# unfoldingWord Open Bible Stories — Mahali

- Language code: `mjx`
- Canonical page: https://openbiblestories.org/l/mjx/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Mahali translation; it is not a translation of the whole Bible.

## 1. ୧. ସିର୍ଜନ୍ ରେଆଃ କାହାନ

https://openbiblestories.org/l/mjx/story-1/

![](https://cdn.door43.org/obs/jpg/360px/obs-en-01-01.jpg)

ଏହୋବ୍ଃରେ ଇଶ୍ୱର୍‌ବାବା ନଆଁ ଲେକାତେ ଝତ ଜିନିଷେ ବେନାଓ କେଃଆ। ଉନି ତୁରୁଇମାହାଁ ଭିତିର୍‌ରେ ଧାର୍ତୀ ଆର୍‌ ଅନାରେ ମେନାଃ ଆକାଦ୍ଃ ଝତ ଜିନିଷେ ବେନାଓ କେଃଆ। ତିନ୍‌ଜଖାଃ ଈଶ୍ୱର୍ ଧାର୍ତୀ ବେନାଓ କେଆଃ, ଅନା ଧାର୍ତୀ ଞ୍ଜୁତାତ୍ ଆର୍ ଏଖେନାଃଗେ ତାହେଁକାନା। ଚେଦାଃସେ, ଉନ୍ ଧାବିଜ୍ଃ ତେ ଇଶ୍ୱର୍‌ବାବା ଜାହାନାଃ ଜିନିଷ ହଁ ବାଏ ବେନାଓ ଲେଆଃ। ମେନ୍‌ଖାନ୍ ପରମେଶ୍ୱରାଃ ଆତ୍ମା ଦାଃ ଚେତାନ୍‌ରେ “ମାଣ୍ତରାଓ“ ବାଳାଃକାନ୍ ତାହେଁଦଃ।

![](https://cdn.door43.org/obs/jpg/360px/obs-en-01-02.jpg)

ଅନା ତାୟମ୍‌ତେ ଈଶ୍ୱର୍ ବାବା ଲାଇକେଆଃ, ‘‘ମାର୍ଶାଲଃ ମା’ ଆର ଅଣ୍ତେ ମାର୍ଶାଲ୍ ଏନା। ଈଶ୍ୱର୍ ମାର୍ଶାଲ୍ ଚେହେରାୟେ ଞ୍ଜେଲ୍ ‘କେଃଆ’ ଆର୍‌ ଅନା ‘ସିଞ୍ଜ୍’ ଏ ଞ୍ଜୁତୁମ୍‌ କେଃଆ। ଆଜ୍ଃ ମାର୍ସାଲ ଞୁତାତ୍‌ଖନେ ଭେଗାର୍ ‘କେଃଆ,’ ଯାହାଁୟେ ଞିଦାଏ ‘ଞ୍ଜୁତୁମ୍ କେଃଆ’। ସିର୍ଜନ୍ ରେନାଃ ପୁଇଲୁ ମାହାଁରେ ‘ମାର୍ଶାଲ୍’ ‘ବେନାଓ’ କେଃଆ।

![](https://cdn.door43.org/obs/jpg/360px/obs-en-01-03.jpg)

ବେନାଓରେଆଃ ଦଶାର୍ ଦିନ୍‌ରେ, ଇଶ୍ୱରେ ‘ମେନ୍ କେଃଆଏ,’ “ଦାଃ ଚେତାନ୍‌ରେ ମିଟା୍ଂ ଏଖେନ୍ ଜାୟଗା ହୁୟୁଃମା। “ଆର୍ ଅଣ୍ତେ ଏଖେନ୍‌ ଜାଏଗା ହୁଇଏନା। ପରମେଶ୍ୱର୍ ଅନା ଏଖେନ୍ ଜାଏଗାରେଆଃ ଞ୍ଜୁତୁମ୍ “ସେର୍ମା” ଦହକେଃଆଏ।

![](https://cdn.door43.org/obs/jpg/360px/obs-en-01-04.jpg)

ତେସାର୍ ‘ଦିନ୍‌ରେ,’ ପରମେଶ୍ୱର୍ ଦାଃ ମିଦ୍‌ଠେନ୍ ଜାଓରାଃମା ଆର୍ ରହଳ୍ ଅତ୍ ଞ୍ଜେଲଃମା ମେନ୍ତେ ମେନ୍ କେଃଆଏ। ଅନା ରହଳ୍ ଅତ୍ ଦ ଧାର୍ତୀ’ ଆର୍‌ ଦାଃ ଦ ‘ଦରେୟାଏ’ ଞ୍ଜୁତୁମାଃନାୟ। ଈଶ୍ୱରେ ଞ୍ଜେଲ୍ କେଃଆଦ ଆଜ୍ଃ ଅକାଏ ବେନାଓ ଲେଃଆୟେ ଅନାକ ଝତ ବୁଗିନ୍‌ଗେଆ।

![](https://cdn.door43.org/obs/jpg/360px/obs-en-01-05.jpg)

ଇନାତାୟମ୍‌ତେ ପରମେଶ୍ୱରେ ମେନ୍‌କେଃଆ, “ଧାର୍ତୀରେ ଝତ ଲେକାନାଃ ଦାରେ ନାଣୀକ ଅମନଃ ମା,” ଆର୍ ଅନ୍‌କାଗେ ହୁଇଏନା। ଈଶ୍ୱରେ ଞ୍ଜେଲ୍‌କେଃଆ ଦ ଆଜ୍ଃ ଅକାୟେ ବେନାଓଲେଃଆ ଅନାକ ଝତ ବୁଗିନ୍‌ଗେଆ।

![](https://cdn.door43.org/obs/jpg/360px/obs-en-01-06.jpg)

ବେନାଓରେଆଃ ପୁନ୍‌ ମାହାରେ, ସେର୍ମାରେ ମାର୍ଶାଲ୍‌ ହୁୟୁଗଃମା ମେନ୍ତେ ଈଶ୍ୱରେ ମେନ୍‌କେଃଆ। ଆର୍ ବେଳା, ଚାନ୍ଦ ଆର୍‌ ଇପିଲ୍ କୋ ଞ୍ଜେଲଗଃମା। ଈଶ୍ୱର୍ ଧାର୍ତୀରେଆଃ ମାର୍ଶାଲ୍‌ ଲାଗିଦଃତେ ବେଳା,ଚାନ୍ଦ ଆର୍ ଇପିଲ୍‌କୋ, ସିଞ୍, ଆର୍‌ ଞ୍ଜିନ୍ଦା ଚିହ୍ନାଉ ଲାଗିଦ୍ଃତେ ସେର୍ମା ଆର୍ ମାହିତ୍ଏ ବେନାଓ କେଃଆୟ। ଆର୍‌ ଈଶ୍ୱରେ ଞ୍ଜେଲ୍‌କେଃଆ ଆଜାଃ ହର୍‌ତେ ବେନାଓ ଆକାନ୍ ଜିନିଷ୍ କ ଆଡିଗେ ବୁଗିନା।

![](https://cdn.door43.org/obs/jpg/360px/obs-en-01-07.jpg)

ମଣେ ମହାଁରେ ଇଶ୍ୱର୍‌ ଜୀୱିଦ୍ଃ ଜୀଆଳୀ, ଝତ ରକମ୍ ଦାଃରେ ପାୟେରା ଦାଳେଆଃ ଲେକାନ୍‌ ଦାଃ ଜିଆଳୀକ, ଆର୍‌ ସେର୍ମାରେ ଅଟାଂ ଦାଳେୟାଃ ଲେକାନ୍ ଚେଣେ ଚୁପୁରୁଦ୍ଃ କୟେ ବେନାୱ କେଦ୍ଃ କଆ। ଆର୍ ଈଶ୍ୱର୍ ବାବା ନଆଁ ଆଡି ବୁଗିନା ମେନ୍ତେ ଞ୍ଜେଲ୍ କେଆଃଏ, ଆର୍ ଉନକୁଇ ଆଶିଷାଃ କଆ।

![](https://cdn.door43.org/obs/jpg/360px/obs-en-01-08.jpg)

ବେନାଓ ରେୟାଃ ତୁରୁଇ ମାହାଁରେ, ଧାର୍ତୀରେ ଝତଲେକାନ୍ ଜାନୱାର୍‌କ, ହୁୟୁଗଃ ମାକ ମେନ୍ତେ ଇଶ୍ୱରେ ଲାଇକେଃଆ। ଆର୍‌ ଅନ୍‌କାଗେ ହୁଇୟେନା। ତିନାଂଗାନ୍ ଟଲାରିନ୍ ଜାନ୍‌ୱାର୍ ଆର୍‌ ଅତ୍ ଚେତାନ୍‌ରେ ଲାଜ୍ଃତେ ତାଳାମ୍‌ ଦାଳେୟାଃ ଲେକାନ୍ ଲେଞ୍ଜଃ ଟୁଣ୍ତାଂ ଆର୍‌ ବୁରୁରିନ୍ ଜାନ୍‌ୱାର୍ କକ ବେନାୱେନା, ଆର୍‌ ଈଶ୍ୱର୍ ବାବା ଅନାକ ଆଡିଭାଗିଗେ ଞ୍ଜେଲ୍ କେଃଆୟେ।

![](https://cdn.door43.org/obs/jpg/360px/obs-en-01-09.jpg)

ଇନା ତାୟମତେ ଈଶ୍ୱର୍ ବାବାଏ ମେନ୍‌କେଃଆ, ଇଞ୍ଜ୍ ଲେକାନିଜ୍ଃ ମିଦ୍ଃ ମାନୱାଞ୍ଜ୍ ବେନାୱେୟା। ଉନି ଦ ଝତ ଧାର୍ତୀ, ଆର୍‌ ଜନ୍ତୁକ୍‌ ଜାନ୍‌ୱାର୍ ଚେତାନ୍‌ରେ ଆଇଦାରିୟାୟେ।

![](https://cdn.door43.org/obs/jpg/360px/obs-en-01-10.jpg)

ଅନାମେନ୍ତେ ଈଶ୍ୱର୍ ବାବା ତିନାଃଗାନ୍ ହାସା ଇଦିକାତେ ମାନ୍‌ମୀ ହପନେ ବେନାଓ କେଦେୟାଏ, ଆର୍ ଆଜାଃ ସାହେଦ୍ଃ ଆଜ୍ଃଏ ଏମାଦେୟାଏ। ଉନି ମାନମୀୟାଃ ଞ୍ଜୁତୁମ୍ ଆଦମ୍‌ ତାହେଁଏନା। ଈଶ୍ୱର ବାବା ମିଦ୍ଃ ମାରାଂ ବାଗାନ୍ ବେନାଓ କେଃଆଏ। ଜାହାଁରେ ଆଦମେ ତାହେଁ ଦାଳେୟାଃ, ଆର୍ ଅନା ବାଗାନ୍ ରେୟାଃ ଦାୟିତ୍ୱ ଇଦି ଲାଗିଦ୍‌ତେ ଆଜ୍ଃଏ ଲାଈ ଆଦେୟାଏ।

![](https://cdn.door43.org/obs/jpg/360px/obs-en-01-11.jpg)

ବାଗାନ୍ ରେୟାଃ ତାଲାମାଲାରେ ବାରେୟା ଲାଗ୍‌ତିଆନ୍‌ ଦାରେ ରହୟେ କେଃଆୟେ, ଜୀୟନ୍ ରେଆଃ ଦାରେ ଆର୍ ବୁଗି ବାଳିଜ୍ ବାଡାଏ ଦାଳେୟାଃ ରେଆଃ ଦାରେ। ଈଶ୍ୱର ବାବା ଆଦମେ ଲାଇୟାଃଦେୟାଏ, ଆବିନ୍ ବୁଗି ଆର୍ ବାଲିଜ୍ଃ ବାଡାଏ ଦାଳେୟାଃରେଆ ଯଅ ବାଗିକାତେ ଝତ ଯଅବିନ୍ ଜମ୍ ଦାଳେୟାଃଆ। ଯୁଦି ଆବିନ୍ ଅନା ଦାରେରେୟାଃ ଯଅବିନ୍ ଯମାଃ ତବେବିନ୍ ଗୁଜୁଃଆ।

![](https://cdn.door43.org/obs/jpg/360px/obs-en-01-12.jpg)

ଇନା ତାୟମ୍‌ତେ ଇଶ୍ୱର୍‌ ବାବାୟେ ମେନ୍‌କେଃଆ, ମାନମୀ ହପନ୍ ଏକେଲା ତାହେନ୍ ବାଂ ବୁଗିନା। ମେନ୍‌ଖାନ୍ ଆଦମ୍‌ ରିନ୍ ଜାହାଏ ଜାନୱାର୍‌କ ହଁ ଗଳ ଲେକାନ୍‌କ ବାକ ତାହେଁକାନା।

![](https://cdn.door43.org/obs/jpg/360px/obs-en-01-13.jpg)

ଅନାଲାଗିଦ୍ଃତେ ଆଦମ୍‌ ଈଶ୍ୱର୍ ବାବା ଗାହିଁର୍ ଜାପିଦ୍ଃରେ ଜାପିଦ୍ଃ ହଚକେଦେୟାଏ। ଇନା ତାୟମତେ ଆଦମଠେନ୍‌ ଖନ୍‌ ମିଦ୍ଃ ପାଞ୍ଜାର୍ ଜାଂୟେଁ ଇଦିକେଆଃଏ, ଆର୍ ଅନା ପାଞ୍ଜାର୍ ଜାଂତେ ମିଦ୍ଃ କୁଳୀ ବେନାଓ କେଦେୟାଏ। ଆର୍ ଉନି କୁଳୀ ଆଦମାଃ ସୁର୍‌ତେ ଆଗୁକେଦେୟାଏ।

![](https://cdn.door43.org/obs/jpg/360px/obs-en-01-14.jpg)

ତିନ୍‌ଜଖାଃ ଆଦମ୍‌ କୁଳୀ ଞ୍ଜେଲ୍‌କେଦେୟାଏ, ଆଜ୍ଏ ଲାଇକେଃଆଏ ମୁଚେଦ୍ଃରେ ନୁଇଗେ ଇଞ୍ଜ୍ ସମାନିଜ୍ଃ କାନାଏ। ଇନା ତାୟମ୍‌ତେ ଆଜ୍ଃ ମେନ୍‌କେଃଆୟେ କୁଳୀ ଞ୍ଜୁତୁମରେ ଞ୍ଜୁତୁମଃ ମାୟେ। ଚେଦାଃସେ ଉନି କୁଳୀ କଳାଠେନ୍ ଖନେ ବେନାଓ ଆକାନା। ଅନାଲାଗିଦ୍ଃତେ, ମାନମୀ ହପନ୍ ଆଜ୍ଃରିନ୍ ଆୟ ବାବା ବାଗିକାତେ, ଉନି ଆଜିଜ୍ଃ କୁଳୀସାୱଁଏ ମିଦଃଆଃଏ।

![](https://cdn.door43.org/obs/jpg/360px/obs-en-01-15.jpg)

ଈଶ୍ୱର୍ ଆଜାଃ ଆପ୍ନାରାଃ ମହଣ୍ଡାଲେକା କଳା ଆର୍ କୁଳୀ କାତେ ବେନାଓ କେଦ୍ଃକିନାଏ। ଈଶ୍ୱର୍ ବାବା ଉନକୀନ୍‌ନେ ଆଶିଷାଃ କିନ୍‌ତେ ଲାଇଆଃଦ୍ କିନାଏ ହନ୍‌ହପନ୍ ଆର୍‌ ଗଳମ୍ ମୁର୍ଗାନ୍ କାତେ ନଆଁ ଧାର୍ତୀ, ପେରେଜ୍‌ବିନ୍। ଆର୍‌ ଇଶ୍ୱର୍‌ବାବା ଞ୍ଜେଲ୍‌କେଆଃଏ ଆଜ୍ଃ ବେନାୱାକାଦ୍ଃ ଝତୱାଃ ଆଡି ଭାଗିଆ। ଆର୍ ନଆଁ ଝତୱାଃ ଲାଗିଃଦ୍‌ତେ ଈଶ୍ୱରବାବା ଆଡି ରାସ୍କାଏ ତାହେଁକାନା। ନଆଁକ ଝତ ତୁରୁଇ ମାହାଁରେ ହୁଇଏନା।

![](https://cdn.door43.org/obs/jpg/360px/obs-en-01-16.jpg)

ଅକାଜଖାଃ ସାତଦିନ୍ ହୁଇଏନା, ଈଶ୍ୱର୍ ବାବା ଆଜାଃ ଝତକାମିଏ ମୁଚେଦ୍ଃ କେଆଃ। ଅକା ଝତ ଆଜେଃଏ ସିର୍ଜାଉ ଆଗୁଲେଆଃଏ ଆଜ୍ଃ ଅନା ସାତଦିନ୍ ଆଶିଷଃ ସନତ୍ କେଃଆଏ। ଚେଦାଃସେ ଅନାଦିନ୍‌ରେ ଆଜ୍ଃ ଝତୱାଃ ବେନାଓ କାମିକଏ ମୁଚେଦ୍ଃ ଲେଃଆ। ନଆଁ ଲେକାତେ ଧାର୍ତୀରେଆଃ ଆର୍ ଅନାତାଲାରେ ମେନାଃଆକାନ୍‌ ଝତ ଜିନିଷ୍‌ଏ ବେନାଓ କେଃଆଏ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୧-୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_01_128kbps.m4a

## 2. ୨. ଧାର୍ତୀତେ କାଇ ବଲୟେନା

https://openbiblestories.org/l/mjx/story-2/

![](https://cdn.door43.org/obs/jpg/360px/obs-en-02-01.jpg)

ଆଦମ୍ ଆର୍ ଆଜ୍ଃ ବାହୁ ଈଶ୍ୱର୍ ଆକିନ୍ ଲାଗିଦ୍ଃ ବେନାଓ ଆକାଦ୍ଃ ବାଗାନ୍‌ରେ ଉଡି କୁସିରେକିନ୍ ତାହେଁକାନା। ଉନ୍‌କିନ୍ ଲୁଗୁଳି ହଁ ବାକିନ୍ ପାଲାଟ୍ ଲେନା, ମେନ୍‌ଖାନ୍ ଲାଜାଅ ହଁ ବାକିନ୍ ବୁଝାଉୟେଦ୍ଃ ତାହେଁଦ। ଚେଦାଃସେ ଉନ୍‌ବେଳାରେ ନଆଁ ଧାର୍ତୀରେ କାଇଗେ ବାଏ ତାହେଁକାନା। ଆକିନ୍ ତାଲା ତାଲାରେ ବାଗାନ୍‌ରେକିନ୍ ଦାଣା ବାଳାୟେଦ୍ ତାହେଁଦ୍‌ଦଃ, ଆର୍ ଈଶ୍ୱର୍ ବାବା ସାଓଁକିନ୍ ରପଳ୍‌କାନ୍ ତାହେଁଦଃ।

![](https://cdn.door43.org/obs/jpg/360px/obs-en-02-02.jpg)

ମେନ୍‌ଖାନ୍ ଅନା ବାଗାନ୍‌ରେ ମିଃଟାଂ ବିଞ୍ଜ୍‌ଏ ତାହେଁକାନା। ବିଞ୍ଜ୍‌ଦ ଉଡିଗେ ଚାଲାକ୍ଏ ତାହେଁକାନା। ବିଞ୍ଜ୍ ଉନି କୁଳିକେ କୁଲିକେଦେୟାଏ, ଚେଦ୍ଃ ସାରିଗେ ନଆଁ ବାଗାନ୍ ରେନାଃ ଯାହାଁନ୍ ଦାରେରେୟାଃ ଯଅ ଯମ୍ ବାଖ୍‌ରା ଈଶ୍ୱର୍ ବାବାଏ ମାନାଆକାଦ୍ଃ ବିନା?”

![](https://cdn.door43.org/obs/jpg/360px/obs-en-02-03.jpg)

କୁଳି ରଳ୍ ରୁଆଳ୍‌ କେଃଆଏ, “ଈଶ୍ୱର୍ ବାବା ବୁଗି ଆର୍ ବାଳିଜ୍ଃ ଜ୍ଞାନ୍ ତାହେଁନ୍‌ ଯଅ ଛାଡାକାତେ ଝତ ଦାରେରେନାଃ ଯଅ ବିନ୍ ଜମ୍ ଦାଳେୟାଃ, ମେନ୍ତେ ଲାଇ ଆକାଦ୍ଃଲିଞ୍ଜାଏ। “ଯୁଦି ଆବିନ୍ ନଆଁ ଦାରେରେନାଃ ଯଅବିନ୍ ଯମା ଆର୍‌ବାଂ ବିନ୍ ଜଟେଦା ଏନ୍‌ଖାନ୍ ଆବିନ୍‌ବିନ୍ ଗୁଜୁଃଆ”।

![](https://cdn.door43.org/obs/jpg/360px/obs-en-02-04.jpg)

ବିଞ୍ଜ୍‌ ଉନି କୁଳୀ ମେତାଃ ଦେୟାଏ, “ଅନା ସାରିକାଥାଦ ବାଂକାନା, ଆବିନ୍‌ଦ ବାବିନ୍ ଗୁଜୁଃଆ। ଈଶ୍ୱର୍ ନଆୟେ ବାଡ଼ାୟାଦ, ଆବିନ୍ ଜଖନ୍ ନଆଁ ଯଅବିନ୍ ଜମା, ଆଜ୍ଃଲେକା ବୁଗି ଆର୍ ବାଳିଜାଃବିନ୍‌ ବାଡାୟେ ଦାଳେୟାଃଆ”।

![](https://cdn.door43.org/obs/jpg/360px/obs-en-02-05.jpg)

ଯେଖନ୍ କୁଳି ଞ୍ଜେଲ୍‌କେଃଆ, ଅନା ଦାରେରେନାଃ ଯଅଦ ଜମ୍ ଲାଗିଦ୍ଃ ଆର୍ ଞ୍ଜେଲ୍ ଲାଗିଦ୍ଃତେ ଉଡି ଚରକା, ଅନାତେ କୁଳିହଁ, ଜ୍ଞାନ୍ ଞ୍ଜାମ୍ ଲାଗିଦ୍ଃ ଉଇହାର୍ କେଃଆଏ। ଅନାତେ ଅନା ଦାରେରେନା ତିନାଁ ଗାନ୍ ଯଅଏ ଗଦ୍ଃ କେଃଆ, ଆରେ ଜମ୍‌କେଃଆ। ଇନାତାୟମ୍ ତିନାଃଗାନ୍ ଆଜ୍ଃରିନ୍ ହେରେଲ୍ ହଁୟେ ଏମାଦେୟା, ଅକୟେ ଆଜ୍ଃ ସାଲାଃଏ ତାହେଁକାନା, ଆର୍ ଆଜ୍ଃହଏଁ ଜମ୍‌କେଃଆ।

![](https://cdn.door43.org/obs/jpg/360px/obs-en-02-06.jpg)

ହୁପ୍‌କାଗେ ମେଦ୍ଃ ତାକିନ୍ ପୁଟାଃଏନା, ଆର୍ ଆକିନ୍ ଏଖେନ୍ ହଳ୍ମ ଗେୟାକିନ୍ ମେନ୍ତେକିନ୍ ବାଡାଏ କେଆଃ। ଆକିନ୍ ସାକାମ୍‌କ ପାଟିକାତେ ଲୁଗୁଳିକିନ୍‌ ବେନାଓ କେଃଆ, ଆର୍ ଅନା ସାକାମ୍ ଲୁଗ୍‌ଳିତେ, ଆକିନ୍ ଆକିନାଃ ହଳ୍ମକିନ୍ ଦାପାଲ୍ ଏସେଦା ମେନ୍ତେକିନ୍ ଉଦିସ୍ କେଆଃ।

![](https://cdn.door43.org/obs/jpg/360px/obs-en-02-07.jpg)

ଇନା ତାୟମ୍, ଆଦମ୍ ଆର୍ ଆଜ୍ଃ ବାହୁ, ଈଶ୍ୱର୍ ବାବା ବାଗାନ୍‌ରେ ଦାଣା ବାଳାୟେଦ୍ଃ ରେୟାଃ ସାଡେକିନ୍ ଆଞ୍ଜମ୍‌କେଃଆ। ବାର୍‌ହଳ୍‌ଯାକ୍ ଈଶ୍ୱର୍ ବାବା ଠେନ୍‌ଖନ୍ କିନ୍ ଉକୁୟେନା, ଇନା ତାୟାମ୍‌ତେ ଈଶ୍ୱର୍ ବାବା ଆଦମେ ହହଆଃଦେୟା, ଆଦମ୍ ଆଦମ୍ ଆମ୍ ଅକାରେ? ଆଦମ୍ ଲାଇ ରୁଆଳ୍ କେଆଃଏ, ବାବା ଆମାଃ, ବାଗାନ୍‌ରେ ଦାଣା ବାଳାରେୟାଃ ସାଡେଞ୍ଜ୍ ଆଞ୍ଜମ୍ କେଦ୍ଃତେ ବତରେଞ୍ଜ୍ ବୁଝାଉ କେଃଆ, ଚେଦାଃସେ ଇଞ୍ଜ୍ ଏଖେନ୍ ହଳ୍ମ ଗିଞ୍ଜ୍ ତାହେଁକାନା, ଅନାମେନ୍ତେ ଇଞ୍ଜ୍ ଉକୁଲେନା।

![](https://cdn.door43.org/obs/jpg/360px/obs-en-02-08.jpg)

ଇନା ତାୟାମ୍‌ତେ ଈଶ୍ୱର୍ ବାବା କୁଲିକେଦେୟାଏ, “ଆମ୍ ଲାମ୍‌ଟା ଗେୟାମ୍ ମେନ୍ତେ ଅକଏ ଲାଇୟାଦ୍ଃ ମେୟାଏ? ଚେଦ୍ଃ ଇଞ୍ଜ୍ ଆମ୍ ଅକା ଯଅ ଯମିଞ୍ଜ୍ ମାନାଲେଦ୍ଃ ମେୟାଁ, ଅନା ଯଅମ୍ ଯମାକାଃ?” ଆଦମ୍ ଲାଇ ରୁଆଳ୍ କେଆଃଏ, “ବାବା ଆମ୍ ଅକଏ ଇଞ୍‌ ମିଦ୍ଃ କୁଳୀମ୍ ଏମାକାଦିଞ୍ ତାହେଁଦ୍, ଉନି ଅନା ଯଅଏ ଏମାଦିଞ୍ଜା” ଇନାତାୟାମ୍‌ତେ ଈଶ୍ୱର୍ ବାବା ଉନି କୁଳି କୁଲି କେଦେଆଏ, “ନଆଁ ଚେଦ୍ଃଏମ୍ ଚିକାକେଃଆ?” କୁଳି ଲାଇରୁଆଳ୍ କେଃଆଏ, “ବିଞ୍ଜ୍ ଇଞ୍ଜେ ଏଳେ କିଦିଞ୍ଜା।”

![](https://cdn.door43.org/obs/jpg/360px/obs-en-02-09.jpg)

ଈଶ୍ୱର୍ ବାବା ବିଞ୍ଜ୍‌ ମେତା ଦେୟାଏ, “ଆମ୍ ସାର୍ପାଓ ଞ୍ଜାମିଜ୍ଃ କାନାମ୍! ଆମ୍ ଲାଜ୍ଃତେମ୍ ତାଳାମା ଆର୍ ଅତ୍‌ରେୟାଃ ଧୁଳିମ୍ ଜମା। ଆମ୍ ଆର୍ ଉନିକୁଳି ବିନ୍ ହିପିର୍‌କାଃ, ଆର୍ ଆମ୍‌ରିନ୍ ହପନ୍, ଆର୍ ଉନି କୁଳିରିନ୍ ହପନ୍ କ ତାଲାରେହଁପେ ହିପିର୍‌କାଃ। କୁଳି ଠେନ୍‌ଖନ୍ ଉପାନଃ ହପନ୍ ଆମାଃ ବହଃକ ଗେଜେରା, ଆର୍ ଆଜ୍ଃରିନ୍ ହପନ୍‌କଆଃ ଜାଙ୍ଗାରେମ୍ ଗେର୍‌କଆ।

![](https://cdn.door43.org/obs/jpg/360px/obs-en-02-10.jpg)

ଇନା ତାୟମ୍‌ତେ ଈଶ୍ୱର୍ ବାବା ଉନି କୁଳିୟେ ମେତାଦେୟାଏ, “ଇଞ୍ଜ୍ ଆମାଃ ଛୁତ୍‌କା ଲାଜ୍ଃହାସୁ ଜାସ୍‌ତି ଗିଞ୍ଜ୍ ଢେରା। ଆମ୍‌ରିନ୍ ହେରେଲ୍‌ ଚେତାନ୍‌ରେ ଲାଲୋଚ୍ ତାହେଁନା, ଆର୍‌ ଆଜ୍ଃ ଆମାଃ ଚେତାନ୍‌ରେ ଆଇଦାରିୟାଏ।”

![](https://cdn.door43.org/obs/jpg/360px/obs-en-02-11.jpg)

ଈଶ୍ୱର୍ ବାବା ମାନ୍‌ମି ଲାଇଆଃଦେୟାଏ, “ଆମ୍ ଆମ୍‌ରିନ୍ ଏରାହାଃ କାଥାମ୍ ଆଞ୍ଜମ୍‌କେଃଆ, ଆର୍‌ ଇଞ୍ଜେମ୍ ବେଖାତିର୍ କିଦିଞ୍ଜା। ନିତଃ ନଆଁ ହାସା ସାର୍ପାଏନାଃ, ଆର୍ ଆମ୍ ଯମାଃ ଞ୍ଜୁଆଁଃ ଖାତିର୍‌ତେ ଜାସ୍ତି କାମିତେ ଲାଗ୍‌ତିଆମା। ଇନା ତାୟାମ୍‌ତେ ଆମେମ୍ ଗୁଜୁଃଆ, ଆର୍‌ ଆମାଃ ହଳ୍ମ ଆର୍‌ହଁ ହାସାରେ ମେସା ରୁଆଳଃଆ।” କଳା ଆଜ୍ଃ ରେନ୍‌ ଏରାହାଃ ଞ୍ଜୁତୁମ୍ ହବାଏ ଦହକେଃଆ, ମେନ୍‌ଦ “ଜିୱନ୍ ଦାନ୍,” ଚେଦାଃସେ ଆଜ୍ଃ ଝତ ହଳ୍‌କଆଃ ଆୟଏ ହୁୟୁଗଃଆ। ଆର୍ ଈଶ୍ୱର୍ ବାବା ଜାନୱାର୍‌ କଆଃ ହାର୍‌ତାତେ ଲୁଗୁଳି ବେନାଓ କାତେ ଆଦମ୍ ଆର୍ ହବା ତିକିନେ ପାଲାଟ୍ ହଚକେଃଦ୍ କିନା।

![](https://cdn.door43.org/obs/jpg/360px/obs-en-02-12.jpg)

ତାୟମ୍‌ତେ ଈଶ୍ୱର୍ ବାବାଏ ମେନ୍‌କେଃଆ, “ନିତଃଦ ମାନ୍‌ମି ଇଞ୍ଜ୍ ଲେକାଗେ ବୁଗି ଆର୍ ବାଳିଜ୍ଃ ରେୟାଃ ଭେଦ୍ଏ ବାଡାଏ ଦାଳେୟାଃନା। ଆକିନ୍‌ ଜିୱନ୍ ଦାରେରେୟାଃ ଜ ଜମ୍ ଲାଗିଦ୍ଃତେ ବାଞ୍ଜ୍ ଏମାକିନା, ଆର୍ ଯାଏଯୁଗ୍ ଜୀୱୀଦ୍ ଆଲକିନ୍ ତାହେଁନ୍‌ମା।” ଅନାମେନ୍ତେ ଈଶ୍ୱର୍ ବାବା ଆଦମ୍ ଆର୍ ହବା ତିକିନ୍ ବାଗାନ୍ ଖନାଃ ଉଡିଝାଲ୍‌ଏ ଭେଜା କେଦ୍ଃକିନା। ଈଶ୍ୱର୍ ବାବା ଦାଳେୟାନ୍ ସେର୍‌ମାଦୂତ ବାଗାନ୍ ରେଆଃ ବଲନ୍ ଦୁଆର୍‌ରେ ଦହକେଦ୍ଃ କଆୟ, ଯେମନ୍ ଯାହାଁଏ ହଁ ଜୀୟନ୍ ଦାରେ ରେୟାଃ ଯଅ ଆଲକ ଯମ୍ ଦାଳେଆଃମା’।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୩*

Audio: https://git.door43.org/OBS-TLF/mjx_obs/releases/download/v1/mjx_obs_v1_02_128kbps.m4a

## 3. ୩. ବାନ୍ ଦାଃ

https://openbiblestories.org/l/mjx/story-3/

![](https://cdn.door43.org/obs/jpg/360px/obs-en-03-01.jpg)

ଉଡିସେର୍ମା ତାୟମ୍, ଧାର୍ତୀରେ ଉଡିଢେର୍ ହଳ୍‌କ ତାହେନ୍‌କାନ୍‌ ତାହେଁଦ୍ଃ। ଉନ୍‌କୁ ଆଡିଗେ ବାଳିଜ୍ଃ ଆର୍ ବତରାନ୍ କ ତାହେଁକାନା। ନଆଁ ଧାର୍ତୀରେ କାଇ ଉନାଃ ଢେର୍‌ଏନାଦ ଈଶ୍ୱର୍ ବାବା ମାରାଂ ବାନ୍ ଦାଃ ନାଁସ୍ ଖାତିରେ ହୁଦିସ୍‌କେଃଆ।

![](https://cdn.door43.org/obs/jpg/360px/obs-en-03-02.jpg)

ମେନ୍‌ଖାନ୍ ଈଶ୍ୱର୍ ବାବା ନହ ଠେନ୍ କୁସିଏ ତାହେଁକାନା। ଉନି ବାଳିଜ୍ଃ ହଳ୍‌କ ତାଲାରେ ମିଦ୍ଃ ବୁଗିନ୍ ହଳେ ତାହେଁ କାନା। ମିଃଟାଁ ମାରାଁ ବାନ୍ ଦାଃ ହିଜୁଃକାନା ମେନ୍ତେ ଈଶ୍ୱର୍ ବାବା ନହ ମେତାଃଦେଆଏ। ଅନାତେ, ମିଃଟାଂ ମାରାଁ ଡଙ୍ଗା ବେନାଜଂମେ ମେନ୍ତେ ନହ ମେତାଃଦେୟାଏ।

![](https://cdn.door43.org/obs/jpg/360px/obs-en-03-03.jpg)

ଈଶ୍ୱର୍ ବାବା ନହ, ମିଦ୍ଃ ସାଏ ପୁନ୍‌ଗେଲ୍ ମିଟର୍ ଜିଲିଙ୍ଗ୍, ମିଦ୍ଃଇସି ପେ ମିଟର୍ ଓସାର୍, ଆର୍ ମିଦ୍ଃ ଗେଲ୍ ପେ ଆଧା ମିଟର୍ ଉସୁଲ୍ ଲାଉକା ବେନାଓମେ ମେନ୍ତେ ମେତାଦେଆଏ। ନହ ଅନା ଲାଉକା ଦାଃରେ ସାହାନ୍‌ତେ ପେଆ ଥାକ୍,ଉଡିଗାନ୍ କୁଠି, ମିଦ୍ଃ ଛାତ୍, ଆର୍ ମିଦ୍ଃ ଝର୍‌କା ବେନାୱମେ। ଆର୍ ନଆଁ ଲାଉକା ନହ ଘାରଞ୍ ରିନ୍ ହଳ୍ ଆର୍ ଝତଲେକାନ୍ ଜିୱୀଦ୍ ଜାନୱାର୍ କ ଆର୍ ଉଡାୱଃ ଚେଣେ କ ସୁଲୁକ୍‌ତେ ଦହଃକଆଏ ବାନ୍ ଦାଃ ବେଳାରେ।

![](https://cdn.door43.org/obs/jpg/360px/obs-en-03-04.jpg)

ନହ ଇଶ୍ୱରାଃ ହୁକୁମେ ଦହକେଃଆଏ। ଈଶ୍ୱର୍ ବାବାଆଃ କାଥା ଲେକାତେ ଆଜ୍ଃ ଆର୍ ଆଜ୍ଃ ରିନ୍ ପେୟାହପନ୍ ଲାଉକାକ ବେନାଓକେଃଆ। ଲାଉକା ବେନାଓ ଖାତିର୍ ଉଡିସେର୍ମା ଲାଗାଅଏନା, ଚେଦାଃସେ ଅନା ଲାଉକା ଉଡି ମାରାଂ ତାହେଁକାନା। ନହ ହିଜୁଃକାନ୍ ବାନ୍ ଦାଃ ରେୟାଃ ହଳ୍‌କ ଚେତ୍‌ନାଏ ଏମାକ ତାହେଁଦଃ, ଯେ ଈଶ୍ୱର୍ ଠେନ୍ ମନ୍ ଆଚୁର୍‌ପେ ଆର୍ ଆଜ୍ଃଠେନ୍ ପାତିୟାଃଉପେ। ମେନ୍‌ଖାନ୍ ଉନ୍‌କୁ ଆଜ୍ଃରେ ବାକ ପାତିୟାଃଉ ଲେନା।

![](https://cdn.door43.org/obs/jpg/360px/obs-en-03-05.jpg)

ଈଶ୍ୱର୍ ବାବା ଆଜ୍ଃରିନ୍ ଅଳାଃହଳ୍ ଆର୍ ଜାନୱାର୍‌କ ଲାଗିଦ୍ଃତେ ଜାହାଁତିନାଃ ଲାଗ୍‌ତି ଜମାଃ ଞୁଆଃ ଜଗାଅ ମାଏ ମେନ୍ତେ ନହଏ ହୁକୁମାଦ୍ଃଦେୟାଏ। ଜଖନ୍ ଝତଆଃ ସାପ୍ଳାଅ ହୁଇଏନା, ଈଶ୍ୱର୍ ବାବା ନହ ମେତାଃଦେଆଏ ନିତଃଦ ଆମ୍ ଆମିଜ୍ଃ ଏରା, ଆମ୍‌ରିନ୍ ପେୟା ହପନ୍ ଆର୍ ହପନ୍ ରେନ୍ ବାହୁକ ଝତମେସାକାତେ ଆରେଲ୍ ହଳ୍ ଲଉକାରେ ବଲନ୍‌ରେନା ଅକ୍ତ ହୁଇଏନା।

![](https://cdn.door43.org/obs/jpg/360px/obs-en-03-06.jpg)

ଈଶ୍ଵରାଃ ଝତ ଜାତ୍‌ରିନ୍ ବାବାରେୟା ଜାନୱାର୍ ଆର୍‌ ଚେଣେ ଚୁପୁରୁତ୍‌କ ତାଲାରେ ଏଙ୍ଗା ଆର୍‌ ଆଣ୍ଡିଆ ଲେକାତେ ନୋହ ଠେନ୍ ଭେଜା କେଦ୍ଃ କଆଏ ଯେମନ୍ ଆକ ଲାଉକା ଠେନ୍ ସେଟେରଃମାକ ଆର୍ ବାନ୍ ଦାଃ ତେ ବାଞ୍ଚାଓଃମାକ ମେନ୍ତେ। ଈଶ୍ୱର୍ ବାବା ଝତଲେକାନ୍ ସାଫା ଜାନୱାର୍‌କ ତାଲାରେ ଏୟାଏ ଗଟାଙ୍ଗ୍ ଆଣ୍ଡିଆ ଆର୍ ଏୟାଏ ଗଟାଂ ଏଙ୍ଗା ଦାଣେ ବାଖ୍‌ରାତେ ଭେଜାକେଦ୍ଃ କଆଏ। ତିନ୍ ଜଖାଃ ଝତ ଲାଉକା ଭିତିରେକ ବଲଏନା, ଈଶ୍ୱର୍ ବାବା ସିଲ୍‌ପିଞ୍ଜ୍ ସିଞ୍ଜ୍ କେଃଆଏ।

![](https://cdn.door43.org/obs/jpg/360px/obs-en-03-07.jpg)

ଅନାତାୟମ୍ ଦିନ୍ ଆର୍ ଦିନ୍ ଦାଃ ଏହୋବ୍‌ କେଆଃଏ। ନଆଁ ଦାଃ ପୁନ୍ ଗେଲ୍ଞ୍ଜିଦା ଆର୍ ପୁନ୍ ଗେଲ୍ ସିଞ୍ଜ୍ ଧାବିଜ୍ଃ ଦାଃ ଜାଳିରେଗେ ତାହେଁଏନା! ଧାର୍ତୀରେ ଦାଃ ଲିଙ୍ଗିନ୍‌ ଏହୋବ୍ଃ ଏନା। ଧାର୍ତୀରେନାଃ ଝତ ଜିନିଷ୍‌କ ଦାଃରେ ଉନୁମେନା, ଜେମନ୍ ଉସୁଲ୍ ଉସୁଲ୍ ବୁରୁହଁ।

![](https://cdn.door43.org/obs/jpg/360px/obs-en-03-08.jpg)

ଲାଉକା ଭିତିର୍‌ରେନ୍ ହଳ୍ ଆର୍ ଜାନୱାର୍‌କ ଛାଡାକାତେ ଧାର୍ତୀରେନ୍ ଝତ ଜିୱୀଦ୍ଃ ଜିଆଳିକ ଦାଃରେକ ଉନୁମ୍ ଗଜ୍ଃଏନା। ଲାଉକା ଦାଃରେ ବହେଲ୍ ଏହୋବ୍ଃଏନା ଆର୍ ଜାହାଜ୍ ଭିତିର୍‌ରେନ୍ ଝତକଗେ ବାନ୍ ଦାଃ ଖନ୍ ବାଞ୍ଚାଓ ଏନାକ।

![](https://cdn.door43.org/obs/jpg/360px/obs-en-03-09.jpg)

ଦାଃ ଥିରେନ୍ ତାୟମ୍, ଜାହାଜ୍ ମଣେ ଚାନ୍ଦ ଧାବିଜ୍ଃ ଆତୁରେଗେ ତାହେଁଲେନା, ଅନା ଭିତିର୍‌ରେ ଦାଃ କମଃ ଏହୋବ୍ଃଏନା। ଇନାତାୟାମ୍ ମିଦ୍ଃ ଉସୁଲ୍ ବୁରୁରେ ଲାଉକା ଢାଙ୍ଗ୍‌ଏନା ମେନ୍‌ଖାନ୍ ଧାର୍ତୀଦ ଦାଃତେ ଉନୁମ୍‌ରେଗେ ତାହେଁକାନା। ଆର୍ ପେ ଚାନ୍ଦ ତାୟମ୍ ବୁରୁରେନାଃ ଚଟ୍‌କ ଞ୍ଜେଲ୍‌ଏନା।

![](https://cdn.door43.org/obs/jpg/360px/obs-en-03-10.jpg)

ଆର୍ ପୁନ୍‌ଗେଲ୍ ମାହା ତାୟମ୍, ଧାର୍ତୀ ରେନାଃ ଦାଃ ଆଞ୍ଜେଦ୍ଃ ଏନା ସେ ବାଙ୍ଗା, ଞ୍ଜେଲ୍ ଖାତିର୍‌ତେ ନହ ମିଦ୍ଃ କାହୁ ଚେଣେ ଭେଜାକେଦେଆଏ। କାହୁ ଚେଣେ ଞ୍ଜେଲ୍ କେଃଆଏ ଆର୍ ଜାଗା ବାଂ ଞ୍ଜାମ୍‌କାତେ ଉଡାଉ ବାଳାୟେନାଏ।

![](https://cdn.door43.org/obs/jpg/360px/obs-en-03-11.jpg)

ଅନାବାଦେ ନୋହ ମିଃଟାଂ ପତାମ୍‌ ଚେଣେ ଭେଜା କେଦେୟାଏ। ମେନଖାନ୍ ଉନି ଅକାରେହଁ ରହଳ୍ ଠାଅଁ ବାଏ ଞ୍ଜାମ୍‌ଲେଦ୍ଃତେ, ଆରହଁ ନୋହ ଠେନ୍‌ଗେ ହେଜ୍ଃ ରୁଆଳେନାଏ। ମିଦ୍ଃ ହାପ୍ତା ତାୟମ୍ ଆର୍ ଦହଳା ପତାମ୍ ବାହେରେତେ ଭେଜାକେଦେୟାଏ, ଆର୍‌ ଆଜାଃ ଠଣ୍ଟାରେ ଜୀୱୀଦ୍ଃ ଦାରେରେଆଃ, ସାକାମ୍ ଗେର୍ କାତେ ରୁଆଳେନାଏ। ଦାଃ ହଁ କମ୍ ଇଦିଏନା, ଦାରେନାଣୀ ହଁ ସାଗେନ୍ ଇଦିଏନା!

![](https://cdn.door43.org/obs/jpg/360px/obs-en-03-12.jpg)

ନୋହ ଆରମିଦ୍ଃ ହାପ୍ତାଏ ତାଙ୍ଗିକେଆଃ, ଆର୍ ତେସାର୍ ଧାଅ ଧାର୍ତୀତେ ଭେଜାକେଦେୟାଏ।ଇନା ଅକ୍ତରେ ଆଜ୍ଃ ଜିରାୱ ଠାଓଁ ଞ୍ଜାମ୍ କେଦ୍ଃ ଖାତିର୍ ବାଏ ରୁଆଳ୍ ଲେନା| ଆର୍ ଦାଃ ହଁ ଆଞ୍ଜେଦ୍ଃ ଚାବାୟେନା।

![](https://cdn.door43.org/obs/jpg/360px/obs-en-03-13.jpg)

ବାର୍ ଚାନ୍ଦ ତାୟମ୍, ଈଶ୍ୱର୍ ବାବା ନୋହକେ ମେତାଦେୟାଏ, “ଆମ୍, ଆମ୍‌ରିନ୍ ଅଳାଃ ହଳ୍‌କ ଆର୍ ଆମ୍‌ରେନ୍ ଝତ ଜାନୱାର୍‌କ ଲାଉକା ଖନାଃଏମ୍ ଉଡୁକ୍ ଦାଳେୟାକଆ। ନିତ୍ଃଦ ଆପେ ଗିଦ୍ରା ପିଦ୍ରା ଆର୍ ଗଳମ୍ ମୁର୍ଗାନ୍ କାତେ ଧାର୍ତୀରେ ପେରେଜଃପେ।” ଅନାତେ ନୋହ ଆର୍ ଆଜ୍ଃରିନ୍ ଅଳାଃ ହଳ୍‌କ ଲାଉକା ଖନାଃକ ଅଡକ୍‌ଏନା।

![](https://cdn.door43.org/obs/jpg/360px/obs-en-03-14.jpg)

ନୋହ ଲାଉକା ଖନ୍ ଆଣଗ ତାୟମ୍, ଉନି ଦାଣେଠାଅଁଏ ବେନାଓ କେଃଆଏ ଆର୍ ଝତ ଫାର୍ଚି ଜାନୱାର୍ ଭିତିର୍ ଖନ୍ ତିନାଃଗାନ୍ ଦାଣେ ରାକାବ୍ଃ କେଦ୍ଃକଆଏ। ଈଶ୍ୱର୍ ବାବା କୁସି ଏନାୟେଁ ଆର୍ ନୋହ ଆର୍ ଆଜାଃ ଅଳାଃ ହଳ୍‌କଏ ଭର୍‌ଆଦ୍ଃ କଆ।

![](https://cdn.door43.org/obs/jpg/360px/obs-en-03-15.jpg)

ଈଶ୍ୱର୍ ବାବା ଲାଇକେଆଃଏ, “ଇଞ୍ଜ୍ କାଥାଞ୍ଜ୍ ଏମ୍‌କେଆଃଦ ହଳ୍‌କଆଃ ବାଳିଜ୍ଃ କାମିଖାତିର୍‌ତେ ନଆଁ ଅତ୍ ତିସ୍‌ରେହଁ ବାଞ୍ ସାରାପାୱା, ଆର୍ ଡୁବାଦାଃତେ ବାଞ୍ଜ୍ ଉଜାଳା, ଚେଦାଃସେ ମାନ୍‌ମୀଦ ଜାନାମ୍ ଖନ୍‌ଗେ କାଇ ଆନ୍ ଗେୟାଏ।

![](https://cdn.door43.org/obs/jpg/360px/obs-en-03-16.jpg)

ଈଶ୍ୱର୍ ବାବା କାଥା ଏମାକାଦ୍ଃ ଚିହ୍ନା ଲେକାତେ ମିଦ୍ ଲିଟାଃ ଏ ବେନାୱ କେଃଦେୟାଏ। ଯାହାଁତିନ୍‌ରେ ଲିଟାଃ ସେର୍ମାରେ ଞ୍ଜେଲଃଆଏ, ଇନ୍‌ବେଳାରେ ଈଶ୍ୱର୍ ଏମାକାଦ୍ଃ କାଥା କଏ ଉଇହାର୍‌ଆ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୬-୮*

Audio: https://git.door43.org/OBS-TLF/mjx_obs/releases/download/v1/mjx_obs_v1_03_128kbps.m4a

## 4. ୪. ଈଶ୍ୱର୍ ସାଓଁତେ ଅବ୍ରାହମାଃ କାଥା ତପଲ୍

https://openbiblestories.org/l/mjx/story-4/

![](https://cdn.door43.org/obs/jpg/360px/obs-en-04-01.jpg)

ଡୁବା ଦାଃ ରେଆଃ ଆଡିସେର୍ମା ତାୟମ୍, ଧାର୍ତିରେ ଆର୍ ଦହଳା ହଳ୍‌କ ପେରେଜ୍ଃ ଏନା, ଈଶ୍ୱର୍ ଆର୍ ଆପାନ୍ ଆପିନ୍ ବିରାଧ୍‌ରେକ କାଇକେଃଆ। ଚେଦାଃସେ ଆକ ମିଃଟାଂ ଆଳାଂତେକ ରଳ୍ କେଃଆ, ଆକ ଈଶ୍ୱରାଃ ହୁକୁମ୍ ଲେକାତେ ଧାର୍ତୀ ଗଟା ବାଂ ପାସ୍‌ନାଓ କାତେ ମିଦ୍ଃରେ ତାହେଁକାତେ ନାଗାର୍ ବେନାଓ ଲାଗିଦ୍ଃକ ଛୁଟାଉ ଏନା।

![](https://cdn.door43.org/obs/jpg/360px/obs-en-04-02.jpg)

ଉନ୍‌କୁ ଆଡି ଗରବ୍‌କ ତାହେଁକାନା ଆର୍ ଆକ ଅକାଲେକା ଜୀୟନ୍ କ ଖାଣ୍ତାୱା ଅନା ଲାଦିଦ୍ଃତେ ଈଶ୍ୱରାଃ ହୁକୁମ୍ ବାଂ ବାତାଓ ଲାଗିଦ୍ଃକ ମନେକେଃଆ। ନଆଁ ଲେକାତେ ମିଦ୍ଃ ଉସୁଲ୍ ଶିଣୀ ବେନାଓ କାତେ ସେର୍ମା ସେଟେର୍ ଲାଗିଦ୍ଃକ ମନେକେଆଃ। ଈଶ୍ୱର୍ ଏ ଞ୍ଜେଲ୍ କେଦ୍ଃକଆ, ଯୁଦି ଝତକ ବାଳିଜ୍ଃ କାମି ଲାଗିଦ୍ଃକ ମିଦ୍ଃ ଠେନ୍‌ନଃଆ, ଏନ୍‌ଖାନ୍ ଆକ ଆର୍‌ହଁ ମାରାଂ କାଇୟାନ୍ କାମିକ କାମି ଦାଳେୟାଃଆ।

![](https://cdn.door43.org/obs/jpg/360px/obs-en-04-03.jpg)

ଅନାମେନ୍ତେ ଈଶ୍ୱର୍ ଆକଆଃ ରଳ୍ ଆଳାଂ ଆପାନ୍ ଆପିନ୍ ଆଳାଂରେ ବଦଲ୍ କେଆଃଏ, ଆର୍ ହଳ୍‌କ ଧାର୍ତୀ ଗଟାଏ ପାସ୍‌ନାଓ କେଦ୍ଃକଆ। ଆକ ଅକା ନାଗାର୍ ବେନାଓକ ଏହୋବ୍ଃ ଲେଃଆ, ଅନାଦ ବାବିଲ୍ କ ଞ୍ଜୁତୁମାଦ୍ଃନା, ଯାହାଁରେୟାଃ ଭେଦ୍‌ଦ ‘ଗୁଳ୍‌ମାଳ୍’।

![](https://cdn.door43.org/obs/jpg/360px/obs-en-04-04.jpg)

ସାଏ ସେର୍ମା ତାୟମ୍, ଈଶ୍ୱର୍ ଆବ୍ରାହମ୍ ଞ୍ଜୁତୁମ୍ ମିଦ୍ଃ ହଳେ ହହଆଃ ଦେୟାଏ। ଈଶ୍ୱର୍ ଆଜ୍ଃଏ ମେତାଃଦେଆଏ,“ଆମ୍ ଆର୍ ଆମ୍‌ରେନ୍ ଅଳାଃ ହଳ୍‌କ ଲାଗିଦ୍ଃ ଅକାଦିଶମିଞ୍ଜ୍ ଉଦୁଃଆମା ଅନା ଦିଶମ୍‌ତେ ସେନଃପେ ଇଞ୍ଜ୍ ଆପେଞ୍ଜ୍ ଆଶିଷ୍ ପେୟା ଆର୍ ମାରାଂ ଜାତିଞ୍ଜ୍ ବେନାଓ ପେୟା। ଆମାଃ ଞ୍ଜୁତୁମିଞ୍ଜ୍ ମାରାଂଗା। ଅକୟେ ଆମେ ଆଶିଷ୍ ମେଆ, ଉନି ଇଞ୍ଜିଞ୍ଜ୍ ଆଶିଷେୟା ଆର୍ ଅକୟେ ଆମେ ସାର୍ପାଓ ମେୟାଁ ଉନି ଇଞ୍ଜିଞ୍ଜ୍ ସାର୍ପାୱେୟା। ଆମାଃ ହର୍‌ତେ ଧର୍ତୀରେନ୍ ଝତ ମାନ୍‌ମୀକ ଆଶିଷଃଆ।

![](https://cdn.door43.org/obs/jpg/360px/obs-en-04-05.jpg)

ଅନାତେ ଆବ୍ରାହମ୍ ଇଶ୍ୱରାଃ ରଳ୍ଏ ଆଞ୍ଜମ୍ କେଃଆ। ଆଜ୍ଃ ଆଜ୍ଃରେନ୍ ବାହୁ ସାରାଇ ଆଜ୍ଃରେନ୍ ଗୁତୀକ ଆର୍ ଜିନିଷ୍ ପାତି ସାଓଁତେ ଇଶ୍ୱରେ ଉଦୁଃଆକାଃ କିଣାନ୍ ଦିଶମ୍‌ତେକ ଚାଲାୱେନା।

![](https://cdn.door43.org/obs/jpg/360px/obs-en-04-06.jpg)

ତିନ୍‌ଜଖାଃ ଆବ୍ରାମ୍ କିଣାନ୍‌ତେ ସେଟେରେନାଏ, ଇଶ୍ୱରେ ମେତାଦେୟାଏ, “ଗଟା ଆମ୍ କୟଃ ଆଚୁର୍‌ମେ। ନଆଁ ଦିଶମ୍ ଝତ ଆମିଞ୍ଜ୍ ଏମାମା, ଆମ୍‌ରେନ୍ ବଂଶକ ଦିନାମ୍‌କ ଆଇଦାରିୟା।” ଇନାତାୟମ୍ ଅବ୍ରାମ୍ ଅନା ଦିଶମ୍‌ରେ ତାହେଁଏନାଏ।

![](https://cdn.door43.org/obs/jpg/360px/obs-en-04-07.jpg)

ମଲ୍କୀଷେଦକ ଞ୍ଜୁତୁମାନ୍ ମିଦ୍ଃହଳେ ତାହେଁକାନା, ଅକଏ ସାନାମ୍ ଦାଳେୟାନ ଈଶ୍ୱର୍ ରେନ୍ ଗୁତି ତାହେଁକାନା। ମିଦ୍ ଦିନ, ଅବ୍ରାମ୍ ଲାଢାଇ ଠାଅଁ ଖନ୍ ରୁଆଳ୍ ବେଳାରେ, ଆଜ୍ଃ ଆର୍ ମଲ୍କୀଷେଦକ ତିକିନ୍ ଞ୍ଜାପାମେନା। ମଲ୍କୀଷେଦକ ଅବ୍ରାମ୍ କେ ଆଶିଷ୍ କେଦେୟାଏ ଆର୍ ମେତାଦେୟା ଏ, “ସାନାମ୍ ଦାଲେୟାନ୍ ଆର୍ ଅତ୍ ସେର୍ମା ବେନାଓ ଈଶ୍ୱର୍ ଆମେ ଆଶିଷ୍‌ମୟାଁ।” ଇନାତାୟମ୍ ଅବ୍ରାମ୍ ଲାଢାଇ ରେ ଦାଳେ ଆକାନ୍ ଝତ ଜିନିଷ୍ ଖନ୍ ଗେଲ୍ ଭାଗ୍ ମଲ୍କୀଷେଦକ ଏ ଏମାଃଦେୟାଏ।

![](https://cdn.door43.org/obs/jpg/360px/obs-en-04-08.jpg)

ଆଡି ସେର୍ମା ପଲମେନା, ମେନ୍‌ଖାନ୍ ଅବ୍ରାମ୍ ଆର୍ ସାରାଇରେନ୍ ଗିଦ୍ରା ନିତ୍ ଧାବିଜ୍ଃ ମିଟାଂ ହଁ ବାନୁଃକଆ। ଈଶ୍ୱର୍ ଅବ୍ରାମ୍ ସାଓଁତେ ରପଳେନାୟ ଆର୍ ଆରଦହଳା କାଥା କିନ୍ ତପଲ୍ କେଃଆ ଦ ଆଜ୍ଃ ରେନ୍ ମିଃଟାଂ ହପନ୍ ଆର୍ ସେର୍ମା ରେନ୍ ଇପିଲ୍ କ ଲେକା ଆଗିଲ୍ କ କ ପାର୍ଚାୱାଃ. ଆବ୍ରାମ୍ ଈଶ୍ୱର୍ ଏମାକାଦ୍ଃ କାଥାରେ ପାତିୟାଉ ଏନାଏ। ଇଶ୍ୱରେ ଲାଇ ସଦର୍ କେଆଃ ଅବ୍ରାମ୍ ଧାର୍ମିକ୍ ଆର୍ ଇଶ୍ୱରାଃ କାଥାରେ ପାତିୟାଉ କାନ୍ ତାହେଁଦଃ।

![](https://cdn.door43.org/obs/jpg/360px/obs-en-04-09.jpg)

ଇନାତାୟମ୍ ଈଶ୍ୱର୍ ଅବ୍ରାମ୍ ସାଓଁତେ ମିଦ୍ଃ କାଥା ତପଲ୍ କେଟେଜ୍ଃ କେଃଆଏ। ଅନ୍‌କାଲେକାତେ ଆକିନ୍ ମିଦ୍ଃ ଜିନିଷ୍ କିନ୍ କରାଅ ଲାଗିଦ୍ଃ କାଥାକିନ୍ ଏପେମେନା। ମେନ୍‌ଖାନ୍ ନଆଁ ବେଳାରେ, ଈଶ୍ୱର୍ କାଥାଏ ଏପେମେନା ତିନ୍‌ଜଖାଃ ଅବ୍ରାମ୍ ଗାହିଁର୍ ଜାପିଦ୍ଃରେ ତାହେଁକାନା, ମେନ୍‌ଖାନ୍ ଇନାଂ ଧାବିଜ୍ଃ ଈଶ୍ୱରାଃ କାଥାଏ ଆଞ୍ଜମ୍ ଦାଳେୟାଃକାନ୍ ତାହେଁଦ୍ଃ। ଈଶ୍ୱର୍ ମେନ୍ କେଃଆଏ, “ଇଞ୍ଜ୍ ଆମାଃ ନିଜ୍ ହଳ୍ମଖନ୍ ମିଦ୍ଃ ଗିଦ୍ରାଞ୍ଜ୍ ଏମାମା। ଇଞ୍ଜ୍ ଆମ୍‌ରେନ୍ ଆଗିଲ୍‌କ କିଣାନ୍ ଦିଶମ୍ ଇଞ୍ଜ୍ ଏମାକଆ।”। ମେନ୍‌ଖାନ୍ ଇନାଂ ଧାବିଜ୍ଃ ଅବ୍ରାମ୍ ରେନ୍ ମିଦ୍ଃ ଗିଦ୍ରା ହଁ ବାକ ତାହେଁକାନା।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି: ୧୧-୧୫*

Audio: https://git.door43.org/OBS-TLF/mjx_obs/releases/download/v1/mjx_obs_v1_04_128kbps.m4a

## 5. ୫. ବାଗ୍‌ବାନ୍ ରେନ୍ ହପନ୍

https://openbiblestories.org/l/mjx/story-5/

![](https://cdn.door43.org/obs/jpg/360px/obs-en-05-01.jpg)

ଗେଲ୍ ସେର୍ମା ତାୟମ୍ ଆବ୍ରାମ୍ ସାରା କିଣାନ୍ ଦିଶମ୍‌କିନ୍ ସେଟେର୍‌ଏନା, ଏନ୍‌ରେହଁ ଆକିନ୍‌ରିନ୍ ମିଃଟାଂ ହଁ ହପନ୍‌ ବାକ ତାହେଁକାନା। ଈଶ୍ୱର୍ ବାଏ ଏମାଦିଞ୍ଜା, ଆର୍ ନିତ୍ଃ ହପନ୍ ଞ୍ଜାମ୍ ଲାଗିଦ୍ଃ, ଆଡିଗାନ୍ ଇଞ୍ଜ୍ ଲାହା ଇଦିଏନା, ନୁଃଇ ଇଞ୍ଜ୍‌ରେନ୍ କାଳ୍‌ମୀ ହାଗାର୍। ଆଜାଃ ହର୍‌ତେ ଇଞ୍ଜ୍ ଲାଗିଦ୍ଃ ମିଃଟାଂ ହପନେ ଉପାନ୍ ଦାଳେଆୟା।

![](https://cdn.door43.org/obs/jpg/360px/obs-en-05-02.jpg)

ଅନାମେନ୍ତେ ଆବ୍ରାମ୍ ହାଗାରେ ଞ୍ଜାମ୍ କେଦେୟାଏ। ହାଗାରାଃ ହର୍‌ତେ ଆବ୍ରାମ୍ ମିଦ୍ କଳା ଗିଦ୍ରାଏ ଞ୍ଜାମ୍ କେଦେୟାଏ, ଆର୍ ଆଜାଃ ଞ୍ଜୁତୁମ୍ ଇଶ୍ମାଇଲ୍ ଦହକେଃଆ। ମେନ୍‌ଖାନ୍ ସାରାଇ ହାଗାରାଃ ଚେତାନ୍‌ରେ ହିର୍କାଏନାୟେ। ତିନ୍‌ଜଖାଃ ଇଶ୍ମାଇଲାଃ ବୟସ ଗେଲ୍ ପେ ସେର୍ମା ହୁଇଲେନା, ଈଶ୍ୱର୍ ବାବା ଦହଳା ଆବ୍ରାମ୍ ସାଓଁତେ ରପଳେନାଏ।

![](https://cdn.door43.org/obs/jpg/360px/obs-en-05-03.jpg)

ଈଶ୍ୱର୍ ବାବାଏ ମେନ୍‌କେଆଃ, “ଇଞ୍ଜ୍ ସାନାମ୍ ଦାଳେୟାନ୍ ଈଶ୍ୱର୍ କାନାଞ୍ଜ୍, ଇଞ୍ଜ୍ ଆମ୍ ସାଓଁତେ ମିଦ୍ଃ କାଥାଞ୍ଜ୍ ଏମେଆଁ।” ଇନାତାୟମ୍ ଆବ୍ରାମ୍ ଜହାର୍ ତାବେର୍ ବାଳାୟେନାଏ। ଈଶ୍ୱର୍ ବାବା ଆବ୍ରାମ୍ଏ ଲାଇଆଃଦେୟାଏ, “ଆମ୍ ଉଡିଗଟାଂ ଜାତିରିନ୍ ବାବାମ୍ ହୁୟୁଗଃଆ। ଇଞ୍ଜ୍ ଆମ୍ ଆର୍ ଆମ୍‌ଆଃ ଜାତିରିନ୍‌କ, କିଣାନ୍ ଦିଶମ୍ ଆକଆଃ ଆଇଦାରି ଲେକାତିଞ୍ଜ୍ ଏମାକଆ, ଆର୍ ଇଞ୍ଜ୍ ଯାଏଯୁଗ୍ ଲାଗିଦ୍ଃ ଆକରିନ୍ ଇଶ୍ୱରିଞ୍ଜ୍ ହୁୟୁଗଃଆ। ଆମ୍ ଆର୍ ଆମ୍‌ରେନ୍ ହପନ୍‌କମ୍ ସନତ୍ କଆ।”

![](https://cdn.door43.org/obs/jpg/360px/obs-en-05-04.jpg)

ଆମ୍‌ରେନ୍ ଜୁରୀ ସାରାଇ ରିନ୍ ମିଦ୍ଃ ହପନେ ଉପାନଃଆ ଆର୍ ଆଜ୍ଃ କାଥା ଦହୟ ଲେକାନିଞ୍ଜ୍ ହପନେ ହୁୟୁଃଆଏ। ଆଜାଃ ଞ୍ଜୁତୁମ୍ ଇଶ୍‌ହାକେମ୍ ଦହୟା। ଇଞ୍ଜ୍ ଆଜ୍ଃ ସାଲାଃ କାଥାଞ୍ଜ୍ ଏପେମା, ଆର୍ ଆଜ୍ଃ ମିଃଟାଂ ମାରାଂ ଜାତିଞ୍ଜ୍ ବେନାୱେୟା। ଇଞ୍ଜ୍ ଇଷ୍ମାୟେଲ୍ ହଁ ମାରାଂ ଜାତିଞ୍ଜ୍ ବେନାୱେୟା, ମେନ୍‌ଖାନ୍ ଇଞ୍ଜା କାଥା ଏପେମ୍ ଇଶ୍‌ହାକ୍ ସାଲାଃତେ ତାହେଁନା ।” ଇନାତାୟମ୍‌ତେ ଆବ୍ରାମା ଞ୍ଜୁତୁମ୍ ଆବ୍ରାହାମ୍ ଞ୍ଜୁତୁମ୍ ରେ ବଦଲ୍ କେଃଆଏ। ଅକାରେୟାଃ ମେନ୍‌ଦ “ଆଡି ଗଟାଂଜାତିରିନିଜ୍ଃ ବାବା।” ଆର୍‌ହଁ ଈଶ୍ୱର୍ ବାବା ସାରାଇୟାଃ ଞ୍ଜୁତୁମ୍ ବଦଲ୍ କାତେ ସାରା ଞ୍ଜୁତୁମେ ଦହକେଃଆ , ଅକା ମେନ୍‌ଦ ହୁୟୁକାନା “ରାନୀ।”

![](https://cdn.door43.org/obs/jpg/360px/obs-en-05-05.jpg)

ଇନ୍ ହିଲଃ ଆବ୍ରାହମ୍ ଅଳାଃରେନ୍ ଝତ କଳାଗିଦ୍ରା କଏ ସନତ୍ କେଦ୍ଃକଆଏ। ମିଦ୍ଃ ସେର୍ମା ତାୟମ୍, ତିନ୍ ଜଖାଃ ଅବ୍ରାହାମାଃ ମିଦ୍ଃ ଶାୟେ ବଛର୍ ଆର୍ ସାରାଃ ଲବେ ବଛର୍ ହୁଇଲେନା, ସାରା ଆବ୍ରାହାମରେନ୍ ହପନେ ଉପାନ୍ କେଦେୟାଏ। ଈଶ୍ୱର୍ ଅକାଲେକା ଲାଇଆଦ୍ଃ କିନ୍ ତାହେଁଦଃ, ଉନ୍‌କିନ୍ ଅନ୍‌କାଗେ ଆଜାଃ ଞ୍ଜୁତୁମ୍ ଇଶଃହାକ୍ କିନ୍ ଦହକେଃଆ।

![](https://cdn.door43.org/obs/jpg/360px/obs-en-05-06.jpg)

ତିନ୍‌ଜଖାଃ ଇଶ୍‌ହାକ୍ ମିଃଟାଂ ଯୁଆନ୍ କଳାଏ ତାହେଁକାନା, ଈଶ୍ୱର୍ ବାବା ଅବ୍ରାହମାଃ ପାତିୟାଉ ବିଡାଓ କେଃଆଏ। “ଆମ୍‌ରିନ୍ ଏକ୍‌ଲା ହପନ୍ ଇଶ୍‌ହାକ୍‌ ଇଦିକାତେ ଇଞ୍ଜ୍‌ ଲାଗିଦ୍ଃତେ ଦାଣେଁ ଲେକା ରିକା ଦହୟେମେ।” ଆର୍ ଦହ୍‌ଳା, ଆବ୍ରାହାମ୍ ଇଶ୍ୱରାଃ କାଥା ବାତାଓ କେଃଆଏ ଆର୍ ଆଜ୍ଃରିନ୍ ହପନ୍ ଦାଣେ ରାକାବ୍ଃ ଲାଗିଦ୍ଃତେ ସାପ୍ଳାଓ କେଦେୟାଏ।

![](https://cdn.door43.org/obs/jpg/360px/obs-en-05-07.jpg)

ଆବ୍ରାହାମ୍ ଆର୍ ଇଶ୍‌ହାକ୍ ଦାଣେ ରାକାବ୍ ଠାଅଁତେକିନ୍ ସେନଃକାନ୍ ବେଳାରେ, ଇଶ୍‌ହାକ୍ କୁକୁଲି କାନା, “ବାବା ଦାଣେରାକାବ୍ ଖାତିର୍‌ତେ ସାହାନ୍ ମେନାଃ, ମେନ୍‌ଖାନ୍ ଭିଡି ହପନ୍‌ଦ ଅକାରେ?” ଆବ୍ରାହାମ୍ ଏ ଲାଇରୁଆଳ୍ କେଃଆ, ହେ ବାବୁ “ଦାଣେ ରାକାବ୍ଃ ଲାଗିଦ୍ଃତେ ଭିଡି ହପନ୍ ଈଶ୍ୱର୍ ବାବାଏ ଏମାଲାଙ୍ଗା।”

![](https://cdn.door43.org/obs/jpg/360px/obs-en-05-08.jpg)

ଉନ୍‌କିନ୍ ଦାଣେଁ ରାକାବ୍ ଠାଅଁକିନ୍ ସେଟେରେନ୍ ବେଳାରେ, ଆବ୍ରାହାମ୍ ଅଜ୍ଃରିନ୍ ହପନ୍ ଇଶ୍‌ହାକ୍ ଦାଣେଁ ରାକାବ୍ ଠାଓଁ ଚେତାନ୍‌ରେ ଗିତିଜ୍ଃ କେଦେୟାଏ। ହପନ୍ ଦାଣେଁ ଲାଗିଦ୍ଃତେ ସେନଃକାନ୍ ବେଳାରେ ଈଶ୍ୱର୍ ବାବା ଲାଇକେଃଆଏ, “ହାପେ! ହପନ୍ ତାମ୍ ଆଲମ୍ ଆଘାତେଆ; ନିତ୍ଃ ଇଞ୍ଜ୍ ବୁଝାଉ କେଃଆ ଆମ୍ ଇଞ୍ଜେମ୍ ବତରାଞ୍ଜ୍ କାନା! ଚେଦାଃସେ ଆମ୍ ଆମ୍‌ରିନ୍ ନିଜ୍ ହପନ୍ ହଁ ଇଞ୍ଜ୍‌ଖନ୍ ସାଙ୍ଗିଞ୍ଜ୍‌ରେ ବାମ୍ ଦହଲେଦେଆ।”

![](https://cdn.door43.org/obs/jpg/360px/obs-en-05-09.jpg)

ସୁର୍‌ରେଗେ, ଆବ୍ରାହାମ୍ ମିଦ୍ଃ ଲାଟା ଭିତିର୍‌ରେ ବେଧାୱାକାନ୍ ଭିଡିଏ ଞ୍ଜେଲ୍‌କେଦେଆ। ଈଶ୍ୱର୍ ବାବା ଇଶ୍‌ହାକାଃ ବଦଲ୍ ଦାଣେଁ ଲାଗିଦ୍ଃତେ ମିଟାଂ ଭିଡି ହପନ୍ ଏମ୍‌କେଦେୟାଏ। ଆବ୍ରାହାମ୍ ରାସ୍କାତେ ଭିଡି ହପନ୍ ଦାଣେଁ ଲେକାତେ ରାକାବ୍ଃ କେଦେୟାଏ।

![](https://cdn.door43.org/obs/jpg/360px/obs-en-05-10.jpg)

ଇନା ତାୟମ୍ ଈଶ୍ୱର୍ ବାବା ଆବ୍ରାହାମ୍ ମେତାଃଦେୟାଏ, “ଆମ୍ ସାନାମାଃ ଏମଃ ଲାଗିଦ୍ଃଏମ୍ ମନେଆକାଃଆ, ଅନ୍‌କା ଲେକାତେ ଆମ୍‌ରିନ୍ ମିଟାଂ ହପନ୍, ଲାଗିଦ୍ଃତେ ଇଞ୍ଜ୍ ଆମେଞ୍ଜ୍ ଆଶିଷ ମେୟାଁମେନ୍ତେ କାଥାଞ୍ଜ୍ ଏମ୍ ଆକାଃଆ। ଆମ୍‌ରେନ୍ ଆଗିଲ୍ କ ସେର୍ମା ରିନ୍‌ ଇପିଲ୍ ଖନ୍ ଜାସ୍‌ତିକ ଢେରଃଆ। ଚେଦାଃସେ ଆମ୍ ଇଞାଃ କାଥାମ୍ ଆଞ୍ଜମ୍ ଆକାଃଆ, ଇଞ୍ଜ୍ ଆମାଃ ଘାରଞ୍ଜ ତାଲାରେ ଝତ ଘାରଞ୍ଜରେନ୍ କଞ୍ଜ୍ ଆଶିଷା କଆଞ୍ଜ୍।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୧୬-୨୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_05_128kbps.m4a

## 6. ୬. ଈଶ୍ୱର୍ ଇଶହାକାଃ ଲାଗିଦ୍ଃତେ ଯୋଗାୟାଆ

https://openbiblestories.org/l/mjx/story-6/

![](https://cdn.door43.org/obs/jpg/360px/obs-en-06-01.jpg)

ତିନ୍‌ଜଖାଃ ଆବ୍ରାହାମ୍ ଆଡିଗାନେ ହାଲାମ୍‌ ଇଦିଏନାୟେ, ଆଜ୍ଃରେନ୍ ହପନ୍ ଇଶ୍‌ହାକ୍‌ ହଁ, ଜୁୱାନ୍‌ ଇଦିଏନାଏ। ଅନାତେ ଅବ୍ରାହମ୍ ଆଜ୍ଃରେନ୍‌ ଗୁତିଏ ଭେଜାକେଦେଆଏ, ଅକାଦିଶମ୍‌ରେ ଆଜ୍ଃରେନ୍ ସାଗାଇଆନ୍‌କ ତାହେଁନ କାନ୍ ତାହେଁଦଃ ଅନାଦିଶମ୍ ଖନ୍ ମିଃଟାଂ ଇଶାହାକ୍ ଲାଗିଦଃତେ ବାହୁ ଆଗୁଏ ଲାଇଆଦେଆଏ।

![](https://cdn.door43.org/obs/jpg/360px/obs-en-06-02.jpg)

ଆଡି ସାଗିଂଞ୍ଜ୍ ତାଳାମ୍ କେଦ୍ଃ ତାୟମ୍, ଅବ୍ରାହାମ୍ ରେନ୍ ଗୁତି ଅନାଦିଶମ୍‌ତେ ସେଟେର୍ ଏନାୟେ, ଅକାଦିଶମ୍‌ରେ ଅବ୍ରାହାମ୍ ରେନ୍ ସାଗାଇଆନ୍ କୋ ତାହେଁକାନା। ଈଶ୍ୱର୍ ବାବା, ଯାହାଁଲେକାତେ ଆଜ୍ଃ ରିବିକା ସାଓଁତେ ଞ୍ଜେପେଲଃ ମାଏ ମେନ୍ତେ ଉନି ଗୁତିଏ ମେତାଦେଆଏ। ଉନି ରିବିକା ଆବ୍ରାହାମ ବୟହାରେନ୍ ଗଲମ୍ କୁଳୀଏ ତାହେଁକାନା।

![](https://cdn.door43.org/obs/jpg/360px/obs-en-06-03.jpg)

ରିବିକା କୁସିଏନାଏ ଆର୍ ଆଜ୍ଃରେନ୍ ଅଳାଃ ହଳ୍‌କ ବାଗିକାତେ ଉନି ଗୁତି ସାଲାଃତେ ଇଶାହାକାଃ ଅଳାଃତେ ରୁଆଳ୍ ଲାଗିଦ୍ଃ ମନେ କେଃଆୟେ। ଆଜ୍ଃ ସେଟେରଃ ତାରା ଇଶାହାକେ ବାପ୍ଲାୟେନାଏ।

![](https://cdn.door43.org/obs/jpg/360px/obs-en-06-04.jpg)

ଆଡି ଦୀନ ତାୟମ, ଆବ୍ରାହାମେ ଗଃଜ୍ ଏନା। ଆର୍ ଆଃଜ୍ ଏମଆକାଦ୍ଃ କାଥା ଅନ୍‌ସାର୍‌ତେ, ଈଶ୍ୱରବାବା, ଅବ୍ରାହାମ୍‌ରେନ୍ ହପନ୍ ଇଶାହାକ୍ ଏ ଆଶିଷ କେଦେୟାୟ। ଈଶ୍ୱର୍ ବାବା ସାଲାଃ କାଥା ଏପେମ ଆକାନ୍ ଲେକାତେ, ଆବ୍ରାହମ୍ ରେନ୍‌ ଅହିସାବ୍ ଜାତ୍‌କ ହୁୟୁଗଃଆ। ମେନଖାନ୍ ଇସାହକ ରେନ ଜୁରୀ ରିବିକାରେନ୍‌ଦ ହପନଗେ ବାକ ହୁଇଲେନା।

![](https://cdn.door43.org/obs/jpg/360px/obs-en-06-05.jpg)

ଈଶାହାକ୍ ରିବିକା ଲାଗିଦ୍ଃଏ ବିନ୍ତିକେଃଆ। ଆର୍ ଈଶ୍ୱର୍ ବାବା ଯାଆଁଳା ଗିଦ୍ରା ରେୟାଃ ହାମାଲ୍ ହଳ୍ମ ଲାଗିଦ୍ଃ ଦାଳେ ଏମାଦେଆଏ, ଅକା ଅକ୍ତରେ ଉନକିନ୍ ଗିଦ୍ରା ରିବିକାଃ ହଳ୍ମରେ କୀନ୍ ତାହେଁକାନା, ଆର୍ ଆକିନ୍ ଭିତିର୍‌ରେ ତାପାମ୍ କିନ୍ ଛୁଟାଉଏନା, ଅନାଲାଗିଦ୍ଃତେ ରିବିକା ନଆଁ ଚେଦ୍ଃ ହୁୟୁଗଃକାନା ମେନ୍ତେ ଇଶ୍ବର୍ ବାବାଏ କୁଲିକେଦେୟା।

![](https://cdn.door43.org/obs/jpg/360px/obs-en-06-06.jpg)

ଈଶ୍ୱର ବାବା ରିବିକାଏ ମେତାଃଦେଆଏ, ଆମ୍ ଜାଆଁଳା ଗିଦ୍ରାମ୍ ଜାନାମ୍ କିନା। ଉନ୍‌କିନ୍ ଖନ୍ ବାର୍ ଭିନା ଭିନା ଜାତିକ ବେନାୱଃଆ। ଉନ୍‌କିନ୍ ଆକିନ୍ ଆକିନ୍ ରେକିନ୍ ଲାଢାଇୟା। ମେନ୍‌ଖାନ୍ ମାରାଂ ହପନ୍ ଠେନ୍ ଖନ୍ ଉପାନଃକାନ୍ ଜାତିଖନ୍, ହୁଡିଞ୍ଜ୍ ହପନ୍ ଠେନ୍‌ଖନ୍ ଉପାନଃକାନ୍ ଯାତ୍‌କ କାଥା ଆଞ୍ଜମ୍‌ତେ ହୁଇଆଃକଆ।

![](https://cdn.door43.org/obs/jpg/360px/obs-en-06-07.jpg)

ତିନ୍ ବେଳାରେ ରିବିକାରେନ୍ ଗିଦ୍ରାକିନ୍ ଜାନାମ୍ ଏନା, ମାରାଂ ହପନ୍ ଆରାଃଗେ ଆର୍ ଉବଃ ପେରେଜ୍ଃ ହଳ୍ମ ଗିଦ୍ରାଏ ହୁଇଏନା, ଆର୍‌ ଉନି ଆଜାଃ ଞ୍ଜୁତୁମ୍ ଏସୌ ଏ ଦହ କେଃଆ । ଆର୍ ହୁଡିଂ ହୋପନ୍ ଏସୌଆଃ ଜାଁଗା ଜଟେତ୍ଃ କାତେ ଜାନାମ୍ ଏନା । ଆର୍ ଆଜାଃ ଞ୍ଜୁତୁମ୍ ଯାକୁବ୍ଏ ଦହକେଃଆ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୨୪:୧-୨୫:୨୬*

Audio: https://git.door43.org/OBS-TLF/mjx_obs/releases/download/v1/mjx_obs_v1_06_128kbps.m4a

## 7. ୭. ଈଶ୍ୱର୍ ବାବା ଯାକୁବ୍‌କେ ଭୋଅରା ଦେୟାଏ

https://openbiblestories.org/l/mjx/story-7/

![](https://cdn.door43.org/obs/jpg/360px/obs-en-07-01.jpg)

ଯେମନ୍ ହପନ୍‌କ ମାରାଂ ଏନା, ଯାକୁବ୍ ଅଳାଃରେ ତାହେଁନ୍ କୁସିଃକାନ୍ ତାହେଁଦଃ , ମେନ୍‌ଖାନ୍ ଏଷୌ ଜାନ୍‌ୱାର୍ କ ସେନ୍ଦେରା ଦୁଲାଳ୍‌ଆଦ୍ଃ ତାହେଁଦ୍‌ । ରିବିକା ଯାକୁବ୍ ଏ ଦୁଲାଳେ କାନ୍ ତାହେଁଦଃ, ମେନ୍‌ଖାନ୍ ଇଶାକ୍ ଏଷୌ ଏ ଦୁଲାଳେ କାନ୍ ତାହେଁଦଃ।

![](https://cdn.door43.org/obs/jpg/360px/obs-en-07-02.jpg)

ମିତ୍ଃଦିନ୍, ତିନ୍‌ଜଖାଃ ଏଷୌ ସେନ୍ଦ୍ରାଖନ୍ ଏ ରୁଆଳ୍‌ଏନା, ଉନି ଉଡିଗେ ରେଁଗେଜ୍ଃ ଲେଦେୟା। ଏଷୌ ଯାକୁବ୍‌ ଲାଇଆଃ ଦେୟାଏ, “ଆମ୍‌ ବେନାୱାକାଦ୍ଃ ଜମାଃଖନ୍ ଇଞ୍ଜ୍ କାଟିଜ୍ଃ ଏମାଞ୍ଜ୍‌ମେ,” ଯାକୁବ୍ ଲାଇରୁଆଳ୍ କେଃଆଏ, ପୁଇଲୁରେ ଆମ୍ ଇଞ୍ଜ୍ କାଥା ଇମାଞ୍ଜ୍‌ମେ, ପୁଇଲୁ ଜାନାମ୍ ଖାତିର୍‌ତେ, ଯାହାଁ ଆମ୍ ଞ୍ଜାମ୍‌ରେନାଃ ଲାକ୍ତି, ଆମ୍ ଅନାକ ଝତ ଇଞ୍ଜ୍ ଇମାଞ୍ଜ୍‌ମେ।” “ଅନାମେନ୍ତେ ଏଷୌ ଯାକୁବ୍‌ ଅନା ଝତ ପୁଇଲୁ ଜାନାମ୍‌ରେନା ଆଇଦାରୀ ଏମଃ ଖାତିର୍ କାଥାଏ ଏମାଃଦେଆଏ।” ଇନାତାୟମ୍ ୟାକୁବ୍ ଜମାଃ ଏଷୌଏ ଏମାଃଦେୟାଏ।

![](https://cdn.door43.org/obs/jpg/360px/obs-en-07-03.jpg)

ଇଶ୍‌ହାକ୍ ଏଷୌ ଆଶିଷଏ ଏମାୟା ମେନ୍ତେ ମନେ କେଃଆଏ। ମେନ୍‌ଖାନ୍ ଅନା କାମି ଲାହାରେ ରେବିକା ଆର୍ ଯାକୁବ୍ ଇଶ୍‌ହାକ୍ କିନ୍ ରାଗିହଚ କେଦେୟା। ଇଶ୍‌ହାକ୍ ହାଳାମ୍ ଲେନାଏ ଅନାତେ ବାଏ ଞ୍ଜେଲ୍‌ଞ୍ଜାମ୍ କେଦ୍ଃ କିନାଏ, ଯାକୁବ୍ ଏଷୌ ଲେକାୟ ବାଡାୟ କେଦେୟାଏ।

![](https://cdn.door43.org/obs/jpg/360px/obs-en-07-04.jpg)

ଯାକୁବ୍ ଇଶ୍‌ହାକ୍ ଠେନ୍ ହେଜ୍ଃକାତେ ଲାଇକେଃଆ ଇଞ୍ଜ୍ ଏଷୌ। ଇଞ୍ଜ୍ ଆଶିଷ୍ ଞ୍ଜାମ୍ ବାଖ୍‌ରାଞ୍ଜ୍ ହେଜ୍ଃ ଆକାନା, ଯଖନ୍ ଇଶ୍‌ହାକ୍ ମେରମ୍ ଉବ୍ଃଲେକା ବାଡାଏ କେଃଆ ଆର୍ ଦତରେନାଃ ସ୍ୱ ଞ୍ଜାମ୍‌କେଃଆଏ, ଉନ୍‌ଜଖା ଏଷୌ ଭାବିକାତେ ଆଶିଷାଃ ଦେୟାଏ।

![](https://cdn.door43.org/obs/jpg/360px/obs-en-07-05.jpg)

