# unfoldingWord Open Bible Stories — Powari

- Language code: `pwr`
- Canonical page: https://openbiblestories.org/l/pwr/
- Stories in this file: 48 of 50
- Published by: translationCore-Create-BCS, OBS-TLF
- Last release: 2026-07-28
- License: CC BY-SA 4.0 (https://creativecommons.org/licenses/by-sa/4.0/). The original work by unfoldingWord is available from https://openbiblestories.org
- Illustrations: © Sweet Publishing, CC BY-SA 3.0

unfoldingWord Open Bible Stories is a collection of 50 illustrated Bible stories, from Creation to Revelation, that churches and translation teams read, listen to, translate and share freely under the Creative Commons Attribution-ShareAlike 4.0 license. This file mirrors the Powari translation; it is not a translation of the whole Bible.

## 1. सृष्टि

https://openbiblestories.org/l/pwr/story-1/

![](https://cdn.door43.org/obs/jpg/360px/obs-en-01-01.jpg)

एन प्रकार लक परमेशवर न शुरवात मा सब चेलाहीन की सृष्टि करीसेस ! वन छः दिवस मा संसार की अखिन जेव काही ओकोमा से उन सब की सृष्टि करीसेस ! परमेशवर को दुवारा जागा की सृष्टि को बाद मा वहाँ इधारोपण अखिन खाली पडी होती , काहेकी आब वारी परमेशवर न ओको मा काई चीज बनाई नोवतीस! पर परमेशवर को आत्मा पानी को ऊपर मडरात होतो

![](https://cdn.door43.org/obs/jpg/360px/obs-en-01-02.jpg)

मग परमेशवर न कहिस , उजाड़ो होय ! " तब उजाड़ो भय गयेव

![](https://cdn.door43.org/obs/jpg/360px/obs-en-01-03.jpg)

सृष्टि करन को दूसरों दिवस मा परमेशवर न कहीस की, "पानी को ओरत्या एक अंतर होयजाए

![](https://cdn.door43.org/obs/jpg/360px/obs-en-01-04.jpg)

तीसरों दिवस मा परमेश्वर न कहीस , " की पानी एक जागा मा होयजाए अखिन वारी जागा दिसान दे

![](https://cdn.door43.org/obs/jpg/360px/obs-en-01-05.jpg)

मग परमेशवर न कहीस , " जमीन पर सब प्रकार का झाड झढुला वापेत

![](https://cdn.door43.org/obs/jpg/360px/obs-en-01-06.jpg)

सृष्टि करन को चौथो दिवस मा परमेश्वर न कहीस की , " बादर मा तारा होए जाओ

![](https://cdn.door43.org/obs/jpg/360px/obs-en-01-07.jpg)

पाँचओ दिवस परमेश्वर न कहीस की , “जिंदा प्राणी पानी ला भर देव अखिन बादर मा पक्षी उड़ेंत । " एन तरीका लक वन पानी मा तैरन वाला पूरा जीव जन्तुहिनला अखिन पक्षीहीनला बनाइस

![](https://cdn.door43.org/obs/jpg/360px/obs-en-01-08.jpg)

सृष्टि करन को छठवो दिवस मा परमेश्वर न कहीस की , “जमीन पर रवन वाला पूराई तरीका का जनावर हौवो

![](https://cdn.door43.org/obs/jpg/360px/obs-en-01-09.jpg)

मग परमेश्वर न कहीस की , “आओ मग अमी आदमीहिनला आपरो ज्सो अखिन आपरो समान बनावबिन

![](https://cdn.door43.org/obs/jpg/360px/obs-en-01-10.jpg)

तब मग परमेश्वर न माटी ला धारकर आदमी ला बनाइस अखिन ओको मा जीवन को श्वांस ला फूँक देइस

![](https://cdn.door43.org/obs/jpg/360px/obs-en-01-11.jpg)

वन बगीचा को बीच मा परमेश्वर न दुई खास झाड़ ल्गाइस- जीवन को झाड़ अखिन अछो अखिन गलत ज्ञान को झाड़

![](https://cdn.door43.org/obs/jpg/360px/obs-en-01-12.jpg)

मंग परमेश्वर न कहीस , “आदमी को एकलों रवनो साजरों नहाए

![](https://cdn.door43.org/obs/jpg/360px/obs-en-01-13.jpg)

एको लाइक परमेश्वर न आदम ला गहरी नींद मा डाकिस

![](https://cdn.door43.org/obs/jpg/360px/obs-en-01-14.jpg)

जेंधावर आदम न वला देकिस तब वन कहीस , “कम से कम या मोरो वाणी से! यला बायको कहेत, काहेकी या आदमी लक बनीसे

![](https://cdn.door43.org/obs/jpg/360px/obs-en-01-15.jpg)

परमेश्वर न नवरा बायको ला आपरो वाणी बनाइस

![](https://cdn.door43.org/obs/jpg/360px/obs-en-01-16.jpg)

जब सातवों दिवस आयव तब परमेश्वर जेव काई करत होतो वन वय पूरा कामहिन ला खत्म करिस उत्पत्ति अध्याय 1-2 वरी या एक बाइबल मा की एक कहानी…….

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_01_32kbps.mp3

## 2. पाप दूनया मा आएव

https://openbiblestories.org/l/pwr/story-2/

![](https://cdn.door43.org/obs/jpg/360px/obs-en-02-01.jpg)

आदम अखिन ओकी बायको परमेश्वर दूवारा बनाएव गएव सुंदर बगीचा मा बहुत मजा ल रव्हत होता

![](https://cdn.door43.org/obs/jpg/360px/obs-en-02-02.jpg)

पर वन बगीचा मा एक सर्प भी होतो

![](https://cdn.door43.org/obs/jpg/360px/obs-en-02-03.jpg)

वन बायको न जवाब देइस , “ परमेश्वर न आमरो सीन कहिसे की आमी वन सही अखिन गलत को ज्ञान को झाड़ को सिवाय कोनतोंच झाड़ को फल खाए सिक सेजन

![](https://cdn.door43.org/obs/jpg/360px/obs-en-02-04.jpg)

वन सर्प न बायको ला जवाब देइस , “ एव सही नाहाय ! तुमी नही मरो

![](https://cdn.door43.org/obs/jpg/360px/obs-en-02-05.jpg)

एन बायको न देखीस की उ फल मनभाऊक से अखिन स्वादिष्ट दिखाई देसे

![](https://cdn.door43.org/obs/jpg/360px/obs-en-02-06.jpg)

एकदम लक, उनका डोरा खुल गया, अखिन उनला मालूम पडे गयेव की अमी नंगा सेजन

![](https://cdn.door43.org/obs/jpg/360px/obs-en-02-07.jpg)

मग आदमी अखिन ओकी बायको न वन बगीचा मा फिरेव समान परमेश्वर की आवाज आयकीन

![](https://cdn.door43.org/obs/jpg/360px/obs-en-02-08.jpg)

मंग परमेश्वर न खबर लेइस की , “ तोला कोण सगीस की तू नंगा से ? का तू न वन फल ला खाएस जेला मीन खान ला मना करेव होतो ? ” आदमी न जवाब देइस, “ तुमीन मोला या बायको देयात यन मोला एव फल देइस

![](https://cdn.door43.org/obs/jpg/360px/obs-en-02-09.jpg)

परमेश्वर न सर्प ला कहिस , “ तू शापित से ! तू आपलो पेट को भार लक चलजो अखिन माटी चाटजो

![](https://cdn.door43.org/obs/jpg/360px/obs-en-02-10.jpg)

तब परमेश्वर न बायको सीन कहिस , “ कि मी तोरों लेकरू ज्न्न को दुख ला बहुत ब्डाऊ

![](https://cdn.door43.org/obs/jpg/360px/obs-en-02-11.jpg)

परमेश्वर न आदमी सीन कहिस , “ की तुन आपरो बायको की आयकेस अखिन मोरी आज्ञा नही मानेस

![](https://cdn.door43.org/obs/jpg/360px/obs-en-02-12.jpg)

मंग परमेश्वर न कहिस , “ आता आदमी अच्छो अन गलत को बारे मा जान कर आमरो ज्सो भय गइसे , एको लाइक उनला वन जीवन को झाड को फल नही खान देए पायजे नही त वय हमेसा लाइक जिंदा रहेती उत्पत्ति की किताब अध्याय 3 लक या एक बाइबिल की कहानी ....

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_02_32kbps.mp3

## 3. पुर

https://openbiblestories.org/l/pwr/story-3/

![](https://cdn.door43.org/obs/jpg/360px/obs-en-03-01.jpg)

बहुत समय को बादमा , संसार मा बहुत सारा लोग रवत होता

![](https://cdn.door43.org/obs/jpg/360px/obs-en-03-02.jpg)

पर परमेश्वर नूह सीन खुश होतो

![](https://cdn.door43.org/obs/jpg/360px/obs-en-03-03.jpg)

परमेश्वर न नूह ला लगभग 140 मीटर लंबी, 23 मीटर चौडी अखिन 13.5 मीटर ऊंचो डोंगा बनावन ला कहीस

![](https://cdn.door43.org/obs/jpg/360px/obs-en-03-04.jpg)

नूह न परमेश्वर की बात ला मानिस

![](https://cdn.door43.org/obs/jpg/360px/obs-en-03-05.jpg)

परमेश्वर न नूह ला अखिन ओको परिवार ला आपरो लाइक अखिन ढोरहिन लाइक पर्याप्त खानो जमा करन को हुकुम भी देइस

![](https://cdn.door43.org/obs/jpg/360px/obs-en-03-06.jpg)

परमेश्वर न पूरइ ढोर अखिन पक्षीहिन मा का नर अना मादाहिन ला नूह जवर धाडीस की वय डोंगा मा जायके वन पुर लक सुरकक्षित रयेत

![](https://cdn.door43.org/obs/jpg/360px/obs-en-03-07.jpg)

तब पानी आवनों चालू भएव, अखिन पानी आवतों रयेव, आवतो रयेव

![](https://cdn.door43.org/obs/jpg/360px/obs-en-03-08.jpg)

वारी जागा पर रवन वाली हर एक चीज मर गई, वन आदमीहिन ला अखिन ढोरहिन ला छोड़ कर जो वेय डोंगा मा होता

![](https://cdn.door43.org/obs/jpg/360px/obs-en-03-09.jpg)

पानी को बंद होए जान को बाद मा, पाँच महिना वरी ऊ डोंगा पानी पर तैरत रयेव, अखिन वन समय मा पानी कम होन लगेव

![](https://cdn.door43.org/obs/jpg/360px/obs-en-03-10.jpg)

मंग अखिन चालीस दिवस को बाद मा, नूह न एक कावरा ला एव देखन लाइक बाहार धाड़िस की पानी घटेव का नही

![](https://cdn.door43.org/obs/jpg/360px/obs-en-03-11.jpg)

मंग बाद मा नूह न एक कबूतरी ला बाहेर धाड़िस

![](https://cdn.door43.org/obs/jpg/360px/obs-en-03-12.jpg)

नूह एक हप्ता अखिन रुकेव रहेव अखिन तीसरों बार वन कबूतरी ला बाहेर धाड़िस

![](https://cdn.door43.org/obs/jpg/360px/obs-en-03-13.jpg)

दुई महिना को बाद मा परमेश्वर न नूह सीन कहीस, “आता तू अखिन तोरो परिवार अखिन पुरई ढोरहिन ला डोंगा मालक निकलकर आए जाओ

![](https://cdn.door43.org/obs/jpg/360px/obs-en-03-14.jpg)

नूह को डोगा मा लक बाहेर आवन को बाद मा, वन एक वेदी ला बनाइस अखिन बलिदान को काम मा आयेत एन प्रकार का पुरई ढोरहिन मा का काईहिन ला धारके बलिदान करीस

![](https://cdn.door43.org/obs/jpg/360px/obs-en-03-15.jpg)

परमेश्वर न कहीस, “मी वादा करुसू की आदमीहिन सीन होय जान वाला गलत कामहिन को कारण मी डबल लका कभी जागा ला श्राप नहीं देऊ या पुर लका संसार ला नाश नहीं करू, हालाँकि आदमी आपरो बचपन लकाच पापी से

![](https://cdn.door43.org/obs/jpg/360px/obs-en-03-16.jpg)

मंग परमेश्वर न आपरो वाचा को चिन्ह को रूप मा पहीलो मेघधनुस ला बनाइस उत्पत्ति की किताब अध्याय 6-8 वरी या एक बाइबल मा की कहानी…………….

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_03_32kbps.mp3

## 4. अब्राहम सीन परमेश्वर को वादा

https://openbiblestories.org/l/pwr/story-4/

![](https://cdn.door43.org/obs/jpg/360px/obs-en-04-01.jpg)

पुर को कई सालहिन को बाद मा, एन संसार मा बहुत सारा आदमी रव्हन लगया होतो, अखिन ऊन मंग लका परमेश्वर को अखिन एक दुसराहिन को विरुद मा पाप करीन

![](https://cdn.door43.org/obs/jpg/360px/obs-en-04-02.jpg)

वय बहुत घमंडी होता, अखिन उनला कसो जीवन जीनो से एको बारेमा वय परमेश्वर को आदेश ला पालन करणो नहीं चाहवत होता

![](https://cdn.door43.org/obs/jpg/360px/obs-en-04-03.jpg)

येकोंलाइक परमेश्वर न उनको भाषा ला बहुत सारी भाषाहिन मा बदल देइस अखिन ऊनला पुरो संसार मा बिखराय देइस

![](https://cdn.door43.org/obs/jpg/360px/obs-en-04-04.jpg)

काई सालहिन को बाद मा, परमेश्वर न अब्राम नाव को एक आदमी सीन बात करिस

![](https://cdn.door43.org/obs/jpg/360px/obs-en-04-05.jpg)

अधिक अब्राम न परमेश्वर को बात ला मानीस

![](https://cdn.door43.org/obs/jpg/360px/obs-en-04-06.jpg)

जेंधावर अब्राम कनान मा गएव तब परमेश्वर न वोकों लका कहीस, “आपरो चारई आंग देख

![](https://cdn.door43.org/obs/jpg/360px/obs-en-04-07.jpg)

मलिकीसिदक नाव को एक आदमी होतो ऊ सबलक मोठो परमेश्वर को याजक होतो

![](https://cdn.door43.org/obs/jpg/360px/obs-en-04-08.jpg)

काई साल निकल गया, तब भी अब्राम अखिन सारै ला कोई सन्तान नोहती

![](https://cdn.door43.org/obs/jpg/360px/obs-en-04-09.jpg)

तब परमेश्वर न अब्राम सीन एक वाचा बांधिस उत्पत्ति की किताब अध्याय 11-15 लक या एक बाइबल की कहानी…

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_04_32kbps.mp3

## 5. वादा को टूरा

https://openbiblestories.org/l/pwr/story-5/

![](https://cdn.door43.org/obs/jpg/360px/obs-en-05-01.jpg)

अब्राम अखिन सारै ला कनान पहुँचन को दस साल को बाद मा, आब वरी ऊन ला कोई संतान नोहती

![](https://cdn.door43.org/obs/jpg/360px/obs-en-05-02.jpg)

मंग अब्राम न हाजीरा सीन बिया करलेइस

![](https://cdn.door43.org/obs/jpg/360px/obs-en-05-03.jpg)

परमेश्वर न कहीस, “मी सर्व-शक्तिमान परमेश्वर सेव

![](https://cdn.door43.org/obs/jpg/360px/obs-en-05-04.jpg)

“तोरी बायको सारै एक टुरा ला जन्म देए–ऊ वादा को टुरा होए

![](https://cdn.door43.org/obs/jpg/360px/obs-en-05-05.jpg)

वन दिवस अब्राहम न आपरो पूरो परिवार का आदमीहीन को खतना करीस

![](https://cdn.door43.org/obs/jpg/360px/obs-en-05-06.jpg)

जब इसहाक जवान भएव तब परमेश्वर न यव कयके अब्राहम को विश्वास की परीक्षा लेइस, “आपरो एकलौतो टुरा धरके, अखिन वोला मोरो लाइक बली को रूप मा मार डाक

![](https://cdn.door43.org/obs/jpg/360px/obs-en-05-07.jpg)

जब अब्राहम अखिन इसहाक बलिदान करण को जागा कर जान लगाय त इसहाक न पुछिस, अ बाबूजी, आमरो जवर बलिदान लाइक लकड़ी त सेती, पर बलिदान करण लाइक मेमना कहा से?” अब्राहम न जवाब देइस, “अ मोरो टुरा, परमेश्वर बलिदान करण लाइक मेमना को उपाय करे

![](https://cdn.door43.org/obs/jpg/360px/obs-en-05-08.jpg)

जब वय बलीदान करण को जागा मा आया, तब अब्राहम न इसहाक ला बाँध कर वेदी पर सोवाय देइस

![](https://cdn.door43.org/obs/jpg/360px/obs-en-05-09.jpg)

जवरच अब्राहम न एक मेढा ला देखीस ऊ झुनकूड मा फसेव होतो

![](https://cdn.door43.org/obs/jpg/360px/obs-en-05-10.jpg)

मंग परमेश्वर न अब्राहम सीन कहीस, “काहेकी तू मोरो लाइक पुरो काइच देन ला इच्छुक सेस, यहा वरी की आपरो एकलौतो टुरा ला भी, एकोलाइक मी तोला आशीष देन को वादा करुसू उत्पत्ति की किताब अध्याय 16-22 लक या एक बाइबल मा की कहानी…

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_05_32kbps.mp3

## 6. परमेश्वर इसहाक लाइक उपाय करसे

https://openbiblestories.org/l/pwr/story-6/

![](https://cdn.door43.org/obs/jpg/360px/obs-en-06-01.jpg)

जब अब्राहम जादा बुड्गा भय गएव होतो तब ओको टुरा , इसहाक ,एक आदमी को उम्र को भय गएव होतो | एकोलाइक अब्राहम न आपरो एक नवकर ला आपरो टुरा इसहाक लाइक वन देश मालक एक बायको आन्न लाइक धाड़िस जहां ओका रिश्तेदार रव्हत होता |

![](https://cdn.door43.org/obs/jpg/360px/obs-en-06-02.jpg)

जहां अब्राहम का रिश्तेदार रवत होता वन देश मा जान लाइक एक मोठी लंबी यात्रा को बाद मा परमेश्वर न वन नवकर ला रिबका जवर लिजाइस | वा अब्राहम को भाई की नातिन होती |

![](https://cdn.door43.org/obs/jpg/360px/obs-en-06-03.jpg)

रिबका आपरो परिवार ला छोड़ सारी वन नवकर को संग वापिस जान लाइक तैयार भय गई | जसाच वय गया इसहाक न ओको सीन बिहाया कर लेइस |

![](https://cdn.door43.org/obs/jpg/360px/obs-en-06-04.jpg)

एक लंम्बो समय को बाद मा , अब्राहम मर गएव | तब परमेश्वर न अब्राहम को टुरा इसहाक ला , अब्राहम को संग करेव वादा को करण आशीर्वाद देइस | वन वादा मा परमेश्वर की एक आज्ञा होती की अब्राहम की अनगिनत पीडी होयेती | पर इसहाक को बायको रिबका ला लेकरू पैदा नहीं भया |

![](https://cdn.door43.org/obs/jpg/360px/obs-en-06-05.jpg)

इसहाक न रिबका साथी प्रार्थना करिस , अखिन परमेश्वर न ओला जुड़वा लेकरू को गर्भ रुकन लाइक तैयार करिस | जेन समय मा वय लेकरू रिबका को गर्भ माच होता वय आपरो माच झगड़ा करण लगया , एकोलाइक जेव काईही होत होतो रिबका न ऊ परमेश्वर ला सांग देइस |

![](https://cdn.door43.org/obs/jpg/360px/obs-en-06-06.jpg)

परमेश्वर न रिबका सीन कहीस , “ तू दुई टुराहिन ला जन्म देजों | उनकी पीढ़ी दुई अलग - अलग जातीहिन ला बनायेती | वय एक दूसरों सीन झगड़ेती | पर मोठों टुरा सीन पैदा होन वाली जाती ला नाहान टुरा सीन आवने वाली जाती की आज्ञा माननों पड़े | ”

![](https://cdn.door43.org/obs/jpg/360px/obs-en-06-07.jpg)

जब रिबका को टुराहिन को जन्म भएव , त मोठों टुरा लाल रंग अखिन बालवालो होतो , अखिन उन ओको नाव एसाव राखिन | तब नाहान टुरा एसाव को पाय ला धरके पैदा भएव , अखिन उन ओको नाव याक़ूब राखिन |

*उत्पत्तिअध्याय 24:1-25:26 सेएकबाइबलकीकहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_06_32kbps.mp3

## 9. परमेश्वर मूसा ला बुलावसे

https://openbiblestories.org/l/pwr/story-9/

![](https://cdn.door43.org/obs/jpg/360px/obs-en-09-01.jpg)

यूसुफ को मरन को बाद मा ओका पूरा रिश्तेदार मिस्र माच बस गया |वय अखिन उनका खानदान कई साल वरी मिस्र माच रया अखिन उन बहुत लेकरू पैदा करीन | वय इस्राएलि भया |

![](https://cdn.door43.org/obs/jpg/360px/obs-en-09-02.jpg)

कई साल को बाद मा, इस्राएलिहिन की संख्या बहुत बढ़ गई होती | अखिन मिस्र का आदमी आता एन बात लक खुश नोहता की उनकी मदत करण लाइक यूसुफ न बहुत काही करी होतीस | वय इस्राएलिहिन सीन डर गया काहेकी वय संख्या मा जास्ती होता | एकोलाइक वन समय मा मिस्र पर अधिकार राखने वालो फिरौन न इस्राएलिहिन ला मिस्रीइन को दास बनाय लेइस|

![](https://cdn.door43.org/obs/jpg/360px/obs-en-09-03.jpg)

मिस्रीहिन न इस्राएलीइन ला बहुत सारी इमारत अखिन यहान वरी की कई गाँवहिन ला बनावन लाइक मजबूर करिन | वन कठो मेहनत न उनको जीवन ला बहुत दु:ख माय बनाय देइस, पर परमेश्वर न उनला आशीर्वाद देइस अखिन उनला अखिन जादा लेकरू पैदा भया |

![](https://cdn.door43.org/obs/jpg/360px/obs-en-09-04.jpg)

फिरौन न देखीस की इस्राएलिहिन का बहुत जादा लेकरू पैदा होय रया सेती, एकोलाइक वन आपरो लोकहिन ला इस्राएलिहिन को पूर्ण नर टूराइन ला नील नदी मा फेक सारी मार देंन को हुकुम देइस |

![](https://cdn.door43.org/obs/jpg/360px/obs-en-09-05.jpg)

एक इस्राएलि बायको न एक नर टूरा ला जन्म देइस | वन अखिन ओको नवरा न जेतरो उनको सीन जमेव वन टूरा ला लुकाय के राखिन |

![](https://cdn.door43.org/obs/jpg/360px/obs-en-09-06.jpg)

जब वन टूरा का माय - बाप ओला अखिन जादा नहीं लुकाय सीकिन, त उन ओला मरन लक बचावन लाइक एक तैरन वाली टोपली मा नील नदी को किनारो पर सेनाइन को बीच मा राख़ देइन | ओको मोटों बहिन न यव देखन लाइक ओकी निगरानी करिस की ओको संग का होए |

![](https://cdn.door43.org/obs/jpg/360px/obs-en-09-07.jpg)

फिरौन को टुरी न वन टोपली को अंदर मा झांकिस | जब वन एक टूरा ला देखीस त वन ओला आपरो टूरा को रूप मा लेय लेइस | वन एक इस्राएली बायको ला ओला दूध पीवावन लाइक काम पर राख़ लेइस, बगेर यव जानेव की वा वन टूरा की सही की माय होती | जब ऊ टूरा येतरो मोठों भए गएव की आता ओला आपरो माय को दूध की जरूरत नोहती, त वन फिरौन को बेटी जवर सोवाय देइस, ओको नाव मूसा होतो|

