# unfoldingWord Open Bible Stories — Mandeali

- Language code: `mjl`
- Canonical page: https://openbiblestories.org/l/mjl/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Mandeali translation; it is not a translation of the whole Bible.

## 1. संसारा री रचना

https://openbiblestories.org/l/mjl/story-1/

![](https://cdn.door43.org/obs/jpg/360px/obs-en-01-01.jpg)

एस तरीके ले सृष्टी रे सुर्हू मन्झ परमेसरे सभ चीजा बणाई। तिने छेह ध्याड़े संसार होर संसारा री हरेक चीजा बणाई। परमेसरा रे ज्रीए संसारा री रचना ले बाद से धरती न्हयारी होर खाली थी, क्यूंकि हली तक परमेसरे धरती मन्झ कोई भी चीज नी बणाईरी थी। पर परमेसरा रा आत्मा पाणी प्रयाहले घुम्हा था।

![](https://cdn.door43.org/obs/jpg/360px/obs-en-01-02.jpg)

फेरी परमेसरे बोल्या, "प्रयासा हो!" होर प्रयासा हुई गया। परमेसरे देख्या कि प्रयासा ता खरा आ होर तिने तेस प्रयासे जो "ध्याड़ा" बोल्या। होर तिने से प्रयासा न्याहरे ले लग कितेया जेस जो तिने "रात" बोल्या। परमेसरे संसार बनाणे रे पैहले ध्याड़े प्रयासा बणाया।

![](https://cdn.door43.org/obs/jpg/360px/obs-en-01-03.jpg)

संसारा री रचना करणे रे दूजे ध्याड़े परमेसरे बोल्या, "पाणी रे ऊपर एक दूरी हो। " होर एक दूरी हुई गई। परमेसरे तेस दूरी जो "सर्ग" बोल्या।

![](https://cdn.door43.org/obs/jpg/360px/obs-en-01-04.jpg)

त्रीजे ध्याड़े परमेसरे बोल्या, "पाणी एक जगहा पर कठा हुई जाए होर सुकी धरती सुझ्हे। "तिने सुकी ज्मीना जो "धरती" बोल्या होर पाणी जो "समुद्र" बोल्या। परमेसरे देख्या कि जो तिने बणाया था से खरा था।

![](https://cdn.door43.org/obs/jpg/360px/obs-en-01-05.jpg)

फेरी परमेसरे बोल्या, "धरती मन्झ सभ किस्मा रे डाल्अ होर बूटे जम्मे। " होर एह्ड़ा ई हुएया। परमेसरे जो कुछ बणाया था से खरा था।

![](https://cdn.door43.org/obs/jpg/360px/obs-en-01-06.jpg)

संसारा री रचना करणे रे चौथे ध्याड़े मन्झ परमेसरे बोल्या, "सर्गा मन्झ जोत हो। " होर सूरज, चाँद होर तारे प्रकट हुए। परमेसरे तिन्हा जो धरती पर प्रयासे देणे रे कठे होर ध्याड़े होर रात, मौसम होर साला मन्झ फर्क करणे रे कठे बणाया।

![](https://cdn.door43.org/obs/jpg/360px/obs-en-01-07.jpg)

पान्झुए ध्याड़े परमेसरे बोल्या, "जिऊन्दे जीव जन्तु पाणी किन्हें भरी जाए होर सर्गा मन्झ चीड़ू पखेरू उड़े। "एस तरीके ले तिने पाणी मन्झ तैरणे वाल्ऐ सभ जन्तु होर चिड़ू पखेरू बणाए। परमेसरे देख्या कि ये खरा था होर तिने तिन्हा जो आसरीवाद दितेया।

![](https://cdn.door43.org/obs/jpg/360px/obs-en-01-08.jpg)

संसारा री रचना रे छटूहे ध्याड़े मन्झ परमेसरे बोल्या, "ज्मीना पर रैहणे वाले सभ किस्मा रे जानवर हो। " होर परमेसरा रे बोलणे रे मुताबक एह्ड़ा ही हुई गया। कुछ जानवर पालतू थे, कुछ ज्मीना पर रैंगणे वाल्ऐ, होर कुछ जंगली जानवर थे। होर परमेसरे देख्या कि ये खरा था।

![](https://cdn.door43.org/obs/jpg/360px/obs-en-01-09.jpg)

फेरी परमेसरे बोल्या, "आऊआ आस्से म्हाणुँ जो आपणे रूपा मन्झ होर आपणी बराबरी मन्झ बणाईए। तिन्हा धरती पर होर धरती रे सभ जानवरा पर राज करणा। "

![](https://cdn.door43.org/obs/jpg/360px/obs-en-01-10.jpg)

इधी कठे परमेसरे माटा लई किन्हें तेता ले म्हाणुँ बणाया होर तेस मन्झ जिन्दगी रा साह पाई दितेया। एस म्हाणुँ रा नांऊँ आदम था। परमेसरे आदमा रे रैहणे रे कठे एक बड़ा बगीचा बणाया होर तिने तेस बगीचे री देखभाल करणे रे कठे आदम तेथी रखी दितेया।

![](https://cdn.door43.org/obs/jpg/360px/obs-en-01-11.jpg)

तेस बगीचे रे बीचा मन्झ परमेसरे दो खास डाल्अ लगाए – जिन्दगी रा डाल्अ होर खरे होर बुरे रे ज्ञाना रा डाल्अ। परमेसरे आदमा किन्हें बोल्या कि से तेस बगीचे रे जिन्दगी रे डाल्अ होर खरे होर बुरे रे ज्ञाना रे डाल्आ जो छाडी किन्हें दूजे केसी डाल्आ रे फल खाई सक्हा ऐ। अगर से तेस डाल्आ रा फल खान्घा ता तेस मरी जाणा।

![](https://cdn.door43.org/obs/jpg/360px/obs-en-01-12.jpg)

फेरी परमेसरे बोल्या, "मर्धा रा कल्हे रैहणा खरा नी आ। " पर कोई भी जानवर आदमा रा साथी नी बणी सक्या।

![](https://cdn.door43.org/obs/jpg/360px/obs-en-01-13.jpg)

इधी कठे परमेसरे आदमा जो डूघ्ही निंद्रा मन्झ पाई दितेया। फेरी परमेसरे आदमा री एक पसली लई किन्हें तेसले एक ज्नाने बणाई होर तेस्सा जो आदमा वाले लई गया।

![](https://cdn.door43.org/obs/jpg/360px/obs-en-01-14.jpg)

जेबे आदमे से देखी ता तिने बोल्या, "कम से कम ये ता मेरे साहीं ईं! एस्सा जो 'ज्नाने' बोल्या जाणा, क्यूंकि ये मर्धा मन्झा ले बणाई गईरी। " एस वजहा ले मर्ध आपणे माऊ-बाबा जो छाडी देहां होर आपणी लाड़ी साऊगी एक बणी जाहाँ।

![](https://cdn.door43.org/obs/jpg/360px/obs-en-01-15.jpg)

परमेसरे मर्ध होर ज्नाने आपणे रूपा मन्झ बणाए। तिने तिन्हा जो आसरीवाद दितेया होर तिन्हा किन्हें बोल्या, "बौह्त सारे बच्चे होर पोत्रू-पड़पोत्रू पैदा करा होर धरती जो भरी देआ!" होर परमेसरे देख्या कि जो कुछ भी तिने बणाया था से बौह्त खरा था, होर से तिन्हा सभी किन्हें बौह्त खुस था। ये सभ कुछ संसारा री रचना करणे रे छठूऐ ध्याड़े हुएया था।

![](https://cdn.door43.org/obs/jpg/360px/obs-en-01-16.jpg)

जेबे सातुआ ध्याड़ा आया ता जो कुछ परमेसर करेया करहा था तिने से सारा काम खत्म कितेया। तिने सातुए ध्याड़े जो आसरीवाद दितेया होर तेस ध्याड़े जो पवित्र बोल्या, क्यूंकि तेस ध्याड़े तिने सभ चीजा बनाणी खत्म किती थी। एस तरीके ले परमेसरे संसार होर संसारा री सारी चीजा बणाई।

*उत्पत्ति अध्याय1-2 ले लई गईरी बाईबला री एक कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_01_128kbps.m4a

## 2. पाप संसारा मन्झ आहूँआं

https://openbiblestories.org/l/mjl/story-2/

![](https://cdn.door43.org/obs/jpg/360px/obs-en-02-01.jpg)

परमेसरा रे ज्रीए तिन्हारे कठे बणाए गईरे तेस बांके बगीचे मन्झ रही किन्हें आदम होर तेसरी लाड़ी हव्वा बौह्त खुस थे। तिन्हा मंझा ले कोई भी कपड़े नी पैहनदा था, फेरी भी एस गल्ला री वजहा ले स्यों सर्मिंदे नी हुए, क्यूंकि संसारा मन्झ पाप नी था। स्यों हमेसा तेस बगीचे मन्झ घुमदे फिरदे रैह्याँ ऐं थे होर परमेसरा किन्हें गल्ला करदे रैह्याँ ऐं थे।

![](https://cdn.door43.org/obs/jpg/360px/obs-en-02-02.jpg)

पर तेस बगीचे मन्झ एक सर्प था। से बौह्त धूर्त था। तिने तेस्सा ज्नाने ले पूछेया, "कि क्या सच्हे परमेसरे तुस्सा किन्हें एस बगीचे रे कोई भी डाल्आ रे फल खाणे ले नांहं कितिरी?"

![](https://cdn.door43.org/obs/jpg/360px/obs-en-02-03.jpg)

तेस्से ज्नानिए जवाब दितेया, "परमेसरे आस्सा किन्हें बोलिरा कि आस्से तेस भले होर बुरे ज्ञाना रे डाल्आ रे फला रे अलावा बाकि सभी डाल्आ रे फल खाई सक्हा ऐ। परमेसरे आस्सा किन्हें बोलिरा कि अगर तुस्से से फल खाधेया या से छुहेया भी, ता तुस्सा मरी जाणा। "

![](https://cdn.door43.org/obs/jpg/360px/obs-en-02-04.jpg)

तिने सर्पे तेस्सा ज्नाने जो जवाब दितेया, "ये सच नी आ! तुस्सा नी मरणा। परमेसर जाणहां कि जिहां ईं तुस्से तेस फला जो खान्घे, तुस्सा परमेसरा साहीं बणी जाणा होर तेस साहीं भला होर बुरा समझणे लगणा। "

![](https://cdn.door43.org/obs/jpg/360px/obs-en-02-05.jpg)

तेस्से ज्नानिए देख्या कि से फल ता बौह्त बांका होर सुआदला सुझ्हा था। से भी समझदार बणना चाहीं थी, इधी कठे तेस्से फल तोड़ी किन्हें खाई लया। फेरी तेस्से से फल आपणे लाड़े जो भी दितेया जो तेस्सा साऊगी था होर तिने भी से फल खाधेया।

![](https://cdn.door43.org/obs/jpg/360px/obs-en-02-06.jpg)

एकदम, तिन्हा जो भले होर बुरे रा ज्ञान आई गया, होर तिन्हा जो पता चली गया कि स्यों नांगे थे। तिन्हें पातर जोड़ी-जोड़ी किन्हें तिन्हारे कपड़े बणाई किन्हें तिन्हा साऊगी आपणे सरीर ढकणे री कोस्त किती।

![](https://cdn.door43.org/obs/jpg/360px/obs-en-02-07.jpg)

तेबे आदमे होर तेसरी लाड़िए तेस बगीचे मन्झ घुमदे हुए परमेसरा री अवाज सुणी। स्यों दुहें परमेसरा ले ल्हुखी गए। तेबे परमेसरे आदमा जो अवाज लगाई, "आदम तू केथी आ?" आदमे जवाब दितेया, "मैं तुस्से बगीचे मन्झ घुमदे हुए सुणे, होर मैं डरी गया, क्यूंकि हांऊँ नांगा था। इधी कठे हांऊँ ल्हुखी गया। "

![](https://cdn.door43.org/obs/jpg/360px/obs-en-02-08.jpg)

फेरी परमेसरे पूछेया, "तुजो कुने बोली दितेया कि तू नांगा आ? क्या तैं से फल खाई लया जो मैं खाणे रे कठे तुजो नाहं कितिरी थी?" मर्धे जवाब दितेया, "तुस्से जो मुंजो ज्नाने दितिरी तेस्से ई ये फल मुंजो खाणे जो दितेया। " तेबे परमेसरे तेस्सा ज्नाने ले पूछेया, "तैं ये क्या कितेया?" तेस्से ज्नाने बोल्या, "सर्पे मुंजो धोखा दितेया। "

![](https://cdn.door43.org/obs/jpg/360px/obs-en-02-09.jpg)

परमेसरे सर्पा किन्हें बोल्या, "तू स्रापित आ! तुध आपणे पेटा रे भारे चलणा होर तुध माटा चाटणा। तुध होर एस्सा ज्नाने एकी दूजे किन्हें नफरत करणी, होर तेरे बच्चे होर तेस्सा रे बच्चेया भी एक दूजे किन्हें नफरत करणी। एस्सा ज्नाने रे बंसा तेरा मूंड कुचलणा, होर तुध तेसरी आडी डसणी। "

![](https://cdn.door43.org/obs/jpg/360px/obs-en-02-10.jpg)

तेबे परमेसरे ज्नाने किन्हें बोल्या, "मां तेरी बच्चे जमणे री पीड़ा बौह्त बढ़ाणी। तुध आपणे लाड़े री इच्छा रखणी, होर तेस तेरे पर राज करणा। "

![](https://cdn.door43.org/obs/jpg/360px/obs-en-02-11.jpg)

परमेसरे आदमा किन्हें बोल्या, "तैं आपणी लाड़ी री गल सुणी होर मेरा हुक्म नी मन्नेया। इधी कठे धरती स्रापित हुई गई, होर फसल उगाणे रे कठे बौह्त सख्त मैहनत करणे री जरूरत ई। ऐबे तुध मरी जाणा, होर तेरा सरीर माटे मन्झ मिली जाणा। " तिने आदमे आपणी लाड़ी रा नांऊँ हव्वा रख्या, जेसरा मतलब आ "जिन्दगी देणे वाली", क्यूंकि तेस्सा सभ जातिया री माऊ बणना। होर परमेसरे आदम होर हव्वा जो जानवरा री खाला रे बणिरे कपड़े पन्हयाए।

![](https://cdn.door43.org/obs/jpg/360px/obs-en-02-12.jpg)

फेरी परमेसरे बोल्या, "ऐबे भले होर बुरे जो जाणी किन्हें म्हाणुँ आस्सा साहीं बराबर हुई गईरा, इधी कठे तिन्हा जो जिन्दगी रे डाल्आ रा फल खाणे नी देणा चहिए कि स्यों हमेसा रे कठे जिऊन्दे रहे। " इधी कठे परमेसरे आदम होर हव्वा तेस बगीचे ले बाहर काढी दिते। होर परमेसरे केसी जो भी तेस जिन्दगी रे डाल्आ रे फल खाणे ले रोकणे रे कठे तेस बगीचे रे अंदर जाणे दरवाजे वाले सामर्थी स्वर्गदूत बैठाई दिते।

*उत्पत्ति अध्याय 3 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_02_128kbps.m4a

## 3. बाढ़

https://openbiblestories.org/l/mjl/story-3/

![](https://cdn.door43.org/obs/jpg/360px/obs-en-03-01.jpg)

बौह्त टैमा ले बाद, संसारा मन्झ बौह्त सारे लोक रैह्याँ थे। स्यों बौह्त बुरे होर लड़ाकू हुई गईरे थे। ये इतना बुरा था कि परमेसरे एक बड़ी बाढ़ भेजी किन्हें ये पूरा संसार नास करणे रा फैसला कितेया।

![](https://cdn.door43.org/obs/jpg/360px/obs-en-03-02.jpg)

पर परमेसर नूहा ले खुस था। से बुरे म्हाणुँआं रे बीचा मन्झ रैहणे वाला एक खरा म्हाणु था। परमेसरे नूहा जो दस्या कि तेस बौह्त बड़ी बाढ़ ल्याऊणे वाल्आ आ। एस वजहा ले, तिने नूहा ले एक बड़ा जहाज बनाणे रे कठे बोल्या।

![](https://cdn.door43.org/obs/jpg/360px/obs-en-03-03.jpg)

परमेसरे नूहा जो लगभग 140 मीटर लम्बी, 23 मीटर चौड़ी होर 13.5 मीटर उची किस्ती बनाणे रे कठे बोल्या। नूह तेस्सा किस्ती जो लकड़ी किन्हें बनाणे वाला था होर तेता मन्झ तीन मंजिल, बौह्त सारे कमरे, एक छापर होर एक ताकि बनाणी थी। तेस्सा किस्तिया नूह, तेसरा परिवार, होर धरती रे हरेक किस्मा रे जानवर तेस्सा बाढ़ा ले बचाणे।

![](https://cdn.door43.org/obs/jpg/360px/obs-en-03-04.jpg)

नूहे परमेसरा री गल मन्नी। तिने होर तेसरे म्हठे तेहड़ी ई किस्ती बणाई जेह्ड़ी परमेसरे दस्सिरी थी। क्यूंकि से किस्ती बौह्त बडी थी इधी कठे तेस्सा किस्ती जो बनाणे मन्झ कई साल लगे। नूहे लोका जो आऊणे वाली बाढ़ा रे बारे मन्झ खबरदार किते थे होर तिन्हा जो परमेसरा री तरफा वाप्स आऊणे रे कठे बोल्या, पर तिन्हें तेस पर विस्वास नी कितेया।

![](https://cdn.door43.org/obs/jpg/360px/obs-en-03-05.jpg)

परमेसरे नूह होर तेसरे परिवारा जो आपणे कठे होर जानवरा रे कठे भतेरा खाणा कठा करणे रा हुक्म भी दितेया। जेबे सभ कुछ त्यार था, ता परमेसरे नूहा किन्हें बोल्या कि ये टैम तेसरे, तेसरी लाड़ी रे, तेसरे तीन म्हठे रे, होर तिन्हारी लाड़िया रे – कुल मिलाई किन्हें आठ जणा रे किस्ती मन्झ जाणे रा था।

![](https://cdn.door43.org/obs/jpg/360px/obs-en-03-06.jpg)

परमेसरे हर जानवर होर बाप चिड़ू होर माऊ चिड़िया नूहा वाले भेजी ताकि स्यों किस्ती मन्झ जाई सके होर बाढ़ा रे टैम सही सलामत रही सके। परमेसरे एह्ड़े हर किस्मा रे जानवरा रे सात नर होर सात माऊआ भेजी जिन्हा जो बलि चढ़ाणे रे कठे इस्तेमाल कितेया जाई सके। जेबे स्यों सभ किस्ती मन्झ पूजी गए ता आप्हुए परमेसरे किस्ती रे दरवाजे बंद करी दिते।

![](https://cdn.door43.org/obs/jpg/360px/obs-en-03-07.jpg)

तेबे बरखा हूंणी सुर्हू हुई, होर बरखा हुन्दी गई, हुन्दी गई। बगैर रुके चाली ध्याड़े होर चाली राती तक बरखा हुन्दी रही सारे संसारा री हरेक चीज, एथी तक कि ऊचे ले ऊचे पहाड़ भी पाणी मन्झ डूबी गए।

![](https://cdn.door43.org/obs/jpg/360px/obs-en-03-08.jpg)

सुकी ज्मीना पर रैहणे वाली हरेक चीज मरी गई, तिन्हा लोका होर जानवरा जो छाडी किन्हें जो किस्ती मन्झ थे। से किस्ती पाणी पर तैरदी रही होर किस्ती रे अंदर रखिरी हरेक चीज डूबणे ले बचाई।

![](https://cdn.door43.org/obs/jpg/360px/obs-en-03-09.jpg)

बरखा रुकी जाणे ले बाद, पांज महीने तक से किस्ती पाणी पर तैरदी रही, होर तेस टैम पाणी कम हुंदा लग्या था। तेबे एक ध्याड़े से किस्ती एक पहाड़ा री चोटिया पर रुकी गई, पर संसार हल्ली भी पाणी किन्हें ढकिरा था। तीन महीने ले बाद, पहाड़ा री चोटिया सुझ्दी लगी गईरी थी।

![](https://cdn.door43.org/obs/jpg/360px/obs-en-03-10.jpg)

फेरी होर चाली ध्याड़े ले बाद, नूहे एक काऊ ये देखणे रे कठे बाहर भेज्या ताकि ये देखी सको कि पाणी सुकी गया कि नी। से काऊ सुकी ज्मीना री तोपा मन्झ ओरे परे उड़दा रैह्या, पर तेस जो एह्ड़ी कोई जगहा नी मिली।

![](https://cdn.door43.org/obs/jpg/360px/obs-en-03-11.jpg)

फेरी बादा मन्झ नूहे एक कबूतरी बाहर भेजी। पर तेस्सा जो भी कोई सुकी जमीन नी मिली, इधी कठे से नूहा वाले वाप्स आई गई। एक हप्ते ले बाद तिने से कबूतरी द्बारा भेजी, होर से आपणी चुन्जा मन्झ जैतूना रा पांगा साऊगी लई आई। पाणी घटेया करहा था, होर बूटे द्बारा उगदे लगिरे थे।

![](https://cdn.door43.org/obs/jpg/360px/obs-en-03-12.jpg)

नूहे एक हप्ता होर इंतजार कितेया होर त्रीजी बारी से कबूतरी बाहर भेजी। एस बारी, तेस्सा जो रुकणे री जगहा मिली गई होर से वाप्स नी आई। पाणी सूखेया करहा था।

![](https://cdn.door43.org/obs/jpg/360px/obs-en-03-13.jpg)

दो महीने ले बाद परमेसरे नूहा किन्हें बोल्या, "ऐबे तू होर तेरा परिवार होर सारे जानवर किस्ती ले निकली आओ। बौह्त सारे बच्चे होर पोत्रू -पड़पोत्रूआ जो जन्म देआ होर धरती जो भरी भरी देआ। " इधी कठे नूह होर तेसरा परिवार किस्ती ले बाहर निकली आया।

![](https://cdn.door43.org/obs/jpg/360px/obs-en-03-14.jpg)

नूहे किस्ती ले बाहर आऊणे ले बाद, तिने एक बेदी बणाई होर बलि रे कठे इस्तेमाल किते जाणे वाले हर किस्मा रे जानवरा मंझा ले कुछ जानवर लई किन्हें बलि चढ़ाई। परमेसर तेस्सा बलि ले खुस हुएआ होर नूह होर तेसरे परिवारा जो आसरीवाद दितेया।

![](https://cdn.door43.org/obs/jpg/360px/obs-en-03-15.jpg)

परमेसरे बोल्या, "हांऊँ वादा करहा कि म्हाणुँआं रे ज्रीए किते जाणे वाले बुरे कामा री वजहा ले मां द्बारा धरती जो स्राप नी देणा या बाढ़ा रे ज्रीए संसार नास नी करणा, हलांकि म्हाणुँ आपणे बचपना रे टैमा ले ई पापी आ।

![](https://cdn.door43.org/obs/jpg/360px/obs-en-03-16.jpg)

फेरी परमेसरे आपणी वाचा रे चिन्हा रे रूपा मन्झ पैहला बादला रा धनुस बणाया। जेबे कधी भी सर्गा मन्झ बादला रा धनुस सुझ्हा, ता परमेसरा याद करणा कि तिने क्या वादा कितिरा होर तिहां ईं तेसरे लोक भी याद किते जाणे।

*उत्पत्ति अध्याय 6-8 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_03_128kbps.m4a

## 4. अब्रामा साऊगी परमेसरा री वाचा

https://openbiblestories.org/l/mjl/story-4/

![](https://cdn.door43.org/obs/jpg/360px/obs-en-04-01.jpg)

बाढ़ा रे कई साला बाद, संसारा मन्झ बौह्त सारे लोक रैह्याँ ऐं थे, होर तिन्हें द्बारा परमेसरा रे होर एक दूजे रे खिलाफ पाप कितेया। क्यूंकि स्यों सभ एक ई भासा बोल्हा ऐ थे, इधी कठे स्यों कठे हुए होर तिन्हें परमेसरा रे हुक्मा रे मुताबक संसारा जो म्हाणुआं किन्हें भरणे रे बजाए एक नगर बणाया।

![](https://cdn.door43.org/obs/jpg/360px/obs-en-04-02.jpg)

स्यों बौह्त घमण्डी थे, होर तिन्हा जो केह्ड़ी जिन्दगी जीणी चहिए एस बारे मन्झ स्यों परमेसरा रे हुक्मा रा पालन करणा नी चाह्न्दे थे। एथी तक कि तिन्हें एक एह्ड़ी मीनार बनाणी सुर्हू किती जो स्वर्गा तक पुजणी। परमेसरे देख्या कि अगर स्यों कट्ठे मिली किन्हें बुराई करदे रैहणा, ता स्यों बौह्त पापा रे काम करी सक्हा ऐ।

![](https://cdn.door43.org/obs/jpg/360px/obs-en-04-03.jpg)

इधी कठे परमेसरे तिन्हारी भासा बौह्त सारी लग-लग भासा मन्झ बदली दितेया होर तिन्हा लोका जो सारे संसारा मन्झ फैल्हाई दितेया। जो नगर तिन्हें बनाणा सुर्हू कितेया था तेस नगरा जो बाबेल बोल्या गया, जेसरा मतलब आ "गड़बड़ी"।

![](https://cdn.door43.org/obs/jpg/360px/obs-en-04-04.jpg)

कई सौ साला ले बाद, परमेसरे अब्राम नांऊँआं रे एक म्हाणुँ किन्हें गल किती। परमेसरे तेस किन्हें बोल्या, "आपणे देस होर परिवारा जो छाडी किन्हें तेस देसा जो चली जा जो मां तुजो दसणा। मां तुजो आसरीवाद देणा होर तेरे ले एक बड़ा समाज बनाणा। मां तेरा नांऊँ बौह्त बढ़ाणा। जो तुजो आसरीवाद दे तेस जो मां आसरीवाद देणा, होर जो तुजो स्राप दे तेस जो मां स्राप देणा। तेरी वजहा ले संसारा रे सारे कुला जो आसरीवाद मिलणा।"

![](https://cdn.door43.org/obs/jpg/360px/obs-en-04-05.jpg)

इधी कठे अब्रामे परमेसरा री गल मन्नी। से आपणे सारे सेउआदार होर आपणी सारी जायदाद होर आपणी लाड़ी साऊगी लई किन्हें, कनान देसा जो चली गया जो परमेसरे तेस जो दस्या था।

![](https://cdn.door43.org/obs/jpg/360px/obs-en-04-06.jpg)

जेबे अब्राम कनान देस पूजेया ता परमेसरे तेस किन्हें बोल्या, "आपणे चहुँ पासे देख। मां तुजो ये सारा देस देणा होर तेरे बंस हमेसा रे कठे एता पर हक रखणा।" तेबे अब्राम तेस देसा मन्झ बसी गया।

![](https://cdn.door43.org/obs/jpg/360px/obs-en-04-07.jpg)

मलिकिसिदक नांऊँआं रा एक आदमी था जो महान परमेसरा रा याजक था। एक ध्याड़े अब्राम युद्ध करणे ले बाद आया करहा था ता से होर अब्राम आपु मन्झ मिले। मलिकिसिदके अब्रामा जो आसरीवाद दितेया होर बोल्या "महान परमेसर जो स्वर्ग होर धरती रा माल्क आ से तुजो आसरीवाद दे।" फेरी अब्रामे युद्धा मन्झ जितिरी सभ चीजा रा दसुआं हिस्सा मलिकिसिदका जो दितेया।

![](https://cdn.door43.org/obs/jpg/360px/obs-en-04-08.jpg)

बौह्त साल गुजरी गए, पर हल्ली भी अब्राम होर सारा रे कोई म्हठा नी था। परमेसरे अब्रामा किन्हें गल किती होर द्बारा वादा कितेया कि तेसरा एक म्हठा जमणा होर जिहां सर्गा मन्झ अब्रामे युद्धा ऐ तिहां ईं तेसरे बौह्त सारी पीढ़िया हूंणीं। अब्रामे परमेसरा रे वादे पर विस्वास कितेया। परमेसरे एलान कितेया कि अब्राम एक धर्मी म्हाणुँ था क्यूंकि तिने परमेसरा रे वादे पर विस्वास कितेया था

![](https://cdn.door43.org/obs/jpg/360px/obs-en-04-09.jpg)

तेबे परमेसरे अब्रामा किन्हें एक वाचा बान्ही। आमतौरा पर, एक वाचा दो गुटा रे बीचा मन्झ एक दूजे रे कठे काम करणे रा एक समझौता हूंहाँ। परमेसरे अब्रामा किन्हें से वादा तेबे कितेया था जेबे अब्राम सया करहा था, पर से तेबे भी परमेसरा जो सुणी सक्हा था। परमेसरे बोल्या, "मां तेरे सरीरा ले जम्मिरा एक म्हठा तुजो देणा। हांऊँ तेरे बंसा रे लोका जो ये कनान देस देहां।" पर ऐबे भी अब्रामा रा कोई म्हठा नी था।

*उत्पत्ति अध्याय 11-15 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_04_128kbps.m4a

## 5. वायदे रा म्हठा

https://openbiblestories.org/l/mjl/story-5/

![](https://cdn.door43.org/obs/jpg/360px/obs-en-05-01.jpg)

अब्राहम होर सारा रे कनान देस पूजने ले दस साला ले बाद, हल्ली तक भी तिन्हारे कोई बच्चे नी थे। इधी कठे, अब्राहमा री लाड़ी सारे तेस किन्हें बोल्या, "क्यूंकि परमेसरे हल्ली तक हांऊँ बच्चे जो जम्मणे लायक नी बणाईरी होर ऐबे हांऊँ बच्चे जो जम्मणे रे कठे बौह्त खपरी हुई गईरी, देख, मेरी नकरयाण हाजिरा एथी ई। तेस्सा किन्हें भी ब्याह करी ले ताकि से मेरे कठे एक बच्चा जम्मी सके।"

![](https://cdn.door43.org/obs/jpg/360px/obs-en-05-02.jpg)

इधी कठे अब्राहमे हाजिरा किन्हें ब्याह करी लया। हाजिरा रा एक म्हठा जम्या, होर अब्राहमे तेसरा नांऊँ इस्माएल रख्या। पर सारा हाजिरा किन्हें जहल्दी लगी। जेबे इस्माएल तेरहा साला रा था, परमेसरे द्बारा अब्राहमा किन्हें गल किती।

![](https://cdn.door43.org/obs/jpg/360px/obs-en-05-03.jpg)

परमेसरे बोल्या, "हांऊँ सभी ले महान परमेसर आ। मां तेरे साऊगी एक वाचा बान्हणी।" तेबे अब्राहमे ज्मीना पर लम्बे पई किन्हें सजदा कितेया। परमेसरे अब्राहम तेस जो ये भी बोल्या, "तुध बौह्त सारी जातिया रा बापू बणना। मां तुजो होर तेरी पीढ़िया रे लोका जो तिन्हारी आपणी ज्मीना हूंणे रे कठे कनान देस देणा होर मां हमेसा रे कठे तिन्हारा परमेसर बणना। तुजो आपणे घरा रे हर मर्धा रा खतना करवाणा पऊणा।"

![](https://cdn.door43.org/obs/jpg/360px/obs-en-05-04.jpg)

तेरी लाड़ी सारा एक म्हठा जणना– तेस वायदे रा वह म्हठा हूंणां। तेसरा नांऊँ इसहाक रख्या। मां तेस्सा साऊगी आपणी वाचा बणाए रखणी होर से ता एक बड़ी जाति बणी जाणी। मां इस्माएल भी एक बड़ी जाति बनाणी, पर मेरी वाचा इसहाका साऊगी बणी रैहणी। तेबे परमेसरे अब्रामा रा नांऊँ बदली किन्हें अब्राहम करी दितेया, जेसरा मतलब आ "कईया रा बापू"। परमेसरे सारा रा नांऊँ भी बदली किन्हें सारा करी दितेया, जेसरा मतलब आ "कईया री माऊ"।

![](https://cdn.door43.org/obs/jpg/360px/obs-en-05-05.jpg)

तेस ध्याड़े अब्राहमे आपणे घरा रे सभ मर्धा रा खतना कितेया। लगभग एक साला ले बाद, जेबे अब्राहमा री उम्र 100 साल हुई होर सारा री उम्र 90 साल हुई, तेबे सारे अब्राहमा रे म्हठे जो जन्म दितेया। जेहड़ा परमेसरे तिन्हा जो बोल्या था तिन्हें तेसरा नांऊँ इसहाक रख्या।

![](https://cdn.door43.org/obs/jpg/360px/obs-en-05-06.jpg)

जेबे इसहाक जुआन हुएया ता परमेसरे ये बोली किन्हें अब्राहमा रे विस्वासा री परखणी किती, "आपणे एकलौता म्हठा लई किन्हें, तेस जो मेरे कठे बलि रे रूपा मन्झ मारी दे।" द्बारा अब्राहमे परमेसरा री गल मन्नी होर आपणा म्हठा बलि करणे रे कठे त्यार कितेया।

![](https://cdn.door43.org/obs/jpg/360px/obs-en-05-07.jpg)

जेबे अब्राहम होर इसहाक बलि चढ़ाणे री जगहा वखा जो जांदे लगे ता इसहाके पूछया, "हे बापू, आस्सा वाले बलि रे कठे लकड़िया ता हाई, पर बलि करणे रा गाभू केथी आ?" अब्राहमे जवाब दितेया, "हे मेरे बेटे, परमेसरा बलि करणे रे कठे गाभू रा इंतजाम आप्हुए करणा।"

![](https://cdn.door43.org/obs/jpg/360px/obs-en-05-08.jpg)

जेबे स्यों बलि चढ़ाणे री जगहा पर पूजी गए, ता अब्राहमे इसहाक बान्ही किन्हें वेदी पर ल्टायाई दितेया। से आपणे म्हठे मारणे ई वाल्आ था कि परमेसरे बोल्या, "रुकी जा! बच्चे जो नुकसान मत पहुँचा! ऐबे हांऊँ जाणी गया कि तू मेरा डर मन्हा क्यूंकि तैं आपणा एकलौता म्हठा भी मेरे ले बचाई किन्हें भी नी रख्या।"

![](https://cdn.door43.org/obs/jpg/360px/obs-en-05-09.jpg)

नेडे ई अब्राहमे एक गाभू देख्या जो झाड़िया मन्झ फस्सिरा था। इसहाका रे बदले बलि रे कठे परमेसरे गाभू रा इंतजाम कितेया था। अब्राहमे बौह्त खुसी किन्हें गाभू री बलि चढ़ाई दिती।

![](https://cdn.door43.org/obs/jpg/360px/obs-en-05-10.jpg)

तेबे परमेसरे अब्राहमा किन्हें बोल्या, "क्यूंकि तू मेरे कठे सब कुछ देणे जो त्यार था, एथी तक कि आपणा एकलौता म्हठा भी, इधी कठे हांऊँ तुजो आसरीवाद देणे रा वायदा करहा। तेरी पीढ़िया रे लोक सर्गा रे तारेया ले भी ज्यादा हूंणे। क्यूंकि तैं मेरा हुक्म मन्निरा इधी कठे मां तेरे परिवारा रे ज्रीए संसारा रे सभ कुला जो आसीस देणी।"

*उत्पत्ति अध्याय 16-22 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_05_128kbps.m4a

## 6. परमेसर इसहाका रे कठे इंतजाम करहा

https://openbiblestories.org/l/mjl/story-6/

![](https://cdn.door43.org/obs/jpg/360px/obs-en-06-01.jpg)

जेबे अब्राहम बौह्त खपरा हुई गया था तेबे तेसरा म्हठा, इसहाक, एक मर्धा री उम्रा रा हुई गईरा था। इधी कठे अब्राहमे आपणे एक सेऊआदारा जो आपणे म्हठे इसहाका रे कठे तेस देसा ले एक लाड़ी ल्याऊणे रे कठे भेज्या जेथी तेसरे रिस्तेदार रैह्याँ ऐं थे।

![](https://cdn.door43.org/obs/jpg/360px/obs-en-06-02.jpg)

जेथी अब्राहमा रे रिस्तेदार रैह्याँ थे तेस देसा जो जाणे री एक बड़े लंबे सफरा ले बाद परमेसरे तेस सेऊआदारा री मुलाकात रिबका साऊगी करवायी। से अब्राहमा रे भाई री पोत्री थी।

![](https://cdn.door43.org/obs/jpg/360px/obs-en-06-03.jpg)

रिबका आपणे परिवारा जो छाडी किन्हें तेस सेऊआदारा साऊगी वाप्स जाणे रे कठे मन्नी गई। जिहां ईं स्यों पूजे इसहाके तेस्सा किन्हें ब्याह करी लया।

![](https://cdn.door43.org/obs/jpg/360px/obs-en-06-04.jpg)

एक लंबे टैमा ले बाद, अब्राहम मरी गया। तेबे परमेसरे अब्राहमा रे म्हठे इसहाका जो, अब्राहमा साऊगी बान्हिरी वाचा री वजहा ले आसरीवा दितेया। तेस वाचा मन्झ परमेसरा रा एक वायदा था कि अब्राहमा रे बेहिसाब बंस हूंणे। पर इसहाका री लाड़ी रिबका रे बच्चे नी जम्मे।

![](https://cdn.door43.org/obs/jpg/360px/obs-en-06-05.jpg)

इसहाके रिबका रे कठे प्रार्थना किती, होर परमेसरे तेस्सा जो जुड़वा बच्चेया रा गर्भ धारण करणे रे लायक बणाया। जेस टैम स्यों बच्चे रिबका रे गर्भा मन्झ ई थे स्यों आपु मन्झ लड़ने लगे, इधी कठे जो कुछ हुएआ करहा था रिबके से परमेसरा जो दसी दितेया।

![](https://cdn.door43.org/obs/jpg/360px/obs-en-06-06.jpg)

परमेसरे रिबका किन्हें बोल्या, "तुध दो म्हठेया जो जन्म देणा। तिन्हारे बंस दो लग-लग जातिया बणनी। तिन्हा एकी दूजे किन्हें लड़ना। पर बड़े म्हठे ले जम्मणे वाली जाति जो छोटे म्हठे ले आऊणे वाली जाति रा हुक्म मन्नणे पऊणा।"

![](https://cdn.door43.org/obs/jpg/360px/obs-en-06-07.jpg)

जेबे रिबका रे बच्चेया रा जन्म हुएआ, तो बड़ा म्हठा लाल होर बाल्आ वाला था, होर तिन्हें तेसरा नांऊँ एसाव रख्या। तेबे छोटा म्हठा एसावा री आडी पकड़ी किन्हें जम्मेया, होर तिन्हें तेसरा नांऊँ याकूब रख्या।

*उत्पत्ति अध्याय 24:1-25:26 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_06_128kbps.m4a

## 7. परमेसर याकूबा जो आसरीवाद देहां

https://openbiblestories.org/l/mjl/story-7/

![](https://cdn.door43.org/obs/jpg/360px/obs-en-07-01.jpg)

जेबे स्यों बच्चे बड़े हुए ता याकूबा जो घरा रैहणा खरा लग्या, पर एसावा जो जानवरा रा सिकार करणा खरा लग्या। रिबके याकूबा किन्हें प्यार कितेया, लग्या इसहाके एसावा किन्हें प्यार रख्या।

![](https://cdn.door43.org/obs/jpg/360px/obs-en-07-02.jpg)

एक ध्याड़े, जेबे एसाव सिकार करी किन्हें वाप्स आया ता से बौह्त भूखा था। एसावे याकूबा किन्हें बोल्या, "जो तैं पकाईरा तेता मंझा ले थोड़ा जे खाणा मुंजो दे।" याकूबे जवाब दितेया, "पैहले मेरे किन्हें ये वायदा कर कि पहलौठा हूंणें री वजहा ले हर एक चीज जो तुजो मिलणी चहिए, से सभ तू मुंजो देआ।" इधी कठे एसावे स्यों सभ चीजा याकूबा जो देणे रा वायदा करी दितेया। तेबे याकूबे तेस जो कुछ खाणा दितेया।

![](https://cdn.door43.org/obs/jpg/360px/obs-en-07-03.jpg)

इसहाक एसावा जो आसरीवाद देणा चाहाँ था। पर एता ले पैहले कि तिने एह्ड़ा कितेया, रिबका होर याकूबे याकूबा रा एसाव हूंणें रा ढोंग करी किन्हें तेस साऊगी धोखा कितेया। इसहाक स्याणा था होर ऐबे देखी नी पांदा था। इधी कठे याकूबे एसावा रे कपड़े पैहने होर बकरी री खाल आपणे गल्ऐ होर हाथा पर लपेटी दिती।

![](https://cdn.door43.org/obs/jpg/360px/obs-en-07-04.jpg)

याकूब इसहाका वाले आया होर बोल्या, "हांऊँ एसाव आ। हांऊँ इधी कठे आईरा कि तू मुंजो आसरीवाद दे।" जेबे इसहाके बकरी रे बाल्अ मैहसूस किते होर कपड़े सिंघे, ता तिने सोच्या कि से एसाव आ होर तेस जो आसरीवाद दितेया।

![](https://cdn.door43.org/obs/jpg/360px/obs-en-07-05.jpg)

एसावे याकूबा किन्हें हिर्ख कीती क्योंकि याकूबे तेसरे पैहले म्हठे रा हक होर एता साऊगी ई तेसरे आसरीवाद भी चुराई लईरे थे। इधी कठे तिने आपणे बापू रे मरणे ले बाद याकूबा जो मारी देणे री सलाह बणाई।

![](https://cdn.door43.org/obs/jpg/360px/obs-en-07-06.jpg)

पर रिबके एसावा री सलाह सुणी लई। इधी कठे तेस्से होर इसहाके याकूबा जो तेसरे रिस्तेदारा साऊगी रैहणे रे कठे बौह्त दूर भेजी दितेया।

![](https://cdn.door43.org/obs/jpg/360px/obs-en-07-07.jpg)

याकूब कई साला तक रिबका रे रिस्तेदारा साऊगी रैह्या। तेस टैमा रे अंदर-अंदर तिने ब्याह कितेया होर बारा म्हठे होर एक म्हठी को जन्म दितेया। परमेसरे से बौह्त अमीर बणाई दितेया।

![](https://cdn.door43.org/obs/jpg/360px/obs-en-07-08.jpg)

बीह साला तक कनाना मन्झ आपणे घरा ले दूर रैहणे ले बाद, याकूब आपणे परिवार, आपणे सेऊआदारा, होर आपणे जानवरा रे सारे झुंडा साऊगी तेथी वाप्स आया।

![](https://cdn.door43.org/obs/jpg/360px/obs-en-07-09.jpg)

याकूब इधी कठे बौह्त डरी गईरा था क्योंकि तिने सोच्या कि एसाव ऐबे भी तेस जो मारणा चाहाँ था। इधी कठे तिने इनामा रे तौरा पर जानवरा रे झुंड एसावा वाले भेजे। जो सेऊआदार तिन्हा झुंडा जो लई किन्हें गईरे थे तिन्हें बोल्या, "तेरा दास याकूब, ये जानवर तुजो देहां। से आपु जल्दी ई आऊन्दा लगिरा।"

![](https://cdn.door43.org/obs/jpg/360px/obs-en-07-10.jpg)