ଏଷୌ ଯାକୁବ୍ଏ ହିର୍‌କାଃ ଆଦେଆଏ, ମେନ୍‌ଖାନ୍ ପୁଇଲୁରେନାଃ ଝତ ଆଇଦାରି ଆର୍ ଝତ ଆଶିଷ, କୁମ୍ବୁଳୁ ଇଦିଲେଃଆଏ। ଅନାତେ ବାବାଆଃ ଗଜ୍ଃ ତାୟମ୍‌ତେ ଯାକୁବ୍‌କିନ୍ ଗଜେଃଆ ମେନ୍ତେ ମନେରେକିନ୍ ଉଇହାର୍ କେଃଆ।

![](https://cdn.door43.org/obs/jpg/360px/obs-en-07-06.jpg)

ମେନ୍‌ଖାନ୍ ରେବିକା ଏଷୌଆଃ କାଥା ବେନାଓରେଆଃ ରଳ୍ ଆଞ୍ଜମ୍ କେଃଆଏ। ଅନାତେ ଉନି ଆର୍ ଇଶ୍‌ହାକ୍ ଯାକୁବ୍‌କେ ଉଡିଝାଲ୍ ଆକଆଃ ପେଳାକ ସାଓଁତେ ତାହେଁନ୍ ଲାଗିଦ୍ଃକିନ୍ ଭେଜାକେଦେୟା।

![](https://cdn.door43.org/obs/jpg/360px/obs-en-07-07.jpg)

ଯାକୁବ୍ ରିବିକାରିନ୍ ପେଳାକ ସାଓଁତେ ଉଡି ସେର୍ମାଏ ତାହେଁଏନ୍ ଅକ୍ତରେ ବାପ୍ଲାଲେନା। ଯାକୁବ୍‌ଦ ଆର୍ ଉନିରିନ୍ ମିଦ୍ଃ କୁଳୀ ଗିଦ୍ରା ସାଓଁ ଗେଲ୍ ବାର୍ ହପନ୍‌କ ଜାନାମ୍ ଲେଦ୍ଃକଆଏ।

![](https://cdn.door43.org/obs/jpg/360px/obs-en-07-08.jpg)

ଇଶି ସେର୍ମା ଧାବିଜ୍ଃ ଅଳାଃଖନ୍ ସାଗିଞ୍ଜ୍ କିଣାନ୍ ଦିଶମ୍‌ରେ ତାହେଁକାନ୍, ଯାକୁବ୍ ଆଜ୍ଃଆ ଅଳାଃ ହଳ୍‌କ, ଗୁତି କାଳ୍‌ମୀ, ଆର୍ ସିମ୍ ସୁକୁରିକ ସାଓଁତେ ରୁଆଳ୍ ହେଜ୍ଃଏନା।

![](https://cdn.door43.org/obs/jpg/360px/obs-en-07-09.jpg)

ଯାକୁବ୍ ଉଡିତେଃଦ୍ ବରଃକାନ୍ ତାହେଁଦ ଚେଦାଃସେ ଉନି ଉଇହାର୍‌ଏ ତାହେଁଦ, ଏଷୌ ନିତ୍ ଧାରିଜ୍ଃତେ ଆଜ୍ଃକେ ଗଜେଃ ଖାତିର୍ ଉଇହାରେଃଆଏ ତାହେଁଦ। ଅନାଖାତିର୍ ଆଜ୍ଃରିନ୍ ଆଡିଢେର୍ ଜାନୱାର୍‌କ ଦାନ୍ ଲାଗିଦ୍ଃତେ ଏଷୌଠେନ୍ ଭେଜାକେଦ୍ଃ କଆଏ, ଦାନ୍ ଆଗୁଆକାଃ ଗୁତିକକ ଲାଇକେଆଃ ଆମିଜ୍ଃ ଗୁତି ଯାକୁବ୍ ନୁକୁ ଜାନୱାର୍‌କ ଏମ୍ ଭେଜାଃ କାଃ କଆଏ। ଆର୍ ଉନି ହିଜୁଃ କାନାଏ।

![](https://cdn.door43.org/obs/jpg/360px/obs-en-07-10.jpg)

ମେନ୍‌ଖାନ୍ ଏଷୌ ଯାକୁବ୍ ବାଏ ରାଗିଆୟ କାନ୍ ତାହେଁଦ୍। ବଦଲ୍‌ତେ ଉନି ଆଜ୍ଃ ବୟହା ଯାକୁବ୍‌କେ ଞ୍ଜେଲ୍‌କାତେ କୁସିଏନା, ଅନାଖାତିର୍ ବାର୍ ବୟହା କିଣାନ୍‌ରେ କୁସି ତେକିନ୍ ତାହେଁଏନା। ଅନାତାୟମ୍ ଇଶ୍‌ହାକ୍ ଗଜ୍ଃଏନାଏ, ଯାକୁବ୍ ଆର୍ ଏଷୌ ତପା କେଦେଆ କିନ୍। ଈଶ୍ୱର୍ ବାବା ଆବ୍ରାହମ୍‌କେ ଏମାଃକାଃଦେ କାଥା ନିତଃ ଇଶ୍‌ହାକ୍ ଠେନ୍‌ଖନ୍ ଯାକୁବ୍ ଠେନ୍ ହେଜ୍ଃଏନା।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୨୫:୨୭-୩୫:୨୯*

Audio: https://git.door43.org/OBS-TLF/mjx_obs/releases/download/v1/mjx_obs_v1_07_128kbps.m4a

## 8. ୮. ଈଶ୍ୱର୍ ବାବା ଯୋଶେଫ୍ ଆର୍ ଆଜଃରିନ୍ ଘାରଞ୍ଜ୍‌ରିନ୍‌କୁ ବାଞ୍ଚାୟେଦ୍ଃକ

https://openbiblestories.org/l/mjx/story-8/

![](https://cdn.door43.org/obs/jpg/360px/obs-en-08-01.jpg)

ଯାକୁବ କିଣାନ୍ ଦିଶମ୍‌ରେ ତାହେଁ କାତେ ଆଡିସେର୍ମା ହୁଇଏନା, ତିନ୍‌ଜଖାଃ ଆଜ୍ଃ ହାଳାମେନାୟେ, ଉନ୍‌ଜଖାଃ ଦୁଲାଳ୍ ଯୋଷେଫ୍ ଆଜଃରିନ୍ ବୟହାକଆଃ, କାଥା ବୁଝାଉ ଲାଗିଦ୍ଃତେ ଭେଜାକେଦେୟା, ଆର୍ ଆଜ୍ଃରିନ୍ ବୟହାକ ଡାଙ୍ଗିରି ମେରମ୍ ଗୋଟ୍ ଞ୍ଜେଲ୍‌ବାଳା ରେକ ତେହେଁକାନା।

![](https://cdn.door43.org/obs/jpg/360px/obs-en-08-02.jpg)

ଯୋଷେଫ୍ ରିନ୍ ବୟହାକ ଆଜ୍ଃକ ହିର୍କାଆୟେକାନ୍ ତାହେଁଦ୍ଃକ, ଚେଦାଃସେ ଆଜ୍‌ଦ ଆଃଜ୍ ବାବା ଜାସ୍ତି ଦୁଲାଳେ କାନ୍ ତାହେଁଦଃ, ଆର୍ ଆଜ୍ଃ ମିଦ୍ଃ ରାଜାଏ ବେନାୱାଃ ମେନ୍ତେ କୁକୁମୁଇଁ ଞ୍ଜେଲ୍‌ଲେଦ୍ଃ ତାହେଁଦ୍ଃ।ଯଷେଫ୍‌କ ତଲ୍‌କେଦେତେ ହିଜୁଃକାନ୍ ବେପରୀକ ଠେନ୍ ଗୁତି ହିସାବ୍‌ତେକ ଆଖରିଞ୍ଜ୍ କେଦେୟା।

![](https://cdn.door43.org/obs/jpg/360px/obs-en-08-03.jpg)

ଯୋଷେଫ୍ ରିନ୍ ବୟହାକ ଆଜାଃ ରୁଆଳ୍ ମାଳାଂରେ, ଉନ୍‌କୁ ଯୋଷେଫ୍ ଆଃ ଲୁଗୁଳୀ ଚିରାକାତେ ମେରମ୍ ମାୟାମ୍ ରେକ ଜବେକେଃଆ, ଇନାତାୟମ୍ ଆଜାଃ ମାୟାମ୍ ଲୁଗୁଳୀ ଇଦିକାତେ ଆଜଃରେନ୍ ବାବାକ ଉଦୁଆଃଦେୟା, ଯେମନ୍ ଉନି ଅନା ଲୁଗୁଳୀ ଞ୍ଜେଲ୍‌କାତେ ଭାବିମାଏ ପାଲେଦ୍ଃ ବିର୍‌ରେନ୍ ଜାନୱାର୍ ଯୋଶେଫକ ଜମ୍‌ କାଦେୟା। ଅନା ଞ୍ଜେଲ୍‌କାତେ ଯାକୁବ୍ ଆଡି ଦୁଃଖେ ଆଇକାଅ କେୟାଃ।

![](https://cdn.door43.org/obs/jpg/360px/obs-en-08-04.jpg)

ବେପାରିକ ଯୋଷେଫ୍‌ଦ ମିଶର୍ ଦିଶମ୍‌ତେକ ଇଦିପାରମ୍ କେଦେୟା। ନିଲ୍ ଗାଡା ମୁଚେଦ୍ଃରେ ତାହେଁକାନ୍ ଉଡି ଦାଳେୟାନ୍ ଆର୍ ମାରାଂ ମିଶର୍ ଦିଶମ୍ ତାହେଁକାନା। ଯୋଷେଫ୍ କେ ମିଦ୍ଃ ମାରାଂ ସାଓକାରି କିଶାଣ୍ ଗମ୍‌କେ ଠେନ୍ ଗୁତି ଲେକାତେକ ଆଖ୍‌ରିଂ କେଦେୟା। ଯୋଶେଫ ଆଜିଃ କିଶାଣ୍ ଗୁତିଲେକାଏ ସେବା କେଦେୟା, ଈଶ୍ୱର୍ ବାବା ଯୋଷେଫ୍ କେ ଭୋର୍‌ଆଃ ଦେଆଏ।

![](https://cdn.door43.org/obs/jpg/360px/obs-en-08-05.jpg)

କିଶାଣିଜ୍ଃ ବାହୁ ଯୋଷେଫ୍ ସାଓଁ ମେଶାଃ ଲାଗିଦ୍ଃତେ ଉଡି କୁରୁମୁଟୁ ଲେଃଆୟେ, ମେନ୍‌ଖାନ୍ ନଆଁ ଲେକାତେ ଈଶ୍ୱର୍ ବିରୋଧ୍‌ରେ ପାପ୍ ହୁୟୁଃଆ ମେନ୍ତେ ମାନା କେଦେଆଏ। ଆର୍ କିଶାଣ୍ ବାହୁ ରାଗିଏନା ଆର୍ ଯୋଷେଫ୍ ଖାଲି କାଥାରେ ଦୋଷ୍ କେଦେଖାନ୍, ତଲ୍‌କାତେ ଜିହଲ୍ ଖାନାରେକ ସମ୍ବାଓ କେଦେୟା, ଏନ୍‌ରେହଁ ଈଶ୍ୱର୍ ଚେତାନ୍‌ରେ ପାତିୟାଉ ବାଏ ବାଗିକେଃଆ, ଆର୍ ଈଶ୍ୱରବାବା ଆଜ୍ଃଏ ଭରାଦ୍ଃ ଦେୟାଏ।

![](https://cdn.door43.org/obs/jpg/360px/obs-en-08-06.jpg)

ଯୋଷେଫ୍ ଦୋଷି ବାଏ ତାହେଁକାନ୍‌ରେହଁ ବାର୍ ସେର୍ମା ଜିହଲ୍ ଖାନାରେ ତାହେଁଏନା। ଫାରୋ ଅକଏ ମିଶର୍ ଦିଶମ୍ ରେନ୍ ରାଜାକ ମେତାଏକାନା, ଉନି ମିଃଟାଂ ଞ୍ଜିଦା କୁକୁମୁ ଞ୍ଜେଲ୍ କେଦ୍ଃତେ ଆଡିଗାନେ ଆକ୍‌ବାକାଓ ଏନା। ଅନାରେଆଃ ଭେଦ୍ ରଜାଠେନ୍ ତାହେଁନ୍‌କାନ୍ ବୁଦ୍ଧିଆନ୍‌କ ବାକ ଲାଇ ଦାଳେୟାଃଦା।

![](https://cdn.door43.org/obs/jpg/360px/obs-en-08-07.jpg)

ଈଶ୍ୱର୍ ବାବା ଯଷେଫ୍‌କେ କୁକ୍ମୁ ରେନାଃ ଭେଦ୍ ଲାଇରେୟାଃ ଦାଳେ ଏମାଦେୟାଏ, ଅନାଖାତିର୍ ଫାରୋ ଯଷେଫ୍ କେ ଜେଲ୍‌ଖାନା ଖନେ ଆଗୁକେଦେୟାଏ। ଯଷେଫ୍ ଆଜ୍ଃ ଲାଗିଦ୍ଃତେ, କୁକ୍ମୁ ରେନାଃ ଭେଦ୍ ଲାଇ ସାଫା ଆଦେୟାଏ, “ଈଶ୍ୱର୍ ବାବା ଏୟାଏ ବଛର୍ ଲାଗିଦ୍ଃ ଚାଷ୍ ହୁୟୁଆଃ ଆର୍ ଏୟାଏ ବଛର୍ ଆକାଲାଏ ମେନ୍ତେ ଲାଇସଦର୍ କେଃଆଏ।

![](https://cdn.door43.org/obs/jpg/360px/obs-en-08-08.jpg)

ଫାରୋ ଯଷେଫ୍ ଚେତାନ୍‌ରେ ଉନାଃଏ ରାସ୍କାଏନା ଦ ଆଜ୍ଃକେ ସାନାମ୍ ମିଶର୍ ଦିଶମ୍‌ରିନ୍ ଦହଳା ଦାଳେୟାନ୍ ହଳେ ବେନାଓ କେଦେୟାଏ।

![](https://cdn.door43.org/obs/jpg/360px/obs-en-08-09.jpg)

ଯଷେଫ୍ ଏୟାଏ ବଛର୍ ଭିତିର୍‌ରେ ଯାହାଁ ତିନାଃ ଜମାଃ ଯାଓରା ଦାଳେୟାଃମ୍ ଯାଓରା ଜଂମେ। ଆର୍ ଏୟାଏ ବଛର୍ ଆକାଲ୍ ବେଳା ହିଜୁଃଆ ଆମ୍ ଅନାକ ହଳ୍‌କଠେନ୍ ଆଖ୍‌ରିଞ୍ଜ୍ କେଃଆଏ ଅନାତେ ଆକ ଲାଜ୍ଃ ପେରେଜ୍ଃ ଜମାଃକ ଞ୍ଜାମ୍‌କେଃଆ।

![](https://cdn.door43.org/obs/jpg/360px/obs-en-08-10.jpg)

ଏଖେନ୍ ମିଶର୍ ଏକ୍‌ଲା ଦ ବାଂଆଁ ନଆଁ ବତରାନ୍ ଆକାଲ୍‌ଦ କିଣାନ୍ ଦିଶମ୍‌ରେହଁ ହୁଇଲେନା ଅକାରେ ଯାକୁବ୍ ଆର୍ ଆକ ଅଳା ହଳ୍‌କ ତାହେଁକାନା।

![](https://cdn.door43.org/obs/jpg/360px/obs-en-08-11.jpg)

ଅନାତେ ଯାକୁବ୍ ଆଜ୍ଃରିନ୍ ମାରାଂ ହପନ୍‌କ ଜମାଃ କିରିଞ୍ଜ୍ ଲାଗିଦ୍ଃତେ ମିଶର୍ ରେ ଭେଜାଃକେଦ୍ଃ କଆଏ। ଆଜ୍ଃରିନ୍ ବୟହାକ ବାକ ଚିହ୍ନାଓ ଦାଳେଆଃ ଦେୟା ଯେଖନ୍ ଆଜ୍ଃ ସାମାଂରେ ଜମାଃ କିରିଞ୍ଜ୍ ବାଖରା କ ତିଙ୍ଗୁଲେନା। ମେନ୍‌ଖାନ୍ ଯଷେଫ୍ ଦ ଆକୟେ ଚିନ୍‌ହାଓଲେଦ୍‌କଆ।

![](https://cdn.door43.org/obs/jpg/360px/obs-en-08-12.jpg)

ଆଜ୍ଃରିନ୍ ବୟହାକ ବଦଲା କାନାକ ସେ ବାଙ୍ଗା ବିଡାଓ କାତେ ଞ୍ଜେଲ୍ କେଦ୍ଃକ ତାୟମ୍, ଯଷେଫ୍ ଆକଏ ମେତାଃ କଆଏ, ଇଞ୍ଜ୍ ଅପେଇଜ୍ଃ ବୟହା କାନାଞ୍ଜ୍! ଆଲପେ ବତରଆଃ। ଆପେ ଇଞ୍ଜ୍ ଗୁତି ଲେକାପେ ଅଖ୍‌ରିଂ କାତେ, ବାଳିଜ୍ଃପେ କାମିକେଃଆ, ମେନ୍‌ଖାନ୍ ଈଶ୍ୱର୍ ବାବା ବାଳିଜ୍ଃଦ ବୁଗିଲେକାଏ ବେନାଓ କେଃଆୟେ! ହିଜ୍ଃକାତେ ମିଶର୍ ଦିଶମ୍‌ରେ ତାହେଁନ୍‌ପେ ଯେମନ୍ ଇଞ୍ଜ୍ ଆପେ ବାଖ୍ରା ଯମ୍‌ଆଃ କଞ୍ଜ୍ ଜଗାଅ ଦାଳେୟାପେୟାଃ।

![](https://cdn.door43.org/obs/jpg/360px/obs-en-08-13.jpg)

ଯେଖନ୍ ଯଷେଫ୍‌ରିନ୍ ବୟହାକ ଅଳାଃକ ରୁଆଳ୍‌ଏନା ଆକରିନ୍ ବାବା ଯାକୁବ୍‌କେ ମେତାଃଦେୟାକ ଯଷେଫ୍ ବାଞ୍ଚାୱା କାନାଏ, ଆଜ୍ଃ ଉଡି କୁସିଏନାୟେ।

![](https://cdn.door43.org/obs/jpg/360px/obs-en-08-14.jpg)

ଯାକୁବ୍ ହାଳାମେ ତାହେଁକାନ୍ ରେହଁ ଆଜ୍ଃ ଆଜ୍ଃଆ ଅଳାଃ ହଳ୍‌ସାଲାଃତେ ମିଶର୍ ଦିଶମ୍ ଚାଲାଓକାତେ ଅଣ୍ଡେକ ତାହେଁଏନା। ଯାକୁବ୍ ଗୁଜୁଃ ମାଣାଂତେ ଆଜ୍ଃରିନ୍ ଝତ ହପନ୍‌କୟେ ଭଅରାଃଦ୍ କଆ।

![](https://cdn.door43.org/obs/jpg/360px/obs-en-08-15.jpg)

ଈଶ୍ୱର୍ ବାବା ଆବ୍ରାହାମ୍‌କେ ଏମ୍ ଆକାଦ୍ଃ କାଥା ଲେକାତେ ଆଜ୍ଃରିନ୍ ମିଦ୍ଃଗେଲ୍ ବାର୍ ହପନ୍‌କ ଆର୍ ଆକ ଅଳାଃରିନ୍ ଝତହଳ୍‌ ଆଶିଷ୍‌କ ଞ୍ଜାମ୍‌କେଃଆ। ଆର୍ ଆଜ୍ଃଆଃ ମିଦ୍ଃ ଗେଲ୍ ବାରେୟା ହପନ୍ ଠେନ୍ ଖନାଃ ମିଦ୍ଃଗେଲ୍ ବାରେୟା ଜାତ୍‌କ ହୁୟୁଆଃ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୩୭-୫୦*

Audio: https://git.door43.org/OBS-TLF/mjx_obs/releases/download/v1/mjx_obs_v1_08_128kbps.m4a

## 9. ୯. ଈଶ୍ୱର୍ ବାବା ମୋଶାଏ ହହଆଏକାନା

https://openbiblestories.org/l/mjx/story-9/

![](https://cdn.door43.org/obs/jpg/360px/obs-en-09-01.jpg)

ଯୋଷେଫ୍ ଗଜ୍ଃଏନ୍ ତାୟମ୍, ଆଜ୍ଃରେନ୍ ଝତ ଚିହ୍ନାପ୍ ହଳ୍‌କ ମିଶର୍ ଦିଶମ୍ ରେକ ତାହେଁକାନା। ଉନ୍‌କୁ ଆର୍ ଉନକୁରେନ୍ ହପନ୍‌ରିନ୍ ହପନ୍‌କ ଆଡିସେର୍ମା ତାହେଁକାତେ ଆଡି ଆଡି ହପନ୍ କକୋ ଉପନ୍ କେଦ୍ଃ କଆ। ଉନକୁଗେ ଏସ୍ରାଏଲିୟକ ମେତାଦ୍ଃ କଆ।

![](https://cdn.door43.org/obs/jpg/360px/obs-en-09-02.jpg)

ସାଏ ସାଏ ସେର୍ମାତାୟମ୍, ଇସ୍ରାଏଲ ହଳ୍‌କ ଆଡି ଢେର୍‌କ ସାହାତା ଇଦିଏନା। ଆର୍ ମିଶ୍ରୀୟକ ଯୋଶେଫ୍ଏ କରାଅ ଆକାଦ୍ଃ ଆଡିଗଟାଂ କାମିକ ଲାଗିଦ୍ଃ କୁସି ବାକ ତାହେଁକାନା। ଉନକୁ ଇସ୍ରାଏଲ୍ ହୋଳ୍‌କ ବତରାକକାନ୍ ତାହେଁଦଃ, ଚେଦାଃସେ ଉନ୍‌କୁ ଆଡିଢେର୍ ହଳ୍‌କ ତାହେଁକାନା। ଅନାମେନ୍ତେ, ଅନା ଅକ୍ତରେ ମିସର୍‌ରିନ୍ ରାଜା ଫାରୋ ଇସ୍ରାଏଲ୍‌କ ମିସର୍‌ରିନ୍ ଗୁତି କାଳ୍‌ମୀ ବେନାଓ କେଦ୍ଃକଆ।

![](https://cdn.door43.org/obs/jpg/360px/obs-en-09-03.jpg)

ଇସ୍ରାଏଲ ହଳକ ଆଡି ଗଟାଂ ପାକା ଅଳାଃ ଆର୍ ଗଟା ବାଜାର୍ ବେନାଓ ଲାଗିଦ୍ଃତେ ମିସ୍ରିୟକ ବଳ୍‌ହେ କେଦ୍ଃ କଆଏ। ଅନା ଆଡି କୁଠିନ୍‌ କାମି ଆକୱାଃ ଜିୱନ୍‌ରେ ଆଡିଦୁଃଖ୍ ଏ ଆଗୁଆଦ୍ଃ କଆ, ମେନ୍‌ଖାନ୍ ଈଶ୍ୱରବାବା ଆକଏ ଭଅରାଦ୍ଃ କଆ, ଆକରେନ୍ ଆର୍‌ହଁ ଢେର୍ ହପନ୍, ହପନ୍ଏରା କକ ହୁଇଏନା।

![](https://cdn.door43.org/obs/jpg/360px/obs-en-09-04.jpg)

ଫାରୋଏ ଞ୍ଜେଲ୍ କେଆଃ, ଇସ୍ରାଏଲ୍‌ରେନ୍ ଆଡିଗାନ୍ ହପନ୍‌କ ଉପାନଃକାନା, ଅନାମେନ୍ତେ ଆଜ୍ଃରେନ୍ ହଳ୍‌କ ଇସ୍ରାଏଲ୍ ରେନ୍ ଝତଗିଦ୍ରାକ ଗଜ୍ଃକାତେ ନୀଲ୍ ଗାଡାରେ ଚାପାଦ୍ଃ ଖାଞ୍ଜକପେ ମେନ୍ତେ ହୁକୁମେ ଏମାଦ୍ଃ କଆ।

![](https://cdn.door43.org/obs/jpg/360px/obs-en-09-05.jpg)

ମିଦ୍ଃ ଇସ୍ରାଏଲ୍ କୁଳୀ ମିଃଟା ହପନେ ଜାନାମ୍ କେଦେୟାଏ। ଆଜ୍ଃ ତିନାଃ ଦିନ୍ଏ ଦାଳେୟାଦ୍ଃନା, ଇନାଃ ଦିନ୍ ଗିଦ୍ରାଏ ଉକୁ ଦହ କେଦେଆ।

![](https://cdn.door43.org/obs/jpg/360px/obs-en-09-06.jpg)

ତିନ୍‌ଜଖାଃ କଳା ଗିଦ୍ରାରେନ୍ ଆଜ୍ଃ ଆୟ ବାୟେ ଉକୁ ଦାଳେୟାଃଦେଆ, ଉନ୍‌ଜଖାଃ ଆଜ୍ଃକେ ଲୀଲ୍‌ଗାଡାରେ ମାଁଦ୍ଃ ଜାଳୀ ଚେତାନ୍‌ରେ ମିଦ୍ଃ ଫାତିୟାଃ ଭିତିର୍‌ରେ ଲିଙ୍ଗିଃକାନ୍ ଦାଃରେ ଦହ ଗିଡି କେଦେଆଏ, ଯେମନ୍ ଗିଦ୍ରାଃ ଆଲୋୟେ ଗୁଜୁଃ ମା। ଆର୍‌ ଆଜାଃ ଚେଦ୍ଃ ଜସା ହୁୟୁଗଃଆ, ଅନା ବାଡାଏ ଲଗିଦ୍ଃତେ, ଉନି ଗିଦ୍ରାରେନ୍ ମାରାଂ ଆୟ ଆଜ୍ଃଏ ଞ୍ଜେଲେକାନ୍ ତାହେଁଦଃ।

![](https://cdn.door43.org/obs/jpg/360px/obs-en-09-07.jpg)

ଫାରୋରେନ୍ ମିଦ୍ଃ ହପନ୍ ଏରା ଫାତିୟାଃ ଞ୍ଜେଲ୍‌କାତେ ଭିତିରେ କୟଃକେଃଆଏ, ତିନ୍‌ଜଖାଃ ଉନି ଗିଦ୍ରାଏ ଞ୍ଜେଲ୍ କେଦେଆ, ଉନି ଆଜ୍ଃରେନ୍ ହପନେ ବେନାୱେୟା ମେନ୍ତେ ଇଦିକେଦେୟାଏ। ଆଜ୍ଃ ମିଦ୍ଃ ଇସ୍ରାଏଲ୍‌ରେନ୍ କୁଳୀ ଭାଳାତେ ଗିଦ୍ରା ଯତନ୍ ବାଖ୍ରା ଆଗୁକାତେ ଜିମାଦେୟାଏ। ତିନ୍‌ଜଖାଃ ଉନି କଳାଗିଦ୍ରା ମାରାଂ ଇଦିଏନାଏ, ଆଜ୍ଃରେନ୍‌ ଏଗାଂତ୍ ଠେନଖନ୍ ତୱା ଞ୍ଜୁହଁ ଲାକ୍ତି ବାଏ ହୁଇଲେନା। ଅନାମେନ୍ତେ ଆଜ୍ଃ ଆୟ ଆଜ୍ଃ ଫାରୋରେନ୍ ହପନ୍ ଏରାଗେ ଚାଲ୍ ରୁଆଳାଦେଆଏ। ଆର୍ ଆଜାଃ ଞ୍ଜୁତୁମ୍ ମୋଶାକ ଦହକେଃଆ।

![](https://cdn.door43.org/obs/jpg/360px/obs-en-09-08.jpg)

ମିଦ୍ଃଦିନ୍, ତିନ୍‌ଜଖାଃ ମୋଶାଏ ମାରାଂଏନା ଆଜ୍ଃଏ ଞ୍ଜେଲ୍‌କେଃଆ, ମିଃଟାଂ ଇଶ୍ରାଏଲରେନ୍ ଗୁତିକ ଦାଲେକାନା। ମୋଶା ଆପ୍‌ନାର୍ ରେନ୍ ଇଶ୍ରାଏଲ କୋ ବାଞ୍ଚାଓକ ଲାଗିଦ୍ଃତେ କୁରୁମୁଟୁ କେଃଆଏ।

![](https://cdn.door43.org/obs/jpg/360px/obs-en-09-09.jpg)

ତିନ୍‌ଜଖାଃ ମୋଶାଏ ଭାବିକେଃଆ, ଇଞ୍ଜ୍‌ଦ ଅକୟେହଁ ବାକ ଞ୍ଜେଲ୍ ଆକାଦିଞ୍ଜା, ଆଜ୍ଃ ମିଶର୍ ରିନିଜ୍ଃଏ ଗଜ୍ଃ କେଦେତେ ଆଜାଃ ହଳ୍ମଏ ତପାକେଃଆ। ମେନ୍‌ଖାନ୍ ମୋଶା ଅକାଏ କାମିକେଃଆ, ଅନା ମିଦ୍ଃହଳେ ଞ୍ଜେଲ୍ ଲେଦେୟା।

![](https://cdn.door43.org/obs/jpg/360px/obs-en-09-10.jpg)

ମୋଶା ଅକାଏ କାମିଲେଃଆ ଅନା ଫାରୋ ଏ ବାଡାଏ ଞ୍ଜାମ୍‌କେଃଆ। ଆଜ୍ଃ ଗଜେ ଲାଗିଦ୍ଃତେ କୁରୁମୁଟୁ କେଃଆଏ, ମେନ୍‌ଖାନ୍ ମୋଶା ମିଶର୍‌ଖନ୍ ବୁରୁ ସେନ୍‌ ଚାଲାଓକାତେ ଉକୁଏନା। ଫାରୋ ରେନ୍ ରାଜ୍‌ଦୂତ୍‌କ ଆଜ୍ଃ ଅଣ୍ଡେ ପାନ୍ତେ କାତେହଁ ବାକ ଞ୍ଜାମ୍ ଲେଦେୟା।

![](https://cdn.door43.org/obs/jpg/360px/obs-en-09-11.jpg)

ମିଶର୍‌ଖନ୍ ସାଙ୍ଗିଞ୍ଜ୍ ବୁରୁ ଜାଏଗାରେ ମୋଶା ଭିଡି ଗୁପିଇଜ୍ଃ ଏ ତାହେଁଏନା, ଆଜ୍ଃ ଅନା ଠାଓଁରେ ମିଦ୍ଃ କୁଳି ଗିଦ୍ରାଏ ବାପ୍ଲାଏନା, ଆର୍ ଆକିନ୍‌ରେନ୍ ବାର୍ କଳାଗିଦ୍ରାକିନ୍ ହୁଇଏନା।

![](https://cdn.door43.org/obs/jpg/360px/obs-en-09-12.jpg)

ମୋଶା ଆଜ୍ଃରେନ୍ ହଞ୍ଜାର୍ ହାଳାମ୍‌ରେନ୍ ଭିଡି କଏ ଯତନେଦ୍ଃକ ତାହେଁଦ୍ଃ। ଆଜ୍ଃ ମିଃଦିନ୍ ମିଃଟାଂ ପୁର୍‌ଲାଟାରେ ସେଙ୍ଗେଲ୍ ଜୁଲୁଃକାନା ମେନ୍‌ଦ ବାଙ୍ଗେ ଲଃ କାନା। ଅନା ଞ୍ଜେଲ୍ ଲାଗିଦ୍ଃତେ ପୁର୍‌ଲାଟା ସୁରତେ ସେନ୍‌ଏନା। ତିନ୍‌ଜଖାଃ ଆଜ୍ଃ ଆଡି ସୁର୍‌ରେ ସେଟେର୍ ଏନା, ଈଶ୍ୱର୍ ବାବା ଆଜ୍ଃ ସାଲାଃତେ ରପଳେନ୍‌ତେ ମେତାଃଦେଆଏ, ମୋଶା ଆମାଃ ଚାଟ୍‌କୀ ଅଚଗ୍‌ମେ ଚେଦାଃସେ, ଆମ୍ ସନତ୍ ଠାଓଁରେମ୍ ତିଙ୍ଗୁଆକାନା।

![](https://cdn.door43.org/obs/jpg/360px/obs-en-09-13.jpg)

ଅନାତାୟମ୍ ଈଶ୍ୱର୍ ବାବାଏ ମେନ୍‌କେଃଆ, “ଇଞ୍ଜ୍ ଇଞ୍ଜ୍‌ରେନ୍ ହଳକଆଃ ଦୁଃଖ୍‌ଇଞ୍ଜ୍ ଞ୍ଜେଲ୍ ଆକାଃଆ। ଆମ୍ ଫାରୋ ଠେନିଞ୍ଜ୍ ଭେଜାମେୟାଁ, ଇଞ୍ଜ୍ ଆକ କିଣାନ୍ ଦିଶମିଞ୍ଜ୍ ଏମାକଆ, ଅକାଦିଶମ୍ ଆବ୍ରାହମ୍, ଇସହାକ୍ ଆର୍ ଯାକୁବ୍, ତେକ କାଥାଞ୍ଜ୍ ଏମାଦ୍ଃକ ତାହେଁଦଃ।

![](https://cdn.door43.org/obs/jpg/360px/obs-en-09-14.jpg)

ମୋଶା ଇଶ୍ୱରେ କୁଲି କେଦେୟାଏ, “ଯୁଦି ହଳ୍‌କ ବାଡାଏ ଲାଗିଦଃତେକ ମନେୟାଁ, ଅକଏ ଇଞ୍ଜେ ଭେଜା ଆକାଦିଞ୍ଜା, ଇଞ୍ଜ୍ ଚେଦ୍ଃଇଞ୍ଜ୍ ମେନ୍ ରୁଆଳା କଆ?” ଈଶ୍ୱର୍ ବାବାୟେ ମେନକେଃଆ, “ଇଞ୍ଜ୍ ଅକାଲେକା ମିନାଞା ଅନକାଗେ ମିନାଞ୍ଜା। ଆମ୍ ଉନକୁ ଲାଇଆକମେ, ଇଞ୍ଜ୍ ଆପେ ଲାଗିଦ୍ଃକ ଭେଜା ଆକାଦିଞ୍ଜା। ଆରହଁ ଉନକୁ 6ମତାକମ୍‌, ଆପେମାନ୍ କୱାଃ ଆଗିଲ୍ ହାପ୍ଲାମରେନ୍ ଈଶ୍ୱର୍ ବାବା, ମେନ୍‌ଦ ଅବ୍ରାହମ୍, ଇସହାକ, ଆର୍ ଯାକୁବ ରେନ୍ ଈଶ୍ୱର୍, ଇଞ୍ଜା ନଆଁ ଞ୍ଜୁତୁମ୍ ଦ ଯୁଗ୍ ଯୁଗ୍ ତାହେଁନା।

![](https://cdn.door43.org/obs/jpg/360px/obs-en-09-15.jpg)

ମୋଶାଏ ବତରେନା, ଆର୍ ଫାରୋ ରାଜାଠେନ୍ ସେନଃ ଲାଗିଦଃତେ ବାୟ ମନେଲେଃଆ, ଚେଦାଃସେ ଆଜ୍ଃ ବେସ୍ ସାହିଁଜଃ ବାଏ ରଳ୍ ଦାଳେୟାଦ୍ଃ ତାହେଁଦ୍ଃ, ଅନାମେନ୍ତେ ଈଶ୍ୱର୍ ବାବା ମୋଶାଏ ଗଳଆୟ ଲାଗିଦଃ ଆଜ୍ଃରେନ୍ ବୟହା ହାରୋଣେ ଭେଜା କେଦେୟା।

*ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୧-୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_09_128kbps.m4a

## 10. ୧୦. ମିଶର୍ ଦିଶମ୍‌ରେନାଃ ଗେଲ୍‌ଗଟାଂ ଦୁଃଖ୍

https://openbiblestories.org/l/mjx/story-10/

![](https://cdn.door43.org/obs/jpg/360px/obs-en-10-01.jpg)

ଈଶ୍ୱର୍ ବାବା ମୋଶା ଆର୍ ହାରୋଣ୍‌ଏ ଚେତାୱ ଏମାକିନ୍ ତାହେଁଦଃ, ଫାରୋ କେଟେଜ୍ଃ ମନେୟାଏ, ଆକିନ୍ ଫାରୋ ସୁର୍ ଚାଲାଓ କାତେ, “ଇସ୍ରାଏଲ୍ ରେନ୍ ଈଶ୍ୱର୍ ବାବା ନଆଁ କାଥାଏ ମେନ୍‌ଆକାଃ” ଇଞ୍ଜ୍‌ରେନ୍ ହଳ୍ ଚାଲାଓ ହଚଆ କମେ! ମେନ୍‌ଖାନ୍ ଫାରୋ ଆକିନାଃ କାଥା ବାଏ ଆଞ୍ଜମ୍ ଲେଃଆ। ଇସ୍ରାଏଲ୍ ହଳ୍‌କ ବାଂ ଆଳାଃକାତେ ଆକକେ ଆଡି ଢେର୍‌ଏ କାମି ହଚ କେଦ୍ଃକଆ।

![](https://cdn.door43.org/obs/jpg/360px/obs-en-10-02.jpg)

ଫାରୋ ଇସ୍ରାଏଲ୍ ହଳ୍ ଆଳାଃୟେ ମାନା କେଦ୍ଃତେ ଈଶ୍ୱର୍ ବାବା ଗେଲ୍ ଗଟାଂ ଦୁଖ୍ଃଏ ଭେଜାକେଃଆ। ନଆଁ ଦୁଖ୍ଃ ହର୍‌ତେ, ଈଶ୍ୱର୍ ବାବା ଫାରୋଏ ଞ୍ଜେଲ୍ ହଚକେଦେୟାଦ, ଆଜ୍ଃ ଫାରୋ ଆର୍ ମିଶର୍‌ରିନ୍ ବଙ୍ଗାଖନାଃ ଜାସ୍ତି ଦାଳେୟାନାଏ।

![](https://cdn.door43.org/obs/jpg/360px/obs-en-10-03.jpg)

ଈଶ୍ୱର୍ ବାବା ଲୀଲ୍ ଗାଡା ମାୟାମ୍ ଲେକାଏ ଞ୍ଜେଲ୍ ହଚକେଃଆ, ମେନ୍‌ଖାନ୍ ଫାରୋ ଏନ୍‌ରେହଁ ଇସ୍ରାଏଲ୍ ହଳ୍ ବାଏ ଆଳାଃ ଲେଦ୍ଃକଆ।

![](https://cdn.door43.org/obs/jpg/360px/obs-en-10-04.jpg)

ଈଶ୍ୱର୍ ବାବା ମିଶର୍ ଦିଶମ୍ ଗଟା ରେଟୋଏ ଭେଜା କେଦ୍ଃକଆ, ଫାରୋ ମୁସାକେ ମେତାଃଦେୟାଏ ନୁଁକୁ ରେଟୋଦ ନଣ୍ଡେଖନାଃ ସାହାକମେ। ମେନ୍‌ଖାନ୍ ଝତ ରେଟୋକ ଗଜ୍ଃଏନ୍ ତାୟମ୍, ଫାର ଆଜାଃ ମନେ କେଟେଜ୍ଃ କେଃଆଏ ଆର୍ ଇସ୍ରାଏଲ୍ ହଳକ ବାଏ ଆଳ୍ଆଃ କେଦ୍ଃକଆ।

![](https://cdn.door43.org/obs/jpg/360px/obs-en-10-05.jpg)

ଅନାତେ ଈଶ୍ୱର୍ ବାବା ସି” ଭେଜାକେଦ୍ଃ କୱାଏ। ଇନା ତାୟମ୍ ଗେଗେରାନ୍ ହାକୁଇ ଭେଜାଃ କେଦ୍ଃକଆ। ଫାରୋ ମୋଶା ଆର୍ ହାରଣ୍ଏ ମେତାଃଦ୍‌ କିନାଏ ଯୁଦି ନୱାଁ ଦୁଖ୍ଃବିନ୍ ଚାବାୟା , ଇସ୍ରାଏଲ୍ ହଳ୍‌କ ମିଶର୍ ଦିଶମ୍‌କ ବାଗି ଦାଳେୟାଃ। ତିନ୍‌ଜଖାଃ ମୋଶା ବିନ୍ତି କେଃଆଏ, ମିଶର୍ ଦିଶମ୍ ଖନାଃ ଈଶ୍ୱର୍ ବାବା ସି ଅଡକ୍ କେଦ୍ଃ କଆଏ। ମେନ୍‌ଖାନ୍ ଫାରୋଆଃ ମନେ କେଟେଜ୍ଃ ରୁଆଳେନା ଆର୍ ହଳ୍‌କ ବାଏ ସେନ୍ ହଚଆଦ୍ଃ କଆ।

![](https://cdn.door43.org/obs/jpg/360px/obs-en-10-06.jpg)

ଇନା ତାୟମ୍, ଈଶ୍ୱର୍ ବାବା ମିଶର୍ ଦିଶମ୍ ହଳ୍‌କୱାଃ ଅଳାଃରେନ୍ ଜାନୱାର୍ କଏ ଗଜ୍ଃ ହଚ କେଦ୍ଃକଆ। ଇନା ତାୟମ୍ ଫାରୋୱାଃ ମନେ କେଟେଜ୍ଃ କେଃଆଏ, ଏନ୍ତେରେହଁ ଇସ୍ରାଏଲ୍ ହଳ୍‌କ ଫାରୋ ବାଏ ଚାଲାଓ ହଚକେଦ୍ଃ କଆ।

![](https://cdn.door43.org/obs/jpg/360px/obs-en-10-07.jpg)

ଇନାତାୟମ୍ ଈଶ୍ୱର୍ ବାବା ମୋଶାଏ ମେତା ଦେୟାଏ ତରଜ୍ଃ ସେର୍ମାସେନ୍ ଫାରୋ ସାମାଂରେ ଲେବ୍‌ଦାଏମେ। ଜଖନ୍ ମୋଶା ଅନାଏ କାମି କେଃଆ, ଇସ୍ରାଏଲ୍‌କ ବାଗିକାତେ ମିଶର୍ ହଲ୍‌କୱାଃ ହଳ୍ମ ଗଟା ଘାଅ ଅଡକ୍‌ଏନା। ଇନାତାୟମ୍ ଈଶ୍ୱର୍ ଫାରୋଆଃ ମନେ କେଟେଜ୍ଃ କେଃଆଏ, ଆର୍ ଇସ୍ରାଏଲ୍ ହଳ୍‌କ ବାଏ ଆଳାଃ କେଦ୍ଃକଆ।

![](https://cdn.door43.org/obs/jpg/360px/obs-en-10-08.jpg)

ଇନାତାୟମ୍, ଈଶ୍ୱର୍ ବାବା ସେର୍ମା ଖନ୍ ଆରେଲେ ଜାଳି କେଃଆଏ। ମିଶର୍ ଦିଶମ୍‌ରେନାଃ ଝତ ସଳକ ମହର୍ ମେଟାୱ କେଃଆଏ, ଯାହାଁଗେ ଅଳାଃ ଖନ୍ ବାହାରେକ ଉଡୁକେନା ଉନ୍‌କୁ ଅନା ଆରେଲ୍‌ତେ ବାଜାଅଏନ୍‌ତେକ ଗଜ୍ଃଏନା। ଫାରୋ ମୋଶା ଆର୍ ହାରଣ୍ ବାନା ହଳ୍ ହହ କାତେ ମେତାଦ୍ଃଦ୍ କିନାଏ, “ଇଞ୍ଜ୍ କାଇଆକାଃଞ୍ଜ୍ ଆପେରେନ୍ ହଳ୍‌କ ନିତଃଦକ ଚାଲାଅ ଦାଳେୟାଃଆ। ”ଅନାତାୟମ୍ ମୋଶାଏ ବିନ୍ତି କେଃଆ, ଆର୍ ସେର୍ମାଖନ୍ ଆରେଲ୍ ଞ୍ଜୁର ଥିର୍‌ଏନା।

![](https://cdn.door43.org/obs/jpg/360px/obs-en-10-09.jpg)

ମେନ୍‌ଖାନ୍ ଫାରୋ ଆର୍ ଦହ୍‌ଳାଏ କାଇକେଃଆଏ ଆର୍ ମନେ କେଟେଜ୍ଃ କେଃଆଏ। ଆର୍ ଇସ୍ରାଏଲ୍ ହଳ୍‌କ ବାଏ ଚାଲାଓ ହଚଆଦ୍ଃ କଆଏ।

![](https://cdn.door43.org/obs/jpg/360px/obs-en-10-10.jpg)

ଈଶ୍ୱର୍ ବାବା ଆର୍ ଦଳ୍‌ହା ଶଶରଜ୍ଃ ଗଟ୍ଏ ଭେଜାଃ କେଦ୍ଃ କଆ। ନୁକୁ ଶଶରଜ୍ଃ ଆରେଲ୍ ଦାଃ ଖନାଃ ବାଞ୍ଚାଓ ଯାହାଁତିନାଃ ଚାଷାଃକ ତାହେଁକାନା ଝତକ ଜମ୍‌ଚାବା କେଆଃ।

![](https://cdn.door43.org/obs/jpg/360px/obs-en-10-11.jpg)

ଇନାତାୟମ୍ ଆର୍ ଦହଳା ଈଶ୍ୱର୍ ପେ ମାହାଁ ଧାବିଜ୍ଃଏ ଞ୍ଜୁତ୍ ହଚକେଃଆ। ଇନାଃ ଞ୍ଜୁତ୍‌ଏନାଦ ମିଶର୍ ଦିଶମ୍‌ରେନ୍ ହଳ୍ ଅଳାଃଖନ୍ ବାହାରେତେ ବାକ ଅଡକ୍ ଦାଳେୟାଦ୍ଃନା। ମେନ୍‌ଖାନ୍ ଇସ୍ରାଏଲ୍ ଅକା ଠାଓଁରେକ ତାହେଁକାନା ଅଣ୍ଡେଦ ମାର୍ଶାଲ୍‌ଗେ ତାହେଁକାନା।

![](https://cdn.door43.org/obs/jpg/360px/obs-en-10-12.jpg)

ନଆଁ ଆରେଲ୍ ଗଟାଂ ଦୁଖ୍ଃ ତାୟମ୍ ତେହଁ, ଫାରୋ ଇସ୍ରାଏଲ୍ ହଳ୍‌କ ବାଏ ଚାଲାଓ ହଚୱାଦ୍ଃ କଆ। ଚେଃଦାସେ, ଫାରୋ ବାଏ ଆଞ୍ଜମ୍ ଲେଦ୍ଃ ଖାତିର୍‌ତେ ଈଶ୍ୱର୍ ବାବା ଆର୍ ମିଃଟାଂ ଦୁଃଖ୍ ଭେଜାଲାଗିଦ୍ଃତେ ଉଇହାର୍ କେଃଆଏ।ନଆଁ ଫାରୋଆ ମନେ ବଦଲ୍ କେଆଏ।

*ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୫-୧୦*

Audio: https://git.door43.org/OBS-TLF/mjx_obs/releases/download/v1/mjx_obs_v1_10_128kbps.m4a

## 11. ୧୧. ତାଳାମ୍ ପାରମ୍‌

https://openbiblestories.org/l/mjx/story-11/

![](https://cdn.door43.org/obs/jpg/360px/obs-en-11-01.jpg)

ଈଶ୍ୱର୍ ମୋଶା ଆର୍ ହାରଣେ ଲାଇ ଭେଜାଆଦ୍ଃ କିନା, ଇସ୍ରାଏଲ୍ ହଳ୍‌କ ଚାଲାଅ ହଚ ଆକବିନ୍। ଉନ୍‌କିନ୍ ଫାରୋ ଚେତାୱ କିନ୍ ଏମାଦେଆ, ଯୁଦି ଉନି ବାଏ ସେନ୍‌ହଚଆ କଆ, ଏନ୍‌ଖାନ୍ ଈଶ୍ୱର୍ ବାବା ମିଶର୍ ଦିଶମ୍ ହଳ୍‌ରେନ୍ ପୁଇଲୁ ଉପାନ୍ ଜାନୱାର୍ କଏ ଗଜ୍ଃକଆ। ତିନ୍‌ଜଖାଃ ଫାରୋ ନଆଁ କାଥାଏ ଆଞ୍ଜମ୍ କେଆଃ, ଏନ୍‌ରେହଁ ଆଜ୍ଃ ଈଶ୍ୱର୍ ଚେତାନ୍‌ରେ ପାତିୟାଉ ଆର୍ ମାନତ୍ ଲାଗିଦ୍ଃତେ ମାନା କେଃଆଏ।

![](https://cdn.door43.org/obs/jpg/360px/obs-en-11-02.jpg)

ଅକଏ ଈଶ୍ୱର୍ ଚେତାନ୍‌ରେ ପାତିୟାଉ ଏନାଏ ଉନିଗେ ପୁୟୁଲୁ ହପନ୍ ବାଞ୍ଚାଅରେୟାଃ ହର୍‌ଏ ଉଦୁଃ ଆଦେୟାଏ। ଝତ ଅଳାଃରେ ମିଦ୍ଃ ବୁଗିନ୍ ଭିଡି ଗଜେ ଲାଗିଦ୍ଃ ପାଳାଅଏନା।

![](https://cdn.door43.org/obs/jpg/360px/obs-en-11-03.jpg)

ଇସ୍ରାଏଲ୍‌ରେନ୍ ଈଶ୍ୱର୍, ଇସ୍ରାଏଲ୍ ହଳ୍‌କ ଉନି ଭିଡିଆଃ ମାୟାମ୍ ଆପାନ୍ ଆପିନ୍ ଅଳାଃ ଦୁଆର୍‌ରେ ଇର୍ଚିମାକ ମେନ୍ତେ ଲାଇଆଃଦ୍ କଆଏ। ଭିଡିଆଃ ଜିଲ୍ ଭାଜି ଲାକତିୟା ଆର୍ ଆକ ବାଂ ମେସାଃ ପିଠା ସାଓଁ ମେସାକାତେ ଲାଗେ ଜମ୍ ଲାଗ୍‌ତିଆଃ, ଅନା ପିଠା ଜମ୍ ତାୟମ୍ ଲାଗେଧାରା ମିଶର୍ ବାଗିଲାଗିଦ୍ଃ ସାପ୍ଳାଓ ତାହେଁନ୍‌ପେ ମେନ୍ତେ, ଲାଇଆଦ୍ଃ କଆଏ।

![](https://cdn.door43.org/obs/jpg/360px/obs-en-11-04.jpg)

ଇଶ୍ୱରାଃ କାଥା ଲେକାତେ ଇସ୍ରାଏଲ୍ ରେନ୍‌ ହଳ୍‌କ କାମି କେଃଆକ। ତାଲା ଞ୍ଜିଦାରେ, ଈଶ୍ୱର୍ ବାବା, ମିଶର୍ ଦିଶମ୍ ରେନ୍ ଝତ ପୁଇଲୁ ହପନ୍ କଏ ଗଜ୍ଃ ଗଜ୍ଃତେ ଆତୁ ତାଲାତେ ଚାଲାଅ ଇଦିଏନାଏ।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲ୍‌ରିନ୍ ହଳକଆଃ ଝତ ଅଳାଃ ଦୁଆର୍‌ରେ ମାୟାମ୍ ତାହେଁକାନ୍ ଖାତିର୍ ବାଗିଆଃ ନାଏ। ଆର୍ ଅନା ଅଳାଃରେନ୍ ଝତ ହଳ୍ ବୁଗିଗେକ ତାହେଁକାନା। ଭିଡି ମାୟାମ୍ ଲାଗିଦ୍ଃତେ ଆକହଁ ପାରାଙ୍ଗତ୍ କ ଞ୍ଜାମ୍ଆକାଃ।

![](https://cdn.door43.org/obs/jpg/360px/obs-en-11-06.jpg)

ମେନ୍‌ଖାନ୍ ମିଶର୍ ଦିଶମ୍‌ରେନ୍ ହଳ୍ ଈଶ୍ୱର୍ ବାବା ବାକ ପାତିୟାଉ ଆଦେୟା ଆର୍‌ବାଂ ଆଜାଃ କାଥା ବାକ ପାତିୟାଉ ଆନା। ଅନାଖାତିର୍ ଈଶ୍ୱର୍ ବାବା ଅକୟେ ଅଳାଃହଁ ବାୟେ ବାଗିଲେଃଆ। ମିଶରିୟ କଆଃ ଝତ ପୁଇଲୁ ହପନେ ଗଜ୍ଃ କେଃଦ୍ କଆଏ।

![](https://cdn.door43.org/obs/jpg/360px/obs-en-11-07.jpg)

ଜେଲ୍‌ଖାନାରେ ତାହେଁନ୍ କଏଦିରେନ୍ ପୁଇଲୁ ହପନ୍ ଠେନ୍‌ଖନ୍, ଫାରୋ ରେନ୍ ପୁୟୁଲୁ ହପନ୍ ଧାବିଜ୍ଃ ଝତଏ ଗଜ୍ଃ କେଦ୍ଃକଆ। ଆକଆଃ ଗାହିଁର୍ ଦୁଖ୍ଃ ଇଦିକାତେ ଆଡିଗାନ୍ କ ରାଗେଦ୍ଃ ତାହେଁଦ୍।

![](https://cdn.door43.org/obs/jpg/360px/obs-en-11-08.jpg)

ଅନା ଞ୍ଜିଦାରେ ଫାରୋ ମୋଶା ଆର୍ ହାରଣ୍ ହହକାତେ ମେତାଃଦ୍ କିନାଏ, ଇସ୍ରାଏଲ୍ ହଳ୍‌କ ଇଦିକାତେ ଲାଗେ ମିଶର୍ ଖନ୍ ଚାଲାଃପେ, ମିଶର୍ ହଳ୍ ହଁକ ନେଆଁଓ ଏନା ଇସ୍ରାଏଲ୍ ହଳ୍‌ସାଲାଃ।

*ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୧୧:୧-୧୨:32*

Audio: https://git.door43.org/OBS-TLF/mjx_obs/releases/download/v1/mjx_obs_v1_11_128kbps.m4a

## 12. ୧୨. ଉଡୁକ୍ ସେନଃ

https://openbiblestories.org/l/mjx/story-12/

![](https://cdn.door43.org/obs/jpg/360px/obs-en-12-01.jpg)

ମିଶର୍ ଦିଶମ୍ ବାଗିକାତେ ଇସ୍ରାଏଲ୍ ହଳ୍ ଉଡି କୁସିରେକ ତାହେଁକାନା। ଆର୍ ଗୁତିଲେକା ବାଂ ତାହେଁକାତେ ଈଶ୍ୱର ସାଅଁତେକ ଚାଲାକାନା ମେନ୍ତେ! ମିଶର୍‌ରେନ୍ ହଳ୍‌କ ଇସ୍ରାଏଲ୍ ହଳ୍‌କକେ ଝତଲେକାନ୍ ଜିନିଷ୍‌କ ଏମାଦ୍ଃ କଆ ଯେମନ୍‌କି ସନା, ରୁପା ଆର୍ ଝତଲେକାନ୍ ଦାମ୍‌ଆନ୍ ଜିନିଷ୍‌କହଁ। ତିନାଃଗାନ୍ ଅଣ୍ଡେରେନ୍ ହଳ୍‌ହଁ ଈଶ୍ୱର୍ ଠେନ୍ ପାତିୟାଉ କାତେ ଇସ୍ରାଏଲ୍ ହଳ୍ ସାଲାଃକ ଚାଲାଓଏନା।

![](https://cdn.door43.org/obs/jpg/360px/obs-en-12-02.jpg)

ମିଃଟାଂ ହେନ୍ଦେ ରିମିଲ୍ ସିଞ୍ଜ୍ ବେଳାରେ ଆକଆଃ ମାଣାଂ ମାଣାଂତେ ଚାଲାଃ କାନ୍ ତାହେଁଦଃ। ଅନାଃଦ ଞ୍ଜିନ୍ଦା ଉଡି ମାରାଂ ଉସୁଲ୍ ସେଙ୍ଗେଲ୍ ଖୁଣ୍ଟି ବେନାଓ ଏନା। ଈଶ୍ୱର୍ ବାବା ଯାହାଁଏ ଅନା ହେନ୍ଦେ ରିମିଲ୍ ଆର୍ ସେଙ୍ଗେଲ୍ ଖୁଣ୍ଟିରେ ତାହେଁ କାନାଏ,ସାରା ଘାଲିଜ୍ଃ ଆକ ସାୱଁ ତାହେଁକାତେ ତାଳମ୍‌ରେ ଗଳଆକ କାନତାହେଁଦଃ। ଆର୍ ଝତ ହଳ୍ ଆଜ୍ଃ କ ପାଞ୍ଜା ଲେଦେୟା।

![](https://cdn.door43.org/obs/jpg/360px/obs-en-12-03.jpg)

କମ୍ ଘାଳିଜ୍ ତାୟମ୍‌ତେଗେ ଫାରୋ ଆର୍ ଆଜ୍‌ରିନ୍ ହଳ୍‌କ ଆକୱା ମନେକ ଆଚୁର୍ କେଃଆ। ଇସ୍ରାଏଲ୍ ହଳ୍‌କ ଆର୍‌ହଁ ଆକୱାଃ ଗୁତି ବେନାୱ ଲାଗିଦ୍ଃତେ କ ଉଇହାର୍ କେଃଆ ।ଅନାଖାତିର୍ ଇସ୍ରାଏଲ୍ ହଳ୍‌କ ତାୟମ୍‌ତେ କ ଲାଗା କେଦ୍ଃକୱା। ଈଶ୍ୱର୍ ବାବାଗେ ଆକଆଃ ମନେ ବଦଲ୍‌ଲେଦ୍ଃ ତାହେଁଦ। ଆଜ୍ଃ ନଁକାଏ କାମିକେଃଆ ଯେମନ୍ ଝତ ହଳ୍‌କ ବାଡାଏ ମା ଝତ ଫାରୋରିନ୍ ବଙ୍ଗା ଆର୍ ଝତ ହଳ୍‌ରେନ୍ ବଙ୍ଗାଖନ୍ ଜାସ୍ତି ଦାଳେୟାନ୍ ଈଶ୍ୱର୍ ବାବା କାନାଏ।

![](https://cdn.door43.org/obs/jpg/360px/obs-en-12-04.jpg)

ଯେଖନ୍ ଇସ୍ରାଏଲ୍ ହଳ୍‌କ ମିଶର୍‌ରେନ୍ ସେନା ହିଜୁଃକ ଞ୍ଜେଲ୍ କେଦ୍ଃକଆ, ଆକକ ମନେକେଃଆଦ ଆକ ଗାଡ୍ ଆର୍ ସେନା ତାଲାରେକ ହାବ୍ଳାଅଏନା। ଆକ ଝତ ବତର୍‌ତେ ଚିଚିୟାଉ କାତେ ରାଃକାତେକ ମେନ୍‌କେଃଆ “ଆଲେ ଚେଦାଃ ମିଶର୍ ଦିଶମ୍‌ଲେ ବାଗିକେଃଆ? ଆଲେ ନିତଃଦ ଝତଲେ ଗୁଜୁଃଆ!”

![](https://cdn.door43.org/obs/jpg/360px/obs-en-12-05.jpg)

ମୋଶା ଇସ୍ରାଏଲ୍ ହଳ୍‌ଏ ମେତାଃଦ୍ କଆଏ, “ଆଲପେ ବତରଃଆ। ଈଶ୍ୱର୍ ବାବା ଆପେ ଖାତିରେ ଲାଢାଇଆ ଆରେ ବାଞ୍ଚାୱ ପେଆଏ”। ମେନ୍‌ଖାନ୍ ଈଶ୍ୱର୍ ବାବା ମୋଶାକେ ମେତାଃ ଦେୟାଏ, “ହଳ୍‌କକେ ମେତାକମେ, ଜାଲା ପୁରୀ ସେତଃତେ ଚାଲାଃ ପେ”।

![](https://cdn.door43.org/obs/jpg/360px/obs-en-12-06.jpg)

ଇନାତାୟମ୍ ରିମିଲ୍ ଖୁଣ୍ଟି ଇସ୍ରାଏଲ୍ ଆର୍ ମିଶର୍ ହଳ୍‌କ ସାୱଁତେ ଚାଲାଃକାନ୍ ତାହେଁଦ ଆର୍ ଞ୍ଜିନ୍ଦା ସେଙ୍ଗେଲ୍ ରେୟାଃ ଖୁଣ୍ଟି ବେନାଓ ଏନା। ମିଶର୍ ହଳ୍‌କ ଇସ୍ରାଏଲ୍ ସୁର୍‌ତେ ବାକ ହେଜ୍ଃ ଦାଳେୟାଦ୍ଃନା।

![](https://cdn.door43.org/obs/jpg/360px/obs-en-12-07.jpg)

ଈଶ୍ୱର୍ ବାବା ମୋଶାକେ ଦରେୟା ଚେତାନ୍‌ରେ ତି ଉଦୁଗ୍‌ମେ ମେନ୍ତେ ଲାଇଆଃ ଦେୟାଏ। ଇନାତାୟମ୍ ଈଶ୍ୱର୍ ବାବା ହୟେତେ ଦରେୟା ରେନାଃ ଦାଃକ ନାତେ ହାନ୍ତେ କାତେ ତାଲାରେ ହରେ ବେନାଓ କେଆଃ।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲ୍ ରେନ୍ ହଳ୍‌କ ବାର୍ ପାହ୍ ଟା ଦାଃ ରେନାଃ କାନ୍ଥ ତାଲାରେ ରହଳ୍ ଅତ୍‌ତେକ ପାରମେନା।

![](https://cdn.door43.org/obs/jpg/360px/obs-en-12-09.jpg)

ମିଶର୍ ରେନ୍ ହଳ୍‌କ ଇସ୍ରାଏଲ୍ ହଳ୍‌କ ପୁଚୁଜଃ କାନାକ ମେନ୍ତେ ଞ୍ଜେଲ୍ କେଦ୍ଃକଆକ। ମିଶର୍‌ରେନ୍ ହଳ୍‌କ ଆର୍ ଦଳ୍‌ହା ଉନ୍‌କୁ ସାବ୍ ଖାତିର୍ ତାୟମ୍ ତେକ ଲାଗା କେଦ୍ଃ କଆଃ।

![](https://cdn.door43.org/obs/jpg/360px/obs-en-12-10.jpg)

ଅନାଖାତିର୍ ଆକ ମିଶର୍ ରେନ୍ ହଲ୍‌କ ଲାଗାକାତେ ଦରେୟା ତାଲାତେକ ଚାଲାଓ ଏନା, ମେନ୍‌ଖାନ୍ ଈଶ୍ୱର୍ ବାବା ମିଶର୍‌ରେନ୍ ହଳ୍‌କକେ ବତର୍ ହଚ କେଦ୍ଃ କଆଏ ଆର୍ ଆକୱାଃ ରାଥ୍ ଗାଡି ତିଙ୍ଗୁ ହଚ କେଃଆଏ। ଆକ ହୁରି କେଃଆ କ, “ଞ୍ଜିର୍‌ପେ! ଈଶ୍ୱର୍ ବାବା ଇସ୍ରାଏଲ୍ ବାଖ୍‌ରାତେ ଲାଢାଇ ୟାଏ!”

![](https://cdn.door43.org/obs/jpg/360px/obs-en-12-11.jpg)

ଇସ୍ରାଏଲ୍ ହଳ୍‌କ ଦରେୟା ରେନାଃ ହାନା ପାରମ୍‌କ ଚାଲାଓ ଏନା। ଅନାତାୟମ୍ ଈଶ୍ୱର୍ ବାବା ମୋଶାକେ ଆର୍ ମିଦ୍ଃ ଧାଓ ତି ଜିଲିଙ୍ଗ୍ଏ ମେତାଃ ଦେୟାଏ ଉନ୍‌ଜଖାଃ ଅନ୍‌କାଗେ କାମି କେଃଆଏ, ଦାଃ ମିଶରେନ୍ ସେନା ଚେତାନ୍‌ରେ ପେରେଜ୍ଃ ଏନା ଆର୍ ମାଣାଂ ଲେକାଗେ ଦରେୟା ବେନାଓ ରୁଆଳ୍ ଏନା। ଝତ ମିଶର୍‌ରେନ୍ ସେନାକ ଉନୁମ୍‌ ଗଜ୍ଃଏନା।

![](https://cdn.door43.org/obs/jpg/360px/obs-en-12-12.jpg)

ଯେଖନ୍ ଇସ୍ରାଏଲ୍ ହଳ୍‌କ ଞ୍ଜେଲ୍ କେଦ୍ଃ କଆଦ, ମିଶର୍‌ରେନ୍‌ ସେନାକ ଗଜ୍ଃ ଏନାକ, ଆର୍ ଉନ୍‌କୁ ପାତିୟାଉ କେଃଆକ ମୋଶାଦ ଈଶ୍ୱର୍ ବାବାଇଜ୍ ହଳ୍ କାନାଏ।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲ୍ ହଳ୍‌କ ଉଡିଗାନ୍‌କ କୁସିଏନା, ଚେଦାଃସେ ଈଶ୍ୱର୍ ବାବା ଆକ ଗଜ୍ଃ ଖନାଃଏ ବାଞ୍ଚାଓ କେଦ୍ଃ କଆଏ। ନିତଃ ଆକ ଇଶରାଃ ନିୟାମ୍‌କ ଦହ ଆର୍ ଆଜ୍ଃକ ସେୱାୟା ମେନ୍ତେ ସାପ୍ଳାଓରେକ ତାହେଁକାନା। ଈଶ୍ୱର୍ ବାବାହାଃ ସେୱା ଖାତିର୍ ଆଡିଢେର୍ କ ସେରେଞ୍ଜ୍ କେଃଆ, ଚେଦାଃସେ ଆଜ୍ଃ ମିଶର୍ ରେନ୍ ସଇତାନ୍‌ ଠେନ୍‌ଖନ୍ ବାଞ୍ଚାଓ ଲେଦ୍ଃ କଆଏ ।

![](https://cdn.door43.org/obs/jpg/360px/obs-en-12-14.jpg)

ଈଶ୍ୱର୍ ବାବା ଚେଦ୍ ଲେକାତେ ମିଶରୀୟକ ହାରାଓ ଲେଦ୍ଃ କଆଏ, ଆକକେ ଚେଦ୍ଃଲେକା ଚାକର୍ ଖନାଃଏ ବାଞ୍ଚଅ ଲେଦ୍ଃ କଆଏ ଅନା ମନେରେ ଦହ ଲାଗିଦ୍ଃତେ ଝତ ସେର୍ମା ଇସ୍ରାଏଲ୍ ହଳ୍‌କ ପାରାବ୍ ମାନାଓ ବାଖ୍ରାଏ ଲାଇଆଦ୍ଃ କଆ। ନଆଁ ପାରାବ୍ ଦ ପାହିଲ୍ ସେନ୍ ପାରମ୍ ପାରାବ୍ କ ଲାଇଏଦ୍ଃ ତାହେଁଦ୍। ନଆଁରେ ଆକ ମିଟାଂ ଭାଗି ଭିଡି ମାଃ ଗଜ୍ଃକାତେ ଆର୍ ରାପାଃକାତେ, ରାପାଃ ପିଠା ସାଓତେକ ଜମେଦ୍ଃ ତାହେଁଦ୍ଃ।

*ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୧୨:୩୩-୧୫:୨୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_12_128kbps.m4a

## 13. ୧୩. ଇସ୍ରାଏଲ୍ ସାଓଁ ଈଶ୍ୱରଆଃ ସାଓଁତେ ବାଗ୍‌ୱାନ୍

https://openbiblestories.org/l/mjx/story-13/

![](https://cdn.door43.org/obs/jpg/360px/obs-en-13-01.jpg)

ଈଶ୍ୱର୍ ବାବା ଇସ୍ରାଏଲ୍ ହଳ୍‌କ ଆରାଃ ଦରେୟା ଲେକାତେ ଚାଲାଃ ଜଖାଃ, ଆକ ଚାଡ୍‌ରା ଅତ୍‌ଲେକାତେ ସିନାଇ ବୁରୁ ଠେନ୍‌ଏ ଇଦି କେଦଃକଆ। ନଆଁ ଅନା ବୁରୁ ତାହେଁକାନା ଯାହାଁରେ ମୋଶା ପୁର୍ ଲାଟାରେ ଜୁଲୁଃ ସେଙ୍ଗେଲ୍ ଞ୍ଜେଲ୍‌ଲେଦ୍ଃ ତାହେଁଦଃ।

![](https://cdn.door43.org/obs/jpg/360px/obs-en-13-02.jpg)

ଈଶ୍ୱର୍ ବାବା ମୋଶା ଆର୍ ଇସ୍ରାଏଲ୍‌ରେନ୍ ଝତ ହଳ୍‌କ ମେତାଦ୍ଃ କୱାଏ, “ଆପେ ସାରା ଘାଳିଜ୍ଃ ଇଞାଃ କାଥାପେ ଆଞ୍ଜମା ଆର୍ ଇଞ୍ଜ୍ ଆପେ ସାଲାଃ ବେନାୱାକାଦ୍ଃ ନିୟାମ୍ ପେ ଦହୟା। ଯୁଦି ଆପେ ନଆଁ କରାୱାପେ ଇଞ୍ଜ୍‌ରିନ୍ ଦାମ୍‌ଆନ୍ ଧନ୍, ଜାଜକ ଆଃ ରାଜ୍ଃପେ ହୁୟୁଃଆ ଆଋ୍ ଆପେ ମିଦ୍ଃ ସନତ୍ ଦିଶମୀଞ ଏମାପେୟା ।

![](https://cdn.door43.org/obs/jpg/360px/obs-en-13-03.jpg)

ପେ ଦିନ୍ ଧାବିଜ୍ଃ ହଳ୍‌କ ଈଶ୍ବର୍ ବାବାଠେନ୍ ଚାଲାଃ ଖାତିର୍‌ତେକ ସାପ୍ଳାଓଆ କାନ୍ ତାହେଁଦ୍ଃ, ଇନାତାୟମ୍ ଈଶ୍ୱର୍ ବାବା ସିନାଇ ବୁରୁ ଚଟ୍‌ରେ ଆଣ୍‌ଗ ଏନାଏ। ଈଶ୍ୱର୍ ବାବା ହିଜୁଃ ତାୟମ୍ ହାଳ୍‌ହୁଳ୍ ଆର୍ ବିଜ୍‌ଲି ଆର୍ ଧୁଆଁ ଆର୍ ସାକୱା ରେଆଃ ସାଡେ ଆଞ୍ଜମେନା। ଇନାତାୟମ୍ ମୋଶା ସିନାଇ ବୁରୁ ଚେତାନେ ଚାଲାଅ ଏନାଏ।

![](https://cdn.door43.org/obs/jpg/360px/obs-en-13-04.jpg)

ଇନାତାୟମ୍ ଈଶ୍ୱର୍ ବାବା ହଳ୍‌କ ସାଲାଃ ମିଦ୍ ନିୟାମ୍ ଏ ବେନାୱ କେଃଆଏ। ଆଜ୍ଃ ଲାଇକେଃଆଏ, “ଇଞ୍ଜଗେ ୟୋହବା, ଆପେରେନ୍‌ ଈଶ୍ୱର୍ କାନାଞ୍ଜ। ଇଞ୍ଜ୍ ଆପେ ମିସର୍ ଦିଶମ୍ ରେ ଗୁତିଃ ଖନେଞ୍ଜ୍ ବାଞ୍ଚାଅ କେଦଃପେଆ। ଆର୍ ଏଟାଃ ବଙ୍ଗାକ ଆଲପେ ସେବା କଆ।

![](https://cdn.door43.org/obs/jpg/360px/obs-en-13-05.jpg)

ହାସା ଆର୍ ଧୀରିତେ ବଙ୍ଗା କ ଆଲପେ ବେନାୱ କଆ ଆର୍ ଉନ୍‌କୁ ସେବା ହଁ ଆଲପେ ସେବାକଆ , ଚେଦାଃସେ ଇଞ୍ଜ୍, ଆପେରେନ୍‌ ମିଃଟାଂ ଈଶ୍ୱର୍ କାନାଞ୍ଜ୍। ଇଞ୍ଜା ଞ୍ଜୁତୁମ୍ ଆଲପେ ଖାରାପ୍‌ଆ। ଜିରାଃ ମାହାଁ ଦ ସନତ୍ ଦିନ୍ ଲେକାଗେ ମାନାୱପେ । ଆର୍ ଝତ କାମି ତୁରୁଇ ଦିନ୍‌ରେ ଚାବାଏ ପେ, ଏୟାଏ ମାହାଁ ଦ ଜିରାୱଃ ପେ ଆର୍ ଇଞ୍ଜ୍ ଉଇହାରିଞ୍ଜ୍ ପେ।

![](https://cdn.door43.org/obs/jpg/360px/obs-en-13-06.jpg)

“ଆପେ ବାବା ଆର୍ ଆୟ ତିକିନ୍ ଦୁଲାଳ୍ କିନ୍‌ପେ। ଆର୍ ହଳ୍ ଆଲପେ ଗଜ୍ଃକଆ। ଆଲପେ ଲାଳ୍‌ସାଃ। ଆଲପେ କୁମ୍ବଳୁୟା। ଏଳେ କାଥା ଆଲପେ ଲାଇୟା। ଆପେ ଆତୁରିନ୍ ବାହୁକ ଆର୍ ଆକଆଃ ଅଳାରେୟାଃ ଯାହାଁନ୍ ଜିନିଷ୍ ପାତି କହଁ ଆଲପେ ନଜରାଃ।”

![](https://cdn.door43.org/obs/jpg/360px/obs-en-13-07.jpg)

ଈଶ୍ୱର୍ ବାବା ଆକଏ ଏମାଦ୍ଃକ ନିୟମ୍ ଝତ ହଳ୍‌କ ବାତାୱା ମେନ୍ତେକ ହେଁ ଶିକାର୍ ଏନା। ଆକ ଏଖେନ୍‌ ଈଶ୍ୱର୍ ବାବାରେନ୍ ହଳ୍‌କ ହୁୟୁଆଃ ମେନ୍ତେ, ଆର୍ ଆଜ୍ଃଗେକ ସେବାୟାଃ ମେନ୍ତେକ ହେଁ ଶିକାର୍‌ଏନା।

![](https://cdn.door43.org/obs/jpg/360px/obs-en-13-08.jpg)

ଇସ୍ରାଏଲ୍ ହଳ୍‌କ ମିଃଟାଂ ଆଡି ମାରାଂ ଛାମଡା ବେନାଓପେ ମେନ୍ତେ ମେତାଦ୍ଃ କଆଏ। ନଆଁ ଛାମଡା ଚେଦ୍ଃଲେକା ବେନାୱାଃ, ଅନାରେ ଚେଦ୍ ଜିନିଷ୍ ଦହଆଃ, ଆଜ୍ଃ ଆକ ବେସ୍ ଧାରାତେ ଲାଇଆଦ୍‌କ ତାହେଁଦଃ। ଛାମ୍‌ଡାଦ ବାରେୟା କୁଠୀରେ ହାଟିଞ୍ଜ୍‌କାତେ, ଆଜ୍ଃ ମିଃଟାଂ ଉଡି ମାରାଂ ପାର୍ଦା ବେନାଓ ଲାଗିଦ୍ଃ ଲାଇଲେଆଃଏ। ଈଶ୍ୱର୍ ବାବା ଅନା ତାମ୍ବୁରେୟାଃ ତାୟମ୍‌ରେ ତାହେଁନାଏ। ଅଣ୍ଡେ ସାଧୁ ହଳ୍ ଛାଡା ଅକଏହଁ ଆଲକ ବଲନ୍‌ମା।

![](https://cdn.door43.org/obs/jpg/360px/obs-en-13-09.jpg)

ହଳ୍‌କ ଜାଓରା ଛାମ୍‌ଡା ସାମାଂରେ ମିଃଟାଂ ବେଦୀ ବେନାଓ ଲାକ୍‌ତିଆ। ଯାହାଏଁ ନଆଁ ନିୟମ୍ ବାଏ ବାତାୱା, ଉନି ଅନା ବେଦୀ ସାମାଂତେ ମିଦ୍ଃ ଜାନୱାର୍ ଆଗୁୟାଏ, ଇଶ୍ୱରା ଦାଣେ ଲେକତେ ସାଧୁ ହଳ୍ଏ ଗଜ୍‌ଏଆ ଆରେ ରାପାଃ ଏଆୟ। ଈଶ୍ୱର୍ ବାବା ଲାଇକେଃଆଏ ଅନା ଭିଡିଆଃ ମାୟାମ୍‌ତେ ଆଜାଃ ପାପ୍‌କ ସାଫାଆ। ନଙ୍କା ଲେକାତେ ଆଜାଃ କାଇ ଆର୍ ବାଂ ଞ୍ଜେଲଃଆ। ଉନି ହଳ୍ ଈଶ୍ୱର୍ ବାବା ସାମାଂରେ ସନତ୍ ଅଃଆଏ। ଈଶ୍ୱର୍ ବାବା ମୋଶାଇଜ୍ଃ ବୟହା ହାରଣ୍ ଆର୍ ଆଜ୍ଃରିନ୍ ବଂଶକ ଯାଜକ୍ ଲେକାତେ ସାଲା ଲେଦ୍ଃ କଆଏ।

![](https://cdn.door43.org/obs/jpg/360px/obs-en-13-10.jpg)

ଈଶ୍ୱର୍ ବାବା ଗେଲ୍ ଗଟାଂ ନିୟାମ୍ ବାରେୟା ଧିରିରେ ଅଲ୍‌କାତେ ମୋଶାଏ ଏମାଃ ଦେଆଏ। ଈଶ୍ୱର୍ ବାବା ହଳ୍‌କ ଆଜ୍ଃ ଞ୍ଜାମ୍ ଲାଗିଦ୍ଃତେ ଆଡିଗଟାଂ ନିୟାମ୍ ଆର୍ ହୁକୁମ୍ ଏମାଦ୍ଃ କଆଏ। ଯୁଦି ଈଶ୍ୱର୍ ବାବା ସନତ୍ କେଃଆଏ, ଅକଏ ନଆଁ ନିୟମ୍‌କ ଦହୟା ଉନିଗେ ଆଜ୍ଃ ସୁଲୁକ୍‌ତେ ଦହୟେଆଏ। ଆଜ୍ଃ ଆର୍‌ହଁ ଲାଇ କେଃଆଏ ଅକଏ ବାଏ ବାତାୱା ଉନିଦ ଦୁକୀଞ୍ଜ୍ ଏମାୟା।

![](https://cdn.door43.org/obs/jpg/360px/obs-en-13-11.jpg)

ମୋଶା ସିନାଇ ବୁରୁ ଚେତାନ୍‌ରେ ଉଡିଦିନେ ତାହେଁ ଏନାୟେ ଆର୍ ଉନି ଈଶ୍ବର୍ ସାଲାଃ କାଥାଃକାନ୍ ତାହେଁଦଃ। ମେନ୍‌ଖାନ୍ ହଳ୍‌କ ମୋଶାକେ ତାଙ୍ଗି ତାଙ୍ଗିତେକ ଲାଙ୍ଗା ଚାବାୟେନା। ଅନାଖାତିର୍ ହଳ୍ ଝତ ସନା ଗହଣା ହାରଣ୍ ଠେନ୍‌କ ଆଗୁକେଃଆ, ଆର୍‌କ ମେତାଃଦେୟା ମିଃଟାଂ ମୁର୍ତି ବେନାୱାଲେମେ, ଈଶ୍ୱର୍ ବଦଲ୍‌ତେ ଉନିଲେ ସେୱାୟା। ନଆଁ ଲେକାତେ ହଳ୍‌କ ଈଶ୍ୱର୍ ବିରୋଧ୍‌ରେ ଉଡି ମାରାଂକ କାଇକେଃଆ।

![](https://cdn.door43.org/obs/jpg/360px/obs-en-13-12.jpg)

ହାରଣ୍ ସନାତେ ମିଟାଂ ମିହୁଁ ଲେକାନ୍ ପୁତୁଲା ବେନାୱ କେଦେୟା। ହଳ୍‌କ ଉନି ପୁତୁଳା କାଣାଁ ଲେକା ସେବାକ ଏହୋବ୍ କେଃଆ, ଆର୍ ଦାଣେକ ଏମ୍ କେଃଆ! ଆକୱାଃ କାଇ ଞ୍ଜେଲ୍‌ତେ ଈଶ୍ୱର୍ ବାବା ଆକ ଚେତାନ୍‌ରେ ଉଡି ଜୁରେ ରାଗିୟେନା। ଈଶ୍ୱର୍ ବାବା ମୋଶାକେ ମେତାଃ ଦେୟାୟେ ଇଞ୍ଜ ନୁଂକୁ ହଳ୍ ଗଜ୍ଃ ଗିଡି କାକୱାଞ୍ଜ୍। ମେନ୍‌ଖାନ୍ ମୋଶା ମେତାଃ ଦେଆୟେ ଆଲମ୍ ଗଜ୍ଃକୱା। ଈଶ୍ୱର୍ ବାବା ମୋଶାହାଃ ବିନ୍ତି ଆଞମ୍ କେଃଆୟେ ଆର୍ ବାୟେ ଗଜ୍ଃ ଲେଦ୍‌କୱା।

![](https://cdn.door43.org/obs/jpg/360px/obs-en-13-13.jpg)

ତିନ୍‌ଜଖାଃ ମୋଶା ସିନାଇ ବୁରୁ ଖନ୍ ଆଣ୍‌ଗ ହେଜ୍ଃ ଏନାୟେ,ମୋଶା ବାରେୟା ଧିରିରେନାଃ ସିଲଟ୍ଏ ଗଃଲେଦ୍ଃ ତାହେଁଦ୍ଃ, ଅକାରେ ଈଶ୍ୱର୍ ବାବା ଗେଲ୍ ଗଟାଂ ହୁକୁମ୍ ଆକ ବାଖ୍‌ରାତେ ଅଲ୍‌ଲେଦ୍ ତାହେଁଦଃ । ତିନ୍‌ଜଖାଃ ମୋଶା ଝତ ହଳ୍ ପୁତୁଳା ସେୱାଏ ଞେଲ୍ କେଦ୍ଃ କୱାୟେ ଉଡି ଜୁର୍ ୟେ ରାଗିୟେନା ଆର୍ ରାଗିତେ ଅନା ଧିରୀଦ ତାୱା ରାପୁଦ୍ଃ କେଃଆୟେ ।

![](https://cdn.door43.org/obs/jpg/360px/obs-en-13-14.jpg)

ଇନା ତାୟମ୍ ମୋଶା ଉନି ପୁତୁଳା ସେଙ୍ଗେଲ୍‌ରେ ଜୁଲ୍ କାତେ ତରଜ୍ଃ ଏ ବେନାୱ କେଦେୟାୟେ । ଅନା ତରଜ୍ଃ କ ଝାର୍ନାରେ ବହେଲ ଗିଡି କାତେ ଅନା ଦାଃଏ ଞ୍ଜୁହଚ କେଦ୍ଃ କୱାୟେ । ଈଶ୍ୱର୍ ବାବା ମିଃଟାଂ ବେମାର୍ ଉନ୍କୁ ହଳ୍ ଠେନ୍ ଏ ଭେଜା କେଃଆ, ଆର୍ ଉଡି ଢେର୍ ହଳ୍ ଅନା ବେମାର୍ ତେକ ଗଜ୍ଃ ଏନା।

![](https://cdn.door43.org/obs/jpg/360px/obs-en-13-15.jpg)

ମୋଶା ମିଃଟାଂ ଧିରିରେୟାଃ ସିଲଟ୍ଏ ବେନାୱ କେଃଆଏ, ଅନାରେ ରାପୁଦ୍ଃ ଲେଦ୍ ଗେଲ୍ ଗଟାଂ ହୁକୁମ୍ ଯେମନେ ଦହ ଦାଳେୟାଃ ଲାଗିଦ୍ଃ। ଇନା ତାୟମ୍ ମୋଶା ଆର୍‌ହଁ ସିନାଇ ବୁରୁ ଚେତାନ୍ ଦେଜ୍ଃ ଏନାୟେ ଆର୍ ବିନ୍ତି କେଃଆୟେ ଦ ହଳ୍‌କ ଇକା କମାୟେ ମେନ୍ତେ। ଈଶ୍ୱର୍ ମୋଶାଃ ବିନ୍ତି ଆଞ୍ଜମ୍ କାତେ ଉନକୁ ହଳେ ଇକାକେଦ୍ଃ କୱାୟେ। ମୋଶା ନାୱା ଧିରିରେନାଃ ସିଲଟ୍‌ରେ ଗେଲ୍ ଗଟାଂ ହୁକୁମ୍ ଆଗୁ କାତେ ଆଣ୍‌ଗ ହେଜ୍ ଏନାୟେ। ଇନା ତାୟମ୍ ଈଶ୍ୱର୍ ଇସ୍ରାଏଲ୍ ହଳ୍‌କକେ ସିନାଇ ବୁରୁଖନ୍ କାଥା ଏମ୍ ଦିଶମ୍ ସେନେ ଇଦି କେଃଦ୍ କୱା।

*ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୧୯-୩୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_13_128kbps.m4a

## 14. ୧୪. ବୁରୁରେକ ଆଚୁର୍ ବାଳାୟେ ତାହେଁଦ

https://openbiblestories.org/l/mjx/story-14/

![](https://cdn.door43.org/obs/jpg/360px/obs-en-14-01.jpg)

ଈଶ୍ୱର୍ ବାବା ଇସ୍ରାଏଲ୍‌କ ଝତ ନିୟମ୍ ବାଖ୍ରାତେ ଲାଇ ଚାବାଦ୍ଃ କଆଏ, ଯାହାଁ ଆକ ସାଲାଃତେ ହୁଇଲେନ୍ କାଥା ଏପେମ୍ ଖାତିର୍ ଆକ ବାତାଓ ହୁଇୟାକଆ। ଇନାତାୟାମ୍ ଉନକୁ ସୀନାୟ ବୁରୁ ଠେନ୍‌ଖନ୍ ଇଦିକେଦ୍ଃ କଆଏ। ଆଜ୍ଃ ଆକକେ କାଥା ଏପେମ୍ ଦିଶମ୍‌ତେ ଇଦିକ ଲାଗିଦ୍ଃ ମନେଏଦ୍ଃ ତାହେଁଦଃ, ଈଶ୍ୱର୍ ଉନ୍‌କୁଆଃ ମାଣାଁ ମାଣାଁତେ ରିମିଲ୍ ସଲାଃତେ ଚାଲାଓ ଇଦିଏନାୟ ଆର୍ ଉନ୍‌କୁ ଆଜ୍‌କ ପାଞ୍ଜାକେଦେୟା।

![](https://cdn.door43.org/obs/jpg/360px/obs-en-14-02.jpg)

ଈଶ୍ୱର୍ ଅବ୍ରାହମ୍, ଇସ୍‌ହାକ୍, ଆର୍‌ ଯାକୁବ୍ କାଥାଏ ଏମାଦ୍ଃକ ତାହେଁଦଃ, ଆଜ୍ଃ ଆକରେନ୍ ଆଗିଲ୍‌କ କାଥା ଏପେମ୍‌ ଆକାନ୍ ଦିଶମେ ଏମାକଆ, ମେନ୍‌ଖାନ୍ ନିତଃଅଣ୍ଡେ ଆଡି ଗଟାଂ ଜାତ୍‌ରେନ୍ କ ତାହେଁନ୍ କାନା। ଉନ୍‌କୁଦ କିଣାନୀକ ମେତାକ କାନ୍ ତାହେଁଦଃ, କିଣାନୀୟକଦ ଈଶ୍ୱର୍ ବାବା ବାକ ସେବାସୁଶାରେ କାନ୍ ତାହେଁଦଃ ଆର୍‌ ଆଜ୍ଃ ବାକ ବାତାଓଏ କାନ୍ ତାହେଁଦଃ। ଉନକୁ ବାଳିଜ୍ଃ ବଙ୍ଗା ହଁକ ସେବାଏଦ୍ଃକ ତାହେଁଦଃ ଆର୍ ଆଡି ବାଲିଜ୍ଃ କାମି କକ କାମିକାନ୍ ତାହେଁଦଃ।

![](https://cdn.door43.org/obs/jpg/360px/obs-en-14-03.jpg)

ଈଶ୍ୱର୍ ଇସ୍ରାଏଲକ ମେତାଦଃ କଆଏ, କାଥାଏପେମ୍‌ ଦିଶ୍‌ମତେ ଚାଲାଓଏନ୍ ତାୟାମ୍ ଅଣ୍ଡେ ତାହେଁନ୍ କାନ୍ ଝତ କିଣାନୀୟ ଠେନ୍‌ଖନ୍ ଆପେତେଗେ ଭେଗାରଃପେ। ଉନକୁ ସାଓଁ ସୁଲୁକ୍ ସାଗାଇ ଆଲପେ ଦହୟା, ଆର୍ ଉନ୍‌କୁ ଆଲପେ ବାପ୍‌ଲାଃ ଆପେ ଆକରେନ୍ ଝତ ବଙ୍ଗାକ ପୁରାପୁରି ନାସ୍‌କପେ। ଯୁଦି ଆପେ ଇଞ୍ଜା ହୁକୁମ୍ ବାପେ ବାତାଓଖାନ୍ ଆପେ ଇଞ୍ଜ୍ ବଦଲ୍‌ତେ ଉନ୍‌କୁରେନ୍ ବଙ୍ଗାକପେ ସେବାକଆ।

![](https://cdn.door43.org/obs/jpg/360px/obs-en-14-04.jpg)

ତିନ୍‌ଜଖାଃ କିଣାନ୍ ଦିଶମ୍‌ରେୟାଃ ସିମାରେକ ସେଟେରେନା, ମୋଶା ଇସ୍ରାଏଲ୍‌ରେନ୍ ଝତ ଜାତ୍‌ଖନ୍ ଗେଲ୍‌ବାର୍ ହଳ୍‌କାତେ ବାଛାଅ କେଦ୍ଃକଆ, ଆଜ୍ଃ ଅନା ଦିଶମ୍‌ରେନ୍ ହଳକ ଅନାଦିସମ୍ ଅକାଲେକା ତାହେଁକାନା ଅନା ବାଡାୟେ ଲଗିଦ୍ଃତେ ହୁକୁମ୍‌କାତେ ଭେଜାକେଦ୍ଃ କଆଏ। ମୋଶା ଉନ୍‌କୁ କିଣାନିୟକ କେଟେଜ୍ଃ ଆକ ସେ ଲିଚାଳାକ ଅନା ବାଡାୟେ ଲାଗିଦ୍ଃତେ ଭେଜା କେଦ୍ଃ କଆଏ।

![](https://cdn.door43.org/obs/jpg/360px/obs-en-14-05.jpg)

ଉନ୍‌କୁ ଗେଲବାର ହଳ୍ କିଣାନ୍ ଦିଶମ୍‌ରେ ପୁନ୍‌ଗେଲ୍ ଦିନ୍‌କ ଦାଣାକେଃଆ ଆର୍ ଇନାତାୟମ୍‌ ମୋଶାଠେନ୍‌କ ରୁଆଳ୍ ହେଜ୍ଃଏନା। ଉନ୍‌କୁ ହଳ୍‌କକ ମେତାଦ୍ଃ କଆ, “ହାସା ଉଡି ଖତ୍‌ଗେୟା ଆର୍ ଉଡି ଢେର୍ ଅମଳଃ ଗେୟା!” ମେନ୍‌ଖାନ୍ ଗେଲ୍ ହଳ୍‌କ ମେନ୍‌କେଃଆ, ନାଗାର୍‌କ ଆଡି ଦାଳେୟାନା ଆର୍ ହଳ୍‌କ ହଁ ଆଡିକ ରାକ୍ଷସ୍ ଗେୟା! ଯୁଦି ଆବ ଆକ ସାଲାଃବ ଲାଢାଇ ଲେଖାନ୍ ଆକ ଠେନ୍‌ଖନ୍ ନିହାତିଗେ ଆବବ ହାରାୱାଃ ଆର୍‌କ ଗଜ୍ଃବନା!”