![](https://cdn.door43.org/obs/jpg/360px/obs-en-09-08.jpg)

एक दिवस, जब मूसा मोठों भय गएव होतो, त वन देखीस की एक मिस्री एक इस्राएली ला मार रही से | मूसा न आपरो संगी इस्राएली ला बचावन की कोसीस करिस |

![](https://cdn.door43.org/obs/jpg/360px/obs-en-09-09.jpg)

जब मूसा न बिचार करिस की ओला कोई नहीं देख त वन ओला मिस्री ला मार डाकिस अखिन ओको लास ला गाड देइस | पर मूसा न ज़ेव करिस होतीस ओला कोइन देख लेइ होतीस |

![](https://cdn.door43.org/obs/jpg/360px/obs-en-09-10.jpg)

फिरौन ला मालूम भय गएव की मूसा न का करीसेस | वन ओला मार डाकन की कोशीश करिस, पर मूसा मिस्र लक जंगल मा पराय गएव | फिरौन का सैनिक ओला वाहा डुंड नहीं सकिन |

![](https://cdn.door43.org/obs/jpg/360px/obs-en-09-11.jpg)

मिस्र लक दूर जंगल मा मूसा एक सेरकी बन गएव होतो | वन वाहा एक बायको सीन बिया कर लेइस अखिन दुय टुरा पैदा करिस |

![](https://cdn.door43.org/obs/jpg/360px/obs-en-09-12.jpg)

मूसा आपरो सुसरो की भेड़इन को झुंड की देखरेख करत होतो| एक दिवस, वन एक जरती झाड़ी ला देखीस जाय बूजेव बिना जरत होती| ओला देखन लाइक ऊ वन झाड़ी को जवर गएव | जब ऊ ओको बहुत जवर होतो त परमेश्वर न ओकोसीन बात करिस | वन कहीस, “ए मूसा, आपरो जूताहिन ला उतार दे| तू एक पवित्र जागा पर ऊबो सेस|”

![](https://cdn.door43.org/obs/jpg/360px/obs-en-09-13.jpg)

परमेश्वर न कइस, “मीन आपरो लोखहिन को दु:ख ला देखीसेव | मी तोला फिरौन जवर धाडु की तू इस्राएलीहिन ला मिस्र को गुलामी मालक निकाल जो | मी उनला कनान देश देऊ, ऊ देश जोकों मीन अब्राहम, इसहाक अखिन याक़ूब सीन वादा करीसेस|”

![](https://cdn.door43.org/obs/jpg/360px/obs-en-09-14.jpg)

मूसा न पूछिस, “अगर लोखहिन न जानन की कोसीस करींन की मोला कोन धाड़िसेस त मी का काहू?” परमेश्वर न कहीस, “जो मी सेव ऊ मी सेव | उनको सीन बोलो, ‘मी सेव न मोला तुमरो जवर धाड़िसेस |’ उनको सीन यव भी बोलो, ‘मी तुमरो पूर्वज अब्राहाम, इसहाक अखिन याक़ूब को परमेश्वर यहोवा सेव |’ मोरो यव नाव सदा को से |”

![](https://cdn.door43.org/obs/jpg/360px/obs-en-09-15.jpg)

मूसा डरात होतो अखिन फिरौन को जवर जनला पसंद नहीं करत होतो काहेकी वन बिचार करिस की ऊ साजरों लक नहीं बोल सीके, एकोलाइक परमेश्वर न मूसा को भाई, हारून, ला ओकी मदत करन लाइक धाड़िस |

*निर्गमन अध्याय 1-4 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_09_32kbps.mp3

## 10. दस महामारी

https://openbiblestories.org/l/pwr/story-10/

![](https://cdn.door43.org/obs/jpg/360px/obs-en-10-01.jpg)

परमेश्वर न मूसा अखिन हारून ला चेताय देइस की फिरौन हठीला होय जाए | जब येव फिरौन को जवर गया तब उन कहिन, “इस्राइल को परमेश्वर येव कसे की, ‘मोरो लोखहीन ला जान दे!” पर फिरौन न उनकी नहीं आयकिस अखिन इस्राएलिहिन ला खुलो होए के जान देन को बजाए वन उनला अखिन जादा मेहनत करन लाइक मजबूर करिस |

![](https://cdn.door43.org/obs/jpg/360px/obs-en-10-02.jpg)

फिरौन वन लोखहीन ला जान देन लाइक लगातार मना कर रहीसे,येकोलाइक परमेश्वर न मिस्र पर दस भंयकर महामारी ला धाड़िस | यन महामारी को कारन, परमेश्वर न फिरौन ला देखाइस की ऊ फिरौन अखिन मिस्र का देवी-देवताइन लक जादा शक्तिशाली से |

![](https://cdn.door43.org/obs/jpg/360px/obs-en-10-03.jpg)

परमेश्वर न नील नदी ला खून मा बदल देइस, पर फिरौन न आब भी इस्राएलिहिन ला जान नहीं देइस |

![](https://cdn.door43.org/obs/jpg/360px/obs-en-10-04.jpg)

परमेश्वर न पुरो मिस्र मा मेंढक धाड़िस | फिरौन न मेंढकहिन ला दूर करन लाइक मूसा सीन आग्र करिस| पर पूरा मेंढक को मर जान को बाद मा, फिरौन न आपरो मन ला कठ्ठर कर लेइस अखिन इस्राएलिहिन ला मिस्र लक जान नहीं देइस|

![](https://cdn.door43.org/obs/jpg/360px/obs-en-10-05.jpg)

येकोलाइक परमेश्वर न कूटकीहिन की महामारी धाड़िस | ओको बाद मा वन डांसो को महामारी ला धाड़िस | फिरौन न मूसा अखिन हारून ला बुलाइस अखिन उनको सीन कइस की अगर वय वन महामारी ला रोक देएती त इस्राएलि मिस्र ला छोड़ सारी जाय सिकसेत| जब मूसा न प्रार्थना करिस त परमेश्वर न मिस्र पर लक डांसो ला हटाय देइस | पर फिरौन न आपरो मन ला कठ्ठर कर लेइस अखिन वन लोखहीन ला खुला होय के जान नहीं देइस |

![](https://cdn.door43.org/obs/jpg/360px/obs-en-10-06.jpg)

येको पयले, परमेश्वर न मिस्रीइन को पूरा पालतू जनवर इनला बीमार होसारी मर जान देइस | पर फिरौन को मन कठ्ठर भय गएव होतो अखिन वनइस्राएलिइन ला जान नहीं देइस|

![](https://cdn.door43.org/obs/jpg/360px/obs-en-10-07.jpg)

तब परमेश्वर न मूसा सीन फिरौन को समूर हवा मा राख फेंकन लाइक कइस | जब वन असो करिस त मिस्र को लोखहीन को मास परा दुखदायक फोड़ा निकलया,पर इस्राएलिइन ला काई नहीं भएव| परमेश्वर न फिरौन को मन ला कठ्ठर कर देइस, अखिन फिरौन न इस्राएलिइन ला खुलो होकर जान नहीं देइस |

![](https://cdn.door43.org/obs/jpg/360px/obs-en-10-08.jpg)

येको बाद मा, परमेश्वर न इस्तो पाडिस अखिन मिस्र को जादा फसल ला नुकसान कर देइस अखिन ज़ेव कोई बाहारा निकलेव ओला मार डाकिस | फिरौन न मूसा अखिन हारून ला बुलाइस अखिन उनको सीन कइस, “मीन पाप करिसेव | तुमि लोक जाय सिकसेव |” त मूसा न प्रार्थना करिस की, अखिन बादर लक इस्तों पड्नो बंद भय गएव |

![](https://cdn.door43.org/obs/jpg/360px/obs-en-10-09.jpg)

पर फिरौन न अखिन पाप करीस अखिन आपरो मन ला कठ्ठर कर लेइस | वन इस्राएलिइन ला खुलो होय के जान नहीं देइस |

![](https://cdn.door43.org/obs/jpg/360px/obs-en-10-10.jpg)

अधिक परमेश्वर न मिस्र पर टिड्डीइन को झुंड ला आवन देइस| येन टिड्डीइन न उन पूर्ण अनाज ला खाय लेइन जोला ओलाइन लक नाश नहीं करी होतीस |

![](https://cdn.door43.org/obs/jpg/360px/obs-en-10-11.jpg)

मंग परमेश्वर न इंधारों कर देइस ऊ तीन दिवस वरी रहेव | येव एतरो इंधारों होतो की मिस्री लोक आपरो घरइन मा लक निकल नहीं सिकया | पर जहाँ इस्राएलि लोक रवत होता वाहा ऊजाड़ो होतो |

![](https://cdn.door43.org/obs/jpg/360px/obs-en-10-12.jpg)

येन नौ महामारी को बाद भी, फिरौन न इस्राएलिइन ला खुलो होकर जान देनला मना कर देइस | जोकि फिरौन न नहीं आयकी होतीस येकोलाइक परमेश्वर न एक आखरी महामारी धाड्न की सोचिस | यव फिरौन को मन ला बदल देए|

*निर्गमन अध्याय 5-10 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_10_32kbps.mp3

## 11. फसह

https://openbiblestories.org/l/pwr/story-11/

![](https://cdn.door43.org/obs/jpg/360px/obs-en-11-01.jpg)

परमेश्वर न मूसा अखिन हारून ला फिरौन को जवर येव कवन लाइक धाड़िस की इस्राएलिइन ला जान दे| उन ओला चेतावनी देइन की अगर ऊ उनला जान नहीं देए, त परमेश्वर मिस्र का लोखहीन अखिन ढोर का पूरा पहिलौठा ला मार डाके | फिरौनन येव आएक कर भी परमेश्वर परा विश्वास करन ला अखिन ओकी बात मानला इंकार कर देइस|

![](https://cdn.door43.org/obs/jpg/360px/obs-en-11-02.jpg)

परमेश्वर न ओको पर विश्वास करन वालो कोई को भी पहिलो टुरा ला बचावन लाईक एक ऊपाय करिस| सब परिवार ला एक निष्कलंक मेमना ला धरकर ओकी बलिदान करणों होतो|

![](https://cdn.door43.org/obs/jpg/360px/obs-en-11-03.jpg)

परमेश्वर न इस्राएलिइन सीन वन मेमना को खून ला धर कर आपरो घरइन को दरवाजो पर लगावन लाइक कइस| उनला ओको माँस ला भुजनो होतो अखिन मंग उनला अखमिरी रोटी को संग ओला फुरताई लक खानो होतो| वन ऊ जेवन करन को बाद मा उनला तत्काल मिस्र ला छोड़न लाइक भी तैयाररवन लाइक कइस |

![](https://cdn.door43.org/obs/jpg/360px/obs-en-11-04.jpg)

जसो करन लाइक परमेश्वर न इस्राएलिइन ला हुकुम देई होतीस ऊन ओको मुताबिक सब काई करिन | अर्धोंरात्रि मा, परमेश्वर पूरो एक पहिलो टुरा ला मारत मिस्र को बीच मा लक गएव |

![](https://cdn.door43.org/obs/jpg/360px/obs-en-11-05.jpg)

इस्राएलिइन को पुरो एक घर को दरवाजो पर खून लगेव होतो, येकों लाइक परमेश्वर न वन घरइन ला छोड़ देइस| उनको अंदर का सब लोक सही सलामत होता| वय मेमना को खून को वजह लक बच गया होता|

![](https://cdn.door43.org/obs/jpg/360px/obs-en-11-06.jpg)

लेकिन मिस्रीइन न परमेश्वर पर विश्वास नहीं करी होतीन अखिन ओको हुकुम ला नहीं मानी होतीन | येकों लाइक परमेश्वर न उनको घर ला नहीं छोड़िस | परमेश्वर न मिस्रीइन का पूरा एक पहेलों टुरा ला मार देइस |

![](https://cdn.door43.org/obs/jpg/360px/obs-en-11-07.jpg)

जेल मा का कैदिइन को पहेलों लक, त फिरौनको पहेलों तक, पूरई एक पहेला नर मर गया | आपरो गहरों दुख को कारण मिस्र का बहुत सारा लोक रोवत होता अखिन सोक मनावत होता|

![](https://cdn.door43.org/obs/jpg/360px/obs-en-11-08.jpg)

वनच रात मा,फिरौन न मूसा अखिन हारून ला बुलाइस अखिन कहीस, “इस्राएलिहिन ला धरकर जलदीच मिस्र मा लक निकल जाओ!” मिस्र का लोखहीन न भी इस्राएलिहिन ला जलदीच जान ला आग्रह करीन|

*निर्गमनअध्याय 11:1-12:32 सेएकबाइबलकीकहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_11_32kbps.mp3

## 12. निर्गमन

https://openbiblestories.org/l/pwr/story-12/

![](https://cdn.door43.org/obs/jpg/360px/obs-en-12-01.jpg)

इस्राएली लोक मिस्र लक निकल सारी बहुत खुश होता | वय आता गुलाम नोहता , अखिन वय वादा को देश मा जात होता ! जेव काही इस्राएलीहिन न मागीन , मिस्रीहिन न उनला ऊ पुरो सपाई देयदेइन , याहान वरी की सोना अखिन चाँदी अखिन अन्य बहुमूल्य सामाइन | दूसरों देश का काई लोखहीन न परमेश्वर पर विश्वास करिन अखिन जब इस्राएली लोक मिस्र मालक निकलया त वय भी उनको संग भय गया |

![](https://cdn.door43.org/obs/jpg/360px/obs-en-12-02.jpg)

दिवस मा बादर को एक विशाल खम्बा उनको सामने - सामने चलेव | अखिन रात को समय मा येव इस्तों को खम्बा बन गएव | परमेश्वर जेव की वन बादर को खम्बा मा अखिन इस्तों को खम्बा मा होतो , हमेशा उनको संग होतो अखिन वन यात्रा करन को बेरा मा उनला साथ देइस | उनला मात्र येतरो करणो होतो की ओको मंग चलन को |

![](https://cdn.door43.org/obs/jpg/360px/obs-en-12-03.jpg)

थोड़ों समय को बाद मा , फिरौन अखिन ओको लोखहीन न आपरो मन ला बदल देइन | वय इस्राएलिइन ला अधिक एक बार आपरो गुलाम बनावन ला चावत होता | येकोलाइक उन इस्राएलिहिन को धावा करिन | यव परमेश्वरच होतो जेन उनको मनला बदल देइस होतीस | वन असो येकों लाइक करीस कहेकी ऊ चावत होतो की सबजन यव जान लेहेत की फिरौनसीन अखिन मिस्रीहिन का सपाई देवी देवता सीन ऊ , यहोवा , जादा शक्तिशाली से |

![](https://cdn.door43.org/obs/jpg/360px/obs-en-12-04.jpg)

जब इस्राएलिहिन न मिस्र का सेनिक आवत देखिन त उनला मालूम भएव की वय फिरौन का सेनिक अखिन लाल समुद्र को बीच मा फँस गया | वय बहुत डर गया अखिन रोवन लगा , “ आमी न मिस्र ला कायला छोडया ? आमी मरने वाला सेजन | ”

![](https://cdn.door43.org/obs/jpg/360px/obs-en-12-05.jpg)

मूसा न इस्राएलिइन सीन कहीस , “ डरनो बंद करो ! परमेश्वर अज तुमरो लाइक लड़े अखिन तुमला बचाए | ” तब परमेश्वर न मूसा सीन कहीस , येन लोखहीन ला लाल समुद्र कर सामने जान लाइक कव | ”

![](https://cdn.door43.org/obs/jpg/360px/obs-en-12-06.jpg)

तब परमेश्वर न वन बदर को खम्बा ला धरसारी इस्राएलिहिन अखिन मिस्रीहिन को बीच मा राख देइस की मिस्री लोक इस्राएलिहिन ला देख नोको सकत |

![](https://cdn.door43.org/obs/jpg/360px/obs-en-12-07.jpg)

परमेश्वर न मूसा सीन समुद्र पर आपरो हाथ बडावन लाइक कहिस | मंग परमेश्वर न वारा लक समुद्र को पानी ला इतन उतन कर देइस , जोकों लक समुद्र मालक एक रस्ता बन गई |

![](https://cdn.door43.org/obs/jpg/360px/obs-en-12-08.jpg)

इस्राएलि लोक आपरो दुई बाचू पानी की दीवार को संग वारी जागा पर समुद्र मालक सामने गया |

![](https://cdn.door43.org/obs/jpg/360px/obs-en-12-09.jpg)

तब परमेश्वर न वन रस्ता लक बादर ला उठाइस की मिस्री लोक इस्राएलिहिन ला बचाय देख सिकत | मिस्रीहिन न उनला धरण लाइक उनको धावा करन को सोचिन |

![](https://cdn.door43.org/obs/jpg/360px/obs-en-12-10.jpg)

अदिक मंग उन समुद्र को बीच मालक वन रस्ता लक इस्राएलीहिन को धावा करिन , पर परमेश्वर न मिस्रीहिन ला घबराय देईस अखिन उनको रथहिन ला अटकाय देईस | वय चील्लान लगया , “ पराओ ! इस्राएलीहिन कर लक परमेश्वर लड़ रहीसे | ”

![](https://cdn.door43.org/obs/jpg/360px/obs-en-12-11.jpg)

सपाई इस्राएली समुद्र को दूसरों आंग चली गया | तब परमेश्वर न मूसा सीन कहीस की ऊ अखिन पानी पर हाथ बड़ाव | जब मूसा न असो करिस , त पानी मिस्री सेना पर आय पड़ेव अखिन आपरो जसो को तसोच भए गएव | सपाई मिस्री सेना डूब गई |

![](https://cdn.door43.org/obs/jpg/360px/obs-en-12-12.jpg)

जब इस्राएलीहिन न देखिन की मिस्री मर गया त उन परमेश्वर पर विश्वास करिन | उन विश्वास करिन की मूसा परमेश्वर कर लक भविष्यद्वक्ता होतो |

![](https://cdn.door43.org/obs/jpg/360px/obs-en-12-13.jpg)

इस्राएली लोख येकोलाइक भी बहुत आनन्दित होता काहेकी परमेश्वर न उनला मरण लक अखिन नवकर होन सीन बचाई होतीस | आता वय परमेश्वर की आराधना करन लाईक अखिन ओकी आज्ञा को पालन करनलाइक छुटकारा होता | इस्राएलीहिन न आपरो छुटकारा को आनंद मनावन लाइक अखिन परमेश्वर की तारीफ करनलाइक कई गीतहिन ला गाईन कहेकी वन उनला मिस्रीहिन को सेना सीन बचाई होतीस|

![](https://cdn.door43.org/obs/jpg/360px/obs-en-12-14.jpg)

परमेश्वर न इस्राएलीहिन ला हर साल एक पर्व मनावनको आदेश देईस यव याद करन लाइक की कसो परमेश्वर न मिस्रीहिन ला हराई होतीस अखिन उनला नवकर होनसीन छुटकारा देईस | यव फसह को पर्व कव्हनो मा आएव | येकोमा उनला आनंद करन लाइक एक अच्छों मेमना ला बली करणो होतो , ओला भुजनो होतो , अखिन ओला बगेर खमीर वाली रोटी संग खानो होतो |

*निर्गमनअध्याय 12:33-15:21 सेएकबाइबलकीकहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_12_32kbps.mp3

## 13. इस्राएलिहिन  को संग परमेश्वर को वादा

https://openbiblestories.org/l/pwr/story-13/

![](https://cdn.door43.org/obs/jpg/360px/obs-en-13-01.jpg)

इस्राएलिहिन ला लाल समुद्र पार करन को बाद मा , परमेश्वर उनला जंगल लक होकर सीनै कसेत वन पहाड़ कर लिजाइस | उ ऊच पहाड़ होतो जहाँ मूसा न जरतों झुनकुड़ ला देखि होतीस | वन लोखहिन न वन पहाड़ को खालत्या आपरो तम्बूहिन ला बनाहिन |

![](https://cdn.door43.org/obs/jpg/360px/obs-en-13-02.jpg)

परमेश्वर न मूसा सीन अखिन इस्राइल का पूरो लोखहिन सीन कहीस , “ तुमला हमेशा मोरी बात ला मानो से अखिन जो वादा मी तुम्हारों संग बाधुसु ओला बनाय के राखो | अगर तुमि असा करसेव , त तुमि मोरो ईनाम बहुमूल्य धन , याजहिईन को राज्य , अखिन एक पवित्र जाती ठ्हरों | ”

![](https://cdn.door43.org/obs/jpg/360px/obs-en-13-03.jpg)

परमेश्वर सिन उनको जवर आवन लाइक लोखहिन न तीन दिवस वरि आपलो ला तैयार करिन । तब परमेश्वर सीनै पहाड़ को सेंडी पर लक खाल्त्या आयेव । जबऊ आयेव तब भुकम्प भयेव , बिच चमकि , धुंगा निकलव , अखिन तुरहीहिन को जोरदार शब्द भयेव । तब मुसा खुद ऊपर पहाड़ पर चंगयेव ।

![](https://cdn.door43.org/obs/jpg/360px/obs-en-13-04.jpg)

तब परमेश्वर न लोखहिन को संग एक वायदा करिस । वन कहिस , " मि तुम्हरो परमेश्वर , यहोवा आव । मिच आव जोन तुमला मिस्र को गुलामी लक छुड़ाईसेव । कोई दुसरो देवी देवताहिन की उपासना नोको करो । "

![](https://cdn.door43.org/obs/jpg/360px/obs-en-13-05.jpg)

"मूर्तिहिन ला नोको बनाओ अखिन ओकी उपासना नोको करो , कहेकी मी , यहोवा , तुमरो एकमात्र परमेश्वर सेव | गलत तरीका लक मोरो नाव को उपयोग नोको करजो | सप्ताह को दिवस ला पवित्र मानन लाईक याद राखो | दूसरों शब्द मा , छ: दिवस मा आपरो पुरो कामहिन ला करो , सातवों दिवस तुमरो लाईक आराम करन लाईक अखिन मोला याद करन को दिवस रहे | ”

![](https://cdn.door43.org/obs/jpg/360px/obs-en-13-06.jpg)

" आपरो माय बापको आदरकरो । हत्या नही करन को । गलत काम नही करन को । चोरी नही करन को । आपरो पडोसकी बायको , ओको घर , या ओको कोनतोच सामाहिन ला धरलेऊ असी इच्छा नही राखन को । "

![](https://cdn.door43.org/obs/jpg/360px/obs-en-13-07.jpg)

तब परमेश्वर न इनला दस आज्ञाहिन ला गोटा को दुइ पाटीहिन पर लिखसारि मुसा ला देए देईस । परमेश्वर न पालन करन लाईक लोखहिन ला दुसरी बहुतसी व्यवस्थाहिन ला देईस । अगर ऊन यन व्यवस्थाहिन ला पालन करिन त परमेश्वर न वन लोखहिन ला आशिर्वाद देनको अखिन उनको बचाव करन को वादा करीसेस । पर उनको सीन कहिस कि अगर उन येको पालन नही करिन त ऊ उनला दंड देए ।

![](https://cdn.door43.org/obs/jpg/360px/obs-en-13-08.jpg)

परमेश्वर न इस्राएलीहिन ला एकमोठो तंबू बनावन लाईक कईस मिलापवलो तम्बू । वन उनला साजरोच साजरोच सागीस कि एन तम्बुला कसो बनावनो से , अखिन ओको अन्दर कोनतो सामाईन ला राखनो से । वन उनला वन तम्बू ला दुई कमराहिन मा बाट देन लाईक एक अच्छो मोठो पर्दा बनावन लाईक कहीसे । परमेश्वर उन पर्दा को मघ वालो कमरा मा आहे अखिन वहाँ रहे । जहाँ परमेश्वर होतो वन कमरा मा जनकी अनुमति सिरप महयाजकहिन लाचहोती ।

![](https://cdn.door43.org/obs/jpg/360px/obs-en-13-09.jpg)

