົາ!”

![](https://cdn.door43.org/obs/jpg/360px/obs-en-14-07.jpg)

ແຕ່ພວກປະຊາຊົນບໍ່ຮັບຟັງສຽງຂອງຄາເລັບແລະໂຢຊວຍ. ພວກເຂົາເລີ່ມໃຈຮ້າຍໂມເຊແລະອາໂຣນແລະເວົ້າວ່າ, “ເປັນຫຍັງເຈົ້າຈຶ່ງພາພວກເຂົາມາບ່ອນທີ່ໂຫດຮ້າຍເຊັ່ນນີ້? ພວກເຮົາຄວນຈະອາໄສຢູ່ໃນເອຢິບ ດີກວ່າຈະມາຖືກຂ້າໃນ ສະໜາມຮົບ ແລະ ລູກແລະເມຍຂອງພວກເຮົາກໍຈະຕົກເປັນທາດ.” ປະຊາຊົນທັງຫຼາຍຕ້ອງການຢາກເລືອກຜູ້ນຳຄົນໃໝ່ທີ່ຈະນຳເຂົາກັບໄປຍັງປະເທດເອຢິບ.

![](https://cdn.door43.org/obs/jpg/360px/obs-en-14-08.jpg)

ພຣະເຈົ້າໃຈຮ້າຍຫຼາຍແລະໄດ້ເຂົ້າໄປໃນຫໍເຕັນທີ່ປະຊຸມນັ້ນ ແລະກ່າວວ່າ, “ເພາະວ່າເຈົ້າບໍ່ເຊື່ອຟັງແລະຍັງຕໍ່ຕ້ານເຮົາ ພວກເຈົ້າທັງໝົດຈະຕ້ອງຫຼົງຢູ່ໃນຖິ່ນແຫ້ງແລ້ງກັນດານນີ້. ທຸກຄົນທີ່ມີອາຍຸ20ປີຂຶ້ນໄປຈະຕ້ອງຫຼົງຢູ່ໃນຖິ່ນແຫ້ງແລ້ງກັນດານແລະຕາຍກ່ອນທີ່ພວກເຂົາຈະໄດ້ເຂົ້າໄປໃນແຜ່ນດິນແຫ່ງພັນທະສັນຍາຍົກເວັ້ນໂຢຊວຍແລະຄາເລັບ.

![](https://cdn.door43.org/obs/jpg/360px/obs-en-14-09.jpg)

ເມື່ອພວກເຂົາໄດ້ຍິນເຊັ່ນນັ້ນກໍຮູ້ສຶກເສຍໃຈໃນຄວາມບາບຂອງພວກເຂົາ ພວກເຂົາຈຶ່ງຈັບອາວຸດແລະບຸກເຂົ້າໄປຕີຄົນການາອານ. ໂມເຊໄດ້ເຕືອນພວກເຂົາບໍ່ໃຫ້ໄປ ເພາະພຣະເຈົ້າຈະບໍ່ສະຖິດຢູ່ກັບພວກເຂົາ ແຕ່ພວກເຂົາກໍບໍ່ຍອມຮັບຟັງເພິ່ນ.

![](https://cdn.door43.org/obs/jpg/360px/obs-en-14-10.jpg)

ພຣະເຈົ້າບໍ່ໄດ້ໄປກັບພວກເຂົາສະນັ້ນພວກເຂົາຈຶ່ງພ່າຍແພ້ແລະມີຫຼາຍຄົນຕາຍໃນການຕໍ່ສູ້ນັ້ນ. ແລ້ວພວກອິດສະລາເອນກໍກັບຄືນມາຈາກການາອານແລະເຂົ້າໄປຍັງຖິ່ນແຫ້ງແລ້ງກັນດານແລະທຽວວົນວຽນຢູ່ໃນທີ່ນັ້ນເປັນເວລາ 40 ປີ.

![](https://cdn.door43.org/obs/jpg/360px/obs-en-14-11.jpg)

ໃນຊ່ວງເວລາ 40ປີທີ່ຊາວອິດສະລາເອນຫຼົງໃນຖິ່ນແຫ້ງແລ້ງກັນດານນັ້ນ ພຣະເຈົ້າໄດ້ປະທານເຂົ້າຈີ່ຈາກສະຫວັນທີ່ເອີ້ນວ່າ, “ມານາ” ແລະຍັງປະທານຝູງນົກຂຸ້ມ (ນົກຂະໜາດກາງ) ເພື່ອພວກເຂົາຈະໄດ້ກິນຊີ້ນຂອງພວກມັນ) ໃນລະຫວ່າງຊ່ວງເວລານັ້ນ ພຣະເຈົ້າໄດ້ຊົງໃຫ້ເຄື່ອງນຸ່ງແລະເກີບໃຫ້ພວກເຂົາໃສ່ໄດ້ຢູ່ຕະຫຼອດເວລາ.

![](https://cdn.door43.org/obs/jpg/360px/obs-en-14-12.jpg)

ນອກຈາກນັ້ນ ພຣະເຈົ້າຍັງໄດ້ເຮັດການອັດສະຈັນກັບພວກເຂົາໂດຍໃຫ້ພວກເຂົາໄດ້ກິນນ້ຳທີ່ອອກມາຈາກກ້ອນຫີນ. ແຕ່ເຖິງປານນັ້ນ ພວກເຂົາກໍຍັງຈົ່ມຕໍ່ວ່າພຣະເຈົ້າແລະຕໍ່ໂມເຊ. ແຕ່ພຣະເຈົ້າກໍຍັງສັດຊື່ຕໍ່ຄຳສັນຍາທີ່ພຣະອົງມີຕໍ່ອັບຣາຮາມ, ອີຊາກ ແລະຢາໂຄບ.

![](https://cdn.door43.org/obs/jpg/360px/obs-en-14-13.jpg)

ຍັງມີຄັ້ງໜຶ່ງທີ່ເມື່ອປະຊາຊົນອິດສະລາເອນບໍ່ມີນ້ຳດື່ມ ແລ້ວພຣະເຈົ້າກໍບອກໂມເຊວ່າ, “ຈົ່ງເວົ້າກັບກ້ອນຫີນ ແລ້ວນ້ຳກໍຈະໄຫຼອອກມາ.” ແຕ່ໂມເຊເຮັດໃຫ້ພຣະເຈົ້າເສຍພຣະກຽດຕໍ່ໜ້າຄົນທັງປວງໂດຍການໃຊ້ໄມ້ເທົ້າຂອງລາວຕີໃສ່ກ້ອນຫີນນັ້ນ 2 ຄັ້ງ ແທນທີລາວຄວນຈະເວົ້າກັບມັນ. ແລ້ວນ້ຳກໍໄຫຼອອກມາຈາກກ້ອນຫີນໃຫ້ປະຊາຊົນໄດ້ດື່ມ ແຕ່ພຣະເຈົ້າໃຈຮ້າຍໃຫ້ໂມເຊແລະເວົ້າກັບເພິ່ນວ່າ “ເຈົ້າຈະບໍ່ໄດ້ເຂົ້າໄປໃນແຜ່ນດິນແຫ່ງພັນທະສັນຍາ.”

![](https://cdn.door43.org/obs/jpg/360px/obs-en-14-14.jpg)

ຫຼັງຈາກທີ່ປະຊາຊົນອິດສະລາເອນໄດ້ຫຼົງໃນຖິ່ນແຫ້ງແລ້ງກັນດານເປັນເວລາ 40ປີ ບັນດາຄົນທີ່ຕໍ່ສູ້ພຣະເຈົ້ານັ້ນກໍໄດ້ຕາຍໄປໝົດ. ແລ້ວພຣະເຈົ້າກໍໄດ້ນຳປະຊາຊົນທີ່ເຫຼືອຢູ່ນັ້ນໄປຮອດຊາຍແດນຂອງແຜ່ນດິນແຫ່ງພັນທະສັນຍາອີກຄັ້ງໜຶ່ງ. ເມື່ອເວລາທີ່ໂມເຊເຖົ້າແກ່ຫຼາຍແລ້ວ ພຣະອົງກໍໃຫ້ໂຢຊວຍຂຶ້ນມາເປັນຜູ້ນຳແທນທີ່ໂມເຊ. ພຣະອົງໄດ້ຊົງສັນຍາກັບໂມເຊວ່າຈະສົ່ງຜູ້ປະກາດພຣະຄຳທີ່ເກັ່ງເໝືອນກັບໂມເຊອີກຄົນໜຶ່ງມາແທນທີ່ເພິ່ນ.

![](https://cdn.door43.org/obs/jpg/360px/obs-en-14-15.jpg)

ແລ້ວພຣະເຈົ້າກໍໄດ້ນຳໂມເຊຂຶ້ນໄປຍັງຍອດພູເພື່ອເບິ່ງແຜ່ນດິນແຫ່ງພັນທະສັນຍາ. ໂມເຊໄດ້ພຽງແຕ່ແນມເບິ່ງແຜ່ນດິນແຫ່ງພັນທະສັນຍານັ້ນ ແຕ່ພຣະເຈົ້າບໍ່ໄດ້ອະນຸຍາດໃຫ້ເພິ່ນເຂົ້າໄປ. ຈາກນັ້ນໂມເຊກໍຕາຍ. ຊາວອິດສະລາເອນໄດ້ໄຫວ້ທຸກໃຫ້ເພິ່ນເປັນເວລາ 30ວັນ. ແລ້ວໂຢຊວຍກໍໄດ້ຂຶ້ນມາເປັນຜູ້ນຳຄົນໃໝ່ຂອງພວກເຂົາ. ລາວເປັນຜູ້ນຳທີ່ດີຄົນໜຶ່ງ ເພາະລາວໄດ້ເຊື່ອຟັງ ແລະ ໄວ້ວາງໃຈໃນພຣະເຈົ້າ.

*ຈາກພຣະຄຳພີ ອົບພຣະຍົບ 16-17; ຈົດເຊັນບັນຊີ 10-14; 20;27; ພຣະບັນຍັດສອງ 34*

## 15. ດີນແດນແຫ່ງພັນທະສັນຍາ

https://openbiblestories.org/l/lo/story-15/

![](https://cdn.door43.org/obs/jpg/360px/obs-en-15-01.jpg)

ກ່ອນເວລາທີ່ອິດສະລາເອນຈະເຂົ້າຍຶດຄອງການາອານ ຄືດີນແດນແຫ່ງພັນທະສັນຍານັ້ນ ໂຢຊວຍໄດ້ສົ່ງນັກສອດແນມສອງຄົນເຂົ້າໄປໃນເມືອງໜຶ່ງຂອງການາອານຊື່ ເຢຣິໂກ ທີ່ມີກຳແພງເມືອງອ້ອມຢ່າງ ແໜ້ນໜາ ໃນເມືອງນັ້ນມີຍິງໂສເພນີຄົນໜຶ່ງຊື່ ຣາຮາບ ໄດ້ເຊື່ອງນັກສອດແນມສອງຄົນນີ້ ແລະຍັງຊ່ວຍພາພວກເຂົາໜີອອກຈາກເມືອງນີ້ອີກດ້ວຍ ນາງຣາຮາບເຮັດແບບນີ້ເພາະລາວເຊື່ອໃນອົງພຣະຜູ້ເປັນເຈົ້າຄືກັນ. ສ່ວນນັກສອດແນມກໍ່ສັນຍາຈະຊ່ວຍລາວແລະຄອບຄົວຂອງລາວເຊັ່ນກັນຄືໃນເວລາອິດສະລາເອນຈະເຂົ້າມາທຳລາຍເມືອງເຢຣິໂກນັ້ນ.

![](https://cdn.door43.org/obs/jpg/360px/obs-en-15-02.jpg)

ສ່ວນພວກອິດສະລາເອນກໍ່ຕ້ອງຂ້າມແມ່ນ້ຳຈໍແດນເຊັ່ນກັນເພື່ອຈະເຂົ້າໄປດີນແດນແຫ່ງພຣະສັນຍາໄດ້ ແລ້ວພຣະເຈົ້າກໍ່ໄດ້ບອກໂຢຊວຍວ່າ ໃຫ້ພວກປະໂລຫິດອອກນຳໜ້າ ແລ້ວພວກປະໂລຫິດກໍ່ນຳໜ້າໄປ ພໍແຕ່ພວກປະໂລຫິດຢຽບແມ່ນ້ຳ ແມ່ນ້ຳກໍ່ຢຸດໄຫຼແລະແຍກອອກເປັນທາງຍ່າງໃຫ້ພວກອິດສະລາເອນຍ່າງຂ້າມໄປຫາອີກຝັ່ງຂອງແມ່ນ້ຳຈໍແດນໄດ້.

![](https://cdn.door43.org/obs/jpg/360px/obs-en-15-03.jpg)

ຫຼັງຈາກພວກອິດສະລາເອນຂ້າມແມ່ນ້ຳຈໍແດນແລ້ວ ພຣະເຈົ້າກໍບອກວິທີທຳລາຍກຳແພງເມືອງເຢຣິໂກ ໃຫ້ໂຢຊວຍຮູ້ ຄົນອິດສະລາເອນກໍເຊື່ອຟັງພຣະເຈົ້າຄືກັນ ໂດຍເຮັດຕາມພຣະເຈົ້າໄດ້ບອກ ພວກທະຫານແລະປະໂລຫິດໄດ້ຍ່າງເປັນແຖວອ້ອມກຳແພງເມືອງເຢຣິໂກຫົກວັນ ,ວັນລະຮອບ.

![](https://cdn.door43.org/obs/jpg/360px/obs-en-15-04.jpg)

ໃນວັນທີເຈັດ ທະຫານອິດສະລາເອນເປັນແຖວອ້ອມກຳແພງເມືອງເຈັດຮອບ, ຂະນະທີ່ທະຫານແລະປະໂລຫິດຍ່າງອ້ອມກຳແພງເມືອງໃນຮອບສຸດທ້າຍນັ້ນພວກເຂົາກໍ່ຮ້ອງໂຮສົ່ງສຽງດັງ ພວກປະໂລຫິດກໍ່ເປົ່າແກສົ່ງສຽງນອງສະນັ່ນເຊັ່ນກັນ.

![](https://cdn.door43.org/obs/jpg/360px/obs-en-15-05.jpg)

ຫຼັງຈາກນັ້ນ ກໍາແພງເມືອງເຢຣິໂກກໍ່ເພພັງລົງ, ທະຫານອິດສະລາເອນກໍ່ບຸກເຂົ້າໄປທໍາລາຍທຸກສິ່ງທຸກຢ່າງໃນເມືອງນັ້ນຕາມທີ່ພະເຈົ້າໄດ້ສັ່ງ ພວກເຂົາບໍ່ໄດ້ຂ້າພຽງແຕ່ ນາງຣາຮາບ ແລະ ຄອບຄົວຂອງນາງເທົ່ານັ້ນ ຄືຜູ້ທີ່ເປັນສ່ວນໜຶ່ງຂອງປະຊາຊົນອິດສະລາເອນ. ຂ່າວເລື່ອງອິດສະລາເອນທໍາລາຍກໍາແພງເມືອງເຢຣິໂກ ຊ່າລືໄປທົ່ວດິນແດນການາອານ ເຮັດໃຫ້ປະຊາຊົນໃນຂົງເຂດນັ້ນຕ່າງກໍ່ຢ້ານກົວວ່າພວກອິດສະລາເອນຈະມາໂຈມຕີພວກເຂົາເໝືອນກັນ.

![](https://cdn.door43.org/obs/jpg/360px/obs-en-15-06.jpg)

ພະເຈົ້າໄດ້ສັ່ງຫ້າມອິດສະລາເອນບໍ່ເຮັດຂໍ້ຕົກລົງສັນຕິໃດໆກັບປະຊາຊົນໃນຂົງເຂດການາອານ, ແຕ່ປະຊາຊົນເຂດໜຶ່ງຂອງການາອານຊື່: ກີເບໂອນ ໄດ້ຕົວະໂຢຊວຍ ແລະ ບອກວ່າ: ພວກເຂົາມາຈາກບ່ອນທີ່ຫ່າງໄກຈາກການາອານ. ພວກເຂົາຂໍໃຫ້ໂຢຊວຍເຮັດຂໍ້ຕົກລົງສັນຕິກັບພວກເຂົາ ໂຢຊວຍ ແລະ ທະຫານອິດສະລາເອນບໍ່ໄດ້ຖາມພະເຈົ້າເລີຍວ່າ ພວກກີເບໂອນມາຈາກໃສ ແລ້ວໂຢຊວຍກໍ່ເຮັດຂໍ້ຕົກລົງສັນຕິກັບພວກເຂົາ.

![](https://cdn.door43.org/obs/jpg/360px/obs-en-15-07.jpg)

ພວກອິດສະລາເອນເກີດຄວາມໃຈຮ້າຍເພາະພາຍຫຼັງຮູ້ວ່າ: ຊາວກີເບໂອນຫຼອກລວງພວກເຂົາ, ແຕ່ຊາວອິດສະລາເອນກໍ່ຍັງຮັກສາສັນຕິກັບພວກເຂົາຢູ່ ເພາະພວກເຂົາໄດ້ເຮັດສັນຍາຕໍ່ໜ້າອົງພະຜູ້ເປັນເຈົ້າ. ຈາກເລື່ອງນີ້ມີຫຼາຍກະສັດຂອງເມືອງຕ່າງໆໃນເຂດການາອານ ແລະ ຊາວອາໂມ ໄດ້ຍິນວ່າ ຊາວກີເບໂອນໄດ້ເຮັດສັນຍາສັນຕິກັບອິດສະລາເອນ ກໍ່ໄດ້ລວມຕົວພວກທະຫານຂອງຕົນເປັນກຸ່ມກ້ອນໃຫຍ່ ແລ້ວໂຈມຕີກີເບໂອນ. ຊາວກີເບໂອນກໍ່ສົ່ງຄວາມໄປຫາໂຢຊວຍເພື່ອມາຊ່ວຍເຫຼືອພວກເຂົາ.

![](https://cdn.door43.org/obs/jpg/360px/obs-en-15-08.jpg)

ເມື່ອໂຢຊວຍໄດ້ຍິນດັ່ງນັ້ນກໍ່ຮີບໂຮມທະຫານອິດສະລາເອນ ແລະ ເດີນທາງມາຫາຊາວກີເບໂອນໃນເວລາກາງຄືນ. ຮອດເວລາກ່ອນແຈ້ງ ທະຫານອິດສະລາເອນກໍ່ບຸກເຂົ້າໂຈມຕີທະຫານອາໂມທັນທີ.

![](https://cdn.door43.org/obs/jpg/360px/obs-en-15-09.jpg)

ພະເຈົ້າເປັນຜູ້ຕໍ່ສູ້ແທນທະຫານອິດສະລາເອນໃນວັນນັ້ນ, ພະອົງເຮັດໃຫ້ເກີດຄວາມສັບສົນ ແລະ ສົ່ງໝາກເຫັບຈາກທ້ອງຟ້າ ຕົກໃສ່ພວກເຂົາ ແລະ ຂ້າພວກທະຫານອາໂມຢ່າງຫຼວງຫຼາຍ.

![](https://cdn.door43.org/obs/jpg/360px/obs-en-15-10.jpg)

ພະເຈົ້າຍັງເຮັດໃຫ້ຕາເວັນຢຸດຢູ່ບ່ອນເກົ່າໃນທ້ອງຟ້າເພື່ອອິດສະລາເອນຈະມີເວລາພໍທີ່ຈະຂ້າພວກອາໂມໃຫ້ໝົດ, ໃນວັນນັ້ນພະຜູ້ເປັນເຈົ້າໄດ້ນໍາໄຊຊະນະອັນຍິ່ງໃຫຍ່ມາສູ່ອິດສະລາເອນ.

![](https://cdn.door43.org/obs/jpg/360px/obs-en-15-11.jpg)

ຫຼັງຈາກພະເຈົ້າໄດ້ທໍາລາຍພວກທະຫານອາໂມແລ້ວ, ຫຼາຍໆເມືອງໃນການາອານກໍ່ຮ່ວມກັນຫັນມາຕໍ່ສູ້ອິດສະລາເອນ, ໂຢຊວຍກັບຊາວອິດສະລາເອນກໍ່ໂຈມຕີ ແລະ ທໍາລາຍພວກເຂົາໝົດ.

![](https://cdn.door43.org/obs/jpg/360px/obs-en-15-12.jpg)

ຫຼັງຈາກສິ້ນສຸດສົງຄາມ ພະເຈົ້າໄດ້ໃຫ້ແຕ່ລະເຜົ່າຂອງຊາວອິດສະລາເອນເລືອກດິນແດນຢູ່ເປັນຂອງໂຕເອງໃນແຜ່ນດິນແຫ່ງພະສັນຍານັ້ນ, ແລະ ພະຜູ້ເປັນເຈົ້າກໍ່ໃຫ້ຄວາມສະຫງົບສຸກໃນຕະຫຼອດທົ່ວດິນແດນນີ້.

![](https://cdn.door43.org/obs/jpg/360px/obs-en-15-13.jpg)

ເມື່ອໂຢຊວຍເຖົ້າແກ່ຫຼາຍແລ້ວ ລາວກໍ່ເອີ້ນປະຊາຊົນທັງໝົດຂອງອິດສະລາເອນມາຮ່ວມກັນແລ້ວກ່າວເຕືອນປະຊາຊົນໃຫ້ເຊື່ອຟັງບັນຍັດທີ່ພະເຈົ້າໄດ້ເຮັດກັບພວກເຂົາທີ່ພູເຂົາຊີນາຍນັ້ນ.ປະຊາຊົນກໍ່ສັນຍາວ່າ: ຈະເຊື່ອຟັງພະເຈົ້າ ແລະເຮັດຕາມບັນຍັດຕ່າງໆຂອງພຣະອົງ.

*ຈາກພະຄໍາພີ: ໂຢຊວຍ: 1-24*

## 16. ຜູ້ປົດປ່ອຍ

https://openbiblestories.org/l/lo/story-16/

![](https://cdn.door43.org/obs/jpg/360px/obs-en-16-01.jpg)

ຫຼັງຈາກທີ່ໂຢຊວຍເສຍຊີວິດ,ຊາວອິດສະລາເອນກໍບໍ່ໄດ້ເຊື່ອຟັງພຣະເຈົ້າ ແລະ ຂັບໄລ່ຊາວການາອານທີຍັງເຫຼືອ ຫຼື ເຊື່ອຟັງພະບັນຍັດຂອງພຣະເຈົ້າເລີຍ.ແຕ່ຊາວອິດສະລາເອນເລີ່ມນະມັດສະການພະຂອງຊາວການາອານແທນພຣະເຈົ້າຢາເວ, ພຣະເຈົ້າແຫ່ງຄວາມຈິງ. ຊາວອິດສະລາເອນບໍ່ມີກະສັດ.ດັ່ງນັ້ນ ທຸກຄົນກໍເຮັດໃນສິ່ງທີ່ເຂົາຄິດວ່າຖືກຕ້ອງ.

![](https://cdn.door43.org/obs/jpg/360px/obs-en-16-02.jpg)

ເພາະວ່າຊາວອິດສະລາເອນບໍ່ໄດ້ເຊື່ອພຣະເຈົ້າ, ພຣະເຈົ້າໄດ້ລົງໂທດເຂົາໂດຍການອານຸຍາດໃຫ້ສັດຕູມາທໍາລາຍພວກເຂົາ. ພວກສັດຕູໄດ້ລັກເອົາສິ່ງຂອງຈາກຊາວອິດສະລາເອນ, ທໍາລາຍຊັບສົມບັດຂອງເຂົາ ແລະ ໄດ້ຂ້າພວກເຂົາຢ່າງຫຼວງຫຼາຍ. ພາຍຫຼັງຫຼາຍປີຂອງການບໍ່ເຊື່ອຟັງພຣະເຈົ້າ ແລະ ມີຊີວິດຢູ່ແບບຖືກກົດຂີ່ຂູດຮີດໂດຍພວກທະຫານ, ຊາວອິດສະລະເອນກໍໄດ້ສໍານຶກຜິດ ແລະ ຂໍຮ້ອງໃຫ້ພຣະເຈົ້າຊ່ວຍຊີວິດພວກເຂົາ.

![](https://cdn.door43.org/obs/jpg/360px/obs-en-16-03.jpg)

ດັ່ງນັ້ນ ພຣະເຈົ້າໄດ້ຈັດຕຽມຜູ້ທີ່ຈະນໍາເອົາຄວາມລອດອອກຈາກພວກສັດຕູ ແລະ ນໍາສັນຕິສຸກມາສູ່ດິນແດນ. ແຕ່ຫຼັງຈາກນັ້ນປະຊາຊົນກໍໄດ້ລືມພຣະເຈົ້າແລະ ເລີ່ມນະມັດສະການຮູບເຄົາລົບອີກຄັ້ງ, ພຣະເຈົ້າຈຶ່ງອະນຸຍາດໃຫ້ພວກມິດິອານ ເຊິ່ງຕັ້ງກອງທັບຢູ່ໂຈມຕີພວກເຂົາ.

![](https://cdn.door43.org/obs/jpg/360px/obs-en-16-04.jpg)

ຊາວມິດິອານໄດ້ຍຶດເອົາພືດພັນທັນຍາຫານທຸກສິ່ງຂອງຊາວອິດສະລາເອນເປັນເວລາເຈັດປີ. ຊາວອິດສະລາເອນຢ້ານຫຼາຍຈຶ່ງໄປລີ້ຢູ່ໃນຖໍ້າ ເຊິ່ງພວກມິດິອານບໍ່ສາມາດເຫັນເຂົາໄດ້. ໃນທີ່ສຸດ, ພວກເຂົາຈຶ່ງຮ້ອງໄຫ້ຫາພຣະເຈົ້າໃຫ້ຊ່ວຍພວກເຂົາອີກ.

![](https://cdn.door43.org/obs/jpg/360px/obs-en-16-05.jpg)

ໃນມື້ໜຶ່ງ ມີຊາຍຄົນໜຶ່ງຈາກອິດສະລາເອນຊື່ວ່າ: ກີດິໂອນ ກໍາລັງນວດເຂົ້າຢ່າງລັບໆເພື່ອທີ່ພວກມິດີໂອນຈະບໍ່ເຫັນລາວ. ເທວະດາຂອງພຣະເຈົ້າຢາເວໄດ້ມາປະກົດແກ່ກິດິໂອນ ແລະ ເວົ້າວ່າ, “ ພຣະເຈົ້າສະຖິດຢູ່ນໍາເຈົ້າ, ເປັນນັກຮົບທີຊົງພະລັງ. ຈົ່ງອອກໄປຊ່ວຍຊາວອິດສະລາເອນຈາກພວກມິດິອານ”.

![](https://cdn.door43.org/obs/jpg/360px/obs-en-16-06.jpg)

ພໍ່ຂອງກິດິໂອນ ໄດ້ເຮັດແທນຖວາຍບູຊາຮູບເຄົາລົບ,ພຣະເຈົ້າບອກກິດີໂອນໃຫ້ທໍາລາຍແທນບູຊານັ້ນ. ແຕ່ກິດີໂອນຢ້ານພວກປະຊາຊົນ, ດັ່ງນັ້ນ ລາວຈຶ່ງລໍຖ້າຈົນຮອດທ່ຽງຄືນ. ແລ້ວລາວກໍທໍາລາຍແທ່ນບູຊາລົງແລະ ທຸບເປັນສ່ຽງໆ. ລາວໄດ້ສ້າງແທ່ນບູຊາໃໝ່ໃຫ້ພຣະເຈົ້າໃກ້ກັບບ່ອນທີ່ເຂົາເຄີຍໃຊ້ເປັນບ່ອນບູຊາຮູບເຄົາລົບ ແລະ ນໍາເຄື່ອງມາຖວາຍໃຫ້ພຣະເຈົ້າ.

![](https://cdn.door43.org/obs/jpg/360px/obs-en-16-07.jpg)

ເຊົ້າມື້ຕໍ່ມາ ປະຊາຊົນໄດ້ເຫັນວ່າມີບາງຄົນທໍາລາຍແທ່ນບູຊານັ້ນແລ້ວ, ພວກເຈົາຈຶ່ງໃຈຮ້າຍຫຼາຍ. ພວກເຂົາຈຶ່ງພາກັນໄປທີ່ເຮືອນຂອງກິດິໂອນເພື່ອຂ້າລາວ, ແຕ່ພໍ່ຂອງກິດິໂອນເວົ້າວ່າ: ເປັນຫຍັງພວກເຈົ້າຈຶ່ງພະຍາຍາມຊ່ວຍພະຂອງພວກເຈົ້າ, ຖ້ານັ້ນແມ່ນພະເຈົ້າແທ້ ປ່ອຍໃຫ້ລາວປົກປ້ອງຕົວເອງແມ້. ຍ້ອນພໍ່ກິດິໂອນເວົ້າດັ່ງນັ້ນກັບປະຊາຊົນ, ພວກເຂົາຈຶ່ງບໍ່ຂ້າກິດິໂອນ.

![](https://cdn.door43.org/obs/jpg/360px/obs-en-16-08.jpg)

ຫຼັງຈາກນັ້ນ, ພວກມິດິອານຈຶ່ງກັບໄປລັກເຄື່ອງຂອງຊາວອິດສະລາເອນອີກຄັ້ງ. ເລື່ອງແບບນີ້ມັນໄດ້ເກີດຂຶ້ນຫຼາຍຄັ້ງນັບບໍ່ຖ້ວນ. ທ້າວກິດິໂອນໄດ້ຮຽກຮ້ອງໃຫ້ປະຊາຊົນອິດສະລາເອນມາຮ່ວມສູ້ສັດຕູກັບລາວ. ກິດິໂອນໄດ້ຂໍພຣະເຈົ້າໝາຍສໍາຄັນສອງຢ່າງເພື່ອແນ່ໃຈວ່າພຣະອົງໃຊ້ລາວມາເພື່ອຊ່ວຍປະຊາຊົນອິດສະລາເອນ..

![](https://cdn.door43.org/obs/jpg/360px/obs-en-16-09.jpg)

ໝາຍສໍາຄັນທີ່ໜຶ່ງ, ກິດິໂອນໄດ້ເອົາຜ້າຜືນໜຶ່ງວາງໄວ້ເທິງພື້ນດິນ ແລະ ຂໍພຣະເຈົ້າໃຫ້ມີນໍ້າຄ້າງເຕັມຢູ່ເທິງຜ້າພື້ນນັ້ນແຕ່ບໍໃຫ້ມີຢູ່ຕາມພື້ນດິນ. ພຣະເຈົ້າໄດ້ເຮັດຕາມທີ່ລາວຂໍ. ຄືນຕໍ່ມາ, ລາວຂໍໃຫ້ພື້ນດິນປຽກແຕ່ຜ້ານັ້ນແຫ້ງ. ພຣະເຈົ້າກໍປະທານຕາມທີ່ລາວຂໍອີກ. ໝາຍສໍາຄັນສອງອັນນີ້ເຮັດໃຫ້ກີດິໂອນໝັ້ນໃຈວ່າພຣະເຈົ້າໃຊ້ລາວມາເພື່ອຊ່ວຍປະຊາຊົນອິດສາລະເອນຈາກພວກມິດິອານ.

![](https://cdn.door43.org/obs/jpg/360px/obs-en-16-10.jpg)

ທະຫານອິດສະລາເອນ 32,000ຄົນໄດ້ເຂົ້າໄປຫາກິດິໂອນ, ແຕ່ພຣະເຈົ້າຊົງບອກລາວວ່າ, ທະຫານມີຈໍານວນຫຼາຍເກີນໄປ. ດັ່ງນັ້ນກິດິໂອນໄດ້ສົ່ງຜູ້ທີ່ຢ້ານກັບບ້ານໄປ 22,000ຄົນ. ພຣະເຈົ້າບອກກັບລາວອີກວ່າ, ຍັງມີຜູ້ຊາຍຫຼາຍເກີນໄປ. ກິດິໂອນກໍສົ່ງພວກເຂົາທັງໝົດກັບບ້ານ, ເຫຼືອທະຫານພຽງ 300ຄົນ.

![](https://cdn.door43.org/obs/jpg/360px/obs-en-16-11.jpg)

ໃນຄືນນັ້ນ ພຣະເຈົ້າໄດ້ເວົ້າກັບກິດິໂອນວ່າ, “ ຈົ່ງລົງໄປຄ້າຍຂອງພວກມິດິອານ ແລະ ເຈົ້າຈະໄດ້ຍິນສິ່ງທີ່ພວກເຂົາເວົ້າ, ເຈົ້າຈະບໍ່ຢ້ານອີກຕໍ່ໄປ. ໃນຄືນນັ້ນກິດິໂອນ ໄດ້ລົງໄປທີ່ຄ້າຍ ແລະໄດ້ຍິນພວກທະຫານກິດິອານລົມກັນ, ຄົນໜຶ່ງກໍາລັງລົມກັບໝູ່ຂອງລາວກ່ຽວກັບຄວາມຝັນຂອງລາວ, ເຂົາເວົ້າວ່າ: ຄວາມຝັນນີ້ໝາຍຄວາມວ່າ, ທະຫານຂອງກິດິໂອນຈະຮົບຊະນະທະຫານມິດິອານ. ເມື່ອກິດິໂອນໄດ້ຍິນສິ່ງນີ້, ລາວກໍນະມັດສະການພຣະເຈົ້າ.

![](https://cdn.door43.org/obs/jpg/360px/obs-en-16-12.jpg)

ແລ້ວກິດິໂອນກໍໄດ້ກັບຄືນໄປຫາທະຫານຂອງລາວ ແລະ ເອົາແກ, ໝໍດິນ ແລະ ກະບອງໄຟໃຫ້ແຕ່ລະຄົນ. ພວກເຂົາໄດ້ອ້ອມຄ້າຍພັກຂອງທະຫານມິດິອານທີ່ກໍາລັງຫຼັບຢູ່. ທະຫານສາມຮ້ອຍຄົນຂອງກິດິໂອນໄດ້ເອົາກະບອງໄຟໃສ່ໃນໝໍ້ດິນເພື່ອທີ່ທະຫານມິດິອານຈະບໍ່ເຫັນໄຟທີ່ຢູ່ໃນໝໍ້ດິນ.

![](https://cdn.door43.org/obs/jpg/360px/obs-en-16-13.jpg)

ໃນເວລານັ້ນ, ທະຫານຂອງກິດິໂອນໄດ້ທຸບໝໍ້ດິນພ້ອມກັນ, ທັນໃດນັ້ນ ກໍເກີດໄຟໃນກະບອງ. ແລ້ວພວກເຂົາກໍເປົ່າແກ ແລະ ຮ້ອງຂຶ້ນວ່າ, ສູ້ເພື່ອພຣະເຈົ້າຢາເວ ແລະ ກິດິໂອນ.

![](https://cdn.door43.org/obs/jpg/360px/obs-en-16-14.jpg)

ພຣະເຈົ້າເຮັດໃຫ້ພວກມິດິອານສັບສົນ, ດັ່ງນັ້ນ, ເຂົາເລີຍສູ້ ແລະ ຂ້າກັນເອງ. ທັນໃດນັ້ນ, ປະຊາຊົນອິດສະລາເອນທີ່ຢູ່ບ້ານໄດ້ຖືກເອີ້ນມາຊ່ວຍກັນຂັບໄລ່ພວກມິດິອານ. ພວກເຂົາຂ້າພວກມິດິອານເປັນຈໍານວນຫຼວງຫຼາຍ ແລະ ຂັບໄລ່ພວກທີ່ຍັງເຫຼືອອອກຈາກດິນແດນອິດສະລາເອນ. ໃນມື້ນັ້ນ ພວກມິດິອານໄດ້ຕາຍ ຈໍານວນ 120,000. ພຣະເຈົ້າໄດ້ຊ່ວຍກອບກູ້ຊາວອິດສະລາເອນ.

![](https://cdn.door43.org/obs/jpg/360px/obs-en-16-15.jpg)

ປະຊາຊົນຕ້ອງການໃຫ້ກິດິໂອນເປັນກະສັດຂອງເຂົາ. ລາວບໍ່ອະນຸຍາດໃຫ້ພວກເຂົາເຮັດສິ່ງນັ້ນ, ແຕ່ລາວໄດ້ຂໍແຫວນຄໍາທີ່ເຂົາເອົາມາຈາກພວກມິດິອານ.ປະຊາຊົນໄດ້ເອົາຄໍາຈໍານວນຫຼວງຫຼາຍໃຫ້ກິດິໂອນ.

![](https://cdn.door43.org/obs/jpg/360px/obs-en-16-16.jpg)

ແລ້ວກິດິໂອນກໍໃຊ້ຄໍາເຫຼົ່ານັ້ນເຮັດເຄື່ອງນຸ່ງໃຫ້ແກ່ມະຫາປະໂລຫິດ. ແຕ່ປະຊາຊົນເລີ່ມນະມັດສະການມັນປຽບເໝືອນກັບຮູບເຄົາລົບ. ສະນັ້ນ ພຣະເຈົ້າລົງໂທດອິດສະລາເອນອີກຄັ້ງເພາະພວກເຂົານະມັດສະການຮູບເຄົາລົບ. ພຣະເຈົ້າອານະຍາດໃຫ້ສັດຕູມາທໍາລາຍພວກເຂົາ. ພວກເຂົາກໍຂໍພຣະເຈົ້າໃຫ້ມາຊ່ວຍເຂົາອີກຄັ້ງ, ແລະ ພຣະເຈົ້າກໍຍັງສົ່ງຄົນມາຊ່ວຍເຂົາອີກເຊັ່ນເຄີຍ

![](https://cdn.door43.org/obs/jpg/360px/obs-en-16-17.jpg)

ສິ່ງນີ້ເກີດຂຶ້ນຊໍ້າແລ້ວຊໍ້າອີກຄື: ຊາວອິດສະລາເອນເຮັດບາບ, ພຣະເຈົ້າໄດ້ລົງໂທດພວກເຂົາ, ແລ້ວພວກເຂົາກໍກັບໃຈ ແລະ ພຣະເຈົ້າກໍສົ່ງຄົນໄປຊ່ວຍພວກເຂົາອີກ. ເປັນເວລາຫຼາຍປີ ທີ່ພຣະເຈົ້າໄດ້ສົ່ງຜູ້ປົດປ່ອຍຫຼາຍຄົນມາຊ່ວຍຊາວອິດສະລາເອນຈາກພວກສັດຕູ.

![](https://cdn.door43.org/obs/jpg/360px/obs-en-16-18.jpg)

ໃນທີ່ສຸດ ປະຊາຊົນກໍຂໍພຣະເຈົ້າມອບກະສັດໃຫ້ພວກເຂົາເໝືອນກັບຊົນຊາດອື່ນ. ພວກເຂົາຢາກມີກະສັດທີ່ສູງ ແລະ ແຂງແຮງ, ແລະ ຜູ້ທີນໍາພວກເຂົາເຂົ້າສູ່ສະໜາມຮົບໄດ້. ພຣະເຈົ້າບໍ່ມັກສິ່ງທີ່ພວກເຂົາຮ້ອງຂໍ, ແຕ່ພຣະອົງກໍໃຫ້ກະສັດຕາມທີ່ພວກເຂົາຮ້ອງຂໍ.

*ຈາກພະຄໍາພີ ພວກຜູ້ປົກຄອງ 1-3; 6-8*

## 17. ພັນທະສັນຍາຂອງພຣະເຈົ້າກັບດາວິດ

https://openbiblestories.org/l/lo/story-17/

![](https://cdn.door43.org/obs/jpg/360px/obs-en-17-01.jpg)

ໂຊນເປັນກະສັດຜູ້ທໍາອິດຂອງຊາດອິດສະລາເອນ. ລາວເປັນຄົນທີ່ສູງ ແລະ ມີຮູບຮ່າງງາມຫຼາຍ ແລະ ຫຼາຍຄົນຕ້ອງການລາວ. ໂຊນເປັນກະສັດທີ່ດີໃນໄລຍະສອງສາມປີທໍາອິດທີ່ລາວປົກຄອງຊາດອິດສະລາເອນ. ແຕ່ສຸດທ້າຍກໍກາຍເປັນຄົນທີ່ໂຫດຮ້າຍ ແລະ ບໍ່ເຊື່ອຟັງພຣະເຈົ້າ, ດັ່ງນັ້ນພຣະເຈົ້າຈຶ່ງເລືອກເອົາຄົນອື່ນມາເປັນກະສັດແທນລາວ.

![](https://cdn.door43.org/obs/jpg/360px/obs-en-17-02.jpg)

ພຣະເຈົ້າໄດ້ເລືອກເອົາຊາຍຄົນໜຶ່ງທີ່ເປັນຊາວອິດສະລາເອນຊື່ວ່າ: ດາວິດມາເປັນກະສັດຫຼັງຈາກກະສັດໂຊນ. ດາວິດເປັນຄົນລ້ຽງແກະຈາກເມືອງເບັດເລເຮັມ,ໃນເວລານັ້ນເອງລາວເປັນຄົນເຝົ້າແກະໃຫ້ພໍ່ລາວ, ດາວິດໄດ້ຂ້າໂຕສິງ ແລະ ໝີທີ່ຈະມາກິນແກະ. ດາວິດເປັນຄົນຖ່ອມຕົວ, ເປັນຄົນຊອບທໍາ. ລາວໄວ້ວາງໃຈ ແລະ ເຊື່ອຟັງພຣະເຈົ້າ.

![](https://cdn.door43.org/obs/jpg/360px/obs-en-17-03.jpg)

ດາວິດກາຍເປັນທະຫານ ແລະ ຜູ້ນໍາທີ່ຍິ່ງໃຫຍ່. ເມື່ອລາວຍັງເປັນຊາຍໜຸ່ມລາວໄດ້ຕໍ່ສູ້ກັບຍັກໃຫຍ່ທີ່ມີຊື່ວ່າ: ໂກລິອາດ. ໂກລິອາດຖືກຝຶກໃຫ້ເປັນທະຫານທີ່ເຂັ້ມແຂງ, ລາວສູງເກືອບ ສາມແມັດ. ແຕ່ພຣະເຈົ້າໄດ້ຊ່ວຍດາວິດຂ້າໂກລິອາດໃຫ້ຕາຍ ແລະ ຊ່ວຍຊາດອິດສະລາເອນໃຫ້ພົ້ນ. ຫຼັງຈາກນັ້ນ ດາວິດຈຶ່ງຮັບໄຊຊະນະສັດຕູຂອງຊາດອິດສະລາເອນຫຼາຍຄັ້ງ. ເຫດນັ້ນປະຊາຊົນຈຶ່ງສັນລະເສີນລາວ.

![](https://cdn.door43.org/obs/jpg/360px/obs-en-17-04.jpg)

ໂຊນເລີ່ມອິດສາດາວິດທີ່ປະຊາຊົນອິດສະລາເອນຮັກລາວ, ໂຊນໄດ້ພະຍາຍາມຫຼາຍຄັ້ງທີ່ຈະຂ້າລາວ. ດາວິດຈຶ່ງລີ້ຊ້ອນຈາກໂຊນ. ມື້ໜຶ່ງ ໂຊນກໍາລັງຊອກຫາດາວິດເພື່ອຈະຂ້າ, ໂຊນໄດ້ເຂົ້າໄປໃນຖໍ້າດຽວກັນກັບທີ່ ດາວິດ ກໍາລັງລີ້ຢູ່ແຕ່ໂຊນບໍ່ເຫັນລາວ. ເຖິງວ່າດາວິດຈະຢູ່ໃກ້ໆກັບໂຊນ ແລະ ສາມາດທີ່ຈະຂ້າໂຊນໄດ້. ແຕ່ດາວິດບໍ່ໄດ້ຂ້າໂຊນ ລາວພຽງແຕ່ຕັດເອົາສ່ວນໜຶ່ງຂອງເສື້ອໂຊນ ເພຶ່ອພິສູດວ່າລາວບໍ່ຢາກຂ້າກະສັດໂຊນ ແລ້ວຂຶ້ນເປັນກະສັດແທນ.

![](https://cdn.door43.org/obs/jpg/360px/obs-en-17-05.jpg)

ໃນທີ່ສຸດໂຊນໄດ້ຕາຍທີ່ສະໜາມຮົບ ແລະ ດາວິດໄດ້ກາຍເປັນກະສັດອິດສະລາເອນແທນ. ດາວິດເປັນກະສັດທີ່ດີ ແລະປະຊາຊົນກໍຮັກລາວ. ພຣະເຈົ້າໄດ້ອວຍພອນດາວິດ ແລະ ໃຫ້ລາວປະສົບຜົນສໍາເລັດທຸກຢ່າງທີ່ລາວເຮັດ. ດາວິດຕໍ່ສູ້ໃນສະໜາມຮົບຫຼາຍຄັ້ງ ແລະ ພຣະເຈົ້າກໍເຮັດໃຫ້ລາວເອົາຊະນະສັດຕູຂອງອິດສະລະເອນຕະຫຼອດ. ດາວິດເອົາຊະນະຊາວເຢຣູຊາເລັມ ແລະ ຕັ້ງເປັນເມືອງຫຼວງຂອງລາວ. ໃນຊ່ວງໄລຍະທີ່ດາວິດປົກຄອງ ຊາດອິດສະລາເອນກາຍເປັນປະເທດທີ່ມີອໍານາດ ແລະ ຮັ່ງມີ.

![](https://cdn.door43.org/obs/jpg/360px/obs-en-17-06.jpg)

ດາວິດຕ້ອງການສ້າງພະວິຫານ ບ່ອນທີ່ປະຊາຊົນສາມາດນະມັດສະການ ແລະ ຖວາຍເຄື່ອງບູຊາແກ່ພຣະເຈົ້າໄດ້. ເປັນເວລາ ສີ່ຮ້ອຍປີທີ່ປະຊາຊົນອິດສະລາເອນໄດ້ນະມັດສະການພຣະເຈົ້າ ແລະ ຖວາຍເຄື່ອງບູຊາໃຫ້ພຣະອົງທີ່ຫໍເຕັ້ນບ່ອນໂມເຊສ້າງໄວ້.

![](https://cdn.door43.org/obs/jpg/360px/obs-en-17-07.jpg)

ແຕ່ພຣະເຈົ້າໄດ້ສົ່ງຜູ້ທໍານາຍ ນາທານ ພ້ອມກັບຂໍ້ຄວາມມາຫາດາວິດ, “ເພາະເຈົ້າເປັນນັກຮົບ ເຈົ້າຈະບໍ່ສາມາດສ້າງພະວິຫານໃຫ້ເຮົາໄດ້. ລູກຊາຍຂອງເຈົ້າຈະເປັນຄົນສ້າງ. ແຕ່, ເຮົາຈະອວຍພອນເຈົ້າຢ່າງຍິ່ງໃຫຍ່. ໜຶ່ງໃນເຊື້ອສາຍເຈົ້າຈະເປັນກະສັດປົກຄອງປະຊາຊົນຕະຫຼອດໄປ!”. ມີພຽງເຊື້ອສາຍຄົນດຽວຂອງດາວິດທີ່ຈະປົກຄອງຕະຫຼອດໄປຄື ພຣະເມຊິອາ. ພຣະເມຊິອາ ແມ່ນພຣະເຈົ້າທີ່ຖືກເລືອກມາເພື່ອເປັນຜູ້ຊ່ວຍປະຊາຊົນທຸກຄົນໃນໂລກໃຫ້ພົ້ນຈາກການບາບຂອງພວກເຂົາ.![OBS Image](https://cdn.door43.org/obs/jpg/360px/obs-en-17-08.jpg)

ເມື່ອດາວິດໄດ້ຍິນແບບນັ້ນ, ລາວກໍຟ້າວຂອບພະຄຸນພຣະເຈົ້າ ແລະ ສັນລະເສີນພຣະເຈົ້າ. ພຣະເຈົ້າສັນຍາກັບດາວິດວ່າ, “ນີ້ແມ່ນກຽດຕິຍົດ ແລະ ການອວຍພອນທີ່ຍິ່ງໃຫຍ່ທີ່ສຸດ”. ດາວິດບໍ່ຮູ້ວ່າເມື່ອໃດທີ່ ພຣະເຈົ້າຈະກະທຳສິ່ງເຫຼົ່ານີ້. ແຕ່ເຖິງຢ່າງໃດຊາວອິດສະລາເອນກໍຕ້ອງໄດ້ລໍຄອຍເປັນເວລາດົນນານຈົນກ່ວາພຣະເມຊິອາຈະມາ, ເກືອບໜຶ່ງພັນປີ.

