# unfoldingWord Open Bible Stories — Duruwa

- Language code: `pci`
- Canonical page: https://openbiblestories.org/l/pci/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Duruwa translation; it is not a translation of the whole Bible.

## 1. ୧. ମାପ୍‌ରୁ ଦେଶେମ୍‌ଦିଙ୍ଗ୍ ତିଆର୍‌ କିତି କାତାନି

https://openbiblestories.org/l/pci/story-1/

![](https://cdn.door43.org/obs/jpg/360px/obs-en-01-01.jpg)

ଇୟାୱାଜା ମାପ୍‌ରୁ ଆରାମ୍‌ଦାନ୍ ୱିଜୁ ବିଷୟ୍‌ଦିଙ୍ଗ୍ ତିଆର୍ କିତାନ୍ ଗାନି। ମାପ୍‌ରୁ ଆରୁ ଦିନାମ୍ ଦୁନିୟା ମାରି ଆବେମାନି ୱିଜୁ ବିଷୟଦିଙ୍ଗ୍‌ ତିଆର୍ କିତାନ୍। ଏସେଙ୍ଗ୍ ମାପ୍‌ରୁ ଦୁନିୟାଦିଙ୍ଗ୍ ତିଆର୍‌ କିତାନ୍, ତିଆର୍‌କିତି ୱେନ୍‌କା ଦୁନିୟା ସିକାଟି ମାରି ୱିଡ଼ିମାହାତ୍, ମାତର୍ ମାପ୍‌ରୁ ଇୟେଲ୍ ବା ଆବେନୁ ଏମେ ବିଷୟ୍ ବା ତିଆରକିଏଣ୍ତା ମାର୍‌ହାନ୍। ମାରି ମାପ୍‌ରୁଦି ଆତ୍ମା ଏରୁ ମୁସ୍‌କୁ ବୁଲାଜି ମାର୍‌ହାନ୍।

![](https://cdn.door43.org/obs/jpg/360px/obs-en-01-02.jpg)

ଦାନିୱେନ୍‌କା ମାପ୍‌ରୁ ୱେର୍‌ତାନ୍, “ ଜାୟିଆପିତ୍!” ମାରି ଜାୟି ଆତାତ୍। ମାପ୍‌ରୁ ସୁଡ଼୍‌ତାନ୍ ଜେ ଜାୟି ନେଗେଣ୍ଡ୍ ମାର୍‌ହାତ୍ ମାରି ଆୟା ଜାୟିଦିଙ୍ଗ୍ “ଦିନାମ୍‌” ଇଜି ଦରୁ ସିତାନ୍। ମାରି ୱାଣ୍ତ୍ରୁ ଜାୟିଦିଙ୍ଗ୍ ସିକାଟିଦାନ୍ ୱେହେକିତାନ୍ ଦାନିଙ୍ଗ୍ ୱାଣ୍ଡ୍ରୁ “ନାଡ଼ା” ଇଜି ଦରୁ ସିତାନ୍। ତିଆର୍ କିତି ପର୍‌ତୁମ୍ ଦିନାମ୍ ଜାୟିଦିଙ୍ଗ୍ ମାପ୍‌ରୁ ତିଆର୍ କିତାନ୍।

![](https://cdn.door43.org/obs/jpg/360px/obs-en-01-03.jpg)

ତିଆର୍ କିତି ରୁଣ୍ଡି ଦିନାମ୍ ମାପ୍‌ରୁ ୱେର୍‌ତାନ୍, “ ଏରୁ ମୁସ୍‌କୁ ଉଣ୍ଡ୍ରେ ୱିଡ଼ି ବାଡି ଆପିତ୍।” ମାରି ୱିଡ଼ି ବାଡି ଆତାତ୍‌। ମାପ୍‌ରୁ ଆୟା ୱିଡ଼ି ବାଡିଦିଙ୍ଗ୍ “ବାଦଡ଼୍‌” ଇଜି ଦରୁ ସିତାନ୍।

![](https://cdn.door43.org/obs/jpg/360px/obs-en-01-04.jpg)

ତିଆର୍ କିତି ରୁଣ୍ଡି ଦିନାମ୍ ମାପ୍‌ରୁ ୱେର୍‌ତାନ୍, “ ଏରୁ ଉନ୍‌ଡ୍ରେବାନୁ ଉଣ୍ତାପିତ୍ ମାରି ୱାହ୍‌ତିବୁମି ତରିତ୍‌” ୱାଣ୍ତ୍ରୁ ଆୟା ୱାହ୍‌ତିବୁମିଦିଙ୍ଗ୍ “ପୁର୍‌ତିବି” ମାରି ଏରୁଦିଙ୍ଗ୍ “ସାମ୍‌ଦୁର୍” ଇଜି ଦରୁ ସିତାନ୍। ମାପ୍‌ରୁ ସୁଡ଼୍‌ତାନ୍ ଜେ ୱାଣ୍ତ୍ରୁ ଏମେକେଙ୍ଗ୍ ତିଆର୍ କିତାମାର୍‌ହାନ୍ ଆୟାକେଙ୍ଗ୍‌ ୱିଜୁ ନେଗେଣ୍ତ୍ ମାହେ।

![](https://cdn.door43.org/obs/jpg/360px/obs-en-01-05.jpg)

ମାରି ମାପ୍‌ରୁ ୱେର୍‌ତାନ୍, “ପୁର୍‌ତିବି ୱିଜୁ ରୋକମ୍‌ତି ମାରାକୁ ଲାଟାବୁଟେଙ୍ଗ୍ ନେରିତ୍‌।” ମାରି ଇୱାଜାନେ ଆତାତ୍। ମାପ୍‌ରୁ ସୁଡ଼୍‌ତାନ୍ ଜେ ୱାଣ୍ତ୍ରୁ ଏମେକା ତିଆର୍‌କିତା ମାର୍‌ହାନ୍ ଆକା ନେଗେଣ୍ଡ୍ ମାର୍‌ହାତ୍।

![](https://cdn.door43.org/obs/jpg/360px/obs-en-01-06.jpg)

ତିଆର୍‌କିଜି ନାଲ୍‌ଗି ଦିନାମ୍ ମାପ୍‌ରୁ ୱେର୍‌ତାନ୍, “ବାଦଢ୍‌ଦୁ ଜାୟି ଆପିତ୍” ମାରି ୱେଡ଼ା, ଲେନ୍‌ଜୁ ମାରି ସୁକେଙ୍ଗ୍ ତରିତେ। ମାପ୍‌ରୁ ୱାନ୍‌କାଙ୍ଗ୍‌ ପୁର୍‌ତିବିମୁସ୍‌କୁ ଜାୟି ସିନି ୱାନ୍ଦିଙ୍ଗ୍‌ ମାରି ୱେଡ଼େ ନାଡ଼ା, କାଡ଼ା ମାରି ବର୍ଷଦିଙ୍ଗ୍ ଆଇକା କିନିୱାନ୍ଦିଙ୍ଗ୍‌ ତିଆର୍‌ କିତାନ୍।

![](https://cdn.door43.org/obs/jpg/360px/obs-en-01-07.jpg)

ଆଇଦୁ ଦିନାମ୍ ମାପ୍‌ରୁ ୱେର୍‌ତାନ୍, ଏରୁଦୁମାନି ଜାନ୍ତୁଙ୍ଗ୍‌, ମାରି ବାଦଢ୍‌ଦୁ ପଟିଙ୍ଗ୍ ଇମିଉ”। ଇୱାଜାନେ ୱାଣ୍ଡ୍ରୁ ଏରୁଦୁ ପଙ୍ଗ୍‌ରାନି ୱିଜୁ ଜାନ୍ତୁଦିଙ୍ଗ୍‌ ମାରି ପଟିଙ୍ଗ୍ ତିଆର କିତାନ୍। ମାପ୍‌ରୁ ସୁଡ଼୍‌ତାନ୍ ଜେ ଇକେଙ୍ଗ୍ ନେଗେଣ୍ଡ୍ ମାର୍ହାତ୍‌ ମାରି ୱାନ୍‌କାଙ୍ଗ୍‌ ଆର୍ଶିବାଦ୍ କିତାନ୍।

![](https://cdn.door43.org/obs/jpg/360px/obs-en-01-08.jpg)

ତିଆର୍‌କିତି ଆରୁ ଦିନାମ୍ ମାପ୍‌ରୁ ୱେର୍‌ତାନ୍, “ଭୁମିଦୁ ମାନ୍‌ଜିନି ୱିଜୁ ରୋକମ୍‌ତି ଜନ୍ତୁଙ୍ଗ୍‌ ଆପିଉ।” ମାରି ମାପ୍‌ରୁ ୱେର୍‌ତି ଇସାବ୍‌ଦାନ୍ ଆୟାୱାଜା ଆତାତ୍। ଏସୋ ଜାନ୍ତୁଙ୍ଗ୍ ଇଣ୍ଡ୍ର ପସା କିନିକେଙ୍ଗ୍ ମାହେ, ମାରି ଭୁମିଦୁ ବୁଲାନିକେଙ୍ଗ୍, ମାରି ଗରୋତୁ ମାନ୍‌ଜିନି ଜାନ୍ତୁଙ୍ଗ୍ ମାହେ। ମାରି ମାପ୍‌ରୁ ସୁଡ଼୍‌ତାନ୍ ଜେ ଇକା ନେଗେଣ୍ଡ୍ ମାର୍‌ହାତ୍।

![](https://cdn.door43.org/obs/jpg/360px/obs-en-01-09.jpg)

ମାରି ମାପ୍‌ରୁ ୱେର୍‌ତାନ୍, “ରାଆ ମାଡୁ ଲୋକାଙ୍ଗ୍ ନିଜେ ମୁର୍ତିଦାନ୍ ମାରି ନିଜେ ସମାନ୍‌ଦାନ୍ ତିଆର୍‌କିନାଟ୍। ୱାରୁ ପୁର୍‌ତିବି ମୁସ୍‌କୁ ମାରି ୱିଜୁ ଜାନ୍ତୁଙ୍ଗାଁ ମୁସ୍‌କୁ ଶାସନ୍ କିନାନ୍।”

![](https://cdn.door43.org/obs/jpg/360px/obs-en-01-10.jpg)

ଆୟାୱାନ୍ଦିଙ୍ଗ୍‌ ମାପ୍‌ରୁ ସିକ୍‌ଲା ଅସି ଲୋକୁଦିଙ୍ଗ୍ ତିଆର୍‌କିତାନ୍ ମାରି ୱାନିଡାଗ୍‌ରୁ ଜିଉଦି ଫୁଣ୍ଡା ତୁବିତାନ୍। ଇଆ ଲୋକୁଦି ଦୋରୁ ଆଦମ ମାର୍‌ହାତ୍। ଆଦମ୍‌ ମାଣ୍ଡ୍ରେଙ୍ଗ୍‌ ମାପ୍‌ରୁ ଉଣ୍ଡ୍ରେ ପେରି ଡଡି ତିଆର୍ କିତାନ୍ ମାରି଼ ଦାନିଙ୍ଗ୍‌ ଜାତୁନ୍ କିଦେଙ୍ଗ୍‌ ଆଦମ୍‌ଦିଙ୍ଗ୍ ଆବେ ଇଟ୍‌ତାନ୍।

![](https://cdn.door43.org/obs/jpg/360px/obs-en-01-11.jpg)

ଆୟା ଡଡି ନାଣ୍‌ମି ମାପ୍‌ରୁ ରୁଣ୍ଡି ନେଗି ମାରାକୁ ଉହ୍‌ତାନ୍ - ଜୀଉଦି ମାରାନୁ ମାରି ନେଗେଣ୍ଡ୍ ମାରି ସେଏଣ୍ଡ୍‌ଦି ବୁଦିଦି ମାରାନୁ। ମାପ୍‌ରୁ ଆଦମଦିଙ୍ଗ୍ ୱେର୍‌ତାନ୍ ଗାନି ୱାଣ୍ଡ୍ରୁ ଡଡିଦି ଜିଉଦି ମାରାନୁ ମାରି ନେଗେଣ୍ଡ୍ ମାରି ସେଏଣ୍ଡ୍‌ଦି ବୁଦିଦି ମାରାନୁଦିଙ୍ଗ୍ ଢିସ୍‌ସି ଆଇ ମାରାକାଣି ୱିଜୁ କାଏଙ୍ଗ୍ ତିନିଦେର୍। ଜଦି ୱାଣ୍ଡ୍ରୁ ଆୟା ମାରାତି କାଏଙ୍ଗ୍ ତିନାନ୍ ମାରି ୱାଣ୍ତ୍ରୁ ସାନାନ୍‌।

![](https://cdn.door43.org/obs/jpg/360px/obs-en-01-12.jpg)

ମାରି ମାପ୍‌ରୁ ୱେର୍‌ତାନ୍, “ଲୋକୁ ଅରେନ୍ଡ୍ରେ ମାନ୍‌ଣ୍ଡ୍ରେଙ୍ଗ୍ ନେଗେଣ୍ଡ୍ ସିଲେ।” ମାରି ଏମେକେଙ୍ଗ୍‌ବା ଜାନ୍ତୁଙ୍ଗ୍ ୱାନି ୱାଲେ ତଡ଼ୁ ଆଦେଙ୍ଗ୍ ଆଟ୍‌ଉତେ।

![](https://cdn.door43.org/obs/jpg/360px/obs-en-01-13.jpg)

ଇୟାୱାଜା ମାପ୍‌ରୁ ଆଦମ୍‌ଦିଙ୍ଗ୍ ନାଣ୍ଡ ସୁଷ୍‌କାଣ୍‌କାଙ୍ଗ୍ ତେର୍‌ପ୍‌ତାନ୍। ଦାନିୱେନ୍‌କା ମାପ୍‌ରୁ ଆଦମ୍‌ଦି ଉଣ୍ଡ୍ରି ପାଞ୍ଜ୍‌ରା ପେଡ଼େନୁ ଅସି ଦାନିଙ୍ଗ୍‌ ଉଣ୍ଡ୍ରି ଆଇଲି କଢଦିଙ୍ଗ୍ ତିଆର୍ କିତାନ୍ ମାରି ଆଇଲି କଢୋଦିଙ୍ଗ୍ ଆଦମ୍ ଡାଗ୍‌ରୁ ତାତାନ୍।

![](https://cdn.door43.org/obs/jpg/360px/obs-en-01-14.jpg)

ମାରି ଆଦମ୍ ଦାନିଙ୍ଗ୍‌ ସୁଡ଼୍‌ତାନ୍ ନେ ୱେର୍‌ତାନ୍, “ଇଏଲ୍ ଆତାତ୍! ୱାଦୁ ବା ନାୱାଜା ନେ! ଦିନିଙ୍ଗ୍‌ ଆଇମା ଇଜି ୱେହ୍‌ନାର୍, ମାତର୍ ୱାଦୁ ମେମାର୍ କୋଢଦାନ୍ ତିଆର୍ ଆତାତ୍।” ଇୟାୱାନ୍ଦି୍ଗ୍‌ ମେମାର୍‌ କୋଢ ନିଜେ ୟାୟା ବୁବାଦିଙ୍ଗ୍‌ ଢିସ୍‌ସି ସିଜି ମାରି ନିଜେ ଆଡ଼୍‌ସିୱାଲେ ଉଣ୍ଡ୍ରେ ଆଜିନାର୍।

![](https://cdn.door43.org/obs/jpg/360px/obs-en-01-15.jpg)

ମାପ୍‌ରୁ ମେମାରଦିଙ୍ଗ୍ ମାରି ଆଇଲି କୋଢଦିଙ୍ଗ୍ ନିଜେ ରୁପ୍‌ଦାନ୍ ତିଆର୍ କିତାନ୍। ୱାଣ୍ତ୍ରୁ ୱାରିଙ୍ଗ୍ ଆର୍ଶିବାଦ୍ କିଜି ମାରି ୱେର୍‌ତାନ୍, “ନାଣ୍ଡ କୋଢ କକ୍‌ରାର୍ ମାରି ମାରିନ୍ ନି ଗାଡ଼୍‌ସି ଜନମ୍ କିଦୁ ମାରି ପୁର୍‌ତିବିଦୁ ପୁରା କିଦୁ!” ମାରି ମାପ୍‌ରୁ ସୁଡ଼୍‌ତାନ୍‌ନେ ଏମେୱିଜୁ ତିଆର୍ କିତାମାର୍‌ହାନ୍ ଆକା ୱିଜୁ ନେଗେଣ୍ଡ୍ ମାର୍‌ହାତ୍, ମାରି ୱାଣ୍ତ୍ରୁ ୱିଜୁଦାନିଙ୍ଗ୍‌ ନାଣ୍ଡ ସାର୍‌ଦା ମାର୍‌ହାନ୍। ଇୟା ୱିଜୁ ଆରୁ ଦିନାମ୍‌ ଲୋଇ ତିଆର୍ ଆତାମାର୍‌ହାତ୍।

![](https://cdn.door43.org/obs/jpg/360px/obs-en-01-16.jpg)

ଏସେଙ୍ଗ୍ ଏଢୁ ଦିନାମ୍ ଆତାତ୍ ମାରି ଇନିକା ୱିଜୁ ମାପ୍‌ରୁ କିଜିମାର୍‌ହାନ୍ ୱାଣ୍ତ୍ରୁ ଆୟାୱିଜୁ ପାଣିଦିଙ୍ଗ୍ ୱିସ୍‌ତାନ୍। ୱାଣ୍ତ୍ରୁ ଏଢୁ ଦିନାମ୍‌ଦିଙ୍ଗ୍ ଆର୍ଶିବାଦ୍ କିତାନ୍ ମାରି ଦାନିଙ୍ଗ୍‌ ପବିତ୍ର କିତାନ୍, ମାରି ଆୟା ଦିନାମ୍ ୱାଣ୍ଡ୍ରୁ ୱିଜୁ ଜିନିସ୍‌ ତିଆର୍ କିଜି ୱିସ୍‌ତା ମାର୍‌ହାନ୍। ଇୟାୱାଜା ମାପ୍‌ରୁ ଦୁନିୟାଦୁ ମାରି ଆବେନୁ ମାହି ୱିଜୁ ବିଷୟ୍‌ଦିଙ୍ଗ୍ ତିଆର୍ କିତାନ୍।

*ଆଦି ପୁସ୍ତକ ୧-୨ ଦାନ୍ ବାଇବଲ୍‌ଦି ଉଣ୍ଡ୍ରି କାତାନି*

## 2. ୨. ପାପାମ୍ ସାମ୍‌ସାରାମ୍‌ ଲୋଇ ଡ଼ୁଗିତାତ୍‌

https://openbiblestories.org/l/pci/story-2/

![](https://cdn.door43.org/obs/jpg/360px/obs-en-02-01.jpg)

ଆଦମ୍ ମାରି ଦାନି ଆଡ଼୍‌ସି ମାପ୍‌ରୁଦି ବାଣାନ୍ ୱାନିୱାନ୍ଦିଙ୍ଗ୍‌ ତିଆର୍ କିତିମାହିକା ନେଗି ଡଡିଦୁ ସାର୍‌ଦା ଦାନ୍ ମାନ୍‌ଜି ମାର୍‌ହାର। ୱାରିଲୋଇହାନ୍ ଏୟେର୍‌ବା ସକାପାସିଆ ଆରାଏଜି ମାର୍‌ହାର୍, ମାରିବା ଆୟାମାଟା ୱାରି ଲୋଇହାନ୍ ଏୟେଙ୍ଗ୍‌ବା ସେମାର୍ ସିଲେଣ୍ତା ମାର୍‌ହାତ୍‌, ମାତର୍ ସାମ୍‌ସାରାମ୍‌ଦୁ ପାପାମ୍ ସିଲେଣ୍ଡା ମାର୍‌ହାତ୍। ୱାରୁ ୱିଜୁୱାଲେ ଡଡିଦୁ ବୁଲାଜି ମାର୍‌ହାର୍ ମାରି ମାପ୍‌ରୁଦିୱାଲେ ମାଟା ୱାର୍‌ଗିଜି ମାର୍‌ହାର୍।

![](https://cdn.door43.org/obs/jpg/360px/obs-en-02-02.jpg)

ମାତର୍ ଆୟା ଡଡିଦୁ ଉଣ୍ଡ୍ରେ ସାରାସୁ ମାର୍‌ହାତ୍। ଆକାତ୍‌ ବିସ୍ତାର୍‌ ସାଲାକି ମାର୍‌ହାତ୍। ଆକାତ୍ ଆୟା ଆଡ଼୍‌ସିଙ୍ଗ୍ ୱେନ୍‌ବାତାତ୍, “ଇନିକା ନିଜାମେନେ ମାପ୍‌ରୁ ନିଙ୍ଗିଁ ଇୟା ଡଡିଦି ଇନିକାବା ମାରାତି କାଏଙ୍ଗ୍ ତିଣ୍ଡ୍ରେଙ୍ଗ୍ ମନାକିତା ମାର୍‌ହାନ୍ ନା?”

![](https://cdn.door43.org/obs/jpg/360px/obs-en-02-03.jpg)

ଆୟା ଆଡ଼୍‌ସି ୱେହ୍‌ତାତ୍, “ମାପ୍‌ରୁ ମାଙ୍ଗିଁ ୱେତାମାନା ଜେ ମାଡୁ ଆୟା ନେଗେଣ୍ଡ୍ ବା ସେଏଣ୍ଡ୍‌ଦି ବୁଦିଦି ମାରାନୁ କାଏଙ୍ଗ୍ ଡ଼ିସ୍‌ସି ଏମେ ମାରାତି କାଏଙ୍ଗ୍‌ବା ତିନ୍‌ଡ୍ରେଙ୍ଗ୍‌ ଆଟ୍‌ନି। ମାପ୍‌ରୁ ମାଙ୍ଗିଁ ୱେର୍‌ତାମାନାନ୍ ଜେ ଜଦି ମିରୁ ଆୟା କାଏଙ୍ଗ୍ ତିନିଙ୍ଗାଁ ବା ମୁଟ୍‌ନିଦେର୍ ବା ମାରି ମିରୁ ସାନିଦେର୍।”

![](https://cdn.door43.org/obs/jpg/360px/obs-en-02-04.jpg)

ଆୟା ସାରାସୁ ଆଡ଼୍‌ସିଙ୍ଗ୍ ୱେର୍‌ତାତ୍, “ଇୟାକା ନିଜାମ୍‌ ସିଲେତ୍! ମିରୁ ସାଇଦେର୍। ମାପ୍‌ରୁ ନେସ୍‌ତାମାନାନ୍ ଜେ ଏସ୍ତିୱାଲେ ମିରୁ ଆୟା କାଏଙ୍ଗ୍ ତିନିଦେର୍, ମିରୁ ମାପ୍‌ରୁ ସମାନ୍ ଆନିଦେର୍ ମାରି ୱାନିୱାଜା ନେଗେଣ୍ଡ୍ ବା ସେଏଣ୍ଡ୍‌ଦିଙ୍ଗ୍ ନେସ୍‌ତେଙ୍ଗ୍ ଆଟ୍‌ନିଦେର୍।”

![](https://cdn.door43.org/obs/jpg/360px/obs-en-02-05.jpg)

ଆୟା ଆଡ଼୍‌ସି ସୁଡ଼୍‌ତାତ୍ ଜେ ଆୟା ମାରାତିକାୟା ତିନ୍‌ଣ୍ତ୍ରେଙ୍ଗ୍ ନେଗେଣ୍ଡ୍ ମାରି ସୁଡ଼୍‌ଦେଙ୍ଗ୍ ମାନ୍‌ସୁଦିଙ୍ଗ୍ ମୁଟ୍‌ତିଲେକେନ୍ ମାର୍‌ହାତ୍। ଆକାତ୍‌ବା ବୁଦିଆଦେଙ୍ଗ୍ ମାନ୍‌ସୁକିଜି ମାର୍‌ହାତ୍, ଇୟାୱାନ୍ଦିଙ୍ଗ୍ ଆକାତ୍ ଆୟା କାଏଙ୍ଗ୍ କଇଜି ତିହାତ୍। ମାରି ନିଜେ ମାନ୍‌ସିଙ୍ଗ୍ ଏୟେନ୍‌ଗି ୱାନିୱାଲେ ମାହାନ୍ ଆୟାକାୟା ସିତାତ୍, ମାରି ୱାଣ୍ତ୍ରୁବା ତିହାନ୍।

![](https://cdn.door43.org/obs/jpg/360px/obs-en-02-06.jpg)

ଗାଦେମ୍‌, ୱାରି କାଣ୍‌କୁ ତୋରିତେ, ମାରି ୱାନିଙ୍ଗ୍ ଜାଣା ପଡ଼େଆତାତ୍ ଜେ ୱାରୁ ଡୁମ୍‌ଡା ନାଗ୍‌ଡ଼ା ମାର୍‌ହାର୍। ୱାରୁ ଆକୁ କୁଡୁପ୍‌ସି ସକା ସିଲେକିଜି ନିଜେ ମେନ୍ଦଲ୍‌ଦୁ ଆରାଦେଙ୍ଗ୍ ସେଷ୍ଟାକିତାର୍।

![](https://cdn.door43.org/obs/jpg/360px/obs-en-02-07.jpg)

ଆୟାୱେଡ଼ାଦୁ ମାନ୍‌ସି ମାରି ଦାନିଆଡ଼୍‌ସି ଆୟା ଡଡିଦୁ ବୁଲାଜିମାହି ୱାଲେ ମାପ୍‌ରୁଦି ସେଉଡ଼ୁ ୱେହାର୍‌। ୱାରୁ ରିଏର୍ ମାପ୍‌ରୁଦିବାଣାନ ମାରାଗିତାର୍। ଆୟାୱେଡ଼ାଦୁ ମାପ୍‌ରୁ ମାନ୍‌ସିଙ୍ଗ୍ ସେଉଡ଼ୁ ଆଜି କୁକ୍‌ତାନ୍, “ ନିନୁ ଏମେମାନି? ” ଆଦମ୍ ଉତର୍ ସିତାନ୍‌, “ନାନୁ ନିଙ୍ଗିଁ ଡଡିଦୁ ନି ବୁଲାନିକା ୱେହା, ମାରି ନାନୁ ତିଲାତା ମାହା, ମାରି ନାନୁ ଡୁମ୍‌ଡା ମାହା। ଇୟାୱାନ୍ଦିଙ୍ଗ୍‌ ମାରାଗିତା। ”

![](https://cdn.door43.org/obs/jpg/360px/obs-en-02-08.jpg)

ମାରିଅର୍‌ସୁ ମାପ୍‌ରୁ ୱେନ୍‌ବାତାନ୍, “ନିଙ୍ଗିଁ ଏୟେନ୍‌ ୱେହ୍‌ତାନ୍‌ ନିନୁ ଡୁମ୍‌ଡା ମାନି ? ଇନିକା ନିନୁ ଆୟାକାୟା ତିହି ନା ଏମେକାଗି ନାନୁ ତିନ୍‌ଣ୍ଡ୍ରେଙ୍ଗ୍ ୱେହ୍‌ଏଣ୍ଡା ମାହା?” ମାନ୍‌ସି ୱେର୍‌ତାନ୍, ନିନୁ ସିତିମାହି ଏମେ ଆୟା ଆଡ଼୍‌ସି ଆଦିନେ ନାଙ୍ଗିଁ କାୟା ସିତାତ୍।” ମାରି ମାପ୍‌ରୁ ଆଡ଼୍‌ସିଙ୍ଗ୍ ୱେନ୍‌ବାତାତ୍‌,“ ନିନୁ ଇୟାକା ଇନିକାକିତି?” ଆୟା ଆଡ଼୍‌ସି ୱେହ୍‌ତାତ୍, “ ସାରାସୁ ନାଙ୍ଗିଁ ଦକାସିତାତ୍‌।”

![](https://cdn.door43.org/obs/jpg/360px/obs-en-02-09.jpg)

ମାପ୍‌ରୁ ନେ ସାରାସୁଦିଙ୍ଗ୍ ୱେର୍‌ତାନ୍, “ ନିନୁ ଆନାଦୁରିଆ ଆଆ ! ନିନୁ ନିଜେଦି ପଟାସିଜି ବୁଲାନି ମାରି ସିକ୍‌ଲାତିନି। ନିନୁ ମାରି ଇୟା ଆଡ଼୍‌ସି ରିଇଦେର୍ କାରାଆନିଦେର୍, ନି ମାରିନ୍ ମାରି ୱାରି ମାରିନ୍‌ଦି ରିଏର୍ କାରାଇ ଆନାର୍। ଇୟା ଆଡ଼୍‌ସିଦି କାଲୁ ନି ତାଲାଦିଙ୍ଗ୍ କତ୍‌ନାତ୍‌,ମାରି ନିନୁ ୱାନି କାଲୁଦୁ ଟକ୍‌ନି।”

![](https://cdn.door43.org/obs/jpg/360px/obs-en-02-10.jpg)

ଦାନିୱେନ୍‌କା ମାପ୍‌ରୁ ଆଡ଼୍‌ସିଙ୍ଗ୍ ୱେର୍‌ତାନ୍, “ ନାନୁ ନି କଡ଼ ଜନମ୍ ସିଦେଙ୍ଗ୍ ଇଜି ନାଣ୍ଡୋ କଷ୍ଟାମ୍ କିବିସ୍‌ନା। ନିନୁ ନିଜେ ମାନ୍‌ସିଦିଙ୍ଗ୍ ଅଡ଼୍‌ବିଜିନି, ମାରି ୱାଣ୍ଡ୍ରୁ ନି ମୁସ୍‌କୁ ସାସନ୍‌ କିନାନ।”

![](https://cdn.door43.org/obs/jpg/360px/obs-en-02-11.jpg)

ମାପ୍‌ରୁ ମାନ୍‌ସିଦିଙ୍ଗ୍‌ ୱେର୍‌ତାନ୍, “ ନିନୁ ନି ଆଡ଼୍‌ସି ମାଟା ୱେହିମାନି ମାରି ନା ମାଟା ୱେନ୍‌ଇ। ଇୟାୱାନ୍ଦିଙ୍ଗ୍ ଭୁମି ଆନାଦୁରିଆ ଆତାତ୍, ମାରି ନିଙ୍ଗିଁ ଉଣିୱାନ୍ଦିଙ୍ଗ୍‌ ନାଣ୍ତୋ କାଷ୍ଟାମ୍ କିଦେଙ୍ଗ୍ ମାନାତ୍। ମାରି ନିନୁ ସାନିସୋନି, ମାରି ନି ମେନ୍ଦଲ୍ ସିକ୍‌ଲାଦୁ କୁଡ଼୍‌ଜି ସନାତ୍‌।” ଆୟା ମାନ୍‌ସି ନିଜେ ଆଡ଼୍‌ସି ଦୋରୁ ହୋବା ଇଟ୍‌ତାନ୍, ଦାନି ଅର୍‌ତ “ଜିଉ ସିନି ଲୋକୁ”, ମାତର୍ ୱିଜୁ ଜାତିଦି ୟାୟା ଆନାତ୍। ମାରି ମାପ୍‌ରୁ ଆଦମ୍‌ଦିଙ୍ଗ୍ ନି ହୋବାଦିଙ୍ଗ୍ ଜାନ୍ତୁଦି ତୋଲୁଦାନ୍ ତିଆର୍‌କିତି ସକା ଆରିସ୍‌ତାନ୍।

![](https://cdn.door43.org/obs/jpg/360px/obs-en-02-12.jpg)

ମାରି ମାପ୍‌ରୁ ୱେର୍‌ତାନ୍, “ଏୟେଲ୍ ଲୋକୁ ନେଗିଦାନିଙ୍ଗ୍ ମାରି ସେଇଦାନିଙ୍ଗ୍ ନେସ୍‌ନିୱାନ୍ଦିଙ୍ଗ୍‌ ମାୱାଜା ଆତାସର୍‌ହାର୍‌, ଇୟାୱାନ୍ଦିଙ୍ଗ୍‌ ୱାରିଙ୍ଗ୍ ଆୟା ଜିଉତି ମାରାନୁତି ଆୟାକାୟା ତିଣ୍ଡ୍ରେଙ୍ଗ୍ ସିଦେଙ୍ଗ୍ ଆଏତ୍‌ଗି ଆହୁଇହିଙ୍ଗାଁ ୱିଜୁଦିନାମ୍ ଜିଉ ମାନ୍‌ଜିନାର୍।” ଇୟାୱାନ୍ଦିଙ୍ଗ୍‌ ମାପ୍‌ରୁ ଆଦମ୍‌ଦିଙ୍ଗ୍ ମାରି ହୋବାଦିଙ୍ଗ୍ ଆୟା ଡଡିଦାନ୍ ସପ୍‌ତାନ୍। ମାରି ମାପ୍‌ରୁ ଆୟା ଡଡିଦି ଡ଼ୁଗ୍‌ନି ସାରିଦୁଷ ସାତୁମାନି ସାର୍ଗିଦୂତଙ୍ଗାଁ କାପ୍‌କିବିସ୍‌ତାନ୍ ଆୟାୱାଜା ଏମେ ଲୋକୁ ଆୟା ଜିଉଦି ମାରାତି କାୟା ତିନ୍‌ଣ୍ଡ୍ରେଙ୍ଗ୍‌ ଆଟ୍‌ଏନ୍।

*ଆଦି ପୁସ୍‌ତକ୍ ୩ ଦି ଉଣ୍ଡ୍ରେ ବାଇବଲ୍ ଦି କାତାନି*

## 3. ୩. ବନ୍‌ୟାଦାନ୍‌ ସାମ୍‌ସାରାମ୍‌ ବିନାଶ ଆତାତ୍‌

https://openbiblestories.org/l/pci/story-3/

![](https://cdn.door43.org/obs/jpg/360px/obs-en-03-01.jpg)

ନାଣ୍ଡୋ ୱେଡା ୱେନ୍‌କା, ଦେଶେମ୍‌ଦୁ ନାଣ୍ଡୋ ଲୋକୁ ମାନ୍‌ଜି ମାହାର୍। ଆକାର୍‌ ନାଣ୍ଡୋ ଦୁଷ୍ଟାମ୍ ମାରି ଅନ୍ୟାୟ୍ ଆତାମାହାର୍‌। ଇୟାୱିଜୁ ବେସି ଖରାପ୍ ମାହାତ୍‌ଜେ ମାପ୍‌ରୁ ଉଣ୍ଡ୍ରେ ପେରି ବାତ୍ୟାଦାନ୍ ୱିଜୁ ଦେଶେମ୍‌ଦିଙ୍ଗ୍ ସେଏଣ୍ଡାକିଦେଙ୍ଗ୍ ଇଛା କିତାନ୍।

![](https://cdn.door43.org/obs/jpg/360px/obs-en-03-02.jpg)

ମାତର୍ ମାପ୍‌ରୁ ନୋହଦି ଡାଗ୍‌ରୁ ସାର୍‌ଦା ମାହାନ୍। ଆକାନ୍‌ ଆରେନ୍ ଧାର୍ମୁଦି ଲୋକୁ ମାହାନ୍, ଦୁଷ୍ଟାମ୍ ଲୋକାଡାଗରୁ ମାନ୍‌ଜି ମାହାନ୍। ମାପ୍‌ରୁ ନୋହଦିଙ୍ଗ୍ ୱେହ୍‌ତାନ୍ ଜେ ଆକାନ୍ ଉଣ୍ଡ୍ରେ ପେରି ବାତ୍ୟା ତାନାନ୍‌ଲେ। ଇୟାୱାନ୍ଦିଙ୍ଗ୍, ଆକାନ୍ ନୋହଦିଙ୍ଗ୍ ଉଣ୍ଡ୍ରେ ପେରି ଡଙ୍ଗା ତିଆର୍ କିଦେଙ୍ଗ୍ ୱେହ୍‌ତାନ୍।

![](https://cdn.door43.org/obs/jpg/360px/obs-en-03-03.jpg)

ମାପ୍‌ରୁ ନୋହଦିଙ୍ଗ୍ ଡଙ୍ଗା ତିଆର୍ କିଦେଙ୍ଗ୍ ୱେହେତାନ୍ ଇନିକାଗି ପାକାପାକି ୧୪୦ ମିଟର୍ ନିହି,୨୩ ମିଟର ଆସାର୍, ମାରି ୧୩.୫ ମିଟର ନିହି। ନୋହ ଦିନିଙ୍ଗ୍ ମାରାନୁଦାନ୍ ତିଆର୍‌କିଦେଙ୍ଗ୍ ମାହାତ୍ ମାରି ଆବେନୁ ମୁଣ୍ଡ୍ରି ମାଲା, ନାଣ୍ଡୋ ବାକ୍‌ରା, ଉଣ୍ଡ୍ରେ ଛାତ୍ ମାରି ଉଣ୍ଡ୍ରେ କିଟିକି। ଆୟା ଡଙ୍ଗା ବନ୍‌ୟା ୱେଡାଦୁ ନୋହା ମାରି ୱାନି ପରିବାର୍ ମାରି ୱିଜୁ ପର୍‌କାର୍ ଜାନ୍‌ତୁଙ୍ଗ୍ ନେଗେଣ୍ଡ୍ ଇଡ୍‌ନାନ୍।

![](https://cdn.door43.org/obs/jpg/360px/obs-en-03-04.jpg)

ନୋହ ମାପ୍‌ରୁଦି ମାଟା ମାନାତାର୍‌। ଆକାନ୍ ମାରି ୱାରି କଢୋର୍ ଆୟା ୱାଜା ଡଙ୍ଗା ତିଆର୍ କିତାର୍ ଏନେଟ୍‌ଗି ମାପ୍‌ରୁ ୱେହ୍‌ତାମାହାନ୍। ମାତର୍ ଆୟା ଡଙ୍ଗା ନାଣ୍ଡୋ ପେରି ଡଙ୍ଗା ମାର୍‌ହାତ୍ ଇୟାୱାନ୍ଦିଙ୍ଗ୍ ଆକା ତିଆର୍ କିଦେଙ୍ଗ୍ ନାଣ୍ଡୋ ପାଟେଙ୍ଗ୍‌ ଆସ୍‌ତାତ୍। ନୋହ ଲୋକାଙ୍ଗ୍ ୱାଜିମାହି ବାତ୍ୟା ମାଟାଦାନ୍ ଜାଗାର୍‌ତା କିବିସ୍‌ତାନ୍ ମାରି ୱାରିଙ୍ଗ୍ ମାପ୍‌ରୁ ତରିଣ୍ଡ୍‌ ୱାଦେଙ୍ଗ୍ ୱେହ୍‌ତାନ୍, ମାତର୍ ଆୟାକାର୍ ନୋହଦିଙ୍ଗ୍‌ ବିଶ୍‌ବାସ୍ କିଏତାର୍।

![](https://cdn.door43.org/obs/jpg/360px/obs-en-03-05.jpg)

ମାପ୍‌ରୁ ନୋହ ମାରି ୱାରି ଇଣ୍ଡ୍ରଣି ଲୋକାଙ୍ଗ୍ ନିଜେଦିୱାନ୍ଦିଙ୍ଗ୍‌ ମାରି ଜାନ୍ତୁଙ୍ଗାଁୱାଦିଙ୍ଗ୍‌ ନାଣ୍ଡୋ ତିନିକା ଉଣ୍ଡ୍ରେବାନେ ଆସ୍‌ସିମାଡ୍ରେ ଆଦେଶ୍ ସିତାନ୍। ନାସ୍ତିୱାଲେ ୱିଜୁ ତିଆର୍ ଆତା ମାରାହାତ୍, ମାରି ମାପ୍‌ରୁ ନୋହଦିଙ୍ଗ୍ ୱେହ୍‌ତାନ୍ ଗାନି ଇୟାୱେଡ଼ାଦୁ ୱାରିଦି,ୱାରି ଆଡ଼୍‌ସିଦି, ୱାରି ମୁଣ୍ଡ୍ରି କଡ଼ର୍,ମାରି ୱାରି ଆଡ଼୍‌ସିକାଦି - ୱିଜୁ ମଟେଙ୍ଗ୍ ଏନିମେଦିଲୋକା ଡଙ୍ଗାଦୁ ସନ୍‌ଣ୍ଡ୍ରେଙ୍ଗ୍ ମାରାହାତ୍।

![](https://cdn.door43.org/obs/jpg/360px/obs-en-03-06.jpg)

ମାପ୍‌ରୁ ୱିଜୁ ରେକାମ୍‌ ଜାନ୍ତୁଙ୍ଗ୍ ମାରି ପଟିଙ୍ଗାଁ ମେମାରି କଡ଼ ମାରି ପଟିଙ୍ଗାଁ ଆଇଲି କଡ଼ ନୋହଦି ଡ଼ାଗ୍‌ରୁ ପକ୍‌ତାନ୍ ମାରି ବାତ୍ୟା ୱେଡାଦୁ ନେଗେଣ୍ଡ୍ ମାନ୍‌ଜିନାର୍। ମାପ୍‌ରୁ ଇୟାୱାଜା ୱିଜୁ ରେକାମ୍‌ତି ଜାନ୍ତୁଙ୍ଗ୍ ଏଡୁ ଆଇଲି ମାରି ଏଡୁ ମେମାରି ପକ୍‌ତାନ୍‌ ୱାରିଙ୍ଗ୍ ଦାନ୍‌ସିଦେଙ୍ଗ୍ ବ୍ୟବହାର୍ କିଦେଙ୍ଗ୍ ଆଟ୍‌ନାର୍‌। ଏସ୍ତିୱେଡ଼ାଦୁ ୱିଜେରେ ଡଙ୍ଗାଦୁ ଏକ୍‌ତାର୍ ମାରି ନିଜେ ମାପ୍‌ରୁ ଡଙ୍ଗାଦି ସେର୍‌ଲା ବନ୍ଦ୍ କିତାନ୍।

![](https://cdn.door43.org/obs/jpg/360px/obs-en-03-07.jpg)

ଏସ୍ତିୱେଡ଼ାଦୁ ପିରୁ ଆରାମ୍ ଆତାତ୍, ମାରି ପିରୁ ୱାଜି ୱାଜିନେ ମାର୍‌ହାତ୍। ବନ୍ଦ୍ `ଆଏଣ୍ଡା ନାଲାପାଇ ଦିନାମ୍ ନାଲାପାଇ ନାଡା ପିରୁ ୱାଜିନେ ମାର୍‌ହାତ୍। ଭୁମିଲୋଇରାଣ୍‌ ପାଡ଼୍‌ଜି ଏରୁ ସତେ। ୱିଜୁ ସଂସାରାମ୍‌ ମାରି ଦେଶେମ୍‌ଦି ୱିଜୁ ମାଟା, ଇୟେଲ୍‌ବା ନିର୍‌ହିବାଣାନ୍ ନିର୍‌ହିଗରୋକୁ ଏରୁଦୁ ମୁଡ୍‌ଗିତେ।

![](https://cdn.door43.org/obs/jpg/360px/obs-en-03-08.jpg)

ୱାର୍‌ହ୍‌ତି ଭୁମି ମୁସ୍‌କୁ ମାନ୍‌ଜିନି ୱିଜୁ ରେକାମ୍ କାଣ୍‌କେଙ୍ଗ୍‌ ସାତେ, ମାରି ଆୟାଲୋକୁ ମାରି ଜାନ୍ତୁଙ୍ଗ୍ ଡଙ୍ଗାଦୁ ମାର୍‌ହେ ଆକେଙ୍ଗ୍ ଜିତେ। ଆୟା ଡଙ୍ଗା ଏରୁ ମୁଷ୍‌କୁ ଦେଲ୍‌ଜି ମାର୍‌ହାତ୍ ମାରି ଡଙ୍ଗାଲୋଇ ମାନ୍‌ଜିନି ୱିଜୁ ବିଷୟ ମୁଡ୍‌ଗ୍‌ନି ବାଣାନ୍‌ ଜୀତାର୍।

![](https://cdn.door43.org/obs/jpg/360px/obs-en-03-09.jpg)

ପିରୁ ଢିସ୍‌ତି ୱେନ୍‌କା, ଆଇଦୁ ଲେସ୍‌କୁ ଏରୁ ମୁଷ୍‌କୁ ଡଙ୍ଗା ଦେଲ୍‌ଜି ମାହାତ୍, ମାରି ଆୟା ୱେଡାଦୁ ଏରୁ କୋକଆଦେଙ୍ଗ୍ ଆସ୍ତେ। ନାସ୍ତିୱାଲେ ଉଣ୍ଡ୍ରେ ଦିନାମ୍ ଆୟା ଡଙ୍ଗା ଉଣ୍ଡ୍ରେ ଗରୋତି ତାଲାଦୁ ସନ୍‌ସି ଆସ୍‌ତାତ୍, ମାରି ସଂସାରାମ୍‌ ଇଏଲ୍‌ବା ଏରୁଦୁ ମୁଡ୍‌ଗିତା ମାହାତ୍। ମୁଣ୍ଡ୍ରି ଲେସ୍‌କୁ ୱେନ୍‌କା, ଗରୋତି କାଡା ତରିତାତ୍।

![](https://cdn.door43.org/obs/jpg/360px/obs-en-03-10.jpg)

ମାରିଅର୍‌ସୁ ଚାଲିସ୍‌ଦିନାମ୍ ୱେନ୍‌କା, ନୋହ ଉଣ୍ଡ୍ରେ କାକିଦିଙ୍ଗ୍ ଆୟାକା ସୁଡ୍‌ଦେଙ୍ଗ୍ ପକ୍‌ତାନ୍ ଜେ ଇନିକା ଏରୁ ୱାହ୍‌ତାମାହାତ୍ ନା ସିଲେ। ଆୟା କାକି ୱାହ୍‌ତି ଭୁମି ରେବାଜି-ରେବାଜି ଇନିଙ୍ଗାଁ ଆନିଙ୍ଗାଁ ଇମ୍‌ଜି ମାହାତ୍, ମାରି ଦାନିଙ୍ଗ୍ ୱାହ୍‌ତି ଭୁମି ତୋର୍‌ଏତାତ୍।

![](https://cdn.door43.org/obs/jpg/360px/obs-en-03-11.jpg)

ମାରି ୱେନ୍‌କା ନୋହ ଉଣ୍ଡ୍ରେ ପାଉରାଦିଙ୍ଗ୍ ପକ୍‌ତାନ୍। ମାତର୍ ଦାନିଙ୍ଗ୍‌ବା ୱାହ୍‌ତି ଭୁମି ପୁଟ୍‌ଏତାତ୍,ଆୟାନୁଣ୍ଡିଙ୍ଗ୍ ଆୟା ନୋହଦିଡାଗ୍‌ରୁ ମାରି ଢେସି ୱାତାତ୍‌। ଉଣ୍ଡ୍ରି ୱାରାମ୍‌ ୱେନ୍‌କା ନୋହ ଆୟା ପାଉରା ମାରି ପକ୍‌ତାନ୍ ମାରି ଆକାତ୍‌ ନିଜେ ୱେୟୁଦାନ୍ ଜିତୋ ମାରାନ୍ ଆକୁ ଆସ୍‌ସି ମାରି ଢେସି ୱାତାତ୍। ଏରୁ କମେଆଜି ମାହେ, ମାରି ନିସ୍‌ରି ନିସ୍‌ରି ମାରାକୁ ପିରିଜି ୱାତେ।

![](https://cdn.door43.org/obs/jpg/360px/obs-en-03-12.jpg)

ମାରି ନୋହ ଉଣ୍ଡ୍ରେ ୱାରାମ୍ କାପ୍‌କିତାନ୍ ମାରି ମୁଣ୍ଡ୍ରି ଜାରିଙ୍ଗ୍ ଆୟା ପାଉରାଦିଙ୍ଗ୍ ପକ୍‌ତାନ୍। ଇଏଲ୍, ମାଣ୍ଡ୍ରେଙ୍ଗ୍ ବାଡି ପୁଟ୍‌ତାତ୍ ମାରି ଆକାତ୍ ଢେସି ରେଏତାତ୍। ଏରୁ ୱାର୍‌ସିମାର୍ହେ।

![](https://cdn.door43.org/obs/jpg/360px/obs-en-03-13.jpg)

ରୁଣ୍ଡି ଲେସ୍‌କୁ ୱେନ୍‌କା ମାପ୍‌ରୁ ନେ ନୋହଦିଙ୍ଗ୍‌ ୱେହ୍‌ତାନ୍, “ଇୟେଲ୍‌ ନିନୁ ମାରି ନି ପରିବାର ମାରି ଜାନ୍ତୁଙ୍ଗ୍ ଡଙ୍ଗାଦାନ୍‌ ସଶିରାଦୁ। ନାଣ୍ଡୋ କଢୋର୍ ମାରି ମାରିନ୍ ତଡାନ୍ ଜନମ୍ କିଦୁ ମାରି ପୁର୍‌ତିବିଦୁ ଭର୍‌ତି କିଦୁ।” ଇୟାଲିକେନ୍‌ନେ ନୋହ ମାରି ୱାନି ପରିବାର୍ ଡଙ୍ଗାଦାନ୍ ସଶି ୱାତାର୍।

![](https://cdn.door43.org/obs/jpg/360px/obs-en-03-14.jpg)

ନୋହ ଡଙ୍ଗାଦାନ୍ ସଶିୱାତି ୱେନ୍‌କା, ଆକାନ୍ ଉଣ୍ଡ୍ରେ ସାମ୍‌ଡା ତିଆର୍ କିତାନ୍ ମାରି ଦାନ୍‌ୱାନ୍ଦିଙ୍ଗ୍ ବ୍ୟବହାର କିଦେଙ୍ଗ୍‌ଇଜି ୱିଜୁ ପ୍ରକାର୍ ଜାନ୍ତୁଙ୍ଗା ବାଣାନ୍ ଏସଡ୍‌ୱେନ୍‌କାଙ୍ଗ୍‌ ଅସି ଦାନ୍ ସିତାନ୍। ମାପ୍‌ରୁ ଆୟା ଦାନ୍‌ଦୁ ସାର୍‌ଦା ଆତାନ୍ ମାରି ନୋହ ମାରି ୱାରି ପରିବାରଦିଙ୍ଗ୍ ଆର୍ଶିବାଦ୍ ସିତାନ୍।

![](https://cdn.door43.org/obs/jpg/360px/obs-en-03-15.jpg)

ମାପ୍‌ରୁ ୱେହ୍‌ତାନ୍, “ନାନୁ ପ୍ରାମାଣାମ୍ କିଜିନା ଜେ ଲୋକୁଦିବାଣାନ୍‌ କିଜିମାହି ପାପାମ୍ ପାଣିନୁଣ୍ଡିଙ୍ଗ୍ ନାନୁ ମାରି ଏସେଙ୍ଗ୍‌ବା ଭୁମିଦିଙ୍ଗ୍ ଆନାଦୁରିଆ କିଏ ମାରି ବାତ୍ୟାଦିଙ୍ଗ୍ ସଂସାରାମ୍‌ଦିଙ୍ଗ୍ ସେଏଣ୍ଡା କିଏ, ଆତିଙ୍ଗାଁବା ଲୋକୁ ଜନମ୍‌ଦାନ୍‌ନେ ପାପାମ୍।

![](https://cdn.door43.org/obs/jpg/360px/obs-en-03-16.jpg)

ମାରି ମାପ୍‌ରୁ ନିଜେଦି ନିୟମ୍‌ତି ଚିନ୍‌ଦି ରୁପ୍‌ଦାନ୍ ପର୍‌ତୁମ୍ କୁର୍‌ୱେଲିଦିଙ୍ଗ୍ ତିଆର୍‌କିତାନ୍। ଏସେଙ୍ଗ୍‌ବା ବାଦଡ୍‌ଦୁ କୁର୍‌ୱେଲି ତର୍‌ନାତ୍, ଏସେଙ୍ଗ୍ ମାପ୍‌ରୁ ଆଡ଼ବିନାନ୍ ଜେ ୱାଣ୍ଡ୍ରୁ ଇନିକା ପ୍ରାମାଣାମ୍ କିତାନ୍ ମାରି ଆୟାୱାଜା ୱାରି ଲୋକୁ ଅଡ଼୍‌ବିନାର୍।

*ଆଦି ପୁସ୍‌ତକ୍ ୬ – ୮ ଦି ଉଣ୍ଡ୍ରେ ବାଇବଲଦି କାତାନି*

## 4. ୪. ଆବ୍ରାହାମଦି ୱାଲେ ମାପ୍‌ରୁଦି ନିୟମ୍

https://openbiblestories.org/l/pci/story-4/

![](https://cdn.door43.org/obs/jpg/360px/obs-en-04-01.jpg)

ବାତ୍ୟାଆଜି ନାଣ୍ଡୋ ପାଟେଙ୍ଗ୍ ୱେନ୍‌କା, ସଂସାରାମ୍‌ଦୁ ନାଣ୍ଡୋ ଲୋକୁ ମାନ୍‌ଜି ମାର୍‌ହାର୍‌, ମାରି ଆକାର୍‌ ଇଏଲ୍‌ୱିଜୁ ମାପ୍‌ରୁଦି ମାରି ୱେରି ୱାରି ୱିରୁଦ୍‌ତାଣ୍ ପାପାମ୍ କିଜିମାର୍‌ହାର୍‌। ମାତର୍ ଆକାର୍‌ ୱିଜେରେ ଉଣ୍ଡ୍ରେ ଭାଷା ୱେର୍‌ହ୍‌ସି ମାର୍‌ହାର୍, ଇୟାନୁୱାନ୍ଦିଙ୍ଗ୍ ଆକାର୍‌ ଉଣ୍ଡ୍ରେ ବାଡିଦୁ କୁମାଆଜି କୁଡିତା ମାହାର୍‌ ମାରି ଉଣ୍ଡ୍ରେ ଗଡ୍‌ ତିଆର୍ କିଦେଙ୍ଗ୍ ଲାଗେଆତାର୍। ଏନେଟ୍‌ବା ମାପ୍‌ରୁ ମାଟା ସିତାମାହାନ୍, ଆୟାୱାଜା ଆକାର୍‌ ୱିଜୁ ଦେଶେମ୍‌ଦୁ ବାଟା ଆଏତାର୍।

![](https://cdn.door43.org/obs/jpg/360px/obs-en-04-02.jpg)

ଆକାର୍‌ ନାଣ୍ଡୋ ଗାରା ଆଜି ମାହାର୍, ମାରି ୱାରିଙ୍ଗ୍ ଏମେୱାଜା ଜୀଉ ଜିଦେଙ୍ଗ୍ ଇୟା ବିଷୟଦିଙ୍ଗ୍ ଆକାର୍‌ ମାପ୍‌ରୁଦି ମାଟା ମାନାଦେଙ୍ଗ୍ କେଏଜି ମାହାର୍। ଇୟାୱାନ୍ଦିଙ୍ଗ୍ ଆକାର୍‌ ଉଣ୍ଡ୍ରେ ଇୟାୱାଜା ଗଢ଼ ତିଆର୍ କିଦେଙ୍ଗ୍ ଆରାମ୍ କିତାର୍‌ ଏମେକା ସାର୍ଗି ଦାନ୍ ଇଦେଙ୍ଗ୍ ଆଟ୍‌ନାତ୍‌। ମାପ୍‌ରୁ ସୁଡ୍‌ତାନ୍‌ଜେ ଜଦି ଆକାର୍‌ ଉଣ୍ଡ୍ରେବାନୁ କୁଢ୍‌ଜି ପାପାମ୍ କିନାର୍, ମାରି ୱାରୁ ନାଣ୍ଡୋ ପାପାମ୍ ପାଣି କିଦେଙ୍ଗ୍ ଆଟ୍‌ନାର୍।

![](https://cdn.door43.org/obs/jpg/360px/obs-en-04-03.jpg)

ଇଆୱାନ୍ଦିଙ୍ଗ୍ ମାପ୍‌ରୁ ୱାରି ଭାଷାଦିଙ୍ଗ୍ ୱିଜୁ ଭାଷାଦିଙ୍ଗ୍ ୱେର୍‌ହେ କିତାନ୍ ମାରି ୱାରିଙ୍ଗ୍ ୱିଜୁ ଦେଶେମ୍‌ଦୁ ଛିନ୍‌ଛତର୍ କିତାନ୍। ଏମେ ଗଡ଼ଦୁ ୱାରୁ ତିଆର୍ କିଦେଙ୍ଗ୍ ଆରାମ୍‌କିତାମାହାର୍ ଆକା ବାବିଲ୍ ୱେହ୍‌ତାର୍‌, ଏୟେଦି ଅର୍‌ତ “ ଗଡ୍‌ବଡ୍‌”।

![](https://cdn.door43.org/obs/jpg/360px/obs-en-04-04.jpg)

ଏସୋ ୱାନ୍ଦା ପାଟେଙ୍ଗ୍ ଲୋଇ, ମାପ୍‌ରୁ ଆବ୍ରାମ୍ ଦୋରୁତି ଉଣ୍ଡ୍ରି ଲୋକୁ ୱାରର୍ଗିତାନ୍‌। ମାପ୍‌ରୁ ୱାନିଙ୍ଗ୍ ୱେର୍‌ତାନ୍,“ ନିଜେ ଦେଶେମ୍ ମାରି ନିଜେ ଲୋକାଙ୍ଗ୍‌ ଢିସ୍‌ସି ଆୟା ଦେଶେମ୍‌ଦୁ ସଣ୍ଡ୍ରୁ ନାନୁ ମିଙ୍ଗିଁ ତର୍‌ପ୍‌ନା୍। ନାନୁ ନିଙ୍ଗିଁ ଆର୍ଶିବାଦ୍ କିନା ମାରି ନିଙ୍ଗିଁ ଉଣ୍ଡ୍ରି ପେରି ଜାତି ତିଆର୍ କିନା। ନାନୁ ନି ଦୋରୁଦିଙ୍ଗ୍ ପେରିକା କିତାନ୍। ଏହେର୍‌ବା ମିଙ୍ଗିଁ ଆର୍ଶିବାଦ୍ କିନାର୍ ନାନୁ ୱାରିଙ୍ଗ୍ ଆର୍ଶିବାଦ୍ କିନା, ମାରି ଏହେନ୍ ମିଙ୍ଗିଁ ଆନାଦୁରିଆ କିନାନ୍ ୱାନିଙ୍ଗ୍ ନାନୁ ଆନାଦୁରିଆ ସିନା। ମିୱାନ୍ଦିଙ୍ଗ୍ ୱିଜୁ ଜାତି ଆର୍ଶିବାଦ୍ ପୁଟନାତ୍।”

![](https://cdn.door43.org/obs/jpg/360px/obs-en-04-05.jpg)

ଇଆବାଜା: ଆବ୍ରାମ୍ ମାପ୍‌ରୁଦିଙ୍ଗ୍ ମାଟା ମାନ୍‌ଆନାନ୍‌। ଆକାନ୍ ନିଜେ ୱିଜେରିଙ୍ଗ୍ ଶେବା କିନିୱାରି ମାରି ନିଜେ ୱିଜୁ ସମ୍ପତି ୱାଲେ ନିଜେ ଆଡସି ସାରେଦିଙ୍ଗ୍ ଅତାର୍ ମାରି ଆୟା ଦେଶେମ୍‌ଦୁ, ମାରି କିଣାନ୍ ଦେଶେମ୍‌ଦୁ ସହାର୍ ଆୟା ମାପ୍‌ରୁ ୱାନିଙ୍ଗ୍ ତର୍‌ତା ମାହାନ୍।

![](https://cdn.door43.org/obs/jpg/360px/obs-en-04-06.jpg)

ଏସେଙ୍ଗ୍ ଆବ୍ରାମ୍ କିଣାନ୍ ଦେଶେମ୍‌ଦୁ ଇତାର୍ ମାରି ମାପ୍‌ରୁ ୱେର୍‌ତାନ୍, “ ନିଜେ ଚାରିସରୁଲା ସୁଡ୍‌ଆ। ନାନୁ ନିଙ୍ଗିଁ ଇଆ ୱିଜୁ ଦେଶେମ୍ ସିନା ମାରି ନି କୁଟୁମ୍ ୱିଜୁୱାଲେ ଇବେ ଅଧିକାର୍ ଇଡ୍‌ନାନ୍।” ମାରି ଆବ୍ରାମ୍ ଆୟା ଦେଶେମ୍‌ଦୁ ମାର୍‌ହାନ୍।

![](https://cdn.door43.org/obs/jpg/360px/obs-en-04-07.jpg)

ମଲ୍‌କିସେଦକ୍ ଦରୁଦି ଆରେନ୍ ମେମାର୍ ମାର୍‌ହାନ୍ ଆକାନ୍ ୱିଜେରିଙ୍ଗ୍ ମିଗ ମାପ୍‌ରୁଦି ଯାଜକ୍‌ ମାର୍‌ହାନ୍। ଉଣ୍ଡ୍ରି ଦିନାମ୍ ଏସେଙ୍ଗ୍ ଆବ୍ରାମ୍ ଜୁଦ୍ କିଜି ୱାଜି ମାର୍‌ହାନ୍ ମାରି ମଲ୍‌କିସେଦକ୍ ମାରି ଆବ୍ରାମ୍ କୁଡ଼ିତାର୍। ମଲ୍‌କିସେଦକ୍ ଆବ୍ରାମ୍‌ଦିଙ୍ଗ୍‌ ଆର୍ଶିବାଦ୍ କିତାନ୍ ମାରି ୱେର୍‌ତାନ୍ “ୱିଜେରିଙ୍ଗ୍ ମିଗ ମାପ୍‌ରୁ ଆକାନ୍ ସରଗ୍ ମାରି ଦେଶେମ୍‌ଦି ମାଲିକ୍‌ ନିଙ୍ଗିଁ ଆର୍ଶିବାଦ୍ କିନାନ୍। ମାରି ଆବ୍ରାମ୍ ଜୁଦ୍ ଦାନ୍ ଜିଣାତିମାହି ୱିଜୁ ଜିନିଷ୍‌ଦି ଦଶ୍‌ମାଙ୍ଗ୍‌ସ୍ (ଦଶ୍ ବାଟେଙ୍ଗାଁଣାନ୍‌ ରୁଣ୍ଡି ବାଟେଙ୍ଗ୍) ମଲ୍‌କିସେଦକ୍‌ଦିଙ୍ଗ୍ ସିତାନ୍।

![](https://cdn.door43.org/obs/jpg/360px/obs-en-04-08.jpg)

ଏସ ପାଟେଙ୍ଗ୍‌ ସର୍‌ହାତ୍, ମାରି ଇଏଲ୍‌ବା ଆବ୍ରାମ୍ ମାରି ସାରେଦିଙ୍ଗ୍ ଇନି କଢ଼ୋ ସିଲେଣ୍ଡା ମାର୍‌ହାର୍। ମାପ୍‌ରୁ ଆବ୍ରାମ୍‌ଦି ୱାଲେ ୱାର୍‌ଗିତାନ୍ ମାରି ମାରିଅର୍‌ସୁ ସପତ୍ କିତାନ୍ ଜେ ୱାରିଙ୍ଗ୍ ଉଣ୍ଡ୍ରେ କଢ଼ୋ ଜନମ୍ ଆନାନ୍ ମାରି ଏନେଟ୍ ବାଦଢ୍‌ଦୁ ସୁକେଙ୍ଗ୍ ମାନେ ଆୟାୱାଜା ୱାରି ନାଣ୍ଡୋକୁଟୁମ୍ ଆନାର୍‌। ଆବ୍ରାମ୍ ମାପ୍‌ରୁଦି ସପତ୍‌ମିଗ ବିସାଷ୍‌ କିତାନ୍। ମାପ୍‌ରୁ ୱେର୍‌ତାନ୍‌ଜେ ଆବ୍ରାମ୍ ଅରେନ୍ ଦାର୍‌ମୁ ଲୋକୁମାର୍‌ହାନ୍ ମାତର୍ ୱାଣ୍ଡ୍ରୁ ମାପ୍‌ରୁଦି ସପତଦିଙ୍ଗ୍ ବିସାଷ୍ କିତା ମାର୍‌ହାନ୍।

![](https://cdn.door43.org/obs/jpg/360px/obs-en-04-09.jpg)

ମାରି ମାପ୍‌ରୁ ଆବ୍ରାମ୍‌ୱାଲେ ଉଣ୍ଡ୍ରେ ନିୟମ୍ ତର୍‌ହ୍‌ତାର୍। ସାଦାସିଦା ଦାଣ୍‌, ଉଣ୍ଡ୍ରି ନିୟମ୍ ରୁଣ୍ଡି ଦଲ୍ ଲୋଇ ୱେରିଙ୍ଗ୍ ୱାରିଙ୍ଗ୍ ପାଣିକିଦେଙ୍ଗ୍ ଉଣ୍ଡ୍ରେ ବୁଜାମାଣା। ମାପ୍‌ରୁ ଆବ୍ରାମ୍‌ୱାଲେ ନାସ୍ତିୱେଡ଼ାଦୁ ସପତ୍ କିତାନ୍ ନାସ୍ତିୱାଲେ ଆକାନ୍ ଗୁର୍‌ତା ମାର୍‌ହାନ୍, ମାତର୍ ନାସ୍ତିୱାଲେବା ମାପ୍‌ରୁଦି ମାଟା ୱେଣ୍ଡ୍ରେଙ୍ଗ୍‌ ଆଟ୍‌ସି ମାର୍‌ହାର୍। ମାପ୍‌ରୁ ୱେର୍‌ତାନ୍, “ ନାନୁ ନି ମେନ୍ଦଲ୍‌ଲୋଇରାହାଣ୍‌ ଜନମ୍ ଆତିମାର୍‌ହି ଉଣ୍ଡ୍ରି ନିଜେ ମାରିନ୍ ସିନା। ନାନୁ ନି କୁଟୁମ୍‌ଦିଙ୍ଗ୍ ଇୟା କିଣାନ୍ ଦେଶେମ୍ ସିନା। ” ମାତର୍ ଇଏଲ୍‌ବା ଆବ୍ରାମ୍‌ଦିଙ୍ଗ୍ ଇନି ମାରିନ୍ ସିଲେଣ୍ଡା ମାର୍‌ହାର୍।

*ଆଦି ପୁସ୍‌ତକ୍ ୧୧ -୧୫ ଦି ଉଣ୍ଡ୍ରି ବାଇବଲ୍ ଦି କାତାନି*

## 5. ୫. ପାର୍‌ମାଣାମ୍‌ଦି କଡ଼ୋ

https://openbiblestories.org/l/pci/story-5/

![](https://cdn.door43.org/obs/jpg/360px/obs-en-05-01.jpg)

ଆବ୍ରାମ୍ ମାରି ସାରୀ କାଣାନ୍ ଦେଶେମ୍‌ଦୁ ଇଜି ପାଦି ପାଟେଙ୍ଗ୍‌ ୱେନ୍‌କା, ଇୟେଲ୍‌ବା ୱାରିଙ୍ଗ୍‌ କଡ଼କକ୍ରାର୍ ସିଲେଣ୍ଡା ମାର୍‌ହାର୍। ଆୟାୱାନ୍ଦିଙ୍ଗ୍‌ ଆବ୍ରାମ୍‌ଦି ଆଡ଼୍‌ସି ସାରି ୱାନିଙ୍ଗ୍‌ ୱେହ୍‌ତାତ୍, “ମାତର୍ ମାପ୍‌ରୁ ନାଙ୍ଗିଁ ଇୟେଲ୍‌ବା ଇୟାସାନ୍ଦି କଡ଼କକ୍ରାର୍ ଜନମ୍‌କିଦେଙ୍ଗ୍ ଶାକ୍ତି ସିଏନ୍ ମାରି ନାନୁ କଡ଼କକ୍ରାର୍ ଜନମ୍ କିଦେଙ୍ଗ୍ ଡକ୍‌ରି ଆତାନି, ସୁଡ଼୍‌ଆ, ନା ଗତି ରିପା ହାଜିରା ଇବେନୁ ମାନାତ୍‌। ଦାନିଙ୍ଗ୍‌ବା ପେଡ଼ିଆଆ ଏନେଟ୍‌ଗି ଆଦି ନା ୱାନ୍ଦିଙ୍ଗ୍‌ ଉଣ୍ଡ୍ରେ କଡ଼ ଜନମ୍ ସିପିତ୍।”

![](https://cdn.door43.org/obs/jpg/360px/obs-en-05-02.jpg)

ମାରି: ଆବ୍ରାମ୍ ହାଜିରାଦିଙ୍ଗ୍ ପେଡ଼ି ଆତାନ୍‌। ହାଜିରାଦିଙ୍ଗ୍ ଅରେନ୍‌ କଡ଼ ଜନମ୍ ଆତାନ୍‌, ମାରି ଆବ୍ରାମ୍ ୱାନି ଦୋରୁ ଇସ୍‌ମାଏଲ ଇଟ୍‌ତାନ୍। ମାତର୍ ସାରି ହାଜିରାଦିଙ୍ଗ୍ କାକା ଆଦେଙ୍ଗ୍ ଆସ୍‌ତାତ୍‌। ଏସେଙ୍ଗ୍ ଇସ୍‌ମାଏଲ୍‌ଦିଙ୍ଗ୍‌ ପାଦାମୁଡ଼ୁ ପାଟେଙ୍ଗ୍‌ ଆତାମାହାତ୍, ମାପ୍‌ରୁ ମାରିଅର୍‌ସୁ ଆବ୍ରାମ୍‌ୱାଲେ ୱାର୍‌ଗିତାନ୍‌।

![](https://cdn.door43.org/obs/jpg/360px/obs-en-05-03.jpg)

ମାପ୍‌ରୁ ୱେର୍‌ତାନ୍, “ନାନୁ ୱିଜୁଦିସାତୁଦି ମାପ୍‌ରୁ। ନାନୁ ନିୱାଲେ ଉଣ୍ଡ୍ରେ ନିୟମ୍ ତହ୍‌ନା।” ନାସ୍ତିୱାଲେ ଆବ୍ରାମ୍ ବୁମିଦୁ ଆର୍‌ଜି ମାଡ଼ିସ୍‌ତାନ୍। ମାପ୍‌ରୁ ଆବ୍ରାମ୍‌ଦିଙ୍ଗ୍ ଇକାବା ୱେର୍‌ତାନ୍, “ନିନୁ ନାଣ୍ଡୋ ଜାତିତି ବୁବା ଆନି। ନାନୁ ନିଙ୍ଗିଁ ମାରି ନି କୁଟୁମ୍‌ଦିଙ୍ଗ୍ ୱାରି ନିଜେଦି ଭୁମି ଆଦେଙ୍ଗ୍ କାନାନ୍ ଦେସେମ୍ ସିନା ମାରି ନାନୁ ୱିଜୁୱାଲେ ୱାରି ମାପ୍‌ରୁ ଆନା। ନିଙ୍ଗିଁ ନିଜେ ପରିବାର୍‌ଦି ୱିଜେରି ମେମାର୍ କଡ଼ଦି ତୋଲୁ କଇନାନ୍ (ସୁନ୍ନତ)।”

![](https://cdn.door43.org/obs/jpg/360px/obs-en-05-04.jpg)

“ନି ଆଡ଼୍‌ସି ସାରୀ ଉଣ୍ଡ୍ରେ କଡ଼ ଜନମ୍ କିନାତ୍- ୱାଣ୍ଡ୍ରୁ ପାର୍‌ମାଣାମ୍‌ଦି ମାରିନ୍‌ ଆନାତ୍। ୱାନି ଦରୁ ଇସାକ୍ ଇଡ୍‌ଆ। ନାନୁ ୱାନିୱାଲେ ନା ନିୟମ୍‌ଦି ୱିଜୁୱାଲେ ମାଞ୍ଜିନାତ୍ ମାରି ୱାଣ୍ତ୍ରୁ ଅରେନ୍ ପେରି ଜାତି ଆନାନ୍। ନାନୁ ଇସ୍‌ମାଏଲ୍‌ଦିଙ୍ଗ୍ ବା ପେରି ଜାତି ତିଆର୍ କିନା, ମାତର୍‌ ନା ନିୟମ୍ ଇସାକ୍ ୱାଲେ ମାନ୍‌ଜିନାତ୍।” ଦାନିୱେନ୍‌କା ମାପ୍‌ରୁ ଆବ୍ରାମ୍‌ଦି ଦରୁ ବାଦ୍‌ଲେକିଜି ଆବ୍ରାହାମ୍ କିତାନ୍, ଏୟେ ଅର୍ଥ ଆଜିନାତ୍ “ୱିଜୁ ୱାରି ବୁବା”। ମାପ୍‌ରୁ ସାରିଦି ଦରୁ ବାଦ୍‌ଲେକିଜି ସାରା ସିତାନ୍, ଏୟେ ଅର୍ଥ ଆଜିନାତ୍ “ମଦଲ୍‌ତି ୟାୟା।”

![](https://cdn.door43.org/obs/jpg/360px/obs-en-05-05.jpg)

ଆୟାଦିନ୍ ଆବ୍ରାହାମ୍ ନିଜେ ପରିବାର୍‌ତି ୱିଜୁ ମେମାର୍ କଡ଼ରି ତୋଲୁ କଇତାନ୍‌(ସୁନ୍ନତ)। ପାକାପାକି ଉଣ୍ଡ୍ରେ ପାଟେଙ୍ଗ୍ ୱେନ୍‌କା, ଏସ୍ତିୱାଲେ ଆବ୍ରାହାମ୍‌ଦି ୱାନ୍ଦା ପାଟେଙ୍ଗ୍‌ ଆତାମାର୍‌ହାତ୍ ମାରି ସାରା ତମ୍ବାଇ ପାଟେଙ୍ଗ୍‌ ଆତାମାର୍‌ହାତ୍, ନାସ୍ତିୱାଲେ ସାରା ଆବ୍ରାହାମଦିଙ୍ଗ୍‌ କଡ଼ ଜନମ୍ କିତାତ୍। ଏନେଟ୍‌ ମାପ୍‌ରୁ ୱେହ୍‌ତାମାହାନ୍ ୱାଣ୍ତ୍ରୁ ୱାନି ଦରୁ ଇସାକ୍ ଇଟ୍‌ତାନ୍।

![](https://cdn.door43.org/obs/jpg/360px/obs-en-05-06.jpg)

ଏସ୍ତିୱାଲେ ଇସାକ୍ ମୁର୍‌ଲି ଆତାନ୍ ଆୟାୱାଲେ ମାପ୍‌ରୁ ଇକା ୱେହ୍‌ସି ଆବ୍ରାହାମ୍‌ଦି ବିସ୍‌ବାସ୍‌ଦିଙ୍ଗ୍‌ ପରିକା କିତାନ୍, “ନିଜେଦି ଲାଡ୍‌ଦି ମାରିନ୍ ଅଆ, ମାରି ନାୱାନ୍ଦିଙ୍ଗ୍ ବଲିଦାନ୍ ୱାଜା ସିହ୍ଆ।” ମାରିଅର୍‌ସୁ ଆବ୍ରାହାମ୍‌ ମାପ୍‌ରୁଦି ମାଟା ୱେର୍‌ହାନ୍ ମାରି ନିଜେଦି ମାରିନ୍‌ଦିଙ୍ଗ୍‌ ବଲିଦାନ୍ ୱାଜା କିଦେଙ୍ଗ୍ ତିଆର୍ କିତାନ୍।

![](https://cdn.door43.org/obs/jpg/360px/obs-en-05-07.jpg)

ଏସ୍ତିୱାଲେ ଆବ୍ରାହାମ୍ ମାରି ଇସାକ୍ ବଲିଦାନ୍ କିନି ବାଡିଦୁ ସନ୍‌ଡ୍ରେଙ୍ଗ୍ ଆସ୍‌ତାର୍‌ ନାସ୍ତିୱେଲେ ଇସାକ୍ ୱେର୍‌ତାନ୍, ଏ ବୁବା, ମାଡାଗ୍‌ରୁ ବଲିଦାନ୍ କିଦେଙ୍ଗ୍‌ ୱେହ୍‌କୁ ତୋ ମାନେ, ମାତର୍ ବଲିଦାନ୍ ୱାନ୍ଦିଙ୍ଗ୍‌ ମେଣ୍ଢା ଏମେଦିଲୁ?” ଆବ୍ରାହାମ୍ ଉତର୍ ସିତାନ୍, “ଏ ନା ମାରିନ୍‌, ମାପ୍‌ରୁ ବଲିଦାନ୍ କିଦେଙ୍ଗ୍ ମେଣ୍ଢା ସିବିତାନାନ୍‌।”

![](https://cdn.door43.org/obs/jpg/360px/obs-en-05-08.jpg)

ଏସ୍ତିୱାଲେ ୱାଣ୍ତ୍ରୁ ବଲିଦାନ୍ ସିନି ବାଡିଦୁ ଇତାନ୍ ଦାନିୱେନ୍‌କା ଆବ୍ରାହାମ୍ ଇସାକ୍‌ଦିଙ୍ଗ୍ ତହ୍‌ସି ବେଦି ମୁସ୍‌କୁ ତେର୍‌ପ୍‌ତାନ୍। ୱାଣ୍ତ୍ରୁ ୱାନି କଡ଼ଦିଙ୍ଗ୍ କାତ୍‌ନି ମୁସ୍‌କୁ ମାର୍‌ହାର୍‌, ମାରି ମାପ୍‌ରୁ ୱେହ୍‌ତାନ୍, “ମାନ୍‌ଆ! କଡ଼ଦିଙ୍ଗ୍ ନାସ୍ଟୁ ଆଦେଙ୍ଗ୍ ସିମା! ଇୟେଲ୍ ନାନୁ ନେସ୍‌ତା ଜେ ନିନୁ ନାଙ୍ଗିଁ ମାନାଜିନି ମାତର୍ ନିନୁ ନାୱାନ୍ଦିଙ୍ଗ୍‌ବା ଲାଡ୍‌ଦି ମାରିନ୍‌ଦିଙ୍ଗ୍ ଜିପିସ୍‌ସି ଇଡ଼୍‌ଇତି।”

![](https://cdn.door43.org/obs/jpg/360px/obs-en-05-09.jpg)

ଆୟା ଡାଗ୍‌ରୁନେ ଆବ୍ରାହାମ୍ ଉଣ୍ତ୍ରେ ମେଣ୍ତାଦିଙ୍ଗ୍ ସୁଡ଼୍‌ତାନ୍‌ ଏମେକାଗି ବୁଟାଦୁ ଡ଼ୁଗିତା ମାର୍‌ହାତ୍। ଇସାକ୍‌ଦି ବାଦ୍‌ଲୁ ବଲିଦାନ୍ କିନିୱାନ୍ଦିଙ୍ଗ୍ ମାପ୍‌ରୁଦୁ ମେଣ୍ଢା ତିଆର୍ କିତା ମାର୍‌ହାନ୍। ଆବ୍ରାହାମ୍ ସାର୍‌ଦା ମେଣ୍ଢାଦିଙ୍ଗ୍‌ ବଲିଦାନ୍ ସିତାନ୍।

![](https://cdn.door43.org/obs/jpg/360px/obs-en-05-10.jpg)

ନାସ୍ତିୱାଲେ ମାପ୍‌ରୁ ଆବ୍ରାହାମ୍‌ଦି ୱେର୍‌ତାନ୍, “ମାତର୍ ନିନୁ ନାୱାନ୍ଦିଙ୍ଗ୍‌ ୱିଜୁ ଇନିକା ମାନ୍‌ସୁକିତିମାହି, ଏନେଟ୍‌ଗି ନି ଲାଡ୍‌ଦି କଡ଼ଦିଙ୍ଗ୍‌ବା, ଆୟାୱାନ୍ଦିଙ୍ଗ୍‌ ନାନୁ ନିଙ୍ଗିଁ ଆର୍ଶିବାଦ୍ କିଦେଙ୍ଗ୍ ପାର୍‌ମାଣାମ୍‌ କିଜିନା। ନି କୁଟୁମ୍ ବାଦଡ଼୍‌ତି ସୁକ୍‌ୱେଙ୍ଗାୱାଜା ନାଣ୍ଡୋ ଆନାର୍‌। ମାତର୍ ନିନୁ ନା ଆଦେସ୍‌ ମାନାତି ଆୟାୱାନ୍ଦିଙ୍ଗ୍ ନାନୁ ନି ପରିବାରଦି ବାଣାନ୍ ଦୁନିଆଦି ୱିଜୁ ଜାତିଦିଙ୍ଗ୍ ଆର୍ଶିବାଦ୍ କିନା।”

*ଆଦି ପୁସ୍‌ତକ ୧୬-୨୨ ଦି ଉଣ୍ଡ୍ରେ ବାଇବଲ୍‌ଦି କାତା*

## 6. ୬. ମାପ୍‌ରୁ ଇସାକ୍‌ଦିଙ୍ଗ୍ କାପ୍‌କିବିସ୍ତାନ୍

https://openbiblestories.org/l/pci/story-6/

![](https://cdn.door43.org/obs/jpg/360px/obs-en-06-01.jpg)

ଏସେଙ୍ଗ୍ ଆବ୍ରାହାମ୍ ନାଣ୍ଡ ଡକ୍‌ରା ଆତାମାର୍‌ହାନ୍ ଆୟାୱେଡ଼ାଦୁ ୱାନି କଢୋ, ଇସାକ୍, ପେଡ଼ିଆନି ବଇଁସ୍ ଆତାନ୍‌। ଇଆୱାନ୍ଦିଙ୍ଗ୍‌ ଆବ୍ରାହାମ୍ ନିଜେ ଉଣ୍ଡ୍ରେ ଗତିମୁର୍‌ଲିଦିଙ୍ଗ୍‌ ନିଜେ କଢ଼ୋଦିଙ୍ଗ୍ ଆୟା ଦେଶେମ୍‌ଦାନ୍ ଉଣ୍ଡ୍ରି ଆଡ଼୍‌ସି ତାତେଙ୍ଗ୍ ପକ୍‌ତାନ୍, ଏମେ ଦେଶେମ୍ ୱାରି ନିଜେ ଲୋକୁବାକୁ ମାର୍‌ହାର୍।

![](https://cdn.door43.org/obs/jpg/360px/obs-en-06-02.jpg)

ଉଣ୍ଡ୍ରି ନିହି ସାରି ବୁଲାତିୱେନ୍‌କା, ଆବ୍ରାହାମ୍‌ଦି ଗତିମୁର୍‌ଲି ଆୟା ଦେଶେମ୍‌ଦୁ ସର୍‌ହାନ୍, ଏମେମାବୁ ଆବ୍ରାହାମ୍‌ଦି ଲୋକୁବାକୁ ମାନ୍‌ଜିମାର୍‌ହାର୍। ମାପ୍‌ରୁ ୱାନିଙ୍ଗ୍ ସାରି ତୋରପ୍‌ତାନ୍, ଜେ ୱାଣ୍ଡ୍ରୁ ରିବିକାଦିଙ୍ଗ୍ ବୁଡ଼ୁଦେଙ୍ଗ୍। ୱାଦୁ ଅବ୍ରାହାମ୍‌କା ତଡ଼ାନ୍‌ଦି ଗାଡ଼୍‌ସି ମାର୍‌ହାତ୍।

![](https://cdn.door43.org/obs/jpg/360px/obs-en-06-03.jpg)

ରିବିକା ନିଜେ ପରିବାର୍‌ଦିଙ୍ଗ୍‌ ଢ଼ିସ୍‌ସି ଆୟା ଗତିମୁର୍‌ଲି ୱାଲେ ସନ୍‌ଣ୍ଡ୍ରେଙ୍ଗ୍ ମାନ୍‌ସୁ ଆତାତ୍। ଏଣ୍ଡେସ୍ ଇତାର୍ ଇସାକ୍ ଦାନିଙ୍ଗ୍ ପେଡ଼ି ଆତାନ୍‌।

![](https://cdn.door43.org/obs/jpg/360px/obs-en-06-04.jpg)

ନାଣ୍ତୋ ପାଟେଙ୍ଗ୍ ୱେନ୍‌କା, ଆବ୍ରାହାମ୍ ସାତାନ୍। ମାରି ମାପ୍‌ରୁ ଆବ୍ରାହାମ୍‌ଦି କଢୋ ଇସାକ୍‌ଦିଙ୍ଗ୍, ଆବ୍ରାହାମ୍ ୱାଲେ ତୋର୍‌ତିମାହିଁ ପାର୍‌ମାଣାମ୍ ୱାନ୍ଦିଙ୍ଗ୍‌ ଆର୍ଶିବାଦ୍ କିତାନ୍। ଆୟା ପାର୍‌ମାଣାମ୍‌ଦାନ୍ ମାପ୍‌ରୁଦି ଉଣ୍ଡ୍ରି ପାର୍‌ମାଣାମ୍‌ କିତାନ୍ ଜେ ଆବ୍ରାହାମ୍‌ଦି ଲେକିସ୍‌ତେଙ୍ଗ୍‌ ଆଟ୍‌ଇୱାଜା କୁଟୁମ୍ ଆନାର୍। ମାତର୍ ଇସାକ୍‌ଦି ଆଡ଼୍‌ସି ରିବିକାଦିଙ୍ଗ୍ କଢୋକକ୍‌ରାର୍ ଆଏତାର୍‌।

![](https://cdn.door43.org/obs/jpg/360px/obs-en-06-05.jpg)

ଇସାକ୍ ରିବିକା ୱାନ୍ଦିଙ୍ଗ୍‌ ପାର୍‌ତନା କିତାନ୍, ମାରି ମାପ୍‌ରୁ ଦାନିଙ୍ଗ୍‌ ଯାଆଁଲା କଢୋଦି ପଟାଦୁ ଆନି ୱାନ୍ଦିଙ୍ଗ୍ ଶାକ୍ତି ଆତାତ୍‌। ଏମେ ୱେଡ଼ାଦୁ ଆୟା କଢୋର୍ ରିବିକା ପଟାଦୁ ମାହାର୍ ନାସ୍ତିୱାଲେହାନ୍‌ ୱାରୁ ଲାଗାଜି ସାଜି ମାର୍‌ହାର୍, ଇୟାୱାନ୍ଦିଙ୍ଗ୍‌ ରିବିକା ମାପ୍‌ରୁଙ୍ଗ୍ ୱେହ୍‌ତାତ୍ ଏମେକାଗି ଦାନିୱାଲେ ଆଜିମାର୍‌ହାତ୍।

![](https://cdn.door43.org/obs/jpg/360px/obs-en-06-06.jpg)

ମାପ୍‌ରୁ ରିବିକାଦିଙ୍ଗ୍ ୱେହ୍‌ତାତ୍‌, “ନିନୁ ରୁଣ୍ଡି କଢୋରିଙ୍ଗ୍ ଜନମ୍ ସିନି। ୱାରି କୁଟୁମ୍ ରୁଣ୍ଡି ଆଇ ଆଇକା ଜାତି ଆନାତ୍। ୱାରୁ ନିଜେ ନିଜେଦି ଲୋଇ ଲାଗାଜି ସାନାର୍। ମାତର୍ ପେରି କଡ଼ଦାନାନ୍ ଜନମ୍ ଆତିମାହି ଜାତି ନିସ୍‌ରି କଢୋଦି ବାଣାନ୍ ୱାତିମାହି ଜାତିଦି ଆଦେସ୍‌ଦିଙ୍ଗ୍‌ ମାନାଦେଙ୍ଗ୍ ମାନାତ୍‌।”

![](https://cdn.door43.org/obs/jpg/360px/obs-en-06-07.jpg)

ଏସେଙ୍ଗ୍ ରିବିକାଦି କଢୋର୍ ଜନମ୍ ଆତାର୍, ମାରି ପେରି କଢୋ ଏରାଙ୍ଗାଁ ମାର୍‌ହାନ୍‌ ମାରି ନାଣ୍ଡ କୁକୁଟି ମାହାତ୍, ମାରି ୱାରୁ ୱାନି ଦୋରୁ ଏସାଉ ଇଟ୍‌ତାର୍। ନାସ୍ତିୱାଲେ ନିସ୍‌ରି କଢୋ ଏସାଉଦି କାଲୁ ଆସ୍‌ସି ଜନମ୍ ଆତାନ୍, ମାରି ୱାରୁ ୱାନି ଦୋରୁ ଯାକୁବ ଇଟ୍‌ତାର୍।

*ଆଦି ପୁସ୍‌ତକ୍ ୨୪: ୧ – ୨୫: ୨୬ଦି ଉଣ୍ଡ୍ରି ବାଇବଲଦି କାତାନି*

## 7. ୭. ମାପ୍‌ରୁ ଯାକୁବଦିଙ୍ଗ୍‌ ଆର୍ଶିବାଦ୍ କିତାନ୍

https://openbiblestories.org/l/pci/story-7/

![](https://cdn.door43.org/obs/jpg/360px/obs-en-07-01.jpg)

ଏସ୍ତିୱାଲେ ଆୟାକଢର୍ ପେରିକାର୍ ଆତାର୍ ଯାକୁବଦିଙ୍ଗ୍ ଇଣ୍ଡ୍ରୋମାଣ୍ଡ୍ରେଙ୍ଗ୍ ନେଗେଣ୍ଡ୍ ଲାଗେ ଆତାତ୍, ମାରି ଏସାଉଦି ଜାନ୍ତୁଙ୍ଗ୍ ସିକାର କିଦେଙ୍ଗ୍ ନେଗେଣ୍ଡ୍ ଲାଗେ ଆତାତ୍। ରିବିକା ଯାକୁବଦିଙ୍ଗ୍ ଲାଡ଼୍‌ କିଜି ମାର୍‌ହାତ୍, ମାରି ଇସାକ୍ ଏସାଉଦି ଲାଡ଼୍‌ କିତାନ୍।

![](https://cdn.door43.org/obs/jpg/360px/obs-en-07-02.jpg)

ଉଣ୍ଡ୍ରି ଦିନାମ୍‌,ଏସ୍ତିୱେଡ଼ାଦୁ ଏସାଉ ୱେଟା ସନ୍‌ସି ୱାତାନ୍ ନେ ୱାନିଙ୍ଗ୍ ନାଣ୍ଡୋ ବାଙ୍ଗାଁକାଟ୍‌ତାତ୍। ଏସାଉ ଯାକୁବଦିଙ୍ଗ୍ ୱେର୍‌ତାନ୍, “ଏମେ ଜାୱା ନିନୁ ୱାର୍‌ତିମାନି ଆବେଣାନ୍ ଖାଣ୍ଡେକ୍ ନାଙ୍ଗିଁ ସିଦା।” ଯାକୁବ ୱେର୍‌ତାନ୍, “ ପରତୁମ୍ ନାଙ୍ଗିଁ ପରମାନ୍ କିଆମେ ପର୍‌ତୁମ୍ ଜନମ୍ ଆନିଦାନିଙ୍ଗ୍ ଏମେୱିଜୁ ବିଷୟ୍ ନିଙ୍ଗିଁ ପୁଟ୍‌ନାତ୍‌,ଆୟା ୱେଜୁ ନାଙ୍ଗିଁ ସିଦା।” ମାରି: ଏସାଉ ଆୟା ୱିଜୁ ବିଷୟ୍‌ଦି ଯାକୁବଦିଙ୍ଗ୍ ସିଦେଙ୍ଗ୍ ପର୍‌ମାନ୍ କିତାନ୍। ମାରି ଯାକୁବ ୱାନିଙ୍ଗ୍ ଖାଣ୍ଡେକ୍ ଜାୱା ସିତାନ୍।

![](https://cdn.door43.org/obs/jpg/360px/obs-en-07-03.jpg)

ଇସାକ୍ ଯାକ୍‌ବଦିଙ୍ଗ୍ ଆର୍ଶିବାଦ୍ ସିଦେଙ୍ଗ୍ ଇଷ୍ଟାମ୍‌ କିଜି ମାର୍‌ହାନ୍। ମାତର୍‌ ଆକା ଇକା କିନି ଆଗ୍‌ଡି, ରିବିକା ମାରି ଯାକୁବଦି ଏସାଉ ୱାନିୱାଜା ଆଜି ଧକା ସିତାନ୍। ଇସାକ୍ ଡକ୍‌ରା ମାର୍‌ହାନ୍ ମାରି ସୁଡ୍‌ଦେଙ୍ଗ୍ ଆଟ୍‌ଏଣ୍ଡା ମାର୍‌ହାନ୍। ଏମେଣାନ୍ ଯାକୁବ ଏସାଉଦି ସକା ଇଟ୍‌କାଜି ମାରି ଗୋରିଆ ତୋଲୁ ନିଜେ ଗୁଞ୍ଜାମ୍‌ଦୁ ମାରି କିଦୁଦୁ ପିଡ୍‌ଗାତା ମାର୍‌ହାନ୍।

![](https://cdn.door43.org/obs/jpg/360px/obs-en-07-04.jpg)

ଯାକୁବ୍ ଇସାକ୍ ଡାଗ୍‌ରୁ ୱାଜି ୱେର୍‌ତାନ୍, “ନାନୁ ଏସାଉ। ନାନୁ ଇୟାୱାନ୍ଦିଙ୍ଗ୍ ୱାତାମାନା ଜେ ନିନୁ ନାଙ୍ଗିଁ ଆର୍ଶିବାଦ୍ କିୟା।” ଏସ୍ତିୱାଲେବା ଇସାକ୍ ଗୋରିଆ ତୋଲୁଦି କୁକୁଟି ନେସ୍‌ତାନ୍ ମାରି ସକାଦିଙ୍ଗ୍ ମୁଞ୍ଜିତାନ୍, ମାରି ଇସାକ୍ ଅଢ୍‌ବିତାନ୍ ଜେ ଆୟାକାନ୍ ଏସାଉ ମାରି ଆର୍ଶିବାଦ୍ କିତାନ୍।

![](https://cdn.door43.org/obs/jpg/360px/obs-en-07-05.jpg)

ଏସାଉ ଯାକୁବଦିଙ୍ଗ୍ ଗିଣ୍‌ କିତାନ୍ ଏନିଦାନିଙ୍ଗ୍‌କଗି ଯାକବ ଏସାଉଦି ପର୍‌ତୁମ୍ କୋଢଦି ଅଦିକାର୍ ମାରି ୱାନି ଆର୍ଶିବାଦ୍ ଡ଼ଙ୍ଗାକିଜି ଅତା ମାର୍‌ହାନ୍‌। ଆୟାୱାନ୍ଦିଙ୍ଗ୍ ଏସାଉ ୱାରିବୁବାରିଙ୍ଗ୍ ସାତି ୱେନ୍‌କା ଯାକୁବଦିଙ୍ଗ୍ ସାଗାମାର୍‌ଗା ଡ଼େଇଦେଙ୍ଗ୍‌ ଆକାନ୍ ଯୋଜନା କିତାନ୍।

![](https://cdn.door43.org/obs/jpg/360px/obs-en-07-06.jpg)

ମାରି ରିବିକା ଏସାଉ କିତି ଯୋଜନା ୱେର୍‌ହାତ୍। ଇୟାୱାନ୍ଦିଙ୍ଗ୍‌ ରିବିକା ମାରି ଇସାକ୍ ଯାକୁବଦିଙ୍ଗ୍ ୱାରିଙ୍ଗ୍ ଆକ ଲୋକାଦି ୱାଲେ ମାଣ୍ଡ୍ରେଙ୍ଗ୍ ପୋକ୍‌ତାନ୍‌।

![](https://cdn.door43.org/obs/jpg/360px/obs-en-07-07.jpg)

ଯାକୁବ ରିବିକେଙ୍ଗ୍ ଲୋକାବାକୁ ୱାଲେ ଏସୋ ପାଟେଙ୍ଗ୍‌ ମାନ୍‌ଜି ମାର୍‌ହାର୍। ଆୟାୱେଡ଼ାଦୁ ଆକାତ୍ ପେଡ଼ିଆତାତ୍‌ ମାରି ୱାରିଙ୍ଗ୍ ପାନେଣ୍ଡୁ କଢୋର୍ ମାରି ଉଣ୍ଡ୍ରି ଆଇଲି ମାର୍‌ହାତ୍। ମପ୍‌ରୁ ଦାନିଙ୍ଗ୍ ନାଣ୍ଡୋ ଧନି କିତାନ୍।

![](https://cdn.door43.org/obs/jpg/360px/obs-en-07-08.jpg)

ଇରିୱେୟ୍ ପାଟେଙ୍ଗ୍‌ କାନାନ୍ ଦେଶେମଦୁ ନିଜେ ଇଲୁଦାନ୍ ଆକମାର୍‌ହି ୱେନ୍‌କା, ଯାକୁବ ୱାରି ପରିବାର୍ ୱାଲେ, ୱାରି ଗତି ମୁର୍‌ଲିୱାଲେ ମାରି ୱାରି କଡ଼ିଙ୍ଗ୍‌ ଗରିଏଙ୍ଗାଁ ୱାଲେ ଆବେ ଇତାର୍।

![](https://cdn.door43.org/obs/jpg/360px/obs-en-07-09.jpg)

ଯାକୁବ ତିଏଲାଜି ମାର୍‌ହାନ୍ ମାରି ଆକାନ୍ ଅଡ଼୍‌ବିଜି ମାର୍‌ହାନ୍ ଗାନି ଇଏଲ୍‌ବା ଏସାଉ ୱାନିଙ୍ଗ୍ ଡ଼େଇଦେଙ୍ଗ୍ ଅଡ୍‌ବିତାନ୍। ଆବେଣାନ୍ ଉପହାର୍ ୱାଜା ଏସାଉୱାନ୍ଦିଙ୍ଗ୍‌ ନାଣ୍ଡୋ କଡ଼ିଗରିଏଙ୍ଗାଁ ଏସାଉଦିଙ୍ଗ୍ ସିଜି ପୋକ୍‌ତାନ୍। ଆୟା ଗତି ମୁର୍‌ଲିଦିଙ୍ଗ୍‌ କଡ଼ିଙ୍ଗ୍ ଗରିଏଙ୍ଗ୍ଁ ତାତାମାର୍‌ହାର୍ ଆୟାକାର୍ ଏସାଉଦିଙ୍ଗ୍ ୱେର୍‌ତାର୍, “ମି ଗତି ଯାକୁବ, ନିଙ୍ଗିଁ ଇୟା କଡ଼ିଗରିଏଙ୍ଗ୍ଁ ସିତାମାନାନ୍। ଆକାନ୍ ଦାପ୍‌ରେ ୱାଜିନାନ୍।

![](https://cdn.door43.org/obs/jpg/360px/obs-en-07-10.jpg)

ମାରି ଏସାଉ ଯାକୁବଦିଙ୍ଗ୍ ନାଷ୍ଟାମ୍‌ କିଦେଙ୍ଗ୍ ଇଷ୍ଟାମ୍‌ କିଏଣ୍ଡା ମାର୍‌ହାନ୍। ଇୟାୱାନ୍ଦିଙ୍ଗ୍, ଆକାନ୍ ୱାନିଙ୍ଗ୍ ମାରିଅର୍‌ସୁ ସୁଡ଼୍‌ଜି ନାଣ୍ଡୋ ସାର୍‌ଦା ଆତାନ୍। ଇୟାୱାନ୍ଦିଙ୍ଗ୍ ରିଏର୍ ବାଇର୍ ନେଗେଣ୍ଡ୍‌ଦାଣ୍‌ କାନାନ୍‌ ଦେଶେମ୍‌ଦୁ ମାର୍‌ହାର୍। ମାରି ଇସାକ୍ ସାତାନ୍ ମାରି ଏସାଉ ୱାନିଙ୍ଗ୍ ମୁସ୍‌ତାର୍। ମାପ୍‌ରୁ ଏମେ ପର୍‌ମାଣାମ୍ ଆବ୍ରାହାମ୍‌ଦିଙ୍ଗ୍ କିଜି ମାର୍‌ହାନ୍ ଆକା ଇଏଲ୍ ଇସାକ୍‌ବାଣାନ୍ ଯାକୁବ ୱାନ୍ଦିଙ୍ଗ୍ ୱାତାର୍।

