# unfoldingWord Open Bible Stories — Pengo

- Language code: `peg`
- Canonical page: https://openbiblestories.org/l/peg/
- Stories in this file: 50 of 50
- Published by: OBS-TLF
- Last release: 2026-06-26
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Pengo translation; it is not a translation of the whole Bible.

## 1. ୧. ଈଶ୍ୱର ୱିଜୁ ଜିନିଷ୍‌ତିଙ୍ଗ୍ ଉବ୍‌ଜାଣ୍ କିତାନ୍‌

https://openbiblestories.org/l/peg/story-1/

![](https://cdn.door43.org/obs/jpg/360px/obs-en-01-01.jpg)

ଈଶ୍ୱର ୱିଜୁ ଜନିଷ୍‌ତିଙ୍ଗ୍ ଇଲେକେ ଉବ୍‌ଜାୟ୍ କିତାନ୍‌। ଚଅଦିନ୍ ବିତ୍ରେ ଈଶ୍ୱର ସରଗ୍ ଆରେ ପୁର୍ତି ଆରେ ହେବେନି ୱିଜୁ ବିଷୟତିଙ୍ଗ୍ ଉବ୍‌ଜାୟ୍ କିତାନ୍। ଈଶ୍ୱର ଉବ୍‌ଜାୟ୍ କିତି ପାଚେ ପୁର୍ତି ମାଜ୍‌ଗା ଆରେ ଇନାକା ହିଲାତାତ୍। ଇନାକା ପା ଉବ୍‌ଜା ଆୱାଦାଙ୍ଗ୍ ମାଚାତ୍। ମାତର୍ ଈଶ୍ୱର ଆତ୍ମା ଏଜୁଙ୍ଗ୍ ଜପି ମାଚାତ୍।

![](https://cdn.door43.org/obs/jpg/360px/obs-en-01-02.jpg)

ତାପାଚେ ଈଶ୍ୱର ୱେଚ୍‌ଚାନ୍, “ଅଜଡ଼୍ ଆୟେତ୍, ହେବେତାଙ୍ଗ୍ ଅଜଡ଼୍ ଆତାତ୍।” ଈଶ୍ୱର ଅଜଡ଼୍‌ତିଙ୍ଗ୍ ହାର୍ ହୁଡ଼୍‌ତାନ୍ ଆରେ ତା ତର୍ ଅଜଡ଼୍ ଇଞ୍ଜି ୱେଚ୍‌ଚାନ୍। ହେୱାନ୍ “ଅଜଡ଼୍‌ତିଙ୍ଗ୍" ମାଜ୍‌ଗାତାଙ୍ଗ୍ ଜେକ କିତାନ୍, ଲାଗିଙ୍ଗ୍ ହେୱାନ୍ ୱେଚ୍‌ଚାନ୍ “ନାଣା।” ଈଶ୍ୱର ପାର୍ତୁମ୍ ଦିନ୍ ଅଜଡ଼୍‌ତିଙ୍ଗ୍ ଉବ୍‌ଜାଣ୍ କିତାନ୍।

![](https://cdn.door43.org/obs/jpg/360px/obs-en-01-03.jpg)

ଉବ୍‌ଜାୟ୍ କିତି ଆର୍‌କାତ୍ ନାଞ୍ଜିଙ୍ଗ୍ ଈଶ୍ୱର ପୁର୍ତି ଜପି ବାଦାଡ଼୍ ଉବ୍‌ଜା ଆଦେଙ୍ଗ୍ ୱେଚ୍‌ଚାନ୍। ହେୱାନ୍ ତାରେନ୍‌ନି ଏଜୁଙ୍ଗ୍‌ତାଙ୍ଗ୍ ଜପିନି ଏଜୁକାଙ୍ଗ୍ ଜେକକିନି କାଜିଙ୍ଗ୍ “ବାଦାଡ଼୍” ଉବ୍‌ଜାୟ୍ କିତାନ୍।

![](https://cdn.door43.org/obs/jpg/360px/obs-en-01-04.jpg)

ତା ଆର୍‌କାତ୍ ନାଞ୍ଜିଙ୍ଗ୍ ଈଶ୍ୱର ୱେଚ୍‌ଚାନ୍,“ୱାଚ୍‌ଚି ମେଦ୍‌ନିତାଙ୍ଗ୍ ଏଜୁକାଙ୍ଗ୍ ଜେକ ଆଦେଙ୍ଗ୍ ୱେଚ୍‌ଚାନ୍‌।” ହେୱାନ୍ ୱାଚ୍‌ଚି ମେଦ୍‌ନିତିଙ୍ଗ୍ “ପୁର୍ତି” ଇଞ୍ଜି ୱେଚ୍‌ଚାନ୍ ଆରେ ହେୱାନ୍ ଏଜୁକାଙ୍ଗ୍ “ହାମ୍‌ଦୁର୍” ଇଞ୍ଜି ୱେଚ୍‌ଚାନ୍। ଈଶ୍ୱର ହୁଡ଼୍‌ତାନ୍ ହେୱାନ୍ ଇନାକା ଉବ୍‌ଜାୟ୍ କିଜି ମାଚାନ୍ ହେଦାଙ୍ଗ୍ ହାର୍ ମାଚାତ୍।

![](https://cdn.door43.org/obs/jpg/360px/obs-en-01-05.jpg)

ତାପାଚେ ଈଶ୍ୱର ୱେଚ୍‌ଚାନ୍ “ପୁର୍ତିତାକେ ୱିଜୁ ପର୍‌କାର୍ ମାର୍‌କୁ ଆରେ କାଚ୍ରାଙ୍ଗ୍” ଉବ୍‌ଜା ଆୟେକ୍, ଆରେ ହେଲେକେ ଆତାତ୍। ଈଶ୍ୱର ହୁଡ଼୍‌ତାନ୍ ହେୱାନ୍ ଉବ୍‌ଜାୟ୍ କିତାକା ହାର୍ ମାଚାତ୍।

![](https://cdn.door43.org/obs/jpg/360px/obs-en-01-06.jpg)

ଉବ୍‌ଜା ଆତି ଚାର୍‌ଦିନ୍ ନାଞ୍ଜିଙ୍ଗ୍ ଈଶ୍ୱର, “ୱେଡ଼ା, ଲେଞ୍ଜ୍ଆରେ ହୁକାକାଙ୍ଗ୍ ଉବ୍‌ଜାୟ୍ କିତାନ୍।” ଈଶ୍ୱର ହେ ୱିଜେକିୟାକାଙ୍ଗ୍ ପୁର୍ତିତାକେ ଅଜଡ଼୍ ହିଦେଙ୍ଗ୍ ଆରେ ୱେଡ଼ା, ନାଣା, ମାସ୍‌ ଆରେ ବାର୍‌ହୁ ଆଦେଙ୍ଗ୍ ୱେଚ୍‌ଚାନ୍। ଈଶ୍ୱର ଇନାକା ଉବ୍‌ୟ୍ କିଜି ମାଚାନ୍ ହେଦାଙ୍ଗ୍ ୱିଜୁ ହାର୍ ମାଚାତ୍।

![](https://cdn.door43.org/obs/jpg/360px/obs-en-01-07.jpg)

ଉବ୍‌ଜା ଆତି ପାଞ୍ଚ୍‌ଦିନ୍‌ତ ଈଶ୍ୱର ୱେଚ୍‌ଚାନ୍, “ଏଜୁକାଙ୍ଗ୍ ମାନି ୱିଜୁ ଜାତୁଙ୍ଗ୍ ଆରେ ବାଦାଡ଼୍‌ତାକେ ଉମ୍‌ନି ପଟିକାଙ୍ଗ୍ ଉବ୍‌ଜାୟ୍ କିତାନ୍।” ଈଶ୍ୱର ହେୱେକିୟାକାଙ୍ଗ୍ ହାର୍ ହୁଡ଼୍‌ତାନ୍ ଆରେ ହେୱାନ୍ ହେୱେକିୟାକାଙ୍ଗ୍ ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-01-08.jpg)

ଈଶ୍ୱର ଉବ୍‌ଜାୟ୍ କିତି ଚଅ ଦିନ୍‌ତ ୱେଚ୍‌ଚାନ୍, “ମେଦ୍‌ନିନି ୱିଜୁ ପର୍‌କାର୍ ପଶୁଙ୍ଗ୍ ଉବ୍‌ଜାଣ୍ ଆୟେକ୍।” ଈଶ୍ୱର ଇନେସ୍ ୱେଚ୍‌ଚାନ୍, ଟିକ୍ ହେଲେକେ ଆତାତ୍। କେତେକ୍ ଇଞ୍ଜ ପହାକିନି ପଶୁଙ୍ଗ୍ ମାଚିକ୍, କେତେକ୍ ପଟତାଙ୍ଗ୍ ରାଙ୍ଗା ଆନି ପଶୁ ଆରେ କେତେକ୍ ରାନ୍‌ତି ପଶୁଙ୍ଗ୍ ମାଚିକ୍। ଆରେ ଈଶ୍ୱର ହେୱେକିୟାକାଙ୍ଗ୍ ହାର୍ ହୁଡ଼୍‌ତାନ୍।

![](https://cdn.door43.org/obs/jpg/360px/obs-en-01-09.jpg)

ତାପାଚେ ଈଶ୍ୱର ୱେଚ୍‌ଚାନ୍, “ୱାଡ ଆସେଙ୍ଗ୍ ମାନାୟ୍‌ତିଙ୍ଗ୍ ମା ଲେକେ କିଜି ରହ୍‌ନାସ୍। ପୁର୍ତି ଜପି ଆରେ ୱିଜୁ ପଶୁଙ୍ଗ୍ ଜପି ହେୱାର୍ ଆଦିକାର୍ ମାନ୍‌ଗାନାତ୍।”

![](https://cdn.door43.org/obs/jpg/360px/obs-en-01-10.jpg)

ଲାଗିଙ୍ଗ୍ ଈଶ୍ୱର ଇଚ୍‌କେ ଦୁଡ଼ିତିଙ୍ଗ୍ ଅଜି, ମାନାୟ୍‌ତିଙ୍ଗ୍ ରସ୍ତାନ୍, ଆରେ ତା ବିତ୍ରେ ଜିବୁନ୍ ଆନି ଡ଼ୁଇ ତୁବ୍‌ତାନ୍। ଇ ମାନାୟ୍‌ନି ତର୍ ଆଦମ୍ ହିତାନ୍‌। ଈଶ୍ୱର ରଞ୍ଜାଙ୍ଗ୍‌ହଲ୍‌ନି ବଗିଚା ରୁସ୍ତାନ୍, ହେବେ ଆଦମ୍ ମାନ୍‌ଗାନାନ୍ ଆରେ ହେ ବଗିଚାତିଙ୍ଗ୍ ଜାତୁନ୍ କିନାନ୍।

![](https://cdn.door43.org/obs/jpg/360px/obs-en-01-11.jpg)

ହେ ବଗିଚା ବିତ୍ରେ ଈଶ୍ୱର ରିଣ୍ଡାଙ୍ଗ୍ ମୁକ୍ୟ ମାର୍‌କୁ ରସ୍ତାନ୍, ହେଦାଙ୍ଗ୍ ଜିବୁନ୍ ହିଦ୍‌ନି ମାର୍ ଆରେ ବଲ୍ ମନ୍ଦ୍ ଜ୍ଞାନ୍ ହିଦ୍‌ନି ମାର୍। ଈଶ୍ୱର ଆଦମତିଙ୍ଗ୍ ୱେଚ୍‌ଚାନ୍,ଏନେଙ୍ଗ୍ ବଲ୍ ଆରେ ମନ୍ଦ୍ ଜ୍ଞାନ୍ ହିଦ୍‌ନି ମାର୍‌ନି ପାଡ଼୍‌ତିଙ୍ଗ୍ ପିସ୍ତି ବଗିଚାତାକେ ମାନି ୱିଜୁ ମାର୍‌ତି ପାଡ଼୍‌ ଚିଞ୍ଜେଙ୍ଗ୍ ଆଡ୍‌ନାୟ୍‌। ଏନେଙ୍ଗ୍ ଯଦି ଇ ମାର୍‌ତି ପାଡ଼୍ ତିନାୟ୍‌ ଲାଗିଙ୍ଗ୍ ହାତ୍‌ପା ହାଃନାୟ୍।

![](https://cdn.door43.org/obs/jpg/360px/obs-en-01-12.jpg)

ତାପାଚେ ଈଶ୍ୱର ୱେଚ୍‌ଚାନ୍, “ମାନାୟ୍ ରୱାର୍ ମାନାକା ହାର୍ ଆକାୟ୍।” ମାତର୍ ଇମ୍‌ଣି ପଶୁଙ୍ଗ୍ ପା ଆଦମତିଙ୍ଗ୍ ସାଇଜ କିନିକିକ୍ ହିଲିତିକ୍।

![](https://cdn.door43.org/obs/jpg/360px/obs-en-01-13.jpg)

ଲାଗିଙ୍ଗ୍ ଈଶ୍ୱର ଆଦମତିଙ୍ଗ୍ ବେସି ହୁଚ୍‌କାଣ୍‌କୁତାଙ୍ଗ୍ ହୁଚ୍‌ପି କିତାନ୍। ତାପାଚେ ଈଶ୍ୱର ଆଦମନି ର ପାଞ୍ଜ୍‌ରା ପେଣ୍‌ତିଙ୍ଗ୍ ଅଜି ର କଗ୍‌ଲେତିଙ୍ଗ୍ ରସ୍ତାନ୍ ଆରେ ହେଦେଲିଙ୍ଗ୍ ଆଦମ ଲାଗାୟ୍ ତାସି ୱାତାନ୍।

![](https://cdn.door43.org/obs/jpg/360px/obs-en-01-14.jpg)

ଏଚେପାଦ୍ନା ଆଦମ ହେଦେଲିଙ୍ଗ୍ ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ହାରିହାରା! ଇୱାନ୍‌ ରକାନ୍‌ ନା ଲେଗ୍‌ଦାକାନ୍‌! ହେୱାନିଙ୍ଗ୍ କଗ୍‌ଲେ ଇଞ୍ଜି କୁକିୟା ଆନାତ୍, ଇନେସ୍‌କି ହେଦେଲ୍ ନର୍‌ତାଙ୍ଗ୍ ରହି ଆତାତ୍‌ନା।” ଇଦାଙ୍ଗ୍ କାଜିଙ୍ଗ୍ ମାନାୟ୍ ତା ଆୟାଆବାରିଙ୍ଗ୍ ପିସ୍ତି ତା କଗ୍‌ଲେ ହୁଦାଙ୍ଗ୍ ଏକ୍ ଆନାର୍।

![](https://cdn.door43.org/obs/jpg/360px/obs-en-01-15.jpg)

ଈଶ୍ୱର ଆଣ୍ଡ୍ରା ହିମ୍‌ଣା ଆରେ କଗ୍‌ଲେ ହିମ୍‌ଣାତିଙ୍ଗ୍ ତା ଲେକେ କିଜି ରସ୍ତାନ୍। ହେୱାନ୍ ହେୱାରିଙ୍ଗ୍ ଆଶ୍ରିବାଦ୍ କିତାନ୍ ଆରେ ୱେଚ୍‌ଚାନ୍, “କେତେକ୍ ହିମ୍‌ଣାୱାକ୍‌ଡ଼ା ଆରେ ନାତି ନାତ୍‌ନିକାଙ୍ଗ୍ ଜନମ୍ କିୟାଟ୍ ଆରେ ପୁର୍ତିତିଙ୍ଗ୍ ପୁରା କିୟାଟ୍।” ଈଶ୍ୱର ଇନାକା ୱିଜୁ ରସ୍ତାନ୍ ହେୱିଜୁ ଆଦିକ୍ ହାର୍ ହୁଡ଼୍‌ତାନ୍। ହେୱାନ୍‌ ହେ ୱିଜୁକାଙ୍ଗ୍ ହେୱାନ୍ ବେସି ୱାରିଆଜି ମାଚାନ୍। ଇ ୱିଜୁ ବିଷୟ ଉବ୍‌ଜାୟ୍ କିତି ଚଅ ଦିନ୍‌ତ ଆତାତ୍।

![](https://cdn.door43.org/obs/jpg/360px/obs-en-01-16.jpg)

ଏଚେପାଦ୍ନା ସାତ୍‌ଦିନ୍ ୱାତାତ୍, ଈଶ୍ୱର ତା ୱିଜୁ କାମାୟ୍ ୱିସ୍ତି ମାଚାନ୍। ଲାଗିଙ୍ଗ୍ ଈଶ୍ୱର ୱିଜୁ କାମାୟ୍‌ତାଙ୍ଗ୍ ଜମ୍‌ତାନ୍। ହେୱାନ୍ ସାତ୍‌ଦିନ୍‌ନି ଦିନ୍‌ତିଙ୍ଗ୍ ଆଶ୍ରିବାଦ୍ କିଜି ପବିତ୍ର କିତାନ୍। ଇନେସ୍‌କି ଇ ଦିନ୍‌ତ ହେୱାନ୍ ତା କାମାୟ୍‌ତାଙ୍ଗ୍ ଜମ୍‌ଜି ମାଚାନ୍। ଇଲେକେ ଈଶ୍ୱର ପୁର୍ତି ଆରେ ହେବେନି ୱିଜୁ ବିଷୟତିଙ୍ଗ୍ ରସ୍ତାନ୍।

*ବାଇବଲ୍‌ନି ର କାତା: ଆଦିବହି ୧-୨*

## 2. ୨. ହବା ପାପ୍ ଦୁନିଆତାକେ ହଟାତ୍‌

https://openbiblestories.org/l/peg/story-2/

![](https://cdn.door43.org/obs/jpg/360px/obs-en-02-01.jpg)

ଈଶ୍ୱର ହେୱାର୍ କାଜିଙ୍ଗ୍ ରସ୍ତି ହଲ୍‌ନି ବଗିଚାତାକେ ଆଦମ ଆରେ ତା କଗ୍‌ଲେ ବେସି ୱାରିନି ଜିବୁନ୍ କାଟିକିଜି ମାଚାର୍। ହେୱାର୍ ଇନେର୍‌ପା ହେନ୍ଦ୍ରା ପାଟାଙ୍ଗ୍ ଉସ୍‌ପାୱାଦାଙ୍ଗ୍ ମାଚାର୍, ମାତର୍ ଇଦାଙ୍ଗ୍ ହେୱାର୍ କାଜିଙ୍ଗ୍ ଲାଜୁ ହିଲାତାତ୍। ଲାଗିଙ୍ଗ୍ ଜଗ୍‌ତାତାକେ ପାପ୍ ହିଲାତାତ୍। ହେୱାର୍ ୱିଜୁଦିନ୍ ବଗିଚାତାକେ ହାନାକା ୱାନାକା ଆରେ ଈଶ୍ୱର ହୁଦାଙ୍ଗ୍ ବେଣ୍ କିବାଆଜି ମାଚାର୍।

![](https://cdn.door43.org/obs/jpg/360px/obs-en-02-02.jpg)

ମାତର୍ ହେ ବଗିଚାତାକେ ରଞ୍ଜାଙ୍ଗ୍ ଚାତୁର୍ ରାଚ୍ ମାଚାତ୍। ହେ ରାଚ୍ କଗ୍‌ଲେଙ୍ଗ୍ ୱେନ୍‌ବାତାତ୍, “ହାତ୍‌ପା ମିଙ୍ଗେଙ୍ଗ୍ ଈଶ୍ୱର ଇ ବଗିଚାନି ଇମ୍‌ଣି ମାର୍‌ତି ପାଡ଼୍ ପା ତିନ୍‌ୱେଦେଙ୍ଗ୍ ୱେଚ୍‌ଚାତାନ୍‌ନା କି?”

![](https://cdn.door43.org/obs/jpg/360px/obs-en-02-03.jpg)

କଗ୍‌ଲେ ୱେଚ୍‌ଚାତ୍, “ଈଶ୍ୱର ମାଙ୍ଗେଙ୍ଗ୍ ୱେଚ୍‌ଚାତାନ୍‌ନା ବଲ୍ ଆରେ ମନ୍ଦ୍ ଜ୍ଞାନ୍ ହିଦ୍‌ନି ମାର୍‌ନି ପାଡ଼୍‌ତିଙ୍ଗ୍ ପିସ୍ତି ୱିଜୁ ମାର୍‌ନି ପାଡ଼୍ ଆପେଙ୍ଗ୍ ଚିଞ୍ଜେଙ୍ଗ୍ ଆଡ୍‌ନାପ୍। ଈଶ୍ୱର ମାଙ୍ଗେଙ୍ଗ୍ ୱେଚ୍‌ଚାତାନ୍, ‘ଏପେଙ୍ଗ୍ ଯଦି ହେ ମାର୍‌ନି ପାଡ଼୍ ତିନାଦେର୍ କି ଆସ୍‌ପାନାଦେର୍ ହେ ଦିନ୍ ଏପେଙ୍ଗ୍ ହାଃନାଦେର୍।’”

![](https://cdn.door43.org/obs/jpg/360px/obs-en-02-04.jpg)

ରାଚ୍ କଗ୍‌ଲେଙ୍ଗ୍ ୱେଚ୍‌ଚାତ୍, “ହେଦାଙ୍ଗ୍ ସତ୍ ଆକାୟ୍,ଏପେଙ୍ଗ୍ ହାଃଉଦେର୍। ଈଶ୍ୱର ପୁନାନ୍ ଯେ, ଏପେଙ୍ଗ୍ ଚିଚି ଦାପ୍ରେ ଈଶ୍ୱର ଲେକେ ଆନାଦେର୍ ଆରେ ହେୱାନ୍ ଲେକେ ବଲ୍ ଆରେ ମନ୍ଦ୍ ବୁଜା ଆଦେଙ୍ଗ୍ ଆଡ୍‌ନାଦେର୍।”

![](https://cdn.door43.org/obs/jpg/360px/obs-en-02-05.jpg)

କଗ୍‌ଲେ ହେ ପାଡ଼୍‌ତିଙ୍ଗ୍ ହୁଡ଼୍‌ତାତ୍ ହେଦେଙ୍ଗ୍ ବେସି ହଲ୍‌ଜି ମାଚାତ୍ ଆରେ ଚିଞ୍ଜେଙ୍ଗ୍ ହୱାଦ୍ ମାଚାତ୍। ହେଦେଲ୍ ପା ବୁଦିମାନ୍ ଆଦେଙ୍ଗ୍ ଇଚା କିତାତ୍, ହେଦାଙ୍ଗ୍ କାଜିଙ୍ଗ୍ ହେଦେଲ୍ କେତ୍‌ଗଟା ପାଡ଼୍ ଏଚ୍‌ଚାତ୍ ଆରେ ଚିଚାତ୍। ତାପାଚେ ହେଦେଲ୍ କେତ୍‌ଗଟା ପାଡ଼୍ ତା ଡକ୍ରାହିଙ୍ଗ୍ ଅସି ହିତାତ୍, ହେୱାନ୍ ପା ହେ ଅସିହିତି ପାଡ଼୍ ଇଚ୍‌କେ ଚିଚାନ୍‌।

![](https://cdn.door43.org/obs/jpg/360px/obs-en-02-06.jpg)

ହେଦାପ୍ରେ ହେୱାର୍ ହୁଡ଼୍‌ତାର୍, ଆରେ ବାବିକିତାର୍ ଯେ, ହେୱାର୍ ନାଗ୍‌ଡ଼ା ଆତାର୍‌ନା। ଆକିକାଙ୍ଗ୍ ସିଲାଇ କିଜି ହେୱାର୍ ଗାଗାଡ଼୍‌ତିଙ୍ଗ୍ ହୁକ୍ତେଙ୍ଗ୍ ଉପାଇ କିତାର୍।

![](https://cdn.door43.org/obs/jpg/360px/obs-en-02-07.jpg)

ତାପାଚେ ଈଶ୍ୱର ବଗିଚାତାକେ ତାଙ୍ଗ୍‌ଜି ୱାନାକା ହେୱାର୍ ୱେଚାର୍। ହେୱାର୍ ରିକାର୍ ଈଶ୍ୱରତାଙ୍ଗ୍। ତାପାଚେ ଈଶ୍ୱର ଆଣ୍ଡ୍ରେନିଙ୍ଗ୍‌ କୁକ୍ତାନ୍, “ଏନେଙ୍ଗ୍ ଇମେତାକେ ମାନାୟ୍?” ଆଦମ ୱେଚ୍‌ଚାନ୍‌, “ଏନେଙ୍ଗ୍ ବଗିଚାତାକେ ତାଙ୍ଗ୍‌ଜି ୱାନାକା ଆନେଙ୍ଗ୍ ୱେଚାଙ୍ଗ୍ ଆରେ ପାଣ୍ଡ୍ରା ଆତାଙ୍ଗ୍, ଇନେସ୍‌କି ଆନେଙ୍ଗ୍ ନାଗ୍‌ଡ଼ା ମାଚାଙ୍ଗ୍ ଲାଗିଙ୍ଗ୍ ଆନେଙ୍ଗ୍ ଡ଼ୁକ୍ତାଙ୍ଗ୍।”

![](https://cdn.door43.org/obs/jpg/360px/obs-en-02-08.jpg)

ଲାଗିଙ୍ଗ୍ ଈଶ୍ୱର ୱେନ୍‌ବାତାନ୍, “ଏନେଙ୍ଗ୍ ନାଗ୍‌ଡ଼ା ମାନାୟ୍ ଇଞ୍ଜି ମିଙ୍ଗେଙ୍ଗ୍ ଇନେର୍ ୱେଚ୍‌ଚାତାର୍?” ଇମ୍‌ଣି ପାଡ଼୍ ଆନେଙ୍ଗ୍ ତିନ୍‌ମାଟ୍ ଇଞ୍ଜି ୱେଚ୍‌ଚି ମାନ୍‌ଞ୍ଚାଙ୍ଗ୍, ହେ ପାଡ଼୍ ଏପେଙ୍ଗ୍ ଚିଚାଦେର୍ କି? ଆଣ୍ଡ୍ରେନ୍‌ ୱେଚ୍‌ଚାନ୍, “ଇ କଗ୍‌ଲେଙ୍ଗ୍‌ ଏନେଙ୍ଗ୍ ନା ଲାଗାୟ୍ ପକ୍ତାତାୟ୍ ହେଦେଲ୍ ନାଙ୍ଗେଙ୍ଗ୍ ପାଡ଼୍ ଚିଞ୍ଜେଙ୍ଗ୍ ହିତ୍‌ତାତ୍। ଈଶ୍ୱର କଗ୍‌ଲେଙ୍ଗ୍ ୱେନ୍‌ବାତାନ୍, ଇଦାଙ୍ଗ୍ ଏନେଙ୍ଗ୍ ଇନାକା କିତାୟ୍?” ହେ କଗ୍‌ଲେ ୱେଚ୍‌ଚାତ୍, “ରାଚ୍ ନାଙ୍ଗେଙ୍ଗ୍ ବୁଲ୍‌କାଇ କିତ୍‌ତାତ୍।”

![](https://cdn.door43.org/obs/jpg/360px/obs-en-02-09.jpg)

ଈଶ୍ୱର ରାଚ୍‌ତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଅବିଶାପ୍ ପାୟାଆତାୟ୍‌ନା,ଏନେଙ୍ଗ୍ ନି ପଟତାଙ୍ଗ୍ ତାଙ୍ଗ୍‌ନାଇ ଆରେ ଦୁଡ଼ି ତିନାଇ। ଏପେଙ୍ଗ୍ ଆଣ୍ଡ୍ରା ଆରେ କଗ୍‌ଲେ ଜାର୍-ଜାର୍ ବିତ୍ରେ ଗିଣ୍ କିବା ଆନାଦେର୍। ଆରେ ମି ହିମ୍‌ଣା ଆରେ ତା ହିମ୍‌ଣାଙ୍ଗ୍‌ ପା ଗିଣ୍ କିବାଆନାର୍। କଗ୍‌ଲେନି ଲାତ୍ରା ମି କାପ୍‌ଡ଼ାତିଙ୍ଗ୍ ଇଡ଼୍‌ଦାନାତ୍ ଆରେ ଏନେଙ୍ଗ୍ ତା କାଲ୍‌ନି କୁନା କାତ୍‌ରାଇ କିନାୟ୍।”

![](https://cdn.door43.org/obs/jpg/360px/obs-en-02-10.jpg)

ତାପାଚେ ଈଶ୍ୱର କଗ୍‌ଲେଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ହିମ୍‌ଣା ଜନମ୍ କିନିହିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ବେସି ନନାକା ଆହି କିଦ୍‌ନାଙ୍ଗ୍‌। ଏନେଙ୍ଗ୍ ନି ଆଣ୍ଡ୍ରାଙ୍ଗ୍ ହୁଡ଼୍‌ନାୟ୍ ଆରେ ହେୱାନ୍ ନି ଜପି ସାସନ୍ କିଦ୍‌ନାନ୍।”

![](https://cdn.door43.org/obs/jpg/360px/obs-en-02-11.jpg)

ଈଶ୍ୱର ମାନାୟ୍‌ତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନି ଡକ୍ରି କାତା ୱେଚାଇ ଆରେ ନାଙ୍ଗେଙ୍ଗ୍ ମାନି କିଦ୍‌ୱାତାଇ। ନଙ୍ଗୟ ମେଦ୍‌ନି ଅବିଶାପ୍ ଆତାତ୍, ଆରେ ଏପେଙ୍ଗ୍ କାଦିକଣ୍ଡା ଦାସ୍ତେଙ୍ଗ୍ ବେସି କଷ୍ଟନି କାମାୟ୍ କିନାଦେର୍‌।” ଏପେଙ୍ଗ୍ ହାଃନାଦେର୍ ଆରେ ମି ଗାଗାଡ଼୍ ଚିକ୍‌ଲାତାକେ ହାନାତ୍। ଆଣ୍ଡ୍ରା ତା କଗ୍‌ଲେଙ୍ଗ୍ ହବା ତର୍ ହିତାନ୍, “ତା ଅର୍‌ତ ଜିବୁନ୍ ହିଦ୍‌ନାକାଦେଲ୍,” ଇନେସ୍‌କି ହେଦେଲ୍ କେତେକ୍ ମାନାୟ୍‌ନି ଆୟା ଆନାତ୍। ଆରେ ଈଶ୍ୱର ଆଦମ ଆରେ ହବାଙ୍ଗ୍ ପଶୁନି ତଲ୍ ଉସ୍‌ପି କିତାନ୍।

![](https://cdn.door43.org/obs/jpg/360px/obs-en-02-12.jpg)

ତାପାଚେ ଈଶ୍ୱର ୱେଚ୍‌ଚାନ୍, “ନଙ୍ଗୟ ବଲ୍ ଆରେ ମନ୍ଦ୍ ପୁଚି କାଜିଙ୍ଗ୍ ମାନାୟ୍ ମା ଲେକେ ରକାନ୍ ଆତାନ୍‌ନା, ହେୱାର୍ ୱିଜୁଦିନ୍ ଜିଜି ମାନିକାଜିଙ୍ଗ୍ ଜିବୁନ୍ ହିଦ୍‌ନି ମାର୍‌ନି ପାଡ଼୍ ତିନି ଦର୍‌କାର୍ ଆକାୟ୍।” ଲାଗିଙ୍ଗ୍ ଈଶ୍ୱର ଆଦମ ଆରେ ହବାଙ୍ଗ୍ ହଲ୍‌ନି ବଗିଚାତାଙ୍ଗ୍ ହପ୍‌ତାନ୍ ଆରେ ଦେହା ପକ୍ତାନ୍। ଜିବୁନ୍ ହିଦ୍‌ନି ମାର୍‌ନି ପାଡ଼୍‌ତିଙ୍ଗ୍ ଇନେସ୍ ତିନ୍‌ୱି କାଜିଙ୍ଗ୍, ଈଶ୍ୱର ଶାକ୍ତିକାଟି ଦୁତ୍‌କୁକାଙ୍ଗ୍ ବଗିଚାନି ଗେଟ୍‌ତାକେ ଜାଗ୍‌ୱାଡ଼ି ଲେକେ କିଜି ଇଡ଼ିତାନ୍।

*ବାଇବଲ୍‌ନି ର କାତା: ଆଦିବହି ୩*

## 3. ୩. ଈଶ୍ୱର ବନ୍ୟା ପକ୍ତାନ୍‌

https://openbiblestories.org/l/peg/story-3/

![](https://cdn.door43.org/obs/jpg/360px/obs-en-03-01.jpg)

କେତ୍‌ଦିନ୍ ପାଚେକେତେକ୍ ମାନାୟାର୍ ପୁର୍ତିତାକେ ବାହା କିଜି ମାଚାର୍। ହେୱାର୍ ବେସି କରାପ୍‌ ଆରେ ଟେମ୍ଫ୍ରିୟାର୍ ମାଚାର୍। ପୁର୍ତି ବେସି କରାପ୍ ଆତାତ୍ ଲାଗିଙ୍ଗ୍ଈଶ୍ୱର ୱିଜୁ ପୁର୍ତିତିଙ୍ଗ୍ ଗାଜା ବନ୍ୟା କିଜି ବୁଡାଇ କିଦେଙ୍ଗ୍ ଇଚା କିତାନ୍‌।

![](https://cdn.door43.org/obs/jpg/360px/obs-en-03-02.jpg)

ମାତର୍ ନୋହ ତର୍‌ଦାକାନ୍ ଈଶ୍ୱର କାଣ୍‌କୁକାଙ୍ଗ୍ ଆଶ୍ରିବାଦ୍ ପାୟାଆଜି ମାଚାନ୍। ହେୱାନ୍ କରାପ୍ ମାନାୟାର୍ ବିତ୍ରେ ରକାନ୍ ଦାର୍‌ମି ମାନାୟ୍ ଲେକେ ଜିବୁନ୍ କାଟିକିଜି ମାଚାନ୍। ଈଶ୍ୱର ନୋହଙ୍ଗ୍ ବନ୍ୟା ପକ୍‌ନି ବିଷୟରେ ୱେଚ୍‌ଚାନ୍, ହେୱାନ୍ ନୋହଙ୍ଗ୍ ର ଗାଜା ଜାଜ୍ ରସ୍ତେଙ୍ଗ୍ ୱେଚ୍‌ଚାନ୍।

![](https://cdn.door43.org/obs/jpg/360px/obs-en-03-03.jpg)

୧୪୦ ମିଟର୍‌ ଡେଙ୍ଗା, ୨୩ ମିଟର୍ ଅହାର୍ ଆରେ ୧୩.୫ ମିଟର୍‌ ଉଚାନି ଜାଜ୍ ରସ୍ତେଙ୍ଗ୍ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଇ ଜାଜ୍‌ତିଙ୍ଗ୍ ମାର୍‌ତାଙ୍ଗ୍ ରସ୍ତେଙ୍ଗ୍ ଆରେ ତିନ୍ ମହଲା କିଜି ବେସି ବାକ୍ରାଙ୍ଗ୍, ର ଚାତ୍ ଆରେ ର ଜର୍‌କା ରସ୍ତେଙ୍ଗ୍ ୱେଚ୍‌ଚାନ୍। ଇ ଜାଜ୍ ବନ୍ୟା ଆନିହିଙ୍ଗ୍ ନୋହ, ତା ପରିବାର୍, ଆରେ ୱିଜୁ ପଶୁ ପଟିକାଙ୍ଗ୍ ଇଡ଼୍‌ଦେଙ୍ଗ୍ ହେ ଜାଜ୍ ରସ୍ତେଙ୍ଗ୍ ୱେଚ୍‌ଚାନ୍‌।

![](https://cdn.door43.org/obs/jpg/360px/obs-en-03-04.jpg)

ନୋହ ଈଶ୍ୱର କାତାତିଙ୍ଗ୍ ମାନି କିତାନ୍। ଈଶ୍ୱର ଇନେସ୍ ୱେଚ୍‌ଚାନ୍, ଟିକ୍ ହେଲେକେ ନୋହ ଆରେ ତିନ୍‌ଜାଣ୍ ମେହିର୍ ଜାଜ୍‌ତିଙ୍ଗ୍ ରସ୍ତାର୍। ଜାଜ୍ ରସ୍ତେଙ୍ଗ୍ ବେସି ବାର୍‌ହୁ ଲାଗିସ୍ ମାଚାତ୍ ଇନେସ୍‌କି ଇ ଜାଜ୍‌ ବେସି ଗାଜା ମାଚାତ୍। ୱାନି ବନ୍ୟା ବିଷୟରେ ନୋହ ମାନାୟାରିଙ୍ଗ୍ ୱେଚ୍‌ଚି ମାଚାନ୍, ଆରେ ଈଶ୍ୱର ନିପଣ୍ ହାଞ୍ଜେଙ୍ଗ୍ ୱେଚ୍‌ଚି ମାଚାନ୍, ମାତର୍ ମାନାୟାର୍ ନୋହ କାତାତିଙ୍ଗ୍ ପାର୍ତି କିୱାତାର୍।

![](https://cdn.door43.org/obs/jpg/360px/obs-en-03-05.jpg)

ଈଶ୍ୱର ନୋହଙ୍ଗ୍ ଆରେ ତା ପରିବାର୍ କାଜିଙ୍ଗ୍ ଆରେ ପଶୁ କାଜିଙ୍ଗ୍ ବେସି କାଦିକଣ୍ଡା ରୁଣ୍ଡାଇ କିଦେଙ୍ଗ୍ ୱେଚ୍‌ଚାନ୍। ଏଚେପାଦ୍ନା ୱିଜୁ ରସ୍ତେଙ୍ଗ୍ ଆଡ଼୍‌ତାର୍, ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ନଙ୍ଗୟ ଏନେଙ୍ଗ୍, ନି ଡକ୍ରୁଦି, ମି ହିମ୍‌ଣାଙ୍ଗ୍ ଆରେ ତା ଡକ୍ରୁହିକ୍ ୱିଜାକାଦେର୍ ଆଟ୍‌ଜାଣ୍ ଜାଜ୍ ବିତ୍ରେ ହଣି ସମୟ୍‌ ଆତାତ୍‌ନା।

![](https://cdn.door43.org/obs/jpg/360px/obs-en-03-06.jpg)

ବନ୍ୟାତାଙ୍ଗ୍ ରକ୍ଷା ପାୟାଆନି କାଜିଙ୍ଗ୍ ଈଶ୍ୱର ୱିଜୁ ପଶୁଙ୍ଗ୍ ବିତ୍ରେତାଙ୍ଗ୍ ରିଣ୍ଡାଙ୍ଗ୍-ରିଣ୍ଡାଙ୍ଗ୍ କିଜି ୱିଜେକିୟାଙ୍ଗ୍ ନୋହ ଜାଜ୍ ଲାଗାୟ୍ ପକ୍ତାନ୍। ବଲି ପୁଜା କିଦେଙ୍ଗ୍ ଈଶ୍ୱର ପଶୁକାଙ୍ଗ୍ ସାତ୍ ଜୁଡ଼ି ଆଣ୍ଡ୍ରା କଗ୍‌ଲେ କିଜି ପକ୍ତାନ୍। ଆରେ ହେୱିଜୁ ଜାଜ୍ ବିତ୍ରେ ହଟିପାଚେ ଈଶ୍ୱର ନିଜେ ଜାଜ୍‌ନି କାପାଟ୍‌ତିଙ୍ଗ୍‌ ଗେସ୍ତାନ୍।

![](https://cdn.door43.org/obs/jpg/360px/obs-en-03-07.jpg)

ତାପାଚେ ବେସି ବାର୍‌ହା ଆରମ୍ ଆତାତ୍। ୪୦ ଦିନ୍ ଆରେ ୪୦ ରାତି ଆସ୍ତି ଗାଡ଼ାଗାଡ଼ି ବାର୍‌ହା ଆତାତ୍। ପୁର୍ତି ଜପି ବାର୍‌ହା ଏଜୁଙ୍ଗ୍ ଡୁଙ୍ଗା ଆଦେଙ୍ଗ୍ ଲାଗିତିକ୍‌। ପୁର୍ତିନି ୱିଜୁ ଗାଜା-ଗାଜା ମାଡ଼ି ପା ଏଜୁଙ୍ଗ୍ ମଚ୍‌ଚେଙ୍ଗ୍ ଲାଗାତାତ୍।

![](https://cdn.door43.org/obs/jpg/360px/obs-en-03-08.jpg)

ଜାଜ୍ ବିତ୍ରେ ମାନି ମାନାୟାର୍ ଆରେ ପଶୁ ପଟିକାଙ୍ଗ୍ ପିସ୍ତି ପୁର୍ତିତାକେ ମାନି ୱିଜୁ ପଶୁ ପଟିଙ୍ଗ୍ ବାହା କିଜି ମାଚିକିକ୍ ହେୱେକ୍ ହାଃତିକ୍। ଜାଜ୍ ଏଜୁଙ୍ଗ୍ ଜପି ବଡ଼ା ଆଦେଙ୍ଗ୍ ଲାଗାତାତ୍ ଆରେ ଜାଜ୍ ବିତ୍ରେ ମାନି ୱିଜାକାରିଙ୍ଗ୍ ଏଜୁଙ୍ଗ୍‌ତାକେ ମୁଞ୍ଜ୍‌ନିତାଙ୍ଗ୍ ରକ୍ଷା ଆତାତ୍।

![](https://cdn.door43.org/obs/jpg/360px/obs-en-03-09.jpg)

ବାର୍‌ହା ବନ୍ଦ୍ ଆତି ପାଚେ, ଜାଜ୍ ଏଜୁଙ୍ଗ୍ ଜପି ପାଞ୍ଚ୍‌ମାସ୍ ପାତେକ୍ ବଡ଼ାଆଜି ମାଚାତ୍, ଆରେ ହେପାଦ୍ନା ଏଜୁଙ୍ଗ୍ କମା ଆଦେଙ୍ଗ୍ ଲାଗିତିକ୍। ତାପାଚେ ଦିନେକ୍ ଜାଜ୍ ର ମାଡ଼ିନି ମୁଣ୍ଡି ବାଗ୍‌ତାକେ ଡୁକା ଆତାତ୍‌, ମାତର୍ ନଙ୍ଗୟ ପାତେକ୍ ପୁର୍ତି ଏଜୁକାଙ୍ଗ୍ ମୁନ୍‌ଞ୍ଜି ମାଚାତ୍। ଆରେ ତିନ୍‌ମାସ୍ ପାଚେ, ମାଡ଼ିନି ଜପ୍‌ଣାକା ହୁଡ଼୍‌ଦେଙ୍ଗ୍ ଗାଟାଆତ୍‌ତାତ୍‌।

![](https://cdn.door43.org/obs/jpg/360px/obs-en-03-10.jpg)

ଆରେ ୪୦ ଦିନ୍ ପାଚେ ଏଜୁଙ୍ଗ୍ ନିକ୍‌ତିକ୍ କି ଆକାୟ୍ ହୁଡ଼୍‌ଦେଙ୍ଗ୍ ନୋହ ର ପଟି କାୱାତିଙ୍ଗ୍ ବାର୍‌ତ ପକ୍ତାନ୍। କାୱା ୱାଚ୍‌ଚି ବାହା ଦାସ୍ତେଙ୍ଗ୍ ହାଚାତ୍ ଇନିଆନି ଉମ୍‌ଜି ବୁଲାଆତାତ୍, ମାତର୍ ଇମ୍‌ଣି ବାହା ପା ଗାଟାଆୱାତାତ୍।

![](https://cdn.door43.org/obs/jpg/360px/obs-en-03-11.jpg)

ପାଚେ ନୋହ ଆରେ ର ପଟି ପାଣ୍ଡ୍‌କାତିଙ୍ଗ୍ ବାର୍‌ତ ପକ୍ତାନ୍। ମାତର୍ ହେ ପାଣ୍ଡ୍‌କା ପା ଇମ୍‌ଣି ୱାଚ୍‌ଚି ବାହା ଗାଟାଆୱାତାତ୍, ଲାଗିଙ୍ଗ୍ ହେ ପାଣ୍ଡ୍‌କା ନୋହ ଲାଗାୟ୍ ଲେଉଟା ଆଜି ୱାତାତ୍। ର ଆଟ୍‌ପାଚେ ନୋହ ଆରେରଗ ପାଣ୍ଡ୍‌କାତିଙ୍ଗ୍ ବାର୍‌ତ ପକ୍ତାନ୍ ଆରେ ହେ ପାଣ୍ଡ୍‌କା ଜିତ୍ ମାର୍‌ନି ଡାଡ଼୍‌ ୱେଇଦ ଆସ୍ତି ୱାତାତ୍। ଏଜୁଙ୍ଗ୍ ଦିରେ କମା ଆତାତ୍ ଆରେ ମାର୍‌କୁ ଆରେରଗ ଗାଜା ଆଦେଙ୍ଗ୍ ଲାଗିତିକ୍।

![](https://cdn.door43.org/obs/jpg/360px/obs-en-03-12.jpg)

ନୋହ ଆରେ ର ଆଟ୍ କାତି ପାଚେ ପାଣ୍ଡ୍‌କାତିଙ୍ଗ୍ ଆରେରଗ ବାର୍‌ତ ପକ୍ତାନ୍। ନଙ୍ଗୟ ହେ ପାଣ୍ଡ୍‌କା ଜମ୍‌ଦେଙ୍ଗ୍ ବାହା ଗାଟା ଆତାତ୍‌ ଆରେ ଲେଉଟା ଆଜି ହାଲ୍‌ୱାତାତ୍‌ଦେ। ଏଜୁଙ୍ଗ୍ ନିକ୍ତେଙ୍ଗ୍ ଲାଗିତିକ୍‌।

![](https://cdn.door43.org/obs/jpg/360px/obs-en-03-13.jpg)

ରି ମାସ୍ ପାଚେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, “ମି ପରିବାର୍ ଆରେ ୱିଜୁ ପଶୁପଟିଙ୍ଗ୍ ଆରେ ଏପେଙ୍ଗ୍ ଜାଜ୍‌ତାଙ୍ଗ୍ ବାର୍‌ତ ହତେଙ୍ଗ୍ ଆଡ୍‌ନାଦେର୍। ବେସି ହିମ୍‌ଣାୱାକ୍‌ଡ଼ା ଆରେ ନାତିନାତ୍‌ନି ଜନମ୍ କିଜି ପୁର୍ତିତିଙ୍ଗ୍ ବାର୍‌ତି କିୟାଟ୍।” ଲାଗିଙ୍ଗ୍ ନୋହ ଆରେ ତା ପରିବାର୍ ଜାଜ୍‌ତାଙ୍ଗ୍ ବାର୍‌ତ ହତ୍‌ତାର୍‌।

![](https://cdn.door43.org/obs/jpg/360px/obs-en-03-14.jpg)

ନୋହ ଜାଜ୍‌ତାଙ୍ଗ୍ ବାର୍‌ତ ହସିୱାତି ପାଚେ, ହେୱାନ୍ ର ବେଦି ରସ୍ତାନ୍ ଆରେ ଇମ୍‌ଣି ପଶୁକାଙ୍ଗ୍ ବଲି ପୁଜା କିନି ଦର୍‌କାର୍, କେତେକ୍ ପର୍‌କାର୍ ପଶୁକାଙ୍ଗ୍ ଅଜି ବଲି ପୁଜା କିତାନ୍। ଈଶ୍ୱର ବଲି ପୁଜାତିଙ୍ଗ୍ ୱାରି ଆତାନ୍। ନୋହ ଆରେ ତା ପରିବାର୍‌ତିଙ୍ଗ୍ ଈଶ୍ୱର ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-03-15.jpg)

ଈଶ୍ୱର ୱେଚ୍‌ଚାନ୍, “ଆନେଙ୍ଗ୍ ପାର୍ମାଣ୍ କିନାଙ୍ଗା ଯେ, ମାନାୟାର୍ କାଜିଙ୍ଗ୍ ମେଦ୍‌ନିତିଙ୍ଗ୍ ଇନାୱାଡ଼ାଙ୍ଗ୍ ପା ଅବିଶାପ୍ କିଉଙ୍ଗ୍ କି ମାନାୟାର୍ ତା ହିମ୍‌ଣା ୱେଡ଼ାତାଙ୍ଗ୍ ପାପି ଆତିସ୍ ପା ଆନେଙ୍ଗ୍ ପୁର୍ତିତିଙ୍ଗ୍ ଆରେରଗ ବନ୍ୟାତାଙ୍ଗ୍ ନଷ୍ଟ କିଉଙ୍ଗ୍।”

![](https://cdn.door43.org/obs/jpg/360px/obs-en-03-16.jpg)

ପାର୍ମାଣ୍‌ନି ର ଚିନା ଲେକେ ଈଶ୍ୱର ପାର୍ତୁମ୍ ତୁବ୍‌ଡ଼ା ରସ୍ତାନ୍। ୱିଜୁଦିନ୍ ବାଦାଡ଼୍‌ତାକେ ଇନାୱାଡ଼ାଙ୍ଗ୍ ତୁବ୍‌ଡ଼ା ଚନ୍‌ଞ୍ଜାନାତ୍, ଈଶ୍ୱର ତା ପାର୍ମାଣ୍‌ତିଙ୍ଗ୍ ୱେନାନ୍, ହେଲେକେ ମାନାୟାର୍ ପା କିନାର୍।

*ବାଇବଲ୍‌ନି ର କାତା: ଆଦିବହି ୬-୮*

## 4. ୪. ଈଶ୍ୱର ଅବ୍ରାହାମ ହୁଦାଙ୍ଗ୍ ପାର୍ମାଣ୍ କିତାନ୍‌

https://openbiblestories.org/l/peg/story-4/

![](https://cdn.door43.org/obs/jpg/360px/obs-en-04-01.jpg)

ବନ୍ୟାନି ବେସି ବାର୍‌ହୁ ପାଚେ ପୁର୍ତିତାକେ ବେସିହେନି ମାନାୟାର୍ ବାହା କିଦେଙ୍ଗ୍ ଲାଗାତାର୍ ଆରେ ହେୱାର୍ ର ବାଷାତାଙ୍ଗ୍ ନେ ବେଣ୍ କିଜି ମାଚାର୍। ଈଶ୍ୱର ଆଦେସ୍‌ତାଙ୍ଗ୍ ପୁର୍ତିନି ଚାରିବେଣ୍‌ତାଙ୍ଗ୍ ବାହାକିନି ବାଦୁଲ୍‌ତ, ହେୱାର୍ ୱିଜାକାର୍ ରବେ ଆଜି ବାଉଣ୍ଡେରି ଲେକେ ର ଗଡ଼୍ ରସ୍ତେଙ୍ଗ୍ ଲାଗାତାର୍।

![](https://cdn.door43.org/obs/jpg/360px/obs-en-04-02.jpg)

ହେୱାର୍ ବେସି ଗାର୍ବିୟା ମାନାୟ୍ ମାଚାର୍ ଆରେ ଈଶ୍ୱର କାତାତିଙ୍ଗ୍ ମାନିକିୱାଦାଙ୍ଗ୍ ମାଚାର୍। ହେୱାର୍ ସରଗ୍‌ଜପି ଏକେଦେଙ୍ଗ୍ ବେସି ଗାଜା ଗଡ଼୍ ରସ୍ତାର୍। ଈଶ୍ୱର ହୁଡ଼୍‌ତାନ୍ ଯେ, ଯଦି ହେୱାର୍ କରାପ୍ କାମାୟ୍ କିଦେଙ୍ଗ୍ ଲାଗିମାନାର୍, ଲାଗିଙ୍ଗ୍ ହେୱାର୍ ଆଦିକ୍ ପାପ୍‌ତାଙ୍ଗ୍ ପୁରାଆତି କାମାୟ୍ କିନାର୍।

![](https://cdn.door43.org/obs/jpg/360px/obs-en-04-03.jpg)

ଲାଗିଙ୍ଗ୍ ଈଶ୍ୱର ହେୱାର୍ ବାଷାତିଙ୍ଗ୍ କେତେକ୍ ବାଷାତାକେ ବାଦ୍‌ଲାୟ୍ କିତାନ୍ ଆରେ ପୁର୍ତିନି ବାରବିନି ବାହାତାକେ ହେୱାରିଙ୍ଗ୍ ପକ୍ତାନ୍। ଇମ୍‌ଣି ଦେସ୍‌ତାକେ ହେୱାର୍ ଗଡ଼୍ ରହ୍‌ନାକା ଆରମ୍ କିଜି ମାଚାର୍, ତା ତର୍ ବାବିଲ୍ ଗଡ଼୍ ମାଚାତ୍, ଇଦାଙ୍ଗ୍‌ନି ଅର୍ତ ବେଣ୍ “ବୁଜାଆୱି କାତା।”

![](https://cdn.door43.org/obs/jpg/360px/obs-en-04-04.jpg)

ଶହେ ବାର୍‌ହୁ ପାଚେ, ରକାନ୍ ମାନାୟ୍, ଅବ୍ରାମ ହୁଦାଙ୍ଗ୍ ଈଶ୍ୱର ବେଣ୍ କିତାନ୍। ଈଶ୍ୱର ଅବ୍ରାମତିଙ୍ଗ୍ ୱେଚ୍‌ଚାନ୍, “ମି ପରିବାର୍ ଆରେ ମି ଦେସ୍ ପିସ୍ତି ଆନେଙ୍ଗ୍ ଇମ୍‌ଣି ଦେସ୍ ଚଚ୍‌ଚାନାଙ୍ଗ୍, ହେ ଦେସ୍‌ତାକେ ହାଲା। ଆନେଙ୍ଗ୍ ନିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାଙ୍ଗ୍ ଆରେ ନିଙ୍ଗେଙ୍ଗ୍ ଗାଜା ଦେସ୍ ହିଦ୍‌ନାଙ୍ଗ୍। ଆନେଙ୍ଗ୍ ନି ତର୍‌ଦିଙ୍ଗ୍ ଗାଜା କିନାଙ୍ଗ୍। ଇମ୍‌ଣାକାର୍ ନିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାର୍, ହେୱାରିଙ୍ଗ୍ ଆନେଙ୍ଗ୍ ଆଶ୍ରିବାଦ୍ କିନାଙ୍ଗ୍, ଇମ୍‌ଣାକାର୍ ଅବିଶାପ୍ ହିଦ୍‌ନାର୍, ହେୱାରିଙ୍ଗ୍ ଅବିଶାପ୍ ହିନାଙ୍ଗ୍। ନି କାଜିଙ୍ଗ୍ ପୁର୍ତିନି ୱିଜୁ ପରିବାର୍ ଆଶ୍ରିବାଦ୍ ପାୟାଆନାର୍।”

![](https://cdn.door43.org/obs/jpg/360px/obs-en-04-05.jpg)

ଲାଗିଙ୍ଗ୍ ଆବ୍ରାମ ଈଶ୍ୱର କାତାତିଙ୍ଗ୍ ମାନି କିତାନ୍। ହେୱାନ୍ ତା ଡକ୍ରି ସାରିଙ୍ଗ୍, ତା ଦାସ୍ ମାନାୟ୍‌ରିଙ୍ଗ୍ ଆରେ ଇନାକା ତାଦି ମାଚାତ୍ ହେ ୱିଜୁ ଅଜି ଈଶ୍ୱର ଇମ୍‌ଣି ଦେସ୍ ଚଚ୍‌ଚି ମାଚାନ୍, ହେ କିଣାନ୍ ଦେସ୍‌ତ ହାଚାନ୍।

![](https://cdn.door43.org/obs/jpg/360px/obs-en-04-06.jpg)

ଏଚେପାଦ୍ନା ଅବ୍ରାମ କିଣାନ୍ ଦେସ୍‌ତ ଇକାତାନ୍, ଈଶ୍ୱର ୱେଚ୍‌ଚାନ୍, “ନି ଚାରି ବେଣ୍‌ତିଙ୍ଗ୍ ହୁଡ଼ା। ଇନାକା ଏନେଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ନାୟା, ଇ ୱିଜୁ ବାହା ଆନେଙ୍ଗ୍ ନିଙ୍ଗେଙ୍ଗ୍ ଆରେ ମି ଲାତ୍ରାତିଙ୍ଗ୍ ଆଦିକାର୍ ଲେକେ ହିଦ୍‌ନାଙ୍ଗ୍।” ତାପାଚେ ଅବ୍ରାମ ହେ ବାହାତାକେ ବାହାକିତାନ୍।

![](https://cdn.door43.org/obs/jpg/360px/obs-en-04-07.jpg)

ଦିନେକ୍, ଅବ୍ରାମ ଗାଜା ଈଶ୍ୱରନି ପୁଜାରି, ମଲ୍‌କିଷେଦକ୍‌ ତର୍‌ଦାକାନିଙ୍ଗ୍ ଗିଟାଆତାନ୍। ମଲ୍‌କିଷେଦକ୍‌ ଅବ୍ରାମତିଙ୍ଗ୍ ଆଶ୍ରିବାଦ୍ ହିତାନ୍ ଆରେ ୱେଚ୍‌ଚାନ୍, “ୱିଜୁତାଙ୍ଗ୍ ଗାଜା ଈଶ୍ୱର ଇନେର୍ ସରଗ୍ ଆରେ ପୁର୍ତିନି ୱିଜୁ ଆଦିକାର୍, ଅବ୍ରାମତିଙ୍ଗ୍ ଆଶ୍ରିବାଦ୍ କିୟା।” ତାପାଚେ ଅବ୍ରାମ ତା ୱିଜୁ ଦନ୍ ସମ୍ଫତିନି ଦଶମାଂଶ ମଲ୍‌କିଷେଦକ୍‌ତିଙ୍ଗ୍ ହିତାନ୍।

![](https://cdn.door43.org/obs/jpg/360px/obs-en-04-08.jpg)

କେତେକ୍ ବାର୍‌ହୁ ଆତାତ୍, ମାତର୍ ନଙ୍ଗୟ ପାତେକ୍ ଅବ୍ରାମ ଆରେ ସାରିଙ୍ଗ୍ ହିମ୍‌ଣାୱାକ୍‌ଡ଼ା ହିଲାତାର୍। ଈଶ୍ୱର ଅବ୍ରାମତିଙ୍ଗ୍ ଆରେରଗ ପାର୍ମାଣ୍ କିଜି ୱେଚ୍‌ଚାନ୍ ଯେ ମିଙ୍ଗେଙ୍ଗ୍ ର ହିମ୍‌ଣା ଆଦ୍‌ନାନ୍‌ ଆରେ ତା ଲାତ୍ରା ବାଦାଡ଼୍‌ନି ହୁକାଙ୍ଗ୍ ଲେକେ ଆନାର୍। ଈଶ୍ୱର ଆଦେସ୍‌ତିଙ୍ଗ୍ ଅବ୍ରାମ ପାର୍ତି କିତାନ୍। ଈଶ୍ୱର ଅବ୍ରାମତିଙ୍ଗ୍ ଦାର୍‌ମି ମାନାୟ୍ ଇଞ୍ଜି ୱେଚ୍‌ଚାନ୍, ଇନେସ୍‌କି ହେୱାନ୍ ଈଶ୍ୱରତାକେ ପାର୍ତି କିଜି ମାଚାନ୍।

![](https://cdn.door43.org/obs/jpg/360px/obs-en-04-09.jpg)

ଲାଗିଙ୍ଗ୍ ଈଶ୍ୱର ଅବ୍ରାମ ହୁଦାଙ୍ଗ୍ ନିୟମ୍ ରସ୍ତାନ୍। ରି ଦଳ୍ ବିତ୍ରେ ର ପାର୍ମାଣ୍‌ କିନି ର ନିୟମ୍। ଈଶ୍ୱର ୱେଚ୍‌ଚାନ୍, “ନି ଗାଗାଡ଼୍‌ତାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ର ମାଜି ହିଦ୍‌ନାଙ୍ଗ୍। ମି ଲାତ୍ରାତିଙ୍ଗ୍ ଆନେଙ୍ଗ୍ କିଣାନ ଦେସ୍ ହିନାଙ୍ଗ୍।” ମାତର୍ ନଙ୍ଗୟ ପତେକ୍ ଅବ୍ରାମତିଙ୍ଗ୍ ହିମ୍‌ଣା ୱାକ୍‌ଡ଼ା ହିଲାତାର୍।

*ବାଇବଲ୍‌ନି ର କାତା: ଆଦିବହି ୧୧-୧୫*

## 5. ୫. ପାର୍ମାଣ୍ କିତି ମେହି

https://openbiblestories.org/l/peg/story-5/

![](https://cdn.door43.org/obs/jpg/360px/obs-en-05-01.jpg)

ଦଶ୍‌ ବାର୍‌ହୁ ପାଚେ କିଣାନ୍ ଦେସ୍‌ତ ୱାତି ପାଚେ ପା ଅବ୍ରାମ ଆରେ ତା ଡକ୍ରି ସାରିଙ୍ଗ୍ ହିମ୍‌ଣା ହିଲାତାନ୍। ଲାଗିଙ୍ଗ୍ ଅବ୍ରାମ ଡକ୍ରୁହି ସାରି ଅବ୍ରାମତିଙ୍ଗ୍ ୱେଚ୍‌ଚାତ୍, “ନଙ୍ଗୟ୍ ପାତେକ୍ ଈଶ୍ୱର ନାଙ୍ଗେଙ୍ଗ୍ ହିମ୍‌ଣା ହିଦ୍‌ଦେଙ୍ଗ୍ ମୁନା କିଦ୍‌ନାନା, ନଙ୍ଗୟ୍ ନାଙ୍ଗେଙ୍ଗ୍ ହିମ୍‌ଣା ଜନମ୍ କିଦେଙ୍ଗ୍ ନା ବୟସ୍ ହିଲ୍‌ତ୍‌ଦେ।ଇଦେଲ୍ ହାଗର ତର୍‌ଦାକାଦେଲ୍ ନା ଦାସି ମାନାତ୍। ହେଦେଲ୍ ନା କାଜିଙ୍ଗ୍ ହିମ୍‌ଣା ଜନମ୍ କିନାତ୍।”

![](https://cdn.door43.org/obs/jpg/360px/obs-en-05-02.jpg)

ଲାଗିଙ୍ଗ୍ ଅବ୍ରାମ ହାଗରଙ୍ଗ୍ ବିବା ଆତାନ୍। ହାଗରତିଙ୍ଗ୍ ର ମାଜି ଆତାନ୍ ଆରେ ଅବ୍ରାମ ହେ ହିମ୍‌ଣାତିଙ୍ଗ୍ ଇସମାଏଲ ତର ହିତାନ୍। ମାତର୍ ତା ଆଗେନି ଡକ୍ରି ସାରି ହାଗରଙ୍ଗ୍ ରିସା ଆତାତ୍। ଏଚେପାଦ୍ନା ଇସମାଏଲତିଙ୍ଗ୍ ତେର ବାର୍‌ହୁ ଆତାତ୍ ଆରେରଗ ଈଶ୍ୱର ଅବ୍ରାମତିଙ୍ଗ୍ ର ବେଣ୍ ୱେଚ୍‌ଚାନ୍।

![](https://cdn.door43.org/obs/jpg/360px/obs-en-05-03.jpg)

ଈଶ୍ୱର ୱେଚ୍‌ଚାନ୍, “ଆନେଙ୍ଗ୍ ୱିଜୁତାଙ୍ଗ୍ ଶାକ୍ତିକାଟି ଈଶ୍ୱର। ମି ହୁଦାଙ୍ଗ୍ ଆନେଙ୍ଗ୍ ର ନିୟମ୍ ରହ୍‌ନାଙ୍ଗ୍।” ଲାଗିଙ୍ଗ୍ ଅବ୍ରାମ ଡାଣ୍ଡାହାରାଣ୍ ମାଗ୍‌ଜି ଜୱାର୍ କିତାନ୍। ଈଶ୍ୱର ପା ଅବ୍ରାମତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ବେସି ଦେସ୍‌ନି ଆବା ଆନାୟ୍। ଆନେଙ୍ଗ୍ ନିଙ୍ଗେଙ୍ଗ୍ ଆରେ ନି ଲାତ୍ରାକାଙ୍ଗ୍ କିଣାନ ଦେସ୍‌ତାକେ ରାଜା ଲେକେ ହିଦ୍‌ନାଙ୍ଗ୍, ହେୱାର୍ ହେବେ ବାହା କିନାର୍। ଆନେଙ୍ଗ୍ ୱିଜ୍‌ୱିଦିନ୍ ପାତେକ୍ ଈଶ୍ୱର ଆଜି ମାନାଙ୍ଗ୍। ମି ପରିବାର୍‌ନି ୱିଜୁ ଆଣ୍ଡ୍ରାକାଙ୍ଗ୍ ସୁନତ ବିଦି କିନି ଦର୍‌କାର୍।”

![](https://cdn.door43.org/obs/jpg/360px/obs-en-05-04.jpg)

“ନି ଡକ୍ରୁଦି ସାରାଙ୍ଗ୍ ର ହିମ୍‌ଣା ଜନମ୍ ଆନାନ୍, ହେୱାନ୍ ପାର୍ମାଣ୍‌ ପାୟାଆତି ହିମ୍‌ଣା ଆନାନ୍। ତା ତର୍ ଇସାହାକ୍ ଇଟ୍‌ନାଦେର୍।” ହେୱାନ୍‌ ହୁଦାଙ୍ଗ୍ ଆନେଙ୍ଗ୍ ନା ନିୟମ୍ ରହ୍‌ନାଙ୍ଗ୍ ଆରେ ହେୱାନ୍ ରକାନ୍ ଗାଜା ଦେସ୍ ଆନାନ୍। ଆନେଙ୍ଗ୍ ଇସମାଏଲତିଙ୍ଗ୍ ପା ଗାଜା ଦେସ୍ କିନାଙ୍ଗ୍, ମାତର୍ ନା ପାର୍ମାଣ୍‌ ଇସାହାକ୍ ହୁଦାଙ୍ଗ୍ ମାନ୍‌ଗାନାତ୍। ତାପାଚେ ଈଶ୍ୱର ଅବ୍ରାମ ତର୍‌ଦିଙ୍ଗ୍ ଅବ୍ରାହାମ ତର୍‌ଦାଙ୍ଗ୍ ବାଦ୍‌ଲାୟ୍‌ କିତାନ୍, “ତା ଅର୍ତ ବେସିହେନିନି ଆବା।” ଈଶ୍ୱର ସାରି ତର୍‌ଦିଙ୍ଗ୍ ପା ସାରା ତର୍‌ଦାଙ୍ଗ୍ ବାଦ୍‌ଲାୟ୍ କିତାନ୍, “ତା ଅର୍ତ ରାଜ୍ କୁମାରି।”

![](https://cdn.door43.org/obs/jpg/360px/obs-en-05-05.jpg)

ହେଦିନ୍ ନେ ଅବ୍ରାହାମ ତା ପରିବାର୍ ୱିଜୁ ଆଣ୍ଡ୍ରାହିମ୍‌ଣାକାଙ୍ଗ୍ ସୁନତ ବିଦି କିତାନ୍। ପାକାପାକି ର ବାର୍‌ହୁ ଆତି ପାଚେ, ଅବ୍ରାହାମତିଙ୍ଗ୍ ଏଚେପାଦ୍ନା ୧୦୦ ବାର୍‌ହୁ ଆତାତ୍, ଆରେ ତା ଡକ୍ରି ସାରାଙ୍ଗ୍ ୯୦ ବାର୍‌ହୁ ଆତାତ୍, ସାରା ଅବ୍ରାହାମତିଙ୍ଗ୍ ର ହିମ୍‌ଣାତିଙ୍ଗ୍ ଜନମ୍ କିଜି ହିତାତ୍। ଈଶ୍ୱର ହେୱାରିଙ୍ଗ୍ ୱେଚ୍‌ନି ଅନୁସାରେ ହେୱାର୍ ହେୱାନିଙ୍ଗ୍ ଇସହାକ ତର୍ ହିତାର୍।

![](https://cdn.door43.org/obs/jpg/360px/obs-en-05-06.jpg)

ଏଚେପାଦ୍ନା ଇସାହାକ ବେଣ୍ଡିଆ ଆତାନ୍, ଈଶ୍ୱର ଅବ୍ରାହାମ ପାର୍ତି କିନାକାଦିଙ୍ଗ୍ ପରିକ୍ଷା କିତାନ୍ ଆରେ ୱେଚ୍‌ଚାନ୍, “ଏନେଙ୍ଗ୍ ନି ରକାନ୍ ଇଞ୍ଜି ମାଜିଙ୍ଗ୍ ଅୱା ଆରେ ନା କାଜିଙ୍ଗ୍ ବଲି ପୁଜା କିୟା।” ଆରେରଗ ଅବ୍ରାହାମ ଈଶ୍ୱର କାତା ମାନି କିତାନ୍ ଆରେ ଇସାହାକତିଙ୍ଗ୍ ପୁଜା କିନି କାଜିଙ୍ଗ୍ ରେଡି କିଜି ଅତାନ୍।

![](https://cdn.door43.org/obs/jpg/360px/obs-en-05-07.jpg)

ଏଚେପାଦ୍ନା ଅବ୍ରାହାମ ଆରେ ଇସାହାକ ବଲି ପୁଜାକିନି ବାହାତାକେ ହାଲ୍‌ଜି ମାଚାର୍, ଇସାହାକ ତାଞ୍ଜ୍‌ବାଙ୍ଗ୍ ୱେନ୍‌ବାତାନ୍, “ବଲି ପୁଜା କିନି କାଜିଙ୍ଗ୍, ମା ଲାଗାୟ୍ ୱେଜ୍‌ଗୁ ମାନିଙ୍ଗ୍ ମାତର୍ ମେଣ୍ଢା ଇମେତାକେ ମାନାତ୍?” ଅବ୍ରାହାମ ୱେଚ୍‌ଚାନ୍, “ନା ହିମ୍‌ଣା ପୁଜା କାଜିଙ୍ଗ୍ ଈଶ୍ୱର ମେଣ୍ଢା ରଞ୍ଜାଙ୍ଗ୍ ଜାଗାଇ କିଜି ହିଦ୍‌ନାନ୍।”

![](https://cdn.door43.org/obs/jpg/360px/obs-en-05-08.jpg)

ଏଚେପାଦ୍ନା ହେୱାର୍ ପୁଜାକିନି ବାହାତାକେ ଇକାତାର୍, ଅବ୍ରାହାମ ତା ମେହି ଇସାହାକତିଙ୍ଗ୍ ଗାଚ୍‌ଚାନ୍ ର ପୁଜାକିନି ବେଦିତାକେ ହୁଚ୍‌ପାତାନ୍। ହେପାଦ୍ନା ହେୱାନ୍ ତା ମେହିଙ୍ଗ୍ ଅହ୍‌ନି ଜପି ମାଚାତ୍, ଈଶ୍ୱର ହେୱାନିଙ୍ଗ୍ ୱେଚ୍‌ଚାନ୍, “ମାନା! ହିମ୍‌ଣାତିଙ୍ଗ୍ ଅହ୍‌ମା! ନଙ୍ଗୟ୍ ଆନେଙ୍ଗ୍ ନିଙ୍ଗେଙ୍ଗ୍ ପୁନ୍‌ଞ୍ଚାଙ୍ଗ୍‌ନା ଯେ, ଏନେଙ୍ଗ୍ ନାଙ୍ଗେଙ୍ଗ୍ ପାଣ୍ଡ୍ରା ଆଦ୍‌ନାୟା। ଇନେସ୍‌କି ଏନେଙ୍ଗ୍ ନି ରକାନ୍ ଇଞ୍ଜି ମାଜିଙ୍ଗ୍ ପା ନା କାଜିଙ୍ଗ୍ ଇଟ୍‌ୱାତାଇ।”

![](https://cdn.door43.org/obs/jpg/360px/obs-en-05-09.jpg)

ଲାଗେ ମାନି ବୁଟାତାକେ ଆଲ୍‌ଟାଆତି ର ମେଣ୍ଢାତିଙ୍ଗ୍ ଅବ୍ରାହାମ ହୁଡ଼୍‌ତାନ୍। ଇସାହାକ ବାଦୁଲ୍‌ତ ଈଶ୍ୱର ମେଣ୍ଢାତିଙ୍ଗ୍ ପୁଜା କିଦେଙ୍ଗ୍ ଜାଗାଇ କିତାନ୍। ଅବ୍ରାହାମ ମେଣ୍ଢାତିଙ୍ଗ୍ ର ବଲି ପୁଜା କିତି ଲେକେ ୱାରିତାଙ୍ଗ୍ ପୁଜା କିତାନ୍।

![](https://cdn.door43.org/obs/jpg/360px/obs-en-05-10.jpg)

ତାପାଚେ ଈଶ୍ୱର ଅବ୍ରାହାମତିଙ୍ଗ୍ ୱେଚ୍‌ଚାନ୍, “ନି ୱିଜୁ ଇଲେକେ କି ରକାନ୍ ମେହିଙ୍ଗ୍ ନା କାଜିଙ୍ଗ୍ ପୁଜା କିଦେଙ୍ଗ୍ ଇଚା କିଜି ମାଚିଲେ, ଆନେଙ୍ଗ୍ ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ଦେଙ୍ଗ୍ ପାର୍ମାଣ୍ କିଦ୍‌ନାଙ୍ଗା। ବାଦାଡ଼୍‌ନି ହୁକାଙ୍ଗ୍‌ତାଙ୍ଗ୍ ପା ମି ଲାତ୍ରାର୍ ବେସି ଆନାର୍। ଇନେସ୍‌କି ଏନେଙ୍ଗ୍ ନା ଆଦେସ୍‌ତିଙ୍ଗ୍ ମାନି କିତାୟ୍‌ନା, ମି କାଜିଙ୍ଗ୍ ପୁର୍ତିନି ୱିଜୁ ପରିବାର୍ ଆଶ୍ରିବାଦ୍ ପାୟାଆନାର୍।”

*ବାଇବଲ୍‌ନି ର କାତା: ଆଦିବହି ୧୬-୨୨*

## 6. ୬. ଇସାହାକ କାଜିଙ୍ଗ୍ ଈଶ୍ୱର ଜାଗାୟ୍ କିନାନ୍

https://openbiblestories.org/l/peg/story-6/

![](https://cdn.door43.org/obs/jpg/360px/obs-en-06-01.jpg)

ଏଚେପାଦ୍ନ ଅବ୍ରାହାମ ବେସି ବୁଡା ଆଜି ମାଚାନ୍, ତା ମେହି ଇସାହାକ ଗାଜା ଆଜି ବେଣ୍ଡିଆ ଆଜି ମାଚାନ୍। ଲାଗିଙ୍ଗ୍ ଅବ୍ରାହାମ ତା ମେହି ଇସାହାକ କାଜିଙ୍ଗ୍ ଗାଡ଼୍ ତାସିହିଦେଙ୍ଗ୍ ତା ଲକ୍‌ବାକ୍ ଇମେତାକେ ବାହା କିଜି ମାଚାର୍ ହେ ବାହାତାକେ ତା ଦାସ୍ ମାନାୟାର୍ ବିତ୍ରେତାଙ୍ଗ୍ ରକାନିଙ୍ଗ୍ ପକ୍ତାନ୍‌।

![](https://cdn.door43.org/obs/jpg/360px/obs-en-06-02.jpg)

ବେସିଗାଡ଼ି ତାଙ୍ଗ୍‌ତି ପାଚେ ଇମ୍‌ଣି ବାହାତାକେ ଅବ୍ରାହାମ ଲକ୍‌ବାକ୍ ବାହାକିଜି ମାଚାର୍‌ ଈଶ୍ୱର ହେ ଦାସ୍‌ତିଙ୍ଗ୍ ରିବିକା ତର୍‌ଦି ଗାଡ଼୍‌ଚେ ଲାଗାୟ୍ ଅସାହାଚାନ୍। ହେଦେଲ୍ ଅବ୍ରାହାମ ଟଣ୍ଡାହିନି ନାତ୍‌ଣି ମାଚାତ୍।

![](https://cdn.door43.org/obs/jpg/360px/obs-en-06-03.jpg)

ରିବିକା ତା ପରିବାର୍‌ତିଙ୍ଗ୍ ପିସ୍ତି ଇସାହାକ ଇଞ୍ଜ ହେ ଦାସ୍ ହୁଦାଙ୍ଗ୍ ହାଞ୍ଜେଙ୍ଗ୍ ଇଚା କିତାତ୍, ହେଦେଲ୍ ଏକିତି ଦାପ୍ରେ ତା ହୁଦାଙ୍ଗ୍ ଇସାହାକ ବିବା ଆତାନ୍।

![](https://cdn.door43.org/obs/jpg/360px/obs-en-06-04.jpg)

କେତେକ୍ ଦିନ୍ ହାଚିପାଚେ ଅବ୍ରାହାମ ହାଃତାନ୍, ଆରେ ତା ହୁଦାଙ୍ଗ୍ ଈଶ୍ୱର ଇମ୍‌ଣି ୱିଜୁ ପାର୍ମାଣ୍ କିଜି ମାଚାନ୍ ହେୱିଜୁ ନିୟମ୍ ଇସାହାକତିଙ୍ଗ୍ ହାର୍‌ପି କିଜି ହିତାନ୍। ଈଶ୍ୱର ପାର୍ମାଣ୍ କିଜି ମାଚାନ୍ ଯେ ଅବ୍ରାହାମନି ଲାତ୍ରା ଗାଣାକିୟା ଆଉତ୍, ମାତର୍ ରିବିକା ଇସାହାକ ଡକ୍ରୁହି ହିମ୍‌ଣା ଗାଟା ଆୱାଦାଙ୍ଗ୍ ମାଚାତ୍।

![](https://cdn.door43.org/obs/jpg/360px/obs-en-06-05.jpg)

ରିବିକା କାଜିଙ୍ଗ୍ ଇସାହାକ ଈଶ୍ୱରତାକେ ପାର୍ତାନା କିତାନ୍, ଆରେ ଈଶ୍ୱର ହେଦେଲିଙ୍ଗ୍ ଜଉଁଣା ହିମ୍‌ଣା ହୁଦାଙ୍ଗ୍ ପଟ ଆଦେଙ୍ଗ୍ ଆଦେସ୍ ହିତାନ୍। ଏଚେପାଦ୍ନା ରି ହିମ୍‌ଣାଙ୍ଗ୍ ରିବିକା ପଟ ବିତ୍ରେ ମାଚାର୍, ହେ ସମୟ୍‌ତାଙ୍ଗ୍ ହେ ହିମ୍‌ଣାର୍ ଜୁଜ୍ କିଜି ମାଚାର୍, ଲାଗିଙ୍ଗ୍ ଈଶ୍ୱରତିଙ୍ଗ୍ ରିବିକା ଇଦାଙ୍ଗ୍ ଇନାକା ଆନାତା ଇଞ୍ଜି ୱେନ୍‌ବାତାତ୍।

![](https://cdn.door43.org/obs/jpg/360px/obs-en-06-06.jpg)

ଈଶ୍ୱର ରିବିକାଙ୍ଗ୍ ୱେଚ୍‌ଚାନ୍‌, “ନି ପଟ ବିତ୍ରେ ମାନି ରିକାର୍ ହିମ୍‌ଣାଙ୍ଗ୍‌ତାଙ୍ଗ୍ ରିଣ୍ଡାଙ୍ଗ୍ ଦେସ୍ ୱାନାତ୍। ହେୱାର୍ ରିକାର୍ ଜାର୍-ଜାର୍ ବିତ୍ରେ ଯୁଜ୍ କିନାର୍ ଆରେ ଗାଜା ହିମ୍‌ଣା ହିରୁ ହିମ୍‌ଣାତିଙ୍ଗ୍ ହେବା କିନାନ୍।”

![](https://cdn.door43.org/obs/jpg/360px/obs-en-06-07.jpg)

ଏଚେପାଦ୍ନା ରିବିକା ମେହିର୍ ଜନମ୍ ଆତାର୍, ଗାଜା ହିମ୍‌ଣାନି କଲର୍ ରାତା ଆରେ ଗାଗାଡ଼୍‌ତାକେ ତେମୁଲ୍ ବାର୍‌ତି ଆଜି ଜନମ୍ ଆତାନ୍, ଆରେ ହେୱାର୍ ତା ତର୍ ଏଷୌ ହିତାର୍। ତାପାଚେ ହିରୁ ହିମ୍‌ଣା ଏଷୌ କାଲ୍ ପାନାତାକେ ଆସ୍ତି ଜନମ୍ ଆତାନ୍, ହେୱାର୍ ହେ ହିରୁ ହିମ୍‌ଣାଙ୍ଗ୍ ଯାକୁବ ତର୍ ହିତାର୍।

*ବାଇବଲ୍‌ନି ର କାତା: ଆଦିବହି ୨୪:୧-୨୫: ୨୬*

## 7. ୭. ଯାକୁବଙ୍ଗ୍ ଈଶ୍ୱର ଆଶ୍ରିବାଦ୍ କିତାନ୍‌

https://openbiblestories.org/l/peg/story-7/

![](https://cdn.door43.org/obs/jpg/360px/obs-en-07-01.jpg)

ଇନେସ୍ ହେ ହିମ୍‌ଣାଙ୍ଗ୍ ଗାଜା ଆଦେଙ୍ଗ୍ ଲାଗାତାର୍, ଯାକୁବ ଇଞ୍ଜ ମାଞ୍ଜେଙ୍ଗ୍ ଲାଡ୍ କିଜି ମାଚାନ୍, ମାତର୍ ଏଷୌ ବେଟ୍ ବୁଲାଆଦେଙ୍ଗ୍ ଲାଡ୍ କିଜି ମାଚାନ୍। ରିବିକା ଯାକୁବଙ୍ଗ୍ ଲାଡ୍ କିଜି ମାଚାତ୍, ମାତର୍ ଇସାହାକ ଏଷୌତିଙ୍ଗ୍ ଲାଡ୍ କିଜି ମାଚାନ୍।

![](https://cdn.door43.org/obs/jpg/360px/obs-en-07-02.jpg)

ଦିନେକ୍ ଏଷୌ ବେଟ୍ ହାଲ୍‌ଜି ୱାତାନ୍, ହେୱାନ୍ ବେସି ନାସ୍‌କିତାକେ ମାଚାନ୍। ଏଷୌ ଯାକୁବଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ରସ୍ତି କାଦିତାଙ୍ଗ୍ ନାଙ୍ଗେଙ୍ଗ୍ ଦୟାକିଜି ଇଚ୍‌କେ ଚିଞ୍ଜେଙ୍ଗ୍ ହିଦା।” ୱିଜୁ ହଟ୍‌ ଯାକୁବ ୱେଚ୍‌ନାକା, “ଆଗେ ନି ଗାଜା ହିମ୍‌ଣାନି ଆଦିକାର୍ ନାଙ୍ଗେଙ୍ଗ୍ ହିଦା।” ହେବେତାଙ୍ଗ୍ ଏଷୌ ତା ଗାଜା ହିମ୍‌ଣାନି ଆଦିକାର୍ ଯାକୁବଙ୍ଗ୍ ହିତାନ୍। ଲାଗିଙ୍ଗ୍ ହେୱାନିଙ୍ଗ୍ ଯାକୁବ ଇଚ୍‌କେ ଚିଞ୍ଜେଙ୍ଗ୍ କାଦି ହିତାନ୍।

![](https://cdn.door43.org/obs/jpg/360px/obs-en-07-03.jpg)

ଏଷୌଙ୍ଗ୍ ଇସାହାକ ତା ଆଶ୍ରିବାଦ୍ ହିଦେଙ୍ଗ୍ ଇଚା କିତାନ୍। ମାତର୍ ହେୱାନ୍ ହେଦାଙ୍ଗ୍ କିନି ଆଗେ, ଯାକୁବ ଏଷୌ ଲେକେ ବେସ୍ ଆସ୍ତି ରିବିକା ଆରେ ଯାକୁବ ହେୱାନିଙ୍ଗ୍ ପକ୍‌ଚି ମାଚାନ୍। ଇସାହାକ୍ ବୁଡା ଆଜି ହେୱାନ୍ ହୁଡ଼୍‌ଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାନ୍। ଲାଗିଙ୍ଗ୍ ଯାକୁବ ଅଡା ତଲ୍ ହାକ୍‌ତ ଆରେ କେଇକୁକାଙ୍ଗ୍ ହୁର୍‌ପି ଆତାନ୍ ଆରେ ଏଷୌତି ଆଙ୍ଗି ଉସ୍‌ପାତାନ୍।

![](https://cdn.door43.org/obs/jpg/360px/obs-en-07-04.jpg)

ଇସାହାକ ଲାଗାୟ୍ ଯାକୁବ ୱାଜି ୱେଚ୍‌ଚାନ୍ ଆରେ ୱେଚ୍‌ଚାନ୍, “ଆନେଙ୍ଗ୍ ନେ ଏଷୌ, ଆନେଙ୍ଗ୍ ୱାତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାୟ୍‌।” ଇସାହାକ ଏଚେପାଦ୍ନା ଆଙ୍ଗିନି ବାସ୍‌ନା ଆରେ ଅଡାନି ତଲ୍‌ତିଙ୍ଗ୍ ଅନ୍‌ମାନ୍ କିତାନ୍, ହେୱାନ୍ ଏଷୌ ଇଞ୍ଜି ବାବିକିତାନ୍ ଆରେ ହେୱାନିଙ୍ଗ୍ ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-07-05.jpg)

ଏଷୌ ଯାକୁବଙ୍ଗ୍ ଗିଣ୍ କିତାନ୍ ଇନେସ୍‌କି ଯାକୁବ ତା ଗାଜା ଟଣ୍ଡାହି ଆଦିକାର୍ ଆରେ ତା ଆଶ୍ରିବାଦ୍ ଅଜି ମାଚାନ୍। ଲାଗିଙ୍ଗ୍ ତାଞ୍ଜ୍‌ବା ହାଃତି ପାଚେ ଯାକୁବଙ୍ଗ୍‌ ମାର୍‌ନେ ଅସ୍ତେଙ୍ଗ୍ ହେୱାନ୍ ଉପାୟ୍‌ କିତାନ୍।

![](https://cdn.door43.org/obs/jpg/360px/obs-en-07-06.jpg)

ମାତର୍ ରିବିକା ଏଷୌ କିତି ଉପାୟ୍‌ତିଙ୍ଗ୍ ପୁଚାତ୍। ଲାଗିଙ୍ଗ୍ ହେଦେଲ୍ ଆରେ ଇସାହାକ, ଯାକୁବଙ୍ଗ୍ ଦେହା ତା ଲକ୍‌ବା ହୁଦାଙ୍ଗ୍ ମାଞ୍ଜେଙ୍ଗ୍ ପକ୍ତାତ୍‌।

![](https://cdn.door43.org/obs/jpg/360px/obs-en-07-07.jpg)

ଯାକୁବ ରିବିକା ଲକ୍‌ବାକ୍ ହୁଦାଙ୍ଗ୍ ବେସି ବାର୍‌ହୁ ଆସ୍ତି ମାଚାନ୍। ହେପାଦ୍ନା ହେୱାନ୍ ବିବା ଆତାନ୍ ଆରେ ହେୱାନିଙ୍ଗ୍ ବାରଗଟା ମେହିର୍ ଆରେ ର ଗାଡ଼୍‌ଚେ ଆଚାତ୍। ଈଶ୍ୱର ହେୱାନିଙ୍ଗ୍ ବେସି ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-07-08.jpg)

ତାଞ୍ଜ୍‌ବା କିଣାନ ଦେସ୍‌ତାକେ କୁଡ଼େ ବାର୍‌ହୁ ମାଚି ପାଚେ, ଯାକୁବ ତା ପିରିବାର୍ ହୁଦାଙ୍ଗ୍ ତା ଦାସ୍ ମାନାୟାର୍ ଆରେ ତା ପଶୁ ମାନ୍ଦାଙ୍ଗ୍ ହୁଦାଙ୍ଗ୍ ହେବେ ଲେଉଟା ଆଜି ୱାତାର୍।

![](https://cdn.door43.org/obs/jpg/360px/obs-en-07-09.jpg)

ଯାକୁବ ବେସି ପାଣ୍ଡ୍ରାଆଜି ମାଚାନ୍ ଇନେସ୍‌କି ହେୱାନ୍ ଚିନ୍ତା କିଜି ମାଚାନ୍ ଯେ ନଙ୍ଗୟ୍ ପାତେକ୍ ଏଷୌ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଇଚା କିନାନା। ଲାଗିଙ୍ଗ୍ ହେୱାନ୍ ବେସି ପଶୁ ମାନ୍ଦାକାଙ୍ଗ୍ ଏଷୌଙ୍ଗ୍ ଗିପ୍‌ଟ୍ ଲେକେ କିଜି ପକ୍ତାନ୍। ଇମ୍‌ଣି ଦାସ୍ ଆତି ମାନାୟାର୍ ପଶୁ ମାନ୍ଦାକାଙ୍ଗ୍ ତାସିୱାତାର୍ ଆରେ ଏଷୌଙ୍ଗ୍ ୱେଚ୍‌ଚାର୍, “ନି ଦାସ୍ ଯାକୁବ, ନିଙ୍ଗେଙ୍ଗ୍ ଇ ପଶୁ ମାନ୍ଦାଙ୍ଗ୍ ହିତ୍‌ତାନ୍‌ନା ହେୱାନ୍ ବେଗି ୱାନାନା।”