पर एसाव ऐबे याकूबा जो नुकसान पहुँचाना नी चाहन्दा था। एता रे बजाए, से तेस जो एक बार द्बारा देखी किन्हें बौह्त खुस था। तेता ले बाद याकूब कनाना मन्झ बड़ी सांति किन्हें रैह्या। फेरी इसहाक मरी गया होर याकूब होर एसावे से दफनाई दितेया। वाचा रे वायदे जो परमेसरे अब्राहमा किन्हें कितिरे थे स्यों ऐबे इसहाका ले याकूबा पर आई गईरे थे।

*उत्पत्ति अध्याय 25:27-35:29 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_07_128kbps.m4a

## 8. परमेसर यूसुफ होर तेसरे परिवारा जो बचाहाँ

https://openbiblestories.org/l/mjl/story-8/

![](https://cdn.door43.org/obs/jpg/360px/obs-en-08-01.jpg)

कई साला बाद, जेबे याकूब स्याणा हुई गया था, ता तिने आपणे प्यारे म्हठे यूसुफा जो तेसरे भाईया री देख रख करणे रे कठे भेज्या जो जानवरा रे झुंडा री देखभाल करेया करहा ऐ थे।

![](https://cdn.door43.org/obs/jpg/360px/obs-en-08-02.jpg)

यूसुफा रे भाई तेस किन्हें हिर्ख करहा ऐ थे क्यूंकि तिन्हारा बापू तेस किन्हें ज्यादा प्यार करहा था होर इधी कठे भी कि यूसुफे सुपना देख्या था कि तेस तिन्हारा राजा बणी जाणा। जेबे यूसुफ आपणे भाईया वाले आया ता तिन्हें से बंधक बणाई लया होर तेस जो गुलाम बनाणे रा धंधा करणे वालेया जो बेची दितेया।

![](https://cdn.door43.org/obs/jpg/360px/obs-en-08-03.jpg)

घर वाप्स आऊणे ले पैहले यूसुफा रे भाईये यूसुफा रे कपड़े छेकी किन्हें बकरी रे खूना मन्झ डबोई दितेया। फेरी तिन्हें से कपड़ा आपणे बापू जो दस्या ताकि तेस ये सोचणा कि केसी जंगली जानवरे यूसुफ मारी दितेया। याकूब बौह्त उदास था।

![](https://cdn.door43.org/obs/jpg/360px/obs-en-08-04.jpg)

गुलाम बेचणे होर खरीदणे रा धंधा करणे वाले लोके यूसुफा जो मिस्र देस लई गए। नील नदी रे बाढे बस्सिरा मिस्र एक बड़ा होर ताकतवर देस था। तिन्हें गुलाम बेचणे होर खरीदणे रा धंधा करणे वाले लोके यूसुफा जो एक अमीर सरकारी हाक्मा जो गुलामा रे रूपा मन्झ बेची दितेया। यूसुफे आपणे माल्का री ठीक ढंगा किन्हें सेऊआ कीती, होर परमेसरे यूसुफा जो आसरीवाद दितेया।

![](https://cdn.door43.org/obs/jpg/360px/obs-en-08-05.jpg)

तेसरे माल्का री लाड़िए यूसुफा साऊगी सऊणे री कोस्त किती, पर यूसुफे एस तरीके ले परमेसरा रे खिलाफ पाप करणे ले इनकार करी दितेया। से गुस्से हुई गई होर तेस्से यूसुफा पर झूठा इल्जाम लगाई दितेया, इधी कठे तेस जो पकड़ी किन्हें जेल्हा मन्झ भेजी दितेया। एथी तक कि जेल्हा मन्झ भी, यूसुफ परमेसरा रे बारे मन्झ सच्चा बणी रैह्या, होर परमेसरे तेस जो आसरीवाद दितेया।

![](https://cdn.door43.org/obs/jpg/360px/obs-en-08-06.jpg)

दो साला ले बाद, यूसुफ अभी भी जेल्हा मन्झ था, चाहे से बेकसूर था। मिस्री लोक आपणे राजेया जो फिरौन बोल्हा ऐ थे, एक राती, फिरौने दो सुपने देखे जिन्हें से बौह्त परेसान करी दितेया। तेसरा कोई भी सलाहकार तेस जो तिन्हा सुपने रा मतलब नी दसी सक्या।

![](https://cdn.door43.org/obs/jpg/360px/obs-en-08-07.jpg)

परमेसरे यूसुफा जो सुपने रा मतलब दसणे रा हुनर दितिरा था, इधी कठे फिरौने यूसुफ जेल्हा ले आपु वाले सादेया। यूसुफे तेस जो तिन्हा सुपने रा मतलब दस्या होर बोल्या, "परमेसर खूब फसला वाल्ऐ सात साला ले बाद अकाला रे सात साल भेजणे वाल्आ आ।"

![](https://cdn.door43.org/obs/jpg/360px/obs-en-08-08.jpg)

फिरौना पर यूसुफा रा इतना असर हुएआ कि तिने से मिस्र देसा रा दूजा सभी ले ताकतवर आदमी नियुक्त करी दितेया।

![](https://cdn.door43.org/obs/jpg/360px/obs-en-08-09.jpg)

यूसुफे लोका किन्हें खरी फसला वाले सात साला रे अंदर-अंदर बड़ी मात्रा मन्झ नाज जमा करणे रे कठे बोल्या। जेबे सात साला रा अकाल आया तेबे यूसुफे लोका जो से नाज बेच्या ताकि तिन्हा वाले खाणे रे कठे भतेरा हो।

![](https://cdn.door43.org/obs/jpg/360px/obs-en-08-10.jpg)

से अकाल सिर्फ मिस्र देसा मन्झ ई नी, पर कनाना मन्झ भी बौह्त ज्यादा था जेथी याकूब होर तेसरा परिवार रैह्याँ था।

![](https://cdn.door43.org/obs/jpg/360px/obs-en-08-11.jpg)

इधी कठे याकूबे आपणे सभी ले बड़े म्हठे जो नाज खरीदने रे कठे मिस्र देस भेज्या। जेबे स्यों नाज खरीदने रे कठे यूसुफा रे साम्हणे खड़े हुए ता तिन्हें भाईये यूसुफ नी पछ्याणेया। पर यूसुफे स्यों पछ्याणी लए।

![](https://cdn.door43.org/obs/jpg/360px/obs-en-08-12.jpg)

ये पता करणे रे कठे कि क्या स्यों बदली गईरे तिन्हा जो परखणे ले बाद, यूसुफे तिन्हा किन्हें बोल्या, "हांऊँ तुस्सा रा भाई यूसुफ आ! डरा मत। जेबे तुस्से हांऊँ गुलामा रे रूपा मन्झ बेचीं दितेया था ता तुस्से बुरा करणे री सोची थी, पर परमेसरे से बुराई भलाई रे कठे इस्तेमाल किती! आऊआ होर मिस्र देसा मन्झ रहुआ ताकि हांऊँ तुस्सा रे होर तुस्सा रे परिवारा रे कठे खाणे रा इंतजाम करी सकूँ।"

![](https://cdn.door43.org/obs/jpg/360px/obs-en-08-13.jpg)

जेबे यूसुफा रे भाई घर वाप्स आए होर आपणे बापू याकूबा जो दस्या कि यूसुफ हल्ली भी जिऊन्दा आ ता से बौह्त खुस हुएआ था।

![](https://cdn.door43.org/obs/jpg/360px/obs-en-08-14.jpg)

हलांकि याकूब एक स्याणा म्हाणुँ था तेबे भी से आपणे पूरे परिवारा साऊगी मिस्र देसा जो चली गया, होर स्यों तेथी बसी गए। याकूबा रे मरणे ले पैहले, तिने आपणे हरेक म्हठे जो आसरीवाद दितेया।

![](https://cdn.door43.org/obs/jpg/360px/obs-en-08-15.jpg)

वाचा रे ये वायदे जो परमेसरे अब्राहमा किन्हें कितिरी थे स्यों ऐबे इसहाका पर होर तेसरे बाद याकूबा पर, होर तेसरे बाद तेसरे बारह म्हठे पर होर तिन्हारे परिवारा पर आई गईरे थे। स्यों बारा म्हठे रे बंस इस्राएला रे बारा गोत्र बणी गए।

*उत्पत्ति अध्याय 37-50 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_08_128kbps.m4a

## 9. परमेसर मूसा जो साद्हा

https://openbiblestories.org/l/mjl/story-9/

![](https://cdn.door43.org/obs/jpg/360px/obs-en-09-01.jpg)

यूसुफा रे मरणे ले बाद तेसरे सभ रिस्तेदार मिस्र देसा मन्झ बसी गए। स्यों होर तिन्हारे बंस कई साला तक मिस्र देसा मन्झ ई रहे होर तिन्हारे बौह्त बाल बच्चे हुए। तिन्हा जो इस्राएली बोल्या गया।

![](https://cdn.door43.org/obs/jpg/360px/obs-en-09-02.jpg)

कई सौ साला ले बाद, इस्राएलिया री गिणती बौह्त बढ़ी गईरी थी। होर मिस्री लोक ऐबे एस गल्ला रे कठे धन्यवादी नी थे कि तिन्हारी मदद करणे रे कठे यूसुफे बौह्त कुछ कितेया था। स्यों इस्राएलिया ले डरी गए क्यूंकि स्यों गिणती मन्झ तिन्हा ले बौह्त ज्यादा थे। इधी कठे तेस टैम मिस्र देसा पर राज करणे वाले फिरौने इस्राएलिया जो मिस्रिया रा गुलाम बणाई दितेया।

![](https://cdn.door43.org/obs/jpg/360px/obs-en-09-03.jpg)

मिस्रिए इस्राएलिया जो बौह्त सारे भवन होर एथी तक कि कई नगरा जो बनाणे रे कठे मजबूर कितेया। तेस्सा सख्त मैहनता री वजहा ले तिन्हारी जिन्दगी बौह्त दुःख देणे वाली बणी गई, पर परमेसरे तिन्हा जो आसरीवाद दितेया होर तिन्हारे ज्रीए होर ज्यादा बाल बच्चे जम्मे।

![](https://cdn.door43.org/obs/jpg/360px/obs-en-09-04.jpg)

फिरौने देख्या कि इस्राएलिया रे बौह्त बाल बच्चे जम्मेया करहा ऐ थे, इधी कठे तिन्हें आपणे लोका जो ये हुक्म दितेया कि स्यों इस्राएलिया रे सभ नर बच्चे जो नील नदी मन्झ सटी किन्हें मारी दे।

![](https://cdn.door43.org/obs/jpg/360px/obs-en-09-05.jpg)

एक इस्राएली ज्नानिये एक नर बच्चे को जन्म दितेया। तेस्से होर तेस्सा रे लाड़े जितना तिन्हा ले हुई सक्या से बच्चा ल्कोई किन्हें रख्या।

![](https://cdn.door43.org/obs/jpg/360px/obs-en-09-06.jpg)

जेबे तेस बच्चे रे माऊ-बाब तेस जो होर ज्यादा नी ल्कोई सके, ता तिन्हें से मारे जाणे ले बचाणे रे कठे एक तैरणे वाली टोकरी मन्झ नील नदी रे बाढे सरकंडेया रे बीच रखी दितेया। तेसरी बड़ी बैहणिए ये देखणे रे कठे तेसरी निगराणी किती कि तेस साऊगी क्या हूंणां।

![](https://cdn.door43.org/obs/jpg/360px/obs-en-09-07.jpg)

फिरौना री म्हठिए तेस्सा टोकरी जो देखी किन्हें तेता रे अंदर देख्या। जेबे तेस्से एक बच्चा देख्या ता तेस्से से आपणे बच्चे रे रूपा मन्झ अपनाई लया। तेस्से एक इस्राएली ज्नाने जो तेस जो दूध प्याणे रे कठे कामा पर रखी लया, बगैर ये जाणे कि से तेस बच्चे री असली माऊ थी। जेबे से बच्चा इतना बड़ा हुई गया कि ऐबे तेस जो आपणी माऊआ रे दूधा री जरूरत नी थी, ता तेस्से से फिरौना री म्हठी वाले वाप्स भेजी दितेया, तेसरा नांऊँ मूसा था।

![](https://cdn.door43.org/obs/jpg/360px/obs-en-09-08.jpg)

एक ध्याड़े, जेबे मूसा बड़ा हुई गया, ता तिने देख्या कि एक मिस्री एक इस्राएली म्हाणु जो पिटेया करहा था। मूसे आपणे साथी इस्राएली जो बचाणे री कोस्त किती।

![](https://cdn.door43.org/obs/jpg/360px/obs-en-09-09.jpg)

जेबे मूसे सोच्या कि से केसिया नी देखणा ता तिने से मिस्री मारी दितेया होर तेसरी ल्हास दफन करी दिती। पर मूसे जो कितेया था तेस जो केसिए देखी लईरा था।

![](https://cdn.door43.org/obs/jpg/360px/obs-en-09-10.jpg)

फिरौना जो पता चली गया कि मूसे क्या कितिरा। तिने तेस जो मारणे री कोस्त किती, पर मूसा मिस्र देसा ले रेगिस्थाना रे इलाके मन्झ भगी गया। फिरौना रे स्पाही तेस जो तेथी तोपी नी सके।

![](https://cdn.door43.org/obs/jpg/360px/obs-en-09-11.jpg)

मिस्र देसा ले दूर रेगिस्थाना रे इलाके मन्झ मूसा एक पुहाल बणी गईरा था। तिने तेथी एक ज्नाने किन्हें ब्याह करी लया होर तेसरे दो म्हठे जम्मे।

![](https://cdn.door43.org/obs/jpg/360px/obs-en-09-12.jpg)

मूसा आपणे सौहरे री भेडा रे झुंडा रा ख्याल रख्हा था। एक ध्याड़े, तिने एक भखिरी झाड़ी देखी जो भस्म हुए बगैर भख्या करहा ई थी। तेस्सा झाड़ी जो देखणे रे कठे से तेस्सा झाड़ी रे नेडे गया। जेबे से तेस्सा झाड़ी रे बौह्त नेडे था ता परमेसरे तेस किन्हें गल किती। तिने बोल्या, "हे मूसा, आपणे चप्पलिया तुआरी दे। तू एक पवित्र जगहा पर खड़हिरा।"

![](https://cdn.door43.org/obs/jpg/360px/obs-en-09-13.jpg)

परमेसरे बोल्या, "मैं आपणे लोका रे दुःख देखिरे। मां तू फिरौना वाले भेजणा ताकि तू इस्राएलिया जो मिस्र देसा री गुलामी ले काढी किन्हें लई आए। मां तिन्हा जो कनान देस देणा, जेसरे बारे मन्झ मैं अब्राहम, इसहाक होर याकूबा किन्हें वायदा कितिरा।"

![](https://cdn.door43.org/obs/jpg/360px/obs-en-09-14.jpg)

मूसे पूछ्या, "अगर लोके जाणना चाहेया कि हांऊँ कुन्ने भेजिरा ता हांऊँ क्या बोलूँ?" परमेसरे बोल्या, "जो हांऊँ आं से हांऊँ आं। तिन्हा किन्हें बोल, कि जेसरा नांऊँ 'हांऊँ आं तिने हांऊँ तुस्सा वाले भेजिरा।' तिन्हा किन्हें ये भी बोल्या, 'कि हांऊँ तुस्सा रे स्याणेया रा यानि अब्राहम, इसहाक होर याकूबा रा परमेसर यहोवा आ।' मेरा ये नांऊँ हमेसा रा आ।"

![](https://cdn.door43.org/obs/jpg/360px/obs-en-09-15.jpg)

मूसा डरहा था होर फिरौना वाले जाणा नी चाहन्दा था क्यूंकि तिने सोच्या कि तेस ठीक ढंगा किन्हें नी बोली पाणा, इधी कठे परमेसरे मूसा रा भाई, हारून, तेसरी मदद करणे रे कठे भेज्या।

*निर्गमन अध्याय 1-4 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_09_128kbps.m4a

## 10. दस विपदा

https://openbiblestories.org/l/mjl/story-10/

![](https://cdn.door43.org/obs/jpg/360px/obs-en-10-01.jpg)

परमेसरे मूसा होर हारूना जो खबरदार कितिरा था कि फिरौना जिद्दी बणी जाणा। जेबे स्यों फिरौना वाले गए ता तिन्हें बोल्या, "इस्राएला रा परमेसर एह्ड़ा बोल्हा, 'मेरे लोका जो जाणे दे!'" पर फिरौने तिन्हारी गल नी सुणी होर इस्राएलिया जो जाणे रे कठे अजाद करणे रे बजाए तिने तिन्हा जो होर सख्त मैहनत करणे रे कठे मजबूर कितेया।

![](https://cdn.door43.org/obs/jpg/360px/obs-en-10-02.jpg)

फिरौन तिन्हा लोका जो जाणे देणे ले लगातार इनकार करदा रैह्या, इधी कठे परमेसरे मिस्र देसा पर दस भयंकर विपदा भेजी। इन विपदा रे ज्रीए, परमेसरे फिरौना जो दस्या कि से फिरौन होर मिस्र देसा रे देऊआ ले ज्यादा ताकतवर आ।

![](https://cdn.door43.org/obs/jpg/360px/obs-en-10-03.jpg)

परमेसरे नील नदी जो खूना मन्झ बदली दितेया, पर फिरौने हल्ली भी इस्राएलिया जो जाणे नी दितेया।

![](https://cdn.door43.org/obs/jpg/360px/obs-en-10-04.jpg)

परमेसरे सारे मिस्र देसा मन्झ मिनके भेजे। फिरौने मिनके दूर करणे रे कठे मूसा ले अर्ज किती। पर सभ मिनके मर जाणे ले बाद, फिरौने आपणा मन सख्त करी लया होर इस्राएलिया जो मिस्र देसा ले निकलणे नी दितेया।

![](https://cdn.door43.org/obs/jpg/360px/obs-en-10-05.jpg)

इधी कठे परमेसरे मच्छरा री विपदा भेजी। तेता ले बाद तिने माहूँ री विपदा भेजी। फिरौने मूसा होर हारून बुलाए होर तिन्हा किन्हें बोल्या कि अगर स्यों से विपदा रोकी दे ता इस्राएली मिस्र देस छाडी किन्हें जाई सक्हा ऐ। जेबे मूसे प्रार्थना किती ता परमेसरे मिस्र देसा ले माहूँ हटाई दिते। पर फिरौने आपणा मन सख्त करी लया होर तिन्हा लोका जो अजाद हुई किन्हें जाणे नी दितेया।

![](https://cdn.door43.org/obs/jpg/360px/obs-en-10-06.jpg)

इसके आगे, परमेसरे मिस्रिया रे सभ पालतू जानवर बीमार हुई किन्हें मरी जाणे दिते। पर फिरौना रा मन सख्त हुई गईरा था होर तिने इस्राएली जाणे नी दिते।

![](https://cdn.door43.org/obs/jpg/360px/obs-en-10-07.jpg)

तेबे परमेसरे मूसा किन्हें फिरौना रे साम्पणे हऊआ मन्झ सुआह सटणे रे कठे बोल्या। जेबे तिने एह्ड़ा कितेया ता मिस्र देसा रे लोका री चमड़ी पर पीड़ हूंणें वाले फोड़े निकल्ऐ, पर इस्राएलिया जो कुछ नी हुएआ। परमेसरे फिरौना रा मन सख्त करी दितेया, होर फिरौने इस्राएलिया जो अजाद हुई किन्हें जाणे नी दितेया।

![](https://cdn.door43.org/obs/jpg/360px/obs-en-10-08.jpg)

एता ले बाद, परमेसरे सल्वाट बरसाए होर मिस्र देसा री बौह्त ज्यादा फसल तबाह करी दिती होर जो कोई भी बाहर निकल्या से मारी दितेया। फिरौने मूसा होर हारून सादे होर तिन्हा किन्हें बोल्या, "मैं पाप कितेया। तुस्से लोक जाई सक्हा ऐ।" इधी कठे मूसे प्रार्थना किती, होर सर्गा ले सल्वाट पऊणे रुकी गए।

![](https://cdn.door43.org/obs/jpg/360px/obs-en-10-09.jpg)

पर फिरौने द्बारा पाप कितेया होर आपणा मन सख्त करी लया। तिने इस्राएली अजाद हुई किन्हें जाणे नी दिते।

![](https://cdn.door43.org/obs/jpg/360px/obs-en-10-10.jpg)

इधी कठे परमेसरे मिस्र देसा पर टिटले रे झुण्ड भेजे। इन्हें टिटले तिन्हारी सारी फसल खाई दिती जो सल्वाटा ले नास हूंणे ले बची गईरी थी।

![](https://cdn.door43.org/obs/jpg/360px/obs-en-10-11.jpg)

फेरी परमेसरे न्ह्यारा करी दितेया जो तीन ध्याड़े तक बणी रैह्या। ये इतना घणा न्ह्यारा था कि मिस्री लोक आपणे घरा ले नी निकली सके। पर जेथी इस्राएली लोक रैह्याँ ऐं थे तेथी प्रयासा था।

![](https://cdn.door43.org/obs/jpg/360px/obs-en-10-12.jpg)

ये नौ विपदा ले बाद भी, फिरौने इस्राएलिया जो अजाद हुई किन्हें जाणे ले नाहं करी दिती। क्यूंकि फिरौने नी सुणी इधी कठे परमेसरे एक आखरी विपदा भेजणे री सलाह बणाई। एस्सा विपदा फिरौना रा मन बदली देणा।

*निर्गमन अध्याय 5-10 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_10_128kbps.m4a

## 11. फसहा रा साजा

https://openbiblestories.org/l/mjl/story-11/

![](https://cdn.door43.org/obs/jpg/360px/obs-en-11-01.jpg)

परमेसरे मूसा होर हारुना जो फिरौना वाले ये बोलणे रे कठे भेज्या कि इस्राएलिया जो जाणे दे। तिन्हें तेस जो खबरदार कितेया कि अगर से तिन्हा जो नी जाणे देंघा, ता परमेसरा मिस्र देस देसा रे लोका रे होर जानवरा रे सभ पैहलौठे मारी देणे। फिरौने ये सुणी किन्हें भी परमेसरा पर विस्वास करणे ले होर तेसरी गल मन्नणे ले इनकार करी दितेया।

![](https://cdn.door43.org/obs/jpg/360px/obs-en-11-02.jpg)

परमेसरे तेस पर विस्वास करणे वाले केसी रे भी पहलौठे म्हठे जो बचाणे रे कठे एक उपाय सोच्या। हरेक परिवारा जो एक सुद्ध मेमना मारणा जरूरी था।

![](https://cdn.door43.org/obs/jpg/360px/obs-en-11-03.jpg)

परमेसरे इस्राएलिया किन्हें बोल्या कि स्यों तेस मेमने रा खून लई किन्हें आपणे घरा रे दरवाजे पर लगाणे रे कठे बोल्या। तिन्हा जो तेस मेमने रा मास भूनणा था होर फेरी तिन्हा जो से अखमीरी रोटी साऊगी से जल्दी-जल्दी खाणा था। से खाणा खाणे ले बाद तिने तिन्हा जो झटपट मिस्र देस छाडणे रे कठे त्यार रैहणे रे कठे बोल्या।

![](https://cdn.door43.org/obs/jpg/360px/obs-en-11-04.jpg)

जेह्ड़ा करणे रे कठे परमेसरे इस्राएलिया जो हुक्म दितेया था तिन्हें तेसरे मुताबक सभ कुछ कितेया। आधी राती, परमेसर हर एक पहलौठे म्हठे जो मारदे हुए मिस्र देसा रे बीचा ले हुई किन्हें गुजरेया।

![](https://cdn.door43.org/obs/jpg/360px/obs-en-11-05.jpg)

इस्राएलिया रे हर एक घरा रे दरवाजे पर खून लगिरा था, इधी कठे परमेसरे स्यों घर छाडी दिते। तिन्हा घरा रे अंदर सभ लोक सही सलामत थे। स्यों मेमने रे खूना री वजहा ले बची गईरे थे।

![](https://cdn.door43.org/obs/jpg/360px/obs-en-11-06.jpg)

लेकिन मिस्री लोके परमेसरा पर विस्वास नी कितेया होर तेसरे हुक्म नी मन्नेया। इधी कठे परमेसरे तिन्हारे घर नी छाडे। परमेसरे मिस्रिया रे हर एक पैहलौठे म्हठे मारी दिते।

![](https://cdn.door43.org/obs/jpg/360px/obs-en-11-07.jpg)

जेल्हा रे कैदिया रे पैहलौठे ले लई किन्हें, फिरौना रे पैहलौठे तक, हर एक पहलौठा नर मरी गया। आपणे बौह्त दुःखा री वजहा ले मिस्र देसा रे बौह्त सारे लोक रोया करहा ऐ थे।

![](https://cdn.door43.org/obs/jpg/360px/obs-en-11-08.jpg)

तेस ई रात, फिरौने मूसा होर हारून सादे होर बोल्या, "इस्राएलिया जो लई जाई किन्हें ऐबे ई मिस्र देसा ले निकली जाऊआ!" मिस्र देसा रे लोके भी इस्राएलिया जो तेथी ले जल्दी निकलणे री अर्ज किती।

*निर्गमन अध्याय 11:1-12:32 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_11_128kbps.m4a

## 12. निकलणा

https://openbiblestories.org/l/mjl/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोक मिस्र देसा ले निकली किन्हें बौह्त खुस थे। स्यों ऐबे गुलाम नी थे, होर स्यों वायदे कितिरे देसा जो जाया करहा ऐ थे! जो कुछ भी इस्राएलिए मांगेया, मिस्रिए तिन्हा जो से सभ कुछ देई दितेया, एथी तक कि सोना होर चाँदी होर बाकि कीमती चीजा। दूजे देसा रे लोके परमेसरा पर विस्वास कितेया होर जेबे इस्राएली लोक मिस्र देसा ले निकले ता स्यों भी तिन्हा साऊगी चली पये।

![](https://cdn.door43.org/obs/jpg/360px/obs-en-12-02.jpg)

पुरे ध्याड़े बादला रा एक बडा खम्भा तेसरे अगे-अगे चलया। होर रातके टैम ये आगी रा खम्भा बणी गया। परमेसरा जो कि तेस बादला रे खम्भे मन्झ होर आगी रे खम्भे मन्झ था, हमेसा तिन्हा साऊगी था होर तिने सफर करदे टैम तिन्हारी अगुवाई किती। तिन्हा जो सिर्फ तेसरे पीछे पीछे चलना था।

![](https://cdn.door43.org/obs/jpg/360px/obs-en-12-03.jpg)

थोड़े टैमा ले बाद, फिरौन होर तेसरे लोके आपणे मन बदली दितेया। स्यों इस्राएलिया जो द्बारा आपणा गुलाम बनाणा चाहें थे। इधी कठे तिन्हें इस्राएलिया रा पीछा कितेया। ये परमेसर ई था जिने तिन्हारे मन बदली दिते थे। तिने एह्ड़ा इधी कठे कितेया क्यूंकि से चाहाँ था कि हर कोई ये जाणी ले कि फिरौना ले होर मिस्रिया रे सभ देऊआ ले से, यहोवा परमेसर, ज्यादा ताकतवर आ।

![](https://cdn.door43.org/obs/jpg/360px/obs-en-12-04.jpg)

जेबे इस्राएलिए मिस्र देसा री सेना आऊन्दी देखी ता तिन्हा जो पता चल्या कि स्यों फिरौना री सेना होर लाल समुद्रा रे बीच फसी गए। स्यों बौह्त डरी गए होर रोंदे लगे, "आस्से मिस्र देस कि छाडेया? आस्से मरणे वाले ऐ!"

![](https://cdn.door43.org/obs/jpg/360px/obs-en-12-05.jpg)

मूसे इस्राएलिया किन्हें बोल्या, "डरणा बंद करा! परमेसरा आज तुस्सा रे कठे लड़णा होर तुस्से बचाणे।" तेबे परमेसरे मूसा किन्हें बोल्या, "इन्हा लोका किन्हें बोल कि स्यों लाल समुद्रा वखा जो बढ़ी जाऊआ।"

![](https://cdn.door43.org/obs/jpg/360px/obs-en-12-06.jpg)

तेबे परमेसरे से बादला रा खम्भा इस्राएलिया होर मिस्रिया रे बीच रखी दितेया ताकि मिस्री लोक इस्राएलिया जो देखी नी सके।

![](https://cdn.door43.org/obs/jpg/360px/obs-en-12-07.jpg)

परमेसरे मूसा किन्हें समुद्रा पर आपणा हाथ बढ़ाणे रे कठे बोल्या। फेरी परमेसरे हऊआ किन्हें समुद्रा रा पाणी बाईं होर दाईं तरफ करी दितेया, ताकि समुद्रा ले हुई किन्हें एक पैंडा बणी सको।

![](https://cdn.door43.org/obs/jpg/360px/obs-en-12-08.jpg)

इस्राएली लोक आपणी दुहीं तरफ बणिरी पाणी री कान्धा रे सहारे सुकी ज्मीना पर समुद्रा ले हुई किन्हें अगे चलदे गए।

![](https://cdn.door43.org/obs/jpg/360px/obs-en-12-09.jpg)

तेबे परमेसरे तेस पैंडे ले बादल चकी लया ताकि मिस्री लोक इस्राएलिया जो बची किन्हें जांदे हुए देखी सके। मिस्रिए तिन्हा जो पकड़ने रे कठे तिन्हारा पीछा करणे रा फैसला लया।

![](https://cdn.door43.org/obs/jpg/360px/obs-en-12-10.jpg)

इधी कठे तिन्हें समुद्रा रे ज्रीए तेस पैंडे पर इस्राएलिया रा पीछा कितेया, पर परमेसरे मिस्री डराई दिते होर तिन्हारे रथ अटकाई दिते। स्यों चिल्लान्दे लगे, "भगा! इस्राएलिया री वखा ले परमेसर लड़ेया करहा!"

![](https://cdn.door43.org/obs/jpg/360px/obs-en-12-11.jpg)

सारे इस्राएली समुद्रा री दूजी तरफ पूजी गए। तेबे परमेसरे मूसा किन्हें बोल्या कि से दबारा पाणी पर आपणा हाथ बढ़ाए। जेबे मूसे एह्ड़ा कितेया, ता पाणी मिस्री सेना पर पई गया होर पाणी द्बारा जेह्ड़ा का तेहड़ा हुई गया। सारी मिस्री सेना डूबी गई।

![](https://cdn.door43.org/obs/jpg/360px/obs-en-12-12.jpg)

जेबे इस्राएलिए देख्या कि मिस्री लोक मरी गए ता तिन्हें परमेसरा पर विस्वास कितेया। तिन्हें विस्वास कितेया कि मूसा परमेसरा री वखा ले नबी आ।

![](https://cdn.door43.org/obs/jpg/360px/obs-en-12-13.jpg)

इस्राएली लोक इधी कठे भी बौह्त खुस थे क्यूंकि परमेसरे स्यों मरणे ले होर गुलाम बणने ले बचाई लईरे थे। अब स्यों परमेसरा री आराधना करणे होर तेसरे हुक्मा रा पालन करणे रे कठे अजाद थे। इस्राएलिए आपणी अजादी रा जसन मनाणे रे कठे होर परमेसरा री बड़ाई करणे रे कठे कई गीत गाये क्यूंकि तिने स्यों मिस्रिया री सेना ले बचाईरे थे।

![](https://cdn.door43.org/obs/jpg/360px/obs-en-12-14.jpg)

परमेसरे इस्राएलिया जो हर साल एक साजा मनाणे रा हुक्म दितेया ये याद करणे रे कठे कि किहाँ परमेसरे मिस्री हराई दिते होर स्यों गुलाम बणने ले अजाद किते। एस जो फसह रा साजा बोल्या गया। एता मन्झ तिन्हा जो एसरा साजा मनाणे रे कठे एक भले चंगे मेमने री बलि करणी थी, तेस्सा बलि रा मास भूनणा था, होर से बगैर खमीर वाली रोटी साऊगी खाणा था।

*निर्गमन अध्याय 12:33-15:21 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_12_128kbps.m4a

## 13. इस्राएला साऊगी परमेसरा री वाचा

https://openbiblestories.org/l/mjl/story-13/

![](https://cdn.door43.org/obs/jpg/360px/obs-en-13-01.jpg)

इस्राएलिया जो लाल समुद्रा ले पार लई जाई जाणे ले बाद, परमेसरा तिन्हा जो रेगिस्तानी इलाके ले हुई किन्हें सीनै नांऊँआं रे पहाड़ा वखा जो लई जाई किन्हें चल्या। ये सेई पहाड़ था जेथी मूसे भख्दी झाड़ी देखी थी। तिन्हें लोके तेस पहाड़ा हेठ आपणे तम्बु खड़े किते।

![](https://cdn.door43.org/obs/jpg/360px/obs-en-13-02.jpg)

परमेसरे मूसा किन्हें होर इस्राएला रे सभ लोका किन्हें बोल्या, "तुस्से हमेसा मेरी गल्ला मन्या होर मेरे साऊगी बान्हिरी वाचा जो मेरे किन्हें बणाए रख्या। अगर तुस्से एह्ड़ा करघे, ता तुस्सा मेरा इनाम कीमती धन, याजका रा राज्य, होर एक पवित्र जाति बणना।"

![](https://cdn.door43.org/obs/jpg/360px/obs-en-13-03.jpg)

परमेसरा रे ज्रीए तिन्हा आऊणे वाले रे कठे लोके तीन ध्याड़े तक आपु जो त्यार कितेया। तेबे परमेसर सीनै पहाड़ा री चोटी ले हेठ उतरेया। जेबे से आया ता हिल्लण हुएआ, बिजलिया चमकी, धूँआ उठेया, होर तुरहिया री जोरदार अवाज हुई। तेबे मूसा आप्हुए ऊपर पहाड़ा पर चढ़ी गया।

![](https://cdn.door43.org/obs/jpg/360px/obs-en-13-04.jpg)

तेबे परमेसरे लोका साऊगी एक वाचा बान्ही। तिने बोल्या, "मैं तुस्सा रा यहोवा परमेसर आ। मैं ईं आं जिने तुस्से मिस्र देसा री गुलामी ले छुड़ाया। केसी दूजे देऊआ री अराधना मत करणा।"

![](https://cdn.door43.org/obs/jpg/360px/obs-en-13-05.jpg)

मुर्तिया मत बनाणा होर तिन्हारी अराधना मत करणा, क्यूंकि मैं, यहोवा, तुस्सा रा सिर्फ एक ई परमेसर आ। मेरा नांऊँ बेकार गल्ला मन्झ इस्तेमाल मत करणा। सब्ता रा ध्याड़ा पवित्र मनणे रे कठे याद रखणा। दूजे सब्दा मन्झ, छेह ध्याड़े मन्झ ता आपणे सारे काम करणा, पर सातुआ ध्याड़ा तुस्सा रे कठे अराम करणे होर मुंजो याद करणे रे कठे आ।

![](https://cdn.door43.org/obs/jpg/360px/obs-en-13-06.jpg)

आपणे माऊ-बाबा री इज्जत करणा। हत्या नी करणा। व्यभिचार नी करणा। चोरी नी करणा। आपणे पड़ोसी री लाड़ी, तेसरे घर, या तेसरे केसी भी चीजा पाणे री इच्छा मत करणा।

![](https://cdn.door43.org/obs/jpg/360px/obs-en-13-07.jpg)

तेबे परमेसरे ये दस हुक्म पात्थर दो पटिया पर लिखी किन्हें मूसा जो देई दिते। परमेसरे पालन करणे रे कठे लोका जो होर भी कई नियम दिते। अगर स्यों इन्हा हुक्मा रा पालन करघे ता परमेसरा तिन्हा लोका जो आसरीवाद देणा होर तिन्हारी हिफाजत करणी पर तिने बोल्या कि अगर तिन्हें इन्हा रा पालन नी कितेया ता तेस तिन्हा जो सजा देणी।

![](https://cdn.door43.org/obs/jpg/360px/obs-en-13-08.jpg)

परमेसरे इस्राएलिया जो एक बडा तंबू –मिलाप वाला तंबू बनाणे रे कठे भी बोल्या। तिने तिन्हा जो ठीक कि दस्या कि ये तंबू को किहाँ बनाणा, होर तेसरे अंदर क्या-क्या चीजा रखणी। तिने तिन्हा जो तंबू जो दो कमरे मन्झ बांडणे करणे रे कठे एक बडा पर्दा बनाणे रे कठे भी बोल्या। परमेसर तेस पर्दे रे पीछे वाले कमरे मन्झ आऊणा होर तेथी रैहणा। जेथी परमेसर था तेस कमरे मन्झ जाणे री इजाजत सिर्फ महायाजका जो थी।

![](https://cdn.door43.org/obs/jpg/360px/obs-en-13-09.jpg)

तिन्हा लोका जो तेस मिलाप वाले तंबू रे साम्हणे एक वेदी बनाणी पऊणी। कोई भी जो परमेसरा री व्यवस्था नी मन्ने से तेस्सा वेदी पर एक जानवर लई जाई किन्हें आए। तेबे याजक से बलि करे होर वेदी पर परमेसरा रे कठे बलि रे रूपा मन्झ जलाए। परमेसरे बोल्या कि तेस जानवरा रे खूना तेस म्हाणुँ रे पाप ढकी देणे। एस तरीके ले, ऐबे परमेसरा से पाप नी देखणा। से म्हाणुँ परमेसरा री नजरा मन्झ "सुद्ध" बणना। परमेसरे मूसा रे भाई हारुना जो होर हारूना रे बंसा जो आपणे याजक हूंणे रे कठे चुणेया।

![](https://cdn.door43.org/obs/jpg/360px/obs-en-13-10.jpg)

परमेसरे तिन्हा लोका जो, जो नियम दितिरे थे स्यों तिन्हारा पालन करणे रे कठे राजी हुए। स्यों सिर्फ परमेसरा रे लोक हूंणे जो होर सिर्फ तेसरी आराधना करणे रे कठे राजी हुए।

![](https://cdn.door43.org/obs/jpg/360px/obs-en-13-11.jpg)

कई ध्याड़े तक, मूसे सीनै पहाड़ा री चोटी पर ई रैह्या। से परमेसरा किन्हें गल्ला करेया करहा था। पर लोक तिन्हा वाले वाप्स आऊणे रा इंतजार करदे-करदे थकी गए। इधी कठे स्यों हारूना वाले सोना लई आए होर तेस ले एक मूर्ति बनाणे रे कठे बोल्या ताकि स्यों परमेसरा रे बजाए तेसरी आराधना कर सके। एस तरीके ले, तिन्हें बौह्त बुरे तरीके ले परमेसरा रे बरख्लाफ पाप कितेया।

![](https://cdn.door43.org/obs/jpg/360px/obs-en-13-12.jpg)

हारूने बछु साहीं एक सोने री एक मूर्ति बणाई। तिन्हें लोके तेस्सा मूर्ति री अराधना करणा सुर्हू करी दिती होर तेस जो बलि चढ़ाई! तिन्हा लोका रे पापा री वजहा ले परमेसर तिन्हा लोका किन्हें बौह्त गुस्से हुएआ था। से तिन्हा जो नास करी देणा चाहाँ था। पर मूसे तिन्हा जो नी मारणे रे कठे परमेसरा ले अर्ज किती। परमेसरे तेसरी अर्ज सुणी होर स्यों नास नी किते।

![](https://cdn.door43.org/obs/jpg/360px/obs-en-13-13.jpg)

आखरी मन्झ मूसा सीनै पहाड़ा ले हेठ उतरेया। से तिन्हा लोका रे कठे दो पात्थरा री पटिया लई किन्हें आया करहा था जिन्हा पर परमेसरे दस हुक्म लिखिरे थे। फेरी तिने से मूर्ति देखी। से इतना ज्यादा गुस्सा हुएआ कि तिने स्यों पटिया तोड़ी किन्हें टुकड़े-टुकड़े करी दिती।

![](https://cdn.door43.org/obs/jpg/360px/obs-en-13-14.jpg)

फेरी मूसे से मूर्ति टुकड़े-टुकड़े पीसी किन्हें तेता रा बुरादा बणाई दितेया, होर तेस बुरादे जो पाणी मन्झ मिलाई किन्हें तिन्हा लोका जो से पाणी प्यायी दितेया। परमेसरे तिन्हा लोका पर एक विपदा भेजी होर तिन्हा मंझा ले बौह्त लोक मरी गए।

![](https://cdn.door43.org/obs/jpg/360px/obs-en-13-15.jpg)

जो पटिया मूसे तोड़ी दिती थी तिन्हारे बदले मूसे द्बारा दस हुक्मा वाली पात्थरा री नौंईं पटिया बणवाई। तेबे से द्बारा पहाड़ा पर चढ़ी गया होर प्रार्थना कीती कि परमेसरा तिन्हा लोका जो माफ करे। परमेसरे मूसा री सुणी होर स्यों माफ करी दिते। नौंईं पटिया पर दस हुक्मा रे कठे हुए मूसा पहाड़ा ले हेठ उतरी आया। तेबे परमेसरे सीनै पहाड़ा ले लई किन्हें वायदे रे देसा तक इस्राएलिया री अगुवाई कीती।

*निर्गमन अध्याय 19-34 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_13_128kbps.m4a

## 14. जंगला मन्झ भटकणा

https://openbiblestories.org/l/mjl/story-14/

![](https://cdn.door43.org/obs/jpg/360px/obs-en-14-01.jpg)

परमेसरे इस्राएलिया जो स्यों नियम दसणे बंद किते जिन्हारा तिन्हा जो बान्ही गईरी तेस्सा वाचा री वजहा ले पालन करणा था। फेरी तिने सीनै पहाड़ा ले अगे तिन्हारी अगुवाई किती। से तिन्हा जो वायदा कितिरे देसा मन्झ लई जाणा चाहाँ था। एस देसा जो कनान भी बोल्या जाहाँ था। परमेसर बादला रे खम्भे मन्झ तिन्हारे अगे-अगे चल्या, होर स्यों तेसरे पीछे-पीछे चले।

![](https://cdn.door43.org/obs/jpg/360px/obs-en-14-02.jpg)

परमेसरे अब्राहम, इसहाक होर याकूबा किन्हें वायदा कितिरा था कि तेस वायदे रा से देस तिन्हारे बंसा जो देणा, पर एस टैम तेथी बौह्त सारी जातिया रैह्या करहा ई थी। तिन्हा जो कनानी बोल्या जाहाँ था। ये कनानी लोक परमेसरा री आराधना नी करदे थे होर तेसरे हुक्म नी मन्नदे थे। स्यों झूठे देऊआ री अराधना करहा ऐ थे होर बौह्त सारे बुरे काम करहा ऐ थे।

![](https://cdn.door43.org/obs/jpg/360px/obs-en-14-03.jpg)

परमेसरे इस्राएलिया किन्हें बोल्या, "जेबे तुस्से तेस वाचा रे देसा मन्झ जाओ ता तेथी रे सभ कनानिया ले छुटकारा पाई लया। तिन्हा लोका जो साऊगी मेल मिलाप मत करणा होर तिन्हा किन्हें ब्याह मत करणा। तुस्से तिन्हारी सभ मूर्तिया पूरी तरह ले नास करी देआ। अगर तुस्से मेरे हुक्म नी मन्नघे, ता तुस्सा मेरे बजाए तिन्हारे देऊआ री अराधना करणी सुर्हू करी देणी।"

![](https://cdn.door43.org/obs/jpg/360px/obs-en-14-04.jpg)

जेबे इस्राएली कनाना री हदा वाले पूजे, ता मूसे इस्राएला रे हरेक गोत्रा मंझा ले एक-एक करी किन्हें बारा म्हाणुँ छांटे। तिने जाई किन्हें तेस देसा री जासूसी करणे रे हुक्म दिते कि देख्हा ऐ कि से केहड़ा देस आ। तिन्हा कनानिया री जासूसी भी करणी थी कि देख्हा ऐ कि स्यों ताकतवर ऐ कि कमजोर।

![](https://cdn.door43.org/obs/jpg/360px/obs-en-14-05.jpg)

तिन्हें बारा म्हाणुँऐं पूरे कनाना ले हुंदे हुए चाली ध्याड़े रा सफर कितेया होर फेरी स्यों वाप्स आई गए। तिन्हें लोका जो दस्या कि, "से देस बौह्त पजाऊ आ होर फसल बौह्त ज्यादा ई!" पर दस जासूसे बोल्या, "तिन्हारे नगर बौह्त मजबूत ऐ होर स्यों लोक लंबे-चौड़े ऐ! अगर आस्से तिन्हा लोका जो पर हमला करे, ता तिन्हा आस्से पक्का हराई देणे होर आस्से मारी देणे।"

![](https://cdn.door43.org/obs/jpg/360px/obs-en-14-06.jpg)

झटपट ई कालेब होर यहोसू होर बाकि दो जासूसे बोल्या, "ये सच आ कि कनाना रे लोक लंबे होर ताकतवर ऐ, पर जरुर आस्से तिन्हा जो हराई सक्हा ऐ! परमेसरा आस्सा रे कठे लड़णा!"