![](https://cdn.door43.org/obs/jpg/360px/obs-en-14-06.jpg)

ସାଙ୍ଗେ ସାଙ୍ଗ୍‌ଗେ ଏଟାଃ ବାର୍‌ହଳ୍ କାଲେବ୍ ଆର୍ ଯିହୋଶୂୟ କିନ୍ ଲାଇକେଃଆ, “ନଆଁଦ ସାରି କାଥାଗେ କିଣାନ୍‌ରେନ୍ ହଳ୍‌ ଉସୁଲ୍ ଆର୍ ଦାଳେୟାନ୍ ଗେୟାକ, ଆବ ନିହାଁତି ଗେବ ହାରାଓ କଆ! ଈଶ୍ୱର୍ ବାବା ଆବ ଲାଗିଦ୍ଃତେ ଲାଢାଇୟାଏ!”

![](https://cdn.door43.org/obs/jpg/360px/obs-en-14-07.jpg)

ମେନ୍‌ଖାନ୍ ହଳ୍‌କ କାଲେବ୍ ଆର୍ ଯିହୋଶୂୟଆଃ କାଥାବାକ ଆଞ୍ଜମ୍ ଲେଃଆ। ମୋଶା ଆର୍ ହାରୋଣ୍ ଚେତାନ୍ ରେଗେକ ରାଗିଏନା ଆର୍‌କ ମେନ୍‌କେଃଆ ଆଲେ ଚେଦାଃ ନଆଁ ବତରାନ୍ ଜାଏଗା ତେକିନ୍ ଆଗୁ କେତଃଲେଆ? ଆଲେ ମାନ୍‌କ ମିଶର୍‌ ଦିଶମ୍‌ରେଗେ ତାହେଁନ୍ ଲାଗିଦ୍ଃ ତାହେଁକାନା। ଯୁଦି ଆଲେ କିଣାନ୍ ଦିଶମ୍ ତେଲେ ସେନଃଆ, ଏନ୍‌ଖାନ୍ ଆଲେ ଝତ ଲାଢାଇରେଲେ ଗୁଜୁଃଆ, ଆର୍ କିଣାନୀୟକ ଆଲେରେନ୍ ବାହୁ ଆର୍ ଗିଦ୍ରାକ ଗୁତି, କାଳ୍‌ମୀ କଆକ। ହଳ୍‌କ ମିଶର୍ ଦିଶମ୍ ରୁଆଳ୍ ଲାଗିଦଃ ଆର୍ ମିଃଟାଂ ମାରାଂ ଗମ୍‌କେକ ବାଛାୱେ ଲାଗିଦ୍ଃ ମନେରେକ ହୁଦିଶ୍ କେଆ।

![](https://cdn.door43.org/obs/jpg/360px/obs-en-14-08.jpg)

ତିନ୍ ଜଖାଃ ହଳ୍‌କ ନଂକାକ ମେନ୍‌କେଃଆ, ଈଶ୍ୱର ବାବା ଉଡିଗାନ୍ ଏ ରାଗିଏନା। ଉନି ମିଦୁନ୍ ରେୟାଃ କୁମ୍ବା ହେଜ୍ଃ କାତେ ଲାଇୟାଦ୍ କଆଏ ଆପେ ଇଞ୍ଜ୍ ବିରୋଧରେପେ କାମିଆକାଃ। ଅନାମେନ୍ତେ ଆପେ ଝତହଳ୍ ବୁରୁରେ ତାଳାମ୍ ଆଚୁର୍‌ତେ ହୁଇ ଆପେୟା। ଗେଲ୍‌ବାର୍ ସେର୍ମା ଆର୍ ଇନାଖନ୍ ଢେର୍ ଝତକ ଅଣ୍ଡେପେ ଗୁଜୁଃଆ, ଆର୍ ଇଞ୍ଜ୍ ଏମାକାଦ୍ଃ ଦିଶମ୍‌ରେ ବାପେ ବଲ ଦାଳେୟାଃଆ। ଖାଲି ଯିହୋଶୁୟ ଆର୍ କାଲେବ୍ ଅଣ୍ଡେକିନ୍ ବଲ ଦାଲେୟାଃ।

![](https://cdn.door43.org/obs/jpg/360px/obs-en-14-09.jpg)

ତିନ୍‌ଜଖାଃ ହଳକ୍ ଇଶ୍ୱରାଃ କାଥାକ ଆଞ୍ଜମ୍‌କେଃଆ ଉନକୁ ଆକଆଃ କାଇ ଖାତିରକ ଦୁଃଖ୍ଏନା। ଅନାମେନ୍ତେ କିଣାନ୍ ଦିଶମ୍‌ରେନ୍ ହଳକ୍ ସାଓଁ ଲାଢାଇୟାକ ମେନ୍ତେ ମନେକେଃଆକ। ଈଶ୍ୱର୍ ବାବା ଆକ ସାଲାଃତେ ବାୟ ସେନଃଆ ମେନ୍ତେ ମୋଶା ଚେତ୍‌ନାଁଏ ଏମାଦ୍ଃକ ତାହେଁଦଃ। ମେନ୍‌ଖାନ୍ ଅନା ଆକ ବାକ ଆଞ୍ଜମ୍ ଲେଃଆ।

![](https://cdn.door43.org/obs/jpg/360px/obs-en-14-10.jpg)

ଈଶ୍ୱର୍ ଆକ ସାଲାଃତେ ନଆଁ ଲାଢାଇରେ ବାଏ ସେନ୍‌ଲେନା, ଅନାମେନ୍ତେ କିଣାନ୍‌ ହଳ୍‌କ ଉନକୁ ହାରାଓ କେଦ୍ଃକଆକ ଆର୍ ତିନାଃ ଗାନ୍‌କ ଗଜ୍ଃ କେଦ୍ଃକଆ। ଇନା ତାୟମ୍ ଇସ୍ରାଏଲ୍‌କ କିଣାନ୍ ଦିଶମ୍ ଖନ୍‌କ ରୁଆଳେନା, ତାୟାମ୍‌ତେ ପୁନ୍‌ଗେଲ୍ ସେର୍ମା ଲାଗିଦ୍ଃ ବୁରୁରେ ଦାଣାରେଗେକ ତାହେଁଏନା।

![](https://cdn.door43.org/obs/jpg/360px/obs-en-14-11.jpg)

ଗେଲ୍‌ପୁନ୍ ସେର୍ମା ତାଲାରେ ଇସ୍ରାଏଲ୍ ହଳକ ବୁରୁରେ ଦାଣା ବାଳାଃକାନ୍ ଅକ୍ତରେ ଈଶ୍ୱର୍ ବାବା ଆକୱାଃ ଝତ ଲାଗ୍‌ତିୟାନ୍ ଜିନିଷେ ଯୂଗାଉଆଦ୍ଃ କଆଏ। ଆଜ୍ଃ ଉନକୁ ସେର୍ମାଖନ୍ ପିଠା ଏମାଦ୍ଃ କଆଏ ଅନାଦ ମାନାକ ମେନା। ଈଶ୍ୱର୍ ବାବା ଇସ୍ରାଏଲ୍ ହଳ୍ ଚେଣେ ଗଜ୍ଃ କାତେ ଜମ୍‌କ ବାଖ୍ରାଏ ଭେଜାଆଃ କଆଏ। ଆର୍ ଉନ୍‌କୁ ଆକ ଗଜ୍ଃ କାତେକ ଜମ୍ କେଃଦ୍‌କଆ, ଇନା ଅକ୍ତରେ ଈଶ୍ୱର୍ ବାବା ଲୁଗୁଳି ଆର୍ ଆକାୱାଃ ଚାଟ୍‌କି ବାୟେ ପସାଃ ହଚୱାଦାଏ।

![](https://cdn.door43.org/obs/jpg/360px/obs-en-14-12.jpg)

ଆକଆଃ ଞ୍ଜୁ ଦାଃ ଯୁଗାୱାକ ଲାଗିଦ୍ଃ ଈଶ୍ୱର୍ ବାବା ହାହାଳା ଲେକା ଅନା ମିଦ୍ଃ ଧୀରିଖନ୍ ଦାଃଏ, ସେତେଞ୍ଜ୍ ହଚକେଃଆ। ମେନ୍‌ଖାନ୍ ନଙ୍କାଲେକା ରେହଁ ଇସ୍ରାଏଲ୍ ରେନ୍‌ ହଳ୍‌କ ଇଶ୍ୱରାଃ ବିରୋଧ୍‌ତେ ଆର୍ ମୋଶାଆଃ ବିରୋଧ୍ ତେକ କାଥାଏନା, ଏନ୍ତେରେହଁ ଈଶ୍ୱର୍ ଆକଏ ଦାୟାକ କାନ୍ ତାହେଁଦ୍ଃ। ଅକା ଅବ୍ରାହାମ୍ ଇସହାକ୍ ଆର୍ ଯାକୁବ୍ ରେନ୍ ଆଗିଲ୍‌କ ଲାଗିଦ୍ଃ କାମିୟା ମେନ୍ତେ ମନେ ଲେଃଆଏ ଅନାଗେ କାମି କେଃଆଏ।

![](https://cdn.door43.org/obs/jpg/360px/obs-en-14-13.jpg)

ତିନ୍ ଜଖାଃ ଆକଆ ଞ୍ଜୁ ଲାଗିଦ୍ଃ ଦାଃ ବାଂ ତାହେଁକାନା ଈଶ୍ୱର୍ ବାବା ମୋଶା ମେତାଃଦେଆଏ, ଧୀରିମ୍ ଲାଇୟାଏ ଖାନ୍ ଞ୍ଜୁ ଦାଃ ଉଡୁକାଏ, ମେନ୍‌ଖାନ୍ ମୋଶା ଧିରିକେ ବାଂ ଲାଇକାତେ ଆଜ୍ଃ ବାର୍‌ଧାଓ ଗୁଡ୍ ଗୁଡେ ଦାଲ୍‌କେଃଆ। ନଆଁ ଲେକାତେ ଆଜ୍ଃ ଇଶ୍ୱର୍‌ ଅପମାନ୍ କେଦେୟାଏ, ଆର୍ ଝତହଳ୍‌କ ଞ୍ଜୁଇ ଲାଗିଦ୍ଃତେ ଧିରିଖନ୍ ଦାଃ ଉଡୁକ୍ ଏନା। ମେନ୍‌ଖାନ୍ ଈଶ୍ୱର୍ ମୋଶାଃ ଚେତାନ୍‌ରେ ରାଗିଏନାଏ,ଇଶ୍ୱରେ ମେନ୍‌କେଃଆ, ଚେଦାଃ ଆମ୍ ନଆଁମ୍ କାମିକେଃଆ, ଅନାଖାତିର୍ ଆମ୍ କାଥା ଏପେମ୍ ଦିଶମ୍‌ରେ ବାମ୍ ବଲ ଦାଳେୟାଃଆ।

![](https://cdn.door43.org/obs/jpg/360px/obs-en-14-14.jpg)

ଇସ୍ରାଏଲ୍‌କ ପୁନ୍‌ଗେଲ୍ ସେର୍ମା ବୁରୁରେକ ଦାଣାଲେନ୍ ତାୟମ୍, ଅକଏକ ଇଶ୍ୱରାଃ ବିରୋଦ୍ଧ୍‌ତେକ କାମିଲେଃଆ, ଉନ୍‌କୁ ଝତକ ଗଜ୍ଃଏନା। ଇନାତାୟାମ୍ ଈଶ୍ୱର୍ ବାବା ବାଳିଜ୍ଃ ହଳ୍‌କ ଆର୍ ଦହଳା କାଥା ଏପେମ୍ ଦିଶମ୍ ରେୟାଃ ସିମା ଧାବିଜ୍ଃ ଆୟୁର୍ ଇଦି କେଦ୍ଃକଆଏ। ଇନା ଅକ୍ତରେ ମୋଶା ଆଡି ହାଳାମେ ତାହେଁକାନା, ଅନାମେନ୍ତେ ହଳକ୍ ଆୟୁର୍ ଇଦିକ ଲାଗିଦ୍ଃତେ ଯିହୋଶୂୟ ସାଲାକେଦେୟାଏ। ଈଶ୍ୱର ମୋଶାକେ କଥାଏ ଏମାଦେ ତାହେଁଦଃ, ଆଜ୍ଃ ଲେକାନିଜ୍ଃ ଆର୍ ମିଦ୍ଃହଳ ମାଣାଂ କାଥା ଉଦୁଗିଜ୍ଃ ଆକଠେନ୍ଏ ଭେଜାଏୟା।

![](https://cdn.door43.org/obs/jpg/360px/obs-en-14-15.jpg)

ଇନାତାୟମ୍ ଈଶ୍ୱର୍ ବାବା ମିଦ୍ଃ ବୁରୁରେୟାଃ ଚେତାନ୍‌ତେ ମୋଶା ଚାଲାଃ ଲାଗିଦ୍ଃଏ ଲାଇୟାଦେୟାଏ। ମୋଶା କାଥା ଏପେମ୍ ଆକାନ୍ କିଣାନ୍ ଦିଶମେ ଞ୍ଜେଲ୍‌ଲେଃଆ, ମେନ୍‌ଖାନ୍ ଆଜଃ କେ ଅନା ଦିଶମ୍‌ରେ ବଲନ୍ ଲାଗିଦ୍ଃ ଈଶ୍ୱର୍ ହୁକୁମ୍ ବାଏ ଏମାଃଦେଆଏ। ଇନା ତାୟମ୍ ମୋଶାଏ ଗଜ୍ଃଏନା ଆର୍ ଗେଲ୍ ପେଦିନ୍ ଧାବିଜ୍ଃ ଇସ୍ରାଏଲ୍‌କ ଦୁଖଃଦିନ୍‌କ ମାନାଓ କେଃଆ। ଯିହୋଶୁୟ ଉନ୍‌କୁରେନ୍ ନାୱା ଗମ୍‌କେ ତାହେଁକାନା ଚେଦାଃସେ ଆଜ୍ଃ ଈଶ୍ୱର୍ ବାବା ଠେନ୍ ଏ ପାତିୟାଉଃ କାନ୍ ତାହେଁଦଃ, ଆର୍ ଆଜାଃ ହୁକୁମେ ବାତାୱେଦ୍ଃ ତାହେଁଦଃ।

*ସନତ୍ ପୁଥିୟାଃ କାହାନୀ: ଉଡୁକ୍ ସେନଃ ପୁଥି ୧୬-୧୭; ଗୁଣତି ପୁଥି ୧୦-୧୪; ୨୦;୨୭; ଦୁସରେ ବିବରଣ୍ ପୁଥୀ ୩୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_14_128kbps.m4a

## 15. ୧୫. କାଥା ଏପେମ୍ ଦିଶମ୍‌

https://openbiblestories.org/l/mjx/story-15/

![](https://cdn.door43.org/obs/jpg/360px/obs-en-15-01.jpg)

ମୁଚେଦ୍ଃରେ ଇସ୍ରାଏଲ୍ ରପଳାକାନ୍ ଦିଶମ୍ କିଣାନ୍, ବଲନ୍ ରେୟାଃ ଅକ୍ତ ସେଟେର୍ ହେଜ୍ଃଏନା। ଅନା ଦିଶମ୍‌ରେ ଜିରିହୋ ଞ୍ଜୁତୁମାନ୍ ମିଦ୍ଃ ନାଗାର୍ ତାହେଁକାନା। ଅନାରେୟାଃ ଜତନ୍ ଲାଗିଦ୍ଃତେ, ପୁନ୍ କଣ୍ ଗଟା କାଥ୍ ତାହେଁକାନା। ଯିହୋଶୂୟ ଅନା ବାଜାର୍‌ତେ ବାର୍‌ହଳ୍ କୁମ୍ବୁଳୁଇ ଭେଜା କେଃଦ୍ କିନା। ଅନା ବାଜାର୍‌ରେ ମିଦ୍ ଦାରୀ କୂଳୀ ତାହେଁକାନାୟ। ଉନିଗେ ଉନ୍‌କିନ୍ ଗୁଇନ୍ଦା ଉକୁ କେଦ୍ଃକିନା, ଆର୍ ତାୟମ୍‌ତେ ଉନ୍‌କିନ୍‌ଗେ ବାଜାର୍ ଖନ୍ ଞ୍ଜିର୍ ଲାଗିଦ୍ଃତେ ଗଳଆଦ୍ଃ କିନା। ଉନି ଇଶ୍ୱରାଃ ଚେତାନ୍‌ରେ ପାତିୟାଉ ତାହେଁକାନା ମେନ୍ତେ ନଆଁଏ କାମି କେଆଃ। ତିନ୍‌ବେଳାରେ ଈଶ୍ୱର୍ ଯିରିହୋକେ ନାଶେୟା ଇନ୍‌ବେଳାରେ ରାହାବାଃ ପରିବାର ଗୁଇନ୍ଦା କିନ୍ ବାଞ୍ଚାଓ ରେୟାଃ କାଥାକିନ୍ ଏମେଆ।

![](https://cdn.door43.org/obs/jpg/360px/obs-en-15-02.jpg)

କାଥା ଏପେମ୍ ଆକାନ୍ ଦିଶମ୍‌ତେ ବଲ୍‌ନ୍ ଲାଗିଦ୍ଃ ଇସ୍ରାଏଲ୍‌କ ଯର୍ଦ୍ଦନ୍ ଗାଡା ପାରମ୍‌ତେ ହୁଇଆ କଆ। ଈଶ୍ୱର୍ ଯିହୋଶୂୟ ମେତାଃ ଦେୟାଏ, “ଯାଜକ୍ କ ପୁଇଲୁ ସେନଃପେ।” ତିନ୍‌ଜଖାଃ ଯାଜକ୍‌କ ଜର୍ଦ୍ଦନ୍ ଗାଡା ପାରମ୍ ଲାଗିଦ୍ଃ, ଅନା ଅତ୍‌କ ଲେବେଦ୍ଃ କେଃଆ, ଇନା ସାଓଁତେ ଚେତାନ୍ ପାହଟାରେ ଦାଃ ଲିଙ୍ଗିନ୍ ବନ୍ଦ୍ ଉତାରେନା। ଅକା ହର୍‌ତେ ଇସ୍ରାଏଲ୍‌କ, ଗାଡାରେୟାଃ ହାନାପାରମ୍‌ତେ ରହଳ୍‌ରେକ ସେଟେର ଦାଳେୟାଃ।

![](https://cdn.door43.org/obs/jpg/360px/obs-en-15-03.jpg)

ହଳ୍‌କ ଯର୍ଦ୍ଦନ୍ ଗାଡା ପାରମେନ୍ ତାୟମ୍, ଈଶ୍ୱର୍ ବାବା ଯିରିହୋ ବାଜାର୍ ଚେତାନ୍‌ରେ ଲାଢାଇ ଲାଗିଦ୍ଃ ସାଯାଅଃ ଲାଗିଦ୍ଃତେ ଯିହୋଶୂୟ ମେତାଃଦେୟାଏ। ଯୁଦି ଅନା ଆଡି ଦାଳେୟାନ୍‌ଗେ ତାହେଁକାନା। ଈଶ୍ୱର୍ ବାବା ହଳ୍‌କଏ ମେତାଃଦ୍ କଆଦ, ଆକରେନ୍ ଯାଜକ୍ ଆର୍ ସେନାକ ସାଲାଃତେ ମିଦ୍ଃ ଦିନ୍‌ରେ ଅନା ବାଜାର୍‌ରେ ଦାଣା ଆଚୁର୍ ଲାକ୍ତିଆ। ଅନାମେନ୍ତେ ଯାଜକ୍ ଆର୍ ସେନାକ ଅନାଗେକ କାମି କେଃଆ।

![](https://cdn.door43.org/obs/jpg/360px/obs-en-15-04.jpg)

ଈଶ୍ୱର୍ ଆନାଏ ଲାଇକେଃଆ ଯେ, ‘ଏୟାଏ ଦିନ୍‌ରେ ଇସ୍ରାଏଲ୍ ହଳକ ଏୟାଏ ଧାଓ ଅନା ନାଗାର୍ ରେକ ଆଚୁରଃଆ। ଇନା ତାୟମ୍ ଯାଜକ୍‌କ ସାକୱାକ ଅରଂଙ୍ଗା, ଆର୍ ଝତହଳ ମାରାଂ ମାରାଂ ଆଳାଂତେ ଚିଚିୟାଉ ଏନାକ। ଆର୍ ଉନ୍‌କୁ ଅନ୍‌କା ଗେକ ରିକାକେଃଆ।

![](https://cdn.door43.org/obs/jpg/360px/obs-en-15-05.jpg)

ଇନା ତାୟାମ୍ ଜିରିହୋ ରେୟାଃ ଚାରି ବିର୍ଦାପାଚିରୀକ ରାପୁଦ୍ଃ କେଃଆ, ଈସ୍ରାଏଲ ଇଶ୍ୱରାଃ ହୁକୁମ୍ ଲେକାତେ ନାଗାର୍ ରେୟାଃ ଝତ୍ ଜିନିଷ୍‌କ ରାପୁଦଃ ଚାୱାକେଃଆ। ଉନକୁ ଦ ଖାଲି ରାହାବ୍ ଆର୍ ଆକୱାଃ ଘାରଞ୍ଜ୍‌କ ବାଞ୍ଚାଓକେଃଆ, ଅକଏକ ଇସ୍ରାଏଲ୍ ରେନ୍ ଭାଗକ, ହୁଇଏନା ତିନ୍‌ଜଖାଃ କିଣାନ୍‌ରେ ତାହେଁନ୍ କାନ୍ ଏଟାଃ ହଳକ ଆଞ୍ଜମ୍ କେଃଆ, ଇସ୍ରାଏଲ୍ ହଳ୍‌କ ଜିରିହୋକ ନାସ୍ ଆକାଃଆ, ଆଲେହଁକ ନାସ୍ ଲେଆ ନଆଁ କାଥା ଉଇହାର୍ କାତେ କିଣାନିୟାକ ବତରେନା।

![](https://cdn.door43.org/obs/jpg/360px/obs-en-15-06.jpg)

କିଣାନ୍‌ରେ ଜାହାଏଁକ ସାଙ୍ଗ୍ ଶାନ୍ତିରେଆଃ କାଥା ଆଲୋପେ ଏପେମା ମେନ୍ତେ ଈଶ୍ୱର୍ ବାବା ଇସ୍ରାଏଲ୍ କଏ ଲାଇଆଦ୍ଃ କଆ। ମେନ୍‌ଖାନ୍ କିଣାନ୍ ରେନ୍ ଜାତ୍‌କ ଭିତିର୍ ଖନ୍ ଗିବିୟ ଜାତ୍‌ରେନ୍ ହଳକ୍ କିଣାନ୍ ଖନ୍ ଆଲେ ଆଡି ଝାଲ୍‌ରେନ୍ କାନାଲେ ମେନ୍ତେ ଯିହୋଶୁୟକ ଲାଇଆଃ ଦେୟା। ଉନ୍କୁ ଶାନ୍ତିରେଆଃ କାଥା ଏପେମ୍ ଲାଗିଦ୍ଃତେ ଯିହୋଶୁୟକ ଲାଇୟାଦେଆ। ଯିହୋଶୁୟ ଆର୍ ଏଟାଃ ଇସ୍ରାଏଲ୍ ନେତାକ ଈଶ୍ୱର୍ ବାବା ବାକ କୁଲି ଲେଦେୟା ଯେ, ଉନ୍‌କୁ ଚେଦ୍ଃଚିକା ଲାଗ୍‌ତିୟା, ଅନା ବଦଲ୍‌ତେ ଗିବିୟକ ସାଓଁ ସୁଲୁକ୍ କାଥା ଏପେମ୍‌କ ତପାଃକେଃଆ।

![](https://cdn.door43.org/obs/jpg/360px/obs-en-15-07.jpg)

ପେ ମାହାଁ ତାୟମ୍ ଗିବିୟକ ସାରିଗେ କିଣାନ୍‌ରେକ ତାହେଁନ୍ କାନା ମେନ୍ତେ ଇସ୍ରାଏଲ୍ ହଳ୍‌କ ବାଡାୟେ ଞ୍ଜାମ୍ କେଃଆ। ଇସ୍ରାଏଲ୍‌କକ ରାଗିଏନା, ଚେଦାଃସେ ଗିବିୟନ୍ ଆକଏ ଏଳେ ଲେଦ୍ଃକଆ। ମେନ୍‌ଖାନ୍ ଆକଆକ ସାଓଁକ ରିକା ଆକାଦ୍ଃ ଶାନ୍ତି କାଥା ଏପେମ୍‌କ ବାତାଓ କେଃଆ, ଚେଦାଃସେ ନଆଁ ଈଶ୍ୱର୍ ସାମାଂରେକ କାମିଲେଃଆ, ତିନାଂଦିନ୍ ପଲମେନ୍ ତାୟମ୍ କିଣାନୀ ଆର୍ ମିଦ୍ଃ ଜାତ୍‌ରେନ୍ ଆର୍ ରାଜାକ, ଆମୋରିୟକ ଆଞ୍ଜମ୍ କେଃଆଦ, ଗିବିୟନୀୟ କ ଆର୍ ଇସ୍ରାଏଲିୟକ ସାଓଁତେ ଶାନ୍ତି ରେୟାଃ କାଥାକ ଏପେମା କାନା। ଉନ୍‌କୁ ଆକରେନ୍ ସେନା ଦଲ୍‌କ ମିଦ୍ଃ ମାରାଂ ସେନାଦଲ୍ ମେସାକାତେ ଗିବିୟନ୍ ସାଲାଃକ ଲାଢାଇକେଃଆ, ଗିବିୟନୀୟକ ଯିହୋଶୂୟକ ଗଳଆୟା ମେନ୍ତେ ମିଦ୍ଃ କାଥାକ ଲାଇ ଭେଜା କେଃଆ।

![](https://cdn.door43.org/obs/jpg/360px/obs-en-15-08.jpg)

ଅନାମେନ୍ତେ ଯିହୋଶୂୟ ଇସ୍ରାଏଲ୍ ରେନ୍ ସେନାକୟେ ମିଦ୍ଃଠେନ୍ କେଦ୍ଃକଆ। ଉନ୍‌କୁ ଗିବିୟନୀୟ ଠେନ୍ ସେଟେରଃ ଲାଗିଦ୍ଃ ଞ୍ଜିନ୍ଦା ଗଟାକ ତାଳାମ୍ କେଃଆ। ସେତାଃରେ ଉନ୍‌କୁ ଆମୋରୀୟ ସେନାକକ ଦାରାମ୍ କେଦଃକତେ ଉନ୍‌କୁ ସାଲାଃକ ଲାଢାଇକେଃଆ।

![](https://cdn.door43.org/obs/jpg/360px/obs-en-15-09.jpg)

ଇନ୍‌ହିଲଃ ଈଶ୍ୱର୍ ବାବା ଇସ୍ରାଏଲ୍ ଲାଗିଦ୍ଃତେ ଲାଢାଇ କେଃଆଏ। ଉନ୍‌କୁ ଆମୋରୀୟକ ହାହାଳାରେକ ଞ୍ଜୁର୍‌କେଦ୍ଃ କଆ ଆର୍ ଆକୱା ଚେତାନ୍‌ରେ ମାରାଂ ମାରାଂ ଆରେଲ୍ ଭେଜାକାତେ ଆଡି ଉତାର୍ ଆମୋରୀୟ କକ ଗଜ୍ଃକେଦ୍ଃ କଆ।

![](https://cdn.door43.org/obs/jpg/360px/obs-en-15-10.jpg)

ଈଶ୍ୱର୍ ବାବା ବେଳା ସେର୍ମାରେ ମିଦ୍ଃ ଠାଓଁରେ ଦହ କେଦେୟାଏ, ଅନାଖାତିର୍ ଇସ୍ରାଏଲ୍‌କ ଆମୋରିୟକ ପୁରାପୁରି ହାରାଓକ ଲାଗିଦ୍ଃତେ ଅକ୍ତକ ଞ୍ଜାମ୍‌କେଃଆ। ଇନ୍‌ହିଲଃ, ଇସ୍ରାଏଲ୍ ଲାଗିଦ୍ଃତେ ଈଶ୍ବର୍ ବାବା ମିଃଟାଂ ମାରାଂ ଜିତ୍‌କାର୍‌ଏ ଞ୍ଜା୍ମ୍ କେଃଆ।

![](https://cdn.door43.org/obs/jpg/360px/obs-en-15-11.jpg)

ଈଶ୍ୱର୍ ବାବା ଉନ୍କୁ ସେନାଦଲ୍‌କ ହାରାଓ କେଦ୍ଃକ ତାୟମ୍ ଏଟାଃ କିଣାନ୍‌ରେନ୍ ଜାତ୍‌କ ଇସ୍ରାଏଲ୍ ହଳ୍‌କ ହୁୟୁଃଗଃଆ ମେନ୍ତେ ମିଦ୍ଃନ୍‌ଠେନ୍‌କ ଜାଓରାୟେନା ମେନ୍‌ଖାନ୍ ଯିହୋଶୂୟ ଆର୍ ଇସ୍ରାଏଲ୍‌କ ଉନ୍‌କୁ ସାଲାଃତେ ଲାଢାଇ କାତେକ ନାସ୍‌କେଦ୍ଃ କଆ।

![](https://cdn.door43.org/obs/jpg/360px/obs-en-15-12.jpg)

ଅନା ଲାଢାଇ ତାୟମ୍, ଈଶ୍ୱର୍ ବାବା ଇସ୍ରାଏଲ୍‌ରେନ୍ ଝତ ଜାତ୍‌କ କାଥା ଏପେମ୍ ଦିଶମ୍ ରେୟାଃ, ଆକୱାଃ ଭାଗ୍‌କ ଞ୍ଜାମ୍ କେଃଆ। ଇନାତାୟାମ୍ ଈଶ୍ୱର୍ ବାବା ଇସ୍ରାଏଲ୍ ରେନାଃ ଝତ ସୀମା ତାଲାରେ ସୁଲୁକ୍ ଏମ୍ କେଃଆ।

![](https://cdn.door43.org/obs/jpg/360px/obs-en-15-13.jpg)

ତିନ୍ ଜଖାଃ ଯିହୋଶୂୟ ହାଳାମେନାଏ, ଇସ୍ରାଏଲ୍ ରେନ୍ ଝତହଳ୍‌ ମିଦ୍ଃଠେନ୍ ଜାଓରା କେଦ୍ଃ କଆୟେ। ଇନା ତାୟାମ୍ ଯିହୋଶୂୟ ଈଶ୍ୱର୍ ସାଓଁତେ ସୀନାଇ ବୁରୁରେ ତଲ୍ ଆକାଦ୍ଃ କାଥା ଉଇହାରାଃଦ୍ କଆଏ ଆର୍, ଅନା ବାତାଓ ଲାଗିଦ୍ଃତେ ମେତାଃଦ୍ କଆୟେ। ହଳ୍‌କ ଈଶ୍ୱର୍ ସାଲାଃତେ ପାତିୟାଉକ ତାହେନା ଆର୍ ଆଜାଃହୁକୁମ୍ କ ବାତାୱା ମେନ୍ତେ ଯିହୋଶୂୟକ ମେତାଃଦେୟା।

*ସନତ୍ ପୁଥିୟାଃ କାହାନୀ: ଯିହଶୁୟୱାଃ ପୁଥି ୧-୨୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_15_128kbps.m4a

## 16. ୧୬. ବାବାଞ୍ଚାଇଚ୍ ଈଶ୍ୱର୍

https://openbiblestories.org/l/mjx/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶୁୟ ଗୁଜୁଃ ତାୟମ୍ ଇସ୍ରାଏଲ କ, ଈଶ୍ୱରବାବା ବାକ ମାନତ୍ ଲେଦେୟା । ଉନ୍‌କୁ ଈଶ୍ୱରାଃ ହୁକୁମ୍ ବାକ ବାତାୱ ଲେଃଆ, ଆର୍ ତିନାଂଗାନ୍ କିଣାନୀ ହଳ୍ କ, କାଥା ଏପେମ୍ ରେୟାଃ ଦିଶମ୍ ଖନେ ଉଡୁକ୍ କେଦ୍ଃକଆ। ଇସ୍ରାଏଲି କ ସାରି ଈଶ୍ୱର୍ ବାଗି କାତେ କିଣାନ୍ ରେନ୍ ବଙ୍ଗା ସେବା କ ଏତହବ୍ଃs କେଃଆ। ଇସ୍ରାଏଲ୍ ରେ ଚିଲି ରାଜା ହଁ ବାକ ତାହଁଲେନ୍‌ ଖାତିର୍ ଆକ ଅକା କ ମନେ କେଃଆ ଅନାଗେକ କାମି କେଃଆ ।

![](https://cdn.door43.org/obs/jpg/360px/obs-en-16-02.jpg)

ଈଶ୍ୱର ବାବା ଅମାନତ୍‌ ଦ ଇସ୍ରାଏଲ୍ ହଳକଆଃ ମିଟାଂ ଢଙ୍ଗ୍ ଏତ୍‌ହୋବଃ ଏନା, ଅକା ଆଡିଧାଅ ଆରୁଏନା। ନଆଁ ଢଙ୍ଗ୍ ନଁକା ଚାଲୁଏନା,ଏସ୍ରାଏଲ୍ ହଳ କ ଆଡି ସେର୍ମାଧାବିଜ୍ଃ ଈଶ୍ୱର କ ଅମାନତ୍ କେଦେୟା, ଇନାଖନ୍ ଆଜ୍ଃ ଆକଗେ ଆକରେନ୍ ବାଇରୀ କ ହର୍‌ତେ ହାରାୱ ରେୟାଃ ହୁକୁମ୍‌ ଏମକାତେ ଉନକୁ ସାଜାଇ ଏମାଦ୍ଃକଆ । ଉନକୁ ବାଇରୀ କ ଇସ୍ରାଏଲ୍ କ ଠେନ୍ ଆଡି ଉତାର୍ ଜିନିଷ କ କୁମ୍ବୁଳୁ କେଃଆ, ଆର୍ ଆକୱାଃ ଧନ୍ କ କ ଛିତିବିତି କେଃଆ। ଆର୍‌ ଉନ୍ କୁ ଭିତିର୍ ଖନ୍ ଆଡିଗାନ୍ ଗେକ ଗଜ୍ଃ କେଦ୍ଃ କଆ । ଇନାତାୟାମ୍ ଇସ୍ରାଏଲ୍ ରେନ୍ ବାଇରୀ କ ଆକ ଆଡି ଝାଲ୍‌ସେର୍‌ମା ଧାବିଜ୍ଃ ନାହାଚାର୍ କ କାମିକେଦ୍ ତାୟମ୍ ଇସ୍ରାଏଲ୍ ହଳ୍‌କ ଆକୱାଃ କାଇ ଲାଗିଦ୍ଃତେ ମନେକ ଆରୁର କେଃଆ, ଆର୍ ଈଶ୍ୱର ବାବା ଠେନ୍ ଆକ ବାଞ୍ଚାୱ ଲାଗିଦ୍ଃ ତେକ ବିନ୍ତି କେଃଆ ।

![](https://cdn.door43.org/obs/jpg/360px/obs-en-16-03.jpg)

ଦିନାମ୍ ଗେ ଇସ୍ରାଏଲ୍ ହଳ୍ କ ମନ୍ ଆଚୁରେଦ୍ଃ ସାୱଁତେ, ଈଶ୍ୱର୍ ବାବା ଆକକେ ବାଞ୍ଚାୱ ଏଦ୍ଃ କଆଏ।ଆଜ୍ଃ ମିଦ୍ଃ ବାବାଞ୍ଚାୱଇଜ୍ଃ ଭେଜାକାତେ ଉନ୍‌କୁୟ ବାଞ୍ଚାୱଏଦ୍ଃ କ ତାହେଁ ଦଃ । ଉନି ଅନ୍‌କାନ୍ ମିଦ୍ଃହଳ୍ ଅକୟେ ଆକରେନ୍ ବାଇରୀକ ବିରାଦ୍ଧ୍‌ତେ ଲାଢାଇୟାଏ, ଅକଏ ଉନକୁୟ ହାରାଅ କଆ । ଏନ୍‌ଖାନ୍ ଦିଶମ୍ ରେ ସୁଲୁକ୍ ତାହେଁନା ଆର୍ ବାବାଞ୍ଚାଅଇଜ୍ଃ ଆକ ଚେତାନ୍ ରେ ମିଦ୍ଃ ବୁଗିନ୍ ଶାସନେ ରିକାୟା । ହଳ୍‌କ ବଞ୍ଚାୱ ଏମାଃକ ଲାଗିଦ୍ଃ ଈଶ୍ୱର୍ ବାବା ଆଡି ଗଟାଂ ବାବାଞ୍ଚାୱ କଏ ଭେଜା କେଦ୍ଃ କଆ । ମିଦିୟନ୍ ହଳ୍ ଇସ୍ରାଏଲ୍ ହଳ୍‌କକେ ହାରାୱ ତାୟମ୍ ଅନା ଶୁର୍ କରେନ୍ ବାଇରୀ ଦଲ୍ କ ଈଶ୍ୱର୍ ହୁକୁମେଃ ଏମାଦ୍ଃ କଆ ଇସ୍ରାଏଲ୍ ହଳ୍ ହାରାୱ ଲାଗିଃଦ୍‌ତେ।

![](https://cdn.door43.org/obs/jpg/360px/obs-en-16-04.jpg)

ମିଦିୟନୀୟ କ ଏୟାଏ ସେର୍ମା ହାବିଜ୍ଃ ଇସ୍ରାଏଲିୟ କଆ ଝତ କିର୍‌ସୀ କ ଇଦିଚାବାକେଃଆ। ଇସ୍ରାଏଲୀୟ କେ ମିଦିୟନ୍ ହଳ୍ ଆଲକ ଞ୍ଜାମ୍ କମା ମେନ୍ତେ ଆକ ଘଙ୍ଗର୍ କରେକ ଉକୁ ବାଳାୟେନା । ମୁଚେଦ୍ଃରେ ଆକ ବାଞ୍ଚାୱ ଞାମ୍ ଲାଗିଦ୍ଃତେ ଈଶ୍ୱର୍ ଠେନ୍ କ ରାଃ ହମର୍ କେଃଆୟେ ।

![](https://cdn.door43.org/obs/jpg/360px/obs-en-16-05.jpg)

ଅଣ୍ଡେ ଗିଦିୟନ୍ ଞୁତୁମାନ୍ ମିଦ୍ଃ ଇସ୍ରାଏଲ୍ ହଳେ ତାହେଁ କାନା । ମିଦ୍ଃ ଦିନ୍, ଆଜ୍ଃ ମିଦ୍ଃ ଏକେଲା ଜାଏଗାରେ ଗହମେ ଦାଲେଦ୍ଃ ତାହେଁ ଦଃ, ଯେମନ୍ ମିଦିୟନ୍ କ ନଆଁ ଗହମ୍ ଆଲକ କୁମ୍ବୁଳୁ ଦାଳେୟାଃ ମା। ଇନା ବେଳାରେ ଈଶ୍ୱର୍ ରେନ୍ ଦୂତ୍ ଗିଦିୟନ୍‌ଠେନ୍ ହେଜ୍ଃ କାତେ ଲାଇକେଃଆଏ, “ଦାଳେୟାନ୍ ଲାଢାଇଞ୍ ଈଶ୍ୱର ଆମ୍ ସାୱଁତେ ମେନାୟା । ଆମ୍ ଚାଲାଅ କାତେ ମିଦିୟନ୍ ଠେନ୍ ଖନ୍ ଇସ୍ରାଏଲ୍ ହଳ୍ ବାଞ୍ଚାୱ କମେ ।”

![](https://cdn.door43.org/obs/jpg/360px/obs-en-16-06.jpg)

ଗିଦିୟନ୍ ଆଜ୍ଃ ବାବାଆଃ ସିନାମ୍ ମହଣ୍ଡା ପୁତୁଳା ଲାଗିଦ୍ଃତେ ରାକାବଃ ରେୟାଃ ମିଦ୍ଃ ବେଦି ତାହେଁ କାନ୍। ଈଶ୍ୱର ପୁଇଲୁ ରେ ଅନାବେଦୀ ରାପୁଦମାୟ ମେନ୍ତେ ଗିଦିୟନ୍ ଏ ଲାଇୟା ଦେଆଏ । ମେନ୍‌ଖାନ୍ ଗିଦିୟନ୍ ହଳେ ବତରାକ କାନ୍ ତାହେଁଦ୍ଃ, ଅନାମେନ୍ତେ ଆଜ୍ଃ ଞିନ୍ଦା ହାବିଜ୍ଃ ଏ ତାଙ୍ଗିଏଃଆ ଆର୍ ଆଜ୍ଃ ଈଶ୍ୱର ଲାଗିଦ୍ଃତେ ମିଦ୍ଃ ନାୱାଁ ବେଦୀ ବେନାୱ କେଃଆଏ ଆର୍ ଅନା ଚେତାନ୍ ରେ ଈଶ୍ୱର ଲାଗିଦ୍ଃତେ ଦାଣେ ରାକାବ୍ଃ କେଃଆୟ ।

![](https://cdn.door43.org/obs/jpg/360px/obs-en-16-07.jpg)

ଇନା ଦଶାର୍ ହିଲଃ ସେତାଃରେ, ଆକୋ ମିଦ୍ଃହଳ ବେଦୀ ଖାଣ୍ଡିଜ୍ଃ ଖାଣ୍ଡିଜ୍ଃ ରାପୁଦଃ ରଚଦ୍ଃ ଆକାଃ ଆକ ମେନ୍ତେ ହଳ କକ ଞେଲ୍ କେଃଆ, ଅନ୍‌କାତେ ଉନ୍କୁ ଆଡିଗାନ୍ କ ରାଗିଏନା । ଆଜ୍ଃ କ ଗଜେ ଲାଗିଦ୍ଃ ଉନକୁ ଗିଦିୟନ୍ ଅଳାଃ କ ସେନ୍ଏନା, ମେନ୍ ଖାନ୍ ଗିଦିୟନ୍ ଆଜ୍ଃ ବାବାଏ ମେତାଦ୍ଃକଆ ଆପେମାନ୍ କ ଚେଦାଃ ଆପେରେନ୍ ବଙ୍ଗାକପେ ଗଳ ଆକ କାନା , ଯୁଦି ଆଜ୍ଃ ଈଶ୍ବର୍ କାନାୟେ ଏନ୍‌ଖାନ୍ ଆଜ୍ଃତେଗେ ବାଞ୍ଚାୱଃମା । ମେନ୍ ଦ ଗିଦିୟନ୍ ରେନ୍ ଆଜ୍ଃ ବାବା ଅନାଏ ଲାଇୟାଦ୍ଃ କତେ ହଳ୍‌କ ଗିଦିୟନ୍ ବାକ ଗଜ୍ଃ ଲେଦେୟା ।

![](https://cdn.door43.org/obs/jpg/360px/obs-en-16-08.jpg)

ଇନାତାୟାମ୍ ମିଦିୟନ୍ କ ଆର୍ ଦହଳା ଇସ୍ରାଏଲ୍ ଠେନ୍ ଖନ୍ କୁମ୍ବୁଳୁଇ ଲାଗିଦ୍ଃ ତେକ ହେଜ୍ଃଏନା । ଉନ୍‌କୁ ଅଣ୍ଡେ ଅହିସାବ ହଳକ ତାହେଁ କାନା । ଗିଦିୟନ୍ ଉନକୁ ସାଲାଃତେ ଲାଢାଇ ଲାଗିଦ୍ଃତେ ଇସ୍ରାଏଲ୍ ହଳକଏ ହାଟାୱ କେଦ୍ଃ କଆ , ଗିଦିୟନ୍ ଈଶ୍ୱର କେ ବାରେୟା ଚିହ୍ନାଏ କୟ କେଦେୟା ଅକା ହର୍‌ତେ ଆଜ୍ଃଠିକା ଦାଳେୟାଃଆୟ ଦ ଈଶ୍ୱର ସାରିଗେ ଇସ୍ରାଏଲ୍ କ ବାଞ୍ଚାୱ କ ଲାଗିଦ୍ଃ ତେ ଲାଇୟେଆଏ।

![](https://cdn.door43.org/obs/jpg/360px/obs-en-16-09.jpg)

ପୁଇଲୁ ଚିହ୍ନା ଲାଗିଦ୍ଃ ତେ, ଗିଦିୟନ୍ ଭିଡି ହାର୍ ତା ଅତ୍‌ରେ ଦହକାତେ ସେତାଃ ରେ ଶିଶିର ଖାଲି ଭିଡ୍ ହାରତା ଚେତାନ୍ ରେ ଞୁରୁଃ ମା ମେନ୍ତେ ଈଶ୍ୱର ମେତା ଦେୟାଏ , ଆର୍ ଈଶ୍ୱର ବାବା ଅନାଗେ କାମିକେଃଆଏ । ଇନା ଦଶାର୍ ଞିନ୍ଦାରେ ଇଶ୍ୱରେ ମେତାଦେୟାଏ, ଅତ୍ ଲହଦଃ ମା ଭିଡ୍ ହାର୍ତା ରହଳ୍ ଗେ ତାହେଁନ୍ ମା, ଆର୍ ଈଶ୍ୱର ଅନାଗେଏ କାମିକେଃଆ । ନଆଁ ବାରେୟା ଚିହ୍ନା ଲାଗିଦ୍ଃ ଗିଦିୟନ୍ ଈଶ୍ୱର ଠେନ୍ ପାତିୟାଉ ଏନା ଦ, ଆଜ୍ଃ ସାରିଗେ ଇସ୍ରାଏଲ୍ ମିଦୀୟନ କ ଠେନ୍ ଖନ୍ ବାଞ୍ଚାୱ ଲାଗିଦ୍ଃ ତେ ମନେଏଦାୟ ।

![](https://cdn.door43.org/obs/jpg/360px/obs-en-16-10.jpg)

ଇନାତାୟାମ୍ ଗିଦିୟନ୍ ସେନା କ ଝତ୍ ଆଜାଃ ସୁର୍‌ତେ ହହୱାଦ୍ଃ କଆଏ ଆର୍ ୩୨ ହାଜାର୍ କଳା କ ହେଜ୍ଃ ଏନା। ମେନ୍‌ଖାନ୍ ଈଶ୍ୱର୍ ଆଜ୍ଃ ଏ ଲାଇୟାଦେୟାଏ, ନଆଁ ଆଡିକ ଢେର୍ ଏନା । ଅନାମେନ୍ତେ ଗିଦିୟନ୍ ୨୨ ହାଜାର୍ ହଳ୍ କ ଅଳାଃତେ ଭେଜାକେଦ୍ଃ କଆୟେ ଅକୟ କ ଲାଢାଇ ଲାଗୁଦ୍ଃତେକ ବତରଃ କାନ୍ ତାହେଁ ଦ୍ଃ। ଈଶ୍ୱର ବାବା ଗିଦିୟନେ ମେତାଦେୟାଏ, ନିତ୍ ଧାବିଜ୍ଃ ରେ ହଁ ହଳ୍ କ ଯାସ୍ତି କ ତାହେଁ କାନା । ଅନାମେନ୍ତେ ଗିଦିୟନ୍ ପେ ସାଏ ସେନା ବାଗିକାତେ ଝତ ହଳ୍ ଅଳାଃତେୟ ଭେଜା କେଦ୍ଃ କଆ ।

![](https://cdn.door43.org/obs/jpg/360px/obs-en-16-11.jpg)

ଅନା ଞ୍ଜିନ୍ଦାରେ ଈଶ୍ୱର ଗିଦିୟନ୍ ଏ ମେତାଦେଆ, “ମିଦିୟନ୍ କଆଃ ଆଖାଳା ତେ ସେନଃ ମେ ଆର୍ ଆକୱା କାଥା ଆଞ୍ଜ୍ ମ୍ ମେ । ତିନ୍ ଜଖାଃ ଆମ୍ ଚେଦ୍ଃ କ ରପଳ୍ କାନା ମେନ୍ତେମ୍ ଆଞ୍ଜମ୍ ଲେଖାନ୍ ଆକ ସାୱଁ ଲାଢାଇ ଲାଗିଦ୍ଃ ବାଂଗେମ୍ ବତରଃ ଆ ।” ଅନାମେନ୍ତେ ଅନା ଞ୍ଜିନ୍ଦା ଗିଦିୟନ୍ ,ମିଦିୟନ୍ କୱାଃ ଆଖ୍‌ଳା ତେ ସେନ୍ କାତେ ମିଦ୍ଃ ସେନା ଆଜ୍ଃରେନ୍ ଗାତେ ଆଞମ୍ କେଦେୟାଏ । ଉନି ହଳ୍‌ରେନ୍ ଗାତେ ଲାଇକେଃଆ, ନଆଁ କୁକ୍‌ମୁରେଆଁ ଉଦିସ୍ ଗିବିୟନ୍ ରେନ୍ ସେନାକ ଆବକ ହାରାୱ ବନା ! ଗିଦିୟନ୍ ନଆଁ ଆଞମ୍ କେଦ୍ଃତେ ଇଶ୍ୱରେ ସାରହାୱ କେଦେଆଏ ।

![](https://cdn.door43.org/obs/jpg/360px/obs-en-16-12.jpg)

ଇନାତାୟାମ୍ ଆଜ୍ଃରେନ୍ ସେନା କ ହେଜ୍ଃ ରୁଆଳେନା , ଆର୍ ଆଜ୍ଃରେନ୍ ଝତ ସେନାକ ମିମିଦଃଟାଂ ହାସା ଟୁକୁଜ୍ଃ ଆର୍ ଜୁଲୁଃକାନ୍ ସେଙ୍ଗେଲ୍ ବାତୀ ଏମାଦ୍ଃ କଆଏ । ମିଦିୟନ୍ ରେନ୍ ସେନା କ ଗିତିଜ୍ଃ ଆକାନ୍ ଆଖ୍‌ଳା ଗଟାକ ଘେରାଅ ଏସେଦ୍ଃ କେଃଆ । ଗିଦିୟନ୍ ପେ ସାଏ ସେନା ଟୁକୁଯଃରେ ବାତି ସେଙ୍ଗେଲ୍ କ ଦହଲେଃଆ , ଅନାମେନ୍ତେ ମିଦିୟୀନ୍ କ ସେଙ୍ଗେଲ୍ ବାତୀ ବାକ ଞେଲ୍ ଞାମ୍ ଲେଃଆ ।

![](https://cdn.door43.org/obs/jpg/360px/obs-en-16-13.jpg)

ଇନାତାୟମ୍ ଗିଦିୟନ୍ ରେନ୍ ଝତ୍ ସେନା ମିଦ୍ଃ ଅକ୍ତରେ ଟୁକୁଜ୍ଃ କ ରାପୁଦଃ କେଃଆ ଆର୍ ହୁପ୍‌କା ଗେ ସେଙ୍ଗେଲ୍ ବତୀ କ ଦେଖାଅ କେଃଆ । ଆକ ଆକ୍‌ୱାଃ ସାକ୍‌ୱା କ ଅରଂକେଃଆ ଆର୍ ଚିଚୟାଉ କାତେ କ ମେନ୍ କେଃଆ, “ଈଶ୍ୱର ବାବା ଆର୍ ଗିଦିୟନ୍ ଲାଗିଦ୍ଃ ତେ ତାର୍‌ୱାଳେ।”

![](https://cdn.door43.org/obs/jpg/360px/obs-en-16-14.jpg)

ମିଦିୟନୀୟକ ଈଶ୍ୱର୍ ସୁସକୀଲ୍ ରେ ଞୁର୍ କେଦ୍ଃକଆଏ। ଅନାମେନ୍ତେ ଆକ ଲାଢାଇକ ଏତହକଃ କେଃଆ ଆର୍ ଆପାନ୍ ଆପିନ୍ କ ଖୁନ୍ ଖାରାବେନା । ଇନା ସଙ୍ଗେତେ ଗିଦୀୟନୀକ ଏଟାଃ ମିଦ୍ଃ ଏସ୍ରାଏଲ୍ କ ଆପନାର୍ ଅଳାଃତେ ହେଜ୍ଃ କାତେ ମୀଦୀୟନୀକ କ ଲାଗା କରେ ଗଳଆକ ଲାଗିଦ୍ଃ ଦୂତ କକ ଭେଜାକେଦଃ କଆ। ଉନ୍‌କୁ କ ଖନ୍ ଆଡି ଗାନ୍ କ ଗଜ୍ କେଦହ କଆ ଆର୍ ତନାଂଗାଜ୍ଃ ହଳକ ଇସ୍ରାଏଲ୍ ଦିଶମ୍ ଖନ୍ କ ଉଡୁକ୍ କେଦଃ କଆ । ଈଶ୍ୱର ବାବା ୧,୨୦,000 ଗଟାଂ ମିଦୟନିୟ କ ଅନା ଲାଗିଦ୍ଃ ତେକ ଗଜ୍ଃ କେଦଃ କଆ । ଈଶ୍ୱର ବାବା ନଂକାଗେ ଇସ୍ରାଏଲ୍ ଏ ବାଞ୍ଚାୱ କେଃଆ ।

![](https://cdn.door43.org/obs/jpg/360px/obs-en-16-15.jpg)

ହଳ୍‌ ଗିଦିୟନ୍ କ ରାଜାଏୟାମେନ୍ତେ କ ମନେ ଲେଃଆ । ଗିଦିୟନ୍ ନଆଁ କାମି ଲାଗିଦ୍ଃତେ ବାୟ ଏମାଦ୍ଃ କଆ, ଆଜ୍ଃ ମିଦିୟନୀ କଠେନ୍ ଇଦି ଆକାଦ୍ଃ ତିନାଂଗାନ୍ ସନା ମୁଦାମ୍ ଆକଏ କୟକେଦ୍ଃ କଆ। ଆର୍ ହଳକ ଆଡି ଢେର୍ ସନା ଗିଦିୟନ୍ କ ଏମାଦେୟା ।

![](https://cdn.door43.org/obs/jpg/360px/obs-en-16-16.jpg)

ଇନାତାୟମ୍ ଗିଦିୟନ୍ ଅନା ସନା ତେ ମିଦ୍ଃ ଲୁଗଳୀ ମାରାଂଯାଜକ ପାଲାଟ୍ ଲେକନାଃଏ ବେନାୱ କେଃଆ , ମେନ୍ ଖାନ୍ ହଳ୍‌କ ଅନା ବଙ୍ଗାଲେକା ସେବା ଲାଗିଦଃ କ ଏତହ୍ଃ କେଃଆ । ଅନାମେନ୍ତେ ଈଶ୍ୱର ଇସ୍ରାଏଲ୍ କ ଆର୍ ଦହଳାଏ ଶାସେତ୍ କେଦ୍ଃ କଆ, ଚେଦାଃସେ ଆକ ବଙ୍ଗା କ ସେବାରୁଆଳ୍ କେଦେୟା । ଈଶ୍ୱର୍ ଆକ୍ କେ ହାରାୱ କ ଲାଗିଦ୍ଃ ତେ ଆକ୍‌ରେନ୍ ବାଇରି କଏ ହୁକୁମାଦ୍ଃ କଆ, ଆର୍ ଈଶ୍ୱର ଉନ୍‌କୁ ବାଞ୍ଚାୱକ ଲାଗିଦ୍ଃତେ ଆର୍ ମିଦ୍ଃ ବାବାଞ୍ଚାୱଇଜ୍ଃ ଏ ଭେଜାକେଦେୟାଏ ।

![](https://cdn.door43.org/obs/jpg/360px/obs-en-16-17.jpg)

ନଂକାନାଃ ସମାନ୍ ଘଟଣା ଉଡିଧାଅଗେ ଘଟାଅ ଆକନା, ଇସ୍ରାଏଲ୍ କକ କାଇ କେଃଆ ଈଶ୍ୱର ଆକ ଶାଶେତ୍ ଏ ଏମାକଆ, ଉନ୍‌କୁ ମନ୍ କ ଆଚୁରା ଆର୍ ଉନ୍‌କୁ ବାଞ୍ଚାୱ କ ଲାଗିଦ୍ଃ ତେ ଯାହାଏଁ ଗେ ଭେଜାକଆ । ଆଡି ସେର୍ମା ଧାବିଜ୍ଃ, ଈଶ୍ୱର ଆଡିଗାନ୍ ବାବାଞ୍ଚାୱିଜ୍ଃ କୟ ଭେଜା କେଦ୍ଃକଆ, ଅକୟ ଇସ୍ରାଏଲୀକ କେ ଆକରେନ୍ ବାଇରୀ କଠେନ୍ ଏ ବାଞ୍ଚାୱ କେଦ୍ଃ କଆ ।

![](https://cdn.door43.org/obs/jpg/360px/obs-en-16-18.jpg)

ମୁଚେଦ୍ଃରେ ,ଉନ୍ କୁ ହଳ୍‌କ ଏଟାଃ ଦିଶମ୍ ଲେକା ମିଦ୍ଃ ରାଜା ଈଶ୍ୱର କ କୟ କେଦେୟା । ଆକ ଅଙ୍କାନ୍ ରାଜାକ ଞାମ୍ କାନ୍ ତାହେଁ, ଅକୟ ଉସୁଲାଏ ଆର୍ ଦାଳେୟାନାଏ ଆର୍ ଅକୟ ଲାଢାଇ ଲାଗିଦ୍ଃ ଆୟୁର୍ ଦାଳେୟାକଆଏ । ଈଶ୍ୱର୍ ବାବା ନଆଁ କଏ ବାଏ କୁସିୟାଦ୍ଃ ନା, ମେନ୍ ଖାନ୍ ଆକ ଅକାଲେକା ରାଜା କ ଖଜଲେଃଆ ଅନ୍ କା ନିଜ୍ଃଏ ଏମାଦ୍ଃ କଆ।

*ସନତ୍ ପୁଥିୟାଃ କାହାନୀ: ନିୟାଁଇରେୟାଃ ପୁଥି ୧-୩; ୬-୮; ଶାମୁଏଲାଃ ପୁଥି ୧-୧୦*

Audio: https://git.door43.org/OBS-TLF/mjx_obs/releases/download/v1/mjx_obs_v1_16_128kbps.m4a

## 17. ୧୭. ଈଶ୍ୱର୍ ବାବା ଦାଉଦ୍ ସାଲ୍‌ଆଃ କାଥା ଏପେମ୍

https://openbiblestories.org/l/mjx/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ୍ ଇସ୍ରାଏଲ୍ ରେନ୍ ପୁୟୁଲୁ ରାଜାଏ ତାହେଁକାନା। ଚେଦ୍‌ଲେକା ହଳ୍‌କ ଞାମ୍ କାନ୍ ତାହେଁ ଅନ୍‌କାଗେ ଉସୁଲ୍ ଆର୍ ଚେହେରାଏ ତାହେଁକାନା। ସାଉଲ୍ ଇସ୍ରାଏଲ୍ ଚେତାନ୍‌ରେ ପୁଇଲୁ ରାଜାଏ ତାହେଁରେନାଃ, ତିନାଃ ସେର୍ମା ଲାଗିଦ୍ ତେ ମିଃଟାଂ ଭାଗି ରାଜାଏ ତାହେଁ କାନା। ମେନ୍‌ଖାନ୍ ଅନା ତାୟମ୍ ଖାରାପ୍ ରାଜାଏନାଏ, ଅକଏ ଈଶ୍ୱର୍ ବାଏ ବାତାୱ ଲେଦେୟା ,ଅନାତେ ଈଶ୍ୱର୍ ବାବା ଆର୍ ମିଦ୍ଃ ହଳେ ବାଛାଅ କେଦେୟା, ଅକଏ ଯେ ମିଦ୍ଃ ଦିନ୍ ଆଜାଃ ଠାଅଁରେ ରାଜାଏ ବେନାୱାଃ।

![](https://cdn.door43.org/obs/jpg/360px/obs-en-17-02.jpg)

ଈଶ୍ୱର୍ ବାବା ଇସ୍ରାଏଲ୍ ରେନ୍ ମିଟାଂଯୁଆନ୍ କଳା ଦାଉଦ୍ ଞ୍ଜୁତୁମାନିଜ୍ଃ ଏ ବାଛାଅ କେଦେୟାଏ, ସାଉଲ୍ ଆଃ ଜାଗାରେ ମିଃଦିନ୍ ରାଜାଏ ବେନାୱେ ଖାତିରେ ସାପ୍ଳାୱ କେଦେୟା । ଦାଉଦ୍ ବେଥ୍‌ଲିହମ୍ ରେନ୍ ମିଃଟାଂ ଭିଡି ଗୁପିଃଈଜ୍ ଏ ତାହେଁ କାନା । ତାଲା ତାଲାରେ ତାରୁବ୍ଃ ଆର୍ ଚେଟେରାଏ ଗଜେଦ୍ଃ କ ତାହେଁଦ୍, ଯାହାଏଁ ଆଜ୍ଃ ବାବା ରେନ୍ ଭିଡିକ ଜମେଦ୍ଃ କ ତାହେଁଦ୍ । ଦାଉଦ୍ ମିଟାଂ ଧରମ୍ ଆର୍ ନରମ୍ ହଳେ ତାହେଁକାନା । ଉନି ଈଶ୍ୱର୍ ବାବା ଚେତାନ୍ ରେ ପାତିୟାଉ ଆର୍ ଆଜ୍‌ଆ ହୁକୁମ୍ ଏ ବାତାୟେଦ୍ ତାହେଁଦ୍ ।

![](https://cdn.door43.org/obs/jpg/360px/obs-en-17-03.jpg)

ତିନ୍‌ଜଖା ଦାଉଦ୍ କଳାଏ ତାହେଁ କାନା,ଉନି ଗଲିୟାତ୍ ଞୁତୁମ୍ ରାକଶ୍ ସାଲାଃଏ ତାପାମ୍ ଲେନାଏ। ଗାଲିୟାତ୍ ମିଟାଂ ବୁଗି ସୈନ ତାହେଁ କାନା। ଉନି ଉଡି ଦାଳେୟାନ୍ ଆର୍ ପେ ମିଟର୍ ଲେକା ଉସୁଲ୍ ତାହେଁକାନା!ମେନ୍‌ଖାନ୍ ଈଶ୍ୱର୍ ବାବା ଦାଉଦ୍ ଇଦିକାତେ ଗାଲିୟାତ୍ ଗଜ୍ କାତେ ଇସ୍ରାଏଲ୍ ହଳେ ରକ୍ଷା କେଦ୍ କଆଏ । ଦାଉଦ୍ ମିଟାଂ ଆଡି ମାରାଂ ସେନାଏ ବେନାୱ ଏନାଏ ଆର୍ ଉନି ଉଡିଗାନ୍ ଲାଢାଇରେ ଆଜ୍‌ଏ ଜିତ୍‌କାର୍ ଏନା । ହଳ୍କ ଆଜ୍‌ ଉଡିଗାନ୍‌କ ସାର୍‌ହାୱା ଦେୟା ।

![](https://cdn.door43.org/obs/jpg/360px/obs-en-17-04.jpg)

ହଳ୍‌କ ଦାଉଦ୍ ଉନାକ ଦୁଲାଳ୍ ଆ ଦେୟା,ରାଜା ସାଉଲ୍ ରାଗିଏନାଏ ତାୟମ୍ ତେ ଗଜେୟାଏ ମେନ୍ତେ ମନେ କେଃଆଏ, ଅନାତେ ଦାଉଦ ସାଉଲ୍ ଆର୍ ଆଜା ସେନା ଠେନ୍ ଖନ୍ ଉକୁ ଖାତିର୍ ଲାଟାଏ ଚାଲାୱ ଏନା। ମିଦ୍ଃ ଦିନ୍ ସାଉଲ୍ ଆର୍ ଆଜ୍‌ରିନ୍ ସେନାକ ଆଜ୍‌କ ପାନ୍ତେ କାନ୍ ତାହେଁଦ, ସାଉଲ୍ ମେଟାଂ ଘଙ୍ଗର ଚାଲାୱେନା ଦାଉଦ୍ ଅନା ଘଙ୍ଗର ରେ ଉକୁ ଲେନାଏ, ମେନ୍‌ଖାନ୍ ସାଉଲ୍ ଆଜ୍‌ଗେ ବାଏ ଞେଲ୍ଞାମ୍ ଲେଦେୟାଏ। ଦାଉଦ୍ ସାଉଲ୍‌ଆଃ ତାୟମ୍ ତେ ଚାଲାୱ କାତେ ଆଜ୍ଃଆ ଲୁଗୁଳି ରେନା କାଟିଜ୍‌ଏ ଗେଦ୍ କେଃଆ, ଉନାତାୟମ୍ ସାଉଲ୍ ଘଙ୍ଗର ଖନ୍ ଅଡକେନ୍ ତାୟମ୍ ଦାଉଦ୍ ସାପ୍ କାତେ ଦେଖାୱାଏ ମେନ୍ତେ ହୁରି କେଃଆଏ। ନକା ଲେକାତେ ସାଉଲ୍ ବାଡାଏ କେଃଆ ଦାଉଦ୍ ରାଜା ହୁୟୁ ଲାଗିଦ୍ ବାଏ ଲଭ୍ ଏନା।

![](https://cdn.door43.org/obs/jpg/360px/obs-en-17-05.jpg)

ତିନାଃ ଘାଳିଃ ତାୟମ୍ ତେ,ସାଉଲ୍ ଲାଢାଇରେ ଗଜ୍ଃ ଏନାଏ,ଆର୍ ଇସ୍ରାଏଲ୍ ରେନ୍ ରାଜା ଏନାଏ,ଉନି ମେଟାଂ ବେସ୍ ରାଜାଏ ତାହେଁକାନା, ହଳ୍‌କ ଆଜ୍‌କ ଦୁଲାଳ୍‌ଏ ତାହେଁଦ ଈଶ୍ୱର୍ ବାବା ଦାଉଦ୍ କ ଦୁଲାଳ୍ ଏ କାନ୍ ତାହେଁଦ ଆର୍ ଉନିଗେ ଗଳୱାଏ କାନ୍ ତାହେଁଦ। ଦାଉଦ୍ ଉଡିଗାନ୍ ଲାଢାଇ କେଃଆଏ, ଆର୍ ଈଶ୍ୱର୍ ବାବା ଇସ୍ରାଏଲ୍ କ ହାରାଅ ଲାଗିଦ୍ ଗଳୱା ଦେଆଏ । ଦାଉଦ୍ ଯିରୁଶାଲେମ୍ ହାରାୱ କାତେ ଆଜ୍ଃଆ ଦିଶମେ ବେନାୱ କେଦା, ଯାହାଁରେ ଆଜ୍ ତାହେଁକାତେ ଆଇଦାରିଃ ତାହେଁଦ୍। ଦାଉଦ୍ ପୁନ୍‌ଗେଲ୍ ବଛର୍ ଧାବିଜ୍ ରାଜ୍ କେଃଆଏ। ନଆ ବେଳାରେ ଇସ୍ରାଏଲ୍ ଦାଳେୟାନ୍ ଆର୍ କିଶାଣ୍ ଏନାଏ।

![](https://cdn.door43.org/obs/jpg/360px/obs-en-17-06.jpg)

ଦାଉଦ୍ ମିଟାଂ ମୁନ୍ଦିଲ୍ ବେନାଅ ବାଖାରାଏ ମନେ କେଃଆ, ଯାହାଁ ଠେନ୍ ଝତ ଇସ୍ରାଏଲ୍ ହଳ୍କ, ଈଶ୍ୱର୍ ବାବା କ ସେବା କାତେ ଦାଣେକ ଏମ୍ ଦାଳେଆୟା। ପାଲେଦ୍ ପୁନ୍ ସାଏ ବଛର୍ ହଳ୍ କ ଈଶ୍ୱର୍ ବାବାକ ସେବାଏଦ୍ ତାହେଁଦ୍ ଆର୍ ମୁସାୟ ବେନାଅ କୁମ୍ବାରେ ଈଶ୍ୱର୍ ବାବାଠେନ୍ ଦାଣେକ ଏମଃକାନ୍ ତାହେଁଦ୍।

![](https://cdn.door43.org/obs/jpg/360px/obs-en-17-07.jpg)

ମେନ୍‌ଖାନ୍ ନାଥନ୍ ଞୁତୁମ୍ ମିଦ୍ ହଳେ ତାହେଁକାନା। ଦାଉଦ୍‌ ନଆ କାଥା ଲାଇ ଖାତିର୍ ନାଥନ୍‌ ଭେଜା କେଦେଆଏ; “ଆମ୍ ଉଡିଗାନ୍ ଲାଢାଇ ଆକାଃ ଆମ୍, ଅନାଖାତିର୍ ନଆ ମୁନ୍ଦିଲ୍ ଇଞ୍ ଖାତିର୍ ଆଲମ୍ ବେନାୱା। ଆମ୍ ହପନ୍ ନଆଏ ବେନାୱା। ମେନଖାନ୍ ଏନ୍ତେରେହଁ ଆମ୍‌ ଇଞ୍ ଆଶିଷାମ୍ କାନାଞ୍। ଆମାଃ ବଂଶକ ତାଲାରେ ମିଦ୍ ହଳ୍, ଇଞ୍ଇଜ୍ ହଳ୍ କ ତାଲାରେ ଯାଏଯୁଗ୍ ଧାରିଜ୍ ରାଜ୍‌ଆଏ।” ଦାଉଦ୍‌ରେନ୍ ମିଦ୍ ଗଟାଂ ବଂଶ ଯାହାଁଏ ଯାଏଯୁଗ୍ ରାଜ୍ ଦାଳେୟା। ଖ୍ରୀଷ୍ଠ ହୁୟୁକାନା ଈଶ୍ୱର୍ ବାବାହା ବାଛାଅ ହପନ୍ କାନାଏ, ଯାହାଏଁ ଧାର୍ତିରେନ୍ ମାନ୍‌ୱା ଆକୱା କାଇଖନେ ଅୱାର୍ କଆଏ।

![](https://cdn.door43.org/obs/jpg/360px/obs-en-17-08.jpg)

ଯଖନ୍ ଦାଉଦ୍ ନାଥନ୍‌ଆ କାଥାଏ ଆଞମ୍ କେଃଆଏ,ଆଜ୍ ଈଶ୍ୱର୍ ବାବା ସାର୍‌ହାୱ କେଃଦେୟାଏ । ଉନି ଈଶ୍ୱର୍ ବାବା ସାର୍‌ହାୱା ଆର୍ ସେବା କେଃଦେୟାଏ। ଈଶ୍ୱର୍ ବାବା ଆଜ୍ ମାନତ୍ ଏକାନ୍ ତାହେଁଦ୍ ଆର୍ ଆଜ୍ ଉଡି ଢେର୍ ଆଶିଷ୍ ଆଏ କାନ୍ ତାହେଁଦ। ମେନ୍‌ଖାନ୍, ଈଶ୍ୱର୍ ବାବା ନଆ ଝତ କାମିଆଏ ମେନ୍ତେ ବାଏ ବାଡାଏ ଲେଦ୍ ତାହେଁଦ । ଆବ ନିତଃ ବାଡାୟାବ ଦ, ପାଲେ ମିଦ୍ ହାଜାର୍ ବଛର୍ ଆକ ଖ୍ରୀଷ୍ଠ ହିଜୁରେନା ତାଙ୍ଗି ହୁୟୁଆଃ।

![](https://cdn.door43.org/obs/jpg/360px/obs-en-17-09.jpg)

ଦାଉଦ୍ ରାଜା ଆଡିସେର୍ମାଏ ରାଜ୍ କେଆଏ ଆଜାଃ ହଳ୍ ଚେତାନ୍‌ରେ । ଆଜ୍ଃ ଈଶ୍ୱର୍ ଆ କାଥାଏ ଆଞମେଦ୍ ତାହେଁଦ୍, ଆର୍ ଈଶ୍ୱର୍ ଆଜ୍‌ ଆଶିଷା ଦେଆଏ । ଏନ୍‌ରେହଁ, ତିନା ବଛର୍ ତାୟମ୍ ଆଜ୍ ଈଶ୍ୱର୍ ବାବା ବିରଧ୍‌ରେ କାଇ କେଃଆଏ ।

![](https://cdn.door43.org/obs/jpg/360px/obs-en-17-10.jpg)

ମିଦ୍ ଦିନ୍ ଦାଉଦ୍ ଆଜାଃ ବାଖୁଲ୍ ରେ ଞେଲ୍ ବାଳା କେଃଆଏ ଆର୍ ମିଟାଂ ଉଡି ଚେର୍‌ହା ବାହୁ କୁଳି ଞେଲ୍ କେଦେୟାଏ । ଉନି ଆଜ୍ ବାଏ ବାଡାଏ ଲେଦେ ତାହେଁଦ୍, ମେନ୍‌ଖାନ୍ ବାଡାଏ ଞାମ୍ କେଃଆଦ ଆଜା ଞୁତୁମ୍ ବେଥ୍‌ସେବା।

![](https://cdn.door43.org/obs/jpg/360px/obs-en-17-11.jpg)

ଦାଉଦ୍ ସାଙ୍ଗିଞ୍ ଖନ୍ ଞେଲ୍ ବଦଲ୍‌ତେ ମିଦ୍ ହଳେ ଭେଜା କେଦେୟା ଆଜ୍ ସୁର୍‌ତେ ଆଗୁ ବାଖରା । ଦାଉଦ୍ ଆଜ୍ ସାଲା ଗିତିଜ୍ ଏନାଏ ଆର୍ ହଳ ଭେଜା ରୁଆଳ୍ କେଦେୟାଏ । କିଛି ଘାଳିଜ୍ ପରେତେ ବେଥ୍‌ସେବା ଦାଉଦ୍ ମିଟାଂ ସନ୍ଦେଶ୍ ଭେଜା କେଦାଏ ଦ ଆଜ୍ ହାମାଲ୍ ହଳ୍ମ ଆକାନାଏ ।

![](https://cdn.door43.org/obs/jpg/360px/obs-en-17-12.jpg)

ବେଥ୍‌ସେବା ଇଜ୍ ହେରେଲ୍ ଞୁତୁମ୍ ଦ ଉରିୟା। ଆଜ୍ ଦାଉଦ୍ ରେନ୍ ଝତଖନ୍ ବେସ୍ ସେନା ଭିତିର୍‌ରେ ମିଟାଂଏ ତାହେଁକାନା । ଅନା ବିଦାଲ୍‌ରେ ଲାଢାଇ ଖାତିର୍ ସାଙ୍ଗିଞ୍ ଲେନ୍ ତାହେଁଦ୍ । ଦାଉଦ୍ ଉରିୟାଗେ ଲାଢାଇ ଖନା ହହ କାତେ ଆଜା ଏରା ସାଲା ତାହେଁନ୍ ଖାତିର୍ ମେତାଃ ଦେୟାଏ । ମେନ୍‌ଖାନ୍ ଆର୍ ସେନାକ ଲାଢାଇରେ ତାହେଁକାନ୍ ଜଖା, ଉରିୟା ଅଳାଃ ଚାଲାଃ ଏ ମାନା କେଦ୍ କଆଏ । ଅନାତେ ଦାଉଦ୍ ଉରିୟା ଆର୍ ଦହଳା ଲାଢାଇ ଠେନ୍ ଏ ଭେଜା ରୁଆଳ୍ କାତେ ସେନା ଗଙ୍କେ ମେତାଃଦେୟାଏ, ଯାହାଁରେ ବାଇରିକ ଜ୍ୟସ୍ତି ଦାଳେୟାନକ ମେନାଃକଆ ଅଣ୍ଡେ ଭେଜାଏମେ ଯେମନ୍ ଗୁଜୁ ମାଏ । ନକା ହୁଇଏନା, ଲାଢାଇରେ ଗଜ୍ଏନା

![](https://cdn.door43.org/obs/jpg/360px/obs-en-17-13.jpg)

ଉରିୟା ଗଜ୍ ଏନ୍ ତାୟମ୍ ଦାଉଦ୍ ରାଜା ବେଥ୍‌ସେବା ବାପ୍ଲା ଏନାଏ । ଇନାତାୟମ୍ ଉନି ମିଟାଂ କଳା ଗିଦିରାଏ ଜନ୍ମ କେଦେୟା । ଦାଉଦ୍ ଯାହାଏଁ କାମି ଲେଃଆ, ଅନାଖାତିର୍ ଈଶ୍ୱର୍ ବାବା ଉଡି ଢେର୍‌ଏ ରାଗିଏନା, ଅନାଖାତିର୍ ଉନି ନାଥନ୍ ନାବିଗେ ଭେଜା କେଦେୟାଏ । ଦାଉଦ୍ ନିଜରା କାଇକ ଖାତିର୍ କାସ୍ତାୱ ଏନାଏ ଆର୍ ଈଶ୍ୱର୍ ବାବା ଆଜ୍‌ଗେ ଇକା କେଦେୟାଏ । ଦାଉଦ୍ ଆଜ୍ ଜିୱିଦ୍ ତାହେଁନ୍ ଧାରିଜ ଦୁଖ୍ଃ ବେଳାରେହଁ ଈଶ୍ୱର୍ ବାବାଏ ପାଞା ଲେଦେୟାଏ ଆର୍ ଅନାକ ବାତାୱ ଲେଃଆଏ ।

![](https://cdn.door43.org/obs/jpg/360px/obs-en-17-14.jpg)

ମେନ୍‌ଖାନ୍ ଦାଉଦ୍‌ଇଜ୍ ହପନେ ଗଜ୍ ଏନା। ନଂକା ଲେକାତେ ଦାଉଦ୍ ଈଶ୍ୱର୍ ବାବା ଦୁଖ୍ଃଏ ଏମାଃଦେଆ। ଆରହଁ, ଦାଉଦ୍‌ଆ ଗୁଜୁ ଧାବିଜ୍, ଆଜା ଅଳାରେନ୍ ତିଃନା ହଳ୍‌କ ଆଜ୍ ସାଲା କ ନେଆୱ ଏନା, ଆର୍ ଦାଉଦ୍ ଉଡିଗାନ୍ ଦାଳେ ଆଦ୍ କେଃଆଏ । ଈଶ୍ୱର୍ ବାବା ପାତିୟାଉ ଇଜ୍ ତାହେଁକାନା ଆର୍ ଏନ୍‌ରେହଁ ଆଜ୍ ଦାଉଦ୍ ଯାହାଁ ଲାଇୟାଃଦେ ତାହେଁ ଅନା କାମି କେଃଆଏ, ଦାଉଦ୍ ଆଜ୍‌ ବାଏ ବାତାୱ ଲେଦେରେହଁ। ତାୟମ ବେଥ୍‌ସେବା ଠେନଖନ୍ ଦାଉଦ୍ ଆର୍ ମିଟାଂ ହପନେ ଜାନାମ୍ କେଦେୟାଏ ଆର୍ ଉନିଆଃ ଞୁତୁମ୍ ସଲମନ୍।

*ସନତ୍ ପୁଥିୟାଃ କାହାନୀ: ୧ ଶାମୁଏଲାଃ ପୁଥି ୧୦:୧୫-୧୯;୨୪;୩୧; ୨ ଶାମୁଏଲାଃ ପୁଥି ୫; 7; ୧୧-୧୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_17_128kbps.m4a

## 18. ୧୮. ହାଟିଞାଃ କାନ୍ ଦିଶମ୍

https://openbiblestories.org/l/mjx/story-18/

![](https://cdn.door43.org/obs/jpg/360px/obs-en-18-01.jpg)

ଦାଉଦ୍ ରାଜା ପେ ଗେଲ୍ ବଛରେ ଆଇଦାରି କେଦାଃ ଇସ୍ରାଏଲ୍ ଚେତାନ୍ ରେ। ଅନା ତାୟମ୍ ଗଜ୍ ଏନାଏ ଆଜ୍ ହପନ୍ ସଲମନ୍ ରାଜ୍ କେଃଆଏ । ଅନା ତାୟମ୍ ଈଶ୍ୱର୍ ସଲମନ୍ ସାଲାଃତେ ରପଳେନା ଆର୍ ଆଜ୍‌ କୁଲି କେଦେୟା,ଉନି ଜାହାଁଏ ଞାମ୍ କାନା ଅନା ଈଶ୍ୱର୍ ଉନି ଖାତିର୍ କାମି ଦର୍‌କାର୍। ସଲମନ୍ କୁଲି କେଦେୟାଏ ଦ ଈଶ୍ୱର୍ ବାବା ଉନି ବୁଧିଆନ୍ ହଳ୍‌ଏ ବେନାୱ ଏୟା। ନଆ ଈଶ୍ୱର୍ ବାବା କୁସିଏନାଏ, ଅନାଖାତିର୍ ସଲ୍‌ମନ୍ ଦିଶମ୍ ରେନିଜ୍ ବୁଧିଆନ୍ ହଳେ ବେନାୱ କେଦେୟା। ସଲ୍‌ମନ୍ ଉଡିଗାନ୍ କାଥାଏ ଚେଦ୍‌କେଃଆ ଆର୍ ଉଡିମାରାଂ ବୁଧିଆନ୍ ରାଜା ହୁଇଏନା। ଈଶ୍ୱର୍ ବାବା ଆଜ୍ ଉଡିମାରାଂ କିଶାଣ୍ ହଳେ ବେନାୱ କେଦେୟା ।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଲମ୍ ରେ, ସଲମନ୍ ଅନା ମୁନ୍ଦିଲ୍ ବେନାୱ ଲେଦ୍ ତାହେଁଦ, ଯାହାଁ ଖାତିର୍ ଦାଉଦ୍ ରାଜାଏ ଇଛାଏ ତାହେଁ। ଆର୍ ଝତ ଲେକାନ୍ ସାପାବ୍ ମିଦ୍ ଠେନ୍ ଲେଃଆଏ । ହଳ୍‌କ ନିତଃ ଈଶ୍ୱର୍ କ ସାର୍‌ହାୱେ କାନା ଆର୍ ସାଜାୱ ତାମ୍ବୁ ବଦଲ୍‌ତେ ମୁନ୍ଦିଲ୍‌ରେ ଈଶ୍ୱର୍ ଠେନ୍ ଦାଣେକ ଏମେଃ ତାହେଁଦ୍ । ଈଶ୍ୱର୍ ହେଜ୍‌କାତେ ଅଣ୍ଡେ ଆଜାଃ ଦାଳେ ତାହେନ୍ କାନ୍ ତାହେଁଦ ।