![](https://cdn.door43.org/obs/jpg/360px/obs-en-07-10.jpg)

ମାତର୍ ଏଷୌ ଯାକୁବଙ୍ଗ୍ କେମାକିଜି ୱିସ୍ତି ମାଚାନ୍, ଆରେ ହେୱାର୍ ଜାର୍-ଜାର୍ ବିତ୍ରେ ୱାରିତାଙ୍ଗ୍ ହୁଡ଼୍‌କା ଆଦେଙ୍ଗ୍ ଇଚାକିତାର୍ ତାପାଚେ ଯାକୁବ କିଣାନ ଦେସ୍‌ତାକେ ଶାନ୍ତିରେ ବାହା କିତାନ୍‌। ଇଦାଙ୍ଗ୍ ପାଚେ ଇସାହାକ ହାଃତାନ୍, ଆରେ ଏଷୌ ଆରେ ଯାକୁବ ହେୱାନିଙ୍ଗ୍ ମୁଚ୍‌ଚାର୍‌। ଈଶ୍ୱର ଇମ୍‌ଣି ନିୟମନି ପାର୍ମାଣ୍‌ ୱିଜୁ ଅବ୍ରାହାମତିଙ୍ଗ୍ କିଜି ମାଚାନ୍, ନଙ୍ଗୟ୍ ଇସାହାକତାଙ୍ଗ୍ ଯାକୁବଙ୍ଗ୍ ହାର୍‌ପି କିଜି ହିତାନ୍।

*ବାଇବଲ୍‌ନି ର କାତା: ଆଦିବହିନି ୨୫: ୨୭-୩୩:୨୦*

## 8. ୮. ଯୋଷେଫ ଆରେ ତା ପରିବାର୍‌ତିଙ୍ଗ୍ ଈଶ୍ୱର ଉଦାର୍ କିନାନ୍‌

https://openbiblestories.org/l/peg/story-8/

![](https://cdn.door43.org/obs/jpg/360px/obs-en-08-01.jpg)

କେତେକ୍ ବାର୍‌ହୁ ପାଚେ, ଯାକୁବ ଏଚେପାଦ୍ନା ବୁଡ଼୍‌ହି ଆଜି ମାଚାନ୍, ହେୱାନ୍ ତା ଆଦିକ୍ ଲାଡ୍‌ନି ମାଜି, ଯୋଷେଫତିଙ୍ଗ୍ ତା ଟଣ୍ଡାହିର୍ ଲାଗାୟ୍ ହୁଡ଼୍‌ଦେଙ୍ଗ୍ ଇମ୍‌ଣାକାର୍ ପଶୁ ମାନ୍ଦାତିଙ୍ଗ୍ ଜାତୁନ୍ କିଜି ମାଚାର୍ ହେୱାରିଙ୍ଗ୍ ପକ୍ତାର୍।

![](https://cdn.door43.org/obs/jpg/360px/obs-en-08-02.jpg)

ଯୋଷେଫ ଟଣ୍ଡାହିର୍ ହେୱାନିଙ୍ଗ୍ ଗିଣ୍ କିଜି ମାଚାର୍, ଇନେସ୍‌କି ତାଞ୍ଜ୍‌ବା ଆଦିକ୍ ଲାଡ୍ କିଜି ମାଚାନ୍‌, ଯୋଷେଫ କେଚ୍‌କଣ୍‌ତ ହୁଡ଼୍‌ଜି ମାଚାନ୍ ଯେ ହେୱାନ୍ ହେୱାରିଙ୍ଗ୍ ସାସନ୍ କିନାନ୍। ଏଚେପାଦ୍ନା ଯୋଷେଫ ହେୱାର୍ ଲାଗାୟ୍ ୱାତାନ୍, ହେୱାର୍ ହେୱାନିଙ୍ଗ୍ ଚର୍ କିତାର୍ ଆରେ ହେଦାଙ୍ଗ୍ ତିଙ୍ଗ୍ କ୍ରିତ ଦାସ୍‌ନି ବେପ୍ରିୟାର୍‌ତାକେ ପତାର୍।

![](https://cdn.door43.org/obs/jpg/360px/obs-en-08-03.jpg)

ଯୋଷେଫ ଟଣ୍ଡାହିର୍ ଇଞ୍ଜ ୱାନି ଆଗେ, ଯୋଷେଫ ଉସ୍‌ପିତି ଆଙ୍ଗିତିଙ୍ଗ୍ କେଚ୍‌ଚାର୍ ଆରେ ହେଦାଙ୍ଗ୍‌ତିଙ୍ଗ୍ ଅଡା ନେତେର୍‌ତାକେ ଚବ୍‌ଡ଼ାୟ୍ କିତାର୍। ତାପାଚେ ଆଙ୍ଗିତିଙ୍ଗ୍ ତାଞ୍ଜ୍‌ବାଙ୍ଗ୍ ଚଚ୍‌ଚାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ଚିନ୍ତା କିନାନ୍ ଯେ ର ରାନ୍‌ତି ପଶୁ ଯୋଶେପତିଙ୍ଗ୍ ପାଗ୍‌ତାତ୍‌ନା। ଯାକୁବ ବେସି ଦୁକ୍ ଆତାନ୍।

![](https://cdn.door43.org/obs/jpg/360px/obs-en-08-04.jpg)

କ୍ରିତ ଦାସ୍‌ନି ବେପ୍ରିୟାର୍ ଯୋଷେଫତିଙ୍ଗ୍ ମିସର ଦେସ୍‌ତାକେ ଅସାହାଚାର୍। ମିଶର୍ ରଞ୍ଜାଙ୍ଗ୍ ବେସି ଶାକ୍ତିକାଟି ଦେସ୍ ନିଲିନାଗୁଡ଼୍ ଲାଗାୟ୍ ମାଚାତ୍। କ୍ରିତ ଦାସ୍‌ନି ବେପ୍ରିୟାର୍ ଯୋଷେଫତିଙ୍ଗ୍ ର ଦାସ୍ ଲେକେ ଶାକ୍ତିକାଟି ସର୍‌କାର୍ ପାଦ୍ ପାୟାଆତାକାର୍ ତାକେ ପତାର୍। ଯୋଷେଫ ତା ମାଲିକ୍‌ତିଙ୍ଗ୍ ହାର୍‌ଦି ହେବା କିତାନ୍ ଆରେ ଈଶ୍ୱର ଯୋଷେଫତିଙ୍ଗ୍ ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-08-05.jpg)

ତା ମାଲିକ୍ ଡକ୍ରୁହି ଯୋଷେଫ ହୁଦାଙ୍ଗ୍ ହୁଞ୍ଜ୍‌ଞ୍ଜେଙ୍ଗ୍ ଉପାୟ୍ କିତାତ୍, ମାତର୍ ଯୋଷେଫ ଈଶ୍ୱର ବିରଦ୍‌ତାକେ ପାପ୍ କାମାୟ୍ କିଦେଙ୍ଗ୍ ମୁନା କିତାନ୍। ଲାଗିଙ୍ଗ୍ହେଦେଲ୍ ରିସା ଆଜି ମିଚ୍‌ରେ ଯୋଷେଫତିଙ୍ଗ୍ ଦସ୍ ହିତାତ୍, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ଗାଚ୍‌ଚାର୍ ଆରେ ଜଇଲ୍ ଇଞ୍ଜ ପକ୍ତାର୍। ଜଇଲ୍ ଇଞ୍ଜ ପା ଯୋଷେଫ ଈଶ୍ୱରତିଙ୍ଗ୍ ପାର୍ତିକିଜି ମାଚାନ୍, ଆରେ ହେୱାନିଙ୍ଗ୍ ଈଶ୍ୱର ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-08-06.jpg)

ଦସ୍ କିୱାଦାଙ୍ଗ୍ ପା ଯୋଷେଫ ଜଇଲ୍ ଇଞ୍ଜ ରି ବାର୍‌ହୁ ମାଚାନ୍। ର ନାଣା, ମିସର ଦେସ୍ତାକାର୍ ଫାରଙ୍ଗ୍ ହେୱାର୍ ରାଜା ଇଞ୍ଜି ମାନି କିନାରା, ହେୱାନ୍ ହୁଡ଼୍‌ତି ରିଣ୍ଡାଙ୍ଗ୍ କେଚ୍‌କଣ୍ ହେୱାନିଙ୍ଗ୍ ବେସି ଗାବ୍ରା କିଜି ମାଚାତ୍। ହେୱାନିଙ୍ଗ୍ ତା କେଚ୍‌କଣ୍‌ନି ଅର୍ତ ଇନେର୍ ପା ବୁଜାଇ କିଜି ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍।

![](https://cdn.door43.org/obs/jpg/360px/obs-en-08-07.jpg)

ଯୋଷେଫତିଙ୍ଗ୍ ହେ କେଚ୍‌କଣ୍‌ନି ଅର୍ତ ୱେଚ୍‌ଚେଙ୍ଗ୍ ଈଶ୍ୱର ବାଚିକିଜି ମାଚାନ୍, ଲାଗିଙ୍ଗ୍ ଫାର କାଜିଙ୍ଗ୍ ଯୋଷେଫତିଙ୍ଗ୍ ଜଇଲ୍ ଇଞ୍ଜାଙ୍ଗ୍ ତାସିୱାତାର୍। ହେୱାନ୍ କାଜିଙ୍ଗ୍ ଯୋଷେଫ କେଚ୍‌କଣ୍‌କାଙ୍ଗ୍ ବୁଜାଇ କିଜି ୱେଚ୍‌ଚାନ୍, “ସାତ୍ ବାର୍‌ହୁ ଈଶ୍ୱର ବେସି ତାସ୍‌ ପକ୍ତେଦେଙ୍ଗ୍ ଇଚା କିନାନା, ହେଲେକେ ସାତ୍ ବାର୍‌ହୁ ମାର୍‌ଡିଆନାତ୍।”

![](https://cdn.door43.org/obs/jpg/360px/obs-en-08-08.jpg)

ଯୋଷେଫ ହୁଦାଙ୍ଗ୍ ଫାର ବେସି ସାଙ୍ଗ ଆତାନ୍ ଲାଗିଙ୍ଗ୍ ହେୱାନିଙ୍ଗ୍ ଦୁଇ ନମ୍ୱର୍ ଶାକ୍ତିକାଟି ମାନାୟ୍ ଲେକେ ବାଚି କିତାନ୍।

![](https://cdn.door43.org/obs/jpg/360px/obs-en-08-09.jpg)

ସାତ୍ ବାର୍‌ହୁ ତାସ୍ ଆତି ପାଦ୍ନା କାଦିକଣ୍ଡା ଆଦିକ୍‌କିଜି ରୁଣ୍ଡାଇ କିଦେଙ୍ଗ୍ ଯୋଷେଫ ମାନାୟାରିଙ୍ଗ୍ ୱେଚ୍‌ଚାନ୍। ଏଚେପାଦ୍ନା ସାତ୍ ବାର୍‌ହୁ ମାର୍‌ଡି ୱାତାତ୍, ଯୋଷେଫ କାଦିକଣ୍ଡା ପତି ମାନାୟାରିଙ୍ଗ୍ ପତାନ୍ ଇନେସ୍‌କି ହେୱାର୍ ହାମାନ୍ ବାବ୍‌ରେ ଚିଞ୍ଜେଙ୍ଗ୍ ଆଡ୍‌ନାର୍।

![](https://cdn.door43.org/obs/jpg/360px/obs-en-08-10.jpg)

ଆପ୍‌କା ମିସର ଦେସ୍‌ତାକେ ଆକାୟ୍, ମାତର୍ କିଣାନ ଦେସ୍‌ତାକେ ପା ଇମେତାକେ କି ଯାକୁବ ଆରେ ତା ପରିବାର୍ ବାହା କିଜି ମାଚାର୍, ହେବେ ପା ମାର୍‌ଡି ବେସି ଆର୍‌ତାତ୍।

![](https://cdn.door43.org/obs/jpg/360px/obs-en-08-11.jpg)

ଲାଗିଙ୍ଗ୍ ଯାକୁବ ତା ଗାଜା ହିମ୍‌ଣାକାଙ୍ଗ୍ କାଦି କଡ଼୍‌ନି କାଜିଙ୍ଗ୍ ମିସର ଦେସ୍‌ତାକେ ପକ୍ତାନ୍। ଏଚେପାଦ୍ନା ଟଣ୍ଡାହିର୍ କାଦି କଡ଼୍‌ଦେଙ୍ଗ୍ ଯୋଷେଫ ମୁମ୍‌ଦ ନିଲ୍‌ଚି ମାଚାର୍ ହେୱାର୍ ଯୋଷେଫତିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍। ମାତର୍ ହେୱାରିଙ୍ଗ୍ ଯୋଷେଫ ଚିନ୍ କିତାନ୍।

![](https://cdn.door43.org/obs/jpg/360px/obs-en-08-12.jpg)

ହେୱାର୍ ବାଦ୍‌ଲା ଆତାର୍‌ନା କି ଆକାୟ୍ ହେଦାଙ୍ଗ୍ ପରିକ୍ଷା କିତି ପାଚେ, ଯୋଷେଫ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମି ଟଣ୍ଡେନ୍ ଯୋଷେଫ,ପାଣ୍ଡ୍ରା ଆମାଟ୍ ଏପେଙ୍ଗ୍ କରାପ୍ କିଦେଙ୍ଗ୍ ଉପାୟ୍ କିତାଦେର୍ ହେପାଦ୍ନା ଏପେଙ୍ଗ୍ ନାଙ୍ଗେଙ୍ଗ୍ ଦାସ୍‌କିଜି ପତ୍‌ତାଦେର୍, ମାତର୍ ଈଶ୍ୱର କରାପ୍‌ତିଙ୍ଗ୍ ହାର୍‌ତାକେ ବାଦ୍‌ଲାୟ୍ କିତାନ୍। ମିସର ଦେସ୍‌ତାକେ ୱାଜି ବାହା କିୟାଟ୍ ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ମି ପରିବାର୍ କାଜିଙ୍ଗ୍ କାଦି ଜାଗାଇ କିଦେଙ୍ଗ୍ ଆଡ଼୍‌ଦାନାଙ୍ଗ୍।”

![](https://cdn.door43.org/obs/jpg/360px/obs-en-08-13.jpg)

ଏଚେପାଦ୍ନା ଯୋଷେଫ ଟଣ୍ଡାହିର୍ ତାଞ୍ଜ ଲେଉଟାଆତାର୍ ଆରେ ହେୱାର୍ ତାଞ୍ଜ୍‌ବା, ଯାକୁବଙ୍ଗ୍ ୱେଚ୍‌ଚାର୍‌ ଯେ ନଙ୍ଗୟ୍ ପାତେକ୍ ଯୋଷେଫ ଜିବୁନ୍ ମାନାନ୍, ତାଞ୍ଜ୍‌ବା ବେସି ୱାରି ଆତାନ୍।

![](https://cdn.door43.org/obs/jpg/360px/obs-en-08-14.jpg)

ଆରେ ଯାକୁବ ବୁଡ଼୍‌ହି ଆଜି ମାଚାନ୍, ଆତିସ୍‌ପା ହେୱାନ୍ ତା ପରିବାର୍ ହୁଦାଙ୍ଗ୍ ମିସର ଦେସ୍‌ତ ହାଚାନ୍ ଆରେ ହେବେ ହେୱାନ୍‌ ହେୱାର୍ ହୁଦାଙ୍ଗ୍ ବାହା କିତାନ୍। ଯାକୁବ ହାଃୱି ଆଗେ ହେୱାନ୍ ତା ୱିଜୁ ହିମ୍‌ଣାରିଙ୍ଗ୍ ଆଶ୍ରିବାଦ୍ କିତାନ୍।

![](https://cdn.door43.org/obs/jpg/360px/obs-en-08-15.jpg)

ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ନିୟମ୍ ଇନାକା ଈଶ୍ୱର ଅବ୍ରାହାମ ହୁଦାଙ୍ଗ୍ କିଜି ମାଚାନ୍ ହେଦାଙ୍ଗ୍ ହେୱାନ୍ ଇସାହାକତିଙ୍ଗ୍ ହିତାନ୍, ପାଚେ ଯାକୁବଙ୍ଗ୍ ଆରେ ତା ବାରଜାଣ୍ ମେହିରିଙ୍ଗ୍ ଆରେ ତା ପରିବାର୍‌ତିଙ୍ଗ୍ ହିତାନ୍। ବାରଜାଣ୍ ମେହିର୍‌ନି ଲାତ୍ରା ଇସ୍ରାଏଲନି ବାରଗଷ୍ଟି ଆତାର୍।

*ବାଇବଲ୍‌ନି ର କାତା: ଆଦିବହି ୩୭-୫୦*

## 9. ୯. ଈଶ୍ୱର ମୋଶାଙ୍ଗ୍ କୁକ୍ତାନ୍‌

https://openbiblestories.org/l/peg/story-9/

![](https://cdn.door43.org/obs/jpg/360px/obs-en-09-01.jpg)

ଯୋଶେଫ ହାଃତି ପାଚେ, ତା ୱିଜୁ ଜାତି କୁଟୁମ୍ ମିଶର ଦେସ୍‌ତ ମାଚାର୍। ହେୱାର୍ ଆରେ ହେୱାର୍ ଲାତ୍ରା ହେବେ କେତେକ୍ ବାର୍‌ହୁ ମାଞ୍ଜେଙ୍ଗ୍ ଲାଗାତାର୍ ଆରେ ହେୱାର୍ କେତେକ୍ ହିମ୍‌ଣା ୱାକ୍‌ଡ଼ା ଜନମ୍ ଆତାର୍। ହେୱାରିଙ୍ଗ୍ ଇସ୍ରାଏଲ ଦେସ୍ତାକାର୍ ଇଞ୍ଜି କୁକ୍ତାର୍।

![](https://cdn.door43.org/obs/jpg/360px/obs-en-09-02.jpg)

ଶହେ-ଶହେ ବାର୍‌ହୁ ପାଚେ, ଇସ୍ରାଏଲନି ମାନାୟ୍ ଆଦିକ୍ ବାଡାଆତାତ୍। ମିଶର ଦେସ୍‌ତ ବାହା କିନାକାର୍ ଯୋଶେଫତିଙ୍ଗ୍ ଆରେ ହେୱାନ୍ ହେୱାରିଙ୍ଗ୍ କିଜିମାଚି ସାଇଜତିଙ୍ଗ୍ ଇନେୱାଡ଼ାଙ୍ଗ୍ ପା ୱେନ୍‌ୱାତାର୍। ହେୱାର୍ ଇସ୍ରାଏଲ ଜାତିନି ମାନାୟାରିଙ୍ଗ୍ ପାଣ୍ଡ୍ରା ଆଦେଙ୍ଗ୍ ଲାଗାତାର୍, ଇନେସ୍‌କି ହେୱାର୍ ବେସିହେନି ମାଚାର୍। ଲାଗିଙ୍ଗ୍ ହେପାଦ୍ନା ଇମ୍‌ଣି ଫାର ମିଶର ଦେସ୍‌ତିଙ୍ଗ୍ ସାସନ୍ କିଜି ମାଚାନ୍ ହେୱାନ୍ ଇସ୍ରାଏଲନି ମାନାୟାରିଙ୍ଗ୍ ମିଶରନି ମାନାୟାର୍‌ତାକେ ଦାସ୍ କିତାନ୍।

![](https://cdn.door43.org/obs/jpg/360px/obs-en-09-03.jpg)

ମିଶର ମାନାୟାର୍ ଇସ୍ରାଏଲ ଜାତିନି ମାନାୟାରିଙ୍ଗ୍ ଅଟାଳିକା ଆରେ ୱିଜୁ ସହର୍ ପା ରସ୍ତେଙ୍ଗ୍ ବାଦ୍ୟ କିତାର୍। ବେସି କଷ୍ଟନି କାମାୟ୍ ହେୱାର୍ ଜିବୁନ୍‌ତିଙ୍ଗ୍ ଦୁକ୍ ଗିଟାଆତାତ୍, ମାତର୍ ହେୱାରିଙ୍ଗ୍ ଈଶ୍ୱର ଆଶ୍ରିବାଦ୍ କିତାନ୍, ଆରେ ହେୱାର୍ କେତେକ୍ ହିମ୍‌ଣା ୱାକ୍‌ଡ଼ା ଆତାର୍।

![](https://cdn.door43.org/obs/jpg/360px/obs-en-09-04.jpg)

ଫାର ହୁଡ଼୍‌ତାନ୍ ଯେ ଇସ୍ରାଏଲ ଜାତିନି ହିମ୍‌ଡ଼ା ୱାକ୍‌ଡ଼ା ବେସି ମାନାର୍, ଲାଗିଙ୍ଗ୍ ହେୱାନ୍ ତା ମାନାୟାରିଙ୍ଗ୍ ୱିଜୁ ଇସ୍ରାଏଲ ଜାତିନି ହିମ୍‌ଣା ୱାକ୍‌ଡ଼ାକା ୱିଜାକାରିଙ୍ଗ୍ ନିଲି ନାଗୁଡ଼୍‌ତାକେ ତୁସିହିଦେଙ୍ଗ୍ ଆଦେସ୍ ହିତାନ୍।

![](https://cdn.door43.org/obs/jpg/360px/obs-en-09-05.jpg)

ଇସ୍ରାଏଲ ଜାତିନି ରଞ୍ଜେଲ୍ କଗ୍‌ଲେ ର ହିମ୍‌ଣା ଜନମ୍ କିତାତ୍। ହେଦେଲ୍ ଆରେ ତା ଡକ୍ରାହି ହେ ହିମ୍‌ଣାତିଙ୍ଗ୍ ଆଡ୍‌ନି ପାତେକ୍ ବେସିଦିନ୍ ଡ଼ୁକ୍‌ଚି ଇଡ଼୍‌ତାନ୍।

![](https://cdn.door43.org/obs/jpg/360px/obs-en-09-06.jpg)

ଏଚେପାଦ୍ନା ହେ ହିମ୍‌ଣା ତାଞ୍ଜିବା ଆରେ ତାଞ୍ଜିୟା ବେସିଦିନ୍ ହୁକ୍ତେଙ୍ଗ୍ ଆଡ୍‌ତାର୍, ହେୱାର୍ ହେ ହିମ୍‌ଣାତିଙ୍ଗ୍ ଉଦାର କିନି କାଜିଙ୍ଗ୍ ନିଲି ନାଗୁଡ଼୍‌ନି ଏଜୁଙ୍ଗ୍ ହୁଦାଙ୍ଗ୍ ନାଡ଼ାତାକେ ର ବଡ଼ାଆନି ପାର୍‌ଡା ଲେକ୍‌ତିତାକେ ହେ ହିମ୍‌ଣାତିଙ୍ଗ୍ ହୁଚ୍‌ପାତାର୍। ତା ଗାଜା ତଣ୍‌ଦେହି ତା କାଜିଙ୍ଗ୍ ଇନାକା ଆନାତ୍ ହେଦାଙ୍ଗ୍ କାଜିଙ୍ଗ୍ ଦେହା ମାନ୍‌ଞ୍ଜି ହୁଡ଼୍‌ଜି ମାଚାତ୍।

![](https://cdn.door43.org/obs/jpg/360px/obs-en-09-07.jpg)

ଫାର ଡକ୍ରୁହି ପାର୍‌ଡାତିଙ୍ଗ୍ ଆରେ ହେ ବିତ୍ରେ ତା ହୁଡ଼୍‌ତାତ୍। ଏଚେପାଦ୍ନା ହେଦେଲ୍ ର ହିମ୍‌ଣାତିଙ୍ଗ୍ ହୁଡ଼୍‌ତାତ୍, ହେଦେଲ୍ ହେୱାନିଙ୍ଗ୍ ଜାର୍ ହିମ୍‌ଣା କିଜି ଅତାତ୍। ହେଦେଲ୍ ଇସ୍ରାଏଲ ଲାତ୍ରାନି କଗ୍‌ଲେଙ୍ଗ୍ ହିମ୍‌ଣା ତେହି ଇଞ୍ଜି ବୁଜାଆୱାଦାଙ୍ଗ୍ ମାଇ ଉଟ୍‌ତେଙ୍ଗ୍ ବାଚିକିତାତ୍। ଏଚେପାଦ୍ନା ହିମ୍‌ଣା ଗାଜା ଆତାନ୍ ହେୱାନିଙ୍ଗ୍ ତା ତେହି ମାୟ୍‌ନି ପଟ ପାଞ୍ଜ୍‌ୱାତାନ୍, ହେ ହିମ୍‌ଣାତିଙ୍ଗ୍ ହେ ତେହିଆତାକାଦେଲ୍ ଫାର ଡକ୍ରୁହିଙ୍ଗ୍ ଲେଉଟାଇ କିତାତ୍, ଇନେର୍‌କି ତା ତର୍ ମୋଶା ହିତାତ୍।

![](https://cdn.door43.org/obs/jpg/360px/obs-en-09-08.jpg)

ଦିନେକ୍ ମୋଶା ଗାଜା ଆତି ପାଚେ, ହେଦେଲ୍ ହୁଡ଼୍‌ତାତ୍, ରକାନ୍ ମିଶରିୟ ଇସ୍ରାଏଲ ଦାସଙ୍ଗ୍ ଟ୍ରାକ୍‌ନାନା। ମୋଶା ତା ଇସ୍ରାଏଲ ମାନାୟ୍‌ତିଙ୍ଗ୍ ରକ୍ଷା କିଦେଙ୍ଗ୍ ଉପାୟ୍ କିତାନ୍।

![](https://cdn.door43.org/obs/jpg/360px/obs-en-09-09.jpg)

ଏଚେପାଦ୍ନା ମୋଶା ପୁଞ୍ଜେଙ୍ଗ୍ ଆଡ଼୍‌ତାନ୍, ଇନେର୍ ହୁଡ଼ୁରା, ହେୱାନ୍ ମିସରିୟଙ୍ଗ୍ ମାର୍ନେ ଅସ୍ତାନ୍ ଆରେ ତା ଗାଗାଡ଼୍‌ତିଙ୍ଗ୍ ମୁଚ୍‌ଚାନ୍। ମାତର୍ ଇନେର୍ ରକାର୍ ମୋଶା ଇନାକା କିଜି ମାଚାନ୍ ହେଦାଙ୍ଗ୍ ହୁଡ଼୍‌ଜି ମାଚାନ୍।

![](https://cdn.door43.org/obs/jpg/360px/obs-en-09-10.jpg)

ଏଚେପାଦ୍ନା ଫାର ଇନାକା ମୋଶା କିତାକା ୱେଚାନ୍, ହେୱାନ୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିତାନ୍। ମୋଶା ଫାରନି ସେନାର୍‌ତାଙ୍ଗ୍ ରକ୍ଷା ପାୟାଆଦେଙ୍ଗ୍ ମିଶର ଦେସ୍‌ତାଙ୍ଗ୍ ଟଙ୍ଗ୍ରା ବାହାତାକେ ଇମେତାକେ ହେୱାନ୍ ହାର୍‌ଦାଙ୍ଗ୍ ମାନାନ୍, ଦେହା ହାଚାନ୍।

![](https://cdn.door43.org/obs/jpg/360px/obs-en-09-11.jpg)

ମିଶର ଦେସ୍‌ତାଙ୍ଗ୍ ବେସିଦେହା ଟାଙ୍ଗ୍ରା ବାହାତାକେ ମୋଶା ର ମେଣ୍ଢା ଗଡ଼ିୟା ଆତାନ୍। ହେ ବାହାନି ର କଗ୍‌ଲେ ହୁଦାଙ୍ଗ୍ ହେୱାନ୍ ବିବା ଆତାନ୍ ଆରେ ହେୱାନିଙ୍ଗ୍ ରିକାର୍ ହିମ୍‌ଣାଙ୍ଗ୍ ଜନମ୍ ଆତାର୍।

![](https://cdn.door43.org/obs/jpg/360px/obs-en-09-12.jpg)

ଦିନେକ୍ ଏଚେପାଦ୍ନା ମୋଶା ତା ମେଣ୍ଢାକାଙ୍ଗ୍ ଜାତୁନ୍ କିନିହିଙ୍ଗ୍, ର ବୁଟାତାକେ ଣାଣି କାଚାଆନାକା ହୁଡ଼୍‌ତାନ୍। ମାତର୍ ହେ ବୁଟା କାଡ଼୍‌ଜି ନିସ୍ ଆୱାତାତ୍। ମୋଶା ହେ ବୁଟା ନିପଣ୍ ହୁଡ଼୍‌ଦେଙ୍ଗ୍ ହାଚାନ୍। ଏଚେପାଦ୍ନା ହେ କାଚାଆନି ବୁଟା ଲାଗାୟ୍‌ତାଙ୍ଗ୍ ହାଲ୍‌ଜି ମାଚାତ୍, ଈଶ୍ୱର ବେଣ୍ ୱେଚ୍‌ଚାନ୍, “ମୋଶା, ନି କାଲ୍ ଏନେଙ୍ଗ୍ ହପ୍‌ତା। ଏନେଙ୍ଗ୍ ପବିତ୍ର ବାହାତାକେ ନିଲ୍‌ତାଇନା।”

![](https://cdn.door43.org/obs/jpg/360px/obs-en-09-13.jpg)

ଈଶ୍ୱର ୱେଚ୍‌ଚାନ୍, “ନା ମାନାୟାରିଙ୍ଗ୍ ଦୁକ୍ ଆନେଙ୍ଗ୍ ହୁଡ଼୍‌ନାଙ୍ଗା। ନିଙ୍ଗେଙ୍ଗ୍ ଆନେଙ୍ଗ୍ ଫାର ଲାଗାୟ୍ ପକ୍ତାନାଙ୍ଗ୍ ଇନେସ୍‌କି ଏନେଙ୍ଗ୍ ଇସ୍ରାଏଲନି ମାନାୟାରିଙ୍ଗ୍ ମିଶର ଦେସ୍‌ତି ଦାସ୍ କାମାୟ୍ କିନିତାଙ୍ଗ୍ ହପ୍‌ଚି ତାସି ୱାନାୟ୍। ହେୱାରିଙ୍ଗ୍ ଆନେଙ୍ଗ୍ କିଣାନ ଦେସ୍ ହିନାଙ୍ଗ୍, ଇମ୍‌ଣି ଦେସ୍ ଆନେଙ୍ଗ୍ ଅବ୍ରାହାମ ଆରେ ଯାକୁବଙ୍ଗ୍ ପାର୍ମାଣ୍ କିଜି ମାଚାଙ୍ଗ୍।”

![](https://cdn.door43.org/obs/jpg/360px/obs-en-09-14.jpg)

ମୋଶା ୱେନ୍‌ବାତାନ୍, “ଯଦି ମାନାୟାର୍ ପୁଞ୍ଜେଙ୍ଗ୍ ଇଚାକିନାର୍ ନାଙ୍ଗେଙ୍ଗ୍ ଇନେର୍ ପକ୍ତାତାର୍‌ନା, ଆନେଙ୍ଗ୍ ହେୱାରିଙ୍ଗ୍ ଇନାକା ଇନାଙ୍ଗ୍?” ଈଶ୍ୱର ୱେଚ୍‌ଚାନ୍, “ଆପେଙ୍ଗ୍ ଯେ ମାନାପ୍ ହେୱାନ୍ ମାନାପ୍।ହେୱାରିଙ୍ଗ୍ ୱେଚା,‘ନି ଲାଗାୟ୍ ନାଙ୍ଗେଙ୍ଗ୍ ମାପୃ ପକ୍ତାତାନ୍‌ନା।’ ଆରେ ପା ହେୱାରିଙ୍ଗ୍ ୱେଚା, ଆପେଙ୍ଗ୍ ମାପୃ, ମି ଆକଦାଦି, ଅବ୍ରାହାମ, ଇସାହାକ ଆରେ ଯାକୁବ ଈଶ୍ୱର। ୱିଜ୍‌ୱି ଦିନ୍ ପାତେକ୍ ଇଦାଙ୍ଗ୍ ନେ ନାତର୍।”

![](https://cdn.door43.org/obs/jpg/360px/obs-en-09-15.jpg)

ମୋଶା ପାଣ୍ଡ୍ରାଆଜି ମାଚାନ୍ ଆରେ ଫାର ଲାଗାୟ୍ ହାଞ୍ଜେଙ୍ଗ୍ ଇଚା କିୱାଦାଙ୍ଗ୍ ମାଚାନ୍, ଇନେସ୍‌କି ହେୱାନ୍ ବାବିକିତାନ୍, ହେୱାନ୍ ହାର୍‌ଦାଙ୍ଗ୍ ବେଣ୍ କିଦେଙ୍ଗ୍ ଆଡୁନ୍, ଲାଗିଙ୍ଗ୍ ଈଶ୍ୱର ମୋଶା ଟଣ୍ଡାହି, ହାରଣଙ୍ଗ୍ ସାଇଜ କିନି କାଜିଙ୍ଗ୍ ପକ୍ତାନ୍। ଈଶ୍ୱର ମୋଶା ଆରେ ହାରଣଙ୍ଗ୍ ଜାଗ୍ରତ୍ କିୟିକିତାନ୍, ଯେ ଫାର ଟ୍ରିଟ୍ ଆନାନ୍।

*ବାଇବଲନି ର କାତା: ଯାତ୍ରାବହିନି ୧-୪*

## 10. ୧୦. ଦଶ୍‌ଗଟା ମାର୍‌ଡି ବିଷୟ୍‌

https://openbiblestories.org/l/peg/story-10/

![](https://cdn.door43.org/obs/jpg/360px/obs-en-10-01.jpg)

ମୋଶା ଆରେ ହାରଣ ଫାର ଲାଗାୟ୍ ହାଚାର୍। ହେୱାର୍ ୱେଚାର୍, ଇସ୍ରାଏଲନି ଈଶ୍ୱର ଇଦାଙ୍ଗ୍ ୱେଚ୍‌ନାନା, “ନା ମାନାୟାରିଙ୍ଗ୍ ପିସ୍ତି ହିଦା। ଫାର ହେୱାର୍ କାତାତିଙ୍ଗ୍ ୱେନ୍‌ୱାତାନ୍।” ଇସ୍ରାଏଲ ଦେସ୍ତାକାରିଙ୍ଗ୍ ମୁକ୍ତି କିନି ବାଦୁଲ୍ ହେୱାରିଙ୍ଗ୍ ଆଦିକ୍ କଷ୍ଟନି କାମାୟ୍ କିଦେଙ୍ଗ୍ ଆଦେସ୍ ହିତାନ୍।

![](https://cdn.door43.org/obs/jpg/360px/obs-en-10-02.jpg)

ମାନାୟାରିଙ୍ଗ୍ ସ୍ୱାଦିନ୍ କିଦେଙ୍ଗ୍ ଫାର ମୁନା କିଜି ମାଚାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ଦଶ୍‌ଗଟା ସମ୍ୱାଲିକିୱି ମାର୍‌ଡି, ମିଶର ଦେସ୍‌ତ ପକ୍ତାନ୍। ଇ ମାର୍‌ଡି କାଜିଙ୍ଗ୍ ଈଶ୍ୱର ଫାରଙ୍ଗ୍ ଚଚ୍‌ଚି ମାଚାନ୍ ଯେ ହେୱାନ୍ ଫାରଙ୍ଗ୍ ଆରେ ମିଶର ଦେସ୍‌ନି ୱିଜୁ ଦେବିର୍‌ତାଙ୍ଗ୍ ଆଦିକ୍ ଶାକ୍ତି କାଟାକାନ୍।

![](https://cdn.door43.org/obs/jpg/360px/obs-en-10-03.jpg)

ଈଶ୍ୱର ନିଲି ନାଗୁଡ଼୍‌ନି ଏଜୁକାଙ୍ଗ୍ ନେତେର୍ କିତାନ୍, ମାତର୍ ଫାର ନଙ୍ଗୟ୍ ପାତେକ୍ ଇସ୍ରାଏଲ ଦେସ୍ତାକାରିଙ୍ଗ୍ ପିହ୍‌ୱାତାନ୍।

![](https://cdn.door43.org/obs/jpg/360px/obs-en-10-04.jpg)

ଈଶ୍ୱର ୱିଜୁ ମିଶର ଦେସ୍‌ତାକେ ପାଣାକାଙ୍ଗ୍ ପକ୍ତାନ୍। ପାଣାକାଙ୍ଗ୍ ପେଜ୍‌ଦେଙ୍ଗ୍ ମୋଶାଙ୍ଗ୍ ଫାର ଗୁୱାରି କିତାନ୍। ମାତର୍ ୱିଜୁ ପାଣାକାଙ୍ଗ୍ ହାଃତି ପାଚେ, ଫାର ତା ଗରବ୍‌ତିଙ୍ଗ୍ ଟ୍ରିଟ୍ କିତାନ୍ ଆରେ ଇସ୍ରାଏଲନି ମାନାୟାରିଙ୍ଗ୍ ମିଶର ଦେସ୍ତାଙ୍ଗ୍ ପିସ୍ତି ହିୱାତାନ୍।

![](https://cdn.door43.org/obs/jpg/360px/obs-en-10-05.jpg)

ଲାଗିଙ୍ଗ୍ ଈଶ୍ୱର ଦୁଡ଼ି ପେନ୍‌କୁ ହାଃନି ମାର୍‌ଡି ପକ୍ତାନ୍। ତା ପାଚେ ହେୱାନ୍ ୱିଜାଙ୍ଗ୍ ହାଃନି ମାର୍‌ଡି ପକ୍ତାନ୍। ଫାର ମୋଶା ଆରେ ହାରଣଙ୍ଗ୍ କୁକ୍ତାନ୍ ଆରେ ୱେଚ୍‌ଚାନ୍, ଯଦି ହେୱାର୍ ମାର୍‌ଡିତିଙ୍ଗ୍ ବନ୍ଦ୍ କିନାର୍, ଲାଗିଙ୍ଗ୍ ହେୱାନ୍ ଇସ୍ରାଏଲନି ମାନାୟାରିଙ୍ଗ୍ ମିଶର ଦେସ୍‌ତାଙ୍ଗ୍ ହାଞ୍ଜେଙ୍ଗ୍ ଆଡ୍‌ନାର୍। ଏଚେପାଦ୍ନା ମୋଶା ପାର୍ତାନା କିତାନ୍, ଈଶ୍ୱର ୱିଜାକାଙ୍ଗ୍ ମିଶର ଦେସ୍ତାଙ୍ଗ୍ ଗୁଚାଇ କିତାନ୍। ମାତର୍ ଫାର ତା ଗରବ୍‌ତିଙ୍ଗ୍ ଟ୍ରିଟ୍ କିତାନ୍ ଆରେ ମାନାୟାରିଙ୍ଗ୍ ପିସ୍ତି ହିୱାତାନ୍।

![](https://cdn.door43.org/obs/jpg/360px/obs-en-10-06.jpg)

ତାପାଚେ ଈଶ୍ୱର ୱିଜୁ ପର୍‌କାର୍ ପଶୁକାଙ୍ଗ୍ ଇନାକା ୱିଜୁ ମିଶରନି ମାନାୟାରିଙ୍ଗ୍ ମାଚାତ୍, ହେୱେକିୟାକାଙ୍ଗ୍ ବେମାର୍ କିଜି ପାଗ୍‌ତାନ୍। ମାତର୍ ଫାର ଗରବ୍ ଟ୍ରିଟ୍ ଆତାତ୍, ଆରେ ହେୱାନ୍ ଇସ୍ରାଏଲନି ମାନାୟାରିଙ୍ଗ୍ ପିସ୍ତି ହିୱାତାନ୍।

![](https://cdn.door43.org/obs/jpg/360px/obs-en-10-07.jpg)

ତାପାଚେ ଈଶ୍ୱର ମୋଶାଙ୍ଗ୍ ଫାର ଲାଗାୟ୍ ନିସ୍ ତୁସିହିଦେଙ୍ଗ୍ ୱେଚ୍‌ଚାନ୍। ଏଚେପାଦ୍ନା ହେୱାନ୍ ହେ ନିସ୍‌ତିଙ୍ଗ୍ ତୁସିହିତାନ୍, ମିଶର ଦେସ୍‌ନି ମାନାୟାର୍ ତଲ୍ ଜପି ବେସି ନନି ପାଚୁ ଆତି ଗାଉ ଚଞ୍ଜି ଆତାତ୍, ମାତର୍ ଇସ୍ରାଏଲ ଦେସ୍‌ନି ମାନାୟାରିଙ୍ଗ୍ ଆୱାତାତ୍। ଈଶ୍ୱର ଫାର ଗରବ୍‌ତିଙ୍ଗ୍ ଟ୍ରିଟ୍ କିତାନ୍, ଆରେ ଫାର ଇସ୍ରାଏଲନି ମାନାୟାରିଙ୍ଗ୍ ପିସ୍ତି ହିୱାତାନ୍।

![](https://cdn.door43.org/obs/jpg/360px/obs-en-10-08.jpg)

ତାପାଚେ ଈଶ୍ୱର ଆଞ୍ଜ୍‌ଗା ବାର୍‌ହାତାଙ୍ଗ୍ ମିଶର ଦେସ୍‌ତ କେତେକ୍ ତାସ୍ ନଷ୍ଟ କିତାନ୍, ଆରେ ଇମ୍‌ଣାକାର୍ ବାର୍‌ତ ହାଚାର୍ ହେୱାର୍ ହାଃତାର୍। ଫାର ମୋଶା ଆରେ ହାରଣଙ୍ଗ୍ କୁକ୍ତାନ୍ ଆରେ ୱେଚ୍‌ଚାନ୍, “ଆନେଙ୍ଗ୍ ପାପ୍ କିତାଙ୍ଗ୍‌ନା। ଏପେଙ୍ଗ୍ ନଙ୍ଗୟ୍ ହାଞ୍ଜେଙ୍ଗ୍ ଆଡ୍‌ନାଦେର୍।” ହେଦାଙ୍ଗ୍ କାଜିଙ୍ଗ୍ ମୋଶା ପାର୍ତାନା କିତାନ୍ ଆରେ ବାଦାଡ଼୍‌ତାଙ୍ଗ୍ ଆଞ୍ଜ୍‌ଗା ବାର୍‌ହାଆନାକା ବନ୍ଦ୍ ଆତାତ୍।

![](https://cdn.door43.org/obs/jpg/360px/obs-en-10-09.jpg)

ମାତର୍ ଆରେରଗ ଫାର ପାପ୍ କିତାନ୍ ଆରେ ତା ଗରବ୍‌ତିଙ୍ଗ୍ ଟ୍ରିଟ୍ କିତାନ୍। ହେୱାନ୍ ଇସ୍ରାଏଲ ଦେସ୍‌ତି ମାନାୟାରିଙ୍ଗ୍ ହାଞ୍ଜେଙ୍ଗ୍ ପିସ୍ତି ହିୱାତାନ୍।

![](https://cdn.door43.org/obs/jpg/360px/obs-en-10-10.jpg)

ହେଦାଙ୍ଗ୍ କାଜିଙ୍ଗ୍ ଈଶ୍ୱର ପାମିଙ୍ଗ୍‌ତାଙ୍ଗ୍ କାତାର୍ ପକ୍ତାତାନ୍ ଆରେ ମିଶର ଦେସ୍ ୱିଜୁ ନିପଣ୍ ବିଚାଆତାତ୍। ଇମ୍‌ଣି ତାସ୍ ଆଞ୍ଜ୍‌ଗା ବାର୍‌ହାତାଙ୍ଗ୍ ନଷ୍ଟ ଆୱାଦାଙ୍ଗ୍ ମାଚାତ୍ ହେ ୱିଜୁତିଙ୍ଗ୍ ପାମିଙ୍ଗ୍ ୱାତିକ୍ ଆରେ ନଷ୍ଟ କିତିକ୍।

![](https://cdn.door43.org/obs/jpg/360px/obs-en-10-11.jpg)

ତାପାଚେ ଈଶ୍ୱର ମାଜ୍‌ଗାତିଙ୍ଗ୍ ପକ୍ତାତାନ୍ ହେ ମାଜ୍‌ଗା ତିନ୍‌ଦିନ୍ ପାତେକ୍ ମାଚାତ୍। ଇ ମାଜ୍‌ଗା ଏଚେକ୍ ମାଜ୍‌ଗା ମାଚାତ୍ ଯେ ମିଶର ଦେସ୍ତାକାର୍ ତା ଇଲ୍ ପିସ୍ତି ଇମେ ପା ହାଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ମାତର୍ ଇମ୍‌ଣି ବାହାତାକେ ଇସ୍ରାଏଲ ଦେସ୍ତାକାର୍ ବାହାକିଜି ମାଚାର୍ ହେ ବାହାତାକେ ଅଜଡ଼୍ ମାଚାତ୍।

![](https://cdn.door43.org/obs/jpg/360px/obs-en-10-12.jpg)

ଇ ନଅଗାଟା ମାର୍‌ଡି ଆତି ପାଚେ ପା ଫାର ଇସ୍ରାଏଲ ଦେସ୍ତାକାରିଙ୍ଗ୍ ପିସ୍ତି ହିୱାତାନ୍। ଇନେସ୍‌କି ଫାର ଇ କାତାତିଙ୍ଗ୍ ୱେନ୍‌ୱି କାଜିଙ୍ଗ୍ ଈଶ୍ୱର ହାରିହାରା ରଞ୍ଜାଙ୍ଗ୍ ମାର୍‌ଡି ପକ୍ତେଙ୍ଗ୍ ଉପାୟ୍ କିତାନ୍। ଇଦାଙ୍ଗ୍ ଫାର ମାନ୍‌ତିଙ୍ଗ୍ ବାଦ୍‌ଲାୟ୍ କିନାତ୍।

*ବାଇବଲ୍‌ନି ର କାତା: ଯାତ୍ରାବହି ୫-୧୦*

## 11. ୧୧. ନିସ୍ତାର୍ ପାର୍ବୁ

https://openbiblestories.org/l/peg/story-11/

![](https://cdn.door43.org/obs/jpg/360px/obs-en-11-01.jpg)

ଈଶ୍ୱର ଫାରଙ୍ଗ୍ ଜାଗ୍ରତ୍ କିୟିକିଜି ୱେଚ୍‌ଚାନ୍, “ଯଦି ହେୱାନ୍ ଇସ୍ରାଏଲ ଜାତିନିକାରିଙ୍ଗ୍ ହାଞ୍ଜେଙ୍ଗ୍ ହିଉନ୍, ଲାଗିଙ୍ଗ୍ ହେୱାନ୍ ମାନାୟ୍ ଆରେ ପଶୁକାଙ୍ଗ୍ ପାର୍ତୁମ୍ ଜନମ୍ ଆତାକାରିଙ୍ଗ୍ ମାର୍ନେ ଅହ୍‌ନାର୍।” ଫାର ଏଚେପଦ୍ନା ଇ କାତା ୱେଚାନ୍ ହେୱାନ୍ ଆତିସ୍‌ପା ପାର୍ତି କିଦେଙ୍ଗ୍ ଆରେ ଈଶ୍ୱର ଆଦେସ୍‌ତିଙ୍ଗ୍ ମାନିକିଦେଙ୍ଗ୍ ମୁନା କିତାନ୍।

![](https://cdn.door43.org/obs/jpg/360px/obs-en-11-02.jpg)

ହେୱାନ୍‌ତାକେ ଇମ୍‌ଣାକାର୍ ପାର୍ତି କିତାର୍ ଈଶ୍ୱର ହେୱାର୍ ପାର୍ତୁମ୍ ଜନମ୍ ଆତି ୱିଜାକାରିଙ୍ଗ୍ ରକ୍ଷା କିଦେଙ୍ଗ୍ ର ଉପାୟ୍ ଜଗାଇ କିତାନ୍। ୱିଜୁ ପରିବାର୍‌ତିଙ୍ଗ୍ ରକ୍ଷା କିଦେଙ୍ଗ୍ ଚିନା ଆୱିତି ମେଣ୍ଢା ହିମ୍‌ଣାତିଙ୍ଗ୍ ର ମାନ୍ କିଜି ହେଦାଙ୍ଗ୍‌ତିଙ୍ଗ୍ ମାର୍ନେ ଅସ୍ତେଙ୍ଗ୍ ଲାଗ୍‌ଦାନାତ୍‌।

![](https://cdn.door43.org/obs/jpg/360px/obs-en-11-03.jpg)

ଈଶ୍ୱର ଇସ୍ରାଏଲ ଜାତି ନିକାରିଙ୍ଗ୍ ମେଣ୍ଢା ହିମ୍‌ଣାନି ଇଚ୍‌କେ ନେତେର୍ ତାହିୱାଜି ହେୱାର୍ ଇଲ୍‌ନି ଦୁୱାର୍ ବାନ୍ଦାନି ଚାରିବେଣ୍‌ତାଙ୍ଗ୍ କାଜ୍‌ଦେଙ୍ଗ୍ ୱେଚ୍‌ଚି ମାଚାନ୍, ଆରେ ଜେଇ ହୁଜ୍‌ଦି ତାଡ଼ି ମାହାଆୱିତି ରୁଟି ବେଗି ଚିଞ୍ଜେଙ୍ଗ୍ ୱେଚ୍‌ଚି ମାଚାନ୍। ହେୱାର୍ ତିନ୍‌ଞ୍ଜି ୱିସ୍ତି ପାଚେ ମିଶର ଦେସ୍ତାକାରିଙ୍ଗ୍ ପିସ୍ତିହିନି କାଜିଙ୍ଗ୍ ରେଡି ଆଦେଙ୍ଗ୍ ପା ହେୱାନ୍ ୱେଚ୍‌ଚି ମାଚାନ୍।

![](https://cdn.door43.org/obs/jpg/360px/obs-en-11-04.jpg)

ଈଶ୍ୱର ଇନେସ୍ ହେୱାରିଙ୍ଗ୍ କିଦେଙ୍ଗ୍ ଆଦେସ୍ ହିଜି ମାଚାନ୍, ଇସ୍ରାଏଲନି ମାନାୟାର୍ ହେ ୱିଜୁ କାମାୟ୍ କିତାର୍। ନାଣାଲିଙ୍ଗ୍ ଈଶ୍ୱର ମିଶର ଦେସ୍ ନିପଣ୍ ହାଲ୍‌ଜି ପାର୍ତୁମ୍ ଜନମ୍ ଆତି ହିମ୍‌ଣାକାଙ୍ଗ୍ ମାର୍ନେ ଅସ୍ତାନ୍।

![](https://cdn.door43.org/obs/jpg/360px/obs-en-11-05.jpg)

ଇସ୍ରାଏଲନି ମାନାୟାର୍ ଇଲ୍‌ ଚାରିବେଣ୍‌ତାଙ୍ଗ୍ ନେତେର୍ ଆଣ୍‌ଜି ମାଚାତ୍, ଲାଗିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପିସ୍ତି ହିତାନ୍। ଇଲ୍ ବିତ୍ରେ ୱିଜାକାର୍ ହାର୍‌ଦାଙ୍ଗ୍ ମାଚାର୍। ମେଣ୍ଢା ହିମ୍‌ଣା ନେତେର କାଜିଙ୍ଗ୍ ହେୱାର୍ ଉଦାର୍ ପାୟାଆଜି ମାଚାର୍।

![](https://cdn.door43.org/obs/jpg/360px/obs-en-11-06.jpg)

ମାତର୍ ମିଶର ଦେସ୍ତାକାର୍ ଈଶ୍ୱରତିଙ୍ଗ୍ କି ତା ଆଦେସ୍‌ତିଙ୍ଗ୍ ପାର୍ତି କିୱାତାର୍। ଲାଗିଙ୍ଗ୍ ଈଶ୍ୱର ହେୱାର୍ ଇଲ୍‌କୁକାଙ୍ଗ୍ ପିହ୍‌ୱାତାନ୍। ଈଶ୍ୱର ମିଶର ଦେସ୍‌ନି ୱିଜାକାର୍ ପାର୍ତୁମ୍ ଜଲମ୍ ଆତି ହିମ୍‌ଣାକାଙ୍ଗ୍ ମାର୍ନେ ଅସ୍ତାନ୍।

![](https://cdn.door43.org/obs/jpg/360px/obs-en-11-07.jpg)

ୱିଜୁ ମିଶର ଦେସ୍‌ନି ୱିଜୁ ପାର୍ତୁମ୍ ଜନମ୍ ଆତାକାର୍ ହାଃତାର୍, ଜଇଲ୍ ଇଞ୍ଜ ବନ୍ଦି ଆଜିମାଚି ପାର୍ତୁମ୍ ଜଲ୍‌ମ୍ ଆତିତାଙ୍ଗ୍ ଫାର ହିମ୍‌ଣା ପାର୍ତୁମ୍ ଜନମ୍ ଆତାକାନ୍ ପା ହାଃତାନ୍। କେତେକ୍ ମିଶର ଦେସ୍ତାକାର୍ ହେୱାର୍ ବେସି ଦୁକ୍ ଆତି କାଜିଙ୍ଗ୍ ଆଡ଼୍‌ବିସ୍ ମାଚାର୍।

![](https://cdn.door43.org/obs/jpg/360px/obs-en-11-08.jpg)

ହେ ନାଣା ଫାର ମୋଶା ଆରେ ହାରଣଙ୍ଗ୍ କୁକ୍‌ଚି ୱେଚ୍‌ଚାନ୍, “ଇସ୍ରାଏଲ ଜାତିନି ମାନାୟାରିଙ୍ଗ୍ ଅଜି ବେଗି ମିଶର ଦେସ୍ ପିସ୍ତି ହାଲାଟ୍!” ମିଶର ଦେସ୍‌ନି ମାନାୟାର୍ ପା ଇସ୍ରାଏଲ ମାନାୟାର୍ ହୁଦାଙ୍ଗ୍ ମିଶର ଦେସ୍ ପିସ୍ତି ହାଞ୍ଜେଙ୍ଗ୍ ଗୁୱାରି କିତାନ୍।

*ବାଇବଲ୍‌ନି ର କାତା: ଯତ୍ରାବହି ୧୧:୧- ୧୨:୩୨*

## 12. ୧୨. ମାନ୍ଦାଆଜି ହାନାକା

https://openbiblestories.org/l/peg/story-12/

![](https://cdn.door43.org/obs/jpg/360px/obs-en-12-01.jpg)

ମିଶର ଦେସ୍ ପିସ୍ତି କାଜିଙ୍ଗ୍ ଇସ୍ରାଏଲନି ମାନାୟାର୍ ବେସି ୱାରି ମାଚାର୍। ହେୱାର୍ ଆରେ ଦାସ୍ ମାନ୍‌ୱାତାର୍, ଆରେ ଈଶ୍ୱର ହେୱାରିଙ୍ଗ୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍‌ତ ହାଲ୍‌ଜି ମାଚାର୍। ଇସ୍ରାଏଲନି ମାନାୟାର୍ ଇନାକା ମିଶର ଦେସ୍ତାକାରିଙ୍ଗ୍ ଏନ୍‌ତାର୍, ହେୱାର୍ ହେ ୱିଜୁ ହିତାର୍, ଏଲେଙ୍ଗ୍ କି ହନା ଆରେ ରୁପା ଆରେ ଜେକନି ମୁଲ୍ୟମାନି ଜିନିଷ୍ ପା ହିତାର୍। ଜେକନି ଦେସ୍‌ନି କେତେକ୍ ମାନାୟ୍ ଈଶ୍ୱରତାକେ ପାର୍ତି କିତାର୍ ଆରେ ହେୱାର୍ ମିଶର ଦେସ୍ ପିସ୍ତିହିଙ୍ଗ୍ ଇସ୍ରାଏଲନି ମାନାୟାର୍ ହୁଦାଙ୍ଗ୍ ହାଚାର୍।

![](https://cdn.door43.org/obs/jpg/360px/obs-en-12-02.jpg)

ୱେଡ଼ାଲିଙ୍ଗ୍ ଈଶ୍ୱର ହେୱାର୍ ମୁମ୍‌ଦ ର ଉଚା ବାଦାଡ଼୍‌ତାଙ୍ଗ୍ ହେୱାରିଙ୍ଗ୍ ହାଜି ଚଚ୍‌ଚି ଅଜି ମାଚାନ୍, ଆରେ ହେଦାଙ୍ଗ୍ ନାଣାଲିଙ୍ଗ୍ ଉଚା ନାଣି ଦୁଆଁ ଲେକେ ଆଜି ମାଚାତ୍। ଈଶ୍ୱର ହେୱାର୍ ହୁଦାଙ୍ଗ୍ ୱିଜୁଦିନ୍ ମାଚାନ୍ ଆରେ ହେୱାର୍ ହାନିହିଙ୍ଗ୍ ହେୱାରିଙ୍ଗ୍ ହାଜି ଚଚ୍‌ଚି ମାଚାନ୍। ହେୱାର୍ ତା ପାଚେ-ପାଚେ ହାଲ୍‌ଜି ମାଚାର୍।

![](https://cdn.door43.org/obs/jpg/360px/obs-en-12-03.jpg)

ଅଲପ୍ ସମୟ୍ ପାଚେ, ଫାର ଆରେ ତା ମାନାୟାର୍ ହେୱାର୍ ମାନ୍ ବାଦ୍‌ଲାୟ୍ କିତାର୍ ଆରେ ଇସ୍ରାଏଲନି ମାନାୟାରିଙ୍ଗ୍ ହେୱାର୍ ଦାସ୍ ଆନି କାଜିଙ୍ଗ୍ ଆରେରଗ ଇଚା କିତାର୍। ଈଶ୍ୱର ଆରେରଗ ଇଚା କିୟିକିତାନ୍, ଇନେସ୍‌କି ମାନାୟାର୍ ରକାନ୍ ମାତର୍ ସତ୍ ଈଶ୍ୱର ହେଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍, ଆରେ ବୁଜାଆନାର୍ ଆରେ ହେୱାନ୍, ୱିଜୁତାଙ୍ଗ୍ ଶାକ୍ତିକାଟି ମାପୃ ଫାର ଆରେ ଫାରନି ପେନ୍‌କୁ ପୁଦାଙ୍ଗ୍‌ତାଙ୍ଗ୍ ଆଦିକ୍ ଶାକ୍ତି କାଟାକାନ୍ ଆନାନ୍।

![](https://cdn.door43.org/obs/jpg/360px/obs-en-12-04.jpg)

ଲାଗିଙ୍ଗ୍ ହେୱାରିଙ୍ଗ୍ ଆରେରଗ ଦାସ୍ କିଦେଙ୍ଗ୍ ଇସ୍ରାଏଲନି ମାନାୟାର୍ ପାଚେ-ପାଚେ ଫାର ଆରେ ତା ସେନାର୍ ପେସ୍‌ଦି ଅତାର୍। ମିଶରନି ସେନାର୍ ୱାନାକା ଏଚେପାଦ୍ନା ଇସ୍ରାଏଲନି ମାନାୟାର୍ ହୁଡ଼୍‌ତାର୍, ହେୱାର୍ ଗର୍‌ବ୍‌ତିଙ୍ଗ୍ ଦୁକ୍‌ କିତାର୍ ଯେ ହେୱାର୍ ଫାରନି ସେନାର୍ ଆରେ ଲୋହିତ ହାମ୍‌ଦୁର୍ ବିତ୍ରେ ହଣ୍‌ଜି ହାନାରା। ହେୱାର୍ ବେସି ପାଣ୍ଡ୍ରାଆଜି ମାଚାର୍ ଆରେ ହେୱାର୍ ରାଟୁ କିଜି ୱେଚ୍‌ଚାର୍, “ଆପେଙ୍ଗ୍ ଇନାକିଦେଙ୍ଗ୍ ମିଶର ଦେସ୍ ପିସ୍ତାପ୍? ଆପେଙ୍ଗ୍ ହାଃଦେଙ୍ଗ୍ ହାନାପା।”

![](https://cdn.door43.org/obs/jpg/360px/obs-en-12-05.jpg)

ମୋଶା ଇସ୍ରାଏଲନି ମାନାୟାରିଙ୍ଗ୍ ୱେଚ୍‌ଚାନ୍, “ପାଣ୍ଡ୍ରା ଆମାଟ୍, ଈଶ୍ୱର ନେଞ୍ଜେଙ୍ଗ୍ ମି ନିପଣ୍ ଆଜି ଯୁଜ୍ କିନାନ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାନ୍।”ତାପାଚେ ଈଶ୍ୱର ମୋଶାଙ୍ଗ୍ ୱେଚ୍‌ଚାନ୍, “ମାନାୟାରିଙ୍ଗ୍ ଲୋହିତ ହାମ୍‌ଦୁର୍ ନିପଣ୍ ହାଞ୍ଜେଙ୍ଗ୍ ୱେଚା।”

![](https://cdn.door43.org/obs/jpg/360px/obs-en-12-06.jpg)

ତାପାଚେ ଈଶ୍ୱର ବାଦାଡ଼୍‌ନି ଡ଼ିଗା ଅଜି ଇସ୍ରାଏଲନି ମାନାୟାର୍ ଆରେ ମିଶରନି ମାନାୟାର୍ ବିତ୍ରେ ଇଡ଼୍‌ତାନ୍ ଇନେସ୍‌କି ମିଶର ଦେସ୍‌ତି ମାନାୟାର୍ ଇସ୍ରାଏଲନି ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

![](https://cdn.door43.org/obs/jpg/360px/obs-en-12-07.jpg)

ଈଶ୍ୱର ମୋଶାଙ୍ଗ୍ ତା କେଇ ଜପିକିଜି ହାମ୍‌ଦୁର୍‌ନି ଏଜୁକାଙ୍ଗ୍ ରି ବାଗ୍ କିଦେଙ୍ଗ୍ ୱେଚ୍‌ଚାନ୍। ତାପାଚେ ଈଶ୍ୱର ତା ଇ କେଇଦାଙ୍ଗ୍ ଏଜୁକାଙ୍ଗ୍ ଟେଲାଇ କିଦେଙ୍ଗ୍ ଗିଟାଇ କିତାନ୍, ଇନେସ୍‌କି ହାମ୍‌ଦୁର୍ ବିତ୍ରେ ର ହାଜି ଆତାତ୍।

![](https://cdn.door43.org/obs/jpg/360px/obs-en-12-08.jpg)

ଇସ୍ରାଏଲନି ମାନାୟାର୍ ହାମ୍‌ଦୁର୍ ବିତ୍ରେ ୱାଚ୍‌ଚି ମେଦ୍‌ନିତାକେ ତାଙ୍ଗ୍‌ଜି ହାଚାର୍ ଆରେ ହେୱାର୍ ରିପଣ୍ଡାଙ୍ଗ୍ ଏଜୁଙ୍ଗ୍‌ନି କାତି ମାଚାତ୍।

![](https://cdn.door43.org/obs/jpg/360px/obs-en-12-09.jpg)

ତାପଚେ ଈଶ୍ୱର ବାଦାଡ଼୍‌ତିଙ୍ଗ୍ ହେ ବାହାତାଙ୍ଗ୍ ଜପି ଅସାହାଚାନ୍, ଇନେସ୍‌କି ଇସ୍ରାଏଲନି ମାନାୟାର୍ ହୁଡ଼୍‌ଜି ହନ୍‌ଚି ହାନାକା ମିଶର ଦେସ୍ତାକାର୍ ହୁଡ଼୍‌ଦେଙ୍ଗ୍ ଆଡ୍‌ନାର୍। ମିଶର ଦେସ୍ତାକାର୍ ହେୱାରିଙ୍ଗ୍ ପେସ୍‌ଦି ଅନି କାଜିଙ୍ଗ୍ ଇଚା କିତାର୍।

![](https://cdn.door43.org/obs/jpg/360px/obs-en-12-10.jpg)

ଲାଗିଙ୍ଗ୍ ହେୱାର୍ ହାମ୍‌ଦୁର୍ ବିତ୍ରେଆତି ହାଜି ନିପଣ୍ ଇସ୍ରାଏଲନି ମାନାୟାରିଙ୍ଗ୍ ପେସ୍‌ଦି ଅତାର୍, ମାତର୍ ଈଶ୍ୱର ମିଶର ଦେସ୍‌ତାକାରିଙ୍ଗ୍ କଷ୍ଟ ହିତାନ୍ ଆରେ ହେୱାର୍ ରତ୍‌କୁକାଙ୍ଗ୍ ହଟ୍‌ପି କିତାର୍। ହେୱାର୍ ରାଟୁକିଜି ୱେଚ୍‌ଚାର୍, “ହନ୍‌ଞ୍ଚି ହାଲାଟ୍‌! ଈଶ୍ୱର ଇସ୍ରାଏଲନି ମାନାୟାର୍ ନିପଣ୍ ଆଜି ଯୁଜ୍ କିନାନା।”

![](https://cdn.door43.org/obs/jpg/360px/obs-en-12-11.jpg)

ଇସ୍ରାଏଲନି ମାନାୟାର୍ ହାମ୍‌ଦୁର୍ ଆନ୍‌ଟି ପାଡ଼୍‌କା ହାର୍‌ଦାଙ୍ଗ୍ ଏକିତି ପାଚେ ଈଶ୍ୱର ମୋଶାଙ୍ଗ୍ ତା କେଇ ଆରେରଗ ଜପି କିଦେଙ୍ଗ୍ ୱେଚ୍‌ଚାନ୍। ଏଚେପାଦ୍ନା ହେୱାନ୍ ଈଶ୍ୱରତିଙ୍ଗ୍ ମାନି କିତାନ୍, ଏଜୁଙ୍ଗ୍ ମିଶର ଦେସ୍ତାକାର୍ ଜପି ଏଜୁଙ୍ଗ୍ ଡାବାଇ କିତାତ୍ ଆରେ ହାମ୍‌ଦୁର୍ ଆଗେ ଲେକେ ହାମାନ୍ ଆତାତ୍। ୱିଜୁ ମିଶର ଦେସ୍‌ନି ସେନାର୍ ହାମ୍‌ଦୁର୍‌ତାକେ ମୁଞ୍ଚାର୍।

![](https://cdn.door43.org/obs/jpg/360px/obs-en-12-12.jpg)

ଇସ୍ରାଏଲନି ମାନାୟାର୍ ଏଚେପାଦ୍ନା ହୁଡ଼୍‌ତାର୍ ମିଶର ଦେସ୍ତାକାର୍ ହାଃତାର୍‌ନା, ହେୱାର୍ ଈଶ୍ୱରତାକେ ଆହା କିତାର୍‌ ଆରେ ମୋଶା ଈଶ୍ୱରତି ରକାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଇଞ୍ଜି ହେଦାଙ୍ଗ୍ ପାର୍ତି କିତାର୍।

![](https://cdn.door43.org/obs/jpg/360px/obs-en-12-13.jpg)

ଇସ୍ରାଏଲନି ମାନାୟାର୍ ପା ଆଦିକ୍ ଏନ୍ଦ୍‌ଜି ୱାରି ଆତାର୍ ଇନେସ୍‌କି ଈଶ୍ୱର ହେୱାରିଙ୍ଗ୍ ହାଃନିତାଙ୍ଗ୍‌ ଆରେ ଦାସ୍‌ତାଙ୍ଗ୍ ରକ୍ଷା କିତାନ୍! ନଙ୍ଗୟ୍ ହେୱାର୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ପୁରାପୁରି ଇଚା ମାଚାର୍। ଇସ୍ରାଏଲନି ମାନାୟାର୍ ହେୱାରିଙ୍ଗ୍ ପୁନି ସ୍ୱାଦିନ୍‌ତିଙ୍ଗ୍ ମାନି କିଦେଙ୍ଗ୍ ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିନି କାଜିଙ୍ଗ୍ କେତେକ୍ କେର୍‌କଣିଙ୍ଗ୍ କେର୍‌ତାର୍ ଇନେସ୍‌କି ହେୱାନ୍ ମିଶର ଦେସ୍‌ତାକାର୍ ସେନାର୍‌ତାଙ୍ଗ୍ ହେୱାରିଙ୍ଗ୍ ରକ୍ଷା କିଜି ମାଚାନ୍।

![](https://cdn.door43.org/obs/jpg/360px/obs-en-12-14.jpg)

ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ମିଶର ଦେସ୍‌ତାକାର୍ ଜପି ଇନେସ୍ ଜିତା ଆତାନ୍ ଆରେ ହେୱାରିଙ୍ଗ୍ ଦାସ୍‌ତାଙ୍ଗ୍ ଇନେସ୍ କିଜି ଉଦାର୍ କିତାନ୍, ହେଦାଙ୍ଗ୍ ଏତୁକିନି କାଜିଙ୍ଗ୍ ଇସ୍ରାଏଲନି ମାନାୟାରିଙ୍ଗ୍ ନିସ୍ତାର ପାର୍ବୁ ମାନି କିଦେଙ୍ଗ୍ ଆଦେସ୍ ହିତାନ୍। ହେୱାର୍ ର ଚିନା ହିଲ୍‌ୱି ମେଣ୍ଢା ହିମ୍‌ଣାତିଙ୍ଗ୍ ବଲି ପୁଜା ହିତି କାଜିଙ୍ଗ୍ ଆରେ ତାଡ଼ି ମାହାଆୱିତି ରୁଟି ହୁଦାଙ୍ଗ୍ ହେଦାଙ୍ଗ୍‌ତିଙ୍ଗ୍ ତିନ୍‌ଞ୍ଜି ପାର୍ବୁ ମାନି କିତାର୍।

*ବାଇବଲ୍‌ନି ର କାତା: ଯାତ୍ରାବହି ୧୨: ୩୩- ୧୫: ୨୧*

## 13. ୧୩. ଇସ୍ରାଏଲନି ମାନାୟାର୍ ହୁଦାଙ୍ଗ୍ ଈଶ୍ୱର ନିୟମ୍ କିତାର୍

https://openbiblestories.org/l/peg/story-13/

![](https://cdn.door43.org/obs/jpg/360px/obs-en-13-01.jpg)

ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ଲୋହିତ ହାମ୍‌ଦୁର୍ ନାପ୍‌ତି ପାଚେ, ହେୱାନ୍ ର ଟାଙ୍ଗ୍ରାବାହା ନିପଣ୍ ଆଜି ସୀନୟ ତର୍‌ଦି ମାଡ଼ିତାକେ ତାସି ୱାତାନ୍। ମୋଶା ଇମେତାକେ କାଚାଆନି ବୁଟା ହୁଡ଼୍‌ଜି ମାଚାନ୍ ଇଦାଙ୍ଗ୍ ହେ ମାଡ଼ି ମାଚାତ୍‌। ମାନାୟାର୍ ହେ ମାଡ଼ି ତାରେନ୍ କୁଡ଼ିୟାଙ୍ଗ୍ ରସ୍ତାର୍।

![](https://cdn.door43.org/obs/jpg/360px/obs-en-13-02.jpg)

ଈଶ୍ୱର ମୋଶାଙ୍ଗ୍ ଆରେ ଇସ୍ରାଏଲନି ମାନାୟାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି ନା ଆଦେସ୍ ମାନି କିନାଦେର୍ ଆରେ ନା ନିୟମ୍‌ତିଙ୍ଗ୍ ରକ୍ଷା କିନାଦେର୍ ଲାଗିଙ୍ଗ୍ ଏପେଙ୍ଗ୍ ନା ରୁଣ୍ଡାଇ କିତି ଦନ୍, ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ ରାଜା ଲାତ୍ରା ଆରେ ର ପବିତ୍ର ଦେସ୍ ଆନାତ୍।”

![](https://cdn.door43.org/obs/jpg/360px/obs-en-13-03.jpg)

ତିନ୍‌ଦିନ୍ ପାଚେମାନାୟାର୍ ଜାର୍‌ତିଙ୍ଗ୍ ଆତ୍ମିକ୍ ଲେକେ ଜାଗ୍ରତ୍ କିତି ପାଚେ, ଈଶ୍ୱର ବାଦାଡ଼୍ ଗାର୍‌ଜା, ବିଜ୍‌ଲି, ଦୁଆଁ ଆରେ ର ଗାଜାକାଟ୍ ମରି ହୁଦାଙ୍ଗ୍ ସୀନୟ ମାଡ଼ି ଜପି ଜୁଜି ୱାତାନ୍। ମୋଶା ରକାନ୍ ନେ ମାଡ଼ି ଜପି ହାଞ୍ଜେଙ୍ଗ୍ ଅଡର୍ ପାୟାଆତାନ୍।

![](https://cdn.door43.org/obs/jpg/360px/obs-en-13-04.jpg)

ତାପାଚେ ଈଶ୍ୱର ହେୱାରିଙ୍ଗ୍ ତା ନିୟମ୍ ହିତାନ୍ ଆରେ ୱେଚ୍‌ଚାନ୍, “ଆନେଙ୍ଗ୍ ମି ଈଶ୍ୱର ୱିଜୁତାଙ୍ଗ୍ ଶାକ୍ତିକାଟି ମାପୃ, ଇନେର୍ ମିଙ୍ଗେଙ୍ଗ୍ ମିଶର ଦେସ୍ତାଙ୍ଗ୍ ଦାସ୍‌ତାଙ୍ଗ୍ ରକ୍ଷା କିଜି ତାସିୱାତାନ୍। ଜେକନି ପେନ୍‌କୁ ପୁଦାକାଙ୍ଗ୍ ପୁଜା କିମାଟ୍।”

![](https://cdn.door43.org/obs/jpg/360px/obs-en-13-05.jpg)

“ଇମ୍‌ଣି ମୁର୍ତି ରହ୍‌ମାଟ୍ ଆରେ ହେୱେକାଙ୍ଗ୍ ପୁଜା କିମାଟ୍, ଇନେସ୍‌କି ଆନେଙ୍ଗ୍ ରିସା ଆନି ମାପୃ। ନା ତର୍ ଅସନ୍‌ମାନ୍ ବାବ୍‌ରେ ବ୍ୟବହାର୍ କିମାଟ୍। ଜମ୍‌ନି ଦିନ୍‌ତିଙ୍ଗ୍ ପବିତ୍ର ବାବ୍‌ରେ ମାନି କିୟାଟ୍। ଜେକନି ଅର୍ତତାଙ୍ଗ୍, ଆପ୍‌କା ଚଅ ଦିନ୍‌ତ ମି ୱିଜୁ କାମାୟ୍ କିନାଦେର୍, ମାତର୍ ସାତ୍ ଦିନ୍‌ତ ମି କାଜିଙ୍ଗ୍ ଜମ୍‌ନି ଦିନ୍ ଆନାତ୍ ଆରେ ଏପେଙ୍ଗ୍ ନାଙ୍ଗେଙ୍ଗ୍ କୁକ୍ତାନାଦେର୍।”

![](https://cdn.door43.org/obs/jpg/360px/obs-en-13-06.jpg)

“ମି ଆୟା ଆବାରିଙ୍ଗ୍ ସନ୍‌ମାନ୍ କିୟାଟ୍। ମାନାୟ୍ ଅହ୍‌ମାଟ୍, ଦାରି କାମାୟ୍ କିମାଟ୍, ଚର୍ କିମାଟ୍, ମିଚ୍ କାତା ୱେଚ୍‌ମାଟ୍। ମି ପାଡ଼୍‌ହା ଇଲ୍‌ନି କଗ୍‌ଲେଙ୍ଗ୍, ତାଞ୍ଜ କି ପାଡ଼୍‌ହା ଇଲ୍‌ନି ଜେକ ଇନାକା ପା ଜିନିଷ୍‌ତିଙ୍ଗ୍ ଇମ୍‌ଣାକା ତାଦି, ହେଦାଙ୍ଗ୍‌ତିଙ୍ଗ୍ ଲବ୍ ଆମାଟ୍।”

![](https://cdn.door43.org/obs/jpg/360px/obs-en-13-07.jpg)

ତାପାଚେ ଈଶ୍ୱର ରିଣ୍ଡାଙ୍ଗ୍ ଚାପ୍‌ଟା କାଲ୍‌କୁକାଙ୍ଗ୍ ଇ ଦଶ୍ ଗଟା ଆଦେଙ୍ଗ୍ ଲେକିକିତାନ୍ ଆରେ ମୋଶାଙ୍ଗ୍ ହିତାନ୍। ଈଶ୍ୱର ଆରେ କେତେକ୍ ସାସ୍ତର୍‌ନି ନିୟମ୍ ଆରେ ନିତିନିୟମ୍ ୱିଜୁ ମାନି କିଦେଙ୍ଗ୍ ହିତାନ୍। ଈଶ୍ୱର ପାର୍ମାଣ୍ କିଜି ୱେଚ୍‌ଚାନ୍, ମାନାୟାର୍ ଯଦି ଇ ସାସ୍ତର୍‌ନି ନିୟମ୍ ମାନି କିନାର୍, ଲାଗିଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିନାନ୍ ଆରେ ରକ୍ଷା କିନାନ୍। ହେୱାର୍ ଯଦି ହେ ୱିଜୁତିଙ୍ଗ୍ ମାନି କିଉର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

![](https://cdn.door43.org/obs/jpg/360px/obs-en-13-08.jpg)

ଈଶ୍ୱର ଆରେ ପା ଇସ୍ରାଏଲନି ମାନାୟାରିଙ୍ଗ୍ ର ପୁଟ୍ କୁଡ଼ିଆତିଙ୍ଗ୍ ଚଚ୍‌ଚି ୱେଚ୍‌ଚାନ୍‌, ହେଦାଙ୍ଗ୍‌ତିଙ୍ଗ୍ ହେୱାର୍ କିୟେର୍ ଇଞ୍ଜି ହେୱାନ୍ ୱେଚ୍‌ଚି ମାଚାନ୍। ଇଦାଙ୍ଗ୍‌ତିଙ୍ଗ୍ ମାନାୟାର୍ ମାହାଆନି ପୁଟ୍ କୁଡ଼ିଆ ଇଞ୍ଜି ୱେଚ୍‌ଚିମାଚାର୍। ଆରେ ଇବେତାଙ୍ଗ୍ ରିଣ୍ଡାଙ୍ଗ୍ କୁଡ଼ିଆ ମାଚିକ୍ ହେଦାଙ୍ଗ୍‌ତିଙ୍ଗ୍ ର ଗାଜା ପାର୍‌ଦା ବାଗ୍ କିଜି ମାଚାତ୍। ହେବେ ଈଶ୍ୱରହେବାକିନି ମୁଡ଼୍‌ଦି ପୁଜାରି ନେ ପାର୍‌ଦାନି ପାଚ୍‌ବାଗାୟ୍ ମାନି ଇଞ୍ଜ ହାନି କାଜିଙ୍ଗ୍ ଆଦେସ୍ ପାୟାଆଜି ମାଚାନ୍, ଇନେସ୍‌କି ଈଶ୍ୱର ହେବେ ମାନାକା।

![](https://cdn.door43.org/obs/jpg/360px/obs-en-13-09.jpg)

ଇମ୍‌ଣି ମାନାୟ୍ ଈଶ୍ୱର ସାସ୍ତର୍‌ତିଙ୍ଗ୍ ମାନିକିୱିତିସ୍ ହେୱାନ୍ ଈଶ୍ୱରତାଙ୍ଗ୍‌ ର ବଲି ପୁଜା ଲେକେ ର ପଶୁତିଙ୍ଗ୍ ମାନାୟାର୍ ମାହାଆନି ମୁମ୍‌ଦ ମାନି ବେଦି ଲାଗାୟ୍ ତାସି ୱାଦେଙ୍ଗ୍ ଆଡ଼୍‌ଜି ମାଚାର୍। ରକାନ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରି ପଶୁତିଙ୍ଗ୍ ମାର୍ନେ ଅସ୍ତି ହେଦାଙ୍ଗ୍‌ତିଙ୍ଗ୍ ବେଦିତାକେ କାଡିକିଜି ମାଚାନ୍। ବଲି ପୁଜାକିତି ପଶୁନି ନେତେର୍ ହେ ମାନାୟ୍‌ନି ପାପ୍‌ତିଙ୍ଗ୍ ଡାବାୟ୍ କିଜି ମାଚାତ୍ ଆରେ ହେ ମାନାୟ୍ ଈଶ୍ୱର କାଣ୍‌କୁକାଙ୍ଗ୍ ସୁଚି ଆଜି ମାଚାନ୍। ଈଶ୍ୱର ମୋଶା ଟଣ୍ଡାହି ହାରୋଣ ଆରେ ହାରୋଣ ଲାତ୍ରାତିଙ୍ଗ୍ ତା ଈଶ୍ୱର ହେବାକିନି ମୁଡ଼୍‌ଦି ପୁଜାରି ଆନି କାଜିଙ୍ଗ୍ ବାଚି କିତାନ୍।

![](https://cdn.door43.org/obs/jpg/360px/obs-en-13-10.jpg)

ୱିଜୁ ମାନାୟାର୍ ଈଶ୍ୱର ହେୱାରିଙ୍ଗ୍ ହିଜିମାଚି ସାସ୍ତର୍‌ତିଙ୍ଗ୍ ମାନି କିନି କାଜିଙ୍ଗ୍, ଆରେ ଈଶ୍ୱରତିଙ୍ଗ୍ ନେ ହେବାକିନି କାଜିଙ୍ଗ୍ ଆରେ ତା ଜାର୍‌ ମାନାୟ୍ ଆନି କାଜିଙ୍ଗ୍ ରାଜି ଆତାନ୍। ମାତର୍ ହେୱାର୍ ଈଶ୍ୱର କାତାତିଙ୍ଗ୍ ମାନିକିନି କାଜିଙ୍ଗ୍ ପାର୍ମାଣ୍ କିନି ଅଲପ୍ ହାଚି ପାଚେ ହେୱାର୍ ବୟଙ୍କାର୍ ପାପ୍ କିତାର୍।

![](https://cdn.door43.org/obs/jpg/360px/obs-en-13-11.jpg)

ବେସି ଦିନ୍ ଆସ୍ତି ମୋଶା ଈଶ୍ୱର ହୁଦାଙ୍ଗ୍ ସୀନୟ ମାଡ଼ିନି ମୁଣ୍ଡିତାକେ କାତାବାର୍‌ତା କିଜି ମାଚାନ୍। ମୋଶା ୱାନାକାଦିଙ୍ଗ୍ କାସି ମାନୁ-ମାନୁ ମାନାୟାର୍ ୱାସ୍ତାର୍ ଆରେ ସମ୍ୱାଲି କିୱାଦାଙ୍ଗ୍ ନିଙ୍ଗ୍‌ତାର୍। ଲାଗିଙ୍ଗ୍ ହେୱାର୍ ହାରୋଣ ଲାଗାୟ୍ ହାନା ତାହିୱାଜି ହେୱାନିଙ୍ଗ୍ ହେୱାର୍ କାଜିଙ୍ଗ୍ ର ମୁର୍ତି ରସ୍ତେଙ୍ଗ୍ ୱେଚ୍‌ଚାର୍!

