# unfoldingWord Open Bible Stories — Mewari - Language code: `mtr` - Canonical page: https://openbiblestories.org/l/mtr/ - Stories in this file: 50 of 50 - Published by: OBS-TLF - Last release: 2026-06-26 - License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org - Illustrations: © Sweet Publishing, CC BY-SA 3.0 unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Mewari translation; it is not a translation of the whole Bible. ## 1. सृष्टि https://openbiblestories.org/l/mtr/story-1/ ![](https://cdn.door43.org/obs/jpg/360px/obs-en-01-01.jpg) अणीं प्रकार हुं शुरुआत मे परमेश्वरे सारी चीजां री सृष्टि किदी।और छःदनां मे संसार री और ज्यो कई भी वणा माए है वणीं सब वस्तुआं री वणीं सृष्टि किदी।और परमेश्वर रे द्वारा जगत री रचना रे बाद वो एक दम अंधारो और खाली हो,क्योंकि अबार तक परमेश्वरे वणा माए कणीं भी चीजां ने नी बणायो हो।पण परमेश्वर रो आत्मा पाणी रे ऊपरे मंडरातो हो। ![](https://cdn.door43.org/obs/jpg/360px/obs-en-01-02.jpg) पसे परमेश्वरे केयुं के, "उजियालों वेई जा!" और पसे उजियालों वेई ग्यो और पसे परमेश्वरे देख्यो के उजियालों बढिया है और वणांए "दन" केयो। और पसे वणांए अंधारा हुं अलग किदो जणांए वणी "रात" केयी। और परमेश्वरे सृष्टि करवा रे पेला दन मे उजियाला री रचना किदी। ![](https://cdn.door43.org/obs/jpg/360px/obs-en-01-03.jpg) सृष्टि करवा रा बिजा दन मे परमेश्वरे केयूं के, "पाणी रे ऊपरे एक अंतर वेई जा।" और पसे एक अंतर वेई ग्यो। और परमेश्वरे वणा अंतर ने "आकाश" केयो। ![](https://cdn.door43.org/obs/jpg/360px/obs-en-01-04.jpg) तीसरा दन मे परमेश्वरे केयूं के, "पाणी एक जगा मे इकट्ठो वेई जा और हुकी जगा दिखाईं दिए।" और पसे वणी हुकी जगाए 'पृथ्वी' केयी और पाणी ने वणीं 'समुद्र' केयो। पसे परमेश्वरे देख्यो के ज्यो वणीं वणायो है वो बढ़िया है। ![](https://cdn.door43.org/obs/jpg/360px/obs-en-01-05.jpg) पसे परमेश्वरे केयूं के, "पृथ्वी सब प्रकार रा पेड और पौधा उगावे" और असोस वेई ग्यो। पसे परमेश्वरे देख्यो के ज्यो वणीं वणायो है वो बढ़िया हो। ![](https://cdn.door43.org/obs/jpg/360px/obs-en-01-06.jpg) सृष्टि करवा रा चौथा दन मे परमेश्वरे केयूं के, "आकाश मे ज्योतियाँ वेई जाए।" सूरज,चांद और तारागण प्रकट वेई ग्या। परमेश्वरे वणांने पृथ्वी पे प्रकाश देवा रे लिए और दन और रात, मौसमां और वर्षां मे भेद करवा रे लिए वणांया। ![](https://cdn.door43.org/obs/jpg/360px/obs-en-01-07.jpg) पांचवें दन परमेश्वरे केयूं के, "जीवता प्राणी पाणीं ने भरी दियो और आकाश मे पक्षी उडे।" अणी प्रकार हुं वणीं पाणी मे तरवा वालां सब जीव जन्तुआं ने और पक्षियां ने वणांया और पसे परमेश्वरे देख्यो के यो सब बढ़िया हो और पसे वणीं वणां सबने आशिष दिदी। ![](https://cdn.door43.org/obs/jpg/360px/obs-en-01-08.jpg) सृष्टि रा छठवां दन मे परमेश्वरे केयूं के, "जगा माते रेवा वालां सब प्रकार रा जनावर वणी जाए।" और पसे परमेश्वर रे केवा रे अनुसार वसोस वेई ग्यो। वणां माए थोडाक तो पालतू जनावर हा, और थोडाक जगा पे रेंगवा वालां जनावर हा, और थोडाक जंगली जनावर हा। पसे परमेश्वरे देख्यो के यो सब बढ़िया हो। ![](https://cdn.door43.org/obs/jpg/360px/obs-en-01-09.jpg) पसे परमेश्वरे केयूं कें, "आवो आपां मनक ने आपणां स्वरूप मे और आपणीं समानता मे वणावां। वा पृथ्वी पे और सब जनावरां पे प्रभुता करेगा।" ![](https://cdn.door43.org/obs/jpg/360px/obs-en-01-10.jpg) पसे परमेश्वरे मिटृटी ने लेईन वणीहूं मनक ने वणायो और वणा माए आपणों जीवन रो श्वांस फूंकी दिदो। पसे अणा मनक रो नाम वणीं आदम राख्यो। पसे परमेश्वरे आदम रे रेवा रे लिए एक बडा वगीचा ने वणायो और वणारी देखभाल करवा रे लिए आदम ने वटे रखी दिदो। ![](https://cdn.door43.org/obs/jpg/360px/obs-en-01-11.jpg) वणा वगीचा रे वचो वच परमेश्वरे दो विशेष रुंकडा लगाया - जीवन रो रुंकडो और भला और बुरा रे ज्ञान रो रुंकडो परमेश्वरे आदम हुं केयूं के, वो वणां वगीचा रा जीवन रा रुंकडा और भला और बुरा रे ज्ञान रा रूंकडा ने छोडिन बिजा कणा भी रुंकडा रा फल ने थूं खाई सके है।लेकिन अगर थूं वणा रुंकडा रो फल खाएगा जणाए मईं खावा रे लिए मना किदो है तो थूं मरी जाएगा। ![](https://cdn.door43.org/obs/jpg/360px/obs-en-01-12.jpg) पसे परमेश्वरे केयूं के, "आदमी रे लिए अकेलो रेणो बढ़िया नी है" लेकिन कोई भी जनावर आदम रो हाती नी वेई सकतो हो। ![](https://cdn.door43.org/obs/jpg/360px/obs-en-01-13.jpg) अणी वाते परमेश्वरे आदम ने गैरी नींद मे हुवाडी दिदो। पसे परमेश्वरे आदम री एक पांहलीं ने लेईन वणीहूं एक स्त्री री रचना किदी और परमेश्वर वणीने आदम कोडे लेईन आयो। ![](https://cdn.door43.org/obs/jpg/360px/obs-en-01-14.jpg) जेरां आदमे वणीं ने देख्यी तो वणीं केयूं के, "कम हु कम ये तो मारे हरिकी है! ये 'स्त्री' केवाएगा, क्योंकि ये आदमी मे हुंस वणांयी ग्यी है।" अणी वाते आदमी आपणे मां - बाप ने छोडी दिए है और आपणीं घेरवालीं रे हातीं एक वेई जाए है। ![](https://cdn.door43.org/obs/jpg/360px/obs-en-01-15.jpg) अणी तरह परमेश्वरे आदमी और स्त्री ने आपणे स्वरूप मे वणांया। पसे वणांने वणीं आशिष दिदी और वणां हुं केयूं के, "बोत सी संतानां और पोता-परपोता ने उत्पन्न करो और पुरी पृथ्वी ने भर दियो!" और परमेश्वरे देख्यो के ज्यो भी मईं वणांयो है वो बोत ही बढ़िया है और वो वणां सब हुं बोत ही खुश हो। यो सब सृष्टि करवा रे छठवें दन वियो हो। ![](https://cdn.door43.org/obs/jpg/360px/obs-en-01-16.jpg) जेरां सातवो दन आयो तो ज्यो परमेश्वर केई रेयो हो वणीं वणां सब काम ने समाप्त किदो और पसे वणीं सातवा दन ने आशिष दिदी। और वणाने वणीं पवित्र ठेरायो, क्योंकि वणें दन वणीं सब चीजां री सृष्टि करवा ने वणीं समाप्त किदो हो। अणी प्रकार हुं परमेश्वरे अणां जगत री और ज्यो भी वणा माए है वणां सब री सृष्टि किदी। *उत्पत्ति अध्याय 1-2 हुं बाइबल री एक कहाणी* ## 2. पाप अणा संसार मे प्रवेश करे है https://openbiblestories.org/l/mtr/story-2/ ![](https://cdn.door43.org/obs/jpg/360px/obs-en-02-01.jpg) आदम और वणांरे घेरवालीं परमेश्वर रे द्वारा वणांरे लिए वणाया ग्या वणां सुंदर वगीचा मे रेतां हकां बोत ही खुश हा। और वणां मे हुं कोई भी कपड़ां नी पेरता हा, तौभी अणी वाते वणां मे हुं कणां ने शर्मिंदा नी किदो हो, क्योंकि अणा संसार मे जणां दनां मे पाप नी हो। और वा रोज वणां वगीचा मे फरता हा और परमेश्वर हुं वात करता रेता हा। ![](https://cdn.door43.org/obs/jpg/360px/obs-en-02-02.jpg) लेकिन वणां वगीचा मे एक हाँप हो। और वो बोत ही चालक हो। और वणे वणीं स्त्री हुं पुछयूं के, "कई सई मे परमेश्वरे थां हुं अणा वगीचा रा कणां भी रूंकडा रा फल ने खावा हुं मना किदो है?" ![](https://cdn.door43.org/obs/jpg/360px/obs-en-02-03.jpg) पसे वणीं स्त्रीए वणांने जवाब दिदो के, "परमेश्वरे मां हुं केयूं है के वणा भला और बुरा रे ज्ञान रा रुंकडा रे अलावा कणा भी रुंकडा रा फल ने खाई सको हो। और परमेश्वरे मां हुं केयूं है के अगर थां वणां फल ने खादो है या पसे वणांने अडिया भी हो, तो थां मरी जाओगा।" ![](https://cdn.door43.org/obs/jpg/360px/obs-en-02-04.jpg) पसे वणीं हाँपे स्त्री ने जवाब दिदो के, "ये वात सई नी है! थां नी मरोगा। परमेश्वर जाणे है के जिस्तर ही थां वणा फल ने खाओगा, थांं परमेश्वर रे हरिका वेई जाओगा और वणारे समान भला और बुरा ने हमजवे लागी जाओगा। ![](https://cdn.door43.org/obs/jpg/360px/obs-en-02-05.jpg) पसे वणी स्त्रीए देख्यूं के वो फल बोत ही मनभावनो हो और बोत ही हवादे भी दिखाई देतो हो। और वे भी हमझदार वणवीं चावती ही, अणी वाते वणींए फल ने तोडिन खाई लिदो। और पसे आपणें पति ने ज्यो वणींरे हातिंस रेतो हो वणांने भी दिदो और वणीं भी वणां फल ने खाई लिदो। ![](https://cdn.door43.org/obs/jpg/360px/obs-en-02-06.jpg) जणीस समय वणारी आँखां खुली ग्यी, और वणांने पतो चाल्यो के वा नागा हीं। पसे वणां पांनां ने एक हातीं हिविन वणांरा कपड़ां वणाविन वणांहुं आपणें शरीरां ने ढाँकवा री कोशिश किदी। ![](https://cdn.door43.org/obs/jpg/360px/obs-en-02-07.jpg) पसे वणीं आदमीए और वणांरे घेरवालिंए वणां वगीचा मे फरतां हकां परमेश्वर री आवाज ने हुण्यी और पसे वा दोई परमेश्वर हूं हपी ग्या। पसे परमेश्वरे वणां आदमी ने आवाज लगाई के, "थूं कटे है?" और पसे आदमे जवाब दिदो के, "मईं थने वगीचा मे टहलतो हको हुण्यो, अणी वाते मुं समकी ग्यो हो, क्योंकि मुं नागो हो। अणी वाते मुं हपी ग्यो।" ![](https://cdn.door43.org/obs/jpg/360px/obs-en-02-08.jpg) पसे परमेश्वरे पुछयूं के, "तई कणीं वतायो के थूं नागो है? कई तईं वो फल खादो है जणाए खावा रे लिए मईं थने मना किदो हो?" पसे आदमे जवाब दिदो के, "तई मने ज्या ये स्त्री दिदी है वणीएस मने वो फल खावा रे लिए दिदो हो।" पसे परमेश्वरे वणीं स्त्री हुं पुछयूं के, " तई यो कई किदो है?" पसे वणीं स्त्रिए केयूं के, "हाँपे मने धोखो दिदो है।" ![](https://cdn.door43.org/obs/jpg/360px/obs-en-02-09.jpg) पसे परमेश्वरे वणां हाँप हुं केयूं के, "थूं शापित है! अणी वाते अबार थूं आपणां पेट रे बल चालेगा और मिट्टी छाटेगा। और थूं और ये स्त्री एक बिजा हुं घृणा करोगा, और थारी संतानां और वणीरी संतानां भी एक बिजा हुं घृणा करेगा। और अणी स्त्री रो वंशज थारे सिर ने कुचलेगा, और थूं वणारी एड़ी ने डसेगा।" ![](https://cdn.door43.org/obs/jpg/360px/obs-en-02-10.jpg) पसे परमेश्वरे वणीं स्त्री हुं केयूं के, "मुं थारे बच्चां ने जन्मावा ने बोत ही पीडादायक करुंगा। और थूं आपणें पति हुं लालसा करेगा, और वो थारा पे प्रभुता करेगा।" ![](https://cdn.door43.org/obs/jpg/360px/obs-en-02-11.jpg) पसे परमेश्वरे आदम हुं केयूं के, "तई आपणें घेरवालीं री वात हुण्यी है और मारी आज्ञा ने नी मान्यी है। अणी वाते ये जगा शापित वेयी है, और तई अनाज उगावा रे लिए बोत ही कठिन परिश्रम करवा री आवश्यक्ता वेगा। और अबार थूं मरी जाएगा, और थारो शरीर मिट्टी मे मली जाएगा।" पसे आदमे आपणें घेरवालीं रो नाम हव्वा राख्यो, जणारो अर्थ है "जीवन आलवा वाली" क्योंकि वा सब जातियाँ री माता वेगा। पसे परमेश्वरे आदम और हव्वा ने जनावर री खाल हुं वण्यां हका कपड़ां पेराया। ![](https://cdn.door43.org/obs/jpg/360px/obs-en-02-12.jpg) पसे परमेश्वरे केयूं के, "अबार भला और बुरा ने जाणवा हुं मनक आपणें हरिकोस वेई ग्यो है, अणी वाते वणांने अबार वणा जीवन रे रुंकडा रा फल ने नी खावे देणो चावे ताकि वा सदा रे लिए जीवता रेईं।" अणी वाते परमेश्वरे आदम और हव्वा ने वणां वगीचा हुं बाण्णे निकाली दिदा। पसे परमेश्वरे कणां ने भी वणां जीवन रा रुंकडा रो फल खावा हुं रोकवा रे लिए वणां वगीचा रा प्रवेश द्वार पे शक्तिशाली स्वर्गदूतां ने बैठाई दिदा। *उत्पत्ति अध्याय 3 हुं एक बाइबल री कहाणी* ## 3. बाढ़ https://openbiblestories.org/l/mtr/story-3/ ![](https://cdn.door43.org/obs/jpg/360px/obs-en-03-01.jpg) बोत समय रे बाद, अणा जगत मे बोत सा लोग रेता हा। और वा बोत ही दुष्ट और लड़ाकू वेई ग्या हा। और या अतरा बुरा हा के परमेश्वरे एक भयानक बाढ़ हुं अणा पुरा जगत ने नाश करवा रो निर्णय लिदो। ![](https://cdn.door43.org/obs/jpg/360px/obs-en-03-02.jpg) पण परमेश्वर नूहा हुं बोत ही खुश हो। और वो दुष्ट मनकां रे वच मे रेवा वालों एक धर्मी व्यक्ति हो। और परमेश्वरे नूहा ने वतायो के वो एक विशाल बाढ़ ने लावणा वालों है। अणी कारण, वणीं नूहा हुं एक मोटी नाव वणावा रे वाते केयूं। ![](https://cdn.door43.org/obs/jpg/360px/obs-en-03-03.jpg) परमेश्वरे नूहा ने लगभग 140 मीटर लंबी, 23 मीटर चौड़ी और 13.5 मीटर ऊँची नाव वणावा रे लिए केयूं। नूहे वणीं नाव ने लाकड़ां हुं वणाणीं ही और वणी मे तीन तल, और बोत सा कमरा, और एक छत और एक खिड़की वणाणीं ही। और वा नाव नूहा, और वणारा परिवार ने और धरती रा हर प्रकार रा जनावरां ने वणीं बाढ़ हुं सुरक्षित राखेगा। ![](https://cdn.door43.org/obs/jpg/360px/obs-en-03-04.jpg) नूहे परमेश्वर री वात मान्यी। पसे वणीं और वणांरे बेटां वसीस नाव वणाई ही जसी परमेश्वरे वणाने वतायी ही। क्योकि वे नाव बोत ही बड़ी ही अणी वाते वणीने वणावा में बोत सा साल लागा। और नूहे लोगां ने आवणा वाली बाढ़ रे विषय मे चेतावनी दिदी और वणांने परमेश्वर री ओर फरवा रे लिए केयूं, पण वणां वणांरी वातां पे विश्वास नी किदो। ![](https://cdn.door43.org/obs/jpg/360px/obs-en-03-05.jpg) परमेश्वरे नूहा और वणांरा परिवार ने आपणे लिए और जानवरां रे लिए पर्याप्त भोजन इकट्ठो करवा रो आदेश भी दिदो। जेरां सब कुछ तैयार हो, तो परमेश्वरे नूहा हुं केयूं कि यो समय वणा रे, और वणांरे घेरवालीं रे, और वणां रे तीन बेटां रे, और वणां रे घेरवालिंयां रे और कुल मलाविन आठ जणां रो नाव मे जावा रो हो। ![](https://cdn.door43.org/obs/jpg/360px/obs-en-03-06.jpg) परमेश्वरे सब जनावर और पक्षी रा नर और मादा ने नूहा रे कोडे भेज्या ताकि वा नाव मे जाई सके और बाढ़ रे समय सुरक्षित रेई सके। और परमेश्वरे असा हर प्रकार रा जनावर रा हात नर और हात मादा ने भेज्या जणांए बलि चढ़ावा रे लिए काम मे लेई सके। और जेरां वा सब नाव मे पोंची ग्या तो परमेश्वरे खुद नाव रा दरवाजा ने बंद करी दिदो। ![](https://cdn.door43.org/obs/jpg/360px/obs-en-03-07.jpg) जणा रे बाद सांटां आवणां शुरू वेई ग्या, पसे सांटां वरता ग्या, और वना रुक्ये चालीस दन और चालीस रात तक सांटां वरतास ग्या। और पुरा जगत री हर एक चीज, अटे तक के ऊँचां हुं ऊँचा मंगरा भी पाणी मे डूबी ग्या। ![](https://cdn.door43.org/obs/jpg/360px/obs-en-03-08.jpg) हुकी धरती पे रेवा वालां हर एक जीव मरी ग्या, वणां लोगां और जनावरां ने छोडिन ज्या वणीं नाव मे हा। और वा नाव पाणी पे तरती रेयी और नाव रे माईने वालीं हर एक चीज ने डुबणा हुं सुरक्षित राख्यी। ![](https://cdn.door43.org/obs/jpg/360px/obs-en-03-09.jpg) सांटां रे रोकाई जावा रे बाद,पाँच मईना तक वा नाव पाणी पेईस तरती रेयी, और वणा समय ये दौरान पाणी कम वेवा लागो हो। पसे एक दन वा नाव एक मंगरा री टूंकी पर जाईन रुकी ग्यी, पण पुरो जगत अबार भी पाणी हुं ढ़कियो हको हो। और तीन मईना रे बाद, मंगरा री टूंकियां देखावा लागी ही। ![](https://cdn.door43.org/obs/jpg/360px/obs-en-03-10.jpg) पसे चालीस दन रे बाद, नूहे एक कागलां ने यो देखवा रे लिए बाण्णे भेज्यो के कई पाणी हुकाई ग्यो हो। वो कागलों हुकी जगा री खोज मे अटी हु वटी उडतो रेयो, पण वणांने असी कोई जगा नी मल्यी। ![](https://cdn.door43.org/obs/jpg/360px/obs-en-03-11.jpg) पसे बाद मे नूहे एक कबुतरी ने बाण्णे भेज्यी। पण वणी ने भी कटे हुकी जगा नी मल्यी, अणीं वाते वा नूहा रे कोडे पासी आवी ग्यी। एक हप्ता रे बाद वणीं कबुतरी ने पासी भेज्यी, और वा आपणीं चोंच मे जैतून री एक कोंपल लईन पासी आयी। और पाणी घटी रेयो हो, और पौधा पासा उगवे लागा हा। ![](https://cdn.door43.org/obs/jpg/360px/obs-en-03-12.jpg) पसे नूहे एक हप्तो और इंतजार किदो और तीसरी बार वणीं कबुतरी ने बाण्णे भेज्यी। और अणी बार, वणींने ठेरवा री जगा मली ग्यी और वा पासी नी आयी। क्योंकि पाणी हुकाई रेयो हो। ![](https://cdn.door43.org/obs/jpg/360px/obs-en-03-13.jpg) दो मईना रे बाद परमेश्वरे नूहा हुं केयूं के, "अबार थूं और थारो परिवार और सब जनावर नाव हु निकली आवो। और बोत सी संतान और पोता-परपोता उत्पन्न करो और पुरी पृथ्वी ने भरी दियो।" पसे नूहो और वणांरो परिवार नाव हुं बाण्णे निकलीं आया। ![](https://cdn.door43.org/obs/jpg/360px/obs-en-03-14.jpg) नूहा रे नाव हुं बाण्णे आवणां रे बाद, वणीं एक वेदी वणायी और बलि रे लिए उपयोग मे आवणां वालां सब प्रकार रा जनावरां मे हुं थोडाक ने लईन बलि चढायी। पसे परमेश्वर वणी बलि हुं खुश वेयो और नूहा और वणांरा परिवार ने आशीष दिदी। ![](https://cdn.door43.org/obs/jpg/360px/obs-en-03-15.jpg) पसे परमेश्वरे केयुं के, "मुं प्रतिज्ञा करूँ हूँ के मनकां रे द्वारा किदा जावा वालां बुरा कामां रे कारण मुं फेर कदी अणीं जगा ने हराप नी देऊँगा या बाढ़ रे द्वारा अणां जगत ने नष्ट नी करूँगा, हालाँकि मनक आपणां बचपन रा समय हुंस पापी है। ![](https://cdn.door43.org/obs/jpg/360px/obs-en-03-16.jpg) पसे परमेश्वरे आपणीं वाचा रा चिन्ह रे रुप मे पेला मेघधनुष ने बणायो। और जेरां कदी भी आकाश मे मेघधनुष दिखाई देवे है, तो परमेश्वर याद करेगा के वणीं कई प्रतिज्ञा किदी है और वणीस तरह हुं वणांरा लोग भी याद करेगा। *उत्पत्ति अध्याय 6-8 हुं एक बाइबल री कहाणी* ## 4. अब्राहम रे हाते परमेश्वर रो वायदों https://openbiblestories.org/l/mtr/story-4/ ![](https://cdn.door43.org/obs/jpg/360px/obs-en-04-01.jpg) बाढ़ रे बोत सालां रे बाद, अणा जगत मे बोत सा लोग रेता हा, और वणां फेर हुं परमेश्वर रे और एक दूजां रे विरुद्ध पाप किदो। क्योंकि वा सब एकुस बोली बोलता हा, अणी वाते वा एक हातीं इकट्ठा वेया और अणा जगत ने भरी देवा रे परमेश्वर रा आदेश रे बजाए वणां एक नगर ने वणायो। ![](https://cdn.door43.org/obs/jpg/360px/obs-en-04-02.jpg) वा बोत ही घमंडी लोग हा,और वणांने कसो जीवन जीवणो चावे अणां बारा मे वा परमेश्वर रे आदेश रो पालन करणां नी चावता हा। और अटे तक के वणां एक असी मिनार ने वणावणीं शुरू किदी ज्या स्वर्ग तक पोंचे। पसे परमेश्वरे देख्यूं के अगर वा एक हातीं मलिन बुराई करता रेगा, तो वा लोग बोत सा पापी कामां ने करी सकी हीं। ![](https://cdn.door43.org/obs/jpg/360px/obs-en-04-03.jpg) अणी वाते परमेश्वरे वणांरी भाषा ने बोत सी अलग-अलग भाषाओं मे बदल दिदी और वणां लोगां ने पुरा जगत मे फैलावी दिदा। और जणा नगर ने वणां वणावणों शुरू किदो हो वो नगर बाबेल केवाणों, जणारो अर्थ है "गड़बड़ी"। ![](https://cdn.door43.org/obs/jpg/360px/obs-en-04-04.jpg) बोत सा सालां रे बाद, परमेश्वरे अब्राम नाम रा एक मनक हुं वात किदी। परमेश्वरे वणांहुं केयूं के, आपणां देश और आपणां परिवार ने छोडिन वणां देश मे परो जा ज्यो मुं थने दिखाउंगा। मुं थने आशीष दूंगा और थारे हुं एक बडी जाति वणाउंगा। मुं थारो नाम महान करुंगा। और ज्यो थने आशीष देगा मुं वणांने आशीष दूंगा, और ज्यो थने हराप देगा वणांने मुं हराप दूंगा। और थारे कारण अणां जगत री सब जातियां आशीष पाएगा। ![](https://cdn.door43.org/obs/jpg/360px/obs-en-04-05.jpg) और अब्रामे परमेश्वर री वात ने मान्यी। और वणीं आपणें सब दासां और आपणीं पुरी सम्पत्ति रे हातीं आपणीं लाडी सारै ने लिदी और वणां देश ने,अर्थात् कनान देश मे परो ग्यो ज्यो परमेश्वरे वणांने दिखायो हो। ![](https://cdn.door43.org/obs/jpg/360px/obs-en-04-06.jpg) जेरां अब्राम कनान पोंच्यो तो परमेश्वरे वणांहुं केयूं के, "आपणें चारी ओर देख। मुं थने यो पुरो देश दूंगा और थारा वंशज हमेशा रे लिए अणां पे अधिकार राखेगा।" और पसे अब्राम वणां देश मे वसी ग्यो। ![](https://cdn.door43.org/obs/jpg/360px/obs-en-04-07.jpg) मलिकिसिदक नाम रो एक आदमी थो ज्यो सर्वोच्च परमेश्वर रो याजक हो। एक दन जेरां अब्राम युद्ध करवा रे बाद पासो आवी रेयो हो तो वो और अब्राम मल्या। और मलिकिसिदके अब्राम ने आशीष दिदी और केयूं के, " परमेश्वर ज्यो स्वर्ग और पृथ्वी रो स्वामी है वो थने आशीष दिए।" पसे अब्रामे युद्ध में जीती हकी सब चीजां रो दशवांश मलिकिसिदक ने दिदो। ![](https://cdn.door43.org/obs/jpg/360px/obs-en-04-08.jpg) पसे बोत सा साल विती ग्या, पण अबार तक अब्राम और सारै रे कोई बच्चां नी हा। परमेश्वरे अब्राम हुं वात किदी और फेर हूं वायदों किदो के वणांरे एक बेटो उत्पन्न वेगा और जिस्तर आकाश मे तारा हीं वणीस तरह हू वणांरे बोत सा वंशज वेगा। अब्रामे परमेश्वर रा वायदा पे पुरो विश्वास किदो। और परमेश्वरे घोषणा किदी के अब्राम एक धर्मी मनक हो क्योंकि वणीं परमेश्वर रा वायदा पे पुरो विश्वास किदो हो। ![](https://cdn.door43.org/obs/jpg/360px/obs-en-04-09.jpg) पसे परमेश्वरे अब्राम हुं एक वाचा बाँध्यी। सामान्य रूप हुं, एक वाचा दो दलां रे वच मे एक दूजां रे लिए कामां ने करवा रो एक हमझौतो वे है। परमेश्वरे अब्राम हूं वो वायदों जेरां किदो हो जेरां अब्राम हुई रेयो हो, पण वो हुतो हको भी परमेश्वर री वाणी ने हुणीं सकतो हो। परमेश्वरे केयूं के, " मुं थारा शरीर हूं उत्पन्न करिन थने थारो एक निज बेटो देऊँगा। और मुं थारे वंशजाँ ने यो कनान देश देऊँ हूँ।" पण अबार भी अब्राम रे कोई बेटो नी हो। *उत्पत्ति अध्याय 11-15 हुं एक बाइबल री कहाणी* ## 5. वायदा रो बेटो https://openbiblestories.org/l/mtr/story-5/ ![](https://cdn.door43.org/obs/jpg/360px/obs-en-05-01.jpg) अब्राम और सारै रे कनान पोंचवा रा दस साल रे बाद, अबार तक भी वणांरी कोई संतान नी ही। अणी वाते, अब्राम रे घेरवालीं सारै वणाहुं केयूं के, "चूँकि परमेश्वरे अबार तक मई संतान पैदा करवा मे सक्षम नी किदी है और अबार मुं संतान पैदा करवा रे लिए बोत ही बूढ़ी हूँ, देख, मारी दासी हाजिरा अटे है। थूं वणीहूं भी विवाह करी ले ताकि वे मारे लिए एक संतान पैदा कर सके।" ![](https://cdn.door43.org/obs/jpg/360px/obs-en-05-02.jpg) अणी वाते अब्रामे हाजिरा हुं विवाह करी लिदो। पसे हाजिरा हुं एक बेटो जनम्यो, और अब्रामे वणांरो नाम इश्माएल राख्यो। पण सारै हाजिरा हूं चिढवे लागी। जेरां इश्माएल तेरह साल रो हो, जेरां परमेश्वरे अब्राम हुं फेर वात किदी। ![](https://cdn.door43.org/obs/jpg/360px/obs-en-05-03.jpg) पसे परमेश्वरे केयूं के, "मुं सर्व-शक्तिमान परमेश्वर हूँ। मुं थारे हातीं एक वाचा बाँधूँगा।" पसे अब्रामे जगा माते पडिन दंडवत किदो। और परमेश्वरे अब्राम हूं यो भी केयूं के, "थूं बोत सी जातियाँ रो पिता वेगा। मुं थारे वंशजां ने वणांरी निज भूमि वेवा रे लिए कनान देश दूंगा और मुं सदा रे लिए वणांरो परमेश्वर वेऊँगा। थने आपणें घरानां रा हर आदमी रो खतनो करणों है। ![](https://cdn.door43.org/obs/jpg/360px/obs-en-05-04.jpg) थारे घेरवालीं सारै एक बेटा ने जणेगा - वो वायदा रो बेटो वेगा। और वणारो नाम थूं इसहाक राखजे। मुं वणांरे हातीं आपणीं वाचा ने वणायी राखूँगा और वो एक बड़ी जाति वणी जाएगा। मुं इश्माएल ने भी एक बडी जाति वणाऊँगा, पण मारी वाचा केवल इसहाक रे हातिस रेगा।” पसे परमेश्वरे अब्राम रो नाम बदलिन अब्राहम करी दिदो, जणारो अर्थ है बोत जणां रो पिता"। और परमेश्वरे सारै रो नाम भी बदलिन सारा करी दिदो, जणारो अर्थ है "मूलमाता"। ![](https://cdn.door43.org/obs/jpg/360px/obs-en-05-05.jpg) वणे दन अब्राहम आपणे घरानां रा सब आदमियाँ रो खतनो किदो। लगभग एक साल रे बाद, जेरां अब्राहम 100 साल री उमर रो हो और सारा 90 साल री ही, पसे साराए अब्राहम रा बेटा ने जनम दिदो। जिस्तर परमेश्वरे वणांने केयूं हूं वणां वणांरो नाम इसहाक राख्यो। ![](https://cdn.door43.org/obs/jpg/360px/obs-en-05-06.jpg) जेरां इसहाक जवान वेयो तो परमेश्वरे यो केइन अब्राहम रा विश्वास री परीक्षा किदी के, "आपणां एकलौता बेटा ने ले, और वणांने मारे लिए बलि रे रूप मे मारी दे।" पसे फेर हुं अब्राहमे परमेश्वर री वात ने मानिन आपणां बेटा ने बलि करवा रे लिए तैयार किदो। ![](https://cdn.door43.org/obs/jpg/360px/obs-en-05-07.jpg) जेरां अब्राहम और इसहाक बलि चढावा रा स्थान री ओर जावे लागा तो इसहाके पुछयूं के, "हे पिता, आपणें कोडे बलि रे लिए लाकड़ां तो हीं, पण बलि करवा रो मेम्नो कटे है?" पसे अब्राहमे जवाब दिदो के, "हे मारा बेटा, परमेश्वर बलि करवा रे लिए मेम्ना रो उपाय खुद करेगा।" ![](https://cdn.door43.org/obs/jpg/360px/obs-en-05-08.jpg) जेरां वा बलि चढावा रा स्थान पे पोंछी ग्या, तो अब्राहमे इसहाक ने बाँधिन वेदी पे हुवाडी दिदो। पसे वो आपणां बेटा ने मारवास वालों हो के परमेश्वरे वणाहुं केयूं के, "रुक जा! और आपणां बालक(बेटा) ने नुकसान मत पोंचा! क्योंकि अबार मुं जाणी ग्यो हूं के थूं मारो भय माने है क्योंकि तई आपणें एकलौता बेटा ने भी मई हुं हपाड़िन नी राख्यो।" ![](https://cdn.door43.org/obs/jpg/360px/obs-en-05-09.jpg) लगतांस अब्राहमे एक मिढ़ा ने देख्यो ज्यो झाडियाँ मे फंसियो हको हो। क्योंकि इसहाक रे बदला मे बलि रे लिए परमेश्वरे खुद एक मिढ़ा रो उपाय किदो हो। पसे अब्राहमे खुशी-खुशी वणां मिढ़ा री बलि चढावी दिदी। ![](https://cdn.door43.org/obs/jpg/360px/obs-en-05-10.jpg) पसे परमेश्वरे अब्राहम हुं केयूं के, "थूं मारे लिए सब कुछ देवा ने इच्छुक हो, और अटे तक के आपणां एकलौता बेटा ने भी, अणीं वाते मुं थने आशिष देवा रो वायदों करूँ हूँ। और थारा वंशज अणां आकाश रे ताराँ हूं भी अधिक वेगा। क्योंकि तई मारी आज्ञा ने मान्यी हीं अणी वाते मुं थारे परिवार रे द्वारा अणां पुरा जगत री सब जातियाँ ने आशिष दूँगा।" *उत्पत्ति अध्याय 16-22 हुं एक बाइबल री कहाणी* ## 6. परमेश्वर इसहाक रे लिए प्रबंध करे है https://openbiblestories.org/l/mtr/story-6/ ![](https://cdn.door43.org/obs/jpg/360px/obs-en-06-01.jpg) जेरां अब्राहम बोत ही बूढ़ो वेई ग्यो हो तो वणांरो बेटो, इसहाक, एक जवान री उमर रो वेई ग्यो हो। अणी वाते अब्राहमे आपणां एक दास ने आपणां बेटा इसहाक रे लिए वणां देश हुं एक लाडी लावणा रे लिए भेज्यो जटे वणांरा रिश्तेदार रेता हा। ![](https://cdn.door43.org/obs/jpg/360px/obs-en-06-02.jpg) जटे अब्राहम रा रिश्तेदार रेता हा वणां देश मे जावा री एक बडी लाम्बी यात्रा रे बाद परमेश्वरे वणां दास री मुलाकात रिबका हूं करायी। ज्या अब्राहम रा भाई री पोती ही। ![](https://cdn.door43.org/obs/jpg/360px/obs-en-06-03.jpg) रिबका आपणां परिवार ने छोडिन वणां दास हातीं पासी जावा रे लिए मानी ग्यी। पसे जेरां वा पासा कनान देश मे अब्राहम कोडे पोंछी ग्या तो इसहाके रिबका हूं विवाह कर लिदो। ![](https://cdn.door43.org/obs/jpg/360px/obs-en-06-04.jpg) पसे लंबा समय रे बाद, अब्राहम मरी ग्यो। पसे परमेश्वरे अब्राहम रा बेटा इसहाक ने, अब्राहम रे हातीं बाँध्यी ग्यी वाचा री वजह हुं आशीष दिदी। और वणीं वाचा मे परमेश्वर रो एक वायदों हो के अब्राहम रा अनगिनत वंशज वेगा। पण इसहाक रे घेरवालीं रिबका रे कोई संतान उत्पन्न नी वेयी ही। ![](https://cdn.door43.org/obs/jpg/360px/obs-en-06-05.jpg) इसहाके रिबका रे लिए प्रार्थना किदी, और परमेश्वरे वणींने जुडवाँ बच्चां रो गर्भ धारण करवा मे सक्षम किदी। और जणीं समय वा बच्चां रिबका रा गर्भ मे हा वा आपस मेईस लडवे लागा, अणीं वात ने और ज्यो कई भी वेई रेयो हो रिबकाए वो सब परमेश्वर ने वतावी दिदो। ![](https://cdn.door43.org/obs/jpg/360px/obs-en-06-06.jpg) परमेश्वरे रिबका हूं केयूं के, "थूं दो बेटां ने जनम देगा। और वणांरा वंशज दो अलग- अलग जातियाँ वणेंगा पण बड़ा बेटा हूं उत्पन्न थावा वाली जाति ने छोटा बेटा हूं आवणां वाली जाति री आज्ञा ने माननी वेगा।" ![](https://cdn.door43.org/obs/jpg/360px/obs-en-06-07.jpg) जेरां रिबका रे बच्चां रो जनम वेयो, तो बड़ो बेटो लाल और रोएँदार हो, और वणां वणारो नाम एसाव राख्यो। और छोटो बेटो एसाव री एड़ी ने पकड्यो हको जनम्यो, और वणां वणारो नाम याकूब राख्यो। *उत्पत्ति अध्याय 24:1-25:26 हुं एक बाइबल री कहाणी* ## 7. परमेश्वर याकूब ने आशीष देवे है https://openbiblestories.org/l/mtr/story-7/ ![](https://cdn.door43.org/obs/jpg/360px/obs-en-07-01.jpg) जेरां वा बालक बड़ा वेया तो याकूब ने घर पे रेणो बढ़िया लागो, पण एसाव ने जनावरां रो शिकार करणो बढ़िया लागतो हो। और रिबकाए याकूब हूं लगाव राख्यो, पण इसहाके एसाव हूं प्रीति राख्यी। ![](https://cdn.door43.org/obs/jpg/360px/obs-en-07-02.jpg) एक दन, जेरां एसाव शिकार करिन पासो आयो तो वो बोत ही भूखो हो। अणीं वाते एसावे याकूब हूं केयूं के, "ज्यो तईं पकायो है वणांमे हुं थोडोक भोजन मने भी दे।" लेकिन याकूबे वणाने जवाब दिदो के, "पेले थूं मई हूं यो वायदो कर के पैलोटो वेवा रे कारण हूं हर एक चीज ज्या थने मलनी चावे, वा सब थूं मने देगा।" अणी वाते एसावे वणीं सब चीजां ने याकूबे आलवा रो वायदो करी दिदो। पसे याकूबे वणांने थोडोक भोजन दिदो। ![](https://cdn.door43.org/obs/jpg/360px/obs-en-07-03.jpg) इसहाक एसाव ने आशीष देणों चावतो हो। पण अणा हुं पेले के वणीं असो किदो, रिबका और याकूबे एसाव वेवा रो ढोंग करिन वणांरे हातीं धोखो किदो। क्योंकि इसहाक बोत ही बूढो हो और अबार वो देखी भी नी सकतो हो। अणीं वाते याकूबे एसाव रा कपड़ां पेरिन और बाकरी री खाल ने आपणीं गाबड़ी मे और आपणें हाथां पे लपेटी लिदो। ![](https://cdn.door43.org/obs/jpg/360px/obs-en-07-04.jpg) याकूब इसहाक कोडे आयो और वणांहुं केयूं के, "मुं एसाव हूँ। और मुं अणीं वाते आयो हूं के थूं मने आशीष दे।" जेरां इसहाके बाकरी रा बालां ने मेहसूस किदा और वणारे कपडां ने हुंग्या, तो वणीं होस्यो के वो एसाव है अणीं वाते वणाने आशीष दिदी। ![](https://cdn.door43.org/obs/jpg/360px/obs-en-07-05.jpg) एसावे याकूब हूं ईर्ष्या किदी क्योंकि याकूबे वणांहुं पेले तो पैलोटा रा अधिकार ने और हातीं- हातींस वणारी आशीषां ने भी चुराई लिदी ही। अणीं वाते वणीं इसहाक रे मरवा रे बाद याकूब ने मार डाल्वा री योजना वणांई। ![](https://cdn.door43.org/obs/jpg/360px/obs-en-07-06.jpg) पण रिबकाए एसाव री योजना ने हुण लिदी ही। अणीं वाते वणींए और इसहाके याकूब ने वणांरा रिस्तेदारां रे हातीं रेवा रे लिए बोत ही दूर भेज दिदो। ![](https://cdn.door43.org/obs/jpg/360px/obs-en-07-07.jpg) याकूब बोत सालां तक रिबका रे रिस्तेदारां रे हातींस रेयो। और अणां समय रे दौरान वणीं विवाह भी कर लिदो और वणारे बारह बेटां और एक बेटी जनमयी ही। और परमेश्वरे वणांने बोत ही धनी वणांवी दिदो हो। ![](https://cdn.door43.org/obs/jpg/360px/obs-en-07-08.jpg) बीस सालां तक कनान मे आपणां घर हूं छेटी रेवा रे बाद, याकूब आपणां परिवार, और आपणां दासां ने और आपणें जनावरां रा पुरा झूंड रे हातीं वटे वापस आयो। ![](https://cdn.door43.org/obs/jpg/360px/obs-en-07-09.jpg) याकूब अणीं वाते बोत ही घबरायो हको हो क्योंकि वणीं होस्यूं हूं के एसाव अबार भी वणांए मारी नाखणो सावतो हो। अणीं वाते वणीं उपहार स्वरूप जनावरां रा झूंडा ने एसाव रे कोडे भेज दिदा। और ज्या दास वणां झूंडा ने लेईन ग्या हा वणां केयूं के, "थारो दास याकूब, अणां जनावरां ने थने आले है। और वो बोत ही जल्दी आवी रेयो है। ![](https://cdn.door43.org/obs/jpg/360px/obs-en-07-10.jpg) पण एसाव अबार याकूब ने नुकसान नी पोचाणों चावतो हो। लेकिन अणांरे बजाए, वो वणांने एक बार फेर हूं देखिन बोत ही खुश हो। और वणांरे बाद याकूब कनान देश मे शांति पूर्वक रेयो। पसे इसहाक मरी ग्यो और याकूब और ऐसावे वणांने मिट्टी दिदी। और वाचा री प्रतिज्ञा ज्या परमेश्वरे अब्राहम हूं किदी ही वा अबार इसहाक हूं याकूब पे आवी ग्यी ही। *उत्पत्ति अध्याय 25:27-35:29 हुं एक बाइबल री कहाणी* ## 8. परमेश्वर यूसुफ और वणांरा परिवार ने वचाडे है https://openbiblestories.org/l/mtr/story-8/ ![](https://cdn.door43.org/obs/jpg/360px/obs-en-08-01.jpg) बोत सालां रे बाद, जेरां याकूब बोत ही बूढ़ो वेई ग्यो हो, तो वणीं आपणां प्रिय बेटा यूसुफ ने वणांरे भाइयां री जाँच करवा रे लिए भेज्यो ज्या जनावरां रा झूंडा री देखभाल करी रेया हा। ![](https://cdn.door43.org/obs/jpg/360px/obs-en-08-02.jpg) यूसुफ रा भाई वणांहुं बोत ही ईर्ष्या करता हा क्योंकि वणांरो पिता वणाहुं ज्यादा प्रेम करतो हो और अणीं वाते भी के यूसुफे एक हपनो देख्यो हो के वो वणां सब भाइयां रो शासक वेई जाएगा। और जेरां यूसुफ आपणें भाइयां रे कोडे आयो तो वणां वणांने बाँधी दिदो और वणाने दासां रो व्यापार करवा वालां ने वेची दिदो। ![](https://cdn.door43.org/obs/jpg/360px/obs-en-08-03.jpg) घर पासा जावा हूं पेलां यूसुफ रा भाइयां यूसुफ रा कपडां ने फाडिन बाकरी रा लोई हूं भिगोई दिदा। पसे वणां वा कपडां आपणां पिता ने दिखाया ताकि वो यो होचेगा के कणीं जंनावरे यूसुफ ने मारी दिदो है। और अणीं वात हूं याकूब बोत ही उदास हो। ![](https://cdn.door43.org/obs/jpg/360px/obs-en-08-04.jpg) दासां रो व्यापार करवा वालां वा लोग यूसुफ ने मिस्र मे लेईन ग्या। ज्यो नील नदी रे किनारे वसियो हको हो एक बडो और शक्तिशाली देश हो। और वणां दासां रो व्यापार करवा वालां यूसुफ ने एक धनी सरकारी अधिकारी ने दास रे रूप मे वेची दिदो। लेकिन यूसुफे आपणां स्वामी री अच्छी तरह हूं सेवा किदी, और परमेश्वरे भी यूसुफ ने आशीष दिदी। ![](https://cdn.door43.org/obs/jpg/360px/obs-en-08-05.jpg) वणांरा स्वामी रे घेरवालिंए यूसुफ रे हातीं हुवा (मतलब?) री कोशिश किदी, पण यूसुफे अणी रीति हूं परमेश्वर रे विरुद्ध पाप करवा हूं इनकार कर दिदो। अणीं वाते वा बोत ही क्रोधित वेई ग्यी और यूसुफ पे झूठो आरोप लगावी दिदो, अणीं वाते वणांए गिरफ्तार करिन जेलखाना मे भेज दीदो। लेकिन अटे तक के जेलखाना मे भी, यूसुफ परमेश्वर रे प्रति विश्वास योग्य रेयो, अणीं वाते परमेश्वरे वणांने आशीष दिदी। ![](https://cdn.door43.org/obs/jpg/360px/obs-en-08-06.jpg) दो सालां रे बाद, यूसुफ अबार भी जेलखाना मेस हो, और भलेई वो निर्दोष हो। एक रात, फिरौने, जिस्तर के मिस्री लोग आपणां राजा ने पुकारता हा, वणीं दो हपनां देख्या जणां वणाने अत्यधिक घबराई दिदो। और वणांरे कोई भी सलाहकार वणांने वणां हपनां रो अर्थ नी वतावी सक्या हा। ![](https://cdn.door43.org/obs/jpg/360px/obs-en-08-07.jpg) परमेश्वरे यूसुफ ने हपनां रो अर्थ वताडवा रो वरदान प्रदान किदो हो, अणीं वाते फिरौने यूसुफ ने जेलखाना हूं आपणें कोडे बुलायो। और यूसुफे वणाने वणां हपनां रो अर्थ वतायो और केयूं के, "परमेश्वर भरपुरी री फसल वालां हात सालां रे बाद अकाल रा हात साल भेजवा वालों है।" ![](https://cdn.door43.org/obs/jpg/360px/obs-en-08-08.jpg) फिरौन यूसुफ हूं अतरो प्रभावित वियो के वणीं वणांने मिस्र रो दूसरों सब हूं शक्तिशाली पुरूष नियुक्त कर दिदो। ![](https://cdn.door43.org/obs/jpg/360px/obs-en-08-09.jpg) यूसुफे सब लोगां हूं अच्छी फसल वालां हात सालां मे बडी मात्रा मे अनाज ने जमा करवा रे लिए केयूं। पसे जेरां हात सालां रो अकाल आयो तो यूसुफे लोगां ने वो अनाज वेची दिदो ताकि वणां कोडे खावा रे लिए अनाज पर्याप्त वे। ![](https://cdn.door43.org/obs/jpg/360px/obs-en-08-10.jpg) वो अकाल केवल मिस्र मेस नी हो, पण कनान मे भी भयंकर हो जटे याकूब और वणांरो परिवार रेतो हो। ![](https://cdn.door43.org/obs/jpg/360px/obs-en-08-11.jpg) अणीं वाते याकूबे आपणें सब हूं बडा बेटां ने अनाज खरीदवा रे लिए मिस्र मे भेज्या। और जेरां वा अनाज खरीदवा रे लिए यूसुफ रे हामे खड़ा थाया तो वणां भाइयां यूसुफ ने नी पेचाण्यो। पण यूसुफे वणांने पेचांण लिदा। ![](https://cdn.door43.org/obs/jpg/360px/obs-en-08-12.jpg) यो पतो करवा रे लिए के कई वा बदली ग्या हीं वणांरी जाँच करवा रे बाद, यूसुफे वणांहूं केयूं के, "मुं थाँरो भाई यूसुफ हूं! लेकिन थां समको हके। क्योंकि जेरां थां मने दास रे रूप मे वेची दिदो हो तो थां बुरो करवा रो ठान्यो हो, पण परमेश्वरे वणीं बुराई ने भलाई रे लिए उपयोग किदी! अणीं वाते थां सब आवो और मिस्र मेइस रियो ताकि मुं थांरे लिए और थांरे परिवारांं रे लिए भोजन रो प्रबंध कर सकूँ।" ![](https://cdn.door43.org/obs/jpg/360px/obs-en-08-13.jpg) जेरां यूसुफ रा भाई पासा आपणें घरे परा ग्या, तो आपणें पिता याकूब ने वतायो के यूसुफ अबार भी जीवतो है और ये वात हुंणीन याकूब बोत ही खुश वेयो हो। ![](https://cdn.door43.org/obs/jpg/360px/obs-en-08-14.jpg) हालाँकि याकूब बोत ही बूढ़ो व्यक्ति हो तौभी वो आपणें पुरा परिवार रे हातीं मिस्र देश मे परो ग्यो, और पसे वटेस वसी ग्यो। और याकूब रे मरवा हूं पेले, वणीं आपणें सब बेटां ने आशीषित किदा। ![](https://cdn.door43.org/obs/jpg/360px/obs-en-08-15.jpg) वाचा रा वा वायदा ज्या परमेश्वरे अब्राहम हूं किदा हा वा इसहाक पे और वणारे बाद याकूब और वणारे बाद वणांरे बारह बेटां और वणांरे परिवारांं पे आवी ग्या हा। और वणां बारह बेटां रा वंशज इस्राएल रा बारह गोत्र वणीं ग्या। *उत्पत्ति अध्याय 37-50 हुं एक बाइबल री कहाणी* ## 9. परमेश्वर मूसा ने बुलावे है https://openbiblestories.org/l/mtr/story-9/ ![](https://cdn.door43.org/obs/jpg/360px/obs-en-09-01.jpg) यूसुफ रे मरवा रे बाद वणांरा सब रिस्तेदार मिस्र मेईस वसी ग्या हा। और वा और वणांरा वंशज बोत सालां तक मिस्र मेईस रेया और वणां बोत सी संतानां उत्पन्न किदी। और वा सब इस्राएली केवाणां। ![](https://cdn.door43.org/obs/jpg/360px/obs-en-09-02.jpg) बोत सालां रे बाद, इस्राएलियां री संख्या बोत ही बढ़ी ग्यी ही। और मिस्री लोग अबार अणीं वात रे लिए आभारी नी हा के वणांरी मदद करवा रे लिए यूसुफे बोत कुछ किदो हो। अणीं वाते वा इस्राएलियां हूं समकी ग्या हा क्योंकि वा संख्या में बोत ही अधिक हा। अणीं वाते वणां समय मिस्र पे शासन करवा वालां फिरौने इस्राएलियां ने मिस्रियां रा दास वणावी दिदा। ![](https://cdn.door43.org/obs/jpg/360px/obs-en-09-03.jpg) मिस्रियां इस्राएलियां ने बोत सी इमारतां और अटे तक के बोत सा नगरां ने वणावां रे लिए मजबूर किदा। और वणा कठिन परिश्रमे वणांरे जीवनां ने बोत ही अधिक दुखदायी वणांवी दिदा हा, पण परमेश्वरे वणांने आशीष दिदी और वणांरे और अधिक संतानां उत्पन्न वी। ![](https://cdn.door43.org/obs/jpg/360px/obs-en-09-04.jpg) फिरौने देख्यो के इस्राएलियां री बोत संतानां उत्पन्न वेई रेयी हीं, अणीं वाते वणीं आपणें लोगां ने इस्राएलियां रा सब बेटां ने नील नदी मे नाखिन मारी नाखवा रो आदेश दिदो। ![](https://cdn.door43.org/obs/jpg/360px/obs-en-09-05.jpg) एक विशेष इस्राएली स्त्रीए एक बालक ने जनम दिदो। और पसे वणीए और वणीरे पतिए जतरो वणांहूं वेई सक्यो हो वणां बालक ने हपाड़ी राख्यो। ![](https://cdn.door43.org/obs/jpg/360px/obs-en-09-06.jpg) जेरां वणां बालक रे माता-पिता वणाने और ज्यादा दनां तक हपाडिन नी राखी सक्या, तो वणां वणाए मारया जावा हूं वचाडवा रे लिए एक तरवा वाली टोकरी मे रखिन पसे नील नदी रा किनारा पे सरकंडां रे वच मे रख दिदो। पसे वणारी बड़ी बेहने यो देखवा रे लिए वणारी निगरानी किदी के वणांरे हातीं कई वेगा। ![](https://cdn.door43.org/obs/jpg/360px/obs-en-09-07.jpg) फिरौन री बेटिये वणीं टोकरी ने देखिन वणीं मे देख्यो। और जेरां वणींए एक बालक ने देख्यो तो वणींए वणां बालक ने आपणां बालक रे रूप मे लेई लिदो। पसे वणींए एक इस्राएली स्त्री ने वणांने दूध पिलावा रे लिए काम पे रख दिदी, और यो वना जाण्ये के वा स्त्री वणां बालक री वास्तविक माता ही। और जेरां वो बालक अतरो बडो वेई ग्यो के अबार वणांए आपणीं माता रा दूध री आवश्यकता नी ही, तो वणींए वणां बालक ने फिरौन री बेटी रे कोडे भेज दिदो, और वणां बालक रो नाम मूसो हो। ![](https://cdn.door43.org/obs/jpg/360px/obs-en-09-08.jpg) एक दन, जेरां मूसो बडो वेई ग्यो हो, तो वणीं देख्यो के एक मिस्री आदमी एक इस्राएली ने कुटी रेयो है। पसे मूसाए आपणां हाती इस्राएली ने वचाडवा रो प्रयास किदो। ![](https://cdn.door43.org/obs/jpg/360px/obs-en-09-09.jpg) जेरां मूसाए होस्यूं के वणांए कोई नी देखेगा तो वणीं वणां मिस्री आदमी ने मारी नाख्यो और वणांरी लाश ने मिट्टी मे गाडी दिदी। पण मूसाए ज्यो किदो हो वणांने कणींक देखी लिदो हो। ![](https://cdn.door43.org/obs/jpg/360px/obs-en-09-10.jpg) फिरौन ने पतो चाली ग्यो के मूसाए कई किदो है। अणीं वाते वणीं वणांए मारी नाखवा रो प्रयास किदो, पण मूसो मिस्र रा मंगरां मे भाग ग्यो। और फिरौन रा सैनिक वणांने वटे नी होजी सक्या। ![](https://cdn.door43.org/obs/jpg/360px/obs-en-09-11.jpg) मिस्र हूं छेटी मंगरां मे मूसो एक चरवाहों वणीं ग्यो हो। और वणीं वटे एक स्त्री हूं विवाह कर लिदो और वणीं दो बेटा उत्पन्न किदा। ![](https://cdn.door43.org/obs/jpg/360px/obs-en-09-12.jpg) मूसो आपणें ससुर री भेड़ां रे झूंड री देखभाल करतो हो। एक दन वणीं एक बलतीं हकी झाडी ने देख्यी ज्या भस्म थाया वना बलीं रेयी ही। अणीं वाते वणींने देखवा रे लिए वो वणीं झाडी रे निकट ग्यो। और जेरां वो वणीं झाडी रे बोत ही निकट हो तो परमेश्वरे वणांहूं वात किदी। और वणांहुं केयूं के, "हे मूसा, थूं आपणें जूतां ने उतार दे, क्योंकि थूं एक पवित्र जगा पे उबो है।" ![](https://cdn.door43.org/obs/jpg/360px/obs-en-09-13.jpg) परमेश्वरे और केयूं के, "मईं आपणें लोगां रा दुख ने देख्यो है। अणीं वाते मुं थने फिरौन रे कोडे भेजूंगा ताकि थूं इस्राएलियां ने मिस्र रा दासत्व हूं निकालिन लावे। और मुं वणांने कनान देश दूँगा, और वो देश जणांरो मईं अब्राहम, इसहाक और याकूब हूं वायदो किदो हो।" ![](https://cdn.door43.org/obs/jpg/360px/obs-en-09-14.jpg) मूसा पुछयूं के, "अगर लोग मई हूं यो पुछे के थने कणीं भेज्यो है तो पसे मुं कई केऊँगा?" पसे परमेश्वरे केयूं के, "ज्यो मुं हूं सों हूं। और वणांहूं केजे के, 'मई तई वणां कोडे भेज्यो है।' और वणांहूं यो भी केजे के, ' मुं थांरे बाप-दादां रो अर्थात् अब्राहम, इसहाक और याकूब रो परमेश्वर यहोवा हूं।' और मारो यो नाम सदा रो है।" ![](https://cdn.door43.org/obs/jpg/360px/obs-en-09-15.jpg) मूसो डरतो हो और फिरौन रे कोडे नी जाणों चावतो हो, क्योंकि वणीं होस्यूं हूं के वो अच्छी तरह हूं नी बोल सकेगा, अणीं वाते परमेश्वरे मूसा रा भाई, हारून, ने वणारी मदद करवा रे लिए भेज्यो। *निर्गमन अध्याय 1-4 हुं एक बाइबल री कहाणी* ## 10. दस विपत्तियाँ https://openbiblestories.org/l/mtr/story-10/ ![](https://cdn.door43.org/obs/jpg/360px/obs-en-10-01.jpg) परमेश्वरे मूसा और हारून ने चेतावनी दिदी के फिरौन बोत ही हठीलो वेई जाएगा। पसे जेरां वा फिरौन रे कोडे ग्या तो वणां केयूं के, "इस्राएल रो परमेश्वर यूं किये है, के मारे लोगां ने जावा दे!" पण फिरौने वणांरी वात ने नी हुण्यी और इस्राएलियां ने जावा रे लिए आजाद करवा रे बजाए वणीं वणांने और ज्यादा कठिन काम करवा रे लिए मजबूर किदा। ![](https://cdn.door43.org/obs/jpg/360px/obs-en-10-02.jpg) फिरौन वणां लोगां ने जावा देवा हूं लगातार इनकार करतो रेयो, अणीं वाते परमेश्वरे मिस्र पे दस भयंकर विपत्तियां ने भेज्यी। और अणीं विपत्तियां रे द्वारा, परमेश्वरे फिरौन ने दिखायो के वो फिरौन और मिस्र रा सब देवताओं हूं अधिक शक्तिशाली है। ![](https://cdn.door43.org/obs/jpg/360px/obs-en-10-03.jpg) परमेश्वरे नील नदी रा पाणी ने लोई मे बदली दिदो, पण फिरौने अबार भी इस्राएलियां ने जावा नी दिदा। ![](https://cdn.door43.org/obs/jpg/360px/obs-en-10-04.jpg) परमेश्वरे पुरा मिस्र मे डेटकां भेज्या। और फिरौने डेटकां ने छेटी करवा रे लिए मूसा हूं निवेदन किदो। पण सब डेटकां रे मरी जावा रे बाद, फिरौने आपणां मन ने पासो कठोर कर लिदो और इस्राएलियां ने मिस्र हूं बाण्णे नी जावे दिदा। ![](https://cdn.door43.org/obs/jpg/360px/obs-en-10-05.jpg) अणीं वाते परमेश्वरे कुटकियां री विपत्ति ने भेज्यी। और वणारे बाद वणीं डाँसां री विपत्ति भेज्यी। पसे फिरौने मूसा और हारून ने बुलाया और वणांहूं केयूं के यदि वा वणी विपत्ति ने रोकी देईं तो मुं इस्राएलियां ने मिस्र हूं जावे दूँगा। और जेरां मूसाए प्रार्थना किदी तो परमेश्वरे मिस्र पे हूं डाँसां ने हटाई दिदी। पण फिरौने आपणां मन ने पासो कठोर कर लिदो और वणां लोगां ने आजाद वेईन जावे नी दिदा। ![](https://cdn.door43.org/obs/jpg/360px/obs-en-10-06.jpg) अणांरे आगे, परमेश्वरे मिस्रियां रा सब पालतू जनावरां ने बीमार वेईन मरी जावे दिदा। पण फिरौन रो मन पासो कठोर वेई ग्यो हो अणीं वाते वणीं इस्राएलियां ने जावे नी दिदा। ![](https://cdn.door43.org/obs/jpg/360px/obs-en-10-07.jpg) परमेश्वरे मूसा ने फिरौन रे हामे वायरा मे रकोडो नाखवा रे लिए केयूं। और जेरां वणीं असो किदो तो मिस्र रे लोगां री त्वचा पे भयानक फोडा-फूंसी निकलीं आया, पण इस्राएलियां ने कईस नी वेयो। पसे परमेश्वरे फिरौन रा मन ने कठोर करी दिदो, अणीं वाते फिरौने इस्राएलियां ने आजाद वेईन जावे नी दिदा। ![](https://cdn.door43.org/obs/jpg/360px/obs-en-10-08.jpg) अणांरे बाद, परमेश्वरे कडा गिराया और मिस्र री अधिकांश फसलां ने नष्ट कर दिदी और ज्यो कोई भी घेर हूं बाण्णे निकल्यो वणांने मारी नाख्यो। पसे फिरौने मूसा और हारून ने बुलाया और वणांहूं केयूं के, "मई थांने रोकिन पाप किदो है। और थां लोग अबार जाई सको हो।" अणीं वाते मूसाए प्रार्थना किदी, और आकाश हूं कडा गिरणां बन्द वेई ग्या। ![](https://cdn.door43.org/obs/jpg/360px/obs-en-10-09.jpg) पण फिरौने फेर हूं पाप किदो और आपणां मन ने कठोर कर लिदो। और वणीं इस्राएलियां ने आजाद वेईन जावे नी दिदा। ![](https://cdn.door43.org/obs/jpg/360px/obs-en-10-10.jpg) अणीं वाते परमेश्वरे मिस्र पे टिड्डियाँ रा दलां ने आवणे दिदा। और अणीं टिड्डियाँ वणीं पुरी फसलां ने खाई लिदी जणीने कडां नाश नी किदी ही। ![](https://cdn.door43.org/obs/jpg/360px/obs-en-10-11.jpg) पसे परमेश्वरे पुरा मिस्र मे अंधारो कर दिदो ज्यो तीन दनां तक बण्यो रेयो। और यो अंधारो अतरो भयानक हो के मिस्री लोग आपणें घेर हूं नी निकली सक्या। पण जटे इस्राएली लोग रेता हा वटे अजवालों हो। ![](https://cdn.door43.org/obs/jpg/360px/obs-en-10-12.jpg) अणीं नौ विपत्तियां रे बाद भी, फिरौने इस्राएलियां ने आजाद वेईन जावे देवा हूं इनकार कर दिदो। चूँकि फिरौने परमेश्वर री वात ने नी मान्यी ही अणीं वाते परमेश्वरे एक आखरी विपत्ति ने भेजवा री योजना वणाई। ज्या फिरौन रा मन ने बदल देगा। *निर्गमन अध्याय 5-10 हुं एक बाइबल री कहाणी* ## 11. दसवी विपत्ति और फसह रो तैवार https://openbiblestories.org/l/mtr/story-11/ ![](https://cdn.door43.org/obs/jpg/360px/obs-en-11-01.jpg) परमेश्वरे मूसा और हारून ने फिरौन रे कोडे, यो केवा रे लिए भेज्या के इस्राएलियां ने जावा दे। और वणां वणांने ये चेतावनी दिदी के यदि वो वणांने नी जावे देगा, तो परमेश्वर मिस्र रा लोगां रे और सब पालतू जनावरां रे पैलोटां ने मारी नाखेगा। और पसे फिरौने यो हुणींन भी परमेश्वर पे विश्वास करवा हूं और वणारी वात ने मानवा हूं इनकार करी दिदो। ![](https://cdn.door43.org/obs/jpg/360px/obs-en-11-02.jpg) परमेश्वरे वणांपे विश्वास करवा वालां कणां रे भी पैलोटा पुत्र ने वचाडवा रे लिए एक उपाय रो प्रबंध किदो। और हर परिवार ने एक निष्कलंक मेम्ना ने लेईन वणाने वध करणों हो। ![](https://cdn.door43.org/obs/jpg/360px/obs-en-11-03.jpg) परमेश्वरे इस्राएलियां हूं वणा मेम्ना रा लोई ने लेईन आपणें घरां री चोखटां पे लगावा रे लिए केयूं। और वणांने वणारा माँस ने हेकणों हो और पसे वणांने अखमीरी रोटियाँ रे हातीं फुर्ती हूं खाणों हो। और पसे परमेश्वरे वणांने वणां भोजन ने खावा रे बाद तुरन्त मिस्र ने छोडवा रे लिए भी तैयार रेवा रे लिए केयूं हूं। ![](https://cdn.door43.org/obs/jpg/360px/obs-en-11-04.jpg) जणीं प्रकार हुं करवा रे लिए परमेश्वरे इस्राएलियां ने आदेश दिदो हो वणां वणारे अनुसारूस सब कुछ किदो। और पसे आधी रात मे, परमेश्वर हर एक पैलोटा पुत्र ने घात करतो हको मिस्र रे वचे वेईन गुजरयो। ![](https://cdn.door43.org/obs/jpg/360px/obs-en-11-05.jpg) इस्राएलियां रा हर एक घरां री चौखटां पे लोई लाग्यो हको हो, अणीं वाते परमेश्वरे वणांरे घरां ने छोड़ दिदा। जणाहूं वणां घरां रा सब लोग सुरक्षित हा। क्योंकि वा मेम्ना रा लोई हूं वची ग्या हा। ![](https://cdn.door43.org/obs/jpg/360px/obs-en-11-06.jpg) लेकिन मिस्रियां परमेश्वर पे विश्वास नी किदो हो और वणारे आदेशां ने नी मान्या हा। अणीं वाते परमेश्वरे वणांरे घरां ने नी छोड्या। और अणीं तरह हूं परमेश्वरे मिस्रियां रा हर एक पैलोटा पुत्र ने मारी नाख्या। ![](https://cdn.door43.org/obs/jpg/360px/obs-en-11-07.jpg) जेलखानां रे कैदियां रा पैलोटां हूं लेईन, फिरौन रा पैलोटा तक, हर एक पैलोटा पुत्र मरी ग्या। और आपणें गैरा दुख रे कारण मिस्र रा सब लोग रोई रेया हा और विलाप करी रेया हा। ![](https://cdn.door43.org/obs/jpg/360px/obs-en-11-08.jpg) वणीस राते, फिरौने मूसा और हारून ने बुलाया और वणांहूं केयूं के, "इस्राएलियां ने लेईन तुरन्त मिस्र हूं निकलीं जो!" और मिस्र रे लोगां भी इस्राएलियां हूं तुरन्त निकलीं जावा री विणतीं किदी। *निर्गमन अध्याय 11:1-12:32 हुं एक बाइबल री कहाणी* ## 12. निर्गमन https://openbiblestories.org/l/mtr/story-12/ ![](https://cdn.door43.org/obs/jpg/360px/obs-en-12-01.jpg) इस्राएली लोग मिस्र हूं निकलवा पे बोत ही खुश हा। क्योंकि अबार वा दास नी हा, पण अबार वा वायदा रा देश मे जाई रेया हा! और ज्यो कई भी इस्राएलियां माँग्यो हो, मिस्रियां वणांने वो सब कुछ देई दिदो, और अटे तक के होनुं और रूपुं और बिजी सब किमती चीजां भी। और बिजा देशां रा थोडा घणां लोगां परमेश्वर पे विश्वास किदो और जेरां इस्राएली लोग मिस्र हूं निकल्या हा तो वा भी वणां हातीं वेई ग्या हा। ![](https://cdn.door43.org/obs/jpg/360px/obs-en-12-02.jpg) दन रा समय मे वादलां रो एक बडो खम्बो वणांरे आगे-आगे चाल्यो। और रात रा समय मे यो खम्बो एक आग रो खम्बो बणी ग्यो। और परमेश्वर ज्यो के वणा वादलां रा खम्बा मे और आग रा खम्बा मे हो, हमेशा वणांरे हातीं हो और वणांरी यात्रा मे वणांरी अगुवाई करतो हो। और वणांने केवल अतरो करणों हो के वा वणांपे पुरो विश्वास करीन वणां हातीं चालीं। ![](https://cdn.door43.org/obs/jpg/360px/obs-en-12-03.jpg) थोडाक समय रे बाद, फिरौन और वणांरे लोगां आपणां मन ने बदली दिदो। क्योंकि वा इस्राएलियां ने पासा आपणें दास वणावणां चावता हा। अणीं वाते वणां इस्राएलियां रो पिछो किदो। और यो परमेश्वर हो जणीं वणांरे मनां ने बदली दिदा हा। और वणीं असो अणीं वाते किदो, क्योंकि वो चावतो हो के हर एक लोग यो जाणीं लिए के फिरौन हूं और मिस्रियां रा सब देवताओं हूं वो,यहोवा, अधिक शक्तिशाली है। ![](https://cdn.door43.org/obs/jpg/360px/obs-en-12-04.jpg) जेरां इस्राएलियां मिस्र री सेना ने आवती हकी देख्यी तो वणांने यो पतो हो के वा फिरौन री सेना और लाल समुद्र रा वच मे फसी ग्या हीं। अणीं वाते वा बोत ही समकी ग्या और रोवे लागा के, "माँ मिस्र ने क्यों छोड्यो? माँ अबार मरवा वालां हां!" ![](https://cdn.door43.org/obs/jpg/360px/obs-en-12-05.jpg) मूसे इस्राएलियां हूं केयूं के, "थां डरणों बंद करो! क्योंकि परमेश्वर आज थांरे लिए लडेगा और थांने मिस्रियां रे हाथ हूं वचाएगा।" और पसे परमेश्वरे मूसा हूं केयूं के, "अणां लोगां हूं लाल समुद्र री ओर आगे बढवा रे लिए के।" ![](https://cdn.door43.org/obs/jpg/360px/obs-en-12-06.jpg) पसे परमेश्वरे वणां वादलां रा खम्बा ने लेईन इस्राएलियां और मिस्रियां रे वच मे रखी दिदो, ताकि मिस्री लोग इस्राएलियां रे कोडे नी जाई सके। ![](https://cdn.door43.org/obs/jpg/360px/obs-en-12-07.jpg) परमेश्वरे मूसा हूं समुद्र पे आपणों हाथ बढ़ावणां रे लिए केयूं। और पसे परमेश्वरे वायरा हूं समुद्र रा पाणी ने अटी हुं वटी करी दिदो, जणांहु के समुद्र हुं वेईन एक वाट वणीं ग्यी। ![](https://cdn.door43.org/obs/jpg/360px/obs-en-12-08.jpg) इस्राएली लोग आपणें दोई तरफ पाणी री दीवार रे हातीं, हुकी जगा पे समुद्र हूं वेईन आगे बढ़ी ग्या। ![](https://cdn.door43.org/obs/jpg/360px/obs-en-12-09.jpg) पसे परमेश्वरे वणीं वाट हूं वणां वादलां ने उठावी लिदो ताकि मिस्री लोग इस्राएलियां ने वचिन जातां हकां देखीं। और पसे मिस्रियां वणांने पकडवा रे लिए वणांरो पीछो करवा रो निर्णय किदो। ![](https://cdn.door43.org/obs/jpg/360px/obs-en-12-10.jpg) अणीं तरह वणां समुद्र रे वचे वणीं वाटे इस्राएलियां रो पीछो किदो, पण परमेश्वरे मिस्रियां ने घबरावीं दिदा और वणांरे रथां ने अटकावीं दिदी। अणीं वाते वा चिल्लावे लागा के, "भागो! क्योंकि इस्राएलियां री ओर हूं परमेश्वर लड़ी रेयो है!" ![](https://cdn.door43.org/obs/jpg/360px/obs-en-12-11.jpg) अणीं तरह हुं इस्राएली लोग समुद्र रे दुसरी तरफ पोंछी ग्या। और पसे परमेश्वरे मूसा हुं केयूं के वो फेर हूं पाणी पे आपणों हाथ बढ़ावे। और जेरां मूसे असोस किदो, तो समुद्र रो पाणी मिस्री सेना पे आवी पड्यो और पासो आपणें सामान्य अवस्था मे आवी ग्यो। और अणीं तरह हुं पुरी मिस्री सेना समुद्र मे डूबी ग्यी। ![](https://cdn.door43.org/obs/jpg/360px/obs-en-12-12.jpg) जेरां इस्राएलियां देख्यो के सब मिस्री लोग मरी ग्या हीं तो वणां परमेश्वर पे विश्वास किदो। और वणां यो विश्वास किदो के मूसो परमेश्वर री ओर हूं बोलवा वालो हो। ![](https://cdn.door43.org/obs/jpg/360px/obs-en-12-13.jpg) इस्राएली लोग अणीं वाते भी बोत ही खुश हा, क्योंकि परमेश्वरे वणांने मरवा हुं और दास वेवा हुं वचावी लिदा हा। अणीं वाते अबार वा परमेश्वर री आराधना करवा और वणांरी आज्ञा रो पालन करवा रे लिए आजाद हा। और पसे इस्राएलियां आपणीं आजादी रो उत्सव मनाडवा रे लिए और परमेश्वर री प्रशंसा करवा रे लिए बोत सा गीत गाया, क्योंकि वणीं वणांने मिस्र री सेना हुं वचाया हा। ![](https://cdn.door43.org/obs/jpg/360px/obs-en-12-14.jpg) परमेश्वरे इस्राएलियां ने हर साल एक पर्व मनावणा रो आदेश दिदो और यो याद करवा रे लिए के कणीं तरह हुं परमेश्वरे मिस्रियां ने हरावी किदा हा और वणांने दास वेवा हुं आजाद किदा हा। और यो पर्व फसह रो पर्व केलायो हो। और अणा पर्व मे वणांने उत्सव मनाडवा रे लिए एक स्वस्थ मेम्ना ने बलि करणों हो, और वणांने आग मे हेकणों हो, और वणाने वना खमीर वालां रोटां रे हातीं खाणों हो। *निर्गमन अध्याय 12:33-15:21 हुं एक बाइबल री कहाणी* ## 13. इस्राएल रे हातीं परमेश्वर री वाचा https://openbiblestories.org/l/mtr/story-13/ ![](https://cdn.door43.org/obs/jpg/360px/obs-en-13-01.jpg) इस्राएलियां ने लाल समुद्र रे पार लेजावा रे बाद, परमेश्वर वणांने मंगरां मे हुं वेईन सीनै वालां पर्वत री ओर लेईन चाल्यो। और यो वोइस पर्वत हो जटे मूसे बलती हकी झाड़ी ने देख्यी ही। और पसे वणां लोगां वणां पर्वत रे नीचे आपणें तम्बुआं ने स्थापित किदा। ![](https://cdn.door43.org/obs/jpg/360px/obs-en-13-02.jpg) परमेश्वरे मूसा हूं और इस्राएल रा सब लोगां हुं केयूं के, "थांने हमेशा मारी वातां ने माननी हीं और ज्या वाचा मुं थांरे हातीं बांधू हूं वणीने वणाविन राखणी है। और यदि असो करोगा, तो थां मारो पुरस्कार और बहुमूल्य धन, और याजकां रो राज्य, और एक पवित्र जाति ठेरोगा।" ![](https://cdn.door43.org/obs/jpg/360px/obs-en-13-03.jpg) परमेश्वर द्वारा वणांरे कोडे आवणां रे लिए लोगां तीन दन तक खुद ने तैयार किदा। और पसे परमेश्वर सीनै पर्वत री चोटी पे हुं नीचे उतरयो। और जेरां वो आयो तो भूकम्प थायो, और विजलियाँ चमकी, और धूँओ उठ्यो, और तुरहियां रो जोरदार शब्द वियो। और पसे मूसो खुद पर्वत पे उपरे चढ़ी ग्यो। ![](https://cdn.door43.org/obs/jpg/360px/obs-en-13-04.jpg) पसे परमेश्वरे लोगां रे हातीं एक वाचा बाँध्यी। और वणीं केयूं के, "मुं थांरो परमेश्वर, यहोवा हूँ। और मुंस हूं जणी थांने मिस्र रा दासत्व हुं छुड़ाया हीं। अणीं वाते अबार थां कणां ओर देवी-देवताओं री उपासना मत करजो।" ![](https://cdn.door43.org/obs/jpg/360px/obs-en-13-05.jpg) मूर्तियां नी वणावणीं हीं और नी वणांरी उपासना करणीं है, क्योंकि मुं,यहोवा, थांरो एकमात्र परमेश्वर हूं। और अनुचित रीति हुं मारे नाम रो उपयोग मत करजो। और सब्त रा दन ने पवित्र मानवा रे लिए याद राख्जो। अर्थात् बिजां शब्दां मे, छः दनां मे आपणें सब कामां ने करणा हीं पण सातवो दन थांरे लिए विश्राम करवा और मने याद करवा रो दन है। ![](https://cdn.door43.org/obs/jpg/360px/obs-en-13-06.jpg) आपणे माता और पिता रो आदर करजो। और हत्या मत करजो। और चोरी मत करजो। और आपणें पड़ोसी री लाडी, और वणांरा घर, या वणांरे कणां भी सामान ने लेई लेवा री इच्छा मत करजो। ![](https://cdn.door43.org/obs/jpg/360px/obs-en-13-07.jpg) पसे परमेश्वरे अणीं दस आज्ञाओं ने भाटां री दो पट्टियां पे लिखिन मूसा ने देई दिदी। और परमेश्वरे पालन करवा रे लिए लोगां ने और भी बोत सी व्यवस्थाएँ दिदीं। और यदि वणां अणीं व्यवस्थाओं रो पालन किदो, तो परमेश्वरे वणां लोगां ने आशीष देवा और वणांरी सुरक्षा करवा रो वायदो किदो। पण वणीं यो भी केयूं के यदि वणां अणांरो पालन नी किदो तो वो वणांने दंडित करेगा। ![](https://cdn.door43.org/obs/jpg/360px/obs-en-13-08.jpg) परमेश्वरे इस्राएलियां हुं एक बड़ा तंबू वणावणां रे लिए भी केयूं अर्थात् मिलाप वालों तंबू। और वणीं वणांने ठीक-ठीक वताड्यूं के अणां तंबू ने किस्तर वणावणो है, और वणांरे माइने कणीं चीजां ने राखणीं हीं। और वणीं वणांने वणां तंबू ने दो कमरां मे विभाजित करवा रे लिए एक बड़ा पडदा ने वणावणां रे लिए भी केयूं। और परमेश्वर वणां पडदा रे पाछे वालां कमरा मे आएगा और वटे रेगा।और जटे परमेश्वर हो वणां कमरा मे जावा री अनुमति केवल महायाजक नेस ही। ![](https://cdn.door43.org/obs/jpg/360px/obs-en-13-09.jpg) वणां लोगां ने वणा मिलाप वालां तंबू रे हामे एक वेदी ने वणावणी वेगा। और कोई भी ज्यो परमेश्वर री व्यवस्था रे विरुद्ध कोई काम करे, तो वो वणीं वेदी पे एक जनावर ने लेईन आवे। और पसे याजक वणांने बलि करेगा और वेदी पे परमेश्वर रे लिए बलि रे रूप मे चढ़ाएगा। और पसे परमेश्वरे केयूं के वणां जनावर रो लोई वणां व्यक्ति रे पापां ने ढाँपी लेगा। और अणीं रीति हुं अबार परमेश्वर वणां पाप ने नी देखेगा। और वो व्यक्ति परमेश्वर री दृष्टि मे "शुद्ध" ठेरेगा। और पसे परमेश्वरे मूसा रा भाई हारून ने और हारून रे वंशजाँ ने आपणां याजक वेवा रे लिए चुन लिदा। ![](https://cdn.door43.org/obs/jpg/360px/obs-en-13-10.jpg) और परमेश्वरे वणां लोगां ने ज्या नियम दिदा हा, वा वणांरो पालन करवा रे लिए सेहमत थाया। और वा केवल परमेश्वर रा लोग वेवा ने और केवल वणांरिस आराधना करवा रे लिए सेहमत थाया। ![](https://cdn.door43.org/obs/jpg/360px/obs-en-13-11.jpg) बोत दनां तक, मूसो सीनै पर्वत री चोटी पेइस रेयो। और वो परमेश्वर हुं वात करी रेयो हो। पण लोग वणां कोडे पासो लौटवा री इन्तजार करतां-करतां थाकी ग्या। अणीं वाते वा हारून रे कोडे होनू लेईन आया और वणाहुं एक मूर्ति वणावणां रे लिए केयूं, ताकि वा परमेश्वर रे बजाए वणारी उपासना करी सकीं। और अणीं रीति हुं, वणां भयंकर रूप हूं परमेश्वर रे विरुद्ध पाप किदो। ![](https://cdn.door43.org/obs/jpg/360px/obs-en-13-12.jpg) हारूने बछड़ा रा आकार मे होना री एक मूर्ति वणायी। और वणां लोगां वणीं मूर्ति री उपासना करणी आरंभ करी दिदी और वणींने बलि चढ़ायी! और वणांरे अणां पाप री वजह हूं, परमेश्वर वणांहुं बोत ही क्रोधित वियो हो। और वो वणांने नष्ट करी देणों चावतो हो। पण मूसे वणांने नी मारवा रो परमेश्वर हूं अनुरोध किदो। और परमेश्वरे वणांरा अनुरोध ने हुण्यो और वणांने नष्ट नी किदा। ![](https://cdn.door43.org/obs/jpg/360px/obs-en-13-13.jpg) आखिरकार मूसो सीनै पर्वत हूं नीचे उतरी आयो। और वो वणीं दो भाटां री पट्टियां ने भी हातीं लायो हो, जणीं पे परमेश्वरे दस आज्ञाओं ने लिख्यी ही। और पसे वणीं वणी मूर्ति ने देख्यी। और वो अतरो क्रोधित थायो के वणीं पट्टियां ने भी तोडिन चकनाचूर करी दिदी। ![](https://cdn.door43.org/obs/jpg/360px/obs-en-13-14.jpg) पसे मूसे वणी मूर्ति ने पीसिन वणींरो बुरादो वणावी दिदो, और पसे वणां बुरादा ने पाणी मे मलाविन वणां लोगां ने वो पाणी पिलावी दिदो। और परमेश्वरे वणां लोगां पे एक विपत्ति ने भेज्यी और वणांमे हुं बोत सा लोग मरी ग्या। ![](https://cdn.door43.org/obs/jpg/360px/obs-en-13-15.jpg) जणीं पट्टियां ने मूसे तोड़ी दिदी ही वणींरो स्थान लेवा रे लिए मूसे वणीं दस आज्ञाओं री भाटां री नवी पट्टियां ने वणायी। और पसे वो पासो सीनै पर्वत पे चढ़ी ग्यो और प्रार्थना किदी, के हे परमेश्वर वणां लोगां ने माफ करी दे। और पसे परमेश्वरे वणांरी प्रार्थना ने हुणींन वणांने माफ करी दिदा। और नवी पट्टियां पे दस आज्ञाओं ने लिखाड़िन मूसो सीनै पर्वत हुं नीचे उतरी आयो। और पसे परमेश्वरे सीनै पर्वत हुं लेईन वायदा रा देश कनान तक इस्राएलियां री अगुवाई किदी। *निर्गमन अध्याय 19-34 हुं एक बाइबल री कहाणी* ## 14. मंगरा मे भटकणों https://openbiblestories.org/l/mtr/story-14/ ![](https://cdn.door43.org/obs/jpg/360px/obs-en-14-01.jpg) परमेश्वरे इस्राएलियां ने वणां नियमां ने वताणों समाप्त किदो जणांरो वणांने बाँध्यी ग्यी, वणीं वाचा रे कारण पालन करणों है। और पसे वणीं सीनै पर्वत हुं आगे वणांरी अगुवाई किदी। और वो वणांने वायदा रा देश मे लेई जाणों चावतो हो। और यो देश कनान भी केवातो हो। और परमेश्वर वादलां रा खम्बा मे वणांरे आगे-आगे चाल्यो, और वा वणांरे पाछे-पाछे चालिया। ![](https://cdn.door43.org/obs/jpg/360px/obs-en-14-02.jpg) परमेश्वरे अब्राहम, इसहाक और याकूब हूं वायदो किदो हो, के वो वायदा रो वो देश वणांरे वंशजाँ ने देगा, पण अणां समय वटे बोत सी बिजी जातियां भी रेती ही। और वा लोग कनानी केवाता हा। और या कनानी लोग परमेश्वर री आराधना नी करता हा और वणांरी आज्ञा ने भी नी मानता हा। पण वा झूठा देवी-देवताओं री उपासना करता हा और बोत सा गलत काम करता हा। ![](https://cdn.door43.org/obs/jpg/360px/obs-en-14-03.jpg) परमेश्वरे इस्राएलियां हुं केयूं के,"जेरां थां वणां वायदा रा देश मे जाओगा, तो वटे रा सब कनानियां हुं छुटकारो पाई लेजो। और वणां हातीं कोई भी हमझौतो मत करजो और वणांहूं कोई भी रिस्तो मत वणाजो और वणां हूं थां विवाह भी मत करजो। और थांने वणांरी सब मुर्तियां ने पुरी तरह हुं नष्ट करी देणी हीं। और यदि थां मारी आज्ञा ने नी मानोगा, तो थां मारे बजाए वणांरे देवी-देवताओं री उपासना करवे लागोगा।" ![](https://cdn.door43.org/obs/jpg/360px/obs-en-14-04.jpg) जेरां इस्राएली कनान देश री सीमा मे पोंच्या, तो मूसे इस्राएल रा प्रत्येक गोत्र मे हुं एक-एक करिन बारह आदमियाँ ने चुन्यां। और वणीं वणांने जाईन वणां देश रा भेद लेवा रो निर्देशदिदो। ताकि वा देखीं के वो देश कसोक है। और वणांने वणां कनानियां रो भेद भी लेणो हो, ताकि देखीं के वा कतराक ताकतवर हा या पसे कमजोर हा। ![](https://cdn.door43.org/obs/jpg/360px/obs-en-14-05.jpg) वणां बारह आदमियाँ पुरा कनान हुं वेतां हका चालिस दन री यात्रा किदी और पसे वा पासा आवी ग्या। और आविन वणां लोगां ने वतायो के,"वो देश बोत ही उपजाऊ है और वटे री फसल भी बोत ही जोरदार री है!" पण दस भेदियां केयूं के, "वणांरा नगर बोत ही मजबूत हीं और वटे रा लोग भी बोत ही लम्बा-चौड़ा हीं! और यदि आपां वणांपे हमलो करांगा, तो वास्तव मे वा आपांने हरावी देगा, और आपांने मारी