![](https://cdn.door43.org/obs/jpg/360px/obs-en-17-09.jpg)

ດາວິດປົກຄອງດ້ວຍຄວາມຍຸຕິທໍາ ແລະ ສັດຊື່ທ່ຽງທໍາມາເປັນເວລາຫຼາຍປີ. ພຣະເຈົ້າກໍອວຍພອນລາວຈົນເຖິງບັ້ນທ້າຍຊີວິດຂອງລາວ. ແຕ່ສຸດທ້າຍ ລາວກໍໄດ້ເຮັດບາບຮ້າຍແຮງຕໍ່ສູ້ພຣະເຈົ້າ.

![](https://cdn.door43.org/obs/jpg/360px/obs-en-17-10.jpg)

ວັນໜຶ່ງທີ່ທະທານທັງໝົດຂອງດາວິດອອກຈາກບ້ານໄປສູ້ຮົບ. ດາວິດໄດ້ຫຼຽວລົງຈາກອານາຈັກຂອງລາວ ແລະ ເຫັນຍິງສາວຄົນໜຶ່ງທີ່ສວຍງາມກໍາລັງອາບນໍ້າຢູ່ ນາງຊື່ວ່າ: ບາຊິບາ.

![](https://cdn.door43.org/obs/jpg/360px/obs-en-17-11.jpg)

ແທນທີ່ລາວຈະເບິ່ງໄປທີ່ອື່ນ, ແຕ່ລາວຊໍ້າພັດໃຫ້ຄົນນໍາເອົານາງມາໃຫ້ແກ່ລາວ. ແລ້ວດາວິດໄດ້ຫຼັບນອນກັບນາງ ຫຼັງຈາກນັ້ນກໍສົ່ງນາງກັບບ້ານ. ບໍ່ດົນຕໍ່ມາ ບາຊິບາໄດ້ສົ່ງຂໍ້ຄວາມມາຫາດາວິດວ່ານາງຖືພາ

![](https://cdn.door43.org/obs/jpg/360px/obs-en-17-12.jpg)

ຍູຣິອາແມ່ນຜົວຂອງນາງບາຊິບາ ຊຶ່ງເປັນທະຫານທີ່ເກັ່ງທີ່ສຸດຂອງດາວິດ. ດາວິດໄດ້ເອີ້ນລາວໃຫ້ກັບມາແຕ່ສະໜາມຮົບ ແລະ ບອກລາວກັບໄປຢູ່ນໍາເມຍຂອງລາວແຕ່ຍູຣິອາປະຕິເສດ. ແລ້ວດາວິດກໍສົ່ງລາວກັບຄືນໄປໃນສະໜາມຮົບ ແລະ ບອກນາຍພົນຄົນໜຶ່ງສົ່ງຍູຣິອາໄປສູ້ຮົບບ່ອນທີ່ສັດຕູເຂັ້ມແຂງທີ່ສຸດເພື່ອເຂົາຈະໄດ້ຂ້າລາວ.

![](https://cdn.door43.org/obs/jpg/360px/obs-en-17-13.jpg)

ຫຼັງຈາກຍູຣິອາຕາຍແລ້ວ, ດາວິດໄດ້ແຕ່ງງານກັບນາງບາຊິບາ, ຕໍ່ມານາງກໍເກີດລູກຊາຍຄົນໜຶ່ງໃຫ້ກັບດາວິດ. ພຣະເຈົ້າໂກດຮ້າຍຫຼາຍໃນສິ່ງທີ່ດາວິດເຮັດນັ້ນ, ດັ່ງນັ້ນ ພຣະເຈົ້າຈຶ່ງສົ່ງຜູ້ທໍານາຍ ນາທານ ໄປບອກດາວິດເຖິງການບາບອັນຊົ່ວຊ້າຂອງລາວ. ດາວິດກໍໄດ້ກັບໃຈໃໝ່ກັບຄວາມບາບນັ້ນ ແລະ ພຣະເຈົ້າກໍຍົກໂທດໃຫ້ລາວ. ໃນບັ້ນທ້າຍຊີວິດຂອງດາວິດໄດ້ຕິດຕາມເຊື່ອຟັງພຣະເຈົ້າ, ເຖິງວ່າລາວຈະຢູ່ໃນຊ່ວງລໍາບາກກໍຕາມ.

![](https://cdn.door43.org/obs/jpg/360px/obs-en-17-14.jpg)

ແຕ່ເພື່ອເປັນການລົງໂທດຄວາມບາບຂອງລາວ, ລູກຊາຍຂອງລາວໄດ້ຕາຍໄປ. ຍັງມີການຂັດແຍ່ງພາຍໃນຄອບຄົວ ແລະ ອໍານາດຂອງດາວິດກໍລົດໜ້ອຍຖອຍລົງ. ເຖິງແມ່ນວ່າ ດາວິດບໍ່ສັດຊື່ຕໍ່ພຣະເຈົ້າກໍຕາມ ແຕ່ພຣະເຈົ້າກໍຍັງສັດຊື່ ຕໍ່ດາວິດ ແລະພັນທະສັນຍາຂອງພຣະອົງສະເໝີ. ຕໍ່ມາ ດາວິດ ແລະ ນາງບາຊິບາ ໄດ້ມີລູກຊາຍອີກຄົນໜຶ່ງ, ພວກເຂົາຕັ້ງຊື່ໃຫ້ເດັກວ່າ: ໂຊໂລໂມນ.

*ຈາກພະຄໍາພີ 1 ຊາມູເອນ 10:15-19; 24; 31; 2 ຊາມູເອນ 5; 7; 11-12*

## 18. ອານາຈັກຖືກແບ່ງແຍກ

https://openbiblestories.org/l/lo/story-18/

![](https://cdn.door43.org/obs/jpg/360px/obs-en-18-01.jpg)

ຫຼັງຈາກຫຼາຍປີຜ່ານໄປ, ດາວິດໄດ້ຕາຍໄປ ແລະ ລູກຊາຍຂອງເພູິ່ນຊື່ ໂຊໂລໂມນ ເລີ່ມຂຶ້ນປົກຄອງປະເທດອິດສະລາເອນແທນ. ພະເຈົ້າເວົ້າກັບໂຊໂລໂມນ ແລະ ຖາມເພິ່ນວ່າ: ເພິ່ນຕ້ອງການຫຍັງຫຼາຍທີ່ສຸດ? ເມື່ອໂຊໂລໂມນຂໍສະຕິປັນຍາ, ພະເຈົ້າໄດ້ພໍໃຈນຳເພິ່ນ ແລະ ເຮັດໃຫ້ລາວເປັນຄົນທີ່ສະຫຼາດທີ່ສຸດໃນໂລກ. ໂຊໂລໂມນໄດ້ເລີ່ມຮຽນຫຼາຍສິ່ງຫຼາຍຢ່າງ ແລະ ເປັນຜູ້ພິພາກສາທີ່ສະຫຼາດທີ່ສຸດ.ພະເຈົ້າຍັງເຮັດໃຫ້ເພິ່ນເປັນຄົນທີ່ລໍ້າລວຍ.

![](https://cdn.door43.org/obs/jpg/360px/obs-en-18-02.jpg)

ໃນເຢຣູຊາເລັມ,ໂຊໂລໂມນ ໄດ້ສ້າງພະວິຫານຕາມທີ່ພໍ່ຂອງເພິ່ນ ດາວິດ ໄດ້ວາງແຜນໄວ້ ແລະ ຮີບໂຮມເອົາວັດສະດຸ. ຕອນນັ້ນທຸກຄົນນະມັດສະການ ແລະ ຖວາຍເຄື່ອງບູຊາໃນພະວິຫານນັ້ນ ແທນການເຮັດຢູ່ເຕັ້ນ. ພະເຈົ້າໄດ້ປະກົດ ແລະ ສະຖິດກັບປະຊາຊົນຂອງພຣະອົງໃນພະວິຫານ.

![](https://cdn.door43.org/obs/jpg/360px/obs-en-18-03.jpg)

ແຕ່ໂຊໂລໂມນໄດ້ຮັກກັບຍິງຊາວຕ່າງຊາດ. ເພິ່ນບໍ່ເຊື່ອຟັງພຣະເຈົ້າ, ເພິ່ນແຕ່ງງານກັບຍິງຕ່າງຊາດຫຼາຍ ກ່ວາ 1000ຄົນ! ພວກນາງໄດ້ມາຈາກປະເທດຕ່າງໆ ແລະ ນໍາເອົາພະຂອງພວກນາງມານໍາ ແລະບູຊາພະຂອງພວກນາງ. ເມື່ອໂຊໂລໂມນເຖົ້າແກ່, ເພິ່ນໄດ້ນະມັດສະການພະເຫຼົ່ານັ້ນ.

![](https://cdn.door43.org/obs/jpg/360px/obs-en-18-04.jpg)

ພຣະເຈົ້າໃຈຮ້າຍໂຊໂລໂມນ ແລະ ລົງໂທດໃນຄວາມບໍ່ສັດຊື່ຂອງເພິ່ນ. ຫຼັງຈາກທີ່ໂຊໂລໂມນຕາຍ, ພຣະເຈົ້າໄດ້ແບ່ງອານາຈັກອິດສະລາເອນເປັນສອງອານາຈັກ.

![](https://cdn.door43.org/obs/jpg/360px/obs-en-18-05.jpg)

ຫຼັງຈາກທີ່ໂຊໂລໂມນເສຍຊີວິດລູກຊາຍຂອງລາວຄື: ເຮໂຫໂບອາມ ຂຶ້ນເປັນກະສັດແທນ. ເຮໂຫໂບອາມເປັນຄົນທີ່ໂງ່ຫຼາຍ.ທຸກຄົນໃນອິດສະລາເອນຕ່າງກໍມາໂຮມກັນເພື່ອເປັນພະຍານໃນການຂຶ້ນເປັນກະສັດຂອງເພິ່ນ. ປະຊາຊົນໄດ້ຈົ່ມນໍາເຮໂຫໂບອາມວ່າ: ພໍ່ຂອງເພິ່ນຄືໂຊໂລໂມນບັງຄັບໃຫ້ເຂົາເຮັດວຽກຢ່າງໜັກ ແລະ ເກັບພາສີແພງ.

![](https://cdn.door43.org/obs/jpg/360px/obs-en-18-06.jpg)

ເຮໂຫໂບອາມຄົນໂງ່ຈຶ່ງຕອບພວກເຂົາວ່າ: ພວກເຈົ້າຄິດວ່າພໍ່ຂອງເຮົາໃຫ້ພວກເຈົ້າເຮັດວຽກໜັກສັນບໍ? ແຕ່ເຮົາຈະໃຫ້ພວກເຈົ້າເຮັດວຽກໜັກກ່ວາເກົ່າ ແລະ ຈະລົງໂທດພວກເຈົ້າຫຼາຍກ່ວາທີ່ພໍ່ເຮົາເຄີຍເຮັດ.

![](https://cdn.door43.org/obs/jpg/360px/obs-en-18-07.jpg)

ສິບຊົນເຜົ່າຂອງອິດສະລາເອນໄດ້ກະບົດຕໍ່ເຮໂຫໂບອາມ, ມີພຽງແຕ່ສອງຊົນເຜົ່າເທົ່ານັ້ນທີ່ສັດຊື່ຕໍ່ເພິ່ນ. ສອງຊົນເຜົ່ານັ້ນໄດ້ກາຍເປັນອານາຈັກຢູດາ

![](https://cdn.door43.org/obs/jpg/360px/obs-en-18-08.jpg)

ສ່ວນສິບຊົນເຜົ່າທີ່ເປັນກະບົດນັ້ນ, ໄດ້ແຕ່ງຕັ້ງຊາຍຄົນໜຶ່ງຂຶ້ນປົກຄອງຊື່ວ່າ: ເຣໂຫບອາມ. ເຢໂຮໂບອານໄດ້ຕັ້ງອານາຈັກຂອງລາວຢູ່ພາກເໜືອໃນດິນແດນອິດສະລາເອນ ແລະເຂົາເອີ້ນວ່າ: ອານາຈັກອິດສະລາເອນ.

![](https://cdn.door43.org/obs/jpg/360px/obs-en-18-09.jpg)

ເຢໂຣໂບອາມໄດ້ກະບົດຕໍ່ພຣະເຈົ້າ ແລະ ນໍາພາປະຊາຊົນເຮັດບາບ. ເຂົາສ້າງຮູບເຄົາລົບສອງຢ່າງໃຫ້ປະຊາຊົນນະມັດສະການແທນການນະມັດສະການພຣະເຈົ້າ ທີ່ພະວິຫານໃນອານາຈັກຢູດາ.

![](https://cdn.door43.org/obs/jpg/360px/obs-en-18-10.jpg)

ອານາຈັກຢູດາ ແລະ ອິດສະລາເອນໄດ້ກາຍເປັນສັດຕູກັນ ແລະ ຕໍ່ສູ້ເຊິ່ງກັນ.

![](https://cdn.door43.org/obs/jpg/360px/obs-en-18-11.jpg)

ໃນອານາຈັກໃໝ່ຂອງອິດສະລາເອນ, ກະສັດສ່ວນຫຼາຍເປັນຄົນຊົ່ວ. ກະສັດຫຼາຍອົງຖືກຂ້າໂດຍປະຊາຊົນອິດສະລາເອນທີ່ຢາກຂຶ້ນເປັນກະສັດ.

![](https://cdn.door43.org/obs/jpg/360px/obs-en-18-12.jpg)

ກະສັດທຸກອົງ ແລະ ປະຊາຊົນສ່ວນຫຼາຍແມ່ນນະມັດສະການຮູບເຄົາລົບ. ລວມໄປເຖິງການຜິດສິນທໍາທາງເພດ ແລະ ບາງທີກໍຂ້າເດັກນ້ອຍເປັນເຄື່ອງຖວາຍບູຊາ.

![](https://cdn.door43.org/obs/jpg/360px/obs-en-18-13.jpg)

ກະສັດຂອງຢູດາເປັນລູກຫຼານຂອງດາວິດ. ບາງກະສັດເປັນຄົນດີ, ປົກຄອງຢ່າງຊອບທໍາ ແລະ ນະມັດສະການພຣະເຈົ້າ. ແຕ່ກະສັດຂອງຢູດາສ່ວນຫຼາຍແມ່ນຊົ່ວຮ້າຍ, ຕິດສິນບົນ ແລະ ນະມັດສະການຮູບເຄົາລົບ. ກະສັດບາງອົງກໍຖວາຍລູກຫົວປີໃຫ້ແກ່ພະຂອງເຂົາ. ປະຊາຊົນສ່ວນຫຼາຍກະບົດຕໍ່ພຣະເຈົ້າ ແລະ ນະມັດສະການຮູບເຄົາລົບ.

*ຈາກພະຄໍາພີ: 1ກະສັດ: 1-6; 11-12*

## 19. ຜູ້ປະກາດພຣະຄຳຂອງພຣະເຈົ້າ

https://openbiblestories.org/l/lo/story-19/

![](https://cdn.door43.org/obs/jpg/360px/obs-en-19-01.jpg)

ໃນປະຫວັດສາດຂອງອິດສະລາເອນ ພຣະເຈົ້າໄດ້ສົ່ງຜູ້ປະກາດພຣະຄຳຫຼາຍຄົນມາຫາພວກເຂົາ. ຜູ້ປະກາດພຣະຄຳຈະໄດ້ຍິນຖ້ອຍຄຳຂອງພຣະເຈົ້າ ແລ້ວກໍນຳເອົາຖ້ອຍຄຳນັ້ນໄປບອກໃຫ້ປະຊາຊົນທຸກຄົນ

![](https://cdn.door43.org/obs/jpg/360px/obs-en-19-02.jpg)

ເອລີຢາກໍເປັນຜູ້ປະກາດພຣະຄຳຄົນໜຶ່ງໃນຊ່ວງທີ່ອາຮາບເປັນກະສັດປົກຄອງອານາຈັກອິດສະລາເອນ. ອາຮາບເປັນຄົນຊົ່ວ ເພາະລາວໄດ້ບອກໃຫ້ປະຊາຊົນນະມັດສະການພະປອມທີ່ຊື່ວ່າ ພະບາອານ. ເອລີຢາເວົ້າກັບກະສັດອາຮາບວ່າ, “ນັບຈາກນີ້ອານາຈັກອິດສະລາເອນຈະບໍ່ມີຝົນຫຼືນ້ຳໝອກ ຈົນກວ່າເຮົາຈະສັ່ງໃຫ້ມີຝົນຕົກ.”ແລະ ນັ້ນເຮັດໃຫ້ກະອາຮາບໃຈຮ້າຍຫຼາຍ.

![](https://cdn.door43.org/obs/jpg/360px/obs-en-19-03.jpg)

ພຣະເຈົ້າບອກໃຫ້ເອລີຢາໜີໄປອາໄສຢູ່ໃກ້ແມ່ນ້ຳໃນຖິ່ນແຫ້ງແລ້ງກັນດານເພື່ອລີ້ກະສັດອາຮາບທີ່ຕ້ອງການຂ້າເພິ່ນ. ທຸກໆເຊົ້າແລະທຸກໆແລງພຣະເຈົ້າໃຫ້ນົກຄາບເຂົ້າຈີ່ແລະຊີ້ນມາໃຫ້ເອລີຢາ. ກະສັດອາຮາບແລະກອງທັບຂອງເພິ່ນໄດ້ຊອກຫາເອລີຢາແຕ່ພວກເຂົາກໍບໍ່ພົບ. ໄພແລ້ງຮຸນແຮງຫຼາຍຈົນໃນທີ່ສຸດແມ່ນ້ຳກໍແຫ້ງລົງ.

![](https://cdn.door43.org/obs/jpg/360px/obs-en-19-04.jpg)

ສະນັ້ນເອລີຢາຈິ່ງເດີນທາງໄປຍັງປະເທດທີ່ຢູ່ໃກ້ຄຽງ.ແມ່ໝ້າຍແລະລູກຊາຍຂອງນາງໃນປະເທດນັ້ນມີອາຫານທີ່ເກືອບຈະໝົດແລ້ວເພາະໄພອຶດຢາກໃນປະເທດນັ້ນ ແຕ່ພວກເຂົາກໍຍັງເບິ່ງແຍງເອລີຢາ ແລ້ວພຣະເຈົ້າກໍຊົງຈັດຕຽມໃຫ້ກັບພວກເຂົາໂດຍບໍ່ໃຫ້ແປ້ງແລະນ້ຳມັນໃນໄຫໝົດຈັກເທື່ອ. ພວກເຂົາມີອາຫານກິນຈົນຜ່ານພົ້ນໄພອຶດຢາກ. ເອລີຢາໄດ້ພັກຢູ່ທີ່ນັ້ນເປັນເວລາຫຼາຍປີ

![](https://cdn.door43.org/obs/jpg/360px/obs-en-19-05.jpg)

ຫຼັງຈາກ 3 ປີເຄິ່ງ, ພຣະເຈົ້າບອກໃຫ້ເອລີຢາກັບຄືນໄປຍັງອານາຈັກອິດສະລາເອນແລະໄປເວົ້າກັບກະສັດອາຮາບວ່າລາວກຳລັງຈະສັ່ງໃຫ້ຝົນຕົກອີກຄັ້ງ. ເມື່ອກະສັດອາຮາບເຫັນເອລີຢາ ເພິ່ນຈິ່ງເວົ້າວ່າ, “ເຈົ້າມາແລ້ວຫວາ! ເຮັດໃຫ້ເກີດຄວາມຍາກລຳບາກ!” ເອລີຢາຕອບວ່າ, “ທ່ານນັ້ນແຫຼະ ເປັນຜູ້ເຮັດໃຫ້ເກີດຄວາມຍາກລຳບາກ! ທ່ານໄດ້ປະຖິ້ມພຣະເຈົ້າຢາເວ, ອົງເປັນພຣະເຈົ້າທີ່ແທ້ຈິງ ແລະໄປນະມັດສະການພະບາອານ. ຈົ່ງນຳປະຊາຊົນອິດສະລາເອນທຸກຄົນໄປຍັງພູເຂົາກາເມນ!”

![](https://cdn.door43.org/obs/jpg/360px/obs-en-19-06.jpg)

ປະຊາຊົນອິດສະລາເອນໝົດທຸກຄົນລວມທັງຜູ້ປະກາດພຣະຄຳຂອງພະບາອານຈຳນວນ 450 ຄົນ ມາຍັງພູເຂົາກາເມນ. ເອລີຢາເວົ້າກັບປະຊາຊົນວ່າ, “ດົນປານໃດພວກທ່ານຈິ່ງຈະປ່ຽນຄວາມຄິດຂອງພວກເຈົ້າ? ຖ້າພຣະເຈົ້າຢາເວຊົງເປັນພຣະເຈົ້າ ກໍຈົ່ງຮັບໃຊ້ພຣະອົງ! ແຕ່ຖ້າບາອານເປັນພະຂອງພວກເຈົ້າ ຈົ່ງຮັບໃຊ້ມັນຊະ!”

![](https://cdn.door43.org/obs/jpg/360px/obs-en-19-07.jpg)

ແລ້ວເອລີກໍເວົ້າກັບຜູ້ປະກາດພຣະຄຳຂອງພະບາອານວ່າ, “ຈົ່ງຂ້າງົວເພື່ອຖວາຍເປັນເຄື່ອງບູຊາ ແຕ່ຢ່າຈຸດໄຟເຜົາ ແລ້ວເຮົາກໍຈະເຮັດຢ່າງດຽວກັນ. ພຣະເຈົ້າທີ່ຕອບຮັບການຖວາຍດ້ວຍໄຟຈະເປັນພຣະເຈົ້າທີ່ແທ້ຈິງ.” ສະນັ້ນພວກປະໂລຫິດຂອງພະບາອານຈິ່ງຈັດຕຽມເຄື່ອງຖວາຍບູຊາ ແຕ່ພວກເຂົາບໍ່ຈຸດໄຟ.

![](https://cdn.door43.org/obs/jpg/360px/obs-en-19-08.jpg)

ຈາກນັ້ນບັນດາປະໂລຫິດຂອງພະບາອານກໍເລີ່ມອະທິຖານຕໍ່ພະບາອານວ່າ, ໂອ້ຈົ່ງຟັງພວກຂ້ານ້ອຍດ້ວຍເທີ້ນ ພະບາອານເອີ້ຍ!” ພວກເຂົາອະທິຖານຕະຫຼອດທັງວັນ ທັງມີບາງຄົນເອົາມີດປາດຕົວເອງ, ແຕ່ກໍຍັງບໍ່ໄດ້ຮັບຄຳຕອບຫຍັງເລີຍ.

![](https://cdn.door43.org/obs/jpg/360px/obs-en-19-09.jpg)

ໃນຕອນແລງ ເອລີຢາໄດ້ຈັດຕຽມເຄື່ອງຖວາຍບູຊາຕໍ່ພຣະເຈົ້າ. ແລ້ວລາວກໍບອກກັບປະຊາຊົນໃຫ້ຖອກນ້ຳຈຳນວນ12 ໄຫໃຫຍ່ ໃສ່ເທິງເຄື່ອງບູຊາຈົນເຮັດໃຫ້ຊີ້ນ, ໄມ້ ແລະແມ່ນແຕ່ພື້ນດິນອ້ອມຮອບແທ່ນບູຊານັ້ນປຽກໝົດ.

![](https://cdn.door43.org/obs/jpg/360px/obs-en-19-10.jpg)

ແລ້ວເອລີຢາກໍອະທິຖານຕໍ່ພຣະເຈົ້າວ່າ, “ຂ້າແດ່ພຣະເຈົ້າຢາເວ, ພຣະເຈົ້າຂອງອັບຣາຮາມ,ອີຊາກແລະຢາໂຄບ, ຂໍພຣະອົງຊົງສຳແດງໃຫ້ພວກເຮົາເຫັນໃນມື້ນີ້ວ່າພຣະອົງຊົງເປັນພຣະເຈົ້າຂອງອິດສະລາເອນ ແລະ ຂ້າພະອົງກໍເປັນຂ້າໃຊ້ຂອງພຣະອົງ. ຂໍພຣະອົງຊົງຕອບຂ້າພະອົງ ເພື່ອຄົນທັງຫຼາຍຈະໄດ້ຮູ້ວ່າພຣະອົງຊົງເປັນພຣະເຈົ້າທ່ຽງແທ້.”

![](https://cdn.door43.org/obs/jpg/360px/obs-en-19-11.jpg)

ໃນທັນໃດນັ້ນ, ກໍມີໄຟຕົກລົງມາຈາກທ້ອງຟ້າ ແລະໄໝ້ຊີ້ນ, ໄມ້, ກ້ອນຫີນ ກັບພື້ນດິນ ແລະໄໝ້ແມ່ນແຕ່ນຳ້ທີ່ຂຸດອ້ອມແທ່ນບູຊານັ້ນ. ເມື່ອປະຊາຊົນເຫັນເຊັ່ນນີ້, ພວກເຂົາກໍກົ້ມລົງຈຳພື້ນດິນ ແລະກ່າວວ່າ, “ຢາເວ ຜູ້ຊົງເປັນພຣະເຈົ້າ! ຢາເວ ຜູ້ຊົງເປັນພຣະເຈົ້າ!” ຫຼັງຈາກນັ້ນ,

![](https://cdn.door43.org/obs/jpg/360px/obs-en-19-12.jpg)

ເອລີຢາກໍກ່າວວ່າ, ຢ່າປ່ອຍໃຫ້ຜູ້ທຳນວາຍຂອງພຣະບາອານລອດໄປໄດ້ແມ່ນແຕ່ຄົນດຽວ!” ປະຊາຊົນກໍພາກັນນຳເອົາພວກຜູ້ທຳນວາຍຂອງພຣະບາອານອອກໄປຈາກທີ່ນັ້ນ ແລະຂ້າພວກເຂົາຖິ້ມເສຍ.

![](https://cdn.door43.org/obs/jpg/360px/obs-en-19-13.jpg)

ແລ້ວເອລີຢາກໍເວົ້າກັບກະສັດອາຮາບວ່າ, “ຈົ່ງຟ້າວກັບຄືນໄປໃນເມືອງດຽວນີ້ ເພາະຝົນກຳລັງຈະຕົກ.” ໃນບໍ່ດົນທ້ອງຟ້າກໍເລີ່ມມືດລົງ ແລະຝົນກໍເລີ່ມຕົກຢ່າງໜັກ. ພຣະເຈົ້າຢາເວຊົງເຮັດໃຫ້ໄພອຶດຢາກນັ້ນໝົດໄປແລະຊົງພິສູດໃຫ້ເຫັນວ່າພຣະອົງຊົງເປັນພຣະເຈົ້າທີ່ທ່ຽງແທ້.

![](https://cdn.door43.org/obs/jpg/360px/obs-en-19-14.jpg)

ຫຼັງຈາກສະໄໝຂອງເອລີຢາຈົບລົງ, ພຣະເຈົ້າໄດ້ເລືອກເອົາຊາຍຄົນໜຶ່ງຊື່ ເອລີຊາເພື່ອເປັນຜູ້ປະກາດພຣະຄຳຂອງພຣະອົງ. ພຣະເຈົ້າໄດ້ຊົງກະທຳການອັດສະຈັນຜ່ານເອລີຊາ. ໜຶ່ງໃນການອັດສະຈັນນັ້ນໄດ້ເກີດຂຶ້ນກັບນາອາມານ ຜູ້ເປັນຜູ້ບັນຊາການກອງທັບຂອງສັດຕູ. ລາວເປັັນພະຍາດຂີ້ທູດທີ່ທຸກທໍລະມານຫຼາຍ. ລາວໄດ້ຍິນເລື່ອງຂອງເອລີຊາ ລາວຈິ່ງໄປຂໍໃຫ້ເອລີຊາຮັກສາລາວ. ເອລີຊາຈິ່ງໄດ້ບອກໃຫ້ນາອາມານໄປຈຸ່ມຕົວຂອງລາວເອງລົງໃນແມ່ນ້ຳຈໍແດນ7ຄັ້ງ.

![](https://cdn.door43.org/obs/jpg/360px/obs-en-19-15.jpg)

ໃນຕອນທຳອິດ ນາອາມານລ໊ກຈຮ້າຍຫຼາຍ ແລະ ບໍ່ເຮັດເພາະຄິດວ່າມັນເປັນການກະທຳທີ່ໂງ່ຈ້າ. ແຕ່ພາຍຫຼັງລາວກໍປ່ຽນໃຈແລະກັບໄປຈຸ່ມຕົວລົງໃນແມ່ນ້ຳຈໍແດນ7ຄັ້ງ. ເມື່ອລາວຂຶ້ນຈາກນ້ຳຄັ້ງສຸດທ້າຍ ຜິວຂອງລາວກໍສະອາດ.! ພຣະເຈົ້າໄດ້ຮັກສາລາວ

![](https://cdn.door43.org/obs/jpg/360px/obs-en-19-16.jpg)

ພຣະເຈົ້າໄດ້ສົ່ງຜູ້ປະກາດພຣະຄຳຄົນອື່ນໆອີກຫຼາຍຄົນ. ພວກເຂົາບອກໃຫ້ປະຊາຊົນຢຸດນະມັດສະການຮູບເຄົາລົບ ແລະ ໃຫ້ເລີ່ມສະແດງຄວາມຍຸດຕິທຳແລະຄວາມເມດຕາຕໍ່ຄົນອື່ນ. ພວກຜູ້ປະກາດພຣະຄຳໄດ້ເຕືອນພວກປະຊາຊົນວ່າ ຖ້າພວກເຂົາຍັງບໍ່ເຊົາເຮັດຊົ່ວແລະຫັນກັບມາເຊື່ອຟັງພຣະເຈົ້າ, ພຣະເຈົ້າຈະຕັດສິນພວກເຂົາວ່າເປັນຄົນບາບ ແລະລົງໂທດພວກເຂົາ

![](https://cdn.door43.org/obs/jpg/360px/obs-en-19-17.jpg)

ຫຼາຍຕໍ່ຫຼາຍຄັ້ງທີ່ປະຊາຊົນບໍ່ຍອມເຊື່ອຟັງພຣະເຈົ້າ. ພວກເຂົາເຮັດສິ່ງທີ່ບໍ່ດີຕໍ່ບັນດາຜູ້ປະກາດພຣະຄຳ ແລະ ບາງຄັ້ງກໍເຖິງຂັ້ນຂ້າພວກເຂົາ. ມີຄັ້ງໜຶ່ງ, ຜູ້ປະກາດພຣະຄຳເຢເຣມີຢາຖືກໂຍນລົງໄປໃນນ້ຳສ້າງແລະປ່ອຍໃຫ້ຕາຍ. ລາວຈົມລົງໄປໃນຂີ້ຕົມກົ້ນນ້ຳສ້າງ ແຕ່ກະສັດຍັງມີຄວາມເມດຕາ ຈຶ່ງໄດ້ສັ່ງໃຫ້ຄົນຮັບໃຊ້ດຶງເອົາເຢເຣມີຢາຂຶ້ນມາຈາກນ້ຳສ້າງກ່ອນທີ່ລາວຈະຕາຍ.

![](https://cdn.door43.org/obs/jpg/360px/obs-en-19-18.jpg)

ພວກຜູ້ປະກາດພຣະຄຳຍັງສືບຕໍ່ເວົ້າແທນພຣະເຈົ້າ ເຖິງວ່າປະຊາຊົນຈະກຽດຊັງພວກເຂົາ. ພວກເຂົາເຕືອນປະຊາຊົນວ່າພຣະເຈົ້າຈະທຳລາຍພວກເຂົາຖ້າພວກເຂົາບໍ່ກັບໃຈ. ພຣະເຈົ້າຍັງຢ້ຳເຕືອນປະຊາຊົນເຖິງຄຳສັນຍາຂອງການສະເດັດມາຂອງພຣະເມຊີອາ.

*ບົດເລື່ອງຈາກພຣະຄຳພີ 1 ກະສັດ 16-18; 2 ກະສັດ 5; ເຢເຣມີຢາ 38*

## 20. ການເນລະເທດ ແລະ ການກັບຄືນ

https://openbiblestories.org/l/lo/story-20/

![](https://cdn.door43.org/obs/jpg/360px/obs-en-20-01.jpg)

ອານາຈັກອິດສະລາເອນ ແລະ ອານາຈັກຢູດາໄດ້ເຮັດບາບຕໍ່ສູ້ພະເຈົ້າ. ພວກເຂົາໄດ້ທໍາລາຍຂໍ້ຕົກລົງທີ່ພະເຈົ້າໄດ້ເຮັດກັບພວກເຂົາທີ່ປະເທດຊີນາຍນັ້ນ. ແລ້ວພະເຈົ້າກໍ່ສົ່ງຜູ້ປະກາດພະຄຳຂອງພະອົງມາເຕືອນໃຫ້ພວກເຂົາກັບໃຈ ແລະ ນະມັດສະການພະອົງອີກຄັ້ງ, ແຕ່ພວກເຂົາປະຕິເສດທີ່ຈະເຊື່ອຟັງພຣະອົງ.

![](https://cdn.door43.org/obs/jpg/360px/obs-en-20-02.jpg)

ສະນັ້ນພະເຈົ້າຈຶ່ງໄດ້ລົງໂທດສອງອານາຈັກນີ້ໂດຍການອະນຸຍາດໃຫ້ສັດຕູເຂົ້າມາທໍາລາຍ. ຈັກກະພັດອັດຊີເລຍເປັນຈັກກະພັດທີ່ມີອໍານາດ ແລະ ເປັນຊາດທີ່ໂຫດຮ້າຍ, ເຂົາໄດ້ເຂົ້າມາທໍາລາຍອານາຈັກອິດສະລາເອນ. ຈັກກະພັດອັດຊີເລຍໄດ້ຂ້າປະຊາຊົນອິດສະລາເອນ, ເອົາສິ່ງຂອງທຸກຢ່າງທີ່ມີຄ່າໄປ ແລະ ເຜົາເມືອງອິດສະລາເອນໝົດ.

![](https://cdn.door43.org/obs/jpg/360px/obs-en-20-03.jpg)

ຈັກກະພັດອັດຊີເລຍໄດ້ເຕົ້າໂຮມເອົາຜູ້ນໍາ, ຄົນລວຍ ແລະ ຄົນທີ່ມີສີມືໄປປະເທດອັດຊີເລຍ. ມີພຽງຄົນທີ່ທຸກຍາກເທົ່ານັ້ນທີ່ຍັງຄົງຢູ່ໃນອານາຈັກອິດສະລາເອນ.

![](https://cdn.door43.org/obs/jpg/360px/obs-en-20-04.jpg)

ຈັກກະພັດອັດຊີເລຍໄດ້ນໍາເອົາຊາວຕ່າງຊາດໄປຢູ່ເມືອງທີ່ຊາວອິດສະລາເອນເຄີຍຢູ່. ຊາວຕ່າງຊາດໄດ້ສ້າງເມືອງອິດສະລາເອນທີ່ຖືກທໍາລາຍນັ້ນຂຶ້ນໃໝ່ ແລະ ແຕ່ງງານກັບຊາວອິດສະລາເອນຜູ້ທີ່ຍັງຢູ່ໃນເມືອງນັ້ນ. ເຊື້ອສາຍຂອງຊາວອິດສະລາເອນທີ່ແຕ່ງງານກັບຊາວຕ່າງຊາດນັ້ນມີຊື່ວ່າ: ຊາວຊາມາເລຍ.

![](https://cdn.door43.org/obs/jpg/360px/obs-en-20-05.jpg)

ປະຊາຊົນຢູດາໄດ້ເຫັນສິ່ງທີ່ພະເຈົ້າລົງໂທດປະຊາຊົນອິດສະລາເອນທີ່ບໍ່ເຊື່ອຟັງ ແລະ ເຮັດຕາມພະອົງ. ແຕ່ເຂົາຍັງຄົງນະມັດສະການຮູບເຄົາລົບຄືເກົ່າ, ລວມທັງພະຂອງຊາວການາອານນຳ. ພະເຈົ້າໄດ້ສົ່ງຜູ້ປະກາດພະຄຳມາເຕືອນເຂົາ ແຕ່ເຂົາປະຕິເສດທີ່ຈະຟັງຄືກັນ.

![](https://cdn.door43.org/obs/jpg/360px/obs-en-20-06.jpg)

ປະມານໜຶ່ງຮ້ອຍປີຜ່ານໄປຫຼັງຈາກທີ່ຈັກກະພັດອັດຊີເລຍໄດ້ທໍາລາຍອານາຈັກອິດສະລາເອນ, ພະເຈົ້າໄດ້ສົ່ງ ເນບູກາດເນັດຊາ ກະສັດຂອງປະຊາຊົນບາບີໂລນເພື່ອໂຈມຕີອານາຈັກຢູດາ. ບາບີໂລນເປັນອານາຈັກທີ່ມີອໍານາດ. ກະສັດຢູດາໄດ້ຍອມເປັນຜູ້ຮັບໃຊ້ຂອງກະສັດ ເນບູການິດຊາ ແລະ ຍອມຈ່າຍເງິນຢ່າງຫຼວງຫຼາຍໃນແຕ່ລະປີ.

![](https://cdn.door43.org/obs/jpg/360px/obs-en-20-07.jpg)

ຫຼັງຈາກສອງສາມປີຜ່ານໄປ, ກະສັດຢູດາໄດ້ກະບົດຕໍ່ອານາຈັກບາບີໂລນ. ດັ່ງນັ້ນອານາຈັກບາບີໂລນໄດ້ກັບມາໂຈມຕີອານາຈັກຢູດາ. ເຂົາໄດ້ຈັບກຸມຊາວເຢລູຊາເລັມ, ທໍາລາຍພຣະວິຫານ ແລະ ເອົາທຸກສິ່ງທີ່ມີຄ່າໃນເມືອງ ແລະ ພຣະວິຫານໄປນໍາ.

![](https://cdn.door43.org/obs/jpg/360px/obs-en-20-08.jpg)

ເພື່ອລົງໂທດກະສັດຂອງຢູດາທີ່ກະບົດຕໍ່ກະສັດບາບີໂລນ, ທະຫານຂອງກະສັດບາບີໂລນໄດ້ຂ້າລູກຊາຍຂອງກະສັດຢູດາຕໍ່ໜ້າເພິ່ນ ແລະ ເຮັດໃຫ້ເພິ່ນຕາບອດ. ແລ້ວພວກເຂົາກໍ່ນໍາກະສັດຢູດາໄປບາບີໂລນ ແລະ ຂັງເພິ່ນໄວຈົນຕາຍ.

![](https://cdn.door43.org/obs/jpg/360px/obs-en-20-09.jpg)

ກະສັດ ເນບູກາດເນັດຊາ ແລະ ກອງທັບຂອງເພິ່ນ ໄດ້ນໍາເອົາປະຊາຊົນເກືອບທຸກຄົນຂອງອານາຈັກຢູດາໄປເມືອງບາບີໂລນ, ເຫຼືອໄວ້ພຽງປະຊາຊົນຜູ້ທຸກຍາກທີ່ສຸດເພື່ອເຮັດໄຮ່ເຮັດນາ. ໃນຊ່ວງເວລານີ້ທີ່ປະຊາຊົນຂອງພະເຈົ້າຖືກຂັບໄລ່ອອກຈາກແຜ່ນດິນແຫ່ງພະສັນຍາກໍ່ຄືຖືກເນລະເທດອອກຈາກບ້ານນັ້ນເອງ.

![](https://cdn.door43.org/obs/jpg/360px/obs-en-20-10.jpg)

ເຖິງຢ່າງໃດກໍ່ຕາມ ພະເຈົ້າລົງໂທດປະຊາຊົນຂອງພະອົງທີ່ໄດ້ເຮັດບາບໂດຍເນລະເທດພວກເຂົາອອກ, ແຕ່ພະອົງກໍ່ບໍ່ເຄີຍລືມພະສັນຍາຂອງພະອົງທີ່ມີຕໍ່ພວກເຂົາ. ພະເຈົ້າສືບຕໍ່ເບິ່ງແຍງພວກເຂົາ ແລະ ເວົ້າກັບເຂົາຜ່ານບັນດາຜູ້ປະກາດພະຄຳຂອງພະອົງ. ພະເຈົ້າສັນຍາວ່າ, ຫຼັງຈາກເຈັດສິບປີຜ່ານໄປ, ເຂົາຈະໄດ້ກັບໄປສູ່ແຜ່ນດິນແຫ່ງພັນທະສັນຍາອີກຄັ້ງ

![](https://cdn.door43.org/obs/jpg/360px/obs-en-20-11.jpg)

ຫຼັງຈາກເຈັດສິບປີຜ່ານໄປ, ໄຊຣັດ, ກະສັດແຫ່ງເປີເຊຍ, ໄດ້ທໍາລາຍບາບີໂລນ, ດັ່ງນັ້ນຈັກກະພັດເປີເຊຍຈຶ່ງໄດ້ມາແທນທີ່ຈັກກະພັດບາບີໂລນ. ປະຈຸບັນປະຊາຊົນອິດສະລາເອນມີຊື່ເອີ້ນວ່າ: ຢິວ ແລະ ສ່ວນຫຼາຍເຂົາຍັງຄົງດໍາລົງຊີວິດໃນບາບີໂລນຢູ່. ມີພຽງຄົນເຖົ້າແກ່ບາງຈໍານວນເທົ່ານັ້ນທີ່ຈື່ດິນແດນຢູດາໄດ້..

![](https://cdn.door43.org/obs/jpg/360px/obs-en-20-12.jpg)

ເຖິງວ່າກະສັດເປີເຊຍຈະເປັນກະສັດທີ່ເຂັ້ມແຂງ ແຕ່ກໍເຕັມໄປດ້ວຍຄວາມເມດຕາສູງຕໍ່ປະຊາຊົນທີ່ເຂົາເຄີຍຊະນະມາ. ຫຼັງຈາກໄຊຣັດເປັນກະສັດຂອງອານາຈັກເປີເຊຍໄດ້ບໍ່ດົນ, ລາວໄດ້ອອກຄໍາສັ່ງວ່າ: ທຸກຄົນທີ່ເປັນຊາວຢິວ ໃຜທີ່ຢາກກັບໄປປະເທດຢູດາກໍຈົ່ງອອກຈາກປະເທດເປີເຊຍແລ້ວກັບໄປປະເທດຢູດາໄດ້. ເພີ່ນຍັງເອົາເງິນໃຫ້ເຂົາເພື່ອກັບໄປສ້າງສາພະວິຫານຂອງເຂົາຄືນໃໝ່! ດັ່ງນັ້ນ, ຫຼັງຈາກເຈັດສິບປີທີ່ຖືກເນລະເທດ,ຊາວຢິວຈຳນວນໜຶ່ງກໍໄດ້ກັບຄືນເຢຣູຊາເລັມໃນເມືອງຢູດາ.

![](https://cdn.door43.org/obs/jpg/360px/obs-en-20-13.jpg)

ເມື່ອເຂົາໄປຮອດເຢລູຊາເລັມ, ພວກເຂົາໄດ້ກໍ່ສ້າງພຣະວິຫານ ແລະ ກໍາແພງເມືອງຄືນໃໝ່. ເຖິງແມ່ນວ່າ, ເຂົາຈະຖືກປົກຄອງໂດຍຊາດອື່ນ ແຕ່ເຂົາກໍ່ໄດ້ກັບມາຢູ່ໃນດິນແດນແຫ່ງພຣະສັນຍາ ແລະ ນະມັດສະການພຣະເຈົ້າທີ່ພະວິຫານອີກຄັ້ງ.

*ຈາກພະຄໍາພີ: 2 ກະສັດ 17:24-25; 2 ຂ່າວຄາວ 36; ເອຊາຢາ: 1-10; ເນຫີມາຢາ 1-13*

## 21. ພຣະເຈົ້າສັນຍາຈະປະທານພຣະເມຊີອາ

https://openbiblestories.org/l/lo/story-21/

![](https://cdn.door43.org/obs/jpg/360px/obs-en-21-01.jpg)

ພຣະເຈົ້າຊົງມີແຜນການທີ່ຈະປະທານພຣະເມຊີອາລົງມາຕັ້ງແຕ່ຕົ້ນເດີມແລ້ວ. ຄຳສັນຍາຄັ້ງທຳອິດຂອງການສະເດັດມາຂອງພຣະເມຊີອານັ້ນແມ່ນໄດ້ໃຫ້ໄວ້ກັບອາດາມແລະເອວາ. ພຣະເຈົ້າສັນຍາວ່າຈະຊົງໃຫ້ເຊື້ອສາຍຂອງຜູ້ຍິງຢຽບຫົວງູໃຫ້ມຸ່ນ. ງຸທີ່ລໍ້ລວງເອວານັ້ນແມ່ນ ຊາຕານ. ຄຳສັນຍານັ້ນ ໝາຍຄວາມວ່າ ພຣະເມຊີອາຈະມາປາບຊາຕານໃຫ້ສິ້ນໄປ.

![](https://cdn.door43.org/obs/jpg/360px/obs-en-21-02.jpg)

ພຣະເຈົ້າໄດ້ຊົງສັນຍາກັບອັບຣາຮາມວ່າ ຄົນທຸກຊົນຊາດທົ່ວໂລກຈະໄດ້ຮັບພຣະພອນຜ່ານເພິ່ນ. ພຣະພອນນັ້ນຈະສຳເລັດ ເມື່ອພຣະເມຊີອາລົງມາໃນວັນຂ້າງໜ້າ. ພຣະອົງຈະເຮັດໃຫ້ສິ່ງນັ້ນເກີດຂຶ້ນໄດ້ຄືໃຫ້ທຸກໆຄົນໃນທົ່ວໂລກໄດ້ຮັບຄວາມລອດພົ້ນ.![OBS Image](https://cdn.door43.org/obs/jpg/360px/obs-en-21-03.jpg)

ພຣະເຈົ້າຊົງສັນຍາກັບໂມເຊວ່າ ໃນວັນຂ້າງໜ້າພຣະອົງຈະຊົງຍົກຜູ້ປະກາດພຣະຄຳທີ່ຍິ່ງໃຫຍ່ເໝືອນກັບໂມເຊຂຶ້ນ. ນີ້ແມ່ນອີກຄຳສັນຍາໜຶ່ງທີ່ເວົ້າເຖິງພຣະເມຊີອາຜູ້ທີ່ຈະສະເດັດມາພາຍຫຼັງ..