![](https://cdn.door43.org/obs/jpg/360px/obs-en-13-12.jpg)

ହାରୋଣ ହେ ହନାତାଙ୍ଗ୍ ର ବାଚି ହିମ୍‌ଣାନି ମୁର୍ତି ରସ୍ତାନ୍। ମୁର୍ତିତିଙ୍ଗ୍ ପୁଜା କିନିହିଙ୍ଗ୍ ମାନାୟାର୍ କାଲିଙ୍ଗ୍ ଲାନ୍ଦାଙ୍ଗ୍ ଉଣ୍‌ଜି ବେସି କରାପ୍ ଆତାର୍‌ ଆରେ ବଲି ପୁଜା କିତାର୍! ହେୱାର୍ ପାପ୍ କାଜିଙ୍ଗ୍ ହେୱାର୍‌ତାକେ ଈଶ୍ୱର ବେସି ରିସା କିଜି ମାଚାନ୍ ଆରେ ହେୱାରିଙ୍ଗ୍ ନଷ୍ଟ କିଦେଙ୍ଗ୍ ଇଚା କିତାନ୍।

![](https://cdn.door43.org/obs/jpg/360px/obs-en-13-13.jpg)

ମାତର୍ ମୋଶା ହେୱାର୍ କାଜିଙ୍ଗ୍ ପାର୍ତାନା କିତାନ୍, ଆରେ ଈଶ୍ୱର ତା ପାର୍ତାନାତିଙ୍ଗ୍ ୱେଚାନ୍ ଆରେ ହେୱାରିଙ୍ଗ୍ ନଷ୍ଟ କିୱାତାନ୍। ମୋଶା ଏଚେପାଦ୍ନା ମାଡ଼ିତାଙ୍ଗ୍ ତାରେନ୍ ଜୁଜି ୱାତାନ୍ ଆରେ ହେ ମୁର୍ତି ହୁଡ଼୍‌ତାନ୍, ହେୱାନ୍ ଏଚେକ୍ ରିସା କିଜି ମାଚାନ୍ ଯେ ଈଶ୍ୱର ଇମ୍‌ଣି କାଲ୍‌ ପାଟାତାକେ ଦଶ୍ ଗାଟା ଆଦେସ୍ ଲେକିକିଜି ମାଚାନ୍ ହେୱାନ୍ ହେଦାଙ୍ଗ୍‌ତିଙ୍ଗ୍ ତୁସିହିଜି ଗୁଣ୍ଡା କିଜି ଚାପାତାନ୍।

![](https://cdn.door43.org/obs/jpg/360px/obs-en-13-14.jpg)

ତାପାଚେ ମୋଶା ହେ ମୁର୍ତିତିଙ୍ଗ୍ ଡ୍ରିକ୍‌ଚି ଗୁଣ୍ଡା କିତାନ୍, ଆରେ ହେ ଗୁଣ୍ଡାତିଙ୍ଗ୍ ଅଲପ୍ ଏଜୁକାଙ୍ଗ୍ ତୁସିହିତାନ୍ ଆରେ ହେୱାରିଙ୍ଗ୍ ହେ ଏଜୁକାଙ୍ଗ୍ ଉଣ୍ଡେଙ୍ଗ୍ ହିତାନ୍। ଈଶ୍ୱର ମାନାୟାର୍ ବିତ୍ରେ ମାର୍‌ଡି ପକ୍ତାନ୍ ଆରେ ହେ ମାର୍‌ଡିତାଙ୍ଗ୍ କେତେକ୍ ହେନି ମାନାୟ୍ ହାଃତାର୍। ମୋଶା ଇମ୍‌ଣି ପାର୍ତୁମ୍ କାଲ୍ ପାଟାତିଙ୍ଗ୍ ଡ୍ରିକ୍‌ଚି ମାଚାନ୍ ତା ବାଦୁଲ୍‌ତ ହେୱାନ୍ ର ପୁନି କାଲ୍ ପାଟାତାକେ ଦଶ୍ ଗଟା ଆଦେସ୍ ଲେକିକିତାନ୍।

![](https://cdn.door43.org/obs/jpg/360px/obs-en-13-15.jpg)

ତାପାଚେ ହେୱାନ୍ ଆରେରଗ ହେ ମାଡ଼ିତାକେ ଦୁମ୍‌ତାନ୍ ଆରେ ମାନାୟାରିଙ୍ଗ୍ କେମା ହିନି କାଜିଙ୍ଗ୍ ଈଶ୍ୱର ଲାଗାୟ୍ ପାର୍ତାନା କିତାନ୍। ଈଶ୍ୱର ହେ ପାର୍ତାନାତିଙ୍ଗ୍ ୱେନ୍‌ଞ୍ଜି ହେୱାରିଙ୍ଗ୍ କେମା କିତାନ୍। ମୋଶା ମାଡ଼ିତାଙ୍ଗ୍ ପୁନି ଚାପ୍‌ଟା କାଲ୍‌ତାକେ ଦଶ୍ ଗଟା ଆଦେସ୍ ହୁଦାଙ୍ଗ୍ ତାରେନ୍ ଜୁତାନ୍। ତାପାଚେ ଈଶ୍ୱର ସୀନୟ ମାଡ଼ିତାଙ୍ଗ୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍ ନିପଣ୍ ଇସ୍ରାଏଲନି ମାନାୟାରିଙ୍ଗ୍ ଅସାହାଚାନ୍।

*ବାଇବଲ୍‌ନି ର କାତା: ଯାତ୍ରାବହି ୧୯-୩୪*

## 14. ୧୪. ଟାଙ୍ଗ୍ରାବାହାତାକେ ବୁଲାଆନାକା

https://openbiblestories.org/l/peg/story-14/

![](https://cdn.door43.org/obs/jpg/360px/obs-en-14-01.jpg)

ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ନିୟମ୍ ୱିଜୁ ହେୱାନ୍ ହେୱାରିଙ୍ଗ୍ ହେୱାର୍ ହୁଦାଙ୍ଗ୍ ରାଜିରାମାନି ର ବାଗ୍ ଆଜି ମାନି କିଦେଙ୍ଗ୍ ଇଚାକିଜି ମାଚାନ୍‌, ୱେଚ୍‌ଚି ଦାପ୍ରେ ହେୱାର୍ ସନୀୟ ମାଡ଼ିତାଙ୍ଗ୍ ହସିୱାତାର୍। ଈଶ୍ୱର ହେୱାରିଙ୍ଗ୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍ ନିପଣ୍ ଅଦେଙ୍ଗ୍ ଆରମ୍ କିତାନ୍, ହେ ଦେସ୍‌ତିଙ୍ଗ୍ କିଣାନ ଦେସ୍ ଇଞ୍ଜି ୱେଚ୍‌ଚି ମାଚାର୍। ବାଦାଡ଼୍‌ନି ଦୁଆଁ ହେୱାର୍ ଆଗେ-ଆଗେ କିଣାନ ଦେସ୍ ନିପଣ୍ ହାଲ୍‌ଜି ମାଚାତ୍ ଆରେ ହେୱାର୍ ତା ପାଚେ-ପାଚେ ହାଲ୍‌ଜି ମାଚାର୍।

![](https://cdn.door43.org/obs/jpg/360px/obs-en-14-02.jpg)

ଈଶ୍ୱର ଅବ୍ରାହାମ, ଇସାହାକ ଆରେ ଯାକୁବଙ୍ଗ୍ ପାର୍ମାଣ୍ କିଜି ମାଚାନ୍‌, ଯେ ହେୱାନ୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍ ହେୱାର୍ ଲାତ୍ରାନି ମାନାୟାରିଙ୍ଗ୍ ହିନାନ୍, ମାତର୍ ନଙ୍ଗୟ୍ ହେ ବାହାତାକେ କେତେକ୍ ମାନାୟ୍ ମାନ୍ଦା ବାହା କିଜି ମାଚାର୍। ହେୱାରିଙ୍ଗ୍ କିଣାନୀୟ ଇଞ୍ଜି ୱେଚ୍‌ଚି ମାଚାର୍। କିଣାନ୍ ଦେସ୍ତାକାର୍ ଈଶ୍ୱରତିଙ୍ଗ୍ ପୁଜା କିୱାଦାଙ୍ଗ୍ ମାଚାର୍‌ କି ତା ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ମାଚାର୍। ହେୱାର୍ ମିଚ୍‌ୱା ଦେବିତିଙ୍ଗ୍ ପୁଜାକିଜି ମାଚାର୍ ଆରେ କେତେକ୍ କରାପ୍ କାମାୟ୍ କିଜି ମାଚାର୍।

![](https://cdn.door43.org/obs/jpg/360px/obs-en-14-03.jpg)

ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ୱେଚ୍‌ଚାନ୍, “ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍ ତାକେ ଏପେଙ୍ଗ୍ ୱିଜାକାଦେର୍ ହେବେ ମାନି କିଣାନୀୟ ମାନାୟାରିଙ୍ଗ୍ ପେଜାଟ୍‌। ହେୱାର୍ ହୁଦାଙ୍ଗ୍ ଶାନ୍ତି ରହ୍‌ମାଟ୍‌ କି ହେୱାରିଙ୍ଗ୍ ବିବା ଆମାଟ୍। ଏପେଙ୍ଗ୍ ହେ ୱିଜୁ ମୁର୍ତିକାଙ୍ଗ୍ ନଷ୍ଟ କିନାଦେର୍‌। ଏପେଙ୍ଗ୍ ଯଦି ନା ଆଦେସ୍‌ତିଙ୍ଗ୍ ମାନି କିଉଦେର୍, ନା ବାଦୁଲ୍‌ତ ଏପେଙ୍ଗ୍ ହେୱାର୍ ମୁର୍ତିକାଙ୍ଗ୍ ପୁଜା କିଉଦେର୍।”

![](https://cdn.door43.org/obs/jpg/360px/obs-en-14-04.jpg)

ଇସ୍ରାଏଲନି ମାନାୟାର୍ ଏଚେପାଦ୍ନା କିଣାନ ଦେସ୍‌ନି ହାନ୍ଦିତାକେ ଇକାତାର୍, ହେପାଦ୍ନା ମୋଶା ୱିଜୁ ଜାତିତାଙ୍ଗ୍ ରକାର୍-ରକାର୍ କିଜି ବାରଜାଣ୍ ଆଣ୍ଡ୍ରାହିମ୍‌ଣାକାଙ୍ଗ୍ ବାଚି କିତାନ୍। ହେୱାନ୍ ମାନାୟାରିଙ୍ଗ୍ ହେ ଦେସ୍‌ତାକେ ହାଲ୍‌ଜି ହେଦାଙ୍ଗ୍ ହୁଡ଼୍‌ଦେଙ୍ଗ୍ ଇନେସ୍ ମାନାତ୍ ହେଦାଙ୍ଗ୍ ଡ଼ୁଗ୍‌ଜି ହୁଡ଼୍‌ଜି ୱାନି କାଜିଙ୍ଗ୍ ଆଦେସ୍ ହିଜି ମାଚାନ୍। କିଣାନ ଦେସ୍‌ତାକାର୍ ଶାକ୍ତି କାଟାକାର୍ କି ଦୁର୍ବଲ୍ କାଟାକାର୍ ମାନାର୍ ହେଦାଙ୍ଗ୍ ପା ବୁଜାଆଜି ୱାଦେଙ୍ଗ୍ ହେୱାରିଙ୍ଗ୍ ୱେଚ୍‌ଚି ମାଚାନ୍।

![](https://cdn.door43.org/obs/jpg/360px/obs-en-14-05.jpg)

ହେ ବାରଜାଣ୍ କିଣାନ ଦେସ୍ ୱିଜୁ ନିପଣ୍ ଚାଲିସ୍ ଦିନ୍ ବୁଲାଆଜି ଲେଉଟାଆଜି ୱାତାର୍। ହେୱାର୍ ମାନାୟାରିଙ୍ଗ୍ ୱେଚ୍‌ଚାର୍, “ହେ ଦେସ୍‌ତି ଜମି ବେସି ଗାତ୍ ଆରେ ହେବେ ବେସି ପାଡ଼୍ ଆହ୍‌ନାତ୍! ମାତର୍ ହେ ବୁଜାଆତି ମାନାୟାର୍ ବିତ୍ରେତାଙ୍ଗ୍ ଦଶ୍‌ଜାଣ୍ ୱେଚ୍‌ଚାର୍, ହେବେନି ଦେସ୍ ବେସି ବାଡ଼୍‌କାସ୍ ଆରେ ହେବେନି ମାନାୟାର୍ ବେସି ଶାକ୍ତି କାଟାକାର୍‌! ଯଦି ଆସେଙ୍ଗ୍ ହେୱାରିଙ୍ଗ୍ ଜୁଜ୍ କିନାସ୍‌, ହେୱାର୍ ହାତ୍‌ପା ମାଙ୍ଗେଙ୍ଗ୍ ଆରାୟ୍‌କିଜି ମାର୍ନେ ଅସ୍ତାନାର୍।”

![](https://cdn.door43.org/obs/jpg/360px/obs-en-14-06.jpg)

ହେଦାପ୍ରେ ଜେକିନି ରିକାର୍ ଡ଼ୁଗ୍‌ଜି ଚର୍ କିନାକାନ୍ କାଲେବ ଆରେ ଯିହୋଶୁୟ ୱେଚ୍‌ଚାନ୍, “ଇଦାଙ୍ଗ୍ ସତ୍ ଯେ କିଣାନ ଦେସ୍‌ନି ମାନାୟାର୍ ଡେଙ୍ଗା ଆଜି ପାନ୍ତାକାର୍ ଆରେ ଶାକ୍ତି କାଟାକାର୍‌, ମାତର୍ ଆସେଙ୍ଗ୍ ହେୱାରିଙ୍ଗ୍ ହାତ୍‌ପା ଆରାୟ୍ କିନାସ୍! ଈଶ୍ୱର ମା ନିପଣ୍ ଆଜି ଜୁଜ୍ କିନାନ୍।”

![](https://cdn.door43.org/obs/jpg/360px/obs-en-14-07.jpg)

ମାତର୍ ମାନାୟାର୍ କାଲେବ ଆରେ ଯିହୋଶୁୟ କାତା ମାନି କିୱାତାର୍। ହେୱାର୍ ମୋଶା ଆରେ ହାରୋଣଙ୍ଗ୍ ରିସା ଆଜି ୱେଚ୍‌ଚାର୍, “ଏନେଙ୍ଗ୍ ଇନାକିଦେଙ୍ଗ୍ ମାଙ୍ଗେଙ୍ଗ୍ ଇଲେଗ୍‌ଦି ର ବୟଙ୍କାର୍ ବାହାତାକେ ତାସିୱାତ୍‌ତାୟ୍‌ନା? ଆପେଙ୍ଗ୍ ଜୁଜ୍‌କିନି ବାହାତାକେ ହାଃନି ବାଦୁଲ୍ ମିଶର ଦେସ୍‌ତାକେ ମାନାକା ଟିକ୍ ମାଚାତ୍ ଆରେ ମା କଗ୍‌ଲେକ୍ ଆରେ ହିମ୍‌ଣା ୱାକ୍‌ଡ଼ାର୍ ଦାସ୍ ଲେକେ ମାଚାର୍‌ମା।” ମାନାୟାର୍ ହେୱାର୍ କାଜିଙ୍ଗ୍ ଜେକନିକାନ୍ ରକାନ୍ ନେତା ବାଚିକିଦେଙ୍ଗ୍ ଇଚା କିତାର୍ ଇନେର୍‌କି ହେୱାରିଙ୍ଗ୍ ଆରେରଗ ମିଶର ଦେସ୍‌ତ ଅସାହାନାର୍।

![](https://cdn.door43.org/obs/jpg/360px/obs-en-14-08.jpg)

ଈଶ୍ୱର ବେସି ରିସା ଆତାନ୍ ଆରେ ମାନାୟାର୍ ରୁଣ୍ଡାଆନି ପୁଟ୍ କୁଡ଼ିଆତାକେ ୱାତାର୍। ଈଶ୍ୱର ୱେଚ୍‌ଚାନ୍, “ଏପେଙ୍ଗ୍ ନା ବିରଦ୍‌ତାକେ ବିରଦ୍‌ କିନାଦେରା, ହେଦାଙ୍ଗ୍ କାଜିଙ୍ଗ୍ ୱିଜୁ ମାନାୟାର୍ ଟାଙ୍ଗ୍ରା ବାହାତାକେ ହାଜିବାଣା ଆତି ଲେକେ ବୁଲାଆଦେଙ୍ଗ୍ ଆନାତ୍। ଯିହୋଶୁୟ ଆରେ କାଲେବଙ୍ଗ୍ ପିସ୍ତି ୱିଜୁ କୁଡ଼େ ବାର୍‌ହୁ କି ଜପିଣି ୱିଜାକାଦେର୍ ହେବେ ହାଃନାର୍ ଆରେ ହେୱାର୍ ପାର୍ମାଣ୍ କିତି ଦେସ୍‌ତାକେ ଇନାୱାଡ଼ାଙ୍ଗ୍ ପା ହଣ୍ଡେଙ୍ଗ୍ ଆଡୁର୍।”

![](https://cdn.door43.org/obs/jpg/360px/obs-en-14-09.jpg)

ମାନାୟାର୍ ଏଚେପାଦ୍ନା ଇଦାଙ୍ଗ୍ ୱେଚାର୍, ହେପାଦ୍ନା ହେୱାର୍ ଯେ ପାପ୍ କିତାର୍‌ନା ହେଦାଙ୍ଗ୍ କାଜିଙ୍ଗ୍ ଦୁକ୍ କିତାର୍। ହେୱାର୍ ତା କାଣ୍ଡାଙ୍ଗ୍ ଅଜି କିଣାନ ଦେସ୍‌ତ ମାନି ମାନାୟାରିଙ୍ଗ୍‌ ଜୁଜ୍ କିଦେଙ୍ଗ୍ ହତାର୍। ମୋଶା ହେୱାରିଙ୍ଗ୍ ହାନି କାଜିଙ୍ଗ୍ ମୁନା କିତାନ୍ ଇନେସ୍‌କି ଈଶ୍ୱର ହେୱାର୍ ହୁଦାଙ୍ଗ୍ ହିଲ୍‌ୱାତାନ୍, ମାତର୍ ହେୱାର୍ ତା କାତାତିଙ୍ଗ୍ ୱେନ୍‌ୱାତାର୍।

![](https://cdn.door43.org/obs/jpg/360px/obs-en-14-10.jpg)

ଈଶ୍ୱର ହେ ଜୁଜ୍‌କିନି ବାହାତାକେ ହେୱାର୍ ହୁଦାଙ୍ଗ୍ ହାଲ୍‌ୱାତାନ୍, ଲାଗିଙ୍ଗ୍ ହେୱାର୍ ଆରାଆତାର୍ ଆରେ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ହାଃତାର୍। ତାପାଚେ ଇସ୍ରାଏଲନି ମାନାୟାର୍ କିଣାନ ଦେସ୍‌ତାଙ୍ଗ୍ ମୁମ୍ ମଡ଼ି କିଜି ଟାଙ୍ଗ୍ରା ବାହାତାକେ ଚାଲିଶ୍ ବାର୍‌ହୁ ପାତେକ୍ ବୁଲା ଆତାର୍।

![](https://cdn.door43.org/obs/jpg/360px/obs-en-14-11.jpg)

ଇସ୍ରାଏଲନି ମାନାୟାର୍ ଟାଙ୍ଗ୍ରା ବାହାତାକେ ବୁଲା ଆଜି ଚାଲିଶ୍ ବାର୍‌ହୁ ସମୟ୍‌ତ ଈଶ୍ୱର ହେୱାରିଙ୍ଗ୍ ୱିଜୁ ଦର୍‌କାର୍ ଆନି ବିଷୟ ଜଗାୟ୍ କିତାନ୍। ହେୱାନ୍ ମାନ୍ନା ତର୍‌ଦି ଜଣାଶୁଣା ସରଗ୍‌ନି କାଦି ହିତାନ୍। ଆରେ ଈଶ୍ୱର ହେୱାର୍ ବାହାକିତି ବାହାତାକେ ମାନ୍ଦା-ମାନ୍ଦାକିଜି ଲାୱା ପଟିଙ୍ଗ୍ ପକ୍ତାନ୍ ଇନେସ୍‌କି ହେୱାର୍ ତିନି କାଜିଙ୍ଗ୍ ଜେଇ ଗାଟା ଆନାର୍। ଇ ୱିଜୁ ସମୟତ ଈଶ୍ୱର ହେୱାର୍ ଉସ୍‌ପିନି ହେନ୍ଦ୍ରା ଆରେ କାଲ୍‌ପାନାଙ୍ଗ୍ ଜିରା ଆଦେଙ୍ଗ୍ ହିୱାତାନ୍।

![](https://cdn.door43.org/obs/jpg/360px/obs-en-14-12.jpg)

ଈଶ୍ୱର ଇଲେକେ ଚାନିଆ ଆତି ଲେକେ କାଲ୍‌କୁତାଙ୍ଗ୍ ହେୱାରିଙ୍ଗ୍ ଏଜୁଙ୍ଗ୍ ହିତାନ୍। ମାତର୍ ଇ ୱିଜୁ କାମାୟ୍ ୱିଜୁ, ଇସ୍ରାଏଲନି ମାନାୟାର୍ ଈଶ୍ୱର ଆରେ ମୋଶା ବିରଦ୍‌ତାକେ ୱେଚ୍‌ଚାର୍, “ଗୁର୍-ଗୁର୍ ଆତାର୍‌। ଇଲେକେ ୱିଜୁ ଈଶ୍ୱର ଅବ୍ରାହାମ, ଇସାହାକ ଆରେ ଯାକୁବ ହୁଦାଙ୍ଗ୍ ପାର୍ମାଣ୍‌ କାଜିଙ୍ଗ୍ ବିସ୍‌ବସ୍‌ତ ମାଚାର୍।”

![](https://cdn.door43.org/obs/jpg/360px/obs-en-14-13.jpg)

ଜେକନି ର ସମୟତ, ମାନାୟାର୍ ଏଚେପାଦ୍ନା ଏଜୁଙ୍ଗ୍ ଗାଟାଆୱାତାର୍, ଈଶ୍ୱର ମୋଶାଙ୍ଗ୍ ୱେଚ୍‌ଚାନ୍, ହେ କାଲ୍‌ଦିଙ୍ଗ୍ ବେଣ୍ କିୟା ଆରେ ହେବେତାଙ୍ଗ୍ ଏଜୁଙ୍ଗ୍ ହତ୍‌ନିକ୍। ମାତର୍ ମୋଶା କାଲ୍‌ଦିଙ୍ଗ୍ ବେଣ୍ କିତି ଦାପ୍ରେ ରିହା ବାଡେଗେ ଲାହାଙ୍ଗ୍ ଇଡ଼୍‌ତି କାଜିଙ୍ଗ୍ ୱିଜାକାର୍ ମୁମ୍‌ଦ ଈଶ୍ୱରତିଙ୍ଗ୍ ଅସନ୍‌ମାନ୍ କିତାର୍। ୱିଜାକାର୍ ଇନେସ୍ ଏଜୁଙ୍ଗ୍ ଉଣାର୍ ହେଦାଙ୍ଗ୍ କାଜିଙ୍ଗ୍ ଏଜୁଙ୍ଗ୍ ହସି ୱାତିକ୍, ମାତର୍ ଈଶ୍ୱର ମୋଶାଙ୍ଗ୍ ରିସା ଆତାନ୍ ଆରେ ହେୱାନ୍ ୱେଚ୍‌ଚାନ୍, ଏପେଙ୍ଗ୍ ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍‌ତିଙ୍ଗ୍ ହାଞ୍ଜେଙ୍ଗ୍ ଆଡୁଦେର୍‌।

![](https://cdn.door43.org/obs/jpg/360px/obs-en-14-14.jpg)

ଇସ୍ରାଏଲନି ମାନାୟାର୍ ଚାଲିଶ୍ ବାର୍‌ହୁ ଟାଙ୍ଗ୍ରା ବାହାତାକେ ବୁଲାଆତି ପାଚେ, ଈଶ୍ୱର ବିରଦ୍‌ତାକେ ଏଚେଜାଣ୍ ବିରଦ୍‌ କିଜି ମାଚାର୍, ୱିଜାକାର୍ ହାଃତାର୍। ତାପାଚେ ଈଶ୍ୱର ଆରେରଗ ପାର୍ମାଣ୍ କିତି ଦେସ୍‌ନି ହାନ୍ଦିତାକେ ଅସିହାଲ୍‌ଜି ମାଚାନ୍‌। ମୋଶା ନଙ୍ଗୟ୍ ବେସି ବୁଡ଼୍‌ହି ଆଜି ମାଚାନ୍‌, ଲାଗିଙ୍ଗ୍ ମାନାୟାରିଙ୍ଗ୍ ହାଜି ଚଚ୍‌ନି କାଜିଙ୍ଗ୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ହେୱାନ୍ ଯିହୋଶୁୟଙ୍ଗ୍‌ ବାଚି କିତାନ୍। ଈଶ୍ୱର ମୋଶାଙ୍ଗ୍ ଆରେ ର ପାର୍ମାଣ୍ କିତାନ୍ ଯେ, ହେୱାନ୍ ମୋଶା ଲେକେ ଆରେ ରକାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତିଙ୍ଗ୍ ପକ୍ତାନାନ୍।

![](https://cdn.door43.org/obs/jpg/360px/obs-en-14-15.jpg)

ତାପାଚେ ଈଶ୍ୱର ମୋଶାଙ୍ଗ୍ ର ମାଡ଼ିନି ଟିପ୍‌ତାକେ ଦୁମ୍‌ଦେଙ୍ଗ୍ ୱେଚ୍‌ଚାନ୍, ଇନେସ୍‌କି ହେୱାନ୍ ହେବେତାଙ୍ଗ୍ ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍ ହୁଡ଼୍‌ଦେଙ୍ଗ୍ ଆଡ୍‌ନାନ୍। ମୋଶା ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍‌କିତି ଦେସ୍ ହୁଡ଼୍‌ଦେଙ୍ଗ୍ ଆଡ଼୍‌ଜି ମାଚାନ୍ ମାତର୍ ହେୱାନ୍ ହେବେ ହାଞ୍ଜେଙ୍ଗ୍ ଈଶ୍ୱର ଆଦେସ୍‌ ହିୱାତାନ୍। ତାପାଚେ ମୋଶା ହାଃତାନ୍, ଆରେ ଇସ୍ରାଏଲନି ମାନାୟାର୍ ତିରିଶ୍ ଦିନ୍ ତା କାଜିଙ୍ଗ୍ ଆଡ଼୍‌ବାତାର୍। ଯିହୋଶୁୟ ହେୱାର୍ ପୁନି ନେତା ଆତାନ୍। ଯିହୋଶୁୟ ରକାନ୍ ହାର୍‌ଦି ନେତା ମାଚାନ୍ ଇନେସ୍‌କି ହେୱାନ୍ ଈଶ୍ୱରତାକେ ଆହା ଇଡ଼୍‌ଜି ମାଚାନ୍ ଆରେ ତା ଆଦେସ୍‌ତିଙ୍ଗ୍ ମାନିକିଜି ମାଚାନ୍।

*ବାଇବଲ୍‌ନି ର କାତା: ଯାତ୍ରାବହି ୧୬- ୧୭; ଗଣନା ବହି ୧୦- ୧୪; ୨୦; ୨୭; ଦ୍ୱିତୀୟ ବିବରଣ ୩୪*

## 15. ୧୫. ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍

https://openbiblestories.org/l/peg/story-15/

![](https://cdn.door43.org/obs/jpg/360px/obs-en-15-01.jpg)

ହାରିହାରା ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍ କିଣାନ ଦେସ୍‌ତାକେ ଇସ୍ରାଏଲନି ମାନାୟାର୍ ଜାଞ୍ଜେଙ୍ଗ୍ ର ସମୟ୍ ମାଚାତ୍।ବାଡ଼୍‌କାସ୍ ବାଉଣ୍ଡେରିତାଙ୍ଗ୍ ଗାଚିୟାଆତି କିଣାନ ସହର୍ ଯିରୀହୋ ନଗର୍ ବିଷୟରେ ବୁଜାଆଜି ୱାନି କାଜିଙ୍ଗ୍ ଯିହୋଶୁୟ ରିକାର୍ ଡ଼ୁଗ୍‌ଜି ଚର୍‌ନା କାରିଙ୍ଗ୍ ପକ୍ତାନ୍। ହେ ଦେସ୍‌ତାକେ ରାହାବ ତର୍‌ଦି ରକାନ୍ ଦାରୁଲା ମାନାୟ୍ ମାଚାନ୍।ହେୱାନ୍ ହେ ଡ଼ୁଗ୍‌ଜି ଚର୍‌ନାକାରିଙ୍ଗ୍ ଡ଼ୁଗ୍‌ଜି କୁହ୍‌ଡ଼ା ଆଜି ହାଞ୍ଜେଙ୍ଗ୍ ସାଇଜ କିତାନ୍। ହେୱାନ୍ ଇଲେକେ କିତାନ୍, ଇନେସ୍‌କି ହେୱାନ୍ ଈଶ୍ୱରତାକେ ପାର୍ତି କିତାନ୍। ହେୱାର୍ ଯେ ରାହାବ ଆରେ ତା ପରିବାର୍‌ତିଙ୍ଗ୍ ରକ୍ଷା କିନାର୍।ଏଚେପାଦ୍ନା ଇସ୍ରାଏଲନି ମାନାୟାର୍ ଯିରୀହୋଙ୍ଗ୍ ନଷ୍ଟ କିନାନ୍ ଇଞ୍ଜି ପାର୍ମାଣ୍ କିତାର୍।

![](https://cdn.door43.org/obs/jpg/360px/obs-en-15-02.jpg)

ହେପାଦ୍ନା ଇସ୍ରାଏଲନି ମାନାୟାର୍ ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍‌ତାକେ ହାଞ୍ଜେଙ୍ଗ୍ ଯର୍ଦନ୍ ନାଗୁଡ଼୍ ନାସି ହାଚାର୍‌।ଈଶ୍ୱର ଯିହୋଶୁୟଙ୍ଗ୍ ୱେଚ୍‌ଚାନ୍, “ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ପାର୍ତୁମ୍ ହାଲେର୍।” ଏଚେପାଦ୍ନା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଯର୍ଦନ୍ ନାଗୁଡ଼୍‌ତ କାଲ୍ ତଗ୍‌ଦେଙ୍ଗ୍ ଆରମ୍ କିତାର୍, ହେପାଦ୍ନା ଜପିଣି ବାଗ୍‌ଦ ମାନି ଏଜୁଙ୍ଗ୍ ହାନିକିଙ୍ଗ୍ ବନ୍ଦ୍ ଆତିକ୍ ଇନେସ୍‌କି ଇସ୍ରାଏଲନି ମାନାୟାର୍ ୱାଚ୍‌ଚି ମେଦ୍‌ନିତାକେ ତାଙ୍ଗ୍‌ଜି-ତାଙ୍ଗ୍‌ଜି ଯର୍ଦନ୍ ନାଗୁଡ଼୍ ନାତାର୍‌।

![](https://cdn.door43.org/obs/jpg/360px/obs-en-15-03.jpg)

ମାନାୟାର୍ ଯର୍ଦନ୍ ନାଗୁଡ଼୍ ନାତି ପାଚେ, ଶାକ୍ତିକାଟି ଦେସ୍ ଯିରୀହୋଙ୍ଗ୍ ଇନେସ୍ ଯୁଜ୍ କିଜି ଆରାୟ୍ କିଦେଙ୍ଗ୍ ଆନାତ୍ ହେଦାଙ୍ଗ୍ ଈଶ୍ୱର ଯିହୋଶୁୟଙ୍ଗ୍ ୱେଚ୍‌ଚି ମାଚାନ୍। ମାନାୟାର୍ ଈଶ୍ୱର କାତାତିଙ୍ଗ୍ ମାନି କିତାର୍। ଈଶ୍ୱର ଇନେସ୍ ୱେଚ୍‌ଚାନ୍, ହେଲେକେ ସେନାର୍‌ ଆରେ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଦିନ୍‌ତିଙ୍ଗ୍ ରଗ ଇଲେକେ ଚଅ ଦିନ୍ ଯିରୀହୋ ଦେସ୍‌ନି ଚାରିବେଣ୍‌ତାଙ୍ଗ୍ ବୁଲାଆତାର୍।

![](https://cdn.door43.org/obs/jpg/360px/obs-en-15-04.jpg)

ତାପାଚେ ସାତ୍ ଦିନ୍‌ତ, ଇସ୍ରାଏଲନି ମାନାୟାର୍ ସାତ୍ ହଟ୍ ବୁଲାଆତାର୍। ଏଚେପାଦ୍ନା ହେୱାର୍ ଦେସ୍‌ନି ଚାରିବେଣ୍‌ତାଙ୍ଗ୍ ହାରିହାରା କାଜିଙ୍ଗ୍ ବୁଲାଆତାର୍, ହେପାଦ୍ନା ସେନାର୍‌ ଜୟ୍-ଜୟ୍ କିତାର୍ ଆରେ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ହେୱାର୍ ତା ମରିଙ୍ଗ୍ ତୁବ୍‌ତାର୍।

![](https://cdn.door43.org/obs/jpg/360px/obs-en-15-05.jpg)

ହେପାଦ୍ନା ଯିରୀହୋନି ବାଉଣ୍ଡେରି ବାଡ଼୍‌ହା ଆତାତ୍, ଈଶ୍ୱର ଆଦେସ୍ ଅନୁସାରେ ଇସ୍ରାଏଲନି ମାନାୟାର୍ ଦେସ୍‌ତାକେ ୱିଜୁ ଜିନିଷ୍‌ତିଙ୍ଗ୍ ନଷ୍ଟ କିତାର୍।ହେୱାର୍ ରାହବ ଆରେ ତା ପରିବାର୍‌ତିଙ୍ଗ୍ ନେ ରକ୍ଷା କିତାର୍, ହେୱାର୍ ଇସ୍ରାଏଲନି ଲାତ୍ରା ଆତାର୍। କିଣାନ ଦେସ୍‌ତାକେ ବାହାକିନି ଜେକନି ମାନାୟାର୍ ଏଚେପାଦ୍ନା ୱେଚାର୍ ଯେ ଇସ୍ରାଏଲନି ମାନାୟାର୍ ଯିରିହୋଙ୍ଗ୍ ନଷ୍ଟ କିତାର୍‌ନା, ହେୱାର୍ ପାଣ୍ଡ୍ରା ଆତାର୍ ଯେ ଇସ୍ରାଏଲନି ମାନାୟାର୍ ମାଙ୍ଗେଙ୍ଗ୍ ପା ଯୁଜ୍ କିଦ୍‌ନାର୍।

![](https://cdn.door43.org/obs/jpg/360px/obs-en-15-06.jpg)

କିଣାନ ଦେସ୍‌ତି ଇମ୍‌ଣି ମାନାୟ୍ ଦଳ୍ ହୁଦାଙ୍ଗ୍ ରାଜିରାମା କିୱେଦେଙ୍ଗ୍ ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିଜି ମାଚାନ୍। ମାତର୍ ଗିବିୟୋନ ତର୍‌ଦି କିଣାନ ଦେସ୍‌ତି ମାନାୟ୍ ଦଳ୍ ଯିହୋଶୁୟଙ୍ଗ୍ ମିଚ୍ ୱେଚ୍‌ଚାର୍ ଯେ ହେୱାର୍ କିଣାନ ଦେସ୍‌ତାଙ୍ଗ୍ ବେସି ଦେହା ମାନି ର ବାହାତାଙ୍ଗ୍ ୱାତାର୍‌ନା।ହେୱାର୍ ଯିହୋଶୁୟଙ୍ଗ୍ ହେୱାର୍ ହୁଦାଙ୍ଗ୍ ର ରାଜିରାମା କିନି କାଜିଙ୍ଗ୍ ୱେଚ୍‌ଚାର୍।

![](https://cdn.door43.org/obs/jpg/360px/obs-en-15-07.jpg)

ତିନ୍‌ଦିନ୍ ପାଚେ, କିଣାନ ଦେସ୍‌ତାକେ ଗିବିୟୋନୀୟ ଜାତିନି ମାନାୟାର୍ ବାହା କିନାରା ଇଞ୍ଜି ଇସ୍ରାଏଲନି ମାନାୟାର୍ ପୁଚାରା। ହେ ଗିବିୟୋନିୟନି ମାନାଯାର୍ ଇସ୍ରାଏଲନି ମାନାୟାର୍ ଟକାୟ୍ କିଜିମାଚି କାଜିଙ୍ଗ୍ ହେୱାରିଙ୍ଗ୍ ବେସି ରିସା ଆଜି ମାଚାର୍। ମାତର୍ ଇସ୍ରାଏଲନି ମାନାୟାର୍ ହେୱାର୍ ହୁଦାଙ୍ଗ୍ ଶାନ୍ତିନି ରାଜିନାମା ଈଶ୍ୱର ମୁମ୍‌ଦ କିଜି ମାଚି କାଜିଙ୍ଗ୍ ଶାନ୍ତାତାଙ୍ଗ୍ ବାହା କିତାର୍। ଆରେ କେତେକ୍ ଦିନ୍ ପାଚେ, ଗିବିୟୋନୀୟ ଜାତିନି ମାନାୟାର୍ ଇସ୍ରାଏଲନି ମାନାୟାର୍ ହୁଦାଙ୍ଗ୍ ଶାନ୍ତିନି ରାଜିନାମା କିତି କାତା କିଣାନ ଦେସ୍‌ତାକେ ବାହାକିଜି ମାଚି ଆରେ ବିନ୍‌ଜାତି ଆମରିୟନି ମାନାୟାର୍ ରାଜା ୱେଚାନ୍। ଲାଗିଙ୍ଗ୍ କିଣାନ ଆରେ ଆମରିୟନି ରାଜା ତା ସେନାରିଙ୍ଗ୍ ମାହାୟ୍ କିଜି ଗାଜା ସେନାର୍ ଦଳ୍ ଆଜି ଗିବିୟୋନ ମାନାୟାର୍ ବିରଦ୍‌ତାକେ ଯୁଦ୍ କିଦେଙ୍ଗ୍ ୱାତାର୍।ଲା ଗିଙ୍ଗ୍ ଗିବିୟୋନନି ମାନାୟାର୍ ଯିହୋଶୁୟଙ୍ଗ୍ ସାଇଜ କିଦେଙ୍ଗ୍ କାବୁର୍ ପକ୍ତାର୍।

![](https://cdn.door43.org/obs/jpg/360px/obs-en-15-08.jpg)

ଲାଗିଙ୍ଗ୍ ଯିହୋଶୁୟ ଇସ୍ରାଏଲନି ସେନା ଦଳ୍‌ତିଙ୍ଗ୍ ରବେ କିତାର୍ ଗିବିୟୋନନି ମାନାୟାର୍ ଲାଗାୟ୍ ଏକିନି କାଜିଙ୍ଗ୍ ହାର୍‌ତା ନାଣା ତାଙ୍ଗ୍‌ତାର୍। ବର୍ ନାଣାଙ୍ଗେ ହେୱାର୍ ଅମୋରୀୟ ସେନା ଦଳ୍‌ତିଙ୍ଗ୍ ଚାନିଆ କିଜି ହେୱାରିଙ୍ଗ୍ ଜୁଜ୍ କିତାର୍।

![](https://cdn.door43.org/obs/jpg/360px/obs-en-15-09.jpg)

ଈଶ୍ୱର ହେଦିନ୍ ଇସ୍ରାଏଲନି ମାନାୟାର୍ ନିପଣ୍ ଆଜି ଜୁଜ୍ କିତାନ୍। ହେୱାନ୍ ଅମୋରୀୟନି ସେନା ଦଳ୍‌ତିଙ୍ଗ୍ ଦାନ୍ଦାତାକେ ପକାଇ କିତାନ୍ ଆରେ ଆଞ୍ଜ୍‌ଗା କାଲ୍ ପକ୍ତାନ୍ ହେଦାଙ୍ଗ୍ କେତେକ୍ ଅମୋରୀୟନି ମାନାୟାରିଙ୍ଗ୍ ଜିବୁନ୍ ଅଜି ମାଚାତ୍।

![](https://cdn.door43.org/obs/jpg/360px/obs-en-15-10.jpg)

ଈଶ୍ୱର ବାଦାଡ଼୍‌ତାକେ ୱେଡ଼ାତିଙ୍ଗ୍ ର ବାହାତାକେ ଟେବାଇ କିଜି ଇଡ଼୍‌ତାନ୍ ଇନେସ୍‌କି ଇସ୍ରାଏଲନି ମାନାୟାର୍‌ ବେସି ସମୟ୍‌ତ ଅମିରୀୟନି ମାନାୟାରିଙ୍ଗ୍ ପୁରାପୁରି ଆରାୟ୍ କିନାର୍। ହେ ଦିନ୍ ଈଶ୍ୱର ଇସ୍ରାଏଲ କାଜିଙ୍ଗ୍ ର ଗାଜା ଜୁଜ୍‌ତାଙ୍ଗ୍ ଜିତା ଆତାନ୍।

![](https://cdn.door43.org/obs/jpg/360px/obs-en-15-11.jpg)

ଈଶ୍ୱର ଇ ୱିଜୁ ସେନା ଦଲ୍‌ତିଙ୍ଗ୍ ଆରାୟ୍ କିତି ପାଚେ, ଆରେ କେତେକ୍ କିଣାନ ଦେସ୍‌ନି ମାନାୟ୍ ଦଳ୍ ଇସ୍ରାଏଲନି ମାନାୟାରିଙ୍ଗ୍ ଜୁଜ୍ କିନି କାଜିଙ୍ଗ୍ ରବେ ଆତାର୍। ଯିହୋଶୁୟ ଆରେ ଇସ୍ରାଏଲନି ମାନାୟାର୍ ହେୱାରିଙ୍ଗ୍ ଜୁଜ୍ କିତାର୍ ଆରେ ନଷ୍ଟ କିତାର୍।

![](https://cdn.door43.org/obs/jpg/360px/obs-en-15-12.jpg)

ଇ ଜୁଜ୍ ୱିସ୍ତି ପାଚେ ଈଶ୍ୱର ଇସ୍ରାଏଲନି ୱିଜୁ ଲାତ୍ରାତିଙ୍ଗ୍ ପାର୍ମାଣ୍ କିତି ଦେସ୍‌ନି ଜାର୍-ଜାର୍ ବାଗ୍ ଅନ୍‌ସାରେ ହିତାନ୍।ଇଦାଙ୍ଗ୍ ପାଚେ ଈଶ୍ୱର ଇସ୍ରାଏଲନି ହାନ୍ଦିତାକେ ମାନି ୱିଜୁ ଦେସ୍ ହୁଦାଙ୍ଗ୍ ଶାନ୍ତି ହିତାନ୍।

![](https://cdn.door43.org/obs/jpg/360px/obs-en-15-13.jpg)

ଯିହୋଶୁୟ ଏଚେପାଦ୍ନା ବୁଡ଼୍‌ହି ଆତାନ୍, ଇସ୍ରାଏଲନି ୱିଜାକାରିଙ୍ଗ୍ ରବେ କିଜି କୁକ୍ତାନ୍। ତାପାଚେ ଈଶ୍ୱର ଇସ୍ରାଏଲନି ମାନାୟାର୍ ହୁଦାଙ୍ଗ୍ ସୀନୟ ମାଡ଼ିତାକେ ଇମ୍‌ଣି ନିୟମ୍ କିଜି ମାଚାର୍ ହେ ନିୟମ୍ କାଜିଙ୍ଗ୍ ମାନାୟାର୍ (ପ୍ରତିବଦ୍ଧତା) ବିଷୟରେ ହେୱାରିଙ୍ଗ୍ ୱେଚ୍‌ଚାନ୍। ମାନାୟାର୍ ଈଶ୍ୱର କାଜିଙ୍ଗ୍ ବିସ୍‌ବସ୍‌ତ ମାଞ୍ଜେଙ୍ଗ୍ ଆରେ ତା ନିୟମ୍ ୱିଜୁ ମାନି କିଦେଙ୍ଗ୍ ପାର୍ମାଣ୍ କିତାନ୍।

*ବାଇବଲ୍‌ନି ର କାତା: ଯିହୋଶୁୟ ୧- ୨୪*

## 16. ୧୬. ଉଦାର୍ କିଦ୍ନାକାର୍

https://openbiblestories.org/l/peg/story-16/

![](https://cdn.door43.org/obs/jpg/360px/obs-en-16-01.jpg)

ଯିହୋଶୁୟ ହାଃତି ପାଚେ, ଇସ୍ରାଏଲନି ମାନାୟାର୍ ଈଶ୍ୱର କାତାତିଙ୍ଗ୍ ମାନି କିୱାତାର୍ ଆରେ ହେୱାର୍ ବାଚାଆତି କିଣାନ ଦେସ୍ତାକାରିଙ୍ଗ୍ ହପ୍‌ୱାତାର୍‌ କି ଈଶ୍ୱର ସାସ୍ତର୍ ମାନି କିୱାତାର୍। ଇସ୍ରାଏଲନି ମାନାୟାର୍ ସତ୍ ଈଶ୍ୱର ଯିହୋବାଙ୍ଗ୍ ହେବା କିତି ପାଚେ କିଣାନ ଦେସ୍ତି ଦେବିକାଙ୍ଗ୍ ହେବା କିଦେଙ୍ଗ୍ ଲାଗାତାର୍। ଇସ୍ରାଏଲନି ମାନାୟାରିଙ୍ଗ୍ ଇମ୍‌ଣି ରାଜା ପା ହିଲ୍‌ୱାତାର୍, ଲାଗିଙ୍ଗ୍ ୱିଜାକାର୍ ତା କାଣ୍‌କୁକାଙ୍ଗ୍ ଇନାକା ହାର୍ ଚନ୍‌ଞ୍ଚ୍‌ଚାତ୍ ହେୱାର୍ ହେଦାଙ୍ଗ୍ କିତାର୍।

![](https://cdn.door43.org/obs/jpg/360px/obs-en-16-02.jpg)

ଇନେସ୍‌କି ଇସ୍ରାଏଲନି ମାନାୟାର୍ ଈଶ୍ୱର କାତାତିଙ୍ଗ୍ ମାନି କିୱାଦାଙ୍ଗ୍ ମାଚାର୍, ଲାଗିଙ୍ଗ୍ ଈଶ୍ୱର ଶାତ୍ରୁରିଙ୍ଗ୍ ଆଦେସ୍ ହିତି କାଜିଙ୍ଗ୍ ହେୱାରିଙ୍ଗ୍ ଆରାୟ୍ କିଜି ୱିଜାକାରିଙ୍ଗ୍ ଦଣ୍ଡ୍ ହିତାନ୍। ଇ ଶାତ୍ରୁର୍ ଇସ୍ରାଏଲନି ମାନାୟାରିଙ୍ଗ୍ କେତେକ୍ ଜିନିଷ୍ ୱିଜୁ ଚର୍ କିତାର୍, ହେୱାର୍ ଦନ୍ ସମ୍ଫତି ନଷ୍ଟ କିତାର୍, ଆରେ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ତିଙ୍ଗ୍ ମାର୍ନେ ଅସ୍ତାର୍। କେତେକ୍ ବାର୍‌ହୁ ଈଶ୍ୱର କାତା ମାନି କିୱାଦାଙ୍ଗ୍ ଆରେ ହେୱାର୍ ଶାତ୍ରୁର୍‌ତାଙ୍ଗ୍ ଦୁଃକ୍ କଷ୍ଟ ଆଜି ଇସ୍ରାଏଲନି ମାନାୟାର୍ ବାବିକିଜି ଏତ୍‌ କିତାର୍ ଆରେ ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ଈଶ୍ୱରତାକେ ପାର୍ତାନା କିତାର୍।

![](https://cdn.door43.org/obs/jpg/360px/obs-en-16-03.jpg)

ତାପାଚେ ଈଶ୍ୱର ହେୱାରିଙ୍ଗ୍ ରକାନ୍ ଉଦାର୍ କିନାକାନିଙ୍ଗ୍ ଜଗାଇ କିତାନ୍ ଇନେର୍ ହେୱାରିଙ୍ଗ୍ ହେୱାର୍ ଶାତ୍ରୁର୍‌ତାଙ୍ଗ୍ ରକ୍ଷା କିତାନ୍ ଆରେ ଦେସ୍‌ତାକେ ଶାନ୍ତି ତାସିୱାତାନ୍। ମାତର୍ ତାପାଚେ ମାନାୟାର୍ ଈଶ୍ୱରତିଙ୍ଗ୍ ବାଣା ଆତାର୍ ଆରେ ଆରେରଗ ମୁର୍ତି ପୁଜା କିଦେଙ୍ଗ୍ ଆରମ୍ କିତାର୍। ଲାଗିଙ୍ଗ୍ ଈଶ୍ୱର ଲାଗାୟ୍‌ନି ର ଶାତ୍ରୁ ମିଦିୟୋନନି ମାନାୟାର୍ କାଜିଙ୍ଗ୍ ହେୱାରିଙ୍ଗ୍ ଆରାୟ୍ କିଦେଙ୍ଗ୍ ହିତାନ୍।

![](https://cdn.door43.org/obs/jpg/360px/obs-en-16-04.jpg)

ମିଦିୟୋନନି ମାନାୟାର୍ ସାତ୍ ବାର୍‌ହୁ ପାତେକ୍ ଇସ୍ରାଏଲନି ମାନାୟାର୍ ତାସ୍ ଅତାର୍। ଇସ୍ରାଏଲନି ମାନାୟାର୍ ବେସି ପାଣ୍ଡ୍ରା ଆତାର୍, ମିଦିୟୋନନି ମାନାୟାର୍ ଇନେସ୍ ହେୱାରିଙ୍ଗ୍ ଡେକ୍ତେଙ୍ଗ୍ ଆଡୁର୍, ହେଦାଙ୍ଗ୍ କାଜିଙ୍ଗ୍ ହେୱାର୍ ପାରାକାଙ୍ଗ୍ ଡ଼ୁକ୍ତାର୍। ତାପାଚେ ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ କୁକ୍ତାର୍।

![](https://cdn.door43.org/obs/jpg/360px/obs-en-16-05.jpg)

ଦିନେକ୍ ଗିଦିୟୋନ ତର୍‌ଦାକାନ୍ ରକାନ୍ ଇସ୍ରାଏଲ ଦେସ୍‌ତ ଡ଼ୁଗ୍‌ଜି ତାସ୍ ହିସ୍‌ଦି ମାଚାନ୍ ଇନେସ୍‌କି ମିଦିୟୋନନି ମାନାୟାର୍ ହେଦାଙ୍ଗ୍ ଅଉର୍। ଈଶ୍ୱର ଦୁତ୍ ଗିଦିୟୋନ ଲାଗାୟ୍ ୱାଜି ୱେଚ୍‌ଚାତ୍, “ଶାକ୍ତି କାଟାକାୟ୍‌, ଈଶ୍ୱର ନି ହୁଦାଙ୍ଗ୍ ମାନାନ୍। ହାଲା ଆରେ ଇସ୍ରାଏଲ ଦେସ୍ତିଙ୍ଗ୍ ମିଦିୟୋନନି ମାନାୟାର୍‌ତାଙ୍ଗ୍ ରକ୍ଷା କିୟା।”

![](https://cdn.door43.org/obs/jpg/360px/obs-en-16-06.jpg)

ର ମୁର୍ତିତିଙ୍ଗ୍ ପୁଜା କିଦେଙ୍ଗ୍ ରସ୍ତି ବେଦି ଗିଦିୟୋନନି ତାଞ୍ଜ୍‌ତାକେ ମାଚାତ୍‌। ହେ ପୁଜାକିନି ବେଦି ଗନ୍ଦା-ଗନ୍ଦା କିଦେଙ୍ଗ୍ ଈଶ୍ୱର ଗିଦିୟୋନତିଙ୍ଗ୍ ୱେଚ୍‌ଚାନ୍। ମାତର୍ ଗିଦିୟୋନ ମାନାୟାରିଙ୍ଗ୍ ପାଣ୍ଡ୍ରା ଆତାନ୍, ଲାଗିଙ୍ଗ୍ ହେ ନାଣା ଆୱାଦାଙ୍ଗ୍ କାସି ମାଚାନ୍। ଲାଗିଙ୍ଗ୍ ହେୱାନ୍ ହେ ପୁଜାକିନି ବେଦିତିଙ୍ଗ୍ ଗନ୍ଦା-ଗନ୍ଦା କିଜି ଡିକ୍‌ତାନ୍ ଆରେ ଗୁଣ୍ଡା କିତାନ୍। ମୁର୍ତି ଲାଗାୟ୍ ଇମ୍‌ଣି ପୁଜାକିନି ବେଦି ମାଚାତ୍ ହେ ପୁଜାକିନି ବେଦି ଲାଗାୟ୍ ହେ ଈଶ୍ୱର କାଜିଙ୍ଗ୍ ର ପୁନି ପୁଜାକିନି ବେଦି କିତାର୍ ଆରେ ଈଶ୍ୱର କାଜିଙ୍ଗ୍ ବଲି ପୁଜା କିତାନ୍।

![](https://cdn.door43.org/obs/jpg/360px/obs-en-16-07.jpg)

ଆର୍‌କାତ୍ ନାଞ୍ଜିଙ୍ଗ୍ ନାଣାଙ୍ଗେ ମାନାୟାର୍ ହୁଡ଼୍‌ତାର୍ ଯେ ଇନେର୍ ରକାର୍ ହେ ପୁଜାକିନି ବେଦି ଡ୍ରିକ୍‌ର୍ ଆରେ ଗନ୍ଦା-ଗନ୍ଦାକିଜି ନଷ୍ଟ କିତାର୍‌ନା, ଆରେ ହେୱାର୍ ବେସି ରିସା ଆଜି ମାଚାର୍। ହେୱାର୍ ଗିଦିୟୋନ ଇଞ୍ଜ ହେୱାନିଙ୍ଗ୍ ମାର୍ନେ ଅହ୍‌ନି କାଜିଙ୍ଗ୍ ହାଚାର୍, ମାତର୍ ଗିଦିୟୋନ ତାଞ୍ଜ୍‌ବା ୱେଚ୍‌ଚାନ୍, ଏପେଙ୍ଗ୍ ଇନାକିଦେଙ୍ଗ୍ ମି ଦେବିତିଙ୍ଗ୍ ସାଇଜ କିଦେଙ୍ଗ୍ ଉପାୟ୍ କିଦେଙ୍ଗ୍ ଇଚା କିନାରା? ଯଦି ହେୱାନ୍ ରକାନ୍ ଈଶ୍ୱର, ଲାଗିଙ୍ଗ୍ ହେୱାନ୍ ଜାର୍‌ତିଙ୍ଗ୍ ରକ୍ଷା କିୟାଆୟେନ୍‌! ହେୱାନ୍ ଇ ବେଣ୍ ୱେଚ୍‌ଚିଲେଙ୍ଗ୍ ମାନାୟାର୍ ଗିଦିୟୋନତିଙ୍ଗ୍ ମାର୍ନେ ଅହ୍‌ୱାତାର୍।

![](https://cdn.door43.org/obs/jpg/360px/obs-en-16-08.jpg)

ତାପାଚେ ମିଦିୟୋନନି ମାନାୟାର୍ ଇସ୍ରାଏଲନି ମାନାୟାର୍‌ତାଙ୍ଗ୍ ଚର୍ କିନି କାଜିଙ୍ଗ୍ ଆରେରଗ ୱାତାର୍। ହେୱାର୍ ଏଚେଜାଣ୍ ମାଚାର୍ ଯେ ହେୱାରିଙ୍ଗ୍ ଗାଣ୍ କିଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ହେୱାର୍ ହୁଦାଙ୍ଗ୍ ଜୁଜ୍ କିନି କାଜିଙ୍ଗ୍ ଗିଦିୟୋନ ଇସ୍ରାଏଲନି ମାନାୟାରିଙ୍ଗ୍ ରବେ ରୁଣ୍ଡାଇ କିତାନ୍। ଈଶ୍ୱର ଯେ ଇସ୍ରାଏଲନି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ହେୱାନିଙ୍ଗ୍ ବ୍ୟବହାର୍ କିନାନ୍, ଇ ବିଷୟରେ ହାତ୍‌ପା ଆନି କାଜିଙ୍ଗ୍ ଗିଦିୟୋନ ଈଶ୍ୱରତାଙ୍ଗ୍ ରିଣ୍ଡାଙ୍ଗ୍ ଚିନାଙ୍ଗ୍ ଏନ୍‌ତାନ୍।

![](https://cdn.door43.org/obs/jpg/360px/obs-en-16-09.jpg)

ପାର୍ତୁମ୍ ଚିନା ଲେକେ ଗିଦିୟୋନ ମେଦ୍‌ନିତାକେ ର ମେଣ୍ଢାନି ତଲ୍ ପାସ୍ତି ଆରେ ଈଶ୍ୱରତିଙ୍ଗ୍ ପାଙ୍ଗ୍‌ନିହିଙ୍ଗ୍ ପିନି ମେଦ୍‌ନି ଜପି ରାତ୍‌ୱାଦାଙ୍ଗ୍ ହେ ତଲ୍ ଜପି ରାତ୍‌ନି କାଜିଙ୍ଗ୍ ୱେଚ୍‌ଚାନ୍। ଈଶ୍ୱର ହେଦାଙ୍ଗ୍ କିତାନ୍। ଆର୍‌କାତ୍ ନାଞ୍ଜ୍ ନାଣା, ହେୱାନ୍ ଈଶ୍ୱରତିଙ୍ଗ୍ ୱେଚ୍‌ଚାନ୍ ଆପ୍‌କା ମେଦ୍‌ନି ଅଲ୍ ମାନେତ୍ ମାତର୍ ତଲ୍ ୱାଚ୍‌ଚାକା ମାନେତ୍। ଈଶ୍ୱର ହେଦାଙ୍ଗ୍ ପା କିତାନ୍। ଇ ରିଣ୍ଡାଙ୍ଗ୍ ଚିନାଙ୍ଗ୍ ଗିଦିୟୋନତିଙ୍ଗ୍ ହାତ୍‌ପା କିୟିକିତାନ୍ ଯେ ଇସ୍ରାଏଲନି ମାନାୟାରିଙ୍ଗ୍ ମିଦିୟୋନନି ମାନାୟାର୍‌ତାଙ୍ଗ୍ ଉଦାର୍ କିନି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ବ୍ୟବହାର୍ କିନାନ୍।

![](https://cdn.door43.org/obs/jpg/360px/obs-en-16-10.jpg)

୩୨,୦୦୦ ଇସ୍ରାଏଲନି ସେନାର୍ ଗିଦିୟୋନ ଲାଗାୟ୍ ୱାତାର୍, ମାତର୍ ଈଶ୍ୱର ୱେଚ୍‌ଚାନ୍ ଯେ ଇଦାଙ୍ଗ୍ ବେସି ଆଦିକ୍। ଲାଗିଙ୍ଗ୍ ଇମ୍‌ଣାକାର୍ ଜୁଜ୍ କିଦେଙ୍ଗ୍ ପାଣ୍ଡ୍ରାଆଜି ମାଚାର୍ ଇଲେକେ ୨୨,୦୦୦ ଜାଣ୍‌ତିଙ୍ଗ୍ ହେୱାନ୍ ଇଞ୍ଜ ପକ୍ତାନ୍। ଈଶ୍ୱର ଗିଦିୟୋନତିଙ୍ଗ୍ ୱେଚ୍‌ଚାନ୍ ଯେ ଇ ସଂଖ୍ୟା ପା ଆଦିକ୍ ବେସି। ଲାଗିଙ୍ଗ୍ ୩୦୦ଜାଣ୍‌ତିଙ୍ଗ୍ ପିସ୍ତି ଜେକନି ୱିଜାକାରିଙ୍ଗ୍ ଇଞ୍ଜ ପକ୍ତାନ୍।

![](https://cdn.door43.org/obs/jpg/360px/obs-en-16-11.jpg)

ହେ ନାଣା ଈଶ୍ୱର ଗିଦିୟୋନତିଙ୍ଗ୍ ୱେଚ୍‌ଚାନ୍, “ମିଦିୟୋନନି ଚାଉଣିତାକେ ହାଲାଟ୍ ଆରେ ଏଚେପାଦ୍ନା ହେୱାର୍ ବେଣ୍ କିନାକା ଏପେଙ୍ଗ୍ ୱେନାଦେର୍, ଏପେଙ୍ଗ୍ ଆରେ ପାଣ୍ଡ୍ରା ଆଉଦେର୍।” ଲାଗିଙ୍ଗ୍ ହେ ନାଣା ଗିଦିୟୋନ ହେ ଚାଉଣିତାକେ ହାଚାନ୍ ଆରେ ରକାନ୍ ମିଦିୟୋନନି ମାନାୟାର୍ ସେନା ହୁଡ଼୍‌ଜି ମାଚି କେଚ୍‌କଣ୍ ବିଷୟରେ ତା ସାଙ୍ଗହିଙ୍ଗ୍ ୱେଚ୍‌ନାକା ୱେଚାନ୍।ହେ ମାନାୟ୍‌ନି ସାଙ୍ଗହି ୱେଚ୍‌ଚାନ୍, “ଇ କେଚ୍‌କଣ୍‌ନି ଅର୍ତ ଆନାତା ଗିଦିୟୋନନି ସେନା ମିଦିୟୋନନି ସେନାରିଙ୍ଗ୍ ଆରାୟ୍ କିନାନ୍!” ଗିଦିୟୋନ ଏଚେପାଦ୍ନା ଇଦାଙ୍ଗ୍ ୱେଚାନ୍, ହେୱାନ୍ ଈଶ୍ୱରତିଙ୍ଗ୍ ହେବା କିତାନ୍।

![](https://cdn.door43.org/obs/jpg/360px/obs-en-16-12.jpg)

ହେପାଦ୍ନା ଗିଦିୟୋନ ତା ସେନାର୍ ଲାଗାୟ୍ ଲେଉଟାଆଜି ହାଲ୍‌ଜି ୱିଜାକାରିଙ୍ଗ୍ ର ମରି, ର ଚିକ୍‌ଲା ଟାଙ୍ଗା ଆରେ ର ନାଣି ହଲା ହିତାନ୍। ମିଦିୟୋନନି ସେନାର୍ ଇମେତାକେ ହୁନ୍‌ଞ୍ଜି ମାଚାର୍ ହେୱାର୍ ହେ ଚାଉଣିନି ଚାରିବେଣ୍‌ତାଙ୍ଗ୍ ଆତାର୍। ଗିଦିୟୋନତିଙ୍ଗ୍ ୩୦୦ଜାଣ୍ ସେନା ଇମ୍‌ଣି ଚିକ୍‌ଲା ଟାଙ୍ଗାକାଙ୍ଗ୍ ହେୱାର୍ ନାଣି ହଲା ୱିଜୁ ଇଡ଼୍‌ତାର୍ ଇନେସ୍‌କି ମିଦିୟୋନନି ମାନାୟାର୍ ହେ ନାଣୀ ହଲାନି ଅଜଡ଼୍‌ତିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

![](https://cdn.door43.org/obs/jpg/360px/obs-en-16-13.jpg)

ତାପାଚେ ଗିଦିୟୋନନି ୱିଜାକାର୍ ସେନାର୍ ରଞ୍ଜେମାଡ୍ ହେୱାର୍ ତା ଚିକ୍‌ଲା ଟାଙ୍ଗାଙ୍ଗ୍ ପାଡ଼୍‌ତାର୍, ହେଦାଙ୍ଗ୍ କାଜିଙ୍ଗ୍ ଟାଙ୍ଗାତାକେ ୱିଜୁ ନାଣି ହଲାନି ନାଣି ହେଦାପ୍ରେ ଚଞ୍ଜି ଆତାତ୍। ହେୱାର୍ ଆସ୍ତିମାଚି ମରିଙ୍ଗ୍ ତୁବ୍‌ଜି ଗାଜା କାଟ୍‌ତାଙ୍ଗ୍ ୱେଚ୍‌ଚାର୍, “ଈଶ୍ୱର ଆରେ ଗିଦିୟୋନ କାଜିଙ୍ଗ୍ ର କାଣ୍ଡା ଲେକେ।”

![](https://cdn.door43.org/obs/jpg/360px/obs-en-16-14.jpg)

ଈଶ୍ୱର ମିଦିୟୋନନି ମାନାୟାରିଙ୍ଗ୍ ଦାନ୍ଦାତାକେ ପକାଇ କିତାନ୍‌, ହେଦାଙ୍ଗ୍ କାଜିଙ୍ଗ୍ ହେୱାର୍ ଜାର୍-ଜାର୍ ଟ୍ରାପ୍‌କା ଆଜି ଜାର୍-ଜାର୍‌ତିଙ୍ଗ୍ ମାର୍ନେ ଅସ୍‌ପା ଆତାର୍। ସାଙ୍ଗେ-ସାଙ୍ଗେ ବାଚାଆତି ଇସ୍ରାଏଲନି ମାନାୟାରିଙ୍ଗ୍ ହେୱାର୍ ଇଞ୍ଜାଙ୍ଗ୍ କୁକିକିଜି ମିଦିୟୋନନି ମାନାୟାରିଙ୍ଗ୍ ପେସ୍‌ଦେଙ୍ଗ୍ ସାଇଜ କିନି କାଜିଙ୍ଗ୍ ୱେଚ୍‌ଚାର୍। ହେୱାର୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ମାର୍ନେ ଅସ୍ତାର୍ ଆରେ ବାଚାଆତି ବେସିହେନିତିଙ୍ଗ୍ ଇସ୍ରାଏଲ ଦେସ୍ ବାର୍‌ତ ପେସ୍‌ଦି ଅତାର୍। ହେ ଦିନ୍ ୧,୨୦,୦୦୦ ମିଦିୟୋନନି ମାନାୟାର୍ ହାଃତାର୍। ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ଉଦାର୍ କିତାନ୍।

![](https://cdn.door43.org/obs/jpg/360px/obs-en-16-15.jpg)

ମାନାୟାର୍ ଗିଦିୟୋନତିଙ୍ଗ୍ ହେୱାର୍ ରାଜା କିଦେଙ୍ଗ୍ ଇଚା କିତାର୍। ମାନାୟାର୍ ହେଲେକେ କିଦେଙ୍ଗ୍ ଗିଦିୟୋନ ରାଜି ଆୱାତାନ୍, ମାତର୍ ମିଦିୟୋନନି ମାନାୟାର୍‌ତାଙ୍ଗ୍ ହେୱାର୍ ଇମ୍‌ଣି ୱିଜୁ ହନା ୱାତୁସିଙ୍ଗ୍ ଅତାର୍, ହେୱାଙ୍ଗ୍ ଏନ୍ତାର୍। ମାନାୟାର୍ ଗିଦିୟୋନତିଙ୍ଗ୍ ଆଦିକ୍ କିଜି ହନା ହିତାର୍।

![](https://cdn.door43.org/obs/jpg/360px/obs-en-16-16.jpg)

ତାପାଚେ ଈଶ୍ୱର ହେବାକିନି ମୁଡ଼୍‌ଦି ପୁଜାରି ଉସ୍‌ପିନି ଆଙ୍ଗି ଲେକେ ର ଅଲ୍‌ଗା ପର୍‌କାର୍‌ ହେନ୍ଦ୍ରା ଗିଦିୟୋନ ହେ ହନା ୱାତୁସ୍ ବ୍ୟବହାର୍ କିଜି ରସ୍ତାନ୍। ମାତର୍ ଇଦାଙ୍ଗ୍‌ତିଙ୍ଗ୍ ର ମୁର୍ତି ଲେକେ ମାନାୟାର୍ ପୁଜା କିଦେଙ୍ଗ୍ ଲାଗାତାର୍। ଲାଗିଙ୍ଗ୍ ଈଶ୍ୱର ଆରେରଗ ହେୱାରିଙ୍ଗ୍ ଦଣ୍ଡ୍ ହିତାନ୍ ଇନେସ୍‌କି ଇସ୍ରାଏଲନି ମାନାୟାର୍‌ ମୁର୍ତି ପୁଜା କିଜି ମାଚାର୍। ହେୱାରିଙ୍ଗ୍ ଆରାୟ୍ କିନି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ରାଜି ଆତାନ୍। ହେୱାର୍ ହାରିହାରା ଆରେରଗ ଈଶ୍ୱର ସାଇଜ କାଜିଙ୍ଗ୍ ପାର୍ତାନା କିତାର୍, ଆରେ ଈଶ୍ୱର ହେୱାର୍ କାଜିଙ୍ଗ୍ ରକାନ୍ ଉଦାର୍ କିନାକାନିଙ୍ଗ୍ ପକ୍ତାନ୍।

![](https://cdn.door43.org/obs/jpg/360px/obs-en-16-17.jpg)

ଇଲେକେ କେତ୍ ହଟ୍ ଆରେରଗ ଆତାତ୍: ଇସ୍ରାଏଲନି ମାନାୟାର୍ ପାପ୍ କିତାର୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଜି ମାଚାନ୍, ତାପାଚେ ହେୱାର୍ ବାବିକିଜି ମାଚାର୍ ଆରେ ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ଈଶ୍ୱର ରକାନ୍ ଉଦାର୍ କିନାକାନିଙ୍ଗ୍ ପକ୍‌ଚି ମାଚାନ୍। କେତେକ୍ ବାର୍‌ହୁ ଆସ୍ତି ଈଶ୍ୱର କେତେକ୍ ଉଦାର୍ କିନାକାନିଙ୍ଗ୍ ପକ୍ତାନ୍, ଇମ୍‌ଣାକାର୍ ଇସ୍ରାଏଲନି ମାନାୟାରିଙ୍ଗ୍ ହେୱାର୍ ଶାତ୍ରୁତାଙ୍ଗ୍ ରକ୍ଷା କିଜି ମାଚାନ୍।

![](https://cdn.door43.org/obs/jpg/360px/obs-en-16-18.jpg)

ହାରିହାରା ୱିଜୁ ଦେସ୍‌ତାକେ ଇନେସ୍ ରାଜା ମାଚାନ୍ ଟିକ୍ ହେଲେକେ ରାଜା ବାଚି କିନି କାଜିଙ୍ଗ୍ ମାନାୟାର୍ ଈଶ୍ୱର ଲାଗାୟ୍ ପାର୍ତାନା କିତାର୍। ହେୱାର୍ ଇଲେକେ ରକାନ୍ ରାଜାଙ୍ଗ୍ ଇଚା କିତାର୍ ଇନେର୍ ଗାଜା, ଶାକ୍ତିକାଟାକାନ୍‌ ଆରେ ଇନେର୍ ହେୱାରିଙ୍ଗ୍ ଜୁଜ୍ କାଜିଙ୍ଗ୍ ହାଜି ଚଚ୍‌ଚି ଅନାନ୍। ଈଶ୍ୱର ଇ ଗୁୱାରିତିଙ୍ଗ୍ ମାନ୍ କିୱାତାନ୍, ମାତର୍ ହେୱାର୍ ଇନେସ୍ ଇଚାକିଜି ମାଚାର୍ ହେଲେକେ ର ରାଜା ହିତାନ୍।

*ବାଇବଲ୍‌ନି ର କାତା: ବିଚାରକର୍ତ୍ତା ୧- ୩; ୬-୮*

## 17. ୧୭. ଦାଉଦ ହୁଦାଙ୍ଗ୍ ଈଶ୍ୱର ନିୟମ୍

https://openbiblestories.org/l/peg/story-17/

![](https://cdn.door43.org/obs/jpg/360px/obs-en-17-01.jpg)

ଶାଉଲ ଇସ୍ରାଏଲନି ପାର୍ତୁମ୍ ରାଜା ମାଚାନ୍। ହେୱାନ୍ ଗାଜା ଆରେ ହଲ୍‌ନାକାନ୍ ମାଚାନ୍, ଇନେସ୍ ଲେକେ ରାଜାଙ୍ଗ୍ ମାନାୟାର୍ ହୁଡ଼୍‌ଜି ମାଚାର୍। ପାର୍ତୁମ୍ ଅଲପ୍ ବାର୍ହୁ କାଜିଙ୍ଗ୍ ଶାଉଲ ର ହାର୍‌ଦି ରାଜା ମାଚାନ୍ ଏଚେପାଦ୍ନା ହେୱାନ୍ ଇସ୍ରାଏଲ ଜପି ସାସନ୍ କିତାନ୍। ମାତର୍ ହେଦାଙ୍ଗ୍ ପାଚେ ହେୱାନ୍ ର କରାପ୍ ମାନାୟ୍ ଆତାନ୍ ଇନେର୍ ଈଶ୍ୱର କାତାତିଙ୍ଗ୍ ମାନି କିୱାତାନ୍‌, ଲାଗିଙ୍ଗ୍ ଈଶ୍ୱର ର ଜେକନି ମାନାୟ୍‌ତିଙ୍ଗ୍ ବାଚି କିତାନ୍ ଇନେର୍ ଦିନେକ୍ ହେୱାନ୍ ବାହାତାକେ ରାଜା ଆତାନ୍।

![](https://cdn.door43.org/obs/jpg/360px/obs-en-17-02.jpg)

ଶାଉଲ ପାଚେ ଈଶ୍ୱର ରକାନ୍ ଯୁବା ଇସ୍ରାଏଲତିଙ୍ଗ୍ ରାଜା ଆନି କାଜିଙ୍ଗ୍ ବାଚି କିତାନ୍। ବେଥଲିହିମ ସହର୍‌ତାଙ୍ଗ୍ ୱାଜିମାଚି ଦାଉଦ ମେଣ୍ଢା ଗଡ଼ିଆ ମାଚାନ୍।ବିନ୍-ବିନ୍ ସମୟତ ହେୱାନ୍ ଏଚେପାଦ୍ନା ତା ଆବା ମେଣ୍ଢାଙ୍ଗ୍ କାସି ମାଚାନ୍, ହେପାଦ୍ନା ଦାଉଦ ତା ମେଣ୍ଢାକାଙ୍ଗ୍ ଜୁଜ୍ କିଜିମାଚି ର ସିଂହ ଆରେ ର ବାଲୁତିଙ୍ଗ୍ ଅସ୍‌ତି ମାଚାନ୍‌। ଦାଉଦ ରକାନ୍ ସାଦୁ ଆରେ ଦାର୍‌ମି ମାନାୟ୍ ମାଚାନ୍ ଇନେର୍ ଈଶ୍ୱରତାକେ ପାର୍ତି କିଜି ତା କାତାତିଙ୍ଗ୍ ମାନି କିଜି ମାଚାନ୍।

![](https://cdn.door43.org/obs/jpg/360px/obs-en-17-03.jpg)

ଦାଉଦ ରକାନ୍ ସେନା ଆରେ ନେତା ଆତାନ୍। ଏଚେପାଦ୍ନା ଦାଉଦ ଯୁବା ମାଚାନ୍, ହେୱାନ୍ ଗାଲିୟାତ ତର୍‌ଦି ରକାନ୍ ବେସି ଗାଜାକାନ୍ ଆରେ ଶାକ୍ତି କାଟି ମାନାୟ୍ ହୁଦାଙ୍ଗ୍ ଜୁଜ୍ କିଜି ମାଚାନ୍। ଗାଲିୟାତ ରକାନ୍ ଜୁଜ୍ ବିଦ୍ୟା ହିକାଆତାକାନ୍‌, ବେସି ଶାକ୍ତି କାଟି ସେନାର୍ ପାକାପାକି ଚଅ ପୁଟ୍‌ ଅଦା ଡେଙ୍ଗା ମାଚାନ୍। ମାତର୍ ଈଶ୍ୱର ଗୋଲିୟାତତିଙ୍ଗ୍ ମାର୍ନେ ଅସ୍ତି ଇସ୍ରାଏଲତିଙ୍ଗ୍ ଉଦାର୍ କିନି କାଜିଙ୍ଗ୍ ଦାଉଦଙ୍ଗ୍ ସାଇଜ କିଜି ମାଚାନ୍। ଇଦାଙ୍ଗ୍ ପାଚେ ଦାଉଦ ଇସ୍ରାଏଲନି ଶତ୍ରୁର୍ ଜପି କେତ୍ ହଟ୍ ଜିତାଆଜି ମାଚାନ୍, ହେଦାଙ୍ଗ୍ କାଜିଙ୍ଗ୍ ମାନାୟାର୍ ହେୱାନିଙ୍ଗ୍ ଜୟ୍-ଜୟ୍ କିତାର୍।

![](https://cdn.door43.org/obs/jpg/360px/obs-en-17-04.jpg)

ଦାଉଦତିଙ୍ଗ୍ ମାନାୟାର୍ ଲାଡ୍‌ତିଙ୍ଗ୍ ଶାଉଲ ହୁଡ଼୍‌ଦେଙ୍ଗ୍ ଆଡ୍‌ୱାତାର୍। ଶାଉଲ କେତେକ୍ ସମୟରେ ଦାଉଦଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିତାନ୍, ଲାଗିଙ୍ଗ୍ ଦାଉଦ ଶାଉଲତାଙ୍ଗ୍ ଡ଼ୁଗ୍‌ତାନ୍। ଦିନେକ୍ ଦାଉଦଙ୍ଗ୍‌ ଅହ୍‌ନି କାଜିଙ୍ଗ୍ ଶାଉଲ ହେୱାନିଙ୍ଗ୍ ଡେକ୍‌ଚି ମାଚାନ୍। ଶାଉଲ ହେ ପାରାତାକେ ହାଚାନ୍ ଇମେତାକେ ଦାଉଦ ଶାଉଲତାଙ୍ଗ୍ ଜାର୍‌ତିଙ୍ଗ୍ ଡ଼ୁକ୍‌ଚି ମାଚାନ୍, ମାତର୍ ଶାଉଲ ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାନ୍। ଦାଉଦ ନଙ୍ଗୟ ଶାଉଲ ଲାଗାୟ୍ ମାଚାନ୍ ଆରେ ହେୱାନ୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଆଡ଼୍‌ତାନ୍‌ମା, ମାତର୍ ହେୱାନ୍ ହେଲେକେ କିୱାତାନ୍। ମାତର୍ ଦାଉଦ ଶାଉଲତିଙ୍ଗ୍ ଜୱାର୍ କିନି କାଜିଙ୍ଗ୍ ଶାଉଲ ହେନ୍ଦ୍ରାତିଙ୍ଗ୍ ଇଚ୍‌କେ ହଣ୍‌ତାନ୍ ଇନେସ୍‌କି ହେୱାନ୍ ରାଜା ଆନି କାଜିଙ୍ଗ୍ ହେୱାନିଙ୍ଗ୍ ଅହ୍‌ୱାତାନ୍।

![](https://cdn.door43.org/obs/jpg/360px/obs-en-17-05.jpg)

ପାଚେ ଶାଉଲ ଜୁଜ୍‌ତାକେ ହାଃତାନ୍, ଆରେ ଦାଉଦ ଇସ୍ରାଏଲନି ରାଜା ଆତାନ୍। ହେୱାନ୍ ରକାନ୍ ହାର୍‌ଦି ରାଜା ମାଚାନ୍, ଆରେ ମାନାୟାର୍ ହେୱାନିଙ୍ଗ୍ ଲାଡ୍ କିଜି ମାଚାର୍। ଈଶ୍ୱର ଦାଉଦତିଙ୍ଗ୍ ଆଶ୍ରିବାଦ୍ କିତାନ୍ ଆରେ (ସଫଳତା) ହିତାର୍। ଦାଉଦ କେତେକ୍ ଜୁଜ୍ କିଜି ମାଚାନ୍ ଆରେ ଈଶ୍ୱର ଇସ୍ରାଏଲନି ଶତ୍ରୁରିଙ୍ଗ୍ ଆରାୟ୍ କିନି କାଜିଙ୍ଗ୍ ହେୱାନିଙ୍ଗ୍ ସାଇଜ କିତାନ୍। ଦାଉଦ ଯିରୁଶାଲାମତାକେ ଜିତାଆତାନ୍ ଆରେ ଇଦାଙ୍ଗ୍‌ତିଙ୍ଗ୍ ତା (ରାଜଧନୀ) ଦେସ୍ କିତାନ୍।ଦାଉଦ ରାଜା ମାଚିହିଙ୍ଗ୍ ଇସ୍ରାଏଲ ଶାକ୍ତି କାଟାକାନ୍ ଆରେ ଦନ୍ କାଟାକାନ୍ ଆତାନ୍।

![](https://cdn.door43.org/obs/jpg/360px/obs-en-17-06.jpg)

ଦାଉଦ ର ମନ୍ଦିର୍ ରହ୍‌ନି କାଜିଙ୍ଗ୍ ଇଚା କିତାନ୍ ଇମେତାକେ ୱିଜୁ ଇସ୍ରାଏଲ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାର୍ ଆରେ ତା କାଜିଙ୍ଗ୍ ବଲି ପୁଜା କିଦେଙ୍ଗ୍ ଆଡ୍‌ନାର୍।ପାକାପାକି ୪୦୦ ବାର୍ହୁ ଆସ୍ତି, ମାନାୟାର୍ ଈଶ୍ୱରତିଙ୍ଗ୍ ହେବା କିଜି ମାଚାର୍ ଆରେ ମୋଶା ରସ୍ତି ମାଚି ମାନାୟାର୍ ରୁଣ୍ଡାଆନି ପୁଟ୍ କୁଡ଼ିଆତାକେ ବଲି ପୁଜାକିଜି ମାଚାର୍।

![](https://cdn.door43.org/obs/jpg/360px/obs-en-17-07.jpg)

ମାତର୍ ଈଶ୍ୱର ନାଥନ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତିଙ୍ଗ୍ ଦାଉଦ ଲାଗାୟ୍ ହିରୁ କାବୁର୍ ହିଜି ପକ୍ତାନ୍, “ଏପେଙ୍ଗ୍ ଜୁଜ୍‌ନି ର ମାନାୟ୍, ହେଦାଙ୍ଗ୍ କାଜିଙ୍ଗ୍ ନା କାଜିଙ୍ଗ୍ ଇ ମନ୍ଦିର୍ ରହ୍‌ମାଟ୍। ମି ହିମ୍‌ଣା ହେଦାଙ୍ଗ୍ ରହ୍‌ନାନ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବେସିକିଜି ଆଶ୍ରିବାଦ୍‌ କିଦ୍ନାଙ୍ଗ୍। ମି ଲାତ୍ରା ବିତ୍ରେତାଙ୍ଗ୍ ରକାନ୍ ନା ମାନାୟ୍ ଜପି ରାଜା ଲେକେ ହାଃନି ପାତେକ୍ ସାସନ୍ କିନାନ୍!” ହାଃନି ପାତେକ୍ ସାସନ୍ କିଦେଙ୍ଗ୍ ଆଡ୍‌ନି ଦାଉଦନି ଲାତ୍ରା ନିକାନ୍ ଆନାନା ରକାନ୍ ନେ ଖ୍ରୀଷ୍ଟ। ଖ୍ରୀଷ୍ଟ ଈଶ୍ୱରତାଙ୍ଗ୍ ବାଚିକିୟା ଆତାକାନ୍ ଇନେର୍ ପୁର୍ତିନି ମାନାୟାରିଙ୍ଗ୍ ହେୱାର୍ ୱିଜୁ ପାପ୍‌ତାଙ୍ଗ୍ ରକ୍ଷା କିନାନ୍।

![](https://cdn.door43.org/obs/jpg/360px/obs-en-17-08.jpg)

ଏଚେପାଦ୍ନା ଦାଉଦ ଇ ୱିଜୁ କାତା ୱେଚାନ୍, ହେୱାନ୍ ସାଙ୍ଗେ-ସାଙ୍ଗେ ଈଶ୍ୱରତିଙ୍ଗ୍ ଦନ୍ୟବାଦ୍ ହିତାନ୍ ଆରେ ହେୱାନିଙ୍ଗ୍ ଗୌରବ କିତାନ୍ ଇନେସ୍‌କି ହେୱାନ୍ ଦାଉଦତିଙ୍ଗ୍ ଇ ଗାଜା ସନ୍‌ମାନ୍ ଆରେ କେତେକ ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିଜି ମାଚାନ୍। ଈଶ୍ୱର ଏଚେପାଦ୍ନା ଇ ୱିଜୁ ବିଷୟ କିନାନ୍ ହେଦାଙ୍ଗ୍ ଦାଉଦ ପୁନ୍‌ୱାଦାଙ୍ଗ୍ ମାଚାନ୍। ମାତର୍ ଇଲେକେ ଗଟାଆତାତ୍, ଇସ୍ରାଏଲ ନି ମାନାୟାରିଙ୍ଗ୍ ଖ୍ରୀଷ୍ଟ ୱାନି କାଜିଙ୍ଗ୍ ପାକାପାକି ୧୦୦୦ ବାର୍‌ହୁ କାତେଙ୍ଗ୍ ଲାଗିସ୍ ମାଚାତ୍।

![](https://cdn.door43.org/obs/jpg/360px/obs-en-17-09.jpg)

କେତେକ୍ ବାର୍‌ହୁ ଆସ୍ତି ଦାଉଦ ନ୍ୟାୟ ଆରେ ବିସ୍‌ବସ୍‌ତ ଆଜି ସାସନ୍ କିତାନ୍ ଆରେ ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିତାନ୍। କି ତା ଜିବୁନ୍‌ତ ସେସ୍ ବାଗ୍‌ଦ ହେୱାନ୍ ଈଶ୍ୱର ବିରୁଦ୍‌ତାକେ ବୟଙ୍କାର୍ ପାପ୍ କିଜି ମାଚାନ୍।

![](https://cdn.door43.org/obs/jpg/360px/obs-en-17-10.jpg)

ଦିନେକ୍ ଏଚେପାଦ୍ନା ଦାଉଦ ସେନାର୍ ୱିଜାକାର୍ ଜୁଜ୍ କିନି କାଜିଙ୍ଗ୍ ଇଞ୍ଜାଙ୍ଗ୍ ଦେହା ମାଚାନ୍‌, ହେୱାନ୍ ତା ରାଜ୍ ମହଲ୍‌ନି ବାର୍‌ତ ହୁଡ଼୍‌ତାନ୍ ଯେ ରକାନ୍ ହାଲ୍‌ନି କଗ୍‌ଲେ ଏଜୁଙ୍ଗ୍ ଇବାନାତା। ହେ କଗ୍‌ଲେ ତର୍ ବେଥଶିବା ମାଚାତ୍।

![](https://cdn.door43.org/obs/jpg/360px/obs-en-17-11.jpg)

ଦୃଷ୍ଟକୁ ଅନ୍ୟତ୍ର କିନି ପାଚେ ଦାଉଦ ହେୱାନିଙ୍ଗ୍ ତାସିୱାନି କାଜିଙ୍ଗ୍ ରକାନ୍ ମାନାୟ୍‌ତିଙ୍ଗ୍ ପକ୍ତାନ୍। ହେୱାନ୍ ତା ହୁଦାଙ୍ଗ୍ ହୁନ୍‌ଞ୍ଚାନ୍ ଆରେ ହେୱାନିଙ୍ଗ୍ ତାଞ୍ଜ ପକ୍ତାନ୍। ଅଲପ୍ ଦିନ୍ ପାଚେ ବେଥଶିବା ଦାଉଦତିଙ୍ଗ୍ ର ବେଣ୍ ପକ୍‌ଚି ୱେଚ୍‌ଚାତ୍‌ ଯେ ହେଦେଲ୍‌ ଗାଗାଡ଼୍‌ତ ମାନାତ୍।

![](https://cdn.door43.org/obs/jpg/360px/obs-en-17-12.jpg)

ଉରିୟ ତର୍‌ଦି ରକାନ୍ ମାନାୟ୍ ଦାଉଦ ସେନାର୍ ବିତ୍ରେତାଙ୍ଗ୍ ରକାନ୍ ହାର୍‌ଦି ସେନା, ବେଥଶିବା ଡକ୍ରାହି ମାଚାନ୍। ଦାଉଦ ଊରିୟଙ୍ଗ୍ ଜୁଜ୍‌ତାଙ୍ଗ୍ କୁକ୍‌ଚି ତା ଡକ୍ରୁହି ଲାଗାୟ୍ ହାନି କାଜିଙ୍ଗ୍ ୱେଚ୍‌ଚାନ୍। ମାତର୍ ଜେକନି ସେନାର୍ ଜୁଜ୍‌ତାକେ ମାନିହିଙ୍ଗ୍ ଊରିୟ ଇଞ୍ଜ ହାଞ୍ଜେଙ୍ଗ୍ ମୁନା କିତାତ୍। ଲାଗିଙ୍ଗ୍ ଦାଉଦ ଊରିୟଙ୍ଗ୍ ଆରେରଗ ଜୁଜ୍‌କିନି ବାହାତାକେ ପକ୍ତାନ୍ ଆରେ ସେନାନି ମୁକ୍ୟାଙ୍ଗ୍ ୱେଚ୍‌ଚି ପକ୍ତାନ୍ ଯେ ହେୱାନ୍ ଊରିୟଙ୍ଗ୍ ଇଲେକେ ବାହାତାକେ ଇଟେର୍ ଇମେତାକେ ଶତ୍ରୁ ପକ୍ଷାଦିକ୍ ବଳିଷ୍ଟ ମାନାତ୍ ଇନେସ୍‌କି ଊରିୟ ଶତ୍ରୁର୍ କାଜିଙ୍ଗ୍ ଅହି ଆନାର୍।

![](https://cdn.door43.org/obs/jpg/360px/obs-en-17-13.jpg)

ଊରିୟଙ୍ଗ୍ ମାର୍ନେ ଅସ୍ତି ପାଚେ, ଦାଉଦ ବେଥଶିବାଙ୍ଗ୍ ବିବା କିତାନ୍। ପାଚେ ହେୱାନ୍ ଦାଉଦ ମେହିଙ୍ଗ୍ ଜନମ୍ ହିତାର୍। ଦାଉଦ ଇନାକା କିଜି ମାଚାନ୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ବେସି ରିସା ଆଜି ମାଚାନ୍, ଲାଗିଙ୍ଗ୍ ହେୱାନ୍ ତା ଲାଗାୟ୍ (ନାଥନ) ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତିଙ୍ଗ୍ ପକ୍‌ଚି ତା ପାପ୍ ଇନେସ୍ କରାପ୍ ମାଚାତ୍ ହେଦାଙ୍ଗ୍ ୱେଚ୍‌ଚି ମାଚାନ୍।ଦାଉଦ ତା ପାପ୍ କାଜିଙ୍ଗ୍ ଅନୁତାପ କିତାନ୍ ଆରେ ଈଶ୍ୱର ହେୱାନିଙ୍ଗ୍ କେମା ହିତାନ୍। ଦାଉଦ ତା ବାଚାଆତି ଜିବୁନ୍‌ତ, ଇଲେକେକି ତା କଷ୍ଟନି ସମୟତ ପା ଈଶ୍ୱର ୱାଜି ତା କାତା ହିତାନ୍।

![](https://cdn.door43.org/obs/jpg/360px/obs-en-17-14.jpg)

ମାତର୍ ଦାଉଦ ପାପ୍‌ନି ଦଣ୍ଡ୍ ଲେକେ ତା ମେହି ହାଃତାନ୍। ଦାଉଦତାଙ୍ଗ୍ ଅବଶିଷ୍ଟାଂଶ ଜିବୁନ୍ କାଳ୍ ସମୟ ବିତ୍ରେ ପରିବାର୍‌ତାକେ କୁର୍‌ଲି ଲାଗିସ୍ ମାଚାତ୍, ଆରେ ଦାଉଦନି ଶାକ୍ତି ବେସି ଦୁର୍‌ବଲ୍ ଆଜି ମାଚାତ୍। ଯଦି ଆରେ ଦାଉଦ ଈଶ୍ୱର କାଜିଙ୍ଗ୍ ବିସ୍‌ବସ୍‌ତ ହିଲ୍‌ୱାତାନ୍, ଆତିସ୍‌ପା ଈଶ୍ୱର ତା ଆଦେସ୍‌ତିଙ୍ଗ୍ ରକ୍ଷା କିନି କାଜିଙ୍ଗ୍ ବିସ୍‌ବସ୍‌ତ ମାଚାନ୍। ପାଚେନି ସମୟତ ଦାଉଦ ଆରେ ବେଥଶିବାତାଙ୍ଗ୍ ଆରେ ର ହିମ୍‌ଣା ଜନମ୍ କିତାର୍, ଆରେ ହେୱାର୍ ହେୱାନିଙ୍ଗ୍ ଶଲୋମନ ତର୍ ହିତାର୍।

*ବାଇବଲନି ର କାତା: ୧ ଶାମୁୟେଲ ୧୦; ୧୫- ୧୯; ୨୪; ୩୧; ୨ଶାମୁୟେଲ ୫; ୭; ୧୧- ୧୨*

## 18. ୧୮. ବାଗ୍‌ଆତି ରାଜି

https://openbiblestories.org/l/peg/story-18/

![](https://cdn.door43.org/obs/jpg/360px/obs-en-18-01.jpg)

କେତେକ ବାର୍‌ହୁ ପାଚେ ଦାଉଦ ହାଃତାନ୍, ଆରେ ତାମେହି ଶଲୋମନ ଇସ୍ରାଏଲ ଜପି ସାସନ୍ କିଦେଙ୍ଗ୍ ଆରମ୍ କିତାନ୍। ଈଶ୍ୱର ଶଲୋମନତିଙ୍ଗ୍ ଆରେ ହେୱାନ୍ ଇମ୍‌ଣି ବିଷୟତିଙ୍ଗ୍ ୱିଜୁତାଙ୍ଗ୍ ଆଦିକ୍ ଇଚା କିନାନ୍ ହେଦାଙ୍ଗ୍‌ତିଙ୍ଗ୍ ୱେନ୍‌ବାତାନ୍। ଏଚେପାଦ୍ନା ଶଲୋମନ ବୁଦି କାଜିଙ୍ଗ୍ ଈଶ୍ୱର ଲାଗାୟ୍ ପାର୍ତାନା କିତାନ୍, ଈଶ୍ୱର ହେବେତାଙ୍ଗ୍ ୱାରି ଆଜି ମାଚାନ୍ ଆରେ ହେୱାନିଙ୍ଗ୍ ପୁର୍ତିତାକେ ୱିଜୁତାଙ୍ଗ୍ ଆଦିକ୍ ବୁଦି କିତାନ୍। ଶଲୋମନ କେତେକ୍ ବିଷୟ ହିକାଆତାନ୍ ଆରେ ହେୱାନ୍ ରକାନ୍ ବେସି ବୁଦିକାଟି ବିଚାର୍ କିନାକାନ୍ ଆତାନ୍। ଆରେ ପା ଈଶ୍ୱର ହେୱାନିଙ୍ଗ୍ ବେସି ହାଉକାର୍ ମାନାୟ୍ କିତାନ୍।

