# unfoldingWord Open Bible Stories — Afaan Oromoo (Oromo)

- Language code: `om`
- Canonical page: https://openbiblestories.org/l/om/
- Stories in this file: 50 of 50
- Published by: DokuWiki
- Last release: 2026-10-27
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Afaan Oromoo translation; it is not a translation of the whole Bible.

## 1. Uumama

https://openbiblestories.org/l/om/story-1/

![](https://cdn.door43.org/obs/jpg/360px/obs-en-01-01.jpg)

Kana itti fufee kan ilaallu Waaqayyo jalqaba waan hundumaa ta’uu isaa ti. Kanaafuu Waaqayyo jalqabatti biyya lafaa fi waan ishee keessa jiran hundumaa guyyaa ja’a keessatti uume. Waaqayyo lafa erga uumee booddee lafti dukkanaa fi onaa turte, waanti tokko illee ishee keessatti hin uumamne ture. Haa ta’u malee hafuurri Waaqayyoo bishaan irra sosocho’a ture.

![](https://cdn.door43.org/obs/jpg/360px/obs-en-01-02.jpg)

Achumaan Waaqayyo “Ifni haa ta’u!” jedhe, ifnis in ta’e. Waaqayyo ifichi gaarii akka ta’e argeeti “guyyaa” jedhee in moggaase. Waaqayyo guyyicha dukkanicha irraa gargar baaseeti “halkan” jedhee in moggaase. Waaqayyos guyyaa gaafa jalqabaatti ifa uume.

![](https://cdn.door43.org/obs/jpg/360px/obs-en-01-03.jpg)

Waaqayyo gaafa guyyaa lammaffaa wantootaa lafaa ol jiran bantiiwwan uume. Kanaafuu Waaqayyo bishaanicha bantiiwwan irraa garagar in baase.

![](https://cdn.door43.org/obs/jpg/360px/obs-en-01-04.jpg)

Gaafa guyyaa sadaffaa Waaqayyo bishaan, lafa bishaanni irra hin ciifne irraa gargar akka ba’u godhe. Waaqayyos lafa bishaanni irra hin ciifne “Lafa” Bishaanichas “Galaana” jedhee in moggaase. Waaqayyos wanti inni uume gaarii akka ta’e in arge.

![](https://cdn.door43.org/obs/jpg/360px/obs-en-01-05.jpg)

Sana booddee Waaqayyo lafti biqila dhaaba sanyii godhatu akka qomoo qomoo isaatti haa biqilichituu jedhe; akkasuumas in ta’e. Waaqayyos wanti inni uume gaarii akka ta’e in arge.

![](https://cdn.door43.org/obs/jpg/360px/obs-en-01-06.jpg)

Guyyaa uumamaa gaafaa afraffaa Waaqayyo biiftuu; ji’a/baatii fi urjiiwwan uume. Waaqayyos halkanii fi guyyaanis wayitootnis akkasumas waggootnis gargar ba’ani akka ittiin beekaman godhee. Waaqayyos wanti inni uume gaarii akka ta’e arge.

![](https://cdn.door43.org/obs/jpg/360px/obs-en-01-07.jpg)

Gaafa guyyaa shanaffaa Waaqayyo bishaan keessa warra jiraatanii fi sinbirroota hundumaa in uume. Waaqayyos sun gaarii akka ta’e in arge, kan uumamanis in eebbise.

![](https://cdn.door43.org/obs/jpg/360px/obs-en-01-08.jpg)

Gaafa guyyaa ja’affaas Waaqayyo “lafa irra waan lubbuu qabaate jiraatu kan qomoo hundumaa haa ta’u” jedhe. Akkuma Waaqayyo jedhes in ta’e. Isaan tokko tokko horii qonnaa, isaan tokko tokko lafa irra kan munyuuqan; isaan tokko tokko bineensota bosonaa turani. Waaqayyos suni gaari akka ta’e in arge.

![](https://cdn.door43.org/obs/jpg/360px/obs-en-01-09.jpg)

Waaqayyos “nama akka bifa keeynaatti, akka fakkaatti keeynaatti, haa uumnuu, isaanis lafa hundaa fi bineensota hundumaa irratti aboo haa aqabataani” jedhe.

![](https://cdn.door43.org/obs/jpg/360px/obs-en-01-10.jpg)

Kanafuu Waaqayyo biyyoo lafaa irraa nama tolchee hafuura jireenyaa itti godhe. Maqaan nama kanaas Addaam jedhame. Waaqayyo iddoo Addaam jiraatutti bakka biqiltoota dhaabbatetti akka misoomsuuf achuma isa kaa’e.

![](https://cdn.door43.org/obs/jpg/360px/obs-en-01-11.jpg)

Waaqayyo iddoo dhaaba biqiltootaa sana walakkaa muka gosa lama dhaabe; isaanis muka nyaatanii jireenya namaaf kennu, muka hamaa fi gaarii ittiin beekanis in jira ture. Waaqayyos Addaam iddoo dhaaba biqiltootaa sana keessa mukeeti jiran keessaa muka gaarii fi haamaa garagar baasuuf dandeesisu muka beekumsaa malee iddoo dhaabichaa keessa kan jiran hundumaa nyaachuuf akka danda’u itti hime. Haa ta’u malee haamaa fi gaarii gagar baasuuf muka dandeesisu irraa yoo nyaate akka du’u itti himee ture.

![](https://cdn.door43.org/obs/jpg/360px/obs-en-01-12.jpg)

Waaqayyo namni kophaa isaa ta’uun gaarii akka hin taane itti hime. Horii keessaa tokkoon isaanii illee gargaaraa Addaam ta’uuf hin dandeenye.

![](https://cdn.door43.org/obs/jpg/360px/obs-en-01-13.jpg)

Waaqayyos Addaam rafee akka of wallaalu godhe, utuu inni rafuu lafee cinaacha isaa keessaa tokko fudhatee dubartii godhee tolcheeti gara Addaamitti in geesse.

![](https://cdn.door43.org/obs/jpg/360px/obs-en-01-14.jpg)

Addaamis yeroo ishee arge akkana jedhe; “Isheen kun anuma fakkaatti waan dhiira irraa argamteef dubartii haa jedhamtu. Kanaafuu namni haadhaa fi abbaa isaa in dhiisa haadha manaa isaa wajjin tokko in ta’a.”

![](https://cdn.door43.org/obs/jpg/360px/obs-en-01-15.jpg)

Waaqayyo dhiiraa fi dubartii bifuma isaatiin uume. Waaqayyo isaan eebbise; akkasis ittiin jedhe “Ijoollee baay’ee fi ijoollee ijoollee keessanii qabaadhaa biyya lafaas guutaa” isaaniin jedhe. Waaqayyo wanti godhe hundumtuu baay’ee gaarii akka ture arge. Hundumattuu in gammade, kun hundumtuu kan ta’e guyyaa ja’a keessatti dha.

![](https://cdn.door43.org/obs/jpg/360px/obs-en-01-16.jpg)

Gaafa guyyaa torbaffaa Waaqayyo hojii uumuu isaa in xumure. Kanaafuu Waaqayyo hojii hojachaa ture hundumaa irraa in boqote; guyyaa torbaffaas in eebbise in qulqulleesses. Sababiin isaas gaafa guyyaa kanaa hoji isaa hundumaa irraa waan boqoteefi. Waaqayyo waaqaa fi lafa keessas kan jiran yommuu uume raawwiin isaa haala kanaan ture.

*Seenaa Macaafa Qulqulluu: - Seera Uumamaa 1-2*

## 2. Cubbuun gara biyya lafaatti gale

https://openbiblestories.org/l/om/story-2/

![](https://cdn.door43.org/obs/jpg/360px/obs-en-02-01.jpg)

Addaamii fi haati manaan isaa iddoo dhaaba Waaqayyo isaaniif tolche yommuu jiraatan gammadoodha turani. Isaan lachanuu qullaa isaanii turani haa ta’u malee qullaa ta’uun isaanii akka wal-saalfatan isaan hin goone; sababiin isaas immoo cubbuun biyya lafaa keessa hin turre. Isaanis iddoo dhaabicha keessa deddeebi’anitti Waaqayyoon wajjin in haasa’u turani.

![](https://cdn.door43.org/obs/jpg/360px/obs-en-02-02.jpg)

Haa ta’u malee bofichi hamaan sun dhaaba sana keessa ture. Dubartittiis in gaafate, “Dhuguma Waaqayyo ija mukeetii dhaabicha keessa jiran hundumaa akka nyaattan isiniin jedheeraa?” jedheen.

![](https://cdn.door43.org/obs/jpg/360px/obs-en-02-03.jpg)

Dubartittiinis “Waaqayyo hamaa fi gaarii isa beeksisu muka beekumsaa irraa kan hafe ija muka kamiyyuu nyaachuuf akka dandeenyu nutti himeera. Garuu, ija muka sanaa irraa yoo nyaattan yookin yoo tuqxan illee in duutu” nuun jedhe.

![](https://cdn.door43.org/obs/jpg/360px/obs-en-02-04.jpg)

Bofichis dubartittiidhaan deebisee “kuni dhugaa miti ijicha irraa yommuu nyattan iji keesan akka banamu fi gaari fi hamaa beekudhaan akka Waaqyyoo akka taatan Waaqayyo waan beekudhaaf hinnyatinaa kan isinin Jedhe” Jedhe.

![](https://cdn.door43.org/obs/jpg/360px/obs-en-02-05.jpg)

Dubartittiinis iji mukichaa nyaachuuf gaarii, ijaan ilaaluufis gammachiisaa fi oogummaa argachuudhaaf hawwisiisaa akka ta’e yommuu hubatte fudhattee nyaatte. Ishee wajjin kan ture abbaan manaa isheetiifis in kenniteef. Innis ija mukichaa irraa in nyaate.

![](https://cdn.door43.org/obs/jpg/360px/obs-en-02-06.jpg)

Yeroodhuma sana iji jara lachuu in baname. Qullaa isaanii ta’uu isaaniis in hubatani; baala mukaas walitti hodhanii uffachuudhaan qaama isaanii dhoksuuf in yaalani.

![](https://cdn.door43.org/obs/jpg/360px/obs-en-02-07.jpg)

Namtichii fi haati manaan isaas sagaleen Waaqayyoo dhaabicha keessatti yommuu deddeebi’u dhaga’anitti hundumtuu Waaqayyo duraa dhokatani. Waaqayyos Addaamiin waamee “Eessa jirta?” jedheen. Addaamis “Iddoo dhaabichaa keessa yommuu deddeebitu dhaga’ee qullaa koo waanan ta’eef nan sodaadhe, nan dhokadhes” jedhee deebiseef.

![](https://cdn.door43.org/obs/jpg/360px/obs-en-02-08.jpg)

Waaqayyos “Qullaa ta’uu kee eenyutu sitti himee? Mukicha ani irraa hin nyaatin jedhee si abboome sana irraa nyaattee ree?” jedheen. Addaamis “Dubartittii ishee ana wajjin akka jiraattuuf ati naaf kennitetu ija mukichaa naaf kennitee nan nyaadhe” jedheen. Waaqayyo dubartittiidhaan wanti ati goote kuni maali inni?” jedhe. Isheenis “Bofichi na dogoggorsiifnaanan nyaadhe” jetteen.

![](https://cdn.door43.org/obs/jpg/360px/obs-en-02-09.jpg)

Waaqayyo bofichaan akkana jedhe; “Ati kan abaaramtee dha garaa keetiin lafa irra in loota, biyyoos in nyaatta, atii fi dubartittiin diina walii in taatu ijoolleen kee fi ijoolleen ishees akkasuma diinota walii in ta’u sanyiin dubartittiis mataa kee in buruqsa, atis koomee isaa in hiddita.”

![](https://cdn.door43.org/obs/jpg/360px/obs-en-02-10.jpg)

Waaqayyo dubartittiidhaanis “Yeroo ciniinsuu dhiphinni kee sitti in cima, fedhiin kees gara abbaa manaa keetiitti in ta’a innis aboo sirraatti in qabaata.

![](https://cdn.door43.org/obs/jpg/360px/obs-en-02-11.jpg)

Waaqayyos Addaamin akkana jedhe “Dubbii haadha manaa kee dhageesse kan ani hin nyaatiin jedhee si abboome ija mukichaa waan nyaatteef biyyi lafaa sababii keetiin abaaramteetti. Bara jireenya kee hundumaa nyaata kee dhamaateeti ishee irraa argatta. Sana booddees in duta waan biyyoo taateef gara biyyootti in deebita. “Addaamis haadha manaa isaa haadha warra jiraatoo hundumaa waan taateef Hewaan jedheeti waame; hiikoon isaas jireenya kan kennitu jechuu dha; Waaqayyos uffata gogaa horii irraa hojjetee Addaamii fi Hewaan itti in uffise.

![](https://cdn.door43.org/obs/jpg/360px/obs-en-02-12.jpg)

Waaqayyos namni haamaa fi gaarii gargar baasee baruu isaatiin nu keessaa akka tokkoo ta’eera amma immoo harka isaa diriirsee ija muka jireenyaa irraa kutatee akka hin nyaannee fi bara baraan akka hin jiranneef Addaamii fi Hewaanin iddoo bareedaa dhaabicha keessaa isaan in baase. Achumaan karaa gara muka jireenyaatti geessu eeguudhaa fi eenyumtuu muka jireenyichaa irraa kutate akka hin nyaanneef ergamtoota ciccimoo iddoo dhaabichaa kaa’ee.

*Seena Macaafa Qulqulluu Seeraa Uumamaa 3*

## 3. Bishaan Badiisaa

https://openbiblestories.org/l/om/story-3/

![](https://cdn.door43.org/obs/jpg/360px/obs-en-03-01.jpg)

Bara dheeraan booddee sabni baay’een biyya lafaa irraa in jiraatu turan. Isaanis baay’ee hamoo fi yakkamtoota ta’ani. Hammeenyis baay’atee dhufuu isaatiin Waaqayyo biyya lafaa hundumaa bishaan badiisaatiin haguuguudhaan nan balleessa jedhee in murteesse.

![](https://cdn.door43.org/obs/jpg/360px/obs-en-03-02.jpg)

Nohi garuu Waaqayyoon duratti surraa in argate. Nohi namoota bara isaa jiraatan hundumaa caalatti qulqulluu fi nama balleessaa irraa fagaate ture. Waaqayyos waa’ee akeeka isaa bishaan badiisaa akka ergu Nohitti in hime. Nohi doonii baay’ee guddaa akka tolchuuf Waaqayyo isatti hime.

![](https://cdn.door43.org/obs/jpg/360px/obs-en-03-03.jpg)

Waaqayyos akka Nohi doonii tolchuuf isatti in hime. Dheerinni doonittiis meetira 140 garaan ishee meetira 23 irraan oleen ishee meetira 13.5 haa ta’u jedhe. Nohi dooniin inni tolchu muka irraa taateetu gamoo sadii; kutaawwan baay’ee; baaxii fi foddaa kan qabdu turte; doonittiinis Noohi fi maatii isaa, gosa bineensa biyya lafaa irra jiru hundumaa bishaan badiisaa irraa akka eegduuf itti hime.

![](https://cdn.door43.org/obs/jpg/360px/obs-en-03-04.jpg)

Nohis akkuma Waaqayyo isatti himetti Waaqayyoof abboomamuudhaan Nohi fi ijoolleen isaa sadan doonittii in tolchani. Doonittiinis baay’ee guddoo waan turteef bara baay’ee tolchaatti turani. Nohi waa’ee bishaan badiisaa dhufuuf jiru hubachiisuudhaan gara Waaqayyootti akka deebi’aniif sabichatti in hima ture, haa ta’u malee isaan isa hin amanne.

![](https://cdn.door43.org/obs/jpg/360px/obs-en-03-05.jpg)

Waaqayyo Nohi fi maatiin isaa nyaata gahaa ofii isaaniitii fi bineensota hundumaaf akka walitti qaban isaan abboome wanti hundumtuu yommuu qophaa’etti gara doonichaatti galuudhaaf Nohii fi haadha manaa isaatiif, ijoollee isaa warra dhiirotaa sadaniif akkasumas haadha manoota isaaniitiif yeroon isaa akka ga’e isaanitti in hime. Namootni saddeetis gara doonichaatti in galani.

![](https://cdn.door43.org/obs/jpg/360px/obs-en-03-06.jpg)

Bishaan badiisaa irraa akka eegamaniif Waaqayyo bineensa hundumaayyuu simbirroota dabalatee dhiiraa fi dhalaa gara Nohitti isaan erge. Aarsaadhaaf kan ta’an bineensota torba dhiiraa fi dhalaa bineensotaa gosa hundumaa gara doonii Nohitti isaan in erge. Hundumti isaanii gara doonichaatti erga galaniin booddee Waaqayyo ofii isaatiin balbala doonichaa in cufe.

![](https://cdn.door43.org/obs/jpg/360px/obs-en-03-07.jpg)

Achumaan bokkichi roobuu in jalqabe; in roobe, in roobe, in robe, utuma walirraa hin kutiin guyyaa fi halkan 40 roobe; lafa keessaas bishaan in burqa ture. Biyya lafaa irra kan jiru hunduu bishaaniin in haguugame; tulluuwwan dhedheeroon illee utuu hin hafiin bishaaniin in haguugaman.

![](https://cdn.door43.org/obs/jpg/360px/obs-en-03-08.jpg)

Namootaa fi bineensotni doonicha keessa jiran irraa kan hafe lafa irra jiraachaa kan ture hundumtuu in du’e; doonittiinis bishaan irra balaliite ishee keessa kan jiran lubbu qabeeyyii hundumaa du’a irraa oolchite (hambiste).

![](https://cdn.door43.org/obs/jpg/360px/obs-en-03-09.jpg)

Bokkichi roobu erga dhiisee hamma ji’oota shaniitti doonittiin bishaan irra balaliite. Yeroo kanas bishaan hir’achuu jalqabe. Guyyoota keessaa gaafa tokko doonittiin bantii tulluu irra in dhaabatte; haa ta’u iyyuu malee biyyi lafaa yeroo sanattiyyuu bishaaniin haguugamtee turte. Ji’oota sadii booddee fiixewwan tulluuwwanii mul’achuu jalqabani.

![](https://cdn.door43.org/obs/jpg/360px/obs-en-03-10.jpg)

Guyyaa afurtama booddee Nohi bishaan lafa irraa qooruu isaa akka ilaaluuf allaattii quraa jedhamu erge. Qurichis asii fi achi balali’ee yoo barbaade illee lafa gogaa argachuuf hin dandeenye.

![](https://cdn.door43.org/obs/jpg/360px/obs-en-03-11.jpg)

Booddees Nohi allaattii bullallaa (Gugee) jedhamtu erge. Haa ta’u malee iddoo itti qubattu argachuuf waan dhabdeef gara Nohitti deebitee in dhufte. Torban booddee Nohi bullaallattii deebisee in erge. Isheenis baala muka Ejersaa afaanitti qabattee deebite, bishaan hir’achaa waan tureef biqiltootnis biqilu jalqabaniiru.

![](https://cdn.door43.org/obs/jpg/360px/obs-en-03-12.jpg)

Nohi torbee tokko dabalata erga eegeen booddee yeroo sadaffaaf bullaallatti erge; yeroo kana iddoo itti qubattu waan argatteef deebite hin dhufne. Bishaanichis in goga ture.

![](https://cdn.door43.org/obs/jpg/360px/obs-en-03-13.jpg)

Ji’a lama booddee Waaqayyo Nohin ati maatiin kee fi bineensotiin hundumtuu doonicha keessaa ba’aa jedheen. Maatiin isaa doonicha keessaa in ba’ani. Ijoollee baay’ee fi ijoollee ijoollee isaaniis in horatani lafichas in guutani.

![](https://cdn.door43.org/obs/jpg/360px/obs-en-03-14.jpg)

Nohis erga doonicha keessaa ba’ee booddee iddoo aarsaa tolcheeti bineensota aarsaaf dhiyaachuu danda’an tokkoo tokkoo isaanii keessaa Waaqayyoof aarsaa dhiyeesse. Waaqayyos aarsichatti in gammade, Nohi fi maatii isaas in eebbise.

![](https://cdn.door43.org/obs/jpg/360px/obs-en-03-15.jpg)

Waaqayyos akkana jedhe, “Namoota waan hamaa godhaniif lammata akkan biyya lafaa hinabbaarre waadaa nan gala. Namootni ijoolummaa isaanii irraa jalqabanii cubbamoota yoo ta’an iyyuu biyya lafaa lammaffaa bishaan badiisaatiin hin balleessu” jedhe.

![](https://cdn.door43.org/obs/jpg/360px/obs-en-03-16.jpg)

Waaqayyo waan waadaa galeef akka mallattoo ta’uuf biduu (sabbata waaqayyoo) isa jalqabaa in tolche. Yeroo hundumaa biduun suni waaqa irratti in mul’ata. Waadaan Waaqayyo karaa biduu kanaa saba isaatiif gale in yaadatu.

*Seena Macaafa Qulqulluu:- Seera Uumamaa 6-8*

## 4. Waadaa Waaqayyoo Isa Abraam wajjinii

https://openbiblestories.org/l/om/story-4/

![](https://cdn.door43.org/obs/jpg/360px/obs-en-04-01.jpg)

Bara baay’ee bishaan badiisaa booddeetti sabootni biyya lafaa irratti deebi’anii in baay’atani. Hundumtuu afaan gosa tokkoo in dubbatu turani. Akka Waaqayyo isaan abboometti biyya lafaa irratti baay’atanii guutuu caalatti iddoo tokkotti walitti qabamanii magaalaa inijaarani.

![](https://cdn.door43.org/obs/jpg/360px/obs-en-04-02.jpg)

Isaanis of tuultotaa fi waan Waaqayyo isaanitti dubbateef kan of in eegganne turani. Irra caalatti waaqa qaqqabuudhaaf gamoo dheeraa ijaaruu in jalqabani. Waaqayyos namootni kuni hamaa gochuu, kanumaanis itti fufuu isaaniis in arge. Cubbuu kana irra caalaa hammaates gochuudhaaf indanda’u turani.

![](https://cdn.door43.org/obs/jpg/360px/obs-en-04-03.jpg)

Kanaafuu Waaqayyo afaan isaanii gara afaan baay’ee garaa garatti jijjiiree sabicha gara biyya lafaa hundumaatti in bittimse. Magaalaan isaan ijaaruuf jalqaban maqaan isaa Baabiloon jedhama. Hiikoon maqichaas kan wal-makate yookin kan mala dhabe jechuu dha.

![](https://cdn.door43.org/obs/jpg/360px/obs-en-04-04.jpg)

Waggoota dhibba booddee Waaqayyo nama Abraam jedhamutti dubate. Waaqayyos akkas jedheen, biyyaa fi maatii kee dhiisiiti gara ani sitti agarsiisu dhaqi. Achittan si eebbisa; saba guddaas sin godha, maqaa kee nan guddisa kan si eebbisan nan eebbisa kan si abaaran nan abaara, sababa keetiin namootiin biyya lafaa hundinuu in eebbifamu.

![](https://cdn.door43.org/obs/jpg/360px/obs-en-04-05.jpg)

Abraam Waaqayyoof abboomamee haadha manaa isaa Sooraa, tajaajiltootaa fi qabeenya isaa hundumaas fudhatee gara lafa Waaqayyo isatti agarsiisee gara biyya kana’aan adeeme.

![](https://cdn.door43.org/obs/jpg/360px/obs-en-04-06.jpg)

Abraam yommu Kana’aan ga’e Waaqayyo “Naanno kee kan jiru hundumaa ilaali lafa argitu hundumaa si’ii fi sanyii keetiif dhaala godhee isiniif nan kenna” jedheen. Abraamis biyya sana in taa’e.

![](https://cdn.door43.org/obs/jpg/360px/obs-en-04-07.jpg)

Guyyoota keessaa gaafa tokko Abraam Malkasedeq kan jedhame luba Waaqayyoo isa guddichaa argate.Malkasedeqis Abraamiin in eebbise akkanas jedheen “Waaqayyo guddichi abbaan waaqaa fi lafaa Abraamiin haa eebbisu” Abraamis Malkasedeqiif qabeenya isaa hundumaa keessaa kurnaffaa in kenneef.

![](https://cdn.door43.org/obs/jpg/360px/obs-en-04-08.jpg)

Waggooleen baay’een yoo darban iyyuu Abraamii fi Sooraan amma iyyuu ilmoo malee in jiraatu turani. Waaqayyo Abraamiif irra deebi’ee abdii kenneefi akka ilmoo qabaatuu fi sanyiinsaas akka urjiilee samiitti akka baay’atan itti hime. Abraamis abdii Waaqayyootti in amanate. Abraam abdii Waaqayyootti amanachuu isaatiif tola ta’ee in lakkaa’ameef.

![](https://cdn.door43.org/obs/jpg/360px/obs-en-04-09.jpg)

Waaqayyos Abraam wajjin waadaa gale. Wadaan gosa lama gidduutti walii galtee godhamu dha. Waaqayyos Abraamiin “Ilmoodhuma garaa kee siif nan kenna” jedheen. “Sanyii keetiif lafa kana nan kennaaf.” Abraam garuu yeroo sana ilmoo malee ture.

*Seena Macaafa Qulqulluu:- Seera Uumamaa 11-15*

## 5. Ilma Abdichaa

https://openbiblestories.org/l/om/story-5/

![](https://cdn.door43.org/obs/jpg/360px/obs-en-05-01.jpg)

Waggoolee kudhan booddee Abraam fi Sooraan Kana’aan ga’ani; amma ammaatti ilmoo hin qaban turan. Kanaafuu haati manaa Abraam Sooraan akkana jetteen “Waaqayyo akkan ilmoo hinqabaanneef waan na dhoowwateef akkasumas waanan dulloomeef tajaajiltuun koo Aggaar kunoo ti fuudhi anaafis ilmoo naaf haa deessu” jetteen.

![](https://cdn.door43.org/obs/jpg/360px/obs-en-05-02.jpg)

Kanaafuu Abraam Aggaariin in fuudhe. Aggaaris ilma indeesse. Abraamis “Ismaa’el” jedheeti maqaa moggaasef, haa ta’uu malee Sooraani Aggaaritti inaafte; Ismaa’el waggaa kudha sadii yommuu ta’u Waaqayyo Abraamiin akkana Jedhe.

![](https://cdn.door43.org/obs/jpg/360px/obs-en-05-03.jpg)

Waaqayyos Abraamiin “Ani Waaqa hunda danda’aadha si wajjin waadaa nan gala” jedhe. Abraamis adda isaatiin lafa irratti in kufe. Waaqayyos Abraamiin jedhe “Ati abbaa saba baay’ee intaata. Lafa biyya Kana’aan si’ii fi sanyii keetiif dhunfaa godhee isiniif nan kenna anis Waaqaa isaanii isa baraa baraa nan ta’a atis maati kee keessatti dhiira argamu hundumaa dhaqna qabi” isaan jedhe.

![](https://cdn.door43.org/obs/jpg/360px/obs-en-05-04.jpg)

Waaqayyos “haati manaa kee Sooraan ilma siif in deessi innis immoo ilma abdii in ta’a maqaa isaas Yisihaaq jettee in waamta waadaa koos isaa wajjin nan godha. Innis saba guddaa in ta’a. Ismaa’eliinis saba guddaa nan taasisa; garuu waadaan koo Yisihaaq wajjin in ta’a” jedheen. Waaqayyos maqaa Abraamiin “Abrihaam” jechuudhaan jijjiireef hiikoon isaas “Abbaa warra baay’ee” jechuu dha. Waaqayyo maqaa Sooraas “Saaraa” jechuudhaan jijjireef hiikoon isaas “Haadha warra baay’ee” jechuu dha.

![](https://cdn.door43.org/obs/jpg/360px/obs-en-05-05.jpg)

Gaafuma sana Abrihaam dhiirota mana isaatti argaman hundumaa dhaqna in qabe. Waggaa tokko booddee Abrihaam umriin isaa waggaa 100 yommuu ta’eefi Saaraan immoo Waggaa 99 yommuu taate Abrihaamiif ilma in deesse. Akkuma Waaqayyo isaaniin jedhetti maqaa isaa “Yisihaaq” jedhee in moggaase.

![](https://cdn.door43.org/obs/jpg/360px/obs-en-05-06.jpg)

Yisihaaq yommuu dargaggeessa ta’e Waaqayyo Abrihaamiin akkana jechuudhaan qore; “Ilma kee tokkicha fuudhii anaaf aarsaa godhiitii dhiyeessi” jedhe; ammas Abrihaam Waaqayyoof abboomamee ilmasaa aarsaa gochuudhaaf in qophaa’e.

![](https://cdn.door43.org/obs/jpg/360px/obs-en-05-07.jpg)

Abrihaamii fi Yisihaaq gara iddoo aarsaan itti dhiyaatuutti deemuu akkuma jalqabaniin Yisihaaq abbaa isaatiin “Yaa abbaa koo qoraan aarsaa kunoo ti hoolaan garuu meerre?” jechuudhaan gaafate. Abrihaamis “Yaa ilma koo hoolaa aarsaa Waaqayyo in qopheessa” jedhee deebiseef.

![](https://cdn.door43.org/obs/jpg/360px/obs-en-05-08.jpg)

Iddoo aarsaan itti dhiyaatu akkuma ga’aniin Abrhaam ilmasaa hidhee iddoo aarsaa irra in ciibse. Abrihaamis ilmasaa qaluudhaaf harka isaa diriirfatee halbee kaase; Waaqayyo “Dhiisi ilma kee irratti miidhaa tokko illee akka isa irratti hin qaqqabsiifne akka na sodaattuu fi ilma kee tokkicha garaa laaftee akka na hin dhoowwanne amma beekeera” jedheen.

![](https://cdn.door43.org/obs/jpg/360px/obs-en-05-09.jpg)

Achuma dhiyootti hoolaa miciree keessatti hidhame Abrihaam inarge. Waaqayyo hoolaa bakka Yisihaaq aarsaa ta’u qopheessee ture. Abrihaamis gammachuudhaan hoolicha aarsaa godhee dhiyeesse.

![](https://cdn.door43.org/obs/jpg/360px/obs-en-05-10.jpg)

Waaqayyos Abrihaamiin jedhe; “Ilmi kee tokkichi illee utuu hin hafin kan qabdu hundumaa naaf kennuuf fedha qabeessa waan taateef si eebbisuuf waadaa nan gala. Sanyiin kee urjiilee samii caalaa in baay’atu, waan anaaf abboomamteef sabni biyya lafaa hundumtuu si’iin in eebbifamu.”

*Seenaa Macaafa Qulqulluu: - Seeraa Uumamaa 16-20*

## 6. Waaqayyo Yisihaaqiif haadha manaa in qopheseef

https://openbiblestories.org/l/om/story-6/

![](https://cdn.door43.org/obs/jpg/360px/obs-en-06-01.jpg)

Yommuu Abrihaam baay’ee dulloometti Yisihaaq fuudha ga’ee ture. Kanaafuu Abrihaam tajaajiltoota isaa keessaa isa tokko gara biyya firoota isaa dhaqee ilma isaatiif akka haadha manaa fiduuf erge.

![](https://cdn.door43.org/obs/jpg/360px/obs-en-06-02.jpg)

Gara firootiin Abrihaam jiraatan adeemsa baay’ee booddee inqaqqabe. Waaqayyos tajaajilaa Abrihaam isa ergame gara Ribqaatti qajeelche. Ribqaan intala ilma obboleessa Abrihaam turte.

![](https://cdn.door43.org/obs/jpg/360px/obs-en-06-03.jpg)

Ribqaan maatii ishee dhiiftee tajaajilticha wajjin gara Yisihaaq ademuuf walii galte. Akkuma geesseen Yisihaaq ishee in fuudhe.

![](https://cdn.door43.org/obs/jpg/360px/obs-en-06-04.jpg)

Yeroo dheeraan booddee Abrihaam duunaan Waaqayyo waadaa Abrihaam wajjin gale hundumtu gara Yisihaaqitti in darbe. Waaqyyos Abrihaamiif sanyii lakkaa’amuu hindandandeenye akka qabaatu abdii kenneefii ture. Haa ta’u malee haati manaa Yisihaaq Ribqaani ijoollee godhachuuf hin dandeenye.

![](https://cdn.door43.org/obs/jpg/360px/obs-en-06-05.jpg)

Yisihaaq Ribqaadhaaf kadhannaan Ribqaani ijoollee lakkuu akka ulfooftuuf fedha Waaqayyo in ta’e. Ijoolleen lachuu utuudhuma garaa Ribiqaa keessa jirani wal-morku turani. Ribiqaanis wanti garaa ishee keessatti ta’aa jiru kuni maal akka ta’e Waaqayyoon in gaafatte.

![](https://cdn.door43.org/obs/jpg/360px/obs-en-06-06.jpg)

Waaqayyos Ribqaadhaan “Ijoollee garaa kee keessa jiran ijoollee lamaan irraa saba lamatu ba’a isaanis waliin morku hangaftis isa quxisuu in tajaajila” jedheen.

![](https://cdn.door43.org/obs/jpg/360px/obs-en-06-07.jpg)

Ribqaan ijoollee yeroo deesse inni hangafti diimaa rifeensa baay’ee kan qabu ta’ee in ba’e “Esaawu” jedhanii maqaa isaa moggaasani; ilmi quxisuunis luka Esaawu qabatee ba’e, maqaasaas “Yaaqoob” jedhanii moggaasani.

*Seenaa Macaafa Qulqulluu:- Seeraa Uumamaa 24: 1-25, 26*

## 7. Waaqayyo Yaaqoobiin in eebbise

https://openbiblestories.org/l/om/story-7/

![](https://cdn.door43.org/obs/jpg/360px/obs-en-07-01.jpg)

Ijoolleenis in guddatani, Yaaqoob haadha isaa wajjin mana turuu jaallata ture. Esaawu garuu adamoo adamsuu jaallata ture. Ribqaan Yaaqoob in jaallatti; Yisihaaq garuu Esaawun jaallata ture.

![](https://cdn.door43.org/obs/jpg/360px/obs-en-07-02.jpg)

Guyyoota keessaa gaafa tokko Esaawu adamoodhaa deebi’ee yommuu dhufu baay’ee beela’ee ture. Esaawu Yaaqoobiin “maaloo nyaata qopheesite irraa xinnoo naa kenni” jedheen.Yaaqoobis dura mirga hangafummaa kee naaf kenni jedhee deebiseef. Kanaafuu Esaawu mirga hangafummaasaa Yaaqoobiif kenneefi, achuman Yaaqoob nyaata qopheesse irraa kenneef.

![](https://cdn.door43.org/obs/jpg/360px/obs-en-07-03.jpg)

Yisihaaq eebbasaa Esaawuf kennu in barbaade. Garuu utuu inni kana hin raawwatiin dura Ribqaa fi Yaaqoob Yisihaaqiin gowwoomsani. Yaaqoob Esaawu fakkatee gara Yisihaaqitti dhiyaate. Yisihaaq dulloomee arguuf iyyuu hin danda’u ture. Kanaafuu Yaaqoob uffata Esaawu uffatee gogaa re’ee mormaa fi harka isaa irra keewwatee gara Yisihaaqitti dhiyaachuudhaan gowwoomse.

![](https://cdn.door43.org/obs/jpg/360px/obs-en-07-04.jpg)

Yaaqoob gara Yisihaaqitti dhufee akkana jedheen “Ani Esaawu dha dhufeeraa na eebbisuu in dandessaa?” Yisihaaq gogaa re’ee sana qaqqabatee foolii uffatasaas urgeeffatee Esaawu akka ta’e yaadee eebbise.