वन लोखहिन ला वन मिलापवालो तम्बू को सामने एक वेदी ला बनावनो पड़े । कोई जेव परमेश्वर को नियम ला तोडे त ऊ वन वेदी पर एक ढोर ला धरकर आवनो पड़े । तब याजक ओला बलि चढ़ाये अखिन वेदी पर परमेश्वर लाईक बलि को रुप मा जराए । परमेश्वर नकहिस कि वन ढोर को खुन वन आदमि को पाप ला झाक देहे । येनतरीका लका , आता परमेश्वर वन पाप ला नहीं देखन को । ऊ आदमी परमेश्वर को नजर मा " शुध्द " रहे । परमेश्वर न मुसा को भाऊ हारून ला अखिन हारून को सन्तान ला आपरो याजक होन लाइक पसन्द करिस।

![](https://cdn.door43.org/obs/jpg/360px/obs-en-13-10.jpg)

+ परमेश्वर न वन लोखहिन ला जो नियम देई होतिस वय उनको पालन करन लाईक तैयार भया । वय सिरप परमेश्वर का लोख होन ला अखिन सिरप ओकि आराधना करन लाईक तैयार भया ।

![](https://cdn.door43.org/obs/jpg/360px/obs-en-13-11.jpg)

कई दिवस वरी , मुसा सीनै पहाड़ को सेंडी परच रहेव । ऊ परमेश्वर सिन बात करत होतो । पर लोख मुसा को वापस आवत वरी थक गया । येकोलाईक वय हारुन को जवर सोना धर कर आया अखिन ओको सीन एक मुर्ति ला बनावन लाईक कहिन की वय परमेश्वर को बजाए ओकी उपासना कर सीकेत | एन तरीका लक , उन्न भयंकर रूप लक परमेश्वर को बिरुद मा पाप करिन |

![](https://cdn.door43.org/obs/jpg/360px/obs-en-13-12.jpg)

हारून न बछड़ा को समान एक सोनों की मूर्ति ला बनाईस | वय लोखहिन न वन मूर्ति की उपासना करणों चालू करिन अखिन ओला बली चड़ाहिन ! उनको पाप को बिरुद मा परमेश्वर उनको सीन बहुत गुसा भएव होतो | वन उनला नास करण की ठानी होतीस | पर मूसा न उनला नहीं मारन लाइक परमेश्वर सीन आग्र करीस | परमेश्वर न ओको आग्र ला आयकिस अखिन नास नहीं करिस |

![](https://cdn.door43.org/obs/jpg/360px/obs-en-13-13.jpg)

आखरी मा मूसा सीनै पहाड़ को खलत्या उतर आएव | ऊ वन दुई गोटाहिन को पाटीहिन ला धरेव होतो जेकों पर परमेश्वर न दस आज्ञाईन ला लिखीस होतीस | मंग वन ओला मूर्ति ला देखीस| ऊ एतरो गुसा भएव की वन पाटीहिन ला तोड़ कर सत्यानास कर देईस |

![](https://cdn.door43.org/obs/jpg/360px/obs-en-13-14.jpg)

मंग मूसा न वन मूर्ति ला बाट कर ओको चुरा चुरा कर देईस , अखिन वन चुरा ला पानी मा मिलायकर वन लोखहिन ला ऊ पानी पीवाय देईस | परमेश्वर न वन लोखहिन पर एक महामारी ला धाड़िस अखिन उनको मालक बहुत सा लोख मर गया |

![](https://cdn.door43.org/obs/jpg/360px/obs-en-13-15.jpg)

जेन पाटीहिन ला मूसा न तोड़ देई होतीस उनको जागाला धरन लाईक मूसा न वन दस आज्ञाहिन की गोटा की नवी पाटीहिन ला बनाईस | तब ऊ मंग अखिन पहाड़ पर चंग गएव अखिन प्रार्थना करीस की परमेश्वर वन लोखहिन ला माफ करजो | परमेश्वर न मूसा की आयकिस अखिन उनला माफ कर देईस | नवी पाटीहिन पर दस आज्ञाहिन ला धरकर मूसा पहाड़ लक खलत्या उतर आएव | तब परमेश्वर न सीनैपहाड़ लका त वादा को देश वरी इस्राएलिहिन की अगुवाही करिस |

*निर्गमनअध्याय 19-34 सेएकबाइबलकीकहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_13_32kbps.mp3

## 14. जंगल मा घुमनों

https://openbiblestories.org/l/pwr/story-14/

![](https://cdn.door43.org/obs/jpg/360px/obs-en-14-01.jpg)

परमेशर न इस्राएलिहिन ला वन नियम कानून ला सागनों खतम करिस जेला उनको सीन बंधिगई होती ओको वादा को वजह लक माननों पड़े | मंग वन सीनै पहाड़ को सामने उनकी अगुवाई करीसेस | ऊ ऊन्न ला वादा को देश मा लिजाने वालो होतो | यव देश कनान कव्हन मा आएव | परमेश्वर बादर को खम्बा मा उनको सामने - सामने चलेव , अखिन वय ओको मघ - मघ चलया |

![](https://cdn.door43.org/obs/jpg/360px/obs-en-14-02.jpg)

परमेश्वर न अब्राहम , इसहाक अखिन याक़ूब सीन वादा करी होतीस की ऊ वादा को देश ला उनको वंशजहिन ला देहे , पर एन समय मा वहाँनी बहुत सारी जाती रव्हत होती | उनला कनानी कव्हत होता | ये कनानी लोख परमेश्वर की आराधना नहीं करत होता | अखिन ओको आज्ञा ला नहीं मानत होता | वय गलत देवताहिन की उपासना करत होता अखिन बहुत सा बेकार काम करत होता |

![](https://cdn.door43.org/obs/jpg/360px/obs-en-14-03.jpg)

परमेश्वर न इस्राएलिहिन सीन कहीस , “ जब तुमि वन वादा को देश मा जाओ त वहाँ का सफाई कनानीहिन सीन छुटकारा पाय लेजो | उनको सीन गलत नोको करजो अखिन उनको सीन बिहाया नोको करजो | तुमला उनको सफाई मूर्तिहिन ला पुरो तरीका लक नाश कर देनो से | अगर तुमि मोरी आज्ञा नहीं मानो , त तुमि मोरो अलावा उनको देवताहिन की उपासना करन लगो | ”

![](https://cdn.door43.org/obs/jpg/360px/obs-en-14-04.jpg)

जब इस्राएलि कनान को सीमा मा पहुंच्या , मूसा न इस्राइल का सफाई संतान मालक एक - एक करके बारह आदमिहिन ला पसंद करजो | वन उनला जायाकर वन देश को भेद लेंन को आदेश देईस की देखे की ऊ देश कसो से | उनला वन कनानीहिन को भेद भी लेनों होतो की देखे की वय ताकतवर सेत या डिला सेत |

![](https://cdn.door43.org/obs/jpg/360px/obs-en-14-05.jpg)

वन बारह आदमिहिन न पुरो कनान होत लक चालीस दिवस को यात्रा करीन अखिन मंग वय वापिस लौट आया | उन्न लोखहिन ला सांगिन , की ऊ देश बहुत उपजाऊ से अखिन फसल बहुत से ! ” पर दस भेदीहिन न कहिन , “ उनको नगर बहुत द्रढ़ से अखिन वय लोख लंबा - चोड़ा सेत | ये खात आमी उनको पर धावा कर सेजन , त सहिमाच वय आमला हराय देयेत अखिन आमला मार डाकेती | ”

![](https://cdn.door43.org/obs/jpg/360px/obs-en-14-06.jpg)

जल्दीच कालेब अखिन यहोशु अखिन दुसराच दुई भेदीहिन न कहिन , “ यव सहीसे की कनान का लोख लंम्बा अखिन ताकतवर सेती , पर साहिमाच आमी उनला हराय देबीन | परमेश्वर आमरो लाइक लड़ाई करे ! ”

![](https://cdn.door43.org/obs/jpg/360px/obs-en-14-07.jpg)

पर लोखहिन न कालेब अखिन यहोशु की नहीं आयकीन| वय मूसा अखिन हारून प गुसा भय गया अखिन कहिन , ” तुमि आमला एतरो खतरनाक जागा पर कायला धर के आयासेव ? आमला मिस्रमाच रव्हनों होतो | एखाद आमी वन देश जाबिन त आमी लड़ाई माच मर जाबिन , अखिन कनान का लोख आमरो बायकोहिन ला अखिन लेकरूहिन ला बंदक बनाय लेयेती | ” वय लोख उनला वापिस मिस्र लिजान लाइक एक दूसरों मार्ग दरशान करन वालो ला देखत होता |

![](https://cdn.door43.org/obs/jpg/360px/obs-en-14-08.jpg)

जब वन लोखहिन न असो कहिन त परमेश्वर बहुत गुस्सा भय गएव होतो | ऊ मिलापवालो तम्बू मा आएव अखिन कहीस , तुमि न मोरो विरुद बलवा करया सेव , येकोलाईक तुम ला येन जंगल मा भटकनो पड़े | पूरा एक जन बीस साल या ओकोसीन जादा साल का सेत वय वहाँ मर जायेती अखिन कभी वन देश मा नहीं जायेती जाय मी तुमला देसू | सिर्फ कालेब अखिन यहोशु ओको मा जायेती | ”

![](https://cdn.door43.org/obs/jpg/360px/obs-en-14-09.jpg)

जब लोखहिन न परमेश्वर ला असो बोलता आयकीन , त वय दुखी भया कहेकी उन्न पाप करिहोतीन | उन्न कनान को लोखहिन पर हमला करन को सोची होतीन | मूसा न उन्न ला नहीं जान लाइक चेतावनी देईस काहेकी परमेश्वर उन्नको संग नहीं जानको , पर उन्न ओकी नहीं आयकीन |

![](https://cdn.door43.org/obs/jpg/360px/obs-en-14-10.jpg)

परमेश्वर येन लड़ाई मा उन्नको संग नहीं गायव होतो , येकोलाइक कनानिहिन न उनला हराय देईन अखिन उनको मालका बहुत साराहिन ला मार डाकिस | तब इस्राएलि लोख कनान लक वापिस मूड गया | दूसरा चालीस साल वरी , वय जंगल मा इतन - ऊतन घुमत रया |

![](https://cdn.door43.org/obs/jpg/360px/obs-en-14-11.jpg)

इस्राएली लोखहिन को वजह लक जंगल मा गुमन को चालीस साल को भीतर , परमेश्वर न उनको आवश्यकताहिन ला पुरो करीसेस | वन उनला स्वर्ग मा लक “ मन्ना “ कसेत वा रोटी देईस | वन बटेरों का झुंड ला (जाए की मध्यम आकार का पक्षी होसेत) उनको छावनी मा पाड़े जोकों मा उनको जवर खान लाइक माँस होय जाय | वन पुरो समय मा , परमेश्वर न उनका कपड़ा अखिन जुताहिन ला फाटन लक बचाए के रखीस |

![](https://cdn.door43.org/obs/jpg/360px/obs-en-14-12.jpg)

यहाँ वरी की परमेश्वर न उनला पिवन लाइक चमत्कारी रूप लक चट्टान मालक पानी निकालिस | पर येन सफाई को कारण भी , इस्राएली लोखहिन न परमेश्वर को विरुद अखिन मूसा को विरुद शिकायत करिन अखिन कुडकुड़ाया | तब भी , परमेश्वर विश्वासयोग्य होतो | वन जो वचन देई होतीस की ऊ अब्राहम , इसहाक , अखिन याक़ूब को संतान लाइक करू त वन करिस |

![](https://cdn.door43.org/obs/jpg/360px/obs-en-14-13.jpg)

एक अखिन समय मा जब वय लोखहिन को जवर पानी नोव्हतो , परमेश्वर न मूसा सीन कहीसेस , “ चट्टान सीन बोल कर , अखिन ओको सीन पानी निकाले | ” पर मूसा न चट्टान सीन बात नहीं करिस | येकों अलावा , वन छड़ी लक चट्टान पर दुई बार मारिस | एन तरिका लक वन परमेश्वर को अपमान करिस | पुरई जन लाईक पिवन को पानी चट्टान मालक पानी त निकल आएव , पर परमेश्वर मूसा सीन गुशा भय गएव | वन कहीस , “ कहेकी तुन असो करीसेस , एकोलाइक तू वादा को देश मा जाय नहीं सीकजो | ”

![](https://cdn.door43.org/obs/jpg/360px/obs-en-14-14.jpg)

जब इस्राएली लोख चालीस साल वरी जंगल मा घूम चुया होता , तब जोन परमेश्वर को बिरुद बलवा करिन होतीन वय सपाई मर गया होता | तब परमेश्वर वन लोखहिन ला मंग अखिन वन वादा को देश को जवर वरी लिजाईस | आता मूसा बहुत बुड्गा भय गएव होतो , एको लाईक परमेश्वर न लोखहिन को मार्गदरस्न करनो मा ओकी मदत करन लाईक यहोशु ला पसंद करिस | परमेश्वर न मूसा सीन यव वादा भी करी होतीस की एक दिवस ऊ वन लोखहिन को जवर मूसा को समान एक भविष्यद्वक्ता ला धाड़े |

![](https://cdn.door43.org/obs/jpg/360px/obs-en-14-15.jpg)

तब परमेश्वर न मूसा ला एक पहाड़ को सेंडी पर जान ला कहि होतीस की ऊ वादा को देश ला देख सीखे | मूसा न वन वादा को देश ला देखीस पर परमेश्वर न ओला ओको मा जान की अनुमति नहीं देई होतीस | तब मूसा मर गएव , अखिन इस्राएलिहिन न तीस दिवस वरी शोक मनाईन | यहोशु उनको नवीन मार्गदरस्क बन ग्येव | यहोशु एक अछो मार्गदरस्क होतो काहेकी वन परमेश्वर पर भरोसा करिहोतीस अखिन ओको बताहिन ला मानिहोतीस |

*निर्गमनअध्याय 16-17; गिनती 10-14; 20; 27; व्यवस्थाविवरण 34 सेएकबाइबलकीकहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_14_32kbps.mp3

## 15. वादा को देश

https://openbiblestories.org/l/pwr/story-15/

![](https://cdn.door43.org/obs/jpg/360px/obs-en-15-01.jpg)

आखरी मा, आता ऊ समय आ गएव होतो की इस्राएली लोख वादा को देश , कनान मा प्रवेश करेती | वन देश मा यरीहों नाव को एक गाँव होतो | ओको रक्छा लाइक ओको चारई बाजू ला मजबूत दीवार होती | यहोशु न वन गाँव मा दुई खबर आनो वालो ला धाड़िस | वन गाँव मा राहाब नाव की एक वेश्या रवत होती | वन खबर आनो वालोहिन ला लुकाय के ठेइस , अखिन मंग बाद मा वन ऊनला गाँव लक बचाय कर निकालन मा मदत करिस | वन असो एकोलाईक करिस काहेकी वा परमेश्वर पर विश्वास करत होती | जेन समय मा इस्राएली लोख यरीहों ला नाश करेती तब उन राहाब अखिन ओको परिवार ला बचावन को वादा करी होतीन |

![](https://cdn.door43.org/obs/jpg/360px/obs-en-15-02.jpg)

इस्राएली लोखहीन ला वादा को देश मा जान लाइक यरदन नदी ला पार करणो पड़े | परमेश्वर न यहोशु सीन कहिस , “ याजकहिन ला पहेले जान दे | ” जेनधावर याजकहिन न यरदन नदी मा आपरो पायहिन ला राखी त पानी को धार की बहाव रुख गई , जोकों मा इस्राएली लोख नदी को दूसरों आंग वारी जागा पर जाय सीकेत |

![](https://cdn.door43.org/obs/jpg/360px/obs-en-15-03.jpg)

वन लोखहीन न यरदन नदी ला पार कर लेईन त परमेश्वर न यहोशु सीन कहिस की यरीहों पर धावा करन लाइक तैयार रहो , याहावरी की ऊ बहुत द्रढ गाँव होतो | परमेश्वर न वन लोखहीन सीन कहिस की उनका याजकईन अखिन सैनकहिन ला छ: दिवस वरी वन गाँव को चारई आंग चक्कर लगावनों से | अदिक याजक अखिन सैनिकहहीन न आसोच करिन |

![](https://cdn.door43.org/obs/jpg/360px/obs-en-15-04.jpg)

तब सतवों दिवस , इस्राएलिहिन न वन गाँव को चारई आंग सात बार अखिन चक्कर लगाईन | उनको गाँव को चारई आंग सातवो बार चक्कर लगावन को बादमा , याजकहिन न आपरि तुरहीहिन ला फूंकीहिन अखिन सैनिकहिन न जोर कर चिललाया |

![](https://cdn.door43.org/obs/jpg/360px/obs-en-15-05.jpg)

तब यरीहों को चारई आंग की दीवार पड गई ! जसो परमेश्वर न आज्ञा देई होतीस इस्राएलिहिन न गाँव को पुरो एक चीज ला नाश कर देईस | उन मात्र राहाब अखिन ओको परिवार ला छोड़ देईन , जो वय इस्राएलिहिन को हिसा बन गया होता | जब कनान मा रव्हन वाला दूसरा लोखहीन न आयकीन की इस्राएलिहिन न यरीहों ला नाश कर देईसेन , त वय डर गया की इस्राएलि लोख उनको पर भी धावा करेत |

![](https://cdn.door43.org/obs/jpg/360px/obs-en-15-06.jpg)

परमेश्वर न इस्राएलिहिन ला आज्ञा देईस की कनान मा रव्हन वाली कोईच जाती को संग शान्ति भंग नहाय करणों | पर गिबोनी नाव को एक कनानी जाती न यहोशु सीन झूठ बोलिस की वय कनान लक दूर एक जागा मा रव्हन वाला सेत | उन यहोशु सीन उनको संग शान्ति भंग करण लाइक आग्र करिन | यहोशु अखिन दूसरा इस्राएलि गुरुहीन न परमेश्वर सीन नहीं पूछींन की उनला का करणों से | येकों बजाए , उन्न गिबोनीहिन को संग शान्ति भंग कर लेईन |

![](https://cdn.door43.org/obs/jpg/360px/obs-en-15-07.jpg)

तीन दिवस को बाद मा , इस्राएलिहिन ला मालूम भएव की गिबोनी लोख कनान माच रव्हसेत | वय गुसा भया काहेकी गिबोनीहिन न उनला धोखो देई होतीन | पर उन्न उनको संग भएव वन शान्ति भंग ला बनाएव राखिन काहेकी वा परमेश्वर को सामुर भएव होतो | तब काही बेरा को बाद मा , कनान मा रव्हन वाली एक दूसरी जाती , एमोरीहिन का राजाहिन न आयकिस की गिबोनीहिन न इस्राएलिहिन को संग शान्ति भंग कर लेईन , येकोंलाइक उन्न आपरि-आपरि सेनाहिन ला एक कर के एक मोठी सेना बनाहिन अखिन गिबोन प धावा कर देईन | गिबोनीहिन न उनकी मदत करण लाइक यहोशु को जवर एक संदेश धाड़िस |

![](https://cdn.door43.org/obs/jpg/360px/obs-en-15-08.jpg)

अदिक यहोशु न इस्राएलिहिन को सेना ला जमा करिस अखिन गीबोनिहिन को जवर जान लाइक वय पूरी रात चलया | सकारिच भूमसार ला उन एमोरीहिन को सेना ला चकित कर देईन अखिन उनको पर धावा कर देईन |

![](https://cdn.door43.org/obs/jpg/360px/obs-en-15-09.jpg)

वन दिवस मा परमेश्वर इस्राएलिहिन लाइक लड़ेव | वन एमोरीहिन ला डराय देईस अखिन वन मोठो-मोठो इसतों ला पाड़ कर बहुत सा एमोरीहिन ला मार डाकिस |

![](https://cdn.door43.org/obs/jpg/360px/obs-en-15-10.jpg)

परमेश्वर न सूरज ला बादर मा एक जागा पर रोख देईस की जेकों मा इस्राएलिहिन ला पर्याप्त समय मिल जाय की एमोरीहिन ला पुरो लक हराय देए | वन दिवस मा , परमेश्वर न इस्राएलिहिन लाइक एक मोठी जीत ला हासिल करिस |

![](https://cdn.door43.org/obs/jpg/360px/obs-en-15-11.jpg)

जब परमेश्वर न वन सेनाहिन ला हरावन को बाद मा बहुत सा कनानी जाती का लोख इस्राइल पर हमला करण लाइक जमा भया | यहोशु अखिन इस्राएलिहिन न हमला कर के उनको सर्वनाश कर देईस |

![](https://cdn.door43.org/obs/jpg/360px/obs-en-15-12.jpg)

एन लड़ाई को बाद मा, परमेश्वर न इस्राइल का पूरो संतान ला वादा को वन देश मा उनको भाग देईस | तब परमेश्वर न इस्राइल ला ओको सपाही कोनाईन पर शान्ति ला महेसूस करिस |

![](https://cdn.door43.org/obs/jpg/360px/obs-en-15-13.jpg)

जब यहोशु बुड्गा भएव त वन इस्राएल का पुरो लोखहीन ला एक संग बुलाईस | तब यहोशु न वन लोखहीन ला याद देवाईस की उन्न वन वादा ला मानन वादा करिन होतीन जाय परमेश्वर न उनको संग सीनै पहाड़ पर करार करिहोतीस | वन लोखहीन न परमेश्वर को प्रति विश्वासयोग्य रव्हन अखिन ओको व्यवस्था ला मानन को वादा करिस |

*यहोशूअध्याय 1-24 सेएकबाइबलकीकहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_15_32kbps.mp3

## 16. छूडावनो वालो

https://openbiblestories.org/l/pwr/story-16/

![](https://cdn.door43.org/obs/jpg/360px/obs-en-16-01.jpg)

यहोशु को मरण को बाद मा इस्राइलीहिन न परमेश्वर की आलोचना करीन । उन परमेश्वर को नियमईन ला नहीं मानिन, अखीन उन वन वादा को देश मालक बचया कनानीहिन ला बाहेर नहीं काहड़ि । इस्राइलीहिन न आपरो सचो परमेश्वर , यहोवा ला सोड कर कनानीहिन को देवताईन की उपासना करनो चालू कर देईन । इस्राइलीहिन को जवर कोनतोच राजा नोहता , येकोलाईक जोला जो सही लगगेव वन उच करीस ।

![](https://cdn.door43.org/obs/jpg/360px/obs-en-16-02.jpg)

परमेश्वर को आज्ञा ला नहीं मान्न को कारण इस्राइलीहिन न एक पद्धति ला सुर्वत कर देई न जोला कई बार दोहरायव ग्येव होतो । या पद्धति येन किसम लक चली काही साल वरी इस्राइली परमेश्वर को आज्ञा ला नहीं मानेती , तब वय उन ला उनको दुसमनहिन सीन हारण को कारण लक दंड देये । ये दूसमन इस्राइलीहिन सीन उनको सामाईन ला लूट लेयेती , उनको जमा पूंजी ला नाश कर देयेती , अखीन उनको मालक का बहुतईन ला मार देयेती। मंग जब इस्राइलिईन का दुसमन उनको पर काई साल वरी अत्याचार करीन , ओको बाद मा इस्राइली आपारो पापहिन लक पश्चाताप करेती अखीन परमेश्वर सिन उनला बचावन लाईक प्रार्थना करती ।

![](https://cdn.door43.org/obs/jpg/360px/obs-en-16-03.jpg)

हर बार जब इस्राइली पश्चाताप करेति त परमेश्वर उनला बचाए । ऊ एक छुड़ावन वालो को कारण असो करे एक असो जन जो उनको दुसमनहिन को विरुद्ध लड़े अखीन उनला हराय देय । तब देश मा शान्ति रहे अखीन ऊ छुड़ानो वालो उनको पर अच्छो लक शासन करे । परमेश्वर न वन लोखहिन ला बचावन लाईक बहुत सारा छुड़वनो वालो ला धाड़ीस । परमेश्वर न जवर किच एक दुसमन जाती , मिद्यानिहिन को कारण इस्राइलीहिन ला हराए करके मंग लक असो करि सेस ।