![](https://cdn.door43.org/obs/jpg/360px/obs-en-18-02.jpg)

ଯିରୁଶାଲାମ ସହର୍‌ତାକେ ଶଲୋମନ ମନ୍ଦିର୍ ରସ୍ତାନ୍, ହେଦାଙ୍ଗ୍ ତାଞ୍ଜ୍‌ବା ରସ୍ତେଙ୍ଗ୍ ଯଜ୍‌ନା କିଜି ମାଚାନ୍ ଆରେ ଦର୍‌କାର୍ ଆନି ୱିଜୁ ରୁଣ୍ଡାଇ କିଜି ଇଡ଼୍‌ଜି ମାଚାନ୍। ମାନାୟାର୍ ଈଶ୍ୱରତିଙ୍ଗ୍ ହେବା ଆରେ ପୁଜାକିନି ଦାନ୍ ମାନାୟ୍ ମାହାଆନି ପୁଟ୍ କୁଡ଼ିଆତାକେ କିନି ବାଦୁଲ୍ ମିନ୍ଦିର୍‌ତାକେ କିଦେଙ୍ଗ୍ ଲାଗାତାର୍‌। ଈଶ୍ୱର ୱାତାନ୍ ଆରେ ମନ୍ଦିର୍‌ତାକେ ମାଚାନ୍, ଆରେ ହେୱାନ୍ ତା ମାନାୟାର୍ ହୁଦାଙ୍ଗ୍ ବାହା କିତାନ୍।

![](https://cdn.door43.org/obs/jpg/360px/obs-en-18-03.jpg)

ମାତର୍ ଶଲୋମନ ଜେକନି ଦେସ୍‌ତି କଗ୍‌ଲେକାଙ୍ଗ୍ ମାନ୍ କିତାନ୍। ହେୱାନ୍ ୧୦୦୦ ବିଦେସ୍‌ନି କଗ୍‌ଲେକାଙ୍ଗ୍ ବିବା ଆଜି ଈଶ୍ୱର କାତାତିଙ୍ଗ୍ ମାନିକିଜି ମାଚାନ୍‌। ଇ କଗ୍‌ଲେକ୍ ବିତ୍ରେତାଙ୍ଗ୍ କେତେକ୍ ଜେକିନି ଦେସ୍‌ତାଙ୍ଗ୍ ୱାଜି ମାଚିକ୍‌ ଆରେ ହେୱେକ୍ ହୁଦାଙ୍ଗ୍ ତା ଦେବା ଦେବିକାଙ୍ଗ୍ ତାସି ୱାତିକ୍‌ ଆରେ ଲାଗାତାର୍ ହେୱେକିୟାକାଙ୍ଗ୍ ହେବା କିତିକ୍‌। ଏଚେପାଦ୍ନା ଶଲୋମନ ବୁଡ଼୍‌ହି ଆତାନ୍, ହେୱାନ୍ ପା ହେ ଦେବା ଦେବିକାଙ୍ଗ୍ ହେବା କିତାନ୍।

![](https://cdn.door43.org/obs/jpg/360px/obs-en-18-04.jpg)

ଈଶ୍ୱର ଶଲୋମନତିଙ୍ଗ୍ ରିସା ଆଜି ମାଚାନ୍ ଆରେ ଶଲୋମନ ବିସ୍‌ବସ୍‌ତ ଆୱାଦାଙ୍ଗ୍ ଦଣ୍ଡ୍ ପାୟାଆନି ଲେକେ ଶଲୋମନ ହାଃତି ପାଚେ ହେୱାନ୍ ଇସ୍ରାଏଲ ଦେସ୍‌ତିଙ୍ଗ୍ ରିଣ୍ଡାଙ୍ଗ୍ ରାଜି ବାଗ୍ କିନି କାଜିଙ୍ଗ୍ ଇଚା କିତାନ୍‌।

![](https://cdn.door43.org/obs/jpg/360px/obs-en-18-05.jpg)

ଶଲୋମନ ହାଃତି ପାଚେ, ତା ମେହି ରିହବିୟାମ ରାଜା ଆତାନ୍।ରିହବିୟମ ରକାନ୍ କରାପ୍ ମାନାୟ୍ ମାଚାନ୍। ଇସ୍ରାଏଲ ଦେସ୍‌ନି ୱିଜୁ ମାନାୟାର୍ ରବେ ଆଜି ହେୱାନିଙ୍ଗ୍ ର ରାଜା କିଦେଙ୍ଗ୍ ଇଚା କିତାର୍‌। ହେୱାର୍ ରିହବିୟାମଙ୍ଗ୍ ବିରଦ୍ କିଜି ୱେଚ୍‌ଚାର୍ ଯେ ଶଲୋମନ ହେୱାରିଙ୍ଗ୍ ବେସି କଷ୍ଟନି କାମାୟ୍ କିୟିକିଦେଙ୍ଗ୍ ଆରେ କେତେକ୍ ସିସ୍ତୁ ହିଦେଙ୍ଗ୍ ଲାଗିସ୍ ମାନ୍‌ଞ୍ଚାତ୍।

![](https://cdn.door43.org/obs/jpg/360px/obs-en-18-06.jpg)

ରିହବିୟାମ ହେୱାରିଙ୍ଗ୍ ରିସା ଆଜି ୱେଚ୍‌ଚାନ୍‌, “ଏପେଙ୍ଗ୍ ବାବିକିନାଦେର୍ ନା ଆବା ଶଲୋମନ ମିଙ୍ଗେଙ୍ଗ୍ ବେସି କଷ୍ଟନି କାମାୟ୍ କିୟିକିତ୍‌ତାନ୍‌ନା, ମାତର୍ ହେୱାନ୍‌ତାଙ୍ଗ୍ ଆନେଙ୍ଗ୍ ଆରେ ଆଦିକ୍ କଷ୍ଟନି କାମାୟ୍ କିଦେଙ୍ଗ୍ ହିଦ୍‌ନାଙ୍ଗ୍, ଆରେ ହେୱାନ୍‌ତାଙ୍ଗ୍ ଆଦିକ୍ ଆନେଙ୍ଗ୍ ମିଙ୍ଗେଙ୍ଗ୍ କଷ୍ଟନି ଦଣ୍ଡ୍ ହିଦ୍‌ନାଙ୍ଗ୍।”

![](https://cdn.door43.org/obs/jpg/360px/obs-en-18-07.jpg)

ଇସ୍ରାଏଲ ଦେସ୍‌ନି ଦଶ୍ ଗଷ୍ଟି ରିହବିୟାମ ବିରଦ୍‌ତାକେ ବିରଦ୍ କିତାର୍। ମାତର୍ ରି ଗଷ୍ଟି ହେୱାନ୍ କାଜିଙ୍ଗ୍ ବିସ୍‌ବସ୍‌ତ ଆଜି ମାଚାର୍। ଇ ରି ଗଷ୍ଟି ଯିହୁଦା ରାଜି ଆତାତ୍।

![](https://cdn.door43.org/obs/jpg/360px/obs-en-18-08.jpg)

ଇସ୍ରାଏଲ ଦେସ୍‌ନି ଜେକନି ଦଶ୍‌ଗଟା ଜାତି ରିହବିୟାମତିଙ୍ଗ୍ ବିରଦ୍‌ କିତାର୍ ଆରେ ଯାରବିୟାମ ତର୍‌ଦାକାନ୍ ରାକାନ୍ ମାନାୟ୍‌ତିଙ୍ଗ୍ ହେୱାର୍ ରାଜା ଆନି କାଜିଙ୍ଗ୍ ବାଚି କିତାର୍। ହେୱାର୍ ଉତ୍ତର୍‌ ବାଗ୍‌ଦ ହେୱାର୍ ରାଜି ରସ୍ତାର୍ ଆରେ ହେୱାରିଙ୍ଗ୍ ଇସ୍ରାଏଲ ରାଜି କି ବିନ୍ ଦେସ୍ ଇଞ୍ଜି ୱେଚ୍‌ଚାର୍।

![](https://cdn.door43.org/obs/jpg/360px/obs-en-18-09.jpg)

ଯାରବିୟାମ ଈଶ୍ୱର ବିରଦ୍‌ତାକେ ବିରଦ୍ କିତାନ୍ ଆରେ ମାନାୟାରିଙ୍ଗ୍ ପାପ୍ କାମାୟ୍ କିୟିକିତାନ୍। ଯିହୁଦା ରାଜିତାକେ ମାନି ମନ୍ଦିର୍‌ତାକେ ଈଶ୍ୱରତିଙ୍ଗ୍ ହେବା କିନି ବାଦୁଲ୍ ହେୱାନ୍ ମୁର୍ତି ପୁଜା କିନି କାଜିଙ୍ଗ୍ ତା ମାନାୟାର୍ କାଜିଙ୍ଗ୍ ରିଣ୍ଡାଙ୍ଗ୍ ମୁର୍ତି ରସ୍ତାନ୍।

![](https://cdn.door43.org/obs/jpg/360px/obs-en-18-10.jpg)

ଯିହୁଦା ରାଜି ଆରେ ଇସ୍ରାଏଲ ରାଜି ଶତ୍ରୁତାକେ ବାର୍ତି ଆତାତ୍, ଆରେ କେତ୍‌ହଟ୍ ଜାର୍-ଜାର୍ ବିରଦ୍‌ତାକେ ଜୁଜ୍ କିଜି ମାଚାର୍।

![](https://cdn.door43.org/obs/jpg/360px/obs-en-18-11.jpg)

ପୁନି ରାଜି ଇସ୍ରାଏଲତାକେ ୱିଜୁ ରାଜାର୍ କରାପ୍ ମାଚାର୍। ଇ ୱିଜୁ ରାଜାର୍ ବିତ୍ରେତାଙ୍ଗ୍ କେତେକ୍ ରାଜା ଜେକନି ଇସ୍ରାଏଲନି ମାନାୟାର୍‌ତାଙ୍ଗ୍ ମାର୍ନେ ଅହିଆଜି ମାଚାର୍। ଇମ୍‌ଣାକାର୍ ହେୱାର୍ ବାହାତାକେ ରାଜା ଆଦେଙ୍ଗ୍ ଇଚାକିଜି ମାଚାର୍।

![](https://cdn.door43.org/obs/jpg/360px/obs-en-18-12.jpg)

ୱିଜୁ ରାଜାର୍ ଆରେ ଇସ୍ରାଏଲ ରାଜିନି ୱିଜୁ ମାନାୟାର୍ ମୁର୍ତି ପୁଜାକିଜି ମାଚାର୍। ହେୱାର୍ ମୁର୍ତି ପୁଜାତାକେ କେତେକ୍ ସମୟତାକେ ଯୌନ ଅଶୁଚିତା ଆରେ ଇଲେକେ କି ରଗ-ରଗ ହିମ୍‌ଣାଙ୍ଗ୍ ପା ବଲି ପୁଜା କିଜି ମାଚାର୍।

![](https://cdn.door43.org/obs/jpg/360px/obs-en-18-13.jpg)

ଯିହୁଦାନି ରାଜାର୍ ଦାଉଦନି ଲାତ୍ରା ମାଚାର୍। ଇ ୱିଜାକାର୍ ରାଜାର୍ ବିତ୍ରେତାଙ୍ଗ୍ କେତେକ୍ ହାର୍ ମାନାୟ୍ ମାଚାର୍, ଇମ୍‌ଣାକାର୍ କି ନ୍ୟାୟ ବାବ୍‌ରେ ସାସନ୍ କିଜି ମାଚାର୍ ଆରେ ଈଶ୍ୱରତିଙ୍ଗ୍ ହେବା କିଜି ମାଚାର୍। ମାତର୍ ଯିହୁଦାନି କେତ୍‌ଜାଣ୍ ରାଜାର୍ କରାପ୍ ଆରେ ବାନ୍ୟା ମାଚାର୍ ଆରେ ହେୱାର୍ ମୁର୍ତି ପୁଜା କିଜି ମାଚାର୍। କେତେକ୍ ରାଜାର୍ ଇଲେକେ କି ହେୱାର୍ ହିମ୍‌ଣାକାଙ୍ଗ୍ ବୁଲ୍‌କାୟ୍ କିନି ଦେବା ଦେବିକାଙ୍ଗ୍ ବଲିପୁଜା କିଜି ମାଚାର୍। ଯିହୁଦାନି କେତ୍‌ଜାଣ୍ ମାନାୟାର୍ ପା ଈଶ୍ୱର ବିରଦ୍‌ତାକେ ବିରଦ୍‌ କିତାର୍ ଆରେ ଜେକନି ଦେବିକାଙ୍ଗ୍ ବଲିପୁଜା କିଜି ମାଚାର୍। ଯିହୁଦାନି କେତ୍‌ଜାଣ୍ ମାନାୟାର୍ ପା ଈଶ୍ୱରତିଙ୍ଗ୍ ବିରଦ୍‌କିଜି ବିଦ୍ରୋହ କିତାର୍ ଆରେ ଜେକନି ଦେବା ଦେବିକାଙ୍ଗ୍ ହେବା କିଜି ମାଚାର୍।

*ବାଇବଲନି ର କାତା: ୧ରାଜା ବଳୀ ୧- ୬; ୧୧- ୧୨*

## 19. ୧୯. ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍

https://openbiblestories.org/l/peg/story-19/

![](https://cdn.door43.org/obs/jpg/360px/obs-en-19-01.jpg)

ଇସ୍ରାଏଲନି ମାନାୟାର୍ ଇତିହାସ୍‌ତାକେ ଈଶ୍ୱର ହେୱାର୍ ଲାଗାୟ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ପକ୍ତାନ୍। ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ଈଶ୍ୱରତାଙ୍ଗ୍ ବେଣ୍ ୱେନ୍‌ଞ୍ଜି ତାପାଚେ ଈଶ୍ୱର ବେଣ୍‌ତିଙ୍ଗ୍ ମାନାୟାର୍ ୱେଚ୍‌ଚି ମାଚାର୍।

![](https://cdn.door43.org/obs/jpg/360px/obs-en-19-02.jpg)

ଏଚେପାଦ୍ନା ଆହାବ ଇସ୍ରାଏଲ ରାଜିନି ରାଜା ମାଚାନ୍ ହେପାଦ୍ନା ଏଲୀୟ ରକାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ମାଚାନ୍। ଆହାବ ରକାନ୍ କରାପ୍ ମାନାୟ୍ ମାଚାନ୍ ହେୱାନ୍‌ ବାଲ୍ ତର୍‌ଦି ରକାନ୍ ବୁଲ୍‌ ଦେବିତିଙ୍ଗ୍ ପୁଜା କିନି କାଜିଙ୍ଗ୍ ମାନାୟାରିଙ୍ଗ୍ ୱାରିକିୟିକିଜି ମାଚାନ୍‌। ଏଲୀୟ ଆହବଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ୱେଚ୍‌ୱିତି ପାତେକ୍ ଇସ୍ରାଏଲ ଦେସ୍‌ତାକେ ଇମ୍‌ଣି ପର୍‌କାର୍ ବାର୍‌ହା କି ପିନି ଆଉତ୍। ଇଦାଙ୍ଗ୍ କାଜିଙ୍ଗ୍ ଆହାବ ବେସି ରିସା ଆତାନ୍।”

![](https://cdn.door43.org/obs/jpg/360px/obs-en-19-03.jpg)

ଏଲୀୟଙ୍ଗ୍ ମାର୍ନେ ଅହ୍‌ନି କାଜିଙ୍ଗ୍ ଇଚା କିଜି ମାଚି ଆହାବତାଙ୍ଗ୍ ଜାର୍‌ତିଙ୍ଗ୍ ଟାଙ୍ଗ୍ରା ବାହାତାକେ ମାନି ର ଜାରାଣ୍ ତାକେ ଡ଼ୁକ୍‌ତି କାଜିଙ୍ଗ୍ ଈଶ୍ୱର ଏଲୀୟଙ୍ଗ୍ ୱେଚ୍‌ଚି ମାଚାନ୍। ୱିଜୁଦିନ୍ ନାଡ଼ିସ୍ ଆରେ ୱିଜୁଦିନ୍ ମିକାହାରେସ୍ ପଟିଙ୍ଗ୍ ରୁଟି ଆରେ ଜେଇ ତାସିହିଜି ମାଚିକ୍। ଆହାବ ଆରେ ତା ସେନା ଏଲୀୟଙ୍ଗ୍ ଡେକ୍‌ତାର୍‌, ମାତର୍ ହେୱାର୍‌ ହେୱାନିଙ୍ଗ୍ ଗାଟାଆୱାତାର୍‌। ମାର୍‌ଡି ଏଚେକ୍ ବୟଙ୍କାର୍‌ ମାଚାତ୍ ଯେ ଝାରାଣ୍ ପା ହାରିହାରା ଦିରେ-ଦିରେ ୱାଜ୍‌ଜି ହାଚାତ୍।

![](https://cdn.door43.org/obs/jpg/360px/obs-en-19-04.jpg)

ଲାଗିଙ୍ଗ୍ ଏଲୀୟ ର ପାଡ଼୍‌ହାନି ଦେସ୍‌ତାକେ ହାଚାନ୍। ମାର୍‌ଡି ଆତିଲେ ହେ ଦେସ୍‌ନି ରଞ୍ଜେଲ୍ ରାଣ୍ଡି ଆରେ ତା ମେହିତି କାଦି ୱିସ୍‌ଦି ମାଚାତ୍।ଇନେସ୍‌କି ବାର୍‌ହା ଆୱିତିଲେ ମାର୍‌ଡି ଆଜି ମାଚାତ୍, ମାତର୍ ହେୱାର୍ ଏଲୀୟଙ୍ଗ୍ ଜାତୁନ୍ ଅତାର୍, ଆରେ ଈଶ୍ୱର ହେୱାରିଙ୍ଗ୍ କାଦି ଜଗାଇ କିତାନ୍ ଇନେସ୍‌କି ହେୱାରିଙ୍ଗ୍ ମଇଦା ଟାଙ୍ଗା ଆରେ ଚିକାଣ୍ ଟାଙ୍ଗା ଇନେୱାଡ଼ାଙ୍ଗ୍ ୱିଜ୍‌ୱାତାତ୍। ହେ ମାର୍‌ଡି ୱିଜ୍‌ନି ପାତେକ୍ ପା ହେୱାର୍ କାଦି ମାଚାତ୍। ଏଲିୟ ହେବେ କେତେକ୍ ବାର୍‌ହୁ ପାତେକ୍ ମାଚାନ୍।

![](https://cdn.door43.org/obs/jpg/360px/obs-en-19-05.jpg)

ତିନ୍ ବାର୍‌ହୁ ଅଦା ଆତି ପାଚେ, ଈଶ୍ୱର ଏଲୀୟଙ୍ଗ୍ ଇସ୍ରାଏଲ ଦେସ୍‌ତାକେ ଲେଉଟାଆଜି ହାଞ୍ଜେଙ୍ଗ୍ ୱେଚ୍‌ଚାନ୍, “ଆରେ ଆହାବଙ୍ଗ୍ ୱେଚ୍‌ଚେଙ୍ଗ୍ ଯେ ହେୱାନ୍ ଆରେରଗ ବାର୍‌ହା ପକ୍ତେଙ୍ଗ୍ ହାନାନା।” ଏଚେପାଦ୍ନା ଆହାବ ଏଲୀୟଙ୍ଗ୍ ହୁଡ଼୍‌ତାନ୍, ହେୱାନ୍ ୱେଚ୍‌ଚାନ୍, “ଇଦାଙ୍ଗ୍ କି ଏନେଙ୍ଗ୍ ସମସ୍ୟା ରସ୍ତାକାଇ!” ଏଲୀୟ ହେୱାନିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ସମସ୍ୟା ରସ୍ତାକାଇ! ଏନେଙ୍ଗ୍ ସତ୍ ଈଶ୍ୱର ମାପୃଙ୍ଗ୍ ପିସ୍ତାଇନା ଆରେ ବାଲ୍ ଦେବିନି ହେବା କିନାୟା। ଇସ୍ରାଏଲ ରାଜିନି ୱିଜୁ ମାନାୟାରିଙ୍ଗ୍ କର୍ମିଲ ମାଡ଼ି ଲାଗାୟ୍ ତାସିୱାଡ।”

![](https://cdn.door43.org/obs/jpg/360px/obs-en-19-06.jpg)

୪୫୦ ଜାଣ୍ ବାଲ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ନି ହୁଦାଙ୍ଗ୍‌ ଇସ୍ରାଏଲ ରାଜିନି ୱିଜାକାର୍ ମାନାୟ୍ କର୍ମିଲ ମାଡ଼ିତାକେ ୱାତାର୍। ଏଲୀୟ ମାନାୟାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଏଚେ ଦିନ୍ ପାତେକ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିନାଦେରା? ଯଦି ୱିଜୁତାଙ୍ଗ୍ ଶାକ୍ତିକାଟି ମାପୃ ଈଶ୍ୱର, ଲାଗିଙ୍ଗ୍ ତା ହେବା କିୟାଟ୍! ବାଲ୍ ଦେବି ଯଦି ଈଶ୍ୱର, ଲାଗିଙ୍ଗ୍ ତାଙ୍ଗେଙ୍ଗ୍ ହେବା କିୟାଟ୍।”

![](https://cdn.door43.org/obs/jpg/360px/obs-en-19-07.jpg)

ତାପାଚେ ଏଲୀୟ ବାଲ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ରିଙ୍ଗ୍ ୱେଚ୍‌ଚାନ୍, “ର ମେଣ୍ଢା ଅହାଟ୍ ଆରେ ହେଦାଙ୍ଗ୍‌ତିଙ୍ଗ୍ ବଲିପୁଜା କାଜିଙ୍ଗ୍ ରହାଟ୍, ମାତର୍ ହେବେ ନାଣି ଆହାୟ୍ କିମାଟ୍। ଆନେଙ୍ଗ୍ ପା ହେଦାଙ୍ଗ୍ କିନାଙ୍ଗ୍। ଇମ୍‌ଣି ଈଶ୍ୱର ନାଣିତାଙ୍ଗ୍ ବେଣ୍ କିନାନ୍ ହେୱାନ୍ ସତ୍‌ ଈଶ୍ୱର ଆନାନ୍।” ଲାଗିଙ୍ଗ୍ ବାଲ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ର ବଲିପୁଜା କିନି ବେଦି ରସ୍ତାର୍ ମାତର୍ ହେବେ ନାଣି ହିୱାତାର୍।

![](https://cdn.door43.org/obs/jpg/360px/obs-en-19-08.jpg)

ତାପାଚେ ବାଲ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ବାଲ୍ ଦେବିଙ୍ଗ୍ ପାର୍ତାନ୍ କିତାର୍, “ବାଲ୍ ଦେବି, ମା ପାର୍ତାନା ୱେନା!” ୱେଡ଼ାବୁଡି ହେୱାର୍ ପାର୍ତାନା କିତାର୍ ଆରେ ଗାଜାକାଟ୍ କିଜି ଆଲାଆତାର୍ ଆରେ ଜାର୍-ଜାର୍‌ତିଙ୍ଗ୍ ହୁରିତାଙ୍ଗ୍ ହଣ୍ଡି ଆତାର୍, ମାତର୍ ଇମ୍‌ଣି ଉତର୍ ପା ଗାଟା ଆୱାତାତ୍।

![](https://cdn.door43.org/obs/jpg/360px/obs-en-19-09.jpg)

ହେ ଦିନ୍‌ନି ୱେଡ଼ା ହାନିହିଙ୍ଗ୍, ଏଲୀୟ ଈଶ୍ୱରତାକେ ର ବଲିପୁଜା ରସ୍ତାନ୍। ତାପାଚେ ହେୱାନ୍ ମାନାୟାରିଙ୍ଗ୍ ୱେଚ୍‌ଚାନ୍, ପୁଜାକିନି ବେଦିନି ଜେଇ, ୱେଜ୍‌ଗୁ ଇଲେକେ ପୁଜାକିନି ବେଦି ଚାରିବେଣ୍‌ତି ମେଦ୍‌ନି ଏଜୁଙ୍ଗ୍‌ତାଙ୍ଗ୍ ୱିଜୁ ଅଲ୍ ଆନି ପାତେକ୍ ବାର ଗାଟା ଗାଜା ଟାଙ୍ଗାକାଙ୍ଗ୍ ଏଜୁଙ୍ଗ୍ ଅଜି ୱାକ୍‌ତେଙ୍ଗ୍ ୱେଚ୍‌ଚାନ୍।

![](https://cdn.door43.org/obs/jpg/360px/obs-en-19-10.jpg)

ତାପାଚେ ଏଲୀୟ ପାର୍ତାନା କିତାନ୍, “ଏ ଅବ୍ରାହାମ, ଇସାହାକ ଆରେ ଯାକୁବ ଈଶ୍ୱର ୱିଜୁତାଙ୍ଗ୍ ଶାକ୍ତିକାଟି ମାପୃ, ନେଞ୍ଜେଙ୍ଗ୍ ମାଙ୍ଗେଙ୍ଗ୍ ଚଚ୍‌ଚା ଯେ ଏନେଙ୍ଗ୍ ଇସ୍ରାଏଲନି ଈଶ୍ୱର ଆରେ ଆନେଙ୍ଗ୍ ମି ଦାସ୍। ନାଙ୍ଗେଙ୍ଗ୍ ଉତର୍ ହିଦା ଇନେସ୍‌କି ଇ ୱିଜୁ ମାନାୟ୍ ପୁଞ୍ଜେଙ୍ଗ୍ ଆଡ୍‌ନାର୍ ଯେ ଏନେଙ୍ଗ୍ ସତ୍ ଈଶ୍ୱରତି।”

![](https://cdn.door43.org/obs/jpg/360px/obs-en-19-11.jpg)

ହେଦାପ୍ରେ ବାଦାଡ଼୍‌ତାଙ୍ଗ୍ ନାଣି ଆର୍‌ଜି ପୁଜାକିନି ବେଦିତାକେ ମାନି ଜେଇ, ୱେଜ୍‌ଗୁ, କାଲ୍‌କୁ, ଦୁଡ଼ି ଆରେ ଇଲେକେ ପୁଜାକିନି ବେଦି ଚାରିବେଣ୍‌ତାଙ୍ଗ୍ ମାନି ଏଜୁକାଙ୍ଗ୍ ନିକି କିତାତ୍। ଏଚେପାଦ୍ନା ମାନାୟାର୍ ଇଦାଙ୍ଗ୍ ହୁଡ଼୍‌ତାର୍, ହେୱାର୍ ମେଦ୍‌ନିତାକେ ଗୁର୍‌ଜି ୱେଚ୍‌ଚାର୍, “ୱିଜୁତାଙ୍ଗ୍ ଶାକ୍ତିକାଟି ମାପୃ ନେ ଈଶ୍ୱର! ୱିଜୁତାଙ୍ଗ୍ ଶାକ୍ତିକାଟି ମାପୃ ନେ ଈଶ୍ୱର।”

![](https://cdn.door43.org/obs/jpg/360px/obs-en-19-12.jpg)

ତାପାଚେ ଏଲୀୟ ୱେଚ୍‌ଚାନ୍, “ବାଲ୍ ଦେବିନି ଇମ୍‌ଣି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତିଙ୍ଗ୍ କୁସ୍‌ଡ଼ାଆଜି ହାଞ୍ଜେଙ୍ଗ୍ ହିମାଟ୍।” ଲାଗିଙ୍ଗ୍ ମାନାୟାର୍ ବାଲ୍ ଦେବିନି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ଆସ୍ତି ହେୱାରିଙ୍ଗ୍ ମାର୍ନେ ଅସ୍ତାର୍।

![](https://cdn.door43.org/obs/jpg/360px/obs-en-19-13.jpg)

ତାପାଚେ ଏଲୀୟ ଆହାବଙ୍ଗ୍ ୱେଚ୍‌ଚାନ୍, “ଦେସ୍‌ତାକେ ବେଗି ଲେଉଟାଆଜି ହାଲା, ଇନେସ୍‌କି ବାର୍‌ହା ୱାନାତା।” ବେଗି ବାଦାଙ୍ଗ୍ କାର୍‌ହା ଆଦେଙ୍ଗ୍ ଲାଗାନାତା ଆରେ ବେସି ବାର୍‌ହା ଆତାତ୍। ଯିହୋବା ମରୁଡିତିଙ୍ଗ୍ ଶେସ୍‌କିଜି ୱିସ୍ତି ମାଚାନ୍ ଆରେ ହେୱାନ୍ ଯେ ସତ୍ ଈଶ୍ୱର ହେଦାଙ୍ଗ୍ ହେୱାନ୍ ପାର୍ମାଣ୍ କିଜି ଚଚ୍‌ଚାନ୍।

![](https://cdn.door43.org/obs/jpg/360px/obs-en-19-14.jpg)

ଏଲୀୟ ସମୟ ପାଚେ, ଈଶ୍ୱର ଇଲିଶାୟ ତର୍‌ଦି ରକାନ୍ ମାନାୟ୍‌ତିଙ୍ଗ୍ ତା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଆନି କାଜିଙ୍ଗ୍ ବାଚି କିତାନ୍। ଈଶ୍ୱର ଇଲିୟାତାଙ୍ଗ୍ କେତେକ୍ ଚାନିଆ ଆନି କାମାୟ୍ କିତାନ୍। ନାମାନଙ୍କ କାଜିଙ୍ଗ୍ ର ଚାନିଆଆନି କାମାୟ୍ ଗଟାଆଜି ମାଚାତ୍, ହେୱାନ୍‌ ରକାନ୍ ଶତ୍ରୁ ସେନାପତି ମାଚାନ୍, ହେୱାନିଙ୍ଗ୍ ବୟଙ୍କାର୍ ତଲ୍ ରଗ୍ ଆଜି ମାଚାତ୍। ହେୱାନ୍ ଇଲିଶାୟ ବିଷୟରେ ୱେଚାନ୍‌ ଲାଗିଙ୍ଗ୍ ହେୱାନ୍ ହାଲ୍‌ଜି ହେୱାନିଙ୍ଗ୍ ହାର୍ କିନି କାଜିଙ୍ଗ୍ ଇଲିଶାୟଙ୍ଗ୍ ୱେଚ୍‌ଚାନ୍।ଇଲିଶାୟ ନାମାନଙ୍ଗ୍ ଯର୍ଦ୍ଦନ୍‌ ନାଗୁଡ଼୍‌ତାକେ ସାତ୍‌ହଟ୍ ମୁନ୍‌ଞ୍ଜେଙ୍ଗ୍ ୱେଚ୍‌ଚି ମାଚାନ୍।

![](https://cdn.door43.org/obs/jpg/360px/obs-en-19-15.jpg)

ପାର୍ତୁମ୍ ନାମାନ ରିସା ଆଜି ମାଚାନ୍ ଆରେ ଇଦାଙ୍ଗ୍ କିୱାଦାଙ୍ଗ୍ ମାଚାନ୍ ଇନେସ୍‌କି ଇଦାଙ୍ଗ୍ ମୁର୍କ ଲେକେ ତାଙ୍ଗେଙ୍ଗ୍ ଲାଗାତାତ୍। ମାତର୍ ପାଚେନି ସମୟତ ହେୱାନ୍ ତା ମାନ୍ ବାଦ୍‌ଲାୟ୍ କିଜି ଯର୍ଦ୍ଦନ ନାଗୁଡ଼୍‌ତ ସାତ୍‌ହଟ୍ ମୁନ୍‌ଞ୍ଚାନ୍। ହେୱାନ୍ ଏଚେପାଦ୍ନା ହାରିହାରା କାଜିଙ୍ଗ୍ ଏଜୁଙ୍ଗ୍‌ତାଙ୍ଗ୍ ମୁନ୍‌ଞ୍ଜି ହସି ୱାତାନ୍ ହେପାଦ୍ନା ତା ତଲ୍ ୱିଜୁ ହାର୍ ଆତାତ୍।ଈଶ୍ୱର ହେୱାନିଙ୍ଗ୍ ହାର୍ କିଜି ମାଚାନ୍।

![](https://cdn.door43.org/obs/jpg/360px/obs-en-19-16.jpg)

ଈଶ୍ୱର ଆରେ ଜେକନି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ପକ୍‌ଚି ମାଚାନ୍। ହେୱାର୍ ୱିଜାକାର୍ ମାନାୟାରିଙ୍ଗ୍ ମୁର୍ତି ପୁଜା କିନାକା ବନ୍ଦ୍ କିନି କାଜିଙ୍ଗ୍ ୱେଚ୍‌ଚାର୍ ଆରେ ଜେକନିକାରିଙ୍ଗ୍ ନ୍ୟାୟ୍ ଆରେ ଦୟା ଚଚ୍‌ଚେଙ୍ଗ୍ ୱେଚ୍‌ଚି ମାଚାର୍। ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ମାନାୟାରିଙ୍ଗ୍ ଜାଗ୍ରତ୍ କିୟିକିଜି ୱେଚ୍‌ଚାର୍ ଯେ ହେୱାର୍ ଯଦି କରାପ୍ କାମାୟ୍ କିଦେଙ୍ଗ୍ ବନ୍ଦ୍ କିଉର୍ ଆରେ ଈଶ୍ୱର କାତାତିଙ୍ଗ୍ ମାନି କିଉର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ଦସ୍ ଆସ୍ତି ବିଚାର୍ କିନାନ୍ ଆରେ ହେୱାରିଙ୍ଗ୍ ଦଣ୍ଡ୍ ହିନାନ୍।

![](https://cdn.door43.org/obs/jpg/360px/obs-en-19-17.jpg)

କେତେକ୍ ସମୟତ ମାନାୟାର୍ ଈଶ୍ୱର କାତାତିଙ୍ଗ୍ ମାନି କିୱାତାର୍। ହେୱାର୍ କେତେକ୍ ସମୟତ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ହୁଦାଙ୍ଗ୍ କରାପ୍ ବ୍ୟବହାର୍ କିଜି ମାଚାର୍ ଆରେ ଚାନେକ୍-ଚାନେକ୍ ଇଲେକେ ମାନାୟାରିଙ୍ଗ୍ ମାର୍ନେ ଅସ୍ତି ମାଚାର୍। ରଗ ଯରିମିୟ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତିଙ୍ଗ୍ ର ୱାଚ୍‌ଚି କୁଁ କଡ଼ିତାକେ ରାତ୍‌ତି ମାଚାର୍ ଆରେ ହେୱାନ୍ ହାଃନି କାଜିଙ୍ଗ୍ ହେୱାନିଙ୍ଗ୍ ହେବେ ରକାନିଙ୍ଗ୍ ପିସ୍ତି ମାଚାର୍। ହେୱାନ୍ କୁଁ କଡ଼ି ତାରେନ୍ ମାନି କାଦତାକେ ମୁନ୍‌ଞ୍ଜି ମାଚାନ୍, ମାତର୍ ରାଜା ହେୱାନିଙ୍ଗ୍ ଦୟା କିତାନ୍ ଆରେ ଯିରିମିୟ ହାଃନି ଆଗେ ହେୱାନିଙ୍ଗ୍ କୁଁ କଡ଼ିତାଙ୍ଗ୍ ହପ୍‌ଚି ତାହିୱାନି କାଜିଙ୍ଗ୍ ହେୱାନ୍ ତା ଦାସ୍ ମାନାୟାରିଙ୍ଗ୍ ଆଦେସ୍ ହିତାନ୍।

![](https://cdn.door43.org/obs/jpg/360px/obs-en-19-18.jpg)

ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ମାନାୟାର୍ ଗିଣ୍ କିତିସ୍ ପା ହେୱାର୍ ଈଶ୍ୱର କାଜିଙ୍ଗ୍ ବେଣ୍ ୱେଚ୍‌ଚେଙ୍ଗ୍ ଲାଗାତାର୍। ହେୱାର୍ ମାନାୟାରିଙ୍ଗ୍ ଜାଗ୍ରତ୍ କିୟିକିଜି ୱେଚ୍‌ଚାର୍ ଯେ ଯଦି ହେୱାର୍ ବାବି କିୱିତିସ୍‌ ଈଶ୍ୱର ହେୱାରିଙ୍ଗ୍ ନଷ୍ଟ କିନାନ୍। ଈଶ୍ୱର ପକ୍ତିତି ଖ୍ରୀଷ୍ଟ ଯେ ୱାନାନ୍ ହେ ପାର୍ମାଣ୍ ବିଷୟରେ ପା ହେୱାର୍ ମାନାୟାରିଙ୍ଗ୍ ୱେଚ୍‌ଚି ମାଚାର୍।

*ବାଇବଲ୍‌ନି ର କାତା: ୧ ରାଜାବଳୀ ୧୬-୧୮; ୨ନରାଜାବଳୀ ୫; ଯିରିମିୟ ୩୮*

## 20. ୨୦. ନିର୍ବାସନ ଏବଂ ପ୍ରତ୍ୟାବର୍ତ୍ତନ

https://openbiblestories.org/l/peg/story-20/

![](https://cdn.door43.org/obs/jpg/360px/obs-en-20-01.jpg)

ଜାର୍-ଜାର୍‌ବିତ୍ରେ ଇସ୍ରାଏଲ ରାଜି ଆରେ ଯିହୁଦା ରାଜି ଈଶ୍ୱର ବିରଦ୍‌ତାକେ ପାପ୍ କିତାର୍। ଈଶ୍ୱର ସୀନୟ ମାଡ଼ିତାକେ ହେୱାର୍ ହୁଦାଙ୍ଗ୍ ଇମ୍‌ଣି ନିୟମ୍ କିଜି ମାଚାନ୍ ହେୱାର୍ ହେ ନିୟମ୍‌ତିଙ୍ଗ୍ ବାଙ୍ଗାୟ୍ କିତାର୍। ମାନାୟାର୍ ଇନେସ୍ ଏତୁ କିନାର୍ ଆରେ ଆରେରଗ ହେୱାନିଙ୍ଗ୍ ହେବା କିନାର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ପକ୍‌ଚି ଜାଗ୍ରତ୍ କିୟିକିତାର୍, ମାତର୍ ହେୱାର୍ ହେଦାଙ୍ଗ୍ ମାନି କିଦେଙ୍ଗ୍ ଆକାୟ୍ ଇଚାର୍।

![](https://cdn.door43.org/obs/jpg/360px/obs-en-20-02.jpg)

ଲାଗିଙ୍ଗ୍ ଈଶ୍ୱର ଜାର୍-ଜାର୍ ରାଜିତିଙ୍ଗ୍ ହେୱାର୍ ଶତ୍ରୁର୍ କାଜିଙ୍ଗ୍ ନଷ୍ଟ ଆନି କାଜିଙ୍ଗ୍ ଆଦେସ୍ ହିତାନ୍। ର ଶାକ୍ତିକାଟାକାନ୍ ଆରେ ନିର୍ଦୟୀ ଦେସ୍ ଆସିରୀୟ ରାଜି ଇସ୍ରାଏଲ ରାଜିତିଙ୍ଗ୍ ନଷ୍ଟ କିତାନ୍। ଇସ୍ରାଏଲ ଦେସ୍‌ତାକେ ମାନି କେତେକ୍ ମାନାୟାରିଙ୍ଗ୍ ଆସିରୀୟନି ମାନାୟାର୍ ମାର୍ନେ ଅସ୍ତାର୍, ମୁଲ୍ୟମାନି ଜିନିଷ୍‌ତିଙ୍ଗ୍ ଅତାର୍, ଆରେ ଦେସ୍‌ନି କେତ୍‌ଜାଣ୍‌ତିଙ୍ଗ୍ କାଡି କିତାର୍।

![](https://cdn.door43.org/obs/jpg/360px/obs-en-20-03.jpg)

ଆସିରୀୟନି ମାନାୟାର୍ ହାଉକାର୍ ମାନାୟାରିଙ୍ଗ୍, ଶାକ୍ତି ମାନି ମାନାୟାରିଙ୍ଗ୍ ଇଲେକେ ୱିଜୁ ନେତାରିଙ୍ଗ୍ ରବେ କିତାର୍ ଆରେ ହେୱାରିଙ୍ଗ୍ ଆସ୍ତି ଆସିରୀୟତାକେ ହାଚାର୍। ଆପ୍‌କା ବେସି ଗରିବ୍ ଇସ୍ରାଏଲନି ମାନାୟାର୍ ଇମ୍‌ଣାକାରିଙ୍ଗ୍ ମାର୍ନେ ଅହ୍‌ୱାଦାଙ୍ଗ୍ ମାଚାର୍ ହେୱାର୍ ନେ ଇସ୍ରାଏଲ ରାଜିତାକେ ମାଚାର୍।

![](https://cdn.door43.org/obs/jpg/360px/obs-en-20-04.jpg)

ତାପାଚେ ଆସିରୀୟନି ମାନାୟାର୍ ବିନ୍ ଦେସ୍‌ନି ମାନାୟାରିଙ୍ଗ୍ ହେୱାର୍ ଦେସ୍‌ତାକେ ବାହା କିନି କାଜିଙ୍ଗ୍ ଇସ୍ରାଏଲ ରାଜିତାକେ ତାହି ୱାତାର୍। ବିନ୍ ଦେସ୍‌ନି ମାନାୟାର୍ ନଷ୍ଟ ଆତି ଦେସ୍‌କୁକାଙ୍ଗ୍ ଆରେରଗ ରସ୍ତାର୍ ଆରେ ଇମ୍‌ଣି ଇସ୍ରାଏଲନି ମାନାୟାର୍ ହେବେ ମାଚାର୍ ହେୱାରିଙ୍ଗ୍ ବିବା ଆତାର୍। ଇମ୍‌ଣି ଇସ୍ରାଏଲନି ମାନାୟାର୍ ଲାତ୍ରା ବିନ୍ ଦେସ୍‌ନିକାରିଙ୍ଗ୍ ବିବା କିଜି ମାଚାର୍ ହେୱାରିଙ୍ଗ୍ ଶମିରୋଣିୟ ଇଞ୍ଜି ୱେଚ୍‌ଚି ମାଚାର୍।

![](https://cdn.door43.org/obs/jpg/360px/obs-en-20-05.jpg)

ଯିହୁଦା ରାଜିନି ମାନାୟାର୍ ହୁଡ଼୍‌ତାର୍ ଯେ ଇସ୍ରାଏଲ ରାଜିନି ମାନାୟାର୍ ଈଶ୍ୱରତିଙ୍ଗ୍ ପାର୍ତି କିୟିତିଲେ ଆରେ ତା କାତାତିଙ୍ଗ୍ ମାନି କିୟିତିଲେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଜି ମାଚାନ୍। ମାତର୍ ହେୱାର୍ କିଣାନନି ଦେବା ଦେବିକାଙ୍ଗ୍ ୱିଜାକାର୍‌ ମୁର୍ତିକାଙ୍ଗ୍ ହେବା କିତାର୍। ହେୱାରିଙ୍ଗ୍ ଜାଗ୍ରତ୍ କିୟିକିନି କାଜିଙ୍ଗ୍ ଈଶ୍ୱର ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ପକ୍‌ଚି ମାଚାନ୍, ମାତର୍ ହେୱାର୍ ତା କାତା ୱେନ୍‌ୱାତାର୍।

![](https://cdn.door43.org/obs/jpg/360px/obs-en-20-06.jpg)

ଆସିରୀୟନି ମାନାୟାର୍ ଇସ୍ରାଏଲ ରାଜି ନଷ୍ଟ କିନି ୧୦୦ ବାର୍‌ହୁ ପାଚେ, ଈଶ୍ୱର ବାବିଲନି ରାଜା ନବୁକଦ୍‌ନିସ୍‌ରଙ୍ଗ୍ ଯିହୁଦା ରାଜିତିଙ୍ଗ୍‌ ଯୁଜ୍ କିନି କାଜିଙ୍ଗ୍ ପକ୍ତାନ୍। ବାବିଲନ ର ଶାକ୍ତିକାଟି ଦେସ୍‌ ମାଚାତ୍। ଯିହୁଦାନି ରାଜା ନବୁକଦ୍‌ନସରଙ୍ଗ୍ ଦାସ୍ ଆନି କାଜିଙ୍ଗ୍ ଇଚା କିତାନ୍‌ ଆରେ ୱିଜୁ ବାର୍‌ହୁ ହେୱାନିଙ୍ଗ୍ କେତେକ୍ ଡାବୁଙ୍ଗ୍ ହିତାନ୍।

![](https://cdn.door43.org/obs/jpg/360px/obs-en-20-07.jpg)

ମାତର୍ ଅଲପ୍ ବାର୍‌ହୁ ପାଚେ, ଯିହୁଦାନି ରାଜା ବାବିଲନ ବିରଦ୍‌ତାକେ ବିରଦ୍‌ କିତାନ୍‌। ଲାଗିଙ୍ଗ୍ ବାବିଲନନି ମାନାୟାର୍ ଲେଉଟାଆଜି ୱାଜି ଯିହୁଦା ରାଜିତିଙ୍ଗ୍ ଯୁଜ୍ କିତାର୍। ହେୱାର୍ ଯିରୁଶାଲାମ ଦେସ୍‌ତିଙ୍ଗ୍ ଆସ୍ତାର୍, ମନ୍ଦିର୍‌ତିଙ୍ଗ୍ ନଷ୍ଟ କିତାର୍, ଆରେ ଦେସ୍‌ନି ଆରେ ମନ୍ଦିର୍‌ନି ଦନ ହନାବାନା ଅତାର୍।

![](https://cdn.door43.org/obs/jpg/360px/obs-en-20-08.jpg)

ବିରଦ୍ କିତି କାଜିଙ୍ଗ୍ ଯହୁଦାନି ରାଜାଙ୍ଗ୍ ଦଣ୍ଡ୍ ହିନି କାଜିଙ୍ଗ୍ ନବୁଖଦ୍‌ନସରନି ସେନାର୍ ରାଜା ହିମ୍‌ଣାଙ୍ଗ୍‌ ମୁମ୍‌ଦ ମାର୍ନେ ଅସ୍ତାର୍ ଆରେ ହେୱାନିଙ୍ଗ୍ କାଣ୍‌କୁ କାଣା କିତାର୍। ତାପାଚେ ହେୱାନ୍ ଇମେସ୍ ବାବିଲୋନନି ଜଇଲ୍ ଇଞ୍ଜ ହାଃନାନ୍‌ ହେଦାଙ୍ଗ୍ କାଜିଙ୍ଗ୍ ହେୱାର୍ ହେୱାନିଙ୍ଗ୍ ବାବିଲୋନତିଙ୍ଗ୍ ଅସାହାଚାର୍।

![](https://cdn.door43.org/obs/jpg/360px/obs-en-20-09.jpg)

ନବୁଖଦ୍‌ନସର ଆରେ ତା ସେନାର୍‌ ଯିହୁଦାନି କେତ୍ ଜାଣ୍‌ତିଙ୍ଗ୍ ବାବିଲନ ଦେସ୍‌ତାକେ ଅସାହାଚାର୍ ଆରେ ଜମିତାକେ କାମାୟ୍ କିଦେଙ୍ଗ୍ ଆପ୍‌କା ଗରିବ୍‌ ମାନାୟାରିଙ୍ଗ୍ ଯିହୁଦା ଦେସ୍‌ତାକେ ପିସ୍ତି ହାଚାର୍। ଈଶ୍ୱର ମାନାୟାରିଙ୍ଗ୍ ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍‌ତାଙ୍ଗ୍ ଜବର୍ ଦସ୍ତିକିଜି ଅଜିମାଚି ଟିକ୍‌ ସମୟତିଙ୍ଗ୍ ନିର୍ବାସନ ୱେଚ୍‌ଚି ମାଚାର୍।

![](https://cdn.door43.org/obs/jpg/360px/obs-en-20-10.jpg)

ଆରେ ଯଦି ପାପ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଚାକର୍ ଆଦେଙ୍ଗ୍ ଜେକନି ଦେସ୍‌ତାକେ ପକ୍ତାର୍, ଆତିସ୍‌ପା ହେୱାନ୍ ହେୱାରିଙ୍ଗ୍ କି ତା ପାର୍ମାଣ୍ ୱିଜୁ ବାଣାଆୱାଦାଙ୍ଗ୍ ମାଚାନ୍‌। ଈଶ୍ୱର ତା ମାନାୟାରିଙ୍ଗ୍ ଦେକାଶୁଣା କିଜି ମାଚାନ୍‌ ଆରେ ତା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍‌ତାଙ୍ଗ୍ ହେୱାରିଙ୍ଗ୍ ବେଣ୍ ୱେଚ୍‌ଚି ମାଚାନ୍‌। ହେୱାନ୍ ପାର୍ମାଣ୍ କିତାନ୍ ଯେ, ସତୁରି ବାର୍‌ହୁ ପାଚେ ହେୱାର୍ ଆରେରଗ ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍‌ତାକେ ଲେଉଟାଆଜି ୱାନାର୍।

![](https://cdn.door43.org/obs/jpg/360px/obs-en-20-11.jpg)

ସତୁରି ବାର୍‌ହୁ ପାଚେ, ପାରସ୍ୟ ରାଜା ସାଇରସ ବାବିଲନ ଦେସ୍‌ତିଙ୍ଗ୍ ଆରାୟ୍ କିତାନ୍‌, ଲାଗିଙ୍ଗ୍ ପାରସ୍ୟ ରାଜି ବାବିଲୋନନି ମାନାୟାର୍ ରାଜିନି ବାହା ଅତାନ୍। ନଙ୍ଗୟ୍ ଇସ୍ରାଏଲନି ମାନାୟାରିଙ୍ଗ୍ ଯିହୁଦି ଇଞ୍ଜି ୱେଚ୍‌ଚାର୍ ଆରେ ହେୱାର୍ ତା ୱିଜୁ ଜିବୁନ୍ ବାବିଲନ ଦେସ୍‌ତାକେ ବାହା କିତାର୍।ଆପ୍‌କା ଅଲପ୍ ବୁଡ଼ା ଯିଜୁଦି ଯିହିଦା ରାଜିତିଙ୍ଗ୍ ଏତୁ କିତାର୍।

![](https://cdn.door43.org/obs/jpg/360px/obs-en-20-12.jpg)

ପାରସ୍ୟ ରାଜି ବାଡ଼୍‌କାସ୍ ମାଚାତ୍ ମାତର୍ ଇଦାଙ୍ଗ୍ ଇମ୍‌ଣାକାରିଙ୍ଗ୍ ଜିତାଆଜି ମାଚାତ୍ ଲାଗିଙ୍ଗ୍ ମାନାୟାର୍ କାଜିଙ୍ଗ୍ ଦୟା ମାଚାନ୍। ସାଇରସ ତର୍‌ଦାକାନ୍ ପାରସ୍ୟନି ରାଜା ଆତି ଅଲପ୍ ସମୟ ବିତ୍ରେ, ହେୱାନ୍ ର ଆଦେସ୍ ହିତାନ୍ ଯେ ଇନେର୍ ପାରସ୍ୟ ଦେସ୍ ପିସ୍ତି ଯିହୁଦା ଦେସ୍‌ତାକେ ଲେଉଟାଆଜି ହାଞ୍ଜେଙ୍ଗ୍ ଇଚାକିନାନ୍ ହେୱାର୍ ହେବେ ଲେଉଟାଆଜି ହାଞ୍ଜେଙ୍ଗ୍ ଆଡ୍‌ନାର୍। ହେୱାନ୍ ଇଲେକେ ମନ୍ଦିର୍ ଆରେରଗ ରହ୍‌ନି କାଜିଙ୍ଗ୍ ଡାଡୁଙ୍ଗ୍ ହିତାନ୍‌! ଲାଗିଙ୍ଗ୍ ଚାକର୍‌ତାକେ ସତୁରି ବାର୍‌ହୁ ମାତି ପାଚେ, ଯିହୁଦିନି ମାନାୟାର୍ ର ହିରୁ ଦଳ୍ ଯିହୁଦାତାକେ ମାନି ଯିରୁଶାଲାମ ସହର୍‌ତାକେ ଲେଉଟାଆଜି ହାଚାର୍।

![](https://cdn.door43.org/obs/jpg/360px/obs-en-20-13.jpg)

ଏଚେପାଦ୍ନା ମାନାୟାର୍ ଯିରୁଶାଲାମ ସହର୍‌ତାକେ ଇକାତାର୍, ହେୱାର୍ ମନ୍ଦିର୍ ଆରେ ଦେସ୍ ଚାରିବେଣ୍‌ତାଙ୍ଗ୍ ମାନି ବାଉଣ୍ଡେରି ଆରେରଗ ରସ୍ତାର୍। ଯଦି ହେୱାର୍ ନଙ୍ଗୟ ପାତେକ୍ ଜେକନି ମାନାୟାର୍‌ତାଙ୍ଗ୍ ସାସନ୍ କିୟାଆଜି ମାଚାର୍, ଆରେରଗ ହେୱାର୍ ଈଶ୍ୱର ହିଦ୍‌ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍‌ତାକେ ବାହା କିତାର୍ ଆରେ ମନ୍ଦିର୍‌ତାକେ ହେବା କିତାର୍।

*ବାଇବଲ୍‌ବି ର କାତା: ୨ ରାଜାବଳୀ ୧୭: ୨୪- ୨୫; ୨ ବଂଶାବଳୀ ୩୬`; ଏଜ୍ରା୧- ୧୦; ନିହିମିୟା ୧- ୧୦*

## 21. ୨୧. ଈଶ୍ୱର ଖ୍ରୀଷ୍ଟଙ୍ଗ୍ ପାର୍ମାଣ୍ କିତାନ୍‌

https://openbiblestories.org/l/peg/story-21/

![](https://cdn.door43.org/obs/jpg/360px/obs-en-21-01.jpg)

ଆରମ୍‌ତାଙ୍ଗ୍ ନେ ଈଶ୍ୱର ଖ୍ରୀଷ୍ଟଙ୍ଗ୍ ପକ୍ତିନି କାଜିଙ୍ଗ୍ ଯଜ୍‌ନା କିଜି ମାଚାନ୍। ଖ୍ରୀଷ୍ଟ ବିଷୟରେ ପାର୍ତୁମ୍ ପାର୍ମାଣ୍ ଆଦମ ଆରେ ହବା ଲାଗାୟ୍ ୱାଜି ମାଚାତ୍। ଈଶ୍ୱର ପାର୍ମାଣ୍ କିତାନ୍ ଯେ ହବା ଲାତ୍ରାତାଙ୍ଗ୍ ରକାନ୍ ଜନମ୍ ଆନାନ୍ ହେୱାନ୍‌ ରାଚ୍‌ନି କାପ୍‌ଡ଼ାତିଙ୍ଗ୍ ଗୁଣ୍ଡା କିନାନ୍। ହବାଙ୍ଗ୍ ଇମ୍‌ଣି ରାଚ୍ ଟକାଇ କିଜି ମାଚାତ୍ ହେ ରାଚ୍ ଶୟତାନ ମାଚାତ୍। ପାର୍ମାଣ୍‌ନି ଅର୍ତ ମାଚାତ୍ ଯେ ଖ୍ରୀଷ୍ଟ ଶୟତାନତିଙ୍ଗ୍ ପୁରାପୁରି ବାବ୍‌ରେ ଆରାୟ୍ କିନାନ୍।

![](https://cdn.door43.org/obs/jpg/360px/obs-en-21-02.jpg)

ଈଶ୍ୱର ଅବ୍ରାହାମତିଙ୍ଗ୍ ପାର୍ମାଣ୍‌ କିଜି ମାଚାନ୍ ଯେ ହେୱାନ୍ କାଜିଙ୍ଗ୍ ପୁର୍ତିନି ୱିଜୁ ମାନାୟାର୍ ଆଶ୍ରିବାଦ୍‌ ପାୟାଆନାର୍। ଇଆଶ୍ରିବାଦ୍‌ ପୁରା ଆନାତ୍ ଏଚେପାଦ୍ନା ଖ୍ରୀଷ୍ଟ ବବିଷତ୍‌ରେ ର ଦିନ୍ ୱାନାନ୍। ପୁର୍ତିତାକେ ମାନି ୱିଜୁ ମାନାୟାର୍‌ ଉଦାର୍ ପାୟାଆନି କାଜିଙ୍ଗ୍ ହେୱାନ୍ ଇଦାଙ୍ଗ୍ ପୁରା କିନାନ୍‌।

![](https://cdn.door43.org/obs/jpg/360px/obs-en-21-03.jpg)

ଈଶ୍ୱର ମୋଶାଙ୍ଗ୍ ପାର୍ମାଣ୍ କିଜି ୱେଚ୍‌ଚାନ୍ ଯେ ବବିଷତ୍‌ରେ ହେୱାନ୍ ମୋଶା ଲେକେ ରକାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତିଙ୍ଗ୍ ନିଲି କିନାନ୍। ଖ୍ରୀଷ୍ଟ ବିଷୟରେ ଇଦାଙ୍ଗ୍ ଜେକନି ର ପାର୍ମାଣ୍ ହେୱାନ୍‌ ପାଚେନି ସମୟତ ଦିନେକ୍ ୱାନାନ୍।

![](https://cdn.door43.org/obs/jpg/360px/obs-en-21-04.jpg)

ଈଶ୍ୱର ରାଜା ଦାଉଦତିଙ୍ଗ୍ ପାର୍ମାଣ୍ କିଜି ମାଚାନ୍ ଯେ ତା ଲାତ୍ରାର୍ ବିତ୍ରେତାଙ୍ଗ୍ ରକାନ୍ ଈଶ୍ୱର ମାନାୟାର୍ କାଜିଙ୍ଗ୍ ୱିଜ୍‌ୱିଦିନ୍ ପାତେକ୍ ରାଜା ଆନାନ୍। ହେଦାଙ୍ଗ୍ ଇଲେକେ ବୁଜାଇ କିନାତା ଯେ ଖ୍ରୀଷ୍ଟ ରାଜା ଦାଉଦନି ଲାତ୍ରା ବିତ୍ରେତାଙ୍ଗ୍ ରକାନ୍ ଆନାନ୍।

![](https://cdn.door43.org/obs/jpg/360px/obs-en-21-05.jpg)

ଯିରିମିୟ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ତାଙ୍ଗ୍ ଈଶ୍ୱର ପାର୍ମାଣ୍ କିତାନ୍ ଯେ ହେୱାନ୍ ର ପୁନି ନିୟମ୍ କିନାନ୍, ମାତର୍ ଈଶ୍ୱର ଇସ୍ରାଏଲ ହୁଦାଙ୍ଗ୍ ସୀନୟ ମାଡ଼ିତାକେ ଇମ୍‌ଣି ନିୟମ୍ କିଜି ମାଚାନ୍ ହେଲେକେ ନିୟମ୍ ଆକାୟ୍। ପୁନି ନିୟମ୍‌ତାକେ, ଈଶ୍ୱର ମାନାୟାର୍ ଗରବ୍‌ତାକେ ତା ଦରମ୍ ସାସ୍ତର୍ ଲେକିକିନାନ୍, ମାନାୟାର୍ ନିଜେ ଈଶ୍ୱରତିଙ୍ଗ୍ ପୁନାର୍, ହେୱାର୍ ତା ମାନାୟ୍ ଆନାର୍ ଆରେ ଈଶ୍ୱର ହେୱାର୍ କିତି ପାପ୍‌ତିଙ୍ଗ୍ କେମା କିନାନ୍। ଖ୍ରୀଷ୍ଟ ପୁନି ନିୟମ୍ ଆରମ୍ କିନାନ୍।

![](https://cdn.door43.org/obs/jpg/360px/obs-en-21-06.jpg)

ଈଶ୍ୱରତି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଆରେ ପା ୱେଚ୍‌ଚାନ୍, ଖ୍ରୀଷ୍ଟ ରକାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍, ପୁଜାରି ଆରେ ରାଜା ପା ଆନାନ୍। ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଆନାନା ହେ ମାନାୟ୍ ହେୱାନ୍‌ ଈଶ୍ୱର କାତା ୱେନ୍‌ଞ୍ଜି ହେ କାତାତିଙ୍ଗ୍ ମାନାୟାରିଙ୍ଗ୍ ୱେଚ୍‌ନାନ୍। ଈଶ୍ୱର ପକ୍ତେଦେଙ୍ଗ୍ ପାର୍ମାଣ୍ କିଜିମାଚି ଖ୍ରୀଷ୍ଟ ରକାନ୍ ହାର୍‌ଦି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଆନାନ୍।

![](https://cdn.door43.org/obs/jpg/360px/obs-en-21-07.jpg)

ଇସ୍ରାଏଲନି ପୁଜାରିର୍ ଈଶ୍ୱର ଲାଗାୟ୍ ମାନାୟ୍ ନିପଣ୍ଡାଙ୍ଗ୍ ହେୱାର୍ ପାପ୍‌ନି ଦଣ୍ଡ୍ କାଜିଙ୍ଗ୍ ବାଦୁଲ୍ ଲେକେ ବଲି ପୁଜା କିଜି ମାଚାର୍। ପୁଜାରିର୍ ପା ମାନାୟାର୍ କାଜିଙ୍ଗ୍ ଈଶ୍ୱର ଲାଗାୟ୍ ପାର୍ତାନା କିଜି ମାଚାର୍। ଖ୍ରୀଷ୍ଟ ଆନାନା ହାର୍‌ଦି ପୁଜାରି ଇନେର୍ ଜାର୍‌ତିଙ୍ଗ୍ ଈଶ୍ୱର ର ହାର୍‌ଦି ବଲି ପୁଜା ଲେକେ ହିନାନ୍‌।

![](https://cdn.door43.org/obs/jpg/360px/obs-en-21-08.jpg)

ରକାନ୍ ରାଜା ହେ ମାନାୟ୍ ଆନାନା ଇନେର୍ ର ରାଜି ଜପି ସାସନ୍ କିନାନ୍ ଆରେ ତା ମାନାୟାରିଙ୍ଗ୍ ବିଚାର୍ କିନାନ୍। ଖ୍ରୀଷ୍ଟ ରକାନ୍ ହାର୍‌ଦି ରାଜା ଆନାନ୍ ହେୱାନ୍‌ ତା ଆକଦାଦି ଦାଉଦନି ସିହାଂସନ୍‌ତାକେ କୁଚ୍‌ନାନ୍। ହେୱାନ୍ ୱିଜୁ ପୁର୍ତିତାକେ ୱିଜୁଦିନ୍ ସାସନ୍ କିନାନ୍, ଆରେ ୱିଜୁଦିନ୍ ଟିକ୍ ବାବ୍‌ରେ ବିଚାର୍ କିନାନ୍ ଆରେ ଟିକ୍ ଇଚା ଅନାନ୍।

![](https://cdn.door43.org/obs/jpg/360px/obs-en-21-09.jpg)

ଈଶ୍ୱର ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ କେତେକ୍ ଜେକନି ବିଷୟରେ ୱିଜୁ ଖ୍ରୀଷ୍ଟ ବିଷୟରେ ୱେଚ୍‌ଚି ମାଚାର୍। ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ମଲାଖି ଆଗେ ୱେଚ୍‌ଚି ମାଚାନ୍ ଯେ ଖ୍ରୀଷ୍ଟ ଆନି ଆଗେ ରକାନ୍ ଗାଜା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱାନାନ୍। ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଯିଶାଇୟ ୱେଚ୍‌ଚି ମାଚାନ୍ ଯେ ଖ୍ରୀଷ୍ଟ ରଞ୍ଜେଲ୍‌ ଜିପଲି ଗାଡ଼୍‌ଚେ ପଟତାଙ୍ଗ୍ ଜନମ୍ ଆନାନ୍। ମୀଖା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱେଚ୍‌ଚାନ୍ ଯେ ହେୱାନ୍ ବେଥଲିହିମ ସହର୍‌ତାକେ ଜନମ୍ ଆନାନ୍‌

![](https://cdn.door43.org/obs/jpg/360px/obs-en-21-10.jpg)

ଯିଶାଇୟ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱେଚ୍‌ଚାନ୍ ଯେ ଖ୍ରୀଷ୍ଟ ଗାଲିଲୀ ଜିଲ୍ଲାତାକେ ବାହା କିନାନ୍, ଗରବ୍ ବାଙ୍ଗାଆତି ମାନାୟାରିଙ୍ଗ୍ ବୁଜାଇ କିନାନ୍, ଆରେ ବନ୍ଦିଆତି ମାନାୟାରିଙ୍ଗ୍ ମୁକ୍ତି କିଦେଙ୍ଗ୍ ୱେଚ୍‌ନାନ୍ ଆରେ ବନ୍ଦି ଆତାକାରିଙ୍ଗ୍ ଉଦାର୍ କିନାନ୍। ହେୱାନ୍ ଆରେ ପା ଈଶ୍ୱର କାତା ଚଚ୍‌ଚି ୱେଚ୍‌ଚାନ୍ ଯେ ହେୱାନ୍ ରଗିୟାରିଙ୍ଗ୍ ଇମ୍‌ଣାକାର୍ ୱେଞ୍ଜେଙ୍ଗ୍ ଆଡୁର୍‌, ହୁଡ଼୍‌ଦେଙ୍ଗ୍ ଆଡୁର୍, ବେଣ୍ କିଦେଙ୍ଗ୍ ଆଡୁର୍ ଆରେ ତାଙ୍ଗ୍‌ଦେଙ୍ଗ୍ ଆଡ୍‌ୱି ମାନାୟାରିଙ୍ଗ୍ ହାର୍ କିନାନ୍।

![](https://cdn.door43.org/obs/jpg/360px/obs-en-21-11.jpg)

ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଯିଶାଇୟ ପା ଈଶ୍ୱର କାତା ଚଚ୍‌ଚି ୱେଚ୍‌ଚାନ୍ ଯେ ଖ୍ରୀଷ୍ଟଙ୍ଗ୍ ଗିଣ୍ କିନାର୍ ଆରେ ବିନା ଦସ୍‌ରେ ମାର୍ନେ ଅହ୍‌ନାର୍। ଜେକନି ଈଶ୍ୱରତାଙ୍ଗ୍ ୱେଚି ବେନ୍‌ତିଙ୍ଗ୍ ୱେଚ୍‌ନି ମାନାୟ୍ ଈଶ୍ୱର କାତା ଚଚ୍‌ଚି ୱେଚ୍‌ଚାନ୍ ଯେ ଇମ୍‌ଣାକାର୍ ଖ୍ରୀଷ୍ଟଙ୍ଗ୍ ମାର୍ନେ ଅସ୍ତାର୍ ହେୱାର୍ ତା ହେନ୍ଦ୍ରାପାଟା କାଜିଙ୍ଗ୍ ଲାଟ୍ରି ପୁଟାଇ କିନାର୍ ଆରେ ରକାନ୍ ତା ସାଙ୍ଗହି ହେୱାନିଙ୍ଗ୍ ଶତ୍ରୁ କେଇଦ ଆହିକିନାନ୍। ଯିଖରିୟ ଈଶ୍ୱରତାଙ୍ଗ୍ ୱେଚି ବେନ୍‌ତିଙ୍ଗ୍ ୱେଚ୍‌ନି ମାନାୟ୍ ଈଶ୍ୱର କାତା ଚଚ୍‌ଚି ୱେଚ୍‌ଚାନ୍ ଯେ ଖ୍ରୀଷ୍ଟଙ୍ଗ୍ ଶତ୍ରୁ କେଇଦ ଆହିକିତି କାଜିଙ୍ଗ୍ ହେ ସାଙ୍ଗହିଙ୍ଗ୍ ତିରିସ୍ ଗଟା ରୁପା ଡାବୁଙ୍ଗ୍ ହିନାର୍।

![](https://cdn.door43.org/obs/jpg/360px/obs-en-21-12.jpg)

ଈଶ୍ୱରତାଙ୍ଗ୍ ୱେଚି ବେନ୍‌ତିଙ୍ଗ୍ ୱେଚ୍‌ନି ମାନାୟାର୍ ଆରେ ପା ୱେଚ୍‌ଚି ମାଚାନ୍ ଖ୍ରୀଷ୍ଟ ଇନେସାଜି ହାଃନାନ୍। ଯିଶାଇୟ ଈଶ୍ୱର କାତା ଚଚ୍‌ଚି ୱେଚ୍‌ଚାନ୍ ଯେ ମାନାୟାର୍ ଖ୍ରୀଷ୍ଟ ଜପି ଚୁପ୍‌ନାର୍, ହେୱାନିଙ୍ଗ୍ ଗାୟ୍‌ନାର୍, ଆରେ ହେୱାନିଙ୍ଗ୍ ଲାତ୍ ବିଦା କିତାର୍‌। ହେୱାର୍ ହେୱାନିଙ୍ଗ୍ କୁଟିଙ୍ଗ୍ ହୁଦାଙ୍ଗ୍ କୃଶକାଟ୍‌ତାକେ ଇଡ଼୍‌ନାର୍ ଆରେ ହେୱାନ୍ ବେସି ଦୁକ୍‌କଷ୍ଟ ଆରେ ନନାକାଦିଙ୍ଗ୍ ଆଡ୍‌ୱାଦାଙ୍ଗ୍ ହାଃନାନ୍ ମାତର୍ ହେୱାନ୍ ଇନା ବୁଲ୍ ପା କିୱାଦାଙ୍ଗ୍ ମାଚାନ୍।

![](https://cdn.door43.org/obs/jpg/360px/obs-en-21-13.jpg)

ଈଶ୍ୱରତାଙ୍ଗ୍ ୱେଚି ବେନ୍‌ତିଙ୍ଗ୍ ୱେଚ୍‌ନି ମାନାୟାର୍ ଆରେ ପା ୱେଚ୍‌ଚାର୍ ଯେ ଖ୍ରୀଷ୍ଟ ହାର୍‌ଦାକାନ୍ ଆନାନ୍‌ ହେୱାନିଙ୍ଗ୍ ଇନା ପାପ୍ ମାନ୍‌ଗୁତ୍। ହେୱାନ୍ ଜେକନି ମାନାୟାର୍ ପାପ୍‌ନି ଦଣ୍ଡ୍ ପାୟାଆନି କାଜିଙ୍ଗ୍ ହାଃନାନ୍। ତା ଦଣ୍ଡ୍ ଈଶ୍ୱର ଆରେ ମାନାୟାର୍ ବିତ୍ରେ ଶାନ୍ତି ତାସି ୱାନାନ୍।ଇଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟଙ୍ଗ୍ କୃଶକାଟ୍‌ତାକେ କୁଟିଙ୍ଗ୍ ଇଡ଼୍‌ନି କାଜିଙ୍ଗ୍ ଈଶ୍ୱର ଇଚା କିଜି ମାଚାନ୍।

![](https://cdn.door43.org/obs/jpg/360px/obs-en-21-14.jpg)

ଈଶ୍ୱରତାଙ୍ଗ୍ ୱେଚି ବେନ୍‌ତିଙ୍ଗ୍ ୱେଚ୍‌ନି ମାନାୟାର୍ ଈଶ୍ୱର କାତା ଚଚ୍‌ଚି ୱେଚାର୍ ଯେ ଖ୍ରୀଷ୍ଟ ହାଃନାନ୍ ଆରେ ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ନାନ୍। ଖ୍ରୀଷ୍ଟ ହାଃଜି ଆରେରଗ ଜିବୁନ୍‌ଆତି କାଜିଙ୍ଗ୍ ପାପି ମାନାୟାରିଙ୍ଗ୍ ଉଦାର୍ କିନାନ୍ ଆରେ ର ପୁନି ନିୟମ୍ ଆରମ୍ କିନି କାଜିଙ୍ଗ୍ ଈଶ୍ୱର କିତି ଉପାୟ୍‌ତିଙ୍ଗ୍ ପୁରା କିନାନ୍।

![](https://cdn.door43.org/obs/jpg/360px/obs-en-21-15.jpg)

ଈଶ୍ୱର ଖ୍ରୀଷ୍ଟ ବିଷୟରେ ଈଶ୍ୱରତାଙ୍ଗ୍ ୱେଚି ବେନ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ କେତେକ୍ ବିଷୟରେ ୱେଚ୍‌ଚାନ୍, ମାତର୍ ଖ୍ରୀଷ୍ଟ ଇ ୱିଜୁ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ବିତ୍ରେତାଙ୍ଗ୍ ଇମ୍‌ଣି ରକାନ୍ ମାନାୟ୍ ସମୟ୍‌ରେ ପା ୱାୱାଦାଙ୍ଗ୍ ମାଚାନ୍। ଇ ୱିଜୁ ଈଶ୍ୱର କାତା ହିନି ୪୦୦ତାଙ୍ଗ୍ ଆଦିକ୍ ବାର୍‌ହୁ ପାଚେ, ଟିକ୍ ସମୟ୍‌ତ ଈଶ୍ୱର ଜଗତ୍‌ତାକେ ଖ୍ରୀଷ୍ଟଙ୍ଗ୍ ପକ୍ତାତାନ୍।

*ବାଇବଲ୍‌ନି ର କାତା: ଆଦି ୩: ୧୫; ୧୨: ୧- ୩; ଦ୍ୱିତୀୟ ବିବରଣ ୧୮: ୧୫; ୨ଶାମୁୟେଲ ୭; ଯିରିମିୟ ୩୧; ଯଶାଇୟ ୫୯: ୧୬; ଦାନିୟେଲ ୭; ମଲାଖି ୪: ୫ ଯିଶାଇୟ ୭: ୧୪; ମୀଖା ୫: ୨; ଯିଶାଇୟ ୯: ୧- ୭; ୩୫: ୩- ୫; ୬୧; ୫୩; ଗିତସଂହିତା ୨୨: ୧୮; ୩୫: ୧୮; ୬୯: ୪; ଯିଖରିୟ ୧୧: ୧୨- ୧୩; ଯିଶାଇୟ ୫୦:୬; ଗୀତସଂହିତା ୧୬: ୧୦- ୧୧*

## 22. ୨୨. ଡୁବନ୍ ହିନି ଯୋହନ ଜନମ୍ ଆତାନ୍

https://openbiblestories.org/l/peg/story-22/

![](https://cdn.door43.org/obs/jpg/360px/obs-en-22-01.jpg)

ଆଗେ ଈଶ୍ୱର ତା ମାନାୟାରିଙ୍ଗ୍ ତା ଦୁତ୍‌କୁ ଆରେ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍‌ତାଙ୍ଗ୍ ବେଣ୍ ୱେଚ୍‌ଚି ମାଚାନ୍। ମାତର୍ ୪୦୦ବାର୍ହୁ ଆତାତ୍ ମାତର୍ ନଙ୍ଗ୍ ପାତେକ୍ ହେୱାନ୍ ହେୱାରିଙ୍ଗ୍ ବେଣ୍ ୱେଚ୍‌ୱାତାନ୍। ହେଦାପ୍ରେ ର ଦୁତ୍ ଈଶ୍ୱରତାଙ୍ଗ୍ ର କାବୁର୍ ତାହିୱାଜି ଯିଖରିୟ ତର୍‌ଦି ର ବୁଡ଼ା ପୁଜାରି ଲାଗାୟ୍ ୱାତାତ୍। ଯିଖରିୟ ଆରେ ତା ଡକ୍ରୁହି ଏଲିଶାବେଥ ଈଶ୍ୱରତିଙ୍ଗ୍ ହେବା କିନି ମାନାୟାର୍‌ ମାଚାର୍, ମାତର୍ ହେଦେଲ୍ ହିମ୍‌ଣା ଜନମ୍ କିନି କାଜିଙ୍ଗ୍ ବେସି ବୁଡି ଆଜି ମାଚାତ୍।

![](https://cdn.door43.org/obs/jpg/360px/obs-en-22-02.jpg)

ଦୁତ୍ ଯିଖରିୟଙ୍ଗ୍ ୱେଚଚାତ୍, “ନି ଡକ୍ରୁଦି ର ହିମ୍‌ଣାତିଙ୍ଗ୍ ଜନମ୍ ହିନାତ୍। ଏପେଙ୍ଗ୍ ହେୱାନିଙ୍ଗ୍ ଯୋହନ ଇଞ୍ଜି ତର୍ ହିନାଦେର୍।” ହେୱାନ୍ ପବିତ୍ର ଆତ୍ମାତାଙ୍ଗ୍ ପୁରା ଆନାନ୍ ଆରେ ଖ୍ରୀଷ୍ଟ କାଜିଙ୍ଗ୍ ମାନାୟାରିଙ୍ଗ୍ ଜାଗ୍ରତ୍ କିୟିକିନାନ୍। ଯିଖରିୟ ୱେଚ୍‌ଚାନ୍, “ଆନେଙ୍ଗ୍ ଆରେ ନା ଡକ୍ରି ହିମ୍‌ଣାତିଙ୍ଗ୍ ଜନମ୍ କିନି କାଜିଙ୍ଗ୍ ବେସି ବୁଡ଼୍‌ହି ଆତାପେ! ଇଦାଙ୍ଗ୍ ଗିଟାଆନାତ୍ ଇଞ୍ଜି ଆନେଙ୍ଗ୍ ଇନେସ୍‌ କିଜି ପୁନାଙ୍ଗ୍?”

![](https://cdn.door43.org/obs/jpg/360px/obs-en-22-03.jpg)

ଦୁତ୍ ଯିଖରିୟଙ୍ଗ୍ ୱେଚ୍‌ଚାତ୍, “ଇ ହାର୍‌ଦି ବେଣ୍ ନିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା। ଇନେସ୍‌କି ଏନେଙ୍ଗ୍ ନାବେ ପାର୍ତି କିୱାତାଇ ଲାଗିଙ୍ଗ୍ ହିମ୍‌ଣା ଜନମ୍ ଆନି ପାତେକ୍ ଏନେଙ୍ଗ୍ ବେଣ୍ କିଦେଙ୍ଗ୍ ଆଡୁଇ।” ହେଦାପ୍ରେ ଯିଖରିୟ ବେଣ୍ କିଦେଙ୍ଗ୍ ଆଡ୍‌ୱାତାନ୍। ତାପାଚେ ହେ ଦୁତ୍ ହେୱାନିଙ୍ଗ୍ ପିସ୍ତି ହାଚାତ୍। ଇଦାଙ୍ଗ୍ ପାଚେ ଯିଖରିୟ ଇଞ୍ଜ ଲେଉଟାଆଜି ହାଚାନ୍ ଆରେ ତା ଡକ୍ରୁହି ଗାଗାଡ଼୍‌ତ ଆତାତ୍।

![](https://cdn.door43.org/obs/jpg/360px/obs-en-22-04.jpg)

ଏଚେପାଦ୍ନା ଏଲିଶାବେଥ ଗାଗାଡ଼୍‌ତ ଚଅ ମାସ୍ ଆତାତ୍, ହେ ଦୁତ୍ ଏଲିଶାବେଥନି ଜଣାଶୁଣା ମାନାୟ୍‌ତିଙ୍ଗ୍ ଚଞ୍ଜି ଆତାନ୍ ହେଦେଲ୍ ତର୍ ମରିୟମ ମାଚାତ୍। ହେଦେଲ୍ ରଞ୍ଜେଲ୍ ଜିପଲି ଗାଡ଼୍‌ଚେ ମାଚାତ୍ ଆରେ ଯୋଷେଫ ତର୍‌ଦି ରକାନିଙ୍ଗ୍ ବିବା ଆନି କାଜିଙ୍ଗ୍ ମାଲା କିଜି ମାଚାର୍। ଦୁତ୍ ୱେଚ୍‌ଚାତ୍, “ଏନେଙ୍ଗ୍ ପଟଆଜି ର ହିମ୍‌ଣା ଜନମ୍ କିନାୟ୍। ଏନେଙ୍ଗ୍ ହେୱାନିଙ୍ଗ୍ ଯୀଶୁ ତର୍ ହିନାୟ୍। ହେୱାନ୍ ୱିଜୁତାଙ୍ଗ୍ ଗାଜା ଈଶ୍ୱର ହିମ୍‌ଣା ଆନାନ୍ ଆରେ ୱିଜ୍‌ୱିଦିନ୍ ପାତେକ୍ ସାସନ୍ କିନାନ୍।“

![](https://cdn.door43.org/obs/jpg/360px/obs-en-22-05.jpg)

ମରିୟମ ୱେଚ୍‌ଚାତ୍, “ଇଦାଙ୍ଗ୍ ଇନେସ୍ ଆନାତ୍, ଇନେସ୍‌କି ଆନେଙ୍ଗ୍ ରଞ୍ଜେଲ୍ ଜିପଲି ଗାଡ଼୍‌ଚେ?” ହେଦେଲିଙ୍ଗ୍ ଦୁତ୍ ବୁଜାଇକିଜି ୱେଚ୍‌ଚାତ୍, “ପବିତ୍ର ଆତ୍ମା ନି ଜପି ୱାନାତ୍, ଆରେ ଈଶ୍ୱର ଶାକ୍ତି ନି ଜପି ୱାନାତ୍। ଲାଗିଙ୍ଗ୍ ହେ ହିମ୍‌ଣା ପବିତ୍ର ଆରେ ଈଶ୍ୱର ହିମ୍‌ଣା ଆନାନ୍।” ଦୁତ୍ ହେଦେଲିଙ୍ଗ୍ ଇନାକା ୱେଚ୍‌ଚି ମାଚାତ୍ ମରିୟମ ହେଦାଙ୍ଗ୍ ପାର୍ତିକିଜି ଆସ୍ତାତ୍।

![](https://cdn.door43.org/obs/jpg/360px/obs-en-22-06.jpg)

ଦୁତ୍ ମରିୟମତିଙ୍ଗ୍ ୱେଚ୍‌ଚି ୱିସ୍ତି ପାଚେ, ହେଦେଲ୍ ହାଲ୍‌ଜି ଏଲିଶାବେଥତିଙ୍ଗ୍ ଡେକ୍‌ତାତ୍‌। ଏଲିଶାବେଥ ମରିୟମ ଜୱାର୍ କିତାକା ୱେଚି ଦାପ୍ରେ ଏଲିଶାବେଥନି ପଟତ ମାନି ହିମ୍‌ଣା ଏନ୍ଦ୍‌ତାତ୍। ହେୱେକ୍‌ କାଜିଙ୍ଗ୍ ଈଶ୍ୱର ଇନାକା କିଜିମାଚାନ୍ ହେ ବିଷୟତିଙ୍ଗ୍ ବାବିକିଜି କଗ୍‌ଲେକ୍ ରବେ ୱାରି କିତିକ୍। ମରିୟମ ଏଲିଶାବେଥତିଙ୍ଗ୍ ଗିଟାଆଜି ତିନ୍ ମାସ୍ ପାଚେ ମରିୟମ ତାଞ୍ଜ ହାଚାତ୍।

![](https://cdn.door43.org/obs/jpg/360px/obs-en-22-07.jpg)

ଏଲିଶାବେଥ ତା ହିମ୍‌ଣାତିଙ୍ଗ୍ ଜନମ୍ କିଜି ୱିସ୍ତି ପାଚେ, ଯିଖରିୟ ଆରେ ଏଲିଶାବେଥ, ଦୁତ୍ ହିଜିମାଚି ଆଦେସ୍ ଲେକେ ହେ ହିମ୍‌ଣାତିଙ୍ଗ୍ ଯୋହନ ତର୍ ହିତାର୍। ତାପାଚେ ଈଶ୍ୱର ଯିଖରିୟଙ୍ଗ୍ ବେଣ୍ ୱେଚ୍‌ନି କାଜିଙ୍ଗ୍ ଆରେରଗ ବେଣ୍ କିଦେଙ୍ଗ୍ ହିତାନ୍‌। ଯିଖରିୟ ୱେଚ୍‌ଚାନ୍, “ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ, ଇନେସ୍‌କି ହେୱାନ୍ ଜାର୍ ମାନାୟାରିଙ୍ଗ୍ ପୁଚାନ୍‌ନା! ନା ମାଜି ମିଙ୍ଗେଙ୍ଗ୍ ୱିଜୁତାଙ୍ଗ୍ ଗାଜା ଈଶ୍ୱରତି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଇଞ୍ଜି ମାନାୟାର୍ କୁକ୍‌ନାର୍ ମାନାୟାର୍ ଇନେସ୍ ବାବ୍‌ରେ ହେୱାର୍ ତା ପାପ୍ କାଜିଙ୍ଗ୍ କେମା ପାୟାଆନାର୍ ହେଦାଙ୍ଗ୍ ହେୱାନ୍ ହେୱାରିଙ୍ଗ୍ ୱେଚ୍‌ନାନ୍।”

*ବାଇବଲ୍‌ତାଙ୍ଗ୍ ର କାତା: ଲୁକ ୧*

## 23. ୨୩. ଯୀଶୁ ଜନମ୍ ଆତାନ୍‌

https://openbiblestories.org/l/peg/story-23/

![](https://cdn.door43.org/obs/jpg/360px/obs-en-23-01.jpg)

ଯୋଷେଫ ତର୍‌ଦାକାନ୍ ରକାନ୍ ଦାର୍‌ମି ମାନାୟ୍ ହୁଦାଙ୍ଗ୍ ମରିୟମତିଙ୍ଗ୍ ବିବା ଆନି କାଜିଙ୍ଗ୍ ମାଲା ଆଜି ମାଚାତ୍। ମରିୟମ ଗାଗାଡ଼୍‌ତ ମାନାତ୍ ଇଞ୍ଜି ହେୱାନ୍ ଏଚେପାଦ୍ନା ପୁଚାନ୍, ହେୱାନ୍ ପୁନ୍‌ଞ୍ଜି ମାଚାନ୍ ଇ ହିମ୍‌ଣା ହେଦେଲ୍‌ତି ଆକାୟ୍। ହେୱାନ୍ ମରିୟମତିଙ୍ଗ୍ ଲାଜୁ କିୟିକିଦେଙ୍ଗ୍ ଇଚା କିୱାତାନ୍, ଲାଗିଙ୍ଗ୍ ହେୱାନ୍ ଡ଼ୁକ୍‌ଚି ହେଦେଲିଙ୍ଗ୍ ହେଲୱାଇ ନାଡ଼୍‌ତେଙ୍ଗ୍ ଉପାଇ କିତାନ୍। ହେୱାନ୍ ହେଦାଙ୍ଗ୍ କିୱି ଆଗେ ରକାନ୍ ଦୁତ୍ ହେୱାନ୍ ଲାଗାୟ୍ ୱାଜି କେଚ୍‌କଣ୍‌ତ ହେୱାନିଙ୍ଗ୍ ୱେଚ୍‌ଚାତ୍।

![](https://cdn.door43.org/obs/jpg/360px/obs-en-23-02.jpg)

ଦୁତ୍ ୱେଚ୍‌ଚାନ୍, “ଯୋଷେଫ ନି ଡକ୍ରୁଦି ମରିୟମତିଙ୍ଗ୍ ଅନି କାଜିଙ୍ଗ୍ ପାଣ୍ଡ୍ରା ଆମା। ତା ଗାଗାଡ଼୍‌ତ ମାନି ହିମ୍‌ଣା ପବିତ୍ର ଆତ୍ମାତାଙ୍ଗ୍ ଆତାତ୍‌ନା। ହେଦେଲ୍ ର ହିମ୍‌ଣତିଙ୍ଗ୍ ଜନମ୍ କିନାତ୍।ତା ତର୍ ଯୀଶୁ ହିୟାଟ୍ (ତା ଅର୍ତ ମାପୃ ରକ୍ଷା କିଦ୍ନାନ୍), ଇନେସ୍‌କି ହେୱାନ୍ ମାନାୟାରିଙ୍ଗ୍ ହେୱାର୍ କିତି ପାପ୍‌ତାଙ୍ଗ୍ ଉଦାର୍ କିନାନ୍।”

![](https://cdn.door43.org/obs/jpg/360px/obs-en-23-03.jpg)

ଲାଗିଙ୍ଗ୍ ଯୋଷେଫ ମରିୟମତିଙ୍ଗ୍ ବିବା ଆତାନ୍ ଆରେ ହେଦେଲିଙ୍ଗ୍ ଡକ୍ରୁହି କିଜି ତାଞ୍ଜ ଅତାନ୍ ମାତର୍ ହେଦେଲ୍ ହିମ୍‌ଣା ଜନମ୍ କିୱି ପାତେକ୍ ହେଦେଲ୍ ହୁଦାଙ୍ଗ୍ ହୁଞ୍ଜ୍‌ୱାତାନ୍।

![](https://cdn.door43.org/obs/jpg/360px/obs-en-23-04.jpg)

ଏଚେପାଦ୍ନା ମରିୟମ ହିମ୍‌ଣା ଜନମ୍ କିନାକା ଲାଗେ ଏକି ୱାତାତ୍, ରୋମିୟ ସର୍‌କାର୍ ୱିଜାକାରିଙ୍ଗ୍ ଜାର୍-ଜାର୍ ବାହାତାକେ ହାଲ୍‌ଜି ସର୍‌ବେ କିଦେଙ୍ଗ୍ ୱେଚ୍‌ଚାନ୍।ଯୋଷେଫ ଆରେ ମରିୟମ ବାହା କିଜିମାଚି ନାଜରିତ ସହର୍‌ତାଙ୍ଗ୍ ବେସି ଦେହା ତାଙ୍ଗ୍‌ଜି ବେଥଲିହିମ ସହର୍‌ତାକେ ହାଞ୍ଜେଙ୍ଗ୍ ପଡ଼ାଆତାତ୍ ଇନେସ୍‌କି ହେୱାର୍ ଆକଦାଦି ଦାଉଦତି ଜାର୍ ସହର୍ ବେଥଲିହିମ ମାଚାତ୍।

![](https://cdn.door43.org/obs/jpg/360px/obs-en-23-05.jpg)

ହେୱାର୍ ଏଚେପାଦ୍ନା ବେଥଲିମ ସହର୍‌ତାକେ ଇକାତାର୍, ହେୱାରିଙ୍ଗ୍ ମାଞ୍ଜେଙ୍ଗ୍ ବାହା ହିଲାତାତ୍। ପଶୁଙ୍ଗ୍ ମାଚି ଇଞ୍ଜ ନେ ହେୱାର୍ ବାହା ଗାଟାଆତାର୍। ହିମ୍‌ଣା ହେବେ ଜନମ୍ ଆଜି ମାଚାନ୍ ଆରେ ତା ତେହି ପଶୁଙ୍ଗ୍ ତିନି କୁଣ୍ଡିତାକେ ହୁଚ୍‌ପି ମାଚାତ୍, ଇନେସ୍‌କି ହେୱାନିଙ୍ଗ୍ ହୁଚ୍‌ପି କିଦେଙ୍ଗ୍ ପାହ୍‌ନାକା ହିଲାତାତ୍। ହେୱାର୍ ହେୱାନିଙ୍ଗ୍ ଯୀଶୁ ତର୍ ହିତାର୍।

![](https://cdn.door43.org/obs/jpg/360px/obs-en-23-06.jpg)

ହେ ନାଣା ଲାଗାୟ୍‌ନି ର ଜମିତାକେ କେତେକ୍ ମେଣ୍ଡାଙ୍ଗ୍ ପହାକିତାକାର୍ ତା ମେଣ୍ଢାକାଙ୍ଗ୍ କାସି ମାଚାର୍। ହେଦାପ୍ରେ ର ଅଜଡ଼୍ ମାନି ଦୁତ୍ ହେୱାର୍ ଲାଗାୟ୍ ୱାତାତ୍, ଆରେ ହେୱାର୍ ପାଣ୍ଡ୍ରାଆତାର୍। ଦୁତ୍ ୱେଚ୍‌ଚାତ୍,“ପାଣ୍ଡ୍ରାଆମାଟ୍ ଇନେସ୍‌କି ମି କାଜିଙ୍ଗ୍ ନା ଲାଗାୟ୍ ର ହାର୍ଦିକାବୁର୍ ମାନାତ୍। ମାପୃ ଖ୍ରୀଷ୍ଟ ବେଥଲିହିମ ସହର୍‌ତାକେ ଜନମ୍ ଆତାନ୍‌ନା।”

![](https://cdn.door43.org/obs/jpg/360px/obs-en-23-07.jpg)

“ହେ ହିମ୍‌ଣାତିଙ୍ଗ୍ ଦାସ୍ତେଙ୍ଗ୍‌ ହାଲାଟ୍, ଆରେ ଏପେଙ୍ଗ୍ ହେୱାନିଙ୍ଗ୍ କଡିହାଡ଼ାତାକେ ହେନ୍ଦ୍ରା ହୁର୍‌ପି ଆଜି ହୁନ୍‌ଞ୍ଚାକା ହୁଡ଼୍‌ନାଦେର୍।” ହେଦାପ୍ରେ ବାଦାଡ଼୍‌ନି ଦୁତ୍‌କୁତାଙ୍ଗ୍ ପୁରା ଆତାତ୍ ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍ ଆରେ ୱେଚ୍‌ଚାର୍, “ସରଗ୍ ଜପି ଈଶ୍ୱରତି ମହିମା ଆରେ ପୁର୍ତିତାକେ ଲାଡ୍‌ନି ମାନାୟାର୍ ବିତ୍ରେ ଶାନ୍ତି!”