*ଆଦିପୁସ୍‌ତକ୍ ୨୫:୨୭-୩୫:୨୯ ଦି ଉଣ୍ତ୍ରେ କାତାନି*

## 8. ୮. ମାପ୍‌ରୁ ଯୋଶେଫ ମାରି ୱାରି ପରିବାର୍‌ଦିଙ୍ଗ୍ ଜିପିସ୍‌ତାନ୍‌

https://openbiblestories.org/l/pci/story-8/

![](https://cdn.door43.org/obs/jpg/360px/obs-en-08-01.jpg)

ନାଣ୍ଡ ପାଟେଙ୍ଗ୍ ୱେନ୍‌କା ଏସେଙ୍ଗ୍ ଯାକୁବ ଡକ୍‌ରା ଆତାନ୍, ୱାଣ୍ତ୍ରୁ ୱାନି ଲାଡ୍‌ଦି ମାରିନ୍ ଯୋଶେଫଦିଙ୍ଗ୍ ୱାନି ମେଣ୍ତେଙ୍ଗା ଜାତୁନ୍ କିଜିମାହି ତଡ଼ାନ୍‌ରିଙ୍ଗ୍ ସୁଡ଼୍‌ନି ୱାନ୍ଦିଙ୍ଗ୍ ପୋକ୍‌ତାନ୍‌।

![](https://cdn.door43.org/obs/jpg/360px/obs-en-08-02.jpg)

ଯୋସେଫରି ତଡ଼ାନ୍‌କୁ ୱାନିଙ୍ଗ୍ ଆଙ୍କ୍‌କାର୍ ଆଜିମାର୍‌ହାର୍‌, ମାତର୍ ୱାରିବୁବା ୱାନିଙ୍ଗ୍‌ ନାଣ୍ଡ ଜିଉନୋଜି ମାର୍‌ହାନ୍, ମାରି ଯୋଶେଫ ଲୋପ୍‌କୁ ସୁଡ଼୍‌ତା ମାର୍‌ହାନ୍ ଜେ ୱାଣ୍ତ୍ରୁ ୱାରି ସାସନ୍ କିନାନ୍। ଏସ୍ତିୱାଲେ ଯୋଶେଫ୍ ୱାରି ଡାଗ୍‌ରୁ ଇତାନ୍, ୱାରୁ ୱାନିଙ୍ଗ୍ ତହ୍‌ତାର୍‌ ମାରି ୱାନିଙ୍ଗ୍‌ ସାକର୍‌ କଡ଼୍‌ନି ୱାରି ଡାଗ୍‌ରୁ ପର୍‌ତାନ୍।

![](https://cdn.door43.org/obs/jpg/360px/obs-en-08-03.jpg)

ଯୋଶେଫଙ୍ଗାଁ ତଡ଼ାନ୍‌କୁ ଇଣ୍ଡ୍ର ୱାନି ଆଗ୍‌ଡ଼ି ଯୋଶେଫଦି ସକା କିସ୍‌ସି ସିତାନ୍ ମାରି ଦାନିଙ୍ଗ୍‌ ଗରିୟାତି ନେତେର୍‌ଦାନ୍‌ ଉତ୍‌ତାର୍,। ଦାନିୱେନ୍‌କା ୱାରୁ ଆୟାସକାଦିଙ୍ଗ୍‌ ନିଜେଦି ବୁବାଦିଙ୍ଗ୍ ତୋର୍‌ପତାର୍‌ ଏମେଦାଣାନ୍‌ଗି ୱାଣ୍ତ୍ରୁ ଅଡ଼୍‌ବିନାନ୍ ଜେ ଉଣ୍ଡ୍ରି ବନୁତି ଜାନ୍ତୁ ଯୋଶେଫଦିଙ୍ଗ୍ ସାୟାମାର୍‌ଗା ଡ଼େଇତାମାନାତ୍‌। ଯାକୁବ ନାଣ୍ଡ ଦୁକାମ୍ ଆତାନ୍।

![](https://cdn.door43.org/obs/jpg/360px/obs-en-08-04.jpg)

ସାକର୍‌ କଡ଼୍‌ନିକାର୍ ଯୋଶେଫଦିଙ୍ଗ୍ ମିଶରଦୁ ଅତାର୍। ମିଶର ଉଣ୍ଡ୍ରି ପେରିକା, ମାରି ଶାକ୍ତିତି ଦେଶେମ୍ ମାର୍‌ହାତ୍ ମାରି ନିଡ଼ି ଗାଡ଼ା ଡ଼ାଗ୍‌ରୁ ମାର୍‌ହାତ୍। ଆୟା ସାକର୍‌ କଡ଼୍‌ନିକାର୍ ଯୋଶେଫଦିଙ୍ଗ୍ ଉଣ୍ଡ୍ରି ଗତିମୁର୍‌ଲି ୱାଜା ଅରେନ୍ ଦନି ସର୍‌କାର୍ ଅଦିକାରି ସାଉକାର୍ ଡାଗ୍‌ରୁ ପର୍‌ତାର୍। ଯୋଶେଫ ୱାନି ମାଲିକ୍‌ଦିଙ୍ଗ୍‌ ନେଗିସେବା କିତାନ୍, ମାରି ମାପ୍‌ରୁ ଯୋଶେଫଦିଙ୍ଗ୍ ଆର୍ଶିବାଦ୍ କିତାନ୍।

![](https://cdn.door43.org/obs/jpg/360px/obs-en-08-05.jpg)

ୱାରି ମାଲିକ୍‌ଦି ଆଡ଼୍‌ସି ୱାନି ୱାଲେ ଗୁର୍‌ଦେଙ୍ଗ୍ ସେଷ୍ଟା କିତାତ୍‌, ମାତର୍ ଇୟାୱାଜା ଯୋଶେଫ ମାପ୍‌ରୁ ବିରୁଦ୍‌ଦାନ୍ ପାପାମ୍ କିଦେଙ୍ଗ୍‌ ମନାକିତାନ୍‌। ୱାଦୁ ରିସା ଆତାତ୍ ମାରି ବାଣ୍ଡିସ୍‌ସି ଯୋଶେଫଦିଙ୍ଗ୍ ଦୋସ ସିତାତ୍ ଇୟାୱାନ୍ଦିଙ୍ଗ୍ ୱାନିଙ୍ଗ୍‌ ତୋହ୍‌ତାର୍ ମାରି ଜଇଲ୍‌ଦୁ ପୋକ୍‌ତାର୍। ଇୟାୱାଜା ନେ ଜଇଲ୍‌ଦୁ ବା ଯୋଶେଫ ମାପ୍‌ରୁଦି ୱାନ୍ଦିଙ୍ଗ୍ ନିକାମେ ମାର୍‌ହାନ୍‌, ମାରି ୱାନିଙ୍ଗ୍ ମାପ୍‌ରୁ ଆର୍ଶିବାଦ୍ କିତାନ୍।

![](https://cdn.door43.org/obs/jpg/360px/obs-en-08-06.jpg)

ରୁଣ୍ତି ପାଟେଙ୍ଗ୍ ୱେନ୍‌କା ଯୋଶେଫ ଦୋସି ଆଏଣ୍ତା ବା ଜଇଲ୍‌ଦୁ ମାର୍‌ହାନ୍, ଉଣ୍ତ୍ରେ ନାଡ଼ା ପାରୋ, ଏଣ୍ତେସ୍‌ଗି ମିଶରିୟ ଲୋକୁ ନିଜେଦି ରାଜାଦିଙ୍ଗ୍ କୁକ୍‌ସିମାର୍‌ହାର୍, ରୁଣ୍ତି ଲପ୍‌କୁ ସୁଡ଼୍‌ତାନ୍, ଏମେକାଗି ୱାନିଙ୍ଗ୍ ନାଣ୍ତୋ ବାମା କିତାଡ଼ିସ୍‌ତାତ୍। ୱାନି ଇନି ଅଜାକିନିକାନ୍ ୱାନି ଆୟା ଲପ୍‌କୁଣି ଅର୍ତ ୱେହ୍‌ତେଙ୍ଗ୍ ଆଟ୍‌ଏତାର୍।

![](https://cdn.door43.org/obs/jpg/360px/obs-en-08-07.jpg)

ଯୋଶେଫ୍‌ଦିଙ୍ଗ୍ ଲୋପ୍‌କା ଅର୍ଥ ୱେହ୍‌ତେଙ୍ଗ୍ ମାପ୍‌ରୁ ସାକ୍‌ତି ସିତାମାହାନ୍, ମାରି ଆୟାୱାନ୍ଦିଙ୍ଗ୍‌ ଫରୋ ଯୋଶେଫ୍‌ଦିଙ୍ଗ୍ ଜଇଲ୍‌ଦାନ୍‌ ନିଜେଦି ଡାଗ୍‌ରୁ କୁକ୍‌ତାନ୍‌। ଯୋଶେଫ ୱାନି ଆୟା ଲବେହି ଅର୍ତ ୱେନିସ୍‌ସି, ମାରି ୱେର୍‌ତାନ୍ ଏଡ଼ୁ ପାଟେଙ୍ଗ୍ ନାଣ୍ତୋ ଦିନ୍‌ସୁ ୱେନ୍‌କା ମାପ୍‌ରୁ ଏଡ଼ୁ ପାଟେଙ୍ଗାଁଣି ମରୁଡ଼ି ପୋକ୍‌ତେଙ୍ଗ୍ ସନ୍‌ସିନାନ୍।

![](https://cdn.door43.org/obs/jpg/360px/obs-en-08-08.jpg)

ଫାରୋ ଯୋଶେଫ ମୁସ୍‌କୁ ନିସା ସାର୍‌ଦା ଆତାନ୍ ଜେ ୱାଣ୍ତ୍ରୁ ୱାନିଙ୍ଗ୍ ମିଶର୍‌ତି ରୁଣ୍ତି ସାକ୍ତିତି ଲୋକୁ ୱାଜା ନିଲ୍‌ପ୍‌ତାନ୍‌।

![](https://cdn.door43.org/obs/jpg/360px/obs-en-08-09.jpg)

ଯୋଶେଫ ଏଡ଼ୁ ପାଟେଙ୍ଗାଁଣି ନେଗି ଦିନ୍‌ସୁ ୱେଡ଼ାଦୁ ନାଣ୍ତୋଦାଣ୍ ନାଣ୍ତୋ ଖାଦି ଉଣ୍ଡାକିଜି ଇଡ୍‌ଦେଙ୍ଗ୍ ୱେର୍‌ତାନ୍। ଏସେଙ୍ଗ୍‌ ଏଡ଼ୁ ପାଟେଙ୍ଗାଁଣି ମରୁଡ଼ି ଆତାତ୍‌, ମାରି ଯୋଶେଫ ଲୋକାଙ୍ଗ୍ ଆୟା ଖାଦିଦିଙ୍ଗ୍ ପୋର୍‌ତାନ୍ ଏମେବାଣାନ୍‌ଗି ୱାରୁ ଉଣିୱାନ୍ଦିଙ୍ଗ୍ ନାଣ୍ଡୋ ପୁଟ୍‌ନାତ୍‌।

![](https://cdn.door43.org/obs/jpg/360px/obs-en-08-10.jpg)

ମରୁଡ଼ି ୱାହି ମିସର୍‌ଦୁ ସିଲେଣ୍ତା ମାର୍‌ହାତ୍‌, ମାତର୍ କିଣାନ୍‌ଦୁ ବା ଏମେବାନୁ ଯାକୁବ ମାରି ୱାରି ପରିବାର୍ ମାନ୍‌ଜି ମାର୍‌ହାର୍।

![](https://cdn.door43.org/obs/jpg/360px/obs-en-08-11.jpg)

ଇୟାୱାନ୍ଦିଙ୍ଗ୍ ୱାରିଙ୍ଗ୍ ଯାକୁବ ୱାନି ପେରି କଢୋରିଙ୍ଗ୍ ଖାଦି କଡ଼୍‌ଦେଙ୍ଗ୍ ମିଶରଦୁ ପକିସ୍‌ତାନ୍। ନାସ୍ତିୱାଲେ ୱାରୁ ଖାଦି କଣ୍ଡେଙ୍ଗ୍ ଯୋଶଫ୍‌ଦି ଆଗ୍‌ଡି ନିଲ୍‌ତାମାର୍‌ହାର୍ ୱାରୁ ଯୋଶେଫ୍‌ଦିଙ୍ଗ୍ ପୋଲିସ୍‌ତେଙ୍ଗ୍ ଆଟ୍ଏତାର୍। ମାରି ଯୋଶେଫ ୱାରିଙ୍ଗ୍ ପୋଲିସ୍‌ତାନ୍।

![](https://cdn.door43.org/obs/jpg/360px/obs-en-08-12.jpg)

ୱାରୁ ମୋନ୍‌ଡ଼େପ୍‌ତାର୍ ନୋ ସିଲେ ସୁଡ଼୍‌ନି ୱାନ୍ଦିଙ୍ଗ୍‌, ଯୋଶେଫ୍ ୱାରିଙ୍ଗ୍ ୱେର୍‌ତାନ୍, “ନାନୁ ମି ତଡ଼ାନ୍‌ ଯୋଶେଫ୍!’ ତିଲାମାଟ୍ ଏସେଙ୍ଗ୍ ମିରୁ ନାଙ୍ଗିଁ ଗତିମୁର୍‌ଲିୱାଜା ପୋର୍‌ତି ମାହିଦେର୍ ନାସ୍ତିୱାଲେ ମିରୁ ଗତିମୁର୍‌ଲିକିଜି ପୋର୍‌ତିଦେର୍, ମାରି ମାପ୍‌ରୁ ନାଷ୍ଟୁଦିଙ୍ଗ୍‌ ନେଗିବାଣାନ୍ ଡ଼େପ୍‌ତାନ୍, ମାରି। ମିଶରଦୁ ୱାଜିମାଣ୍ତ୍ରୁ ୱାରୁ ମାରି ମିଙ୍ଗିଁ ମାରି ମିୱାନ୍ଦିଙ୍ଗ୍ ପରିବାର୍‌ଦି ୱାନ୍ଦିଙ୍ଗ୍‌ କାପ୍‌କିବିସ୍‌ତେଙ୍ଗ୍‌ ଆଟ୍‌ନା।

![](https://cdn.door43.org/obs/jpg/360px/obs-en-08-13.jpg)

ନାସ୍ତିୱାଲେ ଯୋଶେଫରି ତଡ଼ାନ୍‌କୁ ଇଣ୍ତ୍ରୱାତାର୍ ମାରି ୱାରିବୁବା, ଯାକୁବଦିଙ୍ଗ୍ ୱେହ୍‌ତାର୍ ଇଏଲ୍‌ବା ଯୋଶେଫ ଜିଉମାହାନ୍, ୱାଣ୍ତ୍ରୁ ନାଣ୍ତସାର୍‌ଦା ଆତାନ୍।

![](https://cdn.door43.org/obs/jpg/360px/obs-en-08-14.jpg)

ଯାକୁବ ଡକ୍‌ରା ଆତିଙ୍ଗାଁ ବା, ମାରି ୱାଣ୍ତ୍ରୁ ୱାରିପରିବାର୍ ୱାଲେ ମିଶରଦୁ ବୁଲାଜିସର୍‌ହାର୍ ମାରି ଆବେ ୱାଣ୍ତ୍ରୁ ୱାରିୱାଲେ ମାର୍‌ହାର୍। ଯୋକୁବ ସାତି ଆଗ୍‌ଡି, ୱାଣ୍ତ୍ରୁ ୱାରିଙ୍ଗ୍ ୱିଜୁ କଢୋରିଙ୍ଗ୍ ଆର୍ଶିବାଦ୍ କିତାନ୍।

![](https://cdn.door43.org/obs/jpg/360px/obs-en-08-15.jpg)

ପାର୍‌ମାଣାମ୍‌ଦି ନିୟମ୍ ଏମେ ମାପ୍‌ରୁ ଆବ୍ରାମ୍‌ଦି ୱାଲେ କିତାମାର୍‌ହାନ୍ ଇକା ୱାଣ୍ତ୍ରୁ ଇସାକ୍ ଦାନିୱେନ୍‌କା ଯାକୁବ ମାରି ପାନେଣ୍ତୁ କଡ଼ର୍ ମାରି ୱାରି ପରିବାର୍‌ଦୁ ୱାତାତ୍, ଆୟା ପାନେଣ୍ତୁ କଡ଼ରି କୁଟୁମ୍ ଇସ୍ରାଏଲ୍‌ଦି ପାନେଣ୍ତୁ କୁଟୁମ୍ ଆତାର୍।

*ଆଦିପୁସ୍ତକ୍‌ ୩୭-୫୦ ଦି ଉଣ୍ତି କାତାନି*

## 9. ୯. ମାପ୍‌ରୁ ମଶାଦିଙ୍ଗ୍ କୁକ୍‌ତାନ୍

https://openbiblestories.org/l/pci/story-9/

![](https://cdn.door43.org/obs/jpg/360px/obs-en-09-01.jpg)

ଯୋଶେଫ୍‌ରି ସାତିୱେନ୍‌କା ୱାନି ୱିଜୁ ଜାତିଦି କୁଟୁମ୍ ମିଶରଦୁ ମାର୍‌ହାର୍। ଆକାର୍ ମାରି ୱାରି କୁଟୁମ୍ ଆକାର୍ ନାଣ୍ଡ ପାଟେଙ୍ଗ୍‌ ମାଣ୍ଡ୍ରେଙ୍ଗ୍ ମାହାର୍ ମାରି ୱାରିଙ୍ଗ୍ ନାଣ୍ଡ କଢୋ କୋକ୍‌ରା ଜନମ୍‌ ଆତାର୍। ୱାରିଙ୍ଗ୍ ଇସ୍ରାଏଲ ଦୋରୁ କୁକ୍‌ତାର୍।

![](https://cdn.door43.org/obs/jpg/360px/obs-en-09-02.jpg)

ଏସ ଏସ ପାଟେଙ୍ଗ୍ ୱେନ୍‌କା, ଇସ୍ରାଏଲତି ଲୋକୁ ନାଣ୍ଡୋ ଆତାର୍, ମାରି ମିଶର ଦେଶେମ୍‌ତିକାର୍ ଯୋଶେଫ୍‌ଦି ବାଣାନ୍ ସାର୍‌ଦା ଆଏଣ୍ଡା ମାର୍‌ହାର୍ ମାରି ଇସ୍ରାଏଲ୍‌ତି ଲୋକାୱାନ୍ଦିଙ୍ଗ୍ ନାଣ୍ଡୋ ପାଣି କିଜିମାର୍‌ହାର୍‌। ଆୟାକାର୍ ଇସ୍ରାଏଲ୍‌ ଲୋକାଙ୍ଗ୍ ତିଏଲାଦେଙ୍ଗ୍ ଆସ୍‌ତାର୍, ମାତର୍ ୱାରୁ ନାଣ୍ତ ଲୋକୁ ମାର୍‌ହାର୍। ଆୟାୱାନ୍ଦିଙ୍ଗ୍‌ ଆୟାୱେଡ଼ାଦୁ ମାରି ଫାରୋ ମିଶରଦୁ ସାସନ୍ କିଜି ମାର୍‌ହାନ୍ ମାରି ଇସ୍ରାଏଲଦି ଲୋକାଙ୍ଗ୍ ମିଶ୍‌ରିୟରି ଲୋକୁଦି ଦାସ୍‌କିତାନ୍।

![](https://cdn.door43.org/obs/jpg/360px/obs-en-09-03.jpg)

ମିଶରିୟର୍ ଇସ୍ରାଏଲ୍‌ତି ୱାରିଙ୍ଗ୍ ଗୁଜାମ୍‌ଦୁ ପିଣ୍ଡିସ୍‌ତାର୍ ମାରି ୱିଜୁ ଗଡ଼ ତିଆର୍ କିଦେଙ୍ଗ୍ ବିଜାର୍‌ କିତାନ୍। ଆୟା କାସ୍‌ଟାମ୍ ପାଣି ୱାରି ଜିଉଦୁ ଦୁକାମ୍ କାସ୍‌ଟାମ୍ କିତାତ୍, ମାରି ୱାରିଙ୍ଗ୍ ମାପ୍‌ରୁ ଆର୍ଶିବାଦ କିତାନ୍, ମାରି ୱାରିଙ୍ଗ୍ ନାଣ୍ଡ କଡ଼ କୋକ୍‌ରା ଆତାର୍।

![](https://cdn.door43.org/obs/jpg/360px/obs-en-09-04.jpg)

ଫାରୋ ସୁଡ଼ୁତାନ୍ ନେ ଇସ୍ରାଏଲତି ୱାରିଙ୍ଗ୍ ନାଣ୍ଡ କଡ଼ର୍ ନାଣ୍ଡ ପୁଟ୍‌ତାର୍‌, ଆୟାୱାନ୍ଦିଙ୍ଗ୍‌ ଆକାନ୍‌ ନିଜେ ଲକାରିଙ୍ଗ୍ ଇସ୍ରାଏଲଦି ୱିଜୁ କଡ଼ କୋକ୍‌ରାରିଙ୍ଗ୍‌ ନିଡ଼ି ଗାଡ଼ାଦୁ ପୋକ୍‌ସି ଢ଼େଇଦେଙ୍ଗ୍ ମାଟା ସିତାନ୍।

![](https://cdn.door43.org/obs/jpg/360px/obs-en-09-05.jpg)

ଅରେତ୍‌ ଇସ୍ର।ଏଲ୍ ଆଡ଼ିସି ଉଣ୍ଡ୍ରି କଡ଼ ଜନମ୍ କିତାତ୍। ଆକାତ୍ ମାରି ୱାନି ମାସିଙ୍ଗ୍ ଏସ ଆତାତ୍ ନାସଡ଼୍ ଦିନାମ୍‌କୁ କଡ଼ଦିଙ୍ଗ୍ ମାରାକ୍‌ତା ମାହାର୍‌।

![](https://cdn.door43.org/obs/jpg/360px/obs-en-09-06.jpg)

ନାସ୍ତିୱାଲେ କଡ଼ରି ବୁବା ମାରି ୟାୟା ନାଣ୍ଡ ୱେଡ଼ାଦୁ ମାରାକ୍‌ସି ଆଟ୍‌ଏତାତ୍, ଆକେଙ୍ଗ୍ ୱାନିଙ୍ଗ୍ ସାଏଣ୍ଡାନେ ଜିପିସ୍‌ତେଙ୍ଗ୍ ଉଣ୍ଡ୍ରେ ଦେଲ୍‌ଜି ମାହି ଟପିଲୋଇ ନିଡ଼ି ଗାଡ଼ା ଗାଟ୍‌ତୁ ଏରୁଦୁ ନାଡ଼େଙ୍ଗ୍ ନାଣ୍‌ମି ୱାନିଙ୍ଗ୍ ଇଟ୍‌ତାର୍। ୱାରି ପେରିବିବି ଦାନିଙ୍ଗ୍ ଇନିକା ଆନାତ୍, ସୁଡ଼୍‌ଦେଙ୍ଗ୍ ଇଜି ଆକୋ ମାନ୍‌ଜି ସୁଡ଼୍‌ଜି ମାର୍‌ହାତ୍।

![](https://cdn.door43.org/obs/jpg/360px/obs-en-09-07.jpg)

ଫାରୋଦି ଆଇଲି ଡ଼ଙ୍ଗାଁଦିଙ୍ଗ୍ ମାରି ଆୟା ଲୋଇ ସୁଡ଼୍‌ତାତ୍। ନାସ୍ତିୱେଡ଼ାଦୁ ଆକାତ୍ ଉଣ୍ଡ୍ରେ କଡ଼ ସୁଡ଼୍‌ତେ, ଆକାତ୍ ୱାନିଙ୍ଗ୍ ନିଜେ କଡ଼ୱାଜା କିଜି ଅତାତ୍। ଆକାତ୍ କଡ଼ଦି ନିଜେଦି ୟାୟ ଇଜି ନେସ୍‌ଏଣ୍ଡା ଇସ୍ରାଏଲ କୁଟୁମ୍‌ତି ଅରେଦ୍‌ ଆଡ଼୍‌ସିଦି କଡ଼ଦିଙ୍ଗ୍ ଦାନିପାଲୁ ଉଟ୍‌ପିସ୍‌ତେଙ୍ଗ୍‌ ପାଣିଦୁ ଇଟ୍‌ତାର୍। ନାସ୍ତିୱାଲେ କଡ଼ ପେରିକାନ୍ ଆତାନ୍ ୱାନିଙ୍ଗ୍ ୟାୟାଦି ପାଲୁ ଉଟ୍‌ପିସ୍‌ସ୍ତେଙ୍ଗ୍ ଆଏତ୍, ଦାନିଙ୍ଗ୍ ଆକାତ୍ ଫାରୋଦି ଆଇଲିଦିଙ୍ଗ୍ ଡ଼େପ୍‌ସି ସିତାତ୍, ଏହେନ୍‌ଗି ୱାନି ଦୋରୁ ମଶା ଇଟ୍‌ତାର୍।

![](https://cdn.door43.org/obs/jpg/360px/obs-en-09-08.jpg)

ଉଣ୍ଡ୍ରେଦିନାମ୍, ଏସ୍ତିୱାଲେ ମୋଶା ପେରିକାନ୍ ଆତିୱେନ୍‌କା ଆକାନ୍ ସୁଡ଼୍‌ତାନ୍, ଅରେନ୍ ମିଶରିୟ ଇସ୍ରାଏଲତି ଦାସ୍‌ଦିଙ୍ଗ୍ ଡ଼େଇଜିନାନ୍। ମୋଶା ୱାରି ଇସ୍ରାଏଲ ଲୋକୁଦିଙ୍ଗ୍ ରକ୍ଷାକିଦେଙ୍ଗ୍ ଚେସ୍‌ଟା କିତାନ୍।

![](https://cdn.door43.org/obs/jpg/360px/obs-en-09-09.jpg)

ନାସ୍ତିୱାଲେ ମୋଶା ନେସ୍‌ତାନ୍, ଏୱେର୍‌ ସୁଡ଼୍‌ଏର୍‌, ଆକାନ୍ ମିଶରିୟଦିଙ୍ଗ୍ ଗୁତ୍‌ତାନ୍ ମାରି ୱାନି ମେନ୍ଦଲଦିଙ୍ଗ୍ ମୁସ୍ତାନ୍ ମାରି ଅରେନ୍ ଲୋକୁ ମୋଶା ଇନିକା କିତା ମାର୍‌ହାନ୍, ସୁଡ଼୍‌ତାନ୍।

![](https://cdn.door43.org/obs/jpg/360px/obs-en-09-10.jpg)

ନାସ୍ତିୱାଲେ ଫାରୋ ନେସ୍‌ତାତ୍ ଗାନି ମୋଶା ଇନିକା କିତାନ୍,ଆକାନ୍ ୱାନିଙ୍ଗ୍ ଡ଼େଇଦେଙ୍ଗ୍ ବିଚାର୍ କିତାନ୍। ମାରି ମୋଶା ମିଶରଦାଣ୍ ମାଣୁଭୁମିଦୁ ଉରୁକ୍‌ତାନ୍। ଫାରରି ସେନାର୍ ଆବେନୁ ଦାନିଙ୍ଗ୍ ରେବାଦେଙ୍ଗ୍ ଆଟ୍‌ଏତାର୍।

![](https://cdn.door43.org/obs/jpg/360px/obs-en-09-11.jpg)

ମିଶରଦାନ୍ ଆକରାଣ୍‌ ମାଣୁଭୁମିଦୁ ମୋଶା ଅରେନ୍‌ ଗାଉଡ଼ୁଏନ୍ ଆତାନ୍। ଆୟା ୱାଡ଼ିଦୁ ଉଣ୍ଡ୍ରେ ରିପାୱାଲେ ଆକାନ୍ ପେଡ଼ିକିତାନ୍ ମାରି ରୁଣ୍ଡି କଡ଼ର୍ ଆତାର୍।

![](https://cdn.door43.org/obs/jpg/360px/obs-en-09-12.jpg)

ମୋଶା ୱାରି ମାମ୍‌ସିରି ମେଣ୍ଡା ଗରିଏଙ୍ଗ୍ ମାନ୍ଦା ମେପ୍‌ସି ମାର୍‌ହାନ୍‌, ଆକାନ୍ ଉଣ୍ଡ୍ରେ ବୁଟାଦୁ ସିସୁ କାସ୍‌ନିକା ସୁଡ଼୍‌ତାନ୍ ଏମେକାଗି ସିରୁକି ଆଏଣ୍ଡା କାସ୍‌ସି ମାର୍‌ହାତ୍। ଆକା ସୁଡ଼୍‌ଦେଙ୍ଗ୍ ଆୟା ଦୁପା ଡାଗ୍‌ରୁ ସର୍‌ହାନ୍। ଏସ୍ତିୱାଲେ ୱାଣ୍ଡ୍ରୁ ଦାନି ଡାଗ୍‌ରୁ ସର୍‌ହାନ୍ ଆଦେଙ୍ଗ୍ ମାପ୍‌ରୁ ୱାନିଙ୍ଗ୍ ୱେର୍‌ତାନ୍। “ହେ ମଶା, ନି ଜଡ଼୍‌କୁ କୁତ୍ଆ। ନିନୁ ଉଣ୍ଡ୍ରି ପବିତ୍ର ବାଡ଼ିଦୁ ନିଲ୍‌ତିମାନି।”

![](https://cdn.door43.org/obs/jpg/360px/obs-en-09-13.jpg)

ମାରି ମାପ୍‌ରୁ ୱେହ୍‌ତାନ୍, “ନାନୁ ନିଜେ ଲୋକାଦି ଦୁକାମ୍ ସୁଡ଼୍‌ଜିନା। ନାନୁ ନିଙ୍ଗିଁ ଫାରୋଦି ଡ଼ାଗ୍‌ରୁ ପୋକ୍‌ନା ମାତର୍ ନିନୁ ଇସ୍‌ରାଏଲତି ୱାରିଙ୍ଗ୍ ମିଶର୍ ଦେଶେମ୍‌ତି ଦାସ୍‌ରି ବାଣାନ୍ ସୋପ୍‌ସି ତାଗା। ନାନୁ ୱାରିଙ୍ଗ୍ କିଣାନ ଦେଶେମ୍ ସିନା, ଆୟା ଦେଶେମ୍‌ଦିଙ୍ଗ୍‌ ଏହେଙ୍ଗଁ ନାନୁ ଆବ୍‌ରାହାମ୍, ଇସାକ ମାରି ଯାକୁବଦିଙ୍ଗ୍ ପର୍‌ମାଣାମ୍‌ କିତାମାନା।

![](https://cdn.door43.org/obs/jpg/360px/obs-en-09-14.jpg)

ମୋଶା ୱେନ୍‌ବାତାନ୍‌,“ଜଦି ଲୋକୁ ନେସ୍ତେଙ୍ଗ୍ ଆଟ୍‌ନାର୍ ନାଙ୍ଗିଁ ଏହେର୍ ପୋକ୍‌ତାର୍, ନାନୁ ୱାରିଙ୍ଗ୍ ଇନିକା ୱେହନା?” ମାପ୍‌ରୁ ୱେର୍‌ତାନ୍,“ ମାପୁ ମାନାପ୍ ତୋ ମାନାପ୍।” ୱାରିଙ୍ଗ୍ ୱେର୍‌ଆ,’ ମାପୁ ମାନାପ୍’ ମିଡ଼ାଗ୍‌ରୁ ନାଙ୍ଗି୍ଁ ପୋକ୍‌ତା ମାନାନ୍”। ୱାଣ୍ଡ୍ରୁ ଇକାବା ୱେର୍‌ତାନ୍, ନାନୁ ମି ଆଗ୍‌ଡ଼ିରି ଲୋକୁ ଆବ୍ରାମ୍, ଇସାକ, ମାରି ଯାକୁବଦି ମାପ୍‌ରୁ। ୱିଜୁଦିନାମ୍‌ ୱାନ୍ଦିଙ୍ଗ୍‌ ଇକା ନାଦୋରୁ।

![](https://cdn.door43.org/obs/jpg/360px/obs-en-09-15.jpg)

ମୋଶା ତିଏଲାଜି ମାହାନ୍ ମାରି ଫାରୋ ଡ଼ାଗ୍‌ରୁ ସଣ୍ଡେଙ୍ଗ୍ ଇଷ୍ଟାମ୍ କିଏଣ୍ଡା ମାର୍‌ହାନ୍, ମାତର୍ ଆକାନ୍ ଅଡ଼୍‌ବିତାନ୍, ଆକାନ୍ ନେଗେଣ୍ଡ୍ ୱାର୍‌ଗିଦେଙ୍ଗ୍ ଆଟ୍‌ଏନ୍‌, ମାରି ମାପ୍‌ରୁ ମୋଶାଦି ବାଇ, ହାରଣଦିଙ୍ଗ୍ ୱାନିଙ୍ଗ୍ ସାୟାମ୍‌ କିଦେଙ୍ଗ୍ ଇଜି ପୋକ୍‌ତାନ୍।

*ଜାତ୍ରା ପୁସ୍‌ତକ୍ ୧-୪ ଦି ବାଇବଲ୍ ଦି କାତାନି*

## 10. ୧୦. ପାଦି ମର୍‌ଡି

https://openbiblestories.org/l/pci/story-10/

![](https://cdn.door43.org/obs/jpg/360px/obs-en-10-01.jpg)

ମାପ୍‌ରୁ ମୋଶା ମାରି ହାରଣଦିଙ୍ଗ୍ ଜାଗ୍‌ରତ୍ କିବିସ୍‌ତାନ୍ ଜେ ଫାରୋ ରାଜାଦି ଗାର୍‌ବାମ୍‌ କାହ୍‌ଇକା ଆନାତ୍‌। ଏସେଙ୍ଗ୍ ୱାରୁ ଫାରୋ ରାଜା ଡାଗ୍‌ରୁ ସହାର୍ ମାରି ୱାରୁ ୱେର୍‌ତାର୍‌, “ଇସରାଏଲ୍‌ଦି ମାପ୍‌ରୁ ଇୟାୱାଜା ୱେହ୍‌ସିନାନ୍‌, ‘ନା ଲୋକାଙ୍ଗ୍ ସନ୍‌ଣ୍ଡ୍ରେଙ୍ଗ୍ ସିଆ!”’ ମାତର୍ ଫାରୋ ୱାରି ମାଟା ୱେନ୍‌ଏତାନ୍ ମାରି ଇସ୍‌ରାଏଲ୍‌ଦି ୱାରିଙ୍ଗ୍ ଡ଼ିସ୍‌ନି ବାଦ୍‌ଲୁ ୱାଣ୍ତ୍ରୁ ୱାରିଙ୍ଗ୍ ନାଣ୍ତୋ କାଷ୍ଟାମ୍ ପାଣି କିଦେଙ୍ଗ୍ ବିଜାର୍ କିତାନ୍।

![](https://cdn.door43.org/obs/jpg/360px/obs-en-10-02.jpg)

ଫାରୋ ଆୟା ଲୋକାଙ୍ଗ୍ ସନ୍‌ଣ୍ଡ୍ରେଙ୍ଗ୍‌ ସିନିୱାନ୍ଦିଙ୍ଗ୍ ଜାରିଦିଙ୍ଗ୍ ଜାରି ମନାକିଜି ମାର୍‌ହାନ୍। ଆୟାୱାନ୍ଦିଙ୍ଗ୍ ମାପ୍‌ରୁ ମିସର୍ ଦେଶେମ୍‌ଦୁ ପାଦି ତିଲାନିନାନି ମର୍‌ଡି ପୋକ୍‌ତାନ୍। ଇୟା ମର୍‌ଡିଦି ବାଣାନ୍‌, ମାପ୍‌ରୁ ଫାରୋଦିଙ୍ଗ୍ ତର୍‌ପ୍‌ତାନ୍ ଜେ ୱାଣ୍ତ୍ରୁ ଫାରୋ ମାରି ମିସର୍ ଦେସେମ୍‌ଦି ୱିଜୁ ଦେୟାମ୍‌କା ବାଣାନ୍ ନାଣ୍ତୋ ସାତୁତିକାନ୍‌ ମାର୍‌ହାନ୍।

![](https://cdn.door43.org/obs/jpg/360px/obs-en-10-03.jpg)

ମାପ୍‌ରୁ ନିଡ଼ି ଗାଡାଦିଙ୍ଗ୍ ନେତେର୍‌ଦାନ୍ ବାଦ୍‌ଲେ କିତାନ୍, ମାତର୍‌ ଫାରୋ ଇୟେଲ୍‌ବା ଇସ୍‌ରାଏଲ୍‌ଦି ୱାରିଙ୍ଗ୍ ସନ୍‌ଣ୍ଡ୍ରେଙ୍ଗ୍ ସିଏତାନ୍।

![](https://cdn.door43.org/obs/jpg/360px/obs-en-10-04.jpg)

ମାପ୍‌ରୁ ୱିଜୁ ମିସର୍‌ ଦେସେମ୍‌ଦୁ କାପ୍‌କିଙ୍ଗ୍‌ଙ୍ଗା ପୋକିସ୍ତାନ୍। ଫାରୋ କାପ୍‌କିଙ୍ଗ୍‌ଙ୍ଗା ଆଙ୍ଗ୍‌ଦେଙ୍ଗ୍‌ ମୋଶାଦିଙ୍ଗ୍ ବାତିମାଲିତାନ୍‌। ମାରି ୱିଜୁ କାପକିଙ୍ଗ୍ ସାତିୱେନ୍‌କା, ଫାରୋ ୱାନି ଜିଉଙ୍ଗ୍‌ କାର୍‌ହିକା କିତାନ୍ ମାରି ଇସ୍ରାଏଲ୍‌ଦି ଲୋକାଙ୍ଗ୍‌ ମିସର୍‌ଦାନ୍ ଆତେର୍ ସନ୍‌ଡ୍ରେଙ୍ଗ୍ ସିଏଣ୍ତା ଆଜିନାନ୍‌।

![](https://cdn.door43.org/obs/jpg/360px/obs-en-10-05.jpg)

ଆୟାୱାନ୍ଦିଙ୍ଗ୍ ମାପ୍‌ରୁ ଦୁଡ଼ିପେନୁକୁ ପିଡ଼୍‌କୁ ମର୍‌ଡ଼ି ପୋକ୍‌ତାନ୍। ଦାନିୱେନ୍‌କା ୱିଞ୍ଜେଙ୍ଗାଣି ମର୍‌ଡି ପୋକ୍‌ତାନ୍। ଫାରୋ ମୋଶା ମାରି ହାରଣଦିଙ୍ଗ୍ କୁକ୍‌ତାନ୍ ମାରି ୱେହ୍‌ତାନ୍ ଜଦି ୱାରୁ ମର୍‌ଡିଦିଙ୍ଗ୍ ଆଡିନାର୍‌, ଆଦେଙ୍ଗ୍‌ ଇସ୍ରାଏଲ୍‌ଦିକାର୍ ମିସର୍ ଡ଼ିସ୍‌ସି ସଣ୍ଡ୍ରେଙ୍ଗ୍ ଆଟ୍‌ନାର୍। ନାସ୍ତିୱାଲେ ମୋଶା ପାର୍‌ତନା କିତାନ୍, ଆଦେଙ୍ଗ୍‌ ମାପ୍‌ରୁ ୱିଞ୍ଜେଙ୍ଗା ମିସର୍‌ଦାନ୍ ଗୁସାକିତାନ୍। ମାତର୍‌ ଫାରୋ ୱାନିଜିଉଦିଙ୍ଗ୍ ସାତୁକିତାନ୍ ମାରି ଆୟା ଲୋକାଙ୍ଗ୍‌ ସନ୍‌ଡ୍ରେଙ୍ଗ୍ ସିଏତାନ୍।

![](https://cdn.door43.org/obs/jpg/360px/obs-en-10-06.jpg)

ଦାନିୱେନ୍‌କା ମାପ୍‌ରୁ ୱିଜୁ କେଡ଼ିଇଙ୍ଗାଁଣି କଡିଙ୍ଗ୍ ଆୟାୱିଜୁ ମିଶର୍‌ ଲୋକାଦି ମାହାତ୍, ନେଗେଡ଼୍ ଆଏଡ଼ା ସାପିସ୍‌ସି କୁମାକିତାନ୍। ମାରି ଫାରୋଦି ଜିଉ ସାକ୍‌ତି ଆତାତ୍, ମାରି ଆକାନ୍ ଇସ୍ରାଏଲ୍‌ଦି ୱାରିଙ୍ଗ୍ ଡ଼ିସ୍‌ଏତାତ୍।

![](https://cdn.door43.org/obs/jpg/360px/obs-en-10-07.jpg)

ମାରି ମାପ୍‌ରୁ ମୋଶା ଫାରୋଦି ଆଗ୍‌ଡ଼ି ସାମ୍‌ନାଦୁ ନିରୁ ପକ୍‌ତେଙ୍ଗ୍ ୱେର୍‌ତାନ୍। ନାସ୍ତିୱାଲେ କିତାନ୍ ମାରି ଆକାନ୍ ମିଶର୍‌ତି ୱାରି ତଲୁମିଗ କାସ୍‌ଟାମ୍ ପୁଜାଦି ଗାଉତ ରିତାତ୍, ମାରି ଇସ୍ରାଏଲ୍‌ତି ୱାରିଙ୍ଗ୍ ଆଏତାତ୍। ମାପ୍‌ରୁ ଫାରୋଦିଙ୍ଗ୍ ଜିଉ ଲୋଇ ସାକ୍‌ତି କିତାନ୍, ମାରି ଫାରୋ ଇସ୍ରାଏଲ୍‌ଦୁ ଡ଼ିସ୍‌ଏତାନ୍।

![](https://cdn.door43.org/obs/jpg/360px/obs-en-10-08.jpg)

ଦା’ନି ୱେନ୍‌କା, ମାପ୍‌ରୁ ଆଣ୍ଡ୍ରିଗା କାଲ୍‌କୁ ଏସଡ଼୍ ତାସ୍‌ବାସ୍ ସେଏଣ୍ଡା କିତାନ୍, ମାରି ଏମେକାର୍ ଆଇବାନୁ ସନ୍‌ସି ସାତାର୍। ଫାରୋ ମୋଶା ମାରି ହାରଣଦି କୁକ୍‌ତାନ୍ ମାରି ୱେତାନ୍, “ନାନୁ ପାପାମ୍ କିତାମାନା। ମିରୁ ସଣ୍ଡ୍ରେ ଆଟ୍‌ଇଦେର୍”। ଆୟାନୁଣ୍ଡି ପାର୍‌ତନା କିତାନ୍, ମାରି ବାଦଡ଼୍‌ଦାନ୍ ଆଣ୍ଡ୍ରିଗା କାଲ୍‌କୁ ଆର୍‌ଦେଙ୍ଗ୍ ବନ୍ଦ୍‌ ଆତାତ୍।

![](https://cdn.door43.org/obs/jpg/360px/obs-en-10-09.jpg)

ମାତର୍ ମାରି ଡ଼େସି ପାପାମ୍ କିତାନ୍ ମାରି ୱାନି ଜିଉ ସାକ୍ତି କିତାନ୍। ଆକାନ୍ ଇସ୍ରାଏଲ୍‌ଦି ୱାରିଙ୍ଗ୍ ସଣ୍ଡ୍ରେଙ୍ଗ୍ ଡ଼ିସ୍‌ତେ ଅଟ୍‌ଏତାନ୍।

![](https://cdn.door43.org/obs/jpg/360px/obs-en-10-10.jpg)

ଆୟାନୁଣ୍ତିଙ୍ଗ୍ ମାପ୍‌ରୁ ଗାଙ୍ଗାଡ଼ୁଦି ମର୍‌ଣ୍ଡି ପକ୍‌ତାନ୍ ମାରି ମିଶର୍‌ ୱିଜୁ ୱିଦିତେ। ଆୟା ପାସି ଆଣ୍ଡ୍ରିଗା କାଲ୍‌କୁଣାନ୍ ସେଏଣ୍ତ୍‌ ଆଏଣ୍ଡା ମାହାତ୍ ଆୟା ୱିଜୁ ଇୟା ଗାଙ୍ଗାଡ଼ୁଙ୍ଗ୍ ସେଏଣ୍ତ୍ କିତେ ଡ଼ିସ୍‌ତେ।

![](https://cdn.door43.org/obs/jpg/360px/obs-en-10-11.jpg)

ଦାନିୱେନ୍‌କା ମାପ୍‌ରୁ ସିକାଟିଦିଙ୍ଗ୍ ପକ୍‌ତାନ୍ ଆକା ମୁଣ୍ଡ୍ରିଦିନାମ୍ ୱିଜୁ ମାର୍‌ହାତ୍। ଇକା ନିସା ସିକାଟି ମାହାତ୍ ଜେ ମିଶର୍‌ଦି ଲୋକୁ ୱାରି ଇଲ୍‌କୁ ଡ଼ିସ୍‌ତେଙ୍ଗ୍ ଆଟ୍‌ଏଜି ମାର୍‌ହାର୍। ମାତର୍ ଏମେ ଜାଗାଦୁ ଇସ୍ରାଏଲ୍‌ଦି କାର୍ ମାନ୍‌ଜି ମାହାର୍ ଆବେ ଜାଇ ମାର୍‌ହାତ୍।

![](https://cdn.door43.org/obs/jpg/360px/obs-en-10-12.jpg)

ଇୟା ନଟା ମର୍‌ଣ୍ଡି ଆତିୱେନ୍‌କା ୱିଜୁ ଫାରୋ ଇସ୍ରାଏଲ୍‌ଦି ୱାରିଙ୍ଗ୍ ଡ଼ିସ୍‌ଏତାନ୍। ଆୟାୱାନ୍ଦିଙ୍ଗ୍ ଫାରୋ ୱେନ୍‌ତିଙ୍ଗ୍ ମାପ୍‌ରୁ ଉଣ୍ଡ୍ରେ ୱିଜ୍‌ନି ମାର୍‌ଣ୍ଡି ପକ୍‌ତେ ନିୟମ୍ କିତାନ୍। ଇକା ଫାରୋଦି ମନ୍‌ସୁଦିଙ୍ଗ୍ ଡ଼େପ୍‌ତେଙ୍ଗ୍ ଆଟ୍‌ନାତ୍।

*ଯାତ୍ରା ପୁସ୍‌ତକ୍ ୫-୧୦ଦି ଉଣ୍ତ୍ରେ ବାଇବଲ୍ ଦି କାତାନି*

## 11. ୧୧. ନିସ୍ତାର୍ ପାଣ୍ତୋଇ୍

https://openbiblestories.org/l/pci/story-11/

![](https://cdn.door43.org/obs/jpg/360px/obs-en-11-01.jpg)

ମାପ୍‌ରୁ ମୋଶାଦିଙ୍ଗ୍ ମାରି ହାରୋଣଦିଙ୍ଗ୍ ରାଜା ଫାରୋ ଡାଗ୍‌ରୁ ଇକା ୱେର୍‌ତେଙ୍ଗ୍ ପୋକ୍‌ତାନ୍ ଜେ ଇସ୍ରାଏଲ୍‌ଦି ଲୋକାଙ୍ଗ୍ ସନ୍‌ଡ୍ରେଙ୍ଗ୍ ସିଆ। ୱାରୁ ରାଜାଦିଙ୍ଗ୍ ଜାଗ୍‌ରତ୍ କିବିସ୍‌ତାନ୍ ଜେ ଜଦି ୱାଣ୍ତ୍ରୁ ୱାରିଙ୍ଗ୍ ସନ୍‌ଡ୍ରେଙ୍ଗ୍ ସିଏନ୍ ମାରି ମାପ୍‌ରୁ ମିଶର ଦେସେମ୍‌ତି ଲୋକାଦି ମାରି ଜାନ୍ତୁଙ୍ଗାଁଣି ୱିଜୁ ପରତୁମ୍ ଜନମ୍ ଆତିମାହି ୱାନ୍‌କାଙ୍ଗ୍‌ ସାପିସ୍‌ନାନ୍‌। ଫାରୋ ରାଜା ଇକା ୱେନ୍‌ଜି ବା ମାପ୍‌ରୁ ଡାଗ୍‌ରୁ ବିସ୍‌ବାସ୍ କିଦେଙ୍ଗ୍ ମାରି ୱାନି ମାଟା ମାନାଦେଙ୍ଗ୍‌ ମାନ୍‌ସୁ କିଏତାନ୍।

![](https://cdn.door43.org/obs/jpg/360px/obs-en-11-02.jpg)

ୱାନିଡ଼ାଗ୍‌ରୁ ବିସ୍‌ବାସ୍ କିଜିମାହି ଲୋକା ୱାନ୍ଦିଙ୍ଗ୍ ମାପ୍‌ରୁ ୱାରି ପରତୁମ୍ ଜନମ୍ ଆତି ୱିଜୁ ୱାନ୍‌କାଙ୍ଗ୍‌ ରକ୍ଷା କିଦେଙ୍ଗ୍ ଉଣ୍ଡ୍ରେ ଉପାଇ ଜଗେକିତାନ୍। ୱିଜୁ ପରିବାର୍‌ଦିଙ୍ଗ୍ ଉଣ୍ଡ୍ରେ ନେଗିମେଣ୍ତା ରେବାଜି ଦାନିଙ୍ଗ୍ କାତ୍‌ତେଙ୍ଗ୍ ମାର୍‌ହାତ୍‌।

![](https://cdn.door43.org/obs/jpg/360px/obs-en-11-03.jpg)

ମାପ୍‌ରୁ ଇସ୍ରାଏଲ୍‌ଦି ୱାରିଙ୍ଗ୍ ମେଣ୍ଢାତି ନେତେର୍ ତାସି ୱାରି ଦୁୱାର୍ ବନ୍ଦ୍ ସାରିବେଡ଼୍‌ତି ଉସ୍‌ତେଙ୍ଗ୍ ୱେହ୍‌ତାମାର୍‌ହାନ୍। ୱାରିଙ୍ଗ୍ ଆୟା ମେଣ୍ତାଦି କାଣ୍ତା ସୁର୍‌ଜି ମାରି ଦାନିଙ୍ଗ୍ ତାଡ଼ିସିଲି ରୁଟି ଦାପ୍ରେ ତିଣ୍ଡ୍ରେ ୱେର୍‌ତାନ୍। ୱାରୁ ଆୟା ଖାଦି ଉଟି ୱେନ୍‌କା ଗାଜିବିଜି ମିଶର ଦେଶେମ୍‌ଦିଙ୍ଗ୍ ଡ଼ିସ୍‌ସି ସନ୍‌ଡ୍ରେଙ୍ଗ୍‌ ତିୟାର୍ ଆଜି ମାନ୍‌ଡ୍ରେଙ୍ଗ୍‌ ୱେହ୍‌ତାମାର୍‌ହାନ୍।

![](https://cdn.door43.org/obs/jpg/360px/obs-en-11-04.jpg)

ମାପ୍‌ରୁ ୱାରିଙ୍ଗ୍ ଏଣ୍ତେସ୍‌ ଆଦେସ୍‌ ସିତାମାର୍‌ହାନ୍ ୱାରୁ ଆୟାୱାଜାନେ କିତାର୍। ମାଜେର୍ ନାଡ଼ାଦୁ, ମାପ୍‌ରୁ ୱିଜୁ ପାର୍‌ତୁମ୍ ଜନମ୍‌ଆତି କଡ଼ରିଙ୍ଗ୍ ଡ଼େଇଜି ଡ଼େଇଜି ମିଶର ଦେସେମ୍ ନାଣ୍‌ମି ସିଜି ସର୍‌ହାନ୍‌।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲ୍‌ତି ୱିଜୁଲୋକା ଦୁୱାର୍ ବନ୍ଦ୍‌ଦୁ ନେତେର୍ ଆଡ୍‌ଗିତା ମାର୍‌ହାତ୍, ଇୟାୱାନ୍ଦିଙ୍ଗ୍‌ ମାପ୍‌ରୁ ୱାରି ଇଲ୍‌କାଙ୍ଗ୍ ଡିସ୍ତାନ୍। ୱାରି ଇଲୁଲୋଇମାହି ଜିଜେରେ ନେଗେଣ୍ତ୍ ମାର୍‌ହାର୍। ମେଣ୍ତାପିଲାଦି ନେତେର୍ ୱାନ୍ଦିଙ୍ଗ୍‌ ୱାରୁ ରକିୟା ପାଏଆତାମାର୍‌ହାର୍।

![](https://cdn.door43.org/obs/jpg/360px/obs-en-11-06.jpg)

ମାତର୍‌ ମିଶର୍‌ତି ଲୋକୁ ମାପ୍‌ରୁଦିଙ୍ଗ୍ ମାରି ୱାନି ନିୟମ୍‌ଦିଙ୍ଗ୍ ବିସ୍‌ବାସ୍ କିଏଣ୍ତାମାର୍‌ହାର୍। ଇୟାୱାନ୍ଦିଙ୍ଗ୍‌ ମାପ୍‌ରୁ ୱାରି ଇଲ୍‌କାଙ୍ଗ୍ ଡ଼ିସ୍‌ଏତାନ୍। ମାପ୍‌ରୁ ମିଶର୍‌ଦି ଲୋକାଙ୍ଗ୍ ୱିଜୁ ପର୍‌ତୁମ୍ ଜନମ୍‌ତି କଡ଼ରିଙ୍ଗ୍‌ ସାପିସ୍‌ତାନ୍।

![](https://cdn.door43.org/obs/jpg/360px/obs-en-11-07.jpg)

ମିଶରଦି ଲୋକା ୱିଜୁ ପର୍‌ତୁମ୍‌ ଜନମ୍ଆତି କଡ଼ର୍ ସାତାର୍‌, ଜଇଲ୍‌ଦୁ ତହ୍‌ତିମାହି ପର୍‌ତୁମ୍ ଜନମ୍‌ଦାନ୍ ଫାରୋଦି ପର୍‌ତୁମ୍ ଜନମ୍‌ତିକାର୍ ୱିଜେରେ ସାତାର୍। ନାଣ୍ଡ ମିଶରିୟ ଲୋକୁ ୱାରି ଲୋଇହି ଦୁକାମ୍ ୱାନ୍ଦିଙ୍ଗ୍ ଆଡ଼୍‌ବାତାର୍‌ ମାରି ଆଉଲି ଆତାର୍‌।

![](https://cdn.door43.org/obs/jpg/360px/obs-en-11-08.jpg)

ଆୟାନାଡ଼ା ଫାରୋ ମୋଶା ମାରି ହାରଣଦିଙ୍ଗ୍ କୁକ୍‌ସି ୱେହ୍‌ତାନ୍‌ “ଇସ୍ରାଏଲ୍‌ତି ଲୋକାଙ୍ଗ୍ ଅସି ଗାଜିବିଜି ମିଶର୍ ଦେଶେମ୍ ଡ଼ିସ୍‌ସି ସନ୍‌ଆ !” ମିଶର୍‌ତି ଲୋକୁ ବା ଇସ୍ରାଏଲତି ୱାରିଙ୍ଗ୍ ଗାଜିବିଜି ମିଶର୍ ଦେସେମ୍‌ ଡ଼ିସ୍‌ସି ସନ୍‌ଡ୍ରେଙ୍ଗ୍ ୱେର୍‌ତାନ୍।

*ଯାତ୍ରା ପୁସ୍‌ତକ୍ ୧୧:୧-୧୨:୩୨ଦି ଉଣ୍ଡ୍ରେ ବାଇବଲ୍ ତି କାତାନି*

## 12. ୧୨. ମାନ୍ଦା ଲୋକୁ ସୋତାସହାର୍

https://openbiblestories.org/l/pci/story-12/

![](https://cdn.door43.org/obs/jpg/360px/obs-en-12-01.jpg)

ଇସ୍ରାଏଲ୍ ଲୋକୁ ମିସର୍‌ଦି ବାଣାନ୍ ସୋସି ବିସ୍‌ତାର୍ ସାରଦା ମାର୍‌ହାର୍‌। ଇଏଲ୍ ୱାରୁ ସାକର୍‌ ସିଲେଣ୍ଡା ମାର୍‌ହାର୍, ମାରି ୱାରୁ ପାର୍‌ମାଣାମ୍‌ କିତି ଦେଶେମ୍‌ଦୁ ସନ୍‌ସି ମାର୍‌ହାର୍! ଇସ୍ରାଏଲ୍‌ଦି ଲୋକୁ ଇନିକାୱିଜୁ ମିଶରଦି ୱାରିଙ୍ଗ୍‌ ଲୋସ୍‌ତାର୍, ୱାରୁ ୱାରିଙ୍ଗ୍ ଆକେଙ୍ଗେ ୱିଜୁ ସିତାର୍,ଏଣ୍ଡେସ୍‌ଗି ବାଙ୍ଗାରାମ୍ ମାରି ୱେଣ୍ଡି ମାରି ଆଇ ନାଣ୍ତୋ ଦାରାଦି ସାମାନ୍ ସିତାର୍‌। ଆଇ ଦେଶେମ୍‌ତି ଏସୋ ଲୋକୁ ମାପ୍‌ରୁ ଡାଗ୍‌ରୁ ବିଶାସ୍ କିତାର୍ ମାରି ଏସ୍ତିୱାଲେ ଇସ୍ରାଏଲ୍‌ଦି ଲୋକୁ ମିସର୍‌ଦି ବାଣାନ୍ ସତାର୍ ୱାରୁ ବା ୱାରିୱାଲେ ସତାର୍।

![](https://cdn.door43.org/obs/jpg/360px/obs-en-12-02.jpg)

ଦିନାମ୍ ୱେଡ଼ାଦୁ ଉଣ୍ଡ୍ରେ ପେରି ବାଦଡ଼୍‌ ୱାରି ଆଗ୍‌ଡ଼ି ଆଗ୍‌ଡ଼ି ସନ୍‌ସିମାର୍‌ହାତ୍, ମାରି ଆକା ନାଡ଼ା ୱେଡ଼ାଦୁ ବାଦଡ଼୍ ସିସୁ ୱାଜା ଆତାମାର୍‌ହାତ୍, ମାପ୍‌ରୁ ୱାରି ୱାଲେ ୱିଜୁଦିନାମ୍ ମାନ୍‌ଜି ମାର୍‌ହାନ୍ ମାରି ୱାରୁ ସନ୍‌ସିମାହି ୱେଡ଼ାଦୁ ୱାରିଙ୍ଗ୍ ସାରି ତୋରପ୍‌ସି ମାର୍‌ହାନ୍। ୱାରିଙ୍ଗ୍ ମାତର୍‌ ୱାନି ୱେନ୍‌କା ନେ ସନ୍‌ଡ୍ରେଙ୍ଗ୍‌ ମାର୍‌ହାତ୍।

![](https://cdn.door43.org/obs/jpg/360px/obs-en-12-03.jpg)

ଏସୋ ୱେଡ଼ା ୱେନ୍‌କା, ଫାରୋ ମାରି ୱାରି ଲୋକୁ ୱାରି ମନ୍‌ଦିଙ୍ଗ୍ ଡ଼େପ୍‌ତାର୍। ମାରି ଇସ୍ରାଏଲ୍‌ତି ୱାରିଙ୍ଗ୍ ୱାରି ସାକାର୍ କିଦେଙ୍ଗ୍‌ ମାନ୍‌ସୁ କିତାନ୍। ଇୟାୱାନ୍ଦିଙ୍ଗ୍ ୱାରୁ ଇସ୍ରାଏଲ୍‌ତି ୱାରି ୱେନ୍‌କା ୱେନ୍‌କା ସର୍‌ହାର୍। ଇକାନ୍‌ ମାପ୍‌ରୁ ନେ ଜେ ଏୟେନ୍‌ଗି ୱାରି ମାନ୍‌ସୁଦିଙ୍ଗ୍ ବାଦ୍‌ଲେ କିତାମାର୍‌ହାନ୍‌, ୱାଣ୍ତ୍ରୁ ଇକା ଇୟାୱାନନ୍ଦିଙ୍ଗ୍ କିତାମାର୍‌ହାନ୍ ଜେ ୱଣ୍ତ୍ରୁ ମାନ୍‌ସୁ କିଜିମାର୍‌ହାନ୍ ଜେ ୱିଜୁ ଲୋକୁ ୱାନିଙ୍ଗ୍ ନେସିର୍ ୱାଣ୍ତ୍ରୁ ନେ ଯିହବା ମାପ୍‌ରୁ। ଫାରୋ ରାଜା ମାରି ମିଶର୍ ଦେସେମ୍‌ତି ୱିଜୁ ଦେୟାମ୍‌କାବାଣାନ୍ ଯିହବା ମାପ୍‌ରୁ ୱିଜୁରିଙ୍ଗ୍ ସାତୁତିକାନ୍।

![](https://cdn.door43.org/obs/jpg/360px/obs-en-12-04.jpg)

ଏସ୍ତିୱାଲେ ଇସ୍ରାଏଲ୍‌ତିକାର୍ ମିଶର୍‌ତି ସେନାରିଙ୍ଗ୍ ୱାନିକା ସୁଡ଼୍‌ତି ୱେନ୍‌କା ମାରି ୱାରିଙ୍ଗ୍ ଜାଣାପଡ଼ାତାତ୍ ଜେ ଫାରରି ସେନାର୍ ମାରି ଏରାଙ୍ଗାଁ ସାମ୍‌ଦୁର୍‌ଦୁ ଲୋହି ଡ଼ୁଗିତାର୍। ମାରି ୱାରୁ ନାଣ୍ଡ ତିଲର୍ ମାରି ଆଡ଼୍‌ବାତାର୍, “ମାପୁ ଇନିଦାନିଙ୍ଗ୍ ମିଶର୍ ଦେଶେମ୍‌ ଡ଼ିସ୍‌ତାଟ୍‌ ମାପୁ ସାନାପ୍‌ଲେ!”

![](https://cdn.door43.org/obs/jpg/360px/obs-en-12-05.jpg)

ମୋଶା ଇସ୍ରାଏଲତି ୱାରିଙ୍ଗ୍‌ ୱେର୍‌ତାନ୍, “ତିଲାଦେଙ୍ଗ୍ ଆଲେଦୁ! ମାପ୍‌ରୁ ନେରୁ ମି ୱାନ୍ଦିଙ୍ଗ୍ ଜୁଜାନାନ୍ ମିଙ୍ଗିଁ ରକିୟା କିନାନ୍।” ଦାନିୱେନ୍‌କା, ” ମାପ୍‌ରୁ ମୋଶାଦିଙ୍ଗ୍‌’ ୱେହ୍‌ତାନ୍, ଇୟା ଲୋକାଙ୍ଗ୍ ଏରାଙ୍ଗାଁ ସାମ୍‌ଦୁର୍ ଆଗ୍‌ଡ଼ି ବୁଲାଦେଙ୍ଗ୍ ୱେହ୍‌ଆ।”

![](https://cdn.door43.org/obs/jpg/360px/obs-en-12-06.jpg)

ମାରି ବାଦଡ଼୍‌ତି ମୁଣ୍ତା ଇସ୍ରାଏଲତିୱାରି ମାରି ମିଶର୍‌ଦି ଦେସେମ୍‌ ଲୋକା ନାଣ୍‌ମି ୱାତାତ୍, ମାରି ନାଡ଼ାହି ସିସୁଦି ମୁଣ୍ତା ଆତାତ୍। ମିଶର୍‌ତିକାର୍‌ ନାଡ଼ାୱିଗ୍‌ଜି ଇସ୍ରାଏଲ୍‌ତି ଲୋକା ଡାଗ୍‌ରୁ ୱାଦେଙ୍ଗ୍ ଆଟ୍‌ଏତାର୍।

![](https://cdn.door43.org/obs/jpg/360px/obs-en-12-07.jpg)

ମାପ୍‌ରୁ ମୋଶାଦିଙ୍ଗ୍ ୱାନି କିଉ ସାମ୍‌ଦୁର୍ ତରିନ୍ ତର୍‌ପ୍‌ତେଙ୍ଗ୍ ୱେର୍‌ତାନ୍, ୱେନ୍‌କା ମାପ୍‌ରୁ ଗାଲିଦାନ୍ ସାମ୍‌ଦୁର୍‌ଦି ଏରୁଦିଙ୍ଗ୍‌ ଉଣିତରିନ୍ ମାରି ଡେବ୍‌ରାତରିନ୍ ରିୟାଙ୍ଗାଁ କିତାନ୍। ମାରି ସାମ୍‌ଦୁର୍ ନାଣ୍‌ମି ଉଣ୍ତ୍ରେ ସାରି ଆନାତ୍।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲତି ଲୋକୁ ସାମ୍‌ଦୁର୍‌ତି ରିୟାଙ୍ଗାଁମାନି ଏରୁଦିକାତି ସିଜି ୱାହ୍‌ତିବୁମିଦୁ ସାମ୍‌ଦୁର୍ ସିଜି ସର୍‌ହାର୍।

![](https://cdn.door43.org/obs/jpg/360px/obs-en-12-09.jpg)

ନାସ୍ତିୱାଲେ ମାପ୍‌ରୁ ଆୟା ସାରିଦି ବାଦଡ଼୍ ମାରି ସିସୁଦି ମୁଣ୍ତା ମିଗୋ ଅତାନ୍, ନାସ୍ତିୱାଲେ ମିଶର୍‌ତିକାର୍‌ ଇସ୍ରାଏଲ୍ ଦେସେମ୍‌ତି ଲୋକାଙ୍ଗ୍ ସନିକା ସୁଡ଼୍‌ତାର୍। ମିଶର୍‌ତିକାର୍ ୱାରିଙ୍ଗ୍ ଆସ୍‌ତେଙ୍ଗ୍ ୱାରି ୱେନ୍‌କା-ୱେନ୍‌କା ସନ୍‌ଡ୍ରେଙ୍ଗ୍ ଆରାମ୍ କିତାର୍।

![](https://cdn.door43.org/obs/jpg/360px/obs-en-12-10.jpg)

ଇୟାୱାନ୍ଦିଙ୍ଗ୍ ୱାରୁ ସାମ୍‌ଦୁର୍‌ଦି ସାରିସିଜି ଇସ୍ରାଏଲ୍‌ଦି ୱାରି ୱେନ୍‌କା ସର୍‌ହାର୍, ମାରି ମାପ୍‌ରୁ ମିଶର୍ ଦେଶେମ୍‌ତି ୱାରିଙ୍ଗ୍ ବାମା କିତାଡ଼ିସ୍‌ତାନ୍, ମାରି ୱାରି ରତ୍‌ଦିଙ୍ଗ୍ ଆଙ୍ଗିଁତାନ୍, ମାରି ୱାରୁ ଆଉଲି ଆଦେଙ୍ଗ୍ ଆସ୍‌ତାର “ଉହ୍‌ତୁ! ଇସ୍ରାଏଲ୍‌ଦି ୱାରିଙ୍ଗ୍‌ ମାପ୍‌ରୁ ଜୁଜ୍ କିଜିନାନ୍!”

![](https://cdn.door43.org/obs/jpg/360px/obs-en-12-11.jpg)

ୱିଜୁ ଇସ୍ରାଏଲ୍‌ତିକାର୍ ସାମ୍‌ଦୁର୍ ଆୟାପାଡ଼୍‌କା ଇତାର୍, ୱେନ୍‌କା ମାପ୍‌ରୁ ମୋଶାଦିଙ୍ଗ୍ ୱେର୍‌ତାନ୍‌ ମାରିଡ଼େସି କିଉ ତର୍‌ପ୍‌ତେଙ୍ଗ୍‌ ୱେର୍‌ତାନ୍। ନାସ୍ତିୱାଲେ ମୋଶା ଆୟାୱାଜା କିତାନ୍ ମାରି ଏରୁ ମିଶର୍ ସେନାରି ମୁସ୍‌କୁ ୱାତାତ୍‌ ମାରି ସାମ୍‌ଦୁର୍ ଆଗ୍‌ଡ଼ିହି ଲେକ୍‌ନ ସମାନ୍ ଆତାତ୍। ମାରି ୱିଜୁ ମିଶର୍‌ତି ସେନାର୍ ମୁଡ଼୍‌ଗିତାର୍।

![](https://cdn.door43.org/obs/jpg/360px/obs-en-12-12.jpg)

ଏସ୍ତିୱାଲେ ଇସ୍‌ରାଏଲତି ଲୋକୁ ସୁଡ଼୍‌ତାର୍ ମିସର୍‌ଦିକାର୍ ସାତାମାନାର୍, ଆୟାୱାନ୍ଦିଙ୍ଗ୍‌ ଇସ୍ରାଏଲ୍‌ଦି ଲୋକୁ ମାପ୍‌ରୁ ଡାଗ୍‌ରୁ ବିସ୍‌ବାସ୍‌ କିତାନ୍। ମାରି ୱାରୁ ବିସ୍‌ବାସ୍ କିତାର୍ ଜେ ମଶା ମାପ୍‌ରୁଦି ବାଣାନ୍ ୱାତିମାହି ବାବବାଦି ଲୋକୁ ମାର୍‌ହାନ୍।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲ୍‌ଦି ଲୋକୁ ସାର୍‌ଦା ଆତାର୍, ମାତର୍ ୱାର ସାନିବାଣାନ୍‌ ମାରି ଗତିମୁର୍‌ଲିଦି ବାଣାନ୍ ମାପ୍‌ରୁ ୱାରିଙ୍ଗ୍‌ ଜିପିସ୍ତା ମାର୍‌ହାନ୍‌। ଇଏଲ୍ ୱାରୁ ମାପ୍‌ରୁଦି ପୁ଼ଜା ମାରି ମାପ୍‌ରୁଦି ମାଟା ଆସ୍ତେଙ୍ଗ୍ ମୁକ୍‌ଲେ ଆତାତ୍। ଇସ୍ରାଏଲ୍‌ଦି ଲୋକୁ ୱାରି ମୁକ୍‌ଲେଆତିଦିନାମ୍ ମାନାଦେଙ୍ଗ୍ ମାରି ମାପ୍‌ରୁଦି ପୁଜା କିଦେଙ୍ଗ୍ ପୁନି ପୁନି ପାଟେଙ୍ଗ୍ ପାରିତାର୍‌ ମାତର୍ ମାପ୍‌ରୁ ୱାରିଙ୍ଗ୍‌ ମିସର୍‌ରି ସେନାର୍‌ଦି ବାଣାନ୍ ଜିପିସ୍ତାନ୍।

![](https://cdn.door43.org/obs/jpg/360px/obs-en-12-14.jpg)

ମାପ୍‌ରୁ ଇସ୍ରାଏଲ୍ ଲୋକାଙ୍ଗ୍ ୱିଜୁ ପାଟେଙ୍ଗ୍‌ ଉଣ୍ଡ୍ରେ ପଣ୍ଡୋୟ୍ କିଦେଙ୍ଗ୍ ଆଦେସ୍ ସିତାନ୍‌, ଇୟା ପଣ୍ଡୋୟ୍ ଇୟାୱାନ୍ଦିଙ୍ଗ୍ କିଜିମାହାର୍ ଜେ ମାପ୍‌ରୁ ଏମେ ୱାଜା ମିସର୍‌ଦି ଲୋକାଙ୍ଗ୍ ଆରା କିତାନ୍। ମାରି ୱାରିଙ୍ଗ୍‌ ଗତିମୁର୍‌ଲି ଆନିବାଣାନ୍ ମୁକ୍‌ଲେ କିତାନ୍। ଇୟା ପଣ୍ଡୋୟ୍‌ଦିଙ୍ଗ୍ ନିସ୍ତାର୍ ପଣ୍ଡୋୟ୍ ୱେର୍‌ତାର୍। ଇୟା ପଣ୍ଡୋୟ୍ କିଦେଙ୍ଗ୍ ୱାରିଙ୍ଗ୍ ଉଣ୍ଡ୍ରେ ଉଣ୍ଡ୍ରେ ନେଗି ମେଣ୍ଡା ବଲିଦାନ୍ କିଜି ମାରି ଦାନିଙ୍ଗ୍‌ ସୁର୍‌ଦେଙ୍ଗ୍ ମାର୍‌ହାତ୍ ମାରି ତାଡ଼ିସିଲି ରୋଟିଦି ୱାଲେ ତିନ୍‌ଡ୍ରେଙ୍ଗ୍ ମାର୍‌ହାତ୍।

*ଜାତ୍‌ରା ପୁସ୍‌ତକ୍ ୧୨:୩୩ – ୧୫:୨୧ ଉଣ୍ଡେ ବାଇବଲଦି କାତାନି*

## 13. ୧୩. ଇସ୍‌ରାଏଲ୍‌ଦିୱାଲେ ମାପ୍‌ରୁଦି ନିୟମ୍‌

https://openbiblestories.org/l/pci/story-13/

![](https://cdn.door43.org/obs/jpg/360px/obs-en-13-01.jpg)

ଇସ୍ରାଏଲ୍‌ଦି ଲୋକାଙ୍ଗ୍ ଏରାନି ସମ୍‌ଦୁର୍‌ଦାନ୍ ନାପ୍‌ସି ଅତି ୱେନ୍‌କା, ମାପ୍‌ରୁ ୱାରିଙ୍ଗ୍ ବାମିଭୁମି ସିଜି ସିନୟ ଦୋରୁତି ଗରୋତୁ ଅତାର୍। ଇକା ଆୟା ଗରୋନୁ ଏମେ ବାନୁ ମୋଶା କାସ୍‌ସିମାହି ବୁଟା ସୁଡ଼୍‌ତାମାର୍‌ହାନ୍‌, ୱାରୁ ଆୟା ଗରୋନୁସାଲୁ ନିଜେଦି ଗୁଡାକିତା ମାର୍‌ହାର୍।

![](https://cdn.door43.org/obs/jpg/360px/obs-en-13-02.jpg)

ମାପ୍‌ରୁ ମୋଶା ମାରି ଇସ୍ରାଏଲ୍‌ତି ଲୋକାଙ୍ଗ୍ ୱେର୍‌ତାନ୍, “ ମିଙ୍ଗିଁ ୱିଜୁ ଦିନାମ୍ ନା ନିୟମ ମାନାଦେଙ୍ଗ୍‌ ଆନାତ୍ ମାରି ଏମେ ପାର୍‌ମାଣାମ୍‌ ନାନୁ ମିୱାଲେ ତହ୍‌ସିନାନ୍ ଆୟା ପାର୍‌ମାଣାମ୍‌ଦୁ ମାନାଦେଙ୍ଗ୍ ମାନାତ୍। ଜଦି ମିରୁ ଇହୁ କିନିଦେର୍‌, ମାରି ମିରୁ ନା ନାଣ୍ଡୋଦାରାଦି ସମ୍ପତି, ଯାଜକରି ରାଜି, ମାରି ଉଣ୍ଡ୍ରେ ପବିତ୍ର କୁଟୁମ୍ ଆନାତ୍”

![](https://cdn.door43.org/obs/jpg/360px/obs-en-13-03.jpg)

ମୁଣ୍ଡ୍ରିଦିନାମ୍ ଲୋଇ ୱାରୁ ନିଜେଦିଙ୍ଗ୍‌ ତିଆର୍ କିତାର୍‌ ଜେ ମାପ୍‌ରୁ ୱାରିଡାଗ୍‌ରୁ ୱାଜି ମାନ୍‌ଡ୍ରେଙ୍ଗ୍‌ ଆଟ୍‌ନାର୍। ନାସ୍ତିୱାଲେ ମାପ୍‌ରୁ ସିନୟ୍ ଗରୋତି କାଡାଦୁ ରେତାର୍। ନାସ୍ତିୱେଡ଼ାଦୁ ୱାଣ୍ତ୍ରୁ ୱାତାନ୍ ଭୁମି କାଦ୍‌ଲିତାତ୍, ଝିଟ୍‌କି ମେର୍ଶନାତ୍, ଗୋଇ ଇମିତାତ୍, ମାରି ମରିଦି ନାଣ୍ଡୋ ସବଦ୍ ଆତାତ୍। ନାସ୍ତିୱାଲେ ମୋଶା ନିଜେ ଗରୋନୁ ମସ୍‌କୁ ଏକ୍‌ତାନ୍।

![](https://cdn.door43.org/obs/jpg/360px/obs-en-13-04.jpg)

ନାସ୍ତିୱାଲେ ମାପ୍‌ରୁ ଲୋକାୱାଲେ ଉଣ୍ଡ୍ରେ ପାର୍‌ମାଣାମ୍‌ ତହ୍‌ତାନ୍, “ନାନୁ ମି ମାପ୍‌ରୁ ଯିହବା। ଏୟେନ୍‌ଗି ମିଙ୍ଗିଁ ମିସର୍‌ଦେଶ୍‌ଦି ଗତିମୁର୍‌ଲି ଆତିବାଣାନ୍‌ ଢିସ୍‌ପିସ୍ତାନ୍‌। ଆଇ ଦେୟାମ୍‌ତି ପୁଜା କିମାଟ୍।”

![](https://cdn.door43.org/obs/jpg/360px/obs-en-13-05.jpg)

ଦେୟାମ୍ ତିଆର୍ କିମାଟ୍ ମାରି ୱାରି ପୁଜା କିମାଟ୍, ମାତର୍ ନାନୁ, ଯିହବା, ମି ଅରେନ୍ ମାତର୍‌ ମାପ୍‌ରୁ। ନା ଦୋରୁଦାନ୍ ନାନିକା କିମାଟ୍। ବିସ୍‌ରାମ୍ ଦିନାମ୍‌ଦିଙ୍ଗ୍ ପବିତ୍ର ୱାଜା ମାନାଦେଙ୍ଗ୍‌। ଆଇୱାଜା ଆରୁଦିନାମ୍‌ ଲୋଇ ମି ନିଜେଦି ୱିଜୁ ପାଣି କିନିଦେର୍, ମାରି ଏଡ଼ୁଦିନ୍ ମି ୱାନ୍ଦିଙ୍ଗ୍ ବିସ୍‌ରାମ୍‌ଦିନ୍ ଆନାତ୍ ମାରି ନାଙ୍ଗିଁ ଅଡ଼୍‌ବିନି ଦିନାମ୍ ଆତାତ୍‌।”

![](https://cdn.door43.org/obs/jpg/360px/obs-en-13-06.jpg)

ନିଜେ ୟାୟା ମାରି ବୁବାଦିଙ୍ଗ୍‌ ମାନାଦୁ। ଲୋକାଙ୍ଗ୍ ଡ଼େଇମାଟ୍। ଦାରିପାଣି କିମାଟ୍। ଡ଼ଙ୍ଗାକିମାଟ୍ କିମାଟ୍, ମିଡାଗ୍‌ରୁ ମାନି ୱାନି ଆଡ଼୍‌ସିଦିଙ୍ଗ୍‌, ୱାରି ଇଲୁ, ମାରି ଦାନିଙ୍ଗ୍ ଇନିକାବା ଜିନିସ୍‌ଦି ଅତେଙ୍ଗ୍ ମାନ୍‌ସୁ କିମାଟ୍।”

![](https://cdn.door43.org/obs/jpg/360px/obs-en-13-07.jpg)

ମାପ୍‌ରୁ ୱାରିଙ୍ଗ୍ ସିତିମାହି ନିୟମ୍ ମାନାଦେଙ୍ଗ୍ ୱିଜେରେ ଉଣ୍ଡ୍ରେ ମାନ୍‌ସୁ ଆତାର୍। ୱାରୁ ମାରି ମାପ୍‌ରୁଦି ଲୋକୁ ଆଦେଙ୍ଗ୍ ମାରି ୱାରି ପୁଜା ଆରାଦନା କିଦେଙ୍ଗ୍ ଉଣ୍ଡ୍ରେ ମାନ୍‌ସୁ ଆତାର୍।

![](https://cdn.door43.org/obs/jpg/360px/obs-en-13-08.jpg)

ମାପ୍‌ରୁ ଇସ୍ରାଏଲ୍‌ଦିକାର୍ ଉଣ୍ଡ୍ରେ ପେରି ସାମ୍‌ଡା – କୁଡ଼୍‌ନି ସାମ୍‌ଡା କିଦେଙ୍ଗ୍ ୱେର୍‌ତାନ୍। ମାପ୍‌ରୁ ଟିକ୍-ଟିକ୍ ୱେର୍‌ତାନ୍ ଜେ ଇୟା ସାମ୍‌ଡ଼ାଦିଙ୍ଗ୍ ଏଣ୍ଡେସ୍ ତିୟାର୍ ଆନାତ୍‌, ମାରି ଆୟାଲୋଇ ଇନି ଇନି ଜିନିଷ୍ ଇଡ୍‌ନାର୍। ୱାଣ୍ତ୍ରୁ ୱାରିଙ୍ଗ୍ ଉଣ୍ଡ୍ରେ ପେରି ପାର୍‌ଦା ବା ତିଆର୍ କିଦେଙ୍ଗ୍‌ ୱେର୍‌ତାନ୍ ଏୟେନ୍‌ଗି ଆୟା ସାମ୍‌ଡାଦିଙ୍ଗ୍ ରୁଣ୍ଡି ବାଗ୍ କିନାନ୍। ମାପ୍‌ରୁ ଆୟା ପାର୍‌ଦା ୱେନ୍‌କା ବାକ୍‌ରାଦୁ ୱାଜି ମାଞ୍ଜିନାନ୍। ଏମେ ବାଡିଦୁ ମାପ୍‌ରୁ ମାର୍‌ହାନ୍ ଆୟା ବାକ୍‌ରାଦୁ ପେରି ଯାଜକ ୱାନ୍ଦିଙ୍ଗ୍ ଅନୁମତି ମାର୍‌ହାତ୍।

![](https://cdn.door43.org/obs/jpg/360px/obs-en-13-09.jpg)

ୱାରିଙ୍ଗ୍ ୱାରି କୁଡ୍‌ନି ସାମ୍‌ଡା ଏଦ୍‌ରୁ ଉଣ୍ଡ୍ରେ ପେରି ବେଦି ତିଆର୍ କିଦେଙ୍ଗ୍। ଏମେଲୋକୁ ମାପ୍‌ରୁଦି ନିୟମ୍ ମାନାଏନ୍ ୱାଣ୍ତ୍ରୁ ଉଣ୍ଡ୍ରେ ଜାନ୍ତୁ ଅସି ଆୟା ବେଦିଦୁ ବଲିଦାନ୍ କିନାନ୍‌। ନାସ୍ତିୱାଲେ ଯାଜକ ଆୟା ଜାନ୍ତୁଦିଙ୍ଗ୍ ମାପ୍‌ରୁଦି ୱାନ୍ଦିଙ୍ଗ୍‌ ବଲିଦାନ୍‌ୱାଜା ଆୟା ବେଦିଦୁ ବଲିଦାନ୍ ଆଡ୍‌ଗିସ୍‌ନାନ୍। ମାପ୍‌ରୁ ୱେର୍‌ତାନ୍ ଜେ ବଲିଦାନ୍‌କିତିମାହି ଜାନ୍ତୁଦି ନେତେର୍ ଆୟା ଲୋକୁଦି ପାପାମ୍‌ଦିଙ୍ଗ୍‌ ପ୍ଡିକ୍‌ନାତ୍। ଇୟାୱାଜା, ମାପ୍‌ରୁ ଆୟା ପାପାମ୍‌ଦିଙ୍ଗ୍ ସୁଡ଼୍‌ଏନ୍। ଆୟା ଲୋକୁ ମାପ୍‌ରୁ ଏଦ୍‌ରୁ ପବିତ୍ର ଆନାନ୍। ମାପ୍‌ରୁ ମୋଶାଦି ତଡ଼ାନ୍‌ ହାରଣ ମାରି ହାରଣ କୁଟୁମ୍‌ଦିଙ୍ଗ୍‌ ମାପ୍‌ରୁଦି ଯାଜକ ଆନିୱାନ୍ଦିଙ୍ଗ୍ ଆସ୍‌କିତାନ୍।

![](https://cdn.door43.org/obs/jpg/360px/obs-en-13-10.jpg)

ନାସ୍ତିୱାଲେ ମାପ୍‌ରୁ ଇୟା ପାଦି ନିୟମ୍‌ଦିଙ୍ଗ୍ ରୁଣ୍ଡି କାଲ୍‌କୁ ପାଟାଦୁ ରାସ୍‌ସି ମୋଶାଦିଙ୍ଗ୍ ସିତାନ୍। ମାପ୍‌ରୁ ମାନାଦେଙ୍ଗ୍ ୱାରିଙ୍ଗ୍ ନାଣ୍ଡୋ ନିୟମ୍ ସିତାନ୍। ମାପ୍‌ରୁ ପାର୍‌ମାଣାମ୍‌ କିତାନ୍ ଜେ ଜଦି ଆୟାକାର୍ ଇୟା ନିୟମ୍ ମାନାନାର୍ ମାରି ମାପ୍‌ରୁ ୱାରିଙ୍ଗ୍ ଆର୍ଶିବାଦ୍ କିନାନ୍‌ ମାରି ୱାରିଙ୍ଗ୍ ରକ୍ଷା କିନାନ୍‌। ମାତର୍ ମାପ୍‌ରୁ ୱେର୍‌ତାନ୍ ଜେ ଜଦି ୱାରୁ ଇଆକା ମାନାଏତିଙ୍ଗା ମାରି ୱାଣ୍ତ୍ରୁ ୱାରିଙ୍ଗ୍ ଡଣ୍ଡ୍ ସିନାନ୍।

![](https://cdn.door43.org/obs/jpg/360px/obs-en-13-11.jpg)

ଏସୋଦିନାମ୍ ଲୋଇ, ମୋଶା ସିନୟ୍ ଗରୋତି କାଡ଼ାଦୁ ମାର୍‌ହାନ। ୱାଣ୍ତ୍ରୁ ମାପ୍‌ରୁଦିଙ୍ଗ୍ ୱାର୍‌ଗିଜି ମାର୍‌ହାନ୍। ମାତର୍ ଲୋକୁ ୱାଣ୍ତ୍ରୁ ଢେସି ୱାନିକା କାପ୍‌କିଜି କିଜି ୱାନ୍ଦିତାର୍। ଇୟାୱାନ୍ଦିଙ୍ଗ୍‌ ଇସ୍ରାଏଲ୍‌ଦି ଲୋକୁ ହାରଣ ଡାଗ୍‌ରୁ ବାଙ୍ଗାରାମ୍ ଆସ୍‌ସି ୱାତେ ମାରି ୱାନିଙ୍ଗ୍ ଉଣ୍ଡ୍ରେ ଦେୟାମ୍ ତିଆର୍ କିଦେଙ୍ଗ୍ ୱେହ୍‌ତେ ଜେ ମାପ୍‌ରୁଦିଙ୍ଗ୍ ଢିସ୍‌ସି ଦେୟାମ୍‌ଦିଙ୍ଗ୍ ପୁଜା କିନାପ୍। ଇୟାୱାଜା, ୱାରୁ ମାପ୍‌ରୁଦି ବିରୁଦ୍‌ଦୁ ଉଣ୍ଡ୍ରେ ପେରି ପାପାମ୍ କିତାର୍।

![](https://cdn.door43.org/obs/jpg/360px/obs-en-13-12.jpg)

ହାରଣ ଆୟା ବାଙ୍ଗାଁରାମ୍‌ଦିଙ୍ଗ୍ ଉଣ୍ଡ୍ରେ ବାସିପିଲା ୱାଜା ଦେୟାମ୍ ତିଆର୍ କିତାନ୍। ୱାରୁ ଆୟା ଦେୟାମ୍‌ଦିଙ୍ଗ୍ ପୁଜା କିଦେଙ୍ଗ୍ ଆରାମ୍ କିତାର୍ ମାରି ବଲିଦାନ୍ ସିତାର୍! ୱାରି ପାପାମ୍‌ ୱାନ୍ଦିଙ୍ଗ୍ ମାପ୍‌ରୁ ୱାରି ଡାଗ୍‌ରୁ ନାଣ୍ଡୋ ରିସା ଆତାନ୍। ୱାଣ୍ତ୍ରୁ ୱାରିଙ୍ଗ୍ ସେଏଣ୍ଡା କିଦେଙ୍ଗ୍ ମାନ୍‌ସୁ କିତାନ୍‌। ମାତର୍ ମୋଶା ୱାରିଙ୍ଗ୍ ଡ଼େୟ୍‌ଇ ୱାନ୍ଦିଙ୍ଗ୍‌ ମାପ୍‌ରୁଦିଙ୍ଗ୍ ବାତିମାଲିତାନ୍‌। ମାପ୍‌ରୁ ୱାନି ପାର୍‌ତନା ୱେନ୍‌ଜି ୱାରିଙ୍ଗ୍ ସେଏଣ୍ଡା କିଏତାନ୍।

![](https://cdn.door43.org/obs/jpg/360px/obs-en-13-13.jpg)

ୱେନ୍‌କା ମୋଶା ସିନୟ୍ ଗରୋତାନ୍ ରେସି ୱାତାନ୍। ମାପ୍‌ରୁ ବାଣାନ୍ ରାସାତି ପାଦି ନିୟମ୍‌ତି ରୁଣ୍ଡି କାଲ୍‌କୁ ପାଟା ମୋଶା ଆସ୍ତା ମାର୍‌ହାନ୍। ମାରି ନାସ୍ତିୱାଲେ ଆୟା ଦେୟାମ୍‌ଦିଙ୍ଗ୍ ସୁଡ଼୍‌ତାନ୍, ନାସ୍ତିୱାଲେ ୱାଣ୍ତ୍ରୁ ନାଣ୍ଡୋ ରିସା ଆଜି ଆୟା କାଲ୍‌କୁ ପାଟାଦିଙ୍ଗ୍‌ ଗୁଣ୍ଡ୍‌ଗୁଣ୍ଡା କିତାନ୍।

![](https://cdn.door43.org/obs/jpg/360px/obs-en-13-14.jpg)

ମାରି ମୋଶା ଆୟା ଦେୟାମ୍‌ଦିଙ୍ଗ୍ ଆଟ୍‌କ୍ତାନ୍ ମାରି ନୁର୍‌ଜି ଦୁରୁ କିତାନ୍, ମାରି ଆୟା ଦୁରୁଦିଙ୍ଗ୍ ଏରୁଦୁ କୁଢ୍‌ପ୍‌ସି ଆୟା କା ଆୟାଲୋକାଙ୍ଗ୍ ଉଟ୍‌ପିସ୍ତାନ୍। ମାପ୍‌ରୁ ୱାରିମୁସ୍‌କୁ ଉଣ୍ଡ୍ରେ କାଷ୍ଟାମ୍ ପକିସ୍‌ତାନ୍ ମାରି ୱାରିଲୋଇହାନ୍ ଏସୋଲୋକୁ ସାତାର୍।

![](https://cdn.door43.org/obs/jpg/360px/obs-en-13-15.jpg)

ଏମେ କାଲୁଦି ପାଟାଦିଙ୍ଗ୍ ମୋଶା ରୁକ୍‌ତା ମାର୍‌ହାନ୍ ୱାନି ବାଡିଦୁ ୱାଣ୍ତ୍ରୁ ପାଦି ନିୟମ୍‌ଦି ପୁନି କାଲ୍‌କୁ ପାଟେଙ୍ଗ୍ ତିଆର୍ କିତାନ୍। ମାରି ୱାଣ୍ତ୍ରୁ ଆୟା ଗରୋତୁ ଏକ୍‌ତାନ୍ ମାରି ପାର୍‌ତନା କିତାନ୍ ଜେ ମାପ୍‌ରୁ ୱାନିର୍‌ କେମା କିହା। ମାପ୍‌ରୁ ମୋଶାଦି ପାର୍‌ତନା ୱେନ୍‌ଜି ୱାରିଙ୍ଗ୍ କେମା କିତାନ୍। ପୁନି ପାଟାଦୁ ପାଦି ନିୟମ୍ ଆସ୍‌ସି ସିନୟ୍ ଗରୋତାନ୍ ରେସି ୱାତାନ୍। ନାସ୍ତିୱାଲେ ମାପ୍‌ରୁ ସିନୟ୍ ଗରୋତାନ୍ ପାର୍‌ମାଣାମ୍‌କିତିମାହି ଦେଶେମ୍‌ ସାନ୍ଦି ଇସ୍ରାଏଲ୍‌ଦି ଲୋକାଙ୍ଗ୍ ସାରି ତର୍‌ପ୍‌ସି ଆତାନ୍‌।

*ଯାତ୍ରା ପୁସ୍‌ତକ୍ ୧୯ -୩୪ ଦି ଉଣ୍ଡ୍ରେ ବାଇବଲ୍‌ତି କାତାନି*

## 14. ୧୪. ମାଣୁ ଭୁମିଦୁ ସାରି ବାଣାତାର୍‌

https://openbiblestories.org/l/pci/story-14/

![](https://cdn.door43.org/obs/jpg/360px/obs-en-14-01.jpg)

ମାପ୍‌ରୁ ଇସ୍‌ରାଏଲ୍ ଲୋକାଙ୍ଗ୍ ଆୟା ନିୟମ୍ ୱେତେଙ୍ଗ୍ ୱିସ୍ତାନ ହେଏଦି ୱାରିୱାଲେ ତହ୍‌ତିମାହି ୱାନି ସପତ୍ ନୁଣ୍ଡିଙ଼୍ଗ୍‌ ମାନାଦେଙ୍ଗ୍ ମାନାତ୍। ମାରି ମାପ୍‌ରୁ ୱାରିଙ୍ଗ୍ ସିନୟ ଗରୋତାନ୍ ଆଗ୍‌ଡି ସାରି ତର୍‌ପ୍‌ତାନ୍। ୱାଣ୍ଡ୍ରୁ ୱାରିଙ୍ଗ୍ ସପତ୍ କିତିମାହି ଦେଶେମ୍‌ଦୁ ଅତେଙ୍ଗ୍ ଇଷ୍ଟାମ୍‌କିତାନ୍। ଇଆ ଦେଶେମ୍‌ଦିଙ୍ଗ୍ କାନାନ୍ ୱେହ୍‌ସି ମାହାର୍‌। ମାପ୍‌ରୁ ବାଦଡ୍‌ଦି ମୁଣ୍ଡାଆଜି ୱାରିଙ୍ଗ୍‌ ଆଗ୍‌ଡି-ଆଗ୍‌ଡି ସହାନ୍, ମାରି ୱାରୁ ୱାନି ୱେନ୍‌କା-ୱେନ୍‌କା ସହାର୍।

![](https://cdn.door43.org/obs/jpg/360px/obs-en-14-02.jpg)

ମାପ୍‌ରୁ ଆବ୍ରାହାମ୍, ଇସାକ୍ ମାରି ଯାକ୍‌ବଦିଙ୍ଗ୍ ପାର୍‌ମାଣାମ୍‌କିତା ମାର୍‌ହାନ୍‌ ଗାନି ୱାଣ୍ଡ୍ରୁ ସପତ୍‌ତି ଆୟା ଦେଶେମ୍ ୱାରି କୁଟୁମ୍‌ଦିଙ୍ଗ୍‌ ସିନାନ୍‌, ମାତର୍‌ ଇୟାୱେଡାଦୁ ଆବେ ନାଣ୍ଡୋ ଜାତି ମାନ୍‌ଜି ମାର୍‌ହାର୍। ଆୟାକାର୍ କିଣାନିୟ ୱେର୍‌ସିମାର୍‌ହାର୍। ଇଆ କିଣାନିୟତିକାର୍ ମାପ୍‌ରୁଦି ଆରାଧନା କିଏଜି ମାର୍‌ହାର୍ ମାରି ଆକାର୍‌ ୱାନି ନିୟମ୍ ମାନାଏତାର୍। ଆୟାକାର୍ ମିଚ୍ ଦେୟାମ୍‌ଦିଙ୍ଗ୍ ଆରାଧନା କିଜିମାର୍‌ହାର୍ ମାରି ନାଣ୍ଡୋ ସେଈ ପାଣି କିଜି ମାର୍‌ହାର୍।

![](https://cdn.door43.org/obs/jpg/360px/obs-en-14-03.jpg)

ମାପ୍‌ରୁ ଇସ୍‌ରାଏଲ୍‌ଦି ୱାରିଙ୍ଗ୍ ୱେର୍‌ତାନ୍, “ଏସେଙ୍ଗ୍‌ ମିରୁ ଆୟା ସପତ୍‌ଦି ଦେଶେମ୍‌ଦୁ ସନିଦେର୍ ମାରି ଆବେଣି ୱିଜୁ କିଣାନିୟର୍‌ତି ବାଣାନ୍ ଅଲ୍‌ଗା ଆଦୁ। ୱାରି ୱାଲେ କୁଡ୍‌ଜି ମାନ୍‌ମାଟ୍‌ ମାରି ଦାନିଙ୍ଗ୍ ପେଡ଼ି କିମାଟ୍। ମିଙ୍ଗିଁ ୱାରିଙ୍ଗ୍‌ ୱିଜୁ ଦେୟାମ୍‌ଦିଙ୍ଗ୍ ପୁରାପୁରି ୱାଜା ସେଏଣ୍ଡା କିଦୁ। ଜଦି ମିରୁ ନା ନିୟମ୍ ମାନାଇଦେର୍, ମାରି ମିରୁ ନା ବାଦ୍‌ଲୁଦାନ୍ ଆୟା ଦେୟାମ୍‌କାଙ୍ଗ୍‌ ସେବା କିନିଦେର୍।

![](https://cdn.door43.org/obs/jpg/360px/obs-en-14-04.jpg)

ଏସ୍ତିୱାଲେ ଇସ୍‌ରାଏଲ୍‌ତି ଲୋକୁ କାନାନ୍ ଦେଶେମ୍‌ଦି ଗାଟୁଦୁ ଇତାର, ମୋଶା ଇସ୍‌ରାଏଲଦି ୱିଜୁ କୁଟୁମ୍‌ଦିଙ୍ଗ୍‌ ଉଣ୍ଡ୍ରେ ଉଣ୍ଡ୍ରେ କିଜି ପାନେଣ୍ଡୁ ମେମାର୍ କଢୋରିଙ୍ଗ୍‌ ଆସ୍ କିତାନ୍। ୱାଣ୍ଡ୍ରୁ ଆୟାକାର୍‌ ସନ୍‌ସି ଆୟା ଦେଶେମ୍ ଏନେଟ୍‌ ୱାଜା ମାନାତ୍ ଇକା ମାରାଗ୍‌ଜି ସୁଡ୍‌ଦେଙ୍ଗ୍ ଆଦେଶ୍ ସିତାନ୍‌। ୱାରିଙ୍ଗ୍ ଆୟା କିଣାନିୟତିକାର୍ ସାତୁ ମାନାର୍ ନା ସାତୁ ସିଲିକାନ୍ ସୁଡ୍‌ଦେଙ୍ଗ୍ ଇଜି ୱେର୍‌ତାନ୍।

![](https://cdn.door43.org/obs/jpg/360px/obs-en-14-05.jpg)

ଆୟାକାର୍ ପାନେଣ୍ଡୁ ମେମାର୍‌ଙ୍ଗୁଁ ୱିଜୁ କିଣାନ ଦେଶେମ୍‌ଦୁ ୪୦ ଦିନ୍‌ ବୁଲାତାର୍ ମାରି ଢେସି ୱାହ୍‌ତାର୍। ୱାରୁ ଲୋକାଙ୍ଗ୍ ୱେହ୍‌ତାର୍, “ଆୟା ଦେଶେମ୍ ଚାସ୍ ବାସ୍ କିଦେଙ୍ଗ୍ ନେଗେଣ୍ଡ୍‌ ମାରି ଆବେ ନାଣ୍ଡୋ କାଏଙ୍ଗ୍ ଆସ୍‌ନେ!” ମାତର୍‌ ମାରାଗେତିମାର୍‌ହି ଡ଼ଙ୍ଗାଁର୍‌ହୁଁ ପାଦି ମାନ୍‌ସି ୱେର୍‌ତାର୍,“ ୱାରି ଦେଶେମ୍ ନାଣ୍ଡୋ ସାତୁତିକା ମାରି ଆବେଣି ଲୋକୁ ପେରି ପେରିକାର୍! ଜଦି ମାଡୁ ୱାରିଙ୍ଗ୍ ଡେଇଦେଙ୍ଗ୍ ସନାଟ୍, ଆୟାକାର୍ ସତ୍‌ନେ ମାଙ୍ଗିଁ ହାରା କିନାର୍ ମାରି ମାଙ୍ଗିଁ ଢେଇନାର୍‌।”

![](https://cdn.door43.org/obs/jpg/360px/obs-en-14-06.jpg)

ଦାପ୍‌ରେ ଦାପ୍‌ରେ କାଲେବ୍ ମାରି ଯିହୋଶୂୟ ଆୟା ରିଏର୍ ମାରାଗ୍‌ଜିମାହି ଡଙ୍ଗାର୍‌ହୁଁ ୱେର୍‌ହ୍‌ତାର୍, “ଇକା ସତ୍‌ ଆବେଣି ଲୋକୁ ନିହିକାର୍ ମାରି ସାତୁତିକାର୍ ମାନାର୍‌, ମାତର୍‌ ସତ୍‌ନେ ୱାରିଙ୍ଗ୍ ମାଡୁ ହାରା କିଦେଙ୍ଗ୍ ଆଟ୍‌ନାଟ୍! ମାପ୍‌ରୁ ମାୱାନ୍ଦିଙ୍ଗ୍ ଜୁଦ୍ କିନାନ୍!”