नाखेगा।" ![](https://cdn.door43.org/obs/jpg/360px/obs-en-14-06.jpg) जणीस वलां तुरन्त कालेब और यहोशू और बिजा दो जणां और केयूं के, "यो सई है के कनान रा लोग बोत ही लम्बा-चौड़ा हीं और बोत ही ताकतवर ही, पण निश्चित रूप हूं आपां वणांने पराजित करी सकां हा! क्योंकि परमेश्वर आपणे लिए लडेगा।" ![](https://cdn.door43.org/obs/jpg/360px/obs-en-14-07.jpg) पण वणां लोगां कालेब और यहोशू री वातने नी हुण्यीं। लेकिन वा मूसा और हारून पे क्रोधित वेई ग्या और केयूं के, "थां मां लोगां ने अणां भयानक स्थान पे क्यूं लेईन आया हो? आपांने मिस्र मेईस रेणों चावतो हो। और यदि आपां वणां देश मे जावां हां, तो आपां युद्ध मे मारया जाँगा, और कनान रा लोग आपणें लाड़ियां ने और आपणें बाल-बच्चां ने दास वणावी लेगा।" और पसे वा लोग पासा मिस्र मे लेईन जावा रे लिए एक बिजा अगुवा ने नियुक्त करणां चावता हा। ![](https://cdn.door43.org/obs/jpg/360px/obs-en-14-08.jpg) जेरां वणां लोगां असूं केयूं, तो परमेश्वर वणांपे बोत ही क्रोधित वेई ग्यो हो। और पसे वो मिलाप वालां तम्बू मे आयो और केयूं के, "थां मारे विरुद्ध बलवो किदो है, अणीं वाते थां सबने मंगरां मेस भटकणों पड़ेगा। और हर एक व्यक्ति ज्यो बीस साल हुं ज्यादा री उमर रो है, वो अणांस मंगरां मे मरी जाएगा और केरां भी वणां देश मे प्रवेश नी करी सकेगा ज्यो मुं थांने देवा वालों हूं। लेकिन केवल कालेब और यहोशूस वणां देश मे प्रवेश करेगा।" ![](https://cdn.door43.org/obs/jpg/360px/obs-en-14-09.jpg) जेरां लोगां परमेश्वर ने असो केतां हका हुंण्यो, तो वा बोत ही दुखी वेया क्योंकि वणां पाप किदो हो। अणीं वाते वणां कनान रे लोगां पे हमलो करवा रो निर्णय किदो। पण मूसे वणांने नी जावा रे लिए चेतावनी दिदी, क्योंकि परमेश्वर वणां हातीं नी जावा वालों हो, पण वणां मूसा री वात ने नी हुण्यी। ![](https://cdn.door43.org/obs/jpg/360px/obs-en-14-10.jpg) परमेश्वर अणां युद्ध मे वणांरे हातीं नी ग्यो हो, अणीं वाते कनानियां वणांने पराजित करी दिदा और वणांमे हुं बोत सा लोगां ने मारी नाख्या। और पसे इस्राएली लोग कनान हुं पासा मुड़ी ग्या। और अगलां चालीस सालां तक, वा अटी हुं वटी मंगरां मेईस भटकेगा। ![](https://cdn.door43.org/obs/jpg/360px/obs-en-14-11.jpg) इस्राएली लोगां रे द्वारा मंगरां मे भटकवा रा चालीस सालां रे समय, परमेश्वरे वणांरी जरुरतां ने पुरी किदी। और वणीं वणांने स्वर्ग हुं "मन्ना" री रोटियाँ दिदी। और वणीं बटेरां रा झुण्ड़ां ने भी वणांरी छावनी मे भेज्या, ताकि वणां कोडे खावा रे लिए माँस भी वे। और वणां पुरा समय, परमेश्वरे वणांरे कपड़ां और जूतां ने फाटवे नी दिदा। ![](https://cdn.door43.org/obs/jpg/360px/obs-en-14-12.jpg) अटे तक के परमेश्वरे वणांरे पीवा रे लिए चमत्कारी रूप हुं चट्टान मे हूं पाणी निकाल्यो। पण अणां सब रे बाद भी, इस्राएली लोगां परमेश्वर रे विरुद्ध और मूसा रे विरुद्ध शिकायत किदी और वणांरे विरुद्ध कुड़कुड़ाया। तौभी परमेश्वर विश्वासयोग्य हो। और वणीं ज्यो वायदो किदो हो के अब्राहम, इसहाक, और याकूब रे वंशजाँ रे लिए करेगा वणीं वो किदो। ![](https://cdn.door43.org/obs/jpg/360px/obs-en-14-13.jpg) एक समय जेरां वणां लोगां कोडे पाणी नी हो, तो परमेश्वरे मूसा हुं केयूं के, "चट्टान हूं वात कर, और वणांमे हुं पाणी निकलेगा।" पण मूसे चट्टान हूं वात नी किदी। बजाए अणांरे, वणीं लाकड़ी हुं चट्टान पे दो बार मारयो। और अणीं रीति हुं वणीं परमेश्वर रो निरादर किदो। और पसे सबरे लिए चट्टान मे हुं पाणी तो निकलीं आयो, पण परमेश्वर मूसा हुं क्रोधित वेई ग्यो। और पसे वणीं केयूं के, "थें असो किदो है,अणीं वाते थूं वायदा रा देश मे प्रवेश नी करी सकेगा।" ![](https://cdn.door43.org/obs/jpg/360px/obs-en-14-14.jpg) जेरां इस्राएली लोग चालीस साल तक मंगरां मे भटकी चुक्या हा, जेरां जणां परमेश्वर रे विरुद्ध बलवो किदो हो वा सब मरी ग्या हा। और पसे परमेश्वरे वणां लोगां ने फेर हुं वणां वायदा रा देश री सीमा तक लेईन ग्यो। और मूसो बोत ही बुढ़ो वेई ग्यो हो, अणीं वाते परमेश्वरे लोगां री अगुवाई करवा मे वणांरी मदद करवा रे लिए यहोशू ने चुन्यो। और परमेश्वरे मूसा हुं यो वायदो भी किदो हो, के एक दन वो वणां लोगां कोडे मूसा रे हरिको एक परमेश्वर री ओर हुं बोलवा वालां ने भेजेगा। ![](https://cdn.door43.org/obs/jpg/360px/obs-en-14-15.jpg) पसे परमेश्वरे मूसा ने एक पर्वत री चोटी पे जावा रे लिए केयूं, ताकि वो वायदा रा देश ने देखी सके। और मूसे वणां वायदा रा देश ने देख्यो पण परमेश्वरे वणांने वणां मे प्रवेश करवा री अनुमति नी दिदी। और पसे मूसो मरी ग्यो, और इस्राएलियां तीस दनां तक शोक मनायो। और पसे यहोशू वणांरो नवो अगुवो वणीं ग्यो। और यहोशू भी एक बढ़िया अगुवो हो, क्योंकि वणीं परमेश्वर पे पुरो भरोसो किदो हो और वणांरी वातां ने मान्यी। *निर्गमन अध्याय 16-17; गिनती 10-14; 20; 27; व्यवस्थाविवरण 34 हुं एक बाइबल री कहाणी* ## 15. वायदा रो देश https://openbiblestories.org/l/mtr/story-15/ ![](https://cdn.door43.org/obs/jpg/360px/obs-en-15-01.jpg) अन्त मे, अबार वो समय आवी ग्यो हो के इस्राएली लोग वायदा रा देश, कनान मे प्रवेश करीं। और वणां देश मे यरीहो नाम रो एक नगर हो। और वणांरी सुरक्षा रे लिए वणांरे चारों तरफ एक मजबूत दीवार ही। और यहोशूए वणां नगर मे दो भेदियां ने भेज्या। और वणा नगर मे राहाब नाम री एक वेश्या रेती ही। और वणींए वणां भेदियां ने आपणां घर मे हपाया, और पसे बाद मे वणांने नगर हूं वचीन निकलवा मे मदद किदी, क्योंकि वा परमेश्वर पे विश्वास करती ही। और जणीं समय इस्राएली लोग यरीहो ने नाश करेगा, जेरां वणां राहाब और वणींरे परिवार री रक्षा करवा रो वायदो किदो हो। ![](https://cdn.door43.org/obs/jpg/360px/obs-en-15-02.jpg) इस्राएली लोगां ने वायदा रा देश मे प्रवेश करवा रे लिए यरदन नदी ने पार करणी ही। और परमेश्वरे यहोशू हूं केयूं के, "याजकां ने पेले जावा दे।" और जेरां याजकां यरदन नदी मे आपणें कदमां ने रख्या, तो पाणी री धार रो बेहणो थमी ग्यो। जणांहु के इस्राएली लोग नदी रे बिजी तरफ हुकी जगा पे पार जाई सकीं। ![](https://cdn.door43.org/obs/jpg/360px/obs-en-15-03.jpg) वणां लोगां यरदन नदी ने पार कर लिदी, तो परमेश्वरे यहोशू हुं केयूं के थां यरीहो पे हमलो करवा रे लिए तैयार रियो, और वो नगर बोत ही दृढ़ और मजबूत हो। और पसे परमेश्वरे वणां लोगां हुं केयूं के वणांरे याजकां और सैनिकां ने छः दनां तक वणां नगर रे चारों तरफ चक्कर लगाणों है। अणीं वाते याजकां और सैनिकां असूंस किदूं। ![](https://cdn.door43.org/obs/jpg/360px/obs-en-15-04.jpg) पसे हातवे दन, इस्राएलियां वणां नगर रे चारों तरफ हात बार और चक्कर लगाया। और वणां नगर रे चारों तरफ हातवी बार चक्कर लगावी लेवा रे बाद, याजकां आपणीं तूरहियाँ ने फूंक्यी और सैनिकां उँची आवाज हूं परमेश्वर री जय-जयकार किदी। ![](https://cdn.door43.org/obs/jpg/360px/obs-en-15-05.jpg) पसे यरीहो रे चारों तरफ री दीवार पड़ी ग्यी! और जसी परमेश्वरे आज्ञा दिदी ही इस्राएलियां वणां नगर री हर एक चीजां ने नष्ट कर दिदी ही। पण वणां केवल राहाब और वणींरे परिवार ने छोड़ी दिदो, ज्यो इस्राएलियां रो भाग वणीं ग्यो हो। और जेरां कनान मे रेवा वालां बिजां लोगां हुण्यो के इस्राएलियां यरीहो ने नष्ट करी दिदो है, तो वा सब समकी ग्या के इस्राएली लोग वणांपे भी हमलो करेगा। ![](https://cdn.door43.org/obs/jpg/360px/obs-en-15-06.jpg) परमेश्वरे इस्राएलियां ने आज्ञा दिदी ही के कनान मे रेवा वालीं कणीं भी जाति रे हातीं हमझौतो मत करजो। पण गिबोनिया नामक एक कनानी जातिए यहोशू हूं झूठ केयूं, के वा कनान हुं छेटी एक स्थान रा रेवा वालां हीं। और पसे वणां यहोशू हातीं हमझौतो करवा रो अनुरोध किदो। और यहोशू और इस्राएली अगुवां परमेश्वर हुं नी पुछयूं के वणांने कई करणों चावे है। अणां रे बजाए वणां गिबोनियां रे हातीं हमझौतो करी दिदो। ![](https://cdn.door43.org/obs/jpg/360px/obs-en-15-07.jpg) तीन दन बाद, इस्राएलियां ने पतो चाल्यो के गिबोनी लोग कनान मेईस रेता हा। अणीं वाते वा क्रोधित वेई ग्या क्योंकि गिबोनियां वणांने धोखो दिदो हो। पण वणां वणांरे हातीं किदा ग्या हमझौता ने बणांयो राख्यो, क्योंकि वो हमझौतो परमेश्वर रे हामे किदो हो और पसे थोडाक समय रे बाद, कनान मे रेवा वालीं एक बिजी जाति, एमोरियां रा राजाए हुण्यों के गिबोनियां इस्राएलियां रे हातीं हमझौतो करी लिदो है। अणीं वाते वणां आपणीं-आपणीं सेनाओं ने एक करिन एक बड़ी सेना वणांई और पसे गिबोनियां पे हमलो करी दिदो। पसे गिबोनियां वणांरी मदद करवा रे लिए यहोशू कोडे एक हमिचार भेज्यो। ![](https://cdn.door43.org/obs/jpg/360px/obs-en-15-08.jpg) पसे यहोशूए इस्राएलियां री सेना ने इकट्ठी किदी और गिबोनियां रे कोडे पोंचवा रे लिए वा पुरी रातभर चाल्या। और सुबे भोर मे वणां एमोरियां री सेना ने चकित करी दिदी और वणांपे अचानक हमलो कर दिदो। ![](https://cdn.door43.org/obs/jpg/360px/obs-en-15-09.jpg) वणें दन परमेश्वर इस्राएलियां रे लिए लड्यो। और वणीं एमोरियां ने घबरावी दिदा और वणीं बड़ा-बड़ा कड़ा पाड़िन बोत सा एमोरियां ने मारी नाख्या। ![](https://cdn.door43.org/obs/jpg/360px/obs-en-15-10.jpg) परमेश्वरे सूरज ने भी आकाश मे एक स्थान पे थमावी दिदो ताकि इस्राएलियां ने पर्याप्त समय मलीं जाए ताकि वा एमोरियां ने पुरी तरह हुं हरावी देई। और परमेश्वरे इस्राएलियां रे लिए एक बड़ी विजय प्राप्त किदी। ![](https://cdn.door43.org/obs/jpg/360px/obs-en-15-11.jpg) जेरां परमेश्वरे वणीं सेनाओं ने हरावा रे बाद, बोत सी कनानी, जाति रा लोग इस्राएल पे हमलो करवा रे लिए इकट्ठा वेया। पण यहोशू और इस्राएलियां हमलो करिन वणांरो सर्वनाश करी दिदो। ![](https://cdn.door43.org/obs/jpg/360px/obs-en-15-12.jpg) अणां युद्धां रे बाद, परमेश्वरे इस्राएल रा प्रत्येक गोत्र ने वायदा रा वणां देश मे वणांरो भाग दिदो। पसे परमेश्वरे इस्राएल ने वणांरी सब सीमाओं पे शान्ति प्रदान किदी। ![](https://cdn.door43.org/obs/jpg/360px/obs-en-15-13.jpg) जेरां यहोशू बूढ़ो वेई ग्यो तो वणीं इस्राएल रा सब लोगां ने एक हातीं बुलाया। पसे यहोशूए वणां लोगां ने याद करायो के वणां वणीं वाचा रो पालन करवा रो वायदो किदो है, ज्या परमेश्वरे वणांरे हातीं सीनै पर्वत पे बाँध्यी ही। और वणां लोगां परमेश्वर रे प्रति विश्वासयोग्य रेवा और वणांरी व्यवस्थाओं रो पालन करवा रो वायदो किदो। *यहोशू अध्याय 1-24 हुं एक बाइबल री कहाणी* ## 16. सोड़ावणां वालों https://openbiblestories.org/l/mtr/story-16/ ![](https://cdn.door43.org/obs/jpg/360px/obs-en-16-01.jpg) यहोशू रे मरवा रे बाद इस्राएलियां परमेश्वर री आज्ञाओं ने नी मान्यी। और वणां परमेश्वर रा नियमां रो पालन नी किदो, और वणां वायदा रा देश कनान हुं, वसया हकां कनानियां ने भी बाण्णे नी निकाल्या। और इस्राएलियां आपणें हासा परमेश्वर, यहोवा ने छोडिन कनानियां रे देवी-देवताओं री उपासना करणों आरम्भ कर दिदो हो। और इस्राएलियां कोडे कोई राजा नी हो, अणीं वाते जणांए ज्यो सई लागो वणां वो किदो। ![](https://cdn.door43.org/obs/jpg/360px/obs-en-16-02.jpg) परमेश्वर री आज्ञा नी मानवा रे द्वारा इस्राएलियां एक पद्धति ने आरम्भ करी दिदी ही, जणींने बोत बार दोहरायो ग्यो हो। और ये पद्धति अणीं प्रकार हुं चाल्यी के इस्राएली बोत समय तक परमेश्वर री आज्ञा नी मानेगा, पसे वो वणांने वणांरे शत्रुआं हूं पराजित करावणा रे द्वारा दंडित करेगा। और या शत्रु वणांरी सब चीजां ने लूटी लेगा, और वणांरी धन सम्पत्ति ने नाश करी देगा, और वणांमे हुं बोत सा लोगां ने मारी नाखेगा। पसे जेरां इस्राएलियां रा शत्रु वणांपे बोत सा सालां तक अत्याचार करेगा, और वणांरे बाद इस्राएली आपणें पापां रो पश्चाताप करेगा और परमेश्वर हुं वणांने वचाडवा रे लिए प्रार्थना करेगा। ![](https://cdn.door43.org/obs/jpg/360px/obs-en-16-03.jpg) हर बार जेरां इस्राएली पश्चाताप करेगा तो परमेश्वर वणांने वचाड़ेगा। और वो एक छुड़ावा वाला रे द्वारा असो करेगा - और एक असो व्यक्ति ज्यो वणांरे शत्रुआं रे विरुद्ध लड़ेगा और वणांने पराजित करेगा। पसे देश मे शान्ति वेगा और वो छुड़ावा वालों वणांपे अच्छी तरह हूं शासन करेगा। और परमेश्वरे वणां लोगां ने वचाडवा रे लिए बोत सा छोड़ावा वालां ने भेज्या। पसे परमेश्वरे नजदीक रीस एक शत्रु जाति, मिद्यानियां रे द्वारा इस्राएलियां ने पराजित करावणा रे द्वारा फेर हुं असो किदो। ![](https://cdn.door43.org/obs/jpg/360px/obs-en-16-04.jpg) मिद्यानियां हात सालां तक इस्राएलियां री फसलां ने लूट्यी। पसे इस्राएली लोग बोत ही समकी ग्या हा। अणीं वाते वा मंगरां री गुफाओं मे जाईन हपी ग्या हा ताकि मिद्यानी लोग वणांने होजी नी सकीं। और आखिरकार, वणांने वचाडवा रे लिए वणां परमेश्वर ने पुकारयो। ![](https://cdn.door43.org/obs/jpg/360px/obs-en-16-05.jpg) गिदोन नाम रो एक इस्राएली पुरुष हो। और एक दन, वो गुप्त जगा मे गऊँ खटुकी रेयो हो, ताकि मिद्यानी लोग वणांए चुरावी नी सके। और जेरां यहोवा परमेश्वर रा स्वर्गदूते गिदोन रे कोडे आविन पसे वणांहुं केयूं के, "हे शूरवीर सूरमा, परमेश्वर थारे हातीं है। अणीं वाते थूं जा और इस्राएलियां ने मिद्यानियां हुं वचाड़।" ![](https://cdn.door43.org/obs/jpg/360px/obs-en-16-06.jpg) गिदोन रा पिता कोडे मूर्ति ने समर्पित एक वेदी ही। और सबहूं पेली वात ज्या परमेश्वरे गिदोन ने करवा रे लिए केयी ही वा वणीं वेदी ने तोड़णीं ही। पण गिदोन लोगां हूं समकतो हो, अणीं वाते वणीं रात वेवा रो इन्तजार किदो। पसे वणीं वेदी ने तोड़िन टुकड़ा-टुकड़ा कर दिदा। और वणीं परमेश्वर रे लिए एक नवी वेदी वणांई और वणींपे परमेश्वर रे लिए बलि चढ़ाई। ![](https://cdn.door43.org/obs/jpg/360px/obs-en-16-07.jpg) बिजे दन सुबे लोगां देख्यो के कणींक वेदी ने तोडिन टुकड़ा-टुकड़ा कर दिदा हीं, अणीं वाते वा बोत ही क्रोधित वेया। पसे वा गिदोन ने मारी नाखवा रे लिए वणांरे घरे ग्या, पण गिदोन रा पिताए केयूं के, "थां क्यूँ आपणें देवता री सहायता करवा रो प्रयास करी रेया हो? यदि वो एक हासो देवता है, तो वणांने आपणीं सुरक्षा खुद करवे दियो!" क्योंकि वणीं असूं केयूं हूं अणीं वाते लोगां गिदोन ने नी मारयो। ![](https://cdn.door43.org/obs/jpg/360px/obs-en-16-08.jpg) पसे इस्राएलियां ने लूटवा रे लिए मिद्यानी लोग पासा आया। और वा अतरा हा के वणांरी गणतीं भी नी किदी जाई हकती ही। पसे गिदोने वणांरे विरुद्ध लड़वा रे लिए इस्राएलियां ने एक हातीं बुलाया। पसे गिदोने परमेश्वर हुं दो चिन्हां री मांँग किदी, ताकि वणाए यो विश्वास वेई जाए के परमेश्वर सई मे वणाने इस्राएल ने वचाडवा रे लिए केई रेयो है। ![](https://cdn.door43.org/obs/jpg/360px/obs-en-16-09.jpg) पेला चिन्ह रे लिए, गिदोने भेड़ां री ऊन ने जगा पे रखिन परमेश्वर हुं केयूं के सुबे रो ठार केवल भेड़ां री ऊन पेईस पडे और जगापे नी पडे। पसे परमेश्वरे असोस किदो। पसे बिजी रात, वणीं परमेश्वर हुं केयूं के आज जगा तो ठार हुं गिली वेई जाए पण भेड़ां री ऊन हुकी रिए। पसे परमेश्वरे वणी रात भी वसोस किदो। और अणां दो चिन्हां रे कारण, गिदोने विश्वास किदो के परमेश्वर सई मे चावे है, के वो इस्राएलियां ने मिद्यानियां हूं वचाडे। ![](https://cdn.door43.org/obs/jpg/360px/obs-en-16-10.jpg) पसे गिदोने सैनिकां ने आपणें कोडे बुलाया और 32,000 पुरुष आया। पण परमेश्वरे वणांहुं केयूं, के या बोत ही ज्यादा हीं। अणीं वाते गिदोने वणां सब 22,000 पुरुषां ने घरे पासा भेज दिदा ज्या लड़वा हुं समकता हा। पसे परमेश्वरे गिदोन हूं केयूं के या पुरुष अबार भी ज्यादा हीं। अणीं वाते गिदोने 300 सैनिकां ने छोडिन वणां सबने घरे भेज दिदा। ![](https://cdn.door43.org/obs/jpg/360px/obs-en-16-11.jpg) वणीं रात परमेश्वरे गिदोन हुं केयूं के, "मिद्यानियां री छावनी मे जा और वणांने वातां करतां हकां हुंण और जेरां थूं हुणे के वा कई वातां करी हीं, तो थूं वणांपे हमलो करवा हूं नी समकेगा।" अणीं वाते वणीं रात, गिदोन नीचे वणांरी छावनी मे ग्यो और वणीं एक मिद्यानी सैनिक ने आपणां मित्र ने वा वात वतातां हकां हुण्यो ज्यो वणीं आपणें हपना मे देख्यो हो। और वणां पुरूष रा मित्रे केयूं के, "अणां हपना रो अर्थ है, के गिदोन री सेना आपां मिद्यानियां री सेना ने पराजित करी देगा!" और जेरां गिदोने यो हुण्यो, तो वणीं परमेश्वर री स्तुति और महिमा किदी। ![](https://cdn.door43.org/obs/jpg/360px/obs-en-16-12.jpg) पसे गिदोन आपणें सैनिकां रे कोडे पासो परो ग्यो और वणांमे हुं प्रत्येक ने एक-एक नरसिंगो, और एक मिट्टी रो बर्तन और एक मशाल दिदी। पसे वणां छावनी ने घेर लिदी जटे मिद्यानी सैनिक हुई रेया हा। और गिदोन रे 300 सैनिकां आपणीं मशालां ने कणांक हुं ढक्यी हकी ही अणीं वाते मिद्यानी लोग वणीं मशालां रा उजालां ने नी देखी हक्या हा। ![](https://cdn.door43.org/obs/jpg/360px/obs-en-16-13.jpg) पसे गिदोन रे सब सैनिकां आपणें पात्रां ने एकुस समय पे तोडिन अचानक हुं मशालां री आग ने प्रकट कर दिदी। पसे वणां आपणें नरसिंगा ने फुँकिन ऊँची आवाज हुं चिल्लाया के, "यहोवा परमेश्वर और गिदोन री तलवार!" ![](https://cdn.door43.org/obs/jpg/360px/obs-en-16-14.jpg) परमेश्वरे मिद्यानियां ने घबरावी दिदा, अणीं वाते वा एक दूजा ने मारवे - काटवे लागा। पसे तुरन्तुस गिदोने संदेशवाहकां ने बोत सा बिजां इस्राएलियां ने मिद्यानियां रो पीछो करवा मे। वणांरी मदद करवा रे लिए बुलावा भेज्या। पसे वणां बोत सा मिद्यानियां ने मारी दिदा और ज्या वची ग्या हा वणांरो पीछो करिन वणांने इस्राएल देश हुं बाण्णे निकाल दिदा। और वणें दन 1,20,000 मिद्यानी मारया ग्या। और अणीं तरह परमेश्वरे इस्राएलियां ने वचाया। ![](https://cdn.door43.org/obs/jpg/360px/obs-en-16-15.jpg) पसे इस्राएली लोग गिदोन ने आपणों राजा वणावणां चावता हा, पण गिदोने वणांने असो करवा नी दिदो, लेकिन वणीं वणांहुं वा होना रा जेवर माँग्या ज्या वणां मिद्यानियां हुं लूट्या हा। पसे वणां लोगां बड़ी मात्रा मे गिदोन ने होना रा वा जेवर देई दिदा। ![](https://cdn.door43.org/obs/jpg/360px/obs-en-16-16.jpg) पसे गिदोने वणां होना हुं एक विशेष वस्त्र वस्त्र ने वणांयो जसो के महायाजक लोग पेरता हा। पण वणां लोगां वणांरी उपासना करणों आरम्भ करी दिदो हो, जिस्तर के वो एक मूर्ति वो। पसे परमेश्वरे फेर हुं इस्राएल ने दंडित किदो, क्योंकि वणां मूर्ति री उपासना किदी ही। और परमेश्वरे वणांरे शत्रुआं ने वणांने पराजित करवा मे सक्षम किदा। और आखिरकार वणां फेर हुं परमेश्वर हूं मदद करवा रे लिए प्रार्थना किदी, और परमेश्वरे वणां कोडे वणांने वचाडवा रे लिए एक बिजा छोड़ावणा वालां ने भेज्यो। ![](https://cdn.door43.org/obs/jpg/360px/obs-en-16-17.jpg) येईस वात बोत बार घटित वीः इस्राएली लोग पाप करेगा, और परमेश्वर वणांने दंडित करेगा, पसे वा पश्चाताप करेगा, पसे परमेश्वर वणांने छोड़ावणा रे लिए कणाक ने भेजेगा, और बोत सा सालां तक, परमेश्वरे बोत सा छोड़ावणा वालां ने भेज्या जणां इस्राएलियां ने वणांरे शत्रुआं हुं वचाया। ![](https://cdn.door43.org/obs/jpg/360px/obs-en-16-18.jpg) आखिरकार, वणां लोगां बिजा देशां री तरह परमेश्वर हुं आपणें लिए एक राजा री माँग किदी। और वा एक असो राजा चावता हा ज्यो लम्बो और शक्तिशाली वे, और ज्यो युद्ध मे वणांरी अगुवाई कर सके। पण परमेश्वर ने यो निवेदन पसंद नी आयो, तौभी वणीं वणांने असो राजा दिदो जसा राजा री वणां माँग किदी ही। *न्यायियों अध्याय 1-3; 6-8; 1शमूएल 1-10 हुं एक बाइबल री कहाणी* ## 17. दाऊद रे हातीं परमेश्वर री वाचा https://openbiblestories.org/l/mtr/story-17/ ![](https://cdn.door43.org/obs/jpg/360px/obs-en-17-01.jpg) शाऊल इस्राएल रो पेलो राजा हो। और वो लम्बो और बोत ही सुन्दर हो, और जसो लोग चावता हा बिल्कुल वसोस हो। और इस्राएल पे आपणां शासन रा पेलां थोडाक सालां मे शाऊल एक अच्छो राजा हो। पण बाद मे वो एक दुष्ट व्यक्ति वणीं ग्यो, जणीं परमेश्वर री वातां ने नी मान्यी। अणीं वाते परमेश्वरे एक बिजा व्यक्ति ने चुन्यो ज्यो के एक दन वणांरे स्थान पे राजा वणेगा। ![](https://cdn.door43.org/obs/jpg/360px/obs-en-17-02.jpg) परमेश्वरे एक दाऊद नाम रा एक जवान इस्राएली पुरुष ने चुनिन एक दन शाऊल रा स्थान पे राजा वेवा रे लिए तैयार करणों आरम्भ किदो। और दाऊद बेतलेहेम नगर रो एक चरवाहों हो। और बोत सी बार, तो दाऊदे शेर और भालू दोयां ने मार दिदा हा। क्योंकि दाऊद रे द्वारा रखवालीं करतां सयम वणांरे पिता री भेड़ां पे वणां हमलो किदो हो। और दाऊद एक नम्र और धर्मी व्यक्ति हो। और वणीं परमेश्वर पे पुरो भरोसो किदो हो और वणांरी वातां ने मान्यी ही। ![](https://cdn.door43.org/obs/jpg/360px/obs-en-17-03.jpg) जेरां दाऊद अबार जवान पुरुष हो, जेरां वणीं लम्बा-चौड़ा गोलियत रे विरुद्ध लड़ाई लड्यी। और गोलियत एक बोत ही अच्छो सैनिक हो। और वो बोत ही मजबूत और लगभग तीन मीटर लम्बो हो! पण परमेश्वरे गोलियत ने मारवा और इस्राएल ने वचाडवा मे दाऊद री मदद किदी। और अणांरे बाद, दाऊदे इस्राएल रा शत्रुआं पे बोत बार विजय प्राप्त किदी। और पसे दाऊद एक बड़ो सैनिक वणीं ग्यो, और वणीं बोत सा युद्धां मे इस्राएल रे सेना री अगुवाई किदी। और लोगां वणांरी बोत तारीफ किदी। ![](https://cdn.door43.org/obs/jpg/360px/obs-en-17-04.jpg) लोगां दाऊद हुं अतरो प्रेम किदो, के शाऊल वणांहुं चिढवे लागो। और आखिर मे शाऊल वणांने मारी नाखणो चावतो हो, अणीं वाते दाऊद वणांहुं और वणांरे सैनिकां हुं हपणां रे लिए मंगरां मे भाग ग्यो। और एक दन जेरां शाऊल और वणांरा सैनिक दाऊद री खोज मे हा, तो शाऊल एक गुफा मे ग्यो। और या वाईस गुफा ही जणींमे दाऊद हपियो हको हो, पण शाऊले वणांने नी देख्यो। और दाऊद शाऊल रे पाछे वणांरे बोत ही निकट पोंछी ग्यो और वणांरे कपडां मे हुं एक टुकड़ों काटी लिदो। और बाद मे जेरां शाऊल वणीं गुफा हुं बाण्णे निकल्यो, तो दाऊदे वणांने उँची आवाज हुं पुकारतां हकां वणां कपडां रा टुकड़ा ने दिखायो। और अणीं रीति हुं, शाऊल जाणीं ग्यो के दाऊदे राजा वणवा रे लिए वणांए मारी देवा हुं इनकार करी दिदो है। ![](https://cdn.door43.org/obs/jpg/360px/obs-en-17-05.jpg) थोडाक समय रे बाद, शाऊल युद्ध मे मरी ग्यो, और दाऊद इस्राएल रो राजा वणीं ग्यो। और वो एक बढ़िया राजा हो, और सब लोगां हुं प्रेम राखतो हो। और परमेश्वरे दाऊद ने आशीषित किदो और वणांने सफल वणांयो। और दाऊदे बोत सा युद्ध लड्या और परमेश्वरे इस्राएल रा शत्रुआं ने पराजित करवा मे वणांरी मदद किदी। और दाऊदे यरूशलेम नगर ने जीतिन वणांए आपणीं राजधानी वणायो, जटे वो रेयो और शासन किदो। और दाऊद चालीस सालां तक राजा रेयो। और अणां समय रे दौरान, इस्राएल बोत ही सामर्थी और धनी वणीं ग्यो हो। ![](https://cdn.door43.org/obs/jpg/360px/obs-en-17-06.jpg) दाऊद एक मंदिर वणांवणों चावतो हो जटे सब इस्राएली परमेश्वर री आराधना कर सकीं और वणांरे लिए बलिदान चढ़ावी सकीं और लगभग 400 सालां हुं, वा लोग मूसा रा वणांया हका मिलाप वालां तम्बू मे परमेश्वर री आराधना करी रेया हा और वणांरे लिए बलिदान चढ़ावी रेया हा। ![](https://cdn.door43.org/obs/jpg/360px/obs-en-17-07.jpg) पण वटे नातान नाम रो एक परमेश्वर री ओर हुं बोलवा वालों व्यक्ति हो। और परमेश्वरे वणांए दाऊद हुं यो केवा रे लिए भेज्यो के, "तईं बोत सा युद्ध लड्या हीं, अणीं वाते थूं मारे लिए अणां मंदिर ने नी वणावेगा। पण थारे बेटो अणांने वणावेगा। तौभी मुं थने बोत ही आशीषित करूँगा। और थारे वंश सदा रे लिए मारे लोगां पे राजा रे रूप मे शासन करेगा।" और सदा रे लिए शासन करवा वालां वणां दाऊद रो एकमात्र वंशज प्रभु यीशु मसीह हो। और यो मसीह परमेश्वर रो चुन्यो हको जन हो ज्यो अणां जगत रा लोगां ने वणांरे पापां हूं वचाड़ेगा। ![](https://cdn.door43.org/obs/jpg/360px/obs-en-17-08.jpg) जेरां दाऊदे नातान रा संदेश ने हुंण्यो, तो वणीं परमेश्वर रो धन्यवाद किदो और वणांरी स्तुति और महिमा किदी। और परमेश्वर वणांरी प्रतिष्ठा ने बढ़ावी रेयो हो और वणांने बोत सी आशीषां देई रेयो हो। और बेशक, दाऊद नी जाणतो हो के परमेश्वर अणीं वातां ने कदी करेगा। और अणां समय आपां जाणां हां के इस्राएलियां ने एक लम्बा समय तक, लगभग 1,000 सालां तक मसीह यीशु रे आवणां री प्रतिक्षा करणीं वेगा। ![](https://cdn.door43.org/obs/jpg/360px/obs-en-17-09.jpg) दाऊदे बोत सालां तक न्यायपूर्वक आपणें लोगां पे शासन किदो। और वणीं बड़ी निष्ठा हुं परमेश्वर री वातां ने मान्यी और परमेश्वरे वणांने आशीषित किदो। हालांकि, आपणां जीवन रे अंत मे वणीं परमेश्वर रे विरुद्ध भयानक पाप किदो हो। ![](https://cdn.door43.org/obs/jpg/360px/obs-en-17-10.jpg) एक दन दाऊदे आपणें मेहल हुं बाण्णे देख्यो और एक सुन्दर महिला ने हांपड़ती हकी देख्यी। और वो वणींने नी जाणतो हो, पण वणीं पतो कर लिदो के वणींरो नाम बैतशेबा हो। ![](https://cdn.door43.org/obs/jpg/360px/obs-en-17-11.jpg) आपणीं नजर फेर लेवा रे बजाए, दाऊदे वणींने आपणें कोडे लावणां रे लिए कणांक ने भेज्यो। पसे वो वणीं हातीं हुतो और वणींने पासी वणींरे घर भेज दिदी। और थोडाक समय रे बाद बैतशेबाए यो केईन दाऊद कोडे संदेश भेज्यो के वा गर्भवती है। ![](https://cdn.door43.org/obs/jpg/360px/obs-en-17-12.jpg) बैतशेबा रो पति ऊरिय्याह नाम रो एक व्यक्ति हो। और वो दाऊद रे उत्तम सैनिकां मे हुं एक हो। और अणां समय वो युद्ध करवा रे लिए बाण्णे ग्यो हको हो। पसे दाऊदे ऊरिय्याह ने युद्ध हुं पासो बुलाविन वणांने आपणीं लाडी रे हातीं रेवा रे लिए केयूं। पण बिजा सैनिक युद्ध मे हा अणीं वाते ऊरिय्याए आपणें घर जावा हुं मना करी दिदो। अणीं वाते दाऊदे ऊरिय्याह ने पासो युद्ध मे भेज दिदो और सेनापति हुं वणांने युद्ध मे असा स्थान पे रखवा रे लिए केयूं जटे शत्रु सबहुं शक्तिशाली वे, ताकि वो मारयो जावे। पसे असो वियो के ऊरिय्याह युद्ध मे मारयो ग्यो। ![](https://cdn.door43.org/obs/jpg/360px/obs-en-17-13.jpg) ऊरिय्याह रे युद्ध मे मरी जावा रे बाद दाऊदे बैतशेबा हुं विवाह कर लिदो। और बाद मे वणींए दाऊद रा बेटा ने जनम दिदो। और दाऊदे ज्यो किदो हो वणांहुं परमेश्वर बोत ही क्रोधित हो, अणीं वाते वणीं नातान ने दाऊद कोडे यो केवा रे लिए भेज्यो के वणांरो पाप कतरो बुरो हो। पसे दाऊदे आपणें पाप रो पश्चाताप किदो और परमेश्वरे वणांने माफ कर दिदो। और आपणें बाकी रा जीवन मे और आपणां कठिन समय मे भी दाऊद परमेश्वर रे पाछे-पाछे चाल्यो और वणांरी वातां ने मान्यी। ![](https://cdn.door43.org/obs/jpg/360px/obs-en-17-14.jpg) पण दाऊद रे वो बच्चो मरी ग्यो। और अणीं रीति हुं परमेश्वरे दाऊद ने दंडित किदो। और अणांरे अलावा, दाऊद रे मरवा तक, वणांरे आपणें परिवार रा थोडाक लोगां वणांरे विरुद्ध लड़ाई किदी, और दाऊद रे आपणीं शक्ति कम वेई ग्यी ही। पण परमेश्वर विश्वासयोग्य हो और अबार भी वणीं वो किदो ज्यो वणीं दाऊद हूं करवा रो वायदो किदो हो के वो करेगा, भलेई दाऊदे वणांरी आज्ञा ने तोड्यी ही। और बाद मे दाऊद और बैतशेबा रे दूसरी संतान उत्पन्न वेयी, और वणां वणांरो नाम सुलेमान राख्यो। *1शमूएल अध्याय 10; 15-19; 24; 31; 2शमूएल 5; 7; 11-12 हुं एक बाइबल री कहाणी* ## 18. वटाणों हको राज्य https://openbiblestories.org/l/mtr/story-18/ ![](https://cdn.door43.org/obs/jpg/360px/obs-en-18-01.jpg) दाऊद राजाए चालीस सालां तक इस्राएल पे शासन किदो। पसे वो मरी ग्यो, और वणांरे बेटे सुलेमानी इस्राएल पे शासन करणों आरम्भ किदो। और परमेश्वरे सुलेमान हुं वात किदी और वणांहुं पुछयूं के, वो सब हू ज्यादा कई चावे है के परमेश्वर वणांरे लिए करे। पसे सुलेमानी परमेश्वर हूं माँग्यो के, वो वणांए बोत ही बुद्धिमान वणांवी दिए। और अणीं वातीं परमेश्वर ने खुश कर दिदो, अणीं वाते परमेश्वरे सुलेमान ने अणां संसार रो सब हुं बुद्धिमान पुरुष वणांवी दिदो। और सुलेमानी बोत सी वातां ने हिक्यी और वो एक बुद्धिमान शासक हो। और परमेश्वरे वणांने बोत ही धनवान भी वणांवी दिदो हो। ![](https://cdn.door43.org/obs/jpg/360px/obs-en-18-02.jpg) यरूशलेम मे सुलेमानी वणां मंदिर ने वणांयो जणांरे लिए वणांरे पिता दाऊदे योजना वणांई ही। और सब सामग्रियां इकट्ठी किदी ही। और अबार लोग मिलाप वालां तम्बू रे बजाए वणां मंदिर मे परमेश्वर री आराधना करता हा और वणांरे लिए बलि चढ़ावता हा। और परमेश्वर आविन वणां मंदिर मे उपस्थित रतो हो, और वटे वो आपणें लोगां रे हातीं वास करतो हो। ![](https://cdn.door43.org/obs/jpg/360px/obs-en-18-03.jpg) पण सुलेमानी बिजां देशां री स्त्रियाँ हूं प्रेम किदो। और वणीं बोत सी, लगभग 1,000 स्त्रियां हूं विवाह करिन परमेश्वर री आज्ञा ने तोड्यी ही! और अणीं मे हुं बोत सी स्त्रियाँ पराया देशां हुं आयी और आपणें हातीं देवी-देवताओं ने भी लायी और वणांरी उपासना करणों जारी राख्यो। और जेरां सुलेमान बोत ही बुढ़ो वेई ग्यो हो, तो वणीं भी वणांरे देवताओं री उपासना किदी। ![](https://cdn.door43.org/obs/jpg/360px/obs-en-18-04.jpg) अणीं वजे हुं परमेश्वर सुलैमान हुं क्रोधित हो। अणीं वाते वणीं केयूं के वो इस्राएल देश ने दो राज्यां मे वांटवा रे द्वारा वणांने दंड देगा। पण वो सुलेमान रे मरवा रे बाद असो करेगा। ![](https://cdn.door43.org/obs/jpg/360px/obs-en-18-05.jpg) सुलैमान रे मरवा रे बाद, रहोबाम राजा बण्यो। और इस्राएल देश रा सब लोग वणांए आपणां राजा रे रूप मे स्वीकार करवा रे लिए एक हातीं इकट्ठा वेया। और वणां रहोबाम हुं शिकायत किदी, के सुलैमानी वणांहूं बोत ही कठिन परिश्रम करायो हो और बोत सो कर भी वसुलतो हो। और वणां रहोबाम हुं अनुरोध किदो के वणांहुं कम काम करायो जाए। ![](https://cdn.door43.org/obs/jpg/360px/obs-en-18-06.jpg) पण रहोबामे वणांने बड़ी मूर्खता हुं जवाब दिदो के, "थां कियो हो के मांरे पिता सुलैमान थां लोगां हुं बोत ही कठिन परिश्रम करायो। पण मुं थां हुं वणांहुं भी ज्यादा कठिन परिश्रम कराउँगा, और मुं थां लोगां ने वणांहुं भी ज्यादा परेशान करुंगा।" ![](https://cdn.door43.org/obs/jpg/360px/obs-en-18-07.jpg) जेरां लोगां वणांने असो केतां हकां हुण्यो, तो वणांमे हुं बोत सा लोगां वणांरे विरुद्ध बलवो किदो। और दस गोत्रां वणांए छोड दिदो और अबार वणां हातीं केवल दो गोत्रुस वच्या। और अणां दो गोत्रां खुद ने यहूदा रो राज्य केयो। ![](https://cdn.door43.org/obs/jpg/360px/obs-en-18-08.jpg) बाकी रा दस गोत्रां यारोबाम नाम रा एक पुरुष ने आपणों राजा वणांवी लिदो। और या गोत्र देश रे उत्तर-पूर्वी भाग मे हा। और वणां खुद ने इस्राएल रो राज्य केयो। ![](https://cdn.door43.org/obs/jpg/360px/obs-en-18-09.jpg) पण यारोबामे परमेश्वर रे विरुद्ध बलवो किदो और लोगां हुं पाप करायो। और वणीं आपणें लोगां रे द्वारा उपासना करवा रे लिए दो मूर्तियां ने वणांयी। और वा अबार यहूदा रा राज्य यरूशलेम मे परमेश्वर रा मंदिर मे वणांरी आराधना करवा रे लिए नी ग्या। ![](https://cdn.door43.org/obs/jpg/360px/obs-en-18-10.jpg) यहूदा और इस्राएल रा राज्य दोई एक दूजा रा शत्रु वणीं ग्या और हर समय एक दूजा रे विरुद्ध लड़वे लागा। ![](https://cdn.door43.org/obs/jpg/360px/obs-en-18-11.jpg) इस्राएल रा नवा राज्य मे, सब रा सब राजा दुष्टुस हा। और अणांमे हुं बोत सा राजा वणांरी जगा पे राजा वणवा री इच्छा राखवा वालां बिजां इस्राएलियां रे द्वारा मारया ग्या हा। ![](https://cdn.door43.org/obs/jpg/360px/obs-en-18-12.jpg) इस्राएल