![](https://cdn.door43.org/obs/jpg/360px/obs-en-14-07.jpg)

पर लोके कालेब होर यहोसू री नी सुणी। स्यों मूसा होर हारून पर गुस्से हुए होर बोल्या, "तुस्से आस्सा जो एस खतरनाक जगहा पर कि लई आईरे? आस्सा जो मिस्र देसा मन्झ ई रैहणा चहिए था। अगर आस्से तेस देसा जो चली जाईऐ ता आस्सा युद्धा मन्झ मारी दिते जाणे, होर कनाना रे लोका आस्सा री लाड़िया होर बच्चे गुलाम बणाई लैणे।" स्यों लोक वाप्स मिस्र देसा मन्झ जाणे रे कठे एक होर अगुवा छांटणा चाहें थे।

![](https://cdn.door43.org/obs/jpg/360px/obs-en-14-08.jpg)

जेबे तिन्हा लोका जो लोके एह्ड़ा बोल्या ता परमेसर बौह्त गुस्से हुई गया। से मिलाप वाले तंबू मन्झ आया होर बोल्या, "तुस्से मेरे खिलाफ विद्रोह कितेया, इधी कठे तुस्से सभी जो एस रेगिस्थाना मन्झ भटकणा पऊणा। हर एक आदमी जो बीह साल या तेता ले ज्यादा उम्रा रे हो तिन्हा तेथी मरी जाणा होर कधी भी तेस देसा मन्झ नी जाई पाणा जो मैं तुस्सा जो देणे वाला था। सिर्फ कालेब होर यहोसूआ ही तेथी जाई पाणा।"

![](https://cdn.door43.org/obs/jpg/360px/obs-en-14-09.jpg)

जेबे लोके परमेसरा जो एह्ड़ा बोल्दे सुणेया, ता स्यों दुखी हुए क्यूंकि तिन्हें पाप कितेया था। इधी कठे तिन्हें कनाना रे लोका पर हमला करणे रा फैसला कितेया। मूसे तिन्हा जो नी जाणे रे कठे खबरदार कितेया था क्यूंकि परमेसरे बोलिरा था कि तेस तिन्हा लोका साऊगी नी जाणा, पर तिन्हें तेसरी गल नी सुणी।

![](https://cdn.door43.org/obs/jpg/360px/obs-en-14-10.jpg)

परमेसर एस युद्धा मन्झ तिन्हा लोका साऊगी नी गया था, इधी कठे कनानिए स्यों हराई दिते होर तिन्हा मंझा ले बहुत मारी दिते। तेबे इस्राएली लोक कनाना ले वाप्स आई गए। अगले चाली सालों तक, तिन्हा रेगिस्थाना मन्झ ओरे-परे भटकणा।

![](https://cdn.door43.org/obs/jpg/360px/obs-en-14-11.jpg)

इस्राएली लोक रेगिस्थाना मन्झ चाली साल तक भटक्दे रहे होर तेस टैम, परमेसरे तिन्हारी जरुरता पूरी किती। तिने तिन्हा जो स्वर्गा ले "मन्ना" बोली जाणे वाली रोटी दीती। तिने बटेरा रे झुंड भी (जो कि न ज्यादा बडे होर ना ज्यादा छोटे हूंहाँ ऐं) तिन्हारे डेरे मन्झ भेजे ताकि तिन्हा वाले खाणे रे कठे मास हो। तेस पूरे टैम, परमेसरे तिन्हारे कपड़े होर जूते फटणे नी दिते।

![](https://cdn.door43.org/obs/jpg/360px/obs-en-14-12.jpg)

एथी तक कि परमेसरे तिन्हारे पीणे रे कठे नौखे तरीके ले चट्टाना मंझा ले पाणी काढेया। पर इन्हा सभी चीजा ले बाद, इस्राएली लोके परमेसरा रे खिलाफ होर मूसा रे खिलाफ सिकायत कीती होर कुड़कुड़ाए। तेबे भी, परमेसर भरोसे लायक था। तिने जो वायदा अब्राहम, इसहाक, होर याकूबा रे बंसा रे कठे कितिरा था तिने तेहड़ा ई कितेया।

![](https://cdn.door43.org/obs/jpg/360px/obs-en-14-13.jpg)

एक होर बारी जेबे तिन्हा लोका वाले पाणी नी था, परमेसरे मूसा किन्हें बोल्या, "चट्टाना किन्हें गल्ला कर, होर तेस ले पाणी निकलणा।" पर मूसे चट्टाना साऊगी गल्ला नी कीती। पर एता रे बजाए, तिने छट्टी किन्हें चट्टाना पर दो बारी मारी। एस तरीके ले तिने परमेसरा री बेज्जती किती। सभी रे पीणे रे कठे चट्टाना ले पाणी ता निकल्ई गया, पर परमेसर मूसा किन्हें गुस्सा हुई गया। तिने बोल्या, "क्यूंकि तैं एह्ड़ा कितेया, इधी कठे तुध वायदे कीतिरे देसा मन्झ नी जाई पाणा।"

![](https://cdn.door43.org/obs/jpg/360px/obs-en-14-14.jpg)

जेबे इस्राएली लोक चाली साला तक रेगिस्थाना मन्झ भटकी चुकिरे थे, तेबे जिन्हें परमेसरा रे खिलाफ विद्रोह कितिरा था स्यों सभ मरी गए। तेबे परमेसर तिन्हा लोका जो द्बारा तेस वायदे कितिरे देसा रे हदा तक लई गया। अब मूसा बौह्त स्याणा हुई गईरा था, इधी कठे परमेसरे लोका री अगुवाई करणे मन्झ तेसरी मदद करणे रे कठे यहोसू चुणी लया। परमेसरे मूसा किन्हें ये वायदा भी कितिरा था कि एक ध्याड़े तेस तिन्हा लोका वाले मूसा साहीं एक नबी भेजणा।

![](https://cdn.door43.org/obs/jpg/360px/obs-en-14-15.jpg)

तेबे परमेसरे मूसा जो एक पहाड़ा री चोटी पर जाणे रे कठे बोल्या ताकि से वायदे रा देस देखी सके। मूसे से वायदे रा देस ता देख्या पर परमेसरे तेस जो तेस देसा मन्झ जाणे री इजाजत नी दीती। तेबे मूसा मरी गया, होर इस्राएलिए तीह ध्याड़े तक दुःख मनाया। यहोसू तिन्हारा नंऊँआं अगुवा बणी गया। यहोसू एक अच्छा अगुवा था क्यूंकि तिने परमेसरा पर भरोसा कितेया होर तेसरी गल्ला मन्नी।

*निर्गमन अध्याय 16-17; गिनती 10-14; 20; 27; व्यवस्थाविवरण 34 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_14_128kbps.m4a

## 15. वायदे रा देस

https://openbiblestories.org/l/mjl/story-15/

![](https://cdn.door43.org/obs/jpg/360px/obs-en-15-01.jpg)

आखरी मन्झ, ऐबे से टैम आई गईरा था कि इस्राएली लोक वायदे रे देस, कनाना मन्झ दाखल हो। तेस देसा मन्झ यरीहो नांऊँआं रा एक नगर था। तेसरी हिफाजता रे कठे तेसरे चहुँ पासे मजबूत कान्धा थी। यहोसुए तेस नगरा मन्झ दो जासूस भेजे। तेस नगरा मन्झ राहाब नांऊँआं री एक वेस्या थी। तेस्से ये जासूस ल्कोए, होर फेरी बादा मन्झ तिने तिन्हारी नगरा ले बची किन्हें निकलणे मन्झ मदद कीती। तिने एह्ड़ा इधी कठे कितेया क्यूंकि से परमेसरा मन्झ विस्वास करहा ई थी। जेस टैम इस्राएली लोक यरीहो सैहर नास करणा तेबे तिन्हें राहाब होर तेसरे परिवारा री हिफाजत करणे रा वायदा कितिरा था।

![](https://cdn.door43.org/obs/jpg/360px/obs-en-15-02.jpg)

इस्राएली लोका जो वायदे रे देसा मन्झ दाखल हूंणे रे कठे यरदन नदी पार करनी थी। परमेसरे यहोसू किन्हें बोल्या, "याजका जो पैहले जाणे दे।" जेबे याजके यरदन नदी मन्झ आपणे पैर रखे ता पाणी री धारा बैहणी रुकी गई, ताकि इस्राएली लोक नदी री दूजी तरफ सुकी ज्मीना पर पार जाई सके।

![](https://cdn.door43.org/obs/jpg/360px/obs-en-15-03.jpg)

तिन्हा लोके यरदन नदी पार करी लई ता परमेसरे यहोसू किन्हें बोल्या कि यरीहो पर हमला करणे रे कठे त्यार रहुआ, जेब्की से बौह्त मजबूत नगर था। परमेसरे तिन्हा लोका किन्हें बोल्या कि तिन्हा याजका होर स्पाहिया जो छेह ध्याड़े तक तेस नगरा रे चहुँ पासे चक्कर लगाणे पऊणे। इधी कठे याजके होर स्पाहिए एह्ड़ा ई कितेया।

![](https://cdn.door43.org/obs/jpg/360px/obs-en-15-04.jpg)

तेबे सातुए ध्याड़े, इस्राएलिए तेस नगरा रे चहुँ पासे सात बार होर चक्कर लगाए। तिन्हारे नगरा रे चहुँ पासे सातुई बार चक्कर लगाणे ले बाद, याजके आपणी तुरहिया बजाई होर स्पाहिए बौह्त जोरा री अवाज किती।

![](https://cdn.door43.org/obs/jpg/360px/obs-en-15-05.jpg)

तेबे यरीहो रे चहुँ पासे री कान्धा पई गईं! जेह्ड़ा परमेसरे हुक्म दितिरा था इस्राएलिए नगरा री हर एक चीज नास करी दिती। तिन्हें सिर्फ राहाब होर तेस्सा रा परिवार छाडी दितेया, जो इस्राएलिया रे हिस्से बणी गए थे। जेबे कनाना मन्झ रैहणे वाले बाकि लोके सुणेया कि इस्राएलिए यरीहो नास करी दितेया, ता स्यों डरी गए कि इस्राएली लोका तिन्हा पर भी हमला करी देणा।

![](https://cdn.door43.org/obs/jpg/360px/obs-en-15-06.jpg)

परमेसरे इस्राएलिया जो हुक्म दितिरा था कि कनाना मन्झ रैहणे वाली केसी भी जाति साऊगी मेल मिलाप देख्या करदे। पर गिबोनिया नांऊँआं री एक कनानी जातिए यहोसू किन्हें झूठ बोल्या कि स्यों कनाना ले दूर एक जगहा रे रैहणे वाले ऐ। तिन्हें यहोसू किन्हें तिन्हा साऊगी मेल मिलाप करणे री अर्ज किती। यहोसू होर बाकि इस्राएली अगुवे परमेसरा ले नी पूछेया कि तिन्हा जो क्या करणा चहिए। एता रे बजाए, तिन्हें गिबोनिया साऊगी मेल मिलाप करी लया।

![](https://cdn.door43.org/obs/jpg/360px/obs-en-15-07.jpg)

तीन ध्याड़े बाद, इस्राएलिया जो पता चल्या कि गिबोनी लोक कनाना मन्झ ई रैह्याँ ऐ थे। स्यों गुस्से हुई गए क्यूंकि गिबोनिए तिन्हा जो धोखा दितेया था। पर तिन्हें तिन्हा साऊगी कितिरा मेल मिलाप बणाई रख्या क्यूंकि से परमेसरा रे साम्हणे कितिरा था। तेबे कुछ टैमा ले बाद, कनाना मन्झ रैहणे वाली एक दूजी जाति, एमोरिया रे राजे सुणेया कि गिबोनिए इस्राएलिया किन्हें मेल मिलाप करी लईरा, इधी कठे तिन्हें आपणी-आपणी सेना एक करी किन्हें एक बड़ी सेना बणाई होर बोना पर हमला करी दितेया। गिबोनिए तिन्हा री मदद करणे रे कठे यहोसू वाले एक खबर भेजी।

![](https://cdn.door43.org/obs/jpg/360px/obs-en-15-08.jpg)

इधी कठे यहोसुए इस्राएलिया री सेना कठा किती होर गिबोनिया वाले पूजणे रे कठे स्यों पूरी रात चले। भ्यागा तड़के तिन्हें एमोरिया री सेना हैरान हुई गई होर तिन्हा पर हमला करी दितेया।

![](https://cdn.door43.org/obs/jpg/360px/obs-en-15-09.jpg)

तेस ध्याड़े परमेसर इस्राएलिया रे कठे लड़या। तिने एमोरी डराई दिते होर तिने बड़े-बड़े सल्वाट बरसाई किन्हें बौह्त एमोरी मारी दिते।

![](https://cdn.door43.org/obs/jpg/360px/obs-en-15-10.jpg)

परमेसरे सूरज भी सर्गा मन्झ एक जगहा पर रोकी दितेया ताकि इस्राएलिया जो भतेरा टैम मिली जाए कि एमोरिया जो पूरी तरह ले हराई दे। तेस ध्याड़े, परमेसरे इस्राएलिया रे कठे एक बड़ी जीत हासल किती।

![](https://cdn.door43.org/obs/jpg/360px/obs-en-15-11.jpg)

जेबे परमेसरे स्यों सेना हराणे ले बाद, बौह्त सारे कनानी जाति रे लोक इस्राएला पर हमला करणे रे कठे कठा हुए। यहोसू होर इस्राएलिए हमला करी किन्हें तिन्हारा सत्यनास करी दितेया।

![](https://cdn.door43.org/obs/jpg/360px/obs-en-15-12.jpg)

इन्हा युद्धा ले बाद, परमेसरे इस्राएला रे हरेक गोत्रा जो वायदे रे तेस देसा मन्झ तिन्हारा हिस्सा दितेया। तेबे परमेसरे इस्राएला री सारे हद होर बन्ने पर सांति दिती।

![](https://cdn.door43.org/obs/jpg/360px/obs-en-15-13.jpg)

जेबे यहोसू बूढ़ा हुई गया ता तिने इस्राएला रे सभ लोका जो कठे सादेया। तेबे यहोसुए तिन्हा लोका जो याद कराया कि तिने तेस्सा वाचा रा पालन करणे रा वायदा कितिरा था जो परमेसरे तिन्हा साऊगी सीनै पहाड़ा पर बान्हिरी थी। तिन्हें लोके परमेसरा रे बारे मन्झ भरोसे लायक रैहणे होर तेसरे हुक्मा रा पालन करणे रा वायदा कितेया।

*यहोसू अध्याय 1-24 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_15_128kbps.m4a

## 16. छुड़ाणे वाल्ऐ

https://openbiblestories.org/l/mjl/story-16/

![](https://cdn.door43.org/obs/jpg/360px/obs-en-16-01.jpg)

यहोसू रे मरणे ले बाद इस्राएलिए परमेसरा रे हुक्म नी मन्ने। तिन्हें परमेसरा रे नियमा रा पालन नी कितेया, होर तिन्हें तेस वाचा रे देसा ले बचिरे कनानी बाहर नी काढे। इस्राएलिए आपणे सच्चे परमेसर, यहोवा जो छाडी किन्हें कनानिया रे देऊआ री अराधना करणी सुर्हू किती। इस्राएलिया वाले जो ई राजा नी था, इधी कठे जेस जो सही लग्या तिने तेहड़ा कितेया।

![](https://cdn.door43.org/obs/jpg/360px/obs-en-16-02.jpg)

परमेसरा रा हुक्म नी मनणे ले इस्राएलिए एक परम्परा सुर्हू करी दिती जो कई बारी दुबारा होर बार- बार किती गई। ये परम्परा एस तरीके ले चली: कुछ साला तक इस्राएलिया परमेसरा रे हुक्म नी मन्नणे, तेबे तेस स्यों तिन्हारे दुस्मणा रे ज्रीए हराई देणे। इन्हा दुस्मणा इस्राएलिया ले तिन्हारी चीजा लूटी लैणी, तिन्हारी जायदाद बर्बाद करी देणी, होर तिन्हा मंझा ले कई मारी देणे। फेरी जेबे इस्राएलिया रे दुस्मण तिन्हा पर कई साला तक अत्याचार करणा, तेता ले बाद इस्राएलिया आपणे पापा रा पस्चाताप करणा होर परमेसरा ले तिन्हा जो बचाणे रे कठे प्रार्थना करणी।

![](https://cdn.door43.org/obs/jpg/360px/obs-en-16-03.jpg)

हर बार जेबे इस्राएलिया पस्चाताप करणा तेबे परमेसरा स्यों बचाणे। तेस एक छुड़ाणे वाले रे ज्रीए एह्ड़ा करणा– एक एह्ड़ा म्हाणुँ जेस तिन्हारे दुस्मणा रे खिलाफ लड़णा होर स्यों हराणे। तेबे देसा मन्झ सांति हूंणीं होर तेस छुड़ाणे वाले तिन्हा पर ठीक ढंगा किन्हें राज करणा। परमेसरे तिन्हा लोका जो बचाणे रे कठे बौह्त सारे छुड़ाणे वाले भेजे। परमेसरे तिन्हारे रे नेडे रैहणे वाली दुस्मण जाति, मिद्यानिया रे ज्रीए इस्राएलिया जो हराणे रे कठे द्बारा एह्ड़ा कितेया।

![](https://cdn.door43.org/obs/jpg/360px/obs-en-16-04.jpg)

मिद्यानिए सात साला तक इस्राएलिया री फसला लूटी। इस्राएली लोक बौह्त डरी गईरे थे, होर स्यों गुफा मन्झ ल्हुखी गए ताकि मिद्यानी लोक तिन्हा जो तोपी नी सके। बादा मन्झ, तिन्हें बचणे रे कठे परमेसर पुकारेया।

![](https://cdn.door43.org/obs/jpg/360px/obs-en-16-05.jpg)

गिदोन नांऊँआं रा एक इस्राएली आदमी था। एक ध्याड़े, से एक गुप्त जगहा मन्झ कणक गाह्या करहा था ताकि मिद्यानी लोक तेता जो नी चुराई सके। यहोवा परमेसरा रे स्वर्गदूते गिदोना वाले आई किन्हें तेस किन्हें बोल्या, "हे सूरवीर सूरमा, परमेसर तेरे साऊगी आ। जा होर इस्राएलिया जो मिद्यानिया ले बचा।"

![](https://cdn.door43.org/obs/jpg/360px/obs-en-16-06.jpg)

गिदोना रे बापू वाले एक स्यों दी थी जो मूर्ति रे कठे समर्पित कितिरी थी। सभी ले पैहली गल जो परमेसरे गिदोना जो करणे रे कठे बोली से थी तेस्सा स्यों दी जो तोड़ने री गल। पर गिदोन लोका ले डरहा था, इधी कठे तिने रात हूंणे रा इंतजार कितेया। तेबे तिने से स्यों दी तोड़ी किन्हें टुकड़े-टुकड़े करी दीती। तिने परमेसरा रे कठे एक नई स्यों दी बणाई होर तेता पर परमेसरा रे कठे बलि चढ़ाई।

![](https://cdn.door43.org/obs/jpg/360px/obs-en-16-07.jpg)

दूजे ध्याड़े भ्यागा लोके देख्या कि केसिए स्यों दी तोड़ी किन्हें टुकड़े-टुकड़े करी दितिरी थी, इधी कठे स्यों बौह्त गुस्से हुए। स्यों गिदोन जो मारी देणे रे कठे तेसरे घरा गए, पर गिदोना रे बापुए बोल्या, "तुस्से कि आपणे देऊआ री मदद करणे री कोस्त करेया करहा ऐ? अगर से देऊ आ ता तेस जो आपणी हिफाजत आप्हुए करणे देआ!" क्यूंकि तिने एह्ड़ा बोल्या इधी कठे लोके गिदोन नी मारेया।

![](https://cdn.door43.org/obs/jpg/360px/obs-en-16-08.jpg)

तेबे इस्राएलिया जो लूटने रे कठे मिद्यानी लोक दबारा आए। स्यों इतने सारे थे कि तिन्हारी गिणती भी नी कीती जाई सक्हा ई थी। गिदोने तिन्हारे खिलाफ लड़ने रे कठे इस्राएली कठे हुई किन्हें सादे। गिदोने परमेसरा ले दो सबूत मांगे ताकि तेस जो विस्वास हुई जाए कि परमेसर सच्हे तेस जो इस्राएलिया जो बचाणे रे कठे बोल्या करहा।

![](https://cdn.door43.org/obs/jpg/360px/obs-en-16-09.jpg)

पैहले सबूता रे कठे, गिदोने भेडा री ऊन ज्मीना पर रखी किन्हें परमेसरा किन्हें बोल्या कि भ्यागा रा पाल्आ सिर्फ भेडा री तेस्सा ऊना पर पए होर ज्मीना पर नी पए। परमेसरे एह्ड़ा ई कितेया। अगली राती, तिने परमेसरा किन्हें बोल्या कि जमीन सघी जाए पर भेडा री ऊन सुकी रहे। परमेसरे एह्ड़ा ई कितेया। इन्हा दो सबूता री वजहा ले, गिदोने विस्वास कितेया कि परमेसरा सच्हे चाहाँ कि से इस्राएलिया जो मिद्यानिया ले बचाए।

![](https://cdn.door43.org/obs/jpg/360px/obs-en-16-10.jpg)

तेबे गिदोने स्पाही आपणे वाले सादे होर 32,000 आदमी आए। पर परमेसरे तेसले बोल्या कि इतने बौह्त ज्यादा ऐ। इधी कठे गिदोने तिन्हा मंझा ले 22,000 घर वाप्स भेजी दिते जो लड़ने ले डरहा ऐ थे। परमेसरे गिदोना किन्हें बोल्या कि इतने आदमी हल्ली भी बौह्त ज्यादा ऐ थे। इधी कठे गिदोने 300 स्पाहिया जो छाडी किन्हें बाकि सभ घर भेजी दिते।

![](https://cdn.door43.org/obs/jpg/360px/obs-en-16-11.jpg)

तेस राती परमेसरे गिदोना किन्हें बोल्या, "मिद्यानिया रे तम्बू मन्झ जा होर तिन्हा जो ग्लान्दे सुण। जेबे तू सुणे कि स्यों क्या गल्ला करेया करहा ऐ ता तू तिन्हा पर हमला करणे ले नी डरणा।" इधी कठे तेस राती, गिदोन हेठ तिन्हारे तम्बू मन्झ गया होर तिने एक मिद्यानी स्पाही जो आपणे दोस्ता किन्हें गल दस्दे हुए सुणेया जो तिने सुपने मन्झ देखी थी। तेस आदमी रे दोस्ते बोल्या, "एस सुपने रा मतलब येआ कि गिदोना री सेना आस्सा री मिद्यानी सेना हराई देणी!" जेबे गिदोने ये सुणेया ता तिने परमेसरा री बड़ाई कीती।

![](https://cdn.door43.org/obs/jpg/360px/obs-en-16-12.jpg)

तेबे गिदोन आपणे स्पाहिया वाले वाप्स आया होर तिन्हा मंझा ले हरेकी जो एक-एक नरसिंगा, एक घड़ा, होर एक-एक म्साल दीती। तिन्हें से छावनी घेरी लई जेथी मिद्यानी स्पाही सया करहा ऐ थे। गिदोना रे 300 स्पाहिए आपणी म्साले घड़े मन्झ ढकीरी थी इधी कठे मिद्यानी लोक तिन्हा म्साला रा प्रयासा नी देखी सके थे।

![](https://cdn.door43.org/obs/jpg/360px/obs-en-16-13.jpg)

तेबे गिदोना रे सभ स्पाहिए आपणे घड़े एक ई टैमा पर तोड़ी किन्हें अचानक भखिरी म्साला काढी दिती। तिन्हें आपणे नरसिंगे बजाए होर चिल्लाए, "यहोवा परमेसरा री होर गिदोना री तलवार!"

![](https://cdn.door43.org/obs/jpg/360px/obs-en-16-14.jpg)

परमेसरे मिद्यानी डराई दिते, इधी कठे स्यों एक दूसरे जो मारदे लगे। जल्दी ई, गिदोने आपणे खबरी भेजी किन्हें बाकि इस्राएली सादी लये ताकि स्यों मिद्यानिया रा पीछा करणे मन्झ तिन्हारी मदद करे। तिन्हें तिन्हा मंझा ले बौह्त मारी दिते होर बाकिया रा पीछा करी किन्हें स्यों इस्राएल देसा ले बाहर काढी दिते। तेस ध्याड़े 1,20,000 मिद्यानी मारे गए। एस तरीके ले परमेसरे इस्राएल बचाया।

![](https://cdn.door43.org/obs/jpg/360px/obs-en-16-15.jpg)

स्यों लोक गिदोना जो आपणा राजा बनाणा चाहें थे, पर गिदोने तिन्हा जो एह्ड़ा नी करणे दितेया, लेकिन तिने तिन्हा ले स्यों सोने रे गैहणे मांगी लये जो तिन्हा मंझा ले हरेकिए मिद्यानिया ले लूटी लईरे थे। तिन्हें लोके बौह्त ज्यादा गिदोन जो सोना दितेया।

![](https://cdn.door43.org/obs/jpg/360px/obs-en-16-16.jpg)

तेबे गिदोने तेस सोने ले एक खास कपड़ा बणाया जेहड़ा महायाजक पैन्हा ऐ थे। पर लोके मूर्ति साहीं तेस कपड़े री पूजा करणी सुर्हू करी दिती। तेबे परमेसरे इस्राएला जो सजा दिती क्यूंकि तिन्हें मूर्ति री पूजा किती थी। परमेसरे तिन्हारे दुस्मणा जो तिन्हा जो हराणे मन्झ तिन्हारी मदद किती। आखरी मन्झ तिन्हें दबारा परमेसरा ले मदद पाणे रे कठे प्रार्थना कीती, होर परमेसरे तिन्हा वाले तिन्हा जो बचाणे रे कठे एक होर छुड़ाणे वाल्आ भेज्या।

![](https://cdn.door43.org/obs/jpg/360px/obs-en-16-17.jpg)

येई गल कई बार हुई: इस्राएली लोका पाप करणा, होर परमेसरा तिन्हा जो सजा देणी, तिन्हा पस्चाताप करणा, होर परमेसरा तिन्हा जो छुड़ाणे रे कठे कोई भेजणा। कई साला तक, परमेसरे बौह्त सारे छुड़ाणे वाल्ऐ भेजे जिन्हें इस्राएली तिन्हारे दुस्मणा ले बचाए।

![](https://cdn.door43.org/obs/jpg/360px/obs-en-16-18.jpg)

आखरी मन्झ, तिन्हें लोके दूजे देसा साहीं परमेसरा ले आपणे कठे एक राजा मांगेया। स्यों एक एह्ड़ा राजा चाहें थे जो लंबा होर ताकतवर हो, होर जो युद्धा मन्झ तिन्हारी अगुवाई कर सके। परमेसरा जो ये अर्ज पसंद नी आई, पर तिने तिन्हा जो तेहड़ा राजा दितेया जेह्ड़ी तिन्हें माँग कितिरी थी।

*न्यायियों अध्याय 1-3; 6-8; 1 शमूएल 1-10 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_16_128kbps.m4a

## 17. दाऊदा साऊगी परमेसरा री वाचा

https://openbiblestories.org/l/mjl/story-17/

![](https://cdn.door43.org/obs/jpg/360px/obs-en-17-01.jpg)

साऊल इस्राएला रा पैहला राजा था। से लंबा होर बांका था, जेह्ड़ा स्यों लोक चाहें थे एकदम तेहड़ा। इस्राएला पर राज करणे रे टैमा मन्झ कुछ साला तक साऊल एक बांका राजा था। पर बादा मंझा ले एक बुरा म्हाणुँ बणी गया जिने परमेसरा री गल नी मन्नी, इधी कठे परमेसरे एक दूजा म्हाणुँ चुणी लया जेस एक ध्याड़े तेसरी जगहा पर राजा बणना।

![](https://cdn.door43.org/obs/jpg/360px/obs-en-17-02.jpg)

परमेसरे दाऊद नांऊँआं रा एक जुआन इस्राएली आदमी चुणी किन्हें तेस जो एक ध्याड़े साऊला री जगहा पर राजा हूंणें रे कठे त्यार करणा सुर्हू कितेया। दाऊद बैतलहम नगरा रा एक पुहाल था। कई बार, दाऊदे सेर होर भालू दुहें मारी दिते थे क्यूंकि जेबे दाऊद रखवाली करेया करहा था ता तेसरे बापू री भेडा पर तिन्हें हमला कितेया था। दाऊद एक नम्र होर धर्मी म्हाणुँ था। तिने परमेसरा पर भरोसा कितेया होर तेसरी गल मन्नी।

![](https://cdn.door43.org/obs/jpg/360px/obs-en-17-03.jpg)

जेबे दाऊद हल्ली जुआन आदमी ही था, तिने लंबे-चौड़े गोलियता रे खिलाफ लड़ाई कीती। गोलियत एक बौह्त खरा स्पाही था। से बौह्त मजबूत होर लगभग तीन मीटर लंबा था! पर परमेसरे गोलियता जो मारणे होर इस्राएला जो बचाणे मन्झ दाऊदा री मदद कीती। एता ले बाद, दाऊदे इस्राएल के दुस्मणा पर कई बार जीत हासल कीती। दाऊद एक बड़ा स्पाही बणी गया, होर तिने बौह्त सारे युद्धा मन्झ इस्राएली सेना री अगुवाई कीती। लोके तेसरी बौह्त बड़ाई कीती।

![](https://cdn.door43.org/obs/jpg/360px/obs-en-17-04.jpg)

लोके दाऊदा किन्हें इतना प्यार कितेया कि साऊल तेसले जहल्दा लग्या। बादा मन्झ साऊल तेस जो मारी देणा चाहाँ था, इधी कठे दाऊद तेसले होर तेसरे स्पाहिया ले ल्हुखणे रे कठे जंगला मन्झ भगी गया। एक ध्याड़े, जेबे साऊल होर तेसरे स्पाही दाऊदा री ता पा मन्झ थे ता साऊल एक गुफा मन्झ गया। ये सेई गुफा थी जेस मन्झ दाऊद ल्हुखी रा था, पर साऊले से नी देख्या। दाऊद साऊल के पीछे तेसरे बौह्त नेडे चल्या गया होर तेसरे कपड़े ले एक टुकड़ा काटी लया। बादा मन्झ, जेबे साऊल तेस गुफा ले निकल्या ता दाऊदे तेस जो हाका पाई किन्हें से काटिरा कपड़े रा टुकड़ा दस्या। एस तरीके ले, साऊल जाणी गया कि दाऊद तेस जो मारी किन्हें राजा नी बणना चाहन्दा था।

![](https://cdn.door43.org/obs/jpg/360px/obs-en-17-05.jpg)

कुछ टैमा ले बाद, साऊल युद्ध मन्झ मरी गया, होर दाऊद इस्राएला रा राजा बणी गया। से एक खरा राजा था, होर लोके तेस किन्हें प्यार रख्या। परमेसरे दाऊदा जो आसरीवाद दितेया होर से कामयाब बणाया। दाऊदे कई युद्ध लड़े, होर परमेसरे इस्राएला रे दुस्मण हराणे मन्झ तेसरी मदद कीती। दाऊदे यरूस्लेम नगर जीती किन्हें से आपणी राजधानी बणाई, जेथी से रैह्या होर राज कितेया। दाऊद चाल्ई साला तक राजा रैह्या। एस टैमा रे बीच, इस्राएल ताकतवर होर अमीर बणी गया।

![](https://cdn.door43.org/obs/jpg/360px/obs-en-17-06.jpg)

दाऊद एक मन्दर बनाणा चाहाँ था जेथी सारे इस्राएली परमेसरा री अराधना कर सके होर तेसरे कठे बलिदान चढ़ाई सके। लगभग 400 साला ले, स्यों लोक मूसा रे बणाईरे मिलाप वाले तंबू मन्झ परमेसरा री अराधना करेया करहा ऐ थे होर तेसरे कठे बलिदान चढ़ाया करहा ऐ थे।

![](https://cdn.door43.org/obs/jpg/360px/obs-en-17-07.jpg)

पर तेथी नातान नांऊँआं रा एक नबी था। परमेसरे तेस जो दाऊदा किन्हें ये बोलणे रे कठे भेज्या: "तैं बौह्त सारे युद्ध लड़िरे, इधी कठे तुध मेरे कठे ये मन्दर नी बणाई पाणा। तेरे म्हठे ये मन्दर बनाणा। तेबे भी, मैं तुजो बौह्त ज्यादा आसरीवाद देणा। तेरा एक बंस सदा रे कठे मेरे लोका पर राजे रे रूपा मन्झ राज करणा।" सदा रे कठे राज करणे वाला से दाऊदा रा सिर्फ एक बंस मसीह था। मसीह परमेसरा रा चुणिरा आदमी था जेस संसारा रे लोक तिन्हारे पापा ले बचाणे।

![](https://cdn.door43.org/obs/jpg/360px/obs-en-17-08.jpg)

जेबे दाऊदे नातान के संदेस सुणेया ता तिने परमेसरा रा धन्यवाद कितेया होर तेसरी बड़ाई कीती। परमेसर तेसरी इज्जत बढ़ाया करहा था होर तेस जो बौह्त सारा आसरीवाद देया करहा था। जरुर, दाऊद नी जाणदा था कि परमेसरा ये गल्ला केभे करणी। एस टैम आस्से जाणहां ऐं कि इस्राएलिया जो एक लंबे टैमा तक, लगभग 1,000 साला तक मसीह रे आऊणे रा इंतजार करणा पऊणा।

![](https://cdn.door43.org/obs/jpg/360px/obs-en-17-09.jpg)

दाऊदे कई साला तक सही न्याय करी किन्हें आपणे लोका पर राज कितेया। तिने बड़ी खराई किन्हें परमेसरा री गल्ला मन्नी होर परमेसरे तेस जो आसरीवाद दितेया। हलांकि, आपणी जिन्दगी रे आखरी टैमा मन्झ तिने परमेसरा रे खिलाफ बौहत गंदा पाप कितेया था।

![](https://cdn.door43.org/obs/jpg/360px/obs-en-17-10.jpg)

एक ध्याड़े दाऊदे आपणे मैहला ले बाहर देख्या होर एक बांकी ज्नाने नहान्दी देखी। से तेस्सा जो नी जाणदा था, पर तिने पता करी लया कि तेस्सा रा नांऊँ बतसेबा था।

![](https://cdn.door43.org/obs/jpg/360px/obs-en-17-11.jpg)

आपणी नजर हटाणे रे बजाए, दाऊदे से आपु वाले सादणे रे कठे कोई भेज्या। से तेस्सा साऊगी सुतेया होर तेस जो वाप्स घर भेजी दितेया। थोड़े टैमा ले बाद बतसेबे ये बोली किन्हें दाऊदा वाले संदेस भेज्या कि तेस्से गर्भ धारण करी लईरा।

![](https://cdn.door43.org/obs/jpg/360px/obs-en-17-12.jpg)

बतसेबा रा लाड़ा ऊरिय्याह नांऊँआं रा एक म्हाणुँ था। से दाऊदा रे सभी ले खरे स्पाहिया मंझा ले एक था। एस टैमा से युद्ध लड़णे रे कठे बाहर गईरा था। दाऊदे ऊरिय्याहा जो युद्धा ले वाप्स सादी किन्हें तेस जो आपणी लाड़ी साऊगी रैहणे रे कठे बोल्या। पर दूजे स्पाही युद्धा मन्झ थे इधी कठे ऊरिय्याहे घर जाणे जो जो नाहं किती। इधी कठे दाऊदे ऊरिय्याह जो वाप्स युद्धा मन्झ भेजी दितेया होर सेनापति किन्हें तेस जो युद्धा मन्झ एह्ड़ी जगहा पर रखणे रे कठे बोल्या जेथी दुस्मण सभी ले ताकतवर हो ताकि से मारेया जाए। ता एह्ड़ा हुएआ कि ऊरिय्याह युद्धा मन्झ मारेया गया।

![](https://cdn.door43.org/obs/jpg/360px/obs-en-17-13.jpg)

ऊरिय्याहा रे युद्धा मन्झ मरी जाणे ले बाद दाऊदे बतसेबा किन्हें ब्याह करी लया। बादा मन्झ, तेस्से दाऊदा रे म्हठे जो जन्म दितेया। दाऊदे जो कितेया तेसले परमेसर बौह्त गुस्सा था, इधी कठे तिने नातान नबी दाऊदा जो ये दसणे रे कठे भेज्या कि तेसरा पाप कितना बुरा था। दाऊदे आपणे पापा रा पस्चाताप कितेया होर परमेसरे से माफ करी दितेया। आपणी बाकि री जिन्दगी मन्झ, आपणे कठण टैमा मन्झ भी दाऊद परमेसरा रे पीछे-पीछे चल्या होर तेसरी गल्ला मन्नी।

![](https://cdn.door43.org/obs/jpg/360px/obs-en-17-14.jpg)

पर दाऊदा रा बच्चा मरी गया। एस तरीके ले परमेसरे दाऊदा जो सजा दिती। एता रे अलावा, दाऊदा रे मरणे तक, तेसरे आपणे परिवारा रे कुछ लोके तेसरे खिलाफ लड़ाई, होर दाऊदा री आपणी सक्ति कम हुई गई थी। पर परमेसर भरोसे लायक था होर ऐबे भी तिने तेहड़ा कितेया जो तिने दाऊदा किन्हें करणे का वायदा कितेया था कि तेस से करणा, भले ही दाऊदे तेसरा हुक्म नी मन्नेया था। बादा मन्झ, दाऊद होर बतसेबा रा दूजा बच्चा हुएआ, होर तिन्हें तेसरा नांऊँ सुलैमान रख्या।

*1 शमूएल अध्याय 10; 15-19; 24; 31; 2 शमूएल 5; 7; 11-12 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_17_128kbps.m4a

## 18. बंडीरा राज्य

https://openbiblestories.org/l/mjl/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजे चाल्ई साला तक राज कितेया। तब से मरी गया, होर तेसरे म्हठे सुलैमाने इस्राएला पर राज करणा सुर्हू कितेया। परमेसरे सुलैमाना किन्हें गल कीती होर तेसले पूछेया कि से सभी ले ज्यादा क्या चाहाँ कि परमेसर तेसरे कठे करे। सुलैमाने परमेसरा ले मांगेया कि से तेस जो बौह्त बुद्धिमान बणाई दे। एस गल्ले परमेसरा जो खुस कितेया, इधी कठे परमेसरे सुलैमाना जो संसारा रा सभी ले बुद्धिमान आदमी बणाई दितेया। सुलैमाने बौह्त सारी गल्ला सीखी होर से एक बुद्धिमान राजा था। परमेसरे से बौह्त अमीर भी बणाई दितेया था।

![](https://cdn.door43.org/obs/jpg/360px/obs-en-18-02.jpg)

यरूस्लेमा मन्झ सुलैमाने से मन्दर बणाया जेसरे कठे तेसरे बापुए योजना बणाई थी होर समान कठा कितेया था। ऐबे लोक मिलाप वाले तंबू रे बजाए मन्दरा मन्झ परमेसरा री अराधना करहा ऐ थे होर तेसरे कठे बलि चढ़ाहें थे। परमेसर आई किन्हें मन्दरा मन्झ हाजर रैह्याँ था, होर तेथी से आपणे लोका साऊगी रैह्याँ था।

![](https://cdn.door43.org/obs/jpg/360px/obs-en-18-03.jpg)

पर सुलैमाने दूजे देसा री ज्नानिया किन्हें प्यार कितेया। तिने बौह्त सारी, लगभग 1,000 ज्नानिया किन्हें ब्याह करी किन्हें परमेसरा रा हुक्म नी मन्नेया! इन्हा मंझा ले बौह्त सारी ज्नानिया पराए देसा ले आई होर आपणे साऊगी आपणे देऊआ जो लई आई होर तिन्हारी अराधना करणा जारी रख्या। जेबे सुलैमान स्याणा हुई गया ता तिने भी तिन्हारे देऊआ री अराधना कीती।

![](https://cdn.door43.org/obs/jpg/360px/obs-en-18-04.jpg)

एस वजहा ले परमेसर सुलैमाना किन्हें गुस्सा था। तिने बोल्या कि तेस इस्राएल देस दो राज्या मन्झ बांडी किन्हें तेस जो सजा देणी। तेस सुलैमाना रे मरणे रे बाद एह्ड़ा करणा।

![](https://cdn.door43.org/obs/jpg/360px/obs-en-18-05.jpg)

सुलैमाना रे मरणे ले बाद, रहबाम राजा बणेया। इस्राएल देसा रे सभ लोक तेस जो आपणे राजा के रूपा मन्झ मन्नणे करणे रे कठे मिली किन्हें साऊगी कठा हुए। तिन्हें रहबामा ले सिकायत कीती कि सुलैमाने तिन्हा ले बौह्त कठण मैहनत करवायी थी होर बौह्त सारे कर वसूले थे। तिन्हें रहबामा ले अर्ज किती कि तिन्हा ले कम काम करवाए।

![](https://cdn.door43.org/obs/jpg/360px/obs-en-18-06.jpg)

पर रहबामे तिन्हा जो बौह्त ई स्यों वकूफी ले जवाब दितेया, "तुस्से बोल्हा ऐ कि मेरे बापू सुलैमाने तुस्सा ले कठण मैहनत करवायी। पर मां तुस्सा ले तेसले भी ज्यादा कठण मैहनत करवाणी, होर मां तुस्से तेसले भी ज्यादा दुःखी करणे"

![](https://cdn.door43.org/obs/jpg/360px/obs-en-18-07.jpg)

जेबे लोके तेस जो एह्ड़ा बोल्दे सुणेया ता तिन्हा मंझा ले कईये तेसरे बरख्लाफ विरोध कितेया। दस गोत्रे से छाडी दितेया; तेस साऊगी ऐबे सिर्फ दो ई गोत्र बचे थे। इन्हें दो गोत्रे आपु जो यहूदा रा राज्य बोल्या।