![](https://cdn.door43.org/obs/jpg/360px/obs-en-14-07.jpg)

ମାତର୍‌ ଲୋକୁଙ୍ଗ୍ କାଲେବ୍ ମାରି ଯିହୋଶୂୟଦି ମାଟା ୱେନ୍‌ଏତାର୍। ଆୟାକାର୍ ମୋଶା ମାରି ହାରୋଣଦିଙ୍ଗ୍ କାକାଆଜି ୱେର୍‌ତାର୍, “ମିରୁ ମାଙ୍ଗିଁ ଇନିଦାନିଙ୍ଗ୍ ତିଏଲାନି ବାଡିଦୁ ତାତିଦେର୍? ମାଙ୍ଗିଁ ମିସର୍ ଦେଶେମ୍‌ଦୁ ନେ ମାଣ୍ଡ୍ରେଙ୍ଗ୍ ମାହାତ୍। ଜଦି ମାଡୁ ଆୟା ଦେଶେମ୍‌ଦୁ ସନାପ୍‌ ମାରି ମାପୁ ଜୁଦ୍‌ଦାନ୍ ସାଦେଙ୍ଗ୍ ଆନାତ୍, ମାରି କିଣାନ୍ ଦେଶେମ୍‌ଦୁ ଲୋକୁ ମା ଆଡ୍‌ସିକାଙ୍ଗ୍ ମାରି କଢୋରିଙ୍ଗ୍ ଦାସ କିନାର୍‌।” ଆୟାକାର୍ ୱାରିଙ୍ଗ୍ ମିସର୍ ଦେଶେମ୍‌ଦୁ ମାରିଢେସ୍‌ସି ଅତେଙ୍ଗ୍ ଇଜି ଆଇ ଉଣ୍ଡ୍ରେ ମୁର୍‌ଲଦିଙ୍ଗ୍ ନେତାୱାଜା ଆସ୍‌କିଦେଙ୍ଗ୍ ଇଚାକିଜି ମାର୍‌ହାର୍।

![](https://cdn.door43.org/obs/jpg/360px/obs-en-14-08.jpg)

ଏସ୍ତିୱାଲେ ଆୟା ଲୋକୁ ଇୟାୱାଜା ୱେହ୍‌ତାର୍ ଆଦେଙ୍ଗେ ମାପ୍‌ରୁ ନାଣ୍ଡୋ କାକା ଆତାମାହାନ୍। ୱାଣ୍ଡ୍ରୁ କୁଡ୍‌ନିକା ସାମ୍‌ଡାଦୁ ୱାତାର୍ ମାରି ୱେର୍‌ତାର୍, “ମିରୁ ମାବିରୁଦ୍‌ଦାନ୍ ପାପାମ୍ କିତିମାନିଦେର୍‌ ଇୟାୱାନ୍ଦିଙ୍ଗ୍ ମିରୁ ୱିଜେରେ ଇୟା ଗରୋତୁ ବାଣାୟ୍‌ଆନିଦେର୍। ଏମେକାର୍ ଇର୍‌ୱାୟ୍ ପାଟେଙ୍ଗ୍ ମାରି ୱାନିବାଣାନ୍‌ ନାଣ୍ଡୋ ୱିଜୁ ଲୋକୁ ଆବେ ସାନାର୍ ମାରି ଏସେଙ୍ଗ୍‌ବା ଆୟା ପର୍‌ମାଣାମ୍ କିତି ଦେଶେମ୍‌ଦୁ ଢୁଗ୍‌ଦେଙ୍ଗ୍‌ ଆଟ୍‌ଏର୍ ଏମେକା ନାନୁ ମିଙ୍ଗିଁ ସିଜିନା। ମାତର୍ କାଲେବ ମାରି ଯିହୋଶୂୟ ଢୁଗ୍‌ନାର୍।”

![](https://cdn.door43.org/obs/jpg/360px/obs-en-14-09.jpg)

ଏସେଙ୍ଗ୍ ଲୋକାଙ୍ଗ୍‌ ମାପ୍‌ରୁ ଇକା ୱେହ୍‌ନିକା ୱେର୍‌ହାର୍, ମାରି ୱାରୁ ଦୁକାମ୍ ଆତାର୍ ମାତର୍ ଆୟାକାର୍‌ ପାପାମ୍ କିତାମାହାର୍। ଇୟାୱାନ୍ଦିଙ୍ଗ୍ ୱାରୁ କିଣାନ୍‌ଦି ଲୋକାଙ୍ଗ୍‌ ଢେଇଦେଙ୍ଗ୍ ମାନ୍‌ସୁ କିତାର୍। ମୋଶା ୱାରିଙ୍ଗ୍ ସନ୍‌ଇ ୱାନ୍ଦିଙ୍ଗ୍ ଚେତାକିତାନ୍‌ ମାତର୍‌ ମାପ୍‌ରୁ ୱାରି ୱାଲେ ସନ୍‌ଏନ୍, ମାତର୍ ଆୟାକାର୍ ମୋଶାଦି ମାଟା ୱେନ୍‌ଏତାର୍।

![](https://cdn.door43.org/obs/jpg/360px/obs-en-14-10.jpg)

ମାପ୍‌ରୁ ଇୟା ଜୁଦ୍‌ଦୁ ୱାରିୱାଲେ ସନ୍‌ଏଣ୍ଡା ମାର୍‌ହାନ୍, ଇୟାୱାନ୍ଦିଙ୍ଗ୍ କିଣାନିଲୋକୁ ୱାରିଙ୍ଗ୍ ହାରା କିତାନ୍ ମାରି ୱାରି ଲୋଇ ଏସୋ ଲୋକାଙ୍ଗ୍ ଢେଇତାର୍। ନାସ୍ତିୱାଲେ ଇସ୍‌ରାଏଲ୍‌ତି ଲୋକୁ କିଣାନ୍‌ଦାନ୍ ମକୋମ୍ ମାର୍‌ସି ୱାତାର୍। ଆଗ୍‌ଢି ନାଲ୍‌ପାୟ୍ ପାଟେଙ୍ଗ୍ ନାସେଣାନ୍, ଆୟାକାର୍ ମାଣୁ ଭୁମିଦୁ ଇନିଙ୍ଗାଁ ଆନିଙ୍ଗାଁ ଆଜି ସାରି ବାଣ୍‌ଆଜି ବୁଲାଜି ମାର୍‌ହାର୍।

![](https://cdn.door43.org/obs/jpg/360px/obs-en-14-11.jpg)

ଇସ୍‌ରାଏଲ୍‌ଦି ଲୋକୁ ନାଲ୍‌ପାୟ୍ ପାଟେଙ୍ଗ୍ ମାଣୁ ଭୁମିଦୁ ବୁଲାନି ୱେଡାଦୁ, ମାପ୍‌ରୁ ୱାରିଙ୍ଗ୍ ଦର୍‌କାର୍‌ତି ସାମାନ୍ କାପ୍‌କିବିସ୍‌ତାନ୍। ୱାଣ୍ଡ୍ରୁ ୱାରିଙ୍ଗ୍ ସରଗ୍‌ତ “ମାନ୍‌ନା” ଦରୁଦି ରୁଟି ସିତାନ୍। ଆକାନ୍ ୱାରି ବାଡିଦୁ ଭାଟୋଇ ପଟି (ଇନିକାଗି ନାଣ୍‌ମି ୱାଜା ପଟିଙ୍ଗ୍) ମାନ୍ଦା ପକ୍‌ତାନ୍ ଜେ ୱାରିନୁଣ୍ଡିଙ୍ଗ୍ ତିଣ୍ଡ୍‌ରେଙ୍ଗ୍ କାଣ୍ଡା ମାନ୍‌ଜିନାତ୍। ଆୟା ୱିଜୁ ୱେଡାଦୁ, ମାପ୍‌ରୁ ୱାରି ସକା ମାରି ଜଡ଼୍‌କୁ ଫାଟ୍‌ଦେଙ୍ଗ୍ ସିଏତାର୍।

![](https://cdn.door43.org/obs/jpg/360px/obs-en-14-12.jpg)

ଇୟାୱାଜା ମାପ୍‌ରୁ ୱାରିୱାନ୍ଦିଙ୍ଗ୍ ଉଣ୍ଡେଙ୍ଗ୍‌ଇଜି ଚମତ୍‌କାର୍‌ଦାନ୍ କଲୁଦାନ୍ ଏରୁ ସପ୍‌ତାନ୍। ମାତର୍‌ ଇୟାୱିଜୁ କିତିୱେନ୍‌କା, ଇସ୍‌ରାଏଲ୍‌ତି ଲୋକୁ ମାପ୍‌ରୁ ବିରୁଦ୍ ମାରି ମୋଶା ବିରୁଦ୍‌ଦାନ୍ ୱେର୍‌ତାର୍ ମାରି ମାନ୍‌ସୁ-ମାନ୍‌ସୁ ଲୋଇ ଦସ୍ ସିତାର୍। ମାରିବା, ମାପ୍‌ରୁ ବିଷାସ୍‌ଦାନ୍ ମାନାନ୍। ଆକାନ୍ ଏମେ ସପତ୍ ଆବ୍ରାହାମ୍, ଇସାକ୍, ମାରି ଯାକ୍‌ବଦିଙ୍ଗ୍ କିତାମାର୍‌ହାନ୍ ଗାନି ୱାଣ୍ଡ୍ରୁ ୱାରି କୁଟୁମ୍‌ଦିଙ୍ଗ୍ କିନାନ୍‌ ୱାଣ୍ଡ୍ରୁ ଆୟାକା କିତାନ୍।

![](https://cdn.door43.org/obs/jpg/360px/obs-en-14-13.jpg)

ଆଇ ଉଣ୍ଡ୍ରେ ୱେଡାଦୁ ନାସ୍ତିୱାଲେ ଆୟା ଲୋକା ଡାଗ୍‌ରୁ ଏରୁ ସିଲେଣ୍ଡା ମାର୍‌ହାତ୍, ମାପ୍‌ରୁ ମୋଶାଦିଙ୍ଗ୍ ୱେର୍‌ତାନ୍.“ ପିଡ୍‌ପିକାଲୁଦିଙ୍ଗ୍ ମାଟା ୱେର୍‌ହା, ମାରି ଆବେଣାନ୍ ଏରୁ ସୋନେ୍।” ମାତର୍‌ ମୋଶା ପିଡ୍‌ପିକାଲୁଦିୱାଲେ ୱାର୍‌ଗିଏତାନ୍। ମାରି ୱେର୍‌ହେନି ବାଦ୍‌ଲୁ, ଆକାନ୍ ବାଡିଗାଦାନ୍ ପିଡ୍‌ପିକାଲୁଦିଙ୍ଗ୍ ରିଜା ଢେଇତାନ୍। ଇୟାୱାଜା ଆକାନ୍ ମାପ୍‌ରୁଦିଙ୍ଗ୍ ମାନାଏତାନ୍। ୱିଜେରିୱାନ୍ଦିଙ୍ଗ୍ ଉଣିୱାନ୍ଦିଙ୍ଗ୍ ଏରୁ ତୋ ସତେ ୱାତେ ମାତର୍‌ ମାପ୍‌ରୁ ମୋଶାଦିଙ୍ଗ୍ କାକା ଆତାମାର୍‌ହାନ୍। ୱାଣ୍ଡ୍ରୁ ୱେର୍‌ତାନ୍, “ମାତର୍ ନିନୁ ଇୟାୱାଜା କିତି, ଇୟାୱାନ୍ଦିଙ୍ଗ୍ ନିନୁ ସପତ୍ କିତି ଦେଶେମ୍‌ଦୁ ଢୁଗ୍‌ଦେଙ୍ଗ୍ ଆଟ୍‌ଇ।”

![](https://cdn.door43.org/obs/jpg/360px/obs-en-14-14.jpg)

ନାସ୍ତିୱାଲେ ଇସ୍‌ରାଏଲ୍‌ଦି ଲୋକୁ ନାଲ୍‌ପାୟ୍ ପାଟେଙ୍ଗ୍ ମାଣୁ ଭୁମିଦୁ ସାରି ବାଣାତି ୱେନ୍‌କା, ନାସ୍ତିୱାଲେ ଏମେକାର୍‌ଗି ମାପ୍‌ରୁ ବିରୁଦ୍‌ଦୁ ନିଙ୍ଗିଁତା ମାର୍‌ହାର୍ ୱିଜୁ ଲୋକୁ ସାତାର୍। ନାସ୍ତିୱାଲେ ମାପ୍‌ରୁ ଆୟା ଲୋକାଙ୍ଗ୍ ମାରି ଅର୍‌ସୁ ଆୟା ସପତ୍‌କିତି ଦେଶେମ୍‌ଦି ଗାଟୁଦୁ କୁକ୍‌ତା ଅତାନ୍। ମୋଶା ଡକ୍‌ରା ଆତା ମାହାନ୍, ଇୟାୱାନ୍ଦିଙ୍ଗ୍‌ ମାପ୍‌ରୁ ଲୋକାଙ୍ଗ୍ ସାରି ତର୍‌ପ୍‌ନିୱାନ୍ଦିଙ୍ଗ୍ ମୋଶାୱାଲେ ଯିହୋଶୂୟଦିଙ୍ଗ୍ ଆସ୍ କିତାନ୍। ମାପ୍‌ରୁ ମୋଶାଦିଙ୍ଗ୍ ଇୟାୱାଜା ସପତ୍ କିତାମାର୍‌ହାନ୍ ଗାନି ଆକାନ୍ ଉଣ୍ଡ୍ରେ ଦିନାମ୍ ମୋଶାୱାଜା ଉଣ୍ଡ୍ରେ ବାବବାଦି ଲୋକ୍‌ଦିଙ୍ଗ୍ ପକ୍‌ନାନ୍

![](https://cdn.door43.org/obs/jpg/360px/obs-en-14-15.jpg)

ଦାନିୱେନ୍‌କା ମାପ୍‌ରୁ ମୋଶାଦିଙ୍ଗ୍ ଉଣ୍ଡ୍ରି ଗରୋତି କାଡାଦୁ ସନ୍‌ଣ୍ଡ୍ରେଙ୍ଗ୍ ୱେର୍‌ତାନ୍ ମାରି ୱାଣ୍ଡ୍ରୁ ସପତ୍ କିତି ଦେଶେମ୍ ସୁଡ୍‌ଦେଙ୍ଗ୍ ଆଟ୍‌ନାନ୍। ମୋଶା ସପତ୍ କିତି ଦେଶେମ୍‌ଦିଙ୍ଗ୍ ସୁଡ୍‌ତାନ୍ ମାରି ମାପ୍‌ରୁ ୱାନିଲୋଇ ସନ୍‌ରେଙ୍ଗ୍ ସାରି ସିଏତାନ୍। ଦାନିୱେନ୍‌କା ମୋଶା ସାତାନ୍, ମାରି ଇସ୍‌ରାଏଲ୍‌ତିକାର୍ ମୁପାୟ୍‌ ଦିନାମ୍ ୱାନିୱାନ୍ଦିଙ୍ଗ୍ ଆଡ୍‌ବାତାର୍। ଯିହୋଶୂୟ ୱାରି ପୁନି ନେତା ଆତାନ୍। ଯିହୋଶୂୟ ଅରେନ୍ ନେଗି ନେତା ମାର୍‌ହାନ୍ ମାତର୍ ଆକାନ୍ ମାପ୍‌ରୁଦିଙ୍ଗ୍ ବର୍‌ସା କିତାନ୍ ମାରି ୱାନି ମାଟା ମାନାତାନ୍।

*ଯାତ୍‌ରା ପୁସ୍‌ତକ୍ ୧୬ -୧୭, ଗଣନା ୧୦ -୧୪; ୨୦;୨୭; ଦ୍ୱିତିୟ ବିବରଣି ୩୪ ଦି ଉଣ୍ଡ୍ରେ ବାଇବଲ୍‌ଦି କାତାନି*

## 15. ୧୫. ସପତ୍ କିତିମାର୍‌ହି ଦେଶେମ୍‌

https://openbiblestories.org/l/pci/story-15/

![](https://cdn.door43.org/obs/jpg/360px/obs-en-15-01.jpg)

ୱିଜୁ ୱିଜିତି ୱେନ୍‌କା, ଇସ୍ରାଏଲ୍‌ ଲୋକୁ କିଣାନ୍‌ ଦେଶେମଦୁ ଡୁଗ୍‌ନି ୱେଡା ୱାତାମାହାତ୍। ଆୟା ଦେଶେମ୍‌ଦୁ ଯିରିହୋ ଦୋରୁତି ଉଣ୍ଡ୍ରେ ଗଡ଼୍ ମାର୍‌ହାତ୍। ୱାନି ରକିୟାକିନି ୱାନ୍ଦିଙ୍ଗ୍ ଆୟା ସାରିବେଡ଼୍‌ତି ସାତୁ ପାସରି ମାର୍‌ହାତ୍। ଯିହୋଶୂୟ ଆୟା ଗଡ଼୍‌ଦୁ ରୁଣ୍ଡି ମାରାଗ୍‌ଜି କାବୁର୍ ତାନି ଲୋକାଙ୍ଗ୍‌ ପକ୍‌ତାନ୍। ଆୟା ଗଡ଼୍‌ଦୁ ରାହାବ୍ ଦୋରୁତି ଉଣ୍ଡ୍ରେ ଦାରିଣି ଆଡ୍‌ସି ମାର୍‌ହାତ୍। ଆୟା ଆଡ଼୍‌ସି ମାରାଗ୍‌ଜି କାବୁର୍‌ତାନି ରିଏର୍‌ ଲୋକାଙ୍ଗ୍‌ ମାରାକ୍‌ତାତ୍, ମାରି ମାରିୱେନ୍‌କା ୱାଦୁ ୱାରିଙ୍ଗ୍ ଗଡ଼୍‌ଦାନ୍ ରକିୟାଆଜି ଆତ୍‌ରେ ସନ୍‌ଣ୍ଡ୍ରେଙ୍ଗ୍ ସାହାଯ୍ୟ କିତାତ୍। ୱାଦୁ ଇୟାୱାନ୍ଦିଙ୍ଗ୍ ଇକା କିତାତ୍ ଜେ ୱାଦୁ ମାପ୍‌ରୁ ଡାଗ୍‌ରୁ ବିସ୍‌ବାସ୍‌କିଜି ମାର୍‌ହାତ୍। ଏମେ ୱେଡ଼ାଦୁ ଇସ୍ରାଏଲ୍‌ଦି ଲୋକୁ ଯିରିହୋଦିଙ୍ଗ୍ ନାସ୍‌ଟୁ କିନାର୍‌ ଆୟାୱାଲେ ରାହାବ୍ ମାରି ନିଜେ ପରିବାର୍‌ଦିଙ୍ଗ୍ ଜିପିସ୍‌ନିୱାନ୍ଦିଙ୍ଗ୍ ପର୍‌ମାଣାମ୍‌ କିତାନ୍‌।

![](https://cdn.door43.org/obs/jpg/360px/obs-en-15-02.jpg)

ଇସ୍ରାଏଲ୍‌ଦି ଲୋକାଙ୍ଗ୍ ପାର୍‌ମାଣାମ୍‌କିତି ଦେଶେମ୍‌ଦୁ ଢୁଗ୍‌ନିୱାନ୍ଦିଙ୍ଗ୍ ଯର୍ଦନ ଗାଡା ନାଦେଙ୍ଗ୍ ମାର୍‌ହାତ୍। ମାପ୍‌ରୁ ଯିହୋଶୂୟଦିଙ୍ଗ୍ ୱେର୍‌ତାନ୍, “ ଯାଜକରିଙ୍ଗ୍ ପର୍‌ତୁମ୍‌ଦୁ ସନ୍‌ଣ୍ଡ୍ରେଙ୍ଗ୍ ସିଦୁ“ ଏସ୍ତିୱାଲେ ଯାଜକର୍‌ ଯର୍ଦନ ଗାଡାଦୁ ପାଦାମ୍ ପକ୍‌ତାର୍ ମାରି ଏରୁ ସନିକା କକୋ ଆତାତ୍, ଏଣ୍ତେସ୍‌ଗି ଏସ୍ରାଏଲ୍ ଲୋକୁଦିଙ୍ଗ୍ ୱାହ୍‌ତି ଭୁମିସିଜି ଗାଡା ଆୟା ପାଡ଼୍‌କା ସନ୍‌ଡ୍ରେଙ୍ଗ୍ ଆଟ୍‌ନାର୍।

![](https://cdn.door43.org/obs/jpg/360px/obs-en-15-03.jpg)

ଆୟା ଲୋକୁ ଯର୍ଦନ ଗାଡାନାତି ୱେନ୍‌କା ମାପ୍‌ରୁ ଯିହୋଶୂୟଦିଙ୍ଗ୍ ୱେହ୍‌ତାନ୍ ଜେ ଯିରହୋଦିଙ୍ଗ୍ ଢେଇଦେଙ୍ଗ୍ ଜାଗ୍‌ରତ୍‌ ଆଜିମାଣ୍ଡ୍ରୁ, ମାରିବା ଆକା ପେରି ସାତୁଦି ଗଡ଼୍‌ ମାର୍‌ହାତ୍। ମାପ୍‌ରୁ ୱାରିଙ୍ଗ୍ ୱେର୍‌ତାନ୍ ଜେ ୱାରି ଯାଜକର୍‌ ମାରି ସେନାର୍ ଆରୁଦିନାମ୍‌ ସାନ୍ଦି ଗଡ଼୍‌ଦି ସାରିବେଡ଼୍‌ତି ତିର୍‌ୱିଦେଙ୍ଗ୍ ମାନାତ୍। ମାରି: ଯାଜକ ମାରି ସେନାର୍ ଇୟାୱାଜା କିତାର୍।

![](https://cdn.door43.org/obs/jpg/360px/obs-en-15-04.jpg)

ମାରି ଏଡ଼ୁ ଦିନାମ୍‌ଦୁ ଇସ୍ରାଏଲ୍‌ତିକାର୍ ଆୟା ଗଡ଼୍‌ଦି ସାରିବେଡ଼୍‌ତି ଏଡ଼ୁଜାରିଙ୍ଗ୍‌ ମାରି ବା ତିର୍‌ୱିତାର୍‌। ୱାରି ଗଡ଼୍‌ଦିଙ୍ଗ୍ ସାରିବେଡ଼୍‌ତି ଏଡ଼ୁଜାରିଙ୍ଗ୍ ତିର୍‌ୱିତି ୱେନ୍‌କା ଯାଜକର୍‌ ନିଜେ ମୋରି ଉକ୍‌ତାର୍‌, ମାରି ସେନାର୍‌ ନାଣ୍ଡୋ ଆଉଲିଆତାର୍‌।

![](https://cdn.door43.org/obs/jpg/360px/obs-en-15-05.jpg)

ଆୟା ୱେନ୍‌କା ଯିରିହୋତି ସାରିବେଡ଼୍‌ତିତି ଗଡା ରୁଙ୍ଗିତା ସର୍‌ହାତ୍! ଏଣ୍ଡେସ୍ ମାପ୍‌ରୁ ୱେହ୍‌ତାମାହାନ୍ ଆୟାୱାଜା ଇସ୍ରାଏଲ୍‌ତିକାର୍ ଗଡ଼୍‌ତି ୱିଜୁ ସାମାନ୍‌ଦିଙ୍ଗ୍ ନାସ୍‌ଟୁ କିତାର୍। ୱାରୁ ମାତର୍‌ ରାହାବ ମାରି ୱାରି ପରିବାର୍‌ଦିଙ୍ଗ୍ ଢିସ୍‌ତାର୍, ଏୟେତ୍‌ଗି ଇସ୍ରାଏଲ୍‌ତିକାତ୍‌ ଆତା ମାର୍‌ହାତ୍‌। ଏସ୍ତିୱାଲେ କିଣାନ୍‌ତି ଆଇ ଲୋକୁ ୱେହାର୍ ଜେ ଇସ୍ରାଏଲ୍‌ତିକାର୍ ଯିରିହୋଦିଙ୍ଗ୍ ନାସ୍ଟୁ କିତାମାନାର୍‌ ଆଦେଙ୍ଗେଁ ୱାରୁ ତିଲାତାର୍ ଜେ ଇସ୍ରାଏଲ୍‌ତିକାର୍ ୱାରିଙ୍ଗ୍‌ବା ଢେଇନାର୍।

![](https://cdn.door43.org/obs/jpg/360px/obs-en-15-06.jpg)

ମାପ୍‌ରୁ ଇସ୍ରାଏଲ୍‌ଦିୱାରିଙ୍ଗ୍ ଆଦେସ୍‌ ସିତାମାର୍‌ହାନ୍ ଜେ କିଣାନ୍‌ଦୁ ମାନ୍‌ଜିନି ଇନି ଜାତିତିକାର୍‌ ନେଗେଣ୍ଡ୍‌ କୁଡ଼୍‌ଜି ସାନିକା କିମାଟ୍। ମାତର୍‌ ଗିବିୟ ଦୋରୁଦି ଉଣ୍ଡ୍ରେ କିଣାନ୍ ଜାତି ଯିହୋଶୂୟଦିଙ୍ଗ୍ ବାଣ୍ଡିସ୍‌ତାନ୍ ଜେ ୱାରୁ କିଣାନ୍‌ଦାନ୍ ଆକ ଉଣ୍ଡ୍ରେ ବାଡିଦୁ ମାନ୍‌ଜିନି ଲୋକୁ। ୱାରୁ ଯିହୋଶୂୟଦିଙ୍ଗ୍ ୱାରିୱାଲେ ନେଗେଣ୍ଡ୍ ମାଣ୍ଡ୍ରେଙ୍ଗ୍ ପାର୍‌ମାଣାମ୍ କିଦେଙ୍ଗ୍ ବାତିମାଲିତାର। ଯିହୋଶୂୟ ମାରି ଆଇ ଇସ୍ରାଏଲ୍‌ତି ନେତାର୍ ମାପ୍‌ରୁଦିଙ୍ଗ୍ ୱେନ୍‌ବାଏତାର୍ ଜେ ୱାରିଙ୍ଗ୍ ଇନିକା କିଦେଙ୍ଗ୍ ଦର୍‌କାର୍‌। ଇୟା ବାଦ୍‌ଲୁଦାନ୍, ୱାରୁ ଗିବିୟନିୟରିୱାଲେ ନେଗେଣ୍ଡା ମାର୍‌ହାର୍।

![](https://cdn.door43.org/obs/jpg/360px/obs-en-15-07.jpg)

ମୁଣ୍ଡ୍ରିଦାନାମ୍ ୱେନ୍‌କା ଇସ୍ରାଲ୍‌ଏଲ୍‌ଦି ୱାରିଙ୍ଗ୍ ନେସ୍‌ତେଙ୍ଗ୍ ଆଟ୍‌ତାର୍‌ ଜେ ଗିବିୟନିୟତି ଲୋକୁ କିଣାନ୍ ଦେଶେମ୍‌ଦୁ ମାନ୍‌ଜିନାର୍। ଇସ୍ରାଏଲ୍‌ଦିକାର୍ ରିସା ଆତାର୍ ମାତର୍ ଗିବିୟନିୟଦି ଲୋକୁ ୱାରିଙ୍ଗ୍ ଦକାସିତାର୍। ମାତର୍ ୱାରୁ ୱାରିୱାଲେ କିତିମାହି ପାର୍‌ମାଣାମ୍ ରୁକ୍‌ଏତାର୍ ମାତର୍ ମାପ୍‌ରୁଦି ଆଗ୍‌ଡି କିତାମାହାର୍। ମାରି ଏସୋୱେଡ଼ା ୱେନ୍‌କା, କିଣାନ୍‌ଦୁ ମାନ୍‌ଜିନି ଉଣ୍ଡ୍ରେ ଆଇଜାତିତିକାର୍, ଅମୋରିୟତିକାର୍‌ ରାଜାର୍‌ ୱେଣ୍ଡ୍ରେଙ୍ଗ୍ ଆଟ୍‌ତାର୍‌ ଜେ ଗିବିୟନିୟଦି ଇସ୍ରାଏଲତିକାର୍ ୱାରିୱାଲେ ପାର୍‌ମାଣାମ୍ କିତାମାନାର୍‌, ଇୟାନୁଣ୍ଡିଙ୍ଗ୍ ୱାରୁ ନିଜେ ନିଜେ ସେନାର୍ ଉଣ୍ଡ୍ରେ ଡାଗ୍‌ରୁକିଜି ଉଣ୍ଡ୍ରେ ପେରି ସେନାର୍ ତିଆର୍ କିତାର୍ ମାରି ଗିବିୟନିୟ ମୁସ୍‌କୁ ଢେଇତାର୍। ଗିବିୟନିୟର୍ ଯିହୋଶୂୟଦିଙ୍ଗ୍ ୱାରିଙ୍ଗ୍ ସହାଜ୍ୟକିନି ୱାନ୍ଦିଙ୍ଗ୍ ଉଣ୍ଡ୍ରେ କାବୁର୍ ପୋକ୍‌ତାର୍।

![](https://cdn.door43.org/obs/jpg/360px/obs-en-15-08.jpg)

ମାରି: ଯିହୋଶୂୟ ଇସ୍ରାଏଲ୍‌ତି ସେନାରିଙ୍ଗ୍ ଉଣ୍ଡ୍ରେବାନୁ କିତାର୍ ମାରି ଗିବିୟନିୟଦି ଡାଗ୍‌ରୁ ଇଦେଙ୍ଗ୍ ନାଡ଼ାୱିଗ୍‌ଜି ବୁଲାତାର୍। ସାଲ୍‌ଦି ସାଲ୍‌ଦି ୱାରୁ ଅମୋରିୟଦି ସେନାଦିଙ୍ଗ୍ କାବା କିତାର୍ ମାରି ୱାନି ମୁସ୍‌କୁ ଢେଇତାର୍।

![](https://cdn.door43.org/obs/jpg/360px/obs-en-15-09.jpg)

ଆୟାଦିନ୍ ମାପ୍‌ରୁ ଇସ୍ରାଏଲ୍‌ତି ଲୋକାୱାନ୍ଦିଙ୍ଗ୍ ଜୁଜ୍ କିତାନ୍‌। ୱାଣ୍ତ୍ରୁ ଅମୋରୀୟଦିଙ୍ଗ୍ କାବା କିତାନ୍ ମାରି ୱାଣ୍ତ୍ରୁ ପେରି ପେରି ଆଣ୍ଡ୍ରିଗା କାଲ୍‌କୁ ଆର୍‌ପ୍‌ସି ନାଣ୍ଡୋ ଅମୋରୀୟ ଲୋକାଙ୍ଗ୍‌ ସାଗୁମାର୍‌ଗା ଢେଇତାନ୍।

![](https://cdn.door43.org/obs/jpg/360px/obs-en-15-10.jpg)

ମାପ୍‌ରୁ ୱେଡ଼ାଦିଙ୍ଗ୍ ୱିଜୁ ବାଦଡ୍‌ଦି ଉଣ୍ଡ୍ରେଡାଗ୍‌ରୁ ଇଟ୍‌ତାନ୍ ମାତର୍ ଅମୋରୀୟରିଙ୍ଗ୍ ପୁରାପୁରି ହାରା କିଦେଙ୍ଗ୍ ଇସ୍ରାଏଲ୍‌ଦି ୱାରିଙ୍ଗ୍ ନାଣ୍ଡୋ ୱେଡ଼ା ପାଏଆନାର୍‌। ଆୟା ନାଣ୍ତିଙ୍ଗ୍‌, ମାପ୍‌ରୁ ଇସ୍ରାଏଲ୍‌ଦିୱାନ୍ଦିଙ୍ଗ୍ ଉଣ୍ତ୍ରେ ପେରି ଜିଦ୍‌ ଦୁ ଜିଣାତାନ୍‌।

![](https://cdn.door43.org/obs/jpg/360px/obs-en-15-11.jpg)

ମାପ୍‌ରୁ ଆୟା ସେନାର୍‌ରିଙ୍ଗ୍ ଆରାକିତି ୱେନ୍‌କା, ନାଣ୍ଡୋ କିଣାନିୟ ଜାତିତି ଲୋକୁ ଇସ୍ରାଏଲ୍ ମୁସ୍‌କୁ ଡ଼େଇଦେଙ୍ଗ୍ ଉଣ୍ଡ୍ରେବାନୁ ଆତାର୍। ଯିହୋଶୂୟ ମାରି ଇସ୍ରାଏଲ୍‌ତିକାର୍‌ ୱାରିମୁସ୍‌କୁ ଜୁଦ୍‌କିଜି ୱିଜୁ ନାସ୍ଟୁ କିତାର୍।

![](https://cdn.door43.org/obs/jpg/360px/obs-en-15-12.jpg)

ଇୟା ଜୁଦ୍ ୱେନ୍‌କା, ମାପ୍‌ରୁ ଇସ୍ରାଏଲ୍‌ତି ୱିଜୁ କୁଟୁମ୍‌ଦିଙ୍ଗ୍ ପାର୍‌ମାଣାମ୍‌କିତି ଦେଶେମ୍‌ଦୁ ୱାରି ନିଜେ ନିଜେଦି ବାଟା ସିତାନ୍‌। ଦାନିୱେନ୍‌କା ମାପ୍‌ରୁ ଇସ୍ରାଏଲ୍‌ତି ୱିଜୁ ସାନ୍ଦିଦୁ ଶାନ୍ତି ସିତାନ୍।

![](https://cdn.door43.org/obs/jpg/360px/obs-en-15-13.jpg)

ଏସ୍ତିୱାଲେ ଯିହୋଶୂୟ ଡକ୍‌ରା ଆତାନ୍ ୱାଣ୍ତ୍ରୁ ଇସ୍ରାଏଲ୍‌ଦି ୱିଜୁ ଲୋକାଙ୍ଗ୍ ଅର୍‌ସେ କୁକ୍‌ତାନ୍। ଦାନିୱେନ୍‌କା ଯିହୋଶୂୟ ଆୟା ଲୋକାଙ୍ଗ୍ ଅଡ଼୍‌ପୁ କିବିସ୍‌ତାନ୍‌ ଜେ ୱାରୁ ଆୟା ପାର୍‌ମାଣାମ୍‌ଦିଙ୍ଗ୍ ମାନାନି ୱାନ୍ଦିଙ୍ଗ୍ ପାର୍‌ମାଣାମ୍‌ କିତାମାର୍‌ହାନ୍‌ ୱାରୁ ମାପ୍‌ରୁ ୱାରିୱାଲେ ସିନୟ ଗରୋତୁ ତହ୍‌ତା ମାର୍‌ହାର୍। ଆୟା ଲୋକୁ ମାପ୍‌ରୁଦି ୱାଲେ ବିସ୍‌ବାସ୍‌ଦାନ୍ ମାନ୍‌ଣ୍ଡ୍ରେଙ୍ଗ୍ ମାରି ୱାନି ନିୟମ୍ ମାନାନିୱାନ୍ଦିଙ୍ଗ୍‌ ପାର୍‌ମାନାମ୍‌ କିତାନ୍‌।

*ଯିହୋଶୂୟ ୧ -୨୪ ଦି ଉଣ୍ଡ୍ରେ ବାଇବଲତି କାତାନି*

## 16. ୧୬. ଉଦାର୍‌କିନି ଲୋକୁ

https://openbiblestories.org/l/pci/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶୁୟ ସାତି ୱେନ୍‌କା ଇସ୍ରାଏଲ୍‌ତିକାର୍ ମାପ୍‌ରୁଦିଙ୍ଗ୍ ମାନାଏତାର୍। ୱାରୁ ମାପ୍‌ରୁଦି ନିୟମ୍ ମାନାଏତାର୍, ମାରି ୱାରୁ ଆୟା ପାର୍‌ମାଣାମ୍‌ଦି ଦେସେମ୍‌ଦାନ୍‌ ଏଞ୍ଜିତି ଲୋକୁ କିଣାନ୍‌ତି ୱାରିଙ୍ଗ୍ ଆତ୍‌ରେ ଫୋକ୍‌ଏତାର୍‌। ଇସ୍ରାଏଲ୍‌ଦିକାର୍ ନିଜେଦି ସତ୍‌ ମାପ୍‌ରୁ ଯିହୋବାଦିଙ୍ଗ୍ ଡ଼ିସ୍‌ସି କିଣାନ୍‌ତି ଦେୟାମ୍‌ଙ୍ଗା ଉପାସନା କିଦେଙ୍ଗ୍ ଆରାମ୍ କିତାର୍। ଇସ୍ରାଏଲ୍‌ଦିୱାରି ଡାଗ୍‌ରୁ ଏମେ ରାଜାବା ସିଲେଣ୍ଡା ମାର୍‌ହାର୍, ଆୟାୱାନ୍ଦିଙ୍ଗ୍ ଏୟେନ୍‌ଗି ଏମେକା ନେଗେଣ୍ଡ୍ ଲାଗେଆଜିମାର୍‌ହାତ୍‌ ୱାରୁ ଆକା କିଜିମାର୍‌ହାର୍‌।

![](https://cdn.door43.org/obs/jpg/360px/obs-en-16-02.jpg)

ମାପ୍‌ରୁଦି ଆଦେସ୍ ମାନାଇ ୱାନ୍ଦିଙ୍ଗ୍ ଇସ୍ରାଏଲ୍‌ତିକାର୍ ଉଣ୍ଡ୍ରେ ଉପାୟ ଆରାମ୍ କିତାର୍ ଇକା ଏସୋଜାରିଙ୍ଗ୍ ମାରିଅର୍‌ସୁ କିତାର୍। ଇୟା ଉପାୟ ଇୟାୱାଜା ସାଲାତାତ୍: ଏସୋ ପାଟେଙ୍ଗ୍ ସାନ୍ଦି ଇସ୍ରାଏଲ୍‌ଦିକାର୍ ମାପ୍‌ରୁଦି ଆଦେସ୍‌ ମାନାଏତାର୍, ଆୟାୱାନ୍ଦିଙ୍ଗ୍ ମାପ୍‌ରୁ ୱାରିଙ୍ଗ୍ ୱାରି ସତ୍ରୁଦିବାଣାନ୍‌ ଆରାକିଜି ଡଣ୍ଡ୍ ସିଜିମାର୍‌ହାର୍। ଇୟା ସତ୍ରୁର୍‌ ଇସ୍ରାଏଲ୍‌ଦିୱାରି ସାମାନ୍ ଡଙ୍ଗା କିଜି ଅସିମାର୍‌ହାର୍, ୱାରିଙ୍ଗ୍ ସମ୍ପତିଦିଙ୍ଗ୍ ସେଏଣ୍ଡ୍ କିଜିମାହାର୍, ମାରି ୱାରି ଡାଗ୍‌ରୁହାନ୍ ଏସୋ ଲୋକାଙ୍ଗ୍ ସାଗୁ ଡ଼େଇଜି ମାର୍‌ହାର୍। ମାରି ଏସ୍ତିୱାଲେ ଇସ୍ରାଏଲ୍‌ଦି ସତ୍ରୁର୍‌ ୱାରି ମୁସ୍‌କୁ ଏସୋ ପାଟେଙ୍ଗ୍‌ ସାନ୍ଦି କାଷ୍ଟାମ୍ ସିଜି ମାର୍‌ହାର୍, ଦାନିୱେନ୍‌କା ଇସ୍ରାଏଲ୍‌ଦିକାର୍ ନିଜେଦି ପାପାମ୍‌ଦିଙ୍ଗ୍‌ ମାନାଜି ମାର୍‌ହାର୍ ମାରି ମାପ୍‌ରୁଦିବାନୁ ୱାରିଙ୍ଗ୍‌ ଜିପିସ୍‌ନିୱାନ୍ଦିଙ୍ଗ୍ ପାର୍‌ତନା କିଜି ମାର୍‌ହାର୍‌।

![](https://cdn.door43.org/obs/jpg/360px/obs-en-16-03.jpg)

ଏସୋଜାରିଙ୍ଗ୍ ଏସେଙ୍ଗ୍ ଇସ୍ରାଏଲ୍‌ଦିକାର୍ ପାପାମ୍‌ମାନାଜି ମାହାର୍ ମାରି ମାପ୍‌ରୁ ୱାରିଙ୍ଗ୍ ଜିପିସ୍‌ସି ମାର୍‌ହାନ୍‌। ୱାଣ୍ତ୍ରୁ ଉଣ୍ଡ୍ରେ ଜିପିସ୍‌ନି ଲୋକୁୱାଜା ଇୟାୱାଜା କିଜି ମାହାନ୍-ଅରେନ୍ ଇୟାୱାଜାତି ଲୋକୁ ଏୟେନ୍‌ଗି ୱାରି ଶତ୍ରୁଙ୍ଗା ବିରୁଦ୍‌ଦୁ ଜୁଜାକିଜି ମାର୍‌ହାନ୍‌ ମାରି ୱାରିଙ୍ଗ୍ ହାରାକିଜି ମାର୍‌ହାନ୍‌। ଏସ୍ତିୱାଲେ ଦେଶେମ୍‌ଦୁ ସାନ୍ତି ମାନ୍‌ଜି ମାହାତ୍‌ ମାରି ଆୟା ଜିପିସ୍‌ନି ଲୋକୁ ୱାରି ମୁସ୍‌କୁ ନେଗେଣ୍ଡା ୱାଜା ଶାସନ୍ କିଜିମାର୍‌ହାନ୍। ମାପ୍‌ରୁ ଆୟା ଲୋକାଙ୍ଗ୍ ଜିପିସ୍‌ନିୱାନ୍ଦିଙ଼୍ଗ୍ ନାଣ୍ଡୋ ଜିପିସ୍‌ନି ଲୋକୁଦିଙ୍ଗ୍ ପୋକ୍‌ତାନ୍। ମାପ୍‌ରୁ ଡାଗ୍‌ରୁ ମାନ୍‌ଜିନି ଶତ୍ରୁ ଜାତି, ମିଦ୍ଦିୟନିୟ ୱାଜା ଇସ୍ରାଏଲ୍‌ଦିକାର୍ ହାରା କିଦେଙ୍ଗ୍ ମାରି ଇୟାୱାଜା କିତାର୍।

![](https://cdn.door43.org/obs/jpg/360px/obs-en-16-04.jpg)

ମିଦ୍ଦିୟନିୟର୍ ଏଡ଼ୁ ପାଟେଙ୍ଗ୍ ସାନ୍ଦି ଇସ୍ରାଏଲ୍‌ଦିକାର୍ ତାସ୍‌ଦିଙ୍ଗ୍ ଡଙ୍ଗାକିଜି ମାର୍‌ହାର୍। ଇସ୍ରାଏଲ୍‌ଦିକାର୍ ନାଣ୍ଡୋ ତିଲାତାର୍, ମାରି ୱାରିଙ୍ଗ୍ ସାରାଲୋଇ ମାରାଗ୍‌ଜି ମାହାର୍ ଏନେଟ୍‌ଗି ମିଦ୍ଦିୟନିୟର୍ ୱାରିଙ୍ଗ୍ ରେବାଦେଙ୍ଗ୍ ଆଟ୍‌ଏର୍। ସାରାସାରି ୱେଡ଼ାଦୁ, ୱାଣ୍ତ୍ରୁ ୱାରିଙ୍ଗ୍ ଜିପିସ୍‌ନିୱାନ୍ଦିଙ୍ଗ୍ ମାପ୍‌ରୁଦିଙ୍ଗ୍ କୁକ୍‌ତାର୍।

![](https://cdn.door43.org/obs/jpg/360px/obs-en-16-05.jpg)

ଗିଦିୟୋନ ଦରୁଦି ଅରେନ୍ ଇସ୍ରାଏଲ୍‌ତି ଉଣ୍ଡ୍ରେ ମେମାର୍ ମାର୍‌ହାନ୍। ଉଣ୍ଡ୍ରେ ଦିନାମ୍, ୱାଣ୍ତ୍ରୁ ଅରେନ୍ ତର୍‌ଇ ବାଡିଦୁ ଗଦ୍‌ମୁ ସାଡ଼୍‌ଜି ମାହାନ୍ ଏନେଟ୍‌ଗି ମିଦ୍ଦିୟନିୟଦି ଲୋକୁ ଆକା ଡଙ୍ଗାଁ କିଦେଙ୍ଗ୍ ଆଟ୍‌ଏର୍। ଯିହୋବାଦିଙ୍ଗ୍ ସର୍‌ଗଦୁତ୍ ଗିଦିୟୋନ ଡାଗ୍‌ରୁ ୱାଜି ୱାନିଙ୍ଗ୍ ୱେହ୍‌ତାନ୍‌, “ଏ ସାତୁମାନି ଲୋକୁ, ମାପ୍‌ରୁ ମିୱାଲେ ମାନାନ୍। ସଣ୍ଡ୍ରୁ ମାରି ଇସ୍ରାଏଲ୍‌ଦିକାର୍ ମିଦ୍ଦିୟନିୟର୍ ବାଣାନ୍ ରକିୟା କିୟା।”

![](https://cdn.door43.org/obs/jpg/360px/obs-en-16-06.jpg)

ଗିଦିୟୋନଦି ବୁବାଡାଗ୍‌ରୁ ଦେୟାମ୍‌ଦିଙ୍ଗ୍‌ ଦାନ୍‌ତହୋ୍ତେଙ୍ଗ୍ ଉଣ୍ଡ୍ରେ ବେଦି ମାର୍‌ହାତ୍। ପାର୍‌ତୁମ୍‌ଦି ମାଟା ଏମେକାଗି ମାପ୍‌ରୁ ଗିଦୋନଦିଙ୍ଗ୍ କିଦେଙ୍ଗ୍ ୱେହ୍‌ତାନ୍ ୱାଣ୍ତ୍ରୁ ଆୟା ବେଦିଦିଙ୍ଗ୍ ରୁକ୍‌ତେଙ୍ଗ୍ ମାର୍‌ହାତ୍। ମାତର୍ ଗିଦିୟନ୍ ଲୋକାଙ୍ଗ୍ ତିଲାଜି ମାର୍‌ହାନ୍, ଆୟାୱାନ୍ଦିଙ୍ଗ୍ ୱାଣ୍ତ୍ରୁ ନାଡ଼ା ଆନିଦାନିଙ୍ଗ୍‌ କାପ୍ କିଜିମାର୍‌ହାନ୍‌। ଆୟାୱାନ୍ଦିଙ୍ଗ୍‌ ୱାଣ୍ତ୍ରୁ ଆୟା ବେଦିଦିଙ୍ଗ୍ ରୁକ୍‌ସି କୁଟ୍‌କୁଟା କିତାନ୍। ୱାଣ୍ତ୍ରୁ ମାପ୍‌ରୁଦି ଉଣ୍ଡ୍ରେ ପୁନି ବେଦି ତିଆର୍ କିତାନ୍ ମାରି ୱାନି ମୁସ୍‌କୁ ମାପ୍‌ରୁଦିଙ୍ଗ୍ ବଲିଦାନ୍ କିତାନ୍।

![](https://cdn.door43.org/obs/jpg/360px/obs-en-16-07.jpg)

ଆୟାସାଲ୍‌ଦିହି ଦିନାମ୍ ଲୋକୁ ସୁଡ଼୍‌ତାର୍ ଜେ ଏମେ ଲୋକୁ ବେଦି ରୁକ୍‌ସି କୁଟ୍‌କୁଟା କିତାମାର୍‌ହାନ୍‌, ଆୟାୱାନ୍ଦିଙ୍ଗ୍ ୱାରୁ ନାଣ୍ଡୋ ରିସା ଆତାର୍। ୱାରିଙ୍ଗ୍ ଗିଦିୟନଦିଙ୍ଗ୍ ଡ଼େଇଦେଙ୍ଗ୍ ୱାରି ଇଲୁଦୁ ସର୍‌ହାର୍, ମାତର୍‌ ଗିଦିୟନ୍‌ଦି ବୁବା ୱେର୍‌ତାନ୍, “ମିରୁ ଇନିଦାନିଙ୍ଗ୍ ମି ଦେୟାମ୍‌ଦିଙ୍ଗ୍ ସାହାଯ୍ୟ କିଦେଙ୍ଗ୍ ସେଷ୍ଟାକିଜିନିଦେର୍? ଜଦି ୱାଣ୍ତ୍ରୁ ଦେୟାମ୍‌ଆତିମାହିଙ୍ଗା ଆହୁଇଙ୍ଗାଁ ଦାନିଙ୍ଗ୍‌ ନିଜେଦି ରକ୍ଷା କିଦେଙ୍ଗ୍ ସିଆ!” ମାତର୍ ୱାଣ୍ତ୍ରୁ ଇୟାୱାଜା ୱେର୍‌ତାନ୍ ଆୟାୱାନ୍ଦିଙ୍ଗ୍ ଲୋକୁ ଗିଦିୟନ୍‌ଦିଙ୍ଗ୍ ଡ଼େଏତାର୍।

![](https://cdn.door43.org/obs/jpg/360px/obs-en-16-08.jpg)

ଇସ୍ରାଏଲ୍‌ଦିକାର୍ ୱାରି ସାମାନ୍‌ଡଙ୍ଗା କିନିୱାନ୍ଦିଙ୍ଗ୍ ମିଦ୍ଦିୟନିୟତି ଲୋକୁ ମାରିଅର୍‌ସୁ ୱାତାର୍। ୱାରୁ ନିସୋ ଲୋକୁ ମାହାର୍ ଗାନି ଲେକିସ୍‌ତେଙ୍ଗ୍‌ ଆଟ୍‌ଏର୍। ଗିଦିୟୋନ ୱାରି ବିରୁଦ୍‌ଦାନ୍ ଯୁଜ୍ କିଦେଙ୍ଗ୍ ଇସ୍ରାଏଲ୍‌ଦି ୱାରିଙ୍ଗ୍ ଉଣ୍ଡ୍ରେବାନୁ କୁକ୍‌ତାନ୍। ଗିଦିୟୋନ୍ ମାପ୍‌ରୁଦିଙ୍ଗ୍ ରୁଣ୍ଡି ସିନ୍ ଲସ୍‌ତାନ୍ ଏମେଦାଣାନ୍‌ଗି ୱାଣ୍ତ୍ରୁ ନେସ୍‌ତେଙ୍ଗ୍ ଇଜି ୱାଣ୍ତ୍ରୁ ନିଜାମେନେ ଇସ୍ରାଏଲ୍‌ଦିଙ୍ଗ୍ ଲୋକାଙ୍ଗ୍ ଜିପିସ୍‌ତେଙ୍ଗ୍ ୱେହ୍‌ସିମାର୍‌ହାନ୍।

![](https://cdn.door43.org/obs/jpg/360px/obs-en-16-09.jpg)

ପାର୍‌ତୁମ୍‌ଦି ଚିନ୍‌ଦିଙ୍ଗ୍, ଗିଦିୟୋନ ମେଣ୍ଢାତି ତୋଲୁ ଭୁମିଦୁ ଇଡ୍‌ଜି ମାପ୍‌ରୁଦିଙ୍ଗ୍ ୱେହ୍‌ତାନ୍ ଗାନି ସାଲ୍‌ଦିହି ମାସୁଏରୁ ମାତର୍ ମେଣ୍ଢା ଆୟାତୋଲୁଦି ମାରି ଭୁମି ମୁସ୍‌କୁ ଆର୍‌ମାକିଉ। ମାପ୍‌ରୁ ଇଆୱାଜା ନେ କିତାନ୍। ଆଗ୍‌ଡ଼ିହି ନାଡ଼ା, ୱାଣ୍ତ୍ରୁ ମାପ୍‌ରୁଦିଙ୍ଗ୍ ୱେହ୍‌ତାନ୍ ଜେ ଭୁମି ଉଦ୍‌ଜି ସନିତ୍ ମାତର୍‌ ମେଣ୍ଢା ତୋଲୁ ୱାର୍‌ସିମାଡ୍ରେ। ମାପ୍‌ରୁ ଇୟାୱାଜା କିତାନ୍। ଆୟା ରୁଣ୍ତି ସିନ୍‌ଦି ୱାନ୍ଦିଙ୍ଗ୍‌ ଗିଦିୟୋନ ବିସ୍‌ବାସ୍‌ କିତାନ୍ ଜେ ମାପ୍‌ରୁ ନିଜାମେନେ ମାନ୍‌ସୁ କିତାନ୍ ଜେ ୱାଣ୍ତ୍ରୁ ଇସ୍ରାଏଲ୍‌ଦି ଲୋକାଙ୍ଗ୍ ମିଦ୍ଦିୟନିୟରି ବାଣାନ୍ ଜିପିସ୍‌ନାନ୍।

![](https://cdn.door43.org/obs/jpg/360px/obs-en-16-10.jpg)

ନାସ୍ତିୱାଲେ ଗିଦିୟୋନ ସେନାରିଙ୍ଗ୍ ନିଜେଦି ଡାଗ୍‌ରୁ କୁକ୍‌ତାନ୍ ମାରି ୩୨,୦୦୦ ମେମାର୍ ୱାତାର୍। ମାରି ମାପ୍‌ରୁ ୱାନିଙ୍ଗ୍‌ ୱେହ୍‌ତାନ୍ ଗାନି ଇକା ତୋ ନାଣ୍ତୋ ମାନାତ୍‌। ମାରି: ଗିଦିୟୋନ ଆୟାୱିଜୁ ୨୨,୦୦୦ ସେନାରିଙ୍ଗ୍ ମାରିଡ଼େସି ଇଲୁକାଙ୍ଗ୍ ପୋକ୍‌ତାନ୍ ଏମେଲୋକୁ ଯୁଜ୍‌କିଦେଙ୍ଗ୍ ତିଲାଜି ମାର୍‌ହାର୍। ମାପ୍‌ରୁ ଗିଦିୟୋଦିଙ୍ଗ୍ ୱେହ୍‌ତାନ୍ ଜେ ଇୟେଲ୍‌ବା ଇୟାଲୋକୁ ନାଣ୍ଡୋ ମାନାର୍। ଆୟାୱାନ୍ଦିଙ୍ଗ୍‌ ଗିଦିୟୋନ ୩୦୦ ସେନାରିଙ୍ଗ୍ ଡ଼ିସ୍‌ସି ଆୟାୱିଜେରିଙ୍ଗ୍ ଇଲିକାଙ୍ଗ୍‌ ପୋକ୍‌ତାନ୍।

![](https://cdn.door43.org/obs/jpg/360px/obs-en-16-11.jpg)

ଆୟାନାଡ଼ା ମାପ୍‌ରୁ ଗିଦିୟୋନଦିଙ୍ଗ୍ ୱେର୍‌ତାନ୍, “ମିଦ୍ଦିୟନିୟତିକାର୍ ମାନ୍‌ଜିନି ଗୁଡ଼ାଦୁ ସନ୍‌ଣ୍ଡ୍ରୁ ମାରି ୱାରୁ ୱାର୍‌ଗିନିକା ନିନୁ ୱେନ୍‌ହା। ଏସ୍ତିୱାଲେ ନିନୁ ୱେନି ଗାନି ୱାରୁ ଇନିକା ୱାର୍‌ଗିଜିନାର୍ ମାରି ନିନୁ ୱାରିୱାଲେ ଯୁଦ୍‌ କିଦେଙ୍ଗ୍ ତିଲାଇ।” ଆୟାୱାନ୍ଦିଙ୍ଗ୍ ଆୟାନାଡ଼ା, ଗିଦିୟୋନ ୱାରି ମାନ୍‌ଜିନି ଗୁଡ଼ାସାଲୁ ସହାନ୍ ମାରି ମିଦ୍ଦିୟନିୟତିକାର୍ ସେନାର୍ ୱାନି ତଡ଼ୁଦିଙ୍ଗ୍ ୱାଣ୍ତ୍ରୁ ୱାର୍‌ଗିନିକା ୱେହାନ୍ ଏମେକାଗି ୱାନି ଲବେଉ ସୁଡ଼୍‌ତାମାର୍‌ହାନ୍‌। ୱାରି ତଡ଼ୁ ୱେର୍‌ତାନ୍, “ଇୟା ଲବେହି ଅର୍ତ ଆଜିନାତ୍ ଗିଦିୟୋନଦି ସେନାର୍ ମିଦ୍ଦିୟନିୟତିକାର୍ ସେନାରିଙ୍ଗ୍ ହାରା କିନାର୍!” ଏସ୍ତିୱାଲେ ଗିଦିୟୋନ ଇକା ୱେହାନ୍ ୱାଣ୍ତ୍ରୁ ମାପ୍‌ରୁଦିଙ୍ଗ୍ ଉପାସନା କିତାନ୍।

![](https://cdn.door43.org/obs/jpg/360px/obs-en-16-12.jpg)

ଦାନିୱେନ୍‌କା ଗିଦିୟୋନ ନିଜେ ସିନାରିଙ୍ଗ୍ ଡାଗ୍‌ରୁ ମାରିଡ଼େସି ୱାତାନ୍‌ ମାରି ୱାରି ୱିଜେରିଙ୍ଗ୍ ଉଣ୍ଡ୍ରେ-ଉଣ୍ଡ୍ରେ ମୋରି, ଉଣ୍ଡ୍ରେ ସିକ୍‌ଲାତି କେଲୁ, ମାରି ଉଣ୍ଡ୍ରେ ସିସୁସୁଡା ସିତାନ୍। ଆୟାକାର୍ ଆୟା ଗୁଡ଼ାଦି ସାରିସୁରୁଲା ଉଣ୍ତାତାର୍ ଏମେ ବାଡିଦୁ ମିଦ୍ଦିୟନିତିକାର୍ ଗୁରିତା ମାର୍‌ହାର୍। ଗିଦିୟୋନଦି ୩୦୦ ସେନାର୍ ନିଜେ ସିସୁସୁଡାଙ୍ଗା ଆୟା କେଲୁଦୁ ପିଡ଼୍‌କ୍‌ତା ମାର୍‌ହାର୍ ଇୟାୱାନ୍ଦିଙ୍ଗ୍ ମିଦ୍ଦିୟନିୟତିକାର୍ ଆୟା ସିସୁସୁଡାଦି ଜାଇଦିଙ୍ଗ୍ ସୁଡ଼୍‌ଦେଙ୍ଗ୍ ଆଟ୍‌ଏତାର୍।

![](https://cdn.door43.org/obs/jpg/360px/obs-en-16-13.jpg)

ଦାନିୱେନ୍‌କା ଗିଦିୟୋନଦି ୱିଜୁ ସେନାର୍ ନିଜେ କେଲ୍‌କାଙ୍ଗ୍ ଅର୍‌ସେଦେବା ରୁକ୍‌ତାର୍ ଗାଦେମ୍ ସିସୁସୁଡାଦି ସିସୁଦିଙ୍ଗ୍ ତର୍‌ପ୍‌ତାନ୍। ୱାରି ନିଜେ ମୋରିଙ୍ଗ୍ ଉକ୍‌ତାର୍ ମାରି ସେଉଡ଼ୁ ଆତାର୍, “ଯିହୋବା ମାପ୍‌ରୁ ବାଣାନ୍ ଗିଦିୟୋନଦି କୁଡ଼ାମ୍!”

![](https://cdn.door43.org/obs/jpg/360px/obs-en-16-14.jpg)

ମାପ୍‌ରୁ ମିଦ୍ଦିୟନିୟରିଙ୍ଗ୍ କାବା କିତାଡ଼ିସ୍‌ତାନ୍, ଇୟାୱାନ୍ଦିଙ୍ଗ୍ ୱାରୁ-ୱାରୁ ଡ଼େଇଜି ସାତାର୍। ଦାପ୍‌ରେ, ଗିଦିୟୋନ କାବୁର୍‌ଅନି ଲୋକୁଦିଙ୍ଗ୍ ମାରି ନଣ୍ଡୋ ଆୟା ଇସ୍ରାଏଲ୍‌ଦିୱାରିଙ୍ଗ୍ ମିଦ୍ଦିୟନିୟରିଙ୍ଗ୍ ଉଲ୍‌ପ୍‌ତେଙ୍ଗ୍ ସାହାଯ୍ୟ କିଦେଙ୍ଗ୍ ୱାନିଙ୍ଗ୍ ପୋକ୍‌ତାନ୍। ୱାରୁ ୱାରି ଡାଗ୍‌ରୁହି ନାଣ୍ଡୋ ଲୋକାଙ୍ଗ୍ ସାପିସ୍ତାର୍‌ ମାରି ଏଞ୍ଜିତିମାହି ଲୋକାଙ୍ଗ୍‌ ଉଲ୍‌ପ୍‌ସି ଉଲ୍‌ପ୍‌ସି ୱାରିଙ୍ଗ୍ ଇସ୍ରାଏଲ୍ ଦେସେମ୍‌ଦାନ୍ ସପ୍‌ତା ଡ଼ିସ୍‌ତାର୍‌। ଆୟା ଦିନାମ୍ ୧,୨୦,୦୦୦ ମିଦ୍ଦିୟନିୟର୍ ସାତାର୍। ଇୟାୱାଜା ମାପ୍‌ରୁ ଇସ୍ରାଏଲ୍‌ଦିୱାରିଙ୍ଗ୍ ଜିପିସ୍‌ତାର୍‌।

![](https://cdn.door43.org/obs/jpg/360px/obs-en-16-15.jpg)

ଆୟା ଲୋକୁ ଗିଦିୟୋନଦିଙ୍ଗ୍ ନିଜେଦି ରାଜା କିଦେଙ୍ଗ୍ ମାନ୍‌ସୁକିଜି ମାର୍‌ହାର୍, ମାରି ଗିଦିୟୋନ ୱାରିଙ୍ଗ୍ ଇକା କିଦେଙ୍ଗ୍ ସିଏତାନ୍, ମାତର୍‌ ୱାଣ୍ତ୍ରୁ ୱାରିଙ୍ଗ୍ ଆୟା ବଙ୍ଗାରାମ୍‌ଦି ଡାବୁ ଲସ୍‌ତାନ୍ ଏମେକାଗି ୱାରୁ ମିଦ୍ଦିୟନିୟରି ବାଣାନ୍ ରେଲ୍‌ଜିତାତା ମାର୍‌ହାର୍। ଗିଦିୟୋନଦିଙ୍ଗ୍ ୱାରୁ ନାଣ୍ଡୋ ବାଙ୍ଗାରାମ୍ ସିତାର୍।

![](https://cdn.door43.org/obs/jpg/360px/obs-en-16-16.jpg)

ଦାନିୱେନ୍‌କା ଗିଦିୟୋନ ଆୟା ବାଙ୍ଗାରାମ୍‌ଦାନ୍‌ ଉଣ୍ଡ୍ରେ ଆୟାୱାଜାତି ସୋକା ତିଆର୍ କିତାନ୍ ଏୟେର୍‌ଗି ପେରିଜାଜକ୍ ଆରାଜି ମାର୍‌ହାନ୍। ମାତର୍‌ ଆୟା ଲୋକୁ ଦାନିଙ୍ଗ୍ ଉଣ୍ଡ୍ରେ ଦେୟାମ୍ ୱାଜା ଉପାସନା କିଦେଙ୍ଗ୍ ଆରାମ୍ କିତାର୍। ମାରି ମାପ୍‌ରୁ ମାରିଡ଼େସ୍‌ସି ଇସ୍ରାଏଲ୍ ଲୋକାଙ୍ଗ୍ ଡଣ୍ଡ୍ ସିତାନ୍‌ ମାତର୍ ୱାଣ୍ତ୍ରୁ ଦେୟାଦି ଉପାସନା କିତାମାର୍‌ହାର୍। ମାପ୍‌ରୁ ଇସ୍ରାଏଲ୍‌ଦି ସାତ୍ରୁରିଙ୍ଗ୍ ଇସ୍ରାଏଲ୍‌ଦିୱାରିଙ୍ଗ୍ ହାରାକିଦେଙ୍ଗ୍ ସାତୁ ସିତାନ୍‌। ୱିଜୁତି ୱେନ୍‌କା ୱାରୁ ମାପ୍‌ରୁଦି ବାଣାନ୍ ନେଗିୱାନ୍ଦିଙ୍ଗ୍ ପାର୍‌ତନା କିତାର୍, ମାରି ମାପ୍‌ରୁ ୱାରିଙ୍ଗ୍ ଜିପିସ୍‌ନିୱାନ୍ଦିଙ୍ଗ୍ ମାରି ଉଣ୍ଡ୍ରେ ରକ୍ଷାକିନି ଲୋକୁଦି ୱାନି ଡାଗ୍‌ରୁ ପୋକ୍‌ତାନ୍।

![](https://cdn.door43.org/obs/jpg/360px/obs-en-16-17.jpg)

ଇୟାମାଟା ଏସୋ ତର୍ ଗଟେ ଆତାତ୍: ଇସ୍ରାଏଲ୍‌ଦିକାର୍ ପାପାମ୍ କିନାର୍, ମାପ୍‌ରୁ ୱାରିଙ୍ଗ୍ ଡଣ୍ଡ୍ ସିଜି ମାର୍‌ହାନ୍‌, ୱାରୁ ମାନ୍‌ସୁଦିଙ୍ଗ୍‌ ଡ଼େପ୍‌ସି ମାହାର୍, ମାରି ୱାରିଙ୍ଗ୍ ଜିପିସ୍‌ତେଙ୍ଗ୍ ଆଇୱାନିଙ୍ଗ୍ ପକ୍‌ସି ମାର୍‌ହାନ୍। ଏସୋ ବରଷ୍ ନାସେଣାନ୍, ମାପ୍‌ରୁ ଏସୋ ଜିପିସ୍‌ନି ଲୋକାଙ୍ଗ୍ ପକ୍‌ତାନ୍ ଏମେକାର୍‌ଗି ଇସ୍‌ରାଏଲ୍‌ଦିୱାରିଙ୍ଗ୍ ୱାରି ଶତ୍ରୁଦି ବାଣାନ୍ ଜିପିସ୍‌ତାନ୍।

![](https://cdn.door43.org/obs/jpg/360px/obs-en-16-18.jpg)

ୱିଜିତି ୱେନ୍‌କା, ଆୟା ଲୋକୁ ଆଇ ଦେଶେମ୍‌ତି ଲେକେନ୍ ମାପ୍‌ରୁଦିଙ୍ଗ୍ ନିଜେୱାନ୍ଦିଙ୍ଗ୍ ଉଣ୍ଡ୍ରେ ରାଜା ଲସ୍‌ତାନ୍। ଆୟକାର୍ ନିନି ରାଜା ଇଚା କିଜିମାହାର୍ ଜେ ନିହିକାନ୍ ମାରି ସାତୁ ତିକାନ୍ ମାନିନ୍, ମାରି ଏହେନ୍ ୱାରିଙ୍ଗ୍ ଜୁଜ୍‌ଦୁ ସାର୍‌ରି ତର୍‌ପ୍‌ନାନ୍। ମାପ୍‌ରୁଦିଙ୍ଗ୍ ଇକା ଲସ୍‌ନିକା ମାନ୍‌ସୁ ରେଏତାତ୍, ମାତର୍‌ ୱାଣ୍ଡ୍ରୁ ୱାରିଙ୍ଗ୍ ନାନିରାଜାନେ ସିତାନ୍ ଆୟାୱାଜା ଆୟାକାର୍ ଲସ୍‌ତାମାର୍‌ହାର୍।

*ବିଚାର୍ କର୍‌ତା ୧-୩; ୬-୮; ୧ ଶାମୁଏଲ୍ ୧-୧୦ ଦି ଉଣ୍ଡ୍ରେ ବାଇବଲଦି କାତା*

## 17. ୧୭. ଦାଉଦ୍‌ଦି ୱାଲେ ମାପ୍‌ରୁଦି ନିୟମ୍

https://openbiblestories.org/l/pci/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ ଇସ୍‌ରାଏଲ୍‌ଦି ପର୍‌ତୁମ୍ ରାଜା ମାହାନ୍।,ଏଣ୍ଡେସ୍ ଆକାର୍ ମନ୍‌ସୁ କିଜିମାହାର୍ ନାନିକାନ୍ ଆକାନ୍ ନିହିକାନ୍ ମାରି ସୁନ୍‌ଦ୍ରାଦିକାନ୍‌ ମାହାନ୍। ଇସ୍‌ରାଏଲ୍‌ଦି ମୁସ୍‌କୁ ଶାସନଦି ପର୍‌ତୁମ୍ ଏସୋ ବର୍‌ଷ ଶାଉଲ ଉଣ୍ଡ୍ରେ ନେଗି ରାଜା ମାହାନ୍। ମାତର୍ ୱାୟାୱେନ୍‌କା ଆକାନ୍ ଉଣ୍ଡ୍ରେ ସେହେଣ୍ଡାତି ଲୋକୁ ଆତାନ୍ ଏହେନ୍‌ଗି ମାପ୍‌ରୁଦି ମାଟା ମାନାଏତାନ୍, ଇୟାୱାନ୍ଦିଙ୍ଗ୍ ମାପ୍‌ରୁ ଉଣ୍ଡ୍ରେ ଆଇ ଲୋକୁଦିଙ୍ଗ୍ ଆସ୍‌କିତାନ୍ ଏହେନ୍‌ଗି ଉଣ୍ଡ୍ରେ ଦିନାମ୍ ୱାନିଜାଗାଦୁ ରାଜା ଆନାନ୍।

![](https://cdn.door43.org/obs/jpg/360px/obs-en-17-02.jpg)

ମାପ୍‌ରୁ ଦାଉଦ ଦୋରୁଦି ଉଣ୍ଡ୍ରେ ଇସ୍‌ରାଏଲ୍‌ଦି ମୁର୍‌ଲି ମେମାର୍‌ଦିଙ୍ଗ୍ ଆସ୍‌କିଜି ଉଣ୍ଡ୍ରେ ଦିନାମ୍ ସାଉଲଦି ବାଡିଦୁ ରାଜା ଆନିୱାନ୍ଦିଙ୍ଗ୍ ତିଆର୍ କିଦେଙ୍ଗ୍ ଆରାମ୍ କିତାର୍। ଦାଉଦ ବେତଲିହିମ ଗଡ୍‌ଦୁ ଉଣ୍ଡ୍ରେ ଗାଉଡୁଏନ୍ ମାହାନ୍। ଆଇ ଆଇ ୱେଡାଦୁ, ନାସ୍ତିୱେଡାଦୁ ଦାଉଦ ୱାରି ବୁବାଦି ମେଣ୍ଡେଙ୍ଗାଁ ସୁଡ୍‌ଜି ମାହାନ୍ ନାସ୍ତିୱାଲେ ୱାଣ୍ଡ୍ରୁ ସିଂହଦି ମାରି ଅଡ୍‌ଜୁଦିଙ୍ଗ୍ ଢେଇତା ମାହାନ୍ ମାତର୍ ୱାରିଙ୍ଗ୍ ଆଙ୍ଗ୍‌ଦେଙ୍ଗ୍ ୱାତେମାହେ। ଦାଉଦ ଅରେନ୍ ଦାର୍‌ମୁତିକାନ୍ ମାରି ପବିତ୍ର ଲୋକୁ ମାହାନ୍। ଆକାନ୍ ମାପ୍‌ରୁଦି ମୁସ୍‌କୁ ବିସାଷ କିଜି ମାହାନ୍ ମାରି ୱାନି ମାଟା ୱେନ୍‌ଜି ମାହାନ୍।

![](https://cdn.door43.org/obs/jpg/360px/obs-en-17-03.jpg)

ନାସ୍ତିୱାଲେ ଦାଉଦ ମୁର୍‌ଲିନେ ମାହାନ୍, ଆକାନ୍ ନିହକା ଆଜି ବାଲ୍‌ସ୍ତିକାନ୍ ଗୋଲିୟାତଦି ବିରୁଦ ଜୁଦ୍‌ ଆତାନ୍। ଗୋଲିୟାତ ଆରେନ୍ ବେସି ନେଗିକାନ୍ ସେନା ମାହାନ୍। ୱାଣ୍ଡ୍ରୁ ବେଶି ସାତୁଦିକାନ୍ ମାହାନ୍ ମାରି ପକାପାକି ତିନ୍ ମିଟର୍ ନିହିକାନ୍ ମାହାନ୍! ମାତର୍‌ ମାପ୍‌ରୁ ଗୋଲିୟାତଦିଙ୍ଗ୍ ଢ଼େଇଦେଙ୍ଗ୍ ମାରି ଇସ୍‌ରାଏଲ୍‌ଦିୱାରିଙ୍ଗ୍ ଜିପିସ୍‌ତେଙ୍ଗ୍ ଦାଉଦଦିଙ୍ଗ୍ ସାହାଜ୍‌ୟ କିତାନ୍। ଏୟା ୱେନ୍‌କା, ଦାଉଦ ଇସ୍‌ରାଏଲ୍‌ଦି ଶତ୍ରୁଦି ମୁସ୍‌କୁ ଏସୋ ଥର୍ ଜିଣାତା ମାହାନ୍। ଦାଉଦ ଉଣ୍ଡ୍ରେ ପେରି ସେନା ଆତାନ୍, ମାରି ୱାଣ୍ଡ୍ରୁ ନାଣ୍ଡୋ ଜୁଦ୍‌ଦୁ ଇସ୍‌ରାଏଲ୍‌ଦି ଲୋକାଙ୍ଗ୍ ସାରି ତର୍‌ପ୍‌ତାନ୍। ଲୋକୁଙ୍ଗ୍ ୱାନି ନେଗେଣ୍ଡ୍ ୱେତାର୍।

![](https://cdn.door43.org/obs/jpg/360px/obs-en-17-04.jpg)

ଲୋକୁଙ୍ଗ୍ ଦାଉଦଦିଙ୍ଗ୍ ଏସୋ ଲାଡ୍ କିତାର୍ ଗାନି ସାଉଲ ରାଜା ୱାନିଙ୍ଗ୍ କାକା ଆତାନ୍। ୱିଜ୍‌ନିୱାଲେ ସାଉଲ ରାଜା ୱାନିଙ୍ଗ୍ ଢେଇଦେଙ୍ଗ୍ ମାନ୍‌ସୁ କିତାନ୍, ଇୟାୱାନ୍ଦିଙ୍ଗ୍ ଦାଉଦ, ରାଜାଦିବାଣାନ୍ ମାରି ୱାନି ସେନାର୍‌ରିବାଣାନ୍ ମାରାଗ୍‌ନିୱାନ୍ଦିଙ୍ଗ୍ ଗରୋତୁ ଉରୁକ୍‌ସି ସର୍‌ହାର୍। ଉଣ୍ଡ୍ରେ ଦିନାମ୍, ନାସ୍ତିୱାଲେ ସାଉଲ ରାଜା ମାରି ୱାନି ସେନାର୍ ଦାଉଦଦିଙ୍ଗ୍ ରେବାଜି ମାର୍‌ହାର୍ ମାରି ସାଉଲ ଉଣ୍ଡ୍ରେ ସାରାଦୁ ସର୍‌ହାନ୍। ଆକା ଆୟା ସାରା ମାହାତ୍ ଏମେବାନୁଗି ଦାଉଦ ମାରାଗିତା ମାର୍‌ହାନ୍, ମାତର୍ ସାଉଲ ରାଜା ୱାନିଙ୍ଗ୍ ସୁଡ୍‌ଏତାର୍। ଦାଉଦ ସାଉଲଦି ୱେନ୍‌କା ନାଣ୍ଡୋ ଡାଗ୍‌ରୁ ସର୍‌ହାନ୍ ମାରି ୱାନି ସୋକାଦିଙ୍ଗ୍ କାଣ୍ଡେକ୍ କୋଇତାନ୍। ୱେନ୍‌କା, ନାସ୍ତିୱାଲେ ସାଉଲ ଆୟା ସାରାଦାନ୍ ସତାନ୍ ମାରି ଦାଉଦ ୱାନିଙ୍ଗ୍ କୁକ୍‌ସି ଆୟା ଆସ୍ତିମାନି କଇତି ସକାଦିଙ୍ଗ୍ ତର୍‌ପ୍‌ତାନ୍। ଇୟୱାଜା, ସାଉଲ ନେସ୍ତାନ୍ ଗାନି ଦାଉଦ ରାଜା ଆନିୱାନ୍ଦିଙ୍ଗ୍ ୱାନିଙ୍ଗ୍ ଢେଏତାର୍।

![](https://cdn.door43.org/obs/jpg/360px/obs-en-17-05.jpg)

ଇନି ୱେଡା ୱେନ୍‌କା, ସାଉଲ ରାଜା ଜୁଜ୍‌ଦୁ ସାତାନ୍, ମାରି ଦାଉଦ ଇସ୍‌ରାଏଲଦି ରାଜା ଆତାନ୍। ୱାଣ୍ଡ୍ରୁ ଉଣ୍ଡ୍ରେ ନେଗେଣ୍ଡ୍‌ ରାଜା ମାର୍‌ହାନ୍, ମାରି ଲୋକୁ ୱାନିଙ୍ଗ୍ ଲାଡ୍ କିଜି ମାର୍‌ହାର୍। ମାପ୍‌ରୁ ଦାଉଦଦିଙ୍ଗ୍ ଆର୍ଶିବାଦ୍ କିତାନ୍ ମାରି ୱାନି ପିରିପ୍‌ତାନ୍‌। ଦାଉଦ ଏସୋ ଜୁଦ୍‌ କିତାନ୍, ମାରି ମାପ୍‌ରୁ ଇସ୍‌ରାଏଲ୍‌ଦି ଶତ୍ରୁରିଙ୍ଗ୍ ହାରାକିଦେଙ୍ଗ୍ ଦାଉଦଦିଙ୍ଗ୍ ସାହାଜ୍‌ୟ କିତାନ୍। ଦାଉଦ ଯିରୁଶାଲମଦିଙ୍ଗ୍ ଜିଣାଜି ୱାନିଙ୍ଗ୍ ନିଜେ ରାଜ୍‌ଦାନି କିତାନ୍, ଏୟେନ୍‌ଗି ଆକାନ୍ ମାର୍‌ହାନ୍ ମାରି ଶାସନ୍ କିତାନ୍। ଦାଉଦ ନାଲ୍‌ପାୟ୍ ପାଟେଙ୍ଗ୍ ନାସେଣାନ୍‌ ରାଜା ମାର୍‌ହାନ୍। ଇୟାୱେଡାଦୁ, ଇସ୍‌ରାଏଲ୍ ଦେଶେମ୍ ସାତୁତିକାର୍ ମାରି ଧନି ଆତାତ୍‌।

![](https://cdn.door43.org/obs/jpg/360px/obs-en-17-06.jpg)

ଦାଉଦ ରାଜା ଉଣ୍ଡ୍ରେ ମନ୍ଦିର୍ ତିଆର୍ କିଦେଙ୍ଗ୍ ଇଷ୍ଟାମ୍‌କିଜି ମାର୍‌ହାନ୍ ଏମେବାଣାନ୍ ୱିଜୁ ଇସ୍‌ରାଏଲ୍‌ଦିକାର୍ ମାପ୍‌ରୁଦି ଆରାଧନା କିଦେଙ୍ଗ୍ ଆଟ୍‌ନାର୍ ମାରି ୱାରିୱାନ୍ଦିଙ୍ଗ୍ ବଲିଦାନ୍‌କିଦେଙ୍ଗ୍ ଆଟ୍‌ନାର୍‌, ପାକା ପାକି ୪୦୦ ପାଟେଙ୍ଗ୍‌, ଆୟଲୋକୁ ମୋଶାଦି ବାଣାନ୍ ତିଆର୍‌କିତିମାର୍‌ହି କୁଡ୍‌ନି ସାମ୍‌ଣ୍ଡାଦୁ ମାପ୍‌ରୁଦି ଆରାଧନା କିଜିମାର୍‌ହାର୍ ମାରି ୱାରିୱାନ୍ଦିଙ୍ଗ୍ ବଲିଦାନ୍ କିଜିମାର୍‌ହାର୍।

![](https://cdn.door43.org/obs/jpg/360px/obs-en-17-07.jpg)

ମାତର୍ ଆବେ ନାଥନ୍ ଦୋରୁତିକାନ୍ ଅରେନ୍ ବାବବାଦି ମାର୍‌ହାନ୍। ମାପ୍‌ରୁ ୱାନିଙ୍ଗ୍ ଦାଉଦ ଡାଗ୍‌ରୁ ଇକା ୱେତେଙ୍ଗ୍‌ଇଜି ପକ୍‌ତାନ୍: “ନିନୁ ନାଣ୍ଡୋଜୁଦ୍‌ କିତିମାର୍‌ହି, ଇୟାୱାନ୍ଦିଙ୍ଗ୍ ନିନୁ ନାୱାନ୍ଦିଙ୍ଗ୍ ମନ୍ଦିର୍ ତିଆର୍‌କିମାଟ୍। ମି କଡ଼ୋ ଇକା କିନାନ୍। ମାରିବା, ନାନୁ ନିଙ୍ଗିଁ ନାଣ୍ଡୋ ଆର୍ଶିବାଦ୍ କିନା। ମିଦି ଉଣ୍ଡ୍ରେ କୁଟୁମ୍ ୱିଜୁଦିନାମ୍ ନା ଲୋକାଦି ମିଗ ରାଜା ୱାଜା ସାଶନ୍ କିନାର୍।” ୱିଜୁ ଦିନାମାୱାନ୍ଦିଙ୍ଗ୍ ସାଶନ୍ କିନି ଲୋକୁ ୱାଣ୍ଡ୍ରୁ ଦାଉଦଦି ଉଣ୍ଡ୍ରେନେ କୁଟୁମ୍‌ତି ଲୋକୁ ଖ୍ରୀଷ୍ଟ ମାର୍‌ହାନ୍। ଖ୍ରୀଷ୍ଟ ମାପ୍‌ରୁଦି ଆରେନ୍ ଆସ୍‌କିତିମାର୍‌ହି ଲୋକୁ ମାର୍‌ହାନ୍ ଏୟେନ୍‌ଗି ଦେଶେମ୍‌ତି ୱିଜୁ ଲୋକୁଙ୍ଗ୍‌ଦି ୱାରି ପାପାମ୍‌ଦାନ୍ ରକ୍ଷା କିନାନ୍।

![](https://cdn.door43.org/obs/jpg/360px/obs-en-17-08.jpg)

ନାସ୍ତିୱାଲେ ଦାଉଦ ନାଥନଦି ମାଟା ୱେହାନ୍ ମାରି ଆକାନ୍ ମାପ୍‌ଦି ଧନ୍ୟବାଦ୍ ମାରି ସ୍ତୁତି କିତାନ୍। ମାପ୍‌ରୁ ୱାନିଙ୍ଗ୍ ମାନାଜି ମାର୍‌ହାନ୍, ଦାନିଙ୍ଗ୍ ପିରିପ୍‌ସି ମାର୍‌ହାନ୍ ମାରି ୱାନିଙ୍ଗ୍ ନାଣ୍ଡୋ ଆର୍ଶିବାଦ୍ କିଜିମାର୍‌ହାନ୍। ସତ୍‌ନେ,ଦାଉଦ ନେସ୍‌ଏଣ୍ଡା ମାର୍‌ହାନ୍ ଗାନି ମାପ୍‌ରୁ ଇୟା ୱିଜୁ ବିଷୟ୍ ଏସେଙ୍ଗ୍ କିନାନ୍। ଇଏଲ୍ ମାଡୁ ନେସ୍‌ନାଟ୍ ଗାନି ଇସ୍‌ରାଏଲ୍‌ଦି ୱାରିଙ୍ଗ୍ ଉଣ୍ଡ୍ରେ ନିହି ୱେଡାଦୁ ପାକାପାକି ୧,୦୦୦ ପାଟେଙ୍ଗ୍‌ ନାସେଣାନ୍ ଖ୍ରୀଷ୍ଟ ୱାନିକା କାପ୍‌କିଦେଙ୍ଗ୍ ମାନାତ।

![](https://cdn.door43.org/obs/jpg/360px/obs-en-17-09.jpg)

ଦାଉଦ ଏସୋ ବରଷ୍ ନାସେଣାନ୍ ନିଆଁୟ୍ ୱାଜା ନିଜେ ଲୋକୁଦି ଶାସନ୍ କିତାର୍। ୱାଣ୍ଡ୍ରୁ ପେରି ବିଶାଷ୍‌ଦି ୱାଜା ମାପ୍‌ରୁ ମାଟା ୱେର୍‌ହାନ୍ ମାରି ମାପ୍‌ରୁ ୱନିଙ୍ଗ୍ ଆର୍ଶିବାଦ୍ କିତାନ୍। ଏମେକାବା, ନିଜେଦି ଜିଉ ୱିଜ୍‌ନି ୱେଡାଦୁ ୱାଣ୍ଡ୍ରୁ ମାପ୍‌ରୁଦି ବିରୁଦ୍ ଉଣ୍ଡ୍ରେ ପେରି ପାପାମ୍ କିତାନ୍।

![](https://cdn.door43.org/obs/jpg/360px/obs-en-17-10.jpg)

ଉଣ୍ଡ୍ରେ ଦିନାମ୍ ଦାଉଦ ନିଜେ ଛାତ୍ ମିଗଣାନ୍ ସୋସି ସୁଡ୍‌ତାନ୍ ମାରି ଉଣ୍ଡ୍ରେ ସୁନ୍ଦ୍ରି ରିପାଦିଙ୍ଗ୍ ଇବାନିକା ସୁଡ୍‌ତାନ୍। ୱାଣ୍ଡ୍ରୁ ଦାନିଙ୍ଗ୍ ନେସେଏଣ୍ଡା ମାହାନ୍, ମାତର୍‌ ୱାଣ୍ଡ୍ରୁ ନେସ୍‌ତାନ୍ ଜେ ୱାନି ଦୋରୁ ବେତ୍‌ଶିବା ମାର୍‌ହାତ୍‌।

![](https://cdn.door43.org/obs/jpg/360px/obs-en-17-11.jpg)

ୱାଣ୍ଡ୍ରୁ ନିଜେ ଆଇତରିଣ୍ଡ୍‌ ସୁଡ୍‌ନି ବାଦ୍‌ଲୁ, ଦାଉଦ ଦାନିଙ୍ଗ୍ ନିଜେଦି ଡାଗ୍‌ରୁ ତାତେଙ୍ଗ୍ ଅରେନ୍‌ୱାନିଙ୍ଗ୍ ପକ୍‌ତାନ୍। ୱାଣ୍ଡ୍ରୁ ଦାନିୱାଲେ ଗୁରିତାନ୍ ମାରି ମାରିଢେସି ଇଣ୍ଡ୍ରୋ ପକ୍‌ତାନ୍। ଏସୋ ଦିନାମ୍ ୱେନ୍‌କା ବେତ୍‌ଶିବା ଖାବୁର୍ ପକ୍‌ତାତ୍ ଗାନି ଆକାତ୍ ପଟାଦୁ ମାନାତ୍।

![](https://cdn.door43.org/obs/jpg/360px/obs-en-17-12.jpg)

ଊରିୟ ଦୋରୁଦିକାନ୍ ଆରେନ୍ ଲୋକୁ ମାର୍‌ହାନ୍ ୱାଣ୍ଡ୍ରୁ ବେତ୍‌ଶିବାତି ମାସି। ଆକାନ୍ ଉଣ୍ଡ୍ରେ ଦାଉଦରି ନେଗି ସେନା ମାର୍‌ହାନ୍। ଇୟା ୱେଡ଼ାଦୁ ୱାଣ୍ଡ୍ରୁ ଜୁଦ୍‌ଦି ୱାନ୍ଦିଙ୍ଗ୍ ବାଇଲୁଦୁ ସହା ମାର୍‌ହାନ୍। ଦାଉଦ ଊରିୟଦିଙ୍ଗ୍ ଜୁଦ୍‌ଦି ବାଣାନ୍ କୁକ୍‌ସି ନିଜେ ଆଡ୍‌ସି ଡାଗ୍‌ରୁ ମାଣ୍ଡ୍ରେଙ୍ଗ୍ ୱେର୍‌ତାନ୍। ମାରି ଆଇ ସେନାର୍ ଜୁଦ୍‌ଦୁ ମାର୍‌ହାର୍ ଇୟାୱାନ୍ଦିଙ୍ଗ୍ ଊରିୟ ଇଣ୍ଡ୍ରୋ ସଣ୍ଡ୍ରେଙ୍ଗ୍‌ ମନାକିତାନ୍। ମାରି ଊରିୟଦିଙ୍ଗ୍ ମାରି ଢେସ୍‌ସି ଜୁଦ୍‌ଦୁ ପକ୍‌ତାନ୍ ମାରି ସେନାପତିଦିଙ୍ଗ୍ ୱେର୍‌ତାନ୍ ଗାନି ୱାଣ୍ଡ୍ରୁ ୱାନିଙ୍ଗ୍ ଉଣ୍ଡ୍ରି ଇୟାୱାଜାତି ବାଡିଦୁ ଇଡ୍‌ଦୁ ଏମେବାନୁଗି ଶତ୍ରୁ ୱେଜେରିଙ୍ଗ୍ ସାତୁତିକାନ ମାନ୍‌ଜିନାନ୍ ମାରି ଆକାନ୍ ସାନାନ୍। ଇୟାୱାଜା ଆତାତ୍ ଜେ ଊରିୟ ଜୁଦ୍‌ଦୁ ସାତାନ୍।

![](https://cdn.door43.org/obs/jpg/360px/obs-en-17-13.jpg)

ଊରିୟ ଜୁଦ୍‌ଦୁ ସାତି ୱେନ୍‌କା ଦାଉଦ ବେତ୍‌ଶିବାଦିଙ୍ଗ୍ ପେଡି ଆତାନ୍। ଦାନି ୱେନ୍‌କା, ଆଦି ଦାଉଦଦି କଢୋଦିଙ୍ଗ୍ ଜନମ କିତାତ୍‌। ଦାଉଦ ଏମେକା କିତାମାହାନ୍ ଆୟାୱାନ୍ଦିଙ୍ଗ୍ ମାପ୍‌ରୁ ନାଣ୍ଡୋ କାକା ଆତାନ୍, ଇୟାୱାନ୍ଦିଙ୍ଗ୍ ଆକାନ୍ ନାଥନ ଦୋରୁଦି ବାବବାଦିଦିଙ୍ଗ୍‌ ଦାଉଦ ଡାଗ୍‌ରୁ ଇକା ୱେତେଙ୍ଗ୍ ପକ୍‌ତାନ୍ ଗାନି ୱାନିଙ୍ଗ୍ ପାପାମ୍ ଏସୋ ସେଏଣ୍ଡ ମାର୍‌ହାତ୍। ଦାଉଦ ନିଜେଦି ପାପାମ୍‌ଦାନ୍ ମାନ୍‌ସୁ ଢେପ୍‌ତାନ୍ ମାରି ମାପ୍‌ରୁ ୱାନିଙ୍ଗ୍ କ୍ଷମା କିତାନ୍। ନିଜେ ୱିଜ୍‌ନି ଜିଉଦିଙ୍ଗ୍, ନିଜେ କାଷ୍ଟାମ୍ ୱେଡାଦୁବା ଦାଉଦ ମାପ୍‌ରୁଦି ୱେନ୍‌କା ୱେନ୍‌କା ସର୍‌ହାନ୍ ମାରି ୱାନି ମାଟା ମାନାତାନ୍।

![](https://cdn.door43.org/obs/jpg/360px/obs-en-17-14.jpg)

ମାତର୍‌ ଦାଉଦରି କଡୋ ସାତାନ୍। ଇୟାୱାଜା ମାପ୍‌ରୁ ଦାଉଦଦିଙ୍ଗ୍ ଡଣ୍ଡ୍ ସିତାନ୍। ମାରିବା, ଦାଉଦଦି ସାନି ନାସେଣାନ୍, ୱାନି ନିଜେ ପରିବାର୍‌ଦିଙ୍ଗ୍‌ ଏସୋ ଲୋକୁ ୱାରି ବିରୁଦ୍‌ଦୁ ଜୁଜାତାର୍, ମାରି ଦାଉଦଦି ନିଜେ ସାତୁ କୋକ ଆତାମାହାତ୍। ମାରି ମାପ୍‌ରୁ ଦାଉଦନୁଣ୍ଡିଙ୍ଗ୍‌ ବିଶାସ୍ ମାହାନ୍ ମାରି ଇଏଲ୍‌ବା ଆକାନ୍ ଇକା କିତାନ୍ ଇନିକାବା ଆକାନ୍ ଦାଉଦନୁଣ୍ଡିଙ୍ଗ କିଦେଙ୍ଗ୍ ଇଜି ପାର୍‌ମାଣାମ୍ କିତାମାହାନ୍ ଜେ ଆକାନ୍ କିନାନ୍, ମାରିବା ଦାଉଦ ମାପ୍‌ରୁଦି ବାଣାନ୍ ଅବିଶାସ୍ କିତାମାହାନ୍, ୱେନ୍‌କା ଦାଉଦ ମାରି ବେତ୍‌ଶିବାଦି ଅରେନ୍ କଢୋ ଜନମ୍ ଆତାନ୍ ମାରି ଆୟାକା ୱାନି ଦୋରୁ ଶଲୋମୋନ ଇଟ୍‌ତାର୍।

*୧ ଶାମୁଏଲ ୧୦; ୧୫-୧୯; ୨୪; ୩୧; ୨ ଶାମୁଏଲ୫;୭; ୧୧-୧୨ ଦି ଉଣ୍ଡ୍ରେ ବାଇବଲଦି କାତା*

## 18. ୧୮. ବାଟା ଆତି ଦେଶେମ୍

https://openbiblestories.org/l/pci/story-18/

![](https://cdn.door43.org/obs/jpg/360px/obs-en-18-01.jpg)

ଦାଉଦ ରାଜା ଚାଲିସ୍ ପାଟେଙ୍ଗ୍‌ ସାନ୍ଦି ଶାସନ୍ କିତାନ୍। ମାରି ୱାଣ୍ତ୍ରୁ ସାତାନ୍, ମାରି ୱାନି ମାରିନ୍‌ ଶଲୋମୋନ ଇସ୍ରାଏଲ୍ ମୁସ୍‌କୁ ଶାସନ୍ କିଦେଙ୍ଗ୍ ଆରାମ୍ କିତାନ୍। ମାପ୍‌ରୁ ଶଲୋମୋନ୍‌ଦିୱାଲେ ୱାର୍‌ଗିଜି ମାରି ୱାନିଙ୍ଗ୍ ୱେନ୍‌ବାତାନ୍ ଜେ ୱଣ୍ତ୍ରୁ ୱିଜୁବାଣାନ୍ ନାଣ୍ତୋ ଇନିକା ମାନ୍‌ସୁକିଜିନାନ୍ ଏମେଦାଣାନ୍‌ଗି ମାପ୍‌ରୁ ୱାନିୱାନ୍ଦିଙ୍ଗ୍ କିନାନ୍‌। ଶଲୋମୋନ ମାପ୍‌ରୁଦିଙ୍ଗ୍ ଲସ୍ତାନ୍ ଜେ ୱାଣ୍ତ୍ରୁ ୱାନିଙ୍ଗ୍‌ ନାଣ୍ତୋ ବୁଦିତିକାନ୍ କିପିନ୍‌। ଇୟା ମାଟା ମାପ୍‌ରୁଦିଙ୍ଗ୍ ନାଣ୍ତୋ ସାର୍‌ଦା କିତାନ୍, ଇୟାୱାନ୍ଦିଙ୍ଗ୍ ମାପ୍‌ରୁ ଶଲୋମୋନ୍‌ଦିଙ୍ଗ୍ ଦେଶେମ୍‌ଦି ୱିଜୁଦିବାଣାନ୍‌ ବୁଦିଦି ଲୋକୁ କିତାନ୍। ଶଲୋମୋନ୍ ନାଣ୍ଡୋ ମାଟେଙ୍ଗ୍‌ ଅଜାତାନ୍‌ ମାରି ୱାଣ୍ତ୍ରୁ ଆରେନ୍ ବୁଦିମାନ୍ ଶାସନ୍‌କିନିକାନ୍‌ ମାର୍‌ହାନ୍। ମାପ୍‌ରୁ ୱାନିଙ୍ଗ୍ ଧନି ବା କିତାନ୍।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଲୋମଦୁ ଶଲୋମୋନ୍ ଆୟା ମନ୍ଦିର୍ ତିଆର୍ କିତାନ୍ ଏମେକା ୱାରି ବୁବା ଉପାୟ୍‌ କିତା ମାହାନ୍‌ ମାରି ଜିନିଷ୍‌ଙ୍ଗାଁ ଉଣ୍ଡ୍ରେ ଡାଗରୁ କିତାମାର୍‌ହାନ୍‌। ଇଏଲ୍ ଲୋକୁ କୁଡ଼୍‌ନି ଗୁଡା ବାଦ୍‌ଲୁ ମନ୍ଦିର୍‌ଦୁ ମାପ୍‌ରୁଦି ଉପାସନା କିଜିମାର୍‌ହାର୍ ମାରି ୱାନି ୱାନ୍ଦିଙ୍ଗ୍ ବଲିଦାନ୍ କିଜି ମାର୍‌ହାର୍‌। ମାପ୍‌ରୁ ୱାଜି ମନ୍ଦିରଦୁ ମାନ୍‌ଜି ମାହାନ୍, ମାରି ଆବେନୁ ନିଜେ ଲୋକାୱାଲେ ମାନ୍‌ଜି ମାର୍‌ହାନ୍‌।