![](https://cdn.door43.org/obs/jpg/360px/obs-en-16-04.jpg)

मिद्यानिईन न सात बरस वरी इस्राइलीहिन को फसल ला लूटीन । इस्राइली लोख बहुत घबराए गया होता , अखीन वय भुयारोहिन मा लूकाय गया कि मिद्यानि लोख उन ला डूड नोको सिकत । आखरी पर , उन ला बचावन लाईक उन परमेश्वर ला पुकारिन ।

![](https://cdn.door43.org/obs/jpg/360px/obs-en-16-05.jpg)

गिदोन नाव को एक इस्राइली आदमी होतो । एक दिवस , ऊ एक सुनसान जागा मा गहू झाड़त होतो की मिद्यानि लोख ओला चोर नोको सकत । यहोवा को स्वर्गदुत न गिदोन को जवर आयके कहिस , " अय मोठो बलवान, परमेश्वर तोरो संग से । जाय अखीन इस्राइलीहिन ला मिद्यानिहिन सिन बचाव ।"

![](https://cdn.door43.org/obs/jpg/360px/obs-en-16-06.jpg)

गिदोन को बाप जवर मूर्ति लक समर्पित एक वेदी होती । सबसे पयली बात जाय परमेश्वर न गीदोन ला करण लाईक कहिस वा वन वेदी ला तोड़नो होतो । पर गिदोन लोखहिन सिन बिवत होतो , एको लाईक वन रात होन की बाट देखत होतो । तब वन ओला वेदी ला तोड़ सारी टुकडा-टुकडा कर डाकिस । वन परमेश्वर लाईक एक नवीन वेदी ला बनाईस अखीन ओको पर परमेश्वर लाईक बलि चडाईस ।

![](https://cdn.door43.org/obs/jpg/360px/obs-en-16-07.jpg)

दुसरो दिवस सकारिच लोखहिन न देखी की कोईन वेदी ला तोड़ सारी टुकड़ा- टुकड़ा कर देईसेस , एकोलाईक वय बहुत गुशा भया । वय गिदोन ला मार डाकन लाईक ओको घर गया , पर गिदोन को बाप न कहिस , " तुमि कायला आपरों भगवान की मदत करन की कोसिस कर रया सेव ? अगर ऊ भगवान से त ओला आपरी रकक्षा खुद करन देव ! " काहेकी वन असो कहिसेस एकोलाईक लोखहिन न गिदोन ला नहीं मारिन।

![](https://cdn.door43.org/obs/jpg/360px/obs-en-16-08.jpg)

तब इस्राइलीहिन ला लूटन लाईक मिद्यानि लोख अकिन आया। वय एत्रा सारा होता की उनकी गिनती भी नहीं कर सिकत होता । गिदोन न उनको सिन लड़ाई करण लाईक इस्राइलीहिन ला एक संग बुलाईस । गिदोन न परमेश्वर सिन दुई निसान ला मागिस ताकि ओला विश्वास होय जाए कि परमेश्वर सहिमे ओला इस्राएल ला बचावन लाईक कय रही से ।

![](https://cdn.door43.org/obs/jpg/360px/obs-en-16-09.jpg)

पयलो निशाना लाईक , गिदोन न भेड़ईन को ऊन ला जमीन पर ढेय कर परमेश्वर ला कईस की सकार की शीत शिर्फ भेड़हिन पर पड़े पायचजे पर जमीन पर नहीं पड़े पायजे। परमेश्वर न असोच करीस । दूसरी रात , मा वन परमेश्वर सीन कईस की जमीन वोली होय जाए पर भेड़ईन का केस वारया रहेत । मी न असो भी करेव । येन दुई निशानों को वजह लक, गिदोन न विश्वाश करिस की परमेश्वर सही में चाहोसे की ऊ इस्राइलीहिन ला मिद्यानिहिन सीन बचाएं ।

![](https://cdn.door43.org/obs/jpg/360px/obs-en-16-10.jpg)

तब गिदोन न सिपाईहिन ला आपरों जवर बुलाईस अखीन 32000 आदमी आया। पर परमेश्वर न ओको सिन कहिसेस की ये त बहुत जास्ती सेत । अन्न: गिदोन न सपाई 22000 ला घर वापिस धाड देईस जो लड़ाई करण ला कंदरात होता । परमेश्वर न गिदोन सिन कहिस की वय आदमी आब भी बहुत जस्ती सेत । एकोलाईक गिदोन न 300 सिपाईहिन ला सोड सारी उनला घर धाड़िस ।

![](https://cdn.door43.org/obs/jpg/360px/obs-en-16-11.jpg)

वन रात मा परमेश्वर न गिदोन सिन कहिस , " मिद्यानिहिन को खोपड़ी मा जाय अखिन उनला बोलतो आयेकजो । जब तू आयेकजो कि वय का बोल सेती त तू उनको पर धावा करन सिन नोको बिवजो । " एकोलाईक वन रात मा, गिदोन खालत्या उनको खोपड़ीमा गयेव अखिन वन एक मिदानी सिपाई ला आपरो संगी ला वा गोस्टी सागता आयकीस जाय वन सपना मा देखी होतिस । वन आदमी को संगी न कहिस , " एन सपना को अर्थ से की गिदोन का डाकू आमरो मिद्यानि डाकू ला हराय दिएती ! " जब गिदोन न येव आयकिस तब वन परमेश्वर की स्तुति करीस ।

![](https://cdn.door43.org/obs/jpg/360px/obs-en-16-12.jpg)

तब गिदोन आपरो सिपाईईन को जवर वापस आयेव अखिन उनको मालक एक-एक ला सींग, एक माट्टी का बर्तन , अखिन एक मशाल देइस । उन वन खोपड़ी ला गोय लेईन जहां मिद्यानि सिपाई सोवत होता । गिदोन का 300 सिपाई आपरों मशालईन ला बर्तन मा झाक कर ठेईन एकोलाईक मिद्यानि लोख वन मशालहिन को उजाडो ला नहीं देख सिकिन ।

![](https://cdn.door43.org/obs/jpg/360px/obs-en-16-13.jpg)

तब गिदोन का पूरा सिपाईहिन न आपरो बर्तन ला एकच समय मा तोड़ सारी एकदम लक मशालहिन को इस्तो ला देखाय देईन । उन न आपारों सिंगहिन ला फुकिन अखिन चिल्लाया , " यहोवा की अखिन गिदोन की तलवार ! "

![](https://cdn.door43.org/obs/jpg/360px/obs-en-16-14.jpg)

परमेश्वर न मिद्यानिहिन ला डराय देईस , एकोलाईक वय एक दूसरो ला मारण - पिटन लग्या । जल्दीच , गिदोन वय खबरीहिन ला बहुत सारा दूसरा इस्राइलीहिन ला मिद्यानिहिन को पीछा करन लाईक उनकी मदत करन लाईक भुलावन ला धाड़ीस । उन उनको मालका बहुत झन ला मार डाकिन अखिन बचायईन को पिछा कर सारी उनला इस्राएल देश लक बाहेर काहाड़ देईस। वन दिवस 1,20,000 मिद्यानि मर गया। यन तरीका लक परमेश्वर न इस्राएल ला बचाईसेस ।

![](https://cdn.door43.org/obs/jpg/360px/obs-en-16-15.jpg)

वय लोख गिदोन ला आपरो राजा बनावन लाईक देखत होता , पर गिदोन न उनला असो नहीं करन देईस , लेकिन वन उनको सिन वय सोनो का आभूषण मागिस जाय उनको मालक सापई मिद्यानिहिन सिन लूट लेई होतीन । वय लोखहिन न मोथो मात्रा मा गिदोन ला सोना देईन ।

![](https://cdn.door43.org/obs/jpg/360px/obs-en-16-16.jpg)

तब गिदोन न वन सोनों लक एक खास कपड़ा बनाईस जसो की माहायाजक पेहरत होता | पर लोख ईन न ओकी उपासना करनो चालू कर देईन जसो की वा एक मूर्ति से | तब परमेश्वर न मंग अखिन इस्राइल ला दंडित करिस काहेकी उन मूर्ति की उपासना करिहोतीन | परमेश्वर न उनको दुसमनहिन ला वय हारण लाईक तैयार करिस | आखरीमा उन अदिख परमेश्वर सीन मदत करन लाईक प्रार्थना करिन , अखिन परमेश्वर न उनको जवर उनला बचावन लाईक एक दूसरों छुड़ावन वालो ला धाड़िस |

![](https://cdn.door43.org/obs/jpg/360px/obs-en-16-17.jpg)

याच बात बहुत बार घटी: इस्राएली लोख पाप करेती, परमेश्वर उनला दंडित करे , वय माफी मागेत , अखिन परमेश्वर उनला बचावन लाईक कोई ला धाड़े | कई साल वरी , परमेश्वर न बहुत सारा बचावन वालो ईन ला धाड़िस | जेन इस्राएलीहिन ला उनको दुसमानहिन सीन बचाईस |

![](https://cdn.door43.org/obs/jpg/360px/obs-en-16-18.jpg)

आखरीमा , वय लोखहिन न दूसरों देशहिन को समान परमेश्वर सीन आपरो लाईक एक राजा ला मागीन | वय एक असो राजा देखत होता ऊ लंबो अखिन शक्तिशाली , अखिन ऊ युद्ध मा उनकी अगुवाई कर सीके | परमेश्वर ला यव निवेदन पसंद नहीं आएव, पर वन उनला तासो राजा देईस जसो उन माँगी होतीन |

*न्यायियों अध्याय 1-3; 6-8; 1 शमूएल 1-10 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_16_32kbps.mp3

## 17. दाऊद को संग परमेश्वर को वादा

https://openbiblestories.org/l/pwr/story-17/

![](https://cdn.door43.org/obs/jpg/360px/obs-en-17-01.jpg)

शाऊल इस्राइल को पहिलों राजा होतो | ऊ लंम्बो अखिन सुंदर होतो , जसा वय लोख देखत होता एकदम तसोच | इस्राइल पर आपरो राज्य को पहिलों काई साल वरी शाऊल एक अछो राजा होतो | पर बाद मा ऊ बेकार आदमी बन गएव ओन परमेश्वर को बात ला नहीं मानिस , एकोलाईक परमेश्वर न एक दूसरों आदमी ला पसंद करिस ऊ एक दिवस ओको जागा पर राजा बनेव |

![](https://cdn.door43.org/obs/jpg/360px/obs-en-17-02.jpg)

परमेश्वर न दाऊद नाव को एक जवान इस्राएली आदमी ला पसंद कर के एक दिवस शाऊल को जागा पर राजा होन लाईक तैयार करणों सुरुकरिस | दाऊद बैतलहम नगर को एक सेरकी होतो | कई बार त , दाऊद न सेर ला अखिन भालू दुई ला मार डाकी होतीस काहेकी दाऊद को राखन को समय मा ओको बाप को सेरी मेंढीहिन पर दोडात होता त | दाऊद एक सीदों अखिन धर्मी आदमी होतो | वन परमेश्वर पर भरोसा करिस अखिन ओको बातहिन ला मानिस |

![](https://cdn.door43.org/obs/jpg/360px/obs-en-17-03.jpg)

जब दाऊद आब जवान आदमीच होतो , वन लंम्बो - चौडो गोलियत को विरुद्द लड़ाई करिहोतीस | गोलियत एक बहुत साजरों सिपाई होतो | ऊ बहुत मजबूत अखिन लगभग तीन मीटर लंम्बो होतो ! पर परमेश्वर न गोलीयत ला मारन लाईक अखिन इस्राइल ला बचावन लाईक दाऊद की मदत करिस | एकोबाद , दाऊद न इस्राइल का दुशमनहिन पर कईयो बार जीत हासिल करिस | दाऊद एक मोठो सिपाई बन गएव , अखिन वन बहुत सा लड़ाईहिन मा इस्रएली सिपाई की अगुवाई करिस | लोखहिन न ओकी बहुत तारीफ करिन |

![](https://cdn.door43.org/obs/jpg/360px/obs-en-17-04.jpg)

लोखहिन न दाऊद सीन एतरों प्यार करिन की शाऊल ओको सीन जरन लगेव | आखरीमा शाऊल ओला मार ड़कन ला देखत होतो , एकोलाईक दाऊद ओको सीन अखिन ओको सिपाईहिन सीन लुकान लाईक जंगल मा पराय गएव | एक दिवस , जब शाऊल अखिन ओका सिपाई दाऊद ला ढूडत होता त शाऊल एक भूयारों मा गएव | यव ऊच भूयारों होतो जेकों मा दाऊद लुकाएव होतो , पर शाऊल न ओला नही देखीस | दाऊद शाऊल को मग ओको बहुत जवर चली गएव अखिन ओको कपड़ा मालक एक टुकड़ा काट लेईस | बाद मा , जब शाऊल उन भूयारों मालक निकलेव त दाऊद न ओला बुलाय कर वन कपड़ा को टुकड़ा ला देखाईस | एन तरीका लक , शाऊल जान गएव की दाऊद न राजा बनान लाईक ओला मारन लाईक ईनकार भयगएव |

![](https://cdn.door43.org/obs/jpg/360px/obs-en-17-05.jpg)

कई समय को बाद मा , शाऊल लड़ाई मा मर गएव , अखिन दाऊद इस्राइल को राजा बन गएव | ऊ एक अच्छों राजा होतो, अखिन लोखहिन न ओको सीन प्यार करीन | परमेशर न दाऊद ला आशिषित करीसेस अखिन ओला सफल बनाईस | दाऊद न कई लड़ाई ला लड़िसे , अखिन परमेश्वर न इस्राइल का दुशमनहिन ला हरावनों मा ओकी मदत करिस | दाऊद न यरुशलेम नगर ला जीत सारी ओला आपरी राजधानी बनाईसेस , जाहाँ ऊ रव्ह अखिन राज्य करिस | दाऊद चालीस साल वरी राजा रहेव | एन समय को बेरामा , इस्राइल ताकतवर अखिन धनी बन गएव |

![](https://cdn.door43.org/obs/jpg/360px/obs-en-17-06.jpg)

दाऊद एक मंदिर बनावन लाईक सोचत होतो जेको मा पूरा इस्राएली परमेश्वर की आराधना कर सिकेत अखिन ओको लाईक बलिदान कर सीकेत | लगभग 400 साल वरी , वय लोख मूसा को बनाएव मिलापवलों तम्बू मा परमेश्वर की आराधना करत होता अखिन ओको लाईक बलिदान चढावत होता |

![](https://cdn.door43.org/obs/jpg/360px/obs-en-17-07.jpg)

पर वहाँ नातान नाव को एक भविष्यद्वक्ता होतो | परमेश्वर न ओला दाऊद सीन यव कवन लाईक धाड़िस : “ तून बहुत सारी लड़ाई लड़िसेस , एकोलाईक तू मोरो लाईक येन मंदिर नोको बनावजों | तोरों टुरा येला बनाए | तरी , मी तोला बहुत आशिषित करत रहु | तोरी एक संतान हमेशा लाईक मोरो लोखहिन पर राजा को रूप मा अधिकार राखे | ” हमेशा को लाईक अधिकार राखने वालो ऊ दाऊद को एकमात्र संतान मसीह होतो | मसीह परमेश्वर को चुनेव आदमी होतो जो दुनिया को लोखहिन ला उनको पापहिन सीन बचाए |

![](https://cdn.door43.org/obs/jpg/360px/obs-en-17-08.jpg)

जब दाऊद न नातान को संदेश ला आयकिस त वन परमेश्वर को धन्यवाद करिस अखिन ओकी स्तुति करिस | परमेश्वर ओको सम्मान ला बढ़ावत होतो अखिन ओला बहुत सारो आशीर्वाद देत होतो | बेशक , दाऊद नहीं जानत होतो की परमेश्वर येन बातहिन ला कब करे | येन बेरा मा आमी जान सेजन की इस्राएलिहिन ला एक लंबो बेरा वरी , लगभग 1000 साल वरी मसीह को आवन की बाड़ देखनों पड़े |

![](https://cdn.door43.org/obs/jpg/360px/obs-en-17-09.jpg)

दाऊद न बहुत साल वरी न्यायपूर्वक आपरो लोखहिन पर अधिकार रखीस | वन मोठों सम्मान लक परमेश्वर को बातहिन ला मानिस अखिन परमेश्वर न ओला आशिषित करीसेस | हालाँकि , आपरो जीवन को अंत मा ओन परमेश्वर को बिरुद बहुत मोठो गुना करी होतीस |

![](https://cdn.door43.org/obs/jpg/360px/obs-en-17-10.jpg)

एक दिवस दाऊद न आपरो महल लक बाहेर झांकिस अखिन एक सुंदर बायको ला आंगपाय धोवता देखीस | ऊ ओला नहीं जानत होतो , पर वन मालूम कर लेईस की ओको नाव बतशेबा होतो |

![](https://cdn.door43.org/obs/jpg/360px/obs-en-17-11.jpg)

आपरो नजर ला हटावन को सिवाय , दाऊद न ओला आपरो जवर आन लाईक कोईला धाड़िस | ऊ ओको संग सोएव अखिन ओला वापस घर धाड़ देईस | थोड़ों समय को बाद मा बतशेबा न यव क्यके दाऊद को जवर संदेश धाड़िस की वा पेट लक से |

![](https://cdn.door43.org/obs/jpg/360px/obs-en-17-12.jpg)

बतशेबा को नवरा ऊरिय्याह नाव को एक आदमी होतो | ऊ दाऊद को खास सिपाई मालक एक होतो | येन समय मा ऊ लड़ाई करन लाईक बाहेर गएव होतो | दाऊद न ऊरिय्याह ला लड़ाई मा लक वापस बुलाय सारी ओला आपरो बायको संग रवन लाईक कहीस | पर दूसरा सिपाई लड़ाई माच होता एकोलाईक ऊरिय्याह न घर जान लाईक स्याप मना कर देईस | अधिक दाऊद न ऊरिय्याह ला वापस लड़ाई मा धाड़ देईस अखिन सेनापति सीन ओला लड़ाई मा असो जागा मा राखन लाईक कहीस जहाँ दुशमन सब लक जादा शक्तिशाली सेत जहा ऊ मारेव जाए | त असो भएव की ऊरिय्याह लड़ाई मा मारेव गएव |

![](https://cdn.door43.org/obs/jpg/360px/obs-en-17-13.jpg)

ऊरिय्याह को लड़ाई मा मर जान को बाद मा दाऊद न बतशेबा सीन बिहाया कर लेईस | बाद मा वन दाऊद को टुरा ला पैदा देईस | दाऊद न जो करिहोतीस ओको सीन परमेश्वर जादा गुसा होतो , एकोलाईक वन नातान भविष्यद्वक्ता ला दाऊद ला यव सांगन लाईक धाड़िस की ओको पाप केतरों बेकार होतो | दाऊद न आपरो पाप लाईक माफी मागीस अखिन परमेश्वर न ओला माप कर देईस | आपरो बचेव जीवन मा , आपरो मुसकिल समय मा भी दाऊद परमेश्वर को मग - मग चलेव अखिन ओको बातहिन ला मानिस |

![](https://cdn.door43.org/obs/jpg/360px/obs-en-17-14.jpg)

पर दाऊद को टुरा मर गएव | येन तरीका लक परमेश्वर न दाऊद ला दंडित करिस | येकों अलावा , दाऊद को मरत वरी , ओका आपरा परिवार का काई लोखहिन न ओको बिरुद लड़ाई करिन , अखिन दाऊद की आपरि शक्ति कम भय गई होती | पर परमेश्वर विश्वासयोग्य होतो अखिन आब भी वन ऊ करिस जो ओन दाऊद सीन करन को वादा करी होतीस की ऊ करे , हालाकी दाऊद न ओकी आज्ञा नहीं मानि होतीस | बाद मा , दाऊद अखिन बतशेबा ला दूसरा लेकरू पैदा भया , अखिन ऊन ओको नाव सुलैमान राखिस |

*1 शमूएल अध्याय 10; 15-19; 24; 31; 2 शमूएल 5; 7; 11-12 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_17_32kbps.mp3

## 18. बड्वारा भया राज्य

https://openbiblestories.org/l/pwr/story-18/

![](https://cdn.door43.org/obs/jpg/360px/obs-en-18-01.jpg)

दाऊद राजा न चालीस साल वरी राज करिस | तब ऊ मर गएव , अखिन ओको टुरा सुलैमान न इस्राइल पर राज्य करणो चालू करिस | परमेश्वर न सुलैमान सीन बात करिस अखिन ओको सिन पूछिस की ऊ सब लक जादा का चाव्हसे की परमेश्वर ओको लाईक करे | सुलैमान न परमेश्वर सिन मागीस की ऊ ओला बहुत अकलवर बनाय देए | एन बात न परमेश्वर ला खुश कर देईस , एकोलाईक परमेश्वर न सुलैमान ला संसार को सबलक जादा अकलवर आदमी बनाय देईस | सुलैमान न बहुत सारी बातहिनला सीखीस अखिन ऊ एक अकलवर राजा होतो | परमेश्वर न ओला बहुत मोठों पैसा वालो बनाय देई होतीस |

![](https://cdn.door43.org/obs/jpg/360px/obs-en-18-02.jpg)

यरूशलेम मा सुलैमान न वन मंदिर ला बनाईस जेकों लाईक ओको बाप न योजना बनाई होतीस अखिन सामाईन ला जमा करि होतीस | आता लोख मिलापवालों खोपड़ी मा रव्हन को बजाय मंदिर मा परमेश्वर की आराधना करत होता अखिन ओको लाईक बलि चड़ावत होता | परमेश्वर आयकर मंदिर मा उपस्थित रव्हत होतो, अखिन वहाँ ऊ आपरो लोखहिन को संग रव्हत होतो |

![](https://cdn.door43.org/obs/jpg/360px/obs-en-18-03.jpg)

पर सुलैमान न दूसरों देशईन को बायकोहिन सिन प्यार करिस | वन बहुत सारी , लगभग 1000 बायकोहिन सीन बिहाया करसारी परमेश्वर को आज्ञा ला नहीं मानिस ! इनको मालक बहुत सारी बायका दूसरों देशहिन मालक आई अखिन आपरो संग आपरो देवताहिन ला भी आन्नीन अखिन ओकी उपासना करणों सुरू राखिन | जब सुलैमान बुड्गा भएव त वन भी उनको देवताहिन की उपासना करिस |

![](https://cdn.door43.org/obs/jpg/360px/obs-en-18-04.jpg)

एन कारण लक परमेश्वर सुलैमान सिन गुसा होतो | वन कहीस की ऊ इस्राइल देश ला दुई भाग मा बाट देन को कारण ओला दंड देहे | ऊ सुलैमान को मरण को बाद मा असो करे |

![](https://cdn.door43.org/obs/jpg/360px/obs-en-18-05.jpg)

सुलैमान को मरण को बाद मा, रहबाम राजा बनेव | इस्राइल देश का पूरा लोख ओला आपरो राजा को रूप मा मंजूर करन लाईक एक साथ जमा भया | उन्न रहबाम सीन शिकायत करिन की सुलैमान न उनको सीन बहुत भारी परिश्रम करवाई होतीस अखिन बहुत सारो कर मागी होतीस | उन्न रहबाम सीन आग्र करिन की उनको सीन कम काम कराओ|

![](https://cdn.door43.org/obs/jpg/360px/obs-en-18-06.jpg)

पर रहबाम न उनला मोठों मूर्खता लक जवाब देईस , “ तुमि कसेव की मोरो बाप सुलैमान न तुमारो लक कठोर परिश्रम करवाईस | पर मी तुमला ओको सीन जादा दु:खी करू | ”

![](https://cdn.door43.org/obs/jpg/360px/obs-en-18-07.jpg)