![](https://cdn.door43.org/obs/jpg/360px/obs-en-18-08.jpg)

बाकी रे दस गोत्रे यारोबाम नांऊँआं रे एक आदमी जो आपणा राजा बणाई लया। ये गोत्र देसा रे उत्तर-पूर्वी हिस्से मन्झ थे। तिन्हें आपु जो इस्राएला रा राज्य बोल्या।

![](https://cdn.door43.org/obs/jpg/360px/obs-en-18-09.jpg)

पर यारोबामे परमेसरा रे बरख्लाफ विरोध कितेया होर लोका ले पाप करवाया। तिने आपणे लोका रे ज्रीए अराधना करणे के कठे दो मुर्तिया बणाई। स्यों ऐबे यहूदा रे राज्या मन्झ यरूस्लेमा मन्झ परमेसरा रे मन्दरा मन्झ तेसरी अराधना करणे रे कठे नी गए।

![](https://cdn.door43.org/obs/jpg/360px/obs-en-18-10.jpg)

यहूदा होर इस्राएला रे राज्य दुस्मण बणी गए होर हमेसा एक दूजे रे बरख्लाफ लड़दे लगे।

![](https://cdn.door43.org/obs/jpg/360px/obs-en-18-11.jpg)

इस्राएला रे नंऊँऐं राज्य मन्झ, सारे ई राजे बुरे थे। इन्हा मंझा ले कई राजा तिन्हारी जगहा पर राजा बणने री इच्छा रखणे वाले दूजे इस्राएलिया रे ज्रीए मारे गए थे।

![](https://cdn.door43.org/obs/jpg/360px/obs-en-18-12.jpg)

इस्राएल राज्य रे सारे ई राजे होर ज्यादा ले ज्यादा लोके मुर्तिया री अराधना किती। जेबे तिन्हें एह्ड़ा कितेया, ता स्यों हमेसा वेस्या साऊगी सूते होर एथी तक कि कई बार मुर्तिया रे अगे बच्चे बलि भी किते।

![](https://cdn.door43.org/obs/jpg/360px/obs-en-18-13.jpg)

यहूदा राज्य रे राजा, दाऊदा रे बंस थे। इन्हा राजेया मंझा ले कई भले म्हाणुँ थे जिन्हें सही न्याय करी किन्हें राज कितेया होर परमेसरा री अराधना किती। पर यहूदा रे बौह्त राजे बुरे थे। तिन्हें बुराई किन्हें राज कितेया, होर मुर्तिया री अराधना किती। एथी तक कि इन्हा मंझा ले कुछ राजे झूठे देऊआ रे अगे आपणे बच्चे भी बलि करी दिते। यहूदा रे बौह्त लोके भी परमेसरा रे बरख्लाफ विरोध कितेया होर दूजे देऊआ री अराधना किती।

*1 राजा अध्याय 1-6; 11-12 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_18_128kbps.m4a

## 19. नबी

https://openbiblestories.org/l/mjl/story-19/

![](https://cdn.door43.org/obs/jpg/360px/obs-en-19-01.jpg)

परमेसरा हमेसा इस्राएलिया वाले नबी भेज्दा रैह्याँ था। नबी परमेसरा ले संदेस सुणहां ऐं थे होर फेरी तेस संदेसा जो लोका जो दस्हा ऐ थे।

![](https://cdn.door43.org/obs/jpg/360px/obs-en-19-02.jpg)

जेबे अहाब इस्राएल राज्या रा राजा था ता तेस टैम एलिय्याह नबी था। अहाब एक बुरा म्हाणुँ था। तिने झूठे बाल देऊआ री अराधना करवाणे रे कठे लोक मजबूर किते थे। इधी कठे एलिय्याहे अहाबा किन्हें बोल्या कि परमेसर तिन्हा लोका जो सजा देणे जाया करहा। तिने तेस किन्हें बोल्या, "जेबे तक मैं द्बारा बरखा हूंणें रे कठे नी बोलूँ तेबे तक इस्राएला रे राज्या मन्झ न बरखा हूंणीं होर ना ई पाल्आ पऊणा।" एस गल्ला ले अहाबा जो इतना गुस्सा करी दितेया कि तिने एलिय्याहा जो मारणे रा फैसला कितेया।

![](https://cdn.door43.org/obs/jpg/360px/obs-en-19-03.jpg)

इधी कठे परमेसरे एलिय्याहा किन्हें बोल्या कि से जंगला मन्झ जाई किन्हें अहाबा ले ल्हुखी जाए। एलिय्याह जंगला मन्झ तेस पाणी रे चस्मे वाले गया जेथी जाणे रे कठे परमेसरे तेस जो दस्या था। हर भ्यागा होर हर सांझा, पंछी एलिय्याह रे कठे रोटी होर मास लई किन्हें आहूँआं ऐं थे। एस पुरे टैमा, अहाब होर तेसरी सेना एलिय्याहा जो तोपेया करहा ऐ थे, पर स्यों तेस जो नी तोपी सके।

![](https://cdn.door43.org/obs/jpg/360px/obs-en-19-04.jpg)

बरखा नी हूंणें ले कुछ टैमा ले बाद से पाणी रा चस्मा सुकी गया। इधी कठे एलिय्याह नेडे रे ई एक देसा मन्झ चली गया। तेस देसा मन्झ एक गरीब विधवा थी जेस्सा रा एक म्हठा था। तिन्हा वाले खाणा लगभग मुकी चुकिरा था क्यूंकि तेथी कोई फसल नी हुई थी। पर फेरी भी, तेस्से ज्नाने एलिय्याहा री देखभाल कीती, इधी कठे परमेसरे तेसरी होर तेसरे म्हठे री जरूरत पूरी किती, एस वजहा ले तेस्सा रे आटे रा भांडा होर तेस्सा रे तेला री कुप्पी कधी खाली नी हुई। तेस पूरे अकाला रे बीच तिन्हा वाले खाणा था। एलिय्याह कुछ साला तक तेथी रैह्या।

![](https://cdn.door43.org/obs/jpg/360px/obs-en-19-05.jpg)

साढ़े तीन साला ले बाद, परमेसरे एलिय्याहा किन्हें बोल्या कि से द्बारा बरखा करणा चाहाँ। तिने एलिय्याहा किन्हें वाप्स इस्राएला रे राज्या मन्झ जाई किन्हें अहाबा किन्हें गल्ला करणे रे कठे बोल्या। इधी कठे एलिय्याह अहाबा वाले गया। जेबे अहाबे से देख्या ता तिने बोल्या, "अच्छा तू आ, परेसानी खड़ी करणे वाला!" एलिय्याहे जवाब दितेया, "परेसानी खड़ी करणे वाल्आ ता तू आपु आ! तैं यहोवा परमेसर छाडी दितेया। सेई सच्चा परमेसरा आ, पर तू बाल देऊआ री अराधना करेया करहा। ऐबे तुजो इस्राएल राज्य रे सभ लोका जो कर्मेल पहाड़ा पर लई किन्हें आऊणा पऊणा।"

![](https://cdn.door43.org/obs/jpg/360px/obs-en-19-06.jpg)

इधी कठे सभ लोक कर्मेल पहाड़ा जो गए। स्यों आदमी भी आए जो बोल्हा ऐ थे कि स्यों बाल देऊआ रे संदेस बोल्हा ऐ। ये बाल देऊआ रे नबी थे। स्यों सभ 450 थे। एलिय्याहे लोका किन्हें बोल्या, "केभे तक तुस्से तुस्से णे मन भटकाई रखणे? अगर यहोवा परमेसरा आ ता तेसरी अराधना करा! अगर बाल परमेसरा आ ता तेसरी अराधना करा!"

![](https://cdn.door43.org/obs/jpg/360px/obs-en-19-07.jpg)

तेबे एलिय्याहे बाल देऊआ रे नबिया किन्हें बोल्या, "एक जानवरा जो बलि करी किन्हें तेसरा मास बलिदान हूंणें रे कठे एक वेदी पर रखा, पर आग मत लगाणा। तेता ले बाद मां भी तेहड़ा ई करणा, होर एक अलग वेदी पर मां से मास रखणा। तेबे अगर परमेसर वेदी पर आग बरसाए ता तुस्सा जाणी लैणा कि से सच्चा परमेसरा आ।" तेबे बाल देऊआ रे नबिए एक बलि त्यार किती पर आग नी लगाई।

![](https://cdn.door43.org/obs/jpg/360px/obs-en-19-08.jpg)

तेबे बाल देऊआ रे नबिए बाल देऊआ ले प्रार्थना कीती, "हे बाल, आस्सा री सुण!" पूरे ध्याड़े तिन्हें प्रार्थना कीती होर चिल्लाए होर एथी तक कि आपु जो चाकुआ किन्हें काटदे लगे, पर बाल देऊए कोई जवाब नी दितेया, होर तिने कोई आग नी बरसाई।

![](https://cdn.door43.org/obs/jpg/360px/obs-en-19-09.jpg)

बाल देऊआ रे नबिए बाल देऊआ ले प्रार्थना करणे मन्झ लगभग पूरा ध्याड़ा बिता दितेया। बादा मन्झ तिन्हें प्रार्थना करणी बंद करी दिती। तेबे एलिय्याहे दूजे जानवरा रा मास परमेसरा री वेदी पर रख्या। तेता ले बाद, तिने लोका किन्हें पाणी रे बडे भांडे जो तेस्सा बलि पर तेबे तक दलणे रे कठे बोल्या जेबे तक कि मास, लकड़िया, होर एथी तक कि वेदी रे नेडे री जमीन पूरी तरह ले सघी नी गई।

![](https://cdn.door43.org/obs/jpg/360px/obs-en-19-10.jpg)

तेबे एलिय्याहे प्रार्थना कीती, "हे यहोवा परमेसर, अब्राहम, इसहाक, होर याकूबा रे परमेसर, आस्सा जो दसा कि तुस्से इस्राएला रे परमेसर ऐ होर ये कि हांऊँ तुस्सा रा दास आ। मुंजो जवाब देआ ताकि ये लोक जाणी जाए कि तुस्से ई सच्चे परमेसर ऐ।"

![](https://cdn.door43.org/obs/jpg/360px/obs-en-19-11.jpg)

तेस ई टैम, सर्गा ले आग पई होर तिने मास, लकड़िया, चट्टानें, मिट्टी, होर एथी तक कि वेदी रा ओरले परले पासे रा पाणी भी फुकी दितेया। जेबे लोके ये देख्या, ता स्यों जमीन पर पई गए होर बोले, "यहोवा ई परमेसर आ! यहोवा ई परमेसर आ!"

![](https://cdn.door43.org/obs/jpg/360px/obs-en-19-12.jpg)

तेबे एलिय्याहे बोल्या, "बाल देऊआ रा एक भी नबी बची किन्हें नी जाणे पाए!" इधी कठे लोके बाल देऊआ रे नबी पकड़ी लए होर तिन्हा जो तेथी ले लग लई गए होर स्यों मारी दिते।

![](https://cdn.door43.org/obs/jpg/360px/obs-en-19-13.jpg)

तेबे एलिय्याहे अहाब राजे किन्हें बोल्या, "झटपट तुस्से आपणे घरा जो भगी जाऊआ, क्यूंकि बौह्त बरखा हूंणें वाली ई।" एकदम ई बादल घणे हुई गए, होर भारी बरखा सुर्हू हुई गई। यहोवा परमेसर इतने साला रा सूखापन खत्म करेया करहा था। एता ले ये जाहिर हुएआ कि यहोवा ई सच्चा परमेसरा आ।

![](https://cdn.door43.org/obs/jpg/360px/obs-en-19-14.jpg)

जेबे एलिय्याहे आपणा काम पूरा करी किन्हें मुकाई दितेया, ता परमेसरे एलिसा नांऊँआं रे एक आदमी जो नबी हूंणें रे कठे चुणेया। परमेसरे एलिसा रे ज्रीए बौह्त सारे चमत्कार किते। एक चमत्कार नामाना साऊगी हुएआ। से एक दुस्मणा री सेना रा मुखिया था, पर तेस जो चमड़ी री एक बुरी ब्मारी हुई गईरी थी। नामाने एलिसा के बारे मन्झ सुणेया था, इधी कठे से एलिसा वाले आया होर तेसले तेस जो ठीक करणे रे कठे अर्ज किती। एलिसे नामाना किन्हें बोल्या कि जाई किन्हें यरदन नदी रे पाणी मन्झ सात बार डुबकी लगाई ले।

![](https://cdn.door43.org/obs/jpg/360px/obs-en-19-15.jpg)

नामान गुस्से हुई गया। तिने एह्ड़ा करणे ले नाहं किती, क्यूंकि ये तेस जो वेवकूफी रा काम लग्या। पर बादा मन्झ तेस आदमी रा मन बदली गया होर तिने जाई किन्हें यरदन नदी रे पाणी मन्झ सात बार डुबकी लगाई। जेबे आखरी बारी से पाणी ले बाहर निकल्या ता परमेसरे से ठीक करी दितेया।

![](https://cdn.door43.org/obs/jpg/360px/obs-en-19-16.jpg)

परमेसरे इस्राएला रे लोका वाले दूजे बौह्त सारे नबी भेजे। तिन्हें सभिए लोका किन्हें मुर्तिया री अराधना करणा बंद कर देणे रे कठे बोल्या। एता रे बजाए, तिन्हा जो एक दूजे साऊगी सही न्याय करी किन्हें व्यवहार करणा चहिए होर एक दूजे पर दया करणी चहिए। तिन्हें नबिए लोक खबरदार किते कि तिन्हा जो बुरे काम करणे बंद करणे पऊणे होर एता रे बजाए परमेसरा री गल्ला रा पालन करणा पऊणा। अगर तिन्हें लोके एह्ड़ा नी कितेया ता परमेसरा तिन्हा जो दोसी मन्नी किन्हें तिन्हारा न्याय करणा, होर तिन्हा जो सजा देणी।

![](https://cdn.door43.org/obs/jpg/360px/obs-en-19-17.jpg)

ज्यादा टैम, तिन्हें लोके परमेसरा रे हुक्मा रा पालन नी कितेया। हमेसा तिन्हें नबिया साऊगी बुरा व्यवहार कितेया होर एथी तक कि कधी-कधी स्यों मारी दिते। एक बार, तिन्हें यिर्मयाह नबी जो सुके कुएँ मन्झ पाई दितेया होर से तेथी मरणे रे कठे छाडी दितेया। से कुएँ रे अंदर चिकड़ा मन्झ फसी गया। पर तेबे राजे जो तेस पर दया आई होर तिने आपणे स्पाहिया जो हुक्म दितेया कि यिर्मयाहा रे मरणे ले पैहले तेस जो कुएँ ले बाहर काढी दे।

![](https://cdn.door43.org/obs/jpg/360px/obs-en-19-18.jpg)

नबिए परमेसरा री वखा ले बोलणा जारी रख्या भले ई लोके तिन्हा ले नफरत कीती। तिने लोक खबरदार किते कि अगर तिन्हें पस्चाताप नी कितेया ता परमेसरा स्यों नास करी देणे। तिन्हें लोका जो ये भी याद कराया कि परमेसरे तिन्हारे कठे मसीह भेजणे रा वायदा कितिरा।

*1 राजा अध्याय 16-18; 2 राजा 5; यिर्मयाह 38 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_19_128kbps.m4a

## 20. बंधुआई होर वाप्स आऊणा

https://openbiblestories.org/l/mjl/story-20/

![](https://cdn.door43.org/obs/jpg/360px/obs-en-20-01.jpg)

इस्राएला रे राज्य होर यहूदा रे राज्य दुहींऐं परमेसरा रे बरख्लाफ पाप कितेया। तिन्हें से वाचा तोड़ी दिती जो परमेसरे तिन्हा साऊगी सीनै नांऊँआं रे पहाड़ा पर बान्हीं थी। परमेसरे तिन्हा जो पस्चाताप करणे होर द्बारा तेसरी अराधना करणे होर तिन्हा जो खबरदार करणे रे कठे तिन्हा वाले आपणे नबी भेजे, पर तिन्हें तिन्हारी गल्ला मन्नणे ले नाहं किती।

![](https://cdn.door43.org/obs/jpg/360px/obs-en-20-02.jpg)

इधी कठे परमेसरे तिन्हारे दुस्मणा जो एस लायक बणाया कि स्यों तिन्हा जो नास करे परमेसरे तिन्हारे दुस्मणा रे ज्रीए दुहीं राज्या जो सजा दिती। अस्सुर एक दूजा देस था जो बौह्त ताकतवर हुई गईरा था। स्यों दूजे देसा रे बारे मन्झ बौह्त निर्दयी भी थे। तिन्हें आई किन्हें इस्राएला रे राज्य नास करी दितेया। अस्सुरिए आई किन्हें इस्राएला रे राज्या मन्झ कई मारी दिते, जो चाहेया से लूटी लया, होर देसा रे कई हिस्से फुकी दिते।

![](https://cdn.door43.org/obs/jpg/360px/obs-en-20-03.jpg)

अस्सुरिए सभ अगुवे, अमीर लोक, होर एह्ड़े लोक जो कीमती चीजा बणाई सक्हा ऐ थे तिन्हा जो कठा करी किन्हें आपणे साऊगी अस्सुर देसा जो लई गए। इस्राएला मन्झ सिर्फ कुछ गरीब इस्राएली ई बचे।

![](https://cdn.door43.org/obs/jpg/360px/obs-en-20-04.jpg)

फेरी अस्सुरी लोक तेस देसा मन्झ रैहणे रे कठे विदेसी लोक लई आए। तिन्हें विदेसी लोके स्यों नगर द्बारा बणाए। जो इस्राएली तेथी बचीरे थे तिन्हा ले तिन्हें ब्याह कितेया। इन्हा लोका के बंस सामरी कहलाए।

![](https://cdn.door43.org/obs/jpg/360px/obs-en-20-05.jpg)

यहूदा रे राज्य रे लोके देख्या कि कैसे परमेसरे तेस पर विस्वास नी करणे होर तेसरी गल्ला नी मन्नणे री वजहा ले इस्राएला रे राज्य रे लोका जो सजा दिती। पर तेबे भी तिन्हें कनानिया रे देऊआ री मुर्तिया री अराधना किती। परमेसरे तिन्हा जो खबरदार करणे रे कठे नबी भेजे, पर तिन्हें सुणने ले नाहं करी दिती।

![](https://cdn.door43.org/obs/jpg/360px/obs-en-20-06.jpg)

लगभग 100 साला ले बाद अस्सुरिए इस्राएला रे राज्य को नास करी दितेया। परमेसरे बेबीलोना रे राजे, नबूकदनेस्सरा जो यहूदा रे राज्य पर हमला करणे रे कठे भेज्या। बेबीलोन एक ताकतवर देस था। यहूदा रा राजा नबूकदनेस्सरा रा दास बणने होर हर साल तेस जो बौह्त सारे ढब्बे देणे रे कठे मन्नी गया।

![](https://cdn.door43.org/obs/jpg/360px/obs-en-20-07.jpg)

पर कुछ साला के बाद, यहूदा रे राजे बेबीलोना रे बरख्लाफ विरोध कितेया। इधी कठे बेबीलोना रे लोके वाप्स आई किन्हें यहूदा रे राज्य पर हमला करी दितेया। तिन्हें यरूस्लेम नगरा पर कब्जा करी लया, मन्दर नास करी दिते, होर नगर होर मन्दरा रे खजाने लूटी किन्हें लई गए।

![](https://cdn.door43.org/obs/jpg/360px/obs-en-20-08.jpg)

विरोध करणे री वजहा ले यहूदा रे राजे जो सजा देणे रे कठे, नबूकदनेस्सरा रे स्पाहिए राजा रा म्हठा तेसरे साम्हणे मारी दितेया होर फेरी से काणा बणाई दितेया। एता ले बाद, स्यों राजे जो लई गए ताकि से बेबीलोना री जेल्हा मन्झ मरी जाए।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर होर तेसरी सेना रे लोके यहूदा रे राज्य रे लगभग सारे ई लोक बेबीलोन लई गए, सिर्फ सभी ले गरीब लोक ई पीछे रखी छाडे ताकि स्यों डोर्हिया मन्झ फसल बाहें। एस टैमा जो बंधुआई रा टैम बोल्या गया जेस मन्झ परमेसरा रे लोका जो वायदे रे देसा ले निकल्ई जाणे रे कठे मजबूर कितेया गया था।

![](https://cdn.door43.org/obs/jpg/360px/obs-en-20-10.jpg)

भले ही परमेसरे आपणे लोका जो तिन्हारे पापा रे कठे बंधुआई मन्झ लई जाणे रे ज्रीए सजा दिती, तेबे भी से तिन्हा जो या आपणे वायदे नी भूलिरा था। परमेसरे आपणे लोका री देखभाल करणी जारी रखी होर आपणे नबिया रे ज्रीए तिन्हा ले गल्ला करदा रैह्या। तिने वायदे कीतिरा था कि सत्तर साला ले बाद, तिन्हा द्बारा वायदे रे देसा मन्झ वाप्स आऊणा।

![](https://cdn.door43.org/obs/jpg/360px/obs-en-20-11.jpg)

लगभग सत्तर साला ले बाद, फारसा रे राजे कुस्रूए बेबीलोन हराई दितेया, इधी कठे बेबीलोना रे राज्या रे बजाए फारसा रे राजे कई देसा पर राज कितेया। इस्राएली लोका जो ऐबे यहूदी बोल्या गया। तिन्हा मंझा ले कईये आपणी पूरी जिन्दगी बेबीलोना मन्झ गुजारी दिती थी। सिर्फ बौह्त थोड़े स्याणे यहूदिया जो ई यहूदा रा देस याद था।

![](https://cdn.door43.org/obs/jpg/360px/obs-en-20-12.jpg)

फारसी लोक बौह्त ताकतवर थे, पर तिन्हें आपणे जीतिरे लोका पर दया कीती थी। फारसी लोका रा राजा बणने रे थोड़े टैमा ले बाद, कुस्रूए एक हुक्म दितेया कि कोई भी यहूदी जो यहूदा जो वाप्स जाणा चाहें, स्यों फारसा ले निकली किन्हें वाप्स यहूदा जो जाई सक्हा। एथी तक कि तिने तिन्हा जो द्बारा मन्दर बनाणे रे कठे ढब्बे भी दिते। इधी कठे बंधुआई के सत्तर साला ले बाद, यहूदिया रा एक छोटा झूंड यहूदा मन्झ यरूस्लेम नगरा जो वाप्स आए।

![](https://cdn.door43.org/obs/jpg/360px/obs-en-20-13.jpg)

जेबे स्यों लोक यरूस्लेम पूजे ता तिन्हें मन्दर होर नगरा रे चहुँ पासे री दीवाल द्बारा बणाई। फारसी लोक ऐबे भी तिन्हा पर राज करहा ऐ थे पर एक बार द्बारा स्यों वायदे रे देसा मन्झ रैह्या करहा ऐ थे होर मन्दरा मन्झ अराधना करेया करहा ऐ थे।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_20_128kbps.m4a

## 21. परमेसर मसीह रे आऊणे रा वादा करहा

https://openbiblestories.org/l/mjl/story-21/

![](https://cdn.door43.org/obs/jpg/360px/obs-en-21-01.jpg)

जेबे परमेसरे संसारा री रचना कीती थी, से जाणहां था कि तेस जो बादा मन्झ केसी ध्याड़े मसीह भेजणा पऊणा। तिने आदम होर हव्वा किन्हें वायदा कीतिरा था कि तेस एह्ड़ा करणा। तिने बोल्या कि हव्वा ले एक बंस पैदा हुणा जेस सर्पा रा मूंड जिक्कणा। जिने सर्पे हव्वा जो धोखा दितेया से पकका सैतान था। परमेसरा रा मतलब था कि मसीहा पूरी तरह ले सैतान हराई देणा।

![](https://cdn.door43.org/obs/jpg/360px/obs-en-21-02.jpg)

परमेसरे अब्राहमा किन्हें वादा कीतिरा था कि तेसरे ज्रीए संसारा री सारी जातिया आसरीवाद पाणा। परमेसरे बादा मन्झ केसी टैमा पर मसीह जो भेजणे रे ज्रीए ये वादा पूरा करणा। तेस मसीहा संसारा रे हर एक जातिया रे लोका जो, तिन्हारे पापा ले छुड़ाणा।

![](https://cdn.door43.org/obs/jpg/360px/obs-en-21-03.jpg)

परमेसरे मूसा किन्हें वादा कीतिरा था कि आऊणे वाले टैमा मन्झ तेस मूसा साहीं एक दूजा नबी भेजणा। ये नबी मसीह हूंणां। एस तरीके ले, परमेसरे द्बारा वादा कितेया कि तेस मसीह भेजणा।

![](https://cdn.door43.org/obs/jpg/360px/obs-en-21-04.jpg)

परमेसरे राजा दाऊदा किन्हें वादा कितेया था कि तेसरा एक बंस मसीह हूंणां। तेस राजा हूंणां होर परमेसर रे लोका पर सदा रे कठे राज करणा।

![](https://cdn.door43.org/obs/jpg/360px/obs-en-21-05.jpg)

परमेसरे यिर्मयाह नबी किन्हें गल्ला कीती होर बोल्या कि एक ध्याड़े तेस एक नौंईं वाचा बान्हणी। से नौंईं वाचा इस्राएला साऊगी सीनै पहाड़ा पर बान्ही गईरी पूराणी वाचा साहीं नी हूंणीं। जेबे लोका साऊगी तेस आपणी नौंईं वाचा को बान्हणी, ता तेस तिन्हा पर आपु जो निजी तौरा पर जाहिर करणा। हर एक आदमिया तेस किन्हें प्यार करणा होर तेसरी व्यवस्था रा पालन करणे री इच्छा रखणी। परमेसरे बोल्या कि ये तेसरी व्यवस्था रा तिन्हारे दिला पर लिखणे साहीं हूंणां। स्यों तेसरे लोक हूंणे, होर परमेसरा तिन्हारे पाप माफ करणे। तेस मसीह हूंणां जेस तिन्हा साऊगी से नौंईं वाचा बान्हणी।

![](https://cdn.door43.org/obs/jpg/360px/obs-en-21-06.jpg)

परमेसरा रे नबिए ये भी बोल्या कि मसीह एक नबी हूंणां। एक नबी से म्हाणुँ आं जो परमेसरा रे वचन सुणहां होर फेरी लोका पर परमेसरा रे संदेसा रा एलान करहा। जेस जो भेजणे रा परमेसरे वादा कीतिरा था तेस मसीहा एक सिद्ध नबी बणना। यानि तेस मसीहा परमेसरा रा संदेस ठीक ढंगा किन्हें सुणना, होर तेस लोका जो स्यों संदेस ठीक ढंगा किन्हें स्खाणे।

![](https://cdn.door43.org/obs/jpg/360px/obs-en-21-07.jpg)

इस्राएली याजके लोका रे कठे परमेसरा रे अगे बलिदान चढ़ाणा जारी रख्या। ये बलिदान लोका रे पापा रे कठे तिन्हा जो परमेसर रे ज्रीए सजा दिते जाणे रे बदले मन्झ चढ़ाए गईरे थे। याजके लोका रे कठे प्रार्थना भी कीती। पर, तेस मसीह सिद्ध महायाजक हूंणां जो परमेसरा जो देणे रे कठे एक सिद्ध बलि के रूपा मन्झ आपणे आप जो आप्हुए चढ़ाई देणा। यानि, तेस कधी पाप नी करणा, होर जेबे तेस आपु जो बलि हूंणें रे कठे देणा, ता संसारा री कोई भी दूजी बलि जरूरी नी हूंणीं।

![](https://cdn.door43.org/obs/jpg/360px/obs-en-21-08.jpg)

लोका रे झुंडा पर राजे होर प्रधान राज करहा ऐ, होर कधी-कधी स्यों गलतिया करहा ऐ। राजा दाऊदे सिर्फ इस्राएलिया पर राज कितेया, पर राजा दाऊदा रे बंस मसीहा पूरे संसारा पर राज करणा, होर तेस हमेसा रे कठे राज करणा। एता रे अलावा, तेस हमेसा सही तरीके ले राज करणा, होर सही फैसले लेपणे।

![](https://cdn.door43.org/obs/jpg/360px/obs-en-21-09.jpg)

परमेसरा रे नबिए मसीह रे बारे मन्झ बौह्त सारी गल्ला बोली। उदाहरणा रे कठे, मलाकिए बोल्या कि मसीह रे आऊणे ले पैहले एक दूजे नबी आऊणा। से नबी बौह्त खास हूंणां। एता रे अलावा, यसायाह नबिए लिख्या कि मसीह एक कुआरी ले जम्मणा। होर मीका नबिए बोल्या कि मसीह बैतलेहम नगरा मन्झ जम्मणा।

![](https://cdn.door43.org/obs/jpg/360px/obs-en-21-10.jpg)

यसायाह नबिए बोल्या कि मसीहा गलील नांऊँआं री जगहा मन्झ रैह्या करणा। जो लोक बौह्त दुःखी ऐ मसीहा तिन्हा जो सांति देणी। तेस कैदी भी अजाद करणे। मसीहा बीमार, टौणे, काणे, टाटे, होर लंगड़े भी ठीक करणे।

![](https://cdn.door43.org/obs/jpg/360px/obs-en-21-11.jpg)

यसायाह नबिए ये भी बोल्या कि लोका मसीह किन्हें नफरत करणी होर तेस जो मन्नणे ले नाहं करी देणी। दूजे नबिए बोल्या कि मसीह रा एक साथी तेसरे बरख्लाफ उठणा। जकर्याह नबिए बोल्या कि तेसरा ये साथी एह्ड़ा करणे रे कठे दूजे लोका ले चाँदी रे तीह सिक्के लैणे। एता रे अलावा, कुछ नबिए बोल्या कि लोका मसीह मारी देणा, होर ये कि तिन्हा तेसरे कपड़े रे कठे जुआ खेलणा।

![](https://cdn.door43.org/obs/jpg/360px/obs-en-21-12.jpg)

नबिए ये भी दस्या कि मसीहा किहाँ मरणा। यसायाहे भविस्यवाणी कीती कि लोका मसीहा पर थूकणा, तेसरा मजाक डुआणा, होर से कुटणा। तिन्हा से मेखा री धांसा किन्हें छेदणा होर तेस बड़ी पीड़ा होर दुःखा मन्झ मरी जाणा, जेबकि तिने कुछ भी गलत नी कितिरा हूंणां।

![](https://cdn.door43.org/obs/jpg/360px/obs-en-21-13.jpg)

नबिए ये भी दस्या कि मसीहा पाप नी करणा। तेस सिद्ध हूंणां। पर तेस इधी कठे मरणा क्यूंकि परमेसरा तेस जो दूजे लोका रे पापा री वजहा ले सजा देणी। तेसरे मरणे ले लोका परमेसरा साऊगी मेल मिलाप करणे रे लायक बणना। इधी कठे परमेसर चाहाँ कि मसीह मरे।

![](https://cdn.door43.org/obs/jpg/360px/obs-en-21-14.jpg)

नबिए ये भी दस्या कि परमेसरा मसीह मरिरे लोका मंझा ले जिऊन्दा करणा। ये दस्हा कि ये सभ नौंईं वाचा जो बान्हणे री परमेसरा री योजना थी, ताकि से तिन्हा लोका जो बचाई सके जिन्हें तेसरे बरख्लाफ पाप कितिरा।

![](https://cdn.door43.org/obs/jpg/360px/obs-en-21-15.jpg)

परमेसरे नबिया पर मसीह रे बारे मन्झ बौह्त सारी गल्ला दसी, पर मसीह तिन्हा नबी मंझा ले केसी रे भी जिन्दगी जीणे रे टैम कधी नी आईरा था। ये भविस्यवाणिया देणे जाणे रे 400 साला रे बाद, सही टैमा पर, परमेसरा मसीह एस संसारा मन्झ भेजणा।

*उत्पत्ति 3:15; 12:1-3; व्यवस्थाविवरण 18:15; 2 समूएल 7; यिर्मयाह 31; यसायाह 59:16; दानिय्येल 7; मलाकी 4:5; यसायाह 7:14; मीका 5:2; यसायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यसायाह 50:6; भजन संहिता 16:10-11 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_21_128kbps.m4a

## 22. यूहन्ना रा जन्म

https://openbiblestories.org/l/mjl/story-22/

![](https://cdn.door43.org/obs/jpg/360px/obs-en-22-01.jpg)

बीते टैमा मन्झ, परमेसरे आपणे नबिया किन्हें गल्ला कीती थी इधी कठे कि स्यों लोका किन्हें गल्ला करी सके। पर तेस टैमा ले लई किन्हें फेरी 400 साल गुजरने तक तिन्हें तिन्हा किन्हें गल्ला नी कीती। तेबे परमेसरे जकर्याह नांऊँआं रे नबी वाले एक स्वर्गदूत भेज्या। जकर्याह होर तेसरी लाड़ी एलीसिबा परमेसरा रा आदर करहा ऐ थे। स्यों बौह्त स्याणे हुई गईरे थे, होर तेसरे कोई बाल बच्चे नी जम्मिरे थे।

![](https://cdn.door43.org/obs/jpg/360px/obs-en-22-02.jpg)

तिन्हें स्वर्गदूते जकर्याहा किन्हें बोल्या, "तेरी लाड़ी रा एक म्हठा जम्मणा। तू तेसरा नांऊँ यूहन्ना रख्या। परमेसरा से पवित्र आत्मा किन्हें भरणा, होर यूहन्नेया लोका जो मसीह जो अपनाणे रे कठे त्यार करणा।" जकर्याहे जवाब दितेया, "हांऊँ होर मेरी लाड़ी बच्चे जम्मणे रे कठे बौह्त स्याणे ऐं! मुंजो किहाँ पता चलणा कि तुस्से मेरे किन्हें सच बोल्या करहा ऐ?"

![](https://cdn.door43.org/obs/jpg/360px/obs-en-22-03.jpg)

तिन्हें स्वर्गदूते जकर्याहा जो जवाब दितेया, "परमेसरे हांऊँ तेरे वाले ये खरी खबर देणे रे कठे भेजिरा। क्यूंकि तैं मेरे पर विस्वास नी कितेया, इधी कठे बच्चे रे पैदा हुणे तक तुध टाटे हुईरे रेहणा।" तेस ई टैम, जकर्याह बोलणे रे लायक नई रेया था। तेबे से स्वर्गदूत जकर्याह वाले ले चली गया। एता ले बाद, जकर्याह घरा जो वाप्स आई गया होर तेसरी लाड़ीए गर्भ धारण कितेया।

![](https://cdn.door43.org/obs/jpg/360px/obs-en-22-04.jpg)

जेबे एलीसिबा छेह महीने री गर्भवती थी, ता सेई स्वर्गदूत अचानक एलीसिबा री रिस्तेदारना पर जाहिर हुएआ, जेस्सा रा नांऊँ मरियम था। मरियम कुआरी थी होर ब्याह हूंणें रे कठे यूसुफ नांऊँआं रे आदमी साऊगी तेस्सा री मांगणी हुई बैठिरी थी। स्वर्गदूते बोल्या, "तुध गर्भ धारण करणा होर एक म्हठा जम्मणा। तू तेसरा नांऊँ यीसू रख्या। तेस सभी ले-सक्ति मान परमेसरा रा म्हठा हूंणां होर हमेसा रे कठे राज करणा।"

![](https://cdn.door43.org/obs/jpg/360px/obs-en-22-05.jpg)

मरियमे जवाब दितेया, "ये किहाँ हूंणां, क्यूंकि हांऊँ ता कुआरी ई?" तिन्हें स्वर्गदूते समझाया, "पवित्र आत्मा तेरे पर आऊणा, होर परमेसरा री सामर्थ तेरे पर छाया करणी। इधी कठे से बच्चा पवित्र हूंणां, होर से परमेसरा रा म्हठा हूंणां।" मरियमे तेस स्वर्गदूता री गल्ला पर विस्वास कितेया।

![](https://cdn.door43.org/obs/jpg/360px/obs-en-22-06.jpg)

ये हूंणें ले झटपट बाद, मरियमे जाई किन्हें एलीसिबा साऊगी मुलाकात कीती। जिहां ईं मरियमे तेस्सा जो नमस्कार कितेया, एलीसिबा रा बच्चा तेस्सा रे पेटा रे अंदर हिलकेया। तिन्हारे कठे परमेसरे जो कितेया था तेता रे बारे मन्झ स्यों तेस ज्नानिया रे कठे मिली किन्हें खुस हुई। एलीसिबा साऊगी तीन महीने रैहणे ले बाद, मरियम घरा जो वाप्स आई गई।

![](https://cdn.door43.org/obs/jpg/360px/obs-en-22-07.jpg)

एता ले बाद, एलीसिबे आपणे बच्चे जो जन्म दितेया। जकर्याह होर एलीसिबे तेस बच्चे रा नांऊँ यूहन्ना रख्या, जिहां कि तिन्हें स्वर्गदूते हुक्म दितिरा था। तेबे परमेसरे जकर्याहा जो बोलणे रे लायक बनाया। जकर्याहे बोल्या, "परमेसरा री बडयाई हो, क्यूंकि तिन्हें आपणे लोका री मदद करणे री गल याद रखी! हे मेरे बच्चे, तुध सभी ले -सक्ति मान परमेसरा रा नबी हूंणां। तुध लोका जो दसणा कि स्यों किहाँ आपणे पापा रे कठे माफी हासल करी सक्हा ऐ! "

*लूका अध्याय 1 री एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_22_128kbps.m4a

## 23. यीसू रा जन्म

https://openbiblestories.org/l/mjl/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नांऊँआं रे एक धर्मी म्हाणुँ साऊगी मरियमा री मांगणी हुई चुकिरी थी। जेबे तिन्हें सुणेया कि मरियमे गर्भ धारण करी लईरा ता से जाणहां था कि से तेसरा बच्चा नी आ। पर, से मरियमा जो बदनाम नी करणा चाहन्दा था, इधी कठे तिन्हें तेस्सा पर दया करणे होर तेस्सा जो चुपचाप छाडणे री सोची। पर एता ले पैहले कि से एह्ड़ा करदा, एक स्वर्गदूते तेसरे सुपने मन्झ आई किन्हें तेस किन्हें गल्ला कीती।

![](https://cdn.door43.org/obs/jpg/360px/obs-en-23-02.jpg)

तिन्हें स्वर्गदूते बोल्या, "हे यूसुफ, मरियमा जो आपणी लाड़ी रे रूपा मन्झ अपनाणे ले मत डर। तेस्सा रे अंदर जो बच्चा आ से पवित्र आत्मा री वखा ले आ। तेस्सा एक म्हठा जम्मणा। तेसरा नांऊँ यीसू रख्या (जेसरा मतलब आ, 'यहोवा बचाहां'), क्यूंकि तेस लोक तिन्हारे पापा ले बचाणे।"

![](https://cdn.door43.org/obs/jpg/360px/obs-en-23-03.jpg)

इधी कठे यूसुफे मरियमा किन्हें ब्याह कितेया होर तेस्सा जो आपणी लाड़ी रे रूपा मन्झ घरा जो लई आया, पर बच्चे रा जन्म हूंणें तक से तेसा साऊगी नी सुतेया।

![](https://cdn.door43.org/obs/jpg/360px/obs-en-23-04.jpg)

जेबे मरियम बच्चे जो जन्म देणे वाली थी, ता तेस्से होर यूसुफे बैतलेहमा जाणे रे कठे एक लम्बा सफर कितेया। तिन्हा जो तेथी जाणा जरुर था क्यूंकि रोमी हाक्म इस्राएला मन्झ रैहणे वाले सभी लोका री गिणती करणा चाहें थे। स्यों चाहें थे कि सभी लोक तेथी जाए जेथी तिन्हारे स्याणे रैह्याँ ऐं थे। राजा दाऊदा रा जन्म बैतलेहम नगरा मन्झ हुईरा था, होर से मरियम होर यूसुफ दुहीं रा स्याणा था।

![](https://cdn.door43.org/obs/jpg/360px/obs-en-23-05.jpg)

मरियम होर यूसुफ बैतलेहम नगरा मन्झ गए, पर तेथी गुआणिया जो छाडी किन्हें होर कोई जगहा तिन्हारे रुकणे रे कठे नी थी। ये सेई जगहा थी जेथी मरियमे आपणे बच्चे जो जन्म दितेया। तेस्से से चरणी मन्झ लटाया क्यूंकि तेथी तेसरे कठे कोई बिस्तरा नी था। तिन्हें तेसरा नांऊँ यीसू रख्या।

![](https://cdn.door43.org/obs/jpg/360px/obs-en-23-06.jpg)

तेस राती, तेथी नेडे ई डोर्हिया मन्झ कुछ पुहाल आपणे भेडा रे झुंडा री रखवाली करेया करहा ऐ थे। एकदम, एक चमकदार स्वर्गदूत तिन्हा जो सुझ्या, होर स्यों डरी गए। तिन्हें स्वर्गदूते बोल्या, "मत डरा, क्यूंकि मेरे वाले तुस्सा रे कठे खरी खबर ई। बैतलेहम नगरा मन्झ मसीह, प्रभु रा जन्म हुईरा!"

![](https://cdn.door43.org/obs/jpg/360px/obs-en-23-07.jpg)

तुस्से जाई किन्हें तेस बच्चे जो तोपा, होर तुस्सा जो से कपड़े मन्झ लिपटिरा होर चरणी मन्झ लेटिरा मिलणा।" एकदम, सर्ग स्वर्गदूता किन्हें भरी गया। स्यों परमेसरा री बड़ाई करेया करहा ऐ थे। तिन्हें बोल्या, "सारी महिमा स्वर्गा मन्झ बैठिरे परमेसरा जो मिले। धरती पर तिन्हा लोका मन्झ सांति हो जिन्हारी से फिकर करहा!"

![](https://cdn.door43.org/obs/jpg/360px/obs-en-23-08.jpg)

तेबे स्वर्गदूत चली गए। स्यों पुहाल भी आपणी भेडा जो छाडी किन्हें बच्चे जो देख्दे चली गए। जल्दी ई स्यों तेस जगहा पर पूजे जेथी यीसू था होर तिन्हा जो से चरणी मन्झ लेटिरा मिल्या, जिहां कि तिन्हें स्वर्गदूते बोलिरा था। स्यों बौह्त खुस थे। तेबे स्यों पुहाल वाप्स तेथी गए जेथी तिन्हारी भेडा थी। तिन्हें जो कुछ भी सुणेया होर देख्या तिन्हा सभ चीजा रे कठे स्यों परमेसरा री बड़ाई करेया करहा ऐ थे।

![](https://cdn.door43.org/obs/jpg/360px/obs-en-23-09.jpg)

पूर्व दिसा वखा रे दूर एक देसा मन्झ कुछ आदमी थे। स्यों तारेया रे जाणकार थे होर स्यों बौह्त बुद्धिमान थे। तिन्हें एक अजीब तारा सर्गा मन्झ देख्या। तिन्हें बोल्या कि एता रा मतलब आ कि यहूदिया रे एक नंऊँऐं राजा का जन्म हुईरा। इधी कठे तिन्हें तेस बच्चे जो देखणे रे कठे आपणे देसा ले सफर करणे रा फैसला कितेया। एक लंबे सफरा ले बाद, स्यों बैतलेहम नगरा मन्झ आए होर तिन्हा जो से घर मिली गया जेथी यीसू होर तेसरे माऊ-बाब रुकिरे थे।

![](https://cdn.door43.org/obs/jpg/360px/obs-en-23-10.jpg)

जेबे इन्हें म्हाणुँऐं यीसू जो आपणी माऊआ साऊगी देख्या ता तिन्हें घुटने पर बैठी किन्हें तेसरी अराधना किती। तिन्हें यीसू जो कीमती दान दिते। फेरी स्यों घर वाप्स चली गए।

*मत्ती अध्याय 1; लूका 2 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_23_128kbps.m4a

## 24. यूहन्ना यीसू जो बप्तिस्मा देहां

https://openbiblestories.org/l/mjl/story-24/

![](https://cdn.door43.org/obs/jpg/360px/obs-en-24-01.jpg)

एलीसिबा होर जकर्याहा रा म्हठा यूहन्ना, बडा हुई किन्हें एक नबी बणी गया। से रेगिस्थाना मन्झ रैह्याँ था, होर जंगली म्खीर होर टिटले खाहाँ था, होर ऊँटा रे बाल्आ रे बणिरे कपड़े पैन्हा था।

![](https://cdn.door43.org/obs/jpg/360px/obs-en-24-02.jpg)

बौह्त सारे लोक यूहन्ना की गल्ला सुणने रे कठे रेगिस्थाना मन्झ चले आए। तिन्हें ये बोली किन्हें तिन्हा जो प्रचार कितेया, पापा री माफ़ी मांगा, क्यूंकि स्वर्ग रा राज्य नेडे आ!"

