# unfoldingWord Open Bible Stories — नेवाः भाय् (Newar)

- Language code: `new`
- Canonical page: https://openbiblestories.org/l/new/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the नेवाः भाय् translation; it is not a translation of the whole Bible.

## 1. १. सृष्टि

https://openbiblestories.org/l/new/story-1/

![](https://cdn.door43.org/obs/jpg/360px/obs-en-01-01.jpg)

दक्‍क खँया शुरू थुकथं जुल। परमेश्‍वरं दक्‍व पृथ्वीया व अन दुगु फुक्‍क चिजत खुन्‍हुया (६) न्‍हिइ सृष्टि यानादिल। परमेश्‍वरं पृथ्वी सृष्टि यानादिल अन तसकं खिउँसे च्‍वं अले शुन्‍य, अले अन छुं नं चिजत सृष्‍टि यानातःगु मदु। अय्‌नं परमेश्‍वरया आत्‍मा लःया च्‍वँच्‍वं चाहुला च्‍वंगु खः।

![](https://cdn.door43.org/obs/jpg/360px/obs-en-01-02.jpg)

अनंलि परमेश्‍वरं धयादिल, “तुयगु जः दयेमा।”

![](https://cdn.door43.org/obs/jpg/360px/obs-en-01-03.jpg)

सृष्‍टिया निन्‍हु खुन्‍हु, परमेश्‍वरं धयादि अले पृथ्वीया च्‍वय्‌ सर्ग सृष्‍टि यानादिल। वय्‌कलं पृथ्वीया च्‍वय्‌ अले पृथ्वीया क्‍वय्‌ दुगु लःयात निब्‍व यानादिल।

![](https://cdn.door43.org/obs/jpg/360px/obs-en-01-04.jpg)

स्‍वन्‍हु खुन्‍हु, परमेश्‍वरं धयादिल अले लःयात गंगु बँपाखें ब्‍यगल यानादिल। वय्‌कलं गंगु बँयात “पृथ्वी” धयादिल, अले लःयात “समुद्र” धयादिल। थम्‍हं सृष्‍टि यानादीगु फुक्‍क चिजतय्‌त परमेश्‍वरं स्‍वयादिल अले वय्‌कःयात थ्‍व बांला ताल।

![](https://cdn.door43.org/obs/jpg/360px/obs-en-01-05.jpg)

अनंलिपा परमेश्‍वरं धयादिल, “पृथ्वीं फुक्‍क कथंया घाँय्‌मात, पुसा दइगु अन्‍नमा, सिसाबुसा सइगु सिमात बुइकेमा।” अले अथे हे जुल। परमेश्‍वरं स्‍वयादिल अले वय्‌कःयात थ्‍व बांला लात।

![](https://cdn.door43.org/obs/jpg/360px/obs-en-01-06.jpg)

सृष्टिया पेन्‍हु खुन्‍हु, परमेश्‍वरं धयादिल अले सूर्य, तिमिलाः व नगूत दय्‌कादिल। परमेश्‍वरं इमित पृथ्वी जः बीत अले न्‍हि व चा छुटे यायेत, ऋतुत व दँत छुटे यायेगु निंतिं दय्‌कादिल। अनंलि परमेश्‍वरं स्‍वयादिल अले वय्‌कःयात थ्‍व बांला लात।

![](https://cdn.door43.org/obs/jpg/360px/obs-en-01-07.jpg)

न्‍यान्‍हु खुन्‍हु परमेश्‍वरं धयादिल अले लःखय्‌ च्‍वनीपिं फुक्‍क कथंया जन्‍तुत अले फुक्‍क कथंया पंछीत दय्‌कादिल। परमेश्‍वरं इमित स्‍वयादिल अले थ्‍व बांला लात, अनंलि वय्‌कलं इमित आशिष बियादिल।

![](https://cdn.door43.org/obs/jpg/360px/obs-en-01-08.jpg)

खुन्‍हु दुखुन्‍हु, परमेश्‍वरं धयादिल, “अन फुक्‍क कथंयापिं बँय्‌जुइपिं जीवजन्‍तुत दयेमा।” अले परमेश्‍वरं धयादीथें हे जुल। छुं पशुत छेँय्‌लहिपिं खः, छुं बँय्‌घिस्रय्‌जुइपिं अले छुं धाःसा गुँइ च्‍वनिपिं खः। परमेश्‍वरं इमित स्‍वयादिल अले थ्‍व बांला लात।

![](https://cdn.door43.org/obs/jpg/360px/obs-en-01-09.jpg)

अनंलि परमेश्‍वरं धयादिल, “झीसं मनूतय्‌त झीगु हे ख्‍वाःलसि वय्‌क झीपिं थें हे च्‍वंक दय्‌के। इमिसं फुक्‍क पृथ्वी व पृथ्वी च्‍वंपिं जीवजन्‍तुतय्‌त अधिकार याइ।”

![](https://cdn.door43.org/obs/jpg/360px/obs-en-01-10.jpg)

अय्‌जूगुलिं परमेश्‍वरं बँय्‌च्‍वंगु चा कयादिल अले उकियात मनू दय्‌कादिल, अले उकि जीवनया सासः थनाबिल। व मनूयागु नां आदम खः। परमेश्‍वरं छगू क्‍यब दय्‌कादिल अन आदम च्‍वने फुगु खः। क्‍यबयागु बिचाः यायेत परमेश्‍वरं वयात अन तयादिल।

![](https://cdn.door43.org/obs/jpg/360px/obs-en-01-11.jpg)

क्‍यबया दथुइ, परमेश्‍वरं निम्‍हा बिशेष सिमात पिनादिल- जीवनया सिमा अले भिं व मभिंया ज्ञान बीगु सिमा। परमेश्‍वरं आदमयात धयादिल, अन दुगु फुक्‍क सिमाया फलत संका मयासे नयेफु अय्‌नं भिं व मभिंया ज्ञान बीगु सिमाया फल धाःसा नये मते। छुं जुया वं व फल नल धाःसा व सीगु खः।

![](https://cdn.door43.org/obs/jpg/360px/obs-en-01-12.jpg)

अले परमेश्‍वरं धयादिल, “मनूयात याकःचा च्‍वनेगु बांलाः मजू।” अय्‌नं अन दुपिं सुं नं पशुत आदमयात ग्‍वाहालि याइपिं जुइ मफुत।

![](https://cdn.door43.org/obs/jpg/360px/obs-en-01-13.jpg)

अथे जुयाः परमेश्‍वरं आदमयात स्‍याक न्ह्यः वय्‌काबिल। अले परमेश्‍वरं आदमया बपि क्‍वँय्‌त मध्‍य छपु बपि क्‍वँय्‌कयादिल अले उकिं छम्‍ह मिसा दय्‌कादिल अले वयात आदमयाथाय्‌ हयादिल।

![](https://cdn.door43.org/obs/jpg/360px/obs-en-01-14.jpg)

आदमं वयात खंबलय्‌, लिपतय्‌वं धाल,“थ्‍व ला जिगु हे क्‍वँचं दुगु क्‍वँय्‌व लां दुगु ला खः।”

![](https://cdn.door43.org/obs/jpg/360px/obs-en-01-15.jpg)

परमेश्‍वरं मिजं व मिसायात थःगु ख्‍वाःलसि वय्‌कः दय्‌कादिल। वय्‌कलं इमित आशिष बिया धयादिल, “यक्‍व सन्‍तानत दय्‌की अले मचाखाचा यक्‍व दयाः पृथ्वीइ जायेमा।” अले पमरेश्‍वरं थःम्‍हं दय्‌कूगु दक्‍व चिजत खनाः वय्‌कःयात बांला ताल, अले थुपिं फुक्‍कपाखें वय्‌कः तसकं लय्‌तायादिल। थुपिं फुक्‍कया सृष्‍टि खुन्‍हुतक जूगु खः।

![](https://cdn.door43.org/obs/jpg/360px/obs-en-01-16.jpg)

न्‍ह्यय्‌न्‍हुया दिं वल, थुखुन्‍हु परमेश्‍वरं थम्‍हं फुक्‍क ज्‍यात सिधय्‌कादी धुंकूगु खः। अथे जुयाः वय्‌कलं थम्‍हं यानागु फुक्‍क ज्‍यापाखें आराम कयादिल। वय्‌कलं न्‍ह्यय्‌न्‍हुया दिंयात आशिष बियादिल अले पवित्र यानादिल, छाय्‌धाःसा उखुन्‍हु वय्‌कलं थःगु ज्‍यापाखें आराम कयादीगु खः। थुकथं परमेश्‍वरं फुक्‍क पृथ्वी व अन दुगु फुक्‍क चिजयात सृष्‍टि यानादिल।

*बाइबलया बाखं : उत्पत्ती १-२ अध्‍याय पाखें*

## 2. २. पृथ्वी पाप दुहां वःगु

https://openbiblestories.org/l/new/story-2/

![](https://cdn.door43.org/obs/jpg/360px/obs-en-02-01.jpg)

परमेश्‍वरं इमिगु हे निंतिं दय्‌कादीगु बांलाःगु क्‍यबय्‌ आदम व हव्‍वा तसकं लय्‌ताया च्‍वना च्‍वंगु खः। इपिं निम्‍हं वसः मदय्‌कः नांगा हे च्‍वना च्‍वंगु खः, अय्‌नं थ्‍व खँय्‌ इमित मछा धयागु हे मदु, छाय्‌धाःसा पृथ्वी छुं नं पाप मदु। इपिं अप्‍वः याना क्‍यबय्‌ चाहिलेगु व परमेश्‍वरनापं खलाःबलाः यायेगु याना च्‍वनिगु खः।

![](https://cdn.door43.org/obs/jpg/360px/obs-en-02-02.jpg)

अय्‌नं व क्‍यबय्‌ छम्‍ह तसकं चलाखम्‍ह ताहाः दु। व ताहाः नं मिसायात न्‍यन, “छु धात्‍थें हे परमेश्‍वरं क्‍यबय्‌च्‍वंगु छुं नं सिमाय्‌ च्‍वंगु फलत नये मते धयादीगु खः ला?”

![](https://cdn.door43.org/obs/jpg/360px/obs-en-02-03.jpg)

मिसां ताहाःयात लिसः बिल, “परमेश्‍वरं जिमित भिं व मभिंगु ज्ञान बीगु सिमायागु फल बाहेक मेगु फुक्‍क सिमायागु फल नसां ज्‍यू धयादीगु खः। परमेश्‍वरं जिमित धयादिल, छुं जुयाः छिमिसं व सिमायागु फल नल वा थिजक थ्यूसां नं छिपिं सी।”

![](https://cdn.door43.org/obs/jpg/360px/obs-en-02-04.jpg)

व ताहाःनं मिसायात धाल, “व सत्‍य मखु।

![](https://cdn.door43.org/obs/jpg/360px/obs-en-02-05.jpg)

मिसां व सिमाय्‌च्‍वंगु फल स्‍वये हे यइपुसे च्‍वंगु व नये ल्‍वःवनापुसे च्‍वंगु खन। अले वं ज्ञां कायेगु इच्‍छा यात अथे जुयाः वं क्‍यबय्‌ च्‍वंगु व सिमायागु फल खानाः नल। वं छुं फल थः नापं दुम्‍ह भाःतयात नं बिल, अले वं नं व फल नल।

![](https://cdn.door43.org/obs/jpg/360px/obs-en-02-06.jpg)

थुकथं छक्‍वलं हे इमिगु मिखा चाल, अले थःपिं नांगां जूगु इमिसं वाचाय्‌कल। इमिसं सिमा हःया लं सुयाः थःपिनिगु म्‍हं त्‍वपुइत स्‍वल।

![](https://cdn.door43.org/obs/jpg/360px/obs-en-02-07.jpg)

अनंलि मनू व वया कलाः नं परमेश्‍वर क्‍यबं जुयाः झायादीगु सः ताल। इपिं निम्‍हं परमेश्‍वरपाखें सुलाच्‍वन। अले परमेश्‍वरं मनूयात सःता धयादिल, “छ गन दु?” आदमं लिसः बिल, “जिं छि क्‍यबय्‌ जुयाः झायादीगु सः ताःगु खः, अले जि ग्‍यात, छाय्‌धाःसा जि नांगाम्‍ह खः। अथे जुयाः जि सुला च्‍वना।

![](https://cdn.door43.org/obs/jpg/360px/obs-en-02-08.jpg)

अले परमेश्‍वरं मनूयात न्‍यनादिल,“छ नांगां धकाः सुनां धाल? जिं नये मते धकाः धयागु फल छं नया ला? मनुखं लिसः बिल, “छिं जिलिसे तयेहःम्‍ह मिसां जितः व फल बिहल।” अले परमेश्‍वरं मिसायात न्‍यन,“छं थ्‍व छु यानागु? मिसां लिसः बिल, “व ताहाः नं जितः झंगःलात।”

![](https://cdn.door43.org/obs/jpg/360px/obs-en-02-09.jpg)

परमेश्‍वरं ताहाःयात धयादिल, “छन्‍त सराः लाःगु दु।

![](https://cdn.door43.org/obs/jpg/360px/obs-en-02-10.jpg)

अनंलि परमेश्‍वरं मिसायात धयादिल, “जिं छन्‍त मचाबू ब्यथा अज्‍ज अप्‍वय्‌काबी। अय्‌नं छंगु इच्‍छा भाःतपाखे हे क्‍वसालाच्‍वनी अले वं छन्‍त अधिनय्‌तइ।”

![](https://cdn.door43.org/obs/jpg/360px/obs-en-02-11.jpg)

परमेश्‍वरं मनूयात धयादिल, “छं थः कलाःया खँ न्‍यना जिगु आज्ञा मानय्‌मयागुलिं छंगु कारणं थ्‍व बुंइ सराः लाःगु दु। छं तसकं दुःख सिया ज्‍यायाना नयेमालि। अनंलिपा छ सी, अले छ चाय्‌हे मिलय्‌जुइ।” व मनुखं थः कलाःया नां हव्‍वा तल, गुकिया अर्थ “जीवन बीगु” खः, छाय्‌धाःसा वयात फुक्‍क जातिया मा धकाः धायेगु याइ। अले परमेश्‍वरं आदम व हव्‍वायात पशुया छेंगूया लँ सुया पुंकादिल।

![](https://cdn.door43.org/obs/jpg/360px/obs-en-02-12.jpg)

अले परमेश्‍वरं धयादिल,“आः मनूत नं झीपिं थें भिं व मभिं स्‍यूम्‍ह जुइ धुंकल”, अथे जुयाः इमिसं जीवनया सिमाया फल नया सदां म्‍वाना मच्‍वनेमा धकाः परमेश्‍वरं आदम व हव्‍वायात व तसकं बांलाःगु क्‍यबं पितिनादिल। परमेश्‍वरं जीवनया सिमाय्‌ पाः च्‍वनेत तसकं शक्तिं जापिं स्‍वर्गदूतय्‌त क्‍यबया मू ध्‍वाखाय्‌ पिवाःकथं तयादिल।

*बाइबलया बाखं : उत्पत्ति ३ अध्‍याय पाखें*

## 3. ३. खुसिबाः वःगु

https://openbiblestories.org/l/new/story-3/

![](https://cdn.door43.org/obs/jpg/360px/obs-en-03-01.jpg)

यक्‍व ई लिपा, संसारय्‌ यक्‍व अप्‍वः मनूत दयावल। उपिं तसकं मभिंपिं व स्‍याये पाले याइपिं जुया वःगु खः। उपिं तसकं हे मभिंना वल, अथे जुयाः परमेश्‍वरं फुक्‍क पृथ्‍वी तःधंगु खुसिबाः छ्‌वया हयाः इमित नाश यायेगु क्‍वछिनादिल।

![](https://cdn.door43.org/obs/jpg/360px/obs-en-03-02.jpg)

अय्‌नं नोआयात धाःसा परमेश्‍वरं कृपा यानादिल। उपिं मभिंपिं मनूतय्‌गु दथुइ व छम्‍ह जक धर्मीम्‍ह मनू दु। परमेश्‍वरं थःम्‍हं छ्वयाहयेत्‍यंगु खुसिबाःया खँ नोआयात धयादिल। वय्‌कलं नोआयात छगू तःधंगु जहाज दय्‌केत धयादिल।

![](https://cdn.door43.org/obs/jpg/360px/obs-en-03-03.jpg)

परमेश्‍वरं नोआयात लगभल सच्‍छि व पीगू मिटर ताहाःगु (१४०), नीस्‍वंगू (२३) मिटर ब्‍याः दुगु, व झिंस्‍वंगू व बागू (१३.५) मिटर तःजागु जहाज दय्‌केत धयादिल। नोआनं व जहाज यात सिँयागु स्‍वतं याना उकि यक्‍वः क्‍वथात, प्‍वल व झ्‍याःत दय्‌कल। अले व जहाजय्‌ नोआ, वया छेँजः व फुक्‍ककथंया बँय्‌च्‍वनिपिं पशुत खुसिबाःया ईलय्‌ म्‍वायेमाःगु खः।

![](https://cdn.door43.org/obs/jpg/360px/obs-en-03-04.jpg)

नोआं परमेश्‍वरया आज्ञा मानय्‌ यात। नोआ व वया स्‍वम्‍ह काय्‌पिन्‍सं परमेश्‍वरं धाथें हे याना जहाज दय्‌कल। जहाज तसकं तःधं जूगुलिं उकियात दय्‌केगु निंतिं यक्‍व दँ लगय्‌जुल। नोआं मनूतय्‌त खुसिबाः वइगु ख्‍याच्‍वः बिल अले इमित परमेश्‍वरयाथाय्‌ लिहांवयेगु निंतिं सुचं बिल, अय्‌नं इमिसं वयागु खँयात पत्‍याः मयात।

![](https://cdn.door43.org/obs/jpg/360px/obs-en-03-05.jpg)

परमेश्‍वरं नोआयात, वया छेंजःपिन्‍त व पशूतय्‌त माःगु नयेगु नसा मुंके धकाः धयादिल। फुक्‍क खँ तयार जुइ धुंकाः परमेश्‍वरं नोआयात आः ई वये धुंकूगु दु धयादिल अले व, वया कलाः, वया स्‍वम्‍ह काय्‌पिं अले इमि कलापिं फुक्‍कसित जहाज य्‌ दुने दुहां वनेत धयादिल। (इपिं फुक्‍कंयाना च्‍याम्‍ह दुगु खः)।

![](https://cdn.door43.org/obs/jpg/360px/obs-en-03-06.jpg)

परमेश्‍वरं फुक्‍क कथंया पशुपंछितय्‌ मिजंम्‍ह व मिसाम्‍ह छज्‍वः छज्‍वः याना नोआयाथाय्‌ छ्वयादिल छाय्‌धाःसा खुसिबाःया ईलय्‌ जहाज य्‌ इपिं फुक्‍कं बचय्‌ जुइमा। वय्‌कलं बलिया निंतिं माःगु फुक्‍क कथंया पशुपंछिया न्‍ह्य्‌ज्‍वः न्‍ह्य्‌ज्‍वः मिजंम्‍ह व मिसाम्‍ह याना छ्वयादिल। इपिं फुक्‍क जहाज य्‌ दुने दुहां वनेधुंका परमेश्‍वर थम्‍हं हे जहाज या ध्‍वाखा तिनादिल।

![](https://cdn.door43.org/obs/jpg/360px/obs-en-03-07.jpg)

अनंलि वा वयेगु शुरू जुल। पीन्‍हु व पीचातक वा वया हे च्‍वन। पृथ्‍वीया बँया तलं नं लः ग्‍वारा ग्‍वारां थाहां वल। दक्‍व हलिंम व ततःजाःगु पर्वतत नापं लखं त्‍वःपुल।

![](https://cdn.door43.org/obs/jpg/360px/obs-en-03-08.jpg)

बँय्‌च्‍वनिपिं दक्‍वं प्राणीत सित, अले जहाज य्‌ च्‍वंपिं मनूत व पशुपंछित जक म्‍वात। जहाज लखय्‌ ल्‍यंय्‌ ल्‍यंय्‌ हे पुया च्‍वन अले उकि दुने च्‍वंपिं दक्‍व लखं नाश जुइगुपाखें बचय्‌ जुल।

![](https://cdn.door43.org/obs/jpg/360px/obs-en-03-09.jpg)

वा वये दीगु न्‍याला तक नं जहाज लखय्‌ हे ल्‍यंय्‌ ल्‍यंय्‌ पुया च्‍वन अले उगु ईया दथुइ लः म्‍ह्वः जुया वन अले छन्‍हु जहाज छगू पहाडया च्‍वकाय्‌ वना दीत, अय्‌नं हलिंम उबलय्‌तक नं लखं त्‍वःपुया हे च्‍वन। स्‍वला लिपा मेमेगू पहाडया च्‍वकात नं खने दयावल।

![](https://cdn.door43.org/obs/jpg/360px/obs-en-03-10.jpg)

पीन्‍हु लिपा नोआं छम्‍ह क्‍वःयात लः म्‍ह्वः जुल कि मजु धकाः स्‍वयेत ब्‍वय्‌का छ्‌वत। क्‍वः ब्‍वया वना उखें थुखें चाहुला गंगु बँ माजुल अय्‌नं वं गननं गंगु बँ लुइके मफुत।

![](https://cdn.door43.org/obs/jpg/360px/obs-en-03-11.jpg)

लिपा हाकनं नोआं छम्‍ह सुकुभत्तु ब्‍वय्‌का छ्वल। अय्‌नं वं छुंनं गंगु बँ लुइके मफुत, अथे जुयाः व नोआयाथाय्‌ तुं लिहां वल। उकिया छवाः लिपा वं हाकनं छम्‍ह सुकुभत्तुयात पिने ब्‍वय्‌का छ्‌वल, अले वं थःगु त्‍वाथं जैतूनया छगू कचा ज्‍वनाः वल। लः म्‍ह्वः जुया वना च्‍वंगु खः अले वाउँचात व सिमात हाकनं खने दयावल।

![](https://cdn.door43.org/obs/jpg/360px/obs-en-03-12.jpg)

मेगू वाः लंच्‍वने धुंकाः नोआनं स्‍वक्‍वः खुसिइ व सुकुभत्तुयात पिने ब्‍वय्‌का छ्‌वल। थुपालय्‌ धाःसा वं च्‍वनेगुथाय्‌ लुइकल अले व जहाज य्‌ लिहां मवल। लः सुनां वने धुंकूगु खः।

![](https://cdn.door43.org/obs/jpg/360px/obs-en-03-13.jpg)

निला लिपा परमेश्‍वरं नोआयात धयादिल, “छ व छिमि छेँजःपिं, दक्‍व पशुपछिंत जहाचं पिने पिहां वनेफु। छिमिसं यक्‍व मचाखाचा दय्‌काः हाकनं पृथ्‍वी जया हुँ।” अले नोआ व वया छेँजःपिं जहाचं पिहां वन।

![](https://cdn.door43.org/obs/jpg/360px/obs-en-03-14.jpg)

जहाचं पिने पिहां वने धुंकाः नोआं परमेश्‍वरया निंतिं छगू वेदी दय्‌कल अले व वेदीइ बलिया निंतिं फ्याना तःपिं पशुत बलि बिल। परमेश्‍वर व बलिपाखें तसकं लय्‌तायादिल अले परमेश्‍वरं नोआ व वया छेँजःपिन्‍त आशिष बियादिल।

![](https://cdn.door43.org/obs/jpg/360px/obs-en-03-15.jpg)

परमेश्‍वरं बाचा यानादिल, “जिं हाकनं गुबलें नं मनूतय्‌गु मभिंगु ज्‍याया निंतिं थ्‍व पृथ्‍वीयात सराः बी मखु, वा खुसिबालं पृथ्‍वीयात नाश याये मखु, अथे जुसां मनूतय्‌गु नुगः विचाः मचांनिसें हे बांमला।

![](https://cdn.door43.org/obs/jpg/360px/obs-en-03-16.jpg)

अले परमेश्‍वरं बाचा चिनादीगु चिंकथं दकलय्‌न्‍हापां इन्‍द्रेणी दय्‌कादिल। गुबलय्‌ गुबलय्‌ सर्गय्‌ इन्‍द्रेणी खनेदइ, परमेश्‍वरं थः मनूत नापं चिनादीगु बाचायात लुमंकादी।

*बाइबलया बाखं : उत्‍पत्ति ६-८ पाखें*

## 4. ४. परमेश्‍वरं अब्राहामनापं बाचा चिनादीगु

https://openbiblestories.org/l/new/story-4/

![](https://cdn.door43.org/obs/jpg/360px/obs-en-04-01.jpg)

खुसिबाः वःगु यक्‍व दँलिपा, पृथ्‍वी मनूतय्‌गु ल्‍याः हाकनं अप्‍वः दयावल, अले इपिं सकसिनं छगू हे भासं खँ ल्‍हाइगु खः। अय्‌नं परमेश्‍वरया आज्ञाकथं ज्‍या याना पृथ्‍वी जाया वनेगु पलेसा इपिं सकलें मिलय्‌जुयाः छगू शहर दय्‌केगु कुतः यात।

![](https://cdn.door43.org/obs/jpg/360px/obs-en-04-02.jpg)

इपिं तसकं नुगः छाःपिं जुल, अले परमेश्‍वरं धयादीगु खँयात इमिसं वास्‍ता हे मयात। इमिसं स्‍वर्गय्‌ वनेगु निंतिं छगू तःधंगु धरहरा दय्‌केगु शुरू यात। थथे इमिसं थुकथं हे छप्‍पं जुया मभिंगु ज्‍या याना हे वन धाःसा इमिसं हाकनं अप्‍व मेगू मभिंगु ज्‍या याइ थें च्‍वंगु परमेश्‍वरं खंकादिल।

![](https://cdn.door43.org/obs/jpg/360px/obs-en-04-03.jpg)

अथे जुयाः परमेश्‍वरं इमिसं ल्‍हानाच्‍वंगु भाय्‌यात मेगू यक्‍व भाय्‌लय्‌ हिला ल्‍वाकबुक यानादिल अले मनूतय्‌त फुक्‍क पृथ्‍वी छ्यालब्‍याल यानादिल। इमिसं दय्‌के त्‍यंगु शहरया नां “बाबेल” खः, गुकिया अर्थ “अलमल जुइगु” खः।

![](https://cdn.door43.org/obs/jpg/360px/obs-en-04-04.jpg)

सछिदँ स्‍वया लिपा, परमेश्‍वर अब्राम नांयाम्‍ह छम्‍ह मनूनापं नवानादिल। परमेवश्‍वरं वयात धयादिल, “छं थःगु देश व थः छेँजःपिन्‍त त्‍वःता जिं क्‍यनेत्‍यनागु देशय्‌ हुँ। जिं छन्‍त आशिष बी अले छन्‍त बियागु थासय्‌ छगू तःधंगु देश दय्‌काबी। जिं छन्‍त फुक्‍क थासय्‌ नांजाःम्‍ह यानाबी। जिं छंगू नां तःधं यानाबी। जिं छन्‍त आशिष ब्‍यूपिन्‍त आशिष बी अले छन्‍त सराः ब्‍यूपिन्‍त सराः बी। पृथ्‍वी च्‍वंपिं फुक्‍क छेँजःपिन्‍स छंगू हुनिं आशिष काय्‌खनि।

![](https://cdn.door43.org/obs/jpg/360px/obs-en-04-05.jpg)

अले अब्रामं परमेश्‍वरया आज्ञा मानय्‌यात। वं थः कलाः साराइ, थः फुक्‍क च्‍यःत अले थःगु फुक्‍क चिजत ज्‍वनाः परमेश्‍वरं क्‍यनादिगु देश कनानपाखे वन।

![](https://cdn.door43.org/obs/jpg/360px/obs-en-04-06.jpg)

अब्राम कनान देशय्‌ थ्‍यनबलय्‌ परमेश्‍वरं धयादिल, “चाकःछिं मिखा ब्‍वया स्‍व। छ व छिमि सन्‍तानतय्‌त छं मिखां न्‍ह्याय्‌दक्‍व फुक्‍क देश पुर्खाया सम्‍पत्तिकथं जिं छन्‍त बी।” अले अब्राम व हे देशय्‌ च्‍वन।

![](https://cdn.door43.org/obs/jpg/360px/obs-en-04-07.jpg)

छन्‍हु, अब्रामं दक्‍वसिबय्‌ तःधंम्‍ह परमेश्‍वरया पूजाहारी मल्‍कीसेदकयात नापलात। मलकीसेदकं अब्रामयात आशिष बिया धाल, “सर्ग व पृथ्‍वीया थुवाः दक्‍वसिबय्‌ तःधंम्‍ह परमेश्‍वरं छन्‍त आशिष बियादीमा।” अले अब्रामं मल्‍कीसेदेकयात थःगु फुक्‍क सर्बय्‌या झिब्‍वय्‌छब्‍व बिल।

![](https://cdn.door43.org/obs/jpg/360px/obs-en-04-08.jpg)

यक्‍व दँ फुनावन अय्‌नं अब्राम व साराइया सुं नं सन्‍तान मदु। परमेश्‍वर अब्रामनापं नवाना हाकनं बाचा यानादिल, अब्राम छं छम्‍ह काय्‌ दइ अले वपाखें छं सन्‍तानत सर्गया नगुत थें हे दइ। अब्रामं परमेश्‍वरं यानादीगु बाचायात विश्‍वास यात। परमेश्‍वरं अब्रामयात धर्मी यानादिल छाय्‌धाःसा अब्रामं परमेश्‍वरं यानादीगु बाचायात विश्‍वास यात।

![](https://cdn.door43.org/obs/jpg/360px/obs-en-04-09.jpg)

अले परमेश्‍वरं अब्रामनापं छगू बाचा चिनादिल। बाचा निगूपंया दथुइ पक्‍का यायेगु चिं खः। परमेश्‍वरं धयादिल, “जिं छंगू हे शरिरपाखें छम्‍ह काय्‌ बी। कनान देश जिं छिमि सन्‍तानतय्‌गु निंतिं बी।” अय्‌नं अब्रामया आःतक नं छम्‍ह नं काय्‌मस्‍त मदु।

*बाइबलया बाखं : उत्पत्ति ११-१५ पाखें*

## 5. ५. बाचाया सन्तान

https://openbiblestories.org/l/new/story-5/

![](https://cdn.door43.org/obs/jpg/360px/obs-en-05-01.jpg)

कनानय्‌ च्‍वंवंगु झिदँ (१०) दय्‌कधुंका नं अब्राम व साराइया सुं नं सन्‍तान मदु। अथे जुयाः अब्रामया कलाः साराइनं वयात धाल, “परमेश्‍वरं जितः थारिम्‍ह यानादीगु दु अले आः मचाबुइकेगु निंतिं जि बुह्रि जुइधुंकल, अथे जुयाः जिमि भ्‍वातिं हागारनापं ब्‍याहा यानादिसँ अले वं जिगु निंतिं छम्‍ह सन्‍तान बुइकी।

![](https://cdn.door43.org/obs/jpg/360px/obs-en-05-02.jpg)

अथे जुयाः अब्रामं हागारनापं ब्‍याहा यात। हागारं छम्‍ह काय्‌ बुइकल, अले अब्राम्‍हं वयागु नां इश्‍माएल तल। अय्‌नं साराइनं हागारयात दाह याना हल। इश्‍माएल झिंस्‍वदँ (१३) दय्‌धुंका, परमेश्‍वर हाकनं अब्रामनापं नवानादिल।

![](https://cdn.door43.org/obs/jpg/360px/obs-en-05-03.jpg)

परमेश्‍वरं धयादिल, “जि दक्‍वसिबय्‌ बल्‍लाःम्‍ह परमेश्‍वर खः। जि छ नापं छगू बाचा चिने।” अले अब्रामं बँय्‌ भ्‍वसुला परमेश्‍वरयात भागीयात। परमेश्‍वरं हाकनं धयादिल, “छ यक्‍व देशया बौ जुइ। कनान देशयात जिं छ व छिमि सन्‍तानतय्‌गु ल्‍हातय्‌बियागु दु अले जि सदां छिमि परमेश्‍वर जुइ। छं थः छेँजःया फुक्‍क मिजंतय्‌गु खतना यायेमाःगु दु।” (थ्‍व यहूदीतय्‌गु छगू परम्‍परा खः। थ्‍व मिजंमस्‍तय्‌गु गुप्‍त अंगया च्‍वकाय्‌च्‍वंगु छेंगू ध्‍यनेगुयात खतना धाइगु खः।)

![](https://cdn.door43.org/obs/jpg/360px/obs-en-05-04.jpg)

छिमि कलाः साराइनं छम्‍ह काय्‌बुइकी - व धाःसा बाचायानातःम्‍ह सन्‍तान जुइ। छं वयागु नां इसहाक ती। वनापं जिं बाचा ची अले वयागु निंतिं छगू तःधंगु देश दइ। जिं इश्‍माएलयात नं तःधंगु देश बी अय्‌नं जिं जिगु बाचा धाःसा इसहाकनापं हे ची।” अनंलिपा परमेश्‍वरं अब्रामयागु नां अब्राहाम तयादिल, उकिया अर्थ यक्‍वसिया बौ खः। परमेश्‍वरं साराइया नां आः ‘सारा’ तयादिल, उकिया अर्थ “राजकुमारी” खः।

![](https://cdn.door43.org/obs/jpg/360px/obs-en-05-05.jpg)

उखुन्‍हु अब्राहामं थः छेँजःया फुक्‍क मिजंतय्‌गु खतना यानाबिल। अनंलि दछि लिपा, अब्राहाम सछि दँ व सारा गुइदँ दुबलय्‌ सारां अब्रामया निंतिं छम्‍ह काय्‌ बुइकल। परमेश्‍वरं धयादी थें हे इमिसं वयागु नां इसहाक तल।

![](https://cdn.door43.org/obs/jpg/360px/obs-en-05-06.jpg)

इसहाक मचाया ईलय्‌ हे परमेश्‍वरं अब्राहामया विश्‍वासयात जाँचय्‌ यानादिल अले धयादिल, “छिमि छम्‍ह हे जक काय्‌ इसहाकयात ज्‍वनाः हुँ अले वयात जिगु निंतिं बलि ब्‍यु।” अब्राहामं परमेश्‍वरं धयादीगु खँयात मानय्‌यात अले थः काय्‌यात बलि बीत तयार जुल।

![](https://cdn.door43.org/obs/jpg/360px/obs-en-05-07.jpg)

अब्राहाम व इसहाक वेदीपाखे वनाच्‍वंबलय्‌ इसहाकं न्‍यन, “अबु, झीके बलिया निंतिं सिँत ला दु अले भ्‍याःचा धाःसा ग्‍वलय्‌?” अब्राहामं लिसः बिल, “अय्‌ जिमि काय्‌ परमेश्‍वरं हे बलिया निंतिं भ्‍याःचा ज्वरय्‌यानादी।”

![](https://cdn.door43.org/obs/jpg/360px/obs-en-05-08.jpg)

उपिं वेदी दुथाय्‌ थ्‍यंबलय्‌ अब्राहामं थः काय्‌यात चित अले वयात वेदीइ तल। अब्राहामं थः काय्‌यात बलि बीत संबलय्‌ परमेश्‍वरं धयादिल, “आसे

![](https://cdn.door43.org/obs/jpg/360px/obs-en-05-09.jpg)

अन लिक्‍क अब्राहामं छम्‍ह भ्‍याःचा झालय्‌ तःक्‍यना च्‍वंगु खन। पमेश्‍वरं व भ्‍याःचायात इसहाकया पलेसा बलिया निंतिं अन तयादीगु खः। अब्राहाम लय्‌लय्‌ताया व भ्‍याःचायत बलि बिल।

![](https://cdn.door43.org/obs/jpg/360px/obs-en-05-10.jpg)

अले परमेश्‍वरं अब्राहामयात धयादिल, “छं जिगु निंतिं थःगु फुक्‍क चिज बीत तकं तयार जूगुलिं अले थः छम्‍ह हे जुक काय्‌यात नं ल्‍यंका मतःगुलिं जिं छन्‍त आशिष बीगु बाचा याये। छं सन्‍तानत सर्गय्‌ नगुत स्‍वया अप्‍व दइ। छं जिगु आज्ञा मानय्‌ यागुलिं, पृथ्‍वी फुक्‍क छेँजःतय्‌सं छं छेँजःतपाखें आशिष काय्‌खनि।

*बाइबलया बाखं : उत्‍पत्ति १६-२२ पाखें*

## 6. ६. परमेश्‍वरं इसहाकयात बियादिल

https://openbiblestories.org/l/new/story-6/

![](https://cdn.door43.org/obs/jpg/360px/obs-en-06-01.jpg)

अब्राहाम बुह्रा जुइधुंका वया काय्‌इसहाक छम्‍ह दक्‍व ज्‍याःसम्‍ह मनू जुइ धुंकूगु खः। अथे जुयाः अब्राहामं थः छम्‍ह च्‍यःयात अब्राहामया थथीतिपिं दुगु देशय्‌इसहाकया निंतिं छम्‍ह भम्चा हयाब्‍यु धकाः छ्वत।

![](https://cdn.door43.org/obs/jpg/360px/obs-en-06-02.jpg)

अब्राहामया थःथीतिपिं च्‍वनिगु देशय्‌ताःहाकःगु लँपुइ वने धुंकाः परमेश्‍वरं व च्‍यःयात रिबेका नांयाम्‍ह छम्‍ह मिसायाथाय्‌यंकादिल। व अब्राहामया किजाया छय्‌खः।

![](https://cdn.door43.org/obs/jpg/360px/obs-en-06-03.jpg)

रिबेका थः छेँजःयात त्‍वःता व च्‍यःनापं इसहाकया छेँय्‌वनेत मानय्‌जुल। व इसहाकया छेँय्‌थ्‍यने धुंकाः इसहाकं वनापं ब्‍याहा यात।

![](https://cdn.door43.org/obs/jpg/360px/obs-en-06-04.jpg)

यक्‍व ई लिपा, अब्राहाम सित अले परमेश्‍वरं वनापं बाचा याःगु फुक्‍क खँत आः इसहाकयापाखे सरय्‌ जुल। परमेश्‍वरं अब्राहामया अल्‍याख सन्‍तानत दइ धकाः बचं बियादीगु खः, अय्‌नं इसहाकया कला रिबेकाया छम्‍ह नं मस्‍त मदु।

![](https://cdn.door43.org/obs/jpg/360px/obs-en-06-05.jpg)

इसहाकं रिबेकाया निंतिं परमेश्‍वरयाके प्रार्थना यात, अले परमेश्‍वरं रिबेकाया प्‍वाथय्‌ निम्‍ह मचा बियादिल। उपिं निम्‍ह मचा रिबेकाया प्‍वथय्‌ हे थवंथवय्‌ ल्‍वायेगु यानाच्‍वन, अथे जुयाः रिबेकां परमेश्‍वरनापं थ्‍व छु जुया च्‍वंगु खः धकाः न्‍यन।

![](https://cdn.door43.org/obs/jpg/360px/obs-en-06-06.jpg)

परमेश्‍वरं रिबेकायात धयादिल, “छंगु प्‍वथाय्‌ दुने थुपिं निम्‍ह मचापाखें निगू देशत पिहां वइगु खः। इपिं देशत थथवय्‌ ल्‍वायेगु याइ अले जेठाम्‍ह काय्‌नं कान्‍छाम्‍ह काय्‌यागु सेवा याइ।”

![](https://cdn.door43.org/obs/jpg/360px/obs-en-06-07.jpg)

अले रिबेकां काय्‌ बुइकल, जेठाम्‍ह काय्‌ ह्याउँम्‍ह व म्‍ह छम्‍हं सँया सँ दुम्‍ह बुल अले इमिसं वयागु नां एसाव तल। अय्‌नं कान्‍छाम्‍ह धाःसा थःगु ल्‍हाः जेठाम्‍हय्‌सिगु ग्‍वालि ज्‍वनाः बुल अले इमिसं वयागु नां याकूब तल।

*बाइबलया बाखं : उत्‍पत्ती २४:१-२५:२६ पाखें*

## 7. ७. परमेश्‍वरं याकूबयात आशिष बियादीगु

https://openbiblestories.org/l/new/story-7/

![](https://cdn.door43.org/obs/jpg/360px/obs-en-07-01.jpg)

उपिं मचात ब्‍वलना वल, याकूब छेँय्‌हे च्‍वने मंदुम्‍ह खः, अय्‌नं एसावयात धाःसा शिकार यावने मंदुम्‍ह खः। रिबेकां याकूबयात तसकं हे माया याइगु खः, अय्‌नं इसहाकं एसावयात माया याइगु यात।

![](https://cdn.door43.org/obs/jpg/360px/obs-en-07-02.jpg)

छन्‍हु, एसव शिकार याना छेँय्‌ लिहां वल, अले वयात तसकं हे नयेमास्‍ति वल। एसावं याकूबयात धाल, “छं दय्‌कागु छुं नयेगु नसा जितः नं ब्‍यु?” याकूबं लिसः बिल, “न्‍हापालाक जितः छिगु तःधिम्‍ह काय्‌या अधिकार बियादिसँ।” अले एसावं थःगु तःधिम्‍ह काय्‌या अधिकार याकूबयात बिल अले याकूबं वयात छुं नयेगु नसा बिल।

![](https://cdn.door43.org/obs/jpg/360px/obs-en-07-03.jpg)

इसहाकं थःगु आशिष एसावयात बीगु इच्‍छा यानाच्‍वंगु खः। अय्‌नं वं अथे याये न्‍ह्यः, रिबेका व याकूब मिलय्‌जुयाः याकूबयात एसाव थें हे च्‍वंक दय्‌काः इमिसं इसहाकयात ध्‍वंलात। इसहाक बुह्रा जुइधुंकूम्‍ह ख अले मिखां मखने धुंकूम्‍ह खः। याकूबं एसावयागु लं फित अले च्‍वतय्‌चियागु छेंगुलिं गपतय्‌व ल्‍हातय्‌भुना ब्‍यूगु खः।

![](https://cdn.door43.org/obs/jpg/360px/obs-en-07-04.jpg)

याकूब इसहाकयाथाय्‌ वल अले धाल, “जि एसाव खः। जि छिके आशिष फ्वने वयाम्‍ह खः।” इसहाकं च्‍वलेचिया सँयात थिया स्‍वल अले वं फिनांतःगु लं नतुना स्‍वल, व एसाव हे जुइमा धकाः वं बिचाः यात।

![](https://cdn.door43.org/obs/jpg/360px/obs-en-07-05.jpg)

एसावं याकूबयात घृणा याइगु खः छाय्‌धाःसा याकूबं वयागु तःधिम्‍ह अधिकार व वयागु आशिष लाका काःगु खः। अथे जुयाः वं थः अबु सीधुंका याकूबयात स्‍यायेगु ग्‍वसा ग्‍वल।

![](https://cdn.door43.org/obs/jpg/360px/obs-en-07-06.jpg)

अय्‌नं एसावं याकूबयात स्‍यायेगु ग्‍वसा ग्वःगु दु धयागु खँ रिबेकां सिकल। अथे जुया इसहाक व रिबेकां याकूबयात इपिं च्‍वना च्‍वंगु थासं तापाक्‍क इमि थथितिपिन्‍थाय्‌छ्वयाबिल।

![](https://cdn.door43.org/obs/jpg/360px/obs-en-07-07.jpg)

याकूब यक्‍व दँतक रिबेकाया छेँजःपिं नापं तुं च्‍वन। उगु इलय्‌वं ब्‍याहा यात अले वया झिंनिम्‍ह काय्‌पिं व छम्‍ह म्‍ह्याय्‌दत। परमेश्‍वरं वयात तसकं तःमि यानादीगु खः।

![](https://cdn.door43.org/obs/jpg/360px/obs-en-07-08.jpg)

नीदँतक थःगु छेँ कनान स्‍वया तपाक्‍क च्‍वने धुंकाः याकूब थः छेँजःपिं, थः च्‍यःत व थःगु फुक्‍क पशुत ज्‍वनाः हाकनं कनानय्‌तुं लिहां वल।

![](https://cdn.door43.org/obs/jpg/360px/obs-en-07-09.jpg)

याकूब तसकं ग्‍याना च्‍वंगु खः छाय्‌धाःसा एसावं वयात स्‍यायेगु इच्‍छा यानाच्‍वंगु दु धकाः वं बिचाः याःगु दु। अथे जुयाः याकूबं यक्‍व पशुत उपहारकथं एसावयाथाय्‌ छ्‌वःया ब्‍यूगु खः। उपिं पशुत ज्‍वनाःवंपिं च्‍यःतय्‌सं एसावयात धाल, “छिकपिनि च्‍यः, याकूबं छिगु निंतिं थुपिं पशुत बिया छ्‌वयाहःगु दु। वय्‌कः याकनं हे झायदीत्‍यंगु दु।”