जब लोखहिन न ओला असो बोलता आयकिन त उनको मालक कई लोखहिन न ओको विरुद लड़ाई झगड़ा करिन | दस पीड़ीहिन न ओला छोड़ देईन ; ओको संग आता मात्र दुई पीड़ी बची | इन दुई पीड़ीहिन न खुद ला यहूदा को राज्य कहिस |

![](https://cdn.door43.org/obs/jpg/360px/obs-en-18-08.jpg)

बाकी का दस पीड़ीहिन न यारोबाम नाव को एक आदमी ला आपरो राजा बनायलेईन | या पीड़ी देश को उत्तर-पूर्वी भाग मा होता | उन्न खुद ला इस्राइल को राजा कहिन |

![](https://cdn.door43.org/obs/jpg/360px/obs-en-18-09.jpg)

पर यारोबाम न परमेश्वर को विरुद लड़ाई झगड़ा करिस अखिन लोखहिन सिन पाप करवाईस | वन आपरो लोखहिन सिन उपासना करण लाईक दुई मूर्तिहिन ला बनाईस | वय आता यहूदा को राज्य मा यरूशलेम मा परमेश्वर को मंदिर मा ओकी आराधना करण लाईक नहीं गया |

![](https://cdn.door43.org/obs/jpg/360px/obs-en-18-10.jpg)

यहूदा अखिन इस्राइल का राज्य दुशमन बन गया अखिन जादा एक दूसरों ईन को विरुद लड़ाई करण लगया |

![](https://cdn.door43.org/obs/jpg/360px/obs-en-18-11.jpg)

इस्राइल को नवीन राज्य मा , पुराच राजा दुष्ट होता | इनको मालक बहुत राजा उनको जागा मा राजा बनन की ईक्छा रखान वाला दूसरा इस्राएलिईन को सिन माराया गया होता |

![](https://cdn.door43.org/obs/jpg/360px/obs-en-18-12.jpg)

इस्राइल राज्य का पूरा राजाहिन न अखिन जास्तीच लोखहिन न मूर्तिहिन की उपासना करिन | जब उन्न असो करिन , त वय जादातर वेश्याहिन को संग सोया अखिन यहाँ वरी की कई बार मूर्तीहिन को सामने लेकरुहिन की बलि तक्के करिन |

![](https://cdn.door43.org/obs/jpg/360px/obs-en-18-13.jpg)

यहूदा राज्य को राजा , दाऊद का लेकरू होता | एन राजाहिन मालक कई अच्छा आदमी होता जे न्यायपूर्वक राज्य करिन अखिन परमेश्वर की आराधना करिन | पर यहूदा का जादातर राजा दुष्ट होता | उन्न दुष्टता लक राज्य करिन , अखिन मूर्तिहिन की उपासना करिन | यहाँ वरी की इनको मालक कई राजाहिन न झुठा देवताहिन को सामाने आपरो लेकरूहिन की बलि कर देईन | यहूदा का जादातर लोखहिन न तरी परमेश्वर को विरुद बलवा करिस अखिन दूसरा देवताहिन की उपासना करिन |

*1 राजा अध्याय 1-6; 11-12 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_18_32kbps.mp3

## 19. भविष्यद्वक्ता

https://openbiblestories.org/l/pwr/story-19/

![](https://cdn.door43.org/obs/jpg/360px/obs-en-19-01.jpg)

परमेश्वर हमेशा इस्राएलिहिन को जवर भविष्यद्वक्ताहिन ला धाड़तो रव्हत होतो | भविष्यद्वक्ता परमेश्वर सिन संदेशहिन ला आयकत होता अखिन डबल लक वन लोखहिन ला सांगत होता |

![](https://cdn.door43.org/obs/jpg/360px/obs-en-19-02.jpg)

जब अहाब इस्राइल राज्य पर राजा होतो त वन समय मा एलिय्याह भविष्यद्वक्ता होतो | अहाब एक खराब आदमी होतो | वन झूठा बाल देवताहिन की उपासना करण लाईक लोखहिन ला मजबूर करी होतीस | एकोलाईक एलिय्याह न अहाब सिन कहीस की परमेश्वर वन लोखहिन ला दंडित करण जाय रहीसे | वन ओकोसिन कहीस , “ जेंधावर वरी मी पानी आवन लाईक नहीं कहूँ तब वरी इस्राइल को राज्य मा पानी नहीं आव अखिन ओस नहीं पड़न की | ” एन बात लक अहाब ला एतरों गुशा भएव की वन एलिय्याह ला मार देन को सोच लेईस होतीस |

![](https://cdn.door43.org/obs/jpg/360px/obs-en-19-03.jpg)

एकोलाईक परमेश्वर न एलिय्याह सिन कहीस की ऊ जंगल मा जाय सारी अहाब सिन लुकाय जाए | एलिय्याह जंगल मा वन झरना को जवर गएव जहाँ परमेश्वर न ओला जान लाईक कई होतीस | हर सकारिच अखिन हर श्यामला , पक्षी एलिय्याह लाईक रोटी अखिन माँस धरकर आवत होता | यन पुरो समय मा , अहाब अखिन ओका सिपाई एलिय्याह ला ढूंडत रया , पर वय ओला ढूड नहीं सीकिन |

![](https://cdn.door43.org/obs/jpg/360px/obs-en-19-04.jpg)

पानी नहीं आवन को काई समय को बाद मा ऊ झरना वार गएव | एकोलाईक एलिय्याह जवर कोच एक देश मा चली गएव | वन देश मा एक गरीब विधवा होती वोला एक टुरा होतो | ओको जवर भोजन लगभग खत्म भए गएव होतो काहेकी वहाँ कोईच फसल नहीं भई होती | तरी , वन बायको न एलिय्याह की देखरेख करिस , एकोलाईक परमेश्वर न ओकी अखिन ओको टुरा की आवश्यकताहिन ला पुरो करीस , एन कारण लक ओको पीट की हांढी अखिन ओको तेल की डपकी कभी खाली नहीं भई | वन पुरो अकाल को समय मा उनको जवर भोजन होतो | एलिय्याह कई साल वरी वहाँ रहेव |

![](https://cdn.door43.org/obs/jpg/360px/obs-en-19-05.jpg)

साढ़े तीन साल को बाद मा , परमेश्वर न एलिय्याह सीन कहीस की ऊ डबल लक पानी धाड़े | वन एलिय्याह सिन वापिस इस्राइल को राज्य मा जायसारी अहाब सिन बोलन लाईक कहीस | एकोलाईक एलिय्याह अहाब को जवर गएव | जब अहाब न ओला देखीस त वन कहीस , “ अच्छा तू आस , गड़बड़ करने वालो ! ” एलिय्याह न जवाब देईस , “ गड़बड़ करने वालो त तू सेस ! तुन यहोवा ला छोड़ देईसेस | ऊ सही परमेश्वर से , पर तू बाल की उपासना करसेस | आता तोला इस्राइल राज्य का पूरा लोखहिन ला कर्मेल पाहड़ पर धरके आनो से | ’

![](https://cdn.door43.org/obs/jpg/360px/obs-en-19-06.jpg)

अधिक पूरा लोख कर्मेल पाहड़ पर गया | वय आदमी भी आया जो कव्हत होता की वय बाल को संदेशहिन ला बोल सेत | वय बाल का भविष्यद्वक्ता होता | वय पूरा 450 होता | एलिय्याह न वन लोखहिन सिन कहीस , “ कब वरी तुमि आपरो मनहिन ला फिराए सारी ढेवों ? अगर यहोवा परमेश्वर से त तुमी ओकी आराधना करो ! अगर बाल परमेश्वर से त तुमी ओकी उपासना करो ! ”

![](https://cdn.door43.org/obs/jpg/360px/obs-en-19-07.jpg)

तब एलिय्याह न बाल को भविष्यद्वक्ताहिन लक कहीस , “ एक बईल ला बली करसारी ओको माँस ला बलिदान करन ला एक वेदी पर ठेवो , पर इस्तों नोको लगावों | ओको बाद मा मी भी तसोच करू, अखिन एक अलग वेदी पर मी वन माँस ला राखू | तब कदी परमेश्वर वेदी पर इस्तों पाडे त तुमि समज लेवों की ऊ सही परमेश्वर से | ” तब बाल को भविष्यद्वक्ताहिन न एक बली ला तैयार करिन पर इस्तों नहीं लगाईन |

![](https://cdn.door43.org/obs/jpg/360px/obs-en-19-08.jpg)

तब बाल का भविष्यद्वक्ताहिन न बाल सिन प्रार्थना करिन , “ अ बाल , आमरी आयेक ! ” पुरो दिवस ऊन प्रार्थना करिन अखिन चिल्लाया अखिन यहाँ वरी की खुद ला चाकुईन लक काट लेईन , पर बाल न जवाब नहीं देईस, अखिन वन काई इस्तों नहीं पाडिस |

![](https://cdn.door43.org/obs/jpg/360px/obs-en-19-09.jpg)

बाल का भविष्यद्वक्ताहिन न बाल सीन प्रार्थना करणों मा लगभग पुरो दिवस निकाल देईन | आखरी मा: उन्न प्रार्थना करणों बंद कर देईन | तब एलिय्याह न दूसरों बईल को माँस ला परमेश्वर को वेदी पर राख़ देईस | अन्न ओको बाद मा , वन लोखहिन सिन पानी का मोठा बर्तनहिन लका वन बलिदान पर तब वरी डाकन लाईक कहीस जब वरी माँस , काड़ीहिन , अखिन यहाँ वरी की वेदी को आचू बाचू की जमीन पुरो तरीका लक ओली नहीं होयजाय |

![](https://cdn.door43.org/obs/jpg/360px/obs-en-19-10.jpg)

तब एलिय्याह न प्रार्थना करिस , “ अ यहोवा , अब्राहम , इसहाक, अखिन याक़ूब को परमेश्वर , आमला देखाओ की तुमि इस्राइल का परमेश्वर सेव अखिन यव की मी तुमरो सेवक आव | मोला जवाब देव जसो की ये लोख जानेती की तुमिच सही परमेश्वर सेव | ”

![](https://cdn.door43.org/obs/jpg/360px/obs-en-19-11.jpg)

ओंधावरच , बादर मालक इस्तो पड़ेव अखिन वन माँस ला , काड़ीहिन ला , चट्टान ला , माटी ला , अखिन यहाँ वरी की वेदी को आचू बाचू मा पानी ला भी जराय डाकिस | जब लोखहिन न यव देखिन , त वय जमीन पर पडया अखिन कहिन , “ यहोवाच परमेश्वर से ! यहोवाच परमेश्वर से !”

![](https://cdn.door43.org/obs/jpg/360px/obs-en-19-12.jpg)

तब एलिय्याह न कहीस , “ बाल का एक भी भविष्यद्वक्ता बच सारी जाय नोको सिकेत ! ” एकोलाईक लोखहिन न बाल को भविष्यद्वक्ताहिन ला धर लेईन अखिन उनला वहाँ लक अलग लिजाईन अखिन उनला मार डाकिन |

![](https://cdn.door43.org/obs/jpg/360px/obs-en-19-13.jpg)

तब एलिय्याह न अहाब राजा सिन कहीस , “ लवकरच आपरो घर चलिजाय , काहेकी पानी आवनों वालो से | ” लवकरच बादर न झाक देईस , अखिन मनमाना पानि आवनों चालू भयेव | यहोवा वन वारेव ला खत्म करत होतो | एको लक मालूम चलेव की यहोवाच सही परमेश्वर से |

![](https://cdn.door43.org/obs/jpg/360px/obs-en-19-14.jpg)

जब एलिय्याह न आपरो काम ला खत्म करीस , त परमेश्वर न एलिशा नाव को एक आदमी ला आपरो भविष्यद्वक्ता होन ला डूडिस | परमेश्वर न एलिशा को कारण लक बहुत सारा चमत्कार करिस | एक चमत्कार नामान को संग भएव | ऊ एक दुशमानहिन को मुखिया होतो , पर वोला कोड को एक बेकार रोग भय गएव होतो | नामान न एलिशा को बारे मा आयकि होतीस , एकोलाईक ऊ एलिशा को जवर आएव अखिन ओला ओन अच्छों करण लाईक आग्र करिस | एलिशा न नामान सिन कहीस की जायकर यरदन नदी को पानी मा सात बार डुबकी मार ले |

![](https://cdn.door43.org/obs/jpg/360px/obs-en-19-15.jpg)

नामान गुशा भए गएव | वन असो करण सिन मना कर देईस , काहेकी ऊ ओला मूर्खता को काम लगत होतो | पर बाद मा ओन आपरो मन ला बदल देईस अखिन जायकर यरदन नदी को पानी मा सात बार डुबकी मार लेईस | जब आखरी बार ऊ पानी मालक बाहेर आएव त परमेश्वर न ओला अच्छों कर देईस |

![](https://cdn.door43.org/obs/jpg/360px/obs-en-19-16.jpg)

परमेश्वर न इस्राइल को लोखहिन को जवर दूसरा बहुत सारा भविष्यद्वक्ताहिन ला धाड़िस | वय सपाईहिन न लोखहिन सिन मूर्तिहिन की उपासना बंद करण लाईक कहिन | एको अलावा , उनला एक दूसरों को संग न्यायपूर्वक व्यवहार करणों होतो अखिन एक दूसरों पर दया करणों होतो | वय भविष्यद्वक्ताहिन न लोखहिन ला धमकी देईन की उनला खराब कामहिन ला बंद कर देनो से अखिन एको अलावा परमेशर को बातहिन ला माननों से | अगर वय लोखहिन न असो नहीं करिन त परमेश्वर उनला गुनेगार मान सारी उनको न्याय करे , अखिन उनला अपमानित करे |

![](https://cdn.door43.org/obs/jpg/360px/obs-en-19-17.jpg)

जादा समय वरी , वय लोखहिन न परमेश्वर को आज्ञाला नहीं मानि सेन | जादातर उन भविष्यद्वक्ताहिन को संग गलत व्यवहार करिन अखिन यहाँ वरी की कभी कभी उनला मार डाकिस | एक बार , उन यिर्मयाह भविष्यद्वक्ता ला वारेव बेहेर मा डाक देईन अखिन ओला वहाँ मरन लाईक छोड देईन | ऊ बेहेर को अंदर कीचड़ मा धँस गएव | मंग राजा ला ओको पर दया आई अखिन वन आपरो सिपाईहिन ला आदेश देईस की यिर्मयाह को मरन को पहीले ओला बेहेर मालक बाहेर कहाड़ ले |

![](https://cdn.door43.org/obs/jpg/360px/obs-en-19-18.jpg)

भविष्यद्वक्ताहिन न परमेश्वर कर लक बोलनों सुरू राखिन भले लोखहिन न ओको सिन नफरत करिन | उन लोखहिन ला धमकी देईन की अगर ऊन कबूल नहीं करिन त परमेश्वर उनला नाश कर देए | उन्न लोखहिन ला यव भी याद कराईन की परमेश्वर न उनको जवर मसीह ला धाडन को वादा करीसेस |

*1 राजा अध्याय 16-18; 2 राजा 5; यिर्मयाह 38 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_19_32kbps.mp3

## 20. बंधुवाई अखिन वापसी

https://openbiblestories.org/l/pwr/story-20/

![](https://cdn.door43.org/obs/jpg/360px/obs-en-20-01.jpg)

इस्राइल को राज्य अखिन यहूदा को राज्य दुईहिन न परमेश्वर को विरुद मा पाप करिसेन | उन वन वादा ला तोड़ देईन जेव परमेश्वर न उनको सिन सीनै पर बाँधी होतीस | परमेश्वर न उनला माफी मांगन ला अखिन डबल लक आराधना करन लाईक सांगन लाईक आपरो भविष्यद्वक्ताहिन ला धाड़ीस ,पर ऊन उनको बातईन ला मानन लाईक मना करदेईन |

![](https://cdn.door43.org/obs/jpg/360px/obs-en-20-02.jpg)

अधिक परमेश्वर न उनको दुशमनाहिन ला उनला नाश करन लाईक तैयार करन को कारण दुई राज्यहिन ला दंडित करिस | अश्शुर एक दूसरों देश होतो ऊ बहुत ताकतवर भए गएव होतो | वय दूसरो देशहिन सिन जादा निर्दयी होता | ऊन आयसारी इस्राइल राज्य ला नाश कर देईन | अश्शूरीहिन न आयसारी इस्राइल राज्य का बहुत लोखहीन ला मार डाकिन , जेव उनला लगेव ऊ लूट लेईन,अखिन देश का बहुत सारा हिस्साहिन ला जराय देईन |

![](https://cdn.door43.org/obs/jpg/360px/obs-en-20-03.jpg)

अश्शूरीहिन न पूरो मार्ग दर्शान करण वाला , धनवान लोखहिन ला , अखिन असो लोखहिन ला जो कीमती सामाहिन ला बनाए सिक सेत एक संग जमा करिस अखिन वय ऊनला अश्शुर देश मा लिजाईन | इस्राइल मा मात्र काई गरीब इस्राएलिच बचया |

![](https://cdn.door43.org/obs/jpg/360px/obs-en-20-04.jpg)

मंग अश्शूरी लोख वन देश मा रवन लाईक विदेशिहिन ला आनीन | वय विदेशिहिन न वन नगर ला डबल लक बनाईन | जो इस्राएलि वहाँ बच्या होता ऊन उनको सिन बिहाया करिन | यन लोखहिन का लेकरू सामरी कवन मा आया |

![](https://cdn.door43.org/obs/jpg/360px/obs-en-20-05.jpg)

यहूदा को राज्य का लोखहिन न देखिन की कसो परमेश्वर न ओको पर विश्वास नहीं करणो पर अखिन ओको बताहिन ला नहीं मानो को वजह लक इस्राइल को राज्य का लोखहिन ला दंडित करी होतीस | पर तब भी ऊन कनानीहिन को भगवानाहिन को मूर्तिहिन की उपासना करिन | परमेश्वर न उनला चेतावन लाईक भविष्यद्वक्ताहिन ला धाड़िस , पर ऊन आयकन ला मना कर देईन |

![](https://cdn.door43.org/obs/jpg/360px/obs-en-20-06.jpg)

लगभग 100 साल को बाद मा अश्शुरीहिन न इस्राइल को राज्य ला नाश करदेईन | परमेश्वर न बेबीलोन को राजा , नबुकदनेस्सर ला यहूदा को राज्य पर धावा करण लाईक धाड़िस | बेबीलोन एक मजबूत देश होतो | यहूदा को राजा नबुकदनेस्सर ला दास बनन ला अखिन हर साल ओला बहुत सारो धन की भरपाई करण लाईक कबूल भए गएव |

![](https://cdn.door43.org/obs/jpg/360px/obs-en-20-07.jpg)

पर काई साल को बाद मा , यहूदा को राजा न बेबीलोन को विरुद दुश्मनी करिस | अदिक बेबीलोनहिन न वापस आयकर यहूदा को राज्य पर धावा कर देईन | ऊन्न यरूशलेम नगर पर कब्जा कर लेईन , अखिन मंदिर ला नाश कर देईन , अखिन नगर अखिन मंदिर को खज़ानो ला लूट सारी लिजाय लेईन |

![](https://cdn.door43.org/obs/jpg/360px/obs-en-20-08.jpg)

दुश्मनी करण को वजह लक यहूदा को राजा ला दंडित करण लाईक, नबुकदनेस्सर का सिपाईहिन न राजा को टूरा ला ओको सामुर मार डाकिन अखिन ओला अंद्रा कर देईन | एको बाद मा , वय राजा ला लिजाय लेईन की ऊ बेबीलोन को जेलखानो मा मर जाए |

![](https://cdn.door43.org/obs/jpg/360px/obs-en-20-09.jpg)

नबुकदनेस्सर अखिन ओका सिपाई यहूदा को राज्य का लगभग सफाईच लोखहिन ला बेबीलोन लिजाय लेईन , मात्र सबलक गरीब लोखहिन ला मंग सोडिन की वय खेतहिन मा फसल तैयार करेत | यन समय काल ला बंधुआई कवन मा आईसे जोकों मा परमेश्वर को लोखहिन ला वायदा को देशा मालक बाहेर जान लाईक कर देएव गएव होतो |

![](https://cdn.door43.org/obs/jpg/360px/obs-en-20-10.jpg)

भले परमेश्वर न आपरो लोखहिन ला ऊनको पाप लाईक बंधुआई मा जान को वजह ला दंडित करिस , तब भी ऊ ऊनला अखिन आपरो वायदा ला नहीं भूलेव होतो | परमेश्वर न आपरो लोखहिन की देखभाल करणो चालू राखीस अखिन आपरो भविष्यद्वक्ताहिन को वजह लक उनको सिन बात करत राएव | वन वादा करिस की 70 साल को बाद मा , वय अखिन वादा को देश मा वापस होयेती |

![](https://cdn.door43.org/obs/jpg/360px/obs-en-20-11.jpg)

लगभग 70 साल को बाद मा , फारस को राजा कुसु न बेबीलोन ला हराय देईस , एकोलाईक बेबीलोन को साम्राज्य को बजाए फारस को साम्राज्य न कई देशहिन पर शासन करिन | इस्राइलि लोख आता यहूदी कवन मा आया होता | ऊनको मालक बहुत जान न आपरो पुरो जीवन बेबीलोन मा बिताय देईहोतीन मात्र बहुत थोड़ाच बुड़गाहिन ला यहूदीहिन लाच यहूदा को देश याद होतो |

![](https://cdn.door43.org/obs/jpg/360px/obs-en-20-12.jpg)

फारसी लोख बहुत मजबूत होता, पर ऊन्न आपरो जिन्दा लोखहिन पर दया करिन होतीन | फारसी लोखहिन को राजा बननों को थोड़ों समय को बाद मा , कुस्रु न एक आदेश देईस की कोईच यहूदी जो यहूदा ला वापिस जानला देखत होतो , ऊ फारस लक निकाल सारी वापिस यहूदा ला जाय सिकसे | यहाँ वरी की वन ऊनला मंदिर ला मंग अखिन बनावन लाईक धन भी देईस | अदिक बंधुआई को सत्तर साल को बाद मा, यहूदीहिन को एक लाहान समूह यहूदा मा यरुशलेम नगर मा वापिस आया |

![](https://cdn.door43.org/obs/jpg/360px/obs-en-20-13.jpg)

जब वय लोख यरुशलेम आया त ऊन्न मंदिर ला अखिन नगर को चारई आंग की दीवाल डबल बनाईन | फारसी लोख आब भी ऊनको पर राज्य करत होता लेकिन एक बार वय वायदा को देश मा रव्हत होता अखिन मंदिर मा आराधना करत होता |

*2 राजा अध्याय 17; 24-25; 2 इतिहास 36; एज़्रा 1-10; नहेम्याह 1-13 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_20_32kbps.mp3

## 21. परमेश्वर मसीह को वादा करसे

https://openbiblestories.org/l/pwr/story-21/

![](https://cdn.door43.org/obs/jpg/360px/obs-en-21-01.jpg)

जब परमेश्वर न संसार की सृष्टि करिस होतीस , ऊ जानत होतो की ओको बाद मा कोई दिवस मसीह ला धाडनों पड़े | वन आदम अखिन हव्वा सिन वादा करी होतीस की ऊ असो करे | वन कहीस की हव्वा सिन एक वंशज पैदा लेए जो साँप को डोसकि ला कुचल देहे | जेन साँप न हव्वा ला धोको देईस ऊ नि:सन्देह शैतान होतो | परमेश्वर को अर्थ होतो की मसीह पुरो तरहलक शैतान ला हराय देहे |

![](https://cdn.door43.org/obs/jpg/360px/obs-en-21-02.jpg)

परमेश्वर न अब्राहम सिन वादा करिहोतीस की ओको वजह लक संसार की पूरी जाती आशीषत रहेती | परमेश्वर बाद मा कोई बेरा मा मसीह ला धाडन को वजह लक यन वादा ला पुरो करे | ऊ मसीह संसार को पुरी एक जाती मालक लोखहिन ला उनको पापईन मालक छुड़ाएती |