राज्य रा सब राजां और अधिकतर लोगां मूर्तियां री उपासना किदी। और जेरां वणां असो किदो, तो वा अक्सर वेश्याओं रे हातीं हुता और अटे तक के बोत बार वणीं मूर्तियां रे आगे बच्चां ने भी बलि किदा। ![](https://cdn.door43.org/obs/jpg/360px/obs-en-18-13.jpg) यहूदा राज्य रा राजा, दाऊद रे वंश रा हा। और अणां राजाओं मे हुं बोत सा भला व्यक्ति भी हा जणां न्यायपूर्वक शासन किदो और परमेश्वर री आराधना किदी। पण यहूदा रा अधिकतर राजा दुष्ट हा। और वणां दुष्टता हुं शासन किदो, और वणीं मूर्तियां री उपासना किदी। और अटे तक के वणांमे हुं बोत सा राजां झूठा देवताओं रे आगे आपणें बच्चां ने भी बलि कर दिदा। और यहूदा रा अधिकतर लोगां भी परमेश्वर रे विरुद्ध बलवो किदो और बिजां देवताओं री उपासना किदी। *1 राजा अध्याय 1-6; 11-12 हुं एक बाइबल री कहाणी* ## 19. परमेश्वर री ओर हुं बोलवा वालां लोग https://openbiblestories.org/l/mtr/story-19/ ![](https://cdn.door43.org/obs/jpg/360px/obs-en-19-01.jpg) परमेश्वर हमेशां इस्राएलियां रे कोडे आपणीं ओर हुं बोलवा वालां लोगां ने भेजतो रेतो हो। और वा लोग परमेश्वर हूं संदेशां ने हुणंता हा पसे वणां इस्राएलियां ने वताता हा। ![](https://cdn.door43.org/obs/jpg/360px/obs-en-19-02.jpg) जेरां अहाब इस्राएल राज्य पे राजा हो, तो वणां समय एलिया परमेश्वर री ओर हुं बोलवा वालों व्यक्ति हो। और अहाब एक बुरो आदमी हो। और वणीं एक झूठा बाल देवता री उपासना करावणां रे लिए लोगां ने विवश किदा हा। अणीं वाते एलियो अहाब हुं केयूं के परमेश्वर वणां लोगां ने दंडित करवे जाई रेयो है। पसे वणीं वणाहुं केयूं के, "जेरां तक मुं पासो सांटां वेवा रे लिए नी केऊँ जेरां तक इस्राएल रा राज्य मे सांटां नी वरेगा और नी ठार पड़ेगा।" पसे अणीं वातीं अहाब ने अतरो क्रोधित करी दिदो, के वणीं एलिया ने मारी देवा रो निर्णय किदो। ![](https://cdn.door43.org/obs/jpg/360px/obs-en-19-03.jpg) अणीं वाते परमेश्वरे एलिया हुं केयूं, के वो मंगरां मे जाईन अहाब हूं हपी जाए। पसे एलियो मंगरां मे वणां सोता रे कोडे ग्यो, जटे जावा रे लिए परमेश्वरे वणांने वतायो हो। पसे रोज हांजे, कागलां एलिया रे लिए रोटियां और माँस ने लेईन आवता हा। और अणां पुरा समय, अहाब और वणांरी सेना एलिया री खोज करता रेया, पण वा वणांने होजी नी सक्या। ![](https://cdn.door43.org/obs/jpg/360px/obs-en-19-04.jpg) सांटां नी वेवा रे कारण वो सोतो भी थोडाक समय रे बाद मे हुकाई ग्यो। अणीं वाते एलियो पास रास एक देश मे परो ग्यो। और वणां देश मे एक गरीब विधवा महिला ही जणींरो एक बेटो हो। और वणां कोडे भोजन लगभग समाप्त वेई चुक्यो हो, क्योंकि वटे भी कोई फसल नी वेयी ही। पण तौभी वणीं महिलाएं एलिया री देखभाल किदी ही अणीं वाते परमेश्वरे वणींरी और वणींरे बेटा री जरुरतां ने पुरी किदी ही अणीं कारण हुं वणींरे आटा रो पीपो और वणींरे तेल री पीपी केदी खाली नी वेयी। और वणां पुरा अकाल रे दौरान वणां कोडे पर्याप्त भोजन हो। पसे एलियो बोत सालां तक वटेस रेयो। ![](https://cdn.door43.org/obs/jpg/360px/obs-en-19-05.jpg) साढ़ा तीन साल रे बाद, परमेश्वरे एलिया हुं केयूं, के वो फेर हुं सांटां वरावेगा। पसे एलिया हुं पासो इस्राएल रा राज्य मे जाईन अहाब हूं वात करवा रे लिए केयूं। और अणीं वाते एलियो अहाब कोडे पासो ग्यो। और जेरां अहाबे वणांने देख्यो तो वणीं केयूं के, "अच्छा थूं है अणीं मुसीबत ने पैदा करवा वालों!" पसे एलिये वणांने जवाब दिदो के, "अणीं मुसीबत ने पैदा करवा वालों तो थूं है! क्योंकि तईं यहोवा परमेश्वर ने त्याग दिदो है। और वोईस एक हासो परमेश्वर है, लेकिन थूं बाल देवता री उपासना करी रेयो है। अबार थने इस्राएल राज्य रा सब लोगां ने कर्मेल पर्वत पे लेईन आणां हीं।" ![](https://cdn.door43.org/obs/jpg/360px/obs-en-19-06.jpg) पसे सब लोग कर्मेल पर्वत पे ग्या। और वा पुरूष भी आया ज्या केता हा, के वा बाल देवता रा संदेशां ने बोलीं हीं। और या लोग बाल देवता री ओर हुं बोलवा वालां हा। और या सब 450 लोग हा। पसे एलिये वणां लोगां हुं केयूं के, "थां केरां तक आपणें मनां ने परमेश्वर हुं फिराविन राखोगा? यदि यहोवा हासो परमेश्वर है, तो थां वणांरी आराधना करो! और यदि बाल देवता हासो परमेश्वर है, तो थां वणांरी उपासना करो!" ![](https://cdn.door43.org/obs/jpg/360px/obs-en-19-07.jpg) पसे एलिये बाल देवता री ओर हुं बोलवा वालां लोगां हूं केयूं के, "एक बैल ने बलि करिन वणांरा मांँस ने बलिदान वेवा रे लिए एक वेदी पे रखो, पण आग मत लगाजो। और वणांरे बाद मुं भी वसोस करुंगा, और एक अलग वेदी पे मुं वणां मांँस ने रखूंगा। पसे यदि परमेश्वर वेदी पे आग गिरावे है, तो थां जाणीं जाओगा के वो एक हासो परमेश्वर है।" और पसे बाल देवता री ओर हुं बोलवा वालां लोगां एक बलि ने तैयार किदी पण वणांमे आग नी लगाई। ![](https://cdn.door43.org/obs/jpg/360px/obs-en-19-08.jpg) पसे बाल देवता री ओर हुं बोलवा वालां लोगां बाल देवता हुं प्रार्थना किदी के, "हे बाल देवता, मांरी हुंण!" पसे पुरे दन वणां प्रार्थना किदी और चिल्लाया और अटे तक के वणां खुद ने भी चाकूआं हूं चीरी दिदा, पण बाल देवता वणांने जवाब नी दीदो, और वणीं कोई आग नी गिराई। ![](https://cdn.door43.org/obs/jpg/360px/obs-en-19-09.jpg) बाल देवता री ओर हुं बोलवा वालां लोगां बाल देवता हुं प्रार्थना करवा मे लगभग पुरो दन विताड़ी दिदो। और आखिर वणां प्रार्थना करणी बंद करी दिदी। और पसे एलिये बिजा बैल रा माँस ने परमेश्वर री वेदी पे रखी दिदो। और वणांरे बाद, वणीं लोगां हूं पाणी रा बड़ा बर्तनां ने वणां बलिदान पे जेरां तक उंडेलवा रे लिए केयूं जेरां तक के माँस, लाकडां और अटे तक के वणीं वेदी रे आसपास री जगा पुरी तरह हुं गीली नी वेई ग्यी। ![](https://cdn.door43.org/obs/jpg/360px/obs-en-19-10.jpg) पसे एलिये प्रार्थना किदी के, "हे यहोवा, अब्राहम, इसहाक और याकूब रा परमेश्वर, थूं मांने दिखाई दे के थूंस इस्राएल रो हासो परमेश्वर है और यो के मुं थारोस एक दास हूँ। और मने जवाब दे जणांहु या लोग जाणीं लेईं के थूंस एक हासो परमेश्वर है।" ![](https://cdn.door43.org/obs/jpg/360px/obs-en-19-11.jpg) पसे तुरन्त आकाश हुं आग पड्यी और वणीं माँस, लाकडां, चट्टान, मिट्टी और अटे तक के वेदी रे आसपास रा पाणी ने भी जलावीं दिदो। पसे जेरां लोगां यो देख्यो, तो वा जगा पे पड़िन केवे लागा के, "यहोवा एक हासो परमेश्वर है! और यहोवा एक हासो ईश्वर है!" ![](https://cdn.door43.org/obs/jpg/360px/obs-en-19-12.jpg) पसे एलिये केयूं के, "बाल देवता री ओर हुं बोलवा वालां लोगां मे हुं एक भी व्यक्ति वचिन नी जावा पाए!" अणीं वाते लोगां बाल देवता री ओर हुं बोलवा वालां सब लोगां ने पकड़ी लिदा और पसे वणांने वटे हुं अलग लेईन ग्या पसे वणांने मारी नाख्या। ![](https://cdn.door43.org/obs/jpg/360px/obs-en-19-13.jpg) पसे एलिये अहाब राजा हुं केयूं के, "झठ हुं आपणें घरे ने भाग जा, क्योंकि सांटां आवणां वालां हीं।" पसे बोत ही जल्दी वादलां घेराई ग्या, पसे जोरदार सांटां आवी ग्या। और यहोवा परमेश्वर वणां हुका ने समाप्त करी रेयो हो। और अणांहुं यो प्रकट वेयो के यहोवा एक हासो परमेश्वर है। ![](https://cdn.door43.org/obs/jpg/360px/obs-en-19-14.jpg) पसे जेरां एलिये आपणां काम ने समाप्त कर दिदो, तो परमेश्वरे एलीशा नाम रा एक पुरूष ने आपणीं ओर हुं बोलवा वालों व्यक्ति वेवा रे लिए चुन्यो। और पसे परमेश्वरे एलीशा रे माध्यम हुं बोत सा चिन्ह और चमत्कार किदा। और एक चमत्कार नामान रे हातीं भी वेयो। और वो एक शत्रु री सेना रो सरदार हो, पण वणांने चमड़ी रो एक बुरो रोग वेई ग्यो हो। पण नामाने एलीशा रे बारा मे हुंण्यो हो, अणीं वाते वो एलीशा कोडे आयो और वणांहुं वणीं ठीक करवा रे लिए निवेदन किदो। पसे एलीशाए नामान हुं केयूं के जाईन यरदन नदी रा पाणी मे हात बार डूबकी लगावी ले। ![](https://cdn.door43.org/obs/jpg/360px/obs-en-19-15.jpg) नामान एलीशा पे क्रोधित वेई ग्यो। और वणीं असो करवा रे लिए मना कर दिदो, क्योंकि यो वणांए मूर्खता रो काम लागतो हो। पण बाद मे वणीं आपणों मन बदलीं दिदो और जाईन यरदन नदी मे हात बार डूबकी लगाई। और जेरां वो अंतिम बार डूबकी लगाविन पाणी हुं बाण्णे निकल्यो, तो परमेश्वरे वणांने ठीक कर दिदो। ![](https://cdn.door43.org/obs/jpg/360px/obs-en-19-16.jpg) परमेश्वरे इस्राएल रा लोगां कोडे बिजां और बोत सा लोगां ने भेज्या। और वणां सबां लोगां हूं मूर्तियां री उपासना करणों बंद करी देवा रे लिए केयूं। और अणां रे बजाए, वणांने एक बिजा रे हातीं न्यायपूर्वक व्यवहार करणों चावे और एक दूजां पे दया करणीं चावे। और वणां लोगां ने चेतावनी दिदी के वणांने बुरा कामां ने बंद कर देणां हीं और अणांरे बजाए परमेश्वर री वातां रो पालन करणों है। और यदि वणां लोगां असो नी किदो, तो परमेश्वर वणांने दोषी मानिन वणांरो न्याय करेगा, पसे वणांने दंडित करेगा। ![](https://cdn.door43.org/obs/jpg/360px/obs-en-19-17.jpg) अधिकांश सयम, वणां लोगां परमेश्वर री आज्ञा रो पालन नी किदो। और अक्सर वणां और भी बोत सा लोगां रे हातीं बुरो व्यवहार किदो और अटे तक के कदी कदिक तो वणांने मारी भी नाख्या हा। और एक बार वणां यिर्मयाह ने हुका कुआँ मे डालीं दिदो और वणांए वटेस मरवा रे लिए छोड़ दिदो। और वो कुआँ रा पींदा रा किचड़ मे फसी ग्यो हो। लेकिन पसे राजा ने वणांपे दया आयी और वणीं आपणें सैनिकां ने आदेश दिदो के यिर्मयाह रे मरवा हुं पेले वणांए कुआँ हुं बाण्णे खींची लियो। ![](https://cdn.door43.org/obs/jpg/360px/obs-en-19-18.jpg) लोगां परमेश्वर री ओर हुं बोलनों जारी राख्यो भलेई लोगां वणांहुं नफरत किदी। और वणां लोगां ने चेतावनी दिदी के यदि वणां पश्चाताप नी किदो, तो परमेश्वर वणांने नाश कर देगा। और वणां लोगां ने यो भी याद करायो के परमेश्वरे वणां कोडे मसीह ने भेजवा रो वायदो किदो है। *1 राजा अध्याय 16-18; 2 राजा 5; यिर्मयाह 38 हुं एक बाइबल री कहाणी* ## 20. बंधुवाई और लौटणों https://openbiblestories.org/l/mtr/story-20/ ![](https://cdn.door43.org/obs/jpg/360px/obs-en-20-01.jpg) इस्राएल रा राज्य और यहूदा रा राज्य दोयां परमेश्वर रे विरुद्ध पाप किदो हो। और वणां वणीं वाचा ने तोड़ दिदी, ज्या परमेश्वरे वणांरे हातीं सीनै पर्वत पे बाँध्यी ही। और परमेश्वरे वणांने पश्चाताप करवा और फेर हुं वणांरी आराधना करवा रे लिए चेतावनी देवा रे लिए आपणीं ओर हुं बोलवा वालां लोगां ने भेज्या, पण वणां वणांरी वातां ने मानवा हूं इनकार कर दिदो। ![](https://cdn.door43.org/obs/jpg/360px/obs-en-20-02.jpg) अणीं वाते परमेश्वरे वणांरे शत्रुआं ने वणांने नाश करवा मे सक्षम करवा रे द्वारा वणां दोयां राज्यां ने दंडित किदा। और अश्शूर एक बिजो देश हो ज्यो बोत ही शक्तिशाली वेई ग्यो हो। और अश्शूर रा लोग बिजां देशां रे प्रति बोत ही निर्दयी भी हा। और वणां आविन पसे इस्राएल रा राज्य ने नाश कर दिदो। और अश्शूरियां आविन इस्राएल रा राज्य मे बोत सा लोगां ने मौत रे घाट उतार दिदा और राज्य मे सब कुछ लूटी लिदो और देश रा अधिकतर हिस्सा ने जलाई दिदो। ![](https://cdn.door43.org/obs/jpg/360px/obs-en-20-03.jpg) अश्शूरियां सब अगुवां ने और धनवान लोगां ने और असा लोगां ने ज्या कीमती वस्तुआं ने वणांवी सकता हा वणांने एक हातीं इकट्ठा किदा, पसे वणांने अश्शूर देश मे लेई ग्या। पसे इस्राएल मे सिर्फ गरीब लोगुस वची ग्या हा। ![](https://cdn.door43.org/obs/jpg/360px/obs-en-20-04.jpg) पसे अश्शूरी लोग वणां देश मे रेवा रे लिए विदेशियां ने लेईन आया। और वणां विदेशियां वणां नगरां ने फेर हुं वणांया। और ज्या इस्राएली वटे वची ग्या हा वणांहुं वणां विवाह किदो। और अणां लोगां रा वंशज सामरी केवाणां। ![](https://cdn.door43.org/obs/jpg/360px/obs-en-20-05.jpg) यहूदा रे राज्य रा लोगां देख्यो, के किस्तर परमेश्वरे वणांपे विश्वास नी करवा और वणांरी वातां ने नी मानवा रे कारण इस्राएल रे राज्य रा लोगां ने दंडित किदा हा। पण तौभी वणां कनानियां रे देवता री मूर्तियां री उपासना किदी। पसे परमेश्वरे वणांने चेतावनी देवा रे लिए आपणीं ओर हुं बोलवा वालां लोगां ने भेज्या, पण वणां हुंणवा हुं इनकार करी दिदो। ![](https://cdn.door43.org/obs/jpg/360px/obs-en-20-06.jpg) लगभग 100 सालां रे बाद अश्शूरियां इस्राएल रा राज्य ने नाश कर दिदो। पसे परमेश्वरे बेबीलोन रा राजा, नबूकदनेस्सर ने यहूदा रा राज्य पे हमलो करवा रे लिए भेज्यो। और बेबीलोन एक शक्तिशाली देश हो। और यहूदा रो राजा नबूकदनेस्सर रो दास वणवा और हर साल वणांए बोत सा धन रो भुगतान करवा रे लिए सेहमत वेई ग्यो। ![](https://cdn.door43.org/obs/jpg/360px/obs-en-20-07.jpg) पण थोडाक सालां रे बाद, यहूदा रा राजाए बेबीलोन रे विरुद्ध बलवो कर दिदो। अणीं वाते बेबीलोनियां पासा आविन यहूदा रा राज्य पे हमलो कर दिदो। पसे वणां यरूशलेम नगर पे आपणों कब्जो कर लिदो, और यरूशलेम रा मंदिर ने नष्ट कर दिदो, और नगर और मंदिर रा खजाना ने भी लूटी लेई ग्या। ![](https://cdn.door43.org/obs/jpg/360px/obs-en-20-08.jpg) बलवो करवा रे कारण यहूदा रा राजा ने दंडित करवा रे लिए, नबूकदनेस्सर रे सैनिकां राजा रा बेटा ने वणांरे हामेस मारी नाख्यो पसे वणांए आंधो कर दिदो। पसे अणांरे बाद वा राजा ने लेई ग्या, ताकि वो बेबीलोन रा जेलखाना मे मरी जाए। ![](https://cdn.door43.org/obs/jpg/360px/obs-en-20-09.jpg) नबूकदनेस्सर और वणांरी सेना यहूदा रे राज्य रा लगभग सब लोगां ने बेबीलोन लेईन ग्यी, और सिर्फ सबहूं गरीब लोगां नेस पाछे छोड़िन ग्या, ताकि वा लोग खेतां मे फसल उगावीं। और समय रा अणां काल ने बंधुवाई केयो ग्यो है। जणांमे परमेश्वर रे लोगां ने वायदा रा देश हुं निकल जावा रे लिए विवश किदा ग्या हा। ![](https://cdn.door43.org/obs/jpg/360px/obs-en-20-10.jpg) भलेई परमेश्वरे आपणें लोगां ने वणांरे पाप रे कारण बंधुवाई मे लेई जावा रे द्वारा दंडित किदा हा, तौभी वो वणांने या आपणां वायदा ने नी भूल्यो हो। और परमेश्वरे आपणें लोगां री निगराणी करणों जारी राख्यो और आपणीं ओर हुं बोलवा वालां लोगां रे द्वारा वणांहूं वात करतो रेयो। और वणीं यो वायदो किदो हो के 70 सालां रे बाद, वा लोग पासा वायदा रा देश मे लौट आवेगा। ![](https://cdn.door43.org/obs/jpg/360px/obs-en-20-11.jpg) लगभग 70 सालां रे बाद, फारस रा राजा कूस्रूए बेबीलोन ने पराजित किदो, अणीं वाते बेबीलोन रा साम्राज्य रे बजाए फारस रा साम्राज्ये बोत सा देशां पे शासन किदो। और इस्राएली लोग अबार यहूदी केवाता हा। और वणांमे हुं अधिकतर लोगां आपणों पुरो जीवन बेबीलोन मेईस विताई दिदो हो। और वणांमे हूं केवल थोडाकुस बुढ़ा थाया हका यहूदियां ने यहूदा रो देश याद हो। ![](https://cdn.door43.org/obs/jpg/360px/obs-en-20-12.jpg) फारसी लोग बोत ही सामर्थी हा, पण वणां आपणें द्वारा जीतया हकां लोगां पे दया किदी ही। और फारसी लोगां रो राजा वणवा रे थोडाक दनां रे बाद, कुस्रूए एक आदेश दिदो के कोई भी यहूदी ज्यो यहूदा देश मे जाणों चावे है, वो फारस हूं निकलिन पासो यहूदा मे जाई सके है। और अटे तक के वणीं वणांने मंदिर ने फेर हुं वणावणां रे लिए बोत सो धन भी दिदो। और बंधुवाई रा 70 सालां रे बाद, यहूदियां रो एक छोटो समूह यहूदा मे यरूशलेम नगर मे लौट आयो। ![](https://cdn.door43.org/obs/jpg/360px/obs-en-20-13.jpg) जेरां वा लोग यरूशलेम मे पोंच्या, तो वणां मंदिर ने और नगर रे चारों ओर री दीवार ने पासी वणांई। और फारसी लोग अबार भी वणांपे शासन करता हा, लेकिन एक बार वा पासा वायदा रा देश मे रेई रेया हा और आपणां मंदिर मे परमेश्वर री आराधना करी रेया हा। *2 राजा अध्याय 17; 24-25; 2 इतिहास 36; एज्रा़ 1-10; नहेम्याह 1-13 हुं एक बाइबल री कहाणी* ## 21. परमेश्वर मसीह रो वायदो करे है https://openbiblestories.org/l/mtr/story-21/ ![](https://cdn.door43.org/obs/jpg/360px/obs-en-21-01.jpg) जेरां परमेश्वरे अणां जगत री रचना किदी ही, तो वो जाणतो हो के वणांए बाद मे कणेंक दन मसीह ने भेजणों वेगा। और वणीं आदम और हव्वा हुं यो वायदो किदो हो के वो असो करेगा। और वणीं केयूं हूं के हव्वा हुं एक वंशज जनम लेगा ज्यो हाँप रा सिर ने कचलेगा। और जणीं हाँपे हव्वा ने धोखो दिदो हो वो वास्तव मे शैतान हो। और परमेश्वर रे केवा रो अर्थ हो के मसीह पुरी तरह शैतान ने पराजित कर देगा। ![](https://cdn.door43.org/obs/jpg/360px/obs-en-21-02.jpg) परमेश्वरे अब्राहम हुं वायदो किदो हो के वणांरे द्वारा अणां जगत री सब जातियाँ आशीष पाएगा। और परमेश्वर कणांक समय पे मसीह ने भेजवा रे द्वारा अणां वायदा ने पुरो करेगा। और वो मसीह अणां जगत री हर एक जाति मे हुं लोगां ने वणांरे पाप हुं छोड़ावेगा। ![](https://cdn.door43.org/obs/jpg/360px/obs-en-21-03.jpg) परमेश्वरे मूसा हुं यो वायदो किदो हो के भविष्य मे वो मूसा रे समान एक बिजा व्यक्ति ने भेजेगा। और यो परमेश्वर री ओर हुं बोलवा वालों मसीह यीशु वेगा। और अणीं रीति हुं, परमेश्वरे फेर हुं यो वायदो किदो हो के वो मसीह ने भेजेगा। ![](https://cdn.door43.org/obs/jpg/360px/obs-en-21-04.jpg) परमेश्वरे राजा दाऊद हुं भी यो वायदो किदो हो, के वणांरो एक वंशज मसीह वेगा। और वो राजा वेगा और परमेश्वर रे लोगां पे सदा रे लिए शासन करेगा। ![](https://cdn.door43.org/obs/jpg/360px/obs-en-21-05.jpg) परमेश्वरे आपणीं ओर हुं बोलवा वालां यिर्मयाह हुं भी वात किदी ही के एक दन वो एक नवी वाचा बाँधेगा। और नवी वाचा इस्राएल रे हातीं सीनै पर्वत पे बाँध्यी ग्यी वणीं पुराणीं वाचा रे जसी नी वेगा। और जेरां लोगां रे हातीं वो आपणीं नवी वाचा ने बाँधेगा, तो वो वणांपे खुद ने व्यक्तिगत रूप हुं प्रकट करेगा। और हर एक व्यक्ति वणांहुं प्रीति राखेगा और वणांरी व्यवस्था रो पालन करवा री इच्छा राखेगा। पसे परमेश्वरे केयूं के ये वणांरी व्यवस्था रो वणांरे हृदयां पे लिखी देवा रे जसो वेगा। और वा लोग वणांरा वेगा, और परमेश्वर वणांरे पापां ने माफ करेगा। और वो मसीह वेगा ज्यो वणांरे हातीं वणीं नवी वाचा ने बाँधेगा। ![](https://cdn.door43.org/obs/jpg/360px/obs-en-21-06.jpg) परमेश्वरे यो भी केयूं के मसीह मारी ओर हुं बोलवा वालों वेगा। और मारी ओर हुं बोलवा वालों वो व्यक्ति विये है, ज्यो परमेश्वर रा वचन ने हुणे है और पसे लोगां पे परमेश्वर रे संदेशां री घोषणा करे है। जणांए भेजवा रो परमेश्वरे वायदो किदो हो। और वो मसीह एक सिद्ध पुरुष वेगा। अर्थात् वो मसीह परमेश्वर रा संदेशां ने अच्छी तरह हुं हुणेगा, और वो लोगां ने वणां संदेशां ने अच्छी तरह हुं हिकावेगा। ![](https://cdn.door43.org/obs/jpg/360px/obs-en-21-07.jpg) इस्राएली याजकां लोगां रे लिए परमेश्वर रे आगे बलिदान चढ़ाणों जारी राख्यो। और यो बलिदान लोगां रे पापां रे लिए वणांने परमेश्वर द्वारा दंडित किदा जावा रे स्थान पे चढ़ाया ग्या हा। और याजकां लोगां रे लिए प्रार्थना भी किदी। पण, वो मसीह सिद्ध महायाजक वेगा ज्यो परमेश्वर ने देवा रे लिए एक सिद्ध बलि रे रूप मे खुद ने चढ़ावी देगा। अर्थात्, वो कदी पाप नी करेगा, और जेरां वो खुद ने बलि वेवा रे लिए देई देगा, तो अणां जगत रो कोई भी बिजो बलिदान आवश्यक नी वेगा। ![](https://cdn.door43.org/obs/jpg/360px/obs-en-21-08.jpg) लोगां रे समूहां पे राजा और प्रधान शासन करता हा, और कदी-कदिक तो वा गलतियाँ भी करता हा। और राजा दाऊदे तो केवल इस्राएलियां पे शासन किदो हो, पण राजा दाऊद रो वंशज मसीह यीशु अणां पुरा जगत पे शासन करेगा, और वो सदा रे लिए शासन करेगा। और अणांरे अलावा वो हमेशा न्यायपूर्ण रीति हुं शासन करेगा, और सई निर्णय लेगा। ![](https://cdn.door43.org/obs/jpg/360px/obs-en-21-09.jpg) परमेश्वरे मसीह यीशु रे बारा मे बोत सी वातां केयी ही। और उदाहरण रे लिए, मलाकीए केयूं हूं के मसीह रे आवणां हुं पेले एक बिजो व्यक्ति आवेगा। और वो व्यक्ति बोत ही महत्वपूर्ण वेगा। और अणांरे अलावा, यशायाह लिख्यो है, के मसीह यीशु एक कुँवारी हुं जनम लेगा। और मीका भी केयूं हुं के मसीह यीशु बैतलेहेम नगर मे जनम लेगा। ![](https://cdn.door43.org/obs/jpg/360px/obs-en-21-10.jpg) यशायाह केयूं हुं, के मसीह गलील रा क्षेत्र मे वास करेगा। और ज्या लोग बोत ही दुखी हीं वणांने मसीह यीशु शान्ति प्रदान करेगा। और वो कैदियां ने भी आजाद करेगा। और मसीह यीशु बीमारां ने और ज्या नी हुणीं ही और नी बोलीं हकीं हीं और ज्या नी चालीं हकीं हीं वणांने भी चंगाई प्रदान करेगा। ![](https://cdn.door43.org/obs/jpg/360px/obs-en-21-11.jpg) यशायाह यो भी केयूं के लोग मसीह यीशु हुं नफरत करेगा और वणांए स्वीकार करवा हुं इनकार कर देगा। और बिजां व्यक्तियाँ भी केयूं है के मसीह यीशु रो एक हाती वणांरे विरुद्ध उठेगा। और जकर्याह केयूं के वणांरो यो हाती असो करवा रे लिए बिजां लोगां हुं रूपा रा तीस सिक्का लेगा। और अणांरे अलावा, बिजां और केयूं है के लोग मसीह यीशु ने मारी नाखेगा, और यो भी केयूं के वा लोग वणांरे वस्त्रां रे लिए चिट्ठियां नाखेगा। ![](https://cdn.door43.org/obs/jpg/360px/obs-en-21-12.jpg) परमेश्वर री ओर हुं बोलवा वालां व्यक्तियाँ यो भी वतायो के मसीह यीशु किस्तर मरेगा। और यशायाए भविष्यद्वाणी किदी के लोग मसीह यीशु पे थूंकेगा, और वणांरो मजाक उड़ावेगा, और वणांए कुटेगा। और वा वणांए छेदीं देगा और वो बोत ही पीड़ा और यातना मे आपणों प्राण त्यागी देगा, जबकि वणीं कोई भी गलत नी किदो वेगा। ![](https://cdn.door43.org/obs/jpg/360px/obs-en-21-13.jpg) परमेश्वर री ओर हुं बोलवा वालां व्यक्तियाँ यो भी वतायो हो, के मसीह यीशु कोई पाप नी करेगा। और वो सिद्ध वेगा। पण वो अणीं वाते मरेगा क्योंकि परमेश्वर वणांने बिजां लोगां रा पापां रे कारण दंडित करेगा। और वणांरे मरवा हुं लोग परमेश्वर रे हातीं फेर हुं संम्बंध स्थापित करवा मे सक्षम वेगा। और अणींस वाते परमेश्वर चावतो हो के मसीह यीशु मरे। ![](https://cdn.door43.org/obs/jpg/360px/obs-en-21-14.jpg) परमेश्वर री ओर हुं बोलवा वालां व्यक्तियाँ यो भी वतायो, के परमेश्वर मसीह यीशु ने मृतकां मे हुं पासो जीवित करेगा। और यो सब यो दर्शावे है, के यो सब नवी वाचा ने बाँधवा री परमेश्वर री एक पूर्व नियोजित योजना ही। ताकि वो वणां लोगां ने वचाड़ी हके जणां वणांरे विरुद्ध पाप किदो हो। ![](https://cdn.door43.org/obs/jpg/360px/obs-en-21-15.jpg) परमेश्वर री ओर हुं बोलवा वालां व्यक्तियाँ रे द्वारा मसीह यीशु रे बारा मे बोत सी वातां ने प्रकट किदी, पण मसीह यीशु वणां व्यक्तियाँ मे हुं कणांरे भी जीवनकाल मे नी आयो हो। और अणीं भविष्यद्वाणियां रे दिदा जावा रे 400 सालां हुं भी अधिक सालां रे बाद, सई समय पे, परमेश्वर मसीह यीशु ने अणां जगत मे भेजेगा। *उत्पत्ति 3:15; 12:1-3; व्यवस्थाविवरण 18:15; 2शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2 यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 हुं एक बाइबल री कहाणी* ## 22. यूहन्ना रो जनम https://openbiblestories.org/l/mtr/story-22/ ![](https://cdn.door43.org/obs/jpg/360px/obs-en-22-01.jpg) पूर्व मे, परमेश्वरे आपणीं ओर हुं बोलवा वालां लोगां हुं वात किदी ही अणीं वाते वा लोगां हुं वात कर सक्या हा। पण वणां समय हुं लेईन 400 सालां रे वितवा तक परमेश्वरे लोगां हुं वात नी किदी। पसे परमेश्वरे जकर्याह नाम रा व्यक्ति रे कोडे एक स्वर्गदूत ने भेज्यो। और जकर्याह और वणांरी घेर वालीं एलीशिबा परमेश्वर रो आदर करता हा। और वा बोत ही बुढ़ा वेई ग्या हा, और वणांरे कोई संतान उत्पन्न नी वेयी ही। ![](https://cdn.door43.org/obs/jpg/360px/obs-en-22-02.jpg) वणीं स्वर्गदूते जकर्याह हूं केयूं के, " थारे घेर वालीं रे एक बेटो उत्पन्न वेगा। और थूं वणांरो नाम यूहन्ना राखजे। और परमेश्वर वणांए पवित्र आत्मा हु परिपूर्ण करेगा, और यूहन्नो लोगां ने मसीह यीशु ने ग्रहण करवा रे लिए तैयार करेगा।" पसे जकर्याए वणांने जवाब दिदो के, "मुं और मारे घेर वालीं संतान उत्पन्न करवा रे लिए बोत ही बुढ़ा हां! और मुं किस्तर जाणूं के आप मई हुं सई केई रेया हो?" ![](https://cdn.door43.org/obs/jpg/360px/obs-en-22-03.jpg) वणीं स्वर्गदूते जकर्याह ने जवाब दिदो के, "थारे कोडे अणां शुभ संदेश ने लावणां रे लिए मुं परमेश्वर रे द्वारा भेज्यो ग्यो हूँ। क्योंकि तईं मारापे विश्वास नी किदो है, अणीं वाते बच्चा रे जनम लेवा तक थूं बोलवा मे सक्षम नी वेगा।" और जणींस वलां हुं, जकर्यो बोलवा मे असमर्थ वेई ग्यो हो। पसे वो स्वर्गदूत जकर्याह रे कोडे हुं स्वर्ग मे परो ग्यो। और जणांरे बाद जकरयो आपणें घरे परो ग्यो पसे वणांरे घेर वालीं गर्भवती वेयी। ![](https://cdn.door43.org/obs/jpg/360px/obs-en-22-04.jpg) जेरां एलीशिबा छः मईना री गर्भवती ही, तो वोईस स्वर्गदूत अचानक हुं एलीशिबा री रिस्तेदार पे प्रकट वियो, जणींरो नाम मरियम हो। और मरियम कुँवारी ही और विवाह करवा रे लिए यूसुफ नाम रा एक आदमी रे हातीं वणींरे हगाई वेई चुक्यी ही। और वणीं हुं स्वर्गदूते केयूं के, "थूं गर्भवती वेगा और एक बेटा ने जनम देगा। और थने वणां बालक रो नाम यीशु राखणों है। और वो सर्व-शक्तिमान परमेश्वर रो बेटो वेगा और वो अणां जगत पे सदा रे लिए शासन करेगा।" ![](https://cdn.door43.org/obs/jpg/360px/obs-en-22-05.jpg) मरियमे वणांने जवाब दिदो के, "यो किस्तर वेगा, क्योंकि मुं तो अबार तक कुँवारीस हूँ?" पसे वणीं स्वर्गदूते वणींने हमझायी के, "पवित्रआत्मा थारे पे आएगा, और परमेश्वर री सामर्थ्य थारा पे छाया करेगी। अणीं वाते वो बालक पवित्र वेगा, और वो परमेश्वर रो बेटो वेगा।" और ज्यो वणीं स्वर्गदूते मरियम हुं केयूं हूं वणांपे मरियमे विश्वास किदो। ![](https://cdn.door43.org/obs/jpg/360px/obs-en-22-06.jpg) यो वेवा रे तुरन्त बाद, मरियमे जाईन एलीशिबा हुं मुलाकात किदी। और जिस्तर ही मरियमे वणींने सलाम किदो, तो एलीशिबा रो बालक वणींरे पेट मे उचल्वे लागो। और वणींरे लिए परमेश्वरे ज्यो किदो हो वा दोई जणीं एक हातीं आनन्दित वेयी। और एलीशिबा रे हातीं तीन मईना रेवा रे बाद, मरियम पासी आपणें घरे परी ग्यी। ![](https://cdn.door43.org/obs/jpg/360px/obs-en-22-07.jpg) वणांरे बाद, एलीशिबाए आपणें बच्चा ने जनम दिदो। और जकर्याह और एलीशिबाए वणां बालक रो नाम यूहन्ना राख्यो, जसो के स्वर्गदूते वणांने आदेश दिदो हो। पसे परमेश्वरे जकर्याह ने बोलवा मे पासो सक्षम कर दिदो। पसे जकर्याए केयूं के, "परमेश्वर री स्तुति और महिमा थाए, क्योंकि वणीं आपणें लोगां री मदद करवा ने याद राख्यो है! हे मारा बेटा, थूं सर्व-शक्तिमान परमेश्वर री ओर हुं बोलवा वालों वेगा। और थूं सब लोगां ने वताड़ेगा के वा किस्तर आपणें-आपणें पापां रे लिए माफी प्राप्त कर सकीं हीं!" *लूका अध्याय 1 हुं एक बाइबल री कहाणी* ## 23. यीशु रो जनम https://openbiblestories.org/l/mtr/story-23/ ![](https://cdn.door43.org/obs/jpg/360px/obs-en-23-01.jpg) यूसुफ नाम रा एक धर्मी व्यक्ति रे हातीं मरियम री हगाई वेई चुक्यी ही। और जेरां वणीं हुण्यो के मरियम गर्भवती है, तो वो जाणतो हो के वो वणांरे बच्चो नी है। पण वो मरियम ने बदनाम नी करणों चावतो हो, अणीं वाते वणीं मरियम पे कृपा करवा री और वणींने चुपचाप छोड़ी देवा रो होस्यो। पण अणांहु पेले के वो असो करतो, एक स्वर्गदूते वणांरे हपना मे आविन वणांहु वात किदी। ![](https://cdn.door43.org/obs/jpg/360px/obs-en-23-02.jpg) वणीं स्वर्गदूते केयूं के, "हे यूसुफ, थूं मरियम ने आपणीं लाड़ी रे रूप मे लेईन आवणां हुं मत घबरा। क्योंकि ज्यो वणींरे पेट मे बच्चो है, वो पवित्र आत्मा री ओर हूं है। और वा एक बेटा ने जनम देगा। और थां वणां बालक रो नाम यीशु राखजो। (जणांरो अर्थ है,'यहोवा वचाडे है') क्योंकि वो सब लोगां ने वणांरे पापां हुं वचाड़ेगा।" ![](https://cdn.door43.org/obs/jpg/360px/obs-en-23-03.jpg) पसे यूसुफे मरियम हुं विवाह किदो और वणींने आपणीं लाड़ी रे रूप मे आपणें घरे लेई आयो, पण वणींरे बच्चा ने जनम देवा तक वो वणीं हातीं नी हुतो। ![](https://cdn.door43.org/obs/jpg/360px/obs-en-23-04.jpg) जेरां मरियम रे जनम देवा रो समय निकट हो, तो वणींए और यूसुफे बैतलहेम जावा रे लिए एक लाम्बी यात्रा किदी। और वणांने वटे जाणोंस हो, क्योंकि रोमी अधिकारी इस्राएल मे रेवा वालां सब लोगां री गणती करणां चावता हा। और वा चावता हा के सब लोग वटे जाए जटे वणांरा बापदादां रेता हा। और राजा दाऊद रो जनम भी बैतलहेम मेईस वेयो हो, और वो मरियम और यूसुफ दोयां रो पूर्वज हो। ![](https://cdn.door43.org/obs/jpg/360px/obs-en-23-05.jpg) मरियम और यूसुफ बैतलहेम ग्या, पण वटे जनावरां ने रखवा वालीं जगा रे अलावा वणांरे ठेरवा री कोई ओर जगा नी ही। केवल वाईस एक जगा ही जटे मरियमे आपणें बच्चा ने जनम दिदो। पसे वणींए वणांने चरणीं मेईस हुवाडी दिदो, क्योंकि वटे वणांरे लिए कोई बिस्तर नी हा। पसे वणां बालक रो नाम यीशु राख्यो। ![](https://cdn.door43.org/obs/jpg/360px/obs-en-23-06.jpg) वणीं रात, वटे पास रास खेत मे थोड़ा घणां गड़रियां आपणीं भेड़ां रे झूंड री रखवाली करी रेया हा। पसे अचानक हुं, एक चमकदार कपडां पेरयो हको स्वर्गदूत वणांपे प्रकट वियो, और वा एकदम समकीं ग्या। पसे वणीं स्वर्गदूते वणांहुं केयूं के, "मत समको, क्योंकि मारे कोडे थांरे लिए एक शुभ संदेश है। के बैतलहेम मे मसीह यीशु रो जनम वेयो है!" ![](https://cdn.door43.org/obs/jpg/360px/obs-en-23-07.jpg) जाईन वणां बालक री खोज करो, और थां वणाने कपडा मे लिपट्यो हको और चरनी मे हुतो हको पाओगा।" पसे अचानक हुं, पुरो आकाश स्वर्गदूतां हुं भराई ग्यो। और वा परमेश्वर री स्तुति और महिमा करी रेया हा। और वणां केयूं के, "सारी महिमा स्वर्ग मे विराजमान परमेश्वर ने मिले।