![](https://cdn.door43.org/obs/jpg/360px/obs-en-21-04.jpg)

ພຣະເຈົ້າຊົງສັນຍາກັບກະສັດດາວິດວ່າ ຈະມີຄົນໜຶ່ງຈາກເຊື້ອສາຍຂອງເພິ່ນໄດ້ປົກຄອງເໝືອນຢ່າງກະສັດຕໍ່ໄພ່ພົນຂອງພຣະເຈົ້າຕະຫຼອດໄປ. ນັ້ນໝາຍຄວາມວ່າພຣະເມຊີອາຈະຕ້ອງມາຈາກເຊື້ອສາຍຂອງກະສັດດາວິດ.

![](https://cdn.door43.org/obs/jpg/360px/obs-en-21-05.jpg)

ໂດຍຜ່ານຜູ້ປະກາດພຣະຄຳເຢເຣມີຢາ ພຣະເຈົ້າຊົງສັນຍາວ່າພຣະອົງຈະໃຫ້ພັນທະສັນຍາໃໝ່ທີ່ບໍ່ເໝືອນກັບພັນທະສັນຍາທີ່ພຣະອົງຊົງໃຫ້ກັບຊາວອິດສະລາເອນທີ່ພູເຂົາຊີນາຍ. ພຣະອົງຈະຂຽນກົດບັນຍັດໃໝ່ນີ້ໄວ້ໃນຫົວໃຈຂອງແຕ່ລະຄົນ ເພື່ອພວກເຂົາແຕ່ລະຄົນຈະຮູ້ຈັກກັບພຣະເຈົ້າຫຼາຍຂຶ້ນ ແລະເພື່ອພຣະອົງຈະຊົງອະໄພຄວາມຜິດບາບໃຫ້ແກ່ພວກເຂົາ ເພື່ອໃຫ້ກາຍເປັນໄພ່ພົນທີ່ບໍລິສຸດຂອງພຣະອົງ. ພຣະເມຊີອາຜູ້ນີ້ແຫຼະຈະເປັນຜູ້ເລີ່ມຕົ້ນພັນທະສັນຍາໃໝ່ກັບພວກເຮົາ.

![](https://cdn.door43.org/obs/jpg/360px/obs-en-21-06.jpg)

ບັນດາຜູ້ປະກາດພຣະຄຳຂອງພຣະເຈົ້າຍັງໄດ້ກ່າວໄວ້ອີກວ່າ ພຣະເມຊີອາຈະເປັນຜູ້ປະກາດພຣະຄຳ, ປະໂລຫິດ ແລະ ເປັນກະສັດ. ຜູ້ປະກາດພຣະຄຳໝາຍເຖິງ ຄົນທີ່ໄດ້ຍິນຖ້ອຍຄຳຂອງພຣະເຈົ້າແລະປະກາດຖ້ອຍຄຳນັ້ນໃຫ້ກັບຄົນອື່ນໆ. ພຣະເມຊີອາທີ່ພຣະເຈົ້າຊົງສັນຍາວ່າຈະຊົງປະທານມານັ້ນ ຈະກາຍເປັນຜູ້ປະກາດພຣະຄຳທີ່ສົມບູນແບບ.

![](https://cdn.door43.org/obs/jpg/360px/obs-en-21-07.jpg)

ບັນດາປະໂລຫິດຂອງຊາວອິດສະລາເອນຈະເປັນຜູ້ຖວາຍເຄື່ອງບູຊາແທນຄົນທັງຫຼາຍທີ່ຕ້ອງການຖວາຍເຄື່ອງບູຊາລົບລ້າງບາບຂອງພວກເຂົາ. ພວກປະໂລຫິດຍັງຕ້ອງອະທິຖານຕໍ່ພຣະເຈົ້າເພື່ອປະຊາຊົນທັງໝົດ. ພຣະເມຊີອາຈະມາເປັນມະຫາປະໂລຫິດຍິ່ງໃຫຍ່ແລະສົມບູນແບບທີ່ສຸດ ເພາະເພິ່ນຈະໃຊ້ຮ່າງກາຍຂອງເພິ່ນເອງເພື່ອເປັນເຄື່ອງບູຊາຖວາຍຕໍ່ພຣະເຈົ້າບັນດາປະໂຣຫິດຂອງຊາວອິດສະຣາເອນຈະເປັນຜູ້ຖວາຍເຄື່ອງບູຊາແທນຄົນທັງຫຼາຍທີ່ຕ້ອງການຖວາຍເຄື່ອງບູຊາລົບລ້າງບາບຂອງພວກເຂົາ. ພວກປະໂຣຫິດຍັງຕ້ອງອະທິຖານຕໍ່ພຣະເຈົ້າເພື່ອປະຊາຊົນທັງໝົດ. ພຣະເມຊີອາຈະມາເປັນພຣະໂຣຫິດໃຫຍ່ແລະສົມບູນແບບທີ່ສຸດ ເພາະເພິ່ນຈະໃຊ້ຮ່າງກາຍຂອງເພິ່ນເອງເພື່ອເປັນເຄື່ອງບູຊາຖວາຍຕໍ່ພຣະເຈົ້າ.

![](https://cdn.door43.org/obs/jpg/360px/obs-en-21-08.jpg)

ກະສັດໝາຍເຖິງຄົນທີ່ປົກຄອງແລະເປັນຜູ້ຕັດສິນຄວາມໃນອານາຈັກໃດໜຶ່ງ. ພຣະເມຊີອາຈະເປັນກະສັດທີ່ສົມບູນແບບທີ່ສຸດ ເພາະເພິ່ນຈະນັ່ງເທິງບັນລັງຂອງເຊື້ອສາຍຂອງກະສັດດາວິດ. ພຣະອົງຈະມາປົກຄອງທົ່ວໂລກຕະຫຼອດໄປເປັນນິດ. ພຣະອົງຈະເປັນຜູ້ພິພາກສາທີ່ສັດຊື່ ເພາະເພິ່ນຈະຕັດສິນຄວາມຢ່າງຖືກຕ້ອງ.

![](https://cdn.door43.org/obs/jpg/360px/obs-en-21-09.jpg)

ບັນດາຜູ້ປະກາດພຣະຄຳຂອງພຣະເຈົ້າຍັງໄດ້ທຳນາຍເຖິງເຫດການຫຼາຍເຖິງການສະເດັດມາຂອງພຣະເມຊີອາ. ຜູ້ປະກາດພຣະຄຳມາລາກີໄດ້ກ່າວໄວ້ກ່ອນໜ້ານັ້ນວ່າ ຈະມີຜູ້ປະກາດພຣະຄຳທີ່ຍິ່ງໃຫຍ່ຄົນໜຶ່ງມາກ່ອນທີ່ພຣະເມຊີອາຈະສະເດັດມາ. ຜູ້ປະກາດພຣະຄຳເອຊາຢາໄດ້ທຳນາຍວ່າພຣະເມຊີອາຈະເກີດຈາກຍິງພົມມະຈາຣີ. ຜູ້ປະກາດພຣະຄຳມີກາໄດ້ທຳນາຍວ່າພຣະອົງຈະມາເກີດໃນບ້ານເບັດເລເຮັມ.

![](https://cdn.door43.org/obs/jpg/360px/obs-en-21-10.jpg)

ຜູ້ປະກາດພຣະຄຳເອຊາຢາກ່າວວ່າ ພຣະເມຊີອາຈະອາໄສຢູ່ໃນຄາລີເລ ແລະຈະຊົງເລົ້າໂລມໃຈຄົນທີ່ມີຈິດໃຈທີ່ແຕກສະຫຼາຍ, ພຣະອົງຈະມາປະກາດເສລີພາບແລະປົດປ່ອຍຊະເລີຍທຸກຄົນ. ເພິ່ນຍັງໄດ້ທຳນາຍໄວ້ອີກວ່າພຣະເມຊີອາຈະມາຢຽວຢາຮັກສາຄົນທີ່ເຈັບປ່ວຍ, ຄົນຫູໜວກ, ຄົນຕາບອດ, ຄົນປາກກືກ ແລະຄົນເປ້ຍທຸກຄົນ.

![](https://cdn.door43.org/obs/jpg/360px/obs-en-21-11.jpg)

ຜູ້ປະກາດພຣະຄຳເອຊາຢາຍັງໄດ້ທຳນາຍວ່າຄົນທັງຫຼາຍຈະກຽດຊັງແລະປະຕິເສດພຣະອົງຢ່າງບໍ່ມີສາເຫດ. ຜູ້ປະກາດພຣະຄຳຄົນອື່ນໆກໍທຳນວາຍວ່າຄົນທີ່ຂ້າພຣະອົງຈະເອົາເຄື່ອງນຸ່ງຂອງພຣະອົງມາຈົກສະຫຼາກ ແລະສະຫາຍຂອງພຣະອົງຈະຫັກຫຼັງເພິ່ນ. ຜູ້ປະກາດພຣະຄຳເສກາຣີຢາໄດ້ທຳນາຍວ່າສະຫາຍຂອງພຣະເມຊີອາຈະຫັກຫຼັງພຣະອົງໂດຍການຂາຍພຣະອົງເປັນຈຳນວນເງິນ 30ຫຼຽນ

![](https://cdn.door43.org/obs/jpg/360px/obs-en-21-12.jpg)

ຜູ້ປະກາດພຣະຄຳຫຼາຍຄົນຍັງໄດ້ທຳນາຍເຖິງການຕາຍຂອງພຣະເມຊີອາ. ຜູ້ປະກາດພຣະຄຳເອຊາຢາທຳນາຍວ່າຄົນທັງຫຼາຍຈະຖົ່ມນ້ຳລາຍໃສ່ພຣະອົງ, ເຍາະເຍີ້ຍ ແລະຂ້ຽນຕີພຣະອົງ. ພຣະອົງຈະຖືກແທງແລະຕາຍຢ່າງທົນທຸກທໍລະມານ ເຖິງແມ່ນວ່າພຣະອົງບໍ່ໄດ້ເຮັດຜິດຫຍັງ

![](https://cdn.door43.org/obs/jpg/360px/obs-en-21-13.jpg)

ພວກຜູ້ປະກາດພຣະຄຳຍັງໄດ້ກ່າວອີກວ່າພຣະເມຊີອາຈະເປັນຜູ້ບໍລິສຸດ, ບໍ່ມີບາບ. ພຣະອົງຈະຕາຍເພື່ອຮັບໂທດກຳສຳລັບຄົນບາບທຸກຄົນ. ການເສຍສະຫຼະຂອງພຣະອົງນີ້ຈະເຮັດໃຫ້ເກີດສັນຕິສຸກລະຫວ່າງມະນຸດກັບພຣະເຈົ້າ. ນີ້ຄືພຣະປະສົງຂອງພຣະເຈົ້າໃນການສົ່ງພຣະເມຊີອາລົງມາ.

![](https://cdn.door43.org/obs/jpg/360px/obs-en-21-14.jpg)

ຜູ້ປະກາດພຣະທຳໄດ້ທຳນວາຍວ່າພຣະເມຊີອາຈະສິ້ນພຣະຊົນ ແລະພຣະເຈົ້າຈະຊົງເອີ້ນພຣະອົງໃຫ້ເປັນຄືນມາຈາກຕາຍ. ໂດຍຜ່ານທາງການຕາຍ ແລະການເປັນຄືນມາຈາກຕາຍຂອງພຣະເມຊີອານີ້, ແຜນການໄຖ່ຄົນບາບຂອງພຣະເຈົ້າ ແລະພັນທະສັນຍາໃໝ່ຂອງພຣະອົງກໍໄດ້ເລີ່ມຂຶ້ນ.

![](https://cdn.door43.org/obs/jpg/360px/obs-en-21-15.jpg)

ພຣະເຈົ້າໄດ້ຊົງເປີດເຜີຍຫຼາຍສິ່ງຫຼາຍຢ່າງກ່ຽວກັບພຣະເມຊີອາໃຫ້ກັບບັນດາຜູ້ປະກາດພຣະຄຳ ແຕ່ວ່າພຣະເມຊີອາບໍ່ໄດ້ລົງມາໃນຊ່ວງເວລາທີ່ພວກເຂົາມີຊີວິດຢູ່. ພຣະເຈົ້າໄດ້ຊົງປະທານພຣະເມຊີອາລົງມາ400ປີຫຼັງຈາກທີ່ຄຳທຳນາຍຄັ້ງສຸດທ້າຍກ່ຽວກັບພຣະອົງຖືກເປີດເຜີຍຈາກຜູ້ປະກາດພຣະຄຳຄົນສຸດທ້າຍ. ພຣະອົງໄດ້ຊົງປະທານພຣະເມຊີອາລົງມາໃນເວລາທີ່ເໝາະສົມ.

*ບົດເລື່ອງຈາກພຣະຄຳພີ: ປະຖົມມະການ 3:15; ພຣະບັນຍັດສອງ 18:15; 2 ຊາມູເອນ 7; ມາລາກີ 4:5; ເອຊາຢາ 5:14; ມີກາ 5:2; ເອຊາຢາ 9:1-7; 35:3-5; 61;53; ເພງສັນລະເສີນ 22:18; 35:19; 69:4, 41:9; ເສກາຣີຢາ 11:12-13, ເອຊາຢາ 50:6; ເພງສັນລະເສີນ16:10-11.*

## 22. ການເກີດຂອງໂຢຮັນ

https://openbiblestories.org/l/lo/story-22/

![](https://cdn.door43.org/obs/jpg/360px/obs-en-22-01.jpg)

ໃນອະດີດ, ພະເຈົ້າໄດ້ກ່າວຕໍ່ປະຊາຊົນຂອງພະອົງຜ່ານເທວະດາ ແລະ ຜູ້ປະກາດພະຄໍາຂອງພະອົງ. ແຕ່ຜ່ານໄປ 400 ປີ ແລ້ວທີ່ພະອົງບໍ່ໄດ້ກ່າວຫຍັງຕໍ່ປະຊາຊົນຂອງພະອົງ. ແລ້ວຈາກນັ້ນພະເຈົ້າສົ່ງເທວະດາຂອງພະອົງມາກ່າວຕໍ່ນັກບວດແກ່ຄົນໜຶ່ງຊື່ວ່າ: ເຊຄາຣິຢາ. ເຊຄາຣິຢາ ກັບເມຍຂອງລາວຊື່: ເອລີຊາເບັດເປັນຄົນດີມີສິນທໍາ ແຕ່ນາງເອລິຊາເບັດເປັນໝັນບໍ່ມີລູກ.

![](https://cdn.door43.org/obs/jpg/360px/obs-en-22-02.jpg)

ເທວະດາໄດ້ກ່າວຕໍ່ເຊຄາຣິຢາວ່າ: ເມຍຂອງເຈົ້າຈະຖືພາລູກຊາຍຄົນໜຶ່ງ, ໃຫ້ເຈົ້າຕັ້ງຊື່ລາວວ່າ: ໂຢຮັນ, ເຊິ່ງລາວຈະເຕັມໄປດ້ວຍພຣະວິນຍານບໍລິສຸດ, ແລະ ລາວຈະຕຽມປະຊາກອນຂອງພະເມຊິອາ. ແລ້ວເຊຄາຣິຢາກໍ່ກ່າວວ່າ: ຂ້ານ້ອຍ ແລະ ເມຍ ເຖົ້າແກ່ເກີນທີ່ຈະມີລູກ, ເຮັດແນວໃດຂ້ານ້ອຍຈຶ່ງຈະເຊື່ອໄດ້.

![](https://cdn.door43.org/obs/jpg/360px/obs-en-22-03.jpg)

ແລ້ວເທວະດາກໍ່ກ່າວຄືນຕໍ່ເຊຄາຣິຢາວ່າ: ເຮົານໍາຂ່າວດີນີ້ມາສູ່ເຈົ້າ, ແຕ່ເພາະເຈົ້າບໍ່ເຊື່ອເຮົາ, ເຈົ້າຈະເວົ້າບໍ່ໄດ້ຈົນກ່ວາລູກຂອງເຈົ້າຈະເກີດ ແລະ ໃນທັນໃດນັ້ນເຊຄາຣິຢາກໍ່ເວົ້າບໍ່ໄດ້. ແລ້ວເທວະດາກໍ່ຈາກເຊຄາຣິຢາໄປ. ເຊຄາຣິຢາໄດ້ກັບເມືອເຮືອນຂອງລາວ ແລະ ເມຍຂອງລາວກໍໄດ້ຖືພາ.

![](https://cdn.door43.org/obs/jpg/360px/obs-en-22-04.jpg)

ເມື່ອເອລີຊາເບັດຖືພາໄດ້ 6 ເດືອນ, ເທວະດາຕົນນັ້ນກໍໄດ້ປະກົດຕໍ່ພີ່ນ້ອງຂອງນາງ, ຜູ້ມີຊື່ວ່າ: ມາຣີ,ນາງເປັນຍິງສາວບໍລິສຸດ ຊຶ່ງຕອນນັ້ນກໍາລັງໝັ້ນໝາຍ ແລະ ກໍາລັງຈະແຕ່ງງານກັບຊາຍຊື່ວ່າ: ໂຢເຊັບ, ເທວະດາໄດ້ກ່າວຕໍ່ນາງວ່າ: ເຈົ້າຈະຖືພາ ແລະ ເກີດບຸດຊາຍ ໃຫ້ເຈົ້າຕັ້ງຊື່ລາວວ່າ: ເຢຊູ ຊຶ່ງເພິ່ນຈະເປັນບຸດຂອງພະເຈົ້າຜູ້ຍິ່ງໃຫຍ່ ແລະ ຈະຄຸ້ມຄອງຕະຫຼອດໄປ.

![](https://cdn.door43.org/obs/jpg/360px/obs-en-22-05.jpg)

ມາຣີໄດ້ຕອບຄືນວ່າ: ເປັນໄປໄດ້ຢ່າງໃດ ຂ້ານ້ອຍຍັງບໍລິສຸດຢູ່? ເທວະດາກໍ່ອະທິບາຍວ່າ: ພະວິນຍານບໍລິສຸດຈະມາຫາເຈົ້າ ແລະ ອໍານາດຂອງພະເຈົ້າຈະຄອບຄອງເຈົ້າໃຫ້ມີລູກໄດ້, ເພື່ອບຸດນັ້ນຈະເປັນຜູ້ບໍລິສຸດຄືລູກຂອງພະເຈົ້າ ແລະ ມາຣີກໍ່ເຊື່ອ ແລະ ຍອມຮັບສິ່ງທີ່ເທວະດາກ່າວຕໍ່ນາງ.

![](https://cdn.door43.org/obs/jpg/360px/obs-en-22-06.jpg)

ຫຼັງຈາກເທວະດາກ່າວກັບນາງແລ້ວ, ນາງມາຣີກໍໄດ້ໄປຢ້ຽມຢາມນາງເອລີຊາເບັດ. ໃນຂະນະທີ່ນາງເອລີຊາເບັດໄດ້ຍິນສຽງທັກທາຍຂອງນາງມາລີ ລູກຂອງນາງເອລີຊາເບັດຢູ່ໃນທ້ອງກໍ່ເໜັງຕີງໄປມາ. ພວກນາງທັງສອງຕ່າງກໍຊື່ນຊົມຍິນດີກັບສິ່ງທີ່ພະເຈົ້າໄດ້ໃຫ້ເກີດຂຶ້ນກັບເຂົາ. ມາຣີໄດ້ຢູ່ຕໍ່ກັບເອລີຊາເບັດ 3 ເດືອນແລ້ວນາງກໍກັບເມືອເຮືອນຂອງນາງ.

![](https://cdn.door43.org/obs/jpg/360px/obs-en-22-07.jpg)

ຫຼັງຈາກເອລີຊາເບັດໄດ້ເກີດລູກຊາຍແລ້ວ. ເຊຄາຣິຢາ ແລະ ນາງກໍ່ຕັ້ງຊື່ໃຫ້ລູກວ່າ: ໂຢຮັນ “ ຕາມທີ່ເທວະດາໄດ້ກ່າວ” , ພະເຈົ້າໄດ້ອະນຸຍາດໃຫ້ເຊຄາຣິຢາເວົ້າໄດ້ອີກຄັ້ງ, ຈາກນັ້ນເຊຄາຣິຢາກໍກ່າວຂຶ້ນ ”ສັນເສີນພະເຈົ້າ ເພາະພະອົງຈື່ຈໍາປະຊາຊົນຂອງພະອົງ, ໂຢຮັນລູກຊາຍເອີ້ຍ ເຈົ້າຈະເປັນຜູ້ປະກາດພະຄໍາຂອງພະເຈົ້າຜູ້ຍິ່ງໃຫຍ່ສູງສຸດ ຄືຜູ້ທີ່ຈະຍົກຜິດຍົກບາບໃຫ້ແກ່ພວກເຂົາໄດ້.

*ຈາກພະຄໍາພີ: ລູກາ: 1*

## 23. ການເກີດຂອງພະເຢຊູຄຣິດ

https://openbiblestories.org/l/lo/story-23/

![](https://cdn.door43.org/obs/jpg/360px/obs-en-23-01.jpg)

ມາຣີໄດ້ໝັ້ນກັບໂຢເຊບຊາຍຊອບທໍາ, ເມື່ອໂຢເຊບໄດ້ຍິນວ່າ: ມາຮີຖືພາ, ລາວຮູ້ວ່ານັ້ນບໍ່ແມ່ນລູກຂອງລາວ. ລາວບໍ່ຢາກໃຫ້ມາຣີອັບອາຍ, ດັ່ງນັ້ນ ລາວຈຶ່ງວາງແຜນຖອນໝັ້ນກັບມາຣີແບບຫງຽບໆ. ກ່ອນທີ່ລາວຈະເຮັດສິ່ງນັ້ນ, ເທວະດາໄດ້ລົງມາຫາ ແລະ ເວົ້າກັບໂຢເຊບໃນຄວາມຝັນ.

![](https://cdn.door43.org/obs/jpg/360px/obs-en-23-02.jpg)

ເທວະດາເວົ້າວ່າ: “ໂຢເຊບ, ຢ່າຢ້ານທີ່ຈະເອົາມາຣີເປັນເມຍຂອງເຈົ້າ. ເດັກທີ່ຢູ່ໃນທ້ອງຂອງນາງແມ່ນມາຈາກພະວິນຍານບໍລິສຸດ. ນາງຈະໃຫ້ກໍາເນີດເດັກຊາຍຄົນໜຶ່ງ. ໃສ່ຊື່ເດັກນັ້ນວ່າ: ເຢຊູ ( ມີຄວາມໝາຍວ່າ: ‘ຢາເວຜູ້ຊ່ວຍໃຫ້ພົ້ນ’), ເພາະພຣະອົງຈະລົງມາເພື່ອຊ່ວຍປະຊາຊົນໃຫ້ລອດພົ້ນຈາກຄວາມບາບ.”

![](https://cdn.door43.org/obs/jpg/360px/obs-en-23-03.jpg)

ດັ່ງນັ້ນ, ໂຢເຊບຈຶ່ງແຕ່ງງານກັບມາຣີ ແລະ ພານາງກັບໄປບ້ານຂອງລາວ, ແຕ່ໂຢເຊບບໍ່ໄດ້ຫຼັບນອນກັບນາງຈົນກ່ວານາງຈະອອກລູກ.

![](https://cdn.door43.org/obs/jpg/360px/obs-en-23-04.jpg)

ແຕ່ເມື່ອໃກ້ຈະເຖິງຊ່ວງທີ່ມາລີອອກລູກ ລັດຖະບານໂຣມໄດ້ສັ່ງໃຫ້ປະຊາຊົນທຸກຄົນໄປຈົດທະບຽນສໍາມະໂນຄົວບ່ອນທີ່ບັນພະບຸລຸດຂອງເຂົາອາໄສຢູ່. ໂຢເຊບ ແລະ ມາຣີເລີຍຈໍາເປັນຕ້ອງເດີນທາງໄກ ຈາກບ່ອນທີ່ເຂົາອາໄສຢູ່ຄືແຕ່ເມືອງ ນາຊາເລັດໄປຫາເມືອງເບັດເລເຮັມ ເພາະບັນພະບຸລຸດເຂົາແມ່ນດາວິດຊຶ່ງບ້ານເກີດແມ່ນຢູ່ເບັດເລເຮັມ.

![](https://cdn.door43.org/obs/jpg/360px/obs-en-23-05.jpg)

ເມື່ອເຂົາໄປເຖິງເມືອງເບັດເລເຮັມ, ພວກເຂົາບໍ່ມີບ່ອນພັກອາໄສ. ບ່ອນທີ່ເຂົາສາມາດຫາທີ່ພັກໄດ້ແມ່ນຄອກລ້ຽງສັດ. ເດັກຊາຍໄດ້ເກີດທີ່ນັ້ນ ແລະ ແມ່ຂອງເດັກໄດ້ວາງເຂົາຢູ່ເທິງຮາງໃສ່ອາຫານສັດ, ເພາະເຂົາບໍ່ມີຕຽງໃຫ້ເດັກນອນ. ພວກເຂົາໃສ່ຊື່ເດັກວ່າ: ເຢຊູ.

![](https://cdn.door43.org/obs/jpg/360px/obs-en-23-06.jpg)

ໃນຄືນນັ້ນ, ໄດ້ມີຜູ້ລ້ຽງແກະທີ່ຢູ່ໃກ້ກັບທົ່ງນາເຊິ່ງເຂົາກໍາລັງເຝົ້າຝູງສັດຂອງເຂົາ. ໃນທັນໃດນັ້ນ, ໄດ້ມີແສງສະຫວ່າງຂອງເທວະດາປະກົດຕໍ່ໜ້າເຂົາ, ແລະເຂົາຮູ້ສຶກຢ້ານ. ເທວະດາເວົ້າຂຶ້ນວ່າ: “ຢ່າຢ້ານເຮົາເລີຍ, ເພາະເຮົາມາເພື່ອບອກຂ່າວດີແກ່ພວກເຈົ້າ. ພະເມຊີອາ, ພະຜູ້ໂຜດຊ່ວຍໃຫ້ພົ້ນ, ໄດ້ມາເກີດທີ່ເມືອງເບັດເລເຮັມ!.”

![](https://cdn.door43.org/obs/jpg/360px/obs-en-23-07.jpg)

“ ຈົ່ງໄປຊອກເດັກຄົນນັ້ນ ແລະ ພວກເຈົ້າຈະພົບວ່າເດັກນັ້ນຢູ່ໃນຫໍ່ຜ້າ ແລະ ນອນໃນຮາງຫຍ້າ. ໃນທັນໃດນັ້ນທ້ອງຟ້າກໍ່ເຕັມໄປດ້ວຍບັນດາເທວະດາທີ່ຮ້ອງສັນລະເສີນພະຜູ້ເປັນເຈົ້າວ່າ : ສະຫງ່າລາສີຈົ່ງມີແກ່ພະເຈົ້າໃນສະຫວັນ ແລະ ແຜ່ນດີນໂລກຈົ່ງມີສັນຕິສຸກແກ່ທຸກຄົນທີ່ພະອົງພໍໃຈ!”

![](https://cdn.door43.org/obs/jpg/360px/obs-en-23-08.jpg)

ພວກລ້ຽງແກະກໍມາຮອດບ່ອນພະເຢຊູຢູ່ ແລະ ພົບພະອົງກໍາລັງນອນໃນຮາງຫຍ້າຕາມທີ່ເທວະດາໄດ້ບອກພວກເຂົາ. ພວກເຂົາຕື່ນເຕັ້ນຫຼາຍ, ມາຣີຮູ້ສຶກຍິນດີຫຼາຍຄືກັນ. ແລ້ວພວກລ້ຽງແກະກໍກັບໄປຫາແກະຂອງຕົນທີ່ຢູ່ຕາມທົ່ງນາ ພ້ອມທັງຍົກຍ້ອງພະເຈົ້າ ເພາະສິ່ງທີ່ພວກເຂົາໄດ້ເຫັນ ແລະ ໄດ້ຍິນນັ້ນ.

![](https://cdn.door43.org/obs/jpg/360px/obs-en-23-09.jpg)

ແລ້ວຈາກນັ້ນ, ກໍມີນັກປາດນັກປັນຍາທີ່ມາຈາກປະເທດຕາເວັນອອກໄດ້ເຫັນດາວປະຫຼາດປະກົດໃນທ້ອງຟ້າ. ພວກເຂົາຮູ້ວ່າມັນໝາຍເຖິງດາວຂອງກະສັດຢິວອົງໃໝ່ທີ່ຈະເກີດມາ. ສະນັ້ນພວກເຂົາຈຶ່ງເດີນທາງມາເພື່ອຈະພົບພະອົງ,ແລະ ພວກເຂົາກໍມາເຖິງເບັດເລເຮັມ ແລະໄດ້ພົບພະເຢຊູກັບພໍ່ແມ່ຂອງພຣະອົງທີ່ຄອກສັດນັ້ນ.

![](https://cdn.door43.org/obs/jpg/360px/obs-en-23-10.jpg)

ເມື່ອພວກນັກປາດນັກປັນຍາໄດ້ເຫັນພະເຢຊູກັບແມ່ຂອງເພິ່ນແລ້ວພວກເຂົາກໍກົ້ມຂາບ ແລະ ນະມັດສະການພຣະອົງ, ກ່ອນພວກເຂົາຈະຈາກພຣະເຢຊູໄປ ພວກເຂົາຍັງໄດ້ໃຫ້ສິ່ງຂອງທີ່ມີຄ່າຫຼາຍແກ່ພຣະເຢຊູ.

*ຈາກພະຄໍາພີ: ມັດທາຍ 1; ລູກາ 2*

## 24. ໂຢຮັນບັບຕິດສະມາພຣະເຢຊູ

https://openbiblestories.org/l/lo/story-24/

![](https://cdn.door43.org/obs/jpg/360px/obs-en-24-01.jpg)

ໂຢຮັນ, ລູກຊາຍຂອງເຊຄາລີຢາ ແລະ ເອລິຊາເບັດ, ໄດ້ເຕີບໃຫຍ່ຂຶ້ນ ແລະ ເປັນຜູ້ປະກາດພະຄໍາ ລາວໄດ້ອາໄສໃນປ່າເລິກ ກິນນໍ້າເຜິ້ງປ່າ ແລະ ຕັກກະແຕນ ແລະ ເຄື່ອງນຸ່ງຫົ່ມຂອງລາວເຮັດມາຈາກຂົນໂອດ.

![](https://cdn.door43.org/obs/jpg/360px/obs-en-24-02.jpg)

ມີຄົນຈໍານວນຫຼາຍທີ່ອອກຈາກເມືອງເພື່ອມາຟັງໂຢຮັນເທດສະໜາ. ລາວເທດສະໜາຕໍ່ພວກເຂົາວ່າ”ຈົ່ງກັບໃຈ, ເພາະວ່າຣາຊາອານາຈັກພຣະເຈົ້າໃກ້ເຂົ້າມາແລ້ວ!”

![](https://cdn.door43.org/obs/jpg/360px/obs-en-24-03.jpg)

ເມື່ອຄົນທັງຫຼາຍໄດ້ຍິນທີ່ໂຢຮັນເວົ້າ, ພວກເຂົາທັງຫຼາຍຈຶ່ງກັບໃຈຈາກການເຮັດບາບ ແລະ ໂຢຮັນໄດ້ເຮັດບັບຕິດສະມາໃຫ້ພວກເຂົາ. ບັນດາຜູ້ນໍາສາດສະໜາມາຫາໂຢຮັນ ເພື່ອຮັບບັບຕິດສະມາ ແຕ່ພວກເຂົາບໍ່ໄດ້ກັບໃຈຈາກການເຮັດບາບ.

![](https://cdn.door43.org/obs/jpg/360px/obs-en-24-04.jpg)

ໂຢຮັນເວົ້າໃຫ້ພວກຜູ້ນໍາສາດສະໜາ, “ພວກຊາດງູຜິດ! ພວກເຈົ້າຈົ່ງກັບໃຈ ແລະ ປ່ຽນແປງພຶດຕິກໍາຂອງພວກເຈົ້າ. ຕົ້ນໄມ້ທີ່ບໍ່ເກີດຜົນຈະຖືກຕັດຖິ້ມ ແລະໂຍນໃສ່ກອງໄຟ.” ໂຢຮັນໄດ້ເປັນດັ່ງທີ່ຜູ້ທໍານາຍເຄີຍກ່າວໄວ້ວ່າ, “ເບິ່ງແມ້! ເຮົາໄດ້ສົ່ງຜູ້ນຳຂ່າວໄປກ່ອນໜ້າເຈົ້າ ຜູ້ທີ່ຈັດຕຽມຫົນທາງສໍາລັບເຈົ້າ.”

![](https://cdn.door43.org/obs/jpg/360px/obs-en-24-05.jpg)

ຊາວຢິວບາງຄົນໄດ້ຖາມໂຢຮັນວ່າລາວແມ່ນພຣະເມຊິອາບໍ?. ໂຢຮັນຕອບວ່າ,”ຂ້ອຍບໍ່ແມ່ນພຣະເມຊີອາ, ແຕ່ແມ່ນອີກຊາຍຄົນໜຶ່ງຈະມາພາຍຫຼັງເຮົາ. ເພິ່ນເປັນຄົນທີ່ຍິ່ງໃຫຍ່ເໜືອເຮົາ ແລະ ເຮົາກໍບໍ່ສົມຄວນແມ້ແຕ່ແກ້ສາຍຮັດເກີບຂອງເພິ່ນ.”

![](https://cdn.door43.org/obs/jpg/360px/obs-en-24-06.jpg)

ມື້ຕໍ່ມາ, ພຣະເຢຊູເຈົ້າ ໄດ້ມາຮັບບັບຕິດສະມາກັບໂຢຮັນ. ເມື່ອໂຢຮັນເຫັນເພິ່ນ, ລາວເວົ້າວ່າ, “ຫັັນເດ! ລູກແກະຂອງພຣະເຈົ້າ ຜູ້ຊົງຮັບເອົາຄວາມຜິດບາບຂອງມະນຸດທຸກຄົນໃນໂລກໄປເສຍ.”

![](https://cdn.door43.org/obs/jpg/360px/obs-en-24-07.jpg)

ໂຢຮັນເວົ້າກັບພຣະເຢຊູເຈົ້າວ່າ, “ຂ້ານ້ອຍບໍ່ເໝາະສົມທີ່ຈະຮັບບັບຕິດສະມາໃຫ້ພຣະອົງເລີຍ. ແຕ່ຂ້ານ້ອຍຄວນຮັບບັບຕິດສະມາຈາກພຣະອົງຫຼາຍກ່ວາ.” ແຕ່ພຣະເຢຊູເຈົ້າຕອບວ່າ, “ເຈົ້າຄວນຮັບບັບຕິດສະມາໃຫ້ເຮົາເພາະມັນເປັນສິ່ງທີ່ຖືກຕ້ອງ.” ສະນັ້ນໂຢຮັນຈຶ່ງເຮັດບັບຕິດສະມາໃຫ້ພຣະອົງ, ເຖິງແມ່ນວ່າພຣະເຢຊູບໍ່ເຄີຍເຮັດບາບກໍຕາມ.

![](https://cdn.door43.org/obs/jpg/360px/obs-en-24-08.jpg)

ເມື່ອພຣະເຢຊູເຈົ້າຂຶ້ນຈາກການຮັບບັບຕິດສະມາ, ພຣະວິນຍານຂອງພຣະເຈົ້າໄດ້ມາປະກົດເປັນຮູບນົກເຂົາສີຂາວ ແລະ ຈັບຢູ່ທີ່ບ່າພຣະອົງ. ໃນເວລາດຽວກັນ, ສຽງຂອງພຣະເຈົ້າຈາກສະຫວັນ, ກ່າວວ່າ, “ເຈົ້າເປັນລູກທີ່ຮັກຂອງເຮົາ, ແລະ ເຮົາພໍໃຈໃນເຈົ້າຫຼາຍ.”

![](https://cdn.door43.org/obs/jpg/360px/obs-en-24-09.jpg)

ພຣະເຈົ້າໄດ້ເຄີຍບອກເລື່ອງນີ້ກັບໂຢຮັນມາກ່ອນແລ້ວວ່າ, “ຈະມີພຣະວິນຍານບໍລິສຸດລົງມາເທິງຊາຍຄົນທີ່ເຈົ້າເຮັດບັບຕິດສະມາໃຫ້. ຊາຍຜູ້ນັ້ນແມ່ນບຸດຂອງພຣະເຈົ້າ.” ມີພຽງພຣະເຈົ້າອົງດຽວເທົ່ານັ້ນ. ແຕ່ເມື່ອໂຢຮັນໄດ້ເຮັດບັບຕິດສະມາໃຫ້ພຣະເຢຊູ ລາວຍິນສຽງຂອງ ພຣະບິດາ, ພຣະບຸດ ແລະ ພຣະວິນຍານບໍລິສຸດ.

*ຈາກ ພະຄໍາພີ ມັດທາຍ 3; ມາລາໂກ 1:9-11; ລູກາ 3:1-23*

## 25. ຊາຕານທົດລອງພຣະເຢຊູ

https://openbiblestories.org/l/lo/story-25/

![](https://cdn.door43.org/obs/jpg/360px/obs-en-25-01.jpg)

ທັນທີທີ່ພຣະເຢຊູໄດ້ຮັບບັບຕິສະມາ ພຣະວິນຍານບໍລິສຸດເຈົ້າກໍນຳພຣະອົງເຂົ້າໄປໃນຖິ່ນແຫ້ງແລ້ງກັນດານ ໃນບ່ອນນັ້ນພຣະອົງຊົງຖືສິນອົດເປັນເວລາ 40 ມື້ 40 ຄືນ. ຈາກນັ້ນຊາຕານກໍມາທົດລອງພຣະເຢຊູເພື່ອໃຫ້ພຣະອົງຕົກຢູ່ໃນຄວາມບາບ.

![](https://cdn.door43.org/obs/jpg/360px/obs-en-25-02.jpg)

ຊາຕານທົດລອງພຣະເຢຊູໂດຍເວົ້າວ່າ, “ຖ້າທ່ານເປັນພຣະບຸດຂອງພຣະເຈົ້າ ຈົ່ງປ່ຽນກ້ອນຫີນເຫຼົ່ານີ້ໃຫ້ເປັນເຂົ້າຈີ່ເບິ່ງດຸ ເພື່ອເຈົ້າຈະສາມາດກິນມັນໄດ້!”

![](https://cdn.door43.org/obs/jpg/360px/obs-en-25-03.jpg)

ພຣະເຢຊູຊົງຕອບວ່າ, “ມີຄຳຂຽນໄວ້ໃນພຣະຄຳພີວ່າ, ‘ມະນຸດຈະບໍ່ລ້ຽງຊີວິດດ້ວຍອາຫານພຽງແຕ່ສິ່ງດຽວ ແຕ່ຈະລ້ຽງດ້ວຍພຣະຄຳທຸກຂໍ້ທີ່ອອກມາຈາກພຣະໂອດຂອງພຣະເຈົ້າ.’”

![](https://cdn.door43.org/obs/jpg/360px/obs-en-25-04.jpg)

ຈາກນັ້ນຊາຕານໄດ້ພາພຣະເຢຊູຂຶ້ນໄປເທິງຈຸດສູງສຸດຂອງພຣະວິຫານແລະກ່າວວ່າ, “ຖ້າທ່ານເປັນພຣະບຸດຂອງພຣະເຈົ້າ ຈົ່ງໂດດລົງເບິ່ງດຸ ເພາະມີຄຳຂຽນໄວ້ໃນພຣະຄຳພີວ່າ, ‘ພຣະເຈົ້າຈະສັ່ງເທວະດາຂອງພຣະອົງມາຮັບທ່ານ ເພື່ອຕີນຂອງທ່ານຈະບໍ່ຕຳຫີນ.’”

![](https://cdn.door43.org/obs/jpg/360px/obs-en-25-05.jpg)

ແຕ່ພຣະເຢຊູຊົງຕອບຊາຕານດ້ວຍຖ້ອຍຄຳຂອງພຣະເຈົ້າວ່າ, ‘ໃນພຣະຄຳຂອງພຣະເຈົ້າກ່າວວ່າ ‘ຢ່າທົດລອງອົງພຣະຜູ້ເປັນເຈົ້າຜູ້ເປັນພຣະເຈົ້າຂອງເຈົ້າ.’”

![](https://cdn.door43.org/obs/jpg/360px/obs-en-25-06.jpg)

ຫຼັງຈາກນັ້ນຊາຕານກໍສະແດງໃຫ້ພຣະເຢຊູເຫັນອານາຈັກແລະສະຫງ່າລາສີຕ່າງໆໃນໂລກນີ້ ແລະກ່າວວ່າ, ‘ເຮົາຈະມອບສິ່ງເຫຼົ່ານີ້ໃຫ້ແກ່ເຈົ້າຖ້າຫາກເຈົ້າຂາບໄຫວ້ແລະນະມັດສະການເຮົາ.’

![](https://cdn.door43.org/obs/jpg/360px/obs-en-25-07.jpg)

ພຣະເຢຊູຊົງຕອບວ່າ, ຈົ່ງໜີໄປຈາກເຮົາເສຍ ມານຊາຕານ! ໃນພຣະຄຳຂອງພຣະເຈົ້າຊົງບອກໄວ້ວ່າ, ‘ຈົ່ງນະມັດສະການອົງພຣະຜູ້ເປັນເຈົ້າພຣະເຈົ້າຂອງພວກເຈົ້າ ແລະຮັບໃຊ້ພຣະອົງພຽງຜູ້ດຽວ.’”

![](https://cdn.door43.org/obs/jpg/360px/obs-en-25-08.jpg)

ພຣະເຢຊູບໍ່ໄດ້ຍອມແພ້ຕໍ່ການທົດລອງຂອງມານຊາຕານ ແລ້ວຊາຕານກໍໜີຈາກພຣະອົງໄປ. ແລ້ວຝູງເທວະດາກໍມາບົວລະບັດພຣະເຢຊູ.

*ຈາກພຣະຄຳ ມັດທາຍ 4:1-11; ມາຣະໂກ 1:12-13, ລູກາ 4:1-13*

## 26. ພຣະເຢຊູເລີ່ມເຮັດພັນທະກິດຂອງພຣະອົງ

https://openbiblestories.org/l/lo/story-26/

![](https://cdn.door43.org/obs/jpg/360px/obs-en-26-01.jpg)

ຫຼັງຈາກຊາຕານທົດລອງພຣະເຢຊູແລ້ວ, ພຣະເຢຊູກໍ່ເຕັມດ້ວຍພະວິນຍານບໍລິສຸດ ຈາກນັ້ນພຣະອົງເດີນທາງໄປເຂດ ຄາລີເລບ່ອນພຣະອົງເຄີຍຢູ່. ພຣະອົງໄດ້ໄປສອນບ່ອນຕ່າງໆ ແລະ ທຸກໆຄົນກໍເວົ້າດີກັບພຣະອົງ.

![](https://cdn.door43.org/obs/jpg/360px/obs-en-26-02.jpg)

ພຣະເຢຊູໄດ້ໄປຍັງເມືອງນາຊາເລັດບ່ອນທີ່ພຣະອົງໄດ້ເຕີບໃຫຍ່ມາ ວັນນັ້ນເປັນວັນສະບາໂຕ ພຣະອົງກໍເຂົ້າໄປໃນບ່ອນນະມັດສະການ. ພວກເຂົາໄດ້ຍື່ນໜັງສືມ້ວນຂອງຜູ້ທໍານາຍເອຊາຢາໃຫ້ພຣະອົງອ່ານ. ພຣະເຢຊູກໍເປີດໜັງສືນັ້ນອອກແລ້ວອ່ານໃຫ້ທຸກຄົນຟັງ.

![](https://cdn.door43.org/obs/jpg/360px/obs-en-26-03.jpg)

ພຣະອົງອ່ານວ່າ: ພະເຈົ້າໃຫ້ພະວິນຍານບໍລິສຸດແກ່ເຮົາເພື່ອປະກາດຂ່າວດີໃຫ້ແກ່ຄົນທຸກຈົນ, ປົດປ່ອຍນັກໂທດໃຫ້ມີອິດສະຫຼະ,ໃຫ້ຄົນຕາບອດໄດ້ເຫັນຮຸ່ງ ແລະ ປົດປ່ອຍພວກເຂົາຈາກການຂົ່ມເຫັງ. “ ນີ້ແມ່ນປີແຫ່ງຄວາມກະລຸນາຂອງພຣະຜູ້ເປັນເຈົ້າ.”

![](https://cdn.door43.org/obs/jpg/360px/obs-en-26-04.jpg)

ແລ້ວພຣະອົງກໍນັ່ງລົງ ທຸກໆຄົນເຂົ້າມາເບິ່ງພຣະອົງໃກ້ໆ, ພວກເຂົາຮູ້ວ່າ: ຂໍ້ຄວາມຂອງພະຄໍາທີ່ພຣະອົງອ່ານໄປນັ້ນແມ່ນກ່າວເຖິງພຣະເມຊິອາ. ແລ້ວພຣະເຢຊູກໍກ່າວວ່າ: ຖ້ອຍຄໍາທີ່ຂ້າພະເຈົ້າອ່ານໄປນັ້ນ ແມ່ນສໍາເລັດແລ້ວໃນດຽວນີ້ ຄົນທັງໝົດຕ່າງກໍປະຫຼາດໃຈ ພວກເຂົາເວົ້າກັນນີ້ບໍ່ແມ່ນລູກຂອງໂຢເຊັບບໍ?

![](https://cdn.door43.org/obs/jpg/360px/obs-en-26-05.jpg)

ແລ້ວພຣະເຢຊູກໍ່ກ່າວຕໍ່ພວກເຂົາວ່າ: ຄວາມຈຶ່ງແລ້ວບໍ່ມີຜູ້ປະກາດພະຄໍາຄົນໃດຖືກຍອມຮັບໃນບ້ານເມືອງຂອງຕົນເອງ. ຄືໃນສະໄໝຂອງຜູ້ປະກາດພະຄໍາເອລີຢາ ມີແມ່ໝ້າຍຫຼາຍຄົນໃນອິດສະລາເອນ ຕອນຝົນບໍ່ຕົກສາມປີເຄິ່ງນັ້ນ ພະເຈົ້າບໍ່ໄດ້ສົ່ງເອລີຢາໄປຊ່ວຍແມ່ໝ້າຍໃນອິດສະລາເອນຄົນໃດເລີຍ ແຕ່ພະເຈົ້າສົ່ງລາວໄປຫາຍິງໝ້າຍຢູ່ຕ່າງຊາດແທນ.![OBS Image](https://cdn.door43.org/obs/jpg/360px/obs-en-26-06.jpg)

ພຣະເຢຊູຍັງເວົ້າຕໍ່ເຂົາວ່າ: ໃນສະໄໝຂອງຜູ້ທໍານາຍເອລີຊາຄືກັນ ມີຄົນເປັນຂີ້ທູດຫຼາຍຄົນໃນອິດສະລາເອນ ແຕ່ ເອລີຊາບໍ່ໄດ້ຮັກສາໃຜເລີຍ, ແຕ່ລາວໄປຮັກສາພະຍາດຂີ້ທູດໃຫ້ນາມານຫົວໜ້າທະຫານຄືຜູ້ເປັນສັດຕູຂອງອິດສະລາເອນແທນ. ປະຊາຊົນຜູ້ຟັງນັ້ນເປັນຊາວຢິວຄືເມື່ອພວກເຂົາໄດ້ຍິນດັ່ງນັ້ນພວກເຂົາເກີດໃຈຮ້າຍໃສ່ພຣະອົງ.