![](https://cdn.door43.org/obs/jpg/360px/obs-en-07-10.jpg)

अय्‌नं न्‍हापा हे एसावं याकूबयात क्षमा बी धुंकूगु खः अले इपिं निम्‍हं थथवय्‌ नापलाय्‌ दुगुलिं इपिं तसकं लय्‌ताः। परमेश्‍वरं अब्राहामयात बाचा बियादीगु खँत आ इसहाकपाखें याकूबयाके सरय्‌जुल।

*बाइबलया बाखं : उत्‍पत्ति २५:२७-३३:२० पाखें*

## 8. ८. परमेश्‍वरं योसेफ व वया छेँजःपिन्‍त बचय्‌यानादिल

https://openbiblestories.org/l/new/story-8/

![](https://cdn.door43.org/obs/jpg/360px/obs-en-08-01.jpg)

योसेफया दाजुपिन्‍सं वयात घृणा यात छाय्‌धाःसा इपिं मध्‍ये वया थः अबुं योसेफयात तसकं माया याइगु खः अले योसेफं थः इमि शासक जूगु म्‍हगस खंगु खः। योसेफ वया दाजुपिन्‍थाय्‌ थ्‍यंबलय्‌वयात इमिसं ज्‍वनाः यंकल अले योसेफयात च्‍यःतय्‌गु व्‍यापार याइपिनिगु ल्‍हातय्‌ मियाछ्वत।

![](https://cdn.door43.org/obs/jpg/360px/obs-en-08-02.jpg)

यक्‍व दँ लिपा, याकूब बुह्रा जुइ धुंकूगु खः, याकूबं थःत तसकं माया वंम्‍ह काय्‌ योसेफयात पशुत झ्‍वयाच्‍वंपिं थः दाजुपिन्‍थाय्‌ स्‍वया वा धकाः छ्वत।

![](https://cdn.door43.org/obs/jpg/360px/obs-en-08-03.jpg)

योसेफया दाजुपिन्‍सं छेँय्‌लिहां वये न्‍ह्यः योसेफया लं खुत अले वयात च्‍वलय्‌या हिइ बुत्तुबुलाबिल। अले इमिसं भान्‍तां लं हया थः अबुयात क्‍यन छाय्‌धाःसा इमि अबुम्‍हं योसेफयात गुँ पशुतय्‌सं स्‍यात जुइमा धकाः बिचाः यायेमा धकाः अथे याःगु खः। थ्‍व खनाः याकूब तसकं दुःखी जुल।

![](https://cdn.door43.org/obs/jpg/360px/obs-en-08-04.jpg)

उपिं च्‍यःत व्‍यापारीतय्‌सं योसेफयात मिश्र देशय्‌यंकल। मिश्र देश नील खुसिया लिक्‍क ला, थ्‍व तसकं हे तःधंगु व शक्तिं जाःगु देश खः। उपिं व्‍यापारीतय्‌सं योसेफयात छम्‍ह धनिम्‍ह सरकारी कर्मचारीया ल्‍हातय्‌ मियाबिल। योसेफं थः मालिकयात बांलाक बिचाःसंचाः यात अले परमेश्‍वरं वयात आशिष बियादिल।

![](https://cdn.door43.org/obs/jpg/360px/obs-en-08-05.jpg)

योसेफया मालिकया कलाः योसेफनापं द्यनेगु इच्‍छा याःगु खः तर परमेश्‍वरया विरोधय्‌ थुकथं पाप यायेत इन्‍कार यात। अथे जुयाः थः मालिकया कलाः तसकं तम्‍वल अले योसेफया विरोधय्‌ मखुगु दोष लगय्‌यात, अथे जुयाः योसेफयात ज्‍वनाः झ्‍यालखानाय्‌ कुनाबिल। झ्‍यालखानाय्‌ च्‍वंबलय्‌नं योसेफं परमेश्‍वरयाके भलसा तया हे च्‍वन अले परमेश्‍वरं योसेफयात आशिष बियादिल।

![](https://cdn.door43.org/obs/jpg/360px/obs-en-08-06.jpg)

निदँलिपा, दोष मदुम्‍ह जूसां नं योसेफयात उबलय्‌ तक नं झ्‍यालखानय्‌ तयातल। छन्‍हु चान्‍हय्‌ मिश्रीतय्‌ जुजु फारों निगू म्‍हगस खन अले उकिं वयात तसकं हे दुःख बियाच्‍वन। जुजुया सुं नं सल्‍लाहबीपिंन्‍सं वया म्‍हगसया अर्थ कने मफुत।

![](https://cdn.door43.org/obs/jpg/360px/obs-en-08-07.jpg)

परमेश्‍वरं योसेफयात म्‍हगसया अर्थ कनेगु वरदान बियादीगु खः, अथे जुयाः फारों योसेफयात झ्‍यालखानाय्‌सःतके छ्वत। योसेफं म्‍हगसया अर्थ थुकथं कनाबिल, “परमेश्‍वरं थनि न्‍हय्‌दँतक देशय्‌तसकं अन्‍न सय्‌कादी अले अनंलिपा न्‍हय्‌दँतक देशय्‌अनिकाल जुइ।”

![](https://cdn.door43.org/obs/jpg/360px/obs-en-08-08.jpg)

योसेफ खनाः परमेश्‍वर तसकं लय्‌तायादिल अथे जुयाः वयात फुक्‍क मिश्र देशयाम्‍ह जुजु स्‍वया क्‍वय्‌ च्‍वंम्‍ह तसकं शक्तिं जाःम्‍ह मनू कथं ल्‍ययादिल।

![](https://cdn.door43.org/obs/jpg/360px/obs-en-08-09.jpg)

योसेफं मनूतय्‌त न्‍हय्‌दँतक यक्‍व अन्‍न मुंके धकाः धाल। अले न्‍हय्‌दँया अनिकालया ईलय्‌ योसेफं उपिं अन्‍न मनूतय्‌गु निंतिं नयेत गाक्‍व दयेमा।

![](https://cdn.door43.org/obs/jpg/360px/obs-en-08-10.jpg)

अनिकाल मिश्र देशय्‌जक मजुसे कनान देशय्‌नं जूगु खः अन याकूब व वया छेँजःपिं च्‍वना च्‍वंगु खः।

![](https://cdn.door43.org/obs/jpg/360px/obs-en-08-11.jpg)

अथे जुयाः याकूबं थः जेठाम्‍ह काय्‌यात मिश्र देशय्‌वनाः अन्‍न कयाहिं धकाः छ्‌वत। दाजुपिं मिश्रदेशय्‌ अन्‍न न्‍यावंबलय्‌ इमिसं योसेफयात म्‍हमसिल, अय्‌नं योसेफं धाःसा इमित म्‍हस्‍यु।

![](https://cdn.door43.org/obs/jpg/360px/obs-en-08-12.jpg)

अले थः दाजुपिनिगु जीवनय्‌ ह्युपा वःगु दु कि मदु धकाः जाँचय्‌ याये धुंकाः योसेफं धाल, “जि छिकपिनि किजा योसेफ खः, ग्‍याये मते। छिकपिन्‍सं जितः च्‍यःकथं मिया मभिंगु ज्‍या यायेत स्‍वल, अय्‌नं परमेशवरं मभिंगु ज्‍यायात भिंगु ज्‍याय्‌ छ्यलादिल। झासँ अले छिकपिं सकलें मिश्र देशय्‌हे च्‍वनादिसँ अले जिं छिकपिन्‍त नयेत गाक्‍व अन्‍न बी फयेमा।”

![](https://cdn.door43.org/obs/jpg/360px/obs-en-08-13.jpg)

योसेफया दाजुपिं छेँय्‌लिहां वन अले योसेफ आःतक नं म्‍वाना हे च्‍वंगु दु धकाः थःअबु याकूबयात न्‍यंकल, अले याकूब तसकं लय्‌ताल।

![](https://cdn.door43.org/obs/jpg/360px/obs-en-08-14.jpg)

याकूब बुह्रा जुइधुंकूसां नं थः फुक्‍क छेँजःपिं ज्‍वनाः व मिश्र देशय्‌वन अले अन हे च्‍वन। सी न्‍ह्यः याकूबं थः फुक्‍क काय्‌पिन्‍त आशिष बिल।

![](https://cdn.door43.org/obs/jpg/360px/obs-en-08-15.jpg)

परमेश्‍वरं अब्राहामयात बाचा यानादीगु खँत अब्राहामपाखें इसहाकयाके सरय्‌जुल अले याकूबपाखें वया झिनिम्‍ह काय्‌पिं व वया छेँजःपिन्‍के सरय्‌जुल। उपिं झिंनिम्‍ह काय्‌पिनि सन्‍तानतपाखें हे इस्राएलय्‌झिंनिगू (१२) कुल दत।

*बाइबलया बाखं : उत्‍पत्ति ३७-५० पाखें*

## 9. ९. परमेश्‍वरं मोशायात सःतादीगु

https://openbiblestories.org/l/new/story-9/

![](https://cdn.door43.org/obs/jpg/360px/obs-en-09-01.jpg)

योसेफ सीधुंका, वया फुक्‍क थथितित मिश्र देशय्‌ च्‍वनेगु यात। वया सन्‍तानत नं यक्‍व दँतक अन हे च्‍वनेगु यात अले इमि यक्‍व सन्‍तान दत। इमित ‘इस्राएली’ धकाः धायेगु यात।

![](https://cdn.door43.org/obs/jpg/360px/obs-en-09-02.jpg)

यक्‍व दँलिपा इस्राएलीत ल्‍याखय्‌ तसकं अप्‍वया वनेधुंकूगु खः। मिश्रीतय्‌सं योसेफ व वं इमिगु निंतिं याःगु फुक्‍क बांलाःगु ज्‍यात ल्‍वमने धुंकूगु खम। इपिं इस्राएलीत खनाः ग्‍यात छाय्‌धाःसा इमिगु ल्‍याखय्‌ तसकं हे अप्‍वः दया वयेधुंकूगु खः। अथे जुयाः उगु ईलय्‌ मिश्र देशय्‌ राज्‍य यानाच्‍वंम्‍ह फारों इस्राएलीतय्‌त मिश्रीतय्‌ च्‍यः यानाबिल।

![](https://cdn.door43.org/obs/jpg/360px/obs-en-09-03.jpg)

मिश्रीतय्‌सं इस्राएलीतय्‌त यक्‍व छेँत व शहरत तकं दय्‌के बिल। तसकं थाकूगु ज्‍यां याना इमिगु जीवनय्‌ झन अप्‍वः थाकुका बिल, अय्‌नं परमेश्‍वरं इमित आशिष बियादिल, अले इमि सन्‍तानत झन ल्‍याखय्‌ अप्‍वया वन।

![](https://cdn.door43.org/obs/jpg/360px/obs-en-09-04.jpg)

इस्राएलीतय्‌सं यक्‍व हे मस्‍त बुइका च्‍वंगु फारों खन, अथे जुयाः वं थः मनूतय्‌त फुक्‍क इस्राएलीतय्‌ नकतिनी बूपिं काय्‌पिन्‍त नील खुसिइ वांछ्वया स्‍यानाब्‍यु धकाः उजं बिल।

![](https://cdn.door43.org/obs/jpg/360px/obs-en-09-05.jpg)

सुं छम्‍ह इस्राएली मिसां छम्‍ह काय्‌ बुइकल। व मिसां व वया भाःतं थपिन्‍सं फक्‍व ई व मचायात सुचुका तल।

![](https://cdn.door43.org/obs/jpg/360px/obs-en-09-06.jpg)

व मचाया मांबौंन वयात अनंलिपा यक्‍व ई सुचुके मफुगुलिं वयात स्‍यायेगु पाखें बचय्‌यायेत इमिसं छगः पिचा दय्‌काः मचायात उकि दुने तया नील खुसि सिथय्‌ न्‍हाय्‌पंमाया झाया दथुइ लः दुथाय्‌ तयाबिल। मचाया तताम्‍हय्‌सिनं वयात छुं जुइला धकाः पिया स्‍वयाच्‍वन।

![](https://cdn.door43.org/obs/jpg/360px/obs-en-09-07.jpg)

फोरोया म्‍ह्याय्‌नं व पिचायात खन अले उकि छु दु धकाः चाय्‌का स्‍वल। अले वं मचायात खन वं मचायात थः काय्‌थें हे भापिया यंकल। फारोया म्‍ह्याय्‌नं छम्‍ह इस्राएली मिसायात व मचाया सुसाःकुसाः यायेगु निंतिं ध्‍यबा बिया तल अय्‌नं व मिसां मचाया थः हे मां खः धयागु खँ फोरोया म्‍ह्याय्‌नं मस्‍यु। अले व मचा दुरूं वाये धुंकाः भतिचा तःधिकः जुइ धुंकाः व मिसां मचायात फारोया म्‍ह्याय्‌याथाय्‌ छ्‌वयाबिल अले वं मचायागु नां मोशा तल।

![](https://cdn.door43.org/obs/jpg/360px/obs-en-09-08.jpg)

छन्‍हु, मोशा तःधिकः जुइधुंकूगु खः। छम्‍ह मिश्रीं छम्‍ह इस्राएली च्‍यःयात दाया च्‍वंगु मोशां खन। मोशां थः इस्राएली मनूयात बचय्‌ यायेत स्‍वल।

![](https://cdn.door43.org/obs/jpg/360px/obs-en-09-09.jpg)

मोशां थःत सुनानं खनि मखु धयागु बिचाः यात अले व मिश्रीयात याना अन हे तुं ल्‍हाकाबिल। अय्‌नं मोशां व मिश्रीयात स्‍याःगु सुं छम्‍हय्‌सिनं खंगु खः।

![](https://cdn.door43.org/obs/jpg/360px/obs-en-09-10.jpg)

फरों मोशां व मनूयात स्‍याःगु स्यूबलय्‌ वं मोशायात स्‍यायेत माला जुल। अथे जुयाः फरोया सेनापाखें बचय्‌ जुइगु निंतिं मोशा मिश्र देशं मरूभूमिइपाखे बिस्‍युं वन।

![](https://cdn.door43.org/obs/jpg/360px/obs-en-09-11.jpg)

मिश्रदेशं तापाक्‍क व मरूभूमिइ मोशा झवाः जुल। वं व थासाय्‌च्‍वंम्‍ह छम्‍ह मिसा नापं ब्‍याहा यात अले वया निम्‍ह काय्‌पिं दत।

![](https://cdn.door43.org/obs/jpg/360px/obs-en-09-12.jpg)

छम्‍हु मोशा थः फैत झ्‍वया च्‍वंबलय्‌ वं अन छगू च्‍याना च्‍वंगु झाःयात खन। अय्‌नं व च्‍याना च्‍वंगु झाः भस्‍मा जुया मवं। मोशां व च्‍याना च्‍वंगु झाया लिक्‍क वनाः क्‍वथीक स्‍वल। मोशा व झाःया लिक्‍क थ्‍यंबलय्‌ परमेश्‍वरं धयादिल, “मोशा, अय्‌ मोशा, छं थःगु लाकां त्‍वःति। छाय्‌धाःसा छ दनाः च्‍वंगु थाय्‌ पवित्रगु खः।”

![](https://cdn.door43.org/obs/jpg/360px/obs-en-09-13.jpg)

परमेश्‍वरं धयादिल, “जिं जिम्‍ह मनूतय्‌गु कष्‍ट खंगु दु। जिं छन्‍त फारोयाथाय्‌ छ्वये छाय्‌धाःसा छं इस्राएलीतय्‌त मिश्रीतय्‌गु ल्‍हातं त्‍वःतकाः हये। जिं इमित कनान देश बी, व देश जिं अब्राहाम, इसहाक व याकूबयात बी धकाः बाचा यनागु खः।”

![](https://cdn.door43.org/obs/jpg/360px/obs-en-09-14.jpg)

मोशां न्‍यन, “मनूतय्‌सं जितः सुनां छ्वया हःगु धकाः न्‍यन धाःसा, जिं छु धायेगु?” परमेश्‍वरं धयादिल, “जि सु खः व हे खः। इमित थथे धा, ‘जि सु खः व हे खः धाःम्‍हय्‌सिनं जितः छिमिथाय्‌ छ्वयाहःगु खः।’ इमित थथे नं धा, ‘जि याहोवे, छिमि पुर्खा अब्राहाम, इसहाक, व याकूबया परमेश्‍वर खः।’ सदांया निंतिं जिगु नां थ्‍व हे खः।”

![](https://cdn.door43.org/obs/jpg/360px/obs-en-09-15.jpg)

मोशा ग्‍याःगु खः अले व फारोयाथाय्‌ वनेगु इच्‍छा याना च्‍वंगु मदु छाय्‌धाःसा वं बांलाक नवा मस धकाः बिचाः याःगु खः, अथे जुयाः परमेश्‍वरं मोशाया दाजु हारूनयात मोशायात ग्‍वाहालि यायेत छ्वयादिल। फारो तसकं नुगः छाम्‍ह खः धकाः परमेश्‍वरं मोशा व हारूनयात बांलाक होस या धकाः धयादिल।

*बाइबलया बाखं : प्रस्‍थान १-४ पाखें*

## 10. १०. झिगू विपत्तित

https://openbiblestories.org/l/new/story-10/

![](https://cdn.door43.org/obs/jpg/360px/obs-en-10-01.jpg)

मोशा व हारून फारोयाथाय्‌ वन। इमिसं धाल, “इस्राएलया परमेश्‍वरं थथे धयादीगु दु, ‘जिमि मनूतय्‌त वने ब्‍यु

![](https://cdn.door43.org/obs/jpg/360px/obs-en-10-02.jpg)

फारों इस्राएलीतय्‌त वने मब्‍यु, अथे जुयाः परमेश्‍वरं मिश्र देशय्‌ ग्‍यानापुगु झिगू विपत्तित छ्‌वयाहयादिल। परमेश्‍वरं उपिं विपत्तित पाखें फारोयात थः फारो व फुक्‍क मिश्रीतय्‌ द्यःत स्‍वया तसकं शक्तिदुम्‍ह खः धकाः क्‍यनादिल।

![](https://cdn.door43.org/obs/jpg/360px/obs-en-10-03.jpg)

परमेश्‍वरं नील खुसिया लःयात हि यानादिल, अय्‌नं फारों इस्राएलीतय्‌त वने मब्‍यु।

![](https://cdn.door43.org/obs/jpg/360px/obs-en-10-04.jpg)

परमेश्‍वरं मिश्र देय्‌न्‍यंकभनं ब्‍यांचायात छ्वयाहयादिल। फोरों मोशायात ब्‍यांचात चिकाः छ्वय्‌त बिन्‍ति यात। अय्‌नं फुक्‍क ब्‍यांचात सीधुंकाः फारों थःगु नुगः हाकनं तसकं छाकल अले इस्राएलीतय्‌त वने मबिल।

![](https://cdn.door43.org/obs/jpg/360px/obs-en-10-05.jpg)

अथे जुयाः परमेश्‍वरं भुयुपतितय्‌गु महामारी छ्वया हल। अनंलिपा वय्‌कलं भुजिंया पुचःत छ्वयाहायादिल। फारों मोशा व हारूनयात सःतके छ्वत अले फारों इमित धाल, महामारी वयेगु दित धाःसा जिं छिमित वने बी। अले मोशां प्रार्थना यात, परमेश्‍वरं फुक्‍क भुजिंत मिश्रदेशं चिकाछ्वयादिल। अय्‌नं फारों हाकनं थःगु नुगः छाकल अले इस्राएलीतय्‌त वने मब्‍यु।

![](https://cdn.door43.org/obs/jpg/360px/obs-en-10-06.jpg)

अनंलिपा परमेश्‍वरं मिश्रीतय्‌ फुक्‍क पशुतय्‌के महामारी छ्वयाहया इमित स्‍यानाबिल। अय्‌नं फारों नुगः छाका हे च्‍वन अले वं इस्राएलीतय्‌त वने मब्‍यु।

![](https://cdn.door43.org/obs/jpg/360px/obs-en-10-07.jpg)

अले परमेश्‍वरं मोशायात फारोया न्‍ह्यःने फसय्‌ नउ ह्वलाब्‍यु धयादिल। अले मोशां अथे हे यात, मिश्रीतय्‌गु म्‍हय्‌ तसकं दुःख बीगु कै खनेदत, अय्‌नं इस्राएलीतय्‌त धाःसा छुं नं मजु। परमेश्‍वरं फारोया नुगः अझ छाकादिल, अले फोरों इस्राएलीतय्‌त वने मब्‍यु।

![](https://cdn.door43.org/obs/jpg/360px/obs-en-10-08.jpg)

थथे जुइ धुंकाः लिपा परमेश्‍वरं प्‍वँ गाय्‌कादिल गुकिं मिश्रदेशया अप्‍वः थें अन्‍नबालियात नाश यानबिल अले पिने पिहां वनिपिं न्‍ह्याम्‍हय्‌सित नं प्‍वँ लना सित। फारों मोशा व हारूनयात सःतके छ्‌वत अले धाल, “जिं पाप यानागु दु। छिपिं थनं वनेफु।” अनंलि मोशां प्रार्थना यात अले सर्गं प्‍वँ गाय्‌गु दीत।

![](https://cdn.door43.org/obs/jpg/360px/obs-en-10-09.jpg)

अय्‌नं फारों हाकनं पाप यात अले थःगु नुगः छाकाः तुं च्‍वन। वं इस्राएलीतय्‌त त्‍वःता मछ्‌व।

![](https://cdn.door43.org/obs/jpg/360px/obs-en-10-10.jpg)

अथे जुयाः परमेश्‍वरं क्‍वःबुँइचात मिश्रदेश त्‍वपुक छ्वयाहयादिल। उपिं क्‍वःबुँइचातय्‌सं प्‍वँपाखें बचय्‌जूगु बालित नयाबिल।

![](https://cdn.door43.org/obs/jpg/360px/obs-en-10-11.jpg)

अले परमेश्‍वरं खिउँसे च्‍वंगु छ्‌वयाहयादिल गुगु स्‍वन्‍हुतक दया हे च्‍वन। व तसकं हे खिउँसे च्‍वंगु खः। अले मिश्रीत थःपिनिगु छेँ त्‍वःता पिने पिहां तकं वनेफइ मखु। अय्‌नं इस्राएलीत च्‍वनाच्‍वंगु थासय्‌धाःसा खिउँसे मच्‍वं।

![](https://cdn.door43.org/obs/jpg/360px/obs-en-10-12.jpg)

थुपिं गुगु विपत्तित दुइधुंका नं फारों इस्राएलीतय्‌त मिश्रदेशं वने मब्‍यु। फारों परमेश्‍वरया खँ मन्‍यंगु कारण आः वय्‌कलं दकलय्‌ लिपांगु विपत्ति छ्‌वया हयेगु ग्‍वसा ग्‍वयादिल। थ्‍व विपत्तिं धाःसा फारोया मनया हिका बिल।

*बाइबलया बाखं : प्रस्‍थान ५-१० पाखें*

## 11. ११. छुत्‍काराया नखः

https://openbiblestories.org/l/new/story-11/

![](https://cdn.door43.org/obs/jpg/360px/obs-en-11-01.jpg)

परमेश्‍वरं फारोयात अझनं वं इस्राएलीतय्‌त मिश्रदेशं वने मबिल धाःसा मनू व पशुया न्‍हापां बूम्‍ह सन्‍तानयात स्‍यानाबीगु ख्‍याच्‍वः बियादिल। फारों थ्‍व खँ न्‍यन अय्‌नं वं परमेश्‍वरयात विश्‍वास मया अले वय्‌कःया आज्ञा मानय्‌ मयात।

![](https://cdn.door43.org/obs/jpg/360px/obs-en-11-02.jpg)

परमेश्‍वरं वय्‌कःयात विश्‍वास यापिनिगु निंतिं थःम्‍ह जेठाम्‍ह सन्‍तानयात बचय्‌ याये फइगु छपु लँ बियादिल। फुक्‍क छेँजपाखें खुन मदुम्‍ह भ्‍याःचा ल्‍यया हयाः वायत स्‍याये माःगु खः।

![](https://cdn.door43.org/obs/jpg/360px/obs-en-11-03.jpg)

परमेश्‍वरं इस्राएलीतय्‌त भ्‍याःचाया हि कयाः इमिगु छेँया मू ध्‍वाखाय्‌ इलाब्‍यु, अले उकिया ला छुया सोडा मतःगु मरिनापं न धकाः धयादिल। अले हाकनं व नये धुंकाः इमित मिश्र देश त्‍वःतेगु निंतिं तयार जु धकाः नं वय्‌कलं धयादिल।

![](https://cdn.door43.org/obs/jpg/360px/obs-en-11-04.jpg)

इस्राएलितय्‌सं परमेश्‍वरं धयादी थें हे यात। बाचाईलय्‌ परमेश्‍वर मिश्र जुयाः झायादीबलय्‌ न्‍हापां बुपिं फुक्‍कसिया काय्‌यात स्‍यानादिल।

![](https://cdn.door43.org/obs/jpg/360px/obs-en-11-05.jpg)

फुक्‍क इस्राएलीतय्‌गु छेँया ध्‍वाखाय्‌ हि इलातःगु खः, अथे जुयाः परमेश्‍वरं उपिं छेँतय्‌त त्‍वःता झायादिल। उकि दुने च्‍वनाच्‍वंपिं फुक्‍क बचय्‌ जुल। भ्‍याःचाया हियागु हुनिं याना इपिं बचय्‌ जूगु खः। मिश्रीतय्‌ फुक्‍क जेठाम्‍ह काय्‌पिं सित, ज्‍वनाः झ्‍यालखानय्‌ कुनाः तःपिनि काय्‌पिं निसें फारोया जेठाम्‍ह काय्‌तक फुक्‍क सित। मिश्रदेशय्‌ यक्‍व मनूतय्‌त कष्‍ट जूगुलिं ख्‍वया हाला हःगु खः।

![](https://cdn.door43.org/obs/jpg/360px/obs-en-11-06.jpg)

अय्‌नं मिश्रीतय्‌सं परमेश्‍वरयात विश्‍वास मया अले इमिसं वय्‌कःया आज्ञा नं मानय्‌ मया। अथे जुयाः परमेश्‍वरं इमिगु छेँयत त्‍वःतामदी। परमेश्‍वरं मिश्रीतय्‌ न्‍हापां बूम्‍ह काय्‌पिं फुक्‍कसित स्‍यानादिल।

![](https://cdn.door43.org/obs/jpg/360px/obs-en-11-07.jpg)

व हे चान्‍हय्‌ फारों मोशा व हारूनयात सःता धाल, “इस्राएलीतय्‌त ज्‍वनाः थत्‍थें हे मिश्रदेश त्‍वःता हुँ।

![](https://cdn.door43.org/obs/jpg/360px/obs-en-11-08.jpg)

यहोशू बुह्रा जुइ धुंकाः वं इस्राएलया फुक्‍क मनूतय्‌त छथाय्‌ मुंकल। अले वं उपिं मनूतय्‌त सिनै पर्वतया इस्राएलीतनापं परमेश्‍वरं यानादीगु बाचायात मानय्‌ यायेमाःगु करंकाःगु खँयात लुमंकल। मनूतय्‌सं परमेश्‍वरया विश्‍वासयायेबहपिं जुइगु व वय्‌कःया व्‍यवस्‍था मानय्‌ यायेगु बाचा यात।

*बाइबलया बाखं यहोशू १-२४ पाखें*

## 12. १२. प्रस्थान

https://openbiblestories.org/l/new/story-12/

![](https://cdn.door43.org/obs/jpg/360px/obs-en-12-01.jpg)

इस्राएलीत मिश्रदेश त्‍वःता वने दुगुलिं तसकं हे लय्‌ताः। इपिं आः दास जुया च्‍वनेम्‍वाल अले इमित बाचा यानातःगु देशय्‌ वनाच्‍वंगु खः।

![](https://cdn.door43.org/obs/jpg/360px/obs-en-12-02.jpg)

परमेश्‍वरं न्‍हिनय्‌ सुपाँय्‌या तज्‍जाःगु थांपाखें इमित यंकिगु खः, व इमि न्‍ह्यः न्‍ह्यः वनेगु खः, अले चान्‍हय्‌ मिया थां खने दइगु खः। परमेश्‍वर सदां इपिं नापं च्‍वनादी अले यात्राया ईलय्‌ इमित लँ क्‍यनादिल। इस्राएलीतय्‌सं याये माःगु छगू हे जक ज्‍या इपिं परमेश्‍वरया ल्‍यू ल्‍यू वनेमाःगु खः।

![](https://cdn.door43.org/obs/jpg/360px/obs-en-12-03.jpg)

उकिया छुं ई लिपा, फारो व वया मनूतय्‌सं थःगु बिचाः हिकल अले इस्राएलीतय्‌त हाकनं थःपिनि दास यायेगु इच्‍छा यात। परमेश्‍वरं फारोया नुगः छाकाबिल छाय्‌धाःसा मनूतय्‌सं वय्‌कः हे छम्‍ह जक सत्‍य याहोवे परमेश्‍वर खः धयागु खनेमा, अले फारो व वया द्यःत स्‍वया तसकं हे बल्‍लाःम्‍ह खः धयागु खँ इमिसं सिके फयेमा।

![](https://cdn.door43.org/obs/jpg/360px/obs-en-12-04.jpg)

अथे जुयाः फारो व वया सिपाइँतय्‌सं इस्राएलीतय्‌त हाकनं थःपिनि दास यायेगु निंतिं इमित ल्‍यूत्तुलिया च्‍वन। इस्राएलीतय्‌सं मिश्री सिपाइँतय्‌सं इमित लिना च्‍वंगु खन, इमिसं थःत फारोया सिपाइँत व लाल समुदया दथुइ इपिं

![](https://cdn.door43.org/obs/jpg/360px/obs-en-12-05.jpg)

मोशां इस्राएलीतय्‌त धाल, “ग्‍याये मते

![](https://cdn.door43.org/obs/jpg/360px/obs-en-12-06.jpg)

अले परमेश्‍वरं सुपाँयया थांयात इस्राएलीत व मिश्रीतय्‌गु दथुइ तयादिल छाय्‌धाःसा मिश्रीतय्‌सं इस्राएलीतय्‌त मखनेमा धकाः खः।

![](https://cdn.door43.org/obs/jpg/360px/obs-en-12-07.jpg)

परमेश्‍वरं मोशायात वयागु ल्‍हाः समुद्र पाखे ल्‍ह्वना लःयात निब्‍व यानाबिल। अले परमेश्‍वरं जव व खवपाखे तःधंगु ग्‍वाफय्‌ हया समुद्रया दथुइ गंगु लँ दय्‌कादिल।

![](https://cdn.door43.org/obs/jpg/360px/obs-en-12-08.jpg)

इस्राएलीत गंगु बँय्‌ लःया पःखाःया दथुइ समुद्रय्‌ झ्‍वःलिकं वन।

![](https://cdn.door43.org/obs/jpg/360px/obs-en-12-09.jpg)

अले परमेश्‍वरं व सुपाँयात लँपाखें चिकादिल छाय्‌धाःसा मिश्रीतय्‌सं इस्राएलीत बिस्‍युं वना च्‍वंगु खनेमा धकाः खः। मिश्रीतय्‌सं इमित ल्‍यू वनेगु क्‍वःछित।

![](https://cdn.door43.org/obs/jpg/360px/obs-en-12-10.jpg)

अथे जुयाः इपिं समुद्रया लँपु जुया इस्राएलीतय्‌गु ल्‍यू ल्‍यू वन, अय्‌नं परमेश्‍वरं मिश्रीतय्‌त अलमल यानादिल अले इमिगु सलगया वःपिन्‍त दीकादिल। इपिं तसलं हाला थथे धाल, “बिस्‍युं वनेनु

![](https://cdn.door43.org/obs/jpg/360px/obs-en-12-11.jpg)

फुक्‍क इस्राएलीत आरामं समुद्रया उखेपाखे सिथय्‌ थ्‍यने धुंकाः, परमेश्‍वरं हाकनं मोशयात थःगु ल्हाः समुद्रपाखे स्‍वके धयादिल। वं अथे याबलय्‌ हाकनं समुद्र न्‍हापा गथे खः अथे हे जुल। सकलें मिश्री सिपाइँत लखय्‌ दुबिना सित।

![](https://cdn.door43.org/obs/jpg/360px/obs-en-12-12.jpg)

इस्राएलीतय्‌सं फुक्‍कं मिश्रत स्‍यूगु खंबलय्‌ इमिसं परमेश्‍वरयाके भलसा तल अले मोशा छम्‍ह अगमवक्ता खः धकाः विश्‍वास यात।

![](https://cdn.door43.org/obs/jpg/360px/obs-en-12-13.jpg)

इस्राएलीतय्‌सं तसकं उत्‍साह कया आनन्‍द मानय्‌ यात छाय्‌धाःसा परमेश्‍वरं इमित सीगु व दास जुया च्‍वनेगु पाखें बचय्‌ यानादीगु खः।

![](https://cdn.door43.org/obs/jpg/360px/obs-en-12-14.jpg)

इस्राएलीतय्‌त परमेश्‍वरं मिश्रतय्‌गु विरोधय्‌ त्‍याकादिल अले इमित दास जुयाच्‍वनेगु पाखें बचय्‌ यानादिल धयागु खँ लुमंकेगु निंतिं दँय्‌दसं छुत्‍काराया नखः मानय्‌ या धकाः धयादिल। इमिसं नखःया निंतिं छम्‍ह खुन मदुम्‍ह भ्‍याःचा स्‍याना उकियात सोडा मतःगु मरिनापं नया नखः हन।

*बाइबलया बाखं : प्रस्‍थान १२:३३-१५:२१ पाखें*

## 13. १३. इस्राएलतनापं परमेश्‍वरं बाचा चिनादीगु

https://openbiblestories.org/l/new/story-13/

![](https://cdn.door43.org/obs/jpg/360px/obs-en-13-01.jpg)

इस्राएलित लाल समुद्र छिनाः वने धुंकाः परमेश्‍वरं इमित मरूभूमिपाखे जुयाः सिनै पर्वतय्‌ यंकादिल। मोशां च्‍यानाच्‍वंगु झाःयात खंगु व हे पर्वत खः। मनूतय्‌सं पर्वतया क्‍वसं थथःगु पाल ग्वला।

![](https://cdn.door43.org/obs/jpg/360px/obs-en-13-02.jpg)

परमेश्‍वरं मोशा व इस्राएलया मनूतय्‌त धयादिल, “छुं जुया छिमिसं जिगु आज्ञा मानय्‌ यात व जिगु बाचायात मानय्‌ यात धाःसा छिपिं जिगु सर्बय्‌, पूजाहारीया छगू राज्‍य व छगू पवित्र जाति जुइ।

![](https://cdn.door43.org/obs/jpg/360px/obs-en-13-03.jpg)

स्‍वन्‍हु लिपा मनूतय्‌सं थःत आत्‍मिककथं तयार याये धुंकाः परमेश्‍वर नन्‍यागु सलं हावलासा, कुँ व तःधंगु सःनापं सिनै पर्वतया च्‍वकाय्‌ क्‍वहांझायादी। व पर्वतय्‌ मोशा जक थाहां वनेफु।

![](https://cdn.door43.org/obs/jpg/360px/obs-en-13-04.jpg)

अले परमेश्‍वरं वयात व बाचा बियादिल अले धयादिल, जि “याहोवे खः, छिमि परमेश्‍वर, गुम्‍हय्‌सिनं छिमित मिश्रदेशय्‌ दास जुया च्‍वंबलय्‌ बचय्‌ यानादिल। छिमिसं मेपिं सुं द्यःतय्‌त पुजा याये मते।”

![](https://cdn.door43.org/obs/jpg/360px/obs-en-13-05.jpg)

“छुं नं कथंयागु मुर्तित दय्‌के मते वा उकियात छिमिसं पुजा याये मते छाय्‌धाःसा जि याहोवे, डाहा याइम्‍ह परमेश्‍वर खः। जिगु नां म्‍वाय्‌कं म्‍वाय्‌कं काये मते। विश्रामबारयात पवित्रगु धकाः मानय्‌ यायेत ल्‍वमंके मते। छिमिसं खुन्‍हु (६) तक धाःसा न्‍ह्यागुं ज्‍या यायेफु अय्‌नं न्‍हय्‌नुया दिंखुन्‍हु धाःसा छिमिसं आराम कायेगु व जितः लुमंकेगु दिं खः।”

![](https://cdn.door43.org/obs/jpg/360px/obs-en-13-06.jpg)

छिमिसं थः मां-बौयात हनाबना या। सुयातं स्‍याये मते। व्‍यभिचार याये मते। खुया काये मते। मखुगु खँ ल्‍हाये मते। थः जःलाखःलाया छेँय्‌, कलाः, च्‍यःभ्‍वातिं, द्वहं, गधा व छुं खँय्‌ नं ल्‍वःवंके मते।”

![](https://cdn.door43.org/obs/jpg/360px/obs-en-13-07.jpg)

अले परमेश्‍वरं थुपिं झिगू आज्ञात निपा ल्‍वहँपौलय्‌ च्‍वयादिल अले उपिं मोशायात बियादिल। परमेश्‍वर मेमेगु नं यक्‍व व्‍यवस्‍था व नियमत मानय्‌ यायेत बियादिल। छुं जुया इमिसं उपिं व्‍यवस्‍था मानय्‌ यात धाःसा परमेश्‍वरं इमित आशिष बियादी अले इमित रक्षा यानादीगु बाचा यानादिल। छुं जुया इमि उपिं आज्ञात मानय्‌ मयात धाःसा इमित परमेश्‍वरं दण्द बियादीगु खः।

![](https://cdn.door43.org/obs/jpg/360px/obs-en-13-08.jpg)

परमेश्‍वरं इस्राएलितय्‌त थःम्‍हं इच्‍छा यानागु थें हे पाल दय्‌केत फुक्‍क्‍ खँया नमुना नं बियादिल। उकियात नापलायेगु पाल धकाः धायेगु याइ अले थुकि निगू क्‍वथात दु थुकियात छगू तःधंगु पर्दां छुतय्‌ यानातःगु दु। दक्‍वसिबय्‌ तःधंम्‍ह पुजाहारी जक उकि दुने च्‍वंगु क्वथाय्‌ दुहां वने दइगु खः, छाय्‌धाःसा परमेश्‍वर अन च्‍वनादीगु खः।

![](https://cdn.door43.org/obs/jpg/360px/obs-en-13-09.jpg)

सुनानं परमेश्‍वरया आज्ञायात त्‍वाःथुल धाःसा वं छम्‍ह पशु नापलायेगु पालया न्‍ह्यःने दुगु वेदीइ हयाः परमेश्‍वरयात बलिकथं छायेगु यायेमा। छम्‍ह पुजाहारीं व पशुयात स्‍यायेगु याइ अले उकियात वेदीइ तया छ्वय्‌काबीगु खः। बलि छाःगु पशुया हिं व मनूया पाप क्षमा जुइगु खः अले परमेश्‍वरया न्‍ह्यःने व मनू शुद्ध ठहरय्‌ जुइ। परमेश्‍वरं मोशया दाजु हारून व वया सन्‍तानयात पुजाहारी जुयेत ल्‍ययादिल।

![](https://cdn.door43.org/obs/jpg/360px/obs-en-13-10.jpg)

फुक्‍क मनूतय्‌त परमेश्‍वरं बियादीगु आज्ञा छम्‍ह हे जक परमेश्‍वरयात आराधना यायेगु अले उपिं वय्‌कःया विशेष मनूत खः धकाः मानय्‌ यायेत राजी जुल।

![](https://cdn.door43.org/obs/jpg/360px/obs-en-13-11.jpg)

यक्‍व दिंलिपा, मोशा परमेश्‍वर नापं खँल्‍हाय्‌गु निंतिं सिनै पर्वतया च्‍वकाय्‌ वन। मनूत व लिहां वइला धकाः पिवा च्‍वच्‍वं आय्‌बुल। अथे जुयाः इमिसं हारूनयाथाय्‌ लुँत हल अले इमिगु निंतिं छगू मूर्ति दय्‌की धकाः धाल।

![](https://cdn.door43.org/obs/jpg/360px/obs-en-13-12.jpg)

हारूनं द्वहं लसिवय्‌कः लुँया छगू मूर्ति दय्‌कल। मनूतय्‌सं व मुर्तियात पुजा यात अले उकि बलित नं छायेगु यात।

![](https://cdn.door43.org/obs/jpg/360px/obs-en-13-13.jpg)

मोशा क्‍वय्‌ क्‍वहांवलय्‌ वं मूर्तियात खन, अले व तसकं तंम्‍वया परमेश्‍वरं बियादीगु झिगू आज्ञाया ल्‍वहँपौत वांछ्वया तछ्यानाबिल।

![](https://cdn.door43.org/obs/jpg/360px/obs-en-13-14.jpg)

अले मोशां व मूर्तियात दाया चुं चुं यानाबिल, व चुंया छुं ब्‍व कया लखय्‌ तल अले मनूतय्‌त व त्‍वंकेबिल। परमेश्‍वरं मनूतय्‌थाय्‌ महामारी छ्‌वयाहयादिल अले उपिं मध्‍ये अप्‍वःथें मनूत सित।

![](https://cdn.door43.org/obs/jpg/360px/obs-en-13-15.jpg)

मोशा हाकनं पर्वतय्‌ च्‍वय्‌ थाहां वन अले उपिं मनूतय्‌त परमेश्‍वरं क्षमा यानादिसँ धकाः प्रार्थाना यात। परमेश्‍वरं मोशाया बिन्‍ति न्‍यनादिल अले उपिं मनूतय्‌त क्षमा यानादिल। थःम्‍ह तछ्यानागु न्‍हापायागु ल्‍वहँ पौलय्‌ दुगु झिगू आज्ञायात मोशां छगू न्‍हूगु पौलय्‌ च्‍वया हाकनं थापं यात। अले परमेश्‍वरं इस्राएलीतय्‌त सिनै पर्वतपाखें बाचा यानादीगु देशय्‌ यंकादिल।

*बाइबलया बाखं : प्रस्थान १९-३४ पाखें*

## 14. १४. मरूभूमिइ चाचाहिला जूगु

https://openbiblestories.org/l/new/story-14/

![](https://cdn.door43.org/obs/jpg/360px/obs-en-14-01.jpg)

इस्राएलित लाल समुद्र छिनाः वने धुंकाः परमेश्‍वरं इमित मरूभूमिपाखे जुयाः सिनै पर्वतय्‌ यंकादिल। मोशां च्‍यानाच्‍वंगु झाःयात खंगु व हे पर्वत खः। मनूतय्‌सं पर्वतया क्‍वसं थथःगु पाल ग्वला।

![](https://cdn.door43.org/obs/jpg/360px/obs-en-14-02.jpg)

परमेश्‍वरं मोशा व इस्राएलया मनूतय्‌त धयादिल, “छुं जुया छिमिसं जिगु आज्ञा मानय्‌ यात व जिगु बाचायात मानय्‌ यात धाःसा छिपिं जिगु सर्बय्‌, पूजाहारीया छगू राज्‍य व छगू पवित्र जाति जुइ।

![](https://cdn.door43.org/obs/jpg/360px/obs-en-14-03.jpg)

स्‍वन्‍हु लिपा मनूतय्‌सं थःत आत्‍मिककथं तयार याये धुंकाः परमेश्‍वर नन्‍यागु सलं हावलासा, कुँ व तःधंगु सःनापं सिनै पर्वतया च्‍वकाय्‌ क्‍वहांझायादी। व पर्वतय्‌ मोशा जक थाहां वनेफु।

![](https://cdn.door43.org/obs/jpg/360px/obs-en-14-04.jpg)

अले परमेश्‍वरं वयात व बाचा बियादिल अले धयादिल, जि “याहोवे खः, छिमि परमेश्‍वर, गुम्‍हय्‌सिनं छिमित मिश्रदेशय्‌ दास जुया च्‍वंबलय्‌ बचय्‌ यानादिल। छिमिसं मेपिं सुं द्यःतय्‌त पुजा याये मते।”

![](https://cdn.door43.org/obs/jpg/360px/obs-en-14-05.jpg)

