# unfoldingWord Open Bible Stories — Eastern Magar (Magar, Eastern)

- Language code: `mgp`
- Canonical page: https://openbiblestories.org/l/mgp/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Eastern Magar translation; it is not a translation of the whole Bible.

## 1. १. सृष्टि

https://openbiblestories.org/l/mgp/story-1/

![](https://cdn.door43.org/obs/jpg/360px/obs-en-01-01.jpg)

पट्‍ट न कुराकुङ सुरुवात इजाट्‍न छाना। परमेसोरै सारा सन्‍साराङ र होला लेच पट्‍ट न ठोकको ६ दिनाङ सृष्‍टि जाटा। परमेसोरै पृथ्‍वीयो सृष्‍टि जाटा जुन अन्‍धकार र शुन्‍य लेया, अनी होला हीर कुराको सृष्‍टि माजाट्‍नन्‍या। तर परमेसोरौ आट्‍मा डी मीटाक घुम्‍डीस्‍न ङुमन्‍या।

![](https://cdn.door43.org/obs/jpg/360px/obs-en-01-02.jpg)

तब परमेसोरै डेया, “ट्‍याङ्‍हो”

![](https://cdn.door43.org/obs/jpg/360px/obs-en-01-03.jpg)

सृष्‍टि जाट्‍च दोस्रो दिनाङ, परमेसोरैडेया र पृथ्‍वीमीटाक सर्‌घा सृष्‍टि जाटा। होसकै पृथ्‍वीम्‍हाका लेच डीकी अलग जाटार सर्‌घा खासा।

![](https://cdn.door43.org/obs/jpg/360px/obs-en-01-04.jpg)

तेस्रो डीनाङ, परमेसोरै डेया र डीकी सुख्‍खा भुमिलकीङ अलग जाटा। होसकै सुख्‍खा भुमीकी ‘पृथ्‍वी’ डेया र डीकी ‘समुन्‍द्र’ डेया। लहे सृष्‍टि जाट्‍च पट्‍ट न कुराको परमेसोरै ङोसा र होसे असल लेया।

![](https://cdn.door43.org/obs/jpg/360px/obs-en-01-05.jpg)

होसन्‍हुइङ परमेसोरै डेया, “पृथ्‍वीये पट्‍ट न खाल्‍या वनस्‍पतिको गेटाक्‍ख्‍यो।” अनी होङ्‍च न छाना। परमेसोरै डाङा कि होसकै खास्‍ पट्‍ट न ठोक असल लेया।

![](https://cdn.door43.org/obs/jpg/360px/obs-en-01-06.jpg)

सृष्‍टियो चौथो दिन, परमेसोरै डेया र नाखान, ग्‍यावट र टुगाको खासा। परमेसोरै होखुरीककी पृथ्‍वीयाङ ज्‍योति याखी, अनी नाम्‍सीन रनाबिक भाक्‍की, रीतुको र बर्‌सको भाक्‍कीयो लागी खासा। अनी परमेसोरै ङोसा, रहोसे असल लेया।

![](https://cdn.door43.org/obs/jpg/360px/obs-en-01-07.jpg)

पाचौ दिन, परमेसोरै डेया, र डीयाङ पौडडीस्‍च पट्‍ट न ठोकको अनि पट्‍ट न किसिमुङ पंक्षिको खासा। परमेसोरै होखुरीककी ङोसा र असल डाङा, अनि होसकै होखुरीककी आसिस याहा।

![](https://cdn.door43.org/obs/jpg/360px/obs-en-01-08.jpg)

सृष्टिको छैठौँ दिनाङ, परमेश्‍वरै डेया, “हाल हरेक प्रकारुङ जमिनाङ ह्‍वाच जीवजन्‍टुको छान्‍ख्‍यो।” अनी परमेसोरै डेच अनुसार न छाना। कोही जनावरको इमाङ कोक्‍च लेया, कोइ जमिनाङ घिस्रडीस्‍च लेया नी कोइ चही जङ्‍गली लेया। परमेसोरै डाङा कि होसे असल लेया।

![](https://cdn.door43.org/obs/jpg/360px/obs-en-01-09.jpg)

होसन्‍हुइङ परमेसोरै डेया, “काल्‍हा भर्‌मीकी काल्‍हौ न सोरुपाङ काल्‍हा ल्‍याक्‍च न छान्‍कीयो लागी खासीङ। होखुरीकै पृथ्‍वीयाङ लेच जीवजन्‍तुकोमीटाक अधिकार जाट्‍ले।”

![](https://cdn.door43.org/obs/jpg/360px/obs-en-01-10.jpg)

होटबाटै परमेसोरै भुमिलकिङ चेक्‍जा झा लार होसकी भर्‌मीयो आकार याहा, अनी होसलेठाङ जीवनौ सास काम याहा। इसे भर्‌मीयो म्‍यारमिन आदम लेया। परमेसोरै काट बगैचा खासा र होला आदम ङुमन्‍या। बगैचौ हेरचाह जाट्‍ परमेसोरै होसकी होला डा।

![](https://cdn.door43.org/obs/jpg/360px/obs-en-01-11.jpg)

बगैचौ मीघ्‍याङ, परमेसोरै निसवटा विषेश म्‍यार्‌टुङको रोप्‍डीया-जीवनौ म्‍यार्‌टुङ र असल र खराबौ ग्‍यान याछ म्‍यार्‌टुङ। परमेसोरै आदमकी डेया को पट्‍ट न म्‍यार्‌टुङुङ मीस्‍या हिर माआर्‌मीट्‍न ज्‍याकी ह्‍योक्‍ले तर असल र खराबौ ग्‍यान याछ म्‍यार्‌टुङौ मीस्‍या माज्‍याकी। इडीक होचे होसे म्‍यार्‌टुङौ मीस्‍या ज्‍यानाङ सिच लेया।

![](https://cdn.door43.org/obs/jpg/360px/obs-en-01-12.jpg)

अनी परमेसोरै डेया, “भर्‌मी लाहा काट न ङुकी असल माले।” तर होला लेच कुसेर जनावर आदमौ सहयोगी छान्‍की माह्‍योका।

![](https://cdn.door43.org/obs/jpg/360px/obs-en-01-13.jpg)

होटबाटै परमेसोरै आदमकी साप्‍फी मीमीक झुकाका। अनि परमेसोरै आदमौ करङ लकीङ काट करङ डोनार ला र होसेलकीङ काट सुन्‍दर मास्‍टो भर्‌मी खासा र होसकी आदम लेठाङ राका।

![](https://cdn.door43.org/obs/jpg/360px/obs-en-01-14.jpg)

जब आदमै होसकी डाङा, होचे डेया, “अन्‍तत

![](https://cdn.door43.org/obs/jpg/360px/obs-en-01-15.jpg)

परमेसोरै मास्‍टो र लेन्‍जाकी लहौ न सोरुपाङ खासा। होसके होखुरीककी आसिस याहा र डेया, “वास्‍टै मीजाको डीन्‍ही र पृथ्वीयाङ न्‍हेप्‍चै नुङ्‍नी।” परमेसोरै लहे खास्‍च पट्‍टन ठोकको डाङा अनी होसे पट्‍ट न कुरालकीङ एकदम खुसी छाना। होसे पट्‍ट न ठोक ६ याकाङ खास्‍नन्‍या।

![](https://cdn.door43.org/obs/jpg/360px/obs-en-01-16.jpg)

जब सातौ दिन राहा, परमेसोरै लहो पट्‍ट न कामको भ्‍याटाकन्‍या। होटबाटै लहो पट्‍ट न कामकोलकीङ होसको म्‍हुङ बाटा। हपसकै सातौ दिनकी आसिस याहा र पवित्र खासा, हीजैडेनाङ होसे डिन होसकै लहो कामलकीङ म्‍हुङ बाटा। इजाट्‍न न परमेसोरै सारा सन्‍सार र होला लेच पट्‍ट न कुराकुङ सृष्‍टी जाटा।

*बाइबलङ कथा : उत्पत्ती १-२ लकीङ*

## 2. २. सन्‍साराङ पाप राछ

https://openbiblestories.org/l/mgp/story-2/

![](https://cdn.door43.org/obs/jpg/360px/obs-en-02-01.jpg)

परमेसोरै होखुरीकुङ न लागी खास्‍न याछ सुन्‍दर बगैचाङ आदम र हब्‍बा वास्‍टै मार्‌हाङार काठोवाङ न ङुमङुमन्‍या। नीस जना न बस्त्र बिना न ङुमन्‍या, तर पनि होखुरीककी काराम मासेमन्‍या, हिजै डेनाङ सन्‍साराङ कसेर पाप मालेया। होखुरीक प्राय बगैचाङ घुम्‍डीस्‍नन्‍या र परमेसोरखाटा कुराकानी जाट्‍नन्‍या।

![](https://cdn.door43.org/obs/jpg/360px/obs-en-02-02.jpg)

तर होसे बगैचाङ काट धुर्त बुल लेया। होचे मास्‍टोकी गिना, “हि साच्‍ची न परमेसोरै नाङकी इला लेच मध्‍ये कुसेर मीस्‍या माज्‍याकी डेमने?”

![](https://cdn.door43.org/obs/jpg/360px/obs-en-02-03.jpg)

मास्‍टोये जवाफ याहा, “परमेसोरै कानकी असल र खराबौ ग्‍यान छुटडीकी ह्‍योक्‍च म्‍यार्‌टुङुङ मीस्‍या बाहेक अरु पट्‍ट न म्‍यार्‌टुङुङ मीस्‍या ज्‍याकी छान्‍ले डेमने। परमेसोरै कानकी डेमने, इडीक नाखुरीकै होसे म्‍यार्‍टुङुङ मीस्‍या ज्‍या अथवा छुवा मट्‌टै डेनाङ र नाखुरीक सिले।”

![](https://cdn.door43.org/obs/jpg/360px/obs-en-02-04.jpg)

होसे बुलै मास्‍टोकी जवाफ याहा, “होसे सट्‍य होइन

![](https://cdn.door43.org/obs/jpg/360px/obs-en-02-05.jpg)

मास्‍टोये होसे मीस्‍या ङोस्‍कीयाङ सेछ र जाप्‍च डाङा।होसे र बुद्‍धिमान छान्‍च मीमन राहा, होटबाटै होचे होसे बगैचालकीङ धुमा र ज्‍या। होचे होसे मीस्‍या मेन मास्‍टो लेन्‍जाकी रज्‍याकी याहा होसे मेल्‍हाखाटा न लेया र होचे र होसे मीस्‍या ज्‍या।

![](https://cdn.door43.org/obs/jpg/360px/obs-en-02-06.jpg)

अचानक, होखुरीकुङ मीमीक खोलिसा, नी लाहा नाङ्‍ग्‍या न ले डेम होखुरीकै थाहा डुपा। होखुरीकै मील्‍हा रुपार वस्‍त्र खासार लहो जीउकी हुप्‍की पा।

![](https://cdn.door43.org/obs/jpg/360px/obs-en-02-07.jpg)

तब भर्‌मी र होच्‍यो मास्‍टोये बगैचालकीङ छानार ह्‍वाचै जाट्‍च आवाज सेया। होखुरीक नीस जना परमेसोरलकीङ आर्‌च्‍युवा। अनी परमेसोरै भर्‌मीकी आर्‌घार डेया, “नाङ कुला ले?” आदमै जवाफ याहा, “ङै नाको बगैचाङ ह्‍वाचै जाट्‍च सेया, अनी ङा नबिर्‍हीया, हिजैडेनाङ ङा नाङ्‍ग्‍या लेया। होटबाटै ङा आर्‌च्‍युवा।”

![](https://cdn.door43.org/obs/jpg/360px/obs-en-02-08.jpg)

अनि परमेसोरै गिना, “नाङ नाङ्‍ग्‍या ले डेयार नाङ्‍की सुये डेया? ही ङै माज्‍याकी डेच मीस्‍या ‍ज्‍या?” भर्‌मीये जवाफ याहा, “नाकै याछ मास्‍टोये ङाकी इसे मीस्‍या याहा।” अनि परमेसोरै मास्‍टोकी गिना, “निये इसे ही जाटा?” मास्‍टोये जवाफ याहा, “होसे बुलै ङाकी झुक्‍डीया।”

![](https://cdn.door43.org/obs/jpg/360px/obs-en-02-09.jpg)

परमेसोरै बुलकी डेया, “नाङ सारापित छान्‍नने

![](https://cdn.door43.org/obs/jpg/360px/obs-en-02-10.jpg)

होसन्‍हुइङ परमेसोरै मास्‍टोकी डेया, “ङा नुओ सुट्‍केरी बेथा बड्‍डीम याल्‍हे। र पनि नुओ इच्‍छा लेन्‍जा पटिक न छान्‍ने र होचे नाङ मीटाक अधिकार जाट्‍ले।”

![](https://cdn.door43.org/obs/jpg/360px/obs-en-02-11.jpg)

परमेसोरै भर्‌मीकी डेया, “निये नुओ मास्‍टोओ कुरा सेयार ङौ आग्‍या मामन्‍डीच बाटै इसे भुमी सारापित छान्‍नने। ज्‍याकीयो लागी कडा परिश्रम जाट्‍की पर्‌ले। होटै नाङ सिले, र नुओ शरिर झाङ झा ल्‍हेस्‍ले।” भर्‌मीये मेन मास्‍टोओ म्‍यार्‌मीन हव्‍वा डा, इच्‍यो अर्थ हो “जीवन याछ” हिजैडेनाङ होसे पट्‍ट जातियो भर्‌मीकुङ मोइ हो डेले। अनी परमेसोरै आदम र हव्‍वाकी पशुओ छालौ बस्‍त्र खास्‍न याहा।

![](https://cdn.door43.org/obs/jpg/360px/obs-en-02-12.jpg)

अनी परमेसोरै डेया, “अब भर्‌मीको र कान ल्‍याक्‍च न असल र खराब वार्‌छ छान्‍नने।” होटबाटै होखुरीकै अब जीवनौ म्‍यार्‌टुङौ मीस्‍या ज्‍यार होखुरीक सधैभरी जीवीत ङुकी माडुप्‍ख्‍यो डेयार परमेसोरै आदम र हव्‍वाकी होसे सुन्‍दर बगैचालकीङ डोन्‍न याहा। परमेसोरै जीवनौ म्‍यार्‌टुङौ निगरानी जाट्‍कीयो लागी शक्‍तिशालि सोर्‌गडुटकी बगैचौ मुल गालामाङ पहरेदारौ रुपाङ खटडीया।

*बाइबलुङ कथा: उत्‍पति ३ लकीङ*

## 3. ३. जलप्रलय

https://openbiblestories.org/l/mgp/story-3/

![](https://cdn.door43.org/obs/jpg/360px/obs-en-03-01.jpg)

वास्‍टै समय पछि, संसाराङ वास्‍टै भर्‌मिको लेया। होखुरीक ज्‍यादै दुष्‍ट छान्‍चै नुङ्‍ङन्‍या। इसे अब वास्‍टै खराब छाना कि परमेसोरै सारा संसारकी काट बाड्‍को जलप्रलाये नष्‍ट जाट्‍च निधो जाटा।

![](https://cdn.door43.org/obs/jpg/360px/obs-en-03-02.jpg)

तर नोहै परमेसोरलकीङ निगाह डुपा। दुष्‍ट भर्‌मीकुङ मीघ्‍याङ आसको काट धर्‌मी भर्‌मी लेया। परमेसोरै नोहाकी लहे बिर्‌न्‍हकाकी पाच जलप्रलायौ बारेयाङ डेया। होसकै नोहाकी काट बाड्‍को जहाज खास्‍की लैडीया।

![](https://cdn.door43.org/obs/jpg/360px/obs-en-03-03.jpg)

परमेसोरै नोहाकी करिब १४० मिटर लोक्‍च, २३ मिटर चौडाई र १३.५ मिटर घाङ्‍च जहाज खास्‍की डेया। नोहै होसे जहाजकी सिङौ प्रयोग जाटार सोम तहाङ खास्‍की पर्‌च लेया होला वास्‍टै कोठाको, छतको र झ्‍यालको छान्‍की पर्‌न्‍या। होसे जहाजाङ नोहा, मेखोलौ परिवार र पट्‍ट न किसिमुङ जमिनाङ ङुच जनावरको जलप्रलायो समय लकीङ सुरक्षित छान्‍की पर्‌च लेया।

![](https://cdn.door43.org/obs/jpg/360px/obs-en-03-04.jpg)

नोहै परमेसोरौ आग्‍या मन्‍डीया। नोहा र आस्‍कुङ सोम लेन्‍जा मीजाकै परमेसोरै डेच लेखान जहाज खासा। जहाज एकदमै बाड्‍को लेच बाटै होसे खास्‍की वास्‍टै बर्‌स लक्‍डीसा। नोहै भर्‌मीकोलाक जलप्रलायौ बारेयाङ चेटावनी याहा र होखुरीककी परमेसोरपटिक ल्‍हेस्‍की सचेत जाटा तर होखुरीकै आस्‍कुङ कुरा बीस्‍वास माजाटा।

![](https://cdn.door43.org/obs/jpg/360px/obs-en-03-05.jpg)

परमेसोरै नोहाकी, आसकुङ परिवार र जनावरकी चहडीस्‍च जति ज्‍याच कुरा जम्‍मा जाट्‍की लैडीया। जब पट्‍ट कुरा तयार छाना, परमेसोरै नोहाकी अब समय राहा डेया र आसको र मेखोलौ मास्‍टो, आस्‍कुङ सोम लेन्‍जा मीजाको र आसकुङ मास्‍टोको पट्‍ट न जहाजाङ पर्‌की डेया (होखुरीक जम्‍मा जाट्‍न आठ जना लेया।)

![](https://cdn.door43.org/obs/jpg/360px/obs-en-03-06.jpg)

परमेसोरै भाल्‍या र गोटो जाट्‍न पट्‍ट न किसिमुङ पशुपंक्षि हरेकौ सात-सात जोडी भ्‍ल्‍या र गोटो जाट्‍न बिर्‍न्‍हका। जब होखुरिक पट्‍टन जहाज भित्र नुङा, तब परमेसोरै न जहाजौ गालम थुन्‍न याहा।

![](https://cdn.door43.org/obs/jpg/360px/obs-en-03-07.jpg)

होसन्‍हुइङ नामास राखी सुरु छाना। चालिस याक चालिस नाबिक निरन्‍तर नामास राम्‍हन ङुवा। पृथ्‍वी म्‍हाकीङ र डी बेगखाटा राहा। सारा संसार र घाङ्‍च चुचुराको समेत डीयाङ ठाहा।

![](https://cdn.door43.org/obs/jpg/360px/obs-en-03-08.jpg)

सुख्‍खा जमिनाङ जीवाच पट्‍ट न ठोक सीया, अनि जहाज भिट्‍री लेच भर्‌मी र पशुपंक्षिको जीउदै न ङुवा। जहाज डीयाङ टैरडीस्न न ङुवा र भिट्‍री ङुच पट्‍टनकी ठाखी लकीङ जोगडीयार डा।

![](https://cdn.door43.org/obs/jpg/360px/obs-en-03-09.jpg)

नामास बाछ बाङा मिहनासम्‍म जहाज टैरडीस्‍न ङुवा र होटै डी छोक्‍चै नुङा। अनी कायाक काट पहाडौ मीडुमाङ जहाज रोकडीसा, तर पृथ्वी अझ सम्‍म र डीयाङ थाम्‍हन लेया। सोम महिना पछि अरु पहाडौ मीचुट्‍को डाङ्‍की थाला।

![](https://cdn.door43.org/obs/jpg/360px/obs-en-03-10.jpg)

अरु चालिसयाक न्‍हुइङ काट कागकी डी सीप्‍नेकी मासीप्‍ने डेम ङोस्‍की बीर्‍न्‍हका। काग इलाक आलाक जाट्‍चै सुख्‍खा जमिन पाम फुर्‌न ह्‍वा तर कुलार माडुपा।

![](https://cdn.door43.org/obs/jpg/360px/obs-en-03-11.jpg)

पछि नोहै काट ढुकुरकी बिर्‍न्‍हका। तर होचे र कुसेर सुख्‍खा जमिन डुप्‍की माह्‍योका, होटबाटै होसे नोह लेठाङ ल्‍हासार राहा। होच्‍यौ काट हप्‍टा पछि होचे फेरी होसे ढुकुरकी बाहिर बिर्‍न्‍हका अनि होचे मेन चुच्‍चाङ काट जैटुनौ हाँगा लार राहा। डी सीप्‍चै नुङ्‍ङ न लेया र बिरुवाको फेरी फैलडीस्‍चै नुङा।

![](https://cdn.door43.org/obs/jpg/360px/obs-en-03-12.jpg)

अर्को काट हप्‍टा लेन्‍च पछि नोहै तेस्रो खेप होसे ढुकुरकी बाहिर बिर्‌न्‍हका। इसेपाली चहीँ होचे आराम जाट्‍च ठाउँ डुपा र होसे ल्‍हेसार माराहा। डी सीप्‍चै नुङ्‍ङन लेया।

![](https://cdn.door43.org/obs/jpg/360px/obs-en-03-13.jpg)

नीस महिनापछि परमेसोरै नोहाकी डेया, “नाङ र नुओ परिवार पट्‍ट न पशुपंक्षिको जहाजलकीङ बाहिर ख्‍योखी ह्‍योक्‍ले। नाखुरीकै वास्‍टै मीजाको डीन्‍ही र फेरी पट्‍ट न पृथ्‍वीयाङ न्‍हेप्‍चै नुङ्‍नी।” अनि नोहा र मेन परिवार जहाजलकीङ बाहिर राहा।

![](https://cdn.door43.org/obs/jpg/360px/obs-en-03-14.jpg)

जहाजलकीङ बाहिर राछ पछि नुहै परमेसोरौ लागी काट बेदि खासार होसे बेदियाङ बलि याखी डेयार डाच जनावरकोलाक बलि याहा। परमेसोर होसे बलिलकीङ खुसि छाना अनि नुहा रमेन परिवारकी आसिस याहा।

![](https://cdn.door43.org/obs/jpg/360px/obs-en-03-15.jpg)

परमेसोरै प्रतिग्‍या जाटा, “अब ङा फेरि भर्‌मीकी दुस्‍टटौ खातिर इसे पृथ्‍वीकी सारापित माखास्‍ले, अथवा जलप्रलाय लकीङ संसारकी नष्‍ट माजाट्‍ले, अनि भर्‌मीकुङ रिदयुङ भावनाको मार्‌जालकीङ न खराब छान्‍ले।”

![](https://cdn.door43.org/obs/jpg/360px/obs-en-03-16.jpg)

अनि परमेसोरै प्रतिग्‍यौ चिन्‍हौ रुपाङ याभो खासा। हरेक चोटि जब सर्‌घाङ याभो डाङ्‍ले, परमेसोरै लहो भर्‌मीकोखाटा जाट्‍च प्रतिग्‍या आर्‌मिट्‍ले।

*बाइबलुङ कथा : उत्पत्ति ६-८ लकीङ*

## 4. ४. अब्राहामखाटा परमेसोरौ करार

https://openbiblestories.org/l/mgp/story-4/

![](https://cdn.door43.org/obs/jpg/360px/obs-en-04-01.jpg)

जलप्रलयौ वास्‍टै बर्‌स न्‍हुइङ, संसाराङ भर्‌मीकुङ संख्या फेरी बट्‍डीस्‍चै नुङा, र होखुरीक पट्‍ट न काट न भाषा ङाक्‍च जाट्‍न्‍या। तर परमेसोरै आग्‍या जाट्‍चअनुसार पृथ्‍वीयाङ न्‍हेप्‍कीयो साटो होखुरीक काठोवाङ भेला छानार काट सहर खास्‍की ठाला।

![](https://cdn.door43.org/obs/jpg/360px/obs-en-04-02.jpg)

होखुरीक साह्रै घमन्‍डी लेया, अनी परमेसोरै डेच कुराकी होखुरीकै वास्‍टा माजाटा। होखुरीकै सोर्‌गसम्‍म टाछ धरहरा खास्‍की ठाला। इडिक होखुरीक अझै काट न छानार दुष्‍ट कामको जाट्‍चै नुङा होखुरीक अझै वास्‍टै अधर्मि छान्‍की ह्‍योक्‍च परमेसोरै डाङा।

![](https://cdn.door43.org/obs/jpg/360px/obs-en-04-03.jpg)

होटबाटै परमेसोरै होखुरीकुङ भाषाकी अरु वास्‍टै भाषाकोवाङ बदलिम याहा अनि भर्‌मीकोलाक सारा संसार भरी तितरबीतर पार्‌न याहा। होखुरीकै खास्‍की सुरु जाट्‍च “बाबेल” लेया, जुनौ अर्थ “अलमल्लाङ पर्‌की” लेया।

![](https://cdn.door43.org/obs/jpg/360px/obs-en-04-04.jpg)

वास्‍टै बर्‌स न्‍हुइङ, परमेसोर अब्राहाम म्‍यार्‌मिन जाट्‍च काटजना भर्‌मीखाटा ङाका। परमेसोरै होसकी डेया, “नुओ देश र घरानाकी डासो र ङै टान्‍हाक्‍च ठावाङ नुङ्‍ना। ङा नाङ्‍की आसिस याल्‍हे। र नाङ्‍की याछ ठाउँकी काट महान राष्‍ट्र खास्‍ले। ङा नुओ म्‍यार्‌मिन महान खास्‍ले। ङा नुओ म्‍यार्‌मिनकी बाड्‍को खास्‍ले। नाङ्‍की आसिस याछकोलाक ङा आसिस याल्‍हे अनी नाङ्‍की सराप याछकोलाक ङा साराप याल्‍हे। पृथ्‍वीयाङ लेच पट्‍ट घरानाको नुओ कारन आसिसित छान्‍ले।”

![](https://cdn.door43.org/obs/jpg/360px/obs-en-04-05.jpg)

अनी अब्रामै परमेसोरौ आग्‍या मन्‍डीया। होचे लहो मास्‍टो साराइ, लहो पट्‍ट न नोकरकोलाक र लहो पट्‍ट न ठोक परमेसोरै टान्‍हाक्‍ङच देश कनान पटिन नुङा।

![](https://cdn.door43.org/obs/jpg/360px/obs-en-04-06.jpg)

जब अब्राम कनानाङ टाराहा, परमेसोरै डेया, “लहो वरीपरी ङोसो। नाङ र नुओ सन्‍तानकी नीये डाङ्‍च जटि पट्‍ट न देश पैतृक सम्‍पत्तियो रुपाङ नाङकी याल्‍हे।” अनी अब्राम होसे देशाङ ङुकी पा।

![](https://cdn.door43.org/obs/jpg/360px/obs-en-04-07.jpg)

कायाक, अब्रामै सर्वोच्‍च परमेसोरौ पुजाहारी, मल्‍कीसेदेककी डुपा। मल्‍कीसेदेकै अब्राहकी आसिस याहार डेया, “सर्‌घा र पृथ्‍वीयो मालिक, सर्वोच्‍चओ परमेसोरै आसिस याख्‍यौ।” अनी अब्रामै मल्‍कीसेदेककी लहो पट्‍ट न सम्‍पत्तियो दशौ भाग याहा।

![](https://cdn.door43.org/obs/jpg/360px/obs-en-04-08.jpg)

वास्‍टै वर्ष बिटडीस्‍न भ्‍यानाङ र साराइयो मीजा मालेया। परमेसोर अब्रामखाटा ङाका र फेरी प्रतिग्‍या जाटा कि आस्‍कुङ काट लेन्‍जा मीजा छान्‍ले र आसकुङ मीजाको सर्‌घुङ टुगा सरह छान्‍ले। अब्रामै परमेसोरौ प्रटिग्‍याङ बीस्‍वास जाटा।

![](https://cdn.door43.org/obs/jpg/360px/obs-en-04-09.jpg)

अनी परमेसोरै अब्रामखाटा काट करार छ्‍याका। करार चहीँ नीस पक्षमीघ्‍याङ सम्‍झौता हो। परमेसोरै डेया, “नुओ सरिरलकीङ ङा नाङ्‌की काट लेन्‍जा मीजा याल्‍हे। कनान देश ङा नुओ सन्‍तानकोलाक याल्‍हे।” तर अब्रामखाटा अझै र काट लेन्‍जा मीजा मालेया।

*बाइबलुङ कथा : उत्पत्ति ११-१५ लकीङ*

## 5. ५. प्रतिज्ञौ सन्तान

https://openbiblestories.org/l/mgp/story-5/

![](https://cdn.door43.org/obs/jpg/360px/obs-en-05-01.jpg)

कनानाङ बसाइ सरीस्‍च १० वर्ष छान्‍न भ्‍यानाङ र अब्राम र सराइयो मीजा न माछान्‍नन्‍या। होटबाटै अब्रामौ मास्‍टो सराइये आसकोकी डेया, “परमेसोरै ङौ कोख बन्‍द जाट्‍न याम्‍हने र अब मीजा मीजा डीन्‍खीयो लागी ङा बुढी छान्‍न भ्‍या, होटबाटै ङौ डासी हागारखाटा ब्‍याहा जाट्‍नी र होचे ङौ लागी काट मीजा डीन्‍ह याल्‍हे।”

![](https://cdn.door43.org/obs/jpg/360px/obs-en-05-02.jpg)

होटबाटै अब्रामै हागारकी ब्‍याहा जाटा। हागारै काट लेन्‍जा मीजा डीन्‍हा, अनि अब्रामै होच्‍यो म्‍यार्‌मीन इस्‍माएल डा। तर साराइये हागारकी डाह जाट्‍की थाला। इस्‍माएल तेह्र बर्‌स टान्‍हाङ, परमेसोर फेरी अब्रमखाटा ङाका।

![](https://cdn.door43.org/obs/jpg/360px/obs-en-05-03.jpg)

परमेसोरै डेया, “ङा सर्वशक्‍तिमान परमेसोर हो। ङा नाङखाटा काट करार छ्‍याक्‍ले।” अनी अब्रामै छापटिक घोप्‍टो छानार दण्‍डवत जाटा। परमेसोरै फेरी डेया, “नाङ वास्‍टै राष्‍ट्रौ बोइ छान्‍ले। कनान देशकी ङा नाङ र नुओ सन्‍तानकुङ मीहुटाङ याल्‍हे र ङा सधैभरि होखुरीकुङ परमेसोर छान्‍ले। नीये लहो घरानाकी पट्‍ट लेन्‍जाकुङ खटना जाट्‍की पर्‌ले।”

![](https://cdn.door43.org/obs/jpg/360px/obs-en-05-04.jpg)

“नुओ मास्‍टो साराइये काट लेन्‍जा मीजा डीन्‍ल्‍हे- होसे चाहीँ प्रतिग्‍या जाट्‍च मीजा छान्‍ले। नीये होच्‍यो म्‍यार्‌मीन इसहाक डाकी। होसे खाटा ङा करार छ्‍याक्‍ले र होच्‍यो काट बाड्‍को राष्‍ट्र छान्‍ले। ङा इस्‍माएकी र बाड्‍को राष्‍ट्र याल्‍हे तर ङौ करार चहीँ इसहाक खाटा न छ्‍याक्‍ले।” होसन्‍हुइङ परमेसोरै अब्रामौ म्‍यार्‌मीन अब्राहाम डाम याहा, होच्‍यो अर्‌थ चहीँ वास्‍टै जनौ बोइ हो। परमेसोरै साराइयो म्‍यार्‌मीन र अब ‘सारा’ डामयाहा, होच्‍यो अर्थ “राजकुमारी”।

![](https://cdn.door43.org/obs/jpg/360px/obs-en-05-05.jpg)

होसयाक अब्राहामै लहो घरानुङ पट्‍ट न लेन्‍जा भर्‌मीकोलाक खटना जाट्‍नन याहा। होच्‍यो लगभग काट बर्‌स पछि, अब्राहाम सय बर्‌स र सारा नब्‍बे बर्‌स छान्‍नाङ, सारै अब्राहामौ लेन्‍जा मीजा डीन्‍हयाहा। परमेसोरै डेनाङ लेखान होच्‍यो म्‍यार्‌मीन इसहाक डा।

![](https://cdn.door43.org/obs/jpg/360px/obs-en-05-06.jpg)

जब इसहाल बालख न लेया, परमेसोरै अब्राहामकी बीस्‍वासौ जाँच जाटा र डेया, “नुओ काट मट्‍टै लेन्‍जा मीजाकी लार नुङ्‍ना र होसकी ङौ नीम्‍टी बली योहो।” अब्राहामै परमेसोरै डेच कुराकी मन्‍डीया र लहो लेन्‍जा मीजाकी बलिडान याखी तयार छाना।

![](https://cdn.door43.org/obs/jpg/360px/obs-en-05-07.jpg)

जब अब्राहाम र इसहाक वेदि पटिक नुङ्‍ङ न लेया, इसहाकै गीना, “बोइ, काल्‍हाखाटा बलियो लागी सीङको च ले, तर थुमा चहीँ खै त?” अब्राहामै जवाफ याहा, “हे ङौ मीजा परमेसोरै न बलियो थुमा जुटडीम याल्‍हे।””

![](https://cdn.door43.org/obs/jpg/360px/obs-en-05-08.jpg)

होखुरीक जब वेदि लेच ठावाङ टाहा, अब्राहामै लहो मीजाकी छ्‍याका र होसकी वेदियाङ डा। जब होचे मेन मीजाकी बलि याखी पा, परमेसोरै डेया, “लेनो,

![](https://cdn.door43.org/obs/jpg/360px/obs-en-05-09.jpg)

होला खेरेप अब्राहामै काट थुमाकी झाडीयाङ अल्‍झडीस्‍च डाङा। परमेसोरै होसे थुमाकी इसहाकौ सट्‍टाङ बलिडानौ लागी होला डामयाम्‍हन्‍या। अब्राहामै खुसी खाटा होसे थुमाकी बलि याहा।

![](https://cdn.door43.org/obs/jpg/360px/obs-en-05-10.jpg)

अनी परमेसोरै अब्राहामकी डेया, “नीये ङौ लागी लहो पट्‍ट न ठोक याकी तयार लेचबाटै, अनी नुओ काट मट्‍टै लेन्‍जा मीजाकी र बाकी माडाचबाटै, ङा नाङकी आसिस याखी प्रतिग्‍या जाट्‍ले। नुओ सन्‍तानको सर्‌घुङ ताराको डेनाङ वास्‍टै छान्‍ले। नीये ङौ आग्‍या मन्‍डीचबाटै, संसारुङ पट्‍ट न घरानाको नुओ घरानालकीङ आसिसित छान्‍ले।

*बाइबलुङ कथा : उत्पत्ति १६-२२ लकीङ*

## 6. ६. परमेसोरै इसहाककी याहा

https://openbiblestories.org/l/mgp/story-6/

![](https://cdn.door43.org/obs/jpg/360px/obs-en-06-01.jpg)

अब्राहम बुढा छान्‍नाङ, होच्‍यो लेन्‍जा मीजा इसहाक, काट परिपक्‍क भर्‌मी छान्‍नभ्‍यामन्‍या। होटबाटै अब्राहमै लहो काट नोकरकी लहो भर्‌मीको लेच देसाङ इसहाकौ लागी काट भौजा पार राक्‍की बिर्‍न्‍हका।

![](https://cdn.door43.org/obs/jpg/360px/obs-en-06-02.jpg)

अब्राहामौ लहो भर्‌मीको ङुच देसपटिक लोक्‍च यात्रा पस्‍चात, परमेसोरै होसे नोकरकी रेबिका म्‍यार्‌मीन काट जना मास्‍टो जजा लेठाङ टाहाका। होसे अब्राहामौ भाइयो नातिनी लेया।

![](https://cdn.door43.org/obs/jpg/360px/obs-en-06-03.jpg)

रिबेका लहो परिवारकी डासार होसे नोकरखाटा इसहाकौ इमाङ नुङ्‍की मन्‍डीया। होसे टाछ बितक्‍कै इसहाकै होसेखाटा ब्‍याहा जाटा।

![](https://cdn.door43.org/obs/jpg/360px/obs-en-06-04.jpg)

वास्‍टै समयपछि, अब्राहाम सिया अनी परमेसोरै होसे खाटा छ्‍याक्‍च पट्‍ट न करार अब इसहाकलेठाङ सरीसा। परमेसोरै अब्राहामौ वास्‍टै हील्‍की माय्‍होक्‍च सन्‍तान छान्‍ले डेम प्रतिग्‍या जाट्‍नन्‍या, तर इसहाकौ मास्‍टो रिबेकौ सन्‍तान माछान्‍नन्‍या।

![](https://cdn.door43.org/obs/jpg/360px/obs-en-06-05.jpg)

इसहाकै रिबेकौ लागी प्रार्थना जाटा, अनी परमेसोरै होच्‍यो कोखाङ जुम्‍ल्‍या मीजाको याहा। होसे नीस मीजाकै रिबेकौ गर्भ भिट्‍री लेनाङ न पुन्‍खी ठा, होटबाटै रिबेकै परमेसोरखाटा इसे ही छान्‍न न ले डेम गीना।

![](https://cdn.door43.org/obs/jpg/360px/obs-en-06-06.jpg)

परमेसोरै रिबेकाकी डेया, “नाङ भिट्‍री लेच इसे नीस लेन्‍जा मीजाको नीस न राष्‍ट्राङ राल्‍हे। होखुरीक नीस जना पुन्‍हे र जेठा मीजै कान्‍छा मोजौ सेवा जाट्‍ले।”

![](https://cdn.door43.org/obs/jpg/360px/obs-en-06-07.jpg)

जब रेबीकौ लेन्‍जा मीजाको डीन्‍हा, जेठा चही ग्‍याच र भुट्‍ला न भुट्‍ला लेच लेया अनी होच्‍यो म्‍यार्‌मीन एसाब डा। तर कान्‍छा चहीँ लहो मीहुटै जेठौ कुर्कुच्‍चा घोवार क्‍योहा र होच्‍यो म्‍यार्‌मीन याकुब डा।

*बाइबलुङ कथा : उत्‍पत्ति २४:१-२५:२६ लकीङ*

## 7. ७. परमेसोरै याकुबकी आसिस याछ

https://openbiblestories.org/l/mgp/story-7/

![](https://cdn.door43.org/obs/jpg/360px/obs-en-07-01.jpg)

जब होसे बालखको होर्‌चै नुङा, याकुब इमाङ न ङुकी मन पर्‌नन्‍या, तर एसाब चहीँ सिकार जाट्‍की मन पर्‌नन्‍या। रिबेकै याकुबकी माया जाट्‍नन्‍या, तर इसहाकै एसाबकी माया जाट्‍नन्‍या।

![](https://cdn.door43.org/obs/jpg/360px/obs-en-07-02.jpg)

कायाक, जब एसाब सिकार जाटार इमाङ ल्‍हेसा, होसकी साह्रै मीटुक रन्‍छीया। एसाबै याकुबकी डेया, “नीये खास्‍न ज्‍याच कुरा ङाकी योहो” याकुबै जवाफ याहा, “पहिला ङाकी नाकुङ जेठा अधिकार यान्‍ही।” अनी एसाबै लहो जेठा अधिकार याकुबकी याहा र याकुबै होसकी ज्‍याच कुरा याहा।

![](https://cdn.door43.org/obs/jpg/360px/obs-en-07-03.jpg)

इसाहाकै लहो आसिस याकुबकी याखि मीमन जाट्‍नन्‍या। तर होचे होट जाट्‍की डेनाङ अघी, रिबेका र याकुब खाटार, याकुबकी एसाब ल्‍याक्‍च न खासार होखुरीकै इसहाककी झुक्‍डीया। इसहाक बुढा छान्‍न भ्‍यामन्‍या र ही डाङ्‍की र माय्‍होक्‍न्‍या। याकुबै एसाबौ बढिन बिल्‍हाका र र्‍हौ पाठौ छालै लहो मीघ्‍याटी र मीहुटको हुप्‍मन्‍या।

![](https://cdn.door43.org/obs/jpg/360px/obs-en-07-04.jpg)

याकुब इसहाकलेठाङ राहा र डेया, “ङा एसाब हो। नाकुङ आसिस ठोखी ङा राछ हो।” जब इसहाकै र्‍हौ भुट्‍ला सुहा र बढिन र आर्‌मीसा, अनि होसे एसाब न चान्‍की पर्‌ले डेम होचे आर्‌मीटा।

![](https://cdn.door43.org/obs/jpg/360px/obs-en-07-05.jpg)

एसाबै याकुबकी घृणा जाट्‍नन्‍या हीजैडेनाङ यकुबै होच्‍यो जेठा अधिकार र होचे डुप्‍की पर्‌च आसिस स्‍याट्‍नन्‍या। होटबाटै होचे सिचपछि याकुबकी साट्‍च योजना खासा।

![](https://cdn.door43.org/obs/jpg/360px/obs-en-07-06.jpg)

तर रिबेकै एसाबौ योजनौ बारेयाङ थाहा डुपा। होटबाटै इसहाक र रिबेकै याकुबकी होसे ठाउलकीङ लोस लहो भर्‌मीको लेठाङ बिर्‍न्‍हका।

![](https://cdn.door43.org/obs/jpg/360px/obs-en-07-07.jpg)

याकुब चो बर्ष मचै रिबेका क नाम्क मन्छेराउ दै नया।हुन समयभित्रौ हुनि ब्याहा खया अनि हुन्क बार जना चाउराउ दैना दाठौ ग्रोमु ओआ।परमेस्वर इ हुन्काना चोल धनी बनाथाआनी ।

![](https://cdn.door43.org/obs/jpg/360px/obs-en-07-08.jpg)

बीस बर्ष मचै आफ्नो नामु कनान हाइत टाढो नैह्रोयाङ न्हौ,याकुब आफ्नो जहान आफ्नो नोकर राउ अनि आफ्नो सारा गाइअबस्तु साथहा पित्तना कनान फर्केया।