![](https://cdn.door43.org/obs/jpg/360px/obs-en-07-05.jpg)

Yaaqoob mirga hangafummaa fi eebbasaa gowwoomsee waan fudhateef Esaawu Yaaqoobiin in jibbe, abbaan isaani erga du’een booddee isa ajjeesuus in yaade.

![](https://cdn.door43.org/obs/jpg/360px/obs-en-07-06.jpg)

Garuu Ribqaan kaayyoo Esaawu in dhageesse. Kanaafis Yisihaaqii fi isheen Yaaqoob akka firootaa isaa wajjin jiraatuuf gara biyya fagootti in ergani.

![](https://cdn.door43.org/obs/jpg/360px/obs-en-07-07.jpg)

Yaaqoob waggoota dheeraadhaaf firoota Ribqaa wajjin jiraate. Yeroo sana gaa’ila godhatee ijoollee dhiiraa 12 fi durba tokko horateera. Waaqayyos baay’isee isa sooromse.

![](https://cdn.door43.org/obs/jpg/360px/obs-en-07-08.jpg)

Kana’aan keessa waggaa digdama (20) erga jiraatee booddee Yaaqoob maatii isaa, hojjettoota isaa fi horii isaa hundumaa wajjin gara kana’aanitti deebi’uuf murteeffate.

![](https://cdn.door43.org/obs/jpg/360px/obs-en-07-09.jpg)

Ammas Esaawu na ajjeesuuf yaadaa jira ta’a jedhee waan garaa isaatti yaadeef Yaaqoob in soodaate. Kanaafis harka fuudhaa akka ta’uuf horii baay’ee kenna godhe Esaawudhaaf in erge. Horii kan fidaniif tajaajiltootni Yaaqoob “tajaajilaan kee Yaaqoob horii isaan kana siif eergeera innis dhiyootti in dhufa” jedhaniin.

![](https://cdn.door43.org/obs/jpg/360px/obs-en-07-10.jpg)

Esaawu garuu duruma iyyuu Yaaqoobiif dhiifama waan godheef deebi’anii wal-arguu isaaniitti gammadoo turani. Yaaqoob biyya kana’aan keessa nagaadhaan jiraate; achumaan Yisihaaq in du’e, Yaaqoobii fi Eesaawu isa awwaalani. Waaqayyo abdii waadaa Abrihaamiif gale amma Yisihaaq irraa gara Yaaqoobitti darbeera.

*Seenaa Macaafa Qulqulluu:-Seera Uumamaa 25:27-33:20*

## 8. Waaqayyo Yoseefii fi maatiisaa in oolche

https://openbiblestories.org/l/om/story-8/

![](https://cdn.door43.org/obs/jpg/360px/obs-en-08-01.jpg)

Abbaan isaanii Yaaqoob Yoseefiin obboloota isaa hundumaa caalatti waan jaallatuufi mootii isaaniis akka ta’u Yoseef abjuu waan abjooteef obbollootni isaa Yoseefiin in jibbani. Yoseefis gara obbolaa isaatti yommuu dhufe butanii warra garba gurgurutti in gurgurani.

![](https://cdn.door43.org/obs/jpg/360px/obs-en-08-02.jpg)

Bara baay’eedhaan booddee Yaaqoob yommuu dulloome horii isaa kan eegan obbolaan isaa akkamitti akka jirani akka ilaaluuf ilma isaa isa jaallatu Yoseefiin in erge.

![](https://cdn.door43.org/obs/jpg/360px/obs-en-08-03.jpg)

Obbolaan Yoseef gara manaatti utuu hin deebi’in dura uffata Yoseef tarsaasanii dhiiga re’eetiin in makani. Achumaan uffata Yoseef isa dhiigaan makame abbaa isaaniitti agarsiisani. Innis bineensi bosonaa Yoseefiin ajjeeseera jedheetu yaade; Yaaqoobis baay’ee in gadde.

![](https://cdn.door43.org/obs/jpg/360px/obs-en-08-04.jpg)

Warri garba gurgurus Yoseefin gara biyya Gibxiitti fudhatani. Yeroo sanatti Gibxi qarqara laga Abbayaatti kan argamtu biyya guddittii fi ciimtuu turte. Warri garba gurgurus Yoseefiin garbicha godhaniitu sooresicha hoogganaa mootummaa tokkootti in gurgurani. Yoseef gooftaa isaa sirriitti in tajaajile. Waaqayyos Yoseefiin in eebbise.

![](https://cdn.door43.org/obs/jpg/360px/obs-en-08-05.jpg)

Haati manaa gooftaa isaa Yoseef wajjiin ciisuuf in yaalte. Yoseef garuu Waaqayyoon duratti cubbuu hin godhu jedheetu dide. Isheenis waan isatti aarteef sobaan himattee gara mana hidhaatti geessame. Mana hidhaattis yoo ta’e Waaqayyoof amanamaa ta’ee waan argameef Waaqayyo isa in eebbise.

![](https://cdn.door43.org/obs/jpg/360px/obs-en-08-06.jpg)

Yoseef nama qulqulluu yoo ta’e illee waggoota lama booddeeyyuu ammas manuma hidhaa keessa ture. Halkan gaafa tokko Gibxoonni “Mootii” keenya inni jedhan Faari’oon abjuu baay’ee isa jeeqan lama in abjoote. Gorsitoota isaa keessaa eenyu illee hiikoo isaa isatti himuuf hin dandeenye.

![](https://cdn.door43.org/obs/jpg/360px/obs-en-08-07.jpg)

Waaqayyo Yoseefiif kennaa abjuu hiikuu isaaf kennee ture; kanaafuu Faari’oon Yoseefiin mana hidhaatii gara mana isaatti in fichisiise. Yoseef abjuu isaa hiikeefii akkana jedheen “Waaqayyo bara quufaa torba in erga; itti fufees bara beelaa torbatu ta’a” jedhe.

![](https://cdn.door43.org/obs/jpg/360px/obs-en-08-08.jpg)

Fari’oonis Yoseefiin baay’ee ajaa’ibsiifatee; biyya Gibxii irratti ofiisaatti aansee hogganaa lammaffaa godhee in muude.

![](https://cdn.door43.org/obs/jpg/360px/obs-en-08-09.jpg)

Yoseefis sabichi waggoota oomisha gaarii torban keessatti midhaan baay’ee gombisaatti akka kuufatan itti hime. Waggootni bara beelaa torban yommuu qaqqabani immoo Yoseef midhaan gombisaadhaa baasee waan sabichatti gurgureef nyaata nyaatamu gahaa ta’e in argtani.

![](https://cdn.door43.org/obs/jpg/360px/obs-en-08-10.jpg)

Hameenyi beellichaa biyya Gibxiitti qofa utuu hin taane, Yaaqoobii fi maatiin isaa iddoo jiraatan Kana’aan keessas immoo akkasuma jira ture.

![](https://cdn.door43.org/obs/jpg/360px/obs-en-08-11.jpg)

Yaaqoob ijoolleen isaa akka midhaan bitaniif gara Gibxiitti isaan erge. Obbolaan Yoseef midhaan bituuf dhaqani isa dura yeroo dhaabbatan isa hin hubanne Yoseef garuu isaan beekeera.

![](https://cdn.door43.org/obs/jpg/360px/obs-en-08-12.jpg)

Yoesef obboloota isaa erga qoree booddee jijjiiramuu isaanii ilaaluuf akkana jedheeni “Hin sodaatinaa, ani obboleessa keessan Yoseefi dha yommuu garbummaatti na gurgurtani hammeenya narratti godhuuf yaaltani, haa ta’u malee Waaqayyo hammeenyicha gaariidhaaf godhe koottatii biyya Gibxii keessa jiraadhaa. Anis isinii fi maatii keessaniif waan barbaachisu nan dhiyeessa.”

![](https://cdn.door43.org/obs/jpg/360px/obs-en-08-13.jpg)

Obbolaan Yoseef gara biyya isaaniitti deebi’anii Yoseef lubbudhaan jiraachuu isaa abbaa isaanii Yaaqoobitti yommuu himan Yaaqoob baay’ee in gammade.

![](https://cdn.door43.org/obs/jpg/360px/obs-en-08-14.jpg)

Yoo Yaaqoob jaarsa ta’ee illee maatii isaa hundumaa wajjin gara Gibxii dhaqee achi in jiraatani. Yaaqoob utuu hin du’iin dura maati isaa tokko tokkoon isaan in eebbise.

![](https://cdn.door43.org/obs/jpg/360px/obs-en-08-15.jpg)

Waadaan Waaqayyo Abrihaamiif gale sagaleewwan abdii gara Yisihaaqitti darbani, achiis gara Yaaqoobitti, itti fufeesi gara ijoollee Yaaqoob kudha lamaanii fi maatii isaaniitti darbe. Sanyiin ijoollee kudha lamaanii qomoowwan Israa’el kudha lamaan in ta’ani.

*Seenaa Macaafa Qulqulluu: - Seera Uumamaa 37-50*

## 9. Waaqayyo Musee in waame

https://openbiblestories.org/l/om/story-9/

![](https://cdn.door43.org/obs/jpg/360px/obs-en-09-01.jpg)

Erga Yoseef du’ee booddee firootiin isaa hundumtuu biyya Gibxii keessa jiraatu turani. Isaanii fi ijoollee isaanii bara baay’ee achi jiraachuu itti fufani. Ijoollee baay’ees in horatani. Isaan Israa’eloota jedhamani in waamaman.

![](https://cdn.door43.org/obs/jpg/360px/obs-en-09-02.jpg)

Waggoota dhibbaatamaan booddee lakkoofsi Israa’elootaa baay’achaa in dhufe. Warri Gibxiis Yoseefii fi isaan gargaruuf waan inni godhe hin irraanfatani. Israa’elootni baay’achaa deemuu isaanii Gibxoonni in sodaatani. Kanaafuu yeroo sanatti Gibxi kan bulchaa ture Fari’oon Israa‘elootni warra Gibxiitiif garboota akka ta’an in godhe.

![](https://cdn.door43.org/obs/jpg/360px/obs-en-09-03.jpg)

Warri Gibxii Israa’elootni hojii ijaarsaa akka hojjatan; magaalaa hundumaa akka ijaaran gochuudhaan humnaan isaan in dirqisiisu turani. Hojiin itti ulfaatee jireenya isaanii rakkisaa in godhe. Waaqayyo garuu isaan in eebbise ijoollee baay’ees qabu turani.

![](https://cdn.door43.org/obs/jpg/360px/obs-en-09-04.jpg)

Israa’elootni akka ijoollee baay’ee qaban in arge; kanaafuu Fari’oon Israa’elootiin yoo ijoollee dhiiraa godhatan laga Abbayyaatti gadi darbachudhaan akka ajjeesan sabicha in ajaje.

![](https://cdn.door43.org/obs/jpg/360px/obs-en-09-05.jpg)

Dubartiin lammii Israa’el tokko ilma in deesse. Ishee fi abbaan manaa ishee mucicha hamma danda’anitti in dhoksani.

![](https://cdn.door43.org/obs/jpg/360px/obs-en-09-06.jpg)

Haatii fi abbaan mucichaa yommuu dhoksuudhaaf humnaa ol isaanitti ta’e waan akka bidiruu tolchanii akka bishaan irra taa’uti laga Abbayyaa irratti qaraqara dhallaadduu fuulduratti akka hin duuneef gadi in dhiisani. Obboleettiin hangafti isaa waan isa irra ga’u hubachuuf itti dhiyeenyaan hordofti turte.

![](https://cdn.door43.org/obs/jpg/360px/obs-en-09-07.jpg)

Intalli Fari’oon bidiricha argitee waan keessa jiru ilaalte. Mucicha arginaan akka mucaa isheetiitti guddifachuuf in fudhatte. Isheenis mucicha kan kunuunsitu dubartii lammii Israa’el in qacarte. Dubartiin qacaramtes haadha mucichaa ta’uu ishee utuu hin beekiin ture. Mucichi guddatee harma guunaan haati isaa gara intala Fari’oonitti deebiftee maqaa isaas “Muse” jedhanii moggaasani.

![](https://cdn.door43.org/obs/jpg/360px/obs-en-09-08.jpg)

Museen erga guddatee gaafa tokko namichi lammii Gibxii tokko garbicha lammii Israa’el ta’e tokko yommuu rukutu in arge. Museenis gosa isaa Israa’elicha olchuudhaaf in yaale.

![](https://cdn.door43.org/obs/jpg/360px/obs-en-09-09.jpg)

Museen homtuu kan isa argu waan itti hin fakkaanneef namichicha biyya Gibxii ajjeesee awwaale. Garuu waan Museen godhe namni tokko argee ture.

![](https://cdn.door43.org/obs/jpg/360px/obs-en-09-10.jpg)

Waan Museen godhe Fara’oon yeroo dhaga’e isa ajjeesuudhaaf in yaale. Museen garuu raayyaa Fara’oon jalaa of baasuudhaaf gara lafa onaatti in baqate.

![](https://cdn.door43.org/obs/jpg/360px/obs-en-09-11.jpg)

Museen Gibxii irraa fagoo iddoo ta’etti tiksee hoolotaa in ta’e. Biyyuma sanatti haadha manaa fuudhee ijoollee dhiiraa lama in godhate.

![](https://cdn.door43.org/obs/jpg/360px/obs-en-09-12.jpg)

Gaafa tokko utuudhuma Museen hoolota eegaa jiruu miciree ibiddi irraa boba’u in arge haa ta’u malee micirichi hin gubanne. Museenis sirriitti ilaaluuf gara micirichaatti in dhiyaate. Gara miciree gubachaa jirutti inna dhiyaatu sagaleen Waaqayyoo “Musee iddoo qulqulluu dhaabatteetta miilla kee irraa kophee kee baafadhu” jedheen.

13 Waaqayyos “Gidiraa saba kootii waanan argeef gara Fari’oonittan si erga. Israa’elootas garbummaa biyya Gibxii jalaa bilisa isaan in baafta. Abrihaamiif, Yisihaaqiif akkasumas Yaaqoobiif kennuudhaaf kan an abdii kenneef biyya Kana’aan isaaniifan kenna.”

![](https://cdn.door43.org/obs/jpg/360px/obs-en-09-13.jpg)

Sabichi eenyutu si erge jedhanii yoo na gaafatan maalan jedhaan jechuudhaan Waaqayyon gaafate. Waaqayyos Museedhaan “Ani isa jiraataa fi kan jiraatu dha kan ‘Jiruu fi kan jiraatutu’ na erge jedhiitii isaanitti himi.” jedheen.

![](https://cdn.door43.org/obs/jpg/360px/obs-en-09-14.jpg)

Museen waan sodaateef gara Fari’oon deemuuf hin barbaadne. Sababiin isaas dandeettii dubbii hin qabu jedhee waan yaadeef ture. Kanaafis Waaqayyo obboleessi Musee Aaron Musee wajjin akka deemuu fi akka gargaaruuf erge. Waaqayyo Musee fi Aaroniin Fari’oon sabicha gadi hin dhiisu jechuudhaan garaa isaa jabeessuu akka danda’u isaan akeekkachiiseera.

*Seenaa Macaafa Qulqulluu:- Seera Ba’uu 1-4*

## 10. Dha’icha kurnan

https://openbiblestories.org/l/om/story-10/

![](https://cdn.door43.org/obs/jpg/360px/obs-en-10-01.jpg)

Musee fi Aaron gara Fari’oon in dhaqan. “Waaqni Israa’el saba koo gadi dhiisi.” siin jedha isaan jedhan. Fari’oon isaan hin dhageenye. Israa’elootni bilisa ta’anii akka ba’an gochuu didee hojii ulfaataa itti cimsee akka hojjatan isaan in godhe.

![](https://cdn.door43.org/obs/jpg/360px/obs-en-10-02.jpg)

Fari’oon sabicha gadi hin dhiisu jechuu isaa itti fufe. Kanaafuu Waaqayyo biyya Gibxiitti dha’ichoota kurnan itti in erge. Waaqayyo karaa dha’ichawwan kurnaniitiin Fari’oonii fi waaqota biyya Gibxii caalatti guddaa akka ta’e Fari’oonitti in argisiise.

![](https://cdn.door43.org/obs/jpg/360px/obs-en-10-03.jpg)

Waaqayyo bishaan laga Abbayyaa gara dhiigaatti in jijjiire, haa ta’u malee Fari’oon ammas Israa’eloota gadi hin dhiifne.

![](https://cdn.door43.org/obs/jpg/360px/obs-en-10-04.jpg)

Waaqayyo biyya Gibxii hunda irratti raachota itti erge. Fari’oon Museen akka raacha isaan irraa fageessuuf in kadhate. Ta’es hafes garuu raachi hudumtuu in du’ani. Fari’oon garaa isaa jabeessee Israa’elootni biyya Gibxiitii akka ba’aniif gadi isaan hin dhiifne.

![](https://cdn.door43.org/obs/jpg/360px/obs-en-10-05.jpg)

Kanaafuu Waaqayyo bookee itti erge. Achumaan tisiisa itti erge. Fari’oonis Musee fi Aaron Waamee dha’icha yoo irraa dhaabani biyya Gibxiitii ba’uuf akka danda’an isaanitti hime. Museen kadhannaan Waaqayyo tisiisota hundumaa biyya Gibxii irraa in fageesse. Garuu Fari’oon garaa isaa akkuma jabeessetti ammas sabicha gadi hin dhiifne.

![](https://cdn.door43.org/obs/jpg/360px/obs-en-10-06.jpg)

Itti fufees waaqayyo horiin biyya Gibxii hundi dhukkubsatanii akka du’an in godhe. Fari’oon garuu garaa isaa waan jabaateef Israa’eloota gadi hin dhiifne.

![](https://cdn.door43.org/obs/jpg/360px/obs-en-10-07.jpg)

Achumaan Fari’oon duratti akka daaraa gara samiitti ol facaasuuf Waaqayyo Museetti in hime. Daaricha yeroo inni ol facaase namoota biyya Gibxii irratti madaan dhukkubaa in ta’e, Israa’eloota irratti garuu madichi hin taane. Waaqayyo garaa Fari’oon in jabeesse. Fari’oonis Israa’eloota gadi hin dhiifne.

![](https://cdn.door43.org/obs/jpg/360px/obs-en-10-08.jpg)

Sana booddee biqiltuu biyya Gibxii jiru baay’ee isaa kan balleessee fi nama ala ture kam iyyuu kan ajjeese cabbii Waaqayyo itti erge. Fari’oonis Musee fi Aaron waamee “Ani cubbuu hojjedheera, deemuuf in dandeessu.” Jedhe isaanitti in hime. Achumaan cabbiin waaqa irraa gadi roobuu in dhise.

![](https://cdn.door43.org/obs/jpg/360px/obs-en-10-09.jpg)

Fari’oon garuu ammas dabalee cubbuu godhe garaa isaas in jabeesse. Israa’elootas gadi hin dhiifne.

![](https://cdn.door43.org/obs/jpg/360px/obs-en-10-10.jpg)

Kanaafuu Waaqayyo tuuta awwaanisaa biyya Gibxiitti fide. Awwaanisootni kun immoo miidhaan cabbiin hin balleessine hundumaa in nyaatani.

![](https://cdn.door43.org/obs/jpg/360px/obs-en-10-11.jpg)

Achiis Waaqayyoo dukkana guyyaa sadiif ture itti erge. Warri Gibxii hamma akka itti manaa gadi ba’an dhabanitti baay’ee itti dukkanaa’ee ture. Iddoo Israa’elootni jiraatanitti garuu ifa ture.

![](https://cdn.door43.org/obs/jpg/360px/obs-en-10-12.jpg)

Dha’ichawwan saglan kana booddee iyyuu Fari’oon ammas Israa’eloota gadi hin dhiisu jedhe. Fari’oon waan hin dhageenyeef Waaqayyo dha’icha isa dhumaa tokko erguuf murteesse. Inni kun yaada Fari’oon in jijjiira.

*Seenaa Macaafa Qulqulluu:- Seeraa Ba’uu 5-10*

## 11. Faasigaa

https://openbiblestories.org/l/om/story-11/

![](https://cdn.door43.org/obs/jpg/360px/obs-en-11-01.jpg)

Yoo Israa’eloota gadi dhiisuu baate ilmoo dhiiraa kan namaa fi kan horii hangafa warra ta’an akka ajjeesu Waaqayyo Fari’ooniin in akeekkachiise. Fari’oon kana yeroo dhaga’e ammas amanachuu fi Waaqayyoof abboomamuu in dide.

![](https://cdn.door43.org/obs/jpg/360px/obs-en-11-02.jpg)

Kan isatti amanate ilmoo dhiiraa hangafaa kan nama kami iyyuu baraaruudhaaf Waaqayyo karaa in baase. Tokkoo tokkoon maatii ilmoolee hoolaa qulqulluu ta’e filatee in qale.

![](https://cdn.door43.org/obs/jpg/360px/obs-en-11-03.jpg)

Waaqayyo Israa’elootni dhiiga hoolichaa balbala mana isaanii irratti akka diban, foon isaa immoo waadanii maxinoo raacita malee tolfameen daddafani akka nyaatan isaanitti in hime. Akkasumas yommuu nyaatan biyya Gibxiitii ba’uuf akka qophaa’an isaanitti in hime.

![](https://cdn.door43.org/obs/jpg/360px/obs-en-11-04.jpg)

Israa’elootni akkuma Waaqayyo isaan abboometti waan hundumaa in godhani. Halkan walakkaa Waaqayyo guutummaa biyya Gibxii keessa qaxxaamuree ilmoo dhiiraa hangafaa hundumaa in ajjeese.

![](https://cdn.door43.org/obs/jpg/360px/obs-en-11-05.jpg)

Balballi manneen Israa’elootaa hundumtuu dhiigaan dibamanii turan, kanaafuu Waaqayyo isaan irra in darbe, manneen sana keessa kan jiru namni hundumtuu du’a jalaa in hafe. Israa’elootni kan hafaniif sababa dhiigaa hoolichaatiifi.

![](https://cdn.door43.org/obs/jpg/360px/obs-en-11-06.jpg)

Gibxootni garuu Waaqayyoon hin amananne turani, abboommii isaas in raawwanne. Kanaafuu Waaqayyo mana isaanii irra hin darbine. Waaqayyo hangafa ilmaan dhiiraa Gibxootaa hundumaa in ajjeese.

![](https://cdn.door43.org/obs/jpg/360px/obs-en-11-07.jpg)

Hangafa nama mana hidhaa keessatti hidhame irraa jalqabee hamma hangafa Fari’oonitti dhiirotni hangafaa warra Gibxii tokko tokkoon in du’ani. Cimina gadda isaanii irraan kan ka’e biyya Gibxii keessa kan jiran namootni baay’een in boo’u in iyyus turani.

![](https://cdn.door43.org/obs/jpg/360px/obs-en-11-08.jpg)

Halkanuma sana Fari’oon Musee fi Aaron waamee “Israa’eloota fudhadhaati ammuma deemaa!” isaaniin jedhe.

*Seenaa Macaafa Qulqlluu: - Seeraa Ba’uu 11:1-12:32*

## 12. Biyya Gibxiitii ba’uu Israa’elootaa

https://openbiblestories.org/l/om/story-12/

![](https://cdn.door43.org/obs/jpg/360px/obs-en-12-01.jpg)

Israa’elootni biyya Gibxiitii ba’uu isaaniitti baay’ee in gammadani. Kana booddee garboota miti; gara biyya abdiittis adeemu turani. Namootni biyya Gibxii Israa’elootaaf warqee fi meetii akkasumas wantoota gati-jabeeyyii kan biraas utuu hin hafiin waan isaan gaafatan kam iyyuu in kennaniif. Biyya Gibxiitti yeroo ba’an namootni qomoo biraa tokko tokkos Waaqayyoon amanatanii Israa’elootaa wajjin in deemani.

![](https://cdn.door43.org/obs/jpg/360px/obs-en-12-02.jpg)

Waaqayyo isaan wajjin yeroo deeme dura isaanii ba’eetu guyyaa utubaa duumessaa dheeraatiin, halkan immoo utubaa ibiddaa dheeraadhaan isaan dura adeemee karaa isaanitti agarisiise. Waaqayyo yeroo hundumaa isaan wajjin ta’ee yommuu karaa deeman isaan gaggesse. Wanti gochuun isaan irraa eegamu yoo jiraate isa duukaa bu’uu qofa ture.

![](https://cdn.door43.org/obs/jpg/360px/obs-en-12-03.jpg)

Yeroo muraassa booddee, Fari’oon fi sabni isaa yaada isaanii jijjiirratanii Israa’elootni deebi’anii akka garboota isaanii ta’an in barbaadani. Waaqayyo qofti waaqa dhugaa ta’uu isaa sabichi akka arganiif, akkasumas inni Yaahiwween, Fari’oonii fi waaqota isaa irraa caalatti akka humna qabeessa ta’e akka hubataniif garaa Fari’oon cimsee in jabeesse

![](https://cdn.door43.org/obs/jpg/360px/obs-en-12-04.jpg)

Kanaafuu Fari’onii fi loltootni isa deebisanii garboota isaan godhaachuuf Israa’eloota in hordofani. Israa’elootni raayyaan warra Gibxii dhufuu yeroo argan raayyaa Fari’onii fi galaana diimaa gidduutti qabamuu isaanii beekani. Baay’ee sodaatani waan turaniif “Maaliif biyya Gibxiitii baane? Du’uu keenya” jedhanii iyyani.

![](https://cdn.door43.org/obs/jpg/360px/obs-en-12-05.jpg)

Museenis Israa’elootaan “Hin sodaatinaa har’a Waaqayyo isiniif in lola inni isin in baasa” jedheetu isaanitti hime. Achumaan Waaqayyo “Gara galaana diimaatti akka deemu sabichatti himi” jedheetu Museetti hime. Achumaan warri Gibxii akka Israa’eloota hin argineef warra Gibxii fi Israa’eloota gidduu isaaniitti utubaa duumessaa in godhe.

![](https://cdn.door43.org/obs/jpg/360px/obs-en-12-06.jpg)

Waaqayyo Museen harkasaa galaanicha irratti akka diriirsuuf bishaanichis gargar akka hiramu isatti hime. Achumaan Waaqayyo galaanicha keessa karaan darban akka jiratuuf qilleensi bishaanicha gara mirgaa fi bitaatti akka hiru in godhe.

![](https://cdn.door43.org/obs/jpg/360px/obs-en-12-07.jpg)

Israa’elootiin bishaanichi akka keenyaniitti mirgaa fi bitaa isaanii dhaabatee utuu jiruu galaanicha keessa lafa gogaa irra in adeemani.

![](https://cdn.door43.org/obs/jpg/360px/obs-en-12-08.jpg)

Achumaan warri Gibxii akka Israa’elootni isaan harkaa ba’an akka arganiifi Waaqayyo duumesicha karaa irraa ol in kaase. Gibxootni isaan duukaa bu’anii hordofuuf in murteeffatani.

![](https://cdn.door43.org/obs/jpg/360px/obs-en-12-09.jpg)

Kanaafuu karaa galaanichaa Israa’eloota in hordofani; Waaqayyo garuu Gibxootni akka dhiphatanii fi konkolaattotni isaaniis akka hidhaman in godhe. “Baqadhaa Waaqayyo Israa’elootaaf lolaafii jiraa!” Jedhanii in iyyani.

![](https://cdn.door43.org/obs/jpg/360px/obs-en-12-10.jpg)

Erga Israa’elootni nagaadhaan galaanicha ce’anii booddee, Museen harka isaa lammaffaa akka galaanicha irratti diriirsuuf Waaqayyo Museetti hime. Innis yeroo abboomame bishaanichi loltoota warra Gibxii irraatti deebi’ee akkuma duraa in ta’e. Raayyaan waraana warra Gibxii hundumtuu bishaan keessatti in liqimfamani.

![](https://cdn.door43.org/obs/jpg/360px/obs-en-12-11.jpg)

Israa’elootni akka warri Gibxii du’an yeroo argan Waaqayyotti in amanani Museenis raajii Waaqayyoo ta’uu isaa in amanani.

![](https://cdn.door43.org/obs/jpg/360px/obs-en-12-12.jpg)

Waaqayyo du’aa fi garbummaa jalaa isaan waan baseef Israa’elootni gammachuu guddaadhaan Waaqayyoon tajaajiluudhaaf amma bilisa in ta’ani. Israa’elootiin inni waraana raayyaa Gibxii jalaa waan isaan baaseef bilisummaa isaanii isa haaraa kabajuuf akkasumas Waaqayyoon galateeffachuuf faarfannaa baay’ee in faarfatani.

![](https://cdn.door43.org/obs/jpg/360px/obs-en-12-13.jpg)

Waaqayyo akkamitti warra Gibxii irratti mo’icha akka isaaniif kenneefi garboota akka hin taane akkamitti akka isaan oolche yaadachuuf bara baraan Faasigaa akka kabajan Israa’eloota in abboome. Ilmoo hoola qulqulluu ta’e qalaatii maxinoo raacita hin qabne waajjin nyaachuudhaan gammadani.

*Seenaa Maccafa Qulqulluu:- Seera Ba’uu 12:33-15:21*

## 13. Waadaa Waaqayyo Israa’elootaa wajjin gale

https://openbiblestories.org/l/om/story-13/

![](https://cdn.door43.org/obs/jpg/360px/obs-en-13-01.jpg)

Waaqayyo Israa’eloota karaa galaana diimaa erga gaggeessee booddee karaa lafa onaa gara tulluu siinaa jedhamee wamamutti isaan in geesse. Kunis iddoo tulluu Museen miciree gubatu itti argee dha. Sabichi tulluu sana jalatti dunkaana isaanii dhaabbatani.

![](https://cdn.door43.org/obs/jpg/360px/obs-en-13-02.jpg)

Waaqayyo “Yoo naaf abboomamtanii fi waadaa koo yoo eeggattan qabeenya ulfina-qabeessa, luboota mootichaa, akkasumas saba qulqullaa’aa naaf taatu.” jedheetu Musee fi saba Israa’elitti in dubbate.

![](https://cdn.door43.org/obs/jpg/360px/obs-en-13-03.jpg)

Sabichi karaa adeemsa hafuuraatiin erga of qopheesanii guyyaa sadii booddee Waaqayyo kakawweedhaan, bakakkaadhaan, aaraan, akkasumas sagalee imbiltaa ol-ka’aa ta’een tulluu siinaa irratti gadi bu’e. Gara tullichaatti akka ol-ba’uuf kan eeyyamameef Musee qofaaf ture.

![](https://cdn.door43.org/obs/jpg/360px/obs-en-13-04.jpg)

Achumaan Waaqayyo waadaa isaaniif gale akkana jedhee, “Ani garbummaa biyya Gibxii jalaa isin kanan baase Waaqa keessan Yaahiwwee dha. Waaqota biroo akka hin waaqeffanne.”

![](https://cdn.door43.org/obs/jpg/360px/obs-en-13-05.jpg)

“Waaqota biraa hin tolfatinaa, hin waaqeffatinaas, sababiin isaas ani Yaahiwween Waaqa inaafaa dha. Maqaa koo waan bu’aa hin qabneef hin waamin, guyyaa Sanbata qulqulleesuuf isa yaadadhu. Jechunis hojii kee guyyaa ja’a keessatti hojjetadhu, sababiin isaas guyyaan torbaffaan guyyaa itti boqottuu fi guyyaa ana itti yaadattuu dha.

![](https://cdn.door43.org/obs/jpg/360px/obs-en-13-06.jpg)

“Abbaa kee fi haadha kee kabaji. Hin ajjeesin. Hin ejjiin. Hin hatin. Hin sobiin. Haadha manaa hiriyaa keetii, mana isaa, yookin kan isaa waan ta’e maaluma iyyuu fudhachuuf hin haawwiin.”

![](https://cdn.door43.org/obs/jpg/360px/obs-en-13-07.jpg)

Achumaan Waaqayyo abboommiwwan isaan kana kurnan dhagaa diriiraa lama irratti barreessee Museetti in kenne. Dabalees Waaqayyo kan isaan eeggatan seerota baay’ee kan biroo fi sirnoota ittiin gaggeeffaman in kenneef. Sabichi yoo seerota kana raawwatan Waaqayyo akka isaan eebbisuu fi akka isaan eegu abdii isaaniif in kenne. Seerota kana yoo raawwachuu dhiisan garuu Waaqayyo isaan in adaba (qixaaxa).

![](https://cdn.door43.org/obs/jpg/360px/obs-en-13-08.jpg)

Waaqayyo waa’ee dunkaana isa Israa’elootni akka hojjetaniif barbaaduu ibsa isaaniif in kenne. Inni dunkaana walga’ii jedhamee in waamama ture, golga guddadhaan kutaa lamatti hiramee ture. Waaqayyo waan achi jiraacha tureef golgicha duubatti darbuuf kan eeyyamameef hangaficha lubaaf qofa ture.

![](https://cdn.door43.org/obs/jpg/360px/obs-en-13-09.jpg)

Namni seera Waaqayyoo hin raawwanne kam iyyuu dunkaana walga’ii fuuldura iddoo aarsaa jirutti Waaqayyoof kan ta’u horii aarsaa fiduudhaaf in danda’a ture. Lubichis horicha qaleetu iddoo aarsichaa irratti in guba ture. Dhiigni horii qalamees cubbuu namichichaa dhokseeti namicha sana Waaqyyoon duratti in qulqulleessa ture. Waaqayyo luboota isaa akka ta’aniif Aaron obboleessa Musee, akkasumas sanyiiwwan Aaron in filate.

![](https://cdn.door43.org/obs/jpg/360px/obs-en-13-10.jpg)

Sabichi hundumtuu abboommii Waaqayyo isaaniif kenne raawwachuuf, Waaqayyoon qofa waaqeffachuuf, saba isaaf adda ba’e ta’uuf walii in galani. Haa ta’uu malee Waaqayyoof abboomamuuf waadaa erga galaniin booddee yeroo muraasa keessatti cubbuu hamaa in godhani.

![](https://cdn.door43.org/obs/jpg/360px/obs-en-13-11.jpg)

Museen guyyoota baay’eedhaaf fiixee tulluu Siinaa irra taa’ee Waaqayyo wajjin in dubbata ture. Sabichis amma inni deebi’utti isa eeguudhaaf in nuffani. Kanaafuu Aaronitti warqee fidanii waaqa tolfamaa nuuf tolchi jedhanii isa gaafatani!

![](https://cdn.door43.org/obs/jpg/360px/obs-en-13-12.jpg)

Aaron boca jabbiitiin waaqa tolfama warqee irraa in tolche. Sabichi haala to’annaan ala ta’etti waaqa tolfamaa waaqeffachuu in jalqabani, aarsaas in dhiyeessaniif. Sababa cubbuu isaantiif Waaqayyo baay’ee isaanitti in dheekkame, isaan balleessuudhaafis in kaayyeffate. Museen garuu isaaniif in kadhate, Waaqayyos kadhaa isaa waan dhaga’eef isaan hin balleessine.

![](https://cdn.door43.org/obs/jpg/360px/obs-en-13-13.jpg)

Museen tuullicha irraa gadi bu’ee waaqa tolfamaa sana yeroo arge, baay’ee dheekkamuudhaan dhakaawwan Waaqayyo abboommii kurnan irratti barreesse in caccabse.

![](https://cdn.door43.org/obs/jpg/360px/obs-en-13-14.jpg)

Achumaan Museen waaqicha tolfamaa in daake, bishaan irrattis in facaase, sabichas in obaase. Waaqayyos sabichatti balaa ergeeti baay’een isaanii in du’aani.

![](https://cdn.door43.org/obs/jpg/360px/obs-en-13-15.jpg)

Museen lammaffaa gara tullichaatti ol-ba’ee Waaqayyo cubbuu isaanii akka dhiisuufiif sabichaaf in kadhate. Waaqayyo kadhata Musee dhaga’ee dhiifama isaaniif in godhe. Dhakaa Museen cabse bakka buusuudhaaf dhakaa haaraa kan biraa irratti abboommii kurnan in barreesse.

