# unfoldingWord Open Bible Stories — Nahali

- Language code: `nlx`
- Canonical page: https://openbiblestories.org/l/nlx/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Nahali translation; it is not a translation of the whole Bible.

## 1. बोनावट

https://openbiblestories.org/l/nlx/story-1/

![](https://cdn.door43.org/obs/jpg/360px/obs-en-01-01.jpg)

इह केरीन सुरुवात माय बोगवान सोब वोस्तूह बोणायील। तो सोव दिह्याम केली एने केलीम जो भी हि ताह बोणायील। बोगवान बोणावणेन पेल केलीम अंधारो एने हुनालीच एती, काहाकाय उंजू ताह वोर बोगवान कायीच वोस्तू नाह बोणायील एतो। पुण बोगवान आत्मा पाणी पोर फिरतालो।

![](https://cdn.door43.org/obs/jpg/360px/obs-en-01-02.jpg)

ओवतो बोगवान कियो, "उजालो एय जा!" एने उजालो एय गियो। बोगवान देख्यो का उजालो हाजो हि एने तो उजालाह "दिह" केयो। एने तो उजालाह अंधाराह अलेग केऱ्यो एने ताह तो अंधाराह "रात" केयो। बोगवान केलीह बोणावणेन पेहले दिह उजालाह बोणाव्यो

![](https://cdn.door43.org/obs/jpg/360px/obs-en-01-03.jpg)

केली बोणावणेन दूसरे दिह बोगवान कियो, "पाणीन भाग एयजा।" एने एक भाग एय गियो। बोगवान ता भागाह "जुग" केयो।

![](https://cdn.door43.org/obs/jpg/360px/obs-en-01-04.jpg)

तीसरे दिह बोगवान कियो, "पाणी एक जागे एकठो एय जा एने हुकाली भूय देखा।" तो हुकाली भुयीह "पृथ्वी" केयो एने पाणीह "समुद्र" केयो। बोगवान देख्यो का जो तो बोणाविल एतो तो हाजो एतो।

![](https://cdn.door43.org/obs/jpg/360px/obs-en-01-05.jpg)

पोशो बोगवान कियो, "पृथ्वी पोर सोब जातीन झाडे एने खेळ उग जाय।" एने तोहलोच एनो। बोगवान देख्यो का जो तो बोणायील एतो तो हाजो एतो।

![](https://cdn.door43.org/obs/jpg/360px/obs-en-01-06.jpg)

केली बोणावणेन चौथे दिह बोगवान कियो, "जुगा माय उजालो आपण्या रेती।" एने दिह, चांद एने तारा बोणना। बोगवान ताह पृथ्वी पोर उजालो आपणे एने दिह रात, प्रकाश देने के लिए और दिन और रात, वातावरण एने वोरह्या माय भाग पाळणेन केरता बोणाव्यो।

![](https://cdn.door43.org/obs/jpg/360px/obs-en-01-07.jpg)

पाचवे दिह बोगवान कियो, "जीवताला जीवा से पाणी बोराय जाय जुगा माय चिडा उडी।" इह केरीन बोगवान पाण्या माय रेणारा जिद एने चिडाह बोणाव्यो। बोगवान देख्यो का ज्यो हाजो एतो एने ताह आशीष आप्यो।

![](https://cdn.door43.org/obs/jpg/360px/obs-en-01-08.jpg)

केली बोणावणेन साहावे दिह बोगवान कियो, "भूयी पोर रेणारे सोब बातीन जेनवार बोणी।" एने बोगवान केयो तोहलोच एय गियो। थोळाक जेनवार पालण्या एता, थोळाक भूयी पोर हेरेकण्या, एने थोळाक जेगली जेनवारे एता। एने बोगवान देख्यो का ज्यो हाजो एतो।

![](https://cdn.door43.org/obs/jpg/360px/obs-en-01-09.jpg)

ओवतो बोगवान कियो, "आओ आपु माणहाह आपणा रूपाम आपणे हारकाच बोणावता। ता पृथ्वी पोर एने सोब जेनवारा पोर राज केरती।"

![](https://cdn.door43.org/obs/jpg/360px/obs-en-01-10.jpg)

ओवतो बोगवान माटळ्या केरीन माणहाह बोणाव्यो एने ताम जीवनान श्वास फुक देनो। ज्या माणहाण नाव आदम एतो। बोगवान आदमान रेणेन केरता एक मोठलो बोगीच्यो बोणाव्यो एने ता बोगीच्याह राखणेन केरता आदमाह ता मेल दिनो।

![](https://cdn.door43.org/obs/jpg/360px/obs-en-01-11.jpg)

ता बोगीच्यान विच माय बोगवान दुय खास झाड लागाळयो – जीवानान झाड एने चोखो एने एठान ज्ञानान झाड। बोगवान आदमाह कियो कि तो ता बोगीच्यान जीवनान झाड एने चोखा एठान ज्ञान ने झाडाह छोडीन दिहरा काल्ला भी झाडान फोल खाय सकीह। एने जेर तो ता झाडान फोल खाय ते तो मोर जाय।

![](https://cdn.door43.org/obs/jpg/360px/obs-en-01-12.jpg)

ओवतो बोगवान कियो का “अदम्यान एखालो रेणेन हाजो नाह सोथो।" पुण कानलोच जेनवार आदमान हाथी नाह बोणनो।

![](https://cdn.door43.org/obs/jpg/360px/obs-en-01-13.jpg)

केरीन बोगवान आदमाह निंद माय पाड देनो। ओवतो बोगवान आदमान एक फाकली काळीन तीसे एक बायकुह बोणाव्यो एने तीह आदमा फाय लीन आवो।

![](https://cdn.door43.org/obs/jpg/360px/obs-en-01-14.jpg)

तेवी आदम तीह देखीन केयो, "कमी ते कोमी जी तीभी मार गेतुच हि! जी बायकु केवाय, काहाकाय जी एदम्याम रीन बोणील हि।" ज्या वजेसे एदमी तान आईक आबाक छोड दिथी एने तान बायकु हेरी एक एय जाथी।

![](https://cdn.door43.org/obs/jpg/360px/obs-en-01-15.jpg)

बोगवान एदमी एने बायकुह तान रुपाम तान गेतुच बोणाव्यो। तो ताह उसने आशीष आप्यो एने केयो, " जुलुम सोरा पोयदा केरो एने पृथ्वीह भोर दिवो!" एने बोगवान देख्यो का जो तो बोणायील एतो तो जुलुम हाजो एतो, एने तो ता सोब से खुस एतो। ज्यो आखो केली बोणावणेन सहावे दिह एयील एतो।

![](https://cdn.door43.org/obs/jpg/360px/obs-en-01-16.jpg)

जेवी सातवो दिह आवो ते जो काय बोगवान केरतालु तो ता आखा कामाह निवराव्यो। तो सातवा दिहाह आशीष आप्यो एने ताह पवित्र ठेराव्यो, काहाकाय ति दिह तो आखी वोस्तुह बोणावणेन कामाह निवरायील एतो। इह केरीन बोगवान केली एने केलीम जो काय भी हि ता सोबाह बोणायील।

*उत्पत्ति अध्याय 1-2 से बाइबल ने एक कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_01_128kbps.m4a

## 2. पापान केलीम आवणो

https://openbiblestories.org/l/nlx/story-2/

![](https://cdn.door43.org/obs/jpg/360px/obs-en-02-01.jpg)

आदम एने तान बायकु बोगवानान बोणायील सुंदर बोगिच्याम रीन खुश एता। तामाय रीन कुणुच फाडका नाह पेरताताल, तीभी ताह लाज नाह आवताली, काहाकाय केलीम पापा नाह एतो। ता ता बोगिच्या माय फिऱ्या केरताला एने बोगवाना हेरी वात केऱ्या केरताला।

![](https://cdn.door43.org/obs/jpg/360px/obs-en-02-02.jpg)

पुण ता बोगिच्या माय एक गेयळेक एतो। तो जुलुम चेतूर एतो। गेयळेक ति बायकुह पुशो, " काय खेरीच बोगवान तुमूह ज्या बोगिच्यान काल्लाच झाडान फोल खाणे नाह कियील सोथो?"

![](https://cdn.door43.org/obs/jpg/360px/obs-en-02-03.jpg)

ति बायकु उत्तर आपी, "बोगवान आमुह कियील हि का तुमु हाजो एने बुर ज्ञान ने झाडान फोल सोडीन काल्ला भी झाडान फोल खाय सकतेह।"

![](https://cdn.door43.org/obs/jpg/360px/obs-en-02-04.jpg)

तो गेयळेक बायकुह उत्तर आप्यो, "ज्यो खेरीच नाह सोथो! तुमु नाय मोरहो। बोगवानाह मालूम हि का जीही तुमु तो फोल खाहू, तुमु बोगवाना हारका एय जाहु एने ता हारका हाजो बुरो सोमजणे लाग जाहू।"

![](https://cdn.door43.org/obs/jpg/360px/obs-en-02-05.jpg)

ति बायकू देखी काय फोय देखाणे माय हाजो एने होवादो देखाथी। तो सोमजडार बोनणे होदताली, केरीन ती फोलाह खाय लेदी। ओवती ति तीन जोवायाह भी तो फोल आपी एने तो भी खाय लेदो।

![](https://cdn.door43.org/obs/jpg/360px/obs-en-02-06.jpg)

उचकाहुच, तान डोला उगडी गिया,ताह मालूम पोड्या काता नागेरलाच एता। ता पानठा हिवीन फाडका बोणाव्या तान डीलाह डापणेन केऱ्या।

![](https://cdn.door43.org/obs/jpg/360px/obs-en-02-07.jpg)

तेवी एदमी एने तान बायकू बोगिच्या माय फितालान बोगवानान आवाज होमल्यो। ता दुय जाणा लीकाय गियावे। तेवी बोगवान ता अदम्याह आयळ्यो, " तु काहरी हि?" आदम उत्तर आप्यो, " मी तुवाह बोगिच्याम फिरतालु होमल्यो, एने मी भिय जायील, काहाकाय मी नागेरलुच हि।केरीन मी लीकाय जायील।"

![](https://cdn.door43.org/obs/jpg/360px/obs-en-02-08.jpg)

ओवतो बोगवान बोगवान पुशो, "तुवाह कुण कियील तु नांगऱ्यो हि? काय तु तो फोल खाय लेदु काय जो मी खाणे नाह कियील एतो?" एदम्मी केयो, " तु माहु जी बायकु आपील ति माहु फोल आपील आपने।" तेवी बोगवान बायकुह पुशो, " तु ज्यो काय केर देनी?" ति बायकु बोलनीव, "गेयळे माहु ठेग लीयील।"

![](https://cdn.door43.org/obs/jpg/360px/obs-en-02-09.jpg)

बोगवान गेयळेकाह केयो, "तू शापित हि! तू पेटान बोरहे चालही एने माटळ्या चाटहि। तु एने जी बायकु एक दिहरा हेरी घृणा केरहु, एने तुमरा सोरा भी एक दिहरा हेरी घृणा केरती। जी बायकुन वोच तारा मुंडाह चेंदती, एने तु तान पायान घुटण्याह चावही।"

![](https://cdn.door43.org/obs/jpg/360px/obs-en-02-10.jpg)

ओवतो बोगवान बायकुह केयो, " तुवाह सोरा जन्म बुखे जुलुम दुख एय। तु तारा एदम्यान आथान बुंदे रेही, एने तो तुवा पोर राज केरी।"

![](https://cdn.door43.org/obs/jpg/360px/obs-en-02-11.jpg)

बोगवान एदम्याह केयो, "तु तारी बायकुन होमलील हि एने मारी वात नाह माननु। केरीन बुई शापित एय गीयीह, तुवाह खाणो उगाड ने केरता केठीन मेहनेह केरने पोडी। एवी तुवाह मोत आवी, एने तारो शरीर माटळ्याम मिलाय जाय।" तो एदम्मी तान बायकुन नाव हव्वा मेल्यू, जान अर्थ हि "जीवन आपणारी", काहा काय ति आखी जातीन आहाक बोणी। एने बोगवान आदम एने हवाह जेनवारान चामडान बोणील फाडका पेराव देनु।

![](https://cdn.door43.org/obs/jpg/360px/obs-en-02-12.jpg)

ओवतो बोगवान केयो, " एवी हाजो बुरो जाणीन माणूह आपने हार्को एय जायील ही, तान केरता ताह जीवानान फोल नाह खाणे देणु काय ता हमेशान केरता जीवताला रेती।" तान केरता बोगवान आदम एने हवाह बोगिच्याम रीन निकाल देनो। एने बोगवान तो तो जीवनान फोल कुणाह भी खाणे से रोकणेन केरता ता बोगिच्यान बायणा पोर ताकेतवोर स्वर्गताह बोहाड देनो।

*उत्पत्ति अध्याय 3 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_02_128kbps.m4a

## 3. वादुण पाणी

https://openbiblestories.org/l/nlx/story-3/

![](https://cdn.door43.org/obs/jpg/360px/obs-en-03-01.jpg)

मोक्ताच समया बाद, केलीम जुलुम माणहे रेणे लागा। ता जुलुम पापी एय जायील एता। ता ओला पापी एय जायील एता का बोगवान वादुण पाणी केरिन पुरी केलीह नाश केरणेन ठेराव लेदु।

![](https://cdn.door43.org/obs/jpg/360px/obs-en-03-02.jpg)

पुण बोगवान नूह से खुश एतो। तो पापी माणहाम रेणार एक धर्मी माणुह एतो। बोगवान नूहाह केयो का तो एक मोठलो वादुण पाणी पाडण्या हि।केरिन, बोगवान नूहाह एक नाव बोणावने केयो।

![](https://cdn.door43.org/obs/jpg/360px/obs-en-03-03.jpg)

बोगवान नूहाह कोमी ते कोमी 140 मीटर लांबी, 23 मीटर चौवडी एने 13.5 मीटर उची नाव बोणावणे केयो। नूहाह नाव लकडा केरिन बोनावणू एतो एने ति नावी तीन ताली, जुलुम खोली, एक शत एने खिडकी बोणावणो एतो। ती नाव नूह, तान परिवार, एने बुईन आखी जातीन जेनवाराह वादुण पाणी से वोचाडीन मेली।

![](https://cdn.door43.org/obs/jpg/360px/obs-en-03-04.jpg)

नूह बोगवानान वात मान्यो। नूह एने तान सोरा जोहली बोगवान कियील तोहली नाव बोण्याव्या। ति नाव जुलुम मोठी एती केरीन तीह बोणावणेन जुलुम साल लागा। नूह माणहाह आवणे वाला वादून पाणीन बारामाय केया एने ताह बोगवानान उखेर फिरणे केया, पुण ता विश्वास नाह केऱ्या।

![](https://cdn.door43.org/obs/jpg/360px/obs-en-03-05.jpg)

बोगवान नूह एने तान परिवाराह तान एने जेनवारान केरता खाणो टूलु करणेन आज्ञा आप्यो। जेवी आखो एय गियो, ते बोगवान नूहाह केयो ज्यो टायीम तान लाडी,तान तीन सोरा ताना तीन लाड्यो-आखा मिलिन आठ जाणाह नाविम जाणेन।

![](https://cdn.door43.org/obs/jpg/360px/obs-en-03-06.jpg)

बोगवान आखा जातीन जेनवार, चिडान दुय दुय जोडपाह नुहा फाय मोकल्यो कि ता नावीम जाती एने वादुण पाणी से वोची। बोगवान आखा जातीन जेनवारे जाह बली चेडावताला तान सात सात जोडपा ताफाय मोकल्यो। जेवी ता आखा नाव पोच गिया ते स्वातहा बोगवान ति नावीन बायणो बोंद केर देनो।

![](https://cdn.door43.org/obs/jpg/360px/obs-en-03-07.jpg)

तेवी पाणी पोडने चालू एनो, एने पाणी पोडतीन,पोडतीच गियो। चालीह दिह एने चालीह रात पाणी पोडतीच रीनो। केलीन आखी वोस्तु, उचा से उचा बोयडा भी पाणीम बुड गीया।

![](https://cdn.door43.org/obs/jpg/360px/obs-en-03-08.jpg)

बुईपोर रेणारे आखा जीव मोर गीया,ता जेनवारे एने माणहाह सोडीन जा नावीम एता। ति नावी पाण्यापोर तेरंगती रेनी एने नाविम वाली आखी वोस्तु बुडने से वोच गियी।

![](https://cdn.door43.org/obs/jpg/360px/obs-en-03-09.jpg)

पाणी रोकाय जाणे बाद, पाच मोयना वोर नाव पाणी पोर तेरंगती रेनी, एने तीटायमे वोर पाणी कोम एणे लागो| तेवी एक दिह ति नाव एक बोडान चुटी जायीन टिकी, पुण आखी केलीम उंजू भी पाणी एतो। तीन मोयना बाद, बोयडान चुटी देखाणे लागी।

![](https://cdn.door43.org/obs/jpg/360px/obs-en-03-10.jpg)

ओवतो चालीह दिह्या बाद, नूह एक कागलाह बाहेर मोकल्यो ज्यो देखणे का पाणी आटनो कि नाह। तो कागलो हुकाली बुय होदणे न्या एने ता उडती रेनो, पुण ताह जागो नाह जुडनो।

![](https://cdn.door43.org/obs/jpg/360px/obs-en-03-11.jpg)

ओवतो पोशो नूह एक कबूतरी बाहेर मोकल्यो। पुण तीह भी हुकाली बुय नाह सापडनी, केरीन ती नुहा फाय वापस आव गीयी। एक हफ्ता बाद तो ती कबूतरीह पोशो मोक्ल्यो, एने ति जैतून झाडान एक डाली लीन पोशी आवी। पाणी आट तालो, एने खेड पोशो उगणे लागील एतो।

![](https://cdn.door43.org/obs/jpg/360px/obs-en-03-12.jpg)

नूह एक हफ्ता वोर वाट जोव्यो एने तिसरी वार ति कबूतरी बाहेर मोकल्यो। जी वार, तिह रोकाणे जागो जुड गियो एने ति वापस नाह आवी। पाणी आटतालो।

![](https://cdn.door43.org/obs/jpg/360px/obs-en-03-13.jpg)

दुय मोयना बाद बोगवान नूहाह केयो, "एवि तु तार परिवार एने आखा जेनवार नावीम रिन निकली जावो। जुलुम होवटा सोरो पाऱ्या पोयदा केरो एने केलीह बोर देवू।" ओवतो नूह तान परिवार नावीम रिन बाहेर निकली आवा।

![](https://cdn.door43.org/obs/jpg/360px/obs-en-03-14.jpg)

नूह नावीम रिन बाहेर आवणे बाद, तो एक वेदी बोणाव्यो एने बली केरणारा आखा जातीन जेनवाराम रीन ठोळाकान बली चेळाव्यो। बोगवान ति बली से खुश एनो एने नूहान परिवाराह आशीश आप्यो।

![](https://cdn.door43.org/obs/jpg/360px/obs-en-03-15.jpg)

बोगवान केयो, " मी अवि वायदो केरथु का माणहान खराब कामान कारण मी पोशो केदीच पुरी केलीह श्राप नेय आपु एने वादुण पाणी से केलीह नाश नेय केरू, माणुह आत्योच रिन पापी ही तीभी।

![](https://cdn.door43.org/obs/jpg/360px/obs-en-03-16.jpg)

ओवतो बोगवान तान वायदान रूपमा पेहलो बाण बोनाव्यो। जेवी केदी वादलाम बाण देखाय बोगवान एर केरी का काय तो वायदो केरील एतो एने तिहीच तान माणहा भी एर केरती।

*उत्पत्ति अध्याय 6-8 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_03_128kbps.m4a

## 4. अब्राहमा हेरी बोगवानान वायदो

https://openbiblestories.org/l/nlx/story-4/

![](https://cdn.door43.org/obs/jpg/360px/obs-en-04-01.jpg)

वादुण पाण्यान काहिक वोर्ह्या बाद, केलीम जुलुम माणहे रेणे लागा, एने ता बोगवान एने एक दिहरान विरुद्ध पाप केऱ्या। काहाकाय ता एकुच भाषा बोलताला, ता एकठा एना एने बोगवानान केलीह बोर देणेने आदेशाह सोडीन एक नगर बोणाव्या।

![](https://cdn.door43.org/obs/jpg/360px/obs-en-04-02.jpg)

ता जुलुम घमंडी एता, एने ताह कोहल्या जीवन जीवणे जुवी ता बाराम ता बोगवानान आदेश नाह पालन नाह केरणे होदताला। एने ता ओहलो बितळो बोणावणे चालू केऱ्या जी स्वर्ग वोर पोची। बोगवान देख्यो का ता एकठा मिलिन बुराई केरती रेती,एने जुलुम पापी कामाह केरती रेती।

![](https://cdn.door43.org/obs/jpg/360px/obs-en-04-03.jpg)

केरीन बोगवान तान भाषाह बाती – बातीन भाषाम बोदली देनो एने ता माणहाह केलीम पोसार देनो। ज्या बितळाह ता बोनावने होदताला तो बाबेल केरीन नावलानो, जान अर्थ हि “गडबड”।

![](https://cdn.door43.org/obs/jpg/360px/obs-en-04-04.jpg)

मोक्ताच वोर्ह्या बाद,बोगवान अब्राम नावान माणहा हेरी वात केऱ्यो। बोगवान ताह केयो, "तारो देश एने परिवाराह सोडीन ता देशाम जो जो तुवाह मी देखाडूह। मी तुवाह आशीष आपूह एने तार से एक मोठली जाती बोणावूह। मी तारो नाव महान केरूह। जो तुवाह आशीष दआपी मी ताह आशीष आपूह, एने जो तुवाह श्राप आपी मी ताह श्राप आपूह। तार वजसे केलीन आखी जातीह आशीष जुडी।"

![](https://cdn.door43.org/obs/jpg/360px/obs-en-04-05.jpg)

अब्राम बोगवानान वात मान्यो। तो तान आखा सेवक एने धेन एने तान लाडी साराह लेदो एने ता कनान देशाम जात रिनो जो बोगवान ताह देखाडील एतो।

![](https://cdn.door43.org/obs/jpg/360px/obs-en-04-06.jpg)

जेवी तो कनान माय पोचनो ते बोगवान ताह केयो, "तार चार उखेर देख। मी तुवाह ज्यो आखा देश आपूह तारा वोच ज्या देशान अधिकारी रेती।"तेवी अब्राम ता देशांम रेय गियो।

![](https://cdn.door43.org/obs/jpg/360px/obs-en-04-07.jpg)

मलिकिसिदक नावान एक एदमी एतो जो बोगवानान याजक एतो। एक दिह जेवी अब्राम लेडायीम रीन आवतालो ते ता दुय जाणा मिलाना। मलिकिसिदक न अब्रामाह आशीष आप्यो एने केयो "आखाम रिन मोठो बोगवान जो हेरेग एने पृथ्वीन मालिक हि तुवाह आशीष आपी।" ओवतो अब्राम लेडायीम जीकील वोस्तू माय रीन थोळीक मलिकिसिदक दशमाउस आप्यो।

![](https://cdn.door43.org/obs/jpg/360px/obs-en-04-08.jpg)

मोक्ताच वोर्ह्या एय गिया, पुण अवि भी अब्राम ने सोरो नाह एतो। बोगवान अब्राम हेरी वात केऱ्यो एने ताहेरि वायदो केऱ्या का ताह एक सोरो एय एने जोह्ला वादलाम तारा हेते तोह्लाच तान वोच रेती। अब्राम बोगवानान वायदा पोर विश्वास केऱ्यो। बोगवान केयो का अब्राम धर्मी माणुह हि काहाकाय तो बोगवानान वायदा पोर विश्वास केरील एतो।

![](https://cdn.door43.org/obs/jpg/360px/obs-en-04-09.jpg)

तेवी बोगवाना अब्राम हेरी बोगवान वायदो केऱ्यो। एक वायदो दुय जाणाम विचमाय एक दिहरान कामान केरता केरील एक वात रेणे बोगवान आब्रहम हेरी वायदो केरील तेवी तो हूवतालो तीभी तो होमेल तालो। बोगवान केयो, "मी तारा शरीर से एक सोरो पोयदा केरीन तुवाह एक सोरो आपूह। मी तारा वोचाह कनान देश आपूह।"पुण एवी वोर अब्राम ने सोरा नाह एतो।

*उत्पत्ति अध्याय 11-15 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_04_128kbps.m4a

## 5. वायदान सोरो

https://openbiblestories.org/l/nlx/story-5/

![](https://cdn.door43.org/obs/jpg/360px/obs-en-05-01.jpg)

अब्राम एने सारै कनान पोचणेन दोह वोर्ह्या बाद, उंजू ताह तान सोरो नाह एतो। केरीन, अब्राम ने लाडी सारै ताह केयी, " माहु उंजू वोर बोगवान सोरा नाह आपील सोतो एने मी सोरो पोयदा केरणे केरता जुलुम डायी एय गीयीह, देख, मारी दासी हाजिराह। ति हेरी भी वाराड केरली कि ति मार केरता एक सोरो पोयदा केरी।"

![](https://cdn.door43.org/obs/jpg/360px/obs-en-05-02.jpg)

ओवतो अब्राम हाजिरा सहेरी वाराड केर लिदू। हाजिराह एक एक सोरो एनो, और अब्राम तान नाम इश्माएल मिल्यो। पुण सारै हाजिराह कुयराणे बाज गीयी। जेवी इश्माएल तेरा वोर्ह्यान एतो, बोगवान अब्राम हेरी वात केऱ्यो।

![](https://cdn.door43.org/obs/jpg/360px/obs-en-05-03.jpg)

बोगवान केयो, "मी सर्व-शक्तिमान बोगवान हि।मी तार हेरी एक वायदो केरथू।"तेवी अब्राहम बुई पोर पोडीन ताह वोनद्यो। बोगवान अब्रामाह ज्यो भी केयो का, "तू मोक्तीच जातीन आबुक बोणहि। मी तुवाह एने तारा वोचाह तान मालकीन जोमीन एणेन केरता कनान देशाह आपूह एने कायम केरता तान बोगवान बोणुह। तुवाह तार घेराणान आखा एदमीन खतना केरावणे पोडी।"

![](https://cdn.door43.org/obs/jpg/360px/obs-en-05-04.jpg)

तार लाडीह एक सोरो एय – तो वायदान सोरो रेय।तान नाव इसहाक मिलजी।मी ता हेरी वायदो बोणाविन मेलूह एने ति मोठली जाती बोण जाय। मी इश्माएलाह भी एक मोठली जाती बोनावूह, पुण मार वायदो इसहाक हेरी रेय। तेवी बोगवान अब्राम ने नाव बोदलीन अब्राहम केर दिनो, जान अर्थ "जुलुम जाणान आबुक"। बोगवान सारैन नाव भी नाव बोदलीन सारा केर दिनो, जाण अर्थ हि "कुळान आहाक"।

![](https://cdn.door43.org/obs/jpg/360px/obs-en-05-05.jpg)

ति दिह अब्राहम तान गेराण आखा एदमीन खतना केऱ्यो। बाराबोर एक वोर्ह्या बाद, जेवी अब्राहम 100 वोर्ह्यान एतो एने सारा 90 वोर्हयान एती, तेवी सारा अब्राहम कने सोराह जन्म आपी। जीही बोगवान ताः कियील एतो ता तान नाव इसहाक मेल्या।

![](https://cdn.door43.org/obs/jpg/360px/obs-en-05-06.jpg)

जेवी इसहाक जुवान एनो ते बोगवान जो कियीन अब्राहमान विश्वासान परीक्षा केऱ्यो, "तारा एखाला सोराह लीन, ताः मार केरता बली केरीन मार टाक।" एने अब्राहम बोगवानान वात मान्यो एने तान सोराह बली केरणेन तियार केऱ्यो।

![](https://cdn.door43.org/obs/jpg/360px/obs-en-05-07.jpg)

जेवी अब्राहम एने इसहाक बलि चढावणेन जागे जाताला ते इसहाक फुशो, "आबा, आपु फाय बलि केरणेन केरता लाकडा ते हेते, पुण बली केरणेन मेंडरो कोथो?" अब्राहम केयो, "मारा सोरा, बोगवान बली केरणेन मेंडरान उपाय केरी।"

![](https://cdn.door43.org/obs/jpg/360px/obs-en-05-08.jpg)

जेवी ता बली चढावणेन जागे पोच गिय, ते अब्राहम इसहाकाह बांधीन वेदी लोटाळ देनो। तो तान सोराह माराणेच केरता लो कि बोगवान ताह केयो, "थोब जा! सोराह मा मारी! एवी मी जान जायील हि की तु माहु भिथी काहाकाय तु तारा एखाला सोराह मार केरता मारतालु।"

![](https://cdn.door43.org/obs/jpg/360px/obs-en-05-09.jpg)

जागेच अब्राहम एक मेंडराह जुरखील्याम गुसवायील देख्यो। इसहाकान बोदले बलीन केरता बोगवान मेंडरान उपाय किरील एतो। अब्राहम न खुशी-खुशीम मेंडरान बली चढा डीनो।

![](https://cdn.door43.org/obs/jpg/360px/obs-en-05-10.jpg)

तेवी बोगवान अब्राहमाह केयो, "काहाकाय तु मार केरता आखो आपणेन तियार एतो, तार एखाला सोराह भी, केरीन मी तुवाह आशीष आपणेन वायदो केरथू। तारी वोच वादला माय वाला ताराह रीन भी जादा रेय।काहाकाय तु मार आज्ञा मानील हि केरिन मी तारा घेराणा द्वारा केलीन आखी जातीह आशीष आपूह।"

*उत्पत्ति अध्याय 16-22 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_05_128kbps.m4a

## 6. बोगवान इसहाकान केरता उपाय किरीह

https://openbiblestories.org/l/nlx/story-6/

![](https://cdn.door43.org/obs/jpg/360px/obs-en-06-01.jpg)

जेवी अब्राहम जुलुम डावालो एय जायील एतो तेवी तान सोरो, इसहाक, एक एदमीन वोयान एय जायील एतो। केरीन अब्राहम तान एक सेवकाह आपणा सोरा इसहाक ने केरता लाडी लावणेन ता देशाम मोक्ल्यो जाहरी तान घेरल्या रेताला।

![](https://cdn.door43.org/obs/jpg/360px/obs-en-06-02.jpg)

जाहरी अब्राहमान घेरल्या रेताला ता देशाम जाणेन केरता एक लांबी सफर ने बाद बोगवान ता सेवकाह रिबका हेरी मिलाळ्या। ति वह अब्राहमान बाहाकान नाती एती।

![](https://cdn.door43.org/obs/jpg/360px/obs-en-06-03.jpg)

रिबका तीन परिवाराह सोडीन ता सेवका हेरी पोशी वापस जाणेन मान गीयी। जीही ति वापस पोचनी ति इसहाक हेरी वाराड केर लेदी।

![](https://cdn.door43.org/obs/jpg/360px/obs-en-06-04.jpg)

एक लांबा टायमा बाद, अब्राहम मोर गियो। तेवी बोगवान अब्राहम सोरा इसहाकाह, अब्राहम हेरी केरील वायदान वजेसे आशीष आप्यो। ति वाच्याम बोगवानान एक वायदो एतो कि अब्राहमान गेणाय नेय ओलाक वोच रेती। पुण इसहाकान लाडी रिबकान सोरा नाह।

![](https://cdn.door43.org/obs/jpg/360px/obs-en-06-05.jpg)

इसहाक रिबका केरता प्रार्थना केऱ्यो, एने बोगवान तीह जुवल्या सोरा गर्भ माय आप्यो। जी टायीमी ता सोरा रिबकान गर्भ माय एता तेवी ता पेटामाच लेडाने लागा, तान केरता जो काय एतालो रिबका बोगवानाह केय देनी।

![](https://cdn.door43.org/obs/jpg/360px/obs-en-06-06.jpg)

बोगवान रिबकाह केयो, "तू दुय सोराह जन्म दिही। तान वोच दुय अलग-अलग जाती बोणती। ता एक दिहरा हेरी लेडाती। पुण मोठला सोरा से बोनणार जाती आतल्यो सोरान जातीन आज्ञा मानती।"

![](https://cdn.door43.org/obs/jpg/360px/obs-en-06-07.jpg)

जेवी रिबकान सोरा जन्म एनो, ते मोठलो सोरो रातलो एने बुरावालो एनो, ता तान नाव एसाव मेल्यो। तेवी आतलो सोरो एसाव ने पायान घुटण्यो देरीन जन्म लेदो, एने ता तान नाव याकूब मेल्यो।

*उत्पत्ति अध्याय 24:1-25:26 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_06_128kbps.m4a

## 7. बोगवान याकूबाह आशीष आपीह

https://openbiblestories.org/l/nlx/story-7/

![](https://cdn.door43.org/obs/jpg/360px/obs-en-07-01.jpg)

जेवी ता सोरा मोठा एना ते याकूबाह घेरुच रेणे हाजो लागो, पुण एसावाह जेनवारान शिकार करणे पोट्यो। रिबका याकूब पोर जीव लागाडतालो, पुण इसहाक एसाव पोर।

![](https://cdn.door43.org/obs/jpg/360px/obs-en-07-02.jpg)

एक दिह, जेवी एसाव शिकार केरीन आवू तेवी ताह जुलुम भूख लागी। एसाव याकूबाह से केयो, "जो तू रांदिल हि तामाय रीन माहु ठोळोक खाणे आप।" याकूब केयो, "पेल माहु हेरी वायदो केर तार पेहलो हि केरीन तूवाह जुडी ति आखी वोस्तु माहु जुडणे जुव, ति आखी तु माहु आपजी।" ओवतो एसाव आखी वोस्तु आपणेन वायदो केर दिन। तेवी याकूब ताह खाणे आप्यो।

![](https://cdn.door43.org/obs/jpg/360px/obs-en-07-03.jpg)

इसहाक एसावाह आशीष आपण्यो एतो। पुण ज्यासे पेल कि तो आप्तो, रिबका एने याकूब, याकूब एसाव बोनणेन नाटक केऱ्यो एने ताः धोखो देना। इसहाक डावालो एतो एने एवी ताह कोम देखातालो। तान केरता याकूब एसावान फाडका पेर लेदो एने बोकडीन रोस्का तान गेलाम एने आथा पोर गुंडाल लेदो।

![](https://cdn.door43.org/obs/jpg/360px/obs-en-07-04.jpg)

याकूब इसहाका वाय आवो एने केयो, "मी एसाव हि। मी ज्यान केरता आवूह का तु माहु आशीष आपी।"जेवी इसहाक बोकडान रोस्काह सापल्यो एने फाडकाह गेनदाव्यो, ते तो विचार केऱ्यो ज्यो एसाव हि एने ताह आशीष आप्यो।

![](https://cdn.door43.org/obs/jpg/360px/obs-en-07-05.jpg)

एसाव याकूबाह कुयरानो काहाकाय याकूब तान पेहलान अधिकार एने ताहेरीच आशीष भी चोर लेदो। तो आबाकाह मोरणेन बाद याकूबाह मार टाकणेन केऱ्यो।

![](https://cdn.door43.org/obs/jpg/360px/obs-en-07-06.jpg)

पुण रिबका एसावान वात होमली लेदि। केरीन ति एने इसहाक याकूबाह तान घेरल्याम जुलुम सीटे मोकली देना।

![](https://cdn.door43.org/obs/jpg/360px/obs-en-07-07.jpg)

याकूब मोक्ताच वोर्ह्या रिबका घेरल्याम रेनो। ताच टायमाम तो वाराड केर लेदो एने बारा सोराने एक सोरीह जन्म एना।बोगवान ताह जुलूम मालदार बोणाव देनो।

![](https://cdn.door43.org/obs/jpg/360px/obs-en-07-08.jpg)

वीस वोर्ह्या वोर कनान माय आपणा घेर से सेटो रेणेन बाद, याकूब तान परिवार, अपने सेवकाह,एने तान जेनवाराह आखा टोलाह ली वापस आवा।

![](https://cdn.door43.org/obs/jpg/360px/obs-en-07-09.jpg)

याकूब ज्यान केरता बितालू का विचार केरतालु का एसाव एवी भी माहु मारणे होदी। तान केरता तो जेनवारान टोलो एसाव फाय मोकल देनो। जा सेवक ता जेनवारान टोलाह लीन जायील एता ता केया, "तारो दास याकूब, ज्या जेनवारा तार केरता लीन मोकलील हि। एने तो जेल्दीच आवण्या हि।"

![](https://cdn.door43.org/obs/jpg/360px/obs-en-07-10.jpg)

एसाव एवी याकूबाह नुकसान नाह पोचाण्यो एतो। ज्या उलटो, तो ताह पोशो देखीन जुलुम खुश एनो। ता बाद याकूब कनान माय शान्ति से रेनो। एने इसहाक मोर गियो याकूब एने एसाव ताह बूज देना। जो वायदो बोगवान अब्राहम हेरी केरील एतो एवी तो इसहाका फाय रीन याकूब पोर आव गीयी।

*उत्पत्ति अध्याय 25:27-35:29 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_07_128kbps.m4a

## 8. बोगवान यूसुफ एने तान परिवाराह वोचाडीह

https://openbiblestories.org/l/nlx/story-8/

![](https://cdn.door43.org/obs/jpg/360px/obs-en-08-01.jpg)