![](https://cdn.door43.org/obs/jpg/360px/obs-en-26-07.jpg)

ແລ້ວພວກເຂົາກໍຍູ້ພຣະອົງອອກຈາກບ່ອນນະມັດສະການແລະ ຄິດຈະຍູ້ພຣະອົງລົງໜ້າຜາທີ່ຢູ່ໃກ້ນັ້ນເພື່ອຂ້າພຣະອົົງ ແຕ່ ພຣະອົງໄດ້ຊີງຍ່າງຜ່ານຜູ້ຄົນອອກໄປກ່ອນແລ້ວກໍອອກຈາກນາຊາເລັດໄປ.

![](https://cdn.door43.org/obs/jpg/360px/obs-en-26-08.jpg)

ຈາກນັ້ນພຣະເຢຊູກໍໄດ້ຜ່ານໄປໃນຂົງເຂດຄາລິເລ, ມີຜູ້ຄົນຫຼວງຫຼາຍມາຫາພຣະອົງ ພວກເຂົາໄດ້ພາຄົນເຈັບໄຂ້ໄດ້ປ່ວຍ, ຄົນເປັນພະຍາດຕ່າງໆ ລວມທັງຄົນມີບັນຫາກ່ຽວກັບຕາ, ກ່ຽວກັບຂາ, ກ່ຽວກັບຫູ ຫຼືມີບັນຫາກ່ຽວກັບປາກພ້ອມ ແລະ ພຣະເຢຊູກໍຮັກສາພວກເຂົາຫາຍດີໝົດທຸກຄົນ.

![](https://cdn.door43.org/obs/jpg/360px/obs-en-26-09.jpg)

ມີຜູ້ຄົນຫຼວງຫຼາຍໄດ້ນໍາຄົນທີ່ມີຜີເຂົາສິງເຂົ້າມາຫາພຣະເຢຊູ. ແລະ ພຽງແຕ່ພຣະເຢຊູສັ່ງເທົ່ານັ້ນ ພວກຜີກໍອອກຈາກພວກເຂົາທັນທີ, ພວກມັນມັກຮ້ອງໃສ່ພຣະອົງວ່າ ພະອົງເປັນບຸດຂອງພຣະເຈົ້າ. ພວກຜູ້ຄົນຫຼວງຫຼາຍຕ່າງກໍປະຫຼາດໃຈ ແລະ ສັນລະເສີນພຣະອົງເຈົ້າ.

![](https://cdn.door43.org/obs/jpg/360px/obs-en-26-10.jpg)

ຫຼັງຈາກນັ້ນ ພຣະເຢຊູໄດ້ເລືອກເອົາສາວົກ 12 ຄົນ, ເຊິ່ງພວກເຂົາທັງໝົດຕ່າງກໍເດີນທາງໄປກັບພຮະອົງແລະ ຮຽນຮູ້ຈາກພຣະອົງຢູ່ສະເໝີ.

*ຈາກພຣະຄໍາພີເລື່ອງ: ມັດທາຍ 4:12-25; ມາລະໂກ 1:14-15, 35-39; 3:13-21; ລູກາ 4:14-30; 38-44.*

## 27. ຊາວສະມາເຣຍຜູ້ໃຈດີ

https://openbiblestories.org/l/lo/story-27/

![](https://cdn.door43.org/obs/jpg/360px/obs-en-27-01.jpg)

ມື້ໜຶ່ງ, ນັກທໍາມະຈານຄົນໜຶ່ງໄດ້ມາຫາພຣະເຢຊູ ເພື່ອທົດສອບພຣະອົງ, ລາວເວົ້າຂຶ້ນວ່າ, “ອາຈານ, ຂ້ານ້ອຍຕ້ອງເຮັດແນວໃດເພື່ອຈະໄດ້ຊີວິດນິລັນດອນ?” ພຣະເຢຊູຕອບວ່າ, “ໃນພະບັນຍັດຂອງພຣະເຈົ້າໄດ້ຂຽນໄວ້ວ່າຈັ່ງໃດ?”

![](https://cdn.door43.org/obs/jpg/360px/obs-en-27-02.jpg)

ນັກທໍາມະຈານເວົ້າວ່າ, ພຣະບັນຍັດຂອງພຣະເຈົ້າຂຽນໄວ້ວ່າ”ຈົ່ງຮັກພຣະເຈົ້າຂອງເຈົ້າດ້ວຍສຸດຈິດສຸດໃຈ, ສຸດກໍາລັງແລະ ສຸດຄວາມຄິດ. ແລະ ຈົ່ງຮັກເພື່ອນບ້ານເໝືອນກັບຮັກຕົນເອງ.” ພຣະເຢຊູຕອບວ່າ, “ເຈົ້າເວົ້າຖືກແລ້ວ! ຈົ່ງປະຕິບັດຕາມນັ້ນແລ້ວເຈົ້າຈະມີຊີວິດນິລັນດອນ.”

![](https://cdn.door43.org/obs/jpg/360px/obs-en-27-03.jpg)

ແຕ່ທໍາມະຈານຍັງຢາກທົດສອບ ວ່າລາວເປັນຄົນຊອບທໍາ, ສະນັ້ນ, ລາວຈຶ່ງຖາມພຣະອົງວ່າ, “ໃຜຄືເພື່ອນບ້ານຂອງຂ້ານ້ອຍ?”

![](https://cdn.door43.org/obs/jpg/360px/obs-en-27-04.jpg)

ພຣະເຢຊູໄດ້ຕອບທໍາມະຈານໂດຍຜ່ານການເລົ່າເລື່ອງໜຶ່ງ. “ໄດ້ມີຊາຍຢິວຄົນໜຶ່ງກໍາລັງເດີນທາງຕາມຖະໜົນ ຈາກກຸງເຢລູຊາເລັມໄປ ເມືອງເຢຣີໂກ.”

![](https://cdn.door43.org/obs/jpg/360px/obs-en-27-05.jpg)

ໃນຂະນະທີ່ຊາຍຄົນນັ້ນກໍາລັງເດີນທາງ ລາວໄດ້ຖືກໂຈນປຸ້ນ. ພວກເຂົາເອົາທຸກຢ່າງທີ່ລາວມີ ແລະ ຕີລາວຈົນເກືອບຕາຍ. ແລ້ວໂຈນກໍໜີໄປ.

![](https://cdn.door43.org/obs/jpg/360px/obs-en-27-06.jpg)

ຫຼັງຈາກນັ້ນບໍ່ດົນ, ກໍບັງເອີນມີນັກບວດຢ່າງລົງມາທາງດຽວກັນ. ເມື່ອຜູ້ນໍາສາດສະໜາຫຼຽວເຫັນຊາຍຄົນນັ້ນ ທີ່ຖືກປຸ້ນ ແລະ ຖືກຕີ. ລາວຍ່າງເວັ້ນໄປເສັ້ນທາງອື່ນ. ໂດຍບໍ່ສົນໃຈຄົນທີ່ຕ້ອງການຄວາມຊ່ວຍເຫຼືອ.

![](https://cdn.door43.org/obs/jpg/360px/obs-en-27-07.jpg)

ບໍ່ດົນຫຼັງຈາກນັ້ນ. ຄົນເລວີຄົນໜຶ່ງໄດ້ມາຕາມເສັ້ນທາງ (ເລວີ ແມ່ນຊົນເຜົ່າໜຶ່ງຂອງຊາວຢິວ. ເຊິ່ງເປັນຜູ້ຊ່ວຍນັກບວດໃນພະວິຫານ) ເລວີກໍຍ່າງຂ້າມໄປອີກຝາກໜຶ່ງຂອງຖະໜົນ ແລະ ບໍ່່ສົນໃຈຄົນທີ່ຖືກປຸ້ນຖືກຕີນັ້ນ.

![](https://cdn.door43.org/obs/jpg/360px/obs-en-27-08.jpg)

ຄົນຕໍ່ໄປໄດ້ຢ່າງລົງມາຕາມເສັ້ນທາງເຊິ່ງເປັນຄົນຊາມາເລຍ, (ຊາວຊາມາເລຍ ເປັນລູກຫຼານຂອງຊາວຢິວທີ່ແຕ່ງງານກັບຊົນຊາດອື່ນ. ຊາວຊາມາເລຍ ແລະ ຊາວຢິວກຽດຊັງເຊິ່ງກັນ ແລະ ກັນ.) ແຕ່ເມື່ອຄົນຊາມາເລຍໄດ້ເຫັນຊາຍຢິວຄົນນັ້ນ; ລາວຮູ້ສຶກສົງສານຊາຍຄົນນັ້ນຫຼາຍ. ດັ່ງນັ້ນ ລາວຈຶ່ງຊ່ວຍ ແລະ ເອົາຜ້າພັນແຜໃຫ້ຊາຍຄົນນັ້ນ.

![](https://cdn.door43.org/obs/jpg/360px/obs-en-27-09.jpg)

ຊາວຊາມາເລຍໄດ້ຍົກຊາຍຄົນນັ້ນ ຂຶ້ນເທິງຫຼັງໂຕລໍຂອງລາວ ແລະ ໄດ້ພາຊາຍຄົນນັ້ນໄປທີ່ໂຮງແຮມແຫ່ງໜຶ່ງ ພ້ອມກັບດູແລລາວ.

![](https://cdn.door43.org/obs/jpg/360px/obs-en-27-10.jpg)

ມື້ຕໍ່ມາ, ຊາຍຊາມາເລຍ ຈໍາເປັນຕ້ອງເດີນທາງຕໍ່.ລາວໄດ້ເອົາເງິນໃຫ້ຜູ້ດູແລໃນໂຮງແຮມ ແລະ ເວົ້າວ່າ: "ຈົ່ງເບິ່ງແຍງລາວ ແລະ ຖ້າມີຄ່າໃຊ້ຈ່າຍທີ່ຫຼາຍກ່ວາທີ່ຂ້ອຍໃຫ້, ເມື່ອຂ້ອຍກັບມາຂ້ອຍຈະຈ່າຍຄືນໃຫ້.”

![](https://cdn.door43.org/obs/jpg/360px/obs-en-27-11.jpg)

ຫຼັງຈາກນັ້ນ ພຣະເຢຊູໄດ້ຖາມທໍາມະຈານວ່າ, “ເຈົ້າຄິດວ່າແນວໃດ ໃນຊາຍສາມຄົນນີ້ ຜູ້ໃດເປັນເພື່ອນບ້ານຂອງຊາຍທີ່ຖືກປຸ້ນ ແລະ ຖືກຕີ?” ທໍາມະຈານໄດ້ຕອບວ່າ,”ຜູ້ທີ່ມີຄວາມເມດຕາຕໍ່ລາວ.” ພຣະເຢຊູໄດ້ກ່າວຕໍ່ທໍາມະຈານວ່າ,”ເຈົ້າຈົ່ງໄປແລະ ເຮັດສິ່ງນັ້ນເໝືອນກັນ.”

*ເລື່ອງຈາກພະຄໍາພີ ລູກາ 10:25-37*

## 28. ມະຫາເສດຖີໜຸ່ມ

https://openbiblestories.org/l/lo/story-28/

![](https://cdn.door43.org/obs/jpg/360px/obs-en-28-01.jpg)

ມື້ໜຶ່ງມີເສດຖີໜຸ່ມຄົນໜຶ່ງເຂົ້າມາຖາມພຣະເຢຊູວ່າ, “ພຣະອາຈານປະເສີດເອີຍ, ຂ້ານ້ອຍຄວນຈະເຮັດແນວໃດເພື່ອຈະໄດ້ມີຊີວິດນິລັນດອນ?” ພຣະເຢຊູຊົງຕອບວ່າ, “ເປັນຫຍັງທ່ານຈຶ່ງເອີ້ນເຮົາວ່າ “ພຣະອາຈານທີ່ປະເສີດ, ບໍ່ມີຜູ້ໃດປະເສີດນອກຈາກອົງພຣະຜູ້ເປັນເຈົ້າ. ແຕ່ຖ້າທ່ານຢາກມີຊີວິດນິລັນດອນກໍຈົ່ງເຊື່ອຟັງກົດບັນຍັດຂອງພຣະເຈົ້າ.”

![](https://cdn.door43.org/obs/jpg/360px/obs-en-28-02.jpg)

ລາວຈຶ່ງຖາມຕໍ່ວ່າ, “ກົດບັນຍັດຂໍ້ໃດທີ່ຂ້ານ້ອຍຄວນເຊື່ອຟັງ?” ພຣະເຢຊູຈິ່ງຕອບລາວວ່າ, “ຢ່າຂ້າຄົນ, ຢ່າຫຼິ້ນຊູ້ສູ່ຜົວເມຍ, ຢ່າລັກ, ຢ່າຂີ້ຕົວະ. ຈົ່ງໃຫ້ກຽດບິດາມານດາຂອງຕົນ ແລະຈົ່ງຮັກເພື່ອນບ້ານ ເໝືອນຮັກຕົນເອງ.”

![](https://cdn.door43.org/obs/jpg/360px/obs-en-28-03.jpg)

ແຕ່ເສດຖີໜຸ່ມຄົນນັ້ນກໍກ່າວວ່າ, “ຂ້ານ້ອຍກໍໄດ້ຖືຮັກສາກົດບັນຍັດນັ້ນຕັ້ງແຕ່ຕອນທີ່ຂ້ານ້ອຍຍັງເປັນເດັກນ້ອຍ. ແລ້ວຂ້ານ້ອຍຕ້ອງເຮັດສິ່ງໃດອີກເພື່ອຈະໄດ້ມີຊີວິດຕະຫຼອດໄປເປັນນິດ?" ພຣະເຢຊູຊົງແນມເບິ່ງເສດຖີໜຸ່ມຄົນນັ້ນດ້ວຍຄວາມຮັກ.

![](https://cdn.door43.org/obs/jpg/360px/obs-en-28-04.jpg)

ແລ້ວພຣະເຢຊູຊົງຕອບລາວວ່າ, "ຖ້າທ່ານຢາກເປັນຄົນທີ່ດີທີ່ສຸດ ຈົ່ງກັບໄປຂາຍທຸກສິ່ງທີ່ທ່ານມີຢູ່ນັ້ນ ແລະນຳເງິນທີ່ໄດ້ຮັບມານັ້ນແຈກທານແກ່ຄົນທຸກຈົນ ເພື່ອທ່ານຈະມີຊັບສົມບັດໃນແຜ່ນດິນສະຫວັນ ແລ້ວຈົ່ງຕາມເຮົາມາ.”

![](https://cdn.door43.org/obs/jpg/360px/obs-en-28-05.jpg)

ເມື່ອເສດຖີໜຸ່ມໄດ້ຍິນດັ່ງນັ້ນແລ້ວ ລາວກໍເກີດມີຄວາມທຸກໃຈເພາະລາວເປັນຄົນທີ່ຮັ່ງມີ ແລະຍັງບໍ່ຢາກຂາຍທຸກສິ່ງທຸກຢ່າງທີ່ລາວມີຢູ່. ລາວຈິ່ງລາຈາກພຣະເຢຊູແລະກັບຄືນເມືອ.

![](https://cdn.door43.org/obs/jpg/360px/obs-en-28-06.jpg)

ແລ້ວພຣະເຢຊູກໍກ່າວກັບສາວົກຂອງພຣະອົງວ່າ, “ຄົນຮັ່ງມີຈະເຂົ້າໄປໃນຣາຊອານາຈັກຂອງພຣະເຈົ້ານັ້ນກໍຍາກແທ້ນໍ! ແມ່ນແຕ່ອູດໂຕໜຶ່ງລອດຮູເຂັມກໍຍັງງ່າຍກວ່າ."

![](https://cdn.door43.org/obs/jpg/360px/obs-en-28-07.jpg)

ເມື່ອສາວົກໄດ້ຍິນພຣະເຢຊູກ່າວຢ່າງນັ້ນແລ້ວ ພວກເຂົາກໍຕົກໃຈແລະຖາມວ່າ, “ແລ້ວຜູ້ໃດຈະລອດພົ້ນໄດ້?”

![](https://cdn.door43.org/obs/jpg/360px/obs-en-28-08.jpg)

ພຣະເຢຊູຊົງແນມເບິ່ງພວກສາວົກຂອງພຣະອົງແລະເວົ້າວ່າ, “ສຳລັບມະນຸດແລ້ວມັນເປັນໄປບໍ່ໄດ້, ແຕ່ທຸກສິ່ງທຸກຢ່າງເປັນໄປໄດ້ສຳລັບພຣະເຈົ້າ.”

![](https://cdn.door43.org/obs/jpg/360px/obs-en-28-09.jpg)

ອັກຄະສາວົກເປໂຕຈຶ່ງຖາມພຣະເຢຊູວ່າ, “ພວກຂ້ານ້ອຍໄດ້ສະຫຼະທຸກສິ່ງທຸກຢ່າງແລະຕິດຕາມພຣະອົງມາ ແລ້ວພວກຂ້ານ້ອຍຈະໄດ້ຮັບສິ່ງໃດຕອບແທນ?”

![](https://cdn.door43.org/obs/jpg/360px/obs-en-28-10.jpg)

ພຣະເຢຊູຊົງຕອບພວກເຂົາວ່າ, “ທຸກຄົນທີ່ໄດ້ສະຫຼະບ້ານເຮືອນ, ອ້າຍເອື້ອຍນ້ອງ, ພໍ່ແມ່, ລູກເຕົ້າ ແລະຊັບສິ່ງຂອງຂອງພວກເຂົາເພື່ອຕິດຕາມເຮົາມາ ຈະໄດ້ຮັບຜົນຕອບແທນ100ເທົ່າ ທັງຈະໄດ້ຮັບຊີວິດອັນຕະຫຼອດໄປເປັນນິດ. ແຕ່ຄົນທີ່ເປັນຕົ້ນຈະກັບເປັນປາຍ ແລະຄົນທີ່ເປັນປາຍຈະກັບເປັນຕົ້ນ.”

*ເລື່ອງຈາກພຣະຄຳພີ ມັດທາຍ 19:16-30; ມາຣະໂກ 10:17-31; ລູກາ 18:18-30*

## 29. ເລື່ອງຄົນຮັບໃຊ້ທີ່ບໍ່ມີຄວາມເມດຕາ

https://openbiblestories.org/l/lo/story-29/

![](https://cdn.door43.org/obs/jpg/360px/obs-en-29-01.jpg)

ວັນໜຶ່ງເປໂຕໄດ້ຖາມພຣະເຢຊູວ່າ, "ນາຍເຈົ້າເອີຍ ຂ້ານ້ອຍຕ້ອງຍົກໂທດໃຫ້ນ້ອງຊາຍຂອງຂ້ານ້ອຍຈັກເທື່ອ ເມື່ອລາວເຮັດຜິດບາບຕໍ່ຂ້ານ້ອຍ? ຕັ້ງເຈັດເທື່ອພຸ້້ນບໍ?" ພຣະເຢຊູຕອບວ່າ, "ບໍ່ແມ່ນເຈັດເທື່ອ ແຕ່ແມ່ນເຈັດສິບຄູນເຈັດເທື່ອ." ພຣະເຢຊູໝາຍຄວາມວ່າ ເຮົາຕ້ອງຍົກໂທດໃຫ້ກັນເລື້ອຍໆ. ແລ້ວພຣະເຢຊູໄດ້ບອກເລື່ອງນີ້ສູ່ເຂົາຟັງ.

![](https://cdn.door43.org/obs/jpg/360px/obs-en-29-02.jpg)

ພຣະເຢຊູກ່າວວ່າ, “ອານາຈັກຂອງພຣະເຈົ້າກໍເໝືອນດັ່ງ ກະສັດຄົນໜຶ່ງທີ່ຕ້ອງການຖາມໜີ້ຈາກຄົນຮັບໃຊ້ຂອງຕົນ. ໜຶ່ງໃນຄົນຮັບໃຊ້ລາວນັ້ນຕິດໜີ້ລາວສອງແສນຕະລັນຕົນ (ເງິນໃນຍຸກນັ້ນ)”

![](https://cdn.door43.org/obs/jpg/360px/obs-en-29-03.jpg)

ແຕ່ຄົນຮັບໃຊ້ນັ້ນບໍ່ສາມາດໃຊ້ໜີ້ຂອງຕົນໄດ້, ກະສັດຈິ່ງເວົ້າວ່າ: "ຂາຍຊາຍຄົນນີ້ ແລະ ຄອບຄົວຂອງລາວສາ! ເພື່ອເຂົາຈະມີເງິນມາໃຊ້ໜີ້."

![](https://cdn.door43.org/obs/jpg/360px/obs-en-29-04.jpg)

ຄົນຮັບໃຊ້ຜູ້ນັ້ນຈຶ່ງຂູ່ເຂົ່າລົງ ແລະ ຂໍຮ້ອງຕໍ່ກະສັດວ່າ, ‘ຂໍໃຫ້ທ່ານອົດທົນນໍາຂ້ານ້ອຍແດ່ທ້ອນ, ແລ້ວຂ້ານ້ອຍຈະຫາເງິນມາຈ່າຍໜີ້ທັງໝົດໃຫ້ທ່ານ.’ ກະສັດຮູ້ສຶກອີ່ດູຕົນຄົນຮັບໃຊ້ຜູ້ນັ້ນ, ສະນັ້ນ ກະສັດຈຶ່ງຍົກໜີ້ທັງໝົດໃຫ້ລາວ ແລະ ປ່ອຍລາວກັບໄປ.

![](https://cdn.door43.org/obs/jpg/360px/obs-en-29-05.jpg)

ແຕ່ເມື່ອຄົນຮັບໃຊ້ຜູ້ນັ້ນກັບຈາກກະສັດ, ລາວໄດ້ພົບໝູ່ທີ່ເປັນຄົນໃຊ້ຜູ້ໜຶ່ງທີ່ເປັນໜີ້ຄ່າຈ້າງລາວສີ່ເດືອນ, ຄົນໃຊ້ຜູ້ນັ້ນຈຶ່ງສວາຍໂອກາດເວົ້າວ່າ, "ຈົ່ງຈ່າຍເງິນທີ່ເຈົ້າເປັນໜີ້ມາໃຫ້ຂ້ອຍແມ້!”

![](https://cdn.door43.org/obs/jpg/360px/obs-en-29-06.jpg)

ເພື່ອນຄົນໃຊ້ຜູ້ນັ້ນໄດ້ຂູ່ເຂົ່າລົງ ແລະ ເວົ້າວ່າ, "ຂໍໃຫ້ເຈົ້າຈົ່ງອົດທົນກັບຂ້ອຍແດ່ທ້ອນ, ແລ້ວຂ້ອຍຈະຫາເງິນມາໃຊ້ເຈົ້າທັງໝົດ." ແຕ່ຄົນໃຊ້ນັ້ນບໍ່ໄດ້ຟັງທີ່ລາວຮ້ອງຂໍ ແລະ ຈັບລາວໄປຄັງຄຸກຈົນກ່ວາລາວຈະໃຊ້ໜີ້.

![](https://cdn.door43.org/obs/jpg/360px/obs-en-29-07.jpg)

ມີຄົນຮັບໃຊ້ອື່ນຫຼາຍຄົນເຫັນສິ່ງທີ່ເກີດຂຶ້ນ ແລະ ຮູ້ສຶກເປັນກັງວົນ. ພວກເຂົາຈຶ່ງໄປຫາກະສັດ ແລະ ບອກເລື່ອງທັງໝົດໃຫ້ກະສັດຟັງ.

![](https://cdn.door43.org/obs/jpg/360px/obs-en-29-08.jpg)

ກະສັດຈຶ່ງເອີ້ນຄົນຮັບໃຊ້ຜູ້ນັ້ນມາ ແລະ ເວົ້າວ່າ, ‘ເຈົ້າຄົນຮັບໃຊ້ຊົ່ວຊ້າ! ເຮົາໄດ້ລົບໜີ້ໃຫ້ເຈົ້າເພາະເຈົ້າໄດ້ຂໍຮ້ອງເຮົາ.ເຈົ້າກໍຄວນເຮັດເຊັ່ນນັ້ນກັບໝູ່ເຈົ້າຄືກັນ.’ ກະສັດໂກດຮ້າຍຫຼາຍຈຶ່ງຈັບລາວຂັງຄຸກຈົນກ່ວາລາວຈະໃຊ້ໜີ້ໝົດ.

![](https://cdn.door43.org/obs/jpg/360px/obs-en-29-09.jpg)

ຈາກນັ້ນພຣະເຢຊູກ່າວວ່າ, “ນີ້ຄືສິ່ງທີ່ພຣະບິດາຂອງເຮົາຢູ່ເທິງສະຫວັນຈະກະທໍາແກ່ພວກເຈົ້າ ຖ້າພວກເຈົ້າບໍ່ໃຫ້ອະໄພອ້າຍເອື້ອຍນ້ອງຂອງພວກເຈົ້າຈາກໃຈ.”

*ບົດເລື່ອງຈາກພະຄໍາພີ ມັດທາຍ 18:21-35*

## 30. ພຣະເຢຊູຊົງລ້ຽງຫ້າພັນຄົນ

https://openbiblestories.org/l/lo/story-30/

![](https://cdn.door43.org/obs/jpg/360px/obs-en-30-01.jpg)

ພຣະເຢຊູໄດ້ສົ່ງບັນດາອັກຄະສາວົກຂອງພຣະອົງອອກໄປປະກາດແລະສັ່ງສອນຕາມແຕ່ລະໝູ່ບ້ານ. ເມື່ອພວກເຂົາກັບຄືນມາ ພວກເຂົາໄດ້ເລົ່າໃຫ້ພຣະອົງຟັງເຖິງສິ່ງທີ່ພວກເຂົາໄດ້ເຮັດ. ແລ້ວພຣະເຢຊູໄດ້ຊວນພວກເຂົາໃຫ້ຂ້າມໄປພັກຜ່ອນໃນບ່ອນທີ່ງຽບສະຫງົບຢູ່ອີກຟາກໜຶ່ງຂອງທະເລສາບ.

![](https://cdn.door43.org/obs/jpg/360px/obs-en-30-02.jpg)

ແຕ່ມີຫຼາຍຄົນເຫັນພຣະເຢຊູແລະອັກຄະສາວົກຂອງພຣະອົງລົງເຮືອ. ຄົນເຫຼົ່ານັ້ນກໍແລ່ນຕາມພຣະອົງໄປຕາມແຄມທະເລສາບເພື່ອໃຫ້ໄປກ່ອນໜ້າພຣະອົງ. ສະນັ້ນເມື່ອພຣະເຢຊູແລະພວກສາວົກມາເຖິງ ຄົນຈຳນວນຫຼວງຫຼາຍກໍລໍຖ້າພວກເຂົາຢູ່ທີ່ນັ້ນແລ້ວ.

![](https://cdn.door43.org/obs/jpg/360px/obs-en-30-03.jpg)

ຄົນເຫຼົ່ານັ້ນ ມີຈຳນວນ 5,000ຄົນ ນັບພຽງແຕ່ຜູ້ຊາຍ ເຊິ່ງຍັງບໍ່ທັນລວມກັບຜູ້ຍິງແລະເດັກນ້ອຍ. ພຣະເຢຊູເຫັນອົກເຫັນໃຈຄົນເຫຼົ່ານັ້ນຫຼາຍ. ໃນສາຍຕາຂອງພຣະເຢຊູຄຣິດແລ້ວ ຄົນເຫຼົ່ານີ້ປຽບເໝືອນຝູງແກະທີ່ບໍ່ມີຜູ້ລ້ຽງ. ສະນັ້ນພຣະເຢຊູຈຶ່ງສັ່ງສອນເຂົາ ແລະຢຽວຢາຮັກສາຄົນທີ່ບໍ່ສະບາຍໃນທ່າມກາງພວກເຂົາ.

![](https://cdn.door43.org/obs/jpg/360px/obs-en-30-04.jpg)

ໃນຕອນແລງຂອງວັນນັ້ນ ພວກສາວົກບອກພຣະເຢຊູວ່າ, “ຮອດຕອນແລງແລ້ວ ແລະຕົວເມືອງກໍຢູ່ຫ່າງໄກຈາກບ່ອນນີ້ຫຼາຍ. ຈົ່ງບອກໃຫ້ປະຊາຊົນພາກັນກັບບ້ານ ເພື່ອພວກເຂົາຈະສາມາດຫາຊື້ອາຫານກິນໄດ້.”

![](https://cdn.door43.org/obs/jpg/360px/obs-en-30-05.jpg)

ແຕ່ພຣະເຢຊູຊົງກ່າວຕໍ່ພວກສາວົກຂອງພຣະອົງວ່າ, ຈົ່ງເອົາອາຫານໃຫ້ພວກເຂົາກິນສາ!” ພວກເຂົາຕອບພຣະອົງວ່າ, “ພວກເຮົາຈະເຮັດຢ່າງນັ້ນໄດ້ແນວໃດ? ພວກເຮົາມີພຽງແຕ່ເຂົ້າຈີ່5ກ້ອນແລະປານ້ອຍ2ໂຕ.”

![](https://cdn.door43.org/obs/jpg/360px/obs-en-30-06.jpg)

ພຣະເຢຊູໄດ້ສັ່ງໃຫ້ສາວົກຂອງພຣະອົງບອກພວກຄົນເຫຼົ່ານັ້ນໃຫ້ນັ່່ງລົງເປັນກຸ່ມເທິງຫຍ້າ ກຸ່ມລະ50ຄົນ.

![](https://cdn.door43.org/obs/jpg/360px/obs-en-30-07.jpg)

ເມື່ອພຣະເຢຊູຊົງຮັບເອົາເຂົ້າຈີ່5ກ່ອນກັບປາ2ໂຕ ແລ້ວກໍເງີຍໜ້າຂຶ້ນເທິງຟ້າ ແລະໂມທະນາຂອບພຣະຄຸນພຣະເຈົ້າສຳລັບອາຫານ.

![](https://cdn.door43.org/obs/jpg/360px/obs-en-30-08.jpg)

ແລ້ວພຣະເຢຊູກໍຫັກເຂົ້າຈີ່ແລະແບ່ງປານັ້ນເປັນຕ່ອນໆ. ພຣະອົງຊົງແຈກແຕ່ລະຕ່ອນໃຫ້ກັບພວກສາວົກແລະປະຊາຊົນທັງໝົດ. ພວກສາວົກກໍພາກັນແຈກຢາຍເຂົ້າຈີ່ແລະປາຕໍ່ໆກັນໄປແລະມັນກໍບໍ່ໝົດຈັກເທື່ອ! ທຸກໆຄົນໄດ້ກິນແລະມີຄວາມພໍໃຈຫຼາຍ

![](https://cdn.door43.org/obs/jpg/360px/obs-en-30-09.jpg)

ຫຼັງຈາກນັ້ນ ພວກສາວົກຂອງພຣະອົງກໍເກັບເອົາສ່ວນທີ່ຍັງບໍ່ທັນໄດ້ກິນເອົາໄວ້ໄດ້ຈົນເຕັມ 12 ກະຕ່າ! ອາຫານທັງໝົດນັ້ນແມ່ນມາຈາກເຂົ້າຈີ່ພຽງ 5 ກ້ອນແລະປາ 2 ໂຕ.

*ບົດເລື່ອງຈາກພຣະຄຳ: ມັດທາຍ 14:13-21; ມາຣະໂກ 6:31-44; ລູກາ 9:10-17; ໂຢຮັນ 6:5-15*

## 31. ພຣະເຢຊູຍ່າງເທິງນ້ຳ

https://openbiblestories.org/l/lo/story-31/

![](https://cdn.door43.org/obs/jpg/360px/obs-en-31-01.jpg)

ຫຼັງຈາກທີ່ພຣະເຢຊູໄດ້ບອກໃຫ້ປະຊາຊົນກັບເມືອ ພຣະອົງໄດ້ບອກໃຫ້ສາວົກລົງເຮືອແລະພາຍຂ້າມໄປອີກຟາກໜຶ່ງຂອງທະເລສາບກ່ອນ. ຈາກນັ້ນພຣະອົງກໍຂຶ້ນໄປເທິງພູເຂົາພຽງຄົນດຽວເພື່ອອະທິຖານ. ພຣະອົງອະທິຖານຢູ່ທີ່ນັ້ນຄົນດຽວຈົນເຖິງທ່ຽງຄືນ.

![](https://cdn.door43.org/obs/jpg/360px/obs-en-31-02.jpg)

ຈົນເຖິງຕອນກາງຄືນແລ້ວ ແຕ່ພວກສາວົກຍັງຄົງພາຍເຮືອມາຮອດແຕ່ກາງທະເລສາບເທົ່ານັ້ນ ເພາະພວກເຂົາຕ້ອງພາຍເຮືອຕ້ານກັບລົມພາຍຸທີ່ກຳລັງພັດຢ່າງຮຸນແຮງ.

![](https://cdn.door43.org/obs/jpg/360px/obs-en-31-03.jpg)

ຫຼັງຈາກພຣະເຢຊູອະທິຖານແລ້ວ ພຣະອົງກໍຍ່າງເທິງໜ້ານ້ຳ! ເພື່ອຂ້າມທະເລສາບໄປຫາເຮືອທີ່ພວກສາວົກຢູ່.

![](https://cdn.door43.org/obs/jpg/360px/obs-en-31-04.jpg)

ເມື່ອພວກເຂົາແນມເຫັນພຣະເຢຊູ ກໍເກີດມີຄວາມຢ້ານເພາະພວກເຂົາຄິດວ່າພວກເຂົາກຳລັງເຫັນຜີ. ພຣະເຢຊູຊົງຮູ້ວ່າພວກເຂົາຮູ້ສຶກຢ້ານ ຈິ່ງຮ້ອງໃສ່ພວກເຂົາວ່າ, ຢ່າສູ່ຢ້ານ ນີ້ແມ່ນເຮົາເອງ!”

![](https://cdn.door43.org/obs/jpg/360px/obs-en-31-05.jpg)

ແລ້ວເປໂຕກໍເວົ້າກັບພຣະເຢຊູວ່າ, ນາຍເຈົ້າເອີຍ, ຖ້າແມ່ນທ່ານແທ້, ຈົ່ງສັ່ງໃຫ້ຂ້ານ້ອຍຍ່າງເທິງໜ້ານ້ຳໄປຫາພຣະອົງ.” ພຣະເຢຊູຊົງຕອບເປໂຕວ່າ, ຈົ່ງມາເຖີດ!”

![](https://cdn.door43.org/obs/jpg/360px/obs-en-31-06.jpg)

ສະນັ້ນເປໂຕຈິ່ງກ້າວອອກຈາກເຮືອແລະຍ່າງເທິງໜ້ານ້ຳໄປຫາພຣະເຢຊູ. ຫຼັງຈາກຍ່າງໄປໄດ້ໄລຍະໜຶ່ງ ລາວກໍບໍ່ຫຼຽວເບິ່ງພຣະເຢຊູ ແຕ່ກັບຫຼຽວໄປເບິ່ງຄື້ນທີ່ພັດເຂົ້າມາຢ່າງຮຸນແຮງນັ້ນ.

![](https://cdn.door43.org/obs/jpg/360px/obs-en-31-07.jpg)

ແລ້ວເປໂຕກໍຮູ້ສຶກຢ້ານແລະເລີ່ມຈົມລົງໄປໃນນ້ຳ ລາວຮ້ອງຂຶ້ນວ່າ, “ພຣະເຈົ້າເອີ່ຍ, ຂໍໂຜດຊ່ວຍຂ້ານ້ອຍແດ່ທ້ອນ!” ພຣະເຢຊູຈຶ່ງຍື່ນມືອອກໄປຈັບມືຂອງລາວໄວ້ແລະກ່າວກັບລາວວ່າ, “ໂອ້ຊາຍຜູ້ມີຄວາມເຊື່ອໜ້ອຍເອີຍ, ເປັນຫຍັງເຈົ້າຈຶ່ງສົງໄສ?”

![](https://cdn.door43.org/obs/jpg/360px/obs-en-31-08.jpg)

ທັນທີທີ່ພຣະເຢຊູແລະເປໂຕກັບເຂົ້າໄປໃນເຮືອ ແລ້ວພາຍຸກໍສະຫງົບງຽບລົງ. ພວກສາວົກພາກັນປະຫຼາດໃຈແລະເວົ້າກັບພຣະອົງວ່າ, “ຈິງແທ້ແລ້ວ! ທ່ານເປັນພຣະບຸດຂອງພຣະເຈົ້າ.”

*ບົດເລື່ອງຈາກພຣະຄຳພີ 14:22-33; ມາຣະໂກ 6:45-52; ໂຢຮັນ 6:16-21*

## 32. ພຣະເຢຊູຮັກສາຊາຍທີ່ຖືກຜີສິງ ແລະ ຍິງທີ່ປ່ວຍ

https://openbiblestories.org/l/lo/story-32/

![](https://cdn.door43.org/obs/jpg/360px/obs-en-32-01.jpg)

ມື້ໜຶ່ງ,ພຣະເຢຊູ ແລະ ພວກສາວົກໄດ້ຂີ່ເຮືອຂ້າມໄປທະເລຊາຍຝາກເມືອງເຄຣາເຊນທີ່ມີປະຊາຊົນອາໄສຢູ່.

![](https://cdn.door43.org/obs/jpg/360px/obs-en-32-02.jpg)

ເມື່ອພວກເຂົາຂ້າມທະເລຊາຍໄປຝາກນັ້ນແລ້ວ, ກໍມີຊາຍຄົນໜຶ່ງທີ່ຖືກຜີສິງແລ່ນເຂົ້າມາຫາພຣະເຢຊູ.

![](https://cdn.door43.org/obs/jpg/360px/obs-en-32-03.jpg)

ຊາຍຄົນນັ້ນເປັນຄົນແຂງແຮງຫຼາຍ ບໍ່ມີໃຜສາມາດຈັບລາວໄວ້ໄດ້, ເຖິງວ່າ ພວກປະຊາຊົນຈະມັດລາວດ້ວຍໂສ້ກໍຕາມ, ແຕ່ລາວກໍຫັກໂສ້ນັ້ນຖິ້ມໄດ້.

![](https://cdn.door43.org/obs/jpg/360px/obs-en-32-04.jpg)

ຊາຍຄົນນັ້ນ ອາໄສໃນປ່າເລິກ, ລາວແຜດສຽງຮ້ອງທັງເວັນທັງຄືນ, ລາວບໍ່ໄດ້ນຸ່ງເຄື່ອງຫຍັງເລີຍ. ລາວມັກເອົາກ້ອນຫີນປາດຕາມຕົນໂຕລາວ.

![](https://cdn.door43.org/obs/jpg/360px/obs-en-32-05.jpg)

ເມື່ອຊາຍຄົນນັ້ນມາຫາພຣະເຢຊູ ລາວກໍກົ້ມຂາບລົງຕໍ່ໜ້າພຣະອົງ, ພຣະເຢຊູໄດ້ກ່າວຕໍ່ຜີມານຮ້າຍນັ້ນວ່າ, “ອອກຈາກຊາຍຄົນນີ້ດຽວນີ້!”

![](https://cdn.door43.org/obs/jpg/360px/obs-en-32-06.jpg)

ຊາຍທີ່ຖືກຜີສິງຮ້ອງຂຶ້ນວ່າ: “ທ່ານຕ້ອງການຫຍັງຈາກຂ້ອຍ, ພຣະເຢຊູ, ບຸດຂອງພຣະເຈົ້າສູງສຸດ?” ແລ້ວພຣະເຢຊູຖາມຜີນັ້ນວ່າ, “ເຈົ້າຊື່ຫຍັງ?” ມັນຕອບວ່າ, “ເລເຢິນ”, ເພາະພວກເຮົາມີຫຼາຍຕົວໃນຊາຍຄົນນີ້.”(“ເລເຢິນ” ໝາຍເຖິງກອງທັບທະຫານໂຣມຈໍານວນຫຼາຍພັນຄົນ).

![](https://cdn.door43.org/obs/jpg/360px/obs-en-32-07.jpg)

ຜີມານໄດ້ຂໍຮ້ອງພຣະເຢຊູວ່າ, “ຂໍຢ່າສົ່ງພວກເຮົາອອກໄປຈາກເຂດນີ້ເລີຍ”. ມີຝູງໝູທີ່ກໍາລັງຫາກິນຢູ່ໃກ້ຮ່ອມພູນັ້ນ. ດັ່ງນັ້ນ, ຜີມານຮ້າຍຈຶ່ງຂໍຮ້ອງກັບພຣະເຢຊູວ່າ: ຂໍໃຫ້ພວກເຮົາເຂົ້າໄປສິງໃນຝູງໝູນັ້ນສາ ແລະ ພຣະເຢຊູຈຶ່ງກ່າວວ່າ: “ຈົ່ງໄປ”.

![](https://cdn.door43.org/obs/jpg/360px/obs-en-32-08.jpg)

ແລ້ວຜີມານຮ້າຍກໍໄດ້ອອກຈາກຊາຍຜູ້ນັ້ນ ແລະ ເຂົ້າໄປສິງໃນຝູງໝູ. ແລ້ວຝູງໝູກໍແລ່ນໂຕນລົງທະເລຈົມລົງນໍ້າຕາຍໝົດ ຈໍານວນສອງພັນໂຕ.

![](https://cdn.door43.org/obs/jpg/360px/obs-en-32-09.jpg)

ເມື່ອເຈົ້າຂອງໝູເຫັນດັ່ງນັ້ນ, ພວກເຂົາກໍແລ່ນເຂົ້າໄປໃນເມືອງ ແລະ ເລົ່າເລື່ອງໃຫ້ທຸກຄົນຟັງ ໃນສິ່ງທີ່ພຣະເຢຊູໄດ້ເຮັດ, ແລ້ວປະຊາຊົນກໍອອກຈາກເມືອງ ເພື່ອໄປເບິ່ງຊາຍທີ່ເຄີຍຖືກຜີສິງນັ້ນ ລາວກໍາລັງນັ່ງ ສະຫງົບ ແລະ ນຸ່ງເສື້ອຜ້າຮຽບຮ້ອຍເໝືອນຄົນປົກກະຕິທໍາມະດາ.

![](https://cdn.door43.org/obs/jpg/360px/obs-en-32-10.jpg)

ປະຊາຊົນເກີດມີຄວາມຢ້ານຫຼາຍ ຈຶ່ງບອກໃຫ້ພຣະເຢຊູອອກໜີໄປ, ຜູ້ຊາຍທີ່ຜີເຄີຍເຂົ້າສິງນັ້ນ ໄດ້ຂໍຕິດຕາມພຣະເຢຊູ.

![](https://cdn.door43.org/obs/jpg/360px/obs-en-32-11.jpg)

ແຕ່ພຣະເຢຊູກ່າວຕໍ່ລາວວ່າ: "ເຮົາຢາກໃຫ້ເຈົ້າກັບເມືອເຮືອນສາ ແລ້ວບອກທຸກຄົນໃນຄອບຄົວເຈົ້າ ໃນສິ່ງທີ່ພຣະເຈົ້າໄດ້ກະທໍາຕໍ່ເຈົ້າ. ພຣະອົງມີຄວາມເມດຕາກະລຸນາຕໍ່ເຈົ້າຫຼາຍ."

![](https://cdn.door43.org/obs/jpg/360px/obs-en-32-12.jpg)

ແລ້ວຊາຍຄົນນັ້ນ ຈຶ່ງແລ່ນອອກໄປບອກໃຫ້ທຸກຄົນຟັງໃນສິ່ງທີ່ພຣະເຢຊູເຮັດຕໍ່ລາວ. ທຸກຄົນທີ່ໄດ້ຍິນເລື່ອງຂອງລາວ ຕ່າງກໍແປກໃຈ ແລະ ຕື່ນເຕັ້ນ.

![](https://cdn.door43.org/obs/jpg/360px/obs-en-32-13.jpg)

ພຣະເຢຊູໄດ້ກັບໄປທະເລສາບອີກຝາກໜຶ່ງ, ເມື່ອພຣະອົງໄປຮອດທີ່ນັ້ນແລ້ວ ໄດ້ມີຝູງຊົນອ້ອມຮອບພຣະອົງໄວ້. ຝູງໝູ່ປະຊາຊົນນັ້ນ ມີຍິງຄົນໜຶ່ງທີ່ເປັນພະຍາດເລືອດຕົກມາໄດ້ສິບສອງປີຢ່າງທຸກເວດທະນາ. ນາງໄດ້ໃຊ້ເງິນທັງໝົດຂອງລາວເພື່ອປິ່ນປົວ, ແຕ່ລາວກໍຍັງບໍ່ເຊົາ

![](https://cdn.door43.org/obs/jpg/360px/obs-en-32-14.jpg)

ນາງໄດ້ຍິນວ່າ ພຣະເຢຊູຢຽວຢາຮັກສາຄົນເຈັບປ່ວຍຈໍານວນຫຼວງຫຼາຍ ແລະ ນາງຄິດວ່າ: “ຂ້ອຍແນ່ໃຈວ່າ, ຖ້າຂ້ອຍໄດ້ບາຍເຄື່ອງນຸ່ງຂອງພຣະອົງຂ້ອຍຄົງຈະຫາຍດີຄືກັນ”. ດັ່ງນັ້ນ ນາງຈຶ່ງພະຍາຍາມເຂົ້າໃກ້ພຣະອົງເພື່ອຈັບບາຍເຄື່ອງນຸ່ງຂອງພຣະອົງ. ໃນຂະນະທີ່ນາງກໍາລັງຈັບບາຍເຄື່ອງນຸ່ງພຣະເຢຊູຢູ່ນັ້ນ ອາການເລືອດຕົກຂອງນາງກໍຢຸດຕົກທັນທີ.

![](https://cdn.door43.org/obs/jpg/360px/obs-en-32-15.jpg)

ທັນໃດນັ້ນ, ພຣະເຢຊູໄດ້ຮູ້ສຶກວ່າ ລິດເດດໄດ້ອອກຈາກພຣະອົງ. ດັ່ງນັ້ນ, ພຣະອົງຈຶ່ງຫຼຽວເບິ່ງອ້ອມຮອບ ແລະ ກ່າວວ່າ: “ແມ່ນຜູ້ໃດຈັບບາຍເສື້ອເຮົາ?”.

![](https://cdn.door43.org/obs/jpg/360px/obs-en-32-16.jpg)

ຍິງຄົນນັ້ນໄດ້ຂຸເຂົ່າລົງຕໍ່ໜ້າພຣະເຢຊູ, ທັງສັ່ນທັງຢ້ານຫຼາຍ ແລະ ນາງກໍບອກພຣະອົງວ່າ: ນາງເປັນຄົນຈັບບາຍເສື້ອຂອງພຣະອົງ ແລະ ນາງກໍຖືກປິ່ນປົວແລ້ວ. ພຣະເຢຊູກ່າວຕໍ່ນາງວ່າ, “ຄວາມເຊື່ອຂອງເຈົ້າໄດ້ຮັກສາເຈົ້າແລ້ວ. ຈົ່ງຍິນດີເຖີດ”

*ບົດເລື່ອງຈາກພະຄໍາພີ ມັດທາຍ 8:28-34; 9:20-22; ມາລະໂກ 5:1-20; 5:24ຂ-34; ລູກາ 8:26-39; 8:42ຂ-48*

## 33. ເລື່ອງຜູ້ຫວ່ານເມັດພືດ.

https://openbiblestories.org/l/lo/story-33/

![](https://cdn.door43.org/obs/jpg/360px/obs-en-33-01.jpg)

ມີມື້ໜຶ່ງພຣະເຢຊູໄດ້ໄປທີ່ແຄມທະເລສາບ ມີຄົນຫຼວງຫຼາຍຢາກຟັງພຣະອົງສັ່ງສອນຈຶ່ງຕິດຕາມພຣະອົງໄປ. ຍ້ອນຄົນຫຼາຍພຣະອົງຈຶ່ງຂຶ້ນເຮືອທີ່ຢູ່ແຄມທະເລ ເພື່ອສັ່ງສອນພວກເຂົາ ເພາະບໍ່ມີບ່ອນໃຫ້ພຣະອົງຢືນຢູ່ແຄມຝັ່ງນັ້ນ.