![](https://cdn.door43.org/obs/jpg/360px/obs-en-18-03.jpg)

ମାରି ଶଲୋମୋନ ଆଇ ଦେଶେମତି ଆଡ଼୍‌ସିକାଙ୍ଗ୍ ଲାଡ୍ କିତାନ୍। ୱାଣ୍ତ୍ରୁ ନାଣ୍ଡୋ ଲୋକାଙ୍ଗ୍, ପାକା ପାକି ୧,୦୦୦ ଆଡ଼୍‌ସିକାଙ୍ଗ୍ ପେଡିକିଜି ମାପ୍‌ରୁଦିଙ୍ଗ୍ ମାନାଏତାନ୍‌! ଇୟା ଆଡ଼୍‌ସିକା ବାଣାନ୍ ନାଣ୍ଡୋ ଆଡ଼୍‌ସିକ୍ ଆଇ୍ ଦେଶେମ୍‌ଦାନ୍ ୱାତେମାହେ ମାରି ନିଜେଦି ୱାଲେ ନିଜେ ଦେୟାମ୍ ତାତେମାହେ ମାରି ୱାନ୍‌କା ଉପାସନା କିଜି ମାହେ। ଏସେଙ୍ଗ୍ ଶଲୋମୋନ ଡକ୍‌ରା ଆତାନ୍ ମାରି ୱାଣ୍ତ୍ରୁ ବା ୱାନ୍‌କା ଦେୟମ୍‌କାଙ୍ଗ୍ଁ ପୁଜା କିତାନ୍।

![](https://cdn.door43.org/obs/jpg/360px/obs-en-18-04.jpg)

ଇୟାୱାନ୍ଦିଙ୍ଗ୍ ମାପ୍‌ରୁ ଶଲୋମୋନଦିଙ୍ଗ୍ ରିସା ଆତାନ୍। ମାପ୍‌ରୁ ୱେର୍‌ତାନ୍ ଜେ ୱାଣ୍ତ୍ରୁ ଇସ୍ରାଏଲ୍ ଦେଶେମ୍‌ଦିଙ୍ଗ୍ ରୁଣ୍ଡି ରାଜିଦୁ ବାଟାକିନି ବାଣାନ୍‌ ଶଲୋମୋନ୍‌ଦିଙ୍ଗ୍ ଡଣ୍ଡ୍ ସିନାନ୍। ୱାଣ୍ତ୍ରୁ ଶଲୋମୋନଦି ସାତି ୱେନ୍‌କା ଇୟାକା କିନାନ୍।

![](https://cdn.door43.org/obs/jpg/360px/obs-en-18-05.jpg)

ଶଲୋମୋନ ସାତି ୱେନ୍‌କା, ୱାନି ମାରିନ୍‌ ରିହବିୟାମ ରାଜା ଆତାନ୍। ଇସ୍ରାଏଲ୍ ଦେଶେମ୍‌ତିକାର୍ ୱିଜୁ ଲୋକୁ ୱାନିଙ୍ଗ୍ ନିଜେଦି ରାଜା ୱାଜା ମାନାଦେଙ୍ଗ୍ ଉଣ୍ଡ୍ରେ ବାଡିଦୁ କୁମା ଆତାର୍। ୱାରୁ ରିହବିୟାମ୍‌ଦିଙ୍ଗ୍ ବିରୁଦ୍‌ଦି ମାଟା ୱେହ୍‌ତାର୍ ଜେ ଶଲୋମୋନ୍ ରାଜା ନାଣ୍ଡୋ କାଷ୍ଟାମ୍‌ଦି ପାଣି କିବିସି ମାର୍‌ହାନ୍ ମାରି ନାଣ୍ଡୋ ସିସ୍‌ତୁ ଲସ୍‌ତାମାର୍‌ହାନ୍‌। ୱାରୁ ରିହବିୟମଦିଙ୍ଗ୍ ବାତିମାଲିତାର୍ ଜେ ୱାରିଙ୍ଗ୍ କୋକୋ ପାଣି କିବିସ୍‌ଆ।

![](https://cdn.door43.org/obs/jpg/360px/obs-en-18-06.jpg)

ମାରି ରିହବିୟମ ୱାରିଙ୍ଗ୍ ପେରି ଗାଡ଼୍‌ସୁୱାଜା ୱେର୍‌ତାନ୍, “ମିରୁ ୱେହ୍‌ସିନିଦେର୍ ଜେ ନା ବୁବା ଶଲୋମୋନ ମିଙ୍ଗିଁ କାଷ୍ଟାମ୍ ପାଣି କିବିସ୍‌ତାନ୍। ମାରି ନାନୁ ମିଙ୍ଗିଁ ୱାନି ବାଣାନ୍ ନାଣ୍ଡୋ ପାଣି କିବିସ୍‌ନା, ମାରି ନାନୁ ମିଙ୍ଗିଁ ୱାନି ବାଣାନ୍ ନାଣ୍ଡୋ କାଷ୍ଟାମ୍ ସିନା।”

![](https://cdn.door43.org/obs/jpg/360px/obs-en-18-07.jpg)

ନାସ୍ତିୱାଲେ ଲୋକୁ ୱାନିଙ୍ଗ୍ ଇହୁ ୱେର୍‌ନିକା ୱେହାର୍ ମାରି ୱାରିଲୋଇହାନ୍ ଏସୋ ଲୋକୁ ୱାନି ବିରୁଦ୍‌ଦାନ୍ ନିଙ୍ଗିଁତାର୍। ପାଦି କୁଟୁମ୍ ୱାନିଙ୍ଗ୍ ଢିସ୍‌ତାସିତାର୍‌; ୱାନି ୱାଲେ ରୁଣ୍ଡି କୁଟୁମ୍‌ନେ ମାର୍‌ହାର୍‌। ଇୟା ରୁଣ୍ଡି କୁଟୁମ୍ ନିଜେଦିଙ୍ଗ୍ ଯିହୁଦା ରାଜି ୱେର୍‌ତାର୍‌।

![](https://cdn.door43.org/obs/jpg/360px/obs-en-18-08.jpg)

ଆଇ ପାଦି କୁଟୁମ୍ ଯାରବିୟାମ ଦୋରୁଦି ଆରେନ୍ ମେମାର୍‌ଦିଙ୍ଗ୍ ନିଜେ ରାଜା କିତାର୍। ଇଆ କୁଟୁମ୍ ଦେଶେମ୍‌ଦି ଉଣେରି ତରିନ୍‌-ୱେଡ଼ା ସନି ସାନ୍ଦିଦୁ ମାହାର୍। ୱାରୁ ନିଜେଦିଙ୍ଗ୍ ଇସ୍ରାଏକ୍‌ଦି ରାଜି ଇଜି ୱେର୍‌ତାର୍।

![](https://cdn.door43.org/obs/jpg/360px/obs-en-18-09.jpg)

ମାରି ଯାରବିୟାମ୍ ମାପ୍‌ରୁଦି ବିରୁଦ୍‌ଦୁ ସର୍‌ହାନ୍‌ ମାରି ଲୋକାଙ୍ଗ୍ ପାପାମ୍‌ କିବିସ୍‌ତାନ୍। ୱାଣ୍ତ୍ରୁ ନିଜେଦି ଲୋକାଙ୍ଗ୍‌ୱାନ୍ଦିଙ୍ଗ୍ ଉପାସନା କିଦେଙ୍ଗ୍ ରୁଣ୍ଡି୍ ଦେୟାମ୍ ତିଆର୍ କିତାନ୍। ଇଏଲ୍ ୱାରୁ ୟିହୁଦା ଦେଶେମ୍‌ଦୁ ଯିରୁଶାଲୋମ୍‌ଦି ମନ୍ଦିର୍‌ଦୁ ଉପାସନା କିଦେଙ୍ଗ ସନ୍‌ଏଜି ମାର୍‌ହାର୍।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ମାରି ଇସ୍ରାଏଲ୍‌ ଦେଶେମ୍‌ତିକାର୍‌ ଶତ୍ରୁ ଆତାର୍ ମାରି ୱିଜୁୱାଲେ ୱାରୁ ଜୁଜାଜି ମାର୍‌ହାର୍।

![](https://cdn.door43.org/obs/jpg/360px/obs-en-18-11.jpg)

ପୁନି ଦେଶେମ୍ ଇସ୍ରାଏଲ୍‌ଦୁ, ୱିଜୁ ରାଜାର୍‌ ଦୁଷ୍ଟାମ୍ ମାର୍‌ହାର୍‌। ଇୟା ରାଜାରି ଲୋଇହାନ୍ ଏସୋଲୋକାଙ୍ଗ୍‌ ଇସ୍ରାଏଲ୍‌ଦିକାର୍ ସାୟାମାର୍‌ଗା ଡାକ୍‌ତାମାର୍‌ହାର୍‌ ଏମେକାର୍‌ ୱାରିବାଡିଦୁ ରାଜାଆଦେଙ୍ଗ୍ ମାନ୍‌ସୁ କିଜିମାର୍‌ହାର୍‌।

![](https://cdn.door43.org/obs/jpg/360px/obs-en-18-12.jpg)

ଇସ୍ରାଏଲ୍ ରାଜିଦୁ ୱିଜୁରାଜାର୍‌ ମାରି ନାଣ୍ଡୋଦାନ୍ ନାଣ୍ଡୋ ଲୋକୁ ଦେୟାମ୍‌ଦିଙ୍ଗ୍ ଉପାସନା କିଜି ମାର୍‌ହାର୍। ନାସ୍ତିୱାଲେ ୱାରୁ ଇୟାୱାଜା କିତାର୍ ଜେ, ମାରି ୱାରୁ ଦାରିଣିକାୱାଲେ ଗୁରିତାର୍ ମାରି ଇୟାୱାଜା ଏସୋ ଜାରିଙ୍ଗ୍‌ ୱାରୁ କଢୋରିଙ୍ଗ୍ ଦେୟାମ୍ ଆଗ୍‌ଡି ବଲିଦାନ୍ ସିତାର୍।

![](https://cdn.door43.org/obs/jpg/360px/obs-en-18-13.jpg)

ଯିହୁଦା ଦେଶେମ୍‌ତି ରାଜା, ଦାଉଦଦି କୁଟୁମ୍‌ତିକାନ୍‌ ମାର୍‌ହାର୍। ଇୟା ରାଜାରି ଲୋଇହାନ୍ ଏସୋ ଲୋକୁ ନ୍ୟାୟ୍‌ୱାଜା ଶାସନ୍ କିତାର୍ ମାରି ମାପ୍‌ରୁଦି ଉପାସନା କିତାର୍। ମାରି ଯିହୁଦାଦି ନାଣ୍ଡୋ ରାଜାର୍ ଦୁଷ୍ଟାମ୍ ମାର୍‌ହାର୍‌। ୱାରୁ ଦୁଷ୍ଟାମ୍‌ୱାଜା ଶାସନ୍ କିତାର୍ ମାରି ଦେୟାମ୍‌ଦି ଉପାସନା କିତାର୍। ଇୟାୱାଜା ନେ ଇୟାଲୋକା ଲୋଇଆନ୍ ଏସୋ ରାଜାର୍ ବାଣ୍ଡିସ୍‌ନି ଦେୟାମ୍‌କା ଆଗ୍‌ଡି ନିଜେ କଢୋରିଙ୍ଗ୍ ବା ବଲିଦାନ୍ କିତାର୍। ଯିହୁଦାଦି ନାଣ୍ଡୋ ଲୋକୁ ବା ମାପ୍‌ରୁଦି ବିରୁଦ୍‌ଦୁ ସର୍‌ହାର୍ ମାରି ଆଇ ଦେୟାମ୍‌ଦି ଉପାସନା କିତାର୍।

*୧ରାଜା ୧-୬;୧୧-୧୨ ଦି ଉଣ୍ଡ୍ରେ ବାଇବଲଦି କାତାନି*

## 19. ୧୯. ବାବବାଦିର୍‌

https://openbiblestories.org/l/pci/story-19/

![](https://cdn.door43.org/obs/jpg/360px/obs-en-19-01.jpg)

ମାପ୍‌ରୁ ୱିଜୁୱାଲେ ଇସ୍ରାଏଲ୍‌ଦି ୱାରି ଡାଗ୍‌ରୁ ବାବବାଦିରିଙ୍ଗ୍‌ ପୋକ୍‌ସିମାହାନ୍। ବାବବାଦି ଲୋକୁ ମାପ୍‌ରୁଦିବାଣାନ୍ କାବୁର୍ ୱେନ୍‌ଜି ମାରହାର୍ ମାରି ଆକା ୱାରି ଲୋକାଙ୍ଗ୍ ୱେହ୍‌ସି ମାର୍‌ହାର୍।

![](https://cdn.door43.org/obs/jpg/360px/obs-en-19-02.jpg)

ଏସ୍ତିୱାଲେ ଆହାବ ଇସ୍ରାଏଲ୍ ଦେଶେମ୍‌ଦି ରାଜା ମାର୍‌ହାନ୍‌ ଆୟା ୱେଡ଼ାଦୁ ଏଲୀୟ ବାବବାଦି ମାର୍‌ହାନ୍। ଆହାବ ରାଜା ଉଣ୍ଡ୍ରେ ସେଇଲୋକୁ ମାର୍‌ହାନ୍। ୱାଣ୍ତ୍ରୁ ବାଣ୍ଡିସ୍‌ନି ଉଣ୍ଡ୍ରେ ବାଲ୍ ଦେୟାମ୍‌ଦି ଉପାସନା କିଦେଙ୍ଗ୍ ଇଜି ଲୋକାଙ୍ଗ୍ ବିଜାର୍ କିତାନ୍। ଆୟାୱାନ୍ଦିଙ୍ଗ୍‌ ଏଲୀୟ ଆହାବଦିଙ୍ଗ୍ ୱେହ୍‌ତାନ୍ ଜେ ମାପ୍‌ରୁ ୱାରିଙ୍ଗ୍ ଡଣ୍ଡ୍ ସିଦେଙ୍ଗ୍ ସନ୍‌ସି ମାର୍‌ହାନ୍‌। ୱାଣ୍ତ୍ରୁ ରାଜାଦିଙ୍ଗ୍ ୱେହ୍‌ତାନ୍, “ଏମେ ନାସେଣାନ୍ ନାନୁ ମାରିଅର୍‌ସୁ ପିରୁ ରାପିତ୍‌ ଇଜି ୱେର୍‌ଏ, ନାସେଣାନ୍ ଇସ୍ରାଏଲ୍‌ଦୁ ପିରୁ ଆଏତ୍ ଗି ମାରି ମାସୁଏରୁ ଆର୍‌ଉ।” ଇୟା ମାଟା ଆହାବ ରାଜାଦିଙ୍ଗ୍ ବିସ୍ତାର୍‌ ରିସା କିବିସ୍‌ତାନ୍ ଜେ ୱାଣ୍ତ୍ରୁ ଏଲିୟଦିଙ୍ଗ୍ ସାପିସ୍‌ତେଙ୍ଗ୍ ମାନ୍‌ସୁ କିତାନ୍।

![](https://cdn.door43.org/obs/jpg/360px/obs-en-19-03.jpg)

ଆୟାୱାନ୍ଦିଙ୍ଗ୍ ମାପ୍‌ରୁ ଏଲିୟଦିଙ୍ଗ୍ ୱେହ୍‌ତାନ୍ ଗାନି ଆହାବ ରାଜାଦି ବାଣାନ୍ ଗରତୁ ସନ୍‌ସି ମାରାଗ୍‌ଜିମାନ୍। ଏଲିୟ ଗରତୁ ଆୟା ଝରନ୍‌ଦି ଡାଗ୍‌ରୁ ସହାନ୍ ଏମେ ଡାଗ୍‌ରୁ ସନିୱାନ୍ଦିଙ୍ଗ୍ ମାପ୍‌ରୁ ୱାନିଙ୍ଗ୍ ୱେତାମାହାନ୍। ୱିଜୁ ସାଲ୍‌ଦି ମାରି ୱିଜୁ ମିଲି-ମିଲି, ପଟିଙ୍ଗ୍ ଏଲିୟ ଡାଗ୍‌ରୁ ରୁଟି ମାରି କାଣ୍ଡା ତାସି ମାହେ। ଆୟାପୁରା ୱେଡ଼ାଦୁ, ଆହାବ ରାଜା ମାରି ୱାନି ସେନାର୍ ଏଲିୟଦିଙ୍ଗ୍ ରେବାଜି ମାହାର୍, ମାତର୍ ୱାରୁ ୱାନିଙ୍ଗ୍ ରେବାଦେଙ୍ଗ୍ ଆଟ୍‌ଏତାର୍।

![](https://cdn.door43.org/obs/jpg/360px/obs-en-19-04.jpg)

ପିରୁ ରେଇୱାନ୍ଦିଙ୍ଗ୍ ଏସୋ ୱେଡ଼ା ୱେନ୍‌କା ଆୟା ଝରନ୍ ୱାହ୍‌ତା ସର୍‌ହାତ୍। ଆୟାୱାନ୍ଦିଙ୍ଗ୍ ଏଲିୟ ଡାଗ୍‌ରୁ ମାହି ଦେସେମ୍‌ଦୁ ସର୍‌ହାନ୍। ଆୟା ଦେସେମ୍‌ଦୁ ଉଣ୍ଡ୍ରେ ଗରିବ୍ ରାଣ୍ଡି ମାହାତ୍ ଏୟେଙ୍ଗି ଉଣ୍ଡ୍ରେ କଡ଼ ମାର୍‌ହାନ୍। ୱାରି ଡାଗ୍‌ରୁ ଉଣିକା ପାକାପାକି ୱିଜିତା ମାହାତ୍‌ ମାତର୍ ଆବେନୁ ଇନି ତାସ୍‌ବାସ୍ ଆଏଣ୍ଡା ମାର୍‌ହାତ୍‌। ମାତର୍ ମାରିବା, ଆୟା ଆଡ଼୍‌ସି ଏଲିୟଦିଙ୍ଗ୍ ଜତନ୍ କିତାତ୍, ଆୟାୱାନ୍ଦିଙ୍ଗ୍ ମାପ୍‌ରୁ ଦାନିଙ୍ଗ୍ ନି ଦାନି କଡ଼ରିଙ୍ଗ୍‌ ଦରକାର୍ ଜିନିଷ୍ ସିତାନ୍, ଆୟାୱାନ୍ଦିଙ୍ଗ୍ ଦାନିଙ୍ଗ୍ ଆଟାଦି କେଲୁ ମାରି ଦାନି ନିଉ ଇଡ୍‌ନି କାୟା ଏସେଙ୍ଗ୍‌ବା କାଲି ଆଏତାତ୍। ଆୟାୱିଜୁ ମର୍‌ଡି ୱେଡ଼ାଦୁ ଦାନିବାନୁ ଉଣ୍ଡେଙ୍ଗ୍ ମାହାତ୍। ଏଲିୟ ଏସୋ ପାଟେଙ୍ଗ୍‌ ନାସେଣାନ୍‌ ଆବେନୁ ମାର୍‌ହାନ୍।

![](https://cdn.door43.org/obs/jpg/360px/obs-en-19-05.jpg)

ମୁଣ୍ତ୍ରି ପାଟେଙ୍ଗ୍‌ ଅଦା ୱେନ୍‌କା, ମାପ୍‌ରୁ ଏଲିୟଦିଙ୍ଗ୍ ୱେହ୍‌ତାନ୍ ଜେ ୱାଣ୍ତ୍ରୁ ମାରିଡ଼େସି ପିରୁ କିବିସ୍‌ନାନ୍। ମାପ୍‌ରୁ ଏଲିୟଦିଙ୍ଗ୍ ମାରିଡ଼େସି ଇସ୍ରାଏଲ୍ ଦେସେମ୍‌ଦୁ ସନ୍‌ସି ଆହାବ ରାଜାଦିଙ୍ଗ୍ ୱାର୍‌ଗିଦେଙ୍ଗ୍ ୱେହ୍‌ତାନ୍। ଆୟାୱାନ୍ଦିଙ୍ଗ୍ ଏଲିୟ ଆହାବ ରାଜାଦି ଡାଗ୍‌ରୁ ସର୍‌ହାନ୍। ଏସେଙ୍ଗ୍ ଆହାବ ୱାନିଙ୍ଗ୍ ସୁଡ଼୍‌ତାନ୍ ମାରି ୱାନିଙ୍ଗ୍ ୱେର୍‌ତାନ୍, “ ଅହ! ନିନୁ ନେ, କାଷ୍ଟାମ୍ ତାନି ଲୋକୁ!” ଏଲିୟ ୱେହ୍‌ତାନ୍, “କାଷ୍ଟାମ୍ କିନି ଲୋକୁ ନିନେ ନା! ନିନୁ ମାପ୍‌ରୁଦିଙ୍ଗ୍ ଡ଼ିସ୍‌ତିମାନି। ୱାଣ୍ତ୍ରୁ ନେ ନିକାମେ ମାପ୍‌ରୁ, ମାତର୍ ନିନୁ ବାଲ୍ ଦେୟାମଦିଙ୍ଗ୍ ଉପାସନା କିଜିନି। ଇୟେଲ୍ ନିନୁ ଇସ୍ରାଏଲ୍ ଦେସେମ୍‌ଦି ୱିଜୁ ଲୋକାଙ୍ଗ୍ କର୍‌ମିଲ୍ ଗୋରତୁ ଆସ୍‌ସି ୱାଦେଙ୍ଗ୍ ମାନାତ୍‌।”

![](https://cdn.door43.org/obs/jpg/360px/obs-en-19-06.jpg)

ମାରି: ୱିଜୁ ଲୋକୁ କର୍‌ମିଲ୍ ଗୋରତୁ ସର୍‌ହାର୍। ଆୟା ଲୋକୁ ବା ୱାତାର୍ ଏୟେର୍‌ଗି ୱେହ୍‌ସି ମାର୍‌ହାର୍ ଜେ ୱାରୁ ବାଲ୍ ଦେୟାମ୍‌ଦି କାବୁର୍ ୱେହ୍‌ସି ମାର୍‌ହାର୍। ଇୟାକାର୍ ବାଲ୍ ଦେୟାମ୍‌ଦି ବାବବାଦି ମାର୍‌ହାନ୍। ୱାରୁ ୪୫୦ ଲୋକୁ ମାର୍‌ହାର୍। ଏଲିୟ ଲୋକାଙ୍ଗ୍ ୱେର୍‌ତାନ୍, “ଏସୋ ଦିନାମ୍ ମିରୁ ନିଜେ ମାନ୍‌ସୁ ଡ଼େପ୍‌ସି ମାନ୍‌ଜିନିଦେର୍? ମାରି ଯିହୋବା ମାପ୍‌ରୁ ମାନାନ୍ ମାରି ୱାନି ଉପାସନା କିଦୁ! ମାରି ବାଲ୍ ଦେୟାମ୍ ମାପ୍‌ରୁ ମାନାନ୍‌ ମାରି ୱାନି ଉପାସନା କିଦୁ!”

![](https://cdn.door43.org/obs/jpg/360px/obs-en-19-07.jpg)

ଦାନିୱେନ୍‌କା ଏଲିୟ ବାଲ୍‌ଦି ବାବବାଦିଦିଙ୍ଗ୍‌ ୱେର୍‌ତାନ୍‌, “ଉଣ୍ଡ୍ରେ କୋଡି ଡ଼େଇଦୁ ମାରି ଦାନି କଇତି କାଣ୍ଡେଙ୍ଗା ବଲିଦାନ୍ କିଦେଙ୍ଗ୍ ଉଣ୍ଡ୍ରେ ବେଦି ମୁସ୍‌କୁ ଇଡ୍‌ଦୁ, ମାତର୍ ସିସୁ ଆଡ୍‌ଗିସ୍‌ମାଟ୍। ଦାନିୱେନ୍‌କା ନାନୁ ବା ଆୟାଲେକେନ୍ କିନା, ମାରି ଉଣ୍ଡ୍ରେ ଆଇ ବେଦିଦୁ ନାନୁ ଆୟା କାଣ୍ଡାଦିଙ୍ଗ୍ ବେଦିମୁସ୍‌କୁ ଇଡ୍‌ନା। ନାସ୍ତିୱାଲେ ଜଦି ମାପ୍‌ରୁ ବେଦି ମୁସ୍‌କୁ ସିସୁ ଆର୍‌ପ୍‌ନାନ୍ ମାରି ମିରୁ ନେସ୍‌ନିଦେର୍ ଜେ ୱାଣ୍ତ୍ରୁ ନିକାମେ ମାପ୍‌ରୁ।” ମାରି ବାଲ୍ ଦେୟାମ୍‌ଦି ବାବବାଦିଙ୍ଗ୍ ଉଣ୍ଡ୍ରେ ବଲିଦାନ୍ ତିଆର୍ କିତାର୍ ମାରି ସିସୁ ଆଡ୍‌ଗିସ୍‌ଏର୍।

![](https://cdn.door43.org/obs/jpg/360px/obs-en-19-08.jpg)

ମାରି ବାଲ୍ ଦେୟାମ୍‌ଦି ବାବବାଦିଙ୍ଗ୍ ବାଲ୍‌ଦିଙ୍ଗ୍ ପାର୍‌ତନା କିତାର୍, “ଏ ବାଲ୍ ଦେୟାମ୍, ମା ମାଟା ୱେନ୍‌ଆ!” ୱେଡ଼ାରୁଦାନ୍ ସେଉଡ଼ୁ ଆଜି ପାର୍‌ତନା କିତାର୍ ମାରି ଇୟାୱାଜା ଜେ ନିଜେ-ନିଜେ କୁଡାମ୍‌କୁ ଆସ୍‌ସି କୟାତାର୍, ମାରି ବାଲ୍ ଦେୟାମ୍ ଇନିକା ଉତର୍ ସିଏତାତ୍‌, ମାରି ୱାଣ୍ତ୍ରୁ ଇନି ସିସୁ ଆର୍‌ପ୍‌ଏତାନ୍।

![](https://cdn.door43.org/obs/jpg/360px/obs-en-19-09.jpg)

ବାଲ୍ ଦେୟାମ୍‌ଦି ବାବବାଦିର୍ ବାଲ୍ ଦେୟାମ୍‌ଦିଙ୍ଗ୍ ପାର୍‌ତନା କିଦେଙ୍ଗ୍ ପାକାପାକି ୱେଡ଼ାରୁ କିତାର୍‌। ୱେନ୍‌କା: ୱାରୁ ପାର୍‌ତନା କିଦେଙ୍ଗ୍ ଆଲେତାର୍। ନାସ୍ତିୱାଲେ ଏଲୀୟ ଆଇ କୋଡିଦି କାଣ୍ଡାଦିଙ୍ଗ୍ ମାପ୍‌ରୁଦି ବେଦି ମୁସ୍‌କୁ ଇଟ୍‌ତାମାର୍‌ହାନ୍‌। ଦାନିୱେନ୍‌କା, ୱାଣ୍ତ୍ରୁ ଲୋକାଙ୍ଗ୍ ୱେହ୍‌ତାନ୍ ଜେ ଏରୁଦି ବାର୍‌ଟା ପେରି କେଲ୍‌କାଣାନ୍ ଏରୁ ଆସ୍‌ସି ବଲିଦାନ୍ ମୁସ୍‌କୁ ୱାକ୍‌ତୁ ଇୟାୱାଜା ଜେ ଏମେ ନାସେଣାନ୍ କାଣ୍ଡା, ୱେହ୍‌କୁ, ମାରି ବେଦିଦି ସାରିସୁରୁଲାଦି ଭୁମିଦୁ ପୁରାପୁରି ଉଦ୍‌ନି ନାସେଣାନ୍।

![](https://cdn.door43.org/obs/jpg/360px/obs-en-19-10.jpg)

ଦାନିୱେନ୍‌କା ଏଲିୟ ପାର୍‌ତନା କିତାନ୍, “ଏ ଯିହୋବା, ଆବ୍ରାହାମ୍, ଇସାକ୍, ମାରି ଯାକୁବଦିଙ୍ଗ୍ ମାପ୍‌ରୁ, ମାଙ୍ଗିଁ ତର୍‌ପ୍‌ଆ ଜେ ନିନୁ ଇସ୍ରାଏଲ୍‌ଦି ମାପ୍ରୁ ମାରି ନାନୁ ନି ଗତିମୁର୍‌ଲି। ନାଙ୍ଗିଁ ଉତର୍ ସିଦା ଏନେଟ୍‌ଗି ଇୟାୱିଜୁ ଲୋକୁ ନେସିର୍ ଜେ ନିନୁ ନେ ସତ୍ ମାପ୍ରୁ।”

![](https://cdn.door43.org/obs/jpg/360px/obs-en-19-11.jpg)

ଦାପ୍‌ରେ,ବାଦଡ଼୍‌ଦାନ୍ ସିସୁ ଆର୍‌ତାତ୍ ମାରି କାଣ୍ଡା, ୱେହ୍‌କୁ, କାଲୁ, ସିକ୍‌ଲା, ମାରି ଇୟାୱାଜା ଜେ ଡାଗ୍‌ରୁ-ଡାଗ୍‌ରୁହି ଏରୁ ୱିଜୁ ୱାହିସ୍‌ତାନ୍‌। ଏସ୍ତିୱାଲେ ଲୋକୁ ଇକା ସୁଡ଼୍‌ତାର୍, ୱାରୁ ଭୁମିଦୁ ଆର୍‌ଜି ୱେହ୍‌ତାର୍, “ଯିହୋବା ନେ ମାପ୍‌ରୁ! ଯିହୋବା ନେ ମାପ୍‌ରୁ!”

![](https://cdn.door43.org/obs/jpg/360px/obs-en-19-12.jpg)

ଦାନିୱେନ୍‌କା ଏଲିୟ ୱେହ୍‌ତାନ୍, “ବାଲ୍ ଦେୟାମ୍‌ଦି ଅରେନ୍ ବା ବାବବାଦିର୍‌ ଜିଏଣ୍ଡା ସନାର୍!” ଆୟାୱାନ୍ଦିଙ୍ଗ୍ ଲୋକୁ ବାଲ୍ ଦେୟାମ୍‌ଦି ବାବବାଦିରି ଲୋକାଙ୍ଗ୍ ଆସ୍‌ତାର୍ ମାରି ୱାରିଙ୍ଗ୍ ଆବେଣାନ୍ ଆଇଡାଗ୍‌ରୁ ଅତାର୍ ମାରି ୱାରିଙ୍ଗ୍ ଡାକ୍‌ତାର୍।

![](https://cdn.door43.org/obs/jpg/360px/obs-en-19-13.jpg)

ମାରି ଏଲିୟ ଆହାବ ରାଜାଦିଙ୍ଗ୍‌ ୱେହ୍‌ତାନ୍, “ଦାପ୍‌ରେ ନିଜେ ଇନ୍‌ଣ୍ଡ୍ର ସନ୍‌ଆ, ମାତର୍ ପିରୁ ଆନାତ୍‌ଲେ।” ଦାପ୍‌ରେ ବାଦଡ଼୍‌ କାରିଙ୍ଗାଁ ଆତାତ୍, ମାରି ପେରି ପିରୁ ଆରାମ୍ ଆତାତ୍। ଯିହୋବା ମାପ୍‌ରୁ ଆୟା ମର୍‌ଡିଦିଙ୍ଗ୍‌ ୱିସ୍‌ତାନ୍। ଆବେଣାନ୍‌ ନେସ୍‌ତେଙ୍ଗ୍ ଆଟ୍‌ତାନ୍ ଜେ ଯିହୋବା ନେ ସତ୍ ମାପ୍‌ରୁ।

![](https://cdn.door43.org/obs/jpg/360px/obs-en-19-14.jpg)

ନାସ୍ତିୱାଲେ ଏଲୀୟ ନିଜେ ପାଣି ୱିସ୍‌ତାନ୍, ମାରି ମାପ୍‌ରୁ ଏଲିଶାୟ ଦୋରୁଦି ଉଣ୍ଡ୍ରେ ମେମାର୍ ନିଜେୱାନ୍ଦିଙ୍ଗ୍ ବାବବାଦି ଆଦେଙ୍ଗ୍ ଆସ୍‌କିତାନ୍। ମାପ୍‌ରୁ ଏଲିଶାୟଦି ବାଣାନ୍ ନାଣ୍ଡୋ କାବା ଆନି ପାଣି କିତାନ୍। ଉଣ୍ଡ୍ରେ କାବାଆନି ପାଣି ନାମାନଦି ୱାଲେ ଆତାତ୍। ୱାଣ୍ତ୍ରୁ ଉଣ୍ଡ୍ରେ ସାତ୍ରୁଦି ସେନାର୍‌ରି ସେନାପତି ମାହାନ୍, ମାରି ୱାନି ତୋଲୁଦୁ ଉଣ୍ଡ୍ରେ ସେଇ ରୋଗାମ୍‌ ଆତାମାର୍‌ହାତ୍। ନାମାନ ଏଲିଶାୟଦି ବିଷୟ ୱେହାମାହାନ୍, ଆୟାୱାନ୍ଦିଙ୍ଗ୍ ୱାଣ୍ତ୍ରୁ ଏଲିଶାୟ ଡାଗ୍‌ରୁ ୱାତାନ୍ ମାରି ଦାନିଙ୍ଗ୍‌ ୱେହ୍‌ତାନ୍ ଜେ ୱାନିଙ୍ଗ୍ ନେଗେଣ୍ଡ୍ କିଦେଙ୍ଗ୍ ବାତିମାଲିତାନ୍‌। ଏଲିଶାୟ ନାମାନଦିଙ୍ଗ୍ ୱେହ୍‌ତାତ୍ ଜେ ଯୋର୍ଦନ୍‌ ଗାଡାଦୁ ସନ୍‌ସି ଏରୁଦୁ ଏଡ଼ୁ ଜାରିଙ୍ଗ୍‌ ମୁଡୁଗ୍‌ଜି ନିଙ୍ଗ୍‌ଆ।

![](https://cdn.door43.org/obs/jpg/360px/obs-en-19-15.jpg)

ନାମାନ ରିସା ଆତାନ୍। ୱାଣ୍ତ୍ରୁ ଇୟାଲେକେନ୍ କିଦେଙ୍ଗ୍ ମନା କିତାନ୍, ମାତର୍ ଇକା ୱାନିଙ୍ଗ୍ ମୁର୍‌କଦି ପାଣିୱାଜା ଲାଗେଆଜି ମାର୍‌ହାତ୍। ମାରି ୱେନ୍‌କା ୱାଣ୍ତ୍ରୁ ନିଜେ ମାନ୍‌ସୁଦିଙ୍ଗ୍ ବାଦ୍‌ଲେ କିତାନ୍ ମାରି ସନ୍‌ସି ଯୋର୍ଦନ୍‌ ଗାଡାତି ଏରୁଦୁ ଏଡ଼ୁ ଜାରିଙ୍ଗ୍‌ ମୁଡୁଗ୍‌ଜି ନିଙ୍ଗିଁତାନ୍। ୱିଜ୍‌ନି ଏସ୍ତିୱେଡାଦୁ ୱାଣ୍ତ୍ରୁ ଏରୁଦାନ୍ ସୋସି ୱାତାନ୍ ଏସ୍ତିୱାଲେ ମାପ୍‌ରୁ ୱାନିଙ୍ଗ୍ ନେଗେଣ୍ଡ୍ କିତାନ୍।

![](https://cdn.door43.org/obs/jpg/360px/obs-en-19-16.jpg)

ମାପ୍‌ରୁ ଇସ୍ରାଏଲ୍‌ଦି ଲୋକା ଡାଗ୍‌ରୁ ଆଇ ନାଣ୍ଡୋ ବାବବାଦି ଲୋକାଙ୍ଗ୍ ପୋକ୍‌ତାନ୍। ୱାରୁ ୱିଜୁ ଲୋକୁ ୱାରିଙ୍ଗ୍ ଦେୟାମଦି ଉପାସନା ବନ୍ଦ୍ କିଦେଙ୍ଗ୍ ୱେର୍‌ତାର୍। ଇୟା ବାଦ୍‌ଲୁଦାନ୍ ଜେ,ୱାରି ଲୋଇ ନ୍ୟାୟୱାଜା କୁଡ୍‌ଜି ସାଦୁ ମାରି ୱାରି ଲୋଇ ଦୟା କିଦେଙ୍ଗ୍ ମାନାତ୍। ଆୟା ବାବବାଦି ଇସ୍ରାଏଲ୍ ଲୋକାଙ୍ଗ୍ ଦାଣ୍‌କିସ୍‌ତାର୍‌ ଜେ ୱାରୁ ସେଏଣ୍ଡ୍ ପାଣି କିଦେଙ୍ଗ୍ ବନ୍ଦ୍ କିଦୁ ମାରି ଇୟା ବାଦ୍‌ଲୁଦାନ୍ ମାପ୍‌ରୁଦି ମାଟା ମାନାନିଦେର୍। ମାତର୍ ୱାରୁ ଇୟାୱାଜା କିଏର୍ ମାରି ମାପ୍‌ରୁ ୱାରିଙ୍ଗ୍ ଦସ୍‌କିଜି ବିଚାର୍ କିନାନ୍, ମାରି ୱାରିଙ୍ଗ୍ ଡଣ୍ଡ୍ କିନାନ୍।

![](https://cdn.door43.org/obs/jpg/360px/obs-en-19-17.jpg)

ନାଣ୍ଡୋ ୱେଡାଦୁ, ଆୟା ଲୋକୁ ମାପ୍‌ରୁଦି ନିୟମ ମାନାଏତାର୍। ୱିଜୁୱାଲେ ୱାରୁ ବାବବାଦିଙ୍ଗ୍ ସେଇ ପାଣି କିତାର ମାରି ଇୟାୱାଜାନେ ଏସେଙ୍ଗ୍-ଏସେଙ୍ଗ୍ ୱାରିଙ୍ଗ୍ ସାପିସ୍ତାର୍। ଉଣ୍ଡ୍ରେ ତର୍, ୱାରୁ ଯିରୀମିୟ ବାବବାଦିଙ୍ଗ୍ ୱାହ୍‌ତି କୁଇଁ କାଲ୍ ଲୋଇ ପୋକ୍‌ତାଡ଼ିସ୍‌ତାର୍ ମାରି ୱାନିଙ୍ଗ୍ ସାନିୱାନ୍ଦିଙ୍ଗ୍ ଡ଼ିସ୍‌ତାନ୍‌।ୱାଣ୍ତ୍ରୁ କୁଇଁ କାଲ୍‌ଦି ସିକ୍‌ଲାଦୁ ମୁଡୁଗିତାନ୍। ମାରି ନାସ୍ତିୱାଲେ ରାଜାଦିଙ୍ଗ୍ ୱାନି ମୁସ୍‌କୁ ଦୟା ୱାତାତ୍ ମାରି ୱାଣ୍ତ୍ରୁ ୱାରିଙ୍ଗ୍ ସେନାରିଙ୍ଗ୍ ଆଦେଶ୍ ସିତାନ୍ ଜେ ଯିରୀମିୟ ସାତି ୱେନ୍‌କା ୱାନିଙ୍ଗ୍ କୁଇଁ କାଲ୍‌ଦାନ୍ ବାଇଲୁଦୁ ତାଗାଟ୍।

![](https://cdn.door43.org/obs/jpg/360px/obs-en-19-18.jpg)

ବାବବାଦିର୍ ମାପ୍‌ରୁଦି ବାଣାନ୍ ୱେହ୍‌ନିକା ବନ୍ଦ୍‌କିଏତାର୍‌ ମାରିବା ଲୋକୁ ୱାରୁ କାରାହିଜି ମାର୍‌ହାର୍। ୱାରୁ ଲୋକାଙ୍ଗ୍ ଦାଣ୍‌କିସ୍‌ତାର୍‌ ଜେ ମାରି ୱାରୁ ମାନ୍‌ସୁ ଡ଼େପ୍‌ଏତିଙ୍ଗା ମାରି ମାପ୍‌ରୁ ୱାରିଙ୍ଗ୍ ନାଷ୍ଟୁ କିନାନ୍। ୱାରୁ ଲୋକାଙ୍ଗ୍ ଇକା ୱିଜୁ ଅଡ଼୍‌ବିତାର୍ ଜେ ମାପ୍‌ରୁ ୱାରି ଡାଗ୍‌ରୁ ମସିହାଦିଙ୍ଗ୍ ପୋକ୍‌ତେଙ୍ଗ୍ ପାର୍‌ମାଣ୍ କିତାମାନାନ୍‌।

*୧ରାଜା ୧୬ -୧୮; ୨ରାଜା ୫; ଯିରୀମିୟ ୩୮ ଦି ଉଣ୍ଡ୍ରେ ବାଇବଲ୍‌ଦି କାତା*

## 20. ୨୦. ଇସ୍‌ରାଏଲ୍‌ଦିକାର୍ ବନ୍ଦି ଆନିକା ମାରି ମାରିଢେସି ୱାନିକା

https://openbiblestories.org/l/pci/story-20/

![](https://cdn.door43.org/obs/jpg/360px/obs-en-20-01.jpg)

ଇସ୍ରାଏଲ୍ ରାଜି ମାରି ଯିହୁଦା ରାଜି ଆୟା ରୁଣ୍ଡି ରାଜି ମାପ୍‌ରୁ ବିରୁଦ୍ ପାପାମ୍ କିତାର୍। ଆୟା ପାର୍‌ମାଣାମ୍‌ଦିଙ୍ଗ୍ ମାନାଏତାର୍‌ ଏମେକାଗି ମାପ୍‌ରୁ ସିନୟ ଗରୋତୁ କିତାମାର୍‌ହାନ୍‌। ମାପ୍‌ରୁ ୱାରି ମାନ୍‌ସୁଦିଙ୍ଗ୍ ଢେପ୍‌ତେଙ୍ଗ୍ ମାରି ମାରିଢେସି ୱାନି ଆରାଦନା କିଦେଙ୍ଗ୍ ଇଜି ଜାଗ୍‌ରତ୍ କିଦେଙ୍ଗ୍ ନିଜେଦି ବାବବାଦିଦିଙ୍ଗ୍‌ ପକ୍‌ତାନ୍, ମାରି ୱାରୁ ୱାରି ମାଟା ମାନାଦେଙ୍ଗ୍ ମନାକିତାର୍।

![](https://cdn.door43.org/obs/jpg/360px/obs-en-20-02.jpg)

ମାରି: ମାପ୍‌ରୁ ୱାରି ଶତ୍ରୁଙ୍ଗାଁ ଶାକ୍ତି ସିଜି ଆୟା ରୁଣ୍ଡି ରାଜିଦୁ ଡଣ୍ଡ୍ ସିତାନ୍। ଆସିରୀୟ ଉଣ୍ଡ୍ରେ ଆଇ ଦେଶମ୍ ମାର୍‌ହାତ୍ ଏୟେନ୍‌ଗି ନାଣ୍ଡୋ ସାତୁତିକାନ୍ ଆତା ମାର୍‌ହାନ୍। ୱାରୁ ଆଇ ଦେଶେମ୍‌ଦି ୱାନ୍ଦିଙ୍ଗ୍‌ ଦୟା ସିଲେଣ୍ତା ମାର୍‌ହାତ୍‌। ୱାରୁ ୱାଜି ଇସ୍ରାଏଲ୍ ରାଜିଦିଙ୍ଗ୍ ନାଷ୍ଟୁ କିତାଢିସ୍‌ତାର୍। ଆସିରୀୟତିକାର୍ ୱାଜି ଇସ୍ରାଏଲ୍ ରାଜିଦି ନାଣ୍ଡୋ ଲୋକାଙ୍ଗ୍ ସାପିସ୍‌ତାର, ଏମେକା ୱାରୁ ମାନ୍‌ସୁ କିତାର୍ ଆକା ରେଲ୍‌ଜି ଅତାର୍ ମାରି ଦେଶେମ୍‌ଦି ଏସୋ ସାନ୍ଦି ଆଟ୍‌କ୍‌ତାର୍‌।

![](https://cdn.door43.org/obs/jpg/360px/obs-en-20-03.jpg)

ଆସିରୀୟର୍ ୱିଜୁ ନେତାରିଙ୍ଗ୍, ଦନିଲୋକାଙ୍ଗ୍‌, ମାରି ନିନି ଲୋକାରିଙ୍ଗ୍ ଏୟେଏର୍‌ଗି ନାଣ୍ତୋଦାରା ଜିନିଷ ତିଆର୍ କିଦେଙ୍ଗ୍ ଆଟ୍‌ସି ମାର୍‌ହାର୍‌ ମାରି ୱାରିଙ୍ଗ୍‌ ଉଣ୍ଡ୍ରେବାନୁ ଉଣ୍ତାକିତାନ୍ ମାରି ୱାରୁ ୱାରିଙ୍ଗ୍ ଆସିରୀୟ ଦେଶେମ୍‌ଦୁ ଅତାର୍। ଇସ୍ରାଏଲ୍‌ଦୁ ଇନି ଗରିବ୍ ଇସ୍ରାଏଲିୟର୍ ବାକି ମାର୍‌ହାର୍‌।

![](https://cdn.door43.org/obs/jpg/360px/obs-en-20-04.jpg)

ଦାନିୱେନ୍‌କା ଆସିରୀୟ ଲୋକୁ ୱାୟା ଦେଶେମ୍‌ଦୁ ମାନିୱାନ୍ଦିଙ୍ଗ୍ ବିଦେସ୍‌ତିତି ଲୋକାଙ୍ଗ୍ ତାତାର୍। ଆୟା ବିଦେସ୍‌ତି ଲୋକୁ ଆୟ ଗଡ଼୍‌ଦିଙ୍ଗ୍ ମାରିଡ଼େସି ତିଆର୍ କିତାର୍। ଏମେ ଇସ୍ରାଏଲଦିକାର୍ ଆବେନୁ ମାର୍‌ହାର୍ ୱାରିୱାଲେ ବିଦେସ୍‌ତିକାର୍‌ ପେଡ଼ି କିତାର୍। ଆୟା ଲୋକାରି କୁଟୁମ୍‌ଦିଙ୍ଗ୍ ସାମରିୟ ୱେର୍‌ତାର୍।

![](https://cdn.door43.org/obs/jpg/360px/obs-en-20-05.jpg)

ଯିହୁଦା ରାଜିଦି ଲୋକୁ ସୁଡ଼୍‌ତାର୍ ଜେ ଏଣ୍ଡେସ୍ ମାପ୍‌ରୁ ୱାନି ମୁସ୍‌କୁ ବିସ୍‌ବାସ୍ କିଏତିଙ୍ଗ୍‌ ମାରି ୱାନିମାଟା ଆସ୍‌ଏତିଙ୍ଗ୍‌ ଇସ୍ରାଏଲ୍ ରାଜିଦି ଲୋକାଙ୍ଗ୍ ଡଣ୍ଡ୍‌ସିତାର୍। ମାରି ଆତିଙ୍ଗାବା ୱାରୁ କିଣାନିୟ ଦେୟାମ୍‌ଙ୍ଗାଁ ଉପାସନା କିତାର୍। ମାପ୍‌ରୁ ୱାରିଙ୍ଗ୍ ଜାଗ୍‌ରତ୍ କିନିୱାନ୍ଦିଙ୍ଗ୍ ବାବବାଦିଦିଙ୍ଗ୍‌ ପକ୍‌ତାନ୍। ମାରି ୱାରୁ ୱେନ୍‌ଣ୍ଡ୍ରେଙ୍ଗ୍ ମାନ୍‌ସୁ କିଏତାର୍।

![](https://cdn.door43.org/obs/jpg/360px/obs-en-20-06.jpg)

ପାକା ପାକି ସଏ ପାଟେଙ୍ଗ୍‌ ୱେନ୍‌କା ଆସିରୀୟଣିତିକାର୍‌ ଇସ୍ରାଏଲ୍‌ ରାଜିଦିଙ୍ଗ୍‌ ନାଷ୍ଟୁ କିଦେଙ୍ଗ୍ ମାପ୍‌ରୁ ବାବିଲୋନ ରାଜା ନବୂଖଦ୍ ନେସର୍‌ଦି ଯିହୂଦା ରାଜିମୁସ୍‌କୁ ଡେଇଦେଙ୍ଗ୍ ଇଜି ପକ୍‌ତାନ୍। ବାବିଲୋନ ଉଣ୍ଡ୍ରେ ସାତୁତି ଦେଶେମ୍ ମାର୍‌ହାତ୍। ଯିହୂଦାଦି ରାଜା ନବୁଖଦ୍ ନେସର୍‌ଦି ଦାସ୍‌ ଆନିୱାନ୍ଦିଙ୍ଗ୍ ମାରି ୱିଜୁ ପାଟେଙ୍ଗ୍‌ ୱାନିଙ୍ଗ୍ ନାଣ୍ଡୋ ସମ୍ପତି ସିନିୱାନ୍ଦିଙ୍ଗ୍ ରାଜି ଆତାର୍।

![](https://cdn.door43.org/obs/jpg/360px/obs-en-20-07.jpg)

ମାରି ଏସୋ ପାଟେଙ୍ଗ୍ ୱେନ୍‌କା ଯିହୂଦାଦି ରାଜା ବାବିଲୋନୀୟଦିଙ୍ଗ୍ ବିରୁଦ୍‌କିତାର୍ ମାରି ବାବିଲୋନୀୟର୍ ମାରିଡ଼େସି ଯିହୂଦା ରାଜି ମୁସ୍‌କୁ ଡେଇତାର୍। ୱାରୁ ଯିରୂଶାଲମ୍ ଗଡ଼ ନିଜେଦି କିତାର୍, ମନ୍ଦିର୍‌ଦିଙ୍ଗ୍ ନାଷ୍ଟୁକିତାର୍ ମାରି ଗଡ଼ ମାରି ମନ୍ଦିର୍‌ଦି ୱିଜୁ ସମ୍ପତି ଅତାର୍।

![](https://cdn.door43.org/obs/jpg/360px/obs-en-20-08.jpg)

ବିରୁଦ୍‌କିନି ୱାନ୍ଦିଙ୍ଗ୍‌ ଯିହୂଦାଦି ରାଜାଦିଙ୍ଗ୍‌ ଡଣ୍ତ୍‌ସିନି ୱାନ୍ଦିଙ୍ଗ୍ ନବୁଖଦ୍‌ନେସର୍‌ରି ସେନାର୍ ରାଜାରି କଡ଼ଦିଙ୍ଗ୍ ୱାନି ଏଦ୍‌ରୁ ସାୟାମାର୍‌ଗା ଡାକ୍‌ତାର୍‌ ମାରି ୱାନିଙ୍ଗ୍‌ କାଣା କିତାର୍, ୱାରୁ ରାଜାଦିଙ୍ଗ୍ ଅତାର୍ ଏଣ୍ତେସ୍‌ଗି ୱାଣ୍ତ୍ରୁ ଜଇଲ୍‌ଦୁ ସାନାନ୍‌।

![](https://cdn.door43.org/obs/jpg/360px/obs-en-20-09.jpg)

ନବୁଖଦ୍‌ନେସର୍ ମାରି ୱାରି ସେନାର୍ ଯିହୂଦା ରାଜିଦି ପାକା ପାକି ୱିଜୁ ଲୋକାଙ୍ଗ୍‌ ବାବିଲୋନଦୁ ଅତାର୍‌ ନିଙ୍ଗିଁନେ ୱିଜେରିଙ୍ଗ୍ ଗରିବ ଲୋକାଙ୍ଗ୍ ୱେନ୍‌କା ଡିସ୍‌ତାର୍ ମାତର୍ ୱାରୁ ମାଡିଦୁ ଦିନ୍‌ସୁକିନି ୱେଡ଼ାଦି ଇୟାକାଡ଼ାଦିଙ୍ଗ୍ ସାକର୍‌ଆନିକା ୱେର୍‌ତାର୍‌ ଏମେବାଣାନ୍ ମାପ୍‌ରୁ ଲୋକାଙ୍ଗ୍ ପାର୍‌ମାଣାମ୍‌କିତି ଦେଶେମ୍‌ଦାନ୍ ସସି ସଣ୍ଡ୍ରେଙ୍ଗ୍ ଇଜି ବିଜାର୍ କିତାର୍‌।

![](https://cdn.door43.org/obs/jpg/360px/obs-en-20-10.jpg)

ମାରିବା ମାପ୍‌ରୁ ନିଜେଦି ଲୋକାଙ୍ଗ୍‌ ୱାରି ପାପାମ୍ ୱାନ୍ଦିଙ୍ଗ୍ ୱାରିଙ୍ଗ୍ ଆଇ ଦେଶେମ୍‌ଦୁ ବନ୍ଦି ଆଜି ପକ୍‌ସି ଡଣ୍ତ୍‌ କିତାନ୍‌, ମାରିବା ୱାଣ୍ତ୍ରୁ ୱାରିଙ୍ଗ୍‌ ମାରି ନିଜେଦି ପର୍‌ମାଣାମ୍‌ଦିଙ୍ଗ୍ ବାଣାଏଣ୍ଡା ମାର୍‌ହାର୍। ମାପ୍‌ରୁ ନିଜେଦି ଲୋକାଙ୍ଗ୍ ସୁଡ଼୍‌ଦେଙ୍ଗ୍ ଆରାମ୍ କିତାନ୍ ମାରି ନିଜେଦି ବାବବାଦିଦିବାଣାନ୍ ୱାରିଙ୍ଗ୍ ୱାର୍‌ଗିଜି ମାର୍‌ହାନ୍‌। ୱାଣ୍ତ୍ରୁ ପାର୍‌ମାଣାମ୍‌ କିତାନ୍‌ଜେ ସତୁରି ପାଟେଙ୍ଗ୍ ୱେନ୍‌କା, ୱାରୁ ମାରିଢେସି ପର୍‌ମାଣାମ୍ କିତିମାହି ଦେଶେମ୍‌ଦୁ ଡ଼େସି ୱାନାର୍।

![](https://cdn.door43.org/obs/jpg/360px/obs-en-20-11.jpg)

ପାକାପାକି ସତୁରି ବରଷ୍ ୱେନ୍‌କା, ପେର୍‌ସିଆ ଦେଶେମ୍‌ଦି ରାଜା ସାଇରୁସ୍ ବାବିଲ୍‌ଦିଙ୍ଗ୍ ଆରାକିତାନ୍, ଇୟାୱାନ୍ଦିଙ୍ଗ୍ ବାବିଲନ୍‌ଦି ଶାସନ୍ ବାଦ୍‌ଲୁଦାନ୍ ପେର୍‌ସିଆଦି ଶାସନ୍ ନାଣ୍ଡୋ ଦେଶେମ୍ ମୁସ୍‌କୁ ଶାସନ୍ କିଜି ମାର୍‌ହାର୍। ଇୟେଲ୍ ଇସ୍ରାଏଲ୍‌ଦି ଲୋକାଙ୍ଗ୍‌ ଯିହୁଦି ୱେର୍‌ସିମାର୍‌ହାର୍। ୱାରିବାଣାନ୍ ନାଣ୍ଡୋ ଲୋକୁ ନିଜେଦି ପୁରାଜିଉ ବାବିଲନ୍‌ଦୁ ଜିତାମାର୍‌ହାନ୍‌। ମାତର୍‌ ଯିହୁଦି ଡକ୍‌ରାରିଙ୍ଗ୍ ଯିହୁଦା ଦେଶେମ୍‌ଦିଙ୍ଗ୍‌ ଅଡ଼୍‌ପୁ ମାର୍‌ହାତ୍।

![](https://cdn.door43.org/obs/jpg/360px/obs-en-20-12.jpg)

ପେର୍‌ସିଆତି ଲୋକୁ ନାଣ୍ଡୋ ସାତୁତିକାର୍ ମାର୍‌ହାର୍, ମାତର୍ ୱାରୁ ୱାରି ଜିଣାତି ମାହି ଲୋକାମୁସ୍‌କୁ ଦୟା କିଜି ମାର୍‌ହାର୍। ପେର୍‌ସିଆଦି ଲୋକୁଦି ରାଜା ଆଜି ଏସୋୱେଡ଼ା ୱେନ୍‌କା, ସାଇରସ୍ ରାଜା ଉଣ୍ଡ୍ରେ ଆଦେଶ୍ ସିତାନ୍ ଜେ ଏମେ ଯିହୁଦି ଯିହୁଦା ଦେଶେମ୍‌ଦୁ ଢେସି ସନ୍‌ଡ୍ରେଙ୍ଗ୍‌ ମାନ୍‌ସୁକିତାର୍, ୱାରୁ ପେର୍‌ସିଆଦାନ୍ ସୋସି ଯିହୁଦା ଦେଶେମ୍‌ଦୁ ସନ୍‌ଣ୍ଡ୍ରେଙ୍ଗ୍ ଆଟ୍‌ନାର୍। ଇୟାୱାଜା ନେ ଜେ ୱାଣ୍ତ୍ରୁ ୱାରିଙ୍ଗ୍ ମନ୍ଦିର୍ ତିଆର୍ କିଦେଙ୍ଗ୍ ସମ୍ପତି ବା ସିତାନ୍। ମାରି: ୱାଣ୍ତ୍ରୁ ସାକର୍‌ଆଜି ସତୁରି ପାଟେଙ୍ଗ୍‌ ୱେନ୍‌କା, ଯିହୁଦିରି ଉଣ୍ଡ୍ରେ ନିସ୍‌ରି ମାନ୍ଦା ଯିହୁଦାଦି ଯିରୁଶାଲମ୍ ଗଡ଼୍‌ଦୁ ଢେସି ୱାତାର୍।

![](https://cdn.door43.org/obs/jpg/360px/obs-en-20-13.jpg)

ଏସେଙ୍ଗ୍ ଲୋକୁ ଯିରୁଶାଲମ୍‌ଦୁ ଇତାର୍, ୱାରୁ ମନ୍ଦିର୍ ମାରି ଗଡ଼୍‌ଦି ସାରିବେଡ୍‌ତିତି କାତିଦିଙ୍ଗ୍‌ ମାରିଢେସି ତିଆର୍ କିତାର୍। ପେର୍‌ସିଆ ଲୋକୁ ଇଏଲ୍ ବା ୱାରିମୁସ୍‌କୁ ଶାସନ୍ କିଜିମାର୍‌ହାର୍, ମାରି ମାରିଢେସି ୱାରୁ ପାର୍‌ମାଣାମ୍‌କିତି ଦେଶେମ୍‌ଦୁ ମାନ୍‌ଜି ମନ୍ଦିର୍‌ଦୁ ଆରାଧନା କିଜିମାର୍‌ହାର୍।

*୨ ରାଜାବଳି ୧୭;୨୪-୨୫ ୨ବଂଶାବଳି ୩୬; ଏଜ୍ରା ୧-୧୦; ନିହିମିୟା ୧-୧୩ ଦି ଉଣ୍ଡ୍ରେ ବାଇବଲ୍‌ଦି କାତାନି*

## 21. ୨୧. ମାପ୍‌ରୁ ଖ୍ରୀଷ୍ଟଦିଙ୍ଗ ପକିସ୍‌ନି ୱାନ୍ଦିଙ୍ଗ୍‌ ସପତ୍ କିତାନ୍‌

https://openbiblestories.org/l/pci/story-21/

![](https://cdn.door43.org/obs/jpg/360px/obs-en-21-01.jpg)

ଏସ୍ତିୱାଲେ ମାପ୍‌ରୁ ଦୁନିଆଦିଙ୍ଗ୍‌ ତିଆର୍ କିତାମାର୍‌ହାନ୍, ୱାଣ୍ତ୍ରୁ ନେସ୍ତାମାର୍‌ହାନ୍ ଜେ ୱାଣ୍ତ୍ରୁ ଉଣ୍ଡ୍ରେଦିନାମ୍ ଖ୍ରୀଷ୍ଟଦିଙ୍ଗ୍ ପକ୍‌ନାନ୍। ୱାଣ୍ତ୍ରୁ ଆଦମ୍ ମାରି ହବାଦିଙ୍ଗ୍ ପାର୍‌ମାଣାମ୍ କିତାମାର୍‌ହାନ୍ ଜେ ୱାଣ୍ତ୍ରୁ ଇୟାୱାଜା କିନାନ୍। ୱାଣ୍ତ୍ରୁ ୱେର୍‌ତାନ୍ ଜେ ହବାଦି ବାଣାନ୍ ଉଣ୍ତ୍ରେ କୁଟୁମ୍‌ତି ଅରେନ୍‌ ଆନାନ୍‌ ଏୟେନ୍‌ଗି ସାରାସୁତାଲାଦିଙ୍ଗ୍ ଗୁତ୍‌ନାନ୍। ନିକାମେ ଆକା ସୟତାନ୍‌ନେ ମାର୍‌ହାନ୍ ଏୟେନ୍ ସାରାସୁ ୱାଜା ୱାଜି ହବାଦିଙ୍ଗ୍ ଦକା ସିତାନ୍। ମାପ୍‌ରୁ ୱେର୍‌ନି ଅର୍‌ତ ଇକା ମାର୍‌ହାତ୍ ଜେ ଖ୍ରୀଷ୍ଟ ସୟତାନ୍‌ଦିଙ୍ଗ୍ ପୁରାପୁରି ୱାଜା ଆରା କିନାନ୍।

![](https://cdn.door43.org/obs/jpg/360px/obs-en-21-02.jpg)

ମାପ୍‌ରୁ ଆବ୍ରାହାମ୍‌ଦିଙ୍ଗ୍ ପାର୍‌ମାଣାମ୍‌ କିଜି ୱେର୍‌ତାନ୍। ଏୟେନ୍‌ଗି ୱାନିବାଣାନ୍ ପୁର୍‌ତିବିଦି ୱିଜୁ ଜାତି ଆର୍ଶିବାଦ୍ ପାଏଆନାର୍‌ ଆୟା ଆର୍ଶିବାଦ୍ ସମାନ୍ ଆନାତ୍ ଏସ୍ତିୱାଲେ ଖ୍ରୀଷ୍ଟ ୱାନିଦିନାମ୍‌କାଙ୍ଗ୍‌ ଉଣ୍ଡ୍ରେଦିନ୍ ୱାନାନ୍। ପୁର୍‌ତିବିଦୁ ମାନି ୱିଜୁ ଜାତିଦି ଲୋକାଙ୍ଗ୍ ୱାରି ପାପାମ୍‌ଦାନ୍ ୱାରିଙ୍ଗ୍‌ ରକିୟା କିନାନ୍।

![](https://cdn.door43.org/obs/jpg/360px/obs-en-21-03.jpg)

ମାପ୍‌ରୁ ମୋଶାଦିଙ୍ଗ୍ ପାର୍‌ମାଣାମ୍ କିତାମାର୍‌ହାନ୍ ଜେ ୱାନିଦିନାମ୍‌କାଙ୍ଗ୍‌ ୱାଣ୍ତ୍ରୁ ମୋଶାଦି ୱାଜା ଆଇ ଅରେନ୍‌ ବାବବାଦିଦିଙ୍ଗ୍ ପକ୍‌ନାନ୍। ଇୟା ବାବବାଦିଲୋକୁ ଖ୍ରୀଷ୍ଟ ଆନାନ୍। ଇୟାୱାଜା, ମାପ୍‌ରୁ ମାରିଅର୍‌ସୁ ପର୍‌ମାଣାମ୍ କିତାନ୍ ଜେ ୱାଣ୍ତ୍ରୁ ଖ୍ରୀଷ୍ଟଦିଙ୍ଗ୍ ପକ୍‌ନାନ୍।

![](https://cdn.door43.org/obs/jpg/360px/obs-en-21-04.jpg)

ମାପ୍‌ରୁ ରାଜା ଦାଉଦିଙ୍ଗ୍ ପାର୍‌ମାଣାମ୍‌ କିତାମାର୍‌ହାନ୍ ଜେ ୱାରି କୁଟୁମ୍‌ଦି ବାଣାନ୍ ଅରେନ୍ ଖ୍ରୀଷ୍ଟ ଆନାନ୍। ୱାଣ୍ତ୍ରୁ ରାଜା ଆନାନ୍ ମାରି ମାପ୍‌ରୁଦି ଲୋକା ମୁସ୍‌କୁ ୱିଜୁଦିନାମ୍ ୱାନ୍ଦିଙ୍ଗ୍ ଶାସନ୍ କିନାନ୍।

![](https://cdn.door43.org/obs/jpg/360px/obs-en-21-05.jpg)

ମାପ୍‌ରୁ ଯିରିମିୟ ଭବିସତ୍ ମାଟା ୱେର୍‌ନି ଲୋକଦିଙ୍ଗ୍ ୱାର୍‌ଗିଜି ୱେହ୍‌ତାନ୍ ଜେ ଉଣ୍ଡ୍ରେ ଦିନାମ୍ ୱାଣ୍ତ୍ରୁ ଉଣ୍ଡ୍ରେ ପୁନି ପାର୍‌ମାଣାମ୍‌ କିନାନ୍‌। ଆୟା ପୁନି ପାର୍‌ମାଣାମ୍‌ ପାଡାଇ ପାର୍‌ମାଣାମ୍‌ ୱାଜା ଆଏତ୍ ଏମେକା ଇସ୍ରାଏଲ୍‌ରି ୱାଲେ ସିନୟ ଗୋରତୁ କିତାମାର୍‌ହାନ୍। ଏସେଙ୍ଗ୍ ୱାଣ୍ତ୍ରୁ ଆୟା ପୁନି ପାର୍‌ମାଣାମ୍‌ ଲୋକାୱାଲେ କିନାନ୍, ମାପ୍‌ରୁ ୱାରିଙ୍ଗ୍ ମାପ୍‌ରୁଦିଙ୍ଗ୍(ବ୍ୟକ୍ତିଗତ) ନିଜେଦିଙ୍ଗ୍‌ ନେସ୍‌ନି ୱାଜା କିନାନ୍। ୱିଜୁ ଲୋକୁ ୱାନିଙ୍ଗ୍ ଜିଉନନାର୍ ମାରି ୱାନି ନିୟମ୍ ମାନାଦେଙ୍ଗ୍ ମାନ୍‌ସୁ କିନାର୍। ମାପ୍‌ରୁ ୱେର୍‌ତାନ୍ ଜେ ଇକା ୱାରି ନିୟମ୍ ୱିଜେରି ଜିଉଦୁ ରାସାତି ୱାଜା ଆନାତ୍‌। ୱାରୁ ୱାନି ଲୋକୁ ଆନାର୍, ମାରି ମାପ୍‌ରୁ ୱାରି ପାପାମ୍ କ୍ଷମା କିନାନ୍। ୱାଣ୍ତ୍ରୁ ଖ୍ରଷ୍ଟ ଆନାନ୍‌ ଏୟେନ୍‌ ୱାରି ୱାଲେ ଆୟା ପାର୍‌ମାଣାମ୍‌ କିନାନ୍।

![](https://cdn.door43.org/obs/jpg/360px/obs-en-21-06.jpg)

ମାପ୍‌ରୁଦି ବାବବାଦି ଲୋକାଙ୍ଗ୍‌ ଇକାବା ୱେର୍‌ତାମାର୍‌ହାନ୍‌ ଜେ ଖ୍ରୀଷ୍ଟ ଆରେନ୍ ଭବିସତ୍ ମାଟା ୱେର୍‌ନି ଲୋକୁ, ଆରେନ୍ ବାବବାଦି ଆୟା ଲୋକୁ ଏୟେନ୍‌ଗି ମାପ୍‌ରୁଦି ମାଟା ୱେନାନ୍, ମାରି ଦାନିୱେନ୍‌କା ଲୋକାରିଙ୍ଗ୍ ମାପ୍‌ରୁଦି ବାକ୍ୟ ୱେର୍‌ନାନ୍। ଏୟେଙ୍ଗ୍‌ଗି ପକ୍‌ନିୱାନ୍ଦିଙ୍ଗ୍ ମାପ୍‌ରୁ ପର୍‌ମାଣାମ୍ କିତାମାର୍‌ହାନ୍ ଆୟା ଖ୍ରୀଷ୍ଟ ଅରେନ୍‌ ପବିତ୍ର ବାବବାଦି ଆନାନ୍। ମାରି ଦାନି ଅର୍ତ, ଆୟା ଖ୍ରୀଷ୍ଟ ମାପ୍‌ରୁଦି ମାଟା ନେଗେଣ୍ଡଦାନ୍ ୱେର୍‌ନାନ୍, ମାରି ୱାଣ୍ତ୍ରୁ ଲୋକାଙ୍ଗ୍ ଆୟା ବାକ୍ୟଦିଙ୍ଗ୍‌ ନେଗେଣ୍ଡ୍‌ଦାନ୍ ଅଜାକିନାନ୍।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲ୍‌ଦି ଯାଜକର୍ ଲୋକାୱାନ୍ଦିଙ୍ଗ୍ ମାପ୍‌ରୁ ଆଗ୍‌ଡି ବଲିଦାନ୍ ବନ୍ଦ୍‌କିଏତାର୍। ଇୟା ବଲିଦାନ୍ ଲୋକା ପାପାମ୍‌ୱାନ୍ଦିଙ୍ଗ୍ ୱାରିଙ୍ଗ୍ ମାପ୍‌ରୁଦି ବାଣାନ୍ ଦଣ୍ଡ୍‌ସିନି ବାଡିଦୁ ଏକିସ୍‌ସି ମାର୍‌ହାର୍। ଯାଜକର୍ ଲୋକାୱାନ୍ଦିଙ୍ଗ୍ ପାର୍‌ତନା ବା କିଜିମାର୍‌ହାର୍। ମାତର୍ ଆୟା ଖ୍ରୀଷ୍ଟ ପବିତ୍ର ପେରି ଯାଜକ ଆନାନ୍ ଏୟେନ୍‌ଗି ମାପ୍‌ରୁଦିଙ୍ଗ୍ ସିନିୱାନ୍ଦିଙ୍ଗ୍ ଉଣ୍ଡ୍ରେ ପବିତ୍ର ନିଜେଦିଙ୍ଗ୍ ଏକିସ୍‌ନାନ୍। ଦାନି ଅର୍ତ, ୱାଣ୍ତ୍ରୁ ଏସେଙ୍ଗ୍ ପାପାମ୍ କିଏନ୍, ମାରି ଏସ୍ତିୱାଲେ ୱାଣ୍ତ୍ରୁ ବଲିଦାନ୍‌ୱାନ୍ଦିଙ୍ଗ୍ ନିଜେଦିଙ୍ଗ୍ ସିନାନ୍, ମାର ଦୁନିଆତି ଏମେ ଆଇ ବଲିଦାନ୍ ଦରକାର୍ ସିଲେତ୍‌।

![](https://cdn.door43.org/obs/jpg/360px/obs-en-21-08.jpg)

ରାଜା ମାରି ଅଦିପତିର୍ ଲୋକା ମାନ୍ଦାରିଙ୍ଗ୍ ଶାସନ୍ କିଜିମାର୍‌ହାର୍, ମାରି ଏସେଙ୍ଗ୍ ଏସେଙ଼୍ଗ୍ ୱାରୁ ଭୁଲ୍ କିନାର୍। ରାଜା ଦାଉଦ ଇସ୍ରାଇଲ୍‌ଦିଙ୍ଗ୍ ମାରି ଶାସନ୍ କିତାର୍। ମାରି ଖ୍ରୀଷ୍ଟ ଦାଉଦରି ମାରିନ୍‌ ୱିଜୁ ଦେଶେମ୍ ମୁସ୍‌ଦୁ ଶାସନ୍ କିନାନ୍, ମାରି ୱାଣ୍ତ୍ରୁ ୱିଜୁ ଦିନାମ୍ ଶାସନ୍ କିନାନ୍‌। ଇକା ଢିସ୍‌ସି, ୱାଣ୍ତ୍ରୁ ୱିଜୁୱାଲେ ନ୍ୟାୟୱାଜା ଶାସନ୍ କିନାନ୍, ମାରି ନେଗି ପାଣି (ନିସ୍‌ପତି) ଅନାନ୍।

![](https://cdn.door43.org/obs/jpg/360px/obs-en-21-09.jpg)

ମାପ୍‌ରୁଦି ବାବବାଦି ଖ୍ରୀଷ୍ଟଦି ବିଷୟଦିଙ୍ଗ୍‌ ନାଣ୍ଡୋ ମାଟେଙ୍ଗ୍ ୱେର୍‌ତାମାର୍‌ହାର୍‌, ଇୟାୱାଜା ଜେ ଅଡ଼୍‌ବିଦୁ, ମୋଲାକି ୱେହ୍‌ତାନ୍ ଜେ ଖ୍ରୀଷ୍ଟ ୱାତି ଆଗ୍‌ଡ଼ି ଉଣ୍ଡ୍ରେ ଆଇ ବାବବାଦି ୱାନାନ୍। ଆୟା ବାବବାଦି ନାଣ୍ଡୋ ପେରିକାନ୍ ଆନାନ୍, ଇକା ଡ଼ିସ୍‌ସି ଯିଶାଇୟ ବାବବାଦି ରାସ୍‌ତାର୍ ଜେ ଖ୍ରଷ୍ଟ ଉଣ୍ଡ୍ରେ ଡିଣ୍ଡା ରିପା ବାଣାନ୍ ଜନମ୍ ଆନାନ୍ ମାରି ମିକା ବାବବାଦି ୱେର୍‌ତାନ୍ ଜେ ଖ୍ରଷ୍ଟ ବେତ୍‌ଲିହିମ୍‌ଦୁ ଜନମ୍ ଆନାନ୍।

![](https://cdn.door43.org/obs/jpg/360px/obs-en-21-10.jpg)

ଯିଶାଇୟ ବାବବାଦି ୱେର୍‌ତାନ୍ ଜେ ଖ୍ରୀଷ୍ଟ ଗାଲିଲି ଗଡ଼୍‌ଦୁ ମାନ୍‌ଜିନାନ୍‌। ଏମେକାର୍ ନାଣ୍ଡୋ ଦୁକାମ୍‌ଦାନ୍ ମାନାର୍ ଖ୍ରୀଷ୍ଟ ୱାରିଙ୍ଗ୍ ଶାନ୍ତି ସିନାନ୍। ୱାଣ୍ତ୍ରୁ ତହାତିମାନି ଲୋକାଙ୍ଗ୍‌ବା ଢିସ୍‌ପିସ୍‌ନାନ୍। ଖ୍ରୀଷ୍ଟ ବେମାର୍‌ ଲୋକାଙ୍ଗ୍ ମାରି ଏମେକାର୍ ୱେନ୍‌ଣ୍ଡ୍ରେଙ୍ଗ୍ ଆଟ୍‌ଏଜି ମାନ୍‌ଜିନାର୍, ସୁଡ଼୍‌ଦେଙ୍ଗ୍ ଆଟ୍‌ଏର୍, ୱାର୍‌ଗିଦେଙ୍ଗ୍ ଆଟ୍‌ଏର୍ ମାରି ବୁଲାଦେଙ୍ଗ୍ ଆଟ୍‌ଇ ୱାରିଙ୍ଗ୍‌ବା ନେଗେଣ୍ଡ୍ କିନାନ୍।

![](https://cdn.door43.org/obs/jpg/360px/obs-en-21-11.jpg)

ଯିଶାଇୟ ବାବବାଦି ଇକାବା ୱେହ୍‌ତାନ୍ ଜେ ଲୋକୁ ଖ୍ରୀଷ୍ଟଦିଙ୍ଗ୍ କାରାଇ ଇନାର୍ ମାରି ଆଇ ବାବବାଦି ୱେର୍‌ତାର୍ ଜେ ଖ୍ରୀଷ୍ଟଦି ଅରେନ୍ ବନ୍ଦୁ ୱାନି ବିରୁଦ୍‌ଦୁ ନିଙ୍ଗ୍‌ନାନ୍। ଯିଖରିୟ ବାବବାଦି ୱେର୍‌ତାନ୍ ଜେ ୱାରି ଇୟା ବନ୍ଦୁ ଇକା କିନିୱାନ୍ଦିଙ୍ଗ୍ ଆଇ ଲୋକାବାଣାନ୍ ୱେଣ୍ଡିତି ତିରିସ୍‌ଟା ଅଦ୍‌ଲି ଅନାନ୍। ଇକା ଢିସ୍‌ସି, ଏସୋ ବାବବାଦି ୱେର୍‌ତାର୍ ଜେ ଲୋକୁ ଖ୍ରଷ୍ଟଦିଙ୍ଗ୍ ଢେଇନାର୍, ମାରି ୱାନି ସକାୱାନ୍ଦିଙ୍ଗ୍ ସିଟି ବା ପକ୍‌ନାର୍।

![](https://cdn.door43.org/obs/jpg/360px/obs-en-21-12.jpg)

ବାବବାଦି ଇକାବା ୱେର୍‌ତାମାର୍‌ହାର୍‌ ଗାନି ଖ୍ରୀଷ୍ଟ ଏଣ୍ଡେସ୍ ସାନାନ୍। ଯିଶାଇୟ ବାବବାଣିଙ୍ଗ୍‌ ୱେହ୍‌ତାନ୍ ଗାନି ଲୋକୁ ଖ୍ରୀଷ୍ଟ ମୁସ୍‌କୁ ପୁସ୍‌ନାର୍, ୱାନିଙ୍ଗ୍‌ ୱେକ୍‌ରିସ୍‌ନାର୍, ମାରି ୱାନିଙ୍ଗ୍ ଢେଇନାର୍। ୱାରୁ ୱାନିଙ୍ଗ୍ କିକାଙ୍ଗ୍ କାଲ୍‌କାଙ୍ଗ୍ କୁଟି ଡ଼େଇନାର୍‌ ମାରି ୱାଣ୍ତ୍ରୁ ନାଣ୍ଡୋ କାଷ୍ଟାମ୍ ଦୁକାମ୍‌ଦାନ୍ ସାନାନ୍, ଏସେଙ୍ଗ୍‌ଗି ୱାଣ୍ତ୍ରୁ ଇନିକାବା ଭୁଲ୍ କିଏଣ୍ଡାମାର୍‌ହାନ୍।

![](https://cdn.door43.org/obs/jpg/360px/obs-en-21-13.jpg)

ବାବବାଦି ଇକାବା ୱେର୍‌ତାନ୍ ଜେ ଖ୍ରୀଷ୍ଟ ପାପାମ୍ କିଏନ୍। ୱାଣ୍ତ୍ରୁ ପବିତ୍ର ଆନାନ୍। ମାରି ୱାଣ୍ତ୍ରୁ ଇୟାୱାନ୍ଦିଙ୍ଗ୍ ସାନାନ୍ ମାତର୍ ମାପ୍‌ରୁ ଆଇ ଲୋକା ପାପାମ୍‌ୱାନ୍ଦିଙ୍ଗ୍ ୱାନିଙ୍ଗ୍‌ ଡଣ୍ଡ୍ କିନାନ୍। ୱାନି ସାନି ବାଣାନ୍ ଲୋକୁ ମାପ୍‌ରୁଦିୱାଲେ ଶାନ୍ତିଦାନ୍ ମାନ୍‌ଜିନାର୍। ଇୟାୱାନ୍ଦିଙ୍ଗ୍, ମାପ୍‌ରୁଦି ମାନ୍‌ସୁ କିଜିନାନ୍ ଜେ ଖ୍ରୀଷ୍ଟ ସାପିନ୍।

![](https://cdn.door43.org/obs/jpg/360px/obs-en-21-14.jpg)

ବାବବାଦି ଇକାବା ୱେର୍‌ତାନ୍ ଜେ ମାପ୍‌ରୁ ଖ୍ରୀଷ୍ଟଦିଙ୍ଗ୍ ସାତିମାହି ବାଣାନ୍ ଜିଉ କିନାନ୍। ଇକା ତର୍‌ପ୍‌ନାନ୍ ଜେ, ଇକା ୱିଜୁ ପୁନି ପାର୍‌ମାଣାମ୍‌ଦି ତହ୍‌ନିକା ମାପ୍‌ରୁଦି ଉପାୟ୍‌ ମାର୍‌ହାତ୍। ଏମେଦାଣାନ୍ ୱାଣ୍ତ୍ରୁ ଆୟା ଲୋକାଙ୍ଗ୍‌ ରକିୟା କିଦେଙ୍ଗ୍ ଆଟ୍‌ନାନ୍ ଏମେକାର୍ ୱାନି ବିରୁଦ୍‌ଦୁ ପାପାମ୍ କିତାମାନାର୍।

![](https://cdn.door43.org/obs/jpg/360px/obs-en-21-15.jpg)

ମାପ୍‌ରୁ ବାବବାଦିରିଙ୍ଗ୍ ଖ୍ରୀଷ୍ଟଦି ନାଣ୍ଡୋ ବିଷୟ ତର୍‌ପ୍‌ତାନ୍, ମାତର୍ ଖ୍ରୀଷ୍ଟ ଆୟା ବାବବାଦି ଲୋକା ବାଣାନ୍ ୱାରୁ ଜିଜିମାନି ୱେଡ଼ାଦୁ ରେଏଣ୍ତା ମାର୍‌ହାର୍‌। ଇୟା ବାବବାଣି ସିତିମାହି ୪୦୦ ଦାନ୍ ନାଣ୍ଡୋ ପାଟେଙ୍ଗ୍‌ ୱେନ୍‌କା ସମାନ୍ ୱେଡ଼ାଦୁ ମାପ୍‌ରୁ ଖ୍ରୀଷ୍ଟଦିଙ୍ଗ୍ ଦୁନିଆଦୁ ପୋକ୍‌ନାନ୍‌।

*ଆଦି ପୁସ୍ତକ ୩:୧୫;୧୨:୧-୩; ଦ୍ୱିତିୟ ବିବରଣ ୧୮:୧୫; ୨ଶାମୁଏଲ ୭; ଯିରିମିୟ ୩୧; ଯିଶାଇୟ ୫୯:୧୬; ଦାନିୟେଲ ୭; ମଲାକି ୪:୫; ଯିଶାଇୟ ୭:୧୪; ମିକା ୫:୨; ଯିଶାଇୟ ୯:୧-୭;୩୫:୩-୫;୬୧;୫୩ ଗିତସଂହିତା ୨୨:୧୮; ୩୫:୧୯; ୬୯:୪; ୪୧:୯; ଯିଖରିୟ ୧୧:୧୨-୧୩; ଯିଶାଇୟ ୫୦:୬; ଗିତସଂହିତା ୧୬:୧୦-୧୧ ଦି ଉଣ୍ଡ୍ରେ ବାଇବଲଦି କାହାନି*

## 22. ୨୨. ଡୁବନ୍ ସିନି ଯୋହନ୍

https://openbiblestories.org/l/pci/story-22/

![](https://cdn.door43.org/obs/jpg/360px/obs-en-22-01.jpg)

ପୁର୍‌ବାମ୍‌ଦୁ, ମାପ୍‌ରୁ ନିଜେଦି ବାବବାଦିରିୱାଲେ ୱାର୍‌ଗିତାନ୍ ୱାରୁ ୱାନି ଲୋକାୱାଲେ ୱାର୍‌ଗିଦେଙ୍ଗ୍ ଆଟ୍‌ନାର୍। ମାରି ୱେଡ଼ାଦାନ୍‌ ୪୦୦ ପାଟେଙ୍ଗ୍ ୱିଜ୍‌ନିସାନ୍ଦି ୱାଣ୍ତ୍ରୁ ୱାରିଙ୍ଗ୍ ୱାର୍‌ଗିଏତାନ୍। ଏମେବାନୁ ମାପ୍‌ରୁ ଲୋକାୱାଲେ ୱାର୍‌ଗିଏତାନ୍। ଦାନିୱେନ୍‌କା ମାପ୍‌ରୁ ଉଣ୍ଡ୍ରେ ଦୂତ୍‌ଦିଙ୍ଗ୍‌ ଉଣ୍ଡ୍ରେ ଯାଜକ ଡାଗ୍‌ରୁ ପକ୍‌ତାନ୍ ଏୟେଦରୁଗି ଯିଖରିୟ। ଯିଖରିୟ ମାରି ୱାନି ଆଡ୍‌ସି ଏଲିସାବେଥ ମାପ୍‌ରୁଦିଙ୍ଗ୍ ନେଗେଣ୍ଡ୍‌ ମାନାଜିମାର୍‌ହାର୍। ୱାରୁ ନାଣ୍ଡୋ ଡକ୍‌ରା ଆତାମାର୍‌ହାର୍ ମାରି ୱାଦୁ ଇନିକାବା କଢୋ କକ୍‌ରାର୍‌ ଜନମ୍ କିଏଣ୍ତା ମାର୍‌ହାତ୍।

![](https://cdn.door43.org/obs/jpg/360px/obs-en-22-02.jpg)

ଆୟା ସାର୍‌ଗିଦୂତ୍ ଯିଖରିୟଦିଙ୍ଗ୍ ୱେର୍‌ତାନ୍,“ନି ଆଡ଼୍‌ସି ଅରେନ୍ କଢୋ ଜନମ୍ କିନାତ୍‌। ମିରୁ ୱାନି ଦରୁ ଯୋହନ ଇଡ୍‌ଦୁ। ମାପ୍‌ରୁ ୱାନିଙ୍ଗ୍ ପବିତ୍ର ଆତ୍‌ମାଦାନ୍ ପୁରା କିନାନ୍, ମାରି ଯୋହନ ଲୋକାଙ୍ଗ୍‌ ଖ୍ରୀଷ୍ଟଦିଙ୍ଗ୍ ନିଜେଦି କିନିୱାନ୍ଦିଙ୍ଗ୍ ତିଆର୍ କିନାନ୍। ” ଯିଖରିୟ ୱେର୍‌ତାନ୍,“ନାନୁ ମାରି ନା ଆଡ୍‌ସି କଢୋ ଜନମ୍ କିନିୱାନ୍ଦିଙ୍ଗ୍ ମାପୁ ନାଣ୍ଡୋ ଡକ୍‌ରା! ନାନୁ ଏଣ୍ଡେସ୍ ନେସ୍‌ନା ଜେ ନିନୁ ନାଙ୍ଗିଁ ନିକାମେ ୱେର୍‌ସିନି?”

![](https://cdn.door43.org/obs/jpg/360px/obs-en-22-03.jpg)

ଆୟା ସାର୍‌ଗିଦୂତ୍ ୱେର୍‌ତାନ୍, “ନି ଡାଗ୍‌ରୁ ଇୟା ନେଗି କାବୁର୍ ଇୟାୱାନ୍ଦିଙ୍ଗ୍ ମାପ୍‌ରୁବାଣାନ୍ ପକ୍‌ତାମାନାନ୍। ମାତର୍ ନିନୁ ନାଙ୍ଗିଁ ବିସ୍‌ବାସ୍‌ କିଏତି, ଇୟାୱାନ୍ଦିଙ୍ଗ୍ କଢୋ ଜନମ୍‌ଆନି ସାନ୍ଦି ନିନୁ ୱାର୍‌ଗିଦେଙ୍ଗ୍ ଆଟ୍‌ଇ।” ଗାଜିବିଜି ଆକା, ଯିଖରିୟ ୱାର୍‌ଗିଦେଙ୍ଗ୍ ଆଟ୍‌ଏତାନ୍। ମାରି ଆୟା ସାର୍‌ଗିଦୁତ୍ ଯିଖରିୟଦି ଡାଗ୍‌ରୁହାନ ସର୍‌ହାନ୍। ଇୟା ୱେନ୍‌କା, ଯିଖରିୟ ଇଣ୍ଡ୍ର ଢେସି ୱାତାନ୍ ମାରି ୱାନି ଆଡ଼୍‌ସି ପଟାଦୁ ଆତାତ୍।

![](https://cdn.door43.org/obs/jpg/360px/obs-en-22-04.jpg)

ଏସ୍ତିୱାଲେ ଏଲିସାବେତ୍ ଆରୁ ଲେସ୍‌କୁ ପଟାଦୁ ମାହାତ୍‌, ମାରି ଆୟା ସାର୍‌ଗିଦୁତ୍ ଏଲିସାବେତ୍‌ଦି ନିଜେ ଲୋକା ଡାଗ୍‌ରୁ ତରାତାନ୍, ଏୟେ ଦରୁଗି ମରିୟମ ମାର୍‌ହାତ୍। ମରିୟମ ଡିଣ୍ଡା ଆଡ଼୍‌ସି ମାହାତ୍ ମାରି ୱାଦୁ ପେଡ଼ିଆନି ୱାନ୍ଦିଙ୍ଗ୍ ଯୋଶେଫ ଦରୁତି ଅରେନ୍ ମେମାର୍‌ୱାଲେ ମାଙ୍ଗ୍‌ନି କିତାମାର୍‌ହାର୍, ସାର୍‌ଗିଦୂତ୍ ୱେର୍‌ତାନ୍‌, “ନିନୁ ପଟାଦୁ ଆନି ମାରି ଉଣ୍ଡ୍ରେ କଢୋ ଜନମ୍ କିନି। ନିନୁ ୱାନି ଦରୁ ଜିଶୁ ଇଡ୍‌ନି। ୱାଣ୍ତ୍ରୁ ୱିଜେରି ବାଣାନ୍ ଶାକ୍‌ତିସାଲି ମାପ୍‌ରୁଦି କଢୋ ଆନାନ୍ ମାରି ୱିଜୁ ଦିନାମ୍ ୱାନ୍ଦିଙ୍ଗ୍ ଶାସନ୍ କିନାନ୍।

![](https://cdn.door43.org/obs/jpg/360px/obs-en-22-05.jpg)

ମରିୟମ୍ ୱେର୍‌ତାତ୍, “ଇକା ଏଣ୍ଡେସ୍ ଆନାତ୍‌, ମାତର୍ ନାନୁ ଡିଣ୍ଡା ରିପା?” ଦାନିଙ୍ଗ୍ ସାର୍‌ଗିଦୂତ୍ ବୁ଼ଝାକିତାନ୍, ମାରି ପବିତ୍ର ଆତ୍‌ମା ନି ମୁସ୍‌କୁ ୱାନାତ୍ ମାରି ମାପ୍‌ରୁଦି ଶକ୍‌ତି ନି ମୁସ୍‌କୁ ୱାନାତ୍। ଇୟାୱାନ୍ଦିଙ୍ଗ୍ ଆୟା କଡ଼ୋ ପବିତ୍ର ଆନାନ୍, ମାରି ୱାଣ୍ତ୍ରୁ ମାପ୍‌ରୁଦି ମାରିନ୍ ଆନାନ୍‌” ଏମେକା ଆୟା ସାର୍‌ଗିଦୂତ୍ ୱେହ୍‌ତାନ୍‌ ଦାନି ମୁସ୍‌କୁ ବିସ୍‌ବାସ୍‌ କିତାତ୍।

![](https://cdn.door43.org/obs/jpg/360px/obs-en-22-06.jpg)

ଇକା ଆନି ଦାପ୍ରେ, ମରିୟମ୍ ସନ୍‌ସି ଏଲିସାବେତ୍‌ଦିଙ୍ଗ୍ କୁଡ଼ିତାତ୍। ଏସ୍ତିୱାଲେ ମରିୟମ୍ ଏଲିସାବେତ୍‌ଦିଙ୍ଗ୍ ମାଡ଼ିସ୍‌ତାତ୍, ଏଲିସାବେତ୍‌ରି କଢୋ ଗାର୍‌ବାମ୍‌ଦୁ ଡାଟ୍‌ତାନ୍। ମାପ୍‌ରୁ ୱାନ୍‌କା ୱାନ୍ଦିଙ୍ଗ୍ ଏମେ ପାଣି କିତାମାହାନ୍ ଆୟା ବିଷୟ୍‌ଦୁ ଆୟା ଆଇମେକ୍ ଅର୍‌ସେ ସାର୍‌ଦା ଆତେ। ଏଲିସାବେତ୍ ୱାଲେ ମୁଣ୍ଡ୍ରି ଲେସ୍‌କୁ ମନ୍‌ଜିନି ୱେନ୍‌କା ମରିୟମ୍ ଇଣ୍ଡ୍ର ଢେସି ସର୍‌ହାତ୍‌।

![](https://cdn.door43.org/obs/jpg/360px/obs-en-22-07.jpg)

ଇୟା ୱେନ୍‌କା, ଏଲିସାବେତ୍ ନିଜେଦି କଡୋ ଜନମ୍ କିତାତ୍। ଯିଖରିୟ ମାରି ଏଲିଶାବେତ୍ ଆୟା କଡୋ ଦୋରୁ ଯୋହନ ସିତାର, ଏମେୱାଜା ସାର୍‌ଗି ଦୂତ୍ ୱେହ୍‌ତା ମାର୍‌ହାନ୍‌ ଦାନିୱେନ୍‌କା ମାପ୍‌ରୁ ଯିଖରିୟଦିଙ୍ଗ୍ ୱାର୍‌ଗିନି ୱାନ୍ଦିଙ୍ଗ୍‌ ଶାକ୍ତି ସିତାନ୍। ଯିଖରିୟ ୱେହ୍‌ତାନ୍ ମାପ୍‌ରୁଦି ପ୍ରଶଂସା ଆପିତ୍ ମାତର୍ ୱାଣ୍ତ୍ରୁ ନିଜେଦି ଲୋକାଙ୍ଗ୍ ସାହାଯ୍ୟ କିନି ୱାନ୍ଦିଙ୍ଗ୍ ଅଡ଼୍‌ବିତାମାନାନ୍‌। ଏ ନା ମାରିନ୍‌ ନିନୁ ୱିଜୁବାଣାନ୍ ଶାକ୍ତିଦି ମାପ୍‌ରୁଦି ବବିସ୍‌ତ୍ ମାଟା ୱେହ୍‌ନି ଲୋକୁ ଆନାନ୍। ନିନୁ ଲୋକାଙ୍ଗ୍ ୱେହ୍‌ନି ଜେ ୱାରୁ ଏମେୱାଜା ନିଜେଦି ପାପାମ୍ ୱାନ୍ଦିଙ୍ଗ୍ କ୍ଷିମା ପାଏଆଦେଙ୍ଗ୍ ଆଟ୍‌ନାର୍‌।

*ଲୂକ ୧ଦି ଉଣ୍ତ୍ରେ ବାଇବଲ ଦି କାତାନି*

## 23. ୨୩. ଯିଶୁଦି ଜନମ୍‌

https://openbiblestories.org/l/pci/story-23/

![](https://cdn.door43.org/obs/jpg/360px/obs-en-23-01.jpg)

ଆୟା ସାର୍‌ଗିଦୂତ୍ ୱେର୍‌ହ୍‌ତାନ୍ ଏ ଯଶେଫ୍ ମରିୟମଦିଙ୍ଗ୍ ନିଜେ ଆଡ୍‌ସିୱାଜା ଅନିୱାନ୍ଦିଙ୍ଗ୍‌ ତିଏଲାମା। ଦାନି ପଟାଲୋଇ ଏମେ କଢୋ ମାନାନ୍ ଆକା ପବିତ୍ର ଆତ୍‌ମା ବାଣାନ୍ ଆତା ମାନାନ୍। ଆଦି ଉଣ୍ଡ୍ରେ କଢୋ ଜନମ୍‌କିନାତ୍ ୱାନି ଦରୁ ଯିଶୁ ସିଦୁ ( ଆୟା ଅର୍ଥ,’ ଯିହୋବା ମାପ୍‌ରୁ ରକ୍ଷାକିନିକାନ୍‌’), ମାତର୍ ୱାଣ୍ଡ୍ରୁ ଲୋକାଙ୍ଗ୍ ୱାରି ପାପାମ୍‌ଦାନ୍ ଉଦାର୍ କିନାନ୍।”

![](https://cdn.door43.org/obs/jpg/360px/obs-en-23-02.jpg)

ମରିୟମ୍ ଅରେନ୍ ଦର୍‌ମୁ ଲୋକୁୱାଲେ ଦାନିଙ୍ଗ୍ ମାଙ୍ଗ୍‌ନି ଆତାମାର୍‌ହାର୍ ଏୟେର ଦରୁଗି ଯସେଫ ମାର୍‌ହାତ୍। ଏସ୍ତିୱାଲେ ଯସେଫ ଇକା ୱେର୍‌ହାନ୍ ଗାନି ମରିୟମ୍ ପଟାଦୁ ମାନାତ୍, ୱାଣ୍ଡ୍ରୁ ନେସ୍ତାମାର୍‌ହାନ୍ ଗାନି ଆକା ୱାନି କଢୋ ଆଏନ୍। ମାରି ଆକାନ୍ ମରିୟମ୍‌ଦିଙ୍ଗ୍ ସେମାର୍ କିନିୱାନ୍ଦିଙ୍ଗ୍ ମାନ୍‌ସୁ କିଏତାନ୍, ଇୟାୱାନ୍ଦିଙ୍ଗ୍ ୱାଣ୍ଡ୍ରୁ ଦାନିମୁସ୍‌କୁ ଦୟାକିଜି ମାରି ଆଲେଜି ଦାନିଙ୍ଗ୍ ଢିସ୍‌ନିୱାନ୍ଦିଙ୍ଗ୍ ଅଡ୍‌ବିତାନ୍। ମାରି ଇକା କିତିୱେନ୍‌କା ଉଣ୍ଡ୍ରେ ସାର୍‌ଗିଦୂତ୍ ୱାନି ଲବେରୁ ୱାଜି ୱାନିଙ୍ଗ୍ ୱେରହ୍‌ତାନ୍।

![](https://cdn.door43.org/obs/jpg/360px/obs-en-23-03.jpg)

ମାରି ଯଶେଫ୍ ମରିୟମ୍‌ଦିଙ୍ଗ୍ ପେଡି ଆତାନ୍ ମାରି ନିଜେ ଆଡ୍‌ସିୱାଜା ଇଣ୍ଡ୍ରୋ ତାତାନ୍, ମାରି ଆକାନ୍ କଢୋ ଜନମ୍ କିଇ ନାସେଣାନ୍ ମରିୟମ୍ ୱାଲେ ଗୁର୍‌ଏତାନ୍।

![](https://cdn.door43.org/obs/jpg/360px/obs-en-23-04.jpg)

ଏସ୍ତିୱାଲେ ମରିୟମ୍ ଜନମ୍ ସିନି ୱେଡା ଡାଗ୍‌ରୁ ୱାତାମାହାତ୍, ଆକାତ୍ ମାରି ଯଶେଫ୍ ବେଥ୍‌ଲିହିମ୍ ସନିନୁଣ୍ଡିଙ୍ଗ୍ ଉଣ୍ଡ୍ରେ ନିହି ସାରିଦୁ ବୁଲାତାର୍। ୱାରିଙ୍ଗ୍ ଆବେ ସନ୍‌ଣ୍ଡ୍ରେଙ୍ଗ୍‌ ମାହାତ୍ ମାତର୍ ରୋମିୟ ସର୍‌କାର୍ ଇସ୍‌ରାଏଲ୍‌ଦୁ ମାନ୍‌ଜିମାହି ୱିଜୁ ଲୋକାରିଙ୍ଗ୍ ଗଣେକିଦେଙ୍ଗ୍ ଇଛାକିଜି ମାହାର୍। ୱାରୁ ଇଛା କିଜିମାହାର୍‌ ଗାନି ୱିଜୁଲୋକୁ ଆବେନୁ ସଣ୍ଡ୍ରୁ ଏମେବାନୁ ୱାରି ପୁର୍‌ବାମ୍‌ତି ଲୋକୁ ମାନ୍‌ଜି ମାର୍‌ହାର୍। ରାଜା ଦାଉଦ୍‌ଦି ଜନମ୍ ବେଥ୍‌ଲିହିମ୍‌ଦୁ ଆତାମାର୍‌ହାନ, ମାରି ଦାଉଦ୍ ରାଜା ମରିୟମ୍‌ତି ମାରି ଯସେଫଦି ଇୟା ରିଏରି ପୁର୍‌ବାମ୍‌ତି ଲୋକୁ ମାର୍‌ହାନ୍।

![](https://cdn.door43.org/obs/jpg/360px/obs-en-23-05.jpg)

ମରିୟମ୍ ମାରି ଯଶେଫ୍ ବେଥ୍‌ଲିହିମ୍‌ଦୁ ସହାର୍, ମାତର୍ ଆବେ ୱାରିଙ୍ଗ୍ ମାନ୍‌ଜିନି ନୁଣ୍ଡିଙ୍ଗ୍ କଡି ସାଡାଦାନ୍ ଡ଼ିସ୍‌ସି ମାରି ଆଇ ବାଡି ସିଲେଣ୍ଡା ମାର୍‌ହାତ୍। ଆକା ଆୟା ବାଡି ଏମେନୁ ମରିୟମ୍ ନିଜେଦି କଢୋ ଜନମ୍ କିତାତ୍। ଆକାତ୍ ୱାନିଙ୍ଗ୍ କୋଡିଟଙ୍ଗାଁଦୁ ତେର୍‌ପ୍‌ତାତ୍ ମାତର୍ ଆବେ ୱାନିନୁଣ୍ଡିଙ୍ଗ୍ ଏମେ ପାର୍‌ନିକା ସିଲେଣ୍ଡା ମାର୍‌ହାତ୍। ଆକାର୍ ୱାନି ଦରୁ ଯିଶୁ ଇଟ୍‌ତାର୍।

![](https://cdn.door43.org/obs/jpg/360px/obs-en-23-06.jpg)

ଆୟାନାଡା, ଆୟାଡାଗ୍‌ରୁ ପାଡିଆଦୁ ଏସୋ ଗାଉଡୁଏର୍ ନିଜେ ମେଣ୍ଢେଙ୍ଗ୍ ଗୋରିଏଙ୍ଗ୍ଁ କାପ୍‌କିଜି ମାର୍‌ହାର୍। ଗାଦେମ୍, ଉଣ୍ଡ୍ରେ ଜାଇତି ସାର୍‌ଗିଦୂତ୍ ୱାରିଡାଗ୍‌ରୁ ତୋରାତାନ୍, ମାରି ଆକାର୍ ତିଏଲାତାର୍। ଆୟା ସାର୍‌ଗିଦୂତ୍ ୱେହ୍‌ତାନ୍, “ ତିଏଲାମାଟ୍, ମାତର୍ ନା ଡାଗ୍‌ରୁ ମିୱାନ୍ଦିଙ୍ଗ୍ ନେଗି କାବୁର୍ ମାନା। ବେଥ୍‌ଲିହିମ୍‌ଦୁ ଖ୍ରୀଷ୍ଟପ୍ରବୁ ଜନମ୍ ଆତାମାହାନ୍!”