मोक्ताच वोर्ह्या बाद, याकूब डावालो एय गियो, ते तो तान मोन्गाल सोरा यूसुफाह तान बायहाह खोबर लेणे मोक्ल्यो जा काय जेनवारे चारताला।

![](https://cdn.door43.org/obs/jpg/360px/obs-en-08-02.jpg)

यूसुफान बाहाके ताह कुयराय ताला काहाकाय तान आबुक तापोर जास्ती मोंग केरतालो एने ज्यान केरता भी का यूसुफ होपनो देखील एतो का तो ता पोर अधिकारी एय जाय। जेवी यूसुफ तान बायहा फाय पोचनो तेवी ता ताह बोंदी बोणाव लेदा एने दासान व्यापार केरणारा माणहाह वेच देना।

![](https://cdn.door43.org/obs/jpg/360px/obs-en-08-03.jpg)

घेर वापस जाणेन पेल यूसुफान बायहे यूसुफ ने फाडका फाडीन बोकडीन लुय माय बिजाड देना। एने ता ता फाडका तान आबाकाह देखाड देना काय तो मान लेय का एखादो जंगली जेनवार यूसुफाह मार टाक्यो एय। याकूब जुलुम दुखी एनो। ड

![](https://cdn.door43.org/obs/jpg/360px/obs-en-08-04.jpg)

दासान व्यापार केरणार माणहा यूसुफाह मिस्र लीन गिया। नील नदीन काठापोर मिस्र एतो एने एक मोठो एने ताकेतवोर देश एतो। ता दासान व्यापार केरणारे माणहे यूसुफाह एक मालदार सरकारी अधिकारीह दासान रूपमाय वेच देना। यूसुफ तान मालकान सेवा हास केरीन केरतालो, एने बोगवान यूसुफाह आशीष आप्यो।

![](https://cdn.door43.org/obs/jpg/360px/obs-en-08-05.jpg)

तान मालक्यान बायकू यूसुफ हुवणे होदताली,पुण यूसुफ बोगवानान विरुद्ध पाप करणे से नाकार करने से दिनो। ति रागाम आव लागी एनेर यूसुफ पोर झूठो आरोप लागाड देनी, करीन ताह बोंदी बोनावीन जेलीम मोकेल देना। एने जेलीम भी, यूसुफ बोगवानान सामने खेरो रेनो, एने बोगवान ताह आशीष आप्यो।

![](https://cdn.door43.org/obs/jpg/360px/obs-en-08-06.jpg)

दुय वोर्ह्या बाद, यूसुफ एवी भी जेलीम एतो, तो निर्दोष एतो। एक रात, फिरौन, जो काय मिस्री माणहे राजाह केताला, दुय होपाना देख्यो जा काय ताह कीचवाड देना। तान काल्लो भी अधिकारी ताह होपानान अर्थ नाह केय सकना।

![](https://cdn.door43.org/obs/jpg/360px/obs-en-08-07.jpg)

बोगवान यूसुफाह होपानान अर्थ केणेन दान आपील एतो,केरिन फिरौन यूसुफाह जेलीम रीन ता फाय हादयो। यूसुफ ताः होप्नान अर्थ केय देनो एने केयो, "बोगवान बोरपूर कामाई वाला सात वोरह्यान बाद सात वोर्ह्या आकाल मोकलन्यो हि।"

![](https://cdn.door43.org/obs/jpg/360px/obs-en-08-08.jpg)

फिरौन यूसुफ से जुलुम खुश एनो एने ताह मिस्रने एक अधिकारी बोणाव देनो।

![](https://cdn.door43.org/obs/jpg/360px/obs-en-08-09.jpg)

यूसुफ माणहाह बोरपुरीन कामाई वाला सात वोर्ह्याम मोजबुत दाणा टूलु करणे केयो। जेवी आकाल वाला सात वोर्ह्या आवा तेवी यूसुफ माणहा ता टूलु किरील दाणा वेच्यो का तान खाणेन साधण एय।

![](https://cdn.door43.org/obs/jpg/360px/obs-en-08-10.jpg)

तो आकाल मिस्र माय ओलच नाह, पुण कनान माय भी जुलुम जाहरी याकूब एने तान परिवार रेतालो।

![](https://cdn.door43.org/obs/jpg/360px/obs-en-08-11.jpg)

केरीन याकूब तान मोठाला सोराह दाणा लेणे मिस्र मोक्ल्यो। जेवी ता दाणा लेण यूसुफान सामने आवीन उब रेना ते ता यूसुफाह नाह ओलख्या। पुण यूसुफ ताह ओलखी लेदो।

![](https://cdn.door43.org/obs/jpg/360px/obs-en-08-12.jpg)

ज्यो मालूम केरणेन केरता का ता बोदल गीयाह का ताह देखणे बाद, "मी तुमरो बाहाक यूसुफ हि! बिवो मा। जेवी तुमु माहु दासान रूपमा वेच्या ते तुमु मारो बुरो करणे होद्या, पुण बोगवान बुराईह भलाई केरता उपयोग केऱ्यो! आवो एने मिस्र माय रेवो काय मी तुमूह एने तुमरा परिवाराह दाणा आपु।"

![](https://cdn.door43.org/obs/jpg/360px/obs-en-08-13.jpg)

जेवी यूसुफान बायहे वापस घेर आवा ते आपणा आबाक याकूबाह केया का यूसुफ एवि भी जीवितालु हि ते तो जुलुम खुश एनो।

![](https://cdn.door43.org/obs/jpg/360px/obs-en-08-14.jpg)

याकूब एक डावालो माणुह एतो तेभी तान पुरा परिवार हेरी मिस्र जात रेनो, एने ता ताहरी रेण लागा। याकूब मरणेन पेल, तान आखा सोराह आशीषित केऱ्यो।

![](https://cdn.door43.org/obs/jpg/360px/obs-en-08-15.jpg)

वायदो जो बोगवान अब्राहम हेरी केरील एतो तो इसहाक पोर एने ता बाद याकूब, एने ता बाद बारा सोरा एने तान परिवारा पोर आव गीयी। ता बारा सोरान वोच इस्राएल कने बारा गोत्र बोण गीयी।

*उत्पत्ति अध्याय 37-50 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_08_128kbps.m4a

## 9. बोगवान मूसाह हादिह

https://openbiblestories.org/l/nlx/story-9/

![](https://cdn.door43.org/obs/jpg/360px/obs-en-09-01.jpg)

यूसुफ ने मोरणे बाद तान आखा घेरल्या मिस्र माय रेणे लागा। एने तान वोच मोक्ताच वोर्ह्या वोर मिस्र मायच रेना तान जुलुम सोरा पाऱ्या एना। ता इस्राएली केवाना।

![](https://cdn.door43.org/obs/jpg/360px/obs-en-09-02.jpg)

मोक्ताच वोर्ह्या बाद, इस्राएली गेणतीम मोक्ताच एय जायील एता। एने मिस्री माणहे अवि विहरी जायील एता का यूसुफ तान करता जुलुम काय किरील एतो। ता इस्राएलीह बिय गिया काहा गेणतिम जुलुम एता। केरिन ता टायमी म मिस्र पोर राज्य केरणार फिरौन इस्राएलीह मिस्रिन दास बोणाव दिनो।

![](https://cdn.door43.org/obs/jpg/360px/obs-en-09-03.jpg)

मिस्रि इस्राएलीह जुलुम बोग्ला एने शहरे बोनावने लागाळ्या। ती कठिन मेहनत जीवनाह जुलुम बड़ा दुःखदायी बोणाव दियील एती, पुण बोगवान ताह आशीष आप्यो एने तान उंजू जास्ती सोरा पोयदा एना।

![](https://cdn.door43.org/obs/jpg/360px/obs-en-09-04.jpg)

फिरौन देख्यो काय इस्राएलीन जुलुम सोरा पोयदा एतेह, करीन तो तान माणहाह आदेश आप्यो का इस्राएलीन जो सोरा एय ताह नील नदीम मारिन टाक दिजू।

![](https://cdn.door43.org/obs/jpg/360px/obs-en-09-05.jpg)

एक इस्राएली बायकू एक सोराह जन्म आपी। ति एने तीन एदमी जोलो ताह बोणनो तोलोक वोर ता सोराह लीकाडीन मेल्या।

![](https://cdn.door43.org/obs/jpg/360px/obs-en-09-06.jpg)

जेवी ता सोरान आहाक आबुक ताहा उंजू लीकाडता नाह आवो, ते ता ता सोराह मारणे से वोचाडने केरता एक पाण्या पोर तेरंगणार टोपलीम नील नदीन टोके जेड्याम मेल देना। तान सोरान मोठली बोणीक ज्या देखतीन ताहरीच रेनी काय ता हेरी काय एय।

![](https://cdn.door43.org/obs/jpg/360px/obs-en-09-07.jpg)

फिरौन ने सोरी ते टोपलीह देखीन तीमाय देखी क। जेवी ति सोराह देखी ते ताह तीन सोरा बोणाव लेदि। ति एक इस्राएली बायकूह ताः दुध पिवाडणेन कामे मेली, तीह ज्यो नाह मालूम एतो का ति बायकू ता सोराचने आहाक। जेवी तो सोरा ओलो मोठो एय गिया का दुध सोड देनो, ते ति ता सोराह फिरौन ने सोरी फाय आप देनी, तान नाव मूसा एतो।

![](https://cdn.door43.org/obs/jpg/360px/obs-en-09-08.jpg)

एक दिह, जेवी मुसा मोठो एय गीयो, ते तो देख्यो कि एक मिस्री एक इस्राएलीह देणे बाज रेनोह। मूसा आपणा हाथी इस्राएली वोचाडणे किऱ्यो।

![](https://cdn.door43.org/obs/jpg/360px/obs-en-09-09.jpg)

जेवी मूसा विचार केऱ्यो काय कूण नाय देखी ते तो ता मिस्रीह मार टाक्यो एने ताह बूज देनो। पुण मूसा जो किरील एतो ताह कुण तेभी देख लीयील एतो।

![](https://cdn.door43.org/obs/jpg/360px/obs-en-09-10.jpg)

फिरौनाह मालूम पोड गीयी का मूसा काय किरील एतो। तो ताह मार टाकणे केऱ्यो, पुण मूसा मिस्र रीन जेगलाम नाह गियो। फिरौन ने सैनिक ताह नाह होद सकना।

![](https://cdn.door43.org/obs/jpg/360px/obs-en-09-11.jpg)

मिस्र रीन सेटो जेनलाम मूसा गोवाल्यो बोण गियो। ताहरी तो एक बायकू हेरी वाराड केर लेदो एने तान दुय सोरा एना।

![](https://cdn.door43.org/obs/jpg/360px/obs-en-09-12.jpg)

मूसा तान हाहराकान मेंडरा चारतालु। एक दिह, तो एक हेलग तालो जुरखल्यो देख्यो जो काय बिना हेल्गीन पेट तालो। तो देखणेन केरता आहने गियो। जेवी तो जुलुम आहने एतो ते बोगवान ताहेरी वात केऱ्यो। तो केयो, "हे मूसा, तार खाहडा काड दि। तू एक पवित्र जागे उब रेनोह।"

![](https://cdn.door43.org/obs/jpg/360px/obs-en-09-13.jpg)

बोगवान केयो, "मी मार माणहान दुखाह देखील। मी तुवाह फिरौन फाय मोकलुह काय तु इस्राएलीह मिस्रने गुलामीम रीन निकाल लावी।मी ताह कनान देश आपूह, जो देश मी अब्राहम, इसहाक एने याकूबाह आपणेन वायदो किरील एतो।"

![](https://cdn.door43.org/obs/jpg/360px/obs-en-09-14.jpg)

मूसा फुशो, " जर माणहे जाणने होदति का माहु कुण मोकलील हि ते मी काय केह?" बोगवान केयो, "जो मी हि तो मी। तो केयो, 'मी हि तो माहु तुमु फाय मोकलील हि।' तो ज्यो भी केयो, मी तुमरा डायलान अब्राहम, इसहाक एने याकूब ने बोगवान यहोवा हि।' मारो ज्या नाव कायम ने हि।"

![](https://cdn.door43.org/obs/jpg/360px/obs-en-09-15.jpg)

मूसा बितालो एने फिरौन फाय जाणे नाह होदतालो काहाकाय तो विचार केरतालू काय ताह हाजो बोलाय नाय, करीन बोगवान मूसान बाहाक, हारूनाह, तान मोदत करणे मोकल्यो।

*निर्गमन अध्याय 1-4 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_09_128kbps.m4a

## 10. दोह पिढा

https://openbiblestories.org/l/nlx/story-10/

![](https://cdn.door43.org/obs/jpg/360px/obs-en-10-01.jpg)

बोगवान मूसा एने हारून चेतावणी काय फिरौन कठोर एय जाय। जेवी ता फिरौन फाय गिया एने केया, "इस्राएल ने बोगवान इही किथी का, 'मार माणहाह जाणे दी!'" पुण फिरौन तान नाह होमल्यो एने इस्राएलीह जाणेन सोडणे बोदले तान काम उंजू कठीण केरणे लागाड्यो।

![](https://cdn.door43.org/obs/jpg/360px/obs-en-10-02.jpg)

फिरौन ता माणहाह जाणे देने से तालताल नाकार केरती रेनो, केरिन बोगवान मिस्र पोर दोह भयंकर पिढा मोकल्यो। ज्या पिढा द्वारा, बोगवान फिरौनाह देखाड का तो फिरौन एने मिस्र ने बोगवाना से जादा शक्तिशाली हि।

![](https://cdn.door43.org/obs/jpg/360px/obs-en-10-03.jpg)

बोगवान नीलह लुय मे बोदल देनो, पुण फिरौन एवी भी नाह मान्यू एने इस्राएलीह जाणे नाह दिनो।

![](https://cdn.door43.org/obs/jpg/360px/obs-en-10-04.jpg)

बोगवान आखा मिस्र माय डेटका मोकल्यो। फिरौन डेटकाह सेटो केरणेन मूसाह विनंती केऱ्यो। पुण आखा डेटकाह मोरणे बाद, फिरौन तान मोनाह कठोर केर लेदु एने इस्राएलीह मिस्र माय रीन निकलने नाह देनो।

![](https://cdn.door43.org/obs/jpg/360px/obs-en-10-05.jpg)

केरिन बोगवान टीडयान पिढा मोकल्या। ता बाद तो चाचडयान पिढा मोकल्यो। फिरौन मूसा एने हारूनाह हाद्यो एने केयो का जर ता ति पिढाह रोक देती ते इस्राएली मिस्र सोडीन जाय सकती। जेवी मूसा प्रार्थना केऱ्यो ते बोगवान मिस्र पोर रीन चाचडयाह सेटो केर देनो। पुण फिरौन तान मोनाह पोशो कठोर केर लिदो एने ता जाणे नाह देनो।

![](https://cdn.door43.org/obs/jpg/360px/obs-en-10-06.jpg)

ता बाद, बोगवान मिस्रिन सोब पालण्या जेनवराह दुखाऱ्यो केरिन मार टाक्यो। पुण फिरौनान मोन कठोर एय जायील एतो एने तो और इस्राएलीह जाणे नाह दिनो।

![](https://cdn.door43.org/obs/jpg/360px/obs-en-10-07.jpg)

तेवि बोगवान मूसाह फिरौन के सामने हवान रोखळ्यो टाकने लागाडयो। जेवी तो इही केऱ्यो मिस्र ने माणहान चामडा पोर फुडा निकली आवा, पुण इस्राएलीह काय नाह एनो। बोगवान फिरौन ने मोन कठोर केर दिनो, एने फिरौन इस्राएलीह जाणे नाह दिनो।

![](https://cdn.door43.org/obs/jpg/360px/obs-en-10-08.jpg)

ओवतो, बोगवान गारा पाड्यो एने मिस्र ने जादातर कामाई नाश केर दिनो एने जो भी कूण बाहेर निकल्या ताह मार टाक्यो। फिरौन मूसा एने हारूनान हादिन केयो, "मी पाप केरील हि।तुमु एने तुमरा माणहे जाय सकतेह।" ओवतो मूसा प्रार्थना केऱ्यो, एने वादलाम रीन गारा पोडणे बोंद एना।

![](https://cdn.door43.org/obs/jpg/360px/obs-en-10-09.jpg)

पुण फिरौन पोशो पाप केऱ्या एने तान मोनाह कठोर केर लेदो। तो इस्राएलीह जाणे नाह दिनो।

![](https://cdn.door43.org/obs/jpg/360px/obs-en-10-10.jpg)

ओवतो बोगवान मिस्र पोर टिड्डयान टोलाह मोकल्या। ता टिड्डया आखी कामाईह खाय गिया जाह गारा नाश नाह केरील एता।

![](https://cdn.door43.org/obs/jpg/360px/obs-en-10-11.jpg)

ओवतो बोगवान तीन दिह वोर आंधारो केर दिनो ज्या तीन डीह वोर सारकोच रेनो। आंधारो ओलो एतो का तीन दिह वोर मिस्री माणहे घेराम रीन नाह निकल्या। पुण जाहारी इस्राएली माणहे रेताला ताहरी उजालो एतो।

![](https://cdn.door43.org/obs/jpg/360px/obs-en-10-12.jpg)

ज्या नोव पिढा बाद भी, फिरौन इस्राएलीह जाणे से नाकार देनो। काहाकाय फिरौन नाह होमलतालु केरीन बोगवान एक आखरी पिढा मोकलेणेन योजना केऱ्यो। एने जी फिरौनान मोनाह बोदलणी एति।

*निर्गमन अध्याय 5-10 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_10_128kbps.m4a

## 11. फसह

https://openbiblestories.org/l/nlx/story-11/

![](https://cdn.door43.org/obs/jpg/360px/obs-en-11-01.jpg)

बोगवान मूसा एने हारूनाह फिरौन फाय ज्यो केणे मोकल्यो काय इस्राएलीह जाणे दि। ता ताहा चेतावणी आप्या का जर तो ताः नाय जाणे देय, ते बोगवान मिस्रन माणहान एने जेनवारान पेहलो जो भी पोयदा एयील हि ताह मार टाकी। फिरौन ज्यो होमलीन भी बोगवानान ओप्र विश्वास करणे से एने तान वात मानणे से नाकार देनो।

![](https://cdn.door43.org/obs/jpg/360px/obs-en-11-02.jpg)

बोगवान ता पोर विश्वास केरणारा काल्लाच भी पेहलो पोयदा एयील लाह वोचडणेन एक उपाय केरील एतो। हर परिवाराह एक निर्धोष मेंडाराह मारणु एतो।

![](https://cdn.door43.org/obs/jpg/360px/obs-en-11-03.jpg)

बोगवान इस्राएलीह ता मेंडारान लुय आप-आपण बायणा पोर लागाडने कियो। ताहा तान माह बुंजणु एतो एने ताह अखमीरी रोटा हेरी जेल्दी-जेल्दी खाणो एतो। ताह तो खाणे बाद ताहरोच मिस्रह सोडणेन भी तियार रेणे केरता केयो।

![](https://cdn.door43.org/obs/jpg/360px/obs-en-11-04.jpg)

जोहलो करणे बोगवान इस्राएलीह आदेश आपील एतो ता तिहीच केऱ्या। बुर बुर राती, बोगवान हेर एक पेहला पोयदा एयीलाह मारतीन मिस्रन विच मायरीन गियो।

![](https://cdn.door43.org/obs/jpg/360px/obs-en-11-05.jpg)

इस्राएलीन आखा बायणा पोर लुय लागील एति, केरीन बोगवान तान घेराह सोड देनो। ता घेराम वाला आखा माणहा वोचीन एता। ता मेंडरान लुयीन कारण वोच गिया।

![](https://cdn.door43.org/obs/jpg/360px/obs-en-11-06.jpg)

पुण मिस्रि बोगवाना पोर विश्वास नाह केऱ्या एने तान वात नाह मान्या। केरीन बोगवान तान घेराह नाह सोळ्या। बोगवान मिस्रिन आखा पेहला पोयदा एयील सोराह मार टाक्या।

![](https://cdn.door43.org/obs/jpg/360px/obs-en-11-07.jpg)

जेलीन बोंदीम पेहलो पोयदा एयील रीन ते, फिरौन ने पेहलो पोयदा एयील वोर,आखा पेहला पोयदा एयील एदमीन जात मोर गिया। ता पोर आवील मोठला दुख ने कारण जुलुम मिस्र ने माणहा रेडताला एने दुख केरताला।

![](https://cdn.door43.org/obs/jpg/360px/obs-en-11-08.jpg)

तीच रात, फिरौन मूसा एने हारूनाह हादाडया एने केयो, "इस्राएलीन जेल्दी मिस्र री निकेल जावो!" मिस्र ने माणहा भी इस्राएलीह से विनता केऱ्या काय जेल्दी निकल जावो।

*निर्गमन अध्याय 11:1-12:32 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_11_128kbps.m4a

## 12. निर्गमन

https://openbiblestories.org/l/nlx/story-12/

![](https://cdn.door43.org/obs/jpg/360px/obs-en-12-01.jpg)

इस्राएली माणहे मिस्र देशांम रीन निकल जुलुम खुश एता।एवी ता दास नाह एता, एने एवी ता वायदान देशांम जाताला! जो भी इस्राएली मानग्या, मिस्रि ताहा तो सोब आप्या, होना चादी एने मोकताच किमतीवान वोस्तु। दिहरा देशान काहीक माणहे बोगवाना पोर विश्वास केऱ्या एने जेवी इस्राएली माणहे मिस्र रीन निकलना ते ताभी ता हेरी चाल पोड्या।

![](https://cdn.door43.org/obs/jpg/360px/obs-en-12-02.jpg)

दिह्या वादलान एक मोठलो खांबो तान ओगान-ओगाण चालतालो।एने राती तो आखटान खांबो बोण जातालो।बोगवान ता आखटान वादलाम खांबाम रेतालो, तो हमेशा ता हेरी एतो एने तो यात्रा केरतालान अगुवाई केऱ्यो। ताह ओलोच केरणू एतो का तान पासाण चालणु एतो।

![](https://cdn.door43.org/obs/jpg/360px/obs-en-12-03.jpg)

थोडाक टायमा बाद, फिरौन एने तान माणहे आपणो मोन बोदल देना। इस्राएलीह ता पोशा तान दास बोणावणे होदताला। केरिन ता इस्राएलीन पोसाण पोड्या। बोगवान तान मोनाह बोदल दियील एतो। तो ज्यो ज्यान केरता केऱ्या काहाकाय तो ज्यासे तो होदतालो काय आखा ज्यो जाण लेती का फिरौनाह रीन एने मिस्रिन आखा बोगवानाह रीन तो, यहोवा, महा शक्तिशाली हि।

![](https://cdn.door43.org/obs/jpg/360px/obs-en-12-04.jpg)

जेवी इस्राएली मिस्र ने सेनाह आवताला देख्या ताहा मालूम का ता फिरौन ने सेना एने लाल समुद्र ने विच माय फोस गीयाह। ता जुलुम बिय गिया एने रेडणे लागा, " केणे लागा का आपु मिस्र काहा निकल्या? आपु मोरण्या हेते!"

![](https://cdn.door43.org/obs/jpg/360px/obs-en-12-05.jpg)

मूसा इस्राएलीह केयो, "बिणे बोंद केरो! बोगवान आज तुमरे केरता लेडाय एने तुमूह वोचाडी।" तेवी बोगवान मूसाह केयो, "न्याह लाल समुद्रने उखेर जाणे कि।"

![](https://cdn.door43.org/obs/jpg/360px/obs-en-12-06.jpg)

तेवी बोगवान ता वाद्लान खांबाह इस्राएली एने मिस्रिन विच माय मेल देनो काहाकाय मिस्री माणहाह इस्राएली देख नाय सकती।

![](https://cdn.door43.org/obs/jpg/360px/obs-en-12-07.jpg)

बोगवान मूसाह समुद्र पोर तान आथ वोडावणे केयो। ओवतो बोगवान वारा केरिन समुद्र ने पाणीह दाख्री एने जेवडी उखर केर देनो, एने तासे समुद्र ने विच मे रीन वाट बोण गीयी।

![](https://cdn.door43.org/obs/jpg/360px/obs-en-12-08.jpg)

इस्राएली माणहे तान दुय उखेर पाणी एने विच माय हुकाली बुयीम रीन ओगाण चाल देना।

![](https://cdn.door43.org/obs/jpg/360px/obs-en-12-09.jpg)

ओवतो बोगवान वाटे रीन ता वादलाह वीस लेदु का मिस्री माणहे इस्राएलीह वोचीन जाताला देखाती। मिस्रि ताह सापडावणे तान पासाण आवणेन केर लेदा।

![](https://cdn.door43.org/obs/jpg/360px/obs-en-12-10.jpg)

ओवता ता समुद्र ने विच माय ति वाटे इस्राएलीन पासाण आवा, पुण बोगवान ताह बिवाड देनो एने तान रथाह एटकाड देनो। ता आयेडने लागा, "दोवडो! बोगवान इस्राएलीन उखेर रीन लेडाथी!"

![](https://cdn.door43.org/obs/jpg/360px/obs-en-12-11.jpg)

आखा इस्राएली समुद्र ने दुहरी उखर पोच गिया। तेवी बोगवान मुसाह पोशो केयो का तार आथ पाणीन उखेर वोडाव। जेवी मूसा केऱ्यो, ते पाणी मिस्री सेना पोर आव पोडणो एने पेज जोहलो एतो तोहलोच एय गियो। मिस्र ने आखी सेना बुड गीयी।

![](https://cdn.door43.org/obs/jpg/360px/obs-en-12-12.jpg)

जेवी इस्राएली देख्या काय मिस्री मोर गीयाह ते ता बोगवाना पोर विश्वास केऱ्या। ता विश्वास केऱ्या का मूसा बोगवानान उखेर रीन भविष्यवक्ता एतो।

![](https://cdn.door43.org/obs/jpg/360px/obs-en-12-13.jpg)

इस्राएली माणहे ज्यान केरता भी जुलुम खुश एता का बोगवान ताहा मोरणे एने दास बोणने से वोचाडील एतो। एवी ता बोगवानान आराधना करणे लागा एने एवी ताह आज्ञान पालन केरणेन सूट। इस्राएली तान सुकारान तिवार केऱ्या एने बोगवानान स्तुती केरणेन मोक्ताच गीते गाव्या काहा काय तो ताह मिस्र ने सेना से वोचाडील एतो।

![](https://cdn.door43.org/obs/jpg/360px/obs-en-12-14.jpg)

बोगवान इस्राएलीह दर वोरही ताह तिवार केरणेन आदेश आप्या ज्या एर केरणेन केरता का किहिक बोगवान ताह मिस्रिह आरवाडील एने ताह दासाम रीन सोडवील। ज्यो फसह ने तिवार केवानो। ज्या तीवाराम ताह मेंडरान बली केरणु एतो, ताह बुंजणू एतो,ताह बिना खमीर वाला रोटा हेरी खाणु एतो।

*निर्गमन अध्याय 12:33-15:21 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_12_128kbps.m4a

## 13. इस्राएल हेरी बोगवानान वायदो

https://openbiblestories.org/l/nlx/story-13/

![](https://cdn.door43.org/obs/jpg/360px/obs-en-13-01.jpg)

इस्राएलीह लाल समुद्रान पार लीन जाणेन बाद, बोगवान ताह सीनाय नावान बोयदा उखर लीन गियो। ज्यो तोच बोयडो एतो जाहरी बोगवानाह मूसा हेलगताला जेड्याम देखील एतो। ता ताहरी ता बोयडान नीच तम्बू लागाडया।

![](https://cdn.door43.org/obs/jpg/360px/obs-en-13-02.jpg)

बोगवान मूसाह एने आखा इस्राएल ने माणहाह केयो, "तुमुह हमेशा मारी वातिह मानने पोडी एने जो वायदो मी तुमु हेरी केरथू ताहा बोणाविन मेलज्यो। जर तुमु इहीच केरहु ते, ते तुमरो इनाम किमतीवान धेन, याजकान का राज्य, एने एक पवित्र जाति ठेरहू।"

![](https://cdn.door43.org/obs/jpg/360px/obs-en-13-03.jpg)

बोगवान ता फाय आवी केरिन ता माणहे तीन दिह वोर स्वताह तियार केऱ्या।तेवी बोगवान सीनाय बोयडान चुटी पोर रीन नीचे उतरनो। जेवी तो आवो ते भूकम्प एनो, वीज पोडणी, धुवाडो उठानो,एने तुरही ने जोरदार शब्द होमलानो। ते मूसा स्वता बोयडा पोर चेड गियो।

![](https://cdn.door43.org/obs/jpg/360px/obs-en-13-04.jpg)

तेवी बोगवान ता माणहा हेरी एक वायदो केयो। तो केयो, " मी तुमरो बोगवान, यहोवा हि। मी तोच हि जो तुमूह मिस्रने गुलामीम सोडवीलक। काललाच दिहरा बोगवानान भोक्ती मा केरहो।"

![](https://cdn.door43.org/obs/jpg/360px/obs-en-13-05.jpg)

मूर्ति मा बोणावहो एने तीन भोक्ती मा केरहो,काहाकाय मी, यहोवा, तुमरो एकमात्र बोगवान ही। मार नावाह वाया मा। सब्त ने दिहाह पवित्र मानणेन विहेरहु मा।दिहरा शब्दाम, सोव: दिहाम आपणा आखा काम केरज्यो, सातवो दिह तुमरे केरता आराम करणे एने माहु एर केरणेन दिह रेय।

![](https://cdn.door43.org/obs/jpg/360px/obs-en-13-06.jpg)

आपणा आयीक आबाक ने मान मेलज्यो। खून मा केरहो। व्यभिचार मा केरहो। चोरी मा केरहो। आपणा शेजारीन बायकून, तान घेरान, एने तान काल्लीच भी वोस्तून लेय लेणेन इच्छा मा केरहो।

![](https://cdn.door43.org/obs/jpg/360px/obs-en-13-07.jpg)

ओवतो बोगवान त्यु दोह आज्ञाह देगडान पाटी पोर लेखीन मूसाह आप देनो। बोगवान पालणेन केरता ता माणहाह उंजू जुलुम आज्ञा आप्यो। जर ता माणहे ज्यू आज्ञाह पालन केऱ्या केरती ते बोगवान ता माणहाह आशीष आपणे एने वोचाडणेन वायदो केऱ्यो।पुण ताह तो ज्यो भी केयो का जर ता जी आज्ञाह नेय मानति ते तो ताह दण्ड भी आपी।

![](https://cdn.door43.org/obs/jpg/360px/obs-en-13-08.jpg)

बोगवान इस्राएलीह एक मोठलो तंम्बू बोनावने भी केयो– मिला ने तंम्बू। तो ताह हाच केरीन केयो का ता तंम्बूह किहिक बोणावणू हि, एने ता माय काय काय वोस्तु मेलणु हि। तो ताह ता तंम्बूम दुय आत्रा माय वाटणे एक मोठला पोडदा बोणावणे केयो। बोगवान ता पोडदान विच माय वाला आत्राम आवीन ता रेय। जाहरी बोगवान एतो ताहरी महायाजक ओलोच जातालो जाय सकतालु।

![](https://cdn.door43.org/obs/jpg/360px/obs-en-13-09.jpg)

ता माणहाह मिलाप ने तंम्बून सामने एक वेदी बोणावणू एतो। जो कून बोगवानान आज्ञाह तोडी ताहा ति वेदी पोर एक जेनवाराह लावणू एतो। तेवी याजक ताह बली केरी एने वेदी पोर बोगवानान केरता बलीन रुपाम हेलगाडी।बोगवान ताह केयो का ता जेनवारान लुय ता माणहाण पापाह ढाप लेय। जी रिती से, एवी बोगवान ता पापाह नेय देखी। तो माणुह बोगवानान नेजरिम "शुद्ध" ठहराय। बोगवान मूसा बाहाक हारून एने तान वोचीह याजक ने केरता निवाड लेदो।

![](https://cdn.door43.org/obs/jpg/360px/obs-en-13-10.jpg)

बोगवान तामाणहाह जा नियमे आप्यो ता पालनेन ता राजी एना। फक्त बोगवानान माणहे एणेन एने फक्त तान आराधना केरणेन ता राजी एना।

![](https://cdn.door43.org/obs/jpg/360px/obs-en-13-11.jpg)

मोक्ताच दिह वोर, मूसा सीनाय बोयडान चुटी पोर रिनो। तो बोगवाना हेरी वात केरतालो। पुण माणहे तान वाट जोवी जोवीन थाक गिया। केरीन ता हारून फाय होनो लीन आवा एने ताह एक मूर्ति बोनाववणे केया का ता तीन भोक्ती केर सकी। जी रीति से, ता बोगवानान विरुद्ध मोठलो पाप केऱ्या।

![](https://cdn.door43.org/obs/jpg/360px/obs-en-13-12.jpg)

हारून वासडान आकार ने होनान एक मूर्ति बोणाव्यो। ता माणहे ति मूर्तिन भोक्ती केरणेन चालू केर देना एने ताह बली चेडाव्या! तान पापान कारण बोगवानान जुलुम राग आवो। तो ताह वह नाश केरणे होद्तालो। पुण मूसा नाश नाह केरणेन विनता केऱ्यो। बोगवान तान विनता होमल्या एने ताहा नाश नाह केऱ्यो।

![](https://cdn.door43.org/obs/jpg/360px/obs-en-13-13.jpg)

एवी मूसा सीनाय बोयडान नीचे उतर आवो। तो ति देगडान पाटी लेय रीयील एतो जा पोर बोगवान दोह आज्ञा लिखील एतो।ओवतो तो ति मूर्तिह देख्यो। तो ओलू रागाम आव लागो का तो ति देगडान पाटी चूर- चूर केर देनो।

![](https://cdn.door43.org/obs/jpg/360px/obs-en-13-14.jpg)

ओवतो मूसा ती मूर्तिह चेंदीन तीन चुरो केर देनो, एने ता चुराह पाणी मा गोलीन ता माणहाह पिवाड देनो। बोगवान ता माणहा पोर पिढा मोक्ल्यो एने ता मायरीन जुलुम जाणा मोर गिया।

![](https://cdn.door43.org/obs/jpg/360px/obs-en-13-15.jpg)

जी पाटीह मूसा तोड दियील एतो तीन जागे मूसा दोह आज्ञान केरता देगडान नोवाली पाटी बोणाव्यो। तेवी तो पोशो बोयडा पोर चेड गियो एने प्रार्थना केऱ्यो का बोगवान तान माणहाह क्षमा केरी। बोगवान मूसान होमलीन ताह क्षमा केर दिनो। नोवाली पाटी पोर दोह आज्ञाह लीन मूसा बोयडा पोर रीन नीचे उतर गियो। ते बोगवान सीनाय बोयडा पोर रीन ते वायदान देश वोर इस्राएलिह लीन चाल्यो।

*निर्गमन अध्याय 19-34 से एक बाइबल की कहानी*

Audio: https://git.door43.org/OBS-TLF/nlx_obs/releases/download/v1/nlx_obs_v1_13_128kbps.m4a

## 14. जेंगलाम भोटकणो

https://openbiblestories.org/l/nlx/story-14/

![](https://cdn.door43.org/obs/jpg/360px/obs-en-14-01.jpg)

बोगवान इस्राएलिह ता नियमाह केणेन रोकानो जा तो ताह केरील वायदान कारण पालन केरणो एतो। ओवतो तो सिणाव बोयडान ओगाण लीन गियो। तो ताहा वायदान देशाम लीन जाणे होदतालो। ज्यो देश कनान केरिन नावलातालो। बोगवान वादलान खांबाम रीन तान ओगाण-ओगाण चाल्यो, एने ता तान वासाण-पासाण चाल्या।

![](https://cdn.door43.org/obs/jpg/360px/obs-en-14-02.jpg)

बोगवान अब्राहम, इसहाक एने याकूबाह वायदो केरील एतो का तो तान वोचाह तो वायदान देश आप, पुण ता टायमी ताहरी जुलुम जाती रेताली। ता कनानी केवाताला। ज्या कनानी माणहे बोगवानान आराधना नाह केरताला एने तान आज्ञा नाह मानताला। ता जुठा बोगवानान भोक्ती केरताला एने जुलुम खराब-खराब कामे केरताला।

![](https://cdn.door43.org/obs/jpg/360px/obs-en-14-03.jpg)

बोगवान इस्राएलिह केयो, "जेवी तुमु ता देशांम जाहू ते ताहरी वाला कनानी रीन शूट जाज्यू। ताहेरी मेल मा केरहो एने ता हेरी वाराड मा केरहो। तुमूह तान आखी मूर्तिह नाश केर देजू।जर तुमु मार आज्ञाह नेय मानहु, ते तुमु माहु सोडीन तान बोगवानान भोक्ती करणे लागहो।"

![](https://cdn.door43.org/obs/jpg/360px/obs-en-14-04.jpg)

जेवी इस्राएली कनान ने सीमा पोर पोचना, मूसा इस्राएल ने आखा जात्यू माय रीन एक-एक करीन बारा एदम्याह निवाडयो। तो ताह जायीन ता देशान खुबेर लेणे मोकल्यो का तो देश कोहलो ही। ताह तो कनानीने खुबेर लेणे मोकल्यो काता ताकेतवर हेते का नाह।

![](https://cdn.door43.org/obs/jpg/360px/obs-en-14-05.jpg)

ता बारा माणहे कनान माय रीन चालीह दिह्यान यात्रा केऱ्या एने वापस आवा। ता केया, "तो देश जुलुम उपजाऊ हि कामायी बोरपुरीनहि! "पुण दोह खोबेर लेणार केया, "तान हेयर जुलुम मोजबुत हि एने माणहा लांब एने चोवडा हेते! जर आपी ता हेरी लेडाहु, ते ता आपूह आरविच देण्या हेते एने आपूह मार देती।"

![](https://cdn.door43.org/obs/jpg/360px/obs-en-14-06.jpg)

ताहरूच कालेब एने यहोशू एने उंजू दुय खोबर लेणार केया, "ज्यो खेरी हि का कनानी माणहे लांबा एने ताकेतवर हेते, पुण आपु ताहा आरवि सकतेह! बोगवान आपणी उखेर रीन लेडाय!"