![](https://cdn.door43.org/obs/jpg/360px/obs-en-07-09.jpg)

याकुब चोल पृह्रेयानी आहुखाझै एसाब इ हुन्काना अझै सातम भ्र्याकङकि गार्तना हुनि सोचेथाआनी ।हुन्ल मारै याकुब इ चोल उपहार स्वरुप एसाब निङ्हा लेता।गाई बस्तु कात्तना स्वायाङ नोकर राउ इ एसाब काना गार्सो,"नाङ्क दास याकुब इ नाङ्काना इन गाई बस्तु लेत्बैथाका।उइ चाढोल ओङ्छाकङ"।

![](https://cdn.door43.org/obs/jpg/360px/obs-en-07-10.jpg)

तर एसाब इ याकुब काना पहिलाल क्षमा बैलेत्थाआनी अनि हुराउ इ दा इ अर्को काना फिरि मुम दार्त खुसी ओसि। हुन न्हौ याकुब कनान हा शान्ती ओत नया।हुन न्हौ इसाहाक सिया,अनि याकुब दैना एसाब इ हुन्काना किम्सो ।परमेस्वर इ अब्राहम दैना खयाङ करार नो इसाहक हाइतना याकुब हा सरेया।

*बाइबलक कथा : उत्पत्ति २५:२७-३३:२० बाट*

## 8. ८. परमेसोरै योसेफ र मेन घरानाकी जीवाक्‍च

https://openbiblestories.org/l/mgp/story-8/

![](https://cdn.door43.org/obs/jpg/360px/obs-en-08-01.jpg)

योसेफौ दाजेकै होसकू घृणा जाट्‍नन्‍या हिजैडेनाङ होखुरिक मढ्‍याङ बोयौ पट्‍ट डेनाङ जाक्‍ङ सेच मीजा लेया अनि योसेपै लहा होखुरीकुङ सासक छान्‍च सपना डाङ्‍ङन्‍या। जब योसेफ डाजेको लेठाङ टाहा, होखुरीकै होसकी घोवार दास ब्‍यापारीकुङ मीहुटाङ आर्‌लामका।

![](https://cdn.door43.org/obs/jpg/360px/obs-en-08-02.jpg)

वास्‍टै बर्‌सपछि, जब याकुब बुढा छाना, होचे लहो पट्‍ट डेनाङ प्‍यारो, योसेफकी बगालको ङोस्न ङुच लहो डाजेको लेठाङ जाँच जाट्‍की बीर्‌न्‍हका।

![](https://cdn.door43.org/obs/jpg/360px/obs-en-08-03.jpg)

योसेफौ डाजेकै इमाङ ल्‍हेस्‍की डेनाङ अगाडी योसफौ बढिनको च्‍याटा र होसकी र्‍हौ हीवाङ ठाक्‍ङ याहा। अनी होखुरीके होसे लबेडा लहो बोइकी टान्‍हाका ताकि योसेफकी जङ्‍गली जनावरकै साट्‍लेसा डेम आर्‌मीटै डेयार। इसे डाङार याकुब साफ्‍फी डुखी छाना।

![](https://cdn.door43.org/obs/jpg/360px/obs-en-08-04.jpg)

होसे दास ब्‍यापारीकै योसेफकी मिस्र देसाङ आल्‍हा। मीस्र देस नील नदियो छेवाङ पर्‌न्‍या, इसे एकदम बाड्‍को लेया। होसे ब्‍यापारीकै योसेफकी काट जना धनी सरकारी कर्मचारीयो मीहुटाङ आर्‌लामका। योसेफै लहो मालिकौ सेम्‍हजा हेरचाह जाटा र परमेसोरै होसकी आसिस याहा।

![](https://cdn.door43.org/obs/jpg/360px/obs-en-08-05.jpg)

योसेफौ मालिकौ मास्‍टोये योसेफकाटा मीस्‍की मीमन जाटा तर परमेसोरो बिरुढ इजाट्‍न पाप जाट्‍की होचे इन्‍कार जाटा। इचै जाट्‍न होसे मीरीस ख्‍योहा र योसेफौ बिरुढाङ झुटो आरोप लैडिया, होसकारन योसेफकी घोवा र झ्‍यालखानाङ का। झ्‍यालखानाङ लेनाङ र योसेफकी परमेसोराङ भरोसा डा र परमेसोरै योसेफकी आसिस याहा।

![](https://cdn.door43.org/obs/jpg/360px/obs-en-08-06.jpg)

नीस बर्‌स पछि, निर्दोस लेनाङ र योसेफकी अझै झ्‍यालखानाङ न लेया। कायाक नाबिक मीस्रीकुङ राजा फारोये नीस सपना डाङा र होचे होसकी साह्रै सटडीया। होसे राजौ कुसेर सल्‍लाकारकै र होसे सपनौ रहस्‍य डेकी माह्‍योका।

![](https://cdn.door43.org/obs/jpg/360px/obs-en-08-07.jpg)

परमेसोरै योसेफकी सपनौ अर्‌थ डेकी ह्‍योक्‍च वरडान यामन्‍या, होटबाटै फारोये योसेफकी झ्‍यालखानालकीङ आर्‌घाकी लैडाया। योसेफै फारो राजौ सपनौ अर्‌थ डेम याहा र डेया, “परमेसोरै अबओ सात बर्‌स सम्‍म प्रसस्‍त जाट्‍न अन्‍नको याल्‍हे र होसन्‍हुइङ सात वर्‌स अनिकाल पर्‌ले।”

![](https://cdn.door43.org/obs/jpg/360px/obs-en-08-08.jpg)

योसेफखाटा फारौ साफ्‍फी मार्‌हाङा कि योसेफकी सारा मीस्र देसभरीयुङ दोस्रो शक्‍तिशाली भर्‌मी नियुक्‍ति जाटा।

![](https://cdn.door43.org/obs/jpg/360px/obs-en-08-09.jpg)

योसेफै भर्‌मीकोलाक प्रसस्‍त फसलौ सात बर्‌स अन्‍न थपारीकी लैडीया। अनि सात बर्‌स अनिकालौ समयाङ योसेफै होसे अन्‍नको आर्‌ला ताकी भर्‌मीकुङ लागी चहडीस्‍च जति ज्‍याच कुरा ओल्‍ख्‍यो।

![](https://cdn.door43.org/obs/jpg/360px/obs-en-08-10.jpg)

अनिकाल मिस्र देसाङ मात्र होइन कनान देशाङ र पर्‍या होला याकुब र मेन घरानाको ङुमन्‍या।

![](https://cdn.door43.org/obs/jpg/360px/obs-en-08-11.jpg)

होटबाटै याकुबै लहो जेठा मीजाकोलाक मिस्राङ ज्‍याच कुरा लाकी बिर्‍न्‍हाका। दाजेको ज्‍याच कुरा लोकी मिश्र देशाङ नुङ्‍नाङ योसेफकी माचिन्‍डीया, तर योसेफै होखुरीककी चिन्‍डीया।

![](https://cdn.door43.org/obs/jpg/360px/obs-en-08-12.jpg)

अनी लहो डाजेको परिवर्तन छान्‍ननेकी माछान्‍नने डेम जाँच जाट्‍च पछि योसेफै होखुरीककी डेया, “ङा नाखुरीकुङ भाइ योसेफ हो, माबिर्‍हीनी। नाखुरीकै ङाकी दासौ रुपाङ आर्‌लार दुष्‍ट काम जाट्‍की पा, तर परमेसोरै दुष्‍टतालकीङ असल कसमौ लागी क्‍योटा। रान्‍ही र मिश्र देशाङ ङुनी ताकी नाखुरीक र नाखुरीकुङ घरानाकी जुटडीकी ह्‍योकीङ।”

![](https://cdn.door43.org/obs/jpg/360px/obs-en-08-13.jpg)

योसेफौ डाजेको इमाङ ल्‍हेसा अझै जिउदै लेच कबर लहो बोइकी सेटाका, अनि आसको साफ्‍फि खुसि छाना।

![](https://cdn.door43.org/obs/jpg/360px/obs-en-08-14.jpg)

याकुब बुढा छान्‍नाङ र लहो सारा घरानाकी लार मिश्र देसाङ नुङा र होला न ङुकी थाला। सिकी डेनाङ अघि पट्‍ट न मीजाकोलाक आसिस याहा।

![](https://cdn.door43.org/obs/jpg/360px/obs-en-08-15.jpg)

परमेसोरै अब्राहामकी प्रतिग्‍या जाट्‍च करार अब्राहामलकीङ इसहाक लेठाङ सरीसा, अनि याकुबलेठाङ, अनि याकुबौ बाह्र जना मीजाको र होखुरीकुङ घरानाङ। होसे बाह्र जना लेन्‍जा मीजाकुङ सन्‍तानको लकीङ न इस्राएलुङ बाह्र कुलको छाना।

*बाइबलको कथा : उत्पत्ति ३७-५० बाट*

## 9. ९. परमेसोरै मोशाकी आर्‌घाच

https://openbiblestories.org/l/mgp/story-9/

![](https://cdn.door43.org/obs/jpg/360px/obs-en-09-01.jpg)

योसेफ सेरखीङ, होच्‍यो पट्‍ट न लहो भर्‌मीको मिश्र देशाङ न ङुकी थाला। होखुरीकुङ सन्‍तानको र वास्‍टै वर्‌षसम्‍म निरन्‍तर रुपाङ होला बसोबास जाट्‍की डाला। र होखुरीकुङ वास्‍टै सन्‍तानको लेया। होखुरीककी ‘इस्राएली’ डेमन्‍या।

![](https://cdn.door43.org/obs/jpg/360px/obs-en-09-02.jpg)

सयौ बर्‌स पछी इस्राएलीकुङ सङ्‍ख्‍या वास्‍टै बट्‍डीस्‍चै नुङ्‍ङन्‍या। मिश्रीकै योसेफ र होचे जाट्‍च होखुरीक मीटाक पट्‍टन असल कामको म्‍हाका। होखुरीक इस्राएलीको खाटा बिर्‍हिकी ठाला हिजैडेनाङ होखुरीकुङ सङ्‍ख्‍या वास्‍टै लेया। होटबाटै होसे समयाङ मिश्रदेशाङ राज्‍य जाट्‍च फारोये इस्राएलीकोलाक मिश्रीकुङ दास खासा।

![](https://cdn.door43.org/obs/jpg/360px/obs-en-09-03.jpg)

मिश्रीकै इस्राएलीकोलाक वास्‍टै भवनको र पुरै सहर समेत खास्‍की लैडीया। कडा परिश्रमै होखुरीकुङ जीवनकी कठिन खासा, तर परमेसोरै होखुरीककी आसिस याहा, र होखुरीकुङ सन्‍तानको अझै बट्‍डीस्‍चै नुङा।

![](https://cdn.door43.org/obs/jpg/360px/obs-en-09-04.jpg)

इस्राएलीकै वास्‍टै बालखको डीन्‍छ फारोये डाङा, होटबाटै होचे लहो भर्‌मीकोलाक पट्‍ट न इस्राएलीकुङ चाम चाम डीन्‍छ लेन्‍जा मीजाकोलाक नील नदियाङ लोहार साट्‍की आदेश याहा।

![](https://cdn.door43.org/obs/jpg/360px/obs-en-09-05.jpg)

काट इस्राएली मास्‍टोये काट लेन्‍जा मीजा डीन्‍हा। होचे र मेन लेन्‍जै ह्‍योक्‍ठर सम्‍म होसे बालखकी आर्‌च्‍युकार डा।

![](https://cdn.door43.org/obs/jpg/360px/obs-en-09-06.jpg)

जब होसे बालखौ मोइ- बोये होसकी अरु वास्‍टै समय आर्‌च्‍युकार डाकी माह्‍योका, होसकी सीकी लकीङ जोगडीकी काट कोक्रो खासार बालखकी होसे भित्र डार नील नदियो चेवाङ नर्कटौ झाडीयो मीघ्‍याङ डाम याहा। बालखौ डैये होसकी ही छान्‍ले डेम ङोस्‍न ङुवा।

![](https://cdn.door43.org/obs/jpg/360px/obs-en-09-07.jpg)

फारोओ मीजै होसे कोक्रोकी डाङा अनी होसे भिट्‍री ही लेसा डेम खोल्‍हार ङोसा। जब होचे बालखकी डाङा, होचे होसकी लहो मीजौ रुपाङ डा। होचे काट इस्राएली मास्‍टोकी होसे बालखौ हेरचाह जाट्‍की ज्‍याला याहार डा तर होसे मास्‍टो बालखौ न लहो न मोइ लेया डेच कुरा होसकी थाहा मालेया। जब होसे बालख अब दुध गाकी मापर्‌च जति बाड्‍को छाना, होसे मास्‍टोये होसकी फारौ मीजा लेठाङ याम्‍हका होचे होच्‍यौ म्‍यार्‌मीन मोशा डा।

![](https://cdn.door43.org/obs/jpg/360px/obs-en-09-08.jpg)

कायाक, जब मोशा बाड्‍को छाना, काट मिश्रिये काट इस्राएली दासकी डुङ्‍च डामा। मोशै लहो इस्राएली भर्‌मीकी बचडीकी पा।

![](https://cdn.door43.org/obs/jpg/360px/obs-en-09-09.jpg)

जब मोशै लहाकी माडाङ्‍ले डेच आर्‍मीटार होसे मिश्रिकी साटार होसकी थाक्‍ङयाहा। तर मोशै होसे मिश्रीकी साटार जाट्‍च डाङ्‍ङन्‍या।

![](https://cdn.door43.org/obs/jpg/360px/obs-en-09-10.jpg)

जब फारोये मोशै जाट्‍च हट्‍यौ बारेयाङ थाहा डुपा, होचे मोशाकी साट्‍की पा। होटबाटै फारौ सैनिककोलकीङ जीवाकी डेम मोशा मिश्रदेशलकीङ भोक्‍डीसार उजाड ठाउँपटिक ल्‍हेसा।

![](https://cdn.door43.org/obs/jpg/360px/obs-en-09-11.jpg)

मिश्रदेशलकीङ लोस होसे उजाड ठावाङ मोशा काट गोटला ल्‍हेसा। होचे होसे ठाउँङ काट जना मास्‍टोखाटा ब्‍याहा जाटा र होच्‍यो नीस लेन्‍जा मीजाको छाना।

![](https://cdn.door43.org/obs/jpg/360px/obs-en-09-12.jpg)

कायाक जब मोशा लहो भेडाको हेरचाह जाट्‍न ङुमन्‍या, होचे काट पोथ्रा डाङा होला चहीँ ‍म्‍हे धाम ङुम्‍न्‍या। तर होसे पोथ्रा सिकार भस्‍म माछाना। होसे पोथ्राकी अझ सेम्‍हजा ङोस्‍की होच्‍यो खेरेप नुङा। जब होसे डाम्‍ह ढुच पोथ्रौ खेरेप टाहा, परमेसोरै डेया, “मोशा, नुओ जुआको डोनो। हिजै डेनाङ नाङ पवित्र भुमीयाङ टोङ्‍हने।”

![](https://cdn.door43.org/obs/jpg/360px/obs-en-09-13.jpg)

परमेसोरै डेया, “ङै ङौ भर्‌मीकोलाक कस्‍टकी डाङ्‍ङने। ङा नाङ्‍की फारो लेठाङ बिर्‍न्‍हकाले ता कि इस्राएलीकोलाक मीश्रदेसुङ दासत्‍वलकीङ चुट्‍डीयार राक्‍ले। ङा होखुरीककी कनानुङ दे याल्‍हे, होसे देश मै अब्राहाम, इसहाक र याकुबखाटा प्रतिग्‍या जाट्‍नन्‍या।

![](https://cdn.door43.org/obs/jpg/360px/obs-en-09-14.jpg)

मोशै गीना, “भर्‌मीकै ङाकी सुयर बिर्‍न्‍हकाच डेयार गीना डेनाङ, ङा ही डेकी?” परमेसोरै डेया, “ङा सु हो, होसे न हो। होखुरीकी इट डेमयाखी, मा हो डेचये ङाकी बिर्‌न्‍हकाच हो। होखुरीकी इसे र डेमयाखी, ‘ङा याहोवे हो, नाकुरीकुङ पितापुर्‌खा अब्राहाम, इसहाक, र याकुबौ परमेसोर’ ङौ म्‍यार्‌मीन सदा-सर्वदौ लागी इसे न हो।”

![](https://cdn.door43.org/obs/jpg/360px/obs-en-09-15.jpg)

मोशा बिर्‍हीया र फारोलेठाङ नुङ्‍की मामन्‍डीमन्‍या हिजेडेनाङ लाहा ठिकखाटा ङाक्‍की माय्‍होक्‍च होचे आर्‌मीटा, होटबाटै परमेसोरै मोशौ भाइ हारुनकी होसेखाटा सहायतौ लागी बिर्‌न्‍हका। फारौ हठी छान्‍ले डेच कुरा परमेसोरै मोशा र हारुनकी सचेत जाटा।

*बाइबलको कथा : प्रस्थान १-४ बाट*

## 10. १०. दस बिपत्तिराउ

https://openbiblestories.org/l/mgp/story-10/

![](https://cdn.door43.org/obs/jpg/360px/obs-en-10-01.jpg)

मोशा र हारुन फारो लेठाङ नुङा । होखुरीके डेया, “इस्राएलुङ परमेसोर इट डेले, ‘ङौ भर्‌मीकोलाक नुङ्‍की योहो।

![](https://cdn.door43.org/obs/jpg/360px/obs-en-10-02.jpg)

फारोये इस्राएलीकोलाक डास्‍न याखी इन्‍कार जाट्‍न नङुवा, होटबाटै परमेसोरै मिश्रदेशाङ दशवटा विपत्तिको याम्‍हका। परमेसोरै इसे बिपतिको लकीङ फारोकी होसके फारौ त पट्‍टन मिश्री देवको डेनाङ शक्‍तिशालि ले डेम टान्‍हाका।

![](https://cdn.door43.org/obs/jpg/360px/obs-en-10-03.jpg)

परमेसोरै नील नदीकी हीउवाङ परिवर्तन जाट्‍न याहा, तर फारे अझै र इस्राएलीकोलाक नुङ्‍की मायाहा।

![](https://cdn.door43.org/obs/jpg/360px/obs-en-10-04.jpg)

परमेसोरै पट्‍ट न मिश्रदेश भरी न रोकोट्‍याक बिर्‌न्‍हका। फारोये मोशाकी रोकोट्‍याककोलाक हटडीमयान्‍ही डेयार बिन्‍टी जाटा। तर पट्‍ट न रोकोट्‍याकको सिच पछि फारोये लहो रिदय फेरी कठोर खासा र इस्राएलीकोलाक नुङ्‍की माय्‍हा।

![](https://cdn.door43.org/obs/jpg/360px/obs-en-10-05.jpg)

होटबाटै परमेसोरै भुसुनाकुङ महामारी बिर्‌न्‍हका। अनि होसकै झिङ्‍गौ हुलै हुल बिर्‌न्‍हका। फारोये मोशा र हारुनकी आर्‌घार इडीक होखुरीकै होसे माहामारीकी रोकडीया डेनाङ इस्राएलीकोलाक नुङ्‍की याल्‍हे डेयार डेया। जब मोशै प्रार्थना जाटा, परमेसोरै पट्‍ट न झिङ्‍गाको मिश्रलकीङ हटडीम याहा। तर फारोये फेरी लहो रिदय कठोर खासा र इस्राएलीकोलाक नुङ्‍की माह्‍या।

![](https://cdn.door43.org/obs/jpg/360px/obs-en-10-06.jpg)

होटै परमेसोरै मिश्रिकोलाक पट्‍ट न बस्‍टुभाउकुङ माहामारी राका र होखुरीक पट्‍ट न सीया। तर फारोओ रिदय कठोर छाना र होचे इस्राएलीकोलाक नुङ्‍की माह्‍या।

![](https://cdn.door43.org/obs/jpg/360px/obs-en-10-07.jpg)

अनी परमेसोरै मोशाकी फारोओ अगाडी नाम्‍सुवाङ बाडाप लोखी लैडीया। जब होचे होट जाटा, मीश्रीकुङ शरिराङ कस्‍टकर खटिराको राहा तर इस्राएलीकोलाक हिर माछाना। परमेसोरै फारोओ रिदय कठोर खास्‍न याहा र फारोये इस्राएलीकोलाक नुङ्‍की माह्‍या।

![](https://cdn.door43.org/obs/jpg/360px/obs-en-10-08.jpg)

इट छान्‍न भ्‍यारखिङ परमेसोरै झिरल्‍हुङ झालाका अनि मिश्रदेशुङ अन्‍नबाली नस्‍ट छाना र बाहिर ख्‍योछ को र सिया। फारोये मोशा र हारुनकी आर्‍घा र डेया, “ङै पाप जाट्‍नने। नाखुरीक इटै नुङ्‍की ह्‍योक्‍ले।” अनी मोशै प्रार्थना जाटा र सर्‌घालकीङ झीर्‌ल्‍हुङ झाल्‍की बन्‍द छाना।

![](https://cdn.door43.org/obs/jpg/360px/obs-en-10-09.jpg)

तर फारोये फेरी पाप जाटा लहो रिदय कठोर कासा। होचे इस्राएलीकोलाक सोतन्‍त्र छान्‍की माह्‍या।

![](https://cdn.door43.org/obs/jpg/360px/obs-en-10-10.jpg)

होटबाटै परमेसोरै सलहकुङ हुलकी मिश्र देशाङ बिर्‌न्‍हका। इसे सलहकै झिरल्‍हुङ लकीङ जोगडीस्‍च बाली ज्‍याम याहा।

![](https://cdn.door43.org/obs/jpg/360px/obs-en-10-11.jpg)

अनि परमेसोरै छुम्‍छकी बिर्‌न्‍हका होसे सोम याक सम्‍म ङुवा। होसे अति न छुम्‍छ लेया कि मिश्रिको लहो इम डासार बाहिर ख्‍योखी न माह्‍योका। तर इस्राएलीको ङुच ठाउँ चहीँ ट्‍याङछ लेया।

![](https://cdn.door43.org/obs/jpg/360px/obs-en-10-12.jpg)

इसे नौ वटा बिपतिको छान्‍नाङ र फारोये अझै र इस्राएलीकोलाक मिश्रदेशलकीङ नुङ्‍की माह्‍या। फारोये परमेसोरौ कुरा मासेच कारन अब होसकै काट अन्‍तिम बिपति राक्‍च योजना जाटा। एसे बिपतिये चहीँ फारोओ मन परिवर्तन जाटा।

*बाइबलको कथाः प्रस्थान ५-१० बाट*

## 11. ११. निस्तार चाड

https://openbiblestories.org/l/mgp/story-11/

![](https://cdn.door43.org/obs/jpg/360px/obs-en-11-01.jpg)

परमेसोरै फारोकी इडीक अझै र आसकै इस्राएलीकोलाक मिश्रदेसलकीङ नुङ्‍की माह्‍याछ खण्‍डाङ भर्‌मी र पसुओ जेठा लेन्‍जा मीजाकी साट्‍न याछ चेटावनी याहा। जब फारोये इसे सेया, अझै र परमेसोरकी बिस्‍वास जाट्‍की र होसकुङ आग्‍या मन्‍डीकी आसकै इन्‍कार जाटा।

![](https://cdn.door43.org/obs/jpg/360px/obs-en-11-02.jpg)

परमेसोरै होसको लेठाङ बीस्‍वास जाट्‍चकुङ लागी लहो जेठा मीजाकी जीवाक्‍की ह्‍योक्‍च काट लाम याहा। हरेक परिवारै काट खोट मालेच थुमाकी भाकार होसकी साट्‍की पर्‌च लेया।

![](https://cdn.door43.org/obs/jpg/360px/obs-en-11-03.jpg)

परमेसोरै इस्राएलीकोलाक होसे थुमौ हीउ होखुरीकुङ इमौ मुल गालामाङ काकी, अनी होच्‍यो स्‍या जोवार खमिर माकाच रोटी खाटा ज्‍याकी पा। अनी फेरी होसे ज्‍यामभ्‍याच पछि होखुरीककी मिश्रदेश डास्‍की तयार छान्‍की र होसकै डेया।

![](https://cdn.door43.org/obs/jpg/360px/obs-en-11-04.jpg)

इस्राएलीकै परमेसोरै डेच लेखा न जाटा। मध्‍यराटाङ परमेसोर मिश्र छान्‍चै नुङा र पहिले जन्‍मडीस्‍च लेन्‍जा मीजा पट्‍टकी साटा।

![](https://cdn.door43.org/obs/jpg/360px/obs-en-11-05.jpg)

पट्‍ट इस्राएलीकुङ इमौ गालामाङ हीउ लाम्‍हन्‍या, होटबाटै परमेसोरै होसे इमकोलाक डासार नुङा। होसे भीट्‍री लेच पट्‍ट न सुरक्षित लेया। थुमौ हीऔ कारण होखुरीक जीवा।

![](https://cdn.door43.org/obs/jpg/360px/obs-en-11-06.jpg)

टर मिश्रीकै परमेसोरमीटाक बीस्‍वास माजाटा होसकुङ आग्‍या न मन्‍डीया। होटबाटै परमेसोरै होखुरीकुङ इम माडासा। परमेसोरै मिश्रीकुङ पहिला जन्‍मडीस्‍च लेन्‍जा मीजाको पट्‍टकी साटा।

![](https://cdn.door43.org/obs/jpg/360px/obs-en-11-07.jpg)

सारा मिश्रिकुङ जेठा मीजाको सीया, कैदिकुङ जेठा मीजालकीङ फारोओ जेठा मीजासम्‍म पट्‍ट न सीया। मिश्रदेसाङ वास्‍टै भर्‌मीको वेडनौ कारन रापा र च्‍याका।

![](https://cdn.door43.org/obs/jpg/360px/obs-en-11-08.jpg)

होसे न नाबिक फारोये मोसा र हारुनकी आर्‌घा र डेया, “इस्राएलीकोलाक राको, अनी तुरुन्‍तै मिश्रदेश डासार नुङ्‍नी।

*बाइबलको कथाः प्रस्थान ११:१-१२:३२ बाट*

## 12. १२. प्रस्‍ठान

https://openbiblestories.org/l/mgp/story-12/

![](https://cdn.door43.org/obs/jpg/360px/obs-en-12-01.jpg)

इस्राएलीको मिश्रदेश डासार नुङ्‍की डुप्‍नाङ साफ्‍फी मार्‍हाङा। होखुरीक अब दास छान्‍की लकीङ छुटकरा डुपा र होखुरीक प्रतिग्‍या जाट्‍च देसाङ नुङ्‍ङ न लेया।

![](https://cdn.door43.org/obs/jpg/360px/obs-en-12-02.jpg)

परमेसोरै नाम्‍सीन डेबुओ घाङ्‍च खाबालकीङ होखुरीककी डोरीया, होसे होखुरीकुङ अघी-अघी नुङ्‍न्‍या, ग्‍याहोट नाबीक म्‍हेओ खाबा छान्‍नन्‍या। परमेसोर सधै होखुरीकखाटा लेया अनी ह्‍वानाङ होखुरीककी लाम टान्‍हाक्‍न्‍या। इस्राएलीकै जाट्‍की पर्‌च काट मट्‍टै काम होसकोकी डुट्‍की लेया।

![](https://cdn.door43.org/obs/jpg/360px/obs-en-12-03.jpg)

होच्‍यो हीर समय न्‍हुइङ, फारो र होच्‍यो भर्‌मीकैलहो बिचार परिवर्तन जाटा र इस्राएलीकोलाक फेरी लहो दासको खास्‍की मीमन जाटा। परेसोरै फारोकी हठी खासा ताकी भर्‌मीकै होसको न काट सट्‍य परमेसोर हो डेम डाङ्‍ख्‍यो र इसे वार्‌ख्‍यो की होसको अर्‌थात याहोवे, फारो र होसकुङ देवको डेनाङ वास्‍टै शक्‍तिशालि ले।

![](https://cdn.door43.org/obs/jpg/360px/obs-en-12-04.jpg)

होटबाटै फारो र होच्‍यो फौजकै इस्राएलीकै फेरी लहो दास खास्‍कीयो लागी खेडीचै राहा। जब इस्राएलीकै मिश्री फौज राछ डाङा, होखुरीकै लाहाकी न फारोओ सेनाको र लाल समुद्रओ मीघ्‍याङ फसडीस्‍च थाहा डुपा। होखुरीक साफ्‍फी बिर्‍हीया र इट डेचै च्‍याका, “कानै हीजै मिश्रदेश डासा? अब कान सीले

![](https://cdn.door43.org/obs/jpg/360px/obs-en-12-05.jpg)

मोशै इस्राएलीकोलाक डेया, “माबीर्‍हीयो

![](https://cdn.door43.org/obs/jpg/360px/obs-en-12-06.jpg)

अनी परमेसोरै डेबुओ खाबाकी इस्राएली र मिश्रीकुङ मीघ्‍याङ डामयाहा ताकी मीश्रीकै इस्राएलीकोलाक डाङ्‍की माह्‍योख्‌यो।

![](https://cdn.door43.org/obs/jpg/360px/obs-en-12-07.jpg)

परमेसोरै मोशाकी मेन मीहुट समुन्‍द्र पटिक गाराङार डीकी नीस भाग खासा। अनी परमेसोरै डोर र डेब्रेपटिक शक्‍तिशाली नाम्‍सु क्‍योटार समुद्रओ मीघीङ काट लाम खास्‍न याहा।

![](https://cdn.door43.org/obs/jpg/360px/obs-en-12-08.jpg)

इस्राएलीको सुख्‍खा भुमीमीटाक डीयो पर्खालौ मीघीङ लाम कार ह्‍वा।

![](https://cdn.door43.org/obs/jpg/360px/obs-en-12-09.jpg)

अनी परमेसोरै होसे डेबुकी लामलकीङ हटडीया हीजैडेनाङ मिश्रीकै इस्राएलीको भोग्‍डीस्‍चै जाट्‍च डाङ्‍ख्‍यो। मीश्रीकै होखुरीक न्‍हुङ न्‍हुङ ह्‍वाच नीर्नय जाटा।

![](https://cdn.door43.org/obs/jpg/360px/obs-en-12-10.jpg)

होटबाटै होखुरीक समुद्रओ लाम छानार इस्राएलीकुङ न्‍हुङ न्‍हुङ लक्‍डीसा, तर परमेसोरै मिश्रीकोलाक अटालीमयाहा र होखुरीकुङ घोडा काल्‍छकोलाक अड्‍कडीम याहा। होखुरीकै च्‍याकार डेया, “भोग्‍डीसो

![](https://cdn.door43.org/obs/jpg/360px/obs-en-12-11.jpg)

पट्‍ट इस्राएलीको सकुसल समुनद्रओ पार्‌च छेउवाङ टार्‍हखीङ, परमेसोरै फेरी मोशाकी लहो मीहुट पसारीकी डेया। जब होचे होट जाटा, फेरी समुद्र जस्‍ता को तस्‍टै छाना। पट्‍ट न मिश्री फौजको डाहा।

![](https://cdn.door43.org/obs/jpg/360px/obs-en-12-12.jpg)

जब इस्राएलीकै पट्‍ट न मिश्रीको सीच डाङा, होखुरीक परमेसोराङ भर पर्‍या र मोशा काट अगमबक्‍ता लेया डेम बीस्‍वास जाटा।

![](https://cdn.door43.org/obs/jpg/360px/obs-en-12-13.jpg)

इस्राएलीकै वास्‍टै उट्‍साहौ साथ आनन्‍द मन्‍डीया हिजैडेनाङ परमेसोरै होखुरीककी सिकी लकीङ र दासत्‍वलकीङ जीवाका।

![](https://cdn.door43.org/obs/jpg/360px/obs-en-12-14.jpg)

इस्राएलीकोलाक परमेसोरै मिश्रीकुङ बिरुढाङ बिजय याहा र होखुरीककी दासत्‍वलकीङ जीवाक्‍च सम्‍झनौ लागी हरेक बर्‌स निस्‍तार चाड मन्‍डीकी डेया। होखुरीक होसे चाड काट निस्‍खोट थुमा साटार खमिर माकाच रोटीखाटा ज्‍यार मन्‍डीया।

*बाइबलको कथाः प्रस्थान १२:३३-१५:२१ बाट*

## 13. १३. इस्राएलखाटा परमेसोरौ करार

https://openbiblestories.org/l/mgp/story-13/

![](https://cdn.door43.org/obs/jpg/360px/obs-en-13-01.jpg)

इस्राएलीको ग्‍याच समुन्‍द्र पार जाट्‍च पछि परमेसोरै होखुरीककी उजाड ठाउलकीङ छान्‍चै सिनै पर्वताङ आल्‍हा। इसे होसे न पर्वत लेया होला चही मोशै धाम ङुच पोथ्रा डाङ्‍न्‍या। भर्‌मीकै लहो पालको पर्वतौ म्‍हाका पटीक न टङ्‍गडीया।

![](https://cdn.door43.org/obs/jpg/360px/obs-en-13-02.jpg)

परमेसोरै मोशा र इस्राएलुङ भर्‌मीकोलाक डेया, “इडीक नाखुरीकै ङौ आग्‍या मन्‍डीया र ङौ करार पालना जाटा डेनाङ, नाखुरीक ङौ सम्‍पति, पुजाहारीकुङ काट राज्‍य र काट पवित्र जाति छान्‍ले।”

![](https://cdn.door43.org/obs/jpg/360px/obs-en-13-03.jpg)

सोमयाक पछि, भर्‌मीकै लाहाकी आत्‍मिक रुपाङ तयार छान्‍च पछि, परमेसोर गर्जन, चट्‍याङ, धुवा र चर्को बिगुलौ सोर खाटा सिनै पर्वतौ टाकुराङ झाल्‍न राहा। होसे पर्वताङ काल्‍खी मोशाकी मट्‍टै अनुमटी लेया।

![](https://cdn.door43.org/obs/jpg/360px/obs-en-13-04.jpg)

अनी परमेसोरै होखुरीककी होसे करार याहा र डेया, ङा “याहोवे हो, नाखुरीकुङ परमेसोर, जुनै नाखुरीककी मिश्रदेशलकीङ दासत्‍वलकीङ जीवाका। नाखुरीकै अरु कुसेर देवताकोलाक पुजा माजाट्‍की

![](https://cdn.door43.org/obs/jpg/360px/obs-en-13-05.jpg)

“कुसेर किसिमुङ मुर्तिको माखास्‍की वा होखुरीककी पुजा माजाट्‍की, हिजैडेनाङ ङा, याहोवे, डाही परमेसोर हो। ङौ म्‍यार्‌मीन ब्‍यार्थाङ मालाकी। म्‍हुङबाट्‍च याक पवित्र डाकी माम्‍याक्‍की। होसे चहीँ, पट्‍ट न कामको छ याकाङ जाट्‍की, तर सातौ दिन चहीँ नाखुरीकुङ लागी म्‍हुङबाट्‍च र ङाकी आर्‌मीट्‍च डीन हो।”

![](https://cdn.door43.org/obs/jpg/360px/obs-en-13-06.jpg)

“लहो मोइ बोइकी आदर जाट्‍की। हत्‍या माजाट्‍की। ब्‍याभिचार माजाट्‍की। माखुस्‍की। झुट माङाक्‍की। लहो छिमेकीकुङ मास्‍टो, होच्‍यो इम अथवा होसकुङ हीर कुराकुङ लोभ माजाट्‍की।”

![](https://cdn.door43.org/obs/jpg/360px/obs-en-13-07.jpg)

अनी परमेसोरै इसे दश आग्‍याको नीस ल्‍हुङौ पाटीयाङ रीका र होसे मोशाकी याहा। परमेसोरै अरु वास्‍टै ब्‍यावस्‍था र कानुनको पालन जाट्‍की याहा। इडीक होखुरीकै इसे आग्‍याको भङ्‍ग जाटा डेनाङ होखुरीकी परमेसोरै दन्‍ड याल्‍हे।

![](https://cdn.door43.org/obs/jpg/360px/obs-en-13-08.jpg)

परमेसोरै इस्राएलीकोलाक लहे चहडीस्‍च लेखा न पाल खास्‍की डेम पट्‍ट न नमुना र याहा। होसकी भेट जाट्‍च पाल डेमन्‍या र इला नीस वाटा कोठा लेया, इसे काट बाड्‍को पर्दै भाक्‍ङन्‍या। प्रधान पुजाहारी मट्‍टै होसे पर्दा पछाडीयो कोठाङ नुङ्‍की डुप्‍मन्‍या हिजैडेनाङ परमेसोर होला लेया।

![](https://cdn.door43.org/obs/jpg/360px/obs-en-13-09.jpg)

सुयेर परमेसोरौ आग्‍या भङ्‍ग जाटा डेनाङ होचे काट पशु भेट छान्‍च पालौ अगाडी लेच बेदियाङ परमेसोरकी बलियो रुपाङ बली याम्‍हन्‍या। काट पुजाहारीये होसे पशुकी साटा र बेदियाङ डार सिकाक्‍न्‍या। बलि याछ पशुओ हीवै होसे भर्‌मीयो पाप हुप्‍च लेया र परमेसोरौ नजराङ होसे भर्‌मी सुड्‍ढ छान्‍नन्‍या। परमेसोरै मोशौ भाइहारुन र होच्‍यो सन्‍तानकोलाक लहो पुजाहारी छान्‍की भाका।

![](https://cdn.door43.org/obs/jpg/360px/obs-en-13-10.jpg)

पट्‍ट भर्‌मीकोलाक परमेसोरै याछ आग्‍या केवल काट न परमेसोरकी पुजा जाट्‍की र होसकुङ बिशेस भर्‌मीको छान्‍की डेम मन्‍डिकी राजी छाना। तर होखुरीकै वाचा जाट्‍च हीर समय पछी न, होखुरीकै बिर्‍हीम सेच पाप जाटा।

![](https://cdn.door43.org/obs/jpg/360px/obs-en-13-11.jpg)

वास्‍टै डीन सम्‍म, मोशा परमेसोरखाटा बात चित जाट्‍कीयो लागी सिनै पर्वतुङ टाकुराङ नुङा। भर्‌मीको होसे आसको ल्‍हेस्‍ले डेम लेन्‍नाङ लेन्‍नाङ म्‍हुङा। होटबाटै होखुरीकै हारुनलेठाङ सुनको राका र होखुरीकुङ लागी काट मुर्ति खास्‍की लैडीया

![](https://cdn.door43.org/obs/jpg/360px/obs-en-13-12.jpg)

हारुनै बाछौ आकाराङ सुनौ काट मुर्ति खासा। भर्‌मीकै होसे मुर्तिकी पुजा जाट्‍की र बलि याखी थाला

![](https://cdn.door43.org/obs/jpg/360px/obs-en-13-13.jpg)

मोशा म्‍हाका रारखीङ जब आसकै होसे मुर्‌तिकी डाङा अनिआसको साफ्‍फी मिरिस खेह्‍वा कि परमेसोरै आसकोकी याछ दश आग्‍यौ पाटिको लोहार भासाका।

![](https://cdn.door43.org/obs/jpg/360px/obs-en-13-14.jpg)

अनी मोशै होसे मुर्तिकी डुङार धुलो पार्‍या, होसे धुलोकी डीयाम का र भर्‌मीकोलाक र होसे गाकी लैडीया।परमेसोरै भर्‌मीको लेठाङ महामारी बिर्‍न्‍हका र होखुरीक मध्‍याङ वास्‍टै जना सीया।

![](https://cdn.door43.org/obs/jpg/360px/obs-en-13-15.jpg)

मोशा फेरी पर्वताङ नुङा र होसे भर्‌मीकोलाक परमेसोरै क्षमा जाट्‍न याख्‍यो डेम पार्थना जाटा। परमेसोरै मोशौ बिनट्‍ सेया र होखुरीककी क्षमा याहा। लहे भासाक्‍च पहिलेयुङ दश आग्‍यौ पाटीकोलाक मोशै फेरी ल्‍हुङौ नयाँ पाटियाङ रीकार फेरी खासा। अनी परमेसोरै इस्राएलीकोलाक सिनै पर्वतलकीङ प्रतिग्‍या जाट्‍च देशपटिक आल्‍हा।

*बाइबलको कथाः प्रस्थान १९-३४ बाट*

## 14. १४. उजाड स्‍थानाङ भौतारीस्‍चै

https://openbiblestories.org/l/mgp/story-14/

![](https://cdn.door43.org/obs/jpg/360px/obs-en-14-01.jpg)

सिनै पर्वताङ लहो करार याम्‍ह भ्‍याच पछि परमेसोरै इस्राएलीकोलाक प्रतिग्‍यौ देश पटिक डोरीकी थाला, होसकी कनानौ देश र डेले। डेबुओ खाबै होखुरीककी अघी-अघी कनान पटिक डोरीचै आल्‍हा र इस्राएलीकै होसकी डुटा।

![](https://cdn.door43.org/obs/jpg/360px/obs-en-14-02.jpg)

परमेसोरै अब्राहाम, इसहाक र याकुबखाटा होसे देश होखुरीकुङ सन्‍तानकी याल्‍हे डेम प्रतिग्‍या जाट्‍नन्‍या, तर होसे समयाङ होला वास्‍टै समुदायुङ भर्‌मीको ङुमन्‍या। होखुरीककी कनानीको डेमन्‍या। कनानीकै परमेसोरकी पुजा माजाट्‍नन्‍या र होसकुङ आग्‍या र मामन्‍डीमन्‍या। होखुरीकै झुटो देवकोलाक पुजा जाट्‍नन्‍या र वास्‍टै अधर्‌मी कामको जाट्‍नन्‍या।

![](https://cdn.door43.org/obs/jpg/360px/obs-en-14-03.jpg)