और पृथ्वी पे वणां लोगां मे शान्ति वे जणांरी वो चिन्ता करे है!" ![](https://cdn.door43.org/obs/jpg/360px/obs-en-23-08.jpg) पसे स्वर्गदूत परा ग्या। और वा गड़रियां भी आपणीं भेड़ां ने छोडिन वणां बालक ने देखवा रे लिए ग्या। और शीघ्र वा वणीं जगा पोंछी ग्या जटे बालक यीशु हो और वणां चरनी मे वणांने हुतो हको पायो, जसो के वणीं स्वर्गदूते वणांने केयूं हूं। और वा वणांए देखिन बोत ही उत्साहित हा। पसे वा गड़रियां वटे हुं पासा लौट ग्या जटे वणांरी भेड़ां ही। और वणां ज्यो कई भी हुण्यो और देख्यो हो वणा सब रे लिए वा परमेश्वर री स्तुति और महिमा करी रेया हा। ![](https://cdn.door43.org/obs/jpg/360px/obs-en-23-09.jpg) पूरब रा देश मे थोडाक ज्योतिषी हा। जणां ताराँ रे विषय मे अध्ययन किदो हो और वा बोत ही बुद्धिमान हा। वणां एक अद्भूत तारा ने आकाश मे देख्यो। पसे वणां केयूं के अणांरो अर्थ है, के यहूदियां रा एक राजा रो जनम वेयो है। अणीं वाते वणां बालक ने देखवा रे लिए आपणां देश हुं यात्रा करवा रो निर्णय किदो। पसे एक लाम्बी यात्रा रे बाद, वा लोग बैतलहेम आया और वणां घेर ने पायो जटे बालक यीशु और वणारे मां-बाप ठेरया हका हा। ![](https://cdn.door43.org/obs/jpg/360px/obs-en-23-10.jpg) जेरां अणां ज्योतिषियां बालक यीशु ने आपणीं मां रे हातीं देख्यो, तो वणां आपणें घूटणां टेकिन वणारी आराधना किदी। और वणां बालक यीशु ने बोत ही किमती उपहार दिदा। पसे वा पासा आपणें घरे लौटी ग्या। *मत्ती अध्याय 1; लूका 2 हुं एक बाईबल री कहाणी* ## 24. यूहन्ना प्रभु यीशु ने बपतिस्मा देवे है https://openbiblestories.org/l/mtr/story-24/ ![](https://cdn.door43.org/obs/jpg/360px/obs-en-24-01.jpg) एलीशिबा और जकर्याह रो बेटो यूहन्ना, बडो वेइन एक परमेश्वर री ओर हुं बोलवा वालों वणीं ग्यो। और वो मंगरां मे रेतो हो, और जंगली मद और टिड्डियाँ खातो हो, और ऊँट रा बालां हूं वणयां हका कपडां पेरतो हो। ![](https://cdn.door43.org/obs/jpg/360px/obs-en-24-02.jpg) बोत सा लोग यूहन्ना री वातां ने हुंणवां रे लिए मंगरां मे निकलिन आया। और वणीं यो केइन वणांने प्रचार किदी के, " पश्चाताप करो, और मन फिरावो, क्योंकि स्वर्ग रो राज्य निकट है!" ![](https://cdn.door43.org/obs/jpg/360px/obs-en-24-03.jpg) जेरां लोगां यूहन्ना रा संदेश ने हुण्यो, तो वणां मे हूं बोत सा लोगां आपणे-आपणे पापां हूं पश्चाताप किदो, और यूहन्नाए वणांने पाणी रो बपतिस्मा दिदो। और यूहन्ना ने देखवा रे लिए बोत सा धर्म गुरुआं भी वटे आया, पण वणां आपणें पापां रो पश्चाताप या अंगीकार नी किदो। ![](https://cdn.door43.org/obs/jpg/360px/obs-en-24-04.jpg) यूहन्नाए वणां धार्मिक अगुवां हूं केयूं के, "हे जेरिले हाँपा रे बच्चों! पश्चाताप करो और आपणें व्यवहार ने बदलो। क्योंकि परमेश्वर हर वणां रुंकडां ने काट देगा ज्यो अच्छो फल नी लावे, पसे वो वणांने आग मे नाखी देगा।" और ज्यो परमेश्वर री ओर हुं बोलवा वालां व्यक्तियाँ केयूं हूं। यूहन्ने वणांने पुरो किदो, के "देख, बोत ही जल्दी मुं थारे आगे आपणां संदेशवाहक ने भेजूंगा ज्यो थारे लिए मार्ग तैयार करेगा।" ![](https://cdn.door43.org/obs/jpg/360px/obs-en-24-05.jpg) थोडाक धर्म गुरुआं यूहन्ना हूं पुछयूं के कई वो मसीह है। पण यूहन्नाए जवाब दिदो के, "मुं मसीह नी हूं, पण वो ज्यो मारे बाद आवी रेयो है, वो अतरो महान है के मुं वणांरे जूतां री लेश खोलवा रे लायक भी नी हूँ।" ![](https://cdn.door43.org/obs/jpg/360px/obs-en-24-06.jpg) वणांरे बिजे दन, प्रभु यीशु मसीह बपतिस्मा लेवा रे लिए यूहन्ना कोडे आयो। और जेरां यूहन्नाए वणांने देख्यो, तो वणांहु केयूं के, "देखो! परमेश्वर रो मेम्नो ज्यो अणां जगत रे पापां ने उठाई ले जाएगा।" ![](https://cdn.door43.org/obs/jpg/360px/obs-en-24-07.jpg) यूहन्नाए प्रभु यीशु मसीह हूं केयूं के, "मुं थने बपतिस्मा देवा रे योग्य नी हूँ। बजाए यो आवश्यक है, के थूं मने बपतिस्मा दे।" पण प्रभु यीशु मसीए केयूं के, "थने मई बपतिस्मा देणों चावे, क्योंकि करवा रे लिए सई काम योइस है।" अणीं वाते पसे यूहन्नाए वणांने बपतिस्मा दिदो, जेरां के प्रभु यीशु मसीए कदी पाप नी किदो हो। ![](https://cdn.door43.org/obs/jpg/360px/obs-en-24-08.jpg) बपतिस्मा दिदो जावा रे बाद जेरां प्रभु यीशु मसीह पाणी मे हूं निकलिन बाण्णे आयो, तो परमेश्वर रो आत्मा एक कबूतरा रे रूप मे प्रकट वियो और नीचे आविन वणांपे ठेर ग्यो। और वणांस समय, परमेश्वरे स्वर्ग हूं वात किदी। और वणीं केयूं के, "थूं मारो प्रिय बेटो है, और मुं तई हूं प्रेम करुं हूँ, और मुं तई हूं बोत ही प्रसन्न हूँ।" ![](https://cdn.door43.org/obs/jpg/360px/obs-en-24-09.jpg) परमेश्वरे यूहन्ना हूं केयूं हूं के, "पवित्र आत्मा नीचे आविन जणां पे ठेर जाएगा और जणांए थूं बपतिस्मा देगा।" वोइस परमेश्वर रो बेटो है और परमेश्वर एकुस है। पण जेरां यूहन्नाए प्रभु यीशु मसीह ने बपतिस्मा दिदो, तो वणीं परमेश्वर पिता ने वातां करतां हुण्यो, और पुत्र परमेश्वर ने देख्यो, ज्यो के प्रभु यीशु मसीह है, और वणीं पवित्र आत्मा ने कबूतरा रे रूप मे देख्यो। *मत्ती अध्याय 3; मरकुस 1:9-11; लूका 3:1 हूं एक बाइबल री कहाणी* ## 25. शैतान यीशु री परीक्षा करे है https://openbiblestories.org/l/mtr/story-25/ ![](https://cdn.door43.org/obs/jpg/360px/obs-en-25-01.jpg) यीशु मसीह रो बपतिस्मा वेवा रे तुरन्त बादुस, पवित्र आत्मा वणांने मंगरां मे लेईन ग्यो। और यीशु मसीह वटे चालीस दन और चालीस रात रेयो हो। और वणीं चालीस दनां तक उपवास किदो हो, पसे शैताने यीशु मसीह रे कोडे आविन वणांए पाप करावणां रे लिए वणांरी परीक्षा किदी। ![](https://cdn.door43.org/obs/jpg/360px/obs-en-25-02.jpg) पेले शैताने प्रभु यीशु हुं केयूं के, "यदि थूं परमेश्वर रो बेटो है, तो अणां भाटां री रोटियां वणांवी दे ताकि थूं खाई सके।" ![](https://cdn.door43.org/obs/jpg/360px/obs-en-25-03.jpg) पण यीशु मसीए शैतान हुं केयूं के, "परमेश्वर रा वचन मे यो लिख्यो है के, 'जीवतो रेवा रे लिए मनक ने केवल रोटी रीस आवश्यकता नी वे है, पण वणांने हर वणीं वात री आवश्यकता है, ज्यो परमेश्वर वणांहुं किये है!" ![](https://cdn.door43.org/obs/jpg/360px/obs-en-25-04.jpg) पसे शैतान यीशु मसीह ने मंदिर रा सब हुं ऊँचा सिरा पे लेईन ग्यो। पसे वणाहुं केयूं के, "यदि थूं परमेश्वर रो बेटो है तो अटे हुं नीचे कूदी जा, क्योंकि लिख्यो है के, 'परमेश्वर थनें उठावा रे लिए आपणें स्वर्गदूतां ने आज्ञा देगा, ताकि थारे पगां मे भाटां हुं ठेस नी लागे।" ![](https://cdn.door43.org/obs/jpg/360px/obs-en-25-05.jpg) पण यीशु मसीए वो नी किदूं ज्यो शैताने वणाहुं करवा रे लिए केयूं हूं। लेकिन अणांरे बजाए, वणीं केयूं के, "परमेश्वर हर एक हूं किये है के, थूं प्रभु आपणां परमेश्वर री परीक्षा मत करजे।" ![](https://cdn.door43.org/obs/jpg/360px/obs-en-25-06.jpg) पसे शैताने वणांए अणां जगत रा सब राज्य ने दिखाया। और वणीं दिखायो के वा कतरा शक्तिशाली हा, और वा कतरा सम्पन्न हा। पसे वणीं यीशु मसीह हुं केयूं के, "मुं थनें यो सब देई दूंगा, यदि थूं आपणां घूटणां टेकिन मारी उपासना करे।" ![](https://cdn.door43.org/obs/jpg/360px/obs-en-25-07.jpg) प्रभु यीशुए वणांने जवाब दिदो के, "हे शैतान, थूं मारे कोडे हुं छेटी परो जा! क्योंकि परमेश्वर रा वचन मे वो लोगां ने आदेश दिये है के, थां केवल आपणां प्रभु परमेश्वर रीस आराधना करो।" ![](https://cdn.door43.org/obs/jpg/360px/obs-en-25-08.jpg) प्रभु यीशुए शैतान रे द्वारा किदी ग्यी परीक्षा मे हार नी मान्यी, अणीं वाते शैतान वणां कोडे हुं छेटी परो ग्यो। पसे स्वर्गदूत आविन यीशु मसीह री सेवाटहल करवे लागा। *मत्ती अध्याय 4:1-11; मरकुस 1:12-13; लूका 4:1-13 हुं एक बाइबल री कहाणी* ## 26. प्रभु यीशु आपणीं सेवा आरम्भ करे है https://openbiblestories.org/l/mtr/story-26/ ![](https://cdn.door43.org/obs/jpg/360px/obs-en-26-01.jpg) शैतान री परीक्षा पे जय प्राप्त करवा रे बाद, प्रभु यीशु पासो गलील रा क्षेत्र मे आयो। और योईस वो क्षेत्र हो जटे वो रेतो हो। और पवित्र आत्मा वणांए बोत ही सामर्थ्य देई रेयो हो, और प्रभु यीशु एक जगा हुं, बिजी जगा मे ग्यो और सब लोगां ने परमेश्वर रे स्वर्ग राज्य री शिक्षा दिदी। और सब लोग वणांरी शिक्षा ने हुंणता हा और वणांरी तारिफ करता हा। ![](https://cdn.door43.org/obs/jpg/360px/obs-en-26-02.jpg) प्रभु यीशु नासरत नगर मे ग्यो। और यो वो गाँव है, जटे वो आपणां बचपन मे रेतो हो। पसे वो सब्त रे दन आराधनालय मे ग्यो। पसे अगुवां वणांने यशायाह रे संदेशां री एक किताब दिदी। और वा चावता हा के वो वणीं किताब मे हुं भणे। और पसे प्रभु यीशुए वणीं किताब ने खोलिन वणींमे हुं एक भाग ने लोगां रे लिए भण्यो। ![](https://cdn.door43.org/obs/jpg/360px/obs-en-26-03.jpg) प्रभु यीशुए भण्यूं के, "परमेश्वरे मने आपणों आत्मा दिदो है, ताकि मुं कंगालां ने सुसमाचार प्रचार कर सकूँ। और वणीं मने अणीं वाते भेज्यो के ताकि कैदियां ने आजाद करूँ, और आँधां ने दृष्टि प्रदान करूँ, और वणांने छुटकारो देऊँ जणांने बिजा लोग कुचलीं रेया हीं। और यो वो समय है जेरां परमेश्वर आपांपे कृपालु वेगा और आपणीं सहायता करेगा।" ![](https://cdn.door43.org/obs/jpg/360px/obs-en-26-04.jpg) पसे प्रभु यीशु मसीह बैठ ग्यो। और सब लोग वणांए बोत ही ध्यान हुं देखी रेया हा। क्योंकि वा जाणता हा के पवित्र शास्त्र रो ज्यो भाग वणीं अबार भण्यो हो, वो मसीह रे बारा मेस हो। पसे प्रभु यीशुए केयूं के, "ज्या वात अबार मईं थांरे लिए भण्यी है, वा वात अणां समय घटी रेयी है।" और सब लोग चकित हा। पसे वणां केयूं के, "कई यो यूसुफ रो बेटो नी है?" ![](https://cdn.door43.org/obs/jpg/360px/obs-en-26-05.jpg) पसे प्रभु यीशुए केयूं के, "यो सई है के लोग कणां असा व्यक्ति ने कदी स्वीकार नी करीं हीं, ज्यो वणांरे नगर मेईस पल्यो-बढ्यो वे। और एलिय्याह रा समय मे भी, बोत सी विधवा महिला रेती ही। पण जेरां साढ़ा तीन साल तक सांटां नी आया, तो परमेश्वरे एलिय्याह ने इस्राएल मे कणीं ओर विधवा री सहायता करवा रे लिए नी भेज्यो। लेकिन अणांरे बजाए वणीं एलिय्याह ने कणां ओर देश री विधवा रे कोडे भेज्यो।" ![](https://cdn.door43.org/obs/jpg/360px/obs-en-26-06.jpg) प्रभु यीशुए केणों जारी राख्यो, "और एलीशा रा समय मे, इस्राएल देश मे और भी बोत सा लोग चमडी री बीमारियाँ हुं पीडित हा। पण एलीशे वणांमे हुं कणांने चंगा नी किदा। लेकिन केवल वणीं इस्राएल रे शत्रुआं रा सेनापति नामान नेस चंगो किदो।" पण ज्या लोग प्रभु यीशु ने हुणीं रेया हा वा लोग यहूदी हा। अणीं वाते जेरां वणां वणांए यो केतां हकां हुंण्यो तो वा वणांपे क्रोधित वेई ग्या। ![](https://cdn.door43.org/obs/jpg/360px/obs-en-26-07.jpg) नासरत रा लोगां प्रभु यीशु ने पकड़ी लिदो पसे वणांए आराधना रा स्थान हुं घसीटिन बाण्णे लेईन ग्या। पसे वणांए मारी नाखवा रे लिए नीचे फेंकवा हारू एक चट्टान रा सिरा पे लेई ग्या। पण प्रभु यीशु वणीं भीड़ मे हुं निकलिन नासरत नगर ने छोडिन परो ग्यो। ![](https://cdn.door43.org/obs/jpg/360px/obs-en-26-08.jpg) पसे प्रभु यीशु पुरा गलील रा क्षेत्र मे ग्यो, और बोत सी भीड़ वणां कोडे आयी। और वा बोत सा लोगां ने लेईन आया ज्या बीमार और विकलांग हा। और वणांमे हुं बोत सा लोग तो देखी भी नी सकता हा और नी हुणीं सकता हा। पसे प्रभु यीशुए वणां सब बीमारां ने चंगा किदा। ![](https://cdn.door43.org/obs/jpg/360px/obs-en-26-09.jpg) अणांरे अलावा, बोत सा असा लोग प्रभु यीशु रे कोडे लाया ग्या जणांमे दुष्ट आत्मा ही। पसे प्रभु यीशुए दुष्टआत्माओं ने वणांमे हुं निकल जावा रो आदेश दिदो। पसे वा दुष्टआत्मा ऊँची आवाज हुं चिल्लावे लागी और केवे लागी के, "थूं परमेश्वर रो बेटो है!" और भीड़ रा लोग बोत ही चकित हा, पसे वणां परमेश्वर री स्तुति और महिमा किदी। ![](https://cdn.door43.org/obs/jpg/360px/obs-en-26-10.jpg) पसे प्रभु यीशुए बारह व्यक्तियां ने चुन्या जणांने वणीं आपणें चेला केया। और वणां चेलां वणां हातीं यात्राएं किदी और वणांहुं शिक्षा प्राप्त किदी। *मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 हुं एक बाइबल री कहाणी* ## 27. दयालुं सामरी री कहाणी https://openbiblestories.org/l/mtr/story-27/ ![](https://cdn.door43.org/obs/jpg/360px/obs-en-27-01.jpg) एक दन, यहूदी धर्मगुरु प्रभु यीशु मसीह रे कोडे आयो। और वो सब लोगां ने यो देखावणों चावतो हो, के प्रभु यीशु गलत रीति हुं शिक्षा देई रेयो हो। अणीं वाते वणीं केयूं के, "हे गुरु, अनन्त जीवन पावा रे लिए मुं कई करूँ?" पसे प्रभु यीशुए वणांने जवाब दिदो के, "परमेश्वर री व्यवस्था मे कई लिख्यो है?" ![](https://cdn.door43.org/obs/jpg/360px/obs-en-27-02.jpg) वणीं व्यक्तिए केयूं के, "परमेश्वर री व्यवस्था यो किये है, के थूं आपणां परमेश्वर हुं आपणां पुरा मन, प्राण, सामर्थ्य, और बुद्धि हुं प्रेम राख। और आपणें पड़ोसी हुं आपणें समानुस प्रेम राख।" पसे प्रभु यीशुए केयूं के, "थूं एकदम सई किये है! यदि थूं भी असोस करेगा, तो थने अनन्त जीवन प्राप्त वेगा।" ![](https://cdn.door43.org/obs/jpg/360px/obs-en-27-03.jpg) पण वो धर्मगुरु लोगां ने दिखाणों चावतो हो, के वणांरे जीवन जीवणां रो तरीकों बिल्कुल सई हो। अणीं वाते वणीं प्रभु यीशु हुं पुछयूं के, "ठीक है, तो मारो पड़ोसी कुण है?" ![](https://cdn.door43.org/obs/jpg/360px/obs-en-27-04.jpg) प्रभु यीशुए वणां धर्मगुरु ने एक कहाणी वताडवा रे द्वारा जवाब दिदो। के "एक यहूदी मनक हो, ज्यो एक सड़क हुं वेतो हको यरूशलेम हुं यरीहो नगर री यात्रा करी रेयो हो।" ![](https://cdn.door43.org/obs/jpg/360px/obs-en-27-05.jpg) पण थोडाक डाकुआं वणांने देख्यो और वणांपे हमलो कर दिदो। और वणां वणांरो सब कुछ लेई लिदो और वणांए लगभग मरवा तक मारयो-पीट्यो। पसे वणांए अधमरो करीन परा ग्या।" ![](https://cdn.door43.org/obs/jpg/360px/obs-en-27-06.jpg) वणांरे तुरन्त बाद, एक यहूदी याजक वणीं सड़क हुं वेईन गुजरयो। पसे वणीं याजके वणां व्यक्ति ने सड़क पे पड्यो हको देख्यो। और जेरां वणीं वणांए देख्यो, तो वो सड़क री दूसरी ओर जाईन आगे बढ़ी ग्यो। और वणीं वणांए पुरी तरह हुं अनदेखो कर दिदो। ![](https://cdn.door43.org/obs/jpg/360px/obs-en-27-07.jpg) अणांरे बाद थोडाक समय रे वीतवा पे, एक लेवी वणीं सड़क पे आयो। (और लेवी यहूदियां रो एक गोत्र हो जणीं मंदिर मे याजकां री मदद किदी ही।) पसे वो लेवी भी सड़क री दूसरी ओर हुं निकल ग्यो। और वणीं भी वणां व्यक्ति ने अनदेखो कर दिदो। ![](https://cdn.door43.org/obs/jpg/360px/obs-en-27-08.jpg) अगलो व्यक्ति ज्यो वणीं सड़क पे आयो हो, वो सामरिया रो एक आदमी हो। और (सामरी और यहूदी एक बिजा हुं बोत ही नफरत करता हा।) और वणीं सामरीए सड़क पे वणां व्यक्ति ने देख्यो। पसे वणीं देख्यूं के वो व्यक्ति एक यहूदी हो, पण तौभी वणीं वणांपे तरस खादो। पसे वो वणां कोडे ग्यो और वणांरे घावां पे पट्टियां बाँध्यी। ![](https://cdn.door43.org/obs/jpg/360px/obs-en-27-09.jpg) पसे वणीं सामरीए वणां व्यक्ति ने आपणां गधा पे डाल्यो और वणांए वणीं सड़क हुं उठाविन पसे एक सराय मे लेईन ग्यो। जटे वणीं वणांरी देखभाल करणों जारी राख्यो। ![](https://cdn.door43.org/obs/jpg/360px/obs-en-27-10.jpg) बिजे दन, वणां सामरी ने आपणीं यात्रा ने जारी राखवा री आवश्यकता ही। तो वणीं वणां सराय रा प्रभारी व्यक्ति ने थोडाक पईसा दिदा। पसे वणांहुं केयूं के, "अणां व्यक्ति री देखभाल करजे। और यदि अणां पईसां रे अलावा थारे धन ओर खर्च वे, तो पासो आवता समय मुं थारे वणां खर्चा रो भुगतान करी देऊँगा।" ![](https://cdn.door43.org/obs/jpg/360px/obs-en-27-11.jpg) पसे प्रभु यीशुए वणां धर्मगुरु हुं पुछयूं के, "थां कई होचो हो? अणां तीन लोगां मे हुं कुंण वणां व्यक्ति रो पड़ोसी है, जणांए लूट्यो और कुट्यो ग्यो हो?" पसे वणीं जवाब दिदो के, " वोईस व्यक्ति ज्यो वणांपे कृपालुं हो।" पसे प्रभु यीशुए वणांहुं केयूं के, "थूं जा और थूं भी असोस कर।" *लूका अध्याय 10:25-37 हुं एक बाइबल री कहाणी* ## 28. धनी जवान शासक https://openbiblestories.org/l/mtr/story-28/ ![](https://cdn.door43.org/obs/jpg/360px/obs-en-28-01.jpg) एक दन, एक धनी जवान शासके प्रभु यीशु रे कोडे आविन वणांहुं पुछयूं के, "हे उत्तम गुरु, अनन्त जीवन पावा रे लिए मने कई करणों चावे है?" पसे प्रभु यीशुए वणांहुं केयूं के, "थूं मने 'उत्तम' क्यूँ किये है? केवल एकुस उत्तम है और वो स्वयं परमेश्वर है। पण यदि थूं अनन्त जीवन पाणों चावे है, तो परमेश्वर री व्यवस्था रो पालन कर।" ![](https://cdn.door43.org/obs/jpg/360px/obs-en-28-02.jpg) मने कणीं आज्ञाओं रो पालन करवा री आवश्यकता है? पसे प्रभु यीशुए वणांने जवाब दिदो के, "हत्या नी करणीं। और व्यभिचार नी करणों। और चोरी नी करणीं। और झूठ नी बोलनों। और आपणें माता-पिता रो आदर करणों, और आपणें पड़ोसी हुं आपणेंस समान प्रेम करणों।" ![](https://cdn.door43.org/obs/jpg/360px/obs-en-28-03.jpg) पण वणीं जवाने केयूं के, "मुं आपणें बचपन हुंस अणीं सब आज्ञाओं रो पालन करतो हको आयो हूँ। और अबार मने सदा रे लिए जीवित रेवा हारू और कई करवा री आवश्यकता है?" पसे प्रभु यीशुए वणांपे दृष्टि किदी और वणांहुं प्रेम किदो। ![](https://cdn.door43.org/obs/jpg/360px/obs-en-28-04.jpg) प्रभु यीशुए वणांने जवाब दिदो के, "यदि थूं सिद्ध वेणों चावे है, तो जाईन आपणों सब कुछ वेची दे और वो धन गरीबां मे वाँटी दे, और थने स्वर्ग मे धन मलेगा। पसे आविन मारे हातीं आवी जा।" ![](https://cdn.door43.org/obs/jpg/360px/obs-en-28-05.jpg) ज्यो प्रभु यीशुए केयूं हुं वणीं जवाने जेरां हुण्यो, तो वो बोत ही उदास वेई ग्यो, क्योंकि वो बोत ही धनवान व्यक्ति हो और वणांरी पुरी सम्पत्ति ने वो देणों नी चावतो हो। अणीं वाते वो मुडिन प्रभु यीशु रे कोडे हुं परो ग्यो। ![](https://cdn.door43.org/obs/jpg/360px/obs-en-28-06.jpg) पसे प्रभु यीशुए आपणें चेलां हुं केयूं के, "परमेश्वर रा राज्य मे धनवान लोगां रो प्रवेश करणों बोत ही कठिन है! हाँ, एक धनी व्यक्ति रे परमेश्वर रा राज्य मे प्रवेश करवा री तुलना मे कणां ऊँट रो होई रा छेद मे हुं वेईन निकल जाणों आसान है।" ![](https://cdn.door43.org/obs/jpg/360px/obs-en-28-07.jpg) ज्यो प्रभु यीशुए केयूं हुं वो जेरां चेलां हुण्यूं, तो वा चकित थाई ग्या हा। पसे वणां केयूं के, "यदि यो असो है तो परमेश्वर कणांने वचाएगा?" ![](https://cdn.door43.org/obs/jpg/360px/obs-en-28-08.jpg) प्रभु यीशुए आपणें चेलां पे दृष्टि किदी और वणांहुं केयूं के, "लोगां रे लिए स्वयं रो उद्धार करणों असम्भव है। पण परमेश्वर रे लिए कई भी करणों असम्भव नी है।" ![](https://cdn.door43.org/obs/jpg/360px/obs-en-28-09.jpg) पतरसे प्रभु यीशु हुं केयूं के, "मां सब चेला तो आपणों सब कुछ छोड़िन थारे पाछे आवी ग्या हां। तो मांरों पुरस्कार कई वेगा?" ![](https://cdn.door43.org/obs/jpg/360px/obs-en-28-10.jpg) प्रभु यीशुए वणांने जवाब दिदो के, "हर एक व्यक्ति जणीं मारे कारण आपणां घर ने और आपणें भाई- बैनां ने और आपणें मां-बाप ने और आपणें बाल-बच्चां ने और आपणीं धन सम्पत्ति ने छोड दिदी है, वो वणांहुं 100 गुना अधिक प्राप्त करेगा और अनन्त जीवन ने भी पाएगा। पण बोत सा लोग ज्या पेला हा वा लोग पिछला वेई जाएगा, और बोत सा लोग ज्या पिछला हा वा लोग पेला वेई जाएगा।" *मत्ती अध्याय 19:16-30; मरकुस 10:17-31; लूका 18:18-30 हुं एक बाइबल री कहाणी* ## 29. निर्दयी दास री कहाणी https://openbiblestories.org/l/mtr/story-29/ ![](https://cdn.door43.org/obs/jpg/360px/obs-en-29-01.jpg) एक दन, पतरसे प्रभु यीशु हुं पुछ्यो के, "हे स्वामी, मने आपणां भाई ने कतरी बार माफ करणों चावे जेरां वो मारे विरुद्ध पाप करे है? कई हात बार तक?" पसे प्रभु यीशुए केयूं के, "केवल हात बारूस नी पण हित्तर बार!" और अणांरे द्वारा, प्रभु यीशु रो मतलब हो के आपांने हमेशा माफ करणों चावे है। पसे प्रभु यीशुए एक कहाणी वताई। ![](https://cdn.door43.org/obs/jpg/360px/obs-en-29-02.jpg) प्रभु यीशुए केयूं के, "परमेश्वर रो राज्य एक राजा रे हरिको है, ज्यो आपणां दास हुं लेखो लेणों चावतो हो। और वणांरो एक दास 2,00,000 रुपयां रो कर्जदार हो।" ![](https://cdn.door43.org/obs/jpg/360px/obs-en-29-03.jpg) पण वो दास आपणां अणां कर्जा ने चुकावी नी सक्यो हो, अणीं वाते वणीं राजाए केयूं के, "अणांरो कर्जो चुकावणां रे लिए अणां आदमी ने और अणांरा परिवार ने दासां रे रूप मे वेच दियो।" ![](https://cdn.door43.org/obs/jpg/360px/obs-en-29-04.jpg) वणीं दासे राजा रे हामे आपणें घुटणां पे पड़िन वणांहुं केयूं के, कृपा करिन मारे हातीं धीरज धर, और मुं आपणें कर्जा री पुरी रकम रो भुगतान करी देउँगा।' पसे राजाए वणांपे दया किदी, अणीं वाते वणांरा पुरा कर्जा ने माफ कर दिदो और वणांए छोड़ दिदो।" ![](https://cdn.door43.org/obs/jpg/360px/obs-en-29-05.jpg) पण जेरां वो दास राजा कोडे हुं बाण्णे ग्यो, तो वणांए वणांरो एक हाती दास मल्यो ज्यो वणांरे चार मईना री मजदूरी रो कर्जदार हो। पसे वणीं दासे आपणें हाती दास ने पकड़ी लिदो और वणांहुं केयूं के, ज्यो थारे उपरे मारो कर्ज है वणांरो मने भुगतान कर दे! ![](https://cdn.door43.org/obs/jpg/360px/obs-en-29-06.jpg) वणीं हाती दासे आपणें घुटणां पे पड़िन वणांहुं केयूं के, 'कृपा करिन मारे हातीं धीरज धर, और मुं आपणां कर्जा री पुरी रकम रो भुगतान करी देऊँगा।' पण अणांरे बजाए, वणीं दासे आपणें हाती दास ने जेलखाना मे डाल दिदो जेरां तक के वो वणां कर्जा रो पुरो भुगतान करी नी दिये। ![](https://cdn.door43.org/obs/jpg/360px/obs-en-29-07.jpg) ज्यो कई अटे वियो हो वणांने थोड़ा घणां बिजां दासां भी देख्यो हो पसे वा दास बोत ही दुखी वेया। अणीं वाते वा राजा कोडे ग्या और वणांए सब कुछ वताई दिदो। ![](https://cdn.door43.org/obs/jpg/360px/obs-en-29-08.jpg) राजाए वणां दास ने बुलाविन केयूं के, 'हे दुष्ट दास! मईं थारे कर्जा ने अणीं वाते माफ कर दिदो हो, क्योंकि थें मई हुं विनती किदी ही। और थने भी वसोस करणों चावतो हो।' पसे राजा अतरो क्रोधित हो के वणीं वणां दुष्ट दास ने जेलखाना मे डाल दिदो, जेरां तक के वो आपणां पुरा कर्जा रो भुगतान पासो नी करी दिये। ![](https://cdn.door43.org/obs/jpg/360px/obs-en-29-09.jpg) पसे प्रभु यीशुए केयूं के, "मारो स्वर्ग मे विराजमान पिता थां मे हुं हर एक रे हातीं भी योईस करेगा यदि थां आपणें भाई ने आपणांं हृदय हुं माफ नी करोगा।" *मत्ती अध्याय 18:21-35 हुं एक बाइबल री कहाणी* ## 30. प्रभु यीशु पाँच हजार लोगां ने भोजन करावे है https://openbiblestories.org/l/mtr/story-30/ ![](https://cdn.door43.org/obs/jpg/360px/obs-en-30-01.jpg) प्रभु यीशुए आपणें चेलां ने प्रचार करवा और लोगां ने शिक्षा देवा रे लिए बोत सा अलग-अलग गाँवां मे भेज्या। और जेरां वा प्रचार करिन वटे पासा आया जटे प्रभु यीशु हो तो वणां वणांने वतायो के वणां कई किदो हो। पसे प्रभु यीशुए वणांने झील रे बिजी पार वणांरे हातीं एक शान्त जगा पे जाईन थोडाक समय तक आराम करवा रे लिए आमंत्रित किदा। पसे वा एक नांव पे चढ़ी ग्या और पसे झील रे बिजी पार परा ग्या। ![](https://cdn.door43.org/obs/jpg/360px/obs-en-30-02.jpg) पण वटे बोत सा असा लोग हा जणां प्रभु यीशु ने और वणारे चेलां ने नांव मे बेहिन जाता हकां देख्या हा। और या लोग वणांहुं पेले झील रे बिजी पार जावा रे लिए झील रे किनारे-किनारे दौड्या। और जेरां प्रभु यीशु और वणांरा चेला वटे पोंच्या तो लोगां री बड़ी भीड़ वटे वणांरी इन्तजार करती हकी पेले हुंस मौजूद ही। ![](https://cdn.door43.org/obs/jpg/360px/obs-en-30-03.jpg) वणीं भीड़ मे महिला और बच्चां री गणती रे वना 5,000 हुं भी ज्यादा आदमी हा। पसे प्रभु यीशुए वणांपे बड़ो तरस खादो। क्योंकि प्रभु यीशु रे लिए या लोग वना गुँवाल री भेड़ां रे हरिका हा। अणीं वाते वणीं वणांने वचन री शिक्षा दिदी और वणांरे वच मे ज्या लोग बीमार हा वणांने चंगा किदा। ![](https://cdn.door43.org/obs/jpg/360px/obs-en-30-04.jpg) दन रा अन्त मे, चेलां प्रभु यीशु हुं केयूं के, "अबार बोत ही देर वेई ग्यी है और आसपास मे कोई नगर भी नी है। अणीं वाते अणां लोगां ने जावा दे ताकि वा जाईन आपणें लिए कईक लेई सकीं।" ![](https://cdn.door43.org/obs/jpg/360px/obs-en-30-05.jpg) पण प्रभु यीशुए आपणें चेलां हुं केयूं के, "थांस वणांने खावा रे लिए कईक दियो।" पसे वणां चेलां जवाब दिदो के, "मां असो किस्तर कर सकां हां? क्योंकि मां कोडे तो केवल पाँच रोटी और दो माछलिस हीं।" ![](https://cdn.door43.org/obs/jpg/360px/obs-en-30-06.jpg) प्रभु यीशुए आपणें चेलां हुं केयूं, के वा भीड़ रा सब लोगां ने घांस पे पचास-पचास रा झुण्ड मे बैठवा रे लिए किये। ![](https://cdn.door43.org/obs/jpg/360px/obs-en-30-07.jpg) पसे प्रभु यीशुए पाँच रोटी और दो माछलियां ने लेईन स्वर्ग री ओर देख्यो, और वणां भोजन रे लिए परमेश्वर रो धन्यवाद किदो। ![](https://cdn.door43.org/obs/jpg/360px/obs-en-30-08.jpg) पसे प्रभु यीशुए रोटी और माछलियां रा छोटा-छोटा टुकड़ां किदा। और वणीं सब लोगां ने देवा रे लिए आपणें चेलां ने वा टुकड़ां देई दिदा। और पसे चेला वणां भोजन ने वांटता रेया, और वा टुकड़ां खतम नी विया! और वा सब लोग खाईन धापी ग्या। ![](https://cdn.door43.org/obs/jpg/360px/obs-en-30-09.jpg) वणांरे बाद, चेलां वणां वच्या हका भोजन ने इकट्ठो किदो और वो बारह टोकरियाँ ने भरवा रे लिए पर्याप्त हो! और वो पुरो भोजन वणीं पाँच रोटी और दो माछलियां हुंस आयो हो। *मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 हुं एक बाइबल री कहाणी* ## 31. प्रभु यीशु पाणी पे चाले है https://openbiblestories.org/l/mtr/story-31/ ![](https://cdn.door43.org/obs/jpg/360px/obs-en-31-01.jpg) पाँच हजार लोगां ने भोजन करावा रे बाद, प्रभु यीशुए आपणें चेलां हुं नाव मे जावा रे लिए केयूं। और वणीं वणांने झील रे दूसरी पार जावा रे लिए केयूं, जबकि वो थोड़ाक समय रे लिए वटेस ठेर ग्यो। और पसे चेलां परा ग्या और प्रभु यीशुए वणीं भीड़ ने विदा किदी, ताकि वा आपणें घरे परा जाए। और अणांरे बाद, प्रभु यीशु प्रार्थना करवा रे लिए मंगरा मे परो ग्यो। और वटे वो बिल्कुल अकेलो हो, और पसे वणीं देर रात तक प्रार्थना किदी। ![](https://cdn.door43.org/obs/jpg/360px/obs-en-31-02.jpg) और वणां समय, चेलां आपणीं नाव ने चलावतां हका जाई रेया हा, पण वायरो वणांरे विरुद्ध बोत ही जोर हुं वाजीं रेयो हो। और बोत ही रात वेई जावा रे बाद भी वा केवल झील रे वचीस पोंच्या हा। ![](https://cdn.door43.org/obs/jpg/360px/obs-en-31-03.jpg) और वणां समय प्रभु यीशुए प्रार्थना करणीं समाप्त किदी और आपणें चेलां रे कोडे पासो जाणों आरम्भ किदो। और पसे वो नाव री तरफ जावा रे लिए पाणी रे ऊपर चालवे लागो। ![](https://cdn.door43.org/obs/jpg/360px/obs-en-31-04.jpg) और पसे चेलां वणांने देख्यो। और एकदम समकीं ग्या, क्योंकि वणां होस्यो हो के वो एक भूत है। लेकिन प्रभु यीशु जाणंतो हो के वा समकीं ग्या हीं, अणीं वाते वणीं वणांने आवाज देईन केयूं के, "समको हके, यो मुं हूँ!" ![](https://cdn.door43.org/obs/jpg/360px/obs-en-31-05.jpg) और पसे पतरसे प्रभु यीशु हुं केयूं के, "हे प्रभु, यदि यो थूं है तो मने भी पाणी पे चालिन थारे कोडे आवणां रो आदेश दे।" और पसे प्रभु यीशुए पतरस हुं केयूं के,"आवी जा!" ![](https://cdn.door43.org/obs/jpg/360px/obs-en-31-06.jpg) और पसे पतरस नाव हुं उतरी ग्यो और प्रभु यीशु रे कोडे जावा रे लिए पाणी री सतह पे चालणों आरम्भ किदो। पण थोड़ेक छेटी जाईन, वणीं आपणीं आँखां ने प्रभु यीशु हुं फेर लिदी और वणीं लैरां ने देखणों और वणां तेज वायरा ने मेहसूस करणों आरम्भ कर दिदो। ![](https://cdn.door43.org/obs/jpg/360px/obs-en-31-07.jpg) और पसे पतरस एकदम समकीं ग्यो और वो पाणी मे डूबणें लागो। और पसे वो ऊँची आवाज हुं चिल्लायो के, "हे प्रभु, मने वचाड़!" और पसे प्रभु यीशुए वणांस समय आपणों हाथ बढ़ाविन वणांने पकड़ लिदो। और पसे वणीं पतरस हुं केयूं के, "थारो विश्वास बोत ही कम है! थने सुरक्षित राखवा रे लिए तईं मारापे भरोसो क्यूं नी किदो?" ![](https://cdn.door43.org/obs/jpg/360px/obs-en-31-08.jpg) और पसे प्रभु यीशु और पतरस पासा वणीं नाव पे चढ़ी ग्या, और पसे तुरन्त वायरो वाजणों बंद वेई ग्यो। और पसे झील रो पाणी एकदम शान्त वेई ग्यो। और पसे चेलां चकित वेईन प्रभु यीशु रे हामे आपणां घुटणां टेक दिदा। और पसे वणां प्रभु यीशु री आराधना किदी और वणांहुं केयूं के, "सई मे थूं परमेश्वर रो बेटो है।" *मत्ती अध्याय 14:22-33; मरकुस 6:45-52; यूहन्ना 6:16-21 हुं एक बाइबल री कहाणी* ## 32. प्रभु यीशु दुष्टात्मा हुं ग्रस्त व्यक्ति ने और एक बीमार महिला ने चंगी करे है https://openbiblestories.org/l/mtr/story-32/ ![](https://cdn.door43.org/obs/jpg/360px/obs-en-32-01.jpg) प्रभु यीशु और वणांरे चेला आपणीं नाव मे वणां क्षेत्र मे ग्या जटे गिरासेनी लोग रेता हा। और वा वणां क्षेत्र मे पोंचिन नाव हुं उतरी ग्या। ![](https://cdn.door43.org/obs/jpg/360px/obs-en-32-02.jpg) वटे एक मनक हो ज्यो दुष्टात्मा हुं जकड्यो हको हो। ![](https://cdn.door43.org/obs/jpg/360px/obs-en-32-03.jpg) और यो व्यक्ति अतरो शक्तिशाली हो के कोई भी वणांने आपणें काबू मे नी करी सकतो हो। और बोत सी बार लोगां वणांरे हाथां और पगां ने सांकलां हुं बांध्या हा, पण वो वणीं सांकलां ने भी तोड़ी देतो हो। ![](https://cdn.door43.org/obs/jpg/360px/obs-en-32-04.jpg) और वो व्यक्ति वणां क्षेत्र री कब्रां मे रेतो हो। और यो व्यक्ति पुरा दन और पुरी रात चिल्लातो रेतो हो। और वो कपड़ां भी नी पेरतो हो और अक्सर खुद ने भाटां हुं घायल करतो रेतो हो। ![](https://cdn.door43.org/obs/jpg/360px/obs-en-32-05.jpg) और वो व्यक्ति दौड़िन प्रभु यीशु रे कोडे आयो और वणांरे हामे वणीं आपणां घुटणां टेक दिदा। और पसे प्रभु यीशुए वणां व्यक्ति रे माईने री दुष्टात्मा हुं वात किदी और वणीं हुं केयूं के, "अणां व्यक्ति मे हुं बाण्णे निकलीं आव!" ![](https://cdn.door43.org/obs/jpg/360px/obs-en-32-06.jpg) और पसे वे दुष्टात्मा ऊँची आवाज मे चिल्लाई के, "हे यीशु, परम प्रधान परमेश्वर रा बेटा, थारो मईं हुं कई काम? कृपा करिन मने मत सता!" और पसे प्रभु यीशुए वणीं दुष्टात्मा हुं पुछ्यो के, "थारो नाम कई है?" और पसे वणींए जवाब दिदो के, "मारो नाम सेना है, क्योंकि मां बोत हां!" (रोमी सेना मे कई हजार सैनिकां रो समुह एक "सेना" वेती ही।) ![](https://cdn.door43.org/obs/jpg/360px/obs-en-32-07.jpg) और पसे वणीं दुष्टात्मां प्रभु यीशु हुं विनती किदी के, "कृपा करिन मांने अणां क्षेत्र हुं बाण्णे मत भेज!" और वटेस नजदीक रा मंगरा मे भडुरां रो एक झूंड चरी रेयो हो। अणीं वाते वणीं दुष्टात्मां प्रभु यीशु हुं विनती किदी के, "कृपा करिन मांने वणां भडुरां मे भेज दे!" और पसे प्रभु यीशुए केयूं के, "ठीक है, वणां भडुरां मे परी जाओ!" ![](https://cdn.door43.org/obs/jpg/360px/obs-en-32-08.jpg) और पसे वा दुष्टात्मां वणां व्यक्ति मे हुं निकलिंन वणां भडुरां मे पेही ग्यी। और पसे वा भडुरां दौड़िन एक मंगरा री टूंकी पे हुं नीचे झील मे कूदी ग्या और पसे सब डूबिन मरी ग्या। और वणां झूंड मे लगभग 2,000 भडुरां हा। ![](https://cdn.door43.org/obs/jpg/360px/obs-en-32-09.jpg) और वटे वणां भडुरां री देखभाल करवा वालां लोग हा। और ज्यो कई भी वटे वियो हो जेरां वणां देख्यो तो वा नगर भाग ग्या। और पसे प्रभु यीशुए ज्यो कई भी किदो हो वटे वणां सब लोगां ने वतावी दिदो। और पसे वणां नगर रा लोग निकलीं आया और वणां व्यक्ति ने देख्यो जणांमे दुष्टात्मां ही। वो व्यक्ति शान्ति हुं, कपड़ां पेरयो हको, और एक साधारण व्यक्ति री तरह व्यवहार करतो हको बैठो हो। ![](https://cdn.door43.org/obs/jpg/360px/obs-en-32-10.jpg) और वा लोग बोत ही समकीं ग्या हा अणीं वाते वणां प्रभु यीशु हुं परो जावा रे लिए केयूं। और पसे प्रभु यीशु नाव पे चढ़ी ग्यो। और वो व्यक्ति जणांमे दुष्टात्मां ही वणीं प्रभु यीशु रे हातीं जावा रे लिए विनती किदी। ![](https://cdn.door43.org/obs/jpg/360px/obs-en-32-11.jpg) पण प्रभु यीशुए वणांहुं केयूं के, "नी”। क्योंकि मुं चावूं हूँ के थूं आपणें घरे जाईन सब लोगां ने वताव के परमेश्वरे थारे लिए कई किदूं है। और वणांने वता के किस्तर परमेश्वरे थारापे दया किदी ही।" ![](https://cdn.door43.org/obs/jpg/360px/obs-en-32-12.jpg) अणीं वाते वो व्यक्ति वटे हुं आपणें घरे परो ग्यो और पसे सब लोगां ने अणां बारा मे वतायो ज्यो प्रभु यीशुए वणांरे लिए किदूं हूँ। और वणांरी गवाई ने हुणवां वालों हर एक व्यक्ति चकित वियो हो। ![](https://cdn.door43.org/obs/jpg/360px/obs-en-32-13.jpg) और पसे प्रभु यीशु वणीं झील रे दूसरी तरफ लौट आयो। और वणांरे वटे पोंचवा रे बाद, एक बोत ही बड़ी भीड़ वणांरे आसपास इकट्ठी वेई ग्यी और वणांने दबावा लागी। और वणीं भीड़ मे एक महिला ही ज्या बारह