![](https://cdn.door43.org/obs/jpg/360px/obs-en-33-02.jpg)

ແລ້ວພຣະເຢຊູກໍ່ເລົ່າເລື່ອງໃຫ້ພວກເຂົາຟັງວ່າ: ມີຊາວນາຄົນໜຶ່ງໄດ້ອອກໄປຫວ່ານເມັດພືດ ໃນຂະນະທີ່ຫວ່ານຢູ່ນັ້ນ ບາງເມັດກໍຕົກຕາມແຄມທາງຍ່າງໂຕນົກກໍມາຕອດກີນເມັດພືດເຫຼົ່ານັ້ນ.

![](https://cdn.door43.org/obs/jpg/360px/obs-en-33-03.jpg)

ບາງເມັດກໍຕົກໃສ່ດິນທີ່ມີຫີນປົນຢູ່, ເມັດພືດນັ້ນໃຫຍ່ຂຶ້ນຢ່າງໄວ ແຕ່ເພາະຮາກຂອງມັນບໍ່ເລິກ ເມື່ອແດດສ່ອງໃສ່ ມັນກໍຮ້ອນ, ຫ່ຽວແຫ້ງ ແລະ ຕາຍໄປ.

![](https://cdn.door43.org/obs/jpg/360px/obs-en-33-04.jpg)

ແລະ ບາງເມັດກໍ່ຕົກໃສ່ດິນທີ່ມີພຸ່ມໜາມ, ເມື່ອພວກມັນໃຫຍ່ຂຶ້ນໜາມກໍຫຸ້ມຮັດພວກມັນ ຈຶ່ງເຮັດໃຫ້ເຕີບໂຕບໍ່ເຕັມທີ່ ແລະ ເກີດຜົນບໍ່ໄດ້.

![](https://cdn.door43.org/obs/jpg/360px/obs-en-33-05.jpg)

ແຕ່ບາງເມັດກໍຕົກໃສ່ດິນດີ, ເມື່ອເຕີບໂຕຂຶ້ນກໍເກີດຜົນຫຼາຍ ສາມສິບເທົ່າ, ຫົກສິບເທົ່າ ແລະ ຮ້ອຍເທົ່າ ຕາມແຕ່ລະຊະນິດຂອງເມັດພືດ. ໃຜມີຫູກໍໃຫ້ຟັງເອົາ.

![](https://cdn.door43.org/obs/jpg/360px/obs-en-33-06.jpg)

ເລື່ອງນີ້ພວກສາວົກບໍ່ເຂົ້າໃຈ, ສະນັ້ນພຣະເຢຊູຈຶ່ງອະທິບາຍໃຫ້ເຂົາຟັງ, ເມັດພືດແມ່ນພຣະຄໍາຂອງພຣະເຈົ້າ ທາງຍ່າງແມ່ນຄົນທີ່ຟັງພະຄໍາຂອງພຣະເຈົ້າ ແຕ່ບໍ່ເຂົ້າໃຈ ຜີມານຈຶ່ງຍາດເອົາພະຄໍາພຣະເຈົ້າອອກຈາກພວກເຂົາໄປ.

![](https://cdn.door43.org/obs/jpg/360px/obs-en-33-07.jpg)

ສ່ວນດິນທີ່ມີຫີນປົນຢູ່ ແມ່ນຄົນທີ່ຍິນພະຄໍາຂອງພຣະເຈົ້າ ແລະ ຍອມຮັບເອົາດ້ວຍໃຈຍິນດີ, ແຕ່ເມື່ອລາວພົບບັນຫາ ແລະ ການທົດລອງລາວຈຶ່ງຖອຍໜີຈາກພະຄໍາໄປ.

![](https://cdn.door43.org/obs/jpg/360px/obs-en-33-08.jpg)

ດິນທີ່ມີພຸ່ມໜາມແມ່ນໝາຍເຖິງຄົນທີ່ຍິນພະຄໍາຂອງພຣະເຈົ້າ, ເວລາຜ່ານໄປ ຄວາມກັງວົນ, ຄວາມຮັ່ງມີ ແລະ ຊັບສົມບັດໃນຊີວິດ ໄດ້ກີດກັ້ນລາວອອກຈາກຄວາມຮັກຂອງພຣະເຈົ້າ. ດ້ວຍເຫດນີ້ ພະຄໍາທີ່ລາວໄດ້ຍິນ ຈຶ່ງບໍ່ເກີດຜົນໃນຊີວິຂອງລາວ.

![](https://cdn.door43.org/obs/jpg/360px/obs-en-33-09.jpg)

ແຕ່ສໍາລັບດິນດີນັ້ນ ຄືຜູ້ທີ່ໄດ້ຍິນພະຄໍາຂອງພຣະເຈົ້າ, ເຊື່ອໃນພະຄໍາ ແລ້ວຊີວິດກໍເກີດຜົນຮ້ອຍເທົ່າ.

*ເລື່ອງຈາກພະຄໍາພີ ມັດທາຍ 13: 1-8, 18-23; ມາລາໂກ 4: 1-8, 13-20; ລູກາ 8: 4-15*

## 34. ພຣະເຢຊູສັ່ງສອນອີກຫຼາຍໆເລື່ອງ

https://openbiblestories.org/l/lo/story-34/

![](https://cdn.door43.org/obs/jpg/360px/obs-en-34-01.jpg)

ພຣະເຢຊູໄດ້ເລົ່າຫຼາຍຕໍ່ຫຼາຍເລື່ອງກ່ຽວກັບອານາຈັກຂອງພຣະເຈົ້າເຊັ່ນ: ພຣະອົງກ່າວໄວ້ວ່າ, “ອານາຈັກຂອງພຣະເຈົ້າກໍເປັນເໝືອນແກ່ນພືດເມັດໜຶ່ງທີ່ຄົນໄດ້ນໍາໄປປູກໃນສວນຂອງຕົນ. ເຈົ້າຮູ້ບໍ່ວ່າເມັດຜັກກາດແມ່ນເມັດພືດທີ່ນ້ອຍທີ່ສຸດຂອງບັນດາເມັດພືດທັງໝົດ.”

![](https://cdn.door43.org/obs/jpg/360px/obs-en-34-02.jpg)

ເມື່ອເມັດຜັກກາດໃຫຍ່ເຕີບໂຕຂຶ້ນ, ມັນໄດ້ກາຍເປັນຕົ້ນທີ່ໃຫຍ່ທີ່ສຸດໃນສວນ, ຈົນກະຈາຍຈົນນົກສາມາດເຮັດຮັ່ງຢູ່ກິ່ງກ້ານມັນໄດ້.

![](https://cdn.door43.org/obs/jpg/360px/obs-en-34-03.jpg)

ພຣະເຢຊູຍັງໄດ້ກ່າວອີກເລື່ອງໜຶ່ງວ່າ: ລາຊະອານາຈັກຂອງພຣະເຈົ້າກໍປຽບເໝືອນເຊື້ອແປ້ງທີ່ຍິງຄົນໜຶ່ງປະສົມໃສ່ໃນກ້ອນເຂົ້າຈີ່ຈົນກະຈາຍທົ່ວກ້ອນ.

![](https://cdn.door43.org/obs/jpg/360px/obs-en-34-04.jpg)

ອານາຈັກຂອງພຣະເຈົ້າກໍເປັນເໝືອນສົມບັດທີ່ບາງຄົນໄດ້ເອົາໄປເຊື່ອງໄວ້ໃນທົ່ງນາ.ມີຊາຍຄົນໜຶ່ງໄປພົບສົມບັດນັ້ນແລະ ໄດ້ຝັງມັນຄືນຄືເກົ່າ. ລາວຮູ້ສຶກດີໃຈຫຼາຍ, ລາວຈຶ່ງໄປຂາຍທຸກສິ່ງທີ່ລາວມີ ແລະ ໃຊ້ເງິນເຫຼົ່ານັ້ນໄປຊື້ນາຕອນນັ້ນ.

![](https://cdn.door43.org/obs/jpg/360px/obs-en-34-05.jpg)

ອານາຈັກຂອງພຣະເຈົ້າກໍເປັນເໝືອນໄຂ່ມຸກເມັດໜຶ່ງທີ່ມີລາຄາສູງສຸດ. ເມື່ອພໍ່ຄ້າຄົນໜຶ່ງໄດ້ພົບໄຂ່ມຸກນັ້ນ, ລາວກໍໄດ້ຂາຍທຸກສິ່ງທີ່ລາວມີ ແລະ ເອົາເງິນນັ້ນໄປຊື້ໄຂ່ມຸກດັ່ງກ່າວ.

![](https://cdn.door43.org/obs/jpg/360px/obs-en-34-06.jpg)

ແລ້ວພຣະເຢຊູກໍໄດ້ກ່າວຕໍ່ບາງຄົນທີ່ເຊື່ອໝັ້ນໃນໂຕເອງ ແລະ ມັກໝິ່ນປະໝາດຄົນອື່ນວ່າ: “ ມີຊາຍສອງຄົນໄດ້ໄປທີ່ພະວິຫານເພື່ອອະທິຖານ. ໜຶ່ງໃນພວກເຂົາແມ່ນຄົນເກັບພາສີ, ແລະ ອີກຄົນໜຶ່ງມ່ນຜູ້ນໍາສາດສະໜາ”

![](https://cdn.door43.org/obs/jpg/360px/obs-en-34-07.jpg)

ຜູ້ນໍາສາດສະໜາໄດ້ອະທິຖານຢ່າງນີ້, “ ຂອບພຣະຄຸນພຣະອົງ, ທີ່ຂ້ານ້ອຍບໍ່ເປັນຄົນບາບເໝືອນກັບຄົນອື່ນ, , ບໍ່ເປັນໂຈນ, ບໍ່ເປັນຄົນບໍ່ຊື່ສັດຫຼິ້ນຊູ້ ຫຼື ເປັນຄືກັບພາສີຄົນນັ້ນ”

![](https://cdn.door43.org/obs/jpg/360px/obs-en-34-08.jpg)

ຄືຂ້ານ້ອຍອົດອາຫານສອງຄັ້ງຕໍ່ອາທິດ ແລະ ຂ້ານ້ອຍໄດ້ຖວາຍໜຶ່ງສ່ວນສິບຂອງເງິນທັງໝົດ ແລະ ສິ່ງຂອງທີ່ຂ້ານ້ອຍໄດ້ມາ.

![](https://cdn.door43.org/obs/jpg/360px/obs-en-34-09.jpg)

ສ່ວນຄົນເກັບພາສີນັ້ນ, ທີ່ຢືນໄກຈາກຜູ້ນໍາສາດສະໜາ ແລະ ບໍ່ເງີຍໜ້າຂຶ້ນເທິງຟ້າເລີຍ, ແຕ່ລາວໄດ້ເອົາກຳປັ້ນທຸບເອິກລາວ ແລະ ອະທິຖານວ່າ, “ ພຣະເຈົ້າໂປດເມດຕາຂ້ານ້ອຍດ້ວຍເພາະຂ້ານ້ອຍເປັນຄົນບາບ”

![](https://cdn.door43.org/obs/jpg/360px/obs-en-34-10.jpg)

ດັ່ງນັ້ນພຣະເຢຊູຈຶ່ງກ່າວວ່າ, “ ເຮົາຈະບອກຄວາມຈິງ, “ພຣະເຈົ້າຊົງໄດ້ຍິນຄໍາອະທິຖານຂອງຄົນເກັບພາສີ ແລະ ປະກາດວ່າລາວເປັນຄົນຊອບທໍາ. ແຕ່ພຣະອົງບໍ່ມັກຄໍາອະທິຖານຂອງຜູ້ນໍາສາດສະໜາເລີຍ. ພຣະເຈົ້າຈະເອົາຜູ້ທີ່ອວດໂຕເອງລົງ ແລະ ຈະຍົກຜູ້ທີ່ຖອມຕົວຂຶ້ນ.

*ບົດເລື່ອງຈາກພະຄໍາພີ ມັດທາຍ 13:31-33, 44-46; ມາຣະໂກ 4:30-32; ລູກາ 13:18-21; 18:9-14*

## 35. ເລື່ອງພໍ່ທີ່ມີຄວາມເມດຕາ

https://openbiblestories.org/l/lo/story-35/

![](https://cdn.door43.org/obs/jpg/360px/obs-en-35-01.jpg)

ມື້ໜຶ່ງ, ພຣະເຢຊູໄດ້ສັ່ງສອນ ພວກເກັບພາສີ ແລະ ພວກນອກສິນທໍາ ພວກເຂົາມາຮ່ວມຕົວກັນ ເພື່ອມາຟັງສິ່ງທີ່ ພຣະອົງເທດສະໜາ.

![](https://cdn.door43.org/obs/jpg/360px/obs-en-35-02.jpg)

ຜູ້ນໍາສາດສະໜາບາງຄົນເຫັນພຣະເຢຊູຢູ່ກັບພວກຄົນບາບເໝືອນກັບໝູ່ເພື່ອນ, ພວກເຂົາເລີ່ມວິພາກວິຈານສິ່ງທີ່ ພຣະອົງເຮັດ. ສະນັ້ນ ພຣະເຢຊູເຈົ້າຈຶ່ງເລົ່າເລື່ອງໃຫ້ພວກເຂົາຟັງ.

![](https://cdn.door43.org/obs/jpg/360px/obs-en-35-03.jpg)

“ມີຊາຍຄົນໜຶ່ງເຊິ່ງມີລູກຊາຍສອງຄົນ. ຜູ້ເປັນນ້ອງໄດ້ເວົ້າກັບພໍ່ຂອງຕົນວ່າ, ‘ພໍ່, ລູກຕ້ອງການຊັບສົມບັດທີ່ເປັນສ່ວນຂອງລູກໃນຕອນນີ້.’ ເມື່ອຜູ້ເປັນພໍ່ແບ່ງຊັບສົມບັດເປັນສອງສ່ວນໃຫ້ລູກຊາຍທັງສອງ.”

![](https://cdn.door43.org/obs/jpg/360px/obs-en-35-04.jpg)

“ຕໍ່ມາຜູ້ເປັນນ້ອງໄດ້ຮີບໂຮມເອົາຊັບສົມບັດທັງໝົດ ແລ້ວອອກເດີນທາງໄປຫ່າງໄກ, ເຂົາໄດ້ໃຊ້ເງິນຢ່າງຟຸ້ມເຟືອຍໃນທາງຜິດບາບ.”

![](https://cdn.door43.org/obs/jpg/360px/obs-en-35-05.jpg)

ຫຼັງຈາກນັ້ນ, ກໍ່ເກີດໄພອຶດຫິວໃນດິນແດນທີ່ລາວອາໄສຢູ່, ແລະ ລາວບໍ່ມີເງິນທີ່ຈະຊື້ອາຫານ. ດັ່ງນັ້ນ ລາວຈຶ່ງຫາວຽກທີ່ລາວສາມາດເຮັດໄດ້, ຄືການລ້ຽງໝູ. ລາວລໍາບາກ ແລະ ຫິວຫຼາຍ ຈົນສິກິນອາຫານໝູໄດ້.

![](https://cdn.door43.org/obs/jpg/360px/obs-en-35-06.jpg)

“ໃນທີ່ສຸດ, ຜູ້ເປັນນ້ອງໄດ້ເວົ້າກັບຕົນເອງວ່າ, ‘ຂ້ອຍກໍາລັງເຮັດຫຍັງຢູ່ທີ່ນີ້? ຂະໜາດຄົນຮັບໃຊ້ຂອງພໍ່ຂ້ອຍຍັງມີອາຫານກິນຢ່າງບໍ່ອຶດບໍ່ຢາກ, ສ່ວນຂ້ອຍຈະຫິວຕາຍຢູ່ແລ້ວ.ຂ້ອຍຈະກັບໄປຫາພໍ່ ແລະ ຈະຂໍເປັນຄົນຮັບໃຊ້ຂອງເພິ່ນ. ’”

![](https://cdn.door43.org/obs/jpg/360px/obs-en-35-07.jpg)

ເມື່ອຜູ້ເປັນນ້ອງຊາຍກັບໄປທີ່ບ້ານພໍ່ຂອງລາວ. ເມື່ອລາວຍັງຢູ່ໄກຈາກເຮືອນ; ພໍ່ລາວຫຼຽວເຫັນລາວ ແລະ ເກີດຄວາມເຫັນອົກເຫັນໃຈລາວຫຼາຍ. ລາວຈຶ່ງແລ່ນໄປຫາລູກຊາຍຂອງຕົນ ທັງກອດ ແລະ ຈູບດ້ວຍຄວາມດີໃຈ.

![](https://cdn.door43.org/obs/jpg/360px/obs-en-35-08.jpg)

ລູກຊາຍ, ເວົ້າຕໍ່ພໍ່ວ່າ,”ລູກໄດ້ເຮັດບາບຕໍ່ສູ້ພຣະເຈົ້າ ແລະ ພໍ່, ລູກບໍ່ສົມຄວນທີ່ຈະເປັນຂອງພໍ່.”

![](https://cdn.door43.org/obs/jpg/360px/obs-en-35-09.jpg)

ແຕ່ພໍ່ຂອງລາວໄດ້ບອກຄົນຮັບໃຊ້ວ່າ, “ຮີບໄປເອົາເຄື່ອງນຸ່ງທີ່ດີທີ່ສຸດມານຸ່ງໃຫ້ລູກຊາຍຂອງເຮົາ! ເອົາແຫວນມາໃສ່ໃນມື ແລະ ເອົາເກີບມາໃສ່ຕີນໃຫ້ລາວ, ແລ້ວຂ້າລູກງົວທີ່ດີທີ່ສຸດ ພວກເຮົາຈະຈັດງານລ້ຽງ, ເພາະວ່າ ລູກຊາຍຂອງເຮົາໄດ້ຕາຍໄປແລ້ວ ແຕ່ຕອນນີ້ລາວໄດ້ມີຊີວິດໃໝ່, ລາວຫຼົງຫາຍໄປ ແຕ່ຕອນນີ້ຫາລາວພົບແລ້ວ.”

![](https://cdn.door43.org/obs/jpg/360px/obs-en-35-10.jpg)

ດັ່ງນັ້ນ ຄົນທັງຫຼາຍກໍເລີ່ມຈັດງານລ້ຽງ. ຫຼັງຈາກນັ້ນບໍ່ດົນ, ຜູ້ເປັນອ້າຍໄດ້ກັບມາຈາກວຽກ, ລາວໄດ້ຍິນສຽງເພງ ແລະ ເຫັນຄົນເຕັ້ນລໍາ ລາວຈຶ່ງຖາມຄົນຮັບໃຊ້ວ່າ ມີງານລ້ຽງຫຍັງ?

![](https://cdn.door43.org/obs/jpg/360px/obs-en-35-11.jpg)

ເມື່ອຜູ້ເປັນອ້າຍເຫັນວ່າ ພວກເຂົາຈັດງານລ້ຽງເພາະນ້ອງຊາຍກັບມາ, ລາວກໍເກີດໃຈຮ້າຍຫຼາຍ ແລະ ບໍ່ຢາກເຂົ້າໄປໃນບ້ານ. ພໍ່ຂອງລາວອອກມາແລະ ຂໍຮ້ອງໃຫ້ລາວເຂົ້າມາຮ່ວມສະຫຼອງນໍາກັນ, ແຕ່ລາວປະຕິເສດ.

![](https://cdn.door43.org/obs/jpg/360px/obs-en-35-12.jpg)

ຜູ້ເປັນອ້າຍໄດ້ເວົ້າຕໍ່ພໍ່ວ່າ, “ທຸກປີຂ້ອຍເຮັດວຽກຢ່າງໜັກ ແລະ ສັດຊື່ກັບພໍ່! ຂ້ອຍບໍ່ເຄີຍທີ່ຈະບໍ່ເຊື່ອຟັງພໍ່. ແລະ ແມ້ແຕ່ແກະນ້ອຍໂຕໜຶ່ງພໍ່ກໍບໍ່ເຄີຍໃຫ້ຂ້ອຍສະຫຼອງກັບໝູ່ເພື່ອນເລີຍ, ແຕ່ລູກຊາຍຂອງພໍ່ຜານເງິນໃນການທາງຜິດບາບແລ້ວກັບມາ, ພໍ່ກັບຂ້າງົວທີ່ດີທີ່ສຸດໃຫ້ລາວ.”

![](https://cdn.door43.org/obs/jpg/360px/obs-en-35-13.jpg)

ຜູ້ເປັນພໍ່ຕອບວ່າ, “ລູກຊາຍເອີ້ຍເຈົ້າຢູ່ກັບພໍ່ຕະຫຼອດ, ແລະທຸກຢ່າງທີ່ພໍ່ມີກໍເປັນຂອງເຈົ້າ. ແຕ່ນີ້ ເປັນການສົມຄວນທີ່ພວກເຮົາຈະສະຫຼອງ, ເພາະວ່າ ນ້ອງຊາຍຂອງເຈົ້າເໝືອນຕາຍໄປແລ້ວ,ແຕ່ບັດນີ້ ໄດ້ກັບຄືນມາມີຊີວິດອີກຄັ້ງ, ລາວເຄີຍຫຼົງຫາຍໄປ ແຕ່ບັດນີ້ ໄດ້ພົບລາວແລ້ວ. ”

*ບົດເລື່ອງຈາກພະຄໍາພີ ລູກາ 15:11-32*

## 36. ການຊົງປ່ຽນພຣະລັກສະນະ

https://openbiblestories.org/l/lo/story-36/

![](https://cdn.door43.org/obs/jpg/360px/obs-en-36-01.jpg)

ວັນໜຶ່ງພຣະເຢຊູໄດ້ພາສາວົກສາມຄົນໄປນໍາຄື: ເປໂຕ, ຢາໂກໂບ ແລະ ໂຢຮັນ ( ໂຢຮັນຜູ້ນີ້ບໍ່ແມ່ນຜູ້ດຽວກັນກັບຜູ້ທີ່ຮັບປັບຕິດສະມາໃຫ້ພຣະເຢຊູ). ພວກເຂົາຂຶ້ນໄປເທິງພູສູງໜ່ວຍໜຶ່ງເພື່ອອະທິຖານ.

![](https://cdn.door43.org/obs/jpg/360px/obs-en-36-02.jpg)

ໃນຂະນະທີ່ພຣະເຢຊູອະທິຖານຢູ່ນັ້ນ ໃບໜ້າຂອງພຣະອົງກໍປະກົດມີແສງສະຫວ່າງຄ້າຍຄືດວງຕາເວັນ ແລະ ເສຶ້ອຜ້າຂອງພຣະອົງກໍຂາວສະຫວ່າງທີ່ສຸດໃນໂລກທີ່ບໍ່ມີມະນຸດຄົນໃດສາມາດເຮັດໄດ້.

![](https://cdn.door43.org/obs/jpg/360px/obs-en-36-03.jpg)

ແລ້ວໂມເຊ ແລະ ຜູ້ປະກາດພະຄຳເອລິຢາກໍມາປະກົດຢູ່ທີ່ນັ້ນ. ພວກເພິ່ນແມ່ນຜູ້ທີ່ອາໄສຢູ່ໂລກນີ້ຮ້ອຍປີກ່ອນ. ພວກເພິ່ນໄດ້ໂອ້ລົມກັບພຣະເຢຊູເຖິງການຕາຍຂອງພຣະອົງ, ຄືສິ່ງທີ່ຈະເກີດຂຶ້ນກັບພຣະອົງໃນໄວໆນີ້ທີ່ເຢຣູຊາເລັມ.

![](https://cdn.door43.org/obs/jpg/360px/obs-en-36-04.jpg)

ໃນຂະນະທີ່ໂມເຊ ແລະ ເອລິຢາກໍາລັງລົມກັບພຣະເຢຊູຢູ່ນັ້ນ, ເປໂຕເວົ້າກັບພຣະເຢຊູວ່າ: “ພວກຂ້ານ້ອຍໂຊກດີຫຼາຍທີ່ໄດ້ຢູທີ່ນີ້. ຂໍໃຫ້ພວກຂ້ານ້ອຍໄດ້ປຸກຕູບສາມຫຼັງໃຫ້ພຣະອົງໜຶ່ງຫຼັງ, ໂມເຊຫຼັງໜຶ່ງ, ເອລິຢາໜຶ່ງຫຼັງ”. ເປໂຕບໍ່ຮູ້ໂຕເລີຍວ່າໂຕເອງເວົ້າຫຍັງໄປ.

![](https://cdn.door43.org/obs/jpg/360px/obs-en-36-05.jpg)

ໃນເວລາທີ່ເປໂຕກໍາລັງເວົ້າຢູ່ນັ້ນ, ໄດ້ມີຂີ້ເຟື້ອປະກົດລົງມາພ້ອມແສງສະຫວ່າງ ແລະ ມີສຽງເວົ້າອອກມາຈາກຂີ້ເຟື້ອວ່າ: “ນີ້ແມ່ນລູກຊາຍສຸດທີ່ຮັກຂອງເຮົາ. ເຮົາພໍໃຈໃນລາວຫຼາຍ. ຈົ່ງເຊື່ອຟັງເພິ່ນ.” ສາວົກທັງສາມຄົນຢ້ານຫຼາຍຈົນລົ້ມລົງກັບພື້ນ.

![](https://cdn.door43.org/obs/jpg/360px/obs-en-36-06.jpg)

ຫຼັງຈາກນັ້ນພຣະເຢຊູໄດ້ສໍາພັດໂຕເຂົາ ແລະ ບອກວ່າ: ຢ່າຢ້ານເລີຍ, ລຸກຂຶ້ນສະ. ເມື່ອສາວົກທັງສາມແນມເບິ່ງໄປອ້ອມໆກໍເຫັນແຕ່ພຣະເຢຊູເທົ່ານັ້ນ.

![](https://cdn.door43.org/obs/jpg/360px/obs-en-36-07.jpg)

ແລ້ວພຣະເຢຊູ ແລະ ສາວົກທັງສາມກໍລົງມາຈາກພູເຂົາ. ພຣະເຢຊູບອກເຂົາວ່າ: “ ຢ່າບອກສິ່ງທີ່ພວກເຈົ້າໄດ້ເຫັນໃຫ້ໃຜຮູ້ເທື່ອ ເພາະເຮົາຈະຕາຍໃນໄວໆນີ້ ແລະ ຟື້ນຄືນມາສູ່ຊີວິດອີກຄັ້ງ, ຫຼັງຈາກນັ້ນພວກເຈົ້າຈົ່ງບອກເລື່ອງເຫຼົ່ານັ້ນແກ່ປະຊາຊົນໃຫ້ຮັບຮູ້.

*ຈາກພະຄໍາພີ ມັດທາຍ 17:1-9; ມາລະໂກ 9:2-8; ລູກາ 9:28-36.*

## 37. ພຣະເຢຊູຊົງບັນດານໃຫ້ລາຊະໂຣເປັນຄືນມາຈາກຕາຍ

https://openbiblestories.org/l/lo/story-37/

![](https://cdn.door43.org/obs/jpg/360px/obs-en-37-01.jpg)

ມື້ໜຶ່ງພຣະເຢຊູໄດ້ຮັບຂ່າວວ່າລາຊະໂຣປ່ວຍໜັກ. ລາຊະໂຣແລະເອື້ອຍທັງ 2 ຂອງລາວຄືມາຣີແລະມາທາເປັນເພື່ອນສະໜິດຂອງພຣະເຢຊູ. ເມື່ອພຣະເຢຊູໄດ້ຮັບຂ່າວນີ້, ພຣະອົງຊົງກ່າວວ່າ, “ການເຈັບປ່ວຍຄັ້ງນີ້ຈະບໍ່ເຖິງຂັ້ນຕ້ອງຕາຍ ແຕ່ມັນເກີດຂຶ້ນເພື່ອພຣະເຈົ້າຈະໄດ້ຮັບກຽດ.” ພຣະເຢຊູຊົງຮັກເພື່ອນສະໜິດຂອງພຣະອົງ. ພຣະເຢຊູຊົງລໍຖ້າໃຫ້ເວລາຜ່ານໄປ2ວັນ.

![](https://cdn.door43.org/obs/jpg/360px/obs-en-37-02.jpg)

ຫຼັງຈາກ2ວັນຜ່ານໄປ ພຣະເຢຊູຈິ່ງບອກກັບສາວົກຂອງພຣະອົງວ່າ, “ໃຫ້ພວກເຮົາພາກັນກັບໄປຍັງແຂວງຢູດາກັນເທາະ!” ພວກສາວົກຕອບພຣະອົງວ່າ “ແຕ່ພຣະອາຈານເອີຍ, ເມື່ອບໍ່ດົນມານີ້ພວກເຂົາຕ້ອງການຂ້າພຣະອົງ!” ແລ້ວພຣະເຢຊູຊົງກ່າວວ່າ, “ເພື່ອນລາຊະໂຣຂອງເຮົາໄດ້ນອນຫຼັບໄປ ແລະເຮົາຕ້ອງໄປປຸກລາວໃຫ້ຕື່ນຂຶ້ນ.”

![](https://cdn.door43.org/obs/jpg/360px/obs-en-37-03.jpg)

ສາວົກຂອງພຣະເຢຊູກ່າວວ່າ, “ພຣະອາຈານເອີຍ, ຖ້າຫາກລາຊະໂຣຍັງນອນຫຼັບຢູ່ ລາວກໍຄົງຈະຕື່ນແລ້ວ. ແລ້ວພຣະເຢຊູຈິ່ງບອກພວກເຂົາຢ່າງໂດຍຕົງເລີຍວ່າ, ລາຊະໂຣຕາຍແລ້ວ. ເຮົາຮູ້ສຶກດີໃຈທີ່ເຮົາບໍ່ໄດ້ຢູ່ທີ່ນັ້ນ ເພື່ອວ່າພວກເຈົ້າຈະໄດ້ເຊື່ອໃນເຮົາເມື່ອພວກເຈົ້າເຫັນສິ່ງທີ່ເຮົາກຳລັງຈະເຮັດ.”

![](https://cdn.door43.org/obs/jpg/360px/obs-en-37-04.jpg)

ເມື່ອພຣະເຢຊູໄປຮອດບ້ານຂອງລາຊະໂຣແລ້ວກໍພົບວ່າລາຊະໂຣໄດ້ຕາຍໄປໄດ້ 4 ວັນແລ້ວ. ມາທາແລ່ນອອກມາຫາພຣະເຢຊູແລະເວົ້າວ່າ, “ພຣະອາຈານເອີຍ, ຖ້າທ່ານຫາກຢູ່ທີ່ນີ້ ນ້ອງຂອງພວກຂ້ານ້ອຍກໍຄົງບໍ່ຕາຍ. ແຕ່ຂ້ານ້ອຍເຊື່ອວ່າພຣະເຈົ້າຈະປະທານທຸກສິ່ງທີ່ທຸກຢ່າງໃຫ້ທ່ານເມື່ອທ່ານທູນຂໍຈາກພຣະອົງ.”

![](https://cdn.door43.org/obs/jpg/360px/obs-en-37-05.jpg)

ພຣະເຢຊູຊົງຕອບນາງວ່າ, ເຮົານີ້ແຫຼະເປັນເຫດໃຫ້ຄົນທັງປວງເປັນຄືນມາແລະເປັນຊີວິດ. ຜູ້ທີ່ເຊື່ອໃນເຮົາຈະບໍ່ຕາຍ. ເຈົ້າເຊື່ອສິ່ງນີ້ບໍ?” ມາທາຕອບພຣະເຢຊູວ່າ, “ເຊື່ອແທ້ພຣະອາຈານເອີຍ! ຂ້ານ້ອຍເຊື່ອວ່າພຣະອົງຊົງເປັນພຣະເມຊີອາ, ພຣະບຸດຂອງພຣະເຈົ້າ.”

![](https://cdn.door43.org/obs/jpg/360px/obs-en-37-06.jpg)

ແລ້ວມາຣີກໍມາເຖິງແລະໝອບລົງທີ່ຕີນຂອງພຣະເຢຊູແລະກ່າວວ່າ, “ພຣະອາຈານເອີຍ, ຖ້າທ່ານຢູ່ທີ່ນີ້ນ້ອງຂອງພວກຂ້ານ້ອຍຄົງບໍ່ຕາຍ.” ພຣະເຢຊູຖາມພວກເຂົາວ່າ, ພວກເຈົ້າຝັງລາຊະໂຣຢູ່ທີ່ໃດ?” ພວກເຂົາຕອບພຣະອົງວ່າ, ຝັງໄວ້ຢູ່ໃນອຸບມຸງ, ເຊີນມາເບິ່ງທາງພີ້.” ແລ້ວພຣະເຢຊູຊົງຮ້ອງໄຫ້.

![](https://cdn.door43.org/obs/jpg/360px/obs-en-37-07.jpg)

ອຸບມຸງຄືຖໍ້າທີ່ມີກ້ອນຫີນປິດປາກທາງເຂົ້າໄວ້. ເມື່ອພຣະເຢຊູມາຮອດອຸບມຸງ, ພຣະອົງຊົງບອກພວກເຂົາວ່າ, “ຈົ່ງກິ້ງກ້ອນຫີນອອກ.” ແຕ່ມາທາກ່າວວ່າ, “ລາວຕາຍໄດ້4ວັນມາແລ້ວ. ປານນີ້ສົບຂອງລາວຄົງຈະເໝັນແຮງແລ້ວ.”

![](https://cdn.door43.org/obs/jpg/360px/obs-en-37-08.jpg)

ພຣະເຢຊູຕອບວ່າ, “ເຮົາໄດ້ບອກເຈົ້າແລ້ວບໍ່ແມ່ນຫຼືວ່າ ຖ້າເຈົ້າເຊື່ອເຈົ້າຈະໄດ້ເຫັນສະຫງ່າຣາສີຂອງພຣະເຈົ້າ? ສະນັ້ນພວກເຂົາຈຶ່ງກຶ່ງກ້ອນຫີນອອກ.

![](https://cdn.door43.org/obs/jpg/360px/obs-en-37-09.jpg)

ແລ້ວພຣະເຢຊູຈິ່ງເງີຍໜ້າຂຶ້ນເທິງຟ້າແລະກ່າວວ່າ, “ໂອພຣະບິດາເຈົ້າເອີຍ, ຂ້ານ້ອຍໂມທະນາຂອບພຣະຄຸນທີ່ພຣະອົງຟັງຂ້ານ້ອຍ, ຂ້ານ້ອຍຮູ້ວ່າພຣະບິດາເຈົ້າຟັງຂ້ານ້ອຍຢູ່ສະເໝີ. ແຕ່ຂ້ານ້ອຍເວົ້າຢ່າງນີ້ກໍເພື່ອເຫັນແກ່ຄົນທັງຫຼາຍທີ່ຢືນອ້ອມຢູ່ນີ້ເພື່ອພວກເຂົາຈະໄດ້ເຊື່ອວ່າແມ່ນພຣະບິດາເຈົ້າທີ່ເປັນຜູ້ໄດ້ໃຊ້ຂ້ານ້ອຍມາ.” ແລ້ວລາຊະໂຣກໍອອກມາ

![](https://cdn.door43.org/obs/jpg/360px/obs-en-37-10.jpg)

ລາວຍັງຄົງມີຜ້າພັນຮອບຮ່າງກາຍຂອງລາວຢູ່. ພຣະເຢຊູບອກພວກເຂົາວ່າ, “ຈົ່ງຊ່ວຍແກ້ຜ້າພັນຮ່າງກາຍຂອງລາວອອກ!” ມີຄົນຢີວຫຼາຍຄົນໄດ້ເຊື່ອໃນພຣະເຢຊູເມື່ອເຂົາເຫັນການອັດສະຈັນຄັ້ງນີ້.

![](https://cdn.door43.org/obs/jpg/360px/obs-en-37-11.jpg)

ແຕ່ພວກຜູ້ນຳຢິວຮູ້ສຶກອິດສາພຣະເຢຊູ ພວກເຂົາຈຶ່ງວາງແຜນທີ່ຈະຂ້າພຣະເຢຊູແລະລາຊະໂຣໃຫ້ຕາຍ.

*ບົດເລື່ອງຈາກພຣະຄຳພີ ໂຢຮັນ 11:1-46*

## 38. ພຣະເຢຊູຖືກທໍລະຍົດ

https://openbiblestories.org/l/lo/story-38/

![](https://cdn.door43.org/obs/jpg/360px/obs-en-38-01.jpg)

ທຸກໆປີພວກຢິວໄດ້ພາກັນສະຫຼອງປັດສະຄາ. ການສະຫຼອງນີ້ແມ່ນລະນຶກເຖິງພຣະເຈົ້າໄດ້ຊ່ວຍກອບກູ້ບັນພະບູລຸດຂອງພວກເຂົາໃຫ້ພົ້ນຈາກການເປັນທາດຢູ່ໃນປະເທດເອຢິບ ເປັນເວລາຫຼາຍສັດຕະວັດ. ຫຼັງຈາກ 3 ປີຕໍ່ມາ ພຣະເຢຊູເຈົ້າເລີ່ມເທດສະໜາສັ່ງສອນເປັນຄັ້ງແລກຕໍ່ປະຊາຊົນທັງຫຼາຍ, ພຣະເຢຊູເຈົ້າໄດ້ບອກສາວົກຂອງພຣະອົງວ່າພຣະອົງຕ້ອງການສະຫຼອງປັດສະຄາກັບພວກເພິ່ນໃນນະຄອນເຢຣູຊາເລັມ ແລະພຣະອົງກໍຈະຖືກຂ້າຢູ່ທີ່ນັ້ນ.

![](https://cdn.door43.org/obs/jpg/360px/obs-en-38-02.jpg)

ສາວົກຂອງພຣະເຢຊູເຈົ້າຄົນໜຶ່ງຊື່ວ່າ ຢູດາ. ຢູດາເປັນຜູ້ຮັບຜິດຊອບຖົງເງິນຂອງພວກອັກຄະສາວົກ ເພາະລາວໄດ້ຮັບເງິນ ແລະ ມັກລັກເອົາເງິນຈາກຖົງນັ້ນສະເໝີ. ຫຼັງຈາກພຣະເຢຊູເຈົ້າ ແລະ ພວກສາວົກມາຮອດນະຄອນເຢຣູຊາເລັມແລ້ວ ຢູດາໄດ້ໄປຫາຜູ້ນຳຊາວຢິວ ແລະ ໄດ້ມອບການທໍລະຍົດພຣະເຢຊູເຈົ້າໃຫ້ກັບພວກເຂົາໂດຍການແລກດ້ວຍເງິນ, ລາວຮູ້ຈັກວ່າພວກຜູ້ນຳຊາວຢິວໄດ້ປະຕິເສດວ່າພຣະເຢຊູບໍ່ແມ່ນພຣະເມຊີອາ ແລະ ຊອກຫາວິທີຂ້າພຣະອົງ.

![](https://cdn.door43.org/obs/jpg/360px/obs-en-38-03.jpg)

ພວກຜູ້ນຳຊາວຢິວນຳໂດຍມະຫານັກບວດໄດ້ຈ່າຍເງິນໃຫ້ຢູດາເພື່ອທໍລະຍົດພຣະເຢຊູເຈົ້າຈຳນວນ30ຫຼຽນ. ສິ່ງນີ້ເກີດຂຶ້ນຕາມຜູ້ທຳນາຍໄດ້ທຳນາຍໄວ້ວ່າຢູດາກໍເຫັນດີດ້ວຍ ແລະ ກໍໄດ້ເອົາເງິນນັ້ນແລ້ວໜີໄປເລີຍ. ແລ້ວລາວກໍໄດ້ຊອກຫາໂອກາດທີ່ຈະຊ່ວຍພວກເຂົາໃຫ້ຈັບພຣະເຢຊູເຈົ້າ.

![](https://cdn.door43.org/obs/jpg/360px/obs-en-38-04.jpg)

ໃນນະຄອນເຢຣູຊາເລັມພຣະເຢຊູເຈົ້າໄດ້ສະຫຼອງປັດສະຄາຮ່ວມກັບພວກສາວົກຂອງພຣະອົງ, ໃນລະຫວ່າງອາຫານປັດສະຄານັ້ນ ພຣະເຢຊູເຈົ້າໄດ້ຈັບເອົາເຂົ້າຈີ່ມາແລ້ວຫັກເຂົ້າຈີ່ນັ້ນ ພຣະອົງຊົງກ່າວວ່າ, “ຈົ່ງຮັບເອົາເທີ້ນ ແລະ ກິນເຂົ້າຈີ່ນີ້ ນີ້ແມ່ນກາຍຂອງເຮົາເຊິ່ງໃຫ້ສຳລັບພວກເຈົ້າ ຈົ່ງເຮັດສິ່ງນີ້ເພື່ອເປັນທີ່ລະນຶກເຖິງເຮົາ.” ເວລາເວົ້າສຳນີ້ ພຣະເຢຊູເຈົ້າໄດ້ກ່າວວ່າ, ພະກາຍຂອງພະອົງຈະເປັນເຄື່ອງຖວາຍບູຊາສຳລັບພວກເຂົາ.

![](https://cdn.door43.org/obs/jpg/360px/obs-en-38-05.jpg)

ແລ້ວພຣະເຢຊູເຈົ້າກໍໄດ້ຈັບເອົາຈອກມາ ແລະ ກ່າວວ່າ, “ຈົ່ງດື່ມຈອກນີ້ ນີ້ແມ່ນເລືອດແຫ່ງພັນທະສັນຍາໃໝ່ຂອງເຮົາໄດ້ຖອກອອກເພື່ອເປັນຄ່າໄຖ່ບາບຂອງເຮົາທັງຫຼາຍ. ຈົ່ງເຮັດສິ່ງນີ້ເພື່ອເປັນທີ່ລະນຶກເຖິງເຮົາ ທຸກຄັ້ງທີ່ພວກເຈົ້າດື່ມຈາກຈອກນີ້ເວລາໃດ."

![](https://cdn.door43.org/obs/jpg/360px/obs-en-38-06.jpg)

ພຣະເຢຊູເຈົ້າຊົງກ່າວຕໍ່ພວກສາວົກວ່າ, “ໜຶ່ງໃນພວກເຈົ້າຈະທໍລະຍົດເຮົາ.” ພວກສາວົກສະດຸ້ງຕົກໃຈແລະຖາມວ່າ, “ແມ່ນໃຜຈະເຮັດແບບນັ້ນ?” ພຣະເຢຊູເຈົ້າກ່າວວ່າ, “ຄົນທີ່ເຮົາເອົາເຂົ້າຈີ່ປ່ຽງນີ້ໃຫ້ ຄືຜູ້ນັ້ນແຫຼະຈະເປັນຜູ້ທໍລະຍົດ.” ແລ້ວພຣະເຢຊູເຈົ້າກໍເອົາເຂົ້າຈີ່ນັ້ນໃຫ້ກັບຢູດາ.

![](https://cdn.door43.org/obs/jpg/360px/obs-en-38-07.jpg)

ຫຼັງຈາກຢູດາໄດ້ຈັບເອົາເຂົ້າຈີ່ນັ້ນແລ້ວ ຊາຕານກໍມາສິງໃນຢູດາ ຢູດາໄດ້ອອກໄປ ແລະ ໄປຊ່ວຍພວກຜູ້ນຳຊາວຢິວຈັບພຣະເຢຊູເຈົ້າເຊິ່ງເປັນເວລາກາງຄືນ.

![](https://cdn.door43.org/obs/jpg/360px/obs-en-38-08.jpg)

ຫຼັງຈາກຄາບເຂົ້າແລງແລ້ວ ພຣະເຢຊູເຈົ້າ ແລະ ພວກສາວົກຂອງພຣະອົງໄດ້ພາກັນຍ່າງໄປພູເຂົາໝາກກອກເທດ ພຣະເຢຊູເຈົ້າຊົງກ່າວວ່າ, “ຄືນນີ້ພວກເຈົ້າທຸກຄົນຈະປະຖິ້ມເຮົາ ເຊິ່ງມີຄຳຂຽນໄວ້ວ່າ, ‘ເຮົາຈະຂ້າຜູ້ລ້ຽງແກະ ແລະ ລູກແກະຈະແຕກໜີໄປ.”

![](https://cdn.door43.org/obs/jpg/360px/obs-en-38-09.jpg)

ເປໂຕໄດ້ຕອບວ່າ, “ແມ່ນວ່າທຸກຄົນຈະປະຖິ້ມທ່ານກໍຕາມ ແຕ່ຂ້ານ້ອຍຈະບໍ່ປະຖິ້ມທ່ານໄປ.” ແລ້ວພຣະເຢຊູເຈົ້າຊົງກ່າວຕໍ່ເປໂຕວ່າ, “ຊາຕານຕ້ອງການເຈົ້າທັງຫຼາຍແຕ່ເຮົາໄດ້ພາວະນາອະທິຖານເພື່ອພວກເຈົ້າ ເປໂຕເອີຍ ຄວາມເຊື່ອຂອງເຈົ້າຈະບໍ່ລົ້ມລົງ ແມ່ນວ່າໃນຄືນນີ້ກ່ອນໄກ່ຂັນ ເຈົ້າຈະປະຕິເສດວ່າເຈົ້າບໍ່ຮູ້ຈັກເຮົາເຖິງ 3 ເທື່ອ.”

![](https://cdn.door43.org/obs/jpg/360px/obs-en-38-10.jpg)

ເປໂຕເວົ້າຕໍ່ພຣະເຢຊູເຈົ້າວ່າ, “ເຖິງແມ່ນວ່າຂ້ານ້ອຍຈະຕາຍ ຂ້ານ້ອຍຈະບໍ່ປະຕິເສດທ່ານຈັກເທື່ອ.” ແລະ ພວກສາວົກຄົນອື່ນໆທັງໝົດກໍເວົ້າຄືກັນ.

![](https://cdn.door43.org/obs/jpg/360px/obs-en-38-11.jpg)

ແລ້ວພຣະເຢຊູເຈົ້າກໍໄປກັບພວກສາວົກຂອງພຣະອົງບ່ອນທີ່ເອີ້ນວ່າ ເຄັດເຊມາເນ. ພຣະເຢຊູເຈົ້າໄດ້ບອກພວກສາວົກຂອງພຣະອົງໃຫ້ພາວະນາອະທິຖານ ເພື່ອພວກເພິ່ນຈະບໍ່ຕົກໃນການທົດລອງ. ແລ້ວພຣະເຢຊູເຈົ້າກໍໄປພາວະນາອະທິຖານຢູ່ຕ່າງຫາກ.