परमेसोरै इस्राएलीकोलाक डेया, “नाखुरीकै होला लेच पट्‍ट न कनानीकोलाक प्रतिग्‍यौ देशलकीङ हटडीकी र होखुरीकखाटा कुसेर कालुङ सम्‍झौता वा ब्‍याहा माजाट्‍की। होखुरीकुङ मुर्तिकोलाक पुरा रुपाङ ध्‍वस्‍ट पार्‌न याल्‍हे। इडीक नाखुरीकै ङौ आग्‍या पालन माजाट डेनाङ नाखुरीकै ङौ सट्‍टाङ होखुरीकुङ मुर्तिकोलाक पुजा जाट्‍ले।”

![](https://cdn.door43.org/obs/jpg/360px/obs-en-14-04.jpg)

जब इस्राएलीको कनानौ सीमानाङ टाराहा, मोशै इस्राएलीकुङ पट्‍ट न कुललकीङ काट काट जना जाटार बाह्र जना भर्‌ममीकोलाक भाका। होचे होसे भर्‌मीकोलाक होसे देशुङ खबर बुझडीस्‍की जासुसौ रुपाङ बिर्‍न्‍हका। कनानीको बलियो ले अथवा नीर्‌धा ले डेच बीसयाङ चीयो जाट्‍कीयो लागी र होखुरीककी बिर्‍न्‍हकामन्‍या।

![](https://cdn.door43.org/obs/jpg/360px/obs-en-14-05.jpg)

होसे बाह्र जना भर्‌मीको चालिसयाक सम्‍म कनानाङ न घुम्‍डीस्‍न ङुवा र होटै होखुरीक ल्‍हेसा। होखुरीकै भर्‌मीकोलाक डेया, “होलुङ झा च साफ्‍फी मलिलो र प्रसस्‍ट बाली छान्‍च खालुङ लेसा।

![](https://cdn.door43.org/obs/jpg/360px/obs-en-14-06.jpg)

तब तुरुन्‍टै अर्को जासुसको, कालेब र यहोसुये चहीँ डेया, “इसे सहि हो कि कनानुङ भर्‌मीको घाङ्‍च र बलियो ले, तर पक्‍का न कानै होखुरीककी परास्‍त जाट्‍की ह्‍योक्‍ले

![](https://cdn.door43.org/obs/jpg/360px/obs-en-14-07.jpg)

तर भर्‌मीकै कालेप र यहोसुओ कुरा मासेया। होखुरीक मोशा र हारुनखाटा मीरीस ख्‍योह्‍वा र डेया, “नाखुरीकै हिजै कानकी याङ्‍च बिर्‍हिम सेछ ठावाङ राक्‍च? लडाइयाङ सीकी र लहो मास्‍टो र बालखमीजाकोलाक दास खास्‍की डेनाङ च बरु कान मिश्रदेसाङ न ङुच लेनाङ छान्‍च लेया।” फेरी मिश्रदेशाङ ल्‍हेसाकार आल्‍खीयो लागी इस्राएलीकै काट जना नयाँ अगुवा ङेहा।

![](https://cdn.door43.org/obs/jpg/360px/obs-en-14-08.jpg)

इसे डाङार परमेसोर साफ्‍फी मिरिस ख्‍योहा र भेट छान्‍च पालाङ राहा। परमेसोरै डेया, “ङौ बिरुढाङ बिद्रोह जाट्‍च कारण नाखुरीक पट्‍टकी इसे उजाड ठावाङ भौतारीस्‍चै ह्‍वाकी पर्ले। कालेब र यहोसु बाहेक २० बर्‌स डेनाङ ढेनामुङ पट्‍ट न इला न सिले र प्रतिग्‍यौ मुलुक भिट्‍री पर्‌की माडुप्‍ले।”

![](https://cdn.door43.org/obs/jpg/360px/obs-en-14-09.jpg)

जब भर्‌मीकै इसे कुरा सेया, लहे पाप जाट्‍च बाटै होखुरीक साह्रै दुखी छाना। होखुरीकै लहो हतियार ला र कानानुङ भर्‌मीकोलाक आक्रमण जाट्‍की नुङा। मोशै होखुरीककी होला मानुङ्‍की चेतवनी याहा हिजैडेनाङ परमेसोर होखुरीकुङ साथाङ लेया, तर होखुरीकै होच्‍यो कुरा मासेया।

![](https://cdn.door43.org/obs/jpg/360px/obs-en-14-10.jpg)

होसे लडाइयाङ परमेसोरै इस्राएलीकोखाटा माना, होटबाटै होखुरीक हारीसा र वास्‍टै जना सीया। होटै इस्राएलीको कनानलकीङ ल्‍हेसा र चालिस बर्ससम्‍म उजाड ठावाङ भौतारिस्‍न ङुवा।

![](https://cdn.door43.org/obs/jpg/360px/obs-en-14-11.jpg)

चालिस बर्स सम्‍म उजाड ठावाङ भौतारीस्‍न ङुनाङ परमेसोरै न इस्राएलीकोलाक जुटडीम याहा। होखुरीककी सोर्‌गलकीङ रोटी याहा, होसे रोटीकी न “मन्‍न” डेले। होसकै होखुरीककी ङुच पालाङ ज्‍याचओ लागी स्‍या र छान्‍ख्‍यो डेच हेतुये बट्‍टाइयो हुल र बिर्‍हन्‍हका। होसे पट्‍ट न समयभरी परमेसोरै होखुरीकुङ बढिन र जुट्‍टा च्‍याहाखी मायाहा।

![](https://cdn.door43.org/obs/jpg/360px/obs-en-14-12.jpg)

परमेसोरै होखुरीककी चट्‍टानलकीङ डी याहा। इडीक लेनाङ लेनाम र, इस्राएलीकै परमसोर र मोसौ बिरुढाङ आरोप लैडीया र गनगन जाटा र पनि, अब्राहाम, इसहाक र याकुबखाटा लहे छ्‍याक्‍च प्रतिग्‍याङ परमेसोर बिस्‍वास योग्‍य ले।

![](https://cdn.door43.org/obs/jpg/360px/obs-en-14-13.jpg)

काट पटक, जब भर्‌मीकोखाटा गाकीयो लागीडी मालेया, परमेसोरै मोशाकी डेया, “चट्‍टानकी डेओ र होसे लकीङ डी राल्‍हे।” तर मोशै पट्‍टन भर्‌मीकुङ म्‍याहासाङ ङाक्‍कीयो सट्‍टाङ चट्‍टानाङ नीस खेप लठ्‍ठीये हीर्‌कडीयार परमेसोरकी अनादर जाटा। चट्‍टानलकीङ डी च राहा तर परमेसोर मोशाखाटा मीरीस ख्‍योहा र डेया, “नाङ प्रतिग्‍यौ मुलुक भिट्‍री पर्‌की माडुप्‍ले।”

![](https://cdn.door43.org/obs/jpg/360px/obs-en-14-14.jpg)

उजाड ठावाङ भौतारिस्‍च चालिस बर्‌सपछि, परमेसोरौ बिरुढाङ बिद्रोह जाट्‍च पट्‍ट न इस्राएलीको सिमभ्‍या। होटै परमेसोरै फेरी भर्‌मीकोलाक प्रतिग्‍या जाट्‍च मुलुकौ छेवाङ लक्‍डीसा। मोशा अब बुढा छान्‍न भ्‍या, होटबाटै परमेसोरै यहोसुकी होसे भर्‌मीकोलाक नेतृत्‍व जाट्‍की भाका। परमेसोरै मोशाकी इसे र प्रतिग्‍या जाटा कि कायाक होसकै मोशा ल्‍याक्‍च न अर्‌को काट जना अगमबक्‍टा बिर्‌न्‍हकाले।

![](https://cdn.door43.org/obs/jpg/360px/obs-en-14-15.jpg)

अनि परमेसोरै मोशाकी पहाडौ मीचुटाङ नुङ्‍की डेया, ताकी होचे प्रतिग्‍या जाट्‍च मुलुक ङोस्‍की ह्‍योक्‍ख्‍यो। मोसै प्रतिग्‍या जाट्‍च मुलुक डाङ्‍की डुपा तर परमेसोरै मोसाकी होला नुङ्‍की माह्‍या। होटै मोसा र सीया अनी तिस दिनसम्‍म इस्राएलीको आसकुङ लागी शोक मन्‍डीया। यहोशु होखुरीकुङ नयाँ अगुवा छाना। यहोसु काट असल अगुवा लेया हिजैडेनाङ होसे परमेसोराङ भर पर्‌नन्‍या।

*बाइबलको कथा: लेवी १६-१७, गन्ती १० -१४;२०;२७, व्यवस्था ३४ बाट*

## 15. १५. प्रतिग्‍यौ मुलुक

https://openbiblestories.org/l/mgp/story-15/

![](https://cdn.door43.org/obs/jpg/360px/obs-en-15-01.jpg)

अन्‍ताङ, इस्राएलीकुङ प्रतिग्‍यौ मुलुक कनान देस भीट्‍री पर्‌च समय राम्‍हने। यहोसुये नीस जना जासुसकोलाक कनान सहरयरीहोवाङ बीर्‌न्‍हका, जुन बलियो किल्‍लाकोलकीङ सुरक्षित लेया। होसे सहराङ राहाब म्‍यार्‌मीन जाट्‍च काट जना ब्‍यभिचारी मास्‍टो ङुमन्‍या होचे होसे जासुसकोलाक आर्‌च्‍युखी र होखुरीककी भोग्‍डीस्‍की सहायता जाटा। होचे परमेसोर मिटाक बिस्‍वास जाट्‍च बाटै इसे पट्‍ट न कामको जाटा। होखुरीकै यरोहो सहरकी ध्‍वस्‍त पार्‌नाङ राहाब र होच्‍यो परिवारकी चहीँ सुरक्षित डाच बाचा जाटा।

![](https://cdn.door43.org/obs/jpg/360px/obs-en-15-02.jpg)

इस्राएलीको प्रतिग्‍यौ मुलुकाङ पर्‌की डेनाङ अघी यर्डन नदि टरीसार नुङ्‍की पर्‌च लेया। परमेसोरै यहोसुकी डेया, “पहीला पुजाहारीकोलाक नुङ्‍की यान्‍ही।” तब पुजाहारीको यर्डन नदियाङ पर्‍या, बग्‍डीस्‍न ङुच डी रोकडीसा होटबाटै इस्राएलीकै अब नदियो पार्‌च छेउ, सुख्‍खा भुमिलकीङ नुङ्‍की ह्‍योका।

![](https://cdn.door43.org/obs/jpg/360px/obs-en-15-03.jpg)

यर्दन नदि टरीस्‍न भ्‍याचपछि, परमेसोरै यहोसुकी शक्‍तिशालि सहर मीटाक आक्रमण जाट्‍च तरिका डेम याहा। भर्‌मीकै परमेसोरौ आग्‍या पालन जाटा। परमेसोरै डेच लेखान, सिपाहीको रपुजाहारीकै ६ दिन सम्‍म लगातार यरीहो सहरकी घेरा खा होच्‍यो वरिपरि छेराहा।

![](https://cdn.door43.org/obs/jpg/360px/obs-en-15-04.jpg)

अनि साटौ दिनाङ इस्राएलीकै अरु सात खेप सहर वरिपरि छेराहा। जब होखुरीकै अन्‍तिम खेप सहर वरिपरि छेर्‍हामन लेया, सेनिकको बाड्‍को सोरै च्‍याका र पुजाहारीकै लहो तुरही म्‍हुटा।

![](https://cdn.door43.org/obs/jpg/360px/obs-en-15-05.jpg)

अनि यरिहोओ भुलि न पटिकुङ पर्खालको भट्‍कडीसा। इस्राएलीकै परमेसोरै डेच लेखान सहराङ लेच पट्‍ट न टोकको नस्‍ट जाटा। होखुरीके राहाब र होच्‍यो परवारकी मट्‍टै डास, होखुरीक पछि नुङार इस्राएलीकुङ न हिस्‍सा चाना। जब कनानाङ ङुमङुचको अरु भर्‌मीकै इस्राएलीको लकीङ यरिहो सहर ध्‍वस्‍त छाना डेच कुरा थाहा चाना, इस्राएलीकै अब अरु सहरकी र आक्रमण जाट्‍ले डेयार होखुरीक साफ्‍फी बिर्हिया।

![](https://cdn.door43.org/obs/jpg/360px/obs-en-15-06.jpg)

परमेसोरै इस्राएलीकोलाक कनानाङ ङुमङुचकोलाक कुसेर समुहौ भर्‌मीको खाटा कुसेर सन्‍धि माजाट्‍की डेम आग्‍या याहा। तर कनानुङ काट गोबोनी म्‍यार्‌मिन लेच जातुङ भर्‌मीकै यहोसुकी छल जाता र होखुरीक कनान देश डेनाङ लोसिङ राछ हो डेम झुक्‍डीया। होखुरीकै यहोसुखाटा शान्‍ति सन्‍धि जाट्‍की प्रस्‍ताव जाटा।

![](https://cdn.door43.org/obs/jpg/360px/obs-en-15-07.jpg)

जब इस्राएलीकै लाहाकुरिक होसे गिबोनीको लकीङ झुक्‍डीस्‍च थाहा डुपा, होखुरीककी साफ्‍फी झोक ख्‍योहा, तर होखुरीकखाटा जाट्‍च सन्‍धि चही डामन डा हिजैडेनाङ होसे चहीँ परमेसोरौ अगाडी जाट्‍च प्रतिग्‍या लेया। हिर समय न्‍हुइङ, कनानाङ लेच अरु जातिकुङ राजा, अम्‍मोनीकै, गोबोनीकै इस्राएलीकोखाटा शान्‍ति सन्‍धि जाट्‍च सेया, होटबाटै होखुरीक लहो सैनिककोलाक काठोवाङ खासा र काट बाड्‍को फौज खासा र गिबोनीको मीटाक आक्रमण जाटा। गबोनीकै यहोसुकी सहायतौ लागी खबर याम्‍हका।

![](https://cdn.door43.org/obs/jpg/360px/obs-en-15-08.jpg)

होटबाटै यहोसुये इस्राएलीकुङ सैनिककोलाक भेला जाटा र गोबोनीको लेठाङ टाखी रातभरी ह्‍वा। झिसमिसेयाङ होखुरीकै अचानक अम्‍मोनी फौजको मीटाक आक्रमण जाटा।

![](https://cdn.door43.org/obs/jpg/360px/obs-en-15-09.jpg)

होसे दिन परमेसोर इस्राएलीकुङ लागी लड्‍डीस्‍न याहा। होसकै अम्‍मोनीकोलाक अन्‍योलाङ पार्‌न याहा र बाड्‍सो बाड्‍सो झिर्‌ल्‍हुङ छालाक्‍ङ याहा, होसे लकीङ वास्‍टै अम्‍मोनीको सिया।

![](https://cdn.door43.org/obs/jpg/360px/obs-en-15-10.jpg)

परमेसोरै नाखानकी सर्‌घौ काट ठावाङ रोकडीम याहा, हिजैडेनाङ इस्राएलीकोखाटा अम्‍मोनीकोलाक हारिसाक्कीयो लागी प्रशस्‍त समय छान्‍ख्‍यो डेयार। होसे डिन इस्राएलीकुङ लागी परमेसोरै बाड्‍को बिजय याहा।

![](https://cdn.door43.org/obs/jpg/360px/obs-en-15-11.jpg)

परमेसोरै होसे फौजकलाक हारीसाक्ङ भ्‍याच पछि कनानुङ अरु वास्‍टै जातिको काठोवाङ छानार इस्राएलीकोलाक आक्रमण जाटा। यहोसु र इस्राएलीकै र होखुरीककी ध्‍वस्‍त पार्‍या।

![](https://cdn.door43.org/obs/jpg/360px/obs-en-15-12.jpg)

इसे लडाइ पछि परमेसोरै इस्राएलीकुङ पट्‍ट न कुलकी होखुरीकै लहो न प्रान्‍त प्रतिग्‍या जाट्‍च मुलुकाङ याहा। अनि परमेसोरै पट्‍ट न इस्राएल र होच्‍यो सिमानाङ समेत शान्‍ति याहा।

![](https://cdn.door43.org/obs/jpg/360px/obs-en-15-13.jpg)

जब यहोसु बुढा छाना, होचे इस्राएलुङ पट्‍ट न भर्‌मीकोलाक काठोवाङ भेला जाटा। अनि होचे होसे भर्‌मीकोलाक सिनै पर्वताङ इस्राएलीको खाटा परमेसोरै डाच करार पालन जाट्‍की पर्‌च बाध्‍यता आर्‌मीटाका। भर्‌मीके परमेसोराङ बिस्‍वासयोग्‍य छान्‍च र होसकुङ ब्‍यवस्‍था पालन जाट्‍च प्रतिग्‍या जाटा।

*बाइबलको कथा: यहोशू १-२४ बाट*

## 16. १६. छुटकरा याछको

https://openbiblestories.org/l/mgp/story-16/

![](https://cdn.door43.org/obs/jpg/360px/obs-en-16-01.jpg)

यहोसु, इस्राएलीको अनाग्‍याकारी छाना अनी बाँकी लेच कनानीकोलाक न होटै खेड्‍डीया न त परमेसोरौ आग्‍या न मन्‍डीया। इस्राएलीकै याहोवे, काट न साँचो परमेसोरकी पुजडीकीयो साटो कनानी देवकोलाक पुजडीकी ठाला। इस्राएलीकुङ राजा न मालेया, होटबाटै पट्‍टये लहाकी जे ठिक लग्‍डीस्‍ले, होसे न जाटा।

![](https://cdn.door43.org/obs/jpg/360px/obs-en-16-02.jpg)

परमेसोरकी अटेर जाट्‍न न ङुचबाटै सत्रुकोलाक इस्राएलीको मीटाक बिजय याहार दण्‍ड याहा। इसे सत्रुकै इस्राएलीकुङ समानको खुस्‍न याहा, होखुरीकुङ सम्‍पतिको नास पार्‌न याहा र वास्‍टैकी साटा। वास्‍टै वर्षसम्‍म परमेसोरौ कुराङ अनाग्‍याकारी छान्‍चबाटै र शत्रुको लकीङ थिचोमिचोवाङ पर्‌चबाटै, इस्राएलीकै पश्‍चताप जाटा र छुटकरौ लागी परमेसोरकी प्रार्‌थना जाटा।

![](https://cdn.door43.org/obs/jpg/360px/obs-en-16-03.jpg)

अनि परमेसोरै होखुरीकुङ लागी काट जना छुटकरा याछ भर्‌मी याम्‍हका, सुये होखुरीककी सत्रुलकीङ जीवाकाका र देसाङ शान्‍ति राका। तर भर्‌मीकै परमेसोरकी म्‍याका र मुर्तिकोलाक पुजा जाट्‍की सुरु जाटा। होटबाटै परमेसोरै मीढ्‍यानीकोलाक (खेरेप ङुच काट जाति होखुरीक इस्राएलीकुङ सत्रु लेया) होखुरीकमीटाक बीजय छान्‍की याहा।

![](https://cdn.door43.org/obs/jpg/360px/obs-en-16-04.jpg)

सात बर्षसम्‍म मीद्‌यानीकै इस्राएलीकुङ पट्‍ट न अन्‍नबाली आल्‍हा। इस्राएलीको इडीक बीर्‍हीया कि मिध्‍यानीकै लाहाकी माडुप्‍ख्‍यो डेयार होखुरीक गुफाकोवाङ आर्‍चुम्‍हन्‍या। अन्‍तिमाङ होखुरीकै जीवाटाक्‍नी डेयार परमेसोरकी पुकारीया।

![](https://cdn.door43.org/obs/jpg/360px/obs-en-16-05.jpg)

कायाक, गिदोन म्‍यार्‌मीन जाट्‍च इस्राएलुङ काट जना भर्‌मी आर्‌चुवार अन्‍न डुङ्‍ङन लेया हीजैडेनाङ मिद्‍यानीको राहार अन्‍न खुसार माआल्‍ख्‍यो डेयार। होस न बेला याहोवे काट डुत गिडोनलेटाङ राहार डेया, “परमेसोर नाङखाटा ले, वीर योद्‍धा। नुङ्‍ना र इस्राएलीकोलाक मिद्‍यानीको लकीङ जावाक्‍नी।”

![](https://cdn.door43.org/obs/jpg/360px/obs-en-16-06.jpg)

गिदोनौ बोइलेटाङ मुर्‌तिकी अर्पण जाट्‍न खास्‍च काट वेदी लेया। परमेसोरै गीदोनकी होसे मुर्‌तिकी भत्‍कडीकी लैडीया। तर गिदोन भर्‌मीको खाटा बिर्‍हीया, होटबाटै नाबीक माछान्‍ठर होचे लेन्‍न ङुवा। अनी होसे वेदियो खेरेपीङ परमेसोरौ लागी काट नयाँ वेदि खासा र परमेसोरौ लागी बलि याहा।

![](https://cdn.door43.org/obs/jpg/360px/obs-en-16-07.jpg)

अर्को दिन गोराक कुचे होखुरीकुङ बेदि भत्‍कडीम याछ भर्‌मीकै डाङा र होखुरीक साफ्‍फी मीरीस ख्‍योहा। गिदोनकी साट्‍की डेम होखुरीक होच्‍यो इमाङ नुङा, तर होच्‍यो बोये होखुरीककी डेया, “नाखुरीक हीजै लहो देवताकी सहयोग जाट्‍की पाले? इडीक होसे देवता हो डेनाङ, होचे लाहाकी न जीवाक्‍ख्‍यो

![](https://cdn.door43.org/obs/jpg/360px/obs-en-16-08.jpg)

होटै मीद्‍यानीको फेरी इस्राएलीकोलाक लुट्‍डीकी राहा। होखुरीक इडीक वास्‍टै लेया की होखुरीककी हील्‍की र साढ्‍य मालेया। होखुरीकखाटा लडाइ जाट्‍कीयो लागी गिदोनै इस्राएलीकोलाक काठोवाङ भेला जाटा। गोदोनै परमेसोरखाटा दुइ वटा चिन्‍हको ङेहा हिजैडेनाङ इस्राएलीकोलाक जीवाटाक्‍कीयो लागी परमेसोरै होसकी क्‍योट्‍च हो डेम होसे निस्‍चित छान्‍की ह्‍योक्‍ख्‍यो।

![](https://cdn.door43.org/obs/jpg/360px/obs-en-16-09.jpg)

पहिलो चिन्‍हौ लागी, काट बढीन झाङ टाङा र परमेसोरकी गोराकुङ सित झाङ माछान्‍न न बढीनाङ मट्‍टै पर्‌ख्‍यो डेम अनुरोध जाटा। परमेसोरै होट न जाट्‍न याहा। अर्‌को पटक चाहीँ होचे झाङ झिम्‍हाक्‍ङ याखी र बढीनकी चहीँ सुख्‍खा खास्‍न याखी परमेसोरकी अनुरोढ जाटा। परमेसोरै होसे जाट्‍न याहा। इसे नीस चीन्‍हकै गीदोनकी मीद्‍यानीको लकीङ इस्राएलीको लकीङ जीवाक्‍की डेम परमेसोरै न होसकी क्‍योट्‍च हो डेम बीस्‍वास्‍त जाटाका।

![](https://cdn.door43.org/obs/jpg/360px/obs-en-16-10.jpg)

३२,००० इस्राएली सैनीकको गीदोनलेठाङ राहा, तर परमेसोरै होसकी इसे सङ्‍ख्‍या अति वास्‍टै छाना डेया। होटबाटै गीदोनै लडाइ जाट्‍की बीर्‍हीछ २२,००० जनाकी इमाङ बीर्‍हन्‍हका। परमेसोरै गिदोनकी भर्‌मीको अझै वास्‍टै छाना डेया। होटबाटै गिदोनै ३०० सैनिककोलाक बाहेक बाँकी पट्‍टकी इमाङ बिर्‍न्‍हका।

![](https://cdn.door43.org/obs/jpg/360px/obs-en-16-11.jpg)

होसे नाबीक परमेसोरै गिदोनकी डेया, “मिद्‍यानीकुङ पालाङ नुङ्‍ना र जब नीये होखुरीकै डेच कुरा सेले, नाङ फेरी माबीर्‍हीले।” होटबाटै होसे नाबीक गिदोन म्‍हाका पालाङ झाला अनी काट जना मिद्‍यानी सैनीकै लहो लाफाकी सपनाङ डाङ्‍च हीर कुराको डेचै जाट्‍च सेया। होसे भर्‌मीये इट डेमन लेया, “इसे सपनौ अर्‌थ हो, गिदोनौ फौजै मिद्‍यानी फौजकी परास्‍त जाट्‍ले।

![](https://cdn.door43.org/obs/jpg/360px/obs-en-16-12.jpg)

होटै गिदोन लहो सैनिकको लेठाङ ल्‍हेसा र पट्‍ट न की काट काट वटा तुरही, झौ गाग्री र राँको याहा। होखुरीकै मिद्‍यानीकोलाक मीस्‍न ङुच ठाउकी घेरा का। गीदोनौ ३०० भर्‌मीकै लहो राँकोको गाग्री भीट्‍री डामन्‍या हीजैडेनाङ मिद्‍यानीकै ट्‍याङ्‍छ डाङ्‍की माय्‍होक्‍ख्‍यो डेम।

![](https://cdn.door43.org/obs/jpg/360px/obs-en-16-13.jpg)

अनी गोदोनौ पट्‍ट न सैनिककै काट न खेप राँको टान्‍हाङ्‍कचै लहो गाग्रीको भाटाका। होखुरीकै लहो तुरहीको म्‍हुटा र च्‍याका, “याहोवे र गोदोनौ लागी तरवार

![](https://cdn.door43.org/obs/jpg/360px/obs-en-16-14.jpg)

परमेसोरै मिद्‍यानीकोलाक अन्‍योलाङ पार्‌न याहा, होटबाटै होखुरीकै आक्रमण जाट्‍की ठाला र काटै काटकी साट्‍की ठाला। तुरुन्‍तै अरु इस्राएलीकोलाक इमको लकीङ मिद्‍यानीकोलाक खेड्‍डीकी आर्‌घा। होखुरीकै वास्‍टैकी साटा र बाँकी लेचकोलाक इस्राएलीकुङ भुमीलकीङ बाहिर खेड्‍डीया। होसे न दिन १,२०,००० मिद्‍यानीकोलाक साटा। इस्राएलीकोलाक परमेसोरै जीवाटाका।

![](https://cdn.door43.org/obs/jpg/360px/obs-en-16-15.jpg)

भर्‌मीकै गिदोनकी होखुरीकै राजा खास्‍की मीमन जाट्‍नन्‍या। गिदोनै होखुरीककी होट जाट्‍की मायाहा, तर होखुरीकै मिद्‍यानीको लकीङ लाच सुनौ औठीको ङेहा। भर्‌मीकै गीदोनकी वास्‍टै सुन याहा।

![](https://cdn.door43.org/obs/jpg/360px/obs-en-16-16.jpg)

अनी गोदोनै होसे सुनकी प्रधान पुजाहारीये बुच लेखान काट बिसेस वस्‍त्र खास्‍कीयो लागी प्रयोग जाटा। तर भर्‌मीकै होसकी पुजा जाट्‍की ठाला मानौ होसे काट मुर्‌ति नै हो। होटबाटै परमेसोरै फेरी इस्राएलकी दण्‍डयाहा हीजैडेनाङ होखुरीकै मुर्‌तिकी पुजा जाटा। परमेसोरै होखुरीकूङ सत्रुकोलाक होखुरीक मीटाक बीजय छान्‍की याहा। आखिरीयाङ होखुरीकै परमेसोरकी सहायतौ लागी पुकारीया, अनी परमेसोरै होखुरीककी अर्‌को काट जना छुटकरा याछ भर्‌मी बिर्‍न्‍हका।

![](https://cdn.door43.org/obs/jpg/360px/obs-en-16-17.jpg)

याङ्‍च खालुङ खाका वास्‍टै खेप दोर्‍होरीया इस्राएलीकै पाप जाट्‍नन्‍या, परमेसोरै होखुरीककी दन्‍ड याम्‍हन्‍या, होखुरीकै पस्‍चताप जाट्‍नन्‍या र परमेसोरै होखुरीकुङ लागी छुटकरा याछ भर्‌मीको बीर्‌न्‍हकामन्‍या। वास्‍टै वर्षओ अन्‍तरालाङ, परमेसोरै वास्‍टै छुटकरा याछको बिर्‍न्‍हका होचे इस्राएलीकोलाक होखुरीकुङ सत्रुकोलकीङ जीवाका।

![](https://cdn.door43.org/obs/jpg/360px/obs-en-16-18.jpg)

अन्‍तिमाङ भर्‌मीकै अरु रास्‍ट्राङ लेखान परमेसोरखाटा काटजना राजा ङेहा। होखुरीक याङ्‍च राजा ङेम्‍हन्‍या की होसे चही घाङ्‍च र बलियो छान्‍ख्‍यो, अनी होखुरीककी लडाइयाङ अगुवाइ जाट्‍की ह्‍योक्‍ख्‍यो। परमेसोरै इसे अनुरोध मन मापर्‌नन्‍या तर पनि होसकै होखुरीकै पाच लेकान राजा याहा।

*बाइबलको कथा: न्यायकर्ता १-३; ६-८ बाट*

## 17. १७. दाउदखाटा परमेसोरौ करार

https://openbiblestories.org/l/mgp/story-17/

![](https://cdn.door43.org/obs/jpg/360px/obs-en-17-01.jpg)

शाउल इस्राएलुङ पहिलो राजा लेया। होसे भर्‌मीकै डेच ल्‍याक्‍च न घाङ्‍च र सेछ भर्‌मी लेया। पहिलेयुङ कालाप बर्‌ष साउल इस्राएलाङ सासन जाट्‍च काट असल राजा लेया। तर न्‍हुइङ होसे काट डुस्‍ट भर्‌मी छाना र परमेसोरै डेच कुराकोवाङ अनाग्‍याकारी छाना, होटबाटै परमेसोरै अर्को भर्‌मीकी भाका होसे चही कायाक होच्‍यो सट्‍टाङ राजा छान्‍नन लेया।

![](https://cdn.door43.org/obs/jpg/360px/obs-en-17-02.jpg)

परमेसोरै दाउद म्‍यार्‌मीन जाट्‍च काट जवान इस्राएलीकी साउल पछि राजा छान्‍कीयो लागी भाका। दाउद बेथलेहेम डेच लाङ्‍घाङ ङुच काट गोठला लेया। लहो बोयो भेडाको हेरचाह जाट्‍चै जाट्‍नाङ वास्‍टै खेप होचे मेन भेडाको मीटाक आक्रमण जाट्‍की पाच सिंह र भालुकोलाक साटा। दाउद नम्र र धर्मि भर्‌मी लेया होचे परमेसोराङ भरोसा जाट्‍नन्या र होसकुङ आग्‍या मन्‍डीमन्‍या।

![](https://cdn.door43.org/obs/jpg/360px/obs-en-17-03.jpg)

दाउद काट महान सिपाही र अगुवा छाना। जब दाउद जवान लेया, होचे गोल्‍याट म्‍यार्‌मीन जाट्‍च काट जना अजिङ्‍गर भर्‌मीखाटा लडाइ जाटा। गोल्‍याट काट तालिम डुप्‍च, वास्‍टै बलियो र करिब सोम मिटर जति घाङ्‍च भर्‌मी लेया

![](https://cdn.door43.org/obs/jpg/360px/obs-en-17-04.jpg)

साउल दाउदप्रति भर्‌मीकुङ प्रेमौ डाही छाना। वास्‍टै खेप शाउलै दाउदकी साट्‍की पा, होटबाटै होसे शाउलकीङ आर्‌च्‍युवा। कायाक शाउल दाउदकी साट्‍की होस्‍की पाम ह्‍वा। शाउल काट गुफा भिट्‍री पर्‍या जहाँ शाउललकीङ आर्‌च्‍युवार ङुमङुमन्‍या, तर शाउलै होसकी माडाङा। इडीक खेर शाउल दाउदौ एकदम खेरो लेया र होसकी साट्‍की र ह्‍यपक्‍च लेया, तर होचे होट माजाटा। बरु दाउदै, होसकी साटार लहा राजा छान्‍की मीमन माजाटा डेम प्रमाणीत जाट्‍कीयो लागी शाउलौ बढीनौ चेक्‍जा च्‍याटा।

![](https://cdn.door43.org/obs/jpg/360px/obs-en-17-05.jpg)

आकिरीयाङ, शाउल लडाइयाङ सिया र दाउद राजा छाना। आसको काट असल राजा लेया र भर्‌मीकै होसकी प्रेम जाट्‍नन्‍या। परमसोरै दाउदकी आसिस याहा र होसकी सफल खासा। दाउदै वास्‍टै लडाइको लड्‍डीसा र परमेसोरै आसकोकी इस्राएलुङ सत्रुकोलाक हारीकी सहायता जाटा। दाउदै यरुसलेम कब्‍जा जाटा र होसकी होच्‍यो राजधानी सहर खासा। दाउदौ शासनकालाङ इस्राएल काट सक्‍तिसाली र सम्‍पन्‍न राष्‍ट्र छाना।

![](https://cdn.door43.org/obs/jpg/360px/obs-en-17-06.jpg)

दाउद काट मन्‍डीर खास्‍की मीमन जाट्‍नन्‍या सारा इस्राएलीकै परमेसोरौ आरधना जाट्‍की ह्‍योक्‍च लेया र होसकोकी बली चढडीकी ह्‍योक्‍च लेया। करिब ४०० बर्‌ष सम्‍म भर्‌मीकै परमेसोरौ आरधना जाट्‍ले र बलिको चढडीच काम भेट छान्‍च पालाङ राम्‍हन्‍या, होसे मोसै खास्‍च जाट्‍नन्‍या।

![](https://cdn.door43.org/obs/jpg/360px/obs-en-17-07.jpg)

तर परमेसोरै नातान म्‍यार्‌मीन जाट्‍च काट जना अगममबक्‍टाकी इसे खबर याम्‍हका, “नाङ लडाइयो भर्‌मी छान्‍च बाटै, ङौ लागी इसे मन्‍डीर खास्‍की माडुप्‍ले। नुओ लेन्‍जा मीजै इसे मन्‍डीर खास्‍ले। तर, ङा नाङ्‍की प्रसस्‍त आसिस याल्‍हे। नुओ सन्‍तानको मढ्‍याङ काट जनै चहीँ सदौ लागी राजौ रुपाङ भर्‌मीको मीटाक राज्‍य जाट्‍ले।

![](https://cdn.door43.org/obs/jpg/360px/obs-en-17-08.jpg)

जब दाउदै इसे कुराको सेया, होचे तुरुन्‍तै परमेसोरकी धन्‍यवाद याहा र होसकुङ प्रसङ्‍सा जाटा हिजेडेनाङ होसकै दाउदकी होसे महान आदर र वास्‍टै आसिसकुङ प्रतिग्‍या जाट्‍नन्‍या। दाउदकी इसे कुरा सेन छान्‍ले डेयार थाहा मालेया तर जब इसे कुराको छाना, इस्राएलीकै मसिह राखी अघी १००० बर्‍स समय लेन्‍की पर्च लेया।

![](https://cdn.door43.org/obs/jpg/360px/obs-en-17-09.jpg)

दाउदै वास्‍टै वर्ष सम्‍म न्‍याय र बिस्‍वासयोग्‍यतौ साथ राज्‍य जाटा, परमेसोरै होसकी आसिस याहा। तथापी, लहो जीवलकालौ अन्‍तिम पटीक परमेसोरौ बिरुढाङ बिर्‍हीम सेच पाप जाटा।

![](https://cdn.door43.org/obs/jpg/360px/obs-en-17-10.jpg)

कायाक, जब दाउदौ पट्‍ट न सेनाको लडाइयौ लागी लहो इमलकीङ लोस नुङ्‍ङन्‍या, होचे लहो दरबारलकीङ बाहीर ङोसा र काट जना सुन्‍दरी मास्‍टोकी नहडीस्‍न ङुच डाङा। होच्‍यो म्‍यार्‌मीन बेतशेबा लेया।

![](https://cdn.door43.org/obs/jpg/360px/obs-en-17-11.jpg)

अन्‍तिमाङ ङोस्‍कीयो सट्‍टाङ दाउदै होसे मास्‍टोकी आसको लेठाङ राक्‍की लैडीया। दाउद होसेखाटा मीसा र होसकीमेन इमाङ फिर्ता बीर्‍न्‍हका। हीर समय पछि बेतशेबै दाउदकी लाहा गर्भवति छान्च खबर याम्‍हका।

![](https://cdn.door43.org/obs/jpg/360px/obs-en-17-12.jpg)

बेतशेबौ लेन्‍जा उरियाह म्‍यार्‌मीन जाट्‍च भर्‌मी, दाउदौ सेनाको मढ्‍याङ काट उत्तम सैनिक लेया। दाउदै उरियाहकी लडाइलकीङ फिर्ता बिर्‌न्‍हका र प्रधान सेनापतिकी जहाँ सत्रुको पट्‍ट डेनाङ मजबुत ले, होला होसकी डाच आदेश याहा हीजैडेनाङ होसे अट सीये डेयार।

![](https://cdn.door43.org/obs/jpg/360px/obs-en-17-13.jpg)

उरीयाह सिच पछि दाउदै बेतशेबाकी ब्‍याहा जाटा। न्‍हुईङ होचे दाउदौ लागी लेन्‍जा मीजा डीन्‍ह याहा। दाउदै जाट्‍च काम प्रति परमेसोर साफ्‍फी मीरीस ख्‍योहा, होटबाटै होसकै नातान अगबक्‍ताकी होच्‍यो पाप कुडीक दुस्‍ट लेया डेम डेमयाखी दाउदलेठाङ बिर्न्‍हका। दाउदै लहो पापौ लागी पश्‍चताप जाटा र परमेसोरै होसकी क्षमा याहा। लहो बाकी जीवन भरी दाउदै कस्‍टओ घडीयाङ र परमेसोरकी डुटा र आग्‍याकारी छाना।

![](https://cdn.door43.org/obs/jpg/360px/obs-en-17-14.jpg)

तर दाउदै जाट्‍च पापफ दन्‍ड सोरुप, आसकुङ बालखै मीजा सीया। दाउदौ बाकी जीवन भरी परिवाराङ कलह छान्‍न ङुवा र दाउदौ तागत र म्‍हाटा होटबाटै आसको एकदम कमजोर छाना। दाउद परमेसोराङ बिस्‍वासयोग्‍य माछान्‍नाङ र परमेसोर लहो प्रतिग्‍याकोवाङ अझै बिस्‍वासयोग्‍य लेया। न्‍हुइङ दाउद र बेतशेवौ अरको लेन्‍जा मीजा छाना र हखुरीकै होच्‍यो म्‍यार्‌मीन सोलोमन डा।

*बाइबलको कथाः १ शमुएल १०; १५-१९; २४; ३१; २ शमुएल ५; ७; ११-१२ बाट*

## 18. १८. विभाजित छान्‍च राज्‍य

https://openbiblestories.org/l/mgp/story-18/

![](https://cdn.door43.org/obs/jpg/360px/obs-en-18-01.jpg)

वास्‍टै वर्षपछि, दाउद सीया र मेन मीजा सोलोनै इस्राएलिको मीटाक शासन जाट्‍की ठाला। परमेसोर सोलोमनखाटा ङाका र होसकी पट्‍ट डेनाङ वास्‍टै ही कुरौ चाहना ले डेम गीना। सोलोमनै ग्‍यान र बुड्‍ढी ङेहा अनी परमेसोर मार्‍हाङा र होसकी सन्‍सारुङ न पट्‍ट डेनाङ बुद्धिमान भर्‌मी खासा। सोलोमनै वास्‍टै कुराको पाहा र काट बुद्धिमान न्‍यायकर्ता छाना। परमेसोरै होसकी वास्‍टै सम्‍पन्‍न र खासा।

![](https://cdn.door43.org/obs/jpg/360px/obs-en-18-02.jpg)

यरुसलेमाङ सोलोमनै होसे मन्‍डीर खासा र जुन होच्‍यो बोय दाउदै खास्‍च योजना जाट्‍नन्‍या र होच्‍यो लागी सामानको जम्‍मा जाट्‍नन्‍या। भर्‌मीकै अब परमेसोरकी पुजा जाट्‍च र भेट छान्‍च पालौ सट्‍टाङ मन्‍डीराङ बलिडानको याहा। परमेसोर होसे मन्‍डीराङ राम्‍हन्‍या। अनी होसको लहो भर्‌मीकोखाटा ङुवा।

![](https://cdn.door43.org/obs/jpg/360px/obs-en-18-03.jpg)

तर सोलोमनै अरु देसुङ मास्‍टोकोलाक माया जाटा। होचे करिब १००० जना मास्‍टोको खाटा ब्‍याहा जाटा र परमेसोरौ अनाग्‍याकारी छाना। होसे मास्‍टोको मढ्‍याङ वास्‍टै जना अरु देसलकीङ राछ लेया अनी लाहाखाटा न लहो देविदेवताको र लार राम्‍हन्‍या होसे होखुरीकै पुजा जाट्‍न न ङुवा। जब सोलोमन बुढा छाना, होचे र होखुरीकुङ देवीदेवताकोलाक पुजा जाट्‍की ठाला।

![](https://cdn.door43.org/obs/jpg/360px/obs-en-18-04.jpg)

परमेसोर सोलोमनखाटा मीरीस ख्‍योहा अनी होच्‍यो अवीस्‍वानीयतौ कारण दन्‍ड सोरुप, होसकै सोलोमन सिचपछि पश्‍चत इस्राएल राष्‍ट्रकी नीस राज्‍याङ बिभाजन जाट्‍न याछ प्रतिग्‍या जाटा।