“छुं नं कथंयागु मुर्तित दय्‌के मते वा उकियात छिमिसं पुजा याये मते छाय्‌धाःसा जि याहोवे, डाहा याइम्‍ह परमेश्‍वर खः। जिगु नां म्‍वाय्‌कं म्‍वाय्‌कं काये मते। विश्रामबारयात पवित्रगु धकाः मानय्‌ यायेत ल्‍वमंके मते। छिमिसं खुन्‍हु (६) तक धाःसा न्‍ह्यागुं ज्‍या यायेफु अय्‌नं न्‍हय्‌नुया दिंखुन्‍हु धाःसा छिमिसं आराम कायेगु व जितः लुमंकेगु दिं खः।”

![](https://cdn.door43.org/obs/jpg/360px/obs-en-14-06.jpg)

छिमिसं थः मां-बौयात हनाबना या। सुयातं स्‍याये मते। व्‍यभिचार याये मते। खुया काये मते। मखुगु खँ ल्‍हाये मते। थः जःलाखःलाया छेँय्‌, कलाः, च्‍यःभ्‍वातिं, द्वहं, गधा व छुं खँय्‌ नं ल्‍वःवंके मते।”

![](https://cdn.door43.org/obs/jpg/360px/obs-en-14-07.jpg)

अले परमेश्‍वरं थुपिं झिगू आज्ञात निपा ल्‍वहँपौलय्‌ च्‍वयादिल अले उपिं मोशायात बियादिल। परमेश्‍वर मेमेगु नं यक्‍व व्‍यवस्‍था व नियमत मानय्‌ यायेत बियादिल। छुं जुया इमिसं उपिं व्‍यवस्‍था मानय्‌ यात धाःसा परमेश्‍वरं इमित आशिष बियादी अले इमित रक्षा यानादीगु बाचा यानादिल। छुं जुया इमि उपिं आज्ञात मानय्‌ मयात धाःसा इमित परमेश्‍वरं दण्द बियादीगु खः।

![](https://cdn.door43.org/obs/jpg/360px/obs-en-14-08.jpg)

परमेश्‍वरं इस्राएलितय्‌त थःम्‍हं इच्‍छा यानागु थें हे पाल दय्‌केत फुक्‍क्‍ खँया नमुना नं बियादिल। उकियात नापलायेगु पाल धकाः धायेगु याइ अले थुकि निगू क्‍वथात दु थुकियात छगू तःधंगु पर्दां छुतय्‌ यानातःगु दु। दक्‍वसिबय्‌ तःधंम्‍ह पुजाहारी जक उकि दुने च्‍वंगु क्वथाय्‌ दुहां वने दइगु खः, छाय्‌धाःसा परमेश्‍वर अन च्‍वनादीगु खः।

![](https://cdn.door43.org/obs/jpg/360px/obs-en-14-09.jpg)

सुनानं परमेश्‍वरया आज्ञायात त्‍वाःथुल धाःसा वं छम्‍ह पशु नापलायेगु पालया न्‍ह्यःने दुगु वेदीइ हयाः परमेश्‍वरयात बलिकथं छायेगु यायेमा। छम्‍ह पुजाहारीं व पशुयात स्‍यायेगु याइ अले उकियात वेदीइ तया छ्वय्‌काबीगु खः। बलि छाःगु पशुया हिं व मनूया पाप क्षमा जुइगु खः अले परमेश्‍वरया न्‍ह्यःने व मनू शुद्ध ठहरय्‌ जुइ। परमेश्‍वरं मोशया दाजु हारून व वया सन्‍तानयात पुजाहारी जुयेत ल्‍ययादिल।

![](https://cdn.door43.org/obs/jpg/360px/obs-en-14-10.jpg)

फुक्‍क मनूतय्‌त परमेश्‍वरं बियादीगु आज्ञा छम्‍ह हे जक परमेश्‍वरयात आराधना यायेगु अले उपिं वय्‌कःया विशेष मनूत खः धकाः मानय्‌ यायेत राजी जुल।

![](https://cdn.door43.org/obs/jpg/360px/obs-en-14-11.jpg)

यक्‍व दिंलिपा, मोशा परमेश्‍वर नापं खँल्‍हाय्‌गु निंतिं सिनै पर्वतया च्‍वकाय्‌ वन। मनूत व लिहां वइला धकाः पिवा च्‍वच्‍वं आय्‌बुल। अथे जुयाः इमिसं हारूनयाथाय्‌ लुँत हल अले इमिगु निंतिं छगू मूर्ति दय्‌की धकाः धाल।

![](https://cdn.door43.org/obs/jpg/360px/obs-en-14-12.jpg)

हारूनं द्वहं लसिवय्‌कः लुँया छगू मूर्ति दय्‌कल। मनूतय्‌सं व मुर्तियात पुजा यात अले उकि बलित नं छायेगु यात।

![](https://cdn.door43.org/obs/jpg/360px/obs-en-14-13.jpg)

मोशा क्‍वय्‌ क्‍वहांवलय्‌ वं मूर्तियात खन, अले व तसकं तंम्‍वया परमेश्‍वरं बियादीगु झिगू आज्ञाया ल्‍वहँपौत वांछ्वया तछ्यानाबिल।

![](https://cdn.door43.org/obs/jpg/360px/obs-en-14-14.jpg)

अले मोशां व मूर्तियात दाया चुं चुं यानाबिल, व चुंया छुं ब्‍व कया लखय्‌ तल अले मनूतय्‌त व त्‍वंकेबिल। परमेश्‍वरं मनूतय्‌थाय्‌ महामारी छ्‌वयाहयादिल अले उपिं मध्‍ये अप्‍वःथें मनूत सित।

![](https://cdn.door43.org/obs/jpg/360px/obs-en-14-15.jpg)

मोशा हाकनं पर्वतय्‌ च्‍वय्‌ थाहां वन अले उपिं मनूतय्‌त परमेश्‍वरं क्षमा यानादिसँ धकाः प्रार्थाना यात। परमेश्‍वरं मोशाया बिन्‍ति न्‍यनादिल अले उपिं मनूतय्‌त क्षमा यानादिल। थःम्‍ह तछ्यानागु न्‍हापायागु ल्‍वहँ पौलय्‌ दुगु झिगू आज्ञायात मोशां छगू न्‍हूगु पौलय्‌ च्‍वया हाकनं थापं यात। अले परमेश्‍वरं इस्राएलीतय्‌त सिनै पर्वतपाखें बाचा यानादीगु देशय्‌ यंकादिल।

*बाइबलया बाखं : प्रस्थान १९-३४ पाखें*

## 15. १५. बाचाया देश

https://openbiblestories.org/l/new/story-15/

![](https://cdn.door43.org/obs/jpg/360px/obs-en-15-01.jpg)

लिपतय्‌, इस्राएलीत बाचा चिनातःगु देशय्‌ दुहां वनेगु ई वल। यहोशूं निम्‍ह चिवाः काइपिन्‍त कनानी शहर यरीहोय्‌ छवल, उबलय्‌ व शहरय्‌ बल्‍लाःगु किल्‍लात दय्‌का तःगु खः। व शहरय्‌ राहाब नां याम्‍ह छम्‍ह व्‍यभिचारी मिसा दु अले वं उपिं चिवाः कावंपिनिगु निंतिं सुचुलेगु निंतिं व अनं बिस्‍युं वनेत ग्‍वाहालि यात। वं परमेश्‍वरयात विश्‍वास याःगुलिं उपिं ज्‍यात याःगु खः। इमिसं यरीहो शहर भज्‍यंक नाश यायेबलय्‌ राहाब व वया परिवारयात सुरक्षा याये धकाः बाचा याःगु खः।

![](https://cdn.door43.org/obs/jpg/360px/obs-en-15-02.jpg)

इस्राएलीत बाचा यानातःगु देशय्‌ वने न्‍ह्यः यर्दन खुसि छिमाःगु खः। परमेश्‍वरं मोशायात यहोशूयात धयादिल, “दकलय्‌ न्‍हापा पूजाहारीतय्‌त वने ब्‍यु।” पूजाहारित यर्दन खुसि दथुइ थ्‍यनेवं न्‍ह्यानाच्‍वंगु लः दी अथे जुयाः इस्राएलीत व खुसिया उखेपाखे गंगु बँ जुया वनेफत।

![](https://cdn.door43.org/obs/jpg/360px/obs-en-15-03.jpg)

यर्दन खुसि छियेधुंकाः परमेश्‍वरं यहोशूयात यरीहोया तसकं बल्‍लाःगु शहरय्‌ हमला यायेगु उपाय बियादिल। मनूतय्‌सं परमेश्‍वरया आज्ञा मानय्‌ यात। परमेश्‍वरं धयादी थें सिपाइँत व पुजाहारीतय्‌सं खुन्‍हु (६) तक धुवांधु शहरयात घेरा लगय्‌ याना उकिया जवखवं चाहुला च्‍वन।

![](https://cdn.door43.org/obs/jpg/360px/obs-en-15-04.jpg)

अले न्‍हय्‌न्‍हुया दिंनय्‌ इस्राएलीतय्‌सं मेगू न्‍हय्‌क्‍वतक शहरयात चाहुलेगु यात। इमिसं दकलय्‌ लिपा शहर चाहुला च्‍वंबलय्‌ सिपाइँत तसलं हाला अले पुजाहारितय्‌सं थथःगु तुरही पुल।

![](https://cdn.door43.org/obs/jpg/360px/obs-en-15-05.jpg)

अले यरीहोया चकःछिंच्‍वंगु पखाःत क्‍वदल। इस्राएलीतय्‌सं परमेश्‍वरं धयादी थें शहरय्‌ च्‍वंगु फुक्‍क नाश यात। इमिसं राहाबयात व वया परिवारयात जक त्‍वःताबिल, इपिं लिपा वना इस्राएलीतय्‌गु हे भाग जुल। कनानय्‌ च्‍वनाच्‍वंपिं मेपिं मनूतय्‌सं इस्रएलीतय्‌सं यहीहो शहर भज्‍यंक नाश यानाबिल धयागु खँ सिल, इस्राएलीतय्‌सं इमिगु शहरतय्‌त नं हमला याइ धकाः अन च्‍वंपिं मनूत तसकं ग्‍याना च्‍वन।

![](https://cdn.door43.org/obs/jpg/360px/obs-en-15-06.jpg)

परमेश्‍वरं इस्राएलीतय्‌त कनानय्‌ च्‍वनाच्‍वंपिं पुचःया मनूतनापं छुं नं कथंया सन्‍धि याये मते धकाः उजं बियादिल। अय्‌कनं कनानया छगू गिबोनी नां यानातःगु जातया मनूतय्‌सं यहोशूयात छल यात। अले इमिसं थःपिं कनान देश स्‍वया तपाक्‍कया देशं वयागु धकाः मखुगु खँ ल्‍हात। इमिसं यहोशूनापं शान्‍तिया सन्‍धि यायेगु खँ तल। यहोशू व इस्राएलीतय्‌सं परमेश्‍वरयात उपिं गिबोनीत गनं वःपिं खः धका मन्‍यन। अले यहोशूं इमिनापं शान्‍तिया सन्‍धि यात।

![](https://cdn.door43.org/obs/jpg/360px/obs-en-15-07.jpg)

इस्राएलीतय्‌सं उपिं गिबोनितय्‌सं छल याःगु खँ स्‍यूबलय्‌ इपिं तसकं तंम्‍वल। अय्‌नं इमिसं याःगु सन्‍धियात छ्यालातु वन छायधाःसा व परमेश्‍वरया न्‍ह्यःने याःगु बाचा खः। छुं ई लिपा कनानय्‌ च्‍वंपिं मेगू जातिया जुजु अम्‍मोनीतपिन्‍सं गिबोन्‍ततय्‌सं इस्राएलीतनापं शान्‍ति-सन्‍धि यात धयागु खँ न्‍यन, अथे जुयाः इपिं थः सिपाइँतय्‌त छथाय्‌ मुंका छगू तःधंगु सिपाइँतय्‌गु पुचः दय्‌कल अले गिबोनय्‌त हमला यात। गिबोनीतय्‌सं यहोशूयात ग्‍वाहालिया निंतिं बुखँ छ्वल।

![](https://cdn.door43.org/obs/jpg/360px/obs-en-15-08.jpg)

अथे जुयाः यहोशूं इस्राएलया सिपाइँतय्‌त छथाय्‌ मुंकल अले गिबोनितय्‌थाय्‌ थ्‍यंकेत चच्‍छि न्‍यासिवन। सुथय्‌ तुयु तुयु धाबय्‌ इमिसं आकाझाकां अम्‍मोनी सिपाइँतय्‌त हमला यात।

![](https://cdn.door43.org/obs/jpg/360px/obs-en-15-09.jpg)

उखुन्‍हु परमेश्‍वर इस्राएलीतय्‌गु निंतिं ल्‍वानादिल। वय्‌कलं अम्‍मोनीतय्‌त अलमल यानादिल अले ततःग्‍वाःगु प्‍वँ गाय्‌कादिल, उकिंयाना यक्‍व हे अम्‍मोनीत सित।

![](https://cdn.door43.org/obs/jpg/360px/obs-en-15-10.jpg)

परमेश्‍वरं सुर्ययात आकाशय्‌ छथाय्‌ दिका तयादिल। छाय्‌धाःसा इस्राएलीतय्‌सं अम्‍मोनितय्‌त त्‍याकेगु निंतिं यक्‍व ई दयेमा। उखुन्‍हु इस्राएलतय्‌त परमेश्‍वरं तःधंगु विजय बियादिल।

![](https://cdn.door43.org/obs/jpg/360px/obs-en-15-11.jpg)

परमेश्‍वरं उपिं सिपाइँतय्‌गु पुचःयात बुकादी धुंकाः कनानया मेगू जातित छप्‍पं जुया इस्राएलयात हमला यात। यहोशू व इस्राएलीत नं हमला यायेत वन अले इमित नं इस्राएलीतय्‌सं भज्‍यंक नाश यानाबिल।

![](https://cdn.door43.org/obs/jpg/360px/obs-en-15-12.jpg)

थ्‍व लडाइँ सिधय्‌ धुंकाः परमेश्‍वरं इस्राएलया फुक्‍क कुलयात बाचा यानादीगु देशय्‌ इमिगु निंतिं थथःगु थाय्‌ बियादिल। अले परमेश्‍वरं फुक्‍क इस्राएल व इमिगु थःगु हे थासय्‌ नं शान्‍ति बियादिल।

![](https://cdn.door43.org/obs/jpg/360px/obs-en-15-13.jpg)

यहोश ू बह्रु ा जइु धुंक ु ााः वुं इस्राएलया फ ु क्क मन ू तय त छथाय मुंक ु ल। अले वुं उप ुं मन ू तय त सिनै रववतय इस्राएलीतना ुं रमश्े वरुं पबयादीग ु करार मानय याये हे मााःग ुखय ँ ात लम ुुंकापबल। मन ू त रमेश् वरयाके पवश् वाियोग् य जइु ग ु व वय काःया व्यवस् था मानय यायमे ााःग ु प्रपतज्ञा यात। थ् व घटना बाइबलया

*यहोश ू १-२४ ाखे ुं कााःग ुखा*

## 16. १६. छुत्‍काराया दिंत

https://openbiblestories.org/l/new/story-16/

![](https://cdn.door43.org/obs/jpg/360px/obs-en-16-01.jpg)

यहोशू सीधुंकाम इस्राएलीतय्‌सं उजं मानय्‌ यायेगु त्‍वःता हल अले ल्‍यं दुपिं कनानीतय्‌त अन ख्‍याना मछ्व अले परमेश्‍वरया आज्ञा मानय्‌ मयात। इस्राएलीतय्‌सं याहेवे, छम्‍ह जक सत्‍य परमेश्‍वरयात आराधना यायेगु त्‍वःता कनानी द्यःतय्‌त पुजा यायेगु यात। इस्राएलीतय्‌ सुनं जुजु मदु, अथे जुयाः फुक्‍कसिनं थःत छु पाय्‌जु वा थःपिन्‍त छु यः अथे हे यात।

![](https://cdn.door43.org/obs/jpg/360px/obs-en-16-02.jpg)

परमेश्‍वरयात तेरय्‌ या हे मयागुलिं वय्‌कलं शत्रुतय्‌सं इस्राएलतय्‌त त्‍यकेबिया दण्ड बियादिल। उपिं शत्रुतय्‌सं इस्राएलीतय्‌गु मालासामान लुतय्‌ याना यंकल, इमिगु सम्‍पत्तित नाश यानाबिल अले अप्‍व थें इस्रालीतय्‌त स्‍यानाबिल। यक्‍व दँतक नं इमिसं परमेश्‍वरया आज्ञा मानय्‌ मयागुलिं इपिं थः शत्रुतपाखें क्‍वतेका च्‍वनेमाल। अथे जुयाः इस्राएलीतय्‌सं पश्‍चाताप यात अले छत्‍काराःया निंतिं परमेश्‍वरयाके प्रार्थना यात।

![](https://cdn.door43.org/obs/jpg/360px/obs-en-16-03.jpg)

अनंलि परमेश्‍वरं इमिगु निंतिं छत्‍कारा याइम्‍ह छम्‍ह मनू छ्वयादिल। अय्‌नं हाकनं मनूतय्‌सं परमेश्‍वरयात ल्‍वमंकल अले मूर्तितय्‌त पुजा यायेगु शुरू यात। अथे जुयाः परमेश्‍वरं इस्राएलीतय्‌त मिद्यानीतय्‌सं (उपिं इस्राएलीतय्‌ लिक्‍क च्‍वनाच्‍वंपिं इमि शत्रु छगू जाति खः) त्‍याके बियादिल।

![](https://cdn.door43.org/obs/jpg/360px/obs-en-16-04.jpg)

न्‍हय्‌दँतक मिद्यानीतय्‌सं इस्राएलीतय्‌गु अन्‍नबालि यंकल। इस्राएलीत तसकं हे ग्‍यात अले इपिं मिद्यानीतय्‌सं थपिन्‍त नापमलायेमा धकाः गुफातय्‌के सुचु वनेगु यात। लिपतय्‌ इमिसं थःपिं बचय्‌ जुइगु निंतिं परमेश्‍वरयाके बिन्‍ति यात।

![](https://cdn.door43.org/obs/jpg/360px/obs-en-16-05.jpg)

छन्‍हु, गिदोन नांयाम्‍ह इस्राएलया छम्‍ह मनुखं मिद्यानीत वया अन्‍न लाका मयंकेमा धकाः सुनानं मखंक अन्‍न दायाच्‍वंगु खः। उबलय्‌ याहोवेया छम्‍ह दूत गिदोनयाथाय्‌ वया थथे धाल, “ए तसकं बल्‍लाःम्‍ह मनू, परमेश्‍वर छनापं दी। इस्राएलीतय्‌त मिद्यानीतय्‌गु ल्‍हातं बचय्‌या हुँ।

![](https://cdn.door43.org/obs/jpg/360px/obs-en-16-06.jpg)

गिदोनया अबुयाथाय्‌ मूर्तियात लःल्‍हानांतःगु छगू वेदी दु। परमेश्‍वरं गिदोनयात व मूर्तियात स्‍यंके धकाः धयादिल। अय्‌नं गिदोन मनूत खनाः ग्‍यात, अथे जुया व खिउँमजुतले पिया च्‍वन। अले वं व वेदीयात थुनाः कुचा कुचा यानाबिल। वं मूर्तिया निंतिं दय्‌कातःगु वेदी लिक्‍क परमेश्‍वरया न्‍हूगु वेदी दय्‌काः अन परमेश्‍वरया निंतिं बलि छाल।

![](https://cdn.door43.org/obs/jpg/360px/obs-en-16-07.jpg)

कन्‍हय्‌खुन्‍हु सुं मनुखं इमिगु वेदी थुनाच्‍वंगु खन अले मनूत तसकं तंम्‍वल। गिदोनयात स्‍यायेत इपिं वयागु छेँय्‌ वन अय्‌नं गिदोनया अबुं इमित थथे धाल, “छाय्‌ छिमिसं थः द्यःतय्‌त ग्‍वाहालि यायेत सनागु? इपिं द्यः खःसा थःपिन्‍सं थःगु रक्षा यायेमाःगु खः।

![](https://cdn.door43.org/obs/jpg/360px/obs-en-16-08.jpg)

अनंलिं मिद्यानीतय्‌सं हाकनं इस्राएलीतय्‌त लुतय्‌ यायेत वल। उपिं यक्‍व हे मनूत दुगु खः इमित ल्‍याःखाय्‌गु तकं सम्‍भव मदु। इपिं नापं लडाइँ यायेत गिदोनं इस्राएलीतय्‌त छथाय्‌ मुंकल। गिदोनं परमेश्‍वरनापं निगू चिं फ्वँन छाय्‌धाःसा इस्राएलतय्‌त बचय्‌ यायेत परमेश्‍वरं वयात छ्यलादीगु खः धयागु खँ पक्‍का याये फयेमा।

![](https://cdn.door43.org/obs/jpg/360px/obs-en-16-09.jpg)

न्‍हापांगु चिंया निंतिं गिदोनं कापः बँय्‌ लायाबिल अले सुथया सुंति लः बँय्‌ मलासे व कापतय्‌ जक लायेमा धकाः परमेश्‍वरयाके इनाप यात। परमेश्‍वरं अथे हे यानादिल। निक्‍वः खुसिइ वं कापः मप्‍याय्‌मा बँयात जक प्‍याकादिसँ धकाः इनपा यात। परमेश्‍वरं अथे नं यानादिल। थुपिं निगू चिंनं गिदोनयात मिद्यानीतपाखें इस्राएलीतय्‌त बचय्‌ यायेगु निंतिं परमेश्‍वरं वयात छ्यालादीगु खः धयागु खँय्‌ पक्‍का जुल।

![](https://cdn.door43.org/obs/jpg/360px/obs-en-16-10.jpg)

स्‍विस्‍वद्वःम्‍ह (३२,०००) इस्राएली सिपाइँत गिदोयाथाय्‌ वल अय्‌नं परमेश्‍वरं उपिं ल्‍याः तसकं अप्‍व जुल धयादिल। अथे जुयाः लडाइँ यायेत ग्‍याका च्‍वंपिं नीनिद्वः (२२,०००) सिपाइँतय्‌त छेँय्‌ लित छ्वयाबिल। परमेश्‍वरं गिदोनयात मनूतय्‌गु ल्‍याः अझनं अप्‍व दनि धयादिल। अथे जुयाः गिदोनं स्‍वसःम्‍ह (३००) सिपाइँत जक ल्‍यंका मेपिं फुक्‍कसित इमिगु थथःगु छेँय्‌ लित छ्वल।

![](https://cdn.door43.org/obs/jpg/360px/obs-en-16-11.jpg)

उखुन्‍हु चान्‍हय्‌ परमेश्‍वरं गिदोनयात धयादिल, “मिद्यानीतय्‌गु पालय्‌ हुँ अले छं इमिसं धाःगु खँ न्‍यनि अय्‌नं छ ग्‍याइ मखु। अथे जुयाः उखुन्‍हु चान्‍हय्‌ गिदोन क्‍वय्‌पाखे पालय्‌ वन अले वं छम्‍ह मिद्यानी सिपाइ नं थः पासायात म्‍हगसय्‌ खंगु खँ कनाच्‍वंगु ताल। व सिपाइँनं थथे धयाच्‍वंगु खः, “व म्‍हगसया अर्थ छु जुइ, गिदोनया सिपाइँतय्‌सं मिद्यानीतय्‌ सिपाइँतय्‌त बुकी।

![](https://cdn.door43.org/obs/jpg/360px/obs-en-16-12.jpg)

अनंलि गिदोन थः सिपाइँतय्‌थाय्‌ तुं लिहां वन अले फुक्‍कसित छपु छपु तुरही, चायागु घः व मिप्‍वाँ बिल। इमिसं मिद्यानीत द्यनाच्‍वंगु पालयात घेरय्‌ यात। गिदोनया स्‍वसःम्‍ह (३००) मनूतय्‌सं थथःगु मिप्‍वाँ घलय्‌ दुने तःगु खः छाय्‌धाःसा मिद्यानीतय्‌सं मिप्‍वाँ च्‍यानाच्‍वंगु खनेमा धकाः अथे याःगु खः।

![](https://cdn.door43.org/obs/jpg/360px/obs-en-16-13.jpg)

अले गिदोनया फुक्‍क सिपाइँतय्‌सं छक्‍वलं सकसिनं मिवाँ क्‍याना थथःगु चाया घः तछ्यात। इमिसं तुरही पुल अले तसलं थथे हाल, “याहोवे व गिदोनया निंतिं तरवार।”

![](https://cdn.door43.org/obs/jpg/360px/obs-en-16-14.jpg)

परमेश्‍वरं मिद्यानीतय्‌त अलमल यानादिल, अथे जुया इमिसं हमला यायगु शुरू यात अले इमिसं थथः मनुतय्‌ तुं स्‍यायेगु यात। अले मद्यानीतय्‌त ख्‍यानाछ्वयेत छेँय्‌ च्‍वनाच्‍वंपिं इस्राएलीतय्‌त थत्‍थें सःतके छ्वत। इमिसं यक्‍व मद्यानीतय्‌त स्‍यात अले ल्‍यंदुपिन्‍त इस्राएलीतय्‌गु इलाकां ख्‍याना पिछ्वत। उखुन्‍हु छगू लाख व नीद्वः मिद्यानीत सित। इस्राएलीतय्‌त परमेश्‍वरं बचय्‌ यानादीगु खः।

![](https://cdn.door43.org/obs/jpg/360px/obs-en-16-15.jpg)

मनूतय्‌सं गिदोनयात इमि जुजु दय्‌केमास्‍ति वःगु खः। गिदोन इमित अथे याके मबिल अय्‌नं इमिसं मद्यानीतपाखें लुतय्‌ याना काःगु लुँया अंगू फ्वँन। मनूतय्‌सं गिदोनयात यक्‍व हे लुँत बिल।

![](https://cdn.door43.org/obs/jpg/360px/obs-en-16-16.jpg)

अले गदोनं उपिं लुँतय्‌त दकलय्‌ तःधंम्‍ह पुजाहारीं फीगु थें छगू विशेष वसः दय्‌केगु निंतिं छ्यल। अय्‌नं मनूतय्‌सं उकियात पुजा यायेगु याना हल छाय्‌धाःसा व छगू मूर्ति हे खः। अथे जुयाः परमेश्‍वरं हाकनं इस्राएलीतय्‌त दण्‍ड बियादिल छाय्‌धाःसा इमिसं मूर्ति पुजा याःगु खः। परमेश्‍वरं इस्राएलीतय्‌ शत्रुतय्‌त त्‍याकेबियादिल। लिपतय्‌ इमिसं परमेश्‍वरयाके ग्‍वाहालिया निंतिं बिन्‍ति यात अले परमेश्‍वरं इमित मेम्‍ह छुत्‍कारा बीम्‍ह छम्‍ह मनू बियादिल।

![](https://cdn.door43.org/obs/jpg/360px/obs-en-16-17.jpg)

थथे जुइगु यक्‍व हे हाकनं हाकनं जुया च्‍वन अले इस्राएलीतय्‌सं पाप यात, परमेश्‍वरं इमित दण्‍ड बियादिल, इमिसं पश्‍चाताप याइगु अले परमेश्‍वरं इमित बचय्‌ यायेगु निंतिं छुत्‍कारा याइम्‍ह मनू छ्वयाहयादीगु खः। यक्‍व दँ लिपा, इस्राएलीतय्‌त इमि शत्रुतपाखें बचय्‌ यायेत परमेश्‍वरं यक्‍व हे छुत्‍कारा याइपिं मनूत छ्वयाहयादिल।

![](https://cdn.door43.org/obs/jpg/360px/obs-en-16-18.jpg)

लिपतय्‌, मनूतय्‌सं मेगु देशय्‌ जु थें परमेश्‍वरनापं छम्‍ह जुजु फ्वँन। इमित तसकं बल्‍लाःम्‍ह व तःधिकःम्‍ह जुजु माःगु खः, छाय्‌धाःसा वं इमिगु न्‍ह्यलुवा जुया लडाइँ यायेमा। परमेश्‍वरयात इमिसिं फ्वँगु थें जुजु बीगु इच्‍छा मदुगु खः अय्‌नं वय्‌कलं इमिगु फ्वँकथां याःम्‍ह जुजु बियादिल।

*बाइबलया बाखं : न्यायकर्ता १-३; ६-८ पाखें*

## 17. १७. दाऊदनापं परमेश्‍वरया बाचा

https://openbiblestories.org/l/new/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएलया न्‍हापांम्‍ह जुजु खः। व मनूतय्‌त यःकथं हे तःधिकःम्‍ह व बांलाम्‍ह मनू खः। न्‍हापांया छुं दँतक शाऊल इस्राएलतय्‌त शासन याइम्‍ह तसकं भिंम्‍ह जुजु खः। अय्‌नं लिपा व छम्‍ह मभिंम्‍ह मनू जुल अले वं परमेश्‍वरया आज्ञा मानय्‌ मयात। अथे जुयाः शऊलया पलेसा जुजु जुयेत परमेश्‍वरं मेम्‍ह हे मनूयात ल्‍यायादिल।

![](https://cdn.door43.org/obs/jpg/360px/obs-en-17-02.jpg)

परमेश्‍वरं दाऊद नांयाम्‍ह छम्‍ह ल्‍याय्‌मम्‍ह इस्राएलीयात शाऊलयालिपा जुजु जुयेगु निंतिं ल्‍ययादिल। दाऊद बेथलेहेम गामय्‌ च्‍वनिम्‍ह छम्‍ह फैजवाः खः। वं थः अबुया फैतय्‌गु बिचाः यानाच्‍वंबलय्‌ फैतय्‌त हमला यायेत स्‍वःपिं सिंह व भालु थें ज्‍याःपिं जन्‍तुतय्‌त तक्‍वःमछि स्‍याये धुंकूगु खः। दाऊद क्‍वमिलु व धर्मीम्‍ह मनू खः। वं परमेश्‍वरयात भलसा तइम्‍ह व वय्‌कःया आज्ञा मानय्‌ याइम्‍ह खः।

![](https://cdn.door43.org/obs/jpg/360px/obs-en-17-03.jpg)

दाऊद छम्‍ह तःधंम्‍ह सिपाइँ व नायः जुल। दाऊद ल्‍याय्‌मम्‍हबलय्‌ वं गोल्‍यात नांयाम्‍ह छम्‍ह राक्षस थें ज्‍याम्‍ह मनूनापं लडाइँ यात। गोल्‍यात छम्‍ह तालिम कयातःम्‍ह, तसकं बल्‍लाःम्‍ह व लगभल स्‍वगू मिटर ति तःधिकःम्‍ह मनू खः।

![](https://cdn.door43.org/obs/jpg/360px/obs-en-17-04.jpg)

दाऊद यात मनूतय्‌सं मायायाःगु खनाः शाऊलं दाऊद प्रति तसकं डाहा यात। तक्‍वःमछि शाऊलं दाऊदयात स्‍यायेगु कुतः यानाच्‍वन, अथे जुयाः व शाऊलपाखें सुचुला च्‍वन। छन्‍हु शाऊल दाऊयात स्‍यायेत माला जुयाच्‍वन। शाऊल छगू गुफाय्‌ दुहां वन व गुफाय्‌ दाऊद सुलाच्‍वंगु खः, अय्‌नं शाऊलं वयात खंके मफुत। उबलय्‌ दाऊद शाऊलया लिक्‍क हे दुगु खः अले दाऊदं शाऊलयात स्‍यायेफुगु खः, अय्‌नं वं अथे मयात। बरू दाऊदं वयात स्‍याना थः जुजु जुइगु इच्‍छा याःगु मदु धयागु खँ पक्‍का याना क्‍यनेगु नितिं वं शाऊलया लं छकुचा चानाबिल।

![](https://cdn.door43.org/obs/jpg/360px/obs-en-17-05.jpg)

लिपतय्‌, शाऊल लडाइँखय्‌ सित, अले दाऊद इस्राएलया जुजु जुल। व छम्‍ह भिंम्‍ह जुजु खः अले मनूतय्‌सं वयात तसकं माया याइगु खः। परमेश्‍वरं दाऊयात आशिष बियादिल अले वयात तालाकादिल। दाऊदं यक्‍व हे लडाइँ ल्‍वाये माल। अले परमेश्‍वरं वयात इस्राएलीतय्‌ शत्रुतय्‌त बुकेगु निंतिं ग्‍वाहालि यानादिल। दाऊदं येरुशलेम थःगु ल्‍हातय्‌ काल अले उकियात थःगु राजधानी (जथा) दय्‌कल। दाऊया शासनया ईलय्‌ इस्राएल छगू तसकं शक्तिं जाःगु व फुक्‍क खँय्‌ पूवंगु राष्‍ट्र जुल।

![](https://cdn.door43.org/obs/jpg/360px/obs-en-17-06.jpg)

दाऊदं छगू देगः दय्‌केगु इच्‍छा याःगु खः उकि फुक्‍क इस्राएलीतय्‌सं परमेश्‍वरयात आराधना याये दयेमा अले वय्‌कःयात बलि छाये दयेमा। लगभग पेसः (४००) दँतक मनूतय्‌सं परमेश्‍वरयात आराधना यायेगु व बलि छायेगु ज्‍या नापलायेगु पालयह हे याना वया च्‍वंगु खः, व नापलायेगु पाल मोशायागु पालय्‌ दय्‌कूगु खः।

![](https://cdn.door43.org/obs/jpg/360px/obs-en-17-07.jpg)

अय्‌नं परमेश्‍वरं नातान नांयाःम्‍ह छम्‍ह अगमवक्तापाखे दाऊदयाथाय्‌ थथे बुखँ छ्‌वयादिल, “छ लडाइँ याइम्‍ह मनू जुगूलिं जिगु निंतिं छं थ्‍व देगः दय्‌के फइ मखु। छिमि काय्‌ नं थ्‍व देगः दय्‌की। अय्‌नं जिं छन्‍त यक्‍व आशिष बी। छिमि सन्‍तानत मध्‍य छम्‍हय्‌सिनं सदांया निंतिं जुजुकथं मनूतय्‌त राज्‍य याइ।

![](https://cdn.door43.org/obs/jpg/360px/obs-en-17-08.jpg)

गुबलय्‌ दाऊदं थ्‍व खँ न्‍यन, वं थत्‍थें हे परमेश्‍वरया सुभाय्‌ बिल अले वय्‌कःया प्रशंसा यात छायधाःसा वय्‌कलं दाऊद यात तःधंगु हनाःबनाः व यक्‍व आशिष बीगु बाचा यानादीगु खः। दाऊदं थुपिं खँ गुबलय्‌ जुइ धकाः मस्‍यु। अय्‌नं थुपिं खँत जुइ धुंकाः इस्राएलीतय्‌सं मसिह वये न्‍ह्यः द्वछिदँ (१,०००) ई लंच्‍वने माःगु खः।

![](https://cdn.door43.org/obs/jpg/360px/obs-en-17-09.jpg)

दाऊदं यक्‍व दँतक न्‍याय व विश्‍वासयायेबहःम्‍ह जुया राज्‍या यात, अले परमेश्‍वरं वयात आशिष बियादिल। अय्‌नं थःगु जिवनया लिपतय्‌यागु ईलय्‌ वं परमेश्‍वरया विरुद्धय्‌ ग्‍यानापुगु पाप यात।

![](https://cdn.door43.org/obs/jpg/360px/obs-en-17-10.jpg)

छन्‍हु, दाऊदया फुक्‍क सिपाइँत लडाइँया निंतिं थःगु छेँय्‌नं तापाक्‍क वना च्‍वंगु खः, वं थः दरबारपाखें पिने स्‍वल अले छम्‍ह तसकं हिसी दुम्‍ह मिसा म्‍वल्‍हुया च्‍वंगु खन। वयागु नां बेतशेबा खः।

![](https://cdn.door43.org/obs/jpg/360px/obs-en-17-11.jpg)

मेथाय्‌ स्‍वयेगु पलेसा दाऊदं सुं छम्‍ह मिसायात म्‍वल्‍हुयाच्‍वंम्‍ह मिसयाथाय्‌ काय्‌के छ्‌वत। दाऊद वनापं द्यन अले वयात थःगु छेँय्‌ छ्वयाबिल। छुं ईलिपा बेतशेबां दाऊयात थः प्‍वाथय्‌ दत धकाः धाय्‌के छ्वल।

![](https://cdn.door43.org/obs/jpg/360px/obs-en-17-12.jpg)

बेतशेबाया भाःत उरियाह नां याम्‍ह मनू दाऊदया तसकं ल्‍वाय्‌सःम्‍ह सिपाइँतय्‌ कप्‍तान मध्‍य छम्‍ह खः। दाऊदं उरियाहयात लडाइँपाखें सःतल अले वयात थः कलाःयाथाय्‌ वनेत इनाप यात। अय्‌नं उरियाहं लडाइँलय्‌ थः सिपाइँतय्‌त त्‍वःत थः छेँय्‌ वने मखु धाल। अथे जुया दाऊदं उरियाहयात लडाइँ यायेत तुं लितछ्वल अले तःधंपिं कप्‍तानतय्‌सं वयात बल्‍लाःपिं शत्रुतनापं लडाइँ यायेत छ्वल छाय्‌धाःसा व लडाइँलय्‌ सीमा धकाः अथे याःगु खः।

![](https://cdn.door43.org/obs/jpg/360px/obs-en-17-13.jpg)

उरियाह सिधुंका दाऊदं बेतशेबायात ब्‍याहा यात। लिपतय्‌, वं दाऊदया निंतिं काय्‌ बुइकल। दाऊदं याःगु ज्‍या खनाः परमेश्‍वर तसकं तंम्‍वयादिल, अथे जुया वय्‌कलं नातन अगमवक्तायात वं याःगु पाप गुलि तःधं धकाः क्‍यनाबीत दाऊद याथाय्‌ छ्वयादिल। दाऊदं थम्‍हं याःगु पापया निंतिं पश्‍चातापा यात अले परमेश्‍वरं वयात क्षमा यानादिल। थःगु ल्‍यंदनिगु जीवंकाछि दाऊदं तसकं दुःख कष्‍ट फयेमासानं वं परमेश्‍वरयात मत्‍वःतू अले वय्‌कःया आज्ञा मानय्‌ याना हे च्‍वन।

![](https://cdn.door43.org/obs/jpg/360px/obs-en-17-14.jpg)

अय्‌नं दाऊदं याःगु पापया दण्‍डकथं वया मचाम्‍ह काय्‌ सित। दाऊदया ल्‍यं दनिगु जीवंकाछि वयागु परिवारय्‌ कचकच जुया हे च्‍वन अले दाऊदया बल नं मदया वन गुकिं याना व तसकं हे कमजोर जुल। दाऊद परमेश्‍वरप्रति विश्‍वासयायेबहःम्‍ह मजूसां नं परमेश्‍वरं थम्‍हं यानादीगु बाचय्‌ बिश्‍वास योग्‍य जुयादिल। लिपा दाऊद व बेतशेबाया मेम्‍ह छम्‍ह काय्‌ दत अले इमिसं वयागु नां सोलोमन तल।

*बाइबलया बाखं : १ शमुएल १०; १५-१९; २४; ३१; २ शमुएल ५; ७; ११-१२ बाट*

## 18. १८. छुटय्‌ जूगु राज्य

https://openbiblestories.org/l/new/story-18/

![](https://cdn.door43.org/obs/jpg/360px/obs-en-18-01.jpg)

यक्‍व दँ लिपा, दाऊद सित अले वया काय्‌ सोलोमनं इस्राएलय्‌ शासन यायेगु शुरू यात। परमेश्‍वर सोलोमननापं नवानादिल, छन्‍त दक्‍वसिबय्‌ अप्‍वः यःगु खँ छु खः धकाः न्‍यनादिल। सोलोमनं ज्ञान-बुद्धि फ्वँन अले परमेश्‍वर तसकं लय्‌तायादिल अले वयात हलिंमय्‌ फुक्‍क मनूत स्‍वया बुद्धिंजाःम्‍ह मनू दय्‌कादिल। सोलोमनं यक्‍व खँ सय्‌कल अले व छम्‍ह बुद्धिया न्‍यायकर्ता जुल। परमेश्‍वरं वयात फुक्‍क खँय्‌ माक्‍व बियादिल।

![](https://cdn.door43.org/obs/jpg/360px/obs-en-18-02.jpg)

यरुशलेमय्‌ सोलोमनं देगः दय्‌केगु ज्‍या शुरु यात व वया अबु दाऊदं दय्‌केगु ग्‍वसा ग्‍वःगु खः अले उकिया निंतिं सामानत मुंकूगु खः। अले मनूतय्‌सं परमेश्‍वरयात आराधना यायेगु व बलि बीगु नापलायेगु पालया पलेसा व देगलय्‌ यात। परमेश्‍वर व देगलय्‌ खनेदय्‌कः झायादीगु खः। अले वय्‌कः थः मनूतय्‌गु दथुइ च्‍वनादीगु खः।

![](https://cdn.door43.org/obs/jpg/360px/obs-en-18-03.jpg)

अय्‌नं सोलोमनं मेगू देशया मिसायात माया यात। वं लगभग द्वःछि (१,०००) म्‍ह मिसात नां व्‍याहा यात, अले परमेश्‍वरया आज्ञा मानय्‌ मयात। थुपिं मिसात मध्‍ये अप्‍व थें मेगू देशपाखें वःपिं खः। अले इमिसं थः द्यःतनं थःपिंनापं ज्‍वना वःगु खः अले उकियात इमिसं पुजा याना हे च्‍वंगु खम। सोलोमन बुह्रा जुइ धुंकाः वं नं इमपिं द्यःतय्‌गु पुजा यात।

![](https://cdn.door43.org/obs/jpg/360px/obs-en-18-04.jpg)

परमेश्‍वर सोलोमननापं तंम्‍वयादिल अले वया अविश्‍वासया हुनिं वयात दण्‍डकथं वय्‌कलं सोलोमन सीधुंकाः इस्राएल राष्‍ट्रयात निगू राज्‍यय्‌ ब्‍वथलादीगु बाचा यानादिल।

![](https://cdn.door43.org/obs/jpg/360px/obs-en-18-05.jpg)

सोलोमन सीधुंकाः वया काय्‌ रहोवाम इस्राएलया जुजु जुल। रहोवाम छम्‍ह मूर्खम्‍ह मनू खः। इस्राएल राष्‍ट्रया फुक्‍क मनूत वयात जुजु अभिषेक यायेगु निंतिं छथाय्‌ मुन। इमिसं रहोबामयात सोलोम जुजुं तसकं थाकुक ज्‍या याकूगु व यक्‍व कर पुइकूगु खः धकाः वयात न्‍यकल।

![](https://cdn.door43.org/obs/jpg/360px/obs-en-18-06.jpg)

रहोवामं मूर्खकथं इमित लिसः बिल, “जिमि अबुं थाकूक ज्‍या याकल धकाः छिमिसं बिचाः यात, अय्‌जुया जिं छिमित व स्‍वाया अप्‍व थाकूक ज्‍या याकेगु याये अले छिमित जिमि अबुं स्‍वया नं अप्‍व सजाँय्‌ बी।

![](https://cdn.door43.org/obs/jpg/360px/obs-en-18-07.jpg)

इस्राएल राष्‍ट्रया कुलत मध्‍ये झिगू कलं रहोबामया विरुद्धय्‌ विद्रोह यात। खालि निगू कुल जक वप्रति विश्‍वासयायेबहःपिं जुल। थुपिं निगू कुलत हे यहूदया राष्‍ट्र जुल।

![](https://cdn.door43.org/obs/jpg/360px/obs-en-18-08.jpg)

रहोबामया विरुद्धय्‌ विद्रोह यापिं इस्राएलीतय्‌सं मेगु देशया कुलपाखें यरोबाम नांयाःम्‍ह छम्‍ह मनूयात थःपिनिगु जुजु जुयेत ल्‍यल। इमिसं थःपिनिगु राज्‍य देशया उत्तरपाखेया भागय्‌ दय्‌कल अले उकियात इस्राएलया राज्‍य धकाः धायेगु यात।

![](https://cdn.door43.org/obs/jpg/360px/obs-en-18-09.jpg)

यरोबामं परमेश्‍वरया विरुद्धय्‌ विद्रोह यात अले मनूतय्‌त पाप याके बिल। यहूदाया राज्‍यय्‌ दुगु देगलय्‌ वनाः परमेश्‍वरया आराधना यायेगु पलेसा वं मनूतय्‌त पुजा यायेगु निंतिं निगू मूर्तित दय्‌कल।