![](https://cdn.door43.org/obs/jpg/360px/obs-en-14-07.jpg)

पुण माणहा कालेब एने यहोशून नाह होमल्यो।ता मूसा एने हारून रानवाना एने केया, "तुमु आमुह जी ओहली जागे काहा लावाह? आमु मिस्र मायच रेणो एतो। जर आपु ता देशांम जाहू ते लेडायीम मोर जाहू, एने कनानी माणहे आपणी बायकूह एने सोराह दास बोणाव लेती।" ता माणहे ताह पोशो मिस्र लेण जाणे केरता एक मुखीह निवाडने होदतालो।

![](https://cdn.door43.org/obs/jpg/360px/obs-en-14-08.jpg)

जेवी ता माणहे इही केया ते बोगवानाह जुलुम राग आवो। तो मिलाप वाला तंबूम आवो एने केयो, " तुमु मार विरुद्ध पाप केरील हेते, केरीन तुमु आखाह ज्या जेंगलाम भोटकणे पोडी। हर एक जाण जो वीस वोह्याह रीन जादा वोयान हि तो मोर जाय एने केदी भी ता देशांम रीगी नेय जो मी तुमूह आपण्यो हि। फक्त कालेब एने यहोशू ता देशांम जाती।"

![](https://cdn.door43.org/obs/jpg/360px/obs-en-14-09.jpg)

जेवी ता माणहे बोगवाना इही केतालो होमल्या, ते ता दुखी एय गिया काहाकाय ता पाप केरील एता। केरिन ता कनान ने माणहा हेरी लेडाणेन केऱ्या। मूसा ता मा जावो केरिन चेतावणी आप्यो काहाकाय बोगवान ता हेरी नेय जाय, पुण ताह होमल्या।

![](https://cdn.door43.org/obs/jpg/360px/obs-en-14-10.jpg)

बोगवान जी लेडायीम ता हेरी नाह जायील एतो, केरीन कनाणी ताह आर्वी देना एने ता मायरीन जुलुम जाणाह मार टाक्या। तेवी इस्राएली माणहे कनान रीन वापस फिर आवा। ओगाणल्या चालीह वोर्ह्या पोर,ता जेंगलाम न्याहरी -ताहरी भोटक्या।

![](https://cdn.door43.org/obs/jpg/360px/obs-en-14-11.jpg)

इस्राएली माणहाह जेंगलाम भोटकणेन चालीह वोर्ह्याम,बोगवान तान गरजा पुरी केरतालो। तो ताः हेरगाम रीन"मन्ना" नावान रोटो आप्यो। तो बटेरान टोलु भी(जा मध्यम आकारान चिडा एता) तान थीकाणे मोकल्यो कि ता माह खाती। ता पुरा टायमी, बोगवान तान फाडका एने खाहडा फाटणे से वोचाडीन मेल्यो।

![](https://cdn.door43.org/obs/jpg/360px/obs-en-14-12.jpg)

न्या वोर का बोगवान तान केरता चमत्कारी रूप से देगडारीन भी पाणी निकालील। पुण ज्यो आखो केरिन भी, इस्राएली माणहे बोगवानान विरुद्ध एने मूसान विरुद्ध चाडी एने कुरकुर केरताला। तेभी, बोगवान विश्वासयोग्य एतो। तो जी वोयदो केरील का तो अब्राहम, इसहाक, एने याकूबान वोचान केरता केरूह तो तो केरील।

![](https://cdn.door43.org/obs/jpg/360px/obs-en-14-13.jpg)

एक वार उंजू जेवी ता माणहा फाय पिणे पाणी नाह एतो,बोगवान मूसाह केयो,"देगडा हेरी वात केर, एने ता माय रीन पाणी निकली।"पुण मूसा देगडा हेरी वात नाह केऱ्यो।पुण, ता देगडा पोर होटी केरीन दुय वार देनो।जी रीति तो बोगवानान आदर नाह केऱ्यो। आखाह पिणेन केरता देगडाम रीन पाणी निकल आवो, पुण बोगवानाह मूसा पोर राग आवो। तो केयो, " काहाकाय तु इही केरील हि, केरिन तु वायदान देशांम नेय पोचहि।"

![](https://cdn.door43.org/obs/jpg/360px/obs-en-14-14.jpg)

जेवी इस्राएली माणहे चालीह वोर्ह्या वोर जेंगलाम भोटकना, तेवी जा बोगवानान विरुद्ध पाप केरील एता ता मोर जायील एता। तेवी बोगवान पोशो ताह वायदान ठिकाणी पोर लीन गियो। एवी मुसा जुलुम डायो एय जायील एतो, केरीन बोगवान माणहान लीचालणेन केरता तान मोदेत केरणेन यहोशूह निवाडयो। बोगवान मूसाह ज्यो भी वायदो केरील एतो का एक दिह ता माणहा फाय मूसा हारको एक भविष्यवक्ता मोकलुह।

![](https://cdn.door43.org/obs/jpg/360px/obs-en-14-15.jpg)

तेवी बोगवान मूसाह एक बोयडान चुटी पोर जाणे केयो का तो वायदान देश देख सकी। मूसा ता वायदान देशाह देख्यो पुण बोगवान ताह ता देशांम रिगणे नाह देनो। तेवी तब मूसा मोर गियो, एने इस्राएलि तीस दिह वोर दुख केऱ्या। यहोशू तान नोवालो लीन चालणार बोण गियो। यहोशू एक हाजो लीन चालणार एतो काहाकाय तो बोगवाना पोर भोरहु केरतालु एने तान वात मानतालो।

*निर्गमन अध्याय 16-17; गिनती 10-14; 20; 27; व्यवस्थाविवरण 34 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_14_128kbps.m4a

## 15. वायदान देश

https://openbiblestories.org/l/nlx/story-15/

![](https://cdn.door43.org/obs/jpg/360px/obs-en-15-01.jpg)

आखारी माय, तो टायमा आव गियो का एवी इस्राएली माणहे वायदान देशांम, कनान माय रीगती। ता देशांम यरीहो नावान एक हेयर एतो। ताह वोचाडणे केरता चार उखेर मोजबुत भीतडो एतो। यहोशू ता हेयराम दुय खोबऱ्याह मोकल्यो। ता हेयराम राहाब नावाम एक वेश्या एती। ति ता दुय खोबऱ्याह लीकाडी, एने बाद माय ताह हेयराम रीन वोच निकेलणेन मोदेत केरी। ति ज्यो ज्यान केरता केरी काय ति बोगवाना पोर विश्वास केरताली।जी टायमे इस्राएली माणहे यरीहोह नाश केरती तेवी ता राहाब एने तीन परिवाराह वोचाडणेन वोयदो केऱ्या।

![](https://cdn.door43.org/obs/jpg/360px/obs-en-15-02.jpg)

इस्राएली माणहाह वायदान देश माय जाणेन केरता यरदन नदीह पार केरणो एतो। बोगवान यहोशूह केयो, "याजकाह पेल जाणे दी।" जेवी याजक यरदन नदी माय पाय मेल्या पाणी वोयने बोंद एय गियो, का इस्राएली माणहे नदीन दूहरी उखेर हुकाली बुय पोर जाय सकती।

![](https://cdn.door43.org/obs/jpg/360px/obs-en-15-03.jpg)

ता माणहे यरदन नदीह पार केर लेदा ते बोगवान यहोशूह केयो काय यरीहो हेरी लेडायी केरणेन तियार री, तो जुलुम मोजबुत हेयर एतो तेभी। बोगवान ता माणहाह केयो याजकाह एने सैनिकाह सोव दिह वोर ता हेयरान चक्कर मारणे केयो। ओवतो याजके एने सैनिके इहीच केऱ्या।

![](https://cdn.door43.org/obs/jpg/360px/obs-en-15-04.jpg)

तेवी सातवे दिह, इस्राएली ता हेरान चार उखेर सात वार चक्कर लागाड्या। ता हेरान चार उखेर सात वार चक्कर लागाडणे बाद, याजक तुरहि फुक्या एने सैनिक जोरदार आवाज केऱ्या।

![](https://cdn.door43.org/obs/jpg/360px/obs-en-15-05.jpg)

तेवी यरीहोन चार उखेर वालो भितडो पोड गीयो! जीही बोगवान आज्ञा आपील एतो इस्राएली हेयरान आखी वोस्तु नाश केर देना। ता राहाब एने तीन परिवाराह सोड देना, जा काय इस्राएलिन भाग बोण जायील एता। जेवी कनान माय रेणारा माणहे होमल्या काय इस्राएली यरीहोह नाश केर दियील हेते, ते ता बिय गिया काय इस्राएली माणहे आपु पोर भी लेडायी केरती।

![](https://cdn.door43.org/obs/jpg/360px/obs-en-15-06.jpg)

बोगवान इस्राएलीह आज्ञा आपील एतो का कनान रेणारी काल्लीच भी जाती हेरी मेल मा केरहो। पुण गिबोनियो नावान एक कनानी जाति यहोशूह ठेगीन केयो काता कनान रीन सेटा एक जागे रेणार हेते। ता यहोशू हेरी मेल केरणेन विनता केऱ्या। यहोशू एने दिहरा इस्राएली डायला बोगवानाह नाह फुस्या का काय करणे जुवी। ता सीवाय, ता गिबोनियो हेरी मेल केर लेदा।

![](https://cdn.door43.org/obs/jpg/360px/obs-en-15-07.jpg)

तीन दिह बाद, इस्राएलिह मालूम पोडनो काय गिबोनी माणहे कनान मायच रेतेह। ता रागाम आवा काहाकाय गिबोनि ताह ठेन दियील एता था।पुण ता ता हेरी मेलच रेणे देना काहाकाय बोगवान सामने ता मेल केरील एता। तेवी थोडाक दिह बाद, कनान माय रेणार एक दिहरी जाति, एमोरियो ने राजा होमल्यो काय गिबोनि इस्राएलि हेरी मेल केर लीयील हेते,केरीन अपणी-अपणी सेनाह टूलु केरीन एक मोठली सेना बोणाव्या एने गिबोन पोर लडायी केर देना। गिबोनित तान मोदेत केरणे केरता यहोशू फाय खुबेर मोकल्या।

![](https://cdn.door43.org/obs/jpg/360px/obs-en-15-08.jpg)

ओवतो यहोशू इस्राएलिने सेनाह एकठो केऱ्यो एने गिबोनियो फाय पोचणेन करीन पुरी रात चालना। वेगाच आंधारलेह एमोरिन की सेनाह बोनगलाड देना लडायी केर देना।

![](https://cdn.door43.org/obs/jpg/360px/obs-en-15-09.jpg)

तेदिह बोगवन इस्राएलिन केरता लेडानो। तो एमोरियोह बोनगलाड देनो एने मोठला-मोठला गारा पाडीन मोक्ताच एमोरिह मार टाक्यो।

![](https://cdn.door43.org/obs/jpg/360px/obs-en-15-10.jpg)

बोगवान दिह्याह भी वादलाम एक जागे थोबाड देनो काय इस्राएलिह मोक्तोच टायम जुडी एमोरियाह आरवाडने। ती दिह, बोगवान इस्राएलिह एक मोठलो जीक आप्यो।

![](https://cdn.door43.org/obs/jpg/360px/obs-en-15-11.jpg)

जेवी बोगवान ता सेनाह आरवाडने बाद, जुलुम कनानी जातिन माणहा इस्राएल पोर लडायी केरणेन एकठा एना। यहोशू एने इस्राएलि ता पोर लडायी केरीन तान सत्यनाश केर देना।

![](https://cdn.door43.org/obs/jpg/360px/obs-en-15-12.jpg)

ज्यू लेडायीन बाद,बोगवान इस्राएल ने आखी जातीह वायदान ता देशामाय वालो तान भाग आप्यो। ते बोगवान इस्राएलाह तान आखी उखेर रीन शान्ति प्रदान आप्यो।

![](https://cdn.door43.org/obs/jpg/360px/obs-en-15-13.jpg)

जेवो यहोशू डायो एय गियो ते तो इस्राएल ने आखा माणहाह एकठो हादयो। तेवि यहोशू ताह एय केराव्यू का ता ति आज्ञा पालन केरणेन वायदो केरील एता जो काय बोगवान ताह सीनाय बोयडा पोर केरील एतो। ता माणहे बोगवानान प्रति विश्वासयोग्य रेणेन एने व्यवस्था का पालन केरणेन वायदो केऱ्या।

*यहोशू अध्याय 1-24 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_15_128kbps.m4a

## 16. सोडवणार

https://openbiblestories.org/l/nlx/story-16/

![](https://cdn.door43.org/obs/jpg/360px/obs-en-16-01.jpg)

यहोशू मोरणे बाद इस्राएलि बोगवानान आज्ञा तोड्या। ता बोगवानाणन नियमाह पालन नाह केऱ्या, एने ता वायदान देशाम रीन वोचील कनानीह भी बाहेर काड देना। इस्राएलि आपणा खेरला बोगवानाह, यहोवाह सोडिन कनान वालान बोगवानान भोक्ती केरणेन चालू केर देना। इस्राएलि फाय कूण राजा नाह, केरीन जाह जो हाजो लागी तो तोच केरतालो।

![](https://cdn.door43.org/obs/jpg/360px/obs-en-16-02.jpg)

बोगवानन आज्ञा नाह मानणे द्वारा इस्राएलि एक पद्धतिन सुरुवात केऱ्या जी मोक्ताच वार एनी।जी यह पद्धत इही केरीन एति: काहिक वोर्ह्या इस्राएली बोगवानान आज्ञा नेय मानती, तेवी तो ताहा तान दुश्मनाह द्वारा ताहा आरवाडी एने दण्ड आपी। तान दुश्मन तान वोस्तु लुट लेती,तान धेन नाश केर देती, एने ता माय रीन जुलुम जाणाह मार टाकति। एने तान दुश्मन ता पोर काहिक वोर्ह्या वोर गुलामी केरावति,तान बाद उसके बाद इस्राएली तान पापान पश्चाताप केरीन बोगवानाह ताह वोचाडणेन केरता प्रार्थना केरती।

![](https://cdn.door43.org/obs/jpg/360px/obs-en-16-03.jpg)

जेवी जेवी इस्राएली पश्चाताप केरती ते बोगवान ताहा वोचाडी। तो एक सोडवणारान द्वारा इही केरी – एक ओहलो जाण जो तान दुश्मनान विरुद्ध लेडायीन ताह आरवाडी।तेवी देशाम शान्ति आवी एने तो सोडवणार ता पोर हास केरीन राज्य केरी। बोगवान ता माणहाह वोचाडणे केरता मोक्ताच सोडवणाराह मोकल्यो। बोगवान जागेच वाली एक दुश्मन जाती। मिद्यानिन द्वारा इस्राएलिह आरवाड ने द्वारा इही पोशो केऱ्यो।

![](https://cdn.door43.org/obs/jpg/360px/obs-en-16-04.jpg)

मिद्यानि सात वोर्ह्या वोर इस्राएलिन कामायीह लुट्या। इस्राएली माणहा जुलुम बिय गिया,एने गुफाम लीकाय जायील एता काय मिद्यानी माणहे ताह सापडावती नाय। आखरी, ता वोणेन केरता बोगवानाह एर केऱ्या।

![](https://cdn.door43.org/obs/jpg/360px/obs-en-16-05.jpg)

गिदोन नानावान एक इस्राएली एदमी एतो। एक दिह,तो एक जागे लीकायीन गोव मोलतालु का मिद्यानी माणहे ताह चोरति नाय। यहोवान स्वर्गदूत गिदोन फाय आवीन ताह केयो, "हे बाहधे र, बोगवान तुवा हेरी हि। जा एने और इस्राएलिह मिद्यानि से वोचाड "

![](https://cdn.door43.org/obs/jpg/360px/obs-en-16-06.jpg)

गिदोन ने आबाक फाय मूर्तिन केरता एक वेदी एति। सोब से पेल बोगवान गिदोनाह ति वेदीह तोडने केयो।पुण गिदोन माणहाह बितालो,केरीन तो रातीन वाट जुव्यो। ओवतो तो ति वेदीह तोडीन तुकडा -तुकडा केर दिनो। तो बोगवानान करता एक नोवाली वेदीह बोणाव्यो एने ति पोर बोगवानान केरता बलि केऱ्यो।

![](https://cdn.door43.org/obs/jpg/360px/obs-en-16-07.jpg)

वेगोच माहहा देख्या का कून तीभी वेदीह तोड टाकील हि, केरीन ता जुलुम रागाम आव लागा। ता गिदोनाह मार टाकणे तान घेर आवा, पुण गिदोनान आबुक ताह केयो, "तुमु काहा तुमरा बोगवानान मोदेत केरतेह, तान रक्षा ताहचे करणे देवो!" तो इही केयो केरीन तान माणहे ताह नाह माऱ्या।

![](https://cdn.door43.org/obs/jpg/360px/obs-en-16-08.jpg)

तेवी इस्राएलिह लूटणेन मिद्यानी माणहे पोशा आवा। ता ओला होवता एता का मोंजाताला भी तान। गिदोन ता हेरी लेडाणेन केरता इस्राएलिह एकठो हादयो। गिदोन बोगवाना फाय दुय चिन्ह मांग्यो का ताहा विश्वास एय जाय का खेरीच बोगवान ताहा इस्राएलाह वोचाडनेन किथी।

![](https://cdn.door43.org/obs/jpg/360px/obs-en-16-09.jpg)

पहला चिन्ह ने करता, गिदोन मेडरान रोस्का बुयी पोर मेल्यो एने बोगवानाह केयो वेगोच ने ओहटो फक्त मेडरान रोस्का पोर पोडणे जुवी बुयी पोर नाह।बोगवान तिहीच केऱ्यो। ओगाणली रात,तो बोगवानाह केयो आखी बुय बीज जाणे जुवी पुण मेंडरान रोस्का हुकालाच रेणे जुवी।बोगवान तिहीच केऱ्यो।ज्या दुय चिन्ह ने कारण, गिदोन विश्वास केऱ्यो का बोगवान खेरीच इस्राएलिह मिद्यानि फायरीन वोचाडने होदिह।

![](https://cdn.door43.org/obs/jpg/360px/obs-en-16-10.jpg)

तेवी गिदोन ने सैनिकाह ता फाय हादयो एने 32,000 एदमी आवा।पुण बोगवान ताहा केयो का ज्या जुलुम। तेवी गिदोन 22,000 जाणाह घेर मोकेल दिनो जा लेडाने से बिताला।बोगवान पोशो गिदोनाह केयो अवि भी एदमी जुलुम हेते।केरीन गिदोन 300 सैनिकाह छोडीन आखाह घेर मोकली देनो।

![](https://cdn.door43.org/obs/jpg/360px/obs-en-16-11.jpg)

ति राती बोगवान गिदोनाह केयो, "मिद्यानिन ठीकाणे जा एने तान वातु होमेल। जेवी तु होमेलही का ता काय वातु केरतेह ते तु तापोर लेडायी करणे से नाय बी हि।" केरीन ति रात, गिदोन नीचे तान ठीकाणे गियो एने तो एक मिद्यानी सैनिकाह तान दोस्ताह ति वात केतालू होमल्यो जी तो होपाना माय देखील एतो।तो एदमी तान दोस्ताहा केयो, "ज्या होपानान अर्थ हि का गिदोन ने सेना आपु मिद्यानी सेनाह आरवी देय!" जेवी गिदोन ज्यो केतालो होमल्यो तेवी बोगवानान स्तुति केऱ्यो।

![](https://cdn.door43.org/obs/jpg/360px/obs-en-16-12.jpg)

तेवी गिदोन आपणा सैनिका फाय आवो एने आखाह एक- एक बुन्गो, एक माटळान थामलो, एक मोठलो भूलो आप्यो।ता तान ठीकाणाह कोनड लेदा। गिदोन ने 300 सैनिक आपणो भूलोह थामला केरीन डाप रीयील एता केरीन मिद्यानी माणहाह तान उजूड नाह देखानो।

![](https://cdn.door43.org/obs/jpg/360px/obs-en-16-13.jpg)

तेवी गिदोन ने सैनिक आपणा थामलाह एकठाच उचकाहुच तोडया एने भूलान आगठान उजालो केऱ्या। ता तान बुन्गो फुक्या एने आयडया, "यहोवा एने गिदोन ने तलवार!"

![](https://cdn.door43.org/obs/jpg/360px/obs-en-16-14.jpg)

बोगवान मिद्यानिह घाबराव देनो,केरीन ता एक दिहराह मारणे -काटणे लागा। ताहरूच, गिदोन खोबऱ्याह दिहरी इस्राएलिह मिद्यानिन पासाण पोडणेन तान मोदेत केरणेन हादणे मोकल्यो।ता जुलुम जाणाह मार टाक्या एने दिहराह पासान पोडीन इस्राएल देश माय रीन बाहर निकाल देना।ति दिह 1,20,000 मिद्यानी मोर गिया।इह केरीन इस्राएलाह वोचडयो।

![](https://cdn.door43.org/obs/jpg/360px/obs-en-16-15.jpg)

ता गिदोनाह राजा बोणावणे होदताला, पुण गिदोन ताह नाह केय देनो,पुण तो ताफाय रीन ता होनान गेयणा मानग्यो जाता मिद्यानि फाय रीन लूटील एता। ता माणहे जुलुम होनो गिदोन आप्या।

![](https://cdn.door43.org/obs/jpg/360px/obs-en-16-16.jpg)

तब गिदोन ता होनान एक खास फाडका बोणाव्यो जोहला माहायाजक पेरताला। पुण माणहे तान भोक्ती करणे चालू केर देना जीही का तो एक मूर्ति एय। तेवी बोगवान पोशो इस्राएलाह दण्ड आप्यो काहाकाय ता मूर्ति भोक्ती केरील एता। बोगवान तान दुश्मनाह पोशो ता पोर जीकड देनो।आखिरी पोशा ता बोगवानाह मोदेत केरता प्रार्थना केऱ्या, एने बोगवान ता फाय ताहा वोचाडने केरता एक दिहरा सोडवणाराह मोकल्यो।

![](https://cdn.door43.org/obs/jpg/360px/obs-en-16-17.jpg)

जीवात मोक्ताच वार एनी: इस्राएली माणहे पाप केरती, बोगवान ताहा दण्ड आपी,एने बोगवान ताहा सोडवणे एखादाह मोकलीह।काहिक वोर्ह्या वोर,बोगवान मोक्ताच सोडवणाराह मोकल्यो जा इस्राएलिह तान दुश्मना से वोचाडया।

![](https://cdn.door43.org/obs/jpg/360px/obs-en-16-18.jpg)

आखरी,ता माणहे दिहरा देशान गेत बोगवाना फाय तान केरता एक राजा मांग्या। ता एक ओहलो राजो होदताला जो लांबो एने ताकेतवोर रेय,जो लेडायीम ताह लीन चाली।बोगवानाह तान जी वाट नाह पोटणी,पुण तो ताहा तोहलोच राजा आप्यो जोहलो ता होदताला।

*न्यायियों अध्याय 1-3; 6-8; 1 शमूएल 1-10 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_16_128kbps.m4a

## 17. दाऊद हेरी बोगवानन वायदो

https://openbiblestories.org/l/nlx/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राएल ने पेहलो राजो। तो लांबो एने सुंदर एतो, जोहलो ता माणहे तो एकदाम तोहलोच एतो। इस्राएल पोर राज्य केरणेन काहिक वोर्ह्या वोर शाऊल एक हाजो राजा एतो।पुण बाद माय तो एक दुष्ट माणूह बोण गियो तो बोगवानन वात नाह मान्यो,केरिन बोगवान एक दिहरा माणहाह निवाडयो जो एक दिह तान जागे राजो बोणतो।

![](https://cdn.door43.org/obs/jpg/360px/obs-en-17-02.jpg)

बोगवान दाऊद नावान एक जवान इस्राएली एदमीहएक शाऊलने जागे राजा एणेन केरता तियार केऱ्यो। दाऊद बैतलहमाण एक गोवाल्यो एतो। एक टायमे, दाऊद सिंहाह एने रीसडाह टाकिल एतो काहाकाय तो आबाक ने मेंडराह होमाल तालुन ता मेंडराह मारणे आवील एता। दाऊद एक नम्र एने धर्मी माणूह एतो। तो बोगवाना पोर भोरहू केऱ्यो एने तान वातीह मानतालो।

![](https://cdn.door43.org/obs/jpg/360px/obs-en-17-03.jpg)

जेवी दाऊद एवी जुवान एदमीच एतो, तो लांबा चोवडा गोलियात हेरी लेडायी केऱ्यो। गोलियात एक हाजो सैनिक एतो। तो जुलुम मोजबुत एने तीन मीटर लांबो एतो! पुण बोगवान गोलियाताह मारणेन एने इस्राएलाह वोचाडणेनम दाऊदान मोदेत केऱ्यो। ता बाद, दाऊद इस्राएलान दुश्मना पोर मोक्ताच वार जीक्यो। दाऊद एक मोठलो बड़ा सैनिक बोण गियो, एणेन तो मोकतीच लेडायीम इस्राएली सेनाह लीन चाल्यो। माणहे ताह जुलुम हाजो केताला।

![](https://cdn.door43.org/obs/jpg/360px/obs-en-17-04.jpg)

माणहे दाऊदाह जुलुम हाजो केरताला का शाऊल ताह कुयराणे बाज गियो। आखरी तो ताह मार देणे होदतालो,केरिन दाऊद ताह एने तान सैनिकाह रीन लीकणे जेंगलाम नाह गियो। एक दिह, जेवी शाऊल एने तान उसके सैनिक दाऊदाह होदताला शाऊल गुफाम गियो। जी ति गुफा एती जी माय दाऊद लीकायी एतो, पुण शाऊल ताह नाह दिखील एतो। दाऊद शाऊलान आहने आवो एने तान फाडकान एक तुकदो काट लेदो। बाद माय, जेवी शाऊल ति गुफाम रीन निकलनो ते दाऊद ताह आयडीन तो फाडकान टुकडो देख्याडयो। जी रीति से, शाऊल जाण लेदो कि दाऊद राजा बोणनेण ता ह मारणेन नाकार दिनो।

![](https://cdn.door43.org/obs/jpg/360px/obs-en-17-05.jpg)

काहिक समय बाद, शाऊल लेडायीम मोर गियो, एने दाऊद इस्राएल ने राजा बोण गियो। तो एक हाजो राजा एतो, एने माणहे ता पोर मोंग केरताला। बोगबान दाऊदाह आशीषित केऱ्यो एने ताह जीक आप्यो। दाऊद मोक्ताच लेडायी लेड्या, एने बोगवान इस्राएलह तान दुश्मनाह जीकणेम तान मदत केऱ्यो। दाऊद न यरूशलेम हेयराह जीकिन ताह तान राजधानी बोणाव्यो, जाहरी तो रेनो एने राज्य केऱ्यो। दाऊद चालीह वोर्ह्या वोर राजो रेनो। ज्या टायमाम, इस्राएल ताकेतवोर एने मालदार बोण गियो।

![](https://cdn.door43.org/obs/jpg/360px/obs-en-17-06.jpg)

दाऊद एक मंदिर बोणावणे होदतालो जाहरी आखा इस्राएली बोगवानान आराधना केर सकती एने तान करता बली तान केर सकती। कोमी ते कोमी 400 वोर्ह्या से, ता माणहे मूसान बोणायील मिलाप वाला तंबूम बोगवान आराधना केरताला एने तान केरीन ए बलि चडावताला।

![](https://cdn.door43.org/obs/jpg/360px/obs-en-17-07.jpg)

पुण ताहरी नातान नावान एक भविष्यवक्ता एतो।बोगवान ताह दाऊदाह ज्यो केणे मोकल्या: "तु जुलुम लेडायी लेडील हि, केरीन तु मार केरता ज्या मंदिराह नाय बोणावही। तार सोरो। तीभी,मी तुवाह बोरपुर आशीषित केरूह।तारो वोच कायकम ने केरता मारा केरीन राज्य केरती।" कायम ने केरता राज्य केरणार दाऊदान तो एकमात्र वोच मसीह एतो। मसीह बोगवानान निवाडील एतो जो केलीन माणहाह तान पापाम रीन वोचडी।

![](https://cdn.door43.org/obs/jpg/360px/obs-en-17-08.jpg)

जेवी दाऊद नातान ने संदेश होमल्यो ते तो बोगवानाह धन्यवाद केऱ्यो एने तान स्तुति केऱ्यो। बोगवाना ताह उचो केरतालो एने ताह जुलुम आशीष आप तालो। दाऊद नाह जाणतालो का बोगवान ज्यू वातूह केविह केरी। एवी आपु जाणतेह काय इस्राएलिह एक लांबा टायम वोर, कोमी ते कोमो 1,000 वोर्ह्या वोर मसीह ने आवणेन वात जोवणे पोडी।

![](https://cdn.door43.org/obs/jpg/360px/obs-en-17-09.jpg)

दाऊद मोक्ताच वोर्ह्या वोर आपणा माणहा पोर न्यायपूर्वक राज्य केऱ्यो।तो बारकायी से बोगवानान वात मान्यो एने बोगवान ताह आशीषित केऱ्यो।पुण तो तान जीवनान आख्री -आख्री बोगवानान विरुद्ध मोठलो पाप केऱ्यो।

![](https://cdn.door43.org/obs/jpg/360px/obs-en-17-10.jpg)

एक दिह दाऊद तान किल्ला बाहेर देख्यो एने तो एक सुंदर बायकूह उनगेल तालो देख्यो। तो तीह नाह ओलखतालो,पु तो मालूम केर लेकु का तीन नाव बतशेबा एतो।

![](https://cdn.door43.org/obs/jpg/360px/obs-en-17-11.jpg)

तान नजर फिराव लेणेन नाह ने, दाऊद तीह ताफाय हादणे कुणीह तीभी मोकल्यो। तो ति हेरी हुव्यो एने तीह वापस मोकेल घेर देनो। थोडाच टायमा बाद बतशेबा ज्यो केयीन मोकली का ति गर्भवती हि।

![](https://cdn.door43.org/obs/jpg/360px/obs-en-17-12.jpg)

बतशेबान जोवाय ऊरिय्याह नावान एक माणुह एतो। तो दाऊदान हाजा सेवका माय रीन एक एतो। ति टायमे तो लेडयी करणे बाहेर जाय रीयील एतो। दाऊद ऊरिय्याह लेडायीम रीन वापस हाद लेदो ताहा ताहा तान लाडी हेरी रेणेन केयो।पुण परन्तु सैनिक लेडायी माय एता केरिन ऊरिय्याह घेर जाणेन नाह केय देनो। ओवतो दाऊद ऊरिय्याह वापस लेडायीम मोकेल देनो एने सेनापतिह केयो का ताह लेडायीम ओहली जागे मेलणे कियो जाहरी दुश्मन जादा ताकेतवोर रेय काहाकाय तो मोर जाय। ते ओहलोच एनो का ऊरिय्याह लेडायीम मोर गियो।

![](https://cdn.door43.org/obs/jpg/360px/obs-en-17-13.jpg)

ऊरिय्याह ने लेडायीम मोर जाणेन बाद दाऊद बतशेबा हेरी वाराड केर लेदो। बाद मेमाय, ति दाऊदान सोराह जन्म आपी। दाऊद जो किरील एतो तासे बोगवान जुलुम रागाम एतो,केरीन तो नातान भविष्यवक्ताह दाऊदाह ज्यो केणे मोकल्यो का तो किरील तो पाप कोलोक खराब एतो। दाऊद तान पापान पश्चाताप केऱ्यो एने बोगवान ताह क्षमा केर दिनो।तान बाकी जीवनाम, तान काठाला दिह्याम भी भी दाऊद बोगवानान पासाण-पासाण चाल्यो एने तान वात मान्यो।

![](https://cdn.door43.org/obs/jpg/360px/obs-en-17-14.jpg)

पुण दाऊद ने सोरो मोर गियो। जी रीति से बोगवान दाऊदाह दण्ड आप्यो। ज्या सीवाय, दाऊद मोरणे वोर,तान परिवार ने काहिक माणहा विरुद्ध लड़ायी केऱ्यो,एने और दाऊद ने शक्ति कोम एय जायील एती।पुण बोगवान विश्वासयोग्य एतो एने एवी भी तो केऱ्यो जो केरणेन तो दाऊद हेरी वायदो केरील एतो का मी केरूह, भले दाऊद वात टालील एतो। बाद माय, दाऊद एने बतशेबा न दूसरो सोरो एनो,एने ता ता सोरान नाव सुलैमान मेल्या।

*1 शमूएल अध्याय 10; 15-19; 24; 31; 2 शमूएल 5; 7; 11-12 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_17_128kbps.m4a

## 18. राज्यान भाग

https://openbiblestories.org/l/nlx/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा चालीह वोर्ह्या पोर राज्य केऱ्यो। ओवतो तो मोर गियो, एने तान सोरो सुलैमान इस्राएल राज्य केरणेन चालू केऱ्यो।बोगवान सुलैमान फुशो का तुवाह आखासे जादा काय जुवी काय बोगवान तान केरता केरी। सुलैमान बोगवानाह केयो का माहु जुलुम बुद्धिमान बोणाव दि। जी वात बोगवानाह पोटनी, करीन सुलैमानाह आखी केलीम बुद्धिमान माणुह बोणाव दिनो। सुलैमान मोक्तीच वातूह हिक्यो एने तो एक बुद्धिमान राजो एतो। बोगवान ताहा जुलुम मालदार बोणाव्यो।

![](https://cdn.door43.org/obs/jpg/360px/obs-en-18-02.jpg)

यरूशलेम माय सुलैमान ति मंदिरीह बोणाव्यो जीह बोणावणेन तान आबुक केरील एतो एने सामान टोलु केरील एतो। एवी माणहे मिलाप वाला नाह ने ती मंदिर माय बोगवानान आराधना केरताल एने ता केरता बली चेढावताला। बोगवान आवीन मंदिर माय रेया केरतालो एने ताहरी तो तान माणहा हेरी रेतालो।

![](https://cdn.door43.org/obs/jpg/360px/obs-en-18-03.jpg)

पुण सुलैमान दिहरा देशान बायकूह पोर प्रेम केऱ्यो। एने तो जुलुम होवटी, 1,000 बायकु हेरी वाराड केरीन बोगवानान आज्ञा टाल्यो! ज्यू माय रीन जुलुम बायकू दिहरा देशानम रीन आयील एत्यू एने त्युन बोगवानान भोक्ती केरताल्यु। जेवी सुलैमान डावालो एय गियो तो भी त्युन बोगवानान भोक्ती केऱ्यो।

![](https://cdn.door43.org/obs/jpg/360px/obs-en-18-04.jpg)

ज्या कारण से बोगवान ता हेरी रागाम एतो। तो केयो का इस्राएल देशाह दुय राज्य माय वाटणेन द्वारा ताह दण्ड आपूह। तो सुलेमाल मोर जाय तेवी ज्यो केरण्यो एतो।

![](https://cdn.door43.org/obs/jpg/360px/obs-en-18-05.jpg)

सुलैमानान मोरणे बाद, रहबाम राजा बोणनो। इस्राएल देश ने आखा माणहे ताह आपणो राजान रूप माय स्वीकार करणे एकठा।ता रहबामाह केयो का सुलैमान आमुह जुलुम मेहनत केरायील एतो एने जुलुम केर वोसूल केरील एतो। ता रहबाम विनता केऱ्या ताहा कोम काम केरावी।

![](https://cdn.door43.org/obs/jpg/360px/obs-en-18-06.jpg)

पुण रहबाम ताहा मूर्खता से उत्तर आप्यो, "तुमु केतेह का मार आबुक सुलैमान तुमूह जुलुम मेहनत केरायील।पुण मी तुमूह उंजू जादा मेहनत केरावूह, एने तुमूह तासे भी जादा तेकलीत केरावूह।"

![](https://cdn.door43.org/obs/jpg/360px/obs-en-18-07.jpg)

जेवी माणहा ताह ज्यो केतालू होमल्या ते ता माय रीन मोक्ताच जाणा तान विरोध करणे लागा। दोह जाती ताह छोड़ देनी ; ताहेरी एवी फक्त दुय जाती वोचील एति। ज्या दुय जात्यू स्वताह यहूदान राज्य केया।