![](https://cdn.door43.org/obs/jpg/360px/obs-en-38-12.jpg)

ພຣະເຢຊູເຈົ້າໄດ້ພາວະນາອະທິຖານ3ເທື່ອ, “ພຣະບິດາເຈົ້າຂອງຂ້ານ້ອຍ ຖ້າເປັນໄປໄດ້ກະລຸນາຢ່າໃຫ້ຂ້ານ້ອຍຕ້ອງດື່ມຈອກແຫ່ງຄວາມທຸກທໍລະມານນີ້ເລີຍ ແຕ່ຖ້າບໍ່ມີທາງອື່ນສຳລັບການຍົກໂທດຜິດບາບຂອງຄົນທັງຫຼາຍແລ້ວ ແຕ່ຂໍໃຫ້ເປັນໄປຕາມນ້ຳພຣະໄທຂອງພຣະອົງເທີ້ນ.” ພຣະເຢຊູເຈົ້າເປັນທຸກໜັກຫຼາຍ ແລະ ເຫື່ອຂອງພຣະອົງເໝືອນເລືອດກໍຢົດລົງ. ພຣະເຈົ້າໄດ້ສົ່ງເທວະດາຕົນໜຶ່ງມາຊູກຳລັງພຣະອົງ.

![](https://cdn.door43.org/obs/jpg/360px/obs-en-38-13.jpg)

ທຸກໆຄັ້ງຫຼັງຈາກພາວະນາອະທິຖານແລ້ວ ພຣະເຢຊູເຈົ້າໄດ້ກັບມາຫາພວກສາວົກຂອງພຣະອົງ ພວກເພິ່ນພາກັນນອນຫຼັບຢູ່ເມື່ອພຣະອົງກັບຄືນມາອີກເປັນຄັ້ງທີ3, ພຣະເຢຊູເຈົ້າຊົງກ່າວວ່າ, “ຈົ່ງຕື່ນຂຶ້ນເຖີດ ຜູ້ທໍລະຍົດເຮົານັ້ນຢູ່ທີ່ນີ້ແລ້ວ.”

![](https://cdn.door43.org/obs/jpg/360px/obs-en-38-14.jpg)

ຢູດາໄດ້ມາກັບຜູ້ນຳຊາວຢິວ, ພວກທະຫານ ແລະ ຝູງຊົນຈຳນວນຫຼວງຫຼາຍ, ພວກເຂົາຖືດາບ ແລະ ກະບອງ. ຢູດາໄດ້ມາຢູ່ຕໍ່ໜ້າພຣະເຢຊູເຈົ້າ ແລະ ເວົ້າວ່າ, “ສະບາຍດີອາຈານ” ແລະ ຈູບພຣະອົງ. ນີ້ແມ່ນສັນຍາລັກສຳລັບພວກຜູ້ນຳຊາວຢິວເພື່ອໃຫ້ຮູ້ຈັກວ່າຈະຈັບຜູ້ໃດ. ແລ້ວພຣະເຢຊູຊົງກ່າວວ່າ, “ຢູດາເອີຍ ເຈົ້າທໍລະຍົດເຮົາດ້ວຍການຈູບຫຼື?”

![](https://cdn.door43.org/obs/jpg/360px/obs-en-38-15.jpg)

ຂະນະທີ່ພວກທະຫານຈັບກຸມພຣະເຢຊູເຈົ້ານັ້ນ ເປໂຕໄດ້ຊັກດາບຂອງລາວອອກມາແລ້ວຟັນຫູຂອງຄົນຮັບໃຊ້ຂອງນັກບວດຄົນໜຶ່ງຂາດ. ພຣະເຢຊູເຈົ້າກ່າວວ່າ, “ຢຸດ! ມ້ຽນດາບໄວ້ສະ! ເຮົາສາມາດຂໍກັບພຣະບິດາເຈົ້າໃຫ້ເອົາກອງທັບເທວະດາມາປ້ອງກັນເຮົາກໍໄດ້ ແຕ່ເຮົາຕ້ອງເຊື່ອຟັງພຣະບິດາເຈົ້າຂອງເຮົາ.” ແລ້ວພຣະເຢຊູເຈົ້າກໍຮັກສາຫູຂອງຊາຍຄົນນັ້ນໃຫ້ດີ. ຫຼັງຈາກນັ້ນ ພຣະເຢຊູເຈົ້າກໍຖືກຈັບໄປ ພວກສາວົກທັງໝົດກໍພາກັນແລ່ນໜີໄປ.

*ບົດເລື່ອງຈາກພຣະຄຳພີ ມັດທາຍ 26:14-56; ມາຣະໂກ 14:10-50; ລູກາ 22:1-53; ໂຢຮັນ 12:6, 18:1-11*

## 39. ພຣະເຢຊູຖືກສອບສວນ

https://openbiblestories.org/l/lo/story-39/

![](https://cdn.door43.org/obs/jpg/360px/obs-en-39-01.jpg)

ໃນເວລາກາງຄືນ, ພວກທະຫານໄດ້ນໍາເອົາພຣະເຢຊູເຈົ້າ ໄປທີ່ເຮືອນຂອງນັກບວດ ເພື່ອໃຫ້ນັກບວດສອບສວນພຣະອົງ. ເປໂຕກໍໄດ້ຕິດຕາມພວກເຂົາໄປຢູ່ຫ່າງໆ. ເມື່ອພຣະເຢຊູເຈົ້າຖືກນໍາຕົວເຂົ້າໄປໃນເຮືອນນັ້ນແລ້ວ, ເປໂຕກໍຖ້າຢູ່ຂ້າງນອກ ຟີງໄຟກັບຄົນທີ່ຂ້າງນອກ.

![](https://cdn.door43.org/obs/jpg/360px/obs-en-39-02.jpg)

ຢູ່ໃນເຮືອນນັ້ນ ພວກຜູ້ນໍາຊາວຢິວໄດ້ສອບສວນເອົາເລື່ອງພຣະເຢຊູ, ພວກເຂົາໄດ້ນໍາເອົາພະຍານບໍ່ຈິງມາກ່າວຕົວະຕໍ່ພຣະອົງ. ເຖິງຢ່າງໃດກໍຕາມ ຄໍາກ່າວຫາຂອງພວກເຂົານັ້ນກໍບໍ່ຕົງກັນ, ດັ່ງນັ້ນ ພວກຜູ້ນໍາຊາວຢິວກໍບໍ່ສາມາດພິສູດເອົາຄວາມຜິດຫຍັງໄດ້, ພຣະເຢຊູບໍ່ໄດ້ກ່າວຫຍັງເລີຍ.

![](https://cdn.door43.org/obs/jpg/360px/obs-en-39-03.jpg)

ທ້າຍທີ່ສຸດ ນັກບວດ ກໍໄດ້ເບິ່ງໄປທີ່ພຣະເຢຊູ ແລະເວົ້າວ່າ, “ບອກພວກເຮົາແນ່ວ່າ ເຈົ້າແມ່ນພຣະເມຊີອາ ບຸດຂອງພຣະເຈົ້າອົງຊົງທີ່ມີຊີວິດຢູ່ບໍ່.”

![](https://cdn.door43.org/obs/jpg/360px/obs-en-39-04.jpg)

ພຣະເຢຊູກ່າວວ່າ,”ເຮົາຜູ້ເປັນຢູ່, ແລະ ເຈົ້າຈະໄດ້ເຫັນເຮົານັ່ງກັບພຣະເຈົ້າກໍາລັງສະເດັດມາຈາກສະຫວັນ” ນັກບວດຈຶ່ງໃຈຮ້າຍ ແລະ ຮ້ອງໃສ່ພວກຜູ້ນໍາສາດສະໜາວ່າ: “ພວກເຮົາບໍ່ຈໍາເປັນມີພະຍານອີກແລ້ວ, ພວກເຈົ້າໄດ້ຍິນລາວເວົ້າບໍ່ວ່າ ລາວເປັນບຸດຂອງພຣະເຈົ້າ. ເຈົ້າຈະຕັດສິນແນວໃດ?”

![](https://cdn.door43.org/obs/jpg/360px/obs-en-39-05.jpg)

ພວກຜູ້ນໍາສາດສະໜາຈຶ່ງຕອບນັກບວດວ່າ, “ລາວສົມຄວນຕາຍ” ແລ້ວພວກເຂົາກໍໃຊ້ຜ້າມັດຕາພຣະອົງໄວ້ຖົ່ມນ້ຳລາຍໃສ່ພຣະອົງ,ຕົບຕີພຣະອົງແລະເວົ້າດູໝີ່ນພຣະອົງ.

![](https://cdn.door43.org/obs/jpg/360px/obs-en-39-06.jpg)

ຂະນະທີ່ເປໂຕກໍາລັງຖ້າຢູ່ຂ້າງນອກບ້ານນັ້ນຄົນຮັບໃຊ້ຍິງຜູ້ໜຶ່ງໄດ້ເຫັນລາວ ແລະ ເວົ້າວ່າ, “ເຈົ້າຄືຄົນທີ່ຢູ່ກັບເຢຊູ” ແຕ່ເເປໂຕກໍປະຕິເສດ, ຕໍ່ມາກໍມີຄົນຮັບໃຊ້ຍິງອີກຄົນໜຶ່ງເວົ້າຄືກັນ ແລະ ເປໂຕກໍປະຕິເສດອີກ, ສຸດທ້າຍ ປະຊາຊົນໄດ້ເວົ້າວ່າ: "ພວກເຮົາຮູ້ວ່າ ເຈົ້າຢູ່ກັບເຢຊູຄືກັນ ເພາະພວກເຈົ້າທັງສອງມາຈາກຄາລີເລ."

![](https://cdn.door43.org/obs/jpg/360px/obs-en-39-07.jpg)

ເປໂຕໄດ້ສາບານວ່າ: ’’ຂໍໃຫ້ພຣະເຈົ້າສາບແຊ່ງຂ້ອຍຖ້າຂ້ອຍຮູ້ຈັກຊາຍຄົນນີ້’’. ໃນທັນໃດນັ້ນໄກ່ກໍໄດ້ຂັນ ແລ້ວພຣະເຢຊູກໍໄດ້ຫຼຽວຄືນຫຼັງເບີ່ງເປໂຕ.

![](https://cdn.door43.org/obs/jpg/360px/obs-en-39-08.jpg)

ເປໂຕໄດ້ແລ່ນອອກໄປນອກ ແລະ ຮ້ອງໄຫ້ຢ່າງຂົມຂື່ນ.ໃນຂະນະທີ່ຢູດາຜູ້ທໍລະຍົດເຫັນວ່າພວກຜູ້ນຳຊາວຢີວໄດ້ຕັດສີນໃຫ້ພຣະເຢຊູເຈົ້າເຖີງຕາຍ,ຢູດາກໍເສຍໃຈຢ່າງໜັກແລະໜີອອກໄປຮ້ອງໄຫ້ແລ້ວຂ້າຕົວເອງຕາຍ.

![](https://cdn.door43.org/obs/jpg/360px/obs-en-39-09.jpg)

ມື້ຕໍ່ມາຕອນເຊົ້າໆ, ພວກຜູ້ນຳຊາວຢີວໄດ້ພາພຣະເຢຊູໄປຫາປີລາດຊື່ງເປັນຜູ້ປົກຄອງຂອງໂຣມ. ພວກເຂົາຫວັງວ່າປີລາດຄົງຈະກ່າວໂທດພຣະເຢຊູເຈົ້າໃຫ້ມີຄວາມຜິດ ແລະຕັດສີນຂ້າພຣະອົງ,ປີລາດໄດ້ຖາມພຮະອົງວ່າ ‘’ເຈົ້າເປັນກະສັດຂອງຊາວຢີວບໍ?’’

![](https://cdn.door43.org/obs/jpg/360px/obs-en-39-10.jpg)

ພຣະເຢຊູເຈົ້າຕອບວ່າ,”ທ່ານເວົ້າເອງເດີ, ແຕ່ຣາຊາອານາຈັກຂອງເຮົາບໍ່ແມ່ນໂລກນີ້. ແຕ່ຖ້າເປັນດັ່ງນັ້ນ, ຜູ້ຮັບໃຊ້ຂອງເຮົາຄົງຕໍ່ສູ້ເພື່ອເຮົາ, ເຮົາມາໂລກນີ້ເພື່ອບອກຄວາມຈິງກ່ຽວກັບພຣະເຈົ້າ. ທຸກຄົນທີ່ຮັກຄວາມຈິງຈະຟັງເຮົາ.” ປີລາດເວົ້າວ່າ: “ຄວາມຈິງແມ່ນຫຍັງ”?

![](https://cdn.door43.org/obs/jpg/360px/obs-en-39-11.jpg)

ຫຼັງຈາກລົມກັບພຣະເຢຊູແລ້ວ, ປີລາດກໍອອກໄປຫາຝູງຊົນ ແລະ ເວົ້າວ່າ, “ເຮົາບໍ່ພົບຄວາມຜິດຈາກຊາຍຄົນນີ້.” ແຕ່ພວກຜູ້ນໍາຊາວຢິວ ແລະ ຝູງຊົນໄດ້ຮ້ອງໃສ່ວ່າ, “ຄຶງລາວໃສ່ໄມ້ກາງແຂນ” ປີລາດຈຶ່ງຕອບວ່າ, ”ລາວບໍ່ມີຄວາມຜິດຫຍັງ” ແຕ່ພວກເຂົາຍິ່ງຮ້ອງສຽງດັງຂຶ້ນ. ແລ້ວປີລາດກໍເວົ້າເປັນເທື່ອທີ່ສາມວ່າ, “ລາວບໍ່ມີຄວາມຜິດ.”

![](https://cdn.door43.org/obs/jpg/360px/obs-en-39-12.jpg)

ປີລາດເກີດຢ້ານວ່າຝູງຊົນຈະເລີ່ມການຈາລະຈົນ, ດັ່ງນັນ ລາວຈຶ່ງເຫັນດີໃຫ້ທະຫານຂອງລາວເອົາພຣະເຢຊູໄປຄຶງທີ່ໄມ້ກາງແຂນ, ພວກທະຫານໂຣມໄດ້ຂ້ຽນຕີພຣະເຢຊູ, ເອົາເສື້ອຄຸມຂອງກະສັດ ແລະ ມົງກຸດໜາມມາໃສ່ໃຫ້ພຣະອົງ ແລ້ວພວກເຂົາກໍຫົວເຍາະເຍີ້ຍພຣະອົງ ແລະ ກ່າວວ່າ, “ເບິ່ງແມ້! ກະສັດຂອງຊາວຢິວ”

*ຈາກພະຄໍາພີ ມັດທາຍ 26:57-27:26; ມາລາໂກ 14:53-15:15; ລູກາ 22:54-23-25; ໂຢຮັນ 18:12-19:16*

## 40. ພຣະເຢຊູຖືກຄຶງທີ່ໄມ້ກາງແຂນ

https://openbiblestories.org/l/lo/story-40/

![](https://cdn.door43.org/obs/jpg/360px/obs-en-40-01.jpg)

ຫຼັງຈາກພວກທະຫານຫົວເຢາະເຢີຍພຣະເຢຊູ, ແລ້ວພວກເຂົາກໍນໍາພຣະອົງໄປ ເພື່ອຈະຄຶງພຣະອົງທີ່ໄມ້ກາງແຂນ. ພວກເຂົາໃຫ້ພຣະອົງແບກໄມ້ກາງແຂນໄປຍັງບ່ອນທີ່ພຣະອົງຈະຕາຍນັ້ນ.

![](https://cdn.door43.org/obs/jpg/360px/obs-en-40-02.jpg)

ພວກທະຫານໄດ້ນໍາພຣະເຢຊູໄປບ່ອນມີຊື່ວ່າ: ຫົວກະໂຫຼກ. ແລ້ວພວກເຂົາກໍຕອກຕະປູໃສ່ມື ແລະ ຕີນຂອງພຣະອົງໃສ່ໄມ້ກາງແຂນ. ແຕ່ພຣະເຢຊູຊົງກ່າວວ່າ: "ພຣະບິດາ, ໃຫ້ອະໄພພວກເຂົາແດ່, ເພາະພວກເຂົາບໍ່ຮູ້ວ່າຕົນກໍາລັງເຮັດຫຍັງ." ປີລາດໄດ້ອອກຄໍາສັ່ງໃຫ້ຂຽນຄໍາວ່າ: “ກະສັດຂອງຊາວຢິວ” ໃສ່ປ້າຍ ແລ້ວຕອກຕິດໄມ້ຢູ່ເທິງຫົວຂອງພຣະເຢຊູ.

![](https://cdn.door43.org/obs/jpg/360px/obs-en-40-03.jpg)

ພວກທະຫານໄດ້ພະນັນເອົາເສື້ອຜ້າຂອງພຣະເຢຊູ, ພວກເຂົາເຮັດຢ່າງນີ້ເພື່ອໃຫ້ສໍາເລັດຕາມທີ່ໄດ້ທໍານາຍວ່າ: “ພວກເຂົາໄດ້ແບ່ງປັນເສື້ອຜ້າຂອງເຮົາທ່າມກາງພວກເຂົາ ແລະ ໄດ້ພະນັນເອົາເສື້ອຜ້າຂອງເຮົາ.”

![](https://cdn.door43.org/obs/jpg/360px/obs-en-40-04.jpg)

ພຣະເຢຊູຖືກຄຶງກາງແຂນກັບຢູ່ລະຫວ່າງກາງໂຈນສອງຄົນ, ໜຶ່ງໃນພວກເຂົາຫົວເຢາະເຢີ້ຍພຣະເຢຊູ ແຕ່ອີກຄົນໜຶ່ງເວົ້າກັບຄົນທີ່ເຢາະເຢີ້ຍພຣະເຢຊູນັ້ນວ່າ: "ເຈົ້າບໍ່ຢ້ານພຣະເຈົ້າບໍ? ພວກເຮົາເປັນຄົນຜິດບາບທັງສອງ ແຕ່ຊາຍຄົນນີ້ເປັນຄົນບໍລິສຸດ." ແລ້ວລາວກໍ່ເວົ້າຕໍ່ພຣະເຢຊູວ່າ: "ກະລຸນາຈື່ຈໍາຂ້ານ້ອຍໄວ້ໃນລາຊະອານາຈັກພຣະອົງແດ່." ພຣະເຢຊູຕອບລາວວ່າ: “ມື້ນີ້ເຈົ້າຈະຢູ່ກັບເຮົາໃນສະຫວັນ.”

![](https://cdn.door43.org/obs/jpg/360px/obs-en-40-05.jpg)

ພວກຜູ້ນໍາຊາວຢິວ ແລະ ຄົນອື່ນໆໃນຝູງຊົນ ໄດ້ຫົວເຢາະເຢີ້ຍພຣະເຢຊູ. ພວກເຂົາເວົ້າຕໍ່ພຣະອົງວ່າ: ຖ້າເຈົ້າເປັນບຸດຂອງພຣະອົງແທ້ ຈົ່ງລົງມາຈາກໄມ້ກາງແຂນ ແລະ ຊ່ວຍຕົວເຈົ້າເອງແມ້ ແລ້ວພວກເຮົາຈຶ່ງຈະເຊື່ອໃນເຈົ້າ.

![](https://cdn.door43.org/obs/jpg/360px/obs-en-40-06.jpg)

ຫຼັງຈາກນັ້ນ,ທົ່ວຟ້າໃນຂົງເຂດນັ້ນກໍມືດມິດຄືກັບກາງຄືນ ເຖິງວ່າຕອນນັ້ນເປັນເວລາກາງເວັນຄື ເລີ່ມມືດຈາກ ຕອນທ່ຽງໄປຫາສາມໂມງຕອນບ່າຍ.

![](https://cdn.door43.org/obs/jpg/360px/obs-en-40-07.jpg)

ແລ້ວພຣະເຢຊູກໍຮ້ອງຂຶ້ນວ່າ: “ສໍາເລັດແລ້ວ, ພຣະບິດາເອີ້ຍ ຂ້າພຣະອົງຂໍມອບວິນຍານຂອງຂ້າພຣະອົງໄວ້ໃນມືຂອງພຣະອົງ”. ແລ້ວຫົວຂອງພຣະເຢຊູກໍພັບລົງ ແລະ ໄດ້ມອບວິນຍານໃຫ້ພຣະເຈົ້າພຣະບິດາ. ໃນຊ່ວງທີ່ພຣະອົງຕາຍນັ້ນ ກໍ່ເກີດແຜ່ນດິນຫວັ່ນໄຫວ, ຜ້າກັ້ງທີ່ກັ້ນຜູ້່ຄົນກັບຫ້ອງນະມັດສະການທາງໃນຂອງພຣະວິຫານກໍຂາດເປັນສອງຕ່ອນ ຄືແຕ່ເທິງຈົນຮອດລຸ່ມ.

![](https://cdn.door43.org/obs/jpg/360px/obs-en-40-08.jpg)

ຈາກການຕາຍຂອງພຣະເຢຊູພຣະອົງໄດ້ເປີດທາງໃຫ້ຫຼາຍຄົນມາຫາພຣະເຈົ້າ. ເມື່ອທະຫານທີ່ຍາມພຣະເຢຊູເຫັນທຸກສິ່ງທີ່ເກີດຂຶ້ນ, ລາວໄດ້ເວົ້າວ່າ: "ຊາຍຄົນນີ້ເປັນຄົນບໍລິສຸດແທ້ໆພຣະອົງເປັນບຸດຂອງພຣະເຈົ້າ."

![](https://cdn.door43.org/obs/jpg/360px/obs-en-40-09.jpg)

ແລ້ວໂຢເຊັບ ແລະ ນິໂກເດມ ຜູ້ນໍາທັງສອງຂອງຊາວຢິວທີ່ເຊື່ອໃນພຣະເຢຊູວ່າເປັນພຣະເມສິອາໄດ້ຂໍຕົວພຣະສົບຂອງພຣະເຢຊູ ຈາກປີລາດ, ພວກເຂົາໄດ້ເອົາຜ້າພັນອ້ອມພະສົບ ແລ້ວເອົາພະສົບໄປວາງໄວ້ໃນອຸບມຸງຫີນທີ່ໄດ້ຈັດຕຽມໄວ້ແລ້ວ. ແລ້ວກໍກິ້ງກ້ອນຫີນໃຫຍ່ຕັນປາກອຸບມູງໄວ້ເພື່ອບໍ່ໃຫ້ຜູ້ໃດເປີດໄດ້.

*ບົດເລື່ອງຈາກພະຄໍາພີ ມັດທາຍ 27:27-61, ມາລາໂກ 15:16-47*

## 41. ພຣະເຢຊູເປັນຄືນມາຈາກຕາຍ

https://openbiblestories.org/l/lo/story-41/

![](https://cdn.door43.org/obs/jpg/360px/obs-en-41-01.jpg)

ຫຼັງຈາກພວກທະຫານໄດ້ຄຶງ ພຣະເຢຊູເຈົ້າທີ່ໄມ້ກາງແຂນແລ້ວ, ຜູ້ນໍາຊາວຢິວໄດ້ເວົ້າກັບປີລາດວ່າ,” ເຢຊູຄົນຂີ້ຕົວະເຄີຍເວົ້າວ່າ, ລາວຈະເປັນຄືນມາຈາກຕາຍຫຼັງຈາກສາມວັນ. ຕ້ອງມີຄົນໄປຍາມອຸບມຸງນັ້ນ ເພື່ອໃຫ້ແນ່ໃຈວ່າ ພວກສາວົກຂອງລາວຈະບໍ່ໄດ້ລັກເອົາສົບ ແລະ ບອກວ່າລາວເປັນຄືນມາຈາກຕາຍ.”

![](https://cdn.door43.org/obs/jpg/360px/obs-en-41-02.jpg)

ປີລາດເວົ້າວ່າ, “ເອົາພວກທະຫານໄປຍາມອຸບມຸງໄວ້ ແລະ ປ້ອງກັນອຸບມຸງນັ້ັນເທົ່າທີ່ຈະປ້ອງກັນໄດ້.” ດັ່ງນັ້ນ, ພວກທະຫານຈຶ່ງ ເອົາກ້ອນຫີນອັດປາກອຸບມຸງ ແລະ ເອົາພວກທະຫານໄປຍາມໄວ້ເພື່ອບໍ່ໃຫ້ຜູ້ໃດລັກເອົາສົບໄດ້.

![](https://cdn.door43.org/obs/jpg/360px/obs-en-41-03.jpg)

ມື້ຕໍ່ມາ, ຫຼັງຈາກພຣະເຢຊູຖືກຟັງຢູ່ນັ້ນເປັນວັນສະບາໂຕ ແລະ ຊາວຢິວ ບໍ່ສາມາດທີ່ຈະເຂົ້າໄປອຸບມຸງໃນມື້ນັ້ນ. ໃນຕອນເຊົ້າຫຼັງຈາກວັນສະບາໂຕ, ຜູ້ຍິງຫຼາຍຄົນໄດ້ຈັດຕຽມເອົາເຄື່ອງຫອມເພື່ອທີ່ຈະໄປອຸບມຸງຂອງພຣະເຢຊູ ເພື່ອຫົດສົງພຣະສົບຂອງພຣະອົງ.

![](https://cdn.door43.org/obs/jpg/360px/obs-en-41-04.jpg)

ທັນໃດນັ້ນ, ເກີດມີແຜ່ນດິນໄຫວ, ເທວະດາໄດ້ລົງມາຈາກສະຫວັນ ເປັ່ງແສງເຫຼື້ອມສົດໃສ ເໝືອນດັ່ງຟ້າແມບໄດ້ມາປະກົດ, ເພິ່ນກິ້ງກ້ອນຫີນທີ່ປິດທາງເຂົ້າອຸບມຸງອອກ ແລະ ນັ່ງເທິງກ້ອນຫີນນັ້ນ. ທະຫານທີ່ເຝົ້າອຸບມູງຝັງສົບທີ່ນັ້ນ ຕົກໃຈຫຼາຍ ແລະ ລົ້ມລົງເໝືອນຄົນຕາຍ.

![](https://cdn.door43.org/obs/jpg/360px/obs-en-41-05.jpg)

ເມື່ອພວກຜູ້ຍິງມາເຖິງອຸໂມງ ເທວະດາໄດ້ເວົ້າກັບພວກເຂົາວ່າ, “ຢ່າຢ້ານເລີຍ. ເພາະພຣະເຢຊູບໍ່ໄດ້ຢູ່ທີ່ນີ້. ພຣະອົງໄດ້ຄືນຈາກຄວາມຕາຍແລ້ວ, ເໝືອນດັ່ງທີ່ພຣະອົງເຄີຍກ່າວໄວ້. ເບິ່ງທີ່ອຸບມູງແມ້!" ພວກຜູ້ຍິງແນມເຂົ້າໄປທີ່ອຸບມູງເພື່ອຊອກຫາວ່າພຣະເຢຊູຢູ່ໃສ.ແຕ່ພຣະອົງບໍ່ໄດ້ຢູ່ທີ່ນັ້ນ.”

![](https://cdn.door43.org/obs/jpg/360px/obs-en-41-06.jpg)

ເທວະດາໄດ້ກ່າວແກ່ພວກເຂົາວ່າ “ຈົ່ງໄປ ແລະ ບອກສາວົກຂອງພຣະເຢຊູເຈົ້າ, ພຣະເຢຊູເຈົ້າໄດ້ຄືນມາຈາກຄວາມຕາຍ ແລະ ພຣະອົງຈະໄປເມືອງຄາລີເລກ່ອນໜ້າພວກເຂົາ.

![](https://cdn.door43.org/obs/jpg/360px/obs-en-41-07.jpg)

ພວກຜູ້ຍິງເຕັມໄປດ້ວຍຄວາມຕື່ນເຕັ້ນ ແລະ ຊື່ນຊົມຍິນດີ ພວກເຂົາແລ່ນອອກໄປ ແລະ ບອກຂ່າວດີກັບພວກສາວົກຂອງພຣະອົງ,

![](https://cdn.door43.org/obs/jpg/360px/obs-en-41-08.jpg)

ໃນຂະນະທີ່ພວກຜູ້ຍິງກໍາລັງໄປບອກພວກສາວົກເລື່ອງຂ່າວດີ, ພຣະເຢຊູໄດ້ມາປະກົດແກ່ພວກເຂົາ, ແລະພວກເຂົາກໍນະມັດສະການພຣະອົງ, ພຣະເຢຊູເຈົ້າໄດ້ກ່າວວ່າ,”ຢ່າຢ້ານເລີຍ, ຈົ່ງໄປບອກພວກສາວົກຂອງເຮົາໃຫ້ໄປທີ່ເມືອງຄາລີເລ ພວກເຂົາຈະເຫັນເຮົາຢູ່ທີ່ນັ້ນ.”

*ບົດເລື່ອງຈາກພະຄໍາພີ ມັດທາຍ 27:62; 28:15; ມາລະໂກ 16:1-11; ລູກາ 24:1-12; ໂຢຮັນ 20:1-18*

## 42. ພຣະເຢຊູສະເດັດຄືນສູ່ສະຫວັນ

https://openbiblestories.org/l/lo/story-42/

![](https://cdn.door43.org/obs/jpg/360px/obs-en-42-01.jpg)

ໃນວັນທີ່ພຣະເຢຊູຊົງເປັນຄືນມາຈາກຕາຍ ມີອັກຄະສາວົກ 2 ຄົນກຳລັງເດີນທາງໄປຍັງເມືອງທີ່ຢູ່ໃກ້ຄຽງ. ໃນຂະນະທີ່ພວກເຂົາກຳລັງເດີນທາງໄປນັ້ນ ພວກເຂົາກໍໄດ້ສົນທະນາກັນກ່ຽວກັບເຫດການທີ່ເກີດຂຶ້ນກັບພຣະເຢຊູ. ພວກເຂົາມີຄວາມຫວັງວ່າພຣະເຢຊູຈະມາເປັນພຣະເມຊີອາ ແຕ່ພຣະອົງພັດຖືກຂ້າ ແລ້ວກໍຍັງມີພວກຜູ້ຍິງເວົ້າກັນວ່າພຣະອົງຍັງມີຊີວິດຢູ່. ພວກເຂົາບໍ່ຮູ້ວ່າຄວນຈະເຊື່ອຂ່າວໃດ.

![](https://cdn.door43.org/obs/jpg/360px/obs-en-42-02.jpg)

ພຣະເຢຊູໄດ້ປະກົດແກ່ພວກເຂົາແຕ່ພວກເຂົາບໍ່ສາມາດຈື່ພຣະອົງໄດ້. ພຣະອົງຊົງຖາມພວກເຂົາວ່າກຳລັງສົນທະນາເຖິງເລື່ອງຫຍັງກັນ. ແລ້ວພວກເຂົາກໍໄດ້ເລົ່າເຖິງເຫດການທີ່ແປກປະຫຼາດຫຼາຍເຫດການທີ່ເກີດຂຶ້ນກ່ຽວກັບພຣະເຢຊູໃນລະຫວ່າງ 2-3ວັນທີ່ຜ່ານມາ. ພວກເຂົາຄິດວ່າພວກເຂົາກຳລັງສົນທະນາກັບນັກທ່ອງທ່ຽວທີ່ຍັງບໍ່ຮູ້ກ່ຽວກັບເຫດການທີ່ເກີດຂຶ້ນໃນນະຄອນເຢຣູຊາເລັມ.

![](https://cdn.door43.org/obs/jpg/360px/obs-en-42-03.jpg)

ແລ້ວພຣະເຢຊູກໍໄດ້ອະທິບາຍພຣະຄຳຂອງພຣະເຈົ້າກ່ຽວກັບພຣະເມຊີອາໃຫ້ພວກເຂົາຟັງ. ພຣະອົງໄດ້ເຕືອນໃຫ້ພວກເຂົາລະນຶກເຖິງຖ້ອຍຄຳທີ່ຜູ້ປະກາດພຣະຄຳໄດ້ບອກໄວ້ວ່າພຣະເມຊີອາຈະຕ້ອງທົນທຸກທໍລະມານແລະຖືກຂ້າໃນທີ່ສຸດ. ແລ້ວໃນວັນຖ້ວນສາມຈະຊົງເປັນຄືນມາ. ເມື່ອມາຮອດບ່ອນທີ່ພວກເຂົາຄິດວ່າຈະພັກຢູ່ນັ້ນກໍເປັນເວລາຄ່ຳແລ້ວ.

![](https://cdn.door43.org/obs/jpg/360px/obs-en-42-04.jpg)

ຊາຍ2ຄົນນັ້ນໄດ້ເຊື້ອເຊີນໃຫ້ພຣະເຢຊູໃຫ້ພັກຢູ່ກັບພວກເຂົາແລະພວກເຂົາກໍພັກຢູ່ທີ່ນັ້ນນຳກັນ. ໃນຂະນະທີ່ພວກເຂົາກຳລັງຈະກິນເຂົ້າແລງ, ພຣະເຢຊູໄດ້ຈັບເຂົ້າຈີ່ຂຶ້ນມາແລ້ວໂມທະນາຂອບພຣະຄຸນພຣະເຈົ້າສຳລັບອາຫານແລະຫັກເຂົ້າຈີ່ນັ້ນ. ທັນໃດນັ້ນພວກເຂົາກໍຈື່ໄດ້ວ່າພຣະອົງຄືພຣະເຢຊູ. ແຕ່ພຣະເຢຊູກໍໄດ້ຫາຍໄປຈາກພວກເຂົາແລ້ວ.

![](https://cdn.door43.org/obs/jpg/360px/obs-en-42-05.jpg)

ແລ້ວຊາຍ2ຄົນນັ້ນກໍລົມກັນວ່າ, “ຜູ້ນັ້ນແມ່ນອົງພຣະເຢຊູ! ເພາະເມື່ອພຣະອົງໄດ້ອະທິບາຍພຣະຄຳຂອງພຣະເຈົ້າໃຫ້ພວກເຮົາຟັງ ໃຈຂອງພວກເຮົາກໍຮ້ອນຮົນເໝືອນໄຟຢູ່ພາຍໃນພວກເຮົາ!”

ແລ້ວພວກເຂົາກໍກັບຄືນໄປຍັງນະຄອນເຢຣູຊາເລັມ. ເມື່ອພວກເຂົາໄປຮອດ ພວກເຂົາກໍເລົ່າໃຫ້ອັກຄະສາວົກຄົນອື່ນໆຟັງແລະບອກພວກເຂົາວ່າ “ພຣະເຢຊູຍັງມີຊີວິດຢູ່! ພວກເຮົາໄດ້ເຫັນພຣະອົງແລ້ວ!”

![](https://cdn.door43.org/obs/jpg/360px/obs-en-42-06.jpg)

ໃນຂະນະທີ່ພວກເຂົາກຳລັງສົນທະນາກັນຢູ່ນັ້ນ ພຣະເຢຊູກໍປະກົດທ່າມກາງພວກເຂົາແລ້ວກ່າວວ່າ, “ສັນຕິສຸກຈົ່ງມີແກ່ທ່ານທັງຫຼາຍ!” ພວກອັກຄະສາວົກຄິດວ່າພຣະອົງເປັນຜີ ແຕ່ພຣະເຢຊູຊົງກ່າວວ່າ, “ເປັນຫຍັງພວກທ່ານຈິ່ງເກີດມີຄວາມຢ້ານແລະສົງໄສ? ຈົ່ງເບິ່ງມືແລະຕີນຂອງເຮົາ. ຜີບໍ່ມີຮ່າງກາຍເໝືອນຢ່າງເຮົາ.” ເພື່ອພິສູດໃຫ້ພວເຂົາເຫັນວ່າພຣະອົງບໍ່ແມ່ນຜີ ພຣະອົງຊົງບອກໃຫ້ພວກເຂົາເອົາອາຫານມາໃຫ້ກິນ. ພວກເຂົາໄດ້ເອົາປີ້ງປາໃຫ້ພຣະອົງແລ້ວພຣະອົງກໍຊົງກິນໃຫ້ພວກເຂົາເບິ່ງ

![](https://cdn.door43.org/obs/jpg/360px/obs-en-42-07.jpg)

ພຣະເຢຊູກ່າວວ່າ, “ເຮົາໄດ້ບອກພວກເຈົ້າທັງຫຼາຍແລ້ວວ່າ ທຸກສິ່ງທຸກຢ່າງທີ່ຖືກຂຽນໄວ້ໃນພຣະຄຳຂອງພຣະເຈົ້າກ່ຽວກັບເຮົາຈະຕ້ອງສຳເລັດ.” ພຣະອົງຊົງເປີດໃຈຂອງພວກເຂົາເພື່ອພວກເຂົາຈະໄດ້ເຂົ້າໃຈເຖິງພຣະຄຳຂອງພຣະເຈົ້າ. ພຣະອົງຊົງກ່າວ່າ, “ມີຄຳຂຽນໄວ້ແລ້ວວ່າ, ‘ພຣະເມຊີອາຈະຕ້ອງທົນທຸກທໍລະມານແລະຕາຍແລະຈະເປັນຄືນມາໃນວັນຖ້ວນສາມ.”

![](https://cdn.door43.org/obs/jpg/360px/obs-en-42-08.jpg)

ຍັງມີຄຳຂຽນໄວ້ອີກວ່າອັກຄະສາວົກຂອງເຮົາຈະປະກາດໃຫ້ທຸກໆຄົນກັບໃຈໃໝ່ເພື່ອພວກເຂົາຈະໄດ້ຮັບການອະໄພຈາກບາບກຳຂອງພວກເຂົາ. ພວກເຂົາຈະເລີ່ມປະກາດຈາກເຢຣູຊາເລັມ ແລະໄປຈົນເຖິງທຸກຄົນທຸກແຫ່ງຫົນ. ພວກເຈົ້າທັງຫຼາຍຈະເປັນພະຍານເຖິງເລື່ອງນີ້.

![](https://cdn.door43.org/obs/jpg/360px/obs-en-42-09.jpg)

ພຣະອົງໄດ້ຊົງປະກົດໃຫ້ພວກສາວົກເຫັນເປັນເວລາຫຼາຍຄັ້ງໃນລະຫວ່າງ 40 ວັນທີ່ພຣະອົງຢູ່ກັບພວກເຂົາ. ມີຄັ້ງໜຶ່ງ ພຣະອົງໄດ້ປະກົດໃຫ້ປະຊາຊົນຈຳນວນ 500 ຄົນໃນເວລາດຽວກັນ! ພຣະອົງຊົງເຮັດຫຼາຍຢ່າງເພື່ອພິສູດວ່າພຣະອົງຍັງມີຊີວິດຢູ່ ແລະໄດ້ສອນເລື່ອງຣາຊອານາຈັກຂອງພຣະເຈົ້າໃຫ້ພວກເຂົາ.

![](https://cdn.door43.org/obs/jpg/360px/obs-en-42-10.jpg)

ພຣະເຢຊູຊົງເວົ້າກັບພວກສາວົກຂອງພຣະອົງວ່າ, “ອຳນາດທັງໝົດໃນສະຫວັນແລະແຜ່ນດິນໂລກໄດ້ມອບໃຫ້ແກ່ເຮົາແລ້ວ, ເຫດສະນັ້ນພວກທ່ານຈົ່ງອອກໄປ, ຈົ່ງເຮັດໃຫ້ຄົນທຸກຊາດເປັນລູກສິດ, ໃຫ້ເຂົາຮັບບັບຕິສະມາໃນພຣະນາມແຫ່ງພຣະບິດາ, ພຣະບຸດແລະພຣະວິນຍານບໍລິສຸດ. ສັ່ງສອນພວກເຂົາໃຫ້ຖືກຮັກສາທຸກໆສິ່ງທີ່ເຮົາໄດ້ສັ່ງພວກເຈົ້າໄວ້ແລ້ວນັ້ນ. ນີ້ແຫຼະ ເຮົາຢູ່ກັບເຈົ້າທັງຫຼາຍທຸກໆວັນຈົນສິ້ນໂລກນີ້.”

![](https://cdn.door43.org/obs/jpg/360px/obs-en-42-11.jpg)

ຫຼັງຈາກ40ວັນທີ່ພຣະອົງເປັນຄືນມາຈາກຕາຍ ພຣະອົງໄດ້ສັ່ງສາວົກຂອງພຣະອົງວ່າ, “ຈົ່ງລໍຖ້າຢູ່ໃນນະຄອນເຢຣູຊາເລັມ ແລ້ວເຈົ້າທັງຫຼາຍຈະໄດ້ຮັບພຣະຣາຊທານຣິດເດດ ເມື່ອພຣະວິນຍານບໍຣິສຸດເຈົ້າຈະສະເດັດມາເຖິງພວກເຈົ້າ.” ແລ້ວພຣະເຢຊູກໍສະເດັດຂຶ້ນສູ່ສະຫວັນແລະກ້ອນເມກກໍໄດ້ປົກຄຸມພຣະອົງຈາກສາຍຕາຂອງພວກເຂົາ. ພຣະເຢຊູຊົງນັ່ງເທິງເບື້ອງຂວາຂອງພຣະບິດາເຈົ້າເພື່ອປົກຄອງທຸກໆສິ່ງ.

*ບົດເລື່ອງຈາກພຣະຄຳພີ ມັດທາຍ 28:16-20; ມາຣະໂກ 16:12-20; ລູກາ 24:13-53; ໂຢຮັນ 20:19-23; ກິດຈະການ 1:1-11*

## 43. ການເລີ່ມຕົ້ນຂອງຄຣິສຕະຈັກ

https://openbiblestories.org/l/lo/story-43/

![](https://cdn.door43.org/obs/jpg/360px/obs-en-43-01.jpg)

ຫຼັງຈາກພຣະເຢຊູສະເດັດຄືນສູ່ສະຫວັນ ພວກສາວົກກໍຍັງອາໄສຢູ່ໃນນະຄອນເຢຣູຊາເລັມຕາມທີ່ພຣະເຢຊູໄດ້ສັ່ງເຂົາໄວ້. ບັນດາຄົນທີ່ເຊື່ອຫຼາຍຄົນໄດ້ຮວມຕົວກັນເພື່ອອະທິຖານແລະນະມັດການຢ່າງສະໝ່ຳສະເໝີ.

![](https://cdn.door43.org/obs/jpg/360px/obs-en-43-02.jpg)

ທຸກໆປີຫຼັງຈາກ 50 ວັນເທດສະການປັດສະຄາ, ຊາວຢິວຈະສະເຫຼີມສະຫຼອງເທດສະການທີ່ສຳຄັນຄືເທດສະການເພັນເຕຄໍສະເຕ. ເທດສະການເພັນເຕຄໍສະເຕແມ່ນຊ່ວງເວລາທີ່ຊາວຢິວຈະສະເຫຼີມສະຫຼອງເຖິງການເກັບກ່ຽວຂອງພວກເຂົາ. ຊາວຢິວຈາກທົ່ວໂລກຈະມາຮ່ວມກັນທີ່ນະຄອນເຢຣູຊາເລັມເພື່ອຮ່ວມສະເຫຼີມສະຫຼອງເທດສະການເພັນເຕຄໍສະເຕນຳກັນ. ໃນປີນີ້ ຊ່ວງເທດສະການເພັນເຕຄໍສະເຕກົງກັບໜຶ່ງອາທິດຫຼັງຈາກທີ່ພຣະເຢຊູໄດ້ສະເດັດຄືນສູ່ສະຫວັນ.

![](https://cdn.door43.org/obs/jpg/360px/obs-en-43-03.jpg)

ໃນຂະນະທີ່ພວກເຂົາກຳລັງຮ່ວມກັນນະມັດສະການຢູ່ໃນເຮືອນ ທັນໃດນັ້ນກໍມີສຽງເໝືອນສຽງລົມພາຍຸແຮງເກີດຂຶ້ນໃນເຮືອນນັ້ນ. ແລ້ວກໍມີບາງຢ່າງເປັນເໝືອນແປວໄຟເກີດຂຶ້ນຢູ່ເທິງຫົວຂອງຜູ້ທີ່ເຊື່ອແຕ່ລະຄົນ. ພວກເຂົາເຕັມໄປ ດ້ວຍພຣະວິນຍານບໍລິສຸດແລ້ວພວກເຂົາກໍເລີ່ມເວົ້າພາສາອື່ນໆທີ່ບໍ່ແມ່ນພາສາຂອງພວກເຂົາ.

![](https://cdn.door43.org/obs/jpg/360px/obs-en-43-04.jpg)

ເມື່ອປະຊາຊົນໃນເຢຣູຊາເລັມໄດ້ຍິນສຽງອຶກກະທຶກນັ້ນ ພວກເຂົາກໍຮ່ວມໂຕກັນເຂົ້າໄປເບິ່ງວ່າເກີດຫຍັງຂຶ້ນ. ເມື່ອປະຊາຊົນໄດ້ຍິນພວກຜູ້ທີ່ເຊື່ອກຳລັງປະກາດເຖິງສິ່ງອັດສະຈັນຫຼາຍສິ່ງທີ່ພຣະເຈົ້າໄດ້ຊົງກະທຳ. ພວກເຂົາກໍຮູ້ສຶກປະຫຼາດໃຈ ທີ່ພວກເຂົາໄດ້ຍິນສິ່ງເຫຼົ່ານັ້ນໃນພາສາຂອງພວກເຂົາເອງ.

![](https://cdn.door43.org/obs/jpg/360px/obs-en-43-05.jpg)

ມີບາງຄົນເວົ້າວ່າພວກອັກຄະສາວົກກຳລັງເມົາເຫຼົ້າ. ແຕ່ເປໂຕຢືນຂຶ້ນແລະກ່າວກັບພວກເຂົາວ່າ, “ຈົ່ງຟັງທາງນີ້! ຄົນພວກນີ້ບໍ່ໄດ້ເມົາເຫຼົ້າ! ແຕ່ເພື່ອເຮັດໃຫ້ສຳເລັດຕາມຜູ້ປະກາດພຣະຄຳຂອງພຣະເຈົ້າໂຢເອນກ່າວໄວ້ວ່າ, ‘ໃນຄາວສຸດທ້າຍນັ້ນເຮົາຈະຖອກເທພຣະວິນຍານຂອງເຮົາລົງໃສ່ມະນຸດທັງປວງ.’”

![](https://cdn.door43.org/obs/jpg/360px/obs-en-43-06.jpg)

ຊາວອິດສະລາເອນທັງຫຼາຍເອີຍ, ພຣະເຢຊູຜູ້ທີ່ໄດ້ກະທຳການດີແລະສຳແດງການອັດສະຈັນຕ່າງໆດ້ວຍລິດອຳນາດຈາກພຣະເຈົ້າໃຫ້ພວກເຈົ້າໄດ້ເຫັນແລ້ວ ແຕ່ພວກທ່ານກໍຍັງຄຶງເພິ່ນໄວ້ທີ່ໄມ້ກາງແຂນ.”

![](https://cdn.door43.org/obs/jpg/360px/obs-en-43-07.jpg)

ເຖິງວ່າເພິ່ນຈະຕາຍໄປແລ້ວ ແຕ່ພຣະເຈົ້າກໍຊົງບັນດານໃຫ້ເພິ່ນເປັນຄືນມາຈາກຕາຍ. ເພື່ອເຮັດໃຫ້ສິ່ງນີ້ສຳເລັດຕາມຖ້ອຍຄຳຂອງຜູ້ປະກາດພຣະຄຳບອກວ່າ, ‘ທ່ານຈະບໍ່ໃຫ້ຜູ້ຮັບໃຊ້ຂອງພຣະອົງຜູ້ທີ່ບໍລິສຸດເປື່ອຍເນົ່າໃນຂຸມຝັງສົບ.’ ພວກເຮົາເປັນພະຍານວ່າພຣະເຈົ້າໄດ້ຊົງບັນດານໃຫ້ພຣະເຢຊູເປັນຄືນມາຈາກຕາຍແລະມີຊີວິດອີກຄັ້ງ.”