![](https://cdn.door43.org/obs/jpg/360px/obs-en-21-03.jpg)

परमेश्वर न मूसा सिन वादा करि होतीस की भविष्य मा ऊ मूसा को जसो एक दूसरों भविष्यद्वक्ता ला धाड़े | यव भविष्यद्वक्ता मसीह होए | एन वजह लक , परमेश्वर न मंग अखिन वादा करिस की ऊ मसीह ला धाड़े |

![](https://cdn.door43.org/obs/jpg/360px/obs-en-21-04.jpg)

परमेश्वर न राजा दाऊद सिन वादा करि होतीस की ओको एक वंशज मसीह होए | ऊ राजा होए अखिन परमेश्वर को लोखहिन पर हमेश लाईक अधिकार राखे |

![](https://cdn.door43.org/obs/jpg/360px/obs-en-21-05.jpg)

परमेश्वर न यिर्मयाह भविष्यद्वक्ता सिन बात करिस अखिन कहीस की एक दिवस ऊ एक नवो वादा करे | ऊ नवो वादा इस्राइल को संग सीनै पर करे पुरानो वादा को समान नहीं रहे | जब लोखहिन को संग ऊ आपरो नवो वादा करे , त ऊ ऊनको पर खुद ला व्यक्तिगत रुप मा प्रकट करे | पूरा एक जन ओको सिन प्रेम करे अखिन ओको व्यवस्था ला मानन लाईक इच्छा राखेती | परमेश्वर न कहीस की ऊ ओको व्यवस्था ला ऊनकों ह्रदयहिन पर लिखेव समान होए | वय ओका लोख होएती , अखिन परमेश्वर ऊनकों पापईन ला माफ करे | ऊ मसीह होए जो ऊनको संग वन नवो वादा ला करे |

![](https://cdn.door43.org/obs/jpg/360px/obs-en-21-06.jpg)

परमेश्वर का भविष्यद्वक्ताहिन न यव भी कहिन की मसीह एक भविष्यद्वक्ता होए | एक भविष्यद्वक्ता ऊ आदमी आए जो परमेश्वर को वचनहिन ला आयके अखिन मंग लोखहिन ला परमेश्वर को संदेश की घोषणा करे | जेला परमेश्वर न धाडन को वादा करि होतीस ऊ मसीह एक परख्यात भविष्यद्वक्ता होतो | समजो की ऊ मसीह परमेश्वर को संदेश ला अच्छों लक आयके , अखिन ऊ लोखईन ला ऊन्न संदेशहिन ला अच्छों लक सिखाए |

![](https://cdn.door43.org/obs/jpg/360px/obs-en-21-07.jpg)

इस्राएली याजकहिन न लोखहिन लाईक परमेश्वर को सामुर बलिदान करणो सुरू ढेईन | यव बलिदान लोखहिन को पापहिन लाईक ऊनला परमेश्वर सिन दंडित करण को जागा पर चढाया गया होता | याजकहिन न लोखहिन लाईक प्रार्थना भी करिन | पर , ऊ मसीह सिद्ध महायाजक होए जो परमेश्वर ला देन लाईक एक सिद्ध बलि को रूप मा खुद ला चढाय देहे | तमंग , ऊ कभी पाप नहीं करणको , अखिन जब ऊ खुद ला बलि होन लाईक देहे , त संसार की कोई भी दूसरी बलि जरूरत नहीं पड़े |

![](https://cdn.door43.org/obs/jpg/360px/obs-en-21-08.jpg)

लोखहिन को झुंड पर राजा अखिन प्रधान राज्य करसेत , अखिन कभी-कभी वय गलती करसेत | राजा दाऊद न मात्र इस्राएलिहिन पर राज्य करे , पर राजा दाऊद को वंशज मसीह पुरो संसार पर राज्य करे , अखिन ऊ हमेशा लाईक राज्य करे | एको अलावा , ऊ हमेशा न्याय लकच राज्य करे , अखिन सही निर्णयहिन ला लेए |

![](https://cdn.door43.org/obs/jpg/360px/obs-en-21-09.jpg)

परमेश्वर को भविष्यद्वक्ताहिन न मसीह को बारे मा बहुत सारी गोस्टी करिन | उदाहरण लाईक , मलाकी न कहीस की मसीह को आवन को पहीले एक दूसरों भविष्यद्वक्ता आए | ऊ भविष्यद्वक्ता बहुत खास होए | एको अलावा , यशायाह भविष्यद्वक्ता न लिखीस की मसीह एक कुंवारी सिन पैदा लेहे | अखिन मीका भविष्यद्वक्ता न कहीस की मसीह बैतलहम नगर मा पैदा लेहे |

![](https://cdn.door43.org/obs/jpg/360px/obs-en-21-10.jpg)

यशायाह भविष्यद्वक्ता न कहीस की मसीह गलील को सरहेद मा वास करे | जो लोख बहुत दु:खी सेत मसीह ऊनला शान्ति देहे | ऊ कैदीहिन ला आजाद करे | मसीह बीमारहिन ला अखिन जो आयेक नहीं सिकत , अना देख नहीं सिकत, बोल नहीं सिकत , ना चल नहीं सिकत ऊनला भी चंगा करे |

![](https://cdn.door43.org/obs/jpg/360px/obs-en-21-11.jpg)

यशायाह भविष्यद्वक्ता न यव भी कहीस की लोख मसीह सिन नफरत करेती अखिन ओला मानो सिन ईनकार करेती | दूसरा भविष्यद्वक्ताहिन न कहीन की मसीह को संगी ओको विरुद्ध उठे | जकर्याह भविष्यद्वक्ता न कहीस की ओको यव संगी असो करण लाईक दूसरों लोखहिन सिन चांदी का तीस सिक्का लेए | एको अलावा , काई भविष्यद्वक्ताहिन न कहीन की लोख मसीह ला मार डाकेती , अखिन यव की वय ओको कपड़ाहिन लाईक जुआ खेलेती |

![](https://cdn.door43.org/obs/jpg/360px/obs-en-21-12.jpg)

भविष्यद्वक्ताहिन न यव भी सागीन की मसीह कसो मरे | यशायाह न भविष्यद्वाणी करिस की लोख मसीह पर थूकेत , ओको मज़ाक उड़ायेती , अखिन ओला मारेती | वय ओला छेद देयेती अखिन ऊ मोठो दर्द अखिन यातना मा मर जाए , जबकि वन काईच भी गलती नहीं करी रहेस |

![](https://cdn.door43.org/obs/jpg/360px/obs-en-21-13.jpg)

भविष्यद्वक्ताहिन न यव भी सांगीन की मसीह पाप नहीं करे | ऊ सिद्ध रहे | पर ऊ एकोलाईक मरे की परमेश्वर ओला दूसरों लोखहिन को पापईन को लाईक दंडित करे | ओको मरनो लक लोख परमेश्वर को संग मेल खान ला सही रहेत | एकोलाईक परमेश्वर चाव्हसे की मसीह मर |

![](https://cdn.door43.org/obs/jpg/360px/obs-en-21-14.jpg)

भविष्यद्वक्ताहिन न यव भी सागीन की परमेश्वर मसीह ला मरेव मालक जिंदों करे | यव दर्शाव से की यव पुरो नवो वादा ला करण को परमेश्वर की योजना होती , की ऊ वन लोखहिन ला बचाए सीके जे लोख ओको विरुद्ध पाप करीसेन |

![](https://cdn.door43.org/obs/jpg/360px/obs-en-21-15.jpg)

परमेश्वर न भविष्यद्वक्ताहिन पर मसीह को बारे मा बहुत सारी बातईन ला प्रकट करिस, पर मसीह वन भविष्यद्वक्ताहिन मालक कोई को भी जीवनकाल मा नहीं आएव होतो | एन भविष्यद्वाणियों को देन को 400 साल को बाद मा , सही समय पर , परमेश्वर मसिह ला एन दुनिया मा धाड़े |

*उत्पत्ति 3:15; 12:1-3; व्यवस्थाविवरण 18:15; 2 शमूएल 7; यिर्मयाह 31; यशायाह 59:16; दानिय्येल 7; मलाकी 4:5; यशायाह 7:14; मीका 5:2; यशायाह 9:1-7; 35:3-5; 61; 53; भजन संहिता 22:18; 35:19; 69:4; 41:9; जकर्याह 11:12-13; यशायाह 50:6; भजन संहिता 16:10-11 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_21_32kbps.mp3

## 22. यूहन्ना को जन्म

https://openbiblestories.org/l/pwr/story-22/

![](https://cdn.door43.org/obs/jpg/360px/obs-en-22-01.jpg)

सुरूवात मा , परमेश्वर न आपरो भविष्यद्वक्ताहिन सिन बात करी होतीस एकोलाईक वय लोखहिन सिन बात करि होतीन | पर वन समय लक मंग अदिक 400 साल जात वरी वन उनको सिन बात नहीं करिस | तब परमेश्वर न जकर्याह नाव को याजक जवर एक स्वर्गदूत ला धाड़िस | जकर्याह अखिन ओकी बायको एलिशिबा परमेश्वर को आदर करत होता | वय बहुत बुडगा भय गया होता , अखिन ओला कोई लेकरू पैदा नहीं भया होता |

![](https://cdn.door43.org/obs/jpg/360px/obs-en-22-02.jpg)

वन स्वर्गदूत न जकर्याह सिन कहीस , “ तोरों बायको ला एक टूरा पैदा लेए | तू ओको नाव यूहन्ना राखजो | परमेश्वर ओला पवित्र आत्मा लक परिपूर्ण करे , अखिन यूहन्ना लोखहिन ला मसीह मा आवन लाईक तैयार करे | ” जकर्याह न जवाब देईस , “ मी अखिन मोरी बायको लेकरू पैदा करण लाईक बहुत बुडगा भये गया सेजन ! मी कसो जानु की तुमी मोरो सिन सही बोलसेव ? ”

![](https://cdn.door43.org/obs/jpg/360px/obs-en-22-03.jpg)

वन स्वर्गदूत न जकर्याह ला जवाब देईस , “ तोरों जवर एन शुभ संदेश ला आनन लाईक मी परमेश्वर को द्वारा धाड़ि गईसेव | काहेकी तुन मोरो पर विश्वास नहीं करीसेस , एकोलाईक लेकरू को जन्म लेत वरी तू बोल नहीं सिकजो | ” वंधावरच , जकर्याह बोलनों बन्द कर देईस | तब ऊ स्वर्गदूत जकर्याह को जवर लक चलिगएव | एको बाद मा , जकर्याह घर वापिस आएव अखिन ओकी बायको पेट लक रही |

![](https://cdn.door43.org/obs/jpg/360px/obs-en-22-04.jpg)

जब एलिशिबा छ: महिना पेट लक होती , त ऊच स्वर्गदूत अचानक एलिशिबा को रिश्तेदार पर प्रकट भएव , जोकों नाव मरियम होतो | मरियम कुंवारी होती अखिन बिहाया होनलाईक यूसुफ नाव को आदमी संग ओकी पायलगनी भई होती | स्वर्गदूत न कहीस , “ तू पेट लक रवजों अखिन एक टूरा ला जन्म देजों | तोला ओको नाव यीशु राखनो से | ऊ सबलक ताकतवर परमेश्वर को टूरा होए अखिन हमेशा लाईक राज्य करे | ”

![](https://cdn.door43.org/obs/jpg/360px/obs-en-22-05.jpg)

मरियम न जवाब देईस , “ यव कसो होए , काहेकी मी त कुँवारी से ? ” वन स्वर्गदूत न समझाईस , “ पवित्र आत्मा तोरों पर आए , अखिन परमेश्वर की सामर्थ तोरों पर सावोली करे | एकोलाईक ऊ लेकरू पवित्र होए , अखिन ऊ परमेश्वर को टूरा होए | ” जो वन स्वर्गदूत न कहीस ओको पर मरियम न विश्वास करिस |

![](https://cdn.door43.org/obs/jpg/360px/obs-en-22-06.jpg)

यव होन को बाद मा , मरियम न जायकर एलिशिबा सीन मिली | तसोच मरियम न ओको सीन नमस्कार लेईस , एलिशिबा को लेकरू ओको अंदर कूदेव | ऊनको लाईक परमेश्वर न जो काही करीहोतीस ओको बारे मा वय बायका एक संग आनन्दित भईन | एलिशिबा को संग तीन महिना रव्हन को बाद मा , मरियम घर वापिस भई |

![](https://cdn.door43.org/obs/jpg/360px/obs-en-22-07.jpg)

एको बाद मा , एलिशिबा न आपरो टूरा ला जन्म देईस | जकर्याह अखिन एलिशिबा न वन टूरा को नाव यूहन्ना राखिन , जसो की वन स्वर्गदूत न आदेश देई होतीस | तब परमेश्वर न जकर्याह ला बोलन लाईक तैयार करिस | जकर्याह न कहीस , “ परमेश्वर की स्तुति होए , काहेकी वन आपरो लोखईन की मदत करण लाईक याद राखी सेस ! अ मोरो टूरा , तु सर्व - शक्तिमान परमेश्वर को भविष्यद्वक्ता होजो | तू लोखाहिन ला सांगजों की वय कसो आपरो पापहिन लाईक क्षमा प्राप्त कर सिकसेत ! ”

*लूका अध्याय 1 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_22_32kbps.mp3

## 23. यीशु को जन्म

https://openbiblestories.org/l/pwr/story-23/

![](https://cdn.door43.org/obs/jpg/360px/obs-en-23-01.jpg)

यूसुफ नाव को एक धर्मी आदमी को संग मरियम की पायलगनी भय गई होती | जब वन आयकिस की मरियम पेट लक से त ऊ जानत होतो की ऊ ओको टूरा नोव्हय | पर , ऊ मरियम ला बदनाम नहीं करू कव्हत होतो , एकोलाईक वन ओको पर कूपा करण की अखिन ओला चुपचाप तलाक देन की सोचिस | पर एको पहीले की ऊ असो करतो , एक स्वर्गदूत न ओको स्वप्ना मा आयकर ओको सीन बात करिस |

![](https://cdn.door43.org/obs/jpg/360px/obs-en-23-02.jpg)

वन स्वर्गदूत न कहीस , “ अ युसुफ , मरियम ला आपरी बायको को रूप मा आनन लाईक नोको कंदरास | ओको अंदर जो लेकरू से ऊ पवित्र आत्मा करलक से | वा एक टूरा ला जन्म देए | ओको नाव यीशु राखजो (जोकों अर्थ से , ‘ यहोवा बचाव से) , काहेकी ऊ लोखहिन ला ऊनको पापहिन लक बचाए | ’

![](https://cdn.door43.org/obs/jpg/360px/obs-en-23-03.jpg)

अधिक युसुफ न मरियम सिन बिहाया करिस अखिन ओला आपरि बायको को रूप मा घर आनिस , पर ओको लेकरू ला जन्म देत वरी ऊ ओको संग नहीं सोएव |

![](https://cdn.door43.org/obs/jpg/360px/obs-en-23-04.jpg)

जब मारियम को जन्म देन को समय जवर आएव , त वन अखिन युसुफ न बैतलहम जान की एक लंबी यात्रा करिन | ऊनला वहाँ जानोच होतो काहेकी रोमी अधिकारी इस्राइल मा रवहन वाला पुरो लोखहिन की गिनती करण ला चाव्हत होता | वय चाव्हत होता की पूरा लोख वहाँ जाएती जहाँ उनकी खानदान रव्हत होता | राजा दाऊद को जन्म बैतलहम मा भएव होतो , अखिन ऊ मरियम अखिन युसुफ दुई की खानदान होतो |

![](https://cdn.door43.org/obs/jpg/360px/obs-en-23-05.jpg)

मरियम अखिन युसुफ बैतलहम गया , पर वहाँ ढोरहिन को रव्हन को जागा ला सोड सारी उनला रुखन लाईक कोई जागा नोव्हती | वाच जागा होती जहाँ मरियम न आपरो लेकरू ला जन्म देईहोतीस | वन ओला चरनी मा सोवाईस काहेकी वहाँ ओको लाईक कोई बिस्तर नोव्हतों | ऊन ओको नाव यीशु रखीन |

![](https://cdn.door43.org/obs/jpg/360px/obs-en-23-06.jpg)

वन रात मा , वहाँ जवरच को खेत मा काही सेरी मेंढीहिन को झुंड ला चरावन वाला जगवाली करत होता | अचानकच , एक चमकदार स्वर्गदूत ऊनको पर ऊतरेव | अखिन वय कन्दराय गया | वन स्वर्गदूत न कहीस , “ नोको कन्दरावों , काहेकी मोरो जवर तुमरो लाईक शुभ समाचार से | बैतलहम मा मसीह , प्रभु को जन्म भहीसे ! ”

![](https://cdn.door43.org/obs/jpg/360px/obs-en-23-07.jpg)

जायसारी वन टूरा ला ढ़ूडो , अखिन तुमि ओला कपड़ा मा लपटेव अखिन चरनी मा पडेव देखो | ’ एखदम लक , बादर स्वर्गदूतहिन लक भर गई | वय परमेश्वर की स्तुति करत होता | ऊन कहिन , “ पूरी महिमा स्वर्ग मा विराजमान परमेश्वर ला मिले | जमिन पर वन लोखाहिन ला शान्ति होए जेकि ऊ चिन्ता करसे ! ”

![](https://cdn.door43.org/obs/jpg/360px/obs-en-23-08.jpg)

तब स्वर्गदूत चली गया | वय भेड़ चारावन वाला आपरो सेरी मेंढीहिन ला सोड सारी टूरा ला देखन गया | जल्दीच वय वन जागा पर गया जहां यीशु होतो अखिन ऊन ओला चरनी मा पड़ेव देखिन, जसो की वन स्वर्गदूत न कहि होतीस | वय बहुत उत्साहित होता | तब वय सेरी मेंढी चारावने वाला वहाँ लक वापिस गया जहां उनकी सेरी मेंढी होती | उन जो काही भी आयकीन अखिन देखिन वन सफाई लाईक वय परमेश्वर की स्तुति करत होता |

![](https://cdn.door43.org/obs/jpg/360px/obs-en-23-09.jpg)

पूर्व मा दूर एक देश मा काई आदमी होता | ऊन तराहिन को अध्ययन करि होतीन अखिन वय बहुत बुद्धिमान होता | ऊन एक असामान्य तारा ला बादर मा देखिन | ऊन कहिन की एको अर्थ से की यहूदीहिन को एक राजा को जन्म भाईसे | एकोलाईक ऊन वन टूरा ला देखन लाईक आपरो देश लक यात्रा करण को निर्णय लेईन | एक लंबी यात्रा को बाद मा , वय बैतलहम आया अखिन ऊ घर मिलेव जहाँ यीशु अखिन ओका माय-बाप रुकया होतो |

![](https://cdn.door43.org/obs/jpg/360px/obs-en-23-10.jpg)

जब एन आदमीहिन न यीशु ला आपरो माय को संग देखिन त ऊन टोघरा टेक सारी ओकी आराधना करिन | ऊन यीशु ला कीमती उपहार देईन | मंग वय घर वापिस आया |

*मत्ती अध्याय 1; लूका 2 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_23_32kbps.mp3

## 24. यूहन्ना यीशु ला बपतिस्मा देसे |

https://openbiblestories.org/l/pwr/story-24/

![](https://cdn.door43.org/obs/jpg/360px/obs-en-24-01.jpg)

एलिशिबा अखिन जकर्याह को टूरा यूहन्ना , मोठो होयसारी एक भविष्यद्वक्ता बन गएव | वह जंगल मा रव्हत होतो , अखिन जंगली शहेद अखिन टिड्डिहिन ला खात होतो ,अखिन ऊँट को बालहीन लक बनया कपड़ाहिन ला पेहरत होतो |

![](https://cdn.door43.org/obs/jpg/360px/obs-en-24-02.jpg)

बहुत सा लोख यूहन्ना को बातहिन ला आयकन लाईक जंगल मा निकलाय | वन यव बोल सारी ऊनला प्रचार करिस , ‘ पश्चाताप करो , काहेकी स्वर्ग को राज्य जवर से ! ”

![](https://cdn.door43.org/obs/jpg/360px/obs-en-24-03.jpg)

जब लोखाहिन न यूहन्ना को प्रचार ला आयकीन , त ऊनको मालक बहुताहिन न आपरो पापहहिन लक पश्चाताप करिन , अखिन यूहन्ना न ऊनला बपतिस्मा देईस | यूहन्ना ला देखन लाईक बहुत सा धार्मिक अगुवा भी आया, पर ऊन आपरो पापहिन लक पश्चाताप या अंगीकार नहीं करिन |

![](https://cdn.door43.org/obs/jpg/360px/obs-en-24-04.jpg)

यूहन्ना न धार्मिक अगुवाहिन सिन कहीस की , “ अ जहेर वालो साँप ! पश्चाताप करो अखिन आपरो व्यवहार ला बदलो परमेश्वर पूरा वन झाड ला काटे जो साजरों फल नहीं आन , अखिन ऊ ऊनला इस्तों मा झोंक देहे | ” जो भविष्यद्वक्ताहिन न कहि होतीन यूहन्ना न ओला पुरो करिस , “ देख जलदीच मी तोरों सामुर आपरा संदेश वाहकहिन ला धाडु वय तोरों लाईक रस्ता ला तैयार करेत | ”

![](https://cdn.door43.org/obs/jpg/360px/obs-en-24-05.jpg)

काई धार्मिक अगुवाहिन न यूहन्ना सिन पूछिन की का ऊ मसीह आय | यूहन्ना न जवाब देईस , “ मी मसीह नोव्हव , पर ऊ मोरो बाद मा आय राईसे | ऊ एतरों महान से की मी ओको जुताहिन को दोरीला खोलन को लाएक नाहाव | ”

![](https://cdn.door43.org/obs/jpg/360px/obs-en-24-06.jpg)

दूसरों दिवस , यीशु बपतिस्मा लेन लाईक यूहन्ना को जवर आएव | जब यूहन्ना न ओला देखीस , त वन कहीस की , “ देखो ! परमेश्वर को मेमना जो संसार को पापहिन ला उठाय सारी लिजाए | ”

![](https://cdn.door43.org/obs/jpg/360px/obs-en-24-07.jpg)

यूहन्ना न यीशु सिन कहीस , “ मी तोला बपतिस्मा देन को लाएक नाहाव | बजाए एको आवश्यक से की तू मोला बपतिस्मा दे | ” पर यीशु न कहीस की , तोला मोला बपतिस्मा देनों से , काहेकी करण लाईक सही काम यव से | ” अधिक यूहन्ना न ओला बपतिस्मा देईस, जब की यीशु न कभी पाप नहीं करिहोतीस |

![](https://cdn.door43.org/obs/jpg/360px/obs-en-24-08.jpg)

बपतिस्मा देन को बाद मा जब यीशु पानी लक निकल सारी बाहेर आएव , त परमेश्वर को आत्मा कबूतर को रूप मा प्रकट भएव अखिन खालतिया आय सारी ओको पर रुक गाएव | वन समय मा , परमेश्वर न स्वर्ग लक बात करिस | वन कहीस की , तू मोरो टूरा आस | मी तोरों लक प्रेम करूसु, अखिन मी तोरों लक बहुत खुश सेव | ”

![](https://cdn.door43.org/obs/jpg/360px/obs-en-24-09.jpg)

परमेश्वर न यूहन्ना सिन कही होतीस , “ पवित्र आत्मा खालत्या आय सारी कोई पर रुक जाए जेला तू बपतिस्मा देजों | ” ऊच परमेश्वर को टूरा आय परमेश्वर एकच से | पर जब यूहन्ना न यीशु ला बपतिस्मा देईस , त वन परमेश्वर बापल बात करता आएकिस , टूरा न परमेश्वर ला देखीस , जो की ऊ यीशु से , अखिन वन पवित्र आत्मा ला देखीस |