![](https://cdn.door43.org/obs/jpg/360px/obs-en-18-08.jpg)

बाकीन दोह जाती यारोबाम नावान एक एदमीह राजा बोणाव्या।ज्यू जाती देशान उत्तर-पूर्वी भागा एत्यू। ती स्वताह इस्राएल ने राज्य केया।

![](https://cdn.door43.org/obs/jpg/360px/obs-en-18-09.jpg)

पुण यारोबाम बोगवानान विरुद्ध पाप केऱ्यो एने माणहाह पाप केराव्यो।तो तान माणहाह भोक्ती केरावने मूर्ति बोणाव्यो। ता एवी यहुदान राज्याम यरूशलेम माय बोगवानान मंदिर माय तान आराधना केरणेन नाह गिया।

![](https://cdn.door43.org/obs/jpg/360px/obs-en-18-10.jpg)

यहूदा एने इस्राएल ने राज्य दुश्मन बोण गिया एने ताल ताल एक दिहरा हेरी लेडाणे लागा।

![](https://cdn.door43.org/obs/jpg/360px/obs-en-18-11.jpg)

इस्राएल ने नोवाला राज्यमा, आखा राजा दुष्ट एता। ज्या मायरीन मोक्ताच राजा तान जागे राजा बोणनेण होदणेम दिहरा इस्राएलि राजान द्वारा माराय गिया।

![](https://cdn.door43.org/obs/jpg/360px/obs-en-18-12.jpg)

इस्राएल राज्य ने जादातर आखा राजा मूर्तिन भोक्ती केऱ्या। तेवी ता इही केऱ्या, ता वेश्या हेरी हुवताला एने मोक्ताच वार मूर्तिन ओंगाण सोराह भी बलि केऱ्या।

![](https://cdn.door43.org/obs/jpg/360px/obs-en-18-13.jpg)

यहूदा राज्य ने राजा, दाऊद ने वोने एता। ता राजाम रीन काहिक जाणा हाजा माणहा एता ता न्याय से राज्य केऱ्या एने बोगवानान आराधना केऱ्या।पुण यहूदा जादातर राजा दुष्ट एता। ता दुष्टता से राज्य केऱ्या, एने और मूर्तिन भोक्ती केऱ्या। ता माय रीन काहिक राजा झूठा बोगवानान ओगाण तान सोरा भी बली केर देना। यहूदान जादातर माणहे भी बोगवानान विरोध केऱ्या एने दिहरा बोगवानान भोक्ती केऱ्या।

*1 राजा अध्याय 1-6; 11-12 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_18_128kbps.m4a

## 19. भविष्यवक्ता

https://openbiblestories.org/l/nlx/story-19/

![](https://cdn.door43.org/obs/jpg/360px/obs-en-19-01.jpg)

बोगवान इस्राएलि फाय भविष्यवक्ताह मोकेलतीच रेतालो। भविष्यवक्ता बोगवानान फाय रीन वात होमलीन एने माणहाह केताला।

![](https://cdn.door43.org/obs/jpg/360px/obs-en-19-02.jpg)

जेवी अहाब इस्राएल राज्य पोर राजा एतो ते ता टायमे एलिय्या भविष्यवक्ता एतो। अहाब एक खराब माणुह एतो। तो झूठा बाल बोगवानान भोक्ती माणहाह केरणे लागाडतालो।केरीन एलिय्याह अहाबाह केयो का बोगवान ता माणहाह दण्ड आपण्यो हि। तो ताहा केयो, "मी जुलबुखे वोर पोशो नय केव का का पाणी पोड ताह वोर इस्राएल राज्य माय पाणी नाय पोडी एने नाय ओहटो।" जी वात से अहाबाह जुलुम राग आवो का तो एलिय्याह मार टाकणे केऱ्यो।

![](https://cdn.door43.org/obs/jpg/360px/obs-en-19-03.jpg)

केरीन बोगवान एलिय्याह केयो का जेगलाम जायीन लीकाय अहाब से लीकाय जा। एलिय्याह जेगलाम ता बोदरान जागे गियो जाहरी बोगवान ताह जाणे केरता कियील एतो। दाळीन वेगोच एने हांजपोर, कागला एलिय्याहने केरता रूट एने माह लीन आवताला। जी टायमे, अहाब एने तान सेना एलिय्याह होदताला, पुण तो ताह नाह सापडणो।

![](https://cdn.door43.org/obs/jpg/360px/obs-en-19-04.jpg)

पाणी नाय पोडने से काहिक टायमा बाद तो खोदरो हुक गियो।केरीन एलिय्याह आहनल्या एक देशांम जात रिनो। ता देशाम एक गेरीब विधवा एति तीन एक सोरो एतो। ता फाय खाणो निवरी जायील काहाकाय ताहरी कायच उगील नाह एतो। पुण तीभी,ति बायकु एलिय्याहन देखभाल केरी, केरीन बोगवान तीन एने तीन सोरान गरजा पुरी केऱ्यो, ज्या कारण से तीन फिटान एने तेलान ठामलो केदी खाली नाह एनो। ता पुरा आकाल ने टायमे ताफाय खाणो एतो। एलिय्याह काहिक वोर्ह्या ताच रेनो।

![](https://cdn.door43.org/obs/jpg/360px/obs-en-19-05.jpg)

साढ़े तीन वोर्ह्या बाद, बोगवान एलिय्याह केयो का तो पोशो पाणी पाडण्यो हि। तो एलिय्याह वापस इस्राएल राज्य माय जायीन अहाब हेरी वात करणे लागाडयो। केरिन एलिय्याह अहाब फाय पोशो गियो। जेवी अहाब ताह देख्यो ते केयो, "हा हि काय, पिढा लावणार!" एलिय्याह केयो, "पिढा लावणार तुच हि। तु यहोवाह सोड दियील हि। तोच खेरो बोगवान हि,पुण तु बाल ने भोक्ती किरीह। एवी तुवाह इस्राएल राज्य ने आखा माणहाह कर्मेल बोयडापोर लीन आवणो हि।"

![](https://cdn.door43.org/obs/jpg/360px/obs-en-19-06.jpg)

ओवता आखा माणहे कर्मेल बोयडा पोर गिया। ता माणहे भी आवा जा केताला का ता बाल ने वातूह केणु। ज्या बाल ने भविष्यवक्ता एता।ता आखा 450 एता। एलिय्याह ता माणहाह केयो, "कुलबुखे वोर तुमु तुमरा मोनाह फिराव रीहो? जर यहोवा बोगवान हि तान आराधना केरो! जर बाल बोगवान हि ते तान भोक्ती केरो!"

![](https://cdn.door43.org/obs/jpg/360px/obs-en-19-07.jpg)

तेवी एलिय्याह बाल ने भविष्यवक्ताह केयो, "एक बोयलाह बलि केरीन तान माह बलीदान केरणे केरता एक वेदी पोर मेलो, पुण आगठो मा लागाड हो। मी भी तिहीच केरूह, एने एक अलग वेदी पोर ता माहाह मेलूह।तेवी जर बोगवान वेदी पोर आगठो पोडी ते तुमु जाण जाहू का बोगवान खेरलो हि।" तेवी बाल भविष्यवक्ता एक बलि तीयार केऱ्या, पुण आखठो नाह लागाडया।

![](https://cdn.door43.org/obs/jpg/360px/obs-en-19-08.jpg)

तेवी बाल ने भविष्यवक्ता बाल फाय प्रार्थना केऱ्या का, "हे बाल, आमरो होमेल!" पूरे दिह ता प्रार्थना केऱ्या एने आयड्या एने ता स्वताह भी चाकू केरिन काट लेदा, पुण बाल उत्तर नाह आप्यो, तो आगठो नाह लागाडयो।

![](https://cdn.door43.org/obs/jpg/360px/obs-en-19-09.jpg)

बाल कने भविष्यवक्ता बालाह प्रार्थना केरणेम पुरो दिह लागाड देना। ओवता ता प्रार्थना केरणेन बोंद केर देना।तेवी एलिय्याह दिहरा बोयलान माहाह बोगवानान वेदी पोर मेल दिनो। ता बाद,एने तो तान माणहाह पाणीन मोठला थामला केरीन तुलबुखे वोर टाकने केयो जुलबुखे वोर माह,लाकडा,एने वेदिन आसपास वाली आखी बुय बीज नाह गीयी।

![](https://cdn.door43.org/obs/jpg/360px/obs-en-19-10.jpg)

तेवी एलिय्याह प्रार्थना केऱ्यो, "हे यहोवा, अब्राहम, इसहाक, एने याकूबाण बोगवान,आमुह देखाड का तूच इस्राएल ने बोगवान हि एने ज्यो का मी तार दास हि। उत्तर आप काय ज्या माणहे जाण जाती का तूच खेरलो बोगवान हि।"

![](https://cdn.door43.org/obs/jpg/360px/obs-en-19-11.jpg)

ताहरूच, वादलाम रीन आगठो पोडणो एने तो माह,लाकडा,देगडा,माटळ्यो एने वदीन आसपास वालो पाणीह भी हेलगाड देनो।जेवी माणहे देख्या, ता बुयीपोर पोडन केया, "यहोवा ही बोगवान हि! यहोवा ही बोगवान हि!"

![](https://cdn.door43.org/obs/jpg/360px/obs-en-19-12.jpg)

तेवी एलिय्याह केयो, "बाल ने एक भी भविष्यवक्ता वोची जाणे नाय जुवी!" केरीन माणहे बाल ने भविष्यवक्ताह देर लेदा एने ताहरी रीन सेटा लिजायीन मार टाक्या।

![](https://cdn.door43.org/obs/jpg/360px/obs-en-19-13.jpg)

तेवी एलिय्याह ने अहाब राजाह केयो, "जल्दी तार घेर नाह जा, काहाकाय पाणी पोडण्यो हि।" जल्दीच वादला काला एय गिया,एने मोठलो पाणी चालू एनो। यहोवा ता आकालाह बोंद केर देनो। ज्या से मालूम पोडणो काय यहोवाच खेरलो बोगवान हि।

![](https://cdn.door43.org/obs/jpg/360px/obs-en-19-14.jpg)

जेवी एलिय्याह तान कामाह निवराव देनो, ते बोगवान एलीशा नावान एदमीह तान भविष्यवक्ता एणेन निवाडयो। बोगवान एलीशान द्वारा जुलुम चमत्कार केऱ्यो। एक चमत्कार नामान हेरी एनो। तो एक दुश्मनान सेनान सरदार एतो, पुण ताह चामडान रोग एय जायील एतो। नामान एलीशा बारामाय होमलील एतो, केरीन तो एलीशा फाय आवो एने तो ताह हाजो केरणेन विन्ता केरणे लागो। एलीशा नामानाह केयो यरदन नदीन पाणीन सात वार बुडीन निकेल जी।

![](https://cdn.door43.org/obs/jpg/360px/obs-en-19-15.jpg)

नामान रागामाय आव गियो। तो इही करणे से नाकार देनो,काहाकाय ज्यो ताह मुर्खतान काम लागनो।पुण बाद माय तो तान मोन बोदेल लेदु एने जायीन यरदन नदीन पाणीम सात वारीन बुडीन निकल्यो। जेवी तो आखरी वार पाणीम रीन बाहेर निकेलनो बोगवान ताहा हाजो केर देनो।

![](https://cdn.door43.org/obs/jpg/360px/obs-en-19-16.jpg)

बोगवान इस्राएल ने माणहा फाय दिहरा जुलुम भविष्यवक्ताह मोकल्यो। ता सोब ता माणहाह मूर्तिन भोक्ती केरणेन बोंद करणे केया। एने ताह, एक दिहरा हेरी न्याय ने व्यवहार करणे जुवी एने एक दिहरा पोर दया करणे जुवी ज्यो केया। ता भविष्यवक्ता माणहाह चेतावणी आप्या का खाराब कामाह सोडो एने बोगवानान वातु पालन केरणू हि।जर ता माणहे इहि नाय केरती ते बोगवान ताह दोषी मानीन तान न्याय केरी, एने ताह दण्ड आपी।

![](https://cdn.door43.org/obs/jpg/360px/obs-en-19-17.jpg)

जादातर टायमे, ता माणहे बोगवानान आज्ञान पालन नाह केरताला। सद्या ता भविष्यवक्ता हेरी हाजो व्यवहार नाह केऱ्या कधी-कधी ते ता ताह मार टाक ताला। एक वार, ता यिर्मयाह भविष्यवक्ताह हुकील वावडीम टाक देना का तो मोर जाय। वावडीम गाराडाम गाडाय गियो।पुण राजाह ता पोर दया आवी ते तो तान सैनिकाह केयो का यिर्मयाह मोरणेन पेल वावडीम रीन बाहेर खेच लिवो।

![](https://cdn.door43.org/obs/jpg/360px/obs-en-19-18.jpg)

भविष्यवक्ता बोगवानान उखेर रीन बोलणेन बोंद नाह केऱ्यो बोले माणहे तापोर राग केरने लागा तीभी। ता माणहाह चेतावणी आप्या का जर ता पश्चाताप नाय करती ते बोगवान ताहा नाश केर देय। ता माणहाह ज्यो भी केया का बोगवान ताफाय मसीहाह मोकेलणेन वायदो केरील हि।

*1 राजा अध्याय 16-18; 2 राजा 5; यिर्मयाह 38 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_19_128kbps.m4a

## 20. बंदीम एने वापस आवणो

https://openbiblestories.org/l/nlx/story-20/

![](https://cdn.door43.org/obs/jpg/360px/obs-en-20-01.jpg)

इस्राएल राज्य एने यहूदा राज्य दुय भी बोगवानान विरुद्ध पाप केऱ्या। ता ता वायदाह तोड देना जो ता बोगवानान हेरी सीनाय बोयडा पोर केरील एता। बोगवान ताहा पश्चाताप केरावने एने पोशो तान तान आराधना केरणेन चेतावणी आपणेन भविष्यवक्ताह मोकल्यो, पुण ता तान वातुह नाकार देना।

![](https://cdn.door43.org/obs/jpg/360px/obs-en-20-02.jpg)

ओवतो बोगवान ताहा तान दुश्मना ताहा नाश केरणेन मोदत करणे द्वारा ता दुय भी राज्या दण्ड आप्यो। अश्शूर एक दिहरो देश एतो तो जुलुम ताकेतपोर एय जायील एतो।ता दिहरी देशा पोर किव नाह केरताला। ता आवीन इस्राएल ने राज्याह नाश केर देना। अश्शूरि आवीन इस्राएल ने जुलुम जाणाह मार देना, जो पोटी ताः लुट लेदा, एने देश मोक्ताच भागाह हेल्गाड देना।

![](https://cdn.door43.org/obs/jpg/360px/obs-en-20-03.jpg)

अश्शूरि सोब मुखीह, मालदार माणहाह,एने ओहला माणहे जा किमती वोस्तु बोणावताला एकठा केरीन अश्शूर देश लीजात रेना। इस्राएल माय फक्त काहिक गरीब इस्राएली वोचना।

![](https://cdn.door43.org/obs/jpg/360px/obs-en-20-04.jpg)

ओवता अश्शूरी माणहे ता देशांम रेणे केरता दिहरा देशान माणहाह लीन आवा। ता दिहरा देशान माणहे ता हेयराह पोशा बोनाव्या। जा इस्राएली ताहरी वोचील एता ता वाराड केऱ्या। ता माणहान वोच सामरी केवाना।

![](https://cdn.door43.org/obs/jpg/360px/obs-en-20-05.jpg)

यहूदान राज्य ने माणहे देख्या का किहिक बोगवान ता पोर विश्वास नाह करणे से एने तान वात नाह मानणे से इस्राएल ने राज्यह दण्ड आप्यो। पुण ति भी ता कनान ने बोगवानान मूर्तिन बोक्ती केरणे सोडया नाह की उपासना की। बोगवान ताह चेतावणी आपणेन भविष्यवक्ता मोकल्यो तीभी ता नाह मान्या,पुण ता होमल्या नाह।

![](https://cdn.door43.org/obs/jpg/360px/obs-en-20-06.jpg)

कोमी ते कोमी 100 वोर्ह्या बाद अश्शूरि इस्राएल ने राज्यहा नाश केर देना। बोगवान बेबीलोन ने राजा, नबूकदनेस्सराह यहूदान राज्यपोर लेडायी केणेन मोकल्यो। बेबीलोन एक ताकेतवोर देश एतो। यहूदान राजा नबूकदनेस्सरान दास बोणनेण एने जुलुम धेन देर वोरही आपणेन तियार एय गियो।

![](https://cdn.door43.org/obs/jpg/360px/obs-en-20-07.jpg)

काही वोर्ह्या बाद, यहूदानब राजा न बेबीलोनान विरोध केऱ्यो। ओवतो बेबीलोनि पोशो आवीन यहूदान राज्य पोर लेडायी केर दिनो। ता यरूशलेम ने हेयराह ताबाम केर लेदा, मंदिराह नाश केर देना, एने हेयराह एने मंदिरान खजाननाह लूट ली गिया।

![](https://cdn.door43.org/obs/jpg/360px/obs-en-20-08.jpg)

विरोध केरणेन कारण यहूदान राजाह दण्ड आपणेन केरता, नबूकदनेस्सरान सैनिक राजान सोराह तान सामने मार टाक्या एने ताहा आंधलो केर देना। ता बाद, ता राजाह लीन गिया का तो बेबीलोन ने जेलीम मोर जाय।

![](https://cdn.door43.org/obs/jpg/360px/obs-en-20-09.jpg)

नबूकदनेस्सर एने तान सेना यहूदान राज्य आखा माणहाह बेबीलोन लीन गिया, फक्त आखाम रीन गरीब माणहाह मेल गिया का ता खेताम कामायी केरती।ज्या टायमाह बोनदवायी कियील हि जामाय बोगवानान माणहे वायदान देश माय रीन निकलेण पोडील एतो।

![](https://cdn.door43.org/obs/jpg/360px/obs-en-20-10.jpg)

भोले ही बोगवान आपणा माणहाह तान पापान केरता बोनदिवायीम ली जाणे द्वारा दण्ड आप्यो, तेभी ताहा एने आपणा वायदाह नाह विहऱ्यो। बोगवान आपणा माणहा पोर नेजर मेलतालो एने तान भविष्यवक्ता ने द्वारा ता हेरी वात केरती रेनो। तो ताहा वायदो केऱ्यो का सत्तर वोर्ह्या बाद, ता पोशा वायदान देशाम जाती।

![](https://cdn.door43.org/obs/jpg/360px/obs-en-20-11.jpg)

कोमी ते कोमी सत्तर वोर्ह्या बाद, फारस ने राजा कुस्रू बेबीलोनाह आरवी देणो, केरीन बेबीलोन ने राज्यह रीन फारस ने राज्य मोक्ताच देशा पोर राज्य केऱ्यो। इस्राएली माणहे एवी यहुदी केवाताला।तामाय रीन मोकताच जाणान पुरो जीवन बेबीलोन मायच जात रेणो। फक्त थोडाच डावाला यहूदिह यहूदा देश एर एतो।

![](https://cdn.door43.org/obs/jpg/360px/obs-en-20-12.jpg)

फारसी माणहे जुलुम ताकेतवोर एता, पुण ता तान जीकील माणहा पोर दया केरताला। फारसी माणहान राजा बोणणेन थोडाच टायमा बाद, कुस्रू एक आदेश आप्यो का जो भी यहूदी यहूदा पोशो जाण्यो एय, तो फारस रीन पोशो यहूदा जाय सकीह,। तो ताह मंदिराह बोणावणे धेन भी आप्यो। ओवता बोनदवायीन सत्तर वोर्ह्या बाद यहूदिन एक आत्योच टूलो यहूदा माय यरूशलेमाम आवा।

![](https://cdn.door43.org/obs/jpg/360px/obs-en-20-13.jpg)

जेवी ता माणहे यरूशलेम माय पोचना ता मंदिराह एने हेयरान चार उखर वाला भितडाह पोशा बोणाव्या। फारसी माणहे एवी भी ता पोर राज्य केरताला पुण ता एक वार पोशा वायदान देशाम रेताला एने मंदिर माय आराधना केरताला।

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_20_128kbps.m4a

## 21. बोगवान मसीह ने वाट जोवीह

https://openbiblestories.org/l/nlx/story-21/

![](https://cdn.door43.org/obs/jpg/360px/obs-en-21-01.jpg)

जेवी बोगवान केली बोणायील,तो जाणतालो का ताह एक दिह मसीहाह मोकेलणे पोडी। तो आदम एने हवाह वायदो केरील एतो तो इही केरी।तो हवाह केयील का तिन वोच माय एक जाण जन्म लेय तो गेयळेकान मुंडाह चेंदी। जो गेयळेक हवाह धोकु दियील एतो तो शैतान एतो। बोगवानान ज्यो अर्थ एतो का मसीह पूरी रिती से शैतानाह आरवाड देय।

![](https://cdn.door43.org/obs/jpg/360px/obs-en-21-02.jpg)

बोगवान अब्राहमाह वायदो केरील एतो का तान द्वारा केलीन आखी जातीह जुडी।बोगवान बाद माय केदिह भी मसीहाह मोकेलणेन द्वारा ज्या वायदाह पुरो केरी।तो मसीह केलीन आखी जाती माय ने माणहाह तान पापा माय रीन सोडवी।

![](https://cdn.door43.org/obs/jpg/360px/obs-en-21-03.jpg)

बोगवान मूसाह वायदो केरील एतो का तो भविष्य माय तो मूसान हारको एक दिहरा भविष्यवक्ताह मोकली। ज्यो भविष्यवक्ता मसीह रेय। जी रीति से, बोगवान पोशो वायदो केऱ्यो का तो मसीहाह मोकेलण्यो हि।

![](https://cdn.door43.org/obs/jpg/360px/obs-en-21-04.jpg)

बोगवान राजा दाऊदाह वायदो केऱ्यो का तान वोचनेचे एक जाण मसीह रेय। तो राजा रेय एने बोगवानान माणहे पोर हमेशा राज्य केरी।

![](https://cdn.door43.org/obs/jpg/360px/obs-en-21-05.jpg)

बोगवान यिर्मयाह भविष्यवक्ता केयो का एक दिह तो नोवालो वायदो केरण्यो हि। तो नोवालो वायदो इस्राएल ने माणहा हेरी सीनाय बोयडा पोर केरील जुनाला वायदान गेत नाय रेय।जेवी माणहा हेरी तो तान वायदो केरी, ते तो ता पोर स्वताह प्रकट एय। हर एक जाण जो तासे मोंग केरी एने तान व्यवस्थान पालन केरणेन इच्छा मेली।बोगवान केयो का ज्यो तान व्यवस्थाह तान हृदय पोर लेखणेन गेत रेय। ता तान माणहा रेती,एने बोगवान तान पापाह क्षमा केरी। ज्यो मसीह रेय जो ता हेरी नोवालो वायदो केरी।

![](https://cdn.door43.org/obs/jpg/360px/obs-en-21-06.jpg)

बोगवानान भविष्यवक्ता ज्यो भी केयील हेते का मसीह एक भविष्यवक्ता रेय। एक भविष्यवक्ता तो माणुह रेणे जो बोगवानान वचनाह होमने एने ओवतो माणहाह बोगवानान वचन केणे।जाह मोकेलणेन वायदो तो मसीह एक भविष्यवक्ता होगा। अर्थाम तो मसीह बोगवानान वचनाह हास केरीन होमली, एने माणहाह ता वचनाह हास केरीन हिकाडी।

![](https://cdn.door43.org/obs/jpg/360px/obs-en-21-07.jpg)

इस्राएली याजक माणहान केरता बोगवानान ओगाण बलिदान चढ़ावणे चालूच मेल्या। ज्यो बलिदान माणहान पापान केरता ताहा बोगवाना द्वारा दण्ड आपणेन बोदले चेढावताला। याजक माणहाण केरता प्रार्थना केरता। पुण, तो मसीह तो महायाजक रेय जो बोगवानाह आपणेन केरता एक बलीन रूप माय स्वताह चढ़ाव देय। अर्थाम,तो कधीच पाप नाय केरी,एने जेवी तो स्वताह बलीन केरता आप देय, ते केलीम उंजू काल्लीच दिहरी बलिन जरूरत नेय पोडी।

![](https://cdn.door43.org/obs/jpg/360px/obs-en-21-08.jpg)

माणहाण पोर राजा एने मुखी राज्य केरणू, एने कधी-कधी चुकी केरणू। राजा दाऊद फक्त इस्राएलि पोर राज्य केरील, पुण राजा दाऊद ने वोच ने मसीह पुरी केली पोर राज्य केरी, एने तो हमेशान केरता राज्य केरी। एने, तो हमेशा न्यायपूर्ण रीति से राज्य केरी,एने खेरा निर्णय लेय।

![](https://cdn.door43.org/obs/jpg/360px/obs-en-21-09.jpg)

बोगवानान भविष्यवक्ता मसीह ने बाराम जुलुम वाते कियील हेते। उदाहरण केरता, मलाकी कियील हि का मसीह आवणे पेल एक दिहरो भविष्यवक्ता आवी। तो भविष्यवक्ता जुलुम कामान रेय। एने तिहीच, यशायाह भविष्यवक्ता लिखीह का मसीह एक कुवारी से जन्म लेय।एने मीका भविष्यवक्ता किय्ली हि का मसीह बैतलहम हेराम जन्म लेय।

![](https://cdn.door43.org/obs/jpg/360px/obs-en-21-10.jpg)

यशायाह भविष्यवक्ता कियील हि का मसीह गलील ने भागाम रेय। जा माणहा जुलुम दुखी रेती मसीह ताह शान्ति आपी। तो बोन्दीम वालाह भी सोडवि। मसीह दुखाऱ्याह भीएने जाह होमलात नाह, जाह देखात नाह,जाह बोलात नाह, एने जाह चालात नाह ताह भी हुदारी।

![](https://cdn.door43.org/obs/jpg/360px/obs-en-21-11.jpg)

यशायाह भविष्यवक्ता नज्यो भी केयो माणहाह मसीहाह कुयराती एने ताह स्वीकार नेय केरती। दिहरा भविष्यवक्ता कियी का मसीह ने एक हाथी तान विरुद्ध एय जाय। जकर्याह भविष्यवक्ता कियील हि का ज्यो हाथी ज्यो केरणेन केरता दिहरा माणहा फाय रीन तीस चांदीन सिक्का लेय। एने तिहीच, काहीक भविष्यवक्ता कियील हेते का माणहा मसीहाह मार टाकति, एने ज्यो भी का तान तान फाडकान करता चीठठ्या पाडति।

![](https://cdn.door43.org/obs/jpg/360px/obs-en-21-12.jpg)

भविष्यवक्ता ज्यो भी कियील हेते का मसीह किहिक मोरी। यशायाह भविष्यवाणी किरील का माणहे मसीह ओर थुपति, ता पोर आहती, एने देती। ता ताह टाग देती एने तो जुलुम तेकलीत एने दुखाम मोर जाय, तो कायच चुकि नेय किरील रेय तीभी।

![](https://cdn.door43.org/obs/jpg/360px/obs-en-21-13.jpg)

भविष्यवक्ता ज्यो भी कियील हेते का मसिह पाप नेय केरी। पुण तो ज्यान केरता मोरी का बोगवान ताहा दिहरा माणहान पापान कारण दण्ड देय।ताह मोरनर से माणहा बोगवाना हेरी मेल केर सकती। तान केरता बोगवान होदिह मसीह मोरी।

![](https://cdn.door43.org/obs/jpg/360px/obs-en-21-14.jpg)

भविष्यवक्ता ज्यो भी कियील हेते का बोगवान मसीहाह मोरील माय रीन जीवतो केरी।ज्यो सोब देखाडीह का नोवालो वायदो केरणेन जी बोगवानाच ने योजना एति, काय तो ता माणहाह वोचाड सकी जा तान विरुद्ध पाप किरील एता।

![](https://cdn.door43.org/obs/jpg/360px/obs-en-21-15.jpg)

बोगवान भविष्यवक्ताह मसीह ने बाराम मोक्त्यूच वातु कियील एतो,पुण मसीह ता भविष्यवक्ता ताम रीन कुणाच ने जीवनकाल माय नाह आवो। जी इन भविष्यवाणी आपणेन 400 से जास्ती वोर्ह्या बाद, सही टायमा पोर, बोगवान मसीहाह केलीम मोकली।

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_21_128kbps.m4a

## 22. यूहन्नान जन्म

https://openbiblestories.org/l/nlx/story-22/

![](https://cdn.door43.org/obs/jpg/360px/obs-en-22-01.jpg)

पेलूच, बोगवान तान भविष्यवक्ता हेरी वात केरतालो केरीन ता माणहा हेरी वात केरताला।पुण ता टायमे रीन ओवतो 400 वोर्ह्या वोर तो वात नाह केऱ्यो। तेवी बोगवान जकर्याह नावान भविष्यवक्ता फाय एक स्वर्गदूत मोकल्यो। जकर्याह एने तान लाडी एलीशिबा बोगवानान वात मानताला।ता जुलुम डाया एय जायील एता, एने तान सोरा नाय एता।

![](https://cdn.door43.org/obs/jpg/360px/obs-en-22-02.jpg)

तो स्वर्गदूत जकर्याह केयो, "तारी लाडीह एक सोरो एय। तू तान नाव मेलजी।बोगवान ताह पवित्र आत्मा से बोर देय, एने यूहन्ना माणहाह मसीहाह स्वीकार केरणेन तियार केरी।" जकर्याह उत्तर आप्यो, " मी एने मार लाडी सोरो पोयदा केरणेन केरता जुलुम डाया हेते! मी किहिक होमजु का तु माहु हाचलीन किथी?"

![](https://cdn.door43.org/obs/jpg/360px/obs-en-22-03.jpg)

तो स्वर्गदूत जकर्याह उत्तर आप्यो, "तार फाय जी हाजि ली खुबेर आपणेन माहु बोगवान मोकलील हि।काहाकाय तु माहु पोर विश्वास नाह केऱ्यो,केरीन तु सोरो जन्म लेता वोर मुकुच रीही।" ताहारुच, जकर्याह मुकू एय गियो। एने तो स्वर्गदूत जकर्याह फाय रीन जात रेनो। ज्या बाद, जकर्याह घेर आवो एने तान लाडी गर्भवती एनी।

![](https://cdn.door43.org/obs/jpg/360px/obs-en-22-04.jpg)

जेवी एलीशिबा सोव मोयनान गर्भवती एति, ते तो स्वर्गदूत उचकाहुच एलीशिबान घेरलीह देखानो, जिन नाव मरियम एतो। मरियम कुवारी एति एने वाराडान केरता यूसुफ नावान एदमी हेरी तिन मागणी एय जायील एति। स्वर्गदूत केयो, "तू गर्भवती इही एने एक सोराह जन्म आपही। तुवाह तान नाव यीशु मेलणु हि। तो आखाम रीन मोठला बोवानान सोरो रेय एने हमेशान केरता राज्य केरी।"

![](https://cdn.door43.org/obs/jpg/360px/obs-en-22-05.jpg)

मरियम उत्तर आपी, "ज्यो किहिक एय, काहा का मी ते कुवारी हि?" तीह स्वर्गदूत होमजाडयो, "पवित्र आत्मा तुवा आवी, एने बोगवानान सामर्थ तुवा पोर रेय। केरीन तो सोरो पवित्र रेय, एने तो बोगवानान सोरो रेय।" जो तो स्वर्गदूता पोर मरियम विश्वास केऱ्यो।

![](https://cdn.door43.org/obs/jpg/360px/obs-en-22-06.jpg)

ज्यो एणेन चालूच, मरियम जायीन एलीशिबाह मिलानी। जीही मरियम तीह नमस्कार केरी, एलीशिबान पेटाम वालो सोरो उसलनो। त्यीन केरता बोगवानान जो केरील एतो तासे से ति दुय जाणी खुश एन्यु। एलीशिबा हेरी तीन मोयना रेणेन बाद, मरियम गेर आव पोशी आव लागी।

![](https://cdn.door43.org/obs/jpg/360px/obs-en-22-07.jpg)

ज्या बाद, एलीशिबा सोराह जन्म आपी। जकर्याह एने एलीशिबा ता सोरान नाव यूहन्ना मेल्या, जीहिका तो स्वर्गदूत कियील एतो। तेवी बोगवान जकर्याह बोलणेन हुदार देनो। जकर्याह केयो, "बोगवानान स्तुति एय,काहाकाय बोगवान तान माणहान मोदेत केरणेन एर मिलील हि! हे मारा सोरा, तू आखाम रीन मोठला बोगवानान भविष्यवक्ता रेही। तू माणहाह केही का ता किहिक तान पापा ने क्षमा प्राप्त केरती! "

*लूका अध्याय 1 से एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_22_128kbps.m4a

## 23. यीशुन जन्म

https://openbiblestories.org/l/nlx/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नावान एक धर्मी एदम्या हेरी मरियम की मांगणी एय जायील एति।जेवी तो होमल्यो का मरियम गर्भवती हि ते तो जाणतालो का तो तान सोरो नाह सोथो। पुण, तो मरियमीह बदनाम नाह करणे होद्तालो,केरीन तो ति पोर दया केरीन तीह ठावकोच तलाक आपणेन विचार केऱ्यो।पुण ज्या के पेल का तो ज्यो केरतो, एक स्वर्गदूत तान होपानाम आवीन ताहरी वात केऱ्यो।

![](https://cdn.door43.org/obs/jpg/360px/obs-en-23-02.jpg)

तो स्वर्गदूत केयो, "हे यूसुफ, मरियमीह तार लाडी बोनावने से बीय मा। तीन पेटाम जो सोरो हि तो पवित्र आत्मा उखेर रीन हि।ती एक सोराह जन्म आपी। तान नाव यीशु मेलजी (जान अर्थ हि, 'यहोवा वोचाडीह'), काहा काय तो माणहाह तान पापाम रीन वोचाडी।"

![](https://cdn.door43.org/obs/jpg/360px/obs-en-23-03.jpg)

ओवतो यूसुफ मरियमी हेरी वाराड केर लेदो एने तान लाडी बोणाविन तान घेर लावो, पुण जाह वोर ति ता सोराह जन्म नाह देनी ताहा वोर तो ति हेरी नाह हुवनो।

![](https://cdn.door43.org/obs/jpg/360px/obs-en-23-04.jpg)

जेवी मरियमीन जन्म आपणेन टायम आहने एतो, ते ति एने यूसुफ बैतलहम जाणेन लांबी यात्रा केऱ्या। ताह ताहरी जाणो एतो काहाका रोमी अधिकारी इस्राएल माय रेणारा आखा माणहान गेणति केरण्या एता। ता होदताला का ता आखा माणहे जाहरी तान डाय-डायला रेताला ताहरी जाती। राजा दाऊदान जन्म बैतलहम माय एयील एतो, एने तो मरियम एने यूसुफ दुयून डायलो एतो।

![](https://cdn.door43.org/obs/jpg/360px/obs-en-23-05.jpg)

मरियम एने यूसुफ बैतलहम गिया, पुण ताहरी जेनवारान रेणेन जागो सोडीन ताह रोकाणेन काल्लोच जागो नाह जुडणो। तिच जागे मरियम तीन सोराह जन्म देनी। ती ताह डोरान कोठाम लोटाड देनी काहाकाय ताहरी लोटाडणे जागो नाह एतो। ता तान नाव यीशु मेल्या।

![](https://cdn.door43.org/obs/jpg/360px/obs-en-23-06.jpg)

तीच रात, ताहरी जागेच खेताम गोवाल्या मेंडरान राखवाली केरणे बाज रीयील एता। उचकाहुच, एक चमकदार स्वर्गदूत ताह देखानो, एने ता बिय गिया। तो स्वर्गदूत केयो, "बिऊ मा, काहाकाय माहु फाय तुमरे केरता एक हाजाली खुबेर हि। बैतलहम माय मसीह, राजान जन्म एनोह!"

![](https://cdn.door43.org/obs/jpg/360px/obs-en-23-07.jpg)

जायीन ता सोराह होदु, एने तुमु ताह फाडका माय गुनढाडील एने डोरान कोठाम लोटिल जुडी।" ऊचकाहुच, वादलाम स्वर्गदूता भोराय गियो। ता बोगवान स्तुति केरताल। ता केताला, "आखी महिमा स्वर्ग माय वाला बोगवानाह जुडी। केली पोर ता माणहाम शान्ति एय जान तो चिन्ता केरणे!"