![](https://cdn.door43.org/obs/jpg/360px/obs-en-43-08.jpg)

“ບັດນີ້ພຣະເຢຊູໄດ້ຊົງຖືກຍົກຂຶ້ນແລະນັ່ງເທິງເບື້ອງຂວາຂອງພຣະບິດາເຈົ້າ. ແລະພຣະເຢຊູໄດ້ຊົງປະທານພຣະວິນຍານບໍລິສຸດຕາມທີ່ພຣະອົງໄດ້ຊົງສັນຍາໄວ້ແລ້ວ. ສິ່ງທີ່ພວກທ່ານກຳລັງໄດ້ຍິນແລະໄດ້ເຫັນໃນຕອນນີ້ຄືລິດເດດຂອງພຣະວິນຍານບໍລິສຸດ.”

![](https://cdn.door43.org/obs/jpg/360px/obs-en-43-09.jpg)

“ພວກທ່ານທັງຫຼາຍໄດ້ຄຶງຊາຍຄົນທີ່ຊື່ວ່າເຢຊູ ແຕ່ບັດນີ້ຈົ່ງຮູ້ເຖີດວ່າ ພຣະເຈົ້າຊົງໃຫ້ພຣະອົງເປັນທັງອົງພຣະຜູ້ເປັນເຈົ້າແລະພຣະເມຊີອາ.”

![](https://cdn.door43.org/obs/jpg/360px/obs-en-43-10.jpg)

ປະຊາຊົນທີ່ໄດ້ຟັງເປໂຕກ່າວແລ້ວກໍຮູ້ສຶກເຈັບຊ້ຳແລະກິນແໜງໃຈຫຼາຍ; ສະນັ້ນພວກເຂົາຈຶ່ງຖາມເປໂຕກັບພວກສາວົກຄົນອື່ນໆວ່າ, “ພີ່ນ້ອງເອີຍ, ພວກເຮົາຈະຕ້ອງເຮັດຢ່າງໃດ?”

![](https://cdn.door43.org/obs/jpg/360px/obs-en-43-11.jpg)

ເປໂຕຕອບພວກເຂົາວ່າ, “ພວກເຈົ້າທຸກຄົນຕ້ອງຖິ້ມໃຈເກົ່າເອົາໃຈໃໝ່ ແລະຮັບບັບຕິສະມາໃນພຣະນາມຂອງອົງພຣະເຢຊູຄຣິດ ເພື່ອພຣະເຈົ້າຈະໄດ້ອະໄພຄວາມຜິດບາບຂອງພວກເຈົ້າ. ແລ້ວພວກເຈົ້າຈຶ່ງຈະໄດ້ຮັບຂອງປະທານຄືພຣະວິນຍານບໍລິສຸດ.”

![](https://cdn.door43.org/obs/jpg/360px/obs-en-43-12.jpg)

ມີປະມານ 3000 ຄົນພາກັນຮັບເຊື່ອແລະກາຍເປັນສາວົກຂອງພຣະເຢຊູ. ພວກເຂົາໄດ້ຮັບບັບຕິສະມາເພື່ອໃຫ້ເປັນສ່ວນໜຶ່ງຂອງຄຣິສຕະຈັກໃນນະຄອນເຢຣູຊາເລັມ.

![OBS Image](https://cdn.door43.org/obs/jpg/360px/obs-en-43-13.jpg) ສວມລາວົກຄົນອືນໆຍ້ງສືບຕ່ຄຳສ້ງສອມຂອງພວກອກັຄເສາວກົ, ສາມັກຄີທຳຮ່ວມກັນ, ຮັບປະທານອາຫານຮ່ວມກັນ ແລະອະທິຖານເພື່ອເຊິ່ງກັນແລະກັນ. ພວກເຂົາຮ່ວມກັນສັນລະເສີນພຣະເຈົ້າຢ່າງຊົມຊື່ນຍິນດີ. ພວກເຂົາຍັງໄດ້ແບ່ງປັນສິ່ງທີ່ພວກເຂົາມີໃຫ້ກັນແລະກັນ. ພວກເຂົາເປັນຄົນດີໃນສາຍຕາຂອງຄົນທົ່ວໄປ. ທຸກໆວັນມີຄົນທີ່ເຊື່ອເພີ່ມຂຶ້ນເລື້ອຍໆ.

*ບົດເລື່ອງຈາກພຣະຄຳພີ ກິດຈະການ ບົດທີ 2*

## 44. ເປໂຕແລະໂຢຮັນຮັກສາຄົນຂໍທານ

https://openbiblestories.org/l/lo/story-44/

![](https://cdn.door43.org/obs/jpg/360px/obs-en-44-01.jpg)

ວັນໜຶ່ງເປໂຕແລະໂຢຮັນກຳລັງໄປທີ່ພຣະວິຫານ. ເມື່ອພວກເຂົາໄປໃກ້ປະຕູພຣະວິຫານ, ພວກເຂົາເຫັນຄົນຂໍທານຄົນໜຶ່ງກຳລັງນັ່ງຂໍເງິນ.

![](https://cdn.door43.org/obs/jpg/360px/obs-en-44-02.jpg)

ເປໂຕແນມເບິ່ງຊາຍເປ້ຍຂໍທານຄົນນັ້ນແລະເວົ້າວ່າ, “ເຮົາບໍ່ມີເງິນທີ່ຈະໃຫ້ເຈົ້າ. ແຕ່ເຮົາຈະເອົາສິ່ງທີ່ເຮົາມີໃຫ້ເຈົ້າ. ຄືໃນນາມຂອງພຣະເຢຊູ, ຈົ່ງລຸກຂຶ້ນແລະຍ່າງ!”

![](https://cdn.door43.org/obs/jpg/360px/obs-en-44-03.jpg)

ໃນທັນໃດນັ້ນ, ພຣະເຈົ້າໄດ້ຮັກສາຄົນເປ້ຍທີ່ນັ່ງຂໍທານ, ແລະລາວກໍເລີ່ມລຸກຂຶ້ນຍ່າງແລະເຕັ້ນໂລດສັນລະເສີນພຣະເຈົ້າ. ຄົນທີ່ຢູ່ໃນບໍລິເວນພຣະວິຫານນັ້ນຕ່າງກໍຮູ້ສຶກປະຫຼາດໃຈ.

![](https://cdn.door43.org/obs/jpg/360px/obs-en-44-04.jpg)

ຄົນທັງຫຼາຍກໍຟ້າວມາເບິ່ງຊາຍຜູ້ທີ່ໄດ້ຮັບການຮັກສາຄົນນັ້ນ. ເປໂຕກ່າວກັບພວກເຂົາວ່າ, “ເປັນຫຍັງພວກເຈົ້າຈຶ່ງຮູ້ສຶກປະຫລາດໃຈທີ່ຊາຍຄົນນີ້ໄດ້ຮັບການຮັກສາ? ພວກເຮົາບໍ່ໄດ້ຮັກສາລາວດ້ວຍລິດອຳນາດຫຼືຄວາມດີຂອງພວກເຮົາ. ແຕ່ດ້ວຍລິດອຳນາດຂອງພຣະເຢຊູ ແລະດ້ວຍຄວາມເຊື່ອທີ່ພຣະເຢຊູໄດ້ປະທານໃຫ້ລາວຈຶ່ງໃດຮັບການຮັກສາ.”

![](https://cdn.door43.org/obs/jpg/360px/obs-en-44-05.jpg)

ພວກເຈົ້າເປັນຄົນບອກເຈົ້າໜ້າທີ່ຊາວໂຣມໃຫ້ຂ້າພຣະເຢຊູ. ພວກເຈົ້າໄດ້ຂ້າຜູ້ໃຫ້ຊີວິດ, ແຕ່ພຣະເຈົ້າໄດ້ຊົງບັນດານໃຫ້ພຣະອົງເປັນຄືນມາຈາກຕາຍ. ເຖິງວ່າພວກເຈົ້າຈະບໍ່ເຂົ້າໃຈໃນສິ່ງທີ່ພວກເຈົ້າເຮັດລົງໄປນັ້ນ ພຣະເຈົ້າໄດ້ຊົງໃຫ້ການກະທຳຂອງພວກທ່ານສຳເລັດຕາມຜູ້ປະກາດພຣະຄຳໄດ້ບອກໄວ້ຄື ພຣະເມຊີອາຈະຕ້ອງທົນທຸກທໍລະມານແລະຕາຍໄປ. ສະນັ້ນ ຈົ່ງຖິ້ມໃຈເກົ່າເອົາໃຈໃໝ່ແລະກັບມາຫາພຣະເຈົ້າ ເພື່ອຄວາມຜິດບາບຂອງພວກເຈົ້າຈະໄດ້ຮັບການຊຳລະລ້າງໃຫ້ໝົດໄປ.”

![](https://cdn.door43.org/obs/jpg/360px/obs-en-44-06.jpg)

ບັນດາຜູ້ນຳໃນພຣະວິຫານຮູ້ສຶກໃຈຮ້າຍກັບຄຳເວົ້າຂອງເປໂຕແລະໂຢຮັນ. ສະນັ້ນພວກເຂົາຈຶ່ງຈັບເປໂຕແລະໂຢຮັນຂັງໄວ້ໃນຄຸກ. ແຕ່ກໍມີຫຼາຍຄົນໄດ້ເຊື່ອໃນຄຳເວົ້າຂອງເປໂຕ ແລະກໍເລີ່ມມີຫຼາຍຄົນຮັບເຊື່ອໃນພຣະເຢຊູປະມານ 5,000 ຄົນ.

![](https://cdn.door43.org/obs/jpg/360px/obs-en-44-07.jpg)

ໃນວັນຕໍ່ມາ ພວກຜູ້ນຳຢິວໄດ້ນຳເປໂຕແລະໂຢຮັນໄປຫາປະໂລຫິດຕົນໃຫຍ່ແລະຜູ້ນຳສາສະໜາຄົນອື່ນໆ. ພວກເຂົາໄດ້ຖາມເປໂຕແລະໂຢຮັນວ່າ, “ພວກທ່ານຮັກສາຊາຍເປ້ຍຄົນນັ້ນດ້ວຍລິດອຳນາດຂອງໃຜ?

![](https://cdn.door43.org/obs/jpg/360px/obs-en-44-08.jpg)

ເປໂຕຕອບພວກເຂົາວ່າ, “ຊາຍຄົນທີ່ກຳລັງຢືນຢູ່ຕໍ່ໜ້າທ່ານນີ້ແມ່ນໄດ້ຮັບການຮັກສາຈາກລິດອຳນາດຂອງພຣະເຢຊູຜູ້ຊົງເປັນພຣະເມຊີອາ. ພວກເຈົ້າໄດ້ຄຶງພຣະອົງໄວ້ເທິງໄມ້ກາງແຂນແຕ່ພຣະເຈົ້າໄດ້ຊົງໂຜດບັນດານໃຫ້ພຣະອົງເປັນຄືນມາມີຊີວິດອີກຄັ້ງ! ພວກທ່ານໄດ້ປະຕິເສດພຣະອົງ, ບໍ່ມີທາງໃດທີ່ຈະເຮັດໃຫ້ທ່ານລອດພົ້ນໄດ້ນອກຈາກລິດອຳນາດຂອງອົງພຣະເຢຊູ!”

![](https://cdn.door43.org/obs/jpg/360px/obs-en-44-09.jpg)

ພວກຜູ້ນຳທັງຫຼາຍຕົກໃຈໃນສິ່ງທີ່ເປໂຕແລະໂຢຮັນໄດ້ກ່າວຢ່າງໜັກແໜ້ນ ເພາະພວກເຂົາເຫັນວ່າພວກເພິ່ນເປັນພຽງປະຊາຊົນທຳມະດາທີ່ບໍ່ມີການສຶກສາ. ແຕ່ພວກເຂົາກໍຍັງຈື່ໄດ້ວ່າພວກເພິ່ນເຄີຍຢູ່ກັບພຣະເຢຊູ. ເມື່ອພວກເຂົາຂູ່ເຂັນ ເປໂຕແລະໂຢຮັນສຳເລັດແລ້ວ ພວກເຂົາກໍປ່ອຍພວກເພິ່ນທັງສອງໄປ.

*ບົດເລື່ອງຈາກພຣະຄຳພີ: ກິດຈະການ 3:1-4:22*

## 45. ສະເຕຟາໂນ ແລະ ຟີລີບ

https://openbiblestories.org/l/lo/story-45/

![](https://cdn.door43.org/obs/jpg/360px/obs-en-45-01.jpg)

ໜຶ່ງໃນຜູ້ນໍາຄຣິດຕະຈັກຍຸກທໍາອິດ ມີຊື່ວ່າ ສະເຕຟາໂນ. ລາວເປັນຄົນທີ່ມີຊື່ສຽງ ແລະ ເຕັມໄປດ້ວຍພະວິນຍານບໍລິສຸດ ແລະ ສະຕິປັນຍາ. ສະເຕຟາໂນໄດ້ເຮັດການອັດສະຈັນຫຼາຍຢ່າງ ແລະ ເຮັດໃຫ້ຄົນຫຼວງຫຼາຍມາເຊື່ອພຣະເຢຊູ.

![](https://cdn.door43.org/obs/jpg/360px/obs-en-45-02.jpg)

ວັນໜຶ່ງ, ໃນຂະນະທີ່ສະເຕຟາໂນກໍາລັງສັ່ງສອນກ່ຽວກັບເລື່ອງພຣະເຢຊູ, ພວກຢິວບາງຄົນທີ່ບໍ່ເຊື່ອພຣະເຢຊູ ເລີ່ມໂຕ້ຖຽງກັບສະເຕຟາໂນ. ພວກເຂົາເລີ່ມໃຈຮ້າຍຫຼາຍຂຶ້ນ ແລະ ເວົ້າໃສ່ຮ້າຍສະເຕຟາໂນໃຫ້ຜູ້ນໍາສາດສະໜາຟັງ, ພວກເຂົາເວົ້າວ່າ, "ພວກເຮົາໄດ້ຍິນລາວເວົ້າບໍ່ດີກ່ຽວກັບໂມເຊ ແລະ ພຣະເຈົ້າ." ດັ່ງນັ້ນ ພວກຜູ້ນຳສາດສະໜາໄດ້ຈັບກຸມສະເຕຟາໂນ ແລະ ນໍາເອົາລາວຂຶ້ນໄປຫາ ນັກບວດ ພ້ອມກັບຜູ້ນໍາຄົນອື່ນໆຂອງຊາວຢິວ ບ່ອນທີ່ເຂົານໍາພະຍານບໍ່ຈິງມາຕົວະສະເຕຟາໂນ.”

![](https://cdn.door43.org/obs/jpg/360px/obs-en-45-03.jpg)

ມະຫາປະໂລຫິດຈຶ່ງຖາມສະເຕຟາໂນວ່າ,”ສິ່ງທີ່ກ່າວມາທັງໝົດນີ້ແມ່ນຄວາມຈິງບໍ? ສະເຕຟາໂນຕອບ ແລະ ຕັກເຕືອນພວກເຂົາ ໃນຫຼາຍສິ່ງທີ່ຍິ່ງໃຫຍ່ ທີ່ພຣະເຈົ້າໄດ້ກະທໍາໃນສະໄໝອັບຣາຮາມ ຈົນເຖິງພຣະເຢຊູ, ແລະ ໄພພົນຂອງພຣະເຈົ້າ ກໍບໍ່ເຊື່ອຟັງພຣະອົງ, ພວກເຂົາທັງຫຼາຍບໍ່ໄດ້ເຊື່ອຟັງພຣະອົງ. ຫຼັງຈາກນັ້ນສະເຕຟາໂນໄດ້ກ່າວວ່າ, “ເຈົ້າປາກແຂງ ແລະ ດື້ດ້ານ ເຈົ້າປະຕິເສດພຣະວິນຍາຍບໍລິສຸດເຈົ້າ ເໝືອນກັນກັບບັນພະບຸລຸດຂອງພວກເຈົ້າໄດ້ປະຕິເສດພຣະເຈົ້າ ແລະ ຂ້າຜູ້ປະກາດພະຄໍາຂອງພຣະອົງ. ແຕ່ພວກເຈົ້າທັງຫຼາຍໄດ້ເຮັດສິ່ງທີ່ຊົ່ວຮ້າຍ ຍິ່ງກ່ວາທີ່ພວກເຂົາເຄີຍເຮັດມານັ້ນ! ພວກເຈົ້າຂ້າພຣະເມຊີອາ.”

![](https://cdn.door43.org/obs/jpg/360px/obs-en-45-04.jpg)

ເມື່ອຜູ້ນໍາສາດສະໜາໄດຍິນດັ່ງນັ້ນ. ພວກເຂົາໃຈຮ້າຍຫຼາຍ ແລະ ຮ້ອງສຽງດັງຂຶ້ນ ພວກເຂົາລາກສະເຕຟາໂນອອກຈາກເມືອງແລະ ແກ່ວງກ້ອນຫີນໃສ່ລາວເພື່ອຫວັງຈະຂ້າລາວໃຫ້ຕາຍ.

![](https://cdn.door43.org/obs/jpg/360px/obs-en-45-05.jpg)

ຂະນະທີ່ສະເຕຟາໂນກໍາລັງຈະຕາຍ, ລາວຮ້ອງອອກມາ, ”ຂ້າແດ່ພຣະເຢຊູເຈົ້າໂຜດມາຮັບຈິດວິນຍານຂ້ານ້ອຍເຖີດ." ຫຼັງຈາກນັ້ນ ລາວຈຶ່ງລົ້ມລົງ ແລະ ຮ້ອງໃຫ້ອອກມາ: "ພຣະອົງເອີ້ຍຢ່າລົງໂທດພວກເຂົາເລີຍ," ແລ້ວສະເຕຟາໂນກໍສິ້ນໃຈຕາຍ.”

![](https://cdn.door43.org/obs/jpg/360px/obs-en-45-06.jpg)

ຊາຍຄົນໜຶ່ງຊື່ ໂຊໂລ ລາວເຫັນດີກັບຄົນທັງຫຼາຍທີ່ຂ້າສະເຕຟາໂນ ລາວຢືນເຝົ້າເຄື່ອງໃຫ້ພວກເຂົາ ໃນຂະນະທີ່ພວກເຂົາກໍາລັງແກ່ວງກ້ອນຫີນໃສ່ສະເຕຟາໂນວັນນັ້ນມີຫຼາຍຄົນໃນນະຄອນເຢຮູຊາເລັມ ເລີ່ມເຊື່ອພຣະເຢຊູເຈົ້າ. ດັ່ງນັ້ນ ພວກທີ່ເຊື່ອທັງຫຼາຍກໍໄປລີ້ຊ້ອນຕົວຢູ່ບ່ອນຕ່າງໆ. ແຕ່ເຖິງປານນັ້ນ ພວກເຂົາຍັງໄດ້ເວົ້າເລື່ອງຂອງພຣະເຢຊູເຈົ້າທຸກບ່ອນທີ່ເຂົາໄປ.

![](https://cdn.door43.org/obs/jpg/360px/obs-en-45-07.jpg)

ຟີລິບເປັນອັກຄະສາວົກຄົນໜຶ່ງຂອງພຣະເຢຊູ. ເປັນໜຶ່ງໃນບັນດາຜູ້ທີ່ເຊື່ອທີ່ໜີຈາກນະຄອນເຢຮູຊາເລັມ ໃນລະຫ່ວາງມີການຂົ່ມເຫັງ. ລາວໄປເມືອງຊາມາເລຍ ເພື່ອເທດສະໜາເລື່ອງພຣະເຢຊູ ແລະ ມີຫຼາຍຄົນໄດ້ຮັບຄວາມລອດພົ້ນ. ແລ້ວວັນໜຶ່ງ, ເທວະດາ ໄດ້ມາບອກກັບຟີລິບວ່າ ໃຫ້ໄປເສັ້ນທາງໜຶ່ງໃນທະເລຊາຍ ຂະນະທີ່ລາວກໍາລັງເດີນຕາມທາງນັ້ນ ຟີລິບເຫັນຊາຍເອທີໂອເປຍຄົນໜຶ່ງເປັນເຈົ້າພະນັກງານສໍາຄັນກໍາລັງນັ່ງລົດມ້າຂອງລາວ ພຣະວິນຍານບໍລິສຸດບອກກັບຟິລິບວ່າ,”ໃຫ້ເຂົ້າໄປໃກ້ ແລະ ເວົ້າກັບຊາຍຄົນນີ້.”

![](https://cdn.door43.org/obs/jpg/360px/obs-en-45-08.jpg)

ເມື່ອຟີລິບເຂົ້າມາໃກ້ລົດມ້າ ລາວໄດ້ຍິນຊາຍເອທິໂອເປຍອ່ານໜັງສືຂອງຜູ້ປະກາດພະຄໍາເອຊາຢາ. ທີ່ໄດ້ຂຽນໄວ້ວ່າ, "ພວກເຂົາໄດ້ນໍາພຣະອົງເໝືອນລູກແກະທີ່ຈະເອົາໄປຂ້າ ແລະ ເປັນລູກແກະທີ່ງຽບບໍ່ເວົ້າຫຍັງຈັກຄໍາ ພຣະອົງບໍ່ໄດ້ຮັບການປະຕິບັດຢ່າງເປັນທໍາ ແລະ ບໍ່ມີໃຜເຄົາລົບພຣະອົງ ພວກເຂົາໄດ້ເອົາຊີວິດຂອງພຣະອົງອອກຈາກພຣະອົງ.”

![](https://cdn.door43.org/obs/jpg/360px/obs-en-45-09.jpg)

ເມື່ອຟີລິບຖາມຊາຍເອທິໂອເປຍ, “ເຈົ້າເຂົ້າໃຈໃນສິ່ງທີ່ເຈົ້າກໍາລັງອ່ານບໍ?” ຊາຍເອທິໂອເປຍຕອບວ່າ, ”ບໍ່, ຂ້ອຍບໍ່ສາມາດເຂົ້າໃຈເວັ້ນເສຍແຕ່ວ່າມີຜູ້ໃດຜູ້ໜຶ່ງມາອະທິບາຍໃຫ້ຂ້ອຍຟັງ! ກະລຸນາມານັ່ງຂ້າງໆຂ້ອຍ. ເອຊາຢາຂຽນເຖິງໂຕລາວເອງຫຼືເຖິງໃຜອື່ນ?”

![](https://cdn.door43.org/obs/jpg/360px/obs-en-45-10.jpg)

ຟີລິບໄດ້ອະທິບາຍຕໍ່ເອທິໂອເປຍ, ຊາຍທີ່ເອຊາຢາຂຽນເຖິງນັ້ນແມ່ນພຣະເຢຊູ. ຟີລິບຍັງໄດ້ເວົ້າພຣະຄໍາພີອື່ນໆເພື່ອໃຫ້ລາວຮູ້ ແລະ ເຂົ້າໃຈຂ່າວປະເສີດຂອງພຣະເຢຊູ.

![](https://cdn.door43.org/obs/jpg/360px/obs-en-45-11.jpg)

ໃນຂະນະທີ່ຟີລິບ ແລະ ຊາຍເອທິໂອເປຍໄດ້ເດີນທາງໄປ ພວກເຂົາໄດ້ມາເຖິງແມ່ນໍ້າ ຊາຍເອທິໂອເປຍເວົ້າວ່າ,”ເບິ່ງແມ້, ຢູ່ທີ່ນີ້ມີນໍ້າ ຂ້ອຍຂໍຮັບບັບຕິດສະມາທີ່ນີ້ໄດ້ບໍ? ” ແລະ ລາວບອກໃຫ້ຄົນຂັບລົດມ້າຢຸດຢູ່ທີ່ນັ້ນ.

![](https://cdn.door43.org/obs/jpg/360px/obs-en-45-12.jpg)

ດັ່ງນັ້ນ ພວກເຂົາທັງສອງຈຶ່ງລົງໄປໃນນ້ຳ ແລະ ຟີລິບໄດ້ເຮັດບັບຕິດສະມາໃຫ້ຄົນເອທິໂອເປຍ. ຫຼັງຈາກນັ້ນພວກເຂົາໄດ້ຂຶ້ນມາຈາກນ້ຳ. ໃນທັນໃດນັ້ນ ພຮະວິນຍານບໍລິສຸດເຈົ້າ ໄດ້ນຳຟີລິບໄປຍັງສະຖານທີແຫ່ງໜຶ່ງ. ເພິ່ນສືບຕໍ່ເວົ້າເລື່ອງຂອງພຣະເຢຊູໃຫູ້ຄົນຫຼວງຫຼາຍໄດ້ຟັງ.

![](https://cdn.door43.org/obs/jpg/360px/obs-en-45-13.jpg)

ຊາຍເອທິໂອເປຍໄດ້ສືບຕໍ່ເດີນທາງກັບບ້ານຂອງເຂົາຢ່າງມີຄວາມສຸກ ເພາະວ່າລາວຮູ້ ແລະ ເຂົ້າໃຈເລື່ອງຂອງພຣະເຢຊູ.

*ຈາກພະຄໍາພີ ກິດຈະການ 6:8-8:5; 8:26-40*

## 46. ໂປໂລກັບໃຈມາເປັນຄຣິສຕຽນ

https://openbiblestories.org/l/lo/story-46/

![](https://cdn.door43.org/obs/jpg/360px/obs-en-46-01.jpg)

ໂຊໂລຄືຊາຍໜຸ່ມຜູ້ທີ່ຖືເສື້ອຄຸມຂອງບັນດາຄົນທີ່ຂ້າສະເຕຟາໂນໄວ້ຕອນທີ່ຄົນທັງຫຼາຍກຳລັງຂ້າສະເຕຟາໂນ. ລາວບໍ່ໄດ້ເຊື່ອພຣະເຢຊູ ສະນັ້ນລາວຈຶ່ງຂົ່ມເຫັງບັນດາຄົນທັງຫຼາຍທີ່ເຊື່ອໃນພຣະເຢຊູ. ລາວໄດ້ເຂົ້າໄປໃນແຕ່ລະເຮືອນໃນເຢຣູຊາເລັມເພື່ອຈັບເອົາຜູ້ທີ່ເຊື່ອທັງຜູ້ຍິງແລະຜູ້ຊາຍຂັັງໄວ້ໃນຄຸກ. ນັກບວດໄດ້ອະນຸຍາດໃຫ້ໂຊໂລເດີນທາງໄປຍັງເມືອງດາມັສກັດເພື່ອໄປຈັບກຸມພວກຄຣິສຕຽນແລະນຳກັບມາຍັງນະຄອນເຢຣູຊາເລັມ.

![](https://cdn.door43.org/obs/jpg/360px/obs-en-46-02.jpg)

ໃນຂະນະທີ່ໂຊໂລກຳລັງເດີນທາງໄປເມືອງດາມັສກັດ ມີແສງຈາກສະຫວັນສ່ອງລົງມາໃສ່ລາວແລ້ວລາວກໍລົ້ມລົງພື້ນ. ໂຊໂລໄດ້ຍິນສຽງໃຜບາງຄົນເວົ້າວ່າ, “ໂຊໂລ! ໂຊໂລເອີຍ! ເປັນຫຍັງເຈົ້າຈຶ່ງຂົ່ມເຫັງເຮົາ?” ໂຊໂລຖາມຄືນວ່າ, “ນາຍທ່ານແມ່ນຜູ້ໃດນໍ?” ພຣະເຢຊູຈຶ່ງໄດ້ຕອບລາວວ່າ, “ເຮົາແມ່ນເຢຊູຜູ້ທີ່ເຈົ້າກຳລັງຂົ່ມເຫັງ!”

![](https://cdn.door43.org/obs/jpg/360px/obs-en-46-03.jpg)

ເມື່ອໂຊໂລລຸກຂຶ້ນ ເພິ່ນກໍບໍ່ເຫັນຮຸ່ງ. ເພື່ອນຂອງເພິ່ນໄດ້ນຳເພິ່ນເຂົ້າໄປໃນເມືອງດາມັສກັດ. ໂຊໂລບໍ່ໄດ້ກີນຫຼືດື່ມສິ່ງໃດເປັນເວລາ3ວັນ.

![](https://cdn.door43.org/obs/jpg/360px/obs-en-46-04.jpg)

ຍັງມີສາວົກຄົນໜຶ່ງຊື່ວ່າ ອານາເນຍ. ພຣະເຈົ້າຊົງບອກກັບລາວວ່າ, “ຈົ່ງໄປເຮືອນທີ່ໂຊໂລກຳລັງພັກຢູ່ ແລ້ວວາງມືໃສ່ລາວເພື່ອລາວຈະໄດ້ເຫັນຮຸ່ງອີກຄັ້ງ.” ແຕ່ອານາເນຍວ່າ: "ນາຍເຈົ້າເອີຍ, ຂ້ານ້ອຍໄດ້ຍິນມາວ່າຊາຍຄົນນີ້ໄດ້ຂົ່ມເຫັງບັນດາຜູ້ທີ່ເຊື່ອທັງຫຼາຍ.” ພຣະເຈົາຊົງຕອບລາວວ່າ: “ຈົ່ງໄປໂລດ! ເຮົາໄດ້ເລືອກລາວໄວ້ເພື່ອປະກາດນາມຊື່ຂອງເຮົາໃຫ້ກັບພວກຢິວແລະຊົນຊາດອື່ນໆ. ລາວຈະຕ້ອງທົນທຸກທໍລະມານຍ້ອນນາມຂອງເຮົາ.”

![](https://cdn.door43.org/obs/jpg/360px/obs-en-46-05.jpg)

ສະນັ້ນອານາເນຍຈຶ່ງໄປເພື່ອວາງມືໃສ່ໂຊໂລແລະກ່າວວ່າ, “ພຣະເຢຊູຜູ້ທີ່ປະກົດແກ່ທ່ານໃນລະຫວ່າງການເດີນທາງມາທີ່ນີ້ນັ້ນໄດ້ສົ່ງຂ້ອຍມາຫາເຈົ້າ ເພື່ອຈະເຮັດໃຫ້ເຈົ້າໄດ້ເຫັນຮຸ່ງອີກຄັ້ງແລະຈະໄດ້ເຕັມໄປດ້ວຍລິດພຣະວິນຍານບໍລິສຸດ.” ທັນໃດນັ້ນໂຊໂລກໍສາມາດເຫັນຮຸ່ງໄດ້ອີກຄັ້ງ ແລ້ວ ອານາເນຍກໍໃຫ້ລາວໄດ້ຮັບບັບຕິສະມາ. ຈາກນັ້ນໂຊໂລກໍຮັບປະທານອາຫານແລະກໍມີແຮງຂຶ້ນມາ.

![](https://cdn.door43.org/obs/jpg/360px/obs-en-46-06.jpg)

ທັນໃດນັ້ນ, ໂຊໂລກໍເລີ່ມປະກາດກັບຊາວຢິວທີ່ຢູ່ໃນເມືອງດາມັສກັດ ໂດຍກ່າວວ່າ, “ພຣະເຢຊູຊົງເປັນພຣະບຸດຂອງພຣະເຈົ້າ!” ພວກຢິວພາກັນປະຫຼາດໃຈທີ່ເຫັນວ່າຊາຍຄົນທີ່ພະຍາຍາມທຳລາຍຜູ້ທີ່ເຊື່ອ ກັບມາຮັບເຊື່ອໃນອົງພຣະເຢຊູ! ໂຊໂລໄດ້ບອກເຫດຜົນກັບພວກຢິວແລະ ພິສູດໃຫ້ພວກເຂົາເຫັນວ່າ ພຣະເຢຊູຊົງເປັນພຣະເມຊີອາ.

![](https://cdn.door43.org/obs/jpg/360px/obs-en-46-07.jpg)

ຫຼາຍມື້່ຜ່ານໄປ ພວກຢິວໄດ້ພາກັນວາງແຜນທີ່ຈະຂ້າໂຊໂລ. ໃນຄືນໜຶ່ງ ພວກເຂົາໄດ້ສົ່ງຄົນອອກໄປເຝົ້າເບິ່ງລາວຢູ່ປະຕູເມືອງເພື່ອກຽມທີ່ຈະຂ້າລາວ. ແຕ່ໂຊໂລໄດ້ຍິນກ່ຽວກັບແຜນການນັ້ນ, ໝູ່ຂອງລາວຈຶ່ງຊ່ວຍໃຫ້ລາວໜີອອກໄປຈາກເມືອງດາມັສກັດໂດຍໃຫ້ລາວນັ່ງໃນກະຕ່າແລ້ວຄ່ອຍໆປ່ອຍກະຕ່າລົງໄປນອກກຳແພງເມືອງ. ຫຼັງຈາກທີ່ໂຊໂລໄດ້ໜີອອກໄປຈາກເມືອງດາມັສກັດແລ້ວ ລາວກໍຍັງສືບຕໍ່ປະກາດເລື່ອງຂອງພຣະເຢຊູ.

![](https://cdn.door43.org/obs/jpg/360px/obs-en-46-08.jpg)

ໂຊໂລໄດ້ເດີນທາງກັບໄປຍັງນະຄອນເຢຣູຊາເລັມເພື່ອພົບກັບບັນດາສາວົກຄົນອື່ນໆ, ແຕ່ພວກເຂົາກໍຍັງມີຄວາມຮູ້ສຶກຢ້ານລາວຢູ່. ແລ້ວກໍມີສາວົກຄົນໜຶ່ງຊື່ວ່າ ບາຣະນາບານຳໂຊໂລເຂົ້າໄປຫາພວກອັກຄະສາວົກແລ້ວເລົ່າໃຫ້ພວກເຂົາຟັງເຖິງການປະກາດຢ່າງກ້າຫານຂອງໂຊໂລໃນເມືອງດາມັສກັດ. ຫຼັງຈາກນັ້ນ ພວກສາວົກຄົນອື່ນໆຈຶ່ງຍອມຮັບໂຊໂລ.

![](https://cdn.door43.org/obs/jpg/360px/obs-en-46-09.jpg)

ຄົນທີ່ເຊື່ອບາງຄົນໄດ້ໜີອອກຈາກການຂົ່ມເຫັງໃນເຢຣູຊາເລັມແລ້ວອອກໄປປະກາດເລື່ອງຂອງພຣະເຢຊູຢູ່ເມືອງອັນຕີໂອເຂຍ. ຄົນສ່ວນຫຼາຍໃນເມືອງອັນຕີໂອເຂຍບໍ່ແມ່ນຄົນຢິວ ແຕ່ໃນຊ່ວງທຳອິດກໍມີຄົນຫຼາຍໃນພວກເຂົາກາຍເປັນຜູ້ທີ່ເຊື່ອ. ບາຣະນາບາແລະໂຊໂລໄດ້ອອກໄປສັ່ງສອນພວກຄົນທີ່ເຊື່ອໃໝ່ເຫຼົ່ານັ້ນ ເພື່ອໃຫ້ເຂົາເຂົ້າໃຈຫຼາຍຂຶ້ນໃນເລື່ອງຂອງອົງພຣະເຢຊູ ແລະ ເພື່ອເສີມກຳລັງໃຫ້ກັບຄຣິສຕະຈັກ. ບັນດາຜູ້ທີ່ເຊື່ອພຣະເຢຊູໃນເມືອງອັນຕີໂອເຂຍໄດ້ຖືກເອີ້ນເປັນຄັ້ງທຳອິດວ່າ, “ຊາວຄຣິສຕຽນ.”

![](https://cdn.door43.org/obs/jpg/360px/obs-en-46-10.jpg)

ມື້ໜຶ່ງໃນຂະນະທີ່ຄຣິສຕຽນທີ່ຢູ່ໃນເມືອງອັນຕີໂອເຂຍກຳລັງຖືສິນອົດແລະພາວະນາອະທິຖານຢູ່ນັ້ນ ພຣະວິນຍານບໍລິສຸດກໍກ່າວກັບພວກເຂົາວ່າ, “ຈົ່ງຕັ້ງບາຣະນາບາ ແລະ ໂຊໂລທັງສອງໃຫ້ອອກມາເຮັດໃນສິ່ງທີ່ເຮົາໄດ້ເອີ້ນພວກເຂົາໃຫ້ເຮັດ.” ສະນັ້ນ ຄຣິສຕະຈັກໃນເມືອງອັນຕີໂອເຂຍໄດ້ພາວັນນາອະທິຖານເພື່ອບາຣະນາບາແລະໂຊໂລ ແລະວາງມືໃສ່ພວກເຂົາ. ແລ້ວພວກເຂົາກໍສົ່ງທັງສອງຄົນອອກໄປປະກາດຂ່າວປະເສີດເລື່ອງຂອງອົງພຣະເຢຊູຢູ່ຕາມບ່ອນຕ່າງໆ. ບາຣະນາບາແລະໂຊໂລໄດ້ສັ່ງສອນປະຊາຊົນຈາກກຸ່ມໜຶ່ງໄປຫາອີກກຸ່ມໜຶ່ງ ແລະກໍມີຫຼາຍຄົນໄດ້ຮັບເຊື່ອໃນອົງພຣະເຢຊູ.

*ບົດເລື່ອງຈາກພຣະຄຳພີ ກິດຈະການ 8:3, 9:1-31; 11:19-26, 13:1-3*

## 47. ໂປໂລແລະຊີລາໃນເມືອງຟີລິບປອຍ

https://openbiblestories.org/l/lo/story-47/

![](https://cdn.door43.org/obs/jpg/360px/obs-en-47-01.jpg)

ໂຊໂລເລີ່ມອອກເດີນທາງໄປທົ່ວອານາຈັກໂຣມໂດຍໃຊ້ຊື່ໃໝ່ວ່າ “ໂປໂລ” ມື້ໜຶ່ງໂປໂລແລະເພື່ອນຂອງລາວ, ຊີລາໄດ້ເຂົ້າໄປໃນເມືອງຟີລິບປອຍເພື່ອປະກາດຂ່າວປະເສີດເລື່ອງຂອງພຣະເຢຊູ. ພວກເຂົາໄດ້ອອກໄປແຄມແມ່ນ້ຳທີ່ຢູ່ນອກເມືອງເຊິ່ງເປັນບ່ອນທີ່ຄົນທັງຫຼາຍມາຮ່ວມກັນອະທິຖານ. ໃນທີ່ນັ້ນພວກເຂົາໄດ້ພົບກັບແມ່ຄ້າຄົນໜຶ່ງຊື່ວ່າ ລີເດຍ. ນາງເປັນຜູ້ທີ່ຮັກພຣະເຈົ້າແລະນະມັດສະການພຣະເຈົ້າຢູ່ຕະຫຼອດ.

![](https://cdn.door43.org/obs/jpg/360px/obs-en-47-02.jpg)

ພຣະເຈົ້າໄດ້ຊົງເປີດຈິດໃຈຂອງນາງໃຫ້ນາງໄດ້ຮັບເຊື່ອເລື່ອງຂອງອົງພຣະເຢຊູ ແລ້ວນາງແລະຄອບຄົວຂອງນາງກໍໄດ້ຮັບບັບຕິດສະມາ. ນາງໄດ້ເຊື້ອເຊີນໂປໂລກັບຊີລາໃຫ້ພັກຢູ່ໃນເຮືອນຂອງນາງ ສະນັ້ນພວກເຂົາຈິ່ງພັກຢູ່ທີ່ນັ້ນກັບນາງແລະຄອບຄົວຂອງນາງ.

![](https://cdn.door43.org/obs/jpg/360px/obs-en-47-03.jpg)

ໂປໂລແລະຊີລາຈະເຂົ້າໄປສະຖານທີ່ໄຫວ້ວອນແລະພົບກັບປະຊາຊົນທີ່ນັ້ນຢູ່ເລື້ອຍໆ. ທຸກໆມື້ເມື່ອພວກເຂົາຍ່າງໄປ ຈະມີຜູ້ຍິງທີ່ຖືກຜີສິງຄົນໜຶ່ງຕິດຕາມພວກເຂົາໄປ. ໂດຍອຳນາດຂອງຜີໃນຕົວຂອງນາງນັ້ນ ນາງສາມາດທຳນາຍເຖິງອະນາຄົດຂອງຄົນອື່ນເພື່ອຫາເງິນໃຫ້ເຈົ້ານາຍຂອງນາງຈາກການເປັນໝໍດູ.

![](https://cdn.door43.org/obs/jpg/360px/obs-en-47-04.jpg)

ໝໍດູຍິງທີ່ເປັນທາດຄົນນີ້ມັກຮ້ອງໃສ່ຜູ້ຄົນຢູ່ຕະຫຼອດວ່າ, “ຊາຍ2ຄົນນີ້ແມ່ນຜູ້ຮັບໃຊ້ພຣະເຈົ້າອົງສູງສຸດ. ພວກເຂົາກຳລັງບອກພວກເຈົ້າໃຫ້ຮູ້ເຖິງຫົນທາງແຫ່ງຄວາມລອດພົ້ນ!” ນາງເຮັດແບບນີ້ເລື້ອຍໆຈົນເຮັດໃຫ້ໂປໂລຮູ້ສຶກລຳຄານ.

![](https://cdn.door43.org/obs/jpg/360px/obs-en-47-05.jpg)

ໃນທີ່ສຸດ ມື້ໜຶ່ງເມື່ອທາດຍິງຄົນນັ້ນກຳລັງຮ້ອງປະກາດຢູ່ ໂປໂລກໍຫັນໜ້າມາຫານາງແລະກ່າວກັບຜີທີ່ຢູ່ໃນໂຕຂອງນາງວ່າ, “ໃນພຣະນາມຂອງພຣະເຢຊູ, ຈົ່ງໜີອອກຈາກຍິງຄົນນີ້!” ແລ້ວຜີກໍອອກຈາກຍິງນັ້ນໄປ.

![](https://cdn.door43.org/obs/jpg/360px/obs-en-47-06.jpg)

ຊາຍຜູ້ເປັນເຈົ້ານາຍຂອງທາດຍິງຄົນນັ້ນຮູ້ສຶກໃຈຮ້າຍກັບພວກເຂົາ! ແລ້ວພວກເຂົາກໍຮູ້ວ່າຖ້າບໍ່ມີຜີແລ້ວ ທາດຍິງຄົນນັ້ນກໍບໍ່ສາມາດທຳນາຍເຖິງອະນາຄົດຂອງຄົນທັງຫຼາຍໄດ້. ນັ້ນໝາຍຄວາມວ່າ ຄົນທັງຫຼາຍຈະບໍ່ຈ່າຍເງິນໃຫ້ນາຍຂອງນາງເພື່ອໃຫ້ນາງບອກເຖິງອະນາຄົດຂອງພວກເຂົາ.

![](https://cdn.door43.org/obs/jpg/360px/obs-en-47-07.jpg)

ສະນັ້ນ ເຈົ້ານາຍຂອງທາດຍິງຄົ້ນນັ້ນຈິ່ງນຳເອົາໂປໂລແລະຊີລາໄປຫາເຈົ້າໜ້າທີ່ຂອງກຸງໂຣມ ເພື່ອໃຫ້ຂ້ຽນຕີແລະຂັງພວກເຂົາໄວ້ຢູ່ໃນຄຸກ.

![](https://cdn.door43.org/obs/jpg/360px/obs-en-47-08.jpg)

ພວກເຂົາຂັງໂປໂລໄວ້ໃນບ່ອນເລິກສຸດຂອງຄຸກພ້ອມທັງລັອກຕີນແລະມືຂອງພວກເຂົາໄວ້. ແຕ່ພວກເຂົາກໍຍັງຮ້ອງເພງສັນລະເສີນພຣະເຈົ້າຢ່າງຊື່ນຊົມຍິນດີຈົນເຖິງທ່ຽງຄືນ.

![](https://cdn.door43.org/obs/jpg/360px/obs-en-47-09.jpg)

ທັນໃດນັ້ນກໍເກີດມີແຜ່ນດິນໄຫວຢ່າງຮຸນແຮງ! ຈົນເຮັດໃຫ້ປະຕູຄຸກທຸກບານໄຂອອກ, ໂສ້ທີ່ລ່າມນັກໂທດທຸກຄົນກໍຫຼຸດອອກ.

![](https://cdn.door43.org/obs/jpg/360px/obs-en-47-10.jpg)

ເມື່ອເຈົ້າໜ້າທີ່ຍາມຄຸກຕື່ນຂຶ້ນມາແລ້ວເຫັນວ່າປະຕູຄຸກທຸກບານໄຂອອກ ລາວກໍຕົກໃຈຫຼາຍ! ລາວຄິດວ່ານັກໂທດທັງໝົດໄດ້ໜີອອກໄປໝົດແລ້ວ, ສະນັ້ນລາວຈິ່ງຄິດວ່າຈະຂ້າຕົວຕາຍ. (ລາວຮູ້ວ່າຫົວໜ້າຊາວໂຣມຈະຂ້າລາວຖ້າລາວປ່ອຍໃຫ້ນັກໂທດໜີໄປ) ແຕ່ໂປໂລເຫັນລາວຈິ່ງຮ້ອງໃສ່ລາວວ່າ, “ຢຸດດຽວນີ້! ຢ່າທຳຮ້າຍໂຕເອງ, ພວກເຮົາທຸກຄົນຍັງຢູ່ທີ່ນີ້.”

![](https://cdn.door43.org/obs/jpg/360px/obs-en-47-11.jpg)

ເຈົ້າໜ້າທີ່ຍາມຄຸກຄົນນັ້ນຮູ້ສຶກຢ້ານຈົນຕົວສັ່ນແລະເຂົ້າມາຖາມໂປໂລວ່າ, “ຂ້ານ້ອຍຕ້ອງເຮັດຢ່າງໃດເພື່ອຈະໄດ້ຮັບຄວາມລອດພົ້ນ?” ໂປໂລຈຶ່ງຕອບລາວວ່າ, “ຈົ່ງເຊື່ອໃນພຣະເຢຊູເຈົ້າຜູ້ເປັນເຈົ້ານາຍ ແລ້ວເຈົ້າແລະຄອບຄົວຂອງເຈົ້າຈະໄດ້ຮັບຄວາມລອດພົ້ນ.” ຫຼັງຈາກນັ້ນເຈົ້າໜ້າທີ່ຍາມຄຸກກໍພາໂປໂລແລະຊີລາກັບໄປເຮືອນຂອງລາວແລະລ້າງບາດແຜໃຫ້ກັບພວກເຂົາ. ໂປໂລໄດ້ປະກາດຂ່າວປະເສີດເລື່ອງຂອງພຣະເຢຊູເຈົ້າໃຫ້ກັບທຸກໆຄົນໃນເຮືອນຂອງເຈົ້າໜ້າທີ່ຄົນນັ້ນ.

![](https://cdn.door43.org/obs/jpg/360px/obs-en-47-12.jpg)

ເຈົ້າໜ້າທີ່ຍາມຄຸກແລະເມຍພ້ອມທັງສະມາຊິກຄອບຄົວຂອງລາວໄດ້ຮັບເຊື່ອໃນອົງພຣະເຢຊູ ແລະຮັບບັບຕິສະມາໝົດທຸກຄົນ. ຈາກນັ້ນພວກເຂົາກໍນຳອາຫານມາໃຫ້ໂປໂລແລະຊີລາກິນຮ່ວມກັນຢ່າງຊົມຊື່ນຍິນດີ.