![](https://cdn.door43.org/obs/jpg/360px/obs-en-23-07.jpg)

ସନ୍‌ସି ଆୟା କଡୋଦିଙ୍ଗ୍ ରେବାଦୁ, ମାରି ମିରୁ ୱାନିଙ୍ଗ୍ ୱାତି ଗୁଡିଆକିତି ମାହିକା ମାରି ଟଙ୍ଗାଁଦୁ ଗୁର୍‌ତି ମାନିକା ସୁଡ୍‌ନିଦେର୍। “ଗାଦେମ୍, ବାଦଡ୍‌ଦୁ ସାର୍‌ଗିଦୂତ୍‌ଙ୍ଗୁଁ ବର୍‌ତି ଆତେ। ୱାରୁ ମାପ୍‌ରୁଦି ସ୍ତୁତି କିଜିମାହାର୍। ୱାରୁ ୱେହ୍‌ତାର୍, “ୱିଜୁ ମହିମା ସାର୍‌ଗିଦୁ ମାନି ମାପ୍‌ରୁଦିଙ୍ଗ୍ ପୁଟିତ୍। ପୁର୍‌ତିବିଦୁ ଆୟା ଲୋକାଡାଗ୍‌ରୁ ଶାନ୍ତି ଆପିତ୍ ଏହେନ୍‌ଗି ଆକାନ୍ ଚିନ୍ତାକିଜିନାନ୍।

![](https://cdn.door43.org/obs/jpg/360px/obs-en-23-08.jpg)

ଦାନିୱେନ୍‌କା ସାର୍‌ଗିଦୂତଙ୍ଗୁଁ ସହେ। ଆୟ ଗାଉଢୁଏର୍‌ବା ନିଜେ ମେଣ୍ଢେଙ୍ଗ୍ ଢିସ୍‌ସି କଢୋଦିଙ୍ଗ୍ ସୁଡ୍‌ଦେଙ୍ଗ୍ ସହାର୍। ଦାପ୍‌ରେ ଆକାର୍ ଆୟା ବାଡିଦୁ ସହାର୍ ଏମେବାନୁ ଯିଶୁ ମାହାନ୍ ମାରି ଆକାର୍ ୱାନିଙ୍ଗ୍ ଟଙ୍ଗାଦୁ ଗୁର୍‌ତିମାହିକା ସୁଡ୍‌ତାର୍, ଏଣ୍ଡେସ୍‌ଗି ଆୟା ସାର୍‌ଗିଦୂତ୍ ୱେର୍‌ହ୍‌ତା ମାହାନ୍। ଆକାର୍ ନାଣ୍ଡୋ ସାର୍‌ଦା ମାର୍‌ହାର୍। ଦାନିୱେନ୍‌କା ଆୟା ଗାଉଡୁଏର୍ ଢେସି ସହାର୍ ଏମ୍‌ବାନୁଗି ୱାରି ମେଣ୍ଢେଙ୍ଗ୍ ମାହେ। ଆକାର୍ ଇନିକା ୱିଜୁ ୱେହାର୍ ମାରି ସୁଡ୍‌ତାର୍ ଆୟା ୱିଜେରି ୱାନ୍ଦିଙ୍ଗ୍ ମାପ୍‌ରୁଦି ସ୍ତୁତି କିଜିମାର୍‌ହାର୍।

![](https://cdn.door43.org/obs/jpg/360px/obs-en-23-09.jpg)

ପୂର୍‌ବତି ଉଣ୍ଡ୍ରେ ଆକ ଦେଶେମ୍‌ତି ଏସୋ ଲୋକୁ ମାର୍‌ହାର୍। ୱାରୁ ସୁକେଙ୍ଗାଁ ସିକ୍‌ୟା କିଜିମାର୍‌ହାର୍ ମାରି ୱାରୁ ବୁଦିମାନ୍ ମାର୍‌ହାର୍। ୱାରୁ ଉଣ୍ଡ୍ରେ ଆଇୱାଜା ସୁକାଦିଙ୍ଗ୍ ବାଦଡ୍‌ଦୁ ସୁଡ୍‌ତାର୍। ୱାରୁ ୱେର୍‌ହ୍‌ତାର୍ ଗାନି ଦିନି ଅର୍ଥ ଯିହୁଦିରି ଉଣ୍ଡ୍ରେ ପୁନି ରାଜା ଜନମ୍ ଆତାମାନାନ୍। ଆୟାୱାନ୍ଦିଙ୍ଗ୍ ୱାରୁ ଆୟା କଢୋଦିଙ୍ଗ୍ ସୁଡ୍‌ନିୱାନ୍ଦିଙ୍ଗ୍ ନିଜେ ଦେଶେମ୍‌ଦାନ୍ ବୁଲାନିୱାନ୍ଦିଙ୍ଗ୍ ମାନ୍‌ସୁ କିତାର୍। ଉଣ୍ଡ୍ରେ ନିହି ସାରି ବୁଲାତି ୱେନ୍‌କା, ୱାରୁ ବେଥ୍‌ଲିହିମ୍‌ଦୁ ୱାତାର୍ ମାରି ଆୟା ଇଲୁଦିଙ୍ଗ୍ ପାଏଆତାର୍ ଏମେବାନୁ ଯିଶୁ ମାରି ୱାରି ୟାୟା ବୁବା ମାନ୍‌ଜି ମାର୍‌ହାର୍।

![](https://cdn.door43.org/obs/jpg/360px/obs-en-23-10.jpg)

ଏସ୍ତିୱାଲେ ଆୟା ଲୋକୁ ଯିଶୁଦିଙ୍ଗ୍ ନିଜେ ୟାୟାୱାଲେ ମାହିକା ସୁଡ୍‌ତାର୍ ମାରି ୱାରୁ ମେଣ୍ଡେଙ୍ଗ୍ ଉର୍‌ଜି ଯିଶୁଦି ଆରାଧନା କିତାର୍। ଆକାର୍ ଯିଶୁଦିଙ୍ଗ୍ ଦାରାତି ଦାନ୍ ସିତାର୍। ମାରି ୱାରୁ ମାରିଢେସି ଇଣ୍ଡ୍ରୋ ସର୍‌ହାର୍‌।

*ମାଥିଉ ୧; ଲୁକ ୨ ଦି ଉଣ୍ଡ୍ରେ ବାଇବଲ୍ ଦି କାତାନି*

## 24. ୨୪. ଯୋହନ ଯିଶୁଦିଙ୍ଗ୍ ଡୁବନ୍ ସିତାନ୍‌

https://openbiblestories.org/l/pci/story-24/

![](https://cdn.door43.org/obs/jpg/360px/obs-en-24-01.jpg)

ଏଲିସାବେଥ୍ ମାରି ଜିଖରିୟରି କଢୋ ଯୋହନ୍, ପେରିକାନ୍ ଆଜି ଉଣ୍ଡ୍ରେ ବାବବାଦି ଆତାନ୍। ଆକାନ୍ ଗୋରତୁ ମାନ୍‌ଜି ମାର୍‌ହାନ୍, ମାରି ବନୁ ପୁକି ମାରି ମେପିଙ୍ଗ୍ ତିନ୍‌ଜି ମାର୍‌ହାନ୍, ମାରି ଉଟୁଦି କୁକୁଟି ତୋଲୁଦାନ୍ ତିଆର୍ ଆତି ସୋକା ଇଟ୍‌କାଜି ମାହାନ୍।

![](https://cdn.door43.org/obs/jpg/360px/obs-en-24-02.jpg)

ନାଣ୍ଡୋ ଲୋକୁ ଯୋହନ୍‌ଦି ମାଟା ୱେନିୱାନ୍ଦିଙ୍ଗ୍ ଗୋରତୁ ୱାତାର୍। ୱାଣ୍ଡ୍ରୁ ଇକା ୱେହ୍‌ସି ୱାରିଙ୍ଗ୍ ପ୍ରଚାର୍ କିତାନ୍, “ମନ୍‌ଦିଙ୍ଗ୍‌ ବଦ୍‌ଲେକିଦୁ, ମାତର୍ ମାପ୍‌ରୁଦି ରାଜି ଡାଗ୍‌ରୁ ମାନାତ୍!”

![](https://cdn.door43.org/obs/jpg/360px/obs-en-24-03.jpg)

ଏସ୍ତିୱାଲେ ଲୋକୁ ଯୋହନଦି ବାକ୍ୟ ୱେହାର୍, ମାରି ୱାରିଲୋଇର୍‌ହାନ୍ ଏସୋ ଲୋକୁ ନିଜେ ପାପାମ୍ ମାନାତାର୍, ମାରି ଯୋହନ ୱାରିଙ୍ଗ୍ ଡୁବନ୍ ସିତାନ୍। ଯୋହନଦିଙ୍ଗ୍ ସୁଡ୍‌ଦେଙ୍ଗ୍ଇଜି ନାଣ୍ଡୋ ଦରମ୍ ନେତାର୍ ୱାତାର୍, ମାରି ଆୟାକାର୍ ନିଜେଦି ପାପାମ୍ ମାନ୍‌ଆଏତାର୍।

![](https://cdn.door43.org/obs/jpg/360px/obs-en-24-04.jpg)

ଯୋହନ ଦରମ୍ ନେତାରିଙ୍ଗ୍ ୱେରହ୍‌ତାନ୍, “ଏ ୱିସାମ୍‌ମାନି ସାରାସୁ! ମନ୍‌ଦିଙ୍ଗ୍ ବଦ୍‌ଲେକିଦୁ ମାରି ନିଜେ ଚାଲି ଚଲନଦିଙ୍ଗ୍ ବଦ୍‌ଲେକିଦୁ। ମାପ୍‌ରୁ ଆୟା ୱିଜୁ ମାରାକାଙ୍ଗ୍ କଇନାନ୍ ଏମେକା ନେଗି କାଏଙ୍ଗ୍‌ ଆସ୍‌ଉ, ମାରି ୱାଣ୍ଡ୍ରୁ ୱାନ୍‌କାଙ୍ଗ୍‌ ସିସୁଦୁ ପକ୍‌ନାନ୍‌।” ଏମେକା ବାବବାଦି ୱେର୍‌ହ୍‌ତା ମାର୍‌ହାର୍ ଯୋହନ ଆକା ପୁରା କିତାନ୍, ସୁଡ୍‌ଆ, ଦାପ୍‌ରେ ନାନୁ ନି ଆଗ୍‌ଡି ନାଦି ଖାବୁର୍‌ଅନି ଲୋକୁଦିଙ୍ଗ୍ ପକ୍‌ନା ଏୟେନ୍ ନିୱାନ୍ଦିଙ୍ଗ୍ ସାରି ତିଆର୍ କିନାନ୍।”

![](https://cdn.door43.org/obs/jpg/360px/obs-en-24-05.jpg)

ଏସୋ ଦାରମ୍‌ ନେତାର୍ ଯୋହନଦିଙ୍ଗ୍ ୱେର୍‌ତାର୍ ଗାନି ଇନିକା ୱାଣ୍ଡ୍ରୁ ଖ୍ରୀଷ୍ଟ ନା। ଯୋହନ ୱେହ୍‌ତାନ୍, “ ନାନୁ ଖ୍ରୀଷ୍ଟ ଆଏ, ମାତର୍ ୱାଣ୍ଡ୍ରୁ ନା ୱେନ୍‌କା ୱାଜିନନ୍। ୱାଣ୍ଡ୍ରୁ ଏସୋ ମହାନ୍ ଗାନି ନାନୁ ୱାନି ଜଡ଼ୁତି ଫିତା କୁତ୍‌ତେଙ୍ଗ୍ ଜଗ୍ ସିଲେ।”

![](https://cdn.door43.org/obs/jpg/360px/obs-en-24-06.jpg)

ଆଗ୍‌ଡିହି ଦିନାମ୍, ଯିଶୁ ଡୁବନ୍ ଆତେଙ୍ଗ୍ ଯୋହନଦି ଡାଗ୍‌ରୁ ୱାତାନ୍। ଏସେଙ୍ଗ୍ ଯୋହନ ୱାନିଙ୍ଗ୍ ସୁଡ୍‌ତାନ୍,ମାରି ୱେର୍‌ହ୍‌ତାନ୍, “ସୁଡ୍‌ଦୁ! ମାପ୍‌ରୁଦି ମେଣ୍ଢା ଏହେନ୍ ଦେଶେମ୍‌ଦି ପାପାମ୍‌ଦିଙ୍ଗ୍ ପିଣ୍ଡ୍‌ଜି ଅନାନ୍।”

![](https://cdn.door43.org/obs/jpg/360px/obs-en-24-07.jpg)

ଯୋହନ ଯିଶୁଦିଙ୍ଗ୍ ୱେହ୍‌ତାନ୍, ନାନୁ ନିଙ୍ଗିଁ ଡୁବନ୍ ସିଦେଙ୍ଗ୍ ଜଗ୍ ସିଲେ। ଇୟା ବାଦ୍‌ଲୁ ନିନୁ ନାଙ୍ଗିଁ ଡୁବନ୍ ସିଦେଙ୍ଗ୍ ଦର୍‌କାର୍। ମାରି ଯିଶୁ ୱେର୍‌ହ୍‌ତାନ୍, ନିନୁ ନାଙ୍ଗିଁ ଡୁବନ୍ ସିଦେଙ୍ଗ୍ ଦର୍‌କାର୍, ମାତର୍‌ ଇକା କିନିୱାନ୍ଦିଙ୍ଗ୍ ନେଗିପାଣି। ମାରି ଯିଶୁ ପାପାମ୍ କିଏଣ୍ଡା ମାର୍‌ହିଙ୍ଗାଁବା ଯୋହନ ୱାନିଙ୍ଗ୍ ଡୁବନ୍ ସିତାନ।

![](https://cdn.door43.org/obs/jpg/360px/obs-en-24-08.jpg)

ଏସ୍ତିୱାଲେ ଯିଶୁ ଡୁବନ୍‌ଅସି ଏରୁଦାନ୍ ସୋସିୱାତାନ୍, ମାପ୍‌ରୁଦି ଆତ୍‌ମା ପାଉରାୱାଜା ତରାଆତାତ ମାରି ସାଲୁ ୱାଜି ୱାନି ମୁସ୍‌କୁ ମାର୍‌ହାତ୍। ଆୟା ୱେଡାଦୁ, ମାପ୍‌ରୁ ସାର୍‌ଗିଦାନ୍ ୱେର୍‌ହ୍‌ତାନ୍, “ ନିନୁ ନା କଢୋ। ନାନୁ ନିଙ୍ଗିଁ ଜିଉ ନଜିନା, ନାନୁ ନିୱାଲେ ସାର୍‌ଦା ମାନାର।”

![](https://cdn.door43.org/obs/jpg/360px/obs-en-24-09.jpg)

ମାପ୍‌ରୁ ଯୋହନଦିଙ୍ଗ୍ ୱେର୍‌ହ୍‌ତାମାରହାନ୍, “ପବିତ୍ର ଆତ୍ମା ସାଲୁ ୱାଜି ଏୟେମୁସ୍‌କୁ ମାନ୍‌ଜିନାତ୍ ୱାନିଙ୍ଗ୍ ନିନୁ ଡୁବନ୍ ସିନି, ଆକାନ୍ ମାପ୍‌ରୁଦି କଢୋ।” ମାପ୍‌ରୁ ଅରେନ୍‌ନେ। ମାରି ଏସେଙ୍ଗ୍ ଯୋହନ ଯିଶୁଦିଙ୍ଗ୍ ଡୁବନ୍ ସିତାନ୍, ମାରି ୱାଣ୍ଡ୍ରୁ ମାପ୍‌ରୁବୁବା ୱେର୍‌ହ୍‌ନିକା ୱେର୍‌ହାନ୍, କଢୋ ମାପ୍‌ରୁଦିଙ୍ଗ୍ ସୁଡ୍‌ତାନ୍, ଏୟେନ୍‌ଗି ଯିଶୁ, ମାରି ୱାଣ୍ଡ୍ରୁ ପବିତ୍ର ଆତ୍ମାଦିଙ୍ଗ୍ ସୁଡ୍‌ତାନ୍।

*ମାଥିଉ ୩, ମାର୍କ୧:୯-୧୧; ଲୁକ ୩୧ଦି ଉଣ୍ଡ୍ରେ ବାଇବଲ୍‌ଦି କାତାନି*

## 25. ୨୫. ସୋଇତାନ୍ ଯିଶୁଦିଙ୍ଗ୍ ପରିକ୍ଷା କିତାନ୍‌

https://openbiblestories.org/l/pci/story-25/

![](https://cdn.door43.org/obs/jpg/360px/obs-en-25-01.jpg)

ଯିଶୁ ଡୁବନ୍ ଆତିୱେନ୍‌କା ଦାପେ ପବିତ୍ର ଆତ୍ମା ୱାନିଙ୍ଗ୍ ଗରୋତୁ ଅତାନ୍‌ ଯିଶୁ ଆବେ ନାଲ୍‌ପାଏ ଦିନାମ୍ ନାଲ୍‌ପାଏ ନାଡ଼େଙ୍ଗ୍‌ ମାହାନ୍। ଆୟା ୱେଡାଦୁ ଆକାନ୍ ଉପବାସ୍ କିତାନ୍ ମାରି ସୋଇତାନ୍ ଯିଶୁଦି ଡାଗ୍‌ରୁ ୱାତାନ୍ ମାରି ୱାନିଙ୍ଗ୍ ପାପାମ୍ କିନିୱାନ୍ଦିଙ୍ଗ୍ ପରିକ୍ଷା କିତାନ୍‌।

![](https://cdn.door43.org/obs/jpg/360px/obs-en-25-02.jpg)

ପର୍‌ତୁମ୍‌ଦୁ ସୋଇତାନ୍ ଯିଶୁଦିଙ୍ଗ୍ ୱେର୍‌ତାନ୍, ଜଦି ନିନୁ ମାପ୍‌ରୁଦି କଡୋ ଆଦେଙ୍ଗେଁ ଇୟା କାଲ୍‌କାଙ୍ଗ୍ ରୁଟି ଆନିୱାନ୍ଦିଙ୍ଗ୍ ଆଦେସ୍ ସିଦା ମାରି ନିନୁ ତିଣ୍ଡ୍ରେଙ୍ଗ୍‌ ଆଟ୍‌ନି।

![](https://cdn.door43.org/obs/jpg/360px/obs-en-25-03.jpg)

ମାରି ଯିଶୁ ସୋଇତାନ୍‌ଦିଙ୍ଗ୍ ୱେହ୍‌ତାନ୍ “ଆୟା ମାପ୍‌ରୁଦି ବୋଇଦି ରାସାତା ମାନାତ୍, ‘ଲୋକୁଦିଙ୍ଗ୍‌ ଜିନିୱାନ୍ଦିଙ୍ଗ୍ ରୁଟି ଦର୍‌କାର୍ ସିଲେତ୍ ମାରି ମାପ୍‌ରୁ ୱେର୍‌ନି ୱିଜୁ ମାଟା ୱାରିଙ୍ଗ୍ ଦର୍‌କାର୍।

![](https://cdn.door43.org/obs/jpg/360px/obs-en-25-04.jpg)

ଦାନିୱେନ୍‌କା ସୋଇତାନ୍ ଯିଶୁଦିନ୍ ମନ୍ଦିର୍‌ଦି ମୁସ୍‌କୁଦି ବାଡ଼ିଦୁ ଅତାନ୍। ସୋଇତାନ୍ ଯିଶୁଦିଙ୍ଗ୍ ୱେର୍‌ତାନ୍, “ମିରୁ ଜଦି ମାପ୍‌ରୁଦି କଡୋ, ‘ଆଡ଼୍‌ଗିଡାଟ୍‌ଆ ମାତର୍ ଇକା ରାସାତାମାନାତ୍ ମାପ୍‌ରୁଦି ୱାନିଦୁତ୍‌କାଙ୍ଗ୍ ମିଙ୍ଗିଁ ଆସ୍‌ନିୱାନ୍ଦିଙ୍ଗ୍ ଆଦେଶ୍‌ସିନାନ୍‌ ଏମେୱାଜା ମି ପାଦାମ୍ କାଲ୍‌କୁଦୁ ତାକ୍‌ମାକିତ୍।

![](https://cdn.door43.org/obs/jpg/360px/obs-en-25-05.jpg)

ମାତର୍‌ ସୋଇତାନ୍‌ଦିଙ୍ଗ୍ ଏମେକା କିନିୱାନ୍ଦିଙ୍ଗ୍‌ ୱେର୍‌ତାନ୍ ଯିଶୁ ଆକା କିଏତାନ୍। ଦାନିବାଦୁଲୁ, ୱାଣ୍ଡ୍ରୁ ୱେର୍‌ତାନ୍, “ମାପ୍‌ରୁ ୱିଜେରି ଲୋକାଙ୍ଗ୍ ୱେହ୍‌ତାନ୍, ପ୍ରବୁ ମି ମାପ୍‌ରୁଦିଙ୍ଗ୍ ପରିକ୍ଷା କିମା।’”

![](https://cdn.door43.org/obs/jpg/360px/obs-en-25-06.jpg)

ଦାନିୱେନ୍‌କା ସୋଇତାନ୍ ଯିଶୁଦିଙ୍ଗ୍ ପୁର୍‌ତିବିଦି ୱିଜୁ ରାଜି ତର୍ପତାନ୍। ୱାଣ୍ଡ୍ରୁ ୱାନିଙ୍ଗ୍ ତର୍ପତାନ୍ ଆୟା ୱିଜେରେ ଏସୋ ସାତୁତିକାନ୍‌, ମାରି ଏସୋ ଦନ୍ ମାର୍‌ହିକାନ୍, ୱାଣ୍ଡ୍ରୁ ଯିଶୁଦିଙ୍ଗ୍ ୱେର୍‌ତାନ୍ ନିନୁ ଜଦି ନାଙ୍ଗିଁ ମାଡିସି ପୁଜାକିନି ଆକାଇଙ୍ଗା ନାନୁ ଆୟାୱିଜୁ ସିନା।

![](https://cdn.door43.org/obs/jpg/360px/obs-en-25-07.jpg)

ଯିଶୁ ଉତର୍‌ସିତାନ୍, “ସୋଇତାନ୍ ନାଡାଗ୍‌ରୁହାଣ୍‌ ଆକସନ୍‌ଆ! ମାପ୍‌ରୁଦି ବୋଇଦୁ ୱାଣ୍ଡ୍ରୁ ନିଜେଦି ଲୋକାଙ୍ଗ୍‌ ଆଦେସ୍‌ ସିତାମାନାନ୍‌, “ପ୍ରବୁ ମି ମାପ୍‌ରୁଦିଙ୍ଗେଁ ଉପାସନା କିଆ। ମାରି ମାପ୍‌ରୁଇଜି ୱାନିଙ୍ଗେଁ ଜିଉନୋଆ।

![](https://cdn.door43.org/obs/jpg/360px/obs-en-25-08.jpg)

ଯିଶୁ ସୋଇତାନ୍‌ଦି ପରିକ୍ଷାଦୁ ଆରାଏତାନ୍, ଇୟାୱାନ୍ଦିଙ୍ଗ୍‌ ସୋଇତାନ୍ ୱାନିଙ୍ଗ୍ ଡିସି ସହାନ୍ ଦାନିୱେନ୍‌କା ସାରଗ୍‌ଦୁତ୍ ୱାଜି ଯିଶୁଦିଙ୍ଗ୍‌ ଜାତ୍‌ନୁ କିତାର୍।

*ବାଇବଲ୍ ଦି ଉଣ୍ଡ୍ରେ କାତାନି ମାଥିଉ ୪:୧୧;ମାର୍କ ୧:୧୨-୧୩ ଲୁକ ୪୧-୧୩*

## 26. ୨୬. ଯିଶୁ ୱାନି ସେବା ଆରାମ୍ କିତାନ୍‌

https://openbiblestories.org/l/pci/story-26/

![](https://cdn.door43.org/obs/jpg/360px/obs-en-26-01.jpg)

ଯିଶୁ ଶୟତାନ୍‌ଦି ପରିକାଦାନ୍‌ ଜିଣାତି ୱେନ୍‌କା, ୱାଣ୍ତ୍ରୁ ଗାଲିଲିଦି ନାହ୍‌କାଙ୍ଗ୍‌ ଡ଼େସି ୱାତାନ୍‌। ଇକା ଆୟା ବାଡି ଏମେବାନୁଗି ୱାଣ୍ତ୍ରୁ ମାନ୍‌ଜିମାର୍‌ହାନ୍। ପବିତ୍ର ଆତ୍‌ମା ୱାନିଙ୍ଗ୍ ନାଣ୍ଡୋ ସକ୍‌ତି ସିଜିମାହାନ୍ ମାରି ଯିଶୁ ଉଣ୍ଡ୍ରେ ବାଡିଦାନ୍‌ ଆଇ ବାଡିଦୁ ସନ୍‌ସି ଲୋକାଙ୍ଗ୍ ଶିକିୟା ସିଜିମାର୍‌ହାନ୍। ୱିଜେରେ ୱାନି ବିଷୟଦାନ୍‌ ନେଗିମାଟା ୱେହ୍‌ସିମାର୍‌ହାର୍।

![](https://cdn.door43.org/obs/jpg/360px/obs-en-26-02.jpg)

ଯିଶୁ ନାଜ୍‌ରିତ୍ ଗଡ଼୍‌ଦୁ ସହାନ୍। ଇକା ଆଜିନାତ୍ ଆୟା ନାରୁ ଏମ୍‌ବାନୁଗି ୱାଣ୍ତ୍ରୁ କଡ଼ୋୱାଲେହାନ୍‌ ମାନ୍‌ଜି ମାର୍‌ହାନ୍। ଆଦିୱାର୍ ନାଣ୍ଡିଙ୍ଗ୍ ୱାଣ୍ତ୍ରୁ ପୁଜା ପାଟ୍ କିନି ବାଡିଦୁ ସର୍‌ହାନ୍। ନେତାର୍ ଯିଶାୟ ଭବିସତ୍ ମାଟା ୱେହ୍‌ନି ଲୋକୁଦି ରାସାତିମାନି ଉଣ୍ଡ୍ରେ ବଇ ସିତାର୍। ୱାରୁ ମାନ୍‌ସୁ କିଜିମାହାର୍ ଜେ ୱାଣ୍ତ୍ରୁ ଆବେଣାନ୍ ପଡ଼ାପିନ୍‌। ମାରି ଯିଶୁ ବଇଦିଙ୍ଗ୍ କୁତ୍‌ସି ଲୋକାୱାନ୍ଦିଙ୍ଗ୍ ଖାଣ୍ଡେକ୍ ପଦ୍‌ ପଡ଼ାତାନ୍।

![](https://cdn.door43.org/obs/jpg/360px/obs-en-26-03.jpg)

ଯିଶୁ ପଡ଼ାତାନ୍, “ମାପ୍‌ରୁ ନାଙ୍ଗିଁ ୱାନି ଆତ୍‌ମା ସିତାମାନାନ୍‌ ଏବାଣାନ୍ ନାନୁ ଗରିବ ଲୋକାଙ୍ଗ୍ ନେଗିକାବୁର୍ ପ୍ରଚାର୍ କିଦେଙ୍ଗ୍ ଆଟ୍‌ନା। ୱାଣ୍ତ୍ରୁ ନାଙ୍ଗିଁ ତହାତିୱାରିଙ୍ଗ୍‌ ଢିସ୍‌ପିସ୍‌ନାନ୍, କାଣାରିଙ୍ଗ୍ ମାରିଢେସ୍‌ସି ସୁଡ଼୍‌ନି ୱାନ୍ଦିଙ୍ଗ୍‌ ମାରି ଆଇ ୱାରିଙ୍ଗ୍ କାଷ୍ଟାମ୍ ସିନି ଲୋକାବାଣାନ୍ ଢିସ୍‌ପିସ୍‌ତେଙ୍ଗ୍ ପକ୍‌ତାମାନାନ୍। ଇକା ଆୟା ୱେଡ଼ା ଆନାତ୍‌ ଏସେଙ୍ଗ୍ ମାପ୍‌ରୁ ମା ୱାନ୍ଦିଙ୍ଗ୍‌ ଦୟା କିନାନ୍ ମାରି ମା ୱାନ୍ଦିଙ୍ଗ୍‌ ସାହାଜ୍ୟ କିନାନ୍।”

![](https://cdn.door43.org/obs/jpg/360px/obs-en-26-04.jpg)

ଦାନିୱେନ୍‌କା ଯିଶୁ ବାସ୍‌ତାନ୍‌। ୱିଜେରେ ନାଣ୍ଡୋ ଗୁର୍‌ତୁଦାନ୍ ସୁଡ଼୍‌ଜିମାର୍‌ହାର୍। ୱାରୁ ନେସ୍‌ତାର୍ ଜେ ପବିତ୍ର ଶାସ୍ତ୍ରଦିକା ଖଣ୍ଡେକ୍ ଆକା ୱାଣ୍ତ୍ରୁ ଇଏଲ୍ ପଡ଼ାତାମାନାନ୍ ଆକା ଖ୍ରୀଷ୍ଟଦି ବିଷୟ୍‌ ମାର୍‌ହାତ୍‌। ଯିଶୁ ୱେର୍‌ତାନ୍, “ଏମେ ବିଷୟ ନାନୁ ଇଏଲ୍ ମି ୱାନ୍ଦିଙ୍ଗ୍ ପଡ଼ାତାମାନା, ଆକା ଇଏଲ୍ ଘଟାଜିନାତ୍। “ୱିଜୁ ଲୋକୁ କାବା ଆତାର୍। ୱାରୁ ୱେର୍‌ତାର୍, ୱାଣ୍ତ୍ରୁ ଇନିକା ଯସେଫ୍‌ଦି କଢୋ ଆଏନ୍‌?

![](https://cdn.door43.org/obs/jpg/360px/obs-en-26-05.jpg)

ଦାନିୱେନ୍‌କା ଯିଶୁ ୱେର୍‌ତାନ୍, ଇକା ସତ୍‌ଜେ ଲୋକୁ ଆୟା ବାବବାଦିଦିଙ୍ଗ୍ ଏସେଙ୍ଗ୍‌ବା ମାନାଏର୍ ଏୟେନ୍‌ଗି ନିଜେଦି ଗଡ଼୍‌ଦୁ ପିରିନା ମାଞ୍ଜିନାନ୍। ଇଲିଶାୟ ଭବିସତ୍ ମାଟା ୱେହ୍‌ନି ଲୋକୁଦି ୱେଡ଼ାଦୁ ଇସ୍ରାଏଲ୍‌ଦୁ ନାଣ୍ଡୋ ରାଣ୍ଡି ଆଡ଼୍‌ସିକ୍ ମାହେ। ମାରି ଏସ୍ତିୱାଲେ ମୁଣ୍ଡ୍ରି ପାଟେଙ୍ଗ୍‌ ଆରୁ ଲେସ୍‌କୁ ସାନ୍ଦି ପିରୁ ଆଏତାତ୍ ମାରି ମାପ୍‌ରୁ ଇସ୍ରାଏଲ୍‌ଦି ଆଇ ଏମେ ରାଣ୍ଡିଙ୍ଗାଁ ସାହାଜ୍ୟ କିନିୱାନ୍ଦିଙ୍ଗ୍‌ ପକ୍ଏତାନ୍। ଇୟା ବାଦ୍‌ଲୁ, ୱାଣ୍ତ୍ରୁ ଇଲିଶାୟଦିଙ୍ଗ୍ ଆଇ ଦେଶେମ୍‌ଦି ରାଣ୍ଡିଦି ଡାଗ୍‌ରୁ ପକ୍‌ତାନ୍।”

![](https://cdn.door43.org/obs/jpg/360px/obs-en-26-06.jpg)

ଯିଶୁ ୱେର୍‌ସିନେ ମାର୍‌ହାନ୍, “ମାରି ଇଲିଶାୟ ଭବିସତ୍ ମାଟା ୱେହ୍‌ନି ଲୋକୁଦି ୱେଡ଼ାଦୁ, ଇସ୍ରାଏଲ୍‌ଦୁ ନଣ୍ଡୋ ଲୋକାଙ୍ଗ୍‌ ତୋଲୁ ରୋଗ୍ ଆତାମାର୍‌ହାତ୍‌। ମାରି ଇଲିଶାୟ ୱାରିଲୋଇହାନ୍ ଏୟେଙ୍ଗ୍ ନେଗେଣ୍ଡ୍‌ କିଏତାତ୍। ୱାଣ୍ତ୍ରୁ ମାତର୍ ଇସ୍ରାଏଲ୍ ସତ୍ରୁରି ସେନାପତି ନାମାନଦି ତୋଲୁ ରୋଗ୍‌ଦିଙ୍ଗ୍ ନେଗେଣ୍ଡ୍‌ କିତାନ୍।” ମାରି ଏୟେର୍ ଯିଶୁଦି ମାଟା ୱେନ୍‌ଜିମାର୍‌ହାର୍ ୱାରୁ ଯିହୁଦି ମାର୍‌ହାର୍। ମାରି ୱାରୁ ୱାନି ମାଟା ୱେନ୍‌ଜି, ୱାରୁ ୱାନିମୁସ୍‌କୁ ରାଗାତାର୍।

![](https://cdn.door43.org/obs/jpg/360px/obs-en-26-07.jpg)

ନାଜ୍‌ରିତ୍ ଲୋକୁ ଯିଶୁଦିଙ୍ଗ୍ ଆସ୍‌ସି ଉପାସନା ବାଡିଦାନ୍ ରେଲ୍‌ଜି ଅତାର୍। ୱାନିଙ୍ଗ୍ ପକ୍‌ସି ଢେଇନିୱାନ୍ଦିଙ୍ଗ୍‌ ୱାରୁ ଉଣ୍ଡ୍ରେ ପେରି କାଲୁ ମୁସ୍‌କୁ ଅତାର୍। ମାରି ଯିଶୁ ଗୋଲି ଲୋଇହାନ୍ ସୋସିସର୍‌ହାନ୍‌ ମାରି ନାଜରିତ୍ ଗଡ଼୍‌ ଢିସ୍‌ସିସର୍‌ହାନ୍।

![](https://cdn.door43.org/obs/jpg/360px/obs-en-26-08.jpg)

ଇୟା ୱେନ୍‌କା ଯିଶୁ ଗାଲିଲିଦି ୱିଜୁ ବାଡିଦୁ ସହାନ୍, ମାରି ନାଣ୍ଡ ପେରି ମାନ୍ଦାଲୋକୁ ୱାନି ଡାଗ୍‌ରୁ ୱାତାର୍। ୱାରୁ ବେମାର୍‌ ଲୋକାଙ୍ଗ୍ ମାରି କାଣା, ଛଟା ଲୋକାଙ୍ଗ୍ ତାତାମାର୍‌ହାର୍। ୱାରିଲୋଇହାନ୍ ଏସୋଲୋକୁ ସୁଡ଼୍‌ଦେଙ୍ଗ୍,ଏସୋଲୋକୁ ବୁଲାଦେଙ୍ଗ୍, ଏସୋଲୋକୁ ୱେନ୍‌ଣ୍ଡ୍ରେଙ୍ଗ୍ ଆଟ୍‌ଏଜି ମାର୍‌ହାର୍ ମାରି ଯିଶୁ ୱାରିଙ୍ଗ୍ ନେଗେଣ୍ଡ୍ କିତାନ୍।

![](https://cdn.door43.org/obs/jpg/360px/obs-en-26-09.jpg)

ମରିବା, ଏୟେଲୋଇ ଦୁବାମାହାତ୍ ଆୟା ୱିଜେରିଙ୍ଗ୍ ଯିଶୁଦି ଡାଗ୍‌ରୁ ତାତାର୍। ଯିଶୁ ଦୁବେଙ୍ଗାଁ ୱାରିଲୋଇହାନ୍ ସୋସିୱାଦେଙ୍ଗ୍ ଆଦେଶ୍ ସିତାନ୍, ଦୁବେଙ୍ଗ୍ ଜାରିଦି ଜାରିଙ୍ଗ୍ ଆଉଲି ଆଜିମାହେ “ନିନୁ ମପ୍‌ରୁଦି ମାରିନ୍!” ମାନ୍ଦାଲୋକୁ କାବା ଆତାର୍ ମାରି ୱାରୁ ମାପ୍‌ରୁଦି ପ୍ରଶଂସା କିତାର୍।

![](https://cdn.door43.org/obs/jpg/360px/obs-en-26-10.jpg)

ଦାନିୱେନ୍‌କା ଯିଶୁ ୱାନି ସିସୁରିଲୋଇହାନ୍ ବାର ଲୋକାଙ୍ଗ୍ ୱାନିୱାଲେ ମାନ୍‌ଜିନି ୱାନ୍ଦିଙ୍ଗ୍ ଆସ୍‌କିତାନ୍। ୱାଣ୍ତ୍ରୁ ୱାରିଙ୍ଗ୍ ପ୍ରେରିତ୍ ଇଜି ୱେର୍‌ତାନ୍‌। ଇୟା ପ୍ରେରିତର୍ ଯିଶୁଦି ୱାଲେ ସହାର୍ ମାରି ୱିଜେରେ ୱାନିବାଣାନ୍ ସିକିୟା ପାଏଆତାର୍‌।

*ମାଥିଉ ୪:୧୨-୨୫; ମାର୍କ ୧:୧୪-୧୫, ୩୫-୩୯; ୩:୧୩-୨୧; ଲୁକ ୪:୧୪-୩୦, ୩୮-୪୪; ଦି ଉଣ୍ଡ୍ରେ ବାଇବଲ୍‌ଦି କାତାନି ୨୭. ନେଗି ଶମିରୋଣ ଗଡ଼୍‌ତି ଲୋକୁଦି କାତାନି*

## 27. ୨୭. ନେଗି ଶମିରୋଣ ଗଡ଼୍‌ତି ଲୋକୁଦି କାତାନି

https://openbiblestories.org/l/pci/story-27/

![](https://cdn.door43.org/obs/jpg/360px/obs-en-27-01.jpg)

ଅର୍‌ନେଣ୍ତ୍, ଅରେନ୍ ମାପ୍‌ରୁଦି ନିୟମ୍ ଶାସ୍ତ୍ରଦିଙ୍ଗ୍ ନେସ୍‌ତିକାନ୍‌ ଯିଶୁଦି ଡାଗ୍‌ରୁ ୱାତାନ୍‌। ଯିଶୁ ସେଇୱାଜା ସିକିୟା ସିଜିନାନ୍ ଇଜି ୱିଜେରିଙ୍ଗ୍ ତର୍‌ପ୍‌ନି ୱାନ୍ଦିଙ୍ଗ୍ ୱାଣ୍ତ୍ରୁ ମାନ୍‌ସୁକିଜିମାର୍‌ହାନ୍। ଇୟାୱାନ୍ଦିଙ୍ଗ୍ ୱାଣ୍ତ୍ରୁ ୱେନ୍‌ବାତାନ୍, “ ଏ ଗୁରୁ ୱିଜ୍‌ଇଜିଉ ପୁଟ୍‌ନିୱାନ୍ଦିଙ୍ଗ୍ ନାନୁ ଇନିକା କିନା?” ଯିଶୁ ଉତର୍‌ ସିତାନ୍, “ମାପରୁ ନିୟମ୍‌ଦୁ ଇନିକା ରାସାତାମାନାତ୍?”

![](https://cdn.door43.org/obs/jpg/360px/obs-en-27-02.jpg)

ଆୟା ନିୟମ୍ ଶାସ୍ତ୍ରଦିଙ୍ଗ୍ ନେସ୍‌ତିକାନ୍‌ ଉତର୍ ସିତାନ୍, ମାପ୍‌ରୁଦି ନିୟମ୍ ୱେହ୍‌ନାତ୍‌ ଜେ “ନିନୁ ପ୍ରବୁ ନିଜେ ମାପ୍‌ରୁଦିଙ୍ଗ୍‌, ୱିଜୁ ମାନ୍‌ସୁ ମାରି ୱିଜୁ ଜିଉ ମାରି ୱିଜୁ ଶାକ୍ତିସିଜି ଜିଉନୋଦୁ। ମାରି ମିରୁ ଡାଗ୍‌ରୁହି ଲୋକାଙ୍ଗ୍ ନିଜେଦିଙ୍ଗ୍ ଜିଉନୋତିୱାଜା ଜିଉନୋଦୁ। ଯିଶୁ ଉତର୍ ସିତାନ୍ “ନିନୁ ନିକାମେ ନେ ୱେର୍‌ତି ମାନି! ଆହୁଇଙ୍ଗାଁ ନିନୁ ଇୟାୱାଜା କିନି ଏସେଙ୍ଗ୍‌ୱିଜ୍‌ଇଜିଉ ପାଏଆନି।”

![](https://cdn.door43.org/obs/jpg/360px/obs-en-27-03.jpg)

ମାରି ୱାଣ୍ତ୍ରୁ ନିୟମ୍ ଶାସ୍ତ୍ରଦିଙ୍ଗ୍ ନେସ୍‌ତିକାନ୍‌ ଲୋକାଙ୍ଗ୍ ତର୍‌ପ୍‌ତେଙ୍ଗ୍‌ ମାନ୍‌ସୁକିଜି ମାର୍‌ହାନ୍ ଜେ ୱାନି ଜିନି ଜିଉ ସାରି ନେଗେଣ୍ତ ମାର୍‌ହାତ୍। ଆୟାୱାନ୍ଦିଙ୍ଗ୍ ୱାଣ୍ତ୍ରୁ ଯିଶୁଦିଙ୍ଗ୍ ୱେନ୍‌ବାତାନ୍, “ନେଗେଣ୍ଡ୍ ମାନାତ, ମାରି ନାଡାଗ୍‌ରୁହି ଲୋକୁ ଏୟେର୍‌?"

![](https://cdn.door43.org/obs/jpg/360px/obs-en-27-04.jpg)

ଯିଶୁ ନିୟମ୍ ଶାସ୍ତ୍ରଦିଙ୍ଗ୍ ନେସ୍‌ତିୱାନିଙ୍ଗ୍‌ ଉଣ୍ତ୍ରେ କାତାନି ୱେହ୍‌ସି ଉତର୍ ସିତାନ୍। “ଅରେନ୍ ଯିହୁଦି ଲୋକୁ ମାର୍‌ହାନ୍ ୱାଣ୍ତ୍ରୁ ଉଣ୍ତ୍ରେସାରି ସିଜି ଯିରୁଶାଲାମ୍‌ଦାନ୍‌ ଯିରିହୋଦୁ ସନ୍‌ସିମାର୍‌ହାନ୍‌।

![](https://cdn.door43.org/obs/jpg/360px/obs-en-27-05.jpg)

“ମାରି ଏସୋ ଡାକୁର୍ ୱାନିଙ୍ଗ୍‌ ସୁଡ଼୍‌ତାର୍ ମାରି ୱାନି ମୁସ୍‌କୁ ଡାକ୍‌ତେଙ୍ଗ୍ ଆସ୍‌ତାର୍‌। ୱାନିଡାଗ୍‌ରୁ ମାନି ୱିଜୁ ସାମାନ୍‌କୁ ୱାରୁ ଅତାର୍ ମାରି ୱାନିଙ୍ଗ୍ ସାନି ୱାଜା ମାଡ୍‌ ଡ଼େଇତାର୍। ଦାନିୱେନ୍‌କା ୱାରୁ ସର୍‌ହାର୍।”

![](https://cdn.door43.org/obs/jpg/360px/obs-en-27-06.jpg)

“ଇୟାୱେନ୍‌କା, ଅରେନ୍ ଯିହୁଦି ଯାଜକ ଆୟା ସାରି ସିଜି ସନ୍‌ସି ମାର୍‌ହାନ୍। ଆୟା ଯାଜକ ଆୟା ଲୋକୁଦିଙ୍ଗ୍‌ କାଣ୍ତିଆକାବ୍‌ରା ଆଜି ସାରିଦୁ ଆର୍‌ତିମାହିକା ସୁଡ଼୍‌ତାନ୍। ଏସ୍ତିୱାଲେ ୱାଣ୍ତ୍ରୁ ୱାନିଙ୍ଗ୍ ସୁଡ଼୍‌ତାନ୍ ୱାଣ୍ତ୍ରୁ ଆଇ ସାରି ସିଜି ଆୟାପାଡ଼୍‌କାହାନ୍‌ ସର୍‌ହାନ୍। ୱାଣ୍ତ୍ରୁ ଆୟା ଲୋକୁଦିଙ୍ଗ୍ ସୁଡ଼୍‌ଏଣ୍ତାୱାଜା ଆଜି ସର୍‌ହାନ୍‌।”

![](https://cdn.door43.org/obs/jpg/360px/obs-en-27-07.jpg)

“ଦାନିୱେନ୍‌କା ଏସୋ ୱେଡ଼ାସଇ ୱେନ୍‌କା, ଆୟା ସାରି ସିଜି ଅରେନ୍ ଲେବୀ ୱାତାନ୍।(ଲେବୀୟର୍ ଆଜିନାର୍ ଉଣ୍ତ୍ରେ ଯିହୁଦିରି ଉଣ୍ତ୍ରେ ଜାତି ଏୟେର୍‌ଗି ଯାଜକ୍‌ରିଙ୍ଗ୍ ମନ୍ଦିରଦୁ ସାହାଯ୍ୟ କିଜିମାର୍‌ହାନ୍‌।) ଆୟା ଲେବୀ ବା ଆଇ ସାରି ସିଜି ସହାନ୍। ୱାଣ୍ତ୍ରୁ ବା ଆୟା ଲୋକୁଦିଙ୍ଗ୍ ସୁଡ଼୍‌ଜି ସୁଡ଼୍‌ଇୱାଜା ଆଜି ସର୍‌ହାନ୍‌।”

![](https://cdn.door43.org/obs/jpg/360px/obs-en-27-08.jpg)

“ମାରି ଆଇ ଅରେନ୍ ଆୟା ସାରି ସିଜି ୱାତାନ୍ ୱାଣ୍ତ୍ରୁ ସାମରିୟା ଗଡ଼୍‌ତି ଅରେନ୍ ଲୋକୁ ମାର୍‌ହାନ୍। (ଶମିରିୟାଦି ଲୋକୁ ମାରି ଯିହୁଦାତି ଲୋକୁ ୱାରି-ୱାରିଲୋଇ କାରାଇଜି ମାର୍‌ହାର୍।) ମାରି ଆୟା ଶମିରୋଣୀୟ ଲୋକୁ ସାରିଦୁ ସୁଡ଼୍‌ତାନ୍‌। ୱାଣ୍ତ୍ରୁ ସୁଡ଼୍‌ତାନ୍ ଜେ ୱାଣ୍ତ୍ରୁ ଅରେନ୍ ଯିହୁଦି ଲୋକୁ ମାର୍‌ହାନ୍, ମାତର୍ ଆତିଙ୍ଗାଁ ବା ୱାନିଙ୍ଗ୍ ଦୟା କିତାନ୍‌। ମାରି ୱାଣ୍ତ୍ରୁ ୱାନି ଡାଗ୍‌ରୁ ସର୍‌ହାନ୍ ମାରି ୱାନି ଗାଉକାଙ୍ଗ୍ ୱିଜୁ ତହ୍‌ତାନ୍।”

![](https://cdn.door43.org/obs/jpg/360px/obs-en-27-09.jpg)

“ଦାନିୱେନ୍‌କା ଆୟା ଶମିରୋଣୀୟ ଆୟା ଲୋକୁଦିଙ୍ଗ୍ ନିକ୍‌ସି ନିଜେ ଗଦ ମୁସ୍‌କୁ ବାସାକିତାନ୍ ମାରି ୱାନିଙ୍ଗ୍‌ ସାରି ଡାଗ୍‌ରୁହି ମେଡିକାଲ୍‌ଦୁ ଅତାନ୍ ଏମେବାନୁଗି ୱାଣ୍ତ୍ରୁ ୱାନି ଜତନ୍ କିଦେଙ୍ଗ୍‌ ଆସ୍‌ତାନ୍‌।”

![](https://cdn.door43.org/obs/jpg/360px/obs-en-27-10.jpg)

“ଦାନି ୱେନ୍‌କାହି ଦିନାମ୍, ଆୟା ଶମିରୋଣୀୟ ଲୋକୁ ସନ୍‌ଣ୍ଡ୍ରେଙ୍ଗ୍ ମାର୍‌ହାତ୍। ୱାଣ୍ତ୍ରୁ ମେଡିକାଲ୍‌ତି ଲୋକୁଦିଙ୍ଗ୍‌ ଏସୋ ଇନି ଡାବୁ ସିତାନ୍‌। ମାରି ୱାଣ୍ତ୍ରୁ ୱାନିଙ୍ଗ୍ ୱେର୍‌ତାନ୍, “ଇୟା ଲୋକୁଦି ଜତନ୍ ଅଆ। ଜଦି ଇୟା ଡାବୁଦାନ୍ ନି ନାଣ୍ତୋ ଡାବୁ କାର୍‌ସୁ ଆନାତ୍‌, ମାରି ନାନୁ ଡ଼େସିୱାନି ୱାଲେ ନାନୁ ସିନା।”

![](https://cdn.door43.org/obs/jpg/360px/obs-en-27-11.jpg)

ଦାନିୱେନ୍‌କା ଯିଶୁ ଆୟା ମାପ୍‌ରୁଦି ନିୟମ୍ ଶାସ୍ତ୍ରଦିଙ୍ଗ୍ ନେସ୍‌ତିୱାନିଙ୍ଗ୍ ୱେନ୍‌ବାତାନ୍, “ନିନୁ ଇନିକା ଅଡ଼୍‌ବିଜିନି? ଇୟା ମୁଏରି ଲୋଇହାନ୍ ଏୟେନ୍‌ ୱାରି ଡାଗ୍‌ରୁହି ଲୋକୁ ଏୟେନ୍, ଏୟେଙ୍ଗ୍ ଡାକ୍‌ତାର୍ ମାରି ଡାବୁ ଡ଼ିବିସ୍‌ତା ଅତାମାର୍‌ହାର୍‌? ୱାଣ୍ତ୍ରୁ ଉତ୍ତର ସିତାନ୍, “ଏୟେନ୍‌ଗି ୱାନିୱାନ୍ଦିଙ୍ଗ୍‌ ଦୟା ତର୍‌ପ୍‌ତାମାର୍‌ହାନ୍ ୱାଣ୍ତ୍ରୁନେ।” ଯିଶୁ ୱାନିଙ୍ଗ୍ ୱେର୍‌ତାନ୍, “ନିନୁ ବା ସନ୍‌ହା ମାରି ଆୟାୱାଜା କିଆ।”

*ବାଇବଲ୍‌ଦି ଉଣ୍ତ୍ରେ କାତା ଲୁକ୧୦:୨୫-୩୭*

## 28. ୨୮. ଶାସନ୍ କିନି ଦନି ମୁର୍‌ଲି

https://openbiblestories.org/l/pci/story-28/

![](https://cdn.door43.org/obs/jpg/360px/obs-en-28-01.jpg)

ଅର୍‌ନେଣ୍ଡ୍, ଅରେନ୍ ଜିହୁଦି ଦନିମୁର୍‌ଲି ଯିଶୁଦି ଡାଗ୍‌ରୁ ୱାତାନ୍ ମାରି ୱାନିଙ୍ଗ୍ ୱେନ୍‌ବାତାନ୍, “ଏ ନେଗି ଗୁରୁ,ଏସେଙ୍ଗ୍‌ୱିଜ୍‌ଇ ଜିଉ ପାଏଆନି ୱାନ୍ଦିଙ୍ଗ୍ ନାନୁ ଇନିକା କିଦେଙ୍ଗ୍ ମାନାତ୍‌?” ଯିଶୁ ୱାନିଙ୍ଗ୍ ୱେର୍‌ତାନ୍ “ନାଙ୍ଗିଁ ଇନିଦାନିଙ୍ଗ୍ ନେଗିକା ୱେର୍‌ସିନି?” ଅରେନ୍ ମାତର୍ ନେଗିକାନ୍ ମାରି ୱାଣ୍ତ୍ରୁ ଆଜିନାନ୍ ମାପ୍‌ରୁ। ମାତର୍‌ ନିନୁ ଜଦି ଏସେଙ୍ଗ୍‌ୱିଜ୍‌ଇଜିଉ ପାଏଆଦେଙ୍ଗ୍‌ ମାନ୍‌ସୁ କିଜିନି ମାରି ମାପ୍‌ରୁଦି ନିୟମ୍ ମାନାଆ।”

![](https://cdn.door43.org/obs/jpg/360px/obs-en-28-02.jpg)

“ୱାଣ୍ତ୍ରୁ ୱେନ୍‌ବାତାନ୍, ଏମେ-ଏମେ ନିୟମ୍ ନାନୁ ମାନାଦେଙ୍ଗ୍ ମାନାତ୍‌?” ୱାଣ୍ତ୍ରୁ ୱେନ୍‌ବାତାନ୍। ଯିଶୁ ଉତର୍ ସିତାନ୍, ସାୟାମାର୍‌ଗା ଡ଼େଇମାଟ୍। ଦାରିପାଣି କିମାଟ୍। ଡଙ୍ଗାଁ ପାଣି କିମାଟ୍। ବାଣ୍ଡିସ୍ ମାଟ୍। ନିଜେ ବୁବା ମାରି ୟାୟାଦିଙ୍ଗ୍ ଜିଉନୋଦୁ, ମାରି ନିଜେଦି ଡାଗ୍‌ରୁହି ଲୋକାଙ୍ଗ୍ ନିଜେଦିଙ୍ଗ୍ ଜିଉନୋତିୱାଜା ଜିଉନୋଦୁ।”

![](https://cdn.door43.org/obs/jpg/360px/obs-en-28-03.jpg)

ମାରି ଆୟା ମୁର୍‌ଲି ୱାନିଙ୍ଗ୍ ୱେର୍‌ତାନ୍, “ନାନୁ ଇଜ୍‌ରି ୱାଲେରାନ୍ ଇୟାୱିଜୁ ମାନାଜିୱାଜିନା। ଏସେଙ୍ଗ୍‌ୱିଜ୍ଇଜିଉ ପାଏଆନି ୱାନ୍ଦିଙ୍ଗ୍ ନାଙ୍ଗିଁ ମାରି ଇନିକା କିଦେଙ୍ଗ୍‌ ମାନାତ୍?” ଯିଶୁ ୱାନି ମୁସ୍‌କୁ ସୁଡ଼୍‌ଜି ୱାନିଙ୍ଗ୍‌ ଜିଉ ନୋତାନ୍।

![](https://cdn.door43.org/obs/jpg/360px/obs-en-28-04.jpg)

ଦାନିୱେନ୍‌କା ଯିଶୁ ଉତର୍ ସିତାନ୍, “ଜଦି ନିନୁ ପବିତ୍ର ଆଦେଙ୍ଗ୍ ମାନ୍‌ସୁ କିଜିନି, ମାରି ସନ୍‌ଆ ମାରି ନି ୱିଜୁ ସମ୍ପତି ପର୍‌ଆ ମାରି ଆୟାଡାବୁ କାକୁର୍ତି ଲୋକାଙ୍ଗ୍ ସିଆ, ମାରି ନିନୁ ସର୍‌ଗଦୁ ଦନ୍ ପାଏଆନି। ଦାନିୱେନ୍‌କା ୱାଜି ନା ୱେନ୍‌କା ବୁଲାଆ।”

![](https://cdn.door43.org/obs/jpg/360px/obs-en-28-05.jpg)

ଏସ୍ତିୱାଲେ ଆୟା ମୁର୍‌ଲି ଯିଶୁଦି ମାଟା ୱେର୍‌ହାନ୍, ୱାଣ୍ତ୍ରୁ ନାଣ୍ଡୋ ଦୁକାମ୍ ଆତାନ୍, ମାତର୍ ୱାଣ୍ତ୍ରୁ ପେରି ଦନି ମାର୍‌ହାନ୍ ମାରି ନିଜେ ଉଣ୍ଡାକିତି ମାହି ୱିଜୁ ସମ୍ପତି ଡ଼ିସ୍‌ତେଙ୍ଗ୍ ମାନ୍‌ସୁ କିଏଜିମାର୍‌ହାନ୍‌। ୱାଣ୍ତ୍ରୁ ମୋକମ୍ ମାହ୍‌ସି ଯିଶୁଦିବାଣାନ୍ ସର୍‌ହାନ୍।

![](https://cdn.door43.org/obs/jpg/360px/obs-en-28-06.jpg)

ଦାନିୱେନ୍‌କା ଯିଶୁ ୱାନି ସିସୁରିଙ୍ଗ୍ ୱେର୍‌ତାନ୍, “ଦନି ଲୋକୁ ମାପ୍‌ରୁଦି ରାଜିଦୁ ଡ଼ୁଗ୍‌ଦେଙ୍ଗ୍ ନାଣ୍ଡୋ କାସ୍‌ଟାମ୍! ନିଜାମେ, ଅରେନ୍ ଦନି ଲୋକୁ ସର୍‌ଗଦୁ ଡ଼ୁଗ୍‌ନି ବାଦ୍‌ଲୁ ସୁଜିଦି ବର ସିଜି ଉଟୁ ଡ଼ୁଗ୍‌ନିକା ଉସାସ୍।”

![](https://cdn.door43.org/obs/jpg/360px/obs-en-28-07.jpg)

ଏସ୍ତିୱାଲେ ସିସୁର୍ ଯିଶୁଦି ମାଟା ୱେର୍‌ହାର୍, ୱାରୁ କାବା ଆତାର୍‌। ୱାଣ୍ତ୍ରୁ ୱେର୍‌ତାନ୍, “ମାରି ଜଦି ଇୟାୱାଜା ଆତିଙ୍ଗାଁ ମାରି ମାପ୍‌ରୁ ଏନେଟ୍‌ ରକିୟା କିନାନ୍‌?“

![](https://cdn.door43.org/obs/jpg/360px/obs-en-28-08.jpg)

ଯିଶୁ ସିସୁରି ତରନ୍ ସୁଡ଼୍‌ଜି ୱେର୍‌ତାନ୍, “ଲୋକୁ ନିଜେଦିଙ୍ଗ୍ ରକିୟା କିଦେଙ୍ଗ୍ ଆଟ୍‌ଏର୍। ମାତର୍‌ ମାପ୍‌ରୁଦି ୱାନ୍ଦିଙ୍ଗ୍ ଏମେ ବିଷୟ୍ କିଦେଙ୍ଗ୍ ବା ଆଇକା ବା ଆନାତ୍‌।”

![](https://cdn.door43.org/obs/jpg/360px/obs-en-28-09.jpg)

ପିତର ଯିଶୁଦିଙ୍ଗ୍ ୱେର୍‌ତାନ୍, “ମାପୁ ମି ସିସୁର୍ ୱିଜୁ ବିଷୟ ଡ଼ିସ୍‌ସି ନି ୱେନ୍‌କା ୱାତାମାନା। ମା ୱାନ୍ଦିଙ୍ଗ୍ ଇନି ପୁରସ୍‌କାର୍ ମାନ୍‌ଜିନାତ୍‌?”

![](https://cdn.door43.org/obs/jpg/360px/obs-en-28-10.jpg)

ଯିଶୁ ଉତର୍ ସିତାନ୍, “ଏମେଲୋକୁ ନା ୱାନ୍ଦିଙ୍ଗ୍ ଇଲୁ, ତଡ଼ାନ୍‌, ଗାଡ଼୍‌ସି, ବୁବା, ୟାୟାଦିଙ୍ଗ୍ କଡ଼ କକ୍ରାରିଙ୍ଗ୍ ମାରି ଦନ୍ ଡ଼ିସ୍‌ନାମାନ୍‌ଜିନାନ୍‌ ମାରି ୱାଣ୍ତ୍ରୁ ଦାନିଙ୍ଗ୍‌ନି ୱାନ୍ଦା ଗୁଣ୍ ନାଣ୍ତୋ ପାଏଆନାନ୍। ମାରି ଏସେଙ୍ଗ୍‌ୱିଜ୍‌ଇଜିଉ ବା ପାଏଆନାନ୍‌। ମାତର୍‌ ପାର୍‌ତୁମ୍‌ଦୁମାନି ଏସୋ ଲୋକୁ ୱେନ୍‌କା ଆନାର୍, ମାରି ୱେନ୍‌କା ମାନି ଏସୋ ଲୋକୁ ଆଗ୍‌ଡ଼ି ଆନାର୍।”

*ବାଇବଲ୍‌ଦି ଉଣ୍ତ୍ରେ କାତା: ମାଥିଉ ୧୯:୧୬-୩୦; ମାର୍କ ୧୦:୧୭-୩୧; ଲୁକ ୧୮:୧୮-୩୦*

## 29. ୨୯. ଦୟାସିଲି ଦାସ୍‌ଦି କାତାନି

https://openbiblestories.org/l/pci/story-29/

![](https://cdn.door43.org/obs/jpg/360px/obs-en-29-01.jpg)

ଉଣ୍ଡ୍ରେ ଦିନାମ୍‌, ପିତର ଯିଶୁଦିଙ୍ଗ୍ ୱେନ୍‌ବାତାନ୍, “ଏ ଗୁରୁ, ନା ତଡ଼ାନ୍‌ ନା ବିରୁଦ୍‌ଦୁ ପାପାମ୍ କିତିଙ୍ଗା ମାରି ନାନୁ ଏସୋଜାରିଙ୍ଗ୍‌ ୱାନିଙ୍ଗ୍ କେମା କିନା?” ଇନିକା ଏଡ଼ୁ ଜାରିଙ୍ଗ୍? ଯିଶୁ ୱେର୍‌ତାନ୍, “ଏଡୁ ଜାରିଙ୍ଗ୍ ସିଲେ, ମାତର୍‌ ସତୁରିଦାନ୍ ଏଡ଼ୁଗୁଣ୍‌ ଜାରିଙ୍ଗ୍!” ଇୟା ବାଣାନ୍, ଯିଶୁଦି ୱେହ୍‌ନି ଅର୍ତ ମାଡୁ ୱିଜୁୱାଲେ କେମା କିଦେଙ୍ଗ୍ ଦରକାର୍। ଦାନିୱେନ୍‌କା ଯିଶୁ ଇୟା କାତାନି ୱେର୍‌ତାନ୍।

![](https://cdn.door43.org/obs/jpg/360px/obs-en-29-02.jpg)

ଯିଶୁ ୱେର୍‌ତାନ୍, “ମାପ୍‌ରୁଦି ରାଜି ଉଣ୍ଡ୍ରେ ରାଜାଦି ସମାନ୍ ଏୟେନ୍ ନିଜେ ଗତିମୁର୍‌ଲିଦି ବାଣାନ୍ ଇସାବ୍ ଅତେଙ୍ଗ୍ ମାନ୍‌ସୁ କିଜିମାର୍‌ହାନ୍। ୱାନି ଅରେନ ଗତିମୁର୍‌ଲି ୨,୦୦,୦୦୦ ପାଟେଙ୍ଗାଁଣି କୁଲିସମାନ୍ ଉଣ୍ଡ୍ରେ ଉଦାର୍‌ଦି ଉଦାର୍ ଅତିକାନ୍‌ ମାର୍‌ହାନ୍‌।”

![](https://cdn.door43.org/obs/jpg/360px/obs-en-29-03.jpg)

ମାରି ଆୟା ଗତିମୁର୍‌ଲି ୱାନି ରୁଣ୍ ତେଉଦେଙ୍ଗ୍ ଆଟ୍ଏତାନ୍, ଇୟାୱାନ୍ଦିଙ୍ଗ୍ ରାଜା ୱେର୍‌ତାନ୍, “ୱାନି ରୁଣ୍ ତେଉଦେଙ୍ଗ୍ ଇଜି ଇୟା ମେମାର୍ ମାରି ୱାନି ପରିବାର୍‌ଦିଙ୍ଗ୍ ଗତିମୁର୍‌ଲିୱାଜା ପର୍‌ତାନ୍‌।”

![](https://cdn.door43.org/obs/jpg/360px/obs-en-29-04.jpg)

“ଆୟା ଗତିମୁର୍‌ଲି ରାଜାଦି ଏଦ୍‌ରୁ ମେଣ୍ଡେଙ୍ଗ୍ ଉର୍‌ଜି ୱେର୍‌ତାନ୍, ଦୟାକିଜି ନାୱାଲେ ସାସ୍ ଆସ୍‌ଆ, ମାରି ନାନୁ ଅତିମାହି ୱିଜୁ ରୁଣ୍ ଡ଼େପ୍‌ନାସିନା। ରାଜାଦିଙ୍ଗ୍ ଆୟା ଗତିମୁର୍‌ଲିମୁସ୍‌କୁ ଦୟା ୱାତାତ୍, ଇୟାୱାନ୍ଦିଙ୍ଗ୍ ରାଜା ୱାନି ୱିଜୁ ରୁଣ୍‌ଦିଙ୍ଗ୍ ଡ଼ିସ୍‌ତାସିତାନ୍ ମାରି ୱାନିଙ୍ଗ୍ ସନ୍‌ଣ୍ଡ୍ରେଙ୍ଗ୍ ସିତାନ୍।

![](https://cdn.door43.org/obs/jpg/360px/obs-en-29-05.jpg)

ମାରି ଆୟା ଗତିମୁର୍‌ଲି ଏସ୍ତିୱାଲେ ରାଜାଦି ଡାଗ୍‌ରୁହାନ୍ ସସି ସର୍‌ହାନ୍, ୱାନି ଅରେନ୍ ତୋଡ଼ୁଏନ୍‌ ଗତିମୁର୍‌ଲିଦିଙ୍ଗ୍‌ ବୁଡ଼ୁତାନ୍‌ ଏୟେନ୍‌ଗି ନାଲ୍‌ଗି ଲେସ୍‌କାଣି କୁଲିଦି ରୁଣ୍ ମାର୍‌ହାତ୍। ଆୟା ଗତିମୁର୍‌ଲି ନିଜେଦି ତଡ଼ୁଦିଙ୍ଗ୍ ଆସ୍‌ସି ୱେହ୍‌ତାନ୍, ନିମୁସ୍‌କୁ ନାଦି ଏମେ ରୁଣ୍ ମାନାତ୍ ନାଙ୍ଗିଁ ଆକା ଡ଼େପ୍‌ସି ସିଦା!”

![](https://cdn.door43.org/obs/jpg/360px/obs-en-29-06.jpg)

ଆୟା ଦାସ୍ ମେଣ୍ଡେଙ୍ଗ୍ ଉର୍‌ଜି ୱେର୍‌ତାନ୍, ଦୟା କିଜି ନାୱାଲେ ସାସ୍ ଆସ୍‌ଆ, ମାରି ନାନୁ ନା ୱିଜୁ ରୁଣ୍ ଡ଼େପ୍‌ନା ସିନା, ମାରି ଇୟାବାଦ୍‌ଲୁ, ଆୟା ଗତିମୁର୍‌ଲି ତଡ଼ୁ ଗତିମୁର୍‌ଲିଦିଙ୍ଗ୍ ଏମେସାନ୍ଦି ୱାଣ୍ତ୍ରୁ ୱାନି ରୁଣ୍ ଡ଼େପ୍‌ସି ସିଏନ୍ ଆୟାସାନ୍ଦି ୱାନିଙ୍ଗ୍ ଆସ୍‌ସି ଜଇଲ୍‌ଦୁ କେର୍‌ତାନ୍‌।”

![](https://cdn.door43.org/obs/jpg/360px/obs-en-29-07.jpg)

“ଏମେକା ୱିଜୁ ଆତାମାର୍‌ହାତ୍ ଆକା ଆଇ ଏସଡ଼୍‌ ଗତିମୁର୍‌ଲିର୍‌ ସୁଡ଼୍‌ତାର୍ ମାରି ୱାରୁ ନାଣ୍ଡୋ ଦୁକାମ୍‌ ଆତାର୍। ୱାରୁ ରାଜାଦି ଡାଗ୍‌ରୁ ସହାର୍ ମାରି ୱାନିଙ୍ଗ୍ ୱିଜୁ ୱେହ୍‌ତାର୍।”

![](https://cdn.door43.org/obs/jpg/360px/obs-en-29-08.jpg)

“ରାଜା ଆୟା ଗତିମୁର୍‌ଲିଦିଙ୍ଗ୍ କୁକ୍‌ସି ମାରି ୱେର୍‌ତାନ୍, ଏ ସେଇ ଗତିମୁର୍‌ଲି! ନାନୁ ନି ରୁଣ୍‌ଦିଙ୍ଗ୍ ଇୟାୱାନ୍ଦିଙ୍ଗ୍ କେମା କିତାମାହା ମାତର୍ ନିନୁ ନାଙ୍ଗିଁ ବାତିମାଲିତିମାହି। ନିନୁବା ଇୟା ୱାଜା କିଦେଙ୍ଗ୍ ମାର୍‌ହାତ୍। ରାଜା ଏସୋ ରିସା ଆତାମାର୍‌ହାନ୍ ଜେ ଏମେ ସାନ୍ଦି ୱାଣ୍ତ୍ରୁ ରୁଣ୍ ଡ଼େପ୍‌ଏନ୍ ଆୟା ସାନ୍ଦି ଆୟା ସେଇ ଗତିମୁର୍‌ଲିଦିଙ୍ଗ୍ ଜଇଲ୍‌ଦୁ କେହ୍‌ତାନ୍‌।”

![](https://cdn.door43.org/obs/jpg/360px/obs-en-29-09.jpg)

ଦାନିୱେନ୍‌କା ଯିଶୁ ୱେର୍‌ତାନ୍, “ନା ସାର୍‌ଗିଦୁ ମାନି ବୁବା ମି ୱିଜେରି ୱାଲେ ଇୟାୱାଜା କିନାନ୍ ଜଦି ମିରୁ ମି ତଡାନ୍‌ଦିଙ୍ଗ୍ ନିଜେ ଜିଉଦାନ୍ କେମା କିଇଦେର୍।

*ମାଥିଉ ୧୮:୨୧:୩୫ ଦି ଉଣ୍ଡ୍ରେ ବାଇବଲ୍‌ଦି କାତାନି*

## 30. ୩୦. ଯିଶୁ ଆଇଦୁ ୱେୟୁ ଲୋକାଙ୍ଗ୍‌ ଉଟ୍‌ପିସ୍‌ତାନ୍

https://openbiblestories.org/l/pci/story-30/

![](https://cdn.door43.org/obs/jpg/360px/obs-en-30-01.jpg)

ନାଣ୍ଡୋ ଆଇ-ଆଇ ନାହ୍‌କାଙ୍ଗ୍‌ ପ୍ରଚାର୍ କିଦେଙ୍ଗ୍ ମାରି ସିକିୟା ସିଦେଙ୍ଗ୍ ଯିଶୁ ୱାନି ପେରିତରିଙ୍ଗ୍‌ ପକ୍‌ତାନ୍। ଯିଶୁ ଏମେଡାଗ୍‌ରୁ ମାର୍‌ହାନ୍ ଆବେନୁ ୱାରୁ ଏସ୍ତିୱାଲେ ୱାତାର୍, ୱାରୁ ଇନିକା କିତାମାହାର୍ ଆୟାୱିଜୁ ୱାନିଙ୍ଗ୍ ୱେର୍‌ତାର୍‌। ଦାନିୱେନ୍‌କା ଯିଶୁ ୱାରିଙ୍ଗ୍ ସାମ୍‌ଦୁର୍‌ ଆୟାପାଡ଼୍‌କା ୱାନିୱାଲେ ଉଣ୍ଡ୍ରେ ସିମ୍‌ରା ବାଡିଦୁ ସନ୍‌ସି ଏସୋ ୱେଡ଼ା ରମ୍‌ନିୱାନ୍ଦିଙ୍ଗ୍‌ ୱେର୍‌ତାନ୍। ମାରି ୱାରୁ ଉଣ୍ଡ୍ରେ ଡଙ୍ଗାଦୁ ବାସ୍‌ତାର୍ ମାରି ସାମ୍‌ଦୁର୍ ଆୟାପାଡ଼୍‌କା ସର୍‌ହାର୍‌।

![](https://cdn.door43.org/obs/jpg/360px/obs-en-30-02.jpg)

ମାତର୍‌ ଏମେକାର୍ ଆବେନୁ ଯିଶୁ ମାରି ୱାରି ସିସୁରିଙ୍ଗ୍ ଡଙ୍ଗାଦୁ ସନିକା ସୁଡ଼୍‌ତାମାର୍‌ହାର୍‌। ଲୋକୁ ଆକା ନେସ୍‌ସି ଆୟାପାଡ଼୍‌କା ସନିୱାନ୍ଦିଙ୍ଗ୍ ସାମ୍‌ଦୁର୍‌ ସିଜି ଉକ୍‌ସି ସର୍‌ହାର୍ ମାରି ୱାରୁ ଇନି ଆଗ୍‌ଡି ଇତାର୍। ମାରି ଯିଶୁ ମାରି ୱାରି ସିସୁର୍ ଏସ୍ତିୱାଲେ ଇତାର୍, ନାଣ୍ଡୋ ପେରି ଲୋକୁଗଲି ସାମ୍‌ଦୁର୍ ଆୟାପାଡ଼୍‌କା ୱାରୁ କାପ୍‌କିତା ମାର୍‌ହାର୍।

![](https://cdn.door43.org/obs/jpg/360px/obs-en-30-03.jpg)

ଆଡ଼୍‌ସିକାଙ୍ଗ୍ ମାରି କଡ଼ କକ୍‌ରାରିଙ୍ଗ୍ ଡ଼ିସ୍‌ସି ୱାହି ମେମାର୍‌ଙ୍ଗୁଁ ପାଞ୍ଚ୍ ଅଜାର୍‌ଦାନ୍ ନାଣ୍ତୋ ମାର୍‌ହାର୍। ଯିଶୁ ଇୟା ଲୋକାମୁସ୍‌କୁ ନାଣ୍ଡୋ ଦୟା ଆତାନ୍‌। ମାତର୍ ଯିଶୁଦି ୱାନ୍ଦିଙ୍ଗ୍‌ ଗାଉଡ଼ୁ ସିଲି ମେଣ୍ତେଙ୍ଗାଁ ୱାଜା ମାର୍‌ହାର୍। ଇୟାୱାନ୍ଦିଙ୍ଗ୍‌ ୱାଣ୍ତ୍ରୁ ୱାରିଙ୍ଗ୍ ସିକିୟା ସିତାନ୍ ମାରି ୱାରିଲୋଇହାନ୍ ଏସୋଲୋକୁ ରୋଗ୍‌ଦୁ ମାହାର୍ ୱାରିଙ୍ଗ୍ ନେଗେଣ୍ଡ୍ କିତାନ୍।

![](https://cdn.door43.org/obs/jpg/360px/obs-en-30-04.jpg)

ଇକା ମିଲି ମିଲିହି ୱେଡାଦୁ, ସିସୁର୍ ଯିଶୁଦିଙ୍ଗ୍ ୱେର୍‌ତାର୍ “ୱେଡ଼ା ନାଣ୍ଡୋ ଆଜିନାତ୍ ମାରି ଡାଗ୍‌ରୁ-ଡାଗ୍‌ରୁ ଇନି ଗଡ଼୍‌ବା ସିଲେତ୍। ଇୟା ଲୋକାଙ୍ଗ୍ ପୋକ୍‌ଆ ଏମେୱାଜା ୱାରୁ ସନ୍‌ସି କାଣ୍ଡେକ୍ ଉଣ୍ଡେକ୍ କଡ଼୍‌ନାର୍‌।”

![](https://cdn.door43.org/obs/jpg/360px/obs-en-30-05.jpg)

ମାତର୍ ଯିଶୁ ସିସୁରିଙ୍ଗ୍ ୱେର୍‌ତାନ୍ “ମିରୁ ୱାରିଙ୍ଗ୍ କାଣ୍ଡେକ୍ ଉଣ୍ଡେଙ୍ଗ୍ ସିଦୁ! “ୱାରୁ ଉତର୍ ସିତାର୍‌ “ମାପୁ ଇକା ଏଣ୍ତେସ୍‌ କିଦେଙ୍ଗ୍ ଆଟ୍‌ଏପ୍‌। ମା ଡାଗ୍‌ରୁ ମାରି ଆଇଦୁ ରୁଟି ମାରି ରୁଣ୍ଡି ନିସ୍‌ରି ମିନ୍‌କୁ ମାନେ।”

![](https://cdn.door43.org/obs/jpg/360px/obs-en-30-06.jpg)

ଯିଶୁ ନିଜେଦି ସିସୁରିଙ୍ଗ୍ ୱେହ୍‌ତାନ୍ ଲୋକାଙ୍ଗ୍ ୱେହ୍‌ତୁ ଲାଟା ମୁସ୍‌କୁ ପଚାସ୍ ପଚାସ୍ କିଜି ଦଲ୍ ଆଜି ବାସାନାର୍।

![](https://cdn.door43.org/obs/jpg/360px/obs-en-30-07.jpg)

ଦାନିୱେନ୍‌କା ଯିଶୁ ଆୟା ଆଇଦୁ ରୁଟି ମାରି ରୁଣ୍ଡି ମିନ୍‌କାଙ୍ଗ୍ ଅସି ସାର୍‌ଗି ତରିନ୍ ସୁଡ଼୍‌ତାନ୍, ମାରି ମାପ୍‌ରୁଦିଙ୍ଗ୍ ଖାଦି ୱାନ୍ଦିଙ୍ଗ୍‌ ଦନ୍ୟବାଦ୍ ସିତାନ୍।

![](https://cdn.door43.org/obs/jpg/360px/obs-en-30-08.jpg)

ଦାନିୱେନ୍‌କା ଯିଶୁ ରୁଟି ମାରି ମିନୁଦିଙ୍ଗ୍‌ ମୁକା ମୁକା କିତାନ୍। ୱାଣ୍ତ୍ରୁ ମୁକା ରୁଟିଙ୍ଗାଁ ଲୋକାଙ୍ଗ୍ ବାଟାକିନିୱାନ୍ଦିଙ୍ଗ୍ ସିସୁରିଙ୍ଗ୍ ସିତାନ୍। ସିସୁର୍ ଆୟା ଖାଦିଦିଙ୍ଗ୍‌ ବାଟାକିଜି ବୁଲାତାର୍, ମାରି ଆକା ଏସେଙ୍ଗ୍‌ ୱିଜ୍‌ଏତାତ୍! ଆୟାୱିଜୁ ଲୋକୁ ଉଣ୍‌ଜି ସାନ୍‌ତି ଆତାର୍।

![](https://cdn.door43.org/obs/jpg/360px/obs-en-30-09.jpg)

ଦାନିୱେନ୍‌କା, ସିସୁର୍ ଆୟା ଖାଦିଦିଙ୍ଗ୍ ଉଣ୍ତାକିତାରା ଏମେ ଖାଦିଦିଙ୍ଗ୍ ଲୋକୁ ଉଣ୍ତେଙ୍ଗ୍ ଆଟ୍‌ଏତାର୍ ମାରି ଆକା ବାର ଡାଡ଼ି ଆତାମାର୍‌ହାତ୍‌। ଆୟାୱିଜୁ ଖାଦି ଆଇଦୁ ରୁଟି ମାରି ରୁଣ୍ଡି ମିନ୍‌କାଣାନ୍‌ ୱାତାମାର୍‌ହାତ୍।

*ବାଇବଲ୍‌ଦି ଉଣ୍ଡ୍ରେ କାତାନି :ମାଥିଉ୧୪:୧୩-୨୧; ମାର୍କ ୬:୩୧-୪୪;ଲୁକ ୯;୧୦-୧୭; ଯୋହନ ୬:୫-୧୫*

## 31. ୩୧. ଯିଶୁ ଏରୁ ମୁସ୍‌କୁ ବୁଲାତାନ୍‌

https://openbiblestories.org/l/pci/story-31/

![](https://cdn.door43.org/obs/jpg/360px/obs-en-31-01.jpg)

ଯିଶୁ ଆଇଦୁ ୱେୟୁ ଲୋକାଙ୍ଗ୍ ଉଟ୍‌ପିସ୍‌ତି ୱେନ୍‌କା, ଯିଶୁ ନିଜେଦି ସିସୁରିଙ୍ଗ୍ ଡଙ୍ଗାଦାନ୍‌ ସନିୱାନ୍ଦିଙ୍ଗ୍ ୱେର୍‌ତାନ୍। ମିରୁ ଡଙ୍ଗା ଡାଗ୍‌ରୁ ସଣ୍ତ୍ରୁ। ୱାଣ୍ତ୍ରୁ ୱାରିଙ୍ଗ୍ ୱେର୍‌ତାନ୍ ସମ୍‌ଦୁର୍ ଆୟାପାଡ଼୍‌କା ସନି ୱାନ୍ଦିଙ୍ଗ୍ ୱେର୍‌ତାନ୍ ମାରି ୱାଣ୍ତ୍ରୁ ଏସୋ ୱେଡ଼ା ଆବେନୁ ମାର୍‌ହାନ୍। ମାରି ସିସୁର୍ ସର୍‌ହାର୍, ମାରି ଯିଶୁ ଆୟା ଲୋକାଙ୍ଗ୍ ୱାରି ଇଲ୍‌କାଙ୍ଗ୍ ସନି ୱାନ୍ଦିଙ୍ଗ୍ ୱେର୍‌ତାନ୍‌। ଇୟାୱେନ୍‌କା, ଯିଶୁ ପାର୍‌ତନା କିନିୱାନ୍ଦିଙ୍ଗ୍ ଉଣ୍ତ୍ରେ ଗରନୁ ମୁସ୍‌କୁ ସର୍‌ହାନ୍। ଯିଶୁ ଆବେ ଅରେନ୍‌ଡ୍ରେ ମାର୍‌ହାନ୍, ମାରି ୱାଣ୍ତ୍ରୁ ମିଲି ଆନି ସାନ୍ଦି ପାର୍‌ତନା କିତାନ୍।

![](https://cdn.door43.org/obs/jpg/360px/obs-en-31-02.jpg)

ଆୟାୱେଡ଼ାଦୁ ସିସୁର୍ ନିଜେଦି ଡଙ୍ଗାଦୁ ସନ୍‌ସି ମାର୍‌ହାର୍‌, ମାରି ଗାଲି ୱାରିତରିନ୍ ନାଣ୍ତୋ ୱାଜି ମାର୍‌ହାତ୍। ନାଣ୍ତୋ ନାଡ଼ା ଆତି ୱେନ୍‌କା ବା ୱାରୁ ମାତର୍‌ ସାମ୍‌ଦୁର୍ ନାଡ଼୍‌ମି ଇତାମାର୍‌ହାର୍।

![](https://cdn.door43.org/obs/jpg/360px/obs-en-31-03.jpg)

ଆୟାୱେଡ଼ାଦୁ ଯିଶୁ ପାର୍‌ତନା କିଦେଙ୍ଗ୍ ୱିସ୍‌ତାନ୍ ମାରି ନିଜେ ସିସୁରି ଡାଗ୍‌ରୁ ଡ଼େସି ସନ୍‌ଣ୍ତ୍ରେଙ୍ଗ୍ ସତାନ୍। ୱାଣ୍ତ୍ରୁ ଡଙ୍ଗା ତରିନ୍ ୱାନି ୱାନ୍ଦିଙ୍ଗ୍ ଏରୁ ମୁସ୍‌କୁ ବୁଲାତାନ୍!

![](https://cdn.door43.org/obs/jpg/360px/obs-en-31-04.jpg)

ମାରି ସିସୁର୍ ୱାନିଙ୍ଗ୍ ସୁଡ଼୍‌ଜି ନାଣ୍ତୋ ତିଲାତାସର୍‌ହାର୍‌, ମାତର୍ ୱାରୁ ଅଡ଼୍‌ବିତାର୍ ଜେ ୱାଣ୍ତ୍ରୁ ଅରେନ୍ ଦୁବା। ଯିଶୁ ନେସ୍‌ତାନ୍ ଜେ ୱାରୁ ତିଲାତାମାର୍‌ହାର୍, ଇୟାୱାନ୍ଦିଙ୍ଗ୍‌ ୱାଣ୍ତ୍ରୁ ୱାରିଙ୍ଗ୍ କୁକ୍‌ସି ୱେର୍‌ତାନ୍ “ତିଲାମାଟ୍। ଇକାନ୍‌ ନାନୁ!”

![](https://cdn.door43.org/obs/jpg/360px/obs-en-31-05.jpg)

ଦାନିୱେନ୍‌କା ପିତର୍ ଯିଶୁଦିଙ୍ଗ୍‌ ୱେର୍‌ତାନ୍, ଏ ପ୍ରବୁ ଇକାନ୍ ଜଦି ନିନୁ, ମାରି ନାଙ୍ଗିଁ ଏରୁ ମୁସ୍‌କୁ ବୁଲାଜି ନି ଡାଗ୍‌ରୁ ୱାଦେଙ୍ଗ୍‌ ଆଦେସ୍‌ ସିଦା। “ଯିଶୁ ପିତର୍‌ଦିଙ୍ଗ୍ ୱେର୍‌ତାନ ରାଆ!”

![](https://cdn.door43.org/obs/jpg/360px/obs-en-31-06.jpg)

ମାରି ପିତର୍ ଡଙ୍ଗାଦାନ୍ ରେସି ଯିଶୁଦି ଡାଗ୍‌ରୁ ସନିୱାନ୍ଦିଙ୍ଗ୍‌ ଏରୁ ମୁସ୍‌କୁ ବୁଲାଦେଙ୍ଗ୍ ଆରାମ୍ କିତାନ୍। ମାରି ଏସୋ ଆକୋ ବୁଲାତି ୱେନ୍‌କା, ୱାଣ୍ତ୍ରୁ ଯିଶୁଦିଙ୍ଗ୍‌ ସୁଡ଼୍‌ନିକା ଡ଼ିସ୍‌ସି ଉଲ୍‌କା ତରିନ୍ ସୁଡ଼୍‌ଦେଙ୍ଗ୍ ଆସ୍‌ତାନ୍ ମାରି ୱାଣ୍ତ୍ରୁ ନାଣ୍ତୋ ଗାଲି ୱାଜିନାତ୍ ଇଜି ଅଡ଼୍‌ବିତାନ୍।

![](https://cdn.door43.org/obs/jpg/360px/obs-en-31-07.jpg)

ମାରି ପିତର୍ ତିଲାତାନ୍ ମାରି ଏରୁଦୁ ମୁଡ଼ୁଗ୍‌ଦେଙ୍ଗ୍ ଆସ୍‌ତାନ୍। ୱାଣ୍ତ୍ରୁ ଆଉଲି ଆଜି ୱେର୍‌ତେଙ୍ଗ୍ ଆସ୍‌ତାନ୍‌ “ଏ ପ୍ରବୁ, ନାଙ୍ଗିଁରକିୟା କିଆ!” ଯିଶୁ ଆୟାୱେଡ଼ା କିୟୁ ସାକ୍‌ସି ୱାନିଙ୍ଗ୍ ଆସ୍‌ତାନ୍। ଦାନିୱେନ୍‌କ ୱାଣ୍ତ୍ରୁ ପିତର୍‌ଦିଙ୍ଗ୍ ୱେହ୍‌ତାନ୍ “ଏ କକୋ ବିସ୍‌ବାସି ନିଙ୍ଗିଁ ନେଗେଣ୍ତା ରକିୟା କିନି ୱାନ୍ଦିଙ୍ଗ୍ ନା ଡାଗ୍‌ରୁ ଇନିଦାନିଙ୍ଗ୍ ବିସ୍‌ବାସ୍‌ କିଏତି?”

![](https://cdn.door43.org/obs/jpg/360px/obs-en-31-08.jpg)

ଏସ୍ତିୱାଲେ ପିତର୍ ମାରି ଯିଶୁ ଡଙ୍ଗାଦୁ ଏକ୍‌ତାର୍, ଆୟାଦାପ୍ରେ ଗାଲି ଆଲେତାତ୍‌ ମାରି ଉଲ୍‌କା ବନ୍ଦ୍ ଆତାତ୍‌। ସିସୁର୍ କାବାଆଜି ଯିଶୁଦି ଆଗ୍‌ଡ଼ି ମେଣ୍ତେଙ୍ଗ୍ ଉରିତାର୍‌। ୱାରୁ ୱାନି ଆରାଦନା କିଜି ୱେର୍‌ତାର୍ “ନିକାମେ ନେ ନିନୁ ମାପ୍‌ରୁଦି ମାରିସି।”

*ମାତିଉ ୧୪:୨୨-୩୩; ମାର୍କ ୬:୪୫-୫୨; ଯୋହନ ୬:୧୬-୨୧ ଦି ଉଣ୍ତ୍ରେ ବାଇବଲଦି କାତାନି*

## 32. ୩୨. ଯିଶୁ ଅରେନ୍ ଦୁବା ଆସ୍‌ତିଲୋକୁଦିଙ୍ଗ୍‌ ମାରି ଅରେତ୍ ରୋଗ୍‌ତି ଆଡ଼୍‌ସିଦିଙ୍ଗ୍ ନେଗେଣ୍ଡ୍‌ କିନାନ୍

https://openbiblestories.org/l/pci/story-32/

![](https://cdn.door43.org/obs/jpg/360px/obs-en-32-01.jpg)

ଯିଶୁ ମାରି ୱାନି ସିସୁର୍ ଉଣ୍ଡ୍ରେ ଡଙ୍ଗାଦୁ ଏକ୍‌ସି ଗରାଶିୟ ଲୋକୁ ମାନ୍‌ଜିନି ବାଡିଦୁ ସର୍‌ହାର୍। ୱାରୁ ଆବେନୁ ଇତାର୍ ନେ ଡଙ୍ଗାଦୁ ରେତାର୍।

![](https://cdn.door43.org/obs/jpg/360px/obs-en-32-02.jpg)

ଆବେନୁ ଅରେନ୍ ଲୋକୁ ମାର୍‌ହାନ୍ ଏୟେଙ୍ଗ୍‌ଗି ଦୁବା ଆସ୍ତା ମାର୍‌ହାତ୍।

![](https://cdn.door43.org/obs/jpg/360px/obs-en-32-03.jpg)

ଇୟା ଲୋକୁ ଏସୋ ସାତୁମାର୍‌ହାନ୍ ଜେ ଏୟେର୍ ବା ୱାନିଙ୍ଗ୍ ଆସ୍‌ସି ଆଲେକିଦେଙ୍ଗ୍‌ ଆଟ୍‌ଏଜି ମାର୍‌ହାର୍। ନାଣ୍ତୋ ଜାରିଙ୍ଗ୍‌ ଲୋକୁ ୱାନି କିକାଙ୍ଗ୍ ମାରି କାଲ୍‌କାଙ୍ଗ୍ ସିକ୍‌ଣିଦାନ୍‌ ତହ୍‌ତାମର୍‌ହାର୍, ମାତର୍ ୱାଣ୍ତ୍ରୁ ଆୟାୱିଜୁ ତେଉଜି ପୋକ୍‌ସି ମାର୍‌ହାନ୍‌।

![](https://cdn.door43.org/obs/jpg/360px/obs-en-32-04.jpg)

ଆୟା ଲୋକୁ ଆୟା ନାହ୍‌କାଙ୍ଗ୍ ମାନି ଦୁକିଦୁ ମାର୍‌ନ୍‌ଜି ମାର୍‌ହାନ୍। ଇୟା ଲୋକୁ ୱେଡ଼େ ନାଡ଼ା ଆଉଲି ଆଜିମାର୍‌ହାନ୍‌। ୱାଣ୍ତ୍ରୁ ସକେଙ୍ଗ୍ ଆରାଏଜି ମାର୍‌ହାନ୍‌ ମାରି ଜାରିଦିଙ୍ଗ୍ ଜାରି ନିଜେଦିଙ୍ଗ୍ କାଲ୍‌କାଣାନ୍ ଡ଼େୟାଜି ମାର୍‌ହାନ୍।

![](https://cdn.door43.org/obs/jpg/360px/obs-en-32-05.jpg)

ଇୟା ଲୋକୁ ଯିଶୁଦିନ୍ ସୁଡ଼୍‌ତି ଦାପ୍ରେ ୱାଣ୍ତ୍ରୁ ଯିଶୁଦି ଡାଗ୍‌ରୁ ଉହ୍‌ସି ୱାତାନ୍ ମାରି ୱାଣ୍ତ୍ରୁ ୱାନି ଏଦ୍‌ରୁ ମେଣ୍ତେଙ୍ଗ୍ ଉରିତାନ୍। ମାରି ଯିଶୁ ଆୟା ଲୋକୁଦି ଲୋଇମାହି ତାଗ୍‌ଇ ଆତ୍ମାୱାଲେ ୱାର୍‌ଗିଜି ୱେର୍‌ତାନ୍‌, “ଇୟା ଲୋକୁଦି ବାଣାନ୍‌ ସୋସିରାଆ!”

![](https://cdn.door43.org/obs/jpg/360px/obs-en-32-06.jpg)

ଦୁବାଆସ୍ତି ଲୋକୁ ନାଣ୍ଡୋ ଆଉଲି ଆଜି ୱେର୍‌ତାନ୍ “ଏ ପେରିମାପ୍‌ରୁଦି ମାରିନ୍‌ ଯିଶୁ ନିୱାଲେ ନାଦି ଇନିପାଣି ମାନାତ୍?” ଦୟାକିଜି ନାଙ୍ଗିଁ କାସ୍‌ଟାମ୍ ସିମା!” ଦାନିୱେନ୍‌କା ଯିଶୁ ଆୟା ଦୁବାଦିଙ୍ଗ୍ ୱେନ୍‌ବାତାନ୍ “ନିଦୋରୁ ଇନିକା? ୱାଣ୍ତ୍ରୁ ଉତର ସିତାନ୍ “ନାଦୋରୁ ବାହିନି, ମାତର୍ ମାପୁ ନାଣ୍ଡୋ।” (ରୋମିୟ ସେନାଦୁ ଅଜାର୍ ଅଜାର୍ ସେନାରି ଉନ୍‌ଡ୍ରେ ମାନ୍ଦାଦିଙ୍ଗ୍ ବାହିନି ୱେହ୍‌ସି ମାର୍‌ହାର୍‌।)

![](https://cdn.door43.org/obs/jpg/360px/obs-en-32-07.jpg)

ଆୟା ତାଗ୍‌ଇଆତ୍ମେଙ୍ଗ୍ ଯିଶୁଦିଙ୍ଗ୍ ବାତିମାଲ୍‌ଜି ୱେହ୍‌ତେ “ଦୟାକିଜି ମାଙ୍ଗିଁ ଇୟା ନାହ୍‌କାଣାନ୍ ଆତ୍‌ରେ ପକ୍‌ମା!” ଆୟା ଡାଗ୍‌ରୁହି ଗୋରତୁ ପାନ୍‌ଣ୍ଡ୍ରିଙ୍ଗାଁଣି ମାନ୍ଦା ସାରାଜିମାହେ। ଇୟାୱାନ୍ଦିଙ୍ଗ୍‌ ଆୟା ଦୁବେଙ୍ଗାଁ ଯିଶୁଦିଙ୍ଗ୍ ବାତିମାଲିତେ, ଦୟାକିଜି ମାଙ୍ଗିଁ ଆୟା ପାନ୍‌ଣ୍ଡ୍ରିଙ୍ଗାଁ ଲୋଇ ପୋକ୍‌ଆ!” ଯିଶୁ ୱେହ୍‌ତାନ୍ ଟିକ୍‌ ମାନାତ୍, ୱାନ୍‌କା ଲୋଇ ସନ୍‌ଆ!”