![](https://cdn.door43.org/obs/jpg/360px/obs-en-23-08.jpg)

ओवता स्वर्गदूत जात रेना। एने गोवल्या भी तान मेंडराह सोडीन ता सोराह देखणे गिया। जेल्दीच ता ति जागे पोचना जाहरी यीशु एतो एने ता ताह डोरान कोठाम लोटील देख्या, जीही तो स्वर्गदूत ताह कियील एतो। ता जुलुम खुश एना। एने ता गोवल्या पोशा वापस ताहरी जात रेना जाहरी मेंडरा एता। ता जो देख्या एने होमल्या ता सोबान केरता बोगवानान स्तुति केऱ्या।

![](https://cdn.door43.org/obs/jpg/360px/obs-en-23-09.jpg)

पूर्व माय एक देशाम काहिक एदमी एता।ता तारान अभ्यास केरील एता एने जुलुम बुद्धिमान एता। ता एक अलग ताराह वादलाम देख्या। ता केया ज्यान अर्थ हि का यहूदियान एक नोवाला राजान जन्म एनोह। केरीन ता ता सोराह देखणे केरता ता देशांम जाणेन निर्णय केऱ्या। एक लांबाला प्रवास ने बाद, ता बैतलहम आव एने तो घेर सापडाव्या जाहरी यीशु एने तान आहाक-आबुक रोकायील एता।

![](https://cdn.door43.org/obs/jpg/360px/obs-en-23-10.jpg)

जेवी ता एदमी यीशुह तान आयिक हेरी देख्या ते ता घुटना टेकिन तान आराधना केऱ्या। एने यीशुह मोंगाला भेट। ओवता ता घेर वापस आव गिया।

*मत्ती अध्याय 1; लूका 2 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_23_128kbps.m4a

## 24. यूहन्ना यीशुन बापतिस्मा केरीह

https://openbiblestories.org/l/nlx/story-24/

![](https://cdn.door43.org/obs/jpg/360px/obs-en-24-01.jpg)

एलीशिबा एने जकर्याह ने सोरु यूहन्ना, मोठू एयीन एक भविष्यवक्ता बोण गियो। तो जेंगलाम रेतालो, एने जेंगली मोवाल एने टिड्डया खातालो, एने उटडान चमडान फाडका पेर तालो।

![](https://cdn.door43.org/obs/jpg/360px/obs-en-24-02.jpg)

जुलुम माणहे यूहन्नान वात होमेलणे जेंगलाम निकली आवताला। तो ज्यो केयीन पोरचार केरतालो का, "पश्चाताप किरो, काहाकाय स्वर्गान राज्य आहने हि!"

![](https://cdn.door43.org/obs/jpg/360px/obs-en-24-03.jpg)

जेवी माणहे यूहन्ना संदेशाह होमेलताला, ते ता माय रीन जुलुम जाणा तान पापाम रीन पश्चाताप केऱ्या, एने यूहन्ना ताह बापतिस्मा आप्यो। यूहन्नाह देखणे केरीन जुलुम धार्मिक गेरू भी आवा, पुण ता तान पापान पश्चाताप एने मान्या नाह।

![](https://cdn.door43.org/obs/jpg/360px/obs-en-24-04.jpg)

यूहन्ना धार्मिक गुरूह केयो, "एय जेहरवाला गेयडेक! पश्चाताप केरु एने आपणो वागणो बोदलो। बोगवान आखा ता झाडाह तोड टाकी जो हाजो फोल नाह लावीत, एने तो ताह आगठाम टाक देय।" जो भविष्यवक्ता कियील एता यूहन्ना पुरो केऱ्यो, "देख, जेल्दीच मी तार ओगाण मार खोबऱ्याह मोकलुह जो तार केरता वाट तीयार केरी।"

![](https://cdn.door43.org/obs/jpg/360px/obs-en-24-05.jpg)

काहिक धार्मिक गुरु यूहन्नाह पूछा कि काय तु मसीह हि। यूहन्ना उत्तर आप्यो, "मी मसीह नाह सोथू, पुण तो मार पासाण आवण्यो हि। तो ओलू महान हि का मी तान काडणेन भी योग्य नाह सोथू।"

![](https://cdn.door43.org/obs/jpg/360px/obs-en-24-06.jpg)

अगले दिन, यीशु बपतिस्मा लेने के लिए यूहन्ना के पास आया। जब यूहन्ना ने उसे देखा, तो उसने कहा, "देखो! परमेश्वर का मेमना जो संसार के पापों को उठा कर ले जाएगा।"

![](https://cdn.door43.org/obs/jpg/360px/obs-en-24-07.jpg)

यूहन्ना यीशुह केयो, "मी तुवाह बापतिस्मा आपणेन योग्य नाह सोथू। ज्याह रीन योग्य हि काय तु माहु बापतिस्मा आप। "पुण यीशु केयो, "तु माहु बापतिस्मा आपणे जुवी, काहाकाय ज्यो केरणेन योग्य हि।"ओवतो यूहन्ना ताहा बपतिस्मा आप्यो, पुण यीशु केदी पाप नाह केरील एतो।

![](https://cdn.door43.org/obs/jpg/360px/obs-en-24-08.jpg)

बपतिस्मा लेणेन बाद जेवी यीशु पाणीम रीन बाहेर आवो, ते बोगवानान आत्मा कबूतर ने रूपमा देखानो एने नीचे आवीन तापोर बोहनो। ति टायमे, बोगवान स्वर्गाम रीन वात केऱ्यो। तो केयो, "तू मारो सोरो हि। मी तुवाह प्रेम केरथू, एने मी तुवा से जुलुम खुश हि।"

![](https://cdn.door43.org/obs/jpg/360px/obs-en-24-09.jpg)

परमेश्वर ने यूहन्ना से कहा था, "पवित्र आत्मा नीचे आकर किसी पर ठहर जाएगा जिसे तू बपतिस्मा देगा।" वही परमेश्वर का पुत्र है परमेश्वर एक ही है। परन्तु जब यूहन्ना ने यीशु को बपतिस्मा दिया, तो उसने परमेश्वर पिता को बातें करते सुना, पुत्र परमेश्वर को देखा, जो कि यीशु है, और उसने पवित्र आत्मा को देखा।

*मत्ती अध्याय 3; मरकुस 1:9-11; लूका 3:1 से एक बाइबल की कहानी*

Audio: https://git.door43.org/OBS-TLF/nlx_obs/releases/download/v1/nlx_obs_v1_24_128kbps.m4a

## 25. शैतान यीशुन परीक्षा किरीह

https://openbiblestories.org/l/nlx/story-25/

![](https://cdn.door43.org/obs/jpg/360px/obs-en-25-01.jpg)

यीशुन बापतिस्मा एणेन बाद चालुच, पवित्र आत्मा ताह जेंगलाम लीन गियो। यीशु ताहरी चालीह दिह एने चालीह रात रेनो। ति टायमे तो उपास केऱ्यो, एने शैतान यीशु फाय आवीन ताह पापा केरावणे तान परीक्षा केऱ्यो।

![](https://cdn.door43.org/obs/jpg/360px/obs-en-25-02.jpg)

पेलूच, शैतान यीशुह केयो, "जर तु बोगवानान सोरो एय ते ज्या देगडाह कि काय रोटू बोण जाऊ काहाकाय तु ताह खाय सकहि!"

![](https://cdn.door43.org/obs/jpg/360px/obs-en-25-03.jpg)

पुण यीशु शैतानाह केयो, "बोगवानान वचन माय ज्यो लिखील हि, 'जीवतालु रणेन केरता माणहाह फक्त रोटानुच जरूरत नाह सोथी, पुण ताह ति हर एक वातुन जुरूरत हि जी बोगवान ताह केणे!'"

![](https://cdn.door43.org/obs/jpg/360px/obs-en-25-04.jpg)

तेवि शैतान यीशुह मंदिरान आखाम रीन उचा टोका पोर लीन गियो।तो ताह केयो, "जर तु बोगवानान सोरो एय ते न्या रीन नीचू कुद जा, काहाकाय लिखील हि, 'बोगवान तुवाह वीसणेन केरता आपणा स्वर्गदूताहा आज्ञा आपी का तार पायाम देगडान जेठ नेय लागी।'"

![](https://cdn.door43.org/obs/jpg/360px/obs-en-25-05.jpg)

पुण यीशु तो नाह केऱ्यो जो शैतान ताह केरणे केरता केतालु। पुण, तोक केयो, "बोगवान आखाह बोगवान आखाह किथी, 'तू प्रभु आपणा बोगवानान परीक्षा मा केरही।'"

![](https://cdn.door43.org/obs/jpg/360px/obs-en-25-06.jpg)

ओवतो शैतान ताह केलीन आखा राज्य देखाडयो। तो ताह देखाडयो का ता कोलाक ताकेतवोर एता, एने ता कोलाक हाजा एता। तो यीशुह केयो, "मी तुवाह ज्यो सोब आप देह जर तु मानडया पोडीन माहु वोंडदहि।"

![](https://cdn.door43.org/obs/jpg/360px/obs-en-25-07.jpg)

यीशु उत्तर आप्यो, "हे शैतान, मार फाय रीन जात री! बोगवानान वचन माय तो माणहाह किथी, 'फक्त आपणा प्रभु बोगवानाच ने आराधना किरो। ताह चे बोगवान मानीन फक्त ताच ने आदर किरो।'"

![](https://cdn.door43.org/obs/jpg/360px/obs-en-25-08.jpg)

यीशु शैतानान परीक्षा माय आरवानू नाह, केरीन शैतान ता फायरीन जात रिनो। तेवी स्वर्गदूत आविन यीशुन सेवा करणे लागा।

*मत्ती अध्याय 4:1-11; मरकुस 1:12-13; लूका 4:1-13 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_25_128kbps.m4a

## 26. यीशु सेवान सुरवात किरीह

https://openbiblestories.org/l/nlx/story-26/

![](https://cdn.door43.org/obs/jpg/360px/obs-en-26-01.jpg)

शैतानान परीक्क्षाह नाकारणेन बाद, यीशु पोशो गलील ने भागाम आवो। ज्यो तो जागो एतो जाहरी तो रेतालो। पवित्र आत्मा ताह जुलुम सामर्थ आपतालो, एने यीशु एक जागे रीन दिहरी जागे जायीन माणहाह हिकाडतालो। आखा तान बारामाय हाजी वात केताला।

![](https://cdn.door43.org/obs/jpg/360px/obs-en-26-02.jpg)

यीशु नासरत हेयराम आवो। ज्यो तो गाव हि जाहरी तो आत्योच एतोन रेतालो। शब्बाथान दिह, तो आराधना केरणेन जागे गियो। गुरु ताह यशायाह भविष्यवक्तान संदेशान एक पुस्तक आप्या। ता ताह ति मायरीन वाचाडने होदताला। ओवतो यीशु ती पुस्तक उगाडीन तान एक भाग माणहान केरता वाच्यो।

![](https://cdn.door43.org/obs/jpg/360px/obs-en-26-03.jpg)

यीशु वाच्यो, "बोगवान माहु आत्मा आपील हि का मी गरिबाम सुसमाचार पोरचार केर सकू।तो माहु ज्यान केरता मोकलील हि का मी बोंद्याह सोडवू, आंधलाह पोशो देखाडू, एने ताह सोडवू जा दिहरा माणहा चेंदणे बाज रेनाह। ज्यो तो टायम हि जुलबुखे बोगवान आपु पोर किव केरी एने आपणी मद्त केरी।"

![](https://cdn.door43.org/obs/jpg/360px/obs-en-26-04.jpg)

ओवतो यीशु बोह गियो। आखा माणहे ध्यान लागाडीन देख ताला। ता जाणताला का जो पवित्रशास्त्रान भाग तो वोचील एतो तो मसीह ने बारामाय एतो। यीशु कियो, "जी वातु मी तुमरे केरता एवी वाच्यो, ति एविच एणे बाज रेन्यूह।" आखा माणहे बोंगलाय गिया। ता केया, "काय ज्यू ते यूसुफान सोरो नाह सोथो?"

![](https://cdn.door43.org/obs/jpg/360px/obs-en-26-05.jpg)

तेवी यीशु केयो, " ज्यो खेरोच हि काय माणहे ता भविष्यवक्ताह केदी नाह मानते जो तान हेराम मोठो एनो एय। एलिय्याह भविष्यवक्ता टायमे, इस्राएल जुलुम विधवा एत्यू। पुण जेवी साढ़े तीन वोर्ह्या वोर पाणी नाह आवो ते बोगवान एलिय्याह इस्राएल माय वाली काल्ली विधवान मदत करणे नाह मोकल्यो। पुण, तो एलिय्याह काल्ला दिहराच देशान विधवा फाय मोकल्यो।"

![](https://cdn.door43.org/obs/jpg/360px/obs-en-26-06.jpg)

यीशु केणेन चालूच मेल्यो, "एने एलीशा भविष्यवक्तान टायमे, इस्राएल माय जुलुम माणहा चामडान दुखा वाला एता। पुण एलीशा तामाय रीन कुणीह नाह हुदाऱ्यो। तो फक्त इस्राएल ने दुश्मनान सेनापति नामानाह हुदाऱ्यो।" पुण जा माणहा यीशुह होमेलताला ता यहूदी एता। केरीन जेवी ता ताह ज्यो केतालो होमल्या ते ताह जुलुम राग आवो।

![](https://cdn.door43.org/obs/jpg/360px/obs-en-26-07.jpg)

नासरत ने माणहे यीशुह देर लेदा एने ताह आराधनान जागे रीन गीहलीन बाहेर ली गिया। ता ताह मार टाकणेन केरता नीचे एक डेगडान टोके लावा। पुण यीशु गर्दीम रीन निकली गियो एने नासरत हेयराह छोडीन जात रिनो।

![](https://cdn.door43.org/obs/jpg/360px/obs-en-26-08.jpg)

ओवतू यीशु आखा गलील ने भागाम गियो,एने मोठली गेर्दी ताफाय आवी। ता ओहला जुलुम माणहाह लावा जा दुखाऱ्या एने पांगला एता। ता मायरीन काहिक, चाल एने होमेल,बोल नाय सकताला, एने यीशु ताह हुदाऱ्यो।

![](https://cdn.door43.org/obs/jpg/360px/obs-en-26-09.jpg)

एने तोहलाच, जुलुम ओहला माणहे यीशु फाय आवा जामाय दुष्ट आत्मा एति। यीशुने दुष्ट आत्माह तामायरीन निकेल जाणेन आदेश आप्यो। त्यु दुष्ट आत्मा आयेडताली, "तू बोगवानान सोरो हि!" ति गेर्दीन माणहा बोंगलाय जायील एता,एने ता बोगवावानान स्तुति केऱ्या।

![](https://cdn.door43.org/obs/jpg/360px/obs-en-26-10.jpg)

ओवतो यीशु बारह एदम्याह निवाडयो ताह तो चेला केयो। ता चेला ता हेरी यात्रा केऱ्या एने तान शिक्षा प्राप्त केऱ्या।

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_26_128kbps.m4a

## 27. दयालु सामरीन कहाणी

https://openbiblestories.org/l/nlx/story-27/

![](https://cdn.door43.org/obs/jpg/360px/obs-en-27-01.jpg)

एक दिह, यहूदी व्यवस्थान एक जाणकार यीशु फाय आवो।तो सोबाह ज्यो देखाडने होदतालो काय यीशु गलत रीति से शिक्षा आपणे बाज रेणोह। केरीन तो केयो, "हे गुरु, अनन्त जीवन जुडणेन केरता मी काय केरू?" यीशु उत्तर आप्यो, "बोगवानान व्यवस्थामाय काय लिखील हि?"

![](https://cdn.door43.org/obs/jpg/360px/obs-en-27-02.jpg)

तो माणुह केयो, "तो किथी काय आपणा बोगवानान आपणा आखा मोन, जीव, सामर्थ, एने बुद्धि केरीन प्रेम केर। तार पड़ोसीपोर तार हारको प्रेम केर।" यीशु उत्तर आप्यो, "तु एकदम खेरो किथी! जर तु इही किरही, ते तुवाह अनन्त जीवन जुड जाय।"

![](https://cdn.door43.org/obs/jpg/360px/obs-en-27-03.jpg)

पुण तो व्यवस्थान जाणकार माणहाह देखाडणे होदतालो काय तान जीवणो खेरो एतो। केरीन तो यीशुह पुशो, "ठीक हि, ते मारो पड़ोसी कुण हि?"

![](https://cdn.door43.org/obs/jpg/360px/obs-en-27-04.jpg)

यीशु ता व्यवस्थान जाणकारह एक कहाणी केणे द्वारा उत्तर आप्यो। "एक यहूदी माणुह एतो तो वाटे रीन यरूशलेम रीन यरीहो जाणे बाज रीयील एतो।"

![](https://cdn.door43.org/obs/jpg/360px/obs-en-27-05.jpg)

पुण काहिक डाकु ताह देख्या एने ता पोर हमला केर देना। ता तान आखो सांडाळ लेदा एने ताह मोरताहुद देना। ओवता ता जात रेना।

![](https://cdn.door43.org/obs/jpg/360px/obs-en-27-06.jpg)

ता बाद चालुच, एक यहूदी याजक तीच वाटे रीन सेरकतालो। तो याजक ता माणहाह वाटीपोर पोडील देख्यो।जेवी तो ताह देख्यो ते तो ताह टेलीन ओगाण चाल देनो। तो ता माणहाह नाह देख्यो केवाडीन चाल देनो।

![](https://cdn.door43.org/obs/jpg/360px/obs-en-27-07.jpg)

ता बाद काहिक टायम जाणे एणे बाद, एक लेवी तीच वाटे रीन आवो। (लेवी यहूदिय जात ने एतो जाकाय मंदिरामाय याजकान मदत केरताला) तो लेवी भी वाटे रीन ताह टेलीन चाल देनो। तो भी ताह नाह देख्यो केवाडीन चाल देनो।

![](https://cdn.door43.org/obs/jpg/360px/obs-en-27-08.jpg)

ओगाण जो ति वाटे आवो तो सामरियान एक एदमीएतो। (सामरी एने यहूदी एक दूहरा पोर राग मेलताला।) तो सामरी वाटी पोर पोडील ता माणहाह देख्यो। तो देख्यो का तो यहूदी हि, पुण ति भी तो ता पोर किव केऱ्यो। ओवतो तो ता फाय आवो एने लागील पोर पट्टी बांन्द्यो।

![](https://cdn.door43.org/obs/jpg/360px/obs-en-27-09.jpg)

ओवतो तो सामरी ता माणहाह तान गेदडा पोर बोहाडयो एने ताह रीन एक जागे लीन गियो।ताहरी तो तान चाकरी केऱ्यो।

![](https://cdn.door43.org/obs/jpg/360px/obs-en-27-10.jpg)

दिहरे दिह, ता सामरीह तान यात्रा केणेन जरुरी एतो। तो ताहरी वाला एक माणहाह पोयशा आप्यो। तो ताह केयो, "ज्यो माणहान चाकरी किरजी। जर तुवाह उंजू पोयशा लागती ते मी पोशो आवीन तुवाह आप देह।"

![](https://cdn.door43.org/obs/jpg/360px/obs-en-27-11.jpg)

ओवतो यीशु ता व्यवस्थान जाणकाराह फुशो, "तुवाह काय लागीह? न्या तीन जाणाम रीन कुण ता माणहान पड़ोसी हि जाह लुटील एने दियील?" तो उत्तर आप्यो, "तोच जो ता पोर किव केऱ्यो।" यीशु ताह केयो, "तु तु भी इहीच किरजी।"

*लूका अध्याय 10:25-37 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_27_128kbps.m4a

## 28. मालदार जुवान अधिकारी

https://openbiblestories.org/l/nlx/story-28/

![](https://cdn.door43.org/obs/jpg/360px/obs-en-28-01.jpg)

एक दिह,एक जुवान अधिकारी यीशु फाय आवीन ताह फुस्यो, "हे हाजा गुरु, अनन्त जीवन जुडणेन केरता माहु काय केरणे जुवी?" यीशु ताह केयो, "तू माहु 'हाजो' काहा किथी? फक्त एकुच हाजो हि एने तो बोगवान हि। पुण जर तुवाह अनन्त जीवन जुविह ते बोगवानान व्यवस्थान पालन केर।"

![](https://cdn.door43.org/obs/jpg/360px/obs-en-28-02.jpg)

माहु काल्ली आज्ञान पालन केरणेन जरुरी हि? तो फुस्यो। यीशु उत्तर आप्यो, "खून मा किरही। व्यभिचार मा केरही। चोरी मा केरही। झूठ मा बोलही। आपणा आयिक आबाक ने आदर केरजी, एने आपणा पड़ोसी हेरी आपणे हारको प्रेम केरजी।"

![](https://cdn.door43.org/obs/jpg/360px/obs-en-28-03.jpg)

पुण जो जुवान एदमी केयो, "मी आत्योच एतोन जी सोब आज्ञान पालन केरतीन आवथु। माहु हमेशा जीवतालु रेणेन केरता एवी भी काय करणे जुवी?" यीशु ता पोर दृष्टि केऱ्यो एने तापोर प्रेम केऱ्यो।

![](https://cdn.door43.org/obs/jpg/360px/obs-en-28-04.jpg)

यीशु उत्तर आप्यो, "जर तु खेरो बोनण्यो हि ते जा आपणो आखो वेच दी एने तो धेन गरिबाह वात दी, एने तुवाह स्वर्गाम धेन जुडी। ओवतो आवीन मार पासाण लाग जा।"

![](https://cdn.door43.org/obs/jpg/360px/obs-en-28-05.jpg)

जो यीशु केयो तो जुवान एदमी होमल्यो ते तो जुलुम दुखी एय गियो, काहाकाय तो जुलुम मालदार एतो एने तो आपणी आखी सम्पत्तिह आपणे नाह होदतालु। तो फिरीन यीशु फाय रीन जात रेनो।

![](https://cdn.door43.org/obs/jpg/360px/obs-en-28-06.jpg)

तेवी यीशु आपणा चेलाह केयो, "बोगवानान राज्यमाय मालदार माणहान जाणेन जुलुम कठीण हि! होव, एक मालदार एदमीन बोगवानान राज्य माय जाणेन तुलना कालाह ऊटळान हुयीन डोचाम रीन निकेल जाणो सोपो हि "

![](https://cdn.door43.org/obs/jpg/360px/obs-en-28-07.jpg)

जो यीशु केयो तो जेवी चेला होमल्या ते ता बोंगलाय गिया। ता केया, "जर ओहलो हि ते बोगवान कुणीह वोचाडी?"

![](https://cdn.door43.org/obs/jpg/360px/obs-en-28-08.jpg)

यीशु चेलाह देख्यो एने केयो, "माणहान केरता स्वतान उद्धार केरणेन असम्भव हि। पुण बोगवानान केरता कायीच भी केरणेन असम्भव नाह सोथो।"

![](https://cdn.door43.org/obs/jpg/360px/obs-en-28-09.jpg)

पतरस यीशुह केयो, "आमु चेला आखो सोडीन तार पोसाण आवाह। आमरो काय ईनाम रेय?"

![](https://cdn.door43.org/obs/jpg/360px/obs-en-28-10.jpg)

यीशु उत्तर आप्यो, "आखा जाण जो मार कारण घेर, बाहाक,बोणीक,आबुक,आहाक,सोरा, सम्पत्तिह सोडील हि, तो ताहरीन 100 पट जादा जुडी अनन्त जीवन भी जुडी।पुण जुलुम पेहला हेते ता पासाणल्या एती, एने जुलुम पासाणल्या हेते ता पेहला एती।"

*मत्ती अध्याय 19:16-30; मरकुस 10:17-31; लूका 18:18-30 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_28_128kbps.m4a

## 29. निर्दयी दास ने कहाणी

https://openbiblestories.org/l/nlx/story-29/

![](https://cdn.door43.org/obs/jpg/360px/obs-en-29-01.jpg)

एक दिह, पतरस यीशुह फुस्यो, "हे गुरु, माहु मी बाहाकाह कोलाक वार क्षमा केरणे जुवी जेवी तो मार विरुद्ध पाप केरी? काय सात वार वोर?" यीशु केयो, "सात वार नाह, पुण सातान सत्तर वार!" ज्या से, यीशुन केणो ज्यो एतो का कायम क्षमा केरणे जुवी। ओवतो यीशु जी कहाणी केयो।

![](https://cdn.door43.org/obs/jpg/360px/obs-en-29-02.jpg)

यीशु केयो, "बोगवानान राज्य एक राजान हारको हि जो आपणा दासान लेखो लेणे होदतालु। तान एक दास 2,00,000 वोर्हयान मोन्जरीन एक मोठा केर्जान कर्जदार एतो।"

![](https://cdn.door43.org/obs/jpg/360px/obs-en-29-03.jpg)

पुण तो दास आपणा तान कर्ज फेड नाह सकनो, केरीन राजा केयो, "ज्यान कर्ज फेडणेन केरता ज्या एदमीह एने ज्यान परिवाराह दास केरीन वेच देवो।"

![](https://cdn.door43.org/obs/jpg/360px/obs-en-29-04.jpg)

तो दास राजान सामने मांड्या पोडीन केयो, 'कृपया थोडोक धीर देर, एने मी मारा आखा कर्जान पुरी रेक्केम बोर देह।' राजा ता दास पोर दया केऱ्यो, केरीन तो तान आखा केर्जाह माफ केर देनो एने ताह जाणे दिनो।

![](https://cdn.door43.org/obs/jpg/360px/obs-en-29-05.jpg)

पुण जेवी तो दास राजा फायरीन बाहेर गियो,ते ताह एक तान हाथी दास मिलनु जो तान चार मोयनान मोन्जरीन कर्जदार एतो। तो दास तान हाथीह देर लिदू एने केयो, 'जो तार फाय मार कर्ज हि माहु आप दि!

![](https://cdn.door43.org/obs/jpg/360px/obs-en-29-06.jpg)

तो हाथी दास मांड्या पोडीन केयो, 'कृपया धीर देर, एने मी तार कर्जान पुरी रेक्केम आप देह।' पुण ज्या शिवाय, तो दास ता हाथी दासाह जेलीम टाक दिनु का जेवी वोर तो ता कर्जाह आप नेय देय।

![](https://cdn.door43.org/obs/jpg/360px/obs-en-29-07.jpg)

जो काय एनो दिहरा दास देख्या एने जुलुम दुखी एना। ता राजा फाय गिया एने आखो केय देना।

![](https://cdn.door43.org/obs/jpg/360px/obs-en-29-08.jpg)

राजा ता दासाह हादिन केयो, 'हे दुष्ट दास! मी तार कर्ज ज्यान करता माफ केरील काहाकाय तु माहु विनती केरील एतो। तुवाह भी तिहीच केरणू एतो।' राजा जुलुम रागाम एतो एने तो ता दासाह जेलीम टाक देनो का जेवी वोर तो दास तान आखो कर्ज फुशो नेय आप।

![](https://cdn.door43.org/obs/jpg/360px/obs-en-29-09.jpg)

तेवी यीशु केयो, "मारो स्वर्ग माय विराजमान आबुक तुमु मायरीन आखा हेरी इहीच केरी जर तुमु आपणा बायाक हृदय माफ नाह केरते।"

*मत्ती अध्याय 18:21-35 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_29_128kbps.m4a

## 30. यीशु पाच हजार माणहाह खावाडीह

https://openbiblestories.org/l/nlx/story-30/

![](https://cdn.door43.org/obs/jpg/360px/obs-en-30-01.jpg)

यीशु तान चेलाह पोरचार केरणेन एने माणहाह हिकाडणे जुलुम अलग-अलग गावाम गावाम मोकल्यो। जेवी ता ताहरी आवा यीशु एतो ते ता ताह केयो का ता कायकाय केरीन आवाह। तेवी यीशु ताह दरियान दिहरी उगे ताहेरी जायीन एक शान्त जागे थोळोक वार आराम केरणेन हादयो। ओवता ता नावीपोर चेडीन दरियान दिहरी उगे गिया।

![](https://cdn.door43.org/obs/jpg/360px/obs-en-30-02.jpg)

पुण ताहरी जुलुम ओहला माणहे एता जा यीशुह एने तान चेलाह नावीम जाताला देखील एता। ज्या माणहे ताहरीन ओगाण दरियान दिहरी उगे जाणेन दरियान मेरे-मेरे दोवडया। ओवता यीशु एने तान चेला पोच्या ते माणहान एक मोठली गर्दी तान वाट जोवतीन ताहरी पेलूचने एती।

![](https://cdn.door43.org/obs/jpg/360px/obs-en-30-03.jpg)

ती गेर्दीम बायकु एने सोरा सोडीन 5,000 से ज्यादा एदमी एता। यीशुह ता माणहा पोर किव आवी। यीशुन केरता ता माणहे बिगेर गोवालान मेंडरा हारका एता। केरीन तो ताह हिकाड्यो एने ता माय जा दुखाऱ्या माणहा एता ताह हाजो केऱ्यो।

![](https://cdn.door43.org/obs/jpg/360px/obs-en-30-04.jpg)

दिह्यान आखरी माय, चेलाह यीशु कियो, "अवि वार एय गीयीह एने आसपास माय कोल्लोच हेयर नाह सोथो। न्या माणहाह जाणे दि का न्या जायीन खाणेन काय भी लीन आवती।"

![](https://cdn.door43.org/obs/jpg/360px/obs-en-30-05.jpg)

पुण यीशु चेलाह केयो, "तुमुच न्याह खाणेन कायभी आपो!" ता उत्तर आप्या, "आमु काय केरणे? आमु फाय फक्त पाच रोटा एने दुय आत्याच मासा हेते।"

![](https://cdn.door43.org/obs/jpg/360px/obs-en-30-06.jpg)

यीशु आपणा चेलाह केयो का ता गेर्दीन माणहाह पन्नास-पन्नास केरीन खेडा पोर बोहणेन किवो।

![](https://cdn.door43.org/obs/jpg/360px/obs-en-30-07.jpg)

तेवी यीशु पाच रोटा एने दुय मासा लीन स्वर्गान उखेर देख्यो, एने ता खाणान केरता बोगवानान धन्यवाद देनो।

![](https://cdn.door43.org/obs/jpg/360px/obs-en-30-08.jpg)

ओवतो यीशु नरोटा एने मासान टुकडा केऱ्यो। तो माणहाह आपणेन केरता तान चेलाह टुकडा आप्यो। चेला ता माणहाह वाटती रेना, एने तो निवरनोच नाह! ता सोब माणहा पेट बोरीन आखा खादा।

![](https://cdn.door43.org/obs/jpg/360px/obs-en-30-09.jpg)

ओवतो, चेला ता खाणाह टोलु केऱ्या जो उगरी जायील एतो एने बारा टोपली बोराय गीयी! तो आखो खाणो ता पाच रोटा एने दुय मासा से आवील एतो।

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_30_128kbps.m4a

## 31. यीशु पाणी पोर चालीह

https://openbiblestories.org/l/nlx/story-31/

![](https://cdn.door43.org/obs/jpg/360px/obs-en-31-01.jpg)

पाच एजार माणहाह रोटू खावाडणेन बाद, यीशु तान चेलाह नावीम जाणे लागडयो। तो ताह दरियान दिहरी उगे जाणेन कियो एने तो थोडोक टायम ताहरीच रेय गियो। ओवता चेला जात रेना एने यीशु गेर्दिह मोकल्या का ता तान घेर जाती जाती। ज्या बाद, यीशु प्रार्थना केरणेन केरता एक बोयडा पोर जात रेनो। ताहरी तो एखालोच एतो, एने तो जुलुम राती वोर प्रार्थना केऱ्यो।

![](https://cdn.door43.org/obs/jpg/360px/obs-en-31-02.jpg)

जुलबुखे, चेला आपणी नाव चालडतीन जाताला, पुण वारो तान विरुद्ध जुलुम जोरे आवतालो। जुलुम रात एय गीयी तीभी ता दरियान विचमायच पोचन।

![](https://cdn.door43.org/obs/jpg/360px/obs-en-31-03.jpg)

तेवी यीशु प्रार्थना केरणेन बोंद केरीन तान चेला उगे आवणे चालु केऱ्यो। तो नावी उगे जाणे केरीन पाणी पोर चालणे लागो।

![](https://cdn.door43.org/obs/jpg/360px/obs-en-31-04.jpg)

तेवी चेला देख्या। ता जुलुम बिय गिया काहाकाय ता विचार केरताला का तो भूतडो। यीशुह मालूम एतो का ता बिय जायील एता, केरीन तो ताह आयडीन केयो, "बिवु मा, मी हि!"

![](https://cdn.door43.org/obs/jpg/360px/obs-en-31-05.jpg)

तेवी पतरस ने यीशुह केयो, "हे प्रभु, जर तु हि ते माहु पाणी पोर चालीन तार फाय आवणेन आज्ञा आप।" यीशु पतरसाह केयो, "आव!"

![](https://cdn.door43.org/obs/jpg/360px/obs-en-31-06.jpg)

ओवतो पतरस नावी पोर रीन उतरी गीयोएने यीशु फाय जाणेन पाण्या पोर चालणे सुरवात केऱ्यो। पुण जारीक ओगाण जायीन, तो तान डोला यीशु पोर रीन फिराव लेदु एने जावटाह एने वाराह देखणे चालू केऱ्यो।

![](https://cdn.door43.org/obs/jpg/360px/obs-en-31-07.jpg)

तेवी पतरस बिय गियो एने पाणीम बुडणे लागो। तो आयड्यो, "हे प्रभु, माहु वोचाड!" यीशु ताहरुच आथ वोडाविन ताह देर लेदु। तेवी तो पतरसाह केयो, "तार विश्वास जुलुम कोम हि! तुवाह मी तुवाह वोचाड लेह केरीन तु माहु पोर विश्वास काहा नाह केऱ्यो?"

![](https://cdn.door43.org/obs/jpg/360px/obs-en-31-08.jpg)

तेवी यीशु एने पतरस नावी पोर चेढ गिया, एने चालूच वारो चालणे बोंद आय गियो। पाणी शान्त एय गियो। चेला बोंगलायीन यीशुन ओगाण मांड्या पोड गिया। ता तान आराधना केऱ्या एने, "खेरीच तु बोगवानान सोरो हि।"

*मत्ती अध्याय 14:22-33; मरकुस 6:45-52; यूहन्ना 6:16-21 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_31_128kbps.m4a

## 32. यीशु दुष्टात्मा लागील माणहाह एने एक दुखारी बायकूह हाजो केरीह

https://openbiblestories.org/l/nlx/story-32/

![](https://cdn.door43.org/obs/jpg/360px/obs-en-32-01.jpg)

यीशु एने तान चेला ता भागाम गिया जाहरी गिरासेनी माणहे रेताला। ता ति जागे पोचीन नावीम रीन उतर गिया।

![](https://cdn.door43.org/obs/jpg/360px/obs-en-32-02.jpg)

ताहरी एक माणुह एतो जाह दुष्टात्मा लागील एती।

![](https://cdn.door43.org/obs/jpg/360px/obs-en-32-03.jpg)

तो माणुह ओलु ताकेतवर एतो का कुण काबु नाह केर सेकतालो। मोक्ताच वार माणहे तान आथ पायाह हाकुली केरीन बांदताला,पुण तो ती हाकुलीह तो तोड देतालु।

![](https://cdn.door43.org/obs/jpg/360px/obs-en-32-04.jpg)

तो माणुह ता भागाम माहणाम रेतालो।तो माणुह आखो रात दिह आयड्या केरतालो। तो फाडका नाह पेरतालो एने कायम स्वताह देगडा केरीन देय लेतालो।

![](https://cdn.door43.org/obs/jpg/360px/obs-en-32-05.jpg)

तो माणुह दोवडीन यीशु फाय आवो एने तान ओगाण मांड्या पोड गियो। तेवी यीशु ता माणहान मायवाली दुष्टात्मा हेरी वात केऱ्यो एने केयो, " ज्या माणहाम रीन बाहेर निकेल!"

![](https://cdn.door43.org/obs/jpg/360px/obs-en-32-06.jpg)

ती दुष्टात्मा उचा आवाजाम आयडी, "हे यीशु, आखाम रीन मोठा बोगवानान सोरा,तुवाह मार से काय काम? किव केर माहु मा विताडी!" तेवी यीशु ती दुष्टात्माह फुस्यो, "तारो नाव काय हि?" तो उत्तर आप्यो, "मारो नाव सेना हि, काहाकाय आमु जुलुम हेते।" (रोमी सेनाम मोकताच एजार सैनिकान एक टुलो एक "सेना" रेताली।)

![](https://cdn.door43.org/obs/jpg/360px/obs-en-32-07.jpg)

ता दुष्टात्मा यीशुह विनती केऱ्या, "किव केर आमुह ज्या भागाम रीन बाहेर मा मोकली!" ताहरीच बोयडा पोर डुक्करान एक टोलु चेरतालो। केरीन ता दुष्टात्मा यीशुह विनती केऱ्या, "किव केर आमुह ओया डुक्कराम मोकेल दी!" यीशु केयो, "ठीक हि, तामाय जात रीवो!"