![](https://cdn.door43.org/obs/jpg/360px/obs-en-18-05.jpg)

सोलोमन सीच पछि मेन लेन्‍जा मीजा, रहोवाम, इस्राएलुङ राजा छाना। रहोवाम काट मुर्‌ख भर्‌मी लेया। इस्राएल राष्‍ट्रौ पट्‍ट न भर्‌मीको आसकोकी राज्‍यभिशेक जाट्‍की काठोवाङ भेला छाना। होखुरीकै रहोवामकी सोलोमन राजै कडा परिश्रम जाट्‍की लैडीच र वास्‍टै कर टेरीकी लैडीच डेम गुनासो जाटा।

![](https://cdn.door43.org/obs/jpg/360px/obs-en-18-06.jpg)

रहोवामै मुर्‌ख छानार होखुरीककी जवाफ याहा, “ङौ बोये कडा परिश्रम जाट्‍की लैडीच डेयार नीये आर्‌मीट्‍नने, तर ङा नाखुरीककी होसकै डेनाङ वास्‍टै परिश्रम जाट्‍की लैडीले र होसकै डेनाङ वास्‍टै सजाय याल्‍हे।”

![](https://cdn.door43.org/obs/jpg/360px/obs-en-18-07.jpg)

इस्राएल राष्‍ट्रौ कुलको मढ्‍याङ दश कुलकै रहोबामौ बिरुढाङ बिद्रोह जाटा। तर नीस कुल मट्‍टै आसको प्रति बिस्‍वासयोग्‍य छाना। इसे नीस कुलको नै यहुदौ राष्‍ट्रको छाना।

![](https://cdn.door43.org/obs/jpg/360px/obs-en-18-08.jpg)

रहोबामौ बिरुढाङ जाट्‍च इस्राएलुङ अरु दश कुलै, यरोबाम म्‍यार्‌मीन जाट्‍च काट जना भर्‌मीकी लहो राजा छान्‍की नीयुक्‍ति जाटा। होखुरीकै लहो राज्‍य देसुङ उतर पटिक खासा र होसकी इस्राएलौ राज्‍य डेया।

![](https://cdn.door43.org/obs/jpg/360px/obs-en-18-09.jpg)

यरिबामै परमेसोरौ बिरुढाङ बिद्रोह जाटा र भर्‌मीकोलाक पाप जाट्‍की लैडीया। यहुदौ राज्‍याङ लेच मन्‍डीराङ नुङार परमेसोरौ आरधना जाटाक्‍कीयो सट्‍टा आसकै भर्‌मीकुङ लागी आरधना जाट्‍की नीस वटा मुर्‌तिको खास्‍न याहा।

![](https://cdn.door43.org/obs/jpg/360px/obs-en-18-10.jpg)

यहुदा र इस्राएलुङ राज्‍यको दुस्‍मन छाना र घरी घरी काटै काटौ बिरिढाङ लडाइ जाट्‍न ङुवा।

![](https://cdn.door43.org/obs/jpg/360px/obs-en-18-11.jpg)

इस्राएलौ नयाँ राज्‍याङ, पट्‍ट न राजाको दुष्‍ट लेया। इसे राजाको मढ्‍याङ वास्‍टै जना अरु इस्राएलीको लकीङ सीया अनी सीचको चही होखुरीकुङ ठावाङ राजा छान्‍की पामन्‍या।

![](https://cdn.door43.org/obs/jpg/360px/obs-en-18-12.jpg)

इस्राएल राज्‍यौ पट्‍ट न राजाको र वास्‍टै जसो भर्‌मीकै मुर्‌ति पुजा जाटा। होखुरीकुङ मुर्‌ति पुजाकुङ कामकोवाङ वास्‍टै जसो ब्‍याभिचार र सेन सेन च बाल बलि समेत जाटा।

![](https://cdn.door43.org/obs/jpg/360px/obs-en-18-13.jpg)

यहुदुङ राजाको दाउदौ सन्‍तानको लेया। इसे राजाको मढ्‍याङ कोइ असल भर्‌मी लेया होचे न्‍याय खाटा राज्‍य जाटा र परमेसोरकी पुजा जाटा। तर यहुदुङ वास्‍टै जसो राजाको दुष्‍ट र भ्रष्‍ट लेया अनी होखुरीकै र मुर्ति पुजा जाटा। कोइ राजाकै च झुटो देवताकुङ लागी लहो न मीजाको समेत बलि याहा। यहुदुङ वास्‍टै जसो भर्‌मीकै र परमेसोरौ बिरुढाङ बिद्रोह जाटा र अरु देवताकोलाक पुजा जाटा।

*बाइबलको कथा: १ राजा १-६; ११-१२ बाट*

## 19. १९. अगमबक्‍ताको

https://openbiblestories.org/l/mgp/story-19/

![](https://cdn.door43.org/obs/jpg/360px/obs-en-19-01.jpg)

इस्राएलीकुङ इतिहास भरी नै, परमेसोरै होखुरीक लेठाङ अगमबक्‍ताको बिर्‌न्‍हका। अगमबक्‍ताकै परमेसोरलकीङ सन्‍देशको सेमन्‍या र होसकुङ सन्‍देशको भर्‌मीकोलाक डेमन्‍या।

![](https://cdn.door43.org/obs/jpg/360px/obs-en-19-02.jpg)

आहाब राजै इस्राएलाङ शासन जाट्‍न ङुच बेलाङ एलिया काट अगमबक्‍ता लेया। आहाब काट दुष्‍ट भर्‌मी लेया होचे भर्‌मीकोलाक बाल म्‍यार्‌मीन जाट्‍च देवतौ मुर्‌तिपुजा जाट्‍की प्रोत्‍साहन जाट्‍नन्‍या। एलिये आहाबकी डेया, “ङौ बचन बिना पट्‍ट न इस्राएल भरी न त सित झाल्‍ले न त नामास न राल्‍हे।” इसे कुरै आहाब खुप मीरीस ख्‍योवा।

![](https://cdn.door43.org/obs/jpg/360px/obs-en-19-03.jpg)

परमेसोरै एलियाकी आहाबलकीङ आर्‌च्‍युक्‍की उजाड ठावाङ काट खोल्‍सा लेच ठावाङ नुङ्‍की डेया, होसे होसकी साट्‍की पामन्‍या। गोराक नाबेलाङ न कागये आसकी रोटी र स्‍या राक्‍ङयाम्‍हन्‍या। आहाब र होच्‍यौ सैनिकै एलियाकी पाकी ठाला तर होखुरीकै होसकी डुप्‍की माह्‍योका। होलुङ सुख्‍खापन इडीक लेया की होसे खोल्‍सा आखीरीयाङ छोकार नुङा।

![](https://cdn.door43.org/obs/jpg/360px/obs-en-19-04.jpg)

होटबाटै एलिया काट छिमेकी देसाङ नुङा। होसे देसाङ काट जना विधवा र होच्‍यो लेन्‍जा मीजा अनिकालै जाट्‍नाङ ज्‍याच कुरा च्‍याकी माडुप्‍की डाला। तर होखुरीकै एलियौ ख्‍याल डा, र परमेसोरै होखुरीकुङ लागी जुटडीम याहा। होखुरीकुङ आर्‌हीयुङ पिठा र ढुङ्‍ग्रुङ सिडी सेन्‍र माभ्‍या। पुरै अनिकालौ समय भरी होखुरीक खाटा ज्‍याज कुरा लेया। एलिया होला कालाप बर्ष ङुवा।

![](https://cdn.door43.org/obs/jpg/360px/obs-en-19-05.jpg)

साढे तिन वर्ष, परमेसोरै एलियाकी इस्राएलौ राज्‍याङ ल्‍हेसार नुङ्‍की र आहाबखाटा कुरा जाट्‍की डेया हिजैडेनाङ होसकै फेरी बृस्‍टि बिर्‍न्‍हकाकी पा। जब आहाबै एलियाकी डाङा, होचे डेया, “नाङ न हो इसे पट्‍ट न समस्‍या राक्‍छ?”

![](https://cdn.door43.org/obs/jpg/360px/obs-en-19-06.jpg)

एस्राएल राज्‍युङ भर्‌मीको र बालौ ४५० जना अगमबक्‍ताको समेत लार पट्‍ट जनै कर्मेल पहाडाङ राहा। एलियै भर्‌मीकोलाक डेया, “नाखुरीक सेन सम्‍म लहो मीमन बदलीम ङुले? इडीक याहोवे परमेसोर ले डेनाङ, होसकुङ सेवा जाट्‍नी

![](https://cdn.door43.org/obs/jpg/360px/obs-en-19-07.jpg)

अनि एलिये बालौ अगमबक्‍ताकोलाक डेया, “काट साढे साट्‍नी र होसकी बलियो रुपाङ तयार जाट्‍नी, तर होसकी म्‍हेये मासिकाक्‍की। ङा र होटन जाट्‍ले। जुन परमेसोरै म्‍हेये जवाफ याल्‍हे, होसे न परमेसोर सत्‍य ले।” होटबाटै बालौ पुजाहारीकै बलि तयार जाटा तर म्‍हे चहीँ मालैडीया।

![](https://cdn.door43.org/obs/jpg/360px/obs-en-19-08.jpg)

अनी बालौ अगमबक्‍टाकै इट डेचै प्रार्थना जाटा, “हे बाल, कानकी सेनी

![](https://cdn.door43.org/obs/jpg/360px/obs-en-19-09.jpg)

डीनौ अन्‍टीम पटीक, एलिये परमेसोरौ लागी बली तयार जाटा। अनी होचे भर्‌मीकोलाक बाह्र गाग्री डी राकार बली याछ स्या मीटाक, सीङको र झा समेत जाटार बेदि वारीपारीयुङ पट्‍ट न भाग पुरा रुपाङ माछिम्‍ठर ह्‍वाक्‍की लैडीया।

![](https://cdn.door43.org/obs/jpg/360px/obs-en-19-10.jpg)

अनी एलियाये प्रार्थना जाटा, “याहोवे अब्राहाम, इसहाक र याकुबौ परमेसोर, छीनी कानकोलाक नाकै न इस्राएलुङ परमेसोर ले र ङा नाकुङ दास हो डेम टान्‍हाक्‍नी। ङाकी उत्तर यान्‍ही हीजैडेनाङ इसे भर्‌मीकै इसे वार्‌ख्‍यो की नाको न काट मट्‍टै सट्‍य परमेसोर हो।”

![](https://cdn.door43.org/obs/jpg/360px/obs-en-19-11.jpg)

तब तुरुन्‍तै, सर्‌घालकीङ म्‍हे झाला र स्‍या, सीङ, ल्‍हुङको, झा र बेदि वारीपारी लेच डी समेत सीका। जब भर्‌मीकै इसे डाङा, होखुरीक झाङ घोप्‍टो पर्‍यार डेया, “याहोवे परमेसोर हो

![](https://cdn.door43.org/obs/jpg/360px/obs-en-19-12.jpg)

अनी एलियै डेया, “बालौ सुर अगमबक्‍ताकोलाक उम्‍कडीस्‍की मायान्‍ही

![](https://cdn.door43.org/obs/jpg/360px/obs-en-19-13.jpg)

अनी एलिये राजा आहाबकी डेया, “तुरुन्‍तै सहराङ ल्‍हेसार नुङ्‍नी, हीजैडेनाङ नामास राम्‍हन ले।” काटछिनाङ सर्‌घा कालो छानार राहा र बाड्‍को नामास राखी पा। याहोवे खरेडी अन्‍त्‍य जाट्‍न याम्‍हन्‍या र होसको न काट मट्‍टै सट्‍य परमेसोर हो डेम प्रमाणीत जाटा।

![](https://cdn.door43.org/obs/jpg/360px/obs-en-19-14.jpg)

एलियो समय पछि परमेसोरै एलिशा म्‍यार्‌मीन जाट्‍च भर्‌मीकी होसकुङ अगबक्‍तौ रुपाङ भाका। परमेसोरै एलिसा लकीङ वास्‍टै अच्चमौ कामको जाटा। होसे मढ्‍याङ काट अच्‍चमौ काम नामान लेठाङ छान्‍की राहा, सत्रुकुङ काट सैन्‍य उच्‍चधिकारी लेया र काट बिर्‍हीमसेच छालौ रोगै ग्रस्‍ट लेया। होचे एलिसौ बारेयाङ सेच बाटै हे लेठाङ नुङा र लाहाकी गेपाक्‍ङ यान्‍ही डेम बिन्‍ति जाटा। होचे एलिसौ बारेयाङ सेच बाटै आसको लेठाङ नुङा र लाहाकी गेपाक्‍ङ यान्‍ही डेम अनुरोध जाटा। एलिसै नामानकी सात खेप सम्‍म यर्दन नडीयाङ ठाखी डेया।

![](https://cdn.door43.org/obs/jpg/360px/obs-en-19-15.jpg)

पहिले च नामान मीरीस ख्‍योवा र इट जाट्‍की राजी माछाना हीजै डेनाङ इसे च मुर्खता लेखा न लेया। तर पछि होचे लहो मीमन परिवर्तन जाटार लाहाकी सात खेप सम्‍म यर्दन नडीयाङ ठाहा। जब नामान अन्‍तिम खेप ढेनाङ ख्‍योहा, होच्‍यो छाला पुर्ण रुपाङ गेप्‍म भ्‍यामन्‍या।

![](https://cdn.door43.org/obs/jpg/360px/obs-en-19-16.jpg)

परमेसोरै अरु वास्‍टै अगमबक्‍टाको बिर्‌न्‍हका। होखुरीक पट्‍टये भर्‌मीकोलाक मुर्तिपुजाकी डास्‍की र अरु मीटाक न्‍याय र दया टान्‍हाक्‍की बिन्‍टी जाटा। अगमबक्‍टाकै भर्‌मीकोलाक इडीक होखुरीकै दुस्‍ट काम जाट्‍की माडासा र परमेसोरौ अनाग्‍याकारी छाना डेनाङ, परमेसोरै होखुरीककी दोसी ठहरीच र होखुरीककी दण्‍ड याछ चेतावनी याहा।

![](https://cdn.door43.org/obs/jpg/360px/obs-en-19-17.jpg)

वास्‍टै जसो, भर्‌मीकै परमेसोरौ कुरा मासेया। होखुरीकै अक्‍सर अगमबक्‍टाकुङ दुरब्‍यावहार जाटा र सेन सेन च होखुरीककी साटा पनि। काटखेप, यर्मिया अगमबक्‍टाकोलाक सुख्‍खा इनाराङ डा र सिकी डास्‍न याहा। होसे इनारौ म्‍यार्‌सानाङ लेच होलोवाङ भासडीसा, तर राजै होखुरीक मीटाक टान्‍हाका र लहो नोकरकोलाक यर्मिया सिकी डेनाङ अघी इनार लकीङ डोन्‍की लैडीया।

![](https://cdn.door43.org/obs/jpg/360px/obs-en-19-18.jpg)

भर्‌मीकै अगमबक्‍टाकोलाक घृणा जाट्‍नाङ र होखुरीकै परमेसोरौ बारेयाङ ङाक्‍ङ न ङुवा। पस्‍चताप माजाटा डेनाङ परमेसोरै भर्‌मीकोलाक नाश जाट्‍न याल्‍हे डेम होखुरीककी चेतावनी याम्‍हन ङुवा। होखुरीकै भर्‌मीकोलाक परमेसोरौ मसिह राछ प्रतिग्‍या आर्‌मीटाका।

*बाइबलको कथा: १ राजा १६-१८; २ राजा ५; यर्मिया ३८ बाट*

## 20. २०. निर्वासन र फीर्ता

https://openbiblestories.org/l/mgp/story-20/

![](https://cdn.door43.org/obs/jpg/360px/obs-en-20-01.jpg)

इस्राएलौ राज्‍य र यहुडुङ राज्‍य, दुबैले परमेसोरौ बिरुढाङ पाप जाटा। होखुरीक खाटा सिनै पर्वताङ छ्‍याक्‍च करार होखुरीकै भङ्‍ग जाटा। परमेसोरै होखुरीककी पस्‍चाताप जाट्‍की र पुन: होसकोकी पुजडीकी डेम चेतावनी याखीयो लागी लहो अगमबक्‍टाको बिर्‍न्‍हका तर होखुरीक आग्‍याकारी छान्‍की इन्‍कार जाटा।

![](https://cdn.door43.org/obs/jpg/360px/obs-en-20-02.jpg)

होटबाटै परमेसोरै पट्‍ट न राज्‍यकोलाक होखुरीकुङ सत्रुकोलकीङ नस्‍ट छान्‍की याहा। काट सक्‍टीसाली र क्रुर राष्‍ट्र अश्‍शुरी साम्राज्‍ये इस्राएलुङ राज्‍य ध्‍वास्‍ट पार्‍या। अश्‍शुरीकै इस्राएल राष्‍ट्रुङ वास्‍टै भर्‌मीकोलाक साटा, होखुरीकुङ बहुमुल्‍य सामानको पट्‍ट न आल्‍हा र देसुङ वास्‍टै ठाउको सीकाक्‍ङ याहा।

![](https://cdn.door43.org/obs/jpg/360px/obs-en-20-03.jpg)

अश्‍शुरीकै पट्‍ट अगुवाको, धनी भर्‌मीको र सी लेच भर्‌मीकोलाक जम्‍मा पार्‌न र होखुरीककी अश्‍शुरौ देसाङ लार नुङा। मासाट्‍च अति गरीब इस्राएलीको मट्‍टै इस्राएलौ राज्‍याङ बाकी ङुवा।

![](https://cdn.door43.org/obs/jpg/360px/obs-en-20-04.jpg)

अनी अश्‍शुरीकै इस्राएलौ राज्‍याङ बिदेसीकोलाक राकार डा। बिदेसीकै भट्‍कडीच सहरको फेरी खासा इस्राएलीको खाटा ब्‍याहा जाटा, कुडीक होला डास्‍चको लेया। बिदेसीकोलाक ब्‍याहा जाट्‍च इस्राएली सन्‍ततीकोलाक ‘सामरी’ डेया।

![](https://cdn.door43.org/obs/jpg/360px/obs-en-20-05.jpg)

यहुडुङ भर्‌मीकै परमेसोर मीटाक बीस्‍वास माजाट्‍च र होसकुङ आग्‍याकारी माछान्‍च बाटै कुजाट्‍न होसकुङ इस्राएलीकुङ राज्‍यकी दन्‍ड याहा डेम डाङा। र पनि होखुरीकै अझै कनानी देवताकुङ मुर्‌तिको पुजा जाटा। परमेसोरै होखुरीककी चेतावनी याखी अगमबक्‍टाकोलाक बिर्‍न्‍हका, तर होखुरीकै सेकी मामन्‍डीया।

![](https://cdn.door43.org/obs/jpg/360px/obs-en-20-06.jpg)

अश्‍शुरीकै इस्राएल नस्‍ट जाट्‍च १०० बर्‌सपछि परमेसोरै बेबिलोनुङ राजा, नबुकदनेसरकी यहुडौ राज्‍याङ आक्रमण जाट्‍की बिर्‌न्‍हका। बेबिलोन काट सक्‍टीसाली साम्राज्‍य लेया। यहुडुङ राजै नबुकदनेसरौ दास छान्‍की र हरेक बर्‌स होसकी वास्‍टै पैसा टेरेकी सहमत छाना।

![](https://cdn.door43.org/obs/jpg/360px/obs-en-20-07.jpg)

तर हीर वर्षपछि, यहुडुङ राजै बेबिलोनौ बिरुढाङ बिद्रोह जाटा। होटबाटै, बेबिलोनीको फेरी राहा र यहुदुङ राज्‍यकी आक्रमण जाटा। होखुरीकै यरुशलेमुङ शहर कब्‍जा जाटा, मन्‍दिर भट्‍कडीम याहा, अनी शहर र मन्‍दिराङ लेच पट्‍ट न सम्‍पत्तिको आल्‍हा।

![](https://cdn.door43.org/obs/jpg/360px/obs-en-20-08.jpg)

बिद्रोह जाट्‍च कारण यहुडुङ राजाकी दण्‍ड स्वरुप नबुकदनेसरकौ सिपाहीकै होच्‍यो मीजाकोलाक होच्‍यो न मीहासाङ साट्‍न याहा अनी होसकी अन्‍धा खास्‍न याहा। होटै होखुरीकै राजाकी झ्‍यालखानाङ न सीकीयो लागी बेबिलोन आल्‍हा।

![](https://cdn.door43.org/obs/jpg/360px/obs-en-20-09.jpg)

नबुकदनेसर र होच्‍यो फौजै बाली रोप्‍डीकीयो लागी गरीब डेनाङ गरीबकोलाक बाहेक यहुदुङ राज्‍यौ प्राय: पट्‍ट न भर्‌मीकोलाक बेबिलोनाङ आल्‍हा। समयौ इसे अवधी जहाँ परमेसोरौ भर्‌मीको प्रतिग्‍यौ मुलुक डास्‍की बाध्‍य छाना, इसेकी निर्वासन डेच हो।

![](https://cdn.door43.org/obs/jpg/360px/obs-en-20-10.jpg)

परमेसोरै भर्‌मीकोलाक होखुरीकुङ पापौ कारण निर्वासनाङ लोस आल्‍हार दण्‍ड यान्‍हाङ र होसकै होखुरीककी र लहो प्रतिग्‍याकोलाक भुलिस्‍की माछान्‍ले। परमेसोरै निरन्‍तर रुपाङ अगमबक्‍को लकीङ लहो भर्‌मीकोलाक रेखदेख जाट्‍की र ङाक्‍च काम जारी डा। सट्‍री बर्‌स पछी होखुरीक प्रतिग्‍यौ मुलुकाङ ल्‍हेस्‍ले डेम होसकै प्रतिग्‍या जाटा।

![](https://cdn.door43.org/obs/jpg/360px/obs-en-20-11.jpg)

करिब सट्‍टरी बर्‌स न्‍हुइङ फारिसीकुङ राजा, कोरेसै बेबीलोनकी परास्‍त जाटा, होटबाटै फारसी साम्राज्‍ये बेबिलोनी साम्राज्‍यकी प्रतिस्‍थापित जाटा। अब इस्राएलीकोलाक यहुदिको डेमन्‍या र होखुरीक मढ्‍याङ वास्‍टै जसोये लहो पुरै जीवन बेबिलोनाङ बिटडीमन्‍या। केवल बुढा छान्‍च यहुदिकोलाक मट्‍टै मुलुकौ ख्‍याल लेया।

![](https://cdn.door43.org/obs/jpg/360px/obs-en-20-12.jpg)

फारसी साम्राज्‍य काट सक्‍तिसाली साम्राज्‍य लेया तर होखुरीक लहे कब्‍जा जाट्‍च भर्‌मीको प्रति कृपालु लेया। कोरेस फारसीकुङ राजा छान्‍च केही समय पछि होचे सुर यहुदिको यहुदा ल्‍हेसन नुङ्‍की चहडीस्‍ले डेनाङ फरीसी साम्राज्‍य डास्‍न ल्‍हेस्‍की ह्योक्‍च आदेश याहा। होचे होखुरीककी मन्‍दिर फेरी खास्‍की पैसा याहा।

![](https://cdn.door43.org/obs/jpg/360px/obs-en-20-13.jpg)

जब भर्‌मीको यरुशलेमाङ टाराहा, होखुरीक मन्‍दिर र शहरौ वरीपरी पर्खालको फेरी खासा। होखुरीक मीटाक अझै र अरु राज्‍यये शासन जाट्‍न ङुच लेनाङ र पनि काटखेप फेरी होखुरीकै प्रतिग्‍यौ मुलुकाङ ङुकी र होसे मन्‍दिराङ आरधना जाट्‍की डुपा।

*बाइबलको कथा: २ राजा १७; २४-२५; २ इतिहास ३६; एज्रा १-१०; नेहम्याह १-१३ बाट*

## 21. २१. परमेश्वरै मसिहौ प्रतिज्ञा जाटा

https://openbiblestories.org/l/mgp/story-21/

![](https://cdn.door43.org/obs/jpg/360px/obs-en-21-01.jpg)

पट्टन कुरा सुरु लकिङ न, परमेस्वरै मसिहकी बिर्न्हकाच योजना जाटा। मसिह राछ बारेयाङ पट्ट डेनाङ पहिला प्रतिग्या आदम र हब्बा लेठाङ राजा। परमेसोरै प्रतिग्या जाटा कि हब्बौ वंशलकीङ काट जना सन्तान जन्मडीस्ले होचे बुलौ सिर कुचडीले। हब्बाकी झुक्डिच जोसे बुल नै सैतान लेया। होसे प्रतिग्यौ अर्थ चाहि मसिह रान्हाङ सैतानकी पुर्ण रुपाङ परास्त जाट्की लेया।

![](https://cdn.door43.org/obs/jpg/360px/obs-en-21-02.jpg)

परमेश्वरै अब्राहामकी प्रतिग्या जाटा कि होसे लकीङ सन्सारुङ पट्ट न जातियुङ भर्मीकै आसिस डुप्ले। जोसे आसिस मसिह राछ पछि न पुरा छान्च लेया। होसकै सन्सारकी पट्टन जातियुङ भर्मीकोलाक उद्धारौ लाम याछ लेया।

![](https://cdn.door43.org/obs/jpg/360px/obs-en-21-03.jpg)

परमेस्वरै मोशाकी भबिस्याङ होसकै मोशा ल्याक्च न अर्को काट जना अगमवक्ता खडा जाट्च प्रतिग्या जाटा। इसे मसिह र होस्कुङ आगमनौ सम्बन्धाङ अर्को काट प्रतिग्या लेया।

![](https://cdn.door43.org/obs/jpg/360px/obs-en-21-04.jpg)

परमेस्वरै दाउद राजाकी प्रतिग्या जाटा कि जोडे मेन वंशौ सन्तानै परमेसोरौ भर्मिको मीटाक सदा-सर्वदा राज्य जाट्ले। होच्यौ अर्थ मसिह दाउदौ न वंशअो काट जना छान्ले।

![](https://cdn.door43.org/obs/jpg/360px/obs-en-21-05.jpg)

यर्मिया अगमवक्ता लकीङ, परमेसोरै प्रतिग्या जाटा कि होसकै काट नयाँ करार स्थापित जाट्ले, जुनचहिँ होसकै सिनै पर्वताङ स्थापित जाट्च ल्याक्च मालेया। इसे कराराङ, परमेसोरै लहो ब्यावस्थाको भर्मिकुङ मिमनाङ रिक्ङ याल्हे, भर्मिकै पर्मेसोरकी ब्यक्तिगत रुपाङ वार्ल्हे होखुरिक होसकुङ भर्मीको छान्ले, र परमेसोरै होखिरीकुङ पापको क्षमा याल्हे। मसिहये नयाँ करारौ शुरूवात जाट्ले।

![](https://cdn.door43.org/obs/jpg/360px/obs-en-21-06.jpg)

परमेश्वरौ अगमवक्ताकै इट र डेया कि मसिह काट अगमवक्ता, काट पुजाहारी र काट राजा छान्ले अगमवक्ता होसे भर्मी हो होचे परमेस्वरौ वचनको सेले र परमेस्वरौ वचनको भर्मिकुङ मिघ्याङ घोषणा जाट्न याल्हे। परमेसोरै बिर्न्हकाले डेम प्रतिज्ञा जाट्च मसिह चहिँ काट मट्टै अगमवक्ता लेया।

![](https://cdn.door43.org/obs/jpg/360px/obs-en-21-07.jpg)

इस्राएली पुजाहारीकै भर्मीकुङ टर्फलकीङ होखुरीकुङ पापौ खातिर दन्डअो सट्टा क्षमौ लागि बलिको चढडीच जाट्न्या। पुजाहारीकै भर्मीकुङ लागि परमेसोरखाटा प्रार्थना र जाट्न याम्हन्या । मसिह काट सिद्ध प्रधान पुजारी लेया आस्कै लाहाकी न काट सिद्ध बलियो रुपाङ परमेस्वरखाटा अर्पण जाटा।

![](https://cdn.door43.org/obs/jpg/360px/obs-en-21-08.jpg)

राजा होसे हो कुसेर राजा मिटाक शासन जाट्ले र भर्मीकुङ न्याय जाट्ले। मसिह काट मट्टै सिद्ध राजा लेया होसे लहो पुर्खा दाउदौ सिंहसानाङ ङुच लेया। होसकै सदा-सर्वदौ लागि पट्ट न संसारमिटाक राज्य जाट्च लेया, र सदैव इमान्दारी र सहि निर्णयौ साथ न्याय जाट्च लेया।

![](https://cdn.door43.org/obs/jpg/360px/obs-en-21-09.jpg)

परमेसोरौ अगमवक्ताकै मसिहौ बारेयाङ अरु वास्टै कुराको भविष्यवाणी काटा। मलाकी अगमवक्ताकै मसिह राखिडेनाङ अघि काटजना महान् अगमवक्ता राल्हे डेम भविष्यवाणी जाटा। यशैया अगमवक्तै मसिह कन्यालकिङ डिन्ल्हे डेम भविष्यवाणी काटा। मिका अगमवक्तै होसको बेथलेहेमुङ लाङ्घाङ जन्मडिस्ले डेया।

![](https://cdn.door43.org/obs/jpg/360px/obs-en-21-10.jpg)

यसैया अगमबक्‍टै डेया कि, मसिह गालिलाङ ङुले, मन ग्‍याछकोलाक छ्‍याक्‍ङ याल्‍हे। मसिहये रोगी बिरामीकालाक र सेकी, डाङ्‍की, ङाक्‍की वा ह्‍वाकी माय्‍होक्‍चकोलाक गेपाक्‍ले डेम भविष्‍यवाणी जाटा।

![](https://cdn.door43.org/obs/jpg/360px/obs-en-21-11.jpg)

यसैया अगमबक्‍टै इसे र भविष्‍यवाणी जाटा कि मसिहकी बिनाकारण घृणा र तिरस्‍कार जाट्‍ले। अरु अगमबक्‍टाकै मसिहकी साट्‍चकै होसकुङ बढिनाङ चिठ्‍ठा काले र काट जना मित्रये होसकोकी ढोका याल्‍हे डेम भविस्‍यवाणी जाटा। जकरीया अगमबक्‍टै होसे मित्रकी, मसिहकी धोका याछ बापत तीस चाँदियो सिक्‍का भुक्‍टानी सोरुप टेरेले डेम भविष्‍यवाणी जाटा।

![](https://cdn.door43.org/obs/jpg/360px/obs-en-21-12.jpg)

अगमबक्‍टाकै मसिहौ मृत्‍यओ सम्‍बन्‍धाङ र भविष्‍यवाणी जाटा। यसैये भविष्‍यवाणी जाटा को भर्‌मीकै मसिहकी ठोक्‍ले, गिजडीले र डुङ्‍ले। होखुरीकै होसकोकी भालै झ्‍योक याल्‍हे र वास्‍टै कष्‍ट र पिडाखाटा होसको सिले, होसकै हीर कसुर माजाटा।

![](https://cdn.door43.org/obs/jpg/360px/obs-en-21-13.jpg)

अगमबक्‍टाकै इसे र डेया कि होसको कुसेर पाप बिना न सिद्ध छान्‍ले। होसको अरु भर्‌मीकुङ पापै दण्‍ड बुकीयो खातिर सिले। होसकुङ दण्‍डये भर्‌मी र परमेसोर मीघ्‍याङ शान्‍ति राक्‍ले। होटबाटै, मसिहकी पिचिकी परमेसोरौ न इच्‍छा लेया।

![](https://cdn.door43.org/obs/jpg/360px/obs-en-21-14.jpg)

अगमबक्‍टाकै भविष्‍यवाणी जाटा कि मसिह सिले र परमेसोरै न होसकोकी सिच लकीङ जीवाटाक्‍ले। मसिह सिच र सियार जीवाचलकीङ परमेसोरै पापीकोलाक जीवाटाक्‍च र नयाँ करारौ थालनी जाट्‍च होसकुङ योजना पुरा जाट्‍ले।

![](https://cdn.door43.org/obs/jpg/360px/obs-en-21-15.jpg)

परमेसोरै मसिहौ बारेयाङ अगमबक्‍टाकोलाक वास्‍टै कुराको प्रकट जाटा तर मसिह होसे कुसेर अगमबक्‍टाकुङ समयाङ माराहा। इसे अनसतिम भविष्‍यवाणीको याछ ४०० वर्ष डेनाङ वास्‍टै समयपछि परमेसोरै मसिहकी संसाराङ बिर्‌न्‍हका।

*बाइबलको कथा: उत्पत्ति ३:१५; १२:१-३; व्यवस्था १८:१५; २ शामुएल ७; यर्मिया ३१; यशैया ५९:१६; दानिएल ७; मलाकी ४:५; यशैया ७:१४; मीका ५:२; यशैया ९:१-७; ३५:३-५; ६१; ५३; भजनसंग्रह २२:१८; ३५:१९; ६९:४; ४१:९; जकरिया ११:१२-१३; यशैया ५०:६; भजनसंग्रह १६:१०-११ बाट*

## 22. २२. युहन्‍नौ जन्म

https://openbiblestories.org/l/mgp/story-22/

![](https://cdn.door43.org/obs/jpg/360px/obs-en-22-01.jpg)

विगताङ, परमेसोर लहो भर्‌मीकोखाटा लहो सोर्‌गदुत र अगमबक्‍टाकुङ माध्‍यमलकीङ ङाक्‍च जाट्‍नन्‍या। तर ४०० वर्ष सम्‍म होसको होखुरीक खाटा माङाका। अचानक काट सोर्गदुत जकरीया म्‍यार्‌मिन जाट्‍च पुजाहारी लेठाङ परमेसोरौ सन्‍देश लार राहा। जकरिया र होच्‍यो मास्‍टो एलिशिबा, परमेसोरौ भक्‍ट भर्‌मीको लेया, तर होचे कुसेर सन्‍तान डुप्‍की माय्‍होक्‍ङन्‍या।

![](https://cdn.door43.org/obs/jpg/360px/obs-en-22-02.jpg)

होसे सोर्‌गदुतै जकरियाकी डेया, “नुओ मास्‍टोओ काट लेन्‍जा मीजा छान्‍ले। निये होच्‍यो म्‍यार्‌मिन युहन्‍ना डाकी। होसे पवित्र आट्‍मै न्‍हेप्‍ले र मसिहौ लागी लाम तयार खास्‍ले

![](https://cdn.door43.org/obs/jpg/360px/obs-en-22-03.jpg)

सोर्‌गडुटै जकरियाकी जवाफ याहा, “ङा परमेसोरलकीङ नाङ लेठाङ इसे खुशियो समाचार सेटाक्‍की बिर्‍न्‍हकाच हो। नीये ङाकी बिस्‍वास माजाट्‍च कारनै बालक माडीन्‍ठर नाङ ङाक्‍की माय्‍होक्‍च चान्‍ले।” तुरुन्‍तै, जकरीया ङाक्‍की माय्‍होक्‍च छाना। अनी होसे दुतै जकरीयाकी डासार नुङा। होटै जकरीया ल्‍हेसा र होच्‍यो मास्‍टो गर्भवति छाना।

![](https://cdn.door43.org/obs/jpg/360px/obs-en-22-04.jpg)

जब एलिशिबा गर्भवति छान्‍च ६ महिना छान्‍नन्‍या, होसे न सोर्गदुतै अचानक एलिशिबौ लहो भर्‌मीको लेठाङ डेखा पर्‌या, होच्‍यो म्‍यार्‌मीन मरियम लेया। होसे काट कन्‍या लेया। होच्‍यो योसेफ म्‍यार्‌मीन जाट्‍च भर्‌मीखाटा मगनी छान्‍न्‍या। सोर्‌गडुटै डेया, “नाङ गर्भवति छान्‍ले र काट लेन्‍जा मीजा डीन्‍ल्हे। नाखुरीकै होसकुङ म्‍यार्‌मीन येसु डाले। होसको परम प्रदान परमेसोरौ पुत्र छान्‍ले र सदा-सर्वदा राज्‍य जाट्‍ले।”

![](https://cdn.door43.org/obs/jpg/360px/obs-en-22-05.jpg)

मरियमै जवाफ याहा, “इसे कुजाट्‍न छान्‍ले, ङा च कन्‍या न ले?” सोर्‌गदुतै डेया, “पवित्र आट्‍मा नाङ लेठाङ राल्‍हे र पवित्र आट्‍मौ पुत्र छान्‍ले।” मरियमै सोर्‌गडुटै डेच कुराङ विस्‍वास जाटा र होसे सुइकारीया।

![](https://cdn.door43.org/obs/jpg/360px/obs-en-22-06.jpg)

मरियमै सोर्‌गदुतखाटा बातचित जाट्‍च हिर समय पछि न होसे एलिसिशा लेठाङ डुप्‍की नुङा। एलिशिबै मरियमौ अभिवादन सेच बितिकै होच्‍यो मिटुकाङ लेच बालक फोर्‌जोहा। परमेसोरै होखुरीकुङ लागी जाट्‍न याछ कामाङ होसे मास्‍टोको मार्‍हाङा। एलिशिबा लेठाङ सोम महिनासम्‍म ङुच पछि, मरियम इमाङ ल्‍हेसा।

![](https://cdn.door43.org/obs/jpg/360px/obs-en-22-07.jpg)

एलिशिबा बालक लेन्‍जा मीजा डीन्‍छ पछि, सोर्‌गदुतै आग्‍या जाट्‍च अनुसार जकरिया र एलिशिबै होच्‍यो म्‍यार्‌मीन ‘युहन्‍ना’ डा। अनि परमेसोरै फेरी जकरीयाकी ङाक्‍की ह्‍योक्‍च खास्‍न याहा। जकरीये डेया, “परमेसोरौ प्रशंसा छान्‍ख्‍यो हिजैडेनाङ लहो भर्‌मीकोलाक आर्‌मीट्‍नने।

*बाइबलको कथा: लुका १ बाट*

## 23. २३. येसुओ जन्‍म

https://openbiblestories.org/l/mgp/story-23/

![](https://cdn.door43.org/obs/jpg/360px/obs-en-23-01.jpg)

योसेफ म्‍यार्‌मिन लेच काट जना धर्‌मि भर्‌मीखाटा मरियमौ मगनी छान्‍नन्‍या। जब मरियम गर्भवति छान्‍च होचे थाहा डुपा, होच्‍यो गर्भाङ लेच बालक लहो होइन डेच कुरा होसकी थाहा लेया। योसेफ मरियमकी काराम सेयाक्‍की मीमन माजाटा, होटबाटै होचे गुप्‍त रुपाङ मरियमकी डास्‍च योजना खासा। तर होचे होट जाट्‍की डेनाङ अघी, होच्‍यो सपनाङ काट सोर्‌गडुत होसे लेठाङ राहा।

![](https://cdn.door43.org/obs/jpg/360px/obs-en-23-02.jpg)

होचे सोर्‌गडुटै डेया, “योसेफ, मरियमकी लहो मास्‍टोओ रुपाङ स्‍वीकारीकी माबिर्‍हीयो। हिजैडेनाङ होसे भिट्‍री लेच बालख पवित्र- आत्‍मालकीङ राछ हो। होचे काट लेन्‍जा मीजा डीन्‍ल्‍हे। होसकुङ म्‍यार्‌मीन येसु डा (इच्‍यो अर्‌थ ‘याहोवये जीवाक्‍ले’), हीजैडेनाङ होचे भर्‌मीकोलाक होखुरीकुङ पाप लकीङ जीवाक्‍ले।”

![](https://cdn.door43.org/obs/jpg/360px/obs-en-23-03.jpg)

होटबाटै योसेफै मरियमखाटा ब्‍याहा जाटा र होच्‍यो मास्‍टोओ रुपाङ लहो इमाङ आल्‍हा, तर बालख माडीन्‍ठर योसेफ मरियमखाटा मामिसा।

![](https://cdn.door43.org/obs/jpg/360px/obs-en-23-04.jpg)

मरियमौ मीजा डीन्‍छ समय खेरेप राछ बेला, रोमी सरकारै पट्‍टकी जनघणनौ लागी लहो पुर्खाको ङुच सहराङ नुङ्‍च आदेश जारी जाटा। योसेफ र मरियमै होखुरीक ङुच ठाउँ नासरतलकीङ बेथलेहेम सम्‍मौ लोक्‍च यात्रा जाट्‍की पर्च लेया, हिजैडेनाङ होखुरीकुङ पुर्खा दाउदौ शहर बेथलेहेम लेया।

![](https://cdn.door43.org/obs/jpg/360px/obs-en-23-05.jpg)

जब होखुरीक बेथलेहेमाङ टाराहा, होला ङुकीयो लागी ठाउँ न मालेया। होखुरिकै डुप्‍की य्‍होक्‍च काट मट्‍टै ठाउँ बस्‍तुभाऔ गोठ लेया। बालक होला न डीन्‍हा र मरियमै होसकोकी डुँडाङ डा, हिजैडेनाङ बालखकी डाकी होखुरीकखाटा ठाउँ न मालेया। होखुरीकै बालखौ म्‍यार्‌मिन ‘येसु’ डा।

![](https://cdn.door43.org/obs/jpg/360px/obs-en-23-06.jpg)

होसे नाबिक, खेरेपुङ बारीयाङ गोठ्‍लाको लहो गोठको रखवाली जाट्‍न न लेया। अचानक, चम्‍कडीस्‍न ङुच काटजना सोर्‌गडुट होखुरिक लेठाङ डाङा र इसे डाङार होखुरीक बिर्‍हिया। सोर्गडुटै डेया, “माबिर्‍हीयो, हिजैडेनाङ ङाखाटा नाखुरीकुङ लागी हिर खुसीयो समाचारको ले। नाखुरीकुङ मसिह बेथलेहेमाङ जन्‍मडीस्‍नने

![](https://cdn.door43.org/obs/jpg/360px/obs-en-23-07.jpg)