![](https://cdn.door43.org/obs/jpg/360px/obs-en-32-08.jpg)

ମାରି ତାଗ୍‌ଇଆତ୍ମେଙ୍ଗ୍‌ ଆୟା ଲୋକୁଦି ବାଣାନ୍‌ ସସି ପାନ୍‌ଣ୍ଡ୍ରିଙ୍ଗାଁ ଲୋଇ ଡ଼ୁଗିତେ। ଆୟା ପାନ୍‌ଣ୍ଡ୍ରିଙ୍ଗ୍ ୱାହ୍‌ତି ବାଡିଦାନ୍ ଉକ୍‌ସି ସାମ୍‌ଦୁର୍‌ଦୁ ଡାଟ୍‌ସି ମୁଡୁଗ୍‌ଜି ସାତେ। ଆୟା ମାନ୍ଦା ପାକାପାକି ଦୁଇ ଅଜାର୍‌ ପାନ୍‌ଣ୍ଡ୍ରିଙ୍ଗ୍ ମାହେ।

![](https://cdn.door43.org/obs/jpg/360px/obs-en-32-09.jpg)

ଏମେଲୋକୁ ପାନ୍‌ଣ୍ଡ୍ରିଙ୍ଗ୍ ଜାତୁନ୍ କିଜିମାର୍‌ହାର୍‌ ୱାରୁ ଏମେକା ଗଟେଆତାତ୍ ଆକା ସୁଡ଼୍‌ତାନ୍, ମାରି ୱାରୁ ଗଡ଼୍‌ଦୁ ଉହ୍‌ସିସର୍‌ହାର୍। ମାରି ଯିଶୁ ଇନିକା କିତାମାର୍‌ହାନ୍ ଆକା ୱାରୁ ୱିଜୁଲୋକାଙ୍ଗ୍ ନେସିସ୍‌ତାନ୍। ଆୟା ଗଡ଼୍‌ଦୁ ଲୋକୁ ସୋସି ୱାଜି ଆୟା ଲୋକୁଦିଙ୍ଗ୍ ସୁଡ଼୍‌ତାର୍ ଏମେୱାନିଙ୍ଗ୍ ଗି ତାଗ୍‌ଇଆତ୍ମା ଆସ୍‌ତାମାର୍‌ନାତ୍। ୱାଣ୍ତ୍ରୁ ଶାନ୍ତିଦାନ୍ ସକା ଆରାଜି ନେଗିମାନ୍‌ସୁଦୁ ବାସ୍‌ତା ମାର୍‌ହାନ୍।

![](https://cdn.door43.org/obs/jpg/360px/obs-en-32-10.jpg)

ଲୋକୁ ନାଣ୍ଡୋ ତିଲାତା ମାର୍‌ହାର୍ ମାରି ୱାରୁ ନାରୁଦାନ୍‌ ଯିଶୁଦିଙ୍ଗ୍ ସୋନିସନି ୱାନ୍ଦିଙ୍ଗ୍ ୱେର୍‌ତାନ୍। ମାରି ଯିଶୁ ଡ଼େସିସନି ୱାନ୍ଦିଙ୍ଗ୍ ଡଙ୍ଗାଁଦୁ ଏକ୍‌ତାନ୍। ଏମେଲୋକୁଦିଙ୍ଗ୍ ଦୁବାଆସ୍‌ତା ମାର୍‌ହାତ୍ ୱାଣ୍ତ୍ରୁ ଯିଶୁଦିୱାଲେ ସନିୱାନ୍ଦିଙ୍ଗ୍ ୱାନିଙ୍ଗ୍ ବାତିମାଲିତାନ୍‌।

![](https://cdn.door43.org/obs/jpg/360px/obs-en-32-11.jpg)

ମାତର୍ ଯିଶୁ ୱାନିଙ୍ଗ୍ ୱେହ୍‌ତାନ୍ “ସିଲେ”। ନାନୁ ମାନ୍‌ସୁକିନା, ନିନୁ ଇନ୍‌ଡ୍ର ସନ୍‌ସି, ୱିଜେରିଙ୍ଗ୍ ୱେହ୍‌ଆ ମାପ୍‌ରୁ ନି ୱାନ୍ଦିଙ୍ଗ୍ ଏମେକା କିତାମାନାନ୍। ୱାରିଙ୍ଗ୍ ୱେହ୍ଆ ମାପ୍‌ରୁ ନିଙ୍ଗିଁ ଏମେୱାଜା ଦୟା ତର୍‌ପ୍‌ତାମାନାନ୍।

![](https://cdn.door43.org/obs/jpg/360px/obs-en-32-12.jpg)

ଇୟାୱାନ୍ଦିଙ୍ଗ୍ ଆୟା ଲୋକୁ ୱାନି ସାରିଦୁ ସୋତାସର୍‌ହାନ୍ ମାରି ଯିଶୁ ୱାନିମୁସ୍‌କୁ ଇନି ଇନିକା କିତାମାହାନ୍ ଆୟା ୱିଜୁ ବିଷୟ ୱେର୍‌ତାନ୍। ଏମେକାର୍ ୱାନି ଗଟ୍‌ନା ୱେଆର୍ ୱାରୁ କାବାଆତାର୍।

![](https://cdn.door43.org/obs/jpg/360px/obs-en-32-13.jpg)

ଯିଶୁ ସାମ୍‌ଦୁର୍ ଆୟାପାଡ଼୍‌କାଦାନ୍ ୱାତାନ୍। ୱାଣ୍ତ୍ରୁ ଆବେନୁ ଇତିୱେନ୍‌କା, ଉଣ୍ଡ୍ରେ ପେରି ଲୋକୁଗୋଲି ଉଣ୍ତାତାର୍‌ ମାରି ୱାନି ମୁସ୍‌କୁ ନେକ୍‌ସିସାଜିମାର୍‌ହାର୍‌। ଲୋକୁଗୋଲି ଲୋଇହାନ୍ ଆରେତ୍ ଆଡ଼୍‌ସି ପାନେଣ୍ତୁ ପାଟେଙ୍ଗ୍‌ ସାନ୍ଦି ନେତେର୍ ୱାଙ୍ଗ୍ଁନି କାସ୍‌ଟାମ୍ ମାର୍‌ହାତ୍। ୱାଦୁ ନିଜେଦି ୱିଜୁ ସମ୍ପତି ଡାକ୍‌ତର୍‌ରିଙ୍ଗ୍ ସିତାମାର୍‌ହାତ୍ ଏମେଦାଣାନ୍‌ଗି ଦାନିଙ୍ଗ୍ ନେଗେଣ୍ତ୍ କିଦେଙ୍ଗ୍ ଆଟ୍‌ନାର୍। ମାତର୍ ୱାନି କାସ୍‌ଟାମ୍ ଦିନାମ୍‌ଦିଙ୍ଗ୍ ଦିନାମ୍ ନାଣ୍ତୋ ଆଦେଙ୍ଗ୍‌ ଆସ୍‌ତାତ୍।

![](https://cdn.door43.org/obs/jpg/360px/obs-en-32-14.jpg)

ୱାରୁ ୱେହାମାର୍‌ହାନ୍ ଜେ ଯିଶୁନାଣ୍ଡୋ ରୋଗ୍‌ଦି ଲୋକାଙ୍ଗ୍ ନେଗେଣ୍ଡ୍ କିଜିମାର୍‌ହାନ୍ ମାରି ୱାଦୁ ଅଡ଼୍‌ବିତାନ୍, ନାନୁ ନିକାମେନେ ଜେ ଜଦି ନାନୁ ମାତର୍‌ ଯିଶୁଦି ୱାତି ମୁଟ୍‌ନା, ମାରି ନାନୁ ନେଗେଣ୍ଡ୍ ଆନା!” ଇୟାୱାନ୍ଦିଙ୍ଗ୍‌ ୱାଦୁ ଯିଶୁଦି ୱେନ୍‌କାହାନ୍‌ ୱାଜି ୱାନିୱାତି ମୁଟ୍‌ନାନ୍। ୱାଦୁ ସକାଦିଙ୍ଗ୍‌ ମୁଟ୍‌ତାନ୍‌ ଦାପ୍ରେ ଦାନିନେତେର୍ ୱାଙ୍ଗ୍ଁନିକା ବନ୍ଦ୍‌ ଆତାତ୍ !

![](https://cdn.door43.org/obs/jpg/360px/obs-en-32-15.jpg)

ଗାଜିବିଜି ଯିଶୁ ନେସ୍‌ତାନ୍‌ ଜେ ୱାନିବାଣାନ୍‌ ସାକ୍‌ତି ସତାୱାତାତ୍। ଇୟାୱାନ୍ଦିଙ୍ଗ୍‌ ୱାଣ୍ତ୍ରୁ ମାର୍‌ଜି ୱେନ୍‌ବାତାନ୍ “ଏୟେନ୍ ନାଇ ମୁଟ୍‌ତାନ୍” ସିସୁର୍ ଉତର ସିତାର୍, “ନାଣ୍ଡୋ ଲୋକୁ ନି ଚାରିବେଡ଼୍‌ତି ମାନାର୍ ମାରି ନି ମୁସ୍‌କୁ ନେକ୍‌ସି ସାଜିନାର୍‌। “ନାଙ୍ଗିଁ ଏୟେନ୍ ମୁଟ୍‌ତାନ୍?” ଇଜି ଇନିଦାନିଙ୍ଗ୍‌ ୱେନ୍‌ବାଜିନି?

![](https://cdn.door43.org/obs/jpg/360px/obs-en-32-16.jpg)

“ଆୟା ଆଡ଼୍‌ସି ତିରିଗ୍‌ଜି-ତିରିଗ୍‌ଜି ନାଣ୍ଡୋ ତିଲାଜି ଯିଶୁଦି ଏଦ୍‌ରୁ ମେଣ୍ତେଙ୍ଗ୍ ଉରିତାତ୍‌। ମାରି ୱାଦୁ ଇନିକା କିତାମାର୍‌ହାତ୍, ଆୟାୱିଜୁ ୱାନିଙ଼୍ଗ ୱେହ୍‌ତାତ୍। ମାରି ଇକାବା ୱେହ୍‌ତାତ୍ ଜେ ୱାଦୁ ନେଗେଣ୍ତ୍ ଆତାମାନାତ୍। ଯିଶୁ ୱାନି ୱେର୍‌ତାନ୍ ନି ବିସ୍‌ବାସ୍ ମିଙ୍ଗିଁ ନେଗେଣ୍ଡ୍ କିତାତ୍। ସାନ୍ତିଦାନ୍ ସୋନ୍‌ଆ।”

*ବାଇବଲ୍‌ଦି ଉଣ୍ଡ୍ରେ କାତାନି :ମାଥିଉ ୮:୨୮-୩୪; ୯:୨୦-୨୦; ମାର୍କ ୫:୧- ୨୦; ୫: ୨୪-୩୪; ଲୂକ ୮:୨୬-୩୯; ୮: ୪୨-୪୮*

## 33. ୩୩. ଦିନ୍‌ସୁ କିନି ଲୋକୁଦି କାତାନି

https://openbiblestories.org/l/pci/story-33/

![](https://cdn.door43.org/obs/jpg/360px/obs-en-33-01.jpg)

ଅର୍‌ନେଣ୍ତ୍, ଯିଶୁ ସାମ୍‌ଦୁର୍ ଗାଟୁଦି ଉଣ୍ଡ୍ରେ ନାଣ୍ଡୋ ଲୋକୁଗଲିଦୁ ସିକିୟା ସିଜି ମାର୍‌ହାନ୍। ନାଣ୍ଡୋ ଲୋକୁ ୱେନ୍‌ଣ୍ତ୍ରେଙ୍ଗ୍ ଯିଶୁଦି ଡାଗ୍‌ରୁ ୱାତାର୍ ଜେ ୱାରିଙ୍ଗ୍ ସିକିୟା ସିନି ୱାନ୍ଦିଙ୍ଗ୍‌ ଆବେନୁ ମାରି ବାଡି ସିଲେତାନ୍। ଆୟାୱାନ୍ଦିଙ୍ଗ୍ ୱାଣ୍ତ୍ରୁ ଗାଟୁଦି ଉଣ୍ଡ୍ରେ ଡ଼ଙ୍ଗାଦୁ ଏକ୍‌ତାନ୍। ୱାଣ୍ତ୍ରୁ ଆୟା ଡ଼ଙ୍ଗାଦୁ ବାସ୍‌ତାନ୍ ମାରି ଲୋକାଙ୍ଗ୍ ସିକିୟା ସିତାନ୍।

![](https://cdn.door43.org/obs/jpg/360px/obs-en-33-02.jpg)

ଯିଶୁ ଇୟା କାତାନି ୱେର୍‌ତାନ୍। “ଅରେନ୍‌ ଦିନ୍‌ସୁ କିନିକାନ୍ ୱିତୁ ୱିତ୍‌ତେଙ୍ଗ୍ ସତାନ୍। ଏସେଙ୍ଗ୍ ୱାଣ୍ତ୍ରୁ କିୟୁଦାନ୍‌ ୱିତୁ ୱିତ୍‌ସିମାର୍‌ହାନ୍‌ ମାରି ଏସୋ ୱିତୁ ସାରିଦୁ ଆର୍‌ତେ। ମାରି ପଟିଙ୍ଗ୍ ୱାଜି ଆୟାୱିଜୁ ୱିତୁଦିଙ୍ଗ୍‌ ତିହେ।”

![](https://cdn.door43.org/obs/jpg/360px/obs-en-33-03.jpg)

“ଆଇ ଏସୋ ୱିତୁ କାଲ୍‌କା ବୁମି ମୁସ୍‌କୁ ଆର୍‌ତେ, ଏମେବାନୁଗି କାଣ୍ଡେକ୍ ସିକ୍‌ଲା ମାର୍‌ହାତ୍। କାଲ୍‌କା ଭୁମିଦୁ ମାହି ୱିତୁ ଦାପ୍ରେ ଗାଜା ଆତାତ୍, ମାରି ଆୟା ଲେୱା ସିକ୍‌ଲା ଲୋହି ସଣ୍ଡ୍ରେଙ୍ଗ୍ ଆଟ୍ଏତାତ୍। ଏସ୍ତିୱାଲେ ୱେଡ଼ା ସତାତ୍ ମାରି ତେର୍‌ୱେଲ୍ ଆତାତ୍, ମାରାନୁ ୱାହ୍‌ତାତ ମାରି ସାତାତ୍।”

![](https://cdn.door43.org/obs/jpg/360px/obs-en-33-04.jpg)

ମାରିବା ଆଇ ୱିତୁ ସାପ୍‌କା ବୁଟେଙ୍ଗାଁ ଲୋହି ଆର୍‌ତେ, ମାରି ଆୟା ୱିତୁ ପିରିଦେଙ୍ଗ୍ ଆସ୍‌ତେ, ମାରି ସାପ୍‌କୁ ୱିଜୁ ଦାନିଙ୍ଗ୍‌ ତିଗିତେ। ଇୟାୱାନ୍ଦିଙ୍ଗ୍‌ ସାପ୍‌କା ବୁମିଦୁ ୱିତୁଦାନ୍ ପିରିଜିମାହି ମାରାକୁ ଇନି ଫଲ୍‌ ଅସ୍‌ଉତେ।”

![](https://cdn.door43.org/obs/jpg/360px/obs-en-33-05.jpg)

ଆଇ ଗିଡା ନେଗି ଭୁମିଦୁ ଆର୍‌ତାତ୍‌। ଆୟାଗିଡେଙ୍ଗ୍‌ ପିରିତେ ମାରି ଏସୋ ୱିତ୍‌ତାମାହାନ୍ ଆୟା ଗିଡେଙ୍ଗାଁ ମୁପାଇ ଗୁଣ୍ ମାରି ଆର୍‌ୱାଇ ଗୁଣ୍ ମାରି ଆୟାୱାଜା ନେ ୱାନ୍‌ନ୍ଦା ଗୁଣ୍ ସାନ୍ଦି ଫଲ୍ ଆସ୍‌ତାତ୍। ଏୟେନ୍‌ଗି ମାପ୍‌ରୁଦି ତରିନ୍ ସନ୍‌ଡ୍ରେଙ୍ଗ୍ ମାନ୍‌ସୁ କିନାନ୍‌, ନାନୁ ଏମେକା ୱେହ୍‌ସିନା ଦାନିଙ୍ଗ୍ ଗୁର୍‌ତୁ ସିଦୁ।”

![](https://cdn.door43.org/obs/jpg/360px/obs-en-33-06.jpg)

ଇୟା କାତାନି ଶିସୁରିଙ୍ଗ୍ ଦାନ୍ଦାଦୁ ଆର୍‌ପ୍‌ତାତ୍। ମାରି ଯିଶୁ ବୁଜାକିତାନ୍‌, “ୱିତୁ ଆଜିନାତ୍ ମପ୍‌ରୁଦି ବାକ୍ୟ। ଆୟା ସାରି ଆଜିନାତ୍ ଅରେନ୍‌ଲୋକୁ ଏୟେନ୍ ମାପ୍‌ରୁଦି ବାକ୍ୟ ୱେନାନ୍, ମାତର୍ ଆୟା ବାକ୍ୟଦିଙ୍ଗ୍‌ ବୁଜାଦେଙ୍ଗ୍ ଆଟ୍‌ଏନ୍‌, ଦାନିୱେନ୍‌କା ସଇତାନ୍ ୱାନିବାଣାନ୍ ବାକ୍ୟଦିଙ୍ଗ୍ ଅନାତ୍। ମାତର୍ ସଇତାନ୍‌ ୱାନିଙ୍ଗ୍ ଆୟା ବାକ୍ୟ ବୁଜାଦେଙ୍ଗ୍ ସିଏତ୍।”

![](https://cdn.door43.org/obs/jpg/360px/obs-en-33-07.jpg)

“କାଲ୍‌କା ବୁମି ଆଜିନାତ୍ ଅରେନ୍‌ଲୋକୁ ଏୟେନ୍ ମାପ୍‌ରୁଦି ବାକ୍ୟ ୱେନାନ୍, ମାରି ଦିନିଙ୍ଗ୍ ସାର୍‌ଦାଦାନ୍ ପାଏଆନାନ୍‌। ମାରି ଏସ୍ତିୱାଲେ ୱାଣ୍ତ୍ରୁ କାଷ୍ଟାମ୍ ଆନାନ୍, ମାରି ଏସ୍ତିୱାଲେ ଆଇକାର୍ ୱାନିଙ୍ଗ୍ ଦୁକ୍ ସିନାର୍, ୱାଣ୍ତ୍ରୁ ମାପ୍‌ରୁଦି ବାଣାନ୍ ଆକୋ ସନାନ୍‌। ମାରି ୱାଣ୍ତ୍ରୁ ମାପ୍‌ରୁଦି ମୁସ୍‌କୁ ବିସ୍‌ବାସ୍‌ କିଦେଙ୍ଗ୍ ବନ୍ଦ୍ କିନାନ୍‌।”

![](https://cdn.door43.org/obs/jpg/360px/obs-en-33-08.jpg)

“ସାପ୍‌କୁ ବୁମି ଆଜିନାତ୍ ଅରେନ୍‌ଲୋକୁ ଏୟେନ୍ ମାପ୍‌ରୁଦି ବାକ୍ୟ ୱେନାନ୍। ମାତର୍ ୱାଣ୍ତ୍ରୁ ନାଣ୍ତୋ ଜିନିସ୍ ବିସୟ୍‌ଦାନ୍‌ ଆଡ଼୍‌ବିଦେଙ୍ଗ୍ ଆସ୍‌ତନ୍, ମାରି ନାଣ୍ତୋ ସମ୍ପତି ଉଣ୍ତାକିଦେଙ୍ଗ୍ ସେଷ୍ଟା କିନାନ୍‌, ମାରି ୱାଣ୍ତ୍ରୁ ନାଣ୍ତୋ ଜିନିସ୍ ପାଏଆଦେଙ୍ଗ୍ ସେଷ୍ଟା କିନାନ୍‌। ଏସୋ ୱେଡ଼ା ୱେନ୍‌କା, ୱାଣ୍ତ୍ରୁ ମାରି ମାପ୍‌ରୁଦିଙ୍ଗ୍ ଜିଉନୋଦେଙ୍ଗ୍ ଆଟ୍‌ଏନ୍। ଇୟାୱାନ୍ଦିଙ୍ଗ୍ ୱାଣ୍ତ୍ରୁ ମାପ୍‌ରୁଦି ବାକ୍ୟଦାନ୍ ଏମେକା ଅଜାତାନ୍ ଆକା ୱାନିଙ୍ଗ୍ ମାପ୍‌ରୁଦିଙ୍ଗ୍ ସାର୍‌ଦା କିଦେଙ୍ଗ୍ ଆଟ୍‌ଏନ୍। ୱାଣ୍ତ୍ରୁ ଗଦ୍‌ମୁ ଆକୁୱାଜା, ଇନି ଫଲ୍ ଆସ୍‌ତେଙ୍ଗ୍ ଆଟ୍‌ଏନ୍।

![](https://cdn.door43.org/obs/jpg/360px/obs-en-33-09.jpg)

“ମାତର୍ ନେଗି ସିକ୍‌ଲାଦୁ ମାନ୍‌ଜିନି ଗିଡା ଆଜିନାତ୍ ଅରେନ୍‌ଲୋକୁ ଏୟେନ୍‌ଗି ମାପ୍‌ରୁଦି ବାକ୍ୟ ୱେନାନ୍, ମାରି ଦିନିଙ୍ଗ୍‌ ବିସ୍‌ବାସ୍ କିନାନ୍ ମାରି ଫଲ୍‌ ଆସ୍‌ନାତ୍।”

*ବାଇବଲ୍‌ଦି ଉଣ୍ଡ୍ରେ କାତାନି; ମାଥିଉ ୧୩:୧-୮,୧୮-୨୩; ମାର୍କ ୪:୧-୮,୧୩-୨୦;ଲୁକ ୮:୪-୧୫*

## 34. ୩୪. ଯିଶୁ ଆଇ କାତାନିଙ୍ଗ୍‌ ଅଜା କିତାନ୍‌

https://openbiblestories.org/l/pci/story-34/

![](https://cdn.door43.org/obs/jpg/360px/obs-en-34-01.jpg)

ଯିଶୁ ମାପ୍‌ରୁଦି ରାଜି ବିଷୟ୍‌ଦାନ୍ ଆଇ ନାଣ୍ତୋ କାତାନି ୱେହ୍‌ତାମାର୍‌ହାନ୍। ଅଡ଼୍‌ବିଦୁ, ୱାଣ୍ତ୍ରୁ ୱେର୍‌ତାନ୍‌, ମାପ୍‌ରୁଦି ରାଜି ଉନ୍‌ଡ୍ରେ ସର୍‌ସୁ ଗିଡା ୱାଜା ଏମେଦାନିଙ୍ଗ୍‌ଗି ଅରେନ୍‌ ନିଜେ କେଡ଼୍‌ଇଦୁ ୱିତ୍‌ତା ମାର୍‌ହାନ୍‌। ମିରୁ ନେସ୍‌ନିଦେର୍ ଜେ ସର୍‌ସୁ ଗିଡା ଆଜିନାତ୍ ୱିଜୁଦାଣାନ୍ ନିସ୍‌ରି ଗିଡା।”

![](https://cdn.door43.org/obs/jpg/360px/obs-en-34-02.jpg)

“ମାତର୍ ଏସ୍ତିୱାଲେ ସାର୍‌ସୁ ଗିଡା ପିରିନାତ୍, ଇକା କେଡ଼୍‌ଇଦି ୱିଜୁ ମାରାକାଣାନ୍ ପେରିକା ଆନାତ୍, ନିସା ପିରିନାତ୍ ଜେ ଇକା ପଟିଙ୍ଗ୍ଁ ୱାଜି ଦିନି କମାଦୁ ରମ୍‌ନେ।”

![](https://cdn.door43.org/obs/jpg/360px/obs-en-34-03.jpg)

ଆଇ ଉନ୍‌ଡ୍ରେ କାତାନି ୱେହ୍‌ତି ୱେନ୍‌କା, ଯିଶୁ ୱେହ୍‌ତାମାହାନ୍, ମାପ୍‌ରୁଦି ରାଜି ସଡ଼ା ସମାନ୍ ୱାଜା ଜେ ଉରେତ୍ ଆଇଲି କଡ଼ୋ ଇନି ରୁଟି ଗୁଡ଼ିଦୁ କୁଡ଼ୁପ୍‌ତାତ୍, ଦାନିୱେନ୍‌କା ଆୟା ସଡ଼ା ୱିଜୁ ଗୁଡ଼ିଦୁ ୱିଦିତାତ୍।

![](https://cdn.door43.org/obs/jpg/360px/obs-en-34-04.jpg)

“ମାପ୍‌ରୁଦି ରାଜି ଇୟାୱାଜା ନାଣ୍ତୋ ଦନ୍‌ ୱାଜା ଜେ ଏମେଦାନିଙ୍ଗ୍‌ଗି ଅରେନ୍‌ ମାଡିଦୁ ମାରାକ୍‌ସି ଇଟ୍‌ତାମାର୍‌ହାନ୍। ଆଇ ଅରେନ୍ ଲୋକୁ ଦନ୍ ପାଏଆତାନ୍ ମାରି ଦିନିଙ୍ଗ୍ ନାଣ୍ତୋ ମାନ୍‌ସୁକିତାନ୍। ଇୟାୱାନ୍ଦିଙ୍ଗ୍ ୱାଣ୍ତ୍ରୁ ଦିନିଙ୍ଗ୍ ମାରିଢେସି ଗୁଟା କାର୍‌ଜି ମୁସ୍‌ତାନ୍‌। ୱାଣ୍ତ୍ରୁ ନିସା ସାର୍‌ଦା ଆତାମାର୍‌ହାନ୍ ଜେ ୱାନ୍ତ୍ରୁ ସନ୍‌ସି ନିଜେ ଡାଗ୍‌ରୁ ମାନି ୱିଜୁ ଜିନିସ୍ ପର୍‌ତାନ୍, ଏଣ୍ତେସ୍‌ଗି ୱାଣ୍ତ୍ରୁ ଆୟା ମାଡିଦିଙ୍ଗ୍‌ କଡ୍‌ଦେଙ୍ଗ୍ ଆଟ୍‌ନାନ୍ ଏମେବାନୁଗି ଦନ୍ ମାର୍‌ହାତ୍।”

![](https://cdn.door43.org/obs/jpg/360px/obs-en-34-05.jpg)

“ମାପ୍‌ରୁଦି ରାଜି ଉଣ୍ଡ୍ରେ ନାଣ୍ଡୋଦାମ୍‌ତି ୱେଣ୍ଡି ୱାଜା। ଏସ୍ତିୱାଲେ ଅରେନ୍ ହୀରା ବେପାରି ଇକା ପାଏଆତାନ୍, ମାରି ୱାଣ୍ତ୍ରୁ ଆୟା ମାଡିଦିଙ୍ଗ୍ କଡ଼୍‌ନି ୱାନ୍ଦିଙ୍ଗ୍‌ ନିଜେଦି ୱିଜୁ ଜିନିସ୍‌ ପର୍‌ତାନ୍।”

![](https://cdn.door43.org/obs/jpg/360px/obs-en-34-06.jpg)

ଆବେନୁ ଏସୋ ଲୋକୁ ମାର୍‌ହାର୍ ଏମେକାର୍ ଅଡ଼୍‌ବିଜି ମାହାର୍ ଜେ ୱାରୁ ନେଗି ପାଣି କିତିମାହିଙ୍ଗ୍ ମାପ୍‌ରୁ ୱାରିଙ୍ଗ୍ ନିଜେଦି କିନାନ୍ ଇୟା ଲୋକୁ ଆୟା ଲୋକାଙ୍ଗ୍ କାରାଇ ଇଜି ମାର୍‌ହାର୍। ଏମେକାର୍‌ଗି ନେଗିପାଣି କିଏଜିମାହାର୍‌। ଇୟାୱାନ୍ଦିଙ୍ଗ୍ ଯିଶୁ ୱାରିଙ୍ଗ୍ ଇୟା କାତାନି ୱେର୍‌ତାନ୍; ଆବେନୁ ରିଏର୍ ଲୋକୁ ମାର୍‌ହାର୍ ମାରି ରିଏର୍ ପାର୍‌ତନା କିଦେଙ୍ଗ୍ ମନ୍ଦିର୍‌ଦୁ ସର୍‌ହାର୍। ୱାରି ବାଣ୍‌କୁ ଅରେନ୍ ସିସ୍‌ତୁ ଅନି ଲୋକୁ ମାର୍‌ହାର୍ ମାରି ଅରେନ୍ ଦାର୍‌ମୁ ନେତା ମାର୍‌ହାନ୍।

![](https://cdn.door43.org/obs/jpg/360px/obs-en-34-07.jpg)

“ଆୟା ଦରମ୍ ଗୁରୁ ଇୟାୱାଜା ପାର୍‌ତନା କିତାନ୍। ଏ ମାପ୍‌ରୁ ନାନୁ ନିଙ୍ଗିଁ ଦନ୍ୟବାଦ୍ ସିଜିନା ଜେ ଆଇ ଲୋକାୱାଜା ନାନୁ ପାପି ଆଏ, ଏୟେନ୍‌ଗି ଆରେନ୍ ଡାକୁଏନ୍ ଅଦରମ୍ ଲୋକୁ, ଦାରିପାଣି, ମାରି ଇୟା ବାଡିଦୁ ମାନି ସିସ୍‌ତୁ ଲସ୍‌ନି ଲୋକୁ ୱାଜା ଆଏ।”

![](https://cdn.door43.org/obs/jpg/360px/obs-en-34-08.jpg)

“ଉନ୍‌ଡ୍ରେ ମାଟା ୱାଜା ନାନୁ ୱାରାମ୍‌ଦିଙ୍ଗ୍ ରିଜା ଉପବାସ୍ କିନା ମାରି ନାନୁ ପାଏଆତି ୱିଜୁ ଡାବୁ ମାରି ଜିନିସ୍‌ଦି ୱିଜୁ ଦଶ୍ ଅଙ୍ଗ୍‌ଶ ସିନା।”

![](https://cdn.door43.org/obs/jpg/360px/obs-en-34-09.jpg)

ମାରି ସିସ୍‌ତୁ ଲସ୍‌ନି ଦାର୍‌ମୁ ଗୁରୁଦିବାଣାମ୍ ନାଣ୍ଡୋଆକ ନିଲ୍‌ତା ମାର୍‌ହାନ୍, ମାରି ୱାଣ୍ତ୍ରୁ ସାର୍‌ଗି ମୁସ୍‌କୁ ସୁଡ଼୍‌ଦେଙ୍ଗ୍ ସାସ୍‌ କିଏତାନ୍ ଇୟାୱାନ୍ଦିଙ୍ଗ୍ ୱାଣ୍ତ୍ରୁ ନିଜେ କିୟୁମୁଟାଦାନ୍‌ ନିଜେ ବକାଦୁ ଡ଼େୟାତାନ୍ ମାରି ପାର୍‌ତନା କିତାନ୍, “ଏ ମାପ୍‌ରୁ ନାନୁ ଅରେନ୍ ପାପି, ନାଙ୍ଗିଁ ଦୟା କିଆ।”

![](https://cdn.door43.org/obs/jpg/360px/obs-en-34-10.jpg)

ୱେନ୍‌କା ଯିଶୁ ୱେର୍‌ତାନ୍ ନାନୁ ମିଙ୍ଗିଁ ନିକାମେ ୱେର୍‌ସିନା, ମାପ୍‌ରୁ ସିସ୍‌ତୁ ଲସ୍‌ନି ଲୋକୁଦି ପାର୍‌ତନା ୱେହାନ୍ ମାରି ଦର୍‌ମିକ୍ ଇଜି ୱେହ୍‌ତାର୍‌ ମାତର୍ ଆୟା ଦାର୍‌ମିକ୍‌ଦି ପାର୍‌ତନାଦଙ୍ଗ୍ ମାନ୍‌ସୁ କିଏତାନ୍‌। ମାପ୍‌ରୁ ୱାରି ତାଲାଦିଙ୍ଗ୍ ସାଲୁ କିନାନ୍ ଏମେକାର୍‌ଗି ନିଜେଦିଙ୍ଗ୍‌ ଗର୍ବ ତରାନାର୍‌, ମାତର୍ ମାପ୍‌ରୁ ଆୟାୱିଜେରିଙ୍ଗ୍ ଲାଡ୍‌କିନାନ୍‌, ଏମେକାର୍‌ଗି ନିଜେଦିଙ୍ଗ୍ ଦରମ୍‌ କିନାର୍‌।”

*ବାଇବଲ୍‌ଦି ଉଣ୍ଡ୍ରେ କାତାନି ମାଥିଉ ୧୩:୩୧-୩୩, ୪୪-୪୬; ମାର୍କ ୪:୩୦-୩୨; ଲୂକ ୧୩:୧୮-୨୧; ୧୮:୯-୧୪*

## 35. ୩୫. ଦୟାକିନି ବୁବାଦି କାତାନି

https://openbiblestories.org/l/pci/story-35/

![](https://cdn.door43.org/obs/jpg/360px/obs-en-35-01.jpg)

ଅର୍‌ନେଣ୍ଡ୍‌, ଯିଶୁ ନାଣ୍ଡୋ ଲୋକାଙ୍ଗ୍ ସିକିୟା ସିଜିମାର୍‌ହାନ୍ ଏମେକାର୍ ୱାରିବାଣାନ୍ ୱେନ୍‌ଡ୍ରେଙ୍ଗ୍ ଉଣ୍ତାତାମାର୍‌ହାର୍‌। ଇୟା ଲୋକୁ ସିସ୍‌ତୁ ଲସ୍‌ନିକାର୍‌ ମାରି ୱାରିୱାଲେ ମୋଶାଦି ନିୟମ୍ ମାନାଦେଙ୍ଗ୍ ସେଷ୍ଟା କିଏଣ୍ତାମାହି ଲୋକୁ ମାର୍‌ହାର୍।

![](https://cdn.door43.org/obs/jpg/360px/obs-en-35-02.jpg)

ଆବେନୁ ମାନି ଏସୋ ଦାର୍‌ମୁ ନେତାର୍ ଜିଶୁଦିଙ୍ଗ୍ ଇୟା ଲୋକାୱାଲେ ତଡ଼ୁଦି ସାମାନ୍‌ ୱାର୍‌ଗିଜି ମିଡ଼ିଜିମାହିକା ସୁଡ଼୍‌ତାର୍, ଇୟାୱାନ୍ଦିଙ୍ଗ୍ ୱାରୁ ନିଜେ ନିଜେଦି ୱାର୍‌ଗିଦେଙ୍ଗ୍ ଆସ୍‌ତାର୍ ଜେ ୱାଣ୍ତ୍ରୁ ବୁଲ୍ କିଜିମାର୍‌ହାନ୍। ଯିଶୁ ୱାରି ୱାର୍‌ଗିନିକା ୱେହାନ୍, ଇୟାୱାନ୍ଦିଙ୍ଗ୍ ୱାଣ୍ତ୍ରୁ ୱାରିଙ୍ଗ୍ ଇୟା କାତାନି ୱେର୍‌ତାନ୍।

![](https://cdn.door43.org/obs/jpg/360px/obs-en-35-03.jpg)

“ଅରେନ୍ ଲୋକୁଦି ରିଏର୍ କଡ଼ୋର୍ ମାର୍‌ହାର୍। ନିସ୍ରି କଡ଼ୋ ନିଜେଦି ବୁବାଦିଙ୍ଗ୍ ୱେର୍‌ତାନ୍, ‘ବୁବା, ସମ୍ପତ୍ତଦି ଏମେବାଟା ନାଦିମାନାତ୍ ଆକା ନାଙ୍ଗିଁ ସିଦା!’ ମାରି ବୁବା ଆୟା ରିଏର୍ କଡ଼ୋଦି ବାଣାନ୍ ସମ୍ପତି ବାଟା କିତାର୍।”

![](https://cdn.door43.org/obs/jpg/360px/obs-en-35-04.jpg)

“ଦାପ୍ରେ ୱାନି ନିସ୍ରି କଡ଼ୋ ନିଜେଦି ୱିଜୁ ଦନ୍‌ଦିଙ୍ଗ୍ ଉଣ୍ତାକିଜି ଆକୋ ଦେଶେମ୍‌ଦୁ ସହାନ୍ ମାରି ପାପି ଜିଉ ଜିଦେଙ୍ଗ୍‌ ନିଜେଦି ୱିଜୁ ଦନ୍‌ ଇପ୍‌ତାନ୍‌।”

![](https://cdn.door43.org/obs/jpg/360px/obs-en-35-05.jpg)

“ଦାନିୱେନ୍‌କା ନିସ୍ରି ମାରିନ୍‌ ଏମେ ଦେସେମ୍‌ଦୁ ମାର୍‌ହାନ୍ ଆୟା ଦେସେମ୍‌ଦୁ ବୟଙ୍କ୍‌କର୍‌ ମର୍‌ଡି ଆତାତ୍‌, ମାରି ୱାନି ଡାଗ୍‌ରୁ ଖାଦି କଣ୍ତେଙ୍ଗ୍ ଡାବୁ ସିଲେଣ୍ତା ମାର୍‌ହାତ୍। ଇୟାୱାନ୍ଦିଙ୍ଗ୍‌ ୱାନିଙ୍ଗ୍ ପାଡ୍ରିଙ୍ଗାଁ ମିନି ପାଣି ପୁଟ୍‌ତାତ୍ ୱାଣ୍ତ୍ରୁ ନିସା ଦୁକାମ୍ ମାରି ବାଙ୍ଗାଁଦୁ ମାର୍‌ହାନ୍ ଗାନି ୱାଣ୍ତ୍ରୁ ପାଡ୍ରିଙ୍ଗାଁଣି ଖାଦି ଉଣ୍ତେଙ୍ଗ୍ ମାନ୍‌ସୁ କିଜିମାର୍‌ହାନ୍।

![](https://cdn.door43.org/obs/jpg/360px/obs-en-35-06.jpg)

“ସାରାସାରି ଆୟା ନିସ୍ରି ମାରିନ୍‌ ନିଜେଦିଙ୍ଗ୍ ୱେର୍‌ତାନ୍, ନାନୁ ଇନିକା କିଜିନା? ନା ବୁବାଦି ୱିଜୁ ଗତିମୁର୍‌ଲିରି ଡାଗ୍‌ରୁ ନାଣ୍ତୋ ଉଣ୍ତେଙ୍ଗ୍ ମାନାତ୍, ମାରିବା ନାନୁ ଇବେନୁ ବାଙ୍ଗାଁଦୁ ମାନା। ନାନୁ ନା ବୁବାଦି ଡାଗ୍‌ରୁ ମାରିଡ଼େସି ସନା ମାରି ୱାନି ଅରେନ୍ ଗତିମୁର୍‌ଲି ଆଦେଙ୍ଗ୍ ବାତିମାଲ୍‌ନା।”’

![](https://cdn.door43.org/obs/jpg/360px/obs-en-35-07.jpg)

“ମାରି ଆୟା ନିସ୍ରି ମାରିନ୍‌ ନିଜେ ବୁବାଦି ଇନ୍‌ଡ୍ର ସନ୍‌ଡ୍ରେଙ୍ଗ୍‌ ଆସ୍‌ତାନ୍। ଏସ୍ତିୱାଲେ ୱାଣ୍ତ୍ରୁ ନାଣ୍ତୋ ଆକୋ ମାର୍‌ହାନ୍, ୱାନି ବୁବା ୱାନିଙ୍ଗ୍ ସୁଡ଼୍‌ଜି ୱାନି ୱାନ୍ଦିଙ୍ଗ୍ ଦୟା ତର୍‌ପତାନ୍। ୱାଣ୍ତ୍ରୁ ମାରିନ୍‌ ଡାଗ୍‌ରୁ ଉହ୍‌ସି ସନ୍‌ସି ୱାନିଙ୍ଗ୍ ପୋମ୍‌ଜି ନୋଣ୍ତିତାନ୍।”

![](https://cdn.door43.org/obs/jpg/360px/obs-en-35-08.jpg)

“ଆୟା ମାରିନ୍‌ ୱେର୍‌ତାନ୍, “ଏ ବୁବା, ନାନୁ ମାପ୍‌ରୁଦି ବିରୁଦାନ୍ ମାରି ମି ବିରୁଦାନ୍ ପାପାମ୍ କିତାମାନା। ନାନୁ ନି ମାରିନ୍‌ ଆଦେଙ୍ଗ୍ ଜଗ୍ ସିଲେ।”’

![](https://cdn.door43.org/obs/jpg/360px/obs-en-35-09.jpg)

“ମାରି ୱାନି ବୁବା ୱାନି ଅରେନ୍ ଗତିମୁର୍‌ଲିଦିଙ୍ଗ୍ ୱେର୍‌ତାନ୍, ‘ଦାପ୍ର ସନ୍‌ସି ୱିଜୁଦାନ୍‌ ନେଗି ସୋକା ତାଗା ମାରି ମାରିନ୍‌ଦିଙ୍ଗ୍‌ ଆରିସ୍ଆ! ୱାନି ଡ଼ାସ୍‌କାଦୁ ଉଣ୍ତ୍ରେ ୱେତରି ଆରିସ୍‌ତୁ ମାରି ୱାନି ପାଦାମ୍‌ଦୁ ଜୁତେଙ୍ଗ୍ ଆରିସ୍‌ତୁ। ଦାନିୱେନ୍‌କା ୱିଜୁଦାଣାନ୍ ନେଗି ବାସିଦିଙ୍ଗ୍ ଡ଼େଇଦୁ ଏମେଦାଣାନ୍‌ ମାଡୁ ଉଣ୍‌ଜି ସାର୍‌ଦା କିନାଟ୍, ମାତର୍ ନା ମାରିନ୍‌ ସାତାମାର୍‌ହାନ୍‌, ମାରି ଇଏଲ୍ ୱାଣ୍ତ୍ରୁ ଜିଉ ମାନାନ୍! ୱାଣ୍ତ୍ରୁ ମୁରୁତା ମାର୍‌ହାନ୍, ମାରି ଇଏଲ୍ ମାପୁ ୱାନିଙ୍ଗ୍ ପାଏଆତାପ୍‌!”’

![](https://cdn.door43.org/obs/jpg/360px/obs-en-35-10.jpg)

“ଇୟାୱାନ୍ଦିଙ୍ଗ୍‌ ଲୋକୁ ସାର୍‌ଦା କିଦେଙ୍ଗ୍ ଆସ୍‌ତାର୍। ଏସୋ ୱେଡ଼ା ୱେନ୍‌କା ପେରି ମାରିନ୍‌ କିଡ଼୍‌ଇଦୁ ପାଣି କିଜି ଇନ୍‌ଡ୍ର ୱାତାନ୍। ୱାଣ୍ତ୍ରୁ ପାଟା ମାରି ଗାତ୍‌ନି ବଲୁ ୱେହାନ୍ ମାରି ଇନିକା ଗଟେଆଜିନାତ୍ ଇଜି ୱାଣ୍ତ୍ରୁ କାବାଆତା ସର୍‌ହାନ୍‌।” " “ଏସ୍ତିୱାଲେ ପେରି ମାରିନ୍‌ ନେସ୍‌ତେଙ୍ଗ୍ ଆଟ୍‌ତାନ୍ ଜେ ୱାରୁ ସାର୍‌ଦା କିଜିନାର୍, ମାତର୍ ୱାନି ତଡ଼ାନ୍‌ ଇନ୍‌ଡ୍ର ୱାତାମାର୍‌ହାନ୍, ୱାଣ୍ତ୍ରୁ ନାଣ୍ତୋ ରିସାଆତା ମାର୍‌ହାନ୍ ମାରି ଇଲୁ ଲୋଇ ସନ୍‌ଏତାନ୍‌। ୱାନି ବୁବା ଆତ୍‌ରେ ୱାଜି ୱାନିଙ୍ଗ୍ ସାର୍‌ଦା ଆଦେଙ୍ଗ୍‌ ୱେର୍‌ତାନ୍, ମାରି ୱାଣ୍ତ୍ରୁ ମନାକିତାନ୍‌।” "

![](https://cdn.door43.org/obs/jpg/360px/obs-en-35-11.jpg)

ପେରି ମାରିନ୍‌ ନିଜେଦି ବୁବାଦିଙ୍ଗ୍ ୱେର୍‌ତାନ୍, ‘ଇୟାୱିଜୁ ପାଟେଙ୍ଗ୍ ନାନୁ ନି ୱାନ୍ଦିଙ୍ଗ୍ ବିସ୍‌ବାସ୍‌ଦି ୱାଲେ ପାଣି କିତା! ନାନୁ ନି ୱିଜୁ ମାଟା ମାନାତାମାନା, ମାରି ନିନୁ ନାଙ୍ଗିଁ ଉଣ୍ତ୍ରେ ନିସ୍ରି ଗୋରିୟା ପିଲା ଏସେଙ୍ଗ୍ ବା ସିଏତି ଏଣ୍ତେସ୍‌ଗି ନାନୁ ନା ତୋଡୁରି ୱାଲେ ସାର୍‌ଦା କିନା। ମାରି ନି ଇୟା ମାରିନ୍‌ ନି ଦନ୍‌ଦିଙ୍ଗ୍‌ ପାପାମ୍ ପାଣି କିଜି ନାସ୍‌ଟୁ କିତାମାନାନ୍। ମାରି ଇଏଲ୍ ଏସେଙ୍ଗ୍ ୱାଣ୍ତ୍ରୁ ଇନ୍‌ଡ୍ର ୱାତାନ୍‌ ମାରି ୱାନିୱାନ୍ଦିଙ୍ଗ ସାର୍‌ଦା କିନିୱାନ୍ଦିଙ୍ଗ୍ ନିନୁ ୱିଜୁଦାଣାନ୍ ନେଗି ବାସିପିଲାଦିଙ୍ଗ୍ ଡ଼େଇତିମାନି!”’

![](https://cdn.door43.org/obs/jpg/360px/obs-en-35-12.jpg)

“ବୁବା ଉତର୍ ସିତାନ୍, ‘ଏ ନା ମାରିନ୍‌, ନିନୁ ୱିଜୁୱାଲେ ନା ୱାଲେ ମାନି, ମାରି ଏମେୱିଜୁ ନାଦି ଆୟାୱିଜୁ ନିଦି, ମାତର୍ ମା ୱାନ୍ଦିଙ୍ଗ୍ ସାର୍‌ଦାକିନିକା ଟିକ୍ ମାନାତ୍, ମାରି ନି ତଡ଼ାନ୍ ସାତାସହାମାର୍‌ହାନ୍, ମାରି ଇଏଲ୍ ୱାଣ୍ତ୍ରୁ ଜିଉ ମାନାନ୍। ୱାଣ୍ତ୍ରୁ ମୁରୁତାମାହାନ୍ ମାରି ଇଏଲ୍ ୱାନିଙ୍ଗ୍ ପାଏଆତାମାନାତ୍।

*ଲୁକ ୧୫:୧୧-୩୨ ବାଇବଲ୍‌ଦି ଉଣ୍ଡ୍ରେ କାତାନି*

## 36. ୩୬. ଜିଶୁଦି ମୁର୍‌ତି ବଦ୍‌ଲେ ଆତାନ୍

https://openbiblestories.org/l/pci/story-36/

![](https://cdn.door43.org/obs/jpg/360px/obs-en-36-01.jpg)

ଅର୍‌ନେଣ୍ଡ୍, ଜିଶୁ ୱାନି ସିସୁରି ଲୋଇହାନ୍‌ ମୁଏର୍‌ଲୋଇ ପିତର, ଯାକୁବ ମାରି ଯୋହନଦିଙ୍ଗ୍ ୱାନି ୱାଲେ ଅତାନ୍। (ଯୋହନ ଦରୁତିକାନ୍ ଜିଶୁଦି ସିସୁ ମାରି ଜିଶୁଦିଙ୍ଗ୍ ଡୁବନ୍ ସିତାମାହାନ୍ ଯୋହନ ଅରେନ୍ ଆଏନ୍।) ଆକାର୍ ନିଜେ ପ୍ରାର୍ଥନା କିନିୱାନ୍ଦିଙ୍ଗ୍ ଉଣ୍ଡ୍ରେ ନିର୍‌ହି ଗୋରତୁ ସର୍‌ହାର୍।

![](https://cdn.door43.org/obs/jpg/360px/obs-en-36-02.jpg)

ଜିଶୁ ଏସ୍ତିୱାଲେ ପ୍ରାର୍ଥନା କିଜିମାହାନ୍, ୱାନି ମୋକମ୍ ୱେଡାୱାଜା ଜାଇ ହାତାତ୍ ମାରି ୱାନି ସକା ଜାଇୱାଜା ଅଡିଙ୍ଗା ହାତାତ୍, ଏମେକାଗି ପୁର୍‌ତିବୀଦୁ ମାନି ଆଇଲୋକୁ ଆୟାୱାଜା ଅଡ଼ିଙ୍ଗାଁ କିଦେଙ୍ଗ୍ ଆଟ୍‌ଏର୍।

![](https://cdn.door43.org/obs/jpg/360px/obs-en-36-03.jpg)

ଦାନିୱେନ୍‌କା ମୋଶା ମାରି ଏଲୀୟ ବାବବାଦିର୍‌ ତରିତାର୍‌। ଇୟା ରିଏର୍‌ଲୋକୁ ଇୟା ଗଟ୍‌ନାଦୁ ଏସୋଡ଼୍‌ ଏସୋଡ଼୍‌ ପାଟେଙ୍ଗ୍‌ ପୁର୍‌ବାମ୍‌ଦୁ ଇୟା ପୁର୍‌ତିବୀଦୁ ମାହାର୍। ଆକାର୍ ଜିଶୁଦି ୱାଲେ ୱାନି ସାନି ବିଷୟଦାନ୍ ୱାର୍‌ଗିଜି ମିଡିଜି ମାହାର୍, ମାତର୍ ଯିରୁଶାଲମଦୁ ଆକାନ୍ ନଣ୍ଡୋ ଦାପ୍ରେ ସାନାନ୍।

![](https://cdn.door43.org/obs/jpg/360px/obs-en-36-04.jpg)

ଏସ୍ତିୱାଲେ ମୋଶା ମାରି ଏଲୀୟ ଜିଶୁଦି ୱାଲେ ୱାର୍‌ଗିଜି ମିଡିଜି ମାହାର୍, ଏସ୍ତିୱାଲେ ପିତର ଜିଶୁଦିଙ୍ଗ୍ ୱେହ୍‌ତାନ୍, “ମାପୁ ଇବେ ମାଣ୍ଡ୍ରେଙ୍ଗ୍‌, ମାୱାନ୍ଦିଙ୍ଗ୍ ନେଗେଣ୍ଡ୍‌। ମାପୁ ମୁଣ୍ଡ୍ରି ଗୁଡ଼େଙ୍ଗ୍‌ ତିହାର୍‌କିନାପ୍, ନିୱାନ୍ଦିଙ୍ଗ୍ ଉଣ୍ଡ୍ରି, ମୋଶାଦି ୱାନ୍ଦିଙ୍ଗ୍‌ ଉଣ୍ତ୍ରି ମାରି ଏଲୀୟଦି ୱାନ୍ଦିଙ୍ଗ୍‌ ଉଣ୍ଡ୍ରି।”ପିତର ଇନିକା ୱେହ୍‌ସିମାହାନ୍‌ ଆକା ନେସ୍‌ଏତାନ୍।

![](https://cdn.door43.org/obs/jpg/360px/obs-en-36-05.jpg)

ନାସ୍ତିୱାଲେ ପିତର ୱାର୍‌ଗିଜିନେ ମାର୍‌ହାନ୍, ଉଣ୍ଡ୍ରେ ଜାଇ ବାଦଡ଼୍ ସାଲୁ ୱାତାତ୍ ମାରି ୱାରିଙ୍ଗ୍ ପିଡ଼୍‌କ୍‌ତାତ୍‌। ମାରି ବାଦଡ଼୍‌ଦାନ୍ ୱାରୁ ଇୟା ମାଟା ୱେର୍‌ହାର୍ “ଇୟା ମା ଲାଡ୍‌ତି ମାରିନ୍‌ ଏହେନ୍‌ଗି ନାନୁ ଜିଉନୋନା। ୱାନିବାଣାନ୍‌ ନାନୁ ନାଣ୍ଡୋ ସାର୍‌ଦା। ୱାନି ମାଟା ୱେନ୍ଆ।” ଆୟା ମୁଏର୍ ଶିଷୁର୍ ତିଏଲ୍‌ଆଜି ଭୁମିଦୁ ଆର୍‌ତା ମାହାର୍।

![](https://cdn.door43.org/obs/jpg/360px/obs-en-36-06.jpg)

ଦାନିୱେନ୍‌କା ଯିଶୁ ୱାରିଙ୍ଗ୍ ମୁଟ୍‌ତାନ୍ ମାରି ୱେହ୍‌ତାନ୍, “ ତିଏଲ୍‌ଆମାଟ୍,ନିଙ୍ଗ୍‌ଦୁ।” ନାସ୍ତିୱାଲେ ୱାରୁ ଇନିଙ୍ଗାଁ ଆନିଙ୍ଗାଁ ସୁଡ଼୍‌ତାର୍, ଆବେନୁ ଯିଶୁଦି ଡ଼ିସ୍‌ସି ଏୟେର୍ ସିଲେର୍।

![](https://cdn.door43.org/obs/jpg/360px/obs-en-36-07.jpg)

ଯିଶୁ ମାରି ୱାରି ମୁଏର୍ ଶିଷୁର୍ ଗୋର୍‌ନୁ ସାଲୁ ରେସିୱାତାର୍‌। ଦାନିୱେନ୍‌କା ଯିଶୁ ୱାରିଙ୍ଗ୍ ୱେହ୍‌ତାନ୍ “ଇଏଲ୍ ଇବେ ଏମେକା ଗଟେଆତାତ୍‌ ଆକା ଏହେଙ୍ଗ୍‌ ୱେହ୍‌ମାଟ୍। ନାନୁ ଦାପ୍ରେ ସାନାଲେ ମାରି ମାରିଡ଼େସି ଜିଉ ଆନା। ଦାନିୱେନ୍‌କା, ମିରୁ ଲୋକାଙ୍ଗ୍ ୱେର୍‌ତେଙ୍ଗ୍ ଆଟ୍‌ନିଦେର୍।”

*ବାଇବଲ ଦି ଉଣ୍ଡ୍ରେ କାତାନି:ମାଥିଉ ୧୭:୧-୨; ମାର୍କ ୯:୨-୮ ଲୂକ ୯:୨୮*

## 37. ୩୭. ଜିଶୁ ସାତି ଲାଜାରଦିଙ୍ଗ୍ ଜିଉକିତାନ୍‌

https://openbiblestories.org/l/pci/story-37/

![](https://cdn.door43.org/obs/jpg/360px/obs-en-37-01.jpg)

ଲାଜାର୍‌ ଦୋରୁତିକାନ୍ ଅରେନ୍ ଲୋକୁ ମାହାନ୍। ମରିୟମ ମାରି ମାର୍ଥା ଦୋରୁଦି ଦାନି ରୁଣ୍ତି ବିବିକ୍ ମାହେ। ଆକେଙ୍ଗ୍ ଯିଶୁଦି ନାଣ୍ତୋ ନିଜେଦି ତୋଡୁ ମାହେ। ଅର୍‌ନେଣ୍ତ୍ ଲାଜାର୍ ନାଣ୍ତୋ କାଷ୍ଟାମ୍ ମାନାନ୍ ଇଜି ଯିଶୁଦିଙ୍ଗ୍ ଏହେନ୍‌ଗି ଅରେନ୍ ଖାବୁର୍ ସିତାନ୍‌। ଏସ୍ତିୱାଲେ ଯିଶୁ ଇକା ୱେର୍‌ହାନ୍, ୱାଣ୍ଡ୍ରୁ ୱେର୍‌ତାନ୍, “ଇୟା କାଷ୍ଟାମ୍ ଲାଜାରଦି ସାନି ୱାନ୍ଦିଙ୍ଗ୍‌ ଆଏତ୍, ମାରି ଇୟା ମାପ୍‌ରୁଦି ଗୌରବ ୱାନ୍ଦିଙ୍ଗ୍, ଏୟାବାଣାନ୍ ଲୋକୁ ମାପ୍‌ରୁଦିଙ୍ଗ୍‌ ମାନାନାର୍‌।”

![](https://cdn.door43.org/obs/jpg/360px/obs-en-37-02.jpg)

ଯିଶୁ ୱାନି ତୋଡୁରିଙ୍ଗ୍ ଜିଉନଜି ମାର୍ହାନ୍, ମାରି ୱାଣ୍ଡ୍ରୁ ଏମେ ବାଡିଦୁ ମାର୍ହାର୍ ଆବେ ମାରି ରୁଣ୍ତିଦିନାମ୍ ମାର୍ହାର୍। ରୁଣ୍ତିଦିନାମ୍ ୱେନ୍‌କା, ଯିଶୁ ୱାରି ସିସୁରିଙ୍ଗ୍ ୱେର୍‌ତାନ୍, “ରାଦୁ, ମାଡୁ ଯିହୂଦା ଦେଶେମ୍ ଦୁ ସନାଟ୍।” ସିସୁର୍‌ ଉତର୍‌ ସିତାର୍‌,“ମାତର୍‌ ଗୁରୁ, ଏସୋ ୱେଡା ଆଗ୍‌ଡି ଲୋକୁ ନିଙ୍ଗିଁ ସାୟା ମାର୍‌ଗା ଢେଇନି ୱାନ୍ଦିଙ୍ଗ୍ ଅଡ଼୍‌ବିଜିମାର୍‌ହାର୍!” ଯିଶୁ ୱେର୍‌ତାନ୍ “ମା ତୋଡୁ ଲାଜାର ଗୁର୍‌ତା ମାହାନ୍, ମାରି ନାନୁ ୱାନିଙ୍ଗ୍ ଗୁର୍‌ତି ବାଣାନ୍ ନିକ୍‌ତେଙ୍ଗ୍ ମାନାତ୍।”

![](https://cdn.door43.org/obs/jpg/360px/obs-en-37-03.jpg)

ସିସୁର୍ ଉତର୍ ସିତାର୍‌, “ହେ ଗୁରୁ, ଜଦି ଲାଜାର ଗୁର୍‌ତା ମାନାନ୍, ଆଦେଙ୍ଗେ ୱାଣ୍ଡ୍ରୁ ନିଙ୍ଗ୍ଁନାନ୍। “ଦାନିୱେନ୍‌କା ଯିଶୁ ୱାରିଙ୍ଗ୍ ନେଗିୱାଜା ୱେର୍‌ତାନ୍ “ଲାଜାର ସାତାମାନାନ୍। ନାନୁ ସାରଦା ଜେ ନାନୁ ଆବେ ମାନ୍‌ଏତା, ଏନେଟ୍‌ଗି ମିରୁ ନା ଡାଗ୍‌ରୁ ବିସ୍‌ବାସ୍ କିନିଦେର୍।”

![](https://cdn.door43.org/obs/jpg/360px/obs-en-37-04.jpg)

ଏସ୍ତିୱାଲେ ଯିଶୁ ଲାଜାରଦି ଗଡ଼ଦୁ ୱାତାର, ଲାଜାର ସାଜି ନାଲ୍‌ଗିଦିନାମ୍‌ ଆତାମାର୍‌ହାତ୍। ମାର୍ଥା ଯିଶୁଦିଙ୍ଗ୍ ଆତ୍‌ରେ କୁଡ଼୍‌ଦେଙ୍ଗ୍ ସନ୍‌ସି ୱେର୍ହାତାତ୍ “ପ୍ରବୁ, ଜଦି ନିନୁ ଇବେ ମାର୍‌ହିଙ୍ଗାଁ, ଆଦେଙ୍ଗେ ନା ଭାଇ ସାଏତାନ୍‌ମାରି। ମାତର୍ ନାନୁ ବିସ୍‌ବାସ୍ କିନା ନିନୁ ମାପ୍‌ରୁଦିଙ୍ଗ୍ ଏମେକାବା ଲସ୍‌ନିଦେର୍ ୱାଣ୍ଡ୍ରୁ ଆକା ମିଙ୍ଗିଁ ସିନାନ୍।

![](https://cdn.door43.org/obs/jpg/360px/obs-en-37-05.jpg)

ଯିଶୁ ଉତର୍ ସିତାନ୍ “ମାରିଜିନିକାନ୍ ମାରି ଜିଉ ନାନୁ। ଏୟେନ୍ ନାଡାଗ୍‌ରୁ ବିସ୍‌ବାସ୍ କିନାନ୍, ଜଦି ୱାଣ୍ଡ୍ରୁ ସାନାନ୍ ମାରିବା ୱାଣ୍ଡ୍ରୁ ଜିନାନ୍। ଏମେଲୋକୁ ନାଡାଗ୍‌ରୁ ବିସ୍‌ବାସ୍ କିନାନ୍ ଆକାନ୍ ଏସେଙ୍ଗ୍ ବା ସାଏନ୍। ନିନୁ ଇକା ବିସ୍‌ବାସ୍ କିଜିନି?”ମାର୍ଥା ଉତର୍ ସିତାତ୍, “ସତ୍, ହେ ଗୁରୁ! ନାନୁ ବିସ୍‌ବାସ୍ କିନା ଗାନି ନିନୁ ମାପ୍‌ରୁଦି ମାରିସି ଖ୍ରୀଷ୍ଟ୍।”

![](https://cdn.door43.org/obs/jpg/360px/obs-en-37-06.jpg)

ଦାନିୱେନ୍‌କା ମରିୟମ ଇତାତ୍। ଆକାତ୍ ଯିଶୁଦି ପାଦାମ୍ ସାଲୁ ଆର୍‌ଜି ୱେହ୍‌ତାତ୍ “ହେ ପ୍ରବୁ, ଆଦେଙ୍ଗେ ନିନୁ ଇବେ ମାହିଙ୍ଗାଁ, ନା ଭାଇ ସାଏତାନ୍‌ମାରି। ଯିଶୁ ଦାନିଙ୍ଗ୍ ୱେନ୍‌ବାତାନ୍, “ମିରୁ ଲାଜାରଦିଙ୍ଗ୍ ଏମେଡାଗ୍‌ରୁ ଇଟ୍‌ତି ମାନିଦେର୍?”ଆୱିକ୍ ୱେର୍‌ତେ ଦୁକିବାଡିଦୁ। ରାହା ମାରି ସୁଡ୍‌ଆ।“ଦାନିୱେନ୍‌କା ଯିଶୁ ଆଡ଼୍‌ବାତାନ୍।

![](https://cdn.door43.org/obs/jpg/360px/obs-en-37-07.jpg)

ଦୁକିବାଡି ଉଣ୍ତ୍ରେ ପର ମାର୍‌ହାତ୍ ମାରି ଇୟା ମକମ୍‌ଦୁ ଉଣ୍ତ୍ରେ କାଲୁ ମୁକ୍‌ତା ମାର୍‌ହାର୍। ନାସ୍ତିୱାଲେ ଯିଶୁ ଦୁକିଦୁ ଇତାନ୍‌, ୱାଣ୍ଡ୍ରୁ ୱାରିଙ୍ଗ୍ ୱେର୍‌ତାନ୍, କାଲୁଦିଙ୍ଗ୍ ଦୁକି ଦୁୱାର୍‌ତାନ୍ ଗୁସାକିଦୁ। “ମାତର ମାର୍ଥା ୱେର୍‌ତାତ୍, “ୱାଣ୍ଡ୍ରୁ ସାଜି ନାଲ୍‌ଗି ଦିନାମ୍ ଆଜିନାତ୍। ଆବେନୁ କାପୁ ୱାଜିମାନ୍‌ଜିନାତ୍‌।”

![](https://cdn.door43.org/obs/jpg/360px/obs-en-37-08.jpg)

ଯିଶୁ ଉତର୍ ସିତାନ୍, “ଇନିକା ନାନୁ ମିଙ୍ଗିଁ ୱେର୍‌ଏଣ୍ଡା ମାର୍‌ହା ଜଦି ମିରୁ ନା ଡାଗ୍‌ରୁ ବିସ୍‌ବାସ୍ କିତିଙ୍ଗାଁ ଆଦେଙ୍ଗେଁ ମାପ୍‌ରୁଦି ମହିମା ସୁଣ୍‌ନିଦେର୍?“ ଇୟାୱାନ୍ଦିଙ୍ଗ୍‌ ୱାରୁ କାଲୁଦିଙ୍ଗ୍‌ ଗୁସାକିତାର୍।“

![](https://cdn.door43.org/obs/jpg/360px/obs-en-37-09.jpg)

ଦାନିୱେନ୍‌କା ଯିଶୁ ସାରଗ୍‌ ତରନ୍ ମୁସ୍‌କୁସୁଡ୍‌ଜି ୱେର୍‌ତାନ୍, “ଏ ବା, ନା ପାର୍‌ତନା ୱେନିୱାନ୍ଦିଙ୍ଗ୍ ନାନୁ ମିଙ୍ଗିଁ ଦନ୍ୟବାଦ୍ ସିଜିନା। ନାନୁ ନେସ୍‌ତାମାନା ଗାନି ନିନୁ ୱିଜୁୱାଲେ ନା ପାର୍‌ତନା ୱେନି, ମାତର୍ ନିନୁ ନାଙ୍ଗିଁ ପକ୍‌ତିମାନି ଇଜି ଇବେ ନିଲ୍‌ତିମାହି ଲୋକୁ ଏଣ୍ତେସ୍ ବିସ୍‌ବାସ୍ କିନାର୍ ଆୟାୱାନ୍ଦିଙ୍ଗ୍ ନାନୁ ଇକା ୱେର୍‌ସିନା। “ଦାନିୱେନ୍‌କା ଯିଶୁ ନାଣ୍ତୋ ଆଉଲି ଆଜି ୱେର୍‌ତାନ୍, ଲାଜାର, ସସି ରାହା!”

![](https://cdn.door43.org/obs/jpg/360px/obs-en-37-10.jpg)

ମାରି ଲାଜାର ସସି ୱାତାନ୍!ଆୟାୱେଡାଦୁ ଆକାନ୍ ଦୁକି ସକାଦାନ୍ ନେ ଗୁଡିୟା ଆତାମାହାନ୍‌। ଯିଶୁ ୱାରିଙ୍ଗ୍ ୱେହ୍‌ତାନ୍, “ଆୟା ଦୁକି ସକା ୱାନିବାନାଣ୍‌ କୁତ୍‌ସି ୱାନିଙ୍ଗ୍ ସାୟାମ୍ କିଦୁ ମାରି ୱାନିଙ୍ଗ୍ ୱେର୍‌ଏ!” ଯିଶୁଦି ଇୟା କାବାଆନି ପାଣିୱାନ୍ଦିଙ୍ଗ୍‌ ନାଣ୍ତୋ ଯିହୂଦୀଲୋକୁ ୱାନିଡାଗ୍‌ରୁ ବିସ୍‌ବାସ୍ କିତାର୍‌।

![](https://cdn.door43.org/obs/jpg/360px/obs-en-37-11.jpg)

ମାତର୍‌ ଯିହୂଦୀରି ଦାର୍‌ମୁ ନେତାର୍ ଯିଶୁଦିଙ୍ଗ୍ କାକା ଆଜି ମାର୍‌ହାର୍, ଇୟାୱାନ୍ଦିଙ୍ଗ୍‌ ୱାରୁ ଏନେଟ୍‌ଗି ଯିଶୁଦିଙ୍ଗ୍ ମାରି ଲାଜାରଦିଙ୍ଗ୍ ସାୟାମାର୍‌ଗା ଡେଇନାର୍ ଆକା ଉଣ୍ତ୍ରେବାନୁ ଆଜି ପାଣି କିଦେଙ୍ଗ୍ ଆସ୍‌ତାର୍।

*ବାଇବଲ ଦି ଉଣ୍ତ୍ରେ କାତାନି ଯୋହନ ୧୧:୧-୪୬*

## 38. ୩୮. ଜିଶୁଦିଙ୍ଗ୍ ସତ୍‌ରୁ କିୟୁଦୁ ସର୍‌ପେ କିତାନ୍‌

https://openbiblestories.org/l/pci/story-38/

![](https://cdn.door43.org/obs/jpg/360px/obs-en-38-01.jpg)

ୱିଜୁ ପାଟେଙ୍ଗ୍ଁ, ଯିହୂଦିର୍ ନିସ୍ତାର ପାଣ୍ତୋଇ ମାନାଜିମାହାର୍। ଇୟା ପାଣ୍ଡୋୟ ଇୟାୱାନ୍ଦିଙ୍ଗ୍ ମାନାତାର୍ ଗାନି ନାଣ୍ଡୋ ନାଣ୍ଡୋ ପାଟେଙ୍ଗ୍ଁଆଗ୍‌ଡ଼ି ମାପ୍‌ରୁ ଏମେୱାଜା ୱାରିଙ୍ଗ୍ ପୁର୍‌ବାମ୍‌ତି ଲୋକାଙ୍ଗଁ ମିଶର ଦେଶେମ୍‌ଦି ଦାସ୍‌ତିୱାଜା ବନ୍ଦନ୍‌ତି ବାଣାନ୍ ଉଦାର୍ କିଜି ତାତାନ୍। ପାକାପାକି ମୁଣ୍ତ୍ରିପାଟେଙ୍ଗ୍ଁ ୱେନ୍‌କା ଯିଶୁ ପାର୍‌ତୁମ୍ ୱିଜେରି ଡାଗ୍‌ରୁ ପ୍ରଚାର୍ ମାରି ସିକିୟା ସିଦେଙ୍ଗ୍ ଆରମ୍ କିତାନ୍, ଯିଶୁ ୱାରି ଶିସୁରିଙ୍ଗ୍ ୱେର୍‌ତାନ୍ ଗାନି, ୱାଣ୍ଡ୍ରୁ ୱାରିୱାଲେ ଯିରୁଶାଲମଦୁ ନିସ୍ତାର ପାଣ୍ତୋଇ ମାନାଦେଙ୍ଗ୍ ମାନ୍‌ସୁ କିଜିନାନ୍, ମାରି ଆବେ ୱାନିଙ୍ଗ୍ ସାଗୁମାର୍‌ଗା ଡେଇନାର୍‌।

![](https://cdn.door43.org/obs/jpg/360px/obs-en-38-02.jpg)

ଯିଶୁଦି ଶିସୁରି ଲୋଇହାନ୍ ଯିହୂଦା ଦୋରୁତିକାନ୍ ଅରେନ୍ ସିସୁ ମାହାନ୍। ଯିହୂଦା ସିସୁରି ଡାବୁସାସି ଆସ୍‌ନି ଦାୟୋତ୍ ମାର୍ହାନ୍‌, ମାତର୍‌ ୱାଣ୍ଡ୍ରୁ ନଣ୍ତୋ ୱେଡାଦୁ ଆୟା ଡାବୁ ଡଙ୍ଗାଁ କିଜିମାର୍‌ହାନ୍। ଯିଶୁ ମାରି ୱାରି ଶିସୁର୍ ଯିରୁଶାଲମ୍‌ଦୁ ଇତିୱେନ୍‌କା, ଯିହୂଦା ଯିହୂଦୀ ନେତାରି ଡାଗ୍‌ରୁ ସହାନ୍। ୱାଣ୍ଡ୍ରୁ ଡ଼ାବୁଙ୍ଗାଁ ୱାନ୍ଦିଙ୍ଗ୍ ଅଦିକାରିରିଙ୍ଗ୍ ଯିଶୁଦି ନେଶ୍‌ପିସ୍‌ତେଙ୍ଗ୍ ସତ୍ରୁଦି କିୟୁଦାଣ୍ ସର୍ପେକିଦେଙ୍ଗ୍ ମାଟା ଇଟ୍‌ତାନ୍‌। ୱାଣ୍ଡ୍ରୁ ନେସ୍‌ତା ମାର୍‌ହାନ୍ ଗାନି ଯିହୂଦୀ ନେତାର୍ ଏସେଙ୍ଗ୍‌ବା ଯିଶୁଦିଙ୍ଗ୍ ଖ୍ରୀଷ୍ଟ୍‌ଇଜି ମାନାଆଏର୍‌। ୱାଣ୍ଡ୍ରୁ ଯିଶୁଦିଙ୍ଗ୍ ସାଗୁମାର୍‌ଗା ଡ଼େଇଦେଙ୍ଗ୍ ଇଜି ପାଣି କିଜିମାର୍‌ହାର୍ ଇକା ଆକାନ୍ ନେସ୍ତାମାହାନ୍।

![](https://cdn.door43.org/obs/jpg/360px/obs-en-38-03.jpg)

ପେରିଜାଜକର୍ ୱେର୍‌ତି ୱାନ୍ଦିଙ୍ଗ୍ ଯିହୁଦିର୍ ନେତାର୍ ଯିଶୁଦିଙ୍ଗ୍ ୱାରି କିଦୁ ସ୍‌ର୍‌ପେ କିନିୱାନ୍ଦିଙ୍ଗ୍ ଜିହୁଦାଦିଙ୍ଗ୍ ମୁପାୟ୍ ୱେଣ୍ତି ଡାବୁ ସିତାର୍। ଇକା ଆୟାୱାଜାନେ ଆତାତ୍ ଏନେଟ୍‌ଗି ଭାବବାଦିର୍ ଆନାତ୍ ଇଜି ୱେର୍‌ତା ମାର୍‌ହାର୍। ଯିହୂଦା ଆବେ ରାଜିଆଜି ଡାବୁ ଆସ୍‌ସି ସର୍‌ହାନ୍। ୱାଣ୍ଡ୍ରୁ ୱାରିଙ୍ଗ୍ ଯିଶୁଦିଙ୍ଗ୍ ଆସ୍‌ସି ତର୍‌ତେଙ୍ଗ୍ ସାୟାମ୍ କିଦେଙ୍ଗ୍ ଉଣ୍ଡ୍ରେ ସୁଜଗ୍‌ ରେବାଜିମାର୍‌ହାନ୍

![](https://cdn.door43.org/obs/jpg/360px/obs-en-38-04.jpg)

ଯିରୁଶାଲମଦୁ ଯିଶୁ ୱାରି ଶିସୁରି ୱାଲେ ନିସ୍ତାର ପଣ୍ତୋଇ ମାନାତାନ୍‌। ନିସ୍ତାରପଣ୍ତୋଇ ଉଣି ୱେଡାଦୁ, ଯିଶୁ ରୁଟି ଅସି ଦାନିଙ୍ଗ୍ ରୁକ୍‌ତାନ୍। ୱାଣ୍ଡ୍ରୁ ୱେର୍‌ତାନ୍ “ଇକା ଅସି ତିନ୍‌ଡ୍ରୁ। ଇକା ନା ମେନ୍ଦଲ୍, ଏମେକାବା ନାନୁ ମିୱାନ୍ଦିଙ୍ଗ୍‌ ସିଜିନା। ଇକା ନାଙ୍ଗିଁ ଅଡ୍‌ବିନି ୱାନ୍ଦିଙ୍ଗ୍ କିଦୁ।” ଇୟା ୱାଜା, ଯିଶୁ ୱେର୍‌ତାନ୍ ଗାନି ୱାରି ୱାନ୍ଦିଙ୍ଗ୍ ୱାଣ୍ଡ୍ରୁ ସାନାନ୍, ଇକା ଅର୍‌ତ ୱାରି ୱାନ୍ଦିଙ୍ଗ୍ ୱାଣ୍ଡ୍ରୁ ୱାନି ମେନ୍ଦଲ୍ ବଳିଦାନ୍ ସିନାନ୍।

![](https://cdn.door43.org/obs/jpg/360px/obs-en-38-05.jpg)

ଦାନିୱେନ୍‌କା ଯିଶୁ ଉଣ୍ତ୍ରେ ଅଙ୍ଗୁଁର୍‌ରସ୍‌ତି ଉଣିଡୁବାଇ ନିକ୍‌ତାନ୍‌ ମାରି ୱେର୍‌ତାନ୍ “ଦେନିଙ୍ଗ୍ ଉଣ୍ତୁ। ଇକା ପୁନି ନିୟମ୍‌ତି ନା ନେତେର୍ ମିୱାନ୍ଦିଙ୍ଗ୍ ୱାକ୍‌ସିନା ଏମେକାଗି ମାପ୍‌ରୁ ମି ପାପାମ୍ କେମା କିନାନ୍। ନାନୁ ଇଏଲ୍ ଇନିକା କିଜିନା ମିରୁ ଆକା କିଦୁ, ଏନେଟ୍‌ଗି, ଏସିୱାଲେ ମିରୁ ଉଣିଦେର୍ ୱିଜୁ ୱାଲେ ନାଙ୍ଗିଁ ଅଡ଼୍‌ବିନିଦେର୍।”

![](https://cdn.door43.org/obs/jpg/360px/obs-en-38-06.jpg)

ଦାନିୱେନ୍‌କା ଯିଶୁ ୱାରି ଶିସୁରିଙ୍ଗ୍ ୱେର୍‌ତାନ୍, “ ମି ଲୋଇହାନ୍ ଅରେନ୍ ନାଙ୍ଗିଁ ସାତ୍‌ରୁ କିୟୁଦାଣ୍ ସର୍‌ପେ କିନାନ୍।” ସିସୁର୍ କାବା ଆତାର୍, ମାରି ଏହେନ୍ ଇୱାଜା କିନାନ୍‌ ଇଜି ୱେନ୍‌ବାତାର୍‌। ଯିଶୁ ୱେର୍‌ତାନ୍, “ନାନୁ ଏହେଙ୍ଗ୍ ଇୟା ରୁଟି କାଣ୍ତେକ୍ ସିନା ୱାଣ୍ଡ୍ରୁ ନାଙ୍ଗିଁ ସାତ୍‌ରୁ କିୟୁଦାଣ୍ ସର୍‌ପେ କିନାନ୍।” ଦାନିୱେନ୍‌କା ୱାଣ୍ଡ୍ରୁ ଆୟା ରୁଟି ଯିହୂଦାଦିଙ୍ଗ୍ ସିତାନ୍।”

![](https://cdn.door43.org/obs/jpg/360px/obs-en-38-07.jpg)

ଯିହୂଦା ଆୟା ରୁଟି କାଣ୍ତେକ୍ ଅତି ୱେନ୍‌କା, ଶୟତାନ୍ ୱାନି’ ଲୋଇ ଡୁଗିତାତ୍। ଯିହୂଦା ଆୟା ବାଡି ଡିସ୍‌ସି ଯିଶୁଦିଙ୍ଗ୍ ତହ୍‌ନି ୱାନ୍ଦିଙ୍ଗ୍ ଯିହୂଦା ନେତାରିଙ୍ଗ୍ ସାହାଯ୍ୟ କିନି ୱାନ୍ଦିଙ୍ଗ୍ ୱାରି ଡାଗ୍‌ରୁ ସର୍‌ହାନ୍ ଆକା ମିଲିହି ୱେଡା ମାର୍‌ହାତ୍।

![](https://cdn.door43.org/obs/jpg/360px/obs-en-38-08.jpg)

ଉଟି ୱେନ୍‌କା, ଯିଶୁ ମାରି ୱାରି ସିସୁର୍ ଜୀତ ଗରତୁ ସର୍‌ହାର୍। ଯିଶୁ ୱେହ୍‌ତାନ୍, “ଇୟା ନାଡାଦିଙ୍ଗ୍‌ ମିରୁ ୱିଜେରେ ନାଙ୍ଗିଁ ଡିସ୍‌ନି ଦେର୍। ଇକା ରାସାତା ମାନାତ୍, ନାନୁ ମେଣ୍ଢା ଗାଉଡୁଏନ୍‌ଦିଙ୍ଗ୍ ଡେଇନା ମାରି ୱିଜୁ ମେଣ୍ଢା ଗୋରେଙ୍ଗ୍‌ ଚିନ୍‌ଚତର୍ ଆନେ।”

![](https://cdn.door43.org/obs/jpg/360px/obs-en-38-09.jpg)

ପିତର ଉତର୍ ସିତାନ୍, “ଜଦି ୱିଜେରେ ନିଙ୍ଗିଁ ଡିସ୍‌ନାର୍, ନାନୁ ଏସେଙ୍ଗ୍‌ ଡ଼ିସ୍‌ଏ!” ମାରି ଯିଶୁ ପିତରଦିଙ୍ଗ୍ ୱେହ୍‌ତାନ୍, “ଶୟତାନ୍ ମି ୱିଜେରିଙ୍ଗ୍ ଅତେଙ୍ଗ୍ ମାନ୍‌ସୁ କିଜିନାତ୍, ମାତର୍ ହେ ପିତର, ନାନୁ ମିୱାନ୍ଦିଙ୍ଗ୍ ପାର୍‌ତନା କିତାମାନା ଗାନି ନିନୁ ବିଷ୍‌ବାସ୍‌ଦାଣ୍ ଆରେଆମା। ଇର୍‌ହିଁଙ୍ଗ୍‌ଆବା, ନେଣ୍ଡ୍ରୁ ନାଡ଼ାଦିଙ୍ଗ୍, କୋରୁ କେରେପି ଆଗ୍‌ଡି ନିନୁ ନାଙ୍ଗିଁ ମୁଣ୍ତ୍ରି ଜାରିଙ୍ଗ୍ ନେସ୍‌ଏ ଇଜି ୱେର୍‌ନି।

![](https://cdn.door43.org/obs/jpg/360px/obs-en-38-10.jpg)

ଦାନିୱେନ୍‌କା ପିତର ଯିଶୁଦିଙ୍ଗ୍ ୱେର୍‌ତାନ୍ “ନାନୁ ସାତି ସର୍‌ହିଁଙ୍ଗ୍‌ଆବା, ନାନୁ ନିଙ୍ଗିଁ ଏସେଙ୍ଗ୍‌ବା ନେସ୍‌ଏ ଇଜି ୱେର୍‌ଏ!” ଆଇ ୱିଜୁ ସିସୁର୍‌ ବା ଇୟାୱାଜା ୱେର୍‌ତାନ୍।

![](https://cdn.door43.org/obs/jpg/360px/obs-en-38-11.jpg)

ୱେନ୍‌କା ଯିଶୁ ୱାରି ସିସୁରି ୱାଲେ ଗେଥଶିମନୀ ଦୋରୁତି ଉଣ୍ତ୍ରେ ବାଡିଦୁ ସର୍‌ହାର୍‌। ଯିଶୁ ନିଜେ ସିସୁରିଙ୍ଗ୍ ପାର୍‌ତନା କିଦେଙ୍ଗ୍ ୱର୍‌ତାନ୍ ଏନେଟ୍‌ଗି ସୟତାନ୍ ୱାରିଙ୍ଗ୍ ପରିକା କିଦେଙ୍ଗ୍ ଆଟ୍‌ଏନ୍‌। ୱେନ୍‌କା ଯିଶୁ ନିଜେ ପାର୍‌ତନା କିଦେଙ୍ଗ୍ ସର୍‌ହାନ୍।

![](https://cdn.door43.org/obs/jpg/360px/obs-en-38-12.jpg)

ଯିଶୁ ମୁଣ୍ତ୍ରି ଜାରିଙ୍ଗ୍‌ ପାର୍‌ତନା କିତାନ୍, “ହେ ନା ବୁବା, ଜଦି ଆଦେଙ୍ଗ୍ ହାଟ୍‌ନାନ୍ ମାରି ଦୁକ୍‌ବଗ୍‌ତି ଡୁବାଇ ଉଣିୱାନ୍ଦିଙ୍ଗ୍ ନାଙ୍ଗିଁ ସିମା। ମାତର୍ ଲୋକା ପାପାମ୍ କେମାକିନି ୱାନ୍ଦିଙ୍ଗ୍ ମାରି ଆଇ ସାରି ସିଲେତ୍, ମାରି ନି ଇଷ୍ଟାମ୍‌ନେ ପୁରଆପିତ୍।” ଯିଶୁ ନାଣ୍ତୋ ହାକାଦାକା ଆଜି ମାର୍‌ହାନ୍ ମାରି ୱାନି ରୁଣୁଏରୁ ନେତେର୍ ବଟିୱାଜା ମାର୍‌ହାତ୍। ମାପ୍‌ରୁ ଅରେନ୍ ଦୁତ୍‌ଦିଙ୍ଗ୍ ପକ୍‌ସି ୱାନିଙ୍ଗ୍ ଶାକ୍‌ତି ସିତାନ୍।

![](https://cdn.door43.org/obs/jpg/360px/obs-en-38-13.jpg)

ୱିଜୁୱେଡ଼ାଦୁ ପାର୍‌ତନା ୱିଜ୍‌ନି ୱେନ୍‌କା, ଯିଶୁ ୱାରି ସିସୁରି ଡାଗ୍‌ରୁ ୱାଜିମାର୍‌ହାନ୍, ମାତର୍‌ ୱାରୁ ସୁଞ୍ଜିତା ମାର୍‌ହାର୍। ନାସ୍ତିୱାଲେ ୱାଣ୍ଡ୍ରୁ ମୁଣ୍ଡ୍ରି ଜାରିଙ୍ଗ୍ ୱାତାନ୍, ଯିଶୁ ୱେର୍‌ତାନ୍ “ନିଙ୍ଗ୍‌ଦୁ! ନା ସତ୍‌ରୁ କିୟୁଦୁ ସର୍‌ପେ କିନିକାନ୍ ଡାଗ୍‌ରୁ ୱାତାନ୍।”

![](https://cdn.door43.org/obs/jpg/360px/obs-en-38-14.jpg)

ଯିହୂଦା ଯିହୂଦୀ ନେତାର୍ ମାରି ସେନାର୍ ମାରି ନାଣ୍ତୋ ଲୋକା ୱାଲେ ୱାତାନ୍। ୱାରୁ ଖଣ୍ଡା ମାରି କଣେଙ୍ଗ୍ ଆସ୍‌ତାମାହାର୍। ଯିହୂଦା ଯିଶୁଦି ଡାଗ୍‌ରୁ ୱାଜି ୱାନିଙ୍ଗ୍ ୱେର୍‌ତାନ୍ “ହେ ଗୁରୁ ଜୁୱାର୍” ମାରି ୱାନିଙ୍ଗ୍‌ ନଣ୍ତିତାନ୍। ଯିହୂଦୀ ନେତାରିଙ୍ଗ୍‌ ଏନେଟ୍‌ଗି ଯିଶୁଦିଙ୍ଗ୍‌ ଆସ୍‌ନାର୍ ଇୟା ୱାନ୍ଦିଙ୍ଗ୍ ୱାଣ୍ଡ୍ରୁ ଇକା କିତାନ୍। ଦାନିୱେନ୍‌କା ଯିଶୁ ୱେର୍‌ତାନ୍, “ଯିହୂଦା, ଇନିକା ନଣ୍ତିଜି ନିନୁ ନାଙ୍ଗିଁ ଶାତ୍ରୁ କିୟୁଦୁ ସର୍‌ପେକିଜିନି?”

![](https://cdn.door43.org/obs/jpg/360px/obs-en-38-15.jpg)

ଏସ୍ତିୱାଲେ ସେନାର୍ ଯିଶୁଦିଙ୍ଗ୍ ତହ୍‌ସିମାହାର୍, ପିତର ୱାରି ଖଣ୍ଡା ସପ୍‌ତାନ୍ ମାରି ପେରିଜାଜ୍‌କ୍‌ରି ଦାସ୍‌ତି ଗିତଣି କହିତା ଡିସ୍‌ତାନ୍। ମାତର୍ ଯିଶୁ ୱେର୍‌ତାନ୍ “ଖଣ୍ଡାଦିଙ୍ଗ୍ ଆକୋ ଇଡ୍‌ଆ! ନାଙ୍ଗିଁ ରକ୍‌ୟା କିନି ୱାନ୍ଦିଙ୍ଗ୍ ନାନୁ ବୁବାଦିଙ୍ଗ୍ ଦୁତ୍‌ଙ୍ଗା ଉଣ୍ତ୍ରେ ସେନାମାନ୍ଦାଦିଙ୍ଗ୍ ଲସ୍‌ତେଙ୍ଗ୍ ଆଟ୍‌ନା। ମାତର୍ ସତ୍‌ନେ ନାନୁ ନା ବୁବାଦି ନିୟମ୍ ମାନାନା।” ଦାନିୱେନ୍‌କା’ ଯିଶୁ ଆୟା ଲୋକୁଦି ଗିତଣି ନେଗେଣ୍ତ୍ କିତାନା। ଯିଶୁ ତର୍‌ହତି ୱେନ୍‌କା ୱିଜୁ ସିସୁର୍ ଉର୍‌କ୍‌ସି ସର୍‌ହାର୍।

*ବାଇବଲ ଦି ଉଣ୍ତ୍ରେ କାତାନି ମାଥିଉ ୨୬;୧୪-୫୬; ମାର୍କ ୧୪:୧୦-୫୦; ଲୂକ ୨୨:୧-୫୩; ଯୋହନ ୧୨:୬ ;୧୮:୧-୧୧*

## 39. ୩୯. ଯିଶୁଦି ମୁସ୍‌କୁ ବିଚାର୍ କିତାର୍‌

https://openbiblestories.org/l/pci/story-39/

![](https://cdn.door43.org/obs/jpg/360px/obs-en-39-01.jpg)

ଇଏଲ୍‌ ଇକା ମାଜେର୍ ନାଡା ମାର୍‌ହାତ୍। ଆୟା ସେନାର୍ ଯିଶୁଦିଙ୍ଗ୍ ପେରି ଯାଜକରି ଇଲୁଦୁ ଅତାର୍, ମାତର୍ ୱାଣ୍ଡ୍ରୁ ଯିଶୁଦିଙ୍ଗ୍ ମାଟା ୱନ୍‌ବାଦେଙ୍ଗ୍ ମାନ୍‌ସୁ କିଜିମାର୍‌ହାନ୍। ପିତର ଆକଣାନ୍‌ ୱାରି ୱାଲେ ୱାଲେ ସନ୍‌ସି ମାର୍‌ହାନ୍। ଏସ୍ତିୱାଲେ ସେନାର୍ ଯିଶୁଦିଙ୍ଗ୍ ଇଲୁଦୁ ଅତାର୍, ଆଦେଙ୍ଗେ ପିତର ଡ଼େୱାଦୁ ମାନ୍‌ଜି ସିସୁ କାଇଜି ମାର୍‌ହାନ୍।

![](https://cdn.door43.org/obs/jpg/360px/obs-en-39-02.jpg)

ଇଲୁ ଲୋଇ, ଯିହୁଦି ନେତାର୍ ଯିଶୁଦିଙ୍ଗ୍ ବିଚାର୍ କିତାମାର୍‌ହାର୍। ୱାରୁ ୱାନି ବିଷୟଦିଙ୍ଗ୍ ମିଛ ମାଟା ୱେର୍‌ନିୱାନ୍ଦିଙ୍ଗ୍‌ ନାଣ୍ଡୋ ମିଛ୍ ସାକି ତାତାର୍। ମାତର, ୱାରି ମାଟା ୱାରି-ୱାରି ୱାଲେ ଉଣ୍ଡ୍ରେ ସମାନ୍ ସିଲେଣ୍ଡା ମାର୍‌ହାତ୍, ଇୟାୱାନ୍‌ଦିଙ୍ଗ୍‌ ଯିହୁଦି ନେତାର୍ ୱାଣ୍ଡ୍ରୁ ଦସି ଇଜି ପର୍‌ମାନ୍ କିଦେଙ୍ଗ୍ ଆଟ୍‌ଏତାର୍। ଯିଶୁ ଇନିକା ୱେର୍‌ଏତାନ୍‌।

![](https://cdn.door43.org/obs/jpg/360px/obs-en-39-03.jpg)

ୱେନ୍‌କା, ପେରି ଯାଜକ ଯିଶୁଦିଙ୍ଗ୍ ତିନାଙ୍ଗାଁ ସୁଡ଼୍‌ଜି ୱେହ୍‌ତାନ୍, “ମାଙ୍ଗିଁ ୱେହ୍‌ଆ, ଇନିକା ନିନୁ ଜିଉତି ମାପ୍‌ରୁଦି ମାରିନ୍ କ୍ରିଷ୍ଟ ନା?”

![](https://cdn.door43.org/obs/jpg/360px/obs-en-39-04.jpg)

ଯିଶୁ ୱେର୍‌ତାନ୍,“ହଁ ନାନୁ, ମାରି ମିରୁ ନାଙ୍ଗିଁ ମାପ୍‌ରୁଦି ୱାଲେ ବାସ୍‌ନି ମାନ୍‌ଜିନିକା ମାରି ସାରଗ୍‌ଦୁ ୱାନିକାବା ସୁଡ୍‌ନିଦେର୍।” ପେରି ଯାଜକ ନିଜେଦି ସକା କିସ୍‌ତାନ୍ ମାତର୍‌ ଯିଶୁଦି ଏମେ ମାଟ ୱେର୍‌ତାମାର୍‌ହାନ୍ ଆୟାୱାନ୍ଦିଙ୍ଗ୍ ୱାଣ୍ଡ୍ରୁ କାକା ଆତାମାର୍‌ହାନ୍। ୱାଣ୍ଡ୍ରୁ ଆଇ ନେତାରିଙ୍ଗ୍ ଆଉଲି ଆଜି ୱେହ୍‌ତାନ୍, “ଇୟାଲୋକୁ ଇନିକା କିତାମାନାନ୍ ଆକା ୱେହ୍‌ନି ୱାନ୍ଦିଙ୍ଗ୍ ମାଙ୍ଗିଁ ଆଇମାରି ସାକିରିଙ୍ଗ୍‌ ଦର୍‌କାର୍ ସିଲେ! ମିରୁ ନିଜେ ଇକା ୱେର୍‌ନିକା ୱେର୍‌ଇଦେର୍‌ ଗାନି ୱାଣ୍ଡ୍ରୁ ମାପ୍‌ରୁ ଦି ମାରିନ୍। ୱାନି ୱାନ୍ଦିଙ୍ଗ୍ ନି ନିସ୍ପତି ଇନିକା।

![](https://cdn.door43.org/obs/jpg/360px/obs-en-39-05.jpg)

ଯିହୁଦି ନେତାର୍ ୱିଜେରେ ପେରି ଯାଜକଦିଙ୍ଗ୍ ଉତର୍‌ ସିତାର, “ୱାଣ୍ଡ୍ରୁ ସାଦେଙ୍ଗ୍ ଜଗ୍!” ଦାନିୱେନ୍‌କା ଯିଶୁଦିଙ୍ଗ୍ କାଣ୍‌କାଦୁ ତହ୍‌ତାର୍, ୱାନିମୁସ୍‌କୁ ପୁସ୍‌ତାର୍, ୱାନିଙ୍ଗ୍ ଢେଇତାର୍, ମାରି ୱାନିଙ୍ଗ୍ ସେମାର୍ କିତାର୍।

![](https://cdn.door43.org/obs/jpg/360px/obs-en-39-06.jpg)

ମାରି ପିତର, ନାସ୍ତିୱାଲେ ୱାଣ୍ଡ୍ରୁ ଇଲୁ ଡେୱାଦୁ କାପ୍‌କିତା ମାର୍‌ହାନ୍। ଏସ୍ତିୱାଲେ ଅରେତ୍ ଦାସି ୱାନିଙ୍ଗ୍ ସୁଡ୍‌ତାତ୍। ଆକାତ୍ ୱାନିଙ୍ଗ୍ ୱେହ୍‌ତାତ୍, ନିନୁବା ଯିଶୁଦି ୱାଲେ ମାହି! ପିତର୍ ଦେନିଙ୍ଗ୍ ନେସ୍‌ଏ ଇର୍‌ହାନ୍। ୱେନ୍‌କା, ଆଇ ଅରେଦ୍ ଆଇଲିବା ସମାନ୍ ମାଟା ୱେର୍‌ତାତ୍‌, ମାରି ପିତର୍ ମାରିଢେସି ନେସ୍‌ଏ ଇହାନ୍। ୱେନ୍‌କା ଏସୋ ଲୋକୁ ୱେର୍‌ତାର୍, “ମାପୁ ନେସ୍‌ନାପ୍ ଗାନି ନିନୁ ଯିଶୁଦି ୱାଲେ ମାର୍‌ହି ମାତର୍ ମିରୁ ରିଇଦେର୍ ଗାଲିଲିତିକିଦେର୍।

![](https://cdn.door43.org/obs/jpg/360px/obs-en-39-07.jpg)

ଦାନିୱେନ୍‌କା ପିତର ୱେହ୍‌ତାନ୍, “ଜଦି ନାନୁ ଇୟା ଲୋକାଙ୍ଗ୍ ନେସ୍‌ନାନ୍ ମାରି ମାପ୍‌ରୁ ନାଙ୍ଗିଁ ଆନାଦୁରିଆ ସିପିନ୍!” ପିତର ଇୟାୱାଜା ପାର୍‌ମାଣାମ୍ କିନି ୱେନ୍‌କା ଦାପେ-ଦାପେ ଉଣ୍ତ୍ରେ କୋରୁ କେରେତାତ୍। ଯିଶୁ ମାର୍‌ଜି ପିତର ତୋର୍‌ନ ସୁଡ୍‌ତାନ୍।

![](https://cdn.door43.org/obs/jpg/360px/obs-en-39-08.jpg)

ପିତର ଆବେଣାନ୍ ସନ୍‌ସି ଡ଼େଢ୍‌ସି-ଡ଼େଢ୍‌ସି ଆଡ୍‌ବାତାନ୍‌। ଆୟା ୱେଡାଦୁ, ଯିଶୁଦିଙ୍ଗ୍ ଆସ୍‌ପିସ୍‌ତାନ୍ ଯିହୁଦା ସୁଡ଼୍‌ତାନ୍ ଗାନି ଯିହୁଦି ନେତାର୍ ଯିଶୁଦିଙ୍ଗ୍ ସାନିଡଣ୍ତୋ୍ ସିଜିନାର୍‌। ଯିହୁଦା ନାଣ୍ଡୋ ଦୁକାମ୍‌ଆଜି ସନ୍‌ସି ନିଜେ ପାସିଆଜି ସାତାନ୍।

![](https://cdn.door43.org/obs/jpg/360px/obs-en-39-09.jpg)

ଇଏଲ୍ ପିଲାତ ଯିହୁଦାଦି ଗବର୍‌ନର୍‌ ମାର୍‌ହାନ୍। ୱାଣ୍ଡ୍ରୁ ରୋମଦେଶେମ୍‌ ୱାନ୍ଦିଙ୍ଗ୍ ପାଣି କିଜିମାର୍‌ହାନ୍। ଯିହୁଦି ନେତାର୍ ଯିଶୁଦିଙ୍ଗ୍ ୱାନି ଡାଗ୍‌ରୁ ତାତାର୍। ୱାରୁ ମାନ୍‌ସୁ କିଜିମାର୍‌ହାର୍ ଗାନି ପିଲାତ ଯିଶୁଦିଙ୍ଗ୍ ସାନିଦଣ୍ଡ ସିଜି ୱାନିଙ୍ଗ୍ ସାଗୁମାର୍‌ଗା ଢେଇନ୍‌। ପିଲାତ ଯିଶୁଦିଙ୍ଗ୍ ୱେନ୍‌ବାତାନ୍, “ଇନିକା ନିନୁ ଯିହୁଦିରି ରାଜା ନା?”