सालां हुं लोई बेहवा री बीमारी हुं पीड़ित ही। और वणींए आपणों पुरो धन डॉक्टरां ने देई दिदो हो, ताकि वा वणींने ठीक करी सकीं। पण वणींरी बीमारी और भी बढ़तिस ग्यी ही। ![](https://cdn.door43.org/obs/jpg/360px/obs-en-32-14.jpg) और वणींए हुण्यो हो के प्रभु यीशुए बोत सा बीमार लोगां ने ठीक किदा हा और अणीं वाते वणींए होस्यो के, "मुं निश्चित हूँ के यदि मुं केवल प्रभु यीशु रे कपड़ां नेस छूईं लेई, तो मुं ठीक वेई जाई!" अणीं वाते वे प्रभु यीशु रे पाछे आयी और वणांरे कपड़ां ने छूईं लिदा। और जिस्तर ही वणींए वणांरे कपड़ां ने छूयां, तो जणींस समय वणींरो लोई बेहणों बंद वेई ग्यो। ![](https://cdn.door43.org/obs/jpg/360px/obs-en-32-15.jpg) और पसे तुरन्तुस, प्रभु यीशुए जाणीं लिदो के वणांमे हुं सामर्थ्य निकल्यी है। अणीं वाते वणीं पाछे मुड़िन पुछयूं के, "मईं कणीं छूयो है?" और पसे चेलां वणांने जवाब दिदो के, "अटे अतरा सब लोग थारे चारीं ओर भीड़ लगावीं रेया हीं, और थने धकेलीं रेया हीं। और थूं पुछे है के मईं कणीं छूयो है?" ![](https://cdn.door43.org/obs/jpg/360px/obs-en-32-16.jpg) और पसे वे महिला प्रभु यीशु रे हामे काँपती हकीं और बोत ही समक्यीं हकीं आपणें घुटणां पे बैठ ग्यी। और पसे वणींए प्रभु यीशु ने सब कुछ वतावी दिदो के वणींए कईं किदो है, और यो भी के वे ठीक वेई ग्यी है। और पसे प्रभु यीशुए वणींहुं केयूं के, "थारे विश्वासे थने चंगी किदी है। अणीं वाते अबार थूं शान्ति हुं जा।" *मत्ती अध्याय 8:28-34; 9:20-22; मरकुस 5:1-20; 5:24-34; लूका 8:26-39; 8:42-48 हुं एक बाइबल री कहाणी* ## 33. एक किसान री कहाणी https://openbiblestories.org/l/mtr/story-33/ ![](https://cdn.door43.org/obs/jpg/360px/obs-en-33-01.jpg) एक दन, प्रभु यीशु झील रा किनारा रे निकट हो। और वो लोगां री एक बोत बड़ी भीड़ ने शिक्षा देई रेयो हो। पसे वणांए हुंणवा रे लिए अतरा लोग आया, के प्रभु यीशु रे कोडे वणां सब हुं वात करवा रे लिए कोई जगा नी वच्यी अणीं वाते वो पाणी मे ऊबी हकी नाव पे चढ़ी ग्यो। पसे वटे बैठ ग्यो और सब लोगां ने वचन री शिक्षा दिदी। ![](https://cdn.door43.org/obs/jpg/360px/obs-en-33-02.jpg) प्रभु यीशुए वणांने या कहाणी हुणांई के, "एक किसान बीज वावणां रे लिए बाण्णे निकल्यो। और जेरां वो आपणें हाथां हुं बीजां ने वावी रेयो हो, तो थोड़ाक बीज वाट मे पड्या। पण पेतकां आविन वणां बीज ने खाई लिदो।" ![](https://cdn.door43.org/obs/jpg/360px/obs-en-33-03.jpg) बिजा बीज भाटां वालीं जगापे पड्या जटे बोत ही कम मिट्टी हीं। जणीं कारण हुं वणां भाटां वालीं जगापे पड्या हका बीज बोत ही जल्दी उगी ग्या, पण वणांरी जड़ां जगा मे गेराई मे जावा मे सक्षम नी हीं। और जेरां दन ऊगो और तेज गर्मी पड्यी तो वा पौधां कमलाईंन हुकाई ग्या। ![](https://cdn.door43.org/obs/jpg/360px/obs-en-33-04.jpg) बिजा बीज झाड़ियां रे वच मे पड्या। वणां बीजां बढ़णों आरम्भ किदो, पण काँटां वणांने दबाई दिदा। अणीं वाते काँटां वालीं जगापे पड्या हका बीजां मे हुं निकल्यां हका पौधां मे हुं कोई भी अनाज उत्पन्न नी कर सक्या। ![](https://cdn.door43.org/obs/jpg/360px/obs-en-33-05.jpg) बिजा बीज बढ़िया जगापे पड्या। वा बीज बढ्या और जतरा बीज वाया हा वणांहुं 30, 60, और अटे तक के 100 गुणां अनाज उत्पन्न किदो। और ज्यो कोई भी परमेश्वर रे पाछे चालणों चावे है, वो वणीं वात पे ध्यान दिये ज्यो मुं केई रेयो हूँ! ![](https://cdn.door43.org/obs/jpg/360px/obs-en-33-06.jpg) अणीं कहाणिंये चेलां ने उलझन मे डाल दिदा। अणीं वाते प्रभु यीशुए व्याख्या किदी के, "वो बीज परमेश्वर रो वचन है। और वे वाट एक असो व्यक्ति है ज्यो परमेश्वर रा वचन ने हुणे तो है, पण वणांए हमजे नी है। पसे शैतान वणां कोडे हुं वचन ने चुरावी ले जावे है। अर्थात् शैतान वणांए वचन ने हमजवा हुं छेटी राखे है।" ![](https://cdn.door43.org/obs/jpg/360px/obs-en-33-07.jpg) वे भाटां वालीं जगा एक असो व्यक्ति है, ज्यो परमेश्वर रा वचन ने हुणे है और आनन्द रे हाथे वणांने स्वीकार करी लिए है। पण जेरां कठिन समय आवे है, या जेरां बिजां लोग वणांए सतावीं हीं, तो वो परमेश्वर हुं छेटी परो जावे है। अर्थात् वो परमेश्वर पे भरोसो करणों बंद करी दिये है। ![](https://cdn.door43.org/obs/jpg/360px/obs-en-33-08.jpg) वे काँटां वालीं जगा एक असो व्यक्ति है, ज्यो परमेश्वर रा वचन ने हुणे तो है। पण वो बोत सी चिन्ता करणीं आरम्भ करी दिये है, और वो बोत सो धन कमावा रो प्रयास करे है, और वो बोत सी चीजां ने पावा रो प्रयास करे है। और थोडाक समय रे बाद, अबार वो परमेश्वर ने प्रेम करवा मे सक्षम नी है। अणीं वाते ज्यो वणीं परमेश्वर रा वचन हुं हिक्यो हो वो वणांए परमेश्वर ने प्रसन्न करवा मे सक्षम नी करे है। वो गऊँ री डंठलां रे हरिको है ज्या कोई अनाज उत्पन्न नी करीं हीं। ![](https://cdn.door43.org/obs/jpg/360px/obs-en-33-09.jpg) पण बढ़िया जगा वो व्यक्ति है ज्यो परमेश्वर रा वचन ने हुणे है, और वणांपे पुरो विश्वास करे है, और बोत सो फल उत्पन्न करे है। *मत्ती अध्याय 13:1-8, 18-23; मरकुस 4:1-8, 13-20; लूका 8:4-15 हुं एक बाइबल री कहाणी* ## 34. प्रभु यीशु बिजी कहाणियां री शिक्षा दिये है https://openbiblestories.org/l/mtr/story-34/ ![](https://cdn.door43.org/obs/jpg/360px/obs-en-34-01.jpg) प्रभु यीशुए परमेश्वर रा राज्य रे बारा मे और भी बोत सी कहाणियां हुणांई। उदाहरण रे लिए, वणीं केयूं के, "परमेश्वर रो राज्य एक हरबा(मतलब?) रा बीज रे हरिको है जणांए कणीं आपणें खेत मे वावी दिदो। और थां जाणों हो के हरबा रो बीज सब बीजां मे सबहूं छोटो वे है।" ![](https://cdn.door43.org/obs/jpg/360px/obs-en-34-02.jpg) पण जेरां हरबा रो बीज बढ़ी जावे है, तो वो वगीचा रा सब रुंकडा मे सबहूं बड़ो वेई जावे है। और अतरो बड़ो के सब पेतकां आविन वणांरी ड़ालियां पे आराम करीं हीं। ![](https://cdn.door43.org/obs/jpg/360px/obs-en-34-03.jpg) प्रभु यीशुए वणांने एक बीजी कहाणी और वताई के, "परमेश्वर रो राज्य एक खमीर रे हरिको है। जणांए लेईन एक स्त्री आटा मे मिलाई देवे है, जेरां वो पुरा आटा मे फैल जावे है।" ![](https://cdn.door43.org/obs/jpg/360px/obs-en-34-04.jpg) स्वर्ग रो राज्य भी वणां खजाना रे हरिको है, जणांए कणीं लेईन आपणें खेत मे हपाडी दिदो। पसे कणां बिजा व्यक्ति ने वो खजानों मलीं ग्यो और वणीं वणांने पावां री बोत ही लालसा किदी। अणीं वाते वणीं वणां खजाना ने पासो जगामे गाड़ दिदो। पसे वो अतरो आनन्द हुं भरायो हको हो, के वणीं जाईन आपणों सब कुछ वेच दिदो। ताकि वो वणां खेत ने खरीद सके जटे वो खजानों हो। ![](https://cdn.door43.org/obs/jpg/360px/obs-en-34-05.jpg) स्वर्ग रो राज्य एक बोत ही किमती शुद्ध मोती रे हरिको भी है। जेरां कोई मोतियां रो व्यापारी वणांने पाई लिए है, तो वो वणांने खरीदवा रे लिए आपणों सब कुछ वेच दिये है। ![](https://cdn.door43.org/obs/jpg/360px/obs-en-34-06.jpg) वटे थोडाक लोग हा ज्या होचता हा के परमेश्वर वणांने अणीं वाते स्वीकार करेगा क्योंकि वा लोग भलो काम करीं हीं। और या लोग असा लोगां ने तुच्छ मानता हा ज्या वणां भला कामां ने नी करता हा। अणीं वाते प्रभु यीशुए वणांने या कहाणी वताई के, "दो आदमी हा और दोई जणां प्रार्थना करवा रे लिए मंदिर मे ग्या। और वणांमे हुं एक चुंगी लेवा वालों हो, और बिजो एक धार्मिक अगुवो हो।" ![](https://cdn.door43.org/obs/jpg/360px/obs-en-34-07.jpg) वणीं धार्मिक अगुवे अणीं प्रकार हुं प्रार्थना किदी के, हे परमेश्वर, थारो धन्यवाद वे के मुं बिजां लोगां रे हरिको नी हूं - जिस्तर के डाकू, अन्यायी मनक, व्यभिचारी, या अटे तक के अटे उपस्थित वणां चुंगी लेवा वालां रे हरिको एक पापी नी हूँ।" ![](https://cdn.door43.org/obs/jpg/360px/obs-en-34-08.jpg) उदाहरण रे लिए, मुं हर हप्ता मे दो बार उपवास राखूं हूँ, और मुं मने मलवा वालां धन और सामान रो बराबर दसवों हिस्सों थने देऊँ हूँ। ![](https://cdn.door43.org/obs/jpg/360px/obs-en-34-09.jpg) पण वो चुंगी लेवा वालों वणां धार्मिक अगुवा हुं बोत ही छेटी ऊबो वेई ग्यो। पसे वणीं ऊपर स्वर्ग री ओर आपणीं आँखां भी नी उठाई। लेकिन अणांरे बजाए, वणीं आपणीं मुट्ठी हुं आपणीं छाती ने पीटता हका प्रार्थना किदी के, 'हे परमेश्वर, कृपा करिन मारा पे दया कर क्योंकि मुं एक पापी हूँ।' ![](https://cdn.door43.org/obs/jpg/360px/obs-en-34-10.jpg) पसे प्रभु यीशुए केयूं के, "मुं थां हुं सई केऊँ हूँ, के परमेश्वरे वणां चुंगी लेवा वालां री प्रार्थना ने हुणीं और वणांने धर्मी घोषित किदो। पण वणीं वणां धार्मिक अगुवा री प्रार्थना ने पसंद नी किदी। परमेश्वर हर एक घमंडी रा सिर ने नीचो करेगा, पण वो हर एक वणां व्यक्ति ने आदर देगा ज्यो खुद ने नम्र करे है।" *मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 हुं एक बाइबल री कहाणी* ## 35. दयालुं पिता री कहाणी https://openbiblestories.org/l/mtr/story-35/ ![](https://cdn.door43.org/obs/jpg/360px/obs-en-35-01.jpg) एक दन, प्रभु यीशु वणां बोत सा लोगां ने वचन री शिक्षा देई रेयो हो ज्या वणांरी शिक्षा ने हुणवा रे लिए इकट्ठा वेया हा। और या लोग चुंगी लेवा वालां और बोत सा बिजां लोग भी हा जणां मूसा री व्यवस्था रो पालन करवा रो प्रयास नी किदो हो। ![](https://cdn.door43.org/obs/jpg/360px/obs-en-35-02.jpg) थोड़ाक धार्मिक अगुवां देख्यो के प्रभु यीशु वणां लोगां हुं, एक मित्र रे समान वात करी रेयो हो। अणीं वाते वणां एक बिजां हुं यो केणों आरम्भ करी दिदो के वो गलत करी रेयो हो। पसे प्रभु यीशुए वणांने वातां करतां हकां हुण्यो, अणीं वाते वणीं वणांने ये कहाणी वताई। ![](https://cdn.door43.org/obs/jpg/360px/obs-en-35-03.jpg) एक व्यक्ति हो जणांरे दो बेटां हा। पसे छोटे बेटे आपणां पिता हुं केयूं के, 'हे पिता, मारे अबारूस मारो हिस्सो चावे है!' अणीं वाते पिताए आपणें दोई बेटां रे वच मे आपणीं सम्पत्ति रो वँटवारो करी दिदो। ![](https://cdn.door43.org/obs/jpg/360px/obs-en-35-04.jpg) पसे तुरन्तुस छोटो बेटो आपणों सब कुछ इकट्ठो करिन बिजा देश मे परो ग्यो और पापी जीवन जीवणां मे आपणां पुरा धन ने बर्बाद करी दिदो। ![](https://cdn.door43.org/obs/jpg/360px/obs-en-35-05.jpg) अणांरे बाद, जटे छोटो बेटो हो वणां देश मे एक भयंकर अकाल पड्यो, और वणांरे कोडे भोजन खरीदवा रे लिए धन नी हो। अणीं वाते वणांए ज्यो काम मिल्यो हो वो भडुरां ने चरावा रो हो। पसे वो अतरो दुखी और भूखो हो के वो वणां भडुरां रो भोजन भी खाणों चावतो हो। ![](https://cdn.door43.org/obs/jpg/360px/obs-en-35-06.jpg) आखिरकार, वणीं छोटे बेटे खुद हुं केयूं के, 'मुं अटे कई करी रेयो हूँ? मारे पिता रा सब सेवकां कोडे खावा रे लिए बहुतायत हुं है, तौभी मुं अटे भूखे मरी रेयो हूँ। अणीं वाते मुं आपणां पिता कोडे पासो जाऊँगा और आपणां पिता रो एक सेवक वणवा रे लिए वणांहुं विनती करूँगा। ![](https://cdn.door43.org/obs/jpg/360px/obs-en-35-07.jpg) अणीं वाते वणीं छोटे बेटे पासो आपणां पिता रा घर री ओर जाणों आरम्भ किदो। पसे जेरां वो अबार आपणें घरे हुं छेटिस हो, वणांरा पिताए वणांने देख लिदो और वणांपे तरस खादो। पसे वो दौड़िन आपणां बेटा कोडे ग्यो और वणांने आपणें गलां हुं लगाईन चूम्यो। ![](https://cdn.door43.org/obs/jpg/360px/obs-en-35-08.jpg) पसे वणीं बेटे केयूं के, 'हे पिता, मईं परमेश्वर रे और थारे विरुद्ध पाप किदो है। अणीं वाते अबार मुं थारे बेटो केलावा रे लायक भी नी हूँ।' ![](https://cdn.door43.org/obs/jpg/360px/obs-en-35-09.jpg) पण पिताए आपणां एक सेवक हुं केयूं के, तुरन्त जाईन सबहुं बढ़िया कपड़ां लेई आवो और मारे बेटा ने पेराओ! और वणांरी अंगुली मे अंगूठी और वणांरे पगां मे जूतां पेराओ। पसे सबहुं बढ़िया बछड़ो मारो ताकि आपां खावाँ और आनन्द मनावाँ, क्योंकि मारे बेटो मरी ग्यो हो, पण अबार वो जीवित है! और वो खोवाई ग्यो हो, पण अबार वो आपांने पासो मलीं ग्यो है!' ![](https://cdn.door43.org/obs/jpg/360px/obs-en-35-10.jpg) अणीं वाते सब लोगां आनन्द मनावणों आरम्भ किदो। पसे थोड़ोक समय वितवा पे, बड़ो बेटो खेत मे काम करिन आपणें घरे आयो। पसे वणीं संगीत और नाच गाणां ने हुण्यां और अचम्भित वेयो के यो कई वेई रेयो हो। ![](https://cdn.door43.org/obs/jpg/360px/obs-en-35-11.jpg) जेरां बड़ा बेटाए पतो चाल्यो के वा अणीं वाते आनन्द मनावीं रेया हा, क्योंकि वणांरो छोटो भाई पासो घरे आवी ग्यो हो। तो वो बोत ही क्रोधित वियो और आपणां घर मे प्रवेश नी किदो। पसे वणांरे पिताए बाण्णे आविन वणांने मनावणां रो प्रयास किदो और वणां हातीं आनन्द मनावणां रो निवेदन किदो, पण वणीं मना कर दिदो। ![](https://cdn.door43.org/obs/jpg/360px/obs-en-35-12.jpg) पसे वणीं बड़े बेटे आपणां पिता हुं केयूं के, 'अतरा सालां तक मईं थारे लिए इमानदारी हुं काम किदो! और कदी भी थारी वात ने नी टालीं। पण तईं कदी मने एक छोटी बाकरी भी नी दिदी, ताकि मुं आपणें दोस्तां रे हातीं दावत कर सकूँ। पण थारे अणीं बेटे थारा धन ने पापी काम करवा मे बर्बाद करी दिदो है। और अबार जेरां वो पासो आयो है, तो वणांरे लिए आनन्द मनावणां रे लिए तईं सबहुं बढ़िया बछड़ा ने मारी दिदो!' ![](https://cdn.door43.org/obs/jpg/360px/obs-en-35-13.jpg) पिताए वणांने जवाब दिदो के, 'हे मारा बेटा, थूं हमेशा मारे हातीं है, और ज्यो कईं भी मारो है वो सब थारोस है। पण अबार आपणें लिए आनन्द मनावणों सईं है क्योंकि थारो भाई मरी ग्यो हो, पण अबार वो जीवित है। और वो खोवाई ग्यो हो, पण अबार वो आपांने पासो मलीं ग्यो है!' *लूका अध्याय 15:11-32 हुं एक बाइबल री कहाणी* ## 36. रूपान्तरण https://openbiblestories.org/l/mtr/story-36/ ![](https://cdn.door43.org/obs/jpg/360px/obs-en-36-01.jpg) एक दन, प्रभु यीशुए आपणें तीन चेलां, पतरस, याकूब, और यूहन्ना ने आपणें हातीं लिदो। (यो यूहन्ना नाम रो चेलो वो व्यक्ति नी है, जणीं प्रभु यीशु ने बपतिस्मा दिदो हो।) वा प्रार्थना करवा रे लिए एक ऊँचा मंगरा पे ग्या। ![](https://cdn.door43.org/obs/jpg/360px/obs-en-36-02.jpg) जेरां प्रभु यीशु प्रार्थना करी रेयो हो, तो वणांरो चेहरो सूरज री तरह उज्जवल वेई ग्यो। और वणांरा कपड़ां भी एकदम सफेद वेई ग्या, जिस्तर पृथ्वी पे कोई कर सके है वणांहुं भी बढ़िन सफेद। ![](https://cdn.door43.org/obs/jpg/360px/obs-en-36-03.jpg) पसे मूसा और एलिय्याह वटे प्रकट विया। और या पुरूष अणीं पृथ्वी पे अणां समय हुं बोत सालां पेले रेता हा। वणां प्रभु यीशु हुं वणांरी मृत्यु रे विषय मे वात किदी, क्योंकि वो बोत ही जल्दी यरूशलेम मे मरी जाएगा। ![](https://cdn.door43.org/obs/jpg/360px/obs-en-36-04.jpg) जेरां मूसो और एलियो प्रभु यीशु हुं वात करी रेया हा जेरां पतरसे प्रभु यीशु हुं केयूं के, "आपणें लिए अटे वेणों भलो है। मां अटे तीन मंडपां ने वणांवाँ, एक थारे लिए, एक मूसा रे लिए, और एक एलिय्याह रे लिए।" पण पतरस नी जाणतो हो के वो कई केई रेयो है। ![](https://cdn.door43.org/obs/jpg/360px/obs-en-36-05.jpg) जेरां पतरस वात करी रेयो हो, तो एक चमकदार वादलों नीचे आविन प्रभु यीशु पे छाई ग्यो। पसे वणां वादलां मे हुं एक आवाज ने आवती हकी हुण्यी। और वणीं वादलां मे हुं केयूं के, "यो मारो बेटो है जणांहु मुं प्रेम करूँ हूँ। और मुं वणांहुं बोत ही प्रसन्न हूँ। वणांरी हुणों।" पसे वा तीने चेला समकीं ग्या और जगापे पड़ी ग्या। ![](https://cdn.door43.org/obs/jpg/360px/obs-en-36-06.jpg) पसे प्रभु यीशुए वणांने छुयां और वणांहुं केयूं के, "समको हके। उठी जाओ।" पसे वणां चारी ओर देख्यो, तो ज्यो भी वटे हो वो केवल प्रभु यीशु हो। ![](https://cdn.door43.org/obs/jpg/360px/obs-en-36-07.jpg) प्रभु यीशु ओर वा तीने चेला वणां मंगरा हुं पासा नीचे उतरी आया। पसे प्रभु यीशुए वणांहुं केयूं के, "अबार ज्यो अटे वियो है वणांरी चर्चा कणां बिजा हुं मत करजो। मुं बोत ही जल्दी मरी जाईं लेकिन पासो जीवित वेई जाऊँगा। वणांरे बाद, थां बिजां लोगां ने ये वात वताई सको हो।" *मत्ती अध्याय 17:1-9; मरकुस 9:2-8; लूका 9:28-36 हुं एक बाइबल री कहाणी* ## 37. प्रभु यीशु लाज़र ने मृतकां मे हुं जिलावे है https://openbiblestories.org/l/mtr/story-37/ ![](https://cdn.door43.org/obs/jpg/360px/obs-en-37-01.jpg) लाज़र नाम रो एक व्यक्ति हो। और वणांरी दो बैनां ही जणींरां नाम मरियम और मार्था हा। वा सब प्रभु यीशु रा घनिष्ठ मित्र हा। एक दन, कणींक प्रभु यीशु ने वतायो के लाज़र बोत ही बीमार हो। जेरां प्रभु यीशुए यो हुंण्यो तो वणीं केयूं के, "ये बीमारी लाज़र रे मरवा रे हातीं समाप्त नी वेगा। पण अणांरे बजाए, या लोगां ने परमेश्वर रो आदर करवा रे लिए प्रेरित करेगा।" ![](https://cdn.door43.org/obs/jpg/360px/obs-en-37-02.jpg) प्रभु यीशु आपणें मित्रां हुं बोत ही प्रेम करतो हो, पण जटे वो हो वटे वणीं दो दनां तक प्रतिक्षा किदी। और वणां दो दनां रे बाद, वणीं आपणें चेलां हुं केयूं के, "आवो, आपां पासा यहूदिया मे चालां।" पसे चेलां वणांने जवाब दिदो के, "पण हे गुरु, अबार थोड़ाक समय पेलांस वटे रा लोग तईं मारी नाखवा चावता हा!" पसे प्रभु यीशुए केयूं के, आपणों मित्र लाज़र हुई ग्यो है, अणीं वाते मने वणांने जगाणों है। ![](https://cdn.door43.org/obs/jpg/360px/obs-en-37-03.jpg) प्रभु यीशु रे चेलां वणांने जवाब दिदो के, "हे प्रभु, यदि लाज़र हुई रेयो है, तो वो जाग जाएगा।" पसे प्रभु यीशुए वणांहुं स्पष्ट रूप हुं केई दिदो के, "लाज़र मरी ग्यो है। और मुं आनन्दित हूँ के मुं वटे नी हो, ताकि थां मारा पे विश्वास कर सको।" ![](https://cdn.door43.org/obs/jpg/360px/obs-en-37-04.jpg) जेरां प्रभु यीशु लाज़र रा गाँव मे पोंच्यो, तो लाज़र ने मरया हकां पेले हुंस चार दन वेई चुक्या हा। पसे मार्था प्रभु यीशु हुं मलवां रे लिए बाण्णे आयी और वणांहुं केयूं के, "हे प्रभु, यदि थूं अटे वेतो तो मारो भाई नी मरतो। पण मुं पुरो विश्वास करूँ हूँ के ज्यो कई भी थूं परमेश्वर हुं माँगे है वो थने देगा।" ![](https://cdn.door43.org/obs/jpg/360px/obs-en-37-05.jpg) प्रभु यीशुए वणींने जवाब दिदो के, "पुनरुत्थान और जीवन मुंस हूँ। और ज्यो कोई भी मारा पे विश्वास करे है, यदि वो मरी भी जाए तौभी जीएगा। और ज्यो कोई मारा पे विश्वास करे है वो कदी नी मरेगा। कईं थूं अणीं वात पे विश्वास करे है?" पसे मार्थाए जवाब दिदो के, "हे प्रभु, मुं पुरो विश्वास करूँ हूँ, के थूं परमेश्वर रो बेटो मसीह है।" ![](https://cdn.door43.org/obs/jpg/360px/obs-en-37-06.jpg) पसे मरियम आयी। और वणींए प्रभु यीशु रे चरणां मे पड़िन वणांहुं केयूं के, "हे प्रभु, यदि थूं अटे वेतो, तो मारो भाई नी मरतो।" पसे प्रभु यीशुए वणींहुं पुछयूं के, "थां लाज़र ने कटे रख्यो है?" पसे वणां वतायो के, "कब्र मे। आव और देखी ले।" पसे प्रभु यीशु रोवे लागो। ![](https://cdn.door43.org/obs/jpg/360px/obs-en-37-07.jpg) वा कब्र एक गुफा ही जणींरे द्वार पे एक बड़ा भाटां ने लुढ़कायो ग्यो हो। और जेरां प्रभु यीशु वणीं कब्र पे पोंच्यो तो वणीं वणांहुं केयूं के, "अणां भाटां ने हटावी दियो।" पण मार्थाए केयूं के, वणांए मरया हकां चार दन वेई चुक्या हीं। अणीं वाते अबार वणां मे हुं बदबू आवती वेगा।" ![](https://cdn.door43.org/obs/jpg/360px/obs-en-37-08.jpg) प्रभु यीशुए जवाब दिदो के, "कई मईं थां हुं नी केयूं हुं, के यदि थां मारा पे पुरो विश्वास करो तो परमेश्वर री सामर्थ्य ने देखोगा?" अणीं वाते पसे वणां भाटां ने हटावी दिदो। ![](https://cdn.door43.org/obs/jpg/360px/obs-en-37-09.jpg) पसे प्रभु यीशुए ऊपरे स्वर्ग री ओर देखिन केयूं के, "हे पिता, मारी प्रार्थना ने हुणीं लेवा रे लिए मुं थारो धन्यवाद करूँ हूँ। और मुं यो जाणूं हूँ के थूं हमेशा मारी प्रार्थना ने हुणे है, पण मईं यो अटे ऊबा हकां अणां सब लोगां री मदद करवा रे लिए केयूं है, ताकि या लोग विश्वास करीं के तईंस मने भेज्यो है।" पसे प्रभु यीशुए आवाज लगाई के, "हे लाज़र बाण्णे निकलीं आव!" ![](https://cdn.door43.org/obs/jpg/360px/obs-en-37-10.jpg) पसे लाज़र बाण्णे निकलीं आयो! पण वो अबार कफांण मे लिपट्यो हकों हो। पसे प्रभु यीशुए वणांहुं केयूं के, "अणां कफांण ने निकालवां मे वणांरी मदद करो और वणांए खुलो करो।" और अणां चमत्कार रे कारण बोत सा यहूदियां प्रभु यीशु पे विश्वास किदो। ![](https://cdn.door43.org/obs/jpg/360px/obs-en-37-11.jpg) पण यहूदियां रा धार्मिक अगुवा प्रभु यीशु हुं जलवे लागा, अणीं वाते वा योजना वणावणां रे लिए एक हातीं इकट्ठा विया के किस्तर प्रभु यीशु और लाज़र ने मार डाल्यो जाए। *यूहन्ना 11:1-46 हुं एक बाइबल री कहाणी* ## 38. प्रभु यीशु ने पकड़वायो जाए है https://openbiblestories.org/l/mtr/story-38/ ![](https://cdn.door43.org/obs/jpg/360px/obs-en-38-01.jpg) हर साल, यहूदी लोग फसह रो तेवार मनावता हा। और यो अणां बारा मे एक उत्सव हो के कई शताब्दियां पेले परमेश्वरे वणांरे बापदादां ने मिस्र री गुलामी हुं छोड़ाया हा। पसे लगभग तीन साल रे बाद प्रभु यीशुए सार्वजनिक रूप हुं प्रचार करणों और शिक्षा देणीं आरम्भ किदी। पसे प्रभु यीशुए आपणें चेलां ने वतायो के वो वणांरे हातीं यरूशलेम मे फसह रा तेवार ने मनावणों चावे है, और यो भी के वो वटे मार डाल्यो जाएगा। ![](https://cdn.door43.org/obs/jpg/360px/obs-en-38-02.jpg) प्रभु यीशु रा चेलां मे एक यहूदा नाम रो व्यक्ति हो। और यहूदो चेलो रे धन री थैली राख्वा रो प्रभारी हो, पण अक्सर वो वणीं थैली मे हुं पईसा निकालीं लेतो हो। प्रभु यीशु और वणांरे चेलां रे हातीं यरूशलेम मे पोंचवा रे बाद यहूदो यहूदी अगुवां रे कोडे ग्यो। पसे वणीं धन रे बदला मे प्रभु यीशु ने वणांरे हातां मे पकड़ावणां रो प्रस्ताव राख्यो। क्योंकि वो जाणंतो हो के यहूदी अगुवा यो स्वीकार नी करता हा के प्रभु यीशु आवणां वालों मसीह हो। और वो यो भी जाणंतो हो के वा लोग वणांए मारी नाखवा चावता हा। ![](https://cdn.door43.org/obs/jpg/360px/obs-en-38-03.jpg) महायाजक रा केवा पे यहूदी अगुवां प्रभु यीशु ने वणांरे हातां मे पकड़ावणां रे लिए यहूदा ने तीस रूपा रा सिक्का दिदा। और यो वणींस प्रकार हुं वियो जिस्तर के परमेश्वर री ओर हुं बोलवा वालां लोगां केयूं हूँ के असो वेगा। पसे यहूदो मानी ग्यो और वणां धन ने लेईन परो ग्यो। पसे प्रभु यीशु ने गिरफ्तार करवा मे वणांरी मदद करवा रे लिए कणांक अवसर री खोज करवे लागो। ![](https://cdn.door43.org/obs/jpg/360px/obs-en-38-04.jpg) यरूशलेम मे, प्रभु यीशुए आपणें चेलां रे हातीं फसह रो तेवार मनायो। और फसह रा भोज रे दौरान, प्रभु यीशुए रोटी ने लेईन तोड्यी। पसे वणीं केयूं के, "अणीं रोटी ने लियो और खाओ। यो मारो शरीर है ज्यो मुं थांरे लिए देऊँ हूँ। और यो मारी याद मे करजो।" अणीं प्रकार हुं, प्रभु यीशुए केयूं के वो वणांरे लिए मरी जाएगा, अर्थात् वणांरे लिए वो आपणां शरीर ने बलि चढ़ाई देगा। ![](https://cdn.door43.org/obs/jpg/360px/obs-en-38-05.jpg) पसे प्रभु यीशुए एक दाखरस रो प्यालो लिदो और केयूं के, "अणांए पी लियो। क्योंकि यो नवी वाचा रो मारो लोई है ज्यो के मुं उंडेलूँगा ताकि परमेश्वर थांरे पापां ने माफ करे। और हर बार अणांने पीतां समय मारी याद मे अणांने करो ज्यो मुं अबार करी रेयो हूँ।" ![](https://cdn.door43.org/obs/jpg/360px/obs-en-38-06.jpg) पसे प्रभु यीशुए आपणें चेलां हुं केयूं के, "थां मे हुं एक जणों मईं पकड़वाएगा।" पसे चेला चौंक ग्या, और पुछवे लागा के कुँण असो काम करेगा। पसे प्रभु यीशुए केयूं के, "मारे पकड़ावणां वालों व्यक्ति वो है जणांए मुं यो रोटी रो टुकड़ों देऊँ हूँ।" पसे वणीं वो रोटी रो टुकड़ों यहूदा ने दिदो। ![](https://cdn.door43.org/obs/jpg/360px/obs-en-38-07.jpg) वणीं रोटी ने लेवा रे बाद, यहूदा मे शैतान हमाईं ग्यो। और यहूदो निकलिंन प्रभु यीशु ने गिरफ्तार करवा रे लिए यहूदी अगुवां री मदद करवा रे लिए वणां कोडे परो ग्यो। और यो रात रो समय हो। ![](https://cdn.door43.org/obs/jpg/360px/obs-en-38-08.jpg) भोजन रे बाद, प्रभु यीशु और वणांरे चेलां जैतून रा मंगरा पे परा ग्या। पसे प्रभु यीशुए वणांहुं केयूं के, "थां सब आज रात मने छोड़ दोगा। यो लिख्यो हको है के, 'मुं चरवाहा ने मारूँगा और सब भेड़ां तितर- बितर वेई जाएगा।'" ![](https://cdn.door43.org/obs/jpg/360px/obs-en-38-09.jpg) पतरसे जवाब दिदो के, "भलेई बिजा सब थने छोड़ी देईं, लेकिन मुं थने नी छोड़ूँगा!" पसे प्रभु यीशुए पतरस हुं केयूं के, "शैतान थां सबने लेई लेणों चावे है, पण हे पतरस, मईं थारे लिए प्रार्थना किदी है के थूं विश्वास हुं चुकी नी जाए। तौभी, आज रात, कुकड़ा रे बाँग देवा हुं पेले थूं तीन बार मारो इनकार करेगा के थूं मने जाणें भी नी है।" ![](https://cdn.door43.org/obs/jpg/360px/obs-en-38-10.jpg) पसे पतरसे प्रभु यीशु हुं केयूं के, "भलेई मुं मरी भी जाऊँ, तौभी मुं कदी भी थारो इनकार नी करूँगा!" और बिजां चेलां भी यूंईस केयूं। ![](https://cdn.door43.org/obs/jpg/360px/obs-en-38-11.jpg) पसे प्रभु यीशु आपणें चेलां रे हातीं गतसमनी नाम री जगापे ग्या। पसे प्रभु यीशुए आपणें चेलां हुं प्रार्थना करवा रे लिए केयूं, ताकि शैतान वणांरी परीक्षा नी करे। पसे प्रभु यीशु खुद भी प्रार्थना करवा रे लिए परो ग्यो। ![](https://cdn.door43.org/obs/jpg/360px/obs-en-38-12.jpg) प्रभु यीशुए तीन बार प्रार्थना किदी के, "हे मारा पिता, यदि सम्भव वे तो कृपा करिन यो दुःख रो प्यालो पीवा रे लिए मने मत दे। पण यदि लोगां रा पाप माफ किदा जावा रे लिए कोई ओर बिजो मार्ग नी है, तो थारेस इच्छा पुरी वे।" प्रभु यीशु बोत ही व्याकुल हो और वणांरो पसीनो लोई री बूँदां रे समान हो। और वणांए सामर्थ्य देवा रे लिए परमेश्वरे एक स्वर्गदूत ने भेज्यो। ![](https://cdn.door43.org/obs/jpg/360px/obs-en-38-13.jpg) हर बार प्रार्थना रे बाद, प्रभु यीशु आपणें चेलां रे कोडे पासो आयो, पण वा सब हुई रेया हा। और जेरां प्रभु यीशु तीसरी बार वणां कोडे आयो तो प्रभु यीशुए वणांहुं केयूं के, "जागी जाओ! क्योंकि मारे पकड़ावणां वालों अटे आवी ग्यो है।" ![](https://cdn.door43.org/obs/jpg/360px/obs-en-38-14.jpg) यहूदी अगुवां, सैनिकां, और एक बड़ी भीड़ रे हातीं यहूदो आयो। और वणांरे हातां मे तलवारां और लाठियाँ हीं। पसे यहूदे प्रभु यीशु रे कोडे आविन वणां हुं केयूं के, "हे गुरु, नमस्कार, "और वणांने चूम लिदो। और वणीं गिरफ्तार करवा रे लिए यहूदी अगुवां पे प्रकट करवा रे लिए असो किदो हो। पसे प्रभु यीशुए वणांहुं केयूं के, "हे यहूदा, कई थूं एक चुम्बन हुं मने पकड़वाईं रेयो है?" ![](https://cdn.door43.org/obs/jpg/360px/obs-en-38-15.jpg) जेरां वा सैनिक प्रभु यीशु ने पकड़ी रेया हा, तो पतरसे आपणीं तलवार निकाल्यी और महायाजक रा एक सेवक रो कान काट दिदो। पसे प्रभु यीशुए केयूं के, "तलवार ने छेटी कर! क्योंकि मुन आपणें पिता हुं मारो बचाव करवा रे लिए स्वर्गदूतां री एक सेना रे लिए विनती करी सकूँ हूँ। पण मने मारे पिता री वात ने माननी है।" और प्रभु यीशुए वणां व्यक्ति रो कान पासो जोड़िन ठीक करी दिदो। पसे सब चेला प्रभु यीशु ने छोड़िन भाग ग्या। *मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 हुं एक बाइबल री कहाणी* ## 39. प्रभु यीशु पे मुकद्दमों चाले है https://openbiblestories.org/l/mtr/story-39/ ![](https://cdn.door43.org/obs/jpg/360px/obs-en-39-01.jpg) अबार यो आधी रात रो समय हो। और वा सैनिक प्रभु यीशु ने महायाजक रे घरे लेईन आया, क्योंकि वो प्रभु यीशु हुं सवाल पुछणों चावतो हो। और पतरस छेटी हुं वणांरो पीछो करी रेयो हो। और सैनिक प्रभु यीशु ने महायाजक या घर मे लेईन ग्या, तो पसे पतरस बाण्णेस रूकिन आग हुं तापणें लागो। ![](https://cdn.door43.org/obs/jpg/360px/obs-en-39-02.jpg) घर रे माईने, यहूदी अगुवां प्रभु यीशु पे मुकद्दमों चलायो। पसे वा वणांरे विरुद्ध झूठी वातां ने बोलवा रे लिए बोत सा झूठा गवाहां ने लेईन आया। हालाँकि, वणांरी वातां एक बिजां हुं मेलं नी खाती हीं, अणीं वाते यहूदी अगुवा यो साबित नी करी सक्या के वो कणीं वात मे दोषी हो। और प्रभु यीशुए वणांने कईंस नी केयूं। ![](https://cdn.door43.org/obs/jpg/360px/obs-en-39-03.jpg) अंत मे, महायाजके प्रभु यीशु री ओर देखिन वणांहुं केयूं के, "मां लोगां ने वता के कईं थूंस जीवित परमेश्वर रो बेटो मसीह है?" ![](https://cdn.door43.org/obs/jpg/360px/obs-en-39-04.jpg) प्रभु यीशुए केयूं के, "मुं हूँ, और थां मने परमेश्वर रे हातीं बैठो हकों और स्वर्ग हुं आवतो हकों भी देखोगा।" पसे महायाजके आपणें कपड़ां ने फाड़ लिदा, क्योंकि ज्यो प्रभु यीशुए केयूं हूँ वणीं वात पे वो बोत ही क्रोधित वियो हो। पसे वो बिजां अगुवां पे चिल्लायो के, "मां लोगां ने यो वतावा रे लिए अबार कणां ओर गवाह री आवश्यकता नी है। के अणीं मनके कईं किदूं है! और थां खुद भी वणांने यो केतां हकां हुण लिदो है, के वो परमेश्वर रो बेटो है। अबार वणांरे बारा मे थांरो कईं निर्णय है?" ![](https://cdn.door43.org/obs/jpg/360px/obs-en-39-05.jpg) सब यहूदी अगुवां महायाजक ने जवाब दिदो के, "वो मरवा रे योग्य है!" पसे वणां प्रभु यीशु री आँखां पे पट्टी बाँधी दिदी, और वणांपे थूंक्यो, और वणांए कुट्यो, और वणांरो मजाक उड़ायो। ![](https://cdn.door43.org/obs/jpg/360px/obs-en-39-06.jpg) और पतरस, जेरां वो घर रे बाण्णे प्रतिक्षा करी रेयो हो। जेरां एक दासिये वणांने देख लिदो। पसे वणींए वणांहुं केयूं के, "थूं भी तो प्रभु यीशु रे हातीं हो!" पसे पतरसे मना कर दिदो। और बाद मे, कणीं ओर महिलाएं वणांहुं केयूं, और पतरसे फेर हुं मना कर दिदो। और अंत मे, थोड़ाक लोगां वणांहुं केयूं के, "मां लोग जाणां हां के थूं भी प्रभु यीशु रे हातीं हो, क्योंकि थां दोई जणां गलील रा हो।" ![](https://cdn.door43.org/obs/jpg/360px/obs-en-39-07.jpg) पसे पतरसे केयूं के, "यदि मुं अणां मनक ने जाणूं हूँ, तो परमेश्वर मने श्राप दिये!" पसे तुरन्तुस पतरस रे अणीं तरह हुं होगन खावा रे बाद, एक कुकड़े बाँग दिदी। और प्रभु यीशुए पाछे मुड़िन पतरस ने देख्यो। ![](https://cdn.door43.org/obs/jpg/360px/obs-en-39-08.jpg) पतरस वटे हुं परो ग्यो और फूटी-फूटिन रोयो। और वणींस समय, प्रभु यीशु ने पकड़ावणां वालें यहूदे देख्यो के यहूदी अगुवां प्रभु यीशु ने मृत्युदंड दिदो है। पसे यहूदो बोत ही दुःखी वेई ग्यो और जाईन खुद ने मार डाल्यो। ![](https://cdn.door43.org/obs/jpg/360px/obs-en-39-09.jpg) अबार वणां देश रो राज्यपाल पिलातुस हो। और वो रोम रे लिए काम करतो हो। पसे यहूदी अगुवा प्रभु यीशु ने वणां कोडे लेईन आया। और वा चावता हा के पिलातुस वणांने मृत्युदंड दिये और वणांए मार डालें। पसे पिलातुसे प्रभु यीशु हुं पुछयूं के, "कईं थूं यहूदियां रो राजा है?" ![](https://cdn.door43.org/obs/jpg/360px/obs-en-39-10.jpg) प्रभु यीशुए वणांने जवाब दिदो के, "तईं बिल्कुल सईं केयूं है। पण मारो राज्य अटे पृथ्वी रो नी है। यदि वेतो तो मारा दास मारे लिए युद्ध करता। पण मुं अणीं पृथ्वी पे परमेश्वर रे बारा मे वतावा रे लिए आयो हूँ। और हर एक व्यक्ति ज्यो हास हुं प्रेम करे है, वो मारी वात ने हुणे है।" और पिलातुसे केयूं के, "तो पसे सई कई है?" ![](https://cdn.door43.org/obs/jpg/360px/obs-en-39-11.jpg) प्रभु यीशु रे हातीं वात करवा रे बाद, पिलातुसे बाण्णे भीड़ रे कोडे