![](https://cdn.door43.org/obs/jpg/360px/obs-en-23-08.jpg)

ମେଣ୍ଢା ଗଡ଼ିଆର୍ ବେଗି ଯୀଶୁ ଇମେତାକେ ମାଚାନ୍ ହେବେ ଇକାତାର୍ ଆରେ ହେୱାର୍ ହେୱାନିଙ୍ଗ୍ ଦୁତ୍ ୱେଚ୍‌ଚି ଲେକେ କଡିହାଡ଼ାତାକେ ହୁନ୍‌ଞ୍ଚାକା ହୁଡ଼୍‌ତାର୍। ହେୱାର୍ ବେସି ୱାରିଆଜି ମାଚାର୍। ମେଣ୍ଢା ଗଡ଼ିଆର୍ ଜମିତାକେ ଇକାତାର୍ ଇମେତାକେ ହେୱାର୍ ମେଣ୍ଢା ମାନ୍ଦାଙ୍ଗ୍ ମାଚିକ୍ ଆରେ ହେୱାର୍ ଇନାକା ୱିଜୁ ୱେନ୍‌ଞ୍ଜି ମାଚାର୍ ଆରେ ହୁଡ଼୍‌ଜି ମାଚାର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

![](https://cdn.door43.org/obs/jpg/360px/obs-en-23-09.jpg)

ଅଲପ୍ ସମୟ୍ ହାଚି ପାଚେ, ପୁରୁବ୍ ଦସ୍ତାଙ୍ଗ୍ ୱାଜିମାଚି ପଣ୍ଡିତାର୍ ବାଦାଡ଼୍ ଜପି ର ଚାନିଆଆନି ହୁକା ହୁଡ଼୍‌ତାର୍। ଯିହୁଦିର୍ ପୁନି ରାଜା ଜନମ୍ ଆତି ବିଷୟରେ ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍‌। ଲାଗିଙ୍ଗ୍ ହେୱାର୍ ଇ ରାଜାଙ୍ଗ୍ ହିଡ଼୍‌ନି କାଜିଙ୍ଗ୍ ବେସି ଦେହାତାଙ୍ଗ୍ ତାଙ୍ଗ୍‌ଜି ୱାତାର୍। ହେୱାର୍ ବେଥଲିହିମ ସହର୍‌ତାକେ ୱାତାର୍ ଆରେ ଯୀଶୁ ଆରେ ତା ତେହିତାଞ୍ଜ୍‌ବା ଇମ୍‌ଣି ଇଞ୍ଜ ମାଚାର୍ ହେ ଇଲ୍‌ତିଙ୍ଗ୍ ଗାଟାଆତାର୍।

![](https://cdn.door43.org/obs/jpg/360px/obs-en-23-10.jpg)

ପଣ୍ଡିତାର୍ ଏଚେପାଦ୍ନା ଯୀଶୁଙ୍ଗ୍ ତା ତେହି ହୁଦାଙ୍ଗ୍ ହୁଡ଼୍‌ତାର୍, ହେୱାର୍ ମେଣ୍ଡାକୁନ୍ଦିକିଜି ଜୱାର୍ କିତାର୍। ହେୱାର୍ ଯୀଶୁଙ୍ଗ୍ ବେସି ଦାମ୍‌ନି ପୁରୁଷ୍କାର୍ ହିତାର୍। ତାପାଚେ ହେୱାର୍ ଜାର୍ ଇଞ୍ଜ ଲେଉଟାଆଜି ୱାତାର୍।

*ବାଇବଲ୍‌ନି ର କାତା: ମଥିଉ ୧; ଲୁକ ୨*

## 24. ୨୪. ଯୋହନ ଯୀଶୁଙ୍ଗ୍ ଡୁବନ୍ ହିନାନା

https://openbiblestories.org/l/peg/story-24/

![](https://cdn.door43.org/obs/jpg/360px/obs-en-24-01.jpg)

ଯିଖରିୟ ଆରେ ଏଲିଶାବେଥନି ହିମ୍‌ଣା ଯୋହନ ଗାଜାଆଜି ରକାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଆତାନ୍। ହେୱାନ୍ ଟାଙ୍ଗ୍ରାବାହାତାକେ ବାହା କିତାନ୍, ରାନ୍ ପୁକି ଆରେ ତିନିଆନି ପାମିଙ୍ଗ୍ ତିନ୍‌ଞ୍ଜି ମାଚାନ୍, ଆରେ ଉଟ୍ ତେମୁଲ୍‌ନି ଆଙ୍ଗି ଉସ୍‌ପିସ୍ ମାଚାନ୍।

![](https://cdn.door43.org/obs/jpg/360px/obs-en-24-02.jpg)

ବେସିହେନି ମାନାୟାର୍‌ ଯୋହନ ବେଣ୍ ୱେନି କାଜିଙ୍ଗ୍ ଟାଙ୍ଗ୍ରାବାହାତାକେ ୱାଜି ମାଚାର୍। ହେୱାନ୍ ହେୱାରିଙ୍ଗ୍ ଈଶ୍ୱର କାତା ଶୁଣାୟ୍ କିଜି ୱେଚ୍‌ଚାନ୍, “ପାପ୍ କାମାୟ୍ ପିସ୍ତି ମାପୃତାକେ ୱାଡ, ଇନେସ୍‌କି ଈଶ୍ୱର ସାସନ୍‌କିନି ରାଜି ଲାଗେ ୱାତାତେ!”

![](https://cdn.door43.org/obs/jpg/360px/obs-en-24-03.jpg)

ଏଚେପାଦ୍ନା ମାନାୟାର୍ ଯୋହନ ବେଣ୍ ୱେଚାର୍, ହେୱାର୍ ବିତ୍ରେତାଙ୍ଗ୍ କେତେକ୍ ହେନି ହେୱାର୍ କିତି ପାପ୍‌ତିଙ୍ଗ୍ ପିସ୍ତାର୍, ଆରେ ଯୋହନ ହେୱାରିଙ୍ଗ୍ ଡୁବନ୍ ହିତାନ୍। କେତେକ୍ ଦାର୍‌ମି ନେତା ପା ଯୋହନତାଙ୍ଗ୍ ଡୁବନ୍ ଅଦେଙ୍ଗ୍ ୱାତାର୍, ମାତର୍ ହେୱାର୍ ମାନ୍ ବାଦ୍‌ଲାୟ୍ କିୱାଦାଙ୍ଗ୍ ମାଚାର୍ କି ହେୱାର୍ କିତି ପାପ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ମାଚାର୍।

![](https://cdn.door43.org/obs/jpg/360px/obs-en-24-04.jpg)

ଯୋହନ ହେ ଦାର୍‌ମି ନେତାରିଙ୍ଗ୍ ୱେଚ୍‌ଚାନ୍, “ଏ ବିସ୍‌ମାନି ରାଚ୍‌ନି ଲାତ୍ରା କାଦେର୍! ଏତ୍‌ କିୟାଟ୍ ଆରେ ମି ବ୍ୟବହାର୍‌ତିଙ୍ଗ୍ ବାଦ୍‌ଲାୟ୍ କିୟାଟ୍।ଇମ୍‌ଣି ମାର୍ ହାର୍‌ଦି ପାଡ଼୍ ଆହୁତ୍ ହେଦାଙ୍ଗ୍‌ତିଙ୍ଗ୍ ହଣ୍‌ଜି ନାଣିତାକେ ତୁସିହିୟାଆନାତ୍।” ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ଇନା-ଇନା ତା ବିଷୟରେ ୱେଚ୍‌ଚି ମାଚାର୍ ଯୋହନ ହେଦାଙ୍ଗ୍ ପୁରା କିତାନ୍, “ହୁଡ଼ାଟ୍ ଆନେଙ୍ଗ୍ ମି ଆଗେ ଦୁତ୍‌କୁ ଦଳ୍‌ତିଙ୍ଗ୍ ପକ୍ତାନାଙ୍ଗା ହେୱେକ୍‌ ମି ହାଜି ରହ୍‌ନିକ୍‌।”

![](https://cdn.door43.org/obs/jpg/360px/obs-en-24-05.jpg)

କେତେକ୍ ଯିହୁଦିର୍ ଯୋହନତିଙ୍ଗ୍ ହେୱାନ୍ ଖ୍ରୀଷ୍ଟ କି ଇଞ୍ଜି ୱେନ୍‌ବାତାର୍। ଯୋହନ ୱେଚ୍‌ଚାନ୍, “ଆନେଙ୍ଗ୍ ଖ୍ରୀଷ୍ଟ ଆକାୟ୍, ମାତର୍ ନା ପାଚେ ରକାନ୍ ୱାନାନା। ହେୱାନ୍ ଏଚେକ୍ ଗାଜା ଆନେଙ୍ଗ୍ ତା କାଲ୍‌ନି ପାଣ୍ଡାଇନି ଗାଟି ରିକ୍ତେଙ୍ଗ୍ ଜଗ୍ୟ ଆକାୟ୍।”

![](https://cdn.door43.org/obs/jpg/360px/obs-en-24-06.jpg)

ତାଆର୍‌କାତ୍ ନାଞ୍ଜିଙ୍ଗ୍ ଯୋହନତାଙ୍ଗ୍ ଡୁବନ୍ ଅଦେଙ୍ଗ୍ ଯୀଶୁ ୱାତାନ୍। ଯୋହନ ଏଚେପାଦ୍ନା ହେୱାନିଙ୍ଗ୍ ହୁଡ଼୍‌ତାନ୍, ହେୱାନ୍ ୱେଚ୍‌ଚାନ୍, “ଏହେଁ ହୁଡ଼ାଟ୍! ଈଶ୍ୱରତି ମେଣ୍ଢାଗଡ଼ିଆ ଇନେର୍ ଜଗତ୍‌ନି ପାପ୍‌ତିଙ୍ଗ୍ ପିଣ୍‌ଜି ଅନାନ୍‌।”

![](https://cdn.door43.org/obs/jpg/360px/obs-en-24-07.jpg)

ଯୋହନ ଯୀଶୁଙ୍ଗ୍ ୱେଚ୍‌ଚାନ୍, “ନିଙ୍ଗେଙ୍ଗ୍ ଡୁବନ୍ ହିଦ୍‌ନି କାଜିଙ୍ଗ୍ ଆନେଙ୍ଗ୍ ଯଗ୍ୟ ଆକାୟ୍। ମାତର୍ ଏନେଙ୍ଗ୍ ନାଙ୍ଗେଙ୍ଗ୍ ଡୁବନ୍ ହିଦ୍‌ନି ଦର୍‌କାର୍।” ମାତର୍ ଯୀଶୁ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ଡୁବନ୍ ହିଦ୍‌ନି ଦର୍‌କାର୍, ଇନେସ୍‌କି ଇଲେକେ ୱିଜୁ ଦାର୍‌ମି ପୁରା ଆନାତ୍,” ଲାଗିଙ୍ଗ୍ ଯୋହନ ହେୱାନିଙ୍ଗ୍ ଡୁବନ୍ ହିତାନ୍, ମାତର୍ ଯୀଶୁ ଇନେୱାଡ଼ାଙ୍ଗ୍ ପା ପାପ୍ କିୱାଦାଙ୍ଗ୍ ମାଚାନ୍।

![](https://cdn.door43.org/obs/jpg/360px/obs-en-24-08.jpg)

ଯୀଶୁ ଡୁବନ୍ ଅଜି ଏଜୁଙ୍ଗ୍‌ତାଙ୍ଗ୍ ପାଚେ ତା ଜପି ଈଶ୍ୱର ଆତ୍ମା ର ପାରୁୱା ଲେକେ ଆଜି ଚଞ୍ଜିଆଜି ମାଚାତ୍ ଆରେ ଇଦାଙ୍ଗ୍ ତାରେନ୍ ୱାଜି ତା ଜପି କୁଚ୍‌ଚାତ୍। ହେପାଦ୍ନା ଈଶ୍ୱର ବାଦାଡ଼୍‌ତାଙ୍ଗ୍ ର ବେଣ୍ ୱେଚ୍‌ଚାନ୍, “ଏନେଙ୍ଗ୍ ମା ଲାଡ୍ ମାଜି ନିତାକେ ଆପେଙ୍ଗ୍ ବେସି ୱାରି।”

![](https://cdn.door43.org/obs/jpg/360px/obs-en-24-09.jpg)

ଈଶ୍ୱର ଯୋହନତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଇନେରିଙ୍ଗ୍ ଡୁବନ୍ ହିନାୟ୍ ହେୱାର୍ ଜପି ପବିତ୍ର ଆତ୍ମା ୱାନାତ୍ ଆରେ ମାନ୍‌ଗାନାତ୍। ହେ ମାନାୟ୍‌ ଈଶ୍ୱର ମେହି।” ମାତର୍ ରକାନ୍ ନେ ଈଶ୍ୱର ମାନାନ୍‌। ମାତର୍ ଯୋହନ ଏଚେପାଦ୍ନା ଯୀଶୁଙ୍ଗ୍ ଡୁବନ୍ ହିତାନ୍, ହେୱାନ୍ ଆବା ୱେଚ୍‌ନାକା ୱେଚାନ୍, ଈଶ୍ୱର ମେହି ଯୀଶୁଙ୍ଗ୍ ହୁଡ଼୍‌ତାନ୍, ଆରେ ପବିତ୍ର ଆତ୍ମାତିଙ୍ଗ୍ ହୁଡ଼୍‌ତାନ୍।

*ବାଇବଲ୍‌ନି ର କାତା: ମାଥିଉ ୩; ମାର୍କ ୧: ୯- ୧୧; ଲୁକ ୩: ୧- ୨୩*

## 25. ୨୫. ଯୀଶୁଙ୍ଗ୍ ଶୟତାନ ପରିକ୍ଷା କିନାତ୍

https://openbiblestories.org/l/peg/story-25/

![](https://cdn.door43.org/obs/jpg/360px/obs-en-25-01.jpg)

ଯୀଶୁ ଡୁବନ୍ ଆତି ଦାପ୍ରେ ପବିତ୍ର ଆତ୍ମା ହେୱାନିଙ୍ଗ୍ ଟାଙ୍ଗ୍ରାବାହାତାକେ ଅସାହାଚାତ୍, ହେବେ ହେୱାନ୍ ଚାଲିଶ୍ ଦିନ୍ ଆରେ ଚାଲଶ୍ ରାତି ତିନ୍‌ୱାଦାଙ୍ଗ୍ ଉଣ୍‌ୱାଦାଙ୍ଗ୍ ଉପାସ୍ କିଜି ମାଚାନ୍। ତାପାଚେ ଶୟତାନ ଯୀଶୁ ଲାଗାୟ୍ ୱାତାତ୍ ଆରେ ହେୱାନିଙ୍ଗ୍ ପାପ୍ କିନି କାଜିଙ୍ଗ୍ ପରିକ୍ଷା କିତାତ୍।

![](https://cdn.door43.org/obs/jpg/360px/obs-en-25-02.jpg)

ଶୟତାନ ଇଦାଙ୍ଗ୍ ୱେଚ୍‌ଚି, “ଯୀଶୁଙ୍ଗ୍ ପରିକ୍ଷା କିଜି ମାଚାତ୍, ଏନେଙ୍ଗ୍ ଦଯି ଈଶ୍ୱର ମେହିତି, ଇ କାଲ୍‌କୁକାଙ୍ଗ୍ ରୁଟି ଆଦେଙ୍ଗ୍ ଆଦେସ୍ ହିୟା!”

![](https://cdn.door43.org/obs/jpg/360px/obs-en-25-03.jpg)

ଯୀଶୁ ୱେଚ୍‌ଚାନ୍, “ଈଶ୍ୱର କାତାତାକେ ଲେକାମାନାତ୍, ମାନାୟ୍ ଆପ୍‌କା ରୁଟି ତିନ୍‌ଞ୍ଜି ଜିଦେଙ୍ଗ୍ ଆଡୁନ୍ ମାତର୍ ଈଶ୍ୱର ୱେଇଦାଙ୍ଗ୍ ହତ୍‌ତି ୱିଜୁ କାତାତାଙ୍ଗ୍ ଜିନାନ୍!”

![](https://cdn.door43.org/obs/jpg/360px/obs-en-25-04.jpg)

ତାପାଚେ ଶୟତାନ ମନ୍ଦିର୍‌ନି ଟିପ୍‌ତ ଅସାହାଲ୍‌ଜି ହେୱାନିଙ୍ଗ୍ ୱେଚ୍‌ଚାତ୍, “ଏନେଙ୍ଗ୍ ଯଦି ଈଶ୍ୱର ମେହିତି ତାରେନ୍ ଗୁମା, ଇନେସ୍‌କି ସାସ୍ତର୍‌ତାକେ ଲେକା ମାନାତ୍ ନି କାଲ୍‌ପାନା ଇନେସ୍ ଗାଉ ଆଉତ୍ ଇଦାଙ୍ଗ୍ କାଜିଙ୍ଗ୍ ହେୱାର୍ ନିଙ୍ଗେଙ୍ଗ୍ କେଇଦାଙ୍ଗ୍ ଆସ୍ତିନି କାଜିଙ୍ଗ୍ ଈଶ୍ୱର ଦୁତ୍‌କୁକାଙ୍ଗ୍ ଆଦେସ୍ ହିନାନ୍।”

![](https://cdn.door43.org/obs/jpg/360px/obs-en-25-05.jpg)

ମାତର୍ ଯୀଶୁ ସାସ୍ତର୍‌ତାଙ୍ଗ୍ ଚଚ୍‌ଚି ଶୟତାନତିଙ୍ଗ୍ ୱେଚ୍‌ଚାନ୍, “ଈଶ୍ୱର କାତାତାକେ ହେୱାନ୍ ତା ମାନାୟାରିଙ୍ଗ୍ ଆଦେସ୍ ହିନାନ୍ ନି ଜାର୍ ମାପୃ ଈଶ୍ୱରତିଙ୍ଗ୍ ପରିକ୍ଷା କିଉନ୍।”

![](https://cdn.door43.org/obs/jpg/360px/obs-en-25-06.jpg)

ତାପାଚେ ଶୟତାନ ଜଗତ୍‌ନି ୱିଜୁ ରାଜି ଆରେ ହେବେନି ୱିଜୁ ହଲ୍‌ନାକା ଚଚ୍‌ଚି ୱେଚ୍‌ଚାତ୍, “ନାଙ୍ଗେଙ୍ଗ୍ ଯଦି ଏନେଙ୍ଗ୍ ମେଣ୍ଢାକୁନ୍ଦିକିଜି ଜୱାର୍ କିତ୍‌ତିସ୍ ଆନେଙ୍ଗ୍ ଇ ୱିଜୁ ନିଙ୍ଗେଙ୍ଗ୍ ହିଦ୍‌ନାଙ୍ଗ୍।”

![](https://cdn.door43.org/obs/jpg/360px/obs-en-25-07.jpg)

ଯୀଶୁ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ! ଈଶ୍ୱର କାତାତାଙ୍ଗ୍ ମାନାୟାରିଙ୍ଗ୍ ୱେଚି ଆତାତ୍‌ନା, ଏପେଙ୍ଗ୍ ଆପ୍‌କା ମି ମାପୃତିଙ୍ଗ୍ ନେ ପୁଜା କିନାଦେର୍ ଆରେ ହେୱାନିଙ୍ଗ୍ ନେ ହେବା କିନାଦେର୍।”

![](https://cdn.door43.org/obs/jpg/360px/obs-en-25-08.jpg)

ଯୀଶୁ ଶୟତାନନି ପରିକ୍ଷାତାଙ୍ଗ୍ ଜାର୍‌ତିଙ୍ଗ୍ ହିୱାଦାଙ୍ଗ୍ ମାଚାନ୍, ଲାଗିଙ୍ଗ୍ ଶୟତାନ ହେୱାନିଙ୍ଗ୍ ପିସ୍ତି ହାଚାତ୍।ତାପାଚେ ଦୁତ୍‌କୁ ୱାଜି ଯୀଶୁଙ୍ଗ୍ ହେବା କିତିକ୍।

*ବାଇବଲ୍‌ନି ର କାତା: ମାଥିଉ ୪: ୧- ୧୧; ମାର୍କ ୧: ୧୨- ୧୩: ଲୁକ ୪: ୧- ୧୩*

## 26. ୨୬. ଯିଶୁ ତା ହେବା କାମାୟ୍ ଆରମ୍ କିତାନ୍

https://openbiblestories.org/l/peg/story-26/

![](https://cdn.door43.org/obs/jpg/360px/obs-en-26-01.jpg)

ଶୟତାନନି ପରିକ୍ଷାତାଙ୍ଗ୍ ଯୀଶୁ ଜିତାଆତି ପାଚେ, ଯୀଶୁ ପବିତ୍ର ଆତ୍ମାନି ଶାକ୍ତିତାଙ୍ଗ୍ ହେୱାନ୍ ବାହା କିଜି ମାଚି ଗାଲିଲୀ ଜିଲ୍ଲାତାକେ ଲେଉଟାଆଜି ହାଚାନ୍।ଯୀଶୁ ହିକ୍ଷା ହିଜି ବାହାତିଙ୍ଗ୍ ବାହା ବୁଲାଆତାନ୍। ୱିଜାକାର୍ ତା ବିଷୟରେ ହାର୍‌ଦି ବିଷୟରେ ୱେଚ୍‌ଚାର୍।

![](https://cdn.door43.org/obs/jpg/360px/obs-en-26-02.jpg)

ଯୀଶୁ ଇମ୍‌ଣି ନାଜରିତ ସହର୍‌ତାକେ ନିଜେ ହିମ୍‌ଣା ୱେଡ଼ାତାଙ୍ଗ୍ ମାଚାନ୍, ହେ ସହର୍‌ତାକେ ହାଚାନ୍। ଜମ୍‌ନି ଦିନ୍‌ତ ହେୱାନ୍ ପାର୍ତାନା କିନି ବାହାତାକେ ହାଚାନ୍। ହେୱାନ୍ କେଇଦ ନାଡ଼ାତାକେ ହୁର୍‌ପିତି ବହି ହେପାଦ୍ନା ମାନି ପାଃନି ନିୟମ୍ ହିତାର୍ ଇନେସ୍‌କି ହେଦାଙ୍ଗ୍ ଯିଶାଇୟ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ବହିତିଙ୍ଗ୍ ପଡ଼ି କିନାନ୍। ଯୀଶୁ ନାଡ଼ାତାକେ ହୁର୍‌ପିଆତି ବହିତିଙ୍ଗ୍ ଜେତାନ୍ ହେବେନି ଅଲପ୍ ବାଗ୍‌ତିଙ୍ଗ୍ ମାନାୟାର୍ ମୁମ୍‌ଦ ପଡ଼ି କିତାନ୍।

![](https://cdn.door43.org/obs/jpg/360px/obs-en-26-03.jpg)

ଯୀଶୁ ପଡ଼ି କିତାନ୍, “ଈଶ୍ୱର ତା ଆତ୍ମା ନାଙ୍ଗେଙ୍ଗ୍ ହିତ୍‌ତାନ୍‌ନା ଇନେସ୍‌କି ଗରିବ୍‌ ମାନାୟାର୍ ଲାଗାୟ୍ ହାର୍ଦିକାବୁର୍ ଶୁଣାୟ୍ କିନାକା, ବନ୍ଦିଆତାକାରିଙ୍ଗ୍ ମୁକ୍ତିକିନି ବିଷୟ, କାଣା ମାନାୟାରିଙ୍ଗ୍ ହୁଡ଼ିକିନି ବିଷୟ, ଆରେ ଇନସ୍ତା ଆନି ମାୟାରିଙ୍ଗ୍‌ ମୁକ୍ତି କିନି ବିଷୟରେ ଶୁଣାୟ୍ କିନାଙ୍ଗ୍। ଇଦାଙ୍ଗ୍ ୱିଜୁତାଙ୍ଗ୍ ଶାକ୍ତିକାଟି ମାପୃତି ଦୟାନି ବାର୍‌ହୁ।”

![](https://cdn.door43.org/obs/jpg/360px/obs-en-26-04.jpg)

ତାପାଚେ ଯୀଶୁ କୁଚ୍‌ଚାନ୍। ୱିଜାକାର୍ ହେୱାନିଙ୍ଗ୍ ଲାଗେତାଙ୍ଗ୍‌ ହୁଡ଼୍‌ତାର୍। ସାସ୍ତର୍‌ନି ଇମ୍‌ଣି ବାଗ୍ ଯୀଶୁ ପଡ଼ିକିଜି ମାଚାନ୍ ହେଦାଙ୍ଗ୍ ଖ୍ରୀଷ୍ଟ ୱେଚ୍‌ଚାକା ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍। ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇମ୍‌ଣି କାତାତିଙ୍ଗ୍‌ ପଡ଼ିକିତାଙ୍ଗ୍ ହେଦାଙ୍ଗ୍ ନଙ୍ଗୟ ଗଟାଆନାତା।” ୱିଜୁ ମାନାୟାର୍ ଚାନିଆ ଆତାର୍। ହେୱାର୍ ୱେଚ୍‌ଚାର୍, “ଇୱାନ୍ ଇନାକା ଯୋଷେଫ ମେହି ଆକାୟ?”

![](https://cdn.door43.org/obs/jpg/360px/obs-en-26-05.jpg)

ତାପାଚେ ଯୀଶୁ ୱେଚ୍‌ଚାନ୍, “ଇଦାଙ୍ଗ୍ ସତ୍ ଯେ ଇମ୍‌ଣି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ଜାର୍ ସହର୍‌ତାକେ ସନ୍‌ମାନ୍ ପାୟାଆଉନ୍। ଏଲୀୟ ଇମ୍‌ଣି ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ମାଚିହିଙ୍ଗ୍ ଇସ୍ରାଏଲ ଦେସ୍‌ତାକେ ବେସିହେନି ରାଣ୍ଡି କଗ୍‌ଲେକ୍ ମାଚିକ୍। ମାତର୍ ଏଚେପାଦ୍ନା ତିନ୍‌ବାର୍‌ହୁ ଅଦା ଆତାତ୍‌ ହେପାଦ୍ନା ଈଶ୍ୱର ଏଲୀୟଙ୍ଗ୍ ଇସ୍ରାଏଲତାକେ ମାନି ଇମ୍‌ଣି ରାଣ୍ଡି କଗ୍‌ଲେକ୍ ଲାଗାୟ୍ ପକ୍‌ୱାଦାଙ୍ଗ୍ ଜେକନି ର ଦେସ୍‌ତାକେ ମାନି ରାଣ୍ଡି କଗ୍‌ଲେକ୍ ଲାଗାୟ୍ ପକ୍‌ଚି ମାଚାର୍।”

![](https://cdn.door43.org/obs/jpg/360px/obs-en-26-06.jpg)

ଯୀଶୁ ୱେଚ୍‌ଚି ଲାଗାତାନ୍, “ଆରେ ଇଲିଶାୟ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍‌ ସମୟ୍‌ତ କୁଷ୍ଟ ରଗ୍ ଆହିଆତି କେତେକ୍ ହେନି ଇସ୍ରାଏଲ ଦେସ୍‌ତାକେ ମାଚାର୍। ମାତର୍ ଇଲିଶାୟ ହେୱାର୍ ବିତ୍ରେତାଙ୍ଗ୍ ଇନେରିଙ୍ଗ୍ ପା ହାର୍ କିୱାଦାଙ୍ଗ୍ ମାଚାନ୍। ହେୱାନ୍ ଇସ୍ରାଏଲ ଶତ୍ରୁ ଦେସ୍‌ନି ର ସେନାପତିରିଙ୍ଗ୍ କୁଷ୍ଟ ରଗ୍‌ତାଙ୍ଗ୍ ହାର୍ କିଜି ମାଚାନ୍।” ଇମ୍‌ଣି ମାନାୟାର୍‌ ଯୀଶୁ କାତାତିଙ୍ଗ୍ ୱେନ୍‌ଞ୍ଜି ମାଚାର୍ ହେୱାର୍ ଯିହୁଦି ମାନାୟ୍ ମାଚାର୍। ଲାଗିଙ୍ଗ୍ ହେୱାର୍ ଏଚେପାଦ୍ନା ଇଦାଙ୍ଗ୍ କିନାକା ୱେଚାର୍, ହେୱାର୍ ତା ଜପି ବେସି ରିସା କିଜି ମାଚାର୍।

![](https://cdn.door43.org/obs/jpg/360px/obs-en-26-07.jpg)

ନାଜରିତ ସହର୍‌ତାକେ ମାନି ମାନାୟ୍ ପୁଜାକିନି ବାହାତାଙ୍ଗ୍ ଯୀଶୁଙ୍ଗ୍ ବାର୍‌ତ ହପ୍‌ଚି ମାର୍ନେ ଅସ୍ତେଙ୍ଗ୍ ଜପିତାଙ୍ଗ୍ ତୁସିହିନି କାଜିଙ୍ଗ୍ ହେବେ ତାହିୱାତାର୍। ମାତର୍ ଯୀଶୁ ମାନାୟ୍ ଗୌଲି ବିତ୍ରେଆଜି ନାଜରିତ ସହର୍ ପିସ୍ତି ହାଚାନ୍।

![](https://cdn.door43.org/obs/jpg/360px/obs-en-26-08.jpg)

ତାପାଚେ ଯୀଶୁ ଗାଲିଲୀ ଜିଲ୍ଲାତାକେ ହାଚାନ୍, ବେସିହେନି ମାନାୟ୍ ହେୱାନ୍ ଲାଗାୟ୍ ୱାତାର୍। ଇମ୍‌ଣି ମାନାୟାର୍ ହୁଡ଼୍‌ଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍, ୱେଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍ ଇୱାର୍ ହୁଦାଙ୍ଗ୍ କେତ୍‌ଜାଣ୍ ରଗି ଆରେ କାଣା ଚଟାରିଙ୍ଗ୍ ତାସି ୱାତାର୍।

![](https://cdn.door43.org/obs/jpg/360px/obs-en-26-09.jpg)

ବୁତ୍ ଡୁୟାଆତି ମାନାୟାରିଙ୍ଗ୍ ଯୀଶୁ ଲାଗାୟ୍ ତାହିୱାଜି ମାଚାର୍। ଯୀଶୁ ଆଦେସ୍‌ତାଙ୍ଗ୍ ବୁତ୍‌କୁ ମାନାୟାର୍‌ତାଙ୍ଗ୍ ହସି ହାଲ୍‌ଜି ମାଚିକ୍, ଆରେ କେତେକ୍ ସମୟତ ହେୱେକ୍‌ ଚେରା ଆଜି ମାଚିକ୍‌, “ଏନେଙ୍ଗ୍ ଈଶ୍ୱର ମେହି!” ବେସିହେନି ମାନାୟ୍ ଚାନିଆଆଜି ମାଚାର୍ ଆରେ ଈଶ୍ୱରତିଙ୍ଗ୍ ହେବା କିଜି ମାଚାର୍।

![](https://cdn.door43.org/obs/jpg/360px/obs-en-26-10.jpg)

ତାପାଚେ ଯୀଶୁ ବାରଜାଣ୍ ଚେଲାହିରିଙ୍ଗ୍ ବାଚିକିତାନ୍ ହେୱାରିଙ୍ଗ୍ “ବାଚିକିଜି ପକ୍ତି ଚେଲା ଇଞ୍ଜି ତର୍‌ ହିତାନ୍‌।” ଚେଲାହିର୍ ଯୀଶୁ ହୁଦାଙ୍ଗ୍ ହାଲ୍‌ଜି ମାଚାର୍ ଆରେ ହେୱାନ୍‌ତାଙ୍ଗ୍ ହିକା ଆଜି ମାଚାର୍।

*ବାଇବଲ୍‌ନି ର କାତା: ମାଥିଉ ୪: ୧୨- ୨୫; ମାର୍କ ୧: ୧୪- ୧୫, ୩୫- ୩୯; ୩: ୧୩- ୨୧; ଲୁକ ୪: ୧୪- ୩୦, ୩୮- ୪୪*

## 27. ୨୭. ହାର୍‌ଦି ଶମିରୋଣ ମାନାୟ୍‌ନି କାତା

https://openbiblestories.org/l/peg/story-27/

![](https://cdn.door43.org/obs/jpg/360px/obs-en-27-01.jpg)

ରଦିନ୍ ରକାନ୍ ଯିହୁଦି ସାସ୍ତର୍ ଅବ୍ୟାସ୍ ଆତାକାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍‌ବାତାନ୍, “ଗୁରୁ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?” ହେୱାନିଙ୍ଗ୍ ଯୀଶୁ ୱେଚ୍‌ଚାନ୍, “ସାସ୍ତର୍‌ତାକେ ଇନାକା ଲେକାମାନାତ୍?”

![](https://cdn.door43.org/obs/jpg/360px/obs-en-27-02.jpg)

ହେ ସାସ୍ତର୍ ଅବ୍ୟାସ୍ ଆତାକାନ୍ ୱେଚ୍‌ଚାନ୍, “ଈଶ୍ୱର ସାସ୍ତର୍ ୱେଚ୍‌ନାତ୍, ଏପେଙ୍ଗ୍ ମାପୃ ଈଶ୍ୱରତିଙ୍ଗ୍ ମି ୱିଜୁ ଗରବ୍‌, ପାରାଣ୍, ୱିଜୁ ଶାକ୍ତି ଆରେ ୱିଜୁ ମାନ୍ ହିଜି ଲାଡ୍ କିୟାଟ୍।” ଆରେ ମି ପାଡ଼୍‌ହା ଇଞ୍ଜାକାରିଙ୍ଗ୍ ଲାଡ୍ କିୟାଟ୍।ଯୀଶୁ ୱେଚ୍‌ଚାନ୍, “ଏନେଙ୍ଗ୍ ଟିକ୍ ୱେଚ୍‌ଚାଇନା! ଏଲେଙ୍ଗ୍ କିୟା ଲାଗିଙ୍ଗ୍ ଏନେଙ୍ଗ୍ ଜିନାୟ୍।”

![](https://cdn.door43.org/obs/jpg/360px/obs-en-27-03.jpg)

ମାତର୍ ହେ ସାସ୍ତର୍ ଅବ୍ୟାସ୍ ଆତାକାନ୍ ଜାର୍‌ତିଙ୍ଗ୍ ଦାର୍‌ମି ମାନାୟ୍ ଚଞ୍ଜି ଆଦେଙ୍ଗ୍ ୱେନ୍‌ବାତାନ୍, “ନା ପାଡ଼୍‌ହା ଇଞ୍ଜାକାର୍ ଇନେର୍?”

![](https://cdn.door43.org/obs/jpg/360px/obs-en-27-04.jpg)

ଯୀଶୁ ହେୱାରିଙ୍ଗ୍ ର କାତା ୱେଚ୍‌ନି ଲେକେ କିଜି ୱେଚ୍‌ଚାନ୍, “ରକାନ୍ ମାନାୟ୍ ଯିରୁଶାଲାମ ସହର୍‌ତାଙ୍ଗ୍ ହାଜ୍‌ଦ ଯିରୀହୋତାକେ ହାଲ୍‌ଜି ମାଚାନ୍।”

![](https://cdn.door43.org/obs/jpg/360px/obs-en-27-05.jpg)

“ହେୱାନ୍ ଏଚେପାଦ୍ନା ହାଲ୍‌ଜି ମାଚାନ୍, ହେପାଦ୍ନା ହେୱାନ୍ ର ମାନ୍ଦା ଚର୍‌କୁତାଙ୍ଗ୍ ମାଡ୍ ଚିଚାନ୍।ତା ଲାଗାୟ୍ ମାଚି ୱିଜୁ ଜିନିଷ୍‌ ହେ ଚର୍‌କୁ ଅତାର୍ ଆରେ ହେୱାନିଙ୍ଗ୍ ହାଃନି ପାତେକ୍ ଟ୍ରାକ୍‌ତାର୍।ତାପାଚେ ହେୱାର୍ ହାଚାର୍।”

![](https://cdn.door43.org/obs/jpg/360px/obs-en-27-06.jpg)

“ହେପାଦ୍ନା ରକାନ୍ ଯିହୁଦି ପୁଜାରି ହେ ହାଜି ନିପଣ୍ ଆଜି ହାଲ୍‌ଜି ମାଚାନ୍। ଏଚେପାଦ୍ନା ହେ ଦରମ୍ ଗୁରୁ ଟ୍ରାକି ଆଜି ତୁହିଆଜି ମାଚି ମାନାୟ୍‌ତିଙ୍ଗ୍ ହୁଡ଼୍‌ତାନ୍ ହେପାଦ୍ନା ହେୱାନ୍ ହାଜିନି ଆଣ୍ଟିପାଡ଼୍‌କାତିଙ୍ଗ୍ ହାଚାନ୍, ଇନେର୍ ସାଇଜ କିନାଙ୍ଗ୍ ଇଞ୍ଜି ଆହାକିଜି ମାନାନ୍ ହେ ମାନାୟ୍‌ତାଙ୍ଗ୍ ମୁମ୍ ମଡ଼ିକିଜି ହାଚାନ୍।”

![](https://cdn.door43.org/obs/jpg/360px/obs-en-27-07.jpg)

“ତାପାଚେ ଅଲପ୍ ସମୟ ପାଚେ, ହେ ହାଜ୍‌ଦିଙ୍ଗ୍ ରକାନ୍ ଲେବୀୟ ୱାତାନ୍। ଲେବିୟର୍ ଆନାରା ର ଯିହୁଦିର୍ ର ଜାତି ଇନେର୍ ପୁଜାରିରିଙ୍ଗ୍ ମନ୍ଦିର୍‌ତାକେ ସାଇଜ କିଜି ମାଚାର୍। ଲେବୀୟ ପା ହେ ହାଜି ଆଣ୍ଟାଙ୍ଗ୍ ଆଜି ହାଚାନ୍। ହେ ମାଡ୍ ତିନ୍‌ଞ୍ଜି ଆଡ଼ାଡାଡ଼ାଆତି ମାନାୟ୍‌ତାଙ୍ଗ୍‌ ମୁମ୍ ମଡ଼ିକିଜି ହାଚାନ୍।”

![](https://cdn.door43.org/obs/jpg/360px/obs-en-27-08.jpg)

“କେତେକ୍ ସମୟ୍ ହାଚି ପାଚେ ଇମ୍‌ଣାକାନ୍‌ ହେ ହାଜ୍‌ଦିଙ୍ଗ୍ ହାଚାନ୍ ହେୱାନ୍ ରକାନ୍ ଶମିରୋଣନି ମାନାୟ୍ ମାଚାନ୍। ଶମିରୋଣନି ମାନାୟାର୍ ଯିହୁଦି ଲାତ୍ରାନିକାର୍ ଇମ୍‌ଣାକାର୍ ଜେକିନି ଦେସ୍ତାଙ୍ଗ୍ ବିବା ଆଜି ମାଚାର୍‌। ଶମିରୋଣନି ମାନାୟାର୍ ଆରେ ଯିହୁଦି ମାନାୟାର୍ ଜାର୍-ଜାର୍‌ତିଙ୍ଗ୍ ଗିଣ୍ କିଜି ମାଚାର୍। ମାତର୍ ଏଚେପାଦ୍ନା ଶମିରୋଣନି ମାନାୟ୍ ହେ ଯିହୁଦି ମାନାୟ୍‌ତିଙ୍ଗ୍ ହୁଡ଼୍‌ତାନ୍, ହେୱାନିଙ୍ଗ୍ କାର୍‌ମା ଆତାନ୍।ଲାଗିଙ୍ଗ୍ ହେୱାନିଙ୍ଗ୍ ଜାତୁନ୍ ଅତାନ୍ ଆରେ ତା ଗାଉକୁକାଙ୍ଗ୍ ନୁଜ୍‌ଦି ହିତାନ୍।”

![](https://cdn.door43.org/obs/jpg/360px/obs-en-27-09.jpg)

“ତାପାଚେ ହେ ଶମିରୋଣନି ମାନାୟ୍ ହେ ମାନାୟ୍‌ତିଙ୍ଗ୍ ନିକ୍‌ଚି ତା ଗଦଜପି କୁଚିକିତାନ୍ ଆରେ ହେୱାନିଙ୍ଗ୍ ହାଜି ଲାଗାୟ୍‌ନି ର ହଟେଲ୍ ତାକେ ଅତାନ୍ ହେବେ ହେୱାନ୍ ତାଙ୍ଗେଙ୍ଗ୍ ଜାତୁନ୍ କିତାନ୍।”

![](https://cdn.door43.org/obs/jpg/360px/obs-en-27-10.jpg)

“ତାଆର୍‌କାତ୍ ନାଞ୍ଜିଙ୍ଗ୍ ହେ ଶମିରୋଣନି ମାନାୟ୍ ହାଚାନ୍। ହେ ହଟେଲ୍ ଦାୟିତ୍‌ପରେ ମାନି ମାନାୟ୍‌ତିଙ୍ଗ୍ କେତେକ୍ ଡାବୁଙ୍ଗ୍ ହିଜି ୱେଚ୍‌ଚାନ୍, ଇୱାନିଙ୍ଗ୍ ଜାତୁନ୍ ଅୱା ଆରେ ଏନେଙ୍ଗ୍ ଯଦି ଇବେତାଙ୍ଗ୍ ଆଦିକ୍ କର୍ଚ କିନାୟ୍, ଲାଗିଙ୍ଗ୍ ଆନେଙ୍ଗ୍ ଲେଉଟା ଆଜି ୱାନିହିଙ୍ଗ୍ ହେ କର୍ଚ ଆତାକା ୱିଜୁ ହିଦ୍‌ନାଙ୍ଗ୍।”

![](https://cdn.door43.org/obs/jpg/360px/obs-en-27-11.jpg)

ତାପାଚେ ଯୀଶୁ ହେ ସାସ୍ତର୍ ଅବ୍ୟାସ୍ କିତାକାନିଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ ଇନାକା ବାବିକିନାୟା? ଇ ତିନ୍‌ଜାଣ୍ ବିତ୍ରେତାଙ୍ଗ୍ ଇନେର୍ ଚର୍‌କୁତାଙ୍ଗ୍ ମାଡ୍‌ଚିଚି ମାନାୟ୍‌ତିଙ୍ଗ୍ ପାଡ୍‌ହା ଇଞ୍ଜାକାର୍ ଇନେରିଙ୍ଗ୍ ଚର୍ କିତାର୍ ଆରେ ମାଡ୍ ହିତାର୍?” ହେୱାନ୍ ୱେଚ୍‌ଚାନ୍‌, “ଇନେର୍ ତା କାଜିଙ୍ଗ୍ ଦୟା ଚଚ୍‌ଚାନ୍, ହେୱାନ୍।” ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ହାଲା ଆରେ ହେଲେକେ କିୟା।”

*ବାଇବଲ୍‌ନି ର କାତା: ଲୁକ ୧୦: ୨୫- ୩୭*

## 28. ୨୮. ଧନୀ ବେଣ୍ଡିଆ ହିମ୍‌ଣା ସାସନ୍ କିନାକାନ୍‌

https://openbiblestories.org/l/peg/story-28/

![](https://cdn.door43.org/obs/jpg/360px/obs-en-28-01.jpg)

ଦିନେକ୍ ରକାନ୍ ବେଣ୍ଡିଆ ହାଉକାର୍ ସାସନ୍ କିନାକାନ୍ ଯୀଶୁ ଲାଗାୟ୍ ୱାତାନ୍ ଆରେ ୱେନ୍‌ବାତାନ୍, “ହାର୍‌ଦି ଗୁରୁ ୱିଜ୍‌ୱି ଜିବୁନ୍ ପାୟାଆଦେଙ୍ଗ୍ ଆନେଙ୍ଗ୍ ଇନାକା କିନାଙ୍ଗ୍?” ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଇନାକିଦେଙ୍ଗ୍ ହାର୍ ଇଞ୍ଜ୍‌ନାୟା? ରକାନ୍ ମାତର୍ ହାର୍‌ଦାକାନ୍‌ ମାନାନ୍ ଆରେ ହେୱାନ୍ ଆନାନା ଈଶ୍ୱର। ଏନେଙ୍ଗ୍ ଯଦି ୱିଜ୍‌ୱି ଜିବୁନ୍ ପାୟାଆଦେଙ୍ଗ୍ ଇଚା କିନାୟା ଲାଗିଙ୍ଗ୍ ଈଶ୍ୱର ଆଦେସ୍ ୱିଜୁ ମାନି କିୟା।“

![](https://cdn.door43.org/obs/jpg/360px/obs-en-28-02.jpg)

ହେୱାନ୍ ୱେନ୍‌ବାତାନ୍, “ଇମ୍‌ଣି-ଇମ୍‌ଣି ଆଦେସ୍ ୱିଜୁ ଆନେଙ୍ଗ୍ ମାନିକିନି ଦର୍‌କାର୍?” ଯୀଶୁ ୱେଚ୍‌ଚାନ୍, “ମାନାୟ୍ ଅହ୍‌ମା, ଦାରି କାମାୟ୍ କିମା, ଚର୍ କାମାୟ୍ କିମା, ମିଚ୍‌କାତା ୱେଚ୍‌ମା, ମି ଆୟାଆବାରିଙ୍ଗ୍ ସନ୍‌ମାନ୍ କିୟା ଆରେ ମି ପାଡ଼୍‌ହା ଇଞ୍ଜାକାରିଙ୍ଗ୍ ମାନ୍ ହିଜି ଲାଡ୍ କିୟା।”

![](https://cdn.door43.org/obs/jpg/360px/obs-en-28-03.jpg)

ମାତର୍ ହେ ବେଣ୍ଡିଆ ହିମ୍‌ଣା ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଇ ୱିଜୁ ହିମ୍‌ଣା ୱେଡ଼ାତାଙ୍ଗ୍ ନେ ମାନିକିଜି ୱାନାଙ୍ଗା। ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ଆନେଙ୍ଗ୍ ଆରେ ଇନାକା କିଦେଙ୍ଗ୍ ଆନାତ୍?” ଯୀଶୁ ହେୱାନିଙ୍ଗ୍ ହୁଡ଼୍‌ଜି ହେୱାନିଙ୍ଗ୍ ଲାଡ୍ କିତାନ୍।

![](https://cdn.door43.org/obs/jpg/360px/obs-en-28-04.jpg)

ଯୀଶୁ ୱେଚ୍‌ଚାନ୍, “ଏନେଙ୍ଗ୍ ଯଦି ପୁରା ଆଦେଙ୍ଗ୍ ଇଚା କିନାୟା, ଲାଗିଙ୍ଗ୍ ହାଲା ଆରେ ନିଦାଙ୍ଗ୍ ଇନାକା ମାନାତ୍ ହେଦାଙ୍ଗ୍ ୱିଜୁ ପୱା ଆରେ ଗରିବ୍‌ ମାନାୟାରିଙ୍ଗ୍ ନି ଦନ୍ ଦାନ୍ ହିୟା, ଆରେ ଏନେଙ୍ଗ୍ ସରଗ୍‌ତାକେ ଦନ୍ ପାୟାଆନାୟ୍। ତାପାଚେ ୱାଜି ନା ପାଚେ ୱା।”

![](https://cdn.door43.org/obs/jpg/360px/obs-en-28-05.jpg)

ଯିଶୁ ୱେଚ୍‌ଚି ବିଷୟତିଙ୍ଗ୍ ବେଣ୍ଡିଆ ହିମ୍‌ଣା ଏଚେପାଦ୍ନା ୱେଚାନ୍, ହେୱାନ୍ ବେସି ଦୁକ୍ ଆତାନ୍, ଇନେସ୍‌କି ହେୱାନ୍ ବେସି ହାଉକାର୍ ମାନାୟ୍ ମାଚାନ୍ ଆରେ ହେୱାନ୍ ଆର୍ଜାଆତି ୱିଜୁତିଙ୍ଗ୍‌ ପିସ୍ତେଙ୍ଗ୍ ଇଚା କିୱାତାନ୍। ହେୱାନ୍ ମୁମ୍ ରାତ୍‌ଚି ଯୀଶୁ ଲାଗାୟ୍‌ତାଙ୍ଗ୍ ହାଚାନ୍।

![](https://cdn.door43.org/obs/jpg/360px/obs-en-28-06.jpg)

ତାପାଚେ ଯୀଶୁ ତା ଚେଲାହିଙ୍ଗ୍ ୱେଚ୍‌ଚାନ୍, “ହାଉକାର୍ ମାନାୟ୍ ଈଶ୍ୱର ସାସନ୍‌କିନି ରାଜିତାକେ ହଣ୍ଡେଙ୍ଗ୍ ବେସି କଷ୍ଟ! ଆଁ ହାଉକାର୍ ମାନାୟ୍ ସରଗ୍‌ତାକେ ହଣି ବାଦୁଲ୍ ହୁଜା କାଣା ନିପଣ୍ ଉଟ୍ ହଣାକା ସହଜ୍।”

![](https://cdn.door43.org/obs/jpg/360px/obs-en-28-07.jpg)

ଯିଶୁ ୱେଚ୍‌ଚିମାଚି ବିଷୟତିଙ୍ଗ୍ ଏଚେପାଦ୍ନା ଚେଲାହିର୍ ୱେଚାର୍ ଆରେ ହେୱାର୍ ଚାନିଆଆଜି ୱେନ୍‌ବାତାର୍, “ଲାଗିଙ୍ଗ୍ ଇନେର୍ ଉଦାର୍ ପାୟାଆନାର୍?”

![](https://cdn.door43.org/obs/jpg/360px/obs-en-28-08.jpg)

ଯୀଶୁ ଚେଲାହିର୍ ନିପଣ୍ ହୁଡ଼୍‌ଜି ୱେଚ୍‌ଚାନ୍, “ମାନାୟ୍ କାଣ୍‌କୁକାଙ୍ଗ୍ ଇଦାଙ୍ଗ୍ କଷ୍ଟ, ମାତର୍ ଈଶ୍ୱର କାଣ୍‌କୁକାଙ୍ଗ୍ ୱିଜୁ ବିଷୟ ହାର୍।”

![](https://cdn.door43.org/obs/jpg/360px/obs-en-28-09.jpg)

ପିତର ଯୀଶୁଙ୍ଗ୍ ୱେଚ୍‌ଚାନ୍, “ଆପେଙ୍ଗ୍ ୱିଜୁ ବିଷୟ ପିସ୍ତି ନି ପାଚେ-ପାଚେ ହାତାପ୍‌ନା। ମା କାଜିଙ୍ଗ୍ ଇନାକା ପୁରୁଷ୍କାର୍ ମାନାତ୍?”

![](https://cdn.door43.org/obs/jpg/360px/obs-en-28-10.jpg)

ଯୀଶୁ ୱେଚ୍‌ଚାନ୍, “ଇମ୍‌ଣାକାନ୍ ନା କାଜିଙ୍ଗ୍ ଇଲ୍‌ଗାଣ୍, ଟଣ୍ଡାର୍, ତଣ୍‌ଦେଲ୍, ଆବା, ଆୟା, ହିମ୍‌ଣା ୱାକ୍‌ଡ଼ା ଆରେ ଦନ୍ ସମ୍ଫତିତିଙ୍ଗ୍ ପିହ୍‌ନାନ୍ ଆରେ ତା ୧୦୦ ଗୁଣ୍ ଇ ଜଗତ୍‌ତାକେ ଆରେ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ପାର୍ତୁମ୍ ମାନି କେତେକ୍ ସେସ୍‌ତ ମାନାର୍, ଆରେ ସେସ୍‌ତ ମାନି କେତେକ୍ ପାର୍ତୁମ୍ ଆନାତ୍।”

*ବାଇବଲ୍‌ନି ର କାତା: ମାଥିଉ ୧୯: ୧୬-୩୦; ମାର୍କ ୧୦: ୧୭- ୩୧; ଲୁକ ୧୮: ୧୮- ୩୦*

## 29. ୨୯. ଦୟା ହିଲ୍‌ୱି ଦାସ୍‌ନି କାତା

https://openbiblestories.org/l/peg/story-29/

![](https://cdn.door43.org/obs/jpg/360px/obs-en-29-01.jpg)

ଦିନେକ୍ ପିତର ଯୀଶୁଙ୍ଗ୍ ୱେନ୍‌ବାତାନ୍, “ଗୁରୁ ଏଚେପାଦ୍ନା ନା ଟଣ୍ଡେନ୍ ନା ବିରଦ୍‌ତାକେ ପାପ୍ କିନାନ୍ ଆନେଙ୍ଗ୍ କେତେ ହଟ୍ ହେୱାନିଙ୍ଗ୍ କେମା ହିନାଙ୍ଗ୍? ଇନାକା ସାତ୍ ହଟ୍ ପାତେକ୍?” ଯୀଶୁ ୱେଚ୍‌ଚାନ୍, “ସାତ୍ ହଟ୍ ଆକାୟ୍ ସତୁରି ଗୁଣ୍ ପାତେକ୍!” ଇଦାଙ୍ଗ୍ କାଜିଙ୍ଗ୍ ଯୀଶୁ ୱେଚ୍‌ନି ଅର୍ତ ଇଦାଙ୍ଗ୍ ମାଚାତ୍ ଯେ ଆସେଙ୍ଗ୍ ୱିଜୁଦିନ୍ କେମା କିନି ଦର୍‌କାର୍। ତାପାଚେ ଯୀଶୁ ଇ କାତା ୱେଚ୍‌ଚାନ୍।

![](https://cdn.door43.org/obs/jpg/360px/obs-en-29-02.jpg)

ଯୀଶୁ ୱେଚ୍‌ଚାନ୍, “ଈଶ୍ୱର ସାସନ୍‌କିନି ରାଜି ଇଲେକେ, ରାଜା ଲେକେ ଇନେର୍ ତା ଦାସ୍ ହୁଦାଙ୍ଗ୍ କୁଚ୍‌ଚି ହିସାବ୍ ପୁରା କିଦେଙ୍ଗ୍ ଇଚା କିତିସ୍। ତା ଦାସ୍ ମାନାୟାର୍ ବିତ୍ରେତାଙ୍ଗ୍ ରକାନ୍ ୨,୦୦,୦୦୦ ବାର୍‌ହୁନି ରୁଣ୍ ଉଦାର୍ କିଜି ମାଚାନ୍।”

![](https://cdn.door43.org/obs/jpg/360px/obs-en-29-03.jpg)

“ଇନେସ୍‌କି ହେ ଦାସ୍ ରୁଣ୍ ହୁଜାଆଦେଙ୍ଗ୍ ଆଡ୍‌ୱାତାନ୍, ଲାଗିଙ୍ଗ୍ ରାଜା ୱେଚ୍‌ଚାନ୍, ଇ ମାନାୟ୍ ଆରେ ତା ପରିବାର୍‌ତିଙ୍ଗ୍ ଦାସ୍ ବାବ୍‌ରେ ପସି ରୁଣ୍ ହୁଜାଆଦେଙ୍ଗ୍ ହିୟାଟ୍।”

![](https://cdn.door43.org/obs/jpg/360px/obs-en-29-04.jpg)

ହେ ଦାସ୍ ରାଜା କାଲ୍‌କୁ ତାରେନ୍ ଗୁର୍‌ଜି ୱେଚ୍‌ଚାନ୍, “ଦୟାକିଜି ନା ବିଷୟରେ ସାହାସ୍ ଆହା, ଆରେ ଆନେଙ୍ଗ୍ ନିବେ ରୁଣ୍‌ଆତି ୱିଜୁ ରୁଣ୍ ହୁଜା ଆଦ୍‌ନାଙ୍ଗ୍। ରାଜା ହେ ଦାସଙ୍ଗ୍ ଦୟା କିତାନ୍, ଲାଗିଙ୍ଗ୍ ହେୱାନ୍ ତା ୱିଜୁ ରୁଣ୍‌ତିଙ୍ଗ୍ ପିସ୍ତିହିତାନ୍।”

![](https://cdn.door43.org/obs/jpg/360px/obs-en-29-05.jpg)

“ମାତର୍ ହେ ଦାସ୍ ଏଚେପାଦ୍ନା ରାଜା ଲାଗାୟ୍ ହାଚାନ୍, ହେପାଦ୍ନା ହେୱାନ୍ ଆରେ ରକାନ୍ ତା ହାଙ୍ଗ୍‌ଦାଙ୍ଗ୍ ମାନି ଦାସ୍‌ତିଙ୍ଗ୍ ଗିଟା ଆତାନ୍ ଇନେର୍‌କି ହେୱାନିଙ୍ଗ୍ ଚାରି ମାସ୍‌ତିକିଙ୍ଗ୍ ରୁଣ୍ ହୁଜାଆନିକିଙ୍ଗ୍ ମାଚିକ୍। ହେ ଦାସ୍ ତା ହେ ଗାଜା ଦାସ୍‌ତିଙ୍ଗ୍ ହାକ୍‌ତ ଆସ୍ତାନ୍ ଆରେ ୱେଚ୍‌ଚାନ୍, ‘ନାବେତାଙ୍ଗ୍ ଉଦାର୍ ଅତି ରୁଣ୍ ହିଦା!’”

![](https://cdn.door43.org/obs/jpg/360px/obs-en-29-06.jpg)

ହାଙ୍ଗ୍‌ଦି ଦାସ୍ ମାନାୟାର୍ ହେ ଗାଜା ଦାସ୍‌ନି କାଲ୍‌କୁ ତାରେନ୍ ଗୁର୍‌ଜି ୱେଚ୍‌ଚାନ୍, “ଦୟାକିଜି ନା କାଜିଙ୍ଗ୍ ସାହାସ୍ ଇଟା, ଆରେ ଆନେଙ୍ଗ୍ ଉଦାର୍ ଏନ୍ତିତି ୱିଜୁ ରୁଣ୍ ମିଙ୍ଗେଙ୍ଗ୍ ଲେଉଟାୟ୍ କିଦ୍ନାଙ୍ଗା। ମାତର୍ ହେୱାନ୍ ଦୟା କିନି ବାଦୁଲ୍‌ ହେୱାନିଙ୍ଗ୍‌ ରୁଣ୍ ହୁଜାଆନି ପାତେକ୍ ହେୱାନିଙ୍ଗ୍ ଜଇଲ୍ ଇଞ୍ଜ ବନ୍ଦି କିତାନ୍।”

![](https://cdn.door43.org/obs/jpg/360px/obs-en-29-07.jpg)

“ଇମ୍‌ଣି ଦାସ୍‌ ମାନାୟାର୍ ଇ ଗଟ୍‌ନା ହୁଡ଼୍‌ଜି ମାଚାର୍, ହେୱାର୍ ଆଦିକ୍ ଚାନିଆ ଆତାର୍। ହେୱାର୍ ରାଜା ଲାଗାୟ୍ ହାଚାର୍ ଆରେ ୱିଜୁ କାତା ୱେଚ୍‌ଚାର୍।”

![](https://cdn.door43.org/obs/jpg/360px/obs-en-29-08.jpg)

ରାଜା ହେ ଦାସ୍‌ତିଙ୍ଗ୍ କୁକ୍‌ଚି ୱେଚ୍‌ଚାନ୍, “ଏନେଙ୍ଗ୍ କରାପ୍ ଦାସ୍! ‘ଏନେଙ୍ଗ୍ ନାଙ୍ଗେଙ୍ଗ୍ କେମା ବିକ୍ୟା ଏନ୍ତିନି କାଜିଙ୍ଗ୍ ଆନେଙ୍ଗ୍ ନି ୱିଜୁ ରୁଣ୍ ପିସ୍ତାତାଙ୍ଗ୍! ଏନେଙ୍ଗ୍ ପା ଟିକ୍ ଇଲେକେ ନେ କିନି ଦର୍‌କାର୍।’ ରାଜା ରିସା ଆଜି ହାଲ୍‌ଜି ମାଚାନ୍ ଯେ ହେ କରାପ୍ ଦାସ୍ ୱିଜୁ ରୁଣ୍ ହୁଜା ଆନି ପାତେକ୍ ଜଇଲ୍ ଇଞ୍ଜ ବନ୍ଦି କିତାର୍।”

![](https://cdn.door43.org/obs/jpg/360px/obs-en-29-09.jpg)

ତାପାଚେ ଯୀଶୁ ୱେଚ୍‌ଚାନ୍, “ଇମ୍‌ଣାକାର୍ ଜାର୍ ଟଣ୍ଡାରିଙ୍ଗ୍ କେମା କିଉର୍ ନା ସରଗ୍‌ନି ଆବା ପା ହେୱାରିଙ୍ଗ୍ କେମା କିଉନ୍‌।”

*ବାଇବଲ୍‌ନି ର କାତା: ମାଥିଉ ୧୮: ୨୧- ୩୫*

## 30. ୩୦. ଯୀଶୁ ପାଞ୍ଚ୍ ହାଜାର୍ ମାନାୟାରିଙ୍ଗ୍ ଚିଚ୍‌ପାନାନ୍‌

https://openbiblestories.org/l/peg/story-30/

![](https://cdn.door43.org/obs/jpg/360px/obs-en-30-01.jpg)

କେତେକ୍ ବିନ୍-ବିନ୍ ନାସ୍‌କୁକାଙ୍ଗ୍ ଈଶ୍ୱର କାତା ଶୁଣାୟ୍ କିଦେଙ୍ଗ୍ ଆରେ ହିକ୍ଷା ହିଦେଙ୍ଗ୍ ଯୀଶୁ ତା ଚେଲାହିଙ୍ଗ୍ ପକ୍ତାନ୍। ଯୀଶୁ ମାନି ବାହାତାକେ ହେୱାର୍ ଏଚେପାଦ୍ନା ଲେଉଟାଆତାର୍, ଇନା-ଇନାକା ଗଟାଆଜି ମାଚାତ୍ ହେଦାଙ୍ଗ୍ ହେୱାର୍ ହେୱାନିଙ୍ଗ୍ ୱେଚ୍‌ଚି ମାଚାର୍। ତାପାଚେ ଯୀଶୁ ହାମ୍‌ଦୁର୍ ଆଣ୍ଟି ପାଡ଼୍‌କା ର ଚିମ୍ରା ବାହାତାକେ ହାନି କାଜିଙ୍ଗ୍ ହେୱାରିଙ୍ଗ୍ କୁକ୍ତାନ୍। ଲାଗିଙ୍ଗ୍ ହେୱାର୍ ର ଡଙ୍ଗାତାକେ କୁଚ୍‌ଚାର୍ ଆରେ ହାମ୍‌ଦୁର୍ ଆଣ୍ଟିପାଡ଼୍‌କା ହାଚାର୍।

![](https://cdn.door43.org/obs/jpg/360px/obs-en-30-02.jpg)

ମାତର୍ ହେ ବାହାତାକେ କେତେକ୍ ମାନାୟାର୍ ମାନି କାଜିଙ୍ଗ୍ ଯୀଶୁ ଆରେ ତା ଚେଲାହିର୍ ଡଙ୍ଗାତିଙ୍ଗ୍ ପିସ୍ତି ହାଚାର୍। ଇ ମାନାୟାର୍ ହେୱାର୍ ଲାଗାୟ୍ ହାନି କାଜିଙ୍ଗ୍ ହେୱାର୍ ଆଗେ ହାମ୍‌ଦୁର୍ କାଣ୍ଡିତାକେ ହନ୍‌ଞ୍ଚି ହାଚାର୍। ଲାଗିଙ୍ଗ୍ ଯୀଶୁ ଆରେ ତା ଚେଲାହିର୍ ଏଚେପାଦ୍ନା ଇକାତାର୍, କେତେକ୍ ହେନି ମାନାୟ୍ ମାନ୍ଦା ହାମ୍‌ଦୁର୍ ଆଣ୍ଟିପାଡ଼୍‌କା ହେୱାରିଙ୍ଗ୍ କାସି ମାଚାର୍।

![](https://cdn.door43.org/obs/jpg/360px/obs-en-30-03.jpg)

କଗ୍‌ଲେକ୍ ଆରେ ହିମ୍‌ଣାକାଙ୍ଗ୍ ଇସାବ୍ କିୱାଦାଙ୍ଗ୍ ଆଣ୍ଡ୍ରାହିମ୍‌ଣାଙ୍ଗ୍ ପାକାପାକି ୫୦୦୦ ଜାଣ୍ ମାଚାର୍। ଯୀଶୁ ଇ ମାନାୟାର୍ କାଜିଙ୍ଗ୍ ବେସି ଦୟାତାଙ୍ଗ୍ ଟେନ୍‌ସନ୍ ଆଜି ମାଚାନ୍। ଯୀଶୁ କାଜିଙ୍ଗ୍ ଇ ମାନାୟାର୍ ମେଣ୍ଢା ଗଡ଼ିଆର୍ ହିଲ୍‌ୱି ମେଣ୍ଢାଙ୍ଗ୍ ଲେକେ ମାଚାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ହିକ୍ଷା ହିତାନ୍ ଆରେ ହେୱାର୍ ବିତ୍ରେତାଙ୍ଗ୍ ଇମ୍‌ଣାକାର୍ ବେମାର୍‌ତାକେ ମାଚାର୍ ହେୱାରିଙ୍ଗ୍ ହାର୍ କିତାନ୍।

![](https://cdn.door43.org/obs/jpg/360px/obs-en-30-04.jpg)

ୱେଡ଼ା ହାନିହିଙ୍ଗ୍ ଚେଲାହିର୍ ଯୀଶୁଙ୍ଗ୍ ୱେଚ୍‌ଚାର୍, “ସମୟ ବେସି ଆଦିକ୍ ଆତାତେ ଆରେ ଲାଗାୟ୍ ଇମ୍‌ଣି ସହର୍ ପା ହିଲୁତ୍। ମାନାୟାରିଙ୍ଗ୍ ପକାମ୍‌ଦେ ଇନେସ୍‌କି ହେୱାର୍ ହାଲ୍‌ଜି ଇଚ୍‌କେ ଚିଞ୍ଜେଙ୍ଗ୍ ଗାଟାଆଦେଙ୍ଗ୍ ଆଡ୍‌ନାର୍।”

![](https://cdn.door43.org/obs/jpg/360px/obs-en-30-05.jpg)

ମାତର୍ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ହେୱାରିଙ୍ଗ୍ ଇଚ୍‌କେ ଚିଞ୍ଜେଙ୍ଗ୍ ହିୟାଟ୍!” ହେୱାର୍ ୱେଚ୍‌ଚାର୍, “ଆପେଙ୍ଗ୍ ହେଦାଙ୍ଗ୍ ଇନେସ୍ କିଦେଙ୍ଗ୍ ଆଡ୍‌ନାପ୍? ମାବେ ଆପ୍‌କା ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁ ମାନିକ୍।”

![](https://cdn.door43.org/obs/jpg/360px/obs-en-30-06.jpg)

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, ମାନାୟାରିଙ୍ଗ୍ ୱେଚାଟ୍ କାଚ୍ରା ଜପି ପଚାଶ୍-ପଚାଶ୍‌ ଜାଣ୍ ଆଜି କୁଚେର୍।

![](https://cdn.door43.org/obs/jpg/360px/obs-en-30-07.jpg)

ତାପାଚେ ଯୀଶୁ ହେ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁ ଅଜି ସରଗ୍ ଜପି ମୁମ୍ କିତାନ୍, ଆରେ ହେ କାଦିକାଜିଙ୍ଗ୍ ଈଶ୍ୱର ଲାଗାୟ୍ ଦନ୍ୟବଦ୍ ହିତାନ୍।

![](https://cdn.door43.org/obs/jpg/360px/obs-en-30-08.jpg)

ତାପାଚେ ଯୀଶୁ ରୁଟିଙ୍ଗ୍ ଆରେ ହେ ମିନ୍‌କୁ ଡ୍ରିକ୍‌ତାନ୍। ହେୱାନ୍ ହେ ଡ୍ରିକ୍‌ତି ରୁଟିକାଙ୍ଗ୍ ମାନାୟାରିଙ୍ଗ୍ ହିନି କାଜିଙ୍ଗ୍ ତା ଚେଲାହିରିଙ୍ଗ୍ ହିତାନ୍। ଚେଲାହିର୍ ହେ କାଦିତିଙ୍ଗ୍ ବାଟା କିଦେଙ୍ଗ୍ ଲାଗାତାର୍, ଆରେ ଇଦାଙ୍ଗ୍ ୱିଜ୍‌ୱାତାତ୍। ୱିଜାକାର୍ ମାନାୟ୍ ତିନ୍‌ଞ୍ଜି ପଟ ପାନ୍‌ଞ୍ଚାର୍।

![](https://cdn.door43.org/obs/jpg/360px/obs-en-30-09.jpg)

ତାପାଚେ ଚେଲାହିର୍ ମାନାୟାର୍ ତିନ୍‌ଞ୍ଜି ଉବ୍ରାଆତି କାଦିତିଙ୍ଗ୍ ରୁଣ୍ଡାଇ କିତାର୍ ଆରେ ବାରଗଟା ଟପାକାଙ୍ଗ୍ ବାର୍ତି କିତାର୍। ୱିଜୁ କାଦି ଆପ୍‌କା ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁତାଙ୍ଗ୍ ୱାଜି ମାଚାତ୍।

*ବାଇବଲ୍‌ନି ର କାତା: ମାଥିଉ ୧୪: ୧୩- ୨୧; ମାର୍କ ୬: ୩୧- ୪୪; ଲୁକ ୯: ୧୦- ୧୭; ଯୋହନ ୬: ୫- ୧୫*

## 31. ୩୧. ଯୀଶୁ ଏଜୁଙ୍ଗ୍ ଜପି ତାଙ୍ଗ୍‌ନାନ୍‌

https://openbiblestories.org/l/peg/story-31/

![](https://cdn.door43.org/obs/jpg/360px/obs-en-31-01.jpg)

ତାପାଚେ ଯୀଶୁ ତା ଚେଲାହିରିଙ୍ଗ୍ ଡଙ୍ଗାତାକେ ଦୁମ୍‌ଜି ହାମ୍‌ଦୁର୍ ଆଣ୍ଟିପାଡ଼୍‌କା ହାଞ୍ଜେଙ୍ଗ୍ ୱେଚ୍‌ଚାନ୍ ଏଚେପାଦ୍ନା ହେୱାନ୍ ମାନାୟାରିଙ୍ଗ୍ ପକ୍ତାନ୍। ଯୀଶୁ ମାନାୟାରିଙ୍ଗ୍ ପକ୍ତି ପାଚେ, ହେୱାନ୍ ପାର୍ତାନା କିନି କାଜିଙ୍ଗ୍ ର ମାଡ଼ି ଜପି ହାଚାନ୍। ଯୀଶୁ ହେବେ ରକାନ୍ ମାଚାନ୍, ଆରେ ହେୱାନ୍ ଅଜଡ଼୍ ଆନି ପାତେକ୍ ହେବେ ପାର୍ତାନା କିଦେଙ୍ଗ୍ ଲାଗାତାନ୍।

![](https://cdn.door43.org/obs/jpg/360px/obs-en-31-02.jpg)

ଲାଗିଙ୍ଗ୍ ଚେଲାହିର୍ ହେୱାର୍ ତା ଡଙ୍ଗାତାଙ୍ଗ୍ ହାଲ୍‌ଜି ମାଚାର୍, ମାତର୍ ମାଦିମାଦା ନାଣା ହେୱାର୍ ହାମ୍‌ଦୁର୍ ମାଦି ବାଗ୍‌ଦ ଇକାତାର୍। ହେୱାର୍ ବେସି କଷ୍ଟତାଙ୍ଗ୍ ଡଙ୍ଗା ଚାଲାଇ କିଜି ମାଚାର୍ ଇନେସ୍‌କି ଡ଼ୁଇଦୁକା ହେୱାର୍ ୱିଜୁ ନିପଣ୍ ଆଜି ମାଚାତ୍।

![](https://cdn.door43.org/obs/jpg/360px/obs-en-31-03.jpg)

ତାପାଚେ ଯୀଶୁ ପାର୍ତାନା କିଜି ୱିସ୍ତାନ୍‌ ଆରେ ଚେଲାହିର୍ ଲାଗାୟ୍ ହାଚାନ୍‌। ଯୀଶୁ ହାମ୍‌ଦୁର୍‌ନି ଏଜୁଙ୍ଗ୍ ଜପି ହେୱାର୍ ଡଙ୍ଗା ନିପଣ୍ ତାଙ୍ଗ୍‌ଜି-ତାଙ୍ଗ୍‌ଜି ୱାତାନ୍।

![](https://cdn.door43.org/obs/jpg/360px/obs-en-31-04.jpg)

ହେୱାର୍ ଏଚେପାଦ୍ନା ଯୀଶୁଙ୍ଗ୍ ହୁଡ଼୍‌ତାର୍ ହେପାଦ୍ନା ଚେଲାହିର୍ ପାଣ୍ଡ୍ରା ଆଜି ମାଚାର୍, ଇନେସ୍‌କି ହେୱାର୍ ବୁତ୍ ହୁଡ଼୍‌ନାପା ଇଞ୍ଜି ବାବିକିତାର୍। ଯୀଶୁ ପୁଚାନ୍ ଯେ ହେୱାର୍ ପାଣ୍ଡ୍ରା ଆତାର୍‌ନା, ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ କୁକ୍‌ଚି ୱେଚ୍‌ଚାନ୍, “ପାଣ୍ଡ୍ରା ଆମାଟ୍। ଇଦାଙ୍ଗ ଆନେଙ୍ଗ୍ ନେ!”

![](https://cdn.door43.org/obs/jpg/360px/obs-en-31-05.jpg)

ତାପାଚେ ପିତର୍ ଯୀଶୁଙ୍ଗ୍ ୱେଚ୍‌ଚାର୍, “ଗୁରୁ ଯଦି ହେଦାଙ୍ଗ୍ ଏନେଙ୍ଗ୍, ଲାଗିଙ୍ଗ୍ ଏଜୁଙ୍ଗ୍ ଜପି ତାଙ୍ଗ୍‌ଜି ୱାତି କାଜିଙ୍ଗ୍ ନାଙ୍ଗେଙ୍ଗ୍ ଆଦେସ୍ ହିଦା।” ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ୱା!”

![](https://cdn.door43.org/obs/jpg/360px/obs-en-31-06.jpg)

ଲାଗିଙ୍ଗ୍ ପିତର ଡଙ୍ଗାତାଙ୍ଗ୍ ହସି ଯୀଶୁ ଲାଗାୟ୍ ଏଜୁଙ୍ଗ୍ ଜପି ତାଙ୍ଗ୍‌ଦେଙ୍ଗ୍ ଆରମ୍ କିତାନ୍। ମାତର୍ ଅଲପ୍ ଦେହା ତାଙ୍ଗ୍‌ତି ପାଚେ, ହେୱାନ୍ ଯୀଶୁ ଲାଗାୟ୍‌ତାଙ୍ଗ୍ ଜାର୍ କାଣ୍‌କୁ ଲେଉଟାଇ କିତାନ୍ ଆରେ ଲଉଡ଼ି କାଙ୍ଗ୍ ହୁଡ଼୍‌ଦେଙ୍ଗ୍ ଲାଗାତାନ୍ ଆରେ ହେୱାନ୍ ବେସି ଦୁକା ୱାନାତା ଇଞ୍ଜି ବାବି କିତାନ୍।

![](https://cdn.door43.org/obs/jpg/360px/obs-en-31-07.jpg)

ଲାଗିଙ୍ଗ୍ ପିତର ପାଣ୍ଡ୍ରା ଆତାନ୍ ଆରେ ହାମ୍‌ଦୁର୍ ତାକେ ମୁନ୍‌ଞ୍ଜେଙ୍ଗ୍ ଲାଗାତାନ୍। ହେୱାନ୍ ଚେରାଆଜି ୱେଚ୍‌ଚାନ୍, “ଗୁରୁ ନାଙ୍ଗେଙ୍ଗ୍ ଉଦାର୍ କିଦା!” ଯୀଶୁ ହେଦାପ୍ରେ ହାଲ୍‌ଜି ହେୱାନିଙ୍ଗ୍ ଆସ୍ତାନ୍। ତାପାଚେ ହେୱାନ୍ ପିତରତିଙ୍ଗ୍ ୱେଚ୍‌ଚାନ୍, “ଏ ଅଲପ୍ ପାର୍ତି କିନାକାୟ୍‌, ଏନେଙ୍ଗ୍ ଇନାକିଦେଙ୍ଗ୍ ଡାଉଟ୍ କିତାୟ୍?”

![](https://cdn.door43.org/obs/jpg/360px/obs-en-31-08.jpg)

ଏଚେପାଦ୍ନା ପିତର ଆରେ ଯୀଶୁ ଡଙ୍ଗା ବିତ୍ରେ ହାଚାର୍, ହେପାଦ୍ନା ଦୁକା ସାଙ୍ଗେ-ସାଙ୍ଗେ ଟେବା ଆତାତ୍ ଆରେ ଏଜୁଙ୍ଗ୍ ଶାନ୍ତି ଆତିକ୍‌।ଚେଲାହିର୍ ଚାନିଆ ଆତାର୍। ହେୱାର୍ ଯୀଶୁଙ୍ଗ୍ ହେବାକିଜି ହେୱାନିଙ୍ଗ୍ ୱେଚ୍‌ଚାର୍, “ସତ୍, ଏନେଙ୍ଗ୍ ଈଶ୍ୱର ମେହିତି।”

*ବାଇବଲ୍‌ନି ର କାତା: ମାଥିଉ ୧୪: ୨୨- ୩୩; ମାର୍କ ୬: ୪୫- ୫୨; ଯୋହନ ୬: ୧୬- ୨୧*

## 32. ୩୨. ଯୀଶୁ ରକାନ୍ ବୁତ୍ ଡୁୟାଆତି ମାନାୟ୍‌ତିଙ୍ଗ୍ ଆରେ ରଞ୍ଜେଲ୍ ବେମାର୍ କଗ୍‌ଲେଙ୍ଗ୍ ହାର୍ କିତାନ୍‌

https://openbiblestories.org/l/peg/story-32/

![](https://cdn.door43.org/obs/jpg/360px/obs-en-32-01.jpg)

ଦିନେକ୍ ଯୀଶୁ ଆରେ ତା ଚେଲାହିର୍ ର ଡଙ୍ଗାତାକେ ଦୁମ୍‌ଜି ଗରାଶୀୟ ମାନାୟାର୍ ବାହା କିତି ହାମ୍‌ଦୁର୍ ଆଣ୍ଟିପାଡ଼୍‌କା ହାଚାର୍।

![](https://cdn.door43.org/obs/jpg/360px/obs-en-32-02.jpg)

ଏଚେପାଦ୍ନା ହେୱାର୍ ହାମ୍‌ଦୁର୍ ଆଣ୍ଟିପାଡ଼୍‌କା ଇକାତାର୍, ରକାନ୍ ବୁତ୍ ଡୁୟାଆତି ମାନାୟ୍‌ ଯୀଶୁ ଲାଗାୟ୍ ହନ୍‌ଞ୍ଚି ୱାତାନ୍।

![](https://cdn.door43.org/obs/jpg/360px/obs-en-32-03.jpg)

ଇ ମାନାୟ୍ ଏଚେକ୍ ଶାକ୍ତି ମାଚାନ୍ ଯେ ଇମ୍‌ଣାକାର୍ ପା ହେୱାନିଙ୍ଗ୍ ଆସ୍ତେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ମାନାୟାର୍ ଇଲେକେକି ତା ମାରାଙ୍ଗ୍ ଆରେ କାଲ୍‌କୁ ୱିଜୁ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚାର୍, ମାତର୍ ହେୱାନ୍ ହେ ହିକ୍‌ଡ଼ିକାଙ୍ଗ୍ ନାଡ଼୍‌ଚି ତୁସିହିତାନ୍।

![](https://cdn.door43.org/obs/jpg/360px/obs-en-32-04.jpg)

ମାନାୟ୍ ହେ ଲାଗାୟ୍ ମାନି ଦୁଗେର୍ ବାଟାତାକେ ବାହାକିଜି ମାଚାନ୍। ଇ ମାନାୟ୍ ୱିଜୁଦିନ୍ ଆରେ ୱିଜୁ ନାଣା ରାଟୁଆଜି ମାଚାନ୍। ହେୱାନ୍ ଆଙ୍ଗି ଉସ୍‌ପାୱାଦାଙ୍ଗ୍ ମାଚାନ୍ ଆରେ ବାରମ୍-ବାରମ୍ କାଲ୍‌କୁ ହୁଦାଙ୍ଗ୍ ଗାଉ ଦାଉ କିୟାଆଜି ମାଚାନ୍।

![](https://cdn.door43.org/obs/jpg/360px/obs-en-32-05.jpg)

ଏଚେପାଦ୍ନା ହେୱାନ୍ ଯୀଶୁ ଲାଗାୟ୍ ୱାତାନ୍, ହେୱାନ୍ ତା ମୁମ୍‌ଦ ମେଣ୍ଡାକୁନ୍ଦି କିତାନ୍। ଯୀଶୁ ହେ ବୁତ୍‌ତିଙ୍ଗ୍ ୱେଚ୍‌ଚାନ୍, “ଇ ମାନାୟ୍‌ତାଙ୍ଗ୍ ହସି ହାଲା!”

![](https://cdn.door43.org/obs/jpg/360px/obs-en-32-06.jpg)

ବୁତ୍ ଡୁୟାଆତି ମାନାୟ୍ ବେସି ଗାଜାକାଟ୍‌ କିଜି ୱେଚ୍‌ଚାନ୍, “ଏ ୱିଜୁତାଙ୍ଗ୍ ଗାଜା ଈଶ୍ୱର ମେହି ଯୀଶୁ ନି ହୁଦାଙ୍ଗ୍ ନାଦାଙ୍ଗ୍ ଇନାକା ମାନାତ୍? ଦୟାକିଜି ନାଙ୍ଗେଙ୍ଗ୍ ଦୁକ୍‌କଷ୍ଟ ହିଦ୍‌ମା!” ତାପାଚେ ଯୀଶୁ ବୁତ୍‌ତିଙ୍ଗ୍ ୱେନ୍‌ବାତାନ୍, “ନି ତର୍ ଇନାକା?”ହେ ବୁତ୍ ୱେଚ୍‌ଚାତ୍, “ନା ତର୍ ବାହିନୀ, ଇନେସ୍‌କି ଆପେଙ୍ଗ୍ ବେସିହେନି।” (ରୋମିୟ ସେନା ଦଳ୍‌ତାକେ ମାନି କେତେକ୍ ହାଜାର୍‌ନି ର ଦଳ୍।)

![](https://cdn.door43.org/obs/jpg/360px/obs-en-32-07.jpg)

ବୁତ୍‌କୁ ଯୀଶୁଙ୍ଗ୍ ଗୁୱାରି କିଜି ୱେଚ୍‌ଚିକ୍, “ଦୟାକିଜି ମାଙ୍ଗେଙ୍ଗ୍ ଇ ବାହାତାଙ୍ଗ୍ ଜେକନି ବାହାତାକେ ପକ୍ତାମା!” ଲାଗାୟ୍‌ନି ମାଡ଼ି ଲାଗାୟ୍ ର ମାଞ୍ଜି ମାନ୍ଦା ହାରାଆଜି ମାଚିକ୍। ଲାଗିଙ୍ଗ୍ ହେ ବୁତ୍‌କୁ ଯୀଶୁଙ୍ଗ୍ ଗୁୱାରି କିଜି ୱେଚ୍‌ଚିକ୍, “ତା ବାଦୁଲ୍ ମାଙ୍ଗେଙ୍ଗ୍ ହେ ପାଞ୍ଜିଙ୍ଗ୍ ବିତ୍ରେ ପକ୍ତା!” ଯୀଶୁ ୱେଚ୍‌ଚାନ୍, “ହାଲାଟ୍!”