![](https://cdn.door43.org/obs/jpg/360px/obs-en-18-03.jpg)

ମେନଖାନ୍ ସଲମନ୍ ଏଟାଃ ଦିଶମ୍‌ରେନ୍ କୁଳିକ ଦୁଲାଳ୍ କେଦ୍ କଆଏ ଆର୍ ବାପ୍ଲା କାତେ ଈଶ୍ୱର୍ ଏ ବାଗି କେଦେୟା। ଉନ୍‌କୁ ତାଲାରେ ପାଲେଃ ମିଦ୍ ହାଜାର୍! ନୁକୁ କୁଳିକ ତାଲାରେ ଉଡିଗାନ୍ ଏଟା ଦିଶମ୍ ଖନ୍ ହେଜ୍‌କାତେ ଆକୱା ବଙ୍ଗାକ ସାୱଁତେ ଆଗୁକାତେ ସାର୍‌ହାୱକ ତାହେଁଦ। ସଲ୍‌ମନ୍ ହାଳାମ୍ ଏନାଏ, ଆର୍ ଆଜ୍‌ହଁ ଉନ୍‌କୁ ବଙ୍ଗାଏ ସେବାକ ତାହେଁଦ।

![](https://cdn.door43.org/obs/jpg/360px/obs-en-18-04.jpg)

ଈଶ୍ୱର୍ ନଙ୍କା ଲେକାତେ ସଲମନ୍ ଚେତାନ୍‌ରେ ରାଗି ଏନାଏ। ଈଶ୍ୱର୍ ଲାଇ କେଆଏ ଦ ଇସ୍ରାଏଲ୍ ବାରେୟା ଦିଶମ୍‌ରେ ହାଟିଞ୍‌ କାତେ ସାସେତ୍ ଇଞ୍ ଏମାକଆ। ସଲମନ୍ ଆ ଗୁଜୁ ତାୟମ୍ ଉନି ନଆଏ ଲାଇକେଆଏ।

![](https://cdn.door43.org/obs/jpg/360px/obs-en-18-05.jpg)

ସଲ୍‌ମନ୍ ଆଃଜ୍ ଗଜ୍ ତାୟମ୍ ଆଜ୍ ହପନ୍ ରାହାବିଆମ୍ ରାଜାଏ ବେନାୱ ଏନା। ଇସ୍ରାଏଲ୍ ରେନ୍ ଝତ ହଳ୍ ମିଦ୍ ଠେନ୍‌କାତେ ଆଜ୍ ଗେ ଆକୱା ରାଜା ଲେକାକ ମାନାୱ କେଦେୟା। ଆକ ରାହାବିଆନ୍ ଠେନ୍ କ ନେହର୍ କେଃଆ ଦ ସଲମନ୍ ଆକ ଉଡି ଢେର୍ କାମି ହଚୟେଦ୍ କ ତାହେଁଦ, ଆର୍ ଉଡି ଢେର୍ ପୁଇସା ଇଦିଃ ତାହେଁଦ୍। ଆକ କମ୍ କାମି ବାଖ୍‌ରାତେ ରାହାବିଆନ୍ ଠେନ୍‌କ ନେହର୍ କେଃଆ।

![](https://cdn.door43.org/obs/jpg/360px/obs-en-18-06.jpg)

ମେନ୍‌ଖାନ୍ ରାହାବିଆନ୍ ଆକ ଉଡି ମୁର୍ଖୁ ଲେକାଏ ମେତାହା କଆଏ। ଉନି ନଙ୍କାଏ ମେତାହାଦ୍ କଆ ଆପେ ପେ ମେନ୍‌ଏଆଃ ଇଞ୍ ବାବା ଆପେକ ଆଡି ଢେର୍ କାମି ହଚୟେ ପେ ତାହେଁ। ମେନ୍‌ଖାନ୍ ଇଞ୍ ଆଜ୍ ଖନା ଜାସ୍ତି କାମି ହଚପେୟା ଆର୍ ଆଜ୍ ଚେଦ୍ ଲେକାଏ ଦୁଖ୍‌ତେ ଦହଲେଦ୍ ପେୟାଏ ଇଞ୍ ଅନାଖନ୍ ଜାସ୍ତି ଦୁଃଖ୍ ରେଞ୍ ଦହପେୟା।

![](https://cdn.door43.org/obs/jpg/360px/obs-en-18-07.jpg)

ନଆ କାଥା ଆଞମ୍ କାତେ ଅନା ଭିତିର୍ ଖନ୍ ତିନାଃ ହଳ୍ ବିରୁଧ୍ ଏନାକ। ଗେଲ୍ ଗଟାଂ ଜ୍ୟାତ୍ ଆଜ୍‌କ ବାଗି କେଦେୟା ଆର୍ ବାରେୟା ଜ୍ୟାତ୍ ରେନ୍ ହଳ୍ ତାହେଁଏନାକ ଆଜ୍ ସାଲାଃ। ନୁକୁ ବାରେୟା ଜାତ୍ ରିନ୍ ହଳ୍ ଯିହୁଦା ଦିଶମ୍ ରିନ୍ ମେନ୍ତେକ ବାଡାୟେନା।

![](https://cdn.door43.org/obs/jpg/360px/obs-en-18-08.jpg)

ଗେଲ୍ ଗଟାଂ ଜ୍ୟାତ୍ ରେନ୍ ହଳ୍‌ଦ ଜେରବମ୍ ଞୁତୁମାନ୍ ହଳ୍‌ ରାଜାକ ବେନାୱ କେଦେୟା। ନୁକୁ ହଳ୍ ଅନା ଦିଶମ୍ ରେନା ଉତ୍ତର୍ ନାଖାରେ ଆଜ୍ ସାଲାଃକ ତାହେଁ ଏନା। ଆକଦ ଇସ୍ରାଏଲ୍ ହଳ୍ ମେନ୍ତେ କ ମେତାହାଦ୍ କଆ।

![](https://cdn.door43.org/obs/jpg/360px/obs-en-18-09.jpg)

ଯେରବାନ୍ ଈଶ୍ୱର୍ ବିରୁଧ୍ ଏନାଏ ଆର୍ ହଳେ କାଇ ହଚ କେଦ୍ କଆଏ। ଆଜ୍ ଆଜ୍‌ରେନ୍ ହଳ୍ ଖାତିର୍ ବାରେୟା ବଙ୍ଗା ବେନାଅ କାତେ ସେବା ହଚ କେଦ୍ କଆଏ। ଯିହୁଦା ଦିଶମ୍ ରା ଯିରୁସାଲାମ୍ ରେ ମେନାଃ ଈଶ୍ୱରା ମୁନ୍ଦିଲ୍ ବାକ ଚାଲାୱ ଏନା, ଆର୍ ବିନ୍ତିହଁ ବାକ ବିନ୍ତିଲେଆ।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ଆର୍ ଇସ୍ରାଏଲ୍ ଆପାନ୍ ଆପିନ ବାଇରିକିନ୍ ବେନାୱ ଏନା ଆର୍ ଆକ ଭିତିର୍ ରେକ ଲାଢାଇ କେଃଆ।

![](https://cdn.door43.org/obs/jpg/360px/obs-en-18-11.jpg)

ଇସ୍ରାଏଲ୍ ରାଃ ନାୱା ଦିଶମ୍ ରେ ଝତ ରାଜା ବାଳିଜ୍ କ ତାହେଁକାନା। ଉନ୍‌କୁ ଭିତିର୍ ଖନ୍ ଆଡିଗାନ୍ ରାଜାକ ଏଟାଃ ଇସ୍ରାଏଲ୍ ଠେନ୍‌କ ଗଜ୍ଃ ହଚଲେନା ଅକୟେକ ଆକଃଆ ଠାଁଅରେ ରାଜାଃ ଲାଗିଦ୍ଃ କ ମନେୟେଦ୍ଃ ତାହେଁଦଃ।

![](https://cdn.door43.org/obs/jpg/360px/obs-en-18-12.jpg)

ଇସ୍ରାଏଲ୍ ଭିତିର୍ ରେନ୍ ଉଡି ଢେର୍ ହଳ୍ ଆର୍ ରାଜା କହଁ ବେନାଅବଙ୍ଗାକ ସାର୍‌ହାୱ କ ତାହେଁଦ୍। ସାର୍‌ହାୱ ଜଖା ଦାରି କୁଳି ସାଲାଃକ ଗିତିଜ୍ କାନ୍ ତାହେଁଦ ଆର୍ ତାଲା ତାଲାରେ ବେନାଅବଙ୍ଗାକ ଠେନ୍ ଗିଦ୍‌ରାକ ଦାଣେଏଦ୍ କ ତାହେଁଦ୍।

![](https://cdn.door43.org/obs/jpg/360px/obs-en-18-13.jpg)

ଯିହୁଦା ରେନ୍ ରାଜାଦ ଦାଉଦ୍ ବଂଶକ ତାହେଁୟା। ଅନା ଭିତିର୍ ଖନ୍ ତିନାଃ ବୁଗି ରାଜାକ ତାହେଁଆ, ଭାଗିକ ରାଜେଃ ତାହେଁଦ୍ ଆର୍ ଈଶ୍ୱର୍ କ ବିନ୍ତିଏ ତାହେଁଦ୍। ମେନ୍‌ଖାନ୍ ଯିହୁଦା ଦିଶମ୍ ରେନ୍ ରାଜା ବାଳିଜ୍‌କ ତାହେଁ କାନା। ଉନକୁ ଆଥାଳି ଗେକ ରାଜ୍‌ଏ ତାହେଁଦ୍ ଆର୍ ବେନାଅବଙ୍ଗାକ ସେବା କେଦେଆ। ନୁକୁ ରାଜା ଭିତିରେ ତିନାଗାନ୍ ଆକରିନ୍ ଗିଦ୍ରାକ ବେନାଅବଙ୍ଗାକ ବଙ୍ଗାଏଦ୍ କ ତାହେଁଦ୍। ଯିହୁଦା ଭିତିର୍ ଖନା ଉଡିଢେର୍ ହଳ୍ ଈଶ୍ୱର୍ ବିରୁଧ୍ କେଆକ ଆର୍ ଏଟା ବଙ୍ଗାକ ସେବା କେଦ୍ କଆକ।

*ସନତ୍ ପୁଥିୟାଃ କାହାନୀ: ୧ ରାଜାବୁଳି ପୁଥି ୧-୬;୧୧-୧୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_18_128kbps.m4a

## 19. ୧୯. ମାଣାଂ କାଥା ଲାଲାଇଜ୍ଃ

https://openbiblestories.org/l/mjx/story-19/

![](https://cdn.door43.org/obs/jpg/360px/obs-en-19-01.jpg)

ଈଶ୍ୱର୍ ବାବା ମାଣାଂ କାଥା ଲାଲାଇକ ସାରା ଘାଳିଜ୍ଃ ଇସ୍ରାଏଲ୍ ହଳ୍‌କ ଠେନ୍ କ ଭେଜାୟେଦ୍ଃକ ତାହେଁଦ୍ଃ। ମାଣାଂ କାଥା ଲାଇ ହଳ୍‌କ ଈଶ୍ୱର୍ ବାବା ଠେନ୍‌ଖନ୍ କାଥା ଆଗୁକାତେ ଇସ୍ରାଏଲ୍ ହଳ୍‌କ ଠେନ୍‌ କ ଲାଇୟେଦ୍ଃ ତାହେଁଦଃ।

![](https://cdn.door43.org/obs/jpg/360px/obs-en-19-02.jpg)

ଏଲିୟ ହଁ ମିଃଟ୍‌ଟିଜ୍ଃ ମାଣାଂ କାଥା ଲାଇ ହଳେ ତାହେଁ କାନାଏ ତିନ୍ ଜଖାଃ ଆହାବ୍ ଇସ୍ରାଏଲ୍ ରିନ୍ ରାଜାଏ ତାହେଁକାନା। ଆହାବ୍ ମିଃଟାଂ ବାଳିଜ୍ଃ ହଳେ ତାହେଁକାନା। ଉନି ଇସ୍ରାଏଲ୍ ରିନ୍ ହଳ୍‌କକେ ବାଆଲ୍ ଞୁତୁମାନ୍ ମିଃଟାଂ ବଙ୍ଗା ସେବା ହଚକ ଲାଗିଦ୍ଃତେ କୁରୁମୁଟୁୟେଦ୍ଃ ତାହେଁଦଃ। ଈନାଖାତିର୍ ଏଲିୟ ଆହାବ୍‌ ରାଜାଏ ମେତାଃଦେୟାଏ ଈଶ୍ୱର୍ ବାବା ହଳ୍‌କ ହାର୍‌କେତ୍ ଏମାକ ଲାଗିଦ୍ଃ ଚାଲାଃ କାନାଏ। “ଇଞ୍ ବାଂ ଲାଇ ଧାରିଜ୍ ତେ ନଆଁ ଇସ୍ରାଏଲ୍ ଦିଶମ୍‌ରେ ଦାଃ ଆର୍ ଶିଶିର୍ ହଁ ବାଏ ଞୁରା,” ନଆଁ କାଥା ଆଞମ୍ କାତେ ଆହାବ୍ ଉଡିଗାନେ ରାଗିଏନା ଅନାତେ ଏଲିୟ ଗଜେ ଖାତିରେ ଉଇହାର୍ କେଃଆ।

![](https://cdn.door43.org/obs/jpg/360px/obs-en-19-03.jpg)

ଅନାତେ ଈଶ୍ୱର୍ ବାବା ଏଲିୟଏ ମେତାଃ ଦେୟାଏ ଆହାବ୍ ଠେନ୍‌ଖନ୍ ଆତୁ ମୁଚେଦ୍ଃ ଲାଟାରେ ଚାଲାୱ କାତେ ଆମ୍‌ଦ ଉକୁନମେ। ଈଶ୍ୱରାଃ କାଥା ଲେକାତେ ଏଲିୟ ଲାଟା ଭିତିରେୟାଃ ଝାର୍‌ନା ଠେନ୍‌ଏ ତାହେଁ ଏନାଏ। ଦିନ୍ ସେତାଃ ଆର୍ ଦିନ୍ ଆୟୁବ୍ଃ ଚେଣେକ ଏଲିୟ ଜମାଃ ପିଠା ଆର୍ ଜିଲ୍ କ ଆଗୁଆଏକାନ୍ ତାହେଁଦଃ। ଅନା ଭିତିର୍‌ରେ ଅହାବ୍ ଆର୍ ଆଜ୍ଃରିନ ସେନାକ ଏଲିୟ କ ପାନ୍ତେଏକାନ୍ ତାହେଁଦଃ ମେନ୍‌ଖାନ୍ ବାକ ଞାମ୍ ଲେଦେୟା।

![](https://cdn.door43.org/obs/jpg/360px/obs-en-19-04.jpg)

ମେନ୍‌ଖାନ୍ ଅନା ଦିଶମ୍‌ରେ ଆର୍ ବାଏ ଦାଃ କେଃଆ ଉଡି ଦିନ୍ ଧାରିଜ୍, ଝାର୍‌ନା କ ଝତ ରହଳ୍ ଚାବାୟେନା। ଅନା ଖାତିର୍ ଏଲିୟ ଅନା ସୁର୍‌ରେନାଃ ଆର୍ ମିଟାଂ ଦିଶମ୍‌ତେ ଚାଲାୱ ଏନାୟେ। ଅକା ଦିଶମ୍‌ରେ ମିଟାଂ ବୁଢି ଆର୍ ଆଜ୍ଃ ରିନ୍ ମିଟାଂ ହପନ୍ ମେସାକାତେ ବାର୍ ହଳ୍‌କିନ୍ ତାହେଁକାନା। ଆର୍ ଆକିନ୍‌ହଁ ଅନା ଦିଶମ୍ ଖନ୍‌କିନ୍ ଦାଃଳ୍ ଉଡୁକ୍ ଏନା ଚେଦାଃସେ ଅଣ୍ଡେ ଚାଷ୍ ବାଏ ହୁୟୁଃ କାନ୍ ତାହେଁଦ୍। ଏନ୍ତେରେହଁ ଉନି ବୁଢି ଏଲିୟ ଆଃ ଯତନ୍ ଇଦି ତାହେଁଦ୍, ଈଶ୍ୱର୍ ବାବା ଆକିନ୍‌ ଜମାଃ ଜୁଗାୱା କିନ୍ ତାହେଁଦ। ଉନି ବୁଢିଆ ଜାର୍‌ରେନା ଆଟା ଆର୍ ବୁତୁଲ୍ ରେନା ସୁନୁମ୍ ତିସ୍‌ରେହଁ ବାଏ ଚାବାଏନା। ଆକାଲ୍ ଗଟା ଆକଠେନ୍ ଜଃମା ବାଏ ଅଭାବ୍ ଲେନ୍ ତାହେଁଦଃ। ଏଲିୟ ଅଣ୍ଡେ ପେ ସେର୍ମାଏ ତାହେଁଲେନା।

![](https://cdn.door43.org/obs/jpg/360px/obs-en-19-05.jpg)

ପେ ସେର୍ମା ତାଲା ତାୟମ୍ ଈଶ୍ୱର୍ ବାବା ଏଲିୟ ଏ ମେତାଃ ଦେୟା ନିତଃ ଆର୍ ମିଦ୍ଃ ଧାୱେମ୍ ଦାଃ ହଚ ଦାଳେୟାଃଆମ୍। ଈଶ୍ୱର୍ ବାବା ଏଲିୟ ମେତାଃ ଦେୟାଏ ଆହାବ୍ ସାଲାଃ ରପଳ୍ ଖାତିର୍ ଇସ୍ରାଏଲ୍ ଦିଶମ୍ ରୁଆଳ୍‌ମେ। ଅନା ତାୟମ୍ ଏଲିୟ ଇସ୍ରାଏଲ୍ ଦିଶମ୍ ରୁଆଳ୍ ଏନାଏ। ତିନ୍‌ଜଖାଃ ଅହାବ୍ ଏଲିୟ ଞେଲ୍ କେଦେୟା ମେତାଃ ଦେୟାଏ ଆମ୍ ଉଡି ବାଲିଜ୍ ହଳ୍ କାନାମ୍, ଏଲିୟ ମେନ୍ ରୁଆଳ୍ କେଃଆଏ ଆମ୍‌ଦ ଉନିକାନାମ୍ ଯାହାଁଏ ଝତ ହଳେଃ ହାର୍‌କେତ୍ ଲେଦ୍ କଃଆଏ! ଆମ୍‌ଦ ଈଶ୍ୱର୍ ବାବା ବାମ୍ ପାତିୟାଉ ଏଦ୍ ତାହେଁଦ୍। ଉନିଦ ସାରି ଈଶ୍ୱର୍ ତାହେଁଦ୍ ମେନ୍‌ଖାନ୍ ଆମ୍‌ଦ ବାଆଲ୍ ବଙ୍ଗାଗେମ୍ ସେବାଏ ତାହେଁଦ। ନିତଃଦ ଆମ୍ ଇସ୍ରାଏଲ୍ ରେନ୍ ଝତ ହଳ୍ କ କାର୍ମେଲ୍ ବୁରୁ ଆଗୁ ହୁୟାମାଃ।

![](https://cdn.door43.org/obs/jpg/360px/obs-en-19-06.jpg)

ଅନାତେ ଇସ୍ରାଏଲ୍ ରେନ୍ ଝତ ହଳ୍‌କ କାର୍ମେଲ୍ ବୁରୁକ ଚାଲାୱ ଏନା। ଯାହାଏଁକ ବାଆଲ୍‌ଆ ସାନ୍ଦେସ୍ କ ମେନେଦ୍ ତାହେଁଦ୍ ଉନକୁ ହଁକ ହେଜ୍ଃ ଏନା। ନୁକୁଦ ବାଆଲ୍‌ଆଃ ମାଣାଂ କାଥା ଲାଇକକ ତାହେଁ କାନା। ଉନ୍‌କୁ ତାଲାରେ ୪୫୦ ହଳ୍‌କ ତାହେଁ କାନା। ଏଲିୟ ଉନ୍‌କୁଇ ଲାଇୟଦ୍ କଆଏ, ‘ତିନା ଦିନ୍ ଆପେଦ ମନେ ବାପେ ଆଚୁରା? ଯୁଦି ୟୋହବା ସାରି ଈଶ୍ୱର୍ କାନାଏ ତବେ ଉନିଗେ ସେବବାଏ ପେ! ଯୁଦି ବାଆଲ୍ ଈଶ୍ୱର୍ କାନାଏ ତବେ ଉନି ସେବାଏ ପେ!’

![](https://cdn.door43.org/obs/jpg/360px/obs-en-19-07.jpg)

ଇନାତାଯମ୍ ଏଲିୟ ବାଆଲ୍‌ରିନ୍ ହଳ୍‌କ ମେତାଃଦ୍ କଆଏ, “ମେଟାଂ ଷେଣ୍ଢ ଗଜେପେ ଆର୍ ହପନ୍ ହପନ୍ ଗେଦ୍‌କାତେ ଅନାକ ଦାଣେ ଲେକାତେ ବଙ୍ଗା ପିଣ୍ଡିରେ ଦହୟେପେ ମେନ୍‌ଖାନ୍ ସେଙ୍ଗେଲ୍ ଆଲପେ ଜୁଲ୍‌ଆଃ। ଇନାତାୟମ୍ ଇଞ୍‌ହଁ ଅନ୍‌କାଞ୍ କରାୱା, ଆର୍ ଇଞ୍ ଅନା ଜିଲ୍ ଏଟା ବଙ୍ଗା ପିଣ୍ଡିରେଇଞ୍ ଦହୟାଃ। ଅନା ତାୟମ୍ ଯୁଦି ଈଶ୍ୱର୍ ବାବା ସେଙ୍ଗେଲ୍‌ଏ ଭେଜାୟାଃ ତବେ ଆପେପେ ବାଡାୟା ଦ ଉନି ସାରି ଈଶ୍ୱର୍ କାନାଏ।” ଅନାତେ ବାଆଲ୍ ରିନ୍ ନବିକ ମେଟାଂ ଦାଣେକ ଞାମ୍ କେଦେୟା ଆର୍ ସେଙ୍ଗେଲ୍ ହଁ ବାକ ଜୁଲ୍ କେଃଆ।

![](https://cdn.door43.org/obs/jpg/360px/obs-en-19-08.jpg)

ଇନାତାୟମ୍ ବାଆଲ୍ ରିନ୍ ନବିକ ବାଆଲ୍ ଠେନ୍‌କ ବିନ୍ତି କେଃଆ, “ବଆଲ୍ଏ ଆଞମ୍ କେଃଆ!” ଦିନ୍‌ସାରା ଆକକ ବିନ୍ତି କେଃଆ ଆର୍ ହୁରିକାତେ ଆକଆଃ ହଳ୍‌ମକ ଛୁରିତେକ ଗେଦ୍ଃ କେଃଆ ମେନ୍‌ଖାନ୍ ବାଆଲ୍ ବାଏ ଆଞମ୍ ଲେଆଃ ଆର୍ ସେଙ୍ଗେଲ୍ ବାଏ ଭେଜା କେଃଆ।

![](https://cdn.door43.org/obs/jpg/360px/obs-en-19-09.jpg)

ବାଆଲ୍ ରିନ୍ ନାବିକ ପାଲେଦ୍ ଦିନ୍‌ସାରାକ ବିନ୍ତି କେଃଆ। ମୁଚାଦ୍‌ରେ ବିନ୍ତିକ ବନ୍ଦ୍‌କେଃଆ। ଇନାତାୟମ୍ ଏଲିୟ ଆର୍ ମିଟାଂ ଷେଣ୍ଢଆଃ ଜିଲ୍ ଈଶ୍ୱର୍ ବାବା ଆର୍ମିଟାଂ ବଙ୍ଗା ପିଣ୍ଡରେ ଦହ କେଃଆଏ। ଇନାତାୟମ୍, ଏଲିୟ ହଳ୍‌କେ ମେତାଃଦ୍ କଆଏ ଜିଲ୍, ସାହାନ୍ ଆର୍ ବଙ୍ଗା ପିଣ୍ଡିରାଃ ପୁନ୍ ଧାରେ ପୁରାଃବାଂ ଅଦାଃ ଧାବିଜ୍ ଦାଣେ ଚେତାନ୍ ରେ ମିଦ୍ଃଗେଲ୍ ବାର୍ କାଳ୍‌ସା ଦାଃ ଦୁଲ୍‌ପେଃ।

![](https://cdn.door43.org/obs/jpg/360px/obs-en-19-10.jpg)

ଇନାତାୟମ୍ ଏଲିୟ ବିନ୍ତି କେଃଆଏ, “ୟୋହବା! ଆବ୍ରାହାମ, ଇଶାକ୍ ଆର୍ ଯାକବ୍‌ଆଃ ଈଶ୍ୱର୍ ଲେକାତେ, ତେହେଞ୍ ଆଲେ ଦେଖାୱା ଲେମ୍ ଆମ୍ ଇସ୍ରାଏଲ୍ ରିନ୍ ଈଶ୍ୱର୍ ଆର୍ ଇଞ୍ ଆମିଜ୍ ଗୁତି। ରଳ୍ରୁଆଳ୍ ଇଞ୍ ମେ ଚେଦ୍ଃ ଲେକାତେ ଉନ୍କୁ ହଳକ ବାଡାୟେ ଦାଳେଆଃ ଆମ୍ ସାରିଗେ ଈଶ୍ୱର୍ କାନାମ୍ ମେନ୍ତେ।”

![](https://cdn.door43.org/obs/jpg/360px/obs-en-19-11.jpg)

ଆର୍ ଇନାସାୱଁତେଗେ ସେର୍ମାଖନ୍ ସେଙ୍ଗେଲ୍ ଞୁର୍‌ଏନା। ନଆ ସେଙ୍ଗେଲ୍ ଜିଲ୍,ସାହାନ୍, ଧୀରି, ହାସା ଆର୍ ନକାଦ ଦାଃ ଆର୍ ବଙ୍ଗା ପିଣ୍ଡି ସୁର୍‌ରେ ଯାହାଁ ତାହେକାନା ଝତ ଜୁଲ୍ ଫାର୍‌ଚା ଏନା। ତିନ୍‌ଜଖା ନଆ ହଳ୍‌କ ଞେଲ୍ କେଃଆ ଅତ୍‌ରେ ଅବର୍ କାତେ ଲାଇକେଃଆକ ୟୋହବା ନୁଇଗେ ଈଶ୍ୱର୍ କାନାଏ ।

![](https://cdn.door43.org/obs/jpg/360px/obs-en-19-12.jpg)

ଇନାତାୟମ୍ ଏଲିୟ ମେନ୍‌କେଃଆଏ ବାଆଲ୍ ରିନ୍ ନବିକ, “ଆଲପେ ଚାଲାୱ ହଚଆ କଆ!” ଅନାତେ ହଳ୍‌କ ଉନ୍‌କୁ ନବିକକେ ସାବ୍ ଦହ କେଃକଆକ ଆର୍ ଅନା ଜାଗାଖନ୍ ସାଙ୍ଗିଞ୍ ଇଦିକାତେ ଗଜ୍ଃ କେଦ୍ଃ କଆକ।

![](https://cdn.door43.org/obs/jpg/360px/obs-en-19-13.jpg)

ଇନାତାୟମ୍ ଏଲିୟ ଆହାବ୍ ରାଜାଗେ ମେତାଃ ଦେୟାଏ, “ଲାଗେ ଅଳାଃ ହିଜୁମେ ଚେଦାଃସେ ହେନ୍ଦେ ରିମିଲ୍ ସାୱଁତେ ଦାଃ ହିଜୁକାନା।“ ଆଡିଲଗନ୍ ରିମିଲ୍ ହେନ୍ଦେଚାବାୟେନା ଆର୍ ଆଡିଜୁର୍ ତେ ଦାଃହେଜ୍ଏନା। ଈଶ୍ବର ବାବା ଆକାଲ୍ ସେର୍ମା ଚାବାଏଦ୍ଃ ତାହେଁଦ୍। ଅନାହଁ ଦର୍ଶାଅ କେଆଏ ଦଃ ଉନିଗେ ସାରି ଈଶ୍ବର।

![](https://cdn.door43.org/obs/jpg/360px/obs-en-19-14.jpg)

ତିନ୍ ଜଖା ଏଲିୟ କାମି ଚାବା କେଃଆଏ, ଈଶ୍ୱର୍ ବାବା ଏଲିଶାଗେ ନାବି ଖାତିର୍ ବାଛାଅ କେଦେୟାଏ। ଈଶ୍ୱର୍ ବାବା ଆଡି ହାହାଳା କାମିକ ଏଲିଶା ତିଃତେ କରାୱ କେଃଆଏ। ଅନାଖନ୍ ମିଟାଂ ହାହାଳା କାମି ନାମାନ୍‌ଠେନ୍ କରାଅ ଲେଃଆଏ। ଆଜ୍ ମିଟାଂ ସେନା ଗଟ୍ ରେନିଞ୍ ଗଙ୍କେ ତାହେଁଆଏ ମେନ୍‌ଖାନ୍ ଉଡି ବାଳିଜ୍ ହାର୍ତା ବେମାର୍ ଞାମ୍ ଲେଦେୟାଏ। ନାମାନ୍ ଏଲିସା ବାଖରାତେ ଆଞମ୍ କେଃଆଏ ଅନାତେ ଆଜ୍ ଠେନ୍ ଚାଲାୱ ଏନାଏ ଆର୍ ବୁଗିଞ୍ ମେ ମେନ୍ତେ ମେତାଃ ଦେଆଏ। ଏଲିସା ମେତାଃ ଦେଆଏ ଯର୍ଦନ୍ ଗାଡା ଚାଲାୱ କାତେ ଏୟାଏ ଧାଅ ଡୁବୁଜ୍ଃ ମେ।

![](https://cdn.door43.org/obs/jpg/360px/obs-en-19-15.jpg)

ନାମନ୍ ରାଗିଏନାଏ। ଉନି ନଆ କାମି ଖାତିର୍ ଏ ମାନା କେଃଆଏ ଚେଦାସେ ନଆ କାମି ବକାଲେକାଏ ବୁଝାୱ କେଃଆଏ। ମେନ୍‌ଖାନ୍ ତାୟମ୍‌ତେ ମନେ ବଦଲ୍ କେଃଆଏ। ଆଜ୍ ଚାଲାୱ କାତେ ଯର୍ଦନ୍ ଗାଡା ଚାଲାୱ କାତେ ଦାଃରେ ୟାଏଃ ଧାଅ ଡୁବା ଏନାଏ। ତିନ୍‌ଜଖା ଦାଃ ଖନ୍ ଅଡକ୍ ଏନାଏ ଈଶ୍ୱର୍ ବାବା ବୁଗି କେଦେୟାଏ।

![](https://cdn.door43.org/obs/jpg/360px/obs-en-19-16.jpg)

ଈଶ୍ୱର୍ ବାବା ଇସ୍ରାଏଲ୍ ହଳ୍ ଠେନ୍ ଆରହଁ ଏଟା ନାବି କଏ ଭେଜାକେଦ୍ କଆଏ। ଉନ୍‌କୁ ହଲ୍ ବେନାଅ ବଙ୍ଗା ଖାତିର୍ ମାନା କେଦ୍ କଆକ। ଅନା ବଦଲ୍‌ତେ ଆପେ ନିଜ୍ ଠେନ୍‌ଗେ ଦାୟା ଆର୍ ଦୁଲାଳ୍ ଦହୟେପେ। ନାବିକ ଲାଇକେଃଆ ବାଳିଜ୍ ଦଃ ବନ୍ଦ୍ ପେ ଆର୍ ଈଶ୍ୱର୍ ବାବା ସେବା କାତେ ବୁଗି କାମିପେ। ଯୁଦି ଆପେ ନକା ବାପେ କାମିଆ ଏନ୍‌ଖାନ୍ ଈଶ୍ୱର୍ ବାବା ରାଗିକାତେ ଆପେ ଦୁଖ୍ଏ ଏମାପେୟା ।

![](https://cdn.door43.org/obs/jpg/360px/obs-en-19-17.jpg)

ଏନନ୍ତେ ରେହଁ ହଳ୍‌କ ଈଶ୍ୱର୍ ବାକ ବାତାୱା ଦେଆ। ତାଲା ତାଲାରେ ନାବିକ ବାଂ ବାତାୱ କାତେ ଗଜ୍ଃଏଦ୍ କ ତାହେଁଦ୍। ମିଦ୍ ଧାଅ ଯିରିମିଅ ଞୁତୁମ୍ ମିଟାଂ ନାବି ମିଦ୍ ରହଳ୍ କୁଇଁରେକ ଞୁର୍ କାତେ, ଗୁଜୁ ବାଖରାକ ବାଗି କେଦେୟା। ଉନି କୁଇଁରେନା ଲସଦ୍ ଡୁବାଃ କାନ୍ ତାହେଁଦ। ମେନ୍‌ଖାନ୍ ରାଜା ଦାୟା କେଦେୟାଏ ଆର୍ ଆଜ୍ ରେନ୍ ସେନା କ ଆଉରି ଗୁଜୁ ମାଣାଂତେ ଅଡକ୍ ବାଖରାଏ ମେତାଃଦ୍ କଆ।

![](https://cdn.door43.org/obs/jpg/360px/obs-en-19-18.jpg)

ନାବିକ ଦିନ୍ ଦିନ୍‌ଗେ ଲାଇ ବାଖରାତେ ଚାଲାଃ କାନ୍ ତାହେଁଦ ଯାହାଁଲେକାକି ଅକଏକ ହିର୍କାକ ତାହେଁଦ ଉନ୍‌କୁହ। ନାବିକ ଉନ୍‌କୁ ମେତାଃଦ୍ କଆଏ ଆପେ ଯୁଦି ମନେ ବାପେ ବଦଲା ଈଶ୍ୱର୍ ଆପେକ ନାସ୍ ପେ ଆଏ। ଆର୍ ଆକ ଉଇହାର୍ କେଃଆକ ମସିହଃ ହିଜୁ ବାଖ୍ରାତେ ଈଶ୍ୱର୍ ବାବାଏ କାଥା ଏମାଦ୍ଃ କଆଏ।

*ସନତ୍ ପୁଥିୟାଃ କାହାନୀ: ୧ ରାଜାବୁଳି ପୁଥି ୧୭-୧୮; ୨ ରାଜାବୁଳି ୫; ଯିରିମିୟଃ ୩୮*

Audio: https://git.door43.org/OBS-TLF/mjx_obs/releases/download/v1/mjx_obs_v1_19_128kbps.m4a

## 20. ୨୦. ଞିର୍ ବାଗିକାତେ ଆର୍‌ହଁ ରୁଆଳ୍ ହେଜୁ

https://openbiblestories.org/l/mjx/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ୍ ଦିଶମ୍ ଆର୍ ଯିହୁଦି ଦିଶମ୍ ବାନାର୍ ଇଶ୍ୱରା ବିରୁଧ୍ ରେକିନ୍ କାଇକେଃଆ। ଉନ୍‌କୁ ସିନାଇ ଠେନ୍ ଈଶ୍ୱର୍ ଠେନ୍ ତପଲ୍ ଲେଦ୍ କାଥାକ ତପାଃକେଃଆ। ଈଶ୍ୱର୍ ଆଜ୍‌ରେନ୍ ନାବିକ ମନ୍‌କ ଆଚୁର୍ ଲାଗିଦ୍‌ତେ ଆର୍ ଦହଳା ଈଶ୍ୱର୍ କ ସାର୍‌ହାୱ ମା ମେନ୍ତେ ଭେଜାକେଦ୍ କଆଏ, ମେନ୍‌ଖାନ୍ ଆକ ଅନା ବାତାୱ ଲାଗିଦ୍‌ତେ ମାନା କେଃଆକ।

![](https://cdn.door43.org/obs/jpg/360px/obs-en-20-02.jpg)

ଅନାମେନ୍ତେ ଈଶ୍ୱର୍ ବାରେୟା ଯାକ୍ ଦିଶମ୍ ଆଜ୍‌ରେନ୍ ବାଇରିକ ନାସକ ଲାଗିଦ୍ ତେ ହୁକୁମ୍ କେଦ୍ଃତେ ଶାସେତ୍ କେଃକଆଏ । ଅସୁରିୟ ମେନ୍ତେ ମିଦ୍ ଦିଶମ୍ ତାହେଁକାନା ଅକା ଆଡି ଦାଲେୟାନ୍ ତାହେଁକାନା,ଆର୍ ଅଶୁରିଅକ ଏଟା ଦିଶମ୍ ଲାଗିଦ୍‌ତେ ନିର୍ଦୟ କ ତାହେଁକାନା । ଆକ ହେଜ୍‌କାତେ ଇସ୍ରାଏଲ୍ ଦିଶମ୍‌କ ନାସ୍‌କେଃଆ। ଅଶୁରିୟକ ଇସ୍ରାଏଲ୍ ରେନ୍ ଉଡିଗାନ୍ ହଳ୍‌କ ଗଜ୍ଃ କେଦ୍ଃ କଆଃ । ଉନ୍‌କୁକ ଇଛାଏଦ୍ ତାହେଁଦ ଆଡିଗାନ୍ ଜିନିଷ୍‌କ ରେଜ୍ ଇଦିକାତେ ଦିଶମ୍‌ରେୟାଃ ଆଡିଗାନ୍ ଭାଗ୍‌କ ଆତାର୍ ଗିଡିଆ ମେନ୍ତେ ।

![](https://cdn.door43.org/obs/jpg/360px/obs-en-20-03.jpg)

ଇଶୁରିୟକ ଝତ ଲେକାନ୍ ମାରାଂ ଗଙ୍କେ, କିଣାନ୍ ଆର୍ ଆଡି ଦାମାନ୍ ଜିନିଷ୍ ବେନାଏଦ୍ ହଳ୍‌କ ମିଦ୍ଃଠେନ୍‌କ ଜାୱରା କେଦ୍ଃକଆ । ଉନକୁ ଆକ ଅଶୁରିୟ ଦିଶମ୍ ତେକ ଇଦିକେଃଦ୍ କଆ । ଆର୍ ତିନାଂ ଗାନ୍ ରେନଗେଜ୍ ହଳ୍ ଇସ୍ରାଏଲ୍ ରେକ ତାହେଁ ଏନା ।

![](https://cdn.door43.org/obs/jpg/360px/obs-en-20-04.jpg)

ଇନାତାୟମ୍ ଅଶୁରିୟକ ବିଦେଶ୍‌ରେନ୍ ହଳ୍‌କ ଅନା ଦିଶମ୍‌ରେ ତାହେଁ ଲାଗିଦ୍ ତେକ ଆଗୁ କେଦ୍ଃକଆ,ଉନ୍‌କୁ ବିଦେଶ୍ ରେନ୍‌କ ଆର୍ ଅନା ନାଗାର୍ ଆର୍ ଦଳ୍‌ହାକ ବେନାୱ କେଃଆ । ଉନକୁ ଅଣ୍ଡେ ତାହେନ୍ କାନ୍ ଇସ୍ରାଏଲ୍ ସଅଁକ ବାପ୍ଲାୟେନା । ନୁଙ୍କୁ ହଳ୍‌କଆଃ ଅଗିଲ୍ କଦ ଶମିରଣିୟକ ମେତାକ କାନ୍ ତାହେଁଦ ।

![](https://cdn.door43.org/obs/jpg/360px/obs-en-20-05.jpg)

ଯିହୁଦା ଦିଶମ୍ ରିନ୍ ହଳ୍‌କ ଞେଲ୍‌କେଃଆ ଈଶ୍ୱର୍ ଅକାଲେକା ଇସ୍ରାଏଲ୍ ରେନ୍ ରାଜାକ ଆକଆ ପାତିୟାଉ ଆର୍ ଆକଆ ହୁକୁମ୍ ବାଂ ବାତାୱ ରେନା ଶାସେତ୍ କ ଏମାକାଦା । ମେନ୍‌ଖାନ୍ ଇନାତାୟମ୍ ରେହଁ କିଣାନିୟ ରେନ୍ ଝତ ବଙ୍ଗାବୁରୁ ଶୁସାର୍ କେଦ୍‌କଆ । ଆକ ଚେତତୱ କ ଲାଗିଦ ଈଶ୍ୱର୍ ବାବା ନାବିକେ ଭେଜା କେଦ୍ଃ କଆଏ, ମେନ୍‌ଖାନ୍ ଉନ୍‌କୁଆଃ କାଥାହଁ ବାକ ବାତାୱ ଲେଃଆ ।

![](https://cdn.door43.org/obs/jpg/360px/obs-en-20-06.jpg)

ଅସୁରିୟକ ଇସ୍ରାଏଲ୍ ଦିଶମ୍ ନାଶ୍‌ରେୟାଃ ମିଦ୍ଃ ସାଏ ତାୟମ୍, ଈଶ୍ୱର୍ ବବା ବାବିଲ୍ ରେନ୍ ରାଜା ନବବ୍‌କୁଦ୍ ନିସର୍ କେ ଯିହୁଦା ଦିଶମ୍ ଚେତାନ୍‌ରେ ଆଇଦାରି ଲାଗିଦ୍ ଏ ଭେଜା କେଦେୟାଏ । ବାବିଲ୍ ମିଦ୍ ଦାଳେୟନ୍ ଦିଶମ୍ ତାହେଁକାନା । ଯିହୁଦା ରେନ୍ ରାଜ ନବ୍‌ଖୁଦ୍ ନିସର୍ ରା ସେବାଏ ଲାଗିଦ୍‌ତେ ସିକାରେନାଏଆର୍ ଆଜ୍‌କେ ଝତ ସେର୍ମା ଉଡି ଢେର୍ ଟାକା ଏମ୍ ଲାଗିଦ୍‌ତେ ଏତହବ୍ କେଃଆଏ ।

![](https://cdn.door43.org/obs/jpg/360px/obs-en-20-07.jpg)

ମେନ୍‌ଖାନ୍ ତିନାଃ ସେର୍ମା ତାୟମ୍ ଯିହୁଦା ରେନ୍ ରାଜା ବାବିଲନ୍ ଚେତତାନ୍‌ରେ ଆଜା ରାଗି ହାଲା କେଃଆଏ । ଅନାଖାତିର୍ ବାବିଲନ୍ ହଳ୍‌କ ରୁଆଳ୍ କାତେ ଯିହୁଦା ରାଜ୍ ଚେତାନ୍‌ରେ କ ଆକ୍ରମଣ୍ କେଃଆ । ବାବିଲନ୍ କ ଝତ ଜିରୁଶାଲମ୍ କ ଆବ୍ରାୱ କେଃଆ,ମୁନ୍ଦିଲ୍ ଅଳାଃ କ ରାପୁଦ୍ କେଃଆ,ମୁନ୍ଦିଲ୍ ଆର୍ ଅନା ବାଜାର୍ ରେ ଯାହାଁ ଜିନିଷ୍ ତାହେଁକାନା ଝତକ ଇଦିକେଃଆ ।

![](https://cdn.door43.org/obs/jpg/360px/obs-en-20-08.jpg)

ଯିହୁଦାରେନ୍ ରାଜ ଉଡିକ ହାର୍କେତ୍ କେଦେଆ ଆଜା ଅନା ପ୍ରତିଶଧ୍ ଲାଗିଦ୍ ତେ, ନବ୍‌କୁଦ୍ ନେଜର୍ ରେନ୍ ସେନାକ ଜିହୁଦା ରାଜଇଜ୍ ହପନ୍ କେକ ଆଜ୍ ସାମାଂ ରେକ ଗଜ୍ କେଦେୟା, ଆର୍ ଆଜ୍‌କ କାଣା କେଦେୟା। ଅନାତାୟମ୍ ଆକ ଉନି ରାଜାକେ ବାବିଲ୍ ରେନା ଜେଲ୍‌ରେ ଗୁଜୁ ମାଏ ମେନ୍ତେକ ଅଣ୍ଡେକ ସାମ୍ବାୱ ହଚ କେଦେୟା ।

![](https://cdn.door43.org/obs/jpg/360px/obs-en-20-09.jpg)

ନବ୍‌କୁଦ୍ ନେଜର୍ ଆର୍ ଆଜ୍‌ରେନ୍ ସେନା ଜିହୁଦାରେନ୍ ହଳ୍‌କ ଇଦିକାତେ ବାବିଲନ୍ କ ବାବିଲନ୍‌କ ଚାଲାୱ ଏନା, ଏଖେନ୍ ରେଙ୍ଗେଜ୍ ହଳ୍‌କ ବାଗି ହଟଆଦ୍ କଆ, ଅଣ୍ଡେ ଚାଷ୍ ଲାଗିଦ୍‌ତେ ନଆ ଭିତିର୍‌ରେ ଈଶ୍ୱର୍ ବାବାରେନ୍ ହଳ୍‌କ ଅନା ଦିଶମ୍ ବାଗିକାତେ ଏକ୍ସାଇଲ୍ ଚାଲା ଖାତିର୍‌କ ଜବର୍ କେଦ୍‌କଆ ।

![](https://cdn.door43.org/obs/jpg/360px/obs-en-20-10.jpg)

ଯୁଦି ଈଶ୍ୱର୍ ବାବା ଆଜ୍‌ରେନ୍ ହଳ୍ ଏକ୍ସାଇଲ୍ ଇଦିକାତେ ଦୁଃଖ୍‌ଏ ଏମାକେଦ୍ କଆଏ ଏନ୍ତେରେହଁ ଆକ ଏମ୍ କାଥା ବାଏ ହିଳିଞ୍ ଲେଃଆ । ଆଜ୍‌ରେନ ହଳ୍‌କ ଆର୍‌ହଁ ଆଜ୍‌ରିନ୍ ନାବିକ ଲେକାତେ ଆକ ସାଲାଃଏ ରପଳ୍ କାନ୍ ତାହେଁଦ । ଈଶ୍ୱର୍ ବାବା ଉନ୍‌କୁ ହଳ୍‌ଏ ମେତାଃଦ୍ କଆଏ ୭୦ ବଛର୍ ଧାରିଜ୍ ଆପେ ଆଲପେ ରୁଆଳ୍‌ଆ ।

![](https://cdn.door43.org/obs/jpg/360px/obs-en-20-11.jpg)

ସୁର୍ ଏୟାୟେ ୭୦ ବଛର୍ ପରେ, ପାରିଷ୍ ରେନ୍ ରାଜା,ସାଇରସ୍ ବାବିଲ୍ ହଳ୍‌କଏ ହାରାୱ କେଦ୍ଃକାଏ। ଅନାଖାତିର୍, ବାବିଲ୍ ରେନ୍ ବଦଲ୍‌ତେ ପାରସ୍ ଆଃ ରାଜ୍ ନିତ୍ ଝତ ଦିଶମ୍‌ରେ ରାଜ୍‌ଏ ତାହେଁଦ, ଉନ୍‌କୁ ଇସ୍ରାଏଲ୍ ହଳ୍‌କ ତାଲାରେ ବାବିଲ୍ ରେ ଆକ ପୁରା ଆଇଦାରି କେଃଦାକ । ଇ୍ରାଏଲ୍ ହଳ୍‌କ ନିତ ଯିହୁଦି କ ମେତାଃ କ କାନା । ଉନ୍‌କୁ ତାଲାରେ ତିନାଃଗାନ୍ ବାବିଲ୍ ରେ ଆକଆ ଜିବନ୍ କ କାଟାୱ ଲେଆଃ । ଆଡି କମ୍ ଯିହୁଦି ଯିହୁଦା ଦିଶମ୍‌କ ଉଇହାର୍ କେଃଆକ ।

![](https://cdn.door43.org/obs/jpg/360px/obs-en-20-12.jpg)

ପାରସିୟକ ଉଡି ଦାଳେୟାନକ ତାହେଁକାନା, ମେନ୍‌ଖାନ୍ ଆକ, ହାରାଅ କାନ୍ ଯିହୁଦି ହଲ୍ ଚେତାନ୍‌ରେ ଦାୟା ହେଜ୍ଃ ଏନା । ସାଇରସ୍ ପାରସ୍ ରାଜା ହୁଇଏନ୍ ତିନାଃ ଦିନ୍ ତାୟମ୍, ଆପେ ଯୁଦି ନଣ୍ଡେ ଚାଲାୱ ସାନାଏଦ୍ ପେୟ, ଖାନ୍ ପାରସି ଦିଶମ୍ ବାଗିକାତେ ଆପେୟା ଯିହୁଦା ଦିଶମ୍ ପେ ଚାଲୱ ଦାଳେୟାଃ । ନଙ୍କାସେ ଇଶ୍ୱରା ମୁନ୍ଦିର୍ ବେନାୱ ଲାଗିଦ୍ଃ ତେ ପୁଇସା ହଁ ଏମ୍ ଭେଜାଃ କେଦ୍ କଆଏ ! ଅନାତେ ୭୦ ବଛର୍ ଅଳାଃ ବାଗିକାତେ ହେଜ୍ଃଏନ୍ ତାୟମ୍ ମିଟାଂ ହପନ୍ ଆତୁକ ବେନାଅ କେଃଆ ।

![](https://cdn.door43.org/obs/jpg/360px/obs-en-20-13.jpg)

ଉନ୍‌କୁ ହଳ୍ ଯିରୁଶାଲମ୍ ସେଟେରେନ୍ ତାୟମ୍, ଦଳ୍‌ହା ମୁନ୍ଦିଲ୍, ନଗର୍ ଆର୍ ଦେୱାଲ୍‌କ ବେନାଅ ରୁଆଳ୍ କେଦାଃ । ଏନ୍ତେରେହଁ ପାରସିଆନ ହଳ୍‌କ ଆକ ଚେତାନ୍‌ରେ ଆଇଦାରିଦ୍ଃ ତାହେଁଦ୍,ମେନ୍‌ଖାନ୍ ଯିହୁଦିକ ଆର୍ ଦହଳା ଈଶ୍ୱର୍ ବାବାହା ଦିଶମ୍‌ଋଏ ତାହେଁ କାତେ ଈଶ୍ୱର୍ କସାରହାୱା ଦେୟା ।

*ସନତ୍ ପୁଥିୟାଃ କାହାନୀ:୨ ରାଜାବୁଳି ୧୭;୨୪-୨୫; ୨ ବଂଶପୁଥି ୩୬; ଏଜ୍ରା ପୁଥି ୧-୧୦; ନିହିମିଆଃ ୧-୧୩*

Audio: https://git.door43.org/OBS-TLF/mjx_obs/releases/download/v1/mjx_obs_v1_20_128kbps.m4a

## 21. ୨୧. ଈଶ୍ୱର୍ ବାବା ମୋସିଆଃ କାଥାଏ ଏମାକ

https://openbiblestories.org/l/mjx/story-21/

![](https://cdn.door43.org/obs/jpg/360px/obs-en-21-01.jpg)

ତିନ୍‌ଜଖାଃ ଈଶ୍ୱର୍ ବାବା ନଆ ଧାର୍ତି ବେନାୱ ଲେଃଆ,ଆଜ୍ ବାଡାଏ ଲେଃଆଏ ତିନାଂ ସେର୍ମା ତାୟମ୍ ମାସିକୋ ଭେଜାୟା ମେନ୍ତେ । ଈଶ୍ୱର୍ ଅଦମ୍ ଆର୍ ହବା କେ ନଆଁ ଖାତିର୍ ତେ କାଥାଏ ଏମାଃ ଲେଦ୍ଃ କିନାଏ । ଈଶ୍ୱର୍ ମେନ୍ ଲେଃଆଏ ହବା ଖନ୍ ମିଃଟାଂ ଗିଦ୍ରାୟେ ଜାନାମଃଆ ଆଜ୍ଃ ବିଞ୍‌ଆଃ ବହଃ ଗେଜେରାଏ । ଯୁଦି ଶୟତାନ୍ ହବା ଏଳେ ଖାତିର୍ ବିଞ୍ ଲେକାତେ ଞେଲ୍ ହଚଲେନାଏ । ଇଶ୍ୱରାଃ ମେନ୍‌କାଥା ନଆକାନାଦ ମାସି ଶୟତାନ୍‌ ପୁରା ପୁରି ହାରାୟାଏ।

![](https://cdn.door43.org/obs/jpg/360px/obs-en-21-02.jpg)

ଈଶ୍ୱର୍ ବାବା ଆବ୍ରାହାମ୍ ଲେକାତେ ନଆଁ ଧାର୍ତିରେନ୍ ଝତ ହଳେ ଭଅରାଃକଆ ମେନ୍ତେ କାଥାଏ ଏମାଲେଦେୟା । ଈଶ୍ୱର୍ ବାବା ନଆଁ କାଥା ପୁରାୱ ଲାଗିଦ୍ ତେ ତିନ୍ ଜଖାଃଚଙ୍ଗ୍ ମାସି ଭେଜାୟେୟାଏ । ମାସି ନଆଁ ଧାର୍ତୀରେ କାଇ ଖନାଃ ଝତ ଜାତିରେନ୍ ହଳେ ବାଞ୍ଚାୱ କଆ।

![](https://cdn.door43.org/obs/jpg/360px/obs-en-21-03.jpg)

ଈଶ୍ୱର୍ ବାବା ମୋଶା ମେତାଃଦେୟାଏ,ଦାରାଏ କାନ୍ ବେଳାରେ ଆମ୍ ଲେକାନ୍ ମିଦ୍ଃ ମାଣାଂକାଥା ଲାଇ ହଳ୍ଇଞ୍ ଭେଜାୟା । ଉନିଦ ମାସୀ ହୁୟୁଆଃ । ନଙ୍କା ଲେକାତେ ଈଶ୍ୱର୍ ବାବା ଆର୍‌ହଁଏ ଲାଇକେଃଆ ମାସୀଞ୍ ଭେଜାୟା ।

![](https://cdn.door43.org/obs/jpg/360px/obs-en-21-04.jpg)

ଈଶ୍ୱର୍ ବାବା ରାଜା ଦାଉଦେ ମେତାଃ ଦେୟା ଆମିଜ୍ଃ ବଂଶଖନାଃଗେ ମିଃଟାଂ ଗିଦ୍ରା ଜାନାମଃ ଆୟ, ଉନିଦ ଯିଶୁ ହୁୟୁଃଆୟ। ଆଜ୍ ରାଜାଏ ହୁୟୁଆଃ ଆର୍ ଉନ୍‌କୁ ହଳ୍ ଚେତାନ୍‌ରେ ଯାଏଯୁଗ୍‌ଏ ରାଜା।

![](https://cdn.door43.org/obs/jpg/360px/obs-en-21-05.jpg)

ଈଶ୍ୱର୍ ବାବା ନାବି ଯିରିମିୟ ମେତାଃ ଦେୟାଏ ଆଜ୍ ମିଟାଂ ନାୱା ନିୟମ୍ ମିଦ୍ଃ ଦିନ୍ ବେନାୱାଏ । ନାୱା ନିୟମ୍ ମାରେ ନିୟମ୍ ଲେକା ବାଏ ହୁୟୁଆଃ, ଯାହାଁ ଇସ୍ରାଏଲ୍ ହଳ୍ ସାଲାଃ ସିନାଇରେ କରାୱ ଲେଃଆୟ । ତିନ୍ ଜଖାଃ ନାୱା ନିୟମ୍ ହଳ୍‌କ ସାୱଁ, ହଳ୍‌କ ଯେମନ୍ ଆଜ୍‌ ଆକଆ ଆପାନ୍ ଆପିନ୍ ଜୀବନ୍ ରେ ଚିନ୍‌ହାୱ ୟାକ । ଝତ ହଳ୍‌କ ଦୁଲାଳ୍ ଏୟା ଆର୍ ମାନାୱ ଏୟାକ । ଈଶ୍ୱର୍ ବାବା ଲାଇକେଦା ଉନି ଯାହାଁ ଲାଇୟା ଅନାଦ ଆକଆଃ ମନେରେଗେ ତାହେଁ ଉତାରଆଃ । ଉନ୍‌କୁ ଦ ଈଶ୍ୱର୍ ରିନ୍ ହଳ୍‌କ ହୁୟୁଗଆଃ ଆର୍ କାଇଖନାଃ ଅୱାର୍ କଆ। ନୁଇ ହୁୟୁଆଃଏ ମାସି ଅକଏ ନାୱା ନିୟମେ ବେନାୱା ।

![](https://cdn.door43.org/obs/jpg/360px/obs-en-21-06.jpg)

ଈଶ୍ୱର୍ ରେନ୍ ନାବିକ ଲାଇଲେଦ୍ଃ କ ତାହେଁ ଦ ମାସି, ନାବି,ମାଝୀ ହାଲାମ୍,ଆର୍ ରାଜାଏ ହୁୟୁଆଃ । ନାବି କଦକ ହୁୟୁଃ କାନା ଈଶ୍ୱର୍ ଠେନଖନ୍ ଆଞମ୍ କାଥା ହଳ୍ ଠେନ୍ କ ଲାଇୟାଃ । ମାସି ଦ ହୁୟୁକନାଏ ଈଶ୍ୱର୍ ଠେନ୍‌ଖନ୍ ଭେଜା ସାରି ନାବି କାନାଏ । ଈଶ୍ୱର୍ ବାବା ହା ସାରି କାଥା ଆଞମ୍ ଦାଳେୟାଃ ଆର୍ ବୁଝାଅ ଦାଳେଇଜ୍ ଆର୍ ହଳ୍‌କ ଭାଗି ଧାରାତେ ଚେଦ୍ଃ ହଚକ ଲେକାନିଜ୍ କାନାଏ ।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲ୍ ରେନ୍ ନାବି କଦ ହଳ୍ ଖାତିର୍ ତେ ଈଶ୍ୱର୍ ଠେନ୍ ଦାଣେଁ କ ଏମଃକାନ୍ ତାହେଁ । ନଆଁ ଦାଣେଁ ଦ ଆକୱାଃ କାଇ ଦାପାଲ୍ ଖାତିର୍ ତେ ଈଶ୍ୱର୍ ଠେନ୍ କ ଏମଃକାନ୍‌କ ତାହେଁ । ନାବିକ ଆର୍‌ହଁ ହଳ୍ ଖାତିର୍ ତେକ ବିନ୍ତି ଏଦ୍ଃ ତାହେଁ । ମେନ୍‌ଖାନ୍ ଉନି ମାସୀ ଦ ସାଫା ଅନ୍ତର୍ ଦହ ହଳ୍ କାନାଏ ଯାହାଁଏ ସୟଂ ଈଶ୍ୱର୍ ଠେନ୍ ଦାଣେଁ ଲେକାତେ ସାମାଂ ଏନାଏ । ଉନିଦ ତିସ୍ ହଁ ବାଏ କାଇ ଲେଦ୍‌ରେହଁ ଆଜ୍ଃ ଈଶ୍ୱର୍ ଠେନ୍ ଦାଣେଁ ଲେକାତେ ସାମାଂ ଏନାଏ ଯେମନ୍ ନଆଁ ଧାର୍ତିରେ ଆର୍ ତିସ୍‌ହଁ ଦାଣେଁଗେ ଆଲ ଲାଗତି ମାଃ ।

![](https://cdn.door43.org/obs/jpg/360px/obs-en-21-08.jpg)

ରାଜା ଆର୍ ମାରାଂ ହଳ୍‌କ ଚେତାନ୍‌ରେ ଆଇଦାରିଦ୍ ତାହେଁଦ୍ କ, ମିଦଃ ଧାୱ,ମିଃଦ୍ ଧାୱଦ ବାଳିଜ୍ଏ ତାହେଁଦ୍ଃ କ । ଦାଉଦ୍ ରାଜାଦ ଏଖେନ୍ ଇସ୍ରାଏଲ୍ ହଳ୍ ଚେତାନ୍ ରେ ଆଇଦାରିଏଦ୍ ତାହେଁଦ୍ଃ । ମେନ୍‌ଖାନ୍ ମାସିଦ ଦାଉଦ ବଂଶ ଖନାଃ ହେଜ୍ କାତେ ନଆଁ ଧାର୍ତି ଚେତାନ୍‌ରେ ଆଇଦାରିଆ, ଆର୍ ଯାଏଯୁଗ୍ ଗେ ଆଇଦାରିଆଏ । ଆଜ୍ଃ ଝତଦିନ୍‌ଗେ ବୁଗିଗେ ଆଇଦାରିଆଏ ଆର୍ ବୁଗିଗେ କାମିୟାଏ ।

![](https://cdn.door43.org/obs/jpg/360px/obs-en-21-09.jpg)

ଇଶ୍ୱରାଃ ନାବିକ ଉଡି ଢେର୍ କାଥାକ ମାସି ବାଖ୍ରାତେ କ ଲାଇଲେଆଃ । ମେତାଃମେ ଦିଶାଇ, ମିଲାକି ଲାଇଲେଦ୍ ତାହେଦ୍ ମାସି ହିଜୁମାଣାଂ ରେ ଆର୍ ମିଦଃ ହଳ୍ ହିଜୁଃଆଏ । ଉନି ନାବିଦ ଉଡିଗେ ଲାକ୍ତି ଆଏ। ଆର୍ ହଁ ନାବି ଇଶାଇ ଅଲ୍‌ଲେଦ୍ ତାହେଁ ମାସି ମିଟାଂ ଡାଙ୍ଗୁଆ କୁଳିଖନାଃଏ ଜଲ୍ମଆଃ। ଆର୍ ନାବି ମିଟାଂ ଲାଇଲେଦ୍ ତାହେଁ ଦ ବେଥ୍‌ଲିହମ୍ ନାଗାର୍ ରେ ଜନମଃ ଆଏ।

![](https://cdn.door43.org/obs/jpg/360px/obs-en-21-10.jpg)

ନାବି ଇଶାଇହ ଲାଇଲେଃ ଆଏ ମାସିଦ ଗାଲିଲି ଅଞ୍ଚଳ୍ ରେଗେ ତାହେଁ ନାଏ । ମାସିଦ ଉଡି ଦୁଖ୍‌ରେ ତାହେନ୍ ହଳ୍‌କଆଃ ଜିୱି ରାଳେଜ୍ଃ ଆଏ । ଆଜ୍ ଆର୍‌ହଁ ଜେଲ୍ ଖାନାରେ ତାହେନ୍ ହଳ୍‌କ ଆଳା କୱାଏ । ମାସି ଆର୍‌ହଁ ବେମାର୍ ହଳ୍‌କ ଯାହାଏଁ କାଲା,କାଣାଁ,କନ୍ଦା ଆର୍ ଛଟାକ ଝତଏ ବୁଗିକଆ ।

![](https://cdn.door43.org/obs/jpg/360px/obs-en-21-11.jpg)

ନାବି ଇଶାଇହ ଆର୍‌ହଁ ଲାଇଲେଃ ଆଏ, ମାସି ଦକ ହିର୍କାୟା ଆର୍ ବାକ ଆପନାରେୟା । ଆର୍ ଏଟାଃ ନାବିକ ଲାଇଲେଦ୍ଃ ତାହେଁଦ୍ ଦ ଆଜିଜ୍ଃ ଗାତେଗେ ଆଜିଜ୍ଃ ବାଇରି ହୁୟୁଗଃ ଆଏ । ନାବି ଜିଖରିଆ ଲାଇଲେଦ୍ଃ ଆଏ ମାସୀ ସାବ୍ଃ ହଚଏ ବାଖରା ତେ ଗେଲ୍ ପୁଇସାଏ ହାତାୱା, ଉନ୍‌କୁ ହଳ୍ ଠେନ୍ ଖନାଃ । ଆର୍ ତିନାଃ ନାବି କଦକ ଲାଇଲେଃଆ ମାସୀଦ ହଳ୍‌କ ଗଜେଆ ଆର୍ ଆଜାଃ ଲୁଗୁଳିକ ବଦଲା ।

![](https://cdn.door43.org/obs/jpg/360px/obs-en-21-12.jpg)

ଆର୍‌ହଁ ନାବି କଦକ ଲାଇଲେଃଆ ମାସୀଦ ଚେଦ୍ଃ ଲେକାଏ ଗୁଜୁଃଆ । ଇଶାଇ ନାବି ଲାଇଲେଃଆଏ ମାସୀଦକ ଥୁଆୟା, ଲାନ୍ଦାୟା ଆର୍‌କ ଦାଲେୟା । ହଳ୍‌କ ମାଗେ ଆକ, ଶବଃୟାକ,ଆର୍ ଉଡି ଢେର୍ ଶାସେତ୍ ଞାମ୍ କାତେ ଗୁଜୁଃଆଏ । ଚେଦ୍ଃହଁ ବାଏ କାଇଲେଦ୍ ରେହଁ ।

![](https://cdn.door43.org/obs/jpg/360px/obs-en-21-13.jpg)

ନାବିକ ଲାଇଲେଃଦ୍ ତାହେଦ୍ଃ କ ମାସି ଚେଦ୍ ହଁ ବାଏ କାଇଆ । ଉନିଦ ସନତ୍ ଗେ ତାହେଁନାଏ। ଉନିଦ ଏଟାଃ ହଳ୍‌କଆଃ କାଇ ଖାତିର୍ ଈଶ୍ୱର୍ ବାବାଃ ଶାସେତ୍ ଞାମ୍‌କାତେ ଗୁଜୁଃଆଏ। ତିନ୍‌ଜଖାଃ ଗୁଜୁଆଃଏ, ହଳ୍‌କ ଈଶ୍ୱର୍ ବାବା ସାଲାଃ କୁସିତେ ତାହେଁନ୍ ବାଖରା ହର୍ ଉପାନ୍ଃ ନଆଃ। ନଆଁଗେ ଈଶ୍ୱର୍ ବାବାଃ ପଲାନ୍ କାନ୍‌ଗେୟା ଦ ମାସି ଗୁଜୁଃ ଗେଆଏ ।

![](https://cdn.door43.org/obs/jpg/360px/obs-en-21-14.jpg)

ଆର୍‌ହଁ ନାବିକ ଲାଇଲେଦ୍ ତାହେଁଦ୍,ଈଶ୍ୱର୍ ବାବା ମାସିକେ ଗୁଜୁଃଖନାଃ ବାଞ୍ଚାୱ କାତେ ବେରେଦ୍ ରୁଆଳ୍ ଏନାୟ । ନଆଁ ମାସିଆଃ ଗଜ୍ଃ ଆର୍ ଜିୱିତ୍ ବେରେଦ୍ ହଳ୍‌କ ଞେଲ୍ ହଚକ ଲାଗିଦ୍ ଦ ମିଃଟାଂ ନାୱା ବାଗ୍‌ୱାନ୍ ଈଶ୍ୱର୍ ବେନାୱ ଖାତିରେ ଉଇହାର୍ କେଃଆଏ ,ଅନାଖାତିର୍ ମାସି ଆଜ୍ଃ ବିରଧ୍‌ରେ କାଇ ହଳ୍ ଏ ବାଞ୍ଚାୱ ଦାଳେୟାଃ କଆଏ ।

![](https://cdn.door43.org/obs/jpg/360px/obs-en-21-15.jpg)

ନାବିକ ଲେକାତେ ଈଶ୍ୱର୍ ବାବା ଉଡି ଢେର୍ ମାସିଆଃ କାଥାଏ ଲାଇଆ କାଃଆଏ,ମେନ୍‌ଖାନ୍ ମାସୀ ଉନ୍‌କୁ ନାବିକ ତାହେଁନ୍ ବିଦାଲ୍ ରେଦ ବାଏ ହେଜଃଲେନା । ମୁଚେଦ୍ଃ ନାବିଆଃ କାଥାରେନାଃ ୪୦୦ ବଛର୍ ତାୟମ୍, ଠିକ୍ ଅକ୍ତରେ,ଈଶ୍ୱର୍ ବାବା ମାସୀ ଭେଜା କେଦେୟାଏ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୩; ୧୨; ଦୁସ୍‌ରା ବିବରଣ୍ ପୁଥୀ ୧୮:୧୫; ୨ ସାମୁଏଲ୍ ପୁଥି ୭; ସେରେଞ୍ ସାହାରାୱଃ ୧୬;୨୨; ୩୫; ୬୯; ୪୧; ଯିଶାଇ ୭:୧୪; ୯:୧-୭; ୬୧; ୫୩; ୫୦:୬; ୫୯:୧୬; ଯିରିମିୟା ୩୧; ଦାନିଏଲ୍ ୭; ମିଖା ୫:୨; ଯିଖରିଅ ୧୧:୧୨-୧୩; ମାଲାକୀ ୪:୫*

Audio: https://git.door43.org/OBS-TLF/mjx_obs/releases/download/v1/mjx_obs_v1_21_128kbps.m4a

## 22. ୨୨. ଯହନାଃ ଜାନାମ୍

https://openbiblestories.org/l/mjx/story-22/

![](https://cdn.door43.org/obs/jpg/360px/obs-en-22-01.jpg)

ପାହିଲ୍ କାଳ୍‌ରେ ଈଶ୍ୱର୍ ବାବା ନାବିକ ଲାଇଆଃ କ ତାହେଁଦ୍ ଆର୍ ନାବିକ ଯେମନ୍ ହଳକ ଲାଇ ସଦରାକ ମାକ ମେନ୍ତେ । ଇନା ତାୟମ୍ 400 ବଛର୍ ଧାବିଜ୍ ହାପିରେଗେ ତାହେଁ କାନାୟେ ଈଶ୍ୱର୍ ବାବା ଚେଦ୍ଃହଁ ବାୟେ ମେନ୍ ବାଳା ଲେଃଆ ।ଇନା ତାୟମ୍ ଈଶ୍ୱର୍ ବାବା ମିଦଃ ଦୁତ୍ ଭେଜା କେଦେୟା ଜିଖରିଅ ଠେନ୍ । ଜିଖରିଅ ଆର୍ ଆଜ୍ ବାହୁ ଈଶ୍ୱର୍ ବାବା କିନ୍ ସାର୍‌ହାୱେ କାନ୍ ତାହେଁଦଃ । ଉନ୍‌କିନ୍ ଦ ହାଳାମ୍ ବୁଢୀ ଉତାର୍ ଲେନାକିନ୍ ରେହଁ ଗିଦ୍ରା ପିଦ୍ରା ବାକ ତାହେଁକାନା ।

![](https://cdn.door43.org/obs/jpg/360px/obs-en-22-02.jpg)

ଉନି ଦୁତ୍ ଜିଖରିଅ ମେତାଃ ଦେୟାୟେ,“ଆମ୍ ବାହୁ ମିଟାଂ କଳା ଗିଦ୍ରାୟେ ଜାନାମେୟା । ଆମ୍ ଆଜାଃ ଞୁତୁମ୍ ଯୋହନ୍ ଦହୟାମ୍ ଈଶ୍ୱର୍ ଉନିଗେ ସନତ୍ ଆତ୍ମାତେ ପେରେଜ୍ଃ ୟାଏ, ଆର୍ ମାସିହାକେ ବାଡାୟେ ଦାଳେଆୟେ ମା ମେନ୍ତେ ହଳ୍‌କ ସପ୍ଳାଅ କୱାୟେ!” ଜିଖରିଆ ଆଞମ୍ କାତେ ମେନ୍ ରୁଆଳ୍ କେଃଆୟେ,“ଇଞ୍ ଆର୍ ଇଞ୍ ବାହୁଆଃ ଗିଦ୍ରା ଜାନାମ୍ ଅକ୍ତ ପାରମ୍ ଏନା । ଚେଦ୍ଃ ଲେକାଞ୍ ବାଡାୟେ ଦାଳେୟାଦଃ ଆମ୍ ସାରି କାଥାମ୍ ଲାଇଆଃ ମେନ୍ତେ?”

![](https://cdn.door43.org/obs/jpg/360px/obs-en-22-03.jpg)

ଉନି ଦୁତ୍ ଜିଖରିଆ ମେତାଃ ଦେଆୟେ, ଈଶ୍ୱର୍ ବାବା ଇଞ୍ ଭେଜାଃ କାଦିଞାୟେ ନଆଁ ଭାଗେ ସମ୍ବାଦ୍ ଆମ୍‌ଠେନ୍ ସେଟେର୍ ବାଖ୍ରାତେ ।“ ଇଞା କାଥା ବାମ୍ ପତିୟାୱ କେଃ ଖାତିର୍ ଆମ୍ ନିତଃ ଖନାଃ ଗିଦ୍ରା ଜାନାମ୍ ଧାବିଜ୍ ବାମ୍ ରଳ୍ ଦାଳେୟାଃଆ ।”ସଙ୍ଗେ ସଙ୍ଗେ ଜିଖରିଆ କନ୍ଦା ଏନାୟେ ବାୟେ ରଳ୍ ଦାଳେୟାଃ ନା । ଇନା ତାୟମ୍ ଉନି ଦୁତ୍ ଜିଖରିଆ ବାଗିଆଦେଆୟେ । ନଆଁକ ତାୟମ୍ ଜିଖରିଆ ଅଳାଃ ହେଜ୍ଃ ଏନାୟେ ଆର୍ ଆଜ୍ ବାହୁ ପେରେଜ୍ ହଳ୍ମ ଆକାନାୟେ ମେନ୍ତେ ଞେଲ୍ କେଦେଆଏ ।

![](https://cdn.door43.org/obs/jpg/360px/obs-en-22-04.jpg)

ଏଲିଜାବେଥାଃ ତୁରୁଇ ଚାନ୍ଦ ପେରେଜ୍ଃ ହଳ୍ମ ହୁଇଏନ୍ ବେଳାରେ ଉନି ଦୁତ୍ ଗେ ଏଲିଜାବେଥ ରେନ୍ ଗାତେ ମାରିଆମ୍ ଠେନ୍ ଏ ସଦର୍ ଏନା । ଉନିଦ ଡାଙ୍ଗୁଆ କୁଳି ତାହେଁ କାନାୟେ ଆର୍ ଯଷେଫ୍ ସାଲାଃତେ ବାପ୍ଲା ହୁୟୁଃଆ ମେନ୍ତେ ଝତୱାଃ ସାପ୍ଳାୱ ଲେନ୍ ତାହେଁଦଃ । ଉନି ଦୁତ୍ ମାରିୟାମ୍ ମେତାଃ ଦେଆୟେ ଆମେମ୍ ପେରେଜ୍ଃ ହଳ୍ମଆଃ ଆର୍ ମିଃଟାଂ କଳା ଗିଦ୍ରାମ୍ ଜାନାମେୟା । ଆର୍ ଆଜାଃ ଞୁତୁମ୍ ଯୀଶୁମ୍ ଦହୟା । ଉନିଦ ଝତଖନ୍ ମାରାଂ ଈଶ୍ୱର୍ ହପନେ ହୁୟୁଗଆଃ ଆର୍ ଜାୟେଯୁଗେ ରାଜା ।

![](https://cdn.door43.org/obs/jpg/360px/obs-en-22-05.jpg)

ମାରିୟାମ୍ ମେନ୍ ରୁଆଳ୍ କେଃଆଏ,“ନଆଁଦ ଚେଦ୍ଃଲେକା ହୁୟୁଃଆ ଇଞ୍‌ମାଞ୍ ଡାଙ୍ଗୁଆ ଗେୟା?” ଉନି ଦୁତେ ଲାଇ ସଦରାଃ ଦେଆୟେ,“ସନତ୍ ଆତ୍ମା ଆମ୍‌ଠେନ୍ ହେଜୁଃଆଏ, ଆର୍ ଈଶ୍ୱର୍ ବାବାଃ ଦାଳେ ଆମ୍‌ଠେନ୍ ହିଜୁଃଆ। ଅନାତେ ଉନି ଗିଦ୍ରାଦ ସନତ୍‌ଗେ ତାହେଁନାୟେ,ଆର୍ ଉନିଦ ଈଶ୍ୱର୍ ହପନ୍ ହୁୟୁଃଆଏ।”ମାରିଆମ୍ ଦୁତାଃ କାଥାରେ ପାତିଆୱେ ଦହ କେଃଆୟ୍।

![](https://cdn.door43.org/obs/jpg/360px/obs-en-22-06.jpg)

ନଆଁ ଘଟଣାକ ତାୟମ୍ ମାରିୟାମ୍ ଏଲିଜାବେଥ୍ ଞେଲ୍ ଚାଲାୱ ଏନାୟେ । ମାରିୟାମ୍ ଏଲଜାବେଥ୍ ଜହାରାଃଦେ ଜଖାଃ ଏଲିଜାବେଥ୍ ଆଃ ଗିଦ୍ରା ଲାଜ୍ ଭିତିରେ ଦନ୍ ଆଚୁର୍ କେଃଆୟେ । ଏଲିଜାବେଥ୍ ଆର୍ ମାରିୟାମ୍ ବାନାହଳ୍ ଉଡି ଢେର୍‌କିନ୍ କୁସିୟେନା । ଏଲିଜାବେଥ୍ ସାଲାଃ ପେ ଚାନ୍ଦ ତାହେଁକାତେ, ମାରିୟାମ୍ ଅଳାଃୟେ ରୁଆଳ୍ ଏନା ।

![](https://cdn.door43.org/obs/jpg/360px/obs-en-22-07.jpg)

ନଆଁ ତାୟମ୍ ଏଲିଜାବେଥ୍ କଳା ଗିଦ୍ରାୟେ ଜାନାମ୍ କେଦେୟା । ଦୁତାଃ କାଥା ଲେକାତେ ଜିଖରିଆ ଆର୍ ଏଲିଜାବେଥ୍ ଗିଦ୍ରାହାଃ ଞୁତୁମ୍ ଯୋହନ୍ କିନ୍ ଦହ କେଃଆ । ଇନା ତାୟମ୍ ଜିଖରିଆ ରଳ୍ ଲାଗିଦ୍ ମଚାୟେ ରାଳା କେଃଆ । ଜିଖରିଆ ମେନ୍ କେଃଆୟେ ଇଶ୍ୱରାଃ ଞୁତୁମ୍ ସାର୍‌ହାୱଃ ମା ଆଜ୍ଃରେନ୍ ହଳେ ଗଳଆଃ କଆ ମେନ୍ତେ ଉଇହର୍ କେଃଆୟେ ! ହେ ଇଞି୍ଞ ହପନ୍ ଆମ୍ ଝତଖନ୍ ଦାଳେୟାନ୍ ଈଶ୍ୱର ନାବିମ୍ ହୁୟୁଃଆ । ଆମ୍ ହଳ୍ ଲାଇ ସଦର୍ ଆକମେ ଚେଦ୍ଃଲେକା ଆକ କାଇ ଖନାଃ ଇକାକ ଞାମ୍ ଦାଳେୟାଃଆ ।

*ସନତ୍ ପୁଥିୟାଃ କାହାନୀ: ଲୁକ ୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_22_128kbps.m4a

## 23. ୨୩. ଯୀଶୁଆଃ ଜନମ୍

https://openbiblestories.org/l/mjx/story-23/

![](https://cdn.door43.org/obs/jpg/360px/obs-en-23-01.jpg)

ମାରିୟାମାଃ ବାପ୍ଲା ଧାର୍ମିକ୍ ହଳ୍ ଯଶେଫ୍ ସାଲାଃ ଠିକେନା । ତିନଜଖାଃ ଯଶେଫ୍ ଆଞମ୍ କେଃଆଏ ମାରିୟାମ୍ ଦ ବାପ୍ଲା ମାଣାଂ ରେଗେ ହାମାଲ୍ ହଳ୍ମ ଆକାନାଏ,ଯାହାଁଲେକା ମାରିୟମ୍‌ ବାଂ ବାଦ୍‌ନାମ୍ କାତେ ହାପି ହାପିତେ ବାଗିଏ ରେଆଃ ମନେ ଗଟା କେଃଆଏ । ମେନ୍‌ଖାନ୍ ନଆଁ କାମି ମାଣାଂ ତେଗେ ଈଶ୍ୱର୍ ବାବା ଦୁତ୍ ଅଜ୍ଃ ଠେନ୍ କୁକୁମୁତେ ହେଜ୍ଃକାତେ ଯଶେଫ୍‌ ମେତାଃ ଦେୟାଏ ।

![](https://cdn.door43.org/obs/jpg/360px/obs-en-23-02.jpg)

ଆଲମ୍ ବତର୍ଃଆ ମାରିୟାମ୍ ବାହୁ ଲେକାତେ ଆଗୁଦ । ମାରିୟାମ୍ ଦ ସନତ୍ ଆତ୍ମା ହତେତେ ପେରେଜ୍ ହଳ୍ମ ଆକାନାଏ । ଉନି ମିଃଟାଂ କଳା ଗିଦ୍ରାଏ ଜାନାମେଆ । ଉନିଆଃ ଞୁତୁମ୍ ଯୀଶୁମ୍ ଦହୟା ( ଅକାରେଆଃ ଭେଦ୍ ଦ ୟୋହବା ବାଞ୍ଚାୱ କଆଏ)ଚେଦାଃସେ ଆଜ୍ଃ କାଇଖନାଃ ହଳ୍ଏ ଅୱାର୍ କଆଏ ।

![](https://cdn.door43.org/obs/jpg/360px/obs-en-23-03.jpg)

ଅନାଖାତିର୍ ଯଶେଫ୍ ବାପ୍ଲାକାତେ ଆଜି୍ଃଜ୍ ଏରା ଲେକାତେ ଅଳାଃଏ ଆଗୁ କେଦେୟା। ଗିଦ୍ରା ଆଉରି ଜଲ୍ମଃ ଧାବିଜ୍ଃ ଆଜ୍ଃ ବାହୁ ମାରିୟମ୍ ସାଲାଃ ବାଏ ଗିତିଜ୍ ଲେନା ।

![](https://cdn.door43.org/obs/jpg/360px/obs-en-23-04.jpg)

ତିନ୍ ଜଖାଃ ମାରିୟାମ୍ ଆଃ ଗିଦ୍ରା ଜାନାମ୍ ଅକ୍ତ ସେଟେରେନା, ମାରିୟାମ୍ ଆର୍ ଯଶେଫ୍ ଆଡି ଝାଲ୍ ଖନାଃ ବେଥ୍‌ଲେହେମ୍ ନାଗାର୍ ତେକିନ୍ ହେଜ୍ଃ ଲେନା । ଉନ୍‌କିନ୍ ଅଣ୍ଡେକିନ୍ ଚାଲାୱାଃ ଚେଦାଃସେ ରମ୍ ଅଫିସର୍ କ ଇସ୍ରାଏଲ୍ ହଳ୍‌କ ଲେଖାଏତ୍ଃ କ ତାହେଁଦ୍। ସର୍‌କାର୍ ଇଛାଏଦ୍ ତାହେଁଦ୍ ଝତ ହଳ୍ ଆକ ଆକଆଃ ଜଲ୍ମ ଜାଏଗାକ ଚାଲାଃମା ମେନ୍ତେ । ରାଜା ଦାଉଦ୍ ବେଥ୍‌ଲିହମ୍ ରେ ଜାନାମ୍ ଲେନାଏ, ଦାଉଦ୍, ଯଶେଫ୍ ଆର୍ ମାରିୟାମ୍ ଆଃ ବଂଶକିନ୍ ତାହେଁୟା ।

![](https://cdn.door43.org/obs/jpg/360px/obs-en-23-05.jpg)

ମାରିୟମ୍ ଆର୍ ଯଶେଫ୍ ବେଥ୍‌ଲିହମ୍ କିନ୍ ଚାଲାୱ ଏନା,ଆକିନ୍ ତାହେଁ ଲାଗିଦ୍ ଗଳା ଛାଡା ଆର୍ ଜାଏଗାଗେ ବାଂ ତାହେଁକାନା । ଅନାଖାତିର୍ ଗଳାରେ ମାରିୟାମ୍ ଗିଦ୍ରାଏ ଜାନାମ୍ କେଦେୟା । ଗିଦ୍ରା ଗିତିଜ୍ଃ ବାଖ୍ରାତେ ଜାଏଗା ବାଂ ତାହେଁକାନ୍ ଖାତିର୍ ବୁସୁବ୍ଃ ରେନାଃ କାଠୁଆରେ ଗିତିଜ୍ଃ ଲେଦେୟାଏ । ଆର୍ ଆକିନ୍ ଯୀଶୁକିନ୍ ଞୁତୁମ୍ କେଦେୟାଏ ।

![](https://cdn.door43.org/obs/jpg/360px/obs-en-23-06.jpg)

ଅନା ଞିଦା ସୁର୍ କରେ ତାହେଁକାନ୍ ଭିଡି ଗୁତିକ ଆକରିନ୍ ଭିଡିକ ହରହୋ ଲେଦ୍ଃ କଆ, ଟାଟ୍‌କାଗେ ମିଃଟାଂ ଦୁତ୍ ଝାଲ୍‌କାୱ କାତେ ଞେଲ୍ ହଚଃ ଏନାଏ ଆର୍ ଆକ ଉଡି ଢେରକ ବତରେନା । ଉନି ଦୁତେ ଲାଇକେଃଆ, ଆଲପେ ବତର୍ଃଆ ଆପେ ଲାଗିଦ୍ ତେ ଭାଗି ସମ୍ବାଦିଞ୍ ଆଗୁ ଆକାଃଆ । ମାସି ଅକଏ ଚ ଆପେଇଜ୍ ଗୁରୁ ବେଥ୍‌ଲିହମ୍ ରେ ଜାନାମ୍ ଏନାଏ।

![](https://cdn.door43.org/obs/jpg/360px/obs-en-23-07.jpg)

“ଚାଲାୱ କାତେ ଞେଲେପେ ମିଃଟାଂ ଲୁଗୁଳି ଗାଦ୍ରୁମ୍ ତେ ପଟମ୍ କାତେ କାଠୁଆ ବୁସୁବ୍ଃ ଚେତାନ୍ ରେ ଗିତିଜ୍ଃ ଆକାନାଏ,” ଆର୍ ଟାଟ୍‌କାଗେ ଉନି ଦୁତ୍‌ଦ ସେର୍ମାରେ ମେସା ଏନାଏ । ଉନ୍‌କୁ ଈଶ୍ୱର୍ କ ସାର୍‌ହାୱ କେଦେୟା । ଉନ୍‌କୁ କ ମେନ୍‌କେଃଆ ସେର୍ମାରିନିଜ୍ଃ ଈଶ୍ୱର୍ ବାବା ହାଃ ଞୁତୁମ୍ ସାର୍‌ହାୱଃ ମା । ନଆଁ ଧାର୍ତିରେ ଈଶ୍ୱର୍ ବାବାଃ ଦାୟାତେ ରାସ୍କା ପେରେଜଃମା ।