![](https://cdn.door43.org/obs/jpg/360px/obs-en-18-10.jpg)

यहूदा व इस्राएलया राज्‍यतय्‌ दथुइ शत्रु जुल अले धुवांधु इपिं छगू मेगू विरुद्धय्‌ लडाइँ जुया हे च्‍वन।

![](https://cdn.door43.org/obs/jpg/360px/obs-en-18-11.jpg)

इस्राएलया न्‍हूगु राज्‍यय्‌ फुक्‍क जुजुत तसकं मभिंपिं जुल। थुपिं जुजुत मध्‍ये अप्‍वः थें इस्राएलीतपाखें स्‍यापिं खः छायधाःसा उपिं व थासय्‌ जुजु जुयेगु इच्‍छा याःगु खः।

![](https://cdn.door43.org/obs/jpg/360px/obs-en-18-12.jpg)

इस्राएल राज्‍यया फुक्‍क जुजुत व अप्‍व थें मनूतय्‌सं मूर्ति पुजा यात। इमिसं मूर्ति पुजाया ज्‍याय्‌ अप्‍वः थें व्‍यभिचार व गुबलें गुबलें ला इमिसं मस्‍त नं बलि बीगु यात।

![](https://cdn.door43.org/obs/jpg/360px/obs-en-18-13.jpg)

यहूदाया जुजु दाऊदया सन्‍तानत खः। थुपिं जुजुत मध्‍ये गुम्‍ह गुम्‍ह ला भिंपिं हे खः सुनां खःकथं न्‍याय याना राज्‍य यात अले परमेश्‍वरया आराधना यात। अय्‌नं यहूदाया अप्‍व थें जुजुत तसकं हे मभिंपिं खः। अले इमिसं नं मूर्तिपुजा यात। गुलिं जुजुतय्‌संला मखुपिं द्यःतय्‌गु निंतिं थःपिनि मस्‍त नं बलि तकं बिल। यहूदाया अप्‍व थें मनूतय्‌सं नं परमेश्‍वरया विरुद्धय्‌ विद्रोह यात अले मेपिं द्यःतय्‌गु पुजा यात।

*बाइबलया बाखं : १ राजा १-६; ११-१२ पाखें*

## 19. १९. अगमवक्तात

https://openbiblestories.org/l/new/story-19/

![](https://cdn.door43.org/obs/jpg/360px/obs-en-19-01.jpg)

इस्राएलीतय्‌गु फुक्‍क इतिहासय्‌ परमेश्‍वरं इमिथाय्‌ अगमवक्ता छ्‌वयादिल। अगमवक्तातय्‌सं परमेश्‍वरपाखेंया बुखँ न्‍यनिगु खः अले वय्‌कःया बुखँत मनूतय्‌त धाइगु खः।

![](https://cdn.door43.org/obs/jpg/360px/obs-en-19-02.jpg)

आहाब जुजुं इस्राएलय्‌ शासन यानाच्‍वंबलय्‌ एलिया छम्‍ह अगमवक्ता खः। आशाब छम्‍ह मभिंम्‍ह मनू खः वं मनूतय्‌त बाल नांयाम्‍ह द्यःयात पुजा यायेगु निंतिं हपाः बीगु खः। एलियां आहाबयात धाल, “जिगु वचन मदय्‌नं फुक्‍क इस्राएलय्‌ नं सुतिं लः खनेदइ न वा वइ।” थ्व खं याना आहाब तसकं तम्‍वल।

![](https://cdn.door43.org/obs/jpg/360px/obs-en-19-03.jpg)

परमेश्‍वरं एलियायात धयादिल, छन्‍त आशाबं स्‍यायेत सनाच्‍वंगु दु उकिं वपाखें सुचुलेत मरुभूमिइया छगू खुसिचा लिक्‍क च्‍वंगु थासय्‌ हुँ। न्‍हिया न्‍हिथं सुथय्‌ क्‍वः नं वयात मरि व ला नयेत हयाबीगु खः। आहाब व वया सिपाइँतय्‌सं एलियायात मात्तुमाला जुल अय्‌नं इमिसं वयात लुइके मफुत। अन फुक्‍क थासय्‌ तसकं सुख्‍खा जुया वन गुकिं याना लिपतय्‌ खुसिचातय्‌के नं लः सुना वन।

![](https://cdn.door43.org/obs/jpg/360px/obs-en-19-04.jpg)

अथे जुयाः एलिया छगू लिक्‍क च्‍वंगु देशय्‌ वन। व देशय्‌ छम्‍ह भाःतसीधुंकूम्‍ह मिसा व वया काय्‌ अनिकाल जुया च्‍वंगुलिं नयेगु निंतिं नास मुंकेगु याना च्‍वंगु खः। अय्‌नं इमिसं एलियायात वास्‍ता मया अले परमेश्‍वरं इमित नयेगु नसा बियादिल। इमिगु छ्वचुं न्‍ह्याय्‌ थलय्‌ व चिकं तय्‌गु थल गुबलें खालि मजुल। अनिकालया फुक्‍क ईलय्‌ इमित नयेगु नसा दत। एलिया अन छुं दँतक जक च्‍वन।

![](https://cdn.door43.org/obs/jpg/360px/obs-en-19-05.jpg)

स्‍वदँ व खुला दय्‌धुंका परमेश्‍वरं एलियायात इस्राएलया राज्‍य्‌ लिहां वना आहाबनापं खँ ल्‍हाः हुँ धयादिल, छाय्‌धाःसा वय्‌कलं हाकनं पृथ्‍वी वा वय्‌कादीत्‍यंगु खः। आहाबं एलियात खंबलय्‌ वं थथे धाल, “छ हे खः थ्‍व फुक्‍क समस्‍या हःम्‍ह मनू

![](https://cdn.door43.org/obs/jpg/360px/obs-en-19-06.jpg)

इस्राएल राज्‍यया मनूत व बालया पेसः व न्‍यय्‌म्‍ह (४५०) अगमवक्तात ज्‍वनाः फुक्‍क कर्मेल डाँडाय्‌ वन। एलियां मनूतय्‌त धाल, “छिमिसं गुबलय्‌ तक मन हीकाः च्‍वनेगु? याहोवे परमेश्‍वर दु धइगु खःसा वय्‌कःया सेवा या।

![](https://cdn.door43.org/obs/jpg/360px/obs-en-19-07.jpg)

अले एलियां बालया अगमवक्तातय्‌त धाल, “छम्‍ह द्वहँ स्‍या अले उकियात बलिकथं तयार या अय्‌नं उकियात मि च्‍याके मते। जिं नं अथे हे याये। सुया परमेश्‍वरं मिं लिसः बियादी व हे धात्‍थें सत्‍य परमेश्‍वर खः।” अथे जुयाः बालया पुजाहारितय्‌सं बलि तयार यात अय्‌नं उकि मि धाःसा मच्‍याकू।

![](https://cdn.door43.org/obs/jpg/360px/obs-en-19-08.jpg)

अले बालया अगमवक्तातय्‌सं थथे धकाः प्रार्थना यात, “हे बाल, जिमिगु खँ न्‍यनादिसँ

![](https://cdn.door43.org/obs/jpg/360px/obs-en-19-09.jpg)

व दिंया लिपतय्‌ एलियां परमेश्‍वरया निंतिं छम्‍ह बलि तयार यात। अले वं मनूतय्‌गु झिनिगः ततःग्‍वगु तेपय्‌ लः हया बलिया लाय्‌, सिँइ व बँय्‌ नापं वेदीया चाकःछिं फुक्‍क थासय्‌ मप्‍यातले प्‍वंकाबिल।

![](https://cdn.door43.org/obs/jpg/360px/obs-en-19-10.jpg)

अले एलियां थथे प्रार्थना यात, “याहोवे अब्राहाम, इसहाक व याकूबया परमेश्‍वर, थौं जिमित छि हे इस्राएलया परमेश्‍वर खः धकाः व जि छिकपिनि दास खः धकाः क्‍यनादिसँ। जिगु प्रार्थनाया लिसः बियादिसँ अले थुपिं मनूतय्‌सं छि हे छम्‍ह जक सत्‍य परमेश्‍वर खः धकाः म्‍हसीमा।”

![](https://cdn.door43.org/obs/jpg/360px/obs-en-19-11.jpg)

अले थत्‍थें हे सर्गं मि कुतुं वया ला, सिँ, ल्‍वहँतय्‌, बँय्‌ अले वेदिया चाकःछिं दुगु लःनापं मिच्‍यात। मनूतय्‌सं थ्‍व खंबलय्‌ इमिसं बँ भ्‍वसुला थथे धाल, “याहोवे धात्‍थें हे परमेश्‍वर खः।

![](https://cdn.door43.org/obs/jpg/360px/obs-en-19-12.jpg)

अले एलियां धाल, “बालया सुं नं अगमवक्तात बिस्‍के छ्वये मते।

![](https://cdn.door43.org/obs/jpg/360px/obs-en-19-13.jpg)

अले एलियां जुजु आहाबयात धाल, “थत्‍थें हे शहरय्‌ लिहां झासँ, छाय्‌धाःसा तसकं वा वइन।” अले थत्‍थें हे सर्ग खिउँसे च्‍वना वल अले तसकं वा वयेगु शुरु जुल। याहोवे नं तसकं गनाच्‍वंगु बँयात लखं प्‍याकादीगु खः अले वय्‌कः छम्‍ह जक सत्‍य परमेश्‍वर खः धयागु खँया दसि बियादिल।

![](https://cdn.door43.org/obs/jpg/360px/obs-en-19-14.jpg)

एलियाया ईलय्‌ परमेश्‍वरं एलिशा नां याम्‍ह छम्‍ह मनूयात वय्‌कःया अगमवक्ताकथं ल्‍ययादिल। परमेश्‍वरं एलिशापाखें यक्‍व हे अजूचायापुगु ज्‍यात यानादिल। उपिं मध्‍य छगू अजूचायापुगु ज्‍या नामानयाथाय्‌ जूगु खः, व छम्‍ह सिपाइँतय्‌ तःधंम्‍ह कप्‍तान खः अले वयात छगू ग्‍यानापुगु छेंगूया ल्‍वचं कयाच्‍वंगु खः। वं एलिसाया बारे न्‍यनातगुलिं व एलिशायाथाय्‌ वन अले थःत लाय्‌कादीत इनाप यात। एलिशां नामानयात न्‍ह्‌यक्‍वः तक यर्दन खुसिइ लुकूंब्‍यु धकाः धाल।

![](https://cdn.door43.org/obs/jpg/360px/obs-en-19-15.jpg)

न्‍हापां ला नामान तंम्‍वःगु खः अले अथे यायेत व मानय्‌ मजुल छाय्‌धाःसा थ्‍व ला छगू मुर्ख खँ थें खनेदुगु खः। अय्‌नं लिपा वं थःगु मन हिकल अले थःत न्‍ह्‌यक्‍वःतक यर्दन खुसिइ लुकूंबिल। नामान दकलय्‌ लिपांगु लुकूंबिया थाहां वल वयागु छेंगू न्‍हापा गथे खः अथे च्‍वंक फुक्‍क ल्‍वय्‌ लनांवन।

![](https://cdn.door43.org/obs/jpg/360px/obs-en-19-16.jpg)

परमेश्‍वरं मेपिं यक्‍व अगमवक्तात छ्वयाहयादिल। इपिं फुक्‍कसिनं मनूतय्‌त मूर्ति पुजा त्‍वःतेत व मेपिन्‍त खःकथं न्‍याय यायेत अले इमित दया यायेत इनाप यात। अगमवक्तातय्‌सं मनूतय्‌सं मभिंगु ज्‍या मत्‍वतल धाःसा परमेश्‍वरया आज्ञा मानय्‌ मयात धाःसा परमेश्‍वरं इमित दोषी ठहरय्‌ यानादी अले इमित दण्‍ड बियादी धकाः ख्‍याच्‍वः बिल।

![](https://cdn.door43.org/obs/jpg/360px/obs-en-19-17.jpg)

अप्‍वः थें ईलय्‌ मनूतय्‌सं परमेश्‍वरया खँ मन्‍यन। इमिसं अप्‍वयना अगमवक्तातय्‌त मखुगु व्‍यवहार यात। अले गुबलें गुबलें इमिसं अगमवक्तातय्‌त स्‍यायेगु नं यात। छक्‍वः यर्मिया अगमवक्तायात स्‍यायेत लः मदुगु तुंथिइ क्‍वफानाबिल। अले व तुंथिइ च्‍वंगु भ्‍यातः नालय्‌ प्‍यपुन अय्‌नं व खना जुजुयात माया वनाः वं थः च्‍यःतय्‌त यर्मिया सी न्‍ह्यः हे तुंथि नं थकाय्‌केबिल।

![](https://cdn.door43.org/obs/jpg/360px/obs-en-19-18.jpg)

मनूतय्‌सं अगमवक्तातय्‌त घृणा याना च्‍वंसां नं इमिसं परमेश्‍वरपाखेंया खँ मनूतय्‌त धया हे च्‍वन। पश्‍चाताप मयात धाःसा पमरेश्‍वरं मनूतय्‌त नाश यानादी धकाः वं ख्‍याच्‍वः बिया हे च्‍वन। इमिसं मनूतय्‌त परमेश्‍वरया मसिह झायादीगु बाचायात नं लुमंकाबिल।

*बाइबलया बाखं : १ राजा १६-१८; २ राजा ५; यर्मिया ३८ पाखें*

## 20. २०. ज्‍वनायंकूगु व लिहां वःगु

https://openbiblestories.org/l/new/story-20/

![](https://cdn.door43.org/obs/jpg/360px/obs-en-20-01.jpg)

इस्राएलया राज्‍य व यहूदाया राज्‍य निगूलिं परमेश्‍वरया विरुद्धय्‌ पाप यात। परमेश्‍वरं इपिनापं सिनै पर्वतय्‌ चिनादीगु बाचायात इमिसं त्‍वाःथुल। परमेश्‍वरं इमित पश्‍चाताप यायेत व हाकनं वय्‌कःया आराधना यायेत ख्‍याच्‍वः बीगु निंतिं वय्‌कलं थः अगमवक्तात छ्‌वयाहयादिल। अय्‌नं इमिसं आज्ञा मानय्‌ मयात।

![](https://cdn.door43.org/obs/jpg/360px/obs-en-20-02.jpg)

अथे जुयाः परमेश्‍वरं थुपिं निगूलिं राज्‍यातय्‌त इमि शत्रुतपाखें नाश याके बिया दण्‍ड बियादिल। छगू तसकं शक्तिं जाःगु व तसकं मभिंगु राष्‍ट्र अश्‍शूरी साम्राज्‍यं इस्राएल राज्‍ययात भज्‍यंक नाश यात। अश्‍शूरीतय्‌सं इस्राएल राष्‍ट्रया यक्‍व मनूतय्‌त स्‍यात। अले इमिगु तसकं मूवंगु सामानत फुक्‍क इमिसं यंकल अले देशया यक्‍व भागत मिंछ्‌वय्‌काबिल।

![](https://cdn.door43.org/obs/jpg/360px/obs-en-20-03.jpg)

अश्शूरितय्‌सं फुक्‍क नायःतय्‌त, धनि मनूतय्‌त व यक्‍व ज्‍या सःपिं मनूतय्‌त छथाय्‌ मुंकल अले इमित अश्‍शूरया देशय्‌ ब्‍वनायंकल। मस्‍याःपिं व नयेमखंपिं इस्राएलीत जक इस्राएलया राज्‍यय्‌ ल्‍यनाच्‍वन।

![](https://cdn.door43.org/obs/jpg/360px/obs-en-20-04.jpg)

अले अश्‍शूरीतय्‌सं इस्राएलया राज्‍यय्‌ विदेशीतय्‌त हया तल। विदेशीतय्‌सं स्यंकूगु शहरयात हाकनं दय्‌कल। इस्राएल राज्‍य त्‍वःतातपिं इस्राएलीतनापं यमिसं ब्‍याहा यात। विदेशीतय्‌नापं ब्‍याहा याना दुपिं सन्‍तानतय्‌त ‘सामरी धाइगु खः।

![](https://cdn.door43.org/obs/jpg/360px/obs-en-20-05.jpg)

यहूदाया मनूतय्‌सं परमेश्‍वरयात विश्‍वास मयागुलिं अले वय्‌कःया आज्ञानं मानय्‌ मयागुलिं परमेश्‍वरं गुकथं इस्राएलया राज्‍ययात दण्‍ड बियादिल धयागु खँ इमिसं खन। अय्‌नं इमिसं अझ हे कनानी द्यःतय्‌त पुजा यात। परमेश्‍वरं यमित ख्‍याच्‍वः बियादीत अगमवक्तात छ्वयाहयादिल, अय्‌नं इमिसं अगमवक्तातय्‌गु खँ मन्‍यन।

![](https://cdn.door43.org/obs/jpg/360px/obs-en-20-06.jpg)

अश्‍शूरीतय्‌सं इस्राएल नाश याःगु सच्‍छिदँ (१००) लिपा परमेश्‍वरं बेबिलोनया जुजु नबुकदनेसरयात यहूदाया राज्‍यय्‌ हमला याके बियादिल। बेबिलोन छगू तसकं शक्तिं जाःगु साम्राज्‍य खः। यहूदाया जुजुं नबुकदनेसरया दास जुइत दँय्‌दसं वयात यक्‍व हे ध्‍यबा पुलेगु निंतिं सहमत जुल।

![](https://cdn.door43.org/obs/jpg/360px/obs-en-20-07.jpg)

अय्‌नं छुंदँ लिपा यहूदाया जुजु बेबिलोनया विरुद्धय्‌ विद्रोह यात। अथे जुयाः बेबिलोनीत हाकन वल अले यहूदाया जुजुयात हमला यात। इमिसं यरुशलेम शहरयात थःगु ल्‍हाःतय्‌ काल अनंलि देगःयात थुनाबिल। अले शहरय्‌ च्‍वंगु व देगलय्‌ च्‍वंगु फुक्‍क सम्‍पत्तित इमिसं यंकल।

![](https://cdn.door43.org/obs/jpg/360px/obs-en-20-08.jpg)

विद्रोह याःगु हुनिं याना यहूदाया जुजुयात दण्‍डकथं नबूकदनेसरया सिपाइँतय्‌सं वया काय्‌यात वयागु हे न्‍ह्यःने स्‍यानाबिल अले वयागु नं मिखा कां यानाबिल। अनंलिपा इमिसं जुजुयात झ्‍यालाखानाय्‌ हे स्‍यायेगु निंतिं बेबिलोनय्‌ यंकल।

![](https://cdn.door43.org/obs/jpg/360px/obs-en-20-09.jpg)

नबुकदनेसर व वया सिपाइँतय्‌सं बाली पीगु निंतिं तसकं मचामचाःपिंन्‍त जक त्‍वःता यहूदाया राज्‍य्‌ च्‍वंपिं अप्‍वः याना मनूतय्‌त बेबिलोनय्‌ यंकल। ईया कालखण्‍डय्‌ परमेश्‍वरया मनूतय्‌सं बाचा यानातःगु देश त्‍वःतेमागु करं काल अले थुकियात हे ज्‍वनायंकूगु धकाः धाइ।

![](https://cdn.door43.org/obs/jpg/360px/obs-en-20-10.jpg)

परमेश्‍वरं मनूतय्‌त इमिगु पापया हुनिं तापाक्‍क ज्‍वनायंकेबिया इमित दण्‍ड बियादिल, अय्‌नं परमेश्‍वरं इमित व थःम्‍ह यानागु बाचायात धाःसा ल्‍वमंकामदी। परमेश्‍वरं धुवांधु अगमवक्तातपाखें थः मनूतय्‌गु रक्षा यायेगु व इपिं नापं नवायेगु यानातुं च्‍वनादिल। न्‍हयेदँ (७०) लिपा इपिं हाकनं बाचा चिनादीगु देशय्‌ तुं लिहां वनितिनी धकाः वय्‌कलं बाचा यानादिल।

![](https://cdn.door43.org/obs/jpg/360px/obs-en-20-11.jpg)

लगभग न्‍हयेदँ (७०) लिपा फारसीतय्‌ जुजु कोरेसं बेबिलोनयात त्‍याका काल अथे जुया फारसी साम्राज्‍यं बेबिलोनी साम्राज्‍ययात थापं यात। अनंलिं इस्राएलीतय्‌त यहूदीत धकाः धायेगु यात अले इपिं मध्‍ये अप्‍वसिनं थःगु जिवंकाछि बेबिलोनय्‌ इमिगु जीवन हनेमाल। सुं बुह्रा यहूदीतय्‌सं जक यहूदा देशया बारे स्‍यूगु खः।

![](https://cdn.door43.org/obs/jpg/360px/obs-en-20-12.jpg)

फारसी साम्राज्‍य छगू तसकं शक्तिं जाःगु साम्राज्‍य खः अय्‌नं इमिसं थःपिनिगु ल्‍हाःतय्‌ काःपिं मनूत तसकं क्‍वमिलुपिं खः। कोरेस फारसीतय्‌ जुजु जूगु छुं ईलिपा व जुजुं सुं यहूदीत यहूदाय्‌ लिहां वनेगु इच्‍छा दःसा फारसी साम्राज्‍य त्‍वःता यहूदाय्‌ लिहां वनेफु धकाः उजं बिल। वं इमित देगः हाकनं दय्‌केगु निंतिं ध्‍याबातकं बिया छ्‌वल।

![](https://cdn.door43.org/obs/jpg/360px/obs-en-20-13.jpg)

मनूत यरुशलेमय्‌ थ्‍यंबलय्‌ इमिसं देगः व शहरया चाकःछिं च्‍वंगु पखाःत हाकनं दय्‌कल। इमिगु दथुइ अझ नं मेगु हे राज्‍यं शासन यानाच्‍वंगु जूसां नं छक हाकनं इपिं बाचा यानातःगु देशय्‌ च्‍वने दत अले अन इमिसं परमेश्‍वरयात देगलय्‌ हे आराधना यात।

*बाइबलया बाखं : २ राजा १७; २४-२५; २ इतिहास ३६; एज्रा १-१०; नेहम्याह १-१३ पाखें*

## 21. २१. परमेश्‍वरं मसिहया बारे बाचा यानादीगु

https://openbiblestories.org/l/new/story-21/

![](https://cdn.door43.org/obs/jpg/360px/obs-en-21-01.jpg)

फुक्‍क चिजया शुरु जूगु दिंनिसें परमेश्‍वरं मसिहयात छ्‌वयाहयादीगु ग्‍वसा ग्‍वयादीगु खः। मसिह झायादीगु बारे दकलय्‌ न्‍हापांगु बाचा हादम व हव्‍वा याथाय्‌ वल। परमेश्‍वर बाचा यानादिल हव्‍वाया वंशपाखें छम्‍ह सन्‍तात वइ गुम्‍हसय्‌सिनं ताहाया छ्यं तछ्याइ। हव्‍वायात छल याःम्‍ह व ताहा शैतान खः। व बाचाया अर्थ मसिह झायादीबलय्‌ शैतानयात भज्‍यंक नाश यानादी।

![](https://cdn.door43.org/obs/jpg/360px/obs-en-21-02.jpg)

परमेश्‍वरं अब्राहामयात बाचा यानादिल व पाखें फुक्‍क हलिंमय्‌ च्‍वंपिं जातिया मनूतय्‌सं आशिष काइ। व आशिष मसिह झायादीगुनापं पूवनिगु खः। वय्‌कलं हलिंमय्‌ फुक्‍क जातिया मनूतय्‌त उद्धारया लँ बियादीगु खः।

![](https://cdn.door43.org/obs/jpg/360px/obs-en-21-03.jpg)

परमेश्‍वरं मोशायात वइगु लिपाया ईलय्‌ मोशा थज्‍याःम्‍ह मेम्‍ह छम्‍ह अगमवक्ता बियादीगु धकाः बाचा यानादिल। थ्‍व मसिह झायादीगु बारे मेगू बाचा खः।

![](https://cdn.door43.org/obs/jpg/360px/obs-en-21-04.jpg)

परमेश्‍वरं दाऊद जुजुनापं बाचा यानादिल वयागु वंशया सन्‍तानपाखें परमेश्‍वर मनूतय्‌के सदां सदां राज्‍य यानादी। उकिया अर्थ मसिह दाऊदया हे वंशपाखें याःम्‍ह छम्‍ह खः।

![](https://cdn.door43.org/obs/jpg/360px/obs-en-21-05.jpg)

यर्मिया अगवक्तापाखें परमेश्‍वरं बाचा यानादिल वय्‌कलं छगू न्‍हूगु बाचा थापं यानादी गुगु वय्‌कलं सिनै पर्वतय्‌ थापं यानादीगु थें मखु। थ्‍व न्‍हूगु बाचायात परमेश्‍वरं थःगु व्‍यवस्‍थात मनूतय्‌गु नुगलय्‌ च्‍वयादी। अले मनूतय्‌सं पमरेश्‍वरयात थःम्‍ह हे प्रभु खः धकाः म्‍हसिकी। इपिं वय्‌कःया मनूत जुइ अले परमेश्‍वरं इमिगु पापत क्षमा यानादी। मसिहं न्‍हूगु बाचायात शुरू यानादी।

![](https://cdn.door43.org/obs/jpg/360px/obs-en-21-06.jpg)

परमेश्‍वरया अगवक्तां थथे नं धाःगु दु, मसिह छम्‍ह अगमवक्त, छम्‍ह पुजाहारी व छम्‍ह जुजु नं जुइतिनि। अगमवक्ता व मनू खः गुम्‍हय्‌सिनं परमेश्‍वरया वचन न्‍यनी अले परमेश्‍वरया वचनत मनूतय्‌गु दथुइ घोषणा याइ। परमेश्‍वरं छ्वयाहयादी धकाः बाचा यानादीम्‍ह मसिह छम्‍ह जक सिद्धम्‍ह अगमवक्ता खः।

![](https://cdn.door43.org/obs/jpg/360px/obs-en-21-07.jpg)

इस्राएली पुजाहारीतय्‌सं मनूतय्‌गु पाखें इमिगु पापया हुनिं दण्‍डया पलेसा क्षमाया निंतिं बलित छाइगु खः। पुजाहारीतय्‌सं मनूतय्‌गु निंतिं प्रार्थना यानाबीगु खः। मसिह छम्‍ह जक सिद्ध दकलय्‌ तःधंम्‍ह पुजाहारि खः गुम्‍हसय्‌सिनं थःत हे छम्‍ह सिद्ध बलिकथं परमेश्‍वरयात लःल्‍हानाबिल।

![](https://cdn.door43.org/obs/jpg/360px/obs-en-21-08.jpg)

जुजु व खः गुम्‍हसय्‌सिनं छुं राज्‍यय्‌ शासन याइ अले मनूतय्‌गु न्‍याय याइ। मसिह छम्‍ह जक सिद्ध जुजु खः गुम्‍ह थः पुर्खा दाऊदया सिंहसनय्‌ च्‍वनादीगु खः। वय्‌कलं सदां सदांया निंतिं फुक्‍क हलिंमय्‌ राज्‍य यानादी अले न्‍ह्याबलें इमान्‍दार जुया व खःकथं न्‍याय यानादी।

![](https://cdn.door43.org/obs/jpg/360px/obs-en-21-09.jpg)

परमेश्‍वरया अगमवक्तातय्‌सं मसिहया बारे मेगू यक्‍व हे खँत भविष्‍यवाण नवागु दु। मलाकी अगमवक्तां मसिह वये न्‍ह्यः छम्‍ह तःधंम्‍ह अगमवक्ता झायादीतिनि धकाः भविष्‍य वाणी यात। यशैया अगमवक्तां मसिह कन्‍यापाखें जन्‍म जुइ धकाः भविष्‍यवाणी यात। मीका अगमवक्तां वय्‌कः बेथलेहेम गामय्‌ जन्‍म जुइ धकाः धाल।

![](https://cdn.door43.org/obs/jpg/360px/obs-en-21-10.jpg)

यशैया अगमवक्तां धाल, मसिह गालीलय्‌ च्‍वनादी, नुगः क्‍वतुंवंपिन्‍त लाय्‌काः बीत, चिनातःपिन्‍त त्‍वःताबीत व कुनातःपिन्‍त छुत्‍कारा बीत। मसिहं ल्‍वचं कःपिं म्‍हंमफुपिं व न्‍ह्याय्‌पनं मताःपिं, मिखां मखंपिं, खँ ल्‍हाय्‌मफुपिं व न्‍यासे वने मफुपिन्‍त लाय्‌कदी धकाः भविष्‍यवाण यात।

![](https://cdn.door43.org/obs/jpg/360px/obs-en-21-11.jpg)

यशैया अगमवक्तां थ्‍व नं भविष्‍यवाणी यात मसिहयात छुं दोष मदय्‌कः घृणा व हेला याइ। मेपिं अगमवक्तातय्‌सं मसिहयात स्‍यापिन्‍सं वय्‌कःयागु वसःयात चिठ्ठा तइ अले छम्‍ह पासां वय्‌कःयात धोका बी धकाः भविष्‍यवाणी यात। जकरिया अगमवक्तां व पासायात मसिहयात धोका ब्‍यूगुया पलेसा स्‍विगू वहःया कुचा ज्‍याला कथं बी धकाः भविष्‍यवाणी यात।

![](https://cdn.door43.org/obs/jpg/360px/obs-en-21-12.jpg)

अगमवक्तातय्‌सं मसिहया मृत्‍युया बारे नं भविष्‍यवाणी यात। यशैयां थुकथं भविष्‍यवाणी यात, मनूतय्‌सं मसिहयात थुकलं बी, गिजय्‌ याइ, दायाबी। इमिसं वय्‌कः यात भाला सुयाबी अले यक्‍व हे कष्‍ट व सास्‍ति बिया वय्‌कःयात स्‍याइ, अय्‌नं वय्‌कःया छुं नं दोष मदु।

![](https://cdn.door43.org/obs/jpg/360px/obs-en-21-13.jpg)

अगमवक्तातय्‌सं थथे नं धाल, वय्‌कः छुं नं पाप मदुम्‍ह सिद्धम्‍ह खः। वय्‌कः मेपिं मनूतय्‌गु पापया दण्‍ड क्‍वबियेत सिनादीगु खः। वय्‌कःया दण्‍डं मनूत व परमेश्‍वरया दथुइ शान्‍ति हयादिल। अथे जुयाः मसिहयात क्‍वह्यंकेगु परमेश्‍वरयागु हे इच्‍छा खः।

![](https://cdn.door43.org/obs/jpg/360px/obs-en-21-14.jpg)

अगमवक्ततय्‌सं थुकथं नं भविष्‍यवाणी यात, मसिह सीनादी अले परमेश्‍वरं हे वय्‌कःयात सीपाखें हाकनं म्‍वाकादी। मसिहया मृत्‍यु व पुनरूत्‍थानपाखें परमेश्‍वरं मनूतय्‌त बचय्‌ यायेत व न्‍हूगु बाचा शुरू यायेगु वय्‌कःया आजु पूवंकादी।

![](https://cdn.door43.org/obs/jpg/360px/obs-en-21-15.jpg)

परमेश्‍वरं मसिहया बारे अगमवक्तातय्‌सं यक्‍व हे खँत क्‍यनाबिल। अय्‌नं मसिह उपिं फुक्‍क अगमवक्तातय्‌गु ईलय्‌ झायामदी। थुपिं लिपांगु ईया भविष्‍यवाणीत याःगु पेसःदँ (४००) लिपाया ईलय्‌ तिनिं परमेश्‍वरं मसिहयात थ्‍व हलिंमय्‌ छ्वयाहयादिल। थ्‍व बाइबलया बाखं थुपिं सफूतपाखें काःगु ख:

*उत्पत्ति ३:१५; १२:१-३; व्यवस्था १८:१५; २ शामुएल ७; यर्मिया ३१; यशैया ५९:१६; दानिएल ७; मलाकी ४:५; यशैया ७:१४; मीका ५:२; यशैया ९:१-७; ३५:३-५; ६१; ५३; भजनसंग्रह २२:१८; ३५:१९; ६९:४; ४१:९; जकरिया ११:१२-१३; यशैया ५०:६; भजनसंग्रह १६:१०-११*

## 22. २२. बप्‍तिस्‍मा बीम्‍ह यूहन्‍ना बूगु

https://openbiblestories.org/l/new/story-22/

![](https://cdn.door43.org/obs/jpg/360px/obs-en-22-01.jpg)

न्‍हापा न्‍हापा परमेश्‍वर थः मनूतनापं थः स्‍वर्गदूत व अगमवक्तातपाखें नवानादिल। अय्‌नं पेसःदँ (४००) तक वय्‌कः इपिं नापं अथे हे नवानादिल। आकाझाकां छम्‍ह स्‍वर्गदूत जकरिया नांयाम्‍ह छम्‍ह पुजाहारीयाथाय्‌ परमेश्‍वरया बुखँ ज्‍वनाः वल। जकरिया व वया कला एलिशिबा परमेश्‍वरया आराधना याइपिं खः अय्‌नं इमि छम्‍ह नं सन्‍तान मदु।

![](https://cdn.door43.org/obs/jpg/360px/obs-en-22-02.jpg)

व स्‍वर्गदूतं जकरियायात धाल, “छिमि कलानं छम्‍ह काय्‌ बुइकी। छं वयागु नां यूहन्‍ना ति। व पवित्र आत्‍मां जाःम्‍ह जुइ अले वं हे मसिहया निंतिं लँ तयार याइ।

![](https://cdn.door43.org/obs/jpg/360px/obs-en-22-03.jpg)

स्‍वर्गदूतं जकरियायात लिसः बिल, “परमेश्‍वरं जितः छन्‍थाय्‌ थ्‍व भिंगु खँ न्‍यंकेत छ्‌वयाहयादीगु खः। छं जितः पत्‍याः मयागु कारणं मचा मबुतले छ पाकः जुया च्‍वनि।” अले थत्‍थें हे जकरियां नवाये मफुत। अले व दूतं जकरियायात त्‍वःता वन। अनंलि जकरिया थःगु छेँय्‌ लिहां वन अले वया कलाया प्‍वथय्‌ दत।

![](https://cdn.door43.org/obs/jpg/360px/obs-en-22-04.jpg)

एलिशिबा प्‍वाथय्‌ दुगु खुला (६) दुबलय्‌ व हे स्‍वर्गदूत आकाझाकां एलिशिबाया थःलाम्‍हय्‌सिथाय्‌ खनेदय्‌कः वल, वयागु नां मरियम खम। व छम्‍ह कन्‍याम्‍ह खः वयागु मगनी योसेफ नांयाम्‍ह मनूनापं जुइधुंकूगु खः। स्‍वर्गदूतं धाल, “छं प्‍वथाय्‌ दइ अले छम्‍ह काय्‌ बुइकी। छं वयागु नां येशू ति। वय्‌कः स्‍वर्गय्‌ च्‍वनादीम्‍ह परमेश्‍वरया काय्‌ जुइ अले वय्‌कलं मनूतय्‌गु नुगलय्‌ सदां सदां राज्‍य यानादी।”

![](https://cdn.door43.org/obs/jpg/360px/obs-en-22-05.jpg)

मरियमं लिसः बिल, “थ्‍व गुकथं जुइ फइ, जि ब्‍याहाला मजुनि? स्‍वर्गदूतं धाल, “पवित्र आत्‍मा छंके झायादी अले पवित्र आत्‍माया शक्तिया किचः छंके वइ। अथे जुयाम व मचा पवित्र परमेश्‍वरया काय जुइ।” मरियमं स्‍वर्गदूतयातं धाःगु खँय्‌ विश्‍वास यात अले व खँयात नालाकाल।

![](https://cdn.door43.org/obs/jpg/360px/obs-en-22-06.jpg)

मरियमं स्‍वर्गदूतनापं खँल्‍हाःगु छुं ई लिपा हे व एलिशिबायात नापलायेत वन। एलिशिबां मरियमं ज्‍वजलपा धाःगु न्‍यनेवं हे वया प्‍वथय्‌ च्‍वंम्‍ह मचा सना हल। परमेश्‍वरं इमिगु निंतिं यानादीगु ज्‍यात खनाः इपिं मिसात तसकं हे लय्‌ताल। एलिशिबायाथाय्‌ स्‍वलाति च्‍वना मरियम थःगु छेँय्‌ तुं लिहां वन।

![](https://cdn.door43.org/obs/jpg/360px/obs-en-22-07.jpg)

एलिशिबां छम्‍ह काय्‌ बुइके धुंकाः स्‍वर्गदूतं उजं ब्‍यु थें जकरिया व एलिशिबां वयागु नां ‘यूहन्‍ना’ तल। अले परमेश्‍वरं हाकनं जकरियायात नवाये फय्‌कादिल। जकरियां धाल, “परमेश्‍वरया प्रशंसा जुइमा, छाय्‌धाःसा वय्‌कलं थः मनूतय्‌त थुइकादीगु दु।

*थ्‍व बाइबलया बाखं लूका १ पाखें काःगु खः*

## 23. २३. येशू बूगु

https://openbiblestories.org/l/new/story-23/

![](https://cdn.door43.org/obs/jpg/360px/obs-en-23-01.jpg)

योसेफ नां याम्‍ह छम्‍ह धर्मीम्‍ह मनूनापं मरियमया मगनी जूगु खः। मरियमया प्‍वथय्‌ दुबलय्‌ वं सिल। वयागु प्‍वथय्‌ दुम्‍ह मचा थःम्‍हसिगु मखु धकाः वं सिकल। योसेफं मरियमयात बेज्‍जत मयासे दुनें दुनें त्‍वःता छ्‌वयेगु ग्‍वसा ग्‍वल। अय्‌नं वं अथे याये न्‍ह्यः म्‍हगसय्‌ छम्‍ह स्‍वर्गदूत वयाथाय्‌ खनेदय्‌कः वल।

![](https://cdn.door43.org/obs/jpg/360px/obs-en-23-02.jpg)

स्‍वर्गदूतं योसेफयात धाल, “योसेफ, मरियमयात ब्‍याहा यायेत ग्‍याये मते। छायधाःसा पवित्र आत्‍मां वया प्‍वथय्‌ दुगु खः। वं छम्‍ह काय्‌ बुइकी। वयागु नां येशू ति (उकिया अर्थ ‘याहोवेनं बचय्‌ यानादी’) छाय्‌धाःसा वय्‌कलं मनूतय्‌त इमिगु पापपाखें छुतय्‌ यानादी।

![](https://cdn.door43.org/obs/jpg/360px/obs-en-23-03.jpg)

अथे जुयाः योसेफं मरियमयात ब्‍याहा यात अले वयात थः कला नाला थःगु छेँय्‌ यंकल अय्‌नं योसेफ मरियमया मचा मबुतले व नापं मद्यं।

![](https://cdn.door43.org/obs/jpg/360px/obs-en-23-04.jpg)

मरियमया मचा बुइगु ब्‍यथा जुइगु ई लिक्‍क वबलय्‌ रोमी सरकारं फुक्‍कसित जनगणनाया निंतिं थथःगु पुर्खात च्‍वनाच्‍वंगु शहरय्‌ हुँ धकाः उजं बिल। योसेफ व मरियमं इपिं च्‍वनाच्‍वंगु थाय्‌ नासरतनिसें बेथलेहेमतक ताहाकःगु लँपु जुया वनेमाल छाय्‌धाःसा इमिगु पुर्खा दाऊदया शहर बेथलेहेम खः।

![](https://cdn.door43.org/obs/jpg/360px/obs-en-23-05.jpg)

इपिं बेथलेहेमय्‌ थ्‍यन अन च्‍वनेगु निंतिं गननं थाय्‌ मदु। इपिं च्‍वनेगु निंतिं इमिसं छगू साया गः जक दुगु खः। इमिसं मचायात अन हे बुइकल अले मरियमं मचायात इचां भुनाः पशुतय्‌त नकिगु थलय्‌ थ्‍यनातल छाय्‌धाःसा मचायात तय्‌त गनं हे थाय्‌ मदु। इमिसं मचायागु नां ‘येशू’ तल।

![](https://cdn.door43.org/obs/jpg/360px/obs-en-23-06.jpg)

उखुन्‍हु चान्हय्‌ लिक्‍क लाःगु ख्‍यलय्‌ फैजवाःत फैचात पिवाः च्‍वनाच्‍वंन। आकाझाकां उबलय्‌ हे तसकं जः थीम्‍ह स्‍वर्गदूत इमिथाय्‌ खनेदय्‌कः वल अले थ्‍व खनाः इपिं ग्‍यात। स्‍वर्गदूतं धाल, “ग्‍याये म्‍वाः, छाय्‌धाःसा जि छिमित लसतायागु भिंगु खँ कं वयागु खम। छिमि मसिह बेथलेहेमय्‌ बूगु दु।

![](https://cdn.door43.org/obs/jpg/360px/obs-en-23-07.jpg)

मचायात मावनेनु अले इमिसं मचायात इचां भुनाः फैतय्‌त नकिगु थलय्‌ थ्‍यनातःगु लुइकल।” आकाझाकां सर्गय्‌ परमेश्‍वरया प्रशंसा यायां थथे धकाः म्‍ये हाल, स्‍वर्गय्‌ च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्वी च्‍नाच्‍वंसां शान्‍ति दयेमा।”

![](https://cdn.door43.org/obs/jpg/360px/obs-en-23-08.jpg)

छुं दिं लिपा, फैजवाःत येशू बूगु थासय्‌ थ्‍यंकः वल अले स्‍वर्गदूततय्‌सं धाःथें हे वय्‌कःयात इचां भुना फैतय्‌त नकेगु थलय्‌ थ्‍यनाः तःगु खन। इपिं तसकं लयलय्‌ताल। मरियम नं तसकं लय्‌ताल। फैजवाःत, इमिसं खंगु न्‍यानागु फुक्‍क खँया निंतिं परमेश्‍वरयात प्रशंसा यायां फैत दुगु ख्‍यलय्‌ तुं लिहां वन।

![](https://cdn.door43.org/obs/jpg/360px/obs-en-23-09.jpg)

छुं ई लिपा तापकं पूर्बया ज्ञानीपिं मनूतय्‌सं सर्गय्‌ अजूचायापुगु नगु खन। उकिया अर्थ यहूदीतय्‌ छम्‍ह न्‍हूम्‍ह जुजु बूगु दु धयागु खँ इमिसं सिकल। अथे जुयाः व जुजुयात स्‍वयेगु निंतिं इपिं तापाक्‍क लँपुइ वन। इपिं बेथलेहेमय्‌ थ्‍यंकः वल अले येशू व वया मां अबु च्‍वनाच्‍वंगु थाय्‌ लुइकल।

![](https://cdn.door43.org/obs/jpg/360px/obs-en-23-10.jpg)

उपिं ज्ञानी मनूतय्‌सं येशूयात वया मानापं च्‍वनाच्‍वंगु खन अले इमिसं क्‍वछुनाः वय्‌कःयात भागि यात अले वय्‌कःया आराधना यात। इमिसं येशूयात तसकं मूवंगु चिजत छाल। अनंलि इपिं थथःगु छेँय्‌ लिहां वन।

*थ्‍व बाइबलया बाखं थुपिं अध्‍यायपाखें काःगु खः मत्ती १; लूका २ बाट*

## 24. २४. यूहन्‍नां येशूयात बप्तिस्मा ब्‍यूगु

https://openbiblestories.org/l/new/story-24/

![](https://cdn.door43.org/obs/jpg/360px/obs-en-24-01.jpg)

जकरिया व एलिशिबाया काय्‌ बप्‍तिस्‍मा बीम्‍ह यूहन्‍ना तःधिकः जुया वल अले व छम्‍ह अगमवक्ता जुल। व मरुभूमिइ च्‍वनिम्‍ह खः वं गुँ कस्‍ती व क्‍वःबुँचात नइगु खः अले ऊँतया सं थाना तःगु वसः पुनिम्‍ह खः।

![](https://cdn.door43.org/obs/jpg/360px/obs-en-24-02.jpg)

यक्‍व हे मनूत मरुभूमिइ यूहन्‍नाया वचन न्‍यनेत वल। वं इमित थथे धकाः भिंगु खँ न्‍यंकेगु यात, “पश्‍चाताप या, छाय्‌धाःसा स्‍वर्गया राज्‍य न्‍ह्यःने थ्‍यंकः वःगु दु।”

![](https://cdn.door43.org/obs/jpg/360px/obs-en-24-03.jpg)