![](https://cdn.door43.org/obs/jpg/360px/obs-en-24-03.jpg)

जेबे लोके यूहन्ना रा संदेस सुणेया, ता तिन्हा मंझा ले कईये आपणे पापा ले पस्चाताप कितेया, होर यूहन्ने तिन्हा जो बप्तिस्मा दितेया। यूहन्ने जो देखणे कठे बौह्त सारे धार्मिक अगुवे भी आए, पर तिन्हें आपणे पापा रा पस्चाताप या अंगीकार नी कितेया।

![](https://cdn.door43.org/obs/jpg/360px/obs-en-24-04.jpg)

यूहन्ने धार्मिक अगुवे किन्हें बोल्या, "हे जैहरीले सर्पो! पस्चाताप करा होर आपणे व्यवहार बदला। परमेसरा हर से डाल्अ काटी देणा जो खरा फल नी ल्याऊन्दा, होर तेस स्यों आगी मन्झ फुकी देणे।" जो नबिए बोल्या था यूहन्ने से पूरा कितेया, "देख, जल्दी ई मैं तेरे अगे आपणे संदेस देणे वाल्आ भेजणा जेस तेरे कठे पैंडा त्यार करणा।"

![](https://cdn.door43.org/obs/jpg/360px/obs-en-24-05.jpg)

कुछ धार्मिक अगुवे यूहन्ने ले पूछेया कि क्या से मसीह आ। यूहन्ने जवाब दितेया, "हांऊँ मसीह नी आ, पर से मेरे बाद आऊणे वाल्आ आ। से इतना महान आ कि हांऊँ तेसरे बूटा रे तस्मे खोलणे रे भी लायक नी आ।"

![](https://cdn.door43.org/obs/jpg/360px/obs-en-24-06.jpg)

अगले ध्याड़े, यीसू बप्तिस्मा लेणे रे कठे यूहन्ना वाले आया। जेबे यूहन्ने से देख्या, ता तिन्हें बोल्या, "देखा! परमेसरा रा गाभू जेस संसारा रे पाप चकी किन्हें लई जाणे।"

![](https://cdn.door43.org/obs/jpg/360px/obs-en-24-07.jpg)

यूहन्ने यीसू किन्हें बोल्या, "हांऊँ तुजो बप्तिस्मा देणे रे लायक नी आ। बजाए एता रे जरूरी आ कि तू मुंजो बप्तिस्मा दे।" पर यीसूए बोल्या, "तुजो मुंजो बप्तिस्मा देणा चहिए, क्युंकि येई ता सही काम आ।" इधी कठे यूहन्ने तेस जो बप्तिस्मा दितेया, जेब्की यीसूए कधी पाप नी कितेया था।

![](https://cdn.door43.org/obs/jpg/360px/obs-en-24-08.jpg)

बप्तिस्मा मिलणे ले बाद जेबे यीसू पाणी ले निकली किन्हें बाहर आया, ता परमेसरा रा आत्मा कबूतरा रे रूपा मन्झ जाहिर हुएआ होर हेठ आई किन्हें तेस पर रुकी गया। तेस ई टैम, परमेसरे स्वर्गा ले गल्ला कीती। तिन्हें बोल्या, "तू मेरा म्हठा आ। हांऊँ तेरे किन्हें प्यार करहा, होर हांऊँ तेरे ले बौह्त खुस आ।"

![](https://cdn.door43.org/obs/jpg/360px/obs-en-24-09.jpg)

परमेसरे यूहन्ने किन्हें बोल्या था, "जेस केसी पर तू पवित्र आत्मा उतरदे होर तेस पर रुकदे देखे तेस जो तू बप्तिस्मा देया।" सेई परमेसरा रा म्हठा आ परमेसर एक ई आ। पर जेबे यूहन्ने यीसू जो बप्तिस्मा दितेया, ता तिन्हें परमेसर बापू जो गल्ला करदे सुणेया, होर तिन्हें म्हठा परमेसर देख्या, जो कि यीसू आ, होर तिन्हें पवित्र आत्मा भी देखी।

*मत्ती अध्याय 3; मरकुस 1:9-11; लूका 3:1 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_24_128kbps.m4a

## 25. सैतान यीसू री परखणी करहा

https://openbiblestories.org/l/mjl/story-25/

![](https://cdn.door43.org/obs/jpg/360px/obs-en-25-01.jpg)

यीसू रा बप्तिस्मा हूंणें ले एकदम बाद ई, पवित्र आत्मा तेस जो रेगिस्थाना मन्झ लई गया। यीसू तेथी चाल्ई ध्याड़े होर चाल्ई रात था। तेस टैम तिहें उपवास कितेया, होर सैताने यीसू वाले आई किन्हें पाप कुराणे रे कठे तेसरी परखणी कीती।

![](https://cdn.door43.org/obs/jpg/360px/obs-en-25-02.jpg)

पैहले, सैताने यीसू किन्हें बोल्या, "अगर तू परमेसरा रा म्हठा आ ता इन पात्थरा जो रोटी बणाई दे ताकि तू खाई सके!"

![](https://cdn.door43.org/obs/jpg/360px/obs-en-25-03.jpg)

पर यीसूए सैताना किन्हें बोल्या, "परमेसरा रे वचना मन्झ ये लिखीरा, 'जिऊन्दा रैहणे रे कठे म्हाणुँ जो सिर्फ रोटी री जरूरत नी ई, पर तिन्हा जो हर तेस गल्ला री जरूरत ई जो परमेसर तिन्हा ले बोल्हा!'"

![](https://cdn.door43.org/obs/jpg/360px/obs-en-25-04.jpg)

तेबे सैतान यीसू जो मन्दरा रे सभी ले ऊची चोटी पर लई गया। तिहें तेस किन्हें बोल्या, "अगर तू परमेसरा रा म्हठा आ ता एथी ले हेठ छलांग मार, क्यूंकि लिखिरा, 'परमेसरा तुजो चकणे रे कठे आपणे स्वर्गदूता जो हुक्मा देणा कि तेरे पैरा पर पात्थरा ले चोट नी लगे।'"

![](https://cdn.door43.org/obs/jpg/360px/obs-en-25-05.jpg)

पर यीसूए से नी कितेया जो सैताने तेसले करणे रे कठे बोल्या था। एता रे बजाए, तिन्हें बोल्या, "परमेसर हर एकी किन्हें बोल्हा, 'तू प्रभु आपणे परमेसरा री परखणी मत कर।'"

![](https://cdn.door43.org/obs/jpg/360px/obs-en-25-06.jpg)

फेरी सैताने तेस जो संसारा रे सारे राज्य दसे। तिन्हें तेस जो दस्या कि स्यों राज्य बौह्त ताकतवर, होर खुसहाल थे। तिन्हें यीसू किन्हें बोल्या, "मां तुजो ये सभ कुछ देणा अगर तू घुटने टेकी किन्हें मेरी अराधना करे।"

![](https://cdn.door43.org/obs/jpg/360px/obs-en-25-07.jpg)

यीसूए जवाब दितेया, "हे सैतान, मेरे वाले ले भगी जा! परमेसरा रे वचना मन्झ से लोका जो हुक्म देहां, 'सिर्फ आपणे प्रभु परमेसरा री अराधना करा। परमेसरा रे रूपा मन्झ सिर्फ तेसरी ई इज्जत करा।'"

![](https://cdn.door43.org/obs/jpg/360px/obs-en-25-08.jpg)

यीसूए सैताना री परखणी ले हार नी मन्नी, इधी कठे सैतान तेस वाले ले भगी गया। तेबे स्वर्गदूत आई किन्हें यीसू री सेऊआ करदे लगे।

*मत्ती अध्याय 4:1-11; मरकुस 1:12-13; लूका 4:1-13 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_25_128kbps.m4a

## 26. यीसू आपणी सेऊआ सुर्हू करहा

https://openbiblestories.org/l/mjl/story-26/

![](https://cdn.door43.org/obs/jpg/360px/obs-en-26-01.jpg)

सैताना री परखणिया पर जीत पाणे ले बाद, यीसू वाप्स गलील जघा रे इलाके मन्झ आया। येई से जगहा ई जेथी से रैह्याँ था। पवित्र आत्मा तेस जो बौह्त सामर्थ देई करहा था, होर यीसू एक जगहा ले दूजी जगहा जो गया होर लोका जो उपदेस दिते। सभीए तेसरे बारे मन्झ खरी गल्ला बोली।

![](https://cdn.door43.org/obs/jpg/360px/obs-en-26-02.jpg)

यीसू नासरत नगरा मन्झ गया। ये से गाँव आ जेथी से आपणे बचपना मन्झ रैह्याँ था। अरामा रे ध्याड़े, से अराधना करणे री जगहा पर गया। अगुवे तेस जो यसायाह नबी रे संदेसा री एक कताब दीती। स्यों चाहें थे कि से तेस कताबा मंझा ले पढ़े। इधी कठे यीसूए से कताब खोल्ही किन्हें तेसरा एक हिस्सा लोका रे कठे पढ़ेया।

![](https://cdn.door43.org/obs/jpg/360px/obs-en-26-03.jpg)

यीसूए पढ़ेया, "परमेसरे मुंजो आपणा आत्मा दितिरा ताकि हांऊँ गरीबा जो सुसमाचार प्रचार करी सकूँ। तिने हांऊँ इधी कठे भेज्या कि हांऊँ कैदिया जो अजाद करूँ, काणेया जो द्बारा देखणे रे लायक बणाऊँ, होर तिन्हा जो छुटकारा देऊँ जिन्हा पर दूजे लोक अत्याचार करेया करहा ऐ। ये से टैम आ जेबे परमेसरा आस्सा पर दया करणी होर आस्सा री मदद करणी।"

![](https://cdn.door43.org/obs/jpg/360px/obs-en-26-04.jpg)

फेरी यीसू बैठी गया। सभ लोक तेस जो बड़े ध्याना किन्हें देख्या करहा ऐ थे। स्यों जाणहां ऐं थे कि पवित्र सास्त्रा रा जो हिस्सा तिने ऐबे पढ़ेया था से मसीह रे बारे मन्झ था। यीसूए बोल्या, "जो गल्ला मैं ऐबे तुस्सा रे कठे पढ़ी, स्यों एस टैमा हुएआ करहा ई।" सभ लोक हैरान थे। तिन्हें बोल्या, "ये ता यूसुफा रा म्हठा।"

![](https://cdn.door43.org/obs/jpg/360px/obs-en-26-05.jpg)

तेबे यीसूए बोल्या, "ये सच आ कि लोक केसी एह्ड़े नबी जो कधी नी मन्नदे जो तिन्हारे नगरा मन्झ पले बढ़ीरे हो। एलिय्याह नबी रे टैमा मन्झ, इस्राएला मन्झ बौह्त सारी विधवा थी। पर जेबे साढ़े तीन साला तक बरखा नी हुई ता परमेसरे एलिय्याहा जो इस्राएला मन्झ केसी विधवा री मदद करणे रे कठे नी भेज्या। एता रे बजाए, तिने एलिय्याहा जो केसी दूजे देसा री विधवा वाले भेज्या।"

![](https://cdn.door43.org/obs/jpg/360px/obs-en-26-06.jpg)

यीसूए बोल्दा गया, "होर एलिसा नबी रे टैमा मन्झ, इस्राएला मन्झ बौह्त सारे लोक चमड़ी री ब्मारी किन्हें दुःखी थे। पर एलिसे तिन्हा मंझा ले कोई भी चंगा नी कितेया। तिने सिर्फ इस्राएला रे दुस्मणा रा सेनापति नामान ठीक कितेया।" पर जो लोक यीसू जो सुणदे लगिरे थे स्यों यहूदी थे। इधी कठे जेबे तिन्हें तेस जो ये बोल्दे हुए सुणेया ता स्यों तेस पर गुस्सा हुई गए।

![](https://cdn.door43.org/obs/jpg/360px/obs-en-26-07.jpg)

नासरता रे लोके यीसू पकड़ी लया होर तेस जो अराधना करणे री जगहा ले खिंजी किन्हें बाहर लई गए। स्यों तेस जो मारणे रे कठे हेठ सटणे जो एक चट्टाना रे सिरे पर लई गए। पर यीसू भीड़ा मंझा ले निकली गया होर नासरत नगर छाडी किन्हें चली गया।

![](https://cdn.door43.org/obs/jpg/360px/obs-en-26-08.jpg)

फेरी यीसू सारे गलील जिले रे इलाके मन्झ गया, होर बड़ी भीड़ तेस वाले आई। स्यों एह्ड़े बौह्त सारे लोका जो लई किन्हें आए जो बीमार होर अपंग थे। तिन्हा मंझा ले कुछ काणे, लगड़े, टोणे होर बोली नी सक्दे थे, होर यीसूए स्यों ठीक किते।

![](https://cdn.door43.org/obs/jpg/360px/obs-en-26-09.jpg)

एता रे अलावा, बौह्त सारे एह्ड़े लोक यीसू वाले ल्यांदे जिन्हा मन्झ बुरी आत्मा थी। यीसूए बुरी आत्मा जो तिन्हा मंझा ले निकलणे रा हुक्म दितेया। स्यों बुरी आत्मा हमेसा चिल्लाहीं थी, "तू परमेसरा रा म्हठा आ!" भीड़ा रे लोक हैरान थे, होर तिन्हें परमेसरा री बड़ाई कीती।

![](https://cdn.door43.org/obs/jpg/360px/obs-en-26-10.jpg)

फेरी यीसूए बारा म्हाणुँ छांटी लए जिन्हा जो तिने आपणे प्रेरित बोल्या। तिन्हें प्रेरिते तेस साऊगी सफर कितेया होर तेसले उपदेस हासल किते।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_26_128kbps.m4a

## 27. दयालु सामरी री कहाणी

https://openbiblestories.org/l/mjl/story-27/

![](https://cdn.door43.org/obs/jpg/360px/obs-en-27-01.jpg)

एक ध्याड़े, यहूदी व्यवस्था रा एक जाणकार यीसू वाले आया। से सभी जो ये दसणा चाहाँ था कि यीसू गलत तरीके किन्हें उपदेस देया करहा। इधी कठे तिन्हें बोल्या, "हे गुरु, हमेसा री जिन्दगी पाणे रे कठे हांऊँ क्या करु?”

![](https://cdn.door43.org/obs/jpg/360px/obs-en-27-02.jpg)

तिन्हें म्हाणुंए बोल्या, "से व्यवस्था बोल्हा ई कि आपणे परमेसरा किन्हें आपणे सारे मन, प्राण, सामर्थ, होर बुद्धि किन्हें प्यार रख। होर आपणे पड़ोसी साऊगी आपणे बराबर प्यार रख।" यीसूए जवाब दितेया, "तू एकदम सही आ! अगर तू एह्ड़ा करे, ता तुजो हमेसा री जिन्दगी मिलणी।"

![](https://cdn.door43.org/obs/jpg/360px/obs-en-27-03.jpg)

पर से व्यवस्था रा जाणकार लोका जो दसणा चाहाँ था कि तेसरी जिन्दगी जीणे रा तरीका सही था। इधी कठे तिन्हें यीसू ले पूछेया, "ठीक आ, ता मेरा पड़ोसी कुणहां?"

![](https://cdn.door43.org/obs/jpg/360px/obs-en-27-04.jpg)

यीसूए तेस व्यवस्था रे जाणकारा जो एक कहाणी दसणे रे ज्रीए जवाब दितेया। "एक यहूदी म्हाणुँ था जो एक सड़का ले हुई किन्हें यरूस्लेम सैहरा ले यरीहो नगरा रा सफर करेया करहा था।"

![](https://cdn.door43.org/obs/jpg/360px/obs-en-27-05.jpg)

पर कुछ डाकुऐ से देख्या होर तेस पर हमला करी दितेया। तिन्हें तेसरा सभ कुछ लई लया होर तेस जो मारी कुट्टी किन्हें लगभग अधमरा करी दितेया। तेबे स्यों चली गए।

![](https://cdn.door43.org/obs/jpg/360px/obs-en-27-06.jpg)

तेता ले एकदम बाद, एक यहूदी याजक तेस ई सड़का ले हुई किन्हें गुजरेया। तिन्हें याजके से म्हाणुँ सड़का पर पईरा देख्या। जेबे तिन्हें से जख्मी म्हाणुँ देख्या ता से सड़का री दूजी वखा जो जाई किन्हें अगे चली गया। तिन्हें से म्हाणुँ पूरी तरह ले अनदेखा करी दितेया।

![](https://cdn.door43.org/obs/jpg/360px/obs-en-27-07.jpg)

एता ले बाद कुछ ई टैम बीतणे पर, एक लेवी तेस सड़का पर आया। (लेवी यहूदिया रा एक गोत्र था जिन्हें मन्दरा मन्झ याजका री मदद कीती थी।) से लेवी भी सड़का री दूजी वखा ले निकली गया। तिन्हें भी से म्हाणुँ अनदेखा करी दितेया।

![](https://cdn.door43.org/obs/jpg/360px/obs-en-27-08.jpg)

अगला आदमी जो तेस सड़का पर आया से सामरिया इलाके रा एक आदमी था। (सामरी होर यहूदी एक दूजे किन्हें नफरत करहा ऐ थे।) तिन्हें सामरिए सड़का पर से म्हाणुँ देख्या। तिन्हें देख्या कि से यहूदी था, पर फेरी भी तिन्हें तेस पर बड़ा तरस खाधेया। इधी कठे से तेसरे वाले गया होर तेसरे जख्मा पर पट्टिया बान्ही।

![](https://cdn.door43.org/obs/jpg/360px/obs-en-27-09.jpg)

फेरी तिन्हें सामरिए से जख्मी म्हाणुँ आपणे गधे पर बठ्याया होर तेस जो से सड़का ले एक सराय मन्झ लई गया। जेथी पर तिन्हें तेसरी देखभाल करदा रैह्या।

![](https://cdn.door43.org/obs/jpg/360px/obs-en-27-10.jpg)

अगले ध्याड़े, तेस सामरी जो आपणा सफर जारी रखणे री जरूरत थी। तिन्हें तेस सराय रे मालका जो कुछ ढब्बे दिते। तिन्हें तेस किन्हें बोल्या, "एस म्हाणुँ री देखभाल करेया। अगर इन्हा ढब्बे रे अलावा तेरे कुछ होर ढब्बे खर्च हुई जाए ता वाप्स आई किन्हें मां तेरे एस खर्चे रा हिसाब कताब करी देणा।"

![](https://cdn.door43.org/obs/jpg/360px/obs-en-27-11.jpg)

फेरी यीसूए तेस व्यवस्था रे जाणकारा ले पूछेया, "तुस्से क्या सोच्हा ऐ? इन्हा तीन लोका मंझा ले कुण तेस म्हाणुँ रा पड़ोसी आ जेस जो लूटेया होर पीटेया गया था?" तिन्हें जवाब दितेया, "सेई जो जेस पर तिन्हें दया किति।तिन्हें बोल्या,जा तु भी ईंयां कर।

*लूका अध्याय 10:25-37 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_27_128kbps.m4a

## 28. अमीर जुआन राजा

https://openbiblestories.org/l/mjl/story-28/

![](https://cdn.door43.org/obs/jpg/360px/obs-en-28-01.jpg)

एक ध्याड़े, एक अमीर जुआन राजे यीसू वाले आई किन्हें तेसले पूछेया, "हे सभी ले खरे गुरु, हमेसा री जिन्दगी पाणे रे कठे मुंजो क्या करणा चहिए?" यीसूए तेस किन्हें बोल्या, "तू मुंजो 'सभी ले खरे' कि बोल्हा? सिर्फ एक ई सभी ले खरे आ होर से परमेसर आ। पर अगर तू हमेसा री जिन्दगी पाणा चाहाँ ता परमेसरा री व्यवस्था रा पालन कर।"

![](https://cdn.door43.org/obs/jpg/360px/obs-en-28-02.jpg)

मुंजो कुण कुण जे हुक्मा रा पालन करणे री जरूरत ई? तिने पूछेया। यीसूए जवाब दितेया, "हत्या नी करणी। व्यभिचार नी करणा। चोरी नी करणी। झूठ मत बोलणा। आपणे माऊ होर बाबा री इज्जत करणी, होर आपणे पड़ोसी किन्हें आपणे बराबर प्यार करणा।"

![](https://cdn.door43.org/obs/jpg/360px/obs-en-28-03.jpg)

पर तिने जुआन आदमीए बोल्या, "हांऊँ आपणे बचपना ले ई इन्हा सभ हुक्मा रा पालन करेया करहा। मुंजो हमेसा रे कठे जिऊन्दा रैहणे रे कठे ऐबे भी क्या करणे री जरूरत ई?" यीसूए तेस वखा जो देख्या होर तेस पर तेस जो बौह्त प्यार आया।

![](https://cdn.door43.org/obs/jpg/360px/obs-en-28-04.jpg)

यीसूए जवाब दितेया, "अगर तू सिद्ध हूंणां चाहाँ ता जाई किन्हें आपणा सभ कुछ बेची दे होर स्यों ढब्बे धेले गरीबा मन्झ बांडी दे, होर तुजो स्वर्गा मन्झ ढब्बे धेले मिलणे। तेबे वाप्स आई किन्हें मेरे पीछे चली पऊ।"

![](https://cdn.door43.org/obs/jpg/360px/obs-en-28-05.jpg)

जो यीसूए बोल्या से सुणी किन्हें से जुआन आदमी बौह्त उदास हुई गया, क्यूंकि से बौह्त अमीर था होर तिने आपणी सारी जायदाद देणा नी चाही। से मुड़ी किन्हें यीसू वाले ले चली गया।

![](https://cdn.door43.org/obs/jpg/360px/obs-en-28-06.jpg)

तेबे यीसूए आपणे चेले किन्हें बोल्या, "परमेसरा रे राज्या मन्झ अमीर लोका रा जाणा बौह्त कठण आ! हाँ, एक अमीर आदमी रे परमेसरा रे राज्या मन्झ जाणा बोहत मुसकल आ एता री तुलना मन्झ कि केसी ऊँटा रा सूई रे नाके मंझा ले हुई किन्हें निकली जाणा असान आ।"

![](https://cdn.door43.org/obs/jpg/360px/obs-en-28-07.jpg)

जो यीसूए बोल्या तेता जो सुणी किन्हें चेले हैरान थे। तिन्हें बोल्या, "अगर एह्ड़ा आ ता परमेसरा कुण बचाणे?"

![](https://cdn.door43.org/obs/jpg/360px/obs-en-28-08.jpg)

यीसूए चेलेया जो देखी किन्हें बोल्या, "लोका रे कठे आपणा उद्धार करणा नामुमकिन आ। पर परमेसरा रे कठे कुछ भी करणा आसान आ।"

![](https://cdn.door43.org/obs/jpg/360px/obs-en-28-09.jpg)

पतरसे यीसू किन्हें बोल्या, "आस्से चेले आपणा सभ कुछ छाडी किन्हें तेरे पीछे चलिरे। ता आस्सा रा इनाम क्या हूंणां?"

![](https://cdn.door43.org/obs/jpg/360px/obs-en-28-10.jpg)

यीसूए जवाब दितेया, "हर एक म्हाणुँऐं जिने मेरी वजहा ले घर बार, भाई, बहन, माऊ, बाब, बच्चे, या जायदाद छाडिरी हो, तेस तेता ले 100 गुणा ज्यादा हासल करणा होर हमेसा री जिन्दगी भी पाणी। पर बौह्त सारे जो पैहले ऐ स्यों पीछे हूंणे, होर बौह्त सारे जो पीछे ऐ स्यों पैहले हूंणे।"

*मत्ती अध्याय 19:16-30; मरकुस 10:17-31; लूका 18:18-30 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_28_128kbps.m4a

## 29. कठोर सेऊआदारारी कहाणी

https://openbiblestories.org/l/mjl/story-29/

![](https://cdn.door43.org/obs/jpg/360px/obs-en-29-01.jpg)

एक ध्याड़े, पतरसे यीसू ले पूछेया, "हे प्रभु, मुंजो आपणे भाई जो कितनी बार माफ करणा चहिए जेबे से मेरे बरख्लाफ पाप करे? क्या सात बारी?" यीसूए बोल्या, "सात बारी नी, पर साता रे सत्तर बारी!" एता रे ज्रीए, यीसू रा मतलब आ कि आस्सा जो हमेसा माफ करणा चहिए। तेबे यीसूए ये कहाणी दसी।

![](https://cdn.door43.org/obs/jpg/360px/obs-en-29-02.jpg)

यीसूए बोल्या, "परमेसरा रा राज्य एक राजे साहीं आं जो आपणे दासा ले हिसाब लैणा चाहाँ था। तेसरा एक दास 2,00,000 साला री मजदूरी रे बराबर एक बड़े कर्जे रा कर्जदार था।"

![](https://cdn.door43.org/obs/jpg/360px/obs-en-29-03.jpg)

पर से दास आपणा कर्जा वाप्स नी करी पाया, इधी कठे राजे बोल्या, "एसरा कर्ज चुकाणे रे कठे एस आदमी जो होर एसरे परिवारा जो दासा रे रूपा मन्झ बेची देऊआ।"

![](https://cdn.door43.org/obs/jpg/360px/obs-en-29-04.jpg)

तिने दासे राजे रे साम्हणे आपणे जान्ढू मोड़ी किन्हें अर्ज करी किन्हें बोल्या, 'दया करी किन्हें मेरे बारे मन्झ थोड़ा सब्र करा, होर मां आपणे कर्जे री पूरी रकम देई देणी।' राजे दासा पर दया कीती, इधी कठे तिने तेसरे सारे कर्ज माफ करी दिते होर से जाणे दितेया।

![](https://cdn.door43.org/obs/jpg/360px/obs-en-29-05.jpg)

पर जेबे से दास राजा वाले ले बाहर गया, ता तेस जो तेसरा एक साथी दास मिल्या जो तेसरे चार महीने री मजदूरी रे बराबर कर्जे रा कर्जदार था। तिने दासे आपणा साथी दास पकड़ी लया होर बोल्या, 'जो तेरे ऊपर मेरा कर्ज आ से तू मुंजो देई दे!

![](https://cdn.door43.org/obs/jpg/360px/obs-en-29-06.jpg)

तिने साथी दासे आपणे जान्ढू मोड़ी किन्हें अर्ज करी किन्हें बोल्या, 'दया करी किन्हें मेरे बारे मन्झ थोड़ा सब्र करा, होर मां आपणे कर्जे री पूरी रकम देई देणी।' पर एता रे बजाए, तिने दासे आपणा साथी दास जेल्हा मन्झ पाई दितेया जेबे तक कि से कर्जा वाप्स नी करी दे।

![](https://cdn.door43.org/obs/jpg/360px/obs-en-29-07.jpg)

जो कुछ हुएआ था से दूजे दासे देख्या होर स्यों बौह्त परेसान हुए। स्यों राजा वाले गए होर तेस जो सभ कुछ दस्या।

![](https://cdn.door43.org/obs/jpg/360px/obs-en-29-08.jpg)

राजे तेस दासा जो सादी किन्हें बोल्या, 'हे बुरे दास! मैं तेरा कर्ज इधी कठे माफ कितेया था क्यूंकि तैं मेरे ले अर्ज कीती थी। तुजो भी तेहड़ा ई करणा चहिए था।' राजा इतने गुस्से मन्झ था कि तिने से बुरा दास जेल्हा मन्झ पाई दितेया जेबे तक कि से आपणा सारा कर्ज वाप्स नी करी दे।

![](https://cdn.door43.org/obs/jpg/360px/obs-en-29-09.jpg)

तेबे यीसूए बोल्या, "स्वर्गा मन्झ बैठिरे मेरे बापूआ तुस्सा मंझा ले हर एकी साऊगी एह्ड़ा ई करणा अगर तुस्से आपणे भाई जो आपणे दिला ले माफ नी करे।"

*मत्ती अध्याय 18:21-35 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_29_128kbps.m4a

## 30. यीसू पांज हजार लोका जो खाणा खुआहां

https://openbiblestories.org/l/mjl/story-30/

![](https://cdn.door43.org/obs/jpg/360px/obs-en-30-01.jpg)

यीसूए आपणे प्रेरित प्रचार करणे होर लोका जो उपदेस देणे रे कठे बौह्त सारे लग-लग गाऊँआं मन्झ भेजे। जेबे स्यों यीसू वाले वाप्स आए ता तिन्हें तेस जो दस्या कि तिन्हें क्या कितेया था। तेबे यीसूए स्यों झीला री दूजी वखा जो तेस साऊगी एक सांत जगहा पर जाई किन्हें कुछ टैम अराम करणे रे कठे सादे। इधी कठे स्यों एक किस्ती पर बैठी गए होर झीला री दूजी वखा जो चली गए।

![](https://cdn.door43.org/obs/jpg/360px/obs-en-30-02.jpg)

पर तेथी बौह्त सारे एह्ड़े लोक थे जिन्हें यीसू होर चेले किस्ती मन्झ जान्दे हुए देखे। ये लोक तिन्हा ले अगे झीला री दूजी वखा जाणे रे कठे झीला रे बाढे -बाढे भगे। इधी कठे जेबे यीसू होर चेले पूजे ता लोका रा एक बडा झूंड पैहले ले ई तेथी तिन्हा जो न्हयाल्या करहा था।

![](https://cdn.door43.org/obs/jpg/360px/obs-en-30-03.jpg)

तेस भीड़ा मन्झ ज्नानिया होर बच्चे री गिणती रे बगैर 5,000 ले ज्यादा आदमी मौजूद थे। यीसूए तिन्हा लोका पर बड़ा तरस खाधेया। यीसू रे कठे स्यों लोक बगैर पुहाला री भेडा साहीं थे। इधी कठे तिने तिन्हा जो उपदेस दितेया होर तिन्हारे बीचा मन्झ जो लोक बीमार थे स्यों तिने ठीक कितेया।

![](https://cdn.door43.org/obs/jpg/360px/obs-en-30-04.jpg)

सान्झ्के टैमा, चेले यीसू किन्हें बोल्या, "ऐबे देर हुई गईरी होर नेडे कोई नगर भी नी आ। इन्हा लोका जो भेजी दे ताकि स्यों जाई किन्हें खाणे रे कठे कुछ लई ले।"

![](https://cdn.door43.org/obs/jpg/360px/obs-en-30-05.jpg)

पर यीसूए चेले किन्हें बोल्या, "तुस्से तिन्हा जो खाणे रे कठे कुछ देआ!" तिन्हें जवाब दितेया, "आस्से एह्ड़ा किहाँ करी सक्हा ऐ? आस्सा वाले सिर्फ पांज रोटी होर दो छोटी मछिया ई।"

![](https://cdn.door43.org/obs/jpg/360px/obs-en-30-06.jpg)

यीसूए आपणे चेले किन्हें बोल्या कि स्यों भीड़ा रे लोका जो घाहा पर पनज्याह-पनज्याह री घिड़ी मन्झ बैठणे रे कठे बोला।

![](https://cdn.door43.org/obs/jpg/360px/obs-en-30-07.jpg)

तेबे यीसूए पांज रोटी होर दो मछिया लई किन्हें स्वर्ग वखा जो देख्या, होर तेस खाणा रे कठे परमेसरा धन्यवाद दितेया।

![](https://cdn.door43.org/obs/jpg/360px/obs-en-30-08.jpg)

फेरी यीसूए रोटी होर मछिया रे टुकड़े-टुकड़े किते। तिने स्यों टुकड़े आपणे चेले जो दिते ताकि स्यों तिन्हा टुकड़े जो लोका जो दे। चेले से खाणा बांडदे रहे, होर से कधी नी मुकेया! स्यों सभ लोक खाई किन्हें रजी गए।

![](https://cdn.door43.org/obs/jpg/360px/obs-en-30-09.jpg)

तेता ले बाद, चेले से खाणा कठा कितेया जो बची गईरा था होर तिन्हा टुकड़े री लगभग बारा भरीरे छडोलु निकले! से सारा खाणा तिन्हा पांज रोटी होर दो मछिया ले आईरा था।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_30_128kbps.m4a

## 31. यीसू पाणी पर चल्हा

https://openbiblestories.org/l/mjl/story-31/

![](https://cdn.door43.org/obs/jpg/360px/obs-en-31-01.jpg)

पांज हजार लोका जो खाणा खुआणे ले बाद, यीसूए आपणे चेले किन्हें किस्ती मन्झ जाणे रे कठे बोल्या। तिन्हें तिन्हा जो झीला री दूजी वखा जो जाणे रे कठे बोल्या जेब्की से थोड़े टैमा रे कठे तेथी रुकी गया। इधी कठे चेले चली गए होर यीसूए भीड़ भेजी दिती ताकि स्यों आपणे घरा जो वाप्स चली जाए। एता ले बाद, यीसू प्रार्थना करणे रे कठे एक पहाड़ा पर चली गया। तेथी से कल्हा था, होर तिन्हें देर राती तक प्रार्थना कीती।

![](https://cdn.door43.org/obs/jpg/360px/obs-en-31-02.jpg)

तेस टैमा, चेले आपणी किस्ती जो चलाया करहा ऐ थे, पर हाऊआ तिन्हारे बरख्लाफ बड़ी जोरा किन्हें बैह्या करहा ई थी। बौह्त रात हुई जाणे पर भी स्यों सिर्फ झीला रे बीचा मन्झ ई पूजे थे।

![](https://cdn.door43.org/obs/jpg/360px/obs-en-31-03.jpg)

तेस टैमा यीसूए प्रार्थना करणी बंद करी दीती होर आपणे चेले वाले वाप्स जाणा सुर्हू कितेया। से किस्ती वखा जो जाणे रे कठे पाणी रे ऊपर चल्दा लग्या।

![](https://cdn.door43.org/obs/jpg/360px/obs-en-31-04.jpg)

चेले यीसू जो देखी किन्हें बौह्त डरी गईरे थे क्यूंकि तिन्हें सोच्या था कि स्यों केसी भूता जो देख्या करहा ऐ। यीसू जाणहां था कि स्यों डरी गईरे, इधी कठे तिन्हें तिन्हा जो अवाज देई किन्हें बोल्या, "डरा मत, ये हांऊँ आं!"

![](https://cdn.door43.org/obs/jpg/360px/obs-en-31-05.jpg)

तेबे पतरसे यीसू किन्हें बोल्या, "हे प्रभु, अगर ये तूस्से ऐ ता मुंजो पाणी पर चली किन्हें तेरे वाले आऊणे रा हुक्म दे।" यीसूए पतरसा किन्हें बोल्या, "आई जा!"

![](https://cdn.door43.org/obs/jpg/360px/obs-en-31-06.jpg)

इधी कठे पतरस किस्ती ले बाहर उतरी गया होर यीसू वाले जाणे रे कठे पाणी रे ऊपर चलणा सुर्हू कितेया। पर थोड़ी दूर जाई किन्हें, तिन्हें आपणी हाखिया यीसू ले हटाई लई होर लैहरा देखी होर तेज हऊआ मैहसूस करणा सुर्हू करी दिती।

![](https://cdn.door43.org/obs/jpg/360px/obs-en-31-07.jpg)

तेबे पतरस डरी गया होर पाणी मन्झ डूबदा लग्या। से चिल्लाया, "हे प्रभु, मुंजो बचाई लऊआ!" यीसूए तेस ई टैम हाथ अगे किन्हें से पकड़ी लया। तेबे तिन्हें पतरसा किन्हें बोल्या, "तेरा विस्वास बौह्त कम आ! तुजो सम्भालणे रे कठे तैं मेरे पर भरोसा कि नी कितेया?"

![](https://cdn.door43.org/obs/jpg/360px/obs-en-31-08.jpg)

तेबे यीसू होर पतरस किस्ती पर बैठी गए, होर एकदम हऊआ चलणी बंद हुई गई। पाणी सांत हुई गया। चेले हैरान हुई किन्हें यीसू रे अगे जांढू रे भारे थाले बैठी गए। तिन्हें तेसरी अराधना किती होर तेस किन्हें बोल्या, "सच्हे तूस्से परमेसरा रे म्हठे ऐ।"

*मत्ती अध्याय 14:22-33; मरकुस 6:45-52; यूहन्ना 6:16-21 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_31_128kbps.m4a

## 32. यीसू दुष्टआत्मा ले दुःखी हुई चुकिरे म्हाणुँ जो होर एक बीमार ज्नाने जो ठीक करहा

https://openbiblestories.org/l/mjl/story-32/

![](https://cdn.door43.org/obs/jpg/360px/obs-en-32-01.jpg)

यीसू होर तेसरे चेले आपणी किस्ती मन्झ तेस इलाके जो गए जेथी गिरासेनी लोक रैह्याँ ऐं थे। स्यों तेस इलाके मन्झ पूजी किन्हें किस्ती ले उतरी गए।

![](https://cdn.door43.org/obs/jpg/360px/obs-en-32-02.jpg)

तेथी एक म्हाणुँ था जो दुष्टआत्मा ले दुःखी था।

![](https://cdn.door43.org/obs/jpg/360px/obs-en-32-03.jpg)

ये म्हाणुँ इतना ताकतवर था कि कोई भी तेस जो काबू नी कर सक्दा था। कई बार लोक तेसरे हाथ होर पैर सांगला किन्हें बान्हा ऐं थे, पर से तिन्हा जो तोड़ी देहां था।

![](https://cdn.door43.org/obs/jpg/360px/obs-en-32-04.jpg)

से म्हाणुँ तेस इलाके री कब्रा मन्झ रैह्या करहा था। ये म्हाणुँ पूरे ध्याड़े होर पूरी रात चिलान्दा रैह्याँ था। से कपड़े नी पैहणदा था होर हमेसा आपु जो पात्थरा ले से जख्मी करदा रैह्याँ था।

![](https://cdn.door43.org/obs/jpg/360px/obs-en-32-05.jpg)

से म्हाणुँ दौड़ी किन्हें यीसू वाले आया होर तेसरे साम्हणे जांढू रे भारे थाले बैठी गए। तेबे यीसूए तेस म्हाणुँ रे अंदर बैठिरी दुष्टआत्मा किन्हें गल्ला कीती होर बोल्या, "एस म्हाणुँ मंझा ले बाहर निकली जा!"

![](https://cdn.door43.org/obs/jpg/360px/obs-en-32-06.jpg)

से दुष्टआत्मा ऊची अवाजा मन्झ चिल्लाई, "हे यीसू, परम प्रधान परमेसरा रे म्हठे, तेरा मेरे ले क्या काम आ? दया करी किन्हें मुंजो मत तंग कर!" तेबे यीसूए तेस दुष्टआत्मा ले पूछेया, "तेरा नांऊँ क्या आ?" तिन्हें जवाब दितेया, "मेरा नांऊँ सेना आ, क्यूंकि आस्से बौह्त ई।" (रोमी सेना मन्झ कई हजार स्पाहिया रा एक झूंड एक "सेना" हूंहाँ ईं थी।)

![](https://cdn.door43.org/obs/jpg/360px/obs-en-32-07.jpg)

तेस दुष्टआत्मे यीसू किन्हें अर्ज कीती, "दया करी किन्हें आस्सा जो एस इलाके ले बाहर मत भेजा!" तेथी नेडे पहाड़ा पर सूअरा रा एक झुंड चरेया करहा था। इधी कठे तेस दुष्टआत्मे यीसू किन्हें अर्ज कीती, "दया करी किन्हें आस्सा जो तिन्हा सूअरा मन्झ भेजी दे!" यीसूए बोल्या, "ठीक आ, तिन्हा मन्झ चली जाऊआ!"

![](https://cdn.door43.org/obs/jpg/360px/obs-en-32-08.jpg)

इधी कठे से दुष्ट आत्मा तेस म्हाणुँ मंझा ले निकली किन्हें तिन्हा सूअरा मन्झ चली गईं। स्यों सूअर दौड़ी किन्हें एक खड़े टीले ऊपरा ले झीला मन्झ छलांग लगाई होर डूबी गए। तेस झुंडा मन्झ लगभग 2,000 सूअर थे।

![](https://cdn.door43.org/obs/jpg/360px/obs-en-32-09.jpg)

तेथी जो सूअरा री देखभाल करणे वाले लोक थे। तिन्हें ये सभ कुछ हुंदे हुए देख्या, होर स्यों नगरा मन्झ भगी गए। होर जो कुछ यीसूए कितेया था तिन्हें सभी जो दसी दितेया। तेस नगरा रे लोके आई किन्हें से म्हाणुँ देख्या जेस मन्झ दुष्ट आत्मा थी।

![](https://cdn.door43.org/obs/jpg/360px/obs-en-32-10.jpg)

स्यों लोक बौह्त डरी गईरे थे होर तिन्हें यीसू जो चली जाणे रे कठे बोल्या। इधी कठे यीसू किस्ती पर बैठी गया। से म्हाणुँ जेस मन्झ जे दुष्ट आत्मा थी तिन्हें यीसू साऊगी जाणे री अर्ज कीती।

![](https://cdn.door43.org/obs/jpg/360px/obs-en-32-11.jpg)

पर यीसूए तेस किन्हें बोल्या, "नी। हांऊँ चाहाँ कि तू घर जाई किन्हें सभी जो दस कि परमेसरे तेरे कठे क्या कितेया। तिन्हा जो दस कि किहाँ परमेसरे तेरे पर दया कीती।"

![](https://cdn.door43.org/obs/jpg/360px/obs-en-32-12.jpg)

इधी कठे से म्हाणुँ चली गया होर सभी जो एस बारे मन्झ दस्या जो यीसूए तेसरे कठे कितेया था। तेसरी कहाणी सुणने वाल्आ हर एक आदमी हैरान हुई जाहाँ था।

![](https://cdn.door43.org/obs/jpg/360px/obs-en-32-13.jpg)

यीसू झीला री दूजी वखा जो वाप्स आया। तेसरे तेथी पूजणे ले बाद, एक बड़ी भीड़ तेसरे ओरे परे कठा हुई होर तेस जो दबान्दी लगी। तेस भीड़ा मन्झ एक ज्नाने थी जो बारा साला ले खून बैहणे री परेसानी ले दुःखी थी। तेस्से आपणे सारे ढब्बे बैदा जो देई दिते थे ताकि स्यों तेस्सा जो ठीक करी सके, पर तेस्सा री ब्मारी होर भी खराब हुई गईरी थी।

![](https://cdn.door43.org/obs/jpg/360px/obs-en-32-14.jpg)

तेस्से सुणेया था कि यीसूए कई बीमार लोक ठीक किते थे होर तेस्से सोच्या, "मुंजो पूरा विस्वास आ कि अगर हांऊँ सिर्फ यीसू रे कपड़े रा पून्घ ई छुही लैन्घी, ता मां भी ठीक हुई जाणा!" इधी कठे से यीसू रे पीछे ले आई होर तेसरे कपड़े रा पून्घ छुही लया। जिहां ईं तेस्से यीसू छुहेया, तेस्सा रा खून बैहणा बंद हो गया।

![](https://cdn.door43.org/obs/jpg/360px/obs-en-32-15.jpg)

एकदम ई, यीसूए जाणी लया कि तेस मंझा ले सामर्थ निकली। इधी कठे तिन्हें पीछे मुड़ी किन्हें पूछेया, "हांऊँ कुने छुहेया?" चेले जवाब दितेया, "एथी इतने सारे लोक तेरे चहुँ वखा जो भीड़ लगाई किन्हें खड़ीरे, होर तुस्सा किन्हें टकराया करहा ऐ। ता तुस्से कि पूछेया करहा ऐ कि तुस्से कुने छुहे?"