![](https://cdn.door43.org/obs/jpg/360px/obs-en-23-08.jpg)

ଅନା ତାୟମ୍ ଦୁତ୍ ଚାଲାୱ ଏନାଏ । ଭିଡି ଗୁପି ହଳ୍‌କ ଭିଡି ବାଗିକାତେ ଉନି ଗିଦ୍ରା ଞେଞେଲ୍ କ ଚାଲାୱ ଏନା । ଆର୍ ଆକ ଆଡି ଲଗନ୍ କ ଚାଲାୱ ଇଦିଏନା ଆର୍‌କ ଞେଲ୍ କେଦେୟା ଯାହାଁଲେକା ଦୁତ୍ ଏ ଲାଇଲେଃଆ, ଅନ୍‌କାଗେ ଞେଲ୍ କେଦେୟାକ ଗଳାରେୟାଃ କାଠୁଆ ବୁସୁବଃ ଚେତାନ୍ ରେ ଗିତିଜ୍ଃ ଆକାନ୍ ତାହେଁଦ୍ । ଭିଡି ଗୁତିକ ଉଡିକ ରାସ୍କାଏନା । ଇନାତାୟମ୍ ଆକଆଃ ଭିଡି ଗଟ୍‌ଠେନ୍‌କ ରୁଆଳ୍ ଏନା । ଭିଡି ଗୁତିକ ଯାହାଁକ ଞେଲ୍ କେଃଆ ଆର୍ ଆଞମ୍ ଲେଃଆ ଅନା ଖାତିର୍ ଈଶ୍ୱର୍ ବାବାକ ସାର୍‌ହାୱ କେଦେୟା ।

![](https://cdn.door43.org/obs/jpg/360px/obs-en-23-09.jpg)

ପୁରୁବ୍ ନାଖାରେନ୍ ତିନାଃ ଗାନ୍ ଉଡି ବୁଧିଆନ୍ କ ତାହେଁୟା । ଉନକୁ ଦ ଇପିଲ୍ ଞେଲ୍‌କାତେକ ବାଡାଏ ଦାଳେଃ ତାହେଁଦ୍ କ । ଉନ୍‌କୁ ମିଃଟାଂ ହାହାଳା ଇପିଲ୍ ସେର୍ମାରେକ ଞେଲ୍ କେଦେୟା। ଉନ୍‌କୁ ହଳ୍ ଇପିଲ୍ ଞେଲ୍‌କାତେ ବାଡାଏ କେଃଆକ ଯିହୁଦି କଆଃ ନାୱା ରାଜାଏ ଜାନାମେନା। ଅନାଖାତିର୍ ଆକ ଉନି ଗିଦ୍ରା ଞେଲ୍ ଖାତିର୍ ଅନା ଦିଶମ୍‌ ଚାଲାଃ ମେନ୍ତେକ ଠାଉକା କେଃଆ। ଉଡି ଝାଲ୍ ତାଳାମ୍ ପରେତେ ବେଥ୍‌ଲିହମ୍ କ ସେଟେର୍ ଏନା ଯାହାଁରେ ଆଜ୍ଃ ଯୀଶୁ, ଆଜ୍ଃ ବାବା,ଆର୍ ଆଜ୍ଃ ଆୟକ ତାହେଁନ୍ କାନ୍ ତାହେଁଦ୍ ।

![](https://cdn.door43.org/obs/jpg/360px/obs-en-23-10.jpg)

ତିନ୍‌ଜଖାଃ ଉନ୍‌କୁ ହଳ୍‌ ଯୀଶୁଈ ଆଜ୍ଃ ଆୟ ସାଲାଃକ ଞେଲ୍ କେଦେୟା, ଆକ ଡବ୍ଃ ଜହାର୍ କାତେକ ସାର୍ହାୱ କେଦେୟା । ଉନ୍‌କୁ ଞ୍ଜାନି ହଳ୍ ଉଡି ଦାମାନ୍ ଜିନିଷ୍‌କ ଏମାଃ ଦେୟା।

*ସନତ୍ ପୁଥିୟାଃ କାହାନୀ: ମାଥିଉ ୧-୨; ଲୁକ ୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_23_128kbps.m4a

## 24. ୨୪. ଯୋହନ ଯୀଶୁଈ ଡୁବାନ୍ କେଦେୟାଏ

https://openbiblestories.org/l/mjx/story-24/

![](https://cdn.door43.org/obs/jpg/360px/obs-en-24-01.jpg)

ଯିଖରିୟ ଆର୍ ଏଲିଜାବେଥ୍ ହପନ୍ ଯୋହନ୍ ମାରାଂକାତେ ନାବି ବେନାୱ ଏନାଏ । ଯୋହନ୍‌ଦ ବୁରୁରେ ତାହେଁନ୍ କାନ୍ ତାହେଁଦଃ,ବୁରୁରେନାଃ ଞେଲେ ରାସାଏ ଜମେଦ୍ଃ ତହେଁଦ୍ ଆର୍ ଉଁଟ୍ ଉବ୍ଃତେ ବେନାୱ ଲୁଗ୍‌ଳି ବାନ୍ଦେଃକାନ୍ ତାହେଁଦ୍ ।

![](https://cdn.door43.org/obs/jpg/360px/obs-en-24-02.jpg)

ଉଡିଢେର୍ ହଳ୍ ଆତୁଖନାଃ ଯୋହନାଃ କାଥାକ ଆଞମ୍ ଖାତିର୍ ବୁରୁକ ଚାଲାଃ କାନ୍ ତାହେଁଦ୍ଃ। ଯୋହନ ଆକଠେନ୍ ଏ ଲାଇ ସଦରେଃ ତାହେଁଦ୍ “ମନେରେ କାସ୍ତାୱ ପେ ବାବା ଈଶ୍ୱରାଃ ଦିଶମ୍ ସୁର୍‌ତେ ହିଜୁଃକାନାଏ।”

![](https://cdn.door43.org/obs/jpg/360px/obs-en-24-03.jpg)

ତିନଜଖାଃ ଯୋହନାଃ କାଥାକ ଆଞମ୍ କେଃଆ ତିନାଂଗାନ୍ ହଳ୍ କାସ୍ତାୱ କାତେ ମନେକ ଆଚୁର୍ କେଃଆ ,ଆର୍ ଉନ୍‌କୁ ଦଏ ଡୁବାନ୍ କେଃଦ୍ କଆଏ । ଉଡି ଢେର୍ ଏଟାଃ ଧରମ୍ ଗୁରୁକ ଆଜ୍ଃ ଠେନ୍‌କ ହିଜୁଃ କାନ୍ ତାହେଁଦ ଆଜ୍ଃ ଞେଲ୍ ବାଖାରାତେ,ମେନ୍‌ଖାନ୍ ଉନ୍‌କୁଦ ବାକ କାସ୍ତାୱ ଲେନା ଆର୍ କାଇ ହଁ ବାକ ସଦର୍ ଲେଃଆ ।

![](https://cdn.door43.org/obs/jpg/360px/obs-en-24-04.jpg)

ଯୋହନ ଉନ୍‌କୁ ଧରମ୍ ଗୁରୁକଏ ମେତାଃହାଦ୍ କଆ,“ଆପେ ବିଷାକ୍ତ ବିଞ୍ ହପନ୍‌କ! କାସ୍ତାୱ କାତେ ମନେ ଆଚୁର୍‌ପେ । ଈଶ୍ୱର୍ ବାବା ବାଳିଜ୍ଃ ଜ ଦାରେକଦ ମାଃ ଗିଡିଆଏ ଆର୍ ଜୁଲୁଃ ସେଙ୍ଗେଲ୍ ରେ ଚାପାଦ୍ ଖାଞୟେୟାଏ ।”ନାବିକ ଲାଇଲେଃଦ୍ କାଥା ଯୋହନା ଏ ପୁରାୱ କେଃଆ,“ଞେଲ୍‌ପେ ଇଞ୍ ଆମ୍ ମାଣାଂତେ ମିଃଦ୍ ହଳେଞ୍ ଭେଜାୟା ଯାହାଁଏ ଆମ୍ ଖାତିର୍‌ତେ ହରେ ବେନାୱା ।”

![](https://cdn.door43.org/obs/jpg/360px/obs-en-24-05.jpg)

ତିନାଂ ଗାନ୍ ମୁରବିକ କୁଲି କେଦେୟା ଆମ୍‌ଦମ୍ ମାସି କାନାମସେ । ଯୋହନ ଲାଇ ରୁଆଳା କେଃଆଏ, “ଇଞ୍‌ଦ ମାସି ଦୁଞ୍ଜ ବାଂକାନା ମେନ୍‌ଖାନ୍ ମାସିଦ ଇଞ୍ଜ ତାୟମ୍‌ତେ ହିଜୁଃ କାନାଏ। ମାସି ଉନାଃ ଦାଳେୟାନ୍ ହଳ୍ କାନାଏ ଦ ଇଞ୍ଜ ଆଜାଃ ଚାଟକି ରେନାଃ ଫିତା ଅଚଃହଁ ଦାଳେ ବାନୁଃ ତିଞା ।

![](https://cdn.door43.org/obs/jpg/360px/obs-en-24-06.jpg)

ଅନା ମିଦ୍ଃଦିନ୍ ତାୟମ୍ ଯୀଶୁ ଯୋହନଠେନ୍ ଡୁବାନଃ ଖାତିର୍‌ତେ ହେଜ୍ଃ ଏନାଏ । ଯୋହନ ଯୀଶୁଈ ଞେଲ୍ କାତେ ଲାଇ କେଃଆଏ,ଞେଲେପେ! ଉନି ହିଜୁଃ କାନାଏ ଉନିଦ ଈଶ୍ୱର୍ ବାବାୟିଜ୍ଃ ଭେଡା ହପନ୍, ଯାହାଁଏ ଧାର୍ତି ରେୟାଃ ଝତ କାଇକ ଗଃ ଇଦିୟା ।

![](https://cdn.door43.org/obs/jpg/360px/obs-en-24-07.jpg)

ଯୋହନ ଯୀଶୁଈ ମେତାଃ ଦେୟାଏ, “ଇଞ୍ ଆମ୍ ଡୁବାନ୍ ଖାତିର୍ ତେ ଲାକ୍ତିଆନ୍ ହଳ୍ ଦୁଞ୍ଜ ବାଂ କାନା । ଅନା ବଦଲ୍‌ତେ ଅମ୍‌ଗେ ଇଞ୍ ଡୁବାନିଞ୍ ରେନାଃ କାଥା ।” ମେନ୍‌ଖାନ୍ ଯିଶୁଈ ମେନ୍ କେଃଆଏ “ବାଂଆ ଆମ୍‌ଗେ ଇଞ୍ ଡୁବାନିଞ୍ ମେ,ଚେଦାଃସେ ନଆଁଗେ ଭାଗିଆ,” ଅନାତେ ଯୋହନ ଯୀଶୁ ବାଏ କାଇ ଲେଃଦ୍ ରେହଁ ଡୁବାନ୍ କେଦେୟାଏ ।

![](https://cdn.door43.org/obs/jpg/360px/obs-en-24-08.jpg)

ଡୁବାନ୍ କାତେ ଦାଃ ଖନାଃ ଏ ଅଡକ୍ ଏନ୍‌ଜଖାଃ, ଈଶ୍ୱର୍ ବାବାଃ ଆତ୍ମା ପତାମ୍ ଲେକାତେ ସେର୍ମାଖନ୍ ଆଁଣ୍‌ଗ ହେଜ୍ଃ କାତେ ଆଜ୍ ଠେନେ ତାହେଁ ଏନାଏ । ଉନ୍ ବେଳାରେଗେ ସେର୍ମା ଖନାଃ ଈଶ୍ୱର୍ ବାବା ଲାଇ କେଃଆଏ ନୁଇଦ ଇଞିଞ୍ ହପନ୍ କାନାଏ । ଇଞ୍ ଉନିଞ୍ ଦୁଲାଳେ କାନା ଆର୍ ଇଞ୍ ଆଜ୍ ଠେନ୍ ଉଡି ଢେରିଞ୍ କୁଷିଆକାନା ।

![](https://cdn.door43.org/obs/jpg/360px/obs-en-24-09.jpg)

ଈଶ୍ୱର୍ ବାବା ଯୋହନ୍ ମେତାଃଦେ ତାହେଁଦ୍ ଦ “ଆମ୍ ଯାହାଁଏ ଡୁବାନେ ଜଖାଃ ସେର୍ମାଖନ୍ ସନତ୍ ଆତ୍ମା ଆଁଣ୍‌ଗ କାତେ ଆଜ୍ଃ ଠେନ୍ଏ ଦୁଳୁବ୍ଃ ଆୟ ଉନିଗେ ଇଞିଞ୍ ହପନ୍ ଦ ।” ଅଣ୍ଡେ ମିଃଟାଂଗେ ଇଶ୍ୱରେ ତାହେଁନା । ଯୋହନା ଯୀଶୁଈ ଡୁବାନେ କାନ୍ ଜଖାଃ,ଆଜ୍ଃ ଈଶ୍ୱର୍ ବାବାହାଃ କାଥାଏ ଆଞ୍ଜମ୍ କେଃଆ,ଞେଲେପେ ନୁଇଗେ ଈଶ୍ୱର୍ ହପନ୍ ଯୀଶୁ ଆର୍ ଯୋହନ ସନତ୍ ଆତ୍ମାଏ ଞେଲ୍ କେଦେୟା ।

*ସନତ୍ ପୁଥିୟାଃ କାହାନୀ: ମାଥିଉ ୩; ମାର୍କ ୧; ଲୁକ୍ ୩; ଯୋହନ୍ ୧:୧୫-37*

Audio: https://git.door43.org/OBS-TLF/mjx_obs/releases/download/v1/mjx_obs_v1_24_128kbps.m4a

## 25. ୨୫. ଶୟତାନ୍ ଠେନ୍ ଯୀଶୁଈ  ବିଡାୱ ହଚ ଏନାଏ

https://openbiblestories.org/l/mjx/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁ ଦାଃଖନ୍ ରାକାୱ୍ ତାରା, ସନତ୍ ଆତ୍ମା ଯୀଶୁକେ ବୁରୁ ସେନ୍‌ଏ ଇଦି କେଦେୟା । ଅଣ୍ଡେ ଯୀଶୁ ପୁନ୍ ଗେଲ୍ ଞିଦା ଆର୍ ପୁନ୍ ଗେଲ୍ ସିଞ୍ ତାହେଁ ଏନାଏ । ନଆଁ ଭିତିର୍‌ରେ ସୟେତାନ୍ ହେଜ୍ଃ କାତେ ବିଡାୱ କେଦେୟାଏ ଯୀଶୁକେ ।

![](https://cdn.door43.org/obs/jpg/360px/obs-en-25-02.jpg)

ପୁୟୁଲୁରେ,ଶଇତାନ୍ ଯୀଶୁଈ ମେତାଃ ଦେୟାଏ, ଯୁଦି ଆମ୍ ଈଶ୍ୱର୍ ହପନ୍ କାନାମ୍, ତବେଖାନ୍ ନଆଁ ଧିରିକ ପିଠା ହଚଏମେ, ଖାନ୍ ଆମେମ୍ ଜମ୍ ଦାଳେୟାଃ ।

![](https://cdn.door43.org/obs/jpg/360px/obs-en-25-03.jpg)

ମେନ୍‌ଖାନ୍ ଯୀଶୁ ସୟେତାନ୍ ମେନ୍ ରୁୱାଳାଦେୟାଏ,ଈଶ୍ୱର୍ ବାବାହା କାଥା ନଙ୍କାହଁ ଅଲ୍ ଆକାନା,ହଳ୍ ଏଖେନ୍ ପିଠାତେ ବାକ ବାଞ୍ଚାୱାଃ,ମେନ୍‌ଖାନ୍ ଝତୱାଃ ଲାଗ୍‌ତିଆ ଅକା ଈଶ୍ୱର୍ ବାବାଏ ମେନ୍‌ନା ।

![](https://cdn.door43.org/obs/jpg/360px/obs-en-25-04.jpg)

ଇନା ତାୟମ୍ ସୟେତାନ୍ ଯୀଶୁଈ ମୁନ୍ଦିଲ୍ ଚେତାନ୍‌ତେ ଇଦି କେଦେୟାଏ । ଶଇତାନ୍ ଯୀଶୁଈ ମେତାଃ ଦେଆଏ, “ଯୁଦି ଆମ୍ ଈଶ୍ୱର୍ ହପନ୍ କାନାମ୍ ନଣ୍ଡେଖନ୍ ଲାତାର୍ ଦନ୍‌ମେ,ନଙ୍କାହଁ ଅଲ୍ ଆକାନା, ଆଜ୍ଃ ଅଜ୍ଃରିନ୍ ଦୁତ୍‌କ ମେତାଃ କଆଏ ତେଲାଏପେ ଯେମନ୍ ଆଜାଃ ଜାଙ୍ଗା ଧିରିରେ ଆଲ ବାଜାୱଃ ମା ମେନ୍ତେ ।”

![](https://cdn.door43.org/obs/jpg/360px/obs-en-25-05.jpg)

ମେନ୍‌ଖାନ୍ ଯୀଶୁ ସୟେତାନ୍ ଆଁ କାଥା ବାଏ ଆଞ୍ଜମ୍ ଲେଃଆ । ଉଲ୍‌ଟା ସୟେତାନ୍ ମେତାଃ ଦେୟାଏ, “ଈଶ୍ୱର୍ ଝତ ହଳ୍‌ଏ ଲାଇକାଦ୍ଃ କୱା,ଆପେ ଆପେରିନ୍ ପ୍ରଭୁ ଈଶ୍ୱର୍ ଆଲପେ ବିଡାୱେୟା ।”

![](https://cdn.door43.org/obs/jpg/360px/obs-en-25-06.jpg)

ଇନା ତାୟମ୍ ଶୟେତାନ୍ ଯୀଶୁଈ ଧାର୍ତିରେନା ଝତ ଦିଶମ୍ ଉଦୁଃ ଆଦେୟାଏ । ଶୟେତାନ୍ ସଦରାଃ ଦେୟାଏ ଦ ଆକ ତିନାଃ ଦାଳେୟାନ୍ ଆର୍ କିଶାଣ୍ କୋ ତାହେଁକାନା ମେନ୍ତେ। ସୟେତାନ୍ ଯୀଶୁଈ ମେତାଃ ଦେୟାଏ, ଯୁଦି ଆମ୍ ଇଞ୍‌କେ ଜହାର୍ ଆର୍ ସାର୍‌ହାୱଇଞ୍ଜ୍ ଖାନ୍ ଜାହାଁ ତିନାଃମ୍ ଞେଲ୍‌କେଃଆ ଝତଞ୍ ଏମାଃମା ।

![](https://cdn.door43.org/obs/jpg/360px/obs-en-25-07.jpg)

ଯୀଶୁ ସୟେତାନ୍ ମେନ୍ ରୁଆଳ୍‌ଆଃ ଦେୟାଏ,“ଇଞ୍ ସୁର୍‌ଖନ୍ ସାହାଃମେ ସୟେତାନ୍, ଇଶ୍ୱରାଃ କାଥାରେ ନଙ୍କାହଁ ଅଲ୍ ଆକାନା, ଆଜ୍ଃ ଆଜ୍ଃରେନ୍ ହଳ୍‌କୟେ ମେତାଦ୍ଃ କଆଏ,ଆପେ ଆପେରିନ୍ ପ୍ରଭୁ ଇଶ୍ୱର୍‌ଗେ ସେୱାୟେପେ । ଆର୍ ଉନିଗେ ଈଶ୍ୱର୍ ଲେକା ମାନାୱ ବାତାୱୟେପେ ।”

![](https://cdn.door43.org/obs/jpg/360px/obs-en-25-08.jpg)

ଯୀଶୁ ସୟେତାନାଃ କାଥା ବାଏ ଆଞ୍ଜମ୍ ଲେଦ୍ଃ ଖାତିର୍ ସୟେତାନ୍ ଦ ଯୀଶୁଠେନ୍ ଖନ୍ ଞିର୍ ଏନାଏ । ଇନା ତାୟମ୍ ସେର୍ମା ଦୁତ୍‌କ ହେଜ୍ଃକାତେ ଯୀଶୁଈ ସେୱା କେଦେୟା ।

*ସନତ୍ ପୁଥିୟାଃ କାହାନୀ: ମାଥିଉ ୪:୧-୧୧; ମାର୍କ ୧:୧୨-୧୩; ଲୁକ୍ ୪:୧-୧୩*

Audio: https://git.door43.org/OBS-TLF/mjx_obs/releases/download/v1/mjx_obs_v1_25_128kbps.m4a

## 26. ୨୬. ଯୀଶୁ ମାଶିଆ ଭାଗେ ସମ୍ୱାଦ୍ ପାଷ୍ନାୱ କାମି ଏତହବ୍

https://openbiblestories.org/l/mjx/story-26/

![](https://cdn.door43.org/obs/jpg/360px/obs-en-26-01.jpg)

ଯୀଶୁ ସୟେତାନାଃ ବିଡାୱ ଖନ୍ ପାରମ୍ କାତେ,ଗାଲିଲିତେ ହେଜ୍ଃ ରୁଆଳ୍ ଏନାୟେ । ଅକାରେ ଆଜ୍ଃ ତାହେଁନ୍ କାନ୍ ତାହେଁଦଃ । ସନତ୍ ଆତ୍ମା ଯୀଶୁକେ ଉଡି ଢେର୍ ଦାଳେ ଏମାଃ ଦେୟାଏ,ଆର୍ ଯୀଶୁ ଆତୁ ଆତୁ ଚାଲାୱ କାତେ ହଳ୍‌କକେ ଭାଗେ ସମ୍ୱାଦ୍ ଲାଇୟାଦ୍ଃ କଆୟେ । ଝତ ହଳ୍ ଆଜ୍ଃକେ ବେସ୍ କ ମେତାଃ ଦେୟା ।

![](https://cdn.door43.org/obs/jpg/360px/obs-en-26-02.jpg)

ଯୀଶୁ ନାଜାରିଥ୍ ବାଜାର୍‌ତେ ଚାଲାୱ ଏନାୟେ । ନଆ ନାଜାରିଥ୍ ଆତୁଦ ଆଜାଃ ଜଲ୍ମ ଆତୁ ଯାହାଁରେ ଗିଦ୍ରାଖନାଃଏ ତାହେଁକାନ୍ ତାହେଁଦଃ । ଜିରାୱ ମାହାଁ ହିଲଃ,ଯୀଶୁ ମୁନ୍ଦିର୍ ଏ ଚାଲାୱ ଏନାୟେ । ଅଣ୍ଡେରେନ୍ ନାଏକେ ହଳ୍‌କ ଯୀଶୁକେ ଯିଶାଇଆଃ ମାଣାଂ କାଥା ଅଲ୍ ବୁହିକ ଏମାଃଦେୟା । ଅନା ବୁହିକ ପାଳ୍‌ହାୱ ହଚୟେ ବାଖରାତେ । ଅନା ବୁହି ଅଟାଃ କାତେ ମିଦ୍ଃ ଆତମେ ପାଳ୍‌ହାୱ କେଃଆ ଉନ୍‌କୁ ହଳ୍ ସାମାଂରେ ।

![](https://cdn.door43.org/obs/jpg/360px/obs-en-26-03.jpg)

ଯୀଶୁଈ ପାଳ୍‌ହାୱ କେଃଆୟେ,ଈଶ୍ୱର୍ ବାବା ଆଜାଃ ଆତ୍ମା ଇଞ୍ ଏମାଃ କାଦିଞାଏ ମେନ୍ତେ,ରେଙ୍ଗେଜ୍ ହଳ୍ ସାମାଂରେ ଭାଗେ ସମ୍ୱାଦ୍ ଲାଇ ଦାଳେଃ କାନାଞ୍ । ଈଶ୍ୱର୍ ବାବା ଇଞ୍‌କେ ଭେଜାଃ କାଦିଞାୟେ,ଜିହଲ୍ ଖନ୍ ହଳ୍ ଆଳାଃ ଗିଡି,କାଣାଁ ହଳ୍ ଦଳ୍‌ହାକ ଞେଲ୍ ଦାଳେୟା ଆର୍ ହାରକେତ୍ ଶାଶେତ୍ ଖନାଃ ବାଞ୍ଚାୱ ଖାତିର୍ । ନଆଗେ ଭାଗି ଅକ୍ତଦ ଈଶ୍ୱର୍ ବାବା ଆବ ଗଳଆ ବୱାୟେ ଆର୍ ଦାୟା ବଆୟେ ।

![](https://cdn.door43.org/obs/jpg/360px/obs-en-26-04.jpg)

ଇନା ତାୟମ୍ ଯୀଶୁଈ ଦୁଳୁଃବ୍ ଏନାୟେ । ଝତ ହଳ୍ ସୁର୍‌ଖନାଃ ଆଜ୍ଃଗେକ ଞେଲେ କାନ୍ ତାହେଁଦଃ । ଆକକ ବାଡାଏ ଲେଦ୍ଃ ତାହେଁଦଃ ଅନା ସମ୍ୱାଦ୍ ଦ ମାସି ଖାତିର୍‌ତେ ଅଲାକାନ୍ ତାହେଁଦଃ । ଯୀଶୁ ଲାଇକେଃଆୟେ,”ଯାହାଁ ଆପେଠେନ୍ ଲାଇ ସଦରାଦ୍ଃ ପିୟାଞ୍ଜ୍ ଅନାକଦ ନିତ୍‌ଗେ ହୁୟୁଆଃ । ଝତ ହଳ୍‌କ ଭେକ୍ଲାୟେନା,ଆର୍‌କ ମେନ୍ କେଃଆ ନୁଇ ଯଶେଫ୍ ହପନ୍ ଯିଶୁ କାନାୟ ତ? ଆକକ ଲାଇ କେଦାଃ ।

![](https://cdn.door43.org/obs/jpg/360px/obs-en-26-05.jpg)

ଇନାତାୟମ୍ ଯୀଶୁଈ ମେନ୍ କେଃଆ,“ନଆଁଦ ସାରି କାଥାକାନା ଆଜ୍ଃ ଅକା ଆତୁରେ ମାରାଂ ଲେନାୟେ ଅନା ଆତୁରେ ନାବିକୱାଃ କାଥା ବାକ ପାତିୟାୱାଃ । ନାବି ଏଲିୟ ତାହେଁକାନ୍ ବେଳାରେ ଇଶ୍ରାୟେଲ୍‌ରେ ଉଡି ଢେର୍ ରାଣ୍ଡି ଏରାକ ତାହେଁୟା । ମେନ୍‌ଖାନ୍ ତିନ୍‌ଜଖାଃ ଅଣ୍ଡେ ପେ ସେର୍ମା ତାଲା ବାୟେ ଦାଃ ଲେଃଆ, ଏନ୍ତେ ରେହଁ ଈଶ୍ୱର୍ ବାବା ଏଲିୟ ବାୟେ ଭେଜା ଲେଦେୟା ଉନ୍‌କୁ ଗଳ ବାଖ୍ରାତେ । ଅନା ବଦଲ୍‌ତେ ଏଟା ଜାତିରେନ୍ ହଳ୍ ଠେନ୍ ଭେଜା କେଦ୍ଃ କଆଏ ।”

![](https://cdn.door43.org/obs/jpg/360px/obs-en-26-06.jpg)

ଯୀଶୁ ଆର୍‌ହଁ ମେନ୍ କେଃଆୟେ,“ଆର୍ ନାବି ଏଲିଶା ତାହେଁକାନ୍ ବେଳାରେ,ଇଶ୍ରାୟେଲ୍ ରେନ୍ ଉଡିଢେର୍ ହଳ୍ ହାର୍ତା ବେମାର୍ ଞାମ୍ ଲେଦ୍ଃ କ ତାହେଁଦ୍ଃ । ମେନ୍‌ଖାନ୍ ଏଲିଶା ଅକୟେହଁ ବାଏ ବୁଗି ଲେଦ୍ଃ କୱା । ଆଜ୍ଃ ଏଖେନ୍ ମିଦ୍ଃ ହଳ୍ ବୁଗି ଲେଦେୟାଏ,ଯାହାଁଏ ଇଶ୍ରାୟେଲ୍ ରେନ୍ ବାଇରି କୱାଃ ମିଃଟାଂ ମାରାଂ ହଳେ ତାହେଁକାନା ।”ମେନ୍‌ଖାନ୍ ଯାହାଁଏ ହଳ୍ ଯୀଶୁଆଃ କାଥାକ ଆଞମେଃଦ୍ ତାହେଁଦ୍ଃ ଉନ୍‌କୁ ଦ ଯିହୁଦି ହଳ୍‌କ ତାହେଁୟାଁ । ଅନା ଖାତିର୍ ତିନ୍ଜଖାଃ ଯୀଶୁଆ ନଆଁ କାଥାକ ଲାଇ ଆଞମ୍ କାତେ ଆକ ରାଗିୟେନାଏ।

![](https://cdn.door43.org/obs/jpg/360px/obs-en-26-07.jpg)

ନାଜରିତ୍ ରେନ୍ ହଳ୍‌କ ଯୀଶୁକ ସାବ୍ଃ କେଦେୟା,ଆର୍ ଅନା ବଙ୍ଗା ଜାୟେଗା ଖନ୍ ଗହଳ୍ କାତେକ ଅଡକ୍ କେଦେୟା । ଆକ ସାବ୍ଃ କାତେ ମିଃଟାଂ ବୁରୁରେନାଃ ଉଡି ମାରାଂ ଖାୟୁଁଃତେକ ଇଦି କେଦେୟା, ଅଣ୍ଡେ ଲେବ୍‌ଦା ଖାଞ୍ଜକାତେ ଗଜେୟାକ ମେନ୍ତେ । ମେନ୍‌ଖାନ୍ ଯୀଶୁ ହଳ୍ ତାଲାତେ ତାଳାମ୍ କେଃଆୟେ ଆର୍ ନାଜରିଥ୍ ନାଗାରେ ବାଗି କେଃଆଏ।

![](https://cdn.door43.org/obs/jpg/360px/obs-en-26-08.jpg)

ଇନା ତାୟମ୍ ଯୀଶୁ ଗାଲିଲି ଆତୁ ଚାଲାୱ ୟେନାଏ ଆର୍ ଉଡି ଢେ୍ର୍ ହଳ୍ ଆଜ୍ଃ ଠେନ୍‌କ ହେଜ୍ଃଏନା। ଉନ୍‌କୁ ହଳ୍ ଉଡିଗାନ୍ ବେମାର୍ ଆର୍ ଆପାହିଜ୍ ହଳ୍‌କ କୋ ଆଗୁ କେଃଦ୍ କୱା। ଉନ୍‌କୁ ଭିତିର୍‌ରେ କାଣା, କନ୍ଦା, ଛଟା ଆର୍ କାଲା କ କ ତାହେଁୟାଃ, ଯୀଶୁ ଝତୟେ ବୁଗି କେଦ୍ଃ କୱା।

![](https://cdn.door43.org/obs/jpg/360px/obs-en-26-09.jpg)

ଆର୍‌ହଁ ଉଡିଢେର୍ ହଳ୍ ବଙ୍ଗା ଚାପାଣ୍ ହଳ୍‌କ ଯୀଶୁଠେନ୍ କ ଆଗୁ କେଃଦ୍ କୱା। ଯୀଶୁ ବଙ୍ଗାକ ମେତାଦ୍ଃ କୱାୟେ,ହଳ୍ ଠେନ୍‌ଖନ୍ ଅଡକଃ ପେ ମେନ୍ତେ,ଆର୍ ଅନକାଗେ ଆଜାଃ କାଥା ଆଞମ୍ ତାରା କ ଅଡକ୍ ଏନା। ଉନ୍‌କୁ ବଙ୍ଗାକ “ଆମଦ ଈଶ୍ୱର୍ ହପନ୍” ମେନ୍ତେ ହୁରିକାତେ ଅଡକ୍ ଏନାକ ଅଣ୍ଡେ ତାହେଁକାନ୍ ହଳ୍‌କ ଞେଲ୍ କାତେକ ହାହାଳାଏନା ଆର୍ ଈଶ୍ୱର୍ କ ସାର୍‌ହାୱ କେଦେଏ।

![](https://cdn.door43.org/obs/jpg/360px/obs-en-26-10.jpg)

ଇନା ତାୟମ୍ ଆଜାଃ ଚେଲାଖନ୍ ଗେଲ୍‌ବାର୍ ହଳ୍ଏ ସାଲା କେଃଦ୍ କୱା,ଉନ୍‌କୁଦ ଆଜ୍‌ରିନ୍ ଆପନାର୍ ଚେଲାକ ହୁଇୟେନା । ଆଜ୍ଃ ଉନ୍‌କୁ ଚେଲା ମେନ୍ତେ ମେତାଃଦ୍ କୱାୟେ, ଆକଦ ଆଜ୍ଃ ସାଲାଃ ଗେକ ଦାଣା କେଃଆ ଆର୍ ଯୀଶୁ ଠେନ୍ ଖନାଃ ଗେୟାନ୍ କ ଞାମ୍ କେଃଆ।

*ସନତ୍ ପୁଥିୟାଃ କାହାନୀ: ମାଥିଉ ୪: ୧୨-୨୫; ମାର୍କ ୧-୩; ଲୁକ୍ ୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_26_128kbps.m4a

## 27. ୨୭. ମିଟାଂ ଭାଗି ଶାମାରିତାନ୍ ହଳା କାଥା

https://openbiblestories.org/l/mjx/story-27/

![](https://cdn.door43.org/obs/jpg/360px/obs-en-27-01.jpg)

ମିଦ୍ଃ ଦିନ୍, ଯିହୁଦି ନିୟମ୍ ଭାଗି ଧାରା ବାଡାୟେ ହଳ୍ ଯୀଶୁଠେନେ ହେଜ୍ଃ ଏନାଏ । ଆଜ୍ଃ, ଯୀଶୁ ବାଳିଜ୍ଃ ଶିଖନାତ୍ ଏମାକ କାନ୍ ଖାତିର୍ ହଳ୍ ଠେନ୍‌ଏ ସଦରା ମେନ୍ତେ ମନେ କେଃଆୟେ। ଅନା ମେନ୍ତେ ଆଜ୍ଃ ଯୀଶୁଈ କୁଲି କେଦେୟାଏ “ଗୁରୁ ଇଞ୍ ଯାଏଯୁଗ୍ ଜୀୱନ୍ ଞାମ୍ ବାଖ୍ରା ଚେଦ୍ଃ ଇଞ୍ ଚିକାୟା?”ଯୀଶୁ ମେନ୍ ରୁଆଳ୍ କେଃଆଏ,ଇଶ୍ୱରାଃ ହୁକୁମ୍ ରେ ଚେଃଦ୍ ଅଲାକାନା?

![](https://cdn.door43.org/obs/jpg/360px/obs-en-27-02.jpg)

ଉନି ହଳ୍ଏ ମେନ୍ ରୁଆଳ୍ କେଃଆ,ନଙ୍କା ଅଲାକାନା ଆମରେନ୍ ଈଶ୍ୱର୍ ଆମାଃ ଗଟା ମନେ,ଆତ୍ମା,ଦାଳେ ଆର୍ ହିର୍ଦୟ୍ ତେ ଦୁଲାଳେ ପେ । ଆର୍ ମିଃଟାଂହଁ ନଙ୍କାଗେ ଅଲାକାନା “ଆପେରିନ୍ ଆତୁ ଟଲା ହଳକ ଆପେ ଲେକାଗେ ଦୁଲାଳ୍ କପେ ।” ଯୀଶୁଈ ମେନ୍ କେଃଆ “ଆମ୍ ସାରି କାଥାମ୍ ଲାଇ କେଃଆ ଯୁଦି ଆମ୍ ନଙ୍କାମ୍ କାମିଆ କାଃ ତବେ ଯାୟେଯୁଗ୍ ଜିୱନେମ୍ ଞାମା ।”

![](https://cdn.door43.org/obs/jpg/360px/obs-en-27-03.jpg)

ମେନ୍‌ଖାନ୍ ଉନି ହୁକୁମ୍ ବାତାୱାନ୍ ହଳ୍‌ଦ ହଳ୍ ଠେନ୍ଏ ଞେଲ୍ ହଚଃଆ ମେନ୍ତେ,ଆଜ୍ଃଗେ ଭାଗି କାମିଈଜ୍ କାନାଏ । ଅନାମେନ୍ତେ ଆଜ୍ ଯୀଶୁଈ କୁଲି କେଦେୟାଏ, “ଠିକ୍ ଗେୟା, ତବେ ଇଞ୍‌ରେନ୍ ଟଲା ହଳ୍‌ଦ ଅକୟେ?”

![](https://cdn.door43.org/obs/jpg/360px/obs-en-27-04.jpg)

ଯୀଶୁ ଉନି ହଳ୍‌କ ମିଃଟାଂ କାହାନୀ ଲାଇକାତେ ବୁଝାୱ କେଦେୟାଏ । “ମିଃଟାଂ ହଳେ ତାହେଁକାନା ଯାହାଁଏ ଯିରୁସାଲେମ୍ ଖନ୍ ଜିରିହ ଏକେଲାଗେ ତାଳାମ୍ ତେ ଚାଲାଃ କାନ୍ ତାହେଁଦଃ ।”

![](https://cdn.door43.org/obs/jpg/360px/obs-en-27-05.jpg)

“ମେନ୍‌ଖାନ୍ ତିନାଃଗାନ୍ କୁମ୍ବୁଳୁ କ ଞେଲ୍ କେଦେୟା ଆର୍‌କ ଦାଲ୍ ଘଲ୍‌ଟାୱ କେଦେୟା । କୁମ୍ବୁଳୁକ ଉନି ହଳାଃ ଝତ ଜିନିଷ୍ କ ରେଜ୍ଃ କେଦେୟା ଆର୍ ଦାଲ୍ କାତେକ ଦର୍‌ମରା କେଦେୟା । ଇନାତାୟମ୍ କ ଚାଲାୱ ୟେନା ।”

![](https://cdn.door43.org/obs/jpg/360px/obs-en-27-06.jpg)

ତିନାଂଘାଳିଜ୍ଃ ତାୟମ୍ ମିଃଟାଂ ଯିହୁଦି ନାଏକେ ଅନା ହର୍‌ତେଗେ ହେଜ୍ଃ ଏନାଏ । ଉନି ନାଏକେ ହଳ୍, ଞେଲ୍ କେଦେୟାଏ ହର୍ ଧାରେରେ ମିଦ୍ଃ ହଳେ ଗୁଳ୍‌ଦାୱା କାନାଏ । ଞେଲ୍ କାତେଗେ ହର୍‌ରେନାଃ ଏଟାଃ ଧାରେତେ ଚାଲାୱ ଇଦି ଏନାଏ । ଉନି ହଳ୍‌ଦ ଘଲ୍ଟାୱାକାନ୍ ହଳ୍ ପୁରା ପୁରି ବାଗି କେଦେୟାଏ ।

![](https://cdn.door43.org/obs/jpg/360px/obs-en-27-07.jpg)

“ତିନାଂ ଘାଲିଜ୍ ତାୟେନମ୍ ମିଃଟାଂ ଲେବିୟ ନାଏକେ ହଳ୍ ଅନା ହର୍‌ତେଗେ ହେଜ୍ଃ ଏନାୟେ। ଲେବିୟ-ଯାହାଁୟେକ ମାଝୀ ହାଳାମ୍ କ ବଙ୍ଗା ବେଳାରେ ମୁନ୍ଦିଲ୍ ରେକ ଗଳଆ କୱା) ନୁଇ ନାଏକେ ହଁ ଉନି ହଳ୍ ଞେଲ୍‌କାତେ ହର୍ ରେନାଃ ଏଟା ଧାରେତେ ପାରମ୍ ଚାଲାୱ ଏନାୟେ । ଉନିହଁ ଞେଲ୍‌କାତେ ପୁରା ପୁରି ବାୟେ ଞେଲ୍ ଆକାଦେ ଲେକା ତାଳାମ୍ ପାରମ୍ କେଃଆୟେ।”

![](https://cdn.door43.org/obs/jpg/360px/obs-en-27-08.jpg)

ଇନା ତାୟମ୍ ସାମାରିୟା ଖନ୍ ମିଃଟାଂ ହଳ୍ ଅନା ହର୍‌ତେଗେ ହେଜ୍ ଏନାୟେ । (ସାମାରିୟା ହଳ୍ ଆର୍ ଯିହୁଦି ହଳ୍ ଦ ବାକ ପଟାୱାଃ) ସାମାରିୟା ହଳ୍ ଞେଲ୍ କେଦେୟାଏ ହର୍‌ରେ ମିଃଟାଂ ହଳେ ଗୁଳ୍‌ଦାୱାକାନା । ଞେଲ୍ କେଦେୟାଏ ଉନିଦ ଯିହୁଦି ହଳ୍ କାନାଏ ମେନ୍ତେ,ଏନ୍‌ରେହଁ ଆଜ୍ଃ ଚେତାନ୍ ରେ ଉଡି ଢେର୍ ଦାୟା ହେଜ୍ଃ ଏନା । ଅନା ଖାତିର୍ ଆଜ୍ଃ ସୁର୍ ଚାଲାୱ କାତେ ଘାୱକରେ ଗାଦ୍ରୁମ୍ ଏ ତଲ୍ କେଦେୟାଏ ।”

![](https://cdn.door43.org/obs/jpg/360px/obs-en-27-09.jpg)

“ଇନାତାୟମ୍ ସାମାରିୟା ହଳ୍ ଉନି ହଳ୍‌ ବେରେଦ୍ଃ କାତେ ଆଜିଜ୍ଃ ଗାଧା ଚେତାନ୍‌ରେ ଲାଦେ କେଦେୟାଏ। ସାମରିୟା ଉନି ହଳ୍‌ ଡାକ୍ତର୍ ଖାନାତେ ଇଦି କେଦେୟାଏ ଅନା ହର୍ ତେଗେ । ଅଣ୍ଡେ ସାରା ଘାଳିଜ୍ଃ ଆଜାଃ, ଯତନେ ଇଦି କେଃଆଏ ।”

![](https://cdn.door43.org/obs/jpg/360px/obs-en-27-10.jpg)

“ଅନାଦସାର୍ ରେୟାଃ ତେସାର୍ ହିଲଃ ସାମାରିୟା ହଳ୍ ଚାଲାୱ ଏନାୟେ । ଡାକ୍ତର୍ ଖାନାରେନ୍ ଦାୟିତଆନ୍ ହଳ୍‌କୋ ଯାହାଁଉଡିଜ୍ଃ ପୁଇସା ଏମ୍ ହଟଆଃଦେୟାଏ । ଆଜ୍ଃ ଉନି ଡାକ୍ତର୍‌ ମେତାଃଦେୟାଏ, ନୁଇ ହଳ୍ ଜତନେମେ, ଯୁଦି ଆର୍‌ହଁ ଢେର୍ ପୁଇସା ଖର୍ଚଆଃ ତବେଖାନ୍ ରୁଆଳ୍ ଜଖାଃ ବାକି ପୁଇସା ଦଞ୍ଜ ଏମ୍ ହଟୱା ମା ।”

![](https://cdn.door43.org/obs/jpg/360px/obs-en-27-11.jpg)

ଇନାତାୟମ୍ ଯୀଶୁ ଉନି ହୁକୁମ୍ ବାଡାୱ ହଳ୍‌ କୁଲି କେଦେୟାଏ,“ଚେଦ୍ଃଏମ୍ ଉଇହାରେଆଃ? ନିତଃ ଲାଇମେ ଉନ୍‌କୁ ପେ ହଳ୍‌ଖନ୍ ଅକଏ ଉନି ଦାଲ୍ ଗୁଳ୍‌ଦାୱ ହଳ୍‌ଇଜ୍ଃ ଆତୁ ହଳ୍‌ଏ ହୁୟୁଗଃଆ?ଉନି, ହଳ୍ ମେନ୍ ରୁଆଳ୍ କେଃଆୟେ ଯାହାଁୟେ ଆଜ୍ଃକ ଦାୟା ଆଦ୍ଃ ଦେଆୟେ ।”ଯୀଶୁ ଉନିକ ମେତାଃ ଦେୟାଏ “ଦୁ ଆମ୍‌ହଁ ଚାଲାୱ କାତେ ଅନ୍‌କାଗେ କାମିମେ ।”

*ସନତ୍ ପୁଥିୟାଃ କାହାନୀ: ଲୁକ୍ ୧୦:୨୫-୩୭*

Audio: https://git.door43.org/OBS-TLF/mjx_obs/releases/download/v1/mjx_obs_v1_27_128kbps.m4a

## 28. ୨୮. କିଶାଣ୍ କଳା ଚାଲାୱିଆ କାହାନୀ

https://openbiblestories.org/l/mjx/story-28/

![](https://cdn.door43.org/obs/jpg/360px/obs-en-28-01.jpg)

ମିଃଦିନ୍ ମିଃଟାଂ କିଶାଣ୍ ଚାଲାୱ ଇଜ୍ଃ କଳା ଯୀଶୁଠେନ୍ ହେଜ୍ଃ ଏନାୟେ ଆର୍ କୁଲି କେଦେୟାଏ,“ଭାଗି ଗଙ୍କେ, ଯାୟେଯୁଗ୍ ଜିୟନ୍ ଞାମ୍ ଖାତିର୍ ଚେଦ୍ଃଇଞ୍ ଚିକାୟା?ଯୀଶୁ ଆଜ୍ଃ ମେତାଃ ଦେୟାୟେ,“ଚେଦ୍ଃ ଖାତିର୍ ଇଞ୍‌ ଭାଗି ଗଙ୍କେମ୍ ମେତାଃଦିଞା?”ନଆଁ ଧାର୍ତିରେ ମିଃଟାଂଗେ ଭାଗିୟାୟେ ଉନିଦ ଈଶ୍ୱର୍ କାନାୟେ। ଯୁଦି ଆମ୍ ଯାୟେଯୁଗ୍ ଜିୱନ୍ ଞାମ୍ ସାନାୟେଦ୍ଃ ମେୟାଁ, ତବେ ଆଜାଃ ହୁକୁମ୍ ମାନାୱ ହୁଇଆମା ।

![](https://cdn.door43.org/obs/jpg/360px/obs-en-28-02.jpg)

“ଉନି ଚାଲାୱିଜ୍ଃ ଯୀଶୁଈ କୁଲି କେଦେୟାଏ, ଅକା ହୁକୁମ୍ ଇଞ୍ ମାନାୱ ପଳାୱାଞ୍ଜା ।” ଯିଶୁ ମେନ୍ ରୁଆଳାଃଦେୟାଏ,“ହଳ୍ ଆଲମ୍ ଗଜ୍ଃ କଆ । ଆଲମ୍ ଲାଟ୍‌ଘାଟିଆ । ଆଲମ୍ କୁମ୍ୱୁଳୁୟା। ଏଳେ କାଥା ଆଲମ୍ ଲାଇୟା। ଆୟ ଆର୍ ବାବା ସେବା କିନ୍‌ମେ,ଆର୍ ଆମ୍‌ରେନ୍ ଆତୁ ହଳ୍‌କ ଆପନାର୍ ଲେକାଗେ ଦୁଲାଳ୍ କମେ ।”

![](https://cdn.door43.org/obs/jpg/360px/obs-en-28-03.jpg)

ମେନ୍‌ଖାନ୍ ଉନି କଳା ମେନ୍ କେଃଆୟେ,“ଇଞ୍ ନଆକଦ ଗିଦ୍ରା ଖନ୍‌ଗେ ମାନୱ ବାତାୱ ଆଗୁୟେଆଞ୍ । ଯାୟେଯୁଗ୍ ଜିୱନ୍ ଞାମ୍ ଖାତିର୍ ତେ ଆର୍ ଚେଦ୍ଃଇଞ୍ କାମିୟାଁ?”ଯୀଶୁ ଆଜ୍ଃ ଞେଲ୍ କେଦେୟାଏ ଆର୍ ଦୁଲାଳ୍ କେଦେୟାଏ ।

![](https://cdn.door43.org/obs/jpg/360px/obs-en-28-04.jpg)

ଯୀଶୁ ମେନ୍ ରୁଆଳ୍ କେଃଆୟେ, ଯୁଦି ଆମ୍ ସନତଃଅମ୍ ମନେୟେଆ,ତବେଖାନ୍ ଆମ୍‌ଠେନ୍ ଯାହାଁଗେ ଧନ୍ ଦୁରୀ ମେନାଃ ଝତ ଆଖ୍‌ରିଞ୍ଜ୍ କାତେ, ଅନା ପୁଇସା ରେଙ୍ଗେଜ୍ଃ ହଳ୍ ହାଟିଞା କମେ,ଆର୍ ଅନା ଧନ୍ ଦ ସେର୍ମାରେମ୍ ଞାମା । ଇନା ତାୟମ୍ ହେଜୁଃ ମେ ଆର୍ ପାଞାଞ୍ ମେ।

![](https://cdn.door43.org/obs/jpg/360px/obs-en-28-05.jpg)

ଯିଶୁଆଃ କାଥା ଆଞମ୍ କାତେ ଉନି କଳା ଉଡି ଢେର୍ ଦୁଖ୍‌ଏ ବୁଝାୱ କେଃଆ ଚେଦାଃସେ ଉନିଦ ଉଡି କିଶାଣ୍ ହଳେ ତାହେଁ କାନା ଆର୍ ଉନି ଆଜାଃ ଧନ୍ ବାଂ ବାଗି ସାନାୟେ କାନ୍ ତାହେଁଦ । ଉନି କଳା ଯୀଶୁ ଠେନ୍‌ଖନ୍ ଆଚୁର୍ କାତେ ଅଳାଃଏ ରୁଆଳ୍ ଏନା ।

![](https://cdn.door43.org/obs/jpg/360px/obs-en-28-06.jpg)

ଇନା ତାୟମ୍ ଯୀଶୁ ଆଜଃରିନ୍ ଚେଲାକ ମେତାଃଦ୍ କଆଏ,“କିଶାଣ୍ ହଳ୍ ଖାତିର୍‌ତେ ଉଡି କୁଠିନ୍ ଗେୟା ସେର୍ମା ପୁରିରେ ବଲନ୍ ଦ! ହଁ ପାଛେ ମିଟାଂ ଉଟ୍ ସୁଇ ଭୁଗାଃରେ ଆଲଗାତେ ପାରମ୍ ଦାଳେୟାଃ ଆଏ ।”

![](https://cdn.door43.org/obs/jpg/360px/obs-en-28-07.jpg)

ତିନ୍ ଜଖାଃ ଚେଲାକ ଆଞ୍ଜମ୍ କେଃଆ ଚେଦ୍ଃ ଯୀଶୁଈ ରଳକାନା, ଆଞ୍ଜମ୍ ତେଗେକ ଚମ୍‌କାୱ ଏନା । ଉନକୁ ଲାଇକେଃଆ, “ଯୁଦି କାଥା ନଙ୍କାଃ ତବେ ଈଶ୍ୱର୍ ଅକୟେ ବାଞ୍ଚାୱୟାଏ?”

![](https://cdn.door43.org/obs/jpg/360px/obs-en-28-08.jpg)

ଯୀଶୁ ଆକସେନ୍ କୟଃକାତେ ମେନ୍ କେଃଆଏ,“ନଆଁ ହଳ୍ ଲାଗିଦ୍ଃ ତେ ଆକତେ ବାଞ୍ଚଅ ଲାଗିଦ୍ଃ ଦ ବାଂ ଗାନଃଆ। ମେନ୍‌ଖାନ୍ ଈଶ୍ୱର୍ ଠେନ୍‌ଦ ଅକାହଁ ବାଂ ଗାନଗାଃ ଦ ବାନୁଆନାଂ।”

![](https://cdn.door43.org/obs/jpg/360px/obs-en-28-09.jpg)

ପିତର୍ ଯୀଶୁଈ ମେତାଃଦେୟାଏ,“ଆଲେ ଆମ୍‌ରେନ୍ ଝତ ଚେଲାକ ଝତୱାଃ ବାଗିକାତେ ଆମ୍‌ଲେ ପାଞାଃ ଆକାଦ୍ଃ ମେଆଁ । ଆଲେ ଚେଦ୍ଃଲେ ଞାମା?”

![](https://cdn.door43.org/obs/jpg/360px/obs-en-28-10.jpg)

ଯୀଶୁ ମେନରୁଆଳ୍ କେଃଆଏ,“ଝତଗେ ଅକୟେ ଇଞ୍ ଖାତିର୍ ଅଳାଃ,ବୟହା, ମେଶ୍ରା,ବାବା, ଆୟ, ଗିଦ୍ରାକ ଆର୍ ବାଂ ଧନ୍ ବାଗିଆୟେ ଉନିଦ ଅନାଖନ୍ ମିଦ୍ ସାଏ ଗୁନ୍ ଜାସ୍ତି ଞାମ୍ ରୁଆଳାୟେ ଆର୍ ଯାୟେଯୁଗ୍ ଜିୟନ୍ ହଁୟେ ଞାମା । ମେନ୍‌ଖାନ୍, ଉଡିଢେର୍ ମାଣାଂ ହଳ୍ ତାୟମଃଆକ ଆର୍ ତାୟମ୍ ହଳ୍ ମାଣାଂଗଂଃ ଆକ ।

*ସନତ୍ ପୁଥିୟାଃ କାହାନୀ: ମାଥିଉ ୧୯:୧୬-୩୦; ମାର୍କ ୧୦:୧୭-୩୧; ଲୁକ୍ ୧୮: ୧୮-୩୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_28_128kbps.m4a

## 29. ୨୯. ନିର୍ଦ୍ଦୟ ଚାକରାଃ କାହାନି

https://openbiblestories.org/l/mjx/story-29/

![](https://cdn.door43.org/obs/jpg/360px/obs-en-29-01.jpg)

ମିଃଦିନ୍ ପିତର୍ ଯିଶୁଈ କୁଲି କେଦେୟାଏ,“ ଗମ୍କେ ଇଞ୍ ବିରଦ୍ଧ୍‌ତେ ଇଞିଜ୍ଃ ବୟହା କାଇ ଲେଖାନ୍ ତିନାଃ ଧାୱ କ୍ଷମାଞ୍ ଏମାଃୟା? ଏୟାୟେ ଧାୱ ଧାରିଜ୍ ସେ?” ଯୀଶୁଈ ମେନ୍ କେଃଆଃ,ଏୟାୟେ ଧାୱଦ ବାଂଆ ଏୟାୟେ ରେନାଃ ଏୟାୟେ ଗେଲ୍ ଧାୱ!”ଯୀଶୁଆ କାଥାରେନାଃ ଅର୍ଥ ଦ ହୁୟୁକାନା ସାରା ଘାଳିଜ୍ଃଗେବ କ୍ଷମା କୱା । ଇନା ତାୟମ୍ ଯୀଶୁ ମିଃଟାଂ କାହାନି ଲାଇ ସଦର୍ କେଃଆଏ ।

![](https://cdn.door43.org/obs/jpg/360px/obs-en-29-02.jpg)

ଯୀଶୁଈ ଲାଇ କେଃଆ, “ଇଶ୍ୱରାଃ ସେର୍ମା ରାଜ୍ ଦ ନଙ୍କାନା ମିଃଟାଂ ରାଜା ଆଜିଜ୍ଃ ଚାକର୍‌କ ସାଲାଃତେ ହିସାବ୍ କିତାବ୍ ବେନାୱ ରେନା ଗରଜ୍ ଲେକାଗେ । ମିଟାଂ ଚାକର୍ ଆଜ୍‌ଠେନ୍‌କ ଆଡିଗାନ୍ ପୁଈସା ଉଧାର୍ଃ ତାହେଁଲେନ୍ ତାହେଁନାଏ, ଜାହାଦ୍ ଆଜ୍ଃଠେନ୍ ରୁଆଳ୍ ଲାଗିଦ୍ ଦାଳେ ବାଂଗ୍ ତାହେଁଲେନା।

![](https://cdn.door43.org/obs/jpg/360px/obs-en-29-03.jpg)

ଉନି ହଳ୍ ଉନାଃ ପୁଇସା ବାୟେ ଏମ୍ ଦାଳେୟାଦ୍ଃ ନା, ଅନା ଖାତିର୍ ରାଜା ମେନ୍ କେଃଆଏ ନୁକୁ ଅଳାରେନ୍ ଝତ ହଳ୍ ଗୁତି ଲେକାତେ ଆଖ୍‌ରିଂ କପେ ପୁଇସା ହାଲା ଚାବାଃ ଧାବିଜ୍ଃ ଗୁତିକ ତାହେଁନ୍ ମା ।

![](https://cdn.door43.org/obs/jpg/360px/obs-en-29-04.jpg)

ଉନି ଚାକର୍ ରାଜା ସାମାଂରେ ଇକ୍‌ଳୁମ୍ କାତେ ନେହରାଃଦେୟାଏ ଆର୍ ମେତାଃ ଦେୟାଏ,ଦାୟାକାତେ ଇକା କାଞ୍‌ମେ ଆର୍ ତିନାଃ ଦିନ୍ ଅକ୍ତ ଇମାଞ୍ ମେ,ଯାହାଁ ତିନାଂଗିଞ୍ ଦାଦନାକାନା ଝତଞ୍ ହାଲା ରୁଆଳ୍ ତାମା । ରାଜା ଉନି ଚାକର୍ ଚେତାନ୍‌ରେ ଦାୟା ହେଜ୍ଃଏନା ଆର୍ ଆଜାଃ ଦାଦନ୍ ଆଳାଃ କାତେ ଚାଲାୱ ହଚଆଦେୟାଏ।

![](https://cdn.door43.org/obs/jpg/360px/obs-en-29-05.jpg)

“ମେନ୍‌ଖାନ୍ ଉନି ଗୁତିଦ ରାଜା ଠେନ୍‌ଖନ୍ ଚାଲାୱ ଯଖାଃ, ଆଜ୍‌ଠେନ୍ ଖନ୍ ଅକୟେ ପୁନ୍ ଚାନ୍ଦରେନାଃ କୁଳାଇ ଇଦିଲେଃଆ ଉନି ଞାମ୍ କେଦେୟାଏ । ଆଜାଃ ହଟଃରେ ସାବ୍ଃ କାତେ ମେତାଦେୟାଏ, ଜାହାଁ ଇଞ୍‌ଠେନ୍ ଖନାଃଏମ୍ ପୁଇସାମ୍ ଇଦିଆକାଃଆ ,ଲାଗେ ଏମ୍ ରୁଆଳ୍ ତିଞ୍‌ମେ!”

![](https://cdn.door43.org/obs/jpg/360px/obs-en-29-06.jpg)

“ଉନି ଗୁତି ହଳ୍ ଆଜାଃ କାଟା ସାବ୍‌କାତେ ମେତାଃ ଦେୟାୟେ, ‘ଦାୟାକତେ ଆର୍ ତିନାଃ ଦିନ୍ ଇଞ୍ ଅକ୍ତ ଇମାଞ୍ ମେ,’ ଝତ ପୁଇସାଞ୍ ଏମ୍ ରୁଆଳାମା । ଦାୟା ବଦଲ୍‌ତେ ଆଜାଃ ପୁଇସା ବାଂ ହାଲା ଧାବିଜ୍ଃ ଜିହଲ୍ ହଚ କେଦେୟାଏ ।”

![](https://cdn.door43.org/obs/jpg/360px/obs-en-29-07.jpg)

ଆର୍ ଏଟାଃ ଗୁତିକ ନଆଁ କାମି ଞେଲ୍‌କାତେ ଦୁଃଖ୍ କ ବୁଝାୱ କେଃଆ । ଚାଲାୱ କାତେ ରାଜାଃ ଝତ କାଥାକ ଲାଇ ସଦରାଃଦେୟା ।

![](https://cdn.door43.org/obs/jpg/360px/obs-en-29-08.jpg)

ରାଜାଃ ଉନି ଗୁତି ହହଆଃଦେୟାଏ ଆର୍ ମେତାଃ ଦେୟାଏ,ଆମ୍ ବଦମାସ୍ ଗୁତି ! ଇଞ୍ ଆମେଞ୍ ଆଳାଃ କେଦ୍ଃ ମେୟାଁ ଚେଦାଃସେ ଆମେମ୍ ନେହର୍ କିଦିଞା । ଆମ୍‌ହଁ ଅନ୍‌କାଗେ କାମିରେନାଃ ତାହେଁକାନା । ରାଜା ଉନାଃଏ ରାଗିୟେନା ଦ ଉନି ଗୁତି ଆଜାଃ ପୁଇସା ଆଉରି ହାଲା ଚାବାଃ ଧାବିଜ୍ଃ ଜିହଲ୍ ଖାନା ରେ ଦହ କେଦେୟାଏ ।

![](https://cdn.door43.org/obs/jpg/360px/obs-en-29-09.jpg)

ଇନାତୟମ୍ ଯୀଶୁ ମେନ୍ କେଃଆୟେ, ଇଞ୍ଜିଜ୍ଃ ସେର୍ମାରେନ୍ ବାବା ଆପେହଁ ନଙ୍କା ପେୟାଏ, ଯୁଦି ଆପେ ଆପେରିନ୍ ବୟହା କୋ ଅନ୍ତର୍ ସାଲାଃତେ ବାପେ ଇକା କୱା ।

*ସନତ୍ ପୁଥିୟାଃ କାହାନୀ: ମାଥିଉ  ୧୮:୨୧-୩୫*

Audio: https://git.door43.org/OBS-TLF/mjx_obs/releases/download/v1/mjx_obs_v1_29_128kbps.m4a

## 30. ୩୦. ଯୀଶୁ ପୁନ୍‌ହାଜାର୍ ହଳେ  ଯମ୍ ହଚ କେଦ୍ଃକୱା

https://openbiblestories.org/l/mjx/story-30/

![](https://cdn.door43.org/obs/jpg/360px/obs-en-30-01.jpg)

ଯୀଶୁ ଆଜ୍ଃରେନ୍ ଚେଲାକ ଏଟାଃ ଏଟାଃ ଆତୁତେ ଭାଗେସମ୍ୱାଦ୍ ପାଷ୍ନାୱ ବାଖ୍ରାତେ ଭେଜା କେଦ୍ଃ କୱାୟେ । ତିନ୍‌ଜଖାଃ ଚେଲାକ ଯୀଶୁ ଠେନ୍‌କ ହେଜ୍ଃଏନା ଆକ ଅକା ଅକାକ କାମିଲେଃଆ ଝତକ ଉଦୁଃ ସଦରାଃଦେୟା । ଇନା ତାୟମ୍ ଯୀଶୁ ଆଜ୍ଃରେନ୍ ଚେଲାକ ଦରେୟା ପାରମ୍ ରେନାଃ ନିଚଲ୍ ଜାଏଗା ଚାଲାୱକାତେ ଜିରାୱଃ ଖାତିରେ ହହୱାଦ୍ଃକଆଏ । ଅନା ଖାତିର୍ ଲାଉକାରେ ଦେଜ୍ଃକାତେ ଦରେୟା ରେନା ହାନାପାରମ୍‌ତେକ ଚାଲାୱେନା ।

![](https://cdn.door43.org/obs/jpg/360px/obs-en-30-02.jpg)

ମେନ୍‌ଖାନ୍ ଅଣ୍ଡେ ଉଡିଢେର୍ ହଳ୍ ଯୀଶୁକ ଞେଲ୍ କେଦେୟା ଆର୍ ଆଜ୍ଃରିନ୍ ଚେଲାକ ଘାଟ୍‌କ ବାଗିକେଃଆ। ଆକ ସାଲାଃ ଦରେୟା ରେନାଃ ଦସାର୍ ପାହ୍‌ଟା ଚାଲାଃ ଖାତିର୍ ତେ ଉନ୍‌କୁ ଝତହଳ୍ ମିଦ୍ଃଧାଅତେ ଦରେୟା ଧାରେତେକ ଦାଳ୍‌ଚାଲାୱେନା । ଅନା ଖାତିର୍, ତିନ୍‌ଜଖାଃ ହାନା ପାହ୍‌ଟା ସେଟେର୍‌କାତେକ ଞେଲ୍ କେଦ୍ଃକୱା, ଉଡି ଢେର୍ ହଳ୍ ଦରେୟା ଧାରେରେ ଆଜ୍ଃ ତାଙ୍ଗିରେକ ତାହେଁକାନା ।

![](https://cdn.door43.org/obs/jpg/360px/obs-en-30-03.jpg)

ଉନ୍‌କୁ ହଳ୍ ଭିତିର୍‌ରେ ମଣେହାଜାର୍ କଳାକ ତାହେଁକାନା, କୁଳି ଆର୍ ଗିଦ୍ରାଦ ବାକ ଲେଖା ଲେଦ୍ଃକୱା । ଯୀଶୁ ମାସିଆଃ ମନେରେ ଉନ୍‌କୁ ହଳ୍ ଖାତିର୍‌ତେ ଉଇହାର୍ ହେଜ୍ଃଏନା । ନୁଂକୁ ହଳ୍ ଇଞ୍ ବେଗର୍ ଦ ଆଳାଃ ଗିଡି ଭିଡିଲେକାକ ହୁୟୁଗଃଆ । ଅନା ଖାତିର୍ ଉନ୍‌କୁହଳେ ଚେଦାଦ୍ଃ କଆୟେ ଆର୍ ରୁଆଃ କାନ୍ କୟେ ବେସ୍ କେଦ୍ଃକୱାଏ ।

![](https://cdn.door43.org/obs/jpg/360px/obs-en-30-04.jpg)

ବେଳା ହାସୁର୍ ଅକ୍ତରେ ଚେଲା ଯୀଶୁକ ମେତାଃଦେୟା,“ଆଡି ଘାଳିଜ୍ଃ ହୁଇୟେନା ନୁଂକୁ ବାକ ଜମ୍ ଆକାଃଆ ଆର୍ ନଆଁ ସୁରକରେ ଦକାନ୍ ବାଜାର୍ ହଁ ବାନୁଃଆନାଂ । ହଳ୍‌କ ଭେଜା ରୁଆଳ୍ କମେ ଯେମନ୍ ନୁଂକୁ ଆକ ଲାଗିଦ୍ଃ ଜମାଃକଆଗୁୟା ।”

![](https://cdn.door43.org/obs/jpg/360px/obs-en-30-05.jpg)

ମେନ୍‌ଖାନ୍ ଯୀଶୁ ଚେଲାକ ମେତାଦ୍ଃ କୱାଏ,“ଆପେ ନୁଂକୁ ହଳ୍ ଜମାଃ ଏମାକପେ”ଚେଲାକ ମେନ୍ ରୁଆଳକେଃଆ,“ଚେଦ୍ଃ ଲେକାଲେ ଏମାକୱା? ଆଲେ ଠେନ୍‌ମା ମଣେଁ ଗଟାଂ ପିଠା ଆର୍ ବାରେୟା ହପନ୍ ହାକୁ କୁଟି ମେନାଃଆକାଃଆ ।

![](https://cdn.door43.org/obs/jpg/360px/obs-en-30-06.jpg)

ଯୀଶୁ ଚେଲାକୟେ ମେତାଦ୍ଃ କୱାଏ ଉନ୍‌କୁ ହଳ୍ ମିଦ୍ଃଠେନ୍ ମଣେଁ ଗେଲ୍ କାତେ ପୁଳିଆ ରେନାଃ ହାଣ୍ଡେ ନାଣ୍ଡେ ଦୁଳୁବ୍ଃକପେ ।

![](https://cdn.door43.org/obs/jpg/360px/obs-en-30-07.jpg)

ଇନା ତାୟମ୍ ଯୀଶୁ ମଣେଁ ଗଟାଂ ପିଠା ଆର୍ ବାରେୟା ହାକୁ କୁଟି ତିଈରେ ସାବ୍ଃକାତେ, ସେର୍ମା ସେନ୍ କୟଃକାତେ,ଈଶ୍ୱର୍ ବାବା ଅନା ଜମାଃ ଖାତିରେ ସାର୍‌ହାୱକେଦେୟା ।

![](https://cdn.door43.org/obs/jpg/360px/obs-en-30-08.jpg)

ଇନା ତାୟମ୍ ଯୀଶୁ ଅନା ପିଠା ଆର୍ ହାକୁ କୁଟି କାଟିଜ୍ଃ କାଟିଜ୍ଃ କାତେ ଖାଣ୍ଡ୍ରାକେଃଆଏ । ଆଜ୍ଃ ଅନା ଖାଣ୍ଡ୍ରାକ ଆଜ୍ଃରିନ୍ ଚେଲାକ ଏମ୍‌କାତେ ମେତାଦ୍ଃ କୱାୟେ ଉନ୍‌କୁ ହଳ୍ ନଆଁକ ଏମାକପେ । ଆଜ୍ଃରିନ୍ ଚେଲାକ ଅନା ଜମାଃ ହାଟିଞ୍ ରେଗେକ ତାହେଁଏନା,ଆର୍ ଝତ ହଳ୍‌ ଲାଜ୍ଃ ପେରେଜ୍ଃକ ଜମ୍‌କେଦ୍ଃରେହଁ ବାଂଚାବାଲେନା ।

![](https://cdn.door43.org/obs/jpg/360px/obs-en-30-09.jpg)

ଅନା ତାୟମ୍, ଆକ ସାରେଜ୍ଃଆକାନ୍ ପିଠା ଆର୍ ହାକୁ ମିଦ୍ଃଠେନ୍‌କ ଦହ କେଃଆ । ନଆଁ ସାରେଜ୍ଃଏନ୍ ଜମାଃଦ ମିଦ୍ଃଗେଲ୍ ବାର୍ ଠେକା ହୁଇୟେନା! ନଆଁ ଝତ ଜମାଃ ଅନା ବାରେୟା ହାକୁ କୁଟି ଆର୍ ମଣେଁ ଗଟାଂ ପିଠା ଖନାଃଗେ ହୁଇଲେନା ।

*ସନତ୍ ପୁଥିୟାଃ କାହାନୀ: ମାଥିଉ ୧୪:୧୩-୨୧; ମାର୍କ ୬:୩୧-୪୪; ଲୁକ୍ ୯:୧୦-୧୭; ଯୋହନ୍ ୬:୫-୧୫*

Audio: https://git.door43.org/OBS-TLF/mjx_obs/releases/download/v1/mjx_obs_v1_30_128kbps.m4a

## 31. ୩୧. ଯୀଶୁ ଦାଃ ଚେତାନ୍‌ତେ ତାଳାମ୍ କେଃଆୟେ

https://openbiblestories.org/l/mjx/story-31/

![](https://cdn.door43.org/obs/jpg/360px/obs-en-31-01.jpg)

ଯୀଶୁ ଝତହଳେ ଜମ୍ ହଚ କେଦ୍ଃକ ତାୟମ୍,ଯୀଶୁ ଆଜ୍ଃରେନ୍ ଚେଲାକ ମେତାଦ୍ଃ କୱାୟେ ଲାଉକାରେ ଦେଜ୍ଃକାତେ ଦୁଳୁବ୍ଃପେ । ଯୀଶୁ ଚେଲାକୟେ ମେତାଦ୍ଃ କୱା ଚଲ ଦରେୟା ରେନାଃ ହାନା ପାରମ୍ ତେ ଚାଲାୱ ହାତାଳଃପେ,ଇଞ୍ କାଟିଜ୍ଃ ତାୟମ୍ ତିଞ୍ ଚାଲାଃକାନା । ଅନାତେ ଚେଲାକ ଯୀଶୁକ ବାଗିଆଦେୟା ଆର୍ ଯୀଶୁ ହଳ୍‌କ ଆକ ଅଳାଃତେ ଭେଜା କେଦ୍ଃକୱାଏ । ଅନା ତାୟମ୍ ଯୀଶୁ ମିଟାଂ ବୁରୁ ଧାରେତେ ଚାଲାୱକାତେ ବିନ୍ତିକେଃଆଏ । ଅଣ୍ଡେ ଆଜ୍ଃ ଏକ୍‌ଲାଗେ ତାହେଁ କାନାଏ ଆର୍ ତାଲା ଞ୍ଜିନ୍ଦା ଧାବିଜ୍ଃଏ ବିନ୍ତିକେଃଆ ।

![](https://cdn.door43.org/obs/jpg/360px/obs-en-31-02.jpg)

ନଆଁ ଅକ୍ତରେ,ଆଜ୍ଃରେନ୍ ଚେଲାକ ଦାଃ ଭିତିରେ ଲାଉକାକ ଲାଳାୱେଦ୍ଃ ତାହେଁଦ୍ଃ ,ମେନ୍‌ଖାନ୍ ମିଃଟାଂ ଉଡି ମାରାଂ ହୟେଦାଃ ଆକ ସାମାଂତେ ହେଜ୍ଃଏନା । ତାଲା ଞ୍ଜିନ୍ଦାରେ ଆକ ଅନା ଦରେୟା ତାଲାରେକ ସେଟେର୍ ଲେନ୍‌ ତାହେଁଦଃ ।

![](https://cdn.door43.org/obs/jpg/360px/obs-en-31-03.jpg)

ଅନା ଅକ୍ତରେ, ଯୀଶୁ ବିନ୍ତି ଚାବାକାତେ ଆଜ୍ଃରିନ୍ ଚେଲାକ ଞେଲଦାରାମେ ଏହୋବ୍ଃ କେଃଆୟେ , ଯୀଶୁ ଦାଃ ଚେତାନ୍ତେ ତାଳାମ୍ ତାଳାମ୍ ତେ ଲାଉକା ସେନ୍‌ଏ ଚାଲାୱେନାୟେ।

![](https://cdn.door43.org/obs/jpg/360px/obs-en-31-04.jpg)

ଇନାତାୟମ୍ ଆଜ୍ଃରିନ୍‌ ଚେଲାକ ଆଜ୍ଃକ ଞେଲ୍ କେଦେୟା, ଚେଲାକ ଭୁତ୍ ଭାବିକାତେ ଉଡିକ ବତରେନା। ଯୀଶୁଈ ବାଡାୟେ ଞାମ୍ କେଃଆ ଆକକ ବତରଃକାନା ମେନ୍ତେ,ଅନାତେ ଆକ ହହକାତେ ମେତାଦ୍ଃ କୱାଏ, “ଆଲପେ ବତରଃଆ। ଇଞ୍ କାନଗେୟାଞ୍!”

![](https://cdn.door43.org/obs/jpg/360px/obs-en-31-05.jpg)

ଇନା ତାୟମ୍ ପିତର୍ ଯୀଶୁଈ ମେତାଃଦେୟାଏ, “ଗମ୍‌କେ, ଯୁଦି ଆମ୍ କାନାମ୍,ଇଞ୍ ଦାଃ ଚେତାନ୍‌ତେ ଆମ୍ ଠେନ୍‌ ଚାଲାଃ ଲାଗିଦ୍ଃ ହୁକୁମ୍ ଇମାଞ୍ଜ୍‌ମେ। ”ଯୀଶୁ ପିତରେ ମେତା ଦେୟାଏ, “ହିଜୁଃମେ”!

![](https://cdn.door43.org/obs/jpg/360px/obs-en-31-06.jpg)

ଅନା ଖାତିର୍, ପିତର୍ ଲାଉକାଖନ୍ ଆଣ୍‌ଗ କାତେ ଯିଶୁଠେନ୍ ଚାଲାଃ ଲାଗିଦ୍ଃ ଦାଃ ଚେତାନ୍‌ତେ ତାଳାମେ ଏହୋବ୍ଃ କେଃଆଏ। କମ୍‌ଞ୍ଜଃ ସାଙ୍ଗିଞ୍ଜ୍ ତାଳାମ୍ ତାୟମ୍‌, ଯୀଶୁ ବାଂ ଞେଲ୍ଞ୍ଜାମ୍‌ କାତେ ଦାଃ ରେନାଃ ଢେଉୱେ ଞେଲ୍ କେଃଆଏ, ଆର୍ ଉଡିଜୁର୍‌ ହୟେଃଆଏ ମେନ୍ତେ ବାଡାୟେ ଞାମ୍ କେଃଆଏ ।

![](https://cdn.door43.org/obs/jpg/360px/obs-en-31-07.jpg)

ଇନା ତାୟମ୍ ପିତରେ ବତରେନାୟେ ଆର୍ ଦାଃରେ ଉନୁମଃଏ ଏତହୋବ୍ଃ ଏନାୟେ । ପିତର୍ ମାରାଂମଚାତେ ମେନକେଃଆୟେ, ଗମ୍‌କେ, “ବାଞ୍ଚାୱିଞ୍ଜମେ!”ଉନ୍‌ଜଖାଃ ଯୀଶୁ ଆଜ୍‌ଠେନେ ଚାଲାୱ ଏନାୟେ ଆର୍ ଟାଟ୍‌କାଗେ ତିଈରେ ସାବ୍ଃ କେଦେୟାଏ। ଇନା ତାୟମ୍, ଯୀଶୁ ପିତରେ ମେତାଃଦେୟାୟେ, “ପିତର୍ ଆମାଃ ପାତିୟାୱ ଖାଟଏନା! ଚେଦାଃ ଇଞ୍ଜ୍ ବାମ୍ ପାତିୟାୱାଃଦିଞ୍ଜା ସୁଲୁକ୍ ରିଞ୍ଜ୍ ଦହମେୟାମେନ୍ତେ?”

![](https://cdn.door43.org/obs/jpg/360px/obs-en-31-08.jpg)

ଇନା ତାୟମ୍, ଯୀଶୁ ଆର୍ ପିତର୍ ଲାଉକା ରେକିନ୍ ଦେଜ୍ଃଏନା, ଆର୍ ହୟେ ଟାଟ୍‌କାଗେ ଥିରେନା। ଦାଃ ହଁ ଥିର୍‌ଏନା । ଚେଲାକ ଝତକ ହାହାଳା ଉତାରେନା ଆର୍ ଯୀଶୁକ ଜହାରାଃ ଦେୟା । ଆକ ଯୀଶୁକ ସାର୍‌ହାୱକେଦେୟା ଆର୍‌କ ମେତାଃ ଦେୟା “ଆମ୍‌ଗେ ସାରି ଈଶ୍ୱର୍ ହପନ୍ ଦ ।”

*ସନତ୍ ପୁଥିୟାଃ କାହାନୀ: ମାଥିଉ ୧୪:୩୨-୩୩; ମାର୍କ ୬:୪୫-୫୨; ଯୋହନ୍ ୬:୧୬-୨୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_31_128kbps.m4a

## 32. ୩୨. ଯୀଶୁ ମିଃଟାଂ ଭୁତ୍ ଲାଗାୱ ହଳ୍ ଆର୍ ବେମାର୍ କୁଳି ବୁଗି କେଃଦ୍ କିନାୟେ

https://openbiblestories.org/l/mjx/story-32/

![](https://cdn.door43.org/obs/jpg/360px/obs-en-32-01.jpg)

ଯୀଶୁ ଆର୍ ଆଜ୍ଃରେନ୍ ଚେଲାକ ଲାଉକାତେ ଗ୍ରାସିନ୍ ହଳ୍‌କୱାଃ ଆତୁକ ଚାଲାୱେନା। ଆକ ଅଣ୍ଡେ ସେଟେର୍ କାତେ ଲାଉକା ଖନ୍‌କ ଆଣ୍‌ଗଏନା।

![](https://cdn.door43.org/obs/jpg/360px/obs-en-32-02.jpg)

ଉନ୍ ବେଳାରେ ଅଣ୍ଡେ ମିଃଟାଂ ଭୁତ୍ ଚାପାଣ୍ ଆକାନ୍ ହଳେ ତାହେଁକାନା ।

![](https://cdn.door43.org/obs/jpg/360px/obs-en-32-03.jpg)

ନୁଇ ହଳାଃ ଉନାଃ ଦାଳେ ତାହେଁକାନା ଅକୟେ ହଁ ବାକ ଆଟ୍‌କାୱ ଦାଳେୟାଏ କାନ୍ ତାହେଁଦଃ। ଅନ୍‌କା ହଁ ହୁୟକାନ୍‌ ତାହେଁଦ୍ଃ ମିଦଧାୱ ମିଦଧାୱ ମେଣ୍‌ହେଦ୍ଃ ସିକ୍ଲିତେ ଜାଙ୍ଗା ଆର୍ ତିଈକ ତଲେକାନ୍ ତାହେଁଦଃ। ମେନ୍‌ଖାନ୍ ଅନାକ ଝତ ତପାଃ ଉତାରେଦ୍ଃ ତାହେଁଦଃ।

![](https://cdn.door43.org/obs/jpg/360px/obs-en-32-04.jpg)

ଉନି ହଳ୍‌ଦ ଅନା ଜାୟେଗା ରେନାଃ ଝାବୁଆରେ ତାହେଁନ୍ କାନ୍ ତାହେଁଦଃ । ନୁଇଁ ହଳ୍‌ଦ ଞ୍ଜିନ୍ଦା ଆର୍ ସିଞ୍ଏ ହୁରିଏଦ୍ଃ ତାହେଁଦଃ। ଆଜ୍ଃ ବିନ୍‌ଲୁଗ୍‌ଳୀତେ ତାହେଁଆୟେ ଆର୍ ଧିରିତେ ଆଜାଃ ହଳ୍ମୟେ ଗେଦଃକାନ୍ ତାହେଁଦଃ ।

![](https://cdn.door43.org/obs/jpg/360px/obs-en-32-05.jpg)

ନୁଇ ହଳ୍ ଯୀଶୁଠେନ୍ ଦାଳ୍‌ଚାଲାୱେନାୟେ ଆର୍ ଆଜ୍ଃ ସାମାଂରେ ଇକ୍ଳୁମ୍ ଏନାଏ। ଇନା ତାୟମ୍ ଯୀଶୁ ଉନି ହଳ୍‌ଠେନ୍ ତାହେଁକାନ୍ ବଙ୍ଗାୟେ ମେତାଃଦେୟାଏ, “ନୁଇ ହଳ୍‌ଠେନ୍ ଖନାଃ ଅଡକ୍ ଚାଲାଃମେ!”

![](https://cdn.door43.org/obs/jpg/360px/obs-en-32-06.jpg)

ଉନି ବାଳିଜ୍ଃ ଆତ୍ମା ଉଡି ଜୁର୍‌ତେ ହୁରି କେଃଆୟେ,“ଇଞ୍ ସାଲାଃ ଚେଦ୍ଃଏମ୍ ଚିକାୟା, ଝତଖନ୍ ମାରାଂ ଈଶ୍ୱର୍ ହପନ୍ ଯୀଶୁ? ଦାୟକାତେ ଇଞ୍‌ଦ ଆଲମ୍ ହାର୍‌କେତିଞା!” ଇନା ତାୟମ୍ ଯୀଶୁ ବାଳିଜ୍ଃ ଆତ୍ମାଏ କୁଲି କେଦେୟା, “ଆମାଃ ଞୁତୁମ୍ ଦ ଚେଦ୍ଃ?” ଉନି ବାଳିଜ୍ଃ ଆତ୍ମା ମେନ୍ ରୁଆଳ୍ କେଃଆଏ, “ଇଞାଃ ଞୁତୁମ୍ ଦ ବାହିନୀ, ଚେଦାଃସେ ଆଲେ ଉଡି ଢେର୍‌ଆଲେ ।”

![](https://cdn.door43.org/obs/jpg/360px/obs-en-32-07.jpg)

ଉନ୍‌କୁ ବାଳିଜ୍ଃ ଆତ୍ମା ଯୀଶୁକ ନେହର୍ କେଦେୟା,“ଦାୟାକାତେ ଆଲେ ନଆଁ ଜାୟେଗା ଖନ୍ ଆଲମ୍ ଭେଜାଗିଡି କାଲେୟା!” ଅନା ସୁର୍‌ରେନାଃ ବୁରୁ ଧାରେରେ ହଳ୍‌କ ସୁକୁରି ଗଟ୍‌କ ଆତିଞେଦ୍ଃକଆ। “ଆଲେ ଲାଗା ବଦଲ୍‌ତେ ଉନ୍‌କୁ ସୁକୁରି ଗଟ୍‌ତେ ଚାଲାୱ ହଚୱାଲେମେ,”ଯୀଶୁଈ ମେନ୍ କେଃଆ “ଠିକ୍ ଗେୟା ଦୁ ଚାଲାଃପେ!”