![](https://cdn.door43.org/obs/jpg/360px/obs-en-32-08.jpg)

ओवती ता दुष्टात्मा ता माणहाम रीन निकलीन ता डुक्कराम रिग गिया। ता डुक्करे दोवडीन एक टोके रीन दरियाम गिया एने बुडीन मोर गिया। ता टोलाम कोमी ते कोमी 2,000 डुक्करे एता।

![](https://cdn.door43.org/obs/jpg/360px/obs-en-32-09.jpg)

ताहरी ता डुक्कराह चारणारे गोवाले एता। जो काय एनो ता देख्या ते ताहेयराम दोवडीन नाह गिया। यीशु जो केरील एतो तो ता आखाह केया। ता हेयरा वाला माणहे आवा एने ता ता माणहाह देख्या जामाय दुष्टात्मा एती। तो शान्त, फाडका पेरीन, एने एक हाजाला माणहान गेत बोहील एतो।

![](https://cdn.door43.org/obs/jpg/360px/obs-en-32-10.jpg)

ता माणहा जुलुम बिय जायील एता एने ता यीशुह न्या रीन जातरी केया। ओवतो यीशु नावी पोर चेढ गियो। तो माणहो जामाय दुष्टात्मा एती तो यीशु हेरी आवणेन विनती केऱ्यो।

![](https://cdn.door43.org/obs/jpg/360px/obs-en-32-11.jpg)

पुण यीशु ताह केयो, "नाह। मी तारसे होदथु का तु घेर जायीन आखाह कि का बोगवान तार केरता काय किरील हि। ताह कि का बोगवान किहिक तार पोर दया किरील एतो।"

![](https://cdn.door43.org/obs/jpg/360px/obs-en-32-12.jpg)

ओवतो तो माणुह जात रेनो एने आखाह केयो जो यीशु तान केरता कियील एतो। तान जी कहाणी होमेलणार आखा बोंगलाय जाताला।

![](https://cdn.door43.org/obs/jpg/360px/obs-en-32-13.jpg)

यीशु दरियाम दिहरी उगे आव लागो।ता तहरी पोचणेन बाद, एक मोठली गेर्दी तान आसपास एखठी एनी एने ताहेरी चुमडाणे लागा। ती गेर्दीम एक बायकु एती जी बारा वोर्ह्या रीन फाडकु आवणेन बिमारी एती। ति तीन आखो धेन हुदारणारा पोर गोमाड दियील एती का ता तिह हुदार ति, पुण तीन दुख उंजू जादा एय गियो।

![](https://cdn.door43.org/obs/jpg/360px/obs-en-32-14.jpg)

ति होमलील एती का यीशु मोक्ताच दुख्याऱ्या माणहाह हुदारील एतो एने ति विचार केरी, "मी खेरीच फक्त यीशुन फाडकाहचे सापेल लेह, ते मी हाजी एय जाह!" केरीन ति यीशु फाय आवी एने तान फाडकाह सापेल लेदी। जीही ति सापली, ति हाजी एय गीयी।

![](https://cdn.door43.org/obs/jpg/360px/obs-en-32-15.jpg)

ताहरुच, यीशु जाण लेदो तामायरीन सामर्थ निकलील हि। केरीन तो पासाण फिरीन केयो, "माहु कुण सापल्यो?" चेला उत्तर आप्या, "न्याहरी कोलाक माणहे तार चार उखेर गेर्दी केर रेनाह, एने तुवा हेरी चुमडातेह। ते तु काहा फुसिह का तुवाह कुण सापल्या?"

![](https://cdn.door43.org/obs/jpg/360px/obs-en-32-16.jpg)

ति बायकु यीशुन ओगाण कापतीन आवी एने जुलुम बियजायील एती एने मांड्या पोड गीयी। तेवी ति ताह केय देनी का ति काय किरील एती, एने ज्यी भी का ति हाजी एय गीयीह। यीशु तीह केयो, "तार विश्वास तुवाह हाजो केरील हि। शान्ति से जा।"

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_32_128kbps.m4a

## 33. पेरणारान वार्ता

https://openbiblestories.org/l/nlx/story-33/

![](https://cdn.door43.org/obs/jpg/360px/obs-en-33-01.jpg)

एक दिह, यीशु दरियान मेरे गियो। ताहरी तो माणहान जुलुम मोठी गेर्दीह हीकाडतालो। ताह होमेलणे ओला माणहे आवा का यीशु फाय ताहेरी वात केरणेन जागो नाह रेनो। केरीन तो पाण्याम उबरीयील नावीम चेढ गियो। ताहरी तो बोह गियो एने माणहाह हिकाडणे बाज गियो।

![](https://cdn.door43.org/obs/jpg/360px/obs-en-33-02.jpg)

यीशु ताह एक कहाणी केयो, "एक पेरणार पेरणे निकल्यो।जेवि तो फाकरीन पेरतालू ते काहिक दाणा वाटी पोर पोडणा। पुण चिडा आवीन ता आखा दाणाह खाय गिया।"

![](https://cdn.door43.org/obs/jpg/360px/obs-en-33-03.jpg)

दिहरी दाणा बुयी पोर पोडणा जाहरी जुलुम कोम माटळ्यो एतो। सापराट्या पोडील दाणाह जेल्दीच हुका फोड्या, पुण मुलाह हाजी बुय नाह जुडणी। दिह निकेल्नो दोप पोडणो ते ता कोमटायीन मोर गिया।

![](https://cdn.door43.org/obs/jpg/360px/obs-en-33-04.jpg)

एने दिहरा दाणा जाडवाठ्याम पोडणा। ता दाणा उगना, पुण काटा ताह दाब देना। केरीन काटा वाली बुयी पोर वाला दाणा उगना पुण ताह काय फोल नाह लागनो।

![](https://cdn.door43.org/obs/jpg/360px/obs-en-33-05.jpg)

एने उंजू दिहरा दाणा हाजी बुयी पोर पोडना। ता उगना एने जोलाक पेरीन एता ताहरीन 30,60, एने 100 गुणा फोल लावा। जो कुण बोगवानान पासाण चालणे होदिह, तो मार वातु पोर ध्यान देय जो मी केणे बाज रेनोह!

![](https://cdn.door43.org/obs/jpg/360px/obs-en-33-06.jpg)

जी कहाणी चेलाह नाह सोजमनी। केरीन यीशु अर्थ केयो का, "ता दाणा बोगवानान वचन हेते। ती वाट एक ओहलो माणुह हि जो बोगवानान वचनाह होमलीह, पुण सोमजित नाह। एने शैतान ता फायरीन वचन चोर लिथी। अर्थाम शैतान ताह वचन सोमेजणे से सेटो मीलीह।"

![](https://cdn.door43.org/obs/jpg/360px/obs-en-33-07.jpg)

ती सापराट्या वाली बुय ओहलो माणुह हि जो बोगवानान वचन होमलीह एने खुस एयीन ताह स्वीकार केर लिथी। पुण जेवी कठीण टायम आवीह,एने जेवी दिहरा माणहे कीचवाडनु, ते तो बोगवाना हेरी रीन सेटो जात रीथी। अर्थाम तो बोगवाना पोर विश्वास केरणे बोंद केर देथी।

![](https://cdn.door43.org/obs/jpg/360px/obs-en-33-08.jpg)

ति काटा वाली बुय ओहलो माणुह हि जो बोगवानान वचन होमलीह। पुण जुलुम वातुन चिंता करणे चालू केर देथी, एने तो जुलुम धेन कामावणेन किरीह, एने तो जुलुम वोस्तुह कामावणेन किरीह। थोडाक टायमा बाद, तो बोवानानाह पोर प्रेम केरणेन नाह होदित। केरीन जो तो बोगवाना वचनासे हिकील एतो तो बोगवानाह खुस नाह केरीत। तो गोवान बुहटा हारको हि जो का काय नाह उगाडीत।

![](https://cdn.door43.org/obs/jpg/360px/obs-en-33-09.jpg)

पुण हाजी बुयी तो माणुह हि जो बोगवानान वचनाह होमलीह, एने ता पोर विश्वास किरीह, एने हाजो फोल लाविह।

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_33_128kbps.m4a

## 34. यीशु दिहरी कहाणीन हिक आपीह

https://openbiblestories.org/l/nlx/story-34/

![](https://cdn.door43.org/obs/jpg/360px/obs-en-34-01.jpg)

यीशु बोगवानान राज्य ने बाराम जुलुम कहाणी कियील एतो। उदाहरण ने केरता, तो कियील, "बोगवानान राज्य एक राईन दाणा हारको हि जाह कुण तीभी तान खेताम पेर देनो। तुमुह मालूम हि का राईन दाणा आखा दाणाह रीन आत्यो रिथी।"

![](https://cdn.door43.org/obs/jpg/360px/obs-en-34-02.jpg)

पुण जेवी तो मोठो इथी ते तो एक बोगीच्यान आखाच झाडाह रीन मोठो एय जाथी, ओलो मोठो का चिडा आवीन तान दाली पोर बोहतेह।

![](https://cdn.door43.org/obs/jpg/360px/obs-en-34-03.jpg)

यीशु एक उंजू कहाणी कियील, "बोगवानान राज्य खमीरान गेत हि जाह एक बायकु लीन फिटा माय बेचकी देनी तेवी तो आखा फिटाम बेचकाय जाथी।"

![](https://cdn.door43.org/obs/jpg/360px/obs-en-34-04.jpg)

स्वर्गान राज्य ता खजानान गेत हि जाह कुण तीभी खेताम लीकाड देनो। एने काल्ला दिहराह चे माणहाह तो खजानो सापडी गियो एने ताह तो जुवतालोच। केरीन तो ताह पोशो गाड दिनो। तो ओली खुसी माय एतो काय तो जायीन तान आखो घेरबार वेच दिनो काहाकाय तो ता खेताह लेय लेय जामाय तो खजानो एतो।

![](https://cdn.door43.org/obs/jpg/360px/obs-en-34-05.jpg)

स्वर्गान राज्य एक जुलुम किमती शुद्ध मोतीन गेत भी हि। जेवी मोतीन का व्यापारी ताह सापडाविह ते तो ताह लेणेन तान आखो वेच दिथी।

![](https://cdn.door43.org/obs/jpg/360px/obs-en-34-06.jpg)

काल्लाह माणहा ज्यो विचार केरताला का बोगवान ताह ज्यान केरता निवाडी का ता हाजा कामे केरताला। ज्या माणहा ओहला माणहाह नीचा मानताला जा हाजा कामे नाह केरताला। केरीन यीशु ताह जी कहाणी केयो : "दुय एदमी एता ता दुय भी प्रार्थना केरणेन मंदिराम आवा। तामाय रीन एक केर वसुली केरणार एतो, एने दिहरू एक धार्मिक गुरु एतो।"

![](https://cdn.door43.org/obs/jpg/360px/obs-en-34-07.jpg)

तो धार्मिक गुरु इही केरीन प्रार्थना केऱ्यो, 'हे बोगवान, तारो धन्यवाद एय का मी दिहरा माणहा सारखो – जीहि का डाकू, अन्यायी माणुह, व्यभिचारी, एने न्याहरी उबरीयील ज्या केर वसुली केरणारान गेट पापी नाह सोथो।'

![](https://cdn.door43.org/obs/jpg/360px/obs-en-34-08.jpg)

उदाहरण केरता, मी दर हफ्ताम दुय वार उपास केरणे, एने माहु जुडणारा धेन एने सामानान दशमाऊस मी आपथु।

![](https://cdn.door43.org/obs/jpg/360px/obs-en-34-09.jpg)

पुण तो केर वसुली केरणार ता धार्मिक गुरुह रीन सेटोच उब रेय गियो।तो उपेर स्वर्गान उखेर देख्यो भी नाह। ता शिवाय, तो साती ठोक्यो एने प्रार्थना केऱ्यो, 'हे बोगवान, कृपा केरीन माहु पोर दया केर काहाकाय मी एक पापी हि।'

![](https://cdn.door43.org/obs/jpg/360px/obs-en-34-10.jpg)

ओवतो यीशु केयो, "मी तुमूह खेरीच केथु, बोगवान ता केर वसुलणारान प्रार्थनाह होमल्यो एने ताह धर्मी गेण्यो। पुण तो ता धार्मिक गुरुन प्रार्थनाह नाह होमल्यो। बोगवाना आखा घमंडीन मुंड नेचो केरी, पुण तो ता आखा जाणान आदर आपी जा जो स्वताह नम्र केरी।"

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 रीन एक बाइबल के कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_34_128kbps.m4a

## 35. दयालु आबाक ने कहाणी

https://openbiblestories.org/l/nlx/story-35/

![](https://cdn.door43.org/obs/jpg/360px/obs-en-35-01.jpg)

एक दिह, यीशु ता जुलुम माणहाह हिकाडतालो जा ता होमेलणेन आयील एता ज्या केर वसुली केरणारे एने ताहेरीच दिहरा माणहा भी एता जा मूसान व्यवस्थाह पालन केरणे नाह होदताला।

![](https://cdn.door43.org/obs/jpg/360px/obs-en-35-02.jpg)

काहिक धार्मिक गुरु देख्या काय यीशु ज्या माणहा हेरी दोस्तान गेत वातु केरणे बाज रेणोह। केरीन ता एक दिहराह केणे लागा का तो हाजो नाह किरीत। यीशु ताह वातु केरताला होमल्यो, केरीन तो ताह जी कहाणी कियो।

![](https://cdn.door43.org/obs/jpg/360px/obs-en-35-03.jpg)

एक माणुह एतो तान दुय सोरा एता। आतल्यो सोरो तान आबाक केयो, 'हे आबा,माहु मारो वाटो जुवी!' ओवतो आबुक तान दुय सोराह तान आखी संपत्ती वात दिनो।

![](https://cdn.door43.org/obs/jpg/360px/obs-en-35-04.jpg)

जेल्दीच आतल्यो सोरो तान आखोच वेचीन दिहरी देशाम जात रिनो एने पाप माय जीवन जीवणेम तान आखो धेन गोमाड देनो।

![](https://cdn.door43.org/obs/jpg/360px/obs-en-35-05.jpg)

ता बाद, जाहरी तो आतल्यो एतो ता देशाम मोठलो आकाल पोडणो, एने ता फाय खाणो लेणेन पोयषा नाह रेना। केरीन तो काम होदयो एने ताह डूकराह चारणेन काय जुडणो। तो ओलो दुखी एने बुखल्यो एतो का तो जो डुकरे खाताला तोच तो भी खातालो।

![](https://cdn.door43.org/obs/jpg/360px/obs-en-35-06.jpg)

आखरी, तो आतल्यो सोरो स्वताह कियो, ' मी काय केरणे बाज रेनोह? मार आबाक ने आखा सेवका फाय खाणे पिणेन काय कोमी नाह सोती, तीभी मी न्याहरी बुखल्यो मोरणे बाज रेणोह। मी मार आबाक फाय पोशो जाह एने माय आबाक ने एक सेवक बोणणेन विंता केरूह।'

![](https://cdn.door43.org/obs/jpg/360px/obs-en-35-07.jpg)

ओवतो तो आतल्यो सोरो तान आबाक ने घेरान उखेर चाल दिनो। तो सेटोच एतोन, तान आबोक ताह देख्यो एने तान ता पोर किव केऱ्यो। तो दोवडीन तान सोरा फाय गियो एने ताह देरीन गुल्या देनो।

![](https://cdn.door43.org/obs/jpg/360px/obs-en-35-08.jpg)

तो सोरो ताह केयो, 'हे आबा, मी बोगवानान विरुद्ध एने तार विरुद्ध पाप किरील हि। मी तार सोरो केवाडणेन लायक नाह सोथो।'

![](https://cdn.door43.org/obs/jpg/360px/obs-en-35-09.jpg)

पुन आबुक तान सेवकाह केयो, 'जेल्दी जायील हाजा फाडका लावो एने मारा सोराह पेरावो! तान आगल्याम मुंदी एने आयाम खाहडा पेरावो। ओवता आखाम रीन हाजो मेंडरो मारो का आपु खाहु एने आनंद केरहु, काहाकाय मार सोरो आवलागूह मार सोरो मोर जायील एतो, एवी जीवतालु हि! तो टाकाय जायील एतो, एवी तो आपुह जुड जायील हि!'

![](https://cdn.door43.org/obs/jpg/360px/obs-en-35-10.jpg)

केरीन माणहे आनंद केरणे चालु केरया। थोडाक टायम बाद, मोठलो सोरो काम केरीन खेताम रीन घेर आवो। तो गावणेन एने नाचणेन आवाज होमल्यो एने बोन्गलानो का काय एणे बाज रेनोह।

![](https://cdn.door43.org/obs/jpg/360px/obs-en-35-11.jpg)

जेवी मोठला सोराह मालूम पोडणो का ता ज्यान केरता आनंद केरताला का तान बाहाक पोशो घेर आव गीयोह, ते ताह राग लागनो एने तो घेराम नाह गियो। तान आबुक बाहेर आवीन ताह ता हेरी आनंद केरणेन विंता केऱ्यो, पुण तो नाह केय देनो।

![](https://cdn.door43.org/obs/jpg/360px/obs-en-35-12.jpg)

मोठलो तान आबाक केयो, ' ओलाक आखा वोर्ह्याम मी तार केरता जीव लागडीन काम केऱ्यो! केदीच तार वात नाह टाल्यो, पुण तु माह के आतीच बोकडी भी नाह आप्यो का मी मार दोस्ता हेरी खाव। पुण तार जो सोरो तारो धेन पाप माय गोमाड देनो। एने अवि तो आवुह ते तु तान केरता आनंद केरणेन केरता हाजाला मेंडराह मार देनो!'

![](https://cdn.door43.org/obs/jpg/360px/obs-en-35-13.jpg)

आबुक उत्तर आप्यो, 'हे मारा सोरा, तु कायम मार हेरी हि, एने जो मारो तो तारो हि। पुण आमु ज्यान केरता आनंद केरतेह काहाकाय तार बाहाक मोर जायील एतो, पुण एवी जीवतालो हि। टाकाय जायील एतो, पुण एवी तो आपुह जुड जायील हि!'

*लूका अध्याय 15:11-32 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_35_128kbps.m4a

## 36. वेह बोदेलणु

https://openbiblestories.org/l/nlx/story-36/

![](https://cdn.door43.org/obs/jpg/360px/obs-en-36-01.jpg)

एक दिह, यीशु आपणा तीन चेलाह पतरस, याकूब,एने यूहन्ना हाती हाथी लेदु। (ज्यो यूहन्ना नावान माणुह तो नाह सोथो जो यीशूह बाप्तीस्मा आपील एतो।) ता व प्रार्थना केरणेन एक उचा बोय पोर गिया।

![](https://cdn.door43.org/obs/jpg/360px/obs-en-36-02.jpg)

जेवी यीशु प्रार्थना केरणे बाज रीयील एतो तेवी तान चेहरो दिह्यान होस चमकतालो। तान फाडका उजालान गेत दोवल्या एय गिया, जीही वादलो रिथी ताह रीन भी दोवल्यो।

![](https://cdn.door43.org/obs/jpg/360px/obs-en-36-03.jpg)

तेवी मूसा एने एलिय्या भविष्यवक्ता देखाना। ज्या एदमी जी केलीम जुलुम पेल रेताला। ता यीशु हेरी तान मोत ने बाराम वात केऱ्या, काहाकाय तो जेल्दीच यरूशलेम माय मोरण्यो एतो।

![](https://cdn.door43.org/obs/jpg/360px/obs-en-36-04.jpg)

जेवी मूसा एने एलिय्या यीशु हेरी वात केरताला तेवी पतरस केयो, "आपणे केरता न्याहरीच रेणेन हाजो हि। आपु तीन तंबु बोणावहू, एक तार केरता, एक मूसान केरता, एने एक केरता।" पुण नाह जाणतालु तो तो काय किथी।

![](https://cdn.door43.org/obs/jpg/360px/obs-en-36-05.jpg)

जेवी पतरस वातु केरतालुच, ते एक चोमेदार वादलो आवीन ता पोर सावाय गियो।ता वादलाम रीन एक आवाज होमल्या। तो इही का, "ज्या मारो मोंगालु सोरो हि जा पोर मी प्रेम केरथु। मी ज्यासे खुस हि। ज्यान होमलु।" तान तीन चेला बिय गिया एने बुयी पोर पोड लोट गिया।

![](https://cdn.door43.org/obs/jpg/360px/obs-en-36-06.jpg)

तेवी यीशु ताह सापल्यो एने केयो, "बिउ मा। उठ जाउ।" तेवी ता चार उखेर देख्या, ते ताहरी फक्त यीशु एतो।

![](https://cdn.door43.org/obs/jpg/360px/obs-en-36-07.jpg)

यीशु एने ता चेला ता बोयडा पोर रीन पोशा नेचा उतरी आवा। तेवी यीशु ताह केयो, "एवी जो न्याहरी एनो तो कुणीह मा केहू। जी जेल्दीच मोर जाह एने पोशो जीवतालो एय जाह। ता बाद, तुमु माणहाह केज्यू।"

*मत्ती अध्याय 17:1-9; मरकुस 9:2-8; लूका 9:28-36 रीन एक बाइबल ने कहाणी।*

Audio: https://git.door43.org/OBS-TLF/nlx_obs/releases/download/v1/nlx_obs_v1_36_128kbps.m4a

## 37. यीशु लाजराह मोरील मायरीन जीवाडीह

https://openbiblestories.org/l/nlx/story-37/

![](https://cdn.door43.org/obs/jpg/360px/obs-en-37-01.jpg)

लाजर नावान एक माणुह एतो। तान दुय बोणीक एत्यू जीन नाव मरियम एने मार्था एतो। ता यीशुन पाक्का दोस्ती एता। एक दिह, कून तीभी यीशुह केयो का लाजर जुलुम दुख्याऱ्यो हि। जेवी जब यीशु होमल्यो ते केयो, " जी बिमारी लाजराह मोरणे से निवरी नेय। पुण, जी माणहाह बोगवानान आदर केरणेन प्रेरित केरी।"

![](https://cdn.door43.org/obs/jpg/360px/obs-en-37-02.jpg)

यीशु आपणा दोस्ता पोर प्रेम केरतालू, पुण जाहरी तो एतो तो ताहरीच दुय दिह रिनो। तो दुय दिह बाद, तो तान चेलाह केयो, "आवो, पोशा यहूदिया जाता।" चेला उत्तर आप्या, "पुण हे गुरु, एवीच काहिक टायम पेल तावाला माणहे तुवाह मारणे होदताला!" यीशु केयो, "आपणो दोस्ती लाजर हुव जायील हि, एने माहु ताह उठाडणु हि।"

![](https://cdn.door43.org/obs/jpg/360px/obs-en-37-03.jpg)

यीशुन चेला उतर आप्या, "हे प्रभु, जर लाज़र हुवणे बाज रेनोह, ते तो हाजो एय जाय।"तेवी यीशु ताह केयीच दिनो, “हा लाजर मोर जायील हि मी खुश हि का मी ताहरी नाह एतो, काहाकाय तुमु मार पोर विश्वास केरहो।"

![](https://cdn.door43.org/obs/jpg/360px/obs-en-37-04.jpg)

जेवी यीशु लाजर ने गाव पोचनो ते लाजराह मोरील चार दिह एय जायील एता। मार्था यीशुह मिलाणे बाहेर आवी एने केयी, "हे प्रभु, जर तु न्याहरी रिततो मारो बाहाक नय मोरतो। पुण मी विश्वास केरथु काय जो तु बोगवाना फाय मांगहि तो तुवाह आपी।"

![](https://cdn.door43.org/obs/jpg/360px/obs-en-37-05.jpg)

यीशु उत्तर आप्यो, "पुनरुत्थान एने जीवन मीच हि। जो कुण मार पोर विश्वास केरीह तो मोर भी जाय तीभी जीवतालो रेय। जो कुण मार पोर विश्वास केरीह तो केदी मोरी नेय।काय तु ज्यापोर विश्वास केरीह?" मार्था उत्तर, "हे प्रभुआपी, मी विश्वास केरथु का तु बोगवानान सोरो मसीह हि।"

![](https://cdn.door43.org/obs/jpg/360px/obs-en-37-06.jpg)

तेवी मरियम आवी। ती यीशुन पायाम पोडीन केयी, "हे प्रभु, जर तु रेतु ते मारो बाहाक नय मोरतो।" यीशु तीह फुशो, "तुमु लाजराह काहरी मेलील हेते?" ता ताःह केया, "माहणाम। आव एने देख।" तेवी यीशु रेड्यो।

![](https://cdn.door43.org/obs/jpg/360px/obs-en-37-07.jpg)

तो माहणो एक गुफा एति जान बायणा पोर एक देगुड लागाडील एतो। तेवी यीशु माहणे पोच्यो ते तो केयो, "देगुड सेटो केर दिवु।" पुण मार्था केयी, "ताह मोरीन चार दिह एय जायील हेते। तो गेंदाणे बाज गियो एय।"

![](https://cdn.door43.org/obs/jpg/360px/obs-en-37-08.jpg)

यीशु उत्तर आप्यो, "काय मी तुमूह नाह केयो काय जर तुमु मार पोर विश्वास केरहु ते बोगवानान सामर्थ देखहु?" केरीन ता दिगुड हेरकाव देना।

![](https://cdn.door43.org/obs/jpg/360px/obs-en-37-09.jpg)

तेवी उपर हेरगा उखेर देखीन केयो, "हे आबा, मारो होमेलणेन केरता मी तारो धन्यवाद केरथु। मी जाणथु का तु मारो होमलीह,पुण मी ज्यो न्याहरी उभरीयील ण्या माणहान केरता केयो का ता तार पोर विश्वास केरती का तु माहु मोकलील हि।" तेवी यीशु आयडयो, "हे लाज़र, बाहेर निकेल आव!"

![](https://cdn.door43.org/obs/jpg/360px/obs-en-37-10.jpg)

एने लाजर बाहर निकल आवु! तो एवी भी फाडकाम गोंडलायील एतो। यीशु ताह केयो, "ज्या फाडकाह काडणेन ताह मदत केरो एने ताह निकालो।" ज्या चमत्कारान वजेसे मोक्ताच यहूदि यीशु पोर विश्वास केऱ्या।

![](https://cdn.door43.org/obs/jpg/360px/obs-en-37-11.jpg)

पुण यहूदिन धार्मिक गुरु यीशुह कुयराणे लागा, केरीन ता विचार केऱ्या का किहिक यीशुह एने लाजराह मारहु।

*यूहन्ना 11:1-46 रिन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_37_128kbps.m4a

## 38. यीशुह देरावणो

https://openbiblestories.org/l/nlx/story-38/

![](https://cdn.door43.org/obs/jpg/360px/obs-en-38-01.jpg)

दर वोरही, यहूदी माणहे फसह ने तिवार केरताला। ज्यो तिवार ज्यान केरता एतो का काहिक वोर्ह्या पेल बोगवान तान डाय डायलाह मिस्र देशान गुलामी माय रीन सोडविल एतो। कोमी ते कोमी तीन वोर्ह्या बाद यीशु आखाह पोरचार केरणे एने हिकाडणे चालू केऱ्यो। यीशु तान चेलाह केयो का तो ता हेरी यरूशलेम माय फसह ने तिवार केरण्यो हि, एने ज्यो भी का तो ताहरी माराय जाय।

![](https://cdn.door43.org/obs/jpg/360px/obs-en-38-02.jpg)

यीशुन चेलाम रीन एक यहूदा नावान एदमी एतो। यहूदा चेलान पोयशान थेयली होमालणार एतो, पुण कायम तो थेयलीम रीन पोयशा काड लेया करतालु। यीशु एने चेलान यरूशलेम माय पोचणे बाद यहूदा यहूदी गुरु फाय गियो। तो पोयशान बदले यीशु ताह फाय देरावणेन वात केयो। तो जाणतालो का यहूदी गुरु यीशुह मसीह नाह मानताला। तो जाणतालो का ता ताहा मारने होदताला।

![](https://cdn.door43.org/obs/jpg/360px/obs-en-38-03.jpg)

महायाजकान केणे से यहूदी गुरु यीशुह देरावणेन यहूदाह तीस चादीन सिक्का आप्यो।ज्यो तीहीच एनो जीही काय भविष्यवक्ता केयील एता काय एय। यहूदा मान गियो एने पोयशा लीन निकली गियो। तो यीशुह देरावणेम तान मदत केरणेन गालो होदने लागु।

![](https://cdn.door43.org/obs/jpg/360px/obs-en-38-04.jpg)

यरूशलेम आवीन, यीशु तान चेला हेरी तिवार केऱ्यो। फसहने खाणान विचमाय, यीशु रुटू लीन तोडयो। एने केयो, "ज्याह खावो। ज्यो मारो डील हि जो मी तुमरे केरता आपण्यो हि। इहीच केरीन माहु एर केरीन केऱ्याच केरज्यो।" इही केरीन, यीशु केयो का तो तान केरता मोर जाय, अर्थाम तान केरता तान डील बली चेढाव देय।

![](https://cdn.door43.org/obs/jpg/360px/obs-en-38-05.jpg)

ओवतो यीशु एक अंगुरांन रुहान गिलास लेदु एणेन केयो, "ज्या पीय लिवो।ज्यो नोवाली वायदान ति लुय हि जी मी तुमरे केरता गेलावूह का बोगवान तुमरा पापे क्षमा केरी। केदिह ज्याह पिणेन टायमे मारी एर केरीन ज्याह केरज्यु जो मी एवी केरथु।"

![](https://cdn.door43.org/obs/jpg/360px/obs-en-38-06.jpg)

तेवी यीशु तान चेलाह केयो, "तुमु मायरीन एक जान माहु देरावि।" चेला बोंगलाय गिया, एने फुसणे लागा ओहलो काम कुण केरी। यीशु केयो, " माहु देरावणार माणुह तो हि जाह मी रोटान तुकडा आपथु।" ओवतो तो तो रुटू यहूदाह आप्यो।

![](https://cdn.door43.org/obs/jpg/360px/obs-en-38-07.jpg)

ता रोटाह खेणेन बाद, यहूदाम शैतान रिग गियो। यहूदा निकलीन यीशुह देरावणेन यहूदी गुरुह मदत केरणेन जात रेनो। तुलबुखे रात एती।

![](https://cdn.door43.org/obs/jpg/360px/obs-en-38-08.jpg)

खाणेन बाद, यीशु एने तान चेला जैतून बोयडा पोर जात रेना। यीशु केयो, "तुमु आखा माहु आज राती सोड दिहु। ज्यो लिखील हि, 'मी गोवालाह मारूह एने आखा मेंडरा दानाफान एय जाती।'"

![](https://cdn.door43.org/obs/jpg/360px/obs-en-38-09.jpg)

पतरस उत्तर आप्यो, "आखा तुवाह सोड देती पुण मी तुवाह नय सोडू!" तेवि यीशु पतरसाह केयो, "शैतान तुमु आखाह लेणे होदिह, पुण हे पतरस, मी तार केरता प्रार्थना किरील हि का तु विश्वासासे चुकहि नय। तीभी, आज की रात, कुकडाह वाहणेन पेल तु तीन वारीन माहु नाकारहि का तु माहु नाह जाणीत।"

![](https://cdn.door43.org/obs/jpg/360px/obs-en-38-10.jpg)

पतरस यीशुह केयो, "मी मोर भी जाह,पुण मी केदी नाकारु नय!" बाकीन आखा चेला भी इहीच केया।

![](https://cdn.door43.org/obs/jpg/360px/obs-en-38-11.jpg)

तेवी यीशु तान चेला हेरी गतसमनी नावान जागे गियो। यीशु तान चेलाह प्रार्थना केरणे केयो का शैतान तान परीक्षा नय केरी। तेवी यीशु स्वतान केरता प्रार्थना केरणे जात रेनो।

![](https://cdn.door43.org/obs/jpg/360px/obs-en-38-12.jpg)

यीशु तीन वार प्रार्थना केऱ्यो, "हे मारा आबा, जर एय ताहार ओहलो दुख माहु पोर मा आवणे देय।पुण माणहाण पाप क्षमा केराणेन दिहरो काल्लोच उपाय नाह सोथो, ते तारी इच्छा पुरी एय।" यीशु जुलुम दुखी एतो एणेन तान उभारो लुयीन टीमकान गेट एतो। ताह ताकेत आपणेन बोगवान एक स्वर्गदूताह मोकल्यो।

![](https://cdn.door43.org/obs/jpg/360px/obs-en-38-13.jpg)

दर वार प्रार्थनान बाद, यीशु तान चेला फाय आवो, पुण ता हुव जाताला। जेवी यीशु तीसरी वार आवोते तो केयो, "जाग जावो! माहु देरमारे आव गीयाह।"

![](https://cdn.door43.org/obs/jpg/360px/obs-en-38-14.jpg)

यहूदी गुरु, सैनिक, एने मोकतीच गेर्दी हेरी यहूदा आवु। ता तालवारे एने देंगा लीय रीयील एता। यहूदा यीशु फाय आवीन ताहा केयो, "हे गुरु, नमस्कार," एने ताह गुल्या देनो। तो देवणेन ताह यहूदी गुरुह देखाडणेन इही किरील एतो। तेवी यीशु केयो, "हे यहूदा, काय तु गुल्या दिन माहु देराविह का?"

![](https://cdn.door43.org/obs/jpg/360px/obs-en-38-15.jpg)

जेवी ता सैनिक यीशुह देरताला,ते पतरस तान तलवार निकालीन महायाजकान एक सेवकान कान काट दिनो। यीशु केयो, "तलवार सेटो केर! मी मार आबाक किन माहु वोचाडने स्वर्गदूतान एक सेना मागाड सकथु। पुण माहु मारा आबाकने वात मानणू हि।" तब यीशु ने उस व्यक्ति के कान को ठीक कर दिया। तब सारे चेले भाग गए।

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 रिन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_38_128kbps.m4a

## 39. यीशु अधिकारीन सामने

https://openbiblestories.org/l/nlx/story-39/

![](https://cdn.door43.org/obs/jpg/360px/obs-en-39-01.jpg)

आर्धी रातीन टायम एतो। ता सैनिक यीशुह महायाजकान घेर लावा, काहाकाय तो यीशुह पूसताश केरण्यो एतो। पतरस सेटो रीन तान पासाण-पासाण आवो। जेवी सैनिक यीशुह घेराम लीगीया, ते पतरस बाहेर रीन आखठे हेकाणे बाज गियो।

![](https://cdn.door43.org/obs/jpg/360px/obs-en-39-02.jpg)

घेराम, यहूदी गुरु यीशु पोर मुकद्दमा चालाड्या। ता तान विरुद्ध जुठी वातु केणेन केरता मोक्ताच जुठा पुरावो देणारा लावा। पुण, तान वातु एक दिहरा हेरी बेलाताली नाह, केरीन यहूदी गुरु ताह किल्लीच वातुम नाह गुनागार ठेराव सकना। यीशु कायीच नाह केयो।

![](https://cdn.door43.org/obs/jpg/360px/obs-en-39-03.jpg)

आखरी, महायाजक सिधो यीशुन उखेर देखीन केयो, "आमुह कि काय तूच जीवताला बोगवानान सोरो मसीह हि?"

![](https://cdn.door43.org/obs/jpg/360px/obs-en-39-04.jpg)

यीशु केयो, "मीच हि, एने तुमु माहु बोगवाना हेरी बोहीन एने स्वर्गाम रीन आवतोलु भी देखहु।" महायाजक तान फाडका फाड लेदु काहाकाय जो यीशु ताह केयील एतो ति वात पोर ताह राग आवो। तो दिहरा गुरुह आयडीन केयो, " आपुह ज्यो केणेन उंजू कुणीन गिरिज नाह काय ज्यो माणुह काय किरील हि! तुमु स्वताच ताह ज्यो केतालू होमली लेदा का तो बोगवानान सोरो हि। ज्यान बाराम तुमरो काय निर्णय हि?"

![](https://cdn.door43.org/obs/jpg/360px/obs-en-39-05.jpg)

आखा यहूदी गुरु उत्तर आप्या, "तो मारणेन लायक हि!" तेवी ता तान डोला पोर पट्टी बाध देना, एने ता पोर थुप्या, एने ताह देना, एने ता पोर आह्या।

![](https://cdn.door43.org/obs/jpg/360px/obs-en-39-06.jpg)

एने पतरस, जेवी घेरान बाहेर वाट जोवतालु। तेवी एक दासी सोरी ताह देखी।ति ताह केयी, "तू भी यीशु हेरी एतो!" पतरस नाकार देनो। बाद माय, उन्जू कालीह बायकू जिच वात केयी, एने पतरस उन्जू नाकार देनो। आखरी माय, काहिक एदमी ताह केया, " आमुह मालूम हि का तु यीशु हेरी एतो काहाकाय तुमु दुय भी गलील वाला हेते।"

![](https://cdn.door43.org/obs/jpg/360px/obs-en-39-07.jpg)

तेवी पतरस केयो, "जर मी ज्या माणहाह जाणतेय ते बोगवान माहु श्राप आपी!" ताहारूच पतरसान इही केरीन शपथ खाताच, एक कुकडो वाह देनो। यीशु पासाण फिरीन पतरसाह देख्यो।

![](https://cdn.door43.org/obs/jpg/360px/obs-en-39-08.jpg)

पतरस ताहरी रीन जात रिनो एने आयडी-आयडीन रेड्यो। तीच टायमे, यीशुह देरावणार यहूदा देख्यो का यहूदी गुरु यीशुह मोत ने सजा आपतेह। यहूदा जुलुम दुखी एनो एने जायीन फासी काय लेदु।

![](https://cdn.door43.org/obs/jpg/360px/obs-en-39-09.jpg)

तेवीह ता देशान राज्यपाल पिलातुस एतो। तो रोम ने केरता काम केरतालु। यहूदी गुरु यीशुह ता फाय लीगीया। ता होदताला का पिलातुस ताह मोत ने सजा आपी एने ताह मार टाकी। तेवी पिलातुस यीशुह फुशो, "काय तु यहूदिन राजा हि?"