![](https://cdn.door43.org/obs/jpg/360px/obs-en-47-13.jpg)

ໃນວັນຕໍ່ມາ ເຈົ້າເມືອງກໍອະນຸຍາດໃຫ້ປ່ອຍໂປໂລແລະຊີລາອອກຈາກຄຸກ ແລະຂໍໃຫ້ພວກເຂົາອອກໄປຈາກເມືອງຟີລິບປອຍ. ໂປໂລແລະຊີລາໄດ້ໄປຢ້ຽມຢາມນາງລີເດຍແລະເພື່ອນບາງຄົນໃນເມືອງກ່ອນທີ່ຈະອອກຈາກເມືອງໄປ. ຂ່າວປະເສີດເລື່ອງຂອງອົງພຣະເຢຊູເຈົ້າກໍແຜ່ຂະຫຍາຍອອກໄປ ແລະຄຣິສຕະຈັກກໍນັບມື້ນັບເພີ່ມຂຶ້ນ.

![](https://cdn.door43.org/obs/jpg/360px/obs-en-47-14.jpg)

ໂປໂລແລະຜູ້ນຳຄຣິສຕຽນຄົນອື່ນໆໄດ້ອອກເດີນທາງໄປຍັງຫຼາຍໆເມືອງ ເພື່ອປະກາດແລະສັ່ງສອນຜູ້ຄົນເຖິງຂ່າວປະເສີດຂອງອົງພຣະເຢຊູເຈົ້າ. ພວກເຂົາຍັງໄດ້ຂຽນຈົດໝາຍເພື່ອໜູນໃຈແລະສັ່ງສອນຜູ້ທີ່ເຊື່ອຢູ່ຕາມຄຣິສຕະຈັກຕ່າງໆ. ຈົດໝາຍບາງສະບັບກໍໄດ້ກາຍມາເປັນໜັງສືທີ່ຢູ່ໃນພຣະຄຳພີ.

*ບົດເລື່ອງຈາກພຣະຄຳພີ ກິດຈະການ 16:11-40*

## 48. ພຣະເຢຊູແມ່ນພຣະເມຊີອາຕາມພຣະສັນຍາ

https://openbiblestories.org/l/lo/story-48/

![](https://cdn.door43.org/obs/jpg/360px/obs-en-48-01.jpg)

ເມື່ອພຣະເຈົ້າສ້າງໂລກ ທຸກສິ່ງທຸກຢ່າງຍັງສົມບູນແບບ. ມັນຍັງບໍ່ມີຄວາມບາບ. ອາດາມຮັກເອວາແລະພວກເຂົາກໍຮັກພຣະເຈົ້າ. ບໍ່ມີໂລກໄພໄຂ້ເຈັບແລະຄວາມຕາຍ. ນັ້ນຄືໂລກທີ່ພຣະເຈົ້າຕ້ອງການຢາກໃຫ້ເປັນ.

![](https://cdn.door43.org/obs/jpg/360px/obs-en-48-02.jpg)

ຊາຕານຫຼອກລວງເອວາໂດຍໃຊ້ໃຫ້ງູເຂົ້າໄປລົມກັບເອວາຢູ່ໃນສວນ. ແລ້ວນາງ ແລະ ອາດາມກໍໄດ້ເຮັດບາບຕໍ່ສູ້ພຣະເຈົ້າ. ຍ້ອນຜິດບາບທີ່ພວກເຂົາໄດ້ເຮັດໄປແລ້ວນັ້ນ ຈິ່ງເຮັດໃຫ້ມະນຸດທຸກຄົນຢູ່ໃນໂລກຕ້ອງເຈັບໄຂ້ໄດ້ປ່ວຍ ແລະ ຕາຍໄປ.

![](https://cdn.door43.org/obs/jpg/360px/obs-en-48-03.jpg)

ສິ່ງທີ່ຮ້າຍແຮງຫຼາຍກວ່ານັ້ນຄື ຍ້ອນວ່າອາດາມແລະເອວາເປັນຄົນບາບມັນຈຶ່ງເຮັດໃຫ້ພວກເຂົາກາຍເປັນສັດຕູຂອງພຣະເຈົ້າ. ດັ່ງນັ້ນ ທຸກຄົນຈຶ່ງມີບາບກຳຕັ້ງແຕ່ເກີດແລະກາຍເປັນສັດຕູຂອງພຣະເຈົ້າເຊັ່ນກັນ. ຄວາມສຳພັນລະຫວ່າງພຣະເຈົ້າກັບມະນຸດກໍຖືກທໍາລາຍຍ້ອນຄວາມບາບ. ແຕ່ພຣະເຈົ້າຍັງຊົງມີແຜນການເພື່ອຈະຮື້ຟື້ນຄວາມສຳພັນນັ້ນ.

![](https://cdn.door43.org/obs/jpg/360px/obs-en-48-04.jpg)

ພຣະເຈົ້າຊົງສັນຍາວ່າເຊື້ອສາຍຂອງເອວາຈະມາຢຽບຫົວຊາຕານໃຫ້ມຸ່ນ ແລະມັນຈະກັດສົ້ນໜ່ອງເຂົາໃຫ້ບວບຊ້ຳ. ສິ່ງນັ້ນໝາຍຄວາມວ່າຊາຕານຈະຕ້ອງຂ້າພຣະເມຊີອາ ແຕ່ພຣະເຈົ້າຈະຊົງບັນດານໃຫ້ພຣະເມຊີອາເປັນຄືນມາມີຊີວິດອີກ ແລະພຣະເມຊີອາຈະທຳລາຍອຳນາດຂອງມານຊາຕານໃຫ້ໝົດສິ້ນຕະຫຼອດໄປເປັນນິດ. ຫຼາຍປີຕໍ່ມາ ພຣະເຈົ້າໄດ້ເປີດເຜີຍວ່າພຣະເຢຊູຊົງເປັນພຣະເມຊີອາ.

![](https://cdn.door43.org/obs/jpg/360px/obs-en-48-05.jpg)

ເວລາທີ່ພຣະເຈົ້າຊົງທຳລາຍໂລກໂດຍການເຮັດໃຫ້ນ້ຳຖ້ວມໂລກນັ້ນ ພຣະອົງໄດ້ຊົງປະທານເຮືອລຳໜຶ່ງໃຫ້ພວກເຂົາເພື່ອຮັກສາຊີວິດຂອງຄົນທີ່ເຊື່ອໃນພຣະອົງ. ໃນທຳນອງດຽວກັນນັ້ນ ມະນຸດທຸກຄົນສົມຄວນຕາຍຍ້ອນຄວາມຜິດບາບທີ່ພວກເຂົາເຮັດ ແຕ່ພຣະເຈົ້າກໍຊົງປະທານພຣະເຢຊູມາເພື່ອຊ່ວຍຊີວິດຂອງທຸກຄົນທີ່ເຊື່ອໃນພຣະອົງ.

![](https://cdn.door43.org/obs/jpg/360px/obs-en-48-06.jpg)

ຕະຫຼອດຫຼາຍຮ້ອຍປີທີ່ຜ່ານມາ ນັກບວດຈະເປັນຕົວແທນໃຫ້ແກ່ຄົນທີ່ຢາກລົບລ້າງບາບ ໂດຍການຖວາຍເຄື່ອງບູຊາຕໍ່ພຣະເຈົ້າເພື່ອໃຫ້ເຂົາເຫັນເຖິງການລົງໂທດທີ່ພວກເຂົາຄວນຈະໄດ້ຮັບ. ແຕ່ເຄື່ອງບູຊາພວກນັ້ນຍັງບໍ່ສາມາດລຶບລ້າງບາບຂອງພວກເຂົາໄດ້. ພຣະເຢຊູຊົງເປັນນັກບວດຍິ່ງໃຫຍ່ທີ່ບໍ່ເໝືອນກັບນັກບວດຄົນອື່ນໆ. ຄືເພິ່ນໄດ້ໃຊ້ຮ່າງກາຍຂອງເພິ່ນເອງຖວາຍຕໍ່ພຣະເຈົ້າເພື່ອເປັນເຄື່ອງບູຊາພຽງແຕ່ຢ່າງດຽວທີ່ສາມາດລຶບລ້າງບາບຂອງໝົດທຸກຄົນຢູ່ໃນໂລກ. ພຣະເຢຊູຊົງເປັນນັກບວດທີ່ສົມບູນແບບ ເພາະພຣະອົງໄດ້ຊົງຍອມຮັບເອົາການລົງໂທດຂອງຄວາມບາບຂອງຄົນບາບທຸກຄົນ.

![](https://cdn.door43.org/obs/jpg/360px/obs-en-48-07.jpg)

ພຣະເຈົ້າຊົງກ່າວກັບອັບຣາຮາມວ່າ, “ທຸກໆຊົນຊາດເທິງແຜ່ນດິນໂລກຈະໄດ້ຮັບພຣະພອນຜ່ານເຊື່ອສາຍຂອງເຈົ້າ.” ພຣະເຢຊູຊົງມາຈາກເຊື້ອສາຍຂອງອັບຣາຮາມ ແລະທຸກຊົນຊາດຈະໄດ້ຮັບພຣະພອນຜ່ານພຣະອົງ ເພາະທຸກຄົນທີ່ເຊື່ອໃນພຣະເຢຊູຈະພົ້ນຈາກຄວາມຜິດບາບ ແລະກາຍເປັນເຊື້ອສາຍຂອງອັບຣາຮາມຝ່າຍວິນຍານ.

![](https://cdn.door43.org/obs/jpg/360px/obs-en-48-08.jpg)

ເມື່ອພຣະເຈົ້າບອກໃຫ້ອັບຣາຮາມນຳອີຊາກລູກຊາຍຂອງລາວມາຖວາຍເປັນເຄື່ອງບູຊາ ພຣະເຈົ້າຍັງຊົງປະທານລູກແກະໂຕໜຶ່ງໃຫ້ເພື່ອໃຊ້ຖວາຍເປັນເຄື່ອງບູຊາແທນອີຊາກລູກຊາຍຂອງລາວ. ພວກເຮົາທຸກຄົນສົມຄວນຕາຍຍ້ອນຄວາມຜິດບາບຂອງພວກເຮົາ! ແຕ່ພຣະເຈົ້າໄດ້ຊົງປະທານພຣະເຢຊູທີ່ປຽບເໝືອນລູກແກະຂອງພຣະເຈົ້າມາຕາຍເພື່ອເປັນເຄື່ອງບູຊາແທນເຮົາທຸກຄົນ.

![](https://cdn.door43.org/obs/jpg/360px/obs-en-48-09.jpg)

ເມື່ອເວລາທີ່ພຣະເຈົ້າສົ່ງໄພພິບັດຄັ້ງສຸດທ້າຍລົງມາເຖິງເອຢິບນັ້ນ ພຣະອົງໄດ້ບອກໃຫ້ປະຊາຊົນອິດສະລາເອນນຳເອົາເລືອດຂອງລູກແກະທີ່ສົມບູນທີ່ສຸດມາທາໃສ່ຂອບປະຕູທາງເທິງແລະທາງຂ້າງ. ເມື່ອພຣະເຈົ້າເຫັນເລືອດນັ້ນ ພຣະອົງຈະຜ່ານເຮືອນຂອງພວກເຂົາໄປແລະບໍ່ຂ້າລູກຊາຍກົກຂອງພວກເຂົາ. ເຫດການດັ່ງກ່າວຖືກເອີ້ນວ່າ, ເທດສະການປັດສະຄາ.

![](https://cdn.door43.org/obs/jpg/360px/obs-en-48-10.jpg)

ພຣະເຢຊູໝາຍເຖິງລູກແກະທີ່ຖືກຂ້າ. ພຣະອົງຊົງເປັນຜູ້ສົມບູນແບບແລະບໍ່ມີບາບ ແລະຊົງຖືກຂ້າໃນຊ່ວງການສະເຫຼີມສະຫຼອງເທດສະການປັດສະຄາ. ເມື່ອຄົນໃດກໍຕາມທີ່ເຊື່ອໃນພຣະເຢຊູ ເລືອດຂອງພຣະເຢຊູຈະເປັນຄ່າໄຖ່ບາບຂອງຄົນໆນັ້ນ ແລະການລົງໂທດຂອງພຣະເຈົ້າຈະບໍ່ຕົກຖືກຄົນນັ້ນ.

![](https://cdn.door43.org/obs/jpg/360px/obs-en-48-11.jpg)

ພຣະເຈົ້າໄດ້ຊົງປະທານພັນທະສັນຍາໄວ້ໃຫ້ກັບຊົນຊາດອິດສະລາເອນເທົ່ານັ້ນ ເຊິ່ງເປັນຊົນຊາດທີ່ພຣະເຈົ້າຊົງເລືອກໄວ້. ແຕ່ພຣະອົງໄດ້ຊົງປະທານພັນທະສັນຍາໃໝ່ໃຫ້ກັບທຸກໆຄົນ. ສະນັ້ນຄົນທຸກກຸ່ມສາມາດກາຍເປັນຊົນຊາດຂອງພຣະອົງໄດ້ໂດຍການຮັບເຊື່ອພຣະເຢຊູ.

![](https://cdn.door43.org/obs/jpg/360px/obs-en-48-12.jpg)

ໂມເຊເປັນຜູ້ປະກາດພຣະຄຳຍິ່ງໃຫຍ່ຄົນໜຶ່ງທີ່ປະກາດຖ້ອຍຄຳຂອງພຣະເຈົ້າ. ແຕ່ພຣະເຢຊູເປັນຜູ້ປະກາດພຣະຄຳທີ່ຍິ່ງໃຫຍ່ທີ່ສຸດໃນບັນດາຜູ້ປະກາດພຣະຄຳທັງໝົດ. ພຣະອົງຊົງເປັນພຣະເຈົ້າ. ສະນັ້ນສິ່ງທີ່ພຣະອົງໄດ້ຊົງກະທຳແລະກ່າວເອົາໄວ້ ລ້ວນແຕ່ເປັນການກະທຳແລະຄຳເວົ້າຂອງພຣະເຈົ້າ. ສະນັ້ນພຣະອົງຈຶ່ງຖືກເອີ້ນວ່າ ພຣະຄຳຂອງພຣະເຈົ້າ.

![](https://cdn.door43.org/obs/jpg/360px/obs-en-48-13.jpg)

ພຣະເຈົ້າສັນຍາກັບກະສັດດາວິດວ່າຈະມີຄົນໜຶ່ງຈາກເຊື້ອສາຍຂອງເພິ່ນຂຶ້ນປົກຄອງໄພ່ພົນຂອງພຣະເຈົ້າເໝືອນດັ່ງກະສັດຕະຫຼອດໄປເປັນນິດ. ພຣະເຢຊູຄຣິດຊົງເປັນບຸດຂອງພຣະເຈົ້າແລະທັງເປັນພຣະເມຊີອາ ພຣະອົງຈຶ່ງເປັນຄົນພິເສດຈາກເຊື້ອສາຍຂອງກະສັດດາວິດ ເພິ່ນຈຶ່ງສົມຄວນທີ່ຈະເປັນຜູ້ປົກຄອງຊົນຊາດຂອງພຣະເຈົ້າຕະຫຼອດໄປ.

![](https://cdn.door43.org/obs/jpg/360px/obs-en-48-14.jpg)

ດາວິດເປັນກະສັດຂອງຊົນຊາດອິດສະລາເອນ ແຕ່ພຣະເຢຊູຊົງເປັນກະສັດຂອງທົ່ວຈັກກະວານ! ພຣະອົງຈະສະເດັດກັບຄືນມາອີກ ເພື່ອມາປົກຄອງອານາຈັກຂອງພຣະອົງຢ່າງທ່ຽງທຳແລະສະຫງົບສຸກຕະຫຼອດໄປເປັນນິດ.

*ບົດເລື່ອງຈາກພຣະຄຳພີ ປະຖົມມະການ 1-3, 6,14, 22; ອົບພະຍົບ 12,20; 2ຊາມູເອນ 7; ເຮັບເຣີ 3:1-6, 4:14, 5:10,7:1-8, 13, 9:11-10:18; ພຣະນີມິດ 21*

## 49. ພຣະສັນຍາໃໝ່ຂອງພຣະເຈົ້າ

https://openbiblestories.org/l/lo/story-49/

![](https://cdn.door43.org/obs/jpg/360px/obs-en-49-01.jpg)

ເທວະດາຕົນໜຶ່ງໄດ້ບອກຍິງພົມມະຈາລີຄົນໜຶ່ງຊື່ ມາຣີວ່າ, ນາງຈະໃຫ້ກໍາເນີດບຸດຂອງພຣະເຈົ້າ. ໃນຂະນະທີ່ນາງຍັງເປັນຍິງພົມມະຈາລີຢູ່ນັ້ນ, ພຣະວິນຍານບໍລິສຸດໄດ້ປົກຄຸມລາວ ແລະລາວໄດ້ຕັ້ງທ້ອງ. ນາງໄດ້ໃຫ້ກໍາເນີດບຸດຊາຍຄົນໜຶ່ງຊື່ວ່າ ເຢຊູ. ດ້ວຍເຫດນັ້ນ ພຣະເຢຊູຈຶ່ງເປັນທັງພຣະເຈົ້າ ແລະ ມະນຸດ.

![](https://cdn.door43.org/obs/jpg/360px/obs-en-49-02.jpg)

ພຣະເຢຊູໄດ້ເຮັດການອັດສະຈັນ ເພື່ອພິສູດວ່າ ພຣະອົງຊົງເປັນພຣະເຈົ້າຄື ພຣະອົງໄດ້ຊົງຍ່າງເທີງໜ້ານໍ້າ, ເຮັດໃຫ້ພະຍຸຫງຽບສະຫງົບລົງ, ຢຽວຢາຮັກສາຄົນເຈັບປ່ວຍໃຫ້ຫາຍດີ, ຂັບໄລ່ຜີມານຮ້າຍໃຫ້ອອກໜີ, ເຮັດໃຫ້ຄົນຕາຍຄືນມາມີຊີວິດ , ທັງປ່ຽນເຂົ້າຈີ່ຫ້າກ້ອນ ແລະ ປານ້ອຍສອງໂຕ ໃຫ້ພຽງພໍລ້ຽງຄົນຫຼາຍກ່ວາຫ້າພັນຄົນ.

![](https://cdn.door43.org/obs/jpg/360px/obs-en-49-03.jpg)

ພຣະເຢຊູເຈົ້າຍັງເປັນອາຈານຜູ້ຍິ່ງໃຫຍ່ ແລະ ພຣະອົງກ່າວດ້ວຍລິດອໍານາດ, ເພາະພຣະອົງຊົງເປັນບຸດຂອງພຣະເຈົ້າ. ພຣະອົງໄດ້ສອນວ່າ, “ພວກເຈົ້າຈົ່ງຮັກຄົນອື່ນເໝືອນກັບຮັກຕົວຂອງເຈົ້າເອງ.”

![](https://cdn.door43.org/obs/jpg/360px/obs-en-49-04.jpg)

ພຣະອົງຍັງໄດ້ສອນອີກວ່າ, “ພວກເຈົ້າຕ້ອງຮັກພຣະເຈົ້າຫຼາຍກ່ວາຮັກສິ່ງອື່ນໃດ ລວມທັງຄວາມຮັ່ງມີຂອງພວກເຈົ້າດ້ວຍ.”

![](https://cdn.door43.org/obs/jpg/360px/obs-en-49-05.jpg)

ພຣະເຢຊູເຈົ້າຊົງກ່າວຕື່ມອີກວ່າ, “ຣາຊອານາຈັກຂອງພຣະເຈົ້າມີຄ່າກ່ວາສິ່ງອື່ນໃດໃນໂລກນີ້.” ສິ່ງສໍາຄັນທີ່ສຸດຄື ຢາກໃຫ້ທຸກຄົນເປັນຄົນຂອງຣາຊາອານາຈັກພຣະເຈົ້າ. ເພື່ອຈະໄດ້ເຂົ້າໄປໃນຣາຊາອານາຈັກພຣະເຈົ້າ ພວກເຈົ້າຕ້ອງຖືກຊ່ວຍໃຫ້ພົ້ນຈາກບາບຂອງພວກເຈົ້າ.

![](https://cdn.door43.org/obs/jpg/360px/obs-en-49-06.jpg)

ພຣະເຢຊູຊົງສອນວ່າ, ບາງຄົນທີ່ຕ້ອນຮັບເອົາພຣະອົງ ກໍຈະໄດ້ພົ້ນ, ແຕ່ຄົນອື່ນໆ ທີ່ບໍ່ຮັບເອົາພຣະອົງກໍຈະບໍ່ໄດ້ພົ້ນ. ພຣະອົງຍັງກ່າວອີກວ່າ, “ບາງຄົນກໍເປັນເໝືອນດິນດີ. ພວກເຂົາຮັບເອົາຂ່າວດີນັ້ນເລື່ອງຂອງພຣະເຢຊູ ແລ້ວກໍໄດ້ພົ້ນ. ຄົນອື່ນໆເປັນເໝືອນດີນຕາມທາງຍ່າງ ຊຶ່ງທີ່ເມັດພືດກໍຄືພຣະທຳພຣະເຈົ້າເຂົ້າໄປບໍ່ໄດ້ ແລະບໍ່ມີຜົນຫຍັງໃຫ້ເກັບກ່ຽວ,ຄົນເຫຼົ່ານີ້ປະຕິເສດຖ້ອຍຄຳຂອງພຣະເຢຊູເຈົ້າແລະບໍ່ໄດ້ເຂົ້າໄປໃນຮາຊອານາຈັກຂອງພຣະເຈົ້າ”.

![](https://cdn.door43.org/obs/jpg/360px/obs-en-49-07.jpg)

ພຣະເຢຊູຊົງສອນວ່າ ພຣະເຈົ້າຊົງຮັກຄົນບາບຫຼາຍ ພຣະອົງຕ້ອງການຍົກໂທດໃຫ້ພວກເຂົາ ແລະຢາກໃຫ້ພວກເຂົາມາເປັນລູກຂອງພຣະອົງ.

![](https://cdn.door43.org/obs/jpg/360px/obs-en-49-08.jpg)

ພຣະເຢຊູເຈົ້າຍັງບອກພວກເຂົາວ່າ ພຣະເຈົ້າກຽດຊັງການຜິດບາບ.ເມື່ອອາດາມແລະເອວາເຮັດບາບ,ມັນກໍເປັນຜົນຕາມມາເຖີງເຊື້ອສາຍທັງໝົດຂອງພວກເຂົາ.ສົ່ງຜົນຄືທຸກໆຄົນຢູ່ໃນໂລກນີ້ເປັນຄົນຜິດບາບ ແລະຖືກຕັດຂາດຈາກພຣະເຈົ້າ .ເຫດສະນັ້ນທຸກໆຄົນຈື່ງກາຍມາເປັນສັດຕູຕໍ່ພຣະເຈົ້າ.

![](https://cdn.door43.org/obs/jpg/360px/obs-en-49-09.jpg)

ແຕ່ພຣະເຈົ້າຊົງຮັກທຸກໆຄົນໃນໂລກນີ້ຫຼາຍ ຈົນພຣະອົງໄດ້ປະທານບຸດທີ່ຮັກອົງດຽວຂອງພຣະອົງເພື່ອທຸກຄົນທີ່ເຊື່ອໃນພຣະເຢຊູເຈົ້າຈະບໍ່ໄດ້ຖືກລົງໂທດ ຕໍ່ບາບກຳຂອງເຂົາ,ແຕ່ຈະຢູ່ກັບພຣະເຈົ້າຕະຫຼອດໄປເປັນນິດ.

![](https://cdn.door43.org/obs/jpg/360px/obs-en-49-10.jpg)

ເພາະບາບຂອງພວກເຈົ້າ,ຊື່ງບາບນັ້ນພວກເຈົ້າສົມຄວນຕົກນະຣົກ,ແລະພຣະເຈົ້າຄວນໂກດຮ້າຍໃສ່ພວກເຈົ້າ,ແຕ່ພຣະອົງປ່ຽນເອົາຄວາມໂກດຮ້າຍຖອກເທໃສ່ພຣະເຢຊູແທນ,ຄືພຣະເຢຊູໄດ້ຕາຍຢູ່ເທີງໄມ້ກາງແຂນແລະຮັບການລົງໂທດແທນພວກເຈົ້າ.

![](https://cdn.door43.org/obs/jpg/360px/obs-en-49-11.jpg)

ພຣະເຢຊູເຈົ້າບໍ່ເຄີຍເຮັດບາບ,ແຕ່ພຣະອົງເລືອກຮັບແບກບາບແລະການຕາຍທີ່ເປັນຄ່າໄຖ່ບູຊາທີ່ສົມບູນແບບ ເພື່ອຮັບເອົາຄວາມບາບຂອງພວກເຈົ້າແລະບາບກຳຂອງທຸກໆຄົນໃນໂລກນີ້ອອກໄປ,ເພາະພຣະເຢຊູເຈົ້າໄດ້ຖວາຍຕົວເອງເປັນເຄື່ອງບູຊາ.ເພາະພຣະເຈົ້າສາມາດຍົກໂທດບາບກຳໄດ້ເຖີງວ່າບາບນັ້ນຈະໜັກພຽງໃດກໍຕາມ.

![](https://cdn.door43.org/obs/jpg/360px/obs-en-49-12.jpg)

ການເຮັດດີບໍ່ສາມາດໃຫ້ພວກເຈົ້າພົ້ນຈາກບາບໄດ້ ບໍ່ມີສິ່ງໃດທີ່ພວກເຈົ້າເຮັດເພື່ອມີຄວາມສຳພັນກັບພຣະເຈົ້າໄດ້, ມີແຕ່ພຣະເຢຊູເຈົ້າເທົ່ານັ້ນທີ່ຈະລ້າງຄວາມຜິດບາບຂອງພວກເຈົ້າໄດ້.ພວກເຈົ້າຕ້ອງເຊື່ອວ່າພຣະເຢຊູເຈົ້າຊົງເປັນບຸດຂອງພຣະເຈົ້າພຣະອົງໄດ້ຕາຍທີ່ໄມ້ກາງແຂນແທນພວກເຈົ້າແລະເຊື່ອວ່າພຣະເຈົ້າໃຫ້ພຣະອົງເປັນຄືນມາມີຊີວິດອີກ.

![](https://cdn.door43.org/obs/jpg/360px/obs-en-49-13.jpg)

ພຣະເຈົ້າຈະຊ່ວຍທຸກໆຄົນທີ່ເຊື່ອໃນພຣະເຢຊູເຈົ້າແລະຜູ້ທີ່ຕ້ອນຮັບພຣະອົງເປັນເຈົ້ານາຍຂອງເຂົາໃຫ້ພົ້ນ ພຣະອົງຈະບໍ່ຊ່ວຍຄົນທີ່ບໍ່ເຊື່ອໃນພຣະອົງໃຫ້ພົ້ນ,ເຖີງແມ່ນວ່າພວກເຈົ້າຈະເປັນຄົນຮັ່ງມີ ຫຼື ທຸກຈົນ,ເປັນຊາຍຫຼືຍີງ,ເຖົ້າຫຼືໜຸ່ມຫຼືຢູ່ທີ່ໃດກໍຕາມ,ພຣະເຈົ້າຊົງຮັກພວກເຈົ້າແລະຕ້ອງການໃຫ້ພວກເຈົ້າເຊື່ອໃນພຣະເຢຊູເຈົ້າເພື່ອພຣະອົງສາມາດມີຄວາມສຳພັນຢ່າງໃກ້ຊິດກັບພວກເຈົ້າໄດ້.

![](https://cdn.door43.org/obs/jpg/360px/obs-en-49-14.jpg)

ພຣະເຢຊູເຈົ້າເຊື້ອເຊີນພວກເຈົ້າໃຫ້ເຊື່ອໃນພຣະອົງ ແລະ ໃຫ້ຮັບບັບຕິດສະມາ. ພວກເຈົ້າເຊື່ອບໍ່ວ່າ ພຣະເຢຊູ ແມ່ນ ພຣະເມຊີອາ, ພຣະບຸດອົງດຽວຂອງພຣະເຈົ້າ? ພວກເຈົ້າເຊື່ອບໍ່ວ່າ ພວກເຈົ້າເປັນຄົນບາບ ແລະ ຄວນຈະຖືກພຣະເຈົ້າລົງໂທດ? ພວກເຈົ້າເຊື່ອບໍ່ວ່າ ພຣະເຢຊູເຈົ້າໄດ້ຕາຍທີ່ໄມ້ກາງແຂນ ເພື່ອຮັບເອົາຄວາມຜິດບາບຂອງພວກເຈົ້າໄປ.

![](https://cdn.door43.org/obs/jpg/360px/obs-en-49-15.jpg)

ຖ້າເຈົ້າເຊື່ອໃນພຣະເຢຊູ ແລະ ສິ່ງທີ່ພຣະອົງເຮັດສໍາເລັດແລ້ວເພື່ອເຈົ້າ ເຈົ້າກໍແມ່ນຄຣິດຕຽນແລ້ວ. ພຣະເຈົ້າ ໄດ້ເລືອກເອົາເຈົ້າອອກຈາກອານາຈັກແຫ່ງຄວາມມືດຂອງຊາຕານ ແລະ ນໍາເອົາເຈົ້າເຂົ້າໄປໃນອານາຈັກແຫ່ງຄວາມສະຫວ່າງຂອງພຣະເຈົ້າ. ພຣະເຈົ້າໄດ້ເອົາສິ່ງເກົ່າໆຂອງເຈົ້າອອກໄປຄື ການກະທໍາແຫ່ງຄວາມຜິດບາບ ແລະ ໃຫ້ພວກເຈົ້າມີທາງໃໝ່ແລະທາງຢ່າງຊອບທຳໃນການກະທຳ.

![](https://cdn.door43.org/obs/jpg/360px/obs-en-49-16.jpg)

ຖ້າເຈົ້າເປັນຄຣິດຕຽນຄົນໜຶ່ງ ພຣະເຈົ້າໄດ້ຍົກໂທດຜິດບາບຂອງເຈົ້າແລ້ວ, ເພາະພຣະເຢຊູເປັນຜູ້ຕາຍໄຖ່ບາບກຳນັ້ນ. ບັດນີ້ ພຣະເຈົ້າໄດ້ຖືວ່າເຈົ້າເປັນເພື່ອນທີ່ໃກ້ຊິດແທນທີ່ຈະເປັນສັດຕູຕໍ່ພຣະອົງ.

![](https://cdn.door43.org/obs/jpg/360px/obs-en-49-17.jpg)

ຖ້າພວກເຈົ້າເປັນເພື່ອນຂອງພຣະເຈົ້າ ແລະ ເປັນຜູ້ຮັບໃຊ້ຂອງພຣະອົງ. ພວກເຈົ້າ, ຈະຕ້ອງເຊື່ອຟັງໃນສິ່ງທີ່ພຣະເຢຊູຊົງສອນ. ເຖີງແມ່ນວ່າ ພວກເຈົ້າຈະເປັນຄຣິດຕຽນກໍຕາມ ເຈົ້າກໍຍັງຈະຖືກທົດລອງຕໍ່ບາບນັ້ນ ເໝືອນກັນ ແຕ່ພຣະເຈົ້າຊົງສັດຊື່ແລະຊົງກ່າວວ່າ, “ຖ້າເຈົ້າສາລະພາບຜິດບາບຂອງເຈົ້າ, ພຣະອົງຈະຍົກໂທດໃຫ້ເຈົ້າ, ພຣະອົງຈະປະທານຄວາມເຂັ້ມແຂງໃຫ້ເຈົ້າຕໍ່ສູ້ກັບບາບນັ້ນໄດ້.”

![](https://cdn.door43.org/obs/jpg/360px/obs-en-49-18.jpg)

ພຣະເເຈົ້າບອກໃຫ້ເຈົ້າພາວະນາອະທິຖານ, ສຶກສາພະຄໍາຂອງພຣະອົງ, ນະມັດສະການພຣະອົງຮ່ວມກັບຄົນທີ່ເຊື່ອອື່ນໆແລະ ບອກຄົນອື່ນໃນສິ່ງທີ່ພຣະອົງໄດ້ກະທໍາເພື່ອເຈົ້າ, ສິ່ງທັງໝົດເຫຼົ່ານີ້ຈະຊ່ວຍເຈົ້າໃຫ້ມີຄວາມສໍາພັນຢ່າງເລິກເຊິ່ງກັບພຣະອົງ.

*ເລື່ອງຈາກພະຄໍາພີ ໂຣມ 3:21-26, 5:1-11; ໂຢຮັນ 3:16; ມາລະໂກ 16:16; ໂກໂລຊາຍ 1:13:14; 2 ໂກລິນໂທ 5:17-21; 1 ໂຢຮັນ 1:5-10*

## 50. ການກັບມາຂອງພຣະເຢຊູ

https://openbiblestories.org/l/lo/story-50/

![](https://cdn.door43.org/obs/jpg/360px/obs-en-50-01.jpg)

2.000 ປີກ່ອນແລ້ວຫຼາຍຄົນທົ່ວໂລກໄດ້ຍິນຂ່າວປະເສີດກ່ຽວກັບພຣະເຢຊູພຣະເມຊີອາ. ຄຣິສຕະຈັກຂອງພຣະເຈົ້າກໍນັບມື້ຂະຫຍາຍຕົວ, ພຣະເຢຊູໄດ້ສັນຍາວ່າພຣະອົງຈະກັບມາໃນເວລາສຸດທ້າຍຂອງໂລກ, ເຖິງແມ່ນວ່າພຣະອົງຍັງບໍ່ກັບມາເທື່ອ, ແຕ່ພຣະອົງຈະຮັກສາພຣະສັນຍາຂອງພຣະອົງ.

![](https://cdn.door43.org/obs/jpg/360px/obs-en-50-02.jpg)

ຂະນະທີ່ພວກເຮົາລໍຖ້າພຣະເຢຊູກັບມາ ພຣະເຈົ້າຢາກໃຫ້ພວກເຮົາມີຊີວິດໃນທາງບໍຣິສຸດ ແລະ ສັດຊື່ຕໍ່ພຣະອົງ. ພຣະອົງຍັງຕ້ອງການໃຫ້ພວກເຮົາບອກຄົນອື່ນກ່ຽວກັບຣາຊອານາຈັກຂອງພຣະອົງ. ໃນເວລາພຣະເຢຊູຢູ່ໃນໂລກນັ້ນພຣະອົງໄດ້ກ່າວວ່າ, “ສາວົກຂອງເຮົາຈະປະກາດຂ່າວປະເສີດກ່ຽວກັບຣາຊາອານາຈັກຂອງພຣະເຈົ້າໃຫ້ຄົນຢູ່ທຸກທີ່ທຸກບ່ອນໃນໂລກນີ້ໄດ້ຍິນ, ແລະ ວັນສຸດທ້າຍຈະມາເຖິງ.”

![](https://cdn.door43.org/obs/jpg/360px/obs-en-50-03.jpg)

ຫຼາຍຊົນຊາດຍັງບໍ່ໄດ້ຍິນເລື່ອງຂອງພຣະເຢຊູ. ກ່ອນພຣະອົງຈະກັບຄືນສູ່ສະຫວັນ, ພຣະເຢຊູໄດ້ບອກໃຫ້ຊາວຄຣິສຕຽນປະກາດຂ່າວປະເສີດໃຫ້ທຸກຄົນໄດ້ຍິນ. ພຣະອົງໄດ້ກ່າວວ່າ, “ຈົ່ງໄປ ແລະ ເຮັດໃຫ້ທຸກຊົນຊາດເປັນລູກສິດ.” ແລະ “ເຂົ້າໃນນາກໍສຸກເຫຼືອງເຖິງເວລາເກັບກ່ຽວແລ້ວ.”

![](https://cdn.door43.org/obs/jpg/360px/obs-en-50-04.jpg)

ພຣະເຢຊູກ່າວວ່າ, “ຜູ້ຮັບໃຊ້ຈະບໍ່ໃຫຍ່ກວ່ານາຍຂອງຕົນ ເໝືອນກັນກັບຜູ້ມີອຳນາດໃນໂລກນີ້ທີ່ກຽດຊັງເຮົາ, ພວກເຂົາຈະທໍລະມານ ແລະ ຈະຂ້າເຈົ້າຍ້ອນເຮົາ. ເຖິງແມ່ນວ່າໃນໂລກນີ້ເຈົ້າຈະທົນທຸກທໍລະມານ, ແຕ່ຈົ່ງຊື່ນໃຈເພາະເຮົາໄດ້ຊະນະຊາຕານແລ້ວ, ຄືຜູ້ທີ່ປົກຄອງໃນໂລກນີ້. ແຕ່ຖ້າເຈົ້າຍັງສັດຊື່ຕໍ່ເຮົາຈົນເຖິງທີ່ສຸດ, ແລ້ວພຣະເຈົ້າຈະຊ່ວຍເຈົ້າໃຫ້ພົ້ນ.”

![](https://cdn.door43.org/obs/jpg/360px/obs-en-50-05.jpg)

ພຣະເຢຊູກ່າວເລື່ອງໜຶ່ງໃຫ້ພວກສາວົກຂອງພຣະອົງຮູ້ ແລະ ອະທິບາຍສິ່ງທີ່ຈະເກີດຂຶ້ນຕໍ່ຜູ້ຄົນເມື່ອເວລາສຸດທ້າຍຂອງໂລກນັ້ນມາເຖິງ. ພຣະອົງກ່າວວ່າ, “ມີຄົນໜຶ່ງໄດ້ຫວ່ານເມັດເຂົ້າດີໃນນາຂອງຕົນ. ໃນຂະນະທີ່ລາວນອນຫຼັບນັ້ນ, ສັດຕູຂອງລາວໄດ້ມາຫວ່ານເມັດເຂົ້ານົກໃສ່ໃນນາຂອງລາວ, ແລ້ວກໍໄດ້ໜີໄປ.

![](https://cdn.door43.org/obs/jpg/360px/obs-en-50-06.jpg)

“ເມື່ອຕົ້ນເຂົ້າໃຫຍ່ຂຶ້ນ, ຜູ້ຮັບໃຊ້ຂອງເຈົ້ານາຍກໍຖາມນາຍວ່າ, ‘ນາຍເອີຍ ທ່ານຫວ່ານເມັດເຂົ້າດີໃສ່ໃນນາບໍ່ແມ່ນບໍ? ເປັນຫຍັງມີເຂົ້ານົກຢູ່ໃນນາ? ແລ້ວຜູ້ເປັນນາຍກໍເວົ້າວ່າ, ‘ສັດຕູຂອງເຮົາເປັນຜູ້ຫວ່ານພວກມັນໃສ່.’

![](https://cdn.door43.org/obs/jpg/360px/obs-en-50-07.jpg)

ຜູ້ຮັບໃຊ້ຖາມຜູ້ເປັນນາຍວ່າ, ‘ພວກເຮົາດຶງຫຍ້າເຂົ້ານົກເຫຼົ່ານີ້ອອກໄດ້ບໍ?’ ຜູ້ເປັນນາຍຕອບວ່າ, ‘ຖ້າເຈົ້າດຶງ ເຈົ້າອາດຈະດຶງຕົ້ນເຂົ້າດີ. ໃຫ້ລໍຖ້າຈົນເຖິງເວລາເກັບກ່ຽວ ແລະ ຈາກນັ້ນຈຶ່ງເກັບກ່ຽວພວກມັນຮ່ວມກັນຖິ້ມໃສ່ໄຟ, ແຕ່ໃຫ້ເກັບເມັດເຂົ້າດີໄວ້ໃນເລົ້າເຂົ້າ.’”

![](https://cdn.door43.org/obs/jpg/360px/obs-en-50-08.jpg)

ພວກສາວົກບໍ່ເຂົ້າໃຈຄວາມໝາຍຂອງເລື່ອງນີ້, ສະນັ້ນພວກເຂົາຈຶ່ງຂໍພຣະເຢຊູອະທິບາຍໃຫ້ພວກເຂົາ. ພຣະເຢຊູຕອບວ່າ, “ຊາຍທີ່ຫວ່ານເມັດເຂົ້າດີນັ້ນແມ່ນພຣະເມຊີອາ. ໄຮ່ນາແມ່ນໂລກນີ້. ເມັດເຂົ້າດີແມ່ນຄົນຂອງຣາຊອານາຈັກຂອງພຣະເຈົ້າ.”

![](https://cdn.door43.org/obs/jpg/360px/obs-en-50-09.jpg)

ເມັດເຂົ້ານົກແມ່ນຄົນຂອງມານຮ້າຍ. ສັດຕູຜູ້ຫວ່ານເມັດເຂົ້ານົກແມ່ນມານຮ້າຍ. ເວລາກັບກ່ຽວແມ່ນເວລາສຸດທ້າຍຂອງໂລກ, ແລະຜູ້ເກັບກ່ຽວແມ່ນເທວະດາຂອງພຣະເຈົ້າ.”

![](https://cdn.door43.org/obs/jpg/360px/obs-en-50-10.jpg)

ເມື່ອຮອດວັນສຸດທ້າຍຂອງໂລກນັ້ນ, ພວກເທວະດາຈະຮີບໂຮມຜູ້ຄົນທັງໝົດທີ່ເປັນຂອງມານຮ້າຍ ແລະ ຖິ້ມພວກເຂົາໃສ່ໃນໄຟທີ່ບໍ່ຮູ້ດັບ, ຄືບ່ອນທີ່ພວກເຂົາຈະຂົບແຂ້ວຮ້ອງໄຫ້ໃນບ່ອນຄົນທຸກທໍລະມານ. ສ່ວນບັນດາຜູ້ຊອບທຳຈະສ່ອງແສງຄືດວງຕາເວັນໃນຣາຊອານາຈັກຂອງພຣະເຈົ້າ.”

![](https://cdn.door43.org/obs/jpg/360px/obs-en-50-11.jpg)

ພຣະເຢຊູໄດ້ກ່າວວ່າພຣະອົງຈະກັບມາຫາໂລກນີ້ກ່ອນວັນສຸດທ້າຍຂອງໂລກ. ພຣະອົງຈະກັບມາໃນບ່ອນທີ່ພຣະອົງໄດ້ຂຶ້ນໄປ, ພຣະອົງຈະມີຮ່າງກາຍທິບ ແລະ ມາໃນເທິງເມກໃນທ້ອງຟ້າ. ເມື່ອພຣະເຢຊູກັບມານັ້ນຊາວຄຣິສຕຽນທຸກຄົນທີ່ຕາຍແລ້ວຈະຄືນມາຈາກຄວາມຕາຍ ແລະ ຈະພົບພຣະອົງໃນຟ້າອາກາດ.

![](https://cdn.door43.org/obs/jpg/360px/obs-en-50-12.jpg)

ສ່ວນຊາວຄຣິສຕຽນຜູ້ທີ່ຍັງມີຊີວິດຢູ່ນັ້ນຈະຖືກຮັບຂຶ້ນເທິງຟ້າ ແລະ ຢູ່ຮ່ວມກັບຊາວຄຣິສຕຽນອື່ນໆທີ່ຄືນຈາກຄວາມຕາຍນັ້ນ. ພວກເຂົາທັງໝົດຈະຢູ່ກັບພຣະເຢຊູໃນທີ່ນັ້ນ. ແລະ ພຣະເຢຊູຈະຢູ່ກັບຄົນຂອງພຣະອົງໃນບ່ອນສຸກວິໄລ ແລະ ຢູ່ນຳກັນຕະຫຼອດໄປ.

![](https://cdn.door43.org/obs/jpg/360px/obs-en-50-13.jpg)

ພຣະເຢຊູໄດ້ສັນຍາວ່າຈະໃຫ້ມົງກຸດແກ່ທຸກຄົນທີ່ເຊື່ອໃນພຣະອົງ. ພວກເຂົາຈະມີຊີວິດຢູ່ ແລະ ຄອບຄອງບ່ອນສຸກວິໄລນີ້ກັບພຣະເຈົ້າຕະຫຼອດໄປ.

![](https://cdn.door43.org/obs/jpg/360px/obs-en-50-14.jpg)

ແຕ່ພຣະເຈົ້າຈະພິພາກສາທຸກໆຄົນທີ່ບໍ່ເຊື່ອໃນພຣະເຢຊູ. ພຣະອົງຈະຖິ້ມພວກເຂົາລົງໃນນະຣົກ, ບ່ອນທີ່ພວກເຂົາຈະຂົບແຂ້ວຮ້ອງໄຫ້ໃນບ່ອນທົນທຸກທໍລະມານຕະຫຼອດໄປ. ໄຟທີ່ບໍ່ຮູ້ດັບຈະເຜົາໄໝ້ພວກເຂົາຢູ່ຕະຫຼອດ, ແລະ ໜອນຈະບໍ່ມີວັນຢຸດກິນພວກເຂົາ.

![](https://cdn.door43.org/obs/jpg/360px/obs-en-50-15.jpg)

ໃນວັນທີ່ພຣະເຢຊູກັບມານັ້ນ, ພຣະອົງຈະທຳລາຍຊາຕານ ແລະ ອານາຈັກຂອງມັນ. ພຣະອົງຈະຖິ້ມຊາຕານລົງໃນນະຣົກບ່ອນທີ່ມັນຈະຖືກເຜົາໄໝ້ໄປຕະຫຼອດ, ກັບບັນດາຄົນທີ່ເລືອກຕິດຕາມມັນຫຼາຍກວ່າເຊື່ອຟັງພຣະເຈົ້າ.

![](https://cdn.door43.org/obs/jpg/360px/obs-en-50-16.jpg)

ເພາະວ່າອາດາມເເລະເອວາບໍ່ເຊື່ອຟັງພຣະເຈົ້າ ແລະນຳເອົາຄວາມຜິດບາບມາສູ່ໂລກ ພຣະເຈົ້າໄດ້ສາບແຊ່ງແລະທຳລາຍຄວາມຜິດບາບນັ້ນ ແຕ່ວັນຫນຶ່ງພຣະເຈົ້າຈະສ້າງຣາຊອານາຈັກໃຫມ່ ແລະແຜ່ນດິນໂລກໃຫມ່ໃຫ້ສົມບູນທີ່ສຸດ

![](https://cdn.door43.org/obs/jpg/360px/obs-en-50-17.jpg)

ພຣະເຢຊູ ແລະ ຄົນຂອງພຣະອົງຈະອາໄສໃນແຜ່ນດິນໂລກໃໝ່, ແລະ ພຣະອົງຈະຄອບຄອງທົ່ວທຸກຢ່າງທີ່ມີຊີວິດຕະຫຼອດໄປ. ພຣະອົງຈະເຊັດນ້ຳຕາທຸກໆຢົດ ແລະ ທີ່ນັ້ນຈະບໍ່ມີຄວາມທຸກທໍລະມານ, ບໍ່ມີຄວາມເສົ້າ, ການຮ້ອງໄຫ້, ຄວາມຊົ່ວຮ້າຍ, ຄວາມເຈັບປວດ ຫຼື ຄວາມຕາຍ. ພຣະເຢຊູຈະປົກຄອງຣາຊອານາຈັກຂອງພຣະອົງດ້ວຍສັນຕິສຸກ ແລະ ຍຸດຕິທຳ, ແລະ ພຣະອົງຈະຢູ່ກັບຄົນຂອງພຣະອົງຕະຫຼອດໄປ.

*ບົດເລື່ອງຈາກພຣະຄຳພີ ມັດທາຍ 24:14; 28:18; ໂຢຮັນ15:20; 16:33; ພຣະນີມິດ 2:10; ມັດທາຍ 13:24-30, 36-42; 1ເທສະໂລນິກ 4:13-5:11; ຢາໂກໂບ 1:12; ມັດທາຍ 22:13; ພຣະນີມິດ 20:10, 21:1-22:21*