“बालखकी पाकी नुङ्‍नी र नाखुरीकै होसकोकी बढीनाङ बेर्‍हडीच र डुँडाङ मिस्‍नङुच डुप्‍ले।” अचानक, सर्‌घाको परमेसोरौ प्रशंसा जाट्‍न ङुच सोर्‌गडुटको लकीङ इट डेचै न्‍हेपा, “सर्वोच्‍चोवाङ परमेसोरकी महिमा र पृथ्‍वीयाङ जुन भर्‌मीको खाटा होसको प्रसन्‍न ले होखुरीककी शान्‍ति

![](https://cdn.door43.org/obs/jpg/360px/obs-en-23-08.jpg)

हिर समयपछि गोठलाको येसु जन्‍मडीस्‍च ठाउँवाङ टाराहा र सोर्‌गडुटै डेनाङ लेखा न होसकोकी डुँडाङ मिस्‍न ङुच डुपा। होखुरीक अति उत्‍साहित लेया। मरियम र वास्‍टै खुसी लेया। गोठलाको, होखुरीकै डाङा- सेया पट्‍ट न कुराकुङ लागी परमेसोरकी प्रशंसा जाट्‍चै लहो भेडाको लेच बारी पटिक नुङा।

![](https://cdn.door43.org/obs/jpg/360px/obs-en-23-09.jpg)

हिर समयपछि लोस पुर्बउङ ग्‍यानी भर्‌मीकै सर्‌घुङ अनौठो तारा डाङा। होच्‍यो अर्‌थ यहुडीकुङ काट जना नयाँ राजौ जन्‍म छान्‍लेसा डेम होखुरीकै थाहा डुपा। होटबाटै होसे राजाकी ङोस्‍कीयो लागी होखुरीकै लोक्‍च यात्रा जाटा। होखुरीक बेथलेहेमाङ राहा अनी येसु र होसकुङ मोइ बोइ ङुमङुच ठाउँ पत्ता लैडीया।

![](https://cdn.door43.org/obs/jpg/360px/obs-en-23-10.jpg)

जब होसे ग्‍यानी भर्‌मीकै येसुकी होसकुङ मोइखाटा डाङा होखुरीकै घोप्‍टो पर्‍यार दण्‍डवत जाटा र होसकुङ आर्‌धना जाटा। होखुरीकै बहुमुल्‍य उपहारको चढडीया। होटै होखुरीक लाहा लहो इमाङ ल्‍हेसा।

*बाइबलको कथा: मत्ती १; लूका २ बाट*

## 24. २४. युहन्‍नै येसुकी बप्‍टिसमा याछ

https://openbiblestories.org/l/mgp/story-24/

![](https://cdn.door43.org/obs/jpg/360px/obs-en-24-01.jpg)

जकरीया र एलिशिबौ लेन्‍जा मीजा यहुन्‍ना होरा अनी काट अगमबक्‍टा छाना। होसे उजाड ठावाङ ङुमन्‍या, वनमह र सलह ज्‍याले र उँटौ भुट्‍लौ बढिन बिल्‍न्‍हन्‍या।

![](https://cdn.door43.org/obs/jpg/360px/obs-en-24-02.jpg)

वास्‍टै भर्‌मीकै उजाड ठावाङ युहन्‍नौ वचन सेकी राहा। होचे होखुरीककी इट डेम प्रचार जाटा, “पश्‍चताप जाटो, हिजैडेनाङ परमेसोरौ राज्‍य खेरेप राम्‍हने

![](https://cdn.door43.org/obs/jpg/360px/obs-en-24-03.jpg)

जब भर्‌मीकै युहन्‍नौ सन्‍देश सेले, होखूरीक ङढ्‍ये वास्‍टैये लहो पापलकीङ पश्‍चताप जाटा,अणी युहन्‍नै होखुरीककी बप्‍टिसमा याहा। वास्‍टै धार्‌मिक अगुवाको र युहन्‍नालकीङ बप्‍टिसमा लाकी राहा, तर होखुरीकै लहो पाप स्‍वीकारीयार पश्‍चताप माजाटा।

![](https://cdn.door43.org/obs/jpg/360px/obs-en-24-04.jpg)

युहन्‍नै होसे धार्‌मिक अगुवाकोलाक डेया, “हे दुष्‍टौ सन्‍तानको हो

![](https://cdn.door43.org/obs/jpg/360px/obs-en-24-05.jpg)

कुडीक यहुदीकै युहन्‍नाकी ही होसे न होसे मसिह हो डेम गीना। युहन्‍नै जवाफ याहा, “ङा मसिह होइन, तर ङा पचि राछ काट जना राम्‍हन ले। होसको महान ले कि होसकुङ जुत्तौ फित्ता समेत खोलिकी ङा लायकुङ माले।”

![](https://cdn.door43.org/obs/jpg/360px/obs-en-24-06.jpg)

अर्को दिन येसु युहन्‍नालकीङ बप्‍टिसमा लाकीयो लागी राहा। जब युहन्‍नै होसकोकी डाङा होचे डेया, “ङोसो

![](https://cdn.door43.org/obs/jpg/360px/obs-en-24-07.jpg)

युहन्‍नै येसुकी डेया, “नाकोकी बप्‍टिसमा याकी योग्‍यौ ङा माले। बरु नाकै ङाकी बप्‍टिसमा याखी पर्ले।” तर येसुये जवाफ याहा, “नीये ङाकी बप्‍टिसमा याखी पर्‌ले हिजैडेनाङ इसे जाट्‍की सहि ले।” होटबाटै युहन्‍नै होसकोकी बप्‍टिसमा याहा र येसुये सेन्‍र पाप माजाटा।

![](https://cdn.door43.org/obs/jpg/360px/obs-en-24-08.jpg)

बप्‍टिसमा छान्‍च पछि जब येसु डीलकीङ बाहिर राहा, परमेसोरौ आत्‍मा ढुकुरौ रुपाङ डाङा अनि म्‍हाका राहा र होसको मिटाक ङुवा। होडीक बेला सोर्‌गलकीङ परमेसोरौ आवाज इट डेचै ङाका, “इसे ङौ प्रिय मीजा हो र इसे खाटा ङा साफ्‍फी मार्‍हाङ्‌ने।”

![](https://cdn.door43.org/obs/jpg/360px/obs-en-24-09.jpg)

परमेसोरै युहन्‍नाकी डेमन्‍या, “पवित्र आत्‍मा म्‍हाका राहा र नीये बप्‍टिसमा याछ हिर समयपछि ङुले। होसे भ्र्‌मी चहीँ परमेसोरौ मीजा हो।” होला केवल काट मट्‍टै परमेसोर ले। तर जब युहन्‍नै येसुकी बप्‍टिसमा याहा, होचे बोइ परमेसोर ङाक्‍च सेया, परमेसोरौ मीजा डाङा जो येसु ले र होचे पवित्र आत्‍माकी डाङा।

*बाइबलको कथाः मत्ती ३; मर्कूस १:९-११; लूका ३:१-२३ बाट*

## 25. २५. शैतानलकीङ येसुओ परिक्षा

https://openbiblestories.org/l/mgp/story-25/

![](https://cdn.door43.org/obs/jpg/360px/obs-en-25-01.jpg)

येसुओ बप्‍टिसमा छान्‍चपछि, तुरुन्‍तै पवित्र आत्‍मै होसकोकी उजाड ठाउँ पटिक डोरीया, र होला होसकै चालिस याक र चालिस नाबिक सम्‍म उपवास ङुवा। होटै शैतान येसु लेठाङ राहा र होसकोकी पापाङ पर्‌कीयो लागी परिक्षा जाटा।

![](https://cdn.door43.org/obs/jpg/360px/obs-en-25-02.jpg)

शैतानै इट डेया येसुओ परिक्षा जाटा, “इडीक नाको परमेसोरौ मीजा ले डेनाङ, इसे ल्‍हुङकी रोटी खासार ज्‍याकी य्‍होक्‍ले।

![](https://cdn.door43.org/obs/jpg/360px/obs-en-25-03.jpg)

येसुये जवाफ याहा, “परमेसोरौ वचनाङ याङ्‍च रीक्‍ङने, ‘जीवाकीयो लागी भर्‌मीकी केवल रोटी मट्‍टै होइन, तर परमेसोरौ हरेक वचन चाडीस्ले

![](https://cdn.door43.org/obs/jpg/360px/obs-en-25-04.jpg)

होटै सैतानै येसुकी मन्‍दिरौ पट्‍ट डेनाङ घाङ्‍च भाकाङ आल्‍हा र डेया, “इडिक नाको परमेसोरौ मीजा हो डेनाङ, म्‍हाका फाल ङाप्‍नी, हिजैडेनाङ रीक्‍ङने, परमेसोरै नाकुङ बिषयाङ लहो दुतकोलाक आग्‍या जाट्‍ले, अनी कुटै र नाकुङ लहो मीखुट्‍या ल्‍हुङाङ बजारीस्‍लेकी डेम होखुरीकै नाकोकी मीहुटाङ सोट्‍च लेया।”

![](https://cdn.door43.org/obs/jpg/360px/obs-en-25-05.jpg)

तर येसुये सैतानकी वचनकोलकीङ जवाफ याहा। येसुये डेया, “परमेसोरौ वचनाङ, होसकै लहो भर्‌मीकोलाक आग्‍या जाट्‍नने की, “परमप्रभु लहो परमेसोरौ परिक्षा माजाट्‍की।”

![](https://cdn.door43.org/obs/jpg/360px/obs-en-25-06.jpg)

होटै शैतानै येसुकी संसारुङ पट्‍ट न राज्‍यको र होच्‍यो सारा महिमाको डाङा र डेया, “इडीक नाकै घोप्‍टो पार्‌न ङाकी डण्डवत जाटा डेनाङ पट्‍ट न ठोक ङा नाकोकी याल्‍हे।”

![](https://cdn.door43.org/obs/jpg/360px/obs-en-25-07.jpg)

येसुये जवाफ याहा, “ए शैतान

![](https://cdn.door43.org/obs/jpg/360px/obs-en-25-08.jpg)

येसुये शैतानकी परिक्षाकोवाङ लाहाकी न मासुम्‍पडीया, होटबाटे सैतानै होसकोकी डासार नुङा। अनी सोर्‌गडुटको राहा र येसुओ स्‍याहार जाटा।

*बाइबलको कथाः मत्ती ४:१-११; मर्कूस १:१२-१३; लूका ४:१-१३ बाट*

## 26. २६. येशुये लहो सेवाकाइ सुरु जाटा

https://openbiblestories.org/l/mgp/story-26/

![](https://cdn.door43.org/obs/jpg/360px/obs-en-26-01.jpg)

सैतानौ परिक्षाकोवाङ विजय छान्‍रखिङ, येसु पवित्र आट्‍मौ सक्‍टीयाङ गालीलुङ प्रान्‍ताङ ल्‍हेसा, जहाँ होसको ङुमन्‍या। येसु पाहाक्चै काट ठाँउलकीङ अर्को ठाँउ पटिक नुङा। पट्‍टकै होसकुङ बारेयाङ सेछ ङाक्‍ङन्‍या।

![](https://cdn.door43.org/obs/jpg/360px/obs-en-26-02.jpg)

येशु नासरतुङ लाङ्‍गाङ नुङा, होला होसकै लहो बाल्‍यकाल बीटडीमन्‍या। सबाठौ डीनाङ, होसको आरधना जाट्‍च ठाँवाङ नुङा। भर्‌मीकै परेस्‍कीयो लागी होसकुङ मीहुटाङ यसैया अगमबक्‍टौ चीठी याहा। येसुये चिठि खोलिया अनी होच्‍यो काट भाग भर्‌मीकुङ लागी परेस्‍न याहा।

![](https://cdn.door43.org/obs/jpg/360px/obs-en-26-03.jpg)

येशुये परेसा, “परमेसोरौ आट्‍मा ङा मीटाक ले, हिजैडेनाङ गरीबकोलाक सेछ समाचार सेटाक्‍कीयो लागी होसकै ङाकी अभिसेक जाटा मन ग्‍याछकोलाक गेपाक्‍की, कैदीकोलाक छुटकरा याखी, अन्‍धाकोलाक डीरीस्‍टी याखी, थोचोमीचोवाङ पर्‌चकोलाक छुटकरा याखी, र पर्‌भुओ ग्रहण योग्‍य वर्षओ प्रचार जाट्‍कीयो लागी होसकै ङाकी बिर्‌न्‍हकाच हो।”

![](https://cdn.door43.org/obs/jpg/360px/obs-en-26-04.jpg)

अनी येशु म्‍हाका ङुवा। पट्‍टओ मिमिक होसको मिटाक पर्‍या। होखुरीककी थाहा लेया, कि होसकै चाहा जा परेस्‍च खन्‍डये मसिहओ बारेयाङ डेमन्‍या। येसुये डेया, “पवित्रशास्‍त्रओ इसे बचन छिनी नाखुरीकै सेच पुरा छान्‍नने।” पट्‍ट न भर्‌मीको छक्क पर्‍या। “ही इसे योसेफौ मीजा होइन र?” होखुरीकै डेया।

![](https://cdn.door43.org/obs/jpg/360px/obs-en-26-05.jpg)

अनी येसुये डेया, “ङा नाकोकी साच्‍ची न डेले, कुसेर भबीस्‍यबक्‍टाकी लहो डेसाङ ग्रहण माजाट्‍ले।” एलीयौ समयाङ, इस्राएलाङ कुडीक विधुवाको लेया। तर जब साढे सोम बर्‌स सम्‍म नामास माराहा, परमेसोरै एलियाकी इस्राएलाङ लेच बिधवाकोलाक सहायता जाट्‍की बिर्‌न्‍हमाका, तर बरु अरु राष्‍ट्‌रुङ बिढुवाको लेठाङ बीर्‌न्‍हका।

![](https://cdn.door43.org/obs/jpg/360px/obs-en-26-06.jpg)

येशुये डेचै नुङा, “अनी एलिसा अगमबक्‍तौ समयाङ, छालौ रोग लेच वास्‍टै भर्‌मीको इस्राएलाङ लेया। तर एलिसै होखुरीक सुकीर मागेपाका। होचे काट जना इस्राएलुङ नामानुङ छाला रोगी की गेपाका।” येसुकी सेम ङुच भर्‌मीको यहुडीको लेया। होटबाटै जब होखुरीकै होसकै इट डेच सेया, होखुरीक होसको खाटा साफी मीरिस ख्‍योहा।

![](https://cdn.door43.org/obs/jpg/360px/obs-en-26-07.jpg)

नासरतुङ भर्‌मीकै येसुकी आरधनौ स्‍थानलकीङ घिसारीयार बाहिर छ्‍युका र डाडुङ डीलाङ आल्‍हार होसकोकी होटै झालाकार साट्‍की पा। तर येसु भिडौ मीघीङ ख्‍योहार नासरत डासार ह्‍वा।

![](https://cdn.door43.org/obs/jpg/360px/obs-en-26-08.jpg)

होस न्‍हुइङ गालीलुङ प्रान्‍तकोवाङ नुङा, अनी बाड्‍को भिड होसको लेठाङ राहा। होखुरीकै वास्‍टै भर्‌मीको राका होखुरीक रोगी अवस्‍थाङ लङ्‍गडा लेया, होला होखुरीक र समेट्‍डीस्‍नन्‍या जो चही डाङ्‍की, ह्‍वाकी, वा ङाक्‍की माह्‍योक्‍च लेया, अनी येसुये होखुरीककी गेपाका।

![](https://cdn.door43.org/obs/jpg/360px/obs-en-26-09.jpg)

वास्‍टै भुतआत्‍मा लक्‍डीस्‍च भर्‌मीकोलाक येसु लेठाङ राका। येसुओ आग्‍याङ, होसे भुतआत्‍माको भर्‌मीको लेठिङ ख्‍योहार राहा, अनी होखुरीक इट डेचै च्‍याका, “नाको च परमेसोरौ मीजा हो।”

![](https://cdn.door43.org/obs/jpg/360px/obs-en-26-10.jpg)

होसन्‍हुइङ येसुये बाह्रजना भर्‌मीकोलाक भाका होखुरीककी होसकुङ चेला डेया। होसे चेलाको येसुखाटा ह्‍वामन्‍या र होसकोलकीङ पाम्‍हन्‍या।

*बाइबलुङ  कथाः मत्ती ४:१२-२५; मर्कूस १:१४-१५, ३५-३९; ३:१३-२१; लूका ४:१४-३०, ३८-४४ लकीङ*

## 27. २७.असल सामरीयो कथा

https://openbiblestories.org/l/mgp/story-27/

![](https://cdn.door43.org/obs/jpg/360px/obs-en-27-01.jpg)

कायाक, यहुडी ब्‍यवस्थौ निपुण काट जना गुरु येशुलेठाङ होसकुङ परिक्षा जाट्‍की डेम राहा, “गुरुज्‍यु, अनन्‍त जीवनौ हकडार छान्‍की ङा ही जाटीङ?” येसुये जवाफ याहा, “परमेसोरौ ब्‍यवस्‍थाङ ही रीक्‍ङने?”

![](https://cdn.door43.org/obs/jpg/360px/obs-en-27-02.jpg)

होसे ब्‍यवस्‍थौ निपुण भर्‌मीये परमेसोरौ ब्‍यवस्‍थै इट डेले डेम जवाफ याहा, “नीये लहो परमप्रभु परमेसोरकी लहो सारा रीडये, लहो सारा प्रानै, लहो सारा शक्‍तिये र लहो समझ शक्‍तिये प्रेम जाटो अनी लहो छिमिकीकी लाहाकी लेखान प्रेम जाटो।” येसुये जवाफ याहा, “नीये ठिक न डेया।”

![](https://cdn.door43.org/obs/jpg/360px/obs-en-27-03.jpg)

तर होसे ब्‍यवस्‍थौ निपुण भर्‌मीये लाहाकी धर्‌मि ठहरीकी मीमन जाटा, होटबाटै होचे गिना, “ङौ छिमेकी सु हो त?”

![](https://cdn.door43.org/obs/jpg/360px/obs-en-27-04.jpg)

येसुये होसे भर्‌मीकी काट कथा डेयार जवाफ याहा, “काट जना यहुडी भर्‌मी यरुसलेमौ लाम छानार यरिहो पटिक नुङ्‍ङन लेया।”

![](https://cdn.door43.org/obs/jpg/360px/obs-en-27-05.jpg)

“ह्‍वामन लेनाङ, होसे भर्‌मीकी खुसकुङ समुहे लुट्‍डीया। होखुरीकै होसेखाटा लेच पट्‍ट न ठोकको आल्‍हा र होसकी अधमरो छान्‍च जाट्‍न डुङा। होसन्‍हुइङ होखुरीकै होसे भर्‌मीकी डासार होटै ह्‍वा।”

![](https://cdn.door43.org/obs/jpg/360px/obs-en-27-06.jpg)

“होटै कालापाङ, काट जना यहुडी पुजाहारी र होसे न लाम छानार राम्‍हन लेया। जब होसे धार्मिक अगुये होसे घाइट्‍या पार्‍न डाच भर्‌मीकी डाङा, होसे अर्‍को न लाम छानार पार्‌च छेउ छानार नुङा र होसे भर्‌मीलकीङ टर्‌कडीसार ह्‍वा र लहो लाम लक्‍डीसा।”

![](https://cdn.door43.org/obs/jpg/360px/obs-en-27-07.jpg)

“होङ्‍च छान्‍च वास्‍टै बेर माछान्‍न न, काट जना लेवी र होसे न लाम छानार राहा। (लेविको यहुडीकुङ काट कुल लेया आस्‍को मन्‍दिराङ पुजाहारीकोलाक सहायता जाट्‍नन्‍या।) होसे लेवी र लामौ पर्‌च छेउलकीङ ह्‍वा र होसे घाइट्‍या छान्‍च भर्‌मीकी वास्‍टा माजाटा।”

![](https://cdn.door43.org/obs/jpg/360px/obs-en-27-08.jpg)

“होसे लामलकीङ न नुङ्‍च अर्‌को भर्‌मी काट जना सामरी लेया। (सामरीको यहुडीकुङ होसे सन्‍टान लेया कि जुनै अरु राष्‍ट्‌रुङ भर्‌मीकोलाक ब्‍याहा जाट्‍नन्‍या। सामरीकै र यहुडीकै (काटै काटकी घृणा जाट्‍नन्‍या) । तर जब होसे सामरीकै होसे यहुडी भर्‌मीकोलाक डाङा, र होच्‍यो मीमन डयै न्‍हेपा। होटबाटै होचे होसकी यहुडीको मीटाक सहानुभुति टान्‍हाका र होच्‍यो म्‍हाकोवाङ पट्‍टी लैडीम याहा।

![](https://cdn.door43.org/obs/jpg/360px/obs-en-27-09.jpg)

“अनी होसे सामरीये होसे यहुडीकी लहो गधामिटाक काल्‍हाका र होसकी लामुङ छेवाङ लेच काट पौवाङ आल्‍हार होसे सामरीये होच्‍यो स्‍याहार जाटा।”

![](https://cdn.door43.org/obs/jpg/360px/obs-en-27-10.jpg)

“अर्‌को डिन, होसे सामरी ह्‍वाकी पर्‌च लेया। होचे होसे पौवौ मालिककी चेक्‍जा पैसा याहार डेया, “इच्‍यो ख्‍याल जाट्‍न यान्‍ही, अनी इडीक नाकोकी इसे डेनाङ वास्‍टै खर्‌च नुङा डेनाङ, ङा ल्‍हेसार रान्‍हाङ याल्‍हे।”

![](https://cdn.door43.org/obs/jpg/360px/obs-en-27-11.jpg)

होसन्‍हुइङ येसुये ब्‍यवस्‍थौ होसे निपुण भर्‌मीकी डेया,“नाङ्‍की ही सेले? होसे मध्‍याङ कुसे चहीँ होसे घाइट्‍या भर्‌मीयो छिमेकी हो?” होचे जवाफ याहा, “होसे न जुन चहीँये डया टान्‍हाका।” येसुये होसकी डेया, “नाङ र नुङ्‍ना र होट न जाटो।”

*बाइबलुङ कथाः लूका १०:२५-३७ लकीङ*

## 28. २८. धनि जवान शासक

https://openbiblestories.org/l/mgp/story-28/

![](https://cdn.door43.org/obs/jpg/360px/obs-en-28-01.jpg)

काट याक, काट जना धनि जवान शासक येसु लेठाङ राहा, “असल गुर अनन्‍त जीवन डुप्‍कीयो लागी ङै ही जाट्‍की पर्‌ले?” येसुये होसकी डेया,“हीजै नाङ ङाकी ‘असल’ डेले? काट जना मट्‍टै असल ले र लेमङुले , अनि होसको चहीँ परमेसोर हो। तर इडीक नाको अनन्‍त जीवन डुप्‍की मीमन जाट्‍ले डेनाङ, परमेसोरौ आग्‍याको पालन जाटो।”

![](https://cdn.door43.org/obs/jpg/360px/obs-en-28-02.jpg)

“होसे मध्‍ये कुसे कुसे चहीँ ङै पालन जाट्‍की पर्‌ले?” होचे गिना। येसये डेया, “हत्‍या माजाट्‍की। ब्‍यभिचार माजाट्‍की, माखुस्‍की, झुटो माङाक्‍की, लहो बोइ मोइकी आदर जाट्‍की र लहो छिमेकीकी लाहाकी लेखान प्रेम जाट्‍की।”

![](https://cdn.door43.org/obs/jpg/360px/obs-en-28-03.jpg)

तर होसे जवान भर्‌मीये लाहाकी ठिक प्रमाणित जाट्‍कीयो लागी डेया, “ङै इसे पट्‍ट न आग्‍याको च मार्‌जा लेनाङ लकीङ न जाट्‍न राम्‍हने। ङै अझै हि जाट्‍की पर्‌ले ताकी ङा सधैयो लागी जीवाकी ह्‍योकिङ?” येसुये होसे भर्‌मीकी ङोसा र टिठडीया।

![](https://cdn.door43.org/obs/jpg/360px/obs-en-28-04.jpg)

येसुये जवाफ याहा, “इडीक नाङ सिद्‍ध छान्‍की मीमन जाट्‍ले डेनाङ, नुङ्‍ना र नाङखाटा लेच पट्‍ट न ठोक आर्‌लौ अनि होसेलकीङ राछ पैसा गरीबकोलाक योहो, र सोर्‌गाङ निये धन डुप्‍ले। होटै रान्‍हा र ङौ पछि लक्‍डीसो।”

![](https://cdn.door43.org/obs/jpg/360px/obs-en-28-05.jpg)

जब होसे जवान भर्‌मीये येसुये डेच कुराको सेया, होसे वास्‍टै डुखी छाना, हिजैडेनाङ होसे एकदम धनि लेया अनि लहे अधिकार जमडीच पट्‍ट न ठोक याकी मीमन मालेया। होसे होटै ल्‍हेसार नुङा।

![](https://cdn.door43.org/obs/jpg/360px/obs-en-28-06.jpg)

अनि येसुये होच्‍यो चेलाकोलाक डेया, “धनि भर्‌मीकोलाक परमेसोरौ राज्‍याङ पर्‌की धेरै कठिन ले

![](https://cdn.door43.org/obs/jpg/360px/obs-en-28-07.jpg)

जब चेलाकै येसुये डेच कुरा सेया, होखुरीक छक्‍क पर्‍या अनि डेया, “नभा सुये चहीँ मुक्‍टी याल्‍खी ह्‍योक्‍ले त?”

![](https://cdn.door43.org/obs/jpg/360px/obs-en-28-08.jpg)

येसये होसे चेलाको पटिक ङोसार डेया, “भर्‌मीकुङ लागी इसे असम्भव ले, तर परमेसोरौ लागी, पट्‍ट न कुरा सम्‍भव ले।”

![](https://cdn.door43.org/obs/jpg/360px/obs-en-28-09.jpg)

पत्रुसै यसुकी डेया, “कानै पट्‍ट न कुराको डासार नाकोकी डुट्‍नने। कानुङ लागी इनाम ही छान्‍ले? ”

![](https://cdn.door43.org/obs/jpg/360px/obs-en-28-10.jpg)

येसुये जवाफ याहा, “जुनै ङौ म्‍यार्‌मीनौ खातिर लहो इम, डाजेभाइको, डैबहिनीको, बोइ, मोइ, मीजाको, अथवा धन-सम्‍पत्ति डास्‍नने, होखुरीक पट्‍टये सय गुना बढि डुप्‍ले अनि होखुरीकै अनन्‍त जीवन र डुप्‍ले। तर वास्‍टै जना जुन चहीँ पहिला ले, होखुरीक न्‍हुङ्‍लाक छान्‍ले, र न्‍हुङ्‍लाक छान्‍चको चहिँ पहिला छान्‍ले।”

*बाइबलुङ कथा: मत्ती १९:१६-३०; मर्कूस १०:१७-३१; लूका १८:१८-३० लकिङ*

## 29. २९. निर्‌डयी नोकरौ उदाहण

https://openbiblestories.org/l/mgp/story-29/

![](https://cdn.door43.org/obs/jpg/360px/obs-en-29-01.jpg)

कायाक, पत्रुसै येसुकी गिना, “मालिक, ङौ भाये ङौ बिरुढाङ पाप जाटा डेनाङ ङै होसकी कुडीक खेप छमा याखी? ही सात खेप?” येसुये डेया, “सात पटक होइन, तर सात गुणा सत्तरी पटक

![](https://cdn.door43.org/obs/jpg/360px/obs-en-29-02.jpg)

“परमेसोरौ राज्‍यचहिँ काट जना राजा ल्‍याक्‍च न हो, जुनै लहो नोकरकोखाटा हिसाब किताब सुल्झडिकी मीमन जाटा। होच्‍यो नोकरमढ्‍य काट जनै करिब २,००,००० बर्षसम्‍मौ मजदुरीयो रीन बुमन्‍या।”

![](https://cdn.door43.org/obs/jpg/360px/obs-en-29-03.jpg)

“होसे नोकरै लहो रीन टेरीकी माह्‍योक्‍च बाटै राजै होसे नोकरकी डेया, ‘इसे भर्‌मी र इच्‍यो परीवारकी दासौ रुपाङ आर्‌लाम योहो, ताकि इचे लहो रीन चुक्ता जाट्‍की ह्‍योक्‍ख्‍यो।”

![](https://cdn.door43.org/obs/jpg/360px/obs-en-29-04.jpg)

“होसे नोकरै राजौ म्‍याहासाङ लहो घुडा टेक्‍डीयार डेया, ‘बिन्‍टी ङाकी लेन्‍न यान्‍ही, अनी ङै नाकोकी टेरिकी बाकी लेच पट्‍ट न पैसा ङा नाकोकी टेरिमयाल्‍हे।’ राजाकी होसे नोकरप्रति डया लग्‍डीसा, होटबाटै होचे होसे नोकरौ पट्‍टन रीनको चुक्‍टा जाट्‍न याहा अनी होसकी नुङ्‍की याहा।”

![](https://cdn.door43.org/obs/jpg/360px/obs-en-29-05.jpg)

“तर जब होसे नोकर राजौ नजरलकीङ बाहिर नुङा, होचे अर्‌को काट जना लाफा नोकरकी डुपा होसे चहीँ होच्‍यो बुलि महिनासम्‍म मजदुरीयो रीन लामन्‍या। होसे नोकरै लहो लाफा नोकरकी घोवा र डेया, “निये ङौ रीन टेरिकी क्‍योटो।”

![](https://cdn.door43.org/obs/jpg/360px/obs-en-29-06.jpg)

“होसे लाफै घुडा टेक्‍डीयार र डेया, “बिन्‍टी, ङाकी लेन्‍न यान्‍ही। नाकोकी टेरिकी बाक लेच पट्‍ट न पैसा ङा टेरिले।” तर होसे नोकरै च होसे लहो लाफाकी रीन माटेरिथर होसकी झ्‍यालखानाङ कामयाहा।

![](https://cdn.door43.org/obs/jpg/360px/obs-en-29-07.jpg)

होसे घटना डाङार कोइ कोइ नोकरकोलाक इसे घटनै वास्‍टै निरास खासा। होखुरीक राजा लेठाङ नुङार होसकी पट्‍ट न कुरा सेटाक्‍ङ याहा।

![](https://cdn.door43.org/obs/jpg/360px/obs-en-29-08.jpg)

राजै होसे नोकरकी आर्‌घा र डेया, ‘नाङ दुष्‍ट नोकर’

![](https://cdn.door43.org/obs/jpg/360px/obs-en-29-09.jpg)

अनि येसुये डेया, “इडीक नाखुरीकै लहो रिडयलकीङ न लहो भाइकी क्षमा माय्‍हा डेनाङ सोर्‌गाङ लेच ङौ बोइये र नाखुरीक पट्‍टकी होटन जाट्‍ले।

*बाइबलुङ  कथा: मत्ती १८:२१-३५ लकीङ*

## 30. ३०. येसुये बाङा हजार भ्रर्‌मीकी कासा

https://openbiblestories.org/l/mgp/story-30/

![](https://cdn.door43.org/obs/jpg/360px/obs-en-30-01.jpg)

भर्‌मीकोलाक प्रचार जाट्‍की र शिक्षा याखी येसुये लहो चेलाकोलाक विभिन्‍न ठाँउकोवाङ बिर्‍न्‍हका। जब होखुरीक येसु लेच ठाउँवाङ ल्‍हेसार राहा, होकूरीकै काम जाट्‍च येसुकी सेटाका। होसन्‍हुइङ येसुये होखुरीककी लाहाखाटा समुन्‍डरौ पार्‌च छेउ, काट शान्‍त ठाँवाङ नुङार कालाप आराम जाट्‍की आर्‌घा। होटबाटै होखुरीक काट डुङ्‍गाङ काल्‍हा र समुन्‍डरौ पार्‌च छेउ पटिल ल्‍हेसा।

![](https://cdn.door43.org/obs/jpg/360px/obs-en-30-02.jpg)

तर होला वास्‍टै भर्‌मीको लेया, होखुरीकै चहिँ येसु र होसकुङ चेलाकोलाक डुङ्‍गाङ काल्‍हार अरु न ठाँवाङ नुङ्‍च डाङा। होसे भर्‌मीको र येसु र चेलाको डेनाङ पहिला न समुन्‍डरौ पारी टाछ दाउ जाटार किनारै किनार छानार खेरा। होटै जब येसु र चेलाको होसे ठाँवाङ टाहा, भर्‌मीकुङ बाड्‍को भिड होला पहिले नै होसको र चेलाकोलाक लेनार ङुमङुमन्‍या।

![](https://cdn.door43.org/obs/jpg/360px/obs-en-30-03.jpg)

होसे भिडाङ मास्‍टो र बालखकोलाक माहिल्‍न न करिब ५,००० डेनाङ बढि लेन्‍जाको लेया। येसुओ लागी होसे भर्‌मीको गोठलाबिनुङ भेडाको सरह न लेया। होटबाटै होसकै होखुरीककी शिक्षा याहा र रोगी भर्‌मीकी गेपाका।

![](https://cdn.door43.org/obs/jpg/360px/obs-en-30-04.jpg)

डिनौ अन्‍तिमपटिक , चेलाकै येसुकी डेया, “अब च ढिलो छान्‍न भ्‍या र इला खेरेप कुसेर बस्‍ति माले। इसे भर्‌मीकोलाक अरु न ठावाङ बिर्‌न्‍हकाकी पर्‌ले ताकि इखुरीकै ज्‍याच कुराको डुप्‍ख्‍यो।”

![](https://cdn.door43.org/obs/jpg/360px/obs-en-30-05.jpg)

तर येसुये चेलाकोलाक डेया, “नाखुरीकै न इखुरीकुङ लागि ज्‍याच कुरौ बन्‍दोबस्‍त जाट्‍न यान्‍ही।

![](https://cdn.door43.org/obs/jpg/360px/obs-en-30-06.jpg)

येसुये भिडाङ लेच भर्‌मीकोलाक पाचास पचास जनौ झुन्‍डाङ ङुकी लैडीनी डेम चेलाकोलाक अह्रडीया।

![](https://cdn.door43.org/obs/jpg/360px/obs-en-30-07.jpg)

अनी येसुये होसे रोटो र नीसवटा माछा ला, ढेनाम सोर्‌गलाक ङोसा अनी ज्‍याचकुरौ लागी परमेसोरकी धन्‍यवाद याहा।

![](https://cdn.door43.org/obs/jpg/360px/obs-en-30-08.jpg)

होसन्‍हुइङ येसुये रोटो र माचाकी टुक्रा-टुक्रा पार्‍यार ग्‍याका। होसकै होसे टुक्राको भर्‌मीकी पुङ्‍ङ याखीयो लागी चेलाकोलाक लैडिया। चेलाकै ज्‍याच कुरा पुङ्‍ङ न ङुवा र होसे सेन्‍र माभ्‍या।

![](https://cdn.door43.org/obs/jpg/360px/obs-en-30-09.jpg)

होसन्‍हइङ, चेलाकै ओबारीस्‍च ज्‍याच कुरा जम्‍मा पर्‍या, अनी होसे चहीँ लगभग बाह्र डालो छाना

*बाइबलुङ कथा: मत्ती १४:१३-२१; मर्कुस ६:३१-४४; लुका ९:१०-१७; युहन्‍ना ६:५-१५ लकीङ*

## 31. ३१.येसु डीमीटाक ह्‍वा

https://openbiblestories.org/l/mgp/story-31/

![](https://cdn.door43.org/obs/jpg/360px/obs-en-31-01.jpg)

अनी भीडकी बिदा याहार येसुये चेलाकोलाक डुङ्‍गाङ काल्‍हार समुन्‍डरौ पार्‌च छेउलाङ नुङ्‍नी डेया। भिडकी बिदा याछ पछि होसको प्रार्थना जाट्‍कीयो लागि डाँडालाक नुङा। येसु होला मेखोला काट न लेया, अनी नाबिक अबेर सम्‍म प्रार्थना जाट्‍न ङुवा।

![](https://cdn.door43.org/obs/jpg/360px/obs-en-31-02.jpg)

चेलाको लहो डुङ्‍गा क्‍योट्‍न न लेया। टर नाबीक अबेरसम्‍माङ र होखुरीक समुन्‍डरौ मीघ्‍याङ टाम्‍ह भ्‍यामन्‍या। वास्‍टै कठिनखाटा होखुरीक डुङ्‍गा क्‍योट्‍न न लेया हिजैडेनाङ सक्‍टीसाली आँधी होखुरीककुङ विपरीट क्‍योस्‍नन लेया।

![](https://cdn.door43.org/obs/jpg/360px/obs-en-31-03.jpg)

येसुये प्रार्थना जाट्‍न भ्‍याचपछि होसको चेलाको लेठाङ नुङा। होसको समुन्‍ड्‍रौ डी मीटाक ह्‍वाचै होखुरीक लेच पटीक डुङ्‍गालाक नुङा।

![](https://cdn.door43.org/obs/jpg/360px/obs-en-31-04.jpg)

जब चेलाकै येसुकी डाङा, होखुरीक साफ्फी बीर्‍हीया हीजैडेनाङ भुत डाङ्‍ङन लेच होखुरीकै आर्‌मीटा। होखुरीक बीर्‍हीमने डेम येसुकी ठाहा लेया, होटबाटै होसकै होखुरीककी आर्‌घा र डेया, “माबिर्‍हीनी। ङा हो”

![](https://cdn.door43.org/obs/jpg/360px/obs-en-31-05.jpg)

टब पट्‍रुसै येसुकी डेया, “गुरुज्‍यु, इडीक नाको न हो डेनाङ, ङाकी नाको लेठाङ डी मीटाक छानार राछ आग्‍या यान्‍ही।” येसुये पट्‍रुसकी डेया, “रान्‍ही।”

![](https://cdn.door43.org/obs/jpg/360px/obs-en-31-06.jpg)

होटबाटै, पट्‍रुस डुङ्‍गालकीङ बाहिर ख्‍योहा र डी मीटाक येसु टोङ्‍हछ ठाउँलाक ह्‍वाकी पा। टर काटछिन ह्‍वाचपछि, होचे लहो मिमिकको येसुलकीङ अरु पटिक न आल्‍हा अनि छालको पटिक ङोस्‍चै आँधीकी महसुस जाट्‍की ठाला।

![](https://cdn.door43.org/obs/jpg/360px/obs-en-31-07.jpg)

टब पत्रुस बिर्‍हिया र डीयाङ ठाखी पा। अनि इट डेचै, “गुरुज्‍यु, ङाकी जीवाटाक्‍नी!“

![](https://cdn.door43.org/obs/jpg/360px/obs-en-31-08.jpg)

पत्रुस र येसु डुङ्‍गाङ काल्छ पछि आँधी तुरुन्‍तै रोकडीसा अनी डी शान्‍त छाना। चेलाको छक्‍क पर्‍या। होखुरीककै इट डेचै येसुओ आराधना जाटा, “साच्‍चै, नाको परमेसोरौ मीजा हो।”

*बाइबलुङ  कथा: मत्ती १४:२२-३३; मर्कूस ६:४५-५२; यूहन्‍ना ६:१६-२१ लकीङ*

## 32. ३२. येसुये भुतआत्‍मा लग्‍डीस्‍च भर्‌मी र रोगी मास्‍टोकी गेपाका

https://openbiblestories.org/l/mgp/story-32/

![](https://cdn.door43.org/obs/jpg/360px/obs-en-32-01.jpg)

कायाक, येसु र होस्‍कुङ चेलाको डुङ्‍गाङ काल्‍हार समुन्‍डरौ पारीपटीक गदरीनी भर्‌मीको लेच क्षेत्राङ नुङा।

![](https://cdn.door43.org/obs/jpg/360px/obs-en-32-02.jpg)

जब होखुरीक तालौ पार्‌च छेवाङ टाहा, काट जना भूतात्‍मा लग्‍डीस्‍च भर्‌मी येसु लेठाङ खेर्‌चै राहा।

![](https://cdn.door43.org/obs/jpg/360px/obs-en-32-03.jpg)

इसे भर्‌मी इडीक बलियो लेया, कि सुयेर होसकी सम्‍हालिकी माह्‍योक्‍न्‍या। भर्‌मीकै होच्‍यो मिहुट मिकुट्‍याको साङ्‍गलोये छ्‍याक्‍नन्‍या, टर होचे होसे साङ्‍लिको भाराक्‍नन्‍या।

![](https://cdn.door43.org/obs/jpg/360px/obs-en-32-04.jpg)

होसे भर्‌मी होसे इलाकुङ चीहानको लेच ठाँउपटिक ङुमन्‍या। होसे भर्‌मी नाबिक नाम्‍सिन च्‍याक्‍ङन्‍या। होचे बडिन न माबिल्‍न्‍हन्‍या र लहाकी न बारम्‍बार ल्‍हुङै हिर्‌कडीमन्‍या।

![](https://cdn.door43.org/obs/jpg/360px/obs-en-32-05.jpg)

होसे भर्‌मी येसुलेठाङ राहार, होसकुङ अघि घोप्‍टो पर्‌या। येसुये होसे भुतात्‍माकी डेया, “इसे भर्‌मी लकीङ बाहिर रान्‍हा।”

![](https://cdn.door43.org/obs/jpg/360px/obs-en-32-06.jpg)

भुतात्‍मा लक्‍डीस्‍च भर्‌मी चर्‌को स्‍वरै च्‍याका, “नाको ङालकीङ ही चहडीस्‍ले, येसु, परमपरभु परमेसोरौ मीजा? साच्‍ची न ङाकी मासतडीनि।

![](https://cdn.door43.org/obs/jpg/360px/obs-en-32-07.jpg)

होसे भुतात्‍माकै येशुकि बिन्‍ती जाटा, “कानकी इसे इलाका लकीङ बाहिर माछ्‍युक्‍नी।”

![](https://cdn.door43.org/obs/jpg/360px/obs-en-32-08.jpg)

होसे भुतको होसे भर्‌मीलकीङ बाहिर राहा र वाकको भीट्‍री पर्‌या। होसे वाकको घुरुरु छान्‍चै भिरलकीङ समुन्‍ड्राङ झालार र ठाहा। होसे बठानाङ लकभक २,००० वाकको लेया।

![](https://cdn.door43.org/obs/jpg/360px/obs-en-32-09.jpg)

जब होसे वाकको ङोस्‍च भर्‌मीकै होसे घटना डाङा, होखुरीक लाङ्‍घालाक भोग्‍डीसा अनी पट्‍टकी येसुये जाट्‍च काम डेम याहा। भर्‌मीको होस लाङ्‍घालकीङ ख्‍योहार राहा र भुतात्‍माको लेच होसे भर्‌मीकी डाङा। होखुरीक शान्‍तिखाटा ङुमङुम्‍या, बढिन र बिल्‍न्‍हन्‍या, र साधरन भर्‌मी लेखा न बानी टान्‍हाक्‍ङ ङुम्‍या।

![](https://cdn.door43.org/obs/jpg/360px/obs-en-32-10.jpg)

भर्‌मीको साफि बिर्‍हिमन्‍या होटबाटै होखुरीकै येसुकी होटै नुङ्‍नी डेम बिन्‍ति जाटा। होटबाटै येसु डुङ्‍गाङ ङुवा र ह्‍वाकी तयार छाना। भुतात्‍मा लक्‍डीस्‍च होसे भर्‌मीये र येसुखाटा न नुङ्‍ले डेयार बिन्‍ति जाटा।

![](https://cdn.door43.org/obs/jpg/360px/obs-en-32-11.jpg)

तर येसुये होसे भर्‌मीकी डेया, “होइन, नाको लहो इमाङ ल्‍हेसार नुङ्‍नी अनी लहो भर्‌मीकोलाक र लहो परिवारकी परमेसोरै नाकुङ लागी जाट्‍न याछ पट्‍ट न कामको र कुजाट्‍न होसकै नाको मीटाक डया जाटा होसे होखुरीककी डेम यान्‍ही डेयार ङा मीमन जाट्‍ले।”

![](https://cdn.door43.org/obs/jpg/360px/obs-en-32-12.jpg)

होटबाटै होसे भर्‌मी होटै ह्‍वा र पट्‍टकी येसुये होच्‍यो लागी जाट्‍न याछ कामौ बखान जाटा। होच्‍यो कुरा सेछ पट्‍टको अचच्‍म छाना र छक्‍क पर्‍या।

![](https://cdn.door43.org/obs/jpg/360px/obs-en-32-13.jpg)

येसु समुन्‍डरौ पारी पटीक ल्‍हेसा। होसको होसे ठाँवाङ राछपछि, काट बाड्‍को भिड होसकुङ वरीपरी जम्‍मा छाना अनी होसकोकी घेरीयार ढुस्‍की ठाला। होसे भिडाङ काट जना मास्‍टो लेया र होचे बाह्रवर्षसम्‍म हीउ नुङ्‍च पीडा भोग्‍डीम ङुमन्‍या। होचे लहो पट्‍ट न पैसा गेप्‍की डेम बैद्‍यकोलाक याम्‍हभ्‍यामन्‍या तर होसे झन्‍ साह्र छान्‍चै नुङा।

![](https://cdn.door43.org/obs/jpg/360px/obs-en-32-14.jpg)

येसुये वास्‍टै रोगी भर्‌मीकोलाक गेपाक्‍ङन्‍या डेच कुरा होचे सेमन्‍या। होचे आर्‌मीटा, “ङाकी बीस्‍वास ले कि इडीक ङै येसुओ वस्‍त्र मात्र छुकी डुपा डेनाङ र ङा गेप्‍ले।

![](https://cdn.door43.org/obs/jpg/360px/obs-en-32-15.jpg)

तुरुन्‍तै, येसुये लहो शक्‍ति ख्‍योहार नुङ्‍च थाहा डुपा। होटबाटै होसको पछाडी ल्‍हेसा र गीना, “ङाकी सुये छुवा?” चेलाकै डेया, “नाकुङ वरीपरी भर्‌मीकुङ भिड ले, कोये ढुस्नने र ठेलमठेल जाट्‍नङुमने र पनि ङाकी सुये छुवा डेम हीजै गीन्‍च?”