![](https://cdn.door43.org/obs/jpg/360px/obs-en-32-08.jpg)

ଅନାତେ ଉନ୍‌କୁ ବାଳିଜ୍ଃ ଆତ୍ମାକ ହଳ୍‌ଠେନଖନ୍ ଅଡକ୍ କାତେ ସୁକୁରିକ ଠେନ୍‌କ ବଲୟେନା। ସୁକୁରିକ ଅନା ସୁର୍‌ରେ ତାହେଁକାନ୍ ଦରେଆ ରେକ ଦାଳବଲୟେନା ଆର୍ ଆଧାନ୍‌କ ଉନୁମ୍ ଏନା, ଆଧାନ୍‌କ ଆତୁ ଏନା । ଅନା ଗଟ୍‌ରେ ବାର୍ ହାଜାର୍ ଗାନ୍ ସୁକୁରିକ ତାହେଁକାନା ।

![](https://cdn.door43.org/obs/jpg/360px/obs-en-32-09.jpg)

ଅଣ୍ଡେ ସୁକୁରି ଗୁପିକକ ତାହେଁକାନା । ତିନ୍‌ଜଖା ନଆଁ ଘଟଣାକ ଞେଲ୍ କେଃଆ,ଆକ ନାଗାର୍ ତେକ ଦାଳ୍ ଚାଲାୱେନା । ଅଣ୍ଡେ ଚାଲାୱକାତେ ଝତକାଥା ହଳ୍‌ଠେନ୍ କ ଲାଇ ସଦର୍‌କେଃଆ ଅକାକ ଯୀଶୁଈ କାମିଲେଃଆ । ନାଗାର୍ ଖନାଃ ହେଜ୍ଃକାତେ ଉନି ଭୁତ୍‌ ଚାପାଣ୍‌ଲେନ୍‌ ହଳ୍‌କ ଞେଲ୍ କେଦେୟା। ଉନି ଉଡି ଭାଗି ଲୁଗୁଳିକ ପାଲାଟ୍‌କାତେ ଦୁଳୁବ୍ଃ ଆକାନାୟେ,ଆର୍ ବୁଗିନ୍‌ ହଳ୍ ଲେକାଗେ ତାଳାମ୍ ବାଳାୟେଦ୍ଃ ତାହେଁଦଃ ।

![](https://cdn.door43.org/obs/jpg/360px/obs-en-32-10.jpg)

ହଳ୍‌କ ଉଡିଗାନ୍‌କ ବତରେନା ଆର୍ ଯୀଶୁ ଅଣ୍ଡେଖନ୍ ଚାଲାଃକ ମେତାଃଦେୟା। ଅନାତେ ଯୀଶୁ ଆର୍‌ହଁ ଲାଉକାରେ ଦେଜ୍ଃରୁଆଳେନାଏ। ଯାହାଁଏ ହଳ୍ ବାଲିଜ୍ଃ ଆତ୍ମାତେ ପାଗ୍‌ଲା ଲିନିଜ୍ଃ ନେହର୍ କାତେ ମେତାଃ ଦେୟାଏ ଇଞ୍ଜହଁ ଆମ୍ ସାଲାଃଇଞ୍ଜ୍‌ ଚାଲାଃଆ।

![](https://cdn.door43.org/obs/jpg/360px/obs-en-32-11.jpg)

ମେନ୍‌ଖାନ୍ ଯୀଶୁ ମେନ୍ ରୁଆଳାଦେୟାଏ ବାଂଆ ଆଲମ୍ ଚାଲାଃଆ। ଇଞ୍ଜାଃ ଇଛା ଆମ୍ ଅଳାଃ ଚାଲାୱକାତେ ଆମ୍ ସାଲାଃ ଈଶ୍ୱରବାବା ଅକାକୟେ କାମିକେଃଆ, ଅନାକ ଝତ ହଳ୍‌ଠେନ୍ ଲାଇ ସଦର୍‌ମେ। ଲାଇଆକମେ ଚେଦ୍ଃଲେକା ଈଶ୍ୱରବାବା ଆମେ ଦାୟାଆଦ୍ଃ ମେୟାଁ।

![](https://cdn.door43.org/obs/jpg/360px/obs-en-32-12.jpg)

ଅନାତେ ଉନି ହଳ୍ ଚାଲାୱକାତେ ଯୀଶୁ ଆଜ୍ଃ ଲାଗିଦ୍ଃ ଅକାକୟେ କାମିଲେଃଆ, ଅନା ଝତ ହଳ୍‌ଠେନେ ଲାଇ ସଦର୍‌କେଃଆ। ଝତ ହଳ୍, ଯାହାଁଏକଗେ ଆଜାଃ କାଥାକ ଆଞମ୍‌କେଃଆ ଉନ୍‌କୁଗେକ ଆକ୍‌ବାକାୱଉତାରେନା।

![](https://cdn.door43.org/obs/jpg/360px/obs-en-32-13.jpg)

ଦରେୟାରେନାଃ ଏଟାଃ ପାହ୍‌ଟାତେ ଯୀଶୁ ରୁଆଳ୍ ହେଜ୍ଃ ଏନାୟେ। ଅଣ୍ଡେ ସେଟେର୍ ତାୟମ୍, ଉଡି ଢେର୍ ହଳ୍ ଆଜାଃ ଚାରି ବିର୍ଦାରେକ ଜାୱରାଏନା ଆର୍ ଆଜ୍‌ଠେନ୍‌କ ଉମ୍‌ଳାକାଚ୍‌ଳାଃ କାନ୍ ତାହେଁଦ୍ଃ। ଉନ୍‌କୁ ହଳ୍ ଭିତିର୍‌ରେ ମିଦ୍ଃ ଗେଲ୍‌ବାର୍ ବଛର୍ ହାରିଶ୍ ବେମାର୍ ମିଦ୍ଃ କୁଳିହପନେ ତାହେଁ କାନାୟ। ଆଜ୍ଃ ବୁଗିନଃଆଏ ମେନ୍ତେ ଝତ ପୁଇସା ଡାକ୍ତରେ ଏମାୟକାନ୍ ତାହେଁଦ୍ଃ,ମେନ୍‌ଖାନ୍ ବାଂବୁଗି କାତେ ଉନି ଆର୍‌ହଁଢେରେ ହାର୍‌କେତ୍ଏନାୟେ।

![](https://cdn.door43.org/obs/jpg/360px/obs-en-32-14.jpg)

ଯୀଶୁ ଝତ ଲେକାନ୍ ବେମାର୍ ହଳ୍‌କ ବୁଗିୟେଦ୍ଃ କୱାୟେମେନ୍ତେ, ଉନି କୁଳୀ ଦ ଆଞମ୍ କେଃଆଏ ଆର୍ ମନେତେ ଉଇହାର୍ କେଃଆୟେ,“ ଇଞ୍ଜ ଆଜାଃ ଲୁଗ୍‌ଳୀଞ୍ଜ ଜଟେଦ୍ଃ ଲେଖାନିଞ୍ଜ ବୁଗି ଫାର୍ଚାଆ! ଅନାତେ ଯୀଶୁଆ ପାଛ୍‌ଲାସେନ୍ ହେଜଃକାତେ ଆଜାଃ ଲୁଗ୍‌ଳୀଏ ଜଟେଦ୍ଃ କେଃଆ। ଯିଶୁଆଃ ଲୁଗୁଳି ଜଟେଦ୍ଃ ତାରା ଉନି କୁଳୀୟାଃ ମାୟାମ୍ ଲିଗିଂନ୍ ଚାବାଉତାରେନା।

![](https://cdn.door43.org/obs/jpg/360px/obs-en-32-15.jpg)

ଯୀଶୁ ହୁପ୍‌କାଗେ ବୁଝାଉଞାମ୍ କେଃଆୟେ ଆଜ୍ଃ ଠେନ୍‌ଖନାଃ ଦାଳେ ଅଡକେନା ମେନ୍ତେ,ଅନାତେ ଯିଶୁ ଆଚୁର୍ କାତେ ଗଟା ପାଳା କୟଃ କେଃଆଏ ଆର୍ କୁଲି କେଦ୍ଃ କୱାୟେ,“ଅକୟେ ଇଞ୍ଜାଃ ଲୁଗ୍‌ଳୀପେ ଜଟେଦ୍ଃକେଃଆ?”ଚେଲାକ ମେନ୍ ରୁଆଳ୍‌କେଃଆ ନଣ୍ଡେମା ଉଡି ଢେର୍ ହଳ୍ ଗାଦେଲ୍‌ ଆମ୍‌ଠେନ୍ କ ବାଜାୱଃକାନା । “ଚେଦ୍ଃ ଖାତିର୍, କୁକୁଲି କାନାମ୍ ଅକୟେ ଜଟେଦ୍ଃ କିଦିଞ୍ଜାୟେ ମେନ୍ତେ?”

![](https://cdn.door43.org/obs/jpg/360px/obs-en-32-16.jpg)

ଉନି କୁଳୀ ବତର୍‌ତେ ଥାର୍ ଥାର୍‌ଥାରାୱକାତେ, ହେଜ୍ଃ ଏନାୟେ ଆର୍ ଯୀଶୁଆ ସାମାଂରେ ଇକ୍‌ଳୁମେନାଏ। ଇନା ତାୟମ୍ ଯୀଶୁ ଉନିକୁଳୀ କୁଲି କେଦେୟାଏ ଚେଦ୍ଃଏମ୍ କାମି କେଦ୍ଃତେ ଆମ୍ ବେମାର୍ ଖନାଃଏମ୍ ବୁଗିୟେନା। ଯୀଶୁ ଉନି କୁଳୀଏ ମେତାଃଦେୟାଏ,“ଆମାଃ ପାତିୟାଉ ଆମେ ବୁଗି କେଦ୍ଃମେଆଏ” ନିତ୍ଃ ଦ ରାସ୍କାତେ ଚାଲାଅଜଙ୍ଗ୍‌ମେ।

*ସନତ୍ ପୁଥିୟାଃ କାହାନୀ: ମାଥିଉ ୮:୨୮-୩୪; ୯:୨୦-୨୨; ମାର୍କ ୫; ଲୁକ୍ ୮:୨୬-୪୮*

Audio: https://git.door43.org/OBS-TLF/mjx_obs/releases/download/v1/mjx_obs_v1_32_128kbps.m4a

## 33. ୩୩. ମିଟାଂ ଚାସିଆଃ କାହାଁନି

https://openbiblestories.org/l/mjx/story-33/

![](https://cdn.door43.org/obs/jpg/360px/obs-en-33-01.jpg)

ମିଦ୍ଃଦିନ୍, ଯୀଶୁ ଦରେୟା ସୁର୍‌ରେ ତାହେଁକାନାୟେ। ଯୀଶୁ ଉଡିଢେର୍ ହଳ୍‌ ଶିଖ୍‌ନାତେ ଏମାଃକକାନ୍ ତାହେଁଦଃ। ଅନାତେ ଉଡି ଢେରହଳ୍ ଆଜ୍ଃ ସୁର୍‌ତେ ଆଜାଃ କାଥା ଆଞ୍ଜମ୍‌କ ହିଜୁଃକାନ୍ ତାହେଦ୍ଃ। ହଳ୍‌କ ଦୁଳୁବ୍ଃ ଖାତିର୍ ଆଜ୍ଃଠେନ୍ କୁଠି ଆର୍ ଜାୟେଗା ବାଂ ତାହେଁକାନା ଅନାତେ ବାର୍‌ଧାଅରେ ଶିକ୍‌ନାତେ ଏମାକକାନ୍ ତାହେଁଦଃ। ଅନାତେ, ଯୀଶୁ ଦାଃରେ ତାହେଁକାନ୍ ଲାଉକାତେ ଚାଲାୱେନାୟେ। ଅନା ଲାଉକାରେ ଦୁଳୁବ୍ଃ ଏନାୟେ ଆର୍ ହଳ୍ ଶିକ୍‌ନାତେ ଏମାଦ୍ଃକୱାୟେ।

![](https://cdn.door43.org/obs/jpg/360px/obs-en-33-02.jpg)

ଯୀଶୁ ମିଃଟାଂ କାହାନୀ ଲାଇକେଃଆୟେ,“ମିଃଟାଂ ଚାଷି ଇତା ଏର୍ ଲାଗିଦ୍ଃତେ ଅଡକ୍ ଚାଲାୱ ଏନାୟେ । ଆଜାଃ ତିଈତେ ଇତା ଗଟାୟେ ଏରକେଃଆ,ତିନ୍ ଜଖାଃ ଇତାକ ହର୍ ଚେତାନ୍‌ରେ ଞ୍ଜୁରେନା, ମେନ୍‌ଖାନ୍ ଚେଣେକ ହେଜ୍ଃ କାତେ ଅନା ଇତାଜାଂ ଝତକ ଜମ୍‌କେଃଆ ।”

![](https://cdn.door43.org/obs/jpg/360px/obs-en-33-03.jpg)

ତିନାଂଗାନ ଇତାଜାଂ ଧିରିମେନାଃ ଅତ୍ ଚେତାନ୍‌ରେ ଞ୍ଜୁରେନା,ଅନା ଅତ୍‌ରେ ହାସା କମ୍‌ଗେ ତାହେଁକାନା ଅନା ଧିରିହାସାରେନା ଜାଂ ଉଡି ଲଗନ୍ ରଙ୍ଗଏନା,ମେନ୍‌ଖାନ୍ ନଆଁ ଇତାରେନାଃ ରେହେଦ୍ଃକ ଅତ୍‌ରେନାଃ ଯାସ୍ତି ଗାହିଁର୍ ବାୟେ ବଲ ଦାଳେୟାଦ୍ଃନା। ତିନ୍‌ଜଖାଃ ବେଳାଏ ରାକାବ୍ଃଏନା,ସିତୁଂ ଞ୍ଜାମ୍‌କାତେ ଲୋ ୟେନା ଆର୍ ଗସକାତେ ଗଜ୍ଃ ଏନା।

![](https://cdn.door43.org/obs/jpg/360px/obs-en-33-04.jpg)

“ଏନ୍ତେରେହଁ, ଏଟାଃ ଇତାଜାଂକ ଜାନୁମ୍ ଗାଜାଳ୍ ଚେତାନ୍ କରେ ଞୁରେନା। ନଆଁ ଇତାକ ହାରା ଏତହବ୍ଃଏନା,ମେନ୍‌ଖାନ୍ ଜାନୁମ୍ ଦାରେତେ ତେନ୍‌ତପାୟେନା। ଅନାତେ ଅନା ଜାଂ ଖନାଃ ତିନାଂ ଦାରେ ଅଡକ୍ଏନା, ଅନାକଦ ଜ ବାୟେ ଏମ୍ ଦାଳେୟାଦ୍ଃଆ।”

![](https://cdn.door43.org/obs/jpg/360px/obs-en-33-05.jpg)

ଆର୍ ତିନାଂଗାନ୍ ଇତାଜାଂକଦ ବୁଗିନ୍‌ ହାସାରେ ଞୁରେନା। ଅନାକଦ ହାରା ରାକାବ୍ଃଏନା ଆର୍ ୩୦,୬୦ ଗୁନା କାତେ ଜୋ ୟେନା ଆର୍ ଆଧାନ୍ କମା ମିଦ୍ଃସାୟେ ଗୁନ୍ ଜ୍ୟାସ୍ତି ଜୋ ଏନା । ଯାହାଁଏକ ଈଶ୍ୱରବାବା ପାଞ୍ଜା ସାନାକୱା, ଉନ୍‌କୁ ଦ ଇଞ୍ଜ ଲାଇୟାକାଦ୍ଃ କାଥାକ ଆଞମ୍ ହଚୱାକପେ।

![](https://cdn.door43.org/obs/jpg/360px/obs-en-33-06.jpg)

ନଆଁ କାହାନୀଦ ଆଜ୍ଃରିନ୍ ଚେଲାକ ବାକ ବୁଝାୱ ଦାଳେୟାଦ୍ଃଆ। ଅନାତେ ଯୀଶୁ ଭାଗି ଧାରାୟେ ଲାଇସଦର୍ କେଃଆ,ଜାଙ୍ଗ୍‌ଦ ଈଶ୍ୱର୍ ବାବାଃ ଆଳାଂକାନା । ହର୍‌ଦ ହଳ୍ କାନାକ ଯାହାଁୟେକ ଇଶ୍ୱରାଃ କାଥାକ ଆଞମ୍ କେଃଆ ମେନ୍‌ଖାନ୍ ବାକ ବୁଝାୱ ଦାଳେୟାଦ୍ଃନା । ଇନା ତାୟମ୍ ଶଇତାନ୍ ଇଶ୍ୱରାଃ ଆଳାଂ ଠେନ୍ ଖନକ ଇଦି ଚାବାୟେଃଆ । ନଆଁରେୟାଃ ମେନ୍‌ଦ ଇଶ୍ୱରାଃ ଆଳାଂ ବୁଝାୱ ଖନାଃ ହଳ୍‌କକେ ସାଗିଞ୍ଜ୍‌ରେ ଦହକୱାଏ ।

![](https://cdn.door43.org/obs/jpg/360px/obs-en-33-07.jpg)

ଧିରିମେସା ହାସାରେ ଞୁର୍ ଜାଂଦ ନଙ୍କାନ୍ ହଳ୍ କାନାକ ଈଶ୍ୱର୍ ବାବାଃ ଆଳାଂକ ଆଞମ୍‌ଆଁ ଆର୍ କ ପାତିୟାଉଃଆ। ମେନ୍‌ଖାନ୍ ତିନ୍ ଜଖାଃ ଉନି ଦୁଖେ ଞାମା ଆର୍ ଏଟାଃ ହଳ୍‌କ ଦୁଃଖ୍‌କ ଏମାୟା ଉନ୍‌ଜଖାଃ ଈଶ୍ୱର୍ ଠେନ୍‌ଖନଦୟେ ଇୱିର୍ ଗିଡିଃଆ। ଆଜ୍ଃ ଈଶ୍ୱର୍ ଚେତାନ୍‌ରେ ପାତୀୟାଉ ହଁୟେ ବାଗିୟା।

![](https://cdn.door43.org/obs/jpg/360px/obs-en-33-08.jpg)

“ଜାନୁମ୍ ଲାଟାରେ ଞ୍ଜୁରଲେନ୍ ଜାଂ କଦ ନଙ୍କାନ୍ ହଳ୍ କାନକ,ଯାହାଁଏ ଇଶ୍ୱରାଃ କାଥାଏ ଆଞ୍ଜମା। ମେନ୍‌ଖାନ୍ ଉନିଦ ଉଡିଢେର୍ ଜିନିଷ୍ ବାଖ୍ରାଏ ହରବରଃଆ, ଆର୍ ଉଡିଢେରେ ପୁଇସାୟାଏ ମେନ୍ତେ କୁରୁମୁଟୁଃଆଏ, ଆର୍ ଉଡି ଢେର୍ ଜିନିଷ୍‌କ ଞ୍ଜାମ୍ ଖାତିରେ କୁରୁମୁଟୁୟାଏ । ତିନାଂ ଦିନ୍ ତାୟମ୍ ଆଦ ଈଶ୍ୱର୍ ବାବା ହିଳିଞ୍ ସାରିକାୟାଏ । ଅନାତେ ଅକା କାଥା ଈଶ୍ୱର୍ ବାବା ଠେନ୍‌ଖନାଃଏ ଚେଦ୍ଃଲେଃଆୟେ ଅନାକ ଲେକାତେ ଈଶ୍ୱର୍ ଦ ବାୟେ ସାର୍‌ହାୱ ଦାଳେୟାଦ୍ଃଦେୟାଏ । ଅନାତେ ଉନିଦ ଗହମ୍ ହେଳେଲେକାୟେ ହୁୟୁଆଃଏ, ଅକାସେନ୍‌ ଚେଦ୍ଃ କାମିରେହଁ ବାୟେଲାଗାୱାଃ ।”

![](https://cdn.door43.org/obs/jpg/360px/obs-en-33-09.jpg)

ଭାଗି ହାସାରେ ଞୁର୍ ଜାଂ କଦ ନଙ୍କାନ୍ ହଳ୍ କାନାକ ଯାହାଁୟେ ଈଶ୍ୱର୍ ବାବାଃ କାଥା ଅଞ୍ଜମ୍ କାତେକ ପାତିୟାଉଃଆ ଆର୍‌କ ପାଷ୍ନାଅଦାଳେୟାଃ ।

*ସନତ୍ ପୁଥିୟାଃ କାହାନୀ: ମାଥିଉ ୧୩:୧-୨୩; ମାର୍କ ୪:୧-୨୦; ଲୁକ୍ ୮:୪-୧୫*

Audio: https://git.door43.org/OBS-TLF/mjx_obs/releases/download/v1/mjx_obs_v1_33_128kbps.m4a

## 34. ୩୪. ଯୀଶୁ ଏଟାଃ କାହାନି ହୟେଁ ଚେଦେଃଦ୍ କ ତାହେଁଦ୍

https://openbiblestories.org/l/mjx/story-34/

![](https://cdn.door43.org/obs/jpg/360px/obs-en-34-01.jpg)

ଇଶ୍ୱରାଃ ସେର୍ମା ଦିଶମ୍ ବାଖ୍‌ରାତେ ଯୀଶୁ ଉଡିଢେର୍ କାହାନୀ ଲାଇୟେଦ୍ଃତାହେଁଦଃ।ଯୀଶୁଈ ମେନ୍ ସଦର୍ ଲେଃଆୟେ,“ସେର୍ମା ଦିଶମ୍ ଦ ତୁଳି ଜାଂ ଲେକା ଯାହାଁ ମିଦ୍ଃହଳ୍ ଡାହିରେ ଏରା କାଦ୍ଃ ଲେକା । ଆପେ ବାଡାୟାପେ ତୁଳି ଜାଂ ଦ ଝତ ଜାଂ ଖନାଃ ହପନଗେୟା ।”

![](https://cdn.door43.org/obs/jpg/360px/obs-en-34-02.jpg)

“ମେନ୍‌ଖାନ୍ ତିନ୍‌ଜଖାଃ ବାଳ୍‌ଗେ ରେୟାଃ ଝତ ଦାରେ ଖନ୍ ମାରାଂ ଞେଲଃଆ,ଉନାଃ ମାରାଂଡାର୍‌ରେଦ ଚେଣେକହଁ ହେଜ୍ଃକାତେକ ଦୁଳୁବ୍ଃ ଦାଳେୟାଃଆ।”

![](https://cdn.door43.org/obs/jpg/360px/obs-en-34-03.jpg)

ଆର୍ ମିଃଟାଂ କାହାନୀଲେକା ଯୀଶୁ ଲାଇକେଃଆୟେ, ଈଶ୍ୱର୍ ବାବାଃ ସେର୍ମା ଦିଶମଦ ରାନୁରାନ୍ ଲେକାଗେୟା , ମିଦ୍ଃ କୁଳି ପିଠା ବେନାୱରେ ଯେମନ୍ ଗଟା ପାଷ୍ନାୱଃମା ମେନ୍ତେ ସିପିୟେଦ୍ଃଲେକାଗେ।”

![](https://cdn.door43.org/obs/jpg/360px/obs-en-34-04.jpg)

“ଇଶ୍ୱରାଃ ସେର୍ମା ଦିଶମ୍ ଦ ମିଦ୍ଃ ଟାକାବାକସ୍ ଲେକାଗେ ଯାହାଁଏ ମିଦ୍ଃ ହଳ୍ ଅତ୍ ଭିତିର୍ ରେ ତପା ଆକାଦ୍ଃ ଲେକାଗେ । ଆର୍ ମିଦ୍ଃ ହଳ୍ ନଆଁ ବାକସେ ଞାମ୍ କେଃଆୟେ ଆର୍ ନଆଁ ଞାମ୍ ବାଖ୍‌ରାତେ ଉଡିଢେରେ ମନେ କେଃଆୟେ । ଅନାତେ ଅନା ଆର୍‌ହଁ ଅଣ୍ଡେଗେ ତପା ରୁଆଳ୍‌କେଃଆଏ । ଉନି ହଳ୍ ଉନାଃଏ ରାଷ୍କାଏନାଦ ଅଳାଃ ଚାଲାୱ ଏନାୟେ ଆର୍ ଆଜଃଠେନ୍ ଯାହାଁ ତିନାଃ ଧନ୍ ତାହେଁକାନା ଝତ ଆଖ୍ରୀଞ୍ କାତେ ଅନା ହାସା କିରିଞାୟେ ମେନ୍ତେ ମନେ କେଃଆୟେ ।”

![](https://cdn.door43.org/obs/jpg/360px/obs-en-34-05.jpg)

“ଆର୍‌ହଁ ଇଶ୍ୱରାଃ ସେର୍ମା ଦିଶମ୍ ଦ ନଙ୍କାନା ମିଃଟାଂ ଉଡି ଗନଙ୍ଗାନ୍‌ ଭାଗି ମୁକୁଟଲେକା। ତିନଜଖାଃ ମିଦ୍ଃ ବେପାରି ଅନା ମୁକୁଟ୍ ଞେଲ୍ କେଃଆଏ,ଉନି ଅନା କିରିଞ୍ ବାଖ୍ରାତେ ଆଜାଃ ଝତ ସମ୍ପୁତି ଆଖ୍ରୀଞ୍ କେଃଆୟେ ।”

![](https://cdn.door43.org/obs/jpg/360px/obs-en-34-06.jpg)

ନଆଁ ଧାର୍ତିରେ ଉଡି ଢେର୍ ହଳ୍ ନଂକାନ୍ ଉଇହାରାକ ମେନାଃକୱା ଭାଗିୟାଃଗେଲେ କାମିଆକାଃଆ ମେନ୍ତେ ଈଶ୍ୱରବାବା ଆଲେ ଆତାଂ ଦାରମ୍ ଲେୟାଏ। ନୁଂକୁ ହଳ୍ ଆକୱାଃ ଲେକା ବାକ କାମିୟାଁକାଃଆ ହଳ୍‌କକ ଲାନ୍ଦା ଆକାଦ୍ଃକୱା ଆର୍‌କ ହିନ୍ ଆକାଦ୍ଃକୱା। ଅନାତେ ଯୀଶୁ ନଆଁ କାହାନୀ ଲାଇୟାଦ୍ଃକୱାୟେ,“ମିଃଟାଂ ଆତୁରେନ୍ ବାରହଳ୍ ବିନ୍ତି ବାଖ୍ରାତେ ମୁନ୍ଦିଲ୍ କିନ୍ ଚାଲାୱେନା। ମିଦ୍ଃ ହଳ୍‌ଦ ମାସୁଲ୍ ଉଠାଉବାଲା ଆର୍ ମିଦ୍ଃ ହଳ୍‌ଦ ଧରମ୍‌ନାୟେକେ ତାହେଁକାନାୟେ ।”

![](https://cdn.door43.org/obs/jpg/360px/obs-en-34-07.jpg)

“ଧରମ୍ ଗୁରୁଦ ନଙ୍କାୟେ ବିନ୍ତକେଃଆ,ସାର୍‌ହାୱଃ ମେ ଈଶ୍ୱରବାବା ଇଞ୍‌ଦ ଏଟାଃ ହଳ୍‌ଲେକା ପାପି ଦୁଞ୍ଜ୍ ବାଙ୍କାନା ଯାହାଁଲେକା କୁମ୍ୱୁଳୁ,ବାଳିଜ୍ଃ କାମି ହଳ୍,ଆପାଙ୍ଗିର୍‌ ହଳ୍,ଆର୍ ନୁଇ ମାସୁଲ୍ ଆଦାଇଜ୍ଃ ହଳ୍‌ଲେକା ।”

![](https://cdn.door43.org/obs/jpg/360px/obs-en-34-08.jpg)

“ମେନ୍ ଲେଖାନ୍,ହାପ୍ତାରେ ବାର୍‌ସିଞ୍ ରେଙ୍ଗେଜ୍ଃଇଞ୍ଜ୍ ତାହେଁନକାନା ଆର୍ ଯାହାଁ ତିନାଃଇଞ୍ଜ କାମିୟେଃଆ ଅନାରେୟାଃ ଗେଲ୍ ଭାଗିଞ୍ଜ୍ ଏମଃକାନା ।”

![](https://cdn.door43.org/obs/jpg/360px/obs-en-34-09.jpg)

ମେନ୍‌ଖାନ୍ ମାସୁଲ୍ ଉଠାଉଇଜ୍ଃ ଦ ଉନି ଧରମ୍ ହଳ୍ ଖନାଃ ଉଡିଝାଲରେ ତିଙ୍ଗୁଏନାଏ । ସେର୍ମା ସେନ୍‌ହଁ ବାୟେ କୟଃଲେଃଆ । କଳାମ୍‌ରେ ଆଜାଃ ତିଇତେ ତାପିଞ୍ଜେନାଏ ଆରେ ବିନ୍ତି କେଃଆୟେ,“ଈଶ୍ୱରବାବା ଦାୟାକାତେ ଦାୟାଆଞ୍‌ମେ ଚେଦାଃସେ ଇଞ୍‌ଦ ପାପି କାନାଞ୍ଜ୍।”

![](https://cdn.door43.org/obs/jpg/360px/obs-en-34-10.jpg)

ଇନା ତାୟମ୍ ଯୀଶୁଈ ମେନ୍‌କେଃଆ,“ଇଞ୍ଜିଞ୍ଜ୍ ମେତାପେକାନା ଈଶ୍ୱର୍ ବାବା ଧାରମାନ୍ ହଳାଃ ବିନ୍ତି ବାଂ ଆଞମ୍ କାତେ ମାସୁଲ୍ ଆଦାଇଜାଃ ବିନ୍ତି ଆଞମ୍‌କେଃଆୟେ ଆର୍ ଉନିଗେ ଧାର୍ମିକେ ବେନାୱ କେଦେୟାଏ। ଈଶ୍ୱର୍ ବାବା ଗରବ୍‌ ହଳେ ଅପମାନକୱା ମେନ୍‌ଖାନ୍ ଧିରା ହଳ୍ ଦୟେ ସମ୍ମାନକୱାଏ।”

*ସନତ୍ ପୁଥିୟାଃ କାହାନୀ: ମାଥିଉ ୧୩:୩୧-୪୬; ମାର୍କ ୪:୨୬-୩୪; ଲୁକ୍ ୧୩:୧୮-୨୧; ୧୮:୯-୧୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_34_128kbps.m4a

## 35. ୩୫. ଦାୟା ଦୁଲାଳ୍ ବାବାହା କାହାନୀ

https://openbiblestories.org/l/mjx/story-35/

![](https://cdn.door43.org/obs/jpg/360px/obs-en-35-01.jpg)

ମିଦ୍ଃ ଦିନ୍,ଯୀଶୁ ଠେନ୍‌କ ଜାୱରା ଲେନ୍ ଉଡି ଢେର୍ ହଳ୍ ଶିକ୍‌ନାତେ ଏମାକକାନ୍ ତାହେଁଦଃ । ନୁଂକୁ ଦ ଝତ ମାସୁଲ୍ ଆଦାଇକ ଆର୍ ମୋସାଃ ହୁକୁମ୍ ବାଂ ବାତାୱ ହଳ୍‌କ ତାହେଁକାନା ।

![](https://cdn.door43.org/obs/jpg/360px/obs-en-35-02.jpg)

ତିନାଂଗାନ୍ ଧରମ୍‌ନାୟେକେକ ହଳ୍‌ସାଲାଃ ଗାତେଲେକା ରପଳଃ ଯୀଶୁକ ଞେଲ୍ କେଦେୟା । ଅନାତେ ଯୀଶୁ ବାଳିଜ୍ଃ କାମି କାମିକାନାୟେ ମେନ୍ତେ ଆକ ଆକକ ରପଳ୍ ଏନା। ଯୀଶୁ ଆକୱା କାଥାୟେ ଆଞମ୍ କେଃଆ,ଅନାତେ ନଆଁ କାହାନୀଏ ଲାଇଆଦ୍ଃକୱାୟେ ।

![](https://cdn.door43.org/obs/jpg/360px/obs-en-35-03.jpg)

“ମିଦ୍ଃହଳେ ତାହେଁକାନା ଆଜ୍ଃରିନ୍ ବାରେୟା ହପନ୍ କିନ୍ ତାହେଁକାନା । ହୁଡିଞ୍ ହପନ୍ ଆଜ୍ଃ ବାବାକେ ମେତାଃଦେୟାଏ, ବାବା, ଇଞା ଭାଗ୍ ଧନ୍ ସମ୍ପୁତି ଇମାଞ୍ଜମେ! ଅନାତେ ଆଜ୍ଃ ବାବା ଝତ ସମ୍ପୁତି ବାରେୟା ହପନ୍ ଠେନେ ଭାଗ୍ କେଃଆଏ ।”

![](https://cdn.door43.org/obs/jpg/360px/obs-en-35-04.jpg)

ହୁଡିଞ୍ ହପନ୍ ଝତ ସମ୍ପୁତି ମିଟ୍‌ଠେନେ ଜାୱରାକେଃଆୟେ ଆର୍ ଉଡି ଝାଲ୍ ଦିଶମେ ଚାଲାୱ ଏନାୟେ,ଆର୍ ବାଳିଜ୍ଃ କାମିରେ ଝତ ଟାକା ପୁଇସାଏ ଖରଚ୍‌ ଚାବାକେଃଆଏ ।”

![](https://cdn.door43.org/obs/jpg/360px/obs-en-35-05.jpg)

ଇନାତାୟମ୍,ଉନିହୁଡିଞ୍ କଳା ଅକାରେ ତାହେଁ କାନାୟେ ଅଣ୍ଡେ ଉଡିମାରାଂ ଆକାଲ୍ ବଲୟେନା ଆର୍ ଆଜଃଠେନ୍ ଜମାଃ କିରିଞ୍ଜ୍ ଖାତିର୍ ପୁଇସାଗେ ବାଂ ତାହେଁକାନା। ଅନାତେ ଉନି ଅକା କାମିଏ ଞାମ୍ କେଃଆୟେ ଅନାଦ ସୁକ୍‌ରିକ ଗୁପି କାମି ତାହେଁୟା। ଉନି ଉନାଃ ରେଙ୍ଗେଜ୍ଃକେଦେୟା ଇନାଦ ସୁକ୍‌ରିଆଇଁଠା ହଁ ଜମ୍ ସାନାକେଦେୟା।”

![](https://cdn.door43.org/obs/jpg/360px/obs-en-35-06.jpg)

“ତାୟମ୍‌ତେ ହୁଡିଞ୍ ହପନ୍ ମନେରେ ଉଇହାର୍ କେଃଆୟେ,ଚେଦ୍ଃଇଞ୍ଜ କାମିକାନା ? ଇଞ୍ଜ ବାବାରେନ୍‌ ଗୁତିକକ ଇଞ୍ଜ୍‌ଖନ୍‌ ଭାଗି ଭାଗି ଜମାଃକ ଞାମେଃଆ,ଆର୍ ଏନ୍ତେରେହଁ ଇଞ୍ଜ୍ ନଣ୍ଡେ ରେଙ୍ଗେଜ୍ଃ ତିଞ୍ଜ୍ ଗୁଜୁଃକାନା । ଇଞ୍ଜ ଚାଲାୱରୁଆଳ୍ କାତେ ଇଞ୍ଜ ବାବାଞ୍ଜ ମେତାୟା ଇଞ୍‌ହଁ ଚାକର୍ ଲେକା ଦହଇଞ୍ଜମେ ।”

![](https://cdn.door43.org/obs/jpg/360px/obs-en-35-07.jpg)

ଅନାତେ ଉନି ହୁଡିଞ୍ ହପନ୍ ଆଜ୍ଃ ବାବାଃ ଅଳାଃସେନ୍ ରୁଆଳେ ମନେ କେଃଆୟେ । ଆଜ୍ଃ, ଆଜ୍ଃ ବାବା ଅଳାଖନ୍ ଝାଲ୍‌ରେ ତାହେଁକାନରେହଁ, ଆଜ୍ଃ ବାବା ଞେଲ୍ କେଦେୟାଏ ଆର୍ ଆଜିଜ୍ଃ ହୁଡିଞ୍ ହପନ୍ ଚେତାନ୍‌ରେ ଦାୟା ହେଜ୍ଃଏନା । ଆଜ୍ଃ ବାବା ଦାଳଚାଲାୱେନାୟେ ଆରେ ହବରକେଦେୟା ଆରେ ଚଃ କେଦେୟାୟେ ।“

![](https://cdn.door43.org/obs/jpg/360px/obs-en-35-08.jpg)

ହପନେ ମେନକେଃଆ, ବାବା ଇଞ୍ ଈଶ୍ୱର୍ ଆର୍ ଆମ୍ ବିରାଦ୍ଦରିଞ୍ କାଇୟାକାଃଆ। ଇଞ୍ଜ ଆମ୍‌ରିନ୍ ହପନ୍ ଲେକା ତାହେଁରେନାଃ ହକ୍ ବାନୁଃତିଞ୍ଜା।”

![](https://cdn.door43.org/obs/jpg/360px/obs-en-35-09.jpg)

“ମେନ୍‌ଖାନ୍ ଆଜ୍ଃ ବାବା ମିଦ୍ଃ ଗୁତିୟେ ମେତାଃଦେୟାୟେ ଦୁ ଲାଗେ ଧାରା ଚାଲାୱ କାତେ ବୁଗିନ୍ ଲୁଗୁଳି ଆଗୁଇମେ ଆର୍ ଇଞ୍ଜିଜ୍ଃ ହପନ୍ ପାଲାଟ୍‌ ହଚୟେମେ! ଆଜାଃ ତିଇରେ ମିଃଟାଂ ମୁଦାମ୍ ହରଃଏପେ ଆର୍ କାଟାରେ ଚପଲ୍ ହରଃଆୟେପେ । ଇନା ତାୟମ୍ ମିଦ୍ଃ ବୁଗିନ୍ ଡାଙ୍ଗାରା ଗଜେପେ ଆର୍ ଆବ ଝତ ହଳ୍ ଜମ୍ ଞ୍ଜୁ କାତେବ ରାସ୍କାଃଆ,ଚେଦାଃସେ ଇଞ୍ଜିଜ୍ଃ ହୁଡିଞ୍ ହପନ୍ ଗଜ୍ଃଲେନାଏ ମେନ୍‌ଖାନେ ବାଞ୍ଚାୱ ରୁଆଳାକାନା ! ଆଜ୍ଃ ଆଦ୍ଃ ଲେନାୟେ ମେନ୍‌ଖାନେ ଞାମ୍ ରୁଆଳ୍ ଆକାନାୟେ ।”

![](https://cdn.door43.org/obs/jpg/360px/obs-en-35-10.jpg)

ଅନାତେ ହଳକ କୁସିକ ମାନାୱକେଃଆ । ଉଡି ଘାଳିଜ୍ଃ ତାୟମ୍ ମାରାଂ ହପନ୍ ବାଦ୍‌ଖନାଃ କାମିକାତେ ରୁଆଳେନାୟେ । ମାରାଂଙ୍ଗିଜ୍ଃ ଏନେଜ୍ଃ,ସେରେଞ୍ ଆଞମକାତେ ଚେଦ୍ଃ ଚିକା ଆକାନା ମେନ୍ତେ ହାହାଳାଗେ ବୁଝାୱକେଃଆୟେ ।”

![](https://cdn.door43.org/obs/jpg/360px/obs-en-35-11.jpg)

ତିନ୍‌ଜଖାଃ ମାରାଂ ହପନ୍ ବୁଝାୱ ଞାମ୍ କେଃଆୟେ ଇଞ୍ଜିଜ୍ଃ ବୟହା ହେଜ୍ଃଆକାନ୍ ଖାତିର୍ କ ଏନେଜ୍ଃ ସେରେଞ୍ଜେଃଆ,ଉନି ଉଡି ପହୟେ ରାଗିୟେନା ଆର୍ ଅଳାଃ ବାୟେ ବଲଲେନା। ଆଜ୍ଃ ବାବା ଅଳାଃଖନ୍ ଉଡୁକ୍ କାତେ ଅଳାଃ ଭିତିର୍ ହିଜୁଃମେ ଆର୍ ହଳ୍ ସାଲାଃତେ ଆମ୍‌ହଁ ରାସ୍କାଃମେ ମେନ୍ତେ ମେତାଃଦେୟାୟେ,ମେନ୍‌ଖାନ୍ ମାରାଂ ହପନ୍ ଅଳାଃ ଭିତିର୍ ଚାଲାଃଏ ମାନାକେଃଆଏ ।”

![](https://cdn.door43.org/obs/jpg/360px/obs-en-35-12.jpg)

ମାରାଂ ହପନ୍ ଆଜ୍ଃ ବାବାକେ ମେତାଃଦେୟାୟେ,ଆମ୍ ଖାତିର୍ ବଛର୍ ସାରା ଭାଗିଗେଞ୍ କାମିୟାକାଃଆ! । ଇଞ୍ ତିସ୍‌ହଁ ବାଞ୍ ମାନା ଆକାଦ୍ଃମେୟାଁ, ଆର୍ ଏନ୍‌ରେହଁ ଇଞ୍ ମିଃଟାଂ କାଟିଜ୍ଃ ମେରମ୍ ହଁ ବାମ୍ ଏମାକାଦିଞା ଯାହାନାଃ ଖାତିର୍ ଇଞ୍ଜିଜ୍ଃ ଗାତେକ ସାଲାଃ ରାଷ୍କାଞ୍ ମାନାୱକେୟା ହୁନାଙ୍ଗ୍। ମେନ୍‌ଖନ୍ ନୁଇଁ ଗିଦ୍ରା ତାମ୍ ଝତ ପୁଇସା ବାଳିଜ୍ଃ କାମିରେ ଖରଚ୍‌ ଚାବାଆକାଃୟେ । ଆଜ୍ଃ ହେଜ୍ଃଏନ୍ ଜଖାଃ ଭାଗି ଡାଙ୍ଗ୍ରା ହପନେମ୍ ଗଜ୍ଃ କେଦେୟା ରାଷ୍କା ମାନାୱ ଖତିର୍‌ତେ ।

![](https://cdn.door43.org/obs/jpg/360px/obs-en-35-13.jpg)

“ଆଜ୍ଃ ବାବା ମେନ୍ ରୁଆଳ୍ କେଃଆଏ,ବେଟା ଆମ୍‌ଦ ସାରା ଘାଳିଜ୍ଃ ଇଞ୍ ସାୱଁତେଗେ ମେନାମା ଆର୍ ଇଞ୍ଜାଃ ଯାହାଁନାଃ ମେନାଃ ଝତଗେ ଆମାଃକାନା। ମେନ୍‌ଖାନ୍ ନଆଦ ରାସ୍କାରେନାଃ ଭାଗି ବେଳାକାନା, ଚେଦାଃସେ ଆମରେନ୍‌ ବୟହା ଗୁଜୁଃଖନାଃଏ ବାଞ୍ଚାୱା କାନାଏ। ଆଜ୍ଃ ଆଦ୍ଃ ଲେନାୟେ ମେନ୍‌ଖାନ୍‌ବ ଞାମ୍ ରୁଆଳାକାଦେୟା।

*ସନତ୍ ପୁଥିୟାଃ କାହାନୀ: ଲୁକ୍ ୧୫*

Audio: https://git.door43.org/OBS-TLF/mjx_obs/releases/download/v1/mjx_obs_v1_35_128kbps.m4a

## 36. ୩୬. ମହଣ୍ଡା ବଦଲ୍

https://openbiblestories.org/l/mjx/story-36/

![](https://cdn.door43.org/obs/jpg/360px/obs-en-36-01.jpg)

ମିଃଦିନ୍ ଯୀଶୁ ଆଜ୍ଃରେନ୍ ପେୟାଚେଲା ଯୋହନ୍,ଯାକୁବ୍ ଆର୍ ପିତର୍‌ ଇଦିକାତେ ଚାଲାୱେ ନାଏ। (ବାପ୍ତିସ୍ମା ଯହନ୍ ଦ ବାଂଆ) ଆକ ବିନ୍ତିବାଖ୍ରାତେ ମିଃଟାଂ ଉସୁଲ୍ ବୁରୁ ଚେତନ୍ କ ଚାଲାୱେନା ।

![](https://cdn.door43.org/obs/jpg/360px/obs-en-36-02.jpg)

ଅଣ୍ଡେ ଯୀଶୁ ବିନ୍ତି ଜଖାଃ ବେଳାଲେକା ଯୀଶୁୱାଃ ଗଟା ହଳ୍ମ ମାର୍ଶାଲେନା । ଆଜାଃ ଲୁଗୁଳି କହଁ ପୁରା ପୁଣ୍ଡ୍‌ଗେ ଞେଲ୍ଏନା, ଧାର୍ତିରେ ମେନାଃଆକାଦ୍ଃ ଜିନିଷ୍‌କଖନ୍ ଆରହଁଢେର୍ ପୁଣ୍ଡେ ଞେଲ୍ ଏନା।

![](https://cdn.door43.org/obs/jpg/360px/obs-en-36-03.jpg)

ଇନା ତାୟମ୍ ମୋଶା ଆର୍ ଏଲୀୟ ଅଣ୍ଡେକିନ୍ ସଦରେନା। ନୁଂକୁ ହଳ୍ ମିଦ୍ଃ ସାୟେ ବଛର୍ ମାଣାଂରେ ନଆଁ ଧାର୍ତିରେକ ତାହେଁକାନା, ଉନକୁ ଯୀଶୁ ସାଲାଃ ଆଜାଃ ଗୁଜୁଃ ବାଖ୍ରାକ ରପଳ୍‌କାନ୍‌ ତାହେଁଦଃ ଚେଦାଃସେ ଯୀଶୁ ଲଗନ୍‌ଗେ ଯିରୁଶାଲେମ୍‌ରେ ଗୁଜୁଃଆୟେ ମେନ୍ତେ।

![](https://cdn.door43.org/obs/jpg/360px/obs-en-36-04.jpg)

ମୋଶା ଆର୍ ଏଲୀୟ ଯୀଶୁ ସାଲାଃକିନ୍ କାଥାଃକାନ୍ ବେଳାରେ,ପିତର୍ ଯୀଶୁକେ ମେତାଃଦେଆଏ,“ନଆଁଦ ଉଡିଭାଗିୟା ଆବ ନଣ୍ଡେ ମେନାଃବନା। ଦେଲାଆବ ପେୟା ଅଳାଃବ ବେନାୱା ମିଃଟାଂ ମୋଶାଃ ଖାତିର୍,ମିଟାଂ ଆମ୍ ଖାତିର୍,ଆର୍ ମିଟାଂ ଏଲୀୟ ଖାତିର୍।” ମେନ୍‌ଖାନ୍ ପିତର୍ ବାୟେବାଡାୟା ଆଜ୍ଃ ଚେଦ୍ଃଏ ମେନେଃଆଁମେନ୍ତେ।

![](https://cdn.door43.org/obs/jpg/360px/obs-en-36-05.jpg)

ପିତର୍ ନଙ୍କାୟେ ମେନେଦ୍‌ଜଖାଃ, ମିଃଟାଂ ରାହାଲା ଚେତାନ୍ ଖନାଃ ଆଣ୍‌ଗୟେନା ଆର୍ ମୋଶା ଆର୍ ଏଲୀୟେ ଦାପାଲ୍ କେଦ୍ଃକିନା। ଇନା ତାୟମ୍ ଆକ ଅନା ରାହାଲା ଖନାଃ ମିଃଟିଜ୍ଃ କାଥାକ ଆଞମ୍‌କେଃଆ । ନଙ୍କାୟେ ମେନ୍‌କେଃଆ “ନୁଇଦ ଇଞ୍ଜିଜ୍ଃ ହପନ୍ କାନାୟେ ଯାହାୟେଁ ଇଞ୍ଜିଞ୍ଜ୍ ଦୁଲାଳେକାନା। ଇଞ୍ଜ୍ ଯୀଶୁ ଚେତାନ୍‌ରେ ଉଡିଞ୍ଜକୁସିଆକାନା, ନୁଇଆଁଃ କାଥା ଅଞମ୍‌ପେ ।” ଉନ୍‌କୁ ପେ’ ହଳ୍ ଚେଲାକ ଆଞମ୍ କାତେ ଉଡିକ ବତରେନା ଆର୍ ଅତ୍‌ରେକ ଗୁଳ୍‌ଦାୱ ଉତାରେନା।

![](https://cdn.door43.org/obs/jpg/360px/obs-en-36-06.jpg)

ଇନା ତାୟମ୍ ଯୀଶୁ ଆକ ଜଟେଦ୍ଃକାତେ ମେତାଦ୍ଃ କୱାୟେ,“ଆଲପେ ବତରଃଆ । ବେରେଦ୍ଃପେ ।” ତିନ୍‌ଜଖାଃ ବେରେଦ୍ଃ କାତେ ଗଟାକ କୟଃକେଃଆ, ଏଖେନ୍ ଯୀଶୁଗେ ତାହେଁ କାନାୟେ ଆର୍ ଅକୟେ ହଁ ବାକ ତାହେଁକାନା ।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ଆର୍ ଆଜ୍ଃରେନ୍ ପେୟା ଚେଲା ବୁରୁ ଖନ୍‌କ ଆଣ୍‌ଗରୁଆଳେନା।ଇନା ତାୟମ୍ ଯୀଶୁ ଚେଲା କୟେ ମେତାଦ୍ଃ କୱାୟେ,“ନଣ୍ଡେ ଆପେ ଯାହାନାଃ ପେ ଞେଲ୍ କେଃଆ ଅନାକ ଆପେ ଅକୟେ ହଁ ଆଲପେ ଲାଇଆକଆ। ଇଞ୍ ଲଗନ୍ ଗିଞ୍ ଗୁଜୁଃଆ ଆର୍ ଇନାତାୟମିଞ୍ଜ୍‌ ଜିୱିଦ୍ଃ ରୁଆଳଃଆ। ଇନା ତାୟମ୍ ଆପେ ହଳ୍‌ପେ ଲାଇ ଦାଳେୟାକୱା।”

*ସନତ୍ ପୁଥିୟାଃ କାହାନୀ: ମାଥିଉ ୧୭:୧-୯; ମାର୍କ ୯:୨-୮; ଲୁକ୍ ୯:୨୮-୩୬*

Audio: https://git.door43.org/OBS-TLF/mjx_obs/releases/download/v1/mjx_obs_v1_36_128kbps.m4a

## 37. ୩୭. ଯୀଶୁ ଲାଜାର୍‌କେ ଗଜ୍ଃ ଖନାଃଏ ଜିୱିଦ୍ଃ ବେରେଦ୍ଃ କେଦେୟାଏ

https://openbiblestories.org/l/mjx/story-37/

![](https://cdn.door43.org/obs/jpg/360px/obs-en-37-01.jpg)

ଲାଜାର୍ ଞୁତୁମାନ୍ ମିଦ୍ଃ ହଳେ ତାହେଁକାନା। ଲାଜାର୍ ରିନ୍ ମାର୍ଥା ଆର୍ ମାରିୟାମ୍ ବାରେୟା ମିଶିଏରା କିନ୍ ତାହେଁକାନା।ଆକଦ ଯୀଶୁ ମାସୀରିନ୍‌ ଉଡି ସୁର୍ ପେଳାହଳ୍‌କ ତାହେଁକାନା । ମିଦ୍ଃହଳ୍ ଯୀଶୁ ମିଦ୍ଃଦିନ୍ ଲାଜାର୍ ଉଡି ଜୁର୍‌ରେ ରୁଆଃ କାନା ମେନ୍ତେ ମେତାଦେୟାଏ। ନଆଁ ରୁଆ ଦ ଆଜାଃ ଗଜ୍ଃ ବାଖ୍ରାଦ ବାଙ୍କାନା ମେନ୍‌ଖାନ୍ ନଆଁ ଇଦିକାତେ ହଳ୍ ଈଶ୍ୱରକ ସର୍‌ହାୱେ ୟା ।

![](https://cdn.door43.org/obs/jpg/360px/obs-en-37-02.jpg)

ଯୀଶୁ ଆଜ୍ଃରେନ୍ ପେଳାକୟେ ଦୁଲାଳେଦ୍ଃ କ ତାହେଁଦଃ,ମେନ୍‌ଖାନ୍ ବାର୍‌ସିଞ୍ ଧାରିଜଃଏ ହର କେଦେୟା। ବାର୍‌ସିଞ୍ ତାୟମ୍ ଆଜଃରେନ୍ ଚେଲାକ ମେତାଦ୍ଃକୱାୟେ,“ଦେଲା ଜିହୁଦା ବନ୍ ଚାଲାଃ”। ମେନ୍‌ଖାନ୍ ଚେଲାକ ମେନ୍ ରୁଆଳ୍‌କେଃଆ ତିନାଂ ଦିନ୍ ମାଣାଂତେ ଆମ୍ ଗଜ୍ଃ କ ଞାମ୍ କାନ୍‌ତାହେଁଦଃ ! ଯୀଶୁଈ ମେନ୍ ରୁଆଳ୍‌କେଃଆ,“ଆବୋଇଜ୍ଃ ଗାତେ ଲାଜାର୍ ବେମାର୍ ତେ ଗିତିଜ୍ଃରେଗେ ମେନାୟା ଆର୍ ଇଞ୍ ଲାଜାରକେ ଗିତିଜ୍ଃ ଖନିଞ୍ ବେରେଦ୍ଃଏୟା।”

![](https://cdn.door43.org/obs/jpg/360px/obs-en-37-03.jpg)

ଯୀଶୁ ଚେଲାକକ ମେନ୍ ରୁଆଳାଃଦେୟା,ହେ ପ୍ରଭୁ ଯୁଦି ଲାଜାର୍ ଗିତିଜ୍ଃ ଆକାନାୟେ ତବେ ବୁଗି ରୁଆଳଃଆଏ। ଇନାତାୟମ୍ ଯୀଶୁ ଭାଗି ଲେକାଏ ଲାଇ ରୁଆଳାଦ୍ଃ କୱାୟେ,ଲାଜାର୍ ଦ ଗଜ୍ଃ ଆକାନାଏ। ଇଞ୍ କୁସିଞ୍ ବୁଝାୱେଃଆ ଇଞ୍ଜ ଅଣ୍ଡେ ବାଞ୍ଜ ତାହେଁକାନା,ଅନାଖାତିର୍ ଆପେ ଇଞ୍ଜ ଠେନ୍‌ପେ ପାତିୟାୱଃକାନା ।

![](https://cdn.door43.org/obs/jpg/360px/obs-en-37-04.jpg)

ଯୀଶୁ ଲାଜାରାଃ ଆତୁ ସେଟେର୍‌ତେ ଲାଜାର୍ ଗଜ୍ଃକାତେ ପୁନ୍‌ମାହାଁ ହୁଇଲେନ୍ ତାହେଁଦଃ । ମାର୍ଥା ଯୀଶୁ ଞେଞେଲଏ ଚାଲାୱେନାଏ ଆର୍ ଯୀଶୁକେ ମେତାଃଦେୟାଏ, ପ୍ରଭୁ ଯୁଦି ଆମ୍ ନଣ୍ଡେମ୍ ତାହେଁକଃଖାନ୍ ଇଞ୍ଜିଜ୍ଃ ବୟହା ଲାଜାର୍ ହୁନାଂ ବାୟେଗଜ୍ଃକଃଆ। ମେନ୍‌ଖାନ୍ ଇଞ୍ ପାତିୟାୱଃ କାନାଞ୍ ଆମ୍ ଈଶ୍ୱରବାବା ଅକାଗେମ୍ କୟେଆ ଅନାଗେ ଏମାମାଏ ।

![](https://cdn.door43.org/obs/jpg/360px/obs-en-37-05.jpg)

ଯୀଶୁଈ ମେନ୍ ରୁଆଳ୍‌କେଃଆ,“ଇଞ୍ ଜିୱିଦ୍ଃ ବେରେଦ୍ଃ ଆର୍ ଜିୟନ୍ କାନାଞ୍ଜ୍ । ଯାହାୟେଁ ଗେ ଇଞ୍ ଠେନ୍ ପାତିୟାୱଃଆଏ,ଉନିଦ ଗୁଜୁଃ ରେହଁୟେ ବାଞ୍ଚାୱରୁଆଳଃଆୟେ। ଯାହାୟେଁ ହଳ୍ ଇଞ୍‌ଠେନ୍ କ ପାତିୟାୱଃଆ ଉନିଦ ତିସ୍‌ରେହଁ ବାୟେ ଗୁଜୁଃଆ ଆପେ ନଆଁପେ ପାତିୟାୱଃ କାନା ତ? ” ମାର୍ଥା ମେନ୍ ରୁଆଳ୍ କେଃଆୟେ, ହୟ ଗମକେ! ଇଞ୍ ପାତିୟାୱଃ କାନଞ୍ ଆମ୍‌ଦ ଈଶ୍ୱର୍ ହପନ୍ ମାସିହା କାନାମ୍ ।”

![](https://cdn.door43.org/obs/jpg/360px/obs-en-37-06.jpg)

ଇନାତାୟମ୍ ମାରିୟାମେ ସେଟେର୍ ଏନା। ମାରିୟାମ୍ ଯୀଶୁଆଃ କାଟା ସାବ୍ଃ କେଃଆୟେ ଆର୍ ମେତାଃଦେୟାଏ,“ ଗମ୍‌କେ ଆମ୍ ଯୁଦିହୁନାଂ ନଣ୍ଡେମ୍ ତାହେଁକଃଆ ଇଞରିନ୍ ବଯହା ଲାଜାର୍ ବାୟେ ଗଜ୍ଃକଃଆ।”ଯୀଶୁ ଆକକେ କୁଲି କେଦ୍ଃକୱାୟେ,“ଲାଜାର୍ ଅକାରେପେ ଦହ ଆକାଦେୟା?”ଆକକ ଲାଇଆଃଦେୟା,କବର୍ ଭିତିର୍‌ରେ । ହେଜୁଃମେ ଆର୍ ଞେଲେମେ । ଇନା ତାୟମ୍ ଯୀଶୁଈ ରାଃ କେଃଆଏ ।

![](https://cdn.door43.org/obs/jpg/360px/obs-en-37-07.jpg)

ଅନା କବର୍ ଦ ମିଟାଂ ଗୁମ୍ଫା ତାହେଁକାନା ଆର୍ ଦୁଆର୍‌ରେ ମିଟାଂ ଧିରିତେ ଏସେଦ୍ଃଲେନ୍ ତାହେଁଦଃ। ତିନ୍‌ଜଖାଃ ଯୀଶୁ କବର୍ ସୁରେ ସେଟେରଏନାୟେ, ଉନକୁ ହଳ୍ ମେତାଦ୍ଃ କୱାୟେ,“ନଆଁ ଧିରି ସାହାଏପେ ।”ମେନ୍‌ଖାନ୍ ମାର୍ଥାୟ ମେନ୍‌କେଃଆ,ଲାଜାର୍ ଗଜ୍ଃ କାତେ ପୁନ୍ ମାହାଁ ହୁଇୟେନା। ଆର୍‌ ସେୟାଗେ ସଃ କାନାଏ।”

![](https://cdn.door43.org/obs/jpg/360px/obs-en-37-08.jpg)

ଯୀଶୁଈ ମେନ୍ ରୁଆଳ୍ କେଃଆଏ, “ଯୁଦି ଆପେପେ ପାତିୟାୱଃଆ, ଈଶ୍ୱର୍ ବାବାଃ ଦାଳେପେ ଞେଲ୍ଆ ?” ଅନାତେ ଅନା ଧିରିକ ସାହାକେଃଆ ।

![](https://cdn.door43.org/obs/jpg/360px/obs-en-37-09.jpg)

ଇନା ତୟମ୍ ଯୀଶୁ ସେର୍ମା ସେନ୍‌କୟଃ କାତେ ମେନ୍‌କେଃଆଏ,“ବାବା ଇଞାଃ କାଥାମ୍ ଆଞମାକାଦ୍ଃ ଖାତିରିଞ୍ଜ୍ ସାହାରାୱେଦ୍ଃମେୟାଁ। ଇଞ୍ ବାଡାୟାଞ୍, ଇଞାଃ କାଥା ସାରା ଘାଳିଜେମ୍ ଆଞମାମେନ୍ତେ,ମେନ୍‌ଖାନ୍ ନଣ୍ଡେ ମେନାଃକ ଝତ ହଳ୍ ଯେମନ୍ କ ବାଡାୟେ ମା ଆମ୍ ଇଞ୍‌କେ ଭେଜାଃ ଆକାଦିଞାମ୍ ମେନ୍ତେ, ଅନତେ ନଙ୍କାଞ୍ଜ୍ କାମିକେଃଆ ।” ଇନା ତାୟମ୍ ଯୀଶୁ ମାରାଂ ମଚାତେ ଲାଜାର୍ କେ ହହୱାଃଦେୟାଏ, “ଲାଜାର୍ ଲାଜାର୍‌ ବେରେଦ୍ଃ ମେ!”

![](https://cdn.door43.org/obs/jpg/360px/obs-en-37-10.jpg)

ଇନାତାୟମ୍ ଲାଜାର୍ ବେରେଦ୍ଃ କାତେ ଅଡକ୍ଏନାୟେ! ଲାଜାର୍ ପୁଣ୍ଡ୍ ଲୁଗୁଳି ତେକ ପଟମ୍ ଲେଦେୟା। ଯୀଶୁ ମେତାଦ୍ଃ କୱାୟେ,ଲାଜାରାଃ ଝତ ଲୁଗ୍‌ଳି ଅଚଃକାତେ ଭାଗି ଲୁଗ୍‌ଳି ପାଲାଟଃ ବାଖ୍ରାତେ ଏମାୟେପେ ଆର୍ ଆଳାଃଏପେ!”ନଆଁ ହାହାଳା କାମି ଞେଲ୍‌ତେ ଉଡିଗାନ୍ ଯିହୁଦି ହଳ୍‌କ ଯୀଶୁ ଠେନ୍ କ ପାତିୟାୱେନା ।

![](https://cdn.door43.org/obs/jpg/360px/obs-en-37-11.jpg)

ମେନ୍‌ଖାନ୍ ଧାର୍ମିକ୍ ଗମକେକ ଯୀଶୁକ ରାଗିୟାଃଦେୟା,ଅନାତେ ଆକ ଅକାଲେକା ଯୀଶୁ ଆର୍ ଲାଜାର୍ ବାର୍ ହଳ୍‌କ ଗଜ୍ଃକିନା ଅନାକ ଉଦିଶ୍‌ଅକେଃଆ ।

*ସନତ୍ ପୁଥିୟାଃ କାହାନୀ: ଯୋହନ୍ ୧୧:୧-୪୬*

Audio: https://git.door43.org/OBS-TLF/mjx_obs/releases/download/v1/mjx_obs_v1_37_128kbps.m4a

## 38. ୩୮. ଯୀଶୁକ ସାବ୍ଃ ହଚ କେଦେୟା

https://openbiblestories.org/l/mjx/story-38/

![](https://cdn.door43.org/obs/jpg/360px/obs-en-38-01.jpg)

ଝତ ସେର୍ମାଲେକାଗେ ନିସ୍ତାର୍ ପାରାବ୍ଃକ ମାନାୱେଦ୍ଃ ତାହେଁଦଃ । ନଆଁ ପାରାବ୍ଃ ମାନାୱ ରେନାଃ ଉଦିଶ୍ ଦ ହୁୟୁଃକାନା ଆକରିନ୍ ପାହିଲ୍ ହାଳାମ୍ ଆର୍ ବୁଢିକ ଚେଦ୍ଃଲେକା ମିସର୍ ଦିସମ୍ ଖନ୍ ବାଞ୍ଚାୱ କାତେ ଆଗୁଲେଦ୍ଃ କୱାୟେ ଅନାଖାତିର୍‌ । ଅନା ମନେରେ ଦହ ଲାଗିଦ୍ଃ ନଆଁ ପାରାବଦକ ମାନାୱେଃଆ । ପେସେର୍ମା ତାୟମ୍ ଯୀଶୁ ଭାଗେସମ୍ବାଦ୍ ପାଷ୍ନାୱ କାମିଏ ଏହୋବ୍ଃ କେଃଆଏ ଆର୍ ଝତ ହଳ୍ ସାମାଂରେ ଲାଇ କେଃଆଏ,ଯୀଶୁ ଆଜ୍ଃରିନ୍ ଚେଲାକ ମେତାଦ୍ଃ କୱାୟେ ,ଇଞ୍ଜ ନଆଁ ନିସ୍ତାର୍ ପାରାବ୍ ଯିରୁଶାଲମ୍ ରିଞ୍ଜ୍ ମାନାୱାଞ୍,ଆର୍ ଅଣ୍ଡେ ଇଞ୍‌କ ଗଜ୍ଃଇଞ୍ଜା।

![](https://cdn.door43.org/obs/jpg/360px/obs-en-38-02.jpg)

ଯୀଶୁରେନ୍‌ ଚେଲାକ ଭିତିର୍‌ଖନ୍ ମିଦ୍ଃହଳାଃ ଞୁତୁମ୍ ଯିହୁଦା ତାହେଁକାନା । ଯିହୁଦା ଚେଲାକୱାଃ ପୁଇସାଟାକା ବେଗ୍ ଦହରେନାଃ ଦାୱୟେ ଞାମ୍‌ଲେଦ୍ଃ ତାହେଁଦଃ,ମେନ୍‌ଖାନ୍ ଦିନ୍ ଧାରାଗେ ଅନା ବେଗ୍‌ଖନ୍ ପୁଇସାୟେ କୁମ୍ବୁଳୁୟେଦ୍ଃ ତାହେଁଦ୍ଃ । ଯୀଶୁ ଆର୍ ଆଜ୍ଃରିନ୍ ଚେଲାକ ଯିରୁଶାଲେମତେ ସେଟେରେନ୍ ତାୟମ୍, ଯିହୁଦି କରେନ୍‌ ନାଏକେ କଠେନେ ଚାଲାୱେନା। ଯିହୁଦା ପୁଇସାକ ଏମାୟେଖାନ୍, ଯୀଶୁ ଆକୱାଃ ତିରେ ସାବ୍ଃଆକୱାୟେ ମେନ୍ତେ କାଥାଏ ଏମାଦ୍ଃକୱା। ଯିହୁଦା ବାଡାୟେଲେଦ୍ଃ ତାହେଁଦଃ ଯିହୁଦୀ ନାଏକେକ ବାକ ପାତିୟାଉଃଆ ଯୀଶୁଗେ ମାସିହା କାନାୟମେନ୍ତେ। ଆଜ୍ଃ ବାଡୟେଲେଦ୍ଃ ତାହେଁଦଃ ଆକ ଯୀଶୁକେ ଗଜ୍ଃ କ ଞାଞ୍ଜାମ୍‌କାନା।

![](https://cdn.door43.org/obs/jpg/360px/obs-en-38-03.jpg)

ଯିହୁଦୀ ମାରାଂ ଗମ୍‌କେକୱାଃ କାଥା ଲେକାତେ ଯୀଶୁ ସାବ୍ଃହଚ ବାଖ୍ରାତେ ପେ ଇଶି ଗେଲ୍‌ଟାକା ଯିହୁଦାକ ଏମାଃଦେୟା। ନାବିକୱାଃ କାଥା ଲେକାଗେ ହୁଇଏନା। ଜିହୁଦା ପୁଇସା ହାତାୱେ ପାତିୟାଉଏନାୟେ ଆର୍ ଅଣ୍ଡେଖନାଃଏ ଚାଲାୱଏନାୟେ। ଯିହୁଦା ଯୀଶୁକେ ସାବ୍ଃ ହଚଏୟାଏ ମେନ୍ତେ ହର୍ ଗେକ ପାନ୍ତେ ବାଳାୟେଦ୍ଃ ତାହେଁଦଃ।

![](https://cdn.door43.org/obs/jpg/360px/obs-en-38-04.jpg)

ଯିରୁଶାଲେମ୍‌ରେ ଆଜ୍ଃରିନ୍ ଚେଲାକ ସାଲାଃ ପାରାବ୍ଏ ମାନାୱେଦ୍ଃ ତାହେଁଦଃ। ପାରାବ୍ ରେ ଜମାଃ ଜମ୍ ଜଖାଃ, ଯୀଶୁ ତିନାଂଗାନ୍ ରୁଟି ତିଇରେ ସାବ୍ଃକେଃଆଏ ଆରେ କେଚାଃ କେଃଆଏ। ଯୀଶୁ ଲାଇ କେଃଆୟେ, “ନଆଁ ଇଦିପେ ଆର୍ ଜମ୍‌ପେ। ନଆଁଦ ଇଞ୍ଜା ହଳ୍ମକାନା, ୟାହାଁ ଆପେ ଖାତିର୍ ଇଞ୍ଜ୍ ଏମଃକାନା। ଇଞ୍ଜ୍ ଉଇହାର୍ ଦହଇଞ୍ଜ୍‌ ଲାଗିଦ୍ଃ ନଙ୍କା କାମିପେ।” ନଙ୍କା ଲେକାତେ, ଯୀଶୁ ଲାଇ ସଦର ଆଜ୍ଃ ଆକ ଖାତିର୍ ଗୁଜୁଃଆୟେ ଆର୍ ଆଜାଃ ହଳ୍ମ ଆକ ଖାତିର୍ ଦାଁଣେ ଲେକାତେ ସଦରାୟେ ମେନ୍ତେ ଲାଇ କେଃଆୟେ।

![](https://cdn.door43.org/obs/jpg/360px/obs-en-38-05.jpg)

ଇନା ତାୟମ୍ ଯୀଶୁ ମିଦ୍ଃ କପ୍ ଅଙ୍ଗୁର୍ ରାସା ସାବ୍ କାତେ ଲାଇ କେଃଆୟେ,“ନଆଁ ଞ୍ଜୁଇପେ। ନଆଁ ଈଞ୍ଜା ମାୟାମ୍ କାନା ଯାହାଁ ଆପେୟାଃ କାଇ ଲାଗିଦ୍ଃ ଜରୱାକାନା ଆର୍ ଈଶ୍ୱର୍ ବାବା ଆପେୟାଃ କାଇ ଇକାୟାୟେ। ଯାହାଁଲେକା ଇଞ୍ଜ୍ କାମି କେଃଆ ଅନ୍‌କାଗେ ଆପେହଁ କାମିପେ, ଯାହାଁ ତିନ୍‌ଜଖାଃ ଗେ ଆପେ ନଆଁପେ ଞ୍ଜୁୟାଁ ଉନ୍‌ଜଖାଃଗେ ଇଞ୍ଜ୍‌ପେ ଉଇହାରିଞ୍ଜା।

![](https://cdn.door43.org/obs/jpg/360px/obs-en-38-06.jpg)

ଇନା ତାୟମ୍ ଯୀଶୁ ଆଜଃରିନ୍ ଚେଲାକ ମେତାଦ୍ଃ କୱାୟେ,“ଆପେ ଭିତିର୍ ଖନାଃ ମିଦ୍ଃ ହଳେ ସାବ୍ଃ ହଚଇଞ୍ଜା।”ନଆଁ ଆଞ୍ଜମ୍‌କାତେ ଆଜଃରିନ୍ ଚେଲାକକ ହାହଳା ଉତାରଏନା,ଆର୍ ଅକୟେ ନଂକାୟେ କାମିୟାଁ ମେନ୍ତେକ କୁଲିକେଦେୟା। ଯୀଶୁଈ ମେନକେଃଆ ନଆଁ କେଚାଃରୁଟି ଅକୟିଞ୍ଜ୍‌ ଏମାୟା ଉନିଗେ ସାବ୍ଃ ହଚଇଞ୍ଜାୟେ ।”ଇନା ତାୟମ୍ ଯୀଶୁ ଅନା କେଚାଃ ରୁଟି ଯିହୁଦାଏ ଏମାଦେୟା।

![](https://cdn.door43.org/obs/jpg/360px/obs-en-38-07.jpg)

ଯିହୁଦା ରୁଟିଏ ଇଦିକେଦ୍ଃତାୟମ୍ , ଶଇତାନ୍ ଆଜ୍ଃଠେନେ ବଲଏନାୟେ । ଯିହୁଦା ଆକ ବାଗିକାତେ ଯୀହୁଦି ଗମ୍‌କେକ ଯୀଶୁ ସାବ୍ଃ ଲାଗିଦ୍ଃଏ ଗଳୱାକୱାଏ ମେନ୍ତେ ଚାଲାୱେ ନାୟେ । ଉନ୍‌ଜଖାଃ ଞ୍ଜିନ୍ଦା ତାହେଁକାନା ।

![](https://cdn.door43.org/obs/jpg/360px/obs-en-38-08.jpg)

ଜମାଃ ଜମ୍ ତାୟମ୍, ଯୀଶୁ ଆର୍ ଆଜଃରିନ୍ ଚେଲାକ ଜିତ୍ ବୁରୁତେକ ଚାଲାୱେନା । ଯୀଶୁ ଚେଲାକୟେ ମେତାଦ୍ଃକୱା, “ତେହେଞ୍ଜ ଞ୍ଜିନ୍ଦା ଆପେ ଇଞ୍ଜ୍‌ପେ ବାଗି ଗିଡିକାଞ୍ଜା । ନଙ୍କା ଅଲାକାନା ଇଞ୍ଜ୍‌ ଗୁତିଞ୍ଜ୍‌ ଦାଲେୟା,ଆର୍ ଝତ ଭିଡି ନତେ ଅନ୍ତେକଦାଳା ।”

![](https://cdn.door43.org/obs/jpg/360px/obs-en-38-09.jpg)

ପିତର୍ ମେନ୍ ରୁଆଳକେଃଆଏ,“ ଝତ ହଳ୍‌କ ବାଗିୟାମ୍‌ ରେହଁ ଇଞ୍ଜ ତିଶ୍‌ରେହଁ ବାଞ୍ଜ୍‌ ବାଗିଆମା, ଇନା ତାୟମ୍,ଯୀଶୁ ପିତରେ ମେତାଃଦେୟାଏ, ଶଇତାନ୍ ଆପେ ଝତ ହଳ୍ ସାୱଁତେ ହୁୟୁଃଆଏ, ମେନ୍‌ଖାନ୍ ପିତର୍‌ ଇଞ୍ଜିଞ୍ଜ୍‌ ବିନ୍ତିଆକାଃଆ ଆମାଃ ପାତିୟାଉ ଆଲ ରାପୁଦଃମା। ତେହେଞ୍ ଞ୍ଜିନ୍ଦା ସିମ୍‌କ ରାଃ ଜଖାଃ ଆମ୍ ଇଞ୍ଜ୍‌ ଚିହ୍ନାୱାକାଦିଞରେହଁମ୍‌ ପେ, ଧାଅ ବାମ୍‌ ଚିହ୍ନାୱାକାଦିଞ୍ଜା ମେନ୍ତେମ୍ ଲାଇୟା।

![](https://cdn.door43.org/obs/jpg/360px/obs-en-38-10.jpg)

ପିତର୍ ଯୀଶୁକେ ମେତାଃଦେଆଏ,“ ଯୁଦି ଇଞ୍ଜ୍ ଆମ୍ ଖାତିର୍ ଗୁଜୁଃ ପାଳାୱାଞ୍ଜ ରେହଁ ନଙ୍କା ବାଞ୍ଜ ଲାଇଆ । ଏଟାଃ ଚେଲାକ ହଁ ଅଙ୍କାଗେକ ମେନ୍‌କେଃଆ ।

![](https://cdn.door43.org/obs/jpg/360px/obs-en-38-11.jpg)

ଇନା ତାୟମ୍, ଯୀଶୁ ଆର୍ ଆଜ୍ଃରେନ୍ ଚେଲାକ ସାଲାଃ ଗେଥ୍‌ସାଇଦା ଞୁତୁମାନ୍ ଜାୟେଗା ତେକ ଚାଲାୱେନା । ଯୀଶୁ ଆଜ୍ଃରିନ୍ ଚେଲାକ ମେତାଦ୍ଃକୱାୟେ, ବିନ୍ତିପେ ଆପେ ଯେମନ୍ ଶଇତାନ୍ ବିଡାୱରେ ଆଲୟେଞ୍ଜୁର୍‌ପେମା । ଇନା ତାୟମ୍ ଯୀଶୁ ଆଜ୍ଃ ଆଜ୍ଃତେଗେ ବିନ୍ତି ଖାତିରେ ଚାଲାୱେନାୟେ ।

![](https://cdn.door43.org/obs/jpg/360px/obs-en-38-12.jpg)

ଯୀଶୁ ପେ ଧାୱେ ବିନ୍ତି କେଃଆୟେ,“ ଯୁଦି ନଆଁ ହୁଇ ଦାଳେୟାଃଆ, ତବେ ଇଞ୍ଜଠେନ୍ ଖନ୍ ସାଙ୍ଗିଞ୍ଜ୍‌ତେ ଇଦିମେ, ତବେଖାନ୍ ନଆଁ ହାର୍‌କେତ୍ ଇଞ୍ଜ୍‌ ବାଞ୍ଜ୍‌ଞାମା । ମେନ୍‌ଖାନ୍ ଯୁଦି ହଳ୍ କୱାଃ କାଇ ଦାପାଲରେନାଃ ଆର୍ ଏଟାଃ ହର୍ ବାନୁଃଆନାଂ, ଏନ୍‌ଖାନ୍ ନଙ୍କାଗେ ହୁୟୁମା । ଯୀଶୁ ଉଡିଢେର୍ ହାର୍କେତ୍‌ରେ ତାହେଁକାନାୟେ,ଆଜାଃ ଉଦ୍‌ଗାର୍‌ ଦାଃ ମାୟାମ୍ ଲେକା ଜରଃକାନ୍‌ତାହେଁଦଃ । ଯୀଶୁ ଦାଳେ ଏମାୟେ ଲାଗିଦ୍ଃ, ଈଶ୍ୱରବାବା ଯୀଶୁଠେନ୍‌ ମିଃଟାଂ ଦୂତ୍‌ତେ ଭେଜା କେଦେୟାଏ ।

![](https://cdn.door43.org/obs/jpg/360px/obs-en-38-13.jpg)

ଯୀଶୁ ଝତୱାଃ ବିନ୍ତି ତାୟମ୍,ଆଜ୍ଃ ଆଜ୍ଃରିନ୍‌ ଚେଲାକ ସୁରତେ ହିଜୁଃକାନ୍ ତାହେଁଦଃ,ମେନ୍‌ଖାନ୍ ଚେଲାକଦ ଜାପିଦ୍ଃ ଲେଦ୍‌କ ତାହେଁଦଃ । ଆକଠେନ୍ ହିଜୁଃ ପେ’ ଜଖାଃ ହୁଇୟେନ୍ ତାୟମ୍,ଯୀଶୁ ମେତାଦ୍ଃ କୱାୟେ ବେରେଦ୍ଃପେ ଇଞ୍ ଅକୟେ ସାବ୍ଃ ହଚଇଞାୟେ ଉନି ଆବ ସୁରେ ହେଜ୍ଃଆକାନାୟେ ।

![](https://cdn.door43.org/obs/jpg/360px/obs-en-38-14.jpg)

ଯିହୁଦୀ ଗମ୍‌କେ, ଶଇନକ ଆର୍ ଉଡିଢେର୍ ହଳ୍ ସାଲାଃ ଯିହୁଦା ଆକଠେନେ ହେଜ୍ଃ ଏନାୟେ। ଉନ୍‌କୁ ଝତହଳ୍ ଛୁରି ଆର୍ ହାପାକ ସାବ୍ଃଆକାଦ୍ଃତାହେଁଦଃ। ଯିହୁଦା ଯୀଶୁ ସୁର୍ ହେଜ୍ଃକାତେ ଗମ୍‌କେ ମେନ୍ତେ ହହ କାତେ ଚଃ’ କେଦେୟାଏ। ଯିହୁଦା ନଙ୍କାୟେ କାମି କେଃଆ ଯେମନ୍ ଆକ ଯୀଶୁକ ଚିନ୍‌ହାୱେମା ମେନ୍ତେ । ଇନା ତାୟମ୍ ଯୀଶୁ ମେନ୍ କେଃଆୟେ, “ଯିହୁଦା ଚଃ’ କାତେମ୍ ସାବ୍ଃ ହଚଞ୍ଜ୍‌କାନା ?”

![](https://cdn.door43.org/obs/jpg/360px/obs-en-38-15.jpg)

ଯେମନ୍ ଶଇନକ ଯୀଶୁକ ସାବ୍ଃ କେଦେୟା, ପିତର୍ ଛୁରି ଅଡକ୍ କାତେ ନାୟେକେ ରେନ୍ ମିଃଟାଂ ଚେଲାକେ ଲୁତୁରେ ମାଃ କେଚାଃ ଉତାର୍ କେଦେୟାଏ । ମେନ୍‌ଖାନ୍ ଯୀଶୁ ପିତରେ ମେତାଃ ଦେୟାୟେ, “ଆମାଃ ଛୁରି ଦହ ରୁଆଳ୍ ମେ! ଇଞ୍ ଇଞ୍ଜବାବାକେ ମିଦ୍ଃ ଦୁତ୍ ଶଇନ ଦଲ୍ ରିନିଜ୍ଃ ବାଂଚାୱେ ଖାତିରିଞ୍ଜ କୟେ ଦାଳେୟାୟା,ମେନ୍‌ଖାନ୍ ବାବାଃ କାଥା ମାନାଅ ପାଳାୱାଃ।”ଇନାସାୱଁଗେ ଯୀଶୁ ଉନି ହଳାଃ ଲୁତୁର୍ ଲାଠା ରୁଆଳ୍‌କେଃଆଏ ।

*ସନତ୍ ପୁଥିୟାଃ କାହାନୀ: ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୁକ୍ ୨୨:୧-୫୩; ଯୋହନ୍ ୧୮:୧-୧୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_38_128kbps.m4a

## 39. ୩୯. ବିଚାର୍ ତାଲାରେ ଯୀଶୁକ ଦୁଳୁବ୍ଃ ହଚ କେଦେୟା

https://openbiblestories.org/l/mjx/story-39/

![](https://cdn.door43.org/obs/jpg/360px/obs-en-39-01.jpg)

ନଆଁଦ ତାଲା ଞ୍ଜିନ୍ଦା ତାହେଁକାନା। ଶଇନ କ ମାରାଂ ଗଙ୍କେ ଅଳାଃସେନ୍ ଯୀଶୁକ ଇଦି କେଦେୟା, ଚେଦାଃସେ ଉନି ତିନାଃଗାନ୍ କାଥା କ କୁଲିଏୟା ମେନ୍ତେ। ପିତର୍ ଆକ ତାୟମ୍ ତାୟମ୍‌ତେ ପାଞ୍ଜା ଲେଃଦ୍‌କୱାୟେ। ତିନ୍‌ଜଖାଃ ଶଇନକ ଯୀଶୁ ଅଳାଃ ଭିତିର୍‌ତେକ ଇଦି କେଦେୟା, ପିତର୍ ବାହାରେରେ ତାହେଁଏନାୟେ ଆର୍ ସେଙ୍ଗେଲ୍ ଜୁଲ୍‌ଆକାନ୍ ଠେନେ ଜୁରୁଃଏନାଏ।

![](https://cdn.door43.org/obs/jpg/360px/obs-en-39-02.jpg)

ଅଳାଃ ଭିତିର୍‌ରେ ଯିହୁଦୀ ନାୟେକେକ ଯୀଶୁକ ବିଚାରାଦେୟା। ଉନ୍‌କୁ ହଳ୍ ଯୀଶୁ ବିରୁଧ୍‌ରେ ଏଳେ ସାଖି ଏମ୍‌ଖାତିର୍ ସାଖିକ ଆଗୁ କେଃଦ୍‌କୱା। ଯୁଦିୱ , ଆକୱାଃ କାଥାକ ବାଂ ମେଶାଃ କାନ୍ ତାହେଁଦଃ, ଅନା ଖାତିର୍ ଯିହୁଦୀ ନାୟେକେକ ଯୀଶୁଠେନ୍ ଚେଦ୍ଃହଁ ଦୁଶ୍ ବାକ ଞ୍ଜାମ୍‌ଲେଃଆ। ଆର୍ ଯୀଶୁ ଚେଦ୍ଃହଁ ବାୟେ ଲାଇ ରୁଆଳ୍‌ଲେଃଆ।

![](https://cdn.door43.org/obs/jpg/360px/obs-en-39-03.jpg)

ଝତ ତାୟମ୍‌ତେ, ମାରାଂ ନାୟେକେ ଆଜ୍ଃ ସେନ୍ କୟଃକାତେ ମେତାଃଦେୟାଏ , “ଲାଇମେ ଆମ୍ ଚେଦ୍ଃ ସାରିଗେ ଜିୱିତ୍ ଇଶ୍ୱରେନ୍ ହପନ୍ ମାସିହା କାନାମ୍ ?“

![](https://cdn.door43.org/obs/jpg/360px/obs-en-39-04.jpg)

ଯୀଶୁ ମେନ୍‌କେଃଆୟେ, “ଇଞ୍ଜଗେ, ଆପେ ଈଶ୍ୱର୍ ସାଲାଃ ଦୁଳୁବ୍ଃ ଆର୍ ଆଜ୍ଃ ସାଲାଃ ସେର୍ମାଖନ୍ ହିଜୁଃପେ ଞ୍ଜେଲିଞ୍ଜା ।“ଉନି ମାରାଂ ନାୟେକେ ଆଜାଃ ଲୁଗୁଳି ଚିରାକେଃଆୟେ ଚେଦାଃସେ ଯୀଶୁଆଃ କାଥା ଆଞମ୍‌କାତେ ଉଡି ଜୁରେ ରାଗିଲେନାଏ। ଉନି ମାରାଂ ନାୟେକେ ମାରାଂମଚାକାତେ ଏଟାଃ ନାୟେକେକୟେ ମେତାଦ୍ଃକୱାଏ,“ନୁଇହଳ ଚେଦ୍ଃଏ କାମିଆକାଃଆ ଆର୍ ଜାସ୍ତି ସାଖି ବାକ ଲାଗ୍‌ତିଆ! ଆପେ ନିଜେପେ ଆଞ୍ଜମ୍ କେଃଆ ଇଞ୍ଜ୍‌ ଈଶ୍ୱର୍ ହପନ୍ ମେନ୍ତେଞ୍ଜ୍‌ ଲାଇ କେଃଆ । ନଆଁ ବାଖ୍ରାତେ ଚେଦ୍ଃପେ ଉଇହାରେଃଆ ।

![](https://cdn.door43.org/obs/jpg/360px/obs-en-39-05.jpg)

ଯିହୁଦୀ ନାୟେକେକ ଝତକ ଲାଇକେଃଆ, “ନୁଇଁଦ ଗୁଜୁଃରେନାଃ ଲାଗତିୟାନ୍ ହଳ୍ କାନାୟେ!” ଇନାତାୟମ୍ ଯୀଶୁଆଃ ମେଦ୍ଃକ ତଲ୍ଏସେଦ୍ଃ କେଦେଆ, ଆର୍‌କ ଥୁଆଦେୟା,ଦାଲ୍ କେଦେୟାକ,ଆର୍ ଲାନ୍ଦାଆଦେୟା।

![](https://cdn.door43.org/obs/jpg/360px/obs-en-39-06.jpg)

ଆର୍ ପିତର୍, ଅଳାଃରେନାଃ ବାହାରେରେ ତାଙ୍ଗିରେଗେ ତାହେଁ କାନାୟେ । ମିଃଟାଂ କାଳ୍‌ମୀ କୁଳି ପିତର୍‌କେ ଞେଲ୍ କେଦେୟାଏ । ଉନି କୁଳି ହପନ୍ ପିତରେ କୁଲି କେଦେୟାଏ, “ଆମ୍ ଚେଦ୍ଃ ଯୀଶୁ ସାଲାଃଏମ୍ ହେଜ୍ଃ ଆକାନା!” ପିତର୍ ମେନ୍ କେଃଆୟେ ବାଙ୍ଗା । ଇନା ତାୟମ୍ ଆର୍ ମିଦ୍ଃ କୁଳି ଅନ୍‌କାଗେ କୁଲି କେଦେୟାୟେ, ମେନ୍‌ଖାନ୍ ପିତର୍ ଉନ୍‌ଜଖାଃ ହଁ ମାନା କେଃଆୟେ । ତାୟମ୍ ବିଦାଲ୍ ତିନାଂଗାନ୍ ହଳ୍‌କ ମେନ୍‌କେଃଆ,“ଆଲେ ବାଡାୟାଲେ, ଆମ୍ ଯୀଶୁ ସାଲାଃଏମ୍‌ ତାହେଁକାନା, ଚେଦାଃସେ ଆବିନ୍ ବାନାହଳ୍ ଗାଲିଲରେନ୍ କାନାବିନ୍ ।“

![](https://cdn.door43.org/obs/jpg/360px/obs-en-39-07.jpg)

ଇନା ତାୟମ୍ ପିତର୍ ମେନ୍‌କେଃଆୟେ, “ଯୁଦି ଇଞ୍ଜ ଉନି ହଳିଞ୍ଜ୍‌ ଚିହ୍ନାୱାକାଦେୟା ତବେଖାନ୍ ଈଶ୍ୱରବାବା ଇଞ୍ଜେ ସାର୍ପାୱିଞ୍ଜ୍‌ମା!“ ପିତର୍ ନଙ୍କା ମେନ୍ ସାୱଁତେଗେ ତେଗେ ଶିମ୍‌କ ରାଃ କେଃଆ। ଯୀଶୁ ତାୟମ୍ ସେନ୍ ଆଚୁର୍ କାତେ ପିତରେ କୟଃକେଦେୟାଏ।

![](https://cdn.door43.org/obs/jpg/360px/obs-en-39-08.jpg)

ପିତର୍ ଅଣ୍ଡେଖନ୍ ଚାଲାୱେନାୟେ ଆର୍ ଉଡି ଜୁର୍‌ତେ ରାଃକେଃଆଏ।ଇନା ବେଳାରେଗେ,ଯିହୁଦା ଯାହାୟେଁ ଯୀଶୁଈ ସାବ୍ଃ ହଚଲେଦେୟାଏ, ଉନି ଞ୍ଜେଲ୍ କେଦ୍ଃ କୱାୟେ ଯିହୁଦୀ ନାୟେକକଦ ଯୀଶୁ ଦାଲ୍ ଦାଲ୍‌ତେକ ଗଜେକାନ୍ ତାହେଁଦଃ। ଯିହୁଦା ଉଡି ଦୁଃକେ ବୁଝାୱ କେଃଆଏ, ଅନା ଖାତିର୍ ଚାଲାୱ କାତେ ପାସି ଗଜ୍ଃଏନାୟେ।

![](https://cdn.door43.org/obs/jpg/360px/obs-en-39-09.jpg)

ପିଲାତ୍‌ଦ ଯିହୁଦୀ ରିନିଜ୍ଃ ମାରାଂ ବିଚାରିଆଏ ତାହେଁକାନାୟେ ,ଉନିଦ ରୋମ୍ ବାଖ୍‌ରାତେ କାମିଏତ୍ ତାହେଁଦଃ । ଯିହୁଦି ଗମ୍‌କେକ ଯୀଶୁକେ ପିଲାତ୍ ଠେନ୍‌କ ଆଗୁ କେଦେୟା । ଉନକୁ କ ଉଇହାରେଦ୍ଃ ତାଁହେଦଃ ପିଲାତ୍ ଯୀଶୁକେ ଶାସେତେ ଏମାୟେମା ଆର୍ ଗଜେମାଁ ଏ ମେନ୍ତେ । ପିଲାତ୍ ଯୀଶୁକେ କୁଲି କେଦେୟାଏ ଆମ୍ ଚେଦ୍ଃ ଯୀହୁଦି କରିନ୍‌ ରାଜା କାନାମ୍‌?