![](https://cdn.door43.org/obs/jpg/360px/obs-en-39-10.jpg)

ଯିଶୁ ଉତର୍ ସିତାନ୍, “ନିନୁ ସତ୍ ୱେର୍‌ତିମାନି। ମାତର୍ ନା ରାଜି ପୁର୍‌ତିବିଦୁ ସିଲେତ୍‌। ଜଦି ଆତାତ୍ ଆଦେଙ୍ଗେଁ, ନା ସେବକର୍ ନା ୱାନ୍ଦିଙ୍ଗ୍‌ ଯୁଦ୍ଦ୍ କିତାର୍‌ମାରି। ନାନୁ ମାପ୍‌ରୁଦି ମାଟାଦାନ୍ ନିକାମେ ୱେର୍‌ନି ୱାନ୍ଦିଙ୍ଗ୍ ପୁର୍‌ତିବିଦୁ ୱାତାମାନା। ଏମେକାର୍ ସତ୍‌ଦିଙ୍ଗ୍ ଜିଉ ନୋନାର୍, ଆକାର୍ ନା ମାଟା ୱେନାର୍।” ପିଲାତ ୱେନ୍‌ବାତାନ୍, “ ଆଦେଙ୍ଗେ ନିକାମ୍ ଇନିକା?”

![](https://cdn.door43.org/obs/jpg/360px/obs-en-39-11.jpg)

ଯିଶୁଦି ୱାଲେ ମାଟାୱାର୍‌ଗିନି ୱେନ୍‌କା, ପିଲାତ ଲୋକା ଡାଗ୍‌ରୁ ସନ୍‌ସି ୱେର୍‌ତାନ୍, “ନାନୁ ଇନିକା ଦୋସ୍ ରେବାଜି ଆଟ୍‌ଏନ୍‌ ଗାନି ଇୟା ଲୋକୁ ସାଦେଙ୍ଗ୍ ଜଗ୍।” ମାରି ଯିହୁଦି ନେତା ମାରି ଲୋକୁ ଆଉଲି ଆଜି ୱେର୍‌ତାର୍, “ୱାନିଙ୍ଗ୍ କ୍ରୁଶଦୁ ଏକିସ୍‌ତୁ!” ପିଲାତ ଉତର୍ ସିତାନ୍, “ ଆକାନ୍ ଇନିକା ବୁଲ୍ କିଏନ୍ ମାରି ଦୋସି ଆଏନ୍।” ମାରି ୱାରୁ ମାରି ନାଣ୍ତୋ ଆଉଲି ଆତାର୍। ଇୟାୱେନ୍‌କା ପିଲାତ ମୁଣ୍ତ୍ରିଜାରିଙ୍ଗ୍ ୱେର୍‌ତାନ୍, “ଆକାନ୍ ଦୋସି ସିଲେନ୍।”

![](https://cdn.door43.org/obs/jpg/360px/obs-en-39-12.jpg)

ପିଲାତ ତିଏଲାତାନ୍ ଗାନି ଆୟା ଲୋକୁଗୋଲି ଗଣ୍ତ୍‌ଗଲ୍ ଆରାମ୍ କିନାର୍‌, ଇୟାୱାନ୍ଦିଙ୍ଗ୍ ୱାଣ୍ଡ୍ରୁ ୱାନି ସେନାରିୱାଲେ ଯିଶୁଦିଙ୍ଗ୍ କ୍ରୁଶଦୁ ଏକିସ୍‌ତେଙ୍ଗ୍ ରାଜି ଆତାନ୍। ରୋମ୍ ଦେଶେମ୍‌ତି ସେନାର୍ ଯିଶୁଦିଙ୍ଗ୍ କର୍‌ଡ଼ା ଡ଼େଇତାର୍ ମାରି ୱାନି ମୁସ୍‌କୁ ଉଣ୍ତ୍ରେ ରାଜାରି ସୋକା ମାରି ସାପ୍‌କାଣାନ୍ ତିଆର୍ ଆତିମାହି ମୁକୁଟ୍ ଆର୍‌ପିସ୍ତାର୍। ଇୟା ୱେନ୍‌କା ୱାରୁ ୱାନିଙ୍ଗ୍ ସେମାର୍ କିଜି ୱେର୍‌ତାର୍, “ସୁଡ଼୍‌ଦୁ, ଯିହୁଦୀରି ରାଜା!”

*ମାଥିଉ ୨୬:୫୭-୨୭:୨୬; ମାର୍କ ୧୪:୫୩-୧୫:୧୫; ଲୁକ ୨୨:୫୪-୨୩:୨୫; ଯୋହନ ୧୮:୧୨-୧୯:୧୬ ବାଇବଲଦି ଉଣ୍ଡ୍ରେ କାତାନି*

## 40. ୪୦. ଯିଶୁଦିଙ୍ଗ୍ କ୍ରୁଶଦୁ ଏକିସ୍‌ତାର୍‌

https://openbiblestories.org/l/pci/story-40/

![](https://cdn.door43.org/obs/jpg/360px/obs-en-40-01.jpg)

ଯିଶୁଦିଙ୍ଗ୍ ସେମାର୍‌କିତି ୱେନ୍‌କା, ସେନାର୍ ୱାନିଙ୍ଗ୍ କୁର୍‌ଶଦୁ ଏକିସ୍‌ତେଙ୍ଗ୍ ଅତାର୍। ୱାଣ୍ତ୍ରୁ ଆୟାକୁର୍‌ଶଦିଙ୍ଗ୍ ନିକ୍‌ତାନ୍ ଏମେବାନୁଗି ୱାଣ୍ତ୍ରୁ ସାଦେଙ୍ଗ୍‌ ମାର୍‌ହାତ୍‌।

![](https://cdn.door43.org/obs/jpg/360px/obs-en-40-02.jpg)

ଆୟା ସେନାର୍ ଯିଶୁଦିଙ୍ଗ୍ “ଗିଡ୍‌ଗି“ ୱେର୍‌ନି ବାଡିଦୁ ତାସି ୱାନିକିୟୁ ମାରି ପାଦାମ୍‌କାଙ୍ଗ୍ କୁର୍‌ଶଦୁ ଏକିସ୍‌ତାର୍। ମାତର୍ ଯିଶୁ ୱେର୍‌ତାନ୍, ଏ ବାବୁ, ୱାରିଙ୍ଗ୍ କ୍ଷମା କିଆ, ମାତର୍ ୱାରୁ ଇନିକା କିଜିନାର୍ ଆକା ନେସ୍‌ଏର୍।“ ୱାରୁ ୱିଜୁ ୱାନି ତାଲାମୁସ୍‌କୁ କୁର୍‌ଶଦି ମୁସ୍‌କୁ ଉଣ୍ତ୍ରେ ପାଟା ଡ଼େଇତା ମାର୍‌ହାର୍। ଇୟା ମୁସ୍‌କୁ ରାସାତାମାର୍‌ହାତ୍, “ଯିହୁଦୀରି ରାଜା।“ ପୀଲାତ ୱାନିଙ୍ଗ୍ ଇକା ରାସ୍‌ତେଙ୍ଗ୍ ୱେର୍‌ତାନ୍।

![](https://cdn.door43.org/obs/jpg/360px/obs-en-40-03.jpg)

ଇୟାୱେନ୍‌କା ସେନାର୍ ଯିଶୁଦି ସୋକା ୱାନ୍ଦିଙ୍ଗ୍‌ ସିଟିପୋକ୍‌ତାର୍। ଏସ୍ତିୱାଲେ ୱାରୁ ଇୟାୱାଜା କିତାର୍, ଭବିଷ୍ୟତ ବାଣୀଦିଙ୍ଗ୍ ପୁରା କିତାନ୍‌, ଏମେବାଣାନ୍‌ଗି ୱେହ୍‌ତାମାର୍‌ହାର୍, “ୱାଣ୍ତ୍ରୁ ନା ସୋକାଦିଙ୍ଗ୍‌ ନିଜେ ଡାଗ୍‌ରୁ ବାଟାକିତାର୍‌, ମାରି ନା ସୋକା ୱାନ୍ଦିଙ୍ଗ୍ ସିଟି ପୋକ୍‌ତାର୍।”

![](https://cdn.door43.org/obs/jpg/360px/obs-en-40-04.jpg)

ଆବେନୁ ରିଏର୍ ଡାକୁର୍ ବା ମାର୍‌ହାର୍, ଏମେୱାନିଙ୍ଗ୍ ଗି ସେନାର୍ ଆୟାୱେଡ଼ାଦୁ କୁର୍‌ଶଦୁ ଏକିସ୍‌ତା ମାର୍‌ହାର୍‌। ୱାଣ୍ତ୍ରୁ ୱାରିଙ୍ଗ୍ ଯିଶୁଦି ରିୟାଙ୍ଗାଁ କ୍ରୁଶଦୁ ଏକିସ୍‌ତା ମାର୍‌ହାର୍‌। ଡାକୁରି ବାଣାନ୍ ଅରେନ୍ ଯିଶୁଦିଙ୍ଗ୍ ସେମାର୍ କିତାନ୍, ମାତର୍‌ ଆଇକାନ୍‌ ଅରେନ୍ ୱେର୍‌ତାନ୍, “ନିନୁ ଇନିଦାନିଙ୍ଗ୍ ତିଲାଇ ନା ମାପ୍‌ରୁ ନିଙ୍ଗିଁ ଡଣ୍ତ ସିନାନ୍‌? ମାପୁ ନାଣ୍ତୋ ସେଇପାଣି କିନିୱାନ୍ଦିଙ୍ଗ୍‌ ଦସି ଆତାପ୍‌, ମାତର୍‌ ଇୟା ଲୋକୁ ତୋ ଦସି ସିଲିକାନ୍‌।” ଦାନିୱେନ୍‌କା ୱାଣ୍ତ୍ରୁ ଯିଶୁଦିଙ୍ଗ୍ ୱେର୍‌ତାନ୍, “ଏସେଙ୍ଗ୍ ନି ଶାସନ୍ ୱାନାତ୍‌, ଦୟାକିଜି ନାଙ୍ଗିଁ ଅଡ଼୍‌ବିଆ।” ଯିଶୁ ଉତର୍ ସିତାନ୍‌, ନେରୁ ମିରୁ ନା ୱାଲେ ସର୍‌ଗଦୁ ମାନ୍‌ଜିନି।

![](https://cdn.door43.org/obs/jpg/360px/obs-en-40-05.jpg)

ଦାନିୱେନ୍‌କା ଯିହୁଦୀ ନେତାର୍ ମାରି ଆଇକାର୍ ଯିଶୁଦିଙ୍ଗ୍ ସେମାର୍ କିଦେଙ୍ଗ୍ ଆସ୍‌ତାର୍, ୱାନିଙ୍ଗ୍ ୱେର୍‌ତାର୍, “ଜଦି ନିନୁ ମାପ୍‌ରୁଦି ମାରିନ୍‌, ଆହୁଇହିଙ୍ଗାଁ ନିନୁ କ୍ରୁଶଦାନ୍‌ ରେସିରାଆ ମାରି ନିଜେ ନିଜେଦିଙ୍ଗ୍ ରକିୟା କିଆ! ମାରି ଦାନିୱେନ୍‌କା ମାପୁ ନି ମୁସ୍‌କୁ ବିସ୍‌ବାସ୍ କିନାପ୍।”

![](https://cdn.door43.org/obs/jpg/360px/obs-en-40-06.jpg)

ମାଦ୍‌ଲାମି ଆତିମାର୍‌ହି ୱେନ୍‌କା ଆୟାୱାଲେ ଆୟା ଦେସେମ୍‌ଦି ୱିଜୁବାଦଡ଼୍‌ ପୁରା ସିକାଟି ଆତାତ୍‌, ମାରି ରୁଣ୍ତି ଗାଣ୍ଟା ୱେଡ଼ାଦୁ ସିକାଟି ମାର୍‌ହାତ୍ ମାରି ମୁଣ୍ତ୍ରିଗାଣ୍ଟାସାନ୍ଦି ଆୟାୱାଜା ନେ ମାର୍‌ହାତ୍।

![](https://cdn.door43.org/obs/jpg/360px/obs-en-40-07.jpg)

ଦାନିୱେନ୍‌କା ଯିଶୁ ସେଉଡୁ ଆଜି ୱେର୍‌ତାନ୍, “ଇକା ୱିଜିତାତ୍! ଏ ବୁବା, ନାନୁ ନା ଜିଉଦିଙ୍ଗ୍ ନି କିୟୁଦୁ ସିଜିନା।” ଦାନିୱେନ୍‌କା ୱାଣ୍ତ୍ରୁ ୱାନି ତାଲାପାଡ଼୍‌କ୍‌ସି ମାରି ନିଜେଦି ଜିଉଦିଙ୍ଗ୍ ସିତାନ୍। ଏସ୍ତିୱାଲେ ୱାଣ୍ତ୍ରୁ ସାତାନ୍ ଆୟାୱାଲେ ଉଣ୍ତ୍ରେ ବୁମି କାଦ୍‌ଲିତାତ୍‌। ମନ୍ଦିର୍‌ଦୁ ମାନ୍‌ଜି ଆୟା ପେରି ପାର୍‌ଦା ଏମେକାଗି ମାପ୍‌ରୁଦି ମାନ୍‌ଜିନି ବାଡୁଦାନ୍ ଲୋକାଙ୍ଗ୍ ୱେହେ କିଜିମାର୍‌ହାତ୍ ଆକା ମୁସ୍‌କୁହାନ୍‌ ସାଲୁ ସାନ୍ଦି ରୁଣ୍ତି ବାଗ୍ ଆତାତ୍‌।

![](https://cdn.door43.org/obs/jpg/360px/obs-en-40-08.jpg)

ୱାନି ସାତିବାଣାନ୍, ଯିଶୁ ଲୋକାଙ୍ଗ୍ ମାପ୍‌ରୁଦି ଡାଗ୍‌ରୁ ୱାନିୱାନ୍ଦିଙ୍ଗ୍ ସାରି ରେତାମାର୍‌ହାର୍। ନାସ୍ତିୱାଲେ ଯିଶୁଦିଙ୍ଗ୍ ସୁଡ଼୍‌ଜିମାହି ଅରେନ୍ ସେନା ଏମେକା ୱିଜୁ ଗଟ୍‌ନା ଗଟେଆତିମାହିକା ସୁଡ଼୍‌ଜି ୱାଣ୍ତ୍ରୁ ୱେର୍‌ତାନ୍, “ନିକାମେ ନେ, ଇୟା ଲୋକୁ ଦସି ସିଲେଣ୍ତା ମାହାନ୍। ଇକାନ୍ ମାପ୍‌ରୁଦି ମାରିନ୍ ମାର୍‌ହାନ୍‌।”

![](https://cdn.door43.org/obs/jpg/360px/obs-en-40-09.jpg)

ମାରି ଯୋଶେଫ ମାରି ନିକଦିମସ୍ ଦରୁଦି ରିଏର୍ ଯିହୁଦୀ ୱାତାର୍। ୱାରୁ ବିସ୍‌ବାସ୍ କିଜିମାହାର୍ ଜେ ଯିଶୁ ଆଜିନାନ୍ ଖ୍ରୀଷ୍ଟ। ୱାରୁ ପୀଲାତଦିଙ୍ଗ୍ ଯିଶୁଦି ମେନ୍ଦଲ୍‌ଦିଙ୍ଗ୍‌ ଲସ୍‌ତାର୍। ୱାଣ୍ତ୍ରୁ ୱାନି ମେନ୍ଦଲ୍‌ଦିଙ୍ଗ୍ ପାସ୍‌ସିୟା ପିଡ଼୍‌କ୍‌ତାର୍। ଦାନିୱେନ୍‌କା ୱାରୁ ୱାନିଙ୍ଗ୍ ଉଣ୍ତ୍ରେ କାଲୁ ପରାଲୋଇ ଅତାର୍ ମାରି ଆବେନୁ ଇଟ୍‌ତାର୍। ଦାନିୱେନ୍‌କା ୱାଣ୍ତ୍ରୁ ଆୟା ଦୁକିଦି ସେହ୍‌ଲାକେହ୍‌ନି ୱାନ୍ଦିଙ୍ଗ୍ ଉଣ୍ତ୍ରେ ପେରି କାଲୁ ଗୁର୍‌ପୁତାର୍‌।

*ମାଥିଉ ୨୭:୨୭-୬୧; ମାର୍କ ୧୫:୧୬-୪୭; ଲୂକ ୨୩:୨୬-୫୬; ଯୋହନ ୧୯:୧୭-୪୨ ଦି ଉଣ୍ତ୍ରେ ବାଇବଲ ଦି କାତାନି*

## 41. ୪୧. ମାପ୍‌ରୁ ଯିଶୁଦିଙ୍ଗ୍ ସାତିବାଣାନ୍ ମାରିଡ଼େସି ନିକ୍‌ତାନ୍‌

https://openbiblestories.org/l/pci/story-41/

![](https://cdn.door43.org/obs/jpg/360px/obs-en-41-01.jpg)

ସେନାର୍ ଯିଶୁଦିଙ୍ଗ୍ କୁର୍‌ଶଦୁ ଏକିସ୍‌ତି ୱେନ୍‌କା, ଯିହୁଦୀ ନେତାର୍ ପିଲାତଦିଙ୍ଗ୍ ୱେର୍‌ତାର୍, “ଆୟା ବାଣ୍ତିସ୍‌ନି, ଯିଶୁ ୱେର୍‌ତାମାର୍‌ହାନ୍ ଜେ ୱାଣ୍ତ୍ରୁ ମୁଣ୍ତ୍ରିଦିନା ୱେନ୍‌କା ସାତିବାଣାନ୍ ମାରିଡ଼େସି ନିଙ୍ଗ୍‌ନାନ୍‌। ୱାନି ମେନ୍ଦଲ୍‌ଦିଙ୍ଗ୍ ୱାନି ସିସୁର୍ ଡଙ୍ଗାଁକିଜି ଅଇୱାନ୍ଦିଙ୍ଗ୍ ଗୁଟାଦୁ କାପ୍‌କିବିସ୍‌ତେଙ୍ଗ୍ ନିକାମେନେ ଦର୍‌କାର୍। ଜଦି ଆୟାୱାଜା କିତାର୍‌ ଆହିଙ୍ଗାଁ ୱାରୁ ୱେର୍‌ନାର ୱାଣ୍ତ୍ରୁ ସାଜି ମାରିଡ଼େସି ନିଙ୍ଗିଁତା ମାନାନ୍।”

![](https://cdn.door43.org/obs/jpg/360px/obs-en-41-02.jpg)

ପିଲାତ ୱେର୍‌ତାନ୍, “ଏସୋ ସେନାରିଙ୍ଗ୍‌ ଅତୁ ମାରି ମିରୁ ଏଣ୍ତେସ୍ ଆଟ୍‌ନିଦେର୍ ଆୟାୱାଜା କାପ୍‌କିବିସ୍‌ତୁ।” ଆୟାୱାନ୍ଦିଙ୍ଗ୍ ୱାରୁ ଗୁଟାତି ଡ଼ୁଗ୍‌ନି ଦୁୱାର୍‌ତି କାଲୁଦିଙ୍ଗ୍ ତାଲାମ୍ ଆର୍‌ପ୍‌ତାର୍। ୱାରୁ ଯିଶୁଦି ମେନ୍ଦଲ୍ ଏୟେର୍ ଡଙ୍ଗାକିଜି ଅଇୱାନ୍ଦିଙ୍ଗ୍ ସେନାରିଙ୍ଗ୍ କାପ୍‌କିବିସ୍‌ତାର୍।

![](https://cdn.door43.org/obs/jpg/360px/obs-en-41-03.jpg)

ଯିଶୁଦି ସାତି ୱେନ୍‌କାହି ଦିନାମ୍ ଆଦିୱାର୍ ମାହାତ୍‌। ଆଦିୱାର୍ ଦିନାମ୍‌ଦୁ ଏୟେର୍‌ବା ପାଣି କିଏଜିମାର୍‌ହାର୍‌, ଆୟାୱାନ୍ଦିଙ୍ଗ୍‌ ଯିଶୁଦି ଏମେ ତଡ଼ୁର୍‌ ଗୁଟାଦୁ ରେଏଣ୍ତାମାର୍‌ହାର୍‌। ମାତର୍ ଆଦିୱାର୍‌ତି ୱେନ୍‌କାହି ଦିନାମ୍ ନାଣ୍ତୋସାଲ୍‌ଦି ଏସୋ ଆଇଲିକଡ଼କ୍‌ ଯିଶୁଦି ଦୁକି ଡାଗ୍‌ରୁ ସନ୍‌ଣ୍ତ୍ରେଙ୍ଗ୍ ତିଆର୍ ଆତେ। ଆୱିକ୍‌ ୱାନି ମେନ୍ଦଲ୍‌ଦୁ ନିୟୁ ଉସୁତେଙ୍ଗ୍ ମାନ୍‌ସୁ କିଜିମାର୍‌ଏ।

![](https://cdn.door43.org/obs/jpg/360px/obs-en-41-04.jpg)

ଆୟା ଆଇଲିକଡ଼କ୍‌ ସନି ଆଗ୍‌ଡ଼ି, ଦୁକି ଡାଗ୍‌ରୁ ଉଣ୍ତ୍ରେ ପେରି ବୁମିକମ୍ପ ଆତାତ୍‌। ସର୍‌ଗଦାନ୍ ଅରେନ୍ ଦୁତ୍ ୱାଜି ଗୁଟାଦୁ ଡ଼ୁଗ୍‌ନି ଦୁୱାର୍‌ଦୁ କେହ୍‌ସିମାହି କାଲୁଦିଙ୍ଗ୍ ଗୁରୁପ୍‌ସି ଦାନିମୁସ୍‌କୁ ବାସ୍‌ତାମାର୍‌ହାନ୍‌। ଆୟା ସରଗ୍‌ଦୁତ୍ ଜାଇଆଜି ତର୍‌ଜିମାର୍‌ହାତ୍। ଦୁକିଦୁମାନି ସେନାର୍ ୱାନିଙ୍ଗ୍ ସୁଡ଼୍‌ତାର୍। ୱାରୁ ଇୟାୱାଜା ତିଳାତା ମାହାର୍ ଜେ ସାତିୱାଜା ଆଜି ବୁମିଦୁ ଆର୍‌ତାମାର୍‌ହାର୍‌।

![](https://cdn.door43.org/obs/jpg/360px/obs-en-41-05.jpg)

ଏସ୍ତିୱାଲେ ଆୟା ଆଇଲିକଡ଼କ୍‌ ଗୁଟାଦୁ ଇତେ, ମାରି ସର୍‌ଗଦୁତ୍ ୱାନ୍‌କାଙ୍ଗ୍ ୱେର୍‌ତାନ୍, “ତିଲାମାଟ୍। ଯିଶୁ ଇବେନୁ ସିଲେନ୍। ୱାଣ୍ତ୍ରୁ ସାତିବାଣାନ୍ ମାରିଢ଼େସି ନିଙ୍ଗିଁତା ମାନାନ୍, ଏମେୱାଜାଗି ୱେହ୍‌ତାମାହାନ୍ ୱାଣ୍ତ୍ରୁ ମାରିଢ଼େସି ନିଙ୍ଗିଁନା! ଇବେନୁ ସନ୍‌ଡ୍ରୁ ରେବାଜି ସୁଡ଼୍‌ଦୁ।” ଆୟା ଆଇଲିକଡ଼କ୍‌ ଗୁଟାଲୋଇ ସନ୍‌ସି ରେବାତେ ମାରି ଯିଶୁଦି ସାତିମେନ୍ଦଲ୍ ଏମେବାନୁ ଇଟ୍‌ତାମାର୍‌ହାର୍ ମାରି ସୁଡ଼୍‌ତେ ଜେ ୱାନିମେନ୍ଦଲ୍ ଆବେନୁ ସିଲେତ୍।

![](https://cdn.door43.org/obs/jpg/360px/obs-en-41-06.jpg)

ଦାନିୱେନ୍‌କା ଆୟାସର୍‌ଗଦୁତ୍ ଆଇଲିକଡ଼କାଙ୍ଗ୍‌ ୱେର୍‌ତାନ୍‌, “ସନ୍‌ସି ୱାନିଙ୍ଗ୍ ସିସୁରିଙ୍ଗ୍ ୱେର୍‌ତୁ, ‘ଯିଶୁ ସାତିବାଣାନ୍ ମାରିଢ଼େସି ନିଙ୍ଗିଁତାମାନାନ୍ ମାରି ମି ଆଗ୍‌ଡ଼ି ଗାଲିଲିଦୁ ସନ୍‌ସିନାନ୍‌।’”

![](https://cdn.door43.org/obs/jpg/360px/obs-en-41-07.jpg)

ଆୟା ଆଇଲିକଡ଼ କାବାଆଜି ମାରି ନାଣ୍ତୋ ସାର୍‌ଦାଆତେ। ଆୱିକ୍ ସିସୁରିଙ୍ଗ୍ ଇୟା ନେଗିକାବୁର୍‌ ୱେନିସ୍‌ତେଙ୍ଗ୍‌ ଉରୁକ୍‌ସି ସଏ।

![](https://cdn.door43.org/obs/jpg/360px/obs-en-41-08.jpg)

ଏସ୍ତିୱାଲେ ଆୟା ଆଇଲିକଡ଼କ୍‌ ସିସୁରିଙ୍ଗ୍ ଇୟା ନେଗିକାବୁର୍ ୱେର୍‌ତେଙ୍ଗ୍ ସନ୍‌ସିମାର୍‌ଏ, ନାସ୍ତିୱାଲେ ଯିଶୁ ୱାନ୍‌କାଙ୍ଗ୍ ତରାତାନ୍ ଆୱିକ୍‌ ୱାନି ପାଦାମ୍ ସାଲୁ ପାଡ଼୍‌ଗିତେ। ଦାନିୱେନ୍‌କା ଯିଶୁ ୱେର୍‌ତାନ୍, “ତିଲାମାଟ୍। ସନ୍‌ସି ମାରି ନା ସିସୁରିଙ୍ଗ୍ ଗାଲିଲିଦୁ ସନ୍‌ଡ୍ରେଙ୍ଗ୍‌ ୱେହ୍‌ତୁ। ୱାରୁ ନାଙ୍ଗିଁ ଆବେନୁ ସୁଡ଼୍‌ନାର୍।”

*ମାଥିଉ ୨୭:୬୨-୨୮:୧୫; ମାର୍କ ୧୬:୧-୧୧; ଲୂକ ୨୪:୧-୧୨; ଯୋହନ ୨୦:୧ -୧୮ ଦି ଉଣ୍ତ୍ରେ ବାଇବଲ୍ ଦି କାତାନି*

## 42. ୪୨. ଯିଶୁ ସାର୍‌ଗିଦୁ ଡ଼େସିସର୍‌ହାନ୍‌

https://openbiblestories.org/l/pci/story-42/

![](https://cdn.door43.org/obs/jpg/360px/obs-en-42-01.jpg)

ଏମେ ଦିନାମ୍ ମାପ୍‌ରୁ ଯିଶୁଦିଙ୍ଗ୍ ସାତିବାଣାନ୍ ମାରିଡ଼େସି ନିକ୍‌ତାନ୍, ୱାନି ରିଏର୍ ସିସୁର୍ ଡାଗ୍‌ରୁହି ଉଣ୍ତ୍ରେ ନାଟ ସନ୍‌ସି ମାର୍‌ହାର୍। ୱାଣ୍ତ୍ରୁ ବୁଲାନିୱାଲେ ଯିଶୁଦି ୱାଲେ ଏମେକା ଗଟେଆତା ମାହାତ୍ ଆୟା ବିଷୟ୍‌ଦିଙ୍ଗ୍ ୱାର୍‌ଗିଜି ମାର୍‌ହାର୍, ୱାରୁ ଆସାକିଜି ମାର୍‌ହାର୍‌ ଜେ ୱାଣ୍ତ୍ରୁ କ୍ରିଷ୍ଟ, ମାତର୍ ଆତିଙ୍ଗାଁ ୱାନିଙ୍ଗ୍ ସାନିଡଣ୍ତ୍ ସିତାର୍। ଇଏଲ୍ ଆୟା ଆଇମେକ୍‌ ୱାର୍‌ଗିଜି ମାହେ ଜେ ୱାଣ୍ତ୍ରୁ ମାରି ଜିଉ ଆତାନ୍‌। ୱାରୁ ନେସ୍‌ତେଙ୍ଗ୍ ଆଟ୍‌ଏଜି ମାର୍‌ହାର୍ ଜେ ଏମେ ମାଟାଦିଙ୍ଗ୍ ବିସ୍‌ବାସ୍ କିଦେଙ୍ଗ୍‌।

![](https://cdn.door43.org/obs/jpg/360px/obs-en-42-02.jpg)

ଯିଶୁ ୱାରି ଡାଗ୍‌ରୁ ୱାଜି ୱାରି ୱାଲେ ବୁଲାଦେଙ୍ଗ୍ ଆସ୍‌ତାନ୍, ମାତର୍‌ ୱାରୁ ୱାନିଙ୍ଗ୍ ପଲିସ୍‌ତେଙ୍ଗ୍ ଆଟ୍‌ଏତାର୍। ୱାରୁ ଇନିକା ୱେହ୍‌ସିନାର୍ ଇଜି ୱାଣ୍ତ୍ରୁ ୱେନ୍‌ବାତାନ୍। ୱେନ୍‌କାହି ଦିନାମ୍‌ଦୁ ଯିଶୁଦି ୱାଲେ ଗଟେଆତି ୱିଜୁ ଗଟଣା ବିସୟ୍‌ଦିଙ୍ଗ୍ ୱାରୁ ୱାନି୍ଙ୍ଗ୍ ୱେହ୍‌ତାମାର୍‌ହାର୍। ୱାରୁ ଅଢ୍‌ବିତାର୍ ଜେ ୱାଣ୍ତ୍ରୁ ଆରେନ୍ ଆଇ ଦେସେମ୍‌ତି ୱାନିୱାଲେ ୱାର୍‌ଜି ମିଡିଜି ମାର୍‌ହାର୍ ଜେ ଯିରୁଶାଲାମ୍‌ଦୁ ଇନିକା ଗଟେଆତାତ୍ ଆକା ନେସ୍‌ଏଣ୍ତା ମାର୍‌ହାର୍‌।

![](https://cdn.door43.org/obs/jpg/360px/obs-en-42-03.jpg)

ଦାନିୱେନ୍‌କା ଯିଶୁ ୱାରିଙ୍ଗ୍ ବୁଜାକିତାନ୍ ଜେ ମାପ୍‌ରୁଦି ବାକ୍ୟ କ୍ରିଷ୍ଟଦି ବିସୟ୍‌ଦିଙ୍ଗ୍ ଇନିକା ୱେହ୍‌ସିନାତ୍। ପୁର୍‌ବାମ୍‌ଦୁ ବାବବାଦିର୍‌ ୱେର୍‌ତା ମାର୍‌ହାର୍ ଜେ ସେଇ ଲୋକୁ ଯିଶୁଦିଙ୍ଗ୍ କଷ୍ଟ ସିଜି ସାୟାମାର୍‌ଗା ଡେଇନାର୍। ମାରି ବାବବାଦିର୍ ଇକା ବା ୱେର୍‌ତାମାହାର୍ ଜେ ୱାଣ୍ତ୍ରୁ ମୁଣ୍ତ୍ରି ଦିନାମ୍‌ଦୁ ନିଙ୍ଗ୍ଁନାନ୍।

![](https://cdn.door43.org/obs/jpg/360px/obs-en-42-04.jpg)

ଏସ୍ତିୱାଲେ ୱାରୁ ଆୟା ଗଡ଼୍‌ଦୁ ଇତାର୍‌ ଏମେବାନୁଗି ରିଏର୍ ମାଣ୍ତ୍ରେଙ୍ଗ୍ ମାନ୍‌ସୁକିଜି ମାର୍‌ହାର୍, ନାସ୍ତିୱାଲେ ପାକାପାକି ମିଲିମିଲି ଆତାମାର୍‌ଆତ୍। ୱାରୁ ଯିଶୁଦିଙ୍ଗ୍ ୱାରିୱାଲେ ମାଣ୍ତ୍ରେଙ୍ଗ୍ କୁକ୍‌ତାର୍‌, ମାରି ୱାଣ୍ତ୍ରୁ ୱାରିୱାଲେ ଉଣ୍ତ୍ରେ ଇଲୁଦୁ ସର୍‌ହାର୍। ୱାରୁ ମିଲିମିଲି ଉଣ୍ତେଙ୍ଗ୍ ବାସ୍‌ତାର୍। ଯିଶୁ ଉଣ୍ତ୍ରେ ରୁଟି ଅସି, ଦାନିୱାନ୍ଦିଙ୍ଗ୍ ମାପ୍‌ରୁଦିଙ୍ଗ୍ ଦନ୍ୟବାଦ୍ ସିତାନ୍, ମାରି ଦାନିଙ୍ଗ୍‌ ରୁକ୍‌ତାନ୍। ଗାଦେମ୍ ୱାରୁ ନେସ୍‌ତାର୍ ଜେ ଇକାନ୍ ଆଜିନାନ୍ ଯିଶୁ। ମାରି ଆୟାୱେଡ଼ାଦୁ ୱାଣ୍ତ୍ରୁ ୱାରି ଏଦ୍‌ରୁହାଣ୍‌ ତର୍‌ଏଣ୍ତା ଆତାନ୍।

![](https://cdn.door43.org/obs/jpg/360px/obs-en-42-05.jpg)

ଆୟା ରିଏର୍ ୱାରିୱାରି ଲୋଇ ୱେର୍‌ତାର୍, “ୱାଣ୍ତ୍ରୁ ଯିଶୁ ମାର୍‌ହାନ୍! ଆୟାୱାନ୍ଦିଙ୍ଗ୍ ୱାଣ୍ତ୍ରୁ ଏସ୍ତିୱାଲେ ମାପ୍‌ରୁଦି ବାକ୍ୟଦିଙ୍ଗ୍‌ ବୁଜାକିତାନ୍, ନାସ୍ତିୱାଲ ମା ମାନ୍‌ସୁ ନାଣ୍ତୋ ସାର୍‌ଦା ଆଜିମାର୍‌ଆତ୍‌!” ଗାଜିବିଜି ୱାରୁ ଯିରୁଶାଲାମ୍‌ଦୁ ଢେସିସହାର୍। ଏସ୍ତିୱାଲେ ୱାରୁ ଇତିୱେନ୍‌କା ସିସୁରିଙ୍ଗ୍ ୱେର୍‌ତାର୍‌, “ଯିଶୁ ଜିଉ ମାନାନ୍! ମାପୁ ୱାନିଙ୍ଗ୍ ସୁଡ଼୍‌ତାପ୍!”

![](https://cdn.door43.org/obs/jpg/360px/obs-en-42-06.jpg)

ଏସ୍ତିୱାଲେ ସିସୁର୍ ୱାର୍‌ଗିଜି ମାର୍‌ହାର୍‌, ଯିଶୁ ଗାଦେମ୍ ୱାରିୱାଲେ ଆୟାଗୁଡ଼ାଦୁ ତରାୟ୍ ଆତାନ୍। ୱାଣ୍ତ୍ରୁ ୱେର୍‌ତାନ୍, ମି ୱାଲେ ଶାନ୍ତି ଆପିତ୍!” ସିସୁର୍ ଅଡ଼୍‌ବିତାର୍ ଜେ ୱାଣ୍ତ୍ରୁ ଆରେନ୍ ଦୁବା, ମାତର୍‌ ଯିଶୁ ୱେର୍‌ତାନ୍, ମିରୁ ଇନିଦାନିଙ୍ଗ୍ ତିଲାଜିନିଦେର୍? ନିନୁ ଇନିଦାନିଙ୍ଗ୍ ଅଡ଼୍‌ବିଇଦେର୍‌ ଜେ ଇକାନ୍ ନିକାମେ ଯିଶୁ ଇଜି? ନା କିୟୁ ମାରି ନା ପାଦାମ୍‌ଦିଙ୍ଗ୍‌ ସୁଡ଼୍‌ଦୁ। ଦୁବେଙ୍ଗାଁ ଇୟାୱାଜା ମେନ୍ଦଲ୍ ସିଲେତ୍‌। ଏଣ୍ତେସ୍‌ଗି ନା ଡାଗ୍‌ରୁ ମାନାତ୍। ୱାଣ୍ତ୍ରୁ ଦୁବା ଆଏନ୍‌ ଇଜି ତର୍‌ପ୍‌ତେଙ୍ଗ୍ ୱାଣ୍ତ୍ରୁ କାଣ୍ତେକ୍‌ ଉଣ୍ତେଙ୍ଗ୍ ଲସ୍‌ତାନ୍‌। ୱାରୁ ୱାରିଙ୍ଗ୍ ଉଣ୍ତ୍ରେ ମିନୁ କାଣ୍ତେକ୍ ସିତାର୍, ମାରି ୱାଣ୍ତ୍ରୁ ଆକା ତିହାନ୍।

![](https://cdn.door43.org/obs/jpg/360px/obs-en-42-07.jpg)

ଯିଶୁ ୱେର୍‌ତାନ୍, “ନା ବିଷୟ୍‌ଦାନ୍‌ ମାପ୍‌ରୁଦି ବାକ୍ୟ ଇନିକା ବା ୱେହ୍‌ନାତ୍ ଆକା ଗଟେଆନାତ୍। ନାନୁ ମିଙ୍ଗିଁ ୱେହ୍‌ତାମାହା ଜେ ଇକା ନିକାମେ ନେ ଗଟେଆନାତ୍।” ଦାନିୱେନ୍‌କା ଯିଶୁ ୱାରିଙ୍ଗ୍ ମାପ୍‌ରୁଦି ବାକ୍ୟ ନେଗେଣ୍ତ୍‌ଦାନ୍ ବୁଜାକିତାନ୍। ୱାଣ୍ତ୍ରୁ ୱେର୍‌ତାମାର୍‌ହାନ୍ ନାଣ୍ତୋ ଆଗ୍‌ଡ଼ି ବାବବାଦିର୍ ରାସ୍‌ତାମାର୍‌ହାର୍ ଜେ ନାଙ୍ଗିଁ, କ୍ରିଷ୍ଟ ଦୁକ୍‌ ପାଏଆଦେଙ୍ଗ୍ ମାନାତ୍‌, ମାରି ସାଦେଙ୍ଗ୍ ମାନତ୍ ମାରି ମୁଣ୍ତ୍ରି ଦିନାମ୍‌ଦୁ ମାରିଢେସି ନିଙ୍ଗ୍‌ନାନ୍‌।”

![](https://cdn.door43.org/obs/jpg/360px/obs-en-42-08.jpg)

ଆୟା ବାବବାଦିର୍ ଇକା ବା ରସ୍‌ତାମାହାର୍ ଜେ ନା ସିସୁର୍ ମାପ୍‌ରୁଦି ବାକ୍ୟ ୱେର୍‌ନାର୍। ୱାରୁ ୱିଜେରିଙ୍ଗ୍ ମନ୍‌ଦିଙ୍ଗ୍ ଡ଼େପ୍‌ତେଙ୍ଗ୍‌ ୱେର୍‌ନାର୍। ଜଦି ୱାରୁ ଇକା କିନାର୍ ମାରି ମାପ୍‌ରୁ ୱାରି ପାପାମ୍ କେମା କିନାନ୍। ନା ସିସୁର୍ ଯିରୁଶାଲାମ୍‌ଦାନ୍ ଇୟା ବାକ୍ୟ ପ୍ରଚାର୍ କିଦେଙ୍ଗ୍ ଆରାମ୍ କିନାର୍। ଦାନିୱେନ୍‌କା ୱାରୁ ୱିଜୁ ବାଡିଦୁ ମାରି ଜତିତି ଡାଗ୍‌ରୁ ସନାର୍। ମିରୁ ନା ୱିଜୁ ମାଟା ମାରି ୱିଜୁ ପାଣିଦି ସାକି ଆନାର୍‌, ଏମେକାଗି ୱେହ୍‌ତାମାହା ମାରି କିତାମାହା, ମାରି ଆୟାୱିଜୁ ବିଷୟ୍ ବା ଏମେକାଗି ନା ୱାଲେ ଆତାମାନାତ୍।”

![](https://cdn.door43.org/obs/jpg/360px/obs-en-42-09.jpg)

ମାରି ନାଲ୍‌ପାଇଦିନାମ୍‌ ୱେନ୍‌କା, ଯିଶୁ ନିଜେ ସିସୁରିଙ୍ଗ୍ ନାଣ୍ତୋ ଜାରିଙ୍ଗ୍ ତରାତାନ୍‌। ଅର୍‌ସୁ ୱଣ୍ତ୍ରୁ ଉଣ୍ତ୍ରେ ୱେଡ଼ାଦୁ ୫୦୦ ଦାନ୍ ନାଣ୍ତୋ ଲୋକାଙ୍ଗ୍ ତରାତାନ୍! ୱାଣ୍ତ୍ରୁ ଜିଉ ମାନାନ୍‌ଇଜି ନିଜେଦି ସିସୁରିଙ୍ଗ୍ ଆଇ-ଆଇ ୱାଜା ତରାତାନ୍। ମାରି ୱାଣ୍ତ୍ରୁ ୱାରିଙ୍ଗ୍ ମାପ୍‌ରୁଦି ରାଜି ବିଷୟ୍‌ଦାନ୍ ସିକିୟା ସିତାନ୍।

![](https://cdn.door43.org/obs/jpg/360px/obs-en-42-10.jpg)

ଯିଶୁ ନିଜେ ସିସୁରିଙ୍ଗ୍ ୱେର୍‌ତାନ୍, ମାପ୍‌ରୁ ନାଙ୍ଗିଁ ସାର୍‌ଗି ମାରି ପୁର୍‌ତିବିତି ୱିଜୁ ଲୋକା ମୁସ୍‌କୁ ସାସନ୍ କିଦେଙ୍ଗ୍ ଅଦିକାର୍ ସିତାମାନାନ୍। ଆୟାୱାନ୍ଦିଙ୍ଗ୍ ଇଏଲ୍ ନାନୁ ମିଙ୍ଗିଁ ୱେର୍‌ସିନା ସନ୍‌ଣ୍ତ୍ରୁ ମାରି ୱିଜୁ ଜାତିତି ଲୋକାଙ୍ଗ୍ ସିସୁର୍ କିଦୁ। ଇକା କିନି ୱାନ୍ଦିଙ୍ଗ୍ ମିରୁ ୱାରିଙ୍ଗ୍‌ ବୁବା ମାରିନ୍ ପବିତ୍ରାତ୍ମାଦୁ ଡୁବନ୍ ସିଦୁ।” ଏମେକା ନାନୁ ମିଙ୍ଗିଁ ଆଦେସ୍ ସିତାମାନା ଆୟାୱିଜୁ ଆଦେସ୍ ମାନାଦେଙ୍ଗ୍ ମାରି କିଦେଙ୍ଗ୍ ୱାରିଙ୍ଗ୍ ସିକିୟା ସିତାନ୍। ମାନ୍‌ସୁଦୁ ଇଡ୍‌ଦୁ ନାନୁ ୱିଜୁଦିନାମ୍ ମି ୱାଲେ ମାନ୍‌ଜିନା।”

![](https://cdn.door43.org/obs/jpg/360px/obs-en-42-11.jpg)

ଯିଶୁ ସାତିବାଣାନ୍ ମାରିଢେସି ନିଙ୍ଗ୍‌ଜି ଚାଲିସ୍ ଦିନାମ୍ ୱେନ୍‌କା, ୱାଣ୍ତ୍ରୁ ନିଜେ ସିସୁରିଙ୍ଗ୍ ୱେର୍‌ତାନ୍, ଏମେସାନ୍ଦି ନା ବୁବା ମିଙ୍ଗିଁ ସାକ୍‌ତି ସିଏନ୍ ଆୟା ସାନ୍ଦି ଯିରୁଶାଲାମ୍‌ଦୁ ମାନ୍‌ଣ୍ତ୍ରୁ। ୱାଣ୍ତ୍ରୁ ମି ମୁସ୍‌କୁ ପବିତ୍ରଆତ୍ମା ପକ୍‌ନିବାଣାନ୍‌ ଇକା କିନାନ୍।” ଦାନିୱେନ୍‌କା ଯିଶୁ ସାର୍‌ଗିଦୁ ସର୍‌ହାନ୍ ମାରି ଉଣ୍ତ୍ରେ ବାଦଡ଼୍‌ ୱାନିଙ୍ଗ୍ ୱାରି ଏଦ୍‌ରୁଆନ୍‌ ମାରାକ୍‌ସି ଇଟ୍‌ତାତ୍। ସାର୍‌ଗିଦୁ ଯିଶୁ ୱିଜୁ ବିଷୟ୍ ମୁସ୍‌କୁ ସାସନ୍ କିନିୱାନ୍ଦିଙ୍ଗ୍ ମାପ୍‌ରୁଦି ଉଣିତୋରନ୍ ବାସ୍‌ତାମାର୍‌ହାନ୍।

*ମଥିଉ ୨୮:୧୬-୨୦; ମାର୍କ ୧୬:୧୨-୨୦; ଲୂକ ୨୪:୧୩-୫୩; ଯୋହନ ୨୦:୧୯-୨୩; ପ୍ରେରିତ ୧:୧-୧୧ ଦି ଉଣ୍ଡ୍ରେ ବାଇବଲ୍ ଦି କାତାନି*

## 43. ୪୩. ମଣ୍ତୋଲି ଆରାମ୍ ଆତାତ୍‌

https://openbiblestories.org/l/pci/story-43/

![](https://cdn.door43.org/obs/jpg/360px/obs-en-43-01.jpg)

ଯିଶୁ ସରଗ୍‌ଦୁ ସହି ୱେନ୍‌କା, ସିସୁର୍ ଯିଶାଲାମ୍‌ଦୁ ମାର୍‌ହାର୍ ଏନେଟ୍‌ ମାପ୍‌ରୁ ୱାରିଙ୍ଗ୍ ଆଦେସ୍ ସିତାମାର୍‌ହାନ୍। ଆବେନୁ ମାନି ବିସ୍‌ବାସ୍‌ତି ଲୋକୁ ପାର୍‌ତନା କିନି ୱାନ୍ଦିଙ୍ଗ୍ ଉଣ୍ତ୍ରେ ଡାଗ୍‌ରୁ ଆତାମାର୍‌ହାର୍।

![](https://cdn.door43.org/obs/jpg/360px/obs-en-43-02.jpg)

ୱିଜୁ ପାଟେଙ୍ଗ୍, ନିସ୍ତାର୍ ପଣ୍ତୋୟ୍ ଏମ୍ବାଇ ଦିନ୍ ୱେନ୍‌କା, ଯିହୁଦୀ ଲୋକୁ ପେଣ୍ଟିକୋଷ୍ଟ୍‌ ଦରୁତି ଉଣ୍ତ୍ରେପେରି ଦିନାମ୍ ମାନାଜି ମାର୍‌ହାର୍। ପେଣ୍ଟିକୋଷ୍ଟ୍‌ ଆୟାୱେଡ଼ାମାର୍‌ହାତ୍ ଏସ୍ତିୱାଲେ ଯିହୁଦୀର୍ ଗଦ୍‌ମୁ ମାଟିସ୍‌ସି ତାସି ପଣ୍ତୋୟ୍ ମାନାଜି ମାର୍‌ହାର୍। ୱିଜୁ ପୁର୍‌ତିବୀଦି ଯିହୁଦୀର୍ ପେଣ୍ଟିକୋଷ୍ଟ ଦିନ୍ ଅର୍‌ସେଦେବା ମାନାଦେଙ୍ଗ୍ ଯିରୁଶାଲାମ୍‌ଦୁ ୱାତାମାର୍‌ହାର୍। ଇୟା ବରଷ୍, ପେଣ୍ଟିକୋଷ୍ଟ ପଣ୍ତୋୟ କିନି ୱେଡ଼ା ଯିଶୁ ସରଗ୍‌ଦୁ ସନ୍‌ସି ଉଣ୍ତ୍ରେୱାରାମ୍ ୱେନ୍‌କା ୱାତାନ୍।

![](https://cdn.door43.org/obs/jpg/360px/obs-en-43-03.jpg)

ଏସ୍ତିୱେଡ଼ାଦୁ ବିସ୍‌ବାସିର୍ ଉଣ୍ତ୍ରେଡାଗ୍‌ରୁ ମାର୍‌ହାର୍, ଏମେ ଇଲୁଦୁ ମାହାର୍ ଗାଦେମ୍ ସେଉଡୁଦାନ୍‌ ମାନ୍‌ଜିମାହି ଇଲୁ ନାଣ୍ତୋ ଗାଲିତି ସେଉଡୁଦାନ୍‌ ବର୍‌ତି ଆତାତ୍। ଦାନି’ୱେନ୍‌କା ୱାରୁ ସିସୁୱାଜା ସୁଡ଼୍‌ଜିମାହି ଏସୋ ବିସ୍‌ବାସିରି ତାଲାଦି ମୁସ୍‌କୁ ରେତାତ୍। ୱାରୁ ୱିଜେରେ ପବିତ୍ରଆତ୍ମାଦାନ୍ ପୁରା ଆତାର୍ ମାରି ୱାରୁ ଆଇ ବାସାଦାନ୍ ମାପ୍‌ରୁଦିଙ୍ଗ୍ ପ୍ରଶଂସା କିଦେଙ୍ଗ୍ ଆସ୍‌ତାର୍। ୱାରୁ ଇୟା ବାସା ନେସ୍‌ଏଣ୍ତା ମାର୍‌ହାର୍। ଇୟା ବାସାୱିଜୁ ୱାରୁ ପବିତ୍ର ଆତ୍ମାଦିବାଣାନ୍ ୱେହ୍‌ନି ୱାନ୍ଦିଙ୍ଗ୍ ବପୁ ଆତାମାର୍‌ହାର୍।

![](https://cdn.door43.org/obs/jpg/360px/obs-en-43-04.jpg)

ଏସ୍ତିୱାଲେ ଯିରୁଶାଲାମ୍‌ଦୁ ମାନ୍‌ଜିମାହି ଲୋକୁ ଆୟା ସେଉଡ଼ୁ ୱେହାର୍, ୱାରୁ ଇନିକା ଗଟେଆଜିନାତ୍ ସୁଡ଼୍‌ନି ୱାନ୍ଦିଙ୍ଗ୍ ଉଣ୍ତ୍ରେ ବାନୁ ଉଣ୍ତାତିୱାଜା ଉଣ୍ତ୍ରେଡାଗ୍‌ରୁ ଆତାର୍। ୱାରୁ ବିସ୍‌ବାସିର୍ ମାପ୍‌ରୁ କିତିମାହି ପେରିପାଣି ବିଷୟ୍‌ଦାନ୍ କାବୁର୍ କିତାର୍। ୱାରୁ କାବା ଆତାମାର୍‌ହାର୍ ମାତର୍ ୱାରି ଆଇ-ଆଇ ଦେସେମ୍‌ଦାନ୍ ୱାତାମାର୍‌ହାର୍ ମାରି ଆଇ-ଆଇ ବାସାଦାନ୍ ନାଣ୍ତୋ ୱାର୍‌ଗିଜି ମାର୍‌ହାର୍ ମାରି ୱାରୁ ନିଜେ-ନିଜେଦି ବାସାଦାନ୍ ଆୟା ପାଣିୱିଜୁ ୱେନ୍‌ଜି ମାର୍‌ହାର୍। ସିସୁର୍ ଇସ୍ରାଏଲ୍‌ଦୁ ମାର୍‌ହାର୍ ମାରି ଆରାମିକ୍, ମାରି ଗ୍ରୀକ୍, ଏବ୍ରୀ ବାସା ୱେହ୍‌ସିମାର୍‌ହାର୍, ମାତର୍ ଲୋକୁ ନିଜେ-ନିଜେଦିବାସାଦାନ୍ ୱେନ୍‌ଜିମାର୍‌ହାର୍ ମାପ୍‌ରୁ ଇନି-ଇନିପାଣି କିତାମାର୍‌ହାନ୍।

![](https://cdn.door43.org/obs/jpg/360px/obs-en-43-05.jpg)

ଇୟା ଲୋକା ଲୋଇରାଣ୍‌ ଏସୋ ଲୋକୁ ୱେର୍‌ତାର୍ ଗାନି ସିସୁର୍ ସସ୍ତାମାନାର୍ ଇଜି ୱେହ୍‌ସିମାର୍‌ହାର୍‌। ମାରି ପିତର୍ ନିଲ୍‌ଜି ୱାରିଙ୍ଗ୍ ୱେର୍‌ତାନ୍, ନା’ ମାଟା ୱେନ୍‌ଣ୍ତ୍ରୁ! ଇୟା ଲୋକୁ ସୋସ୍‌ଏର୍! ଦିନି ମାଟା, ମିରୁ ଏମେକା ସୁଡ଼୍‌ଜିନିଦେର୍ ଆକା ଇୟାୱାଜା ବା ଆନାମାନ୍‌ଜିନାତ୍ ଜେ ଯୋୟେଲ୍ ବାବବାଦି ୱେହ୍‌ତାମାର୍‌ହାନ୍ ଆୟାୱାଜା ଆନାତ୍ ଇଜି: ମାପ୍‌ରୁ ୱେହ୍‌ତାନ୍, ‘ୱିଜ୍‌ତି ଦିନାମ୍‌ଦୁ, ନାନୁ ନା ଆତ୍ମାଦିଙ୍ଗ୍ ୱାକ୍‌ନାସିନାନ୍।”’

![](https://cdn.door43.org/obs/jpg/360px/obs-en-43-06.jpg)

”ଏ ଇସ୍ରାଏଲ୍ ଲୋକୁ, ଯିଶୁ ଅରେନ୍ ଲୋକୁ ଏୟେନ୍ ତର୍‌ପ୍‌ନି ୱାନ୍ଦିଙ୍ଗ୍ ନାଣ୍ତୋ କାବାଆନି ପାଣି କିତାମାର୍‌ହାନ୍। ୱାଣ୍ତ୍ରୁ ମାପ୍‌ରୁଦି ସାତୁଦାନ୍ ନାଣ୍ତୋ ପେରିପାଣି କିତାମାର୍‌ହାନ୍। ନିନୁ ଇକା ନେସ୍‌ତିମାନି, ମାତର୍ ନିନୁ ୱାଣ୍ତ୍ରୁ କିତିପାଣି ସୁଡ଼୍‌ତିମାନିଦେର୍‌।” ମାରିବା ମିରୁ ୱାନିଙ୍ଗ୍ କ୍ରୁଶଦୁ ଏକିସ୍‌ତିଦେର୍!”

![](https://cdn.door43.org/obs/jpg/360px/obs-en-43-07.jpg)

”ଯିଶୁ ସାତାନ୍ ମାରି ମାପ୍‌ରୁ ୱାନିଙ୍ଗ୍ ସାତିବାଣାନ୍ ମାରିଡ଼େସି ନିକ୍‌ତାନ୍। ୱାଣ୍ତ୍ରୁ ଆୟାୱିଜୁ ମାଟା ପୁରାକିତାନ୍ ଏମେକାଗି ଅରେନ୍ ବାବବାଦି ରାସ୍‌ତାମାନାନ୍: ‘ମିରୁ ମି ପବିତ୍ରଦିଙ୍ଗ୍ ଗୁଣ୍ତାମ୍‌ଦୁ ସେଏଣ୍ତା ଆଦେଙ୍ଗ୍ ସିଏନ୍।’ ମାପୁ ସାକି ମାନାପ୍ ଜେ ମାପ୍‌ରୁ ଯିଶୁଦିଙ୍ଗ୍ ମାରିଡ଼େସି ନିକ୍‌ତାନ୍।”

![](https://cdn.door43.org/obs/jpg/360px/obs-en-43-08.jpg)

“ମାପ୍‌ରୁ ବୁବା ଇୟେଲ୍ ଯିଶୁଦିଙ୍ଗ୍ ୱାନି ଉଣିତରନ୍ ବାସ୍‌ସି ସନ୍‌ମାନ୍ କିତାମାନାନ୍। ମାରି ଯିଶୁ ମା ୱାନ୍ଦିଙ୍ଗ୍ ପବିତ୍ରଆତ୍ମା ପୋକ୍‌ତାନ୍ ଏମେକାଗି ସପତ୍ କିଜି ୱେହ୍‌ତାମାହାନ୍ ଜେ ୱାଣ୍ତ୍ରୁ ପୋକ୍‌ନାନ୍ ଇଜି। ମିରୁ ଏମେକା ଗଟେକିଦେଙ୍ଗ୍ ମାନ୍‌ସୁ କିଜିନିଦେର୍, ପବିତ୍ରଆତ୍ମା ସାରି ସିଜିନାନ୍ ଏମେକା ମିରୁ ସୁଡ଼୍‌ଜିନିଦେର୍ ମାରି ୱେନ୍‌ଜିନିଦେର୍।”

![](https://cdn.door43.org/obs/jpg/360px/obs-en-43-09.jpg)

“ମିରୁ ଆୟା ଲୋକୁଦିଙ୍ଗ୍, ଯିଶୁଦିଙ୍ଗ୍ କ୍ରୁଶଦୁ ଏକିସ୍‌ତିଦେର୍। ମାରି ନିକାମେ ନେସ୍‌ତୁ ଜେ ମାପ୍‌ରୁ ଯିଶୁଦିଙ୍ଗ୍ ୱିଜୁ ବିଷୟଦାନ୍ ପ୍ରବୁ ମାରି କ୍ରିଷ୍ଟ୍‌ଦିଙ୍ଗ୍ ଆୟା ରିଏରିଙ୍ଗ୍ ମୁସ୍‌କୁ ତିଆର୍ କିତାମାନାନ୍‌!”

![](https://cdn.door43.org/obs/jpg/360px/obs-en-43-10.jpg)

ପିତର୍‌ଦି ମାଟା ୱେନି ଲୋକୁ, ୱାନି ୱେହ୍‌ତିମାହି ମାଟାଦାନ୍ ପୁରା ତିଲାତାମାର୍‌ହାର୍। ଇୟାୱାନ୍ଦିଙ୍ଗ୍ ୱାରୁ ପିତର୍‌ ମାରି ସିସୁରିଙ୍ଗ୍ ୱେନ୍‌ବାତାନ୍, “ଏ ତଡ଼ାନ୍‌ଙ୍ଗୁଁ, ମାଡୁ ଇନିକା କିଦେଙ୍ଗ୍ ମାନାତ୍‌?”

![](https://cdn.door43.org/obs/jpg/360px/obs-en-43-11.jpg)

ପିତର ୱାରିଙ୍ଗ୍ ଉତର୍ ସିତାନ୍, “ମି ଲୋଇହାନ୍ ୱିଜେରେ ନିଜେ ପାପାମ୍‌ଦି ୱାନ୍ଦିଙ୍ଗ୍‌ ମନ୍‌ଦିଙ୍ଗ୍ ଡ଼େପ୍‌ତୁ ଏନେଟ୍‌ଗି ମାପ୍‌ରୁ ମି ପାପାମ୍ କେମା କିନାନ୍‌ ମାରି ଯିଶୁ କ୍ରିଷ୍ଟଦି ଦରୁଦାନ୍ ଡୁବନ୍ ଅତୁ। ଆଦେଙ୍ଗେ ୱାଣ୍ତ୍ରୁ ମିଙ୍ଗିଁ ବରଦାନ୍‌ୱାଜା ପବିତ୍ର ଆତ୍ମା ବା ସିନାନ୍।”

![](https://cdn.door43.org/obs/jpg/360px/obs-en-43-12.jpg)

ପାକାପାକି ମୁଣ୍ଡ୍ରିୱେୟୁ ଲୋକୁ ପିତର୍ ଏମେକା ୱେହ୍‌ତାମାର୍‌ହାନ୍ ଆକା ବିସ୍‌ବାସ୍ କିତାର୍ ମାରି ଯିଶୁଦି ସିସୁର୍ ଆତାର୍। ୱାରୁ ଡୁବନ୍ ଅତାର୍ ମାରି ଯିରୁଶାଲାମ୍‌ଦି ମଣ୍ତଲିଦି ଲୋକୁ ଆତାମାର୍‌ହାନ୍‌।

![](https://cdn.door43.org/obs/jpg/360px/obs-en-43-13.jpg)

ଏସ୍ତିୱାଲେ ପେରିତର୍ ୱାରିଙ୍ଗ୍ ଅଜାକିତାର୍, ମାରି ବିସ୍‌ବାସିର୍ ୱିଜୁୱାଲେ ୱେନ୍‌ଜି ମାର୍‌ହାର୍। ୱାରୁ ଏସେଙ୍ଗ୍-ଏସେଙ୍ଗ୍ ଉଣ୍ତ୍ରେବାନୁ କୁଡ୍‌ଜି ମାର୍‌ହାର୍ ମାରି ୱାରୁ ଉଣ୍ତ୍ରେବାନୁ ଉଣୁଜି ମାର୍‌ହାର୍ ମାରି ୱାରୁ ୱାରି-ୱାରିଲୋଇ ପାର୍‌ତନା କିଜିମାହାର୍। ୱାରୁ କୁଡ୍‌ଜି ମାପ୍‌ରୁଦିଙ୍ଗ୍ ପ୍ରଶଂସା କିତାର୍ ମାରି ୱାରି-ୱାରିୱାଲେ ଇନିକା ମାହାତ୍ ଆକା ବାଟା କିତାର୍। ଗଡ଼୍‌ତି ୱିଜୁ ଲୋକୁ ୱାନିୱାନ୍ଦିଙ୍ଗ୍‌ ନେଗି ବିଚାର୍ କିଜିମାର୍‌ହାର୍‌। ୱିଜୁଦିନାମ୍ ନାଣ୍ତୋଦାନ୍ ନାଣ୍ତୋ ଲୋକୁ ବିସ୍‌ବାସିର୍ ଆତାର୍।

*ପ୍ରେରିତ ୨ ଦି ଉଣ୍ତ୍ରେ ବାଇବଲ୍ ଦି କାତା*

## 44. ୪୪. ପିତର ମାରି ଯୋହନ ଅରେନ୍ ବିକାରିଦିଙ୍ଗ୍‌ ନେଗେଣ୍ତ୍‌ କିନାର୍‌

https://openbiblestories.org/l/pci/story-44/

![](https://cdn.door43.org/obs/jpg/360px/obs-en-44-01.jpg)

ଅର୍‌ନେଣ୍ତ୍, ପିତର ମାରି ଯୋହନ ମନ୍ଦିରଦୁ ସର୍‌ହାର୍। ଅରେନ୍ ସଟା ଲୋକୁ ବିକ୍‌ୟା ଲସ୍‌ତେଙ୍ଗ୍ ଦୁୱାର୍‌ଡାଗ୍‌ରୁ ବାସ୍‌ତା ମାର୍‌ହାନ୍।

![](https://cdn.door43.org/obs/jpg/360px/obs-en-44-02.jpg)

ପିତର ଆୟା ସଟା ଲୋକୁଦିଙ୍ଗ୍ ୱାନି ତରିନ୍‌ ସୁଡ଼୍‌ଜି ୱେର୍‌ତାନ୍, “ନା ଡାଗ୍‌ରୁ ନିଙ୍ଗିଁ ସିନି ୱାନ୍ଦିଙ୍ଗ୍ ଇନିକା ବା ସିଲେତ୍। ମାତର୍‌ ନାଦି ଏମେକା ଡାଗ୍‌ରୁ ମାନାତ୍ ନାନୁ ଆକା ସିଜିନା। ଯିଶୁଦି ଦରୁଦାନ୍ ନିଙ୍ଗ୍‌ଆ ମାରି ବୁଲା!”

![](https://cdn.door43.org/obs/jpg/360px/obs-en-44-03.jpg)

ଗାଦେମ୍‌, ମାପ୍‌ରୁ ଆୟାସଟା ଲୋକୁଦିଙ୍ଗ୍‌ ନେଗେଣ୍ତ୍ କିତାନ୍। ୱାଣ୍ତ୍ରୁ ଇନିଙ୍ଗା ଆନିଙ୍ଗା ବୁଲାଦେଙ୍ଗ୍ ଆସ୍‌ତାନ୍ ମାରି ଡାଟ୍‌ତେ ଆରାମ୍ କିତାନ୍, ମାରି ମାପ୍‌ରୁଦିଙ୍ଗ୍‌ ପ୍ରଶଂସା କିଦେଙ୍ଗ୍ ଆରାମ୍ କିତାନ୍। ମନ୍ଦିରଦି ଦୁୱାର୍‌ତୁ ମାନ୍‌ଜି ଲୋକୁ କାବା ଆତାର୍।

![](https://cdn.door43.org/obs/jpg/360px/obs-en-44-04.jpg)

ଗାଜିବିଜି ନେ ନାଣ୍ତୋ ଲୋକୁ ୱାନିଙ୍ଗ୍ ସୁଡ଼୍‌ଦେଙ୍ଗ୍ ୱାତାମାର୍‌ହାର୍ ଏୟେନ୍‌ଗି ନେଗେଣ୍ତ୍ ଆତାମାର୍‌ହାନ୍। ପିତର ୱାରିଙ୍ଗ୍ ୱେର୍‌ତାର୍‌, “ଇୟା ଲୋକୁ ନେଗେଣ୍ତ୍ ଆତାନ୍, ମାତର୍‌ କାବା ଆମାଟ୍, ମା ସାକ୍‌ତିଦାନ୍ କିଏପ୍‌ଗି ମାପ୍‌ରୁଦିଙ୍ଗ୍ ମାନାଜିନାପ୍‌ଗାନି ଆଏଜିନାତ୍। ମାତର୍ ଇକା ଯିଶୁ ନିଜେଦି ଶାକ୍ତିଦାନ୍ ନେଗେଣ୍ତ୍ କିତାନ୍। ମାପୁ ଯିଶୁଦି ମୁସ୍‌କୁ ବିସ୍‌ବାସ୍ କିଜିନାପ୍।”

![](https://cdn.door43.org/obs/jpg/360px/obs-en-44-05.jpg)

“ଆକା ନିନୁନେ ନା ଏୟେନ୍‌ଗି ଆୟା ରୋମିୟ ରାଜ୍ୟପାଲ୍‌ଦି ଯିଶୁଦିଙ୍ଗ ଡ଼େଇନି ୱାନ୍ଦିଙ୍ଗ୍‌ ୱେର୍‌ତିମାହି। ମିରୁ ୱାନିଙ୍ଗ୍ ସାପିସ୍‌ତିଦେର୍ ଏୟେନ୍‌ଗି ୱିଜେରିଙ୍ଗ୍‌ ଜିଉ ସିଜିମାର୍‌ହାନ୍। ମାତର୍ ମାପ୍‌ରୁ ୱାନିଙ୍ଗ୍ ସାତିବାଣାନ୍ ମାରିଡ଼େସି ନିକ୍‌ତାନ୍। ନିନୁ ବୁଜାଦେଙ୍ଗ୍ ଆଟ୍‌ଏତି ନିନୁ ଇନିକା କିଜିମାହି।” ମାତର୍ ମିରୁ ଏସ୍ତିୱାଲେ ଆୟା ପାଣି କିଜିମାହିଦେର୍ ମାରି ଏମେକା ବାବବାଦିର୍ ଏମେକା ୱେର୍‌ତାମାର୍‌ହାର୍ ଆକା ପୁରା ଆତାତ୍। ୱାରୁ ୱେହ୍‌ତାମାର୍‌ହାର୍ ଜେ ମାପ୍‌ରୁ ଦୁକାମ୍ ପାଏଆନାନ୍ ମାରି ସାନାନ୍। ମାପ୍‌ରୁ ଦାନିଙ୍ଗ୍ ଇୟାୱାଜା ଆଦେଙ୍ଗ୍ ସିତାନ୍‌। ଆୟାୱାନ୍ଦିଙ୍ଗ୍ ୱାଣ୍ତ୍ରୁ, ପାପାମ୍ ମାନାପିନ୍ ମାରି ମାପ୍‌ରୁଦି ଡାଗ୍‌ରୁ ଡ଼େସି ରାପିନ୍, ଏଣ୍ତେସ୍‌ଗି ୱାଣ୍ତ୍ରୁ ମି ପାପାମ୍ କେମା କିନାନ୍‌।”

![](https://cdn.door43.org/obs/jpg/360px/obs-en-44-06.jpg)

ଏସ୍ତିୱାଲେ ମନ୍ଦିରଦି ନେତାର୍ ପିତର ମାରି ଯୋହନଦି ମାଟା ୱେହ୍‌ହାନ୍, ୱାଣ୍ତ୍ରୁ ନାଣ୍ତୋ ତିଲାତାନ୍‌। ଆୟାୱାନ୍ଦିଙ୍ଗ୍ ୱାରୁ ୱାନିଙ୍ଗ୍‌ ତହ୍‌ସି ଜେଲ୍‌ଦୁ ଇଟ୍‌ତାର୍‌। ମାତର୍ ପିତର ଏମେକା ୱେହ୍‌ତାମାର୍‌ହାନ୍ ଆକା ନାଣ୍ତୋ ଲୋକୁ ବିସ୍‌ବାସ୍ କିତାର୍। ଯିଶୁଦିଙ୍ଗ୍ ବିସ୍‌ବାସ୍ କିନି ଲୋକା ସଂକ୍ୟା ପାକାପାକି ଆଇଦୁୱେଲୁ ମାନ୍ଦି ବୁଦି ପାଏଆତାର୍।

![](https://cdn.door43.org/obs/jpg/360px/obs-en-44-07.jpg)

ଆଗ୍‌ଡ଼ି ଦିନାମ୍, ୱାରୁ ଯିହୁଦୀ ନେତାର୍ ପିତର ମାରି ଯୋହନଦିଙ୍ଗ୍ ପେରିଜାଜକ୍ ମାରି ଆଇ ଦାର୍‌ମୁଦି ନେତାଦି ମୋକମ୍ ଏଦ୍‌ରୁ ତାତାର୍। ୱାରୁ ସଟା ଲୋକୁଦିଙ୍ଗ୍‌ ୱିଜୁ ତାତାମାର୍‌ହାର୍। ୱାରୁ ପିତର ମାରି ଯୋହନଦିଙ୍ଗ୍ ୱେହ୍‌ନ୍‌ବାତାର୍, “ନିନୁ ଆୟା ସଟା ଲୋକୁଦିଙ୍ଗ୍ ଏମେ ଅଦିକାର୍‌ଦାନ୍ ନେଗେଣ୍ତ୍ କିତି?”

![](https://cdn.door43.org/obs/jpg/360px/obs-en-44-08.jpg)

ପିତର ଉତର୍‌ ସିତାନ୍, “ନି ମୋକମ୍ଏଦ୍‌ରୁ ନିଲ୍‌ତିମାନି ଇୟା ଲୋକୁ ଯିଶୁ ଖ୍ରୀଷ୍ଟଦି ସାତୁଦାନ୍ ନେଗେଣ୍ତ୍ ଆତାନ୍। ମିରୁ ଯିଶୁଦିଙ୍ଗ୍ କ୍ରୁଶଦୁ ଏକିସ୍‌ତାର୍ ନି, ମାତର୍‌ ମାପ୍‌ରୁ ୱାନିଙ୍ଗ୍ ମାରିଡ଼େସି ନିକ୍‌ତାନ୍‌! ନିନୁ ୱାନିଙ୍ଗ୍ ଡ଼ିସ୍‌ତି ସିତି, ମାତର୍‌ ଯିଶୁଦି ସାତୁଦାନ୍‌ ଉଦାର୍ ଆନିକା ଆଇ ଇନି ଉପାୟସିଲେତ୍।”

![](https://cdn.door43.org/obs/jpg/360px/obs-en-44-09.jpg)

ଆୟା ନେତାର୍ କାବା ଆତାର୍ ଜେ ପିତର ମାରି ଯୋହନ ନାଣ୍ତୋ ସାସ୍‌ଦାନ୍ ୱାର୍‌ଗିତା ମାର୍‌ହାର୍‌। ୱାଣ୍ତ୍ରୁ ସୁଡ଼୍‌ତାନ୍ ଇକାର୍ ସାଦାସିଦା ଲୋକୁ ଏମେକାର୍ ପୋଡାଇଲୋକୁ ମାର୍‌ହାର୍। ମାତର୍‌ ଦାନିୱେନ୍‌କା ୱାରୁ ଅଡ଼୍‌ବିତାର୍ ଜେ ଇୟା ଲୋକୁ ଯିଶୁଦି ୱାଲେ ମାର୍‌ହାର୍‌। ମାରି ୱାଣ୍ତ୍ରୁ ୱାରିଙ୍ଗ୍ ୱେର୍‌ତାର୍‌, “ମାପୁ ମିଙ୍ଗିଁ ନାଣ୍ତୋ ଡାଣ୍ତ୍‌ଗୁ ସିନାପ୍, ମାରି ମିରୁ ଇୟା ଯିଶୁଦିମାଟା ମାରି ଆଇଲୋକା ଡାଗ୍‌ରୁ ୱେର୍‌ନିଦେର୍ ଇୟାୱାଜା ନାଣ୍ତୋ ମାଟା ୱେହ୍‌ତି ୱେନ୍‌କା ୱାରୁ ପିତର ମାରି ଯୋହନଦିଙ୍ଗ୍ ସନ୍‌ଣ୍ତ୍ରେଙ୍ଗ୍ ସିତାର୍‌।

*ପ୍ରେରିତ ୩:୧-୪:୨୨ ଦି ଉଣ୍ତ୍ରେ ବାଇବଲ ଦି କାତାନି*

## 45. ୪୫. ଷ୍ଟିପେନ୍ ମାରି ଫିଲିପ୍

https://openbiblestories.org/l/pci/story-45/

![](https://cdn.door43.org/obs/jpg/360px/obs-en-45-01.jpg)

ପାର୍‌ତୁମ୍‌ଦୁ କ୍ରିଷ୍ଟାନ୍ ନେତାଦି ଡାଗ୍‌ରୁ ସ୍ତିଫାନ୍‌ ଦରୁତି ଆରେନ୍ ଲୋକୁ ମାର୍‌ହାନ୍। ୱିଜେରେ ୱାନିଙ୍ଗ୍ ମାରିଆଦି କିଜିମାର୍‌ହାର୍। ପବିତ୍ରଆତ୍ମା ୱାନିଙ୍ଗ୍ ନାଣ୍ତୋ ସାତୁ ମାରି ବୁଦି ସିତାମାର୍‌ହାନ୍। ସ୍ତିଫାନ୍‌ ନାଣ୍ତୋ କାବାଆନି ପାଣି କିଜିମାର୍‌ହାନ୍। ଏସ୍ତିୱାଲେ ୱାଣ୍ତ୍ରୁ ଯିଶୁଦିଙ୍ଗ୍ ମୁସ୍‌କୁ ବରସାକିନି ବିଷୟ୍‌ ସିକିୟା ସିଜିମାର୍‌ହାନ୍‌, ମାରି ନାଣ୍ତୋ ଲୋକୁ ୱାନିଙ୍ଗ୍ ବିସ୍‌ବାସ୍ କିତାର୍।

![](https://cdn.door43.org/obs/jpg/360px/obs-en-45-02.jpg)

ଅର୍‌ନେଣ୍ତ୍, ସ୍ତିଫାନ୍‌ ଯିଶୁଦି ବିଷୟ୍‌ଦାନ୍ ସିକିୟା ସିଜିମାର୍‌ହାନ୍, ମାରି ଏସୋ ଯିହୁଦୀ ମାରି ଯିଶୁଦିଙ୍ଗ୍ ବିସ୍‌ବାସ୍ କିଏଜି ମାର୍‌ହାର୍, ୱାରୁ ୱାଜି ୱାନିୱାଲେ ମାଟାଦିଙ୍ଗ୍ ମାଟା ୱାର୍‌ଗିଦେଙ୍ଗ୍ ଆସ୍‌ତାର୍‌। ୱାରୁ ନାଣ୍ତୋ କାକା ଆତାର୍‌, ମାରି ୱାଣ୍ତ୍ରୁ ଦାର୍‌ମୁଦି ନେତାଦି ଡାଗ୍‌ରୁ ସନ୍‌ସି ୱାନି ବିଷୟ୍ ବାଡିସ୍‌ସି ୱେର୍‌ତାନ୍। ୱାରୁୱେର୍‌ତାର୍‌, “ମାପୁ ୱେହାପ୍‌ ଜେ ସ୍ତିଫାନ୍‌ ମୋଶା ମାରି ମାପ୍‌ରୁଦି ବିଷୟ୍‌ଦାନ୍ ସେଇ ମାଟା ୱେହ୍‌ନିକା ୱେହାପ୍‌!” ମାରି ଦାର୍‌ମୁ ନେତାର୍ ସ୍ତିଫାନ୍‌ଦିଙ୍ଗ୍ ତହ୍‌ସି ପେରିଯାଜକ୍‌ ଆୟାୱାନ୍ଦିଙ୍ଗ୍‌ ଆଇ ଯିହୁଦୀ ନେତାରି ଡାଗ୍‌ରୁ ତାତାର୍। ମାରିବା ନାଣ୍ତୋ ବାଣ୍ତିସ୍‌ନି ସାକି ୱାଜି ମାରି ୱାରୁ ସ୍ତିଫାନ୍‌ ବିଷୟ୍‌ଦାନ୍ ବାଣ୍ତିସ୍‌ତାର୍‌।

![](https://cdn.door43.org/obs/jpg/360px/obs-en-45-03.jpg)

ପେରିଯାଜକ୍‌ ସ୍ତିଫାନ୍‌ଦିଙ୍ଗ୍ ୱେନ୍‌ବାତାନ୍, “ଇୟା ଲୋକୁ ନି ବିଷୟ୍‌ଦାନ୍ ନିକାମେ ୱେହ୍‌ସିନାର୍ ନା?” ସ୍ତିଫାନ୍‌ ପେରିଯାଜକ୍‌ଦିଙ୍ଗ୍ ଉତର୍ ସିଦେଙ୍ଗ୍ ନାଣ୍ତୋ ମାଟା ୱେର୍‌ତେଙ୍ଗ୍ ଆରାମ୍ କିତାନ୍। ୱାଣ୍ତ୍ରୁ ୱେର୍‌ତା ମାର୍‌ହାନ୍ ଗାନି ଅବ୍ରାମ୍‌ଦି ୱେଡ଼ାଦାନ୍ ଯିଶୁଦି ୱେଡ଼ା ସାନ୍ଦି, ମାପ୍‌ରୁ ଇସ୍ରାଏଲ୍‌ଦି ଲୋକା ୱାନ୍ଦିଙ୍ଗ୍ ନାଣ୍ତୋ କାବାଆନି ପାଣି କିତାମାର୍‌ହାନ୍। ମାରି ଲୋକୁ ୱିଜୁଦିନାମ୍ ମାପ୍‌ରୁଦିଙ୍ଗ୍ ମାଟା ମାନାଏତାର୍‌। ସ୍ତିଫାନ୍‌ ୱେର୍‌ସିନାନ୍, “ମିରୁ ମାପ୍‌ରୁଦିଙ୍ଗ୍‌ ବିରୁଦ୍‌ କିନି ଲୋକୁ। ମିରୁ ୱିଜୁଦିନାମ୍ ପବିତ୍ରଆତ୍ମାଦିଙ୍ଗ୍ ପରିକା କିତିମାନି, ଏୟେର୍‌ଗି ମା ପୁର୍‌ବାମ୍‌ତି ଲୋକୁ ୱିଜୁଦିନାମ୍ ପବିତ୍ରଆତ୍ମାଦିଙ୍ଗ୍ ପରିକା କିତାମାର୍‌ହାର୍ ମାରି ୱାନି ବାବବାଦିଦିଙ୍ଗ୍ ୱିଜୁଦିନାମ୍ ସାୟାମାର୍‌ଗା ଡ଼େଇଜିମାର୍‌ହାର୍। ମାରି ୱାରୁଏମେକା କିତାର୍ ଆକା ଆଜିନାତ୍ ନିନୁ ୱାନିବାଣାନ୍ ସେଇ ପାଣି କିତିମାନି! କ୍ରିଷ୍ଟଦିଙ୍ଗ୍ ସାୟାମାର୍‌ଗା ଡ଼େଇତି!”

![](https://cdn.door43.org/obs/jpg/360px/obs-en-45-04.jpg)

ଏସ୍ତିୱାଲେ ଆୟା ଦାର୍‌ମୁ ନେତାର୍ ଇକା ୱେହାର୍, ୱାରୁ ନିସା ରିସା ଆତାନ୍ ଜେ ୱାରୁ ଗିତଣି ମୁକ୍‌ସି ମାରି ନାଣ୍ତୋ ସେଉଡ଼ୁଦାନ୍ ସେଉଡ଼ୁ ଆତାର୍। ୱାରୁ ସ୍ତିଫାନ୍‌ଦିଙ୍ଗ୍ ଗଡ଼୍‌ଲୋଇହାନ୍ ଆତ୍‌ରେ ରେଲ୍‌ଜି ଅସି ମାରି ୱାନିଙ୍ଗ୍ ସାପିସ୍‌ତେଙ୍ଗ୍ କାଲୁ ପକ୍‌ତାର୍‌।

![](https://cdn.door43.org/obs/jpg/360px/obs-en-45-05.jpg)

ଏସ୍ତିୱାଲେ ସ୍ତିଫାନ୍‌ ସାଜିମାର୍‌ହାନ୍, ୱାଣ୍ତ୍ରୁ ସେଉଡ଼ୁ ଆଜି ୱେର୍‌ତାନ୍, ଏ ପ୍ରବୁ, ନା ଆତ୍ମାଦିଙ୍ଗ୍ ମାନାଆଁ!” ଦାନିୱେନ୍‌କା ୱାଣ୍ତ୍ରୁ ମେଣ୍ତେଙ୍ଗ୍ ଉର୍‌ଜି ମାରି ଅର୍‌ସୁ ସେଉଡ଼ୁ ଆଜି ୱେର୍‌ତାନ୍, “ଏ ପ୍ରବୁ ଇୟା ପାପାମ୍ ୱାରି ମୁସ୍‌କୁ ଦସ୍‌ ତିଗ୍‌ମା।” ଦାନିୱେନ୍‌କା ୱାଣ୍ତ୍ରୁ ସାତାନ୍।

![](https://cdn.door43.org/obs/jpg/360px/obs-en-45-06.jpg)

ଆୟାଦିନ୍, ଯିରୁଶାଲାମ୍‌ଦୁ ମାନ୍‌ଜିମାହି ନାଣ୍ତୋ ଲୋକୁ ଯିଶୁଦି ୱେନ୍‌କା ବୁଲାନିୱାରିଙ୍ଗ୍ ଦୁକ୍‌ସିଦେଙ୍ଗ୍ ଆରାମ୍ କିତାର୍, ମାରି ବିସ୍‌ବାସିର୍ ଆଇ ବାଡିଦୁ ଉକ୍‌ତାର୍। ମାରିବା ୱାରୁ ଏମେତରନ୍ ସହାର୍ ୱାରୁ ଯିଶୁଦି ବିଷୟ୍‌ଦାନ୍ ପ୍ରଚାର୍ କିତାର୍।

![](https://cdn.door43.org/obs/jpg/360px/obs-en-45-07.jpg)

ଫିଲିପ ଦରୁତି ଯିଶୁଦିଡାଗ୍‌ରୁ ଅରେନ୍ ବିସ୍‌ବାସି ମାର୍‌ହାନ୍। ଆଇ ବିସ୍‌ବାସିରି ଲେକେନ୍ ୱାଣ୍ତ୍ରୁ ବା ଯିରୁଶାଲାମ୍ ଡିସ୍‌ସି ସର୍‌ହାନ୍। ୱାଣ୍ତ୍ରୁ ଶମିରୋଣି ନାରୁଦୁ ସର୍‌ହାନ୍। ଆବେ ୱାଣ୍ତ୍ରୁ ଲୋକାଙ୍ଗ୍ ଯିଶୁଦି ବିଷୟ୍‌ଦାନ୍ ପ୍ରଚାର୍ କତାନ୍। ନାଣ୍ତୋ ଲୋକୁ ୱାନି ମୁସ୍‌କୁ ବିସ୍‌ବାସ୍ କିତାର୍ ମାରି ଉଦାର୍ ପାଏ ଆତାର୍। ଉଣ୍ତ୍ରେଦିନ୍, ମାପ୍‌ରୁଦି ବାଣାନ୍ ଅରେନ୍ ଦୁତ୍ ଫିଲିଦ୍‌ଦି ଡାଗ୍‌ରୁ ୱାତାନ୍ ମାରି ୱାନିଙ୍ଗ୍ ଗରତୁ ସନିୱାନ୍ଦିଙ୍ଗ୍ ମାରି ସାରିଦୁ ଉଣ୍ତ୍ରବୁଲାଦେଙ୍ଗ୍ ୱେର୍‌ତାନ୍। ଫିଲିପ ଆବେନୁ ସର୍‌ହାନ୍। ଏସ୍ତିୱାଲେ ୱାଣ୍ତ୍ରୁ ଆୟା ସାରିଦୁ ସନିୱାଲେ ମାରି ୱାଣ୍ତ୍ରୁ ଅରେନ୍ ଲୋକୁଦିଙ୍ଗ୍‌ ୱାନି ରତ୍‌ଦୁ ସନିକା ସୁଡ୍‌ତାନ୍। ଇୟା ଲୋକୁ ଇଥିଓପିଆର୍ ଦେଶେମ୍‌ଦି ଅରେନ୍ ପେରି ଅଦିକାର୍‌ତିକାନ୍‌ ମାର୍‌ହାନ୍। ପବିତ୍ରଆତ୍ମା ଫିଲିପଦିଙ୍ଗ୍ ୱେର୍‌ତାନ୍‌ ଜେ ଆବେନୁ ସନ୍‌ସି ଆୟା ଲୋକୁଦି ୱାଲେ ୱାର୍‌ଗିଆ।

![](https://cdn.door43.org/obs/jpg/360px/obs-en-45-08.jpg)

ମାରି ଫିଲିପ ରତ୍‌ଦୁ ସର୍‌ହାନ୍। ୱାଣ୍ତ୍ରୁ ୱେହାନ୍ ଜେ ୱାଣ୍ତ୍ରୁ ଇଥିଓପିଆର୍ ମାପ୍‌ରୁଦି ବାକ୍ୟ ପଡ଼ାଜିମାର୍‌ହାନ୍‌। ଏମେକାଗି ଯିଶାଇୟ ବାବବାଦି ରାସ୍‌ତାମାର୍‌ହାନ୍ ଆକା ପଡାଜି ମାର୍‌ହାନ୍। ୱାଣ୍ତ୍ରୁ ପଡାଜି ମାହାନ୍, ୱାରୁ ୱାନିଙ୍ଗ୍ ସାୟାମାର୍‌ଗା ଡେଇନି ୱାନ୍ଦିଙ୍ଗ୍ ମେଣ୍ଢାୱାଜା ଆତାମାର୍‌ହାନ୍ ମାରି ମେଣ୍ତେଙ୍ଗ୍ ନେଗେଣ୍ତ୍ ମାହିଙ୍ଗ୍ ୱାଣ୍ତ୍ରୁ ଇନି ମାଟା ବା ୱେହ୍‌ଏଣ୍ତା ମାର୍‌ହାନ୍। ୱାରୁ ୱାନିୱାଲେ ସେଇ ବ୍ୟବହାର୍ କିତାନ୍ ମାରି ୱାନିଙ୍ଗ୍ ମାନାଏର୍। ୱାରୁ ୱାନି ଜିଉ ଅତାନ୍‌।”

![](https://cdn.door43.org/obs/jpg/360px/obs-en-45-09.jpg)

ଫିଲିପ କୁଶିଦିଙ୍ଗ୍ ୱେନ୍‌ବାତାନ୍, “ନିନୁ ଏମେକା ପଡାଜିନି ଆକା ୱିଜୁ ନିନୁ ବୁଜାଦେଙ୍ଗ୍ ଆଟ୍‌ସିନି ନା?” ଆୟା କୁଶି ଉତର୍ ସିତାନ୍, “ସିଲେ। ଏମେସାନ୍ଦି ଏୟେନ୍ ଆପିନ୍ଦା ବୁଜାକିଏତିଙ୍ଗାଁ, ଆୟାସାନ୍ଦି ନାଙ୍ଗିଁ ଏଣ୍ତେସ୍ ବୁଜାଦେଙ୍ଗ୍ ଆଟ୍‌ଏ, ଦୟାକିଜି ନା ଡାଗ୍‌ରୁ ୱାଜି ବାସ୍‌ଆ। ଇନିକା ଯିଶାଇୟ ମାହାନ୍ ନା ନିଜେ ବିସୟ୍‌ଦାନ୍ ମାରି ଆଇ ଏୟେ ବିସୟ୍‌ଦାନ୍ ଇକା ରାସ୍‌ସିନାନ୍?”