*मत्ती अध्याय 3; मरकुस 1:9-11; लूका 3:1 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_24_32kbps.mp3

## 25. शैतान यीशु की परीक्षा लेसे |

https://openbiblestories.org/l/pwr/story-25/

![](https://cdn.door43.org/obs/jpg/360px/obs-en-25-01.jpg)

यीशु को बपतिस्मा लेन को तुरन्त बाद मा , पवित्र आत्मा न ओला जंगल मा लिजाईस | यीशु वहाँ 40 दिवस अखिन 40 रात वरी होतो | वन समय मा वन उपवास करिस , अखिन शैतान न यीशु को जवर आएकर पाप करण लाईक ओकी परीक्षा लेईस |

![](https://cdn.door43.org/obs/jpg/360px/obs-en-25-02.jpg)

पहीले , शैतान न यीशु सीन कहीस , “ अगर तू परमेश्वर को टूरा आस त एन गोटाहिन ला रोटी बनाए दे की तू खाए सिकजो ! ”

![](https://cdn.door43.org/obs/jpg/360px/obs-en-25-03.jpg)

पर यीशु न शैतान सीन कहीस , “ परमेश्वर को वचन मा येव लिखीसे , ‘ जिंदो रवन लाईक आदमी ला मात्र रोटी किच जरुवत नाहाए , पर उनला पुरो वन बातहिन की जरुवत से जो परमेश्वर ऊनको सीन कसे ! ”’

![](https://cdn.door43.org/obs/jpg/360px/obs-en-25-04.jpg)

तब शैतान यीशु ला मंदिर को सबलक ऊंचो सेंडी पर लिजाईस | वन ओको सिन कहीस , “ अगर तू परमेश्वर को टूरा आस त यहाँ लक खालत्या कूद जाए , काहेकी लिखेव से , ‘ परमेश्वर तोला उठावन लाईक आपरो स्वर्गदूतहिन ला आदेश देए की तोरो पायहिन ला गोटा लक ठेस नही लग | ”

![](https://cdn.door43.org/obs/jpg/360px/obs-en-25-05.jpg)

पर यीशु न ऊ नहीं करिस जो शैतान न ओला करण लाईक कहिहोतीस | एको बजाय, वन कहीस , “ परमेश्वर सबलक कसे , ‘ तू प्रभु आपरो परमेश्वर की परीक्षा नोको करुस | ”

![](https://cdn.door43.org/obs/jpg/360px/obs-en-25-06.jpg)

मंग शैतान न ओला दुनिया को पुरो राज्य ला देखाईस | वन ओला देखाईस की वय केतरा ताकतवर होता , अखिन वय केतरा सम्पन्न होता | वन यीशु सिन कहीस , “ मी तोला यव पुरो देए देऊ अगर तू टोघरा टेक सारी मोरी उपासना करजो | ”

![](https://cdn.door43.org/obs/jpg/360px/obs-en-25-07.jpg)

यीशु न जवाब देईस , ‘ अ शैतान , मोरो जवर लक चली जाए ! परमेश्वर को वचन लक ऊ लोखहिन ला आदेश देसे , ‘ केवल आपरो प्रभु परमेश्वर कीच आराधना करो | परमेश्वर को रूप मा केवल ओको आदर करो | ”’

![](https://cdn.door43.org/obs/jpg/360px/obs-en-25-08.jpg)

यीशु न शैतान की परीक्षा लक हार नहीं मानिस , एकोलाईक शैतान ओको जवर लक चली गएव | तब स्वर्गदूत आयकर यीशु की सेवा करण लगया |

*मत्ती अध्याय 4:1-11; मरकुस 1:12-13; लूका 4:1-13 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_25_32kbps.mp3

## 26. यीशु आपरो सेवाला सुरवात करसे

https://openbiblestories.org/l/pwr/story-26/

![](https://cdn.door43.org/obs/jpg/360px/obs-en-26-01.jpg)

शैतान को परीक्षाहिन ला मना करन को बाद मा , यीशु वापिस गलील को सरहेद मा आएव | या वाच जागा आए जहाँ ऊ रव्हत होतो | पवित्र आत्मा ओला बहुत सामर्थ देत होतो , अखिन यीशु एक जागा लक दूसरों जागा मा गएव अखिन लोखहिन ला शिक्षा देईस | सपाहिन न ओको बारे मा साजरी बातहिन ला कहिन |

![](https://cdn.door43.org/obs/jpg/360px/obs-en-26-02.jpg)

यीशु नासरत नगर मा गएव | यव ऊच गाँव आए जहाँ ऊ आपरो नाहान पन पासून रवत होतो | सब्त को दिवस , ऊ आराधना करण को जागा पर गएव | अगुवाहिन न ओला यशायाह भविष्यद्वक्ता को संदेश की एक किताब देईस | वय सोचत होता की ऊ ओको मालक पढे | अधिक यीशु न वन किताब ला खोल सारी ओको मालक एक भाग ला लोखाहिन लाईक बाचीस |

![](https://cdn.door43.org/obs/jpg/360px/obs-en-26-03.jpg)

यीशु न बाचीस , “ परमेश्वर न मोला आपरो आत्मा ला देइसेस की मी गरीबीहिन ला सुसमाचार प्रचार कर सकु | वन मोला एकोलाईक धाडिसेस की कैदीहिन ला छुडाऊ , अंधराहिन ला मंग अदिक दृष्टि देऊ , अखिन ऊनला छुटकारा देऊ जेला दूसरा लोख कुचल सेत | यव ऊ समय आए जब परमेश्वर आमरो पर दया करे अखिन आमरी मदत करे | ”

![](https://cdn.door43.org/obs/jpg/360px/obs-en-26-04.jpg)

मांग यीशु बस गएव | पूरा लोख ओला बड़ो ध्यान लक देखत होता | वय जानत होता की पवित्रशास्त्र को जेव भाग मालक वन आब बाची होतीस ऊ मसीह को बारे मा होतो | यीशु न कहीस , “ येन बातहिन ला मीन आब तुम्हारों लाईक बाचिसेव , वय एन समय मा होए रहीसेत | ” पूरा लोख चकित भए गया | ऊन कहिन , “ का यव युसुफ को टूरा नोव्ह का ? ”

![](https://cdn.door43.org/obs/jpg/360px/obs-en-26-05.jpg)

तब यीशु न कहीस की , “ यव सही से की लोख कोई असो भविष्यद्वक्ता ला स्वीकार नहीं करत जो ऊनको नगर मा लहान लक मोठों बईसे | एलिय्याह भविष्यद्वक्ता को समय मा ,इस्राइल मा बहुत सारी बेवा बाई होतीन | पर जब साढ़े तीन साल वरी पानी नहीं आएव त परमेश्वर न एलिय्याह ला इस्राइल मा कोई बेवा बाई की मदत करण लाईक नहीं धाड़िस | एको अलावा , वन एलिय्याह ला कोई दूसरों देश मा की बेवा बाई को जवर धाड़िस | ”

![](https://cdn.door43.org/obs/jpg/360px/obs-en-26-06.jpg)

यीशु न बोलनों सुरू राखीस , “ अखिन एलिशा भविष्यद्वक्ता को समय मा , इस्राइल मा बहुत सारा लोख कोड को रोग लक पीड़ित होता | पर एलिशा न ऊनको मालक कोनिला भी साजरों नहीं करिस | वन मात्र इस्राइल को दुशमनहिन को सेनापति नामान ला साजरों करिस | ” पर जो लोख यीशु ला आएकत होता वय यहूदी होता | एकोलाईक जब ऊन ओला वय बोलतों आएकिस त वय ओको पर गुशा भया |

![](https://cdn.door43.org/obs/jpg/360px/obs-en-26-07.jpg)

नासरत को लोखहिन न यीशु ला धर लेईन अखिन ओला आराधना को जागा मालक झिकन सारी बाहेर लिजाहिन | वय ओला मारन लाईक खालत्या फेंकन लाईक एक चट्टान को ऊचो पर लिजाईन | पर यीशु भीड़ मालक निकल गएव अखिन नासरत नगर ला छोड़ सारी चली गएव |

![](https://cdn.door43.org/obs/jpg/360px/obs-en-26-08.jpg)

मंग यीशु पुरो गलील को सरहेद मा गएव , अखिन मोठी भीड़ ओको जवर आई | वय असो बहुत सारा लोखहिन ला धरकर आया जो बीमार अखिन विकलांग होता | उनको मालक काई देख , चल , आएक या बोल नहीं सिकत होता , अखिन यीशु न ऊनला साजरों करिस |

![](https://cdn.door43.org/obs/jpg/360px/obs-en-26-09.jpg)

एको अलावा , बहुत सा असा लोख यीशु को जवर आनी होतीन जिनकोमा दुष्टात्मा होती | यीशु न दुष्टात्माहिन ला ऊंकों मालक निकालन लाईक हुकुम देईस | वय दुष्टात्मा चीलान लगी , “ तू परमेश्वर को टूरा आस ! ” भीड़ मा का लोख चकित होता , अखिन ऊन परमेश्वर की स्तुति करिन |

![](https://cdn.door43.org/obs/jpg/360px/obs-en-26-10.jpg)

मंग यीशु न बारा आदमीहिन ला पसंद करिस जिनला वन आपरा प्रेरित कहीस | वन प्रेरितहिन न ओको संग यात्रा करिन अखिन ओको सिन शिक्षा ला हासिल करिन |

*मत्ती अध्याय 4:12-25; मरकुस 1:14-15, 35-39; 3:13-21; लूका 4:14-30, 38-44 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_26_32kbps.mp3

## 27. दयालु सामरी की कहानी

https://openbiblestories.org/l/pwr/story-27/

![](https://cdn.door43.org/obs/jpg/360px/obs-en-27-01.jpg)

एक दिवस , यहूदी व्यवस्था को एक खास यीशु को जवर आएव | ऊ सापाई झन ला वय देखावनों चाव्हत होतो की यीशु गलत तरीका लक शिक्षा देत होतो | एकोलाईक वन कहीस , “ अ गुरुजी , हमेशा को जीवन पावन लाईक मी का करू ? ” यीशु न जवाब देईस , “ परमेश्वर को व्यवस्था मा लिखी से ? ”

![](https://cdn.door43.org/obs/jpg/360px/obs-en-27-02.jpg)

वन आदमी न कहीस , “ ऊ कसे की आपरो परमेश्वर ला आपरो पुरो मन लक , प्राण लक , सामर्थ लक , अखिन बुद्दि लक प्रेम राख़ | अखिन आपरो पड़ोसी सिन आपरो जसो प्रेम राख़ | ” यीशु न जवाब देईस , “ तू एकदम सही से ! अगर तू असो करजो , त तोला हमेशा को जीवन मिल जाए | ”

![](https://cdn.door43.org/obs/jpg/360px/obs-en-27-03.jpg)

पर ऊ व्यावस्था को खास लोखहिन ला देखावनों चाव्हत होतो की ओकी जिंदगी जीवन को तरीका सही होतो | एकोलाईक वन यीशु सिन पूछिस , “ ठीक से , त मोरो पडीसी कोण से ? ”

![](https://cdn.door43.org/obs/jpg/360px/obs-en-27-04.jpg)

यीशु न वन व्यवस्था को खास ला एक कहानी सागण को तरीका लक जवाब देईस | “ एक यहूदी आदमी होतो ऊ एक रोड लक होयसारि यारूशलेम लक यरीहो की यात्रा करत होतो | ”

![](https://cdn.door43.org/obs/jpg/360px/obs-en-27-05.jpg)

पर काही डाकुहिन न ओला देखिन अखिन ओको पर धावा कर देईन | ऊन्न ओको को सफाई चीज ला धरलेईन अखिन ओला लगभग मरत वरी मार-पीट करिन | मंग वय चली गएया | ”

![](https://cdn.door43.org/obs/jpg/360px/obs-en-27-06.jpg)

“ ओको बाद माच , एक यहूदी याजक वन रोड लक आयेव | वन याजक न वन आदमी ला रोड पर पडेव देखीस | जब वन ओला देखीस त ऊ रोड को दूसरों बाजू लक सामने चली गएव | वन ओला आदमी ला पुरो लक देख सारी अनदेखा करदेईस | ”

![](https://cdn.door43.org/obs/jpg/360px/obs-en-27-07.jpg)

“ एको बाद मा थोड़ों समय जान को बाद मा , एक लेवी वन रोड पर आएव | ( लेवी यहूदीहिन को एक गोत्र होतो जोन मंदिर मा याजकहिन की मदत करिहोतीन | ) ऊ लेवी भी रोड को दूसरों बाजू लक निकल गएव | वन भी ओला आदमी ला देख सारी अनदेखा करदेईस | ”

![](https://cdn.door43.org/obs/jpg/360px/obs-en-27-08.jpg)

“अगलो आदमी जो वन रोड पर आएव ऊ सामरीया को एक आदमी होतो | ( सामरी अखिन यहूदी एक दूसरों सिन नफरत करत होता | ) वन सामरी न रोड पर वन आदमी ला देखीस | वन देखीस की ऊ यहूदी होतो , पर तब भी वन ओको पर बड़ो तरस खाईस | अधिक ऊ ओको जवर गएव अखीन ओको घावहहीन पर पट्टी ला बांधिस | ”

![](https://cdn.door43.org/obs/jpg/360px/obs-en-27-09.jpg)

“ मंग वन सामरी न वन आदमी ला आपरो गधा पर मंडाईस अखिन ओला वन रोड लक एक सराय मा लिजाईस | जहाँ पर वन ओकी देखभाल करणों सुरू राखीस | ”

![](https://cdn.door43.org/obs/jpg/360px/obs-en-27-10.jpg)

दूसरों दिवस , वन सामरी ला आपरो यात्रा ला सुरू राखनों की जरूरत होती | वन ओला सराय का प्रभारी आदमी ला काई पैसा देइस | वन ओको सिन कहीस , “ एन आदमी की देखरेख करजो | अगर एन पैसाहि को अलावा तोरो जवर का काई अखिन पैसा लगे त वापसी मा मी तोरो लगेव पैसाहिन ला देएऊ | ”

![](https://cdn.door43.org/obs/jpg/360px/obs-en-27-11.jpg)

मंग यीशु न वन व्यवस्था को खास आदमी सिन पूछिस , “ तुमी कायला सोचसेव ? एन तीन लोखईन मालक कौनसो वन आदमी को पड़ोसी भएव जोला लुटेव अखिन पिटेव गएव होतो ? वन जवाब देइस , “ ऊच जेन ओको पर कृपा करिहोतीस | ” यीशु न ओको सिन कहीस , “ तू जाय अखिन असोच कर | ”

*लूका अध्याय 10:25-37 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_27_32kbps.mp3

## 28. अमीर जवान अधिकारी

https://openbiblestories.org/l/pwr/story-28/

![](https://cdn.door43.org/obs/jpg/360px/obs-en-28-01.jpg)

एक दिवस, एक अमीर जवान अधिकारी न यीशु को जवर आयसारि ओको सीन पूछिस, “अ ऊत्तम गुरु, हमेशा को जीवन पावन लाईक मोला का करणों पड़े ?” यीशु न ओको सीन कहीस, “तू मोला ऊत्तम कायला कसेस? मात्र एकच ऊत्तम से अखिन ऊ परमेश्वर से | पर अगर तोला हमेशा को जीवन पावनों से त परमेशवर को व्यवस्था ला मान | ”

![](https://cdn.door43.org/obs/jpg/360px/obs-en-28-02.jpg)

“ मोला कौन कौन सो आज्ञाहिन ला मान की जरूरत से ? ” वन पूछिस | यीशु न जवाब देईस , “ हत्या नोको करजो | व्यभिचार नोको करजो | चोरी नारी नोको करजो | झूठ नोको बोलजो | आपरो बाप अखिन माय को आज्ञाहिन ला मानजो , अखिन आपरो पड़ोसी ला आपरो वाणी प्रेम करजो | ”

![](https://cdn.door43.org/obs/jpg/360px/obs-en-28-03.jpg)

पर वन जवान आदमी न कहीस , “ मी आपरो लाहानपन पासून नच एन पुरो आज्ञाहिन ला मानत आईसेव | मोला हमेशा को लाईक जिनदो रवण लाईक आता भी काई करण की जरूरत से ? ” यीशु न ओला देखिस अना ओकोसीन प्रेम करिस |

![](https://cdn.door43.org/obs/jpg/360px/obs-en-28-04.jpg)

यीशु न जवाब देईस , “ अगर तू सिद्द होन ला चाव्हसे त जायसारि आपरो सपाई चीजहिन ला बिक सारी ऊ धन गरीबहिन ला देए दे , अखिन तब तोला स्वर्ग मा धन मिले | तब आए सारी मोरो मंग होय जाय | ”

![](https://cdn.door43.org/obs/jpg/360px/obs-en-28-05.jpg)

जो यीशु न कहीस जब वन जवान आदमी न आयकिस त ऊ बहुत उदास भय गएव , काहेकी ऊ बहुत धनी होतो अखिन वन आपरो पुरो जमापुंजी ला देनला नहीं चाव्हत होतो | ऊ लोवट सारी यीशु को जवर लक चली गएव |

![](https://cdn.door43.org/obs/jpg/360px/obs-en-28-06.jpg)

तब यीशु न आपरो चेलाहिन सीन कहीस , “ परमेश्वर को राज्य मा धनी लोखहिन को प्रवेश करणों बहुत मुसकिल से ! हव , एक धनी आदमी को परमेश्वर को राज्य मा प्रवेश करन की तुलना मा कोई ऊंट को सुई को नाक मालक निकल जानो सहज से | ”

![](https://cdn.door43.org/obs/jpg/360px/obs-en-28-07.jpg)

जो यीशु न कहीस चेलाहिन न आयकीन त वय चकित भयगा | ऊन कहीन , “ अगर यव असो से त परमेश्वर कोनला बचाए ? ”

![](https://cdn.door43.org/obs/jpg/360px/obs-en-28-08.jpg)

यीशु न चेलाहिन कर देखिस अखिन कहीस , “ लोखहिन को लाईक खुद को उद्धार करणों मुश्किल से | पर परमेश्वर लाईक काही भी करणों मिश्किल नाहाय | ”

![](https://cdn.door43.org/obs/jpg/360px/obs-en-28-09.jpg)

पतरस न यीशु सीन कहीस , “ आमी चेला आपरो सब काई ला छोड़ सारी तोरो मंग आया सेजन | त आमला का मिले ? ”

![](https://cdn.door43.org/obs/jpg/360px/obs-en-28-10.jpg)

यीशु न जवाब देईस , “ सपाई जन जेन मोरो वजह लक घर , भाई , बहिन , बाप , माय , लेकरू , या जमापुंजी ला छोड़ , ऊ ओको मा 100 गुना जादा वोला मिले अखिन हमेशा को जीवन भी मिले | पर बहुत सा जो पहेले सेती वय मंग होय जायेत , अखिन बहुत सा जो मंघ सेती वय पहेले होए जायेती | ”

*मत्ती अध्याय 19:16-30; मरकुस 10:17-31; लूका 18:18-30 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_28_32kbps.mp3

## 29. निर्दयी नवकर की कहानी

https://openbiblestories.org/l/pwr/story-29/

![](https://cdn.door43.org/obs/jpg/360px/obs-en-29-01.jpg)

एक दिवस , पतरस न यीशु सिन पूछिस , “ अ स्वामी , मोला आपरो भाई ला केतरो बार माप करणों से जब ऊ मोरो बिरुद पाप करेत ? का सात बार वरी ? ” यीशु न कहीस , “ सात बार नहीं, पर सात को सत्तर बार!” एको लका , यीशु को कव्हनों से की आमला हमेशा माप करतो रहे पाहिजे | तब यीशु न यन कहानी सागीस |

![](https://cdn.door43.org/obs/jpg/360px/obs-en-29-02.jpg)

यीशु न कहीस , “ परमेश्वर को राज्य एक राजा को जसो से जो आपरो दास सीन लेखा लेनला चाव्हत होतो | ओको एक दास 2,00,000 सालहिन की मजदूरी को एक मोठों कर्ज को कर्जदार होतो | ”

![](https://cdn.door43.org/obs/jpg/360px/obs-en-29-03.jpg)

पर ऊ दास आपरो कर्ज ला देय नहीं सिकिस , एकोलाईक राजा न कहीस , “ एको कर्ज ला देन लाईक एन आदमी ला अखिन एको परिवार ला नवकर को रूप मा बिक देव | ”

![](https://cdn.door43.org/obs/jpg/360px/obs-en-29-04.jpg)

“ वन दास न राजा को सामुर आपरा टोघराहिन पर पढ सारी कहीस , ‘ कूपया मोरो पर दया कर , अखिन मी आपरो कर्ज की पूरो रकम को भुगतान कर देऊ |’ राजा न दास पर दया करिस , एकोलाईक वन ओको पुरो कर्ज ला माप कर देईस अखिन ओला जान देईस | ”

![](https://cdn.door43.org/obs/jpg/360px/obs-en-29-05.jpg)

“ पर जब ऊ नवकर राजा को जवर लक बाहेर गएव , त ओला ओको एक संगी नवकर मिलेव जो ओको चार महिना मजदूरी को कर्जदार होतो | वन नवकर न आपरो संगी नवकर ला धर लेईस अखिन कहीस , ‘ जेव तोरो पर मोरो कर्ज से मोला ओको भुगतान कर ! ”

![](https://cdn.door43.org/obs/jpg/360px/obs-en-29-06.jpg)

“ वन संगी दास न ठोगराईन पर पड़ सारी कहीस , ‘ कृपया मोरो पर दया कर , अखिन मी आपरो कर्ज को पुरो रकम को भुगतान कर देऊ | ’ पर एकोअलावा , वन दास न आपरो संगी दास ला जेलखानों मा ढाक देईस जब तक की ऊ कर्ज को भुगतान नहीं कर देए | ”

![](https://cdn.door43.org/obs/jpg/360px/obs-en-29-07.jpg)

“ जो काही भएव होतो ओला काई दूसरा नवकरहिन न देखिन अखिन वय बहुत परेशान भया | वय राजा को जवर गया अखिन पुरो काई सांगीस | ”

![](https://cdn.door43.org/obs/jpg/360px/obs-en-29-08.jpg)

“ राजा न वन दास ला बुलाए कर कहीस , ‘ अ दुष्ट नवकर ! मीन तोरो कर्ज ला एकोलाईक माप करेव होतो का काहेकी तुन मोरो लक विनती करेव होतोस | त तोला भी तसोच करणों होतो | ’ राजा एतरों गुसा मा होतो की वन ओला दुष्ट नवकर ला जेलखानों मा डाक देईस जब वरी की ऊ आपरो पुरो कर्ज ला वापिस भुगतान नहीं कर देए | ”

![](https://cdn.door43.org/obs/jpg/360px/obs-en-29-09.jpg)

तब यीशु न कहीस , “ मोरो स्वर्ग मा बसेव बाप तुमारों मालक एक को संग यवच करे अगर तुमि आपरो भाईहिन ला आपरो ह्रदय लक माप नहीं करो त | ”

*मत्ती अध्याय 18:21-35 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_29_32kbps.mp3

## 30. यीशु को 5000 लोखहिन ला खानो देनों

https://openbiblestories.org/l/pwr/story-30/

![](https://cdn.door43.org/obs/jpg/360px/obs-en-30-01.jpg)

यीशु न आपरो चेलाहीन ला प्रचार करन लाईक अखिन लोखहीन ला शिक्षा देन लाईक बहुत सारा अलग-अलग गाँवहिन मा धाड़िस | जब वय वहाँ वापिस भया जहाँ यीशु होतो त ऊन ओला सागीन की ऊन का करि होतीन | तब यीशु न ऊनला समुद्र को दूसरों आंग मा ओको संग एक शान्त जागा मा जायसारि काई समय आराम करन लाईक बुलाईस | अधिक वय एक डोगा पर चंग गया अखिन समुद्र को दूसरों आंग ला चेला चलिगया |