![](https://cdn.door43.org/obs/jpg/360px/obs-en-39-10.jpg)

ଯୀଶୁଈ ମେନ୍ ରୁଆଳ୍‌କେଃଆ, “ଆମ୍ ସାରି କାଥାମ୍ ଲାଇକେଃଆ । ମେନ୍‌ଖାନ୍ ଇଞାଃ ରାଜ୍‌ଦ ନୱା ଧାର୍ତିରେଦ ବାନୁଃଆନାଂ। ଯୁଦି ଇଞାଃ ରାଜ୍ ନଆଁ ଧାର୍ତିରେ ତାହେଁ କଃଆ ତବେଖାନ୍ ଇଞ୍ଜରେନ୍ ଚେଲାକ ଇଞ୍ଜ ଖାତିର୍‌କ ଲାଢାଇ କେଆହୁନାଙ୍ଗ୍। ଇଶ୍ୱରାଃ ସାରି କାଥା ଲାଇ ବାଖ୍‌ରାତେ ଇଞ୍‌ଦ ନଆଁ ଧାର୍ତିଞ୍ଜ୍‌ ହେଜ୍ଃଆକାନା। ଅକୟେ ସାରିୟାଃ କାଥାକ ଦୁଲାଳା ଉନ୍‌କୁ ଇଞ୍ଜାଃ କାଥାକ ଆଞ୍ଜମା।”ପିଲାତ୍ କୁଲି କେଦେୟା ”ସାରି କାଥାଦ ଚେଦ୍ଃକାନା?”

![](https://cdn.door43.org/obs/jpg/360px/obs-en-39-11.jpg)

ଯୀଶୁ ସାଲାଃ କାଥାଃତାୟମ୍,ପିଲାତ୍ ହଳ୍‌ଠେନେ ଚାଲାୱେନ୍ତେ ମେତାଦ୍ଃ କୱାୟେ,ଗୁଜୁଃରେନାଃ ସାଶେତ୍ ଞ୍ଜାମ୍ ଖାତିର୍‌ ଇଞ୍ଜ ନୁଇଠେନ୍ ଅଙ୍କାନାଃ ଚେଦ୍‌ହଁ ଗାଲ୍‌ତି ବାଞ୍ଜ ଞ୍ଜାମ୍‌ଲେଃଆ।” ମେନ୍‌ଖାନ୍ ଯିହୁଦୀ ଗମ୍‌କେ ଆର୍ ହଳ୍‌କ ହୁରିକାତେ ଲାଇ କେଃଆକ “ନୁଇଦ କୁରୁଶ୍‌ରେ ଆକାୟେପେ” ପିଲାତେ ମେନ୍ ରୁଆଳ୍ କେଃଆଏ,ଯିଶୁଦ ଚେଦ୍ଃହଁ ବାଳିଜ୍ଃ କାମିକାତେ ବାୟେ ଗାଲ୍‌ତିଆକାଃଆ।”ମେନ୍‌ଖାନ୍ ଆଜାଃ କାଥା ବାଂ ଆଞ୍ଜମ୍ କାତେ ଖାଲିକ ହୁରିକେଃଆ। ପିଲାତ୍ ପେ’ ଧାୱ ମେନ୍ କେଃଆୟେ, “ଯୀଶୁ ଚେଦ୍ଃହଁ ବାୟେ ଗାଲ୍‌ତିଆକାଃଆ!”

![](https://cdn.door43.org/obs/jpg/360px/obs-en-39-12.jpg)

ପିଲାତ୍ ଉଡି ଜୁର୍‌ଗେ ବତରେନାଏ ଯେ ହଳ୍‌କ ଆଲବାକ ତାପାମ୍ , ଅନାତେ ପିଲାତ୍ ଆକୱାଃ କାଥାତେ ସେନଃ ହର୍‌ତେ ଯୀଶୁକେ କୁରୁଶେମାକ ମେନ୍ତେ ଲାଇୟାଦ୍‌କୱାୟେ। ଯୀଶୁ ଚାମୁକ୍ ତେକ ଦାଲ୍ କେଦେୟା ଆର୍ ଜାନୁମ୍ ଟୁପୁରିତେକ ଟୁପୁରିକେଦେୟା ଆର୍ ରାଜା ଲୁଗୁଳିକ ତଲ୍ ହଚକେଦେୟା। “ଞେଲେପେ ନୁଇଦ ଯିହୁଦୀ କରେନ୍‌ ରାଜା” ଲାଇକାତେକ ଲାନ୍ଦାଆଦେୟା।

*ସନତ୍ ପୁଥିୟାଃ କାହାନୀ: ମାଥିଉ ୨୬:୫୭-୨୭:୨୬; ମାର୍କ ୧୪:୫୩-୧୫:୧୫; ଲୁକ୍ ୨୨:୫୪-୨୩:୨୫; ଯୋହନ୍ ୧୮:୧୨-୧୯:୧୬*

Audio: https://git.door43.org/OBS-TLF/mjx_obs/releases/download/v1/mjx_obs_v1_39_128kbps.m4a

## 40. ୪୦. ବାକ ଞାମ୍‌ଲେଃଆ । ଯୀଶୁ ଚେଦ୍ଃହଁ ବାୟେ ଞାମ୍ ଲେଃଆ ।

https://openbiblestories.org/l/mjx/story-40/

![](https://cdn.door43.org/obs/jpg/360px/obs-en-40-01.jpg)

ଝତୱାଃ ତାୟମ୍‌ତେ, ମାରାଂ ନାୟେକେ ଆଜ୍ଃସେନ୍ କୟଃକାତେ ମେତାଃଦେୟାଏ , “ଲାଇମେ ଆମ୍ ଚେଦ୍ଃ ସାରିଗେ ଜିୱିଦ୍ଃ ଈଶ୍ୱର୍ ହପନ୍ ମାସିହା କାନାମ୍ ?“

![](https://cdn.door43.org/obs/jpg/360px/obs-en-40-02.jpg)

ଯୀଶୁ ମେନ୍ କେଃଆୟେ, “ଇଞ୍‌ଗେ, ଆର୍ ଆପେ ଈଶ୍ୱର୍ ସାଲାଃ ଦୁଳୁବ୍ଃ ଆର୍ ଆଜ୍ଃ ସାଲାଃ ସେର୍ମାଖନ୍ ହିଜୁଃପେ ଞ୍ଜେଲିଞ୍ଜା।“ଉନି ମାରାଂ ନାୟେକେ ଆଜାଃ ଲୁଗୁଳି ଚିରା କେଃଆୟେ ଚେଦାଃସେ ଯୀଶୁଆ କାଥା ଆଞମ୍ କାତେ ଉଡି ଢେରେ ରାଗି ଲେନାୟେ। ଉନି ମାରାଂ ନାୟେକେ ହୁରିକାତେ ଏଟା ନାୟେକେ କୟେ ମେତଃକୱା,“ଆର୍ ଯାସ୍ତି ସାଖି ବାକ ଲାଗ୍‌ତିଃଆ ନୁଇ ହଳ୍ ଚେଦ୍ଃଏ କାମିଆକାଃଆ ! ଆପେ ନିଜେପେ ଆଞମ୍ କେଃଆ ଇଞ୍ଜ୍‌ ଈଶ୍ୱର୍ ହପନ୍ ମେନ୍ତେ ଲାଇ କେଃଆୟେ । ନଆଁ ବାଖ୍ରାତେ ଚେଦ୍ଃପେ ଉଇହାରେଃଆ ।

![](https://cdn.door43.org/obs/jpg/360px/obs-en-40-03.jpg)

ଯିହୁଦୀ ନାୟେକେକ ଝତକ ଲାଇକେଃଆ, “ନୁଇଁଦ ଗୁଜୁଃରେନା ଲାଗ୍‌ତି ହଳ୍ କାନାୟେ !” ଇନା ତାୟମ୍ ଯୀଶୁଆଃ ମେଦ୍ଃରେ ପଟିକ ତଲ୍‌କେଃଆ,ଥୁଆ ଦେୟାକ,ଦାଲ୍ କେଦେୟାକ, ଆର୍‌ ଲାନ୍ଦାଆଦେୟାକ ।

![](https://cdn.door43.org/obs/jpg/360px/obs-en-40-04.jpg)

ଆର୍ ଆଜାଃ ବାନାର୍ ପାହ୍‌ଟାରେ ବାରେୟା କୁମ୍ୱୁଳୁହଁକ କୁରୁଶ୍ ଲେଦ୍ଃକିନା। ମିଃଟାଂ କୁମ୍ୱୁଳୁ ଦ ଯୀଶୁକେ ଲାନ୍ଦାଆଦେୟାଏ, ମେନ୍‌ଖାନ୍ ଆର୍ ମିଃଟିଜ୍ଃ ଉନିକେ ମେତାଃ ଦେୟାୟେ,“ଈଶ୍ୱର୍ ବାବାଏ ଶାସେତ୍ ମେଆଁ ମେନ୍ତେ ବାମ୍ ବତରଃକାନା? ଆଲାଂ ମା ଉଡି ଢେର୍ ବାଳିଜ୍ ଲାଂ କାମିଆକାଃଆ, ମେନ୍‌ଖାନ୍ ନୁଇ ହଳ୍ ଦ ଚେଃଦ୍‌ହଁ ବଳିଜ୍ଃ ଗେ ବାୟେ କାମିଆକାଃଆ ।”ଇନା ତାୟମ୍ ଉନି କୁମ୍ୱୁଳୁ ଯୀଶୁକେ ମେତାଃ ଦେୟାୟେ, “ଗମ୍‌କେ ସେର୍ମା ଦିଶମରେ ଆମେମ୍ ସେଟେର୍ ଲେନ୍‌ଖାନ୍ ଇଞ୍ଜ ଉଇହାରିଞ୍ଜମେ।”ଯୀଶୁଈ ମେନ୍ ରୁଆଳକେଃଆ ,“ତେହେଞ୍ଜଗେ ଇଞ୍ଜ୍‌ ସାଲାଃତେ ସେର୍ମା ଦିସମେମ୍ ସେଟେରଃଆ।”

![](https://cdn.door43.org/obs/jpg/360px/obs-en-40-05.jpg)

ଯିହୁଦୀ ଗମକେ ଆର୍ ହଳ୍‌କ ଯୀଶୁକ ଲନ୍ଦାଆଦେୟା । ଉନ୍‌କୁ ହଳ୍ ଯୀଶୁକ ମେତାଃଦେୟା, “ଯୁଦି ଆମ୍ ଈଶ୍ୱର୍ ହପନ୍ କାନାମ୍ କୁରୁଶ୍ ଖନ୍ ଆଣ୍‌ଗ ହିଜୁଃମେ ଆର୍ ଆମ୍ ବାଞ୍ଚାୱଃମେ! ଇନାତାୟମ୍ ଆଲେଆମ୍‌ଲେ ପାତିୟାୱାମା।”

![](https://cdn.door43.org/obs/jpg/360px/obs-en-40-06.jpg)

ଇନା ତାୟମ୍ ଅନା ଜାୟେଗା ରେନାଃ ସେର୍ମା ଦ ରିମିଲ୍‌ତେ ଞ୍ଜୁତ୍ ଚାବାୟେନା, ଇନ୍ ବେଳାରେ ଦ ତାଲା ତିକିନ୍ ତାହେଁକାନା। ଆର ତିକିନ ବେଳାରେ ପେ ଟାଣାଂ ଧାବିଜ୍ଃ ଞ୍ଜୁତରେଗେ ତାହେକାନା।

![](https://cdn.door43.org/obs/jpg/360px/obs-en-40-07.jpg)

ଇନା ତାୟମ୍, ଯୀଶୁ ଚିଚିୟାଉକାତେ ଲାଇ କେଃଆୟେ,ନିତଃଦ ଚାବାୟେନା! ବାବା, ଇଞ୍ ଇଞାଃ ଆତ୍ମା ଆମାଃ ତିଈରିଞ୍ଜ୍‌ ଜିମାଆମ୍‌କାନା।” ଇନା ତାୟମ୍ ଆଜାଃ ବହଃଏ ଲାତାର୍ କେଃଆୟେ ଆର୍ ଆଜାଃ ଜିୱୀଏ ବାଗିୟାଃ ଦେଆ। ତିନ୍‌ଜଖାଃ ଯୀଶୁ ଗଜ୍ଃ ଏନାୟେ ଉନ୍ ଜଖାଃ ଅତଗଟା ଲାଳାଅଏନା। ମୁନ୍ଦିଲ୍ ରେୟାଃ ଲୁଗୁଳି ଚେତାନ୍ ଖନ୍ ଲାତାରଧାବିଜ୍ଃ ଚିରାକାତେ ବାର୍ ଭାଗ୍ଏନା ।

![](https://cdn.door43.org/obs/jpg/360px/obs-en-40-08.jpg)

ଯୀଶୁଆଃ ଗୁଜୁଃ ଇଦିକାତେ ଈଶ୍ୱର୍ ବାବାଃ ସେର୍ମା ଚାଲାଃ ଡାହାର୍ ରେନାଃ ସିଲପିଞ୍ ଝିଜ୍ଃ ଏନା। ଯୀଶୁ ଅକଏ ହରହୟେ କାନ୍ ତାହେଁଦଃ, ଉନି ନଆଁଝତ ଞେଲକାତେ ମେନ୍ କେଃଆୟେ, “ନୁଇଦ ସାରିଗେ ମିଦ୍ଃ ଧରମ୍ ହଳେ ତାହେଁ କାନା। ନୁଇଦ ସାରିଗେ ଈଶ୍ୱର୍ ହପନ୍ ଗେ ତାହେଁକାନା।”

![](https://cdn.door43.org/obs/jpg/360px/obs-en-40-09.jpg)

ଇନା ତାୟମ୍ ଯିହୁଦୀରେନ୍‌ ଗମକେ ଯଷେଫ୍ ଆର୍ ନିକଦିମ୍ ବାର୍‌ହଳ୍ ଯୀଶୁଆଃ ଗଜ୍ଃ ହଳ୍ମ କିନ୍ କୟକେଃଆ। ଉନ୍‌କିନ୍ ଯୀଶୁଗେ ମାସିହା କାନାୟେ ମେନ୍ତେକିନ୍ ପାତିୟାଉଃକାନ୍ ତାହେଁଦଃ, ଉନ୍‌କିନ୍ ଯୀଶୁ ଚାଦର୍ ତେକିନ୍ ଦାପାଲ୍ କେଦେତେ ତପାଠାଅଁ କିନ୍ ଇଦି କେଦେୟା, ତପାଠାଅଁ ରେନାଃ ଧିରି ଅଚଃ କାତେ ଭିତିର୍ ରେକିନ୍ ଦହକେଦେୟା। ଇନା ତାୟମ୍ ଆକିନ୍ ଘଙ୍ଗର୍‌ ରେନାଃ ସାମାଂରେ ମିଦ୍ଃ ମାରାଂ ଧିରିକିନ୍ ଗୁଳ୍‌ଦାୱ ଆଗୁକେଦ୍ଃତେ ତପାଠାଅଁ କିନ୍ ଏସେଦ୍ଃକେଃଆ।

*ସନତ୍ ପୁଥିୟାଃ କାହାନୀ: ମାଥିଉ ୨୭:୨୭-୬୧; ମାର୍କ ୧୫:୧୬-୪୭; ଲୁକ୍ ୨୩:୨୬-୫୬; ଯୋହନ୍ ୧୯:୧୭-୪୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_40_128kbps.m4a

## 41. ୪୧. ଈଶ୍ୱର୍ ବାବା ଯୀଶୁଗେ ଗୁଜୁଃ ଖନାୟେ ଜିୱିଦ୍ ବେରେଦ୍ କେଦେୟା

https://openbiblestories.org/l/mjx/story-41/

![](https://cdn.door43.org/obs/jpg/360px/obs-en-41-01.jpg)

ସେନା ଯୀଶୁକ କୁରୁଶ୍ କେଦେ ତାୟମ୍, ଯିହୁଦି ଗମକେ ପିଲାତ୍ କ ମେତାଃ ଦେୟା,“ଉନି ଏଳେଇଜ୍ଃ, ଯୀଶୁ, ପେ ମାହା ତାୟମ୍ ଗୁଜୁଃ ଖନାଃ ଜିୱିଦ୍ ବେରେଦ୍ ରୁଆଳଃ ଆୟ ମେନ୍ତେ ଲାଇୟେଦ୍ ତାହେଁଦଃ। ଯାହାଁୟେ ରେହଁ ମିଦ୍ ହଳ୍ ଉନିଠେନ୍ ନିହାତି ତାହେଁନମାକ, ଯେମନ୍ ଆଜ୍ଃ ରେନ୍ ଚେଲାକ ଆଜାଃ ଗଜ୍ଃ ହଳ୍ମ ଆଲକ କୁମ୍ବୁଳୁ ଦାଳେୟାଃମା । ଯୁଦି ଆକ କୁମ୍ବୁଳୁ ୟାକ, ତବେଖାନ୍ କ ମେନା ଜିୱିଦ୍ ବେରେଦ୍ ଏନାୟେ ମେନ୍ତେ ।

![](https://cdn.door43.org/obs/jpg/360px/obs-en-41-02.jpg)

ପିଲାତ୍ ଲାଇ କେଃଆଏ,“ଦୁ ତିନାଃଗାନ୍ ସେନା ଇଦିକମେ ଆର୍ ଘଙ୍ଗର୍ ଆମ୍ ଚେଦ୍ଃ ଲେକାମ୍ ହରହୋ ହଚୟା, ଅନ୍‌କାଗେ କାମିମେ ।” ଅନାତେ ଘଙ୍ଗର୍ ଭିତିର୍ ବଲନ୍ ଦୁଆର୍‌ରେ ମିଃଟାଂ ମାରାଂ ଧିରିକ ଦହ କେଃଆ । ଆକ ସେନାକ ଦହ କେଃ କୱା ସାରି କାଥା ବାଡାୟ ଖାତିର୍‌ତେ, ଦ ଆକ ବାକ କୁମ୍ବୁଳୁ ଆକାଦେୟା ମେନ୍ତେ ।

![](https://cdn.door43.org/obs/jpg/360px/obs-en-41-03.jpg)

ଯୀଶୁ ଗୁଜୁଃ ତାୟମ୍‌ଦ ଜିରାଉ ମାହା ତାହେଁ କାନା । ଅନା ଦିନ୍ ରେ ଅକୟ ହଁ ବାକ କାମି ଦାଳେୟାଃଆ, ଅନାତେ ଯୀଶୁରିନ୍ ଅକୟ ଗାତେ ହଁ ଘଙ୍ଗର୍ ଭିତିର୍ ବାକ ବଲ ଦାଳେୟାଃଆ । ମେନ୍‌ଖାନ୍ ଜିରାଉ ଦିନ୍ ତାୟମ୍ ଉଡି ସେତାଃରେ, ତିନାଃଗାନ୍ କୁଳିକ ଯୀଶୁଆ ଘଙ୍ଗର୍ ତେକ ଚାଲାଃୱ କାତେ ଆର୍‌ହଁ ଜାସ୍ତି ସାସାଂ ଆଜାଃ ହଳ୍ମରେକ ଲାଗାୱଆ ମେନ୍ତେ ଉଇହାର୍ କେଃଆକ।

![](https://cdn.door43.org/obs/jpg/360px/obs-en-41-04.jpg)

ଅନା ଗୁମ୍ଫା ଠେନ୍ ସେଟେର୍ ମାଣାଂରେ, ଅଣ୍ଡେ ଭୁମିକମ୍ପ ୟେନା । ମିଃଟାଂ ଦୁତ୍ ସେର୍ମାଖନ୍ ହେଜ୍ଃ ଏନାୟେ । ଦୁତ୍ ଅନା ଧିରି ଦୁଆର୍ ସାହାକାତେ ଅନା ଧିରି ଚେତାନ୍‌ରେ ଦୁଳୁବ୍ ଲେନାଏ । ଉନି ଦୁତ୍ ଦ ବିଜ୍‌ଲି ଲେକାୟେ ଝାଲ୍‌କାୱଃ କାନ୍ ତାହେଁଦ । ସେନାକ ଉନି ଦୁତ୍‌କ ଞେଲ୍ କେଦେୟା । ଆକ ଉନାଃ କ ବତରେନାଦ ଅତ୍‌ରେ ଗଜ୍ଃ ହଳ୍‌ଲେକା ଘଲ୍‌ଟାୱ ରେଗେକ ତାହେଁଏନା ।

![](https://cdn.door43.org/obs/jpg/360px/obs-en-41-05.jpg)

ତିନ୍‌ଜଖାଃ ଉନ୍‌କୁ କୁଳିକ କବର୍ ସୁର୍‌କ ସେଟେର୍ ଏନା, ଦୁତ୍ ଏ ମେତାଦ୍ଃ କୱା, “ଆଲପେ ବତରଃଆ । ଯୀଶୁ ନଣ୍ଡେ ବାନୁଃୟାଁ । ଉନି ଗୁଜୁଃ ଖନାଃ ଜିୱିତ୍ ବେରେଦ୍ ରୁଆଳା କାନାୟେ, ଠିକ୍ ଆଜ୍ ଯାହାଁ ଲେକାୟେ ମେନ୍‌ଲେଃଆ ଅନ୍‌କାଗେ କାମି କେଃଆ! ଞେଲ୍ ପେ ନଆଁ ଘଙ୍ଗର୍ ଏଖେନ୍ ନାଃ ଗେୟା ।”ଉନ୍‌କୁ କୁଳିକ କବର୍ ଭିତିର୍ କ ଉୟୁଙ୍ଗ୍ କେଃଆ, ଅକାରେ ଯୀଶୁଆଃ ହଳ୍ମକ ଦହ ଲେଃ ତାହେଁଦ । ଆଜାଃ ହଳ୍ମ ଅଣ୍ଡେ ବାଂ ତାହେଁକାନା!

![](https://cdn.door43.org/obs/jpg/360px/obs-en-41-06.jpg)

ଇନା ତାୟମ୍ ଦୁତ୍ ଉନ୍‌କୁ କୁଳି ମେତାଃଦ୍ କୱାୟେ,“ଚାଲାଃପେ ଆର୍ ଆଜରେନ୍ ଚେଲାକ ମେତାଃ କପେ,“ଯୀଶୁଦ ଗୁଜୁଃ ଖନାୟେ ଜିୱିତ୍ ବେରେଦା କାନା, ଆର୍ ଯୀଶୁ ଗାଲିଲୀ ସେନ୍ ଚାଲାୱ ଏନାୟେ ।”

![](https://cdn.door43.org/obs/jpg/360px/obs-en-41-07.jpg)

ଉନ୍‌କୁ କୁଳିକଦ ହାହାଳା ୟେନାକ ଆର୍ ରାସ୍କା ୟେନାକ । ଆକ ଦାଳ୍ ଚାଲାୱ ଏନାକ ଆର୍ ଭାଗେ ସମ୍ବାଦ୍ ଆଜ୍ଃରେନ୍ ଚେଲାକକେ ଲାଇଆଦ୍ କୱାକ ।

![](https://cdn.door43.org/obs/jpg/360px/obs-en-41-08.jpg)

ଉନ୍‌କୁ କୁଳିକ ଚେଲାକକେ ଭାଗେ ସମ୍ବାଦ୍ ଲାଇ ବାଖ୍ରାତେ ଦାଳ୍ ଚାଲାୱ ଜଖାଃ ଯୀଶୁ ହର୍‌ରେ ସଦରେନାଏ । ଆକ ଆଜାଃ ଜାଙ୍ଗା ଲାତାର୍‌ରେ ଉଙ୍ଗୁଦ୍ଃକତେ ଜହାରାଃ ଦେୟାକ । ଇନା ତାୟମ୍, “ଯୀଶୁଈ ମେନ୍ କେଃଆ “ଆଲପେ ବତରଆଃ । ଚାଲାୱ କାତେ ଇଞ୍‌ରେନ୍ ଚେଲାକ ମେତାଃ କପେ ଗାଲିଲୀତେ ଚାଲାଃପେ । ଉନ୍‌କୁ ଅଣ୍ଡେ ଇଞ୍‌କ ଞେଲିଞାକ।”

*ସନତ୍ ପୁଥିୟାଃ କାହାନୀ: ମାଥିଉ ୨୭:୬୨-୨୮:୧୫; ମାର୍କ ୧୬:୧-୧୧; ଲୁକ୍ ୨୪:୧-୧୨; ଯୋହନ୍ ୨୦:୧-୧୮*

Audio: https://git.door43.org/OBS-TLF/mjx_obs/releases/download/v1/mjx_obs_v1_41_128kbps.m4a

## 42. ୪୨. ଯୀଶୁ ସେର୍ମାତେ ରୁଆଳ୍ ଏନାୟେ

https://openbiblestories.org/l/mjx/story-42/

![](https://cdn.door43.org/obs/jpg/360px/obs-en-42-01.jpg)

ଈଶ୍ୱର୍ ବାବା ଯୀଶୁକେ ଗୁଜୁଃ ଖନା ଜିବିତ୍ ବେରେଦ୍ କେଃଦ୍ ଦିନ୍‌ରେ ,ଆଜାଃ ଚେଲାକ ଭିତିର୍ ଖନ୍ ବାର୍ ହଳ୍ ଅନା ସୁର୍‌ରେନା ନାଗାର୍ ତେକିନ୍ ଚାଲାୱ ଲେନା । ତାଳାମା କାଃ ଜଖାଃ ଆକିନ୍ ଯୀଶୁ ସାଲାଃତେ ଚେଦ୍ଃ ହୁଇଆ କାନା ଅନା ବିଷୟେ ତେକିନ୍ ରପଳ୍ କାନ୍ ତାହେଁଦ । ଆଜ୍ ମାସିହା ତାହେଁକାନା ମେନ୍ତେ ଆକିନ୍ କିନ୍ ଆଶାୟେ ତାହେଁଦ,ମେନ୍‌ଖାନ୍ ଇନା ତାୟମ୍ ତେଗେକ ଗଜ୍ଃ କେଦେୟା । ନିତଃଦ ଉନି କୁଳି ମେନେଃ ତାହେଁଦ୍ ଆର୍‌ହଁ ଜିୱିତ୍ ରୁଆଳା କାନାୟେ ମେନ୍ତେ । ଆକିନ୍ ବାକିନ୍ ବାଡାୟେ ଦାଳେୟା କାନ୍ ତାହେଁଦ ଅକୟା କାଥାକିନ୍ ପାତିୟାୱା ।

![](https://cdn.door43.org/obs/jpg/360px/obs-en-42-02.jpg)

ଯୀଶୁ ଆକିନ୍ ସୁର୍ ଚାଲାୱ ଏନାୟେ ଆର୍ ଆକିନ୍ ସାଲାଃ ତାଳାମ୍ ଏତହୋବ୍ କେଃଆୟେ,ମେନ୍‌ଖାନ୍ ଆକିନ୍ ବାକିନ୍ ଚିନ୍‌ହାୱ ଲେଦେୟା । ଯୀଶୁ କୁଲି କେଃ କିନାୟେ ଚେଦ୍‌ବିନ୍ ରପଳ୍ କାନା ? ତିନାଃ ଦିନ୍ ମାଣାଂ ଯୀଶୁ ସାଲାଃ ଯାହାଁ ଘଟଣା ଘଟାୱ ଲେନା, ଅନା ଝତକିନ୍ ଲାଇଆଃ ଦେୟା । ଆକିନ୍ କିନ୍ ମେନେଦ୍ ତାହେଁଦ୍ ଉନିଦ ଅକା ସେନ୍ ରେନିଜ୍ କାନାୟେ,ଜେରୁଶାଲେମ୍ ରେ ଯାହାଁ ଘଟାୱ କାନା ଅନା ବିଷୟେତେ ବାୟେ ବାଡାୟା ।

![](https://cdn.door43.org/obs/jpg/360px/obs-en-42-03.jpg)

ଇନା ତାୟମ୍ ଯୀଶୁ, ମାସିହା ବାଖ୍ରାତେ ଇଶ୍ୱରାଃ କାଥା ଲାଇ ସଦରାଃ କିନାୟେ । ଉଡି ବଛର୍ ମାଣାଂତେ ନାବିକ ଲାଇ ଲେଃଆ ଦ ବାଳିଜ୍ଃ ହଳ୍ ହଁତେତେ ଶାସେତ୍ ଞାମାୟେ ଆର୍ ଗୁଜୁଃ ଆୟେ । ମେନ୍‌ଖାନ୍ ନାବିକ ଆର୍‌ହଁକ ଲାଇ ଲେଃଆ ଗୁଜୁଃରେନା ପେ ମାହା ହିଲଃ ଜିୱିତ୍ ବେରେଦ୍ ରୁଆଳାଏ ।

![](https://cdn.door43.org/obs/jpg/360px/obs-en-42-04.jpg)

ଆକିନ୍ ଅକାରେ ତାହେନ୍ କିନ୍ ଇଛାୟେତ୍ ତାହେଁଦ, ଅଣ୍ଡେକିନ୍ ସେଟେରେନା, ଉନ୍‌ଜଖା ତେ ଆୟୁବ୍ଃ ଉତାର୍ ଏନା। ଆକିନ୍ ଯୀଶୁକେ ମେତାଃ ଦେୟାକିନ୍ ଆମ୍ ତେହେଞ୍ ଆଲିଞ୍ ସାଲାଃ ତାହେନ୍ ମେ, ଅନାତେ ଆକିନ୍ ସାଲାଃତେ ଯୀଶୁ ଅଳାଃ ଭିତିର୍ ଏ ବଲୟେନା । ଆକ ଝତ ଞିଦାରେନାଃ ଦାକା ଜମ୍ ବାଖ୍ରାକ ଦୁଳୁବ୍ଃ ଏନା । ଯୀଶୁ ମିଃଟାଂ ପିଠା ଖାଣ୍ଡ୍ରାୟେ ସାବ୍ଃ କେଃଆ ଆର୍ ଇଶ୍ୱରେ ସାର୍‌ହାୱ କେଦେୟା ଇନା ତାୟମେ କେଚାଃ କେଃଆ ଟାଟ୍‌କାଗେ ଆକିନ୍ କିନ୍ ଚିନ୍‌ହାୱ କେଦେୟା ନୁଇଦ ଯୀଶୁଗେ ତାହେଁ କାନାୟେ ମେନ୍ତେ । ମେନ୍‌ଖାନ୍ ଉନ୍ ବେଳାରେ ଯୀଶୁଦ ଉନ୍‌କିନ୍ ଠେନ୍‌ଖନାଃ ଛାନ୍ ଏନାଏ ।

![](https://cdn.door43.org/obs/jpg/360px/obs-en-42-05.jpg)

ଉନ୍‌କିନ୍ ବାର୍‌ହଳ୍ ରପଳ୍ ଏନାକିନ୍ ଦ, “ଉନିଦ ଯୀଶୁଈ ତାହେଁକାନା ! ଅନା ମେନ୍ତେ ଆଲାଂ ଉଡି ଲାଂ କୁସିଃ କାନ୍ ତାହେଁଦଃ, ତିନ୍‌ଜଖାଃ ଆଜ୍ଃ ଇଶ୍ୱରାଃ କାଥାୟେ ଲାଇଆ ଲାଂ କାନ୍ ତାହେଁଦ୍!”ସଙ୍ଗେ ସଙ୍ଗେ ଅନା ଜାୟେଗା ବାଗିକାତେ ଯିରୁଶାଲେମ୍ କିନ୍ ଚାଲାୱ ରୁଆଳ୍ ଏନା । ଅଣ୍ଡେ ସେଟେର୍ କାତେ ,ଆକିନ୍ ଏଟାଃ ଚେଲାକ ମେତାହାଦ୍ କୱାକିନ୍ “ଯୀଶୁଦୟେ ବାଞ୍ଚାୱା କାନା ! ଆଲିଞ୍ ଲିଞ୍ ଞେଲ୍‌ଆ କାଦେୟା ।”

![](https://cdn.door43.org/obs/jpg/360px/obs-en-42-06.jpg)

ଆଜାଃ ଚେଲାକ ଅଳାଃ ଭିତିର୍‌ରେ ରପଳ୍ କାନ୍ ଜଖାଃ ଟାଟ୍କା ଗେ ଯୀଶୁ ଆକଠେନ୍ ଞେଲ୍ ହଚ ଏନାୟେ । ଆଜ୍ ମେନ୍ କେଃଆୟେ “ରାଷ୍କାଃପେ!” ଚେଲାକ ମେନ୍‌କେଃଆ ନୁଇଦ ଭୁତ୍ କାନାୟେ ମେନ୍ତେ, ମେନ୍‌ଖାନ୍ ଯୀଶୁଈ ମେନ୍ ରୁଆଳ୍ କେଃଆ,“ଚେଦ୍ଃ ଖାତିର୍‌ପେ ବତରଃ କାନା? ଚେଦ୍ଃ ଖାତିର୍ ବାପେ ପାତିୟୱ କାନା ନୁଇଦ ସାରିଗେ ଇଞ୍ କାନ୍ ଗେୟାଞ୍ ମେନ୍ତେ । ଇଞା କାଟା ଆର୍ ତିଈ ଞେଲ୍‌ପେ । ବଙ୍ଗାକୱା ଇଞ୍‌ଲେକାନ ହଳ୍ମ ବାୟେ ତାହେଁନା । ଆଜ୍ ଭୁତ୍ ବାଂ କାନାୟେ ମେନ୍ତେ ଞେଲ୍ ହଚଃ ବାଖ୍ରାତେ ଜମ୍ ଲାଗିତ୍ ତେ କିଛି ଜମାଃ କୟେକେଦ୍ଃ କୱାୟେ । ଆକ ମିଃଟିଜ୍ଃ ହାକୁ ଖାଣ୍ଡ୍ରାକ ଏମାଃଦେୟା ଆର୍ ଯୀଶୁ ଅନାୟେ ଜମ୍‌କେଃଆ ।

![](https://cdn.door43.org/obs/jpg/360px/obs-en-42-07.jpg)

ଯୀଶୁଈ ମେନ୍‌କେଃଆ,“ଇଞ୍ ବାଖ୍ରାତେ ଇଶ୍ୱରାଃ ମେନ୍ କାଥା ଝତ ସାରିଃଆ, ଇଞ୍ଜ ହୁଞ୍ ଲାଇକେଃଆ ଅନାହଁ ନିଶ୍ଚୟେ ଘଟାୱାଃ ।” ଇନା ତାୟମ୍ ଯୀଶୁ ଭାଗିଲେକା ଇଶ୍ୱରାଃ କାଥା ବୁଝାୱାଦ୍ଃ କିନାୟେ । ଉଡି ସେର୍ମା ମାଣାଂତେ ନାବିକକ ଅଲ୍‌ଲେଦ୍ଃ ତାହେଁଦ୍, ଇଞ୍ ମାସିହା ଶାସେତେଞ୍ ଞାମା, ଗୁଜୁଃଆଞ୍ ଆର୍ ପେ ମାହାରେ ଜିୱିତ୍ଃ ବେରେଦଃରୁଆଳଃଆଏ।

![](https://cdn.door43.org/obs/jpg/360px/obs-en-42-08.jpg)

ନାବିକ ଆର୍‌ହଁକ ଅଲ୍ ଲେଃଆ ଇଞ୍ରେନ୍ ଚେଲାକ ଇଶ୍ୱରା କାଥାକ ପାଷ୍ନାୱା ମେନ୍ତେ । ଆକ ଝତ ହଳ୍‌କ ମେତାଦ୍ଃ କୱା ଝତ ହଳ୍ କାସ୍ତାୱ ପେ । ଯୁଦି ଆକକ କାସ୍ତୱାଃ,ଈଶ୍ୱର୍ ବାବା ଆକୱା କାଇ ଇକାୟେ ତାକୱା । ଇଞାଃ ଚେଲାକ ଜିରୁଶାଲମ୍ ଖନାଃ ଏହୋବ୍ କାତେ ଗଟାକ ପାଷ୍ନାୱାଃ । ଇନା ତାୟମ୍ ଝତ ଜାତିଈ ରେନ୍ ହଳ୍ ଠେନ୍ ଚାଲାଃକ । ଆପେ ସାଖି ହୁୟୁଆପେ ଝତୱାଃ ଯାହାଁଞ୍ ଲାଇୟାକାଃ ଆର୍ କାମିଆ କାଃ ଆର ଝତ ଇଞ୍ ସାୱଁ ଯାହାଁ ଘଟାୱା କାନା ।

![](https://cdn.door43.org/obs/jpg/360px/obs-en-42-09.jpg)

୪୦ ଦିନ୍ ଧାବିଜ୍ଃ ଆଜ୍ଃରେନ୍ ଚେଲାକ ଠେନ୍ ଞେଲ୍ ହଚ ଏନାୟେ । ମିଦ୍ ଧାୱତେ ମଣେ ସାୟେ ହଳ୍ ସାଲାଃତେ ଞେଲ୍ ହଚ ଲେନାୟେ ଏଟା ଏଟା ଉପାୟେତେ! ଆଜଃ ବାଞ୍ଚାୱା କାନାୟେ ମେନ୍ତେ ଆକୱା ମନେରେ ପାତିୟାୱ ହଚ ଲାଗିଦ୍‌ତେ, ଆର୍ ଆଜ୍ଃ ଇଶ୍ୱରା ସେର୍ମା ଦିଶମ୍ ବାବଦ୍‌ତେଁ ଶିକ୍ଷାୟେ ଏମାହାକ ତାହେଁଦଃ ।

![](https://cdn.door43.org/obs/jpg/360px/obs-en-42-10.jpg)

ଯୀଶୁ ଆଜ୍ଃରେନ୍ ଚେଲାକ ମେତାଃଦ୍ କୱାୟେ,“ଈଶ୍ୱର୍ ବାବା ଇଞ୍‌ଗେ ଦାଳେ ଏମା ହାକଦିଞାୟେ ସେର୍ମା ଆର୍ ଜାଲା ପୁରିରେ ରାଜ୍ ଖାତିର୍‌ତେ ।ଅନାତେ ନିତଃ ଆପେଞ୍ ମେତାଃପେ କାନା : ଚାଲାଃପେ ଝତ ଜାତରେନ୍ ହଳ୍ ଚେଲା ବେନାୱ କପେ । ନଆଁ କାମି ଖାତିର୍ ଆପେ ବାବା, ହପନ୍ ଆର୍ ସନତ୍ ଆତ୍ମାତେ ଡୁବାନ୍ ଏମାଃକପେ । ଆପେ ଆକ ଶିକ୍ଷା ଏମାଃକପେ ଯେମନ୍ ଆପେଞ୍ ଲାଇଆଃ କାପେ ଝତ ହୁକୁମ୍ ପାଳନ୍ ମାକ ମେନ୍ତେ । ମନେରେ ଉଇହାର୍ ଦହୟେପେ ଇଞ୍ ଆପେ ସାଲାଃ ଯୁଗେ ଯୁଗେଞ୍ ତାହେଁନା ”

![](https://cdn.door43.org/obs/jpg/360px/obs-en-42-11.jpg)

40 ଦିନ୍ ତାୟମ୍ ଯୀଶୁ ଗୁଜୁଃ ହଳ୍‌ଠେନ୍ ଖନାଃ ଜିୱିତ୍ ବେରେଦ୍ ଏନାୟେ,ଆଜ୍ଃ ଆଜ୍ଃରେନ୍ ଚେଲାକ ମେତାଃଦ୍ କୱାୟେ, ଇଞବାବା ଦାଳେ ଏମାଃପେ ଧାବିଜ୍ଃ ଜିରୁଶାଲେମ୍ ରେଗେ ତାହେଁନ୍‌ପେ । ଆଜ୍ଃ ସନତ୍ ଆତ୍ମା ଆପେ ଚେତାନ୍‌ରେ ଭେଜାକାତେ ନଆଁ କାମି କାମିଆୟେ ।”ଇନା ତାୟମ୍ ଯୀଶୁ ସେର୍ମା ଚାଲାୱ ଏନାୟେ ଆର୍ ମିଃଟିଜ୍ ରାହାଲା ଯୀଶୁଈ ଦାନାଙ୍ଗ କେଦେୟାଏ । ଯୀଶୁ ଈଶ୍ୱର୍ ବାବାଃ ଜଜମ୍ ତି ପାଷ୍ଟାରେ ଦୁଳୁବ୍ଃ ଏନାୟେ ଝତ ଜିନିଷ୍ ଚେତାନ୍‌ରେ ଆଇଦାରିଆୟେ ମେନ୍ତେ ।

*ସନତ୍ ପୁଥିୟାଃ କାହାନୀ: ମାଥିଉ  ୨୮:୧୬-୨୦; ମାର୍କ ୧୬:୧୨-୨୦; ଲୁକ୍ ୨୪:୧୩-୫୩; ଯୋହନ୍ ୨୦:୧୯-୨୩;  ଭେଜା ଆକାନ୍ ୧:୧-୧୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_42_128kbps.m4a

## 43. ୪୩. ଗିର୍ଜାରେନା ଏତୋହବ୍

https://openbiblestories.org/l/mjx/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁ ସେର୍ମା ରୁଆଳେନ୍ ତାୟମ୍, ଯୀଶୁଆ କାଥା ଲେକାତେ ଚେଲାକ ଯିରୁଶାଲମ୍ ରେକ ତାହେଁଏନା । ଝତ ବିଶ୍ୱାସିକ ମିଟ୍‌ଠେନ୍ ଜାୱରା କାତେ କ ବିନ୍ତି କେଃଆ।

![](https://cdn.door43.org/obs/jpg/360px/obs-en-43-02.jpg)

ନିସ୍ତାର୍ ପାରାବ୍ ରେନା ମଣେ ମାହାଁ ତାୟମ୍ ,ମିଃଟାଂ ପାରାବ୍ କ ମାନାୱେଦ୍ଃ ତାହେଁଦଃ ଅକାରେୟାଃ ଞୁତୁମ୍ ପେଣ୍ଟିକଷ୍ଟ ତାହେଁକାନା । ପେଣ୍ଟିକଷ୍ଟ ପାରାବ୍ ଦ ଗହମ୍ ଇରଃ ବେଳାରେକ ମାନାୱେଦ୍ଃ ତାହେଁଦଃ । ପେଣ୍ଟିକଷ୍ଟ ପାରାବ୍ ମାନାୱ ଖାତିର୍‌ତେ ଗଟା ଦିଶମ୍ ରେନ୍ ହଳ୍ ଯିରୁଶାଲମ୍ କ ହିଜଃକାନ୍ ତାହେଁଦଃ । ନଆଁ ସେର୍ମାଦ ଯୀଶୁ ସେର୍ମା ଚାଲାଃ ମିଦ୍ଃ ହାପ୍ତା ତାୟମ୍ ପେଣ୍ଟିକଷ୍ଟ ପାରାବ୍ ହେଜ୍ଃଏନା ।

![](https://cdn.door43.org/obs/jpg/360px/obs-en-43-03.jpg)

ଝତ ବିଶ୍ୱାସିକ ମିଟ୍‌ଠେନ୍ ଜାୱରାୟେନ୍ ବେଳାରେ,ଅକା ଅଳାରେକ ଜାୱରା ଲେନ୍ ତାହେଁଦଃ ଅଣ୍ଡେ ଟାଟ୍‌କାଗେ ହୟେ ସବଦ୍ ତେ ପେରେଜ୍ଃ ଉତାର୍ ଏନା । ଇନା ତାୟମ୍ ଝତ ବିଶ୍ୱାସି କୱାଃ ବହଃ ଚେତାନ୍‌ରେ ମିଃଟାଂ ଜୁଲୁଃ ବାତୀ ଞେଲ୍‌ଏନା। ଆକ ଝତହଳ୍ ସନତ୍ ଆତ୍ମାତେ ପେରେଜ୍ଃ ଏନାକ ଆର୍ ଭିନା ଭିନା ଆଳାଂତେ ଈଶ୍ୱର୍ କ ସାର୍‌ହାୱ କେଦେୟା । ଆକ ନଆ ଆଳାଂ ବାକ ବାଡାୟା ସନତ୍ ଆତ୍ମା ନଙ୍କା କାଥା ଲାଗିଦ୍‌ତେ ଦାଳେ ଏମାଃଦ୍ କଆଏ ।

![](https://cdn.door43.org/obs/jpg/360px/obs-en-43-04.jpg)

ଯୀରୁଶାଲେମ ରେ ନଆଁ ସବଦ୍ ଆଞମ୍ କାତେ ଅନା ସୁର୍‌ରେନ୍ ହଳ୍‌କ, ଚେଦ୍ଃ ଚିକାୟେନା ମେନ୍ତେ ଞେଲ୍ ବାଖ୍ରାତେ ଅଣ୍ଡେ କ ଜାୱରା ଏନା । ଆକ ଇଶ୍ୱରାଃ ନଆଁ ହାହାଳା କାମି ବିଶ୍ୱାସି ହରତେକ ଞେଲ୍ କେଃଆ । ଅଣ୍ଡେ ତାହେଁକାନ୍ ଝତ ହଳ୍ ହାହାଳା ଉତାର୍ ଏନାକ, ଚେଦାଃସେ ଉନ୍‌କୁ ବିଶ୍ୱାସି ମିଦ୍ଃ ଜାତି ରେନ୍‌କ ତାହେଁକାନ୍ ରେହଁ ଭିନା ଭିନା ଆଳାଂ ତେକ ରଳେଦ୍ଃ ତାହେଁଦ୍ । ଚେଲାକ ଇଶ୍ରାୟେଲ୍ ରେନ୍‌କ ତାହେଁକାନ୍ ରେହଁ ଆରମିକ୍,ହିବ୍ରୁ ଆର୍ ଗ୍ରିକ୍ ଅଙ୍କାଗେ ଆର୍‌ହଁ ଭିନା ଭିନା ଆଳାଂ ତେକ ବିନ୍ତି ଏଦ୍ଃ ତାହେଁଦଃ ।

![](https://cdn.door43.org/obs/jpg/360px/obs-en-43-05.jpg)

ତିନାଂଗାନ୍ ହଳ୍‌କ ମେନ୍ କେଃଆକ ନୁକୁ ଚେଲାକଦ ପାରୁଆକ ଞୁ ଆକା ଆ ପାଲେଦ୍। ମେନ୍‌ଖାନ୍ ପିତର୍ ତିଙ୍ଗୁ ଏନାୟେ ଆର୍ ମେତାଃଦ୍ କୱାୟେ , “ଇଞ୍ଜାଃ କାଥା ଆଞମ୍ ପେ ନୁକୁଦ ବାକ ଞୁ ଆକାଃଆ ! ଆପେ ଯାହାନାଃ ପେ ଞେଲେଃଆ ଅନାଦ ନାବି ୟଯେଲ୍ ଲାଇଲେଦ୍ଃ କାଥାକାନା : ଈଶ୍ୱର୍ ବାବା ଲାଇ ଲେଃଆୟେ ମୁଚେଦ୍ଃ ଦିନ୍‌ରେ ଇଞ୍ ଇଞା ଆତ୍ମା ଆପେ ଚେତାନ୍‌ରେଞ୍ଜସ ଦୁଲ୍‌ଲା ।”

![](https://cdn.door43.org/obs/jpg/360px/obs-en-43-06.jpg)

“ଇଶ୍ରାୟେଲ୍ ହଳ୍ ,ଯୀଶୁ ମିଃଟାଂ ହଳେ ତାହେଁକାନା ଯାହାଁୟେ ଉଡି ଢେର୍ ହାହାଳା କାମି କାମିଲେଦ୍ଃ ତାହେଁଦଃ ଆଜ୍ଃ ଅକୟେ ଚିନ୍‌ହାୱେ ପେ ମେନ୍ତେ । ଇଶ୍ୱରା ଦାଳେ ଇଦିକାତେ ଯୀଶୁ ଉଡି ଢେର୍ ହାହାଳା କାମି କାମିଲେଦ୍ଃ ତାହେଁଦଃ । ଆପେ ନଆଁକ ବାଡାୟାପେ ଚେଦାଃସେ ଆପେ ଞେଲ୍ ଲେଦ୍ଃ ପେ ତାହେଁଦଃ । ମେନ୍‌ଖାନ୍ ଆପେ ଉନିପେ କୁରୁଶ୍ କେଦେୟା !”

![](https://cdn.door43.org/obs/jpg/360px/obs-en-43-07.jpg)

“ଯୀଶୁ ଗଜ୍ଃ ଏନାୟେ,ମେନ୍‌ଖାନ୍ ଈଶ୍ୱର୍ ବାବା ଗୁଜୁଃ ଖନ୍ ଜିୱିଦ୍ଃ ବେରେଦ୍ଃ ରୁଆଳ୍ କେଦେୟାୟେ । ନଆଁ ଇଦିଆତେ ଈଶ୍ୱର୍ ନାବିକଆଃ ଅଲ୍ ସାରିଏନା । ଆମ୍ ଆମାଃ ସନତ୍ ହଳ୍ ତିସ୍ ରେହଁ କବର୍ ଭିତିର୍‌ରେ ବାମ୍ ସେୟା ହଚଆୟା । ଆବ ସାକ୍ଷୀ ମେନାଃବଆ ଦ ଈଶ୍ୱର୍ ଯୀଶୁଈ ଗୁଜୁଃଖନାଃ ବେରେଦ୍ ରୁଆଳ୍ କେଦେଆଏ ।

![](https://cdn.door43.org/obs/jpg/360px/obs-en-43-08.jpg)

“ଈଶ୍ୱର୍ ବାବା ଯୀଶୁଈ ଆଜାଃ ଜଜମ୍ ପାଷ୍ଟାରେ ଦୁଳୁବ୍ କାତେ ତିନଃୟେ ସମ୍ମାନାୟେ କାନା । ଯୀଶୁଆ କାଥା ଲେକାତେ ଆଜ୍ ସନତ୍ ଆତ୍ମାୟେ ଭେଜା କେଦେୟା ନଆଁ ଧାର୍ତିତେ । ସନତ୍ ଆତ୍ମା ହେଜ୍ଃ ଆକାନ୍ ଖାତିର୍ ଆପେ ନିତଃ ନଆଁ ଝତ ହାହାଳା କମିପେ ଞେଲେଃଆ ଆର୍ ପେ ଆଞମେଃଆଁ ।”

![](https://cdn.door43.org/obs/jpg/360px/obs-en-43-09.jpg)

“ଆପେ ଯୀଶୁ ଲେକାନ୍ ହଳ୍‌ପେ କୁରୁଶ୍ କେଦେୟା । ମେନଖାନ୍ ଆପେ ବାଡାୟେ ଜମ୍‌ପେ ଯୀଶୁଦ ଝତୱାଃ ରେନ୍ ମାଲିକ୍ ଆର୍ ମାସିହାୟେ ବେନାୱ କେଦେୟା।

![](https://cdn.door43.org/obs/jpg/360px/obs-en-43-10.jpg)

ପିତରାଃ କାଥା ଆଞମ୍ କାତେ ହଳ୍ କୱାଃ ଅନ୍ତର୍ ଗଟା ହିଲାୱ ଉତାର୍ ଏନା । ଅନାତେ ଆକ ପିତର୍ ଆର୍ ଚେଲାକ କୁଲି କେଦ୍ଃ କୱାକ ଆଲେ ଚେଦ୍ଃଲେ କାମିଆ।

![](https://cdn.door43.org/obs/jpg/360px/obs-en-43-11.jpg)

ପିତର୍ ଆକଗେ ମେନ୍ ରୁଆଳାଦ୍ଃ କୱାୟେ,”ଆପେ ଝତ ଆପେୟାଃ କାଇ ଖାତିର୍ କାସ୍ତାୱଃ ପେ ତବେଖାନ୍ ଈଶ୍ୱର୍ ବାବା ଆପେକୋ ଇକାୟେ ଏମାଃପେୟା, ଆର୍ ଯିଶୁଆ ଞୁତୁମ୍ ତେ ଡୁବାନଃ ପେ । ତବେଖାନ୍ ଯୀଶୁ ଆପେକୋ ଦାନ୍ ଲେକାତେ ସନତ୍ ଆତ୍ମା ଏ ଏମାପେୟା ।”

![](https://cdn.door43.org/obs/jpg/360px/obs-en-43-12.jpg)

ପିତରାଃ କାଥାତେ ପାଖା ପାଖି ପେ ହାଜାର୍ ହଳ୍ ପାତିୟାୱ କାତେ ଯୀଶୁଆ ଚେଲାରେନ୍ ବେନାୱ ଏନା । ଉନ୍‌କୁ ଡୁବାନ୍ କାତେ ଯିରୁଶାଲମ୍ ଗିର୍ଜା ରେନ୍ ପାତିୟାୱ ହଳ୍ କ ହୂଇୟେନା ।

![](https://cdn.door43.org/obs/jpg/360px/obs-en-43-13.jpg)

ପତିୟାୱ ହଳ୍‌କ ଝତ ଦିନ୍‌ଗେ ପ୍ରେରିତ୍ କୱାଃ କାଥାକ ଆଞମେଦ୍ଃ ତାହେଁଦଃ । ଆକ ପାଲେଦ୍ଃ ସାରା ଘାଳିଜ୍ଃ ଗେ ମିଟ୍ ଠେନ୍ କ ତାହେଁ କାନା, ମିଟ୍‌ଠେନ୍ କ ଜମେଃଦ୍ ତାହେଁଦଃ ଆର୍ ମିଟ୍‌ଠେନ୍ ତାହେଁକାତେ ଆକ ଆକଆଃ ଆପ୍ନାର ବାଖ୍ରା ଈଶ୍ୱର୍ ଠେନ୍ କ ବିନ୍ତି ତହେଁ । ଆକ ଈଶ୍ୱର୍ ଠେନ୍ ମିଦ୍ଃ ସାୱଁତେ ବିନ୍ତିୟେଦ୍ଃ ତାହେଁକ ଆର୍ ଯାହାଁନାଃ ଗେ ଆକ ଠେନ୍ ତାହେଁକାନା ଝତୱାଃ କ ହାଟିଞେ ତାହେଁ ଆକ ଭିତିର୍‌ରେ। ନାଗାର୍‌ରେ ତାହେଁକାନ୍ ଝତ ହଳ୍ ବେସ୍‌ଗେକ ଉଇହାରେଦ୍ଃ ତାହେଁଦ୍ । ଦିନ୍ ଧାରାଗେ ପାତିୟାୱ ହଳ୍‌କ ଢେରଃ କାନ୍ ତାହେଁଦଃ ।

*ସନତ୍ ପୁଥିୟାଃ କାହାନୀ: ଭେଜା ଆକାନ୍ ୧:୧୨-୧୪;୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_43_128kbps.m4a

## 44. ୪୪. ପିତର୍ ଆର୍ ଯହନ୍ ମିଟାଂ କୟେ ହଳ୍‌କିନ୍ ବୁଗି କେଦେୟା

https://openbiblestories.org/l/mjx/story-44/

![](https://cdn.door43.org/obs/jpg/360px/obs-en-44-01.jpg)

ମିଃଦ୍ ଦିନ୍ ପିତର୍ ଆର୍ ଯହନ୍ ମୁନ୍ଦିର୍ କିନ୍ ଚାଲାଃକାନ୍ ତାହେଁଦଃ । ମିଃଟାଂ ଛଟା ହଳ୍ ଦୁଆର୍ ସୁର୍‌ରେ ଦୁଳୁବ୍ଃ କାତେ ପୁଇସାୟେ କକୟେ କାନ୍ ତାହେଁଦଃ ।

![](https://cdn.door43.org/obs/jpg/360px/obs-en-44-02.jpg)

ପିତର୍ ଉନି ଛଟା ହଳ୍‌ସେନ୍ କୟଃକାତେ ମେତାଃଦେୟାୟେ “ଆମ୍ ଗେ ଏମ୍ ବାଖ୍ରାତେ ଇଞ୍‌ଠେନ୍ ଚେଦ୍‌ହଁ ବାନୁଃଆନାଂ’ । ମେନ୍‌ଖାନ୍ ଇଞ୍‌ଠେନ୍ ଯାହା ମେନାଃ ଇଞ୍ ଆମ୍‌କେଞ୍ଜ ଏମାମ୍ କାନା । ଯୀଶୁଆ ଞୁତୁମ୍ ତେ ବେରେଦ୍ଃମେ ଆର୍ ତାଳାମ୍‌ମେ ,”

![](https://cdn.door43.org/obs/jpg/360px/obs-en-44-03.jpg)

ଇନା ତାୟମ୍,ଈଶ୍ୱର୍ ବାବା ଉନି ଛଟା ହଳ୍ ବୁଗି କେଦେଆୟେ । ଉନି ଛଟା ହଳ୍ ବେରେଦ୍ଃ କାତେ ଅଣ୍ଡେ ଗଟା ତାଳାମ୍ ଏ ଏହୋବ୍ଃ କେଃଆୟେ ଆର୍ ଦନ୍ ଆଚୁର୍ କେଃଆୟେ ଆର୍ ଈଶ୍ୱର୍ ସାର୍‌ହାୱ କେଦେୟାୟେ । ଅନା ମୁନ୍ଦିର୍ ସୁର୍ ରେ ତାହେଁକାନ୍ ହଳ୍‌ ହାହାଳା ଉତାର୍ ଏନାକ ।

![](https://cdn.door43.org/obs/jpg/360px/obs-en-44-04.jpg)

ଉଡି ଢେର୍ ହଳ୍ ଲଗନ୍ ଲଗନ୍ ଉନି ବୁଗିଆକାନ୍ ହଳ୍‌ଗେ ଞେଲ୍ ଲାଗିଦ୍ଃତେକ ହେଜ୍‌ଏନା । ପିତର୍ ଉନ୍‌କୁ ହଳେ ମେତାଃଦ୍ କୱା,“ନୁଇ ହଳ୍ ବୁଗି ଆକାନାୟେ ମେନ୍ତେ ନଆଁ ଞେଲ୍‌କାତେ ଆଲପେ ହାହାଳାଃ । ଆଲେ ଆଲେୟା ଦାଳେତେ ବାଲେ ବୁଗିଆକାଦେୟା ଚେଦାଃସେ ଆଲେ ଈଶ୍ୱର୍ ବାବା ସାର୍‌ହାୱ କେଦେୟାଲେ । ବରଂ ନୁଇ ହଳ୍‌କେ ଯୀଶୁ ଆଜାଃ ଦାଳେତେ ବୁଗି କେଦେୟାଏ । ଚେଦାଃସେ ଆଲେ ଆଜ୍‌ଠେନ୍ ପାତିଆୱଃ କାନାଲେ ।”

![](https://cdn.door43.org/obs/jpg/360px/obs-en-44-05.jpg)

“ ଆପେ ଭିତିର୍ ରେହଁ ମିମିଦ୍ଃ ହଳ୍ ମେନାଃକୱା ଯାହାୟେଁ ଯୀଶୁଗେ ଗଜେପେ ମେନ୍ତେ ରମିଓ ଗଭର୍‌ନର୍ ଗେ ମେନ୍ ଲେଦେୟାପେ । ଝତ ହଳ୍ ଜିବନ୍ ଏମାକ ହଳ୍‌ପେ ଗଜ୍ଃ କେଦେୟା । ମେନ୍ ଖାନ୍ ଈଶ୍ୱର୍ ବାବା ଗୁଜୁଃଖନ୍ ବେରେଦ୍ଃ ରୁଆଳ୍ କେଦେଆୟେ । ଆପେ ଅକାପେ କାମିଃ ତାହେଁଦ୍ଃ ବାପେ ବାଡାୟେ ଲେଃଆ, ମେନ୍ ଖାନ୍ ତିନଜଖାଃ ଆପେ ନଆପେ କାମି କେଃଦ୍ ଜଖାଃ ନାବିଆଃ କାଥା ସାରିୟେନା । ଆକ ନଆକ ମେନ୍‌ଲେଃଆ ଯୀଶୁ ଦୁଃଖେ ଞାମା ଆର୍ ଗୁଜୁଃଆୟେ । ଈଶ୍ୱର୍ ବାବା ନଙ୍କାୟେ ହୁଇ ହଚ କେଃଆ । ଅନାତେ ନିତଃ ଆପେ କାସ୍ତାୱଃ ପେ ଆର୍ ଈଶ୍ୱର୍ ଠେନ୍ ରୁଆଳ୍ ପେ ଏନ୍‌ଖାନ୍ ଆଜ୍ଃ ଆପେୟାଃ ଝତ କାଇ ସାଫାୟେ ତାପେୟା ।”

![](https://cdn.door43.org/obs/jpg/360px/obs-en-44-06.jpg)

ତିନଜଖାଃ ଅନା ମୁନ୍ଦିର୍ ରେନ୍ ସେବକ୍ କ ଯୋହନ୍ ଆର୍ ପିତରାଃ କାଥାକ ଆଞମ୍ କେଃଆ ଉଡି ଢେର୍‌କ ଆଳିଶ୍ ଏନା ।ଅନାତେ ଆକ ସାବ୍ କେଦ୍ଃ କିନାକ ଆର୍ ଜିହଲ୍ ହଚଃ କେଃଦକିନାକ । ମେନ୍‌ଖାନ୍ ଉଡିଢେର୍ ହଳ୍ ପିତରାଃ କାଥା ଆଞମ୍ କାତେକ ପାତିଆୱ ଏନା । ପାତିଆୱ ଲେନ୍ ହଳ୍ ଭୀତିର୍ ଖନାଃ ଏଖେନ୍ କଳାକଗେ ପାଖ ପାଖି ମଣେ ହାଜାର୍ କ ହୁୟୁଆଃ ।

![](https://cdn.door43.org/obs/jpg/360px/obs-en-44-07.jpg)

ଅନା ଦସାର୍ ହିଲଃ ଯିହୁଦି ନାୟେକେ କ ପିତର୍ ଆର୍ ଯୋହନ୍ ବାର୍ ହଳ୍‌ଗେ ମାରାଂ ଗମକେ ଆର୍ ଏଟାଃ ଜାତି ରିନ୍ ଧରମ୍ ନାୟେକେକ ଠେନ୍ ଆଗୁ କେଃଦ୍ କିନାକ । ଆକ ଉନି ଛଟା ହଁ ଆକିନ୍ ସାଲାଃତେ କ ଆଗୁ ତାରା କେଦେୟା। ଆକ ପିତର୍ ଆର୍ ଯୋହନ୍ ଗେ କୁଲି କେଦ୍ଃ କିନାକ “ଆବିନ୍ ଚେଃଦ୍ ଦାଳେତେ ନୁଇ ଛଟା ହଳ୍‌ବିନ୍ ବେସ୍ କେଦେୟା?“

![](https://cdn.door43.org/obs/jpg/360px/obs-en-44-08.jpg)

ପିତର୍ ମେନ୍ ରୁଆଲ୍ କେଃଆୟେ “ନୁଇ ହଳ୍ ଯାହାଁୟେ ଆପେ ସାମାଂରେ ତିଙ୍ଗୁଆକାନାୟେ ଉନିଦ ଯୀଶୁ ମାସିଆଃ ଦାଳେତେ ବୁଗିଆ କାନାୟେ । ଆପେ ଯୀଶୁ ମାସିପେ କୁରୁଶ୍ କେଦେୟା ମେନ୍‌ଖାନ୍ ଈଶ୍ୱର୍ ବାବା ଆର୍‌ହଁ ବାଞ୍ଚାୱ ରୁଆଲ୍ କେଦେଆୟେ ! ମେନ୍‌ଖାନ୍ ଆପେ ଆଜ୍‌ପେ ବାଗିଆ ଦେୟା ନଆଁ ଧାର୍ତିରେ ବାଞ୍ଚାୱ ଲାଗିଦ୍ଃ, ଆଜ୍ଃ ବେଗର୍ ଆର୍ ଏଟାଃ ହର୍ ବାନୁଃଆନାଂ ।“

![](https://cdn.door43.org/obs/jpg/360px/obs-en-44-09.jpg)

ପିତର୍ ଆର୍ ଯୋହନ୍ ସାହାସ୍ ସାୱଁତେ କାଥା ଲାଇରେନାଃ ଞେଲ୍‌କାତେ ନାୟେକେକ ହାହାଳା ଗେକ ବୁଝାୱ କେଃଆ । ଆକ ଞେଲ୍ ଆ କାଦ୍ଃ କିନାକ ନୁଂକିନ୍‌ଦ ସାଧାରଣ ଆର୍ ମୁରୁଖ୍ ହଳକିନ୍ ତାହେଁକାନା । ମେନ୍‌ଖାନ୍ ଇନା ତାୟମ୍ ଆକ ନୁକିନ୍ ହଳ୍ ଯୀଶୁ ସାଲାଃତେ ତାହେଁ କାନାକିନ୍ ମେନ୍ତେ ଉଇହାର୍ ଞାମ୍ କେଃଆକ । “ଅନାତେ ଆବିନ୍ ଯୁଦି ଆର୍‌ହଁ ହଳ୍‌କକେ ନୱାଁ କାଥାବିନ୍ ଲାଇଆକୱା ତବେଖାନ୍ ଉଡି ଜୁରଲେ ହାଲାକ୍ ବିନା ।”ନଙ୍କାନ୍ କାଥା ଉଡିଢେର୍ କ ମେତାଦ୍ଃକିନା ଆକ ପିତର୍ ଆର୍ ଯୋହନ୍ ଗେ ଚାଲାୱ ହଚଆଦ୍ କିନାକ ।

*ସନତ୍ ପୁଥିୟାଃ କାହାନୀ: ଭେଜା ଆକାନ୍ ୩-୪:୨୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_44_128kbps.m4a

## 45. ୪୫. ସ୍ତିଫାନ୍ ଆର୍ ଫିଲିପ୍

https://openbiblestories.org/l/mjx/story-45/

![](https://cdn.door43.org/obs/jpg/360px/obs-en-45-01.jpg)

ନାୟେକେ ହଳ୍ ଭିତିର୍‌ରେ ପୁଇଲୁ ଯୀଶୁଗେ ପାଞା ହଳ୍ ଦ ହୁୟୁଃ କାନାୟେ ସ୍ତିଫାନ୍ । ଝତଗେ ଆଜଃ କ ଜହାରାୟେ କାନ୍ ତାହେଁଦ୍ଃ । ସନତ୍ ଆତ୍ମା ସ୍ତିଫାନ୍ ଗେ ଉଡି ଢେର୍ ଦାଳେ ଆର୍ ବୁଦ୍ଧି ଏମ୍ ଲେଦେଆୟେ । ସ୍ତିଫାନ୍ ଉଡିଢେର୍ ହାହାଳା କାମି କରାୱ ଲେଃଆୟେ । ଯୀଶୁ ଠେନ୍ ବିଶ୍ୱାସ୍ ପେ ମେନ୍ତେ ସ୍ତିଫାନ୍ ଶିକ୍ଷା ହଳେ ଏମାଃକ କାନ୍ ଜଖା ଉଡିଢେର୍ ହଳ୍ ପାତିଆୱ ଲେନାକ ।

![](https://cdn.door43.org/obs/jpg/360px/obs-en-45-02.jpg)

ମିଃଦିନ୍ ସ୍ତିଫାନ୍ ଯୀଶୁଆଃ ବିଷୟେତେ ଶିକ୍ଷାୟେ ଏମାଃକ କାନ୍ ତାହେଁଦଃ, ତିନାଂଗାନ୍ଃ ଯିହୁଦି,ଯାହାଁୟେକ ଯୀଶୁଠେନ୍ ବାକ ପାତିଆୱଃ କାନ୍ ତାହେଁଦଃ ଉନ୍‌କୁ ସ୍ତିଫାନ୍ ଠେନ୍ ହେଜ୍ଃକାତେ ଆଜ୍ଃ ସାଲାଃ ନେୟାୱଁ ଏନାକ । ଆକ ଉଡିଢେର୍ କ ରାଗିୟେନା,ଅନାତେ ଆକ ଧରମ୍ ନାୟେକେ ଠେନ୍‌କ ଚାଲାୱ ଏନା ଆର୍ ସ୍ତିଫାନ୍ ବଖ୍ରାତେ ଏଖେନ୍ ଏଳ କାଥାକ ମେତାଦ୍ଃ କଆଏ । ଆକକ ମେନ୍‌କେଃଆ,“ଆଲେଲେ ଆଞମ୍ କେଃଆ ମୋସା ଆର୍ ଈଶ୍ୱର୍ ବାଖ୍ରାତେ ସ୍ତିଫାନ୍ ଏଳେ କାଥାୟେ ମେନ୍‌ଏଆ!” ଅନାତେ ଉନ୍‌କୁ ଚାଲାୱ କୁଜ୍ଃ ସ୍ତିଫାନ୍ ଗେ ତଲ୍ କେଦେଆକ ଆର୍ ମାରାଂ ଗମକେ ଆର୍ ଯିହୁଦି ରେନ୍ ଏଟାଃ ନାୟେକେ ଠେନ୍‌କ ଆଗୁ କେଦେୟା। ଏଳେ ସାକ୍ଷୀକ ଆଗୁକାତେ ସ୍ତିଫାନ୍ ବିରାଦ୍ଧ୍ ରେକ ରଳ୍ ହଚ କେଦ୍ଃ କଆ ।

![](https://cdn.door43.org/obs/jpg/360px/obs-en-45-03.jpg)

ମାରାଂ ଗମକେ ସ୍ତିଫାନ୍ ଗେ କୁଲି କେଦେଆଏ,“ ନୁଂକୁ ହଳ୍ ଆମ୍ ବାଖ୍ରାତେ ସାରିକ ରଳେଃଆସେ? “ସ୍ତିଫାନ୍ ଉନି ମାରାଂ ଗମକେ ମେନ୍ ରୁଆଳାଃ ଦେୟାୟ। ଇଶ୍ରାୟେଲ୍ ବାଖ୍ରାତେ ଈଶ୍ୱର୍ ବାବା ଆବ୍ରାହାମ୍ ତାହେଁକାନ୍ ବେଳାଖନ୍ ଯୀଶୁ ଜାନାମ୍ ଧାବିଜ୍‌ତେ ଉଡିଢେର୍ ହାହାଳା କାମି କରାୱା ଆକାଃୟେ । ମେନ୍‌ଖାନ୍ ହଳ୍‌କ ସାରା ଘାଲିଜ୍ଃ ଗେ କ ସାହା କେଦେୟା ବାକ ମାନାୱ ଲେଦେୟା । ସ୍ତିଫାନ୍ ମେନ୍ କେଃଆୟେ “ଆପେ ଝତ ହଳ୍‌ଦ ଈଶ୍ୱର୍ ବିରାଦ୍ଧ୍ ଆର୍ ଲାଢାଇ ହଳ୍ କାନାପେ । ଅପେଦ ସାରା ଘାଳିଜ୍ଃ ସନତ୍ ଆତ୍ମାପେ ରାଗିଆୟ କାନା, ଠିକ୍ ଆବଆଃ ପାହିଲ୍ ହଳ୍‌କ ରାଗିଆୟେ କାନ୍ ତାହେଁନ୍ ଲେକା ଆର୍ ଆଜ୍‌ରେନ୍ ନାବିକଗେ ଗଜେଃଦ୍ କ ତାହେଁ ଲେକାଗେ । ମେନ୍‌ଖାନ୍ ଆକ ଖନାଃ ଆପେ ଜାସ୍ତି ଖାରାପ୍‌ପେ କାମିକାନା! ଆପେ ମାସିହାପେ ଗଜେକାନା ।“

![](https://cdn.door43.org/obs/jpg/360px/obs-en-45-04.jpg)

ତିନ୍‌ଜଖାଃ ନଆଁ କାଥା ଧରମ୍ ଗମକେ ଆଞମ୍ କେଃଆ, ଆକ ଉଡି ଜୁର୍ ଗେକ ରାଗିୟେନା, ଆକ ଆକଆଃ ଲୁତୁର୍‌କ ଏସେଦ୍ କେଃଆ ଆର୍ ହୁରି କେଃଆକ । ଉନ୍‌କୁ ହଳ୍ ସ୍ତିଫାନ୍ ଗେ ଅନା ନାଗାର୍ ଖନାଃ ଗହଳ୍ ଅଡକ୍ କେଦେୟାକ ଆର୍ ଧିରିତେକ ଚାପାଦ୍ କେଦେୟା ।

![](https://cdn.door43.org/obs/jpg/360px/obs-en-45-05.jpg)

ସ୍ତିଫାନ୍ ଗୁଜୁଃ ବେଳାରେ,ମେନ୍ କେଃଆୟେ,“ହେ ଯୀଶୁ ଇଞା ଆତ୍ମା ଆତାଂ ଦାରମ୍ ତିଞ୍‌ମେ।“ ଆଜ୍ଃ ଇକ୍ଳୁମ୍ କାତେ ଆର୍ ମିଦ୍ଃ ଧାଅ ମେନ୍ କେଃଆୟେ,“ନୁକୁଆ କାଇ ଆଲମ୍ ଲେଖାୟା ।” ଇନ ତାୟମ୍ ଗଜ୍ଃ ଏନାୟେ ।

![](https://cdn.door43.org/obs/jpg/360px/obs-en-45-06.jpg)

ଅନା ଦିନ୍‌ରେ ଯିରୁଶାଲେମ୍ ହଳ୍, ଯୀଶୁଠେନ୍ ବିଶ୍ୱାସ୍ ହଳକଗେ ଉଡିକ ହୟେରାଣ୍ କେଃ କଆ,ଅନାତେ ଉନ୍‌କୁ ବିଶ୍ୱାସୀ ହଳ୍‌କ ଏଟା ଜାୟେଗା ତେକ ଞିର୍ ଏନା । ମେନ୍‌ଖାନ୍ ଆକ ଯାହାଁ ଯାହାଁ ଜାୟେଗାକ ଚାଲାୱ ଏନା ଅନା ଗଟା ଯୀଶୁଆ କଥାକ ଲାଇ ସଦର୍ କେଃଆ।

![](https://cdn.door43.org/obs/jpg/360px/obs-en-45-07.jpg)

ଯୀଶୁଠେନ୍ ବିଶ୍ୱାସି ଫିଲିପ୍ ଞୁତୁମ୍ ମିଦ୍ଃ ହଳେ ତାହେଁକାନା । ଏଟାଃ ବିଶ୍ୱାସିକ ଲେକା ଫିଲିପ୍ ହଁ ଯିରୁଶାଲେମ୍ ବାଗିକାତେ ଚାଲାୱ ଏନାୟେ । ଫିଲିପ୍ ଶାମାରିୟା ଦିଶମ୍ ତେ ଚାଲାୱ ଏନାୟେ ଅକାରେ ଆଜ୍ଃ ଯୀଶୁଆ କାଥା ପାଷ୍ନାୱ ଦାଳେୟାଃୟେ। ଉଡିଢେର୍ ହଳ୍ ଆଜ୍ଃକ ପାତିଆୱା ଦେୟା ଆର୍ ବାଞ୍ଚାୱ କ ଞାମ୍‌କେଃଆ । ମିଦ୍ ଦିନ୍ ମିଃଟାଂ ଦୁତ୍ ଈଶ୍ୱର୍ ଠେନ୍‌ଖନ୍ ଫିଲିପ୍ ଠେନ୍ ହେଜଃକାତେ ଫିଲିପ୍‌ଗେ ମିଃଟାଂ ହର୍‌ତେ ମରୁଭୂମି ଚାଲାଃ ମେତାଃ ଦେଆୟେ । ଫିଲିପ୍ ଅଣ୍ଡେ ଚାଲାୱ ଏନାୟେ । ଫିଲିପ୍ ହର୍‌ରେ ତାଳାମା କାଃ ଜଖାଃ, ମିଦ୍ ହଳ୍ ଆଜାଃ ଶାଗାଳ୍ ଗାଡିରେ ଦେଜଃଏ ଞେଲ୍ କେଦେଆଏ । ନୁଇ ହଳ୍‌ଦ ଇଥିପିଆ ରେନ୍ ମିଦ୍ଃ ମାରାଂ ଓଫିସର୍ ତାହେଁ କାନାୟେ । ସନତ୍ ଆତ୍ମା ଫିଲିପ୍‌ଗେ ମେତାଃ ଦେଆୟେ ଦୁ ଚାଲାୱ କାତେ ଉନି ହଳ୍ ସାଲାଃ ରପଳ୍‌ମେ ।

![](https://cdn.door43.org/obs/jpg/360px/obs-en-45-08.jpg)

ଅନାତେ ଫିଲିପ୍ ଅନା ସାଗାଳ୍ ଗାଡି ସୁର୍ ଚାଲାୱ ଏନାୟେ । ଫିଲିପ୍ ଉନି ହଳ୍ ଇଶ୍ୱରାଃ ଆଳାଂ ପାଳ୍‌ହାୱ ଆଞମ୍ ଆଦେଆୟେ । ଯିଶାଇ ନାବି ଯାହାଁୟେ ଅଲ୍ ଲେଃଆ ଉନି ହଳ୍ ଆନାୟେ ପାଳ୍‌ହାୱେଃ ତାହେଁଦ୍ଃ । ଉନି ହଳ୍ ନଙ୍କାୟେ ପାଳ୍‌ହାୱେଃ ତାହେଁଦ୍, “ଆକ ଭେଡା ହପନ୍ ଲେକାଗେ ଗଜେ ବାଖ୍ରାକ ଇଦି କେଦେୟା, ଆର୍ ଭେଡା ହପନ୍ ଚେଦଃଲେକା ଥିର୍ କୱାଃକ,ଅନ୍‌ଙ୍କାଗେ ଆଜ୍ଃ ଚେଦ୍‌ହଁ ବାୟେ ମେନ୍ ଲେଃଆ । ଆକ ବାଂ ଠିକ୍ ଗେକ ବେଭାର୍ କେଦେୟା ଆର୍ ଅସମ୍ମାନ୍ କେଦେୟା। ଆକ ଆଜାଃ ଜୀବନ୍ କ ଇଦି କେଃଆ ।”

![](https://cdn.door43.org/obs/jpg/360px/obs-en-45-09.jpg)

ଫିଲିପ୍ ଉନି ଇଥିପିଆନ୍ ହଳେ କୁଲି କେଦେୟା, “ଆମ୍ ଯାହାମ୍ ପାଳ୍‌ହାୱ କେଃଆ ବୁଝାୱ ଦାଳେୟାଃକାନାମ୍ ?“ ଇଥିପିଆନ୍ ହଳ୍ ମେନ୍ କେଃଆୟେ “ବାଂଆ । ମିଦ୍ ହଳ୍ ବାୟେ ଲାଇଆଞ୍ ଧାବିଜ୍ଃ ଚେଦ୍ଃ ଲେକାଞ୍ ବୁଝାୱ ଦାଳେୟାଃ । ଦାୟାକାତେ ଦେଜଃମେ ଆର୍ ଇଞ୍ ସୁର୍‌ରେ ଦୁଳୁବ୍ଃ ମେ । ନଆଦ ଇଶାଇ ଆଜ୍ଃ ଖାତିର୍ ଅଲ୍ ଲେଃଆୟେ ସେ ଏଟା ହଳ୍ ଖାତିରେ ଅଲାକାଃଆୟ ?”

![](https://cdn.door43.org/obs/jpg/360px/obs-en-45-10.jpg)

ଫିଲିପ୍ ଶାଗାଳ୍ ଗାଡିରେ ଦେଜ୍ଃକାତେ ଦୁଳୁବ୍ ଏନାୟେ । ଇନା ତାୟମ୍ ଫିଲିପ୍ ଇଥିପିଆନ୍ ହଳ୍‌ଗେ ମେତାଃଦେଆୟେ ଇଶାଇ ଦ ଯୀଶୁ ଖାତିର୍ ଅଲ୍ ଲେଃଆୟେ । ଫିଲିପ୍ ଆର୍‌ହଁ ଇଶ୍ୱରା ଏଟା କାଥାକ ହଁ ଲାଇ ସଦରାଃ ଦେଆୟେ । ନଂକା ଲେକାତେ ଫିଲିପ୍ ଦ ଉନି ହଳ୍‌ଗେ ଯୀଶୁଆ କାଥା ଲାଇଆଃ ଦେଆୟେ ।

![](https://cdn.door43.org/obs/jpg/360px/obs-en-45-11.jpg)

ଉନ୍‌କିନ୍ ତାଳାମ୍ ଯଖାଃ , ଆକିନ୍ ଦାଃ ସୁର୍ ସେଟେର୍ ଏନାକିନ୍। ଏଥପିଆନ୍ ହଳ୍ ମେନ୍ କେଃଆୟେ,“ ଞେଲ୍‌ମେ ହାନେ ଦାଃ ଞେଲଃ କାନା! ଇଞ୍ ଅଣ୍ଡେମ୍ ଡୁବାନିଞାଃ?” ଆର୍ ଉନି ଗାଡି ଲାଗାଇଜ୍ଃ ମେତାଃ ଦେଆୟେ ଗାଡି ଦହୟେମେ ।

![](https://cdn.door43.org/obs/jpg/360px/obs-en-45-12.jpg)

ଅନାତେ ଆକିନ୍ ଦାଃ ତେକିନ୍ ଚାଲାୱ ଏନା ଆର୍ ଫିଲିପ୍ ଏଥପିଆନ୍ କେ ଡୁବାନ୍ କେଦେଆୟେ । ଦାଃ ଖନାଃକିନ୍ ରାକାବ୍ ଏନ୍ ତାୟମ୍ ,ସନତ୍ ଆତ୍ମା ଫିଲିପ୍ ଗେ ଏଟାଃ ଜାୟେଗାତେ ଇଦି କେଦେଆୟେ। ଅଣ୍ଡେ ଫିଲିପ୍ ଯୀଶୁଆ କାଥା ଲାଇ ଚାଲୁ କେଃଆୟେ।

![](https://cdn.door43.org/obs/jpg/360px/obs-en-45-13.jpg)

ଏଥିପିଆନ୍ ହଳ୍ ଅଳାଃସେନ୍ ଏତହବଃ କେଃଆୟେ । ନିତଃ ଉନି ହଳ୍ ଯୀଶୁଗେ ଞାମ୍ କେଦେତେ ଆଡି କୁସିୟେ ବୁଝାଉ କେଃଆୟ ।

*ସନତ୍ ପୁଥିୟାଃ କାହାନୀ: ଭେଜା ଆକାନ୍ ୬-୮*

Audio: https://git.door43.org/OBS-TLF/mjx_obs/releases/download/v1/mjx_obs_v1_45_128kbps.m4a

## 46. ୪୬. ଶାଉଲ୍ ଯୀଶୁଆ ଚେଲାୟେ ବେନାୱ ୟେନା

https://openbiblestories.org/l/mjx/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ୍ ଞୁତୁମମାନ୍ ହଳେ ତାହେଁକାନା ଯାହାୟେ ଯୀଶୁଗେ ବାୟେ ପାତିଆୱେ କାନ୍ ତାହେଁଦ । ତିନ୍‌ଜଖାଃ ଆଜ୍ଃ କଳାୟେ ତାହେଁକାନା, ଅକୟେ ସ୍ତିଫାନ୍ କ ଗଜ୍ଃ ଲେଦେୟା ଉନ୍‌କୁଆଃ ଲୁଗୁଳି ହରହୋୟେଦ୍ ତାହେଁଦଃ । ଇନା ତାୟମ୍ କକେ ହୟେରାଣେଦ୍ କ ତାହେଁଦ । ଉନି ଅଳାଃ ଅଳାଃ ସେନଃକାନ୍ ତାହେଁଦ୍ ଆର୍ କଳା, କୁଳି ଝତ ତଲ୍ ଆଗୁକାତେ ଜିହଲ୍‌ରେ ଦହୟେଦ୍ କ ତାହେଁଦ । ଇନା ତାୟମ୍ ମାରାଂ ଗଙ୍କେ ଆଜ୍‌କେ ଦମାସକ୍ ଚାଲାଃ ରେନାଃ ଦାୱ ଏମାଃ ଦେଆୟେ । ମାରାଂ ଗଙ୍କେ ଶାଉଲ୍ କେ ମେତାଃ ଦେଆୟେ ଯୀଶୁରେ ପାତିଆୱ ଝତ ହଳ୍ ତଲ୍‌କମେ ଆର୍ ଯିରୁଶାଲମ୍ ଆଗୁକମେ ।

![](https://cdn.door43.org/obs/jpg/360px/obs-en-46-02.jpg)

ଅନାତେ ଶାଉଲ୍ ଦାମାସକ୍ ଚାଲାଃ ଏ ଏତୋହବ୍ଃ କେଃଆୟେ । ନାଗାର୍ ସେଟେର୍ ମାଣାଂରେ, ମିଃଟାଂ ମାର୍ଶାଲ ସେର୍‌ମା ଖନ୍ ଆଜାଃ ସୁର୍‌ତେ ଆଣ୍‌ଗ ହେଜ୍ଃ ଏନା,ଆର୍ ଗଟା ଝାଲ୍‌ଖାୱ ଏନା ଆର୍ ଶାଉଲ୍ ଅତ୍‌ରେ ଞୁର୍ ଏନାୟେ । ଶାଉଲ୍ ମିଃଦ୍ ଆଳାଂ ଆଞମ୍ କେଃଆୟେ “ଶାଉଲ୍! ଶାଉଲ୍! ଚେଦ୍ ଖାତିର୍ ଆଲେମ୍ ହାର୍କେତେ୍ଃ ଲେୟା ?” ଶାଉଲ୍ କୁଲି କେଦେଆୟେ, “ଆମ୍‌ଦ ଅକୟେ ଗଙ୍କେ?” ଯୀଶୁଈ ମେନ୍ ରୁଆଳ୍ କେଃଆ,“ଇଞ୍‌ଦ ଯୀଶୁ । ଯାହାଁୟ ଆମେମ୍ ହାର୍‌କେତେ କାନା!”