![](https://cdn.door43.org/obs/jpg/360px/obs-en-13-16.jpg)

Achuman Waaqyyo Israa’eloota tulluu Siinaatii gara biyya abdiitti isaan in gaggeesse.

*Seenaa Macaafa Qulqulluu: - Seera Ba’uu 19-34*

## 14. Lafa onaa keessa deddeebi’ani

https://openbiblestories.org/l/om/story-14/

![](https://cdn.door43.org/obs/jpg/360px/obs-en-14-01.jpg)

Kutaa waadaa Waaqayyo isaan wajjin gale kan ta’an seerotaaf akka abboomamaniif Israa’elootatti erga himee booddee, tulluu Siinaatii in deemani. Waaqayyo sabicha tulluu Siinaatii gara biyya Kana’aan jedhamtee waamamaa turtee gara biyya abdiitti isaan gaggeessuu jalqabe. Utubaan duumessaa fuuldura isaanii gara Kana’aan in deeme, isaanis in hordofani.

![](https://cdn.door43.org/obs/jpg/360px/obs-en-14-02.jpg)

Waaqayyo biyyattii abdii sanyiiwwan isaaniitiif akka kennu Abrihaamiif, Yisihaaqii fi Yaaqobiif abdii kennee ture. Amma garuu biyyattii keessa gosa saboota baay’eetu jiraatu turan. Isaanis warra Kana’aan jedhamanii waamamu turani. Warri Kana’aan Waaqayyoon hin waaqeffatani yookin hin abboomamaniifis. Waaqota sobaa in waaqeffatani, wantoota baay’ees in godhani.

![](https://cdn.door43.org/obs/jpg/360px/obs-en-14-03.jpg)

Waaqayyo akkana jedheeti Israa’elootatti hime, “Biyya abdii keessa kan jiran warra Kana’aan hundumaa isaan ballessaa. Isaan wajjin nageenya hin godhatinaa wal hin fuudhinaas. Waaqota tolfamaa isaanii raawwattanii balleessaa. Anaaf yoo abboomamuu dhiiftani bakka koo waaqota tolfamaa kan isaanii waaqeffattu.”

![](https://cdn.door43.org/obs/jpg/360px/obs-en-14-04.jpg)

Israa’elootiin gara daangaa Kana’aan yeroo ga’an Museen qomoo lsraa’elotaa tokkoo tokkoo isaanii keessaa nama tokko tokko namoota kudha lama in filate. Dhaqanii biyyittiin maal akka fakkaattu akka basaasaniif qajeelfama isaanitti in kenne. Namootiin kuni ciccimoo yookin dadhaboota ta’uu isaani ilaaluuf warra kana’aan immoo basaasuutu isaanirra ture.

![](https://cdn.door43.org/obs/jpg/360px/obs-en-14-05.jpg)

Namootiin kudha lamaan kana’aan keessa guyyaa afurtama adeemaniitu keessa deddeebi’anii ilaalani dhufani. “Biyyattiin sun baay’ee misoomtuu akkasumas midhaan ishees baay’ee irraa hafaa dha!” jedhanii sabichatti himani. Basaastotni kurnan garuu, “Magaalotni isaanii baay’ee jajjaboo dha, namootni isaaniis baay’ee ciccimoo dha! Yoo isaan wajjin wal waraanne dhugumatti nu mo’atu nu ajjeesus!” jedhani.

![](https://cdn.door43.org/obs/jpg/360px/obs-en-14-06.jpg)

Yeroodhuma sanatti basaastotni lamaan biroon Kaalebii fi Iyyaasuun “Namootiin Kana’aan dheedheerota akkasumas ciccimoo ta’uun isaanii dhugaa dha, garuu nuti isaan in mo’anna! Waaqayyo nuuf in lola!” jedhani.

![](https://cdn.door43.org/obs/jpg/360px/obs-en-14-07.jpg)

Sabichi garuu Kaalebii fi Iyyaasuu hin dhageeyne. Musee fi Aaronitti dheekkamanii “Gara waan baay’ee hamaa ta’e kanatti maaliif nu fiddani? Waraanaan duunee haati manootiinii fi ijoolleen keenyas garboota ta’uu isaaniirra biyya Gibxii utuu jiraannee nuuf in wayya ture!” jedhani. Sabichi gara Gibxiitti deebisee kan isaan geessu gaggessaa adda ta’e filachuuf in barbaadani.

![](https://cdn.door43.org/obs/jpg/360px/obs-en-14-08.jpg)

Waaqayyo baay’ee dheekkamee gara dunkaana walga’iitti dhufe. Akkanas in jedhe, “Isin ana irratti waan kaataniif sabichi hundumtuu lafa onaa keessa in deeddeebi’a. Iyyaasuu fi Kaaleb maalee waggaa digdamaa fi sanaa ol kan ta’an hundumtuu achitti in du’u malee gara biyya abdiitti hin galani.”

![](https://cdn.door43.org/obs/jpg/360px/obs-en-14-09.jpg)

Sabichi yeroo kana dhaga’ani cubbuu godhuu isaaniitti baay’ee in gaddani. Meeshaa lolaa isaanii qabatanii namoota Kana’aan waraanuuf in dhaqani. Waan Waaqayyo isaan wajjin hin jirreef akka hin dhaqne Museen isaan akeekkachiisee ture, isaan garuu isa hin dhageenye.

![](https://cdn.door43.org/obs/jpg/360px/obs-en-14-10.jpg)

Waaqayyo isaan wajjin gara waraanaa hin dhaqne, kanaafuu in mo’atamani, baay’een isaaniis in ajjeefamani. Achumaan Israa’elootiin Kana’aan irraa deebi’anii lafa onaa keessa waggaa afurtamaaf in deddeebi’ani.

![](https://cdn.door43.org/obs/jpg/360px/obs-en-14-11.jpg)

Waggoota afurtamaaf sabni Israa’el lafa onaa keessa deddeebi’anitti Waaqayyo nyaata isaaniif in laate. Samii irraa buddeena “Mannaa” jedhamee waamamu isaaniif in kenne. Akka foon nyaataniifis immoo sinbirroota girrisaa ergeef. Yeroo sana hundumaa uffatnii fi kopheen isaanii akka hin dhumne in godhe.

![](https://cdn.door43.org/obs/jpg/360px/obs-en-14-12.jpg)

Waaqayyo karaa raajii ta’een bishaan illee dhakaa kattaa keessaa isaaniif in kenne. Kuni hundis ta’ee sabni Israa’el garuu Waaqayyoo fi Musee irratti gaddanii in guungumani. Ta’us Waaqayyo abdi Abrihaamiif, Yisihaaqii fi Yaaqoobiif kenneef amma illee amanamaadhuma ture.

![](https://cdn.door43.org/obs/jpg/360px/obs-en-14-13.jpg)

Sabichi ennaa bishaan hin qabne yeroo tokko Waaqayyo Museedhaan “Dhakichatti dubbadhu, isa keessaas bishaan in ba’a” jedheen. Museen garuu dhakaa kattichaatti dubbachuu dhiiseetu yeroo lama waan rukuteef saba sana hundumaa fuulduratti Waaqayyoon kabajaa dhowwate. Akka namni hunduu dhuguuf dhakaa kattichaa keessaa bishaan in ba’e, garuu Waaqayyo Museetti dheekkameetu gara biyya abdiitti hin galtu’’ jedheen.

![](https://cdn.door43.org/obs/jpg/360px/obs-en-14-14.jpg)

Israa’elootni waggaa afurtamaaf lafa onaa keessa erga deddeebi’anii booddee warri Waaqayyo irratti ka’an hundumtuu in du’ani. Achumaan Waaqayyo deebi’ee sabicha gara daangaa biyya abdiitti in gaggesse. Amma Museen dulloomee ture, kanaafuu sabicha gaggeessuudhaan akka Musee gargaaruuf Waaqayyo Iyyaasuu in filate. Akkasumas Waaqayyo raajicha kan biraa kan akka Musee gaafa tokko akka ergu Museedhaaf abdii in kenne.

![](https://cdn.door43.org/obs/jpg/360px/obs-en-14-15.jpg)

Achumaan biyya abdii sana arguuf akka danda’utti gara tulluutti akka ol ba’uuf Waaqayyo Museetti in hime. Museen biyya abdii sanaa in arge, garuu gara isheetti akka galuuf Waaqayyo hin eeyyamneefi. Achumaan Museen in du’e, Israa’elootnis guyyaa soddomaaf in gaddaniif. Iyyaasuun gaggeessaa isaanii isa haaraa in ta’e. Iyyasuun waan Waaqayyoon amanatee fi waan abboomamaa tureef gaggeessaa gaarii dha ture.

*Seenaa Macaafa Qulqulluu: - Seera Ba’uu 16-17, Lak.10-14, 20, 27, Kess.34*

## 15. Biyyattii Abdii

https://openbiblestories.org/l/om/story-15/

![](https://cdn.door43.org/obs/jpg/360px/obs-en-15-01.jpg)

Dhuma irratti Israa’elootni gara biyya abdii gara Kana’aanitti yeroon galan in ga’e. Iyyaasuun gara magaalaa warra Kana’aan ishee gimbii cimaadhaan eegamtee turte gara Iyyaarikootti basaastota lama in erge. Magaalattii sana keessatti basaastota kan dhoksite booddees akka miliqan kan gargaarte dubartiin ejjituun Ra’aab jedhamtu achi jiraatti turte. Isheen waan Waaqayyotti amanatteef kana in goote. Basaastotnis Israa’elootiin Iyyaarikoo yommuu balleessan Ra’aabii fi maatii ishee akka baasaniif waadaa in galaniif.

![](https://cdn.door43.org/obs/jpg/360px/obs-en-15-02.jpg)

Israa’elootiin gara biyya abdiitti galuudhaaf laga Yordaanos ce’uun isaanirra ture. “Duraan dursee lubootiin akka ce’an godhi” jedheetu Waaqayyo Iyyaasuutti hime. Yeroo lubootni gara laga Yordaanositti seenuu jalqaban Israa’elootni lafa gogaa irra ce’uuf akka danda’aniif bishaan gara oliitiin jiru yaa’uu dhiiseetu in dhaabate.

![](https://cdn.door43.org/obs/jpg/360px/obs-en-15-03.jpg)

Sabichi laga Yordaanos erga ce’aniin booddee magaalaa Iyyaarikoo cimichaa akkamitti akka waraanu Iyyaasuutti in hime. Sabichi Waaqayyoof in abboomamaniif. Loltootnii fi lubootiin akkuma Waaqayyo isaanitti himetti guyyaatti yeroo tokko guyyaa ja’aaf magaalaa Iyyaarikoo in naanna’ani.

![](https://cdn.door43.org/obs/jpg/360px/obs-en-15-04.jpg)

Achumaan gaafa guyyaa torbaffaa yeroo torbaaf magaalattii in naanna’ani. Yeroo dhumaatiif magaalattii naanna’aa utuu jiranii loltootni in iyyani, lubootiin imbiltoota isaanii in afuufani.

![](https://cdn.door43.org/obs/jpg/360px/obs-en-15-05.jpg)

Achumaan gimbiin magaalaa Iyyaarikoo marsee ture in kufe! Akkuma Waaqayyo isaan abboometti Israa’elootiin magaalattii keessa kan ture waan hundumaa in balleessani. Israa’eloota warra gargaarani Ra’aabii fi maatii ishee qofa in baasani. Sabbootni biraa Kana’aan keessa jiraataa turan Israa’elootiin Iyyaarikoo akka balleessan yeroo dhaga’an Israa’elootni isaanis immoo akka waraanan yaaduudhaan in sodaatani.

![](https://cdn.door43.org/obs/jpg/360px/obs-en-15-06.jpg)

Israa’elootni gosa saba Kana’aan keessa jiran kam iyyuu wajjin waliigaltee akka hin godhannee isaan abboomee ture. Haa ta’u malee gosa saba Kana’aan keessaa tokko kan ta’an warri Gabaa’on Kana’aan irraa fagoo iddoo ta’eetii dhufuu isaanii Iyyaasuutti sobanii in himani. Isaan wajjin waliigaltee nageenyaa akka godhu Iyyaasuu in gaafatani. Iyyaasuu fi Israa’elootiin warri Gabaa’on eessaa akka ta’an Waaqayyoon hin gaafanne. Kanaafuu Iyyaasuun isaan wajjin waliigaltee nageenyaa in godhe.

![](https://cdn.door43.org/obs/jpg/360px/obs-en-15-07.jpg)

Warri Gabaa’on akka isaan gowwoomsan Israa’elootiin yommuu beekan in aarani, garuu kan Waaqayyoon duratti waadaa galan waan tureef, waliigaltee nageenyaa isaan wajjin godhan in eegani. Turanii yeroo biraa Kana’aan keessa kan turan moototiin gosa saba biraa, warri Amoorotaas warri Gabaa’oon Israa’elootaa wajjin waliigaltee nageenyaa akka godhan in dhaga’ani. Kanaafuu loltoota isaanii walitti gurmeessanii warra Gabaa’on in waraanani. Warri Gabaa’on gargaarsa gaafachuuf gara Iyyaasuutti ergaa in ergani.

![](https://cdn.door43.org/obs/jpg/360px/obs-en-15-08.jpg)

Kanaafuu Iyyaasuun loltoota Israa’el walitti qabee gara warra Gabaa’on qaqqabuuf halkan guutuu in adeeme. Barii ganama utuu isaan itti hin yaadin loltoota Amoorotaa in waraanani.

![](https://cdn.door43.org/obs/jpg/360px/obs-en-15-09.jpg)

Guyyaa sana Waaqayyo Israa’elootaaf in lole. Amoorota gara itti goran in wallaalchise, dhakaa cabbii gurguddaa itti ergee Amoorota keessaa namoota baay’ee in ajjeese.

![](https://cdn.door43.org/obs/jpg/360px/obs-en-15-10.jpg)

Israa’elootiin Amoorota raawwatanii mo’uuf akka danda’anitti yeroo ga’aa akka argataniif Waaqayyo Biiftuun samii irra iddoo tokko akka turtu in godhe. Waaqayyo gaafaa sana Israa’elootaaf mo’icha guddaa isaan in argachiise.

![](https://cdn.door43.org/obs/jpg/360px/obs-en-15-11.jpg)

Erga Waaqayyo loltoota isaan sana mo’atee booddee gosti saba Kana’aan baay’een isaanii Israa’el waraanuudhaaf tokkummaadhaan wal in ga’ani. Iyyaasuu fi Israa’elootiin lolanii isaan in mo’atani.

![](https://cdn.door43.org/obs/jpg/360px/obs-en-15-12.jpg)

Waraana kana booddee Waaqayyo qoomoo Israa’el kan ta’ani tokkoo tokkoo isaaniitiif biyya abdii irraa qooda isaan ga’u in kenneef. Achumaan Waaqayyo Israa’eliif daangaawwan ishee hundumaaf nagaa in kenneef.

![](https://cdn.door43.org/obs/jpg/360px/obs-en-15-13.jpg)

Iyyaasuun yommuu dulloome saba Israa’el hundumaa bakka tokkotti waamee Siinaa irratti waadaa Waaqayyo Israa’elootaaf galeef akka abboomamaniif dirqama isaanii sabicha in yaadachiise. Waaqayyoof amanamoo ta’anii jiraachuu fi seeroota isaa eeggachuuf sabichi waadaa in gale.

*Seenaa Macaafa Qulqulluu: - Iyyaasuu 1-24*

## 16. Bilisa Baaftota

https://openbiblestories.org/l/om/story-16/

![](https://cdn.door43.org/obs/jpg/360px/obs-en-16-01.jpg)

Erga Iyyaasuun du’ee booddee Israa’elootiin Waaqayyoof hin abboomamne. Kana’aanota hafanis of gidduudhaa hin baafne yookin seera Waaqayyootiif hin abboomamne. Israa’elootiin Waaqa dhugaa kan ta’e Yaahiwwee waaqeffachuu irra caalatti waaqota Kana’aanotaa waaqeffachuu in jalqabani. Israa’elootiin mootii hin qaban turani kanaafuu tokkoon tokkoon isaanii waan sirrii isaanitti fakkaate hundumaa in godhu turani.

![](https://cdn.door43.org/obs/jpg/360px/obs-en-16-02.jpg)

Israa’elootiin Waaqayyoof abboomamuu dhiisuu itti fufuu isaaniitiif Waaqayyo diinotni isaanii akka isaan miidhan in godhe. Diinotni isaanii kun mi’oota Israa’elootaa hundumaa in hatani, qabeenya isaanii in barbadeessani, baay’ee isaaniis in ajjeesani. Israa’elootiin Waaqayyoof abboomamuu diduu fi diinota isaaniitiin miidhamuudhaan bara baay’ee erga dabarsanii booddee yaada garaasaanii jijjiirratanii Waaqayyos diinota isaanii jalaa akka isaan baasuuf isa in gaafatani.

![](https://cdn.door43.org/obs/jpg/360px/obs-en-16-03.jpg)

Achumaan Waaqayyo diinota isaanii jalaa kan isaan baasan bilisa baaftuu isaaniif erge biyyattiifis nagaa in kenne. Garuu namootiin deebi’anii Waaqayyoon in irraanfatani. Waaqa tolfamaa waaqeffachuu in jalqabanii, kanaafuu Waaqayyo diinotaa dhiyoo isaanitti argaman Midiyaamota isaanitti in kakaase, isaan in mo’atanis.

![](https://cdn.door43.org/obs/jpg/360px/obs-en-16-04.jpg)

Midiyaamotni midhaan Israa’eloota hundumaa waggaa torbaaf in fudhatani. Israa’elootiin baay’ee sodaatanii turani. Sululaa fi holqawwan keessa waan dhokataniif Miidiyaamotni isaan argachuudhaaf hin dandeenye. Dhuma irrattis akka isaan oolchuuf gara Waaqayyootti in iyyatani.

![](https://cdn.door43.org/obs/jpg/360px/obs-en-16-05.jpg)

Gaafa tokko namni israa’el Geede’oon kan jedhamu akka Midiyaamotni midhaan isaa hin fudhanneef dhokatee midhaan in dha’a ture. Ergamaan Waaqayyoo gara Geede’oonitti dhufee akkana jedheen “Ati yaa nama loltuu cimaa nana Waaqayyo si wajjini. Dhaqiitii Israa’eloota Midiyaamota jalaa oolchi.”

![](https://cdn.door43.org/obs/jpg/360px/obs-en-16-06.jpg)

Abbaan Geede’oon iddoo aarsaa waaqa tolfamaa waaqeffachuuf qophaa’e qaba ture. Waaqayyo iddoo aarsaa sana akka Geede’oon diigu isatti in hime. Geede’oon garuu sabicha waan sodaateef hanga dhiyutti in eege. Achumaan iddoo aarsichaa in diigee hanga inni hunkutaa’uttis in caccabse. Isa qaraqaratti Waaqayyoof iddoo aarsaa haaraa in tolche. Waaqayyoofis isa irratti aarsaa in dhiyeesse.

![](https://cdn.door43.org/obs/jpg/360px/obs-en-16-07.jpg)

Ganama bariidhaan ka’anii iddoo aarsaa isaanii namni tokko akka diige arganii baay’ee in aarani. Geede’ooniin ajjeesuuf gara mana Geede’oon in deemani. Abbaan Geede’oon garuu “Maaliif waaqa keessan gargaaruuf yaaltu?” Inni yoo waaqa ta’e ofirraa haa dhoowwatu” isaaniin jedhe. Waan inni kana jedheef Geede’ooniin hin ajjeefne.

![](https://cdn.door43.org/obs/jpg/360px/obs-en-16-08.jpg)

Midiyaamotiin Israa’eloota saamuudhaaf lammaffaa in dhufani. Lakkofsi isaanii baay’ee waan ta’eef eenyu illee isaan lakkaa’uuf hin danda’u ture. Geede’oon Midiyaamota waraanuuf Israa’eloota in waame. Waaqayyo isatti fayyadamee Israa’eloota akka oolchu dhugeeffachuuf Geede’oon mallattoowwan lama Waaqayyoon in gaafate.

![](https://cdn.door43.org/obs/jpg/360px/obs-en-16-09.jpg)

Mallattoo inni dura uffata lafa irra kaa’ee fixeensi ganamaa uffaticha qofa irratti akka ta’u lafarratti akka hin taane in gaafate. Waaqayyos akkasuma in godhe. Halkan itti fufutti Waaqayyoon akkana jedhee in gaafate, fixeensi ganamaa lafa hundumaa irratti haa ta’u uffatatichi garuu qooraa haa ta’u in jedhe. Waaqayyos akkanuma in godhe. Mallattoowwan kun lachanuu Waaqayyo isaatti fayyadamee akka Israa’eloota bilisa baasuu barbaadu Geede’ooniif dhugeeffannaa ta’aniif.

![](https://cdn.door43.org/obs/jpg/360px/obs-en-16-10.jpg)

Loltootni Israa’elootaa 32,000 gara Geede’oon in dhufani, Waaqayyo garuu lakkoofsi isaanii baay’ee dha jedheen. Kanaafuu Geede’oon loluuf kan sodaatan 22,000 gara mana isaaniitti in deebise. Waaqayyo ammas lakkoofsi loltoota baay’ee dha jedheen. Kanaafuu Geede’oon 300 qofa hambisee isaan kaan gara mana isaaniitti in deebise.

![](https://cdn.door43.org/obs/jpg/360px/obs-en-16-11.jpg)

Halkanuma sana Waaqayyo Geede’ooniin “Gara teessoo loltoota Midiyaamotaatti gadi bu’i, waan jedhan yoo dhageesse homaa hin sodaatiin” jedheen. Kana waan ta’eef Geede’ooni halkanuma sana gara teessoo loltoota Midiyaamiitti gadi in bu’e loltuun Midiyaam tokko abjuu isaatiin “Waraanni Geede’oon waraana Midiyaam yommuu mo’u” akka arge hiriyaa isaatti utuu himuu in dhaga’e. Geede’oon yeroo kana dhaga’ee Waaqayyoof in sagade.

![](https://cdn.door43.org/obs/jpg/360px/obs-en-16-12.jpg)

Achumaan Geede’oon gara loltota isaatti deebi’ee tokko tokkoo isaaniitiif imbiltaa, okkotee fi ibsaa in kenneef. Utuudhuma loltotni Midiyaam rafanii jiranii iddoo itti boqotanii turanitti iddoo waraanaa isaanii in marsani. Loltootni Geede’oon 300 okkoticha keessatti ibsaa qabataniiti turani, loltootni Midiyaam garuu ibsicha arguuf hin dandeenye.

![](https://cdn.door43.org/obs/jpg/360px/obs-en-16-13.jpg)

Achumaan loltootni Geede’oon hundumtuu yeroodhuma tokkotti okkoteewwan isaanii in cabsani. Yerosuma utuu itti hin yaadamiin ifni ibsaa isaanii in ife. Imbiltaa isaanii afuufaa “Loltoota kan Waaqayyoo fi kan Geede’oon” jedhanii in iyyani.

![](https://cdn.door43.org/obs/jpg/360px/obs-en-16-14.jpg)

Waaqayyos Midiyaamota waan godhan isaan in wallaalchise, walumatti deebi’anii wal in ajjeesani. Achumaan Israa’elootiin mana mana isaanii jiran wal waamanii Midiyaamota ari’achuuf wal in gargaaran. Baay’ee isaanii in ajjeesani, isaan hafanis lafa Israa’el irraa in ari’atani. Yeroodhuma sana loltootni Midiyaamotaa 120,000 in du’ani. Waaqayyos Israa’eliin in oolche.

![](https://cdn.door43.org/obs/jpg/360px/obs-en-16-15.jpg)

Sabnis Geede’oon akka mootii isaanii ta’uuf in barbaadani. Geede’oon garuu akka kana godhaniif hin eeyyamneefi, garuu tokkoo tokkoon isaanii qubeelaa warqee Midiyaamota irraa fudhatan gara isaatti akka fidan isaan in gaafate. Sabnis Geede’ooniif warqee baay’ee baay’atu in kennani.

![](https://cdn.door43.org/obs/jpg/360px/obs-en-16-16.jpg)

Geede’oonis warqicha baqsee akka angafti lubootaa uffatutti uffata addaa godhee in tolche. Sabichi garuu uffaticha akka waaqa tolfamaatti waaqeffachuuf in jalqabani. Sanaan kan ka’e Waaqayyo diinota isaaniitiin akka mo’ataman godhee isaan in qixaaxe (adabe). Dhuma irratti ammas sabichi deebi’anii Waaqayyo akka isaan oolchuuf in kadhatani. Waaqayyo kan isaan oolchu kan biraa in ergeef.

![](https://cdn.door43.org/obs/jpg/360px/obs-en-16-17.jpg)

Haalli kana fakkaatu yeroo baay’ee deddeebi’ee in ta’e. Israa’elootiin cubbuu in godhu, Waaqayyos isaan adaba, deebi’anii immoo yaada garaasaanii jijjiirratu, Waaqayyos akka isaan oolchaniif kan isaan oolchan in ergaaf. Waaqayyo bara baay’eedhaaf Israa’eloota akka oolchaniif bilisa baaftota baay’ee ergeefiira.

![](https://cdn.door43.org/obs/jpg/360px/obs-en-16-18.jpg)

Dhuma irrattis akkuma sabootiin biroo mootii qaban mootii akka isaaniif kennu Waaqayyoon in gaafatani. Waraana irratti kan isaan gaggeessu, mootii dheeraa fi cimaa kan ta’e akka qabaatan in barbaadani. Waaqayyo garuu gaaffii isaanii kana hin jaallanne. Ta’u illee akkuma barbaadanitti mootii isaaniif in kenne.

*Seenaa Macaafa Qulqulluu: - Abbootii Firdii 1-5, 6-8*

## 17. Waadaa Waaqayyo Daawitii wajjin gale

https://openbiblestories.org/l/om/story-17/

![](https://cdn.door43.org/obs/jpg/360px/obs-en-17-01.jpg)

Saa’ol mootii Israa’el isa duraa ture. Inni akkuma sabichi barbaadetti dheeraa fi naato qabeessa ture. Saa’ol Israa’el baroota bulchaa ture waggoota muraasaaf mootii gaarii dha ture. Sana booddee garuu Waaqayyoof kan hin abboomamne nama haamaa in ta’e. Kanaafuu Waaqayyo gaafa tokko bakka Saa’ol mootii kan ta’u nama adda ta’e in filate.

![](https://cdn.door43.org/obs/jpg/360px/obs-en-17-02.jpg)

Waaqayyo Saa’ol booddeetiin mootii akka ta’uuf Daawit kan jedhamu dargaggeessa lammii Israa’el in filate. Daawit nama magaalaa Beetaliheem yommuu ta’u tiksee hoolotaa ture. Daawit yeroo adda addaa hoolota abbaa isaa yommuu eegu, leencaa fi waldiigessa hoolota miidhan ajjeesee ture. Daawit Waaqayyotti kan amanuu fi isaaf kan abboomamu nama garraamii fi qulqulluu ture.

![](https://cdn.door43.org/obs/jpg/360px/obs-en-17-03.jpg)

Daawit loltuu cimaa fi gaggeessaa ta’e. Daawit dargaggeessa yeroo ture namicha guddicha Gooliyaadi jedhamuun wal in lole. Gooliyaad loltuu leenji’e, baay’ee cimaa, akkasumas gara meetira sadii kan dheeratu ture. Waaqayyo garuu akka inni Gooliyaadiin ajjeesee Israa’eliin oolchuuf Daawitiin in gargaare. Kana booddees Daawit kan ittiin galateeffame diinota Israa’el irratti mo’icha baay’ee argachuu isaatiini.

![](https://cdn.door43.org/obs/jpg/360px/obs-en-17-04.jpg)

Saa’ol jaalala sabni Daawitiif qabu in inaaffe. Saa’ol yeroo baay’ee Daawitiin ajeesuuf yalee. Kanaafuu Daawit Saa’ol jalaa in dhokate. Gaafa tokko Saa’ol Daawit ajeesuuf in barbaada ture. Saa’ol gara holqa Daawit isa jalaa itti dhokatee turee in dhaqe, Saa’ol garuu isa hin argine. Daawit gara Saa’olitti baay’ee dhiyaatee waan tureef isa ajeesuu in danda’a ture, garuu hin ajjeefne. Kana irra darbee Daawit mootii ta’uuf akka isa hin ajjeefne Saa’ol akka hubatuuf uffata Saa’ol fixeesaa irraa mure.

![](https://cdn.door43.org/obs/jpg/360px/obs-en-17-05.jpg)

Dhuma irratti Saa’ol waraana irratti in du’e. Daawit immoo mootii Israa’el in ta’e. Daawit mootii gaarii ture, sabnis isa jalate. Waaqayyo Daawitiin in eebbise, bu’a qabeessas isa godhe. Daawit waraana baay’ee in waraane, diinota Israa’el akka mo’uufis Waaqayyo in gargaare. Daawit Iyyaruusaalem mo’ee qabatee magaalaa ishee guddittiis in godhate. Yeroo mootummaa Daawititti Israa’el cimtuu fi soorettii in taate.

![](https://cdn.door43.org/obs/jpg/360px/obs-en-17-06.jpg)

Daawit Israa’elootiin hundumtuu iddoo Waaqayyoon itti waaqeffatanii fi aarsaa itti dhiyeessan akka ta’uuf mana qulqullummaa ijaaruu in barbaade. Sabichi dunkaana walga’ii Museen ijaare keessatti waggaa 400iif Waaqqayyoon waaqefachaa aarsaa in dhiyeessuuf turani.

![](https://cdn.door43.org/obs/jpg/360px/obs-en-17-07.jpg)

Waaqayyo garuu ergaa kana qabsiisee raajicha Naataan gara Daawititti in erge. “Ati nama waraanaa waan taateef mana qulqullinaa kana anaaf hin ijaartu. Ilmi kee in ijaara, baay’isee guddiseen si eebbisa. Sanyiiwwan kee keessaa inni tokko saba koo irratti mootii ta’ee hanga bara baraatti in bita.” Sanyiin Daawit inni tokkichi kan bara baraan bitu masihicha dha. Masihichi saboota biyya lafaa cubbuu isaanii irraa kan isaan fayyisu Waaqayyoon kan filatamee dha.

![](https://cdn.door43.org/obs/jpg/360px/obs-en-17-08.jpg)

Daawit dubbiiwwan kana yeroo dhaga’e ulfina guddicha kanaa fi eebba baay’ee kennuufiif waadaa isaaf in galeef yeroodhuma sana Waaqayyoon in galateeffate, maqaa isaas ol-ol in qabe. Wantoota kana Waaqayyo yoom akka godhu Daawit hin beekne. Garuu akka dhugichaatti Israa’elootiin masihichi utuu hin dhufiin dura yeroo dheeraadhaaf gara waggoota 1000 eeguutu isaanirra ture.

![](https://cdn.door43.org/obs/jpg/360px/obs-en-17-09.jpg)

Daawit bara baay’eef haqaa fi amanamummaadhaan saba isaa gaggeesse. Waaqayyos isa in eebbise. Haa ta’u malee bara jireenya isaa gara xumuraatti Waaqayyo irratti cubbuu hamaa ta’e godhe.

![](https://cdn.door43.org/obs/jpg/360px/obs-en-17-10.jpg)

Gaafa tokko loltootni Daawit hundumtuu mana isaanii dhiisaanii lola yommuu lolan, inni mana mootummaa isaa keessa taa’ee dubartiin bareedduun tokko utuu qaama ishee dhiqattu in arge. Maqaan ishee Baat-Sheebaa ture.

![](https://cdn.door43.org/obs/jpg/360px/obs-en-17-11.jpg)

Daawit ishee irraa fuula isaa garagalchuurra gara isaatti akka dhuftuuf nama itti in erge. Ishee wajjin ciisee gara mana isheetti deebisee erge. Yeroo muraasaan booddee Baat-Sheebaan ulfaa’eera jettee Daawititti ergaa in ergite.

![](https://cdn.door43.org/obs/jpg/360px/obs-en-17-12.jpg)

Abbaan manaa ishee Uuriyaa jedhamee kan waamamu loltoota Daawit kan filataman keessaa isa tokko ture. Uuriyaan iddoo lolaatti deebi’ee akka haadha manaa isaa wajjin ta’uuf Daawit isaatti in hime. Uuriyaan garuu utuu loltootni kaan adda waraanaa jiranii ani gara mana kootti hin galu jedhe. Kanaafuu Uuriyaa gara adda waraanaatti deebisee ergeetu haa ajjeefamuuf jecha iddoo humni diinaa itti cimee jirutti akka isa hiriirsuuf jeneraalichatti in hime.

![](https://cdn.door43.org/obs/jpg/360px/obs-en-17-13.jpg)

Erga Uuriyaan ajjeefamee booddee Daawit Baat-Sheebaa in fuudhe. Booddees isheen ilma dhiiraa Daawitiif in deesse. Waaqayyo waan Daawit godheef baay’ee guddisee in dheekkame. Cubbuun isaa akkam hamaa akka ture akka isatti himuuf Naataan raajicha gara isaatti in erge. Daawit cubbuu isaa waan himatee dhiifama gaafateef, Waaqayyos cubbuu isaa in dhiiseef. Daawit barasaa isa hafe hundumaa yeroowwan rakkisaa ta’an keessatti illee Waaqayyoon duukaa bu’e, in abboomameefis.

![](https://cdn.door43.org/obs/jpg/360px/obs-en-17-14.jpg)

Garuu waan Daawit cubbuu godheef adaba itti ta’eetu mucaansaa in du’e. Akkasumas bara jireenya Daawit isa hafe keessaa maatii Daawit giddutti lolatu ture. Humni Daawitis baay’isee in dadhabe. Yeroo Daawit Waaqayyoof amanamuu dhiseetti iyyuu ammas Waaqayyo waadaa isaatiif amanamaa ture. Booddee Daawitii fi Baat-sheebaan ilma dhiiraa in argatani maqaa isaas Solomoon jedhaaniin.

*Seenaa Macaafa Qulqulluu: - 1Sam. 10:15-19;24; 31; 2Sam.5; 7; 11-12*

## 18. Mootumaa addaan hirame

https://openbiblestories.org/l/om/story-18/

![](https://cdn.door43.org/obs/jpg/360px/obs-en-18-01.jpg)

Waggoota baay’een booddee Daawit in du’e, ilmisaa Solomoon Israa’el irratti mo’uu in jalqabe. Waaqayyo Solomoonitti dubbatee caalatti maal akka barbaadu in gaafate. Solomoon oogummaa in gaafate, biyya lafaa irratti nama baay’ee ogeessa guddaa isa in taasise. Solomoon wantoota baay’ee baratee ogeessa baay’ee murteessaa in ta’e. Akkasumas Waaqayyo sooressa baay’ee guddaa isa in godhe.

![](https://cdn.door43.org/obs/jpg/360px/obs-en-18-02.jpg)

Solomoon abbaan isaa Daawit Iyyaruusaalem keessatti ijaaruuf kaayyoo itti baafatee mi’a ijaarsaaf barbaachisu kan walitti qabeef mana qulqullummaa in ijaare. Sabni amma dunkaana walga’ii isa gochaa turan dhiisanii mana qulqullummaatti Waaqayyoon in waaqeffatani aarsaas in dhiyeessani. Waaqayyos dhufee mana qulqullummaatti in argame, achumattis sabichaa wajjin in jiraate.