यक्‍व हे मनूतय्‌सं यूहन्‍नाया भिंगु खँय्‌ विश्‍वास यानाः इमिसं पश्‍चाताप यात अले इमित यूहन्‍नां बप्‍तिस्‍मा बिल। अप्‍वः थें धर्म गुरुतय्‌ नायःतय्‌सनं यूहन्‍नापाखें बप्‍तिस्‍मा काल अय्‌नं इमिसं थथःगु पाप नालाकया पश्‍चाताप धाःसा मया।

![](https://cdn.door43.org/obs/jpg/360px/obs-en-24-04.jpg)

यूहन्‍नां उपिं धर्म गुरुतय्‌ नायःतय्‌त धाल, “हे सर्पया सन्‍तानत,

![](https://cdn.door43.org/obs/jpg/360px/obs-en-24-05.jpg)

सुं यहूदीतय्‌सं यूहन्‍नायात छु छि हे मसिह खः ला? धकाः न्‍यन अले यूहन्‍नां लिसः बिल, “जि मसिह मखु, अय्‌नं जि स्‍वया लिपा छम्‍ह तःधंम्‍ह झायाच्‍वंगु दु। जि वय्‌कःयागु लाकां ज्‍वनाजुइत तक नं मल्‍वः।”

![](https://cdn.door43.org/obs/jpg/360px/obs-en-24-06.jpg)

छन्‍हु येशू यूहन्‍नापाखें बप्‍तिस्‍मा कायेगु निंतिं झाल। गुबलय्‌ यूहन्‍नां येशूयात खन अले वं वय्‌कःयात थथे धाल, “स्‍वयादिसँ, छिं जक जितः बप्‍तिस्‍मा बयादी माः।”

![](https://cdn.door43.org/obs/jpg/360px/obs-en-24-07.jpg)

यूहन्‍नां येशूयात धाल, “जि छितः बप्‍तिस्‍मा बीत योग्‍यम्‍ह मखु। बरू छिं जक जितः बप्‍तिस्‍मा बियादी माः।” अय्‌नं येशूं लिसः बियादिल, “छं जितः बप्‍तिस्‍मा बीमा छाय्‌धाःसा थथे यायेगु पाय्‌छि जु। अले थुकथं हे झीसं फुक्‍क धार्मिकता पूवंके माःगु दु।” अथे जुयाः यूहन्‍नां वय्‌कःयात बप्‍तिस्‍मा बिल। येशूं गुबलें नं पाप यानादीगु मदु।

![](https://cdn.door43.org/obs/jpg/360px/obs-en-24-08.jpg)

वय्‌कः बप्‍तिस्‍मा कया लखं थाहां झाल, अले परमेश्‍वरया आत्‍मा सुकुभतु थें जुयाः वय्‌कःया थःगु म्‍हय्‌ जूवयाच्‍वंगु खन, उघ्रिमय्‌ हे स्‍वर्गं थथे धयाहल, “थ्‍व जि यःम्‍ह काय्‌ खः थ्‍व खनाः जि तसकं लय्‌ताः।”

![](https://cdn.door43.org/obs/jpg/360px/obs-en-24-09.jpg)

परमेश्‍वरं यूहन्‍नायात धयादिल, “पवित्र आत्‍मा क्‍वहांझायादी अले छं बप्‍तिस्‍मा ब्यूपिं सकसिके च्‍वनादी। व मनू परमेश्‍वरया काय्‌ जुइ।” अन छम्‍ह जक परमेश्‍वर दी। अय्‌नं यूहन्‍नां येशूयात बप्‍तिस्‍मा बिल अले वं परमेश्‍वर बाः नवानादीगु सः ताल, परमेश्‍वरया काय्‌ येशूयात खन, अले वं पवित्र आत्‍मायात नं खन।

*थ्‍व बाइबलया बाखं थुपिं पदत पाखें काःगु खः, मत्ती ३; मर्कूस १:९-११; लूका ३:१-२३ बाट*

## 25. २५. शैतानं येशूयात जाँचय्‌ याःगु

https://openbiblestories.org/l/new/story-25/

![](https://cdn.door43.org/obs/jpg/360px/obs-en-25-01.jpg)

येशूं बप्‍तिस्‍मा कयादी धुंकाः पवित्र आत्‍मा वय्‌कःयात मरुभूमिइ ब्‍वनायंकल। अले अन पीम्‍हु पीचा तक उपवास च्‍वनादिल। अथे जुयाः शैतान वय्‌कःयाथाय्‌ वल अले वय्‌कःयात पापलय्‌ लाकेगु निंतिं जाँचय्‌ यात।

![](https://cdn.door43.org/obs/jpg/360px/obs-en-25-02.jpg)

शैतानं थथे धया वय्‌कःयात जाँचय्‌ यात, “छि परमेश्‍वरया काय्‌ खःसा थ्‍व ल्‍वहंयात मरि जुइमा धकाः धयादिसँ अले छिसं व नयेफु।

![](https://cdn.door43.org/obs/jpg/360px/obs-en-25-03.jpg)

येशूं लिसः बियादिल, “ च्‍वयातःगु दु, मनूत मरिं जक मखु, परमेश्‍वरया म्‍हुतुं पिहां वःगु छगू छगू वचनं म्‍वाइ।

![](https://cdn.door43.org/obs/jpg/360px/obs-en-25-04.jpg)

अनंलि शैतानं येशूयात देगलय्‌ च्‍वकाय्‌ यंका थथे धाल, “छि परमेश्‍वरया काय्‌ खःसा थनं तिंन्‍हुयादिसँ, छाय्‌धाःसा थथे च्‍वयातःगु दु, ‘छ न्‍ह्याथाय्‌ वंसां रक्षा यायेत परमेश्‍वरं थः दूततय्‌त आज्ञा बियादी अले ल्‍वहँतं छंगू तुतियात घाःपाः मजुइमा धकाः इमिसं थःगु ल्‍हाःतं छन्‍त ल्‍ह्वना तइ।”

![](https://cdn.door43.org/obs/jpg/360px/obs-en-25-05.jpg)

अय्‌नं येशूं शैतानयात वचनतपाखें हे लिसः बियादिल। येशूं धयादिल, “परमेश्‍वरया वचनय्‌ वय्‌कलं थः मनूतय्‌त थथे उजं बियादीगु दु, ‘छं परमप्रभु थः परमेश्‍वरयागु मन स्‍वये मते।’”

![](https://cdn.door43.org/obs/jpg/360px/obs-en-25-06.jpg)

अनंलि शैतानं येशूयात हलिंमया फुक्‍क राज्‍यत व अनयागु फुक्‍क महिमात क्‍यना धाल, “छिं जितः भागि यानादीसा जिं छितः थ्‍व फुक्‍कं बी।”

![](https://cdn.door43.org/obs/jpg/360px/obs-en-25-07.jpg)

येशूं लिसः बियादिल, “अय्‌ शैतान, जिग न्‍ह्यःने च्‍वने मते हुँ। ‘छं परमप्रभु परमेश्‍वरयागु जक सेवा यायेमाः। अले वय्‌कःयात जक मानय्‌ यायेमाः।’”

![](https://cdn.door43.org/obs/jpg/360px/obs-en-25-08.jpg)

येशूं थःत शैतानं जाँचय्‌ याके बियादिल, अले लिपतय्‌ शैतानं वय्‌कःयात त्‍वःता वन। अले स्‍वर्गदूत वयाः वय्‌कःयागु सेवा यात।

*थ्‍व बाखं बाइबलया थुपिं पदतपाखें काःगु खः, मत्ती ४:१-११; मर्कूस १:१२-१३; लूका ४:१-१३ बाट*

## 26. २६. येशूं थःगु सेवकाइ शुरू यानादीगु

https://openbiblestories.org/l/new/story-26/

![](https://cdn.door43.org/obs/jpg/360px/obs-en-26-01.jpg)

शैतानया परीक्षाय्‌ विजयी जुइ धुंकाः, येशू पवित्र आत्‍माया शक्तिं जाया गलीलया प्रान्‍तय्‌ लिहांझायादिल, गन वय्‌कः न्‍हापा च्‍वनादीगु खः। येशूं स्‍यनेकने यायां वय्‌कः छथासं मेगू थाय्‌ झायादिल। अले सकसिनं वय्‌कः तसकं भिंम्‍ह खः धकाः धाल।

![](https://cdn.door43.org/obs/jpg/360px/obs-en-26-02.jpg)

येशू नासरतया गामय्‌ झायादिल, वय्‌कः मचाबलय्‌ अन हे ब्‍वलंगु खः। शबाथया दिंनय्‌ वय्‌कः आराधना यायेगु थासयह झायादिल। मनूतय्‌सं वय्‌कःयात ब्‍वनेत यशैयाया सफू बिल। येशूं व सफू पुइकादिल अले उकिं छगू ब्‍वः ब्‍वनाः मनूतय्‌त न्‍यंकादिल।

![](https://cdn.door43.org/obs/jpg/360px/obs-en-26-03.jpg)

येशूं थुकथं ब्‍वनादिल, “मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःता बीत, कांपिन्‍त मिखां खंका बीत, अले न्‍हुत्तु न्‍हुया तःपिन्‍त थना बीत, अले परमप्रभुं दया माया यानादीगु थुबलय्‌ हे खः धकाः नं न्‍यंका जुइत जितः छ्वया हयादीगु खः।”

![](https://cdn.door43.org/obs/jpg/360px/obs-en-26-04.jpg)

अले येशू बँय्‌ फय्‌तुनादिल। फुक्‍कसिनं वय्‌कःयात स्‍वयाच्‍वन। वय्‌कलं नकतिनि ब्‍वनादीगु ब्‍व मसीहया बारे खः धयागु खँ अन च्‍वनाच्‍वंपिं मनूतय्‌सं स्‍यू। येशूं धयादिल, “जिं ब्‍वनागु खँ छिकपिन्‍सं ता हे ताः। जिं गथे ब्‍वनागु खः अथे हे थौं पूवनेधुंकल।” वय्‌कःयागु खँ न्‍यनाः इपिं अजू चाल। अले इमिसं थथे धाल – “थ्‍व मनू योसेफया काय्‌ मखु ला?”

![](https://cdn.door43.org/obs/jpg/360px/obs-en-26-05.jpg)

अले येशूं धयादिल, “जिं छिमित धात्‍थें धाये, थःगु हे देशय्‌ च्‍वंम्‍ह अगमवक्तायात सुनानं मानय्‌ याइ मखु।” एलियाया ईलय्‌, इस्राएलय्‌ थीथीकथंयापिं भाःत सीधुंकूपिं मिसात दु। अय्‌नं उबलय्‌ अन स्‍वदँ व खुलातक वा मवल, परमेश्‍वरं एलियायात इस्राएलयाम्‍ह छम्‍ह भाःत सीधुंकूम्‍ह मिसायात ग्‍वाहालि यायेत जक छ्वयादीगु मखु बरू देशय्‌ च्‍वंपिं फुक्‍क भाःत सीधुंकूपिं मिसातय्‌त ग्‍वाहालि यायेगु निंतिं छ्वयादीगु खः।

![](https://cdn.door43.org/obs/jpg/360px/obs-en-26-06.jpg)

येशूं धयादिल, “अले एलिया अगमवक्ताया ईलय्‌ छेंगूया ल्‍वय्‌ दुपिं यक्‍व हे मनूत इस्राएलय्‌ दुगु खः। अय्‌नं एलिशां इपिं सुयातनं लाय्‌का मब्‍यु। वं इस्राएलया नामानया छेंगूया ल्‍वय्‌ जक लाय्‌काबिल।” येशूयागु खँ न्‍यनाच्‍वंपिं यहूदी मनूत खः। अले इमिसं वय्‌कलं थथे धयादीगु खँ न्‍यंबलय्‌ इपिं वय्‌कः खनाः तसकं तंम्‍वल।

![](https://cdn.door43.org/obs/jpg/360px/obs-en-26-07.jpg)

अथे जुयाः नासरतया मनूतय्‌सं येशूयात आराधना यायेगु थासं लुया डाँडाया लिक्‍क साला पिनेहल अले वय्‌कःयात अनं क्‍वफाना स्‍यायेत सन। अय्‌नं येशू भीडया दथुं पिहां वया नासरतथाय्‌ त्‍वःतावन।

![](https://cdn.door43.org/obs/jpg/360px/obs-en-26-08.jpg)

अनंलिं येशू गालीलया प्रान्‍तय्‌ झायादिल, अले ग्‍वाःग्‍वा मनूत वय्‌कःयाथाय्‌ वल। इमिसं यक्‍व ल्‍वचंकाःपिं मनूत वय्‌कःयाथाय्‌ हल, उपिं मध्‍य खुत्‍यांपिं, मिखां मखंपिं व पाकःत खः। अले येशूं इपि फुक्‍क मनूतय्‌त लाय्‌कादिल।

![](https://cdn.door43.org/obs/jpg/360px/obs-en-26-09.jpg)

यक्‍व भूत दुब्‍युपिं मनूत येशूयाथाय्‌ हल। अले येशू उपिं भूत आत्‍मातय्‌ उपिं मनूतय्‌गु म्‍हं पिहांवनेत उजं बियादिल अले उपिं भूतआत्‍मा मनूतय्‌गु म्‍हं पिहांवन। अप्‍वः थें भूत दुब्‍युपिं मनूतय्‌सं वय्‌कःयात तसलं हाला थथे धाल, “छि परमेश्‍वरया काय्‌ खः।” अले मनूतय्‌सं थ्‍व अजूचायापुगु ज्‍यात खनाः इमिसं परमेश्‍वरया प्रशंसा यात।

![](https://cdn.door43.org/obs/jpg/360px/obs-en-26-10.jpg)

अनंलिपा येशूं झिंनिम्‍ह मनूत ल्‍यादिल उपिं मनूतय्‌त हे वय्‌कःया चेलात धकाः धाइ। इपिं चेलात येशू नापनापं जुया वय्‌कःपाखें सय्‌का काइगु खः।

*थ्‍व बाखं बाइबलया थुपिं पदत पाखें काःगु खः - मत्ती ४:१२-२५; मर्कूस १:१४-१५, ३५-३९; ३:१३-२१; लूका ४:१४-३०, ३८-४४*

## 27. २७. भिंम्‍ह सामरीया उखान

https://openbiblestories.org/l/new/story-27/

![](https://cdn.door43.org/obs/jpg/360px/obs-en-27-01.jpg)

छन्‍हु, व्‍यवस्‍थाया खँ तसकं सस्‍यूम्‍ह छम्‍ह यहूदी येशूयात जाँचय्‌ यायेत वल, अले वं धाल, “गुरूजु, अनन्‍त जीवन कायेत जिं छु छु यायेमा?” येशूं लिसः बियादिल, “परमेश्‍वरया व्‍यवस्‍थाय्‌ छु च्‍वयातःगु दु?”

![](https://cdn.door43.org/obs/jpg/360px/obs-en-27-02.jpg)

अले व सस्‍यूम्‍ह मनुखं परमेश्‍वरया व्‍यवस्‍थाय्‌ थथे च्‍वयातःगु दु धकाः लिसः बिल, “छं छिमि परमेश्‍वरयात थःगु फुक्‍क नुगलं, थःगु फुक्‍क प्राणं, थःगु फुक्‍क शक्तिं माया या अले थः जलाःखलाःतय्‌त थःत थें हे माया या।” येशूं धयादिल, “छिं पाय्‌छिगु खँ धयादिल, छिं थथे यानादिल धाःसा छितः अनन्‍त जीवन दइ।”

![](https://cdn.door43.org/obs/jpg/360px/obs-en-27-03.jpg)

अय्‌नं व व्‍यवस्‍था तसकं सःम्‍ह मनू थःधर्मीम्‍ह खः धयागु क्‍यनेगु इच्‍छा याःगु खः, अथे जुया वं थथे धकाः न्‍यन, “अय्‌सा जिमि जलाःखला सु खः?”

![](https://cdn.door43.org/obs/jpg/360px/obs-en-27-04.jpg)

येशूं व मनूयात छगू उखान धया लिसः बियादिल, “छम्‍ह यहूदी मनू येरूशलेमं यरिहोपाखे वना च्‍वन।”

![](https://cdn.door43.org/obs/jpg/360px/obs-en-27-05.jpg)

“लँय्‌ वनाच्‍वंबलय्‌ वयात दाखुँतय्‌गु छगू पुचलं नापलात। अले इमिसं वयाके च्‍वंगु फुक्‍क लाका कया वायत नांगा यानाः बाम्‍ह सिक दायाः इमिसं वयात अन हे त्‍वःता वन।”

![](https://cdn.door43.org/obs/jpg/360px/obs-en-27-06.jpg)

“वयां छुं ईलिपा, छम्‍ह यहूदी पुजाहारी नं व हे लँ जुया वनाच्‍वंगु खः। अले व पुजाहारीं व मनूयात घाः जुया लँय्‌ ग्‍वःतुला च्‍वंगु खनाः नं मखंछु यानाः व थःगु लँय्‌ वन। व पुजाहारीं व घाः जूम्‍ह मनूयात वास्‍ता हे मयात।

![](https://cdn.door43.org/obs/jpg/360px/obs-en-27-07.jpg)

“थथे जूगु छुं ईलिपा हे, छम्‍ह लेवी नं व हे लँ जुया वल। (लेवीत यहूदीतय्‌ छगू कुल खः अले इमिसं देगःया पुजाहारीतय्‌त ग्‍वाहालि याइगु खः)। व लेवी नं लंया मेखेपाखे हे जुया वन अले व लेवीं नं व घाः जूम्‍ह मनूयात वास्‍ता हे मयात।”

![](https://cdn.door43.org/obs/jpg/360px/obs-en-27-08.jpg)

“व हे लँ जुया छम्‍ह सामरी मनू नं वल। (सामरीतय्‌त यहूदीतय्‌सं हेला याइगु खः।) व सामरीं व घाः जूम्‍ह यहूदी मनूयात खनाः तसकं माया वन अले वयाथाय्‌ लिक्‍क वनाः घाः सिलाः वासः तयाः कापतं चिनाबिल।

![](https://cdn.door43.org/obs/jpg/360px/obs-en-27-09.jpg)

“अनंलि व सामरीं व मनूयात थःगु गधा म्‍हय्‌ तयाः अन लिक्‍क च्‍वंगु छगू धर्मशालय्‌ यंकाः वयागु सुसाःकुसा यात।”

![](https://cdn.door43.org/obs/jpg/360px/obs-en-27-10.jpg)

कन्‍हय्‌ खुन्‍हु, व सामरी थःगु लंपुइ वने माःगु खः। अथे जुयाः वं धर्मशालाया थुवाःयात छुं ध्‍यबा बिया धाल, ‘वयात सुसाःकुसा याना तयादिसँ। थ्‍व स्‍वयां अप्‍व ध्‍यबा खर्च जुल धाःसा लिहां वयाः जिं छितः मगाःगु धिबा पुला बी।’”

![](https://cdn.door43.org/obs/jpg/360px/obs-en-27-11.jpg)

अनंलि येशूं व व्‍यवस्‍था सः स्‍यूम्‍ह मनूयाके न्‍यन, “छिसं छु बिचाः यानादीया? छिं स्‍वयेबलय्‌ थुपिं स्‍वम्‍ह मध्‍ये गुम्‍ह मनू दाखुँतय्‌सं दाया थकूम्‍ह मनूया जःलाखःला जुल?” अले वं लिसः बिल, “वयात माया याःम्‍ह मनू हे वया जःलाखःला थें जुल।” येशूं वयात धयादिल, “छिं नं वं थें तुं याः झासँ।”

*थ्‍व बाखं बाइबलया थुपिं पदत पाखें काःगु खः, लूका १०:२५-३७*

## 28. २८. तःमिम्‍ह ल्‍याय्‌मम्‍ह शासक

https://openbiblestories.org/l/new/story-28/

![](https://cdn.door43.org/obs/jpg/360px/obs-en-28-01.jpg)

छन्‍हु, छम्‍ह तःमिम्‍ह ल्‍याय्‌मम्‍ह शासक येशूयाथाय्‌ वया थथे धकाः न्‍यन, “भिंम्‍ह गुरू, छु याःसा जितः अनन्‍त जीवन दइ?” येशूं वयात धयादिल, “छिं जितः छाय्‌ भिंम्‍ह धकाः धयादियागु? भिंम्‍ह ला छम्‍ह हे जक दु, अले वय्‌कः परमेश्‍वर खः। अय्‌नं छिं अनन्त जीवन काय्‌गु खःसा परमेश्‍वरया आज्ञात मानय्‌ यानादिसँ।”

![](https://cdn.door43.org/obs/jpg/360px/obs-en-28-02.jpg)

व मनुखं न्‍यन, “उपिं मध्‍य छु छु उजंत मानय्‌ यायेमा?” येशूं वयात धयादिल, “स्‍याये मते, व्‍यभिचार याये मते, खुइ मते, मखुगु साक्षी बी मते, थः मांबौयात हनाबना ति अले थः जःलाखःलायात थःत थें हे माया या।”

![](https://cdn.door43.org/obs/jpg/360px/obs-en-28-03.jpg)

व ल्‍याय्‌मम्‍ह मनुखं थःत पाय्‌छिकथं क्‍यनेगु निंतिं धाल, “जिं थुपिं फुक्‍क उजंत मचाबलय्‌ निसें मानय्‌ याना वया च्‍वनागु दु। अले जि सदां म्‍वानाच्‍वनेगु निंतिं अझ मेगु छु याये मानि? येशूं व मनूतयात स्‍वयादिल अले वयात माया यानादिल।

![](https://cdn.door43.org/obs/jpg/360px/obs-en-28-04.jpg)

येशूं लिसः बियादिल, “छ सिद्ध जुइगु इच्‍छा दःसा, हुँ अले छंके दुगु फुक्‍कं मियाः नयेमखंपन्‍त इना बयु, अले छन्‍त स्‍वर्गय्‌ धन दइ। अनंलिपा छ जिगु ल्‍यू ल्‍यू वा।”

![](https://cdn.door43.org/obs/jpg/360px/obs-en-28-05.jpg)

व ल्‍याय्‌मम्‍ह मनू तसकं तःमिम्‍ह जूगुलिं थ्‍व न्‍यनाः व तसकं दुःखमन ताय्‌कल छाय्‌धाःसा वं थम्‍हं अधिकार यानाच्‍वनागु थःके दुगु फुक्‍क चिजत वं अथे यायेगु इच्‍छा मदुगु खः। अले व तःमिम्‍ह मनू अनं लिहां वन।

![](https://cdn.door43.org/obs/jpg/360px/obs-en-28-06.jpg)

अले येशूं वय्‌कःया थः चेलातय्‌त धयादिल, “धन सम्‍पत्ति यक्‍व दुपिन्‍त परमेश्‍वरया राज्‍यय्‌ दुहां वनेत तसकं हे थाकू।

![](https://cdn.door43.org/obs/jpg/360px/obs-en-28-07.jpg)

वय्‌कःया खँ न्‍यनाच्‍वंपिं चलातय्‌सं थ्‍व खँ न्‍यना अजूचाया थथे न्‍ह्यसः यात, “अय्‌सा सुनां जक मुक्ति काये फइ?”

![](https://cdn.door43.org/obs/jpg/360px/obs-en-28-08.jpg)

येशूं उपिं चेलातय्‌त स्‍वया धयादिल, “मनूतय्‌गुपाखें ला थथे यायेगु सम्‍भव मदु अय्‌नं परमेश्‍वरया निंतिं धाःसा फुक्‍कं खँ सम्‍भव दु।

![](https://cdn.door43.org/obs/jpg/360px/obs-en-28-09.jpg)

पत्रुसं येशूयात धाल, “जिमिसं फुक्‍क चिजत त्‍वःता छिगु ल्‍यू ल्‍यू वयच्‍वनागु दु। जिमित छु सिरपा दइ?”

![](https://cdn.door43.org/obs/jpg/360px/obs-en-28-10.jpg)

येशूं लिसः बियादिल, “सुनां परमेश्‍वरया राज्‍यया निंतिं थःगु छेँ, कलाः, दाजुकिजा, तताकेहेँपिं, मांबौ, काय्‌ म्‍ह्याय्‌, वा फुक्‍क सम्‍पत्ति त्‍वःता वइ इमित जिं उपिं फुक्‍क खँया सच्‍छिदुगं अप्‍वः तनाबी अले इमित अनन्‍त जीवन नं दइ। अय्‌नं न्‍हापा लाःपिं लिपा लाइ, अले लिपा लाःपिं न्‍हापा लाइ।”

*थ्‍व बाइबलया बाखं थुपिं पदत पाखें काःगु खः, मत्ती १९:१६-३०; मर्कूस १०:१७-३१; लूका १८:१८-३०*

## 29. २९. क्षमा मयाइम्‍ह च्‍यःयागु उखान

https://openbiblestories.org/l/new/story-29/

![](https://cdn.door43.org/obs/jpg/360px/obs-en-29-01.jpg)

छन्‍हु पत्रुसं येशूयात थथे धकाः न्‍यन, “प्रभु, जिमि किजां जिगु विरूद्धय्‌ पाप यात धाःसा जिं वयात ग्‍वःकः तक क्षमा बीगु? छु न्‍हय्‌कः तक खः ला?” येशूं धयादिल, “न्‍हय्‌कः तक जक मखु थ्‍व स्‍वयाः न्‍हयेदुगं अप्‍वः न्‍हय्‌कः तक बी माः। थ्‍व उखानय्‌ वय्‌कलं झीसं न्‍ह्याबलें क्षमा बीमा धकाः धयादीगु खः।

![](https://cdn.door43.org/obs/jpg/360px/obs-en-29-02.jpg)

परमेश्‍वरया राज्‍य थथे च्‍वं, छकः छम्‍ह जुजुं थः च्‍यःतय्‌के इमिगु ल्‍याःचाः कायेगु क्‍वःछित। वं च्‍यःत मध्‍य छम्‍हय्‌सित लगभग निगू लाख (२,००,०००) दच्‍छितक मेपिं च्‍यःतय्‌गु ऋण क्‍वबिया च्‍वंगु खः।”

![](https://cdn.door43.org/obs/jpg/360px/obs-en-29-03.jpg)

“त्यस नोकरले राजाको सामु आफ्नो घुँडा टेक्यो र भन्यो, ‘कृपया मसँग धैर्य हुनुहोस्, अनि मैले तपाईंलाई तिर्न बाँकी रहेको सबै रकम म तपाईंलाई तिरिदिनेछ।’ राजालाई त्यस नोकरप्रति दया जाग्यो, त्यसैले उनले त्यस नोकरका सारा ऋणहरू चुक्ता गरिदिए अनि उसलाई जान दिए।”

![](https://cdn.door43.org/obs/jpg/360px/obs-en-29-04.jpg)

“अले व च्‍यलं थः जुजुया न्‍ह्यःने पुलिं चुया थथे बिन्‍ति यात, ‘महाराज छु ई पियादिसँ, अले जिं छितः पुलेमाःगु फुक्‍कं ऋण पुलाबी।’ अले जुजुयात व मनू खना दया वना वं वयागु ऋण फुक्‍क माफ याना बिल अले वयात वने बिल।”

![](https://cdn.door43.org/obs/jpg/360px/obs-en-29-05.jpg)

“अले व च्‍यः जुजु थासं पिहां वन, व च्‍यलं वनापं ज्‍या याइम्‍ह मेम्‍ह छम्‍ह च्‍यःयात नापलात। वं वयाके नं छुं ऋण कयातःगु खः। व च्‍यलं थःनापं ज्‍या याइम्‍ह च्‍यःयात ज्‍वनाः थथे धाल, ‘छं जिके कयातःगु ऋण थत्‍थें हे पु धकाः धाल।’”

![](https://cdn.door43.org/obs/jpg/360px/obs-en-29-06.jpg)

“अले व थःनापं ज्‍या याइम्‍ह च्‍यलं पुलिं चुयाः बिन्‍ति थथे यात, ‘हजुर, छुं ई पियादिसँ। छितः पुलेमाःगु फुक्‍कं ऋण पुलाबी।’ अय्‌नं व च्‍यलं थः नापं ज्‍या याइम्‍ह च्‍यःयात ऋण मपुतले झ्‍यालखानाय्‌ तयाबिल।”

![](https://cdn.door43.org/obs/jpg/360px/obs-en-29-07.jpg)

“थ्‍व घटनायात खनाः अन दुपिं मेपिं च्‍यःत तसकं हे दुःखमन ताय्‌कल। अथे जुयाः इपिं जुजुयाथाय्‌ वना अन जूगु फुक्‍क खँ जुजुयात न्‍यंकाबिल।”

![](https://cdn.door43.org/obs/jpg/360px/obs-en-29-08.jpg)

“जुजुं व च्‍यःता सताः वयात थथे धाल, ‘ए दुष्‍टम्‍ह च्‍यः, छं बिन्‍ति याःगुलिं जक जिं छंगु फुक्‍क ऋण क्षमा याना बिया। जिं छन्‍त दया याना थें छं नं थःनापं ज्‍या याइम्‍ह च्‍यःयात दया यायेमाःगु खः।’ जुजु तसकं तंम्‍वयाः फुक्‍क धिबा मपुतले वयात नं झ्‍यालखानाय्‌ कुना तयेगु उजं बिल।”

![](https://cdn.door43.org/obs/jpg/360px/obs-en-29-09.jpg)

अले येशूं धयादिल, “छिमिसं नं थः दाजुकिजापिन्‍त दुनुगलंनिसें क्षमा याना मबिल धाःसा स्‍वर्गय्‌ च्‍वनादीम्‍ह जिमि बाःनं नं छिपिं फुक्‍कसित अथे हे यानादी।”

*थ्‍व उखान बायबलया थुपिं पदत पाखें काःगु खः, मत्ती १८:२१-३५*

## 30. ३०. येशूं न्‍यद्वः मनूतय्‌त नकादीगु

https://openbiblestories.org/l/new/story-30/

![](https://cdn.door43.org/obs/jpg/360px/obs-en-30-01.jpg)

मनूतय्‌त भिंगु खँ न्‍यंकः वनेत व इमित स्‍यनेकने यायेत येशूं थः चेलातय्‌त थीथी थासय्‌ छ्‌वयादिल। अले इपिं येशूयाथाय्‌ लिहां वयाः थःपिन्‍सं यानागु ज्‍या फुक्‍क वय्‌कःयात धयाबिल। अनंलिपा येशूं इमित थनापं समुद्रया उखेपाखेया सिथय्‌ सुनसान थासय्‌ वनाः छुं ई आराम कायेत धयादिल। अथे जुयाः इपिं छगः नाचय्‌ च्‍वना समुद्रया उखेपाखे वन।

![](https://cdn.door43.org/obs/jpg/360px/obs-en-30-02.jpg)

अन ग्‍वाः ग्‍वाः मनूत दुगु खः अले इमिसं येशू व वय्‌कःया चेलात नाचय्‌ च्‍वनाः मेथाय्‌ हे वंगु खंगु खः। थुपिं मनूत नं वय्‌कःपिं स्‍वयाः न्‍हापा हे समुद्रया उखेपाखे थ्‍यंकः वनेगु बिचाः याना इपिं समुद्रया सिथ सिथ जुयाः ब्‍वाँय्‌ वन। थुकथं येशू व वय्‌कःया चेलात व थासय्‌ थ्‍यंकः वल, ग्‍वाः ग्‍वाः मनूत न्‍हापा हे अन वय्‌कःपिन्‍त पिया च्‍वनाच्‍वंगु खः।

![](https://cdn.door43.org/obs/jpg/360px/obs-en-30-03.jpg)

अन मिसात व मस्‍ता ल्‍याः मखासे लगभग ५,००० ति मिजं मनूत दुगु खः। येशूं इमित दया यानादिल। येशूया निंतिं इपिं मनूत जवाः मदुपिं फैत थें खः। अथे जुयाः वय्‌कलं इमित स्‍यनेकने यानादिल अले ल्‍वचं काःपिं मनूतय्‌गु ल्‍वय्‌ नं लाय्‌कादिल।

![](https://cdn.door43.org/obs/jpg/360px/obs-en-30-04.jpg)

सन्‍ध्‍याका ईलय्‌ चेलातय्‌सं येशूयात धाल, “खिउँया वये धुंकल, थन छुं हे मदु। थन लिक्‍क छुं गांत नं मदु। थुपिं मनूतय्‌त थनं मेथाय्‌ हे छ्वयादिसँ अले नयेगु निंतिं अन इमित छुं दयेमा।”

![](https://cdn.door43.org/obs/jpg/360px/obs-en-30-05.jpg)

अय्‌नं येशूं चेलातय्‌त थथे धयादिल, “छिमिसं हे इमित नकेगु निंतिं मिलय्‌ याना ब्यु।” इमिसं धाल, “जिमिसं गुकथं इमित नकेफइ? जिमिके ला न्‍यापा मरि व निम्‍ह न्‍या जक दु।”

![](https://cdn.door43.org/obs/jpg/360px/obs-en-30-06.jpg)

येशूं इमित थथे धयादिल, “अन दुपिं फुक्‍क मनूतय्‌त नेय्‌म्‍ह नेय्‌म्‍ह (५०) यानाः इमित झ्‍वःलाक फ्यतुकी।”

![](https://cdn.door43.org/obs/jpg/360px/obs-en-30-07.jpg)

अले येशूं उपिं न्‍यापा मरि व निम्‍ह न्‍या कयाः स्‍वर्थय्‌ थस्‍वया, उपिं नसा निंतिं परमेश्‍वरयात सुभाय्‌ बियादिल।

![](https://cdn.door43.org/obs/jpg/360px/obs-en-30-08.jpg)

अनंलिपा येशूं मरि व न्‍यायात कुचा कुचा थलादिल। वय्‌कलं उपिं कुचात मनूतय्‌त इना ब्‍यु धकाः चेलातय्‌त बियादिल। चेलातय्‌सं उपिं मरि व न्‍या इनाबिल अले उपिं गुबलें सिमधल। अले फुक्‍क मनूतय्‌सं यतले लुधंक नल।

![](https://cdn.door43.org/obs/jpg/360px/obs-en-30-09.jpg)

अनंलिपा चेलात ल्‍यंगु दुगु मरि व न्‍या मुंकल, उपिं इनाः ल्‍यंदुगु कुचाकाचा जक हे झिंनिगः दाला दु।

*थ्‍व बाइबलया उखान थुपिं पदत पाखें काःगु खः, मत्ती १४:१३-२१; मर्कूस ६:३१-४४; लूका ९:१०-१७; यूहन्‍ना ६:५-१५ बाट*

## 31. ३१. येशू लखय्‌ न्‍यासि झायादीगु

https://openbiblestories.org/l/new/story-31/

![](https://cdn.door43.org/obs/jpg/360px/obs-en-31-01.jpg)

अले भीडयात बिदा बीधुंकाः येशूं चेलातय्‌त नाःचाय्‌ च्‍वना समुन्‍द्रया उखेपाखे वनेनु धयादिल। मनूतय्‌त छेँय्‌ छ्वयादीधुंकाः वय्‌कः प्रार्थना यायेत पहाडय्‌ थहां झायादिल। येशू याकःचा हे बहनीतक प्रार्थना यानाच्‍वनादिल।

![](https://cdn.door43.org/obs/jpg/360px/obs-en-31-02.jpg)

चेलात इमिगु नाःचा न्‍ह्याका यंकाच्‍वंगु खः, बहनी लिबाय्‌ धुंकूगु खः अय्‌नं इपिं समुन्‍द्रया दथुइतिनि जक थ्‍यंगु खः। इमिसं नाचाया तसकं हे थाकुक न्‍ह्याका यंकाच्‍वंगु खः छाय्‌धाःसा तच्‍वःगु फय्‌ अःखतं वयाच्‍वंगु खः।

![](https://cdn.door43.org/obs/jpg/360px/obs-en-31-03.jpg)

येशूं प्रार्थना याये सिधय्‌का वय्‌कः थः चेलातय्‌थाय्‌ झायादिल। वय्‌कः चेलातय्‌गु नाःचापाखे लखय्‌ द्यंनि न्‍यासि झायादिल।

![](https://cdn.door43.org/obs/jpg/360px/obs-en-31-04.jpg)

चेलातय्‌सं येशूयात खंबलय्‌ इपिं तसकं ग्‍यात छाय्‌धाःसा इमिसं सुं भुतयात खंगु धकाः मति तयाच्‍वंगु खः। इपिं ग्‍याना च्‍वन धयागु खँ येशूं स्‍यु, अथे जुयाः वय्‌कलं इमित धयादिल, “ग्‍याये मते, जि हे खः!”

![](https://cdn.door43.org/obs/jpg/360px/obs-en-31-05.jpg)

अनंलि पत्रुसं येशूयात धाल, “प्रभु, धात्‍थें छि हे खः धयागु जूसा जितः नं छिथाय्‌ लखय्‌ न्‍यासि वयेगु उजं बियादिसँ।” येशूं पत्रुसायत धयादिल, “वा!”

![](https://cdn.door43.org/obs/jpg/360px/obs-en-31-06.jpg)

अथे जुयाः पत्रुस नाचां कुहां वनाः लखय्‌ येशू दनादीथाय्‌ न्‍यासे वन। अय्‌नं छुं ई लखय्‌ न्‍यासे वने धुंकाः थःगु मिखां येशूयात स्‍वयेगु पलेसा वं लःयाकिसिद्वंबपाखे स्‍वल अले ग्वःफय्‌ वयाच्‍वन धकाः मनय्‌ ताय्‌कल।

![](https://cdn.door43.org/obs/jpg/360px/obs-en-31-07.jpg)

थुकथं पत्रुस तसकं ग्‍यात अले व लखय्‌ दुना वन। वं थथे धकाः चल्‍लाय्‌ दनाः हाल, “प्रभु, जितः बचय्‌ यानादिसँ।”

![](https://cdn.door43.org/obs/jpg/360px/obs-en-31-08.jpg)

पत्रुस व येशू प्रभु नाःचाय्‌ थाहां वन अनंलि ग्‍वःफय्‌ थत्‍थें हे दीत अले लः शान्‍त जुल। नाःचाय्‌ च्‍वंपिं मेपिं चेलात तसकं अजूचाल। अले इमिसं थथे धकाः येशूया आराधना यात, “धात्‍थें हे छि परमेश्‍वरया काय्‌ खः।”

*थ्‍व बाइबलया थुपिं पदत पाखें काःगु खः, मत्ती १४:२२-३३; मर्कूस ६:४५-५२; यूहन्‍ना ६:१६-२१ बाट*

## 32. ३२. येशूं भूत दुब्‍यूपिं मनूत व ल्‍वचं काःपिं मिसातय्‌त लाय्‌कादिल

https://openbiblestories.org/l/new/story-32/

![](https://cdn.door43.org/obs/jpg/360px/obs-en-32-01.jpg)

छन्‍हु, येशू व वय्‌कःया चेलात नाःचाय्‌ च्‍वना समुन्‍द्रया उखेपाखे गदरिनीथासय्‌ मनूतय्‌थाय्‌ झायादिल।

![](https://cdn.door43.org/obs/jpg/360px/obs-en-32-02.jpg)

वय्‌कःपिं समुद्र पुला उखेपाखे थ्‍यनेधुंकाः छम्‍ह भूत दुब्‍यूम्‍ह मनू येशूयाथाय्‌ ब्‍वाँय्‌ वल।

![](https://cdn.door43.org/obs/jpg/360px/obs-en-32-03.jpg)

थ्‍व मनूतसकं हे बल्‍ला अले वयात सुनां नं कजय्‌ याये मफु। मनूतय्‌सं वयागु ल्‍हाः तुतिइ सिखलं चिनातःगु खः अय्‌नं वं उपिं सिखत नं चफुन्‍ना बिस्‍युं वनिगु खः।

![](https://cdn.door43.org/obs/jpg/360px/obs-en-32-04.jpg)

व मनू दिपदुथया च्‍वनिम्‍ह खः। व मनू चान्‍हिं चिल्‍लाय्‌ दनाः हाला जुइम्‍ह खः। वं छुंनं वसः पुनातःगु मदु अले थःम्‍हं थःत ल्‍वहँतं घाःपा यानाः जुइम्‍ह खः।

![](https://cdn.door43.org/obs/jpg/360px/obs-en-32-05.jpg)

व मनू येशूयाथाय्‌ ब्बाँय्‌ वनाः वय्‌कःया तुतिइ भ्‍वपुल। अले येशूं व मनूयाके च्‍वंम्‍ह भुतआत्‍मायात हक्‍का धयादिल, “अय्‌ भूतआत्‍मा थ्‍व मनूया म्‍हं पिहां वाः!”

![](https://cdn.door43.org/obs/jpg/360px/obs-en-32-06.jpg)

भुत दुब्‍युम्‍ह मनू चिल्‍लाय्‌ दनाः थथे धकाः हाल, “हे येशू, दक्‍वसिबय्‌ तःधंम्‍ह परमेश्‍वरया काय्‌, छि जिपाखें छु इच्‍छा यानादीयागु दु? जितः दुःख बियादी मते!” अले येशूं भूतआत्‍मायात न्‍यन, “छंगू नां छु खः? वं लिसः बिल, “जिगु नां फौज खः, छाय्‌धाःसा जिपिं य्‌व दु।”

![](https://cdn.door43.org/obs/jpg/360px/obs-en-32-07.jpg)

भूतआत्‍मातय्‌सं वय्‌कःयात थथे बिन्‍ति यात, “जिमित थ्‍व थासं पितिना छ्वयादी मते!” अन हे लिक्‍क पाखय्‌ छगू बथां फा जयाच्‍वंगु खः। भूतआत्‍मातय्‌सं येशूयात थथे धकाः बिन्‍ति यात, “जिमित फायाथाय्‌ छ्वयादिसँ अले जिपिं वना इमिके दुबी।” अले येशूं धयादिल, “ज्‍यू, इमिके दुब्‍यु हुँ!”

![](https://cdn.door43.org/obs/jpg/360px/obs-en-32-08.jpg)

अथे जुयाः उपिं भूतआत्‍मात व मनूया म्‍हं पिहां वल अले फातय्‌के दुबित। उपिं फात ब्‍वाँय्‌ वना भीरं क्‍वब्‍वात अले तःपुखुलिइ क्‍वब्‍वाना सित। उपिं फातय्‌गु बथां लगभग निद्व (२,०००) ति दुगु खः।

![](https://cdn.door43.org/obs/jpg/360px/obs-en-32-09.jpg)

फाजयाच्‍वंपिं मनूतय्‌सं थ्‍व घटना खंबलय्‌ इपिं अनं शहरय्‌ बिस्‍युं वन अले फुक्‍क मनूतय्‌त येशूं यानादीगु ज्‍यायात बय्‌बय्‌ यात। थ्‍व न्‍यना छु जूगु खः धकाः स्‍वयेत मनूत शहरं अन वल अले इमिसं व भूत दुब्‍युम्‍ह मनूयात लाया नं लं फिनाः छुं मजुम्‍ह मनू थें याउँक वय्‌कःनापं फ्यतुनाच्‍वंगु खन।

![](https://cdn.door43.org/obs/jpg/360px/obs-en-32-10.jpg)

मनूत तसकं ग्‍यात अले इमिसं येशूयात इमिगु थासं पिहां झासँ धकाः इनाप यात। अथे जुयाः येशू च्‍वनेत झायादिल अले भूतआत्‍मा दुबिया लाःम्‍ह मनूनं येशू नापं वनेत बिन्‍ति यात।

![](https://cdn.door43.org/obs/jpg/360px/obs-en-32-11.jpg)

अय्‌नं येशूं व मनूयात धयादिल, “अथे मखु, छ थःगु छेँय्‌ हुँ अले सकलें थः पासापिन्‍त व छेँजःपिन्‍त परमेश्‍वरं छंगू जीवनय्‌ यानादीगु ज्‍या व वय्‌कलं छन्‍त गुलि माया क्‍यनादिल धकाः कनाब्‍यु।

![](https://cdn.door43.org/obs/jpg/360px/obs-en-32-12.jpg)

अथे जुया मनूत व थासं वनाः फुक्‍कसित येशूं यानादीगु अजुचायापुग ज्‍या न्‍यंकल। वयागु खँ न्‍यना मनूत छक्‍क जुल।

![](https://cdn.door43.org/obs/jpg/360px/obs-en-32-13.jpg)

- येशू समुद्रया उखेपाखे तुं लिहां झायादिल। येशू प्रभु वथासय्‌ झायादिबलय्‌ मनूतय्‌गु छगू भिड वय्‌कःया चाकःछिं मुंवल अले वय्‌कःया घ्वात्तु घ्वात। व भीडय्‌ छम्‍ह मिसा दु गुम्‍हय्‌सिया झिंनिदँनिसें हि क्‍वहां वया च्‍वंगु ल्‍वचं कया सास्‍ति नयाच्‍वंगु खः। वं थःगु फुक्‍क ध्‍यबा वासः याना अले बैद्यत क्‍यना फुकल अय्‌नं वयागु ल्‍वय्‌ झन झन तच्‍वया वन।

![](https://cdn.door43.org/obs/jpg/360px/obs-en-32-14.jpg)

येशू प्रभुं यक्‍व मनूतय्‌त लाय्‌कादीगु खः धयागु खँ व मिसां न्‍यनातःगु खः। वं बिचाः यात, “जिं येशूया लंच्‍वः जक थ्यूसां जिगु ल्‍वय्‌ पक्‍का हे लायावनि।

![](https://cdn.door43.org/obs/jpg/360px/obs-en-32-15.jpg)

थत्‍थें हे येशूं थःगु शक्ति पिहां वंगु वाःचाल। अथे जुयाः वय्‌कलं लिफः स्‍वयादिल अले थथे धकाः न्‍यनादिल, “जितः सुनां थिल हँ?” चेलातय्‌सं लिसः बिल, “छिगु जवंखवं उलिमछि मनूतय्‌सं घ्वात्तुघ्वाना च्‍वंगु दु अय्‌नं छिसं धयादिल, जितः सुना थिल हँ?”