![](https://cdn.door43.org/obs/jpg/360px/obs-en-32-16.jpg)

होसे मास्‍टो येसुये अगाडी बुरुक्‍चै र साफि बिर्‍हिचै घोप्‍टो पर्‍या। अनी होस्‍कै ही जाट्‍च होसे होसे होसकोकी डेया र मेल्‍हा गेप्‍च कुरा डेया। येसुये होसकी डेया, “नाकुङ बिस्‍वासै नाको गेप्‍मने। शान्‍तिखाटा नुङ्‍ना।”

*बाइबलुङ कथा: मत्ती ८:२८-३४; ९:२०-२२; मर्कूस ५:१-२०; ५:२४(ख)-३४; लूका ८:२६-३९; ८:४२(ख)-४८ लकीङ*

## 33. ३३. कीसानौ कथा

https://openbiblestories.org/l/mgp/story-33/

![](https://cdn.door43.org/obs/jpg/360px/obs-en-33-01.jpg)

कायाक, येसु समुन्‍डरौ छेवाङ बाड्‍को भिडाङ भर्‌मीकोलाक शिक्षा याम्‍हङुमन्‍या। होसकुङ कुरा सेकी इडीक वास्‍टै भर्‌मीको राहा कि ङाक्‍कीयो लागी सजिलो र चेक वास्‍टै ठाँउ छान्‍ख्‍यो डेयार येशु समु ‍डरौ छेवाङ लेच डुङ्‍गामीटाक काल्‍हा। होसको डुङगा मीटाक काल्‍हा। होसको डुङ्‍गाङ ङुवा र भर्‌मीकोलाक पाहाक्की ठाला।

![](https://cdn.door43.org/obs/jpg/360px/obs-en-33-02.jpg)

येशुये इसे कथा डेया, “काट जना कीसान छोयो भेरेट्‍की बाहीर ख्‍याहा। होसे छोयो भरेट्‍नन लेया। कोही छोयो लामाङ झाला, अनी ग्‍वाजाको राहा र होसे पट्‍ट न छोयोको ज्‍याम याहा।”

![](https://cdn.door43.org/obs/jpg/360px/obs-en-33-03.jpg)

“कोये छोयोको ल्‍हुङ घारीयाङ पर्‍या, होला चहीँ झा एकदम कम मट्‍टै लेया। होसे ल्‍हुङ घारीयाङ पर्‌च छोयोको छिटो न गिटा, तर होच्‍यो जराको झा भिट्‍री नुङ्‍की माह्‍योक्‍च लेया। जब नाखान खान्‍हा अनी गर्मी छाना, होसे बीरुवाको ओइलडीसार सीया।”

![](https://cdn.door43.org/obs/jpg/360px/obs-en-33-04.jpg)

“कोइ छोयोको जुघारीयाङ लेच ठाँउवाङ पर्‍या। होसे छोयोको ल्‍होङ्‍की च ल्‍होङा, तर जुघारीये होसे बीरुवाकी निसासडीया। होटबाटै जुको लेच झाङ गीट्‍च बीरुवाकै काट र मीस्‍या मास्‍याटाका।”

![](https://cdn.door43.org/obs/jpg/360px/obs-en-33-05.jpg)

“कोइ छोयोको सेछ झा लेच जमिनाङ पर्‍या। इसे बिरुवाको गीटा र होचे ३०,६० वा अझ १०० गुना बढी मीस्‍या स्‍याटाका। सुओ मेनेकेप ले होचे सेख्‍यो।

![](https://cdn.door43.org/obs/jpg/360px/obs-en-33-06.jpg)

इसे कथै चेलाकोलाक अल्‍लमल्‍ल पर्‍या। होटबाटै येशुये बुझडीम याहा, “छोयो चहीँ परमेसोरौ बचन हो। लाम चही भर्‌मी हो सुये परमेसोरौ बचन सेले, तर होसकी माबुझडीस्‍ले, अनी डुस्‍टये होसे लकीङ होसे बचन स्‍याटार आल्‍हे।”

![](https://cdn.door43.org/obs/jpg/360px/obs-en-33-07.jpg)

“ल्‍हुङघारी लेच जमिन चहीँ होसे भर्‌मी हो सुये परमेसोरौ बचन सेले र मार्‍हाङ्‍चै ग्रहण जाट्‍ले। तर जब होचे कठिन परिस्‍थिती अथवा खेदोओ र सहडीले, होसे होसलकीङ पछि हट्‍डीस्‍ले।”

![](https://cdn.door43.org/obs/jpg/360px/obs-en-33-08.jpg)

“जुघारी लेच जमिन चहीँ होसे भर्‌मी हो होचे परमेसरौ बचन सेले, तर समय बीटडीस्‍चै नुङ्‍ले, जीबनौ फीक्री, धनसम्‍पति र आनन्‍दये परमेसोर पटीक होच्‍यो प्रेमकी निसासडीले। मीस्‍यास्‍वरुप, होचे सेच शिक्षाकै हीर मीस्‍या मास्‍याटाक्‍ले।”

![](https://cdn.door43.org/obs/jpg/360px/obs-en-33-09.jpg)

“तर असल झा चहीँ होसे हो, सुये परमेसोरौ बचन सेले, होसकी बीस्‍वास जाट्‍ले र मीस्‍या स्‍याटाक्‍ले।”

*बाइबलुङ कथा: मत्ती १३:१-८, १८-२३; मर्कूस ४:१-८, १३-२०; लूका ८:४-१५ लकीङ*

## 34. ३४. येशुये अरु कथाको पाहाक्‍च

https://openbiblestories.org/l/mgp/story-34/

![](https://cdn.door43.org/obs/jpg/360px/obs-en-34-01.jpg)

परमेसोरौ राज्‍यौ बीसयाङ येसुये अरु वास्‍टै कथाको डेया। उडाहरनौ लागी, होसकै डेया, “परमेसोरौ राज्‍य काट राइगानौ छोयो लेखा न हो, जुन काट जनै लहो बारीयाङ रोप्‍डीया। नाकुरीककी थाहा न ले, कि राइगानौ छोयो छोयोको मढ्‍याङ पट्‍ट डेनाङ मार्जा छान्‍ले।”

![](https://cdn.door43.org/obs/jpg/360px/obs-en-34-02.jpg)

“टर जब राइगान गीट्‍ले, तब होसे बगैचुङ बीरुवाकोवाङ पट्‍ट डेनाङ बाड्‍को छान्‍ले, इडीक बाड्‍को की ग्‍वाजाकै र राहार होच्‍यो हाँगाकोवाङ आराम जाट्‍ले।”

![](https://cdn.door43.org/obs/jpg/360px/obs-en-34-03.jpg)

येसुये अर्‌को कथा डेया, “परमेसोरौ राज्‍य खमिर ल्‍याक्‍च न हो जुन काट मास्‍टोये रोटी खास्‍च पिठौ ठल्‍लाखाटा मोल्‍होका र होसे खमिरै पट्‍ट न ठल्‍लाकी खमिर खास्‍न याहा।”

![](https://cdn.door43.org/obs/jpg/360px/obs-en-34-04.jpg)

“परमेसोरौ राज्‍य काट गाढधन ल्‍याक्‍च न हो, जुन कसेर भर्‌मीये झा भिट्‍री आर्‌चुकार डामन्‍या। कुसेर काट जना भर्‌मीये होसे गाढधन डुपा र फेरी होसकी ठाका। अनी होसे खुसिये मार्‍हाङा, कि होचे नुङार लहा खाटा लेच पट्‍ट न ठोक आर्‌ला र होसेलकीङ राछ पैसै होसे होसे बारी लोवा।”

![](https://cdn.door43.org/obs/jpg/360px/obs-en-34-05.jpg)

“परमेसोरौ राज्‍य शुद्‍ध मुल्‍यवान मोती लेखा न हो। जब कुसेर काट मोती ब्‍यापारीये होसकी डुपा, होचे लहाखटा लेच पट्‍ट न ठोक आर्‌ला र होसेलकीङ राछ पैसा होसे मोती लोकी खर्च जाटा।”

![](https://cdn.door43.org/obs/jpg/360px/obs-en-34-06.jpg)

अनि येसुये कुडीक भर्‌मीकोलाक काट कथा डेया, होचे लहो असल कामकोवाङ भरोसा जाट्‍नन्‍या र अरु भर्‌मीकोलाक घीर्‌ना जाट्‍नन्‍या। होसके डेया, “नीस जना भर्‌मीको मन्‍दिराङ पार्‌थना जाट्‍की राहा। होसे मड्‍ये काट कर सोट्‍च भर्‌मी लेया, र अर्‌को चही काट जना धार्‌मिक अगुवा लेया।”

![](https://cdn.door43.org/obs/jpg/360px/obs-en-34-07.jpg)

“होसे ढार्‌मीक अगुवाकै इट डेचै प्रार्थना जाटा, “धन्‍यवाद, परमेसोर, ङा अरु भर्‌मीको लेखा पापी माले (जस्‍तै: लुट्‍डीचको, अन्‍याय जाट्‍को, ब्‍याभिचारीको, अथवा अझ होसे कर सोट्‍च ल्‍याक्‍च।”

![](https://cdn.door43.org/obs/jpg/360px/obs-en-34-08.jpg)

“ङा हरेक हप्‍ता नीस खेप उबास ङुले र ङै डुप्‍च पैसा र पट्‍ट न ठोकको डसौ अङ्‍स नाकोकी याल्‍हे।”

![](https://cdn.door43.org/obs/jpg/360px/obs-en-34-09.jpg)

“तर होसे कर सोट्‍च भर्‌मी चहीँ धार्मिक अगुवा डेनाङ लोस न ङुवा, र सोर्‌गलाक लहो मीमीक मासोटा। बरु होचे मुड्‍कीये लहो छातिकी हीड्‍कडीया अनी प्रार्थना जाटा, “परमेसोर, कीरपाया ङा मीटाक डया टान्‍हाक्‍नी हीजैडेनाङ ङा काट पापी हो।”

![](https://cdn.door43.org/obs/jpg/360px/obs-en-34-10.jpg)

होसन्‍हुइङ येसये डेया, “ङा नाखुरीककी साँच्‍ची न डेले, परमेसोरै होसे कर सोट्‍च भर्‌मीयो प्रार्थना सेया र होसकी धर्मी ठहरीया। तर होसकोकी होसे धार्मिक अगुवौ प्रार्थना मन मापर्‍या। जुनै लाहा की उच्‍च आर्‌मीट्‍ले, परमेसोरै होस्‍की होचडीले, तर सुये लाहाकी होचडीले होसकी उच्‍च पार्‌ले।

*बाइबलुङ कथा: मत्ती १३:३१-३३, ४४-४६; मर्कूस ४:३०-३२; लूका १३:१८-२१; १८:९-१४ लकीङ*

## 35. ३५. डयालु बोयो कथा

https://openbiblestories.org/l/mgp/story-35/

![](https://cdn.door43.org/obs/jpg/360px/obs-en-35-01.jpg)

कायाक, येशुये कर सोट्‍चकोलाक र अरु पापी भर्‌मीकोलाक शिक्षा याम्‍हङुमन्‍या। होखुरीक होसकुङ कुरा सेकी भेला छान्‍नन्‍या।

![](https://cdn.door43.org/obs/jpg/360px/obs-en-35-02.jpg)

होला भेला छान्‍च धार्मिक अगुवाकै येशुये पापीकोलाक र लाफाको लेखान ब्‍यवहार जाट्‍न ङुच डाङा, अनी होखुरीकै काटै काटकी होसकै आलोचना जाट्‍की ठाला। होटबाटै येशये होखुरीककीइसे कथा डेया।

![](https://cdn.door43.org/obs/jpg/360px/obs-en-35-03.jpg)

“काट जना भर्‌मी लेया, होच्‍यो नीस लेन्‍जा मीजाको लेया। कान्‍छा मीजै लहो बोइकी डेया, “बोइ, ङाकी चाहा न ङै भाग सम्‍पति यान्‍ही।

![](https://cdn.door43.org/obs/jpg/360px/obs-en-35-04.jpg)

“छिटो न कान्‍छा मीजै लाहा खाटा लेच पट्‍ट न ठोक जम्‍मा पार्‍या र होटै ह्‍वा अनी लहो पट्‍ट न पैसा जीवनौ मोज मस्‍तीयाङ खेर लोहा।”

![](https://cdn.door43.org/obs/jpg/360px/obs-en-35-05.jpg)

“हिर समय पछि, कान्‍छा मीजा लेच होसे डेसाङ अनिकाल पर्‍या, र ज्‍याच कुराको लोकी होसे खाटा पैसा मालेया। होटबाटै होचे लाहाकी डुप्‍की ह्‍योका काट मट्‍टै काम जाट्‍की पा, वाककी चारो याछ। होच्‍यो इसे अबस्‍था दैनिय र मीटुक रहन्‍छिच लेया कि होचे वाकौ चारोको र ज्‍यामन्‍या।”

![](https://cdn.door43.org/obs/jpg/360px/obs-en-35-06.jpg)

“अन्‍तिमाङ, होसे कान्‍छा मीजै लहाकी डेया, ‘ङा इसे ही जाट्‍न न ले? ङौ बोयो पट्‍ट न नोकरकोखाटा ज्‍याकी प्रशस्‍त ले, ङा चही इला मीटुङ रन्‍छियार सिकी पामने। ङा ङौ बोइ लेठाङ ल्‍हेसार नुङ्‍ले र होसकुङ काट मट्‍टै नोकर ल्‍हेस्‍की डुपीङ डेम ङा अनुरोध जाट्‍ले।”

![](https://cdn.door43.org/obs/jpg/360px/obs-en-35-07.jpg)

“अनी होसे कान्‍छा मीजा लहो बोयो इमपटिक नुङा। होसे कान्‍छा मीजा लहो बु=यो इम पटिक राम्‍ह न लेया, होच्‍यो बोय होसकी लोसिङ न डाङा र होच्‍यो लागी डया टान्‍हाका। आस्‍को लहो मीजा लेच पटिक खेर्‌न नुङा अनी होसकी अगालो मारिया र चुम्‍बन जाटा।”

![](https://cdn.door43.org/obs/jpg/360px/obs-en-35-08.jpg)

“होसे मीजै डेया, ‘बोइ, ङै परमेसोरौ र नाकुङ बीरुढाङ पाप जाट्‍नने। ङा नाकुङ सेछ मीजा छान्‍की ज्‍योस्‍च माले।’”

![](https://cdn.door43.org/obs/jpg/360px/obs-en-35-09.jpg)

“तर होच्‍यो बोये लहो नोकरको मढ्‍याङ काट जनाकी डेया, ‘तुरुन्‍टै नुङ्‍ना र पट्‍ट न सेछ बढिन लार रान्‍हा अनी ङौ मीजाकी बील्‍हाक्‍ङ योहो।”

![](https://cdn.door43.org/obs/jpg/360px/obs-en-35-10.jpg)

होसे भर्‌मीकै उट्‍सव मन्‍डीकी सुरु जाटा। हीर समय न्‍हुइङ, जेठा मीजा बारीयाङ का जाटार इमाङ ल्‍हेसार राहा। होचे नाचगान छान्‍न ङुच सेया अनी ही छान्‍नन ले डेम छक्‍क पर्‍या।”

![](https://cdn.door43.org/obs/jpg/360px/obs-en-35-11.jpg)

“जब होसे जेठा मीजै लहो भाइ ल्‍हासार राछ कारण होखुरीक खुसी मन्‍डीमने डेच थाहा डुपा, होसे नीकै मीरीस ख्‍योहा र इम भीट्‍री नुङ्‍की मामन्‍डीया। होच्‍यो बोइ बाहिर राहा र होसकी भिट्‍री राहार पट्‍ट खाटा खुसी मन्‍डीकी डेम आर्‌घा, तर होचे होसे कुरा मामन्‍डीया।”

![](https://cdn.door43.org/obs/jpg/360px/obs-en-35-12.jpg)

“जेठा मीजै लहो बोइकी डेया, ‘पट्‍ट न बर्‌सको ङै बीस्‍वासखाटा नाकुङ लागी काम जाट्‍नने।

![](https://cdn.door43.org/obs/jpg/360px/obs-en-35-13.jpg)

“बोये डेया, ‘ङौ मीजा, नाङ च सधै भरी न ङा खाटा न ले, नी ङाखाटा लेच पट्‍ट न ठोक नुओ न हो। तर काल्‍हा खुसी छान्‍की ठिक न हो, हिजैडेनाङ नुओ भाइ सिमन्‍या, तर अब जीवीत छान्‍नने। होसे म्‍हाट्‍नन्‍या, तर अब डुप्‍मने।”

*बाइबलुङ कथा: लूका १५:११-३२ लकीङ*

## 36. ३६. येसुओ रुप परिवर्‌तन

https://openbiblestories.org/l/mgp/story-36/

![](https://cdn.door43.org/obs/jpg/360px/obs-en-36-01.jpg)

कायाक, येसुये होसकुङ सोमजना चेलाको पत्रुस, याकुब र युहन्‍नाकी लाहाखाटा आल्‍हा। (इसे युहन्‍ना येसुकी बप्‍टीसमा याछ भर्‌मी होइन।) होखुरीक काट घाङ्‍च पहाडमीटाक प्रार्थना जाट्‍की नुङा।

![](https://cdn.door43.org/obs/jpg/360px/obs-en-36-02.jpg)

जब येसु प्रार्थना जाट्‍न न लेया, होसुङ अनुहारीङ नाखान लेखान चम्‍किलो छाना र होसकुङ बढिन ज्‍योति लेखा न बोच छाना।

![](https://cdn.door43.org/obs/jpg/360px/obs-en-36-03.jpg)

होसन्‍हुइङ होला मोसा र एलिया अगमबक्‍ता देखा पर्‌या। इसे भर्‌मीको होसे घटना छान्‍की डेनाङ सयौ वर्ष अगाडी जीवामन्‍या। होखुरीकै येसुखाटा होसकुङ मीरीट्‍युओ बारेयाङ कुरा जाटा, जुन छिटो न यरुशलेमाङ छान्‍च लेया।

![](https://cdn.door43.org/obs/jpg/360px/obs-en-36-04.jpg)

जब मोशा र एलीया येसुखाटा कुरा जाट्‍न न लेया, टब पत्रुसै येसुकी डेया, “काल्‍हाकी इलान ङुकी सेम्‍ह ले। काल्‍हा सोम ङुच ठाउको खासिङ, काट नाकुङ लागी, काट मोशौ लागी, र काट एलियौ लागी।” होडीक बेला ही डेमन ले होसे थाहा मालेया।

![](https://cdn.door43.org/obs/jpg/360px/obs-en-36-05.jpg)

जब पत्रुस ङाक्‍ङन लेया, काट ट्‍याङ्‍छ डेबु म्‍हाका राहार होखुरीककी छेक्‍डीया र डेबुलकीङ परमेसोरौ आवाजै इट डेया, “इसे ङौ प्रिय लेन्‍जा मीजा हो इसकी ङा प्रेम जाट्‍ले। ङा होसे खाटा प्रसन्न ले। होच्‍यो कुरा सेकी।” होसे सोम चेलाको बीर्‌हीयार झाङ कुर्‍हुवा।

![](https://cdn.door43.org/obs/jpg/360px/obs-en-36-06.jpg)

अनि येसुये होखुरीककी छुवा र डेया, “माबिर्‍हीनी, सोनी।” जब होखुरीकै वरिपरि ङोसा, होला केवल येसु मट्‍टै लेया।

![](https://cdn.door43.org/obs/jpg/360px/obs-en-36-07.jpg)

येसु र होसे सोम चेलाको फेरी पहाडलकीङ म्‍हाका झाला। अनि येसुये होखुरीककी डेया, “इला छान्‍च घटनौ बारेयाङ चाहाँ सुकीर माडेकी। ङा छिटो न सिमन ले र होटै न्‍हुइङ फेरी जीवीत छान्‍ले। होटै नाखुरीकै भर्‌मीकोलाक डेकी ह्‍योक्‍ले।

*बाइबलको कथा: मत्ती १७:१-९; मर्कूस ९:२-८; लूका ९:२८-३६ बाट*

## 37. ३७. येसुये लाजरसकी सिचलकीङ जीवाका

https://openbiblestories.org/l/mgp/story-37/

![](https://cdn.door43.org/obs/jpg/360px/obs-en-37-01.jpg)

कायाक, येसुये लाजरस साफ्फी बिरामी छान्‍च खबर डुपा। लाजरस र होच्‍यो नीस जना डैको मरियम र मार्था येसुओ खेरेपुङ लाफाको लेया। जब येसुये इसे समाचार सेया, होसकै डेया, “इसे बिरामी मृत्‍युवाङ नुङार माडुङ्‍गडीस्‍ले, तर इसे च परमेसोरौ महिमौ लागी हो।” येसुये होसकुङ लाफाकोलाक प्रेम जाट्‍न्‍या, तर होसको अझ नीस याकसम्‍म होसे ठावाङ ङुवा, होला होसको ङुमङुमन्‍या।

![](https://cdn.door43.org/obs/jpg/360px/obs-en-37-02.jpg)

नीस याकपछि, येसुये लहो चेलाकोलाक डेया, “रान्‍नी, अब कान यहुदिया ल्‍हेसीङ।” चेलाकै जवाफ याहा, “तर गुरु” “हीर समय अघी मट्‍टै होलुङ भर्‌मीकै नाकोकी साट्‍की पामन्‍या

![](https://cdn.door43.org/obs/jpg/360px/obs-en-37-03.jpg)

येसुओ चेलाकै जवाफ याहा, “प्रभु, इडिक लाजरस मिस्‍नङुमन्‍या डेनाङ होसे सोले।” अनि येसुये होखुरीककी सरल ढङ्‍गाङ डेमयाहा, “लाजरस सिमने। ङा होला मालेचबाटे खुसि ले, हिजैडेनाङ अब नाखुरीकै हिर अद्‌भुट कुरा डाङ्‍ले होटबाटै नाखुरीकै ङा मीटाक बीस्‍वास जाट्‍की ह्योक्‍ले।”

![](https://cdn.door43.org/obs/jpg/360px/obs-en-37-04.jpg)

जब येसु लाजरसौ इमाङ टाहा, लाजरस चार दिन अघि न सिमभ्‍यामन्‍या। येसुकी डुप्‍कीयो लागी मार्था बाहिर राहा र डेया, “प्रभु, इडीक नाको इला लेच लेनाङ, ङौ भाई मासिच लेया। तर ङा बिस्‍वास जाट्‍ले कि नाकै परमेसोरखाटा ही ङेनाङ र होसकै नाकोकी याल्‍हे।”

![](https://cdn.door43.org/obs/jpg/360px/obs-en-37-05.jpg)

येसुये जवाफ याहा, “पुनरुत्‍थान र जीवन ङा न हो। सु सुये ङामीटाक बीस्‍वास जाट्‍ले, होखुरीक सेन्‍र मासिले। ही नाङ इसे बिस्‍वास जाट्‍ले?” मार्थै जवाफ याहा, “हो, प्रभु

![](https://cdn.door43.org/obs/jpg/360px/obs-en-37-06.jpg)

अनी मरियम राहा। होसे येसुओ मीखुट्‍याङ पर्‍या र डेया, “प्रभु, इडिक नाको इला लेच लेनाङ मट्‍टै र, ङौ भाई मासिच लेया।” येसुये होखुरीककी गीना, “नाखुरीकै लाजरसकी कुला डामने?” होखुरीकै होसकोकी डेया, “चीहानाङ राहार ङोस्‍नी।” अनी येसु रापा।

![](https://cdn.door43.org/obs/jpg/360px/obs-en-37-07.jpg)

होसे चीहान काट गुफा लेया, होच्‍यो मेङ्‍गेराङ ल्‍हुङै हुप्‍मन्‍या। जब येसु चिहानाङ राहा, होसकै होखरीककी डेया, “होसे ल्‍हुङकी होटै हटडीम योहो।” तर मार्थै डेया, “होसे सिच बुली याक छान्‍नभ्‍या। होटै दुर्गन्‍ध राल्‍हे।”

![](https://cdn.door43.org/obs/jpg/360px/obs-en-37-08.jpg)

येसये डेया, “ही ङै नाङकी डेच होइन, ही नीये ङा मीटाक बीस्‍वास जाटा डेनाङ परमेसोरौ महिमा डाङ्‍ले?” होटबाटै होखुरीकै ल्‍हुङ हटडीम याहा।

![](https://cdn.door43.org/obs/jpg/360px/obs-en-37-09.jpg)

अनि येसुये ढेनाम सोर्‌गपटिक ङोसा र डेया, “बोइ, नाकै ङौ कुरा सेचबाटै धन्‍यवाद। ङा वार्ले कि नाकै सधै ङौ कुरा सेले, तर ङा इसे कुरा इला टोङ्‍ह ङुचकोलाक पट्‍ट न भर्‌मीकुङ खातिर डेमन ले, ताकि होखुरीकै बिस्‍वास जाट्‍ख्‍यो हीजैडेनाङ नाकै न ङाकी बिर्‍न्‍हकाच हो। होटै न्‍हुइङ येसुये च्‍याकार डेया, “लाजरस बाहिर रान्‍हा

![](https://cdn.door43.org/obs/jpg/360px/obs-en-37-10.jpg)

अनी लाजरस बाहिर राहा

![](https://cdn.door43.org/obs/jpg/360px/obs-en-37-11.jpg)

तर यहुडीकुङ धार्‌मिक गुवाको डाही छाना, होटबाटै होखुरीकै कुजाट्‍न येसु र लाजरसकी साट्‍की डेम योजना खास्‍की काट्‍ठोवाङ न भेला छाना।

*बाइबलको कथा: यूहन्‍ना ११:१-४६ बाट*

## 38. ३८. येसुकी धोका

https://openbiblestories.org/l/mgp/story-38/

![](https://cdn.door43.org/obs/jpg/360px/obs-en-38-01.jpg)

हरेक वर्ष, यहुदीकै निस्‍तार चाड मन्‍डीच जाट्‍नन्‍या। इसे काट उत्‍सव लेया जुन वास्‍टै वर्ष अघी कुजाट्‍न परमेसोरै होखुरीकुङ पुर्खाकोलाक मिश्रदेसुङ दासत्‍वलकीङ बचडीमन्‍या डेच सम्‍झनाङ मन्‍डीमन्‍या। येसुये पहिलो खेप खुलमखुल्‍ला प्रचार र शिक्षा याखी थाल्‍नन्‍या करिब सोम वर्ष पछि, होसकै लहो चेलाकोलाक होखुरीकखाटा यरुशलेमाङ निस्‍तार चाड मन्‍डीकी मीमन जाट्‍च कुरा डेया, अनी इसे र डेया कि होसको होला सिमन ले।

![](https://cdn.door43.org/obs/jpg/360px/obs-en-38-02.jpg)

येसुओ चेलाको मढ्‍याङ यहुदा म्‍यार्‌मीन जाट्‍च काट जना भर्‌मी लेया। यहुदा चेलाकुङ पैसौ थैलीयो जिम्‍मा लाच भर्‌मी लेया, तर होसे पैसाकी साह्रै प्रेम जाट्‍नन्‍या र थैलिलकीङ पैसा खुस्‍नन्‍या। येसु र चेलाको यरुशलेमाङ टार्‍हाछ पछि, यहुदा यहुदी अगुवाको लेठाङ नुङार पैसा लार येसुकी धोका याछ प्रस्‍ताव डा। यहुदि अगुवाकै येसु मसिह ले डेम स्‍वीकार जाट्‍न्‍या र होसकोकी साट्‍च षडयन्‍त्र जाट्‍न न लेया डेच कुरा होसकी थाहा लेया।

![](https://cdn.door43.org/obs/jpg/360px/obs-en-38-03.jpg)

प्रधान पुजाहारीयो नेतृत्‍वाङ, यहुदि अगुवाकै येसुकी बिस्‍वासघाट जाट्‍कीयो लागी यहुदाकी तीस वटा सिक्‍का चाँदियो सिक्‍काको याहा। अगमबक्‍टाकै भबिस्‍यवाणी जाट्‍नाङ लेखान इसे कुरा छान्‍की राहा। यहुदै इसे कुराङ मन्‍जुर छाना र पैसा लार होटै नुङा अनी येसुकी घोकी सहायता जाट्‍कीयो लागी मौकाको पाकी थाला।

![](https://cdn.door43.org/obs/jpg/360px/obs-en-38-04.jpg)

यरुशलेमाङ, येसुये लहो चेलाकोखाटा नीस्‍तार चाड मन्‍डीया। निस्‍तार चाडौ भोजौ समयाङ, येसुये हीर रोटीको ला र होसकी ग्‍याक्‍का। होसकै डेया, “इसे लौ र जेउ। इसे ङौ सरिर हो, जुन नाखुरीकुङ लागी याछ हो। इसे ङौ सम्‍झनाङ जाट्‍च जाट्‍नी।” इसे प्रकारै, येसुये डेया कि होसकुङ शरिर होखुरीकुङ लागी बलिदान छान्‍ले।

![](https://cdn.door43.org/obs/jpg/360px/obs-en-38-05.jpg)

अनी येसुये कचौरा ला र डेया, “इसे गौ। इसे नयाँ करारौ ङौ हीउ हो, जुन पाप क्षमौ लागी जोकाक्‍च हो। नाखुरीकै हरेक पटक इसे गानाङ ङौ सम्‍झनाङ जाट्‍च जाट्‍नी।”

![](https://cdn.door43.org/obs/jpg/360px/obs-en-38-06.jpg)

होटै येसुये चेलाकोलाक डेया, “नाखुरीक मढ्‍याङ काट जनै ङाकी धोका याल्‍हे।” चेलाको छक्‍क पर्‌या र सुये याङ्‍च जाट्‍की पामे डेयार गीना। येसुये डेया, “सुकी मै रोटीयो टुक्रा याल्‍हे, होसे न बिस्‍वासघाटी हो।” अनी येसये होसे रोटीयो टुक्रा यहुदाकी याहा।

![](https://cdn.door43.org/obs/jpg/360px/obs-en-38-07.jpg)

यहुदै रोटी लाच पछी, शैतान होसे भिट्‍री पर्‍या। यहुदा होटै बाहिर ख्‍योहा येसुकी घोवाक्‍की सहायता जाट्‍कीयो लागी यहुदि अगुवाको लेठाङ नुङा। होसे नाबिक समय लेया।

![](https://cdn.door43.org/obs/jpg/360px/obs-en-38-08.jpg)

भोजनपछि, येसु र होसकुङ चेलाको ह्‍वाचै जैटुन डाँडाङ नुङा। येसये डेया, “नाखुरीकै छिनी नाबिक ङाकी डास्‍ले। ही रीक्‍ङने, “गोठलाकी प्रहार जाट्‍ले र पट्‍ट न भेडाको तितर बितर छान्‍ले।”

![](https://cdn.door43.org/obs/jpg/360px/obs-en-38-09.jpg)

पत्रुसै जवाफ याहा, “अरु पट्‍टये नाकोकी डास्‍नाङ र ङा नाकोकी माडास्‍ले

![](https://cdn.door43.org/obs/jpg/360px/obs-en-38-10.jpg)

अनि पत्रुसै येसुकी डेया, “ङा सिकी पर्नाङ र ङा सिन्‍र नाकोकी इन्‍कार माजाट्‍ले

![](https://cdn.door43.org/obs/jpg/360px/obs-en-38-11.jpg)

अनी येसु होसकुङ चेलाको खाटा गेतसमनी डेच ठावाङ नुङा। येसये होसकुङ चेलाकोलाक परिशाण मापर्‍ख्‍यो डेम प्रार्थना जाट्‍नी डेया। अनी येसु लाहा प्रार्थना जाट्‍की नुङा।

![](https://cdn.door43.org/obs/jpg/360px/obs-en-38-12.jpg)

येसुये सोम खेप प्रार्थना जाटा, “हे बोइ, सम्‍भव ले डेनाङ ङाकी इसे कचौरौ कष्‍ट गाकी मापर्‌ख्‍यो। तर भर्‌मीकुङ पाप क्षमौ लागी अरु कुसेर लाम माले डेनाङ, नाकुङ इच्‍छा पुरा छान्‍ख्‍यो।” येसु वास्‍टै विचलिट लेया र होसुङ नामचास हीवौ थोपाको लेखान लेया। परमेसोरै सोर्गडुटकी होसको लेठाङ सक्‍टी याखी बिर्‍न्‍हका।

![](https://cdn.door43.org/obs/jpg/360px/obs-en-38-13.jpg)

प्रार्थनौ समय पछि, येसु होसकुङ चेलाको लेठाङ ल्‍हेस्‍न राहा, तर होखुरीक मिमिक झ्‍युक्‍ङ ङुमन्‍या। जब होसको तेस्रो खेप ल्‍हेसा, येसुये डेया, “सोना

![](https://cdn.door43.org/obs/jpg/360px/obs-en-38-14.jpg)

यहुदि अगुवाको, सैनिकको र तरवार र लाट्‍ठी बुच भिडौ साथाङ यहुदा राहा। होसे येसु लेठाङ राहार डेया, “प्रणाम, गुरुज्‍यु,” अनी होसकोकी चुम्‍मा जाटा। इसे यहुदि अगुवाकोलाक होखुरीकै सुकी घोकी पर्च हो डेम ठम्‍मडीकीयो लागी सङ्‍केत लेया। अनी येसये डेया, “यहुदा, ही चुम्‍मै नाङ ङाकी धोका याल्‍हे?”

![](https://cdn.door43.org/obs/jpg/360px/obs-en-38-15.jpg)

जब सेनाकै येसुकी घोवा, पत्रसै तरवार डोना र प्रदान पुजाहारीयो काट जना नोकरौ मेनेकेप चेम याहा। येसुये डेया, “तरवार पारी न डौ

*बाइबलको कथा: मत्ती २६:१४-५६; मर्कूस १४:१०-५०; लूका २२:१-५३; यूहन्‍ना १२:६; १८:१-११ बाट*

## 39. ३९महासभौ म्‍याहासाङ येसु

https://openbiblestories.org/l/mgp/story-39/

![](https://cdn.door43.org/obs/jpg/360px/obs-en-39-01.jpg)

मध्‍यरातौ समय लेया। सेनाकै गीन्‍कीयो लागी येसुकी प्रधान पुजाहारीयो इमाङ आल्‍हा। पत्रुसै लोसिङ न नाखुरीककी गीन्‍न ङुमन्‍या। जब येसुकी इमङिट्‍री आल्‍हा, पत्रुस चहिँ बाहिर ङुवा र म्‍हे गुप्‍चै लाहाकी खान्‍हाका।

![](https://cdn.door43.org/obs/jpg/360px/obs-en-39-02.jpg)

येसुकी इम भिट्‍री, यहुदि अगुवाकै महासभौ सामुन्‍ने डा। होखुरीकै वास्‍टै झुटा साक्षिको राका, होचे होसकुङ बारेयाङ झुट ङाका। तर होखुरीकुङ बयान काटौ अर्को खाटा माखाटा, होटै यहुदि अगुवाकै होसकोकी कुसेर कुराङ दोषि प्रमाण जाट्‍की माय्‍होका। येसुये हीर माङाका।

![](https://cdn.door43.org/obs/jpg/360px/obs-en-39-03.jpg)

अन्‍तिमाङ, प्रधानपुजाहारीये सिधै येसुपटिक ङोसा र डेया, “कानकी डेओ, ही नाङ मसिह हो, जीवीत परमेसोरौ मीजा?”

![](https://cdn.door43.org/obs/jpg/360px/obs-en-39-04.jpg)

येसुये डेया, “ङा हो, नाकै ङाकी परमेसोरखाटा ङुमङुच र सोर्‌गलकीङ राछै जाट्‍च डाङ्‍ले।” प्रधान पुजाहारीये झोकाङ लहो वस्त्रको च्‍याता र अरु धार्मिक अगुवाकोलाक इट डेयार च्‍याका, “कानकी अरु कुसेर गवाही माचहडीस्‍ले

![](https://cdn.door43.org/obs/jpg/360px/obs-en-39-05.jpg)

पट्‍ट न यहुदि अगुवाकै जवाफ याहा, “इसे साट्‍कीयो योग्‍य ले

![](https://cdn.door43.org/obs/jpg/360px/obs-en-39-06.jpg)

जब पत्रुस इमबाहिर ङुमङुमन्‍या, काट जना नोकर्नीये होसकी डाङा र डेया, “नाङ र येसु खाटा न लेया

![](https://cdn.door43.org/obs/jpg/360px/obs-en-39-07.jpg)

अनी पत्रुसै इट डेम वाचा जाटा, “इडिक ङै इसे भर्‌मीकी चिन्‍डीमने डेनाङ परमेसोरै ङाकी श्राप याख्‍यो

![](https://cdn.door43.org/obs/jpg/360px/obs-en-39-08.jpg)

पत्रुस होटै अरु न ठाउ नुङार रापा। होस बेला न बिस्‍वासघाटी यहुदि अगुवाकै येसुकी साट्‍की डेम डोसडीमन लेच डाङा। यहुदा शोकै न्‍हेपा र होटै अरु न ठाउ नुङा र आट्‍महत्‍या जाटा।

![](https://cdn.door43.org/obs/jpg/360px/obs-en-39-09.jpg)

अर्को दिन गोराक न सबेरै यहुदि अगुवाकै रोमी राज्‍यपाल, पिलाटसौ सामु राका। होखुरीकै इसे आसा जाट्‍नन्‍या की पिलाटसै येसुकी दोषी ठहरीले र होसकोकी मृत्‍यदण्‍डओ सजाय डुप्‍ले। पिलाटसै येसुकी दोषि ठहरीले र होसकोकी मृत्‍युदण्‍डओ सजाय याल्‍हे। पिलाटसै येसुकी गीना, “ही नाङ यहुदिकुङ राजा हो?”