![](https://cdn.door43.org/obs/jpg/360px/obs-en-32-16.jpg)

से ज्नाने यीसू रे साम्हणे काम्दी हुई होर बौह्त डरी किन्हें आपणे जांढू रे सहारे थाले ज्मीना पर बैठी गई। तेबे तेस्से जो कुछ कितेया था से सभ तेस जो दसी दितेया, होर ये भी दस्या कि से ठीक हुई गई। यीसूए तेस्सा किन्हें बोल्या, "तेरे विस्वासे तू ठीक करी दिती। सांति किन्हें चली जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_32_128kbps.m4a

## 33. एक किसाना री कहाणी

https://openbiblestories.org/l/mjl/story-33/

![](https://cdn.door43.org/obs/jpg/360px/obs-en-33-01.jpg)

एक ध्याड़े, यीसू झीला रे बाढे रे नेडे था। से लोका री एक बौह्त बड़ी भीड़ा जो उपदेस देया करहा था। तेस जो सुणने रे कठे इतने सारे लोक आए कि यीसू वाले तिन्हा सभी किन्हें गल्ला करणे रे कठे जगहा नी बची। इधी कठे से पाणी मन्झ खड़ीरी किस्ती पर चढ़ी गया। तेथी से बैठी गया होर लोका जो उपदेस दितेया।

![](https://cdn.door43.org/obs/jpg/360px/obs-en-33-02.jpg)

यीसूए तिन्हा जो ये कहाणी सुणाई, "एक किसान बीज बाहणे रे कठे बाहर निकल्या। जेबे से हाथा किन्हें बीज खिंडया करहा था ता कुछ बीज पैंडे पर पई गए। पर चिड़ूऐ आई किन्हें स्यों सभ बीज खाई लिते।"

![](https://cdn.door43.org/obs/jpg/360px/obs-en-33-03.jpg)

दूजे बीज पथरीली जमीना पर पये जेथी बौह्त कम माटा था। पथरीली जमीना पर पईरे बीज बौह्त जल्दी जम्मी गए, पर तिन्हारी जड़ जमीना री गैहराई मन्झ जाणे रे लायक नी थी। जेबे सूरज निकल्या होर गर्मी हुई ता स्यों बूटे मुरझाई गए होर सुकी किन्हें मरी गए।

![](https://cdn.door43.org/obs/jpg/360px/obs-en-33-04.jpg)

तेबे भी दूजे बीज झाड़िया रे बीचा मन्झ पये। स्यों बीज बढ़दे लगे, पर कान्डे स्यों दबाई दिते। इधी कठे कान्डेदार जमीना पर पईरे बीजा मंझा ले निकलिरे बूटे मन्झ कोई भी अनाज नी हुई सक्या।

![](https://cdn.door43.org/obs/jpg/360px/obs-en-33-05.jpg)

दूजे बीज अच्छी जमीना पर पये। स्यों बीज बधे होर जितने बीज बाहिरे थे तिन्हा ले 30, 60, होर एथी तक कि 100 गुणा अनाज जम्मया। जो कोई भी परमेसरा रे पीछे चलना चाहाँ, से तेस गल्ला पर ध्यान दे जो हांऊँ बोल्या करहा!

![](https://cdn.door43.org/obs/jpg/360px/obs-en-33-06.jpg)

एस कहाणिए चेले उलझना मन्झ पाई दिते। इधी कठे यीसूए स्यों समझाए, "से बीज परमेसरा रा वचन आ। से पैंडा एक एह्ड़ा म्हाणुँ आ जो परमेसरा रा वचन सुणहां ता जरुर आ, पर तेस जो समझ्दा नी आ। तेबे सैतान तेस वाले आइ किन्हें से वचन चुराई लेंया। यानि सैतान तेस जो वचन समझणे ले दूर रख्हा।"

![](https://cdn.door43.org/obs/jpg/360px/obs-en-33-07.jpg)

से पथरीली जमीन एह्ड़ा म्हाणुँ आ जो परमेसरा रा वचन सुणहां ता जरुर आ होर खुसी साऊगी तेस जो मन्नी लेआं। पर जेबे परेसानी आहूँआं ईं, या जेबे दूजे लोक तेस जो तंग करहा ऐ, ता से परमेसरा ले दूर चली जाहां। यानि से परमेसरा पर भरोसा करणा बंद करी देहां।

![](https://cdn.door43.org/obs/jpg/360px/obs-en-33-08.jpg)

से कान्डेदार जमीन एह्ड़ा म्हाणुँ साहीं आ जो परमेसरा रा वचन सुणहां ता जरुर आ। पर से बौह्त सारी गल्ला रे बारे मन्झ फिकर करणा सुर्हू करी देहां, होर से बौह्त सारे ढब्बे कमाणे री कोसिस करहा, होर से बौह्त सारी चीजा पाणे री कोसिस करहा। कुछ टैमा ले बाद, ऐबे से परमेसरा जो प्यार करणे रे लायक नी आ। इधी कठे जो तिने परमेसरा रा वचन सिखिरा था से तेस जो परमेसरा जो खुस करणे रे लायक नी रख्दा। से कणका रे डंठला साहीं आं जो कोई अनाज पैदा नी करदा।

![](https://cdn.door43.org/obs/jpg/360px/obs-en-33-09.jpg)

पर खरी जमीन से म्हाणुँ आ जो परमेसरा रा वचन सुणहां, तेस पर विस्वास करहा, होर फल पैदा करहा।

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_33_128kbps.m4a

## 34. यीसू दूजी कहाणिया स्खाहाँ

https://openbiblestories.org/l/mjl/story-34/

![](https://cdn.door43.org/obs/jpg/360px/obs-en-34-01.jpg)

यीसूए परमेसरा रे राज्य रे बारे मन्झ दूजी बौह्त सारी कहाणिया सुणाई। उदाहरणा रे कठे, तिने बोल्या, "परमेसरा रा राज्य एक राई रे बीजा साहीं आ जेस जो केसीए आपणे डोर्हिया मन्झ बाही दितेया। तुस्से जाणहां ऐं कि राई रा बीज सारे बीजा मन्झा ले सभी ले छोटा हूंहाँ।"

![](https://cdn.door43.org/obs/jpg/360px/obs-en-34-02.jpg)

पर जेबे राई का बीज बधी जाहाँ ता से बगीचे रे सारे बूटे मन्झ सभी ले बडा हुई जाहाँ, इतना बडा हुई जां कि चिड़ू आई किन्हें तेसरे पांगे प्रयाले अराम करहा ऐ।

![](https://cdn.door43.org/obs/jpg/360px/obs-en-34-03.jpg)

यीसूए एक दूजी कहाणी दसी, "परमेसरा रा राज स्जेड़े साहीं आ जेस जो लई किन्हें एक ज्नाने आटे रे पेड़ु मन्झ म्लाई देहीं तेबे से सारे आटे मन्झ फैल्ही जाहाँ।"

![](https://cdn.door43.org/obs/jpg/360px/obs-en-34-04.jpg)

स्वर्गा रा राज तेस खजाने साहीं आ जेस जो केसीए डोर्हिया मन्झ ल्कोई दितेया। केसी दूजे म्हाणुँ जो, से खजाना मिली गया होर तिने तेस जो पाणे री बौह्त इच्छा कीती। इधी कठे तिने से दुबारा दबाई दितेया। से खुसी किन्हें इतना भर्ही गईरा था कि तिने जाई किन्हें आपणा सभ कुछ बेची दितेया ताकि से तेस्सा डोर्हिया जो मूले लेई सके जेथी से खजाना था।

![](https://cdn.door43.org/obs/jpg/360px/obs-en-34-05.jpg)

स्वर्ग रा राज एक बौह्त कीमती खरे मोती साहीं भी आ। जेबे कोई मोतिया रा वपारी तेस जो पाई लैहां ता से तेस जो मूले लैणे रे कठे आपणा सभ कुछ बेची देहां।

![](https://cdn.door43.org/obs/jpg/360px/obs-en-34-06.jpg)

तेथी कुछ लोक थे जो सोच्हा ऐ थे कि परमेसरा स्यों इधी कठे मन्नी लैणे क्यूंकि स्यों भले काम करेया करहा ऐ। ये लोक एह्ड़े लोका जो बेकार मन्हां ऐं थे जो भले काम नी करदे थे। इधी कठे यीसूए तिन्हा जो ये कहाणी दसी: "दो आदमी थे होर दुहें ईं प्रार्थना करणे रे कठे मन्दरा मन्झ गए। तिन्हा मंझा ले एक चुंगी लेणे वाला था, होर दूजा एक धार्मिक अगुवा था।"

![](https://cdn.door43.org/obs/jpg/360px/obs-en-34-07.jpg)

तिने धार्मिक अगुवे इहाँ करी किन्हें प्रार्थना कीती, 'हे परमेसर, तेरा धन्यवाद हो कि हांऊँ दूजे लोका साहीं– जिहां डाकू, बेन्यायी करने वाला म्हाणुँ, व्यभिचारी, या एथी तक कि हांऊँ एथी जेड़ा आदमी आ तेस सेंईं चुंगी लेणे वाले साहीं एक पापी भी नी आ।'

![](https://cdn.door43.org/obs/jpg/360px/obs-en-34-08.jpg)

उदाहरणा रे कठे, हांऊँ हर हप्ते मन्झ दो बार उपवास रख्हा, होर हांऊँ मुंजो मिलणे वाले ढब्बे होर चीजा रा दसुआं हिस्सा तुजो देहां।

![](https://cdn.door43.org/obs/jpg/360px/obs-en-34-09.jpg)

पर से चुंगी लेणे वाला तेस धार्मिक अगुवे ले बौह्त दूर खड़ा हुई गया। तिने ऊपर स्वर्गा वखा जो हाखिया भी नी चकी। एता ते बजाए, तिने आपणी मुट्ठी किन्हें आपणी छाती पीटी होर प्रार्थना कीती, 'हे परमेसर, मेरे पर दया कर क्यूंकि हांऊँ एक पापी आ।'

![](https://cdn.door43.org/obs/jpg/360px/obs-en-34-10.jpg)

फेरी यीसूए बोल्या, "हांऊँ तुस्सा किन्हें सच बोल्हा, परमेसरे तेस चुंगी लेणे वाले री प्रार्थना सुणी होर तेस जो धर्मी बोल्या। पर तिने तेस धार्मिक अगुवे री प्रार्थना पसंद नी किती। परमेसर हर एक घमंडी रा मूंड थाले करणा, पर तेस हर तेस आदमी री इज्जत करणी जो आपु जो नम्र करहा।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_34_128kbps.m4a

## 35. दयालु बापू री कहाणी

https://openbiblestories.org/l/mjl/story-35/

![](https://cdn.door43.org/obs/jpg/360px/obs-en-35-01.jpg)

एक ध्याड़े, यीसू तिन्हा बौह्त सारे लोका जो उपदेस देया करहा था जो तेसरी सुणने रे कठे कठा हुईरे थे। ये लोक चुंगी लेणे वाले होर एता रे अलावा दूजे लोक भी थे जिन्हें मूसा री व्यवस्था रा पालन करणे री कोसिस नी किती।

![](https://cdn.door43.org/obs/jpg/360px/obs-en-35-02.jpg)

कुछ धार्मिक अगुवे देख्या कि यीसू इन्हा लोका किन्हें एक दोस्ता साहीं गल्ला करेया करहा था। इधी कठे तिन्हें एक दूजे किन्हें ये बोलणा सुर्हू करी दितेया कि से गलत करेया करहा। यीसूए स्यों गल्ला करदे सुणी लये, इधी कठे तिने तिन्हा जो ये कहाणी दसी।

![](https://cdn.door43.org/obs/jpg/360px/obs-en-35-03.jpg)

एक म्हाणुँ था जेसरे दो म्हठे थे। छोटे म्हठे आपणे बापू किन्हें बोल्या, 'हे बापू, मुंजो ऐबे मेरा हिस्सा चहिए!' इधी कठे बापुए आपणे दुहें म्हठेया रे बीचा मन्झ आपणी जायदाद बांडी दिती।

![](https://cdn.door43.org/obs/jpg/360px/obs-en-35-04.jpg)

जल्दी ई छोटा म्हठा आपणा सभ कुछ कठा करी किन्हें दूर देसा जो चली गया होर पाप वाली जिन्दगी जीणे मन्झ आपणे सारे ढब्बे धेले बर्बाद करी दिते।

![](https://cdn.door43.org/obs/jpg/360px/obs-en-35-05.jpg)

एता ले बाद, जेथी छोटा म्हठा था तेस देसा मन्झ एक भयंकर अकाल पया, होर तेस वाले खाणा मूले लैणे रे कठे ढब्बे नी थे। इधी कठे से सूअर चराणे रा काम करदा लग्या। से इतना दुःखी होर भूखा था कि से सूअरा रा खाणा, खाणा चाहाँ था।

![](https://cdn.door43.org/obs/jpg/360px/obs-en-35-06.jpg)

बादा मन्झ, तिने छोटे म्हठे आप्हुए बोल्या, 'हांऊँ क्या करदा लगिरा? मेरे बापू रे सभ नौकर चाकरा वाले भतेरा खाणा आ, फेरी भी हांऊँ एथी भूखा मरेया करहा। मां आपणे बापू वाले वाप्स जाणा होर आपणे बापू रा एक नौकर बणने रे कठे तेसले अर्ज करणी'

![](https://cdn.door43.org/obs/jpg/360px/obs-en-35-07.jpg)

इधी कठे तिने छोटे म्हठे वाप्स आपणे बापू रे घरा वखा जो जाणा सुर्हू कितेया। जेब्की से हल्ली दूर ई था, तेसरे बापुए से देख्या होर तेस पर तरस खाधेया। से दौड़ी किन्हें आपणे म्हठे वाले गया होर तेस जो आपणे गले लगाई किन्हें प्यार कितेया।

![](https://cdn.door43.org/obs/jpg/360px/obs-en-35-08.jpg)

तिने म्हठे बोल्या, 'हे बापू, मैं परमेसरा रे होर तेरे बरख्लाफ पाप कितेया। हांऊँ तेरा म्हठा बोले जाणे रे लायक भी नी आ।'

![](https://cdn.door43.org/obs/jpg/360px/obs-en-35-09.jpg)

पर बापुए आपणे एक नौकरा किन्हें बोल्या, 'जल्दी जाई किन्हें सभी ले खरे कपड़े लई किन्हें आऊआ होर मेरे म्हठे जो पनह्याऊआ! तेसरी गुठीया मन्झ अंगूठी होर तेसरे पैरा मन्झ बूट पनह्याऊआ। फेरी सभी ले बढ़िया जानवर काटा ताकि आस्से खाए होर साजा मनाहें, क्यूंकि मेरा म्हठा मरी गईरा था, पर ऐबे से जिऊन्दा आ! से गुआही गईरा था, पर ऐबे से आस्सा जो मिली गईरा!'

![](https://cdn.door43.org/obs/jpg/360px/obs-en-35-10.jpg)

इधी कठे लोके साजा मनाणा सुर्हू कितेया। कुछ टैम बीतणे पर, बडा म्हठा डोर्हिया मन्झ काम करी किन्हें घरा जो वाप्स आया। तिने नाच गाणे री अवाज सुणी होर हैरान हुएआ कि ये क्या हुएआ करहा था।

![](https://cdn.door43.org/obs/jpg/360px/obs-en-35-11.jpg)

जेबे बड़े म्हठे जो पता चल्या कि स्यों इधी कठे साजा मनाया करहा ऐ क्यूंकि तेसरा भाई घरा जो वाप्स आईरा था, ता से बौह्त गुस्सा हुएआ होर घरा मन्झ नी आया। तेसरे बापुए बाहर आई किन्हें तेसले तिन्हा साऊगी साजा मनाणे री अर्ज किती, पर तिने नाहं करी दिती।

![](https://cdn.door43.org/obs/jpg/360px/obs-en-35-12.jpg)

तिने बडे म्हठे आपणे बापू किन्हें बोल्या, 'इतने सारे साला मन्झ मैं तेरे कठे खरा काम कितेया! हमेसा तेरी गल्ला मन्नी, पर तैं कधी मुंजो एक छोटी बकरी भी नी दीती ताकि हांऊँ आपणे दोस्ता साऊगी दावत करी सकूँ। पर तेरे इने म्हठे तेरी जायदाद पापा रे काम करणे मन्झ बर्बाद करी दिती। होर ऐबे जेबे से घरा जो वाप्स आया ता तेसरे कठे साजा मनाणे रे कठे तैं सभी ले खरे-खरे जानवर काटी दिते!'

![](https://cdn.door43.org/obs/jpg/360px/obs-en-35-13.jpg)

बापुए जवाब दितेया, 'हे मेरे म्हठे, तू हमेसा मेरे साऊगी आ, होर जो कुछ मेरा आ से सभ तेरा आ। पर आस्सा कठे साजा मनाणा सही आ क्यूंकि तेरा भाई मरी गया था, पर ऐबे से जिऊन्दा आ। से गुआही गईरा था, पर ऐबे से आस्सा जो मिली गईरा!'

*लूका अध्याय 15:11-32 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_35_128kbps.m4a

## 36. रूपान्तरण

https://openbiblestories.org/l/mjl/story-36/

![](https://cdn.door43.org/obs/jpg/360px/obs-en-36-01.jpg)

एक ध्याड़े, यीसू आपणे तीन चेले, पतरस, याकूब, होर यूहन्ने जो आपणे साऊगी लई गया। (ये यूहन्ना नांऊँआं रा चेला सेई म्हाणुँ नी आ जिने यीसू जो बप्तिस्मा दितेया था।) स्यों प्रार्थना करणे रे कठे एक ऊचे पहाड़ा पर गए।

![](https://cdn.door43.org/obs/jpg/360px/obs-en-36-02.jpg)

जेबे यीसू प्रार्थना करेया करहा था ता तेसरा चेहरा सूरजा साहीं चमकदार हुई गया। धरती पर कोई भी इतने चीटे कपड़े नी करी सक्दा जितने चीटे तेसरे कपड़े प्रयासे साहीं चीटे हुई गए।

![](https://cdn.door43.org/obs/jpg/360px/obs-en-36-03.jpg)

तेबे मूसा होर एलिय्याह नबी प्रकट हुए। ये आदमी एस्सा धरती पर एस टैमा ले कई सौ साल पैहले रैह्या करहा ऐ थे। तिन्हें यीसू किन्हें तेसरी मौता रे बारे मन्झ गल्ला कीती, क्यूंकि से जल्दी ई यरूस्लेम सैहरा मन्झ मरणे वाला था।

![](https://cdn.door43.org/obs/jpg/360px/obs-en-36-04.jpg)

जेबे मूसा होर एलिय्याह यीसू किन्हें गल्ला करेया करहा ऐ थे तेबे पतरसे यीसू किन्हें बोल्या, "आस्सा रे कठे एथी हूंणां खरा आ। आस्सा तीन मंडप बनाणे, एक तेरे कठे, एक मूसा रे कठे, होर एक एलिय्याह रे कठे।" पर पतरस नी जाणदा था कि से क्या बोल्या करहा।

![](https://cdn.door43.org/obs/jpg/360px/obs-en-36-05.jpg)

जेबे पतरस गल्ला करेया करहा था, ता एक चमकदार बादल हेठ आई किन्हें तिन्हा पर छाई गया। फेरी तिन्हें बादला मंझा ले एक अवाज आऊन्दी सुणी। तिने बोल्या, "ये मेरा म्हठा आ जेस किन्हें हांऊँ प्यार करहा। हांऊँ तेस किन्हें खुस आ। तेसरी सुणा।" स्यों तीनों चेले डरी गए होर जमीना पर लेटी गए।

![](https://cdn.door43.org/obs/jpg/360px/obs-en-36-06.jpg)

तेबे यीसूए स्यों छुहे होर बोल्या, "डरा मत। उठा।" जेबे तिन्हें चहुँ पासे देख्या, ता तेथी सिर्फ यीसू था।

![](https://cdn.door43.org/obs/jpg/360px/obs-en-36-07.jpg)

यीसू होर स्यों तीनों चेले तेस पहाड़ा ले वाप्स हेठ उतरेया करहा ऐ थे। तेबे यीसूए तिन्हा किन्हें बोल्या, "ऐबे जो एथी हुएआ तेता री गल्ला देख्या केसी किन्हें दसदे। मां जल्दी ई मरी जाणा होर दबारा जिऊन्दे हुई जाणा। तेता ले बाद, तुस्से लोका जो ये दसी सक्हा ऐ।"

*मत्ती अध्याय 17:1-9; मरकुस 9:2-8; लूका 9:28-36 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_36_128kbps.m4a

## 37. यीसू लाजरा जो मुर्देया मंझा ले जिऊन्दा करहा

https://openbiblestories.org/l/mjl/story-37/

![](https://cdn.door43.org/obs/jpg/360px/obs-en-37-01.jpg)

लाज़र नांऊँआं रा एक म्हाणुँ था। तेसरी दो बैहणिया थी जिन्हारे नांऊँ मरियम होर मार्था थे। स्यों सभ यीसू रे पक्के दोस्त थे। एक ध्याड़े, केसीए यीसू जो दस्या कि लाज़र बौह्त बीमार आ। जेबे यीसूए ये सुणेया ता तिन्हें बोल्या, "ये ब्मारी लाजरा रे मरणे साऊगी नी मुकणी। एता रे बजाए, एस्सा ब्मारिया लोक परमेसरा री इज्जत करणे रे कठे प्रेरित करणे।"

![](https://cdn.door43.org/obs/jpg/360px/obs-en-37-02.jpg)

यीसू आपणे दोस्ता किन्हें प्यार करहा था, पर जेथी जे से था तेथी तिन्हें दो ध्याड़े तक इंतजार कीतेया। तिन्हा दो ध्याड़े ले बाद, तिन्हें आपणे चेले किन्हें बोल्या, "आऊआ, यहूदिया जिल्ले जो वाप्स चल्हा ऐ।" चेले जवाब दितेया, "पर हे गुरु, ऐबे कुछ ई टैम पैहले तेथी रे लोक तुस्सा जो मारणा चाहें थे!" यीसूए बोल्या, "आस्सा रा दोस्त लाज़र सया करहा, होर मां से जगाणा।"

![](https://cdn.door43.org/obs/jpg/360px/obs-en-37-03.jpg)

यीसू रे चेले जवाब दितेया, "हे प्रभु, अगर लाज़र सया करहा, ता तेस ठीक हुई जाणा।" तेबे यीसूए तिन्हा किन्हें साफ बोली दितेया, "कि लाज़र मरी गईरा। हांऊँ खुस आ कि हांऊँ तेथी नी था, ताकि तुस्से मेरे पर विस्वास करी सको।"

![](https://cdn.door43.org/obs/jpg/360px/obs-en-37-04.jpg)

जेबे यीसू लाजरा रे गाऊं पूजे ता लाजरा जो मरीरे चार ध्याड़े हुई चुकिरे थे। मार्था यीसू किन्हें मिलणे रे कठे बाहर आई होर बोल्या, "हे प्रभु, अगर तू एथी हुंदा ता मेरा भाई नी मरदा। पर हांऊँ विस्वास करहा ई कि जो कुछ भी तू परमेसरा ले माँगे तेस तुस्सा जो देणा।"

![](https://cdn.door43.org/obs/jpg/360px/obs-en-37-05.jpg)

यीसूए जवाब दितेया, "पुनरुत्थान होर जिन्दगी हांऊँ आ। जो कोई मेरे पर विस्वास करहा अगर से मरी भी जाए तेबे भी तेस जीणा। जो कोई मेरे पर विस्वास करहा तेस कधी नी मरणा। क्या तू एस गल्ला पर विस्वास करहा ई?" मार्थे जवाब दितेया, "हे प्रभु, हांऊँ विस्वास करहा ई कि तू परमेसरा रा म्हठा मसीह आ।"

![](https://cdn.door43.org/obs/jpg/360px/obs-en-37-06.jpg)

तेबे मरियम आई। तेस्से यीसू रे पैरा पर पई किन्हें बोल्या, "हे प्रभु, अगर तुस्से एथी हुंदे ता मेरा भाई नी मरदा।" यीसूए तेस्सा ले पूछेया, "तुस्से लाजर केथी रखिरा?" तिन्हें तेस जो दस्या, "कि से कबरा मन्झ आ। आऊआ होर देखी लऊआ।" तेबे यीसू रोंदा लग्या।

![](https://cdn.door43.org/obs/jpg/360px/obs-en-37-07.jpg)

से कब्र एक गुफा थी जेसरे दरवाजे पर एक पात्थर लुढ़काई किन्हें रख्या गईरा था। जेबे यीसू कबरा पर पुजेया ता तिन्हें तिन्हा किन्हें बोल्या, "पात्थरा जो हटाई देआ।" पर मार्थे बोल्या, "तेस जो मरिरे चार ध्याड़े हुई चुकिरे। तेस मंझा ले ता बास आऊन्दी लगिरी हूंणीं।"

![](https://cdn.door43.org/obs/jpg/360px/obs-en-37-08.jpg)

यीसूए जवाब दितेया, "क्या मैं तुस्सा किन्हें नी बोलिरा था कि अगर तुस्से मेरे पर विस्वास करघे ता तुस्सा परमेसरा री सामर्थ देखणी?" इधी कठे तिन्हें पात्थर टाही दितेया।

![](https://cdn.door43.org/obs/jpg/360px/obs-en-37-09.jpg)

तेबे यीसूए ऊपर स्वर्ग वखा जो देखी किन्हें बोल्या, "हे बापू, मेरी अर्ज सुणी लैणे रे कठे हांऊँ तुस्सा रा धन्यवाद करहा। हांऊँ जाणहां कि तू हमेसा मेरी सुणहां, पर मैं एथी खड़ीरे इन्हा सभ लोका री मदद करणे रे कठे बोलिरा ताकि ये विस्वास करे कि तैं हांऊँ भेजिरा।" तेबे यीसूए अवाज लगाई, "हे लाज़र, बाहर निकली जा!"

![](https://cdn.door43.org/obs/jpg/360px/obs-en-37-10.jpg)

इधी कठे लाज़र बाहर निकली आया! से ऐबे भी कफना रे कपड़े मन्झ ल्पेठिरा था। यीसूए तिन्हा किन्हें बोल्या, "एस कफना जो काढणे मन्झ तेसरी मदद करा होर तेस जो अजाद करा।" एस चमत्कारा री वजहा ले बौह्त सारे यहूदी लोके यीसू पर विस्वास कितेया।

![](https://cdn.door43.org/obs/jpg/360px/obs-en-37-11.jpg)

पर यहूदी लोका रे धर्म गुरु यीसू किन्हें जहल्दे लगे, इधी कठे स्यों योजना बनाणे रे कठे सभ मिली किन्हें कठा हुए ताकि किहाँ यीसू होर लाजरा जो मारी सके।

*यूहन्ना 11:1-46 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_37_128kbps.m4a

## 38. यीसू पकड़वाया जाहाँ

https://openbiblestories.org/l/mjl/story-38/

![](https://cdn.door43.org/obs/jpg/360px/obs-en-38-01.jpg)

हर साल, यहूदी लोक फसहा रा साजा मनाहें थे। ये साजा इधी कठे मनाया जाहाँ था कि कई हजार साल पैहले परमेसरे तिन्हारे स्याणे मिस्र देसा री गुलामी ले छुड़ाएथे। लगभग तीन साला ले बाद यीसूए खुल्ही किन्हें सभी रे साम्हणे प्रचार करणा होर उपदेस देणा सुर्हू कितेया। यीसूए आपणे चेलेया जो दस्या कि से तिन्हा साऊगी यरूस्लेम सैहरा मन्झ फसह रा साजा मनाणा चाहाँ, होर ये भी दस्या कि से तेथी मारी दितेया जाणा।

![](https://cdn.door43.org/obs/jpg/360px/obs-en-38-02.jpg)

यीसू रे चेले मन्झ एक यहूदा नांऊँआं रा म्हाणुँ था। यहूदा प्रेरिता रे ढब्बेया री थैली सम्भालणे वाला म्हाणुँ था, पर हमेसा से तेस्सा थैली मंझा ले ढब्बे काढी लैहां था। यीसू होर चेले रे यरूस्लेम सैहरा मन्झ पूजणे ले बाद यहूदा यहूदी धर्मा रे गुरुआ वाले गया। तिने ढब्बे रे बदले मन्झ यीसू जो तिन्हारे हाथ पकड़वाणे री गल किती। से जाणहां था कि यहूदी अगुवे नी मन्नदे कि यीसू ई मसीह था। से जाणहां था कि स्यों तेस जो मारी देणा चाहें थे।

![](https://cdn.door43.org/obs/jpg/360px/obs-en-38-03.jpg)

महायाजका रे बोलणे पर यहूदी अगुवे यीसू जो तिन्हारे हाथा मन्झ पकड़वाणे रे कठे यहूदा जो तीह चाँदी रे सिक्के दिते। ये ठीक तिहां ईं हुएआ जिहां कि नबिए बोलिरा था। यहूदा मन्नी गया होर ढब्बे लई किन्हें चली गया। से यीसू जो गिरफ्तार करणे मन्झ तिन्हारी मदद करणे रे कठे केसी मौके रा इंतजार करेया करहा था।

![](https://cdn.door43.org/obs/jpg/360px/obs-en-38-04.jpg)

यरूस्लेमा मन्झ, यीसूए आपणे चेले साऊगी फसहा रा साजा मनाया। फसहा रे खाणे रे बीच, यीसूए रोटी लई किन्हें तोड़ी। तिने बोल्या, "एता जो लऊआ होर खाऊआ। ये मेरा सरीर आ जो हांऊँ तुस्सा रे कठे देहां। एता जो मेरी यादा मन्झ करेया।" एस तरीके ले, यीसूए बोल्या कि तेस तिन्हारे कठे मरी जाणा, यानि तिन्हारे कठे तेस आपणा सरीर बलि चढ़ाई देणा।

![](https://cdn.door43.org/obs/jpg/360px/obs-en-38-05.jpg)

फेरी यीसूए एक दाखरसा रा प्याला लया होर बोल्या, "एता जो पी लेऊआ। ये नौंईं वाचा रा मेरा खून आ जो कि मां दलणा ताकि परमेसर तुस्सा रे पापा माफ करे। हर बार एता जो पींदे टैम मेरी यादा मन्झ एह्ड़ा करेया जो हांऊँ ऐबे करेया करहा।"

![](https://cdn.door43.org/obs/jpg/360px/obs-en-38-06.jpg)

तेबे यीसूए आपणे चेले किन्हें बोल्या, "तुस्सा मंझा ले एक आदमिया हांऊँ पकड़वाणा।" चेले हैरान हुई गए, होर पूछदे लगे कि केस एह्ड़ा काम करणा। यीसूए बोल्या, "मेरा पकड़वाणे वाला म्हाणुँ से आ जेस जो मैं ये रोटी रा ग्राह देणा।" तेबे तिने से रोटी यहूदा जो दीती।

![](https://cdn.door43.org/obs/jpg/360px/obs-en-38-07.jpg)

तेस्सा रोटी जो लेणे ले बाद, यहूदा मन्झ सैतान समाई गया। यहूदा निकली किन्हें यीसू जो गिरफ्तार करवाणे रे कठे यहूदी धर्म गुरुआ री मदद करणे रे कठे चली गया। ये रातका टैम था।

![](https://cdn.door43.org/obs/jpg/360px/obs-en-38-08.jpg)

खाणा खाणे ले बाद, यीसू होर तेसरे चेले जैतून पहाड़ा जो चली गए। यीसूए बोल्या, "तुस्से सभिया आज राती हांऊँ छाडी देणा। ये लिखीरा, 'मां पुहाल मारणा होर सारी भेडा ओरे परे बिखरी जाणा।'"

![](https://cdn.door43.org/obs/jpg/360px/obs-en-38-09.jpg)

पतरसे जवाब दितेया, "भले ई बाकी सभ तुस्सा जो छाडी दे, पर मां तुस्से नी छाडणे!" तेबे यीसूए पतरसा किन्हें बोल्या, "सैतान तुस्सा सभी जो लई लैणा चाहाँ, पर हे पतरस, मैं तेरे कठे प्रार्थना कितिरी ताकि तू विस्वासा ले भटकी नी जाए। फेरी भी, आज राती, कुक्कड़ा री बांग देणे ले पैहले तुध तीन बारी नाहं करणी कि तू मुंजो नी जाणदा।"

![](https://cdn.door43.org/obs/jpg/360px/obs-en-38-10.jpg)

पतरसे तेबे यीसू किन्हें बोल्या, "चाहे हांऊँ मरी भी जाऊँ, मां कधी भी तुस्सा री नाहं नी करणी!" बाकी रे सभ चेले भी एह्ड़ा ई बोल्या।

![](https://cdn.door43.org/obs/jpg/360px/obs-en-38-11.jpg)

तेबे यीसू आपणे चेले साऊगी गतसमनी नांऊँआं री जगहा पर गया। यीसूए आपणे चेले किन्हें प्रार्थना करणे रे कठे बोल्या ताकि सैतान तिन्हारी परखणी नी करे। तेबे यीसू आप्हुए प्रार्थना करणे रे कठे चली गया।

![](https://cdn.door43.org/obs/jpg/360px/obs-en-38-12.jpg)

यीसूए तीन बारी प्रार्थना कीती, "हे मेरे बापू परमेसर, अगर हुई सके ता दया करी किन्हें ये दुःखा रा प्याला पीणे रे कठे मुंजो मत दे। पर अगर लोका रे पाप माफ किते जाणे रे कठे कोई होर पैंडा नी आ, ता तेरी ई इच्छा पूरी हुई जाए।" यीसू बौह्त परेसान था होर तेसरा पसीना खूना रे टेपे साहीं पया करहा था। तेस जो सामर्थ देणे रे कठे परमेसरे एक स्वर्गदूत भेज्या।

![](https://cdn.door43.org/obs/jpg/360px/obs-en-38-13.jpg)

हर बार प्रार्थना ले बाद, यीसू आपणे चेले वाले वाप्स आया, पर स्यों सई गईरे थे। जेबे यीसू त्रीजी बारी वाप्स आया ता यीसूए बोल्या, "जागी जाऊआ! मेरा पकड़वाणे वाला एथी पूजी गईरा।"

![](https://cdn.door43.org/obs/jpg/360px/obs-en-38-14.jpg)

यहूदी धर्मा रे गुरु, स्पाही, होर एक बडी भीड़ा साऊगी यहूदा तेथी आया। तिन्हें तलवारिया होर डंडे ल्यान्दिरे थे। यहूदे यीसू वाले आई किन्हें तेस किन्हें बोल्या, "हे गुरु जी, नमस्कार," होर तिने से गले लगाई किन्हें चूमी लया। तिने एह्ड़ा इधी कठे कितेया ताकि से यहूदी धर्मा रे गुरुआ जो दसी सके कि गिरफ्तार किते जाणे वाला म्हाणुँ कुणहां। तेबे यीसूए बोल्या, "हे यहूदा, क्या तू एक चुम्बन लई किन्हें मुंजो पकड़वाया करहा?"

![](https://cdn.door43.org/obs/jpg/360px/obs-en-38-15.jpg)

जेबे स्यों स्पाही यीसू जो पकड़ेया करहा ऐ थे, ता पतरसे आपणी तलवार काढी, होर महायाजका रे एक सेऊआदारा रा कान काटी दितेया। यीसूए बोल्या, "तलवार दूर हटाई दे! हांऊँ आपणे बापू परमेसरा ले आपणा बचाव करणे रे कठे स्वर्गदूता री एक सेना रे कठे अर्ज करी सक्हा। पर मुंजो मेरे बापू री गल्ला मनणी जरूरी ई।" तेबे यीसूए तेस म्हाणुँ रा कान ठीक करी दितेया। तेबे सारे चेले भगी गए।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_38_128kbps.m4a

## 39. यीसू पर मुकद्दमा चल्हा

https://openbiblestories.org/l/mjl/story-39/

![](https://cdn.door43.org/obs/jpg/360px/obs-en-39-01.jpg)

ऐबे ये आधी राती रा टैम था। स्यों स्पाही यीसू जो महायाजका रे घर लई आए, क्यूंकि से यीसू किन्हें सुआल करणा चाहाँ था। पतरस दूरा ले तिन्हारा पीछा करेया करहा था। जेबे स्पाही यीसू जो घरा मन्झ लई गए, ता पतरस आपु बाहर रुकी किन्हें आग तफ्दा लग्या।

![](https://cdn.door43.org/obs/jpg/360px/obs-en-39-02.jpg)

घरा रे अंदर, यहूदी अगुवे यीसू पर मुकद्दमा चलाया। स्यों तेसरे बरख्लाफ झूठी गल्ला बोलणे रे कठे बौह्त सारे झूठे गुआह लई किन्हें आए। हलांकि, तिन्हारी गल्ला एक दूजे किन्हें मेल नी खांदी थी, इधी कठे यहूदी अगुवे ये साबित नी करी सके कि से केसी भी गल्ला रा दोसी था। यीसूए कुछ नी बोल्या।

![](https://cdn.door43.org/obs/jpg/360px/obs-en-39-03.jpg)

आखरी मन्झ, महायाजके सीधे यीसू वखा जो देखी किन्हें बोल्या, "आस्सा जो दस कि क्या तू ई जिऊन्दे परमेसरा रा म्हठा मसीह आ?"

![](https://cdn.door43.org/obs/jpg/360px/obs-en-39-04.jpg)

यीसूए बोल्या, "हांऊँ आं, होर तुस्सा हांऊँ परमेसरा साऊगी बैठिरा होर स्वर्गा ले आऊन्दा भी देखणा।" महायाजके आपणे कपड़े छेकी दिते क्यूंकि से यीसू री बोलिरी गल्ला पर बौह्त गुस्सा था। से दूजे धर्म गुरुआ पर चिल्लाया, "आस्सा जो ये दसणे रे कठे केसी होर गुआहा री जरूरत नी ई कि इने म्हाणुँऐं क्या कितेया! तुस्से आप्हुए तेस जो ये बोल्दे हुए सुणी लया कि से परमेसरा रा म्हठा आ। तेसरे बारे मन्झ तुस्सा रा क्या फैसला आ?"

![](https://cdn.door43.org/obs/jpg/360px/obs-en-39-05.jpg)

सभ यहूदी अगुवे महायाजका जो जवाब दितेया, "से मरणे रे लायक आ!" तेबे तिन्हें यीसू री हाखिया पर पट्टी बान्ही दीती, तेस पर थूक्या, से मारेया, होर तेसरा मजाक डुआया।

![](https://cdn.door43.org/obs/jpg/360px/obs-en-39-06.jpg)

होर, जेबे पतरस घरा रे बाहर इंतजार करेया करहा था। तेबे एक नकरयाणिए से देख्या। तेस्से तेस किन्हें बोल्या, "तू भी यीसू साऊगी था!" पतरसे नाहं करी दिती। बादा मन्झ, केसी दूजी नकरयाणिए येई गल बोली, होर पतरसे दबारा नाहं करी दिती। आखरी मन्झ, कुछ लोके बोल्या, "आस्से जाणहां ऐं कि तू यीसू साऊगी था क्यूंकि तुस्से दुहें गलीला ले ऐ।"

![](https://cdn.door43.org/obs/jpg/360px/obs-en-39-07.jpg)

तेबे पतरसे बोल्या, "अगर हांऊँ एस म्हाणुँ जो जाणदा हुंदा ता परमेसर मुंजो स्राप दे!" एकदम ई पतरसा रे एस तरीके री कसम खाणे ले बाद, एक कुक्कड़े बांग दिती। यीसूए पीछे मुड़ी किन्हें पतरसा जो देख्या।

![](https://cdn.door43.org/obs/jpg/360px/obs-en-39-08.jpg)

पतरस तेथी ले चली गया होर सिसकी-सिसकी किन्हें रोया। तेस ई टैम, यीसू जो पकड़वाणे वाले यहूदे देख्या कि यहूदी अगुवे यीसू जो मौता री सजा दिती। यहूदा बौह्त दुःखी हुई गया होर जाई किन्हें तिन्हें आत्महत्या करी दिती।

![](https://cdn.door43.org/obs/jpg/360px/obs-en-39-09.jpg)

ऐबे तेस देसा रा राज्यपाल पिलातुस था। से रोमी सरकारा रे कठे काम करहा था। यहूदी अगुवे यीसू जो तेस वाले लई किन्हें आए। स्यों चाहें थे कि पिलातुस तेस जो मौता री सजा दे होर तेस जो मारी दे। तेबे पिलातुसे यीसू ले पूछेया, "क्या तू यहूदिया रा राजा आ?"

![](https://cdn.door43.org/obs/jpg/360px/obs-en-39-10.jpg)

यीसूए जवाब दितेया, "तैं सच ई बोल्या। पर मेरा राज्य एथी धरती रा नी आ। अगर हुंदा ता मेरे दास मेरे कठे युद्ध करदे। हांऊँ धरती पर परमेसरा रे बारे मन्झ सच दसणे रे कठे आईरा। हर एक आदमी जो सच्चाई किन्हें प्यार करहा से मेरी सुणहां।" पिलातुसे बोल्या, "ता सच क्या आ?"

![](https://cdn.door43.org/obs/jpg/360px/obs-en-39-11.jpg)

यीसू साऊगी गल्ला करणे ले बाद, पिलातुसे बाहर भीड़ा वाले जाई किन्हें बोल्या, "हांऊँ एह्ड़ी कोई वजहा नी देख्दा कि ये म्हाणुँ मौता री सजा रे लायक हो।" पर यहूदी अगुवे होर भीड़ा रे लोके चिल्लाई किन्हें बोल्या, "तेस जो क्रूसा पर चढ़ाई देआ!" पिलातुसे जवाब दितेया, "से कुछ भी गलत करणे रा अपराधी नी आ।" पर स्यों होर भी ऊची अवाजा मन्झ चिल्लान्दे लगे। तेबे पिलातुसे त्रीजी बारी बोल्या, "कि से अपराधी नी आ!"