![](https://cdn.door43.org/obs/jpg/360px/obs-en-32-08.jpg)

ବୁତ୍‌କୁ ହେ ମାନାୟ୍‌ତାଙ୍ଗ୍ ହସି ପାଞ୍ଜିଙ୍ଗ୍ ବିତ୍ରେ ହଟିକ୍। ହେ ପାଞ୍ଜିଙ୍ଗ୍ ଡେଙ୍ଗା କାଣ୍ଡିନି ହାମ୍‌ଦୁର୍‌ତାକେ ହାଲ୍‌ଜି ଆର୍‌ଜି ହାଃତିକ୍। ହେବେ ପାକାପାକି ମାନ୍ଦାନି ପାଞ୍ଜିଙ୍ଗ୍ ୨୦୦୦ ଗଟା ମାଚିକ୍।

![](https://cdn.door43.org/obs/jpg/360px/obs-en-32-09.jpg)

ଇମ୍‌ଣି ମାନାୟାର୍ ମାଞ୍ଜିକାଙ୍ଗ୍ ଜାତୁନ୍ କିଜି ମାଚାର୍ ହେୱାର୍ ଇନାକା ଗଟାଆତାତ୍ ହେଦାଙ୍ଗ୍ ହୁଡ଼୍‌ତାର୍, ହେୱାର୍ ସହର୍‌ତାକେ ହନ୍‌ଞ୍ଚି ହାଚାର୍ ଆରେ ଯୀଶୁ ଇନା-ଇନାକା କିଜି ମାଚାନ୍ ହେଦାଙ୍ଗ୍ ହେୱାର୍ ଏଚେଜାଣ୍‌ତିଙ୍ଗ୍ ଗିଟାଆତାର୍ ୱିଜାକାରିଙ୍ଗ୍ ୱେଚ୍‌ଚାର୍। ସହର୍‌ତାକେ ମାନି ମାନାୟାର୍ ୱାଜି ଆଗେତାଙ୍ଗ୍ ବୁତ୍ ଡୁୟାଆତି ମାନାୟ୍‌ତିଙ୍ଗ୍ ଇନା-ଇନାକା ଗଟାଆଜି ମାଚାତ୍ ହେୱିଜୁ ହୁଡ଼୍‌ତାର୍। ହେୱାନ୍ ଶାନ୍ତିରେ ଆଙ୍ଗି ଉସ୍‌ପିସ୍ ହାର୍‌ଦି ମାନ୍‌ତାଙ୍ଗ୍ ସଦ୍‌ଦରମ୍‌ ମାନାୟ୍ ଲେକେ କୁଚ୍‌ଚାକା ହୁଡ଼୍‌ତାର୍।

![](https://cdn.door43.org/obs/jpg/360px/obs-en-32-10.jpg)

ମାନାୟାର୍ ଆଦିକ୍ ପାଣ୍ଡ୍ରାଆଜି ମାଚାର୍ ଆରେ ହେୱାର୍ ତା ହାନ୍ଦିତାଙ୍ଗ୍ ଯୀଶୁଙ୍ଗ୍ ହାଞ୍ଜେଙ୍ଗ୍ ୱେଚ୍‌ଚାର୍। ଲାଗିଙ୍ଗ୍ ଯୀଶୁ ଡଙ୍ଗାତାକେ ଦୁମ୍‌ଜି ହାଞ୍ଜେଙ୍ଗ୍ ରେଡି ଆତାନ୍। ଇମ୍‌ଣାକାନିଙ୍ଗ୍ ବୁତ୍ ଡୁଜି ମାଚାତ୍ ହେୱାନ୍ ଯୀଶୁ ହୁଦାଙ୍ଗ୍ ହାଞ୍ଜେଙ୍ଗ୍ ହେୱାନିଙ୍ଗ୍ ଗୁୱାରି କିତାନ୍।

![](https://cdn.door43.org/obs/jpg/360px/obs-en-32-11.jpg)

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆକାୟ୍ ଆନେଙ୍ଗ୍ ଇଚା କିନାଙ୍ଗା, ଏନେଙ୍ଗ୍ ମିଞ୍ଜ ହାଲା ଆରେ ମି ସାଙ୍ଗ ଆରେ ପରିବାର୍‌ତିଙ୍ଗ୍ ଈଶ୍ୱର ନି କାଜିଙ୍ଗ୍ ଇନା-ଇନାକା କିତ୍‌ତାନ୍‌ନା ଆରେ ନି କାଜିଙ୍ଗ୍ ଇମ୍‌ଣି ଦୟା ଚଚ୍‌ଚାତାନ୍‌ନା ହେ ୱିଜୁ ୱେଚା।”

![](https://cdn.door43.org/obs/jpg/360px/obs-en-32-12.jpg)

ଲାଗିଙ୍ଗ୍ ହେ ମାନାୟ୍ ତା ହାଜ୍‌ଦିଙ୍ଗ୍ ହାଚାନ୍ ଆରେ ଯୀଶୁ ତା କାଜିଙ୍ଗ୍ ଇନା-ଇନକା କିଜି ମାଚାନ୍ ହେ ୱିଜୁ ବିଷୟ ୱେଚ୍‌ଚାନ୍। ଇମ୍‌ଣାକାର୍ ତା ବେଣ୍ ୱେଚାର୍ ହେୱାର୍ ଚାନିଆ ଆରେ କାବା ଆତାର୍।

![](https://cdn.door43.org/obs/jpg/360px/obs-en-32-13.jpg)

ଯୀଶୁ ହାମ୍‌ଦୁର୍ ଆଣ୍ଟିପାଡ଼ାକା ହାଚାନ୍। ହେୱାନ୍ ହେବେ ଏକିତି ପାଚେ, ର ଗାଜା ମାନାୟ୍ ମାନ୍ଦା ରବେ ଆତାର୍ ଆରେ ତା ଜପି ତିବ୍‌ଗାଆଜି ମାଚାର୍। ମାନାୟ୍ ଗଉଲି ବିତ୍ରେତାଙ୍ଗ୍ ରଞ୍ଜେଲ୍ କଗ୍‌ଲେ ବାରବାର୍‌ହୁ ପାତେକ୍‌ମ ବିଟାଡ଼୍ ରଗ୍ ଆହିଆଜି ମାଚାତ୍। ହେଦେଲ୍ କେତେକ୍ ଡାକ୍ଟର୍ ଲାଗାୟ୍ ହାଲ୍‌ଜି ହାର୍ ଆନି କାଜିଙ୍ଗ୍ ୱିଜୁ ଡାବୁଙ୍ଗ୍ କର୍ଚ କିତାତ୍, ମାତର୍ ହେଦେଲ୍ ହାର୍ ଆୱାଦାଙ୍ଗ୍ ଦିନ୍‌ତିଙ୍ଗ୍-ଦିନ୍ ଆଦିକ୍ ହେ କରାପ୍ ଆଦେଙ୍ଗ୍ ଲାଗାତାତ୍।

![](https://cdn.door43.org/obs/jpg/360px/obs-en-32-14.jpg)

ହେଦେଲ୍ ୱେଚାତ୍ ଯେ ଯୀଶୁ ବେସିହେନି ମାନାୟାରିଙ୍ଗ୍ ହାର୍ କିତାନ୍‌ନା ଆରେ ବାବିକିତାତ୍, “ହେଦେଲ୍ ପୁନ୍‌ଞ୍ଜି ମାଚାତ୍ ଯେ, ଯୀଶୁ ହେନ୍ଦ୍ରାତିଙ୍ଗ୍ ଆସ୍‌ପିତିସ୍ ଆନେଙ୍ଗ୍ ହାର୍ ଆନାଙ୍ଗ୍!” ଲାଗିଙ୍ଗ୍ ହେଦେଲ୍ ଯିଶୁ ପାଚ୍‌ବାଗାୟ୍ ୱାଜି ତା ହେନ୍ଦ୍ରାତିଙ୍ଗ୍ ଆସ୍‌ପାତାତ୍। ଏଚେପାଦ୍ନା ହେଦେଲ୍ ତା ହେନ୍ଦ୍ରା ଆସ୍‌ପାତାତ୍ ଆରେ ତା ବିଟାଡ଼୍ ରଗ୍‌ତାଙ୍ଗ୍ ହାର୍ ଆତାତ୍!

![](https://cdn.door43.org/obs/jpg/360px/obs-en-32-15.jpg)

ସାଙ୍ଗେ-ସାଙ୍ଗେ ଯୀଶୁ ବାବିକିତାନ୍ ଯେ ତାବେତାଙ୍ଗ୍ ଶାକ୍ତି ହାଚାତ୍‌ନା। ଲାଗିଙ୍ଗ୍ ହେୱାନ୍ ବୁଲାଆଜି ୱେନ୍‌ବାତାନ୍, “ଇନେର୍ ନାଙ୍ଗେଙ୍ଗ୍ ଆସ୍‌ପା ଆତ୍‌ତାଦେର୍।”

![](https://cdn.door43.org/obs/jpg/360px/obs-en-32-16.jpg)

ଚେଲାହିର୍ ୱେଚ୍‌ଚାର୍, “ଏନେଙ୍ଗ୍ ତ ହୁଡ଼୍‌ନାୟା ନି ଚାରିବେଣ୍‌ତାଙ୍ଗ୍ ମାନାୟ୍ ଟେଲାହେମ୍‌ଲା ଆନାରା।” ନାଙ୍ଗେଙ୍ଗ୍ ଇନେର୍ ଆସ୍‌ପା ଆତ୍‌ତାର୍ ଇଞ୍ଜି ଇନାକିଦେଙ୍ଗ୍ ୱେନ୍‌ବାଆଦ୍‌ନାୟା? ହେ କଗ୍‌ଲେ ଯୀଶୁ ଲାଗାୟ୍ ତ୍ରିଗ୍‌ଜି, ପାଣ୍ଡ୍ରାଆଜି ମେଣ୍ଡାକୁନ୍ଦିକିତାତ୍। ହେଦେଲ୍ ଇନାକା କିଜି ମାଚାତ୍, ହେଦାଙ୍ଗ୍ ୱିଜୁ ୱେଚ୍‌ଚାତ୍ ଆରେ ହେଦେଲ୍ ହାର୍ ଆତାତ୍। ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନି ପାର୍ତି ନିଙ୍ଗେଙ୍ଗ୍ ହାର୍ କିତ୍‌ତାତ୍‌ନା। ନଙ୍ଗୟ୍ ଏନେଙ୍ଗ୍ ଶାନ୍ତିରେ ହାଲା।”

*ବାଇବଲନି ର କାତା: ମାଥିଉ ୮:୨୮- ୩୪; ୯: ୨୦- ୨୦; ମାର୍କ ୫: ୧- ୨୦; ୫: ୨୪-୩୪; ଲୁକ ୮: ୨୬- ୩୯; ୮: ୪୨-୪୮*

## 33. ୩୩. ଚାସି ମାନାୟ୍‌ତି କାତା

https://openbiblestories.org/l/peg/story-33/

![](https://cdn.door43.org/obs/jpg/360px/obs-en-33-01.jpg)

ରଦିନ୍ ଯୀଶୁ ହାମ୍‌ଦୁର୍ କାଣ୍ଡିତାକେ ବେସି ହେନି ମାନାୟାରିଙ୍ଗ୍ ହିକ୍ଷାହିଜି ମାଚାନ୍।କେତେକ୍ ମାନାୟ୍ ୱେଞ୍ଜେଙ୍ଗ୍ ଯୀଶୁ ଲାଗାୟ୍ ୱାତାର୍। ଆରେ ମାନାୟାରିଙ୍ଗ୍ ୱିଜୁ ବାହାତାକେ ଇନେସ୍ ହିକ୍ଷା ହିଦେଙ୍ଗ୍ ଆଡ୍‌ନାନ୍ ହେଦାଙ୍ଗ୍ କାଜିଙ୍ଗ୍ ହେୱାନ୍ ହାମ୍‌ଦୁର୍ କାଣ୍ଡିତାକେ ମାନି ର ଡଙ୍ଗାତାକେ ହାଲ୍‌ଜି କୁଚ୍‌ଚାନ୍। ହେୱାନ୍ ଡଙ୍ଗାତାକେ କୁଚ୍‌ଚାନ୍ ଆରେ ମାନାୟାରିଙ୍ଗ୍ ହିକ୍ଷା ହିତାନ୍।

![](https://cdn.door43.org/obs/jpg/360px/obs-en-33-02.jpg)

ଯୀଶୁ ଇ କାତା ୱେଚ୍‌ଚାନ୍, “ରକାନ୍ ଚାସି ଅଲପ୍ ବିୟାନ୍ ୱିତ୍‌ଦେଙ୍ଗ୍ ହତ୍‌ତାନ୍। ହେୱାନ୍ ଏଚେପାଦ୍ନା କେଇଦାଙ୍ଗ୍ ବିୟାନ୍ ୱିତ୍‌ଦେଙ୍ଗ୍ ଲାଗାତାନ୍, ଅଲପ୍ ବିୟାନ୍ ହାଜ୍‌ଦ ଆର୍‌ତାତ୍, ଆରେ ପଟିଙ୍ଗ୍ ୱାଜି ହେ ବିୟାନ୍‌ତିଙ୍ଗ୍ ଚିଚିକ୍।“

![](https://cdn.door43.org/obs/jpg/360px/obs-en-33-03.jpg)

“ଜେକିନି ବିୟାନ୍ ରେଚ୍‌କି ବାହାତାକେ ଆର୍‌ତିକ୍, ହେବେ ଅଲପ୍ ଚିକ୍‌ଲା ମାଚାତ୍। ରଚ୍‌କି ମେଦ୍‌ନିତାକେ ମାନି ବିୟାନ୍ ବେଗି ଗଜା ଆତାତ୍, ମାତର୍ ଚିରାଙ୍ଗ୍ ମେଦ୍‌ନି ବିତ୍ରେ ହାଞ୍ଜେଙ୍ଗ୍ ଆଡ୍‌ୱିତିତ୍। ଏଚେପାଦ୍ନା ୱେଡ଼ା ହତ୍‌ତାତ୍ ଆରେ କାରା ଜୁରା ଆତାତ୍, ହେ ପାଡ଼ା କାମ୍‌ଜା ଆଜି ଆରେ ହାଃତାତ୍।“

![](https://cdn.door43.org/obs/jpg/360px/obs-en-33-04.jpg)

“ଆରେ ଜେକିନି ବିୟାନ୍ ୱାଡ଼ିକୁଡ଼ିକାଙ୍ଗ୍ ଆର୍‌ତିକ୍। ଇ ୱିଜୁ ବିୟାନ୍ ଗଜା ଆଦେଙ୍ଗ୍ ଲାଗିତିକ୍, ମାତର୍ ୱାଡ଼ିକୁଡ଼ି ଗାଜାଆଜି ତା ଜପି ଡାବାୟ୍ କିତାତ୍। ଲାଗିଙ୍ଗ୍ ୱାଡ଼ିକୁଡ଼ିକାଙ୍ଗ୍ ମାନି ବିୟାନ୍ ଇମ୍‌ଣାକା ଗାଜା ଆଜି ମାଚିକ୍, ଇମ୍‌ଣି ତାସ୍ ପା ଉବ୍‌ଜା ଆୱାତାତ୍।”

![](https://cdn.door43.org/obs/jpg/360px/obs-en-33-05.jpg)

“ଆରେ ଜେକନି ବିୟାନ୍ ହାର୍‌ଦି ମେଦ୍‌ନିତାକେ ଆର୍‌ତିକ୍। ହେ ବିୟାନ୍ ଗାଜାଆଜି ୩୦, ୬୦ ଆରେ ଇଲେକେ ୧୦୦ ଗୁଣ୍ ପାତେକ୍ ତାସ୍ ଆଦେଙ୍ଗ୍ ଲାଗାତାତ୍। ଇନେର୍ ୱେନ୍‌ଞ୍ଜି ବୁଜାଆନାକାର୍ ହେୱାର୍ ୱେନେର୍।”

![](https://cdn.door43.org/obs/jpg/360px/obs-en-33-06.jpg)

ଇ କାତା ଚେଲାହିରିଙ୍ଗ୍ କାବା କିତାତ୍। ଲାଗିଙ୍ଗ୍ ଯୀଶୁ ବୁଜାଇ କିଜି ୱେଚ୍‌ଚାନ୍, “ବିୟାନ୍ ଆନାତା ଈଶ୍ୱର କାତା। ହାଜି ଆନାତା ହେ ମାନାୟ୍ ଇନେର୍ ଈଶ୍ୱର କାତା ୱେନାନ୍, ମାତର୍ ହେଦାଙ୍ଗ୍ ବୁଜାଆଦେଙ୍ଗ୍ ଆଡୁନ୍, ଆରେ ଶୟତାନ ହେୱାନ୍‌ତାଙ୍ଗ୍ କାତା ଚର୍‌କିଜି ଅନାନ୍।“

![](https://cdn.door43.org/obs/jpg/360px/obs-en-33-07.jpg)

“ରେଚ୍‌କି ମେଦ୍‌ନି ଆନାତା ହେ ମାନାୟ୍ ଇନେର୍ ଈଶ୍ୱର କାତା ୱେନାନ୍ ଆରେ ୱାରିତାଙ୍ଗ୍ ଆହ୍‌ନାନ୍। ମାତର୍ ଏଚେପାଦ୍ନା ହେୱାନ୍ କଷ୍ଟ କି ନିନ୍ଦା ୱାତିସ୍, ହେୱାନ୍ ହେ କାତାତିଙ୍ଗ୍ ବାଣା ଆନାନ୍।”

![](https://cdn.door43.org/obs/jpg/360px/obs-en-33-08.jpg)

“ୱାଡ଼ିକୁଡ଼ି ମେଦ୍‌ନି ଆନାତା ହେ ମାନାୟ୍ ହେୱାନ୍ ଈଶ୍ୱର କାତା ୱେନାନ୍, ମାତର୍ ଏଚେପାଦ୍ନା ସମୟ ୱାନାତ୍। ଜାତୁନ୍ ଅନାକା ଆରେ ହାଉକାର୍ ଆନି ବାରବିନି ଚିନ୍ତା ଇ ୱିଜୁ ଈଶ୍ୱର ତାକେ ମାନି ଲାଡ୍‌ତିଙ୍ଗ୍ ଡାବାୟ୍ କିନାତ୍।ପାଡ଼୍ ଲେକେ ଇମ୍‌ଣି ହିକ୍ଷା ହେୱାନ୍ ୱେନ୍‌ଞ୍ଜି ମାନାନ୍ ହେଦାଙ୍ଗ୍ ଉବ୍‌ଜାୟ୍ କିଉନ୍।”

![](https://cdn.door43.org/obs/jpg/360px/obs-en-33-09.jpg)

“ମାତର୍ ହାର୍‌ଦି ମେଦ୍‌ନି ଆନାତା ହେ ମାନାୟ୍ ଇନେର୍ ଈଶ୍ୱର କାତାତିଙ୍ଗ୍ ୱେନାନ୍, ପାର୍ତି କିନାନ୍ ଆରେ ପାଡ଼୍ ଉବ୍‌ଜାୟ୍ କିନାନ୍।“

*ବାଇବଲ୍‌ନି ର କାତା: ମାଥିଉ ୧୩: ୧- ୮, ୧୮- ୨୩; ମାର୍କ ୪: ୧-୮, ୧୩- ୨୦; ଲୁକ ୮: ୪- ୧୫*

## 34. ୩୪.ଯୀଶୁ ଜେକନି ୱିଜୁ କାତାତିଙ୍ଗ୍ କାତା ୱେଚ୍‌ନି ଲେକେ କିଜି ୱେଚ୍‌ନାନ୍‌

https://openbiblestories.org/l/peg/story-34/

![](https://cdn.door43.org/obs/jpg/360px/obs-en-34-01.jpg)

ଈଶ୍ୱର ସାସନ୍ କିନି ରାଜିନି ବିଷୟରେ ଯୀଶୁ ଆରେ କେତେକ୍ କାତା ୱିଜୁ ୱେଚ୍‌ଚାନ୍, “ଈଶ୍ୱର ସାସନ୍ କିନି ରାଜି ଆନାତା ର ହାର୍‌ହୁ ମାଞ୍ଜି ଲେକେ ହେଦାଙ୍ଗ୍ ଇନେର୍ ରକାନ୍ ତା ଜମିତ ମାଞ୍ଜି ରୁସ୍ତାନ୍। ଏପେଙ୍ଗ୍ ପୁନାଟ୍ ଯେ ହାର୍‌ହୁ ମାଞ୍ଜି ୱିଜୁ ମାଞ୍ଜିତାଙ୍ଗ୍ ହିରୁ।”

![](https://cdn.door43.org/obs/jpg/360px/obs-en-34-02.jpg)

“ମାତର୍ ଏଚେପାଦ୍ନା ହାର୍‌ହୁ ମାଞ୍ଜି ଗାଜା ଆନାତ୍, ଇଦାଙ୍ଗ୍ ୱିଜୁ ମାର୍‌ତାଙ୍ଗ୍ ଗାଜା ମାର୍ ଆନାତ୍, ହେ ମାର୍‌ତାକେ ପଟିଙ୍ଗ୍ ୱାଜି ତା କେନ୍ଦାକାଙ୍ଗ୍ ଗୁଡା ଗାଚ୍‌ନିଙ୍ଗ୍।”

![](https://cdn.door43.org/obs/jpg/360px/obs-en-34-03.jpg)

ଯୀଶୁ ଆରେ ର କାତା ୱେଚ୍‌ଚାନ୍, “ଈଶ୍ୱର ସାସନ୍‌କିନି ରାଜି ର ସଡ଼ାକାର୍ ଲେକେ ହେଦାଙ୍ଗ୍‌ ର କଗ୍‌ଲେ ଅଜି ମଇଦା ଗୁଣ୍ଡା ଲାହାଙ୍ଗ୍ ୱିଜୁ ନିପଣ୍ ଆନି ପାତେକ୍ ମାହାୟ୍ କିନାତ୍।”

![](https://cdn.door43.org/obs/jpg/360px/obs-en-34-04.jpg)

“ଈଶ୍ୱର ସାସନ୍ କିନି ରାଜି ଆରେ ପା ଡ଼ୁକ୍ତି ଦନ୍ ଲେକେ ହେଦାଙ୍ଗ୍ ରକାନ୍ ଅଜି ଜମିତାକେ ଡ଼ୁକ୍‌ଚି ଇଡ଼୍‌ତାନ୍। ଆରେ ରକାନ୍ ମାନାୟ୍ ଇ ଡ଼ୁକ୍ତି ଦନ୍‌ତିଙ୍ଗ୍ ଗାଟାଆତାନ୍ ଆରେ ଆରେରଗ ମୁଚ୍‌ଚାନ୍। ହେୱାନ୍ ୱାରିତାଙ୍ଗ୍ ଏଚେକ୍ (ବିବର) ଆତାନ୍ ଯେ ହେୱାନ୍ ହାଲ୍‌ଜି ୱିଜୁ ଜିନିଷ୍ ପତାନ୍ ଆରେ ହେ ଜମିତିଙ୍ଗ୍ କଡ଼୍‌ନି କାଜିଙ୍ଗ୍ ହେ ଡାବୁକାଙ୍ଗ୍ ବ୍ୟବହାର୍ କିତାନ୍।”

![](https://cdn.door43.org/obs/jpg/360px/obs-en-34-05.jpg)

“ଈଶ୍ୱର ରାଜି ର ବେସି ଦାମ୍‌ନି ହିରା ଲେକେ। ଏଚେପାଦ୍ନା ରକାନ୍ ହିରା ପନାକାନ୍ ଇଦାଙ୍ଗ୍ ହୁଡ଼୍‌ତାନ୍, ହେୱାନ୍ ହାଲ୍‌ଜି ଜାର୍ ୱିଜୁ ଜିନିଷ୍‌ତିଙ୍ଗ୍ ପସି ଇଦାଙ୍ଗ୍ ତିଙ୍ଗ୍ କକଡ୍‌ନି କାଜିଙ୍ଗ୍ ହେ ଡାବୁକାଙ୍ଗ୍ ବ୍ୟବହାର୍ କିତାନ୍।”

![](https://cdn.door43.org/obs/jpg/360px/obs-en-34-06.jpg)

ତାପାଚେ ଯୀଶୁ ମାନାୟାରିଙ୍ଗ୍ ଜାର୍ ହାର୍‌ଦି କାମାୟ୍ ଜପି ପାର୍ତିକିଜି ଜେକନିକାରିଙ୍ଗ୍ ଗିଣ୍ କିଜିମାଚି ବିଷୟରେ ର କାତା ୱେଚ୍‌ଚାନ୍,“ହେୱାନ୍ ୱେଚ୍‌ଚାନ୍, ରିକାର୍ ମାନାୟ୍ ପାର୍ତାନା କିନି କାଜିଙ୍ଗ୍ ମନ୍ଦିର୍‌ତାକେ ହାଚାର୍। ହେୱାର୍ ବିତ୍ରେତାଙ୍ଗ୍ ରକାନ୍ ସିସ୍ତୁ ଏନ୍‌ନାକାନ୍ ଆରେ ରକାନ୍ ଦରମ୍ ଗୁରୁ।”

![](https://cdn.door43.org/obs/jpg/360px/obs-en-34-07.jpg)

“ହେ ଦରମ୍ ଗୁରୁ ଇ ଲେକେ ପାର୍ତାନା କିତାନ୍,ଏ ଈଶ୍ୱର ଆନେଙ୍ଗ୍ ନିଙ୍ଗେଙ୍ଗ୍ ଦନ୍ୟବାଦ୍ ହିଦ୍‌ନାଙ୍ଗା ଯେ ଜେକନି ମାନାୟ୍ ଲେକେ ଆନେଙ୍ଗ୍ ପାପି ଆକାୟ୍, ଇନେସ୍‌କି ରକାନ୍ ଚର୍, ଅଦାରୁମ୍, ଦାରି କାମାୟ୍ କିନାକା କି ଇ ସିସ୍ତୁ ଏନ୍‌ନାକାନ୍ ଲେକେ ଆକାୟ୍।”

![](https://cdn.door43.org/obs/jpg/360px/obs-en-34-08.jpg)

“ଆନେଙ୍ଗ୍ ଆଡ଼୍‌ଦିନ୍ ତିଙ୍ଗ୍ ରିହା ଉପାସ୍ କିନାଙ୍ଗା ଆରେ ନା ଆର୍‌ଜା ଆତି ଡାବୁଙ୍ଗ୍ ଆରେ ଜିନିଷ୍‌ନି ୱିଜୁତାଙ୍ଗ୍ ର ବାଗ୍ ଦାନ୍ ହିନାଙ୍ଗା।”

![](https://cdn.door43.org/obs/jpg/360px/obs-en-34-09.jpg)

“ମାତର୍ ସିସ୍ତୁ ଏନ୍‌ନାକାନ୍ ଦରମ୍ ଗୁରୁତାଙ୍ଗ୍ ବେସି ଦେହା ନିଲ୍‌ତାନ୍‌, ଆରେ ସରଗ୍ ନିପଣ୍ ହୁଡ଼୍‌ଦେଙ୍ଗ୍ ସାହାସ୍ ପାୟାଆୱାନ୍‌। ଆରେ ହେୱାନ୍ ତା ନେଞ୍ଜାଡାତାକେ ଇଡ଼ିଆଜି ପାର୍ତାନା କିତାନ୍, ‘ଏ ଈଶ୍ୱର ନାଙ୍ଗେଙ୍ଗ୍ ଦୟାକିଦା, ଇନେସ୍‌କି ଆନେଙ୍ଗ୍ ରକାଙ୍ଗ୍ ପାପି ମାନାୟ୍।’”

![](https://cdn.door43.org/obs/jpg/360px/obs-en-34-10.jpg)

ଲାଗିଙ୍ଗ୍ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଈଶ୍ୱର ସିସ୍ତୁ ଏନ୍‌ନି ମାନାୟ୍ ପାର୍ତାନା କିତାକା ୱେଚାନ୍ ଆରେ ହେୱାନିଙ୍ଗ୍ ଦରମ୍‌ ମାନାୟ୍ ଇଞ୍ଜି ଗାଣା କିତାନ୍। ମାତର୍ ହେ ଦରମ୍ ଗୁରୁକିତି ପାର୍ତାନା ୱେନ୍‌ୱାତାନ୍। ଇନେର୍ ଜାର୍‌ତିଙ୍ଗ୍ ଗାଜାକାନ୍ ଇନାନ୍, ଈଶ୍ୱର ହେୱାନିଙ୍ଗ୍ ହିରୁ କିନାନ୍, ଆରେ ଇନେର୍ ଜାର୍‌ତିଙ୍ଗ୍ ହିରୁ ଆନାନ୍, ହେୱାନିଙ୍ଗ୍ ଈଶ୍ୱର ଉଦାର୍ କିନାନ୍।”

*ବାଇବଲ୍‌ନି ର କାତା: ମାଥିଉ ୧୩:୩୧- ୩୩, ୪୪-୪୬; ମାର୍କ ୪: ୩୦-୩୨; ଲୁକ ୧୩: ୧୮- ୨୧; ୧୮: ୯- ୧୪*

## 35. ୩୫. ଦୟାମାନି ଆବାତି କାତା

https://openbiblestories.org/l/peg/story-35/

![](https://cdn.door43.org/obs/jpg/360px/obs-en-35-01.jpg)

ଦିନେକ୍ ଯୀଶୁ କେତେକ୍ ସିସ୍ତୁ ଏନ୍‌କାରିଙ୍ଗ୍ ଆରେ ଜେକନି ପାପି ମାନାୟାରିଙ୍ଗ୍ ଇମ୍‌ଣାକାର୍ ୱେଞ୍ଜେଙ୍ଗ୍ ରବେ ଆଜି ମାଚାର୍, ହେୱାରିଙ୍ଗ୍ ହିକ୍ଷା ହିଜି ମାଚାର୍।

![](https://cdn.door43.org/obs/jpg/360px/obs-en-35-02.jpg)

ହେବେ ମାନି କେତେକ୍ ଦରମ୍ ନେତାର୍ ଯୀଶୁଙ୍ଗ୍ ପାପି ମାନାୟାର୍ ହୁଦାଙ୍ଗ୍ ସାଙ୍ଗ ଲେକେ ବ୍ୟବହାର୍ କିନାକା ହୁଡ଼୍‌ତାର୍, ଆରେ ଜାର୍-ଜାର୍ ବିତ୍ରେ ହେୱାର୍ ତା ବିରଦ୍‌ତାକେ ଜୁକ୍ତି କିଦେଙ୍ଗ୍ ଲାଗାତାର୍। ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ଇ କାତା ୱେଚ୍‌ଚାନ୍।

![](https://cdn.door43.org/obs/jpg/360px/obs-en-35-03.jpg)

“ରକାନ୍ ମାନାୟ୍‌ତିଙ୍ଗ୍ ରିକାର୍ ହିମ୍‌ଣାଙ୍ଗ୍ ମାଚାର୍।” ହିରୁ ହିମ୍‌ଣା ତାଞ୍ଜିବାଙ୍ଗ୍ ୱେଚ୍‌ଚାନ୍, “ଆବା, ଦନ୍ ସମ୍ଫତିନି ଇମ୍‌ଣାକା ନା ବାଗ୍‌ଦ ମାନାତ୍ ହେଦାଙ୍ଗ୍ ଆନେଙ୍ଗ୍ ଇଚା କିନାଙ୍ଗା!ଲାଗିଙ୍ଗ୍ ତାଞ୍ଜ୍‌ବା ହେ ରିକାର୍ ମେହିରିଙ୍ଗ୍ ବାଟା କିଜି ହିତାନ୍।”

![](https://cdn.door43.org/obs/jpg/360px/obs-en-35-04.jpg)

“ତା ହିରୁ ମେହି ତାବେ ମାନି ୱିଜୁ ଜିନିଷ୍ ରବେ କିଜି ଦେହା ହାଚାନ୍ ଆରେ କରାପ୍ ଜିବୁନ୍ କାଟିକିନି କାଜିଙ୍ଗ୍ ଦନ୍‌ସମ୍ଫତି ଉପ୍‌ତାନ୍।”

![](https://cdn.door43.org/obs/jpg/360px/obs-en-35-05.jpg)

“ତାପାଚେ ହିରୁ ହିମ୍‌ଣା ଇମ୍‌ଣି ଦେସ୍‌ତାକେ ମାଚାନ୍ ହେ ଦେସ୍‌ତ ର ଗାଜା ମାର୍‌ଡି ଆତାତ୍, ଆରେ କାଦି କଡ଼୍‌ଦେଙ୍ଗ୍ ତା ଲାଗାୟ୍ ଡାବୁଙ୍ଗ୍ ହିଲାତାତ୍। ଲାଗିଙ୍ଗ୍ ମାଞ୍ଜିକାଙ୍ଗ୍ ଚିଚ୍‌ପିନି କାମାୟ୍ ହେୱାନିଙ୍ଗ୍ ଗାଟାଆତାତ୍। ହେୱାନ୍ ଏଚେକ୍ ଦରିଦ୍ ଆରେ ନାସ୍‌କି ମାଚାନ୍ ଯେ ହେୱାନ୍ ମାଞ୍ଜିକାଙ୍ଗ୍ ହିତି କାଦିତିଙ୍ଗ୍ ଚିଞ୍ଜେଙ୍ଗ୍ ଲାଗାତାନ୍।”

![](https://cdn.door43.org/obs/jpg/360px/obs-en-35-06.jpg)

“ତାପାଚେ ହିରୁ ହିମ୍‌ଣା ଜାର୍‌ତିଙ୍ଗ୍ ନିଜେ ୱେଚିଆତାନ୍ ଆନେଙ୍ଗ୍ ଇନାକା କିନାଙ୍ଗା? ମାଞ୍ଜ୍‌ବାନି ୱିଜୁ କୁଲିୟାର୍ କାଜିଙ୍ଗ୍ ବେସି କାଦି ମାନାତ୍, ଆରେ ଆନେଙ୍ଗ୍ ଇବେ ନାସ୍‌କିତାକେ ହାଃନାଙ୍ଗା। ଆନେଙ୍ଗ୍ ମାଞ୍ଜ୍‌ବା ଲାଗାୟ୍ ହାନାଙ୍ଗ୍ ଆରେ ନାଙ୍ଗେଙ୍ଗ୍ ତା କୁଲିୟା ଲେକେ ଇଡ଼୍‌ଦେଙ୍ଗ୍ ୱେଚ୍‌ନାଙ୍ଗ୍।”

![](https://cdn.door43.org/obs/jpg/360px/obs-en-35-07.jpg)

“ଲାଗିଙ୍ଗ୍ ହିରୁ ହିମ୍‌ଣା ତାଞ୍ଜ୍‌ବା ଲଗାୟ୍ ଇଞ୍ଜ ଲେଉଟାଆଜି ହାଞ୍ଜେଙ୍ଗ୍ ହତାନ୍। ହେୱାନ୍ ଏଚେପାଦ୍ନା ଦେହା ମାଚାନ୍, ତାଞ୍ଜ୍‌ବା ଦେହାତାଙ୍ଗ୍ ହୁଡ଼୍‌ଜି ଦୟାତାଙ୍ଗ୍ ୱାରି ଆତାନ୍। ହେୱାନ୍ ତା ମେହି ଲାଗାୟ୍ ହନ୍‌ଚି ହାଲ୍‌ଜି ପମ୍‌ତାନ୍ ଆରେ ଚୁମା ହିତାନ୍।”

![](https://cdn.door43.org/obs/jpg/360px/obs-en-35-08.jpg)

ମେହି ୱେଚ୍‌ଚାନ୍, “ଆବା ଆନେଙ୍ଗ୍ ଈଶ୍ୱର ବିରଦ୍‌ତାକେ ଆରେ ନି ବିରଦ୍‌ତାକେ ପାପ୍ କିତାଙ୍ଗ୍‌ନା। ନି ମେହି ଇଞ୍ଜି କୁକି ଆନାକା ନା ଯଗ୍ୟ ଆକାୟ୍।”

![](https://cdn.door43.org/obs/jpg/360px/obs-en-35-09.jpg)

ମାତର୍ ତାଞ୍ଜ୍‌ବା ତା ଦାସ୍ ବିତ୍ରେତାଙ୍ଗ୍ ରକାନିଙ୍ଗ୍ ୱେଚ୍‌ଚାନ୍, “ବେଗି ହାଲ୍‌ଜି ୱିଜୁତାଙ୍ଗ୍ ହାର୍‌ଦି ଆଙ୍ଗି ତାସି ୱାଡ ଆରେ ହେଦାଙ୍ଗ୍ ନା ମାଜିଙ୍ଗ୍ ଉସ୍‌ପି କିୟାଟ୍। ତା ୱାଚ୍‌କାତାକେ ୱାତୁସ୍ ଆରେ କାଲ୍‌କୁକାଙ୍ଗ୍ ପାଣ୍ଡାଇ ହିୟାଟ୍। ତାପାଚେ ୱିଜୁତାଙ୍ଗ୍ ହାର୍‌ଦି ମଟାରଟା ବାଚି ଅହାଟ୍ ଆରେ ଆସେଙ୍ଗ୍ ବଜି ୱାନ୍‌ଞ୍ଜି ତିନାସ୍, ଇନେସ୍‌କି ନା ହିମ୍‌ଣା ହାଃଜି ମାଚାନ୍, ମାତର୍ ନଙ୍ଗୟ ହେୱାନ୍ ଜିବୁନ୍ ମାନାନ୍, ହେୱାନ୍ ଜାଙ୍ଗ୍‌ଜି ମାଚାନ୍, ମାତର୍ ନଙ୍ଗୟ ଗାଟାଆତ୍‌ତାନ୍।”

![](https://cdn.door43.org/obs/jpg/360px/obs-en-35-10.jpg)

“ଲାଗିଙ୍ଗ୍ ମାନାୟାର୍ ବଜି ରସ୍ତେଙ୍ଗ୍ ଆରମ୍ କିତାର୍। ଆଦିକ୍ ସମୟ ଆତି ଆଗେ, ଜମିତ କାମାୟ୍ କିଦେଙ୍ଗ୍ ହାଲ୍‌ଜି ମାଚି ଗାଜାକାନ୍ ମେହି ଇଞ୍ଜ ୱାତାନ୍। ହେୱାନ୍ କେର୍‌କଣ୍ ଆରେ ଏନ୍ଦ୍‌ନାକା ୱେଚାନ୍ ଆରେ ଇନାକା ଆନାତା ଇଞ୍ଜି ଚାନିଆ ଆତାନ୍।”

![](https://cdn.door43.org/obs/jpg/360px/obs-en-35-11.jpg)

“ତା ହିରୁକାନ୍ ଟଣ୍ଡାହି ୱାତିଲେ ଇ ୱିଜୁ ବଜି କିତାର୍‌ନା ଏଚେପାଦ୍ନା ହେ ଗାଜାକାନ୍ ଟଣ୍ଡାହି ହୁଡ଼୍‌ତାନ୍, ହେପାଦ୍ନା ହେୱାନ୍ ବେସି ରିସାଆଜି ମାଚାନ୍ ଆରେ ଇଲ୍ ବିତ୍ରେ ହାଲ୍‌ୱାତାନ୍। ତାଞ୍ଜ୍‌ବା ୱାତାନ୍ ଆରେ ହେୱାର୍ ହୁଦାଙ୍ଗ୍ ବଜି ମାନି କିଦେଙ୍ଗ୍ ଗୁୱାରି କିତାନ୍, ମାତର୍ ହେୱାନ୍ ଆକାୟ୍ ଇଚାନ୍।”

![](https://cdn.door43.org/obs/jpg/360px/obs-en-35-12.jpg)

ଗାଜାକାନ୍ ମେହି ତାଞ୍ଜ୍‌ବାଙ୍ଗ୍ ୱେଚ୍‌ଚାନ୍, “ଏଚେକ୍ ବାର୍‌ହୁ ଆସ୍ତି ଆନେଙ୍ଗ୍ ବିସ୍‌ବସ୍‌ତ ଆଜି ନି କାମାୟ୍ କିଜି ୱାନାଙ୍ଗା! ଆନେଙ୍ଗ୍ ଇନେୱାଡ଼ାଙ୍ଗ୍ ପା ନି କାତାତିଙ୍ଗ୍ ଆକାୟ୍ ଇନ୍‌ୱାତାଙ୍ଗ୍‌ନା, ଆତିସ୍‌ପା ଏନେଙ୍ଗ୍ ନା କାଜିଙ୍ଗ୍ ର ହିରୁ ଅଡା ହିମ୍‌ଣା ପା ହିଦ୍‌ୱାତାଇନା ଇନେସ୍‌କି ଆନେଙ୍ଗ୍ ନା ସାଙ୍ଗର୍ ହୁଦାଙ୍ଗ୍ ବଜି କିଦେଙ୍ଗ୍ ଆଡ୍‌ନାଙ୍ଗ୍। ମାତର୍ ନି ଇ ହିରୁକାନ୍ ମାଜି ସତ୍‌ରେ ନି ସମ୍ଫତି ୱିସ୍ତି ଇଞ୍ଜ ୱାତାନ୍, ଏନେଙ୍ଗ୍ ତା କାଜିଙ୍ଗ୍ ୱିଜୁତାଙ୍ଗ୍ ମଟାରଟା ବାଚି ଅସ୍ତାଇ।”

![](https://cdn.door43.org/obs/jpg/360px/obs-en-35-13.jpg)

ତାଞ୍ଜ୍‌ବା ୱେଚ୍‌ଚାନ୍, “ହିମ୍‌ଣା, ଏନେଙ୍ଗ୍ ୱିଜୁଦିନ୍ ନା ହୁଦାଙ୍ଗ୍ ମାନାୟା, ଇମ୍‌ଣି ୱିଜାକା ନାଦି ହେ ୱିଜୁ ପା ନିଦି। ମାତର୍ ମା କାଜିଙ୍ଗ୍ ବଜି ରହ୍‌ନାକା ଦର୍‌କାର୍ ମାଚାତ୍, ଇନେସ୍‌କି ନି ଟଣ୍ଡାଦି ହାଃଜି ମାଚାନ୍, ମାତର୍ ନଙ୍ଗୟ ଜିବୁନ୍ ମାନାନ୍। ହେୱାନ୍ ଜାଙ୍ଗ୍‌ଜି ମାଚାନ୍, ମାତର୍ ନଙ୍ଗୟ ଗାଟାଆତ୍‌ତାନ୍‌ନା।”

*ବାଇବଲ୍‌ନି ର କାତା: ଲୁକ ୧୫: ୧୧- ୩୨*

## 36. ୩୬. ବାଦ୍‌ଲା ଆନାକା

https://openbiblestories.org/l/peg/story-36/

![](https://cdn.door43.org/obs/jpg/360px/obs-en-36-01.jpg)

ଦିନେକ୍ ଯୀଶୁ ତା ଚେଲାହିର୍ ବିତ୍ରେତାଙ୍ଗ୍ ତିନ୍‌ଜାଣ୍ ପିତର, ଯାକୁବ ଆରେ ଯୋହନତିଙ୍ଗ୍ ତା ହୁଦାଙ୍ଗ୍ ଅତାନ୍। ଯୋହନ ତର୍‌ଦି ଯୀଶୁ ଚେଲା ଆରେ ଯୀଶୁଙ୍ଗ୍ ଡୁବନ୍ ହିଜିମାଚି ଯୋହନ ଆକାୟ୍। ହେୱାର୍ ନିଜେ ପାର୍ତାନା କିନି କାଜିଙ୍ଗ୍ ର ବେସି ପାନ୍ତି ମାଡ଼ିତାକେ ହାଚାର୍।

![](https://cdn.door43.org/obs/jpg/360px/obs-en-36-02.jpg)

ଯୀଶୁ ଏଚେପାଦ୍ନା ପାର୍ତାନ୍ କିଜି ମାଚାନ୍, ତା ମୁମ୍ ୱେଡ଼ା ଲେକେ ଅଜଡ଼୍ ଆତାତ୍ ଆରେ ତା ହେନ୍ଦ୍ରା କାଦିଆ ଲେକ ଡ଼ିଣ୍‌ଚାତ୍, ଇନାକା ପର୍ତିତାକେ ମାନି ଇମ୍‌ଣି ମାନାୟ୍ ପା ୱେଚ୍‌ଚେଙ୍ଗ୍ ଆଡୁର୍।

![](https://cdn.door43.org/obs/jpg/360px/obs-en-36-03.jpg)

ତାପାଚେ ମୋଶା ଆରେ ଏଲିୟ ଚଞ୍ଜି ଆତାର୍।ଇ ରିକାର୍ ମାନାୟ୍ ଇ ଗଟ୍‌ନା ଶହେ-ଶହେ ବାର୍‌ହୁ ଆଗେ ଇ ପର୍ତିତାକେ ମାଚାର୍। ହେୱାର୍ ଯୀଶୁ ହୁଦାଙ୍ଗ୍ ତା ହଃନି ବିଷୟରେ କାତାବାର୍‌ତା କିଜି ମାଚାର୍, ହେଦାଙ୍ଗ୍ ଯିରୁଶାଲାମ ସହର୍‌ତାକେ ବେଗି ଗଟାଆଦେଙ୍ଗ୍ ମାଚାତ୍।

![](https://cdn.door43.org/obs/jpg/360px/obs-en-36-04.jpg)

ଏଚେପାଦ୍ନା ମୋଶା ଆରେ ଏଲିୟ ଯୀଶୁ ହୁଦାଙ୍ଗ୍ କାତାବାର୍‌ତା କିଜି ମାଚାର୍, ପିତର ଯୀଶୁଙ୍ଗ୍ ୱେଚ୍‌ଚାନ୍, “ଆସେଙ୍ଗ୍ ଯେ ଇବେ ମାନାସ୍, ଇଦାଙ୍ଗ୍ ହାର୍। ଆପେଙ୍ଗ୍ ତିନ୍‌ଗଟା କୁଡ଼ିଆଙ୍ଗ୍ ରହ୍‌ନାପ୍, ନି କାଜିଙ୍ଗ୍ ରଞ୍ଜାଙ୍ଗ୍, ମୋଶା କାଜିଙ୍ଗ୍ ରଞ୍ଜାଙ୍ଗ୍ ଆରେ ଏଲିୟ କାଜିଙ୍ଗ୍ ରଞ୍ଜାଙ୍ଗ୍।” ପିତର ଇନାକା ୱେଚ୍‌ଚି ମାଚାନ୍ ହେଦାଙ୍ଗ୍ ହେୱାନ୍ ପୁନ୍‌ୱାଦାଙ୍ଗ୍ ମାଚାନ୍।

![](https://cdn.door43.org/obs/jpg/360px/obs-en-36-05.jpg)

ଏଚେପାଦ୍ନା ପିତର ବେଣ୍ ୱେଚ୍‌ଚି ମାଚାନ୍, ର ଅଜଡ଼୍ କାଟି ବାଦାଡ଼୍ ତାରେନ୍ ୱାତାତ୍ ଆରେ ହେୱାରିଙ୍ଗ୍ ହେଦାଙ୍ଗ୍ ଡାବାଇ କିତାତ୍ ଆରେ ବାଦାଡ଼୍‌ତାଙ୍ଗ୍ ଇ ବେଣ୍ ୱାତାତ୍, “ଇୱାନ୍ ମା ଲାଡ୍‌ନି ମାଜି ଇୱାନିଙ୍ଗ୍ ଆପେଙ୍ଗ୍ ଲାଡ୍ କିତାପ୍। ହେୱାନ୍‌ତାକେ ମା ୱାରି। ତା ବେଣ୍‌ତିଙ୍ଗ୍ ୱେନାଟ୍।“ ହେ ତିନ୍‌ଜାଣ୍ ଚେଲାହିର୍ ପାଣ୍ଡ୍ରାଆଜି ମେଦ୍‌ନିତ ଗୁର୍‌ଜି ମାଚାର୍।

![](https://cdn.door43.org/obs/jpg/360px/obs-en-36-06.jpg)

ତାପାଚେ ଯୀଶୁ ହେୱାରିଙ୍ଗ୍ ଆସ୍‌ପାତାନ୍ ଆରେ ୱେଚ୍‌ଚାନ୍, “ପାଣ୍ଡ୍ରା ଆମାଟ୍ ନିଙ୍ଗାଟ୍।ହେୱାର୍ ଏଚେପାଦ୍ନା ଚାରିବେଣ୍‌ତାଙ୍ଗ୍ ହୁଡ଼୍‌ତାର୍,” ହେୱାର୍ ରକାନ୍ ଯୀଶୁଙ୍ଗ୍ ନେ ହୁଡ଼୍‌ତାର୍।

![](https://cdn.door43.org/obs/jpg/360px/obs-en-36-07.jpg)

ଯୀଶୁ ଆରେ ତା ତିନ୍‌ଜାଣ୍ ଚେଲାହିର୍ ମାଡ଼ିତାଙ୍ଗ୍ ତାରେନ୍ ଜୁଜି ୱାତାର୍। ତାପାଚେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇବେ ଇନାକା ଗଟାଆତାତ୍ ଇନେରିଙ୍ଗ୍ ପା ୱେଚ୍‌ମାଟ୍। ଆନେଙ୍ଗ୍ ବେଗି ହାଃନାଙ୍ଗ୍ ଆରେ ଆରେରଗ ଜିବୁନ୍ ଆନାଙ୍ଗ୍। ତାପାଚେ ଏପେଙ୍ଗ୍ ମାନାୟାରିଙ୍ଗ୍ ୱେଚ୍‌ନାଦେର୍।”

*ବାଇବଲ୍‌ନି ର କାତା: ମାଥିଉ ୧୭: ୧- ୨; ମାର୍କ ୯: ୨- ୮; ଲୁକ ୯: ୨୮*

## 37. ୩୭. ଯୀଶୁ ଲାଜାରତିଙ୍ଗ୍ ହାଃତିତାଙ୍ଗ୍ ଜିବୁନ୍ କିଜି ନିକ୍ତାନ୍‌

https://openbiblestories.org/l/peg/story-37/

![](https://cdn.door43.org/obs/jpg/360px/obs-en-37-01.jpg)

ଦିନେକ୍ ଯୀଶୁ ର କାତା ପାୟାଆତାନ୍ ଯେ ଲାଜାର୍ ବେସି ବିଡ଼୍ ଆତାନ୍‌ନା। ଲାଜାର ଆରେ ତା ରିଣ୍ଡେକ୍ ତଣ୍‌ଦେହିକ୍, ମରିୟମ ଆରେ ମାର୍ଥା, ଯୀଶୁଙ୍ଗ୍ ବେସି ଲାଡ୍‌ନି ସାଙ୍ଗ ମାଚାଚିକ୍। ଯୀଶୁ ଏଚେପାଦ୍ନା ଇ କାତା ୱେଚାନ୍, ହେୱାନ୍ ୱେଚ୍‌ଚାନ୍, “ଇ ବେମାର୍ ହାଃନି କାଜିଙ୍ଗ୍ ୱିଜୁତ୍, ମାତର୍ ଇଦାଙ୍ଗ୍ ଈଶ୍ୱର ଗୌରବ କାଜିଙ୍ଗ୍। ଯୀଶୁ ତା ସାଙ୍ଗହିରିଙ୍ଗ୍ ଲାଡ୍ କିଜି ମାଚାନ୍, ମାତର୍ ହେୱାର୍ ଇମ୍‌ଣି ବାହାତାକେ ମାଚାର୍ ହେବେ ରି ଦିନ୍ ମାଚାନ୍।”

![](https://cdn.door43.org/obs/jpg/360px/obs-en-37-02.jpg)

ରିଦିନ୍ ୱିସ୍ତି ପାଚେ, ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ୱାଡ ଆସେଙ୍ଗ୍ ଯିହୁଦା ଜିଲ୍ଲାତାକେ ହାନାସ୍।” ଚେଲାହିର୍ ୱେଚ୍‌ଚାର୍, “ଗୁରୁ ଅଲପ୍ ଦିନ୍ ଆଗେ ମାନାୟାର୍ ନିଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଇଚା କିଜି ମାଚାର୍।” ଯୀଶୁ ୱେଚ୍‌ଚାନ୍, “ମା ସାଙ୍ଗ ଲାଜାର ହୁନ୍‌ଞ୍ଚାଚାନ୍‌ନା, ଆରେ ଆନେଙ୍ଗ୍ ହେୱାନିଙ୍ଗ୍ ହାତ୍‌ପା ହୁନ୍‌ଞ୍ଚିତାଙ୍ଗ୍ ନିକ୍ତେଙ୍ଗ୍ ଆନାତ୍।”

![](https://cdn.door43.org/obs/jpg/360px/obs-en-37-03.jpg)

ଯିଶୁ ଚେଲାହିର୍ ୱେଚ୍‌ଚାର୍, “ଗୁରୁ ଲାଜାର ଯଦି ହୁନ୍‌ଞ୍ଚାନ୍‌ନା, ଲାଗିଙ୍ଗ୍ ହେୱାନ୍ ନିଙ୍ଗ୍‌ନାନ୍।” ତାପାଚେ ଯୀଶୁ ହେୱାରିଙ୍ଗ୍ ବୁଜାଇ କିଜି ୱେଚ୍‌ଚାନ୍, ଲା“ଜାର ହାଃତାନ୍‌ନା। ଆନେଙ୍ଗ୍ ୱାରି ଆନାଙ୍ଗା ଯେ ଆନେଙ୍ଗ୍ ହେବେ ହିଲାତାଙ୍ଗ୍, ଇନେସ୍‌କି ଏପେଙ୍ଗ୍ ନାବେ ପାର୍ତି କିନାଦେର୍।”

![](https://cdn.door43.org/obs/jpg/360px/obs-en-37-04.jpg)

ଯୀଶୁ ଏଚେପାଦ୍ନା ଲାଜାର ମାନି ଦେସ୍‌ତ ୱାତାନ୍, ଲାଜାର ହାଃଜି ମୁଚ୍‌ଚି ଚାରିଦିନ୍ ଆଜି ମାଚାତ୍। ମାର୍ଥା ଯୀଶୁଙ୍ଗ୍ ଗିଟା ଆଦେଙ୍ଗ୍ ହାଲ୍‌ଜି ୱେଚ୍‌ଚାତ୍, “ମାପୃ ଏନେଙ୍ଗ୍ ଯଦି ଇବେ ମାଚାଇମା, ଲାଗିଙ୍ଗ୍ ନା ଟଣ୍ଡେନ୍ ହାଃୱାତାନ୍‌ମା। ମାତର୍ ଆନେଙ୍ଗ୍ ପାର୍ତି କିନାଙ୍ଗା ଈଶ୍ୱରତିଙ୍ଗ୍ ଇନାକା ଏନ୍‌ନାଇ ହେୱାନ୍ ହେଦାଙ୍ଗ୍ ନିଙ୍ଗେଙ୍ଗ୍ ହିଦ୍‌ନାନ୍।”

![](https://cdn.door43.org/obs/jpg/360px/obs-en-37-05.jpg)

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ହାଃଜି ଆରେରଗ ଜିବୁନ୍ ଆନାଙ୍ଗ୍। ଇନେର୍ଯଦି ନାବେ ପାର୍ତି କିନାନ୍, ଯଦି ହେୱାନ୍ ହାଃନାନ୍ ଆତିସ୍‌ପା ହେୱାନ୍ ଜିନାନ୍। ଇମ୍‌ଣି ମାନାୟ୍ ନାବେ ପାର୍ତି କିନାନ୍ ହେୱାନ୍ ଇନେୱାଡ଼ାଙ୍ଗ୍ ପା ହାଃଉନ୍। ଏନେଙ୍ଗ୍ ଇଦାଙ୍ଗ୍ ପାର୍ତି କିନାୟା କି?” ମାର୍ଥ ୱେଚ୍‌ଚାତ୍, “ଆଁ ଗୁରୁ ଆନେଙ୍ଗ୍ ପାର୍ତି କିନାଙ୍ଗା ଯେ ଏନେଙ୍ଗ୍ ଈଶ୍ୱର ମେହି।”

![](https://cdn.door43.org/obs/jpg/360px/obs-en-37-06.jpg)

ତାପାଚେ ମରିୟମ ଇକାତାତ୍। ହେଦେଲ୍ ଯୀଶୁ କାଲ୍‌କୁ ତାରେନ୍ ଟଡ଼୍‌ଜି ୱେଚ୍‌ଚାତ୍, “ମାପୃ ଏନେଙ୍ଗ୍ ଯଦି ଇବେ ମାଚାଇମା, ନା ଟଣ୍ଡେନ୍ ହାଃୱାତାନ୍‌ମା।” ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଲାଜାରତିଙ୍ଗ୍ ଇମେତାକେ ମୁଚ୍‌ଚାଦେର୍‌ନା?” ହେୱାର୍ ୱେଚ୍‌ଚାର୍, “ଦୁଗେର୍ ବାହାତାକେ। ୱାଡ ଆରେ ହୁଡ଼ାଟ୍।” ତାପାଚେ ଯୀଶୁ ଆଡ଼୍‌ବାତାନ୍।

![](https://cdn.door43.org/obs/jpg/360px/obs-en-37-07.jpg)

ଦୁଗେର୍ ବାହା ର ପାରା ଲେକେ ମାଚାତ୍ ଆରେ ହେ ପାରା ମୁମ୍‌ଦ ର କାଲ୍ ପାକ୍‌ଚି ମାଚାର୍। ଯୀଶୁ ଏଚେପାଦ୍ନା ଦୁଗେର୍ ବାଟାତାକେ ଇକାତାନ୍, ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, “ପାକ୍‌ତି କାଲ୍‌ଦିଙ୍ଗ୍ ଜେୟାଟ୍।” ମାତର୍ ମାର୍ଥା ୱେଚ୍‌ଚାତ୍, “ହେୱାନ୍ ହାଃଜି ଚାରିଦିନ୍ ଆତାତେ। ହେବେ ବାସ୍ନା ମାନ୍‌ଗାନାତ୍।”

![](https://cdn.door43.org/obs/jpg/360px/obs-en-37-08.jpg)

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇନାକା ମିଙ୍ଗେଙ୍ଗ୍ ୱେଚ୍‌ୱାଦାଙ୍ଗ୍ ମାନ୍‌ଞ୍ଚାଙ୍ଗ୍ କି ଏପେଙ୍ଗ୍ ନାବେ ପାର୍ତି କିତିସ୍ ଈଶ୍ୱର ଗୌରବ ହୁଡ଼୍‌ନାଦେର୍।” ଲାଗିଙ୍ଗ୍ ହେୱାର୍ ପାକ୍‌ତି କାଲ୍‌ଦିଙ୍ଗ୍ ଜେତାର୍।

![](https://cdn.door43.org/obs/jpg/360px/obs-en-37-09.jpg)

ତାପାଚେ ଯୀଶୁ ସରଗ୍ ନିପଣ୍ ହୁଡ଼୍‌ଜି ୱେଚ୍‌ଚାନ୍, “ଆବା, ନା ପାର୍ତାନା ୱେଚିଲେ ଦନ୍ୟବାଦ।” ଆନେଙ୍ଗ୍ ପୁନାଙ୍ଗ୍ ଏନେଙ୍ଗ୍ ୱିଜୁଦିନ୍ ନା କାତା ୱେନାୟା, ମାତର୍ ଇମ୍‌ଣି ୱିଜାକାର୍ ମାନାୟ୍ ଇବେ ନିଲ୍‌ତାର୍‌ନା ହେ ମାନାୟାର୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା। ତାପାଚେ ଯୀଶୁ ଗାଜା କାଟ୍‌କିଜି ୱେଚ୍‌ଚାନ୍, “ଲାଜାର, ବାର୍‌ତ ୱା!”

![](https://cdn.door43.org/obs/jpg/360px/obs-en-37-10.jpg)

ଲାଗିଙ୍ଗ୍ ଲାଜାର୍ ହସି ୱାତାନ୍! ହେପାଦ୍ନା ପା ହେ ମାଡ଼ା ହେନ୍ଦ୍ରା ହୁର୍‌ପି ଆଜି ମାଚାତ୍। ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇ ମାଡ଼ାତାକେନି ହେନ୍ଦ୍ରା ହେୱାନ୍‌ତାଙ୍ଗ୍ ଉନ୍ଦାଟ୍ ଆରେ ତାଙ୍ଗେଙ୍ଗ୍ ମୁକ୍ତି କିୟାଟ୍।” ଯୀଶୁ କିତି ଇ ଚାନିଆ କାମାୟ୍ କାଜିଙ୍ଗ୍ ବେସିହେନି ଯିହୁଦିର୍ ଯୀଶୁଙ୍ଗ୍ ପାର୍ତି କିତାର୍।

![](https://cdn.door43.org/obs/jpg/360px/obs-en-37-11.jpg)

ମାତର୍ ଯିହୁଦିର୍ ଦରମ୍ ଗୁରୁର୍ ଆକାର୍ ଆଜି ମାଚାର୍, ଲାଗିଙ୍ଗ୍ ହେୱାର୍ ଇନେସ୍ କିଜି ଯୀଶୁଙ୍ଗ୍ ଆରେ ଲାଜାରତିଙ୍ଗ୍ ମାର୍ନେ ଅହ୍‌ନାର୍ ହେଦାଙ୍ଗ୍ ରବେଆଜି ଉପାଇ କିଦେଙ୍ଗ୍ ଲାଗାତାର୍।

*ବାଇବଲ୍‌ନି ର କାତା: ଯୋହନ ୧୧: ୧- ୪୬*

## 38. ୩୮. ଯୀଶୁଙ୍ଗ୍ ଶତ୍ରୁ କେଇଦ ଆହିକିତାନ୍‌

https://openbiblestories.org/l/peg/story-38/

![](https://cdn.door43.org/obs/jpg/360px/obs-en-38-01.jpg)

ପାତି ବାର୍ହୁ ଯିହୁଦିର୍ ନିସ୍ତାର୍ ପାର୍ବୁ ତିନ୍‌ଞ୍ଜି ମାଚାର୍। ଇଦାଙ୍ଗ୍ ଆନାତା ହେ ପାର୍ବୁ ଇମ୍‌ଣାକାକି ବେସି ଶହେ ବାର୍ହୁ ଆଗେ ଈଶ୍ୱର ଇନେସ୍ ହେୱାର୍ ଆକଦାଦିରିଙ୍ଗ୍ ଦାସ୍‌ ଆତିତାଙ୍ଗ୍ ଉଦାର୍ କିଜି ତାସି ମାଚାନ୍। ଯୀଶୁ ୱିଜାକାର୍ ପୁନିଲେକେ କାତା ଶୁଣାୟ୍ କିନି ହିକ୍ଷା ଆରମ୍ କିତି ପାକାପାକି ତିନ୍ ବାର୍ହୁ ପାଚେ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍ ଯେ ହେୱାନ୍ ହେୱାର୍ ହୁଦାଙ୍ଗ୍ ଯିରୁଶାଲାମ ସହର୍‌ତାକେ ନିସ୍ତାର ପାର୍ବୁ ତିଞ୍ଜେଙ୍ଗ୍ ଇଚା କିନାନା, ଆରେ ହେବେ ହେୱାନିଙ୍ଗ୍ ମାର୍ନେ ଅହ୍‌ନାର୍।

![](https://cdn.door43.org/obs/jpg/360px/obs-en-38-02.jpg)

ଯୀଶୁ ଚେଲାହିର୍ ବିତ୍ରେତାଙ୍ଗ୍ ଯିହୁଦା ତର୍‌ଦାକାନ୍ ରକାନ୍ ଚେଲାହି ମାଚାନ୍। ଯିହୁଦା ଚେଲାହିର୍ ଡାବୁଙ୍ଗ୍ ମାଣା ଆହ୍‌ନି ଦାୟିତ୍‌ପ ମାଚାନ୍, ମାତର୍ ହେୱାନ୍ ଡାବୁକାଙ୍ଗ୍ ଲାଡ୍ କିତାନ୍ ଆରେ କେତେକ୍ ସମୟତ ହେ ମାଣାନି ଡାବୁଙ୍ଗ୍ ଚର୍ କିଜିମାଚାନ୍। ଯୀଶୁ ଆରେ ତା ଚେଲାହିର୍ ଯିରୁଶାଲାମ ସହର୍‌ତାକେ ଏକିତି ପାଚେ, ଯିହୁଦା ଡାବୁଙ୍ଗ୍ ବାଦୁଲ୍ ଯୀଶୁଙ୍ଗ୍ ଶତ୍ରୁ କେଇଦ ଆହିକିନି କାଜିଙ୍ଗ୍ ଯିହୁଦି ନେତାର୍ ଲାଗାୟ୍ ହାଚାନ୍।ହେୱାନ୍ ପୁନ୍‌ଞ୍ଜି ମାଚାନ୍ ଯେ ଯୀଶୁ ନେ ଖ୍ରୀଷ୍ଟ, ଇଦାଙ୍ଗ୍ ଯିହୁଦି ନେତାର୍ ପାର୍ତି କିୱାଦାଙ୍ଗ୍ ମାଚାର୍ ଆରେ ହେୱାର୍ ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଜି ମାଚାର୍।

![](https://cdn.door43.org/obs/jpg/360px/obs-en-38-03.jpg)

ଯିହୁଦି ନେତାର୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ତାଙ୍ଗ୍ ଯୀଶୁଙ୍ଗ୍ ଶତ୍ରୁ କେଇଦ ହିଦେଙ୍ଗ୍ ତିରିଶ୍ ଗଟା ରୁପା ଡାବୁଙ୍ଗ୍ ହିଜି ମାଚାର୍। ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ଶୁଣାୟ୍ କିତି ଅନୁସାରେ ଇଦାଙ୍ଗ୍ ଗିଟାଆଜି ମାଚାତ୍। ଯିହୁଦା ହେଦାଙ୍ଗ୍‌ତିଙ୍ଗ୍ ରାଜିଆଜି ଡାବୁଙ୍ଗ୍ ଅତାନ୍। ହେୱାନ୍ ଇନେସ୍ ଯୀଶୁଙ୍ଗ୍ ଆସ୍ତି ଶତ୍ରୁ କେଇଦ ଆହିକିନାନ୍‌ ହେଦାଙ୍ଗ୍ କାଜିଙ୍ଗ୍ ହେୱାନ୍ ସୁଜଗ୍ ଡେକ୍‌ଚି ମାଚାନ୍।

![](https://cdn.door43.org/obs/jpg/360px/obs-en-38-04.jpg)

ୟିରୁଶାଲାମ ସହର୍‌ତାକେ ଯୀଶୁ ତା ଚେଲାହିର୍ ହୁଦାଙ୍ଗ୍ ନିସ୍ତାର ପାର୍ବୁ ଚିଚାନ୍‌। ନିସ୍ତାର ପାର୍ବୁନି ବଜି ତିନିହିଙ୍ଗ୍, ଯୀଶୁ ର ରୁଟି ପେଜ୍‌ଦି ଡିକ୍‌ତାନ୍। ଆରେ ହେୱାନ୍ ୱେଚ୍‌ଚାନ୍, “ଇଦାଙ୍ଗ୍ ଅଜି ତିନାଟ୍।ଇଦାଙ୍ଗ୍ ନା ଗାଗାଡ଼୍, ଇନାକା ମି କାଜିଙ୍ଗ୍ ହିୟାଆତାତ୍‌ନା।ନାଙ୍ଗେଙ୍ଗ୍ ଏତୁ କିଦ୍‌ନି କାଜିଙ୍ଗ୍ ଇଦାଙ୍ଗ୍ କିୟାଟ୍।” ଇଲେକେଯୀଶୁୱେଚ୍‌ଚାନ୍, ହେୱାର୍ କାଜିଙ୍ଗ୍ ତା ଗାଗାଡ଼୍ ବଲି ପୁଜା ଲେକେ ଆନାତ୍।

![](https://cdn.door43.org/obs/jpg/360px/obs-en-38-05.jpg)

ତାପାଚେ ଯୀଶୁ ର ଗିଲାସ୍ ନିକ୍‌ତାନ୍ ଆରେ ୱେଚ୍‌ଚାନ୍, “ଇଦାଙ୍ଗ୍‌ତିଙ୍ଗ୍ ଉଣାଟ୍। ଇଦାଙ୍ଗ୍ ନା ପୁନି ନିୟମ୍‌ନି ନେତେର୍ ଇମ୍‌ଣାକା ପାପ୍ କେମା କାଜିଙ୍ଗ୍ ବଡ଼ା ଆତାତ୍‌ନା। ଏପେଙ୍ଗ୍ ୱିଜୁ ହଟ୍ ଇଦାଙ୍ଗ୍ ଉଣିହିଙ୍ଗ୍ ନାଙ୍ଗେଙ୍ଗ୍ ଏତୁ କିଦାଟ୍।”

![](https://cdn.door43.org/obs/jpg/360px/obs-en-38-06.jpg)

ତାପାଚେ ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ମି ବିତ୍ରେତାଙ୍ଗ୍ ରକାନ୍ ନାଙ୍ଗେଙ୍ଗ୍ ଶତ୍ରୁ କେଇଦ ଆହିକିଦ୍‌ନାନ୍।” ଚେଲାହିର୍ ଚାନିଆ ଆଜି ହାଚାର୍, ଆରେ ଇଲେକେ ଇନେର୍ କିନାର୍ ଇଞ୍ଜି ୱେନ୍‌ବାତାର୍। ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇମ୍‌ଣାକାନିଙ୍ଗ୍ ଇ ରୁଟି ହିନାଙ୍ଗ୍ ହେୱାନ୍ ନାଙ୍ଗେଙ୍ଗ୍ ଶତ୍ରୁ କେଇଦ ଆହି କିଦ୍‌ନାନ୍।” ତାପାଚେ ହେୱାନ୍ ହେ ରୁଟିତିଙ୍ଗ୍ ଯିହୁଦାଙ୍ଗ୍ ହିତାନ୍।

![](https://cdn.door43.org/obs/jpg/360px/obs-en-38-07.jpg)

ଯିହୁଦା ହେ ରୁଟି ଅତି ପାଚେ, ଶୟତାନ ତା ବିତ୍ରେ ହଟାତ୍। ଯିହୁଦା ହେ ବାହା ପିସ୍ତି ଯୀଶୁଙ୍ଗ୍ ଆହ୍‌ନି କାଜିଙ୍ଗ୍ ଯିହୁଦିର୍ ଗୁରୁରିଙ୍ଗ୍ ସାଇଜ କିଦେଙ୍ଗ୍ ହେୱାର୍ ଲାଗାୟ୍ ହାଚାନ୍। ହେପାଦ୍ନା ନାଣା ଆଜି ମାଚାତ୍।

![](https://cdn.door43.org/obs/jpg/360px/obs-en-38-08.jpg)

କାଦି ଚିଚି ପାଚେ, ଯୀଶୁ ଆରେ ତା ଚେଲାହିର୍ ଜିତ୍ ମାଡ଼ିତାକେ ହାଚାର୍।ଯୀଶୁ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ନାଙ୍ଗେଙ୍ଗ୍ ପିସ୍ତାନାଦେର୍, ଲେକା ମାନାତ୍ ଆସେଙ୍ଗ୍ ମେଣ୍ଢା ଗଡ଼ିଆଙ୍ଗ୍ ଅହ୍‌ନାସ୍ ଆରେ ୱିଜୁ ମେଣ୍ଢାଙ୍ଗ୍ ଚିନ୍‌ବିନ୍ ଆଜି ହାନିକ୍।”

![](https://cdn.door43.org/obs/jpg/360px/obs-en-38-09.jpg)

ପିତର ୱେଚ୍‌ଚାନ୍, “ଯଦି ୱିଜାକାର୍ ନିଙ୍ଗେଙ୍ଗ୍ ପିସ୍ତିତିସ୍ ପା ଆନେଙ୍ଗ୍ ନିଙ୍ଗେଙ୍ଗ୍ ପିସ୍ତୁଙ୍ଗ୍।” ଲାଗିଙ୍ଗ୍ ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ଶୟତାନ ମି ୱିଜାକାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାତା, ମାତର୍ ପିତର ନି ପାର୍ତି ଇନେସ୍ ଦୁର୍ବଲ୍ ଆଉତ୍ ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଗୁୱାରି କିଦ୍‌ନାଙ୍ଗା। ଇଲେକେକି ନେଞ୍ଜେଙ୍ଗ୍ ନାଣା କୁଜୁ କେୱି ଆଗେ ଏନେଙ୍ଗ୍ ନାଙ୍ଗେଙ୍ଗ୍ ତିନ୍‌ହଟ୍ ନାଙ୍ଗେଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାୟ୍।”

![](https://cdn.door43.org/obs/jpg/360px/obs-en-38-10.jpg)

ତାପାଚେ ପିତର ଯିଶୁଙ୍ଗ୍ ୱେଚ୍‌ଚାନ୍, “ଯଦି ଆନେଙ୍ଗ୍ ହାଃଦେଙ୍ଗ୍ ଆନାତ୍, ଆତିସ୍‌ପା ଆନେଙ୍ଗ୍ ଇନେୱାଡ଼ାଙ୍ଗ୍ ନିଙ୍ଗେଙ୍ଗ୍ ପୁନୁଙ୍ଗ୍ ଇଞ୍ଜି ୱେଚୁଙ୍ଗ୍।” ଜେନି ୱିଜୁ ଚେଲାହିର୍ ପା ହେଲେକେ ଇଚାର୍।

![](https://cdn.door43.org/obs/jpg/360px/obs-en-38-11.jpg)

ତାପାଚେ ଯୀଶୁ ତା ଚେଲାହିର୍ ହୁଦାଙ୍ଗ୍ ଗେଥସିମାନି ତର୍‌ଦି ର ବାହାତାକେ ହାଚାର୍। ଚେଲାହିର୍ ଇନେସ୍ ପରିକ୍ଷାତାକେ ପଡ଼ାଆଉର୍ ହେଦାଙ୍ଗ୍ କାଜିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ପାର୍ତାନା କିଦେଙ୍ଗ୍ ୱେଚ୍‌ଚାନ୍। ତାପାଚେ ଯୀଶୁ ନିଜେ ପାର୍ତାନା କିଦେଙ୍ଗ୍ ହାଚାନ୍।

![](https://cdn.door43.org/obs/jpg/360px/obs-en-38-12.jpg)

ଯୀଶୁ ତିନ୍‌ହଟ୍ ପାର୍ତାନ୍ କିତାନ୍, “ଏ ନା ଆବା ଯଦି ଆଡ୍‌ନାୟ୍, ଲାଗିଙ୍ଗ୍ ଇ ଦୁକ୍‌କଷ୍ଟନି ନାବେତାଙ୍ଗ୍ ଦେହା କିୟା। ଯଦି ମାନାୟାର୍ ପାପ୍ କେମା କିନି କାଜିଙ୍ଗ୍ ଆରେ ଇନା ଉପାୟ୍ ହିଲୁତ୍, ଲାଗିଙ୍ଗ୍ ନି ଇଚା ପୁରା ଆୟେତ୍।” ଯୀଶୁ ବେସି ଦୁକ୍ ଆତାନ୍ ଆରେ ତା ରୁମିଙ୍ଗ୍ ନେତେର୍ ଲେକେ ମାଚାତ୍। ଈଶ୍ୱର ହେୱାନିଙ୍ଗ୍ ସାହାସ୍ ଆହ୍‌ନି କାଜିଙ୍ଗ୍ ରକାନ୍ ଦୁତ୍‌ତିଙ୍ଗ୍ ତା ଲାଗାୟ୍ ପକ୍ତାନ୍।

![](https://cdn.door43.org/obs/jpg/360px/obs-en-38-13.jpg)

ୱିଜୁ ହଟ୍ ପାର୍ତାନା କିଜି ୱିସ୍ତି ପାଚେ, ଯୀଶୁ ତା ଚେଲାହିର୍ ଲାଗାୟ୍ ୱାଜି ମାଚାନ୍ ମାତର୍ ହେୱାର୍ ହୁନ୍‌ଜି ମାଚାର୍। ଏଚେପାଦ୍ନା ହେୱାନ୍ ତିନ୍‌ହଟ୍ ୱାତାନ୍, ଯୀଶୁ ୱେଚ୍‌ଚାନ୍, “ନିଙ୍ଗାଟ୍! ନାଙ୍ଗେଙ୍ଗ୍ ଶତ୍ରୁ କେଇଦ ଆହିକିଦ୍‌ନାକାନ୍ ଇବେ ମାନାନ୍।”

![](https://cdn.door43.org/obs/jpg/360px/obs-en-38-14.jpg)

ଯିହୁଦା ନେତାରିଙ୍ଗ୍, ସେନାରିଙ୍ଗ୍ ଆରେ ବେସିହେନି ମାନାୟ୍ ହୁଦାଙ୍ଗ୍ ଯହୁଦା ୱାତାନ୍। ହେୱାର୍ କଣ୍ଡା ଆରେ ନାଣି ହଲାଙ୍ଗ୍ ଆସ୍ତି ମାଚାର୍। ଯିହୁଦା ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ ଜୱାର୍!” ଆରେ ହେୱାନିଙ୍ଗ୍ ଚୁମା କିତାନ୍। ଯିହୁଦି ନେତାର୍ ଇନେରିଙ୍ଗ୍ ଆହ୍‌ନାର୍ ଇଦାଙ୍ଗ୍ ହେବେନି ର ଚିନା ଲେକେ ମାଚାତ୍। ତାପାଚେ ଯୀଶୁ ୱେଚ୍‌ଚାନ୍, “ଯିହୁଦା, ଚୁମା କାଜିଙ୍ଗ୍ କି ଏନେଙ୍ଗ୍ ନାଙ୍ଗେଙ୍ଗ୍ ଶତ୍ରୁ କେଇଦ ଆହିକିଦ୍‌ନାୟା?”

![](https://cdn.door43.org/obs/jpg/360px/obs-en-38-15.jpg)

ଏଚେପାଦ୍ନା ସେନାର୍ ଯୀଶୁଙ୍ଗ୍ ଆସ୍ତାର୍, ପିତର ତା କଣ୍ଡା ହପ୍‌ଚି ଈଶ୍ୱର ହେବାକିନି ମୁଡ଼୍‌ଦି ପୁଜାରିନି ଦାସ୍‌ନି କୁତିଲ୍‌ତିଙ୍ଗ୍ ହଣ୍‌ତାନ୍। ଯୀଶୁ ୱେଚ୍‌ଚାନ୍, “କଣ୍ଡାତିଙ୍ଗ୍ ଦେହା ଇଟା! ନାଙ୍ଗେଙ୍ଗ୍ ରକ୍ଷା କିଦ୍‌ନି କାଜିଙ୍ଗ୍ ଆନେଙ୍ଗ୍ ନା ଆବାଙ୍ଗ୍ ଦୁତ୍‌କୁନି ର ସେନାଦଳ୍‌ତିଙ୍ଗ୍ ଏନ୍ତେଙ୍ଗ୍ ଆଡ୍‌ନାଙ୍ଗ୍। ମାତର୍‌ ଆନେଙ୍ଗ୍ ନା ଆବା କାତା ମାନିକିନି ଦର୍‌କାର୍।” ତାପାଚେ ଯୀଶୁ ହେ ମାନାୟ୍ କିତୁଲ୍‌ତିଙ୍ଗ୍ ହାର୍ କିତାନ୍। ଯୀଶୁ ଆହିଆତି ପାଚେ ୱିଜୁ ଚେଲାହିର୍ ହନ୍‌ଚି ହାଚାର୍।

*ବାଇବଲ୍‌ନି ର କାତା: ମାଥିଉ ୨୬: ୧୪- ୫୬; ମାର୍କ ୧୪: ୧୦- ୫୦; ଲୁକ ୨୨: ୧- ୫୩; ଯୋହନ ୧୨: ୬; ୧୮: ୧- ୧୧*

## 39. ୩୯. ଯୀଶୁଙ୍ଗ୍ ବିଚାର୍ କିତାର୍‌

https://openbiblestories.org/l/peg/story-39/

![](https://cdn.door43.org/obs/jpg/360px/obs-en-39-01.jpg)

ହେପାଦ୍ନା ମାଦିମାଦା ନାଣା ମାଚାତ୍।ଈଶ୍ୱର ହେବାକିନି ମୁଡ଼୍‌ଦି ପୁଜାରି ଇନେସ୍ ଯୀଶୁଙ୍ଗ୍ ପ୍ରଶ୍ନ ୱେନ୍‌ବାନାନ୍ ହେଦାଙ୍ଗ୍ କାଜିଙ୍ଗ୍ ସେନାର୍ ହେୱାନିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଇଞ୍ଜ ଅସାହାଚାର୍।ପିତର ଦେହା ମାନ୍‌ଜି ହେୱାର୍ ପାଚେ-ପାଚେ ହାଲ୍‌ଜି ମାଚାନ୍।ଯୀଶୁଙ୍ଗ୍ ଏଚେପାଦ୍ନା ହେ ଇଞ୍ଜ ଅସତାର୍, ପିତର ବାର୍ତ ମାନ୍‌ଞ୍ଜି ନାଣି କାୟ୍‌ଜି ମାଚାନ୍।

![](https://cdn.door43.org/obs/jpg/360px/obs-en-39-02.jpg)

ଇଲ୍ ବିତ୍ରେ ଯିହୁଦି ନେତାର୍ ଯୀଶୁଙ୍ଗ୍ ବିଚାର୍ କିତାର୍।ହେୱାର୍ କେତେକ୍ ମିଚ୍ ସାକି ହିନାକାରିଙ୍ଗ୍ ଯଗାଇ କିତାର୍ ଇମ୍‌ଣାକାର୍ ତା ବିରଦ୍‌ତାକେ ମିଚ୍ କାତା ୱେଚ୍‌ନାର୍।ମାତର୍ ହେୱାର୍ କାତା ୱିଜୁ ଜାର୍-ଜାର୍ ବିତ୍ରେ ମାହା ଆୱାଦାଙ୍ଗ୍ ମାଚାତ୍, ଲାଗିଙ୍ଗ୍ ଯିହୁଦି ନେତାର୍ ଇୱାନ୍ ବୁଲ୍ କିତାନ୍‌ନା ଇଞ୍ଜି ଚଚ୍‌ଚେଙ୍ଗ୍ ଆଡ୍‌ୱାତାର୍।ଯୀଶୁ ଇନାକା ପା ୱେଚ୍‌ୱାତାନ୍।

![](https://cdn.door43.org/obs/jpg/360px/obs-en-39-03.jpg)

ତାପାଚେ ଈଶ୍ୱର ହେବାକିନି ମୁଡ଼୍‌ଦି ପୁଜାରି ଯୀଶୁଙ୍ଗ୍ ହାରାହାଣ୍‌କୁ ହୁଡ଼୍‌ଜି ହେୱାନିଙ୍ଗ୍ ୱେନ୍‌ବାତାନ୍, “ମାଙ୍ଗେଙ୍ଗ୍ ୱେଚ୍‌ଚା, ଏନେଙ୍ଗ୍ କି ଜିବୁନ୍ ମାନି ଈଶ୍ୱର ମେହି ଖ୍ରୀଷ୍ଟ?”

![](https://cdn.door43.org/obs/jpg/360px/obs-en-39-04.jpg)

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ହେୱାନ୍, ଆରେ ଏପେଙ୍ଗ୍ ନାଙ୍ଗେଙ୍ଗ୍ ଈଶ୍ୱର ସିଂହାସନ୍‌ତାକେ କୁଚ୍‌ନାକା ଆରେ ସରଗ୍ ଜପି ୱାନାକା ହୁଡ଼୍‌ଦାନାଦେର୍।”ଈଶ୍ୱର ହେବାକିନି ପ୍ରାଦାନ୍ ମୁଡ଼୍‌ଦି ପୁଜାରି ରିସାତିଙ୍ଗ୍ ତା ଆଙ୍ଗି କେଚ୍‌ଚି ଜେକନି ଦରମ୍ ଗୁରୁରିଙ୍ଗ୍ ଚେରାଆଜି ୱେଚ୍‌ଚାନ୍, “ମାଙ୍ଗେଙ୍ଗ୍ ଆରେ ସାକି ଦର୍‌କାର୍ ଆକାୟ୍! ଏପେଙ୍ଗ୍ ୱେଚାଦେର୍ ଯେ ଇୱାନ୍ ଈଶ୍ୱର ମେହି ଇଞ୍ଜି ୱେଚ୍‌ଚାନାନା।ମି ବିଚାର୍ ଇନାକା?”

![](https://cdn.door43.org/obs/jpg/360px/obs-en-39-05.jpg)

ଯହୁଦି ନେତାର୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିରିଙ୍ଗ୍ ୱେଚ୍‌ଚାର୍, “ହେୱାନ୍ ହାଃନି ଦଣ୍ଡ୍ ପାୟାଆନି ଯଗ୍ୟ।”ତାପାଚେ ହେୱାର୍ ଯୀଶୁ କାଣ୍‌କୁକାଙ୍ଗ୍ ଚିଡା ଗାଚ୍‌ଚାର୍, ଆରେ ହେୱାନିଙ୍ଗ୍ ଇଡ଼୍‌ତାର୍, ତା ଜପି ଚୁପ୍‌ତାର୍ ଆରେ ହେୱାନିଙ୍ଗ୍ ଇନସ୍ତା କିତାର୍।

![](https://cdn.door43.org/obs/jpg/360px/obs-en-39-06.jpg)

ପିତର ଇଲ୍ ବାର୍ତ କାସି ମାନିହିଙ୍ଗ୍, ରଞ୍ଜେଲ୍ ଦାସି କଗ୍‌ଲେ ହେୱାନିଙ୍ଗ୍ ହୁଡ଼୍‌ଜି ୱେଚ୍‌ଚାତ୍, “ଏନେଙ୍ଗ୍ ପା ଯୀଶୁ ହୁଦାଙ୍ଗ୍ ମାଚାୟ୍! ପିତର ଇ ବିଷୟତିଙ୍ଗ୍ ମୁନା କିତାନ୍।ଅଲପ୍ ସମୟ ହାଚିପାଚେ ଆରେ ରଞ୍ଜେଲ୍ ହେ ର ବିଷୟ ନେ ୱେଚ୍‌ଚାତ୍, ମାତର୍ ପିତର ଇଦାଙ୍ଗ୍ ପା ମୁନା କିତାନ୍।ତାପାଚେ ମାନାୟାର୍ ୱେଚ୍‌ଚାର୍, ଆପେଙ୍ଗ୍ ପୁନାପ୍ ଯେ ଏନେଙ୍ଗ୍ ପା ଯୀଶୁ ହୁଦାଙ୍ଗ୍ ମାଚାୟ୍ ଇନେସ୍‌କି ଏପେଙ୍ଗ୍ ରିକାଦେର୍ ଗାଲିଲୀ ଜିଲ୍ଲାତାଙ୍ଗ୍ ୱାତାଦେର୍‌ନା।”

![](https://cdn.door43.org/obs/jpg/360px/obs-en-39-07.jpg)

ତାପାଚେ ପିତର୍ ପାର୍ମାଣ୍ କିଜି ୱେଚ୍‌ଚାନ୍, “ଈଶ୍ୱର ନାଙ୍ଗେଙ୍ଗ୍ ଅବିଶାପ୍ ହିଦେନ୍ ଯଦି ଆନେଙ୍ଗ୍ ଇ ମାନାୟ୍‌ତିଙ୍ଗ୍ ପୁନ୍‌ଞ୍ଜି ମାଚିସ୍।” ହେଦାପ୍ରେ କୁଜୁ କେତାତ୍, ଆରେ ଯୀଶୁ ହେୱାନିଙ୍ଗ୍ ଲେଉଟା ଆଜି ହୁଡ଼୍‌ତାନ୍।

![](https://cdn.door43.org/obs/jpg/360px/obs-en-39-08.jpg)

ଲାଗିଙ୍ଗ୍ ଯୀଶୁ ୱେଚ୍‌ଚି କାତାତିଙ୍ଗ୍ ପିତର ମାନ୍‌ତ ଏତୁ କିଜି ବେସି ଦୁକ୍‌ତାଙ୍ଗ୍ ଆଡ଼୍‌ବାତାନ୍।ଇଲେକେ ଶତ୍ରୁ କେଇଦ ଆହିକିତି ଯିହୁଦା ହୁଡ଼୍‌ତାନ୍ ଯେ ଯିହୁଦି ନେତାର୍ ଯୀଶୁଙ୍ଗ୍ ହାଃନି ଦଣ୍ଡ୍ କାଜିଙ୍ଗ୍ ଦସି କିତାର୍‌ନା।ଯିହୁଦା ବେସି ଦୁକ୍ ଆତାନ୍ ଆରେ ହାଲ୍‌ଜି କକ୍‌ଲା ପାଟିଆଜି ହାଃତାନ୍।

![](https://cdn.door43.org/obs/jpg/360px/obs-en-39-09.jpg)

ତାଆର୍‌କାତ୍ ନାଞ୍ଜିଙ୍ଗ୍ ନାଣାଙ୍ଗେ, ଯିହୁଦି ନେତାର୍ ଯୀଶୁଙ୍ଗ୍ ପିଲାତ ରାଜାତାକେ ତାସି ୱାତାର୍ ହେୱାନ୍ ରୋମିୟ ସର୍‌କାର୍ ମାଚାନ୍।ହେୱାର୍ ଆହା କିତାର୍ ଯେ ପିଲାତ ଯୀଶୁଙ୍ଗ୍ ଦସ୍ ଆହିକିଜି ହାଃନି କାଜିଙ୍ଗ୍ ବିଚାର୍ କିନାନ୍।ପିଲାତ ରାଜା ଯୀଶୁଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ ଇନାକା ଯିହୁଦିର୍ ରାଜା?”