![](https://cdn.door43.org/obs/jpg/360px/obs-en-39-10.jpg)

येसुये जवाफ याहा, “नाको न होट डेले, तर ङौ राज्‍यचाहीँ सन्‍सारुङ राज्‍य होइन। इडिक होट डेनाङ च, ङौ सेवकको ङौ लागी लडाई जाट्‍च लेया। ङा सन्‍साराङ परमेसोरौ सट्‍यता सेटाक्‍की राछ हो। पट्‍ट न जना जुनै सट्‍यताकी प्रेम जाट्‍ले, होखुरीकै ङौ कुरा सेले।” पिलाटसै डेया, “सट्‍य ही हो?”

![](https://cdn.door43.org/obs/jpg/360px/obs-en-39-11.jpg)

इसे कुरा जाट्‍न भ्‍याच पछि, पिलाटस बाहिर भिड लेठाङ नुङा र डेया, “ङा इसे भर्‌मी लेठाङ हीर दोष माडुप्‍ले।” तर यहुदि अगुवाको र भिडै इट डेचै च्‍याका, “होसकी क्रुसाङ काल्‍हाक्‍नी

![](https://cdn.door43.org/obs/jpg/360px/obs-en-39-12.jpg)

भिडै अब दंगा मचडीकी पा डेम थाहा डुपार पिलाटस बिर्‍हिया। होटबाटै होचे लहो सिपाहिकोलाक येसुकी कुरुसाङ काल्‍हाक्च आदेश याहा। रोमी सिपाहीकै येसुकी कोर्रा लैडीया र होसकोकी इट डेयार गीजडीया, “ङोस्‍नी, यहुदिकुङ राजा

*बाइबलको कथा: मत्ती २६:५७-२७:२६; मर्कूस १४:५३-१५:१५; लूका २२:५४-२३:२५; यूहन्ना १८:१२-१९:१६ बाट*

## 40. ४०. येसु क्रुसाङ टङ्‍गडीस्‍च

https://openbiblestories.org/l/mgp/story-40/

![](https://cdn.door43.org/obs/jpg/360px/obs-en-40-01.jpg)

येसुओ गील्‍ला जाट्‍रखीङ, सिपाहीकै होसकोकी क्रुसाङ काल्‍हाकीयो लागी होटै अरु न ठाउ आल्‍हा। होखुरीकै होसकोकी क्रुस बुकी लैडीया होसे मीटाक होसकोकी टङ्‍गडीच लेया।

![](https://cdn.door43.org/obs/jpg/360px/obs-en-40-02.jpg)

होसे सिपाहीकै येसुकी “खप्‍परे” डेच ठावाङ राका र होसकुङ मीहुट र मीखुट्‍याकी क्रुसाङ डाम होसे मीटाक किल्‍ला ठोक्‍डीम याहा। तर येसुये डेया, “बोइ, इखुरीककी क्षमा यान्‍ही, हिजैडेनाङ इखुरीकै ही जाट्‍न न ले मावार्‍ल्‍हे।” पिलाटसै होसे सिपाहीकोलाक काट पाटीयाङ “यहुदिकुङ राजा” रीका र होसे क्रुसाङ येसुओ सिर मीटाक डाच हुकुम याहा।

![](https://cdn.door43.org/obs/jpg/360px/obs-en-40-03.jpg)

सिपाहीकै येसुओ वस्‍त्राङ चिठ्‍ठा का। होखुरीकै इट जाट्‍नाङ होसे अगवाणी पुरा छाना, इट डेमन्‍या, “होखुरीकै ङौ वस्‍त्रको लाहा लाहाङ पुङ्‍ले, र ङौ बढिनौ लागी चिठ्‍ठा काले।”

![](https://cdn.door43.org/obs/jpg/360px/obs-en-40-04.jpg)

येसुकी नीस लुटेराकुङ मीघ्‍याङ क्रुसाङ काल्‍हाका। होसे मढ्‍ये काट जनै येसुकी गिल्‍ला जाटा तर अर्को चहीँये डेया, “ही नाङ्‍की परमेसोरौ हीर डर माले? कान दोषि ले, तर इसे भर्‌मी च निर्देश ले।” अनी होचे येसुकी डेया, “कृपाया ङाकी नाकुङ राज्‍याङ आर्‌मीट्‍नी।” येसुये जवाफ याहा, “छिनी न नाङ ङाखाटा सोर्‌गाङ छान्‍ले।”

![](https://cdn.door43.org/obs/jpg/360px/obs-en-40-05.jpg)

यहुदि अगुवा र भीडाङ अरु वास्‍टै भर्‌मीकै येसुकी गिल्‍ला जाटा। होखुरीकै होसकोकी डेया, “इडिक नाङ परमेसोरौ मीजा हो डेनाङ क्रुसलकीङ म्‍हाका झाल्‍न रान्‍हा र लाहाकी जीवाको

![](https://cdn.door43.org/obs/jpg/360px/obs-en-40-06.jpg)

अनी पट्‍ट न इलाका भरी छुम्‍हा, होसे मढ्‍य दिनौ समय लेया। होसे छुम्‍छ नाम्‍सिनुङ सोम बजी सम्‍म ङुमङुवा।

![](https://cdn.door43.org/obs/jpg/360px/obs-en-40-07.jpg)

होटै येसु चर्को सोरै च्‍याका, “अब भ्‍या

![](https://cdn.door43.org/obs/jpg/360px/obs-en-40-08.jpg)

होसको सीचलकीङ येसुये भर्‌मीकुङ लागी परमेसोरलेठाङ राछ लाम खोलिम याहा। जब येसुकी पहरा याम्‍हन लेच होसे सिपाहीकै इसे पट्‍ट न कुराको छान्‍च ढाङार डेया, “निस्‍चय नै इसे भर्‌मी निर्दोष ले। होसको परमेसोरौ मीजा लेया।

![](https://cdn.door43.org/obs/jpg/360px/obs-en-40-09.jpg)

अनी योसेफ र नोकोदेमस येसकी मसिह डेम विस्‍वास जाट्‍च नीसजना यहुदि अगुवाकै पिलातसखाटा येसुओ सरिर ङेहा। होखुरीकै होसकुङ शरिरकी बढिनाङ बेर्‍हडीयार होसकोकी चट्‍टानाङ खोप्‍डीयार खास्‍च चिहान भिट्‍री डा। होटै होखुरीकै चिहानौ मेङ्‍गेर थुन्‍नकी होच्‍यो अगाडी काट बाड्‍को ल्‍हुङ गुड्‍कडीयार डाम याहा।

*बाइबलको कथा: मत्ती २७:२७-६१; मर्कूस १५:१६-४७; लूका २३:२६-५६; यूहन्‍ना १९:१७-४२ बाट*

## 41. ४१. परमेसोरै येसुकी सीचलकीङ जीवाटाका

https://openbiblestories.org/l/mgp/story-41/

![](https://cdn.door43.org/obs/jpg/360px/obs-en-41-01.jpg)

सिपाहीकै येसुकी कुरुसाङ टङ्‍गडीचपछि, अबिस्‍वासी यहुदी अगुवाकै पाटसकी डेया, “होसे झुटो येसुये डेच हो कि होसे सोम याक पछि मृत्‍युलकीङ सोले। होच्‍यो चेलाकै होसकुङ लास खुसार आल्‍हे अनी होसको सीचलकीङ जीवा डेम माडेख्‍यो डेच कुरौ पक्‍का जाट्‍की कुचेर होसे चिहान रुङ्‍की न पर्ले।”

![](https://cdn.door43.org/obs/jpg/360px/obs-en-41-02.jpg)

पिलातसै डेया, “कोइ कोइ सीपाहीको आल्‍न्‍ही र होसे चिहानकी निये सक्‍दो सुरक्षित डौ।” होटबाटै होखुरीकै चिहानौ मेङ्‍गेराङ लेच ल्‍हुङाङ काट मोहर कार र कोचेर जीउ मापीचीछ्‍यो डेम पक्‍का जाट्‍की सीपाहीकोलाक होला डा।

![](https://cdn.door43.org/obs/jpg/360px/obs-en-41-03.jpg)

येसुकी ठाक्‍च पिउह्राक लेखो म्‍हुङ बाट्‍च याक लेया, र यहुदिकोलाक होसे याक चिहानाङ नुङ्‍की मनाही लेया। होटबाटै म्‍हुङ बाट्‍च याकौ पिउह्रक लेखो सबेरै, कोइ मास्‍टोको येसुओ चिहानाङ होसकुङ सरीराङ अत्तरको मोल्‍न्‍ह याखी नुङ्‍की तयार छाना।

![](https://cdn.door43.org/obs/jpg/360px/obs-en-41-04.jpg)

अचानक, काट बाड्‍को भुकम्‍प नुङा। चट्‍याङ लेखान चम्‍कडीस्‍न सोर्‍गडुत सोर्‌गलकीङ देखा पर्‍या। होचे चिहानौ मेङ्‍गेर थुन्‍न डाच ल्‍हुङकी होटै हटडीम याहा र होसे मीटाक ङुवा। चिहानौ पहरा जाट्‍न ङुच सिपाहीको बीर्‍हीया र सिच लेखान छानार झाङ कुह्रुवा।

![](https://cdn.door43.org/obs/jpg/360px/obs-en-41-05.jpg)

जब होसे मास्‍टोको चिहानाङ टाराहा होसे स्‍वर्गडुटै होखुरीककी डेया, “माबिर्‍हीयो। येसु इला माले। होसकै डेनाङ लेखान, होसको सिचलकीङ जीवाम सोमने

![](https://cdn.door43.org/obs/jpg/360px/obs-en-41-06.jpg)

अनी सोर्‌गडुटै मास्‍टोकोलाक डेया, “नुङ्‍नी र चेलाकोलाक डेनी, ‘येसु सीचलकीङ जीवाम सोमने र होसको नाखुरीकुङ अघी गालिलाङ नुङ्‍ले।”

![](https://cdn.door43.org/obs/jpg/360px/obs-en-41-07.jpg)

होसे मास्‍टोको बिर्हिया र साफ्‍फी माह्राङा। होखुरीक चेलाकोलाक इसे खुसीयो समाचार सेटाक्‍की खेर्‍चै नुङा।

![](https://cdn.door43.org/obs/jpg/360px/obs-en-41-08.jpg)

जब होसे मास्‍टोको चेलाकोलाक इसे खुसियो समाचार सेटाक्‍की नुङ्‍ङ न लेया, येसु होखुरीक लेठाङ डाङा अनी होखुरीकै होसकुङ आरधना जाटा। येसुये डेया, “माबिह्रीयो। नुङ्‍नी र ङौ चेलाकोलाक गालीलाङ नुङ्‍की डेमयान्‍ही। होखुरीकै ङाकी होला डाङ्‍ले।”

*बाइबलको कथा: मत्ती २७:६२-२८:१५; मर्कूस १६:१-११; लूका २४:१-१२; यूहन्‍ना २०:१-१८ बाट*

## 42. ४२. येसु सोर्‌ग ल्‍हेस्‍च

https://openbiblestories.org/l/mgp/story-42/

![](https://cdn.door43.org/obs/jpg/360px/obs-en-42-01.jpg)

येसु सीचलकीङ जीवाम सोच डीन, होसकुङ नीसजना चेलाको खेरेपुङ लाङ्‌घालाक नुङ्‍ङ न लेया। होखुरीक ह्‍वानाङ ह्‍वानाङ न होखुरीकै येसुकी ही छान्‍च डेच बिसयाङ कुरा जाटा। होखुरीकै आसा जाट्‍नन्‍या की होसको मसिह लेया तर होसको सीकी पर्‌या। अब मास्‍टोकै डेया कि होसको फेरी जीवीत ले। होखुरीककी ही मीटाक बिस्‍वास जाट्‍की होसे थाहा मालेया।

![](https://cdn.door43.org/obs/jpg/360px/obs-en-42-02.jpg)

येसु होखुरीकलेठाङ टाहा र होखुरीक खाटा न ह्‍वाकी ठाला, तर होखुरीकै होसकोकी माचीन्‍डीया। होसकै होखुरीककी हीयो बारेयाङ कुरा जाट्‍च डेम गीना, अनी होखुरीकै होसकोकी बिगतुङ हीर डीनकोवाङ येसुओ सम्‍बन्‍धाङ लेच पट्‍ट उल्‍लेख जाट्‍च कुराको सेटाका। होखुरीकै आर्‌मीट्‍नन्‍या कि होखुरी काट परदेसीखाटा कुरा जाट्‍न न ले, होसकोकी यरुशलेमाङ ही छान्‍नन्‍या होसे थाहा मालेया।

![](https://cdn.door43.org/obs/jpg/360px/obs-en-42-03.jpg)

होटै येसुये होखुरीककी परमेसोरौ वचनै मसिहौ बारेयाङ ही डेमने होसे ब्‍याख्‍या जाट्‍न याहा। होसकै होखुरीककी स्मरण जाटा की अगमबक्‍टाकै डेमन्‍या: मसिहये कष्‍ट भोक्‍डीले र सीले तर सोम याकाङ फेरी जीवाम सोले। जब होखुरीक होसे लाङ्‍घाङ टाराहा होला होसे नीस भर्‌मीकै ङुच योजना खासा, होडीक बेला करिब साझ पर्न भ्‍यामन्‍या।

![](https://cdn.door43.org/obs/jpg/360px/obs-en-42-04.jpg)

होसे नीस भर्‌मीकै येसुकी होखुरीकखाटा न ङुच निम्‍टो याहा, होटबाटै होसको होखुरीकखाटा ङुवा। जब होखुरीक नाबेलुङ ज्‍यामा ज्‍यार तयार छाना, येसुये रोटीयो काट टुक्रा ला, परमेसोरकी होच्‍यो लागी धन्‍यवाद याहा, र होसे ग्‍याका। अचानक, होखुरीकै होसको येसु हो डेम चिन्‍डीया। तर होसे न घडी होसको होखुरीकूङ नजर लकीङ अलप छाना।

![](https://cdn.door43.org/obs/jpg/360px/obs-en-42-05.jpg)

होसे नीस भर्‌मीकै काटै काटकी डेया, “होसको च येसु पो लेसा

![](https://cdn.door43.org/obs/jpg/360px/obs-en-42-06.jpg)

जब चेलाको कुरा जाट्‍न ङुमन्‍या, अचानक येसु होसे कोठाङ होखुरीक लेठाङ डाङा र डेया, “नाङ्‌की शान्‍ति

![](https://cdn.door43.org/obs/jpg/360px/obs-en-42-07.jpg)

येसुये डेया, “ङै नाखुरीककी डेमन्‍या कि ङौ बारेयाङ परमेसोरौ वचनाङ रीक्‍च पट्‍टन कुरा पुरा छान्‍की न पर्न्‍या।” अनी होसकै होखुरीकुङ म्‍याहासाङ खोलिम याहा ताकी होखुरीकै परमेसोरौ बचन बुझडीस्‍की य्‍होक्‍ख्‍यो। होसकै डेया, “इसे च धेरै पहिले रीक्‍ङन्‍या कि मसिहये कष्‍ट बोक्‍डीले सिले अनी सोम याकाङ सीचलकीङ जीवाम सोले।”

![](https://cdn.door43.org/obs/jpg/360px/obs-en-42-08.jpg)

धर्मशास्‍त्राङ इट र रीक्‍ङने की ङौ चेलाकै घोषणा जाट्‍ले कि पट्‍ट जनै लहो पाप शमा डुप्‍कीयो लागी पश्‍चताप जाट्‍की पर्ले। होखुरीकै इसे कुरा यरुशलेमलकीङ शुरु जाट्‍ले, अनी होटै पट्‍ट न भर्‌मीको लेठाङ नुङ्‍ले। नाकुरीक इसे कुराकुङ साक्षि छान्‍ले।”

![](https://cdn.door43.org/obs/jpg/360px/obs-en-42-09.jpg)

अनी चालीस याक सम्‍म येसु होसकुङ चेलाको लेठाङ वास्‍टै पटक देखा पर्‌या। काट खेप होसको ५०० जना डेनाङ वास्‍टै भर्‌मीको लेठाङ समेत डसङअ। होसकै लहो चेलाकोलाक वास्‍टै प्रकारै लाहा जीवीत ले डेम प्रमाणित जाटा, अनि होसकै होखुरीककी परमेसोरौ राज्‍यौ बारेयाङ पाहाका।

![](https://cdn.door43.org/obs/jpg/360px/obs-en-42-10.jpg)

येसये होसकुङ चेलाकोलाक डेया, “सोर्‌ग र पृथ्‍वीयाङ लेच पट्‍ट न अढिकार ङाकी याम्‍हने। होटबाटै नुङ्‍नी पट्‍ट जातियुङ भर्‌मीकोलाक मीजा र पवित्र आत्‍मौ म्‍यार्‌मीनाङ बप्‍टिसमा याहार चेला खास्‍नी र होखुरीककी ङै नाखुरीककी आग्‍या जाट्‍च पट्‍ट न कुरा पालन जाट्‍की पाहाको। याद डौ ङा सधै नाखुरीकखाटा छान्‍ले।”

![](https://cdn.door43.org/obs/jpg/360px/obs-en-42-11.jpg)

येसु सीचलकीङ जीवाम सोरखीङ चालिस याक पछि, होसकै चेलाकोलाक डेया, “ङौ बोये नाखुरीककी शक्‍ति याछ पछि जब पवित्र आत्‍मा नाखुरीक लेठाङ राल्‍हे, होडीक बेला सम्‍म नाखुरीक यरुशलेमाङ न ङुकी।” अनी येसु मीटाक सोर्‌गाङ नुङा र डेबुये होसकोकी होखुरीकुङ नजरलकीङ हुपा। येसु पट्‍ट न कुराको मीटाक राज्‍य जाट्‍की परमेसोरौ डोर मीहुट पटिक ङुवा।

*बाइबलको कथा: मत्ती २८:१६-२०; मर्कूस १६:१२-२०; लूका २४:१३-५३; यूहन्‍ना २०:१९-२३; प्रेरित १:१-११ बाट*

## 43. ४३. मन्‍डलीयो शुरुवात

https://openbiblestories.org/l/mgp/story-43/

![](https://cdn.door43.org/obs/jpg/360px/obs-en-43-01.jpg)

येसु सोर्‌गाङ ल्‍हेस्‍रखीङ, चेलाको येसुये आग्‍या जाट्‍च पछी यरुसलेमाङ न ङुमङुवा। होला लेच बिस्‍वासीको प्रार्थना जाट्‍की निरन्‍तर रुपाङ भेला छाना।

![](https://cdn.door43.org/obs/jpg/360px/obs-en-43-02.jpg)

हरेक वर्ष निस्‍तार चाडौ ५० दिनपछि, युहुदिकै महत्‍वपुर्ण दिन, पेन्‍टिकोसौ दिन मन्‍डीच जाट्‍नन्‍या, जब यहुदिकै कटनीयो उत्‍सव मन्‍डीच जाट्‍नन्‍या। यहुदिको पट्‍ट न सन्‍सारलकीङ यरुशलेमाङ काठोवाङ न पेन्‍टिकोसौ दिन मन्‍डीकी राम्‍हन्‍या। होसे वर्ष पेन्‍टिकोषौ दिन चहीँ येसु स्‍वार्गारहण छान्‍च करिब १० याक पछि लेया।

![](https://cdn.door43.org/obs/jpg/360px/obs-en-43-03.jpg)

जब विस्‍वासीको पट्‍ट न काठोवाङ लेया, अचानक होखुरीक ङुमङुच काट बाड्‍को सक्‍टीसाली नाम्‍सुओ झोक्‍का ल्‍याक्‍च न आवाजै न्‍हेपा। होटै न्‍हुइङ म्‍हेओ ज्‍वाला लेखान डाङ्‍च वस्‍टु पट्‍ट बीस्‍वासीकुङ शिरमीटाक डाङा। होखुरीक पट्‍ट न आट्‍मै भरिस्‍च लेया र होखुरीक अन्‍य भाषाकोवाङ ङाक्‍की ठाला।

![](https://cdn.door43.org/obs/jpg/360px/obs-en-43-04.jpg)

जब यरुसलेमाङ लेच भर्‌मीकै होसे हल्‍ला सेया, भिड ही छान्‍ननेसा डेम ङोस्‍की राहा। जब भर्‌मीकै बिस्‍वासीकै परमेसोरौ अचम्‍मौ कामको प्रचार जाट्‍न ङुच सेया, होखुरीक आश्‍चार्यचकित चानाकी होखुरीकै इसे कुराको लहो न मातृभाषाकोवाङ सेमङुमन्‍या।

![](https://cdn.door43.org/obs/jpg/360px/obs-en-43-05.jpg)

ही भर्‌मीकैचेलाकोलाक मढ्‍यये म्होर्‌च आरोप लैडीया। तर पत्रुस खडा छाना र होखुरीककी डेया, “ङौ कुरा सेनी

![](https://cdn.door43.org/obs/jpg/360px/obs-en-43-06.jpg)

“इस्एलुङ भर्‌मीको हो, येसु काट भर्‌मी लेया जुनै परमेसोरौ सक्‍टीलकीङ वास्‍टै महान चिन्‍ह र अचच्‍मौ कामको जाट्‍न न्‍या जुन नाखुरीकै डाङ्‍ङने र थाहा जाट्‍नने। तर नाखुरीकै होसकोकी क्रुसाङ टाङ्‍गडीया

![](https://cdn.door43.org/obs/jpg/360px/obs-en-43-07.jpg)

“येसु सीनाङ र पनि, परमेसोरै होसकोकी सिचलकीङ सोटा। इसे कुरै होसे भविष्‍यवाणी पुरा जाटा, जुनै डेमन्‍या कि, ‘नाकै लहो पवित्र जनकी चिहानाङ घेरेलकी माय्‍हाले।” कान होसेन कुराकुङ साक्षी हो, हिजैडेनाङ परमेसोरै येसुकी फेरी जीवाका।”

![](https://cdn.door43.org/obs/jpg/360px/obs-en-43-08.jpg)

“येसु चाहा परमेसोर बोयौ दाहिने पटिक महिमित ले। अनी येसये प्रतिग्‍या जाट्‍नाङ लेखा न पवित्र आत्‍मा बिर्‍न्‍हकामने। नाखुरीकै चाहाँ डाङ्‍ङ ङुच र सेमङुच कुराको पवित्र आत्‍मै न जाट्‍न ङुच हो।”

![](https://cdn.door43.org/obs/jpg/360px/obs-en-43-09.jpg)

“नाखुरीकै येसुकी क्रुसाङ टाङ्‍गडीया। तर इसे कुरा पक्‍का जाट्‍न वार्‍न्‍हीकी परमेसोरै येसुकी प्रभु र मसिह नीस न खासा।

![](https://cdn.door43.org/obs/jpg/360px/obs-en-43-10.jpg)

पत्रुसौ कुरा सेमङुच भर्‌मीकै होचे डेच कुराकै गहिरो प्रभाव पार्‌या। होटबाटै होखुरीकै पत्रुस र चेलाकोलाक गीना, “भाइको, काल्‍है ही जाट्‍की पर्‌ले?”

![](https://cdn.door43.org/obs/jpg/360px/obs-en-43-11.jpg)

पत्रुसै होखुरीककी जवाफ याहा, “नाखुरीक हरेकै पश्‍चताप जाट्‍की पर्ले र येसु खीरीस्‍टौ म्‍यार्‌मीनाङ बप्‍टिसमा लाकी पर्ले, होसे लकीङ परमेसोरै नाखुरीकुङ पाप क्षमा जाट्‍न याल्‍हे। अनी होसकै नाकोकी पवित्र आत्‍मौ वरदान याल्‍हे।”

![](https://cdn.door43.org/obs/jpg/360px/obs-en-43-12.jpg)

करिब ३००० भर्‌मीकै पत्रुसै डेच कुराङ बिस्‍वास जाटा र येसुओ चेला छाना। होखुरीक डप्‍टिसमा छाना र होखुरीक यरुशलेमुङ मण्‍डलीयो हीस्‍सा छाना।

![](https://cdn.door43.org/obs/jpg/360px/obs-en-43-13.jpg)

होसे चेलाकै निरन्‍तर रुपाङ प्रेरितकुङ शिक्षा सेमन्‍या, काठौवाङ समय बितडीमन्‍या, काठोवाङ ज्‍यामन्‍या र काटै काटकी प्रार्थना जाट्‍नन्‍या। होखुरीक काठोवाङ परमेसोरौ प्रशंसा जाट्‍की माह्राङ्‍न्‍या र होखुरीकै लाहाखाटा लेच पट्‍ट न ठोक काटै काटकी पुङ्‌ङ न लेया। हरेकै होखुरीकुङ बारेयाङ असल आर्‌मिट्‍नन्‍या। हरेक दिन, अझ वास्‍टै भर्‌मीको बिस्‍वासी छाना।

*बाइबलको कथा: प्रेरित २ बाट*

## 44. ४४. पत्रुस र युहन्‍नै भिखारीकी गेपाक्‍च

https://openbiblestories.org/l/mgp/story-44/

![](https://cdn.door43.org/obs/jpg/360px/obs-en-44-01.jpg)

कायाक, पत्रुस र युहन्‍ना मन्‍दिर नुङ्‍ङ न लेया। जस्‍तै होखुरीक मन्‍दिरौ गालामाङ टाराहा, होखुरिकै काटजना लङ्‍गडो भर्‌मीकोलाक डाङा जो पैसौ लागी भिख ङेम्‍हङुमन्‍या।

![](https://cdn.door43.org/obs/jpg/360px/obs-en-44-02.jpg)

पत्रुसै होसे लङ्‍गडाकी भर्‌मीपटिक ङोसार डेया, “नाङकी याखी ङाखाटा पैसा च माले। तर ङाखाटा ही ले, ङा नाङ्‍की याल्‍हे। येसुओ म्‍यार्‌मीनाङ सोना र ह्‍वाना

![](https://cdn.door43.org/obs/jpg/360px/obs-en-44-03.jpg)

तुरुन्‍तै, परमेसोरै होसे लङ्‍गडो भर्‌मीकी गेपाका, अनी होसे ह्‍वाचै र फोर्जोछै परमेसोरौ प्रशँसा जाट्‍की पा। मन्‍दिरौ चोकाङ लेच भर्‌मीकै इसे डाङार अचम्‍मित छाना।

![](https://cdn.door43.org/obs/jpg/360px/obs-en-44-04.jpg)

काटछिनाङ भर्‌मीकै होसे गेप्‍च होसे भर्‌मीकी ङोस्‍की राहा। पत्रुसै होखुरीककी डेया, “इसे भर्‌मी गेप्‍ख्‍यो डेम नाखुरीक हीजै अचच्‍मित ले? कानै होसकी कानुङ लहो न शक्‍टी वा भलाइयो लागी गेपाक्‍च होइन बरु इसे च येसुओ सक्‍ति होसकै याछ बिस्‍वास हो, होचे इसे भर्‌मीकी गेपाका।”

![](https://cdn.door43.org/obs/jpg/360px/obs-en-44-05.jpg)

नाखुरीक न ले जुनै रोमी राज्‍यपालकी येसुकी साट्‍की डेया। जीवनौ रचनाकी नाखुरीकै साटा तर परमेसोरै सीचलकीङ होसकोकी जीवाका। नाखुरीककी लाहा ही जाट्‍न न ले डेम थाहा माछान्‍नाङ र पनि, परमेसोरै अगबाणीकोलाक पुरा जाट्‍की नाकुङ कामकोलाक क्‍योटा हीजैडेनाङ मसिहये कष्‍ट भोग्‍डीले र सीले। होटबाटै अब, पश्‍चताप जाट्‍नी र परमेसोरपटिक ल्‍हेस्‍नी ताकि नाखुरीकुङ पापको हुर्ख्‍यो।”

![](https://cdn.door43.org/obs/jpg/360px/obs-en-44-06.jpg)

पत्रुस र युहन्‍नै डेच कुराकै जाट्‍नाङ मन्‍डीरुङ अगुवाको वास्‍टै मिरिस ख्‍योमन्‍या। होटबाटै होखुरीकै होखुरीककी घोवा र झ्‍यालखानाङ काम याहा। तर वास्‍टै भर्‌मीकै पत्रुसौ सन्‍देशकी बिस्‍वास जाटा र येसुवाङ बिस्‍वास जाट्‍च भर्‌मीकुङ सङ्‍ख्‍या करिब ५००० लेया।

![](https://cdn.door43.org/obs/jpg/360px/obs-en-44-07.jpg)

अर्को याक, यहुदी अगुवाकै पत्रुस र युहन्‍नाकी प्रधान पुजाहारी र अरु धार्मिक अगुवाकुङ म्‍याहासाङ राका। होखुरीकै पत्रुस र युहन्‍नाकी गीना, “कुसे सक्‍टीलकीङ नाखुरीकै इसे सक्‍टीलकीङ नाखुरीकै इसे लङ्‍गडा भर्‌मीकी गेपाका?”

![](https://cdn.door43.org/obs/jpg/360px/obs-en-44-08.jpg)

पत्रुसै जवाफ याहा, “नाखुरीकुङ मीहासाङ टोङ्‍ह ङुच इसे भर्‌मी येसु मसिहौ शक्‍टीलकीङ गेपाका। नाखुरीकै येसुकी क्रुसाङ टङ्‍गडीसा, तर परमेसोरै होसकोकी फेरी जीवीत पार्‌या।

![](https://cdn.door43.org/obs/jpg/360px/obs-en-44-09.jpg)

पत्रुस र युहन्‍नै होजाट्‍न साहस खाटा ङाक्‍च डाङार होसे अगुवाको छक्‍क पर्‌या हीजैडेनाङ होखुरीकै डाङ्‍की य्‍होक्‍न्‍या कि होखुरीक साधरण र अशिक्षित भर्‌मीको लेया। तर पछि इसे भर्‌मीको येसुखाटा ङुमन्‍या डेम होखुरीककी याद राहा। पत्रुस र युहन्‍नाकी चेतावनी याछपछि होखुरीकै होखुरीककी डास्‍न याहा।

*बाइबलको कथा: प्रेरित ३:१-४:२२ बाट*

## 45. ४५. फिलिप र इथियोपिकौ उच्‍च पदाधिकारी

https://openbiblestories.org/l/mgp/story-45/

![](https://cdn.door43.org/obs/jpg/360px/obs-en-45-01.jpg)

शुरुउङ मण्‍डलीयुङ अगुवाको मढ्‍याङ स्‍तिफनस म्‍यार्‌मीन जाट्‍च काट भर्‌मी लेया। होखुरीक असल प्रतिष्‍ठा अनी पवित्र आत्‍मा र बुद्धिये भरपुर लेच भर्‌मी लेया। स्‍तिफनसै वास्‍टै आश्‍चर्यकर्मको जाटार भर्‌मीकै येसुवाङ बिस्‍वास जाट्‍की पर्‌ले डेम सशक्‍त ढङ्‍गये तर्क जाट्‍नन्‍या।

![](https://cdn.door43.org/obs/jpg/360px/obs-en-45-02.jpg)

कायाक, जब स्‍तिफनसै येसुओ बारेयाङ शिक्षा याम्‍हन लेया, येसुवाङ बिस्‍वास माजाट्‍च सुर यहुदिको स्‍तिफनसखाटा विवाद जाट्‍की पा। होखुरीक वास्‍टै मिरिस ख्‍योवा र स्‍तिफनसकी सम्‍बन्‍धाङ धार्मिक अगुवाकोलाक झुटो गवाही याहा। होखुरीकै डेया, “होचे मोशा र परमेसोरौ बारेयाङ दुष्‍ट कुराको डेच कानै सेया।

![](https://cdn.door43.org/obs/jpg/360px/obs-en-45-03.jpg)

प्रधान पुजाहरीकै स्‍तिफनसकी गीना, “ही इसे कुराको सत्‍य हो?” स्‍तिफनसै होखुरीककी परमेसोरै अब्राहाम लकीङ लार येसुओ समयसम्‍म जाट्‍च कयौँ महान कामको र कुजाट्‍न परमेसोरौ भर्‌मीकै निरन्‍तर रुपाङ होसकुङ आग्‍यापालन माजाट्‍च डेम आर्‌मीटाक्‍चै जवाफ याहा। अनी होचे डेया, “नाको हठी र बिद्रोही भर्‌मीकै सधै पवित्र आत्‍माकी इन्‍कार जाटा र होसकुङ अगमबक्‍टाकोलाक साटा। तर नाखुरीकै च हीर कुरा अझ बढी जाटा, जुन होखुरीकै जाटा डेनाङ खराब लेया।

![](https://cdn.door43.org/obs/jpg/360px/obs-en-45-04.jpg)

जब होसे धार्मिक अगुवाकै इसे कुरा सेया, होखुरीकै इडीक क्रोधित छाना की होखुरीकै लहो मेनेकेप ठुनार चर्को सोरै च्‍याका। होखुरीकै स्‍तिफनसकी शहर बाहिर घिसारीयार आल्‍हा र होसकी साट्‍की ल्‍हुङै ङापा।

![](https://cdn.door43.org/obs/jpg/360px/obs-en-45-05.jpg)

जब स्‍तिफनस सिकी पामन्‍या, होचे च्‍याकार डेया, “येसु, ङौ आत्‍माकी ग्रहण जाट्‍नी।” अनी होचे लहो घुँडा टेक्‍डीया र फेरी चर्को सोरै इट डेयार च्‍याका, “प्रभु, इसे पापौ दोष इखुरीक मीटाक मालक्‍डीस्‍ख्‍यो।” होटै होसे सिया।

![](https://cdn.door43.org/obs/jpg/360px/obs-en-45-06.jpg)

शाउल म्‍यार्‌मीन जाट्‍च काट जना जवान भर्‌मी स्‍तिफनसकी साट्‍च भर्‌मीकोखाटा सहमत छाना र होखुरीकै ल्‍हुङ ङाप्‍चै जाट्‍नाङ होखुरीकुङ बढीनकुङ रखवाली जाट्‍न याहा। होसे याक लकीङ, यरुशलेमाङ वास्‍टै भर्‌मीकै येसुओ चेलाकोलाक सटडीकी ठाला, होटबाटै बिस्‍वासीको अरु ठाउँकोवाङ भोग्‍डीसार नुङा। तर होडीक छान्‍नाङ र पनि होखुरीकै लाहा नुङ्‍च पट्‍ट न ठाउँकोवाङ येसुओ प्रचार जाटा।

![](https://cdn.door43.org/obs/jpg/360px/obs-en-45-07.jpg)

फिलिप म्‍यार्‌मिन लेच येसुओ काट जना चेला लेया होसे सटावटौ समयाङ यरुसलेमलकीङ भोग्‍डीसार नुङ्‍च बिस्‍वासीको मढ्‍याङ काट लेया। होखुरीक सामरीयाङ नुङा जहाँ होचे येसुओ प्रचार जाटा र होलुङ पट्‍ट न भर्‌मीको जीवाक्‍ङन्‍या। अनी कायाक, परमेसोरौ काट दुतै फिलिपकी मरुभुमीयो लामाङ नुङ्‍की डेया। होटै होसे होसेन लामाङ ह्‍वामन लेया, फिलिपै इथियोपियुङ काट जना महत्‍वपुर्ण सरकारी कर्मचारीकी लहो रथाङ काल्‍हार नुङ्‍ङ न लेच डाङा। अनी पवित्र आत्‍मै फिलिपकी नुङार होसे भर्‌मीको खाटा कुरा जाट्‍की डेया।

![](https://cdn.door43.org/obs/jpg/360px/obs-en-45-08.jpg)

जब फिलिप होसे रथौ खेरेप टाराहा, होचे इथियोपियाली भर्‌मीकै यशैया अगमबक्‍टै रीक्‍च पत्रलकीङ परेस्‍न ङुच सेया। होसे भर्‌मीये परेसा, “जसरी भेडा डठ्‍याक्‍की आल्‍हे, होजाट्‍न न होचे लहो मेङ्‍गेर माखोलीया। होच्‍यो अपमानित अवस्‍थाङ होसकी न्‍याय माखाटा। हिजैडेनाङ होच्‍यो जीवन पृथ्‍वीलकीङ म्‍हाटा।”

![](https://cdn.door43.org/obs/jpg/360px/obs-en-45-09.jpg)

फिलीपै होसे इथियोपियालीकी गीना, “नाकै परेस्‍न ङुच कुरा ही नाकै बुझडीसा?” होसे इथियोपियालीये जवाफ याहा, “अहँ। सुयेर मासेटाक्‍ङ ङा जुजाट्‍न बुझडीस्‍की ह्‍योक्‍ले र? कशपाया रान्‍ही र ङौ छेवाङ ङुनी। ही यसैये लहो बारेयाङ रीक्‍च हो वा अरु सुओर बारेयाङ?”