![](https://cdn.door43.org/obs/jpg/360px/obs-en-39-12.jpg)

पिलातुस डरी गया कि तेस्सा भीड़ा रे लोका दंगा सुर्हू कर देणा, इधी कठे से आपणे स्पाहिया रे ज्रीए यीसू जो क्रूसा पर चढ़ाणे रे कठे मन्नी गया। रोमी स्पाहिए यीसू जो कोड़े लगाए, होर तेस जो राजे साहीं कपड़े पनह्याये, होर तेसरे मूंडा पर कान्डेया रा बणिरा ताज रख्या। तेबे स्यों ये बोली किन्हें तेसरा मजाक डुआन्दे लगे, "देखा, यहूदिया रा राजा!"

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_39_128kbps.m4a

## 40. यीसू जो क्रूसा पर चढ़ाया जाहाँ

https://openbiblestories.org/l/mjl/story-40/

![](https://cdn.door43.org/obs/jpg/360px/obs-en-40-01.jpg)

यीसू रा मजाक करणे ले बाद, स्पाही तेस जो क्रूसा पर चढ़ाणे रे कठे लई गए। तिन्हें से क्रूस तेसले ई चकाया जेस पर से मरणे वाला था।

![](https://cdn.door43.org/obs/jpg/360px/obs-en-40-02.jpg)

स्यों स्पाही यीसू जो तेस जगहा पर लई किन्हें आए जेस जो "खोपड़ी" बोल्हा ऐ होर तेसरे हाथा होर पैरा पर कीला ठोकी दिती होर क्रूसा पर लटकाई दिता। पर यीसूए बोल्या, "हे बापू, इन्हा जो माफ कर, क्यूंकि ये नी जाणदे कि ये क्या करेया करहा ऐ।" तिन्हें एक फटा भी तेसरे मूंडा ऊपर टांगी दितेया। तेस पर लिखिरा था, "यहूदिया रा राजा।" पिलातुसे तिन्हा किन्हें येई लिखणे रे कठे बोल्या था।

![](https://cdn.door43.org/obs/jpg/360px/obs-en-40-03.jpg)

तेबे स्पाहिए यीसू रे कपड़ेया रे कठे चिट्ठिया पाई। जेबे तिन्हें एह्ड़ा कितेया ता तिन्हें से भविस्यवाणी पूरी किती जो बोल्हा ई थी, "तिन्हें मेरे कपड़े आपु मन्झ बांडी लये, होर मेरे कपड़ेया रे कठे चिट्ठिया पाई।"

![](https://cdn.door43.org/obs/jpg/360px/obs-en-40-04.jpg)

तेथी तेस जगहा पर दो डाकू भी थे, जिन्हा जो स्पाहिए तेस ई टैम क्रूसा पर चढ़ाईरा था। तिन्हें स्यों यीसू रे ओरेले होर परली वखो क्रुसा पर चढ़ाईरे थे। तिन्हा मंझा ले एक डाकूए यीसू रा मजाक डुआया, पर दूजे बोल्या, "क्या तू नी डरदा कि परमेसरा तुजो सजा देणी? आस्से बौह्त सारे बुरे काम करणे रे अपराधी ऐ, पर ये म्हाणुँ ता बेकसूर आ।" फेरी तिन्हें यीसू किन्हें बोल्या, "जेबे तू आपणे राज्या मन्झ आए ता दया करी किन्हें मुंजो याद रख्या।" यीसूए जवाब दितेया, "तुध आज ई मेरे साऊगी स्वर्ग लोका मन्झ हूंणां।"

![](https://cdn.door43.org/obs/jpg/360px/obs-en-40-05.jpg)

यहूदी अगुवे होर भीड़ा रे दूजे लोके यीसू रा मजाक डुआया। तिन्हें तेस किन्हें बोल्या, "अगर तू परमेसरा रा म्हठा आ, ता क्रूसा ले हेठ उतरी जा होर आपु जो बचाई ले! तेबे आस्सा तेरे पर विस्वास करणा।"

![](https://cdn.door43.org/obs/jpg/360px/obs-en-40-06.jpg)

तेबे तेस पुरे देसा रा सर्ग पूरी तरह ले काला हुई गया, से भर दपैहरा रा टैम था। ये भर दपैहरा रा टैम न्याहरे किन्हें काला हुई गया होर तीन घंटे तक एह्ड़ा ई रैह्या।

![](https://cdn.door43.org/obs/jpg/360px/obs-en-40-07.jpg)

तेबे यीसूए पुकारी किन्हें बोल्या, "पूरा हुएआ! हे बापू, हांऊँ आपणी आत्मा तेरे हाथा मन्झ देई देहां।" तेबे तिन्हें आपणा मूंड झुकाई दितेया होर आपणे प्राण छाडी दिते। जेबे से मरेया ता एक भूकम्प आया। से बड़ा पर्दा जो परमेसरा री मौजूदगी ले लोका जो लग करहा था से ऊपरा ले हेठा तक फटी किन्हें दो हिस्से हुई गया।

![](https://cdn.door43.org/obs/jpg/360px/obs-en-40-08.jpg)

आपणी मौता रे ज्रीए, यीसूए लोका रे कठे परमेसरा वाले आऊणे रा पैंडा खोल्ही दितेया। जेबे यीसू री देखरेख करणे वाले एक स्पाहिए जो कुछ हुएआ था ये सभ कुछ देख्या ता तिन्हें बोल्या, "जरुर, ये म्हाणुँ ता बेकसूर था। ये परमेसरा रा म्हठा आ।"

![](https://cdn.door43.org/obs/jpg/360px/obs-en-40-09.jpg)

तेबे यूसुफ होर नीकुदेमुस नांऊँआं रे दो यहूदी अगुवे आए। स्यों विस्वास करहा ऐ थे कि यीसू ई मसीह था। तिन्हें पिलातुसा ले यीसू रा सरीर मांगेया। तिन्हें तेसरा सरीर कपड़े मन्झ लपेटया। तेबे स्यों तेस जो एक एह्ड़ी कबरा मन्झ लई गए जो चट्टान काटी किन्हें बणाई गईरी थी होर तिन्हें से तेता अंदर रखी दितेया। तेबे तिन्हें तेस्सा कबरा रा दुराजा बंद करणे रे कठे एक बडा पात्थर लुढ़काई किन्हें लगाई दितेया।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_40_128kbps.m4a

## 41. परमेसर यीसू जो मरणे ले बाद जिऊन्दा करहा

https://openbiblestories.org/l/mjl/story-41/

![](https://cdn.door43.org/obs/jpg/360px/obs-en-41-01.jpg)

जेबे स्पाही यीसू जो क्रूसा पर चढ़ाई बैठे, यहूदी अगुवे पिलातुसा किन्हें बोल्या, "तिने झूठे, यीसूए बोल्या था कि तेस मरणे रे तरीजे ध्याड़े ले बाद दबारा जिऊन्दे हुई जाणा। केसी जो एस्सा कबरा री देखरेख जरुर करणी पऊणी ताकि तेसरे चेले तेसरा सरीर चुराई नी सके। अगर स्यों एह्ड़ा करघे ता तिन्हा बोलणा कि से मरी किन्हें दबारा जिऊन्दा हुई गईरा।"

![](https://cdn.door43.org/obs/jpg/360px/obs-en-41-02.jpg)

पिलातुसे बोल्या, "कुछ स्पाही लई जाऊआ, होर जिहां तुस्से करी सको तिहां कब्रा री देखरेख करा।" इधी कठे तिन्हें तेस्सा कब्रा पर लाईरे पात्थरा पर एक मोहर लगाई दीती। तिन्हें पक्का इंतजाम करी किन्हें तेथी स्पाही भी बैठाई दिते ताकि कोई भी तेसरा सरीर चुराई नी सके।

![](https://cdn.door43.org/obs/jpg/360px/obs-en-41-03.jpg)

यीसू रे मरणे ले बादा रा ध्याड़ा अरामा रा ध्याड़ा था। कोई भी अरामा रे ध्याड़े काम नी करी सक्दा था, इधी कठे यीसू रा कोई भी दोस्त कब्रा पर नी आया था। पर अरामा रे ध्याड़े ले बाद, भ्यागा तड़के ही, कुछ ज्नानिया यीसू री कब्रा पर जाणे रे कठे त्यार हुई। स्यों तेसरे सरीरा पर होर भी खूसबुदार मसाले लगाणा चाहीं थी।

![](https://cdn.door43.org/obs/jpg/360px/obs-en-41-04.jpg)

तिन्हा ज्नानिया ले पूजणे ले पैहले, कब्रा पर एक बड़ा हिलण हुएआ। स्वर्गा ले एक स्वर्गदूते आई किन्हें से पात्थर लुढ़काई दितेया जो कब्रा रा दुराजा बंद करणे रे कठे लगाईरा था होर से तेस पात्थरा पर बैठी गया। ये स्वर्गदूत प्रयासे साहीं चमक्या करहा था। कब्रा पर जो स्पाही थे तिन्हें से देख्या। स्यों इतना डरी गए थे कि स्यों मुर्देया साहीं जमीना पर पई गए।

![](https://cdn.door43.org/obs/jpg/360px/obs-en-41-05.jpg)

जेबे स्यों ज्नानिया कब्रा पर पूजी ता तिने स्वर्गदूते तिन्हा किन्हें बोल्या, "मत डरा। यीसू एथी नी आ। से मरणे ले बाद जिऊन्दा हुई गईरा, जिहां कि तिने बोलिरा था कि तेस जिऊन्दे हुई जाणा! कब्रा मन्झ तोपा होर देखा।" तिन्हें ज्नानिए कब्रा रे अंदर होर जेथी यीसू रा सरीर रखिरा था तेथी छानबीण किती होर देख्या कि तेसरा सरीर तेथी नी था!

![](https://cdn.door43.org/obs/jpg/360px/obs-en-41-06.jpg)

तेबे तिने स्वर्गदूते तिन्हा ज्नानिया किन्हें बोल्या, "जाई किन्हें तेसरे चेले जो दसा, 'कि यीसू मरणे ले बाद जिऊन्दा हुई गईरा होर तेस तुस्सा ले पैहले गलील जिले जो चली जाणा।'"

![](https://cdn.door43.org/obs/jpg/360px/obs-en-41-07.jpg)

स्यों ज्नानिया हैरान हुई होर बौह्त खुस हुई। स्यों चेलेया जो ये खरी खबर सूनाणे रे कठे दौड़ी।

![](https://cdn.door43.org/obs/jpg/360px/obs-en-41-08.jpg)

जेबे स्यों ज्नानिया चेलेया जो ये खरी खबर दसणे रे कठे आपणे पैंडे पर जाया करहा ई थी, ता यीसू तिन्हा पर प्रकट हुएआ। स्यों तेसरे पैरा पर पई गई। तेबे यीसूए बोल्या, "मत डरा। जाई किन्हें मेरे चेलेया जो गलील जिल्ले मञ्झ जाणे जो बोला। मां तिन्हा जो तेथी मिलणा।"

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_41_128kbps.m4a

## 42. यीसू स्वर्गा जो वाप्स जाहाँ

https://openbiblestories.org/l/mjl/story-42/

![](https://cdn.door43.org/obs/jpg/360px/obs-en-42-01.jpg)

जेस ध्याड़े परमेसरे यीसू मरणे ले बाद जिऊन्दा कितेया था, तेसरे दो चेले नेडे रे गाऊँआं मन्झ जाया करहा ऐ थे। चलदे-चलदे स्यों यीसू साऊगी जो हुएआ था। तेसरे बारे मन्झ गल्ला करेया करहा ऐ थे, तिन्हा जो आस थी कि से मसीह था, पर तेबे भी से मारी दितेया गया था। ऐबे स्यों ज्नानिया बोल्हा ई कि से दबारा जिऊन्दा हुई गईरा। स्यों नी जाणदे थे कि केस गल्ला पर विस्वास करे।

![](https://cdn.door43.org/obs/jpg/360px/obs-en-42-02.jpg)

यीसूए तिन्हा वाले आई किन्हें तिन्हा साऊगी चलना सुर्हू कितेया, पर स्यों तेस जो पछ्याणी नी सके। तिन्हें पूछेया कि स्यों केस बारे मन्झ गल्ला करेया करहा ऐ थे। तिन्हें तेस जो पिछले ध्याड़े यीसू साऊगी हुई सारी घटना के बारे मन्झ दस्या। तिन्हें सोच्या कि स्यों केसी परदेसी किन्हें गल्ला करेया करहा ऐ थे जो नी जाणदा था कि यरूस्लेम सैहरा मन्झ क्या हुएआ था।

![](https://cdn.door43.org/obs/jpg/360px/obs-en-42-03.jpg)

तेबे यीसूए तिन्हा जो समझाया कि परमेसरा रा वचन मसीह रे बारे मन्झ क्या बोल्हा। बौह्त पैहले, नबिए बोल्या था कि बुरे लोका मसीह दुःखी करणा होर मारी देणा। पर नबिए ये भी बोल्या था कि तेस तरीजे ध्याड़े ले बाद द्बारा जिऊन्दे हुई जाणा।

![](https://cdn.door43.org/obs/jpg/360px/obs-en-42-04.jpg)

जेबे स्यों तेस नगरा मन्झ पूजे जेथी स्यों दो आदमी रुकणा चाहें थे, तेबे तक लगभग सांझ हुई गईरी थी। तिन्हें यीसू जो तिन्हा साऊगी रुकणे रे कठे सादेया, इधी कठे से तिन्हा साऊगी एक घरा मन्झ गया। आपणे सान्झ्का खाणा खाणे रे कठे स्यों बैठी गए। यीसूए एक रोटी लई किन्हें तेता रे कठे परमेसरा रा धन्यवाद दितेया, होर फेरी से रोटी तोड़ी। अचानक, तिन्हें जाणी लया कि से यीसू था। पर तेस ई टैम, से तिन्हारे साम्हणे ले गायब हुई गया।

![](https://cdn.door43.org/obs/jpg/360px/obs-en-42-05.jpg)

तिन्हें दो म्हाणुँऐं एक दूजे किन्हें बोल्या, "से यीसू था! इधी कठे जेबे तिन्हें आस्सा जो परमेसरा रा वचन समझाया था ता आस्से बौह्त खुस थे!" एकदम ही, स्यों निकली किन्हें वाप्स यरूस्लेम सैहरा जो गए। जेबे स्यों पूजे ता तिन्हें चेले दस्या, "यीसू जिऊन्दा आ! आस्से से देख्या!"

![](https://cdn.door43.org/obs/jpg/360px/obs-en-42-06.jpg)

जेबे चेले गल्ला करेया करहा ऐ थे, यीसू अचानक तेस कमरे मन्झ तिन्हारे बीचा मन्झ प्रकट हुएआ। तिन्हें बोल्या, "तुस्सा जो सांति मिले!" चेले सोच्या कि से कोई भूत था, पर यीसूए बोल्या, "तुस्से कि डरहा ऐ? तुस्से ये कि नी सोच्दे कि ये सच्हे हांऊँ, यीसू आ? मेरे हाथ होर पैर देखा। भूता वाले एह्ड़ा सरीर नी हुंदा जिहां मेरे वाले आ।" ये दसणे रे कठे कि से कोई भूत नी था, तिन्हें खाणे रे कठे कुछ मांगेया। तिन्हें तेस जो मच्छी रा एक टुकड़ा दितेया, होर तिन्हें से खाई लया।

![](https://cdn.door43.org/obs/jpg/360px/obs-en-42-07.jpg)

यीसूए बोल्या, "मेरे बारे मन्झ परमेसरा रा वचन जो कुछ भी बोल्हा से जरुर पूरा हूंणां। मैं तुस्सा जो दसी दितिरा था कि एह्ड़ा हूंणां जरूरी आ।"तेबे यीसूए तिन्हा जो परमेसरा रा वचन ठीक ढंगा किन्हें समझाया। तिन्हें बोल्या, "बौह्त पैहले नबिए लिख्या था कि मेरे, मसीहा जो दुःख चकणा पऊणां, मरणा पऊणां होर फेरी मरणे ले तरीजे ध्याड़े बाद जिऊन्दे हुई जाणा।"

![](https://cdn.door43.org/obs/jpg/360px/obs-en-42-08.jpg)

तिन्हें नबिए ये भी लिख्या था कि मेरे चेलेया परमेसरा रे वचना रा एलान करणा। तिन्हा हर एकी जो पस्चाताप करणे रे कठे दसणा। अगर स्यों एह्ड़ा करघे ता परमेसरा तिन्हारे पाप माफ करणे। मेरे चेलेया एस खबरा रा प्रचार यरूस्लेम सैहरा ले सुर्हू करणा। तेबे तिन्हा सभ जगहा सभ जातिया मन्झ जाणा। तुस्से लोक मेरी बोलिरी हर एकी गल्ला होर कितिरे कामा रे गुआह ऐ, होर मेरे साऊगी हुईरी सभी गल्ला रे भी गुआह ऐ।

![](https://cdn.door43.org/obs/jpg/360px/obs-en-42-09.jpg)

अगले चाल्ई ध्याड़े रे बीच, यीसू आपणे चेलेया पर कई बार प्रकट हुएआ। एक बार ता से एक ई टैमा पर 500 ले ज्यादा लोका पर प्रकट हुएआ! तिन्हें आपणे चेलेया पर कई तरीके किन्हें साबित कितेया कि से जिऊन्दा था, होर तिन्हें तिन्हा जो परमेसरा रे राज्या रे बारे मन्झ उपदेस दितेया।

![](https://cdn.door43.org/obs/jpg/360px/obs-en-42-10.jpg)

यीसूए आपणे चेले किन्हें बोल्या, "परमेसरे मुंजो स्वर्ग होर धरती रे हर एक आदमी पर राज करणे रा हक दितिरा। इधी कठे ऐबे हांऊँ तुस्सा किन्हें बोल्हा: जाई किन्हें सभ जातिया रे लोका जो चेला बणाऊआ। एह्ड़ा करणे रे कठे, तुस्से तिन्हा जो बापू परमेसर, म्हठा परमेसर, होर पवित्र आत्मा परमेसरा रे नांऊँआं ले बप्तिस्मा देआ। जो कुछ भी मैं तुस्सा जो हुक्मा दितिरा स्यों सभ गल्ला तुस्से तिन्हा जो मन्नणा सिखाऊआ। याद रखा, मां हमेसा तुस्सा साऊगी रैहणा।"

![](https://cdn.door43.org/obs/jpg/360px/obs-en-42-11.jpg)

यीसू रे मरी किन्हें जिऊन्दे हूंणे रे चाल्ई ध्याड़े ले बाद, तिन्हें आपणे चेले किन्हें बोल्या, "जेबे तक कि मेरा बापू परमेसर तुस्सा जो सामर्थ नी दे तेबे तक यरूस्लेम सैहरा मन्झ रुकिरे रैह्या। तेस तुस्सा पर पवित्र आत्मा भेजणे रे ज्रीए एह्ड़ा करणा।" तेबे यीसू स्वर्गा मन्झ चली गया, होर एक बादले से तिन्हारी नजरा ले ल्कोई लितेया। स्वर्गा मन्झ यीसू सभ चीजा पर राज करणे वाले परमेसरा री सिधी वखा जो बैठी गया।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; प्रेरित 1:1-11 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_42_128kbps.m4a

## 43. कलीसियारी सुरुआत

https://openbiblestories.org/l/mjl/story-43/

![](https://cdn.door43.org/obs/jpg/360px/obs-en-43-01.jpg)

यीसू रे स्वर्ग वाप्स जाणे ले बाद, चेले यरूस्लेम सैहरा मन्झ ई रुकिरे रहे जेह्ड़ा यीसूए तिन्हा जो करणे रा हुक्म दितिरा था। तेथी रे विस्वासी लोक लगातार प्रार्थना करणे रे कठे, कठे हुंदे रैह्याँ ऐं थे।

![](https://cdn.door43.org/obs/jpg/360px/obs-en-43-02.jpg)

हर साल, फसहा रे साजे रे 50 ध्याड़े ले बाद, यहूदी लोक पैन्तिकोस्त नांऊँआं रा एक खास ध्याड़ा साजे रे रूपा मन्झ मनाहें थे। पैन्तिकोस्ता रा टैम से टैम था जेबे यहूदी लोक कणका री फसल कटाई रा जसन मनाहें थे। सारे संसारा ले यहूदी लोक पैन्तिकोस्ता रा ध्याड़ा कठे हुई किन्हें मनाणे रे कठे यरूस्लेम सैहरा मन्झ आईरे थे। एस साल, पैन्तिकोस्त मनाणे रा टैम यीसू रे स्वर्गा जो चले जाणे रे लगभग एक हफ्ते ले बाद आया था।

![](https://cdn.door43.org/obs/jpg/360px/obs-en-43-03.jpg)

जेस टैम सारे विस्वासी लोक कठे हुईरे थे, ता जेस घरा मन्झ स्यों थे अचानक से घर तेज हाऊआ साहीं अवाजा किन्हें भर्ही गया। तेबे आगा री चन्गारिया साहीं सूझणे वाला कुछ सभ विस्वासिया रे मूंडा ऊपर प्रकट हुएआ। स्यों सभ पवित्र आत्मा किन्हें भर्ही गए होर तिन्हें दूजी भासा मन्झ परमेसरा री बड़ाई कीती। ये स्यों भासा थी जिन्हा जो बोलणे रे कठे पवित्र आत्मे स्यों लायक बणाए थे।

![](https://cdn.door43.org/obs/jpg/360px/obs-en-43-04.jpg)

जेबे यरूस्लेमा मन्झ रैहणे वाले लोके से हाल्ला सुणेया, ता स्यों भीड़ा रे रूपा मन्झ ये देखणे रे कठे, कट्ठे हुए कि क्या हुएया करहा। तिन्हें विस्वासिया जो परमेसरा रे ज्रीए किते गईरे बडे-बडे कामा रा एलान करदे सुणेया। स्यों हैरान थे क्यूंकि स्यों तिन्हा कामा जो आपणी ई भासा मन्झ सुणेया करहा ऐ थे।

![](https://cdn.door43.org/obs/jpg/360px/obs-en-43-05.jpg)

इन्हा मंझा ले कुछ लोके बोल्या कि स्यों चेले नसे मन्झ ऐ। पर पतरस खड़ा हुएआ होर तिन्हा किन्हें बोल्या, "मेरी गल्ला सुणा! ये लोक नसे मन्झ नी ऐ! एता रे बजाए, जो तुस्से देख्हा ऐ से सेई आ जो योएल नबिए हूंणें रे कठे बोल्या था: परमेसरे बोल्या, 'आखरी ध्याड़े मन्झ, मां आपणा आत्मा दलणा।'"

![](https://cdn.door43.org/obs/jpg/360px/obs-en-43-06.jpg)

हे इस्राएली लोको, यीसू एक एह्ड़ा म्हाणुँ था जिने ये दसणे रे कठे कि से कुणहां ये बौह्त सारे नौखे काम किते थे। तिने परमेसरा रे सक्ति ले बौह्त सारे नौखे काम किते। तुस्से ये जाणहां ऐं, क्यूंकि तुस्से ये काम देखे। पर तुस्से से क्रूसा पर चढ़ाई दितेया!

![](https://cdn.door43.org/obs/jpg/360px/obs-en-43-07.jpg)

यीसू मरी गया पर परमेसरे से मरणे ले बाद जिऊन्दा करी दितेया। युहन्ने ये गल पूरी करी दिती जो एक नबिए लिखिरी थी: 'तुध आपणा पवित्र आदमी कब्रा मन्झ सड़ने नी देणा।' आस्से गुआह ऐ कि परमेसरे यीसू दबारा जिऊन्दा करी दितेया।

![](https://cdn.door43.org/obs/jpg/360px/obs-en-43-08.jpg)

परमेसर बापुए ऐबे यीसू जो आपणी सिधि वखा जो बैठाई किन्हें तेस जो इज्जत दिती। होर यीसूए आपणे वादे रे मुताबक आस्सा रे कठे पवित्र आत्मा भेजी। पवित्र आत्मा ई ये सारे काम हूंणें देया करहा जो तुस्से देख्या होर सुणेया करहा ऐ।

![](https://cdn.door43.org/obs/jpg/360px/obs-en-43-09.jpg)

तुस्से से म्हाणुँ, यीसू क्रूसा पर चढ़ाई दितेया। पर पक्का जाणी लऊआ कि परमेसरे यीसू जो सभ चीजा पर प्रभु होर मसीह बणाईरा!

![](https://cdn.door43.org/obs/jpg/360px/obs-en-43-10.jpg)

पतरसा री गल्ला सुणने वाले लोक अंदरा तक हिली गए थे। इधी कठे तिन्हें पतरस होर चेलेया ले पूछेया, "हे भाइयो, आस्सा जो क्या करणा चहिए?"

![](https://cdn.door43.org/obs/jpg/360px/obs-en-43-11.jpg)

पतरसे तिन्हा जो जवाब दितेया, "तुस्सा मंझा ले हर एक आपणे पापा रे कठे पस्चाताप करा ताकि परमेसर तुस्सा रे पाप माफ करे, होर यीसू मसीह रे नांऊँआं ले बप्तिस्मा लेया। तेबे तेस तुस्सा जो पवित्र आत्मा रा वरदान भी देणा।"

![](https://cdn.door43.org/obs/jpg/360px/obs-en-43-12.jpg)

पतरसा री बोलिरी गल्ला पर लगभग 3,000 लोके विस्वास कितेया होर यीसू रे चेले बणी गए। तिन्हें बप्तिस्मा लया होर यरूस्लेम सैहरा री कलीसिया रे भागीदार बणी गए।

![](https://cdn.door43.org/obs/jpg/360px/obs-en-43-13.jpg)

जेबे प्रेरिते तिन्हा जो उपदेस दितेया ता विस्वासिए लगातार सुणेया। स्यों हमेसा मिल्दे रैह्याँ ऐं थे होर कठे हुई किन्हें खाणा खाहें थे, होर तिन्हें हमेसा एक दूजे रे कठे प्रार्थना कीती। तिन्हें मिली जुली किन्हें परमेसरा री बड़ाई कीती होर जो कुछ भी तिन्हा वाले था तिन्हें एक दूजे साऊगी बांडेया। नगरा रा हर एक म्हाणुँ तिन्हारे कठे खरी सोच रख्हा ऐ थे। हर ध्याड़े, ज्यादा ले ज्यादा लोक विस्वासी बणदे गए।

*प्रेरिता रे काम अध्याय 2 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_43_128kbps.m4a

## 44. पतरस होर यूहन्ना एक भिखारी जो ठीक करहा ऐ

https://openbiblestories.org/l/mjl/story-44/

![](https://cdn.door43.org/obs/jpg/360px/obs-en-44-01.jpg)

एक ध्याड़े, पतरस होर यूहन्ना मन्दरा मन्झ गए। एक अपंग म्हाणुँ भीख मांगणे रे कठे दुराजे वाले बैठिरा था।

![](https://cdn.door43.org/obs/jpg/360px/obs-en-44-02.jpg)

पतरसे तेस लंगड़े म्हाणुँ वखा जो देख्या होर बोल्या, "मेरे वाले तुजो देणे रे कठे पैसा ता नी आ। पर जो मेरे वाले आ से हांऊँ तुजो देहां। यीसू रे नांऊँआं ले, उठ होर चल्दा-फिरदा लग!"

![](https://cdn.door43.org/obs/jpg/360px/obs-en-44-03.jpg)

एकदम ई, परमेसरे से लंगड़ा म्हाणुँ ठीक करी दितेया। तिने ओरे परे चलणा होर उटकणा, होर परमेसरा री बड़ाई करणा सुर्हू करी दिती। मन्दरा रे आंघणा मन्झ मौजूद सभ लोक हैरान थे।

![](https://cdn.door43.org/obs/jpg/360px/obs-en-44-04.jpg)

जल्दी ई लोका री एक भीड़ तेस ठीक हुई चुकिरे म्हाणुँ जो देखणे रे कठे आई। पतरसे तिन्हा किन्हें बोल्या, "ये म्हाणुँ ठीक आ, पर एस गल्ला पर हैरान मत हूंणां। कि आस्से ये आपणी सक्ति या खराई किन्हें ठीक कितेया। बल्कि, एस जो ठीक करणे वाला से यीसू आ जिने एस म्हाणुँ जो आपणी सक्ति किन्हें ठीक कितेया, क्यूंकि आस्से यीसू पर भरोसा करहा ऐ।"

![](https://cdn.door43.org/obs/jpg/360px/obs-en-44-05.jpg)

से तुस्से ई ऐ जिन्हें तेस रोमी राज्यपाला जो यीसू जो मारणे रे कठे बोल्या था। तुस्से से मारी दितेया जो सभी जो जिन्दगी देहां। पर परमेसरे से मरणे ले बाद जिऊन्दा कितेया। तुस्से नी समझ्या कि तुस्से क्या करेया करहा ऐ थे, पर जेबे तुस्से स्यों काम करेया करहा ऐ थे, ता नबिया री बोलिरी गल्ला पूरी हुई। तिन्हें बोल्या था कि मसीह दुःख सेहणा होर मरी जाणा। परमेसरे ये एस तरीके ले हूंणें दितेया। इधी कठे ऐबे, पस्चाताप करा होर परमेसरा वखा जो वाप्स आऊआ, ताकि से तुस्सा रे पाप धोई किन्हें साफ करी दे।

![](https://cdn.door43.org/obs/jpg/360px/obs-en-44-06.jpg)

जेबे मन्दरा रे अगुवे पतरस होर यूहन्ना री गल्ला सुणी, ता स्यों बौह्त डरी गए। इधी कठे तिन्हें स्यों गिरफ्तार करी किन्हें जेल्हा मन्झ पाई दिते। पर जो पतरसे बोल्या था तेता पर बौह्त सारे लोके विस्वास कितेया। यीसू पर विस्वास करणे वाले री गिणती बढ़ी किन्हें लगभग 5,000 हुई गई।

![](https://cdn.door43.org/obs/jpg/360px/obs-en-44-07.jpg)

अगले ध्याड़े, स्यों यहूदी अगुवे पतरस होर यूहन्ने जो महायाजक होर दूजे धार्मिक अगुवे रे साम्हणे लई किन्हें आए। स्यों तेस म्हाणुँ जो भी लई किन्हें आए जो अपंग था। तिन्हें पतरस होर यूहन्ने ले पूछेया, "केस हका ले तुस्से से अपंग म्हाणुँ ठीक कितेया?"

![](https://cdn.door43.org/obs/jpg/360px/obs-en-44-08.jpg)

पतरसे जवाब दितेया, "ये म्हाणुँ जो तुस्सा रे साम्हणे खड़िरा ये यीसू मसीह री सक्ति रे ज्रीए ठीक हुएआ। तुस्से यीसू क्रूसा पर चढ़ाई दितेया था, पर परमेसरे से दबारा जिऊन्दा करी दितेया! तुस्से से नकारी दितेया, पर यीसू री सक्ति रे अलावा उद्धार पाणे रा कोई दूजा पैंडा नी आ!"

![](https://cdn.door43.org/obs/jpg/360px/obs-en-44-09.jpg)

स्यों अगुवे हैरान थे कि पतरस होर यूहन्ने बौह्त हिम्मता किन्हें गल्ला कीती थी। तिन्हें देख्या कि ये ता आम लोक होर अनपढ़ गवार थे। पर फेरी तिन्हा जो याद आया कि यूँ आदमी ता यीसू साऊगी रही चुकिरे थे। इधी कठे तिन्हें तिन्हा किन्हें बोल्या, "आस्सा तुस्सा जो बौह्त ज्यादा सजा देणी अगर तुस्से एस म्हाणुँ यीसू रे बारे मन्झ लोका जो कोई होर संदेस देंघे ता।" एह्ड़ी बौह्त सारी गल्ला बोलणे ले बाद, तिन्हें पतरस होर यूहन्ना जो जाणे दितेया।

*प्रेरिता रे काम 3:1-4:22 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_44_128kbps.m4a

## 45. स्तिफनुस होर फिलिप्पुस

https://openbiblestories.org/l/mjl/story-45/

![](https://cdn.door43.org/obs/jpg/360px/obs-en-45-01.jpg)

पैहले मसीही अगुवे मन्झ स्तिफनुस नांऊँआं रा एक आदमी था। सभ लोक तेसरी इज्जत करहा ऐं थे। पवित्र आत्मे तेस जो बौह्त सक्ति होर बुद्धि दितिरी थी। स्तिफनुसे बौह्त सारे चमत्कार किते थे। जेबे तिन्हें यीसू पर भरोसा करणे रे बारे मन्झ तिन्हा जो उपदेस दितेया ता बौह्त सारे लोके तेस पर विस्वास कितेया।

![](https://cdn.door43.org/obs/jpg/360px/obs-en-45-02.jpg)

एक ध्याड़े, स्तिफनुस यीसू रे बारे मन्झ उपदेस देया करहा था, होर कुछ एह्ड़े यहूदी आए जिन्हें यीसू पर विस्वास नी कितेया था होर तेस साऊगी बैहस करणी सुर्हू करी दिती। स्यों बौह्त गुस्से हुई गए, इधी कठे स्यों धार्मिक अगुवे वाले गए होर तेसरे बारे मन्झ झूठ बोल्या। तिन्हें बोल्या, "आस्से स्तिफनुसा जो मूसा होर परमेसरा रे बारे मन्झ बुरी गल्ला बोल्दे सुणेया!" इधी कठे धार्मिक अगुवे स्तिफनुस गिरफ्तार करी लया होर तेस जो महायाजक होर यहूदिया रे दूजे अगुवे रे साम्हणे लई किन्हें आए। होर भी झूठे गुआह आए होर तिन्हें स्तिफनुसा रे बारे मन्झ झूठ बोल्या।

![](https://cdn.door43.org/obs/jpg/360px/obs-en-45-03.jpg)

महायाजके स्तिफनुसा ले पूछेया, "क्या ये लोक तेरे बारे मन्झ सच बोल्या करहा ऐ?" स्तिफनुसे महायाजक को जवाब देणे रे कठे बौह्त सारी गल्ला बोलणी सुर्हू करी दिती। तिन्हें बोल्या कि अब्राहमा रे टैमा ले यीसू रे टैमा तक परमेसरे इस्राएला रे लोका रे कठे बौह्त सारे नौखे काम किते। पर लोके हमेसा परमेसरा रे हुक्म नी मन्ने। स्तिफनुसे बोल्या, "तुस्से लोक परमेसरा रे बरख्लाफ जिद्दी होर विरोध करणे वाले ऐ। तुस्से हमेसा पवित्र आत्मा जो नी मन्नदे, जिहां कि आस्सा रे स्याणे हमेसा पवित्र आत्मा नी मन्नी थी होर हमेसा तेसरे नबिया जो मारदे रहे। पर जो तिन्हें कितेया था तेता री बराबरी मन्झ तुस्से होर भी बुरा कितेया! तुस्से मसीह मारी दितेया!"

![](https://cdn.door43.org/obs/jpg/360px/obs-en-45-04.jpg)

जेबे तिन्हें धार्मिक अगुवे ये सुणेया, ता स्यों इतने गुस्से हुई गए कि तिन्हें आपणे कान बंद करी लये होर ऊची अवाजा मन्झ चिंगे। स्यों स्तिफनुसा जो खिंजी किन्हें नगरा ले बाहर लई गए होर तेस जो मारणे रे कठे तेस पर पात्थर बरसाए।

![](https://cdn.door43.org/obs/jpg/360px/obs-en-45-05.jpg)

जेबे स्तिफनुस मरेया करहा था, से बोली उठेया, "हे यीसू, मेरी आत्मा जो ग्रैहण कर!" तेबे से आपणे जांढू रे भारे हेठ ज्मीना पर पई गया होर द्बारा बोल्दा लग्या, "हे प्रभु, ये हत्या रा पाप तिन्हा पर मत लगान्दा।" तेबे से मरी गया।

![](https://cdn.door43.org/obs/jpg/360px/obs-en-45-06.jpg)

तेस ध्याड़े, यरूस्लेम सैहरा मन्झ रैहणे वाले बौह्त सारे लोके यीसू जो मन्नणे वाले लोक तंग करणे सुर्हू करी दिते, इधी कठे विस्वासी लोक दूजी जगहा पर भगी गए। पर एता रे बावजूद भी, जेथी केथी भी स्यों गए तिन्हें यीसू रे बारे मन्झ प्रचार कितेया।

![](https://cdn.door43.org/obs/jpg/360px/obs-en-45-07.jpg)

फिलिप्पुस नांऊँआं रा यीसू रा एक विस्वासी था। से भी बाकि कई विस्वासिए साहीं यरूस्लेम सैहर ले भगी गईरा था। से सामरिया के इलाके मन्झ चली गया। तेथी तिन्हें लोका मन्झ यीसू रे बारे मन्झ प्रचार कितेया। बौह्त सारे लोके तेस पर विस्वास कितेया होर उद्धार पाया। एक ध्याड़े, फिलिप्पुसा वाले परमेसरा री वखा ले एक स्वर्गदूत आया होर तेस जो रेगिस्थाना मन्झ जाणे, होर एक सड़का पर चलणे रे कठे बोल्या। फिलिप्पुस तेथी चली गया। जेबे से तेस सड़का पर जाया करहा था, ता तिन्हें एक म्हाणुँ आपणे रथा मन्झ जान्दे हुए देख्या। ये म्हाणुँ कूस देसा रा एक खास हाक्म था। पवित्र आत्मे फिलिप्पुसा किन्हें बोल्या कि जाई किन्हें तेस म्हाणुँ साऊगी-साऊगी चल।

![](https://cdn.door43.org/obs/jpg/360px/obs-en-45-08.jpg)

इधी कठे फिलिप्पुस रथा वाले गया। तिन्हें सुणेया कि से कूसी परमेसरा रे वचन पढ़ेया करहा था। जो यसायाह नबिए लिखिरा था से तेस जो पढ़ेया करहा था। से पढ़ेया करहा था, "कि स्यों तेस जो काटे जाणे वाली भेडा साहीं लई गए, होर जिहां एक गाभू सांत हूंहाँ, तिन्हें भी एक सब्द नी बोल्या। तिन्हें तेस साऊगी गलत व्यवहार कितेया होर तेसरी इज्जत नी किती। तिन्हें तेसरा प्राण लई लया।"

![](https://cdn.door43.org/obs/jpg/360px/obs-en-45-09.jpg)

फिलिप्पुसे तेस कूसी ले पूछेया, "जो तू पढ़ेया करहा क्या तू से समझ्या करहा कि नी?" तिन्हें कूसी म्हाणुँऐं जवाब दितेया, "नी। जेबे तक कोई एता जो मुंजो नी समझाए, तेबे तक मैं ये नी समझी सक्दा। दया करी किन्हें मेरे वाले आई किन्हें बैठ। यसायाह नबी ये आपणे बारे मन्झ लिख्या करहा था या केसी होरी रे बारे मन्झ?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथा पर चढ़ेया होर बैठी गया। तेबे तिन्हें तेस कूसी म्हाणुँ जो से दस्या जो यसायाहे यीसू रे बारे मन्झ लिख्या था। फिलिप्पुसे परमेसरा रे वचना रे बौह्त सारे दूजे हिस्से री भी गल्ला कीती। एस तरीके ले, तिन्हें तेस म्हाणुँ जो यीसू रे बारे मन्झ खरी खबर सुणाई।

![](https://cdn.door43.org/obs/jpg/360px/obs-en-45-11.jpg)

फिलिप्पुस होर से कूसी चल्दे हुए पाणी वाले आए। तिन्हें कूसी म्हाणुँऐं बोल्या, "देखा! एथी पाणी आ! क्या हांऊँ बप्तिस्मा लई सक्हा?" होर तिन्हें साथी ले रथ रोकणे रे कठे बोल्या।

![](https://cdn.door43.org/obs/jpg/360px/obs-en-45-12.jpg)

इधी कठे स्यों पाणी मन्झ चली गए, होर फिलिप्पुसे तेस कूसी म्हाणुँ जो बप्तिस्मा दितेया। जेबे स्यों पाणी ले बाहर आए, ता पवित्र आत्मा अचानक ई फिलिप्पुसा जो चकी किन्हें केसी दूजी जगहा लई गया। तेथी फिलिप्पुसे लोका जो यीसू रे बारे मन्झ दसणा जारी रख्या।

![](https://cdn.door43.org/obs/jpg/360px/obs-en-45-13.jpg)

से कूसी म्हाणुँ आपणे घरा री वखा जो सफर करने रे कठे अगे चली गया। से खुस था कि से ऐबे यीसू जो जाणहां था।

*प्रेरिता रे काम 6:8-8:5; 8:26-40 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_45_128kbps.m4a

## 46. पौलुस मसीही विस्वासी बणी जाहाँ

https://openbiblestories.org/l/mjl/story-46/

![](https://cdn.door43.org/obs/jpg/360px/obs-en-46-01.jpg)

साऊल नांऊँआं रा एक म्हाणुँ था जो यीसू पर विस्वास नी करदा था। से जुआन था, होर जेबे स्तिफनुसा जो मारेया करहा ऐ थे ता से तेस टैम से मारणे वाले रे कपड़ेया री देखभाल करेया करहा थे। बादा मन्झ, तिन्हें विस्वासी लोक बौह्त तंग किते। तिन्हें यरूस्लेम सैहरा मन्झ घर-घर जाई किन्हें आदमी होर ज्नानिया दुहें गिरफ्तार करी किन्हें जेल्हा मन्झ पाई दिते। तेबे महायाजके साऊला जो दमिस्क नगरा मन्झ जाणे री इजाजत दीती। तिन्हें साऊला जो बोल्या कि से तेथी रे मसीही लोका जो गिरफ्तार करे होर तिन्हा जो वाप्स यरूस्लेमा मन्झ लई आए।

![](https://cdn.door43.org/obs/jpg/360px/obs-en-46-02.jpg)

इधी कठे साऊले दमिस्क नगरा मञ्झ जाणे रा सफर सुर्हू कितेया। तेस नगरा जो पूजणे ले थोड़ा ई पैहले, तेसरे चहुँ वखा ओर सर्गा ले एक चमकदार प्रयासा चमक्या, होर से जमीना पर पई गया। साऊले केसी जो बोल्दे हुए सुणेया, "हे साऊल! हे साऊल! तू मुंजो किधियो तंग करेया करहा?" साऊले पूछेया, "हे प्रभु, तू कुणहां?" यीसूए तेस जो जवाब दितेया, "हांऊँ यीसू आ। जेस जो तू तंग करेया करहा!"