जाईन वणांहुं केयूं के, "मुं असो कोई कारण नी पावूं हुं के यो मनक मार डाल्यो जावा रे योग्य वे।" पण यहूदी अगुवां और वणीं भीड़े ऊँची आवाज मे चिल्लाईंन पसे केयूं के, "वणांने क्रूस पे चढ़ाई दे!" पसे पिलातुसे वणांने जवाब दिदो के, "वणांमे मुं कोई भी दोष नी पावूं हूँ। पण वा लोग और भी ऊँची आवाज मे चिल्लावे लागा। पसे पिलातुसे तीसरी बार वणांहुं केयूं के, "वो दोषी नी है!" ![](https://cdn.door43.org/obs/jpg/360px/obs-en-39-12.jpg) पिलातुस वणां लोगां हुं समकीं ग्यो, के वा भीड़ दंगो करी देगा, अणीं वाते वो आपणें सैनिकां रे द्वारा प्रभु यीशु ने क्रूस पे चढ़ावा रे लिए मानीं ग्यो। पसे रोमी सैनिकां प्रभु यीशु ने कोड़ा लगाया, और वणांने राजा रा कपड़ां पेराया और वणांरे सिर पे काँटां हुं वणांयो हकों मुकुट रख्यो। पसे वा लोग यो केईन वणांरो मजाक उड़ावे लागा के, "देखो, यो यहूदियां रो राजा!" *मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 हुं एक बाइबल री कहाणी* ## 40. प्रभु यीशु ने क्रूस पे चढ़ायो जाए है https://openbiblestories.org/l/mtr/story-40/ ![](https://cdn.door43.org/obs/jpg/360px/obs-en-40-01.jpg) प्रभु यीशु रो ठट्टो करवा रे बाद, सैनिक वणांने क्रूस पे चढ़ावा रे लिए लेईन ग्या। पसे वणां क्रूस ने वणां हुंस तोकायो जणांपे वो मरेगा। ![](https://cdn.door43.org/obs/jpg/360px/obs-en-40-02.jpg) वा सैनिक प्रभु यीशु ने वणीं जगापे लेईन आया ज्या खोपड़ी केवाती हीं और वणांरे हातां और पगां ने खिलां हुं क्रूस पे ठोकी दिदा। पण प्रभु यीशुए केयूं के, "हे पिता, थूं अणांने माफ कर दे, क्योंकि या लोग नी जाणीं हीं के वा कईं कर रिया हीं।" पसे वणां एक तख्ता ने भी वणांरे सिर रे ऊपरे टांग दिदो। और वणांपे लिख्यो हो, "यहूदियां रो राजा।" क्योंकि पिलातुसे वणांने योईस लिखवा रे लिए केयूं हूँ। ![](https://cdn.door43.org/obs/jpg/360px/obs-en-40-03.jpg) पसे सैनिकां प्रभु यीशु रे कपड़ां रे लिए चिट्ठियाँ डाल्यी। और जेरां वणां असो किदो तो वणां वणीं भविष्यद्वाणी ने पुरी किदी ज्या केती ही के, "वणां मारे कपड़ां ने आपस मे वाँट लिदा, और मारे कपड़ां रे लिए चिट्ठियाँ डाल्यी।" ![](https://cdn.door43.org/obs/jpg/360px/obs-en-40-04.jpg) वटे दो डाकू भी हा, जणांने सैनिकां वणींस समय पे क्रूस पे चढ़ाया हा। और वणां वणांने प्रभु यीशु री दोई तरफ राख्या हा। और वणांमे हुं एक डाकुए प्रभु यीशु रो मजाक उड़ायो, पण बिजे केयूं के, "कईं थूं नी समके के परमेश्वर थने दंड देगा? क्योंकि आपां तो बोत सा बुरा कामां ने करवा रा दोषी हां, पण यो मनक बिल्कुल निर्दोष है।" पसे वणीं प्रभु यीशु हुं केयूं के, "जेरां थूं आपणें राज्य मे आवे तो कृपया मने भी याद राखजे।" पसे प्रभु यीशुए वणांने जवाब दिदो के, "आजुस थूं मारे हातीं स्वर्गलोक मे वेगा।" ![](https://cdn.door43.org/obs/jpg/360px/obs-en-40-05.jpg) यहूदी अगुवां और भीड़ रे बिजां लोगां प्रभु यीशु रो मजाक उड़ायो। और वणां प्रभु यीशु हुं केयूं के, "यदि थूं परमेश्वर रो बेटो है, तो क्रूस हुं नीचे उतरी आव और खुद ने वचावी ले! जेरां मां थारा पे विश्वास करांगा।" ![](https://cdn.door43.org/obs/jpg/360px/obs-en-40-06.jpg) पसे वणां पुरा देश रो आकाश पुरी तरह हुं कालों वेई ग्यो। भलेई वो दोपहर रो समय हो। और यो आकाश दोपहर रा समय मे कालों वियो हो। और तीन घंटा तक असोस रेयो हो। ![](https://cdn.door43.org/obs/jpg/360px/obs-en-40-07.jpg) पसे प्रभु यीशुए ऊँची आवाज मे पुकारिन केयूं के, "पुरो वियो! हे पिता, मुं आपणीं आत्मा थारे हातां मे होंपू हूँ।" पसे वणीं आपणें सिर ने झुकायो और आपणां प्राण ने त्यागी दिदो। और जेरां वो मरयो तो एक भूकम्प आयो। और मंदिर रो वो पड्दो ज्यो परमेश्वर री उपस्थिति हुं लोगां ने अलग करतो हो ऊपर हुं नीचे री ओर फाटिन दो भाग वेई ग्या। ![](https://cdn.door43.org/obs/jpg/360px/obs-en-40-08.jpg) आपणीं मृत्यु रे द्वारा, प्रभु यीशुए लोगां रे लिए परमेश्वर रे कोडे आवणां रो मार्ग खोल दिदो। और जेरां प्रभु यीशु री निगरानी करवा वालें एक सैनिके ज्यो कई भी वटे वियो हो वणां सबने वणीं देख्यो तो पसे वणीं केयूं के, "निश्चित रूप हुं, यो मनक निर्दोष हो। और यो परमेश्वर रो बेटो है।" ![](https://cdn.door43.org/obs/jpg/360px/obs-en-40-09.jpg) पसे यूसुफ और नीकुदेमुस नाम रा दो यहूदी अगुवां आया। और वा यो विश्वास करता हा के प्रभु यीशुस आवणां वालों मसीह हो। पसे वणां पिलातुस हुं प्रभु यीशु रो शरीर माँग्यो। और वणांरा शरीर ने कपड़ां मे लपेट्यो। पसे वा वणांने एक चट्टान मे हुं काटिन वणांई ग्यी कब्र मे लेईन ग्या और वटे वणांरा शरीर ने रख दिदो। और वणां कब्र रा द्वार ने बंद करवा रे लिए एक बड़ा भाटां ने लुढ़कावीं दिदो। *मत्ती 27:27-61; मरकुस 15:16-47; लूका 23:26-56; यूहन्ना 19:17-42 हुं एक बाइबल री कहाणी* ## 41. परमेश्वर प्रभु यीशु ने मृतकां मे हुं जीलावे है https://openbiblestories.org/l/mtr/story-41/ ![](https://cdn.door43.org/obs/jpg/360px/obs-en-41-01.jpg) सैनिकां रे द्वारा प्रभु यीशु ने क्रूस पे चढ़ाई देवा रे बाद, यहूदी अगुवां पिलातुस हुं केयूं के, "वणीं झूठे, प्रभु यीशुए केयूं हुं के वो तीन दनां रे बाद मृतकां मे हुं पासो जीवी उठेगा। अणीं वाते कणांक ने यो निश्चित करवा रे लिए वणांरे कब्र री निगरानी करणीं वेगा, ताकि वणांरे चेलां वणांरा शरीर ने चुराविंन नी ले जाई सकीं। और यदि वा असो करेगा तो पसे आपांहुं केगा के वो मृतकां मे हुं पासो जीवी उठ्यो है।" ![](https://cdn.door43.org/obs/jpg/360px/obs-en-41-02.jpg) पिलातुसे वणांहुं केयूं के, "थोड़ाक सैनिकां ने लेईन जाओ, और जिस्तर थां कर सको हो वणीं तरह हुं वणांरे कब्र री निगरानी करो।" अणीं वाते वणां वणांरी कब्र रा प्रवेशद्वार पे वणां बड़ा भाटां पे एक मोहर लगावी दिदी। और वणां यो निश्चित करवा रे लिए वटे सैनिकां ने बैठाईं दिदा, ताकि वणांरा शरीर ने कोई भी नी चुरावी सके। ![](https://cdn.door43.org/obs/jpg/360px/obs-en-41-03.jpg) प्रभु यीशु रे मरवा रे बाद रो दन सब्त रो दन हो। और कोई भी सब्त रे दन काम नी कर सकतो हो, अणीं वाते प्रभु यीशु रो कोई भी मित्र कब्र पे नी आयो हो। पण सब्त रे बाद रा दन मे, सुबह भोर वेतांस, थोड़िक स्त्रियाँ प्रभु यीशु री कब्र पे जावा रे लिए तैयार वेयी। क्योंकि वा वणांरे शरीर पे और भी मसालां ने लगाणीं चावती ही। ![](https://cdn.door43.org/obs/jpg/360px/obs-en-41-04.jpg) वणीं स्त्रियाँ रे पोंचवा हुं पेले, कब्र पे एक बड़ों भूकम्प वियो। और स्वर्ग हुं एक स्वर्गदूते आविन वणां भाटां ने लुढ़कावीं दिदो, ज्यो कब्र रा प्रवेशद्वार ने ढाँकीं रेयो हो और वणां भाटां पे वो स्वर्गदूत बैठ ग्यो। और यो स्वर्गदूत एकदम अजवालां रे समान चमकीं रेयो हो। और कब्र पे ज्या सैनिक हा वणां स्वर्गदूत ने देख्यो हो अणीं वाते वा अतरा समकीं ग्या हा के मृतकां रे समान जगापे पड़ी ग्या। ![](https://cdn.door43.org/obs/jpg/360px/obs-en-41-05.jpg) जेरां वा स्त्रियाँ कब्र पे पोंच्यी तो वणीं स्वर्गदूते वणीं स्त्रियाँ हुं केयूं के, "मत समको। प्रभु यीशु अटे नी है। वो मृतकां मे हुं पासो जीवी उठ्यो है, जिस्तर के वणीं केयूं हूँ के वो पासो जीवी उठेगा! थां कब्र मे होजो और देखो।" पसे वणीं स्त्रियाँ कब्र मे जाईन और जटे प्रभु यीशु रा शरीर ने रख्यो हो वटे खुब होज्यो और देख्यो पण वणांरो शरीर वटे नी हो! ![](https://cdn.door43.org/obs/jpg/360px/obs-en-41-06.jpg) पसे वणीं स्वर्गदूते वणीं स्त्रियाँ हुं केयूं के, "जाईन वणांरे चेलां ने वतावो के, 'प्रभु यीशु मृतकां मे हुं पासो जीवी उठ्यो है और वो थांरे आगे-आगे गलील ने जाएगा।'" ![](https://cdn.door43.org/obs/jpg/360px/obs-en-41-07.jpg) वा स्त्रियाँ बोत ही अचम्भित वेयी और बोत ही आनन्दित वेयी। पसे वा स्त्रियाँ चेलां ने यो शुभ संदेश हुणांवां रे लिए दौड़्यी। ![](https://cdn.door43.org/obs/jpg/360px/obs-en-41-08.jpg) जेरां वा स्त्रियाँ चेलां ने यो शुभ संदेश वतावा रे लिए मार्ग पेईस ही, तो प्रभु यीशु वणीं स्त्रियाँ पे प्रकट वियो। वा स्त्रियाँ वणांरे पगांपे पड़ी ग्यी। पसे प्रभु यीशुए केयूं के, "मत समको। लेकिन जाईन मारे चेलां हुं गलील जावा रे लिए कियो। क्योंकि वा वटे मने देखेगा।" *मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 हुं एक बाइबल री कहाणी* ## 42. प्रभु यीशु स्वर्ग मे लौट जाए है https://openbiblestories.org/l/mtr/story-42/ ![](https://cdn.door43.org/obs/jpg/360px/obs-en-42-01.jpg) जणें दन परमेश्वरे प्रभु यीशु ने मृतकां मे पासो जीवित किदो हो, वणांरे दो चेला पास रास गाँव मे जाई रेया हा। और जातां हकां वा प्रभु यीशु रे हातीं ज्यो वियो हो। वणांरे बारा मे वातां करी रेया हा, और वणांने या आशा ही के वो आवणां वालों मसीह हो, पण तौभी वो मार डाल्यो ग्यो हो। और अबार वा स्त्रियाँ केईं हीं के वो मृतकां मे हुं पासो जीवी उठ्यो है। अणीं वाते वा नी जांणता हा के कणीं वात पे विश्वास करणों है। ![](https://cdn.door43.org/obs/jpg/360px/obs-en-42-02.jpg) प्रभु यीशुए वणां कोडे आविन पसे वणां हातीं चालणों आरम्भ कर दिदो हो, पण वा वणांए पेचाणीं नी सक्या हा। पसे वणीं पुछयूं के वा कणांरे बारा मे वात करी रेया हा। पसे वणां प्रभु यीशु रे हातीं ज्या घटना घटी ही वणींरे बारा मे वणांने वतायो। और वा होची रेया हा के वा कणांक परदेशी रे हातीं वात करी रेया हा ज्यो नी जांणतो हो के यरूशलेम मे कई वियो हो। ![](https://cdn.door43.org/obs/jpg/360px/obs-en-42-03.jpg) पसे प्रभु यीशुए वणांने हमझाया के परमेश्वर रो वचन मसीह रे बारा मे कई किये है। बोत समय पेले,परमेश्वर री ओर हुं बोलवा वालां लोगां केयूं हूँ के बुरा लोग मसीह ने पीड़ित करेगा और वणांने मार डालेगा। और वणां यो भी केयूं हूँ के वो मृतकां मे हुं तीसरे दन पासो जी उठेगा। ![](https://cdn.door43.org/obs/jpg/360px/obs-en-42-04.jpg) जेरां वा वणां नगर मे पोंच्या जटे वा दो जणां ठेरणां चावता हा, और जणीं समय लगभग हाँज वेई ग्यी ही। अणीं वाते वणां प्रभु यीशु ने आपणें हातीं ठेरवा रे लिए आमंत्रित किदो, पसे वो वणां हातीं एक घर मे ग्यो। और हाँज रो भोजन खावा रे लिए वा बैठ ग्या। पसे प्रभु यीशुए एक रोटी ने लेईन वणींरे लिए परमेश्वर रो धन्यवाद किदो। और पसे वणीं रोटी ने तोड्यी। पसे वणां जाणीं लिदो के यो प्रभु यीशु हो। पण वणींस समय, वो वणांरी आँखां हुं ओझल वेई ग्यो। ![](https://cdn.door43.org/obs/jpg/360px/obs-en-42-05.jpg) वणां दोई जणां एक बिजा हुं केयूं के, "वो प्रभु यीशु हो! अणीं वाते जेरां वणीं आपांने परमेश्वर रा वचन हमझायो हो तो आपां बोत ही उत्साहित हा!" पसे वा तुरन्तुस वटे हुं पासा यरूशलेम मे ग्या। और जेरां वा वटे पोंच्या तो वणां चेलां ने वतायो के, "प्रभु यीशु जीवित है! और मां वणांने देख्यो है!" ![](https://cdn.door43.org/obs/jpg/360px/obs-en-42-06.jpg) जेरां चेला आपस मे वात करी रेया हा, तो प्रभु यीशु अचानक हुं वणां कमरा मे वणांरे हातीं प्रकट वियो। और वणीं केयूं के, "थांने शान्ति मिलें!" और चेलां होस्यो के वो कोई भूत हो, पण प्रभु यीशुए केयूं के, "थां क्यूँ समको हो? और थां यो क्यूँ नी होचो हो के यो सईं मे, मुं यीशु हूँ? मारे हातां और पगां ने देखो। क्योंकि भूतां रे कोडे असो शरीर नी वे है जसो मारे कोडे है।" और यो दिखावा रे लिए के वो कोई भूत नी हो, वणीं खावा रे लिए कईक माँग्यो। पसे वणां माछलीं रो एक टुकड़ों दिदो, और वणीं वणांने खाई लिदो। ![](https://cdn.door43.org/obs/jpg/360px/obs-en-42-07.jpg) प्रभु यीशुए केयूं के, "मारे बारा मे परमेश्वर रो वचन ज्यो कई भी किये है वो घटित वेगा। और मईं थांने पेलांस वताई दिदो हो के अणांरो वेणों अवश्य है।" पसे प्रभु यीशुए वणांने परमेश्वर रा वचन हुं और भी बढ़िया तरिका हुं हमझाया। पसे वणीं केयूं के, "बोत सालां पेले परमेश्वर री ओर हुं बोलवा वालां लोगां लिख्यो हो के मसीह ने दुःख उठाणों वेगा, और मरणों वेगा और पासो तीसरे दन मृतकां मे हुं जी उठणों वेगा।" ![](https://cdn.door43.org/obs/jpg/360px/obs-en-42-08.jpg) वणां यो भी लिख्यो हो के मारे चेला परमेश्वर रा वचन री घोषणां करेगा। और वा हर एक ने पश्चाताप करवा रे लिए वताएगा। और यदि वा असो करीं हीं, तो परमेश्वर वणांरे पापां ने माफ करेगा। और मारे चेला अणां संदेश रो प्रचार करणों यरूशलेम हुं आरम्भ करेगा। पसे वा सब जगा और सब जातियाँ मे जाएगा। और थां लोग मारी हर एक वात और काम रा गवाह हो ज्यो मई केयूं और किदूं हूँ, और वणां सबरो भी ज्यो मारे हातीं वियो। ![](https://cdn.door43.org/obs/jpg/360px/obs-en-42-09.jpg) अगला चालीस दनां रे दौरान, प्रभु यीशु आपणें चेलां पे बोत बार प्रकट वियो। एक बार तो वो एकुस समय पे 500 हुं भी अधिक लोगां पे प्रकट वियो! और वणीं आपणें चेलां पे कई तरीकां हुं साबित किदो के वो जीवित हो, और वणीं वणांने परमेश्वर रा राज्य रे बारा मे शिक्षा दिदी। ![](https://cdn.door43.org/obs/jpg/360px/obs-en-42-10.jpg) प्रभु यीशुए आपणें चेलां हुं केयूं के, "परमेश्वरे मने स्वर्ग और पृथ्वी रा हर एक व्यक्ति पे शासन करवा रो अधिकार दिदो है। अणीं वाते अबार मुं थां हुं केऊँ हूँ के, जाईन सब जातियाँ रा लोगां ने मारे चेला बणाओ। और असो करवा रे लिए, थांने वणांने पिता, पुत्र, और पवित्र आत्मा रे नाम हुं बपतिस्मा देणों है। और ज्या कई भी मईं थांने आज्ञा दिदी है वणीं सब वातां ने माननो भी थांने वणांने हिकाणों है। और याद राखो, मुं हमेशा थांरे हातीं रेऊँगा।" ![](https://cdn.door43.org/obs/jpg/360px/obs-en-42-11.jpg) प्रभु यीशु रे मृतकां मे हुं जी उठवा रे चालीस दनां रे बाद, वणीं आपणें चेलां हुं केयूं के, "जेरां तक के मारो पिता थांने सामर्थ्य नी दिये अतरे तक थां यरूशलेम मेईस ठेरया रेजो। और वो थां पे पवित्र आत्मा भेजवा रे द्वारा असो करेगा।" पसे प्रभु यीशु स्वर्ग मे परो ग्यो, और एक वादलें वणांने वणांरी दृष्टि हुं छिपाई लिदो। और स्वर्ग मे प्रभु यीशु सब चीजां पे शासन करवा रे लिए परमेश्वर रे दाईनी ओर बैठ ग्यो। *मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 हुं एक बाइबल री कहाणी* ## 43. कलीसिया रो आरम्भ वे है https://openbiblestories.org/l/mtr/story-43/ ![](https://cdn.door43.org/obs/jpg/360px/obs-en-43-01.jpg) प्रभु यीशु रे स्वर्ग मे लौट जावा रे बाद, चेला यरूशलेम मेईस रुकी ग्या जिस्तर के प्रभु यीशुए वणांने करवा रो आदेश दिदो हो। और वटे रा विश्वासी लोग लगातार एक हातीं प्रार्थना करवा रे लिए इकट्ठा वेता हा। ![](https://cdn.door43.org/obs/jpg/360px/obs-en-43-02.jpg) हर साल, फसह रा तेवार रे 50 दनां रे बाद, यहूदी लोग पिन्तेकुस्त नाम रा एक महत्वपूर्ण दन ने मनायो करता हा। पिन्तेकुस्त वो समय हो जेरां यहूदी लोग गेहूं री कटाई ने मनायो करता हा। और जणें दन पुरा संसार हुं यहूदी लोग पिन्तेकुस्त रा दन ने एक हातीं मनावणा रे लिए यरूशलेम मे आया हा। और अणें साल, पिन्तेकुस्त मनावणा रो समय प्रभु यीशु रे स्वर्ग मे परो जावा रे लगभग एक हप्ता रे बाद आयो हो। ![](https://cdn.door43.org/obs/jpg/360px/obs-en-43-03.jpg) जणीं समय सब विश्वासी लोग एक हातीं इकट्ठा हा, तो जणां घर मे वा हा अचानक हुं वो तेज वायरा री आवाज हुं भर ग्यो। पसे आग री लपटां रे जसो दिखवा वालों कईक सब विश्वासियां रे सिरां रे उपर प्रकट वियो। और वा सब पवित्र आत्मा हुं भर ग्या और वणां अन्य भाषाओं मे परमेश्वर री स्तुति और महिमा किदी। और या वा भाषाएँ ही जणींने बोलवा रे लिए पवित्र आत्मा वणांने सक्षम किदा हा। ![](https://cdn.door43.org/obs/jpg/360px/obs-en-43-04.jpg) जेरां यरूशलेम मे रेवा वालां लोगां वणीं आवाज ने हुण्यी, तो वा भीड़ रे रूप मे यो देखवा रे लिए एक हातीं आया के कई वेई रेयो हो। पसे वणां विश्वासियां ने परमेश्वर रे द्वारा किदा ग्या बड़ा-बड़ा कामां री घोषणा करतां हकां हुण्यां। और वा बोत ही अचम्भित हा क्योंकि वा वणां कामां ने आपणींस भाषा मे हुणीं रेया हा। ![](https://cdn.door43.org/obs/jpg/360px/obs-en-43-05.jpg) अणांमे हुं थोड़ाक लोगां केयूं के वा चेला नशा मे हा। पण पतरस खड़ो वियो और वणांहुं बोल्यो के, "मारे वात हुणों! या लोग नशा मे नी हीं! लेकिन अणांरे बजाए, ज्यो थां देखो हो वो वोईस है ज्यो योएल केयूं हूँ के वेगा, परमेश्वरे केयूं हूँ के 'अंत रा दनां मे, मुं आपणों आत्मा उंड़ेलूँगा।'" ![](https://cdn.door43.org/obs/jpg/360px/obs-en-43-06.jpg) हे इस्राएली पुरुषों, प्रभु यीशु एक असो मनक हो जणीं यो दिखावा रे लिए के वो कुंण हो बोत सा अद्भुत काम किदा हा। और वणीं परमेश्वर री सामर्थ्य हुं बोत सा अद्भुत कामां ने किदा हा। और थां भी यो जाणों हो, क्योंकि थां भी अणां कामां ने देख्या हा। पण थां वणांने क्रूस पे चढ़ाई दिदो! ![](https://cdn.door43.org/obs/jpg/360px/obs-en-43-07.jpg) प्रभु यीशु मरी ग्यो पण परमेश्वरे वणांने मृतकां मे हुं पासो जीवित कर दिदो। और अणीं वाते ने वणीं पुरी कर दिदी जणींने परमेश्वर री ओर हुं बोलवा वालां लोगां लिख्यी ही, 'थूं आपणें पवित्र जन ने कब्र मे हड़वे नी देगा।' और मां गवाह हां के परमेश्वरे प्रभु यीशु ने पासो जीवित कर दिदो है। ![](https://cdn.door43.org/obs/jpg/360px/obs-en-43-08.jpg) परमेश्वर पिताए अबार प्रभु यीशु ने आपणें दाईनी ओर बैठाईन वणांने आदर दिदो है। और प्रभु यीशुए आपणें लिए पवित्र आत्मा ने भेज्यो जिस्तर के वणीं वायदो किदो हो के वो भेजेगा। और पवित्र आत्मा वणां कामां ने वेवा देई रेयो है जणांने थां देखी रेया हो और हुणीं रेया हो। ![](https://cdn.door43.org/obs/jpg/360px/obs-en-43-09.jpg) थां वणां मनक, प्रभु यीशु ने क्रूस पे चढ़ाई दिदो। पण निश्चित रूप हुं जाणीं लियो, के परमेश्वरे प्रभु यीशु ने सब चीजां पे प्रभु और मसीह दोई ठेरायो है! ![](https://cdn.door43.org/obs/jpg/360px/obs-en-43-10.jpg) पतरस री वात ने हुंणवा वालां लोग वणांरे द्वारा केयी ग्यी वातां हुं आपणें माईने तक हिल ग्या हा। अणीं वाते वणां पतरस और चेलां हुं पुछयूं के, "हे भाइयों, अबार मांने कई करणों चावे है?" ![](https://cdn.door43.org/obs/jpg/360px/obs-en-43-11.jpg) पतरसे वणांने जवाब दिदो के, "थां मे हुं हर एक आपणें पापां रे लिए पश्चाताप करे ताकि परमेश्वर थांरे पापां ने माफ करे, और प्रभु यीशु मसीह रा नाम हुं बपतिस्मा लो। जेरां वो थांने वरदान स्वरूप पवित्र आत्मा भी देगा।" ![](https://cdn.door43.org/obs/jpg/360px/obs-en-43-12.jpg) पतरसे ज्यो केयूं हुं वणांहुं लगभग 3,000 लोगां प्रभु यीशु मसीह पे विश्वास किदो और प्रभु यीशु रा चेला वणीं ग्या हा। पसे वणां बपतिस्मा लिदो और यरूशलेम री कलीसिया रो हिस्सो वणीं ग्या। ![](https://cdn.door43.org/obs/jpg/360px/obs-en-43-13.jpg) जेरां चेलां वणांने शिक्षाएँ दिदी तो विश्वासियां लगातार हुण्यी। और वा रोज मलिंन एक हातीं भोजन करता हा, और वणां हर समय एक बिजा रे लिए प्रार्थना किदी। और वणां मलिंन परमेश्वर री स्तुति और महिमा किदी और ज्यो कई भी वणां रे कोडे हो वणां एक बिजा रे हातीं साझो किदो। और नगर रो हर एक व्यक्ति वणांरे लिए बढ़िया विचार राखतो हो। और प्रतिदन, अधिक हुं अधिक लोग विश्वासी वंणता ग्या। *प्रेरितों रा काम 2 हुं एक बाइबल री कहाणी* ## 44. पतरस और यूहन्ना एक भिखारी ने चंगो करे है https://openbiblestories.org/l/mtr/story-44/ ![](https://cdn.door43.org/obs/jpg/360px/obs-en-44-01.jpg) एक दन, पतरस और यूहन्ना मंदिर मे ग्या। और वटे एक लंगड़ो व्यक्ति भीख माँगवा रे लिए फाटक पे बैठ्यो हको हो। ![](https://cdn.door43.org/obs/jpg/360px/obs-en-44-02.jpg) पतरसे वणां लंगडा व्यक्ति री ओर देख्यो और वणांहुं केयूं के, "मारे कोडे थने देवा रे लिए पईसा तो नी हीं। पण ज्यो मारे कोडे है वो मुं थने देऊँ हूँ। पसे वणीं केयूं के प्रभु यीशु रे नाम हुं, उठ और चाल- फर!" ![](https://cdn.door43.org/obs/jpg/360px/obs-en-44-03.jpg) तुरन्तुस, परमेश्वरे वणां लंगड़ा व्यक्ति ने चंगो कर दिदो। पसे वणीं अटी हुं वटी चालणों और कूदणों, और परमेश्वर री स्तुति और महिमा करणीं आरम्भ कर दिदी। और वणां मंदिर रे आँगन मे उबा हकां लोग वणांने देखिन अचम्भित हा। ![](https://cdn.door43.org/obs/jpg/360px/obs-en-44-04.jpg) तुरन्तुस लोगां री एक भीड़ वणां व्यक्ति ने देखवा रे लिए आयी ज्यो चंगो वेई ग्यो हो। पसे पतरसे वणांहुं केयूं के, "यो मनक ठीक है, पण अणीं वात पे अचम्भित मत वो। क्योंकि मां अणांने आपणीं शक्ति हुं चंगो नी किदो है, और यो अणीं वाते भी नी है के मां परमेश्वर रो आदर करां हां। बल्कि, वो प्रभु यीशु है जणीं आपणीं शक्ति हुं अणांने चंगो किदो है, क्योंकि मां प्रभु यीशु पे भरोसो करां हां।" ![](https://cdn.door43.org/obs/jpg/360px/obs-en-44-05.jpg) वा थांस हो जणां वणां रोमी राज्यपाल ने प्रभु यीशु ने मार डालवा रे लिए केयूं हूँ। और थां वणांने मार डाल्यो ज्यो सब लोगां ने जीवन दिये है। पण परमेश्वरे वणांने मृतकां मे हुं पासो जीवित किदो। पण थां नी हमज्या के थां कई करी रेया हा, पण जेरां थां वणां कामां ने करी रेया हा, तो ज्यो परमेश्वर री ओर हुं बोलवा वालां लोगां केयो हो वो पुरो वियो। क्योंकि वणां केयूं हूँ के मसीह दुःख उठाएगा और मरी जाएगा। और परमेश्वरे अणांने अणीं रीति हुं वेवा दिदो। अणीं वाते अबार, पश्चाताप करो और परमेश्वर री ओर फिरो, ताकि वो थांरे पापां ने धोईन थांने शुद्ध करे। ![](https://cdn.door43.org/obs/jpg/360px/obs-en-44-06.jpg) जेरां मंदिर रे अगुवां पतरस और यूहन्ना री वातां ने हुण्यी, तो वा बोत ही घबराई ग्या। अणीं वाते वणां वणांने गिरफ्तार करिन जेलखाना मे डाल दिदा। पण ज्यो पतरसे केयूं हूँ वणीं वात पे बोत सा लोगां विश्वास किदो। और प्रभु यीशु पे विश्वास करवा वालां लोगां री संख्या बढ़िन लगभग 5,000 वेई ग्यी। ![](https://cdn.door43.org/obs/jpg/360px/obs-en-44-07.jpg) बिजे दन, वा यहूदी अगुवां पतरस और यूहन्ना ने महायाजक और बिजां धार्मिक अगुवां रे हामे लेईन आया। और वा वणां व्यक्ति ने भी लेईन आया ज्यो पेले लंगड़ो हो। पसे वणां पतरस और यूहन्ना हुं पुछयूं के, "कणां अधिकार हुं थां अणां लंगड़ा व्यक्ति ने चंगो किदो है?" ![](https://cdn.door43.org/obs/jpg/360px/obs-en-44-08.jpg) पतरसे वणांने जवाब दिदो के, "यो व्यक्ति ज्यो थांरे हामे खड़ो है वणांने प्रभु यीशु री सामर्थ्य रे द्वारा चंगो किदो ग्यो है। और थां प्रभु यीशु ने क्रूस पे चढ़ाई दिदो, पण परमेश्वरे वणांने मृतकां मे हुं पासो जीवित कर दिदो! और थां वणांने अस्वीकार कर दिदो, पण प्रभु यीशु रे अलावा उद्धार पावा रो और कोई बिजो मार्ग नी है!" ![](https://cdn.door43.org/obs/jpg/360px/obs-en-44-09.jpg) वा सब अगुवां बोत ही हैरान हा के पतरस और यूहन्ना बोत ही साहसपूर्ण तरीकां हुं वात किदी ही। और वणां देख्यो के या एक साधारण मनक हा ज्या के अनपढ़ हा। पण पसे वणांने याद आयो के या मनक प्रभु यीशु रे हातीं रेया हा। अणीं वाते वणां वणांहुं केयूं के, "मां थांने बोत अधिक दंड दियांगा यदि थां अणां मनक यीशु रे बारा मे लोगां ने कोई और संदेश दियोगा।" पसे असी और भी बोत सी वातां केवा रे बाद, वणां पतरस और यूहन्ना ने जावे दिदा। *प्रेरितों रा काम 3:1-4:22 हुं एक बाइबल री कहाणी* ## 45. स्तिफनुस और फिलिप https://openbiblestories.org/l/mtr/story-45/ ![](https://cdn.door43.org/obs/jpg/360px/obs-en-45-01.jpg) पेलां मसीही अगुवां रे वच मे स्तिफनुस नाम रो एक पुरुष हो। और सब लोग वणांरो आदर करता हा। और पवित्र आत्मा वणांने बोत ही सामर्थ्य और बुद्धि प्रदान किदी ही। और स्तिफनुसे बोत ही चमत्कार भी किदा हा। और जेरां वणीं प्रभु यीशु पे भरोसो करवा रे बारा मे वणांने शिक्षा दिदी, तो बोत सा लोगां प्रभु यीशु पे विश्वास किदो हो। ![](https://cdn.door43.org/obs/jpg/360px/obs-en-45-02.jpg) एक दन, स्तिफनुस प्रभु यीशु रे बारा मे लोगां ने शिक्षा देई रेयो हो, पसे थोड़ाक असा यहूदी आया जणां प्रभु यीशु पे विश्वास नी किदो हो, पण वणां वणांरे हातीं वाद-विवाद करणों आरम्भ कर दिदो। और वा वणांपे बोत ही क्रोधित वेई ग्या, अणीं वाते पसे वा धार्मिक अगुवां रे कोडे ग्या और वणांरे बारा मे झूठ बोल्या। और वणां केयूं के, "मां स्तिफनुस ने मूसा और परमेश्वर रे बारा मे बुरी वात केतां हकां हुण्यो है!" अणीं वाते धार्मिक अगुवां स्तिफनुस ने गिरफ्तार कर लिदो और वणांने महायाजक और यहूदियां रा बिजां अगुवां रे हामे लेईन आया। और पसे और भी झूठा गवाह आया और वणां स्तिफनुस रे बारा मे झूठी गवाई दिदी। ![](https://cdn.door43.org/obs/jpg/360px/obs-en-45-03.jpg) महायाजकां स्तिफनुस हुं पुछयूं के, "कई या लोग थारे बारा मे सई केई रेया हीं?" पसे स्तिफनुसे महायाजक ने जवाब देवा रे लिए बोत सी वातां ने बोलनीं आरम्भ कर दिदी। और वणीं केयूं के अब्राहम रा समय हुं प्रभु यीशु रे समय तक परमेश्वरे इस्राएल रे लोगां रे लिए बोत सा अद्भुत काम किदा हीं। पण लोगां हमेशा परमेश्वर री अनाज्ञाकारिता किदी ही। और स्तिफनुसे केयूं के, "थां लोग परमेश्वर रे विरुद्ध हठीला और बलवो करवा वालां हो। और थां हमेशा पवित्र आत्मा ने अस्वीकार किदो, जिस्तर के आपणें बापदादां हमेशा पवित्र आत्मा ने अस्वीकार किदो हो और बोत सा परमेश्वर री ओर हुं बोलवा वालां लोग हा वणां हाते भी बुरो किदो है! क्योंकि थां मसीह ने मार डाल्यो!" ![](https://cdn.door43.org/obs/jpg/360px/obs-en-45-04.jpg) जेरां वणां धार्मिक अगुवां यो हुण्यो, तो वा अतरा क्रोधित वेई ग्या। के वणां आपणें कानां ने बंद कर लिदा और ऊँची आवाज मे चिल्लाया। और वा स्तिफनुस ने घसीटिन नगर हुं बाण्णे लेई ग्या और वणांने मार डालवा रे लिए वणांने भाटां मेल्या। ![](https://cdn.door43.org/obs/jpg/360px/obs-en-45-05.jpg) जेरां स्तिफनुस मरी रेयो हो, तो वो पुकार उठ्यो के, "हे यीशु, मारी आत्मा ने ग्रहण कर!" पसे वो आपणें घुटणां पे गिर पड्यो और फेर हुं पुकार उठ्यो के, "हे प्रभु, यो पाप वणांपे मत लगाजे।" पसे वो मरी ग्यो। ![](https://cdn.door43.org/obs/jpg/360px/obs-en-45-06.jpg) वणें दन, यरूशलेम मे रेवा वालां बोत सा लोगां प्रभु यीशु रा विश्वासियां ने सताणों आरम्भ कर दिदो, अणीं वाते विश्वासी लोग बिजां स्थानां मे भाग ग्या। पण अणांरे बावजूद भी, जटे भी वा ग्या वणां प्रभु यीशु रे बारा मे प्रचार किदो। ![](https://cdn.door43.org/obs/jpg/360px/obs-en-45-07.jpg) फिलिप नाम रो प्रभु यीशु रो एक विश्वासी हो। और जिस्तर के बिजां बोत सा विश्वासियां किदो हो वो भी यरूशलेम हुं भाग ग्यो। और वो सामरिया रा क्षेत्र मे परो ग्यो। और वटे वणीं लोगां मे प्रभु यीशु रे बारा मे प्रचार किदो। और बोत सा लोगां प्रभु यीशु पे विश्वास किदो और उद्धार पायो। एक दन, फिलिप रे कोडे परमेश्वर री ओर हुं एक स्वर्गदूत आयो और वणांहुं मंगरा मे जावा रे लिए, और एक सड़क पे चालवा रे लिए केयूं। पसे फिलिप वटे हुं परो ग्यो। और जेरां वो सड़क पे चालीं रेयो हो तो, वणीं एक व्यक्ति ने आपणें रथ मे जातां हकां देख्यो। और वो व्यक्ति कूश देश रो एक महत्वपूर्ण अधिकारी हो। पसे पवित्र आत्मा फिलिप हुं केयूं, के जाईन वणां व्यक्ति रे हातीं-हातीं चाल। ![](https://cdn.door43.org/obs/jpg/360px/obs-en-45-08.jpg) अणीं वाते फिलिप वणां रथ रे कोडे ग्यो। और वणीं हुण्यो के वो कूशी परमेश्वर रा वचन ने भणीं रेयो हो। ज्यो यशायाह लिख्यो हो वणांने वो भणीं रेयो हो के, "वा वणांने वध किदी जावा वालीं भेड़ रे समान लेई ग्या, और जिस्तर एक मेम्नो शान्त वे है, वणीं भी एक शब्द नी केयूं। और वणां वणांरे हातीं अनुचित व्यवहार किदो और वणांरो आदर नी किदो। पसे वणां वणांरो प्राण लेई लिदो।" ![](https://cdn.door43.org/obs/jpg/360px/obs-en-45-09.jpg) फिलिपे वणां कूशी हुं पुछयूं के, "ज्यो थूं भणीं रेयो है कई थूं वणांने हमझे भी है?" पसे वणीं कूशीए जवाब दिदो के, "नीं! क्योंकि जेरां तक कोई अणांने मने नी हमझावे, अतरे तक मुं अणांने नी हमझीं सकूँ हूँ। कृपा करिन मारे कोडे आविन बैठ। यशायाह यो आपणेंस बारा मे लिखी रेयो हो या पसे कणां बिजा व्यक्ति रे बारा मे?" ![](https://cdn.door43.org/obs/jpg/360px/obs-en-45-10.jpg) फिलिप रथ पे चढ़िन बैठ ग्यो। पसे वणीं वणां कूशी व्यक्ति ने वो वतायो ज्यो यशायाए प्रभु यीशु रे बारा मे लिख्यो हो। पसे फिलिपे परमेश्वर रे वचन रा बोत सा बिजां भागां री भी चर्चा किदी। और अणीं तरह हुं, वणीं वणां व्यक्ति ने प्रभु यीशु रे बारा मे शुभ संदेश हुंणायो। ![](https://cdn.door43.org/obs/jpg/360px/obs-en-45-11.jpg) फिलिप और कूशी चालतां हकां पाणीं रे कोडे आया। पसे वणीं कूशीए केयूं के, "देख! अटे पाणीं है! कई मुं अबार बपतिस्मा लेई सकूँ हूँ?" और वणीं सारथी हुं रथ ने रोकवा रे लिए केयूं। ![](https://cdn.door43.org/obs/jpg/360px/obs-en-45-12.jpg) अणीं वाते पसे वा पाणीं मे उतरी ग्या, और फिलिपे वणां कूशी ने बपतिस्मा दिदो। और जेरां वा पाणीं हुं बाण्णे आया, तो पवित्र आत्मा अचानक हुं फिलिप ने उठाईंन कणां बिजा स्थान मे लेई ग्यो। और वटे भी फिलिपे लोगां ने प्रभु यीशु रे बारा मे वताणों जारी राख्यो। ![](https://cdn.door43.org/obs/jpg/360px/obs-en-45-13.jpg) वो कूशी आपणें घर री यात्रा पे आगे बढ़ी ग्यो। और वो बोत ही प्रसन्न हो, के अबार वो प्रभु यीशु मसीह ने जाणतो हो। *प्रेरितों रा काम 6:8-8:5; 8:26-40 हुं एक बाइबल री कहाणी* ## 46. पौलुस मसीही विश्वासी वणीं जाए है https://openbiblestories.org/l/mtr/story-46/ ![](https://cdn.door43.org/obs/jpg/360px/obs-en-46-01.jpg) शाऊल नाम रो एक व्यक्ति हो जणीं प्रभु यीशु पे विश्वास नी किदो हो। और जेरां वो जवान हो, तो वणीं स्तिफनुस ने मारवा वालां लोगां रे कपड़ां री निगरानी किदी ही। और बाद मे, वणीं विश्वासियां ने बोत ही सताया हा। और वणीं यरूशलेम मे घर-घर जाईन पुरुष और स्त्री दोयां ने गिरफ्तार करिन जेलखाना मे डाल दिदा हा। पसे महायाजके शाऊल ने दमिश्क नगर मे जावा री अनुमति दिदी। और वणीं वटे रा विश्वासियां ने गिरफ्तार करवा और वणांने पासा यरूशलेम मे लेईन आवणां रे लिए शाऊल हुं केयूं। ![](https://cdn.door43.org/obs/jpg/360px/obs-en-46-02.jpg) अणीं वाते शाऊले दमिश्क जावा री यात्रा ने आरम्भ किदी। और वणां नगर मे पोंचवा हुं थोडांक पेले, वणांरे चारी ओर आकाश हुं एक उज्जवल प्रकाश चमक्यो, और वो जगापे गिर पड्यो। पसे शाऊले कणांक ने यो केतां हकां हुण्यो के, "हे शाऊल! हे शाऊल! थूं मने क्यूं सताई रेयो है?" पसे शाऊले पुछयूं के, "हे प्रभु, थूं कुंण है?" पसे प्रभु यीशुए वणांने जवाब दिदो के, "मुं यीशु हूँ! थूं मने सताई रेयो है।" ![](https://cdn.door43.org/obs/jpg/360px/obs-en-46-03.jpg) जेरां शाऊल उठ्यो, तो वो आपणीं आँखां हुं देखी नी सकतो हो। और वणांरे मित्र वणांने दमिश्क मे लेईन ग्या हा। और शाऊले तीन दनां तक नी तो कई खादो और नी पीदो हो। ![](https://cdn.door43.org/obs/jpg/360px/obs-en-46-04.jpg) दमिश्क मे हनन्याह नाम रो एक चेलो हो। और परमेश्वरे वणांहुं केयूं के, "वणां घर मे जा जटे शाऊल रुक्यो हको है। और जाईन आपणें हातां ने वणांपे रख, ताकि वो फेर हुं देखवा लागे।" पण हनन्याए केयूं के, "हे प्रभु, मईं हुण्यो है के अणीं व्यक्तिए विश्वासियां ने कसाक सताया हा।" पसे परमेश्वरे वणांने जवाब दिदो के, "जा! क्योंकि मईं वणांने यहूदियां मे और बिजी जातियाँ रे लोगां मे मारे नाम री घोषणां करवा रे लिए चुन लिदो है। और वो मारे नाम रे लिए बोत ही कष्ट सहेगा।" ![](https://cdn.door43.org/obs/jpg/360px/obs-en-46-05.jpg) अणीं वाते हनन्याह शाऊल रे कोडे ग्यो, और आपणें हातां ने वणांपे रख्या, और केयूं के, "प्रभु यीशुए, ज्यो अटे आवणां रे समय थारे मार्ग मे थारापे प्रकट वियो हो, वणीं मने थारे कोडे भेज्यो है ताकि थूं फेर हुं देखवा लागे, और पवित्र आत्मा थने भर दिये।" पसे तुरन्तुस शाऊल फेर हुं देखवा मे सक्षम वेई ग्यो, और हनन्याए वणांने बपतिस्मा दिदो। पसे शाऊले भोजन किदो और फेर हुं बलवंत वेई ग्यो। ![](https://cdn.door43.org/obs/jpg/360px/obs-en-46-06.jpg) जेरां हुंस, शाऊले दमिश्क मे रेवा वालां यहूदियां मे प्रचार करणों आरम्भ कर दिदो। और वणीं केयूं के, "प्रभु यीशु परमेश्वर रो बेटो है!"