![](https://cdn.door43.org/obs/jpg/360px/obs-en-39-10.jpg)

ଯୀଶୁ ୱେଚ୍‌ଚାନ୍, “ଏନେଙ୍ଗ୍ ୱେଚ୍‌ଚାନାୟା, ମାତର୍ ନା ରାଜି ଇ ଜଗତ୍ ଲେକେ ଆକାୟ୍।ଯଦି ଇଲେକେ ଆଜି ମାଚିସ୍, ନା ଦାସ୍ ମାନାୟାର୍‌ ନା କାଜିଙ୍ଗ୍ ଯୁଜ୍ କିତାର୍‌ମା। ଈଶ୍ୱର ବିଷୟରେ ସତ୍ କାତା ୱେଚ୍‌ଚେଙ୍ଗ୍ ଆନେଙ୍ଗ୍ ପୁର୍ତିତାକେ ୱାତାଙ୍ଗ୍‌ନା। ଇମ୍‌ଣି ମାନାୟ୍ ସତ୍‌ତିଙ୍ଗ୍ ଲାଡ୍ କିନାନ୍ ହେୱାନ୍ ନା ବେଣ୍ ୱେନାନ୍।” ପିଲାତ ରାଜା ୱେଚ୍‌ଚାନ୍, “ସତ୍ ଇନାକା?”

![](https://cdn.door43.org/obs/jpg/360px/obs-en-39-11.jpg)

ପିଲାତ ରାଜା ଯୀଶୁ ହୁଦାଙ୍ଗ୍ ବେଣ୍‌କିଜି ୱିସ୍ତି ପାଚେ, ମାନାୟ୍ ଗଉଲି ଲାଗାୟ୍ ହାଲ୍‌ଜି ୱେଚ୍‌ଚାନ୍, “ଇ ମାନାୟ୍‌ତାକେ ଆପେଙ୍ଗ୍ ଇନା ଦସ୍ ପା ଗାଟାଆଉପା।” ମାତର୍ ଯିହୁଦି ନେତାର୍ ଆରେ ମାନାୟ୍ ଗଉଲି ଚେରାଆଜି ୱେଚ୍‌ଚାର୍, “ହେୱାନିଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହାଟ୍!” ପିଲାତ ରାଜା ୱେଚ୍‌ଚାନ୍, “ହେୱାନ୍ ଦସି ଆକାୟ୍। ମାତର୍ ହେୱାର୍ ଆଦିକ୍ ଚେରା ଆଦେଙ୍ଗ୍ ଲାଗାତାର୍। ତାପାଚେ ପିଲାତ ରାଜା ତିନ୍‌ହଟ୍ ୱେଚ୍‌ଚାନ୍, “ହେୱାନ୍ ଦସି ଆକାୟ୍।”

![](https://cdn.door43.org/obs/jpg/360px/obs-en-39-12.jpg)

ପିଲାତ ରାଜା ପାଣ୍ଡ୍ରାଆଜି ମାଚାନ୍ ଯେ କାତେ ମାନାୟାର୍ ଯୁଜ୍ କିଦେଙ୍ଗ୍ ଆରମ୍ କିନାର୍, ଲାଗିଙ୍ଗ୍ ଯୀଶୁଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହ୍‌ନି କାଜିଙ୍ଗ୍ ହେୱାନ୍ ତା ସେନାରିଙ୍ଗ୍ ଆଦେସ୍ ହିତାନ୍।ରୋମିୟ ସେନାର୍ ଯୀଶୁଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକ୍ତାର୍ ଆରେ ର ରାଜା ଉସ୍‌ପିନି ଆଙ୍ଗି ଆରେ କାପ୍‌ଡ଼ାତାକେ ୱାଡ଼ି ହାସ୍‌ନି ମୁକୁଟ୍ ରସ୍ତି ତୁଜିକିତାର୍। ତାପାଚେ ହେୱାର୍ ହେୱାନିଙ୍ଗ୍, “ଯିହୁଦିର୍ ରାଜାଙ୍ଗ୍ ହୁଡ଼ାଟ୍! ୱେଚ୍‌ଚି ଇନସ୍ତା କିତାର୍।”

*ବାଇବଲ୍‌ନି ର କାତା: ମାଥିଉ ୨୬: ୫୭- ୨୭; ମାର୍କ ୧୪: ୫୩- ୧୫: ୧୫; ଲୁକ ୨୨: ୫୪- ୨୩: ୨୫; ଯୋହନ ୧୮: ୧୨- ୧୯: ୧୬*

## 40. ୪୦. ଯୀଶୁଙ୍ଗ୍ କୃଶକାଟ୍‌ତାକେ କୁଟିଙ୍ଗ୍ ଇଡ଼୍‌ତାର୍‌

https://openbiblestories.org/l/peg/story-40/

![](https://cdn.door43.org/obs/jpg/360px/obs-en-40-01.jpg)

ସେନାର୍‌ ଯୀଶୁଙ୍ଗ୍ ଇନସ୍ତା କିତି ପାଚେ, ହେୱାର୍ କୃଶକାଟ୍‌ତାକେ ଦୁପ୍‌ଚି ଅହ୍‌ନି କାଜିଙ୍ଗ୍ ହେୱାନିଙ୍ଗ୍ ଅତାର୍।ହେୱାନ୍ ଇମ୍‌ଣି କୃଶକାଟ୍‌ତାକେ ହାଃନାନ୍ ହେ କୃଶକାଟ୍‌ ହେୱାନିଙ୍ଗ୍ ପିଣ୍ଡି କିତାର୍।

![](https://cdn.door43.org/obs/jpg/360px/obs-en-40-02.jpg)

ସେନାର୍, କାପ୍‌ଡ଼ା ଲେକେ ଚଞ୍ଜ୍‌ନି ର ବାହାତାକେ ତାସି ୱାତାର୍ ଆରେ କୃଶକାଟ୍‌ତାକେ ତା କେଇ ଆରେ କାଲ୍‌କୁକାଙ୍ଗ୍ କୁଟିଙ୍ଗ୍ ହୁଦାଙ୍ଗ୍ ଇଡ଼୍‌ତାର୍। ଲାଗିଙ୍ଗ୍ ଯୀଶୁ ୱେଚ୍‌ଚାନ୍, “ଆବା, ହେୱାରିଙ୍ଗ୍ କେମା କିୟା, ଇନେସ୍‌କି ହେୱାର୍ ଇନାକା କିନାରା ହେଦାଙ୍ଗ୍ ପୁନୁରା।” “ଯିହୁଦିର୍ ରାଜା ଇଞ୍ଜି ଲେକିକିଜି ଯିଶୁ,” କାପ୍‌ଡ଼ା ଜପି କୁଟି ହୁଦାଙ୍ଗ୍ ଇଡ଼୍‌ଦେଙ୍ଗ୍ ପିଲାତ ରାଜା ହେୱାରିଙ୍ଗ୍ ୱେଚ୍‌ଚାନ୍।

![](https://cdn.door43.org/obs/jpg/360px/obs-en-40-03.jpg)

ସେନାର୍‌ ଯୀଶୁ ଆଙ୍ଗିତିଙ୍ଗ୍ ଲାଟ୍ରି ପୁଟାଇ କିତାର୍। ହେୱାର୍ ଏଚେପାଦ୍ନା ଇଦାଙ୍ଗ୍ କିତାର୍, ୱେଚିଆତି ଈଶ୍ୱର କାତା ପୁରା ଆତାତ୍, “ହେୱାର୍ ନା ଆଙ୍ଗିତିଙ୍ଗ୍ ବାଗ୍ କିତାର୍ ଆରେ ଆଙ୍ଗି କାଜିଙ୍ଗ୍ ଲାଟ୍ରି ପୁଟାଇ କିତାର୍।”

![](https://cdn.door43.org/obs/jpg/360px/obs-en-40-04.jpg)

ଯିଶୁଙ୍ଗ୍ ରିକାର୍ ଚର୍‌କୁ ମାଦି କୃକାଟ୍‌ତାକେ ଦୁପ୍‌ତାର୍। ହେୱାର୍ ବିତ୍ରେତାଙ୍ଗ୍ ରକାନ୍ ଯୀଶୁଙ୍ଗ୍ ଇନସ୍ତା କିତାନ୍, ମାତର୍‌ ଜେକିନିକାନ୍ ରକାନ୍ ୱେଚ୍‌ଚାନ୍, “ଏନେଙ୍ଗ୍ ଇନାକା ଈଶ୍ୱରତିଙ୍ଗ୍ ପାଣ୍ଡ୍ରା ଆଉୟ୍? ଆସେଙ୍ଗ୍ ଦସି, ମାତର୍ ଇ ମାନାୟ୍ ଦସି ଆକାୟ୍।” ତାପାଚେ ହେୱାନ୍ ଯୀଶୁଙ୍ଗ୍ ୱେଚ୍‌ଚାନ୍, “ଦୟାକିଜି ନି ରାଜିତାକେ ନାଙ୍ଗେଙ୍ଗ୍ ଏତୁ କିଦେର୍।” ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନେଞ୍ଜେଙ୍ଗ୍ ନା ହୁଦାଙ୍ଗ୍ ସରଗ୍‌ତାକେ ୱାନାଦେର୍।”

![](https://cdn.door43.org/obs/jpg/360px/obs-en-40-05.jpg)

ଯିହୁଦି ନେତାର୍ ଆରେ ମାନାୟାର୍ ବିତ୍ରେତାଙ୍ଗ୍ କେତେକ୍ ଯୀଶୁଙ୍ଗ୍ ଇନସ୍ତା କିତାର୍। ହେୱାର୍ ହେୱାନିଙ୍ଗ୍ ୱେଚ୍‌ଚାର୍, “ଏନେଙ୍ଗ୍ ଯଦି ଈଶ୍ୱର ମେହିତି, କୃଶକାଟ୍‌ତାଙ୍ଗ୍ ଜୁଜି ତାରେନ୍ ୱା ଆରେ ଜାର୍‌ତିଙ୍ଗ୍ ରକ୍ଷା କିୟା! ଲାଗିଙ୍ଗ୍ ଆପେଙ୍ଗ୍ ନିଙ୍ଗେଙ୍ଗ୍ ପାର୍ତି କିଦ୍ନାପ୍।”

![](https://cdn.door43.org/obs/jpg/360px/obs-en-40-06.jpg)

ତାପାଚେ ୱିଜୁ ବାହାତାକେ ମାନି ବାଦାଡ଼୍ ୱିଜୁ ମାଜ୍‌ଗା ଆତାତ୍, ହେପାଦ୍ନା ୱେଡ଼ା ବାର୍‌ଟା ଆଜି ମାଚାତ୍।ମୁଣ୍ଡେ ମେଦାଣ୍ ୱେଡ଼ାଙ୍ଗ୍ ନେ ମାଜ୍‌ଗା ଆତାତ୍ ଆରେ ପାକାପାକି ତିନ୍ ଗଣ୍ଟା ପାତେକ୍ ମାଚାତ୍।

![](https://cdn.door43.org/obs/jpg/360px/obs-en-40-07.jpg)

ତାପାଚେ ଯୀଶୁ ଗାଜାକାଟ୍ କିଜି କୁକ୍‌ଚି ୱେଚ୍‌ଚାନ୍, “ୱିଜ୍‌ତାତ୍! ଆବା, ନି କେଇଦ ନା ମାତ୍ମା ହିଦ୍‌ନାଙ୍ଗା।ତାପାଚେ ହେୱାନ୍ କାପ୍‌ଡ଼ାତିଙ୍ଗ୍ ତାରେନ୍ କିତାନ୍ ଆରେ ହାଃତାନ୍।” ଏଚେପାଦ୍ନା ହେୱାନ୍ ହାଃତାନ୍. ହେପାଦ୍ନା ବୁମିକମ୍ଫ ଆଜି ମାଚାତ୍ ଆରେ ମନ୍ଦିର୍‌ତାକେ ଇମ୍‌ଣି ଗାଜା ପାର୍‌ଦା ଈଶ୍ୱରତିଙ୍ଗ୍ ପାର୍ତି କିନାକାରିଙ୍ଗ୍ ଜେକ ଇଡ଼୍‌ଜି ମାଚାତ୍ ହେଦାଙ୍ଗ୍ ଜପିତାଙ୍ଗ୍ ତାରେନ୍ ପାତେକ୍ ରି ପାଡ଼ାଆଜି କେଞ୍ଜ୍‌ଚାତ୍।

![](https://cdn.door43.org/obs/jpg/360px/obs-en-40-08.jpg)

ଯୀଶୁ ତା ହାଃତି କାଜିଙ୍ଗ୍ ମାନାୟାରିଙ୍ଗ୍ ଈଶ୍ୱର ଲାଗାୟ୍ ୱାନି ହାଜି ଜେସି ହିତାନ୍।ଯୀଶୁଙ୍ଗ୍ କାସିମାଚି ସେନା ଏଚେପାଦ୍ନା ଇ ୱିଜୁ ଗଟାଆନାକା ହୁଡ଼୍‌ତାନ୍ ହେୱାନ୍ ୱେଚ୍‌ଚାନ୍, “ହାତ୍‌ପା ହେୱାନ୍ ଦସ୍ କିୱିତି ମାନାୟ୍ ମାଚାନ୍।ହେୱାନ୍ ଈଶ୍ୱର ମେହି ମାଚାନ୍।”

![](https://cdn.door43.org/obs/jpg/360px/obs-en-40-09.jpg)

ତାପାଚେ ଯୋଷେଫ ଆରେ ନୀକଦୀମ, ଯୀଶୁଙ୍ଗ୍ ପାର୍ତି କିଜିମାନି ଇ ରିକାର୍ ଯିହୁଦି ନେତା ଯୀଶୁ ହାଃତି ଗାଗାଡ଼୍‌ତିଙ୍ଗ୍ ଅନି କାଜିଙ୍ଗ୍ ପିଲାତ ରାଜାଙ୍ଗ୍ ଗୁୱାରି କିତାର୍।ହେୱାର୍ ର ହେନ୍ଦ୍ରାତାକେ ତା ଗାଗାଡ୍‌ତିଙ୍ଗ୍ ହୁର୍‌ପିସ୍ କାଲ୍‌ତିଙ୍ଗ୍ ପତ୍‌ତି ରସ୍ତିମାଚି ର ଦୁଗେର୍ ବିତ୍ରେ ଇଡ଼୍‌ତାର୍।ତାପାଚେ ହେୱାର୍ ଦୁଗେର୍ ମୁମ୍‌ଦ ର ଗାଜା କାଲ୍ ଡାବାୟ୍ କିତାର୍ ଆରେ ହେବେନି ମୁମ୍ ବନ୍ଦ୍ କିତାର୍।

*ବାଇବଲ୍‌ନି ର କାତା: ମାଥିଉ ୨୨: ୨୭- ୬୧; ମାର୍କ ୧୫: ୧୬- ୪୭; ଲୁକ ୨୩: ୨୬- ୫୬; ଯୋହନ ୧୯: ୧୭- ୪୨*

## 41. ୪୧. ଈଶ୍ୱର ଯୀଶୁଙ୍ଗ୍ ହାଃତିତାଙ୍ଗ୍ ନିକ୍‌ନାନ୍‌

https://openbiblestories.org/l/peg/story-41/

![](https://cdn.door43.org/obs/jpg/360px/obs-en-41-01.jpg)

ସେନାର୍ ଯୀଶୁଙ୍ଗ୍ କୃଶକାଟ୍‌ତାକେ ଅସ୍ତି ପାଚେ, ପାର୍ତିକିୱି ଯିହୁଦି ନେତାର୍ ପିଲାତ ରାଜାଙ୍ଗ୍ ୱେଚ୍‌ଚାର୍, “ହେ ମିଚ୍‌ୱା ଯୀଶୁ ୱେଚ୍‌ଚାତାନ୍ ଯେ ତିନ୍‌ଦିନ୍ ପାଚେ ନିଙ୍ଗ୍‌ନାନ୍।ଇନେର୍ ରକାର୍ ହେ ଦୁଗେର୍ ବାହାତାକେ କାସି ମାଞ୍ଜେଙ୍ଗ୍ ଆନାତ୍ ଆରେ ସତ୍ କିଦେଙ୍ଗ୍ ଆନାତ୍, ଇନେସ୍‌କି ଚେଲାହିର୍ ତା ହାଃତି ଗାଗାଡ଼୍‌ତିଙ୍ଗ୍ ଚର୍‌କିଜି ଅନାର୍ ଆରେ ୱେଚ୍‌ଚାନାର୍ ଯେ ହେୱାନ୍ ହାଃତି ମାନାୟାର୍ ବିତ୍ରେତାଙ୍ଗ୍ ଜିବୁନ୍ ଆତାନ୍‌ନା।”

![](https://cdn.door43.org/obs/jpg/360px/obs-en-41-02.jpg)

ପିଲାତ ରାଜା ୱେଚ୍‌ଚାନ୍, “କେତ୍‌ଜାଣ୍ ସେନାରିଙ୍ଗ୍ ଅଜି ଏପେଙ୍ଗ୍ ଆଡ୍‌ନି ଏଚେକ୍ ଦୁଗେର୍‌ତିଙ୍ଗ୍ ହୁଡ଼ାଟ୍।“ ଲାଗିଙ୍ଗ୍ ହେୱାର୍ ଦୁଗେର୍ ବାହାନି ହଣି ଦୁୱେର୍ ତାକେ ମାନି କାଲ୍‌ଦିଙ୍ଗ୍ ସିଲ୍ କିତାର୍ ଆରେ ହେବେ ସେନାରିଙ୍ଗ୍ ଇଡ଼୍‌ତାର୍ ଇନେସ୍‌କି ଇନେର୍ ପା ତା ଗାଗାଡ଼୍‌ତିଙ୍ଗ୍ ଚର୍‌କିଜି ଅଦେଙ୍ଗ୍ ଆଡୁର୍।

![](https://cdn.door43.org/obs/jpg/360px/obs-en-41-03.jpg)

ଯୀଶୁଙ୍ଗ୍ ଦୁଗେର୍‌ତାକେ ଇଡ଼୍‌ତି ଆର୍‌କାତ୍ ନାଞ୍ଜିଙ୍ଗ୍ ଜମ୍‌ନିବାର୍ ମାଚାତ୍, ଆରେ ହେଦିନ୍ ଦୁଗେର୍‌ତାକେ ହାନି କାଜିଙ୍ଗ୍ ଯିହୁଦିର୍ ହାନି ନିୟମ୍ ହିଲାତାତ୍।ଲାଗିଙ୍ଗ୍ ଜମ୍‌ନିଦିନ୍‌ନି ଆର୍‌କାତ୍ ନାଞ୍ଜିଙ୍ଗ୍ ନାଣାଙ୍ଗେ କେତେକ୍ କଗ୍‌ଲେକ୍ ଯୀଶୁ ଗାଗାଡ଼୍‌ତାକେ ଆଦିକ୍ ଦୁଗେର୍‌ତାକେ ବାସ୍ନା ଜିନିଷ୍ ହିନି କାଜିଙ୍ଗ୍ ଦୁଗେର୍‌ତାକେ ହାଞ୍ଜେଙ୍ଗ୍ ରେଡି ଆତିକ୍‌।

![](https://cdn.door43.org/obs/jpg/360px/obs-en-41-04.jpg)

ହେଦାପ୍ରେ ର ଗାଜା ବୁମିକମ୍ଫ ଆତାତ୍।ବିଜ୍‌ଲିନି ଅଜଡ଼୍ ଲେକେ ଚଞ୍ଜ୍‌ଜିନି ର ଦୁତ୍ ସରଗ୍‌ତାଙ୍ଗ୍ ଚଞ୍ଜି ଆତାତ୍।ଦୁଗେର୍‌ନି ହାଜି ବାହାତାକେ ପାକ୍‌ଚି ମାଚି କାଲ୍‌ତିଙ୍ଗ୍ ଗୁଚାଇ କିଜି ହେ ଦୁତ୍ ହେବେ କୁଚ୍‌ଚାତ୍।ଇମ୍‌ଣି ଦୁଗେର୍‌ତାକେ ସେନାର୍ କାସି ମାଚାର୍ ହେୱାର୍ ପାଣ୍ଡ୍ରାଆଜି ହାଃତି ଲେକେ ମେଦ୍ନିତାକେ ଗୁର୍‌ତାର୍।

![](https://cdn.door43.org/obs/jpg/360px/obs-en-41-05.jpg)

ଏଚେପାଦ୍ନା କଗ୍‌ଲେକ୍ ଦୁଗେର୍ ବାହାତାକେ ଏକିତିକ୍, ଦୁତ୍ ହେୱେକାଙ୍ଗ୍ ୱେଚ୍‌ଚାତ୍, “ପାଣ୍ଡ୍ରା ଆମାଟ୍।ଯୀଶୁ ଇବେ ହିଲୁନ୍।ହେୱାନ୍ ଇନେସ୍ ୱେଚ୍‌ଚି ମାନ୍‌ଞ୍ଚାନ୍, ହେଲେକେ ହାଃତି ମାନାୟାର୍‌ତାଙ୍ଗ୍ ଜିବୁନ୍ ଆତାନ୍‌ନା। ୱାଡ ଆରେ ଦୁଗେର୍‌ତିଙ୍ଗ୍ ହୁଡ଼ାଟ୍।” ଇମ୍‌ଣି ବାହାତାକେ ଯୀଶୁ ହାଃତି ଗାଗାଡ଼୍ ଇଡ଼୍‌ଜି ମାଚାର୍, କଗ୍‌ଲେକ୍ ଦୁଗେର୍ ବିତ୍ରେ ହାଲ୍‌ଜି ହୁଡ଼୍‌ତିକ୍।ତା ଗାଗାଡ଼୍ ହେବେ ହିଲାତାତ୍।

![](https://cdn.door43.org/obs/jpg/360px/obs-en-41-06.jpg)

ତାପାଚେ ସରଗ୍ ଦୁତ୍ ହେ କଗ୍‌ଲେକାଙ୍ଗ୍ ୱେଚ୍‌ଚାତ୍, “ଏପେଙ୍ଗ୍ ହାଲ୍‌ଜି ଚେଲାହିରିଙ୍ଗ୍ ୱେଚାଟ୍, ଯୀଶୁ ଜିବୁନ୍ ଆଜି ନିଙ୍ଗ୍‌ତାନ୍‌ନା ଆରେ ମି ଆଗେ ଗାଲିଲୀ ଜିଲ୍ଲାତାକେ ହାନାନ୍।”

![](https://cdn.door43.org/obs/jpg/360px/obs-en-41-07.jpg)

ହେ କଗ୍‌ଲେକ୍ ବେସି ପାଣ୍ଡ୍ରା ଆତିକ୍ ଆରେ ବେସି ୱାରି ଆଜି ମାଚିକ୍।ଚେଲାହିରିଙ୍ଗ୍ ହାର୍‌ଦି କାତା ୱେଚ୍‌ଚେଙ୍ଗ୍ ହେୱେକ୍ ହନ୍‌ଚି ହାଚିକ୍।

![](https://cdn.door43.org/obs/jpg/360px/obs-en-41-08.jpg)

ଏଚେପାଦ୍ନା ହେ ହାର୍‌ଦି କାତାତିଙ୍ଗ୍ ଚେଲାହିରିଙ୍ଗ୍ ୱେଚ୍‌ନି କାଜିଙ୍ଗ୍ ହେୱେକ୍ ହାଜ୍‌ଦ ମାଚିକ୍, ଯୀଶୁ ହେ କଗ୍‌ଲେକାଙ୍ଗ୍ ଚଞ୍ଜି ଆତାନ୍ ଆରେ ହେୱେକ୍ ହେୱାନିଙ୍ଗ୍ ଜୱାର୍ କିତିକ୍।ଯୀଶୁ ୱେଚ୍‌ଚାନ୍, ପାଣ୍ଡ୍ରା ଆମାଟ୍!ହାଲାଟ୍ ଆରେ ଗାଲିଲୀ ଜିଲ୍ଲାତାକେ ହାନି କାଜିଙ୍ଗ୍ ନା ଚେଲାହିରିଙ୍ଗ୍ ୱେଚାଟ୍।ହେବେ ହେୱାର୍ ନାଙ୍ଗେଙ୍ଗ୍ ହୁଡ଼୍‌ଦାନାର୍।

*ବାଇବଲ୍‌ନି ର କାତା: ମାଥିଉ ୨୭: ୬୨- ୨୮: ୧୫; ମାରକ ୧୬: ୧- ୧୧; ଲିକ ୨୪: ୧- ୧୨; ଯୋହନ ୨୦: ୧-୧୮*

## 42. ୪୨. ଈଶ୍ୱର ଯୀଶୁଙ୍ଗ୍ ସରଗ୍ ଜପି ଅତାନ୍‌

https://openbiblestories.org/l/peg/story-42/

![](https://cdn.door43.org/obs/jpg/360px/obs-en-42-01.jpg)

ଯୀଶୁ ଇମ୍‌ଣି ଦିନ୍ ହାଃତି ମାନାୟାର୍ ବିତ୍ରେତାଙ୍ଗ୍ ଜିବୁନ୍ ଆଜି ନିଙ୍ଗ୍‌ତାନ୍, ରିକାର୍ ଚେଲାହିର୍ ଲାଗାୟ୍‌ନି ର ନାସ୍ ହାଲ୍‌ଜି ମାଚାର୍।ହେୱାର୍ ତାଙ୍ଗ୍‌ନିହିଙ୍ଗ୍ ଯୀଶୁଙ୍ଗ୍ ଇନାକା ଗଟାଆଜି ମାଚାତ୍ ହେ ବିଷୟରେ ହେୱାର୍ ବେଣ୍‌ବାଟ୍ କିଜି ମାଚାର୍।ହେୱାର୍ ଆହାକିଜି ମାଚାର୍ ଯେ ହେୱାନ୍ ରକାନ୍ ଖ୍ରୀଷ୍ଟ ମାଚାନ୍ ମାତର୍ ହେୱାନିଙ୍ଗ୍ ମାର୍ନେ ଅସ୍ତି ମାଚାର୍।ନଙ୍ଗୟ୍ ହେ କଗ୍‌ଲେକ୍ ୱେଚ୍‌ଚିକ୍ ଯେ ହେୱାନ୍ ଆରେରଗ ଜିବୁନ୍ ଆତାନ୍‌ନା।ହେୱାର୍ ପୁଞ୍ଜେଙ୍ଗ୍ ଆଡ୍‌ୱାତାର୍ ଇନେରିଙ୍ଗ୍ ପାର୍ତି କିନାର୍।

![](https://cdn.door43.org/obs/jpg/360px/obs-en-42-02.jpg)

ଯୀଶୁ ହେୱାର୍ ଲାଗାୟ୍ ୱାତାନ୍ ଆରେ ହେୱାର୍ ହୁଦାଙ୍ଗ୍ ତାଙ୍ଗ୍‌ଦେଙ୍ଗ୍ ଲାଗାତାନ୍, ମାତର୍ ହେୱାର୍ ହେୱାନିଙ୍ଗ୍ ଚିନ୍ କିଦେଙ୍ଗ୍ ଆଡ୍‌ୱାତାର୍।ହେୱାର୍ ଇମ୍‌ଣି ବିଷୟରେ ବେଣ୍‌ବାଟ୍ କିଜି ମାଚାର୍ ଇଞ୍ଜି ହେୱାନ୍ ହେୱାରିଙ୍ଗ୍ ୱେନ୍‌ବାତାନ୍, ଆରେ କେତ୍‌ଦିନ୍ ଆଗେ ଯୀଶୁ ହୁଦାଙ୍ଗ୍ ଇନାକା ୱିଜୁ ଗଟାଆଜି ମାଚାତ୍ ହେୱାନ୍ ମୁଡ଼୍‌ ଗଟ୍‌ନା ହେଦାଙ୍ଗ୍ ହେୱାର୍ ହେୱାନିଙ୍ଗ୍ ୱେଚ୍‌ଚାର୍।ହେୱାର୍ ବାବି କିତାର୍ ଯେ ଇୱାନ୍‌ ପା ରକାନ୍ ହାଜି ତାଙ୍ଗ୍‌କାନ୍ ହୁଦାଙ୍ଗ୍ ବେଣ୍‌ବାଟ୍ କିନାପା ଇନେସ୍‌କି ଇୱାନ୍ ପା ଯିରୁଶାଲାମ ସହର୍‌ତାକେ ଗଟାଆତି ବିଷୟରେ ପୁନ୍‌ୱାତାକାନ୍।

![](https://cdn.door43.org/obs/jpg/360px/obs-en-42-03.jpg)

ତାପାଚେ ଯୀଶୁ ହେୱାରିଙ୍ଗ୍ କାତା ୱେଚ୍‌ନି ଲେକେକିଜି ୱେଚ୍‌ଚେଙ୍ଗ୍ ଲାଗାତାନ୍ ଯେ ଈଶ୍ୱର ଖ୍ରୀଷ୍ଟ ବିଷୟରେ ଇନାକା ୱେଚ୍‌ଚି ମାନ୍‌ଞ୍ଚାନ୍।ହେୱାନ୍ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱେଚ୍‌ଚି କାତାତିଙ୍ଗ୍ ଏତୁକିୟିକିଜି ୱେଚ୍‌ଚାନ୍ ଯେ ଖ୍ରୀଷ୍ଟ ଦୁକ୍‌କଷ୍ଟ ପାୟାଆନାନ୍ ଆରେ ହାଃନାନ୍ ଆରେ ତିନ୍‌ଦିନ୍‌ତାଙ୍ଗ୍ ଆରେରଗ ଜିବୁନ୍ ଆନାନ୍।ହେ ରିକାର୍ ଇମ୍‌ଣି ସହର୍‌ତାକେ ମାଞ୍ଜେଙ୍ଗ୍ ଉପାଇ କିଜି ମାଚାର୍, ହେୱାର୍ ଏଚେପାଦ୍ନା ହେବେ ଇକାତାର୍, ହେପାଦ୍ନା ନାଣାଆଜି ମାଚାତ୍।

![](https://cdn.door43.org/obs/jpg/360px/obs-en-42-04.jpg)

ହେ ରିକାର୍ ହେୱାର୍ ହୁଦାଙ୍ଗ୍ କାନି କାଜିଙ୍ଗ୍ ଯୀଶୁଙ୍ଗ୍ କୁକ୍ତାର୍, ଲାଗିଙ୍ଗ୍ ହେୱାନ୍ ହେୱାର୍ ହୁଦାଙ୍ଗ୍ ହାଚାନ୍।ହେୱାର୍ ଏଚେପାଦ୍ନା ମିକାଲିଙ୍ଗ୍ ଚିଞ୍ଜେଙ୍ଗ୍ କାଦି ରସ୍ତାର୍, ଯୀଶୁ ର ରୁଟି ପେସ୍‌ଦି ଈଶ୍ୱରତିଙ୍ଗ୍ ଦନ୍ୟବାଦ୍ ହିତାନ୍ ଆରେ ରୁଟିତିଙ୍ଗ୍ ଡ୍ରିକ୍ତାନ୍।ସାଙ୍ଗେ-ସାଙ୍ଗେ ଇୱାନ୍ ନେ ଯୀଶୁ ଇଞ୍ଜି ହେୱାର୍ ଚିନ୍ କିତାର୍।ମାତର୍ ହେପାଦ୍ନା ହେୱାନ୍ ହେୱାର୍ କାଣ୍‌କୁତାଙ୍ଗ୍ ଡ଼ୁଗ୍‌ତାନ୍।

![](https://cdn.door43.org/obs/jpg/360px/obs-en-42-05.jpg)

ହେ ରିକାର୍ ଜାର୍-ଜାର୍ ବିତ୍ରେ ୱେଚ୍‌ପା ଆତାର୍, ହେୱାନ୍ ଯୀଶୁ ମାଚାନ୍, “ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଈଶ୍ୱର କାତା ବୁଜାଇ କିଦ୍‌ନିହିଙ୍ଗ୍ ମା ଗରବ୍ ଗାଡ଼୍‌ଜି ମାନ୍‌ଞ୍ଚାତ୍। ସାଙ୍ଗେ-ସାଙ୍ଗେ ହେୱାର୍ ଯିରୁଶାଲାମ ସହର୍‌ତାକେ ୱାତାର୍।” ହେୱାର୍ ଏଚେପାଦ୍ନା ଇକାତାର୍, ହେୱାର୍ ଚେଲାହିରିଙ୍ଗ୍ ୱେଚ୍‌ଚାର୍, “ଯୀଶୁ ଜିବୁନ୍ ମାନାନ୍! ଆପେଙ୍ଗ୍ ହେୱାନିଙ୍ଗ୍ ହୁଡ଼୍‌ତାପ୍‌ନା।”

![](https://cdn.door43.org/obs/jpg/360px/obs-en-42-06.jpg)

ଚେଲାହିର୍ ଏଚେପାଦ୍ନା ବେଣ୍‌ବାଟ୍ କିଜି ମାଚାର୍, ଯୀଶୁ ହେୱାର୍ ମାନି ବାହାତାକେ ହେୱାର୍ ମୁମ୍‌ଦ ଚଞ୍ଜି ଆତାନ୍ ଆରେ ୱେଚ୍‌ଚାନ୍, “ମି କାଜିଙ୍ଗ୍ ଶାନ୍ତି ଆୟେତ୍!” ଚେଲାହିର୍ ବାବିକିତାର୍ ଯେ ହେୱାନ୍ ରକାନ୍ ବୁତ୍, ମାତର୍ ଯୀଶୁ ୱେଚ୍‌ଚାନ୍, ଏପେଙ୍ଗ୍ ଇନାକିଦେଙ୍ଗ୍ ପାଣ୍ଡ୍ରା ଆନାଦେରା ଆରେ ଡାଉଟ୍ କିନାଦେରା? ନା କେଇ ଆରେ କାଲ୍‌ପାନାତିଙ୍ଗ୍ ହୁଡ଼ାଟ୍। ନାଙ୍ଗେଙ୍ଗ୍ ଇନେସ୍ ଗାଗାଡ଼୍ ମାନାତ୍ ବୁତ୍‌କୁକାଙ୍ଗ୍ ହେଲେକେ ଗାଗାଡ଼୍ ହିଲ୍‌ଗୁତ୍।” ହେୱାନ୍ ବୁତ୍ ଆକାୟ୍ ହେଦାଙ୍ଗ୍ ସତ୍ ବିଷୟରେ ପୁନି କିଦେଙ୍ଗ୍, ହେୱାନ୍ ଚିଞ୍ଜେଙ୍ଗ୍ ଇଚ୍‌କେ ଏନ୍ତାନ୍। ହେୱାର୍ ହେୱାନିଙ୍ଗ୍ ୱାନ୍‌ଞ୍ଚି ମିନ୍‌କୁ ହିତାର୍, ଆରେ ହେୱାନ୍ ହେଦାଙ୍ଗ୍ ଚିଚାନ୍।

![](https://cdn.door43.org/obs/jpg/360px/obs-en-42-07.jpg)

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ ନା ବିଷୟରେ ଈଶ୍ୱର କାତା ଲେକାଆତି ୱିଜୁ ବିଷୟ ସତ୍‌ରେ ପୁରା ଆଦେଙ୍ଗ୍ ଆନାତ୍।” ତାପାଚେ ହେୱାନ୍ ହେୱାର୍ ମାନ୍‌ତିଙ୍ଗ୍ ଜେତାନ୍, ଇନେସ୍‌କି ହେୱାର୍ ଈଶ୍ୱର କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାର୍। ହେୱାନ୍ ୱେଚ୍‌ଚାନ୍, “ଆଗେ ଲେକାଆତାତ୍‌ନା ଯେ ଖ୍ରୀଷ୍ଟ ଦୁକ୍‌କଷ୍ଟ ପାୟାଆନାନ୍ ଆରେ ତିନ୍ ଦିନ୍‌ତାଙ୍ଗ୍ ଆରେରଗ ଜିବୁନ୍ ଆନାନ୍।“

![](https://cdn.door43.org/obs/jpg/360px/obs-en-42-08.jpg)

“ସାସ୍ତର୍‌ତାକେ ଆରେ ପା ଲେକାଆଜି ମାଚାତ୍ ଯେ ୱିଜୁ ହେୱାର୍ ପାପ୍ କାମାୟ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ବାବିକିନାର୍ ଇମ୍‌ଣାକାକି ଚେଲାହିର୍ ୱେଚ୍‌ନାର୍।ହେୱାର୍ ଇଦାଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ବାହାତାକେ ମାନି ୱିଜୁ ମାନାୟାର୍ ଲାଗାୟ୍ ହାନାର୍।ଏପେଙ୍ଗ୍ ଇ ୱିଜୁ ବିଷୟନି ସାକି ଆନାଦେର୍।”

![](https://cdn.door43.org/obs/jpg/360px/obs-en-42-09.jpg)

ୱାନି ଚାଲିଶ୍ ଦିନ୍ ଆସ୍ତି, ଯୀଶୁ କେତେକ୍ ହଟ୍ ତା ଚେଲାହିରିଙ୍ଗ୍ ଚଞ୍ଜି ଆତାନ୍।ରଗ ହେୱାନ୍ ରଞ୍ଜେମାଡ୍ ୫୦୦ଜାଣ୍‌ତାଙ୍ଗ୍ ଆଦିକ୍ ମାନାୟ୍‌ତିଙ୍ଗ୍ ଚିଞ୍ଜି ଆତାନ୍।ହେୱାନ୍ ଯେ ଜିବୁନ୍ ମାନାନ୍ ଇ ବିଷୟରେ ହେୱାନ୍ କେତ୍‌ହଟ୍ ତା ଚେଲାହିର୍ ଲାଗାୟ୍ ସତ୍ ଇଞ୍ଜି ଚଚ୍‌ଚାନ୍, ଆରେ ହେୱାନ୍ ଈଶ୍ୱର ସାସନ୍ କିନି ରାଜି ବିଷୟରେ ହିକ୍ଷା ହିତାନ୍।

![](https://cdn.door43.org/obs/jpg/360px/obs-en-42-10.jpg)

ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ନାଙ୍ଗେଙ୍ଗ୍ ହିତ୍‌ତାନ୍‌ନା।ଇନେସ୍‌କି ହାଲାଟ୍ ୱିଜାକାର୍ ଲାଗାୟ୍ ହାଲ୍‌ଜି ଆବା, ହିମ୍‌ଣା ଆରେ ପବିତ୍ର ଆତ୍ମା ତର୍‌ଦାଙ୍ଗ୍ ହେୱାରିଙ୍ଗ୍ ଡୁବନ୍ ହିଜି ଆରେ ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ଆଦେସ୍ ହିତ୍‌ତାଙ୍ଗ୍‌ନା ହେ ୱିଜୁ ମାନି କିଦେଙ୍ଗ୍ ହିକ୍ଷା ହିଜି।ଏତୁ କିୟାଟ୍, ଆନେଙ୍ଗ୍ ୱିଜୁଦିନ୍ ମି ହୁଦାଙ୍ଗ୍ ମାନାଙ୍ଗ୍।”

![](https://cdn.door43.org/obs/jpg/360px/obs-en-42-11.jpg)

ଯୀଶୁ ହାଃତିତାଙ୍ଗ୍ ଆରେରଗ ଜିବୁନ୍ ଆଜି ନିଙ୍ଗ୍‌ତି ଚାଲିଶ୍ ଦିନ୍ ପାଚେ, ହେୱାନ୍ ତା ଚେଲାହିରିଙ୍ଗ୍ ୱେଚ୍‌ଚାନ୍, “ପବିତ୍ର ଆତ୍ମା ମି ଜପି ୱାନିହିଙ୍ଗ୍ ନା ଆବା ଏଚେପାଦ୍ନା ପାତେକ୍ ମିଙ୍ଗେଙ୍ଗ୍ ଶାକ୍ତି ହିଦୁନ୍ ହେପାଦ୍ନା ପାତେକ୍ ଯିରୁଶାଲାମ ସହର୍‌ତାକେ ମାନାଟ୍।” ତାପାଚେ ଯୀଶୁ ସରଗ୍ ଜପି ହାଚାନ୍, ଆରେ ର ବାଦାଡ଼୍ ହେୱାର୍ ମୁମ୍‌ଦାଙ୍ଗ୍ ଯୀଶୁଙ୍ଗ୍ ଡ଼ୁକ୍ତାତ୍। ଯୀଶୁ ୱିଜୁ ବିଷୟ ପୁରାକିତି କାଜିଙ୍ଗ୍ ଈଶ୍ୱର ତିନାବାଗାୟ୍‌ନି ସନ୍‌ମାନ୍ ପାୟାଆନି ବାହାତାକେ କୁଚ୍‌ଚାନ୍।

*ବାଇବଲ୍‌ନି ର କାତା: ମାଥିଉ ୨୮: ୧୬-୨୦; ମାର୍କ ୧୬: ୧୨- ୨୦; ଲୁକ ୨୪: ୧୩- ୫୩; ଯୋହନ ୨୦: ୧୯- ୨୩; ପ୍ରେରିତ ୧: ୧- ୧୧*

## 43. ୪୩. ମଣ୍ଡ୍‌ଲିନି ଆରମ୍‌

https://openbiblestories.org/l/peg/story-43/

![](https://cdn.door43.org/obs/jpg/360px/obs-en-43-01.jpg)

ଯୀଶୁ ସରଗ୍ ଜପି ହାଚି ପାଚେ, ଯୀଶୁ ଇନେସ୍ ଆଦେସ୍ ହିଜିମାଚାନ୍ ହେଲେକେ ଚେଲାହିର୍ ଯିରୁଶାଲାମ ସହର୍‌ତାକେ ମାଚାର୍।ପାର୍ତି କିନାକାର୍ ହେବେ ପାର୍ତାନା କିନି କାଜିଙ୍ଗ୍ ରବେ ଚିମ୍ରାଆଜି ମାଚାର୍।

![](https://cdn.door43.org/obs/jpg/360px/obs-en-43-02.jpg)

ନିସ୍ତାର୍ ପାର୍ବୁନି ୫୦ ଦିନ୍ ପାଚେ ୱିଜୁ ବାର୍‌ହୁ ଯିହୁଦିର୍ ପେଣ୍ଟିକଷ୍ଟ ତର୍‌ଦି ର ୱିଜୁତାଙ୍ଗ୍ ମୁକ୍ୟ ପାର୍ବୁ ମାନିକିଜି ମାଚାର୍।ପେଣ୍ଟିକଷ୍ଟ ଆନାତା ହେ ସମୟ ଏଚେପାଦ୍ନା ଯିହୁଦିର୍ ତାସ୍ ରୁଣ୍ଡାଇକିନି ପାର୍ବୁ ତିନାର୍।ପେଣ୍ଟିକଷ୍ଟ ରବେ ମାନି କିଦେଙ୍ଗ୍ ୱିଜୁ ଜଗତ୍‌ତାଙ୍ଗ୍ ଯିହୁଦିର୍ ଯିରୁଶାଲାମ ସହର୍‌ତାକେ ୱାତାର୍।ଇ ବାର୍ହୁ ଯୀଶୁ ସରଗ୍ ଜପି ହାଲ୍‌ଜି ଆଡ଼୍‌ଦିନ୍ ପାଚେ ପେଣ୍ଟିକଷ୍ଟ ପାର୍ବୁଦିନ୍ ୱାତାତ୍।

![](https://cdn.door43.org/obs/jpg/360px/obs-en-43-03.jpg)

ପାର୍ତି କିନାକାର୍ ଏଚେପାଦ୍ନା ରବେ ମାଚାର୍, ଇମ୍‌ଣି ଇଞ୍ଜ ହେୱାର୍ ମାଚାର୍ ବେସି ଡ଼ୁଇନି ଶବଦ୍ ଲେକେ ର ଶବଦ୍ ହେ ବାହା ଚାରିବେଣ୍‌ତାଙ୍ଗ୍ ପୁରାଆତାତ୍।ତାପାଚେ ନାଣି ଲେକେ ୱେନ୍ଦୁଲିଙ୍ଗ୍ ୱିଜୁ ପାର୍ତି କିନାକାର୍ କାପ୍‌ଡ଼ା ଜପି ଚଞ୍ଜି ଆତାତ୍।ହେ ୱିଜାକାର୍ ପବିତ୍ର ଆତ୍ମାତାଙ୍ଗ୍ ପୁରା ଆତାର୍ ଆରେ ବାରବିନି ବାଷାତାକେ ବେଣ୍ କିଦେଙ୍ଗ୍ ଲାଗାତାର୍।

![](https://cdn.door43.org/obs/jpg/360px/obs-en-43-04.jpg)

ଏଚେପାଦ୍ନା ଯିରୁଶାଲାମ ସହର୍‌ତାକେ ମାନି ମାନାୟ୍ ଇ କାଟ୍‌ ୱେଚାର୍, ଇନାକା ଗଟାଆତାତ୍ ହେଦାଙ୍ଗ୍ ହୁଡ଼୍‌ଦେଙ୍ଗ୍ ମାନାୟ୍ ରବେ ରୁଣ୍ଡାଆତାର୍।ଈଶ୍ୱର ଚାନିଆ ଆନି କାମାୟ୍‌ତିଙ୍ଗ୍ ପାର୍ତି କିନାକାର୍ ଶୁଣାୟ୍ କିନାକା ମାନାୟାର୍ ଏଚେପାଦ୍ନା ୱେଚାର୍, ହେୱାର୍ ଚାନିଆ ଆତାର୍ ଇନେସ୍‌କି ହେୱାର୍ ହେ ୱିଜୁ ଜାର୍ ବାଷାରେ ବେଣ୍ କିନାକା ୱେଚାର୍।

![](https://cdn.door43.org/obs/jpg/360px/obs-en-43-05.jpg)

କେତେକ୍ ମାନାୟ୍, ଚେଲାହିର୍ ହଚ୍‌ଚାର୍‌ନା ଇଞ୍ଜି ୱେଚ୍‌ଚାର୍।ମାତର୍ ପିତର ନିଲ୍‌ଚି ହେୱାରିଙ୍ଗ୍ ୱେଚ୍‌ଚାନ୍, “ନା ବେଣ୍ ୱେନାଟ୍! ଇ ୱିଜୁ ମାନାୟ୍ ହଚ୍‌ୱାତାର୍‌ନା।ଇଦାଙ୍ଗ୍ ଯୋୟେଲ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱେଚ୍‌ଚି ମାଚି କାତା ପୁରା ଆତାତ୍, ଇମେତାକେ ଈଶ୍ୱର ୱେଚ୍‌ଚି ମାଚାନ୍, ସେସ୍ କାଡ଼୍‌ଦ ଆପେଙ୍ଗ୍ ମା ଆତ୍ମା ହିଦ୍‌ନାପ୍।”

![](https://cdn.door43.org/obs/jpg/360px/obs-en-43-06.jpg)

“ଏ ଇସ୍ରାଏଲନି ମାନାୟ୍ କାଦେର୍, ଯୀଶୁ ରକାନ୍ ମାନାୟ୍ ମାଚାନ୍ ହେୱାନ୍ ଈଶ୍ୱର ଶାକ୍ତିତାଙ୍ଗ୍ କେତେକ୍ ମାହାନ୍ ଆରେ ଚାନିଆଆନି କାମାୟ୍ ୱିଜୁ କିତାନ୍, ଇମ୍‌ଣାକା ଏପେଙ୍ଗ୍ ହୁଡ଼୍‌ତାଦେର୍‌ନା ଆରେ ପୁଚାଦେର୍‌ନା।ମାତର୍ ଏପେଙ୍ଗ୍ ହେୱାନିଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତାଦେର୍।”

![](https://cdn.door43.org/obs/jpg/360px/obs-en-43-07.jpg)

“ଯୀଶୁ ଯଦି ହାଃତାନ୍, ମାତର୍ ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍ତାନ୍।ଇଦାଙ୍ଗ୍ ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱେଚ୍‌ଚି କାତା ପୁରା ଆତାତ୍, ଇନାକା ୱେଚ୍‌ନାନ୍ ଏପେଙ୍ଗ୍ ମି ପବିତ୍ର ମାନାୟ୍‌ତିଙ୍ଗ୍ ଦୁଗେର୍‌ତାକେ ନଷ୍ଟ ଆଦେଙ୍ଗ୍ ହିଦୁନ୍।ଈଶ୍ୱର ଯେ ଯୀଶୁଙ୍ଗ୍ ଆରେରଗ ଜିବୁନ୍ କିତାନ୍‌ନା, ଆସେଙ୍ଗ୍ ସାକି ମାନାସ୍‌।”

![](https://cdn.door43.org/obs/jpg/360px/obs-en-43-08.jpg)

“ନଙ୍ଗୟ ଯୀଶୁ ଆବା ତିନା ବାଗାୟ୍‌ନି ସନ୍‌ମାନ୍ ପାୟାଆନି ବାହାତାକେ କୁଚ୍‌ଚାନ୍‌ନା।ଆରେ ଯୀଶୁ ଇନେସ୍ ଲେକେ ପବିତ୍ର ଆତ୍ମାତିଙ୍ଗ୍ ପକ୍ତାନାନ୍ ଇଞ୍ଜି ୱେଚ୍‌ଚି ମାନ୍‌ଞ୍ଚାନ୍, ଟିକ୍ ହେଲେକେ ପବିତ୍ର ଆତ୍ମାତିଙ୍ଗ୍ ପକ୍ତାତାନ୍।ନଙ୍ଗୟ ଏପେଙ୍ଗ୍ ଇମ୍‌ଣି ବିଷୟ ହିଡ଼୍‌ନାଦେରା ଆରେ ୱେନାଦେରା ହେ ୱିଜୁ ପବିତ୍ର ଆତ୍ମା ଗଟାଇ କିତ୍‌ତାନ୍‌ନା।”

![](https://cdn.door43.org/obs/jpg/360px/obs-en-43-09.jpg)

“ଇ ଯୀଶୁଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତାଦେର୍‌ନା।ମାତର୍ ସତ୍ ପୁନାଟ୍ ଯେ ଈଶ୍ୱର ଯୀଶୁଙ୍ଗ୍ ରିକାର୍ ମାପୃ ଆରେ ଖ୍ରୀଷ୍ଟ କିତାନ୍‌ନା।”

![](https://cdn.door43.org/obs/jpg/360px/obs-en-43-10.jpg)

ମାନାୟାର୍ ପିତର୍ ବେଣ୍‌ ୱେଚାର୍ ଆରେ ହେୱାନ୍ ୱେଚ୍‌ଚି ବେଣ୍ କାଜିଙ୍ଗ୍ ବେସି ବିଚା ଆତାତ୍।ଲାଗିଙ୍ଗ୍ ହେୱାର୍ ପିତର ଆରେ ଜେକନି ଚେଲାରିଙ୍ଗ୍ ୱେନ୍‌ବାତାର୍, “ଟଣ୍ଡାର୍ କାଦେର୍, ଆସେଙ୍ଗ୍ ଇନାକା କିନାସ୍?”

![](https://cdn.door43.org/obs/jpg/360px/obs-en-43-11.jpg)

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ଯୀଶୁ ଖ୍ରୀଷ୍ଟ ତର୍‌ଦାଙ୍ଗ୍ ଡୁବନ୍ ଆଡ ଇନେସ୍‌କି ଈଶ୍ୱର ମି ପାପ୍ କେମା କିଦ୍‌ନାନ୍।ତାପାଚେ ହେୱାନ୍ ପବିତ୍ର ଆତ୍ମାନି ଦାନ୍ ହିଦ୍‌ନାନ୍।”

![](https://cdn.door43.org/obs/jpg/360px/obs-en-43-12.jpg)

ପାକାପାକି ୩୦୦୦ ମାନାୟାର୍, ପିତର ୱେଚ୍‌ଚି ବେଣ୍ ପାର୍ତିକିଜି ଯୀଶୁ ଚେଲା ଆତାର୍। ହେୱାର୍ ପାର୍ତିକିଜି ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ର ବାଗ୍ ଲେକେ ଆତାର୍।

![](https://cdn.door43.org/obs/jpg/360px/obs-en-43-13.jpg)

ଚେଲାହିର୍ ଚିମ୍ରାଆଜି ପାର୍ତୁମ୍ ଚେଲାହିର୍ ହିକ୍ଷା ୱେଞ୍ଜେଙ୍ଗ୍ ଲାଗାତାର୍, ରବେ ଦିନ୍ କାଟିକିତାର୍, ରବେ ଚିଚାର୍, ଆରେ ରବେ ପାର୍ତାନା କିତାର୍।ହେୱାର୍ ରବେ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ ୱାରି କିତାର୍ ଆରେ ହେୱାରିଙ୍ଗ୍ ଇନା-ଇନାକା ମାଚାତ୍ ହେଦାଙ୍ଗ୍ ଜାର୍-ଜାର୍ ବିତ୍ରେ ବାଟା କିଦେଙ୍ଗ୍ ଲାଗାତାର୍।ୱିଜାକାର୍ ହାର୍‌ଦି କାମାୟ୍ କିଜି ମାଚାର୍।ୱିଜୁଦିନ୍ ଆଦିକ୍‌ତାଙ୍ଗ୍ ଆଦିକ୍ ମାନାୟାର୍ ପାର୍ତିକିଜି ମାଚାର୍।

*ବାଇବଲ୍‌ନି ର କାତା: ପ୍ରେରିତ ୨*

## 44. ୪୪. ପିତର ଆରେ ଯୋହନ ରକାନ୍ ବିକ୍ୟା ଏନ୍‌ନାକାନିଙ୍ଗ୍ ହାର୍ କିତାର୍‌

https://openbiblestories.org/l/peg/story-44/

![](https://cdn.door43.org/obs/jpg/360px/obs-en-44-01.jpg)

ଦିନେକ୍ ପିତର ଆରେ ଯୋହନ ମନ୍ଦିର୍‌ତାକେ ହାଲ୍‌ଜି ମାଚାର୍।ହେୱାର୍ ଏଚେପାଦ୍ନା ମନ୍ଦିର୍ ଦୁୱାର୍‌ତାକେ ଇକାତାର୍, ହେୱାର୍ ର ଚଟା ମାନାୟ୍ ଭିକ୍ଷା ଏନ୍‌ନାକା ହୁଡ଼୍‌ତାର୍।

![](https://cdn.door43.org/obs/jpg/360px/obs-en-44-02.jpg)

ପିତର ଚଟା ମାନାୟ୍‌ତିଙ୍ଗ୍ ହୁଡ଼୍‌ଜି ୱେଚ୍‌ଚାନ୍, “ହିଦ୍‌ନି କାଜିଙ୍ଗ୍ ନାଙ୍ଗେଙ୍ଗ୍ ଡାବୁଙ୍ଗ୍ ହିଲୁକ୍।ମାତର୍ ଆନେଙ୍ଗ୍ ଇନାକା ଇଚା କିନାଙ୍ଗା ହେଦାଙ୍ଗ୍ ଆନେଙ୍ଗ୍ ହିଦ୍‌ନାଙ୍ଗା ନାଜରିତିୟ ଯୀଶୁ ତର୍‌ଦାଙ୍ଗ୍ ନିଙ୍ଗ୍‌ଜି ତାଙ୍ଗା।”

![](https://cdn.door43.org/obs/jpg/360px/obs-en-44-03.jpg)

ସାଙ୍ଗେ-ସାଙ୍ଗେ ଈଶ୍ୱର ହେ ଚଟା ମାନାୟ୍‌ତିଙ୍ଗ୍ ହାର୍ କିତାନ୍। ଆରେ ହେୱାନ୍ ଚାରିବେଣ୍‌ତାଙ୍ଗ୍ ଗୁମ୍‌ଜି-ଗୁମ୍‌ଜି ତାଙ୍ଗ୍‌ତାନ୍।ମନ୍ଦିର୍ ପିଣ୍ଡାତାକେ ମାନି ମାନାୟାର୍ ଚାନିଆ ଆତାର୍।

![](https://cdn.door43.org/obs/jpg/360px/obs-en-44-04.jpg)

ଇମ୍‌ଣି ମାନାୟ୍ ଚଟାତାଙ୍ଗ୍ ହାର୍ ଆଜି ମାଚାନ୍ ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ମାନାୟ୍ ମାନ୍ଦାଆଜି ୱାତାର୍। ପିତର ହେୱାରିଙ୍ଗ୍ ୱେଚ୍‌ଚାନ୍, “ଇୱାନ୍ ହାର୍ ଆତିଲେ ଏପେଙ୍ଗ୍ ଇନାକିଦେଙ୍ଗ୍ ଚାନିଆ ଆନାଦେରା? ମା ଶାକ୍ତି କି ହାର୍‌ତାଙ୍ଗ୍ ଆପେଙ୍ଗ୍ ହେ ମାନାୟ୍‌ତିଙ୍ଗ୍ ହାର୍ କିୱାତାପ୍‌ନା।ମାତର୍ ଇଦାଙ୍ଗ୍ ଯୀଶୁ ଶକ୍ତି ଆରେ ଯୀଶୁ ହିତ୍‌ତି ପାର୍ତି ହେଦାଙ୍ଗ୍ ହେୱାନିଙ୍ଗ୍ ହାର୍ କିତାତ୍।“

![](https://cdn.door43.org/obs/jpg/360px/obs-en-44-05.jpg)

“ଏପେଙ୍ଗ୍ ନେ ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ରୋମିୟ ସର୍‌କାର୍‌ତିଙ୍ଗ୍ ୱେଚ୍‌ଚି ମାଚାଦେର୍। ଏପେଙ୍ଗ୍ ଜିବୁନ୍ ମାନି ମାଷ୍ଟେର୍‌ତିଙ୍ଗ୍ ମାର୍ନେ ଅସ୍ତାଦେର୍, ମାତର୍ ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଜିବୁନ୍‌କିଜି ନିକ୍ତାନ୍‌ନା। ଏପେଙ୍ଗ୍ ଇନା-ଇନାକା କିନାଦେରା ହେଦାଙ୍ଗ୍ ଯଦି ବୁଜାଆୱାଦାଙ୍ଗ୍ ମାଚାଦେର୍, ଆତିସ୍‌ପା ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାନ୍ ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ୱେଚ୍‌ଚି କାତାତିଙ୍ଗ୍ ପୁରା କିନି କାଜିଙ୍ଗ୍ ଈଶ୍ୱର ମି କାମାୟ୍‌ତିଙ୍ଗ୍ ବ୍ୟବହାର୍ କିତାନ୍।ଲାଗିଙ୍ଗ୍ ନଙ୍ଗୟ୍ ଏତୁ କିୟାଟ୍ ଆରେ ଈଶ୍ୱର ଲାଗାୟ୍ ଲେଉଟା ଆଡୁ ଇନେସ୍‌କି ମି ପାପ୍ କେମା କିଦ୍‌ନାନ୍।”

![](https://cdn.door43.org/obs/jpg/360px/obs-en-44-06.jpg)

ପିତର ଆରେ ଯୋହନ ଇନାକା ୱେଚ୍‌ଚି ମାଚାର୍ ହେଦାଙ୍ଗ୍ ୱେନ୍‌ଞ୍ଜି ମନ୍ଦିର୍‌ନି ନେତାର୍ ଟେନ୍‌ସନ୍ ଆଜି ମାଚାର୍।ଲାଗିଙ୍ଗ୍ ହେୱାର୍ ହେୱାରିଙ୍ଗ୍ ଗାଚ୍‌ଚି ଜଇଲ୍ ଇଞ୍ଜ ବନ୍ଦି କିତାର୍।ମାତର୍ କେତେକ୍ ହେନି ମାନାୟ୍ ପିତର ୱେଚ୍‌ଚି କାତାତିଙ୍ଗ୍ ପାର୍ତି କିତାର୍, ଆରେ ଯୀଶୁଙ୍ଗ୍ ପାର୍ତିକିନି ମାନାୟ୍‌ର୍ ସଂଖ୍ୟା ୫୦୦୦ ତାକେ ଇକାତାତ୍।

![](https://cdn.door43.org/obs/jpg/360px/obs-en-44-07.jpg)

ତାଆର୍‌କାତ୍ ନାଞ୍ଜିଙ୍ଗ୍ ଯିହୁଦି ନେତାର୍ ପିତର ଆରେ ଯୋହନତିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରି ଆରେ ଜେକନି ଦରମ୍ ଗୁରୁର୍ ଲାଗାୟ୍ ତାସିୱାତାର୍।ହେୱାର୍ ପିତର ଆରେ ଯୋହନତିଙ୍ଗ୍ ୱେନ୍‌ବାତାର୍, “ଇମ୍‌ଣି ଶାକ୍ତିତାଙ୍ଗ୍ ଏପେଙ୍ଗ୍ ଇ ଚଟା ମାନାୟ୍‌ତିଙ୍ଗ୍ ହାର୍ କିତାଦେର୍?”

![](https://cdn.door43.org/obs/jpg/360px/obs-en-44-08.jpg)

ପିତର ହେୱାରିଙ୍ଗ୍ ୱେଚ୍‌ଚାନ୍, “ଇୱାନ୍ ଯୀଶୁ ଖ୍ରୀଷ୍ଟ ଶାକ୍ତିତାଙ୍ଗ୍ ହାର୍‌ଆଜି ନିଲ୍‌ତାନ୍‌ନା। ଏପେଙ୍ଗ୍ ଯୀଶୁଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତାଦେର୍, ମାତର୍ ଈଶ୍ୱର ହେୱାନିଙ୍ଗ୍ ଆରେରଗ ଜିବୁନ୍ କିତାନ୍‌ନା। ଏପେଙ୍ଗ୍ ହେୱାନିଙ୍ଗ୍ ମାନି କିୱାତାଦେର୍‌ନା, ମାତର୍ ଉଦାର୍ ପାୟାଆନି କାଜିଙ୍ଗ୍ ଯୀଶୁ ଶାକ୍ତିତିଙ୍ଗ୍ ପିସ୍ତି ଆରେ ଇନା ଉପାୟ୍ ହିଲେତ୍‌।”

![](https://cdn.door43.org/obs/jpg/360px/obs-en-44-09.jpg)

ପିତର ଆରେ ଯୋହନ ବେସି ସାହାସ୍ ହୁଦାଙ୍ଗ୍ ବେଣ୍ ୱେଚ୍‌ନାକା ହୁଡ଼୍‌ଜି ନେତାର୍ ଚାନିଆ ଆତାର୍, “ଇନେସ୍‌କି ହେୱାର୍ ହୁଡ଼୍‌ତାର୍ ଯେ ଇୱାର୍ ସାଦାସିଦା ମାନାୟ୍ ହେୱାର୍ ଅସିକିତ୍ ମାଚାର୍।ମାତର୍ ପାଚେ ହେୱାର୍ ପୁଚାର୍ ଯେ ଇୱାର୍ ଯୀଶୁ ହୁଦାଙ୍ଗ୍ ମାଚାର୍।” ହେୱାର୍ ପିତର ଆରେ ଯୋହନତିଙ୍ଗ୍ ଦମ୍‌କାୟ୍ କିତି ପାଚେ ପିସ୍ତି ମାଚାର୍।

*ବାଇବଲ୍‌ନି ର କାତା: ପିତର ୩: ୧- ୪: ୨୨*

## 45. ୪୫. ସ୍ତିଫାନ ଆରେ ଫିଲିପ

https://openbiblestories.org/l/peg/story-45/

![](https://cdn.door43.org/obs/jpg/360px/obs-en-45-01.jpg)

ୱିଜୁତାଙ୍ଗ୍ ଆଗେ ମଣ୍ଡ୍‌ଲିନି ନେତାର୍ ବିତ୍ରେତାଙ୍ଗ୍ ସ୍ତିଫାନ ତର୍‌ଦାକାନ୍ ରକାନ୍ ମାନାୟ୍ ମାଚାନ୍।ହେୱାନ୍ ଜଣାସୁଣା ମାନାୟ୍ ମାଚାନ୍ ଆରେ ହେୱାନ୍ ୱିଜୁ ପବିତ୍ର ଆତ୍ମା ଆରେ ବୁଦିତାଙ୍ଗ୍ ପୁରାଆଜି ମାଚାନ୍, ସ୍ତିଫାନ କେତେକ୍ ଚାନିଆଆନି କାମାୟ୍ କିତାନ୍ ଆରେ ଆଦିକାର୍ ହୁଦାଙ୍ଗ୍ ବିଚାର୍ କିତାନ୍, ଇନେସ୍ ମାନାୟାର୍ ଯୀଶୁତାକେ ପାର୍ତି କିନାର୍।

![](https://cdn.door43.org/obs/jpg/360px/obs-en-45-02.jpg)

ରଦିନ୍ ଏଚେପାଦ୍ନା ସ୍ତିଫାନ ଯୀଶୁ ବିଷୟରେ ହିକ୍ଷାହିଜି ମାଚାନ୍, ହେପାଦ୍ନା ଯୀଶୁତାକେ ପାର୍ତିକିୱି ମାନାୟ୍ କେତ୍‌ଜାଣ୍ ଯିହୁଦିର୍ ସ୍ତିଫାନ ହୁଦାଙ୍ଗ୍ ଜୁକ୍ତି କିଦେଙ୍ଗ୍ ଲାଗାତାର୍।ହେୱାର୍ ଆଦିକ୍ ରିସା ଆଜି ମାଚାର୍ ଆରେ ସ୍ତିଫାନ ବିଷୟରେ ଦରମ୍ ଗୁରୁରିଙ୍ଗ୍ ମିଚ୍ ୱେଚ୍‌ଚାର୍। ହେୱାର୍ ୱେଚ୍‌ଚାର୍, “ଆପେଙ୍ଗ୍ ହେୱାନିଙ୍ଗ୍ ମୋଶା ଆରେ ଈଶ୍ୱର ବିରଦ୍‌ତାକେ ବେଣ୍ ୱେଚ୍‌ନାକା ଆପେଙ୍ଗ୍ ୱେଚାପ୍‌ନା।” ଲାଗିଙ୍ଗ୍ ଦରମ୍ ନେତାର୍ ସ୍ତିଫାନତିଙ୍ଗ୍ ଗାଚ୍‌ଚାର୍ ଆରେ ଈଶ୍ୱର ହେବାକିନି ପ୍ରଦାନ୍‌ ମୁଡ଼୍‌ଦି ପୁଜାରି ଆରେ ଯିହୁଦିର୍ ନେତା ଲାଗାୟ୍ ହେୱାନିଙ୍ଗ୍ ତାସିୱାତାର୍ ଇମେତାକେ ସ୍ତିଫାନ ବିରଦ୍‌ତାକେ ଆଦିକ୍ ମିଚ୍ ସାକି ହିନାକାର୍ ମାଚାର୍।

![](https://cdn.door43.org/obs/jpg/360px/obs-en-45-03.jpg)

ଈଶ୍ୱର ହେବାକିନି ପ୍ରଦାନ୍‌ ମୁଡ଼୍‌ଦି ପୁଜାରି ସ୍ତିଫାନତିଙ୍ଗ୍ ୱେନ୍‌ବାତାନ୍, “ଇ ମାନାୟାର୍ ନି ବିରଦ୍‌ତାକେ ୱେଚ୍‌ନାକା ୱିଜୁ ସତ୍ କି?” ପ୍ରଦାନ୍‌ ମୁଡ଼୍‌ଦି ପୁଜାରିଙ୍ଗ୍ ଉତର୍ ହିନି କାଜିଙ୍ଗ୍ ଆଗେ ଈଶ୍ୱର କିଜିମାଚି ୱିଜୁ କାତାତିଙ୍ଗ୍ ୱେଚ୍‌ଚାନ୍। ଈଶ୍ୱରଅବ୍ରାହାମତିଙ୍ଗ୍ କୁକ୍‌ନି ସମୟ୍‌ତାଙ୍ଗ୍ ଯୀଶୁ ପୁର୍ତିତାକେ ୱାଜିମାନି ପାତେକ୍, ଈଶ୍ୱର ଇସ୍ରାଏଲ ମାନାୟାର୍‌ତାକେ ବେସି ଚାନିଆ କାମାୟ୍ କିଜି ମାଚାନ୍। ମାତର୍ ଇସ୍ରାଏଲନି ମାନାୟାର୍ ୱିଜୁଦିନ୍ ମାନି କିୱାଦାଙ୍ଗ୍ ମାଚାର୍। ସ୍ତିପାନ ୱେଚ୍‌ଚାନ୍, “ଏପେଙ୍ଗ୍ ମାନ୍ ଗାର୍ବିୟା ଆରେ ଈଶ୍ୱରତିଙ୍ଗ୍ ବିରଦ୍ କିନାକାଦେର୍। ମା ଆକଦାଦିର୍ ୱିଜୁଦିନ୍ ଈଶ୍ୱରତିଙ୍ଗ୍ ବିରଦ୍ କିଜି ତା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ମାର୍ନେ ଅସ୍ତି ମାଚାର୍, ହେଲେକେ ଏପେଙ୍ଗ୍ ପା ୱିଜୁଦିନ୍ ପବିତ୍ର ଆତ୍ମାତିଙ୍ଗ୍ ମାନି କିଉଦେରା।ମାତର୍ ହେୱାର୍ କିତି ବୁଲ୍‌ତାଙ୍ଗ୍ ଏପେଙ୍ଗ୍ ବେସି ବୁଲ୍ କିତାଦେର୍‌ନା! ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାର୍ନେ ଅସ୍ତାଦେର୍‌ନା।”

![](https://cdn.door43.org/obs/jpg/360px/obs-en-45-04.jpg)

ଏଚପାଦ୍ନା ଦରମ୍ ନେତାର୍ ଇଦାଙ୍ଗ୍ ୱେଚାର୍, ହେୱାର୍ ବେସି ରିସାଆଜି ମାଚାର୍ ଯେ ହେୱାର୍ ହେୱାର୍ କିତୁଲିକାଙ୍ଗ୍ ତିଗି ଆଜି ଗାଜାକାଟ୍‌ତାଙ୍ଗ୍ ଚେରା ଆତାର୍।ହେୱାର୍‌ ସ୍ତିଫାନତିଙ୍ଗ୍ ସହର୍ ବାର୍‌ତ ଜେଲ୍‌ଜି ଅତାର୍ ଆରେ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ କାଲ୍‌କୁ ହୁଦାଙ୍ଗ୍ ଇଡ଼୍‌ତାର୍।

![](https://cdn.door43.org/obs/jpg/360px/obs-en-45-05.jpg)

ସ୍ତିଫାନ ହାଃନିହିଙ୍ଗ୍ ଗାଜାକାଟ୍‌କିଜି ଚେରା ଆତାନ୍ ଆରେ ୱେଚ୍‌ଚାନ୍, “ଏ ଯୀଶୁ, ନା ଆତ୍ମାତିଙ୍ଗ୍ ଆହା।” ତାପାଚେ ହେୱାନ୍ ମେଣ୍ଡାକୁନ୍ଦିକିଜି ଆରେରଗ ଗାଜାକାଟ୍ କିଜି ୱେଚ୍‌ଚାନ୍, “ଏ ମାପୃ, ଇ ପାପ୍ ହେୱାର୍ ବିରଦ୍‌ତାକେ ଗାଣା କିମା।ତାପାଚେ ହେୱାନ୍ ହାଃତାନ୍।”

![](https://cdn.door43.org/obs/jpg/360px/obs-en-45-06.jpg)

ସ୍ତାଫାନତିଙ୍ଗ୍ ମାନାୟାର୍ ମାର୍ନେ ଅହ୍‌ନିହିଙ୍ଗ୍ ସାଉଲ ତର୍‌ଦାକାନ୍‌ ରକାନ୍ ମାନାୟ୍ ମାଚାନ୍।ହେୱାନ୍ ପା ମାନାୟାର୍ ହୁଦାଙ୍ଗ୍ ମାହାଆଜି ଆରେ ହେ ମାନାୟାର୍ ଜପି ଉସ୍‌ପିନି କଟ୍ ଆସ୍ତି ମାଚାନ୍। ହେ ଦିନ୍, ଯିରୁଶାଲାମ ସହର୍‌ତାକେ ଯୀଶୁତାକେ ପାର୍ତିକିନି ମାନାୟାରିଙ୍ଗ୍ ବେସି ଦୁକ୍‌କଷ୍ଟ ମାନାୟାର୍ ହିତାର୍। ଲାଗିଙ୍ଗ୍ ପାର୍ତିକିନାକାର୍ ବାରବିନି ବାହାତାକେ ହନ୍‌ଚି ହାଚାର୍।ହେୱାର୍ ଦୁକ୍‌କଷ୍ଟ ପାୟାଆଜି ମାଚିସ୍ ପା ପାର୍ତି କିନାକାର୍ ଇମ୍‌ଣି ନିପଣ୍ ହାଲ୍‌ଜି ମାଚାର୍ ହେବେ ଯୀଶୁ ବିଷୟରେ ଶୁଣାୟ୍ କିଦେଙ୍ଗ୍ ଲାଗାତାର୍।

![](https://cdn.door43.org/obs/jpg/360px/obs-en-45-07.jpg)

ଯିରୁଶାଲାମ ସହର୍‌ତାଙ୍ଗ୍ ଦୁକ୍‌କଷ୍ଟ ପାୟାଆଜି ହନ୍‌ଚି ମାଚି ପାର୍ତିକିନାକାର୍ ବିତ୍ରେତାଙ୍ଗ୍ ଫିଲିପ ତର୍‌ଦାକାନ୍ ରକାନ୍ ଯୀଶୁ ଚେଲାହି ମାଚାନ୍‌।ହେୱାନ୍ ଶମରୀୟତାକେ ହାଲ୍‌ଜି ଯୀଶୁ ବିଷୟରେ ଶୁଣାୟ୍ କିତାନ୍ ଆରେ କେତେକ୍ ମାନାୟ୍ ହେବେ ଉଦାର୍ ପାୟାଆତାର୍।ତାଆର୍‌କାତ୍ ନାଞ୍ଜିଙ୍ଗ୍ ଈଶ୍ୱରତି ରକାନ୍ ଦୁତ୍ ଫିଲିପ ଲାଗାୟ୍ ୱାଜି ଟାଙ୍ଗ୍ରାବାହା ନିପ୍‌ଣ୍ ମାନି ହାଜି ନିପଣ୍‌ଆଜି ହାନି କାଜିଙ୍ଗ୍ ୱେଚ୍‌ଚାନ୍।ହେୱାନ୍ ଏଚେପାଦ୍ନା ହେ ହାଜ୍‌ଦିଙ୍ଗ୍ ହାଲ୍‌ଜି ମାଚାନ୍, ଫିଲିପ ହୁଡ଼୍‌ତାନ୍ ଯେ ଇଥିଓପିଆ ରାଜା ପରିବାର୍‌ନି ରକାନ୍ ଗାଜା ପାଦ୍ ପାୟାଆତାକାନ୍ ତା ହାଜ୍‌ଦିଙ୍ଗ୍ ରଥତାକେ ଦୁମ୍‌ଜି ୱାନାନା।ହେୱାନ୍ ଲାଗାୟ୍ ହାଲ୍‌ଜି ତା ହୁଦାଙ୍ଗ୍ ବେଣ୍‌କିଦେଙ୍ଗ୍ ପବିତ୍ର ଆତ୍ମା ଫିଲିପତିଙ୍ଗ୍ ୱେଚ୍‌ଚାତ୍।

![](https://cdn.door43.org/obs/jpg/360px/obs-en-45-08.jpg)

ଫିଲିପ ଏଚେପାଦ୍ନା ରଥ ଲାଗାୟ୍ ଆତାନ୍, ହେ ଇଥିଓପିଆ ମାନାୟ୍ ଯିଶାଇୟ ଭବିଷ୍ୟତବକ୍ତା ବହିତାଙ୍ଗ୍ ପଡ଼ି କିନାକା ୱେଚାନ୍। ହେୱାନ୍ ପଡ଼ିକିଜି ମାଚାନ୍, “ହେୱାର୍ ମେଣ୍ଢା ଲେକେ ହେୱାନିଙ୍ଗ୍ ଅହ୍‌ନି କାଜିଙ୍ଗ୍ ଅତାର୍‌, ଆରେ ଚିମ୍ରାଆତି ମେଣ୍ଢା ଲେକେ ହେୱାନ୍ ଜାର୍ ମୁମ୍ ଜେୱାତାନ୍। ହେୱାର୍ ହେୱାନିଙ୍ଗ୍ କେତ୍‌ତାର୍ ଆରେ ହେୱାନିଙ୍ଗ୍ ମାନି କିୱାତାର୍।ଆରେହେୱାର୍ ହେୱାନ୍‌ତାଙ୍ଗ୍ ତା ଜିବୁନ୍ ଅତାର୍।”

![](https://cdn.door43.org/obs/jpg/360px/obs-en-45-09.jpg)

ଫିଲିପ ହେ ଇଥିଓପିଆ ମାନାୟ୍‌ତିଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ ଇମ୍‌ଣାକା ପଡ଼ିକିନାୟା ହେଦାଙ୍ଗ୍ ଇନାକା ବୁଜାଆନାୟା?” ହେ ଇଥିଓପିଆ ମାନାୟ୍ ୱେଚ୍‌ଚାନ୍, “ଆକାୟ୍ ଇନେର୍ ନାଙ୍ଗେଙ୍ଗ୍ ବୁଜାଇ କିଦ୍‌ୱି ପାତେକ୍ ଆନେଙ୍ଗ୍ ବୁଜାଆଦେଙ୍ଗ୍ ଆଡୁଙ୍ଗ୍। ଦୟାକିଜି ୱାଜି ଆରେ ନା ଲାଗାୟ୍ କୁଚା।ଯିଶାଇୟ ଇନାକା ଜାର୍ ବିଷୟରେ କି ଆରେ ଇନେର୍ ବିଷୟରେ ଇଦାଙ୍ଗ୍ ଲେକିକିତାନ୍‌ନା? ଫିଲିପ ହେୱାନିଙ୍ଗ୍ ବୁଜାଇ କିଜି ୱେଚ୍‌ଚାନ୍, ଯିଶାଇୟ ଯୀଶୁ ବିଷୟରେ ଇଦାଙ୍ଗ୍ ଲେକିକିତାନ୍‌ନା।”

![](https://cdn.door43.org/obs/jpg/360px/obs-en-45-10.jpg)

ଯୀଶୁ ବିଷୟରେ ମାନି ହାର୍ଦିକାବୁର୍ ୱେଚ୍‌ନି କାଜିଙ୍ଗ୍ ଫିଲିପ ଜେକନି ସାସ୍ତର୍ ପା ବୁଜାଇ କିତାନ୍।ଏଚେପାଦ୍ନା ଫିଲିପ ଆରେ ଇଥିଓପିଆ ହାଲ୍‌ଜି ମାଚାର୍, ହେୱାର୍ ର ନାଗୁଡ଼୍ ଲାଗାୟ୍ ୱାତାର୍।

![](https://cdn.door43.org/obs/jpg/360px/obs-en-45-11.jpg)

ଇଥିଓପିଆ ମାନାୟ୍ ୱେଚ୍‌ଚାନ୍, “ହୁଡ଼ା! ଇବେ ଇଚୁଡ଼ିଙ୍ଗ୍ ଏଜୁଙ୍ଗ୍ ମାନିକ୍! ଆନେଙ୍ଗ୍ ଡୁବନ୍ ଅଦେଙ୍ଗ୍ ଆଡ୍‌ନାଙ୍ଗ୍ କି?” ଆରେ ତା ରଥ ଚାଲାଇ କିନାକାନିଙ୍ଗ୍ ରଥ ଟେବାଇ କିଦେଙ୍ଗ୍ ୱେଚ୍‌ଚାନ୍। ଲାଗିଙ୍ଗ୍ ହେୱାର୍ ନାଗୁଡ଼୍‌ତାକେ ବିତ୍ରେ ହାଚାର୍, ଆରେ ଫିଲିପ ହେ ଇଥିଓପିଆଙ୍ଗ୍ ଡୁବନ୍ ହିତାନ୍।

![](https://cdn.door43.org/obs/jpg/360px/obs-en-45-12.jpg)

ହେୱାର୍ ଏଜୁଙ୍ଗ୍ ତାଙ୍ଗ୍ ନିଙ୍ଗ୍‌ଜି ୱାତି ପାଚେ, ପବିତ୍ର ଆତ୍ମା ଫିଲିପତିଙ୍ଗ୍ ଜେକନି ର ବାହାତାକେ ଅସାହାଚାତ୍ ଇମେତାକେ ହେୱାନ୍ ଯୀଶୁ ବିଷୟରେ ମାନାୟାରିଙ୍ଗ୍ ୱିଜୁଦିନ୍‌ ୱେଚ୍‌ଚେଙ୍ଗ୍ ଲାଗାତାନ୍।

![](https://cdn.door43.org/obs/jpg/360px/obs-en-45-13.jpg)

ଇଥିଓପିଆ ତା ଇଲ୍ ନିପଣ୍ ହାଚାନ୍, ହେୱାନ୍ ୱାରି ଆତାନ୍ ଯେ ହେୱାନ୍ ଯୀଶୁଙ୍ଗ୍ ପୁଚାନ୍।

*ବାଇବଲ୍‌ନି ର କାତା: ପ୍ରେରିତ ୬: ୮- ୮: ୫; ୮: ୨୬- ୪୦: ୪୬*

## 46. ୪୬. ସ୍ତିପାନତିଙ୍ଗ୍ ମାର୍ନେ ଅସ୍ତି ମାନାୟାର୍ ହେନ୍ଦ୍ରାକାଙ୍ଗ୍ କାସିମାନି ଜୁବା ହିମ୍‌ଣା ଆନାନା ସାଉଲ

https://openbiblestories.org/l/peg/story-46/

![](https://cdn.door43.org/obs/jpg/360px/obs-en-46-01.jpg)

ଇୱାନ୍ ଯୀଶୁତାକେ ପାର୍ତି କିୱାତାନ୍, ଲାଗିଙ୍ଗ୍ ପାର୍ତିକିନାକାରିଙ୍ଗ୍ ହେୱାନ୍ ଦୁକ୍‌କଷ୍ଟ ହିଜି ମାଚାନ୍। ହେୱାନ୍ ଯିରୁଶାଲାମ ସହର୍‌ତାକେ ମାନି ପାର୍ତି କିନାକାର୍ ଇଞ୍ଜ ହଣ୍‌ଜି ୱିଜୁ ଆଣ୍ଡ୍ରା ଆରେ କଗ୍‌ଲେକାଙ୍ଗ୍ ଗାଚ୍‌ଚି-ଗାଚ୍‌ଚି ତାହିୱାଜି ମାଚାନ୍ ଆରେ ଜଇଲ୍ ଇଞ୍ଜ ବନ୍ଦିକିଜି ମାଚାନ୍। ଦମେସକତାକେ ମାନି ଖ୍ରୀଷ୍ଟାନାରିଙ୍ଗ୍ ଇନେସ୍ ଶାଉଲ ଆସ୍ତି ଯିରୁଶାଲାମ ସହର୍‌ତାକେ ତାସିୱାନି କାଜିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରି ହେୱାନିଙ୍ଗ୍ ଆଦେସ୍ ହିଜି ମାଚାନ୍। ଶାଉଲ ଏଚେପାଦ୍ନା ଦମେସକ ହାଜ୍‌ଦିଙ୍ଗ୍ ହାଲ୍‌ଜି ମାଚାନ୍, ବାଦାଡ଼୍‌ତାଙ୍ଗ୍ ର ବେସି ଅଜଡ଼୍ ତା ଚାରିବେଣ୍‌ତାଙ୍ଗ୍ ଆତାତ୍ ଆରେ ହେୱାନ୍ ମେନ୍‌ଦିତାକେ ଗୁର୍‌ତାନ୍।

![](https://cdn.door43.org/obs/jpg/360px/obs-en-46-02.jpg)

ଇନେର୍ ରକାନ୍ ଇଦାଙ୍ଗ୍ ୱେଚ୍‌ନାକା ଶାଉଲ ୱେଚ୍‌ଚାନ୍, “ଶାଉଲ! ଶାଉଲ! ଏନେଙ୍ଗ୍ ଇନାକିଦେଙ୍ଗ୍ ନାଙ୍ଗେଙ୍ଗ୍ ଦୁକ୍‌କଷ୍ଟ ହିଦ୍‌ନାୟା?” ଶାଉଲ ୱେନ୍‌ବାତାନ୍, “ମାପୃ, ଏନେଙ୍ଗ୍ ଇନେର୍?” ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଯୀଶୁ। ଏନେଙ୍ଗ୍ ନାଙ୍ଗେଙ୍ଗ୍ ଦୁକ୍‌କଷ୍ଟ ହିଦ୍‌ନାୟା।ଶାଉଲ ଏଚେପାଦ୍ନା ନିଙ୍ଗ୍‌ତାନ୍, ହେୱାନ୍ ଅଲପ୍ ପା ହୁଡ଼୍‌ଦେଙ୍ଗ୍ ଆଡ୍‌ୱାତାନ୍।”

![](https://cdn.door43.org/obs/jpg/360px/obs-en-46-03.jpg)

ତା ସାଙ୍ଗହିର୍ ହେୱାନିଙ୍ଗ୍ କେଇଦ ଆସ୍ତି ଦମେସକ ସହର୍‌ତାକେ ଅସାହାଚାର୍। ଶାଉଲ ତିନ୍‌ଦିନ୍ ପାତେକ୍ ଇନାକା ତିନ୍‌ୱାତାନ୍ କି ଉଣ୍‌ୱାତାନ୍। ହନନିୟ ତର୍‌ଦାକାନ୍ ରକାନ୍ ଚେଲାହି ଦମେସକ ସହର୍‌ତାକେ ମାଚାନ୍।

![](https://cdn.door43.org/obs/jpg/360px/obs-en-46-04.jpg)

ଈଶ୍ୱର ହେୱାନିଙ୍ଗ୍ ୱେଚ୍‌ଚାନ୍, “ଶାଉଲ ମାନି ଇଞ୍ଜ ହାଲା। ତା ଜପି କେଇ ଇଡ଼୍‌ଜି ପାର୍ତାନା କିୟା ଇନେସ୍‌କି ହେୱାନ୍ ହୁଡ଼୍‌ଦେଙ୍ଗ୍ ଆଡ୍‌ନାନ୍।” ମାତର୍ ହନନିୟ ୱେଚ୍‌ଚାନ୍, “ମାପୃ, ଇୱାନ୍ ଇନେସ୍ ପାର୍ତିକିନାକାରିଙ୍ଗ୍ ଦୁକ୍‌କଷ୍ଟ କିତାନ୍‌ନା ହେଦାଙ୍ଗ୍ ଆନେଙ୍ଗ୍ ୱେଚାଙ୍ଗ୍‌ନା।” ଈଶ୍ୱର ହେୱାନିଙ୍ଗ୍ ୱେଚ୍‌ଚାନ୍, “ହାଲା! ଯିହୁଦି ଆରେ ଜେକନି ମାନାୟ୍ ଦଳ୍ ଲାଗାୟ୍ ନା ତର୍ ୱେଚ୍‌ନି କାଜିଙ୍ଗ୍ ଆନେଙ୍ଗ୍ ହେୱାନିଙ୍ଗ୍ ବାଚି କିତାଙ୍ଗ୍‌ନା। ହେୱାନ୍ ନା ତର୍ କାଜିଙ୍ଗ୍ ବେସି ଦୁକ୍‌କଷ୍ଟ ପାୟାଆନାନ୍। ଲାଗିଙ୍ଗ୍ ହନନୀୟ ଶାଉଲ ମାନି ଇଞ୍ଜ ହାଚାନ୍, ତା ଜପି ତା କେଇ ଇଡ଼୍‌ଜି ପାର୍ତାନା କିତାନ୍ ଆରେ ୱେଚ୍‌ଚାନ୍, “ଏନେଙ୍ଗ୍ ଇବେ ୱାନିହିଙ୍ଗ୍ ଇମ୍‌ଣି ଯୀଶୁ ନିଙ୍ଗେଙ୍ଗ୍ ଚଞ୍ଜି ଆତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ନି ଲାଗାୟ୍ ପକ୍ତାତାନ୍‌ନା ଇନେସ୍‌କି ଏନେଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ନାୟ୍ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆନାୟ୍।”