![](https://cdn.door43.org/obs/jpg/360px/obs-en-45-10.jpg)

फिलिपै होसे इथियोपियाली भर्‌मीकोलाक यसैये येसुओ बारेयाङ रीक्‍ङन्‍या डेम ब्‍याख्‍या जाट्‍न याहा। फिलिपै होसकी येसुओ बारेयाङ सेछ समाचार सेटाक्‍की अरु पत्रकुङ र प्रयोग जाटा।

![](https://cdn.door43.org/obs/jpg/360px/obs-en-45-11.jpg)

जब फिलिप र होसे इथियोपियाली यात्रा जाट्‍न न लेया, होखुरीक डी लेच ठावाङ टाराहा। होसे इथियोपियालीये डेया, “ङोस्‍नी

![](https://cdn.door43.org/obs/jpg/360px/obs-en-45-12.jpg)

होटबाटै होखुरीक म्‍हाका डी लेच ठावाङ नुङा, अनी फिलिपै होसे इथियोपियालीकी बप्‍टिसमा याहा। होखुरीक डीलकीङ बाहिर राछ पछि अचानक पवित्र आत्‍मै फिलिपकी अरु पटिक न आल्‍हा होला होचे भर्‌मीकोलाक येसुओ बारेयाङ सेटाक्‍ङ ङुवा।

![](https://cdn.door43.org/obs/jpg/360px/obs-en-45-13.jpg)

हो से इथियोपियाली भर्‌मी चहीँ लहो इम पटिक नुङ्‍की लामकी निरन्‍तरता याहा, होचे येसुकी चिन्‍डीच बाटै होसे निकै खुसी लेया।

*बाइबलको कथा: प्रेरित ८:५; ८:२६-४० बाट*

## 46. ४६. पावल बिस्‍वासी छाना

https://openbiblestories.org/l/mgp/story-46/

![](https://cdn.door43.org/obs/jpg/360px/obs-en-46-01.jpg)

शाउल होसे जवान भर्‌मी लेया सुये स्‍तिफनसकी साट्‍चकुङ वस्‍त्रको हेरचाह जाट्‍नन्‍या। होचे येसुवाङ बिस्‍वास माजट्‍नन्‍या, होटबाटै होसे बिस्‍वासीकोलाक सटडीच जाट्‍नन्‍या। होसे यरुसलेमुङ इम इमाङ नुङ्‍न्‍या र लेन्‍जा मास्‍टोको नीसकी न घोवार झ्‍यालखानाङ कामयाम्‍हन्‍या। प्रधान पुजाहारीये शाउलकी दमस्‍कसौ सहराङ नुङार खीस्‍टीयनकोलाक घोवार होखुरीककी यरुशलेमाङ ल्‍हेटार राक्‍च स्वीकृति याम्‍हन्‍या।

![](https://cdn.door43.org/obs/jpg/360px/obs-en-46-02.jpg)

जब शाउल दमस्‍कसलाक नुङ्‍ङ न लेया, सोर्‌गलकीङ काट ट्‍याङ्‍छ ज्‍योटी होच्‍यौ बुली न पटीक चम्‍कडीसा र होसे झाङ कुह्रुवा। शाउलै कुचेर इट डेच सेया, “शाउल

![](https://cdn.door43.org/obs/jpg/360px/obs-en-46-03.jpg)

जब शाउल सोवा, होचे हीर डाङ्‍की माय्‍होका। होच्‍यो लाफाकै होसकी दमस्‍कससम्‍म डोरीयार आल्‍हा। शाउलै सोम डीनसम्‍म न हीर माज्‍या।

![](https://cdn.door43.org/obs/jpg/360px/obs-en-46-04.jpg)

दमस्‍कसाङ हननिया म्‍यार्‌मीन लेच काट जना चेला लेया। परमेसोरै होसकी डेया, “होसे इमाङ नुङ्‍ना होला शाउल ङुमङुमने। नुओ मीहुटको होसे मीटाक डौ हिजैडेनाङ होचे फेरी डाङ्‍की ह्‍योक्‍ख्‍यो।” तर हननिये डेया, “प्रभ, इसे भर्‌मीये बिस्‍वासीकोलाक कुजाट्‍न सटडीमन्‍या डेम ङै सेमने।” परमेसोरै होसकी जवाफ याहा, “नुङ्‍ना

![](https://cdn.door43.org/obs/jpg/360px/obs-en-46-05.jpg)

होटबाटै हननिया शाउल लेठाङ नुङा, होच्‍यो मीहुटको होसे मीटाक डा, र डेया, “येसु, नाङ राम्‍हन लेच लामाङ देखा पर्‌या, होसकै ङाकी नाङ लेठाङ बिर्‍नहकामने हिजैडेनाङ नाङ फेरी डाङ्‍की ह्‍योक्‍च छान्‍ख्‍यो र पवित्र आत्‍मै भरिपुर्ण छान्‍ख्‍यो।” शाउल तुरुन्‍तै ढाङ्‍की ह्‍योक्‍च छाना, र हननिये होसकी बप्‍टीस्‍मा याहा। अनी शाउलै हीर ज्‍याच कुरा ज्‍या र होसकी तागत राहा।

![](https://cdn.door43.org/obs/jpg/360px/obs-en-46-06.jpg)

होच्‍यो लगातै, शाउलै दमस्‍कसाङ लेच यहुदिकोलाक इट डेचै प्रचार जाट्‍की ठाला, “येसु न परमेसोरौ मीजा हो

![](https://cdn.door43.org/obs/jpg/360px/obs-en-46-07.jpg)

वास्‍टै दिन पछि, यहुदिकै शाउलकी साट्‍च योजना खासा। होसकी साट्‍कीयो लागी होखुरीकै शहरुङ गालामकोवाङ ढुक्‍डीस्‍की भर्‌मीको बिर्‍न्‍हका। तर शाउलै होसे योजनौ बारेयाङ सेया, र होच्‍यो लाफाकै होसकी भोक्‍डीस्‍की सहायता जाटा। कायाक नाबीक होखुरीकै होसकी डालोवाङ कार शहरौ पर्खाललकीङ म्‍हाका झालाक्‍ङ याहा। शाउल दमस्‍कसलकीङ भोक्‍डीस्‍च पछि होचे येसुओ बारेयाङ प्रचार जाट्‍च काम निरन्‍तर जाट्‍न न ङुवा।

![](https://cdn.door43.org/obs/jpg/360px/obs-en-46-08.jpg)

शाउल चेलाकोखाटा डुप्‍की यरुशलेमाङ नुङा, तर होखुरीक बीर्‍हीया। अनी बरनाबास म्‍यार्‌मीन जाट्‍च काट जना बिस्‍वासीये शाउलकी पेरेरित लेठाङ आल्‍हा र होखुरीककी कुजाट्‍न शाउलै साहसखाटा दमस्‍कसाङ प्रचार जाट्‍नन्‍या डेम डेया। होटै चेलाकै शाउलकी स्‍वीकार जाटा।

![](https://cdn.door43.org/obs/jpg/360px/obs-en-46-09.jpg)

यरुशलेममाङ लेच सतावतलकीङ भोक्‍डीस्‍च हीर बिस्‍वासीको लोस एन्‍टिओखियुङ शहराङ नुङा र येसुओ वारेयाङ प्रचार जाटा। एन्‍टिओखियुङ प्राय: भर्‌मीको यहुडीको मालेया, तर पहिलो पटक, होखुरीकलेठाङ र वास्‍टै जना बिस्‍वासी छाना। बरनाबास र शाउल होला इसे नयाँ बिस्‍वासीकोलाक येसुओ बारेयाङ अझ बढी शिक्षा याखी र मण्‍डलीकी बलियो खास्‍की नुङा। येसुवाङ बिस्‍वास जाट्‍चकोलाक पहिलो खेप “ख्रिष्‍टियनको” डेच ठाउँ एन्‍टीओखिया लेया।

![](https://cdn.door43.org/obs/jpg/360px/obs-en-46-10.jpg)

कायाक, जब एन्‍टीओखियाङ लेच ख्रिष्‍टियनको उबास र प्रार्थना जाट्‍न न लेया, जब पवित्र आत्‍मै होखुरीककी डेया, “ङौ लागी बारनाबास र शाउलकी होसे कामौ लागी अलग जाटो जुन कामौ लागी ङै होखुरीककी आर्‌घामने।” होटबाटै एन्‍टीओखीयुङ मन्‍डलीये बरनाबास र शाउलौ लागी प्रार्थना जाटा र होखुरीकुङ मीहुट होखुरीक मीटाक डा। अनी होखुरीकै होखुरीककी येसुओ बारेयाङ अरु वास्‍टै ठाउँकोवाङ सेछ समाचार प्रचार जाट्‍की बिर्‍न्‍हका। बरनाबास र शाउलै खाल खालुङ जातियुङ भर्‌मीकोलाक शिक्षा याहा, र वास्‍टै भर्‌मीकै येसुवाङ बिस्‍वास जाटा।

*बाइबलको कथा: प्रेरित ८:३; ९:१-३१; ११:१९-२६; १३:१-३ बाट*

## 47. ४७. पावल र सीलास फिलिप्‍पीयाङ

https://openbiblestories.org/l/mgp/story-47/

![](https://cdn.door43.org/obs/jpg/360px/obs-en-47-01.jpg)

जब शाउल रोमी साम्राज्‍यभरी यात्रा जाटा, होचे मेन रोमी म्‍यार्‌मीन “पावल” लौ क्‍योट्‍की ठाला। कायाक पावल र मेन लाफा सिलास फिप्‍पीयुङ सहराङ येसुओ बारेयाङ सेछ समाचार सेटाक्‍की नुङा। होखुरीक नदिलकीङ छानार सहरौ बाहिरी काट ठावाङ नुङा होला भर्‌मीको प्रार्थना जाट्‍की भेला छान्‍नन्‍या। होला होखुरीकै लिडिया म्‍यार्‌मीन जाट्‍च काटजना मास्‍टोकी डुपा होसे चहीँ काट ब्‍यापारी लेया। होचे परमेसोरकी प्रेम र आरधना जाट्‍नन्‍या।

![](https://cdn.door43.org/obs/jpg/360px/obs-en-47-02.jpg)

येसुओ बारे सन्‍देशकी बिस्‍वास जाट्‍की परमेसोरै लिडीयौ रीदय खोलिमयाहा, अनी होसे र होच्‍यौ परिवारै बप्‍टिस्‍मा ला। होचे पावल र सिलासकी लहो इमाङ ङुकी निम्‍टो याहा, होटबाटै होखुरीक होसे र होच्‍यौ परिवारखाटा ङुवा।

![](https://cdn.door43.org/obs/jpg/360px/obs-en-47-03.jpg)

पावल र सिलास होसे प्रार्थना जाट्‍च ठावाङ भर्‌मीकोखाटा डुप्‍च जाट्‍नन्‍या। हरेक दिन होखुरीक होला ह्‍वाच जाट्‍नन्‍या, भुत आत्‍मा लकडीस्‍च काट कमारी मास्‍टोये होखुरीककी डुट्‍नन्‍या। होस भुत आत्‍मौ माध्‍यमलकीङ होचे भर्‌मीकुङ जोखना ङोस्‍च जाट्‍नन्‍या, इटजाट्‍न जोखना ङोसार होचे लहो मालिककुङ लागी वास्‍टै कमाइ जाट्‍न याम्‍हन्‍या।

![](https://cdn.door43.org/obs/jpg/360px/obs-en-47-04.jpg)

होसे कमारी मास्‍टोये इट डेचै च्‍याक्‍की ठाला, “इसे भर्‌मीको सर्वोच्‍चो परमेसोरौ सेवकको हो। इखुरीकै नाखुरीककी मुक्‍टीयो लामौ घोषणा जाट्‍नन ले।

![](https://cdn.door43.org/obs/jpg/360px/obs-en-47-05.jpg)

अन्‍तिमाङ जब होसे कमारी मास्‍टो च्‍याक्‍की थाला, पावल होसेपटिक ल्‍हेसा र होसे भिट्‍री लेच दुष्‍टआत्‍माकी डेया, “येसुओ म्‍यार्‌मीनाङ, होसेलकीङ बाहिर रान्‍हा।” अनी होसे दुष्‍टआत्‍मै होसे न घडी होसकी डासार नुङा।

![](https://cdn.door43.org/obs/jpg/360px/obs-en-47-06.jpg)

होसे कमारी मास्‍टोओ मालिकको अति मिरिस ख्‍योवा

![](https://cdn.door43.org/obs/jpg/360px/obs-en-47-07.jpg)

होटबाटै होसे कमारी मास्‍टोओ मालिकै पावल र सीलासकी रोमी अधिकारीको लेठाङ लार नुङा, होचे होखुरीककी डुङा र झ्‍यालखाना भिट्‍त्री का।

![](https://cdn.door43.org/obs/jpg/360px/obs-en-47-08.jpg)

होखुरीकै पावल र सीलासकी झ्‍यालखानौ पट्‍टडेनाङ सुरक्षित ठावाङ डा र होखुरीकुङ मीखुट्‍याङ ठिँगुरो समेत ठोक्‍डीम याहा। हिजैडेनाङ मध्‍यरातौ समयाङ होखुरीक परमेसोरौ प्रंशसौ ल्‍हीङको ल्‍हीङ ङुमन्‍या।

![](https://cdn.door43.org/obs/jpg/360px/obs-en-47-09.jpg)

एक्‍कासी, होला काट बाड्‍को भुईँचालो राहा

![](https://cdn.door43.org/obs/jpg/360px/obs-en-47-10.jpg)

झ्‍यालखानुङ हाकिम मीमीकलकीङ रीङ्‍हा, अनी जब होचे झ्‍यालखानुङ गालामको खोलिस्‍न ङुच डाङा, होसे बिर्‍हिया

![](https://cdn.door43.org/obs/jpg/360px/obs-en-47-11.jpg)

होसे बिर्‍हियार बुरुक्‍चै पावल र सिलासौ अघी राहा र गीना, “उद्‌धार डुप्‍कीयो लागी ङै ही जाट्‍की पर्‌ले?” पावलै जवाफ याहा, “येसु प्रभुवाङ बिस्‍वास जाट्‍नी, अनी नाको र नाकुङ परिवारै उद्‍धार डुप्‍ले।” अनी होसे हाकिमै पावल र सिलासकी लहो इम भिट्‍री आल्‍हा र होखुरीकुङ म्‍हाको हुर्न याहा। पावलै होच्‍यो इमाङ लेच पट्‍ट की येसुओ बारेयाङ सेछ समाचार सेटाका।

![](https://cdn.door43.org/obs/jpg/360px/obs-en-47-12.jpg)

होसे हाकिम र होच्‍यो सारा परिवारै येसुवाङ बिस्‍वास जाटा र बप्‍टिसमा ला। अनी होसे हाकिमै पावल र सिलासकी भोजन याहा र होखुरीकै काठोवाङ न आनन्‍द मन्‍डीया।

![](https://cdn.door43.org/obs/jpg/360px/obs-en-47-13.jpg)

होच्‍यो अर्को याक शहरुङ हाकिमकै पावल र सिलासकी झ्‍यालखानालकीङ डास्‍न याहा र होखुरीककी फोलिप्‍पीलकीङ ख्‍योखी डेया। पावल र सिलास लिडीया र अरु कुडीक लाफाकै डुपा र होटै शहर डासार ह्‍वा। येसुओ बारेयाङ सेछ समाचार फैलडीस्‍चै नुङा र मण्‍डली बट्‍डीस्‍चै नुङा।

![](https://cdn.door43.org/obs/jpg/360px/obs-en-47-14.jpg)

पावल र अरु ख्रिष्‍टियान अगुवाको वास्‍टै शहराङ येसुओ बारेयाङ सेछ समाचार प्रचार जाट्‍चै र शिक्षा याछै यात्रा जाटा। होखुरीकै मण्‍डलीयाङ लेच बिस्‍वासीकोलाक उत्‍साह याकी र पाहाक्‍की वास्‍टै चिठीको रीका। इसे मढ्‍याङ कोइ कोइ चिठीको छिनी बाइबलौ किताबको छान्‍नने।

*बाइबलको कथा: प्रेरित १६:११-४० बाट*

## 48. ४८. येसु प्रतिग्‍या जाट्‍च मसिह हो

https://openbiblestories.org/l/mgp/story-48/

![](https://cdn.door43.org/obs/jpg/360px/obs-en-48-01.jpg)

जब परमेसोरै संसारकी सृष्‍टि जाटा, पट्‍ट कुरा सिद्‌ध लेया। होला काट र पाप मालेया। आदम र हव्‍वै काटै काटकी पेरेम जाट्‍नन्‍या, अनी होखुरीकै परमेसोरकी पेरेम जाट्‍नन्‍या। होला हिर रोग वा मृत्‍यु मालेया। परमेसोरै चहडीस्‍च संसार लेया।

![](https://cdn.door43.org/obs/jpg/360px/obs-en-48-02.jpg)

बगैँचाङ हव्‍वाकी झुक्‍डीकीयो लागी शैतान बुललकीङ ङाका। अनी हव्‍वै र आदमै परमेसोरौ बिरुढाङ पाप जाटा। होखुरीकै जाट्‍च पापौ कारण नै सिच, रोग रपीडा इसे पट्‍ट सन्‍सारुङ पट्‍ट भर्‌मीकुङ जीवनुङ काट हीस्‍सा छाना।

![](https://cdn.door43.org/obs/jpg/360px/obs-en-48-03.jpg)

आदम र हव्‍वै पाप जाट्‍च बाटै हीर कुरा अझ बढी भयानक छान्‍की नुङा। होखुरीक परमेसोरौ शत्र हो। परमेसोर र भर्‌मीकुङ मीघ्‍याङ सम्‍बन्‍ध पापै जाट्‍नाङ भा। तर होसे सम्‍बन्‍धकी फेरी पुनस्‍थापित जाट्‍की परमेसोरखाटा काट योजना लेया।

![](https://cdn.door43.org/obs/jpg/360px/obs-en-48-04.jpg)

परमेसोरै प्रतिग्‍या जाट्‍नन्‍या कि हव्‍वौ काट जना सन्‍तानै शैतानौ शिर कुच्‍चडीले र शैतानै होच्‍यो कुर्कुच्‍चाङ जीक्‍ले। इच्‍यौ अर्थ इसे लेया की शैतानै मसिहकी साट्‍ले, तर परमेसोरै होसकोकी फेरी जीवीत तुल्‍डीले र मसिहये शैतानौ शक्‍तिकी सधैयो लागी कुच्‍चडीले। वास्‍टै वर्षपछि, परमेसोरै येसु न मसिह हो डेम प्रकट जाटा।

![](https://cdn.door43.org/obs/jpg/360px/obs-en-48-05.jpg)

जब परमेसोरै पट्‍ट न पृथ्‍वीकी जलप्रलायलकीङ नास जाटा, होसकोमीटाक बिस्‍वास जाट्‍च भर्‌मीकोलाक होसकै जहाज प्रदान जाटा। ठिक होसे न ढङ्‍गये, पट्‍ट न जना लहो पापौ कारण नाश पार्‌की योग्‍यौ छान्‍ले, तर परमेसोरै होसको मीटाक बीस्‍वास जाट्‍च पट्‍टकी उद्‌धार जाट्‍कीयो लागी येसुकी बीर्‍न्‍हकाच हो।

![](https://cdn.door43.org/obs/jpg/360px/obs-en-48-06.jpg)

वास्‍टै वर्षसम्‍म, पुजाहारीकै भर्‌मीकुङ लागी होखुरीकुङ पापौ खातिर होखुरीकै डुप्‍की पर्च दण्‍डओ साट्‍टा परमेसोरकी निरन्‍तर रुपाङ बलिको चढडीया। तर होसे बलिकै होखुरीकुङ पाप सोटार आल्‍खी माय्‍होका। येसु चहीँ प्रधान पुजाहारी ले। अरु पुजाहारीकुङ अगाडी, होसकै लाहाकी काट मट्‍टै बलियो रुपाङ सुम्‍पडीया होसकै सन्‍सारुङ पट्‍ट भर्‌मीकुङ पाप सोटार आल्‍खी य्‍होक्‍ले। येसु सिद्‍ध प्रधान पुजाहारी ले हिजैडेनाङ हरेक भर्‌मीये जाट्‍च पट्‍ट पापौ लागी होसकै दण्‍ड भोग्‍डीया।

![](https://cdn.door43.org/obs/jpg/360px/obs-en-48-07.jpg)

परमेसोरै अब्राहामकी डेया, “पृथ्‍वीयुङ पट्‍ट भर्‌मी जातीको नाङ लकीङ आशिषित छान्‍ले।” येसु अब्राहामौ काट सन्‍तान लेया। पट्‍ट न भर्‌मी जातिको होसको लकीङ आशिषित छान्‍ले, हिजैडेनाङ पट्‍ट जना जुनै येसुवाङ बिस्‍वास जाट्‍ले, होखुरीकै पापलकीङ उद्‌धार डुप्‍ले र अब्राहामौ आत्‍मिक सन्‍तान छान्‍ले।

![](https://cdn.door43.org/obs/jpg/360px/obs-en-48-08.jpg)

जब परमेसोरै अब्राहामकी होच्‍यो लेन्‍जा मीजा, इसहाककी, काट बलि स्‍वरुप चढडीकी डेया, परमेसोरै बलियो निम्‍ती मेन लेन्‍जा मीजा इसहाकौ सट्‍टाङ काट थुमा याहा। काल्‍हौ पट्ट जना काल्‍हौ पापौ खातिर साट्‍कीयो योग्‍य ले।

![](https://cdn.door43.org/obs/jpg/360px/obs-en-48-09.jpg)

जब परमेसोरै मिश्रदेसाङ अन्‍तिम विपत्ति बिर्‍न्‍हका, होसकै हरेक इस्राएली परिवारकी काट सिद्‍ध थुमाकी साट्‍की र होच्‍यो हीउ होखुरीकुङ इमुङ गालामौ नीस पट्‍टीयुङ खम्‍बाको र ढेनामुङ भागाङ काकी डेया। जब परमेसोरै होसे हीउ डाङा, होसकै होखुरीकुङ इमकोलाक डासार नुङा र होखुरीकुङ जेठा सन्‍तानकोलाक मासाटा। इसे घटनाकी निस्‍तार चाड डेले।

![](https://cdn.door43.org/obs/jpg/360px/obs-en-48-10.jpg)

येसु कानुङ लागी निस्‍तारौ थुमा ले। होसको सिद्‍ध र पापरहीत लेया र निस्‍तारचाडौ उत्‍सवौ समयाङ साटा। जब कुसेर येसवाङ बिस्‍वास जाट्‍ले, येसुओ हीवै होसे भर्‌मीयो पापौ मोल टेरीस्‍ले, अनी परमेसोरौ दण्‍डये होसे भर्‌मीकी डासार नुङ्‍ले।

![](https://cdn.door43.org/obs/jpg/360px/obs-en-48-11.jpg)

परमेसोरै इस्राएलीको खाटा काट करार छ्‍याका, होखुरीक होसकुङ चुन्‍डीच भर्‌मीको लेया। तर अब परमेसोरै काट नयाँ करार खास्‍नने, जुन चहीँ पट्‍टओ निम्‍ति उपलब्‍ध ले। इसे नयाँ करारौ कारनै जाट्‍नाङ कुसेर भर्‌मीये येसुवाङ बिस्‍वास जाटार परमेसोरौ सन्‍तान छान्‍की माय्‍होक्‍ले।

![](https://cdn.door43.org/obs/jpg/360px/obs-en-48-12.jpg)

मोशा महान अगमबक्‍टा लेया जुनै परमेसोरौ बचनौ घोषणा जाटा। तर येसुचाहीँ महान अगमबक्‍टा हो। होसको परमेसोर हो, होटबाटै होसकै जाट्‍च र डेच पट्‍ट ठोक परमेसोरौ बचनौ कामको लेया। होटबाटै येसुकी परमेसोरौ बचन डेले।

![](https://cdn.door43.org/obs/jpg/360px/obs-en-48-13.jpg)

परमेसोरै दाउद राजाकी प्रतिग्‍या जाट्‍नन्‍या कि होच्‍यो सन्‍तानको मढ्‍याङ काट जनै राजौ रुपाङ सधैयो लागी परमेसोरौ भर्‌मीको मीटाक राज्‍य जाट्‍ले। हिजैडेनाङ येसु परमेसोरौ पुत्र र मसिह हो, होसकै दाउदौ होसे बिसेस सन्‍तान हो होसकै सधैभरी राज्‍य जाट्‍की य्‍होक्‍ले।

![](https://cdn.door43.org/obs/jpg/360px/obs-en-48-14.jpg)

दाउद इस्राएलुङ राजा लेया तर येसु चहीँ सन्‍सारुङ राजा हो

*बाइबलको कथा: उत्पत्ती १-३,६,१४,२२; प्रस्थान १२, २०; २ शमूएल ७; हिब्रु ३:१-६, ४:१४-५:१०, ७:१-८:१३, ९:११-१०:१८; प्रकाश २१ बाट*

## 49. ४९. परमेसोरौ नयाँ करार

https://openbiblestories.org/l/mgp/story-49/

![](https://cdn.door43.org/obs/jpg/360px/obs-en-49-01.jpg)

काट स्‍वर्गदुतै मरियम म्‍यार्‌मिन जाट्‍च काट कन्‍याकी डेया, कि होचे परमेसोरौ मीजाकी जन्‍म याल्‍हे। होटबाटै होसे अझ काट कन्‍या न लेया, होचे काट लेन्‍जा मीजा डीन्‍हा र होसकुङ म्‍यार्‌मीन येसु डा। तसर्थ येसु परमेसोर र भर्‌मी नीस न हो।

![](https://cdn.door43.org/obs/jpg/360px/obs-en-49-02.jpg)

येसुये वास्‍टै अचच्‍मौ कामको जाटा, होचे न प्रमाणीत जाट्‍ले की होसको परमेसोर लेया। होसको डी मीटाक ह्‍वा आँधीकी ‍शान्‍त पार्‌या, वास्‍टै रोगी भर्‌मीकोलाक गेपाका, दुष्‍टआत्‍माको छ्‍युका, सिच भर्‌मीकोलाक जीवीत खासा र बाङा रोटीयो टुक्रा र नीस माछालकीङ ५००० डेनाङ वास्‍टै भर्‌मीकोलाक प्रशस्‍त जाटार कासार लाहाकी प्रमाणित जाटा।

![](https://cdn.door43.org/obs/jpg/360px/obs-en-49-03.jpg)

येसु महान शिक्षक लेया, अनी होसको अधिकार साथ ङाक्‍ङ्‍न्‍या हिजैडेनाङ होसको परमेसोरौ पुत्र लेया। होसकै पाहाका कि नाकै अरु भर्‌मीकोलाक होजाट्‍नन प्रेम जाट्‍की पर्‌लेकुजाट्‍न नाकै लाहाकी पेरेम जाट्‍ले।

![](https://cdn.door43.org/obs/jpg/360px/obs-en-49-04.jpg)

होसकै इसे र पाहाका कि नाकै परमेसोरकी अरु कुराकोलाक डेनाङ वास्‍टै प्रेम जाट्‍की पर्‌ले नाकुङ धन सम्‍पत्तिकी डेनाङ र वास्‍टै

![](https://cdn.door43.org/obs/jpg/360px/obs-en-49-05.jpg)

येसुये डेया कि परमेसोरौ राज्‍य संसाराङ लेच कुसेर कुरा डेनाङ वास्‍टै मुल्‍यवान छ। कुच्‍यौ लागी पट्‍टडेनाङ महत्‍वपुर्ण कुरा डेच न परमेसोरौ राज्‍यौ हकदार लेकी हो। परमेसोरौ राज्‍याङ प्रवेश जाट्‍की, नाकै लहो पापलकीङ उद्‍धार डुप्‍की पर्‌ले।

![](https://cdn.door43.org/obs/jpg/360px/obs-en-49-06.jpg)

येसुये पाहाका कि कोइ भर्‌मीकै होसकोकी डुप्‍ले र जीवाक्‍ले, तर अरूये माडुप्‍ले। होसकै डेया कि कोइ भर्‌मीको असल भुमि लेखा हो। होखुरीकै येसुओ सेछ समाचार डुप्‍ले र जीवाले। अरु भर्‌मीकै चहीँ येसुओ बारेयुङ सन्‍देशकी इन्‍कार जाट्‍ले र होसकुङ राज्‍य भीट्‍री पर्‌की माडुप्‍ले।

![](https://cdn.door43.org/obs/jpg/360px/obs-en-49-07.jpg)

येसुये पाहाका कि परमेसोरै पापीकोलाक वास्‍टै पेरेम जाट्‍ले। होसकै होखुरीककी क्षमा याकी मीमन ले र होखुरीकककी लहो सन्‍तान खास्‍की मीमन ले।

![](https://cdn.door43.org/obs/jpg/360px/obs-en-49-08.jpg)

येसुये इसे र डेया कि परमेसोरै पापकी घृणा जाट्‍ले। अब आदम हव्‍वै पाप जाटा, इचे होखुरीकुङ पट्‍ट न सन्‍तानकोलाक असर पार्‌या। फलस्‍वरुप, सन्‍साराङ पट्‍ट भर्‌मीये पाप जाट्‍ले र परमेसोरलकीङ अलग जाट्‍नने। पट्‍ट

![](https://cdn.door43.org/obs/jpg/360px/obs-en-49-09.jpg)

तर परमेसोरै संसाराङ लेच पट्‍टकी इडीक वास्‍टै प्रेम जाटा कि होसकै लहो काट मट्‍टै मीजा याहा, हिजैडेनाङ येसुमिटाक बिस्‍वास जाट्‍च सुयेर होखुरीकुङ सजाय भोक्‍डीकी मापर्‌ख्‍यो, तर परमेसोरखाटा सधै जीवाम ङुख्‍यो।

![](https://cdn.door43.org/obs/jpg/360px/obs-en-49-10.jpg)

नाखुरीकुङ पापै जाट्‍नाङ, नाको दोषि र साट्‍की योग्‍यौ ले। परमेसोर नाकोखाटा झोक ख्‍योखी पर्‌छ हो, तर होसकै लहो झोक नाकुङ सट्‍टाङ येसुमीटाक ह्‍वाका। जब येसु क्रुसाङ सीया, होसकै नाकुङ सजाय भोग्‍डीया।

![](https://cdn.door43.org/obs/jpg/360px/obs-en-49-11.jpg)

येसये सेन्‍र पाप माजाटा, तर होसकै सजाय भोग्‍डीकी र नाकुङ र सन्‍सारुङ हरेक भर्‌मीकुङ पाप सोटार आल्‍खी सिद्‌ध बलियो रुपाङ सीकी मीमन जाटा। येसुये लाहाकी समर्पण जाट्‍चबाटै परमेसोरै कुन्‍च पापकी क्षमा याखी ह्‍योक्‍ले।

![](https://cdn.door43.org/obs/jpg/360px/obs-en-49-12.jpg)

असलल कामकै नाकोकी जीवाक्‍की माह्‍योक्‍ले। परमेसोरखाटा सम्‍बन्‍ध डाकी नाकै जाट्‍की ह्‍योक्‍च हीर कुरा माले। येसये मट्‍टै नाकुङ पापको हुर्‌की ह्‍योक्‍ले। नाकै इसे बिस्‍वास जाट्‍की न पर्‌ले कि येसु न परमेसोरौ मीजा ले कि नाकुङ साटो होसको कुरुसाङ सीया, र परमेसोरै फेरी होसकोकी जीवीत पार्‌यार सोटा।

![](https://cdn.door43.org/obs/jpg/360px/obs-en-49-13.jpg)

येसुवाङ बिस्‍वास जाट्‍च र होसकोकी लहो मुक्‍टीदाता डेम ग्रहण जाट्‍च पट्‍टकी परमेसोरै जीवाक्‍ले। तर होसकोमीटाक बिस्‍वास माजाट्‍च सुकीर होसकै माजीवाक्‍ले। नाको धनी छान्‍नी वा गरीब, लेन्‍जा वा मास्‍टो, बुढा वा रेन्‍जा, अथवा नाको कुला ङुले, हिर फरक मापर्‌ले। परमेसोरै नाकोकी प्रेम जाट्‍ले र नाकै येसवाङ बिस्‍वास जाट्‍ख्‍यो डेम मीमन जाट्‍ले, हिजैडेनाङ नाकोखाटा घनिष्‍ट सम्‍बन्‍ध छान्‍ख्‍यो।

![](https://cdn.door43.org/obs/jpg/360px/obs-en-49-14.jpg)

येसुये नाकोकी होसकोवाङ बिस्‍वास जाट्‍की र बप्‍टिसमा लाकी निम्‍टो याल्‍हे। ही नाको येसु न मसिह, परमेसोरौ काट मट्‍टै मीजा हो डेम बिस्‍वास जाट्‍ले? ही नाको लाहाकी पापी र परमेसोरौ दण्‍डओ भागिदार ले डेम बिस्‍वास जाट्‍ले? नाकुङ पापको सोटार आल्‍खी येसु क्रुसाङ सिया डेम ही नाको बिस्‍वास जाट्‍ले?

![](https://cdn.door43.org/obs/jpg/360px/obs-en-49-15.jpg)

इडीक नाकै येसुवाङ र होसकै नाकोकुङ लागी ही जाटा डेम बिस्‍वास जाट्‍ले हो डेनाङ नाको काट ख्रिष्‍टियन हो।

![](https://cdn.door43.org/obs/jpg/360px/obs-en-49-16.jpg)

इडीक नाको काट ख्रिष्‍टियन हो डेनाङ येसुये जाट्‍च कामै जाट्‍नाङ परमेसोरै नाकुङ पापको क्षमा जाट्‍न याम्‍हने।परमेसोरै अब नाकोकी काट शत्रु होइन, बरु काट घनिष्‍ट लाफा आर्‌मीटले।

![](https://cdn.door43.org/obs/jpg/360px/obs-en-49-17.jpg)

इडीक नाको परमेसोरौ लाफा हो डेनाङ र येसु प्रभुओ दास हो डेनाङ नाको अब येसुये पाहाक्‍च कुराकुङ आग्‍यापालन जाट्‍की मीमन जाट्‍ले। नाको काट ख्रिष्‍टियन छान्‍नाङ र अझै नाको पाप जाट्‍की परिक्षाङ पर्‌ले। तर परमेसोर बिस्‍वास योग्‍य ले अनी डेले कि इडीक नाकै लहो पापकुङ पश्‍चताप जाट्‍ले डेनाङ होसकै नाकोकी क्षमा याल्‍हे। पापौ बिरुढाङ सामना जाट्‍की होसकै नाकोकी शक्‍टी याल्‍हे।

![](https://cdn.door43.org/obs/jpg/360px/obs-en-49-18.jpg)

परमेसोरै नाकोकी प्रार्थना जाट्‍की होसकुङ बचन परेस्‍की, अरु ख्रिष्‍टियनकोखाटा न आरधना जाट्‍की अनी होसकै नाकुङ लागी ही जाटा डेम अरुकी सेटाक्‍की डेले। इसे पट्‍ट न कुराकै नाकोकी होसकोखाटा अझ घनिष्‍ट सम्‍बन्‍ध डाकी मदत जाट्‍ले।

*बाइबलको कथा: रोमी ३:२१-२६, ५:१-११; यूहन्‍ना ३:१६; मर्कूस १६:१६; कलस्सी १:१३-१४; २ कोरन्थी ५:१७-२१; १ यूहन्‍ना १:५-१० बाट*

## 50. ५०. येसु फेरी राल्‍हे

https://openbiblestories.org/l/mgp/story-50/

![](https://cdn.door43.org/obs/jpg/360px/obs-en-50-01.jpg)

करिब २००० वर्षलकीङ, सन्‍सारभरीयुङ वास्‍टै डेनाङ वास्‍टै भर्‌मीकै येसु मसिहौ बारेयाङ सेछ समाचार सेचै राम्‍हने। मन्‍डलीयो वृद्‍धि छान्‍नन ले। येसुये प्रतिग्‍या जाट्‍नन्‍या की सन्‍सारौ अन्‍याङ होसको ल्‍हेसार राल्‍हे। होसको अझ सम्‍म माल्‍हेस्‍नने, तर होसकै लहो प्रतिग्‍या पुरा जाट्‍ले।

![](https://cdn.door43.org/obs/jpg/360px/obs-en-50-02.jpg)

जब कान येसुओ आगमनौ प्रतिक्षा जाट्‍ले, कान पवित्रतौ लामाङ जीवन जीवइङ डेम परमेसोर मीमन जाट्‍ले, सुये होसकुङ आडर जाट्‍ले। कानै अरुकी र होसकुङ राज्‍यौ बारेयाङ डेइङ डेम होसको मीमन जाट्‍ले। जब येसु सन्‍साराङ लेया, होसकै डेया, “ङौ चेलाकै परमेसोरौ राज्‍यौ बारेयाङ पट्‍ट न सन्‍सारुङ भर्‌मीकोलाक सेछ समाचार प्रचार जाट्‍ले, अनी होटै न्‍हुइङ मट्‍टै अन्‍यौ दिन राल्‍हे।”

![](https://cdn.door43.org/obs/jpg/360px/obs-en-50-03.jpg)

वास्‍टै भर्‌मी जाटीये अझै र येसुओ बारेयाङ मासेमे। सोर्‍गाङ ल्‍हेसार नुङ्‍की डेनाङ अघी होसकै ख्रिस्‍टियनकोलाक होसे भर्‌मीकोलाक सेछ समचारौ घोषणा जाट्‍की डेया, होचे सेन्‍र इच्‍यौ बारेयाङ मासेमन्‍या। होसकै डेया, “नुङ्‍ना र पट्‍ट जाटीयुङ भर्‌मीकोलाक चेला खाँसो

![](https://cdn.door43.org/obs/jpg/360px/obs-en-50-04.jpg)

येसुये इसे र डेया, “कुसेर डास लहो मालिक डेनाङ बाड्‍को छान्‍की माय्‍होक्‍ले। इजाट्‍न इसे सन्‍सारुङ अधीकारीकै ङाकी घृणा जाटा, होखुरीकै ङौ खाटिर नाखुरीककी कष्‍ट याल्‍हे र साट्‍ले। इसे संसाराङ नाखुरीकै कष्‍ट भोग्‍डीकी पर्‌नाङ र उत्‍साहित छान्‍नी, हिजैडेनाङ ङै इसे सन्‍सारौ शासन जाट्‍च शैतानकी हारीमने। इडीक नाखुरीक अन्‍त्‍यसम्‍म न बिस्‍वासयोग्‍य छाना डेनाङ परमेसोरै नाखुरीकुङ उद्‍धार जाट्‍ले

![](https://cdn.door43.org/obs/jpg/360px/obs-en-50-05.jpg)

येसये मेखोलौ चेलाकोलाक संसारौ अन्‍त्‍य छान्‍च पछि कुङ्‍च छान्‍ले डेम बुझडीकीयो लागी काट कथा डेया। होसकै डेया, “काट जना भर्‌मीये लहो बारीयाङ असल छोयोको भेरेटा। जब होसे मिस्‍नङुमन्‍या, होच्‍यो शत्रु राहार गहौँ मीघ्‍याङ सामा भेरेट्‍न याहा र होटै ह्‍वा।”

![](https://cdn.door43.org/obs/jpg/360px/obs-en-50-06.jpg)

“जब छोयो गीटा, होसे भर्‌मीयौ दासकै डेया, “मालिक, नाकै च होसे बारीयाङ असल छोयोको लैडीमन्‍या। तर कुटै होला सामाको राहा त? होसे मालिकै जवाफ याहा, “कुसेर शत्रुये होसे भेरेट्‍च छान्‍की पर्‌ले।”

![](https://cdn.door43.org/obs/jpg/360px/obs-en-50-07.jpg)

“होसे दासकै होखुरीकुङ मालिककी डेया, “ही कान होसे सामाकोलाक हुटीङ?” मालिकै डेया, ‘होइन’। नाखुरीकै होट जाटा डेनाङ, नाखुरीकै होसेखाटा गहुँ र हुट्‍ले। काटनीयो समयसम्‍मौ लागी लेन्‍नी अनी होटै सामानको बटुलियार सीकाक्‍कीयो लागी बीटा-बीटा खासो, तर गहुँ चहीँ ङौ ढुकुटीयाङ राको।”

![](https://cdn.door43.org/obs/jpg/360px/obs-en-50-08.jpg)

चेलाकै होसे कथौ अर्थ माबुझडीसा, होटबाटै होखुरीकै येसुकी बुझडीम याखी आग्रह जाटा। येसुये डेया, “असल छोयो भेरेट्‍च भर्‌मीकै मसिहौ प्रतिनिधित्‍व जाट्‍ले। बारीये सन्‍सारकी जनडीले। असल छोयोये परमेसोरौ राज्‍यौ भर्‌मीकुङ प्रतिनिधित्‍व जाट्‍ले।”

![](https://cdn.door43.org/obs/jpg/360px/obs-en-50-09.jpg)

सामाकै होसे दुष्‍ट भर्‌मीकुङ प्रतिनिधित्‍व जाट्‍ले। सामा भेरेट्‍न याछ होसे शत्रुये डुष्‍टौ प्रतिनिधित्‍व जाट्‍ले। कटनियो समये अन्त्‍य डीनौ प्रतिनिधित्‍व जाट्‍ले, र कटनी जाट्‍चकै परमेसोरौ सोर्‌गदुतकुङ प्रतिनिधित्‍व जाट्‍ले।”

![](https://cdn.door43.org/obs/jpg/360px/obs-en-50-10.jpg)

“जब संसारौ अन्‍त्‍य छान्‍ले, स्‍वर्गदुतकै अधर्मि भर्‌मीकोलाक जम्‍मा पार्ले र होखुरीककी धाम ङुच म्‍हेयाङ लोम्‍हकाले, जहाँ होखुरीक राप्‍ले र भयानक कष्‍टाङ लहो मीस्‍याक जीक्‍ले। अनी धर्मि जनकै चहीँ होखुरीकुङ बोइ परमेसोरौ राज्‍याङ नाखान लेखान चम्‍कडीस्‍ले।”

![](https://cdn.door43.org/obs/jpg/360px/obs-en-50-11.jpg)

येसुये इसे र डेया कि संसारौ अन्‍त्‍य छान्‍की डेनाङ ठीक अघी होसको पृथ्‍वीयाङ ल्‍हेसार राल्‍हे। होसकै डास्‍च न अवस्‍थाङ होसको ल्‍हेसार राल्‍हे, जुन चहीँ होसकुङ सरीर भौतिक छान्‍ले अनी सर्‌घाङ डेबुमीटाक राल्‍हे। जब येसु ल्‍हेस्‍ले, सीमभ्‍याच पट्‍ट ख्रिष्‍टियनको सीचलकीङ जीवार सोले अनी होसकोकी सर्‌घाङ डुप्‍ले।

![](https://cdn.door43.org/obs/jpg/360px/obs-en-50-12.jpg)

अनी होडीक खेर जीवामङुच खीरीस्‍टीयनको मीटाक सर्‌घाङ गाराङ्‍ङ आल्‍हे र अरु सीचलकीङ जीवाम सोच खीरीष्‍टीनको खाटा खाट्‍ले। होखुरीक पट्‍ट जना येसुखाटा छान्‍ले। होटै न्‍हुइङ, येसु होसकुङ भर्‌मीकोखाटा सधैयो लागी शान्‍तिखाटा काठोवाङ ङुले।

![](https://cdn.door43.org/obs/jpg/360px/obs-en-50-13.jpg)

येसुये होसकोमीटाक बिस्‍वास जाट्‍च पट्‍ट जनाकी मुकुट याछ प्रतिग्‍या जाट्‍नने। होखुरीक परमेसोरखाटा शान्‍तियाङ ङुले र राज्‍य जाट्‍ले।

![](https://cdn.door43.org/obs/jpg/360px/obs-en-50-14.jpg)

तर परमेसोरै येसुमीटाक बिस्‍वास माजाट्‍च पट्‍टओ न्‍याय जाट्‍ले। होसकै होखुरीककी नरकाङ लोम्‍हकाले, जहाँ होखुरीक सधैयो लागी राप्‍ले र कष्‍टाङ मीस्‍याक जीका। सेन्‍र मासिच म्‍हेये सधैभरी होखुरीककी सीकाक्‍ले, अनी डुकै होखुरीककी जीक्‍की माडास्‍ले।

![](https://cdn.door43.org/obs/jpg/360px/obs-en-50-15.jpg)

जब येसु ल्‍हेस्‍ले, होसकै सैतान र होच्‍यौ राज्‍यकी पुर्णरुपै परास्‍त जाट्‍ले। होसकै सैतानकी नरकाङ लोम्‍हकाले जहाँ होखुरीक सधैयो लागी सीक्‍ले र होखुरीकखाटा हौकूरीक र छान्‍ले जुनै परमेसोरौ आग्‍यापालन जाट्‍कीयो साटो होसे दुष्‍टकी डुट्‍की पा।

![](https://cdn.door43.org/obs/jpg/360px/obs-en-50-16.jpg)

आदम र हव्‍वै परमेसोरौ आग्‍यापालन माजाट्‍च र इसे संसाराङ पापकी राखी याछ बाटै, परमेसोरै इसे संसारकी श्राप याहा र इसे नाश जाट्‍च नीर्णय जाटा। तर कायाक परमेसोरै काट नयाँ सोर्‌ग र नयाँ पृथ्‍वीयो सृष्‍टी जाट्‍ले जुन चहीँ सिद्‌ध छान्‍ले।

![](https://cdn.door43.org/obs/jpg/360px/obs-en-50-17.jpg)

येसु र होसकुङ भर्‌मीको नयाँ पृथ्‍वीयाङ ङुले, अनी होसकै सधैयो लागी अस्‍तित्‍वाङ लेच पट्‍ट कुराको मीटाक राज्‍य जाट्‍ले। होसकै पट्‍ट मीराप डी सीट्‍न याल्‍हे अनी होला फेरी कुसेर कष्‍ट रुवाई दुष्‍टता बेदना वा मृत्‍यु माछान्‍ले। येसु शान्‍टि र न्‍यायौ लागी लहो राज्‍यौ शासन जाट्‍ले, अनी होसको सधैयो लागी लहो भर्‌मीको खाटा ङुले।

*बाइबलको कथा: मत्ती २४:१४, २८:१८, यूहन्‍ना १५:२०, १६:३३, प्रकाश २:१०, मत्ती १३:२४-३०, ३६-४२, १ थेसलोनिकी ४:१३-५:११, याकूब १:१२, मत्ती २२:१३, प्रकाश २०:१०, २१:१-२२:२१ बाट*