![](https://cdn.door43.org/obs/jpg/360px/obs-en-45-10.jpg)

ଫିଲିପ ରତ୍ ମୁସ୍‌କୁ ଏକ୍‌ସି ବାସ୍‌ତାନ୍। ଦାନିୱେନ୍‌କା ୱାଣ୍ତ୍ରୁ ଇଥିଓଦିଆଦିଙ୍ଗ୍ ୱେହ୍‌ତାମାର୍‌ହାନ୍ ଗାନି ଯିଶାଇୟ ଯିଶୁଦି ବିଷୟ୍‌ଦାନ୍ ଏମେକା ରାସ୍‌ତାମାନାନ୍। ଫିଲିପ ମାପ୍‌ରୁଦି ବାକ୍ୟଦି ଆଇଆଇ ବିଷୟ୍‌ଦାନ୍ ୱିଜୁ ୱାର୍‌ଗିତାର୍। ଇୟାୱାଜା ନେ ୱାଣ୍ତ୍ରୁ, ୱାନିଙ୍ଗ୍ ଯିଶୁଦି ବିଷୟ୍‌ଦାନ୍ କାବୁର୍ ୱେର୍‌ତାନ୍।

![](https://cdn.door43.org/obs/jpg/360px/obs-en-45-11.jpg)

ଫିଲିପ ମାରି ଆୟା କୁଶି ବୁଲାନି ୱେଡ଼ାଦୁ ୱାଣ୍ତ୍ରୁ ଏରୁଦୁ ୱାତାନ୍। ଆୟା କୁଶି ୱେର୍‌ତାନ୍, ”ସୁଡ୍‌ଆ! ଇବେ ଏରୁ ମାନେ! ନାନୁ ଡୁବନ୍ ଆଦେଙ୍ଗ୍ ଆଟ୍‌ନା ନା?” ମାରି ରତ୍‌ଦିଙ୍ଗ୍ ବନ୍ଦ୍‌କିଦେଙ୍ଗ୍ ୱେର୍‌ତାନ୍।

![](https://cdn.door43.org/obs/jpg/360px/obs-en-45-12.jpg)

ମାରି: ୱାରୁ ଏରୁ ଲଇ ସର୍‌ହାର୍, ମାରି ଫିଲିପ ଆୟା ଇଥିଓପିଆରଦିଙ୍ଗ୍‌ ଡୁବନ୍ ସିତାନ୍। ଏସ୍ତିୱାଲେ ୱାଣ୍ତ୍ରୁ ଏରୁଦାନ୍ ସସିୱାତାର୍, ପବିତ୍ର ଆତ୍ମା ଗାଦେମ୍ ଫିଲିପ୍‌ଦିଙ୍ଗ୍ ନିକ୍‌ସି ଆଇ ବାଡିଦୁ ଅତାନ୍। ଆବେ ଫିଲିପ ଲୋକାଙ୍ଗ୍ ଯିଶୁଦି ବିଷୟ୍‌ଦାନ୍ ୱେର୍‌ତେଙ୍ଗ୍ ଆସ୍‌ତାନ୍।

![](https://cdn.door43.org/obs/jpg/360px/obs-en-45-13.jpg)

ୱାଣ୍ତ୍ରୁ ସାର୍‌ଦାମାନାନ୍ ଜେ ୱାଣ୍ତ୍ରୁ ଯିଶୁଦିଙ୍ଗ୍ ନେସ୍‌ତାମାର୍‌ହାନ୍‌।

*ପ୍ରେରିତ ୬:୮-୮:୫;୮:୨୬-୪୦ ଦି ଉଣ୍ତ୍ରେ ବାଇବଲ୍ ଦି କାତା*

## 46. ୪୬. ପାଉଲ ଯିଶୁଦି ସିସୁର୍ ଆତାନ୍‌

https://openbiblestories.org/l/pci/story-46/

![](https://cdn.door43.org/obs/jpg/360px/obs-en-46-01.jpg)

ଶାଉଲ ଦୋରୁତିକାନ୍ ଅରେନ୍ ଲୋକୁ ମାର୍‌ହାନ୍ ଏୟେନ୍‌ଗି ଯିଶୁଦିଙ୍ଗ୍ ବିସ୍‌ବାସ୍ କିଏଜି ମାର୍‌ହାନ୍। ୱାଣ୍ତ୍ରୁ ଏସ୍ତିୱାଲେ ମୁର୍‌ଲି ମାର୍‌ହାନ୍, ଆୟାୱରଡ଼ାଦୁ ୱାଣ୍ତ୍ରୁ ଷ୍ଟିଫେନ୍ ସାୟାମାର୍‌ଗା ଢେଇନି ଲୋକୁଦି ସୋକା କାପ୍‌କିତା ମାର୍‌ହାନ୍। ୱେନ୍‌କା ୱାଣ୍ତ୍ରୁ ବିସ୍‌ବାସ୍ ଲୋକାଙ୍ଗ୍ ଦୁଃକାମ୍‌ ସିତାନ୍‌। ୱାଣ୍ତ୍ରୁ ଯିରୁଶାଲାମ୍‌ଦୁ ଇଲ୍‌କାଙ୍ଗ୍-ଇଲ୍‌କାଙ୍ଗ୍ ସନ୍‌ସି ମେମାର୍ ମାରି ଆଇମେକାଙ୍ଗ୍ ତହ୍‌ସି ଜଇଲ୍‌ଦୁ ଇଡ୍‌ଜିମାର୍‌ହାନ୍। ଦାନିୱେନ୍‌କା ୱିଜେରିଙ୍ଗ୍ ପେରି ଯାଜକର୍ ଶାଉଲଦିଙ୍ଗ୍ ଦମ୍ମେସକ ଗଡ଼୍‌ଦୁ ସୋନ୍‌ଣ୍ତ୍ରେଙ୍ଗ୍ ମାଟା ସିତାମାର୍‌ହାର୍‌। ୱାଣ୍ତ୍ରୁ ଆବେନୁ ମାନି କ୍ରିସ୍ଟାନ୍ ଲୋକାଙ୍ଗ୍ ତହ୍‌ସି ୱାରିଙ୍ଗ୍ ଯିରୁଶାଲମଦୁ ଡ଼େପ୍‌ସି ତାତେଙ୍ଗ୍ ୱେହ୍‌ତାମାର୍‌ହାନ୍।

![](https://cdn.door43.org/obs/jpg/360px/obs-en-46-02.jpg)

ମାରି ଶାଉଲ ଦମ୍ମେସକ ସନ୍‌ଡ୍ରେଙ୍ଗ୍ ଆସ୍‌ତାର୍। ୱାଣ୍ତ୍ରୁ ଗଡ଼୍‌ଦୁ ଇତି ଆଗ୍‌ଡ଼ି ବାଦଢ଼ଦୁ ଉଣ୍ତ୍ରେ ଜାଇ ୱାନି ସାରିବେଡ୍‌ତି କାସ୍‌ସି ନିଙ୍ଗିଁତାତ୍ ମାରି ୱାଣ୍ତ୍ରୁ ବୁମିଦୁ ଆର୍‌ତାନ୍। ଶାଉଲ ଏୟେନ୍ ଅରେନ୍ ୱେର୍‌ନିକା ୱେର୍‌ହାନ୍, “ଏ ଶାଉଲ! ଏ ଶାଉଲ! ନିନୁ ନାଙ୍ଗିଁ ଇନିଦାନିଙ୍ଗ୍ ଦୁଃକାମ୍ କିଜିନି!” ଶାଉଲ୍ ୱେନ୍‌ବାତାନ୍ ଏ ପ୍ରବୁ ନିନୁ ଏୟେନ୍? ଯିଶୁ ୱାନିଙ୍ଗ୍ ଉତର୍ ସିତାନ୍, ନାନୁ ଯିଶୁ ନିନୁନାଙ୍ଗିଁ ଦୁକାମ୍ ସିଜିନି।

![](https://cdn.door43.org/obs/jpg/360px/obs-en-46-03.jpg)

ଏସେଙ୍ଗ୍ ଶାଉଲ ନିଙ୍ଗିଁ ୱିସ୍‌ତାନ୍, ଆକାନ୍ ସୁଡ୍‌ଦେଙ୍ଗ୍ ଆଟ୍‌ଏତାନ୍। ୱାରି ତୋଡୁର୍‌ ୱାନିଙ୍ଗ୍ ଦମ୍ମେସକ୍‌ଦିଙ୍ଗ୍ ଅତାର୍। ଶାଉଲ ମୁଣ୍ତ୍ରି ଦିନାମ୍ ନାସେଣାନ୍ ଇନିକା ତିନ୍‌ଏତାନ୍‌ ମାରି ଉଣ୍‌ଏତାନ୍।

![](https://cdn.door43.org/obs/jpg/360px/obs-en-46-04.jpg)

ଦମ୍ମେସକଦୁ ହନନିୟ ଦୋରୁତିକାନ୍ ଅରେନ୍ ସିସୁ ମାର୍‌ହାନ୍। ମାପ୍‌ରୁ ୱାନିଙ୍ଗ୍ ୱେହ୍‌ତାନ୍, “ଶାଉଲ ମାନ୍‌ଜିନି ଇଲୁଦୁ ସନ୍‌ଣ୍ତ୍ରୁ। ୱାନି ମୁସ୍‌କୁ କିୟୁ ଇଡ୍‌ଦୁ, ଏମେଫଲଦୁ ଆକାନ୍ ମାରିଢେସି ସୁଡ୍‌ଦେଙ୍ଗ୍ ଆଟ୍‌ନି।” ମାରି ହନନିୟ ୱେର୍‌ତାନ୍, “ମାପ୍‌ରୁ, ନାନୁ ୱେନ୍‌ଏ ଜେ ଇୟା ଲୋକୁ ଏମେୱାଜା ବିସ୍‌ବାସ୍‌ରିଙ୍ଗ୍ ଦୁଃକାମ୍ ସିଜିମାହାର୍ ମାପ୍‌ରୁ ୱାନିଙ୍ଗ୍ ମାଟା ସିତାନ୍, “ସନ୍‌ଣ୍ତ୍ରୁ! ଯିହୁଦୀଲୋକାଙ୍ଗ୍ ମାରି ଆଇ କୁଟୁମ୍ ଲୋକାଙ୍ଗ୍ ନା ଦୋରୁ ୱେର୍‌ତେଙ୍ଗ୍ ନାନୁ ୱାନିଙ୍ଗ୍ ଆସ୍‌କିତାମାନା। ଆକାନ୍ ନା ଦୋରୁଦି ୱାନ୍ଦିଙ୍ଗ୍ ନାଣ୍ତୋ କାସ୍‌ଟାମ୍ ଆନାନ୍।”

![](https://cdn.door43.org/obs/jpg/360px/obs-en-46-05.jpg)

ମାରି ହନନିୟ ଶାଉଲଦି ଡାଗ୍‌ରୁ ସନ୍‌ସି ୱାନି ମୁସ୍‌କୁ କିୟୁ ଇଡ୍‌ଜି ୱେହ୍‌ତାନ୍, “ଯିଶୁ, ଇବେ ସନି ସାରିଦୁ ନିଙ୍ଗିଁ ସୁଡ୍‌ତାନ୍, ନାଙ୍ଗିଁ ମାରିଢେସି ମି ଡାଗ୍‌ରୁ ପକ୍‌ତାନ୍ ଏଣ୍ତେସ୍‌ଗି ନିନୁ ମାରି ସୁଡ୍‌ଦେଙ୍ଗ୍ ଆଟ୍‌ନି, ମାରି ପବିତ୍ରଜିଉ ନିଙ୍ଗିଁ ପୁରାକିନାତ୍।” ଆୟାଦାପ୍‌ରେ ଶାଉଲ ମାରିଢେସି ସୁଡ୍‌ଦେଙ୍ଗ୍ ଇଚାକିତାନ୍, ମାରି ହନନିୟ ୱାନିଙ୍ଗ୍ ଡୁବନ୍‌ସିତାନ୍। ଶାଉଲ ଇନି କାଦି ଉଣ୍‌ଜି ମାରିଢେସି ସାକ୍‌ତି ଆତାନ୍।

![](https://cdn.door43.org/obs/jpg/360px/obs-en-46-06.jpg)

ଦାପ୍‌ରେ ଦାପ୍‌ରେ ଶାଉଲ ଦମ୍ମେସକର ଯିହୁଦିରିଙ୍ଗ୍ ପ୍ରଚାର୍ କିଦେଙ୍ଗ୍ ଆସ୍‌ତାର୍। ଆକାନ୍ ୱେର୍‌ତାନ୍, “ଯିଶୁ ଆଜିନାନ୍ ମାପ୍‌ରୁଦି କଢୋ!” ଯିହୁଦିର୍ କାବା ଆତାର୍ ମାତର୍ ଶାଉଲ ବିସ୍‌ବାସିରିଙ୍ଗ୍ ସାୟାମାର୍‌ଗା ଢେଇଦେଙ୍ଗ୍ ଇଚାକିଜି ମାର୍‌ହାର୍, ମାରି ଇଏଲ୍ ଆକାନ୍ ଯିଶୁଦି ଡାଗ୍‌ରୁ ବିସ୍‌ବାସ୍ କିତାନ୍! ଶାଉଲ ଯିହୁଦିରି ୱାଲେ ୱାରି ୱାରିଲୋଇ ୱାର୍‌ଗିତାର୍‌ ଆକାନ୍ ତର୍‌ପନିକା ଜେ ଯିଶୁ ଆଜିନାନ୍ ଖ୍ରୀଷ୍ଟ।

![](https://cdn.door43.org/obs/jpg/360px/obs-en-46-07.jpg)

ନାଣ୍ତୋ ଦିନାମ୍ ୱେନ୍‌କା ଯିହୁଦିର୍ ଶାଉଲଦିଙ୍ଗ୍ ସାୟାମାର୍‌ଗା ଢେଇନି ୱାନ୍ଦିଙ୍ଗ୍ ପାଣି କିଜିମାର୍‌ହାର୍। ୱାନିଙ୍ଗ୍ ସାୟାମାର୍‌ଗା ଢେଇନି ୱାନନଦିଙ୍ଗ୍ ଆକାର୍ ଗଡ୍‌ଦି ଦୁୱାର୍‌ତୁ ୱାନିଙ୍ଗ୍ ସୁଡ୍‌ନି ୱାନ୍ଦିଙ୍ଗ୍ ଲୋକାଙ୍ଗ୍ ପକ୍‌ତାନ୍। ମାରି ଶାଉଲ ଇୟା ପାଣି ବିଷୟ୍‌ଦାନ୍ ୱେହାନ୍ ମାରି ୱାରି ତୋଡୁର୍‌ ୱାନିଙ୍ଗ୍ ଢିବାଜି ସନ୍‌ଡ୍ରେଙ୍ଗ୍ ସାହାଯ୍ୟ କିତାନ୍। ଅର୍‌ନେଣ୍ତ୍ ନାଡା ଆକାର୍ ୱାନିଙ୍ଗ୍ ଡାଣିଦୁ ଗଡ୍‌ଦି କାତି ମୁସ୍‌କୁ ରେପ୍‌ତାର୍। ଶାଉଲ ଦମ୍ମେସକଦିଙ୍ଗ୍ ଉହ୍‌କ୍‌ତି ୱେନ୍‌କା ଆକାନ୍ ଯିଶୁଦି ବିଷୟ୍‌ଦାନ୍ ପ୍ରଚାର୍ କିଦେଙ୍ଗ୍ ଆସ୍‌ତାର୍।

![](https://cdn.door43.org/obs/jpg/360px/obs-en-46-08.jpg)

ଶାଉଲ ପ୍ରେରିତରି ୱାଲେ କୁଡ୍‌ଦେଙ୍ଗ୍ ଯିରୁଶାଲମଦୁ ସର୍‌ହାର୍, ମାରି ଆକାର୍ ୱାନିଙ୍ଗ୍ ତିଲାତାର୍। ଦାନିୱେନ୍‌କା ବର୍ଣ୍ଣବ୍ବା ଦୋରୁତି ଅରେନ୍ ବିସ୍‌ବାସି ଶାଉଲଦିଙ୍ଗ୍ ପ୍ରେରିତରି ଡାଗ୍‌ରୁ ଅତାର୍। ଶାଉଲ ଦମ୍ମେସକଦୁ ଏମେୱାଜା ସାସ୍‌ଦାନ୍ ପ୍ରଚାର୍ କିତାମାର୍‌ହାନ୍, ଆକାନ୍ ୱାରିଙ୍ଗ୍ ୱେର୍‌ତାନ୍। ଇୟାୱେନ୍‌କା ପ୍ରେରିତର୍ ଶାଉଲଦିଙ୍ଗ୍ ନିଜେଦି କିତାର୍।

![](https://cdn.door43.org/obs/jpg/360px/obs-en-46-09.jpg)

ଏସୋ ବିସ୍‌ବାସିର୍ ଯିରୁଶାଲାମତି ଦୁକ୍‌ଦାନ୍ ସନ୍‌ସି ଆଣ୍ଟିଅଖ ଗଡ୍‌ଦୁ ସନ୍‌ସି ଯିଶୁଦି ବିଷୟ୍‌ଦାନ୍ ପ୍ରଚାର୍ କିତାନ୍। ଆନ୍ତିୟଖିଆର୍ ଏସୋ ଲୋକୁ ଯିହୁଦି ଆଏର୍, ମାରି ପର୍‌ତୁମ୍ ଜାରିଙ୍ଗ୍ ୱାନ୍ଦିଙ୍ଗ୍ ଯିହୁଦିର୍ ବିସ୍‌ବାସି ଆତାର୍। ଇୟା ପୁନି ବିସ୍‌ବାସିରିଙ୍ଗ୍ ଯିଶୁଦି ବିଷୟ୍‌ଦାନ୍ ନାଣ୍ତୋ ସିକିଆ ସିନାଟ୍ ମାରି ମଣ୍ତ୍‌ଲି ସାତୁକିନି ୱାନ୍ଦିଙ୍ଗ୍ ବର୍ଣ୍ଣବ୍ବା ମାରି ଶାଉଲ ଆବେ ସର୍‌ହାର୍। ଆନ୍ତିୟଖିଆଦୁ ନେ ଯିଶୁଦିଡାଗ୍‌ରୁ ବିସ୍‌ବାସିରିଙ୍ଗ୍ ପର୍‌ତୁମ୍ କ୍ରିଷ୍ଟାନ୍ ୱେହ୍‌ତାମାର୍‌ହାର୍।

![](https://cdn.door43.org/obs/jpg/360px/obs-en-46-10.jpg)

ଅର୍‌ନେଣ୍ତ୍ ଆନ୍ତିୟଖିଆଦୁ ଯିଶୁଦି ୱେନ୍‌କା ବୁଲାନି ଲୋକୁ ଉପାସ୍ ମାରି ପାର୍‌ତନା କିଜିମାର୍‌ହାର୍। ପବିତ୍ରଜିଉ ୱାରିଙ୍ଗ୍ ୱେହ୍‌ତାତ୍, “ବର୍ଣ୍ଣବ୍ବା ମାରି ଶାଉଲ ନାଙ୍ଗିଁ ଏମେ ପାଣି କିଦେଙ୍ଗ୍ ୱେହ୍‌ତାମାନାନ୍, ଆକା କିଆ।” ମାରି ଆନ୍ତିୟଖିଆର ମଣ୍ତ୍‌ଲି ବର୍ଣ୍ଣବ୍ବା ମାରି ଶାଉଲଦି ନୁଣ୍ତିଙ୍ଗ୍ ପାର୍‌ତନା କିତାର୍ ମାରି ୱାରି ମୁସ୍‌କୁ କିୟୁ ଇଡ୍‌ତାନ୍। ଦାନିୱେନ୍‌କା ଆକାର୍ ଆଇ ନାଣ୍ତୋ ଜାଗାଦୁ ଯିଶୁଦି ବିଷୟ୍‌ଦାନ୍ ନେଗିକାବୁର୍ ପ୍ରଚାର୍ କିଦେଙ୍ଗ୍ ୱାରିଙ୍ଗ୍ ପକ୍‌ତାନ୍‌। ବର୍ଣ୍ଣବ୍ବା ମାରି ଶାଉଲ ଆଇ ଆଇ କୁଟୁମ୍ ଲୋକାଙ୍ଗ୍ ସିକିଆ ସିତାର୍‌,ମାରି ନାଣ୍ତୋ ଲୋକୁ ଯିଶୁଦିଡାଗ୍‌ରୁ ବିସ୍‌ବାସ୍ କିତାର୍।

*ପ୍ରେରିତ୮:୩; ୯:୧-୩୧; ୧୧:୧୯-୨୬; ୧୩:୧-୩ ବାଇବଲ୍‌ଦି ଉଣ୍ଡ୍ରେ କାତାନି*

## 47. ୪୭. ଫିଲିପି ଗଡ଼୍‌ଦୁ ପାଉଲ ମାରି ସିଲା

https://openbiblestories.org/l/pci/story-47/

![](https://cdn.door43.org/obs/jpg/360px/obs-en-47-01.jpg)

ଏସ୍ତିୱାଲେ ଶାଉଲ ୱିଜୁ ରୋମ ରାଜିଦୁ ବୁଲାତି ୱେଡାଦୁ ୱାଣ୍ଡ୍ରୁ ୱାନି ରୋମ୍ ରାଜିତି ଦୋରୁ ‘ପାଉଲ’ ଦିଙ୍ଗ୍ ବ୍ୟବହାର୍ କିଦେଙ୍ଗ୍ ଆସ୍‌ତାନ୍‌। ଅର୍‌ନେଣ୍ତ୍, ପାଉଲ ମାରି ୱାନି ତୋଡୁ ସିଲା ଫିଲିପ୍ପି ଗଡ୍‌ଦୁ ଯିଶୁଦି ବିଷୟ୍‌ଦାନ୍ ସୁସମାଚାର୍ ପ୍ରଚାର୍ କିଦେଙ୍ଗ୍ ସର୍‌ହାର୍‌। ୱାରୁ ଗଡ୍‌ଦି ବାଇଲୁଦି ଗାଡା ଡାଗ୍‌ରୁ ମାନି ଉଣ୍ତ୍ରେ ବାଡିଦୁ ସହାର୍ ଏମେବାନୁଗି ଲୋକୁ ପାର୍‌ତନା କିଦେଙ୍ଗ୍ ଉଣ୍ତ୍ରେବାନୁ ମାର୍‌ହାର୍‌। ଆବେ ୱାରୁ ଲୁଦିଆ ଦୋରୁତିକାତ୍ ଅରେତ୍ ଆଇଲି କଢୋଦିଙ୍ଗ୍ କୁଡିତାମାହାର୍‌ ଏହେତ୍ ଅରେତ୍ ବେପାରିଏନ୍ ମାହାତ୍‌। ଆକାତ୍ ମାପ୍‌ରୁଦିଙ୍ଗ୍ ଜିଉ ନଜି ମାର୍‌ହାର୍‌ ମାରି ୱାନି ଉପାସନା କିଜିମାର୍‌ହାର୍।

![](https://cdn.door43.org/obs/jpg/360px/obs-en-47-02.jpg)

ମାପ୍‌ରୁ ଲୁଦିଆଦିଙ୍ଗ୍ ଯିଶୁଦି ବିଷୟ୍‌ଦି ମାଟାଦି ବିସ୍‌ବାସ୍ କିଦେଙ୍ଗ୍ ସାୟାମ୍ କିତାମାର୍‌ହାନ୍। ପାଉଲ ମାରି ସିଲା ଦାନିଙ୍ଗ୍ ମାରି ଦାନି ପରିବାର୍‌ଦିଙ୍ଗ୍ ଡୁବନ୍ ସିତାର୍‌। ୱାଦୁ ପାଉଲ ମାରି ସିଲାଦିଙ୍ଗ୍ ଦାନିଙ୍ଗ୍ ଇଲୁଦୁ ମାନ୍‌ଣ୍ଡ୍ରେଙ୍ଗ୍‌ କୁକ୍‌ତା ମାର୍‌ହାର୍, ଇୟାୱାନ୍ଦିଙ୍ଗ୍‌ ୱାରୁ ଆବେ ମାର୍‌ହାର୍।

![](https://cdn.door43.org/obs/jpg/360px/obs-en-47-03.jpg)

ପାଉଲ ମାରି ସିଲା ଏସେଙ୍ଗ୍-ଏସେଙ୍ଗ୍ ଲୋକା ୱାଲେ କୁଡିତା ମାର୍‌ହାର୍ ଏମେଗି ଯିହୁଦି ପାର୍‌ତନା କିଜି ମାର୍‌ହାର୍‌। ୱିଜୁଦିନାମ୍ ନାସ୍ତିୱାଲେ ୱାରୁ ଆବେ ସନ୍‌ସି ମାର୍‌ହାର୍‌ ଉଣ୍ତ୍ରେ ସେଇ ଜିଉ ମାନି ଅରେତ୍ ଦାସି ଆଇଲି ୱାରିଙ୍ଗ୍ ୱେନ୍‌କା ୱେନ୍‌କା ସନ୍‌ସି ମାର୍‌ହାତ୍‌। ଇୟା ସେଇ ଜିଉଦାଣାନ୍‌, ଆଦି ଲୋକୁଦି ଭବିଷ୍ୟତ୍‌ମାଟା ୱେର୍‌ସି ମାର୍‌ହାତ୍‌, ଇୟାୱାନ୍ଦିଙ୍ଗ୍‌ ଆଦି ଭବିଷ୍ୟତ୍‌ମାଟା ୱେର୍‌ନି ଲୋକାୱାଜା ଆଜି ନିଜେ ସାଉକାର୍‌ଦି ୱାନ୍ଦିଙ୍ଗ୍ ନାଣ୍ତୋ ଡାବୁ ଲାବାମ୍ କିଜିସିଜି ମାର୍‌ହାତ୍।

![](https://cdn.door43.org/obs/jpg/360px/obs-en-47-04.jpg)

ୱାରୁ ବୁଲାନିୱେଡାଦୁ ଆୟା ଦାସି ଆଇଲି ଆଉଲି ଆଜି ୱେର୍‌ସିମାର୍‌ହାତ୍, “ଇୟା ଲୋକୁ ୱିଜୁଦାନ୍ ମୁସ୍‌କୁ ମାପ୍‌ରୁଦି ସେବକର୍‌। ୱେରୁ ଉଦାର୍ ପାଏଆନି ସାରି ନିଙ୍ଗିଁ ୱେହ୍‌ସିନାର୍!” ଆକାତ୍ ୱିଜୁଦିନାମ୍ ଇୟାୱାଜାନେ କିଜିମାର୍‌ହାତ୍‌ ଆଦେଙ୍ଗେଁ ପାଉଲ କାକା ଆତାନ୍।

![](https://cdn.door43.org/obs/jpg/360px/obs-en-47-05.jpg)

ୱିଜ୍‌ନି ୱେଡାଦୁ, ଅର୍‌ନେଣ୍ତ୍ ନାସ୍ତିୱାଲେ ଆୟା ଦାସି ଆଉଲି ଆଜି ୱେହ୍‌ତେଙ୍ଗ୍ ଆସ୍‌ତାତ୍‌, ଆଦେଙ୍ଗେଁ ପାଉଲ ୱାନି ତୋର୍‌ନ ବୁଲାଜି ଦାନି ଲୋଇ ମାନି ସେଇଜିଉଦିଙ୍ଗ୍ ୱେର୍‌ତାନ୍, ”ଯିଶୁଦି ଦୋରୁଦାଣ୍‌ ଦାନି ଲୋଇର୍‌ହାନ୍ ସୋସି ସନ୍‌ଆ।” ଦାପେ ଦାପେ ଆୟା ସେଇଜିଉ ଦାନିଙ୍ଗ୍ ଢିସ୍‌ସି ସର୍‌ହାତ୍।

![](https://cdn.door43.org/obs/jpg/360px/obs-en-47-06.jpg)

ଆୟା ଦାସିଦି ସାଉକାର୍ ନାଣ୍ତୋ କାକା ଆତାର୍‌! ୱାରୁ ନେସ୍‌ତାର୍ ଗାନି ସେଇଜିଉ ଢିସ୍‌ତିଙ୍ଗାଁ ଆୟା ଦାସି ଆଇଲି ଲୋକୁରି ଭବିଷ୍ୟତ୍‌ ମାଟା ୱେର୍‌ତେଙ୍ଗ୍ ଆଟ୍‌ଏତ୍‌। ଇକା ଅର୍‌ତ ଇକାଜେ ଆକାତ୍ ଲୋକୁର୍ ଭବିଷ୍ୟତ୍ ମାଟା ୱେର୍‌ତିଙ୍ଗାଁ ୱାରୁ ଦାନିଙ୍ଗ୍ ସାଉକାର୍‌ଦିଙ୍ଗ୍ ଡ଼ାବୁମାରି ସିଏର୍।

![](https://cdn.door43.org/obs/jpg/360px/obs-en-47-07.jpg)

ଆଦେଙ୍ଗେଁ ଆୟା ଦାସିଦି ସାଉକାର୍‌ରିଙ୍ଗ୍ ପାଉଲ ମାରି ସିଲାଦିଙ୍ଗ୍ ରୋମ ଦେଶେମ୍‌ତି ସରକାରିଲୋକୁଦି ଡାଗ୍‌ରୁ ଅତାର୍, ଏମେକାର୍ ପାଉଲ ମାରି ସିଲାଦିଙ୍ଗ୍ ଢେଇତାର୍ ମାରି ୱେନ୍‌କା ୱାରିଙ୍ଗ୍ ଜୋଇଲ୍‌ଦୁ ନିର୍‌ତାର୍।

![](https://cdn.door43.org/obs/jpg/360px/obs-en-47-08.jpg)

ୱାରୁ ପାଉଲ ମାରି ସିଲାଦିଙ୍ଗ୍ ଆୟା ଜୋଇଲ୍‌ଦୁ ଇଟ୍‌ତାର୍ ଏମେବାନୁଗି ନାଣ୍ତୋ ଜୋଇଲ୍‌ରକ୍ଷା କିନିକାର୍ ମାହାର୍। ଇୟାୱାଜାଗି ୱାରୁ ପେରିପେରି ମୁଟ୍‌ଲେଙ୍ଗାଁ ୱାଲେ ୱାରି ପାଦାମ୍‌ଙ୍ଗାଁ ତହ୍‌ତାମାହାର୍। ମାତର୍‌ ମାଜେର୍‌ନାଡା ପାଉଲ ମାରି ସିଲା ମାପ୍‌ରୁଦି ପ୍ରଶଂସା ପାଟା ପାର୍‌ଜିମାହାର୍।

![](https://cdn.door43.org/obs/jpg/360px/obs-en-47-09.jpg)

ଗାଦେମ୍, ଉଣ୍ଡ୍ରେ ବୁମି କାଦ୍‌ଲିତାତ୍! ୱିଜୁ ଜୋଇଲ୍‌ଦି ସେହ୍‌ଲା ରେୟାତାତ୍, ମାରି ୱିଜୁ ଜୋଇଲ୍‌ଦୁ ମାନ୍‌ଜିନି ଲୋକୁର୍ ତୋର୍‌ହାତିମାର୍‌ହି ସିକ୍‌ଣି କୁଦ୍‌ଜି ଆର୍‌ତାତ୍।

![](https://cdn.door43.org/obs/jpg/360px/obs-en-47-10.jpg)

ଏସ୍ତିୱାଲେ ଜଇଲ୍‌ ରକ୍ଷା କିନିକାନ୍ ନିଙ୍ଗିଁତାନ୍। ୱାଣ୍ଡ୍ରୁ ସୁଡ୍‌ତାନ୍ ଗାନି ଜଇଲଦି ସେହ୍‌ଲା କୁଦିତା ମାନାତ୍‌। ୱାଣ୍ଡ୍ରୁ ଅଡ୍‌ବିତାନ୍ ଗାନି ୱିଜୁ ଜୋଇଲ୍‌ଦୁ ମାନ୍‌ଜିନି ଲୋକୁ ଉରୁକ୍‌ତାର୍। ୱାଣ୍ଡ୍ରୁ ତିଲାଜି ମାର୍‌ହାନ୍ ଗାନି ୱାରୁ ଉରୁକ୍‌ନି ୱାନ୍ଦିଙ୍ଗ୍ ରୋମ୍‌ ଦେଶେମ୍‌ତି ଅଦିକାରି ଲୋକୁ ୱାନିଙ୍ଗ୍ ସାଗୁମାର୍‌ଗା ଢେଇନାର୍‌, ଇୟାୱାନ୍ଦିଙ୍ଗ୍‌ ୱାଣ୍ଡ୍ରୁ ନିଜେଦିଙ୍ଗ୍ ଢେୟାଦେଙ୍ଗ୍ ତିଆର୍ ଆତାନ୍! ମାତର୍ ପାଉଲ ୱାନିଙ୍ଗ୍ ସୁଡ୍‌ଜି ଆଉଲି ଆଜି ୱେର୍‌ତାନ୍, “ମାନ୍‌ଆଁ! ନିଜେଦିଙ୍ଗ୍ ଢେୟାମା। ମାପୁ ୱିଜେରେ ଇବେ ମାନାପ୍।”

![](https://cdn.door43.org/obs/jpg/360px/obs-en-47-11.jpg)

ଆୟା ଜୋଇଲ୍‌ ରକ୍ଷାକିନିକାନ୍ ତିଏଲାଦାନ୍ ପାଉଲ ମାରି ସିଲାଦି ଡାଗ୍‌ରୁ ୱାଜି ୱେନ୍‌ବାତାନ୍‌, “ପରିତ୍ରାଣ୍‌ ପୁଟିନିୱାନ୍ଦିଙ୍ଗ୍ ନାନୁ ଇନିକା କିନା?” ପାଉଲ ଉତର୍‌ ସିତାନ୍, “ମାପ୍‌ରୁ ଯିଶୁଦି ଡାଗ୍‌ରୁ ବିସ୍‌ବାସ୍ କିଆ, ଆଦେଙ୍ଗେଁ ନିନୁ ମାରି ନି ପରିବାର୍ ପରିତ୍ରାଣ୍ ପାଏଆନିଦେର୍।” ଦାନିୱେନ୍‌କା ଜଇଲରକ୍ଷା କିନିକାନ୍‌ ପାଉଲ ମାରି ସିଲାଦିଙ୍ଗ୍ ୱାନି ଇଣ୍ଡ୍ରୋ ଅସ୍‌ସି ୱାରି ଗାଉଦିଙ୍ଗ୍‌ ତେଲିତାନ୍‌। ପାଉଲ ଯିଶୁଦି ବିଷୟ୍‌ଦି ନେଗିକାବୁର୍ ୱାରି ଇଣ୍ଡ୍ରୋଣି ୱିଜେରିଙ୍ଗ୍ ୱେନିସ୍‌ତାନ୍।

![](https://cdn.door43.org/obs/jpg/360px/obs-en-47-12.jpg)

ଜଇଲ୍‌ରକ୍ଷା କିନିକାନ୍ ମାରି ୱାନି ପରିବାର୍ ଯିଶୁଦିଙ୍ଗ୍‌ ବିସ୍‌ବାସ୍ କିତାର୍, ଇୟାୱାନ୍ଦିଙ୍ଗ୍ ପାଉଲ ମାରି ସିଲା ୱାରିଙ୍ଗ୍ ଡୁବନ୍ ସିତାର୍। ୱେନ୍‌କା ଜଇଲ୍‌ରକ୍ଷା କିନିକାନ୍ ପାଉଲ୍ ମାରି ସିଲାଦିଙ୍ଗ୍ ଉଣ୍ଡେଙ୍ଗ୍ ସିତାନ୍‌, ମାରି ୱାରୁ କୁଡ଼୍‌ଜି ଉଣ୍ଡ୍ରେ ଡାଗ୍‌ରୁ ସାର୍‌ଦା କିତାର୍।

![](https://cdn.door43.org/obs/jpg/360px/obs-en-47-13.jpg)

ଦାନିୱେନ୍‌କାହି ଦିନାମ୍ ଗଡ୍‌ଦି ନେତାର୍ ପାଉଲ୍ ମାରି ସିଲାଦିଙ୍ଗ୍ ଜଇଲ୍‌ଦାନ୍ ସପ୍‌ସି ଡ଼ିସ୍‌ତାର୍ ମାରି ଫିଲିପ୍ପି ଗଡ଼୍‌ ଡିସ୍‌ସି ସଣ୍ଡ୍ରେଙ୍ଗ୍‌ ୱେର୍‌ତାର୍। ପାଉଲ୍ ମାରି ସିଲା ଲୁଦିଆ ମାରି ଆଇ ଇନି ତୋଡୁରିଙ୍ଗ୍ କୁଡ଼୍‌ଜି ଗଡ୍ ଡିସ୍‌ସି ସହାର୍। ଯିଶୁଦି ବିସୟଦାନ୍‌ ନେଗିକାବୁର୍ ସାରିତାତ୍ ମାରି ମଣ୍ତ୍‌ଲି ପିରିଦେଙ୍ଗ୍ ଆସ୍‌ତାତ୍।

![](https://cdn.door43.org/obs/jpg/360px/obs-en-47-14.jpg)

ପାଉଲ ମାରି ଆଇ ବିସ୍‌ବାସି ନେତାର୍ ନାଣ୍ତୋ ଗଡ୍‌କାଙ୍ଗ୍‌ ବୁଲାତାର୍। ୱାରୁ ଲୋକାଙ୍ଗ୍ ଯିଶୁଦି ବିସୟଦାନ୍ ନେଗିକାବୁର୍ ୱେନିସ୍ତାର୍। ୱାରୁ ମଣ୍ତ୍‌ଲିଦୁ ବିସ୍‌ବାସିରିଙ୍ଗ୍ ବିସ୍‌ବାସ୍‌ଦାଣ୍ ସାର୍‌ଦା କିଦେଙ୍ଗ୍‌ ମାରି ସିକିୟା ସିନି ୱାନ୍ଦିଙ୍ଗ୍ ଏସୋ ସିଟିବା ରାସ୍‌ତା ମାର୍‌ହାର୍। ଇୟା ସିଟି ଲୋଇହାନ୍ ଏସଡ୍ ବାଇବଲ୍‌ଦି ବଇ ଆତାତ୍।

*ପ୍ରେରିତ ୧୬:୧୧-୪୦ ବାଇବଲ୍‌ଦି ଉଣ୍ଡ୍ରେ କାତାନି*

## 48. ୪୮. ଯିଶୁ ଆଜିନାନ୍ ପାର୍‌ମାଣାମ୍ କିତିମାହି ଖ୍ରୀଷ୍ଟ

https://openbiblestories.org/l/pci/story-48/

![](https://cdn.door43.org/obs/jpg/360px/obs-en-48-01.jpg)

ଏସ୍ତିୱାଲେ ମାପ୍‌ରୁ ସାମ୍‌ସାରାମ୍‌ଦିଙ୍ଗ୍‌ ତିଆର୍ କିତାନ୍ ୱିଜୁ ନେଗେଣ୍ତ୍ ମାର୍‌ହାତ୍। ଇନି ପାପାମ୍ ସିଲେଣ୍ତା ମାର୍‌ହାତ୍। ଆଦମ୍ ମାରି ହବା ୱାରି-ୱାରି ଲୋଇ ବଲ୍‌ପାଏଆଜି ମାର୍‌ହାର୍, ମାରି ୱାରୁ ମାପ୍‌ରୁଦିଙ୍ଗ୍ ବଲ୍‌ପାଏ ଆଜିମାହାର୍। ଇନି ରୋଗ୍ ବା ମାରି ସାଉ ସିଲେଣ୍ତା ମାର୍‌ହାତ୍। ମାପ୍‌ରୁ ଇୟାୱାନେ ସାମ୍‌ସାରାମ୍‌ଦିଙ୍ଗ୍ ମାନ୍‌ସୁ କିଜିମାର୍‌ହାନ୍।

![](https://cdn.door43.org/obs/jpg/360px/obs-en-48-02.jpg)

ସୟତାନ୍ ହବା ୱାଲେ ସାରାସୁୱାଜା ଆଜି ଡୋଡିଦୁ ୱାର୍‌ଗିତାନ୍, ମାତର୍ ୱାଣ୍ତ୍ରୁ ଦାନିଙ୍ଗ୍ ଦକା ସିଦେଙ୍ଗ୍‌ ମାନ୍‌ସୁକିଜି ମାର୍‌ହାନ୍। ଦାନିୱେନ୍‌କା ହବା ମାରି ଆଦମ୍ ମାପ୍‌ରୁଦି ବିରୁଦ୍‌ଦୁ ପାପାମ୍ କିତାର୍। ମାତର୍ ୱାରୁ ପାପାମ୍ କିତାମାର୍‌ହାର୍, ଆୟାୱାନ୍ଦିଙ୍ଗ୍ ୱିଜୁ ଲୋକୁ ସାଜିନାର୍‌।

![](https://cdn.door43.org/obs/jpg/360px/obs-en-48-03.jpg)

ମାତର୍ ଆଦମ୍ ମାରି ହବା ପାପାମ୍ କିତାର୍, ଆୟାୱାନ୍ଦିଙ୍ଗ୍ ସେଇ ଗଟ୍‌ନା ଗଟେଆତାତ୍। ୱାରୁ ମାପ୍‌ରୁଦି ଶତ୍ରୁ ଆତାର୍। ଆୟାୱାନ୍ଦିଙ୍ଗ୍, ଆବେଣାନ୍ ୱିଜେରେ ଉଣ୍ତ୍ରେ ପାପାମ୍ କିତାମାନାର୍। ଜନମ୍‌ଦାନ୍ ୱିଜେରେ ମାପ୍‌ରୁଦି ଶତ୍ରୁ। ମାପ୍‌ରୁ ମାରି ଲୋକାଲୋଇ ଶାନ୍ତି ସିଲେଣ୍ତା ମାର୍‌ହାତ୍। ମାତର୍ ମାପ୍‌ରୁ ଶାନ୍ତି ସିଦେଙ୍ଗ୍ ମାନ୍‌ସୁକିଜି ମାର୍‌ହାନ୍।

![](https://cdn.door43.org/obs/jpg/360px/obs-en-48-04.jpg)

ମାପ୍‌ରୁ ପାର୍‌ମାଣାମ୍ କିତାମାର୍‌ହାନ୍ ଜେ ହବାଦି ଉଣ୍ତ୍ରେ କୁଟୁମ୍ ସୟତାନ୍‌ଦି ତାଲାଦିଙ୍ଗ୍ କତ୍‌ନାତ୍‌। ୱାଣ୍ତ୍ରୁ ଇକା ୱିଜୁ ୱେହ୍‌ତାମାନାନ୍ ଜେ ରେଡିଦୁ ଟକ୍‌ତାତ୍। ଆଇ ଅର୍ଥଦାନ୍, ସୟତାନ୍ ଯିଶୁଦିଙ୍ଗ୍ ସାୟାମାର୍‌ଗା ଡ଼େଇନାନ୍, ମାରି ମାପ୍‌ରୁ ୱାନିଙ୍ଗ୍ ମାରିଡ଼େସି ନିକ୍‌ନାନ୍। ଇୟାୱେନ୍‌କା, ମାପ୍‌ରୁ ସୟତାନ୍‌ଦି ସାତୁଦିଙ୍ଗ୍ ୱିଜୁଦିନାମ୍ ୱାନ୍ଦିଙ୍ଗ୍ ୱିସ୍‌ନାନ୍। ନାଣ୍ତୋ ପାଟେଙ୍ଗ୍‌ ୱେନ୍‌କା, ମାପ୍‌ରୁ ସିତାନ୍ ଜେ ୱାଣ୍ତ୍ରୁ ଆଜିନାନ୍ ମାପ୍‌ରୁ ଯିଶୁ।

![](https://cdn.door43.org/obs/jpg/360px/obs-en-48-05.jpg)

ମାପ୍‌ରୁ ନହଦିଙ୍ଗ୍ ଉଣ୍ତ୍ରେ ଡଙ୍ଗା ତିହାର୍ କିଦେଙ୍ଗ୍ ୱେହ୍‌ତାମାର୍‌ହାନ୍ ଇୟାବାଣାନ୍ ୱାଣ୍ତ୍ରୁ ୱାରି ପରିବାର୍‌ଦିଙ୍ଗ୍ ମାପ୍‌ରୁ ପକିସ୍‌ତେଙ୍ଗ୍ ସନ୍‌ସିମାହି ବାତ୍ୟା ଦୁକାମ୍‌ଦାନ୍ ରକିୟା କିଦେଙ୍ଗ୍ ଆଟ୍‌ନାନ୍। ଇୟାୱାଜା ମାପ୍‌ରୁ ଆୟା ଲୋକାଙ୍ଗ୍ ଜିପିସ୍‌ତାନ୍ ଏୟେନ୍‌ଗି ୱାନି ମୁସ୍‌କୁ ବିସ୍‌ବାସ୍ କିଜିମାର୍‌ହାର୍। ଇୟାୱାଜା ୱିଜେରେ ପାପାମ୍ କିଜିମାହିଙ୍ଗ୍ ମାପ୍‌ରୁଦି ବାଣାନ୍ ସାନିଡଣ୍ତ୍ ପାଏଆଦେଙ୍ଗ୍ ଜଗ୍। ମାରି ମାପ୍‌ରୁ ଯିଶୁଦିଙ୍ଗ୍ ୱାନି ମୁସ୍‌କୁ ବିସ୍‌ବାସ୍ କିଜିମାହି ୱିଜେରିଙ୍ଗ୍ ଜିପିସ୍‌ନି ୱାନ୍ଦିଙ୍ଗ୍ ପୋକ୍‌ତାନ୍।

![](https://cdn.door43.org/obs/jpg/360px/obs-en-48-06.jpg)

ନାଣ୍ତୋ ପାଟେଙ୍ଗ୍ ସାନ୍ଦି ଆସ୍‌ସି, ଯାଜକର୍ ମାପ୍‌ରୁଦି ଡାଗ୍‌ରୁ ବଲିଦାନ୍ ସିଜିମାର୍‌ହାର୍‌। ମାରି ଇକା ତର୍‌ପସିନାନ୍ ଜେ ଲୋକୁ ପାପାମ୍ କିତାର୍ ମାରି ମାପ୍‌ରୁଦିବାଣାନ୍ ଡଣ୍ତ୍ ଜଗ୍ ମାର୍‌ହାର୍‌। ମାତର୍ ଆୟା ବଲିଦାନ୍ ୱାରି ପାପାମ୍‌ଦି କେମା କିଦେଙ୍ଗ୍ ଆଟ୍‌ଏଜିମାର୍‌ହାର୍‌। ଯିଶୁ ଆଜିନାନ୍ ୱିଜେରିଙ୍ଗ୍ ପେରିଯାଜକ ମାର୍‌ହାନ୍‌। ୱାଣ୍ତ୍ରୁ ଆକା କିତାନ୍ ଏମେକାଗି ଯାଜକ୍ ବା କିଦେଙ୍ଗ୍ ଆଟ୍‌ଏଜି ମାର୍‌ହାନ୍। ୱାଣ୍ତ୍ରୁ ନିଜେଦିଙ୍ଗ୍ ଉଣ୍ତ୍ରେମାତର୍ ବଲିଦାନ୍ ନିଜେଦିଙ୍ଗ୍ ସର୍‌ପେଆତାନ୍‌ ଏମେକା ୱିଜେରି ପାପାମ୍ ନର୍‌ଦେଙ୍ଗ୍ ଆଟ୍‌ନାତ୍। ୱାଣ୍ତ୍ରୁ ମାନାତା ମାନାନ୍ ଜେ ମାପ୍‌ରୁ ଆଜିନାନ୍ ୱାନି ପାପାମ୍ ୱାନ୍ଦିଙ୍ଗ୍ ୱାନିଙ୍ଗ୍ ଡଣ୍ତ୍ ସିଦୁ। ଆୟା ୱାନ୍ଦିଙ୍ଗ୍, ଯିଶୁ ଅରେନ୍ ପବିତ୍ର ପେରିଯାଜକ୍‌ ମାର୍‌ହାନ୍।

![](https://cdn.door43.org/obs/jpg/360px/obs-en-48-07.jpg)

ମାପ୍‌ରୁ ଅବ୍ରାମ୍‌ଦିଙ୍ଗ୍ ୱେହ୍‌ତାମାର୍‌ହାନ୍, ନାନୁ ନି ବାଣାନ୍ ଦେଶେମ୍‌ତି ୱିଜୁ ଜାତିଦିଙ୍ଗ୍ ଆସିର୍‌ବାଦ୍ ସିନା। ଯିଶୁ ଇୟା ଅବ୍ରାମ୍‌ଦି କୁଟୁମ୍ ମାର୍‌ହାନ୍‌। ମାପ୍‌ରୁ ଅବ୍ରାମ୍‌ଦି ବାଣାନ୍ ୱିଜେରି ପରିବାର୍‌ଦିଙ୍ଗ୍ ଆସିର୍‌ବାଦ୍ କିନାନ୍, ମାତର୍ ଏନ୍ ଯିଶୁଦି ଡାଗ୍‌ରୁ ବିସ୍‌ବାସ୍ କିନାନ୍ ମାପ୍‌ରୁ ୱିଜେରିଙ୍ଗ୍‌ ପାପାମ୍‌ଦାନ୍ ରକିୟା କିନାନ୍। ଏସ୍ତିୱାଲେ ଇୟା ଲୋକୁ ଯିଶୁଦି ଡାଗ୍‌ରୁ ବିସ୍‌ବାସ୍‌ କିନାର୍, ମାପ୍‌ରୁ ୱାରିଙ୍ଗ୍ ଆବ୍ରାମ୍‌ଦି କୁଟୁମ୍‌ୱାଜା ନିଜେଦି କିନାନ୍।

![](https://cdn.door43.org/obs/jpg/360px/obs-en-48-08.jpg)

ମାପ୍‌ରୁ ଅବ୍ରାମ୍‌ଦିଙ୍ଗ୍ ୱାନି ନିଜେ କୋଡଦିଙ୍ଗ୍ ବଲିଦାନ୍ ସିଦେଙ୍ଗ୍ ୱେହ୍‌ତାମାର୍‌ହାନ୍। ଦାନିୱେନ୍‌କା ମାପ୍‌ରୁ ଇସାକ୍‌ଦି ବାଦ୍‌ଲୁ ଉଣ୍ତ୍ରେ ମେଣ୍ତା ସିତାନ୍। ମାପୁ ୱିଜେରେ ନିଜେ ପାପାମ୍ ୱାନ୍ଦିଙ୍ଗ୍ ସାଦେଙ୍ଗ୍ ଜଗ୍ ମାହାପ୍‌! ମାରି ମାପ୍‌ରୁ ମା ବାଡିଦୁ ଯିଶୁଦିଙ୍ଗ୍‌ ବଲିଦାନ୍ ୱାଜା ସିତାନ୍। ଇୟାୱାନ୍ଦିଙ୍ଗ୍ ମାପୁ ଯିଶୁଦିଙ୍ଗ୍ ମାପ୍‌ରୁଦି ମେଣ୍ତା ଇଜି ୱେହ୍‌ସି ମାନ୍‌ଜିନାଟ୍।

![](https://cdn.door43.org/obs/jpg/360px/obs-en-48-09.jpg)

ଏସ୍ତିୱାଲେ ମାପ୍‌ରୁ ମିସର୍ ମୁସ୍‌କୁ ୱିଜ୍‌ନି ମର୍‌ଡି ପୋକ୍‌ତାନ୍, ୱାଣ୍ତ୍ରୁ ୱିଜୁ ଇସ୍ରାଏଲ୍ ପରିବାର୍‌ଦିଙ୍ଗ୍ ଉଣ୍ତ୍ରେ ମେଣ୍ତା ବଲିଦାନ୍ ସିଦେଙ୍ଗ୍ ୱେହ୍‌ତାମାର୍‌ହାନ୍। ଆୟା ମେଣ୍ତାଦି ଇନି ଦସ୍ ମାନ୍‌ଡ୍ରେଙ୍ଗ୍ ସିଲେଣ୍ତା ମାନ୍‌ଡ୍ରେଙ୍ଗ୍ ମାନାତ୍‌। ଦାନିୱେନ୍‌କା ୱାରୁ ୱାରି ଦୁୱାର୍ ମୁସ୍‌କୁ ମାରି ସାରିସୁରୁଲାଦାନି ନେତେର୍ ଆଡ୍‌ଗିସ୍‌ତେଙ୍ଗ୍ ମାର୍‌ହାତ୍‌। ଏସ୍ତିୱାଲେ ମାପ୍‌ରୁ ସୁଡ୍‌ତାନ୍ ଆୟା ନେତେର୍ ୱାଣ୍ତ୍ରୁ ୱାରି ଇଲୁ ଡେୱାଦୁ ମୁସ୍‌କୁ ସର୍‌ହାନ୍‌ ମାରି ୱାରି ପାର୍‌ତୁମ୍ ଜନମ୍ କଡ଼ଦିଙ୍ଗ୍‌ ସାୟାମାର୍‌ଗା ଡ଼େଏର୍‌। ଏସ୍ତିୱାଲେ ଇକା ଗଟେଆତାତ୍, ମାପ୍‌ରୁ ଦିନିଙ୍ଗ୍ ନିସ୍ତାର୍ ପଣ୍ତୋଇ ଇଜି ୱେର୍‌ତାନ୍।

![](https://cdn.door43.org/obs/jpg/360px/obs-en-48-10.jpg)

ଯିଶୁ ନିସ୍ତାର୍ ପଣ୍ତୋୟଦୁ ଉନ୍‌ଡ୍ରେ ମେଣ୍ତା ଲେକେନ୍। ୱାଣ୍ତ୍ରୁ ଏସେଙ୍ଗ୍‌ବା ପାପାମ୍ କିଏଣ୍ତା ମାର୍‌ହାନ୍, ମାରି ୱାନିୱାଲେ ଇନି ବୁଲ୍ ସିଲେଣ୍ତା ମାର୍‌ହାତ୍। ନିସ୍ତାର୍ ପଣ୍ତୋୟ ୱେଡାଦୁ ୱାନିଙ୍ଗ୍ ସାୟାମାର୍‌ଗା ଡାକ୍‌ତାମାର୍‌ହାର୍‌। ଏସ୍ତିୱାଲେ ଏୟେନ୍‌ଗ ଯିଶୁଦି ମୁସ୍‌କୁ ବିସ୍‌ବାସ୍ କିନାନ୍‌, ନାସ୍ତିୱାଲେ ଯିଶୁଦି ନେତେର୍ ଆୟା ଲୋକୁଦି ପାପାମ୍ ୱାନ୍ଦିଙ୍ଗ୍ ଦୟା ସିନାମାନ୍‌ଜିନାନ୍। ଇକା ଇୟାୱାଜାନେ ଜେ ମାପ୍‌ରୁ ଆୟା ଲୋକୁଦିବାଣାନ୍ ଆଗ୍‌ଡ଼ି ସନାନ୍, ମାତର୍ ୱାଣ୍ତ୍ରୁ ୱାନିଙ୍ଗ୍ ଡଣ୍ତ୍ ସିଏନ୍।

![](https://cdn.door43.org/obs/jpg/360px/obs-en-48-11.jpg)

ମାପ୍‌ରୁ ଇସ୍ରାଏଲ୍‌ତି ୱାରିୱାଲେ ଉନ୍‌ଡ୍ରେ ନିୟମ୍ କିତାନ୍, ମାତର୍ ୱାରୁ ଆୟାୱାଜା ଲୋକୁ ମାର୍‌ହାର୍। ଏୟେଙ୍ଗିଁ ମାପ୍‌ରୁ ନିଜେଦି କିଦେଙ୍ଗ୍ ମାନ୍‌ସୁ କିଜିମାର୍‌ହାନ୍। ମାରି ଇଏଲ୍ ମାପ୍‌ରୁ ଉଣ୍ତ୍ରେ ନିୟମ୍ କିତାନ୍‌ଜେ ଏମେକାଗି ୱିଜେରି ୱାନ୍ଦିଙ୍ଗ୍ କିତାନ୍। ମାରି ଏମେ ଜାତିତି ଏୟେର୍ ଇୟା ପୁନି ନିୟମ୍ ନିଜେଦି କିନାର୍, ମାରି ୱାଣ୍ତ୍ରୁ ଆବେ ସନ୍‌ସି ମାପ୍‌ରୁଦି ୱାଲେ କୁଡ୍‌ଦେଙ୍ଗ୍ ଆଟ୍‌ନି। ୱାଣ୍ତ୍ରୁ ଆୟାୱାନ୍ଦିଙ୍ଗ୍ କିଜିମାହାନ୍ ମାତର୍ ୱାଣ୍ତ୍ରୁ ଯିଶୁଦିଙ୍ଗ୍‌ ବିସ୍‌ବାସ୍ କିଜିମାର୍‌ହାନ୍‌।

![](https://cdn.door43.org/obs/jpg/360px/obs-en-48-12.jpg)

ମୋଶା ଇୟାୱାଜା ଅରେନ୍ ବାବବାଦି ମାହାନ୍ ଏୟେନ୍‌ଗି ପେରି ସାତୁଦାନ୍ ମାପ୍‌ରୁଦି ବାକ୍ୟ ପ୍ରଚାର୍ କିଜିମାର୍‌ହାନ୍। ମାତର୍‌ ଯିଶୁ ୱିଜୁ ବାବବାଦି ବାଣାନ୍ ପେରିକାନ୍। ୱାଣ୍ତ୍ରୁ ଆଜିନାନ୍ ମାପ୍‌ରୁ, ମାରି ୱାଣ୍ତ୍ରୁ ଇନିକା କିଜିମାର୍‌ହାନ୍ ମାରି ୱେହ୍‌ତାମାହାନ୍ ଆକା ମାପ୍‌ରୁଦି ପାଣି ମାରି ମାଟା ମାର୍‌ହାତ୍‌। ଇୟାୱାନ୍ଦିଙ୍ଗ୍ ପବିତ୍ରସାସ୍ତ୍ରର୍‌ ଯିଶୁଦିଙ୍ଗ୍ ମାପ୍‌ରୁଦି ବାକ୍ୟ ଇଜି ୱେର୍‌ନାତ୍।

![](https://cdn.door43.org/obs/jpg/360px/obs-en-48-13.jpg)

ମାପ୍‌ରୁ ରାଜା ଦାଉଦ୍‌ଦିଙ୍ଗ୍ ନିୟମ୍ କିତାମାର୍‌ହାନ୍ ଗାନି ରାଜାୱାଜା ୱାନି ଅରେନ୍ କୁଟୁମ୍ ମାପ୍‌ରୁଦି ଲୋକା ମୁସ୍‌କୁ ୱିଜୁଦିନାମ୍ ୱାନ୍ଦିଙ୍ଗ୍ ଶାସନ୍ କିନାନ୍। ଯିଶୁ ଆଜିନାନ୍ ମାପ୍‌ରୁଦି ମାରିସି ମାରି କ୍ରିଷ୍ଟ, ଆୟାୱାନ୍ଦିଙ୍ଗ୍‌ ୱାଣ୍ତ୍ରୁ ରାଜା ଦାଉଦ୍‌ଦି ଉନ୍‌ଡ୍ରେ ମାତର୍ କୁଟୁମ୍ ଆଜିନାନ୍ ଏୟେନ୍‌ଗି ୱିଜୁଦିନାମ୍ ୱାନ୍ଦିଙ୍ଗ୍ ରାଜିଦୁ ଶାସନ୍ କିଦେଙ୍ଗ୍ ଆଟ୍‌ନାନ୍।

![](https://cdn.door43.org/obs/jpg/360px/obs-en-48-14.jpg)

ଦାଉଦ୍ ତୋ ଇସ୍ରାଏଲ୍‌ଦି ରାଜା ମାର୍‌ହାନ୍, ମାତର୍‌ ଯିଶୁ ୱିଜୁ ଦେଶେମ୍‌ତି ରାଜା! ୱାଣ୍ତ୍ରୁ ମାରିଡ଼େସି ୱାଜି ନିୟାୟ୍ ମାରି ସାନ୍ତିଦାନ୍ ୱାନି ରାଜିଦିଙ୍ଗ୍ ଶାସନ୍ କିନାନ୍।

*ଆଦି ୧-୩,୬,୧୪,୨୨; ଯାତ୍ରା ୧୨,୨୦;୨ ଶାମୁୟେଲ ୭; ଏବ୍ରୀ ୩:୧-୪:୧୪-୫:୧୦,୭:୧-୮:୧୩, ୯:୧୧-୧୦:୧୮; ପ୍ରକାଶିତ ୨୧ ଦି ଉନ୍‌ଡ୍ରେ ବାଇବଲ୍‌ଦି କାତାନି*

## 49. ୪୯. ମାପ୍‌ରୁଦି ପୁନି ନିୟମ୍‌

https://openbiblestories.org/l/pci/story-49/

![](https://cdn.door43.org/obs/jpg/360px/obs-en-49-01.jpg)

ଉନ୍‌ଡ୍ରେ ସାର୍‌ଗିଦୁତ୍ ମରିୟମ୍ ଦୋରୁତି ଅରେତ୍ ରିପାଦିଙ୍ଗ୍ ୱେର୍‌ତାମାର୍‌ହାନ୍ ଜେ ୱାଦୁ ମାପ୍‌ରୁଦି ମାରିନ୍‌ଦିଙ୍ଗ୍‌ ଜନମ୍ କିନାତ୍। ଆୟାୱେଡ଼ାଦୁ ୱାଦୁ ମାତର୍ ଡିଣ୍ତାରିପା ମାର୍‌ହାତ୍, ମାରି ପବିତ୍ରଆତ୍ମା ଦାନି ମୁସ୍‌କୁ ରେତାତ୍‌, ମାରି ୱାଦୁ ପଟାଦୁ ଆତାତ୍ ମାରି ଉନ୍‌ଡ୍ରେ କଡ଼ଦିଙ୍ଗ୍ ଜନମ୍ ସିତାତ୍, ୱାନି ଦରୁ ଯିଶୁ ଇଟ୍‌ତାର୍, ଇୟାୱାନ୍ଦିଙ୍ଗ୍‌ ଯିଶୁ ମାପ୍‌ରୁ ମାରି ଲୋକୁବା ଆନାନ୍।

![](https://cdn.door43.org/obs/jpg/360px/obs-en-49-02.jpg)

ଯିଶୁ ନାଣ୍ତୋ କାବାଆନି ପାଣି କିତାମାର୍‌ହାନ୍‌ ଇନିକା ତର୍‌ପ୍‌ତାନ୍ ଜେ ୱାଣ୍ତ୍ରୁ ମାପ୍‌ରୁ। ୱାଣ୍ତ୍ରୁ ଏରୁ ମୁସ୍‌କୁ ବୁଲାତାନ୍ ମାରି ଗାଲିଦିଙ୍ଗ୍ ଆଲେକିତାନ୍‌। ୱାଣ୍ତ୍ରୁ ନାଣ୍ତୋ ରୋଗ୍‌ଲୋକାଙ୍ଗ୍‌ ନେଗେଣ୍ତ୍ କିତାମାର୍‌ହାନ୍। ମାରି ନାଣ୍ତୋ ଲୋକୁଦି ବାଣାନ୍ ଦୁବେଙ୍ଗାଁ ଡ଼ିସ୍‌ପିସ୍‌ତାମାର୍‌ହାନ୍‌। ୱାଣ୍ତ୍ରୁ ସାତିୱାରିଙ୍ଗ୍ ମାରିଢେସି ନିକ୍‌ତାନ୍, ମାରି ୱାଣ୍ତ୍ରୁ ଆଇଦୁ ରୁଟି ମାରି ରୁଣ୍ତି ମିନ୍‌କୁ ନାଣ୍ତୋ ଖାଦିଦୁ ବାଦ୍‌ଲେ କିତାନ୍, ଏମେଦାନିଙ୍ଗ୍‌ଗି ପାଞ୍ଚ୍‌ ଅଜାର୍ ଲୋକୁ ପଟା ବର୍‌ତି ଉଟାର୍।

![](https://cdn.door43.org/obs/jpg/360px/obs-en-49-03.jpg)

ଯିଶୁ ବା ଅରେନ୍ ପେରିକାନ୍ ଅଜାକିନିକାନ୍ ମାର୍‌ହାନ୍। ୱାଣ୍ତ୍ରୁ ଏମେକା ଅଜାକିତାନ୍, ୱାଣ୍ତ୍ରୁ ପୁରା ଟିକ୍-ଟାକ୍‌ ସିକିୟା ସିତାନ୍। ୱାଣ୍ତ୍ରୁ ଲୋକାଙ୍ଗ୍ ଇନିକା କିଦେଙ୍ଗ୍ ୱେର୍‌ନାନ୍, ୱାରୁ ଆୟାପାଣି କିଦେଙ୍ଗ୍ ଦର୍‌କାର୍। ମାତର୍ ୱାଣ୍ତ୍ରୁ ମାପ୍‌ରୁଦି ମାରିନ୍‌। ଉଦାହରଣ୍ ୱାଜା, ୱାଣ୍ତ୍ରୁ ଆଜାକିତାନ୍‌ ଜେ ନିନୁ ଆଇ ଲୋକାଙ୍ଗ୍ ଆୟାୱାଜା ଜିଉନୋନିକା ଦର୍‌କାର୍, ଏମେୱାଜାଗି ନିନୁ ନିଜେ ନିଜେଦିଙ୍ଗ୍ ଜିଉନୋଜିନି।

![](https://cdn.door43.org/obs/jpg/360px/obs-en-49-04.jpg)

ୱାଣ୍ତ୍ରୁ ଇକାବା ଅଜାକିତାମାର୍‌ହାନ୍ ଜେ ନିନୁ ମାପ୍‌ରୁଦିଙ୍ଗ୍ ୱିଜୁ ଜନିସ୍‌ଦାନ୍‌ ମାରି ନି ସମ୍ପତିଦାନ୍‌ ନାଣ୍ତୋ ଜିଉନୋନିକା ଦର୍‌କାର୍‌।

![](https://cdn.door43.org/obs/jpg/360px/obs-en-49-05.jpg)

ଯିଶୁ ୱେର୍‌ତାମାନାନ୍ ଗାନି ଦେଶେମ୍‌ତି ଇନିକା ପାଏଆନି ବାଦ୍‌ଲୁ ମାପ୍‌ରୁଦି ରାଜିଦୁ ମାନ୍‌ଜିନିକା ନେଗେଣ୍ତ୍। ୱାନି ରାଜିଦୁ ନିନୁ ଡ଼ୁଗ୍‌ନି ୱାନ୍ଦିଙ୍ଗ୍ ମାପ୍‌ରୁ ମିଙ୍ଗିଁ ମି ପାପାମ୍‌ଦାନ୍ ରକ୍ଷା କିଦେଙ୍ଗ୍ ଦର୍‌କାର୍‌।

![](https://cdn.door43.org/obs/jpg/360px/obs-en-49-06.jpg)

ଯିଶୁ ୱେର୍‌ତାମାର୍‌ହାନ୍ ଗାନି ଏସୋଲୋକୁ ୱାନିଙ୍ଗ୍ ନିଜେଦି କିନାର୍। ମାପ୍‌ରୁ ଆୟା ଲୋକାଙ୍ଗ୍ ରକ୍ଷା କିନାନ୍। ମାରି ଆଇକାର୍ ୱାନିଙ୍ଗ୍ ନିଜେଦି କିଏର୍। ୱାଣ୍ତ୍ରୁ ଇକା ୱିଜୁ ୱେହ୍‌ତାମାନାନ୍ ଜେ ଏସୋଲୋକୁ ନେଗି ବୁମି ୱାଜା, ମାତର୍ ୱାରୁ ଯିଶୁଦି ବିସୟ୍‌ଦାନ୍ ନେଗିକାବୁର୍ ନିଜେଦି କିନାର୍। ମାରି ମାପ୍‌ରୁ ୱାରିଙ୍ଗ୍ ରକ୍ଷା କିନାନ୍। ମାରି ଏସୋଲୋକୁ ସାରିଦି ୱାହ୍‌ତି ବୁମି ୱାଜା। ମାପ୍‌ରୁଦି ବାକ୍ୟ ଗିଡା ୱାଜା ସାରିଦୁ ଆର୍‌ନାତ୍, ମାରି ଆବେ ଇନିକା ବା ପିରିଏତ୍। ଇୟା ଲୋକୁ ମାପ୍‌ରୁଦି ବିସୟ୍‌ଦାନ୍ ମାନାଏନ୍‌। ୱାରୁ ୱାନି ରାଜିଦୁ ଡୁଗ୍‌ଦେଙ୍ଗ୍ ମନା କିନାନ୍।

![](https://cdn.door43.org/obs/jpg/360px/obs-en-49-07.jpg)

ଯିଶୁ ସିକ୍‌ୟା ସିଜିନାନ୍ ଜେ ମାପ୍‌ରୁ ପାପିରିଙ୍ଗ୍ ନାଣ୍ତୋ ଜିଉନୋନାନ୍। ୱାଣ୍ତ୍ରୁ ୱାରିଙ୍ଗ୍‌ କେମା କିଦେଙ୍ଗ୍ ମାରି ୱାରିଙ୍ଗ୍ ୱାନି ମାରିନ୍‌ କିଦେଙ୍ଗ୍ ମାନ୍‌ସୁକିଜିନାନ୍।

![](https://cdn.door43.org/obs/jpg/360px/obs-en-49-08.jpg)

ଯିଶୁ ଇକାବା ୱେର୍‌ତାମାର୍‌ହାନ୍ ଗାନି ମାପ୍‌ରୁ ପାପାମ୍‌ଦିଙ୍ଗ୍ କାରାଇ ଇନାନ୍‌। ମାରି ଆଦମ୍ ମାରି ହବା ପାପାମ୍ କିତାର୍, ଇୟାୱାନ୍ଦିଙ୍ଗ୍ ୱାରି ୱିଜୁ କୁଟୁମ୍ ବା ପାପାମ୍ କିତାର୍। ଇୟା ଦୁନିଆଦୁ ମାନ୍‌ଜିମାନି ୱିଜୁଲୋକୁ ପାପାମ୍ କିନାର୍ ମାରି ମାପ୍‌ରୁଦି ବାଣାନ୍ ଆକୋ ମାନ୍‌ଜିନାର୍। ୱିଜେରେ ମାପ୍‌ରୁଦି ସାତ୍ରୁ।

![](https://cdn.door43.org/obs/jpg/360px/obs-en-49-09.jpg)

ମାରି ମାପ୍‌ରୁ ଇୟା ଦୁନିଆଦୁ ମାନ୍‌ଜିମାନି ୱିଜେରିଙ୍ଗ୍ ଇୟା ୱାଜା ଜିଉନୋଜି ମାର୍‌ହାନ୍ ଗାନି: ୱାଣ୍ତ୍ରୁ ୱାନି ଅରେନ୍ ମାତର୍ ମାରିସିଙ୍ଗ୍ ସିତାନ୍‌ ଏଣ୍ତେସ୍‌ଗି ମାପ୍‌ରୁ ୱାନିବାନୁ ବିସ୍‌ବାସ୍ କିଜିମାନ୍‌ଜିନି ଲୋକାଙ୍ଗ୍ ଡଣ୍ତ୍ ସିଏନ୍। ଇୟାବାଦ୍‌ଲୁ, ୱାରୁ ୱିଜୁଦିନାମ୍ ୱାନ୍ଦିଙ୍ଗ୍ ୱାନିୱାଲେ ମାନ୍‌ଜିନାର୍।

![](https://cdn.door43.org/obs/jpg/360px/obs-en-49-10.jpg)

ନିନୁ ସାଦେଙ୍ଗ୍ ମାନାତ୍‌, ମାତର୍‌ ନିନୁ ପାପାମ୍ କିତିମାନି। ମାପ୍‌ରୁ ନିଙ୍ଗିଁ ଡଣ୍ତ୍‌ ସିଦେଙ୍ଗ୍‌ ମାର୍‌ହାତ୍‌, ଇୟା ବାଦ୍‌ଲୁ ୱାଣ୍ତ୍ରୁ ଯିଶୁଦିଙ୍ଗ୍‌ ଡଣ୍ତ୍ ସିତାନ୍। ୱାଣ୍ତ୍ରୁ ଯିଶୁଦିଙ୍ଗ୍ କ୍ରୁସଦୁ ସାନି ଡଣ୍ତ୍ ସିତାନ୍।

![](https://cdn.door43.org/obs/jpg/360px/obs-en-49-11.jpg)

ଯିଶୁ ଏସେଙ୍ଗ୍ ବା ପାପାମ୍ କିଏଣ୍ତା ମାର୍‌ହାନ୍, ମାତର୍ ଯିଶୁ ମାପ୍‌ରୁଦିଙ୍ଗ୍‌ ନିଜେଦିଙ୍ଗ୍ ଡଣ୍ତ୍‌ସିନି ୱାନ୍ଦିଙ୍ଗ୍ ସିତାନ୍, ୱାଣ୍ତ୍ରୁ ସାଦେଙ୍ଗ୍ ମାନ୍‌ସୁ କିତାନ୍‌। ଇୟାୱାଜା ମି ପାପାମ୍ ମାରି ଇୟା ଦୁନିୟାଦୁ ମାନ୍‌ଜିନି ୱିଜେରି ପାପାମ୍ ଆକ କିନିୱାନ୍ଦିଙ୍ଗ୍ ୱାଣ୍ତ୍ରୁ ଉନ୍‌ଡ୍ରେ ପବିତ୍ର ବଲିଦାନ୍ ମାର୍‌ହାନ୍‌। ଯିଶୁ ନିଜେଦିଙ୍ଗ୍ ମାପ୍‌ରୁଦି ୱାନ୍ଦିଙ୍ଗ୍‌ ବଲିଦାନ୍ କିତାନ୍‌। ଇୟାୱାନ୍ଦିଙ୍ଗ୍‌ ମାପ୍‌ରୁ ଏମେ ପାପାମ୍‌ଦିଙ୍ଗ୍ ବା, ଇୟାୱାଜାନେ ବୟଙ୍କ୍‌କର୍ ପାପାମ୍‌ଦିଙ୍ଗ୍ ବା କେମା କିନାନ୍।

![](https://cdn.door43.org/obs/jpg/360px/obs-en-49-12.jpg)

ଜଦି ବା ନିନୁ ନାଣ୍ତୋ ନେଗିପାଣି କିଜିନି, ମାପ୍‌ରୁ ନିଙ୍ଗିଁ ଇୟା ନେଗିପାଣିଦାଣ୍ ରକିୟା କିଏନ୍। ୱାନି ତଡ଼ୁ ଆନିୱାନ୍ଦିଙ୍ଗ୍ ଇୟାୱାଜା ଇନି ବିଷୟ୍ ସିଲେତ୍ ଏମେକାଗି ମିରୁ କିଦେଙ୍ଗ୍ ଆଟ୍‌ନିଦେର୍‌। ଇୟା ବାଦ୍‌ଲୁ ନିଙ୍ଗିଁ ବିସ୍‌ବାସ୍ କିଦେଙ୍ଗ୍ ପଡ଼େଆନାତ୍ ଜେ ଯିଶୁ ଆଜିନାନ୍ ମାପ୍‌ରୁଦି ମାରିସି, ମାରି ୱାଣ୍ତ୍ରୁ ମି ୱାନ୍ଦିଙ୍ଗ୍‌ କ୍ରୁସଦୁ ସାତାମାନାନ୍, ମାରି ମାପ୍‌ରୁ ୱାନିଙ୍ଗ୍ ମାରିଡ଼େସି ନିକ୍‌ତାମାନାନ୍। ଜଦି ମିରୁ ଇୟା ମୁସ୍‌କୁ ବିସ୍‌ବାସ୍ କିଆ, ମାପ୍‌ରୁ ମି ପାପାମ୍ କେମା କିନାନ୍।

![](https://cdn.door43.org/obs/jpg/360px/obs-en-49-13.jpg)

ଏୟେର୍ ଯିଶୁଦି ଡାଗ୍‌ରୁ ବିସ୍‌ବାସ୍ କିନାର୍ ମାରି ୱାନିଙ୍ଗ୍ ପ୍ରବୁ ୱାଜା ନିଜେଦି କିନାନ୍‌, ୱିଜେରିଙ୍ଗ୍ ମାପ୍‌ରୁ ରକିୟା କିନାନ୍। ମାରି ଏୟେର୍ ୱାନିଙ୍ଗ୍ ବିସ୍‌ବାସ୍‌ କିଏର୍ ୱାଣ୍ତ୍ରୁ ୱାରିଙ୍ଗ୍ ରକ୍ଷା କିଏନ୍, ନିନୁ ଦନି ନା ଗରିବ, ମେମାର୍ ସିଲେତିଙ୍ଗାଁ ଆଇମା, ଡକ୍‌ରା ସିଲେତିଙ୍ଗାଁ ମୁର୍‌ଲି, ଇକା ମାପ୍‌ରୁ ୱାନ୍ଦିଙ୍ଗ୍‌ ପରକ୍ ପଡ଼େଆଏତ୍‌ ମାପ୍‌ରୁ ନିଙ୍ଗିଁ ଜିଉନୋନାନ୍ ମାରି ମାନ୍‌ସୁ କିନାନ୍ ଜେ ମିରୁ ଯିଶୁଦିବାନୁ ବିସ୍‌ବାସ୍ କିଦୁ ଏଣ୍ତେସ୍‌ଗି ୱାଣ୍ତ୍ରୁ ମି ତଡ଼ୁ ଆନାନ୍‌।

![](https://cdn.door43.org/obs/jpg/360px/obs-en-49-14.jpg)

ଯିଶୁ ନିଙ୍ଗିଁ ବିସ୍‌ବାସ୍ କିଦେଙ୍ଗ୍ ମାରି ଡୁବନ୍ ଆଦେଙ୍ଗ୍ କୁକ୍‌ସିନାନ୍‌। ନିନୁ ବିସ୍‌ବାସ୍ କିଆ ଜେ ମାପ୍‌ରୁଦି ଅରେନ୍ ମାତର୍ ମାରିସି ଯିଶୁ ଆଜିନାନ୍ କ୍ରିଷ୍ଟ? ଇନିକା ନିନୁ ଇକା ବିସ୍‌ବାସ୍ କିଜିନି ନା? ନିନୁ ଅରେନ୍ ପାପି ମାରି ନିନୁ ମାପ୍‌ରୁଦି ବାଣାନ୍ ଡଣ୍ତ୍ ପାଏଆଦେଙ୍ଗ୍ ମାନାତ୍‌? ଇନିକା ନିନୁ ଇକା ବିସ୍‌ବାସ୍ କିଜିନା ନା? ମି ପାପାମ୍ କେମା କିନିୱାନ୍ଦିଙ୍ଗ୍ ଯିଶୁ କ୍ରୁସଦୁ ସାତାମାନାନ୍।

![](https://cdn.door43.org/obs/jpg/360px/obs-en-49-15.jpg)

ମାରି ନିନୁ ଯିଶୁଦି ମୁସ୍‌କୁ ବିସ୍‌ବାସ୍ କିଆ ମାରି ଆକାନ୍ ନି ୱାନ୍ଦିଙ୍ଗ୍ ଇନିକା କିତାମାନାନ୍ ଆକା ମାନାଆ, ମାରି ନିନୁ ଯିଶୁଦି ୱେନ୍‌କା ବୁଲାନି! ଶଇତାନ୍ ମାରି ସିକାଟିଦି ରାଜିଦୁ ନି ମୁସ୍‌କୁ ସାସନ୍ କିଏନ୍। ଇଏଲ୍ ମପ୍‌ରୁ ୱାନି ଜାଇ ରାଜିଦୁ ନି ମୁସ୍‌କୁ ସାସନ୍ କିନାନ୍। ନିଙ୍ଗିଁ ପାପାମ୍ କିଇନୁଣ୍ତିଙ୍ଗ୍ ୱେର୍‌ତା ମାନାନ୍, ଏମେକାଗି ନିନୁ ଆଗ୍‌ଡ଼ିହାନ୍ କିତିମାହି। ଆକାନ୍ ନିଙ୍ଗିଁ ଉନ୍‌ଡ୍ରେ ପୁନି, ନେଗି ଜିଉ ସିତାମାନାନ୍।

![](https://cdn.door43.org/obs/jpg/360px/obs-en-49-16.jpg)

ଜଦି ନିନୁ ଅରେନ୍‌ ଯିଶୁଦି ୱେନ୍‌କା ବୁଲାନିକି ଆତିମାନି, ମାରି ଯିଶୁ ଇନିକା କିତାମାନାନ୍ ଆୟାୱାନ୍ଦିଙ୍ଗ୍ ମାପ୍‌ରୁ ନି ପାପାମ୍ କେମା କିତାମାନାନ୍। ଇଏଲ୍ ମାପ୍‌ରୁ ନିଙ୍ଗିଁ ସାତ୍ରୁ ବାଦ୍‌ଲୁ ଉନ୍‌ଡ୍ରେ ନିଜେ ତଡ଼ୁ ୱାଜା ମାନାନାନ୍‌।

![](https://cdn.door43.org/obs/jpg/360px/obs-en-49-17.jpg)

ଜଦି ନିନୁ ମାପ୍‌ରୁଦି ତଡ଼ୁ ମାରି ପ୍ରବୁ ଯିଶୁଦି ସେବାକିନିକି ଆନି, ମାରି ମିରୁ ଯିଶୁ ଅଜାକିତିମାନି ୱିଜୁ ସିକିୟାଦିଙ୍ଗ୍‌ ମାନାଦେଙ୍ଗ୍ ମାନ୍‌ସୁ କିନାର୍‌। ଜଦି ମିରୁ ଯିଶୁଦି ୱେନ୍‌କା ବୁଲାନିକିଦେର୍, ଇଏଲ୍ ବା ଶଇତାନ୍ ମିଙ୍ଗିଁ ପାପାମ୍‌ କିଦେଙ୍ଗ୍ ପରିକା କିନାତ୍‌। ମାରି ମାପ୍‌ରୁ ୱିଜୁଦିନାମ୍ ଇନିକା କିନାନ୍‌ ୱାଣ୍ତ୍ରୁ ଆକା କିନାନ୍। ୱାଣ୍ତ୍ରୁ ୱେହ୍‌ନାନ୍ ଜେ ଜଦି ମିରୁ ପାପାମ୍ ମାନାଦୁ, ମାରି ୱାଣ୍ତ୍ରୁ ମିଙ୍ଗିଁ କେମା କିନାନ୍। ୱାଣ୍ତ୍ରୁ ମିଙ୍ଗିଁ ପାପ୍ ବିରୁଦ୍‌ଦୁ ଜୁଜାନି ୱାନ୍ଦିଙ୍ଗ୍ ସାକ୍‌ତି ସିନାନ୍।

![](https://cdn.door43.org/obs/jpg/360px/obs-en-49-18.jpg)

ମାପ୍‌ରୁ ମିଙ୍ଗିଁ ପାର୍‌ତନା କିଦେଙ୍ଗ୍ ମାରି ୱାନି ବାକ୍ୟ ପଡ଼ାଦେଙ୍ଗ୍ ୱେର୍‌ନାନ୍‌। ଆଇୱାରି ଆଗ୍‌ଡ଼ି ୱାଣ୍ତ୍ରୁ ମିଙ୍ଗିଁ ଆଇ ବିସ୍‌ବାସିରି ୱାଲେ ଉପାସନା କିଦେଙ୍ଗ୍ ୱାଣ୍ତ୍ରୁ ୱିଜୁ ୱେର୍‌ନାନ୍। ୱାଣ୍ତ୍ରୁ ମି ୱାନ୍ଦିଙ୍ଗ୍‌ ଇନିକା କିତାମାନାନ୍ ଆକା ମିରୁ ଆଇ ଲୋକାଙ୍ଗ୍ ୱେହ୍‌ତୁ ଜଦି ମିରୁ ଇୟା ୱିଜୁ ପାଣି କିଦୁ, ମିରୁ ୱାନି ତଡ଼ୁ ଆନିଦେର୍‌।

*ରୋମୀୟ ୩:୨୧-୨୬,୫:୧-୧୧; ଯୋହନ ୩:୧୬; ମାର୍କ ୧୬:୧୬; କଲସୀୟ ୧:୧୩-୧୪; ୨କରିନ୍ଥୀୟ ୫:୧୭-୨୧; ୧ଯୋହନ ୧:୫-୧୦ ବାଇବଲ୍ ଦି ଉଣ୍ଡ୍ରେ କାତାନି*

## 50. ୫୦. ଯିଶୁ ମାରିଡ଼େସି ୱାତାନ୍‌

https://openbiblestories.org/l/pci/story-50/

![](https://cdn.door43.org/obs/jpg/360px/obs-en-50-01.jpg)

ପାକାପାକି ରୁଣ୍ତିୱେୟୁ ପାଟେଙ୍ଗ୍ ଆସ୍‌ସି, ୱିଜୁ ପୁର୍‌ତିବୀଦୁ ନାଣ୍ତୋଦାଣ୍‌-ନାଣ୍ତୋ ଲୋକୁ ଯିଶୁ କ୍ରିଷ୍ଟଦି ବିସୟଦି ନେଗିକାବୁର୍ ୱେନ୍‌ଜିନାର୍। ମଣ୍ତଲି ପିରିଦେଙ୍ଗ୍ ଆସ୍‌ସିନାତ୍। ଯିଶୁ ସପତ୍ କିତାମାହାନ୍ ଜେ ଦୁନିଆ ୱିଜ୍‌ନିୱେଡ଼ାଦୁ ଡ଼େସିୱାନାନ୍। ଆତିଙ୍ଗାବା ୱାଣ୍ତ୍ରୁ ଇୟାସାନ୍ଦି ଡ଼େସିରେଏନ୍, ମାରିବା ୱାଣ୍ତ୍ରୁ ୱାନି ପାର୍‌ମାଣାମ୍‌ଦିଙ୍ଗ୍ ପୁରା କିନାନ୍‌।

![](https://cdn.door43.org/obs/jpg/360px/obs-en-50-02.jpg)

ଏନେଟ୍‌ଗି ମାପୁ ଯିଶୁଦି ଡ଼େସିୱାନିଦାନିଙ୍ଗ୍‌ କାପ୍‌କିଜିନାପ୍‌, ମାପ୍‌ରୁ ମାନ୍‌ସୁକିଜିନାନ୍ ଜେ ମାପୁ ଉଣ୍ତ୍ରେ ଆଇୱାଜା ଜିନିକା ଆକା ପବିତ୍ର ମାରି ୱାନିଙ୍ଗ୍ ମାରିଆ ସିନାନ୍। ୱାଣ୍ତ୍ରୁ ଇକା ବା ମାନ୍‌ସୁକିଜିନାନ୍‌ ଜେ ମାପୁ ୱାନି ରାଜି ବିସୟଦାନ୍ ଆଇୱାରିଙ୍ଗ୍ ୱେର୍‌ନାଟ୍। ଏସ୍ତିୱାଲେ ଯିଶୁ ପୁର୍‌ତିବୀଦୁ ମାହାନ୍, ୱାଣ୍ତ୍ରୁ ୱେର୍‌ତାନ୍, “ନା ସିସୁର୍ ମାପ୍‌ରୁଦି ରାଜି ବିସୟଦାନ୍ ନେଗିକାବୁର୍‌ଦିଙ୍ଗ୍ ପୁର୍‌ତିବୀଦି ୱିଜୁ ବାଡିଦୁ ପ୍ରଚାର୍ କିନାର୍‌, ମାରି ୱେନ୍‌କା ୱିଜ୍‌ନିୱେଡ଼ା ୱାନାତ୍।”

![](https://cdn.door43.org/obs/jpg/360px/obs-en-50-03.jpg)

ନାଣ୍ତୋ କୁଟୁମ୍‌ଦି ଲୋକୁ ଇୟାସାନ୍ଦି ଯିଶୁଦି ବିସୟଦାନ୍ ୱେନ୍‌ଏର୍। ଯିଶୁ ସରଗ୍‌ଦୁ ସନି ଆଗ୍‌ଡ଼ି, ୱାଣ୍ତ୍ରୁ ନିଜେଦି ୱେନ୍‌କା ବୁଲାନିୱାରିଙ୍ଗ୍ ୱେହ୍‌ତାମାର୍‌ହାନ୍ ଜେ ଆୟା ଲୋକା ଡାଗ୍‌ରୁ ନେଗିକାବୁର୍ ପ୍ରଚାର୍ କିଦୁ ଏମେକାର୍‌ଗି ଇୟାସାନ୍ଦି ୱେନ୍‌ଏର୍। ୱାଣ୍ତ୍ରୁ ୱେର୍‌ତାନ୍, “ସନ୍‌ଡ୍ରୁ ମାରି ୱିଜୁ କୁଟୁମ୍‌ଦି ଲୋକାଙ୍ଗ୍ ସିସୁର୍‌ କିଦୁ!” ମାରି ମାଡିତି ଦିନ୍‌ସୁୱିଜୁ କଇନିୱାନ୍ଦିଙ୍ଗ୍ ପାଣ୍ତିତାତ୍‌ନି!”

![](https://cdn.door43.org/obs/jpg/360px/obs-en-50-04.jpg)

ଯିଶୁ ଇକା ବା ୱେର୍‌ତାନ୍, “ଅରେନ୍ ଲୋକୁଦି ଗତିମୁର୍‌ଲି ନିଜେ ମାଲିକ୍‌ଦି ବାଣାନ୍ ପେରିକାନ୍ ଆଏନ୍‌। ଇୟା ଦେସେମ୍‌ତି ପେରି ଲୋକୁ ନାଙ୍ଗିଁ କାରାଇ ଇନାର୍‌, ମାରି ୱାରୁ ୱିଜୁ ମିଙ୍ଗିଁ ଦୁକାମ୍ ସିନାର୍ ମାରି ନା ୱାନ୍ଦିଙ୍ଗ୍ ମିଙ୍ଗିଁ ସାୟାମାର୍‌ଗା ଡେଇନାର୍। ଇୟା ଦେସେମ୍‌ଦୁ ମିରୁ କାଷ୍ଟାମ୍‌ ଆନିଦେର୍‌, ମାରି ଶାକ୍ତି ଆନିଦେର୍‌, ମାତର୍ ନାନୁ ସୟତାନ୍‌ଦିଙ୍ଗ୍ ଆରାକିତାମାନା, ଏୟେନ୍‌ଗି ଇୟା ଦେଶେମ୍‌ଦିଙ୍ଗ୍ ଶାସନ୍ କିନାନ୍। ଜଦି ମିରୁ ୱିଜ୍‌ନି ସାନ୍ଦି ନା ୱାଲେ ବିସ୍‌ବାସ୍‌ଦାନ୍ ମାନ୍‌ଜିନିଦେର, ମାରି ମାପ୍‌ରୁ ମିଙ୍ଗିଁ ରକିଆ କିନାନ୍!”

![](https://cdn.door43.org/obs/jpg/360px/obs-en-50-05.jpg)

ଦୁନିଆ ୱିଜିତିଙ୍ଗାଁ ଲୋକୁଦି ୱାଲେ ଇନିକା ଆନାତ୍ ଆକା ବୁଜାକିନି ୱାନ୍ଦିଙ୍ଗ୍ ଯିଶୁ ନିଜେ ସିସୁରିଙ୍ଗ୍ ଉଣ୍ତ୍ରେ କାତା ୱେର୍‌ତାନ୍। ୱାଣ୍ତ୍ରୁ ୱେର୍‌ତାନ୍, “ଅରେନ୍ ଲୋକୁ ନିଜେ ମାଡିଦୁ ନେଗି ୱିତୁ ୱିତ୍‌ତାନ୍। ଏସ୍ତିୱାଲେ ୱାଣ୍ତ୍ରୁ ସୁନ୍‌ଜିମାର୍‌ହି ୱେଡ଼ାଦୁ ୱାନି ସାତ୍ରୁର୍‌ ୱାଜି ଗଦ୍‌ମୁ ଗିଡେଙ୍ଗାଁ ଡାଗ୍‌ରୁ ଆଇ ଗିଡେଙ୍ଗ୍ ୱିତ୍‌ତାନ୍‌, ମାରି ୱେନ୍‌କା ୱାଣ୍ତ୍ରୁ ସର୍‌ହାନ୍‌।

![](https://cdn.door43.org/obs/jpg/360px/obs-en-50-06.jpg)

“ଏସ୍ତିୱାଲେ ମାରାକୁ ୱିଜୁ ପିରିତେ, ଆୟା ଲୋକୁଦି ଗତିମୁର୍‌ଲିର୍‌ ୱେର୍‌ତାର୍, “ଏ ମାଲିକ୍‌, ନିନୁ ଆୟା ମାଡିଦୁ ନେଗି ୱିତୁ ୱିତ୍‌ତି। ମାରି ଇବେନୁ ଆଇ ୱିତୁ ଏନେଟ୍ ନେରିତାତ୍‌?’ ୱାଣ୍ତ୍ରୁ ୱାନିଙ୍ଗ୍‌ ଉତର୍ ସିତାନ୍‌, ‘ମାତର୍‌ ନା ସାତ୍ରୁର୍‌ ଆୟାୱିଜୁ ଉହ୍‌ତେଙ୍ଗ୍ ମାନ୍‌ସୁ କିନାର୍‌। ଇକା ନା ସାତ୍ରୁରି ଲୋଇହାନ୍ ଅରେନ୍‌ ଏୟେନ୍‌ଗି ଇକା କିତାମାନାନ୍‌।”’

![](https://cdn.door43.org/obs/jpg/360px/obs-en-50-07.jpg)

ଗତିମୁର୍‌ଲି ୱାନି ସାଉକାରିଙ୍ଗ୍ ଉତର୍ ସିତାନ୍, ‘ଇନିକା ମାପୁ ଆୟା ଆଇ ୱିତୁଦିଙ୍ଗ୍ ସୋପ୍‌ନାଟ୍ ନା?’ ଆୟା ସାଉକାର୍ ୱେର୍‌ତାନ୍, ‘ସିଲେ। ଜଦି ମିରୁ ଆକା କିନିଦେର୍‌, ମାରି ମିରୁ ଇନି ଗଦ୍‌ମୁ ବା ରେଲ୍‌ନିଦେର୍‌। କଇନି ସାନ୍ଦି କାପ୍ କିଦୁ। ଦାନିୱେନ୍‌କା ଆୟା ସେଇସାରାଦିଙ୍ଗ୍ ଉନ୍‌ଡ୍ରେବାନୁ ଇଡ୍‌ଦୁ ଏଣ୍ତେସ୍‌ଗି ମିରୁ ଆକେଙ୍ଗ୍ ଡରୁ ଆଟ୍‌କ୍‌ନିଦେର୍‌। ମାତର୍‌ ଗଦ୍‌ମୁଦିଙ୍ଗ୍ ନା ଗାର୍‌ସାଦୁ ତାଗାଟ୍।”

![](https://cdn.door43.org/obs/jpg/360px/obs-en-50-08.jpg)

ସିସୁର୍ କାତାଦି ଅର୍ଥ ବୁଜାଦେଙ୍ଗ୍ ଆଟ୍‌ଏତାର୍, ମାରି ୱାରୁ ଯିଶୁଦିଙ୍ଗ୍ ଆକା ବୁଜାକିଦେଙ୍ଗ୍ ୱେର୍‌ତାର୍‌। ଯିଶୁ ୱେର୍‌ତାନ୍, “ଏୟେନ୍ ନେଗି ୱିତୁ ୱିତାନ୍, ୱାଣ୍ତ୍ରୁ ଖ୍ରୀଷ୍ଟଦିଙ୍ଗ୍ ତର୍‌ପନାତ୍‌ ମାରି ମାଡି ଦୁନିୟାଦିଙ୍ଗ୍ ତର୍‌ପନାତ୍‌। ନେଗି ଗିଡା ମାପ୍‌ରୁଦି ରାଜିଦି ଲୋକାଙ୍ଗ୍ ତର୍‌ପନାତ୍‌।”

![](https://cdn.door43.org/obs/jpg/360px/obs-en-50-09.jpg)

ସେଇମାରାନୁ ଆୟା ସେଇ ଲୋକୁଦିଙ୍ଗ୍‌ ତର୍‌ପନାତ୍‌। ଆୟାଲୋକୁଦି ଶାତ୍ରୁ ଆୟା ସୟତାନ୍‌ଦିଙ୍ଗ୍ ବୁଜାକିନାନ୍‌, ଏୟେନ୍ ଲାଟା ଉର୍‌ତାନ୍, ୱାଣ୍ତ୍ରୁ ସୟତାନ୍‌ଦିଙ୍ଗ୍ ତର୍‌ପନାନ୍‌। କଇଜି ମାଟିସ୍‌ନି ଲୋକୁ ଦୁନିଆଦି ୱିଜ୍‌ନିୱେଡ଼ାଦିଙ୍ଗ୍ ତର୍‌ପନାର୍‌ ମାରି କଇନିତାନି ଲୋକୁ ମାପ୍‌ରୁଦି ସରଗ୍‌ଦୁତ୍‌ଙ୍ଗାଁ ତର୍‌ପନାନ୍‌।”

![](https://cdn.door43.org/obs/jpg/360px/obs-en-50-10.jpg)

“ଏସ୍ତିୱାଲେ ଦୁନିଆ ୱିଜ୍‌ନାତ୍, ସରଗଦୁତ୍‌ଙ୍ଗୁଁ ସୟତାନ୍‌ଦି ୱିଜୁ ଲୋକାଙ୍ଗ୍ ଉଡ୍ରେବାନୁ କିନେ। ଆୟାସରଗ୍‌ଦୁତ୍‌ଙ୍ଗୁଁ ୱାରିଙ୍ଗ୍ ନାଣ୍ତୋ ୱେସ୍‌ନି ସିସୁଦୁ ପକ୍‌ନେ। ଆବେନୁ ଆୟା ଲୋକୁ ନାଣ୍ତୋ ଆଡ଼୍‌ବାନାର୍ ମାରି ବୟଙ୍କର୍‌ ଦୁକାମ୍‌ଦାନ୍ ପାଲ୍‌କୁ କାତ୍‌ରିସ୍‌ନାର୍। ମାତର୍‌ ଏମେକାର୍ ଦାର୍‌ମୁ ଲୋକୁ, ଏମେକାର୍‌ଗି ଯିଶୁଦି ୱେନ୍‌କା ବୁଲାନିକାର୍, ୱାରୁ ୱାରି ବୁବା ମାପ୍‌ରୁଦି ରାଜିଦୁ ୱେଡ଼ାଦି ୱାଜା ଜାଇ ଆନାର୍‌।”

![](https://cdn.door43.org/obs/jpg/360px/obs-en-50-11.jpg)

ଯିଶୁ ଇକା ବା ୱେର୍‌ତାମାନାନ୍ ଜେ ଦୁନିଆ ୱିଜ୍‌ନି ଆଗ୍‌ଡ଼ି ୱାଣ୍ତ୍ରୁ ପୁର୍‌ତିବୀଦୁ ମାରିଡ଼େସି ୱାନାନ୍। ୱାଣ୍ତ୍ରୁ ଏମେୱାଜା ସହାମାହାନ୍ ୱାଣ୍ତ୍ରୁ ଆୟାୱାଜାନେ ମାରିଡ଼େସି ୱାନାନ୍। ଏମେକାଗି, ୱାଣ୍ତ୍ରୁ ୱାନି ନିଜେଦି ମେନ୍ଦଲ୍ ମାନ୍‌ଜିନାତ୍‌ ମାରି ବାଦଡ଼୍‌ଦୁ ମେଗରତ୍‌ଦାନ୍‌ ୱାନାନ୍। ଏସ୍ତିୱାଲେ ଯିଶୁ ମାରିଡ଼େସି ୱାନାନ୍, ସାତିମାହିକାର୍‌ ଯିଶୁଦି ୱେନ୍‌କା ବୁଲାନି ୱିଜୁ ଲୋକୁ ସାତିବାଣାନ୍ ମାରିଡ଼େସି ନିଙ୍ଗ୍‌ନାର୍‌ ମାରି ୱାନିଙ୍ଗ୍ ବାଦଡ଼୍‌ଦୁ କୁଡ଼୍‌ନାର୍‌।

![](https://cdn.door43.org/obs/jpg/360px/obs-en-50-12.jpg)

ଦାନିୱେନ୍‌କା ଜିଉମାନି ଯିଶୁଦି ୱେନ୍‌କା ବୁଲାନି ଲୋକୁ ବାଦଡ଼୍‌ଦୁ ନିକ୍‌ସି ଅନାର୍ ମାରି ସାତିବାଣାନ୍ ମାରିଡ଼େସି ନିଙ୍ଗିଁତିମାନି ଯିଶୁଦି ଆଇ ୱେନ୍‌କା ବୁଲାନି ଲୋକୁ ୱାଲେ କୁଡ଼୍‌ନାର୍‌। ୱାରୁ ୱିଜେରେ ଯିଶୁଦି ୱାଲେ ମାନ୍‌ଜିନାର୍। ଦାନିୱେନ୍‌କା, ଯିଶୁ ନିଜେ ଲୋକା ୱାଲେ ମାନ୍‌ଜିନାନ୍। ଏସ୍ତିୱାଲେ ୱାରୁ ଉନ୍‌ଡ୍ରେବାନୁ ମାନ୍‌ଜି ମାରି ୱିଜୁଦିନାମ୍ ୱାନ୍ଦିଙ୍ଗ୍ ପୁରା ସାନ୍ତି ପାଏଆନାର୍‌।

![](https://cdn.door43.org/obs/jpg/360px/obs-en-50-13.jpg)

ଯିଶୁ ୱାନିଡାଗ୍‌ରୁ ବିସ୍‌ବାସ୍ କିଜିମାନି ୱିଜେରିଙ୍ଗ୍ ଉଣ୍ତ୍ରେ ମୁକୁଟ୍ ସିଦେଙ୍ଗ୍ ପାର୍‌ମାଣାମ୍‌ କିତାମାର୍‌ହାନ୍। ୱାରୁ ୱିଜୁଦିନାମ୍ ୱାନ୍ଦିଙ୍ଗ୍ ମାପ୍‌ରୁଦି ୱାଲେ ଶାସନ୍ କିନାନ୍। ୱାରିଙ୍ଗ୍‌ ପୁରା ସାନ୍ତି ପୁଟ୍‌ନାଟ୍‌।

![](https://cdn.door43.org/obs/jpg/360px/obs-en-50-14.jpg)

ମାତର୍ ମାପ୍‌ରୁଦି ୱିଜେରିଙ୍ଗ୍ ବିସାର୍ କିନାନ୍ ଏମେକାର୍‌ଗି ଯିଶୁଦିଡାଗ୍‌ରୁ ବିସ୍‌ବାସ୍ କିଏର୍। ୱାଣ୍ତ୍ରୁ ୱାରିଙ୍ଗ୍ ନର୍‌କଦୁ ପୋକ୍‌ନାନ୍‌। ଆବେନୁ ୱାରୁ ଆଡ଼୍‌ବାନାର୍ ମାରି ପାଲ୍‌କୁ କାତ୍ରିସ୍‌ନାର୍‌, ମାରି ୱାରୁ ୱିଜୁଦିନାମ୍ ୱାନ୍ଦି କାଷ୍ଟାମ୍ ପାଏଆନାର୍। ଏମେ ସିସୁ ଏସେଙ୍ଗ୍ ବା ନାମ୍‌ଏତ୍ ୱାରିଙ୍ଗ୍ ୱିଜୁୱାଲେ ସିସୁ କାସ୍‌ସି ମାନ୍‌ଜିନାତ୍‌, ମାରି ପିଡ଼୍‌କୁ ୱାରିଙ୍ଗ୍ ତିନ୍‌ଡ୍ରେଙ୍ଗ୍ ବନ୍ଦ୍‌ କିଉ।

![](https://cdn.door43.org/obs/jpg/360px/obs-en-50-15.jpg)

ଏସ୍ତିୱାଲେ ଯିଶୁ ମାରିଡ଼େସି ୱାନାନ୍, ୱାଣ୍ତ୍ରୁ ସୟତାନ୍ ମାରି ଦାନିରାଜିଦିଙ୍ଗ୍‌ ପୁରା ନାସ୍‌ଟୁ କିନାନ୍। ୱାଣ୍ତ୍ରୁ ସୟତାନ୍‌ଦିଙ୍ଗ୍ ନରକ୍‌ଦୁ ପୋକ୍‌ନାନ୍। ସୟତାନ୍ ଆବେନୁ ୱିଜୁଦିନାମ୍ ୱାନ୍ଦିଙ୍ଗ୍ କାସ୍‌ନାତ୍‌, ଏମେକାର୍ ମାପ୍‌ରୁଦି ବାକ୍ୟ ମାନାମାନି ବାଦ୍‌ଲୁ ସୟତାନ୍‌ଦି ୱେନ୍‌କା ବୁଲାଦେଙ୍ଗ୍ ମାନ୍‌ସୁ କିତାର୍।

![](https://cdn.door43.org/obs/jpg/360px/obs-en-50-16.jpg)

ମାତର୍ ଆଦମ ମାରି ହବା ମାପ୍‌ରୁଦିଙ୍ଗ୍ ମାନ୍‌ଆଏତାର୍ ମାରି ଇୟା ଦୁନିଆଦୁ ପାପାମ୍ ତାତାର୍, ମାପ୍‌ରୁଦି ଦୁନିଆଦିଙ୍ଗ୍‌ ଆନାଦୁରିୟା ସିତାନ୍ ମାରି ଦୁନିଆଦିଙ୍ଗ୍‌ ନାସ୍ଟୁ କିଦେଙ୍ଗ୍ ମାନ୍‌ସୁ କିତାନ୍। ମାତର୍‌ ଏସୋ ଦିନାମ୍ ମାପ୍‌ରୁ ଉଣ୍ଡ୍ରେ ପୁନି ସରଗ୍ ମାରି ଉଣ୍ଡ୍ରେ ପୁନି ପୁର୍‌ତିବୀ ତିଆର୍ କିନାନ୍‌ ଏମେକାଗି ପବିତ୍ର ଆନାତ୍‌।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ମାରି ୱାନି ଲୋକୁ ଆୟା ପୁନି ପୁର୍‌ତିବୀଦୁ ମାନ୍‌ଜିନାର୍, ମାରି ୱାଣ୍ତ୍ରୁ ୱିଜୁୱାଲେ ୱିଜୁ ବିଷୟ୍ ମୁସ୍‌କୁ ଶାସନ୍‌ କିନାନ୍। ୱାଣ୍ତ୍ରୁ ଲୋକୁଦି କାଣ୍‌କାଦାନ୍‌ ୱିଜୁ କାଣେର୍‌କୁ ତେଲ୍‌ନାନ୍। ମାରି ଏୟେର୍ ଦୁକ୍‌ବୋଗ୍ କିଏର୍ ଗି ଦୁକ୍ ଆଏର୍‌। ୱାରୁ ଆଡ଼୍‌ବାଏର୍। ୱାରୁ ରୋଗ୍‌ଦୁକ୍ ଆଏର୍‌। ମାରି ଆବେନୁ ଇନି ସେଇପାଣି ମାନ୍‌ଏତ୍‌। ଯିଶୁ ୱାନି ରାଜିଦୁ ନ୍ୟାୟ୍ ମାରି ସାନ୍ତିଦାନ୍ ସାସନ୍ କିନାନ୍। ୱାଣ୍ତ୍ରୁ ନିଜେ ଲୋକୁଦି ୱାଲେ ୱିଜୁଦିନାମ୍ ୱାନ୍ଦିଙ୍ଗ୍ ମାନ୍‌ଜିନାନ୍।

*ମାଥିଉ ୧୩:୧୪;୨୮:୧୮; ଯୋହନ ୧୫:୨୦,୧୬:୩୩; ଥେସଲନୀକୀୟ ୪:୧୩-୫:୧୧; ଯାକୁବ ୧:୧୨ ପ୍ରକାଶିତବାକ୍ୟ ୨:୧୦;୨୦:୧୦; ୨୧-୨ ବାଇବଲଦି ଉଣ୍ଡ୍ରେ କତାନି*