![](https://cdn.door43.org/obs/jpg/360px/obs-en-39-10.jpg)

यीशु उत्तर आप्यो, "तु खेरीच किथी। पुण मारो राज्य जी केलीन नाह सोथो।जर रेतो ते मारा दास मार केरता लेडायी केरता। मी जी केली पोर बोगवानान बारामाय केणेन आवील हि। आखा ता जा खेरायीह प्रेम केरणु ता मारी होमेलणु।" पिलातुस केयो, "ते खेरायी काय हि?"

![](https://cdn.door43.org/obs/jpg/360px/obs-en-39-11.jpg)

यीशु हेरी वात केरणेन बाद, पिलातुस न बाहेर गेर्दी फाय जीयीन केयो, "माहु जामाय ओहलो कायीच कारण नाह सापडणो काय ज्यो मार टाकणेन लायक रेय।" पुण यहूदी गुरु एने गेर्दी आयडी-आयडीन केयो, "ज्याह क्रूसा पोर चेढाव देवो!" पिलातुस उत्तर आप्यो, "तो कायच गुणो केरील नाह सोथो।"पुण ता उन्जू भी उचा आवाजाम आयेडने बाज गिया। तेवी पिलातुस तीसरी वार केयो, "तो गुनागार नाह सोथो!"

![](https://cdn.door43.org/obs/jpg/360px/obs-en-39-12.jpg)

पिलातुस बिय गियो का ति गर्दी देन्गु केरणेन चालु केर देय, केरीन तो यीशुह क्रूस चेढावणेन मान गीयो। रोमी सैनिक यीशुह को कोडा लागाडया, एने ताह राजान फाडका पेराव्या, एने मुंडापोर काटान मुकुट मेल्या। तेवी ता ताह ज्यो केयीन आहणे बाजगिया, "देखो, यहूदिन राजा!"

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 रिन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_39_128kbps.m4a

## 40. यीशुह क्रूस पोर चेडावणू

https://openbiblestories.org/l/nlx/story-40/

![](https://cdn.door43.org/obs/jpg/360px/obs-en-40-01.jpg)

यीशुह आहणेन बाद, सैनिक ताह क्रूस पोर चेडावणे लीन गिया।ता ताहच तो क्रूस विसाडया जा पोर ताह मारण्या एता।

![](https://cdn.door43.org/obs/jpg/360px/obs-en-40-02.jpg)

ता सैनिक यीशुह ति जागे लावा जो "खोपडी"(मुंड) केवाथी। पुण यीशु केयो, "हे आबा,न्याह कमाप केर,काहाकाय न्या नाह जाणते का न्या काय केरणे बाज रेणाह।" ता एक पाटी तान मुंडान उपेर टांग देना। ति पोर लिखील एतो, "यहूदिन राजा।" पिलातुस ताह ज्यो लेखणेन केयील एतो।

![](https://cdn.door43.org/obs/jpg/360px/obs-en-40-03.jpg)

ओवता सैनिक यीशुन फाडकान केरता चिठ्ठी टाक्या। जेवी इही केऱ्या ते ता ती भविष्यवाणीह पुरा केऱ्या जी इही केथी, "ता मारा फाडकाह आपसाम वाट लेदा, एने मारा फाडकान केरता चिठ्ठी टाक्या।"

![](https://cdn.door43.org/obs/jpg/360px/obs-en-40-04.jpg)

ताहरीच दुय डाखु भी एता, जाह सैनिक ताहरुच क्रूस पोर चेडायील एता।ता ताह यीशुन दुय उखेर मेलील एता। तामायरीन एक यीशुह आह्यो, पुण दिहरो केयो, "काय तु बोगवानाह नाह बित का तो तुवाह दण्ड आपी? आपु जुलुम खाराब काम करणेन दोषी हेते, पुण ज्यो माणुह निर्दोष हि।" ओवतो तो यीशुह केयो, "जेवी तु तारा राज्य माय आवहि ते माहु एर मेलजी।" यीशु ताह उत्तर आप्यो, "आजच तु मार हेरी हेरगाम रीही।"

![](https://cdn.door43.org/obs/jpg/360px/obs-en-40-05.jpg)

यहूदी गुरु एने दिहरा माणहे यीशु पोर आहना। ता ताह केया, "जर तु बोगवानान सोरो हि, ते क्रूस पोररीन निचो उत्तर आव एने स्वताह वोचाडली! तेवी आमु तुवा पोर विश्वास केरहु।"

![](https://cdn.door43.org/obs/jpg/360px/obs-en-40-06.jpg)

तेवि आखा देशाम वादलो आखो कालो एय गियो, तो दिहान विचमाय वालो टायम एतो। तो हिराण ने टायमे कालो एयील एतो एने तीन तास वोर तोहलोच रेनो।

![](https://cdn.door43.org/obs/jpg/360px/obs-en-40-07.jpg)

तेवी यीशु आयडीन केयो, "पुरो एनो! हे आबा, मी मार आत्मा तारा आथाम होपथु।" तेवी यीशु तान मुंड नेडो केऱ्यो एने जीव सोड देनो। जेवी तो मोरनो ते एक मोठलो भूकम्प आवो। तो मोठलो पडदो जो बोगवानान उपस्थितिह रीन माणहाह अलग केरतालु उपेर रीन नीचे फाटीन दुय भाग एय गियो।

![](https://cdn.door43.org/obs/jpg/360px/obs-en-40-08.jpg)

तान मोत ने द्वारा, यीशु माणहान केरता बोगवाना फाय आवणेन वाट उगाड देनो। जेवी यीशुन देखाणार एक सैनिक जो एनो तो सोब देख्यो ते तो केयो, "खेरीच, ज्यो माणुह निर्दोष एतो। एने ज्यो बोगवानान सोरो हि।"

![](https://cdn.door43.org/obs/jpg/360px/obs-en-40-09.jpg)

तेवी यूसुफ एने नीकुदेमुस नावान दुय यहूदी गुरु आवा। ता विश्वास केरताला का यीशु च मसीह एतो। ता पिलातुसा फायरीन यीशुन शरीर मांग्या। ता तान शरीराह फाडकाम गुनडाल्या। तेवी ता ताह एक देगडान काटील बोणायील माहणाम लीन गिया एने तामाय मेल देना। तेवी ता माहणान बायणाह बोंद केरणेन केरता एक मोठला देगडाह लागड देना।

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_40_128kbps.m4a

## 41. बोगवान यीशुह मोरील मायरीन जुवाडीह

https://openbiblestories.org/l/nlx/story-41/

![](https://cdn.door43.org/obs/jpg/360px/obs-en-41-01.jpg)

सैनिका द्वारा यीशुह क्रूस पोर चेढावणेन बाद, यहूदी गुरु पिलातुसाह केयो, "तो झुठो, यीशु केयील एतो का मी तीन दिहाम पोशो मोरील मायरीन जीव उठूह।कुणीह तीभी ज्यो देखणेन पोडी का तान चेला आवीन तान शरीराह चोर नय लेती। जर ता चोर लेती ता केती का तो मोरील मायरीन जीव जायील हि।"

![](https://cdn.door43.org/obs/jpg/360px/obs-en-41-02.jpg)

पिलातुस केयो, "काहिक कुछ सैनिकाह लीन जावु, एने जीही तुमूह केरू लागी तीही माहणान राखवाली केरो।"केरीन ता ता माहणान बायणा पोर हाकुल नागाड देना। ता ज्यो देखणे ताह सैनिकाह भी मेल देना काय कुण भी तान शरीराह चोरीन लीजाय नाय।

![](https://cdn.door43.org/obs/jpg/360px/obs-en-41-03.jpg)

यीशुह मोरणेन बाद दिहरो शब्बाथ ने दिह एतो। कुण भी शब्बाथान दिह काम नाह केर सकतालो, केरीन यीशुन काल्लोच हाथी माहणापोर आवील नाह एतो। पुण शब्बाथान बाद ने दिह, जुलुम वेगाच, काहिक बायकु यीशुन माहणे जाणेन तियार एनी। ति यीशुन शरीरा पोर सुगंधीत मसाला लागडन्यु एत्यू।

![](https://cdn.door43.org/obs/jpg/360px/obs-en-41-04.jpg)

ति बायकूह पोचणेन पेल, माहणान जागे एक मोठलो भूकम्प एनो। स्वर्गाम रीन एक स्वर्गदूत आवीन ता देगडाह सेटो केर देनो जो माहणान बायणा पोर मेलील एतो एने ता पोर बोह गियो। ज्यो स्वर्गदूत उजान गेत चोमेकतालो। माहणा पोर जा सैनिक एता ता ताह देख्या।ता ओला बिय गीया मोरीलान गेत बुयीपोर पोड गिया।

![](https://cdn.door43.org/obs/jpg/360px/obs-en-41-05.jpg)

जेवी ती बायकू माहणे पोचनी ते तो स्वर्गदूत तीह केयो, "बिवू मा। यीशु न्याहरी नाह सोथु। तो मोरील मायरीन जीव जायील, जीही तो केयील एतो का मी जीव जाय! माहणामाय होदु एने देखो।" त्यु बायकू माहणा माय जायीन एने जाहरी यीशुन शरीर मेलील एतो ताहरी होदयु एने एने देख्यू काय तान शरीर ताहरी नाह एतो!

![](https://cdn.door43.org/obs/jpg/360px/obs-en-41-06.jpg)

तेवी तो स्वर्गदूत त्यु बायकुह केयो, "जायीन तान चेलाह केवो, 'यीशु मोरील मायरीन जीव जायील एने तो तुमरे ओगाण-ओगाण गलील जाय।'"

![](https://cdn.door43.org/obs/jpg/360px/obs-en-41-07.jpg)

त्यु बायकू बोंगलाय गियो एने खुश एन्यु। ती चेलाह जी हाजली खुबेर केणेन दोवड्यू।

![](https://cdn.door43.org/obs/jpg/360px/obs-en-41-08.jpg)

जेवी त्यु बायकु चेलाह जी खुबेर केणेन केरता जाताल्युन वाटेच एत्युन, ते यीशु त्युह देखानु। त्यु तान पाया पोर पोड गीयु। तेवी यीशु केयो, "बिवु मा। जायीन मारा चेलाह गलील जाणेन केवू। ता ताहरी माहु देखती।"

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_41_128kbps.m4a

## 42. यीशुन स्वर्गाम जाणो

https://openbiblestories.org/l/nlx/story-42/

![](https://cdn.door43.org/obs/jpg/360px/obs-en-42-01.jpg)

जी दिह बोगवान यीशुह मोरील मायरीन जीवतालु किरील एतो, तान दुय चेला जागे वाला गावाम जाताला। चालतालान ता यीशु हेरी जो एयील एतो। तान बारामाय वात केरताला, तान आशा एती का तो मसीह एतो, पुण तीभी तो माराय गियो। एवी त्यु बायकु केत्युह का तो पोश्यो जीवतालु एय जायील हि। ता नाह जाणताला का काल्ली वात पोर विश्वास केरणे।

![](https://cdn.door43.org/obs/jpg/360px/obs-en-42-02.jpg)

यीशु ता फाय आवो एने ताहेरी चालणे लागो, पुण ता ताह नाह ओलख्या।तो ताह फुशो का ता कुणीन बरामाय वात केरतेह। ता ताह पासाणल्या दिह्याम यीशु हेरी एयील घटनान बाराम केयो। तो विचार केऱ्या काता एखादा एनजाणल्या हेरी वात केरतेह जो नाह जाणतालो का यरूशलेम माय काय एयील एतो।

![](https://cdn.door43.org/obs/jpg/360px/obs-en-42-03.jpg)

तेवी यीशु ताह सोमजाड्यो का बोगवानान वचन मसीह ने बाराम काय किथी। जुलुम पेल, भविष्यवक्ता केयील एतो का खराब माणहे मसीहाह वेला केरावति एने मार टाकती। पुण भविष्यवक्ता ज्यो भी केयील एता का तो तीसरे दिह जीव जाय।

![](https://cdn.door43.org/obs/jpg/360px/obs-en-42-04.jpg)

जेवी ता ता हेयराम पोचना जाहरी ता दुय जाणा रोकाण्या एता, तुलबुखे साज पोड जायील एतो। ता यीशुह ता हेरी रोकाणे केयो, ओवतो तो ता हेरी एक घेराम गियो। ता हांज खाणे केरता बोठा। यीशु न एक रोटू लीन तान केरता बोगवानाह धन्यवाद दिनो, एने ताह तोडयो। उचकाहुच, ता जाण लेदा का तो यीशु एतो। पुण तो तुलबुखेच, तान ओगाण रीन गायप एय गियो।

![](https://cdn.door43.org/obs/jpg/360px/obs-en-42-05.jpg)

ता दुय जाणा एक दिहराह केयो का, "तो यीशु एतो! केरीन तो आपुह बोगवानान वचन होमजाडतालो ते आपु जुलुम खुश एता!" ताहरूच, ता निकलीन वापस यरूशलेम गिया। जेवी ता पोच्या ते चेलाह केया, "यीशु जीवतालु हि! आमु ताह दिखील हेते!"

![](https://cdn.door43.org/obs/jpg/360px/obs-en-42-06.jpg)

जेवी चेला वातु केरतालन, यीशु उचकाहुच ता घेराम देखानो। तो केयो, "तुमुह शांती जुडी!" चेला विचार केऱ्या ज्यो बुतडो, पुण यीशु केयो, "तुमु काहा बितेह? तुमु ज्यो विचार काहा नाह केरते ज्यो खेरी मी हि, यीशु? मारा आथ एने मारा पायाह देखो।बुतडा फाय ओहलो शरीर नाह रेत जोहलो मार फाय हि।" ज्यो देखाडणेन केरता का तो बुतडो नाह सोथो, तो खाणेन केरता मांग्यो। ता ताह एक मासान तुकडो आप्या, एने तो ताह खाय लेदो।

![](https://cdn.door43.org/obs/jpg/360px/obs-en-42-07.jpg)

यीशु केयो, "मारा बाराम बोगवानान वचन जो भी केथी तो एय। मी तुमूह केयील एतो का ओहलो एणेन जरुरी हि।" तेवी यीशु ताह बोगवानान वचन हास केरीन सोमजाडयो। तो केयो, "जुलुम पेल भविष्यवक्ता लिखील एता का माहु, मसीहाह वेला केरणे पोडी, मोरणे पोडी एने पोशो तीसरे दिह मोरील मायरीन जीव उठी।"

![](https://cdn.door43.org/obs/jpg/360px/obs-en-42-08.jpg)

ता भविष्यवक्ता ज्यो भी लिखील एता का मारा चेला बोगवानान वचनान पोरचार केरती। ता आखाह पश्चाताप करनणेन केती। जर ता इही केरती ते बोगवान तान पापापान क्षमा केरी। मारा चेला ज्यो पोरचार केरणेन यरूशलेम मायरीन सुरुवात केरती। तेवी ता आखी जागे आखी जातीम जाती। तुमु मारी आखी वातुन एने आखा कामान गवाह हेते ज्यो मी केयील एने किरील एतो, एने ता आखान भी जो मार हेरी एनो।

![](https://cdn.door43.org/obs/jpg/360px/obs-en-42-09.jpg)

ओगाणल्या चालीह दिह वोर, यीशु तान चेलाह मोक्ताच वार देखानो। एक वार ते तो 500 से जादा माणहाह देखानो! तो तान चेलाह मोक्तीच वातु से गवाही आप्यो का तो जीवतालो एतो।

![](https://cdn.door43.org/obs/jpg/360px/obs-en-42-10.jpg)

यीशु तान चेलाह केयो, "बोगवान माहु स्वर्ग एने केलीन आखा जाणा पोर राज्य केरणेन अधिकार आपील हि। केरीन एवी मी तुमूह केथु: जावो एने आखी जातीन माणहाह चेला बोणावो। ज्यो केरणेन केरता, तुमुह ताह आबाक, सोरो, एने पवित्र आत्मान नावाम बाप्तीस्मा आपणु हि। जी आज्ञा मी तुमुह आपील हि त्यु आखीह भी तुमूह मानणे हिकाडणे पोडी। एर मेलो, मी कायम तुमरे हेरी रेह।"

![](https://cdn.door43.org/obs/jpg/360px/obs-en-42-11.jpg)

यीशु मोरील मायरीन जीव उठणेन चालीह दिह्या बाद, तो तान चेलाह केयो, " जेवी वोर मारू आबुक तुमूह सामर्थ नाह आपित ताह वोर यरूशलेम मायच रीवो। तो तुमु पोर पवित्र आत्मान मोकेलणेन द्वारा ज्यो केरी।" तेवी यीशु स्वर्गाम जात रिनो, एने एक वादलो ताह तान नेजर से लीकाड लेदो। स्वर्ग माय यीशु आखी वोस्तु पोर राज्य केरणेन बोगवानान डाखरी उखेर बोह गियो।

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_42_128kbps.m4a

## 43. कलीसियान सुरुवात इथी

https://openbiblestories.org/l/nlx/story-43/

![](https://cdn.door43.org/obs/jpg/360px/obs-en-43-01.jpg)

यीशुन स्वर्गाम जाणेन बाद, चेला यरूशलेमायच रेना का जीही ताह यीशु आदेश आपील एतो। ताहरी वाला विश्वासी माणहा ताहरी प्रार्थना एकठा एताला।

![](https://cdn.door43.org/obs/jpg/360px/obs-en-43-02.jpg)

दर वोरही, फसह ने तीवारान 50 दिह्यान बाद, यहूदी माणहा पिन्तेकुस्त नावान एक महत्वान दिह मानताला। पिन्तेकुस्त ने दिह तो टायम एतो जेवी यहूदी माणहा गोवान कटायीह मानताला। आखा केलीम रीन यहूदी माणहे पिन्तेकुस्त ने दिहाह केरणेन केरता यरूशलेम आवताला। जी वोरही, पिन्तेकुस्त ने दिह यीशुन स्वर्गाम जाणेन कोमी ते कोमी एक हफ्तान बाद आयील एतो।

![](https://cdn.door43.org/obs/jpg/360px/obs-en-43-03.jpg)

जी टायमे आखा विश्वासी एकठा एता, ते ता घेराम जाहरी ता एता उचकाहुच जोरेच वारो आवो।एने आकठान गेट देखाणार काय तीभी आखा विश्वासीन मुंडापोर देखानो। ता आखा पवित्र आत्मा से भोराय गिया एने ता अन्य भाषाम बोगवानान स्तुति केऱ्या। ज्यू भाषा त्यु एत्यु जीह पवित्र आत्मा ताह बोलाडताली।

![](https://cdn.door43.org/obs/jpg/360px/obs-en-43-04.jpg)

जेवी यरूशलेम माय रेणारा माणहा ता आवाजाह होमल्या, तेवी ता गेर्दीम टुलू एयीन देखने आवा का काय एणे बाज रेनोह। ता विश्वावासीह बोगवानान द्वारा किरील मोठा-मोठा कामान पोरचार केरताला होमल्या। ता बोंगलाय रीयील एता का ता कामाह ताचने भाषाम होमेलताल।

![](https://cdn.door43.org/obs/jpg/360px/obs-en-43-05.jpg)

न्या मायरीन काहिक माणहा केया का ता चेला नशाम हेते। पुण पतरस उभ रेनो एने केयो, "मारी वात होमलो! ज्या नशाम नाह सोथा! पुण, जो तुमु देखतेह ज्यो तोच हि जो योएल भविष्यवक्ता कियील एतो का एय: बोगवान केयो, 'आखरी दिह्याम,मी मारो आत्मा मोकलुह।'"

![](https://cdn.door43.org/obs/jpg/360px/obs-en-43-06.jpg)

हे इस्राएली माणहा, यीशु एक ओहलो माणुह एतो जो ज्यो देखाडणेन केरता का तो कुण एतो जुलुम चमत्कार किरील एतो। तो बोगवानान सामर्थ से जुलुम मोठा कामे किरील एतो। तुमु ज्यो जाणतेह, काहाकाय तुमु भी ज्या कामे देखील एता।पुण तुमु ताह क्रूस पोर चढ़ाव देना!

![](https://cdn.door43.org/obs/jpg/360px/obs-en-43-07.jpg)

यीशु मोर गियो पुण बोगवाना ताह मोरील मायरीन जीवतालु केर देनो। ज्यो ति वातुह पुरो केऱ्या जिह एक भविष्यवक्ता लिखील एतो: 'तू आपणा पवित्र जाणाह माहणाह किडाणे नेय दीही।' आमु गवाह हेते का बोगवान यीशुह पोशो जीवतालु केर दियील हि।

![](https://cdn.door43.org/obs/jpg/360px/obs-en-43-08.jpg)

बोगवाना आबुक एवी यीशुह तान डाखरी उगे बोहाडीन ताह आदर आपील हि। एने यीशु आपणे केरता पवित्र आत्माह मोलील हि जीही का तो वायदो किरील एतो का तो मोकली। पवित्र आत्माच ज्या कामाह किरीह जाह तुमु देखतेह एने होमेलतेह।

![](https://cdn.door43.org/obs/jpg/360px/obs-en-43-09.jpg)

तुमु ता माणहा, यीशुह क्रूस पोर चढ़ाव देना। पुण खेरीच जाण लिवो का बोगवान यीशुह आखी वोस्तु पोर प्रभु एने मसीह दुय भी ठहरायील हि!

![](https://cdn.door43.org/obs/jpg/360px/obs-en-43-10.jpg)

पतरसाह होमेलणार माणहे तान द्वारा कियील वात से मायरीन आल जायील एता। केरीन ता पतरस एने चेलाह फुस्या, "हे बायहो,आमु एवी काय करणे जुवी?"

![](https://cdn.door43.org/obs/jpg/360px/obs-en-43-11.jpg)

पतरस ताह उत्तर आप्यो, "तुमु मायरीन हर एक जाण आपणा पापान केरता पश्चाताप किरो का बोगवान तुमरा पापान क्षमा केरी,एने यीशु मसीह ने नावे बपतिस्मा लेय। तेवी तो तुमूह वरदानान रूपमाय पवित्र आत्मा भी आपी।"

![](https://cdn.door43.org/obs/jpg/360px/obs-en-43-12.jpg)

पतरस जो केयो ता पोर कोमी ते कोमी 3,000 माणहा विश्वास केऱ्या एने यीशुन चेला बोण गिया। ता ने बाप्तीस्मा लेदा एने यरूशलेम ने कलीसियान हिस्सा बोण गिया।

![](https://cdn.door43.org/obs/jpg/360px/obs-en-43-13.jpg)

जेती चेला ताह हिकाडताला ते विश्वासी कायम होमेलताला। ता मिलाया केरताला एने एकठा खाताला, एने ता एक दिहरान केरता प्रार्थना केरताला।ता मिलिन बोगवानान स्तुति केरताला एने जो काय भी ताफाय एतो ता एक दिहरा हेरी वाट ताला। हेरान आखा माणहा तान केरता हाजो विचार केरतालो। दाडीन दिह, जादा से जादा माणहा विश्वासी बोणती गिया।

*प्रेरितान कामे 2 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_43_128kbps.m4a

## 44. पतरस एने यूहन्ना एक भिखारीह हाजो केरतेह

https://openbiblestories.org/l/nlx/story-44/

![](https://cdn.door43.org/obs/jpg/360px/obs-en-44-01.jpg)

एक दिह, पतरस एने यूहन्ना मंदिर माय गिया। एक अपंग माणुह भिख मांगणेन बायणा पोर बोहरीयील एतो।

![](https://cdn.door43.org/obs/jpg/360px/obs-en-44-02.jpg)

पतरस ता लेंगडा माणहान उखेर देख्यो एने केयो, "माहु फाय तुवाह आपणेन पोयशा नाह सोथा। पुण जो माहु फाय हि तो मी तुवाह आपूह। यीशु नाव से, उठ एने चाल-फिर!"

![](https://cdn.door43.org/obs/jpg/360px/obs-en-44-03.jpg)

ताहरूच, बोगवान ता लेंगडा हाजो केर दिनो। तो न्याहरो-ताहरो चालणे एने कुदणे, एने बोगवान स्तुति केरणे सुरवात केर दिनो। मंदिरान खोलीम वाला माणहा बोंगलाय जायील एता।

![](https://cdn.door43.org/obs/jpg/360px/obs-en-44-04.jpg)

जेल्दीच माणहान एक गेर्दी ता माणहाह देखणे आवी जो हाजो एयील एतो। पतरस ताह केयो, "ज्यो माणहो हाजो एनोह, पुण जी वातु पोर मा बोंगलावो। आमु ज्याह आमरी शक्ति से हाजो नाह केरील सोता, एने ज्यान से नाह का आमु बोगवानान आदर केरतेह। पुण, तो यीशु हि जो ज्या माणहाह तान शक्ति हाजो केरील हि, काहाकाय आमु ता यीशु पोर विश्वास केरतेह।"

![](https://cdn.door43.org/obs/jpg/360px/obs-en-44-05.jpg)

ता तुमुच हेते जा ता रोमी राज्यपालह यीशुह मार टाकणेन कियील एता। तुमु ताह मार टाकील जो आखाह जीवन आपतालु।पुण बोगवान ताह मोरील मायरीन जीवतालु किरील। तुमु नाह सोमज्या का तुमु काय केरताला, पुण पुण जुलबुखे तुमु तो काम केरताला, ते जो भविष्यवक्ता केयील तो पुरो एनो। ता कियील एता मसीह दुख विसी एने मोर जाय। बोगवान ज्यो इहीच केरीन एणे दिनो। केरीन अवि, पश्चाताप किरो एने बोगवानान उखेर फिरू, का तो तुमरा पापाह धोविन साफ केर देय।

![](https://cdn.door43.org/obs/jpg/360px/obs-en-44-06.jpg)

जेवी मंदिरान गुरू पतरस एने यूहन्नाह होमल्या, ते जुलुम बिय गिया। केरीन ता ताह देरीन जेलीम टाक देना। पुण जो पतरस केयील एतो ता पोर जुलुम माणहा विश्वास किऱ्या। यीशु पोर विश्वास केरणारान गेणती वोदिन कोमी ते कोमी 5,000 एय गीयी।

![](https://cdn.door43.org/obs/jpg/360px/obs-en-44-07.jpg)

ओगाणली दिह, ता यहूदी गुरु पतरस एने यूहन्ना ह महायाजक एने दिहरा धार्मिक गुरुन ओगाण लीन आवा। ता ता माणहाह भी लीन आवा जो अपंग एतो। ता पतरस एने यूहन्नाह फुश्या, "काल्ला अधिकार से से तुमु ज्या अपंग माणहाह हाजो केऱ्या?"

![](https://cdn.door43.org/obs/jpg/360px/obs-en-44-08.jpg)

पतरस उत्तर आप्यो, " ज्यो माणुह जो तुमरे ओगाण हि ताह यीशु मसीह ने सामर्थ ने द्वारा हाजो एयील हि। तुमु यीशुह क्रूस पोर चेढाव दियील, पुण बोगवान ताह पोश्यो जीवतालो केर दियील हि! तुमु ताह नाकार देना, पुण यीशुन सामर्थ ने उद्धार ने काल्लोच दिहरी वाट नाह सोथी!"

![](https://cdn.door43.org/obs/jpg/360px/obs-en-44-09.jpg)

ता गुरू बोंगलाय गिया का पतरस एने यूहन्ना जुलुम हिमुत से वात केरील एता।ता देख्या का ज्या साधारण एदमी एता जा हिकील नाह एता। पुण ओवतो ताह एर आवो का ज्या एदमी यीशु हेरी रीयीय एता। केरीन ता ताह केया, "आमु तुमुह जुलुम सजा देहू जर तुमु ज्या यीशुन बारामाय माणहाम पोरचार केरहु।" ओहल्यु जुलुम वातु केणेन बाद, ता पतरस एने यूहन्ना सोड देना।

*प्रेरितान कामे 3:1-4:22 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_44_128kbps.m4a

## 45. स्तिफनुस एने फिलिप्पुस

https://openbiblestories.org/l/nlx/story-45/

![](https://cdn.door43.org/obs/jpg/360px/obs-en-45-01.jpg)

पेहला मसीहीन गुरु माय स्तिफनुस नावान एक एदमी एतो।आखा माणहा तान आदर केरताला। पवित्र आत्मा ताह जुलुम सामर्थ एने बुद्धि आपील एती। स्तिफनुस जुलुम चमत्कार किरील एतो। जेवी तो यीशु पोर विश्वास केरणेन बारामाय हिकाडयो ते जुलुम माणहा ता पोर विश्वाश केरील एता।

![](https://cdn.door43.org/obs/jpg/360px/obs-en-45-02.jpg)

एक दिह, स्तिफनुस यीशुन बारामाय हिकाडतालु, एने काहिक ओहला यहूदी माणहे आवा जा यीशु पोर विश्वास नाह किरील एता एने ता हेरी वाद-विवाद केरणेन चालु केर देना। ता जुलुम रागाम आव लागा,केरीन ता धार्मिक गुरु गिया एने तान बारामाय जुठ बोल्या। ता केया, "आमु स्तिफनुसाह मूसा एने बोगवानान बारामाय खराब वात केतालो होमलील हेते!" केरीन धार्मिक गुरु स्तिफनुसाह देर लेदा एने ताह महायाजक एने यहूदिन दिहरा गुरुन ओगाण लावा।एने जुठा गवाह आवा एने स्तिफनुसान बारामाय जुठ बोल्या।

![](https://cdn.door43.org/obs/jpg/360px/obs-en-45-03.jpg)

महायाजक स्तिफनुसाह फुस्यो, "काय ज्या माणहा तार बाराम खेरी केतेह?" स्तिफनुस महायाजक उत्तर आपीन जुलुम वातु केणे लागु। तो केयो अब्राहम ने टायम रीन यीशु टायमे वोर बोगवान इस्राएल ने माणहान केरता जुलुम मोठा कामे केरील हि। पुण माणहा कायम बोगवानान नाकार देतेह। स्तिफनुस केयो, "तुमु बोगवानान विरुद्ध एक इट्या एने धोखो देणारा हेते। तुमु कायम पवित्र आत्माह अस्वीकार केऱ्या, जीही का आपणा डायला कायम पवित्र आत्माह अस्वीकार किरील एता एने कायम तान भविष्यवक्ताह मार टाकताला। पुण ता जो किरील एता ताह रीन तुमु जुलुम खराब किरील हेते! तुमु मसिहाह मार टाक्या!"

![](https://cdn.door43.org/obs/jpg/360px/obs-en-45-04.jpg)

जेवी ता धार्मिक गुरु ज्यो होमल्या, ता रागाम आवा एने ता आपणा कानाह बोंद केर लेदा एने जोरेच आयड्या।ता स्तिफनुसाह गीह्लीन हेयरान बाहेर लीन गिया एने ताह मार टाकणेन ताह देगडाठ्या।

![](https://cdn.door43.org/obs/jpg/360px/obs-en-45-05.jpg)

जेवी स्तिफनुस मोरतालु, तो आयडीन केयो, "हे यीशु, मारी आत्माह ग्रहण केर!" तेवी तो तान मांड्या पोर आवो एने आयडयो, "हे प्रभु, ज्यो पाप ण्या पोर मा लागाडहि।" तेवी तो मोर गियो।

![](https://cdn.door43.org/obs/jpg/360px/obs-en-45-06.jpg)

ति दिह, यरूशलेमाय रेणार जुलुम माणहा यीशुह मानणाराह विताडने चालू केर देना, केरीन विश्वासी माण हे नाहीन दिहरी जागे नाह गिया। पुण तीभी, जाहरी भी ता गिया यीशुन बारामाय पोरचार केऱ्या।

![](https://cdn.door43.org/obs/jpg/360px/obs-en-45-07.jpg)

फिलिप्पुस नावान यीशुन एक विश्वासी एतो। जीही दिहरा विश्वासी नाहील एता तो भी तो भी यरूशलेम नाह गियो। तो सामरियान भागम जात रेनो। ताहरी तो माणहाम यीशुन पोरचार केऱ्यो।जुलुम माणह तापोर विश्वास केऱ्या एने ताह उद्धार जुडणो। एक दिह, फिलिप्पुस फाय बोगवानान उखेर रीन एक स्वर्गदूत आवो एने ताह जंगलाम जायीन, एने वाटे चालणे केरता केयो। फिलिप्पुस ताहरी गियो। जेवी तो ति वाटे चालतालो, ते तो एक माणहा तान रथ माय जातालो देख्यो। ज्यो माणुह कुश देशान एक मुख्य अधिकारी एतो। पवित्र आत्मा फिलिप्पुसाह केयो का जायीन ता माणहा हेरी चाल।

![](https://cdn.door43.org/obs/jpg/360px/obs-en-45-08.jpg)

केरीन फिलिप्पुस रथ हेरी गियो। तो होमल्यो ता तो कुश ने बोगवानान वचन वाच तालो। जो यशायाह भविष्यवक्ता लिखील एतो तो ताह वाच तालो। तो वाच तालो, "ता ताह माराणार मेंडरान गेत लीन गिया,एने जीही एक मेंडरो शान्त रेणे, तो भी एक शब्द नाह केयो। ता ता हेरी हाजो व्यवहार नाह केऱ्या .एने तान आदर नाह केऱ्या।ता तान जीव लेय लेदा।"

![](https://cdn.door43.org/obs/jpg/360px/obs-en-45-09.jpg)

फिलिप्पुस ता कूश वालाह फुस्यो, "जो तू वाचीह काय तु तो सोमजीह भी?" तो कूश वालो उत्तर आप्यो, "नाह। जेवी वोर कुण माहु नाह सोमजाडीत, तेवी वोर मी ज्याह नाह सोमज सकीत। कृपा किरीन माहु हेरी आवीन बोह। यशायाह ज्यो तान बारामाय लिखील हि काय दिहरान बारामाय?"

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ पोर चेढ गियो एने बोह गियो। तेवी तो ता कुश वालाह केयो यशायाह ज्यो यीशुन बारामाय लिखील एता। फिलिप्पुस बोगवान जुलुम दिहरा वचनान भी वात केऱ्या। इही केरीन, तो ता माणहाह यीशुन बारामाय संदेश केयो।

![](https://cdn.door43.org/obs/jpg/360px/obs-en-45-11.jpg)

फिलिप्पुस एने तो कुश वालो चालतीन पाण्यान जागे आवा। तो कुश वालाह केयो, "देख! न्याहरी पाणी हि! काय मी बाप्तिस्मा लेय सकथु?" एने ता रथ चालाडणाराह रोकाने केया।

![](https://cdn.door43.org/obs/jpg/360px/obs-en-45-12.jpg)

ओवता ता पाणीम गिया, एने फिलिप्पुस ता कूश वालाह बाप्तिस्मा आप्यो। जेवी ता पाणीम रीन बाहर आवा, तेवी पवित्र आत्मा उचाकाहुच फिलिप्पुसाह विसीन दिहरी जागे लीन गियो। ताहरी फिलिप्पुस माणहाह यीशुन बाराम केणेन चालुच मेल्यो।

![](https://cdn.door43.org/obs/jpg/360px/obs-en-45-13.jpg)

तो कूश वालो तान घेर चाल देनो।तो खुश एतो का तो एवी यीशुह जाणतालो।

*प्रेरितान कामे 6:8-8:5; 8:26-40 रिन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_45_128kbps.m4a

## 46. पौलुस मसीही विश्वासी बोणीह

https://openbiblestories.org/l/nlx/story-46/

![](https://cdn.door43.org/obs/jpg/360px/obs-en-46-01.jpg)

शाऊल नावान एक माणुह एतो जो यीशु पोर विश्वास नाह किरील एतो। तो जुवान एतो, तो स्तिफनुसाह मारनाराह देखील एतो। बाद माय, तो भी विश्वासीह विताडील एतो। तो यरूशलेम माय घेर-घेर जायीन एदमी एने बायकू दुयूह भी जेलीम टाक दियील एतो। तेवी महायाजक शाऊलाह दमिश्क हेयराम जाणेन सूट आप्यो।तो ताहरी वाला मसीहीह देरीन एने ताह वापस यरूशलेम लीन आवणेन केरता शाऊलाह केयो।

![](https://cdn.door43.org/obs/jpg/360px/obs-en-46-02.jpg)

ओवतो शाऊल दमिश्क जानणेन यात्रा चालू केऱ्यो।ता हेयराम पोचणेन जारिक पेल,तान चार उखेर वादलाम एक उजालो चोमकनो, एने तो बुयी पोर पोड गियो। शाऊल कुणाह तीभी केतालो होमल्यो, "हे शाऊल! हे शाऊल! तु माहु काहा विताडिह?" शाऊल फुस्यो, "हे प्रभु, तू कुण हि?" यीशु उत्तर आप्यो, "मी यीशु हि। तू तु माहु विताडीह!"