![](https://cdn.door43.org/obs/jpg/360px/obs-en-18-03.jpg)

Solomoon garuu dubartoota biyyoota biraa in jaallate. Dubartoota baay’ee gara 1000 ta’an fuudhuu isaatiin Waaqayyoof kan hin abboomamne ta’e. Dubartoota kana keessaa baay’een isaanii kan biyya alaatii dhufani, waaqota tolfaman fidatanii isaanuma waaqeffachuu itti fufani. Solomoon yeroo dulloome innis waaqota isaanii in waaqeffate.

![](https://cdn.door43.org/obs/jpg/360px/obs-en-18-04.jpg)

Waaqayyo Solomooniin in dheekkame. Solomoon amanamummaa dhabuu isaatiif adabbiif akka ta’utti Solomoon erga du’ee booddee mootummaan Israa’el mootummaa lamatti akka hiramu isatti in himame.

![](https://cdn.door43.org/obs/jpg/360px/obs-en-18-05.jpg)

Erga Solomoon du’een booddee ilmi isaa Roobi’aam in mo’e. Roobi’aam gowwaa ture. Sabni Israa’el hundumtuu walitti qabamanii mo’insa isaa mirkaneessuuf in dhufani. Solomoon hojii baay’ee cimaa akka isaan hojjachiisee fi gibiraa baay’ee akka isaan kaffalchiise waan itti dhaga’ame Roobi’aamitti in himatani.

![](https://cdn.door43.org/obs/jpg/360px/obs-en-18-06.jpg)

Roobi’aam gowwummaadhaan akkana jedhee isaaniif in deebise “Abbaan koo Solomoon hojii baay’ee cimaa nu hojjachiise jettanii yaaddaniittu, ani garuu isa caalatti hojii cimaa ta’en isin hojjachiisa. Isa caalattan humnaan isin adaba.”

![](https://cdn.door43.org/obs/jpg/360px/obs-en-18-07.jpg)

Gosoota saba Israa’el keessaa kurnan isaanii Roobi’aam irratti in ka’ani. Gosoota lama qofatu isaaf amanamummaadhaan itti fufani. Gosootni lamaan kun mootummaa Yihuudaa ta’aani.

![](https://cdn.door43.org/obs/jpg/360px/obs-en-18-08.jpg)

Gosoota saba Israa’el kan Roobi’aam irratti ka’an kurnan Iyyooribi’aam nama jedhamu mootii godhatanii of irratti in moosisani. Biyyattii keessatti kutaa gara kaabaatti mootummaa isaanii dhaabbatanii Israa’el jedhamanii waamamani.

![](https://cdn.door43.org/obs/jpg/360px/obs-en-18-09.jpg)

Iyyoorbi’aam Waaqayyo irratti ka’uudhaan sabni akka cubbuu godhu in godhe. Mootummaa Yihuudaa keessatti kan argamu mana qulqullummaatti waaqeffachuu dhiisuudhaan bakka isaa sabni akka isaan waaqeffatuuf waaqota tolfamoo lama in tolcheef.

![](https://cdn.door43.org/obs/jpg/360px/obs-en-18-10.jpg)

Moototni Yihuudaa fi Israa’el diinota walii ta’uudhaan yeroo baay’ee wal in waraanani.

![](https://cdn.door43.org/obs/jpg/360px/obs-en-18-11.jpg)

Mootummaa Israa’el ishee haaraatti moototni hundumtuu haamota kan ta’an turani. Mootota isaan kana keessaa baay’een isaanii bakkasaaniitti mootii ta’uuf Israa’eloota biraatu isaan ajjeese.

![](https://cdn.door43.org/obs/jpg/360px/obs-en-18-12.jpg)

Moototni Israa’el hundumtuu fi sabni mootummaa Israa’el baay’een isaanii waaqa tolfamaa in waaqeffatani. Waaqefannaan waaqa tolfamaa isaanii yeroo baay’ee wal quunnamtii saalaa naamusa hin qabnee fi yeroo tokko tokko ijoollee isaanii aarsaa godhanii dhiyeessuu kan of keessaa qaban turani.

![](https://cdn.door43.org/obs/jpg/360px/obs-en-18-13.jpg)

Moototiin Yihuudaa sanyiiwwan Daawit turani. Mootota isaanii kana keessaa tokko tokko sirriitti kan bulchanii fi Waaqayyoon gaariitti kan waaqeffatan turani. Moototni baay’een garuu haamoo fi amala manca’aa kan qaban turani, waaqota tolfamoos in waaqeffatu turani. Moototiin tokko tokko ijoollee isaanii illee waaqota sobaatiif aarsaa godhanii dhiyeessaniiru. Akkasumas sabni Yihuudaa baay’een isaanii Waaqayyo irratti ka’anii waaqota biraas in waaqeffatani.

*Seenaa Macaafa Qulqulluu: - 1Moot. 1-6, 11-12*

## 19. Raajota

https://openbiblestories.org/l/om/story-19/

![](https://cdn.door43.org/obs/jpg/360px/obs-en-19-01.jpg)

Seenaa Israa’elootaa hundumaa keessatti Waaqayyo raajota isaaniif in ergeef. Waaqayyo irraa ergaa dhaga’aanii ergaa Waaqayyo isaanitti himes sabatti in himani.

![](https://cdn.door43.org/obs/jpg/360px/obs-en-19-02.jpg)

Aki’aab mootummaa Israa’el irratti yeroo mo’e Eeliyaas raajicha ture. Aki’aab waaqa sobaa Ba’aal jedhamee waamamu sabni akka waaqaffatan kan kakaase nama haamaa ture. Eeliyaas Aki’aabiin “Amman ani dubbadhutti Israa’el irratti bokkaan yookin fixeensi hin jiraatu” jedheeni. Kun Aki’aabiin baay’ee in aarse.

![](https://cdn.door43.org/obs/jpg/360px/obs-en-19-03.jpg)

Isa ajjeesuuf kan barbaadu Aki’aab jalaa dhokachuu gara laga bishaanii lafa onaa keessa jiruu akka dhaquuf Waaqayyo Eeliyaasitti in hime. Ganamaa fi galgala allaatotiin buddeenaa fi foon in fiduuf turani. Aki’aabii fi loltootni isaa Eeliyaasiin in barbaadan garuu argachuuf hin dandeenye. Hongeen kun baay’ee cimaa waan tureef dhuma irratti bishaan lagiichaa in goge.

![](https://cdn.door43.org/obs/jpg/360px/obs-en-19-04.jpg)

Kanaafuu Eeliyaas gara biyya ollaa tokkotti in deeme. Biyya sanatti sababa beelaatiin haati iyyeessaa tokkoo fi ilmi ishee nyaatni isaan duraa dhumuuf dhiyaatee ture. Garuu Eeliyaasiin in kunuusani. Waaqayyos daakuun huubboo keessaa, zayitiinis okkotee keessaa akka hin dhumne godhee isaan in nyaachise. Yeroo beelaa sana hundumaa keessa nyaata qabu turani. Eeliyaas waggoota baay’ee achi taa’e.

![](https://cdn.door43.org/obs/jpg/360px/obs-en-19-05.jpg)

Waggaa sadii fi walakkaan booddee akka bokkaan roobuuf gara mootummaa Israa’elitti deebi’ee Aki’aabitti akka himuuf Waaqayyo Eeliyaasitti in hime. Aki’aab Eeliyaasiin yeroo arge “Ati rakkina uumaan in dhufte mitii” jedheen. Eeliyaas akkana jedhee deebiseef “Rakkinaa uumaan si’ii dha, Waaqa dhugaa isa ta’e Yaahiwwee dhiifteetta, Ba’aal waaqeffatteetta, saba mootummaa Israa’el hundumaa gara tulluu Qarmeelos irratti walitti qabi.”

![](https://cdn.door43.org/obs/jpg/360px/obs-en-19-06.jpg)

Raajota Israa’el 450 dabalatee sabni mootummaa Israa’el hundumtu gara tulluu Qarmeelos in dhufani. Eeliyaas sabichaan “Yeroo meeqa yaada keessan jijjiirtu? Waaqayyo inni yoo Waaqa ta’e isuma tajaajilaa, yoo Ba’aal waaqa ta’e isuma tajaajilaa!” isaaniin jedhe.

![](https://cdn.door43.org/obs/jpg/360px/obs-en-19-07.jpg)

Achumaanis Eeliyaas raajota Ba’aaliin “Jibicha tokko qalaatii aarsaa godhaatii dhiyeessaa, garuu ibidda hin bobeessinaa. Anis akkanuma nan godha. Inni ibiddaan deebisu inni waaqa dhugaa dha” isaaniin jedhe. Kanaafuu lubootni Ba’aal aarsaa in qopheessan garuu ibidda itti hin bobeessine.

![](https://cdn.door43.org/obs/jpg/360px/obs-en-19-08.jpg)

Sana booddee raajotni Ba’aal “Yaa Ba’aal, nu dhaga’i” jedhaniiti gara ba’aalitti in sagadani. Guyyaa guutuu in sagadani, in iyyani, akkasumattis billaadhaan of in murani, garuu deebiin hin jiru ture.

![](https://cdn.door43.org/obs/jpg/360px/obs-en-19-09.jpg)

Dhuma irratti Eeliyaas Waaqayyoof aarsaa in dhiyeesse. Achumaanis foonichi, mukichi, akkasumas naannoo aarsichaa lafti jiru hundumtuu hanga jiidhutti bishaan huubboo kudha lama guutuu aarsicha irratti akka dhangalaasan sabichatti in hime.

![](https://cdn.door43.org/obs/jpg/360px/obs-en-19-10.jpg)

Achumaan Eeliyaas akkana jedhee kadhate, “Yaahiwwee, Yaa Waaqa Abrihaam, kan Yisihaaqii fi kan Yaa’iqoob ati Waaqa Israa’el akka taatee fi tajaajilaa kee akkan ta’e har’a nutti mul’isi. Ati Waaqa dhugaa ta’uu kee sabni kuni akka beekuuf naaf deebisi.”

![](https://cdn.door43.org/obs/jpg/360px/obs-en-19-11.jpg)

Yeroodhuma sanatti ibiddi samiidhaa bu’eetu foonicha, mukicha, dhakicha, huubas, akkasumas wantoota naannoo aarsichaa turan bishaan illee in gube. Sabichi kana yeroo argani lafa irratti kufanii “Yaahiwween Waaqa dha! Yaahiwween Waaqa dha!” jedhani.

![](https://cdn.door43.org/obs/jpg/360px/obs-en-19-12.jpg)

Achumaan Eeliyaas “Raajota Ba’aal keessaa tokko illee akka hin miliqne!” jedhe. Kanaafuu sabichi raajota Ba’aal qabanii isaan in ajjeesani.

![](https://cdn.door43.org/obs/jpg/360px/obs-en-19-13.jpg)

Sana booddee Eeliyaas mooticha Aki’aabiin “Bookkaan dhufeera atattamaan gara magaalaatti deebi’i” jedheen. Yeroodhuuma sanatti samiin gurraacha’ee bokkaan jabaan roobuu in jalqabe. Yaahiwween hongicha dhaabee Waaqa dhugaa ta’uu isaa in mirkaneesse.

![](https://cdn.door43.org/obs/jpg/360px/obs-en-19-14.jpg)

Bara Eeliyaas booddee Waaqayyo nama Eelsaa’i jedhamu akka raajii ta’uuf in filate. Karaa Eelisaa’in Waaqayyo waan raajii baay’ee godhe. waan raajii ta’an keessaa tokko gaggeessaa raayyaa diinaa kan ture Ni’imaan jedhamee kan waamamu irratti dhibeen gogaa hamaan isa qabeetu ture. Waa’ee Eelisaa’i waan dhaga’eef akka isa fayyisuuf dhaqee Eelisaa’iin in gafate. Eelsaa’i akka bishaan laga Yordaanos keessatti yeroo torbaaf gadii lixee ol ba’uuf Ni’imanitti hime.

![](https://cdn.door43.org/obs/jpg/360px/obs-en-19-15.jpg)

Gara duraatti Ni’imaan gowwummaa waan itti fakkaateef aareetu akka Eelasa’i itti hime sanatti hin goone. Booddee garuu yaada isaa jijjiirratee bishaan laga Yoordaanos keessatti gadi lixee ol in ba’e. Dhuma irratti yeroo bishaanicha keessaa ba’u gogaan isaa raawwatee in fayye! Waaqayyo isaa in fayyise.

![](https://cdn.door43.org/obs/jpg/360px/obs-en-19-16.jpg)

Waaqayyo raajota biraas baay’ee in erge. Hundumti isaanii waaqota tolfamoo waaqeffannaa dhiisuudhaan namoota biraatiif haqaa fi araara agarsiisuu akka jalqaban sabichatti himaniiru. Hamaa gochuu yoo hin dhiifnee fi Waaqayyoof abboomamuu yoo hin jalqabne, Waaqayyo akka yakkamootaatti isaanitti akka murteessu, akka isaan adabus sabicha in akeekkachiisan.

![](https://cdn.door43.org/obs/jpg/360px/obs-en-19-17.jpg)

Sabichi yeroo baay’eedhaaf Waaqayyoof hin abboomamne. Yeroo baay’ee raajotaaf ilaalchi isaan qaban hamaa ture. Yeroo tokko tokkos in ajjeesu turan. Yeroo tokko raajichi Eermiyaas boolla bishaan hin qabne keessatti gatamee akka achitti du’uuf dhiifamee ture. Dhoqqeedhuma bollichaa keessa gale, garuu yeroo sana mootichi garaa laafeefiitu utuu hin du’in dura boollicha keessaa akka ol harkisanii baasan tajaajiltoota isaa abboome.

![](https://cdn.door43.org/obs/jpg/360px/obs-en-19-18.jpg)

Sabichi yoo isaan jibban iyyuu raajotni waa’ee Waaqayyoo isaanitti himuu isaanii ittuma fufani. Yoo cubbuu isaaniitti gaabbuu baatan Waaqayyo akka isaan balleessu sabicha in akeekkachiisani. Akkasumas masihiin Waaqayyo akka dhufu waa’ee abdii kennamee sabicha in yaadachiisani.

*Seenaa Macaafa Qulqulluu: - 1 Moot. 16-18, 2Moot. 5, Erm. 38*

## 20. Boojuu fi boojuudhaa deebi’uu

https://openbiblestories.org/l/om/story-20/

![](https://cdn.door43.org/obs/jpg/360px/obs-en-20-01.jpg)

Mootummaan Israa’elii fi Yihuudaa lachuun isaanii Waaqayyo irratti cubbuu in godhani. Waadaa Waaqayyo tulluu Siinaatti isaan wajjin gale in diigani. Akka isaan cubbuu isaaniitiif yaada garaasaanii jijjiirratanii Waaqayyoon deebi’anii waaqeffataniif akka isaan akeekkachiisaniif raajota isaaniif in erge, isaan garuu hin abboomamnu jedhani.

![](https://cdn.door43.org/obs/jpg/360px/obs-en-20-02.jpg)

Kanaafuu akka diinotni isaanii isaan balleessaniif eeyyama gochudhaan mootummaa lachanuus in adabe. Biyyi sirna mootii moosisuutiin bultu Asoori isheen cimtuunii fi gara jabeettiin mootummaa Israa’el in balleessite, waan gatii qabu hundumaa in fudhate, biyyattii keessaa baay’eesaas in gubde.

![](https://cdn.door43.org/obs/jpg/360px/obs-en-20-03.jpg)

Warri Asoori gaggeessitoota, sooressoota, akkasuumas namoota oogummaa qaban hundumaa waliti qabanii gara Asooritti in geessani. Kan hin ajjeefamin mootumma Israa’el keessatti kan hafan Israa’eloota baay’ee hiyyeessota ta’an qofa turani.

![](https://cdn.door43.org/obs/jpg/360px/obs-en-20-04.jpg)

Achumaan warri Asoori lafa mootummaan Israa’el ture irra akka jiraataniif namoota alagaa ta’an in fidani. Alagootnis magaalota diigaman deebisanii ijaaranii Israa’eloota achitti hafanii turan in fuudhani. Alagootni kan fuudhan sanyiiwwan Israa’elootaa Samaarota jedhamanii waamamu turani.

![](https://cdn.door43.org/obs/jpg/360px/obs-en-20-05.jpg)

Sabni mootummaa Israa’el Waaqayyotti waan hin amanneef akkasumas waan isaaf hin abboomamneef akkamitti akka isaan adabe sabni mootummaa Yihuudaa keessa turan in argani. Akkasuma ta’eeyyuu garuu sabni mootummaa Yihuudaa waaqota kana’aanotaa dabalatanii waaqota tolfaman in waaqeffatani. Waaqayyos akka isaan akeekkachiisaniif raajota erge, isaan garuu hin dhageenyu jedhani.

![](https://cdn.door43.org/obs/jpg/360px/obs-en-20-06.jpg)

Warri Asoori mootummaa Israa’el erga balleessanii gara waggoota 100 booddee akka mootummaa Yihuudaa waraananiif Waaqayyo warra Baabiloon in erge. Baabiloon biyya cimtuu sirna mootii moosisuutiin bultu turte. Mootummaan Yihuudaa Nabukadanatsooriif tajaajilaa ta’uu fi waggaa waggaatti maallaqa baay’ee kaffaluufiif walii gale.

![](https://cdn.door43.org/obs/jpg/360px/obs-en-20-07.jpg)

Mootiin Yihuudaa garuu waggoota muraasaa booddee Baabiloon irratti ka’e. Kanaafuu warri Baabiloon deebi’anii dhufanii mootummaa Yihuudaa waraanani. Magaalaa Iyyarusaalem in qabatani, mana qulqullummaa in balleessani, akkasumas galmeewwan magaalattii fi kan mana qulqullummaa hundumaa in fudhatani.

![](https://cdn.door43.org/obs/jpg/360px/obs-en-20-08.jpg)

Mootiin Yihuudaa waan irratti ka’eef loltootni Nabukadanatsoor isa adabuudhaaf ijoollota dhiiraa mootii Yihuudaa fuulasaa duratti ajjeesani isas ijasaa jaamsani. Achumaan mana hidhaa Baabiloon keessatti akka du’uuf mooticha in geessani.

![](https://cdn.door43.org/obs/jpg/360px/obs-en-20-09.jpg)

Nabukadanatsoorii fi loltootni isaa qonna irratti akka hojjataniif namoota baay’ee hiyyeessota ta’an qofa dhiisuudhaan saba mootummaa Yihuudaa gara Baabiloonitti booji’anii fudhatani. Yeroon sabni Waaqayyoo biyya abdii dhiisanii akka demaniif dirqisiifaman kun boojuu jedhamee waamama.

![](https://cdn.door43.org/obs/jpg/360px/obs-en-20-10.jpg)

Yoodhumallee Waaqayyo sabasaa waa’ee cubbuu isaaniif adabuuf gara boojuutti geessuudhaan isaan adabe iyyuu isaanii fi abdiiwwan isaaniif kenne hin irraanfanne. Waaqayyo saba isaa eeguudhaaf karaa raajota isaa isaanitti dubbachuu itti fufe. Waggaa torbaatama booddee gara biyya abdiitti lammata akka deebi’an abdii kenne.

![](https://cdn.door43.org/obs/jpg/360px/obs-en-20-11.jpg)

Gara waggoota torbaatamaan booddee mootiin Faaris Baabiloon mo’ate, kanaafuu bittaan mootummaa Faaris bittaa mootummaa Baabilooniin bakka bu’e. Israa’elootiin amma Yihuudota jedhamanii waamamaniiru. Baay’een isaanii jireenya isaanii guutuu Baabiloon keessa kan jiraatan turan. Yihuudotiin baay’ee dullooman muraasni qofti biyya Yihuudaa yaadatani.

![](https://cdn.door43.org/obs/jpg/360px/obs-en-20-12.jpg)

Bittaan mootummaa Faaris cimaa ture garuu saba qabateef garaa kan laafu ture. Qiros mootii warra Faaris erga ta’e yeroo muraasa booddee, gara Yihuudaatti deebi’uuf kan barbaadee namni Yihuudaa kam iyyuu Faaris gadi dhiisee gara Yihuudaatti deebi’uu akka danda’u ajaja baase. Mana qulqullummaa deebisanii akka ijaaraniif gargaarsa maallaqaa illee isaaniif godhe. Kanaafuu boojuu jala yeroo itti turan waggoota torbaatamaan booddee gareen Yihuudotaa muraasni Yihuudaa keessa kan jirtu gara magaalaa Iyyaruusaalemitti deebi’ani.

![](https://cdn.door43.org/obs/jpg/360px/obs-en-20-13.jpg)

Sabichi Yeruusaalem yeroo ga’an mana qulqullummaa fi masaraa naannoo magaalichaa jiru deebisanii in ijaarani. Hamma ammaatti saba birootiin yoo bitaman illee lammata deebi’anii biyya abdii keessa jiraatanii mana qulqullummaatti in waaqeffatani.

*Seenaa Macaafa Qulqulluu:-2Moot 17, 24-25, 2Seen 36, Izr 1-10, Nah 1-13*

## 21. Waaqayyo waa’ee Masihichaa abdii in kenne

https://openbiblestories.org/l/om/story-21/

![](https://cdn.door43.org/obs/jpg/360px/obs-en-21-01.jpg)

Duraan dursee Waaqayyo Masihicha erguuf in kaayyeeffate. Abdiin Masihichaa inni jalqabaa gara Addaamii fi Heewaani in dhufe. Waaqayyo mataa bofichaa kan buruqsu sanyniin Heewaan akka dhalatu abdii kenne. Bofti kan Heewaan gowwoomse Seexana ture. Abdichi Masihichi akka Seexana guutuummaadhaan mo’atu dha.

![](https://cdn.door43.org/obs/jpg/360px/obs-en-21-02.jpg)

Karaa isaa sabni biyya lafaa hundumtuu eebba akka argatan Waaqayyo waadaa Abrihaamiif in gale. Eebbi kuni kan galma ga’u gara fulduraatti yeroo Masihichi dhufu dha. Innis gosoota saba biyya lafaa jiru hundumaa keessaa kan ta’an sabootni akka fayyan in godha.

![](https://cdn.door43.org/obs/jpg/360px/obs-en-21-03.jpg)

Gara fuulduraatti raajii akka Musee kan biraa akka kaasu Waaqayyo Museedhaaf abdii in kenne. Kuni waa’ee masihichaa turee dhufuu abdii kenname kan biraa ture.

![](https://cdn.door43.org/obs/jpg/360px/obs-en-21-04.jpg)

Sanyiiwwan isaa keessaa tokko mootii ta’ee saba Waaqayyoo amma bara baraatti akka bitu Waaqayyo mooticha Daawitiif abdii in kenneef. Kunis Masihichi sanyiiwwan Daawit keessaa tokko ta’a jechuu ture.

![](https://cdn.door43.org/obs/jpg/360px/obs-en-21-05.jpg)

Waaqayyo waadaa haaraa akka galu karaa raajicha Eermiyaas abdii kenne. Waadaan kun garuu akka waadaa isaa Waaqyyo Israa’elootaa wajjin Siinaatti gale miti. Waadaa haaraa keessatti Waaqayyo seera isaa onnee saba isaa keessatti in barreessa, sabni ofii isaatiin Waaqa isaa in beeka, saba isaa in ta’u, Waaqayyo cubbuu isaanii isaaniif in dhiisa. Masihichi waadicha haaraa in jalqaba.

![](https://cdn.door43.org/obs/jpg/360px/obs-en-21-06.jpg)

Akkasumas raajotni Waaqayyoo, Masihichi raajii, luba akkasumas mootii in ta’a jedhani. Raajiin dubbii Waaqayyo kan dhaga’u, achiis dubbii Waaqayyoo dhaga’e sabatti nama labsuu dha. Masihichi Waaqayyo erguudhaaf abdii kenne raajii mudaa hin qabne in ta’aa.

![](https://cdn.door43.org/obs/jpg/360px/obs-en-21-07.jpg)

Lubootiin Israa’elootaa waa’ee cubbuu isaaniitiif adabbii isaan irra ga’uuf saba isaanii bakka bu’anii Waaqayyoof aarsaa in dhiyeessani. Akkasumas lubootiin sabichaaf Waaqayyoon in kadhatani. Masihichi aarsaa mudaa hin qabne godhee ofii isaa Waaqayyoof kan dhiyeessu hangafa lubootaa isa mudaa hin qabne in ta’a.

![](https://cdn.door43.org/obs/jpg/360px/obs-en-21-08.jpg)

Mootiin nama mootummaa isaa bulchuu fi saba isaa gidduutti murtoo kan kennuu dha. Masihichi teessoo akaakilee isaa Daawit irraa kan taa’u mootii mudaa hin qabne in ta’a. Biyya lafaa hundumaa irratti amma baraa baraatti in bita, akkasumas yeroo hundumaa qajeelummaadhaan firdii fi murtee sirrii in kenna.

![](https://cdn.door43.org/obs/jpg/360px/obs-en-21-09.jpg)

Raajotni Waaqayyoo waa’ee masihichaa waan biraa baay’ee raajaniiru. Raajichi Milkiyaas utuu Masihichi hin dhufiin dura raajichi guddichi akka dhufu dursee raajeera. Masihichi durba tokko irraa akka dhalatu raajichi Isaayyaas in raaje. Raajichi Mikiiyaas Masihichi magaalaa Beetaliheem keessatti in dhalata jedhe.

![](https://cdn.door43.org/obs/jpg/360px/obs-en-21-10.jpg)

Raajichi Isaayyaas Masichi Galiilaa keessa in jiraata, namoota lapheen isaanii cabe in jajjabeessa. Akkasumas warra booji’amaniif bilisummaa warra hidhamaniif hiikamuu in labsa. Dabalees raajichi Masichi saba dhukkubsatan akkasumas dhaga’uu, ilaaluu, dubbachuu, yookin tarkaanfachuu warra hin dandeenye akka fayyisu raaje.

![](https://cdn.door43.org/obs/jpg/360px/obs-en-21-11.jpg)

Dabalees raajichi Isaayyaas Masihichi sababa malee akka jibbamuu fi Mormiin akka isa irra ga’u in raaje. Raajotni biroo Masihicha warri isa ajjeesani suni uffata isaa irratti ixaa akka buufatanii fi jaalalleen isaa akka isa haalu in raajani. Raajichi Zakkaariyaas Masihicha kan haalu jaalallee isaatiif qarshii soddoma akka kaffalaniif in raaje.

![](https://cdn.door43.org/obs/jpg/360px/obs-en-21-12.jpg)

Akkasumas raajichi akkaataa du’a masihicha in dubbate. Isaayyaas namootiin Masicha akka itti tufan, akka itti ga’isanii fi akka rukutan in raaje. Dogoggora tokko illee kan hin goone ta’u illee in waraanu dhukkubbii fi dhiphina baay’ee guddaadhaan in du’a.

![](https://cdn.door43.org/obs/jpg/360px/obs-en-21-13.jpg)

Dabalaniis raajotni Masichi cubbuu kan hin qabne mudaa malee in ta’a jedhani. Adabbii cubbuu namoota biraa fudhachuuf inni in du’e. Adabamuun isaa Waaqayyoo fi namoota gidduutti nageenya in fida. Sababa kanaan Masicha caccabsuun fedha Waaqayyoo ture.

![](https://cdn.door43.org/obs/jpg/360px/obs-en-21-14.jpg)

Masichi akka du’uu fi Waaqayyo akka du’aa isa kaasu raajotni dursanii raajaniiru. Waaqayyo karaa du’aa fi du’aa ka’iinsa Masichaatiin cubbamoota fayyisuuf kaayyoo isaa galmaan ga’uudhaan waadaa isaa isa haaraa in jalqaba.

![](https://cdn.door43.org/obs/jpg/360px/obs-en-21-15.jpg)

Waaqayyo waa’ee Masicha waan baay’ee isaanitti ibseera garuu Masihichi bara raajota kanaa keessaa yeroo isa tokko iyyuu hin dhufne. Raajolee kana keessaa inni dhumaa erga raajamee waaggoota 400 booddee yeroodhuma sirrii ta’etti Waaqayyo Masihicha gara biyya lafaatti in erga.

*Seenaa Macaafa Qulqulluu :- Uuma 3:15, 12:1-3, Kes.18:15, 2Sam 7, Erm 31, Isa 59:16, Dan 7, Mil 4:5, Isa 7:14 Mk 5:2 Isa 9:1-7, 35:3-5, 61:53, Far 22:18, 35:19, 69:4, 41:9, Zak 11:12-13, Isa 50:6, Far 16:10-11*

## 22. Dhaloota Yohaannis

https://openbiblestories.org/l/om/story-22/

![](https://cdn.door43.org/obs/jpg/360px/obs-en-22-01.jpg)

Waaqayyo duraan dursee karaa ergamootaa fi raajota isaa saba isaatti dubbatee ture. Garuu yeroo inni isaanitti hin dubbatin waggootni 400 darbaniiru. Otuma itti hin yaadamin ergamaan tokko gara luba dulloomaa Zakkaariyaas jedhamee waamamuu Waaqayyo biraa ergaa qabatee in dhufe. Zakkaariyaasii fi haati manaan isaa Eelsaabeex namoota Waaqayyoon sodaatan turani, garuu isheen ijoollee da’uuf hin dandeessu turte.

![](https://cdn.door43.org/obs/jpg/360px/obs-en-22-02.jpg)

Ergamtichi Zakkaariyaasiin in jedhe “Haati manaa kee ilma in deessi. Yohaannis jettee in moggaafta, inni Hafuura Qulqulluudhaan in guutama, sabichas Masihichaaf in qopheessa!” Zakkaariyaas “Haati manaa koo fi ani ijoollee da’uuf baay’ee dulloomneerra kuni akka ta’u akkamittan beeka?” jedhee in deebise.

![](https://cdn.door43.org/obs/jpg/360px/obs-en-22-03.jpg)

Ergamtichi akkana jedhee Zakkaariyaasiif deebise, “Misraachoo kana akkan isiniif fidu Waaqayyotu na erge. Waan na hin amanneef hamma mucichi dhalatutti dubbachuu hin dandeessu.” Yeroodhuma sanatti Zakkaariyaas dubbachu in dadhabe. Sana booddee ergamtichi Zakkaariyaas dhiisee isa irraa adda in ba’e. Zakkaariyaasis mana isaatti in deebi’e haati manaa isaas in ulfoofte.

![](https://cdn.door43.org/obs/jpg/360px/obs-en-22-04.jpg)

Eelsaabeex ulfa ji’a ja’aa yeroo turte, ergamtichi suni otuma itti hin yaadamiin fira Eelsaabeex kan taate Maariyaam kan jedhamtutti in mul’atte. Isheen durba turte, nama Yooseef jedhamuuf kaadhimamtee turte. Ergamtichi, “Hin ulfoofta ilmas in deessa, maqaasaas Yesuus in jetta. Innis Ilma Waaqayyoo Mootii in jedhama hanga bara baraattis mootii in ta’a” jedhe.

![](https://cdn.door43.org/obs/jpg/360px/obs-en-22-05.jpg)

Maariyaam “Ani durba waanan ta’eef kun akkamitti ta’a?” jette in deebifte. Ergamtichi akkana jedhee in ibse, “Hafuurri Qulqulluun gara kee in dhufa, humni Gooftaa si golbooba, kanaafuu mucichi qulqulluu Ilma Waaqayyoo in ta’a.” Maariyaamis in amante ergamtichi kan jedhes in fudhatte.

![](https://cdn.door43.org/obs/jpg/360px/obs-en-22-06.jpg)

Ergamtichi erga Maariyaamitti dubbate booddee yeroodhuma sanatti, deemtee Eelsaabeexiin in ilaalte. Eelsaabeex nagaa Maariyaam akkuma dhageesseen, mucaan Eelsaabeex garaa keessaa in utaale. Dubartootiin kun waan Waaqayyo isaaniif godheef gammachuu guddaa waliin hirmaatani. Maariyaam ji’a sadiif Eelsaabeex bira erga turtee booddee gara mana isheetti in deebite.

![](https://cdn.door43.org/obs/jpg/360px/obs-en-22-07.jpg)

Eelsaabeex ilma ishee erga deesseen booddee, Zakkaariyaasii fi Eelsaabeex akkuma ergamtichi ajajetti mucicha Yohaannis jedhanii in moggaasani. Yeroodhuma sana Waaqayyo Zakkaariyaas deebi’ee akka dubbatu in eeyyameef. Zakkaariyaas akkana jedhe, “Saba isaa yaadateera Waaqayyo haa galatoomu! Atis yaa mucaa koo, cubbuu isaaniitiif dhiifama argachuu akkamitti akka danda’an saba isaatti kan dubbattu raajii Waaqayyo Gooftaa in jedhamta.”

*Seenaa Macaafa Qulqulluu: - Luq 1*

## 23. Dhaloota Yesuus

https://openbiblestories.org/l/om/story-23/

![](https://cdn.door43.org/obs/jpg/360px/obs-en-23-01.jpg)

Maariyaam nama tolaa Yooseef jedhameef kaadhimamtee turte. Kaadhimaan Maariyaam garaatti baachuu ishee yeroo dhaga’e daa’imichi kan isaa akka hin taane in beeke. Maariyaamiin saalfachiisuu hin barbaadne. Kanaafuu calluma jedhee ishee irraa addaan ba’uuf in yaade. Sana utuu hin godhiin ergamaan dhufee abjuudhaan itti dubbate.

![](https://cdn.door43.org/obs/jpg/360px/obs-en-23-02.jpg)

Ergamtichi akkana jedhe “Yooseef Maariyaamiin haadha manaa kee godhattee fudhachuuf hin sodaatiin. Daa’imni garaa ishee keessa jiru Hafuura Qulqulluu irraa kan ta’ee dha. Mucaa dhiiraa in deessi, maqaa isaa Yesuus jedhii moggaasi (hikaan isaas, ‘Yaahiwween in fayyisa’ jechuu dha), sababiin isaas saba isaa cubbuu isaanii irraa in fayyisa.”

![](https://cdn.door43.org/obs/jpg/360px/obs-en-23-03.jpg)

Kanaafuu Yooseef Maariyaamiin haadha manaa isaa godhateetu gara mana isaatti in fudhate, amma deessutti garuu ishee wajjin hin ciifne.

![](https://cdn.door43.org/obs/jpg/360px/obs-en-23-04.jpg)

Yeroon Maariyaam itti deessu akkuma ga’een mootummaan warra Roomaa namni hundumtuu lakkaa’amuuf gara magaalaa akaakayyootiin isaanii jiraatanii akka deeman in hime. Yooseefii fi Maariyaam iddoo jiraatan magaalaa Naazireet irraa gara Beetaliheemitti karaa dheeraa deemani, sababiin isaas magaalaa Beetaliheemitti kan dhalate akaakayyuun isaanii Daawiti ture.

![](https://cdn.door43.org/obs/jpg/360px/obs-en-23-05.jpg)

Gara Beetaliheemitti yeroo galani iddoon bultii hin jiru ture. Kutaan keessa bulmaataaf argachuuf danda’amu iddoo horiin bulan qofaa ture. Mucichi yeroo dhalate sireen irra ciibsan waan hin jirreef haati isaa goonnoo horiin keessa nyaatan irra in ciibsite. Maqaa isaas Yesuus jedhani.

![](https://cdn.door43.org/obs/jpg/360px/obs-en-23-06.jpg)

Halkanuma sana dirree itti dhiyoo jiru keessatti horii isaanii kan eegan tiksootiin muraasni turani. Battaluma ergamaan ifu isaanitti in mul’ate, isaanis in sodaatani. Ergamtichis “Hin sodaatinaa, sababiin isaas an isiniif misiraachoo nan qaba, Gooftaan Beetaliheemitti dhalateera!” jedhe.

![](https://cdn.door43.org/obs/jpg/360px/obs-en-23-07.jpg)

“Dhaqaatii mucicha barbaadaa, uffataan maramee goonnoo horiin irraa nyaatan keessa ciisee argitu.” Battalumattis samiin ergamotaan in guutame, Waaqayyoonis galateeffachaa, “Ulfinni Waaqayyoof haa ta’u nagaanis lafa irratti namaafis fedha gaarii!” in jedhani.