![](https://cdn.door43.org/obs/jpg/360px/obs-en-32-16.jpg)

व मिसा तसकं ग्‍याग्‍यां प्रभु येशूया न्‍ह्यःने पुलिं चुया वय्‌कःयात थियागुलिं थःगु जीवनय्‌ छु छु जूगु खः उपिं फुक्‍क धयाबिल। येशूं वयात धयादिल, “छंगू विश्‍वासं छंगू ल्‍वय्‌ लन। आ याउँक हुँ।”

*थ्‍व बाखं थुपिं बाइबलया पदतपाखें काःगु खः, मत्ती ८:२८-३४; ९:२०-२२; मर्कूस ५:१-२०; ५:२४(ख)-३४; लूका ८:२६-३९; ८:४२(ख)-४८*

## 33. ३३. पुसा ह्वलिम्‍हय्‌सिगु उखान

https://openbiblestories.org/l/new/story-33/

![](https://cdn.door43.org/obs/jpg/360px/obs-en-33-01.jpg)

छन्‍हु, येशू समुन्‍द्रया सिथय्‌ च्‍वना मनूतयग्‌गु भीडयात स्‍यनेकने यानादिल। वय्‌कःया खँ न्‍यनेत यक्‍व मनूत अन वल। नवायेत अःपुइमा धकाः येशू समुन्‍द्रया लिक्‍क च्‍वंगु नाचाय्‌ च्‍वनादिल। अले वय्‌कलं मनूतय्‌त स्‍यनेकने यानादिल।

![](https://cdn.door43.org/obs/jpg/360px/obs-en-33-02.jpg)

येशूं थ्‍व उखान धयादिल, “छम्‍ह मनू बुँइ पुसा ह्वः वन। वं पुसा ह्वःबलय्‌ गुलिं पुसा लँय्‌ नं लात, अले झंगःतय्‌सं वयाः उपिं फुक्‍क पुसात नयाबिल।”

![](https://cdn.door43.org/obs/jpg/360px/obs-en-33-03.jpg)

अले गुलिं पुसा ल्‍वहंलिं दुथाय्‌ लात। भचा भचा जक चा दुगुलिं अन लाःगु पुसा याकनं बुया वल। निभाः त्‍वःबलय्‌ अन बुया वःगु मा सुकूचिना वन, अले बल्‍लाक हा काये मफुगुलिं गना वन।

![](https://cdn.door43.org/obs/jpg/360px/obs-en-33-04.jpg)

अले हानं गुलिं पुसा कंमा दु थाय्‌ लात। कंमा तःमा जुया वःबलय्‌ अन लाःगु पुसा थहां वये मफुत। कंमा दुथाय्‌ बुया वःगु पुसां छुनं फल मसय्‌कल।”

![](https://cdn.door43.org/obs/jpg/360px/obs-en-33-05.jpg)

“गुलिं पुसा भिंगु चा दुथाय्‌ लात, अले यक्‍व अन्‍न सल। गनं सछि, गनं खुइदुगं, गनं स्‍विदुगं अन्‍न सल। सुयाके न्‍हाय्‌पं दु वं न्‍यनाः का।”

![](https://cdn.door43.org/obs/jpg/360px/obs-en-33-06.jpg)

थ्‍व उखानं चेलातय्‌त अलमल यानाबिल। अथे जुया येशूं इमित उखानया अर्थ थुकथं कनादिल, “पुसा परमेश्‍वरया वचन खः। लँ व मनू खः सुनां परमेश्‍वरया वचन न्‍यनेत ला न्‍यनि अय्‌नः वं थुइकेफइ मखु अले शैतान वया व वचन लाकायंकी।”

![](https://cdn.door43.org/obs/jpg/360px/obs-en-33-07.jpg)

ल्‍वहंलिं दुथाय्‌ लाःगु पुसा परमेश्वरयागु वचन व मनुखं न्‍यनेवं लय्‌लय्‌ तायाः विश्वास याना काइपिं खः। परमेश्वरयागु वचनं थुमिगु नुगलय्‌ दुने थ्‍यंक हा काये फइ मखु। अले ताःई तक च्‍वने फइ मखु। दुःखकष्‍ट वयेवं थुमिसं विश्वास यायेगु त्‍वःता छ्वइ।”

![](https://cdn.door43.org/obs/jpg/360px/obs-en-33-08.jpg)

कंमा दु थाय्‌ लाःगु पुसा व मनू थें खः गुम्‍हय्‌सिनं परमेश्वरयागु वचन न्‍यनी अले छुं ईलिपा धन सम्‍पत्तियागु माया कया चिन्‍ता कया व संसारयागु खँय्‌ च्‍यूताः तया जुइ अले उकिं वयागु जीवनय्‌ परमेश्वरयागु वचनयात गुम्‍से याना बी। अले थुकिं अन्‍न सय्‌की मखु।

![](https://cdn.door43.org/obs/jpg/360px/obs-en-33-09.jpg)

अय्‌नं परमेश्वरयागु वचन न्‍यनाः विश्‍वास याइम्‍ह मनूत भिंगु चाय् लाःगु पुसा थें खः। अले थुमिसं यक्‍व अन्‍न सय्‌की।”

*बाइबलको कथा: मत्ती १३:१-८, १८-२३; मर्कूस ४:१-८, १३-२०; लूका ८:४-१५ बाट*

## 34. ३४. येशूं थीथी कथंया उखान स्‍यने कने यानादीगु

https://openbiblestories.org/l/new/story-34/

![](https://cdn.door43.org/obs/jpg/360px/obs-en-34-01.jpg)

परमेश्‍वरया राज्‍यया बारे येशूं यक्‍व हे उखानत धयादिल। उदाहणया निंतिं वय्‌कलं धयादिल, “परमेश्‍वरया राज्‍य तुग्‍वः थें च्‍वं अले थुकियात छम्‍ह मनुखं थ्‍व पुसायात बुँइ ह्वल। छिमिसं सी हे स्‍यु थ्‍व तुग्‍वः पुसा मेमेगु स्‍वयाः तसकं हे चिग्‍वःगु खः।”

![](https://cdn.door43.org/obs/jpg/360px/obs-en-34-02.jpg)

“अय्‌नं थ्‍व तुग्‍वःया पुसा बुया थहां वया मेमेगु स्‍वयाः तःमा जुल अले झंगःतय्‌सं वयाः थुकियागु कचामचाय्‌ थःगु स्‍वँ दय्‌काः आरामं च्‍वनेगु याइ।

![](https://cdn.door43.org/obs/jpg/360px/obs-en-34-03.jpg)

येशूं मेगू नं उखान छुनाः धयादिल, “परमेश्‍वरया राज्‍य सोडा थें खः उकियात छम्‍ह मिसां मरि छुइबलय्‌ छ्वचुंलय्‌ ल्‍वाकछ्याइ अले वं सोडा फुक्‍क थासय्‌ नं मन्‍यंतले उकियात न्‍हायाबी।

![](https://cdn.door43.org/obs/jpg/360px/obs-en-34-04.jpg)

“परमेश्‍वरया राज्‍य थुनातःगु धन थें खः उकियात छम्‍ह मनुखं बुँइ थुना सुचुकातल। मेम्‍ह सुं छम्‍ह मनू वया व थुनातःगु धन लुइकल अले हाकनं उकियात थुनातुंबिल। अले व तसकं लय्‌लय्‌ताया वन अले थःके दुगु फुक्‍क सर्बयह मिया व बुँ न्‍यात।

![](https://cdn.door43.org/obs/jpg/360px/obs-en-34-05.jpg)

“परमेश्‍वरया राज्‍य शुद्धगु तसकं मूवंगु मोती थें खः। सुं छम्‍ह व्‍यापारीं छगः मोती लुइकल अले वं थःके दुगु फुक्‍क सर्बय्‌ मिया व मोती न्‍यात।

![](https://cdn.door43.org/obs/jpg/360px/obs-en-34-06.jpg)

अले येशूं सुं मनूतय्‌त छगू उखान धयादिल, सुनां थःगु भिंगु ज्‍याय्‌ भलसा तइ अले वं मेपिं मनूतय्‌त घृणा याइगु खः। वय्‌कलं धयादिल, “निम्‍ह मनू प्रार्थना यायेत देगलय्‌ वन। उपिं मध्‍य छम्‍ह कर काइम्‍ह मनू अले मेम्‍ह धार्मिक नायः खः।”

![](https://cdn.door43.org/obs/jpg/360px/obs-en-34-07.jpg)

“व धार्मिक नायलं दनाः थथे धकाः प्रार्थना यात, ‘परमेश्‍वर, जिं छितः सुभाय्‌ बी, छाय्‌धाःसा जि मेपिं मनूत थें पापीम्‍ह मखु। जि खुँ, अन्‍याय याइम्‍ह मनूत, व्‍यभिचारीत अथवा व कर काइम्‍ह मनू थें नं मजुया।’”

![](https://cdn.door43.org/obs/jpg/360px/obs-en-34-08.jpg)

“जिं हप्‍ताय्‌ निकः अपसं च्‍वना अले जिं कमय्‌ यानागु ध्‍याबा व फुक्‍क चिजया झिब्‍वय्‌ छब्‍व छितः बियाच्‍वनागु दु।”

![](https://cdn.door43.org/obs/jpg/360px/obs-en-34-09.jpg)

“अय्‌नं व कर काइम्‍ह मनू धाःसा व धार्मिक नायः स्‍वया तापाक्‍क दनाः स्‍वर्गय्‌ तकं थमस्‍वसे बरू थःगु ल्‍हातं छातिइ दाया थुकथं प्रार्थना यात, ‘परमेश्‍वर, जितः दया यानादिसँ छाय्‌धाःसा जि छम्‍ह पापीम्‍ह मनू खः।’”

![](https://cdn.door43.org/obs/jpg/360px/obs-en-34-10.jpg)

अनंलि येशूं धयादिल, “जिं छिकपिन्‍त धात्‍थें धाये, परेश्‍वरं व कर काइम्‍ह मनूया प्रार्थना न्‍यनादिल अले वयात धर्मी ठहरय्‌ यानादिल। अय्‌नं वय्‌कलं व धार्मिक नायःया प्रार्थनायात यय्‌का मदी। सुनां थःत थःम्‍हं तःधंकी परमेश्‍वरं वयात चिधं यनादी अले सुनां थःत थःम्‍हं चिधं ताय्‌की वयात तःधं यानादी।

*थ्‍व उखानत बाइबलया थुपिं खण्‍डपाखें काःगु खः मत्ती १३:३१-३३, ४४-४६; मर्कूस ४:३०-३२; लूका १३:१८-२१; १८:९-१४*

## 35. ३५. तसकं दयामाया दुम्‍ह अबुया बाखं

https://openbiblestories.org/l/new/story-35/

![](https://cdn.door43.org/obs/jpg/360px/obs-en-35-01.jpg)

छन्‍हु येशूं यक्‍व कर काइपिं व मेपिं पापी मनूतय्‌त स्‍यनेकने यानादिल। उपिं मनूत वय्‌कःया खँ न्‍यनेत मुंवल।

![](https://cdn.door43.org/obs/jpg/360px/obs-en-35-02.jpg)

अन वयाच्‍वंपिं धार्मिक नायःतय्‌सं येशूं पापीतय्‌त थः पासापिन्‍त थें व्‍यवहार यानादीगु खन अले इमि थःथवय्‌ खँल्‍हाना वय्‌कःया निन्‍दा यात। अथे जुया येशूं इमित थ्‍व बाखं धयादिल।

![](https://cdn.door43.org/obs/jpg/360px/obs-en-35-03.jpg)

“छम्‍ह मनूया निम्‍ह काय्‌पिं दु। कान्‍छाम्‍हं थः अबुयात धाल, ‘बाः, जितः जिगु भागया अंश बियादिसँ।’

![](https://cdn.door43.org/obs/jpg/360px/obs-en-35-04.jpg)

“अले याकनं हे कान्‍छाम्‍ह काय्‌नं थःगु दक्‍व सम्‍पत्ति मियाः परदेशय्‌ वन। अन वनाः वं थःगु धिबा मोजमज्‍जा यानाः फुक्‍का छ्वत।”

![](https://cdn.door43.org/obs/jpg/360px/obs-en-35-05.jpg)

छुं ईलिपा कान्‍छाम्‍ह काय्‌ वंगु देशय्‌ अनिकाल जुल अले वयात नयेगु नसा न्‍यायेगु निंतिं वयाके ध्‍याबा मन्‍त। अथे जुयाः व अन देशय्‌ ज्‍या मावन। अले वयात फातय्‌त नकेत्‍वंके यायेगु ज्‍या बिल। तसकं नये पित्‍याना च्‍वंगुलिं फातय्‌सं नइगु नसा हे वं नयेमाल।”

![](https://cdn.door43.org/obs/jpg/360px/obs-en-35-06.jpg)

“लिपतय्‌ व कान्‍छाम्‍ह काय्‌नं बिचाः यात, ‘जिमि बाःयाथाय्‌ ज्‍या याइपिं मनूतय्‌सं प्‍वाः जाय्‌क नयाः नं थयेत दु, जि धाःसा थन नये हे मखनाः सिना वनिन। आः मजिल, जि थः बाःयाथाय्‌ हे वनाः इनाप यावने, जितः छिथाय्‌ ज्‍या याइम्‍ह छम्‍ह च्‍यः थें भाःपिया तयादिसँ।’”

![](https://cdn.door43.org/obs/jpg/360px/obs-en-35-07.jpg)

“अथे जुयाः वया कान्‍छाम्‍ह काय्‌ थः बाःयागु छेँय्‌ लिहां वन। वया कान्‍छाम्‍ह काय्‌ लँय्‌ वयाच्‍वंगु वया अबुं तापाकंनिसें हे खन। वयात खनाः तसकं माया वन। अले ब्‍वाँय्‌ वनाः थः काय्‌यात घय्‌पुयाः चुप्‍पा नल।

![](https://cdn.door43.org/obs/jpg/360px/obs-en-35-08.jpg)

“अले व कान्‍छाम्‍ह काय्‌ नं धाल, ‘बाः, जिं परमेश्वरयागु विरोधय्‌ व छिगु विरोधय्‌ पाप याये लात। आः ला जितः छिकपिनि काय्‌ धकाः धाये हे मल्‍वय्‌ धुंकल।’”

![](https://cdn.door43.org/obs/jpg/360px/obs-en-35-09.jpg)

“तर अबुम्‍हय्‌सिनं च्‍यःतय्‌त सःताः थथे धाल – ‘याकनं हे दकलय्‌ बांलाःगु वसः हयाः वयात पुंकि। वयागु पतिनय्‌ अंगू नं न्‍ह्याका ब्‍यु। अले तुतिइ लाकां नं न्‍ह्याका ब्‍यु। अले दकलय्‌ तःधिकःम्‍ह भ्‍याःचा स्‍याना भ्‍वय्‌ ज्‍वरय्‌ या। थौं झीसं लय्‌ताः भ्‍वय्‌ न्‍याय्‌के माः, छाय्‌धाःसा थ्‍व जिमि काय्‌ सी धुकूम्‍ह हानं म्‍वाना वल, तने धुंकूम्‍ह हानं लुल।’”

![](https://cdn.door43.org/obs/jpg/360px/obs-en-35-10.jpg)

“अले मनूतय्‌सं भ्‍वय्‌ नयाः न्‍ह्याइपुकल। छुं ईलिपा वया तःधिकःम्ह काय्‌ बुँइ वनाच्‍वंगु जुयाच्‍वन। बुं लिहां वयाः छेँ लिक्‍क थ्‍यंबलय्‌ वं छेँय्‌ म्‍ये हालाच्‍वंगु व प्‍याखं ल्‍हुयाच्‍वंगु सः ताल। अले छेँय्‌ छु जुयाच्‍वंगु खः धकाः छक्‍क जुल।”

![](https://cdn.door43.org/obs/jpg/360px/obs-en-35-11.jpg)

“अले व तःधिकःम्‍ह काय्‌ वया किजा लिहां वःगुलिं मनूतय्‌सं भ्‍वय्‌ नयाः न्‍ह्याइपुकाच्‍वंगु खँ सिया व तसकं तंम्‍वय्‌काः छेँय्‌ नं वने मास्‍ति मवय्‌कल। अय्‌जूगुलिं अबुम्‍हं हे पिने वयाः वयात ह्यय्‌कल। काय्‌ छ नं दुने वयाः इपिं नापं न्‍ह्याइपुकेत वा धकाः धाल, तर वं अबुम्‍हय्‌सिगु खँ मानय्‌ मजुल।

![](https://cdn.door43.org/obs/jpg/360px/obs-en-35-12.jpg)

“तःधिकःम्‍ह काय्‌ नं अबुम्‍हसित धाल, ‘स्‍वयादिसँ, थुलिमछि दँ दये धुंकल जिं बिश्‍वासयायेबहःम्‍ह जुया छिगु सेवा यानाच्‍वनागु। जिं छिगु छुं नं खँ मानय्‌ मयानागु मदु। अय्‌नं छिं जितः पासापिंलिसे न्‍ह्याइपुकेत दुगुचा छम्‍ह हे गुब्‍सं बियादीगु मदु। वेश्‍यायाथाय्‌ जुयाः छिगु सम्‍पत्ति दक्‍वं फुक्‍का वःम्‍ह काय्‌ वयेवं धाःसा थपाय्‌सकं तःधंक भ्‍वय्‌ न्‍याय्‌कादिल।’”

![](https://cdn.door43.org/obs/jpg/360px/obs-en-35-13.jpg)

अले अबुम्‍हय्‌सिनं वयात धाल – ‘स्‍व बाबु, छ ला जि नाप हे च्‍वनाच्‍वंगु दु नि। अले जिगु धयागु हे छंगु मखु ला? थौं ला भ्‍वय्‌ न्‍याय्‌काः लय्‌ताय्‌ माःगु दिन खः, छाय्‌धाःसा छं किजा सी धुंकूम्‍ह हानं म्‍वाना वल, तने धुंकूम्‍ह हानं लुल।’”

*थ्‍व बाखं बाइबलया थुपिं खण्‍डपाखें काःगु खः लूका १५:११-३२*

## 36. ३६. येशूया रूप ह्यूगु

https://openbiblestories.org/l/new/story-36/

![](https://cdn.door43.org/obs/jpg/360px/obs-en-36-01.jpg)

छन्‍हु, येशूं वय्‌कःया स्‍वम्‍ह चेलात पत्रुस, याकुब व यूहन्‍नायात थःनापं यंकादिल। (व यूहन्‍ना येशूयात बप्‍तिस्‍मा बीम्‍ह मनू मखुला) इपिं छगू तज्‍जाःगु पर्वतय प्रार्थना यायेत झायादिल।

![](https://cdn.door43.org/obs/jpg/360px/obs-en-36-02.jpg)

येशू प्रार्थना याना च्‍वंनादिबलय, वय्‌कःया ख्‍वाः निभाः थें थिनाः वल, अले वय्‌कःया वसः नं जःथें त्‍वइसे च्‍वानाः वल।

![](https://cdn.door43.org/obs/jpg/360px/obs-en-36-03.jpg)

अनंलिपा अन मोशा व एलिया अगमवक्‍ता खनेदयावल। थ्‍व मनूत व घटना जुइ सछि स्‍वया अप्‍व दं न्‍ह्यः तक म्‍वाःपि खः। इमिसं येशूनापं वय्‌कः सीगुया बारय् खँ ल्‍हात, गुगु याकनं हे यरूशलेमय्‌ जुइ त्‍यंगु खः।

![](https://cdn.door43.org/obs/jpg/360px/obs-en-36-04.jpg)

उबलय्‌ मोशा व एलिया खँ ल्‍हाना च्‍वंबलय्‌, पत्रुसं येशूयात धाल, झीपिं थन हे च्‍वने दत धाःसा गुलि बांलाइ। जिमिसं स्‍वंगू बल्‍चा दय्‌के ला, छगू छितः, छगू मोशायात व छगू एलियायात। उबलय्‌ वं छु धयाच्‍वंगु खः वं छु हे मसिल।

![](https://cdn.door43.org/obs/jpg/360px/obs-en-36-05.jpg)

पत्रुसं थथे धया च्‍वंबलय्, तसकं थीगु सुपाय् वयाः इमित त्‍वपुल अले सुपाय दुनें थथे धया हःगु सः ताये दत, “थ्‍व जि यः म्‍ह काय्‌ खः सुयात जिं तसंक माया याना। जि थ्‍व लिसे तसकं लय्‌तायागु दु। थ्‍वं धाःगु खँ न्‍यं।” थ्‍व खँ न्‍यना: चेलात तसकं ग्‍यानाः बय् भ्‍वसु वन।

![](https://cdn.door43.org/obs/jpg/360px/obs-en-36-06.jpg)

अले येशूं इमित थियाः धयादिल, “दँ, ग्‍याये मते।” अले इमिसं चाकःछिं स्‍वल, अन वय्‌कः सिबय् मेपिं सुं हे मदु।

![](https://cdn.door43.org/obs/jpg/360px/obs-en-36-07.jpg)

येशूया व स्‍वम्‍ह चेलात हाकनं पर्वतं क्‍वहां झायादिल। अले येशूं इमित धयादिल, थन जूगु घटनाया बारय्‌ आः सुयात नं कने मते। जि याकनं हे सीमानी अले हाकनं म्‍वना वयेमानी। अनंलि छिमिसं मनूतय्‌त धाये फइ।

*थ्‍व घटना बाइबलया थुपिं अध्‍यायत पाखें काःगु खः मत्ती १७:१-९; मर्कूस ९:२-८; लूका ९:२८-३६*

## 37. ३७. येशूं लाजरसयात म्‍वाकादीगु

https://openbiblestories.org/l/new/story-37/

![](https://cdn.door43.org/obs/jpg/360px/obs-en-37-01.jpg)

छन्‍हु, येशूं लाजरस तसकं मफय्‌का च्‍वन धयागु खँ न्‍यन। लाजरस व वया निम्‍ह ततापिं, मरियम व मार्था येशूया लिक्‍क च्‍वपिं पासापिं खः। येशूं थ्‍व खँ न्‍यनादी धुंकाः वय्‌कलं धयादिल, “थ्‍व ल्‍वचं लाजरस सी मखु। परमेश्‍वरयागु महिमाया निंतिं व परमेश्‍वरया काय् यात तःधंकेत व म्‍हंमफुगु खः।” येशूं मार्था, वया केहेँ व लाजरसयात माया यानादि। लाजरस म्‍हंमफय्‌का च्‍वन धयागु खँ न्‍यनादी धुंकाः नं निन्‍हु तक वय्‌कः थःच्‍वनादीगु थासय्‌ हे च्‍वनादिल।

![](https://cdn.door43.org/obs/jpg/360px/obs-en-37-02.jpg)

निन्‍हु लिपा येशूं चेलातय्‌त थथे धयादिल, “नु झीपिं हाकनं यहूदियाय् लिहां वनेनु।” अले चेलातय्‌सं, “गुरूजु, उखुन्‍हु तिनि ला मनूतय्‌सं छितः ल्‍वहँतं कयेका स्‍यायेत्‍यंगु खः।”

![](https://cdn.door43.org/obs/jpg/360px/obs-en-37-03.jpg)

येशूया चेलातय्‌सं लिसः बिल, “प्रभु, व द्यनाच्‍वंगु जूसा दँ हे दनी नी।” उकि येशूं इमित ध्‍वाथुइक धयादिल, लाजरस सी धुंकल। छमिसं विश्‍वास याये फयेमा धकाः हे जि अन मवनागु खः उकिं जि लय्‌ताः। छाय्‌धाःसा आः छिमिसं अजुचाइपुगु ज्‍या खनितिनि उकिं याना छिमिसं जितः विश्‍वास याये फइ।”

![](https://cdn.door43.org/obs/jpg/360px/obs-en-37-04.jpg)

येशू लाजरया छेँय्‌ थ्‍यंबलय् लाजरसयात सीनाः नं थुनातःगु हे प्‍यन्‍हु दय्‌धुंकल। येशू झायाच्‍वन धयागु सियाः मार्था वय्‌कःयात नापलाः वन। अले मार्थां वय्‌कःयात धाल, “प्रभु, छि थन दीगुजूसा जिमि किजा सी मखुगु। आः तक नं छिं परमेश्‍वरयाके न्‍ह्यागु हे फ्वंसां छितः बियादी धकाः जिं स्‍यू।”

![](https://cdn.door43.org/obs/jpg/360px/obs-en-37-05.jpg)

येशूं लिसः बियादील, “सीम्‍ह म्‍वाकीम्‍ह व जीवन बीम्‍ह जि हे खः। सुनां सुनां जित विश्‍वास याइ, इपिं गुबलें सी मखु। छु छिं थ्‍व खँय् विश्‍वास यानादिया ला?” मार्थां लिसः बिल, “खः प्रभु! छि परमेश्‍वरया काय्‌ मसिह खः धकाः जिं विश्‍वास याये।

![](https://cdn.door43.org/obs/jpg/360px/obs-en-37-06.jpg)

अले मरियम थ्‍यंकवल। अले, मरियमं येशूया पालिइ भ्‍वपुयाः थथे धाल, “प्रभु, छि थन दीगु जूसा जिमि किजा सी मखुगु।” येशूं इमित न्‍यनादिल, “छिमिसं वयात गन तया: तया?” इमिसं वय्‌कःयात धाल, “चिहानय। छि झाया स्‍वयादिसँ।” अले येशू ख्‍वयादिल।

![](https://cdn.door43.org/obs/jpg/360px/obs-en-37-07.jpg)

थ्‍व चिहान छगू गुफा खः, थुकियागु प्‍वाः ल्‍वहं छगलं तिनातःगु खः। वय्‌कः चिहानय्‌ झायादिल, वय्‌कलं इमित धयादिल, “ल्‍वहं चीकि।” लाजरसया तता मार्थां धाल, “प्रभु, आः ला नवये नं धुंकल जुइ, सीगु हे प्‍यन्‍हु मछि दये धुंकल।”

![](https://cdn.door43.org/obs/jpg/360px/obs-en-37-08.jpg)

येशूं वयात धयादिल, “छिं विश्‍वास यानादिसा, परमेश्‍वरयागु तःधंगु महिमा स्‍वये खनि धकाः जिं मधया ला?” अथे जुयाः इमिसं ल्‍वहं चीकल।

![](https://cdn.door43.org/obs/jpg/360px/obs-en-37-09.jpg)

अले येशूं स्‍वर्गय्‌ स्‍वयाः धयादिल, “बाः जिं छित: सुभाय् बी। जिगु खँ छिं न्‍यनादिगु दु। छिं जिगु खँ न्‍हाबलें न्‍यनादी धकाः जिं स्‍यू। थन दना च्‍वंपिन्‍सं जितः छ्वया हयादीम्‍ह छि हे खः धकाः विश्‍वास याये फयेमा धकाः जिं थथे धयागु खः। थुलि धयाः वय्‌कलं तस्‍सलं सःतादिल, अय् लाजरस, पिहां वा।”

![](https://cdn.door43.org/obs/jpg/360px/obs-en-37-10.jpg)

अले, सीम्‍ह लाजरस पिहां वल।

![](https://cdn.door43.org/obs/jpg/360px/obs-en-37-11.jpg)

उकिं यहूदीतय् तःधंपिं पुजाहारीत तंम्‍वल, अले, इमिसं गथे याना येशू व लाजरसयात स्‍यायेगु धकाः मुना सल्‍लाह यात।

*थ्‍व घटना बाइबलया थुपिं अध्‍यायपाखें काःगु खः यूहन्‍ना ११:१-४६*

## 38. ३८. येशूयात धोखा ब्यूगु

https://openbiblestories.org/l/new/story-38/

![](https://cdn.door43.org/obs/jpg/360px/obs-en-38-01.jpg)

दँय्‌दसं, यहूदीतय्‌सं छुत्‍कारायागु नखः हनिगु खः। थ्‍व छगू नखः जुगँजुग न्‍ह्यःनिसें गुकथं पसमेश्‍वरं इमि पुर्खातय्‌त मिश्रदेशया दासत्‍वपाखें बचययागु खः धकाः लुमंकेगु नितिं हनिगु खः। येशूं दकलय्‌ न्‍हापां मनूतय् दुथुइ प्रचार व स्‍यनेकने यानादीगु स्‍वदँ लिपा, वय्‌कलं थःचेलतनापं येरूशलेमय्‌ छुत्‍काराया नखः हनेगु खँ कनादिल, अले वय्‌कः अन सीगु खँ नं धयादिल।

![](https://cdn.door43.org/obs/jpg/360px/obs-en-38-02.jpg)

येशूया चेलात मध्‍ये यहूदा नांयाम्ह छम्‍ह मनू दु। यहूदा चेलातय्‌गु ध्यबाया जिम्‍मा काइम्‍ह खः तर व ध्‍यबाय्‌ लोभ याइम्‍ह खः अले न्‍ह्याबलें म्‍हीचायागु ध्‍यबा खुयाकाइगु खः। येशू व चेलात येरूशलेमय् थ्‍यंने धुंकाः, यहूदा यहूदीतय्‌ तःधंपिंपुजाहारी तयेथाय् वन अले ध्‍यबा कया येशूयात ज्‍वंका छ्वयेगु धकाः सल्‍लाह यावन। यहूदीतय्‌ नायः तय्‌सं येशू महसिह धकाः स्‍वीकार मयाः। अले वय्‌कःयात गथे यानाः स्‍यायेत सनांच्‍वंगु दु धयागु खँ येशूं स्‍यू।

![](https://cdn.door43.org/obs/jpg/360px/obs-en-38-03.jpg)

तःधंपिंपुजाहारीतय्‌गु न्‍ह्यलुवाय्‌, यहूदी नायः तय्‌सं येशूयात विश्‍वासघात यायेगु नितिं यहूदायात स्‍विग: वहः यागु म्‍वहः बिल। अगमवक्तातय्‌सं भविष्‍यवाणी याथें हे थ्‍व खँ जुवल। यहूदा थ्‍व खँय्‌ सहमत जुया ध्‍यबा कयाः व अनं वन। यहूदां उबलय् निसें येशूयात गुकथं ज्‍वंकेगु धकाः मौका स्‍वयाच्‍वन।

![](https://cdn.door43.org/obs/jpg/360px/obs-en-38-04.jpg)

येरूशलेमय्, येशूं थःचेलातनापं छुत्‍कारायागु नखः हनादिल। छुत्‍कारायागु भ्‍वय्‌या ईलय येशूं छुं मरि कया कुचा थालादिल। वय्‌कलं धयादिल, “थ्‍व का: अले न। थ्‍व जिगु म्‍ह खः, गुगु छिमिगु निंतिं बियागु दु। थ्‍व जिगु लुमंतिइ यायेगु या।” थुकथं वय्‌कलं थःगु म्‍ह इमिगु निंतिं बलिदान जुइ धकाः धयादिल।

![](https://cdn.door43.org/obs/jpg/360px/obs-en-38-05.jpg)

अले येशूं ख्‍वला कयाः धयादिल, “थ्‍व त्‍वं। थ्‍व न्‍हूगु बाचायागु जिगु हि खः। थ्‍व हि यक्‍वसिगु पाप क्षमाया निंतिं जिं हाय्‌कागु खः। आवंनिसें छिमिसं थ्‍व त्‍वनेबलय्‌ जितः लुमंकेगु या।”

![](https://cdn.door43.org/obs/jpg/360px/obs-en-38-06.jpg)

अनंलि येशूं चेलातयत धयादिल, “छिपिं मध्‍ये जि नापं नयाच्‍वंम्‍ह छम्‍हय्‌सिनं जित धोखा बी। चेलात छक्‍क जुयाः सुनां थज्याःगु ज्‍या याइ धका वय्‌कःयाके न्‍यन। अले येशूं धयादिल, “सुयात जिं मरि कुचा थला बियाच्‍वनागु वं हे जित धोखा बी।” अनंलि येशूं मरिया कुचाथला यहूदायात बियादिल।

![](https://cdn.door43.org/obs/jpg/360px/obs-en-38-07.jpg)

यहूदां मरि काय् धुंकाः शैतान वयाके दुहांवन। यहूदा अनं पिहां वया येशूयात ज्‍वंका छ्वयेगु नितिं यहूदी नायःतय्‌थाय वन। व बहनिया ई खः।

![](https://cdn.door43.org/obs/jpg/360px/obs-en-38-08.jpg)

भ्‍वय् नये सिधय्‌का येशू व वय्‌कःया चेलात जैतून डाँडाय्‌ थाहां झाल। अले येशूं धयादिल, “थौं चान्‍हय् छिपिं फुक्‍कं जितः त्‍वः ता बिस्‍युं वनी। धर्मशास्‍त्रय् थथे च्‍वयातः गु दु, ‘जिं फैजवा: यात स्‍यानाबी, अले फैचात उखेलाः थुखेलाः जुइतिनि।”

![](https://cdn.door43.org/obs/jpg/360px/obs-en-38-09.jpg)

पत्रुसं लिसः बिल, “फुक्‍कसिनं त्‍वःता वंसां जिं ला छितः गुब्‍सं हे त्‍व:ते मखु।” अले प्रभु येशूं पत्रुयात धयादिल, “शैतानं छंके च्‍वंगु फुक्‍क चिज कायेगु इच्‍छा यानाच्‍वंगु दु। अय्‌नं छुं विश्‍वास कम मजुइमा धकाः जिं छंगु निंतिं प्रार्थना यानागु दु। अथेसां नं थौं चान्‍हय्‌ खा हाले न्‍ह्यः छं जितः स्‍वकः तक म्‍हमस्‍यू धकाः धाइ।

![](https://cdn.door43.org/obs/jpg/360px/obs-en-38-10.jpg)

अले पत्रुसं येशूयात धाल, “जि सी हे माःसां नं गुबलें जिं छित: म्‍हमस्‍यू धकाःधाये मखु।” अले मेपिं फुक्‍क चेलातय्‌सं नं अथे हे धाल।

![](https://cdn.door43.org/obs/jpg/360px/obs-en-38-11.jpg)

अले येशू चेलात नापं गेतसमनी धाःगु थासय्‌ झायादिल। येशूं थः चेलातय्‌त धयादिल, छिपिं परिक्षाय्‌ मलाय्‌मा धकाः प्रार्थना याना च्‍वँ। अनंलि थः याकःचा येशू प्रार्थना यायेत झायादिल।

![](https://cdn.door43.org/obs/jpg/360px/obs-en-38-12.jpg)

येशूं स्‍वकः तक प्रार्थना यानादिल, “हे बाः ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं मनूतय्‌गु पाप क्षमा जुइगु छुं नं लँपु मदु धइगु खःसा छिगु हे इच्‍छा पूवनेमा।” उबलय् येशूं तसकं नुगः मछिंकाः दिक्‍क जुयादिल अले वय्‌कःया चति हिया फुति थें खः। परमेश्‍वरं स्‍वर्गदूतयात वयकःयाथाय्‌ शक्ति बीत छ्वयाहयादिल।

![](https://cdn.door43.org/obs/jpg/360px/obs-en-38-13.jpg)

प्रार्थना याये धुंका: येशू वय्‌कःया चेलातय्‌थाय् लिहांझायादिबलय् इपिं न्‍ह्यलं ब्‍वानाच्‍वनं। वय्‌क स्‍वकः खुसिइ झायादिबलय्, येशूं धयादिल, “दँ, जितः धोखा बीम्‍ह थन हे दु।

![](https://cdn.door43.org/obs/jpg/360px/obs-en-38-14.jpg)

यहूदी नाय:त, सिपाइँत, तरवार व कथि ज्‍वनाः तःपिं भीडतनापं यहूदा नं वल। वं येशूयाथाय् वया, “गुरूजु, ज्‍वजलपा” धकाः वय्‌क: यात चुप्‍पा नल। थ्‍व यहूदी नायःतय्‌त वय्‌कःपिन्‍सं सुयाःत ज्‍वने मागु खःधयागु नितिं छगू चिं खः। अले येशूं धयादिल, “यहूदा, छु चुप्‍पां छःजितः धोखा बीगु ला?”

![](https://cdn.door43.org/obs/jpg/360px/obs-en-38-15.jpg)

गुबले सिपाइँतय्‌सँ येशूयात ज्‍वन, पत्रुसं तरवार पिकयाः दकलय्‌ तःधंम्‍ह पुजाहारीया छम्‍ह दासयागु न्‍हाय्‌पं हे ध्‍यना बिल। येशूं धयादिल, तरवार तापाक्‍क हे ती।

*थ्‍व घटना बाइबलया थुपिं अध्‍यायपाखें काःगु खः मत्ती २६:१४-५६; मर्कूस १४:१०-५०; लूका २२:१-५३; यूहन्‍ना १२:६; १८:१-११*

## 39. ३९. महासभया न्‍ह्यःने येशू

https://openbiblestories.org/l/new/story-39/

![](https://cdn.door43.org/obs/jpg/360px/obs-en-39-01.jpg)

चान्‍ह्ययसिया इःलय् सिपाइँतय्‌सं न्‍यंत्‍वं यायेगु नितिं येशूयात दकलय् तःधंम्‍ह पुजाहारीया छेंय्‌ यंकल। पत्रुस नं तातापाकं हे इमिगु ल्‍यू ल्‍यू वना हे च्‍वन। गुबले येशूयात छेंय्‌ दुने यंकल, पत्रुस अन हे पिने च्‍वन। अले मि पना लुमुसि च्‍वंकल।

![](https://cdn.door43.org/obs/jpg/360px/obs-en-39-02.jpg)

येशूयात छेंय्‌ दुने यहूदी नायःतय्‌सं महासभाया न्‍ह्यःने तलः। इमिसं यक्‍वः मखुगु द्वपंत हल। गुम्‍हसिनं वया: वय्‌कःयागु बारय्‌ मखुगु खँ ल्‍ह्यत। इमिगु खँ थः थःवये हे मिलय मजुल अय्‌जुगुलीं यहूदी नायःतय्‌सं वय्‌कःयात छुं खँय्‌ नं दसि क्‍यने मफुत। येशूं छुं हे धयामदी।

![](https://cdn.door43.org/obs/jpg/360px/obs-en-39-03.jpg)

दकलय् लिपा, तःधंम्‍ह पुजाहारीं येशूपाखे स्‍वल अले धाल, “जिमित धा, छु छ मसिह खः, म्‍वाःम्‍ह परमेश्‍वरया काय्‌?”

![](https://cdn.door43.org/obs/jpg/360px/obs-en-39-04.jpg)

येशूं लिसःबियादिल, “जि खः, छिसँ जित परमेश्‍वरनापं च्‍वना च्‍वँगु व स्‍वर्गं वयाः च्‍वनागु खनितिनि।” दकलय्‌ तःधंम्‍ह पुजाहारीं तंम्‍वया थःम्‍हं फिनातःगु लं खुत: अले मेपिं धार्मिक नायःतय्‌त थथे धयाः हाल, “थुलिं अप्‍वः जिमित मेगु छुं साक्षी म्‍वाल?”

![](https://cdn.door43.org/obs/jpg/360px/obs-en-39-05.jpg)

दक्‍व यहूदी नायःतय्‌सं लिसःबिल, “थ्‍व सीःत योग्‍यम्‍ह खः

![](https://cdn.door43.org/obs/jpg/360px/obs-en-39-06.jpg)

पत्रुस छेंय्‌पिने हे पिवाः च्‍वनाच्‍वन। छम्‍ह भ्‍वातिं नं पत्रुसयात खन अले धाल, “छ नं येशू नापं हे च्‍वंम्‍ह मखु ला?

![](https://cdn.door43.org/obs/jpg/360px/obs-en-39-07.jpg)

अले पत्रुसं थथे धकाः बाचा यात, “जिं थ्‍व मनूयात म्‍हःस्‍यू जुसाः परमेश्‍वरं जितः सजाँय बियादीमा।”

![](https://cdn.door43.org/obs/jpg/360px/obs-en-39-08.jpg)

अले पत्रुस अन पिहा वनाः ‌ख्‍व वन। व धोखा बीम्‍ह यहूदां यहूदी नायःतय्‌सं येशूयात स्‍यायेगु नितिं दोष लग्‍ययाना च्‍वंगु खन। यहूदा पस्‍ताय् चायाः नगः मछिंकल अले अन म्‍यःथाय्‌ वना आत्‍महत्‍या यात।

![](https://cdn.door43.org/obs/jpg/360px/obs-en-39-09.jpg)

सुथ न्‍हापां हे यहूदी नायःतय्‌सं येशूयात रोमी राज्‍यपाल पिलातसया न्‍ह्यःने हल। इमिसं थ्‍व आशा याना च्‍वंनं कि पिलातसं येशूयात दोषी मानय् याइ अले वय्‌कःयात मृत्‍युदण्‍ड बिइ धकाः। पिलातसं येशू यात न्‍यन, “छु छः यहूदीतय् जुजु खःला?”

![](https://cdn.door43.org/obs/jpg/360px/obs-en-39-10.jpg)

येशूं लिसः बियादिल, “छिं थःम्‍हं हे धयादिल, तर जिगु राज्‍य संसारयागु राज्‍य मखु। अथे खःसा ला, जिम्‍ह सेवकतय्‌सं जिगु नितिं ल्‍वापु याइ मखु। जि संसारय् परमेश्‍वरयागु खःगु खँ धायेत वयागु खः। सुना खःगु खँ यात ययेकी, इमिसं जिगु खँ न्‍यनी।” पिलातसं धाल, “खःगु खँ छु खः?”