![](https://cdn.door43.org/obs/jpg/360px/obs-en-46-03.jpg)

ଶାଉଲ୍ ବେରେଦ୍ ଏନ୍ ତାୟମ୍ ମେଃଦ୍ ତାୟ କାଣା ଏନା । ଆଜ୍ଃରିନ୍ ଗାତେକ ଆଜ୍ଃକ ଦାମାସକସ୍ ତେକ ସାବ୍ ଇଦି କେଦେୟା। ଶାଉଲ୍ ପେ ଦିନ୍ ଧାରିଜ୍ ଚେଃଦ୍ ହଁ ବାୟ ଜମ୍, ଞୁ ଦାଳେୟାଆଃ ନା ।

![](https://cdn.door43.org/obs/jpg/360px/obs-en-46-04.jpg)

ଦାମାସକସ୍ ରେ ଆନାନିଆ ଞୁତୁମାନ୍ ମିଃଦ୍ ଯୀଶୁଈ ଜ୍ଃ ଚେଲାୟେ ତାହେଁକାନା। ଈଶ୍ୱର୍ ଉନି ମେତାଃ ଦେଆୟେ,“ଶାଉଲେ ତାହେଁନ୍ କାନ୍ ଅଳାଃ ଚାଲାଃମେ । ଆମାଃ ତିଈ ଆଜାଃ ଚେତାନ୍‌ରେ ଦହ ଲେଖାନେମ୍ ଆର୍ ମିଃଦ୍ ଧାୱ ଞେଲ୍ଞାମ୍ ଦାଳେୟାଃ ଆୟ।” ମେନ୍‌ଖାନ୍ ଆନାନିଆ ମେନ୍ ରୁଆଳ୍ କେଃଆୟେ, “ଗମ୍ କେ ଇଞ୍ ଅଞ୍ଜମ୍ କାଃଞ୍ ଶାଉଲ୍ ଦ ବିଶ୍ୱାସି କ ହାଲାକେଦ୍ କ ତାହେଁଦ।” ଈଶ୍ୱର୍ ମେନ୍ ରୁଆଳ୍ କେଃଆୟେ,“ଚାଲାଃମେ,ଯିହୁଦି ଆର୍ ଏଟାଃ ଜାତ୍‌ରେନ୍ ହଳ୍‌କ ଇଞ୍ଜାଃ ଞ୍ଜୁତୁମ୍ ଲାଇ ସଦରାୟେ ମେନ୍ତେ ଉନିଞ୍ଜ୍ ସାଲା କାଦେୟା। ଆଜ୍ଃ ଇଞ୍ଜାଃ ଞୁତୁମ୍ ବାଖ୍ରାତେ ଉନି ଆଡିଜୁର୍ ହାର୍କେତ୍ ଞ୍ଜାମାୟେ।

![](https://cdn.door43.org/obs/jpg/360px/obs-en-46-05.jpg)

ଅନାତେ ଆନାନିଆ ଶାଉଲ୍ ଠେନ୍ ଚାଲାୱ କାତେ, ଆଜାଃ ତିଈ ଶାଊଲ୍ ଚେତାନ୍ ରେ ଦହ କେଃଆୟ, ଆର୍ ମେତାଃ ଦେୟାୟ “ଯୀଶୁ ଅକୟେ ଆମ୍ ହର୍ ରେମ୍ ଞେଲ୍ ଲେଦେୟା ଉନି ଇଞ୍ ଭେଜାଃ କାଦିଞା, ଯାହାଁଲେକା ଆମ୍ ଆର୍ ମିଃଦ୍ ଧାୱୟେମ୍ ଞେଲ୍ ଦାଳେୟାଃ ଆର୍ ସନତ୍ ଆତ୍ମାତେ ପେରେଜ୍ ମେୟା ।” ଇନା ସାୱଁତେ ଶାଉଲ୍ ଆର୍ ମିଃଦ୍ ଧାୱ ଏ ଞେଲ୍ ଞ୍ଜାମ୍ କେଃଆ। ଆର୍ ଆନାନିଆ ଶାଉଲ୍‌ଗେ ଡୁବାନ୍ କେଦେଆୟେ । ଇନା ତାୟମ୍ ଶାଉଲ୍ କିଛିଗାନ୍ ଜମାଃୟେ ଜମ୍‌କେଃଆ ଆର୍ ଦାଳେ ରୁଆଳ୍ ଏନାୟେ ।

![](https://cdn.door43.org/obs/jpg/360px/obs-en-46-06.jpg)

ସଙ୍ଗେ ସଙ୍ଗେ ଶାଉଲ୍ ଦାମାସକସ୍ ରେ ଯୀଶୁଆଃ କାଥା ପାଷ୍ନାୱ କାମି ଏହୋବ୍ କେଃଆୟେ । ଶାଉଲ୍ ମେନ୍ କେଃଆୟେ, “ଯୀଶୁ ହୁୟୁଃ କାନାୟେ ଈଶ୍ୱର୍ ହପନ୍!” ଯିହୁଦି ହଳ୍ ହାହାଳା ଉତାର୍ ଏନାକ, ଚେଦାଃସେ ଶାଉଲ୍ ବିଶ୍ୱାସି ହଳ୍‌କକେ ଗଜ୍ଃ ଲାଗିଦ୍ କୁରୁମୁଟୁଇ ତାହେଁଦଃ, ଆର୍ ନିତଃଦ ଯୀଶୁଠେନ୍ ପାତିୟାୱ ଏନାୟେ । ଶାଉଲ୍ ଯିହୁଦି ହଳ୍ ସାଲାଃ ଏ ନେଆୱ ଏନାୟେ! ଆର୍ ଶାଉଲ ଞ୍ଜେଲ୍ କେଃଆୟ ଦ ଯୀଶୁଗେ ଖ୍ରୀଷ୍ଟ ତାହେଁକାନାୟ ।

![](https://cdn.door43.org/obs/jpg/360px/obs-en-46-07.jpg)

ଉଡିଦିନ୍ ତାୟମ୍, ଯିହୁଦି ହଳ୍ ଶାଉଲ୍‌କେ ଗଜ୍ଃ ଲାଗିଦ୍ କ ବୁଧୀ କେଃଆ । ଶାଉଲ୍ ଗେ ଗଜ୍ଃ ଖାତିର୍‌ତେ ନାଗାର୍ ରେୟାଃ ଦୁଆର୍‌ରେ ଞେଲ୍ ବାଖ୍ରାତେ ହଳ୍‌କ ଭେଜା କେଦ୍‌କୱା । ମେନ୍‌ଖାନ୍ ଶାଉଲ୍ ନଆ ବିଷୟତେ ଆଞଃମ୍ କେଃଆୟେ ଆର୍ ଆଚ୍‌ରେନ୍ ଗାତେକ ଆଜ୍ଃକେ ଞିର୍ ବାଖ୍ରାକ ଗଳୱାଃ ଦେୟା । ମିଃଦ୍ ଦିନ୍ ଉନ୍‌କୁ ହଳ୍ ଶାଉଲ୍‌କେ ଠେକାରେ ସାମ୍ବାୱ କାତେ ନାଗାର୍ କାନ୍ତ ସେନତେକ ଆଣ୍‌ଗ ଲେଦେୟା। ଶାଉଲ୍ ଦମେସକସ୍ ଖନାଃ ଞିର୍ ଏନ୍ ତାୟମ୍ ଯୀଶୁଆଃ କାଥା ପ୍ରଚାର୍ କେଃଆୟେ ।

![](https://cdn.door43.org/obs/jpg/360px/obs-en-46-08.jpg)

ଶାଉଲ୍ ପ୍ରେରିତ୍ ସାଲାଃ ଞେପେଲ ଲାଗିଦ୍ ତେ ଯିରୁଶାଲମ୍ ଚାଲାୱ ଏନାୟେ, ମେନ୍‌ଖାନ୍ ଆକ ଶାଉଲ୍‌ ଞେଲ୍‌କାତେ ବତର୍ ଏନାକ । ଇନା ତାୟମ୍ ବର୍ଣ୍ଣବା ଶାଉଲ୍‌ ପ୍ରେରିତ୍‌କ ଠେନ୍ ଇଦି କେଦେଆୟେ । ଶାଉଲ୍ ଚେଦ୍ଃଲେକା ସାହାସ୍‌ତେ ପ୍ରଚାରେଦ୍ ତାହେଁଦଃ ଅନା କାଥାୟେ ଲାଇଆଦ୍ କଆୟେ । ଇନା ତାୟମ୍ ପ୍ରେରିତ୍‌କ ଶାଉଲ୍‌ ମେସା କେଦେୟା ।

![](https://cdn.door43.org/obs/jpg/360px/obs-en-46-09.jpg)

କିଛିଗାନ୍ ବିଶ୍ୱାସି ହୟେରାଣ୍ ବତର୍‌ତେ ଯିରୁଶାଲମ୍ ଖନାଃ ଉଡି ଝାଲ୍ ଚାଲାୱ କାତେ, ଆଣ୍ଟିଅକ୍ ନାଗାରରେ ତାହେଁ ଏନାକ ଆର୍ ଯୀଶୁଆଃ କାଥା ପାଷ୍ନାୱ କେଃଆକ । ଆଣ୍ଟିଅକ୍ ରେ ଯିହୁଦି ହଳ୍ ଜାସ୍ତି ବାକ ତାହେଁକାନା, ମେନ୍‌ଖାନ୍ ପୁଇଲୁ ବିଶ୍ୱାସି ଅଣ୍ଡେକ ହୁଇ ଲେନା, ଆକଆଃ ପାତିୟାୱ କେଟେଜ୍ ଆର୍ ଯୀଶୁ ବିଷୟତେ ଆର୍ ହଁ ବାଳତି ବାଡାୟ ହଚ ଲାଗିଦ୍ ତେ ବର୍ଣ୍ଣବା ଆର୍ ଶାଉଲ୍ କିନ୍ ଚାଲାୱ ଏନା । ଆଣ୍ଟିଅଚରେ ପୁଇଲୁ ଖ୍ରୀଷ୍ଟିଆନ୍ ମେନ୍ତେକ ବାଡାୟେ ଞାମେନା ।

![](https://cdn.door43.org/obs/jpg/360px/obs-en-46-10.jpg)

ମିଃଦ୍ ଦିନ୍ ଆଣ୍ଟିଆଚରେ ଯୀଶୁ ଠେନ୍ ପାତିଆୱ ହଳ୍‌କ ରେଙ୍ଗେଜ୍ ତେ ବିନ୍ତିୟେଃ ତାହେଁକ । ସନତ୍ ଆତ୍ମା ଉନ୍‌କୁ ମେତାଃଦ୍ କଆୟେ, “ବର୍ଣ୍ଣବା ଆର୍ ଶାଉଲ୍ ଅକା କମି ବାଖ୍ରାକିନ୍ ହହଆ କାଦିଞା ଅନା କାମିପେ ।” ଅନାତେ ଆଣ୍ଟିଆଚ୍ ମାନଡେର ରେନ୍ ହଳ୍ ବର୍ଣ୍ଣବା ଆର୍ ଶାଉଲ୍ ଚେତାନ୍‌ରେ ତିଈ ଦହକାତେ କ ବିନ୍ତି କେଃଆ । ଇନା ତାୟମ୍ ଆଣ୍ଟିଆଚ ରେନ୍ ହଳ୍ ବର୍ଣ୍ଣବା ଆର୍ ଶାଉଲ୍ କେ ଏଟାଃ ଜାୟେଗା ଚାଲାୱ କାତେ ଯୀଶୁଆଃ କାଥା ପାଷ୍ନାୱ ବିନ୍ ମେନ୍ତେ ଭେଜା କେଦ୍ଃ କିନାକ । ବର୍ଣ୍ଣବା ଆର୍ ଶାଉଲ୍ ଏଟାଃ ଏଟାଃ ଜାୟେଗା ଚାଲାୱ କାତେ ଯୀଶୁଆଃ କାଥା କିନ୍ ପାଷ୍ନାୱ କେଃଆ ଆର୍ ଉଡି ଢେର୍ ହଳ୍ ଯୀଶୁଠେନ୍ ପତିଆୱ ଏନାକ ।

*ସନତ୍ ପୁଥିୟାଃ କାହାନୀ: ଭେଜା ଆକାନ୍ ୮:୧-୩; ୯:୧-୩୧; ୧୧:୧୯-୨୬; ୧୩-୧୪*

Audio: https://git.door43.org/OBS-TLF/mjx_obs/releases/download/v1/mjx_obs_v1_46_128kbps.m4a

## 47. ୪୭. ପାଉଲ୍ ଆର୍ ସିଲା ଫିଲିପରେ

https://openbiblestories.org/l/mjx/story-47/

![](https://cdn.door43.org/obs/jpg/360px/obs-en-47-01.jpg)

ଶାଉଲ୍ ତିନ୍‌ଜଖାଃ ରମ୍ ଦିଶମ୍ ରେନାଃ ଝତ ଜାୟେଗା ଦାଳାନ୍ କାନ୍ ବେଳାରେ, ଉନି ରମାନ୍ ଞୁତୁମ୍ ପାଉଲ୍ ଲାଇ ସଦର୍ ୟେନାୟେ। ମିଃଦ୍ ଦିନ୍ ପାଉଲ୍ ଆର୍ ସିଲା ଯୀଶୁଆଃ ଭାଗେ ସମ୍ବାଦ୍ ପଷ୍ନାୱ ଖାତିର୍ ଫିଲିପ୍ ନାଗାର୍ ତେକିନ୍ ଚାଲାୱ ୟେନା । ଉନ୍‌କିନ୍ ଗାଡା ଧାରେରେ ତାହେଁକାନ୍ ନାଗାର୍ ଯାହାଁରେ ହଳ୍‌କ ପାର୍‌ଥାନା ୟେଦ୍ ତାହେଁଦଃ । ଅଣ୍ଡେ ମିଃଟାଂ ଲିଦିୟା ଞୁତୁମ୍ ମାନ୍ ବେପାରି କୁଳି ସାଲାଃ ଞାପାମ୍ ଏନାକିନ୍ । ଉନି କୁଳିଦ ଈଶ୍ୱର୍ କେ ଦୁଲାଳ୍ ଆର୍ ସାର୍‌ହାୱେ କାନ୍ ତହେଁଦଃ ।

![](https://cdn.door43.org/obs/jpg/360px/obs-en-47-02.jpg)

ଈଶ୍ୱର୍ ବାବା ଲିଦିୟା କେ ଯୀଶୁଆଃ କାଥାରେ ପାତିଆୱ ରେନାଃ ଦାଳେ ଏମାଃଦେଆୟେ । ପାଉଲ୍ ଆର୍ ସିଲା ଲିଦିୟା ଆର୍ ଆଜାଃ ଅଳାଃ ହଳ୍ କକେ ଡୁବାନ୍ କେଃ କଆକିନ୍ । ଉନି କୁଳି ପାଉଲ୍ ଆର୍ ସିଲା ଆକ ଅଳାଃରେ ତାହେଁନ୍ ଖାତିର୍ ମେତାଃଦ୍ କିନାୟେ, ଅନାତେ ଅକିନ୍ ଆଣ୍ଡେକିନ୍ ତାହେଁୟେନା ।

![](https://cdn.door43.org/obs/jpg/360px/obs-en-47-03.jpg)

ପାଉଲ୍ ଆର୍ ସିଲା ଯିହୁଦି କୱାଃ ବିନ୍ତିଈ ଜାୟଗାରେ ବରାବର୍ ହଳ୍‌କ ସାଲାଃକିନ୍ ଞାପାମ୍ କାନ୍ ତାହେଁଦଃ । ଦିନ୍ ହିଲଃ ଅଣ୍ଡେ ଚାଲାଃ ଜଖାଃ ମିଃଟାଂ ବଙ୍ଗା ଲାଗାୱ ଗୁତି କୁଳି ପାଞାୟେଦ୍ କିନ୍ ତାଃହେଁଦଃ । ବଙ୍ଗା ଖାତିର୍ ଉନି କୁଳି ହଳାଃ ମାଣାଂ କାଥା ଲାଇ ଦାଳେଃକାନ୍ ତାହେଁଦ, ଉନି ଭାୟଗ ମାନ୍ କୁଳି ଆଜାଃ ମାଲିକ୍ ଖାତିର୍ ଉଡିଢେର୍ ପୁଇସା ଆର୍ଜାୱ ଲେଃ ତାହେଁଦଃ ।

![](https://cdn.door43.org/obs/jpg/360px/obs-en-47-04.jpg)

ଗୁତି କୁଳି ତାଳାମେଦ୍ଃ ଜଖାଃ ହୁରିକାତେ ଲାଇ କେଃଆୟେ, “ନୁକିନ୍ ହଳ୍ ଝତଖନ୍ ଦାଳେୟାନ୍ ଈଶ୍ୱର୍ ବାବା ରିନ୍ ହଳ୍ କାନାକିନ୍ । ଉନକିନ୍ ଦ ବାଞ୍ଚାୱ ରେନାଃ ହର୍‌କିନ୍ ଲାଇ ସଦରେଃଆ !” ଉନି କୁଳି ସାରା ଘାଳିଜ୍ଃ ନଙ୍କା ମେନ୍ କେଦ୍ଃ ଖାତିର୍ ପାଉଲ୍ ରାଗି ଏନାୟେ।

![](https://cdn.door43.org/obs/jpg/360px/obs-en-47-05.jpg)

ଶେଷ୍‌ରେ ମିଃଦ୍ ଦିନ୍ ଉନି ଗୁତି କୁଳି ହୁରି ଏହୋବ୍ କେଃ ଜଖାଃ ପାଉଲ୍ ଆଜ୍ଃସେନ୍ ଆଚୁର୍ କାତେ ଆଜ୍ଃଠେନ୍ ତାହେଁକାନ୍ ବଙ୍ଗା ମେତାଃ ଦେଆୟେ, “ଯୀଶୁ ଞୁତୁମ୍‌ତେ ନୁଇ ଠେନ୍‌ଖନ୍ ଅଡକଃ ମେ,” ମେନ୍ ତାରାଗେ ବଙ୍ଗା ଉନି କୁଳି ବାଗିକାତେ ଅଡକ୍ ଚାଲାୱ ଏନୟେ ।

![](https://cdn.door43.org/obs/jpg/360px/obs-en-47-06.jpg)

ଗୁତି କୁଳିଜ୍ଃ ମାଲିକ୍ ଦ ଉଡି ଜୁର୍ ରାଗିୟେନାୟ ! ଆକକ ଉଇହାର୍ କେଃଆଦ ଉନି ବଙ୍ଗା ବେଗର୍ ମାଣାଂ କାଥା ବାୟେ ଲାଇ ଦାଳେୟା । ନଆରେଆଃ ଆର୍ଥଦ ହୁୟୁକାନା,ହହଳ୍‌କ ଆର୍ ମାଣାଂ କାଥା ଲାଇ ଭାଖ୍‌ରାତେ ପୁଇସା ବାକ ଏମାଃକଆ ।

![](https://cdn.door43.org/obs/jpg/360px/obs-en-47-07.jpg)

ଅନାତେ ଗୁତି କୁଳିରେନ୍ କିଶାଣ୍ ପାଉଲ୍ ଆର୍ ସିଲାଃ ରୋମି ରେନ୍ ମାରାଂ ଗଙ୍କେଠେନ୍ ଇଦି କେଃ କିନାକ, ଅକୟେକ ପାଉଲ୍ ଆର୍ ସିଲା ଦାଲ୍ ଲେଦ୍ କିନାକ ଆର୍ ଜିହଲ୍ ହଚ ଲେଦ୍ କିନାକ ।

![](https://cdn.door43.org/obs/jpg/360px/obs-en-47-08.jpg)

ଆକ ପାଉଲ୍ ଆର୍ ସିଲାକେ ଉଡି କେଟେଜ୍ଃ ତାହେଁକାନ୍ ଜିହଲ୍ ରେକ ଦହଲେଃ କିନା। ଜାଙ୍ଗାରେ ଉଡି କେଟେଜ୍ ଆର୍ ମାରାଂ କାଟ୍‌ତେକ ତଲ୍ କେଦ୍‌କିନା । ମେନ୍‌ଖାନ୍ ତାଲା ଞିଦାରେ, ପାଉଲ୍ ଆର୍ ସିଲା ଈଶ୍ୱର୍ ସାର୍‌ହାୱ ବାଖ୍‌ରା କିନ୍ ସେରେଞ୍ କେଃଆ।

![](https://cdn.door43.org/obs/jpg/360px/obs-en-47-09.jpg)

ହୁପ୍କାଗେ, ଅଣ୍ଡେ ମିଃଟାଂ ଭୁମିକମ୍ପ ହୁଇୟେନା! ଜିହଲ୍ ରେନାଃ ଝତ ଦୁଆର୍ ଝିଜ୍‌ଏନା, ଆର୍ ଝତ ହଳ୍‌ଳାଃ କାଟାରେନାଃ ସିକ୍ଳି ରାଳାୟେନା ।

![](https://cdn.door43.org/obs/jpg/360px/obs-en-47-10.jpg)

ଇନା ତାୟମ୍ ଜେଲର୍,ବେରେଦ୍ ଏନାୟେ ,ଉନି ଞେଲ୍ କେଃଆୟେ ଜିହଲ୍ ରେନ୍ ଝତ ଦୁଆର୍ ଝିଈଜା କାନା । ଆଜ୍ ଉଇହାର୍ କେଃଆୟ ଝତ କୟେଦିକ ଞିର୍ ଚାବାୟେନା । ଆଜ୍ଃ ଉଡି ଜୁରେ ବତରେନା ଆର୍ ଗୁଜୁଃ ରେନାଃୟେ ଉଇହାର୍ କେଃଆ, ଚେଦାଃସେ ରମାନ୍ ଅଫିସର୍‌କ ଝତ କୟେଦି ଚାଲାୱ ହଚଆଃଦ୍ କଆୟେ ମେନ୍ତେ ଆଚ୍‌କ ଗଜେୟା! ଏନ୍‌ଖାନ୍ ପାଉଲ୍ ଞେଲ୍ କେଦେଆୟେ ଆର୍ ହୁରି କେଃଆୟେ,“ହାପେ! ଆଲମ୍ ଗୁଜୁଃଆ । ଆଲେ ନଣ୍ଡେ ମେନାଃଲେଆ ।”

![](https://cdn.door43.org/obs/jpg/360px/obs-en-47-11.jpg)

ଜିହଲ୍ ଖାନା ହରହୋଇଜ୍, ଥାର୍ ଥାରାୱ କାତେ ପାଉଲ୍ ଆର୍ ସିଲା ସୁର୍ ହେଜ୍ଃ କାତେ ମେତାଃଦ୍ କିନାୟେ,“ବାଞ୍ଚାୱ ବାଖ୍ରା ଚେଦ୍ଃଇଞ୍ କାମିଆ?” ପାଉଲ୍ ମେନ୍ ରୁଆଳ୍ କେଃଆୟେ,“ଯୀଶୁ ଗଙ୍କେଠେନ୍ ପାତିୟାୱଃ ମେ,ଏନ୍‌ଖାନ୍ ଆମ୍ ଆର୍ ଆମ୍‌ରେନ୍ ଆଳାଃ ହଳ୍ ବାଞ୍ଚାୱପେ ଞାମା।” ଇନା ତାୟମ୍ ଉନି ଜିହଲ୍ ଖାନା ହରହୋଇଚ୍ ପାଉଲ୍ ଆର୍ ସିଲା ଆଜାଃ ଅଳାଃୟେ ଇଦି କେଦ୍‌କିନା ଆର୍ ଆକିନାଃ ଘାୱ ସାଫା କେଃଆୟେ । ପାଉଲ୍ ଅନା ଅଳାଃରେନ୍ ଝତ ହଳ୍ ଭାଗେ ସମ୍ବାଦ୍ ଲାଇୟାଦ୍ କଆୟେ ।

![](https://cdn.door43.org/obs/jpg/360px/obs-en-47-12.jpg)

ଉନି ଜେଲର୍ ଆର୍ ଆଜାଃ ଅଳାଃରେନ୍ ଝତ ହଳ୍ ଯୀଶୁଠେନ୍ ପାତିଆୱ ଏନାକ, ଅନାତେ ପାଉଲ୍ ଆର୍ ସିଲା ଝତ ହଳ୍ ଡୁବାନ୍ କେଃ କଆକ । ଇନା ତାୟମ୍ ଜେଲର୍, ପାଉଲ୍ ଆର୍ ସିଲା ଜମାଃୟେ ଏମାଃଦ୍ କିନା,ଆର୍ ଆକ ସାୱଁତେ ରାସ୍କା ୟେନାକ ।

![](https://cdn.door43.org/obs/jpg/360px/obs-en-47-13.jpg)

ଆର୍ ଦସାର୍ ହିଲଃ ଅନା ନାଗାର୍‌ରେନ୍ ନାୟେକେ ପାଉଲ ଆର୍ ସିଲା ଜିହଲ୍ ଖନାଃ ଚାଲାୱ ହଚଆଦ୍ କିନାୟେ ଆର୍ ଫିଲିପ୍ ଖନ୍ ଞିର୍‌ବିନ୍ । ପାଉଲ୍ ଆର୍ ସିଲା ଲିଦିୟା ଆର୍ ଏଟାଃ ଗାତେକ ସାୱଁ ଞାପାମ୍ ଏନ୍ ତାୟମ୍ ଅନା ନାଗାର୍ କିନ୍ ବାଗି କେଃଆ । ଯୀଶୁଆ ଭାଗେ ସମ୍ବାଦ୍ କିନ୍ ପାସ୍ନାୱ କାମି ରେଗେକିନ୍ ତାହେଁୟେନା ଆର୍ ଗିର୍ଜା ଅଳାଃ ଜାସ୍ତି ଇଦିୟେନା ।

![](https://cdn.door43.org/obs/jpg/360px/obs-en-47-14.jpg)

ପାଉଲ୍ ଆର୍ ଏଟାଃ ବିଶ୍ୱାସୀ ନେତାକ ଉଡିଢେର୍ ନାଗାର୍‌କ ଚାଲାୱ ଏନା । ଆକ ହଳ୍‌କ ଯୀଶୁଆଃ ଭାଗେ ସମ୍ବାଦ୍ ଲାଇଆଦ୍ କଆକ ଆର୍ ଚେଦ୍ଃ କେଃ କଆକ । ମ ରେନ୍ ହଳ୍‌କ ରାସ୍କା ହଚ ଲାଗିଦ୍ ଉଡିଢେର୍ ଚିଠିକ ଅଲ୍ ଲେଦ୍ ତାହେଁଦ । ନଆ ଲିପି ଖନା ତିନାଃଗାନ୍ ବାଇବେଲ୍ ବେନାୱ ଏନା ।

*ସନତ୍ ପୁଥିୟାଃ କାହାନୀ: ଭେଜା ଆକାନ୍ ୧୬:୧୧-୪୦*

Audio: https://git.door43.org/OBS-TLF/mjx_obs/releases/download/v1/mjx_obs_v1_47_128kbps.m4a

## 48. ୪୮. ଯୀଶୁଗେ ବାଗ୍‌ୱାନ୍ ରେନ୍ ମାସିହା କାନାଏ

https://openbiblestories.org/l/mjx/story-48/

![](https://cdn.door43.org/obs/jpg/360px/obs-en-48-01.jpg)

ଈଶ୍ୱର୍ ବାବା ନଆ ଧାର୍ତି ବେନାୱ କେଃ ଜଖା ଝତଆ ଭାଗିଗେ ତାହେଁକାନା । କାଇ ବାଂ ତାହେଁକାନା । ଆଦମ୍ ଆର୍ ହବା ବାନାହଳ୍ କିନ୍ ଦୁପୁଲାଳ୍ କାନ୍ ତାହେଁଦ ଆର୍ ଈଶ୍ୱର୍ କିନ ଦୁଲାଳେ କାନ୍ ତାହେଁଦ୍ । ଅଣ୍ଡେ ଗୁଜୁଃ,ବେମାର୍ ବାଂ ତହେଁକାନା । ନଆଁ ଧାର୍ତି ନଙ୍କାଗେ ତହେଁନ୍ ମା ମେନ୍ତେ ଈଶ୍ୱର୍ ବାବାୟେ ଉଇହାର୍ ଲେ ତାହେଁଦ ।

![](https://cdn.door43.org/obs/jpg/360px/obs-en-48-02.jpg)

ଶୟତାନ୍ ବିଞ୍ ରୁପତେ ହେଜ୍‌କାତେ ହବା ସାଲାଃୟେ ରପଳ୍ ଏନା ଚେଦାଃସେ ହବାଗେ ଏଳେଆୟେ ମେନ୍ତେ ଇଛା ଲେଃଆୟେ । ଇନା ତାୟମ୍ ହବା ଆର୍ ଆଦମ୍ ଈଶ୍ୱର୍ ବିରାଦ୍ଧ୍‌ରେ କାଇ କେଃଆକିନ୍। ଚେଦାଃସେ ଆକିନ୍ କାଇ କେଃଆକିନ୍ ଆର୍ ନଆ ଧାର୍ତିରେନ୍ ଝତ ହଳ୍ ଗଜ୍ଃ ଏନାକ।

![](https://cdn.door43.org/obs/jpg/360px/obs-en-48-03.jpg)

ଝତଆ ବାଳିଜ୍ ଗେ ହୂଇୟେନା ଚେଦାଃସେ ଆଦମ୍ ଆର୍ ହବାକିନ୍ କାଇ ଲେଃଆ । ଆକିନ୍ ଈଶ୍ୱର୍ ବାବାଃ ବାଇରି କିନ୍ ହୁଇଯେନା । ଅନା ତାୟମ୍ ଝତ ହଳ୍ କାଇ କେଃଆକ । ଝତ ହଳ୍ ଜାନାମ୍ ଖନା ଈଶ୍ୱର୍ ବାବାହା ବାଇରିକ ହୁଇୟେନା । ହଳ୍ ଆର୍ ଈଶ୍ୱର୍ ତାଲାରେ ଆର୍ ରାସ୍କାଗେ ବାୟେ ତାହେଁୟେନା । ମେନ୍‌ଖନ୍ ଈଶ୍ୱର୍ ଦୁଲାଳ୍ ବେନାୱ ଇଛା ଲେଃଆୟେ।

![](https://cdn.door43.org/obs/jpg/360px/obs-en-48-04.jpg)

ଈଶ୍ୱର୍ କାଥା ଏମ୍ ଲେଃଆୟେ ହବାଇଜ୍ ବଂଶଖନ୍ ମିଡ୍‌ହଳ୍ ସୟେତାନ୍‌ଆ ବହ ଗେଜେରାୟେ ଆର୍ ସୟେତାନ୍ କାଟାରେ ଗେରେଆୟେ । ଭିନା କାଥାତେ ସୟେତାନ୍ ଯୀଶୁଗେ ଗଜେଃଆୟେ ମେନ୍‌ଖାନ୍ ଈଶ୍ୱର୍ ଆର୍‌ହଁ ଜୀବିତ୍ ବେରେଦ୍ ରୁଆଳେ ଆୟେ । ମାସି ଯାୟେଯୁଗ୍ ଲାଗିଦ୍ଃ ତେ ଦାଳେ ରେଜେଆୟେ । ଉଡି ସେର୍ମା ତାୟମ୍ ଈଶ୍ୱର୍ ବାବା ଯୀଶୁଗେ ଖ୍ରୀଷ୍ଟ ମେନ୍ତେ ଞେଲ୍ ହଚ କେଃ କଆୟେ ।

![](https://cdn.door43.org/obs/jpg/360px/obs-en-48-05.jpg)

ଈଶ୍ୱର୍ ବାବା ନହାକେ ଲାଉକା ବେନାୱେ ମେତାଃ ଦେୟା ଅଜାଃ ଆଳାଃରେନ୍ ହଳ୍ ଈଶ୍ୱର୍ ଆଗୁୟେଦ୍ଃ ଡୁବା ଦାଃଖନାଃ ବାଞ୍ଚାୱ ମାକ ମେନ୍ତେ । ନଙ୍କା ଲେକାତେ ଈଶ୍ୱର୍ ବାବା ଆଜ୍ଃ ଠେନ୍ ପାତିଆୱ ହଳ୍ ବାଞ୍ଚାୱେଦ୍ କଆ। ଠିକ୍ ଅନ୍ କାଗେ ଝତ ହଳ୍ କାଇଆଃ କାଃ ଖାତିର୍ ଈଶ୍ୱର୍ ଠେନ୍‌ଖନ୍ ଗୁଜୁଃ ଞାମ୍ ଯଗ୍ୟ ଏନାକ । ମେନ୍‌ଖାନ୍ ଈଶ୍ୱର୍ ଯୀଶୁ ଭେଜା କେଦେଆୟେ ଯେମନ୍ ଆଜ୍ଃଠେନ୍ ପାତିଆୱ ଝତ ହଳ୍ ବାଞ୍ଚାୱ କ ମାୟେ ।

![](https://cdn.door43.org/obs/jpg/360px/obs-en-48-06.jpg)

ଶାୟ ଶାୟ ସେର୍ମା ଯାଜକ୍ କ ଈଶ୍ୱର୍ ଠେନ୍ ଦାଣେକ ଏମଃକାନ୍ ତାହେଁଦଃ । ନଆଁ ହଳ୍‌କ ଞେଲ୍ ହଚ କେଃକଆୟେ ଦ ଆକ କାଇଆଃ କାଃକ ଆର୍ ଇଶ୍ୱରାଃ କୁଳାଇ ଞାମ୍ ଯୋଗ୍ୟ କାନାକ । ମେନ୍‌ଖାନ୍ ଅନା ଦାଣେକ ଆକଆଃ କାଇ ବାୟେ ଦାପାଲ୍ ଦାଳେୟାଃ ନା । ଯାଜକ୍ ଅକା ବାକ କରାୱ ଦାଳେୟାଃ ଅନା ଯୀଶୁ କରାୱ କେଃଆୟେ । ଆଜ୍ଃ ଆପ୍ନାର୍‌ ମିଃଟାଂ ଦାଣେ ଲେକାୟେ ସାମାଂ ଏନା ଆର୍ ଝତ ହଳ୍‌ଳାଃ କାଇ ଇଦି କେଃଆୟେ । ଆଜ୍ ଆଜାଃ କୁଳାଇ ଆପ୍‌ନାର୍ କେଃଆୟେ ଯାହାଁ ଆବଆଃ କାଇ ଖାତିର୍ ଆବ ଞାମ୍ ରେନାଃ ତାହେଁକାନା । ନଆଁ ଲେକାତେ, ଯୀଶୁ ମାରାଂ ଯାଜକ୍ ହୁଇ ଏନାୟେ ।

![](https://cdn.door43.org/obs/jpg/360px/obs-en-48-07.jpg)

ଈଶ୍ୱର୍ ଆବ୍ରାହାମେ ମେତାଃଦେୟା, “ଇଞ୍ ଆମ୍ ହତେତେ ଧାର୍ତିରେନ୍ ଝତ ଜାତ୍ ରେନ୍ ହଳ୍ ଆଶିଷ୍ କଆଞ୍ । ”ଯୀଶୁ ନୁଇ ଆବ୍ରାହାମ୍ ବଂଶ ରେନିଜ୍ଃ କାନାୟେ । ଈଶ୍ୱର୍ ଆବ୍ରାହାମ୍ ହତେତେ ଝତ ଜାତ୍ ରେନ୍ ହଳ୍‌କ ଆଶିଷାଃ କଆୟେ ଚେଦାଃସେ ଯୀଶୁଠେନ୍ ପାତିଆୱ ଝତ ହଳ୍ ଈଶ୍ୱର୍ ବାଞ୍ଚାୱ କଆୟେ । ନୁକୁ ହଳ୍ ଯୀଶୁଠେନ୍ ପାତିଆୱ ଲେନଖାନ୍ ଈଶ୍ୱର୍ ଆବ୍ରାହାମ୍ ଆଃ ବଂଶ ମେନ୍ତେ ଲେଖା କଆୟେ ।

![](https://cdn.door43.org/obs/jpg/360px/obs-en-48-08.jpg)

ଈଶ୍ୱର୍ ବାବା ଅବ୍ରାହମ୍ ମେତାଃ ଦେଆୟେ ଆମ୍ ହପନ୍ ଇଶାକ୍ ଇଞ୍‌ଠେନ୍ ଦାଣେ ଏମେମେ । ମେନ୍‌ଖାନ୍ ଇନା ତାୟମ୍ ଈଶ୍ୱର୍ ଆବ୍ରାହାମ୍‌କେ ଇଶାକ୍ ବଦଲ୍‌ତେ ଭେଡାୟେ ଯୋଗାୱା ଦେଆୟେ । ଆବଦ ଆବଆଃ କାଇ ଖାତିର୍ ଗୁଜୁଃରେନାଃ ଯୋଗ୍ୟ କାନାବ ମେନ୍‌ଖାନ୍ ଈଶ୍ୱର୍ ଆବ ଜାୟେଗାରେ ଯୀଶୁଈ ଗଜ୍ଃ ହଚ କେଦେୟା । ଅନା ଖାତିର୍ ଯୀଶୁଗେ ଭେଡା ହପନ୍ ବ ମେତାଃୟେ କାନାଁବ ।

![](https://cdn.door43.org/obs/jpg/360px/obs-en-48-09.jpg)

ମୁଚାଦଃ ମହାମାରି ଇଶ୍ରାଏଲ୍‌ତେ ଭେଜାକେଦ୍ଃ ଖାନ୍ ଈଶ୍ୱର୍ ଈଶ୍ରାଏଲ୍ ରେନ୍ ଝତ ଅଳାଃଖନାଃ ମିଃଟାଂ ମିଃଟାଂ ଭେଡାହପନ୍ ଦାଣେଁ ଏମଃ ମେତାଃଦ୍ କଆୟେ । ଉନି ଭେଡା ହପନ୍ ଚେଦ୍‌ହଁ ଯେମନ୍ ବାୟେ ଗାଲ୍‌ତି କାଃ । ଭେଡା ହପନା ମାୟାମ୍ ଇଶ୍ରାଏଲ ହଳ୍‌କ ଦୁଆରରେ ଲାଗାୱ ହଚ କେଃଦ୍ କଆୟେ । ଈଶ୍ୱର୍ ବାବା ଇସ୍ରାଏଲ୍ ହଳ୍‌କଆଃ ଦୁଆର୍ ରେ ମାୟାମ୍ ଞେଲ୍ କେଃ ଖାନ୍ ଆକଆଃ ପୁଇଲୁ ହପନ୍ ବାଂ ଗଜ୍ଃକାତେ ପାରମ୍ ଏନାୟେ । ନଆଁ ହୁଇୟେନ୍ ତାୟମ୍ ଈଶ୍ୱର୍ ବାବା ନଆରେୟାଃ ଞୁତୁମ୍ ବାଞ୍ଚାୱ ଞାମ୍‌ରେନାଃ ପାରାବ୍ ଞୁତୁମ୍ କେଃଆୟେ।

![](https://cdn.door43.org/obs/jpg/360px/obs-en-48-10.jpg)

ଯୀଶୁଦ ବାଞ୍ଚାୱ ଞାମ୍ ରେନାଃ ପାରାବ୍ ରେନ୍ ମିଃଟାଂ ଭେଡା ହପନ୍ ଲେକାଗେ । ଆଜ୍ଃ ଚେଦ୍‌ହଁ ବାୟେ କାଇ ଲେଃଆ ଆର୍ ବାଳିଜ୍ ବାୟେ କାମି ଲେଃଆ । ଯୀଶୁ ବାଞ୍ଚାୱ ଞାମ୍ ପାରାବ୍ ମାଣାଂତେ ଗଜ୍ଃ ଏନାୟେ । ଯାହାଁୟେ ଯୀଶୁ ଠେନ୍ ପାତିଆୱ ଆୟେ ଉନିଆ କାଇରେନାଃ କୁଳାଇ ଦ ଯୀଶୁଗେ ହାଲା ଆୟେ । ଉନି ହଳ୍ ଯୁଦି ଈଶ୍ୱର୍ ବାବା ଠେନ୍‌ଖନ୍ ପାରମ୍ ଏନାୟେ ଆଦ ଆଜ୍ଃ କେ ତିସ୍‌ରେହଁ ବାୟେ ଚେକାୟା ।

![](https://cdn.door43.org/obs/jpg/360px/obs-en-48-11.jpg)

ଈଶ୍ୱର୍ ବାବା ଇସ୍ରାଏଲ୍ ହଳ୍ ସାଲାଃ ବାଗ୍‌ୱାନ୍ ଲେଃଆୟେ ଚେଦାଃସେ ଆଜ୍‌ଠେନ୍ ତାହେଁନ୍ ବାଖ୍ରା ଈଶ୍ୱର୍ ବାବା ସାଲା ଲେଦ୍ଃ କଆୟେ । ମେନ୍‌ଖାନ୍ ଈଶ୍ୱର୍ ନିତଃ ମିଦ୍ଃ ନାୱା ବାଗ୍‌ୱାନ୍ ଝତ ହଳ୍ ଖାତିରେ ବେନାୱ କେଃଆ । ଯୁଦି ଅକୟେ ନଆଁ ନାୱା ନିୟମ୍ ସାବ୍ କେଃଆୟେ, ଉନିଗେ ଇଶ୍ୱରାଃ ହଳେ ହୁୟୁଆଃ । ଈଶ୍ୱର୍ ନଙ୍କାଗେ କରାୱାୟେ ଚେଦାଃସେ ଉନି ହଳ୍ ଯୀଶୁଠେନ୍ ପାତିଆୱ ଏନାୟେ ।

![](https://cdn.door43.org/obs/jpg/360px/obs-en-48-12.jpg)

ମୋଶା ମିଃଟିଜ୍ ନାବି ତାହେଁ କାନାୟେ, ଯାହାୟେଁ ଉଡି କେଟେଜ୍‌ତେ ଇଶ୍ୱରାଃ କଥାୟେ ସଦରେଃ ତାହେଁଦ । ମେନ୍‌ଖାନ୍ ଯୀଶୁ ଝତଖନ୍ ମାରାଂ ନାବି ହୁଇ ଏନାୟେ । ଯିଶୁ ଈଶ୍ୱର୍ ତାହେଁ କାନାୟେ,ଅନାତେ ଆଜ୍ଃ ମେନ୍‌ଆ କାଃଆ ଆର୍ କାମିଆ କାଃଆ ଝତ ଜିନିଷ୍ ଇଶ୍ୱରା କାଥା ଆର୍ ଇଶ୍ୱରାଃ କାମି ତାହେଁକାନା । ଅନାତେ ଶାସ୍ତର୍ ମେନେଃଆ ଯୀଶୁଗେ ଇଶ୍ୱରାଃ ଆଳାଂ କାନାଏ ।

![](https://cdn.door43.org/obs/jpg/360px/obs-en-48-13.jpg)

ଈଶ୍ୱର୍ ଦାଉଦ୍ କାଥା ଏମାଃ ଲେଦେଆୟେ ଦ ଆଜାଃ ବଂଶଖନ୍ ଜାନାମ୍ ମିଡ୍‌ହଳ୍ ଇଶ୍ୱରା ହଳ୍ ଚେତାନ୍‌ରେ ଯାୟେଯୁଗେ ରାଆଜା । ଯୀଶୁଦ ହୁୟୁ କାନାୟେ, ଈଶ୍ୱର୍ ହପନ୍ ଆର୍ ମାସିହା,ଅନାତେ ଉନିଦ ଦାଉଦ୍ ବଂଶ କାନାୟେ ଯାହାୟେଁ ଯାୟେଯୁଗେ ରାଜ୍ ଦାଳେୟାଃ ।

![](https://cdn.door43.org/obs/jpg/360px/obs-en-48-14.jpg)

ଦାଉଦ୍ ଇଶ୍ରାୟେଲ୍ ରେନ୍ ମିଟାଂ ରାଜା ତାହେଁ କାନାୟେ,ମେନ୍‌ଖାନ୍ ଯୀଶୁଦ ଝତ ଧାର୍ତିରେନ୍ ରାଜା କାନାୟେ! ଆଜ୍ଃ ହେଜ୍ଃ ରୁଆଳଃ ଆୟେ, ହେଜ୍‌କାତେ ଭାଗି ଆର୍ ରାସ୍କାଗେ ଯାୟେଯୁଗ୍ ରାଆଜାଏ ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୧-୩, ୬, ୧୪, ୨୨; ଉଡୁକ୍ ସେନଃ ପୁଥି ୧୨, ୨୦; 2 ସାମୁଏଲ୍ ୭; ଏବ୍ରୀ ୩:୧-୬, ୪:୧୪-୫:୧୦,୭:୧-୮:୧୩, ୯:୧୧-୧୦:୧୮; ସଦରଃକାନ ପୁଥି ୨୧*

Audio: https://git.door43.org/OBS-TLF/mjx_obs/releases/download/v1/mjx_obs_v1_48_128kbps.m4a

## 49. ୪୯. ଇଶ୍ୱରାଃ ନାମା ନିୟମ୍

https://openbiblestories.org/l/mjx/story-49/

![](https://cdn.door43.org/obs/jpg/360px/obs-en-49-01.jpg)

ମିଃଟାଂ ଦୁତ୍, ଡାଙ୍ଗୁଆ କୁଳି ମାରିୟାମ୍ ମେତାଃ ଦେଆୟେ ଦ ଆଜ୍ଃ ମିଃଟାଂ ଈଶ୍ୱର୍ ହପନ୍ ଜାନାମେ ଆୟେ । ମାରିୟାମ୍ ଡାଙ୍ଗୁଆଗେ ତାହେଁ କାନାୟେ,ମେନ୍‌ଖାନ୍ ସନତ୍ ଆତ୍ମା ଆଜ୍ଃଠେନ୍ ହେଜ୍ ଏନାୟେ ଆର୍ ମାରିୟାମ୍ ହାମାଲ୍ ହଳ୍ମ ରେୟାଃ ଆଶିଷ୍ ଏମାଃଦେଆୟେ । ମାରିୟାମ୍ ମିଃଟାଂ କଳା ଗିଦିରାୟେ ଜାନାମ୍ କେଦେଆ ଆର୍ ଯୀଶୁଈ ଞୁତୁମ୍ କେଦେୟା । ଅନା ଖାତିର୍, ଯୀଶୁ ଦ ବାନାର୍ ଈଶ୍ୱର୍ ଆର୍ ହଳ୍ କାନାୟେ ।

![](https://cdn.door43.org/obs/jpg/360px/obs-en-49-02.jpg)

ଆଜ୍ଃ ଈଶ୍ୱର୍ କାନାୟେ ମେନ୍ତେ ଞେଲ୍ ହଚ ଖାତିର୍‌ତେ ଯୀଶୁ ଉଡି ଢେର୍ ହାହାଳା କାମି କରାୱ ଲେଦ୍ ତାହେଁଦଃ । ଯୀଶୁ ଦାଃ ଚେତାନ୍‌ତେ ତାଳାମ୍ ଲେଃଆୟେ ଆର୍ ହୟେ ଦାଃ ଥିର୍ ହଚଃ ଲେଃଆୟେ । ଯୀଶୁ ଉଡିଢେର୍ ବେମାର୍ ହଳେ ବୁଗି ଲେଦ୍ କଆ ଆର୍ ବଙ୍ଗାକୟେ ଲାଗା ଲେଃଦ୍‌କଆ । ଆଜ୍ଃ ଗଜ୍ ହଳେ ବାଞ୍ଚାୱ ଲେଦ୍ କଆୟେ, ଆର୍ ମଣେ ଗଟାଂ ପିଠା ଆର୍ ବାରେୟା ହାକୁ କୁଟିତେ ମଣେ ହାଜାର୍ ହଳ୍ ଲାଜ୍ ପେରେଜ୍ ଜମାଃ ବେନାୱ ଲେଃଆଏ।

![](https://cdn.door43.org/obs/jpg/360px/obs-en-49-03.jpg)

ଯୀଶୁ ଉଡି ମାରାଂ ମାଚେଦ୍ଃ ତାହେଁ କାନାୟେ । ଯୀଶୁ ଝତଆଃ ଆଡି ଭାଗିୟେ ଚେଦେଃଦ୍ କ ତାହେଁଦଃ । ହଳ୍‌କ ଅନା କାଥା ଆଞମ୍ ରେନାଃ ଉଚିତ୍ ଚେଦାଃସେ ଆଜ୍ ଈଶ୍ୱର୍ ହପନ୍ ତାହେଁ କାନାଏ । ଉଦାହରଣ୍ ଲେକାତେ,ଆପେ ନିଜ୍ ଲେକାଗେ ଏଟାଃ ହଳ୍‌ହଁ ଦୁଲାଳ୍ କପେ ମେନ୍ତେ ଚେଃଦେଦ୍ କ ତାହେଁଦଃ ।

![](https://cdn.door43.org/obs/jpg/360px/obs-en-49-04.jpg)

ଆପେ ଠେନ୍ ମେନାଃ ଝତ ଜିନିଷ୍ ଖନାଃ ଈଶ୍ୱର୍ ଆଡିତେଦ୍ଃ ଦୁଲାଳେପେ ମେନ୍ତେ ଯୀଶୁ ଚେଃଦାକ ତାହେଁଦ ।

![](https://cdn.door43.org/obs/jpg/360px/obs-en-49-05.jpg)

ଯୀଶୁ ମେନ୍ ଲେଃଆୟେ,ନଆ ଧାର୍ତିରେ ଯାହାଁନାଃ ମେନାଃ ବଦଲ୍‌ତେ ସେର୍ମାରେ ତାହେଁନ୍ ଗେ ଭାଗିୟା । ସେର୍ମା ଦିଶମ୍ ବଲନ୍ ଲାଗିଦ୍ ଆପେକେ ଈଶ୍ୱର୍ ବାବା ନିହାତି ବାଞ୍ଚାୱ ପେଆଏ।

![](https://cdn.door43.org/obs/jpg/360px/obs-en-49-06.jpg)

ଯୀଶୁଈ ମେନ୍‌କେଃଆ ତିନାଃଗାନ ହଳ୍ ଆଜାଃ କାଥାକ ଆଞମା । ଈଶ୍ୱର୍ ବାବା ନୁକୁ ହଳ୍ ବାଞ୍ଚାୱ କଆୟେ ଯୁଦିଓ ଏଟାଃ ହଳ୍ ହିର୍‌କା କଆକ । ଯୀଶୁ ଆର୍‌ହଁ ମେନ୍ ଲେଃଆୟେ,ତିନାଃଗାନ ହଳ୍ ଭାଗି ହାସା ଲେକାଗେ । ଚେଦାଃସେ ଆକ ଯୀଶୁଆଃ କାଥାକ ଆଞମା ଆର୍ ଈଶ୍ୱର୍ ଆକ ବାଞ୍ଚାୱ କଆୟେ । ଯୁଦିଓ ଏଟାଃ ହଳ୍‌କ ହର୍ ଚେତାନ୍ ରେନା କେଟେଜ୍ ହାସାରେ ଞୁଊରା କାନ୍ ଇତା ଲେକାଗେ । ଇଶ୍ୱରାଃ ଆଳାଂଦ ହର୍ ଚେତାନ୍‌ରେ ଞୁରାକାନ୍ ଜାଂ ଲେକାଗେ ମେନ୍‌ଖାନ୍ ଅକାହଁ ବାୟେ ଦାରେଃଆ । ନୁକୁ ହଳ୍ ଯୀଶୁଆଃ କାଥା ବାକ ଆଞମା । ଆକ ଯୀଶୁଆଃ ସେର୍ମା ରାଜ୍‌ତେ ବଲନ୍ କ ମାନାୟାଁ ।

![](https://cdn.door43.org/obs/jpg/360px/obs-en-49-07.jpg)

ଈଶ୍ୱର୍ ବାବା କାଇ ହଳ୍ ଜାସ୍ତି ଦୁଲାଳ୍ କଆୟେ ଯୀଶୁ ସିକ୍-ନାତ୍ ଏ ଏମାକ ମେନ୍ତେ ମେନେଦ୍ ତାହେଁଦଃ । ଆଜ୍ କାଇଖନାଃ ଇକା କାତେ ଆଜ୍ଃରିନ୍ ଗିଦ୍ରା ବେନାୱ କଆୟେ ମେନ୍ତେ ଇଛାୟେଦ୍ ତାହେଁଦଃ ।

![](https://cdn.door43.org/obs/jpg/360px/obs-en-49-08.jpg)

ଈଶ୍ୱର ବାବା କାଇ ହିର୍କାହାୟେ ମେନ୍ତେ ଯୀଶୁ ଆବ ମେତାଃ ଲେଃଦ୍ ବଆୟେ । ଚେଦାଃସେ ଆଦମ୍ ଆର୍ ହବା କାଇ କେଃଆକିନ୍ , ଆକିନ୍ ରିନ୍ ଝତ ବଂଶକ ହଁକ କାଇ କେଃଆ । ଧାର୍ତିରିନ୍ ଝତ ହଳ୍ କାଇଆଃ କାଃକ ଆର୍ ଈଶ୍ୱର୍ ବାବାଖନ୍ ସାଙ୍ଗିଞ୍ ରେ ହେନାଃ କଆ । ଝତ ହଳ୍‌ଗେ ଇଶ୍ୱରିନ୍ ମିମିଟାଂ ବାଇରି ।

![](https://cdn.door43.org/obs/jpg/360px/obs-en-49-09.jpg)

ମେନ୍‌ଖାନ୍ ଈଶ୍ୱର୍ ବାବା ନଆଁ ଲେକାତେ ଧାର୍ତିରେନ୍ ଝତ ହଳେ ଦୁଲାଳ କେଃ କଆ: ଅକୟେ ଯିଶୁଠେନ୍ ପାତିୱାୟେ ଈଶ୍ୱର୍ ବାବା ଉନିକେ ଚେଦ୍‌ହଁ ବାୟେ ଚିକାୟେୟା ମେନ୍ତେ ଆଜିଜ୍ଃ ଏକେଲା ହପନ୍ ଏମ୍ କେଦେଆୟେ । ବଦଲ୍‌ତେ ଝତ ହଳ୍ ଆଜ୍ଃ ସାଲାଃ ଯାୟେଯୁଗ୍ ତାହେଁନ୍ ମାକ ।

![](https://cdn.door43.org/obs/jpg/360px/obs-en-49-10.jpg)

ଆପେଦ ଗୁଜୁଃରେନା ଯୋଗ୍ୟ ଚେଦାଃସେ ଆପେ କାଇକାଃଆପେ । ନଆଁ ଠାଉକାକାନା ଈଶ୍ୱର୍ ଆପେ ଶାସେତ୍ ପେଆୟେ । ମେନ୍‌ଖାନ୍ ଯୀଶୁ ଆବଆଃ କାଇ ବଦଲ୍‌ତେ ଆଜ୍ଃ ଶାସେତ୍ ଞାମ୍ କେଃଆଏ । ଈଶ୍ୱର୍ ଯୀଶୁଈ କୁରୁଶ୍‌ରେ ଗଜ୍ଃ କାତେ ଶାସେତ୍ କେଦେଆୟେ।

![](https://cdn.door43.org/obs/jpg/360px/obs-en-49-11.jpg)

ଯୀଶୁ ତିସ୍‌ରେହଁ ବାୟେ କାଇ ଲେଃଆ । ଯୀଶୁ ହାରକେତ୍ ହୟେ ସାହାୱ କେଃଆ ଅନ୍‌କାତେ ଉଡି ବାଂ ଠିକ୍ ଗୁଜୁଃ ହଁୟେ ଆପ୍‌ନାର୍ କେଃଆ । ନଆଁ ଲେକାତେ ଆପେୟାଃ କାଇ ଆର୍ ନଆଁ ଧାର୍ତିରେନ୍ ଝତ ହଳ୍‌ଳାଃ କାଇ ଇଦି ଖାତିର୍ ଯୀଶୁ ପୁରା ଭାଗି ଦାଣେଁ ତାହଁ କାନାୟେ । ଯୀଶୁ ଆଜ୍ଃ ସୟଂ ଦାଣେଁ ହିସାବ୍‌ତେ ଈଶ୍ୱର୍ ଠେନ୍ ସଦର୍ ଏନାଏ। ଈଶ୍ୱର୍ ଯେମନ୍ ହଳ୍‌କ ଯାହାଁ ଲେକାନ୍ କାଇରେହଁ ଇକା କମାୟେ, ଯାହାଁୟେ ଯୀଶୁଠେନ୍ ପାତିଆୱଃ ଆୟେ ।

![](https://cdn.door43.org/obs/jpg/360px/obs-en-49-12.jpg)

ଯୁଦି ଆପେ ଉଡିଢେର୍ ଭାଗିପେ କାମିୟା,ଏନ୍ତେରେହଁ ନଆଁ କାମି ଆପେ ବାୟେ ବାଞ୍ଚାୱ ଦାଳେଆଃ ପେୟା । ଈଶ୍ୱର୍ ସାଲାଃ ପେଳାଃ ଦାଳେଃ ଲେକାନ୍ ଜିନିଷ୍‌ଗେ ନଆଁ ଧାର୍ତିରେ ବାନୁଃଆନା । ବଦଲ୍‌ତେ ଯୀଶୁ ଦ ଈଶ୍ୱର୍ ହପନ୍ କାନାୟେ, ଆପେ ଖାତିର୍ କୁରୁଶ୍ ଚେତାନ୍‌ରେ ଗଜ୍ଃଆ କାନାୟେ ଆର୍ ଈଶ୍ୱର୍ ଗୁଜୁଃଖନାଃ ବେରେଦ୍ ରୁଆଳ୍ କେଦେଆୟେ । ଯୁଦି ଆପେ ନଆପେ ପତିଆୱା, କାଇ କାଃ ରେହଁ ଈଶ୍ୱର୍ ବାବା ଇକାୟେ ଏମାଃପେୟା ।

![](https://cdn.door43.org/obs/jpg/360px/obs-en-49-13.jpg)

ଅକୟେ ଯୀଶୁଠେନ୍ ପାତିଆୱ ଆର୍ ଆଜ୍ଃ ମାଚେଦ୍ଃ ଲେକାୟେ ମାନାୱୟା ଈଶ୍ୱର୍ ବାବା ଉନ୍‌କୁ ଝତ ବାଞ୍ଚାୱ କଆୟେ । ମେନ୍‌ଖାନ୍ ଅକୟେ ଯୀଶୁଠେନ୍ ବାୟେ ପାତିୱଆ ଈଶ୍ୱର୍ ବାବା ଉନ୍‌କୁ ବାୟେ ବାଞ୍ଚାୱ କଆ । ନଆଁ ସାଲାଃ ଚେଦ୍‌ହଁ ବାଂଆ,ଯୁଦି ଆମ୍ କିଶାଣ୍ ବାଂ ରେଙ୍ଗେଜ୍ ,କଳା ବାଂ କୁଳି,ହାଳାମ୍ ବାଂ ବୁଢୀ ଆର୍ ଯାହାଁ ରେଗେମ୍ ତାହେନ୍ । ଯୀଶୁଠେନେମ୍ ପାତିଆୱ ଖାନ୍ ଈଶ୍ୱର୍ ବାବା ଦୁଲାଳ୍ ମେଆୟେ ,ପାନ୍ତେ ମେଆୟେ ଆର୍ ଆମିଜ୍ଃ ଗାତେ ହୁୟୁଃଆଏ।

![](https://cdn.door43.org/obs/jpg/360px/obs-en-49-14.jpg)

ଆଜ୍‌ଠେନ୍ ପାତିଆୱ ପେ ଆର୍ ଡୁବାନଃପେ ମେନ୍ତେ ଯୀଶୁ ଆପେ ହହଆଃ ପେ କାନାୟେ । ଯୀଶୁଗେ ମାସିହା ଆର୍ ଇଶ୍ୱରିଜ୍ ଏକେଲା ହପନ୍ ମେନ୍ତେ ଆପେପେ ପାତିଆୱ କାନାସେ? ଆପେ ପାପି ଆର୍ ଆପେୟ କାଇ ଖାତିର୍ ଶାସେତ୍ ଞାମ୍ ଯୋଗ୍ୟ ମେନ୍ତେପେ ପାତିୟାୱଃ କାନାତ ? ଯୀଶୁ ଆପେୟାଃ କାଇ ଇଦି ଖାତିର୍ କୁରୁଶ୍ ଚେତାନ୍‌ରେ ଗଜ୍ଃଆ କାନାୟେ ମେନ୍ତେ ପାତିୟାୱଃ କାନାପେତ?

![](https://cdn.door43.org/obs/jpg/360px/obs-en-49-15.jpg)

ଯୁଦି ଆପେ ଯୀଶୁଠେନ୍ ପାତିଆୱ ଆପେ ଆର୍ ଆପେ ଖାତିରେ ଗଜ୍ଃଏନା ତବେଖାନ୍ ଆପେ ଆଜାଃ ଚେଲାପେ ହୁୟୁଆଃ! ଶୟତାନ୍ ଞୁତ୍‌ରେ ଦହକାତେ ଆପେ ଚେତାନ୍‌ରେ ଆର୍ ବାୟେ ରାଜ୍ ଦାଳେୟାଃଆ । ନିତଃ ଈଶ୍ୱର୍ ଆଲେରେ ଦହକାତେ ଆପେ ଚେତାନ୍‌ରେ ରାଆଜାୟେ । ଈଶ୍ୱର୍ ବାବା ଆପେ କାଇରେୟାଃ ଦାଳେ ଏମାଃ ପେଆୟେ ଯାହାଁ ମାଣାଂ ଖନାଃ କାମିଃଆପେ । ଆଜ୍ଃ ବାଞ୍ଚାୱ ରେନାଃ ନାୱା ହର୍ ଏମାଃ ପେଆଏ ।

![](https://cdn.door43.org/obs/jpg/360px/obs-en-49-16.jpg)

ଯୁଦି ଆପେ ଯୀଶୁଆ ପାପାଞା ହଳ୍ କାନାପେ, ତବେ ଯୀଶୁ ଯାହାଁ କାମି କାଃ ,ଅନା ଖାତିର୍ ଆପେକେ କାଇଖନାଃ ଇକାୟେ ଏମାଃ ପେୟା । ନିତଃଦ ଆପେଗେ ବାଇରି ବାଂକାତେ ମିଃଟାଂ ବୁଗିନ୍ ପେଳା ଲେକାୟେ ଗୁନ୍‌ତି କାଃ ପେଆଏ ।

![](https://cdn.door43.org/obs/jpg/360px/obs-en-49-17.jpg)

ଯୁଦି ଆପେ ଈଶ୍ୱର୍ ବାବା ପେଳା ଆର୍ ଯୀଶୁ ଗମ୍ କେ ସେବକ୍ କାନାପେ, ଆପେ ଯୀଶୁ ଯାହାଁ ଚେଃଦ୍ କାଃ ପେଆୟେ ଅନା କାମି ଲାଗିଦ୍ ହୁଦିସାପେ । ଯୁଦି ଆପେ ଯୀଶୁ ପାଞାଇଜ୍ ହଳ୍ କାନାପେ ତବେ, ଶୟତାନ ଆପେକୋ କାଇ ହଚପେ ଲାଗିଦ୍ ଲୁଭାୱ ପେଆୟେ । ମେନ୍‌ଖାନ୍ ଈଶ୍ୱର୍ ବାବା ଯାହାଁୟେ ଲାଇଆ ସାରାବେଳେ ଅନାଗେ କାମିୟାୟ । ଆଜ୍ଃ ମେନାଃ କାଃୟେ ଯୁଦି ଆପେ କାଇପେ ସାମାଂଆ ଆଜ୍ଃ ଆପେୟା କାଇ ସାଫାୟେ ତାପେୟା। ଆଜ୍ଃ କାଇ ବିରୂଧତେ ଲାଢାଇ ଖାତିର୍ ଦାଳେ ଏମାଃ ପେଆଏ ।

![](https://cdn.door43.org/obs/jpg/360px/obs-en-49-18.jpg)

ଈଶ୍ୱର୍ ଅପେ ମେତାକାଃ ପେଆୟେ ବିନ୍ତିଈପେ ଆର୍ ଇଶ୍ୱରାଃ ଆଳାଂ ପାଳ୍‌ହାୱପେ । ଯୀଶୁ ଆଜାଃ ପାତିଆୱ ସାଲାଃତେ ମେସା କାତେ ଇଞ୍ ସାର୍‌ହାଇଞ୍ ପେ । ଯୀଶୁ ଆପେ ଖାତିର୍ ଯାହାଁ କାମିଆଃ କଃୟେ ଅନାକ ଏଟାଃ ହଳ୍ ନିହାତି ଲାଇଆ କପେ । ଯୁଦି ଆପେ ନଙ୍କାପେ କାମିଆ ତବେଖାନ୍ ଆପେ ଆଜାଃ କେଟେଜ୍ ଗାତେପେ ହୁୟୁଃଆ ।

*ସନତ୍ ପୁଥିୟାଃ କାହାନୀ: ସିର୍ଜନ୍ ପୁଥି ୩; ମାଥିଉ୧୩-୧୪; ମାର୍କ ୧୦:୧୭-୩୧; ଲୁକ୍ ୨; ୧୦:୨୫-୩୭; ୧୫; ଯୋହନ୍ ୩:୧୬; ରୋମିରେଆଃ ୩:୨୧-୨୬, ୫:୧-୧୧; ୨କରନ୍ତିଆଃ ୫:୧୭-୨୧; କଲୋସିଆଃ ୧:୧୩-୧୪; ୧ଯୋହନ୍ ୧:୫-୧୦*

Audio: https://git.door43.org/OBS-TLF/mjx_obs/releases/download/v1/mjx_obs_v1_49_128kbps.m4a

## 50. ୫୦. ଯୀଶୁ ହେଜ୍ଃ ରୁଆଳ୍ ଏନାଏ

https://openbiblestories.org/l/mjx/story-50/

![](https://cdn.door43.org/obs/jpg/360px/obs-en-50-01.jpg)

ବାର୍ ହାଜାର୍ ବଛର୍ ହୁଇୟେନା ହଳ୍‌କ ଯିଶୁ ମାସିଆ ଲାଗିଦ୍‌ତେ ଭାଗେ ସମ୍ବାଦ୍ ଆଞମ୍ ଆଗୁୟାକ । ଗିର୍ଜା ହଁ ଜାସ୍ତି କାନା । ଯୀଶୁ ଧାର୍ତିରେୟା ମୁଚାଦ୍‌ରେ ହେଜୁଃଆୟେ ମେନ୍ତେ କାଥା ଏମ୍ ଲେଃଆୟେ । ଯୁଦିଓ ଆଜ୍ଃ ନିତ୍ ଧାବିଜ୍ ବାୟେ ହେଜ୍‌ଆ କାନାୟେ,ତଥାପି କାଥା ଦହଆ କାଃୟେ ।

![](https://cdn.door43.org/obs/jpg/360px/obs-en-50-02.jpg)

ଯେମନ୍ ଆବ ଯୀଶୁଆଃ ହିଜୁଃ ହର୍ ତାଙ୍ଗିରେ ମେନାଃବଆ, ଈଶ୍ୱର୍ ବାବାହାଃ ସାନା ଲେକା ଆପେ ସନତ୍ ଆର୍ ଈଶ୍ୱର୍ ସମ୍ମାନ୍ କାତେ ବାଞ୍ଚାୱ ତାହେଁନ୍‌ପେ । ଆଜାଃ ସାନା ଆର୍ ଆଜାଃ ରାଜ୍ଃ ବିଷୟେତେ ଏଟାଃ ହଳ୍‌କ ହଁ ଲାଇଆ କପେ । ତିନଜଖାଃ ଯୀଶୁ ନଆ ଧାର୍ତିରେ ତାହେଁ କାନାୟେ, ଉନ୍‌ଜଖାଃ ମେନ୍ ଲେଃଆୟେ “ଇଞ୍‌ରେନ୍ ଚେଲାକ ଧାର୍ତିରେନାଃ ଝତ ଜାୟେଗାରେ ଇଶ୍ୱରାଃ ଦିଶମ୍ ଖାତିର୍‌ତେ ଭାଗେ ସମ୍ବାଦ୍ ପାଷ୍ନାୱାକ ଆର୍ ଇନା ତାୟମ୍ ମୁଚାଦଃଆ ।

![](https://cdn.door43.org/obs/jpg/360px/obs-en-50-03.jpg)

ଉଡିଢେର୍ ଜାତିନ ହଳକ ନିତ୍ ଧାବିଜ୍ ଯୀଶୁଆଃ କାଥା ବାକ ଆଞମା କାଃ । ଯୀଶୁ ସେର୍ମା ଚାଲାଃ ମାଣାଂତେ ଚେଲାକକେ ମେତାଃଦ୍ କଆୟେ ଆପେ ଅକୟେକ ବାକ ଆଞମା କାଃ ଉନ୍‌କୁ ଭାଗେ ସମ୍ବାଦ୍ ଆଞମ୍ ହଚକପେ । ଯୀଶୁ ଚେଲାକ ମେତାଃଦ୍ କଆୟେ,“ଦୁ ଚାଲାୱ କାତେ ଝତ ଗୁଷ୍ଟିରେନ୍ ହଳ୍ ଚେଲା ବେନାୱ କପେ”ଆର୍ ବାଦ୍ ଇର୍‌ରେନାଃ ବେଳା ହୁଇୟେନା।”

![](https://cdn.door43.org/obs/jpg/360px/obs-en-50-04.jpg)

ଯୀଶୁ ଆର୍‌ହଁ ନଆୟେ ମେନାଃକା ମିଃଟାଂ ଗୁତି ଆଜାଃ କିଶାଣ୍ ଖନ୍ ମାରାଂ ଦ ବାଂଗ କାନାୟେ। ନଆଁ ଦିଶମ୍ ରେନ୍ ମାରାଂ ହଳ୍ ଇଞ୍‌କ ହିର୍କାଞା, ଆକ ଇଞ୍‌ଖାତିର୍ ହୟେରାଣ୍ ପେଆକ ଆର୍ ଗଜ୍ଃ ପେଆକ । ନଆଁ ଦିଶମ୍ ରେ ଆପେ ଦୁଃଖ୍‌ପେ ଞାମା, ମେନ୍‌ଖାନ୍ ଆପେ କେଟେଜଃ ପେ, ଚେଦାଃସେ ଇଞ୍ ଶୟତାନ୍ ହରାୱା କାଦେୟାଞ୍ ଯାହାୟେଁ ନଆଁ ଧାର୍ତି ଶାସେତେଃ ଆୟେ। ଯୁଦି ଆପେ ମୁଚାଦ୍ ଧାବିଜ୍ ଇଞ୍‌ଠେନ୍ ପାତିୟାୱ ରେଗେପେ ତହେଁନା ତବେଖାନ୍ ଈଶ୍ୱର୍ ଆପେ ବାଞ୍ଚାୱ ପେଆ ।

![](https://cdn.door43.org/obs/jpg/360px/obs-en-50-05.jpg)

ଧାର୍ତି ମୁଚାଦରେ ହଳ୍‌କୱାଃ ଅବସ୍ଥା ଚେଦ୍ ଚିକାୱା ଅନା ବୁଝାୱକ ଲାଗିଦ୍ ଯୀଶୁ ଆଚ୍‌ରେନ୍ ଚେଲା ମିଃଟାଂ କାହାନୀ ଲାଇଆଦ୍ କଆୟେ । ଯୀଶୁ, ମେନ୍ କେଃଆୟେ,“ମିଦଃହଳ୍ ଆଜାଃ ବାଦ୍‌ରେ ବୁଗିନ୍ ଜାଂ ଏର୍ କେଃଆୟେ । ଆଜ୍ ଗିତିଜ୍ଃ କାନ୍ ବେଳାରେ ଆଜିଜ୍ ବାଇରି ହେଜ୍ଃକାତେ ତାସାଦ୍ ଜାଂ ଏର୍ ହଟକାଃ କାଃଆୟ ଆର୍ ଆଜ୍ଃ ଚାଲାୱ ଏନାଏ ।

![](https://cdn.door43.org/obs/jpg/360px/obs-en-50-06.jpg)

ଦାରେକ ମାରାଂ ଏନ୍ ତାୟମ୍ ଉନି ହଳ ରେନ୍ ଚାକର୍‌କ ମେନ୍ କେଃଆକ,“ଗୁରୁ ଆମ୍ ପାରା ଅନା ବାଦ୍‌ରେ ବେଶ୍ ଜାଂ ଏମ୍ ଏର୍‌ଲେଃଆ,ତବେଖାନ୍ ନଣ୍ଡେ ଚେଃଦ୍ ଖାତିର୍ ତାସାଦ୍ ଅଡକ୍ ଏନା? ଉନକୁ ହଳ୍ ମେତାଃଦ୍ କଆୟେ,“ ଖାଲି ଇଞ୍‌ରେନ୍ ବାଇରିକ ନଆଁକ ଲାଗାୱ ଇଛାୟାକ । ନଆଁ ଇଞାଃ ବାଇରି ଭିତିର୍ ଖନ୍ ଅକୟେ ଚୟ ଲାଗାୱା କାଃୟେ ।”

![](https://cdn.door43.org/obs/jpg/360px/obs-en-50-07.jpg)

“ଚାକର୍‌କ କିଶାଣ୍‌କ ମେତାଃ ଦେୟା ଆଲେ ନଆଁ ତାସାଦ୍ ତୁଦ୍ ଗିଡିଆଲେ ସେ ବାଂଆ ?ମାଲିକ୍ ମେନ୍ କେଃଆୟେ ବାଂଆ । ଯୁଦି ଆପେ ନଆଁପେ କାମିଆ ତବେଖାନ୍ କିଛି ଗହମ୍ ହଁପେ ତୁଦ୍ ଆଗୁୟା । ବିଲିଃ ଧାବିଜ୍ ହରୟେପେ । ଇନା ତାୟମ୍ ତାସାଦ୍ କ ମିଦଃଠେନ୍ ଜାୱରା କାତେ ସେଙ୍ଗେଲ୍ ଜୁଲାଃପେ । ମେନ୍‌ଖାନ୍ ଗହମ୍ ଇଞାଃ ଡୁଲିରେ ଆଗୁକାତେ ଦହୟେପେ ।”

![](https://cdn.door43.org/obs/jpg/360px/obs-en-50-08.jpg)

ଚେଲାକ କାହାନୀ ରେନା ଆର୍ଥ ବାକ ବୁଝାୱ ଦାଳେୟାଃନ, ଅନାତେ ଆକ ଯୀଶୁ ଆର୍ ମିଦ୍ଃଧାୱ ବୁଝାୱ ଲେମେ ମେନ୍ତେ ଲାଇଆଃ ଦେଆକ । ଯୀଶୁ ମେନ୍ କେଃଆୟେ “ଭାଗି ଜାଂ ଏରେଦ୍ ହଳ୍ ଯୀଶୁଆଃ ହଳ୍‌କଆଃ କାଥାୟେ ବୁଝାୱା । ବାଦ୍ ଦ ନଆଁ ଧାର୍ତି ଚେତାନ୍‌ରେ ଆଇ ଦାରିଆୟେ । ଭାଗି ଜାଂ ଈଶ୍ୱର୍ ରେନ୍ ହଳ କ । ବାଦ୍‌ଦ, ନଆଁ ଧାର୍ତି ବୁଝାୱା । ଭାଗି ଜାଂଦ ଈଶ୍ୱର୍ ବାବାଃ ରାଜ୍‌ରେନ୍ ହଳ୍‌କ ବୁଝାଃଆ ।

![](https://cdn.door43.org/obs/jpg/360px/obs-en-50-09.jpg)

“ଶୟତାନ୍ ଠେନ୍‌କ ତାହେଁନ୍ ଆର୍ ବାଳିଜ୍ ହଳ୍‌ଦ ତାସାଦ୍ କ ବୁଝୱା । ଶୟତାନ୍ ଯାହାୟେଁ ତାସାଦ୍ ରହୟେ ଲେଃଆୟେ ଉନିଦ ହୁୟୁଃ କାନାୟେ ହଳ୍‌ରିନ୍ ବାଇରି । ଇରଃ ବେଳାଦ ହୁୟୁକାନା ଧର୍ତିରେନାଃ ମୁଚାଦ୍ ଦିନ୍ ଆର୍ ଇରଃ ହଳ୍‌ଦ ହୁୟୁଃ କାନାକ ଈଶ୍ୱର୍ ବାବାଃ ଦୁତ୍‌କ ।”

![](https://cdn.door43.org/obs/jpg/360px/obs-en-50-10.jpg)

“ନଆଁ ଧାର୍ତି ମୁଚାଃଦ୍ ମାହାରେ ସେର୍ମାରେନ୍ ଦୁତ୍ ଝତ ଶୟତାନ୍ ରେନ୍ ହଳ୍‌କ ମିଦ୍ଃ ଠେନ୍ ଜାୱରା କଆଃକ । ସେର୍ମା ଦୁତ୍‌କ ଉନ୍‌କୁ ହଳ୍‌କ ଉଡି ଲଲ ସେଙ୍ଗେଲ୍‌ରେ ଖାଞ କଆକ । ଅଣ୍ଡେ ଉନ୍‌କୁ ହଳ୍ ଉଡି ବାଂଠିକ୍ ଦୁଃଖ୍‌କ ଞାମା ଆର୍ ଡାଟାକ ଗେର୍ ବାଳାୟା । ମେନ୍‌ଖାନ୍ ଯାହାୟେଁ ବୁଗିନ୍ ହଳ୍, ଯୀଶୁକ ପାଞା ଲେଦେୟା ଉନକୁ ଦ ଇଶ୍ୱରାଃ ସେର୍ମା ଦିଶମ୍‌ରେ ବେଳା ଲେକାକ ଝାଲ୍‌କାୱାଃ ।

![](https://cdn.door43.org/obs/jpg/360px/obs-en-50-11.jpg)

ଯୀଶୁ ନଆଁହୟେ ମେନ୍ ଲେଃଆ, ନଆଁ ଧାର୍ତି ମୁଚାଦ୍ଃ ମାଣାଂରେ ଇଞ୍ ହେଜ୍ ରୁଆଳଃ ଆଞ୍ । ଆଜ୍ଃ ଚାଲାୱା କାନ୍ ହର୍‌ତେଗେ ରୁଆଳ୍ ହେଜୁଃଆୟେ । ମେନ୍ ଦ ଆଜାଃ ସାରି ହଳ୍ମ ତହେଁନା ଆର୍ ଆଜ୍ଃ ସେର୍ମାରେନା ରାହାଲା ଚେତାନ୍‌ତେ ହେଜୁଃଆୟେ । ଯୀଶୁ ହେଜ୍ ରୁଆଳ୍ ବେଳାରେ,ଆଜ୍ଃରେ ତାହେଁକାତେ ଗଜ୍ଃ ଆକାନ୍ ଝତ ହଳ୍‌ ବେରେଦ୍ଃ ରୁଆଳାକ ଆର୍ ଆକ ସେର୍ମାରେକ ଞପାମା ।

![](https://cdn.door43.org/obs/jpg/360px/obs-en-50-12.jpg)

ଇନା ତାୟମ୍ ଯୀଶୁରେ ତାହେଁକାତେ ବାଞ୍ଚାୱା କାନ୍ ହଳ୍ ସେର୍ମାତେକ ରାକାବ୍ଃ ଆ ଆର୍ ଗଜ୍ଃ ଖନାଃ ବେରେଦ୍ ହଳ୍ ସାଲାଃକ ମେସାନା । ଆକ ଝତ ଯୀଶୁ ସାଲାଃକ ତାହେଁନା ।ଇନା ତାୟମ୍ ଯୀଶୁ ଆଜ୍ଃ ରେନ୍ ହଳ୍ ସାଲାଃ ଏ ତାହେଁନା । ଆକ ମିଃଦ୍ ଠେନ୍‌କ ତହେଁନ୍ ଖାତିର୍ ଯାୟେଯୁଗ୍ ରାଷ୍କାକ ଞାମା ।

![](https://cdn.door43.org/obs/jpg/360px/obs-en-50-13.jpg)

ଯୀଶୁ ଆକଗେ ମୁକୁଟ୍ ଏମ୍‌ରେନାଃ ମେନ୍‌ଲେଃ ତାହେଁଦ୍ଃ । ଆକ ଈଶ୍ୱର୍ ସାଲାଃ ଯାୟେଯୁଗ୍ କ ରାଆଜା । ଆକ ରାସ୍କାତେକ ପେରେଜ୍ କୱାଃ ।

![](https://cdn.door43.org/obs/jpg/360px/obs-en-50-14.jpg)

ମେନ୍‌ଖାନ୍ ଅକୟେ ଯୀଶୁଠେନ୍ ବାକ ପାତିଆୱ କାନା, ଈଶ୍ୱର୍ ବାବା ଆକୟେ ବିଚାର୍ କଆୟେ। ଆଜ୍ ଉନ୍‌କୁ ହଳ ନର୍କରେ ଚାପାଦ୍ଃ ଗିଡି କଆୟେ। ଅଣ୍ଡେ ଆକକ ରାଆଗା, ଡାଟାକ ଗେର୍‌ରା ଆର୍ ଯାୟେଯୁଗ୍ ହାର୍କେତ୍‌କ ଞାମା । ଅକା ସେଙ୍ଗେଲ୍ ତିସ୍‌ହଁ ବାୟେ ଇଣିଜ୍ଃଆ ଅନା ସେଙ୍ଗେଲ୍ କାଟିଜ୍ଃ କାଟିଜ୍ଃ ତେ ଜୁଲ୍ କଆୟେ,ଆର୍ ତିଜୁକ ଆକକେ ଜମ୍ ବାକ ବନ୍ଦ୍ଃ ଆ ।

![](https://cdn.door43.org/obs/jpg/360px/obs-en-50-15.jpg)

ତିନ୍ ଜଖାଃ ଯୀଶୁ ହେଜ୍ଃ ରୁଆଳଃ ଆୟେ ଶୟତାନ୍ ଆର୍ ଆଜାଃ ଦିଶମ୍ ପୁରା ପୁରି ନାଶ୍ ଉତାରାୟେ। ଯୀଶୁ ଶୟତାନ୍‌ଗେ ନର୍କରେ ଖାଞୟାୟେ । ଶୟତାନ୍ ଯାୟେଯୁଗ୍ ଧାବିଜ୍ ଅଣ୍ଡେ ଜୁଲୁଃଆୟେ,ଆଜ୍ ସାଲାଃତେ ଅକୟେକ ଈଶ୍ୱର୍ ବାଗିକାତେ ଶୟତାନ୍‌କ ପାଞା ଲେଦେୟା ଉନ୍‌କୁ ହଁ ଜୁଲୁଃଆକ ।

![](https://cdn.door43.org/obs/jpg/360px/obs-en-50-16.jpg)

ଚେଦାଃସେ ଆଦମ୍ ଆର୍ ହବା ଇଶ୍ୱରାଃ କାଥା ବାଂ ଆଞମ୍ କାତେ ନଆଁ ଧାର୍ତିତେ କାଇକିନ୍ ଆଗୁ କେଃଆ। ଈଶ୍ୱର୍ ବାବା ଆକିନ୍ ସ୍ରାପ୍ କେଃଦ୍ କିନାୟେ ଆର୍ ନୁକିନ୍ ନାସ୍ କିନାୟେ ମେନ୍ତେ ଉଇହାର୍ କେଃଆୟେ। ମେନ୍‌ଖାନ୍ ଈଶ୍ୱର୍ ବାବା ମିଦଃଦିନ୍ ନାୱା ଧାର୍ତି ଆର୍ ନାୱା ସେର୍ମା ବେନାୱାୟେ ଯାହାଁକି ପୁରା ସନତ୍‌ଗେ ତାହେଁନା ।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ଆର୍ ଆଜ୍ଃ ରେନ୍ ହଳ୍‌କ ନାୱା ଧାର୍ତିରେକ ତାହେଁନା ଆର୍ ଯୀଶୁ ଯାୟେଯୁଗ୍ ଝତ ଜିନିଷ୍ ଚେତାନ୍‌ରେ ରାଆଜାୟେ । ଆଜ୍ଃ ଝତ ହଳା ମେଦ୍ଃ ଦାଃ ଜଦ୍ ସାଫାୟାଏ । ଆର୍ ଅକୟେ ହଁ ଦୁଃଖ୍ ବାକ ଞାମା କି ବାକ ରାଗା। ଆକ ବାକ ବେମାରଃଆ ଆର୍ ବାକ ଗୁଜୁଃଆ। ଅଣ୍ଡେ ଚେଦ୍‌ହଁ ବାଳିଜ୍ ଜିନିଷ୍ ବାୟେ ତାହେଁନା । ଯୀଶୁ ଆଜାଃ ଦିଶମ୍ ନ୍ୟାୟେ ଆର୍ ରାସ୍କାତେ ଶାସେତାୟେ । ଆଜ୍ ଆଜାଃ ହଳ୍ ସାଲାଃତେ ଯାୟଜୁଗ୍ ତାହେଁନାଏ ।

*ସନତ୍ ପୁଥିୟାଃ କାହାନୀ: ମାଥିଉ ୧୩:୨୪-୪୨; ୨୨:୧୩; ୨୪:୧୪; ୨୮:୧୮; ଯୋହନ୍ ୪:୩୫; ୧୫:୨୦; ୧୬:୩୩; ୧ଥେସ୍‌ଲନିୟାଁ ୪:୧୩-୫:୧୧; ଯାକୁବ୍ ୧:୧୨; ସଦରଃକାନ୍ ୨:୧୦; ୨୦:୧୦; ୨୧-୨୨*

Audio: https://git.door43.org/OBS-TLF/mjx_obs/releases/download/v1/mjx_obs_v1_50_128kbps.m4a