![](https://cdn.door43.org/obs/jpg/360px/obs-en-23-08.jpg)

Tiksootni hatattamaan Yesuus iddoo turetti dhaqanii akkuma ergamtichi isaanitti himetti goonnoo horiin keessaa nyaatan irra cisee argatani. Baay’ee in gammadani. Maariyaamis immoo baay’ee gammadde. Tiksootiin waan arganii fi waan dhaga’an hundumaaf Waaqayyoon in galateeffatani, gara dirreewwan hoolotni isaanii turanitti in deebi’ani.

![](https://cdn.door43.org/obs/jpg/360px/obs-en-23-09.jpg)

Yeroo muraasaan booddee biyyoota baha fagoo irraa kan ta’an ogeeyyiin samii irratti urjii hin beekamne tokko in argani. Mootiin Yihuudotaa haaraan akka dhalate kan agarsiisu ta’uu isaa in hubatani. Kanaafuu mootii kana arguuf karaa fagoo dheeraa in adeemani. Gara Beetaliheemitti dhufanii mana Yesuusii fi haati fi abbaan isaa turan in argatani.

![](https://cdn.door43.org/obs/jpg/360px/obs-en-23-10.jpg)

Ogeeyyiin kun Yesuusiin haadha isaa wajjin yommuu argan kufanii in sagadaniif. Yesuusiif kennaawwan gati-jabeessa kennaniif. Achumaan gara biyya isaaniitti in deebi’ani.

*Seenaa Macaafa Qulqulluu: - Matt. 1, Luq .2*

## 24. Yohaannis Yesuusiin Cuuphe

https://openbiblestories.org/l/om/story-24/

![](https://cdn.door43.org/obs/jpg/360px/obs-en-24-01.jpg)

Yohaannis Mucaan Zakkaariyaasii fi Eelsaabeex guddateetu raajii in ta’e. Lafa onaa keessa in jiraate, damma lafa onaa fi awaannisa in nyaate, uffata rifeensa gaalaa irraa hojjatames in uffate.

![](https://cdn.door43.org/obs/jpg/360px/obs-en-24-02.jpg)

Namootni baay’een Yohaannisiin dhaggeeffachuuf gara lafa onaa in dhufani. Innis “Mootumman Waaqayyoo dhiyaatteettii yaada garaa keessanii jijjiirradhaa” jechuudhaan isaanitti in lallabe.

![](https://cdn.door43.org/obs/jpg/360px/obs-en-24-03.jpg)

Sabichi ergaa Yohaannis yeroo dhaga’an, baay’een isaanii cubbuu isaaniitti gaabbanii himatanii Yohaannis isaan in cuuphe. Gaggeessitootni amantaa baay’eenis Yohaannisiin cuuphamuuf gara isaa in dhufani, garuu cubbuu isaaniitiif yaada garaasaanii hin jijjiirranne yookin cubbuu isaanii hin himanne.

![](https://cdn.door43.org/obs/jpg/360px/obs-en-24-04.jpg)

Yohannis gaggeessitoota amantaatiin akkana jedhe, “Isin bofa abbaa summii ti, waa’ee cubbuu keessaniif yaada garaa keessanii jijjiirradhaatii gocha keessan jijjiiraa. Mukti ija gaarii hin buufne hunduu muramee gara ibiddaatti in gatama.” Yohaannis raajotni kan isaan, “Kunoo, kan karaa kee siif tolchu ergamaa koo fuuldura kee nan erga” jedhanii dubbatan in raawwate

![](https://cdn.door43.org/obs/jpg/360px/obs-en-24-05.jpg)

Yihuudotiin tokko tokko Yohaannis Masihicha ta’uu isaa in gaafatani. Yohaannis akkana jedhee deebise, “Ani Masihicha miti garuu namni tokko kan na booddee dhufu jira. Hidhaa kophee isaatii illee hiikuudhaaf hin ta’u inni baay’ee guddaa dha.”

![](https://cdn.door43.org/obs/jpg/360px/obs-en-24-06.jpg)

Guyyaa itti fufu, Yesuus Yohaannis harkatti cuuphamuudhaaf in dhufe. Yohaannis yeroo isa arge, “Ilaalaa! Kunoo, cubbuu biyya lafaa kan fageessu hoolicha Waaqayyoo!” jedhe.

![](https://cdn.door43.org/obs/jpg/360px/obs-en-24-07.jpg)

Yohaannis Yesuusiin, “Ani si cuuphuuf nama ga’aa miti. Qooda kanaa ati ana cuuphuu qabda malee!” jedheen. Yesuus garuu, “Waan qajeelaa ta’e raawwachuuf waan ta’edhaaf ati ana cuuphuu qabda” jedheen. Kanaafuu Yesuus cubbuu kan hinqabne yoo ta’e iyyuu Yohaannis Yesuusiin in cuuphe.

![](https://cdn.door43.org/obs/jpg/360px/obs-en-24-08.jpg)

Yesuus cuuphamee erga bishaan keessaa ba’een booddee, hafuurri Waaqayyoo fakkeenya gugeetiin mul’atee isa irra in qubate. Yeroo kana sagaleen Waaqayyoo samii irraa “Ati ilma koo isan jaalladhu dha sitti baay’ee nan gammada!” jedhee dubbate.

![](https://cdn.door43.org/obs/jpg/360px/obs-en-24-09.jpg)

Waaqayyo Yohannisiin, “Hafuurri Qulqulluun bu’etu nama ati cuuphxu irraa buufata. Namichi ilma Waaqayyoo ti” jedhee itti dubbatee ture. Waaqa tokko qofatu jira. Yohaannis Yesuusiin yeroo cuuphe garuu, Waaqayyo abbaan yommuu dubbatu in dhaga’e, Waaqayyo ilmaa in arge, innis Yesuusi dha, akkasumas Hafuura Qulqulluu in arge.

*Seenaa Macaafa Qulqulluu: - Matt 3, Mar 1:9-11 Luq 3:1-23*

## 25. Seexanni Yesuusiin in qore

https://openbiblestories.org/l/om/story-25/

![](https://cdn.door43.org/obs/jpg/360px/obs-en-25-01.jpg)

Yesuus erga cuuphamee booddee hatattamumatti, Hafuurri Qulqulluun gara lafa onaatti isa in geesse, achittis guyyaa hafurtamaa fi halkan afurtamaaf in soome. Achumaanis Seexanni gara Yesuus dhufee akka cubbuu hojjetuuf isa in qore.

![](https://cdn.door43.org/obs/jpg/360px/obs-en-25-02.jpg)

“Yoo ilma Waaqayyoo taate, nyaachuuf akka dandeesutti dhagoota kana gara buddeenaatti jijjiiri” jechuudhaan Seexaanni Yesuusiin in qore.

![](https://cdn.door43.org/obs/jpg/360px/obs-en-25-03.jpg)

Yesuus, “Namootni jiraachuudhaaf buddeenni qofti isaaniif hin barbaachisu, garuu dubbiin Waaqayyo dubbatu tokkoo tokkoon isaa isaaniif in barbaachisa, jedhamee sagalee Waaqayyoo keessatti barreeffameera!” jedhee deebiseef.

![](https://cdn.door43.org/obs/jpg/360px/obs-en-25-04.jpg)

Achumaan Seexanni Yesuusiin fiixee mana qulqullinaatti ol baasee, “Ilma Waaqayyoo yoo taate as irraa gad of darbadhu, sababiin isaas “Akka dhagaan miila kee hin gufachiifneef akka si baataniif Waaqayyo ergamoota isaa in ajaja jedhamee barreeffameera” jedhe.

![](https://cdn.door43.org/obs/jpg/360px/obs-en-25-05.jpg)

Yesuus garuu sagalee Waaqayyoo keessaa caqasuudhaan Seexanaaf in deebise, “Sagaleen Waaqayyoo ‘Gooftaa isa ta’e Waaqa kee hin qoriin’ jechuudhaan saba isaa in ajaja jedhe.”

![](https://cdn.door43.org/obs/jpg/360px/obs-en-25-06.jpg)

Achumaan Seexanni mootota biyya lafaa fi ulfina isaanii hundumaa isatti agarsiisee, “Yoo kuftee anaaf sagadde kana hundumaa siif nan kenna” jedheen.

![](https://cdn.door43.org/obs/jpg/360px/obs-en-25-07.jpg)

Yesuus, “Deemi ati seexana nana! Sagaleen Waaqayyoo saba isaatiin ‘Gooftaa kee Waaqa keetiif sagadi isa qofaas waaqeffadhu jedhee ajajeera” jedheeni.

![](https://cdn.door43.org/obs/jpg/360px/obs-en-25-08.jpg)

Yesuus qorumsa Seexanaatiif hin mo’atamne kanaafuu Seexanni yeroo sana isa in dhiise. Sana booddee ergamtootni dhufanii Yesuusiin tajaajilani.

*Seenaa Macaafa Qulqulluu: - Matt 4:1-11, Mar 1:12-13, Luq 4:1-13*

## 26. Yesuus tajaajila isaa jalqabe

https://openbiblestories.org/l/om/story-26/

![](https://cdn.door43.org/obs/jpg/360px/obs-en-26-01.jpg)

Yesuus qorumsa Seexanaa erga mo’ee booddee, humna Hafuura Qulqulluutiin jiraataa iddoo turetti gara konyaa Galiilaatti in deebi’e. Yesuus iddoo dhaa gara iddootti deddeebi’ee barsiise. Namni hundinuus waa’ee isaa waan gaarii dubbata ture.

![](https://cdn.door43.org/obs/jpg/360px/obs-en-26-02.jpg)

Yesuus daa’imummaa isaatti iddoo jiraate gara magaalaa Naazretitti deebi’e. Gaafa guyyaa Sanbataa gara mana waaqeffannaa dhaqe. Akka dubbisuuf barreffama maramaa raajicha Isaayyaas itti kennani. Yesuus barreeffama maramaa banee sabichaaf in dubbiseef.

![](https://cdn.door43.org/obs/jpg/360px/obs-en-26-03.jpg)

Yesuus “Hiyyeessotaaf misiraachoo, kan boji’amaniif bilisummaa, warra jaamaniif ilaluu, kan hidhamaniif hiikamuu akkan labsuuf Waaqayyo hafuura isaa naaf kenneera. Kun bara Gooftaa kan jaalatamte dha” jedhee dubbise.

![](https://cdn.door43.org/obs/jpg/360px/obs-en-26-04.jpg)

Achumaan Yesuus in taa’e. Hundumti isaanii itti dhiyatanii in ilaalani. Dubbifannaan sagalee Waaqayyoo amma inni dubbifate Masihicha kan ilaalu ture. Yesuus, “Sagaleen amma isiniif dubbise amma raawwatamaa jira” jedhe. Sabichi hundumtuu in ajaa’ibsiifatani. “Kuni ilma Yooseef mitii?” jedhani.

![](https://cdn.door43.org/obs/jpg/360px/obs-en-26-05.jpg)

Achumaan Yesuus, “Raajichi biyya isaatti kan hin kabajamne dhugaa dha, bara raajicha Eeliyaas Israa’el keessa haadha Hiyyeessaa baay’eetu turani. Garuu waggaa sadii fi walakkaaf bokkaan yeroo in roobne Waaqayyo Eeliyaasiin kan erge gara biyya adda ta’etti malee akka haadha hiyyeessaa gargaaruuf gara Israa’elitti in ergine.”

![](https://cdn.door43.org/obs/jpg/360px/obs-en-26-06.jpg)

Yesuus akkana jedhee dubbachuu itti fufe, ‘’Bara raajicha Eelsaa’is Israa’el keessa namootiin dhibee gogaatiin qabamani baay’ee turani. Eelisaa’i garuu tokkoo isaan illee hin fayyifne. Ajaja diinotaa Israa’el kan ture dhibee gogaa Ni’imaan qofa fayyise.” Sabni Yesuusiin dhaggeeffachaa turan Yihuudota turani. Kanaafuu kana yeroo dhaga’an baay’ee itti aarani.

![](https://cdn.door43.org/obs/jpg/360px/obs-en-26-07.jpg)

Sabni Naaziret iddoo waaqeffannaatti Yesuusiin qabanii harkisanii tulluu irraa gadi darbatanii ajjeesuudhaaf ol baasani. Yesuus garuu saba gidduu ba’uudhaan tarkaanfatee gara magaalaa Naaziretitti deeme.

![](https://cdn.door43.org/obs/jpg/360px/obs-en-26-08.jpg)

Achiis Yesuus konyaa Galiilaa hundumaa keessa deddeebi’e, sabni baay’een gara isaa dhufe. Ilaaluu, deemuu, dhaga’uu, yookin dubbachu kan hin dandeenye dabalatee kan dhukkubsatan baay’ee yookin namoota miidhama qaamaa qaban in fidani.

![](https://cdn.door43.org/obs/jpg/360px/obs-en-26-09.jpg)

Namoota hafuurri hamaan keessa jiru baay’ee gara Yesuusitti in fidani. Abboommii Yesuusiitiin hafuurotni hamoon namoota keessaa in ba’ani, yeroo baay’ees “Ati ilma Waaqayyoo ti” jedhanii in iyyani. Sabnis ajaa’ibsiifataniitu Waaqayyoon in waaqeffatani.

![](https://cdn.door43.org/obs/jpg/360px/obs-en-26-10.jpg)

Achumaan Yesuus duuka buutota isaa jedhamanii kan waamamani namoota kudha lama in filate. Ergamtootni isaa isa wajjin deemanii isa irraa in baratani.

*Seenaa Macaafa Qulqulluu: - Matt 4:12-25, Marq 1:14-15, 35-39, 3:13-21, Luq 4:14-30, 38-44*

## 27. Fakkeenya namicha gaarii warra Samaariyaa

https://openbiblestories.org/l/om/story-27/

![](https://cdn.door43.org/obs/jpg/360px/obs-en-27-01.jpg)

Gaafa tokko beekaan seeraa Yihuudotaa tokko isa qoruudhaaf gara Yesuus dhufe, “Yaa barsiisaa jireenya bara baraatti galuudhaaf maal gochuutu anaaf ta’a?” jedheen. Yesuus, Seera Waaqayyoo irratti kan barreeffame maali dha?” jedhee deebiseef.

![](https://cdn.door43.org/obs/jpg/360px/obs-en-27-02.jpg)

Beekaan seeraa seerri Waaqayyoo, “Garaa kee guutuudhaan, jireenya kee guutuudhaanis, yaada kee guutuudhaanis Waaqayyo kee Goofticha jaalladhu, namas akka ofii keetiitti jaalladhu“ jedha jedhee deebise.

![](https://cdn.door43.org/obs/jpg/360px/obs-en-27-03.jpg)

Garuu beekaan seeraa kun qulqulluu ta’uusaa mirkaneeffachuuf barbaadee kanaafuu, “Hiriyaan koo eenyu dha? Jedhee gaafate.

![](https://cdn.door43.org/obs/jpg/360px/obs-en-27-04.jpg)

Yesuus seenaa dubbachuudhaan beekaa seeraaf deebise, “Yerusaalem irraa gara Iyyaarikootti adeemaa kan ture namni biyya Yihuudaa tokko ture.”

![](https://cdn.door43.org/obs/jpg/360px/obs-en-27-05.jpg)

“Namichichi utuudhuma adeemaa jiruu saamtotni itti dhufanii in qabani. Waan qabu hundumaa irraa fudhatanii hamma du’aatti isa reebani. Achumaan irraa deemani.”

![](https://cdn.door43.org/obs/jpg/360px/obs-en-27-06.jpg)

Sana booddee yeroodhuma sana lubni nama biyya Yihuudaa tokko achiin darba ture. Gaggeessaan amantaa kuni nama saamamee reebame kana yeroo arge irraa goree karaa biraa darbe, nama gargaarsa barbaadu kana calluma jedhee karaa isaa itti fufe.

![](https://cdn.door43.org/obs/jpg/360px/obs-en-27-07.jpg)

Sana booddee otuma baay’ee hin turiin, Namichi Leewwiin tokko in dhufe. (Leewwotni mana qulqullummaatti luboota kan gargaaran gosa Yihuudaa turani.) Lewwichis immoo karaa isaa irraa goree namicha saamamee reebame callisee in darbe.”

![](https://cdn.door43.org/obs/jpg/360px/obs-en-27-08.jpg)

Itti aansee namni kara sana irra darbuu dhufe nama biyya Samaariyaa ture. (Warri Samaariyaa sanyiiwwan Yihuudotaa kan namoota biyya biraa irraa dhufan fuudhan turani. Warri Samaariyaa fi Yihuudotni wal lolu turan.) Garuu namichi Samaariyaa kun Yihuudicha yeroo arge baay’ee gaddeetu garaa laafeef. Kanaafuu kunuunsee madaa isaa in hidheefi.

![](https://cdn.door43.org/obs/jpg/360px/obs-en-27-09.jpg)

“Sana booddee namichi Samaariyaa kun namichicha ol kaasee harree isaa irra kaa’ee gara mana keessummootaatti in geesse in kunuunses.”

![](https://cdn.door43.org/obs/jpg/360px/obs-en-27-10.jpg)

“Ganamasaas namichi Samaariyaa karaa isaa itti fufuun isarra ture. Abbaa mana keessummootiin itti boqotaniif maallaqa muraasa kenneefiitu, ‘’Kunuunsi, kana caala baafta yoo ta’e yeroon deebi’u siifan kaffala jedheeni.”

![](https://cdn.door43.org/obs/jpg/360px/obs-en-27-11.jpg)

Kana booddee beekaa seeraa sanaan, “Maal yaaddaa? Nama saamamee reebameef hiriyaan isaa namoota sadan keessaa isa kami ture? jedhee gaafate. Innis “Isa garaagarsa godheef” jedheetu deebiseef. Yesuusis deebisee “Atis dhaqiiti akkanuma godhi” jedhee itti hime.

*Seenaa Macaafa Qulqulluu: - Luq. 10:25-37*

## 28. Dargaggeessicha sooreessa

https://openbiblestories.org/l/om/story-28/

![](https://cdn.door43.org/obs/jpg/360px/obs-en-28-01.jpg)

Gaafa tokko dargaggeessi sooresssi tokko gara Yesuus dhufee, “Yaa barsiisaa gaarii, Jireenya bara baraatti galuudhaaf maal godhu?” Jedhee gaafate. Yesuus, “Maaliif gaarii naan jetta? Gaariin tokkicha duwwaatu jira. Innis Waaqayyoo dha. Garuu ati jireenya baraa baraa qabaachuuf yoo barbaadde seera Waaqayyootiif abboomami ” jedhe.

![](https://cdn.door43.org/obs/jpg/360px/obs-en-28-02.jpg)

“Abboommiiwwan isaan kam?” jedhee gaafate. Yesuus akkas jedhee deebiseef, “Hin ejjiin, hin ajjeesin, hin hatiin, sobaan nama irratti dhugaa hin ba’iin, abbaa kee fi haadha keef ulfina kenni, namas akka mataa keetiitti jaalladhu.”

![](https://cdn.door43.org/obs/jpg/360px/obs-en-28-03.jpg)

Dargaggeessichi garuu, “Kana hundumaa ijoollummaa kootii jalqabee raawwadheera. Bara baraan jiraachuuf kan biraa maal gochuutu na barbaachisa?” Yesuus isa ilaaleetu isa jaallate.

![](https://cdn.door43.org/obs/jpg/360px/obs-en-28-04.jpg)

Yesuus, “Raawwattee guutuu ta’uu yoo barbaadde, dhaqii qabeenya kee hunda gurguriitii maallaqa isaa hiyyeessotaaf kenni, waaqa irratti badhaadhummaa in qabaatta. Sana booddees koottuutii ana duukaa bu’i” jedhee deebiseef.

![](https://cdn.door43.org/obs/jpg/360px/obs-en-28-05.jpg)

Dargaggeessichi waan Yesuus dubbate yommuu dhaga’e sooressa qabeenya baay’ee qabu waan tureef, hundumaa kennuu waan hin barbaadneef baay’ee gadde. Yesuus irraa garagaleetu adeeme.

![](https://cdn.door43.org/obs/jpg/360px/obs-en-28-06.jpg)

Yeroo sana Yesuus duuka buutota isaatiin akkana jedhe, “Namni sooressi gara mootummaa Waaqayyootti galuun baay’isee rakkisaa dha! Dhuguman isinittan hima, sooressi gara mootummaa Waaqayyootti galuu irra, gaalli qaawwaa lilmoo keessa ba’uutu salphata” jedhe.

![](https://cdn.door43.org/obs/jpg/360px/obs-en-28-07.jpg)

Duuka buutotni isaa isa Yesuus dubbate yommuu dhaga’an baay’ee na’anii, Egaa eenyutu fayyuu danda’aree?” jedhan.

![](https://cdn.door43.org/obs/jpg/360px/obs-en-28-08.jpg)

Yesuus gara duuka buutota isaa ilaalee, “Kun namootaaf hin danda’amu, Waaqayyoof garuu wanti hundinuu in danda’ama” isaaniin jedhe.

![](https://cdn.door43.org/obs/jpg/360px/obs-en-28-09.jpg)

Pheexiroos Yesuusiin “Kunoo nuyi hundumaa dhiifnee si duukaa buune’oo, egaa maal arganna laata?” jedheen.

![](https://cdn.door43.org/obs/jpg/360px/obs-en-28-10.jpg)

Yesuus akkana jedhee deebiseef, “Namni maqaa kootiif jedhee manneen yookiis obboloota yookiis abbaa yookiis haadha yookiis ijoollee yookiis araddaa dhiise, dachaa dhibba in fudhata jireenya bara baraas in dhaala. Garuu warra dura jiran keessaa baay’een warra booddee, warra booddee jiran keessaa baay’een warra duraa in ta’u.”

*Seenaa Macaafa Qulqulluu:- Matt. 19:16-30, Marq. 10:- 17-31, Luq. 18:18-30*

## 29. Seenaa garbicha dhiifamma hin qabnee

https://openbiblestories.org/l/om/story-29/

![](https://cdn.door43.org/obs/jpg/360px/obs-en-29-01.jpg)

Gaafa tokko Pheexiroos Yesuusiin, “Yaa barsiisaa, obboleessi koo yoo na yakke si’a meeqan dhiifama godhaafi? Hamma si’a torbaattii?” jedhee gaafate. Yesuus “hamma si’a torbaatti miti, hamma torba si’a torbaatamaa malee” jedheen.

![](https://cdn.door43.org/obs/jpg/360px/obs-en-29-02.jpg)

Yesuus akkana jedhe, “Mootummaan Waaqayyoo mooti hojjettoota isaa irraatti gatii lakkaa’achuuf murtoo godhe in fakkaatti. Hojjettoota isaa keessaa tokko kaffaluun kan irra jiru meetii 10,000 kan ta’u baasii guddaa ture.”

![](https://cdn.door43.org/obs/jpg/360px/obs-en-29-03.jpg)

Namichi waan baasu dhabnaan mootichi, “Baasicha akka baasuuf namichaa fi maatii isaa gurguraa” jedhe.

![](https://cdn.door43.org/obs/jpg/360px/obs-en-29-04.jpg)

“Hojjetaan suni immoo miilla mootichaa jalatti jilbeenfateetu, “Gatii kee hundumaa siif nan baasa maalo anaaf obsi” jedheen. Mootichi hojjetaa isaa sanaaf garaa laafee isa gad dhiise, gatii isarraa qabus in dhiiseef.”

![](https://cdn.door43.org/obs/jpg/360px/obs-en-29-05.jpg)

“Hojjetaan sun garuu akkuma gadi ba’een, hojjetaadhuma hiriyoota isaa ta’an keessa isa tokko kan gatii akka mindaa ji’a afurii ta’u irraa qabu arge. Hojjetaan sun isa hudhee qabe, “Gatii ani sirraa qabu anaaf baasi!” isaan jedhe.

![](https://cdn.door43.org/obs/jpg/360px/obs-en-29-06.jpg)

“Hojjetichi hiriyaan isaa sun immoo miilla isaa jalatti kufee, ‘Anaaf obsi, gatii kee siifan baasa’ jedheen. Abbaan gatii sun garuu in dide hamma namichi gatii baasuufitti mana hidhaa akka galu godhe.”

![](https://cdn.door43.org/obs/jpg/360px/obs-en-29-07.jpg)

Hojjettootni warri kaan waan ta’e kana yommuu argan baay’ee jeeqaman waan ta’e kana hundumaas gara mootichaa dhaqanii itti himan.

![](https://cdn.door43.org/obs/jpg/360px/obs-en-29-08.jpg)

Mootichis hojjetaa sana waamsisee, “Ati hojjetaa hamaa nana! Ani gatii sirra jiru sana humdumaa waan ati na kadhatteefan siif dhiise. Atis akkanuma gochuun sirra ture jedheen. Mootichi baay’ee isatti dheekkamee hamma in gatii isarra jiru hundumaa baasutti hojjetaa hamaa sana gara mana hidhaa akka galu godhe.”

![](https://cdn.door43.org/obs/jpg/360px/obs-en-29-09.jpg)

Achumaan Yesuus akkana jedhe, “Isinis tokkoon tokkoon keessan obboloota keessaniif yoo dhiisuu baattan, abbaan koo inni waaqa irraa akkas isin in godha.”

*Seenaa Macaafa Qulqulluu: - Matt.18:21-35*

## 30. Yesuus namoota kuma shan nyaachisuu isaa

https://openbiblestories.org/l/om/story-30/

![](https://cdn.door43.org/obs/jpg/360px/obs-en-30-01.jpg)

Yesuus gandoota adda addaa baay’ee keessatti akka lallabanii fi akka barsiisaniif ergamoota isaa erge. Isaanis gara Yesuus turetti yommuu deebi’an, waan godhan isatti in himani. Sana booddee Yesuus haroo gamatti ce’anii iddoo tasgabbiin jirutti isa wajjin akka deeman yeroo muraasaaf akka boqonnaa fudhataniif isaan in affeere. Kanaafuu bidiruu keessa galanii haroo gamatti ce’ani.

![](https://cdn.door43.org/obs/jpg/360px/obs-en-30-02.jpg)

Garuu Yesuusii fi duuka buutotni isaa bidiruu keessa galani yommuu ce’an namootni argan baay’ee turani. Namootni kun isaan dursuuf galaanicha qarqara fiigani. Kanaafuu Yesuusii fi duuka buutotni isaa gara gama yommuu ga’an, namootni baay’een dursanii achitti argamanii isaan in eegu turan.

![](https://cdn.door43.org/obs/jpg/360px/obs-en-30-03.jpg)

Dubartootnii fi daa’imman utuu hin lakkaa’amin dhiirootiin 5000 ol turan. Yesuus namootaaf baay’isee isaaniif oo’e. Yesuusiif sabichi kuni akka hoolota tiksee hin qabnee turani. Kanaafuu isaan barsiiseetu dhibamoota isaan gidduu jiraanis in fayyise.

![](https://cdn.door43.org/obs/jpg/360px/obs-en-30-04.jpg)

Galgala sana duuka buutotni isaa akkana jedhanii itti himani, “Yeroon dhi’eera naannoo kana magaalotni hin jiran. Waan nyaatan akka bitataniif namoota kana gaggeessi.”

![](https://cdn.door43.org/obs/jpg/360px/obs-en-30-05.jpg)

Yesuus garuu bartoota isaatiin “Waan nyaatan isin isaanii kennaaf!” isaaniin jedhe. Isaanis, “Kana gochuuf akkamitti dandeenyaa? Kan qabnu buddeena shanii fi qurxummii lama qofaa dha” jedhaniin.

![](https://cdn.door43.org/obs/jpg/360px/obs-en-30-06.jpg)

Shantama shantama ta’anii akka marga irra taa’an akka isaanitti himan Yesuus duuka buutotasaatti hime.

![](https://cdn.door43.org/obs/jpg/360px/obs-en-30-07.jpg)

Sana booddees Yesuus buddeenicha shananii fi qurxummii lamaan qabatee gara waaqaa ol ilalee, waa’ee nyaatichaatiif Waaqayyoon galateeffate.

![](https://cdn.door43.org/obs/jpg/360px/obs-en-30-08.jpg)

Achumaanis Yesuus buddeenichaa fi qurxummicha cabse. Sabichaaf akka dhiyeessani duuka buutota isaatti kenne. Duuka buutotni isaa nyaaticha hiruu itti fufani, sirumaa hin dhumne! Sabichi hundumtuu nyaatanii quufani.

![](https://cdn.door43.org/obs/jpg/360px/obs-en-30-09.jpg)

Sana booddee duuka buutotni isaa nyaata irraa haafaa walitti qabani, innis gundoo kudha lama guutuu ture! Nyaatichi hundumtuu kan dhufe buddeenicha shananii fi qurxumichuma lamaan irraa ture.

*Seenaa Macaafa Qulqulluu: - Matt. 14:13-21, Marq. 6:31-44, Luq.10-17, Yoh. 6:5-15*

## 31. Yesuus Bishaan Irra Adeeme

https://openbiblestories.org/l/om/story-31/

![](https://cdn.door43.org/obs/jpg/360px/obs-en-31-01.jpg)

Achumaan Yesuus sabicha gaggeessaa utuu jiruu bidiruu keessa galanii bishaan irra gara gamaatti akka ce‘an duuka buutota isaatti hime. Yesuus sabicha erga gaggeesseen booddee kadhachuudhaaf gara tulluu irratti ol ba’e. Yesuus qophaa isaa achi ture, hamma halkan walakkaattis kadhate.

![](https://cdn.door43.org/obs/jpg/360px/obs-en-31-02.jpg)

Yeroo kana duuka buutotni isaa bidiruu isaaniitiin deemaa turani, hamma halkan walakkaatti isaan deemuuf kan danda’an amma walakkaa haroo sanaa qofatti ture. Qilleensi waan gara isaaniitti bubbisuuf rakkoo bay’eedhan oofaa turani.

![](https://cdn.door43.org/obs/jpg/360px/obs-en-31-03.jpg)

Yeroo sanatti Yesuus kadhata isaa xumuree gara duuka buutota isaa adeeme. Bishaan irra adeemaa haroo sana addaan kutee gara bidiruu isaanii dhaqe.

![](https://cdn.door43.org/obs/jpg/360px/obs-en-31-04.jpg)

Duuka buutotni isaa yommuu yesuusiin argan in sodaatani, sababiin isaas waan ekeraa argan isaanitti in fakkaate. Yesuus akka isaan sodaatan in beeke, kanaafuu isaan waametu “Hin sodaatina. Ana dha!” jedheen.

![](https://cdn.door43.org/obs/jpg/360px/obs-en-31-05.jpg)

Yommuu sana Pheexiroos Yesuusiin “Yaa barsiisaa, yoo si taate bishaan irra adeemee gara kee akkan dhufuuf na abboomi” jedheen. Yesuus Pheexiroosiin “Kottu” jedheen.

![](https://cdn.door43.org/obs/jpg/360px/obs-en-31-06.jpg)

Kanaafuu Pheexiroos bidiruu keessaa ba’ee bishaan irra gara Yesuusitti tarkaanfachuu jalqabe. Garuu karuma gabaabaa erga tarkaanfatee booddee ija isaa Yesuus irraa deebisee gara bishaanichaa ilaaluu qilleensi cimaanis itti dhaga’amuu jalqabe.

![](https://cdn.door43.org/obs/jpg/360px/obs-en-31-07.jpg)

Yeroo sana Pheexiroos sodaatee bishaaniin liqimfamuu jalqabe. “Yaa barsiisaa na baraari!” jedhee iyye. Yeroodhuma sana Yesuus harka isaa diriirsee isa qabe. Achumaan Pheexirosiin “Ati kan amantiin kee hanqate, maaliif mamte?” jedheen.

![](https://cdn.door43.org/obs/jpg/360px/obs-en-31-08.jpg)

Yommuu Yesuusii fi Pheexiros bidiruu keessa galan, qilleensichi battaluma sanatti bubbisu dhiisee gab jedhe. duuka buutotni isaa in ajaa’ibsiifatani. “Dhuguma ati Ilma Waaqayyoo ti jedhanii Yesuusiif in sagadani.

*Seenaa Macaafa Qulqulluu: - Matt.14:22-23, Marq.6:45-52, Joh.6:16-21*

## 32. Yesuus nama hafuurri xuraa’aan qabee fi dubartii dhukkubsatte in fayyise

https://openbiblestories.org/l/om/story-32/

![](https://cdn.door43.org/obs/jpg/360px/obs-en-32-01.jpg)

Gaafa tokko Yesuusii fi duuka buutotni isaa bidiruudhaan haroo kutaanii ce’anii naannoo gara namootiin Gergeesaa jiraatani in dhaqani.

![](https://cdn.door43.org/obs/jpg/360px/obs-en-32-02.jpg)

Haroo gamatti yommuu ce’an namichi hafuurri xuraa’aan qabate tokko fiigeet gara Yesuus dhufe.

![](https://cdn.door43.org/obs/jpg/360px/obs-en-32-03.jpg)

Namni kun eenyu illee isa to’achuuf kan hin dandeenye nama baay’ee jabaa ture. Namootni harkaa fi miilla isaa fuuncaa sibiilaatiin hidhanii ture, garuu fuuncaa sibiilichaa in kukkuta ture.

![](https://cdn.door43.org/obs/jpg/360px/obs-en-32-04.jpg)

Namtichi awwaalota naannoo sana jiran gidduu in jirata ture. Namni kun halkanii fi guyyaa hundumaa in iyya ture. Uffata hin uffatu ture, qaama isaas deddeebi’ee dhakaadhaan in hooqa ture.

![](https://cdn.door43.org/obs/jpg/360px/obs-en-32-05.jpg)

Namtichi gara Yesuus yommuu dhufe, dura isaatti jilbasaatiin lafatti kufee in sagadeef. Yesuus hafuuricha xuraa’aa sanan “Nama kana keessaa ba’i!” jedheen.

![](https://cdn.door43.org/obs/jpg/360px/obs-en-32-06.jpg)

Namtichi hafuurri xuraa’aan irra jiru suni sagalee guddaadhaan iyyee ilma Waaqayyoo isa mootii yaa Yesuus, ana irraa maal barbaaddaa? Adaraa kee ana hin dhiphisin!” jedhee sagalee guddaadhaan in iyye. Achumaan Yesuus “Maqaan kee eenyu dha?” jedhee gaafate. Innis “Nuti baay’ee dha, maqaan koos Leegewoni dha” jedhee deebbiseef. (“Leegewon” akka raayyaa loltoota warra Roomaatti kutaa loltoota kuma baay’ee kan qabate ture.)

![](https://cdn.door43.org/obs/jpg/360px/obs-en-32-07.jpg)

Hafuurotni xuraa’oon “Adaraa kee naannoo kana irraa nu hin fageessin!” jedhanii isa kadhatani. Gaara naannoo sanatti argamu irratti tuutni booyyee bobba’eetu ture. Kanaafuu hafuurotiin xuraa’oon Yesuusiin, “Adaraa kee kanarra gara booyyotaatti nu ergi” jedhanii kadhatani. Yesuus, “Dhaqaa!” jedheen.

![](https://cdn.door43.org/obs/jpg/360px/obs-en-32-08.jpg)

Hafuurotni xuraa’oon namichicha irraa ba’anii booyyotaatti in galani. Booyyotni randa irraa gaditti fiiganii haroodhaan nyaataman. Tuuticha keessa booyyota 2000 ta’antu turan.

![](https://cdn.door43.org/obs/jpg/360px/obs-en-32-09.jpg)

Namootni booyyota tiksaa turan waan ta’e yeroo argan gara magaalaatti fiiganii waan Yesuus godhe hundumaa nama argatan hundumaattuu in himani. Namootni magaalichaa dhufanii namicha hafuurri xuraa’oon irra turan in argani. Akkuma nama naga-qabeessaatti uffata isaa uffateetu tasgabbaa’ee taa’ee ture.