और यहूदी लोग अचम्भित हा, क्योंकि शाऊले तो पेले विश्वासियां ने मार डालवा रो प्रयास किदो हो, पण अबार वणीं प्रभु यीशु पे विश्वास किदो हो। और शाऊले यहूदियां रे हातीं वाद- विवाद किदो। और वणीं दिखायो के प्रभु यीशु मसीह हो। ![](https://cdn.door43.org/obs/jpg/360px/obs-en-46-07.jpg) बोत दनां रे बाद, यहूदियां शाऊल ने मार डालवा री योजना वणांई। और वणां वणांने मार डालवा रे लिए नगर रा मुख्य फाटक पे लोगां ने भेज्या। के वा वणांरी निगरानी करीं पण शाऊले वणीं योजना रे बारा मे हुंण लिदो हो, और वणांरे मित्रां वचिन निकलवा मे वणांरी मदद किदी। और एक रात वणां वणांने टोकरी मे बिठाईंन नगर री दीवार हुं वणांने नीचे उतार दिदो। पसे दमिश्क हुं वचिन निकलवा रे बाद शाऊले प्रभु यीशु रे बारा मे प्रचार करणों जारी राख्यो। ![](https://cdn.door43.org/obs/jpg/360px/obs-en-46-08.jpg) शाऊल चेलां हुं मिलवा रे लिए यरूशलेम मे ग्यो, पण वा वणांहुं समकता हा। पसे बरनाबास नाम रो एक विश्वासी शाऊल ने चेलां रे कोडे लेईन ग्यो। और वणीं वणांने वतायो के शाऊले किस्तर साहसी वेईन दमिश्क मे प्रचार किदो हो। वणांरे बाद, चेलां शाऊल ने स्वीकार कर लिदो। ![](https://cdn.door43.org/obs/jpg/360px/obs-en-46-09.jpg) थोड़ाक विश्वासी ज्या यरूशलेम रा सताव हुं भाग ग्या हा वा अंताकिया नगर मे परा ग्या हा और प्रभु यीशु रे बारा मे प्रचार करता हा। अंताकिया मे रेवा वालां लोग अधिकतर यहूदी नी हा, पण पेली बार, वणांमे हुं बोत सा लोग विश्वासी वणीं ग्या हा और बरनबास और शाऊल अणां नवा विश्वासियां ने प्रभु यीशु रे बारा मे और अधिक हिकावा रे लिए वटे ग्या और कलीसिया ने मजबूत किदी। और प्रभु यीशु पे विश्वास करवा वालां पेली बार अंताकिया मेस "मसीही" केवांणा। ![](https://cdn.door43.org/obs/jpg/360px/obs-en-46-10.jpg) एक दन, अंताकिया मे विश्वासी लोग उपवास रे हातीं प्रार्थना करी रेया हा। जेरां पवित्र आत्मा वणांहुं केयूं के, "मारे लिए बरनबास और शाऊल ने वणां काम ने करवा रे लिए अलग कर दो जणांने करवा रे लिए मईं वणांने बुलाया हीं।" अणीं वाते अंताकिया री कलीसियाए बरनबास और शाऊल रे लिए प्रार्थना किदी और वणांपे आपणां हातां ने राख्या। पसे वणां वणांने बिजी बोत सी जगापे प्रभु यीशु रे बारा मे शुभ संदेश रो प्रचार करवा रे लिए भेज दिदा। और बरनबास और शाऊल ने अलग-अलग जातियाँ रे लोगां ने वचन री शिक्षा दिदी, और बोत सा लोगां प्रभु यीशु पे विश्वास किदो। *प्रेरितों रा काम 8:3; 9:1-31; 11:19-26; 13:1-3 हुं एक बाइबल री कहाणी* ## 47. फिलिप्पी मे पौलुस और सीलास https://openbiblestories.org/l/mtr/story-47/ ![](https://cdn.door43.org/obs/jpg/360px/obs-en-47-01.jpg) जेरां शाऊले पुरा रोमी साम्राज्य मे यात्रा किदी, तो वणीं आपणें रोमी नाम "पौलुस" रो उपयोग करणों आरम्भ कर दिदो हो। एक दन, पौलुस और वणांरो मित्र सीलास फिलिप्पी नगर मे प्रभु यीशु रे बारा मे शुभ संदेश हुंणावा रे लिए ग्या। पसे वा नगर रे बाण्णे नदी रे किनारे एक स्थान पे ग्या जटे लोग प्रार्थना करवा रे लिए इकट्ठा हा। और वटे लुदिया नाम री एक स्त्री हुं मिल्या ज्या एक व्यापारी ही। पण वा परमेश्वर हुं बोत ही प्रेम करती ही और वणांरी आराधना और उपासना करती ही। ![](https://cdn.door43.org/obs/jpg/360px/obs-en-47-02.jpg) परमेश्वरे लुदिया ने प्रभु यीशु रे बारा मे वणांरा संदेश पे विश्वास करवा मे सक्षम किदी। पसे पौलुस और सीलासे वणींने और वणींरे परिवार ने बपतिस्मा दिदो। और वणींए पौलुस और सीलास ने आपणां घर मे ठेरवा रे लिए आमंत्रित किदा, अणीं वाते पसे वा वटे ठेरी ग्या। ![](https://cdn.door43.org/obs/jpg/360px/obs-en-47-03.jpg) पौलुस और सीलास लोगां हुं अक्सर वणां स्थान पे मिलता हा, जटे यहूदी लोग प्रार्थना करता हा। और रोज जेरां वा वटे जाता हा, तो एक दासी छोरी ज्या दुष्टात्मां रे द्वारा नियंत्रित ही वणांरो पीछो करती रेती ही। और अणीं दुष्टात्मां रे माध्यम हुं वे लोगां रो भविष्य वतायो करती ही, अणीं वाते वे भविष्य वतावा वालीं रे रूप मे आपणें स्वामियां रे लिए बोत सो धन कमाती ही। ![](https://cdn.door43.org/obs/jpg/360px/obs-en-47-04.jpg) वणांरे जाती समय ये दासी छोरी ऊँची आवाज हुं चिल्लायो करती ही के, "या परम प्रधान परमेश्वर रा सेवक हीं। और या थांने उद्धार पावा रो मार्ग वताई रेया हीं!" और वे रोज असोस करती ही जणांहु पौलुस नाराज वेई ग्यो। ![](https://cdn.door43.org/obs/jpg/360px/obs-en-47-05.jpg) अंत मे, एक दन जेरां वणीं दासी छोरिये चिल्लाणों आरम्भ किदो, तो पौलुसे वणींरी तरफ मुड़िन वणींमे री दुष्टात्मां हुं केयूं के, "प्रभु यीशु रे नाम हुं अणींमे हुं निकल जा।" और वणींस समय वणीं दुष्टात्माए वणींने छोड़ दिदी। ![](https://cdn.door43.org/obs/jpg/360px/obs-en-47-06.jpg) वणीं दासी छोरी रा स्वामी बोत ही क्रोधित वेई ग्या। क्योंकि वणांने पतो चाली ग्यो के वना दुष्टात्मां रे वे दासी छोरी लोगां रो भविष्य नी वताई सकती ही। और अणांरो अर्थ हो, के लोग अबार वणींरे स्वामियां ने पईसा नी देगा के वे वणांने भविष्य वतावे के वणांरे हातीं कई वेगा। ![](https://cdn.door43.org/obs/jpg/360px/obs-en-47-07.jpg) अणीं वाते वणीं दासी छोरी रा स्वामी पौलुस और सीलास ने रोमी अधिकारियां रे कोडे लेई ग्या। पसे वणां पौलुस और सीलास ने खुब कुट्या, और पसे वणांने जेलखाना मे डाल दिदा। ![](https://cdn.door43.org/obs/jpg/360px/obs-en-47-08.jpg) वणां पौलुस और सीलास ने जेलखाना रे एक हिस्सा मे राख्या जटे सबहुं अधिक सिपाई हा। और अटे तक के वणां वणांरे पगां ने भी लाकड़ां रा बड़ा टुकड़ां मे जोड़ दिदा। पण पौलुस और सीलास आधी रात रे समय, परमेश्वर री स्तुति रा गीत गाई रेया हा। ![](https://cdn.door43.org/obs/jpg/360px/obs-en-47-09.jpg) अचानक हुं, एक भयंकर भूकम्प वियो! और जेलखाना रा सब द्वार खुल ग्या, और सब कैदियां री जंजीरां खुलिन गिर ग्यी। ![](https://cdn.door43.org/obs/jpg/360px/obs-en-47-10.jpg) पसे दरोगो जाग ग्यो। और वणीं देख्यो के जेलखाना रा सब द्वार खुल्या हका हा। अणीं वाते वणीं होस्यो के सब कैदी वचिन भाग ग्या हा। और वो एकदम समकीं ग्यो के वणांरे भाग जावा रे कारण रोमी अधिकारी वणांने मार डालेगा, अणीं वाते वो खुद ने मार डालवा रे लिए तैयार वेई ग्यो! पण पौलुस वणांने देखिन ऊँची आवाज हुं चिल्लायो के, "रुक जा! और खुद ने कोई नुकसान मत पोंचाव। क्योंकि मां सब अटेस हां।" ![](https://cdn.door43.org/obs/jpg/360px/obs-en-47-11.jpg) वणीं दरोगे काँपता हकां पौलुस और सीलास रे कोडे आविन पुछयूं के, "उद्धार पावा रे लिए मुं कई करूँ?" पसे पौलुसे वणांने जवाब दिदो के, "प्रभु यीशु पे विश्वास कर, तो थूं और थारे घरानों उद्धार पाएगा।" पसे वो दरोगो पौलुस और सीलास ने आपणें घर लेई ग्यो और वणांरे घावां ने धोया। पसे पौलुसे वणांरे घर रा सब लोगां ने प्रभु यीशु रे बारा मे शुभ संदेश हुंणायो। ![](https://cdn.door43.org/obs/jpg/360px/obs-en-47-12.jpg) दरोगे और वणांरे पुरा परिवारे प्रभु यीशु पे विश्वास किदो, अणीं वाते पौलुस और सीलासे वणांने बपतिस्मा दिदो। पसे दरोगे पौलुस और सीलास ने भोजन करायो, और वा एक हातीं आनन्दित विया। ![](https://cdn.door43.org/obs/jpg/360px/obs-en-47-13.jpg) बिजे दन नगर रे अगुवां पौलुस और सीलास ने जेलखाना हुं आजाद कर दिदा और फिलिप्पी हुं बाण्णे परा जावा रे लिए कयूं। पसे पौलुस और सीलास लुदिया और थोडाक बिजां मित्रां हुं मिल्या और वणांरे बाद फिलिप्पी नगर हुं निकल ग्या। और अणीं तरह हुं प्रभु यीशु रे बारा मे शुभ संदेश सब जगां फैलतो ग्यो, और कलीसिया बढ़ती ग्यी। ![](https://cdn.door43.org/obs/jpg/360px/obs-en-47-14.jpg) पौलुस और बिजां मसीही अगुवां बोत सा नगरां री यात्रा किदी। और वणां लोगां ने प्रभु यीशु रे बारा मे शुभ संदेश हुंणायो। और वणां कलीसियां रा विश्वासियां ने प्रोत्साहित करवा और वणांने वचन री शिक्षा देवा रे लिए बोत सा पत्र भी लिख्या। और अणां पत्रां मे हुं थोडाक पत्र बाइबल री किताबां वणीं ग्यी। *प्रेरितों रा काम 16:11-40 हुं एक बाइबल री कहाणी* ## 48. प्रभु यीशुस वायदो किदो हको मसीह है https://openbiblestories.org/l/mtr/story-48/ ![](https://cdn.door43.org/obs/jpg/360px/obs-en-48-01.jpg) जेरां परमेश्वरे अणां संसार ने वणांयो तो सब कुछ बढ़िया हो। और कोई पाप भी नी हो। आदम और हव्वा भी एक बिजा हुं बोत ही प्रेम करता हा। और वा परमेश्वर हुं भी बोत ही प्रेम करता हा। और कोई बीमारी या मृत्यु भी नी ही। और परमेश्वर भी असास संसार ने चावतो हो। ![](https://cdn.door43.org/obs/jpg/360px/obs-en-48-02.jpg) शैताने हाँप रे माध्यम हुं वगीचा मे हव्वा हुं वात किदी, क्योंकि वो वणींने धोखो देणों चावतो हो। पसे हव्वा और आदमे परमेश्वर रे विरुद्ध पाप किदो। क्योंकि वणां पाप किदो हो, अणीं वाते अणीं पृथ्वी पे रेवा वालां सब व्यक्ति मरी हीं। ![](https://cdn.door43.org/obs/jpg/360px/obs-en-48-03.jpg) क्योंकि आदम और हव्वाए पाप किदो हो, अणीं वाते कईक और भी बुरो वियो हो। और वा परमेश्वर रा शत्रु वणीं ग्या हा। जणांरे परिणाम-स्वरूप, जेरां हुं सब जणां पाप किदो है। और अणींस कारण हर एक व्यक्ति जनम हुं परमेश्वर रो शत्रु है। परमेश्वर और लोगां रे वच मे कोई शान्ति नी ही। पण परमेश्वर शान्ति स्थापित करणों चावतो हो। ![](https://cdn.door43.org/obs/jpg/360px/obs-en-48-04.jpg) परमेश्वरे वायदो किदो हो के हव्वा रो एक वंशज शैतान रा सिर ने कुचलेगा। और वणीं यो भी केयूं के शैतान वणांरी एड़ी ने डसेगा। बिजां शब्दां मे, शैतान मसीह ने मार डालेगा, पण परमेश्वर वणांने फेर हुं जीवित कर देगा। अणांरे बाद, मसीह शैतान री शक्ति ने हमेशा रे लिए समाप्त कर देगा। और बोत सालां रे बाद, परमेश्वरे प्रकट किदो के वो मसीह यीशु है। ![](https://cdn.door43.org/obs/jpg/360px/obs-en-48-05.jpg) परमेश्वरे वणीं बाढ़ हुं आपणें परिवार ने वचायो जणांने वो लावणां वालों हो। नूहा हुं एक नाव वणांवा रे लिए केयूं और अणीं प्रकार हुं परमेश्वरे वणां लोगां ने वचाया ज्या वणांपे विश्वास करता हा। और अणींस प्रकार, वा सब रा सब परमेश्वर रे द्वारा मार डाल्या जावा रे योग्य हा क्योंकि वणां पाप किदो हो। पण परमेश्वरे वणां सबने वचावा रे लिए प्रभु यीशु ने भेज्यो ज्या वणांपे विश्वास करता हा। ![](https://cdn.door43.org/obs/jpg/360px/obs-en-48-06.jpg) बोत सालां तक, याजक परमेश्वर रे लिए बलिदान चढ़ाता रेया। और यो सब यो दर्शावे है के लोगां पाप किदो हो, और वा सब परमेश्वर रे द्वारा दंडित किदा जावा रे योग्य हा। और वा बलिदान वणांरे पापां ने माफ नी कर सकता हा। लेकिन प्रभु यीशु सबहुं बड़ो महायाजक है। और वणीं वो किदो ज्यो कोई बिजो याजक नी कर सकतो हो। और वणीं वो एकमात्र बलिदान वेवा रे लिए खुद ने देई दिदो ज्यो हर व्यक्ति रे पापां ने मिटाई सकतो हो। और वणीं स्वीकार किदो हो के परमेश्वर वणां सबरे पापां रे लिए वणांने दंडित करे। अणीं कारण हुं प्रभु यीशु एक सिद्ध महायाजक हो। ![](https://cdn.door43.org/obs/jpg/360px/obs-en-48-07.jpg) परमेश्वरे अब्राहम हुं केयूं के, "मुं थारे द्वारा अणां संसार री सब जातियाँ ने आशीष दूँगा।" और प्रभु यीशु अणांस अब्राहम रो वंशज हो। परमेश्वर अब्राहम रे माध्यम हुं सब जातियाँ ने आशीष दिये है, क्योंकि ज्यो कोई भी व्यक्ति प्रभु यीशु पे पुरो विश्वास करे है परमेश्वर वणां सबने पाप हुं वचावे है। और जेरां या सब लोग प्रभु यीशु पे पुरो विश्वास करीं हीं, तो परमेश्वर वणांने अब्राहम रा वंशज माने है। ![](https://cdn.door43.org/obs/jpg/360px/obs-en-48-08.jpg) परमेश्वरे अब्राहम हुं केयूं के वो आपणें खुद रा बेटा ने, वणांरे लिए बलिदान करी दिये। पण पसे परमेश्वरे इसहाक रे बदला मे बलि करवा रे लिए एक मेम्नो दिदो। क्योंकि आपां सब लोग आपणें पापां रे लिए मार डाल्या जावा रे योग्य हा! पण परमेश्वरे आपणें स्थान पे मरवा रे लिए प्रभु यीशु ने बलिदान रे रूप मे दिदो। और अणींस कारण हुं आपां प्रभु यीशु ने परमेश्वर रो मेम्नो केवां हां। ![](https://cdn.door43.org/obs/jpg/360px/obs-en-48-09.jpg) जेरां परमेश्वरे मिस्र पे अंतिम विपत्ति ने भेज्यी तो वणीं हर एक इस्राएली परिवार हुं केयूं के वा एक मेम्ना ने बलि करे। और वणां मेम्ना मे कोई दोष नी वेणों चावे। पसे आपणें दरवाजा री चौखट रे ऊपरे और बगलां मे वणांने वणांरा लोई ने लगाणों हो। और जेरां परमेश्वरे वणां लोई ने देख्यो तो वो वणांरे घरां हुं आगे बढ़ी ग्यो और वणांरे पैलोटां बेटां ने नी मारया। और जेरां यो वियो तो परमेश्वरे अणांने फसह रो तेवार केयो। ![](https://cdn.door43.org/obs/jpg/360px/obs-en-48-10.jpg) प्रभु यीशु फसह रे तेवार रा मेम्ना री तरह है। और वणीं केरां पाप नी किदो है, अणीं वाते वणांमे कई भी गलत नी हो। और वो फसह रा तेवार रे समय मरयो हो। और जेरां कोई भी व्यक्ति प्रभु यीशु पे पुरो विश्वास करे है, तो प्रभु यीशु रो लोई वणां व्यक्ति रे पापां री किमत चुकावे है। और यो असो है जिस्तर के परमेश्वर वणां व्यक्ति रे कोडे हुं आगे बढ़ी ग्यो, क्योंकि वो वणांने दण्ड नी दिये है। ![](https://cdn.door43.org/obs/jpg/360px/obs-en-48-11.jpg) परमेश्वरे इस्राएली लोगां रे हातीं एक वाचा बाँध्यी, क्योंकि वा असा लोग हा जणांने परमेश्वरे आपणें वेवा रे लिए चुन लिदा हा। पण अबार परमेश्वरे एक असी वाचा बाँध्यी है ज्या सब लोगां रे लिए है। और यदि कणीं भी जाति रा कोई भी लोग अणीं नवी वाचा ने स्वीकार करीं हीं, तो वा लोग परमेश्वर रे लोगां मे शामिल वेई जईं हीं। और वो असो अणीं वाते करे है क्योंकि वा लोग प्रभु यीशु पे पुरो विश्वास करीं हीं। ![](https://cdn.door43.org/obs/jpg/360px/obs-en-48-12.jpg) मूसा एक परमेश्वर री ओर हुं बोलवा वालों व्यक्ति हो जणीं परमेश्वर रा वचन ने बड़ी सामर्थ्य हुं प्रचार किदो हो। पण प्रभु यीशु मसीह वणां हुं भी बड़ो है। क्योंकि वो खुद परमेश्वर हो, अणीं वाते ज्यो कई भी वणीं किदूं और केयूं हुं वो परमेश्वर रो कार्य और वणांरो वचन हो। और अणींस कारण पवित्र शास्त्र प्रभु यीशु ने परमेश्वर रो वचन किये है। ![](https://cdn.door43.org/obs/jpg/360px/obs-en-48-13.jpg) परमेश्वरे राजा दाऊद हुं वायदो किदो हो के राजा रे रूप मे वणांरो एक वंशज परमेश्वर रे लोगां पे सदा रे लिए शासन करेगा। और प्रभु यीशु परमेश्वर रो बेटो और मसीह है, अणीं वाते वो राजा दाऊद रो वंशज है। ज्यो सदा रे लिए राज्य कर सके है। ![](https://cdn.door43.org/obs/jpg/360px/obs-en-48-14.jpg) दाऊद तो केवल इस्राएल रोस राजा हो, पण प्रभु यीशु अणां पुरा जगत रो राजा है! और वो अणां जगत मे फेर हुं आएगा और सदा रे लिए न्याय और शान्ति रे हातीं आपणें राज्य पे शासन करेगा। *उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 हुं एक बाइबल री कहाणी* ## 49. परमेश्वर री नवी वाचा https://openbiblestories.org/l/mtr/story-49/ ![](https://cdn.door43.org/obs/jpg/360px/obs-en-49-01.jpg) एक स्वर्गदूते एक मोटियार स्त्री मरियम हुं केयूं, के वा परमेश्वर रा बेटा ने जनम देगा। और वा अबार तक कुँवारीस ही, पण पवित्र आत्मा वणीं कोडे आयो और वा गर्भवती वी। और वणींए एक बेटा ने जनम दिदो जणांरो नाम वणींए यीशु राख्यो। अणीं वाते प्रभु यीशु पूर्ण परमेश्वर और पूर्ण मनक दोई है। ![](https://cdn.door43.org/obs/jpg/360px/obs-en-49-02.jpg) प्रभु यीशुए बोत सा चिन्ह और चमत्कार किदा हा ज्यो यो दिखावे है के, वो परमेश्वर है। और वो पाणीं पे चाल्यो और आँधी ने शान्त किदी। और वणीं बोत सा बीमार लोगां ने चंगा किदा और बोत सा लोगां मे हुं दुष्टात्मां ने निकाल्यी ही। और वणीं मरयां हकां लोगां ने भी जीवित कर दिदा हा, और पाँच रोटी और दो माछलियां ने 5,000 हुं भी ज्यादा लोगां ने खिलावा रे लिए पर्याप्त भोजन मे बदली दिदी। ![](https://cdn.door43.org/obs/jpg/360px/obs-en-49-03.jpg) प्रभु यीशु एक महान शिक्षक भी हो। और ज्यो कई भी वणीं हिकायो हो, वो वणीं सिद्धता रे हातीं हिकायो हो। और अणींस कारण ज्यो वो लोगां हुं करवा रे लिए किये है वो वणांने करणों चावे है, क्योंकि वो परमेश्वर रो बेटो है। उदाहरण रे लिए, वणीं हिकायो के थांने बिजां लोगां रे हातीं वणींस रीति हु प्रेम करवा री आवश्यकता है जिस्तर के थां खुद अपने-आपहुं प्रेम करो हो। ![](https://cdn.door43.org/obs/jpg/360px/obs-en-49-04.jpg) वणीं यो भी हिकायो के थांने सब वस्तुआं हुं अधिक और आपणीं सम्पत्ति हुं भी अधिक परमेश्वर हुं प्रेम करणों चावे है। ![](https://cdn.door43.org/obs/jpg/360px/obs-en-49-05.jpg) प्रभु यीशुए केयूं के अणां संसार मे री कणीं भी चीजां ने प्राप्त करवा हुं अधिक बढ़िया है परमेश्वर रा राज्य मे वेणों। और वणांरा राज्य मे थांरे प्रवेश करवा रे लिए आवश्यक है, के परमेश्वर थांने थांरे पापां हुं वचावे। ![](https://cdn.door43.org/obs/jpg/360px/obs-en-49-06.jpg) प्रभु यीशुए केयूं के थोडोकुस लोग वणांने ग्रहण करेगा। और परमेश्वर वणां लोगां ने वचाएगा। पण बिजां लोग वणांने ग्रहण नी करेगा। और वणीं यो भी केयूं के थोडोकुस लोग वणीं बढ़िया जगा रे हरिका ही, क्योंकि वा लोग प्रभु यीशु रे बारा मे शुभ संदेश ने स्वीकार कर लेई हीं, और परमेश्वर वणांने वचावे है। पण थोडाक लोग वाट वालीं जगा रे हरिका हीं। और परमेश्वर रो वचन बीज री तरह वाट पे गिरे है, पण वटे कई भी नी उगे है। क्योंकि या लोग प्रभु यीशु रे बारा मे शुभ संदेश ने अस्वीकार करी देईं ही। और अणीं तरह वा लोग परमेश्वर रा राज्य मे प्रवेश करवा हुं इनकार करी देईं हीं। ![](https://cdn.door43.org/obs/jpg/360px/obs-en-49-07.jpg) प्रभु यीशुए हिकायो के परमेश्वर पापियाँ हुं बोत ही प्रेम करे है। क्योंकि वो वणांने माफ करणों चावे है और वणांने आपणीं संतान वणांणों चावे है। ![](https://cdn.door43.org/obs/jpg/360px/obs-en-49-08.jpg) प्रभु यीशुए यो भी वतायो के परमेश्वर पाप हुं घृणा करे है। क्योंकि आदम और हव्वाए पाप किदो हो, अणीं वाते वणांरे सब वंशजाँ भी पाप किदो हो। और अणींस कारण अणां संसार मे रेवा वालों हर एक व्यक्ति पाप करे है और पाप करवा रे कारण वो परमेश्वर हुं छेटी वेई जाए है। और पापी वेवा रे कारण हर एक व्यक्ति परमेश्वर रो शत्रु है। ![](https://cdn.door43.org/obs/jpg/360px/obs-en-49-09.jpg) पण परमेश्वरे अणां संसार मे रेवा वालां हर एक व्यक्ति हुं अणीं रीति हुं प्रेम किदोः के वणीं आपणें एकलौता बेटा ने भी देई दिदो, ताकि परमेश्वर वणांने दंड नी दिये ज्यो वणांपे विश्वास करे है। अणांरे बजाए, वा वणांरे हातीं हमेशा रे लिए रेगा। ![](https://cdn.door43.org/obs/jpg/360px/obs-en-49-10.jpg) थां मरवा रे योग्य हो, क्योंकि थां पाप किदो है। अणीं वाते थां हुं परमेश्वर रो क्रोधित वेणों उचितुस है, लेकिन अणांरी अपेक्षा, वो प्रभु यीशु पे क्रोधित वियो। और वणीं प्रभु यीशु ने क्रूस री मृत्यु देईन दंड दिदो। ![](https://cdn.door43.org/obs/jpg/360px/obs-en-49-11.jpg) प्रभु यीशुए केरां पाप नी किदो हो, पण वणीं परमेश्वर ने दंड देवे दिदो। और वणीं क्रूस पे मर जाणों स्वीकार किदो। और अणीं रीति हुं, वो आपणें पापां ने और अणां संसार मे रेवा वालां हर एक व्यक्ति रे पापां ने उठाई ले जावा रे लिए वो एक सिद्ध बलिदान हो। और प्रभु यीशुए खुद ने परमेश्वर रे लिए क्रूस पे बलिदान कर दिदो, अणीं वाते परमेश्वर कणां भी पाप ने, और अटे तक के भयंकर पापां ने भी माफ करे है। ![](https://cdn.door43.org/obs/jpg/360px/obs-en-49-12.jpg) भलेई यदि थां बोत सा बढ़िया कामां ने भी करता वो, तो अणांरे द्वारा परमेश्वर थांने नी वचाएगा। और वणांरो मित्र वणवा रे लिए असो कई भी नी है ज्यो थां कर सको हो। लेकिन अणांरी अपेक्षा, थांने विश्वास करणों है के प्रभु यीशुस परमेश्वर रो बेटो है, और वो थांरे लिए क्रूस पे मरी ग्यो, और यो भी के परमेश्वरे वणांने मृतकां मे हुं तीसरे दन पासो जीवित कर दिदो। और यदि थां अबार वणांपे पुरा मन हुं विश्वास करो, तो परमेश्वर थांरे पापां ने माफ करेगा। ![](https://cdn.door43.org/obs/jpg/360px/obs-en-49-13.jpg) परमेश्वर वणां हर एक व्यक्ति ने वचाएगा ज्यो प्रभु यीशु पे विश्वास करे है और वणांने आपणों प्रभु स्वीकार करे है। पण वो वणांने नी वचाएगा ज्यो वणांपे विश्वास नी करीं हीं। और यो भी कोई मायने नी राखे है के थां धनी हो या गरीब हो, और पुरुष हो या स्त्री हो, और बुढ़ा हो या जवान हो, या पसे थां कटे रियो हो। परमेश्वर थां सब लोगां हुं बोत ही प्रेम करे है और चावे है के थां प्रभु यीशु पे पुरा मन हुं विश्वास करो के वो थांरो मित्र वण सके। ![](https://cdn.door43.org/obs/jpg/360px/obs-en-49-14.jpg) प्रभु यीशु थांने बुलाई रेयो है, ताकि थां वणांपे विश्वास करो और बपतिस्मा लो। और कई थां यो विश्वास करो हो के परमेश्वर रो एकलौतो बेटो, प्रभु यीशुस मसीह है? और कई थां यो विश्वास करो हो के थां एक पापी हो और परमेश्वर रे द्वारा थांने दंडित किदा जावा रे योग्य हो? और कई थां यो विश्वास करो हो के थांरे पापां ने मिटावा रे लिए प्रभु यीशु क्रूस पे मरयो? ![](https://cdn.door43.org/obs/jpg/360px/obs-en-49-15.jpg) यदि थां प्रभु यीशु पे और ज्यो वणीं थांरे लिए किदूं है वणांपे विश्वास करो हो, तो थां एक विश्वासी हो! और शैतान आपणें अंधकार रा राज्य मे अबार थां पे शासन नी करे है। लेकिन अबार परमेश्वर आपणां प्रकाश रा राज्य मे थां पे शासन करे है। और वणीं थांने पाप करवा हुं रोक दिदां हीं, जणांने था करता रेता हा।और अबार वणीं थांने एक नवो, और उत्तम जीवन दिदो है। ![](https://cdn.door43.org/obs/jpg/360px/obs-en-49-16.jpg) यदि थां एक विश्वासी हो तो ज्यो प्रभु यीशुए किदूं है वणांरे कारण परमेश्वरे थांरे पापां ने माफ करी दिदां ही। अणीं वाते अबार, परमेश्वर एक शत्रु री अपेक्षा थांने एक घनिष्ठ मित्र माने है। ![](https://cdn.door43.org/obs/jpg/360px/obs-en-49-17.jpg) यदि थां परमेश्वर रा मित्र हो और प्रभु यीशु रा सेवक हो तो थां वणीं वातां रो पालन करवा री इच्छा करोगा ज्या प्रभु यीशु थांने हिकावे है। और भलेई थां एक विश्वासी हो, शैतान अबार भी पाप करवा रे लिए थांरी परीक्षा करेगा। पण परमेश्वर हमेशा वो करे है ज्यो वो किये है के वो करेगा। और वो किये है के यदि थां आपणें पापां ने मान लो, तो वो थांने माफ कर देगा। और वो थांने पाप रे विरुद्ध लड़वा री सामर्थ्य देगा। ![](https://cdn.door43.org/obs/jpg/360px/obs-en-49-18.jpg) परमेश्वर थांने प्रार्थना करवा और वणांरा वचन ने भणवा रे लिए किये है। और वो थांने बिजां विश्वासियां रे हातीं मलिंन वणांरी आराधना करवा रे लिए भी किये है। और थांने बिजां लोगां ने भी वताणों है के वणीं थांरे लिए कई किदूं है। और यदि थां अणां सब कामां ने करो, तो थां वणांरे एक पक्का मित्र वण जाओगा। *रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 करिन्थियों 5:17-21; 1यूहन्ना 1:5-10 हुं एक बाइबल री कहाणी* ## 50. 3प्रभु यीशु पासो लौटे है https://openbiblestories.org/l/mtr/story-50/ ![](https://cdn.door43.org/obs/jpg/360px/obs-en-50-01.jpg) लगभग 2,000 सालां हुं, अणां संसार रा सब स्थानां अधिक हुं अधिक लोग मसीह यीशु रे बारा मे शुभ संदेश ने हुणीं रेया हीं। और कलीसिया दन-प्रतिदन उन्नति करी रेयी है। और प्रभु यीशुए वायदो किदो हो के वो अणां संसार मे अंत रा दनां मे पासो आएगा। और यद्यपि वो अबार पासो नी आयो है, तौभी वो आपणें किदा हका वायदा ने पुरो करेगा। ![](https://cdn.door43.org/obs/jpg/360px/obs-en-50-02.jpg) जेरां के आपां प्रभु यीशु रे पासो लौटवा री प्रतिक्षा करां हां, परमेश्वर चावे है के आपां पवित्र जीवन व्यतीत करां और वणांरो आदर करां और जेरां प्रभु यीशु अणीं पृथ्वी पे रेयो हो जेरां वणीं केयूं हूँ के, "मारे चेला संसार भर मे सब जगा रे लोगां ने परमेश्वर रा राज्य रे बारा मे शुभ संदेश रो प्रचार करेगा, और जेरां अंत आवी जाएगा।" ![](https://cdn.door43.org/obs/jpg/360px/obs-en-50-03.jpg) बोत सी जातियाँ अबार तक प्रभु यीशु रे बारा मे नी हुण्यो है। और स्वर्ग मे लौट जावा हुं पेले, प्रभु यीशुए विश्वासियां हुं वणां लोगां ने शुभ संदेश हुंणावा रे लिए केयूं जणां केरां भी प्रभु यीशु रो नाम नी हुण्यो है। और वणीं केयूं के, "जाओ और सब जातियाँ रे लोगां ने मारे चेला वणांओ!" और "कटाई करवा रे लिए खेत पाकी चुक्या हीं!" ![](https://cdn.door43.org/obs/jpg/360px/obs-en-50-04.jpg) प्रभु यीशुए यो भी केयूं के, "कणां व्यक्ति रो सेवक आपणें स्वामी हुं बड़ो नी वे है। और अणां संसार रा महत्वपूर्ण लोगां मईं हुं नफरत किदी, और मारे कारण वा थांने भी सताएगा और मार डालेगा। और अणां संसार मे थां पीड़ित वोगा, पण विश्वास मे मजबूत बणों, क्योंकि मईं शैतान ने हराई दिदो है ज्यो अणां संसार पे शासन करे है। और यदि थां अंत तक मारा विश्वास मे मजबूत वण्यां रियोगा, तो परमेश्वर थांने वचाएगा!" ![](https://cdn.door43.org/obs/jpg/360px/obs-en-50-05.jpg) प्रभु यीशुए आपणें चेलां ने यो हमझावा रे लिए एक कहाणी हुंणाई के जेरां संसार रो अंत वेगा तो लोगां रे हातीं कईं वेगा। और वणीं केयूं के, "कणीं व्यक्तिए आपणां खेत मे बढ़िया बीज वाया। और जेरां वो हुईं रेयो हो तो वणांरो शत्रु आयो और गऊँ रे बीजां मे जंगलीं रूंकडा रे बिजां ने वावी दिदां, और पसे वो परो ग्यो।" ![](https://cdn.door43.org/obs/jpg/360px/obs-en-50-06.jpg) जेरां जंगलीं बीज उगयूं तो सेवकां वणां व्यक्ति हुं केयूं के, 'हे स्वामी, तईं तो आपणां खेत मे बढ़िया बीज वाया हा। तो पसे अणांमे जंगलीं झाड़ियाँ क्यूँ है?' पसे वणीं व्यक्तिए जवाब दिदो के, 'मारे शत्रुस अणां बीजां ने वावणां चावे। और यो कोई मरो शत्रुस है जणीं असो काम किदो है।' ![](https://cdn.door43.org/obs/jpg/360px/obs-en-50-07.jpg) वणां सेवकां आपणें स्वामी ने जवाब दिदो के, 'कईं मांने अणां जंगलीं झाड़ियाँ ने उखाड़ देणों चावे?' पसे वणीं स्वामिए केयूं के, 'नी। यदि थां असो करोगा तो थां थोड़ाक गेहूं ने भी उखाड़ी दोगा। अणीं वाते कटाई रा समय तक प्रतिक्षा करो। पसे जंगलीं झाड़ियाँ ने इकट्ठी कर लो ताकि थां वणींने जलाई सको। पण गेहूं ने थां मारे कोठियाँ मे लेई आवो।' ![](https://cdn.door43.org/obs/jpg/360px/obs-en-50-08.jpg) चेलां अणीं कहाणी रा मतलब ने नी हमझी सक्या, अणीं वाते वणां प्रभु यीशु हुं वणांने हमझावा रो निवेदन किदो। पसे प्रभु यीशुए केयूं के, "बढ़िया बीज वावणां वालों व्यक्ति मसीह रो प्रतिनिधित्व करे है। और वो खेत अणां संसार रो प्रतिनिधित्व करे है। और बढ़िया बीज परमेश्वर रा राज्य रे लोगां रो प्रतिनिधित्व करे है।" ![](https://cdn.door43.org/obs/jpg/360px/obs-en-50-09.jpg) जंगलीं झाड़ियाँ वणां दुष्ट व्यक्ति, अर्थात् शैतान रे लोगां रो प्रतिनिधित्व करे है। और वणां मनक रो शत्रु शैतान रो प्रतिनिधित्व करे है, जणीं जंगलीं झाड़ियाँ रे बीजां ने वावी दिदा हा। और कटाई अणां संसार रे अंत रो प्रतिनिधित्व करे है, और कटाई करवा वालां लोग परमेश्वर रे स्वर्गदूतां रो प्रतिनिधित्व करे है। ![](https://cdn.door43.org/obs/jpg/360px/obs-en-50-10.jpg) जेरां अणां संसार रो अंत वेगा तो स्वर्गदूत वणां सब लोगां ने एक हातीं इकट्ठा करेगा ज्या शैतान रा लोग हीं। पसे वा स्वर्गदूत वणांने एक बोत ही गरम आग मे फेंक देगा। और वटे वा लोग भयंकर पीड़ा मे रोएगा और आपणें दाँतां ने पीसेगा। पण ज्या लोग धर्मी हीं, और जणां प्रभु यीशु रो अनुसरण किदो है, वा लोग पिता परमेश्वर रा राज्य मे एक सूरज रे समान चमकेगा। ![](https://cdn.door43.org/obs/jpg/360px/obs-en-50-11.jpg) प्रभु यीशुए यो भी केयूं के वो अणां संसार रे अंत वेवा हुं पेले अणीं पृथ्वी पे पासो लौटेगा। और वो वणींस तरह हुं पासो आएगा जिस्तर वो स्वर्ग मे ग्यो हो। अर्थात्, वणांरे कोडे वास्तविक शरीर वेगा, और वो आकाश मे वादलां पे सवार वेईन आएगा। और जेरां प्रभु यीशु पासो लौटेगा, तो हर एक विश्वासी ज्या मर चुक्या हीं वा मृतकां मे हुं पासा जी उठेगा और वणांहुं आकाश मे मिलेगा। ![](https://cdn.door43.org/obs/jpg/360px/obs-en-50-12.jpg) पसे ज्या विश्वासी लोग अबार भी जीवता हीं वा आकाश मे उठाई लिदा जाएगा और वणां बिजां विश्वासियां रे हातीं शामिल वेई जाएगा ज्या मृतकां मे हुं पासा जी उठ्या हा। पसे वा सब वटे प्रभु यीशु रे हातीं रेगा। और वणांरे बाद, प्रभु यीशु भी वणांरे हातीं रेगा। और जेरां वा एक हातीं रेगा तो वणांरे कोडे सदा रे लिए पुरी शान्ति वेगा। ![](https://cdn.door43.org/obs/jpg/360px/obs-en-50-13.jpg) प्रभु यीशुए वणांपे विश्वास करवा वालां हर एक व्यक्ति ने मुकुट देवा रो भी वायदो किदो है। और वा सदा रे लिए परमेश्वर रे हातीं हर एक वस्तुआं पे शासन करेगा। और वणांरे कोडे सिद्ध शान्ति वेगा। ![](https://cdn.door43.org/obs/jpg/360px/obs-en-50-14.jpg) पण परमेश्वर वणां सब रो न्याय करेगा ज्या प्रभु यीशु पे विश्वास नी करीं हीं। पसे वो वणांने नरक री झील मे डाल देगा। और वटे वा लोग रोएगा और आपणें दाँतां ने पीसेगा, और वा हमेशा बोत ही पीड़ित वेता रेगा। और केरां नी बुझवा वालीं आग वणांने लगातार जलाती रेगा, और कीड़ा वणांने खावा हुं केरां नी रुकेगा। ![](https://cdn.door43.org/obs/jpg/360px/obs-en-50-15.jpg) जेरां प्रभु यीशु पासो लौटेगा, तो वो पुरी रीति हुं शैतान ने और वणांरा राज्य ने नष्ट कर देगा। और वो शैतान ने नरक मे डाल देगा। और वटे शैतान हमेशा रे लिए जलतो रेगा, और वणां सबरे हातीं जणां परमेश्वर री वातां ने मानवा रे बजाए शैतान रे पाछे चालवा रो चुनाव किदो हो। ![](https://cdn.door43.org/obs/jpg/360px/obs-en-50-16.jpg) क्योंकि आदम और हव्वाए परमेश्वर री अनाज्ञाकारिता किदी ही और पाप ने अणां संसार मे लेईन आया हा, और परमेश्वरे वणांने श्राप दिदो हो और वणांने नष्ट करवा रो निर्णय किदो हो। पण कणांक दन परमेश्वर एक नवा स्वर्ग और एक नवी पृथ्वी री रचना करेगा ज्या सिद्ध वेगा। ![](https://cdn.door43.org/obs/jpg/360px/obs-en-50-17.jpg) प्रभु यीशु और वणांरे लोग वणीं नवी पृथ्वी पे रेगा, और वो सदा रे लिए सब वस्तुआं पे शासन करेगा। और वो सब लोगां री आँखां हुं हर एक आँसुआँ ने पोंछ देगा। पसे कोई भी पीड़ित या दुःखी नी वेगा। और वा केरां रोएगा भी नी। और नी वा केरां बीमार वेगा और नी वा केरां मरेगा। और वटे कई भी बुराई नी वेगा। और प्रभु यीशु आपणां राज्य पे न्यायपूर्वक, और शान्ति रे हातीं शासन करेगा। और वो हमेशा रे लिए आपणें लोगां रे हातीं रेगा। *मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1थिस्सलुनीकियों 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 हुं एक बाइबल री कहाणी*