![](https://cdn.door43.org/obs/jpg/360px/obs-en-39-11.jpg)

येशूनापं खँ ल्‍ह्यःय धुंकाः पिलातस भीडथाय्‌ पिहाः वल अले धाल, जिं थ्‍व मनू याके छु हे दोष लुइके मफुत।” तर यहूदी नायःतय्‌सं व भीडं थथे धया हाला हल, “वयाःत क्रूसय् यख्‍खानाः स्‍याना छ्व।”

![](https://cdn.door43.org/obs/jpg/360px/obs-en-39-12.jpg)

भीडं ल्‍वापु थनाः हइनं धयाः सिया पिलातस ग्‍यात। अथेजुगुलिं पिलातसं थः सिपाइँतय्‌त येशूयात क्रूसय यख्‍खाना स्‍यायेगु आदेश बिल। रोमी सिपाइँतयसं येशूयात कोर्रां दाय्‌काः राजकीय वसः पुंकाः अले कँ नं दय्‌का तःगु श्वीपेच वयकःयात छेनय् पुइकाबिल। अले इमिसं वय्‌कःयात थथे धयाः गिज्‍ययात, “स्‍वः, यहूदीतय् जुजु।

*थ्‍व घटना बाइबलया थुपिं अध्‍यायत पाखें काःगु खः मत्ती २६:५७-२७:२६; मर्कूस १४:५३-१५:१५; लूका २२:५४-२३:२५; यूहन्ना १८:१२-१९:१६*

## 40. ४०. येशूयात क्रुसय्‌ यख्‍खाःगु

https://openbiblestories.org/l/new/story-40/

![](https://cdn.door43.org/obs/jpg/360px/obs-en-40-01.jpg)

येशूयात गिजय्‌ याये धुंकाः सिपाइँतय्‌सं वय्‌कःयात क्रूसय्‌ यख्‍खायेगु नितिं अन मेगुथासय्‌ यंकल। इमिसं वय्‌कःयात क्रूस ज्‍वंकल गुके वय्‌कःयात यख्‍खायेगु खः।

![](https://cdn.door43.org/obs/jpg/360px/obs-en-40-02.jpg)

व सिपाइँतय्‌सं येशूयात “खप्‍परे” धाइगु थासय् हल अले वय्‌कःया ल्‍हाः व तुःतियात क्रुसय् तया नः किं ताना बिल। तर येशूं धयादिल, “बाः इमित क्षमा यानादिसं, छाय् धाःसा इमिसं छु याना च्‍वंनागु धइगु व इमिसं मस्‍यू।” पिलातसं व सिपाइँतय्‌त छगू पौलय्‌ “थ्‍व यहूदीतय् जुजु खः” धकाः च्‍वल। व पौ यात क्रूसय येशूया छ्यं फुसय् तःया बीगु आदेश बिल।

![](https://cdn.door43.org/obs/jpg/360px/obs-en-40-03.jpg)

सिपाइँतय्‌सं येशूयागु वसःतय् चिट्ठा तल अले इमिसं थथे यागुलिं थुकथं धर्मशास्‍त्रय् च्‍वया तःगु अगमवाणी पूवन, सुना धयाःतगु खः “इमिसं जिगु वसःत थःथःवय् इना काल अले जिगु वसःयागु नितिं चिट्ठा तल।

![](https://cdn.door43.org/obs/jpg/360px/obs-en-40-04.jpg)

येशूयात निम्‍ह दाखुँतय्‌ बीचय् क्रुसय यख्‍खागु खः। वं मध्‍य छम्‍हय्‌सिनं येशूयात गिजय् यात, तर मेम्‍हसिनं धाःसा धाल, “छु छंन्‍त परमेश्‍वरयागु छुं ग्‍या: भय् मदु ला? झिपीं ला दोषी खः, तर थ्‍व मनू ला निर्दोष म्‍हः खः।” अले वं येशूयात धाल, “जिं छितः इनाप याये जितः छिगु राज्‍यलय् जितः लुमंकादिसं।” येशूं लिसः बियादिल, “थौं हे, छ जि नापं स्‍वर्गय् जुइतिने।”

![](https://cdn.door43.org/obs/jpg/360px/obs-en-40-05.jpg)

यहूदी नायःत व भीडय्‌ च्‍वंपिं मेपिं मनूतय्‌सं येशूयात गिजय्‌ यात। इमिसं वय्‌कःयात धाल, “छः परमेश्‍वरया काय् खःसा, क्रुसं क्‍वहां वयाः थःत बचय् या।”

![](https://cdn.door43.org/obs/jpg/360px/obs-en-40-06.jpg)

अबलय् सारा संसार हे खिउँसे च्‍वना वल। थ्‍वबलय्‌ न्‍हिनय्‌सिया ई खः। व खिउँसे मध्‍यान्‍हया तीन बजे तक हे च्‍वनाच्‍वंन।

![](https://cdn.door43.org/obs/jpg/360px/obs-en-40-07.jpg)

अले येशू तसकं हालादिल, “आ सिद्धल।”

![](https://cdn.door43.org/obs/jpg/360px/obs-en-40-08.jpg)

वय्‌कःया मृत्‍यु पाखें, येशूं मनूतय्‌गु नितिं परमेश्‍वरथाय् वनेगु लँ चायकादिल। उबलय् येशूयात पिवा च्‍वनाच्‍वँपिं व सिपाइँतय्‌सं थ्‍व फुक्‍क खँत जुगु खन। वं धाल, “धाःथें हे, थ्‍व मनू निर्दोषम्‍ह खः। वय्‌क परमेश्‍वरया काय् खः।”

![](https://cdn.door43.org/obs/jpg/360px/obs-en-40-09.jpg)

अले योसेफ व निकोदेमस, येशूयात मुक्ति बीम्‍ह खःधकाः विश्‍वास याइम्‍ह निम्‍ह यहूदी नायःतय्‌सं पिलातसयाथाय् वनाः येशूयागु सीम्‍ह फ्वं वन। इमिसं वय्‌कःया सीम्‍ह यात कापतं हिन अले पहाड ह्वखनाः दय्‌कातःगु चिहानय् यंकाः तया बिल। थथे याये धुंकाः इमिसं चिहानयागु म्हुतु तिनाबीत उकिःया न्‍ह्यःने छगः तग्‍वःगु ल्‍वहं गुलु तुइकाः चिहानया प्‍वाःलय्‌ तयाबिल।

*थ्‍व घटना बाइबलया थुपिं अध्‍यायत पाखें काःगु खः मत्ती २७:२७-६१; मर्कूस १५:१६-४७; लूका २३:२६-५६; यूहन्‍ना १९:१७-४२*

## 41. ४१. परमेश्‍वरं येशूयात सीपाखें म्‍वाकादिल

https://openbiblestories.org/l/new/story-41/

![](https://cdn.door43.org/obs/jpg/360px/obs-en-41-01.jpg)

सिपाइँतय्‌सं येशूयात क्रूसय्‌ नकिंताना स्‍यायेधुंका विश्‍वास मदुपिं यहूदी नायःतय्‌सं पिलातसयात धाल, “व मखुगु खँ ल्‍हाइम्‍ह येशूं धाःगु दु, स्‍वन्‍हु दय्‌का हाकनं म्‍वाना वये। वया चेलातय्‌सं येशूयागु सिम्‍ह खुयायंकी अले व हाकनं म्‍वाना वःगु दु धकाः धाये मफय्‌मा धइगु खँ पक्‍का यायेग निंति चिहानय्‌ पिवाः तयेमाः।”

![](https://cdn.door43.org/obs/jpg/360px/obs-en-41-02.jpg)

पितातसं धाल, “छुं सिपाइँत ब्‍वँना यंकी अले व चिहानयात छिमिसं फक्‍क सुरक्षा यानाती।” अथे जुयाः इमिसं चिहानया म्‍हुतुप्‍वाः तिनातःगु ल्‍वहँतय्‌ छगू मोहर छाप तयाबिल अले सुनानं येशूया सिम्‍ह खुया यंके मफय्‌मा धकाः सिपाइँतय्‌त अन पिवाः तल।

![](https://cdn.door43.org/obs/jpg/360px/obs-en-41-03.jpg)

येशूयात थुंगु खन्‍हय्‌ खुन्‍हु विश्रामबार खः अले यहूदितय्‌त उखुन्‍हु चिहानय्‌ वनेगु अनुमति मदु। अथे जुयाः शबाथ दिंया कन्‍हय्‌ खुन्‍हु सुथ न्‍हापां हे सुं मिसात येशूयात तयातःगु चिहानय्‌ वय्‌कःया म्‍हय्‌ अत्तर बुइकः वनेत तयार जुल।

![](https://cdn.door43.org/obs/jpg/360px/obs-en-41-04.jpg)

आकांझाकां तःभुखाय्‌ ब्‍वल। नन्‍यात अले ल्‍हावसा त्‍वयाच्‍वन अले स्‍वर्गदूतत आकाशय्‌ खने दत। अले वय्‌कलं चिहानया म्‍हुतुप्‍वाः तिनातःगु तःग्‍वःगु ल्‍वँ अन चिकाः उकि हे फेतुनादिल। चिहानय्‌ पिवाः च्‍वनाच्‍वंपिं सिपाइँत तसकं ग्‍यात अले सीपिं मनूत थें बँय्‌ ग्‍वारतु वन।

![](https://cdn.door43.org/obs/jpg/360px/obs-en-41-05.jpg)

उपिं मिसात चिहानय्‌ थ्‍यंबलय्‌ अन स्‍वर्गदूततय्‌सं इमित थथे धाल, “ग्‍याये मते। येशू थन मदी। वय्‌कलं धयादीगु थें वय्‌कः हाकनं सीपाखें म्‍वानाझायादीगु दु।

![](https://cdn.door43.org/obs/jpg/360px/obs-en-41-06.jpg)

अले स्‍वर्गदूतं उपिं मिसातय्‌त धाल, “वना चेलातय्‌त धयाब्‍यु, ‘येशू सीनाम्‍वाना झायादीगु दु अले वय्‌कः छिमिगु न्‍ह्यः न्‍ह्यः गालिलय्‌ झायादी।’”

![](https://cdn.door43.org/obs/jpg/360px/obs-en-41-07.jpg)

उपिं मिसात तसकं ग्‍यात अय्‌नं इमिगु नुगः तसकं लय्‌ताः। अथे जुया इमिसं चेलातय्‌त थ्‍व लय्‌ताया बुखँ न्‍यंकेत ब्‍वाँय्‌ वन।

![](https://cdn.door43.org/obs/jpg/360px/obs-en-41-08.jpg)

उपिं मिसातय्‌सं चेलातय्‌त थ्‍व लय्‌ताया बुखँ न्‍यंका च्‍वंबलय्‌ प्रभु येशू इमिथाय्‌ खनेदय्‌कः झायादिल, अले इमिसं येशूयात क्‍वछुना दण्‍डवत यात। येशूं इमित धाल, “ग्‍याये मते। वनाः जिमि चेलातय्‌त गालिलय्‌ हुँ धकाः धयाब्‍यु। अले इमिसं जित अन हे खंकेफइ।

*थ्‍व बाइबलया घटना थुपिं अध्‍याय पाखें काःगु खः मत्ती २७:६२-२८:१५; मर्कूस १६:१-११; लूका २४:१-१२; यूहन्‍ना २०:१-१८*

## 42. ४२. येशू स्वर्गय्‌ थाहांझायादीगु

https://openbiblestories.org/l/new/story-42/

![](https://cdn.door43.org/obs/jpg/360px/obs-en-42-01.jpg)

येशू सीनाम्‍वाना झयादीगु दिं खुन्‍हु वय्‌कःया निम्‍ह चेलात लिक्‍क लाःगु गामय्‌ वना च्‍वंगु खः। इमिसं लँय्‌ ववं येशूयात छुयात जुइ धकाः खँ ल्‍हाःल्‍हां वना च्‍वंगु खः। इमिसं आशा यानाच्‍वंम्‍ह वय्‌कः मसिह खः अय्‌नं वय्‌कःयात स्‍यानाबिल। उपिं मिसातय्‌सं धाल, वयय्‌कः हाकनं म्‍वानाझायादी दु। इमिसं छुकि विश्‍वास यायेगु खः व इमिसं मसिल।

![](https://cdn.door43.org/obs/jpg/360px/obs-en-42-02.jpg)

येशू उपिं निम्‍ह चेलातय्‌थाय्‌ खनेदय्‌कः झायादिल अले इपिं नापं तुं झायादिल अय्‌नं उपिं चेलातय्‌सं वय्‌कःयात म्‍हसिके मफुत। वय्‌कलं इमित छुकिया बारे खँ ल्‍हानाच्‍वनागु धकाम न्‍यनादिल, अले इमिसं वय्‌कःयात छुं दिं न्‍ह्यः जूगू येशूया बारेया खँ कनाबिल। इमिसं छम्‍ह परदेशीनापं खँ ल्‍हानाच्‍वनागु दु धकाः बिचाः याना च्‍वन अले यरूशलेमय्‌ छु छु घटना जूगु खः वं मस्‍या धकाः अले धयाच्‍वंगु खः।

![](https://cdn.door43.org/obs/jpg/360px/obs-en-42-03.jpg)

अनंलि येशूं इमित परमेश्‍वरया वचनं मसिहया बारे छु धाइ धकाः व्‍याख्‍या यानादिल। वय्‌कलं इमित अगमवक्ततय्‌सं धया थकूगु खँ लुमंकादिल, मसिहं कष्‍ट नयेमालि, स्‍यानाबि अले स्‍वन्‍हु दय्‌कः हाकनं म्‍वानाझायादी। इपिं व गामय्‌ थ्‍यनेवं छथाय्‌ फयेतुइगु इच्‍छा यात उबलय्‌ खिउँ खिउँ धायेधुंकूगु खः।

![](https://cdn.door43.org/obs/jpg/360px/obs-en-42-04.jpg)

उपिं निम्‍ह चेलातय्‌सं येशूयात थःपिंनापं हे बाय्‌ च्‍वनेत यनाप यात। अथे जुयाः वय्‌कः इपिं नापं हे च्‍वनादिल। इपिं बहनिया नसा नयेत तयार जूबलय्‌ येशूं मरियात कयाः परमेश्‍वरयात सुभाय्‌ बिया मरि कुचा थलादिल। अनंलिं उपिं चेलातय्‌सं वय्‌कः येशू हे खः धकाः म्‍हसिल। अय्‌नं थथें हे वय्‌कः इपिंपाखें अलप जुयादिल।

![](https://cdn.door43.org/obs/jpg/360px/obs-en-42-05.jpg)

उपिं निम्‍ह मनूतय्‌सं थःथवय्‌ धाल, “वय्‌कः ला येशू जुया च्‍वन! अथे जुयाः वय्‌कलं झीतः परमेश्‍वरया वचन व्‍याख्‍या यानादिल अले झीपिं गुलि लय्‌लय्‌ ताया। थत्‍थें हे इपिं व थाय्‌ त्‍वःता यरुशलेमय्‌ तुं लिहां वन। इपिं अन थ्‍यनेवं हे इमिसं चेलातय्‌त धाल, “येशू म्‍वानाझायादीगु दु! जिमिसं वय्‌कःयात खनागु खः!”

![](https://cdn.door43.org/obs/jpg/360px/obs-en-42-06.jpg)

चेलात खँल्‍हानाच्‍वंबलय्‌ आकांझाकां येशू इपिं च्‍वनाच्‍वंगु क्‍वथाय्‌ खनेदय्‌कः झायादिल अले येशूं धयादिल, “छिमित शान्‍ति!” चेलातय्‌सं वय्‌कःयात भुत धकाः च्‍वन। अय्‌नं येशूं धयादिल, “छिपिं छाय्‌ ग्‍यानागु? छिमिसं जि येशू हे खः धकाः छाय्‌ पत्‍याः याये मफुगु? जिगु ल्‍हाः व तुति स्‍व। भुततय्‌के जिके थें म्‍ह दइमखु।” थः भुत मखु धकाः क्‍यनादीत वय्‌कलं छुं नयेत हजि धकाः धयादिल। इमिसं छम्‍ह न्‍या हयाबिल अले वय्‌कलं व नयादिल।

![](https://cdn.door43.org/obs/jpg/360px/obs-en-42-07.jpg)

येशूं धयादिल, “जिं छन्‍त धयागु खः जिगु बारे परमेश्‍वरया वचनय्‌ च्‍वयातःगु फुक्‍क खँ पूवनेमाः।” अले वय्‌कलं इमित परमेश्‍वरया वचन बांलाक ध्‍वाथुइके फयेमा धकाः शक्ति बियादिल। वय्‌कलं धयादिल, “थ्‍व वचन यक्‍व न्‍हापा हे च्‍वयातःगु खः, मसिहं दुःख सीया सीमानि अले स्‍वन्‍हु दय्‌का हाकन म्‍वाना वइतिनि।”

![](https://cdn.door43.org/obs/jpg/360px/obs-en-42-08.jpg)

“धर्मशास्‍त्रय्‌ थथे नं च्‍वयातःगु दु, जिमि चेलातय्‌सं घोषणा याइ, सकलें मनूतय्‌सं थथःगु पाप क्षमाया निंतिं पश्‍चाताप यायेमा। इमिसं थ्‍व खँ यरुशलेमपाखें शुरू याइ अले लिपा फुक्‍क जातिया मनूतय्‌थाय्‌ न्‍यंक वनि। छिपिं थुपिं हे खँया साक्षीत खः।”

![](https://cdn.door43.org/obs/jpg/360px/obs-en-42-09.jpg)

अले पीन्‍हुतक येशू चेलातय्‌थाय्‌ खनेदय्‌कः झायादिल। छक्‍व वय्‌कः न्‍यासः (५००) स्‍वया अप्‍वः मनूत दुथाय्‌ खनेदय्‌कः झायादिल। वय्‌कलं थः चेलातय्‌त तक्‍वःमछि थः म्‍वाःम्‍ह खः धयागु दसि बियादिल। अले वय्‌कलं इमित परमेश्‍वरया राज्‍यया बारे स्‍यनेकने यानादिल।

![](https://cdn.door43.org/obs/jpg/360px/obs-en-42-10.jpg)

येशूं वय्‌कःया थः चेलातय्‌त धयादिल, “स्‍वर्ग व पृथ्‍वीया दक्‍व अधिकार जितः बियातःगु दु। अय्‌जूगुलिं छिपिं वनाः फुक्‍क जातियपिं मनूतय्‌त चेला दय्‌की अले इमित बाःयाग नामं काय्‌यागु नामं व पवित्र आत्‍मायागु नामं बप्‍तिस्‍मा ब्‍यु। अले जिं स्‍यनाथें छिमिसं इमित स्‍यनेकने याना फुक्‍क खँ मानय्‌ याकि। लुमंकी, जि न्‍ह्याबलें छिपिं नापं हे दइ।

![](https://cdn.door43.org/obs/jpg/360px/obs-en-42-11.jpg)

येशू सीम्‍वाना वःगु पीन्‍हु लिपा, वय्‌कलं थः चेलातय्‌त धयादिल, “जिमि बाःनं छिमित पवित्र आत्‍मा बियादी धुंकाः छिमित शक्ति दइ, उबलय्‌ तक छिपिं यरुशलेमय्‌ पिया च्‍वँ।” अले येशू स्‍वर्गय्‌ थाहां झायादिल नापं वय्‌कःयात सुपाँचं त्‍वःपुयाबिल अले इपिंपाखें खनेमन्‍त। येशू फुक्‍क खँय्‌ राज्‍य यानादीत परमेश्‍वरया जवः ल्‍हाःपाखे च्‍वनादीगु दु।

*थ्‍व सत्‍य घटनात बाइबलया थुपिं अध्‍यायतपाखें काःगु खः मत्ती २८:१६-२०; मर्कूस १६:१२-२०; लूका २४:१३-५३; यूहन्‍ना २०:१९-२३; प्रेरित १:१-११ बाट*

## 43. ४३. मण्डली शुरू जूगु

https://openbiblestories.org/l/new/story-43/

![](https://cdn.door43.org/obs/jpg/360px/obs-en-43-01.jpg)

येशू स्‍वर्गय्‌ थाहां झायादी धुंकाः चेलात येशूं आज्ञा यानादी थें यरुशलेमय्‌ हे च्‍वनाच्‍वन। अन दुपिं विश्‍वासीत नापं मिलय्‌ जुयाः प्रार्थना यायेत छथाय्‌ मुना च्‍वन।

![](https://cdn.door43.org/obs/jpg/360px/obs-en-43-02.jpg)

दँय्‌ दँसं यहूदीतय्‌सं छुत्‍काराया नखः न्‍यय्‌न्‍हु (५०) लिपा तसकं महत्त्व दुगु दिं पेन्‍तिकोसया दिं खुन्‍हु मानय्‌ याइगु खः। पेन्‍तिकोस नखः यहूदीतय्‌ बाली लइगु इलय्‌ मानय्‌ याइगु खः। उखुन्‍हु संसारय्‌ फुक्‍क थासय्‌ च्‍वंपिं यहूदीत यरुशलेमय्‌ सकलें मिलय्‌ जुया पेन्‍तिकोसया नखः हनेत वइगु खः। उगु दँलय्‌ पेन्‍तिकोसया नखः येशू प्रभु स्‍वर्गय्‌ झायादीगु झिन्‍हु (१०) लिपा लाःगु खः।

![](https://cdn.door43.org/obs/jpg/360px/obs-en-43-03.jpg)

फुक्‍क विश्‍वासीत छथाय्‌ मुना प्रार्थना यानाच्‍वंगु इलय्‌, आकांझाकां इपिं च्‍वनाच्‍वंगु छेँय्‌ तच्‍वःगु फय्‌ वया हुरुरु सः वल। अनंलि मियागु तसकं थीगु चिज खने दया फुक्‍क विश्‍वासीतय्‌गु छेँनय्‌ च्‍वन। अले इपिं फुक्‍क पवित्र आत्‍मां जायाः इमिसं मेमेगु भासं नवाना हल।

![](https://cdn.door43.org/obs/jpg/360px/obs-en-43-04.jpg)

येरूशलेमय्‌ च्‍वंपिं मनूतय्‌सं अन जुयाच्‍वंगु हाहूया सः ताया छु जूगु धकाः स्‍वयेत वल। अले अनच्‍वंपिं विश्‍वासीतय्‌सं अजूचायापुगु ज्‍याया बारे इमिगु थःगु हे मांभासं प्रचार यानाच्‍वंगु अन स्‍वयाच्‍वंपिं मनूतय्‌सं न्‍यंबलय्‌ इपिं तसकं छक्‍क जुल।

![](https://cdn.door43.org/obs/jpg/360px/obs-en-43-05.jpg)

छुं मनूतय्‌सं चेलातय्‌त दाखमद्य त्‍वःना लगय्‌ जुया च्‍वंपिं धकाः धाल। अय्‌नं पत्रुस दनाः इमित थथे धाल, “न्‍यनादिसँ! मखु इमिसं मद्य त्‍वंगु मदु। अन छिमिसं छु खनाच्‍वंगु दु थुकिया पलेसा छिमिसं योएल अगमवक्तां नवाःगु थें जूगु वःगु दु, परमेश्‍वरं धयादी, ‘अन्‍तया दिनय्‌ जिं मनूतय्‌त थःगु आत्‍मां जायेकाबी।

![](https://cdn.door43.org/obs/jpg/360px/obs-en-43-06.jpg)

ए इस्राएलया मनूत, येशू छम्‍ह मनू जूसां नं वय्‌कलं परमेश्‍वरया शक्तिपाखें यक्‍व तःधंगु चिं व अजूचायापुगु ज्‍यात यानादिल। उपिं ज्‍यात छिकपिन्‍सं खंगु व स्‍यूगु दु। अय्‌नं वय्‌कःयात क्रूसय्‌ यख्‍खानाबिल।

![](https://cdn.door43.org/obs/jpg/360px/obs-en-43-07.jpg)

“येशू सीनादीसां नं परमेश्‍वरं वय्‌कःयात स्‍वन्‍हु दय्‌का सीपाखें म्‍वाकादिल। थ्‍व खँ उपिं भविष्‍यवाणीत पूवन गुगु थथे धयातःगु खः, ‘छिसं थः पवित्र जनयात चिहानय्‌ ध्‍वःगीकादी मखु।’ झीपिं व खँया साक्षीत खः अले परमेश्‍वरं येशूयात हाकनं म्‍वाकादिल।”

![](https://cdn.door43.org/obs/jpg/360px/obs-en-43-08.jpg)

“आः येशू परमेश्‍वरया बाःया जवः ल्‍हापाखे महिमित जुयादीगु दु। अले येशूं बाचा यानादी थें पवित्र आत्‍मा छ्‌वयाहयादीगु दु। थौंकन्‍हय्‌ छिकपिन्‍सं खंगु व न्‍यनाच्‍वंगु खँत पवित्र आत्‍मां हे धयादीगु व यानादीगु खः।”

![](https://cdn.door43.org/obs/jpg/360px/obs-en-43-09.jpg)

“छिकपिन्‍सं येशूयात क्रूसय्‌ यख्‍खानाबिल। अय्‌नं थ्‍व खँ पक्‍का याना सिकादिसँ परमेश्‍वरं येशूयात प्रभु व मसिह नितां दय्‌कादिल।

![](https://cdn.door43.org/obs/jpg/360px/obs-en-43-10.jpg)

पत्रुसं धाःगु खँ न्‍यनाच्‍वंपिं मनूतय्‌त वयागु खँ नुगलय्‌ थ्‍यंक हे दुहांवन। अथे जुयाः इमिसं पत्रुस व चेलातय्‌के न्‍यन, “किजापिं अय्‌सा जिमिसं छु छु यायेमा?”

![](https://cdn.door43.org/obs/jpg/360px/obs-en-43-11.jpg)

पत्रुसं इमित लिसःबिल, “छकपिं सकसिनं पश्‍चाताप यायेमा अले येशू ख्रीष्‍टया नामं बप्‍तिस्‍मा कायेमा, अले वय्‌कःपाखें परमेश्‍वरं छिकपिनिगु पाप क्षमा यानादी। अले वय्‌कलं छिकपिन्‍त पवित्र आत्‍माया वरदान नं बियादी।”

![](https://cdn.door43.org/obs/jpg/360px/obs-en-43-12.jpg)

लगभग स्‍वद्वः (३,०००) मनूतय्‌सं पत्रुसं धाःगु खँ न्‍यना विश्‍वास यात अले येशूया चेला जुल। इमिसं बप्‍तिस्‍मा काल अले इपिं यरूशलेमया मण्‍डलीया अधिकार दुपिं जुल।

![](https://cdn.door43.org/obs/jpg/360px/obs-en-43-13.jpg)

उपिं चेलातय्‌सं न्‍ह्याबलें प्रेरिततय्‌गु शिक्षा न्‍यना इपिंनापं हे च्‍वना सय्‌केगु यात। इपिं छथाय्‌ हे च्‍वना नये त्‍वने याइगु अले मुना प्रार्थना यायेगु यात। इपिं सकलें मिलय्‌ जुया परमेश्‍वरया प्रशंसा यायेगु यात अले इमिके दुगु फुक्‍क चिजत मंका याना तल अले सुयातं छुं माला धाःसा व इनाबीगु याइगु खः। इपिं फुक्‍कसिनं भिंगु बिचा याइगु खः। न्‍हिया न्‍हिथं विश्‍वासीत अप्‍वया वन।

*थ्‍व घटना बाइबलया थुपिं अध्‍यात पाखें काःगु खः प्रेरित २ बाट*

## 44. ४४. पत्रुस व यूहन्‍नां फ्वँगीयात लाय्‌कूगु

https://openbiblestories.org/l/new/story-44/

![](https://cdn.door43.org/obs/jpg/360px/obs-en-44-01.jpg)

छन्‍हु, पत्रुस व यूहन्‍ना देगलय्‌ वनाच्‍वंगु खः। उबलय्‌ इपिं देगःया ध्‍वाखाय्‌ थ्‍यंबलय्‌ इमिसं छम्‍ह खुत्‍यांम्‍ह मनूयात खन अले व मनुखं इमिके ध्‍या फ्वँनाच्‍वंगु खः।

![](https://cdn.door43.org/obs/jpg/360px/obs-en-44-02.jpg)

पत्रुसं व खुत्‍यांम्‍ह मनूयात स्‍वया धाल, “छन्‍त बीत जिके ध्‍यबा मदु। अय्‌नं जिके छु दु व जिं छन्‍त बी। येशूया नामं दँ अले न्‍यासे हुँ।”

![](https://cdn.door43.org/obs/jpg/360px/obs-en-44-03.jpg)

अले थत्‍थें हे परमेश्‍वरं व खुत्‍यांम्‍ह मनूयात लाय्‌कादिल, अले व तिंतिंन्‍हुया उखेंथुखें जुया परमेश्‍वरया प्रशंसा यात। देगःया चुकय्‌ च्‍वना च्‍वम्‍ह मनू थ्‍व हे मखुला धकाः मनूत छक्‍क जुल।

![](https://cdn.door43.org/obs/jpg/360px/obs-en-44-04.jpg)

छुं ईलिपा हे ग्‍वाः ग्‍वाः मनूत व ल्‍वय्‌ लंम्‍ह मनूयात स्‍वयेत वल। पत्रुसं इमित धाल, “छु मनूयात लाय्‌कल धकाः छिकपिं छाय्‌ छक्‍क जुइमाःगु? वयात जिमिसं थःगु शक्तिं लंकागु मखु बरू थ्‍व ला येशूं बियादीगु शक्ति व विश्‍वास खः गुकिं थ्‍व मनूयात लाय्‌केफत।”

![](https://cdn.door43.org/obs/jpg/360px/obs-en-44-05.jpg)

“रोमी राज्‍यपालयात येशूयात क्रूसय्‌ यख्‍खाय्‌मा धकाः धाःपिं छिकपिं हे खः। जीवन बियादीम्‍हय्‌सित छिकपिन्‍सं स्‍यानाबिल अय्‌नं परमेश्‍वरं वय्‌कःया म्‍वाकादिल। छिकपिन्‍सं छु यानाच्‍वनंगु दुधयागु मस्‍युसां नं परमेश्‍वरं अगमवाणीत पूवंकेत छिकपिन्‍त छ्यलादिल। मसिहं कष्‍ट नयेमालि अले वय्‌कःयात स्‍याइतिनि। अथे जुयाः पश्‍चाताप यानाः परमेश्‍वरपाखे लिहांझासँ अले छिकपिनिगु पाप क्षमा जुइ।”

![](https://cdn.door43.org/obs/jpg/360px/obs-en-44-06.jpg)

पत्रुस व यूहन्‍नां धाःगु खंयाना देगलय्‌ च्‍वंपिं नायःत तंम्‍वल। अथे जुयाः इमिसं पत्रुस व यूहन्‍नायात ज्‍वनाः झ्‍यालखानाय्‌ कुनाबिल। अय्‌नं यक्‍व मनूतय्‌सं पत्रुसं नवागु न्‍वचुयात विश्‍वास यात अले येशूयात विश्‍वास याःपिं मनूतय्‌गु ल्‍याः लगभग न्‍याद्व (५,०००) ति दत।

![](https://cdn.door43.org/obs/jpg/360px/obs-en-44-07.jpg)

कन्‍हय्‌ खुन्‍हु यहूदी नायःतय्‌सं पत्रुस व यूहन्‍नायात तःधंम्‍ह पुजाहारी व मेपिं धार्मिक नायःतय्‌गु न्‍ह्यःने हल। इमिसं पत्रुस व यूहन्‍नायाके न्‍यन, “छिमिसं गुगु शक्तिपाखें थ्‍व खुत्याम्‍ह मनूयात लाय्‌काःगु खः?

![](https://cdn.door43.org/obs/jpg/360px/obs-en-44-08.jpg)

पत्रुसं लिसः बिल, “छिकपिन्‍थाय्‌ न्‍ह्यःने दनाच्‍वनादीम्‍ह येशू मसिहया शक्तिं लाय्‌काःगु खः। छिकपिन्‍सं येशूयात क्रूसय्‌ यख्‍खानाः स्‍यानाबिल अय्‌नं परमेश्‍वरं वय्‌कःयात हाकनं म्‍वाकादिल।

![](https://cdn.door43.org/obs/jpg/360px/obs-en-44-09.jpg)

पत्रुस व यूहन्‍नां थुकथं साहसयाना नवागु खनाः उपिं नायःत छक्‍क जुल छाय्‌धाःसा इमिसं स्‍यु कि उपिं साधारणपिं व आखः ब्‍वनामतःपिं मनूत खः। अय्‌नं उपिं मनूत येशूनापं हे च्‍वनिपिं खः धकाः इमित लुमना वल। पत्रुस व यूहन्‍नायात ख्‍याच्‍वः बीधुंकाः इमित त्‍वःताबिल।

*थ्‍व घटना बाइबलया थुपिं अध्‍यायपाखें काःगु खः प्रेरित ३:१-४:२२*

## 45. ४५. फिलिप व इथियोपिय्‌ च्‍वंम्‍ह तःधंम्‍ह हाकिम

https://openbiblestories.org/l/new/story-45/

![](https://cdn.door43.org/obs/jpg/360px/obs-en-45-01.jpg)

शुरूया मण्‍डलीया नायःत मध्‍य स्‍तिफनस नांयाम्‍ह छम्‍ह मनू दु। व तसकं भिंम्‍ह अले पवित्र आत्‍मा व बुद्धिं जाःम्‍ह मनू खः। स्‍तिफनसं यक्‍वः हे अजूचायापुगु ज्‍यात यात अले मनूतय्‌सं येशूयात विश्‍वास यायेमा धकाः तसकं हे बांलाःगु तरिकां धाइगु यानाच्‍वन।

![](https://cdn.door43.org/obs/jpg/360px/obs-en-45-02.jpg)

छन्‍हु, स्‍तिफनस येशूया बारे स्‍यनेकने यानाच्‍वंबलय्‌ येशूयात विश्‍वास मयाइपिं यहूदीतय्‌सं व नापं जवाःसवाः यात। इपिं तसकं तंम्‍वल अले स्‍तिफनसया बारे धार्मिक नायःतय्‌सं मखुगु साक्षी बल। इमिसं धाल, “थ्‍व मनुखं मोशा व परमेश्‍वरया बारे मभिंगु खँ धयाच्‍वंगु जिमिसं ताःगु खः। अथे जुयाः उपिं धार्मिक नायःतय्‌सं स्‍तिफनसयात ज्‍वनाः तःधंम्‍ह पुजाहारी व यहूदीतय्‌ मेपिं नाय्‌तय्‌थाय्‌ हल। इमिसं स्‍तिफनसया बारे यक्‍व हे मखुगु साक्षी बिल।

![](https://cdn.door43.org/obs/jpg/360px/obs-en-45-03.jpg)

तःधंम्‍ह पुजाहारी स्‍तिफनसयात न्‍यन, “छु थ्‍व खँ धात्‍थें खः ला? स्‍तिफनसं इमित परमेश्‍वरं अब्राहामनिसें कयाः येशूया इलय्‌तक तक्‍वःमछि यानादीगु अजूचायापुगु ज्‍यात व गुकथं परमेश्‍वरया आज्ञा मनूतय्‌सं मानय्‌ मयात धयागु खँ फुक्‍कं धया लिसः बिल। अले स्‍तिफनसं धाल, “छकपिं जिद्धि व विद्रोह याइपिं मनूतय्‌सं न्‍ह्यबलें पवित्र आत्‍मायात इन्‍कार याःगु दु, गथे छिकपिनि पुर्खातय्‌सं न्‍ह्याबलें परमेश्‍वरयात इन्‍कार यात अले वय्‌कःया अगमवक्तातय्‌तसं स्‍यानाबिल। अय्‌नं छिकपिन्‍सं ला इमिसं स्‍वया नं अझ अप्‍व यानाच्‍वनंगु दु।

![](https://cdn.door43.org/obs/jpg/360px/obs-en-45-04.jpg)

उपिं धार्मिक नायःतय्‌सं थ्‍व खँ न्‍यंबलय्‌ तसकं तंम्वल इमिसं थःपिनिगु न्‍ह्याय्‌पं तित अले तसकं हाल। इमिसं स्‍तिफनसयात लुत्तुलुया शहरं पिने यंकल अले वयात स्‍यायेत ल्‍वहंतं कय्‌कल।

![](https://cdn.door43.org/obs/jpg/360px/obs-en-45-05.jpg)

स्‍तिफनस सीथें च्‍वंबलय्‌ वं तसलं थथे धाल, “येशू जिगु आत्‍मायात कयादिसँ।” अले वं पुलिं चुया हाकनं तसलं थथे धाल, “प्रभु थ्‍व पापया दोष इमित मलाय्‌मा।” अनंलि व सित।

![](https://cdn.door43.org/obs/jpg/360px/obs-en-45-06.jpg)

शाऊल नांयाम्‍ह छम्‍ह ल्‍याय्‌मम्‍ह मनू नं स्‍तिफनसयात स्‍याःपिं मनूतनापं मिलय्‌जूम्‍ह खः अले इमिसं पत्रुसाय ल्‍वहंतं कय्‌का च्‍वंबलय्‌ शाऊलं वयागु लं स्‍वयेत पिवाः च्‍वनाच्‍वम्‍ह खः। उखुन्‍हु, यरूशलेमया यक्‍व मनूतय्‌सं येशूया चेलातय्‌त दुःख बीगु यात अथे जुयाः विश्‍वासीत मेगू हे थासय्‌ बिस्‍युं वन। अय्‌नं उलि जुइ धुंकाः नं इमिसं थःपिं वनागु थासय्‌ येशूया बारे न्‍यंकेगु मत्‍वःतु।

![](https://cdn.door43.org/obs/jpg/360px/obs-en-45-07.jpg)

फिलिप नां याम्‍ह छम्‍ह येशूया चेला दु अले मनूतय्‌सं दुःख ब्यूबलय्‌ यरूशलेमं विस्‍युंवम्‍ह मध्‍य व नं छम्‍ह खः। व सामरियाय्‌ वन अले वं अन येशूया बारे न्‍यंकेगु यात। अन वं यक्‍व मनूतय्‌त बचय्‌ यात। छन्‍हु, परमेश्‍वरया दूतं फिलिपयात मरूभूमिइया लँय्‌ हुँ धकाः धाल। अथे हे व लँपु जुया वनाच्‍वंबलय्‌ फिलिपं इथियोपियाया छम्‍ह सरकारी कर्मचारीयात रथय्‌ च्‍वना वनाच्‍वंगु खन। अले पवित्र आत्‍मां फिलिपयात धाल, वनाः व मनूनापं नापलाना खँ ल्‍हाः हुँ।

![](https://cdn.door43.org/obs/jpg/360px/obs-en-45-08.jpg)

फिलिप व रथया लिक्‍क थ्‍यनेवं वं इथियोपियाली मनूखं यशैया अगमवक्तां च्‍वःगु सफू ब्‍वब्‍वं वनाच्‍वंगु खः। व मनुखं ब्‍वनाच्‍वंगु खँ थथे दु, “स्‍यायेत यंकूम्‍ह फै थें वय्‌कलं छुं नवाना मदी। सँ चाकीबलय्‌ भ्‍याःचा सुम्‍क च्‍वं थें वय्‌कलं नं थःगु म्‍हुतुप्‍वाः तिनाच्‍वन। वय्‌कःयात क्‍वह्यंकाः बांलाक न्‍याय तकं मयात। वय्‌कःया सन्‍तानयागु खँ सुनां कनी? छाय्‌धाःसा वय्‌कःयात पृथ्‍वीइ स्‍याना बिल।”

![](https://cdn.door43.org/obs/jpg/360px/obs-en-45-09.jpg)

फिलिपं व इथियोपियायाम्‍ह मनूयाके न्‍यन, “छु छिसं ब्‍वनाच्‍वनागु खँ थू ला? व इथियोपियालीं लिसः बिल, “अहँ मथु। सुनानं मधाय्‌कं गुकथं थुइके फइ? दयायाना जिथाय्‌ लिक्‍क झासँ अले थुकिया बारे थुइकादिसँ। छु थ्‍व यशैयां थःगु बारे वा मेपिनिगु बारे सुयागु बारे धाःगु खः?