![](https://cdn.door43.org/obs/jpg/360px/obs-en-32-10.jpg)

Namootiin baay’ee waan sodaataniif Yesuus akka achii deemu isa gafatani. Kanaafuu Yesuus bidiruu keessa galee deemuudhaaf in qophaa’e. Namichi hafuurotni xuraa’oon keessaa turan Yesuus wajjin deemuuf isa kadhate.

![](https://cdn.door43.org/obs/jpg/360px/obs-en-32-11.jpg)

Yesuus garuu “Miti, gara mana keetti deebitee waan Waaqayyo siif godhe hundumaa fi akkamitti Waaqayyo akka si maare hiriyootaa fi maati keetti akka himtun barbaada” jedheen.

![](https://cdn.door43.org/obs/jpg/360px/obs-en-32-12.jpg)

Kanaafuu namtichi dhaqee waan Yesuus isaaf godhe hundumaa namootatti hime. Namni seenaa isaa dhaga’e hundumtuu ajaa’ibsiifachuunii fi dinqisiifachuun guutame.

![](https://cdn.door43.org/obs/jpg/360px/obs-en-32-13.jpg)

Yesuus gara haroodhaan gamatti deebi’ee. Achitti yommuu deebi’e namootiin baay’een naannoo isaatti walga’anii isa in muddan. Sabicha gidduu dubartiin waggoota kudha lamaaf dhiigni ishee dhangala’u tokkotu ture. Akka ishee fayyisaniif ogeessota fayyaaf maallaqa baay’ee kaffaltee turte, garuu ittuma caale.

![](https://cdn.door43.org/obs/jpg/360px/obs-en-32-14.jpg)

Yesuus namoota baay’ee akka fayyise dhageessee turte waan ta’eef, “Wayyaadhuma Yesuus yoon qaqqabadhe yommuus anis akkan fayyu ani nan amana” jetteetu yaadde. Kanaafuu Yesuus duubaan dhuftee wayyaa isaa in qaqqabatte. Akkuma wayyaa isaa qaqqabatteen dhangala’uun dhiigashee in dhaabate!

![](https://cdn.door43.org/obs/jpg/360px/obs-en-32-15.jpg)

Yeroodhuma sana, Yesuus akka humni isa keessaa ba’e in beeke. Kanaafuu of duubatti garagalee, “Eenyutu na qaqqabate?” jedhee gaafate. Duuka buutotni isaa, “Naannoo keetti walitti qabamanii kan si dhiiban namoota baay’een in jiru. Maaliif eenyutu na qaqqabate jettee gaafatta?” jedhanii deebisaniif.

![](https://cdn.door43.org/obs/jpg/360px/obs-en-32-16.jpg)

Dubartittiinis hoollachuudhaanii fi sodaa guddaadhaan Yesuus duratti kufte. Achumaan waan goote, akkasumas akka fayyite isatti in himte. Yesuusis “Amantiin kee si fayyiseera. Nagaadhaan deemi” jedheen.

*Seenaa Macaafa Qulqulluu: - Matt.8:28-34, 9:20-22, Marq.5:1-20, 5:24-34, Luq 8:26-39, 8:42-48*

## 33. Seenaa Qotee-bultichaa

https://openbiblestories.org/l/om/story-33/

![](https://cdn.door43.org/obs/jpg/360px/obs-en-33-01.jpg)

Gaafa tokko Yesuus hededa haroo qarqaratti saba baay’ee barsiisaa ture. Yesuus isaanitti dubbachuuf iddoo gahaa argachuuf bishaanicha qarqara bidiruu keessa gale hamma inni taa’utti namootiin baay’een isa dhaggeeffachuuf in dhufani. Bidiricha irra taa’ee sabicha in barsiise.

![](https://cdn.door43.org/obs/jpg/360px/obs-en-33-02.jpg)

Yesuus seenaa kana dubbate. “Qotee-bulaan tokko sanyii facaasuuf in ba’e. Harka isaatiin sanyicha yommuu facaasu tokko tokko karaa qarqaratti harca’e, simbirrootni dhufanii sanyicha hundumaa in nyaatani.”

![](https://cdn.door43.org/obs/jpg/360px/obs-en-33-03.jpg)

“Inni biraa iddoo biyyoon baay’een hin jirre dhakaa kattaa irratti in bu’e. Garuu hidda lafaa keessatti gadi fageeffachuu hin dandeenye. Yeroo biiftuun baatee itti hoo’e coolageetu goge.”

![](https://cdn.door43.org/obs/jpg/360px/obs-en-33-04.jpg)

“Ammas sanyiin inni biraa qoraattii gidduutti harca’e. Sanyiin kun biqiluu jalqabee, garuu qoraattichi in hudhe. Kanaafuu lafa qoree irratti kan biqiltuun biqile firii tokko illee hin buufanne.”

![](https://cdn.door43.org/obs/jpg/360px/obs-en-33-05.jpg)

“Sanyiin inni biraa lafa gaarii irratti harca’e. Sanyiin kun biqilee tokko 30, tokko 60, tokko ija dhibba in godhate. Kan gurra qabu haa dhaga’u!”

![](https://cdn.door43.org/obs/jpg/360px/obs-en-33-06.jpg)

Seenaan kun duuka buutota isaatti waan wallaalchisaa ta’e. Kanaafuu Yesuus akkana jedhee ibseef, “Sanyichi, sagalee Waaqayyooti. Karaan qarqarri nama sagalee Waaqayyoo dhaga’u dha, garuu hin hubatu, daabiloos sagalicha irraa in fudhata.”

![](https://cdn.door43.org/obs/jpg/360px/obs-en-33-07.jpg)

Lafa dhakaa kattaa irratti sanyiin faca’e nama sagalee Waaqayyoo dhaga’ee gammachuudhaan fudhatuu dha. Garuu gidiraan yookin ari’atamuun yommuu quunnamu amantii isaa in dhiisa.

![](https://cdn.door43.org/obs/jpg/360px/obs-en-33-08.jpg)

“Lafti qoraatichaa nama sagalee Waaqayyoo dhaga’uu dha, garuu yeroon booddee yaadni biyya lafaa kanaa, soorummaa fi gammachuun jaalala inni Waaqayyoof qabu in hudha. Kanaan kan ka’e kan inni dhaga’e dubbiin waaqayyoo ija hin godhatu.

![](https://cdn.door43.org/obs/jpg/360px/obs-en-33-09.jpg)

“Lafti gaariin garuu sagalee Waaqayyoo kan dhaga’u, kan amanuu fi nama ija godhatuu udha.”

*Seenaa Macaafa Qulqulluu: - Matt. 13:1-8, 18-23, Mar.4:1-8, 13-20, Luq.8:4-15*

## 34. Yesuus Seenaawwan biraa barsiise

https://openbiblestories.org/l/om/story-34/

![](https://cdn.door43.org/obs/jpg/360px/obs-en-34-01.jpg)

Yesuus waa’ee mootummaa Waaqayyoo seenaawwan biraa baay’ee in barsiise. Fakkeenyaaf akkana jedhe, “Mootummaan Waaqayyoo sanyii sanaaficaa namni qonna isaa keessatti facaase fakkaatti. Isheen sanyii hundumaa caalatti xinnoo dha.”

![](https://cdn.door43.org/obs/jpg/360px/obs-en-34-02.jpg)

“Sanyiin sanaaficaa kun yommuu guddatte garuu simbirrootni dhufanii irratti kan boqotan hamma taatutti guddattee biqiltoota iddoo ashaakiltii sana keessa jiran hundumaa in caalti.”

![](https://cdn.door43.org/obs/jpg/360px/obs-en-34-03.jpg)

Yesuus seenaa biraa hime, “Mootuummaan Waaqayyoo raacita dubartiin fudhattee hamma bukoon hunduu bukaa’utti daakuudhaan makte fakkaata.”

![](https://cdn.door43.org/obs/jpg/360px/obs-en-34-04.jpg)

“Akkasumas mootummaan Waaqayyoo qabeenya namni lafa qonnaa keessa dhokse fakkaatti. Namni biraa qabeenyicha argatee deebisee in awwaale. Baay’ee gammachuudhaan guutamee waan tureef waan qabu hundumaa gurguree maallaqa isaatiin lafa qonnichaa in bite.”

![](https://cdn.door43.org/obs/jpg/360px/obs-en-34-05.jpg)

“Akkasumas mootuummaan Waaqayyoo callee gatiin ishee baay’ee guddaa ta’e fakkaatti. Daldalaan callee ishee yommuu argate waan qabu hundumaa gurgureetu bite.”

![](https://cdn.door43.org/obs/jpg/360px/obs-en-34-06.jpg)

Sana booddee Yesuus waa’ee warra hojii mataa isaanii isa gaarii amanatanii fi namoota biraa tuffatanii seenaa namootaa tokko tokkoo dubbate. “Namootni lama kadhachuuf gara mana qulqullummaa dhaqani. Inni tokko qaraxa walitti qabaa yoo ta’u inni biraa gaggeessaa amantaa ture” jedhe.

![](https://cdn.door43.org/obs/jpg/360px/obs-en-34-07.jpg)

“Gaggeessaan amantaa sun akkana jedhee kadhate, “Yaa Waaqayyo ani akka namoota biraa hundaa –kan akka saamtotaa fi hamootaa ejjitootas, akka namicha qaraxxuu sanaayyuu waanan hin taaneef sin galateeffadha.”

![](https://cdn.door43.org/obs/jpg/360px/obs-en-34-08.jpg)

“Fakkeenyaaf ani torbeetti yeroo lama nan sooma, qabeenya koo keesssaa kudhan keessaa tokko nan kenna.”

![](https://cdn.door43.org/obs/jpg/360px/obs-en-34-09.jpg)

“Qaraxa walitti qabaan suni garuu gaggeessaa amantaa irraa fagaatee dhaabatee, gara samii illee ol hin ilaalle, qoma isaa harka isaatiin rukutaa ‘Yaa Waaqayyo ani cubbamaa waanan ta’eef adaraa na maari’ Jedhee kadhate.

![](https://cdn.door43.org/obs/jpg/360px/obs-en-34-10.jpg)

Sana boddee Yesuus akkana jedhe, “Dhuguman isiniin jedha, Waaqayyo kadhata qaraxa walitti qabaa dhaga’ee ati nama tolaa dha jedheen. Kadhata gaggeessaa amantaa sanaa garuu hin jallanne. Waaqayyo kan of ol of qabu gadi in deebisa, kan of gadi deebisu garuu ol in qaba.”

*Seenaa Macaafa Qulqulluu: - Matt.13:31-33, 44-46, Mar. 4:30-32, Luq.13:18-21, 18:9-14*

## 35. Seenaa abbaa gara laafessaa

https://openbiblestories.org/l/om/story-35/

![](https://cdn.door43.org/obs/jpg/360px/obs-en-35-01.jpg)

Gaafa tokko Yesuus qaraxa walitti qabdoota baay’ee fi isa dhaggeeffachuuf cubbamoota walitti qabaman kan biraa barsiisee ture.

![](https://cdn.door43.org/obs/jpg/360px/obs-en-35-02.jpg)

Akkasumas gaggeesitotni amantaa achi turan Yesuus cubbamoota jaalallee godhatee yommuu simatu in argani, walii walii isaaniitti himaniis isa tufachuu jalqabani. Kanaafuu Yesuus seenaa kana isaanitti hime.

![](https://cdn.door43.org/obs/jpg/360px/obs-en-35-03.jpg)

Namicha ijoollee lama qabu tokkotu ture. Ilmi isaa inni xinnaan yaa abbaa ko qabeenya kee keessaa qooda koo amma anaaf kenni jedheen. Kanaafuu abbaan ilmaan isaa lamaaniif addaan in hireef.

![](https://cdn.door43.org/obs/jpg/360px/obs-en-35-04.jpg)

“Ilmi isaa inni quxisuun yeroodhuma sana waan qabu walitti qabatee gara biyya fagoo deemee cubbuudhaan jiraachuudhaan maallaqa isaa balleesse.”

![](https://cdn.door43.org/obs/jpg/360px/obs-en-35-05.jpg)

“Sana booddee ilmi isaa inni xinnaani biyya turetti beelli hamaan ta’e, maallaqa nyaata ittiin bitatu hin qabu ture. Kanaafuu hojiin inni argachuuf danda’us booyyeef nyaata laachuu qofa waan tureef isa hojjechuu jalqabe. Baay’ee waan hubamee fi beela’ee waan tureef nyaata booyyotni nyaatan nyaachuuf in dharra’a ture.”

![](https://cdn.door43.org/obs/jpg/360px/obs-en-35-06.jpg)

“Dhuma irratti, ilmi isaa inni xinnaan akkana ofiin jedhe, ‘Maalan gochaa jira? Hojjettootni abbaa koo hundumtuu nyaata nyaatan baay’ee qabu ani garuu beela’eera. Gara abbaa kootti deebi’ee deemeen hojjettoota isaa keessaa tokko akka na godhatu nan kadhadha.”

![](https://cdn.door43.org/obs/jpg/360px/obs-en-35-07.jpg)

Kanaafuu ilmi isaa inni xinnaan gara mana abbaa isaatti deebi’uu in jalqabe. Utuudhuma fagoo jiruu abbaan isaa argee in gaddeef. Gara ilma isaatti fiigee hammatee in dhungates.”

![](https://cdn.door43.org/obs/jpg/360px/obs-en-35-08.jpg)

“Ilmi isaas akkana jedhe, ‘Yaa abbaa koo Waaqayyoo fi siin yakkeera. Ilma kee jedhamuun naaf hin ta’u.”’

![](https://cdn.door43.org/obs/jpg/360px/obs-en-35-09.jpg)

“Abbaan isaa garuu hojjettoota isaa keessaa isa tokkoon akkana jedheen, “Daddafii dhaqiitii wayyaa gaari fidiitii ilma kootti uwwisi! quba isaatiif qubeellaa miilla isaatiif kophee godhiif. Sana booddee nyaannee akka gammadnuuf jibicha gabbataa fidaatii qalaa, sababiin isaas ilmi koo kun du’ee ture, jiraataa ta’eera, badee ture amma garuu argameera.”

![](https://cdn.door43.org/obs/jpg/360px/obs-en-35-10.jpg)

“Kanaafuu namootiin gammaduu in jalqabani. Baay’ee utuu hin turiin, obboleessi inni hangafni iddoo qotaa turee gara manaa dhufee sagalee muuziqaa fi sirbaa in dhaga’e. Maaltu ta’aa jira jedhees ajaa’ibsiifate”.

![](https://cdn.door43.org/obs/jpg/360px/obs-en-35-11.jpg)

“Ilmi inni hangafni obboleessi isaa dhufnaan gammada akka jiran yommuu beeke, baay’ee waan aareef gara manaatti galuudhaaf fedha qabeessa hin taane. Abbaan isaa gadi ba’eeti gara manaatti akka galee isaan wajjin gammaduuf isa in kadhate. Inni garuu in dide.”

![](https://cdn.door43.org/obs/jpg/360px/obs-en-35-12.jpg)

Ilmi isaa inni hangafni abbaa isaatiin akkana jedheen, “Baroota kana hundumaa amanamummaadhaan siif hojjedheera! Abboommii kee tokko illee irra hin darbine, hamma ammaatti hiriyoota koo wajjin akkan gammaduuf korbeessa re’ee tokko illee anaaf hin kennine. Cubbuu gochuudhaan maallaqa kee kan balleesse ilmi kee kuni gara manaatti yommuu dhufe garuu jibicha gabbate in qalteef!”

![](https://cdn.door43.org/obs/jpg/360px/obs-en-35-13.jpg)

Abbaan isaas akkana jedhee deebiseef, “Yaa ilma koo ati yeroo hundumaa ana wajjin jirta, kanan qabu hundinuus kan kee ti. Gammaduun keenya garuu sirrii dha, sababiin isaas obboleessi kee du’ee ture, amma garuu jiraataa ta’eera. Badee ture, amma garuu argameera!”

*Seenaa Macaafa Qulqulluu: - Luq. 15: 11-32*

## 36. Bifti Yesuus jijjiirame

https://openbiblestories.org/l/om/story-36/

![](https://cdn.door43.org/obs/jpg/360px/obs-en-36-01.jpg)

Gaafa tokko Yesuus bartoota isaa sadeen Pheexiroos, Yaaqoobi fi Yohaannis (Yohaannis isa Yesuusiin cuuphe miti) qabatee kadhachuuf gara tulluu dheeraatti ol ba’ani.

![](https://cdn.door43.org/obs/jpg/360px/obs-en-36-02.jpg)

Yesuus utuudhuma kadhata irra jiruu, fuulli isaa akka biiftuutti ife, wayyaan isaas akkuma ifaatti adii ta’e, namni lafa irra jiru miicee addeessuu sadarkaa hin dandeenyetti baay’ee addaate.

![](https://cdn.door43.org/obs/jpg/360px/obs-en-36-03.jpg)

Yommuus Musee fi raajichi Eeliyaas in mul’tan. Namootni kuni bara dhibbaatamaan lakkaa’amuun duratti lafa irra jiraatu turani. Yeroo dhiyootti Yeruusaalem keessatti kan ta’uu waa’ee du’a isaatii Yesuus wajjin dudubbatani.

![](https://cdn.door43.org/obs/jpg/360px/obs-en-36-04.jpg)

Musee fi Eeliyaas Yesuus wajjin dudubbachaa utuu jiranii Pheexiroos Yesuusiin, “Asi ta’uun keenya nuuf gaarii dha, godoo sadii, tokko siif tokko Museedhaaf, tokko Eeliyaasiif in ijaarra” jedhe. Pheexiros waan dubbatu hin beeku ture.

![](https://cdn.door43.org/obs/jpg/360px/obs-en-36-05.jpg)

Pheexiroos dubbachaa utuu jiruu, duumessi ifa of keessaa qabu isaanitti uffise. Sagaleen duumessichaa keessaa dubbate akkas jedhe, “Kuni ilma koo isa ani jaalladhu, gammachuun koos isatti in raawwatama, isa dhaga’aa!” Jedheen. Duuka buutotni sadan sagalicha dhaga’anii sodaatanii lafa irratti kufani.

![](https://cdn.door43.org/obs/jpg/360px/obs-en-36-06.jpg)

Yommus Yesuus isaan qaqqabatee, “Hin sodaatinaa! Ka’aa” isaaniin jedhe. Naannoo isaanii yommuu ilaalan Yesuus duwwaa malee eenyuyyuu hin ture.

![](https://cdn.door43.org/obs/jpg/360px/obs-en-36-07.jpg)

Yesuusii fi duuka buutotni sadan gaaricha irraa gadi bu’an. Yommuu sana Yesuus akkana isaaniin jedhe, “Waan asitti ta’e nama tokkotti iyyuu hin himinaa! Ani dhiyootti nan du’a, jiraataas nan ta’a. Sana booddee namootatti dubbachuu in dandeessu.”

*Seenaa Macaafa Qulqulluu: - Matt.17:1-9, Mar.9: 2-8, Luq. 28-36*

## 37. Yesuus Alaazaariin du’aa kaase

https://openbiblestories.org/l/om/story-37/

![](https://cdn.door43.org/obs/jpg/360px/obs-en-37-01.jpg)

Gaafa tokko Alaazaar baay’ee dhukkubsate ergaan jedhu Yesuusiin qaqqabe. Alaazaari fi obbolaan isaa dubaraa lamaan Maariyaamii fi Maartaan Yesuusiif michuuwwan itti dhiyaatan turani. Yesuus dubbii kana yommuu dhaga’e “Dhukkubni kun, ulfina Waaqayyoo akka mul’isuufi malee du’aaf miti” jedhe. Yesuus michuuwwan isaa in jaallata ture, haa ta’u malee guyyaa lamaaf iddoodhuma jiru ture.

![](https://cdn.door43.org/obs/jpg/360px/obs-en-37-02.jpg)

Guyyaan lamaan erga darbanii booddee Yesuus duuka buutota isaatiin “Gara Yihuudaa haa dhaqnu” jedheen. “Garuu yaa barsiisaa, ‘Yeroo muraasa dura sabni naannoo sana jiran si ajjeesuuf in barbaadu ture” jedhanii duuka buutotni isaa deebisaniif. “Alaazaar michuun keenya rafeera, ani hirribasaa irraa isa dammaqsuuf nan deema” isaaniin jedhe.

![](https://cdn.door43.org/obs/jpg/360px/obs-en-37-03.jpg)

Duuka buutotni Yesuus “Yaa Gooftaa, Alaazaar yoo kan rafe ta’ellee in fayya!” jedhanii isaaf deebisani. Yommuu sana Yesuus ibsee isaanitti hime, “Alaazaar du’eera, isin anatti amanuu akka dandeessaniif ani achi jiraachuu dhabuu kootti gammadeera.”

![](https://cdn.door43.org/obs/jpg/360px/obs-en-37-04.jpg)

Yesuus gara magaalaa Alaazaar itti dhalatee yommuu ga’e, Alaazaar erga du’ee guyyaa afur ta’ee ture. Maartaan Yesuusiin simachuuf baatee akkana jette, “Yaa Gooftaa, utuu ati as jiraattee obboleessi koo hin du’u ture. Garuu waanuma ati isa kadhatte Waaqayyo akka siif kennu nan amana.”

![](https://cdn.door43.org/obs/jpg/360px/obs-en-37-05.jpg)

Yesuus akkana jedhee isheef deebise, “Ani du’aa ka’uu fi jireenya dha. Namni anatti amanu yoo du’e iyyuu jiraataa in ta’a. Kan anatti amanu hundinuu immoo hin du’u, kana amantaa ree? Maartaanis “Eeyeen Gooftaa, ati Kristos, Ilma Waaqayyoo akka taate amaneera” jettee deebifteef.

![](https://cdn.door43.org/obs/jpg/360px/obs-en-37-06.jpg)

Achumaan Maariyam dhuftee miilla Yesuus jalatti kuftee “Gooftaa koo, ati as jiraatte utuu ta’ee obboleessi koo hin du’us ture!” jette. Yesuusis, “Alaazaariin essa keessani?” jedhee isaan gaafate. “Awwaala keessa dha koottuutii ilaali” jedhanii itti himani. Achumaan Yesuus in boo’e.

![](https://cdn.door43.org/obs/jpg/360px/obs-en-37-07.jpg)

Awwaalichi holqa ture, dhakaanis itti qadaadamee ture. Yesuus gara awwaalichaa yommuu ga’e dhakicha irraa gangalchaa jedhee isaanitti hime. Maartaan garuu “Erga du’ee guyyaa afur ta’eera, amma in xiraa’a” isaan jette.

![](https://cdn.door43.org/obs/jpg/360px/obs-en-37-08.jpg)

Yesuus, “Anatti yoo amante illee ulfina Waaqayyoo akka argitu ani sitti hin himnee?” isheedhaan jedhe. Kanaafuu dhakicha in gangalchani.

![](https://cdn.door43.org/obs/jpg/360px/obs-en-37-09.jpg)

Sana booddee Yesuus ol ilaalee “Abbaa koo waan ana dhageessuuf sin galateeffadha, yeroo hunda akka ati na dhageessu nan beeka, haa ta’u malee akka ati na ergite akka amananiif warra as dhaabatan namoota kana hundumaaf jedheen kana jedha” jedhe. Achumaan Yesuus, “Yaa Alaazaar gara alaatti koottu! jedhee iyye.

![](https://cdn.door43.org/obs/jpg/360px/obs-en-37-10.jpg)

Kanaafuu Alaazaar in ba’e! Akkuma kafanametti ture. Yesuusis “Hiikaatii haa deemu gadi dhiisa!” isaaniin jedhe. Sababa raajii kanaatiif Yihuudota keessaa baay’een Yesuusitti amanan.

![](https://cdn.door43.org/obs/jpg/360px/obs-en-37-11.jpg)

Hangafootni amantaa Yihuudotaa garuu isatti in hinaafani. Kanaafuu Yesuusii fi Alaazaariin akkamitti ajjeessun akka isaanirra jiru karoora baafachuuf walitti qabamani.

*Seenaa Macaafa Qulqulluu: Yohaannis 11:1-46*

## 38. Yesuus dabarfamee kenname

https://openbiblestories.org/l/om/story-38/

![](https://cdn.door43.org/obs/jpg/360px/obs-en-38-01.jpg)

Yihuudotiin waggaa waggaadhaan ayyaana Faasigaa kabaju turan. Ayyaanni kun waggoota baay’een dura Waaqayyoo akkamitti akaakiliiwwan isaanii garbummaa biyya Gibxiitti jalaa akka baase yaadachuudhaan kan kabajamu ture. Yesuus ifaan ifatti lallabuu fi barsiisuu erga jalqabee, gara waggaa sadiin booddee ayyaana faasigaa kana Yeruusaalemitti isaan wajjin kabajuuf akka barbaade, achittis akka ajjeefamu duuka buutota isaatti hime.

![](https://cdn.door43.org/obs/jpg/360px/obs-en-38-02.jpg)

Duuka buutota Yesuus keessaa tokko namni Yihuudaa jedhamee waamamutu ture. Yihuudaan itti gaafatamaa maallaqaa ergamootaa ture, garuu maallaqa waan jaallatuuf yeroo baay’ee korojoo keessaa in hata ture. Yesuusii fi duuka buutotni isaa Yeruusaalem erga ga’ani booddee Yihuudaan gara gaggeessitoota Yihuudotaa dhaqee Yesuusiin maallaqaan dabarsee isaanitti kennuudhaaf walii gale. Yesuus Masihi ta’uu isaa gaggeessitootni Yihuudotaa akka haalanii fi ajjeesuuf akka isatti malan in beeke.

![](https://cdn.door43.org/obs/jpg/360px/obs-en-38-03.jpg)

Gaggeessitotni Yihuudotaa hangafa lubootaatiin gaggeeffamanii dabarsee akka isaanitti kennuuf qarshii soddoma Yihuudaatii in kennaniif. Akkuma raajotni raajanitti kuni in ta’e. Yihuudaan walii galee qarshicha fudhatee deeme. Yesuusiin akka qabaniif gargaaruuf yeroo miija’aa barbaaduu jalqabe.

![](https://cdn.door43.org/obs/jpg/360px/obs-en-38-04.jpg)

Yeruusaalem keessatti Yesuus duuka buutota isaa wajjin ayyaana faasigaa kabaje. Yeroo nyaata faasigaatti Yesuus buddeena fuudhee cabse. Akkanas jedhe, “Hoo’aa kana nyaadhaa. Kuni isiniif jedhamee kan kenname foon koo ti. Kana yaadannoo kootiif godhadhaa.” Akkanatti Yesuus foon isa waa’ee isaaniif akka wareegamu isaanitti hime.

![](https://cdn.door43.org/obs/jpg/360px/obs-en-38-05.jpg)

Achumaan Yesuus xoofoo kaaseetu “Kana dhugaa. Dhiifamuu cubbuutiif kan dhangala’u dhiiga koo isa kakuu haaraa ti. Kana yommuu dhugdan hunda yaadannoo kootiif godhadhaa.”

![](https://cdn.door43.org/obs/jpg/360px/obs-en-38-06.jpg)

Achumaan Yesuus duuka buutota isaatiin “Isin keessaa tokko dabarsee ana kenna” isaaniin jedhe. Duuka buutotni isaa in rifatan, waan akkanaa eenyutu godha jedhaniis in gaafatani. Yesuus, “Cabaa Buddeenaa kana namni ani itti kennu inni dabarsee na kenna” jedhe. Kana booddee buddenicha Yihuudaatti kenne.

![](https://cdn.door43.org/obs/jpg/360px/obs-en-38-07.jpg)

Yihuudaan buddeenicha erga fudhatee booddee seexanni itti gale. Yihuudaan Gaggeessitootni Yihuudotaa Yesuusiin akka qabaniif isaan gargaaruuf dhaqe. Yeroon isaa galgala ture.

![](https://cdn.door43.org/obs/jpg/360px/obs-en-38-08.jpg)

Yesuusii fi duuka buutotni isaa irbaata erga nyaataniin booddee gara Dabra zayitii dhaqani. Yesuus, “Har’a galgala isin hunduu ana in dhiiftu. ‘Tiksicha nan rukuta hoolotni hunduus in bittimmaa’u jedhamee barreeffameera” jedhe.

![](https://cdn.door43.org/obs/jpg/360px/obs-en-38-09.jpg)

Pheexiroos, “Yoo warri biraa hundi si dhiisan illee ani garuu kana hin godhu!” jedhee deebise. Yommuu sana Yesuus Pheexiroosiin akkana jedheen, “Seexanni hunduma keessan fudhachuuf in barbaada ani garuu Pheexiroos akka amantaan kee hin dadhabneef sii kadhadheera. Akkas ta’ees garuu haar’a galgala utuu indaaqqoon hin iyyiin dura akka ana hin beekne illee yeroo sadii na ganta.”

![](https://cdn.door43.org/obs/jpg/360px/obs-en-38-10.jpg)

Yeroo sana Pheexiroos Yesuusiin, “Du’uun yoo narra jiraate illee ani si hin dhiisu” isaan jedhe. Duuka buutotni isaa kan biraas akkanuma jedhani.

![](https://cdn.door43.org/obs/jpg/360px/obs-en-38-11.jpg)

Kana booddee Yesuus duuka buutota isaa wajjin gara bakka Geetesemaanii jedhamuu in deeme. Gara qorumsaatti akka hin galleef akka kadhatan Yesuus duuka buutota isaatti in hime. Sana booddee Yesuus qophaa isaa kadhachuuf in deeme.

![](https://cdn.door43.org/obs/jpg/360px/obs-en-38-12.jpg)

Yesuus yeroo sadii kadhate, “Abbaa koo, yoo siif danda’ame xoofoo gidiraa kana akkan hin dhugne godhi. Garuu cubbuu namoota kan ittiin dhiisamu karaan biraa yoo hin jirre, akka fedha kee haa ta’u.” Yesuus baay’ee jeeqame dhafqi isaa akka coccoba dhiigaa ture. Waaqayyo isa jajjabeessuuf ergamaa erge.

![](https://cdn.door43.org/obs/jpg/360px/obs-en-38-13.jpg)

Tokkoo tokkoo yeroo kadhata isaa booddee Yesuus gara duuka buutota isaatti in deddeebi’e, isaan garuu rafanii turan. Yeroo sadaffaa yommuu deebi’e garuu “Ka’aa dabarsee kan ana keenu as jiraa” jedhe.

![](https://cdn.door43.org/obs/jpg/360px/obs-en-38-14.jpg)

Yihuudaan gaggeessitoota Yihuudotaa, loltootaa fi saba baay’ee wajjin dhufe. Halbee fi ulee qabatanii turan. Yihuudaan gara Yesuus dhufeetu, “Yaa barsiisaa nagaan siif haa ta’u” jedhee isa dhungate. Kunis gaggeessitootni Yihuudotaa eenyuun akka qaban mallattoo kan ta’u ture. Achumaan Yesuus “Yihuudaa, dhungachuudhaan dabarsitee ana kennitaa?” jedhe.

![](https://cdn.door43.org/obs/jpg/360px/obs-en-38-15.jpg)

Akkuma loltootni Yesuusiin qabaniin Pheexiroos halbee isaa luqqifatee gurra tajaajilaa hangafa lubootaa kute. Yesuus, “Halbee kee iddoo isaatti deebisi! Akka anarraa faccisaniif raayyaa ergamootaa akka naaf ergu Abbaa koo gaafachuu nan danda’a” jedheen. Achumaan Yesuus gurra namichichaa in fayyise. Yesuus erga qabamee booddee duuka buutotni isaa hunduu in baqatan.

*Seenaa Macaafa Qulqulluu: - Matt. 26:14-56, Mar. 14:10-50, Luq. 22:1-53, Yoh. 12:6, 18:1-11*

## 39. Yesuus firdiitti dhiyaate

https://openbiblestories.org/l/om/story-39/

![](https://cdn.door43.org/obs/jpg/360px/obs-en-39-01.jpg)

Amma yeroonsaa halkan walakkaa ture. Hangafti lubootaa akka isa gaafatuuf loltootni gara mana hangafa lubootaatti isa geessani. Pheexiroos irraa fagaatee isaan duukaa in bu’e. Yommuu Yesuusiin gara manaatti ol galchan Pheexiroos alaa ibidda qaqqaammata ture.

![](https://cdn.door43.org/obs/jpg/360px/obs-en-39-02.jpg)

Manicha keessatti geggeessitootni Yihuudotaa Yesuusiin firdiitti dhiyeessani. Waa’ee isaa sobaan kan dubbatan dhuga-baatuu sobaa baay’ee fidani. Haa ta’u malee dubbiin isaanii walii hin galle! Kanaafuu hangafootni Yihuudotaa waanuma kamiin iyyuu Yesuusiin yakkamaa ta’uu isaa itti mirkaneessuuf hin dandeenye.

![](https://cdn.door43.org/obs/jpg/360px/obs-en-39-03.jpg)

Dhuma irratti, hangafni lubootaa kallattiitiin ilaalee nutti himi ati Masihicha Ilma Waaqayyo isa jiraataa tii?” jedheen.

![](https://cdn.door43.org/obs/jpg/360px/obs-en-39-04.jpg)

Yesuus, “Ana dha, akkasumas Waaqayyoo wajjin taa’ee waaqa irraa yommuun dhufu ati in argita.” jedheen. Hangafti lubootaa dheekkamuudhaan wayyaa isaa tarsaasee gara gaggeessitoota amantaa isaan kaanitti garagalee, “Dhuga-baatotni biroo nu hin barbaachisani! Ani Ilma Waaqayyoo ti jechuu isaa dhageessaniittu. Firdiin keessan maali dha?” jedheetu iyye.

![](https://cdn.door43.org/obs/jpg/360px/obs-en-39-05.jpg)

Gaggeessitootni Yihuudotaa hundumtuu, “Du’uutu isaaf ta’a” jedhanii hangafa lubootaatiif deebisani. Achumaan Yesuusiin fuula isaa in haguuganii, itti tufani, in rukutani, isatti ga’isani.

![](https://cdn.door43.org/obs/jpg/360px/obs-en-39-06.jpg)

Pheexiroos alatti utuu eeggachaa jiruu hojjettuun mana keessaa tokko isa argiteetu, “Ati immoo Yesuus waliin turte!” isaan jette. Pheexiroos isa isheen dubbatte in gane. Sana booddee hojjettuun mana keessaa kan biraa akkasuma jettee dubbatte, Pheexiroosis ammas in gane. Dhuma irratti sabichi “Isin lachanuu Galiilaa irraa waan taataniif ati Yesuus wajjin ta’uu kee in beekna” jedhani.

![](https://cdn.door43.org/obs/jpg/360px/obs-en-39-07.jpg)

Achumaan Pheexiroos, “Yoo ani nama kana kanan beeku ta’e abaarsi Waaqayyoo ana irra haa ta’u!” jedhee kakate. Achumaan indaaqqoon in iyye. Yesuusis garagalee Pheexiroos ilaale.

![](https://cdn.door43.org/obs/jpg/360px/obs-en-39-08.jpg)

Pheexiroos dhaqeetu baay’ee gaddee boo’e. Kuni kanaan utuu jiruu, Yesuusin dabarsee kan kenne Yihuudaan hangafootni Yihuudotaa akka du’uuf Yesuusitti akka faradan arge. Yihuudaan gaddaan guutamee of ajjeese.