![](https://cdn.door43.org/obs/jpg/360px/obs-en-46-05.jpg)

ଶାଉଲ ସାଙ୍ଗେ-ସାଙ୍ଗେ ହୁଡ଼୍‌ଦେଙ୍ଗ୍ ଆଡ଼୍‌ତାନ୍, “ହନନୀୟ ହେୱାନିଙ୍ଗ୍ ଡୁବନ୍ ହିତାନ୍। ତାପାଚେ ଶାଉଲ ଇଚ୍‌କେ କାଦି ଚିଚାନ୍ ଆରେ ଶାକ୍ତି ପାୟାଆତାନ୍।” ହେଦାପ୍ରେ ଶାଉଲ ଦମେସକ ସହର୍‌ତାକେ ମାନି ଯିହୁଦିର୍ ଲାଗାୟ୍ ଇଦାଙ୍ଗ୍ ଶୁଣାୟ୍ କିଦେଙ୍ଗ୍ ଆରମ୍ କିତାନ୍ ଯୀଶୁ ନେ ଈଶ୍ୱର ମେହି।

![](https://cdn.door43.org/obs/jpg/360px/obs-en-46-06.jpg)

ଇମ୍‌ଣି ମାନାୟ୍ ପାର୍ତିକିନାକାରିଙ୍ଗ୍ ନଷ୍ଟ କିନି କାଜିଙ୍ଗ୍ ଉପାୟ୍ କିଜି ମାଚାନ୍ ଆରେ ହେୱାନ୍ ନଙ୍ଗୟ୍ ଯୀଶୁତାକେ ପାର୍ତି କିନାନ୍ ହେ ବିଷୟରେ ଯିହୁଦିର୍ ଚାନିଆ ଆତାର୍। ଶାଉଲ ଯିହୁଦିର୍ ହୁଦାଙ୍ଗ୍ ଜୁକ୍ତିକିଜି ଚଚ୍‌ଚାନ୍, “ଯୀଶୁ ନେ ଖ୍ରୀଷ୍ଟ।” କେତ୍‌ଦିନ୍ ହାଚି ପାଚେ, ଶାଉଲତିଙ୍ଗ୍ ମାର୍ନେ ଅହ୍‌ନି କାଜିଙ୍ଗ୍ ଯିହୁଦିର୍ ଉପାୟ୍ କିତାର୍।

![](https://cdn.door43.org/obs/jpg/360px/obs-en-46-07.jpg)

ହେୱାର୍ ହେୱାନିଙ୍ଗ୍ ମାର୍ନେ ଅହ୍‌ନି କାଜିଙ୍ଗ୍ ଦେସ୍‌ନି ଦୁୱାର୍‌ତାକେ କାତେଙ୍ଗ୍ ମାନାୟାରିଙ୍ଗ୍ ପକ୍ତାର୍। ମାତର୍ ଶାଉଲ ହେ ଉପାୟ୍ କିତି ବିଷୟରେ ୱେଚାନ୍, ଆରେ ହେବେତାଙ୍ଗ୍ ହୁଗ୍‌ଜି ହାନି କାଜିଙ୍ଗ୍ ତା ସାଙ୍ଗହିର୍ ସାଇଜ କିତାର୍। ରଦିନ୍‌ ନାଣା ହେୱାର୍ ର ଟପାତାକେ ହେୱାନିଙ୍ଗ୍ ବାଉଣ୍ଡେରି ଜପିତାଙ୍ଗ୍ ତାରେନ୍ ଜୁତ୍‌ତାର୍। ଶାଉଲ ଦମେସକ ସହର୍‌ତାଙ୍ଗ୍ ଡ଼ୁଗ୍‌ଜି ହାଚି ପାଚେ, ହେୱାନ୍ ଯୀଶୁ ବିଷୟରେ ଶୁଣାୟ୍ କିଜି ବୁଲାଆତାନ୍। ଶାଉଲ ଚେଲାହିର୍ ହୁଦାଙ୍ଗ୍ ଗିଟାଆନି କାଜିଙ୍ଗ୍ ଯିରୁଶାମ ସହର୍‌ତାକେ ହାଚାନ୍, ମାତର୍ ହେୱାର୍ ହେୱାନିଙ୍ଗ୍ ପାଣ୍ଡ୍ରାଆଜି ମାଚାର୍।

![](https://cdn.door43.org/obs/jpg/360px/obs-en-46-08.jpg)

ତାପାଚେ ବର୍ଣ୍ଣବା ତର୍‌ଦାକାନ୍ ରକାନ୍ ପାର୍ତିକିନି ଚେଲାହିର୍ ଲାଗାୟ୍ ଶାଉଲତିଙ୍ଗ୍ ଅସାହାଚାନ୍ ଆରେ ହେୱାରିଙ୍ଗ୍ ୱେଚ୍‌ଚାନ୍‌ ଯେ ଇୱାନ୍ ଇନେସ୍ ଦମେସକ ସହର୍‌ତାକେ ସାହାସ୍ ହୁଦାଙ୍ଗ୍ ଈଶ୍ୱର କାତା ଶୁଣାୟ୍ କିଜି ମାଚାନ୍। ତାପାଚେ ଚେଲାହିର୍ ଶାଉଲତିଙ୍ଗ୍ କୁକ୍ତାର୍। ଇମ୍‌ଣି ପାର୍ତିକିନାକାର୍ ଦୁକ୍‌କଷ୍ଟ କାଜିଙ୍ଗ୍ ଯିରୁଶାଲାମ ସହର୍ ପିସ୍ତି ହାଲ୍‌ଜି ମାଚାର୍, ହେୱାର୍ ଆନ୍ତିୟକିଆ ସହର୍ ପାତେକ୍ ହାଲ୍‌ଜି ଯୀଶୁ ବଷୟରେ ଶୁଣାୟ୍ କିଦେଙ୍ଗ୍ ଲାଗାତାର୍।

![](https://cdn.door43.org/obs/jpg/360px/obs-en-46-09.jpg)

ଆନ୍ତିୟକିଆ ସହର୍‌ତାକେ ମାନି କେତେକ୍ ମାନାୟ୍ ଯିହୁଦି ହିଲ୍‌ୱାତାର୍, ମାତର୍ ପାର୍ତୁମ୍ ହଟ୍ କାଜିଙ୍ଗ୍ ହେୱାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ପାର୍ତିକିତାର୍। ବର୍ଣ୍ଣବା ଆରେ ଶାଉଲ ହେବେ ମାନି ପୁନି ପାର୍ତିକିନାକାରିଙ୍ଗ୍ ଯୀଶୁ ବିଷୟରେ ଆଦିକ୍ ଶିକ୍ଷା ହିନି କାଜିଙ୍ଗ୍ ଆରେ ମଣ୍ଡ୍‌ଲିତିଙ୍ଗ୍ ବାଡ଼୍‌କାସ୍‌ କିନି କାଜିଙ୍ଗ୍ ହାଚାର୍। ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ମାନି ପାର୍ତିକିନାକାରିଙ୍ଗ୍ ପାର୍ତୁମ୍ ଖ୍ରୀଷ୍ଟାନ୍ ଇଞ୍ଜି ୱେଚ୍‌ଚାର୍। ଦିନେକ୍ ଆନ୍ତିୟକିଆ ମଣ୍ଡ୍‌ଲିତାକେ ମାନି ଖ୍ରୀଷ୍ଟାନାର୍ ଉପାସ୍ ଆରେ ପାର୍ତାନା କିନିହିଙ୍ଗ୍ ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, ବର୍ଣ୍ଣବା ଆରେ ଶାଉଲତିଙ୍ଗ୍ ଇମ୍‌ଣି କାମାୟ୍ କାଜିଙ୍ଗ୍ ଆନେଙ୍ଗ୍ କୁକ୍ତାଙ୍ଗ୍‌ନା। ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ନା କାଜିଙ୍ଗ୍ ଜେକ କିୟାଟ୍।

![](https://cdn.door43.org/obs/jpg/360px/obs-en-46-10.jpg)

ଲାଗିଙ୍ଗ୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ମାନାୟାର୍‌ ବର୍ଣ୍ଣବା ଆରେ ଶାଉଲ କାଜିଙ୍ଗ୍ ପାର୍ତାନା କିଜି ହେୱାର୍ ଜପି କେଇ ଇଡ଼୍‌ତାର୍। ତାପାଚେ ହେୱାର୍ କେତେକ୍ ବାହାତାକେ ଯୀଶୁ ବିଷୟରେ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ହେୱାରିଙ୍ଗ୍ ପକ୍ତାର୍। “ବର୍ଣ୍ଣବା ଆରେ ଶାଉଲ ବାରବିନି ମାନାୟ୍ ଦଳ୍‌ତିଙ୍ଗ୍ ହିକ୍ଷା ହିଦେଙ୍ଗ୍ ଲାଗାତାର୍“ ଆରେ କେତେକ୍ ମାନାୟାର୍‌ ଯୀଶୁତାକେ ପାର୍ତିକିଦେଙ୍ଗ୍ ଲାଗାତାର୍।

*ବାଇବଲ୍‌ନି ର କାତା: ପ୍ରେରିତ ୮: ୩; ୯: ୧- ୩୧; ୧୧: ୧୯- ୨୬; ୧୩: ୧- ୩୪୭*

## 47. ୪୭.ଶାଉଲ ରୋମିୟ ରାଜି ୱିଜୁନିପଣ୍ ବୁଲା ଆନିହିଙ୍ଗ୍ ହେୱାନ୍ ତା ରୋମିୟ ତର୍ ପାଉଲ ଇଞ୍ଜି ବ୍ୟବହାର୍ କିଜିମାଚାନ୍‌।

https://openbiblestories.org/l/peg/story-47/

![](https://cdn.door43.org/obs/jpg/360px/obs-en-47-01.jpg)

ଦିନେକ୍ ପାଉଲ ଆରେ ତା ସାଙ୍ଗହି ଶୀଲା ଫିଲିପ ସହର୍‌ତାକେ ଯୀଶୁତି ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ହାଚାର୍।ହେୱାର୍ ସହର୍ ବାର୍‌ତ ନାଗୁଡ଼୍ କାଣ୍ଡିତାକେ ମାନି ର ବାହାତାକେ ହାଚାର୍ ହେବେ ମାନାୟାର୍ ପାର୍ତାନା କିଦେଙ୍ଗ୍ ରବେ ଆତାର୍।ହେବେ ହେୱାର୍ ଲୁଦିଆ ତର୍‌ଦାକା ରଞ୍ଜେଲ୍‌ ବେପାର୍ କିନି କଗ୍‌ଲେଙ୍ଗ୍ ହୁଡ଼୍‌ତାର୍।ହେଦେଲ୍‌ ଈଶ୍ୱରତିଙ୍ଗ୍ ଲାଡ୍ କିଜି ମାଚାତ୍ ଆରେ ହେବା କିଜି ମାଚାତ୍।ଯୀଶୁ ବିଷୟନି କାତାତିଙ୍ଗ୍ ଇନେସ୍ ଲୁଦିଆ ସହର୍‌ନିକାର୍ ପାର୍ତି କିନାର୍ ଇଦାଙ୍ଗ୍ କାଜିଙ୍ଗ୍ ଈଶ୍ୱର ତା କାଣ୍‌କୁ ଜେୟାଆତିକ୍, ଆରେ ହେଦେଲ୍‌ ଆରେ ତା ପରିବାର୍ ଡୁବନ୍ ଅତାର୍।

![](https://cdn.door43.org/obs/jpg/360px/obs-en-47-02.jpg)

ହେଦେଲ୍‌ ପାଉଲ ଆରେ ଶିଲାଙ୍ଗ୍ ତାଞ୍ଜ ମାନି କାଜିଙ୍ଗ୍ କୁକ୍ତାତ୍, ଲାଗିଙ୍ଗ୍ ହେୱାର୍ ତା ହୁଦାଙ୍ଗ୍ ଆରେ ତା ପରିବାର୍ ହୁଦାଙ୍ଗ୍ ମାଚାର୍।ପାଉଲ ଆରେ ଶୀଲା ପାର୍ତାନା ବାହାତାକେ କେତେକ୍ ସମୟତ ମାନାୟାରିଙ୍ଗ୍ ମାହାଆଜି ମାଚାର୍।

![](https://cdn.door43.org/obs/jpg/360px/obs-en-47-03.jpg)

ୱିଜୁଦିନ୍ ଲେକେ ହେୱାର୍ ଏଚେପାଦ୍ନା ହେ ପାର୍ତାନା ବାହାତାକେ ହାଲ୍‌ଜି ମାଚାର୍, ହେପାଦ୍ନା ବୁତ୍ ଡୁୟାଆତି ରଞ୍ଜେଲ୍ ଜିପଲି ତା ପାଚେ-ପାଚେ ହାଲ୍‌ଜି ମାଚାତ୍।ଇ ବୁତ୍ ସାଇଜତାଙ୍ଗ୍ ହେଦେଲ୍‌ ନଙ୍ଗୟ୍‌ନି ବିଷୟରେ ମାନାୟାରିଙ୍ଗ୍ ୱେଚ୍‌ଚେଙ୍ଗ୍ ଆଡ଼୍‌ଦେଙ୍ଗ୍ ମାଚାନ୍, ଲାଗିଙ୍ଗ୍ ହେଦେଲ୍ ତା ମାଲିକ୍ କାଜିଙ୍ଗ୍ ନଙ୍ଗୟନି କାତା ୱେଚ୍‌ଚି ହେଦେଲ୍‌ ବେସି ଡାବୁଙ୍ଗ୍ ଆର୍ଜାଆଜି ମାଲିକ୍‌ତିଙ୍ଗ୍ ହିଜି ମାଚାତ୍।ହେୱାର୍ ତାଙ୍ଗ୍‌ଜି ହାନିହିଙ୍ଗ୍ ହେ ବୁତ୍ ଡୁୟାଆତି ଦାସି ୱିଜୁଦିନ୍ ଗାଜା କାଟ୍‌ତାଙ୍ଗ୍ ୱେଚ୍‌ଚି ମାଚାତ୍‌, ଇ ମାନାୟାର୍ ୱିଜୁତାଙ୍ଗ୍ ଶାକ୍ତିକାଟି ଗାଜା ଈଶ୍ୱର ଦାସ୍‌ନି ମାନାୟାର୍‌।

![](https://cdn.door43.org/obs/jpg/360px/obs-en-47-04.jpg)

ହେୱାର୍ ଉଦାର୍ ପାୟାଆନି ଉପାୟ୍ ହେଚ୍‌ଚାନାରା। ହେଦେଲ୍‌ କେତେକ୍ ସମୟ୍ ଇଲେକେ ୱେଚ୍‌ଚାତ୍, ପାଉଲ ଇଦାଙ୍ଗ୍ ୱେନ୍‌ଞ୍ଜି-ୱେନ୍‌ଞ୍ଜି ରିସା ଆତାନ୍। ହାରିହାରା ଏଚେପାଦ୍ନା ହେ ଦାସି କଗ୍‌ଲେ ଚେରାଆଜି ୱେଚ୍‌ଚେଙ୍ଗ୍ ଲାଗାତାତ୍, ପାଉଲ ଲେଉଟାଆଜି ହେ ଦାସିତାକେ ମାନି ଆତ୍ମାତିଙ୍ଗ୍ ୱେଚ୍‌ଚାନ୍, “ଯୀଶୁ ତର୍‌ଦାଙ୍ଗ୍ ଇବେତାଙ୍ଗ୍ ହସି ହାଲା।”

![](https://cdn.door43.org/obs/jpg/360px/obs-en-47-05.jpg)

ହେଦାପ୍ରେ ହେ ବୁତ୍ ହେଦେଲିଙ୍ଗ୍ ପିସ୍ତି ହାଚାତ୍। ଇମ୍‌ଣି ମାନାୟ୍ ହେ ଦାସି ଗାଡ଼୍‌ଚେଙ୍ଗ୍ ତା ତାରେନ୍ ଇଡ଼୍‌ଜି ମାଚାନ୍, “ହେୱାନ୍ ବେସି ରିସା ଆତାନ୍।”

![](https://cdn.door43.org/obs/jpg/360px/obs-en-47-06.jpg)

ହେୱାର୍ ଚିନ୍ତା କିତାର୍ ଯେ ବୁତ ବାଦୁଲ୍ ହେ ଦାସି ଗାଡ଼୍‌ଚେ ମାନାୟାର୍ ନଙ୍ଗୟନି କାତାତିଙ୍ଗ୍ ୱେଚ୍‌ଚେଙ୍ଗ୍ ଆଡୁତ୍‌। ଇଦାଙ୍ଗ୍‌ନି ଅର୍ତ ଆନାତା ମାନାୟାର୍ ନଙ୍ଗୟନି ବେଣ୍‌ ୱେଚ୍‌ନି କାଜିଙ୍ଗ୍ ହେୱାର୍ ହେ ଦାସି ଗାଡ଼୍‌ଚେନି ମାଲିକ୍‌ତିଙ୍ଗ୍ ଆରେ ଡାବୁଙ୍ଗ୍ ହିଉର୍।ଲାଗିଙ୍ଗ୍ ହେ ଦାସି ଗାଡ଼୍‌ଚେନି ମାଲିକାର୍ ପାଉଲ ଆରେ ଶୀଲାଙ୍ଗ୍ ରୋମିୟ ସର୍‌କାର୍‌ ଲାଗାୟ୍ ଅସାହାଚାର୍, ହେୱାର୍ ପାଉଲ ଆରେ ଶୀଲାଙ୍ଗ୍ ଟ୍ରାକ୍‌ଚି ବିତ୍ରେ ବନ୍ଦି କିତାର୍।

![](https://cdn.door43.org/obs/jpg/360px/obs-en-47-07.jpg)

ହେୱାର୍ ପାଉଲ ଆରେ ଶିଲାଙ୍ଗ୍ ଜଇଲ୍ ଇଲ୍‌ନି ବେସି ହାର୍‌ଦି ବାହାତାକେ ଇଡ଼୍‌ଜି ହେୱାର୍ କାଲ୍‌କୁକାଙ୍ଗ୍ ଗାଚ୍‌ଚାର୍।

![](https://cdn.door43.org/obs/jpg/360px/obs-en-47-08.jpg)

ଆତିସ୍‌ପା ମାଦିମାଦା ନାଣା ହେୱାର୍ ଈଶ୍ୱର ଲାଗାୟ୍ ଗୌରବନି କେର୍‌କଣିଙ୍ଗ୍ କେର୍‌ଦେଙ୍ଗ୍ ଲାଗାତାର୍।ହେଦାପ୍ରେ ବେସି ବୟଙ୍କାର୍‌ ବୁମିକମ୍ଫ ଆତାତ୍।

![](https://cdn.door43.org/obs/jpg/360px/obs-en-47-09.jpg)

ଜଇଲ୍ ଇଞ୍ଜ ମାନି ୱିଜୁ କାପାଟିଙ୍ଗ୍ ଜେୟାଆତାତ୍, ଆରେ ୱିଜୁ ବନ୍ଦି ଆତି ମାନାୟାର୍‌ କେଇଦାଙ୍ଗ୍ ହିକ୍‌ଡ଼ିଙ୍ଗ୍ ୱିଜୁ ନାଡ଼୍‌ଜି ହାଚିକ୍‌।ଜଇଲ୍ ଇଲ୍‌ନି ଜାଗୁୱାଡ଼ି ହୁନ୍‌ଞ୍ଚାକାନ୍ ନିଙ୍ଗ୍‌ତାନ୍, ଆରେ ଏଚେପାଦ୍ନା ହେୱାନ୍ ହୁଡ଼୍‌ତାନ୍ ଜଇଲ୍ ଇଲ୍‌ନି କାପାଟିଙ୍ଗ୍ ୱିଜୁ ଜେୟାଆତିକ୍‌ନା, ହେୱାନ୍ ପାଣ୍ଡ୍ରା ଆତାନ୍।

![](https://cdn.door43.org/obs/jpg/360px/obs-en-47-10.jpg)

ହେୱାନ୍ ବାବିକିତାନ୍ ଯେ ୱିଜାକାର୍ ବନ୍ଦି ଆତାକାର୍ ହାଚାର୍, ଲାଗିଙ୍ଗ୍ ହେୱାନ୍ ଜାର୍‌ତିଙ୍ଗ୍ ଜାର୍ ଅହିଆଦେଙ୍ଗ୍ ଉପାୟ୍ କିତାନ୍।(ହେୱାନ୍ ପୁଚାନ୍ ଯେ ରୋମିୟ ସର୍‌କାର୍‌ ହେୱାନିଙ୍ଗ୍ ମାର୍ନେ ଅହ୍‌ନାନ୍ ଯଦି ହେୱାନ୍ ବନ୍ଦିଆତାକାରିଙ୍ଗ୍ ହାଞ୍ଜେଙ୍ଗ୍ ଆଦେସ୍‌ ହିନାନ୍।) ମାତର୍ ପାଉଲ ହେୱାନିଙ୍ଗ୍ ହୁଡ଼୍‌ଜି ଚେରାଆଜି ନିଙ୍ଗ୍‌ତାନ୍, ମାନା ଜାର୍‌ତିଙ୍ଗ୍ ଗାଉ କିମା। ଆପେଙ୍ଗ୍ ୱିଜାକାପ୍ ଇବେ ମାନାପ୍।ଜଇଲ୍ ଇଲ୍‌ନି ଜାଗୁୱାଡ଼ି ଏଚେପାଦ୍ନା ପାଉଲ ଆରେ ଶୀଲା ଲାଗାୟ୍ ୱାତାନ୍‌, ହେୱାନ୍ ପାଣ୍ଡ୍ରୁତିଙ୍ଗ୍ ତ୍ରିଗ୍‌ଜି ମାଚାନ୍ ଆରେ ୱେଚ୍‌ଚାନ୍, “ଉଦାର୍ ପାୟାଆନି କାଜିଙ୍ଗ୍ ଆନେଙ୍ଗ୍ ଇନାକା କିନାଙ୍ଗ୍?”

![](https://cdn.door43.org/obs/jpg/360px/obs-en-47-11.jpg)

ପାଉଲ ୱେଚ୍‌ଚାନ୍, “ଯୀଶୁତାକେ ପାର୍ତି କିୟାଟ୍, ଲାଗିଙ୍ଗ୍ ଏପେଙ୍ଗ୍ ଆରେ ମି ପରିବାର୍ ଉଦାର୍ ପାୟାଆନାଦେର୍।” ତାପାଚେ ହେ ଜଇଲ୍ ଇଲ୍‌ନି ଜାଗୁୱାଡ଼ି ପାଉଲ ଆରେ ଶୀଲାଙ୍ଗ୍ ତାଞ୍ଜ ଅଜି ହେୱାର୍ ଗାଉ ୱିଜୁ ନୁଜ୍‌ଦି ହିତାନ୍। ତାଞ୍ଜ ମାନି ୱିଜାକାରିଙ୍ଗ୍ ପାଉଲ ଯୀଶୁ ବିଷୟରେ ହାର୍‌ଦିକାବୁର୍ ଶୁଣାୟ୍‌ କିତାନ୍‌। ଜଇଲ୍ ଇଲ୍‌ନି ଜାଗୁୱାଡ଼ି ଆରେ ତା ପରିବାର୍ ୱିଜାକାର୍ ପାର୍ତିକିଜି ଡୁବନ୍ ଅତାର୍।

![](https://cdn.door43.org/obs/jpg/360px/obs-en-47-12.jpg)

ଜଇଲ୍ ଇଲ୍‌ନି ଜାଗୁୱାଡ଼ି ପାଉଲ ଆରେ ଶିଲାଙ୍ଗ୍ ଚିଞ୍ଜେଙ୍ଗ୍ ହିତାନ୍ ଆରେ ହେୱାର୍ ୱିଜାକାର୍ ରବେ ଆଜି ୱାରି ଆତାର୍।ଆର୍‌କାତ୍ ନାଞ୍ଜିଙ୍ଗ୍ ଦେସ୍‌ନି ନେତାର୍ ପାଉଲ ଆରେ ଶିଲାଙ୍ଗ୍ ଜଇଲ୍ ଇଞ୍ଜାଙ୍ଗ୍ ମୁକ୍ତି କିତାର୍ ଆରେ ହେୱାରିଙ୍ଗ୍ ଫିଲିପ ସହର୍‌ତାଙ୍ଗ୍ ହାଞ୍ଜେଙ୍ଗ୍ ୱେଚ୍‌ଚାର୍।

![](https://cdn.door43.org/obs/jpg/360px/obs-en-47-13.jpg)

ପାଉଲ ଆରେ ଶିଲା ଲୁଦିଆ ଆରେ ଜେକନି କେତେକ୍ ସାଙ୍ଗରିଙ୍ଗ୍ ଗିଟାଆତି ପାଚେ ହେୱାର୍ ହେ ଦେସ୍ ପିସ୍ତାର୍।ଯୀଶୁ ବିଷୟରେ ହାର୍ଦିକାବୁର୍ ବିଚାଆଦେଙ୍ଗ୍ ଲାଗାତାତ୍, ଆରେ ମଣ୍ଡ୍‌ଲି ପା ବାଡାଆଦେଙ୍ଗ୍ ଲାଗାତାତ୍।ପାଉଲ ଆରେ ଜେକନି ଖ୍ରୀଷ୍ଟାନ୍ ନେତାର୍ କେତେକ୍ ଦେସ୍‌କୁକାଙ୍ଗ୍ ବୁଲାଆତାର୍ ଆରେ ଯୀଶୁତି ହାର୍ଦିକାବୁର୍ ଶୁଣାୟ୍ କିଜି ହିକ୍ଷା ହିଦେଙ୍ଗ୍ ଲାଗାତାର୍।

![](https://cdn.door43.org/obs/jpg/360px/obs-en-47-14.jpg)

ହେୱାର୍ ମଣ୍ଡ୍‌ଲିକାଙ୍ଗ୍ ମାନି ପାର୍ତିକିନାକାରିଙ୍ଗ୍ ତ୍ରିକାଡ଼୍ କିୟିକିଦେଙ୍ଗ୍ ଆରେ ହିକ୍ଷା ହିନି କାଜିଙ୍ଗ୍ କେତେକ୍ ଚିଟିଙ୍ଗ୍ ଲେକିକିତାର୍।ଇ ଚିଟିଙ୍ଗ୍ ବିତ୍ରେତାଙ୍ଗ୍ ଇଚ୍‌କେ ବାଇବଲ୍‌ତାକେ ବହିଙ୍ଗ୍ ଆତାତ୍।

*ବାଇବଲ୍‌ନି ର କାତା: ପ୍ରେରିତ ୧୬: ୧୧- ୪୦; ୪୮*

## 48. ୪୮. ଈଶ୍ୱର ଏଚେପାଦ୍ନା ପୁର୍ତିତିଙ୍ଗ୍ ରସ୍ତାନ୍, ହେପାଦ୍ନା ୱିଜୁ ବିଷୟ ପୁରା ଆଜି ମାଚାତ୍।

https://openbiblestories.org/l/peg/story-48/

![](https://cdn.door43.org/obs/jpg/360px/obs-en-48-01.jpg)

ହେପାଦ୍ନା ଇନା ପାପ୍ ପା ହିଲାତାତ୍।ଆଦମ ଆରେ ହବା ଜାର୍-ଜାର୍ ଲାଡ୍‌ ଜିକି ମାଚାର୍ ଆରେ ହେୱାର୍ ଈଶ୍ୱରତିଙ୍ଗ୍ ଲାଡ୍ କିଜି ମାଚାନ୍।ହେପାଦ୍ନା ଇନା ବେମାର୍ କି ହାଃନାକା ହିଲାତାତ୍।ପୁର୍ତିନି ମାନାୟାର୍‌ ପା ଇଲେକେ ନେ ଆୟେର୍‌ ଇଞ୍ଜି ଈଶ୍ୱର ଇଚାକିଜି ମାଚାନ୍।ହବାଙ୍ଗ୍ ଟକାୟ୍‌ କିନି କାଜିଙ୍ଗ୍ ଶୟତାନ ର ରାଚ୍‌ତାଙ୍ଗ୍ ବେଣ୍ ୱେଚ୍‌ଚାନ୍।

![](https://cdn.door43.org/obs/jpg/360px/obs-en-48-02.jpg)

ତାପାଚେ ହବା ଆରେ ଆଦମ ଈଶ୍ୱର ବିରଦ୍‌ତାକେ ପାପ୍ କିତାର୍।ଇନେସ୍‌କି ହେୱାର୍ ପାପ୍ କିତାର୍, ହେଦାଙ୍ଗ୍ କାଜିଙ୍ଗ୍ ପୁର୍ତିତାକେ ମାନି ୱିଜାକାର୍ ବେମାର୍ ଆନାର୍ ଆରେ ୱିଜାକାର୍ ହାଃନାର୍।ଇନେସ୍‌କି ଆଦମ ଆରେ ହବା ପାପ୍ କିଜି ମାଚାର୍, ଇଦାଙ୍ଗ୍‌ତାଙ୍ଗ୍ ଆଦିକ୍ ବୟଙ୍କାର୍ ବିଷୟ ଗଟାଆତାତ୍।

![](https://cdn.door43.org/obs/jpg/360px/obs-en-48-03.jpg)

ହେୱାର୍ ଈଶ୍ୱରତିଙ୍ଗ୍ ଶତ୍ରୁ ଆତାର୍।ଇ ପାଡ଼୍ ଲେକେ, ହେ ଦିନ୍‌ତାଙ୍ଗ୍ ଜନମ୍ ଆନି ୱିଜାକାର୍ ମାନାୟ୍ ପାପ୍ ବ୍ୟବହାର୍‌ତାଙ୍ଗ୍ ଜନମ୍ ଆନାର୍ ଆରେ ଈଶ୍ୱରତିଙ୍ଗ୍ ଶତ୍ରୁ ଆନାର୍।ଈଶ୍ୱର ଆରେ ମାନାୟ୍ ବିତ୍ରେ ମାନି ରୱାଣ୍‌ ପାପ୍ କାଜିଙ୍ଗ୍ ବାଙ୍ଗାଆଜି ମାଚାତ୍।ମାତର୍ ହେ ରୱାଣ୍‌ତିଙ୍ଗ୍ ଆରେରଗ ରସ୍ତେଙ୍ଗ୍ ଈଶ୍ୱର ର ଉପାୟ୍ କିଜି ମାଚାନ୍।ଈଶ୍ୱର ପାର୍ମାଣ୍ କିଜି ୱେଚ୍‌ଚି ମାଚାନ୍ ଯେ ହବା ଲାତ୍ରାତାଙ୍ଗ୍ ଜନମ୍ ଆତାକାନ୍‌ ଶୟତାନନି କାପ୍‌ଡ଼ାତିଙ୍ଗ୍ ଗୁଣ୍ଡା କିନାନ୍, ଆରେ ଶୟତାନ ତା ମେଣ୍ଡାକାଙ୍ଗ୍ ଗାଉ କିନାନ୍।

![](https://cdn.door43.org/obs/jpg/360px/obs-en-48-04.jpg)

ଇଦାଙ୍ଗ୍‌ନି ଅର୍ତ ଆନାତା ଶୟତାନ ଖ୍ରୀଷ୍ଟଙ୍ଗ୍ ମାର୍ନେ ଅହ୍‌ନାନ୍, ମାତର୍ ଈଶ୍ୱର ହେୱାନିଙ୍ଗ୍ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ନାନ୍, ଆରେ ତାପାଚେ ଖ୍ରୀଷ୍ଟ ୱିଜ୍‌ୱିଦିନ୍ ପାତେକ୍ ଶୟତାନନି ଶାକ୍ତିତିଙ୍ଗ୍ ଗୁଣ୍ଡା କିନାନ୍। କେତେକ୍ ବାର୍ହୁ ପାଚେ, ଈଶ୍ୱର ଚଚ୍‌ଚାନ୍ ଯେ ଯୀଶୁ ନେ ଆନାନା ହେ ଖ୍ରୀଷ୍ଟ।ଈଶ୍ୱର ଏଚେପାଦ୍ନା ର ବନ୍ୟାତାଙ୍ଗ୍ ୱିଜୁ ପୁର୍ତିତିଙ୍ଗ୍ ନଷ୍ଟ କିତାନ୍, ହେପାଦ୍ନା ଇମ୍‌ଣାକାର୍ ହେୱାନ୍‌ତାକେ ପାର୍ତି କିତାର୍ ହେୱାରିଙ୍ଗ୍ ରକ୍ଷା କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ଜଗାୟ୍ କିତାନ୍।

![](https://cdn.door43.org/obs/jpg/360px/obs-en-48-05.jpg)

ଟିକ୍ ହେଲେକେ ୱିଜୁ ମାନାୟ୍ ହେୱାର୍ ଜାର୍-ଜାର୍ ପାପ୍ କାଜିଙ୍ଗ୍ ନଷ୍ଟ ଆଦେଙ୍ଗ୍ ଯଗ୍ୟ ମାଚାର୍, ମାତର୍ ଇମ୍‌ଣାକାର୍ ହେୱାନ୍‌ତାକେ ପାର୍ତିକିନାର୍ ହେୱାରିଙ୍ଗ୍ ରକ୍ଷା କିନି କାଜିଙ୍ଗ୍ ଈଶ୍ୱର ଯୀଶୁଙ୍ଗ୍ ଜଗାୟ୍ କିତାନ୍।ଶହେ-ଶହେ ବାର୍ହୁ ଆସ୍ତି ମାନାୟାର୍ ହେୱାର୍ ପାପ୍ କାଜିଙ୍ଗ୍ ଇମ୍‌ଣି ଦଣ୍ଡ୍ ପାୟାଆଦେଙ୍ଗ୍ ଯଗ୍ୟ ମାଚାର୍ ହେଦାଙ୍ଗ୍ ଚଚ୍‌ନି କାଜିଙ୍ଗ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ୱିଜୁଦିନ୍ ଈଶ୍ୱର ଲାଗାୟ୍ ବଲି ପୁଜା କିଜି ମାଚାର୍।

![](https://cdn.door43.org/obs/jpg/360px/obs-en-48-06.jpg)

ମାତର୍ ହେ ୱିଜୁ ବଲି ପୁଜା ହେୱାର୍ ପାପ୍‌ତିଙ୍ଗ୍ ଦେହା କିଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାତ୍‌।ଯୀଶୁ ଆନାନା ଗାଜା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି। ଜେକନି ପୁଜାରିର୍ ଲେକେ ଆକାୟ୍, ଇନାକା ଯୀଶୁ କିଜି ଚଚ୍‌ଚାନ୍, ମାତର୍ ରଞ୍ଜାଙ୍ଗ୍ ବଲି ପୁଜା ଲେକେ ହେୱାନ୍ ଜାର୍‌ତିଙ୍ଗ୍ ହିୟାଆତାନ୍ ହେ ବଲି ପୁଜାତାଙ୍ଗ୍ ଜଗତ୍‌ତାକେ ମାନି ୱିଜାକାରିଙ୍ଗ୍ ପାପ୍‌ତାଙ୍ଗ୍ ଦେହା କିନାତ୍। ଯୀଶୁ ଟିକ୍‌ ଈଶ୍ୱର ହେବାକିନି ମୁଡ଼୍‌ଦି ପୁଜାରି ଇନେସ୍‌କି ଜଗତ୍‌ତାକେ ମାନି ଇମ୍‌ଣି ମାନାୟ୍ ଇମ୍‌ଣି ସମୟତ କିଜିମାଚି ୱିଜୁ ପାପ୍‌ନି ଦଣ୍ଡ୍‌ତିଙ୍ଗ୍ ହେୱାନ୍ ତା ଜପି ଅତାନ୍।

![](https://cdn.door43.org/obs/jpg/360px/obs-en-48-07.jpg)

ଈଶ୍ୱର ଅବ୍ରାହାମତିଙ୍ଗ୍ ୱେଚ୍‌ଚାନ୍, “ପୁର୍ତିତାକେ ମାନି ୱିଜୁ ମାନାୟାର୍ ନି କାଜିଙ୍ଗ୍ ଆଶ୍ରିବାଦ୍ ପାୟାଆନାର୍।” ଯୀଶୁ ରକାନ୍ ଇ ଅବ୍ରାହାମ ଲାତ୍ରା ମାଚାନ୍। ୱିଜୁ ମାନାୟାର୍‌ ହେୱାନ୍‌ତାଙ୍ଗ୍ ଆଶ୍ରିବାଦ ପାୟାଆନାର୍, ଇନେସ୍‌କି ଯୀଶୁ ତର୍‌ଦାଙ୍ଗ୍ ପାର୍ତିକିନି ୱିଜାକାର୍ ହେୱାର୍ ପାପ୍‌ତାଙ୍ଗ୍ ଉଦାର୍ ପାୟାଆତାର୍‌ନା, ଆରେ ଅବ୍ରାହାମନି ଲାତ୍ରା ଇଞ୍ଜି ଗାଣା କିନାନ୍।

![](https://cdn.door43.org/obs/jpg/360px/obs-en-48-08.jpg)

ତା ମାଜି ଇସାହାକତିଙ୍ଗ୍ ବଲି ପୁଜା ହିନି କାଜିଙ୍ଗ୍ ଏଚେପାଦ୍ନା ଈଶ୍ୱର ଅବ୍ରାହାମତିଙ୍ଗ୍ ୱେଚ୍‌ଚାନ୍, ହେପାଦ୍ନା ତା ମାଜି ଇସାହାକ ବାଦୁଲ୍‌ତାକେ ବଲି ପୁଜା ଆନି କାଜିଙ୍ଗ୍ ର ମଣ୍ଢା ଜଗାୟ୍ କିତାନ୍। ଆସେଙ୍ଗ୍ ୱିଜାକାସ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ଆନାତ୍‌। ମାତର୍ ଈଶ୍ୱର ତା ମେଣ୍ଢା ଯୀଶୁଙ୍ଗ୍ ମା ବାହାତାକେ ର ବଲି ପୁଜାକିତି ଲେକେ ହାଃଦେଙ୍ଗ୍ ହିତ୍‌ତାନ୍। ଈଶ୍ୱର ଏଚେପାଦ୍ନା ମିଶର ଦେସ୍ତତାକେ ହାରିହାରା ମାର୍‌ଡି ପକ୍ତାନ୍, ହେୱାନ୍‌ ୱିଜୁ ଇସ୍ରାଏଲନି ପରିବାର୍‌ତିଙ୍ଗ୍ ରଞ୍ଜାଙ୍ଗ୍-ରଞ୍ଜାଙ୍ଗ୍ ଟିକ୍‌ଟାକ୍‌ ମେଣ୍ଢା ଅସ୍ତି ହେୱାର୍ ଇଲ୍‌ନି ଦୁୱାର୍ ବାନ୍ଦାକାଙ୍ଗ୍ ହେ ମେଣ୍ଢାନି ନେତେର୍ କାଜ୍‌ଦେଙ୍ଗ୍ ୱେଚ୍‌ଚାନ୍।

![](https://cdn.door43.org/obs/jpg/360px/obs-en-48-09.jpg)

ଈଶ୍ୱର ଏଚେପାଦ୍ନା ନେତେର୍ ହୁଡ଼୍‌ତାନ୍, ହେୱାନ୍ ହେୱାର୍ ଇଲ୍‌ତିଙ୍ଗ୍ ପିସ୍ତାନ୍ ଆରେ ହେୱାର୍ ପାର୍ତୁମ୍ ଜନମ୍ ଆତି ହିମ୍‌ଣାକାଙ୍ଗ୍ ଅହ୍‌ୱାତାନ୍। ଇ ଗଟ୍‌ନାତିଙ୍ଗ୍ ନିସ୍ତାର ପାର୍ବୁ ଇଞ୍ଜି ୱେଚ୍‌ନାର୍। ଯୀଶୁ ଆନାନା ମା ନିସ୍ତାର ପାର୍ବୁନି ମେଣ୍ଢା ଲେକେ।

![](https://cdn.door43.org/obs/jpg/360px/obs-en-48-10.jpg)

ହେୱାନ୍‌ ଟିକ୍‌ଟାକ୍‌ ଆରେ ପାପ୍ ହିଲାକାନ୍‌ ମାଚାନ୍‌ ଆରେ ନିସ୍ତାର ପାର୍ବୁ ତିନିହିଙ୍ଗ୍ ମାନାୟାର୍ ହେୱାନିଙ୍ଗ୍ ଅସ୍ତି ମାଚାର୍।ଇମ୍‌ଣାକାନ୍‌ ଯୀଶୁତାକେ ପାର୍ତି କିନାନ୍, ତା ପାପ୍ କାଜିଙ୍ଗ୍ ଯୀଶୁ ତା ନେତେର୍ ହିନାନ୍, ଲାଗିଙ୍ଗ୍ ଈଶ୍ୱର ହେ ମାନାୟ୍‌ତିଙ୍ଗ୍ ପିସ୍ତିହିତି ଲେକେ ଆନାତ୍ ଆରେ ହେୱାନିଙ୍ଗ୍ ଦଣ୍ଡ୍ ହିଉନ୍‌।ଈଶ୍ୱର ଇସ୍ରାଏଲ ଦେସ୍‌ନି ମାନାୟାର୍ ହୁଦାଙ୍ଗ୍ ର ନିୟମ୍ କିତାନ୍, ଇମ୍‌ଣାକାର୍ ତା ବାଚିକିତି ମାନାୟ୍ ମାଚାର୍।

![](https://cdn.door43.org/obs/jpg/360px/obs-en-48-11.jpg)

ମାତର୍ ଈଶ୍ୱର ନଙ୍ଗୟ୍ ର ପୁନି ନିୟମ୍ କିତାନ୍‌ନା ହେଦାଙ୍ଗ୍ ୱିଜାକାରିଙ୍ଗ୍ ଦର୍‌କାର୍ ଆନାତ୍।ଇ ପୁନି ନିୟମ୍‌ତାଙ୍ଗ୍ ଇମ୍‌ଣି ମାନାୟାର୍ ବିତ୍ରେତାଙ୍ଗ୍ ଇମ୍‌ଣାକାନ୍‌ ଯୀଶୁଙ୍ଗ୍ ପାର୍ତିକିତି କାଜିଙ୍ଗ୍ ଈଶ୍ୱର ମାନାୟାରିଙ୍ଗ୍ ର ବାଗ୍‌ ଲେକେ ଆଦେଙ୍ଗ୍ ଆଡ୍‌ନାର୍।ମୋଶା ରକାନ୍ ଗାଜା ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟ୍ ମାଚାନ୍ ହେୱାନ୍‌ ଈଶ୍ୱର କାତା ଶୁଣାୟ୍ କିଜି ମାଚାନ୍।

![](https://cdn.door43.org/obs/jpg/360px/obs-en-48-12.jpg)

ମାତର୍ ଯୀଶୁ ୱିଜୁ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାର୍ ବିତ୍ରେତାଙ୍ଗ୍ ଗାଜାକାନ୍ ମାଚାନ୍। ହେୱାନ୍ ନେ ଈଶ୍ୱର, ଲାଗିଙ୍ଗ୍ ହେୱାନ୍ ଇନା-ଇନାକା କିଜି ମାଚାନ୍ ଆରେ ହେଦାଙ୍ଗ୍ ଈଶ୍ୱର କାମାୟ୍ ଆରେ ଈଶ୍ୱର କାତା ମାଚାତ୍। ହେଦାଙ୍ଗ୍ କାଜିଙ୍ଗ୍ ଯୀଶୁଙ୍ଗ୍ ଈଶ୍ୱର କାତା ଇଞ୍ଜି ୱେଚ୍‌ନାର୍।ଈଶ୍ୱର ରାଜା ଦାଉଦତିଙ୍ଗ୍ ପାର୍ମାଣ୍ କିଜି ୱେଚ୍‌ଚାନ୍ ଯେ ତା ଲାତ୍ରା ବିତ୍ରେତାଙ୍ଗ୍ ରକାନ୍ ଈଶ୍ୱରନି ମାନାୟାର୍ ଜପି ୱିଜ୍‌ୱିଦିନ୍ ପାତେକ୍ ସାସନ୍ କିନାନ୍।

![](https://cdn.door43.org/obs/jpg/360px/obs-en-48-13.jpg)

ଇନେସ୍‌କି ଯୀଶୁ ଈଶ୍ୱର ମେହି ଆରେ ଖ୍ରୀଷ୍ଟ ମାଚାନ୍, ହେୱାନ୍ ଦାଉଦ ରାଜା ଲାତ୍ରା ମାଚାନ୍ ହେୱାନ୍‌ ୱିଜ୍‌ୱିଦିନ୍ ପାତେକ୍ ସାସନ୍ କିନାନ୍। ଦାଉଦ ଇସ୍ରାଏଲନି ରାଜା ମାଚାନ୍, ମାତର୍ ଯୀଶୁ ୱିଜୁ ପୁର୍ତିନି ରାଜା।

![](https://cdn.door43.org/obs/jpg/360px/obs-en-48-14.jpg)

ହେୱାନ୍ ଆରେରଗ ୱାନାନ୍ ଆରେ ନ୍ୟାୟ୍ ଆରେ ଶାନ୍ତିତାଙ୍ଗ୍ ୱିଜ୍‌ୱିଦିନ୍ ପାତେକ୍ ସାସନ୍ କିନାନ୍।

*ବାଇବଲ୍‌ନି ର କାତା: ଆଦି ୧- ୩, ୬, ୧୪, ୨୨; ଯାତ୍ରା ୧୨, ୨୦; ୨ଶାମୁୟେଲ ୭; ଏବ୍ରୀ ୩, ୪: ୧୪- ୫: ୧୦; ୭: ୧- ୮: ୧୩; ୯: ୧୧- ୧୦: ୧୮; ପ୍ରକାଶିତ ୨୧୪୯;*

## 49. ୪୯. ମରିୟମ ତରଦାକାଦେଲ୍ ରଞ୍ଜେଲ୍ ୱାଟା ଜିପଲିଙ୍ଗ୍ ର ଦୁତ୍ ୱେଚ୍‌ଚାତ୍‌ ଯେ ଏନେଙ୍ଗ୍ ଈଶ୍ୱର ମେହିତିଙ୍ଗ୍ ଜନମ୍ ହିନାୟ୍‌।

https://openbiblestories.org/l/peg/story-49/

![](https://cdn.door43.org/obs/jpg/360px/obs-en-49-01.jpg)

ଏଚେପାଦ୍ନା ମରିୟମ ୱାଟା ଜିପଲି ମାଚାତ୍, ହେଦେଲିଙ୍ଗ୍ ପବିତ୍ର ଆତ୍ମା ୱାତାତ୍ ଆରେ ହେଦେଲ୍ ପଟ ଆତାତ୍, ଲାଗିଙ୍ଗ୍ ହେଦେଲ୍ ର ହିମ୍‌ଣା ଗାଟାଆତାତ୍ ଆରେ ତା ତର୍ ଯୀଶୁ ହିତାର୍।ଇନେସ୍‌କି ଯୀଶୁ ଆନାନା ଈଶ୍ୱର ଆରେ ମାନାୟ୍ ଲେକେ।

![](https://cdn.door43.org/obs/jpg/360px/obs-en-49-02.jpg)

ଯୀଶୁ ଈଶ୍ୱର ମେହି ଇଞ୍ଜି ଚଚି ଆନି କାଜିଙ୍ଗ୍ କେତେକ୍ ଚାନିଆଆନି କାମାୟ୍ କିତାନ୍।ହେୱାନ୍ ଏଜୁଙ୍ଗ୍ ଜପି ତାଙ୍ଗ୍‌ତାନ୍, ଡ଼ୁଇଦୁକାତିଙ୍ଗ୍ ତିର୍ କିତାନ୍, କେତେକ୍ ବେମାର୍ ମାନାୟାରିଙ୍ଗ୍ ହାର୍ କିତାନ୍, ବୁତ୍‌କୁକାଙ୍ଗ୍ ପେସ୍ତାନ୍, ହାଃତାକାରିଙ୍ଗ୍ ଜିବୁନ୍ କିତାନ୍ ଆରେ ୫୦୦୦ ତାଙ୍ଗ୍ ଆଦିକ୍ ମାନାୟାରିଙ୍ଗ୍ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁତାଙ୍ଗ୍ ପଟ ପାଞ୍ଜୁ ରଞ୍ଜାଙ୍ଗ୍ ଚିଚ୍‌ପାତାନ୍।

![](https://cdn.door43.org/obs/jpg/360px/obs-en-49-03.jpg)

ଯୀଶୁ ରକାନ୍ ୱିଜୁତାଙ୍ଗ୍ ଗାଜା ମାଷ୍ଟେର୍ ପା ମାଚାନ୍, ଆରେ ହେୱାନ୍ ଆଦିକାର୍ ହୁଦାଙ୍ଗ୍ ବେଣ୍ କିଜି ମାଚାନ୍, ଇନେସ୍‌କି ହେୱାନ୍ ଈଶ୍ୱର ମେହି ମାଚାନ୍।ହେୱାନ୍ ହିକ୍ଷା ହିଜିମାଚାନ୍ ଯେ ଇନେସ୍ ଏପେଙ୍ଗ୍ ଜାର୍‌ତିଙ୍ଗ୍ ଲାଡ୍ କିନାଦେରା ହେଲେକେ ଜେକନିକାରିଙ୍ଗ୍ ପା ଲାଡ୍ କିନି ଦର୍‌କାର୍।

![](https://cdn.door43.org/obs/jpg/360px/obs-en-49-04.jpg)

ହେୱାନ୍ ଆରେ ପା ହିକ୍ଷା ହିତାନ୍ ଯେ ଏପେଙ୍ଗ୍ ଇମ୍‌ଣି ବିଷୟତିଙ୍ଗ୍ କି ମି ଦନ୍ ସମ୍ଫତିତିଙ୍ଗ୍ ଲାଡ୍ କିନି ବାଦୁଲ୍ ଈଶ୍ୱରତିଙ୍ଗ୍ ଆଦିକ୍ ଲାଡ୍ କିଦେଙ୍ଗ୍ ଆନାତ୍।

![](https://cdn.door43.org/obs/jpg/360px/obs-en-49-05.jpg)

ଯୀଶୁ ୱେଚ୍‌ଚାନ୍ ଯେ ଜଗତ୍‌ତାକେ ମାନି ଇମ୍‌ଣି ବେସି ମିଲ୍ୟକାଟି ବିଷୟ ବାଦୁଲ୍ ଈଶ୍ୱର ସାସନ୍‌କିନି ରାଜି ଆଦିକ୍ ମୁଲ୍ୟକାଟାକା।ଇମ୍‌ଣି ମାନାୟ୍ କାଜିଙ୍ଗ୍ ୱିଜୁତାଙ୍ଗ୍ ମୁଲ୍ୟନି ବିଷୟ ଆନାତା ଯେ ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାନ୍।ଈଶ୍ୱର ସାସନ୍ କିନି ରାଜିତାକେ ହାନି କାଜିଙ୍ଗ୍, ଏନେଙ୍ଗ୍ ହାତ୍‌ପା ନି ପାପ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆନାତ୍।

![](https://cdn.door43.org/obs/jpg/360px/obs-en-49-06.jpg)

ଯୀଶୁ ୱେଚ୍‌ଚାନ୍, “କେତେକ୍ ମାନାୟ୍ ହେୱାନିଙ୍ଗ୍ ଆସ୍ତି ଉଦାର୍ ପାୟାଆନାର୍, ମାତର୍ ଜେକନିକାର୍ ଆହୁର୍।” ହେୱାନ୍ ୱେଚ୍‌ଚାନ୍, “କେତେକ୍ ମାନାୟ୍ ହାର୍ ମେଦ୍‌ନି ଲେକେ। ହେୱାର୍ ଯୀଶୁତି ହାର୍ଦିକାବୁର୍ ୱେନ୍‌ଞ୍ଜି ଉଦାର୍ ପାୟାଆନାର୍।” ଜେକନିକାର୍ ହାଜି ଲାଗାୟ୍ ମାନି ର ରେଚ୍‌କି ମେଦ୍‌ନି ଲେକେ, ଇମେତାକେ ଈଶ୍ୱର କାତାନି ମାଞ୍ଜି ହଣ୍ଡେଙ୍ଗ୍ ଆଡୁତ୍ ଆରେ ତାସ୍ କାଜିଙ୍ଗ୍ ପାଡ଼୍ ଉବାଜା ଆଉତ୍। ଇମ୍‌ଣି ମାନାୟାର୍ ଯୀଶୁତି ହାର୍ଦିକାବୁର୍‌ତିଙ୍ଗ୍ ମାନି କିଉର୍ ହେୱାର୍ ତା ସାସନ୍ କିନି ରାଜିତାକେ ହଣ୍ଡେଙ୍ଗ୍ ଆଡୁର୍।

![](https://cdn.door43.org/obs/jpg/360px/obs-en-49-07.jpg)

ଯୀଶୁ ହିକ୍ଷା ହିଜି ମାଚାନ୍ ଯେ ଈଶ୍ୱର ପାପି ମାନାୟାରିଙ୍ଗ୍ ଆଦିକ୍ ଲାଡ୍ କିନାନ୍। ହେୱାନ୍ ହେୱାରିଙ୍ଗ୍ କେମା କିଜି ତା ହିମ୍‌ଣା କିଦେଙ୍ଗ୍ ଇଚା କିନାନ୍।

![](https://cdn.door43.org/obs/jpg/360px/obs-en-49-08.jpg)

ଯୀଶୁ ମାଙ୍ଗେଙ୍ଗ୍ ଆରେ ପା ୱେଚ୍‌ଚାତାନ୍ ଯେ, ଈଶ୍ୱର ପାପ୍‌ତିଙ୍ଗ୍ ଗିଣ୍ କିନାନ୍। ଏଚେପାଦ୍ନା ଆଦମ ଆରେ ହବା ପାପ୍ କିତାର୍, ହେଦାଙ୍ଗ୍ ହେୱାର୍ ୱିଜୁ ଲାତ୍ରାତିଙ୍ଗ୍ ବିଚା ଆତାତ୍‌। ଇଦାଙ୍ଗ୍‌ନି ପାଡ଼୍ ଲେକେ, ଜଗତ୍‌ତାକେ ମାନି ୱିଜୁ ପାପ୍ କିନାର୍ ଆରେ ଈଶ୍ୱରତାଙ୍ଗ୍ ଜେକ ଆନାର୍। ଇନେସ୍‌କି ୱିଜାକାର୍ ଈଶ୍ୱରତିଙ୍ଗ୍ ଶତ୍ରୁ ଆତାର୍‌ନା।

![](https://cdn.door43.org/obs/jpg/360px/obs-en-49-09.jpg)

ମାତର୍ ଈଶ୍ୱର ଜଗତ୍‌ତାକେ ମାନି ୱିଜାକାରିଙ୍ଗ୍ ଇଲେକେ ଲାଡ୍ କିତାନ୍ ଯେ ହେୱାନ୍ ତା ରକାନ୍ ଇଞ୍ଜି ମାଜିଙ୍ଗ୍ ହିତ୍‌ତାନ୍ ଇନେସ୍‌କି ଇନେର୍ ହେୱାନ୍‌ତାକେ ପାର୍ତି କିନାନ୍‌, ହେୱାନ୍ ତା ପାପ୍‌ନି ଦଣ୍ଡ୍ ପାୟାଆୱାଦାଙ୍ଗ୍ ଈଶ୍ୱର ହୁଦାଙ୍ଗ୍ ୱିଜ୍‌ୱିଦିନ୍ ପାତେକ୍ ବାହା କିନାନ୍।

![](https://cdn.door43.org/obs/jpg/360px/obs-en-49-10.jpg)

ମି ପାପ୍ କାଜିଙ୍ଗ୍ ଏପେଙ୍ଗ୍ ଦସିଆଜି ହାଃନି ଯଗ୍ୟ। ଈଶ୍ୱର ମି ଜପି ରିସା ଆଦ୍‌ନି କାତା, ମାତର୍ ହେୱାନ୍ ମି ଜପି ହେ ରିସା ଆୱାଦାଙ୍ଗ୍ ଯୀଶୁ ଜପି ମି ରିସାତିଙ୍ଗ୍ ହିତାନ୍। ଏଚେପାଦ୍ନା କୃଶକାଟ୍‌ତାକେ ଯୀଶୁ ହାଃତାନ୍, ହେପାଦ୍ନା ମି ଦଣ୍ଡ୍ ହେୱାନ୍ ପାୟାଆତାନ୍।

![](https://cdn.door43.org/obs/jpg/360px/obs-en-49-11.jpg)

ଯୀଶୁ ଇନେୱାଡ଼ାଙ୍ଗ୍ ପା ପାପ୍ କିୱାତାନ୍‌ନା, ମାତର୍ ମିଦାଙ୍ଗ୍ ଆରେ ଜଗତ୍‌ତାକେ ମାନି ୱିଜାକାର୍ ପାପ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ ର ଟିକ୍‌ଟାକ୍‌ ବଲି ପୁଜା ଲେକେ ଦଣ୍ଡ୍ ପାୟାଆଦେଙ୍ଗ୍ ଇଚା କିତାନ୍। ଇନେସ୍‌କି ଯୀଶୁ ଜାର୍‌ତିଙ୍ଗ୍- ଜାର୍ ବଲି ପୁଜା ଆତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇମ୍‌ଣି ପାପ୍, ଇଲେକେକି ୱିଜୁତାଙ୍ଗ୍ ବୟଙ୍କାର୍ ପାପ୍ ପା କେମା କିଦେଙ୍ଗ୍ ଆଡ୍‌ନାନ୍।

![](https://cdn.door43.org/obs/jpg/360px/obs-en-49-12.jpg)

ହାର୍‌ଦି କାମାୟ୍ ମିଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ଆଡ଼୍‌ଦୁତ୍। ଈଶ୍ୱର ହୁଦାଙ୍ଗ୍ ମାହାଆଜି ମାନି କାଜିଙ୍ଗ୍ ଇଲେକେ ଇନା ବିଷୟ ହିଲେତ୍। ମାତର୍ ଯୀଶୁ ନେ ମି ପାପ୍‌ତିଙ୍ଗ୍ ନୁଜ୍‌ଦେଙ୍ଗ୍ ଆଡ୍‌ନାନ୍। ଯୀଶୁ ନେ ଈଶ୍ୱର ମେହି ଆରେ ମି ବାଦୁଲ୍‌ତ ଯୀଶୁ କୃଶକାଟ୍‌ତାକେ ହାଃତାନ୍ ଆରେ ଈଶ୍ୱର ହେୱାନିଙ୍ଗ୍ ଜିବୁନ୍ କିଜି ନକ୍ତାନ୍ ଇ ବେଣ୍‌ତିଙ୍ଗ୍ ଏପେଙ୍ଗ୍ ସତ୍‌ରେ ପାର୍ତି କିଦେଙ୍ଗ୍ ଆନାତ୍।

![](https://cdn.door43.org/obs/jpg/360px/obs-en-49-13.jpg)

ଇମ୍‌ଣି ମାନାୟ୍ ଯୀଶୁତାକେ ପାର୍ତି କିନାନ୍ ଆରେ ମା ମାପୃ ଇଞ୍ଜି ହେୱାନିଙ୍ଗ୍ ମାନି କିନାନ୍‌, ଈଶ୍ୱର ହେ ୱିଜାକାରିଙ୍ଗ୍ ଉଦାର୍ କିନାନ୍। ମାତର୍ ହେୱାନ୍‌ତାକେ ଇନେର୍ ପାର୍ତି କିଉନ୍ ହେୱାନ୍ ହେୱାନିଙ୍ଗ୍ ଉଦାର୍ କିଉନ୍। ଏପେଙ୍ଗ୍ ହାଉକାର୍ କି ଗରିବ୍, ଆଣ୍ଡ୍ରା କି କଗ୍‌ଲେ, ବୁଡ଼ା କି ବେଣ୍ଡିଆ ଇନେର୍ ଆତିସ୍ ପା ଯୀଶୁତାକେ ପାର୍ତି କିନାର୍, ଆରେ ହେୱାନ୍ ଇଚା କିନାନା ଯେ ୱିଜାକାର୍ ହେୱାନ୍‌ତାକେ ପାର୍ତି କିୟେର୍। ଈଶ୍ୱର ନିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଏନେଙ୍ଗ୍ ଇନେସ୍ ଯୀଶୁତାକେ ପାର୍ତି କିନାୟ୍ ହେଦାଙ୍ଗ୍ ଇଚା କିନାନ୍।

![](https://cdn.door43.org/obs/jpg/360px/obs-en-49-14.jpg)

ଯୀଶୁତାକେ ପାର୍ତି କିଦେଙ୍ଗ୍ ଆରେ ଡୁବନ୍ ଅଦେଙ୍ଗ୍ ମିଙ୍ଗେଙ୍ଗ୍ କୁକ୍ତାନାନ୍, ଆରେହେୱାନ୍ ମି ହୁଦାଙ୍ଗ୍ ସାଙ୍ଗ ଆଜି ମାଞ୍ଜେଙ୍ଗ୍ ଇଚା କିନାନା। ଲାଗିଙ୍ଗ୍ ଯୀଶୁଙ୍ଗ୍ ଖ୍ରୀଷ୍ଟ ଆରେ ଈଶ୍ୱର ହିମ୍‌ଣା ଇଞ୍ଜି ପାର୍ତି କିନାଦେରା କି? ଏପେଙ୍ଗ୍ ର ପାପି ଆରେ ଈଶ୍ୱରତାଙ୍ଗ୍ ମି ପାପ୍ କାଜିଙ୍ଗ୍ ଦଣ୍ଡ୍ ହିଦ୍‌ନାନ୍ ଇଞ୍ଜି ଏପେଙ୍ଗ୍ ପାର୍ତି କିନାଦେରା କି? ମି ପାପ୍‌ତିଙ୍ଗ୍ ପିଣ୍‌ଜି ଅଜେଙ୍ଗ୍ ଯୀଶୁ କୃଶକାଟ୍‌ତାକେ ହାଃତାନ୍‌ନା ଇଞ୍ଜି ଏପେଙ୍ଗ୍ ପାର୍ତି କିନାଦେରା କି?

![](https://cdn.door43.org/obs/jpg/360px/obs-en-49-15.jpg)

ଯୀଶୁ ମା କାଜିଙ୍ଗ୍ ଇନାକ କିତ୍‌ତାନ୍‌ନା ହେଦାଙ୍ଗ୍‌ତିଙ୍ଗ୍ ଏପେଙ୍ଗ୍ ପାର୍ତି କିତିସ୍‌, ଏପେଙ୍ଗ୍ ରକାଦେର୍‌ ଖ୍ରୀଷ୍ଟାନ୍ ମାନାୟ୍‌। ଈଶ୍ୱର ମିଙ୍ଗେଙ୍ଗ୍ ଶୟତାନନି ମାଜ୍‌ଗା ରାଜିତାଙ୍ଗ୍ ହପ୍‌ତାତାନ୍‌ନା ଆରେ ଈଶ୍ୱର ରାଜିନି ଅଜଡ଼୍‌ତାକେ ରସ୍ତାତାନ୍‌ନା।ଈଶ୍ୱର ମି ଆଗେନି ପାପ୍ କାମାୟ୍‌ନି ହାଜିୱିଜୁ ଅତାନ୍‌ନା ଆରେ ହେୱାନ୍ ମିଙ୍ଗେଙ୍ଗ୍ ପୁନି ଆରେ ଦାର୍‌ମି କାମାୟ୍‌ନି ହାଜି ହିତ୍‌ତାନ୍‌ନା।

![](https://cdn.door43.org/obs/jpg/360px/obs-en-49-16.jpg)

ଯଦି ଏନେଙ୍ଗ୍ ରକାୟ୍ ଖ୍ରୀଷ୍ଟାନ୍ ମାନାୟ୍‌ତି, ଲାଗିଙ୍ଗ୍ ଯୀଶୁ ଇନାକା କିତ୍‌ତାନ୍‌ନା ହେଦାଙ୍ଗ୍ କାଜିଙ୍ଗ୍ ଈଶ୍ୱର ନି ପାପ୍ ୱିଜୁ କେମା କିତ୍‌ତାନ୍‌ନା।ନଙ୍ଗୟ୍ ଏନେଙ୍ଗ୍ ଈଶ୍ୱରତି ରକାୟ୍ ଶତ୍ରୁ ଆୱାଦାଙ୍ଗ୍ ଆରେ ତା ସାଙ୍ଗହି ଆନି କାଜିଙ୍ଗ୍ ଈଶ୍ୱର ଚିନ୍ତା କିନାନ୍।

![](https://cdn.door43.org/obs/jpg/360px/obs-en-49-17.jpg)

ଏନେଙ୍ଗ୍ ଯଦି ଈଶ୍ୱର ସାଙ୍ଗହି ଆରେ ମାପୃ ଯୀଶୁଙ୍ଗ୍ ହେବା କିନାକାୟ୍, ଲାଗିଙ୍ଗ୍ ଯୀଶୁ ଇନାକା ହିକ୍ଷା ହିଦ୍‌ନାନ୍ ହେଦାଙ୍ଗ୍ କିନି କାଜିଙ୍ଗ୍ ଏନେଙ୍ଗ୍ ଇଚା କିନାୟ୍। ଯଦି ଏନେଙ୍ଗ୍ ରକାୟ୍ ଖ୍ରୀଷ୍ଟାନ୍ ମାନାୟ୍‌ତି, ଆତିସ୍‌ପା ଏନେଙ୍ଗ୍ ପାପ୍ କିନି କାଜିଙ୍ଗ୍ ଇଚା କିନାୟ୍‌। ମାତର୍ ଈଶ୍ୱର ବିସ୍‌ବସ୍ତ ଆରେ ହେୱାନ୍ ୱେଚ୍‌ଚାନାନ୍ ଯେ ଯଦି ଏନେଙ୍ଗ୍ ନି ପାପ୍‌ୱିଜୁ ମାନି କିନାୟ୍, ହେୱାନ୍ ନିଙ୍ଗେଙ୍ଗ୍ କେମା ହିଦ୍‌ନାନ୍। ପାପ୍ ବିରଦ୍‌ତାକେ ଯୁଜ୍ କିନି କାଜିଙ୍ଗ୍ ହେୱାନ୍ ନିଙ୍ଗେଙ୍ଗ୍ ଶାକ୍ତି ଜଗାୟ୍ କିଦ୍‌ନାନ୍।

![](https://cdn.door43.org/obs/jpg/360px/obs-en-49-18.jpg)

ଏପେଙ୍ଗ୍ ଇନେସ୍ ପାର୍ତାନା କିନାଦେର୍, ତା କାତା ପଡ଼ି କିନାଦେର୍, ଜେକନି ଖ୍ରୀଷ୍ଟାନାର୍ ହୁଦାଙ୍ଗ୍ ହେୱାନିଙ୍ଗ୍ ହେବା କିନାଦେର୍ ଆରେ ହେୱାନ୍ ମି କାଜିଙ୍ଗ୍ ଇନା-ଇନାକା କିତ୍‌ତାନ୍‌ନା ହେଦାଙ୍ଗ୍ ଜେକନିକାରିଙ୍ଗ୍ ୱେଚ୍‌ନାଦେର୍, ଇଦାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ୱେଚ୍‌ଚାନାନ୍। ଇ ୱିଜୁ ମିଙ୍ଗେଙ୍ଗ୍ ହେୱାନ୍ ହୁଦାଙ୍ଗ୍ ର ବେସି ରୱାଣ୍‌ ରହ୍‌ନି କାଜିଙ୍ଗ୍ ସାଇଜ କିଦ୍‌ନାନ୍।

*ବାଇବଲ୍‌ନି ର କାତା: ରୋମୀୟ ୩: ୨୧- ୨୬; ୫: ୧- ୧୧; ଯୋହନ ୩: ୧୬; ମାର୍କ ୧୬: ୧୬; କଲସିୟ ୧: ୧୩- ୧୪; ୨କରନ୍ଥୀୟ ୫: ୧୭- ୨୧; ୧ଯୋହନ ୧: ୫- ୧୦*

## 50. ୫୦. ଯୀଶୁ ବାଦ୍‌ଲାୟ୍‌ କିନାନ୍‌

https://openbiblestories.org/l/peg/story-50/

![](https://cdn.door43.org/obs/jpg/360px/obs-en-50-01.jpg)

୨୦୦୦ ବାର୍ହୁତାଙ୍ଗ୍ ଆଦିକ୍ ସମୟ୍‌ତ ୱିଜୁ ପୁର୍ତିତାଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ମାନାୟ୍ ଯୀଶୁ ଖ୍ରୀଷ୍ଟ ବିଷୟରେ ହାର୍ଦିକାବୁର୍ ୱେନ୍‌ଞ୍ଜି ୱାନାରା। ମଣ୍ଡ୍‌ଲି ବାଡାଆଦେଙ୍ଗ୍ ଲାଗାନାତା। ଯୀଶୁ ପାର୍ମାଣ୍ କିତାନ୍ ଯେ ହେୱାନ୍ ଶେସ୍ ସମୟ୍‌ତ ଜଗତ୍‌ତିଙ୍ଗ୍ ଆରେରଗ ଲେଉଟାଆଜି ୱାନାନ୍।ଯଦି ହେୱାନ୍ ନଙ୍ଗୟ ପାତେକ୍ ୱାୱାତାନ୍‌ନା, ହେୱାନ୍ ତା କିତି ପାର୍ମାଣ୍‌ତିଙ୍ଗ୍ ରକ୍ଷା କିନାନ୍।

![](https://cdn.door43.org/obs/jpg/360px/obs-en-50-02.jpg)

ଆପେଙ୍ଗ୍ ଯୀଶୁ ୱାନାକା କାସି-କାସି, ଈଶ୍ୱର ଇଚା କିନାନ୍ ଇନେସ୍‌କି ଆସେଙ୍ଗ୍ ର ପବିତ୍ର ଆରେ ହେୱାନିଙ୍ଗ୍ ଗୌରବ ହିନି ଲେକେ ଜିବୁନ୍ କାଟିକିନାସ୍। ହାୱାନ୍ ଇଚା କିନାନ୍ ଇନେସ୍ ଆସେଙ୍ଗ୍ ତା ରାଜି ବିଷୟରେ ଜେକନିକାରିଙ୍ଗ୍ ୱେଚ୍‌ନାସ୍‌। ଯୀଶୁ ପୁର୍ତିତାକେ ବାହା କିତିହିଙ୍ଗ୍ ୱେଚ୍‌ଚାତାନ୍, “ନା ଚେଲାର୍ ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଜଗତ୍‌ତାକେ ମାନି ୱିଜୁ ମାନାୟାରିଙ୍ଗ୍ ଶୁଣାୟ୍ କିନାର୍, ତାପାଚେ ନେ ଯୁଗ୍ ସେସ୍ ଆନାତ୍।”

![](https://cdn.door43.org/obs/jpg/360px/obs-en-50-03.jpg)

କେତେକ୍ ମାନାୟ୍ ନଙ୍ଗୟ୍ ପାତେକ୍ ଯୀଶୁ ବିଷୟରେ ୱେନ୍‌ୱାତାର୍‌ନା।ହେୱାନ୍ ସରଗ୍‌ତାକେ ହାନି ଆଗେ, ଇମ୍‌ଣାକାର୍ ଇନେୱାଡ଼୍‌ଙ୍ଗ୍ ପା ହାର୍ଦିକାବୁର୍ ୱେନ୍‌ୱାତାର୍‌ନା ହେୱାର୍ ଲାଗାୟ୍ ହାର୍ଦିକାବୁର୍ ଶୁଣାୟ୍‌କିନି କାଜିଙ୍ଗ୍ ଯୀଶୁ ଖ୍ରୀଷ୍ଟାନ୍‌ ମାନାୟାରିଙ୍ଗ୍ ୱେଚ୍‌ଚାନ୍‌ନା।ହେୱାନ୍ ୱେଚ୍‌ଚାନ୍, “ଏପେଙ୍ଗ୍ ହାଲ୍‌ଜି ୱିଜାକାର୍ ମାନାୟାରିଙ୍ଗ୍ ଚେଲା ରହାଟ୍।ଆରେ ତେଜ୍‌ନି କାଜିଙ୍ଗ୍ ତାସ୍ ହେନ୍ତାତ୍‌ନା।”

![](https://cdn.door43.org/obs/jpg/360px/obs-en-50-04.jpg)

ଯୀଶୁ ଆରେ ୱେଚ୍‌ଚାନ୍, “ଦାସ୍ ତା ମାଲିକ୍‌ତାଙ୍ଗ୍ ଗାଜା ଆକାୟ୍।ଇ ଜଗତ୍‌ନି ଆଦିକାର୍ ପାୟାଆତି ମାନାୟାର୍ ଇନେସ୍ ନାଙ୍ଗେଙ୍ଗ୍ ଗିଣ୍ କିଦ୍ନାର୍, ଟିକ୍ ହେଲେକେ ହେୱାର୍ ନା କାଜିଙ୍ଗ୍ ମିଙ୍ଗେଙ୍ଗ୍ ଦୁକ୍ ହିଜି ମାର୍ନେ ଅସ୍ତାନାର୍।ଏପେଙ୍ଗ୍ ଯଦି ଇ ଜଗତ୍‌ତାକେ ଦୁକ୍‌କଷ୍ଟ ପାୟାଆନାଦେର୍, ୱାରି ଆଡ ଇନେସ୍‌କି ଜଗତ୍‌ତିଙ୍ଗ୍ ସାସନ୍ କିନି ଶୟତାନତିଙ୍ଗ୍ ଆନେଙ୍ଗ୍ ଜିତାଆତାଙ୍ଗ୍‌ନା।ଏପେଙ୍ଗ୍ ଯଦି ସେସ୍ ପାତେକ୍ ନା ଲାଗାୟ୍ ବିସ୍‌ବସ୍‌ତ ଆଜି ମାନାଦେର୍, ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ରକ୍ଷା କିଦ୍‌ନାନ୍।”

![](https://cdn.door43.org/obs/jpg/360px/obs-en-50-05.jpg)

ଇନେର୍ ଜଗତ୍ ସେସ୍ ଆନିହିଙ୍ଗ୍ ମାନାୟାର୍‌ କାଜିଙ୍ଗ୍ ଇନାକା ଗିଟାଆନାତ୍ ହେଦାଙ୍ଗ୍ ବୁଜାଇ କିନି କାଜିଙ୍ଗ୍ ଯୀଶୁ ତା ଚେଲାହିରିଙ୍ଗ୍ ର କାତା ୱେଚ୍‌ଚାନ୍,“ “ରକାନ୍ ମାନାୟ୍ ତା ଜମିତ ହାର୍‌ଦି ବିୟାନ୍ ୱିତ୍‌ତାନ୍। ହେୱାନ୍ ହୁନ୍‌ଞ୍ଚିହିଙ୍ଗ୍ ତା ଶତ୍ରୁ ୱାଜି କୁଲିଙ୍ଗ୍ ହୁଦାଙ୍ଗ୍ କାଚ୍ରା ବିୟାନ୍ ୱିତ୍‌ତାନ୍ ଆରେ ହେୱାନ୍ ହାଚାନ୍।”

![](https://cdn.door43.org/obs/jpg/360px/obs-en-50-06.jpg)

“ଏଚେପାଦ୍ନା ବିୟାନ୍ ଗଜା ଆତାତ୍, ହେ ମାଲିକ୍‌ନି ଦାସ ମାନାୟାର୍ ୱାଜି ୱେଚ୍‌ଚାର୍, ଏ ଗୁରୁ, ଏନେଙ୍ଗ୍ ହେ ଜମିତାକେ ହାର୍ଦି ବିୟାନ୍ ୱିତ୍‌ଦି ମାଚାୟ୍।ଲାଗିଙ୍ଗ୍ ହେବେ ଇନାକିଦେଙ୍ଗ୍ କାଚ୍ରାଙ୍ଗ୍ ଚଞ୍ଜ୍‌ଞ୍ଜିନିକା? ମାଲିକ୍ ୱେଚ୍‌ଚାନ୍, ରକାନ୍ ଶତ୍ରୁ ହେଦାଙ୍ଗ୍ କିତାନ୍‌ନା।”

![](https://cdn.door43.org/obs/jpg/360px/obs-en-50-07.jpg)

“ଦାସ୍ ମାନାୟାର୍ ତା ମାଲିକ୍‌ତିଙ୍ଗ୍ ୱେଚ୍‌ଚାର୍, ଆସେଙ୍ଗ୍ ଇନାକା କାଚ୍ରାକାଙ୍ଗ୍ ଜେଲ୍‌ନାସ୍?” ମାଲିକ୍ ୱେଚ୍‌ଚାନ୍, “ଆକାୟ୍ ଯଦି ଏପେଙ୍ଗ୍ ଏଲେଙ୍ଗ୍ କିନାଦେର୍, ତା ହୁଦାଙ୍ଗ୍ ଏପେଙ୍ଗ୍ କୁଲିଙ୍ଗ୍ ପା ଜେଲ୍‌ନାଦେର୍। ତାସ୍ ହେନ୍‌ନି ପାତେକ୍ କାସି ମାନାଟ୍, କାଚ୍ରାକାଙ୍ଗ୍ ରବେ କିଜି କାଡିକିୟାଟ୍, ମାତର୍ କୁଲିକାଙ୍ଗ୍ ନା ଟୁଣ୍ଡିତାକେ ତାସି ୱାଡ।”

![](https://cdn.door43.org/obs/jpg/360px/obs-en-50-08.jpg)

ଚେଲାହିର୍ ହେ କାତାନି ଅର୍ତ ବୁଜା ଆୱାତାର୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ବୁଜାଇକିଜି ହିଦ୍‌ନି କାଜିଙ୍ଗ୍ ଯୀଶୁଙ୍ଗ୍ ୱେଚ୍‌ଚାର୍। ଯୀଶୁ ୱେଚ୍‌ଚାନ୍, “ଇମ୍‌ଣି ମାନାୟ୍ ହାର୍ ବିୟାନ୍ ୱିତ୍‌ନାନ୍ ହେୱାନ୍ ଖ୍ରୀଷ୍ଟନି ମାନାୟ୍। ଜମି ଆନାତା ଜଗତ୍। ହାର୍‌ଦି ବିୟାନ୍ ଈଶ୍ୱର ରାଜିନି ମାନାୟାରିଙ୍ଗ୍ ବୁଜାଇ କିନାତା।”

![](https://cdn.door43.org/obs/jpg/360px/obs-en-50-09.jpg)

“କାଚ୍ରା ଆନାତା ହେ ମାନାୟାରିଙ୍ଗ୍ ବୁଜାଇ କିନାତ୍ ଇମ୍‌ଣାକାର୍ କରାପ୍। ଇମ୍‌ଣି ଶତ୍ରୁ କାଚ୍ରାଙ୍ଗ୍ ୱିତ୍‌ତାନ୍ ଆରେ ହାଚାନ୍ ହେୱାନ୍ ଆନାନା ଶୟତାନ। ତାସ୍ ହେନ୍‌କା ଆନାତା ଜଗତ୍‌ନି ସେସ୍ ଆରେ ରୁଣ୍ଡାଇ କିନାକାର୍ ଆନାରା ଈଶ୍ୱର ଦୁତ୍‌କୁ।”

![](https://cdn.door43.org/obs/jpg/360px/obs-en-50-10.jpg)

“ଏଚେପାଦ୍ନା ଜଗତ୍ ସେସ୍ ଆନାତ୍, ହେପାଦ୍ନା ଦୁତ୍‌କୁ ପାପ୍‌ନି ହିମ୍‌ଣାରିଙ୍ଗ୍ ରବେକିଜି କାଚାଆନି ନାଣିତାକେ ତୁସି ହିନିକ୍‌, ଇମେତାକେ ଆଡ଼୍‌ବାନାକା ଆରେ ଟାଡାଙ୍ଗ୍ କିଡ଼ିମିଡ଼ି ଆନାତ୍। ହେପାଦ୍ନା ଦାର୍‌ମି ମାନାୟାର୍ ହେୱାର୍ ଆବା ଈଶ୍ୱର ରାଜିତାକେ ୱେଡ଼ା ଲେକେ ଅଜଡ଼୍ ଆନାର୍।”

![](https://cdn.door43.org/obs/jpg/360px/obs-en-50-11.jpg)

ଯୀଶୁ ଆରେ ୱେଚ୍‌ଚାନ୍, “ଜଗତ୍ ସେସ୍‌ଆନି ଟିକ୍ ଆଗେ ହେୱାନ୍ ପୁର୍ତିତାକେ ୱାନାନ୍। ହେୱାନ୍ ଇନେସ୍ ପୁର୍ତିତାଙ୍ଗ୍ ସରଗ୍‌ତାକେ ହାଲ୍‌ଜି ମାଚାନ୍, ହେୱାନ୍ ଟିକ୍ ହେଲେକେ ପୁର୍ତିତାକେ ୱାନାନ୍। ହେୱାନିଙ୍ଗ୍ ର ଗାଗାଡ଼୍ ମାନାତ୍ ଆରେ ହେୱାନ୍ ବାଦାଡ଼୍‌ତାଙ୍ଗ୍ ୱାନାନ୍।” ଯୀଶୁ ଏଚେପାଦ୍ନା ୱାନାନ୍, ଏଚେଜାଣ୍ ଖ୍ରୀଷ୍ଟାନ୍ ମାନାୟାର୍ ହାଃଜି ମାନାର୍, ହେୱାର୍ ହାଃତିତାଙ୍ଗ୍ ଜିବୁନ୍ ଆନାର୍ ଆରେ ହେୱାନିଙ୍ଗ୍ ବାଦାଡ଼୍‌ତାକେ ହୁଡ଼୍‌ନାର୍।

![](https://cdn.door43.org/obs/jpg/360px/obs-en-50-12.jpg)

ତାପାଚେ ଇମ୍‌ଣି ଖ୍ରୀଷ୍ଟାନାର୍ ଜିବୁନ୍ ମାନ୍‌ଗାନାର୍ ହେୱାର୍ ହାଃତିତାଙ୍ଗ୍ ଜିବୁନ୍ ଆଜି ନିଙ୍ଗ୍‌ତି ଖ୍ରୀଷ୍ଟାନାର୍ ହୁଦାଙ୍ଗ୍ ମାହାଆଜି ବାଦାଡ଼୍‌ତାକେ ହାନାର୍। ହେୱାର୍ ୱିଜାକାର୍ ହେବେ ଯୀଶୁ ହୁଦାଙ୍ଗ୍ ମାନ୍‌ଗାନାର୍। ତାପାଚେ ଯୀଶୁ ତା ମାନାୟାର୍ ହୁଦାଙ୍ଗ୍ ୱିଜୁ ଶାନ୍ତି ଆରେ ଏକ୍‌ଆଜି ୱିଜ୍‌ୱିଦିନ୍ ପାତେକ୍ ମାନ୍‌ଗାନାର୍।

![](https://cdn.door43.org/obs/jpg/360px/obs-en-50-13.jpg)

ଇମ୍‌ଣାକାର୍ ଯୀଶୁତାକେ ପାର୍ତି କିନାର୍ ହେୱାରିଙ୍ଗ୍ ର ମୁକୁଟ୍ ହିନି କାଜିଙ୍ଗ୍ ଯୀଶୁ ପାର୍ମାଣ୍ କିତାନ୍‌ନା। ହେୱାର୍ ଈଶ୍ୱର ହୁଦାଙ୍ଗ୍ ପୁରା ଶାନ୍ତିତାଙ୍ଗ୍ ବାହାକିଜି ସାସନ୍ କିନାର୍।

![](https://cdn.door43.org/obs/jpg/360px/obs-en-50-14.jpg)

ମାତର୍ ଇମ୍‌ଣାକାର୍ ଯୀଶୁତାକେ ପାର୍ତି କିଉର୍ ଈଶ୍ୱର ହେୱାରିଙ୍ଗ୍ ବିଚାର୍ କିନାନ୍। ହେୱାନ୍ ହେୱାରିଙ୍ଗ୍ ଆଡ଼୍‌ବାନାକା ଆରେ ଟାଡାଙ୍ଗ୍ କିଡ଼ିମିଡ଼ି ଆନି ନରକ୍‌ତାକେ ତୁସିହିନାନ୍, ଇଲେକେ ର ନାଣି ଇନେୱାଡ଼ାଙ୍ଗ୍ ପା ହାଉତ୍ ଆରେ ୱିଜୁଦିନ୍ କାଚାଆଜି ମାନାତ୍, ଆରେ ପିକୁଙ୍ଗ୍ ହେୱାରିଙ୍ଗ୍ ତିନାକା ଟେବାଇ କିଉକ୍।

![](https://cdn.door43.org/obs/jpg/360px/obs-en-50-15.jpg)

ଯୀଶୁ ଏଚେପାଦ୍ନା ୱାନାନ୍, ହେୱାନ୍ ପୁରାପୁରି ବାବ୍‌ରେ ଶୟତାନ ଆରେ ତା ରାଜିତିଙ୍ଗ୍ ନଷ୍ଟ କିନାନ୍। ହେୱାନ୍ ଶୟତାନତିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ମାନିକିୱି ବାଦୁଲ୍ ତା ୱାନାକାଦିଙ୍ଗ୍ ଇଚାକିତି ୱିଜାକାରିଙ୍ଗ୍ ନରକ୍‌ତାକେ ତୁସି ହିନାନ୍ ହେବେ ୱିଜ୍‌ୱିଦିନ୍ ପାତେକ୍ କାଡ଼୍‌ଜି ମାନାର୍‌।

![](https://cdn.door43.org/obs/jpg/360px/obs-en-50-16.jpg)

ଇନେସ୍‌କି ଆଦମ ଆରେ ହବା ଈଶ୍ୱର କାତାତିଙ୍ଗ୍ ମାନି କିୱାତାର୍ ଆରେ ଇ ଜଗତ୍‌ତାକେ ପାପ୍ ଦେସ୍ କିୟିକିତାର୍, ଲାଗିଙ୍ଗ୍ ଈଶ୍ୱର ଇଦାଙ୍ଗ୍‌ତିଙ୍ଗ୍ ଅବିସାପ୍ ହିତାନ୍ ଆରେ ଇଦାଙ୍ଗ୍‌ତିଙ୍ଗ୍ ନଷ୍ଟକିନି କାଜିଙ୍ଗ୍ ଇଚା କିତାନ୍‌। ମାତର୍ ଦିନେକ୍ ଈଶ୍ୱର ର ପୁନି ସରଗ୍ ଆରେ ପୁନି ପୁର୍ତି ରହ୍‌ନାନ୍ ହେଦାଙ୍ଗ୍ ସିଦ୍ ଆରେ ପୁରା ଆନାତ୍।

![](https://cdn.door43.org/obs/jpg/360px/obs-en-50-17.jpg)

ଯୀଶୁ ଆରେ ତା ମାନାୟାର୍ ପୁନି ପୁର୍ତିତାକେ ବାହା କିନାର୍, ଆରେ ଇନାକା ୱିଜୁ ମାନାତ୍ ହେ ୱିଜୁ ଜପି ହେୱାନ୍ ୱିଜ୍‌ୱିଦିନ୍ ପାତେକ୍ ସାସନ୍ କିନାନ୍। ହେୱାନ୍ ୱିଜାକାରିଙ୍ଗ୍ କାଣେଲିଙ୍ଗ୍ ନେନ୍ଦ୍‌ଦି ହିନାନ୍ ଆରେ ଇନସ୍ତା, ଦୁକ୍, ଆଡ଼୍‌ବାନାକା, କରାପ୍, କଷ୍ଟ କି ହାଃନାକା ହିଲ୍‌ଗୁତ୍‌। ଯୀଶୁ ଶାନ୍ତି ଆରେ ନ୍ୟାୟ୍‌ତାଙ୍ଗ୍ ତା ରାଜି ଜପି ସାସନ୍ କିନାନ୍ ଆରେ ହେୱାନ୍ ତା ମାନାୟାର୍ ହୁଦାଙ୍ଗ୍ ୱିଜ୍‌ୱିଦିନ୍ ପାତେକ୍ ମାନ୍‌ଗାନାନ୍।

*ବାଇବଲ୍‌ନି ର କାତା: ମାଥିଉ ୨୪: ୨୪; ୨୮: ୧୮; ଯୋହନ ୧୫:୨୦, ୧୬: ୩୩; ପ୍ରକାଶିତ ୨: ୧୦; ମାଥିଉ ୧୩: ୨୪- ୩୦, ୩୬- ୪୨; ୧ଥେସଲନିକୀୟ ୪: ୧୩- ୫: ୧୧; ଯାକୁବ ୧: ୧୨; ମାଥିଉ ୨୨: ୧୩; ପ୍ରକାଶିତ ୨୦: ୧୦; ୨୧: ୧- ୨୨: ୨୧*