![](https://cdn.door43.org/obs/jpg/360px/obs-en-45-10.jpg)

फिलिपं इथियोपियाली मनूतयात यशैयां येशूया बारे च्‍वःगु खः धकाः व्‍याख्‍या यानाबिल। फिलिपं वयात येशूया बारे भिंगु खँ न्‍यंकेत वं मेगू सफूपाखें नं न्‍यंकल।

![](https://cdn.door43.org/obs/jpg/360px/obs-en-45-11.jpg)

अले फिलिप व व इथियोपियाली लँय्‌ वनाच्‍वंबलय्‌ इपिं छुं लः दुगु थासय्‌ थ्‍यंकः वल। अनंलि व इथियोपियालीं धाल, “स्‍वयादिसँ अन लः दु! जितः बप्‍तिस्‍मा कायेत छुकिं पनि? अले वं रथ चलय्‌याइम्‍हय्‌सित रथ दिके धकाः धाल।

![](https://cdn.door43.org/obs/jpg/360px/obs-en-45-12.jpg)

अथे जुयाः इपिं व लः दुथाय्‌ क्‍वहां वन अले फिलिपं इथियोपियालीयात बप्‍तिस्‍मा बिल। इपिं लखं थहां वये धुंकाः पवित्र आत्‍मां फिलिपयात मेथाय्‌ हे यंकादिल अन वं मनूतय्‌त येशूया बारे न्‍यंका च्‍वन।

![](https://cdn.door43.org/obs/jpg/360px/obs-en-45-13.jpg)

इथियोपियाली मनूधाःसा थःगु हे छेँय्‌ वनेगु लँपुइ वना हे च्‍वन अले वं येशूयात म्‍हसिगुलिं व तसकं लय्‌ताल।

*थ्‍व घटना बाइबलया थुपिं अध्‍यायपाखें काःगु खः प्रेरित ८:५; ८:२६-४०*

## 46. ४६. पावल विश्‍वासी जूगु

https://openbiblestories.org/l/new/story-46/

![](https://cdn.door43.org/obs/jpg/360px/obs-en-46-01.jpg)

शाऊल छम्‍ह ल्‍याय्‌मम्‍ह मनू खः वं स्‍तिफनसयात स्‍याबलय्‌ वसः स्‍वयाच्‍वंम्‍ह खः। उलबय्‌ वं येशूयात विश्‍वास याःगु मदुनि। अथे जुयाः वं विश्‍वासीतय्‌त दुःख बीगु यानाच्‍वंगु खः। यरूशलेमय्‌ छेँय्‌ छेँय्‌ वना वं मिजं व मिसातय्‌त ज्‍वनाः झ्‍यालखानाय्‌ तयाबीगु खः। तःधंम्‍ह पुजाहारीं शाऊलयात दमस्‍कसया शहरय्‌ वनाः ख्रीष्‍टियनतय्‌त ज्‍वनाः इमित यरूशलेमय्‌ हजि धकाः अनुमति बिल।

![](https://cdn.door43.org/obs/jpg/360px/obs-en-46-02.jpg)

शाऊल दमस्‍कसपाखे वनाः च्‍वंबलय्‌ स्‍वर्गं छगू थीगु जः वयागु छचाखेरं खल अले व बँय्‌ क्‍वद वन। शाएलं थथे धया हःगु सः लात, “शाऊल, शाऊल! छाय्‌ छं जितः दुःख बिया च्‍वनादु? शाऊलं न्‍यन, “हजुर, छि सु खः?” येशूं वयात लिसः बियादिल,“जि व हे खः सुयात छं दुःख बिया च्‍वंगु दु।”

![](https://cdn.door43.org/obs/jpg/360px/obs-en-46-03.jpg)

शाऊल दन अले वं मिखां मखन। वया पासपिन्‍सं वयात दमस्‍कसय्‌तक ज्‍वनाः यंकल। शाऊलं स्‍वन्‍हु तक छुं नं नयेगु त्‍वनेगु मयात।

![](https://cdn.door43.org/obs/jpg/360px/obs-en-46-04.jpg)

दमस्‍कसय्‌ हननिया नां याम्‍ह छम्‍ह चेला दु। परमेश्‍वरं वयात धयादिल, “शाऊल च्‍वनाच्‍वंगु छेँय्‌ हुँ। छं थःगु ल्‍हाः वयाके तयाब्‍यु अले वं हाकनं खनि।” अय्‌नं हननियां धाल, “प्रभु, थ्‍व मनू विश्‍वासीतय्‌त तसकं दुःख बीम्‍ह खः धकाः जिं न्‍यनागु दु।” परमेश्‍वरं वयात लिसः बियादिल, “हुँ! जिं वयात जिगु नां यहूदीतय्‌थाय्‌ व अन्‍यजातितय्‌गु पुचःया मनूतय्‌थाय्‌ घोषणा यायेत ल्‍ययाम्‍ह खः। वं जिगु निंतिं तसकं सास्‍ति नयेमालितिनि।

![](https://cdn.door43.org/obs/jpg/360px/obs-en-46-05.jpg)

अथे जुयाः हननिया शाऊलयाथाय्‌ वन अले वं थःगु ल्‍हाः वयाके तया अले धाल, “येशू, छ लँपुइ वयाच्‍वंबलय्‌ वय्‌कः छनापं खँ ल्‍हानादीगु खः छिसं हाकनं खंकेफयेमा धकाः वय्‌कलं जितः छिथाय्‌ छ्‌वयाहःगु खः। छ पवित्र आत्‍मा जायेमा।” शाऊलं थथें हे खंकेफत अले हननियां वयात बप्‍तिस्‍मा बिल। अनंलि शाऊलं छुं नयेगु नसा नल अले वयात तागत वया व बल्‍लात।

![](https://cdn.door43.org/obs/jpg/360px/obs-en-46-06.jpg)

अनंलिपा थत्‍थें हे शाऊलं दमस्‍कसय्‌ च्‍वंपिं यहूदीतय्‌त थथे धकाः प्रचार यायेगु शुरू यात, “येशू हे परमेश्‍वरया काय्‌ खः! अले यहूदीत छक्‍क जुल छाय्‌धाःसा शाऊलं विश्‍वासीतय्‌त स्‍यायेगु कुतः यानाच्‍वंगु खः आः व थःम्‍हं हे येशूयात विश्‍वास यात। शाऊलं यहूदीत नापं जवाःसवाः यानाच्‍वन अले शाऊलं इमित येशू हे मसिह खः धकाः क्‍यनाबिल।

![](https://cdn.door43.org/obs/jpg/360px/obs-en-46-07.jpg)

यक्‍व दिं लिपा, यहूदीतय्‌सं शाऊलयात स्‍यायेगु ग्‍वसाः ग्‍वल। इमिसं वयात स्‍यायेगु निंतिं शहरया ध्‍वाखाय्‌ मनूत पिवा तयेत छ्‌वल। अय्‌नं शाऊलं इमिसं अथे ग्‍वसा ग्‍वःगु दु धयागु खँ सिकल अले वया पासपिन्‍सं वयात बिस्‍युं वनेत ग्‍वाहालि यात। छन्‍हु चान्‍हय्‌ शाऊलायात दालय्‌ तया शहरया पखालं क्‍वय्‌ क्‍वछ्वयाबिल। अले शाऊल दमस्‍कसं बिस्‍युं वनाः येशूया बारे प्रचार यायेगु ज्‍या धुवांधु याना हे च्‍वन।

![](https://cdn.door43.org/obs/jpg/360px/obs-en-46-08.jpg)

शाऊल चेलात नापं नापलायेत यरूशलेमय्‌ वन अय्‌नं व उपिं यहूदीत खना छतिं हे मग्‍या। अले बरनाबास नां याम्‍ह छम्‍ह बिश्‍वासीं शाऊलयात प्रेरितयाथाय्‌ यंकल अले दमस्‍कसं शाऊलं गुकथं साहस याना प्रचार याःगु खः व धयाबिल। अनंलि चेलातय्‌सं शाऊलयात स्‍वीकार यात।

![](https://cdn.door43.org/obs/jpg/360px/obs-en-46-09.jpg)

सुं विश्‍वासीत यरूशलेमय्‌ जूगु दुःखपाखें बिस्‍युं वना तापक्‍क च्‍वंगु एन्‍टिओखिया शहरय्‌ वन अले अन येशूया बारे न्‍यंकेगु यात। एन्‍टिओखियाय्‌ अप्‍वः थें यहूदीत मदु। अय्‌नं दकलय्‌ न्‍हापां न्‍यंकूबलय्‌ हे अन च्‍वंपिं मनूत अप्‍वः बिश्‍वासी जुल। बरनाबास व शाऊलं अन च्‍वंपिं उपिं न्‍हूपिं विश्‍वासीतय्‌त अझ अप्‍वः स्‍यनेकने यायेगु यात। अले इमिसं मण्‍डलीयात बल्‍लाकेगु ज्‍या यात। येशूयात बिश्‍वासयापिं मनूतय्‌त दकलय्‌ न्‍हापालाक “ख्रीष्‍टियन” धाःगु थाय्‌ नं एन्‍टिओखिया हे खः।

![](https://cdn.door43.org/obs/jpg/360px/obs-en-46-10.jpg)

छन्‍हु एन्‍टिओखियाय्‌ च्‍वंपिं विश्‍वासीत उपवास च्‍वना प्रार्थना यानाच्‍वंबलय्‌ पवित्र आत्‍मा इमित थथे धाल, “जिगु निंतिं बरनाबास व शाऊलयात प्रभुया ज्‍या यायेगु निंतिं अलग या अले व हे ज्‍या यायेगु निंतिं जिं इमित ल्‍ययागु खः।” अथे जुया एन्‍टिओखियाय्‌ च्‍वंगु मण्‍डलीइ च्‍वंपिं विश्‍वासीतय्‌सं बरनाबास व शाऊलयात थपिनिगु ल्‍हाः इमिके तया प्रार्थना यात। अनंलि इमित येशूया बारे न्‍यकवनेत मेगु यक्‍व थासय्‌ छ्‌वयाबिल। बरनाबास व शाऊलं थीथी जातियापिं मनूतय्‌त स्‍यनेकने यात अले यक्‍व हे मनूतय्‌सं प्रभु येशूयात विश्‍वास यात।

*थ्‍व घटना बाइबलया थुपिं अध्‍यायत पाखें काःगु खः प्रेरित ८:३; ९:१-३१; ११:१९-२६; १३:१-३*

## 47. ४७. पावल व सिलास फिलिप्पी शहरय्‌

https://openbiblestories.org/l/new/story-47/

![](https://cdn.door43.org/obs/jpg/360px/obs-en-47-01.jpg)

शाऊल रोमी साम्राज्‍याय्‌ फुक्‍कथासय्‌ यात्रा यानाच्‍वंबलय्‌ वं थःगु नांयात हिला रोमी नांकथं “पावल” धकाः छ्यलेगु यात। छन्‍हु पावल व वया पासा सिलास फिलिप्‍पी शहरय्‌ येशूया भिंगु खँ न्‍यंकेत वन। उपिं नदीपाखें जुया शहरया पिने मनूत प्रार्थना यायेत मुनेगु थासय्‌ वन। अन इमिसं लिडिया नांयाम्‍ह छम्‍ह मिसायात नापलात, व मिसा व्‍यापार याइम्‍ह खः। वं परमेश्‍वरयात तसकं माया याइम्‍ह व वय्‌कःयात आराधना याइम्‍ह खः।

![](https://cdn.door43.org/obs/jpg/360px/obs-en-47-02.jpg)

येशूया बारे न्‍यना विश्‍वास यायेत परमेश्‍वरं लिडियाया नुगः चाय्‌कादिल अले वं व वया छेँजःपिन्‍सं बप्‍तिस्‍मा काल। वं पावल व सिलासयात थःगु छेँय्‌ बाय्‌ च्‍वनेत इनाप यात। अथे जुया पावल व सिलास व मिसाया छेँजःत नापं हे च्‍वनेगु यात।

![](https://cdn.door43.org/obs/jpg/360px/obs-en-47-03.jpg)

पावल व सिलास प्रार्थना याइगु थासय्‌ मनूतय्‌त नापलायेगु याना हे च्‍वन। न्‍हिया न्‍हिथं थें हे इपिं अन नापलायेगु याना च्‍वन, भूत दुब्‍युम्‍ह छम्‍ह भ्‍वातिं मचा नं इपिं ल्‍यू ल्‍यू वनेगु यात। व हे भूतआत्‍मापाखें हे वं मनूतय्‌गु ल्‍हाः स्‍वयेगु याइगु खः, थुकथं ल्‍हाः स्‍वया थः मालिकया निंतिं यक्‍व ध्‍यबा कमय्‌ यायेगु यानाच्‍वन।

![](https://cdn.door43.org/obs/jpg/360px/obs-en-47-04.jpg)

थुकथं व भ्‍वातिं मचां थथे धकाः चिल्‍लाय्‌ दना हाल, “थुपिं मनूत दक्‍वसिबय्‌ तःधंम्‍ह परमेश्‍वरया सेवकत खः। इमिसं छिमिगु निंतिं मुक्तिया लँपुया घोषणा यानाच्‍वंगु दु।” व मिसां थुलितक धाल कि गुकिं याना पावल तसकं तंम्‍वल।

![](https://cdn.door43.org/obs/jpg/360px/obs-en-47-05.jpg)

लिपतय्‌ व मिसता चल्‍लाय्‌दना हाबलय्‌ पावलं वपाखे स्‍वया वयाके दुगु मभिंगु आत्‍मायात धाल, “येशूया नामं धाये व मिसा मचायापाखें पिहां हुँ।” अले उघ्रिमय्‌ हे व मभिंगु आत्‍मां व मिसायात त्‍वःता वन।

![](https://cdn.door43.org/obs/jpg/360px/obs-en-47-06.jpg)

अले व मिसा मचाया मालिक तसकं तंम्‍वल! अले व मिसा मचां मभिंगु आत्‍मा मदय्‌कं मनूतय्‌गु भविष्‍य धाये फइमखु धकाः वया मालिकं सिकल। थुकिया अर्थ थ्‍व हे खः कि आः मिसा मचां मनूतय्‌गु ल्‍हाः स्‍वया थः मालिकया निंतिं ध्‍यबा कमय्‌ याना हयेफइ मखुत।

![](https://cdn.door43.org/obs/jpg/360px/obs-en-47-07.jpg)

अथे जुयाः व भ्‍वातिं मिसा मचाया मालिकं पावल व सिलायात रोमी हाकिमतय्‌थाय्‌ ब्‍वना यंकल, अले इमिसं वयात दाया झ्‍यालखानायह कुनाबिल।

![](https://cdn.door43.org/obs/jpg/360px/obs-en-47-08.jpg)

इमिसं पावल व सिलासयात दक्‍वसिबय्‌ सुरक्षा दुगु झ्‍यालखानय्‌ कुना बिल अले इमिगु तुतिइ सिँयागु न्यवः न्‍ह्याकल। अय्‌नं शुद्ध चान्‍हय्‌या ईलय्‌ इमिसं परमेश्‍वरया प्रशंसाया म्‍ये हाला च्‍वन।

![](https://cdn.door43.org/obs/jpg/360px/obs-en-47-09.jpg)

छक्‍वलं अन तसकं भुखाय्‌ ब्‍वल। झ्‍यालखानय्‌यागु जग लिगिलिगि सन। फुक्‍क खापा चाला वन, अले कैदीतय्‌त न्‍ह्याकातःगु न्यवः ब्‍यना वन।

![](https://cdn.door43.org/obs/jpg/360px/obs-en-47-10.jpg)

झ्‍यालखानाया हाकिमतय्‌ न्‍ह्यलं चाल। अले फुक्‍क कैदीत बिस्‍युं वन जुइ धकाः बिचा यात, अले रोमी हाकिमतय्‌सं थःपिन्‍त स्‍याइ धकाः मतिइ तयाः तरवार लिकयाः गः किया सीत स्‍वल। थ्‍व खनाः पावलं तसकं चिल्‍लाय्‌ दनाः हाल, “अथे यानादी मते, जिपिं फुक्‍कं थन हे दु।”

![](https://cdn.door43.org/obs/jpg/360px/obs-en-47-11.jpg)

अले व तसकं ग्‍याका पावल व सिलासया लिक्‍क वल अले थथे धकाः इमिके न्‍यन, “उद्धार कायेत छु छु यायेमा? पावलं लिसः बिल, “येशू प्रभुयाके बिश्‍वास यानादिसँ अले छि व छिकपिनि छेँजपिं फुक्‍कं बचय्‌ जुइ।” अले व हाकिमतय्‌सं पावल व सिलासयात थःगु छेँय्‌ ब्‍वनाः यंकल अले इमिगु घाःयात सिलाबिल। पावलं वया छेँय्‌ च्‍वंपिं फुक्‍कसित येशूया बारे भिंगु खँ न्‍यकल।

![](https://cdn.door43.org/obs/jpg/360px/obs-en-47-12.jpg)

अले व हाकिम व वया फुक्‍क छेँजःपिन्‍सं विश्‍वास याना बप्‍तिस्‍मा काल। अले व हाकिमं पावल व सिलासयात नयेगु त्‍वनेगु याकल। इपिं सकलें छथाय्‌ मुना तसकं लय्‌ताल।

![](https://cdn.door43.org/obs/jpg/360px/obs-en-47-13.jpg)

कन्‍हय्‌ खुन्‍हु शहरया हाकिमतय्‌सं पावल व सिलासयात झ्‍यालखानां त्‍वःताछ्‌वल अले इमित फिलिप्‍पी शहरं वनेत इनाप यात। पावल व सिलासं लिडिया व मेपिं पासापिन्‍त नापलात अनंलि इमिसं व शहर त्‍वःता वन। येशूया बारे भिंगु यक्‍व थासय्‌ न्‍यनावन अले मण्‍डलीत नं अप्‍व दयावन।

![](https://cdn.door43.org/obs/jpg/360px/obs-en-47-14.jpg)

पावल व मेपिं ख्रीष्‍टियन नायःत यक्‍व शहरय्‌ येशूया भिंगु खँ न्‍यंकुकूं स्‍यनेकने यायां यात्रा याना च्‍वन। इमिसं मण्‍डली च्‍वंपिं विश्‍वासीतय्‌त उत्‍साह बीगु व स्‍यनेकने यायेगु निंतिं यक्‍व हे पौत च्‍वल। थुपिं मध्‍य छुं पौत थौं बाइबलया सफुलिइ दु।

*थ्‍व घटना बाइबलया थुपिं अध्‍यायपाखें काःगु खः प्रेरित १६:११-४०*

## 48. ४८. येशू बाचा यानातःम्‍ह मसिह खः

https://openbiblestories.org/l/new/story-48/

![](https://cdn.door43.org/obs/jpg/360px/obs-en-48-01.jpg)

परमेश्‍वरं संसारया सृष्‍टि यानादीबलय्‌ फुक्‍क खँ सिद्ध जूगु खः। अन छुं नं पाप धयागु मदु। आदम व हव्‍वा थःथवय्‌ माया याइपिं खः अले इमिसं परमेश्‍वरयात नं तसकं माया याइपिं खः। अन छुं नं ल्‍वय्‌त व मृत्‍यु मदु। अथे जुयाः अन परमेश्‍वरया इच्‍छा कथंया संसार दुगु खः।

![](https://cdn.door43.org/obs/jpg/360px/obs-en-48-02.jpg)

क्‍यबलय्‌ झंगः लायेत शैतान ताहाःपाखें नवात। अले हव्‍वा व आदमं परमेश्‍वरया विरूद्धय्‌ पाप यात। इमिसं पाप यागुलिं मृत्‍यु, ल्‍वय्‌ व दुःख संसारया फुक्‍क मनूतयगु जीवनय्‌ वल।

![](https://cdn.door43.org/obs/jpg/360px/obs-en-48-03.jpg)

आदम व हव्‍वां पाप यागुलिं छुं खँत ला अझ तसकं मभिंना वन। इपिं परमेश्‍वरया शत्रु जुल। थुकिया लिच्‍वः, लिपा फुक्‍क मनूत बुसांनिसें हे पाव स्‍वभावय्‌ बुल अले इपिं परमेश्‍वरया शत्रु जुल। परमेश्‍वर व मनूतय्‌गु दथुइया स्‍वापु पापं याना छुटय्‌ जुल। अय्‌नं व स्‍वापुयात हाकनं थापं यायेगु निंतिं परमेश्‍वरं छगू ग्‍वसाः ग्‍वयादिल।

![](https://cdn.door43.org/obs/jpg/360px/obs-en-48-04.jpg)

‍हव्‍वाया छम्‍ह सन्‍तानं शैतानया छ्यं तछ्याइतिनि अले वं वयागु ग्‍वालिइ न्‍याइ धकाः परमेश्‍वरं बाचा यानादीगु खः। थुकिया अर्थ शैतानं मसिहयात स्‍याकेबी अय्‌नं परमेश्‍वरं वय्‌कःयात हाकनं म्‍वाकादी धयागु खः अले मसिहं शैतानया शक्तियात सदां हे नाश यानादी। यक्‍व दँ लिपा येशू हे मसिह खः धकाः थ्‍व संसारय्‌ क्‍यनादिल।

![](https://cdn.door43.org/obs/jpg/360px/obs-en-48-05.jpg)

परमेश्‍वरं फुक्‍क पृथ्‍वी जलप्रलय्‌पाखें नाश यानादी धुंकाः वय्‌कःयात विश्‍वास यापिनिगु निंतिं वय्‌कलं जहाच बियादिल। उकथं हे फुक्‍क मनूतय्‌गु पापं याना नाश जुया च्‍वंगु दु अय्‌नं परमेश्‍वरं वय्‌कःयाके विश्‍वास यापिं फुक्‍कसित उद्धार यायेगु निंतिं येशू ख्रीष्‍टयात बियादिल। सुनां सुनां वय्‌कःयात विश्‍वास याइ इपिं नाश जुइमखु अले इमित अनन्‍त जीवन दइ।

![](https://cdn.door43.org/obs/jpg/360px/obs-en-48-06.jpg)

यक्‍व दँ न्‍ह्यः, पुजाहारितय्‌सं मनूतय्‌सं याःगु पापया निंतिं इमिगु दण्‍डया पलेसा परमेश्‍वरयात धुवांधु बलित छाया हे च्‍वन। अय्‌नं उपिं बलितपाखें इमिगु पापयात मदय्‌का छ्‌वय मफुत। येशू दकलय्‌ तःधंम्‍ह पुजाहारी खः। मेपिं पुजाहारीतय्‌गु न्‍ह्यःने वय्‌कलं थःत बलि कथं लःल्‍हानादिल गुकिं याना संसारय्‌ च्‍वंपिं फुक्‍क मनूतय्‌सं फयेमा दण्‍ड वय्‌कलं फयादिल।

![](https://cdn.door43.org/obs/jpg/360px/obs-en-48-07.jpg)

परमेश्‍वरं अब्राहामयात धयादिल, “पृथ्‍वी च्‍वंपिं फुक्‍क मनूजातितय्‌सं छपाखें आशिष काइ।” येशू अब्राहामया छम्‍ह सन्‍तान खः। फुक्‍क मनूतय्‌सं वय्‌कःपाखें आशिष काइ छाय्‌धाःसा सुनां सुनां येशू ख्रीष्‍टयान विश्‍वास याइ इमिगु पाप क्षमा जुइ अले अब्राहामया आत्‍मिक सन्‍तान जुइ।

![](https://cdn.door43.org/obs/jpg/360px/obs-en-48-08.jpg)

परमेश्‍वरं अब्राहामयात वया काय्‌ इसहाकयात बलि कथं छा धकाः धयादिल, परमेश्‍वरं बलिया निंतिं वया काय्‌या पलेसा छम्‍ह भ्‍याःचा बियादिल। झीपिं झीगु पापंयाना सीमापिं खः! अय्‌नं परमेश्‍वरं येशूयात झीगु पलेसा बलिदान जुइत बियादिल। अथे जुयाः झीसं येशूयात परमेश्‍वरया भ्‍याःचा धकाः धायागु खः।

![](https://cdn.door43.org/obs/jpg/360px/obs-en-48-09.jpg)

परमेश्‍वरं मिश्रदेशय्‌ दकलय्‌ लिपांगु विपत्ती छ्‌वयादीबलय्‌ वय्‌कलं इस्राएलीतय्‌ छेँजपिन्‍त छम्‍ह सिद्धम्‍ह भ्‍याःचा स्‍या अले वया हि छिमिगु छेँया लुखा दुवालय्‌ निखे जखः व फुसय्‌ इलाब्‍यु धयादिल। अनंलि परमेश्‍वरं व हि खनाः इमिगु छेँयात त्‍वःतादिल अले वय्‌कलं इमि न्‍हापां बूपिं सन्‍तानतय्‌त स्‍यानामदी। थ्‍व घटनायात हे छत्‍काराया नखः धकाः धाइ।

![](https://cdn.door43.org/obs/jpg/360px/obs-en-48-10.jpg)

येशू झीगु निंनिं छत्‍काराया भ्‍याःचा खः। वय्‌कः सिद्ध व छुं नं पाप मदुम्‍ह खः अले छुत्‍काराया नखः हनेगु इलय्‌ वय्‌कःयात स्‍याःगु खः। सुनानं येशूयात विश्‍वास यात धाः येशूया हिं वयागु पापया पलेसा मू पुलाबि। अले परमेश्‍वरया दण्‍डपाखें व मनू बचय्‌ जुइ।

![](https://cdn.door43.org/obs/jpg/360px/obs-en-48-11.jpg)

परमेश्‍वरं इस्राएलीतनापं छगू बाचा चिनादिल, इपिं वय्‌कलं ल्‍ययातःपिं मनूत खः। अय्‌नं परमेश्‍वरं छगू न्‍हूगु बाचा चिनादीगु दु, थ्‍व फुक्‍क मनूतय्‌गु निंतिं खः। थ्‍व न्‍हूगु बाचां याना सुं नं मनूतय्‌सं येशूयात विश्‍वास यात धाःसा इपिं परमेश्‍वरया सनतान जुइ।

![](https://cdn.door43.org/obs/jpg/360px/obs-en-48-12.jpg)

मोशा छम्‍ह तःधंम्‍ह अगवक्ता खः अले वं परमेश्‍वरया वचन घोषणा यात। अय्‌नं येशू दक्‍वसिबय्‌ तःधंम्‍ह अगमवक्ता खः। वय्‌कः परमेश्‍वर खः अथे जुयाः वय्‌कलं यानादीगु फुक्‍क ज्‍याखँत परमेश्‍वरया वचन कथं यानादीगु खः। अय्‌जूगुलिं येशू हे परमेश्‍वरया वचन खः।

![](https://cdn.door43.org/obs/jpg/360px/obs-en-48-13.jpg)

परमेश्‍वरं दाऊदया छम्‍ह सन्‍तानं वय्‌कःया मनूतय्‌त सदां सदां हे जुजु जुयाः राज्‍या यानादी धकाः दाऊद जुजुनापं बाचा चिनादिल। छाय्‌धाःसा येशू परमेश्‍वरया काय्‌ अले मसिह खः, वय्‌कः हे दाऊया सन्‍तान खः गुम्‍हसय्‌सिनं सदां सदां मनूतय्‌के राज्‍य यानादी।

![](https://cdn.door43.org/obs/jpg/360px/obs-en-48-14.jpg)

दाऊद इस्राएलया जुजु खः, अय्‌नं येशू धाःसा फुक्‍क संसारया जुजु खः! वय्‌कः हाकनं झायादीनिनी अले सदांया न्‍याय व शान्‍तिनापं वय्‌कलं थ्‍व संसारय्‌ राज्‍य यानादी।

*थ्‍व घटनात बाइबलया थुपिं अध्‍यातपाखें काःगु खः उत्पत्ती १-३,६,१४,२२; प्रस्थान १२, २०; २ शमूएल ७; हिब्रु ३:१-६, ४:१४-५:१०, ७:१-८:१३, ९:११-१०:१८; प्रकाश २१*

## 49. ४९. परमेश्‍वरया न्‍हूगु बाचा

https://openbiblestories.org/l/new/story-49/

![](https://cdn.door43.org/obs/jpg/360px/obs-en-49-01.jpg)

छम्‍ह स्‍वर्गदूतं मरिमय नांयाम्‍ह छम्‍ह कन्‍याम्‍ह मिसायात धाल, छं परमेश्‍वरया काय्‌यात बुइकी। अथे जुयाः व कन्‍याम्‍ह जूसां नं वं छम्‍ह काय्‌ बुइकल अले वं वयागु नां येशू तल। थुकथं येशू परमेश्‍वर व मनू नितां जुयादिल।

![](https://cdn.door43.org/obs/jpg/360px/obs-en-49-02.jpg)

येशूं यक्‍व हे अजुचायापुगु ज्‍यात यानादिल, थुकिं वय्‌कः धात्‍थें हे परमेश्‍वर खः धइगु दसि बियादिल। वय्‌कः लखय्‌ न्‍यासि झायादिल, ग्‍वःफय्‌यात दीकादिल, ल्‍वचंकाःपिं यक्‍व हे मनूतय्‌त लाय्‌कादिल, भूतआत्‍मायात पितिना छ्वयादिल अले न्‍यापा मरि व निम्‍ह न्‍यापाखें न्‍याद्व (५,०००) स्‍वया अप्‍वः मनूतय्‌त प्‍वाजाय्‌क नकादीया थःगु दसि बियादिल।

![](https://cdn.door43.org/obs/jpg/360px/obs-en-49-03.jpg)

येशू तःधंम्‍ह स्‍यनामि खः अले वय्‌कलं अधिकार दुम्‍हं थें नवानादिल छाय्‌धाःसा वय्‌कः परमेश्‍वरया काय खः। वय्‌कलं थःगु प्राणयात थें मेपिन्‍त नं माया यायेमा धकाः स्‍यनेकने यानादिल।

![](https://cdn.door43.org/obs/jpg/360px/obs-en-49-04.jpg)

वय्‌कलं झीसं परमेश्‍वरयात फुक्‍क चिजत स्‍वया माया यायेमा धकाः स्‍यनेकने यानादिल, थुकिया मतलब थःगु धन सम्‍पत्ति स्‍वया नं अप्‍वः वय्‌कः माया यायेमा धयादीगु खः।

![](https://cdn.door43.org/obs/jpg/360px/obs-en-49-05.jpg)

येशूं धयादिल, परमेशवरया राज्‍य थ्‍व संसारय्‌ च्‍वंगु फुक्‍क चिजत स्‍वया तसकं मूवंगु खः। गुलिसित दक्‍वसिबय्‌ अप्‍व महत्‍व दुगु खँ धयागु हे परमेश्‍वरया राज्‍यय्‌ अधिकार यायेगु खः। परमेश्‍वरया राज्‍य्‌ दुहांवनेत छि थःगु पापपाखें उद्धार जुया जक वने फइ।

![](https://cdn.door43.org/obs/jpg/360px/obs-en-49-06.jpg)

मनूतय्‌सं वय्‌कःयात विश्‍वास याइ अले इपिं बचय्‌ जुइ धकाः येशूं स्‍यनेकने यानादिल अय्‌नं मेपिनिगु धाःसा उद्धार जुइमखु। वय्‌कलं धयादिल, मनूत भिंगु भूमि थें खः। इमिसं येशूया भिंगु न्‍यनि अले इपिं बचय्‌ जुइ। प्रभु येशूयात विश्‍वास मयापिं मनूत धाःसा लँय्‌ बुयावःगु पुसा थें खः, अन यक्‍व हाः काय्‌मफया व याकनं सिनावनि अले उकिं छुं फल सय्‌के फइ मखु। उपिं मनूतय्‌सं येशूया भिंगु खँ न्‍यनि अले इमिसं विश्‍वास याइ मखु। अथे जुयाः इपिं वय्‌कः राज्‍य्‌ दुहां वनेफइ मखु।

![](https://cdn.door43.org/obs/jpg/360px/obs-en-49-07.jpg)

परमेश्‍वरं पापीतय्‌सं यक्‍व हे माया यानादी धकाः येशूं स्‍यनेकने यानादिल। वय्‌कलं फुक्‍कसित क्षमा बीगु इच्‍छा यानादीगु खः अले इमित थः सन्‍तान यायेगु इच्‍छा यानादीगु खः।

![](https://cdn.door43.org/obs/jpg/360px/obs-en-49-08.jpg)

परमेश्‍वरं पापयात घृणा यानादी धकाः नं येशूं धयादिल। गुबलय्‌ आदम व हव्‍वां पाप यात व इमि फुक्‍क सन्‍तातय्‌के सरय्‌ जुल। उकिं याना थ्‍व संसारय्‌ फुक्‍क मनूत पापी जुल अले मनूत परमेश्‍वरपाखें अलग जुल। थुकथं फुक्‍क मनूत परमेश्‍वरपाखें तापक्‍क च्‍वनाच्‍वनेमाल।

![](https://cdn.door43.org/obs/jpg/360px/obs-en-49-09.jpg)

अय्‌नं परमेश्‍वरं संसारया फुक्‍क मनूतय्‌त तसकं माया यानादिल छाय्‌धाःसा वय्‌कलं थः याकः काय्‌यात बियादिल छाय्‌धाःसा येशूयात विश्‍वास यापिं सुंनानं पापया सजाँय्‌ फयेम्‍वालेमा अय्‌नं इपिं परमेश्‍वरनापं सदां सदां बचय्‌ जुयाच्‍वनेमा।

![](https://cdn.door43.org/obs/jpg/360px/obs-en-49-10.jpg)

छिगु पापया कारण छि दोषी व सीमाम्‍ह खः। परमेश्‍वर छि खनाः तंम्‍वयेमाःगु खः अय्‌नं वय्‌कलं थःगु तंया पलेसा येशूयात थ्‍व संसारय्‌ छ्‌वयाहयादिल। येशू क्रूसय्‌ सिनादिल, वय्‌कलं छिगु व जिगु निंतिं सजाँय्‌ फयादिल।

![](https://cdn.door43.org/obs/jpg/360px/obs-en-49-11.jpg)

येशूं गुबलें पाप यानामदी अय्‌नं वय्‌कलं सजाँय फयादिल अले छिगु व संसारया फुक्‍क मनूतय्‌गु पाप ल्‍ह्वना यंकादीत वय्‌कः सिद्धम्ह बलि कथं सीगु इच्‍छा यानादिल। येशूं थःत अर्पण यानादीगुलिं परमेश्‍वरं सकसिगु पाप क्षमा यानादी फु।

![](https://cdn.door43.org/obs/jpg/360px/obs-en-49-12.jpg)

भिंगु व बांलाःगु ज्‍यां छित बचय्‌ यायेफइ मखु। परमेश्‍वर नापं स्‍वापु तयेगु निंतिं छिके छुं नं चिजत मदु। येशूं जक छिगु पाप क्षमा यानादी। छिसं येशू परमेश्‍वरया काय्‌ खः धकाः विश्‍वास यायेमा छाय्‌धाःसा छिगु निंतिं येशू क्रूसय्‌ सिनादिल अले वय्‌कः हाकनं म्‍वाना झायादिल।

![](https://cdn.door43.org/obs/jpg/360px/obs-en-49-13.jpg)

येशूयात विश्‍वास याइपिं व वय्‌कः थःत मुक्तिबियादीम्‍ह खः धकाः नालाकाइपिं सकसित परमेश्‍वरं बचय्‌ यानादी। अय्‌नं वय्‌कःयात विश्‍वास मयाइपिं सुयातं नं वय्‌कलं बचय्‌ यानादी मखु। छि धनि वा गरिब, मिजं वा मिसा, बुह्रा वा ल्‍याय्‌मम्‍हपिं, अथवा छि गन च्‍वनादी उकिं छुं पाइ मखु। परमेश्‍वरं छित माया यानादी अले छिसं येशूयात विश्‍वास याःगु इच्‍छा यानाच्‍वनागु दु छाय्‌धाःसा छिसं वय्‌कः नापं क्‍वातुगु स्‍वापु तय्‌फयेमा।

![](https://cdn.door43.org/obs/jpg/360px/obs-en-49-14.jpg)

येशूं छितः वय्‌कःयात विश्‍वास यायेत व बप्‍तिस्‍मा कायेत निम्‍ता बियादीगु दु। छु छिसं येशू हे मसिह परमेश्‍वरया याक काय्‌ खः धकाः विश्‍वास यानागु दु ला? छु छिसं थः पापीम्‍ह खः अले परमेश्‍वरया दण्‍ड फयेमाःम्‍ह खः धकाः विश्‍वास यानागु दु ला? छु छिं थःगु पाप क्षमा यानादीत येशू क्रूसय्‌ सिनादीगु खः धकाः विश्‍वास यानागु दु ला?

![](https://cdn.door43.org/obs/jpg/360px/obs-en-49-15.jpg)

येशूं छिगु निंतिं छु छु यानादिल धकाः विश्‍वास यात धाःसा छि छम्‍ह ख्रीष्‍टियन जुल। आः छिगु जीवनय्‌ शैतानया खिउँगु राज्‍यं सासन यायेफइ मखु। परमेश्‍वरया जलं छिगु जीवनय्‌ राज्‍य यानादी। परमेश्‍वरं छितः गुबलें हे पाप मयाइ यानादी। वय्‌कलं छितः न्‍हूगु पाय्‌छिगु लँपु बियादी अले छि पयाछिगु जिवन हनादी।

![](https://cdn.door43.org/obs/jpg/360px/obs-en-49-16.jpg)

छि ख्रिष्‍टियन खः धयागु जूसा येशूं यानादीगु ज्‍यातपाखें परेश्‍वरं छिगु पाप क्षमाया यानादीगु दु। आः परमेश्‍वरं छितः शत्रु कथं मखु बरू वय्‌कःनापं लिक्‍क स्‍वापु दुम्‍ह यानादी।

![](https://cdn.door43.org/obs/jpg/360px/obs-en-49-17.jpg)

छि छम्‍ह परमेश्‍वरया पास खः धयागु जूसा अले येशूया दास खःसा छिं येशूं स्‍यनेकने यानादीगु खँयात मानय्‌ याये यय्‌काच्‍वंगु दु। छि छम्‍ह ख्रीष्‍टियन जूसांनं छित पाप याकेगु परिक्षा वयेफु। अय्‌नं परमेश्‍वर विश्‍वास यायेबहःम्‍ह खः अले वचनय्‌ च्‍वयातःगु दु, छिसं थःगु पाप प्रयाश्‍चित यात धाःसा वय्‌कलं छिगु पाप क्षमा यानादी। अले पापया विरूद्ध सामना यायेगु निंतिं वय्‌कलं छितः शक्ति बियादी।

![](https://cdn.door43.org/obs/jpg/360px/obs-en-49-18.jpg)

परमेश्‍वरं छितः प्रार्थना यायेत, वय्‌कःया वचन ब्‍वनेत, अले मेपिं ख्रीष्‍टियनत नापं मिलय्‌ जुया वय्‌कःया आराधना यायेत, वय्‌कलं छिगु जीवनय्‌ छु छु यानादिल उपिं फुक्‍क मेपिन्‍त कनाब्‍यु धकाः धयादीगु दु।

*थ्‍व घटनात बाइबलया थुपिं अध्‍यात पाखें काःगु खः - रोमी ३:२१-२६, ५:१-११; यूहन्‍ना ३:१६; मर्कूस १६:१६; कलस्सी १:१३-१४; २ कोरन्थी ५:१७-२१; १ यूहन्‍ना १:५-१० बाट*

## 50. ५०. येशू हाकनं झायादी

https://openbiblestories.org/l/new/story-50/

![](https://cdn.door43.org/obs/jpg/360px/obs-en-50-01.jpg)

लगभग निद्वः (२,०००) दँनिसें संसारय्‌ यक्‍व हे अप्‍व मनूतय्‌सं येशू मसिहया बारे भिंगु खँ न्‍यना वयाच्‍वंगु दु। मण्‍डलीया तसकं बढय्‌ जुया च्‍वंगु दु। येशू संसारया अन्‍तया ईलय्‌ झायादी धकाः बाचा यानादीगु दु। वय्‌कः थौंतक झायादीगु मदु अय्‌नं वय्‌कलं थम्‍हं यानादीगु बाचा पूवंकादी।

![](https://cdn.door43.org/obs/jpg/360px/obs-en-50-02.jpg)

झीसं येशू झायादीतिनि धकाः पियाच्‍वनेबलय्‌ झीगु थःगु जीवन पवित्र आत्‍मा लँ क्‍यनादीगु थें थ्‍व संसारय्‌ जीवन हनाः च्‍वनेमा धकाः परमेश्‍वरं इच्‍छा यानादी। वपाखें परमेश्‍वरयात तसकं हनाःबनाः यायेफइ। झीसं वय्‌कःया राज्‍यया बारे मेपिन्‍त नं न्‍यंकाब्‍यूगु वय्‌कलं इच्‍छा यानादी। येशू प्रभु थ्‍व संसारय्‌ दीबलय्‌ वय्‌कलं धयादिल, “जिमि चेलातय्‌सं परमेश्‍वरया राज्‍यया बारे फुक्‍क संसारय्‌ च्‍वंपिं मनूतय्‌त भिंखँ न्‍यके धुंकाः जक थ्‍व संसारया अन्‍त्‍यया दिं वइ।”

![](https://cdn.door43.org/obs/jpg/360px/obs-en-50-03.jpg)

थौंतक नं यक्‍व जातिया मनूतय्‌सं येशूया बारे न्‍यंगु मदुनि। येशूं थः स्‍वर्गय्‌ झायादी न्‍ह्यः वय्‌कःया बारे गुबलें मन्‍यंनि पिन्‍तथाय्‌ वनाः भिंगु खँ घोषणा या धकाः सकलें विश्‍वासीतय्‌त वय्‌कलं धयादिल। वयकलं थथे धयादिल, “अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि।” अले बुँइ बालि पाकय्‌ जुया च्‍वंगु दु।

![](https://cdn.door43.org/obs/jpg/360px/obs-en-50-04.jpg)

येशूं थथे नं धयादिल, “सुं च्‍यः थः मालिक स्‍वया तःधं जुइ मखु। थ्‍व संसारया हाकिमतय्‌सं जितः घृणा यात अले इमिसं जिगु कारणं छिमित दुःख बी अले स्‍यायेत तकं स्‍वइ। थ्‍व संसारय्‌ दुःख सीमासां नं लय्‌ताया च्‍वं छाय्‌धाःसा जिं थ्‍व संसारय्‌ शासन याइम्‍ह शैतानयात बुकागु दु। छिपिं लिपतय्‌तक हे विश्‍वासी जुया च्‍वन धाःसा परमेश्‍वरं छिमिगु उद्धार यानादी।”

![](https://cdn.door43.org/obs/jpg/360px/obs-en-50-05.jpg)

येशूं वय्‌कःया चेलातय्‌त संसारया अन्‍त जुइबलय्‌ छु जुइ धकाः थुइकेत छगू उखान धयादिल। वय्‌कलं धयादिल, “छम्‍ह मनू पुसा ह्वलेत थःगु बुँइ वन। व द्यनाच्‍वंबलय्‌ वया शत्रुत वया छ्वबय्‌ नामाया पुसा ह्वलाबिल अले व अनं वन।”

![](https://cdn.door43.org/obs/jpg/360px/obs-en-50-06.jpg)

छ्वमा तःमा जुया वल, व मनूया च्‍यःतय्‌सं धाल, ‘मालिक, छिसं बुँइ बांलाःगु पुसा ह्वलादियागु मखुला। अय्‌नं अन नामात गनं वल? मालिकं लिसः बिल, “सुं शत्रु व प्यूगु जुइमा।”

![](https://cdn.door43.org/obs/jpg/360px/obs-en-50-07.jpg)

उपिं च्‍यःतय्‌सं थः मालिकयाके न्‍यन, ‘छु जिमिसं उपिं नामात पुया छ्वय्‌ ला?’ मालिकं धाल, ‘मखु, छिमिसं अथे याये मते, छिमिसं नामा नापं छ्वमा नं पुया छ्वइ। बालि लय्‌गु ईतक लं च्‍वं अले अनंलि नामा जक मुंका छ्वय्‌केत कलि चिना छथाय्‌ ती, अय्‌नं छ्व धाःसा भकारी तये हजि।”

![](https://cdn.door43.org/obs/jpg/360px/obs-en-50-08.jpg)

चेलातय्‌सं थ्‍व उखानया अर्थ छु खः धकाः मथुल, अथे जुयाः इमिसं येशूयात थुइका ब्यु धकाः इनाप यात। येशूं धयादिल, “भिंगु पुसा ह्वलिम्‍ह मनूखं मसिहया बारे धाइ। बुँ संसारयात क्‍यनाबी। भिंगु पुसां परमेश्‍वरया राज्‍यया मनूतय्‌गु बारे धाइ।”

![](https://cdn.door43.org/obs/jpg/360px/obs-en-50-09.jpg)

नामात उपिं मभिंपिं मनूतय्‌गु बारे धाइ। नामा ह्वलिपिं शत्रुत मभिंगु ज्‍या याइपिनिगु बारे धाइ। बालि लयेगु ईलं अन्‍तया दिंया बारे धाइ। अले बालि लइपिं परमेश्‍वरया स्‍वर्गदूततय्‌गु बारे धाइ।”

![](https://cdn.door43.org/obs/jpg/360px/obs-en-50-10.jpg)

“गुबलय्‌ संसारया अन्‍त जुइ स्‍वर्गदूततय्‌सं मभिंपिं मनूत जक छथाय्‌ मुंकी अले इमित ह्वाना ह्वाना च्‍यानाच्‍वंगु मिइ वांछ्वया बी। अन इपिं तसकं ख्‍वयेगु याइ अले तसकं कष्‍ट जुया वा न्‍ह्यइ। अले धर्मिपिं धाःसा इमि बाः परमेश्‍वरया राज्‍यय्‌ सुर्य थें थीना च्‍वनि।”

![](https://cdn.door43.org/obs/jpg/360px/obs-en-50-11.jpg)

येशूं थ्‍व नं धयादिल, संसारया अन्‍त जुइ न्‍ह्यः वय्‌कः थ्‍व पृथ्‍वी लिहां झायादी। वय्‌कलं गुकथं त्‍वःता झायादीगु खः अथे हे हाकनं लिहां झायादी, उबलय्‌ वय्‌कः भौतिक शरिरय्‌ आकासय्‌ सुपाचय्‌ च्‍वना झायादी। येशू हाकनं झायादीबलय्‌ न्हापलाक विश्‍वासी जुया सिना वंपिं ख्रीष्‍टियनतय्‌त म्‍वाकादी अले इपिं वय्‌कःयात नापलायेत आकाशय्‌ वनि।

![](https://cdn.door43.org/obs/jpg/360px/obs-en-50-12.jpg)

अनंलिपा म्‍वानाच्‍वंपिं विश्‍वासी ख्रीष्‍टियन नं च्‍वय्‌ आकाशय्‌ ल्‍ह्वना थतयंकी अले सीधुंकूपिं हाकनं म्‍वाकादीपिं ख्रीष्‍टियनतनापं मिलय्‌जुइ। उपिं फुक्‍कं येशूनापं हे च्‍वनि। अनंलि येशू वय्‌कः थः मनूत नापं सदांया निंतिं शान्‍ति व छप्‍पं जुया च्‍वनादी।

![](https://cdn.door43.org/obs/jpg/360px/obs-en-50-13.jpg)

येशूं वय्‌कःयात विश्‍वास याःपिं सकसितं जीवनया मुकुट बियादीगु बाचा यानादीगु दु। इपिं परमेश्‍वरनापं हे शान्‍तिइ च्‍वनि अले राज्‍य नं याइ।

![](https://cdn.door43.org/obs/jpg/360px/obs-en-50-14.jpg)

अय्‌नं येशूयात विश्‍वास मयापिं फुक्‍कसिगु न्‍याय जुइतिनि। वय्‌कलं इमित नरकय्‌ वांछ्वयादी, अन सदां वान्‍ह्यया ख्‍वयाच्‍वनेमालि। गुबलें मसिगु मिइ इपिं न्‍ह्याबलें च्‍यानाच्‍वनेमालि, अले कीतय्‌सं नं इमित नयेग त्‍वःति मखु।

![](https://cdn.door43.org/obs/jpg/360px/obs-en-50-15.jpg)

गुबलय्‌ येशू हाकनं लिहांझायादी वय्‌कलं शैतान व वया राज्‍ययात बुकादी। वय्‌कलं शैतानयात नरकय्‌ वांछ्वयादी अन सदां मि च्‍यानाच्‍वनिगु खः अले परमेश्‍वरया आज्ञा मानय्‌ यायेगु पलेस मभिंपिनिगु ल्‍यू ल्‍यू जूपिं नं इपिंनापं हे च्‍वनेमालि।

![](https://cdn.door43.org/obs/jpg/360px/obs-en-50-16.jpg)

आदम व हव्‍वां परमेश्‍वरया आज्ञा मानय्‌ मयागुलिं थ्‍व संसारय्‌ पाप दुहां वल अथे जुयाः परमेश्‍वरं संसारयात सरा बियादिल अले थुकियात नाश यायेगु क्‍वछिनादिल। अय्‌नं छन्‍हु परमेश्‍वर न्‍हूगु स्‍वर्ग व न्‍हूगु पृथ्‍वी सृष्‍टि यानादी गुगु तसकं हे सिद्धगु जुइ।

![](https://cdn.door43.org/obs/jpg/360px/obs-en-50-17.jpg)

येशू व वय्‌कःया मनूत न्‍हूगु पृथ्‍वी च्‍वनि अले वय्‌कलं सदांया निंतिं अस्‍तित्‍वय्‌ दुगु फुक्‍क चिजय्‌ राज्‍य यानादी। वय्‌कलं फुक्‍कसिगु मिखां ख्‍वबि हुयादी अले हाकनं गुबलें दुःख, कष्‍ट, ख्‍वयेगु, मभिंगु, तसकं थाकूगु दुःख, वा सीगु दइगु मखु। येशूं शान्‍ति व न्‍यायनापं थःगु राज्‍यय्‌ शासन यानादी अले वय्‌कलं सदांयान निंतिं थः मनूतय्‌त थःनापं हे च्‍वने बियादी।

*थ्‍व घटनात बाइबल थुपिं सफू व अध्‍यायपाखें काःगु खः - मत्ती २४:१४, २८:१८, यूहन्‍ना १५:२०, १६:३३, प्रकाश २:१०, मत्ती १३:२४-३०, ३६-४२, १ थेसलोनिकी ४:१३-५:११, याकूब १:१२, मत्ती २२:१३, प्रकाश २०:१०, २१:१-२२:२१*