![](https://cdn.door43.org/obs/jpg/360px/obs-en-39-09.jpg)

Ganamasaa bariidhaan gaggeessitootni Yihuudotaa Yesuusiin gara bulchaa warra Roomaa gara Philaaxoos in geessani. Philaaxoos Yesuusiin ati yakkamaa dha jedhee du’aan akka adabamu godha jedhanii abdii godhatanii turani. Philaaxoos Yesuusiin, “Ati mootii Yihuudotaa tii?” jedhee isa gaafate.

![](https://cdn.door43.org/obs/jpg/360px/obs-en-39-10.jpg)

Yesuus akkana jedhee deebiseef, “Atiyyuu jette, garuu mootummaan koo mootummaa lafa irraa miti. Utuu akkas ta’ee, tajaajiltootni koo anaaf in lolu turan. Waa’ee Waaqayyoo dhugaasaa himuudhaaf gara biyya lafaa dhufeera. Kan dhugaa jaallatu hundumtuu ana dhaga’a.” Philaaxoos “Dhugaan maali dha?” jedheen.

![](https://cdn.door43.org/obs/jpg/360px/obs-en-39-11.jpg)

Philaaxoos Yesuusii wajjin erga dudubbateen booddee gara sabichaatti ba’eeti “Nama kana irratti yakka tokko illee hin argine” jedhe. Gaggeessitotni Yihuudotaa fi sabichi garuu “fannisi!’’ jedhanii iyyani. Philaaxoos, “Yakkamaa miti” jedhee isaaniif deebise. Isaan garuu itti caalchisanii iyyani. Achumaan Philaaxoos yeroo sadaffaadhaaf “Yakka hin qabu!” jedhe.

![](https://cdn.door43.org/obs/jpg/360px/obs-en-39-12.jpg)

Philaaxoos sabichi jeequmsa kaasa jedhee sodaate, kanaafuu Yesuusiin akka fannisaniif loltoota ajaje. Loltootni warra Roomaa Yesuusiin garafanii uffata diimaa isatti uwwisani, akkasumas gonfoo qoraattii mataa isaa irra kaa’ani. Achumaan “Kunoo mootii Yihuudotaa!” jechuudhaan isatti ga’isani.

*Seenaa Macaafa Qulqulluu: - Matt. 26:57-27:26, Mar. 14:14:53-15:15, Luq. 22:54-23:25, Yoh. 18:12-19:16*

## 40. Yesuus in fannifame

https://openbiblestories.org/l/om/story-40/

![](https://cdn.door43.org/obs/jpg/360px/obs-en-40-01.jpg)

Loltootni Yesuusitti erga ga’isanii booddee fannisuudhaaf geessani. Isa irratti du’us akka baatu in godhani.

![](https://cdn.door43.org/obs/jpg/360px/obs-en-40-02.jpg)

Loltootni Yesuusiin “Lafee mataa” iddoo jedhamee waamamutti fidanii harka isaa fi miilla isaa fannicha irratti cimsanii hidhani. Yesuus garuu, “Yaa Abbaa koo waan godhan hin beekaniitii ati isaaniif dhiisi” jedhe. Philaaxoos mallattoo irratti “Mootii Yihuudotaa” jedhanii barreessanii mataa Yesuusiin olitti fannicha irra akka godhan ajaje.

![](https://cdn.door43.org/obs/jpg/360px/obs-en-40-03.jpg)

Loltootni wayyaa Yesuus irratti muka buufatani. Yommuu kana godhan “Uffata koo hirmaatani. Uffata koo irrattis muka buufatani!” raajii jedhu raawwatan.

![](https://cdn.door43.org/obs/jpg/360px/obs-en-40-04.jpg)

Yesuus yakkamtoota lama gidduutti fannifame. Inni tokko Yesuusitti ga’ise, inni kan biraa garuu, “Ati Waaqayyoon hin sodaattuu? Nuti yakkamoo dha, namni kun garuu yakka hin qabu” jedhe. Achumaan Yesuusiin “Adaraa kee mootummaa keetti na yaadadhu” isaan jedhe. Yesuus, “Har’a jennata keessa na wajjin in taata” jedhee deebiseef.

![](https://cdn.door43.org/obs/jpg/360px/obs-en-40-05.jpg)

Gaggeessitoota Yihuudotaa fi sabicha gidduu kan turan namootni kan biraan Yesuusitti ga’isani. “Yoo ati Ilma Waaqayyoo taate fannicha irraa bu’iitii of baasi! Sana booddee nuti sitti in amanna” jedhaniin.

![](https://cdn.door43.org/obs/jpg/360px/obs-en-40-06.jpg)

Yeroon isaa walakkeessa guyyaa yoo ta’e illee, naannoo sana hundumaa irratti samiin dukkana limixii ta’e. Walakkeessa guyyaa tii jalqabee hamma sa’aatii sagalitti akkuma dukkanaa’etti ture.

![](https://cdn.door43.org/obs/jpg/360px/obs-en-40-07.jpg)

Sana booddee Yesuus “Raawwatame! Yaa Abbaa koo lubbuu koo harka keettan kennadha” jedhee iyye. Achumaan mataa isaa gadi qabatee hafuura isaa kenne. Yommuu inni du’e sochiin lafaa in ta’e. Namoota iddoo itti argamuu Waaqayyoo irraa addaan kan baasu golgaan mana qulqullummaa keessa ture gaaraa qabee hamma dakaatti bakka lamatti tarsa’e.

![](https://cdn.door43.org/obs/jpg/360px/obs-en-40-08.jpg)

Yesuus du’uu isaatiin namootaaf karaa gara Waaqayyootti ittiin dhufan bane. Loltuuni Yesuusiin eegaa ture tokko waan ta’e hundumaa yommuu arge, “Dhugaadhumatti namni kuni yakka hin qabu. Ilma Waaqayyoo ti” jedhe.

![](https://cdn.door43.org/obs/jpg/360px/obs-en-40-09.jpg)

Yeroo sana Yesuus Masihi ta’uu isaa kan amanan gaggeessitootni Yihuudotaa lama, Yoseefii fi Niqoodimos akka reeffa Yesuus isaanitti kennuuf Philaaxoosiin in kadhatani. Reeffa isaa wayyaadhaan maranii awwaala dhakaa kattaa irraa tolfame keessa kaa’ani. Achumaan balbala isaa cufuuf dhakaa guddaa itti gangalchani.

*Seenaa Macaafa Qulqulluu: - Matt. 27:27-61, Mar.15:16-47, Luq. 23: 26-56, Yoh. 19:17-42*

## 41. Waaqayyo Yesuusin du’aa in kaase

https://openbiblestories.org/l/om/story-41/

![](https://cdn.door43.org/obs/jpg/360px/obs-en-41-01.jpg)

Loltootni Yesuusiin erga fannisanii booddee, gaggeessitootni Yihuudotaa warri hin amane Philaaxosiin “Inni sobaan sun, Yesuus, guyyaa sadii booddee du’aa nan ka’a jedheera. Bartootni isaa reeffa isaa hatanii du’aa ka’eera akka hin jenne mirkaneeffachuuf namni tokko awwaala isaa eeguu qaba” jedhaniin.

![](https://cdn.door43.org/obs/jpg/360px/obs-en-41-02.jpg)

Philaaxoos, “Loltoota tokko tokko fudhadhaatii awwaalicha hamma danda’ametti akka eegamu godhaa” jedhe. Kanaafuu balbala awwaalichaa irra dhakaa jirutti chaappaa godhaniitu reeffa isaa eenyu iyyuu akka hin hanne mirkaneeffachuuf loltoota achi dhaaban.

![](https://cdn.door43.org/obs/jpg/360px/obs-en-41-03.jpg)

Yesuus erga fannifamee booddee guyyaan itti aanu Sanbata ture. Yihudotni gaafa sana gara awwaalaa akka dhaqaniif hin eyyamamuuf ture. Kanaafuu gaafa Sanbataa booddee ganama bariidhaan dubartootni baay’een urgooftuu reeffa isaa irratti dabalanii dhangalaasuuf gara awwaala Yesuus deemuuf qophaa’ani.

![](https://cdn.door43.org/obs/jpg/360px/obs-en-41-04.jpg)

Battaluma sosochiin lafaa ta’e. Waaqa irraa kan akka bakakkaatti ifu ergamaan in mul’ate. Dhakaa balbala boolla awwaalaa cufe gangalchee irra taa’e. Loltootni awwaalicha eegaa turan sodaatanii akkuma namoota du’anii ta’aniitu lafa irratti kufani.

![](https://cdn.door43.org/obs/jpg/360px/obs-en-41-05.jpg)

Dubartootni gara iddoo awwaalaa yommuu ga’an ergamichi, “Hin sodaatinaa Yesuus asi hin jiru. Akkuma nan ka’a jedhee dubbatetti du’aa ka’eera! Awwaala isaa kunoo ilaalaa” jedhee isaanitti hime. Dubartootni awwaalichaa keessa ilaalanii iddoo reeffa Yesuus kaa’an argani. Reeffi isaa achi hin jiru ture!

![](https://cdn.door43.org/obs/jpg/360px/obs-en-41-06.jpg)

Achumaanis ergamichi dubartootaan “Dhaqaatii ‘Yesuus du’aa ka’eera isin dursee gara Galiilaa in deema jedhaatii duuka buutota isaatti himaa”’jedhee isaanitti hime.

![](https://cdn.door43.org/obs/jpg/360px/obs-en-41-07.jpg)

Dubartootni sunis sodaa fi gammachuu guddaadhaan guutamanii turani. Misiraachoo duuka buutota isaatti himuuf fiigaani deemani.

![](https://cdn.door43.org/obs/jpg/360px/obs-en-41-08.jpg)

Utuu dubartootni misiraachoo duuka buutota isaatti himuudhaaf deemaa jiranii, Yesuus isaanitti mul’ate! Isaanis isaaf in sagadani. Yesuus, “Hin sodaatinaa. Gara Galilaa akka dhaqan bartoota kootti himaa. Achittis na argu” isaaniin jedhe.

*Seenaa Macaafa Qulqulluu: Matt. 27: 62-28:15, Mar. 16:1-11, Luq. 24:1-12, Yoh. 20: 1-18*

## 42. Yesuus gara waaqaatti ol deebi’ee

https://openbiblestories.org/l/om/story-42/

![](https://cdn.door43.org/obs/jpg/360px/obs-en-42-01.jpg)

Yesuus du’aa gaafa ka’e duuka buutota isaa keessaa lama gara magaalaa dhiyoo jirtutti adeemaa turan. Utuma adeemaa jiranii waan Yesuus irratti raawwatame dudubbatani. Inni akka Masihicha ta’e abdii godhatanii turan, garuu inni yommus in ajeefame. Amma immoo dubartootni deebi’ee jiraataa ta’eera jedhani. Duuka buutotni lamaanuu waan amanan hin beekne.

![](https://cdn.door43.org/obs/jpg/360px/obs-en-42-02.jpg)

Yesuus gara isaanitti dhiyaatee isaanii wajjin adeemuu jalqabe, isaan garuu isa hin beekne. Waa’ee maalii akka dudubbatan isaan gaafate. Isaanis guyyoota muraasa darban keessatti Yesuusiin ilaalchisee waan ajaa’ibsiisoo raawwataman hundumaa isatti himani. Yeruusaalem keessatti waan ta’e kan hin beekne nama keessummaa wajjin akka dubbatanitti yaadani.

![](https://cdn.door43.org/obs/jpg/360px/obs-en-42-03.jpg)

Achumaan Yesuus waa’ee Masihichaa sagalee Waaqayyoo keessatti waan dubbatame isaaniif ibse. Masihichi akka gidiraa keessa darbuu fi akka du’u, garuu gaafa guyyaa sadaffaa akka ka’u raajotni kan dubbatan isaan yaadachiise. Namootni lamaanuu gara iddoo magaalaa buluuf yaadani yommuu ga’ani yeroon isaa dhiyuudhaaf homtuu hin hafne ture.

![](https://cdn.door43.org/obs/jpg/360px/obs-en-42-04.jpg)

Namootni lamaan akka isaan wajjin buluuf affeeran, innis affeerraa isaanii in fudhate. Irbaata nyaachuudhaaf yommuu dhiyaatan Yesuus buddeena kaasee Waaqayyoon galateeffatee achumaanis cabse. Yeroodhuma sanatti Yesuus ta’uu isaa beekani. Garuu yeroo sana inni isaan duraa dhokate.

![](https://cdn.door43.org/obs/jpg/360px/obs-en-42-05.jpg)

Namootni lamaan “Yesuusi dha! Yommuu sagalee Waaqayyoo nuuf ibsu garaan keenya na’aa kan tureef kanaafi dha!” waliin jedhan. Hatattamaan gara Yeruusaalemitti in deebi’ani. Yommuu qaqqabanis duuka buutota isaatiin, “Yesuus jiraataa dha! Argineerra!” jedhanii isaanitti himani.

![](https://cdn.door43.org/obs/jpg/360px/obs-en-42-06.jpg)

Duuka buutotni isaa dudubachaa utuu jiranii Yesuus utuma itti hin yaadamiin gidduu isaaniitti mul’atee “Nagaan isiniif haa ta’u!” isaaniin jedhe. Duuka buutota isaatti hafuura fakkaate, Yesuus garuu “Maaliif sodaattuu? Maaliif shakkitus? Harka koo fi miilla koo ilaalaa. Hafuurotni akka koo qaama hin qabani” isaaniin jedhe. Hafuura akka hin taane haa mirkaneeffatanuuf jecha waan nyaatamu akka isaa kennaniif isaan gaafate. Isaanis qurxummii waadamaa muraa tokko kennaniif, innis in nyaate.

![](https://cdn.door43.org/obs/jpg/360px/obs-en-42-07.jpg)

Yesuusis, “Waa’ee koo kan sagalee Waaqayyoo keessatti barreeffame hunduu raawwatamuu qaba jedhee isinitti himeera” jedhe. Yommuu sana akka sagalee Waaqayyoo hubataniif sammuu isaani baneef. “Gidiraan Masihicha irra akka ga’u, akka du’u, gaafa guyyaa sadaffaa akka du’aa ka’u bara dheeraan dura barreeffameera” isaaniin jedhe.

![](https://cdn.door43.org/obs/jpg/360px/obs-en-42-08.jpg)

“Akkasumas macaafota keessatti namootni hundinuu cubbuu isaaniittii yaada garaasaanii akka jijjiirratan duuka buutotni koo akka labsan barreeffameera. Isaan Yeruusaalem irraa jalqabanii kana in godhu, achiis gosootni sabaa hundi bakka jiran hundumaa in deemu. Isin wantoota kanaaf dhuga-baatota dha.

![](https://cdn.door43.org/obs/jpg/360px/obs-en-42-09.jpg)

Guyyoota afurtaman itti fufanitti yeroo baay’ee duuka buutota isaatti mul’ate. Yeroo tokko si’a tokkichatti namoota 500 caalanitti mul’ateera! Jiraataa ta’uu isaa karaa baay’eedhaan duuka buutota isaatiif mirkaneesseera, waa’ee mootummaa Waaqayyoos isaan in barsiise.

![](https://cdn.door43.org/obs/jpg/360px/obs-en-42-10.jpg)

Yesuus duuka buutota isaatiin akkana jedhe, “Aboon hundinuu waaqa irratti lafa irrattis anaaf kennameera. Kanaafuu dhaqaa gosa saba hundumaa maqaa Abbaatti, kan Ilmaatti, kan Hafuura Qulqulluuttis cuuphuudhaan waanan isin barsiise hundumaa akka raawwataniif barsiisaatii duka buutoota koo isaan godhaa. Ani yeroo hundumaa akkan isin wajjin jiru yaadadhaa.”

![](https://cdn.door43.org/obs/jpg/360px/obs-en-42-11.jpg)

Yesuus du’aa erga ka’ee guyyaa afurtamaan booddee duuka buutota isaatiin, “Hafuurri Qulqulluun isin irratti yeroo dhufutti Abbaan koo hamma humna isiniif kennutti Yeruusaalem keessa turaa” isaaniin jedhe. Sana booddee Yesuus gara waaqaatti ol in ba’e, duumessis ija isaanii jalaa isa in dhokiste. Yesuus uumama hundumaa irratti mo’uuf mirga Abbaa isaa in taa’e.

*Seenaa Macaafa Qulqulluu: - Matt. 28: 16-20, Mar. 16:12-20, Luq. 24:13-53, Yoh. 20:19-23, Erg. 1:1-11*

## 43. Waldaan Kristiyaanaa in jalqabamte

https://openbiblestories.org/l/om/story-43/

![](https://cdn.door43.org/obs/jpg/360px/obs-en-43-01.jpg)

Yesuus gara waaqaatti ol erga deebi’een booddee, duuka buutotni isaa akkuma Yesuus isaan abboometti Yeruusaalem keessa turani. Amantootni achi turan kadhachuudhaaf utuu walirraa hin kutiin walitti in qabamani.

![](https://cdn.door43.org/obs/jpg/360px/obs-en-43-02.jpg)

Yihuudotni bara baraan ayyaanni faasigaa erga darbee guyyaa 50 jiran keessa Pheenxeqoosxee jedhamee kan waamamu guyyaa barbaachisaa in kabaju turan. Pheenxeqoosxeen Yihuudotni guyyaa oomisha midhaanii itti kabajani ture. Guyyaa Pheenxeqoosxee tokkummaadhaan kabajuuf Yihuudotni biyya lafaa hundinuu gara Yeruusaalem in dhufu turan. Bara kana Yesuus gara waaqaatti erga ol deebi’ee gara torban tokkoo booddee yeroon Pheenxeqoosxee in ga’e.

![](https://cdn.door43.org/obs/jpg/360px/obs-en-43-03.jpg)

Amantootni hundinuu tokkummaadhaan walitti qabamanii utuu jiranii akka tasaa mana keessa turanitti qilleensa cimaa sagalee fakkaatuun guutame. Achumaan mataa amantoota hundumaa irratti wanti arraba ibiddaa fakkaatu in mul’ate. Hundumti isaanii Hafuura Qulqulluudhaan guutamanii qooqa biraatiin dubbachuu in jalqabani.

![](https://cdn.door43.org/obs/jpg/360px/obs-en-43-04.jpg)

Namootni Yeruusaalem keessa turan sagalee yommuu dhaga’an waan ta’aa ture ilaaluuf baay’atanii in dhufani. Amantootni hojjiiwwan Waaqayyoo raajii ta’an utuu labsanii namootni yommuu dhaga’an wantoota kana afaan isaaniitiin dhaggeeffachuu isaaniitiif in ajaa’ibsiifaman.

![](https://cdn.door43.org/obs/jpg/360px/obs-en-43-05.jpg)

Nnamootni tokko tokko duuka buutotni machaa’aniiru jedhanii isaan tuffatan. Pheexiroos garuu ol ka’ee akkana isaaniin jedhe, “Ana dhaga’aa! Namootni kuni hin machoofne! Waaqayyo karaa raajicha Iyyu’el, ‘Bara dhumaatti hafuura koo nan dhangalaasa’ kan jedhe kanaan raawwatama.”

![](https://cdn.door43.org/obs/jpg/360px/obs-en-43-06.jpg)

Yaa namoota Israa’el, akkuma isin argitan akkasumas akkuma duraan beektan Yesuus humna Waaqayyootiin mallattoowwanii fi ajaa’iboota gurguddaa baay’ee nama godhee dha. Garuu isin isa in fanniftani!

![](https://cdn.door43.org/obs/jpg/360px/obs-en-43-07.jpg)

“Yesuus du’ee illee Waaqayyo du’aa isa in kaase. Kunis ‘qulqullicha kees awwaala keessatti tortoru akka inni arguuf hin dhiiftu’ raajii jedhameef raawwii dha. Waaqayyo Yesuusiin jiraataa godhee akka isa kaase nuti dhuga-baatota dha.”

![](https://cdn.door43.org/obs/jpg/360px/obs-en-43-08.jpg)

“Yesuus amma mirga Waaqayyo Abbaatti ol ka’eera. Akkuma abdii kennettis Yesuus Hafuura Qulqulluu ergeera. Wantoota amma argitanii fi dhageessan kan godhe Hafuura Qulqulluu dha.

![](https://cdn.door43.org/obs/jpg/360px/obs-en-43-09.jpg)

“Yesuus kana isin in fanniftani. Waaqayyo garuu Yesuusiin Gooftaa fi Masihi akka godhe dhugaatti kana beekaa!”

![](https://cdn.door43.org/obs/jpg/360px/obs-en-43-10.jpg)

Namootni Pheexiroosiin dhaggeeffachaa turani wantoota inni dubbateen baay’ee tuqamani. Kanaafuu Pheexirosii fi duuka buutota Yesuusiin “Yaa obbolootaa maal goonu?” jedhanii isaan gaafatani.

![](https://cdn.door43.org/obs/jpg/360px/obs-en-43-11.jpg)

Pheexiroos akkana jedhee isaaniif deebise, “Akka Waaqayyo cubbuu keessan isiniif dhiisuuf tokkoon tokkoon keessan yaada garaa keessanii jijjiirradhaatii maqaa Yesuusiin cuuphamaa. Sana booddee innis kenna Hafuura Qulqulluu isiniif in kenna.”

![](https://cdn.door43.org/obs/jpg/360px/obs-en-43-12.jpg)

Namootni 3000 ta’ani wantoota Pheexiroos dubbate amananii duuka buutota Yesuus in ta’ani. Isaanis cuuphamanii miseensa waldaa Yeruusaalem keessa jirtuu ta’ani.

![](https://cdn.door43.org/obs/jpg/360px/obs-en-43-13.jpg)

Duuka buutotni utuu walirraa hin kutiin barumsa ergamootaa dhaggeeffatanii, isaan waliin yeroo dabarsani, waliin nyaatani, inni tokko isa biraatiif in kadhate. Waliin Waaqayyoon galateeffatani, waan qabaatan hundumaa waliin hirmatani. Namni hundinuu waa’ee isaanii waan gaarii yaada ture. Guyyaa guyyaadhaan namootni baay’een amantoota ta’aanii isaanitti dabalamu turan.

*Seenaa Macaafa Qulqulluu: - Hojii Ergamoota 2*

## 44. Pheexiroos fi Yohaannis namicha kadhataa ture tokko fayyisani

https://openbiblestories.org/l/om/story-44/

![](https://cdn.door43.org/obs/jpg/360px/obs-en-44-01.jpg)

Gaafa tokko Pheexiroosii fi Yohaannis gara mana qulqullummaa dhaqu turani. Gara balbala mana qulqullummaatti akka dhiyaataniin namicha naafa maallaqa kadhatu argani.

![](https://cdn.door43.org/obs/jpg/360px/obs-en-44-02.jpg)

Pheexiroos namicha naafa ilaaleetu “Ani maallaqa ani siif kennu homaayyuu hin qabu. Kanan qabu garuu siifan kenna. Maqaa Yesuusiin ka’iitii deddeebi’i!” isaan jedhe.

![](https://cdn.door43.org/obs/jpg/360px/obs-en-44-03.jpg)

Battaluma Waqqayyo namicha naafa in fayyise, innis tarkaanfachuu fi utaaluu, Waaqayyoonis galateeffachuu in jalqabe. Namootni masaraa mana qulqullummaa keessa jiran in ajaa’ibsiifatani.

![](https://cdn.door43.org/obs/jpg/360px/obs-en-44-04.jpg)

Sabnis namicha fayye ilaaluudhaaf hatattamatti walitti in qabamani. Pheexiroos akkana isaaniin jedhe, “Namni kuni waan fayyeef maaliif ajaa’ibsiifattu? Humna ofii keenyaan yookiin gaarummaa keenyaan isa hin fayyifne. Nama kana kan fayyise humna Yesuusii fi amantii Yesuus kennuu dha.

![](https://cdn.door43.org/obs/jpg/360px/obs-en-44-05.jpg)

“Yesuusiin akka ajjeesuuf bulchaa warra Roomaatti kan himtan isini dha. Jalqaba jireenya ajjeeftani, Waaqayyo garuu du’aa isa kaase. Wanti gochaa turtan yoo isiniif galuu baate illee, Masihichi akka gidiraan isa irra ga’uu fi akka du’u waan raajotni dubbatan karaa keessan raawwachuudhaaf Waaqayyo gocha keessanitti in fayyadame. Kanaafuu cubbuun keessan akka isinirraa dhiqamuuf amma yaada garaa keessanii jijjiirradhaatii gara Waaqayyootti deebi’aa.”

![](https://cdn.door43.org/obs/jpg/360px/obs-en-44-06.jpg)

Gaggeessitootni mana qulqullummaa Pheexiroosii fi Yohaannis waan dubbataniin baay’ee aarani. Kanaafuu isaan qabaniiti mana hidhaatti isaan galchani. Namootni baay’een garuu ergaa Pheexiroos in amanani, namootni Yesuusitti amanan lakkoofsi isaanii gara 5000 ol guddate.

![](https://cdn.door43.org/obs/jpg/360px/obs-en-44-07.jpg)

Ganama isaa gaggeessitootni Yihuudotaa Pheexiroosii fi Yohaannis gara hangafa lubootaa fi gara gaggeessitoota amantaa kan biraatti in geessani. Pheexiroosii fi Yohaannisiin, “Namicha naafa kana humna maaliitiin fayyistani?” jedhanii isaan gaafatani.

![](https://cdn.door43.org/obs/jpg/360px/obs-en-44-08.jpg)

Pheexiroos akkana jedhee isaanii deebise, “Namni kuni humna Masihicha Yesuusiitiin fayyee isin fuuldura dhaabateera. Isin Yesuusisiin in fanniftani, Waaqayyo immoo deebisee isa in kaase! Isin isa hin simanne, garuu humna Yesuusiitiin yoo ta’e malee karaan fayyinaa kan biraan hin jiru!”

![](https://cdn.door43.org/obs/jpg/360px/obs-en-44-09.jpg)

Pheexiroosii fi Yohaannis ija-jabina guddaadhaan dubbachuu isaaniitiin gaggeesitootni kun in na’ani, sababiin isaas namootni kun namoota hin baranne ta’uu isaanii hubachuu danda’anii turani. Garuu yeroo sana namootni kun Yesuusii wajjin akka turan in yaadatani. Pheexiroosii fi Yohaannisiin erga doorsisani booddee akka deemaniif gadi isaan dhiisani.

*Seenaa Macaafa Qulqulluu: - Hojii Ergamootaa 3:1-4:22*

## 45. Filiphosii fi Abbaa taa’itaa lammii Itoophiyaa

https://openbiblestories.org/l/om/story-45/

![](https://cdn.door43.org/obs/jpg/360px/obs-en-45-01.jpg)

Gaggeessitoota waldaa Kristiyaanaa bara durii turan keessaa tokko Isxifaanos jedhamee nama waamamu ture. Inni nama maqaa gaarii qabuu fi Hafuura Qulqulluu fi ooguummaadhaan kan guutame ture. Isxifaanos dinqii baay’ee kan godhee fi namootni akka Yesuusitti amananiif sababa amansiisaa nama dhiyeessu ture.

![](https://cdn.door43.org/obs/jpg/360px/obs-en-45-02.jpg)

Gaafa tokko Isxifaanos waa’ee Yesuus yommuu barsiisu, Yihuudotni Yesuusitti hin amanne tokko tokko Isxifaanos wajjin walfalmuu in jalqabani. Baay’ee aaranii waa’ee Isxifaanos dubbii sobaa gaggeessitoota amantaatti himani. “Waa’ee Musee fi waa’ee Waaqayyoo wantoota hamoo yommuu dubbatu dhageenyeerra!” jedhani. Kanaafuu gaggeessitootni amantaa Isxifaanosiin qabanii dhuga-baatota sobaa itti dabalanii gara isaa waa’ee Isxifaanos soba itti himanii gara hangafa lubootaattii fi gara gaggeessitoota Yihuudotaa warra biraatti fidani.

![](https://cdn.door43.org/obs/jpg/360px/obs-en-45-03.jpg)

Hangafni lubootaa Isxifaanosiin, “Waantootni kun dhugaa dhaa?” jedhee isa gaafate. Isxifaanos bara Abrihaamii jalqabee hanga bara Yesuusitti waantoota gurguddoo baay’ee Waaqayyo godhe, akkasumas sabni Waaqayyoo utuu walirraa hin kutiin isa irratti ka’uu isaanii yaadachiisuudhaan deebii kenne. Achiinis akkana jedheen, “Isin saba boqu-jabootaa fi hamtoota nana akkuma abaabayyootni keessan Waaqayyoon mormanii fi akkuma isaan raajota ajjeesan yeroo hundumaa Hafuura Qulqulluu in mormitu. Isin garuu isaan caalaatti waan haamaa gootaniittu. Masihicha ajjeeftaniittu!”

![](https://cdn.door43.org/obs/jpg/360px/obs-en-45-04.jpg)

Gaggeessitootni amantaa kana yommuu dhaga’ani, gurra isaanii amma cufatanittii fi sagalee baay’ee guddaa ta’een ol kaasanii amma iyyanitti baay’ee in dheekkamani. Isxifaanosiin magaala keessaa gara alaatti harkisanii ajjeesuuf dhakaadhaan in rukutani.

![](https://cdn.door43.org/obs/jpg/360px/obs-en-45-05.jpg)

Isxifaanos du’uuf utuu jiruu, Yaa Yesuus, lubbuu koo fudhadhu” jedhee iyye. Achumaan jilbaan jilbeenfatee “Gooftaa koo, cubbuu kana isaanitti hin lakkaa’iin” jedheetu lammata deebi’eeti iyye. Sana booddee in du’e.

![](https://cdn.door43.org/obs/jpg/360px/obs-en-45-06.jpg)

Dargaggeessi Saa’ol jedhamu namoota Isxifaanosiin ajjeesan wajjin walii galeetu yommuu dhakaa isatti darbatan wayya isaanii egaa ture. Gaafa sana Yeruusaalem keessa namootni turan baay’een duuka-buutota Yesuus ari’achuu jalqabani, kanaafuu amantootni bakka biraatti baqatani. Garuu ari’atamuun jiraatu illee, iddoo adeeman hundumaatti waa’ee Yesuus lallabani.

![](https://cdn.door43.org/obs/jpg/360px/obs-en-45-07.jpg)

Duuka-buutuun Yesuus inni Filiphoos jedhamu yeroo ari’atamichaa amantoota Yeruusaalem keessaa baqatan keessaa isa tokko ture. Gara Samaariyaatti dhaqee waa’ee Yesuus lallabeetu namootni baay’een fayyani. Sana booddee gaafa tokko ergamaan Waaqayyo biraa ergame gara karaa lafa onaa jiru tokkoo akka dhaquuf Filiphoositti hime. Filiphoos utuu karicha irra adeemaa jiruu abbaan taa’itaa beekamaan lammi Itoophiyaa ta’e tokko utuu konkolaataa fardaan harkifamuun adeemuu in arge. Akka inni gara nama kanaa dhaqee isa waliin dubbatu Hafuurri Qulqulluun Filiphoositti in hime.

![](https://cdn.door43.org/obs/jpg/360px/obs-en-45-08.jpg)

Filiphoos gara konkolaatichaatti yommuu dhiyaate, namni biyya Itoophiyaa kuni macaafa raajichi Isaayyaas barreesse keessaa kutaa tokko yommuu inni dubbifatu dhaga’e. Namichichis akkana jedhee dubbifate, “Akka hoolaa qalamuutti oofani, akkuma hoolaan calluma jedhutti inni dubbii tokko illee hin dubbane. Firdiidhaan fudhatame, isa hin kabajnes. Lafa warra jiraatoo irraa isa in balleessani.”

![](https://cdn.door43.org/obs/jpg/360px/obs-en-45-09.jpg)

Filiphoos nama biyya Itoophiyaatiin, “Kan dubbifattu kana in hubattaa?” jedhee isa gaafate. Namni biyya Itoophiyaas, “Miti, utuun nama naaf ibsu hin qabaatiin hubachuuf hin danda’u. Adaraa koottuutii anan cinaa taa’i. Isaayyaas kan barreesse waa’ee ofiisaa moo waa’ee nama biraati?”

![](https://cdn.door43.org/obs/jpg/360px/obs-en-45-10.jpg)

Isaayyaas kan barreesse waa’ee Yesuus ta’uu isaa Filiphoos nama biyya Itoophiyaatiif in ibse. Akkasumas Filiphoos waa’ee Yesuus misiraachoo kan dubbatu isatti himuudhaaf kutaalee biroo sagalee Waaqayyoo keessaa in fayyadame.

![](https://cdn.door43.org/obs/jpg/360px/obs-en-45-11.jpg)

Filiphoosi fi namni biyya Itoophiyaa utuu adeemaniin, bakka bishaan jiru ga’ani. Namni biyya Itoophiyaas, “Kunoo iddoo kana bishaan in jira! Cuuphamuu?” jedhe. Namichi konkolaataa fardaa oofusi akka dhaabachiisu itti hime.

![](https://cdn.door43.org/obs/jpg/360px/obs-en-45-12.jpg)

Kanaafuu gara bishaanichaatti gadi bu’anii, Filiphoosis namaicha biyya Itoophiyaa in cuuphe. Bishaan keessaa erga ba’anii booddee Hafuurri Qulqulluun Filiphoosiin akkuma tasaa iddoo gara biraatti butee geesse, waa’ee Yesuus namootatti himuus itti fufe.

![](https://cdn.door43.org/obs/jpg/360px/obs-en-45-13.jpg)

Namni biyya Itoophiyaa Yesuusiin beekuu isaatti gammadaa gara biyya isaatti deebi’uuf deemisa isaa itti fufe.

*Seenaa Macaafa Qulqulluu: - Hojii Erg. 6:8-8:5, 8:26-40*

## 46. Phaawuloos Kristaana ta’e

https://openbiblestories.org/l/om/story-46/

![](https://cdn.door43.org/obs/jpg/360px/obs-en-46-01.jpg)

Saa’ol dargaggeessa wayyaa namoota Isxifaanosiin ajjeesanii eege ture. Yesuusitti hin amanne, kanaafuu amantoota ari’ate. Dhiirotaa fi dubartoota qabee mana hidhaatti isaan naquuf Yeruusaalem keessa manaa gara manaatti adeeme. Hangafni lubootaa kristaanota achi keessa jiran qabee gara Yeruusaalemitti deebisee akka fiduuf gara magaalaa Damaasqoo akka dhaquuf Saa’oliif eeyyama jn kenne.

![](https://cdn.door43.org/obs/jpg/360px/obs-en-46-02.jpg)

Saa’ol gara Damaasqootti utuu adeemaa jiruu waaqa irraa ifti guddaan naannoo isaa hundumaatti ife, innis lafaatti kufe. Namni tokko, “Saa’ol! Saa’ol! waa’ee maaliitiif ana ari’attaa?” yommuu jedhu dhaga’e. Saa’olis, “Gooftaa koo, ati eenyu dhaa?” jedhee gaafate. Yesuus akkana jedhee deebiseef, “Ani Yesuusi dha. Ati ana ari’achaa jirta!”

![](https://cdn.door43.org/obs/jpg/360px/obs-en-46-03.jpg)

Saa’ol yommuu ka’e, arguu dadhabe. Hiriyootni isaa gara Damaasqootti harkisanii isa galchani. Saa’ol guyyaa sadiif homaa hin nyaannes, hin dhugnes.

![](https://cdn.door43.org/obs/jpg/360px/obs-en-46-04.jpg)

Damaasqoo keessa duuka-bu’aan Hanaaniyaa jedhamu jira ture. Waaqayyo Hanaaniyaadhaan, “Gara mana Saa’ol jiru dhaqi. Akka deebi’ee arguuf harka kee irra kaa’i” jedheen. Hanaaniyaan garuu, “Gooftaa koo, namni kuni akkamitti amantoota akka ari’ate dhaga’eera” jedhe. Waaqayyo, “Dhaqi! Yihuudotaa fi gosoota saba hundumaa kan biraatti akka maqaa koo labsuuf isa filadheera. Waa’ee maqaa kootiif gidiraa baay’een isarra in ga’a” jedheen.