![](https://cdn.door43.org/obs/jpg/360px/obs-en-46-03.jpg)

जेवी शाऊल उठणो ते ताह नाह देखातालो। तान हाथी ताह दमिश्क वोर लीन गिया। शाऊल तीन दिह वोर कायच नाह खादो नाह पिदो।

![](https://cdn.door43.org/obs/jpg/360px/obs-en-46-04.jpg)

दमिश्क माय हनन्याह नावान एक चेलो एतो।बोगवान ताह केयो, "ता घेराम जा जाहरी शाऊल रोकाय रेनोह।तार आथ तापोर मेलजी का तो पोशो देखणे लागी।" पुण हनन्याह केयो, "हे प्रभु मी होमलील हि तो माणुह विश्वासीह विताडने।"बोगवान ताह उत्तर आप्यो, "जा! मी ताह यहूदि माय एने दिहरी जातीन माणहाम मारा नावान पोरचार केरणेन केरता ताह निवाड लीयील हि। तो मारा नावान केरता जुलुम दुख बोगी।"

![](https://cdn.door43.org/obs/jpg/360px/obs-en-46-05.jpg)

ओवतो हनन्याह शाऊल फाय गियो, आपणा आथाह ता पोर मेल्यो, एने केयो, "यीशु, जो न्याहरी आवणेन पेल तुवाह वाटे देखानो,माहु तुवा फाय मोकलील हि का तु पोशो देखणे लागी, एने पवित्र आत्मा तार माय बोराय जाय।" ताहरुच शाऊल पोशो पोशो देखणे लागो, एने हनन्याह ताह बाप्तीस्मा आप्यो। तेवी शाऊल खादो एने पोशो टाटो एय गियो।

![](https://cdn.door43.org/obs/jpg/360px/obs-en-46-06.jpg)

तुलबुखे रीन, शाऊल न दमिश्क माय रेणारा यहूदि माय पोरचार केरणेन चालू केर दिनो। तो केयो, "यीशुच बोगवानान सोरो हि!" यहूदी माणहा बोंगलाय जायील एता,काहा काय शाऊल ते विश्वासीह मार टाकतालो, एने एवी तो केतालो का यीशु पोर विश्वास केरू। शाऊल यहूदि माणहा हेरी वात केऱ्यो। तो देखाद्यो का यीशुच मसिह एतो।

![](https://cdn.door43.org/obs/jpg/360px/obs-en-46-07.jpg)

जुलुम दिह्या बाद, यहूदि माणहे शाऊलाह मार टाकणेन विचार केरऱ्या। ता ताह मार टाकणेन केरता हेयरान बायणा पोर माणहाह मोकल्या। का ता पोर नजर मेलती पुण शाऊल तान विचारान बारामाय होमेल लेदो,एने तान हाथी ताह वोचीन निकलणेन तान मदत केऱ्या। एक रात ता ताह टोपली माय बोहाडीन हेयरान भीतडा पोर रीन नीचे उतार देना। दमिश्क मायरीन वोचीन निकेलणेन बाद शाऊल यीशुन बारामाय पोरचार केरणेन चालु मेल्यो।

![](https://cdn.door43.org/obs/jpg/360px/obs-en-46-08.jpg)

शाऊल प्रेरिताह मिलणेन केरता यरूशलेम गियो,पुण ता ताह बिताला। तेवी बरनबास नावान एक विश्वासी शाऊलाह प्रेरिता फाय लीन गियो। तो ताह केयो का शाऊल किहिक इमुत केरीन दमिश्क माय पोरचार किरील एतो। ता बाद, प्रेरित शाऊलाह स्वीकार केर लेदो।

![](https://cdn.door43.org/obs/jpg/360px/obs-en-46-09.jpg)

काहिक विश्वासी जा यरूशलेम मायरीन नाहील एता ता सेटाच अंताकिया हेयराम यीशुन बारामाय पोरचार केरताला। अंताकिया माय रेनारा जादातर यहूदी नाह एता,पुण पेहलीच वार, ता वाला जुलुम माणहा विश्वासी बोण गिया। बरनबास एने शाऊल ता नोवाला विश्वासीह यीशुन बारामाय उंजू हास केरीन हिकाडणेन ताहरी गीया एने कलीसियाह मोजबुत केऱ्या। यीशु पोर विश्वास केरणारा ता पेहली वार अंताकियाच"मसीही" केवाना।

![](https://cdn.door43.org/obs/jpg/360px/obs-en-46-10.jpg)

एक दिह, अंताकियान मसीही माणहा उपास एने प्रार्थना केरतालान। पवित्र आत्मा ताह केयो, "मार केरता बरनबास एने शाऊलाह जा कामान केरता अलग केर दिवो जाह केरणेन केरता मी ताह हादील हि।" केरीन अंताकियान कलीसिया बरनबास एने शाऊल केरता प्रार्थना केऱ्या एने ता पोर आपणा आथे मेल्या। तेवी ता ताह दिहरी जागे यीशुन संदेशान पोरचार केरणेन मोकली देना। बरनबास एने शाऊल अलग-अलग जातीन माणहाह हिक आप्या, एने जुलुम माणहा यीशु पोर विश्वास केऱ्या।

*प्रेरितान कामे 8:3; 9:1-31; 11:19-26; 13:1-3 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_46_128kbps.m4a

## 47. फिलिप्पी माय पौलुस एने सीलास

https://openbiblestories.org/l/nlx/story-47/

![](https://cdn.door43.org/obs/jpg/360px/obs-en-47-01.jpg)

जेवी शाऊल आखा रोमी राज्य माय फिऱ्यो तो तान रोमी नाव "पौलुस" का वापरणे चालु केऱ्यो। एक दिह, पौलुस एने तान हाथी सीलास फिलिप्पी हेयराम यीशुन बारामय पोरचार होमलाडणेन गिया। ता हेयरान बाहेर नदीन मेरे एक जागे गिया जाहरी माणहा प्रार्थना केरणेन केरता एकठा एयील एता। ताहरी ताह लुदिया नावान एक बायकू मिलानी जी एक व्यापारी एती। तो बोगवानाह प्रेम केरताली एने तान आराधना केरताली।

![](https://cdn.door43.org/obs/jpg/360px/obs-en-47-02.jpg)

बोगवान लुदियाह यीशुन संदेश पोर विश्वास केरणेन लागाडील एतो। पौलुस एने सीलास तीह एने तीन परिवाराह बाप्तीसस्मा आप्या। ती पौलुस एने सीलासाह तीन घेर रेणेन हादाडी,केरीन ता ताहरी रेय गिया।

![](https://cdn.door43.org/obs/jpg/360px/obs-en-47-03.jpg)

पौलुस एने सीलास माणहाह ति जागे मिलायाच केरताला जाहरी यहूदी माणहा प्रार्थना केऱ्या केरताला।दाडीन दिह जेवी ता ताहरी जाताला ते एक दासी सोरी जिह दुष्टात्मा लागील एतो। ता दुष्टात्मा द्वारा ति माणहाह भविष्य केताली, केरीन ति भविष्य केणारीन रूप माय तीन मालक्यान केरता जुलुम पोयशा कामावताली। श

![](https://cdn.door43.org/obs/jpg/360px/obs-en-47-04.jpg)

तान जाणे टायमे ति दासी सोरी आयड्या केरताली, "ज्या एदमी आखाम रीन मोठला बोगवानान सेवक हेते।ज्या तुमूह उद्धार ने वाट देखाडतेह!" ति दाडीन दिह इहीच केरताली जो पौलुसाह नाह पोटनो।

![](https://cdn.door43.org/obs/jpg/360px/obs-en-47-05.jpg)

आखरी, एक दिह जुलबुख ती सोरी आयडने चालु केरी, ते पौलुस तीन उखेर फिरीन तीन माय वाली दुष्टात्मा केयो, "यीशुन नाव से जी मायरीन निकली जा।" तुलबुखेच ति दुष्टात्मा तीह सोड देनी।

![](https://cdn.door43.org/obs/jpg/360px/obs-en-47-06.jpg)

ति दासी सोरीन मालिक जुलुम रागाम आव गियो का दुष्टात्मान बिगेर ति दासी सोरी माणहाह भविष्य नाह केय सकताली। ज्यान अर्थ का माणहा एवी तीन माल्क्याह पोयशा नय आपति का ति ताह भविष्य केय का ता हेरी काय एय।

![](https://cdn.door43.org/obs/jpg/360px/obs-en-47-07.jpg)

केरीन ति दासी सोरीन मालिक पौलुस एने सीलासाह रोमी अधिकारी फाय लीन गिया।ता पौलुस एने सीलासाह देना, एने ताहा जेलीम टाक देना।

![](https://cdn.door43.org/obs/jpg/360px/obs-en-47-08.jpg)

एने ता पौलुस एने सीलासाह ओहली जागे मेल्या जाहरी आखामरीन जास्ती सैनिक एता।एने तान पाये लाकडान बेड्या माय बांद देना। पुण पौलुस एने सीलास आर्धी रातीन टायमे,बोगवानान स्तुतिन गीत गावताला।

![](https://cdn.door43.org/obs/jpg/360px/obs-en-47-09.jpg)

उचकाहुच, एक मोठलो भूकम्प एनो! जेलीन आखा बायणा उगडी गिया, एने आखा कैदिन हाकुल उगडी गियो।

![](https://cdn.door43.org/obs/jpg/360px/obs-en-47-10.jpg)

तेवी दरोगा जाग गियो। एने तो देख्यो का जेलीन आखा बायणा उगडी जायील हेते। तो विचार केऱ्यो का जेलीन आखा कैदी नाह गिया एती। तो बिय गियो का तान नाह जाणेन कारण रोमी अधिकारी ताह मार टाकति,केरीन तो मोरणेन तियार एय गियो! पुण पौलुस ताह देखीन आयडयो, "थोब! स्वताह मा मारी। आमु न्याच हेते।"

![](https://cdn.door43.org/obs/jpg/360px/obs-en-47-11.jpg)

तो दरोगा कापतीन पौलुस एने सीलासाह आवीन फुस्यो, "उद्धार मिलवणेन केरता मी काय केरू?" पौलुस उत्तर आप्यो, "प्रभु यीशु पोर विश्वास केर,ते तु एने तारो घेराह उद्धार जुडी।" तेवी तो दरोगा पौलुस एने सीलासाह तान घेर लावो एने तान लागीला धोव्यो। पौलुस तान घेर वाला आखा माणहाह यीशुन संदेश केयो।

![](https://cdn.door43.org/obs/jpg/360px/obs-en-47-12.jpg)

दरोगा एने तान पुरो परिवार यीशु पोर विश्वास केऱ्या,केरीन पौलुस एने सीलास ताह देना। तेवी दरोगा पौलुस एने सीलासाह खावाड्यो, एने ता आखा खुश एना।

![](https://cdn.door43.org/obs/jpg/360px/obs-en-47-13.jpg)

ओगाणले दिह हेयरान डायला पौलुस एने सीलासाह सोड देना एने फिलिप्पी रीन जात रेणेन केयो। पौलुस एने सीलास लुदिया एने काहिक तान दिहरा हाथी हेयराम निकेल गिया। यीशुन बारामाय संदेश पोसेरती गियो, एने कलीसिया वोडती गीयी।

![](https://cdn.door43.org/obs/jpg/360px/obs-en-47-14.jpg)

पौलुस एने दिहरा मसीही जुलुम हेयरे-हेयरे फिऱ्या। ता माणहाह यीशुन बारामाय संदेश होमलाड्या। ता कलीसियान विश्वासीह धीर आपणेन हिक आपणेन मोक्ताच पत्र भी लेख्या। ता मायरीन काहिक पत्र बाइबल ने पुस्तके बोण गिया।

*प्रेरितान कामे 16:11-40 रिन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_47_128kbps.m4a

## 48. यीशुच वायदो केरील मसीह ही

https://openbiblestories.org/l/nlx/story-48/

![](https://cdn.door43.org/obs/jpg/360px/obs-en-48-01.jpg)

जेवी बोगवान केलीह बोणायील तेवी आखो हाजो एतो। कायच पाप नाह एतो। आदम एने हव्वा एक दिहराह प्रेम केरताला, एने ता बोगवानाह भी प्रेम केरताला।काल्लीच बीमारी एने मोत नाह एतो। बोगवानाह ओहलीच केली जुवताली।

![](https://cdn.door43.org/obs/jpg/360px/obs-en-48-02.jpg)

शैतान गेयळेक बोणीन बोगीच्याम हवा हेरी वात केऱ्यो, काहाकाय तो तीह धोखो देण्यो एतो।तेवी हवा एने आदम बोगवानान विरुद्ध केऱ्या। काहाकाय ता पाप केरील एता केरीन केली पोर वाला आखा माणहे मोरणू।

![](https://cdn.door43.org/obs/jpg/360px/obs-en-48-03.jpg)

काहाकाय आदम एने हवा पाप केरील एता, केरीन ज्यो नाह हाजो एनो का।ता बोगवानान दुश्मोन बोण गिया। तावजेसे,तेवीह रीन आखा जाणा पापी हेते।आखा जाणा जेल्मो से बोगवानान दुश्मोन हेते।बोगवान एने माणहान विचमाय शान्ति नाह इति।पुण बोगवान शान्ति बोणावणे होदतालो।

![](https://cdn.door43.org/obs/jpg/360px/obs-en-48-04.jpg)

बोगवान वायदो केऱ्यो का हवान वोचने एक जाण शैतान मुंड चेंदी। तो ज्यो भी केयो का शैतान तान पायान गुटण्याह टोची।दिहरा शब्दाम, शैतान मसीहाह मार टाकी,पुण बोगवान ताहा पोशो जीवतालो केर देय। ता बाद, मसीह शैतानान शक्तिह कायम ने केरता नाश केर देय।काहिक वोर्ह्या बाद,बोगवान देखाडयो तो मसीह यीशुच हि।

![](https://cdn.door43.org/obs/jpg/360px/obs-en-48-05.jpg)

बोगवान ता वादुण पाण्या से तान परिवाराह वोचाडयो जाह तो लावण्यो एतो। तो नूहाह एक नावी बोणावणे केयो इह केरीन बोगवान ता माणहाह वोचाडयो जा तापोर विश्वास केरताला। इहीच,ता आखा बोगवाना द्वारा मार टाकणेन योग्यएता काहाकाय ता पाप किरील एता।पुण बोगवान ता आखाह वोचाडणेन यीशुह मोकल्यो जा तापोर विश्वास केरतेह।

![](https://cdn.door43.org/obs/jpg/360px/obs-en-48-06.jpg)

मोक्ताच वोर्ह्या वोर, याजक बोगवानान केरता बलिदान चढ़ावताला।ज्यो से मालुम पोडीह का माणहा पाप केरताला,एने ज्यो भी का ता बोगवानान द्वारा दण्ड आपणेन योग्य एता।पुण ता बलिदान तान पापह क्षमा नाह केर सेकताला। यीशु आखाम रीन मोठो महायाजक हि।तो जो किरील जो काल्लोच याजक नाह केर सकतालो। तो तो एक बलिदान एणेन केरता स्वताह आप दिनो जो आखान पापाह दोव सेकतालो।तो स्वीकार केऱ्यो का बोगवान ता आखान पापान केरता ताह दण्ड आपील हि।केरीन, यीशु सिद्ध महायाजक एतो।

![](https://cdn.door43.org/obs/jpg/360px/obs-en-48-07.jpg)

बोगवान अब्राहम केयो, " मी तारे द्वारे केलीन आखी जातिह आशीष आपूह।" यीशु ज्याच अब्राहम वोचने एतो।बोगवान अब्राहमान द्वारा आखी जातीह आशीष आपीह,काहाकाय जा यीशु पोर विश्वास केरतेह बोगवान ता आखाह वोचाडीह। जेवी माणहा बोगवाना पोर विश्वास केरतेह, ते बोगवान ताह अब्राहमान वोचने मानीह।

![](https://cdn.door43.org/obs/jpg/360px/obs-en-48-08.jpg)

बोगवान अब्राहम केयो का तान एकुच सोरो,तान केरताल बलिदान केर देय।पुण पोशो बोगवान इसहाकान बोदले बलि केरणेन केरता एक मेंडरो आप्यो।आपु आपणा पापान केरता मार टाकणेन योग्य एता!पुण बोगवान आपणे जागे मोरणेन केरता यीशुह बलिदानान रूप माय दिनो। ज्या वजेसे आपु यीशुह बोगवानान मेंडरो केणु।

![](https://cdn.door43.org/obs/jpg/360px/obs-en-48-09.jpg)

जेवी बोगवान मिस्र पोर आखरी पिढा मोकल्यो ते तो आखा इस्राएली परिवाराह केयो का ता एक मेंडरो बलि केरी।ता मेंडराम काय दोष नेय रेणे जुवी।तेवी ता आपणा बायणान चोवकट पोर एने बोंगला माय तान लुय लागाडणू एतो। जेवी बोगवान ति लुयीह देखतालु ते तो तान घेराह रीन ओगाण जात रेतालो एने एने तान पेहला सोराह नाह मार्या। जेवी ज्यो एनो ते बोगवान ताह फसह ने तिवार केयो।

![](https://cdn.door43.org/obs/jpg/360px/obs-en-48-10.jpg)

यीशु फसहने तिवार एक मेंडरान गेट हि। तो केधीच नाह पाप केऱ्यो,केरीन तामाय काय गेलती नाह एती। तो फसहने तीवारान टायमे मोरनो।जुलबुखे कुण भी यीशु पोर विश्वास केरीह हि,तेवि यीशुन लुय तान पापान किमत आपीह। ज्यो तिहीच हि बोगवान ता माणहाह रीन ओगाण जात रिथी,एने तो ताह दण्ड नाह आपित।

![](https://cdn.door43.org/obs/jpg/360px/obs-en-48-11.jpg)

बोगवान इस्राएली माणहा हेरी एक वायदो केऱ्यो, काहाकाय ता ओहला माणहा एता जाह बोगवान निवाडील एतो।पुण बोगवान एवी एक ओहलो वायदो केऱ्यो जो आखान केरता हि।जर काल्ली भी जातीन कुण भी ज्या नोवाला वायदाह स्वीकार केरीह,ते तो माणहाम बेलाय जाथी। तो इही किरीह काहाकाय तो जाण यीशु पोर विश्वास किरीह।

![](https://cdn.door43.org/obs/jpg/360px/obs-en-48-12.jpg)

मूसा एक ओहलो भविष्यवक्ता एतो जो बोगवानान वचन सामर्थ से पोरचार किरील एतो। पुण यीशु सोब परन्तु यीशु सब भविष्यवक्ताम रीन मोठो हि। तो बोगवान हि,केरीन तो जो किरील एने कियील तो बोगवानान काम एने वचन एता। केरीन बाईबल यीशुह बोगवानान वचन केथी।

![](https://cdn.door43.org/obs/jpg/360px/obs-en-48-13.jpg)

बोगवान राजा दाऊदाह वायदो केरील एतो का राजान रूपमाय तान वोचीन एक जाण बोगवानान माणहा पोर कायम ने केरता राज्य केरी। यीशु बोगवानान सोरो एने मसीह हि, केरीन तो राजा दाऊदान वोचने हि जो कायम ने केरता राज्य केर सकी।

![](https://cdn.door43.org/obs/jpg/360px/obs-en-48-14.jpg)

दाऊद ते इस्राएल ने राजा एतो,पुण यीशु आखी केलीन राजा हि! तो पोशो आवी एने कायम ने केरता न्याय एने शान्ति से तान राज्यम राज्य केरी।

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी*

Audio: https://git.door43.org/OBS-TLF/nlx_obs/releases/download/v1/nlx_obs_v1_48_128kbps.m4a

## 49. बोगवानान नोवालो वायदो

https://openbiblestories.org/l/nlx/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूत एक जवान सोरी मरियम केयो का ति बोगवानान सोराह जन्म देय ति एवी कुवारीच एति, पुण पवित्र आत्मा ती फाय आवी एने ति पेटावाली एनी। ति एक सोराह जन्म देनी जाण नाव यीशु मेल्या। केरीन, यीशु बोगवान एने माणुह दुय भी हि।

![](https://cdn.door43.org/obs/jpg/360px/obs-en-49-02.jpg)

यीशु जुलुम चमत्कार किऱ्यो जा देखाडतेह काय तो बोगवान हि। तो पाण्या पोर चालतालो एने वादुणाह शान्त केऱ्यो। तो जुलुम दुख्याऱ्या माणहाह हुदाऱ्यो एने जुलुम माणहाम रीन दुष्टात्माह निकाल्यो।तो मोरील माणहाह जीवतालो केरतालो, एने तो पाच रोटा एने दुय मासा से 5,000 माणहाह खावाडाविन पुरो केऱ्यो।

![](https://cdn.door43.org/obs/jpg/360px/obs-en-49-03.jpg)

यीशु एक महान हिकाडणार भी एतो। जो काय भी तो हिकाडयो, तो ताह वार्ता केरीन हिकाडतालो। जो तो माणहाह केरणेन किथी तो ता केरने जुवि काहाकाय तो बोगवानान सोरो हि। उदाहरण केरता, तो हिकाडतालो काय तुमूह दिहरा माणहाह तिहीच प्रेम किरो जीही तुमु स्वताह प्रेम केरतेह।

![](https://cdn.door43.org/obs/jpg/360px/obs-en-49-04.jpg)

तो ज्यो भी हिकाडयो का तुमुह आखी वस्तुह रीन जादा आपणी मालमिलकत रीन जादा बोगवानाह प्रेम केरणे जुवी।

![](https://cdn.door43.org/obs/jpg/360px/obs-en-49-05.jpg)

यीशु केयो का केलीन काल्ली भी वोस्तुह होदणेन से हाजो बोगवानान राज्य होदण्यो हाजो हि। तान राज्य माय जाणेन जरूरी हि काय बोगवान `तुमुह तुमरा पाप से वोचाडी।

![](https://cdn.door43.org/obs/jpg/360px/obs-en-49-06.jpg)

यीशु केयो का काहिक माणहा ताह ग्रहण केरती। बोगवान ताह वोचाडी। पुण दिहरा माणहा ताह ग्रहण नेय केरती। तो ज्यो भी केयो का काहिक माणहा हाजाली बुयीन गेत हेते, काहाकाय ता यीशुन बारामाय संदेशाह स्वीकार केर लेतेह, एने बोगवान ताह वोचाड लेथी। पुण काहीक माणहा वाटी पोर वाली कडक बुयीन गेट हेते। बोगवानान वचन बीजान गेट वाटी पोर पोडीह, पुण ताहरी कायच नाह उगीत। ज्या माणहा यीशुन बारामाय संदेशाह अस्वीकार केर देतेह। ता बोगवानान राज्य माय जाणेन नाकार देतेह।

![](https://cdn.door43.org/obs/jpg/360px/obs-en-49-07.jpg)

यीशु हिकाडयो का बोगवान पापीह जुलुम प्रेम किरीह। तो ताह क्षमा केरणेन होदिह एने ताः तान सोरा बोणावणे होदिह।

![](https://cdn.door43.org/obs/jpg/360px/obs-en-49-08.jpg)

यीशु केयो का बोगवान पाप से घृणा केरीह। काहाकाय आदम एने हवा पाप केऱ्या, केरीन तान आखी वोच भी पापी ठेरनी। जी केलीम रेणार आखा जाणा पाप केरतेह एने बोगवानाह रीन सेटो हि। आखा जाणा बोगवानान दुश्मोन हेते।

![](https://cdn.door43.org/obs/jpg/360px/obs-en-49-09.jpg)

पुण बोगवान जी रेणारा आखा जाणा से ओलु प्रेम केऱ्यो: का तो तान सोरो आप देनो का बोगवान ताह दण्ड नय आपी जा ता पोर विश्वास केरतेह।एने ता, ता हेरी कायम ने केरता रेती।

![](https://cdn.door43.org/obs/jpg/360px/obs-en-49-10.jpg)

तुमु मोरणेन योग्य हेते, काहाकाय तुमु पाप केरील हेते। तुमु पोर बोगवानान रागवाणे एतो, पुण, तो यीशु पोर रागवानो। तो यीशुह क्रूस ने मोत आपीन दण्ड दिनो।

![](https://cdn.door43.org/obs/jpg/360px/obs-en-49-11.jpg)

यीशु केदीच पाप नाह केऱ्यो, पुण तो बोगवानाह ताह दण्ड देणे दिनो। तो मोर जाणेन स्वीकार केऱ्यो।जी रीती से, तुमरा पाप एने जी केलीम रेणारा आखान जाणान पाप वीस लेणेन तो एक योग्य बलिदान एतो। यीशु स्वताह बोगवानान केरता बलिदान केर दिनो, केरीन बोगवान पापाह, मोठा से मोठा पापाह भी क्षमा किरीह।

![](https://cdn.door43.org/obs/jpg/360px/obs-en-49-12.jpg)

भोले हि तुमु जुलुम हाजा काम केरतेह, पुण ता द्वारा बोगवान तुमूह नेय वोचाडी।तान दोस्ती बोणणेन केरता केरता तुमु ओहलो कायच भी नाह केर सकतेह। पुण, तुमुह विश्वास केरणू हि का यीशु हि बोगवानान सोरो हि, एने तो तुमरे बोदले क्रूस पोर मोर गियो, एने बोगवान ताह पोशो जीवतालो केर दिनो। जर तुमु ज्या पोर विश्वास केरहो,ते बोगवान तुमरा पापाह क्षमा केरी।

![](https://cdn.door43.org/obs/jpg/360px/obs-en-49-13.jpg)

बोगवान ता आखा जाणाह वोचाडी जा यीशु पोर विश्वास केरतेह एने ताह प्रभु केरीन स्वीकार केरतेह। पुण तो ताह नाय वोचाडी जा तापोर नाह केरते। ज्या सें काय फरक नाह का तुमु मालदार हेते काय गरीब हेते, एदमी हेते काय बायकु, डायला हेते का जुवान,एने तुमु काहरी रेतेह। बोगवान तुमुह प्रेम केरीह एने होदिह का तुमु यीशु पोर विश्वास केरी का तो तुमरो दोस्ती बोण सकी।

![](https://cdn.door43.org/obs/jpg/360px/obs-en-49-14.jpg)

यीशु तुमूह हादीह का तुमु ता पोर विश्वास केरी एने बाप्तीस्मा लेय। काय तुमु विश्वास केरतेह काय बोगवानान एकूच सोरो, यीशुच मसीह हि? काय तुमु विश्वास केरतेह काय मी एक पापी हि एने ज्यो काय तुमु बोगवानान द्वारा दण्ड देणेन योग्य हेते? काय तुमु विश्वास केरतेह काय तुमरा पाप दोवणेन केरता यीशु क्रूस मोरनो?

![](https://cdn.door43.org/obs/jpg/360px/obs-en-49-15.jpg)

जर तुमु यीशु पोर एने जो तो तुमरे केरता केरील हि ता पोर विश्वास केरतेह, ते तुमु एक मसीही हेते! शैतान तान अंधकार ने राज्य माय अवि तुमु पोर राज्य नेय केरी। एवी बोगवान तान उजालाम तुमु पोर राज्य केरी। तो तुमुह पाप केरने से रोक दियील हि, जाह तुमु केरताला।ता तुमूह एक नोवालो, उचालो जीवन आपील हि।

![](https://cdn.door43.org/obs/jpg/360px/obs-en-49-16.jpg)

जर तुमु एक मसीही हेते ते जो यीशु किरील हि तान कारण बोगवान तुमरा पापाह क्षमा केर दियील ही। एवि, बोगवान तुमुह दुश्मोन नाह पुण पाक्को दोस्ती मानीह।

![](https://cdn.door43.org/obs/jpg/360px/obs-en-49-17.jpg)

जर तुमु बोगवानान दोस्ती हेते एने प्रभु यीशुन सेवक हेते ते तुमु ति वातुह पालन केरणेन इच्छा केरहु जो यीशु तुमु हिकाडीह। बोले ही तुमु एक मसीही हेते, शैतान एवि भी पाप केरणेन केरता तुमरी परीक्षा केरी। पुण बोगवान कायम तोच केरणे जो तो केणे का तो केरण्यो हि।तो केणे का जर तुमु आपणा पापाह मान लेहो, ते तो तुमुह क्षमा केर देय। तो तुमुह पाप ने विरुद्ध लेडाणेन सामर्थ आपी।

![](https://cdn.door43.org/obs/jpg/360px/obs-en-49-18.jpg)

बोगवान तुमुह प्रार्थना करणेन एने वचनाह वाचणेन किथी। तुमु दिहरा विश्वासी हेरी मीलीन तान आराधना केरणेन किथी। तुमुह दिहरो माणहाह भी केणु हि का तुमरे केरता काय किरील हि।जर तुमु ज्या आखा कामाह केरतेह, ते तुमु तान एक पक्का दोस्ती बोण जाहू।

*रोमियो 3:21-26, 5:1-11; यूहन्ना 3:16; मरकुस 16:16; कुलुस्सियो 1:13-14; 2 कुरिन्थियो 5:17-21; 1 यूहन्ना 1:5-10 रीन एक बाइबल ने कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_49_128kbps.m4a

## 50. यीशुन पोशो आवणो

https://openbiblestories.org/l/nlx/story-50/

![](https://cdn.door43.org/obs/jpg/360px/obs-en-50-01.jpg)

कोमी ते कोमी 2,000 वोर्ह्या से, केलीन जादातर जागे जास्तीत जास्ती माणहा यीशु मसीह ने बारामाय संदेश होमेलणे बाज रेणाह। कलीसिया वोडने बाज रेनीह। यीशु वायदो केरील एतो केलीन आखरी पोशो आवण्यो हि। पुण तो उंजू नाह आवो, तीभी तो तान वायदो पुरो केरी।

![](https://cdn.door43.org/obs/jpg/360px/obs-en-50-02.jpg)

जेवी आपु यीशुन पोशो आवणेन वाट जोवतेह, बोगवान आपु से जिच रिती जीवणेन इच्छा किरीह जो पवित्र हि एने जो तान आदर करणे।जेवी यीशु पृथ्वी पोर रेतालो तेवी तो केयो, " मारा चेला आखी केलीन माणहाम बोगवानान राज्यान बारामाय संदेश पोरचार केरती, एने तेवी आखरी टायम आव जाय।"

![](https://cdn.door43.org/obs/jpg/360px/obs-en-50-03.jpg)

जुलुम जाती अवि वोर यीशुन बारामाय नाह होमलील सोता। स्वर्गाम जाणेन पेल, यीशु मसीही माणहाह ता माणहाह संदेश होमलाडने केयो जी नाह होमलील एता। तो केयो, "आवो एने आखी जातीन माणहाह चेला बोणावो!" एने "काटणी केरणेन खेत पाक जायील हेते!"

![](https://cdn.door43.org/obs/jpg/360px/obs-en-50-04.jpg)

यीशु ज्यो भी भी केयो, "काल्लाच भी माणहान सेवक आपणा मालक्याह रीन मोठो नाह रेत। ज्या केलीन मुख्य माणहा माहु कुयराना,एने मार वजेसे ता तुमूह भी विताडति एने मार टाकती।ज्या केलीन तुमु दुख वीसहो, पुण मोजबुत बोणो, काहाकाय मी शैतान आराव दियील हि जो जी केलीम राज्य किरीह। जर तुमु आखरी वोर मारा विश्वासयोग्य बोणीन रेहो,ते बोगवान तुमुह वोचाडी!"

![](https://cdn.door43.org/obs/jpg/360px/obs-en-50-05.jpg)

यीशु आपणा चेलाह ज्यो सोमजाडणेन केरता एक कहाणी केयो का जेवी केलीन नाश एय ते माणहा हेरी काय एय। केयो, "एक माणुह आपणा खेताम हाजो बीज लागाडयो। जेवी तो हुवतालो ते तान दुश्मोन आवो एने गोवान बीजान विचमाय जंगली खेडान बीज लागाड देनो, एने जात रिनो।"

![](https://cdn.door43.org/obs/jpg/360px/obs-en-50-06.jpg)

जेवी उगनो ते सेवक ता माणहाह केया, 'हे मालीक, तु ते तारा खेताम हाजो बीज लागाडील ते जामाय जंगली खेड किहीक हेते?'तो माणुह केयो, ' फक्त मारो दुश्मोनच ताह लागाडने होदती। ज्यो मारो काल्लो तीभी दुश्मोन किरील हि।'

![](https://cdn.door43.org/obs/jpg/360px/obs-en-50-07.jpg)

ता सेवक तान मालक्याह केया, 'काय आमु जंगली खेडाह उखाल देणे?' तो मालीक केयो, 'नाह। जर तुमु इही केरहो ते गोवाह भी उखाल दिहो। काटणी वोर वात जोवो। तुलबुखे जंगली खेडाह टोलो केरीन ताह हेल्गाड देहू।पुण गोवाह मार खेताम लीन आवज्यु।'

![](https://cdn.door43.org/obs/jpg/360px/obs-en-50-08.jpg)

चेला जी कहाणीन अर्थ नाह होमेजना, केरीन ता यीशुह होमजाडणे केया। यीशु केयो, "हाजो बीज लागाडणार मसीह हि। खेत केली हि हाजालो बीज बोगवानान राज्य ने माणहान हेते।"

![](https://cdn.door43.org/obs/jpg/360px/obs-en-50-09.jpg)

जंगली खेड ता दुष्ट जाणा, शैतानान माणहा हेते। ता माणहान दुश्मोन शैतान हि, जो जंगली खेड लागाड दियील एतो। काटणी जी केलीन आखरी दिहाह कियील हि, एने काटणारा बोगवानान स्वर्गदूत हेते।

![](https://cdn.door43.org/obs/jpg/360px/obs-en-50-10.jpg)

जेवी केलीन नाश एय तेवी स्वर्गदूत ता आखा माणहाह एकठा केरती जा शैतानान हेते। ता स्वर्गदूत ताह एक जुलुम ताता आगठाम टाक देती। ताहरी ता माणहा जुलुम पिढा माय रेडति एने दात केकडावती।पुण जा माणहा धर्मी हेते, जा यीशुह मानतेह, ता तान आबाक बोगवानान राज्य माय दिह्यान गेट चोमेकती।

![](https://cdn.door43.org/obs/jpg/360px/obs-en-50-11.jpg)

यीशु ज्यो भी कियील एतो का केलीन नाश एणेन पेल तो पोशो केलीम आवी।तो जीही जायील एतो तीहीच आवी। अर्थाम, ता फाय शरीर रेय, एने तो वादला पोर बोहीन आवी।जेवी यीशु आवी ते, ते आखा मसीही जा मार जायील एता जीव उठति एने ता हेरी वादलाम मेलाति।

![](https://cdn.door43.org/obs/jpg/360px/obs-en-50-12.jpg)

तेवी जा मसीही जीवताला रेती ता वादलाम विसाय एने ता दिहरा मसीहि हेरी बेलाय जाती जा मोरील मायरीन जीवील एता। ता ताहरी यीशु हेरी रेती। ता बाद, यीशु आपणा माणहा हेरी रेय।जेवी ता एकठा रेती ते ता फाय कायम ने केरता शान्ति रेय।

![](https://cdn.door43.org/obs/jpg/360px/obs-en-50-13.jpg)

यीशु ता पोर विश्वास केरणारा आखाह एक मुकुट आपणेन वायदो किरील। ता कायम ने केरता बोगवाना हेरी आखी वोस्तु पोर राज्य केरती। ता फाय कायम शान्ति रेय।

![](https://cdn.door43.org/obs/jpg/360px/obs-en-50-14.jpg)

पुण बोगवान ता आखान न्याय केरी जा यीशु पोर विश्वास नाह केरते। तो ताह नरक माय टाक देय। ताहरी ता रेडति एने दात केकडावती, एने ता कायम पीढा माय रेती। केदीच नाह ओलाणार ताह कायम हेलगाडती रेय, एने ताह किडा खाती कायम ने केरता।

![](https://cdn.door43.org/obs/jpg/360px/obs-en-50-15.jpg)

जेवी यीशु आवी, ते तो पुरी रीती से शैतानाह एने तान राज्याह नाश केर देय। तो शैतानाह नरक माय टाक देय। ताहरी शैतान कायम ने केरता आकठाम हेल्गती रेय, ता आखा हेरी जा बोगवानान वात मानणेन नाश पुण शैतानान पासाण चालणे निवाडील एता।

![](https://cdn.door43.org/obs/jpg/360px/obs-en-50-16.jpg)

काहाकाय आदम एने हवा बोगवानान आज्ञा नाह मान्या एने पापाह जी केलीम लीन आयील एता, बोगवान ताह श्राप दिनो एने नाश केरणेन निर्णय किऱ्यो। पुण बोगवान एकदिह पोशो नोवाली केली एने स्वर्ग बोणावी जी हाजी रेय।

![](https://cdn.door43.org/obs/jpg/360px/obs-en-50-17.jpg)

यीशु एने तान माणहा ती नोवाली केलीम रेती, एने कायम ने केरता आखी वोस्तु पोर राज्य केरी। तो माणहान आखा आहवा नुस देय। तेवी कुण भी पिढाम एने दुखी नय रेय। ता रेडती नय। ता दुख्याऱ्या नेय एती एने मोरती नय। एने ताहरी काय भी बुराई नय रेय। यीशु आपणा राज्य पोर न्यायपूर्वक, एने शान्ति से राज्य केरी। तो कायम ने केरता आपणा माणहा हेरी रेय।

*मत्ती 24:14; 28:18; यूहन्ना 15:20, 16:33; प्रकाशितवाक्य 2:10; मत्ती 13:24-30, 36-42; 1 थिस्सलुनीकियो 4:13-5:11; याकूब 1:12; मत्ती 22:13; प्रकाशितवाक्य 20:10, 21:1-22:21 रीन एक बाइबल मे कहाणी*

Audio: https://git.door43.org/OBS-TLF/nlx_obs/releases/download/v1/nlx_obs_v1_50_128kbps.m4a