![](https://cdn.door43.org/obs/jpg/360px/obs-en-46-03.jpg)

जेबे साऊल उठेया ता तेस जो सुझ्दा नी लगिरा था। तेसरे दोस्त तेस जो दमिस्क नगरा मन्झ लई किन्हें गए थे। साऊले तीन ध्याड़े तक कुछ भी नी खाधेया ना पितेया था।

![](https://cdn.door43.org/obs/jpg/360px/obs-en-46-04.jpg)

दमिस्क नगरा मन्झ हनन्याह नांऊँआं रा एक चेला था। परमेसरे तेस किन्हें बोल्या, "तेस घरा जो जा जेथी साऊल रुकिरा। आपणे हाथ तेस पर रख ताकि से दबारा बी देख्दा लगे।" पर हनन्याहे बोल्या, "हे प्रभु, मैं सुणेया कि इने म्हाणुँऐं विस्वासी लोक बौहत तंग कितिरे।" परमेसरे तेस जो जवाब दितेया, "जा! मैं से यहूदिया मन्झ होर दूजी जातिया रे लोका मन्झ मेरे नांऊँ रा एलान करणे रे कठे चुणी लईरा। तेस मेरे नांऊँआं रे कठे बौह्त दुःख सैहन करणे।"

![](https://cdn.door43.org/obs/jpg/360px/obs-en-46-05.jpg)

इधी कठे हनन्याह साऊला वाले गया, आपणे हाथ तेस पर रखे, होर बोल्या, "जो कुछ दमिस्क नगरा रे पैंडें मन्झ तेरे साऊगी हुएआ था, एस वजहा ले प्रभु यीसूए हांऊँ तेरे वाले एथी भेजिरा ताकि तू दबारा देख्दे लगे, होर पवित्र आत्मा तुजो भरी दे।" एकदम ई साऊल दबारा देख्दा लग्या, होर हनन्याहे तेस जो बप्तिस्मा दितेया। तेबे साऊले खाणा खाधेया होर तेस जो द्बारा ताकत मिली।

![](https://cdn.door43.org/obs/jpg/360px/obs-en-46-06.jpg)

तेबे ले, साऊले दमिस्क नगरा मन्झ रैहणे वाले यहूदिया मन्झ प्रचार करणा सुर्हू करी दितेया। तिन्हें बोल्या, "यीसू ई परमेसरा रा म्हठा आ!"यहूदी लोक हैरान थे, क्यूंकि साऊले ता विस्वासिया जो मारणे री कोसिस किती थी, पर ऐबे तिन्हें यीसू पर विस्वास करी लया। साऊले यहूदिया साऊगी बैहस किती। तिन्हें दस्या कि यीसू ई मसीह था।

![](https://cdn.door43.org/obs/jpg/360px/obs-en-46-07.jpg)

बौह्त ध्याड़े ले बाद, यहूदिए साऊला जो मारणे री योजना बणाई। तिन्हें तेस जो मारणे रे कठे नगरा रे फाटका वाले लोक भेजे। ताकि तेस पर नजर रखी सके पर साऊले तेस योजना रे बारे मन्झ सुणी लया, होर तेसरे दोस्ते बची किन्हें निकलणे मन्झ तेसरी मदद कीती। एक राती तिन्हें तेस जो किरडे मन्झ बैठाई किन्हें नगरा री कान्धा ले हेठ तुआरी दितेया। दमिस्क नगरा ले बची किन्हें निकलणे रे बाद साऊले यीसू रे बारे मन्झ प्रचार करणा जारी रख्या।

![](https://cdn.door43.org/obs/jpg/360px/obs-en-46-08.jpg)

साऊल प्रेरिता किन्हें मिलणे रे कठे यरूस्लेम सैहरा मञ्झ गया, पर स्यों तेसले डरहा ऐ थे। तेबे बरनबास नांऊँआं रा एक विस्वासी साऊला जो प्रेरिता वाले लई किन्हें गया। तिन्हें तिन्हा जो दस्या कि साऊले बड़ी हिम्मता किन्हें दमिस्का मन्झ प्रचार कितेया। तेसरे बाद, प्रेरिते साऊल अपनाई लया।

![](https://cdn.door43.org/obs/jpg/360px/obs-en-46-09.jpg)

कुछ विस्वासी जो यरूस्लेम सैहरा मन्झ हूंणें वाली परेसानी ले भगी गए थे स्यों दूर अन्ताकिया नगरा मन्झ चली गए थे होर यीसू रे बारे मन्झ प्रचार करेया करहा ऐ थे। अंताकिया मन्झ रैहणे वाले लोक ज्यादातर यहूदी नी थे, पर पैहली बारी, तिन्हा मंझा ले बौह्त सारे लोक विस्वासी बणी गए। बरनबास होर साऊल इन्हा नंऊँऐं विस्वासिया जो यीसू रे बारे मन्झ होर ज्यादा स्खाणे रे कठे तेथी गए होर कलीसिया मजबूत किती। यीसू पर विस्वास करणे वाले जो पैहली बार अन्ताकिया मन्झ ई "मसीही" बोल्या गया।

![](https://cdn.door43.org/obs/jpg/360px/obs-en-46-10.jpg)

एक ध्याड़े, अन्ताकिया रे मसीही लोक उपवास रखी किन्हें प्रार्थना करेया करहा ऐ थे। पवित्र आत्मे तिन्हा किन्हें बोल्या, "मेरे कठे बरनबास होर साऊला जो से काम करणे रे कठे लग करी देआ दो जेसरे कठे मैं स्यों सादिरे।" इधी कठे अन्ताकिया री कलीसिए बरनबास होर साऊला रे कठे प्रार्थना कीती होर तिन्हा पर आपणे हाथ रखे। तेबे तिन्हें स्यों बौह्त सारी दूजी जगहा पर यीसू रे बारे मन्झ खरी खबरा रा प्रचार करणे रे कठे भेजी दिते। बरनबास होर साऊले लग-लग जातिया रे लोका जो उपदेस दितेया, होर बौह्त सारे लोके यीसू पर विस्वास कितेया।

*प्रेरिता रे काम 8:3; 9:1-31; 11:19-26; 13:1-3 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_46_128kbps.m4a

## 47. फिलिप्पी नगरा मन्झ पौलुस होर सीलास

https://openbiblestories.org/l/mjl/story-47/

![](https://cdn.door43.org/obs/jpg/360px/obs-en-47-01.jpg)

जेबे साऊले पुरे रोमी राज्या मन्झ सफर कितेया तिन्हें आपणे रोमी नांऊँ "पौलुस" रा इस्तेमाल करणा सुर्हू करी दितेया। एक ध्याड़े, पौलुस होर तेसरा दोस्त सीलास फिलिप्पी नगरा मन्झ यीसू रे बारे मन्झ खरी खबर सुणाणे रे कठे गए। स्यों नगरा रे बाहर नदी रे बाढे एक जगहा पर गए, जेथी लोक प्रार्थना करणे रे कठे कट्ठा थे। तेथी स्यों लुदिया नांऊँआं री एक ज्नाने किन्हें मिले जो एक व्यापार करने वाली थी। से परमेसरा किन्हें प्यार करहा ई थी होर तेसरी अराधना करहा ई थी।

![](https://cdn.door43.org/obs/jpg/360px/obs-en-47-02.jpg)

परमेसरे लुदिया जो यीसू रे बारे मन्झ मिलिरे संदेसा पर विस्वास करणे रे लायक बणाया। पौलुस होर सीलासे तेस्सा जो होर तेस्सा रे परिवारा जो बप्तिस्मा दितेया। तिन्हें पौलुस होर सीलास आपणे घरा रुकणे रे कठे सादे, इधी कठे स्यों तेथी रुकी गए।

![](https://cdn.door43.org/obs/jpg/360px/obs-en-47-03.jpg)

पौलुस होर सीलास लोका किन्हें हमेसा तेस जगहा पर मिल्हा ऐं थे जेथी यहूदी लोक प्रार्थना करदे रैह्याँ ऐं थे। हर रोज जेबे स्यों तेथी जाहें थे ता एक नौकराणी म्हठी जो दुष्ट आत्मा रे कब्जे मन्झ थी से तिन्हारा पीछा करदी रैह्याँ थी। एस्सा दुष्ट आत्मा रे ज्रीए से लोका रा भविस्य दस्हा ई थी, इधी कठे से भविस्य दसणे वाली रे रूपा मन्झ आपणे माल्का रे कठे बौह्त ढब्बे क्माहीं थी।

![](https://cdn.door43.org/obs/jpg/360px/obs-en-47-04.jpg)

तिन्हारे जाणे रे टैम ये दासी म्हठी चिल्लाई किन्हें बोल्हा ई थी, "ये आदमी परम प्रधान परमेसरा रे सेऊआदार ऐ। ये तुस्सा जो उद्धार पाणे रा पैंडा दस्या करहा ऐ!" से हर रोज एह्ड़ा ई करहा ईं थी जेस वजहा ले पौलुस नराज़ हुई गया।

![](https://cdn.door43.org/obs/jpg/360px/obs-en-47-05.jpg)

आखरी मन्झ, एक ध्याड़े जेबे तेस्से दासी म्हठिऐ चिल्लाणा सुर्हू कितेया, ता पौलुसे तेस्सा वखा जो मुड़ी किन्हें तेस्सा रे अंदरा री दुष्ट आत्मा किन्हें बोल्या, "यीसू रे नांऊँआं ले एस्सा मंझा ले निकली जा।" तेस ई टैम तेस्से दुष्ट आत्मे से छाडी दिती।

![](https://cdn.door43.org/obs/jpg/360px/obs-en-47-06.jpg)

तेस्सा दासी म्हठी रे माल्क बौह्त गुस्से हुई गए। तिन्हा जो पता चली गया कि बगैर तेस्सा दुष्ट आत्मा रे से दासी म्हठी लोका जो भविस्य नी दसी सक्दी थी। एता रा मतलब था कि लोका ऐबे तेस्सा रे माल्का जो ढब्बे नी देणे ताकि से तिन्हा जो भविस्य दसे कि तिन्हा साऊगी क्या हूंणां।

![](https://cdn.door43.org/obs/jpg/360px/obs-en-47-07.jpg)

इधी कठे तेस्सा दासी म्हठी रे माल्क पौलुस होर सीलासा जो रोमी हाक्मा वाले लई गए। तिन्हें पौलुस होर सीलास पीटे, होर फेरी स्यों जेल्हा मन्झ पाई दिते।

![](https://cdn.door43.org/obs/jpg/360px/obs-en-47-08.jpg)

तिन्हें पौलुस होर सीलास जेल्हा रे एह्ड़े हिस्से मन्झ रखे जेथी पर सभी ले ज्यादा स्पाही थे। एथी तक कि तिन्हें तिन्हारे पैर लकड़ी रे बड़े टुकड़े मन्झ जोड़ी दिते। पर पौलुस होर सीलास आधी राती, परमेसरा री बड़ाई रे गीत गाया करहा ऐ थे।

![](https://cdn.door43.org/obs/jpg/360px/obs-en-47-09.jpg)

अचानक से, एक जबरदस्त हिलण हुएआ! जेल्हा रे सारे द्वार खुल्ही गए, होर सारे कैदिया रे सांगल खुल्ही किन्हें पई गए।

![](https://cdn.door43.org/obs/jpg/360px/obs-en-47-10.jpg)

तेबे दरोगा जागी गया। तिन्हें देख्या कि जेल्हा रे द्वार खुल्ही गईरे थे। तिन्हें सोच्या कि सारे कैदी बची किन्हें भगी गए। से डरी गया कि तिन्हारे भगी जाणे री वजहा ले रोमी हाक्मा से मारी देणा, इधी कठे से आपु जो मारणे री रे कठे त्यार हुई गया! पर पौलुस तेस जो देखी किन्हें चिल्लाया, "रुकी जा! आपु जो नुकसान मत कर। आस्से सभ एथी ऐ।"

![](https://cdn.door43.org/obs/jpg/360px/obs-en-47-11.jpg)

तिन्हें दरोगे काम्दे हुए पौलुस होर सीलासा वाले आई किन्हें पूछेया, "उद्धार पाणे रे कठे हांऊँ क्या करूँ?" पौलुसे जवाब दितेया, "प्रभु यीसू पर विस्वास कर, तेबे तुध होर तेरे घराने उद्धार पाणा।" तेबे से दरोगा पौलुस होर सीलासा जो आपणे घर लई गया होर तिन्हारे जख्म धोए। पौलुसे तेसरे घरा रे सभ लोका जो यीसू रे बारे मन्झ खरी खबर सुणाई।

![](https://cdn.door43.org/obs/jpg/360px/obs-en-47-12.jpg)

दरोगा होर तेसरे पूरे परिवारे यीसू पर विस्वास कितेया, इधी कठे पौलुस होर सीलासे तिन्हा जो बप्तिस्मा दितेया। तेबे दरोगे पौलुस होर सीलासा जो खाणा खुआया, होर तिन्हें कठे हुई किन्हें खुसी मनाई।

![](https://cdn.door43.org/obs/jpg/360px/obs-en-47-13.jpg)

अगले ध्याड़े नगरा रे अगुवे पौलुस होर सीलास जेल्हा ले अजाद करी दिते होर फिलिप्पी ले चले जाणे रे कठे बोल्या। पौलुस होर सीलास लुदिया होर कुछ दूजे दोस्ता किन्हें मिले होर तेता ले बाद नगरा ले निकली गए। यीसू रे बारे मन्झ खरी खबर फैल्दी गई, होर कलीसिया बढ़दी गई।

![](https://cdn.door43.org/obs/jpg/360px/obs-en-47-14.jpg)

पौलुस होर दूजे मसीही अगुवे बौह्त सारे नगरा रा सफर कितेया। तिन्हें लोका जो यीसू रे बारे मन्झ खरी खबर सुणाई। तिन्हें कलीसिया रे विस्वासी जो हिम्मत बढ़ाणे होर उपदेस देणे रे कठे कई चिट्ठिया भी लिखी। इन्हा मंझा ले कुछ चिट्ठिया बाईबला री कताबा बणी गए।

*प्रेरिता रे काम 16:11-40 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_47_128kbps.m4a

## 48. यीसू ई वादा कितिरा मसीह आ

https://openbiblestories.org/l/mjl/story-48/

![](https://cdn.door43.org/obs/jpg/360px/obs-en-48-01.jpg)

जेबे परमेसरे संसार बणाया ता सभ कुछ खरा था। कोई पाप नी था। आदम होर हव्वा एक दूजे किन्हें प्यार करहा ऐ थे, होर स्यों परमेसरा किन्हें प्यार करहा ऐ थे। कोई ब्मारी या मौत नी थी। परमेसर एह्ड़ा ई संसार चाहाँ था।

![](https://cdn.door43.org/obs/jpg/360px/obs-en-48-02.jpg)

सैताने सर्पा रे ज्रीए बगीचे मन्झ हव्वा साऊगी गल्ला कीती, क्यूंकि से तेस्सा जो धोखा देणा चाहाँ था। तेबे हव्वा होर आदमे परमेसरा रे बरख्लाफ पाप कितेया। क्यूंकि तिन्हें पाप कितेया था इधी कठे धरती पर रैहणे वाले सभ आदमी मरहा ऐं।

![](https://cdn.door43.org/obs/jpg/360px/obs-en-48-03.jpg)

क्यूंकि आदम होर हव्वे पाप कितेया था, इधी कठे कुछ होर भी बुरा हुआ। स्यों परमेसरा रे दुस्मण बणी गए। एस वजहा ले, तेबे ले हर एक म्हाणुँऐं पाप कितिरा। हर एक आदमी जन्मा ले ई परमेसरा रा दुस्मण आ। परमेसर होर लोका रे बीचा मन्झ सांति नी थी। पर परमेसर सांति स्थापित करणा चाहाँ था।

![](https://cdn.door43.org/obs/jpg/360px/obs-en-48-04.jpg)

परमेसरे वादा कितिरा था कि हव्वा रा एक बंस सैताना रा मूंड कुचलणा। तिन्हें ये भी बोल्या कि सैताना तेसरी आडी डसणी। दूजे सब्दा मन्झ बोलिए ता, सैताना मसीह मारी देणा, पर परमेसरा से दबारा जिऊन्दा करी देणा। एता ले बाद, मसीहा सैताना री सक्ति हमेसा रे कठे खत्म करी देणी। कई साला ले बाद, परमेसरे दसी दितेया कि से मसीह यीसू आ।

![](https://cdn.door43.org/obs/jpg/360px/obs-en-48-05.jpg)

जेबे परमेसरे संसारा रे सारे लोक बाढ़ भेजी किन्हें नास किते ता तिन्हें तेस पर विस्वास रखणे वाला परिवार बचाया जो तेस पर विस्वास करहा था। तिन्हें नूहा जो एक किस्ती बनाणे रे कठे बोल्या ताकि एस तरीके ले परमेसरे तिन्हा लोका जो बचाए जो तेस पर विस्वास करहा ऐ थे। ठीक तिहां ईं, स्यों सभ के सभ परमेसरा रे ज्रीए मारे जाणे रे लायक थे क्यूंकि तिन्हें पाप कितेया था। पर परमेसरे तेस पर विस्वास करणे वाले जो बचाणे रे कठे यीसू भेज्या।

![](https://cdn.door43.org/obs/jpg/360px/obs-en-48-06.jpg)

कई सौ साला तक, याजक परमेसरा रे कठे बलिदान चढ़ान्दे रहे। एस गल्ला ले ये पता चल्हा कि लोके पाप कितेया, होर ये भी पता चल्हा कि स्यों परमेसरा रे ज्रीए मिलणे वाली सजा रे लायक थे। पर स्यों बलिदान तिन्हारे पाप माफ नी करी सके। यीसू सभी ले बड़ा महायाजक आ। तिन्हें से कितेया जो कोई याजक नी करी सक्दा था। तिन्हें से सिर्फ एक ई एक बलिदान हूंणें रे कठे आपणे आपा री बलि देई दिती जो हर केसी रे पाप मिटाई सक्हा ई थी। तिन्हें मन्नी लया कि परमेसर तिन्हा सभी रे पापा रे कठे तेस जो सजा दे। एस वजहा ले, यीसू सिद्ध महायाजक था।

![](https://cdn.door43.org/obs/jpg/360px/obs-en-48-07.jpg)

परमेसरे अब्राहमा किन्हें बोल्या, "मैं तेरे ज्रीए संसारा रे सभ कुला जो आसरीवाद देणा।" यीसू एसी अब्राहमा रा बंस था। परमेसर अब्राहमा रे ज्रीए सभ कुला जो आसरीवाद देहां, क्यूंकि जो यीसू पर विस्वास करहा ऐं परमेसर तिन्हा सभी जो पापा ले बचाहाँ। जेबे ये लोक यीसू पर विस्वास करहा ऐ, ता परमेसर तिन्हा जो अब्राहमा रे बंस मन्हा।

![](https://cdn.door43.org/obs/jpg/360px/obs-en-48-08.jpg)

परमेसरे अब्राहमा किन्हें बोल्या कि से आपणा म्हठा, तेसरे कठे बलिदान करी दे। पर फेरी परमेसरे इसहाका रे बदले मन्झ बलि करणे रे कठे एक गाभू दितेया। आस्से सभ आपणे पापा रे कठे मारे जाणे रे लायक थे! पर परमेसरे आस्सा री जगहा पर मरणे रे कठे यीसू जो बलिदाना रे रूपा मन्झ देई दितेया। एसी वजहा ले आस्से यीसू जो परमेसरा रा गाभू बोल्हा ऐ।

![](https://cdn.door43.org/obs/jpg/360px/obs-en-48-09.jpg)

जेबे परमेसरे मिस्र देसा पर आखरी विपत्ति भेजी ता तिन्हें हर एक इस्राएली परिवारा किन्हें बोल्या कि स्यों एक गाभू बलि करे। से गाभू बिलकुल खरा हो तेस मन्झ कोई कमी नी हो। तेबे आपणे दरवाजे री चौखटा रे ऊपर होर ओरे परे द्वार साखा पर तेसरा खून लगाया। जेबे परमेसरे से खून देख्या ता से तिन्हारे घरा ले अगे बढ़ी गया होर तिन्हारे पहलौठे म्हठे नी मारे गए। जेबे ये हुएआ ता परमेसरे एता जो फसहा रा साजा बोल्या।

![](https://cdn.door43.org/obs/jpg/360px/obs-en-48-10.jpg)

यीसू फसहा रे साजे रा एक गाभू साहीं आ। तिन्हें कधी पाप नी कितेया, इधी कठे तेस मन्झ कुछ भी गलत नी था। से फसहा रे साजे रे टैमा पर मरेया। जेबे कोई यीसू पर विस्वास करहा, तेबे यीसू रा खून तेस म्हाणुँ रे पापा री कीमत चुकाहां। ये एह्ड़ा आ जिहां कि परमेसर तेस म्हाणुँ वाले से अगे बढ़ी गया हो, क्यूंकि से तेस जो सजा नी देंदा।

![](https://cdn.door43.org/obs/jpg/360px/obs-en-48-11.jpg)

परमेसरे इस्राएली लोका साऊगी एक वाचा बान्हीं, क्यूंकि स्यों एह्ड़े लोक थे जिन्हा जो परमेसरे आपणा हूंणें रे कठे चुणेया था। पर ऐबे परमेसरे एक एह्ड़ी वाचा बान्हीं जो कि सभी रे कठे ई। अगर केसी भी जाति रा कोई भी आदमी एस्सा नौंईं वाचा जो मन्नघा, ता तेस परमेसरा रे लोका मन्झ मिली जाणा। से एह्ड़ा इधी कठे करहा क्यूंकि से यीसू पर विस्वास करहा।

![](https://cdn.door43.org/obs/jpg/360px/obs-en-48-12.jpg)

मूसा एक एह्ड़ा नबी था जिने परमेसरा रा वचन बड़ी सामर्था किन्हें प्रचार कितेया था। पर यीसू सभ नबीया मन्झ सभी ले बड़ा आ। से परमेसर आ, इधी कठे जो कुछ भी तिन्हें कितेया होर बोल्या से परमेसरा रे काम होर वचन थे। इधी कठे पवित्र-सास्त्र यीसू जो परमेसरा रा वचन बोल्हा।

![](https://cdn.door43.org/obs/jpg/360px/obs-en-48-13.jpg)

परमेसरे राजा दाऊदा किन्हें वादा कितिरा था कि राजे रे रूपा मन्झ तेसरा एक बंस परमेसरा रे लोका पर हमेसा रे कठे राज करणा। यीसू परमेसरा रा म्हठा होर मसीह आ, इधी कठे से राजा दाऊदा रा बंस आ जो हमेसा रे कठे राज्य करी सक्हा।

![](https://cdn.door43.org/obs/jpg/360px/obs-en-48-14.jpg)

दाऊद ता इस्राएला रा राजा था, पर यीसू सारे संसारा रा राजा आ! तेस दबारा आऊणा होर हमेसा रे कठे न्याय होर सांति साऊगी आपणे राज्या पर राज करणा।

*उत्पत्ति 1-3, 6, 14, 22; निर्गमन 12, 20; 2 समूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकासित वाक्य 21 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_48_128kbps.m4a

## 49. परमेसरा री नौंईं वाचा

https://openbiblestories.org/l/mjl/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूते एक जुआन ज्नाने मरियमा किन्हें बोल्या कि तेस्सा परमेसरा रे म्हठे जो जन्म देणा। से हल्ली कुआरी थी, पर पवित्र आत्मा तेस्सा वाले आई होर से गर्भवती हुई। तेस्से एक म्हठे जो जन्म दितेया जेसरा नांऊँ तेस्से यीसू रख्या। इधी कठे, यीसू परमेसर होर म्हाणुँ दोनों आ।

![](https://cdn.door43.org/obs/jpg/360px/obs-en-49-02.jpg)

यीसूए बौह्त सारे चमत्कार किते जो ये दस्हा ऐ कि से परमेसर आ। से पाणी पर चल्या होर आँधी जो सांत किती। तिन्हें बौह्त सारे बीमार लोक ठीक किते होर बौह्त सारे लोका मंझा ले दुष्ट आत्मा काढी। तिन्हें मरीरे लोक जिऊन्दे करी दिते, होर तिन्हें पांज रोटी होर दो मछिया 5,000 लोका जो खुआणे रे कठे भतेरे खाणे मन्झ बदली दितेया।

![](https://cdn.door43.org/obs/jpg/360px/obs-en-49-03.jpg)

यीसू एक महान गुरु भी थे। जो कुछ भी तिन्हें स्खाया, से तिन्हें ठीक ढंगा किन्हें सही स्खाया। जो से लोका जो करणे रे कठे बोल्हा से तिन्हा जो करणा चहिए क्यूंकि से परमेसरा रा म्हठा आ। उदाहरणा रे कठे, तिन्हें स्खाया कि तुस्सा जो दूजे लोका किन्हें तेस ई तरीके ले प्यार करणे री जरूरत ई जिहां तुस्से आपु जो प्यार करहा ऐ।

![](https://cdn.door43.org/obs/jpg/360px/obs-en-49-04.jpg)

तिन्हें ये भी स्खाया कि तुस्सा जो सभ चीजा ले ज्यादा होर आपणी जायदादा ले भी ज्यादा परमेसरा जो प्यार करणा चहिए।

![](https://cdn.door43.org/obs/jpg/360px/obs-en-49-05.jpg)

यीसूए बोल्या कि संसारा मन्झ कोई भी चीज हासल करणे ले ज्यादा खरा आ परमेसरा रा राज्य हासल करणा। तेसरे राज्या मन्झ तुस्सा रा दाखल हूंणां बौह्त जरूरी आ ताकि परमेसर तुस्सा जो तुस्सा रे पापा ले बचाए।

![](https://cdn.door43.org/obs/jpg/360px/obs-en-49-06.jpg)

यीसूए बोल्या कि कुछ लोका से ग्रैहण करणा। परमेसरा स्यों लोक बचाणे। पर दूजे लोका से ग्रैहण नी करणा। तिन्हें ये भी बोल्या कि कुछ लोक खरी जमीना साहीं ऐं, क्यूंकि स्यों यीसू रे बारे मन्झ खरी खबर ग्रैहण करी लैहां ऐं, होर परमेसर तिन्हा जो ब्चाहाँ। पर कुछ लोक पैंडे री काठी जमीना साहीं ऐं। परमेसरा रा वचन बीजा साहीं पैंडे पर पई ता जाहाँ, पर तेथी कुछ भी नी जमदा। ये लोक यीसू रे बारे मन्झ खरी खबर ग्रैहण नी करदे। स्यों तेसरे राज्या मन्झ जाणे ले नाहं करी देहां ऐं।

![](https://cdn.door43.org/obs/jpg/360px/obs-en-49-07.jpg)

यीसूए स्खाया कि परमेसर पापिया किन्हें बौह्त प्यार करहा। से तिन्हा जो माफ करणा चाहाँ होर तिन्हा जो आपणे बच्चे बनाणा चाहाँ।

![](https://cdn.door43.org/obs/jpg/360px/obs-en-49-08.jpg)

यीसूए ये भी दस्या कि परमेसर पापा ले नफरत करहा ऐ। क्यूंकि आदम होर हव्वे पाप कितेया, इधी कठे तिन्हारे सारे बंसा रे लोके भी पाप कितेया। एस संसारा मन्झ रैहणे वाला हर एक आदमी पाप करहा होर परमेसरा ले दूर आ। हर एक आदमी परमेसरा रा दुस्मण आ।

![](https://cdn.door43.org/obs/jpg/360px/obs-en-49-09.jpg)

पर परमेसरे एस संसारा मन्झ रैहणे वाले हर एक आदमी किन्हें एस तरीके ले प्यार कितेया: कि तिन्हें आपणा इकलौता म्हठा कुर्बान करी दितेया ताकि परमेसर तिन्हा जो सजा नी दे जो तेस पर विस्वास करहा ऐ। एता रे बजाए, तिन्हा तेस साऊगी हमेसा रे कठे रैहणा।

![](https://cdn.door43.org/obs/jpg/360px/obs-en-49-10.jpg)

तुस्से मरणे रे लायक ऐ, क्यूंकि तुस्से पाप कितिरा। परमेसरा जो तुस्सा पर गुस्सा करणा चहिए, पर एता रे बजाए, तिन्हें आपणा सारा गुस्सा यीसू पर गुस्सा तुआरी दितेया। तिन्हें यीसू जो क्रूसा री मौत देई किन्हें सजा दिती।

![](https://cdn.door43.org/obs/jpg/360px/obs-en-49-11.jpg)

यीसूए कधी पाप नी कितेया, पर तिन्हें परमेसरा जो तेस जो सजा देणे री इजाजत दिती। तिन्हें मरी जाणा ग्रैहण करी लया। एस तरीके ले, तुस्सा रे पाप होर एस संसारा मन्झ रैहणे वाले हर एक आदमी रे पाप उठाए जाणे रे कठे से एक सिद्ध बलिदान था। यीसूए आपु जो परमेसर रे कठे बलिदान करी दितेया, इधी कठे परमेसर कोई भी किस्मा रा पाप, एथी तक कि भयंकर पाप भी माफ करहा।

![](https://cdn.door43.org/obs/jpg/360px/obs-en-49-12.jpg)

चाहे अगर तुस्से बौह्त सारे खरे काम करदे हो, ता एता रे ज्रीए परमेसरा तुस्से नी बचाणे। तेसरे दोस्त बणने रे कठे एह्ड़ा कुछ भी नी आ जो तुस्से कर सक्हा ऐ। एता रे बजाए, तुस्से सिर्फ विस्वास करा कि यीसू परमेसरा रा म्हठा आ, होर से तुस्सा रे बदले मन्झ क्रूसा पर मरी गया, होर ये भी कि परमेसरे से द्बारा जिऊन्दा करी दितेया। अगर तुस्से एस गल्ला पर विस्वास करघे, ता परमेसरा तुस्सा रे पाप माफ करी देणे।

![](https://cdn.door43.org/obs/jpg/360px/obs-en-49-13.jpg)

परमेसरा स्यों हर एक आदमी बचाणे जो यीसू पर विस्वास करहा ऐ होर तेस जो आपणा प्रभु मन्हा। पर तेस स्यों नी बचाणे जो तेस पर विस्वास नी करदे। ये जरूरी नी आ कि तुस्से अमीर हो या गरीब हो, आदमी हो या ज्नाने हो, स्याणे हो या जुआन हो, या तुस्से केथी रैहन्दे हो। परमेसर तुस्सा किन्हें प्यार करहा होर चाहाँ कि तुस्से यीसू पर विस्वास करे कि से तुस्सा रा दोस्त बणी सके।

![](https://cdn.door43.org/obs/jpg/360px/obs-en-49-14.jpg)

यीसू तुस्सा जो सादेया करहा कि तेस पर विस्वास करा होर बप्तिस्मा लऊआ। क्या तुस्से विस्वास करहा ऐ कि परमेसरा रा एकलौता म्हठा, यीसू ई मसीह आ? क्या तुस्से विस्वास करहा ऐ कि तुस्से एक पापी म्हाणुँ ऐं होर ये कि तुस्से परमेसरा रे ज्रीए सजा रे हकदार ऐ? क्या तुस्से विस्वास करहा ऐ कि तुस्सा रे पाप मिटाणे रे कठे यीसू क्रूसा पर मरेया?

![](https://cdn.door43.org/obs/jpg/360px/obs-en-49-15.jpg)

अगर तुस्से यीसू पर होर जो तिन्हें तुस्सा रे कठे कितेया तेस पर विस्वास करहा ऐ, ता तुस्से एक मसीही ऐ! सैतान आपणे न्हयारे रे राज्या मन्झ ऐबे तुस्सा पर राज नी करदा। ऐबे परमेसर आपणे प्रयासे रे राज्या मन्झ तुस्सा पर राज करहा। तिन्हें तुस्से पाप करणे ले रोकी दितिरे, जो तुस्से करदे रैह्याँ ऐं थे। तिन्हें तुस्सा जो एक नौंईं, सही जिन्दगी दितिरी।

![](https://cdn.door43.org/obs/jpg/360px/obs-en-49-16.jpg)

अगर तुस्से एक मसीही ऐ ता जो यीसूए कितिरा तेता रे वजहा परमेसरे तुस्सा रे पाप माफ करी दितिरे। ऐबे, परमेसर तुस्सा जो एक दुस्मणा रे बजाए एक पक्का दोस्त मन्हा।

![](https://cdn.door43.org/obs/jpg/360px/obs-en-49-17.jpg)

अगर तुस्से परमेसरा रे दोस्त ऐ होर प्रभु यीसू रे सेऊआ दार ऐ ता तुस्सा जो तिन्हा गल्ला रा पालन करणे री इच्छा करणी चहिए जो यीसू तुस्सा जो स्खाहाँ। चाहे तुस्से एक मसीही ऐ, सैताना ऐबे भी पाप करणे रे कठे तुस्सा री परखणी करणी। पर परमेसर हमेसा से करहा जो से बोलणे रे कठे बोल्हा कि अगर तुस्से आपणे पाप मन्नी लो, ता तेस तुस्से माफ करी देणे। तेस तुस्सा जो पापा रे बरख्लाफ लड़णे री सक्ति देणी।

![](https://cdn.door43.org/obs/jpg/360px/obs-en-49-18.jpg)

परमेसर तुस्सा जो प्रार्थना करणे होर तेसरे वचन पढ़ने रे कठे बोल्हा। से तुस्सा जो दूजे विस्वासिया साऊगी मिली किन्हें कर तेसरी अराधना करणे रे कठे भी बोल्हा। तुस्सा जो दूजे लोका जो भी दसणा पऊणा कि तिन्हें तुस्सा रे कठे क्या कितेया। अगर तुस्से ये सभ काम पुरे करघे, ता तुस्सा तेसरे एक पक्के दोस्त बणी जाणा।

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_49_128kbps.m4a

## 50. यीसू वाप्स आहूँआं

https://openbiblestories.org/l/mjl/story-50/

![](https://cdn.door43.org/obs/jpg/360px/obs-en-50-01.jpg)

लगभग 2,000 साला ले, संसारा मन्झ सभ जगहा पर ज्यादा ले ज्यादा लोक मसीह यीसू रे बारे मन्झ खरी खबर सुणेया करहा ऐ। कलीसिया बढ़ौतरी करेया करहा ई। यीसूए वायदा कितेया कि तेस संसारा रे आखरी मन्झ वाप्स आऊणा। हलांकि से ऐबे तक वाप्स नी आईरा, तेबे भी तेस आपणा वायदा जरुर पूरा करणा।

![](https://cdn.door43.org/obs/jpg/360px/obs-en-50-02.jpg)

जेब्की आस्से यीसू रे वाप्स आऊणे रा इंतजार करेया करहा ऐ, परमेसर आस्सा ले एह्ड़ी तरीके री जिन्दगी जीणे री इच्छा करहा जो पवित्र ई होर जो तेसरी इज्जत करहा ई। जेबे यीसू धरती पर रैह्याँ था तेबे तिन्हें बोल्या, "मेरे चेले संसारा भरा मन्झ सभ जगहा रे लोका जो परमेसरा रे राज्य रे बारे मन्झ खरी खबरा रा प्रचार करणा, होर तेबे आखरी टैम आई जाणा।"

![](https://cdn.door43.org/obs/jpg/360px/obs-en-50-03.jpg)

बौह्त सारी जातिया रे लोके ऐबे तक यीसू रे बारे मन्झ नी सुणेया। स्वर्गा जो वाप्स जाणे ले पैहले, यीसूए मसीही लोका किन्हें बोल्या कि जिन्हें कधी भी खुसी री खबर नी सुणी तिन्हा जो तुस्से खरी खबर सुणाया। तिन्हें बोल्या, "जाऊआ होर सभ जातिया रे लोका जो चेला बणाऊआ!" होर "कटाई करणे रे कठे डोर्हिया पक्की चुकिरी!"

![](https://cdn.door43.org/obs/jpg/360px/obs-en-50-04.jpg)

यीसूए ये भी बोल्या, "कि कोई म्हाणुँ रा सेऊआदार आपणे माल्का ले बडा नी हुंदा। एस संसारा रे खास लोके मेरे किन्हें नफरत कीती, होर मेरी वजहा ले तिन्हा तुस्से भी तंग करणे होर मारी देणे। एस संसारा मन्झ तुस्से दुःखी हूंणें, पर मज़बूत बणा, क्यूंकि मैं एस संसार पर राज करणे वाला सैतान हराई दितेया। अगर तुस्से आखरी तक मेरे भरोसे रे लायक बणी रहो, ता परमेसरा तुस्से बचाणे!"

![](https://cdn.door43.org/obs/jpg/360px/obs-en-50-05.jpg)

यीसूए आपणे चेले ये समझाणे रे कठे एक कहाणी सुणाई कि जेबे संसारा रा अंत हूंणां ता लोका साऊगी क्या हूंणां। तिन्हें बोल्या, "केसी म्हाणुँऐं आपणे डोर्हिया मन्झ खरा बीज बाह्या। जेबे से सई गया ता तेसरा दुस्मण आया होर कणका रे बीजा रे बीचा मन्झ जंगली बूटे रे बीज बाही दिते, होर फेरी से चली गया।"

![](https://cdn.door43.org/obs/jpg/360px/obs-en-50-06.jpg)

जेबे बूटे जम्मी गए ता सेऊआदारे तेस म्हाणुँ किन्हें बोल्या, 'हे माल्क जी, तुस्से ता आपणी डोर्हिया मन्झ खरा बीज बाईरा था। ता फेरी एता मन्झ जंगली बूटे केथी ले आए?' तिन्हें म्हाणुँऐं जवाब दितेया, 'सिर्फ मेरा दुस्मण ई तिन्हा जो बाई सक्हा। ये मेरा कोई दुस्मण आ जिने एह्ड़ा कितेया।'

![](https://cdn.door43.org/obs/jpg/360px/obs-en-50-07.jpg)

तिन्हें सेऊआ दारे आपणे माल्का जो जवाब दितेया, 'क्या आस्सा जो जंगली बूटे पटी देणे चहिए?' तिन्हें माल्के बोल्या, 'नी। अगर तुस्से एह्ड़ा करघे ता तुस्सा कुछ कणक भी पटी देणी। कटाई के टैमा तक इंतजार करा। तेबे जंगली बूटेया रे भारे बान्ही किन्हें कठे करी लया ताकि तुस्से तिन्हा जो फुकी सको। पर कणका जो मेरे गोदामा मन्झ लई किन्हें आऊआ।'

![](https://cdn.door43.org/obs/jpg/360px/obs-en-50-08.jpg)

चेले एस्सा कहाणी रा मतलब नी समझी पाए, इधी कठे तिन्हें यीसू किन्हें तिन्हा जो समझाणे री अर्ज किती। यीसूए बोल्या, "खरा बीज बाहणे वाला म्हाणुँ मसीह जो दस्हा। डोर्हिया संसारा जो दस्हा ई। खरा बीज परमेसरा रे राज्य रे लोका जो दस्हा ई।"

![](https://cdn.door43.org/obs/jpg/360px/obs-en-50-09.jpg)

जंगली बूटे तेस बुरे आदमी, सैताना रे लोका जो दस्हा ऐ। तेस म्हाणुँ रा दुस्मण सैताना जो दस्हा, जिने जंगली बूटे बाई दिते। कटाई एस संसारा रा अंत दस्हा ई, होर कटाई करणे वाले परमेसरा रे स्वर्गदूता जो दस्हा ऐ।

![](https://cdn.door43.org/obs/jpg/360px/obs-en-50-10.jpg)

जेबे संसारा रा अंत हूंणां तेबे स्वर्गदूता स्यों सभ लोक कठे करणे जो सैताना रे ऐ। तिन्हा स्वर्गदूता स्यों एक बौह्त ही गर्म आगी मन्झ सटी देणे। तेथी तिन्हा लोका भयंकर तकलीफा मन्झ रोणा होर आपणे दांद किर्ड़णे। पर जो लोक धर्मी ऐ, जो यीसू रे पीछे चल्हा ऐ, तिन्हा तिन्हारे बापू परमेसरा रे राज्या मन्झ सूरजा साहीं चमकणा।

![](https://cdn.door43.org/obs/jpg/360px/obs-en-50-11.jpg)

यीसूए ये भी बोल्या कि तेस संसारा रा अंत हूंणें ले पैहले धरती पर वाप्स आऊणा। तेस तेस ई तरीके ले वाप्स आऊणा जिहां से गया था। यानि, तेस वाले असली सरीर हूंणां, होर तेस सर्गा मन्झ बादला पर सुआर हुई किन्हें आऊणा। जेबे यीसूआ वाप्स आऊणा, ता हर एक मरी चुकिरे मसीह लोका जिऊन्दे हुई जाणा होर तेस किन्हें सर्गा मन्झ मिलणा।

![](https://cdn.door43.org/obs/jpg/360px/obs-en-50-12.jpg)

तेबे जो मसीही ऐबे भी जिऊन्दे ऐ स्यों सर्गा मन्झ चकी दिते जाणे होर तिन्हा मुर्देया मंझा ले जिऊन्दे हूंणें वाले दूजे मसीहिया साऊगी सामिल हुई जाणा। स्यों सभ तेथी यीसू रे साऊगी हूंणें। तेता ले बाद, यीसूआ आपणे लोका साऊगी रैहणा। जेबे तिन्हा कठे मिली किन्हें रैहणा ता तिन्हा वाले हमेसा रे कठे पूरी सांति हूंणीं।

![](https://cdn.door43.org/obs/jpg/360px/obs-en-50-13.jpg)

यीसूए तेस पर विस्वास करणे वाले हर एक आदमी जो एक ताज देणे रा वादा कितिरा। तिन्हा हमेसा रे कठे परमेसरा साऊगी हर एक चीजा पर राज करणा। तिन्हा वाले पूरी सांति हूंणीं।

![](https://cdn.door43.org/obs/jpg/360px/obs-en-50-14.jpg)

पर परमेसरा तिन्हा सभिरा न्याय करणा जो यीसू पर विस्वास नी करदे। तेस स्यों नरका मन्झ पाई देणे। तेथी तिन्हा रोणा होर आपणे दांद किर्ड़णे, होर तिन्हा हमेसा दुःखी हुंदे रैहणा। कधी नी बुझणे वाली आगिया स्यों लगातार फुकदे रैहणे, होर तिन्हा जो खाणे वाले कीड़ेया कधी नी रुकणा।

![](https://cdn.door43.org/obs/jpg/360px/obs-en-50-15.jpg)

जेबे यीसूआ वाप्स आऊणा, ता तेस पूरे तरीके ले सैतान होर तेसरा राज्य नास करी देणा। तेस सैतान नरका मन्झ पाई देणा। तेथी सैताना हमेसा रे कठे फुख्दे रैहणा, तिन्हा सभी साऊगी जिन्हें परमेसरा री गल्ला मन्नणे रे बजाए सैताना रे पीछे चलणे रा फैसला लया था।

![](https://cdn.door43.org/obs/jpg/360px/obs-en-50-16.jpg)

क्यूंकि आदम होर हव्वे परमेसरा रा हुक्म नी मन्नेया था होर पाप एस संसारा मन्झ लई किन्हें आए थे, परमेसरे तेस जो स्राप दितेया होर तेस जो नास करणे रा फैसला कितेया। पर केसी ध्याड़े परमेसरा एक नंऊँऐं स्वर्ग होर एक नौंईं धरती री रचना करणी जो बिलकुल सही हूंणी।

![](https://cdn.door43.org/obs/jpg/360px/obs-en-50-17.jpg)

यीसू होर तेसरे लोका तेस्सा नौंईं धरती पर रैहणा, होर तेस हमेसा रे कठे सभ चीजा पर राज करणा। तेस लोका री हाखिया ले हर एक आँसू मिटाई देणे। ऐबे कोई भी परेसान या दुःखी नी हूंणां। तिन्हा रोणा नी। तिन्हा बीमार नी हूंणां या मरणा नी। होर तेथी कुछ भी बुराई नी हूंणीं। यीसू आपणे राज्य पर सही न्याय करी किन्हें, होर सांति साऊगी राज करणा। तेस हमेसा रे कठे आपणे लोका साऊगी रैहणा।

*मत्ती 24:14; 28:18; यूहन्ना 15:20, 16:33; प्रकासितवाक्य 2:10; मत्ती 13:24-30, 36-42; 1 थिस्सलुनीकियों 4:13-5:11; याकूब 1:12; मत्ती 22:13; प्रकासितवाक्य 20:10, 21:1-22:21 ले एक बाईबला री कहाणी*

Audio: https://git.door43.org/OBS-TLF/mjl_obs/releases/download/v1/mjl_obs_v1_50_128kbps.m4a