![](https://cdn.door43.org/obs/jpg/360px/obs-en-46-05.jpg)

Kanaafuu Hanaaniyaan gara Saa’ol dhaqe. Harka isaa irra kaa’ee, akkanas isaan jedhe, “Gara kana yommuu dhuftu kan sitti mul’ate Yesuus agartuun kee akka deebi’uu fi akka Hafuura Qulqulluudhaan guutamtuuf gara keetti na erge.” Saa’ol yeroodhuma sana arguuf danda’e, Hanaaniyaanis isa in cuuphe. Sana booddee Saa’ol nyaata in nyaate, in jabaates.

![](https://cdn.door43.org/obs/jpg/360px/obs-en-46-06.jpg)

Saa’ol yeroodhuma sana, “Yesuus Ilma Waaqayyooti!” jechuudhaan Yihuudota Damaasqoo keessa turanitti lallabuu jalqabe. Yihuudota Amantoota ta’an balleessuudhaaf namichi yaalaa ture amma immoo Yesuusitti amanuu isaatti ajaa’ibsiifatani! Saa’ol Yesuus Masihicha ta’uu isaa mirkaneessuudhaan Yihuudota in amansiise.

![](https://cdn.door43.org/obs/jpg/360px/obs-en-46-07.jpg)

Guyyoota baay’eedhaan booddee Yihuudotni Saa’oliin ajjeesuudhaaf kaayyeffatani. Akka ajjeesaaniifis namoota balbaloota magaalichaa irratti isa eeggattan ergani. Saa’ol garuu waa’ee kaayyichaa in dhaga’e, michootni isaas akka miliquuf isa gargaarani. Halkan tokko guuboo keessa kaa’anii dallaa magaalichaa irraan gadi isa buusani. Saa’olis erga Damaasqoodhaa miliqeen booddee waa’ee Yesuus lallabuu isaa itti fufe.

![](https://cdn.door43.org/obs/jpg/360px/obs-en-46-08.jpg)

Saa’ol duuka-buutota Yesuus wajjin wal arguuf gara Yeruusaalem dhaqe, isaan garuu isa in sodaatani. Yommuu sana namni amanaan Baarnaabaas jedhamu Saa’oliin gara ergamootaatti gesseetu Saa’ol Damaasqootti akkamitti ija-jabinaan akka lallabe isaanitti hime. Achumaan duuka-buutotni Saa’oliin in simatani.

![](https://cdn.door43.org/obs/jpg/360px/obs-en-46-09.jpg)

Ari’atama Yeruusaalem ture baqataniiti amanatootni tokko tokko gara Anxookiyaatti fagaatanii adeemaniitu waa’ee Yesuus lallabani. Anxookiyaa keessa namootni turan baay’een isaanii Yihuudota hin turre, garuu yeroo jalqabaatiif baay’een isaanii immoo amantoota ta’ani. Baarnaabaasii fi Saa’ol amantoota haaraa kana waa’ee Yesuus dabalanii barsiisuudhaaf akkasumas waldaa kristiyaanaa cimsuudhaaf gara sana dhaqani. Namootni Yesuusitti amanan Anxookiyaa keessatti yeroo jalqabaatiif “Kristaanota” jedhamani.

![](https://cdn.door43.org/obs/jpg/360px/obs-en-46-10.jpg)

Amantootni Anxookiyaa keessa turan gaafa tokko utuu soomaa fi kadhata irra jirani Hafuurri Qulqulluun, “Saa’olii fi Baarnaabaas hojiin ani itti isaan waame akka hojjetaniif adda anaaf baasaa” isaaniin jedhe. Kanaafuu waldaan kristaanaa Anxookiyaatti tajaajiltootni Saa’olii fi Baarnaabaasiif in kadhatani, harka isaaniis isaan irra in kaa’ani. Achumaan iddoo biraa baay’eetti waa’ee Yesuus isa dubbatu misiraachoo akka lallabaniif isaan in ergani. Baarnaabaasi fi Saa’ol namoota gosoota saba adda addaa ta’an in barsiisani. Namootiin baay’eenis Yesuusitti in amanani.

*Seenaa Macaafa Qulqulluu: - Hoj. Erg. 8:3, 9:1-31, 11:19-26, 13:1-3*

## 47. Phaawuloosi fi Siilaas Filiphisiyoos keessatti

https://openbiblestories.org/l/om/story-47/

![](https://cdn.door43.org/obs/jpg/360px/obs-en-47-01.jpg)

Phaawuloos bulchiinsa mootummaa mootota Roomaa keessa yommuu deemu hundumaa, maqaa isaa isa kan lammummaa warra Roomaa “Phaawuloositti” fayyadamuu jalqabe. Gaafa tokko Phaawuloosii fi hiriyaan isaa Siilaas misiraachoo waa’ee Yesuus dubbbatu labsuudhaaf gara magaalaa Filiphisiyuusii dhaqani. Magaalaan alatti iddoo namootiin kadhataaf walitti qabaman iddoo laga qarqara jiru dhaqani. Achitti daldaltuu kan turte dubartii Liidiyaa jedhamtu tokko in argani. Isheen Waaqayyoon kan jaallattuu fi kan waaqeffattu turte.

![](https://cdn.door43.org/obs/jpg/360px/obs-en-47-02.jpg)

Ergaa waa’ee Yesuus dubbatu akka amantuuf Waaqayyo garaa Liidiyaa in baneefi, isheenii fi maatiin ishee in cuuphamani, Phaawuloosii fi Siilaas akka mana ishee keessa jiraataniif isaan affeerte, kanaafuu isaan ishee fi maati ishee wajjin jiraatani.

![](https://cdn.door43.org/obs/jpg/360px/obs-en-47-03.jpg)

Phaawuloosii fi Siilaas iddoo kadhannaatti yeroo baay’ee namootaa wajjin wal argu turani. Guyyaa guyyaadhaan yommuu achi dhaqan garbittiin shamarreen hafuurri hamaan qabate tokko isaan duukaa buuti turte. Isheenis karaa hafuura hamaa kanaatiin waan gara fuunduraatti ta’u namootatti in raajji turte. Kanaafuu mooruudhaan gooftota isheetiif maallaqa baay’ee argamsiifti tutre.

![](https://cdn.door43.org/obs/jpg/360px/obs-en-47-04.jpg)

Garbitittiin shamarreen yommuu deddeeman isaan hordofteetu “Namootiin kun tajaajiltoota Waaqayyo mootichaa ti, Karaa fayyinaa isinitti himu!” jechuudhaan iyyuushee itti fufte. Hanga Phaawuloos aarutti daddabaltee kana goote.

![](https://cdn.door43.org/obs/jpg/360px/obs-en-47-05.jpg)

Dhuma irrattis gaafa tokko shamarreen garbittiin yommuu iyyuu jalqabdu Phaawuloos gara isheetti garagaleetu hafuura hamaa ishee irraa jiruun, “Maqaa Yesuusiitiin ishee irraa ba’i” jedheen. Yommuudhuma sanatti hafuurichi hamaan ishee gadi dhiise.

![](https://cdn.door43.org/obs/jpg/360px/obs-en-47-06.jpg)

Namootiin gooftolii garbitittiin shamarree turan baay’ee in dheekkamani! Hafuuricha hamaan malee mucayyoo garbittiin kun waa’ee waan dhufuuf jiruu namootaaf raajju akka hin dandeenye in beekani. Kunis namoota irra waan ga’uuf jiru himuudhaaf waan hin dandeenyeef gooftota isheetiif maallaqa hin kaffalani jechuu dha.

![](https://cdn.door43.org/obs/jpg/360px/obs-en-47-07.jpg)

Kanaafuu gooftoliin garbittittii shamarree Phaawuloosii fi Siilaasiin gara abboota taa’itaa warra Roomaatti isaan geessani, isaanis reebanii mana hidhaatti isaan galchani.

![](https://cdn.door43.org/obs/jpg/360px/obs-en-47-08.jpg)

Isaanis Phaawulosii fi Siilaasiin mana hidhaa kutaa keessatti in hidhan miilla isaanii illee mukatti hidhani. Kun ta’ullee isaan halkan walakkaa Waaqayyoof faarfannaa galataa in faarfatani.

![](https://cdn.door43.org/obs/jpg/360px/obs-en-47-09.jpg)

Akka tasaa sochiin lafaa cimaan in ta’e! Balbalootni mana hidhaa hundumtuu bal’inaan banamani, hidhaan hidhamtoota hunda irra ture isaan irraa in harca’e.

![](https://cdn.door43.org/obs/jpg/360px/obs-en-47-10.jpg)

Eegaan mana hidhichaa hirriba isaa irraa in dammaqe, balbalootni mana hidhaa hundumtuu akka banaman yommuu arge in sodaate! Hidhamtootni hundumtuu waan miliqan isatti fakkaatee, kanaafuu of ajjeesuudhaaf in yaade. (Hidhamtootni akka miliqan yoo godhe abbootni taa’itaa warra Roomaa akka isa ajjeesan in beeke.) Phaawuloos garuu isa ilaaleetu, “Dhiisi! Of hin miidhiin. Hundumti keenya as jirraa” jedhee isatti iyye.

![](https://cdn.door43.org/obs/jpg/360px/obs-en-47-11.jpg)

Eegaan mana hidhichaa gara Phaawuloosii fi siilaasitti dhufaa utuu jiruu hoollachaa “Fayyuuf maal godhu?” jedhee Phaawuloosiin gaafate. Phaawuloosis, “Gooftaa Yesuusitti amani atii fi maatiin kee in fayyitu” jedhee deebiseef. Achumaanis eegaan mana hidhichaa Phaawuloosii fi Siilaasiin gara mana isaatti fudhateetu madaa isaanii in dhiqeef. Phaawuloos manicha keessa kan jiran hundumaaf misiraachoo waa’ee Yesuus dubbatu isaanitti in lallabe.

![](https://cdn.door43.org/obs/jpg/360px/obs-en-47-12.jpg)

Eegaan mana hidhaa fi maatiin isaa hundinuu Yesuusitti amananii cuuphamani. Achumaan eegaan mana hidhichaa Phaawuloosii fi Siilaasiif nyaata dhiyeessefiitu waliin in gammadani.

![](https://cdn.door43.org/obs/jpg/360px/obs-en-47-13.jpg)

Ganama isaa gaggeessitootni Filiphisiyuus Phaawuloosii fi Siilaasiin mana hidhaatii hiikaniitu Filiphiisiyuusii akka adeemani isaan gaafatan. Phaawuloosii fi Siilaas Liidiyaa fi hiriyoota isaanii kan biroos dubbisanii magaalicha gadi dhiisanii in adeemani. Misiraachoon waa’ee Yesuus dubbatu babal’achuu itti fufe, waldaan kristaanaas guddachuu ishee itti fufte.

![](https://cdn.door43.org/obs/jpg/360px/obs-en-47-14.jpg)

Phaawuloosii fi gaggeessitootni waldaa kristaanaa kan biroon misiraachoo waa’ee Yesuus dubbatu lallabuudhaanii fi barsiisuudhaan gara magaalota baay’eetti adeemani. Akkasumas amantoota waldoota kristaanaa keessa jiran jajjabeessuu fi barsiisuudhaaf ergaawwan baay’ee barreessaniif. Ergoota isaan kana keessaa tokko tokko macaafota Macaafa qulqulluu keessa jiran ta’ani.

*Seenaa Macaafa Qulqulluu: - Erga. 16:11-40*

## 48. Yesuus Masihicha isa abdachiifamee dha!

https://openbiblestories.org/l/om/story-48/

![](https://cdn.door43.org/obs/jpg/360px/obs-en-48-01.jpg)

Yeroo Waaqayyo biyya lafaa uume wanti hundumtuu mudaa malee ture. Cubbuun hin turre. Addaamii fi Heewaan walii isaanii wal jaallatu turan, Waaqayyoonis in jaallatu turan. Dhibeen yookin duuti hin turre. Waaqayyo biyyi lafaa akka taatu kan barbaade akkana ture.

![](https://cdn.door43.org/obs/jpg/360px/obs-en-48-02.jpg)

Dhaaba keessatti Seexanni Heewaaniin dogoggorsuuf karaa bofichaa itti dubbate. Sana booddee isheenii fi Addaam Waaqayyo irratti cubbuu godhani. Sababa isaan cubbuu godhaniif namootni biyya lafaa irra jiran hundumtuu in dhukkubsatu, in du’us.

![](https://cdn.door43.org/obs/jpg/360px/obs-en-48-03.jpg)

Sababa Addaamii fi Heewaan cubbuu godhaniif wanti gadheen sana caalu illee in ta’e. Isaan diinota Waaqayyoo in ta’ani. Kanarraan kan ka’e yeroo sana irraa kaase namni hundumtuu amala cubbuutiin dhalateera, akkasumas diina Waaqayyoo ta’eera. Waaqayyoo fi namoota gidduu kan ture walitti dhufeenyi cubbuudhaan addaan in cite. Waaqayyo garuu walitti dhufeenya sana deebisuudhaaf kaayyoo in qaba ture.

![](https://cdn.door43.org/obs/jpg/360px/obs-en-48-04.jpg)

Sanyiiwwan Heewaan keessaa tokko mataa Seexanaa akka tumu, Seexannis faana isaa akka madeessu Waaqayyo abdii in kenne. Kunis Seexanichi Masihicha in ajjeesa, garuu Waaqayyo deebisee isa in kaasa jechuu dha. Achumaan Masihichi humna Seexanaa hamma bara baraan in tuma. Bara baay’eedhaan booddee Waaqayyo Masihichi Yesuus akka ta’e in ibse.

![](https://cdn.door43.org/obs/jpg/360px/obs-en-48-05.jpg)

Yeroo Waaqayyo biyya lafaa hundumaa bishaan badiisaatiin balleesse, namoota isatti amanan oolchuudhaaf doonii in dhiyeesse. Karaadhuma kana fakkaatuun namni hundumtuu sababa cubbuu isaatiin baduun kan isaaf ta’u ture, Waaqayyo garuu nama isatti amanu fayyisuuf Yesuusiin in kenne.

![](https://cdn.door43.org/obs/jpg/360px/obs-en-48-06.jpg)

Waggoota dhibba baay’eedhaaf lubootni cubbuu isaaniitiif adabbii ta’uun irra jiru isaanitti mul’isuudhaaf waa’ee sabichaatiif utuu wal irraa hin kutiin aarsaa Waaqayyoof in dhiyeessani. Aarsaawwan sun hundumtuu garuu cubbuu isaanii balleessuudhaaf hin dandeenye. Yesuus hangafa lubootaa isa guddaa dha. Luboota isaan biraa hunda irraa haala adda ta’een cubbuu namoota biyya lafaa hundumaa haquudhaaf kan danda’u aarsaa tokkicha godhee ofii isaa in dhiyeesse. Adabbii cubbuu namni kam iyyuu godhe tokko tokkoon waan fudhateef Yesuus hangafa lubootaa isa mudaa hin qabnee dha.

![](https://cdn.door43.org/obs/jpg/360px/obs-en-48-07.jpg)

Waaqayyo Abrihaamiin, “Qomoon saba lafaarraa hundinuu sababii keetiif in eebbifamu” jedhee itti hime. Yesuus dhaloota Abrihaam keessaa ti. Karaa isaa qomootiin saba hundumaa eebbifamaniiru, sababiin isaas kan Yesuusitti amanu tokkoon tokkoon namaa cubbuu irraa fayyeera, akkasumas dhaloota hafuuraa kan Abrihaam in ta’a.

![](https://cdn.door43.org/obs/jpg/360px/obs-en-48-08.jpg)

Ilma isaa Yisihaaqiin aarsaa godhee akka dhiyeessuuf yommuu Waaqayyo Abrihaamitti hime, Waaqayyo bakka ilma isaa Yisihaaq hoolaa aarsaa in dhiyeesse. Hundumti keenya cubbuu keenyaan du’uun nuuf in ta’a! Garuu bakka keenya bu’ee akka du’uuf hoolaa Waaqayyoo kan ta’e Yesuusiin in kenne.

![](https://cdn.door43.org/obs/jpg/360px/obs-en-48-09.jpg)

Biyya Gibxii irratti Waaqayyo balaa isa dhumaa yommuu erge, ilmoo hoolaa mudaa hin qabne qalanii dhiiga isaa michichila balbala mana isaanii irratti akka facaasan maatii Israa’elootaatti in hime. Waaqayyo yommuu dhigicha arge manootii irra darbee deeme, hangafoota ijoollee isaanii dhiirotaas hin ajjeefne. Gochi seena-qabeessi kuni Faasigaa jedhameera.

![](https://cdn.door43.org/obs/jpg/360px/obs-en-48-10.jpg)

Yesuus hoolaa faasigaa keenyaa ti. Inni mudaa kan hinqabnee fi cubbuu kan hin qabnee dha, yeroo ayyaana faasigaattis ajjeefame. Namni kam iyyuu Yesuusitti yommuu amanu, dhiigni Yesuus kaffaltii cubbuu nama sanaa ti, adabbiin Waaqayyoos nama sana irraa in darba.

![](https://cdn.door43.org/obs/jpg/360px/obs-en-48-11.jpg)

Waaqayyo saba isaa isa filatame Israa’el wajjin waadaa in gale. Amma garuu Waaqayyo nama hundaaf kan ta’u waadaa haaraa galeera. Sababa waadaa haaraa kanaatiin qomoo saba kamii keessa iyyuu kan ta’e namni kam iyyuu Yesuusitti amanuudhaan qomoo saba Waaqayyoo ta’uuf in danda’a.

![](https://cdn.door43.org/obs/jpg/360px/obs-en-48-12.jpg)

Museen sagalee Waaqayyoo kan labse raajii guddicha ture. Yesuus garuu raajii hunda caaluu dha. Inni waaqa dha, kanaafuu wanti inni godhee fi dubbate hojii fi dubbii Waaqayyoo ti. Kanumaafi dha Yesuus dubbii Waaqayyoo jedhamee kan waamamuuf.

![](https://cdn.door43.org/obs/jpg/360px/obs-en-48-13.jpg)

Sanyiiwwan isaa keessaa tokko mootii ta’ee saba Waaqayyoo irratti hamma baraa baraatti akka mo’u Waaqayyo mooticha Daawitiif abdii kenneef. Yesuus Ilma Waaqayyoo fi Masihicha waan ta’eef hamma bara baraatti mo’uudhaaf kan danda’u sanyii Daawit isa adda ta’e sana dha.

![](https://cdn.door43.org/obs/jpg/360px/obs-en-48-14.jpg)

Daawit mootii Israa’el ture, Yesuus garuu mootii uumamaa biyya lafaa hundaa ti! Deebi’ee dhufeetu mootummaa isaa irratti haqaa fi nageenyaan hamma baraa baraatti in mo’a.

*Seenaa Macaafa Qulqulluu: - Uum.1-3, 6, 14, 22, Ba’u. 12, 20, 2Sam. 7, Ib.3:1-6, 4:14-5:10, 7:1-8:13, 9:11-10:18, Mu’l.21*

## 49. Waadaa Waaqayyoo isa Haaraa

https://openbiblestories.org/l/om/story-49/

![](https://cdn.door43.org/obs/jpg/360px/obs-en-49-01.jpg)

Ergamtichi tokko shamarree durbaa Maariyaam jedhamtutti Ilma Waaqayyoo akka deessu itti hime. Kanaafuu isheen durba taatee utuu jirtuu Ilma deeseetu Yesuus jettee moggaafte. Kanaafuu Yesuus Waaqas namasi.

![](https://cdn.door43.org/obs/jpg/360px/obs-en-49-02.jpg)

Yesuus Waaqa ta’uu isaa kan mirkaneessani dinqiiwwan baay’ee godhe. Bishaan irra in adeeme, bubbee jabaa gab godhe, dhibamtoota baay’ee in fayyise, hafuurota hamoota in baase, du’aa in kaase, akkasumas buddeena shanii fi qurxummii xixinnoo lama namoota 5000 caalaniif akka ga’u in godhe.

![](https://cdn.door43.org/obs/jpg/360px/obs-en-49-03.jpg)

Akkasumas Yesuus barsiisaa guddicha dha, Ilma Waaqayyoos waan ta’eef aboodhaan in dubbate. Ofii keessan akkuma jaallattanitti namoota biroos jaalladhaa jedhee barsiise.

![](https://cdn.door43.org/obs/jpg/360px/obs-en-49-04.jpg)

Akkasumas inni qabeenya keessan dabalate waan hundumaa akkuma jaallatanitti Waaqayyoon jaalachuun isinirra jira jedhee barsiise.

![](https://cdn.door43.org/obs/jpg/360px/obs-en-49-05.jpg)

Yesuus mootummaan Waaqayyoo waan biyya lafaa irra jiru kam iyyuu caalatti ulfina-qabeettii dha jedhe. Nama kamiif iyyuu wanti baay’isee barbaachisaan qomoo mootummaa Waaqayyoo ta’uu dha. Gara mootummaa Waaqayyootti galuuf cubbuu keessan irraa fayyuu qabdu.

![](https://cdn.door43.org/obs/jpg/360px/obs-en-49-06.jpg)

Yesuus namootni tokko tokko amananii akka fayyan, isaan biroon garuu akka isa hin amanne barsiise. Namootni tokko tokko akka lafa gaarii ti jedhe. Misiraachoo waa’ee Yesuus amananii fayyu. Namootni kan biroon sanyiin dubbii sagalee Waaqayyoo akka isa itti hin gallee firii tokko illee akka isa hin buufnee akka lafa Dhakaa kattaa karaa qarqaraa jiruu ti. Namootni sun ergaa waa’ee Yesuus dubbatu kan hin fudhannee fi gara mootummaa isaatti kan hin gallee dha.

![](https://cdn.door43.org/obs/jpg/360px/obs-en-49-07.jpg)

Yesuus, Waaqayyo cubbamoota akka baay’ee jaallatu barsiise. Isaaniif dhiisuudhaa fi ijoollee isaa isaan gochuuf barbaada.

![](https://cdn.door43.org/obs/jpg/360px/obs-en-49-08.jpg)

Akkasumas Waaqayyo cubbuu akka jibbu Yesuus nutti himeera. Addaamii fi Heewaan yommuu cubbuu godhan cubbuun sanyii isaanii hundumaa in miidhe. Kana irraan kan ka’ee namni lafa irra jiru hundumtuu cubbuu in godha Waaqayyo irraas addaan in ba’a. Kanaafuu namni hundumtuu diina Waaqayyoo ta’eera.

![](https://cdn.door43.org/obs/jpg/360px/obs-en-49-09.jpg)

Garuu kan isatti amane hundumtuu jireenya baraa baraa akka argatuuf malee akka hin badneef Waaqayyo hamma tokkicha Ilma isaa kennutti biyya lafaa akkanumaan jaallateera.

![](https://cdn.door43.org/obs/jpg/360px/obs-en-49-10.jpg)

Sababa cubbuu keessaniitiin isin yakkamtoota waan taataniif du’atu isiiniif ta’a. Waaqayyo isinitti dheekkamuutu irra ture. Garuu dheekkamsa isaa isin irratti buusuurra Yesuus irratti buuse. Yesuus yommuu fannoo irratti du’e adabbii keessan fudhate.

![](https://cdn.door43.org/obs/jpg/360px/obs-en-49-11.jpg)

Yesuus gonkumaa cubbuu hin goone, garuu cubbuu keessaniif akkasumas cubbuu nama biyya lafaa irra jiru hundumaa haquudhaaf adabamuu fi aarsaa mudaa hin qabne ta’ee du’uu filate. Yesuus waan ofiidhuma isaa aarsaa godheef, Waaqayyo cubbuu kam iyyuu, cubbuu haamaa ta’ee illee dhiisuuf in danda’a.

![](https://cdn.door43.org/obs/jpg/360px/obs-en-49-12.jpg)

Hojjiiwwan gaggaariin isin fayyisuudhaaf hin danda’ani. Waaqayyoon wajjin walitti dhufeenya godhachuuf wanti gochuu dandeessan homtuu hin jiru. Yesuus qofatu cubbuu keessan isin irraa dhiquu danda’a. Yesuus Ilma Waaqayyoo ta’uu isaa, qooda keessan fannoo irratti du’uu isaa, Waaqayyos du’aa akka isa kaase qofa amanuu qabdu.

![](https://cdn.door43.org/obs/jpg/360px/obs-en-49-13.jpg)

Waaqayyo nama Yesuusitti amanuu fi kan Gooftaa isaa godhatee fudhatu kam iyyuu in fayyisa. Sooreyyii yookiin hiyyeessota, dhirra yookiin dubartii, jaarsa yookiin dargaggeessa, yookiin eessumayyuu yoo jiraattan homaa miti. Waaqayyo isinii wajjin walitti dhufeenya dhiyoo qabaachuuf akka danda’uuf isin jaallata, Yesuusitti akka amantanis in barbaada.

![](https://cdn.door43.org/obs/jpg/360px/obs-en-49-14.jpg)

Yesuusitti akka amantanii fi akka cuuphamtaniif isin in affeera. Yesuus Masihi tokkicha Ilma Waaqayyoo ta’uu isaa in amantuu? Cubbamoota ta’uu keessanii fi adabbii Waaqayyoof kan taatan ta’uu keessan in amantuu? Yesuus cubbuu keessan haquudhaaf fannoo irratti du’uu isaa in amantuu?

![](https://cdn.door43.org/obs/jpg/360px/obs-en-49-15.jpg)

Yesuusii fi waan inni isiniif godhetti yoo amantani, isin kristaanota! Waaqayyo Seexanaa fi mootuummaa dukkanaa keessaa isin baasee mootummaa ifaa isa kan Waaqayyoo keessa isin kaa’eera. Waaqayyo karaa wantoota ittiin raawwatani isa cubbuutii fi isa moofaa fageessee karaa raawwii haaraa fi qajeelaa ta’e isiiniif kenneera.

![](https://cdn.door43.org/obs/jpg/360px/obs-en-49-16.jpg)

Isin Kristaanota, sababii hojji Yesuus hojjeteef, Waaqayyo cubbuu keessan isiniif dhiiseera. Amma Waaqayyo qooda diinummaa firoota dhiyoo godhee isin lakkaa’a.

![](https://cdn.door43.org/obs/jpg/360px/obs-en-49-17.jpg)

Firoota Waaqayyoo fi tajaajiltoota Gooftaa Yesuus yoo taatani, waan Yesuus isin barsiisuuf in ajajamtu. Kristaanota yoo taatan illee ammas cubbuu gochuuf in qoramtu. Garuu Waaqayyo amanamaa waan ta’eef cubbuu keessan yoo himattan isinifan dhiisa jedha. Jabina ittiin cubbuu mormitan isiniif in kenna.

![](https://cdn.door43.org/obs/jpg/360px/obs-en-49-18.jpg)

Waaqayyo akka kadhattan, akka sagalee isa qu’attani, kristaanota biroo wajjin akka waaqeffattan, waan inni isiniif godhe akka warra kaanitti himtan isin in gaafata. Wantootni kun hundumtuu isaa wajjin gadi fageenyaan walitti dhufeenya akka qabaattaniif isin gargaaru.

*Seenaa Macaafa Qulqulluu:- Rom.3:21-26, 5:1-11, Yoh.3:16, Mar. 16:16, Qol.1:13-14, 2Qor.5:17-21, 1Yoh.1:5-10*

## 50. Yesuus in deebi’a

https://openbiblestories.org/l/om/story-50/

![](https://cdn.door43.org/obs/jpg/360px/obs-en-50-01.jpg)

Waggoota 2000 ta’aniif namootiin naannoo biyya lafaa jiranii baay’een waa’ee Yesuus Masihichaa misiraachoo dubbatu dhaga’aa turaniiru. Waldaan Kristaanaa guddachaa turte. Yesuus dhuma biyya lafaatti akka deebi’ee dhufu abdii kenneera. Inni hamma ammaatti yoo deebi’uu baate illee, abdii kenne in eeggata.

![](https://cdn.door43.org/obs/jpg/360px/obs-en-50-02.jpg)

Deebi’ee dhufuu Yesuus eeggachaa utuu jiruu, Waaqayyo karaa qulqulluu ta’e fi karaa ulfina isaaf ta’u akka jiraannu in barbaada. Akasumas waa’ee mootummaa isaa namoota biraatti akka himnu barbada. Yesuus lafa irra jiraachaa yommuu turetti, “duuka-buutotni koo misiraachoo waa’ee mootummaa Waaqayyoo namoota biyya lafaa irra jiraniitti iddoo hundumaatti in lallabu, yommu yeroon dhumaa in dhufa” jedhe.

![](https://cdn.door43.org/obs/jpg/360px/obs-en-50-03.jpg)

Qomoowwan saba baay’een amma iyyuu waa’ee Yesuus hin dhageenye. Yesuus gara waaqaatti utuu ol hin deebi’iin dura, misiraachoo isaa takkuma namoota hin dhagenyetti kristaanotni akka labsan isaanitti in hime. “Dhaqaatii qomoowwan saba hundumaa duuka-buutota isaan godhaa! Yeroon omisha walitti qabuus ga’eera!” jedhe.

![](https://cdn.door43.org/obs/jpg/360px/obs-en-50-04.jpg)

Dabalees Yesuus akkana jedhe, “Tajaajilaan Gooftaa isaa hin caalu. abbootni taa’itaa biyya lafaa kanaa akkumma ana jibbanitti, sababi kootiif isin in dhiphisu isin in ajjeesus. Biyya lafaa kana irratti gidiraan yoo isin irra ga’e iyyuu jabaadhaa, sababiin isaas ani biyya lafaa kana isa bitu Seexana mo’adheera. Isin anatti amantanii hamma dhumaatti yoo jabaattanii dhaabattan yommus Waaqayyo isin in fayyisa!

![](https://cdn.door43.org/obs/jpg/360px/obs-en-50-05.jpg)

Yeroo dhumni biyya lafaa taa’utti, waan namoota irra ga’u ibsuudhaaf Yesuus seenaa tokko duuka-buutota isaatti in hime. “Namichi tokko qonna isaa keessa sanyii gaarii facaase. Utuu inni ciisee jiruu diinni isaa dhufee qamadii keessatti aramaa facaaseetu deeme.”

![](https://cdn.door43.org/obs/jpg/360px/obs-en-50-06.jpg)

“Qamadiin faca’e yommuu biqile, tajaajiltootni namichichaa, ‘Gooftaa, qonna sanatti ati sanyii gaarii facaaftee turte. Maarree maaliif aramaa godhate? Gooftaanis, kan facaase diina ta’uu qaba’” jedhee isaaniif deebise.

![](https://cdn.door43.org/obs/jpg/360px/obs-en-50-07.jpg)

“Tajaajiltootni gooftaa isaniitiin ‘Aramicha buqifnuu ree?’ jedhanii isaaf deebisan. Gooftaan isaaniis akkana jedhe ‘Miti! Yoo akkana gootani qamadichas in buqqiftu. Hanga yeroo omisha walitti qabuutti turaatii aramaa walitti qabaa gubaa, qamadicha garuu gumbii kootti naaf naqaa.”

![](https://cdn.door43.org/obs/jpg/360px/obs-en-50-08.jpg)

Duuka-buutotaaf hiikoon seenichaa isaaniif hin galleef, kanaafuu akka isaaniif ibsuuf Yesuusiin in gaafatani. Yesuus akkana jedhe, “Sanyii gaaricha namni facaase Masihicha bakka bu’a. Qonnichis biyya lafaa bakka bu’a. Sanyichi gaariin namoota mootummaa Waaqayyoo bakka bu’a.”

![](https://cdn.door43.org/obs/jpg/360px/obs-en-50-09.jpg)

“Aramichi namoota isa hamaa hordofan bakka bu’a. Inni aramicha facaase diinicha daabiloosiin bakka bu’a. Yeroon omisha walitti qabuu dhuma biyya lafaa bakka bu’a, warri haamaa hamaanis ergamtoota Waaqayyoo bakka bu’u.

![](https://cdn.door43.org/obs/jpg/360px/obs-en-50-10.jpg)

Dhuma biyya lafaa irratti ergamootni namoota karaa daabiloos hordofan hundumaa walitti qabanii gara ibidda bubbisuutti isaan gadi in gatu, achittis in iyyu, dhiphina cimaadhaanis ilkaan isaanii in qaru. Yommuu sana qajeelotni mootummaa abbaa isaanii keessatti akka biiftuutti in ifu.”

![](https://cdn.door43.org/obs/jpg/360px/obs-en-50-11.jpg)

Dabalees Yesuus dhuma biyya lafaatiin dura gara biyya lafaatti akka deebi’u dubbate. Haaluma deemeen deebi’ee in dhufa, kunis, qaama namummaa in qabaata, duumessa waaqa irraan in dhufa. Yommuu Yesuus deebi’u kristaanni du’e tokkoon tokkoon isaa du’aa ka’uudhaan waaqa irratti isa in simata.

![](https://cdn.door43.org/obs/jpg/360px/obs-en-50-12.jpg)

Yeroo sanatti kristaanotni lubbuudhaan lafa irra jiraatan gara waaqaatti ol butamanii warra du’aa ka’an waliin in makamu. Achitti hundumti isaanii Yesuusii wajjin in ta’u. Sana booddee Yesuus nageenya fi tokkummaa mudaa hin qabneen saba isaa wajjin bara baraan in jiraata.

![](https://cdn.door43.org/obs/jpg/360px/obs-en-50-13.jpg)

Yesuus namoota isatti amanan hundumaaf akka gonfoo isaanii kennu abdii kenneera. Isaan nagaa mudaa hin qabaannen Waaqayyo wajjin bara baraan in jiraatu in mo’us.

![](https://cdn.door43.org/obs/jpg/360px/obs-en-50-14.jpg)

Kan Yesuusitti hin amanne hundumaatti garuu Waaqayyo in farada. Iddoo bara baraan itti bo’anii fi dhiphinaan ilkaan isaanii qaran si’oolitti isaan in gata. Ibiddi matuma hin dhaamne yeroo hundumaa isaan in guba, raammotnis isaan nyaachuu matuma hin dhaabani.

![](https://cdn.door43.org/obs/jpg/360px/obs-en-50-15.jpg)

Yommuu Yesuus deebi’u seexanaa fi mootummaa isaa guutummaatti in barbadeessa. Seexana warra Waaqayyoof abboomamuu irraa isa duuka-bu’uu filatan hundaa wajjin baraa hamma baraatti bakka itti gubatan si’oolitti gadi isa in gata.

![](https://cdn.door43.org/obs/jpg/360px/obs-en-50-16.jpg)

Addaamii fi Heewaan Waaqayyoof waan hin abboomamnee fi cubbuus gara biyya lafaatti waan fidaniiif Waaqayyo biyya lafaa in abaare, balleessuufis in murteesse. Gaafa tokko garuu Waaqayyo waaqaa fi lafa haaraa mudaa hin qabne in uumama.

![](https://cdn.door43.org/obs/jpg/360px/obs-en-50-17.jpg)

Yesuusii fi sabni isaa lafa haaraa irra in jiraatu, waan jiru hundumaa irratti hamma baraa baraatti in mo’u. Inni imimmaan hundumaa in haqa, kana booddee dhiphinni, gaddi, boo’ichi, haammeenyi, dhukkubni, yookin duuti hin jiru. Yesuus mootummaa isaa irrattinagaa fi haqaan in mo’a, hamma baraa baraatti saba isaa wajjin in ta’a.

*Seenaa Macaafa Qulqulluu:- Matt.24:14, 28:18, Yoh.15:20, 16:33, Mul. 2:10, Matt.13:24-30, 36-42, 1Tas. 4:13-5:11, Yaaq.1:12, Matt. 22:13, Mul. 20:10, 21:1-22:21*