![](https://cdn.door43.org/obs/jpg/360px/obs-en-30-02.jpg)

पर वहाँ बहुत सा असा लोख होता जेन यीशु अखिन चेलाहिन ला डोगा मा जाता देखिन होतीन | ये लोख ऊनको लक सामुर समुद्र को दूसरों आंग ला जान लाईक समुद्र को किनारो - किनारो लक पराया | अधिक जब यीशु अखिन चेला चलिगया त लोखहीन को एक मोठों झुंड ऊनकी बाट देखता वय वहाँ पहीले लक होता |

![](https://cdn.door43.org/obs/jpg/360px/obs-en-30-03.jpg)

वन भीड़ मा बायकाहिन अखिन लेकरुहिन कि गिनती को बिना 5,000 लक जादा आदमी होता | यीशु न वन लोखहीन पर बड़ो तरस खाईस | यीशु को लाईक वय लोख बगेर चरवाह की भेड़ को समान होता | एकोलाईक वन ऊनला शिक्षा देईस अखिन ऊनको बीच मा जो लोख बीमार होता ऊनला साजरों करिस |

![](https://cdn.door43.org/obs/jpg/360px/obs-en-30-04.jpg)

दिवस बुड़तो मा , चेलाहिन न यीशु सिन कहिन , “ आता समय भय गईसे अखिन आजू बाजू मा कोई गाँव नाहात | एन लोखहीन ला जान दे ताकि वय जायसारि खान लाईक काई लेहेत | ”

![](https://cdn.door43.org/obs/jpg/360px/obs-en-30-05.jpg)

पर यीशु न चेलाहिन सीन कहीस , “ तुमि ऊनला खान लाईक काई देव!” ऊन जवाब देईन , “ आमी असो कसो कर सिकसेजन ? आमरो जवर मात्र पाँच रोटी अखिन दुई मसरी सेती | ”

![](https://cdn.door43.org/obs/jpg/360px/obs-en-30-06.jpg)

यीशु न आपरो चेलाहिन सिन कहीस की वय भीड़ को लोखहीन ला गवत पर 50 - 50 लोखहीन ला बसन लाईक कहो |

![](https://cdn.door43.org/obs/jpg/360px/obs-en-30-07.jpg)

तब यीशु न पाँच रोटी अखिन दुई मसरीहिन ला धर सारी स्वर्ग कर देखीस , अखिन वन भोजन लाईक परमेश्वर ला धन्यवाद देईस |

![](https://cdn.door43.org/obs/jpg/360px/obs-en-30-08.jpg)

मंग यीशु न रोटी अखिन मसरीहिन ला टुकड़ा करीस | वन लोखहीन ला देन लाईक आपरो चेलाहिन ला वय टुकड़ाहिन ला देईस | चेला वन भोजन ला देन लगया , अखिन ऊ कभी खत्म नहीं भएव ! वय पुरा लोख खाय सारी तृप्त भए गया |

![](https://cdn.door43.org/obs/jpg/360px/obs-en-30-09.jpg)

ओको बाद मा , चेलाहिन न वन खानो ला जमा करिन जेला खाएव नहीं गएव होतो अखिन वय बारा टोपालीहिन ला भरन लाईक पर्याप्त होतो ! ऊ पुरो खानो वन पाँच रोटी अखिन दुई मसरीहिन लक भएव गएव |

*मत्ती अध्याय 14:13-21; मरकुस 6:31-44; लूका 9:10-17; यूहन्ना 6:5-15 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_30_32kbps.mp3

## 31. यीशु को पानी पर चलनों

https://openbiblestories.org/l/pwr/story-31/

![](https://cdn.door43.org/obs/jpg/360px/obs-en-31-01.jpg)

पाँच हजार लोखहीन ला खानो देन को बाद मा , यीशु न आपरो चेलाहीन ला डोगा मा जान लाईक कहीस | वन ऊनला समुद्र को दूसरो आंग जान लाईक कहीस जबकि ऊ थोड़ों समय लाईक वाहच ऊभो रहेव | अधिक चेला चली गया अखिन यीशु न भीड़ ला बीदा करिस की वय आपरो घर जायेत | एको बाद मा , यीशु प्रार्थना करण लाईक एक पाहाड़ पर चली गएव | वहाँ ऊ एकलों होतो , अखिन वन बहुत रात वरी प्रार्थना करिस |

![](https://cdn.door43.org/obs/jpg/360px/obs-en-31-02.jpg)

वन समय मा , चेला आपरो डोगा ला चलावत जात होता , पर हवा ऊनको विरुद मोठो ज़ोर सारी चलत होती | बहुत रात होन को बाद मा भी वय मात्र समुद्र को बीचों बीच माच होता |

![](https://cdn.door43.org/obs/jpg/360px/obs-en-31-03.jpg)

वन समय मा यीशु न प्रार्थना करणों बंद करि होतीस अखिन आपरो चेलाहीन को जवर वापिस जानला सुरवात करिस | वन डोगा कर जान लाईक पानी पर चलन लगेव |

![](https://cdn.door43.org/obs/jpg/360px/obs-en-31-04.jpg)

तब चेलाहीन न ओला देखिन | वय बहुत डर गया काहेकी ऊन सोचिन की ऊ कोई भूत होए | यीशु जानत होतो की वय डर गया सेत , एकोलाईक वन ऊनला आवाज देय सारी कहीस , “ डरो नोको , यव मी आव ! ”

![](https://cdn.door43.org/obs/jpg/360px/obs-en-31-05.jpg)

तब पतरस न यीशु सीन कहीस , “ अ प्रभु , अगर तू आस त मोला पानी पर चल सारी तोरो जवर आवन लाईक कव | ’ यीशु न पतरस सीन कहीस , “ आव ! ”

![](https://cdn.door43.org/obs/jpg/360px/obs-en-31-06.jpg)

अधिक पतरस डोगा पर लक उतर गएव अखिन यीशु को जवर जान लाईक पानी पर चलनों सुरुकरिस | पर थोड़ों दूर जाय सारी , वन आपरो नजर ला यीशु पर लक फेर लेईस अखिन लहरहिन ला देखीस अखिन बड़ी तेज हवा ला महसूस करणों सुरू कर देईस |

![](https://cdn.door43.org/obs/jpg/360px/obs-en-31-07.jpg)

तब पतरस डर गएव अखिन पानी मा डूबन लगेव | ऊ चिल्लाएव , “ अ प्रभु , मोला बचाव ! ” यीशु न ओधावरच हाथ ला बढाय सारी ओला धर लेईस | तब वन पतरस सीन कहीस , “ तोरो विश्वास बहुत कम से ! तोला साजरों लक रवन लाईक तुन मोरो पर भरोसा नहीं करेस ? ”

![](https://cdn.door43.org/obs/jpg/360px/obs-en-31-08.jpg)

तब यीशु अखिन पतरस डोगा पर चघया, अखिन ओधावरच हवा को आवनों बंद भय गएव | पानी शान्त भय गएव | चेलाहीन न चकित होय सारी यीशु को सामुर टोघरा टेक देईन | ऊन ओकी आराधना करीन अखिन ओको सीन कहिन , “ सहिमा तू परमेश्वर को टूरा आस | ’

*मत्ती अध्याय 14:22-33; मरकुस 6:45-52; यूहन्ना 6:16-21 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_31_32kbps.mp3

## 32. यीशु न दुष्टातमा लक ग्रस्त आदमी अखिन एक बीमार बायको ला चंगा करिस

https://openbiblestories.org/l/pwr/story-32/

![](https://cdn.door43.org/obs/jpg/360px/obs-en-32-01.jpg)

यीशु अखिन ओका चेला आपरो डोगा लक वन सरहेद मा गया जहाँ गिरासेनी लोख रव्हत होता | वय वन सरहेद मा जाय सारी डोगा मालक खालत्या उतर गया |

![](https://cdn.door43.org/obs/jpg/360px/obs-en-32-02.jpg)

वहाँ एक आदमी होतो जो दुष्टात्मा लक ग्रस्त होतो |

![](https://cdn.door43.org/obs/jpg/360px/obs-en-32-03.jpg)

यव आदमी एतरो ताकतवर होतो की कोई भी ओला बसमा नहीं कर सिकत होता | कई बार लोखहीन न ओको हाथहिन ला अखिन पायहिन ला जंजीरहिन लक भी बाँधीन, पर ऊ ओला तोड़ देत होतो |

![](https://cdn.door43.org/obs/jpg/360px/obs-en-32-04.jpg)

ऊ आदमी वन सराहेद मा कब्रहिन मा रव्हत होतो| यव आदमी पुरो दिवस अखिन पुरो रात चिल्लावत रवत होतो | ऊ कपड़ा नहीं पेहरत होतो | अखिन अक्सर खुद ला गोटाहिन लक घायल करत होतो |

![](https://cdn.door43.org/obs/jpg/360px/obs-en-32-05.jpg)

ऊ आदमी दौड़ सारी यीशु को जवर आएव अखिन ओको सामुर टोघरा टेक देईस | तब यीशु न वन आदमी को अंदर को दुष्टात्मा सीन बात करिस अखिन कहीस , “ एन आदमी मालक बाहेर आव ! ”

![](https://cdn.door43.org/obs/jpg/360px/obs-en-32-06.jpg)

वा दुष्टात्मा ऊंचो आवाज लक चिल्लाई , “ अ यीशु परम प्रधान परमेश्वर को टूरा , तोला मोरोसिन का काम से ? कृपा कर सारी मोला नोको सताऊ ! ” तब यीशु न वन दुष्टात्मा सीन पूछिस , “ तोरो नाव का से ? ” वन जवाब देईस , “ मोरो नाव सेना से , काहेकी आमी बहुत सेजन | ” ( रोमी सेना मा कई हजार सैनिक को एक झुंड एक “ सेना ” होत होती | )

![](https://cdn.door43.org/obs/jpg/360px/obs-en-32-07.jpg)

वय दुष्टात्माहिन न यीशु सीन विनती करिन , “ कृपा कर सारी आमला एन सरहेद मालक बाहेर नो धाडूस ! ” वन जवर को पाहाड़ पर सूअरहिन को एक झुंड चरत होतो | एकोलाईक वन दुष्टात्माहिन न यीशु सीन विनती करिन , “ कृपा करसारी आमला वन सूअरईन मा धाड़ दे ! ” यीशु न कहीस , “ ठीक से , ओको मा चली जाओ ! ”

![](https://cdn.door43.org/obs/jpg/360px/obs-en-32-08.jpg)

अधिक वय दुष्टात्मा वन आदमी मालक निकल सारी वन सूअरहिन मा धस गई | वय सूअर दौड़ सारी एक ऊबो टीले पर लक समुद्र मा कूद गया अखिन डूब मरया | वन झुंड मा लगभग 2,000 सूअर होता |

![](https://cdn.door43.org/obs/jpg/360px/obs-en-32-09.jpg)

वहाँ पर वन सूअरहिन ला देखरेख करण वाला लोखा होता | जो काई भएव होतो जब ऊन देखिन त वय नगर मा पराय गया | यीशु न जो काई करि होतीस वहाँ ऊन सब ला साहीन | वन नगर का लोख निकल आया अखिन वन आदमी ला देखिन जेकोमा दुष्टात्मा होती | ऊ शान्ति लक , कपड़ा पेहेरेव , अखिन एक सामान्य आदमी को समान व्यवहार करत बसेव होतो |

![](https://cdn.door43.org/obs/jpg/360px/obs-en-32-10.jpg)

वय लोख बहूत डराया होता अखिन ऊन्न यीशु सीन जान लाईक कहिन | अधिक यीशु डोगा पर चंग गएव | ऊ आदमी जेकोमा दुष्टात्मा होती वन यीशु को संग जान लाईक विनती कारीस |

![](https://cdn.door43.org/obs/jpg/360px/obs-en-32-11.jpg)

पर यीशु न ओको सीन कहीस , “ नहीं | मी चाहुसू की तू घर जाए के सब ला सांग दे की परमेश्वर न तोरो लाईक का करिसे | ऊनला सांग की कसो परमेश्वर न तोरो पर दया करी होतीस | ”

![](https://cdn.door43.org/obs/jpg/360px/obs-en-32-12.jpg)

एकोलाईक ऊ आदमी चली गएव अखिन सब ला एन बारेमा सागिस जो यीशु न ओको लाईक करि होतीस | ओको कहानी ला आयकनो वालो हर एक आदमी चकित भएव गएव होतो |

![](https://cdn.door43.org/obs/jpg/360px/obs-en-32-13.jpg)

यीशु समुद्र को दूसरों आंग वापिस आएव | ओको वहाँ जानकों बाद मा , एक मोठी भीड़ ओको आजू बाजू जमा भई अखिन ओला दाबन लगी | वन भीड़ मा एक बायको होती जो बारा साल लक खून जानको बीमारी लक दू:खी होती | वन आपरो पुरो पैसा ड्राकटरहिन ला देए देई होतीस की वय ओला साजरों कर देहे , पर ओको रोग अखिन जादा बिगड़ गएव होतो |

![](https://cdn.door43.org/obs/jpg/360px/obs-en-32-14.jpg)

वन आयकिस होतीस की यीशु न कई बीमार लोखहिन ला साजरो करी होतीस अखिन वन सोचिस , “ मी साही सेव की अगर मी मात्र यीशु को कपड़ा लाच छुए लेऊ , त मी साजरी होए जाऊ ! ” एकोलाईक वा यीशु को मंग लक आई अखिन ओको कपडा ला छुए लेईस | जसोच वन ओला छुईस , खून को जानो बंद भय गएव |

![](https://cdn.door43.org/obs/jpg/360px/obs-en-32-15.jpg)

ओधावरच , यीशु न जान लेईस की ओको मालक सामर्थ निकली से | एकोलाईक वन मंग गुम सारी पूछिस , “ मोला कोण छुईस ? ” चेलाहिन न जवाब देईन , “ यहाँ एतरा सारा लोखहीन न तोरो आजु बाजू मा भीड़ लगाईसेन , अखिन तोला चिपक रायासेती | त तुन कायला पुछेस की मोला कोण छुईस से ? ”

![](https://cdn.door43.org/obs/jpg/360px/obs-en-32-16.jpg)

वा बायको यीशु को सामने काँपत आई अखिन बहुत डरी आपरो टोघराहिन पर भस गई | तब वन ओला सांग देईस की वन का करीसेस , अखिन यव भी की वा साजरी भए गईसे | यीशु न ओको सीन कहीस , “ तोरो विश्वास न तोला चंगा करिसे | आराम लक जाय | ”

*मत्ती अध्याय 8:28-34; 9:20-22; मरकुस 5:1-20; 5:24b-34; लूका 8:26-39; 8:42b-48 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_32_32kbps.mp3

## 33. एक किसान की कहानी

https://openbiblestories.org/l/pwr/story-33/

![](https://cdn.door43.org/obs/jpg/360px/obs-en-33-01.jpg)

एक दिवस , यीशु समुद्र को किनारो को जवर होतो | ऊ लोखहीन को एक बहुत मोठी भीड़ ला शिक्षा देत होतो | ओला आयकन लाईक एतरा सारा लोख आया की यीशु को जवर वन सब सीन बात कारण लाईक जागा नहीं बची | एकोलाईक ऊ पानी मा ऊबो डोगा पर चंग गएव | वहाँ ऊ बस गएव अखिन लोखहीन ला शिक्षा देईस |

![](https://cdn.door43.org/obs/jpg/360px/obs-en-33-02.jpg)

यीशु न ऊनला या कहानी आयकाहिस , “ एक किसान बीज पेरण लाईक बाहेर आएव | जब ऊ हाथ लक बीजहिन ला बगरावत होतो त काई बीज रोड पर पड़या | पर पक्षीहिन न आयसारि वन पुरो बीजहिन ला खए लेईन | ”

![](https://cdn.door43.org/obs/jpg/360px/obs-en-33-03.jpg)

“ दूसरों बीज गोटाहिन वाली जागा मा पढया जहाँ बहुत कम माट्टी होती | गोटाहिन वाली जागा मा पढव बीज बहूत लवकर अंकुर निकलेव , पर ओकी जड़ जादा खालत्या जागा मा जाय नहीं सिकी होती | जब सूरज निकलेव अखिन गर्मी भई त वय झाड मुरझाय गया अखिन मर गया | ”

![](https://cdn.door43.org/obs/jpg/360px/obs-en-33-04.jpg)

“ तभी दूसरों बीज झाड़हिन को बीच मा पढेव | वन बिजहीन न बड़नों सुरू करिन , पर काँटाईन न उनला दबाय देईस | एकोलाईक काँटा वाली जागा पर पडया बीजाईन मालक निकलाया झाडहिन मालक कोई भी अनाज पैदा नही कर सीकिन | ”

![](https://cdn.door43.org/obs/jpg/360px/obs-en-33-05.jpg)

दूसरों बीज साजरों जागा मा पढेव | वय बीज मोठा भया अखिन जेतरो बीज पेरेव गएव होतो ओको मालक 30 , 60 , अखिन यहाँ वरी की 100 गुणा अनाज पैदा करिन | जो कोणी भी परमेशवर को मंग आवनाला चाव्हसे , ऊ वन बात पर ध्यान दे जो मी कहुसू ! ”

![](https://cdn.door43.org/obs/jpg/360px/obs-en-33-06.jpg)

एन कहानी न चेलाहिन ला उलझन मा डाक देईस | एकोलाईक यीशु न समझाहिस की , “ ऊ बीज परमेश्वर को वचन आय | ऊ रोड एक असो आदमी आय जो परमेश्वर को वचन सागसे , पर ओला समझाव नहीं | तब शैतान ओको जवर लक वचन ला चोर सारी लिजाय लेसे | मतलब की शैतान ओला वचन ला समझन लक दूर ठेवसे | ”

![](https://cdn.door43.org/obs/jpg/360px/obs-en-33-07.jpg)

“ वा गोटाहिन वाली जागा असो आदमी से जो परमेश्वर को वचन ला आयकसे अखिन आनंद लक ओला स्वीकार कर लेसे | पर जब मुश्किल समय आवसे , या जब दूसरा लोख ओला सतावसेत , त ऊ परमेश्वर लक दूर चली जासे | मतलब की ऊ परमेश्वर पर भरोसा करणों बंद कर देसे | ”

![](https://cdn.door43.org/obs/jpg/360px/obs-en-33-08.jpg)

“ वा काँटा वाली जागा असो आदमी से जो परमेश्वर को वचन ला आयकसे | पर ऊ बहुत सारी बातहिन पर चिंता करनो सुरू कर देसे , अखिन ऊ बहुत सारो पैसा कमावन को सोचसे , अखिन ऊ बहुत सारी चीजहिन ला पावन को सोचसे | काई समय को बाद मा , आता ऊ परमेश्वर ला प्रेम करणों मा सक्षम नाहाय | एकोलाईक जो वन परमेश्वर को वचन लक सीखि होतीस ऊ ओला परमेश्वर ला प्रसन्न करन लाईक सक्षम नहीं कर | ऊ गहु को डंठल को समान से जो कोई अनाज पैदा नहीं कर सिके | ”

![](https://cdn.door43.org/obs/jpg/360px/obs-en-33-09.jpg)

“ पर साजरी जागा ऊ आदमी आय जो परमेश्वर को वचन ला आयकसे , ओको पर विश्वास करसे , अखिन फल पैदा करसे | ”

*मत्ती अध्याय 13:1-8, 18-23; मरकुस 4:1-8, 13-20; लूका 8:4-15 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_33_32kbps.mp3

## 34. यीशु दूसरों कहानीहीन  की शिक्षा देसे

https://openbiblestories.org/l/pwr/story-34/

![](https://cdn.door43.org/obs/jpg/360px/obs-en-34-01.jpg)

यीशु न परमेश्वर को राज्य को बारे मा दूसरी बहुत सारी कहानीहीन ला आयकाईस | उदाहरण लाईक , वन कहीस , “ परमेश्वर को राज्य एक सरसो को बीजा वाणी से जे कोई न आपरो खेत मा पेरी होतीस | तुमि जान सेव की सरसो को बीज पुरो बीजाहिन लक लाहान होसे | ”

![](https://cdn.door43.org/obs/jpg/360px/obs-en-34-02.jpg)

“पर जब सरसों को बीज बड़से त बगीचा को पुरो झाड़हिन लक सबलक मोठो होए जासे , एतरों मोठों की पक्षी आयसारि ओको खानदीहिन पर आराम करसेत | ”

![](https://cdn.door43.org/obs/jpg/360px/obs-en-34-03.jpg)

यीशु न एक दूसरी कहानी ला सांगिस, “परमेश्वर को राज्य खमीर को जसो से जेला धर सारी एक बायको पीट को लोया मा मिलाय देसे तब ऊ पुरो पीट मा मिल जासे | ”

![](https://cdn.door43.org/obs/jpg/360px/obs-en-34-04.jpg)

“ स्वर्ग को राज्य वन खज़ानो को जसो से जेला कोई न खेत मा लुकाए देईसे | कोई दूसरों आदमी ला ऊ खज़ानो मिल गएव अखिन वन ओला प्राप्त करण की बहुत ईच्छा करिस | एकोलाईक वन ओला अखिन गाड देईस | ऊ आनन्द लक एतरों भरेव होतो की वन जायसारि आपरो सब काई बिक देईस ताकि ऊ वन खेत ला लेय ले जहाँ ऊ खज़ानो होतो | ”

![](https://cdn.door43.org/obs/jpg/360px/obs-en-34-05.jpg)

“ स्वर्ग को राज्य एक बहुत कीमती शुद्ध मोती को जसो भी से | जब कोई मोतीहिन को धन्दा करण वालो ला मिल जासे त ऊ ओला लेन लाईक आपरो पुरो चीज ला बिक देसे | ”

![](https://cdn.door43.org/obs/jpg/360px/obs-en-34-06.jpg)

वहाँ काई लोख होता वय सोचत होता की परमेश्वर ऊनला एकोलाईक स्वीकार करे काहेकी वय साजरा काम करसेती | वय लोख असो लोखहीन ला बेकार मानत होता जो वन साजरों कामहिन ला नहीं करत होता | एकोलाईक यीशु न ऊनला या कहानी सांगिस ” “ दुई आदमी होता अखिन दुईही प्रार्थना करण लाईक मंदिर मा गया | ऊनकों मालक एक चुंगी लेन वालो होतो , अखिन दूसरों एक साजरों अगुवा होतो | ”

![](https://cdn.door43.org/obs/jpg/360px/obs-en-34-07.jpg)

“ वन साजरों अगुवा न एन तरीका लक प्रार्थना करिस , ‘ अ परमेश्वर , तोरो धन्यवाद होए की मी दूसरों लोखहीन को जसो - जसा की डाकू , अनयाई आदमी , व्यभिचारी , या यहाँ वरी की यहाँ पर उपस्थित वन चुंगी लेन वालो को जसो एक पापी नाहाव | ”

![](https://cdn.door43.org/obs/jpg/360px/obs-en-34-08.jpg)

“ उदाहरण लाईक , मी हर हप्ता मी दुई बार उपवास राखू सु , अखिन मी मोला मिलन वालो धन अखिन सामाहिन को दसाया हिस्सा तोला देसू | ”

![](https://cdn.door43.org/obs/jpg/360px/obs-en-34-09.jpg)

“ पर ऊ चुंगी लेन वालो वन साजरों अगुवा सीन बहुत दूर ऊबो भय गएव | वन वोरत्या स्वर्ग कर डोरा भी नहीं ऊठाईस | एको अलावा , वन आपरो बूकि लक आपरो छाती ला पीटिस अखिन प्रार्थना करिस , ‘ अ परमेश्वर , कृपा करसारी मोरो पर दया कर काहेकी मी एक पापी सेव | ”

![](https://cdn.door43.org/obs/jpg/360px/obs-en-34-10.jpg)

मंग यीशु न कहीस , “ मी तोरोलक सही कसू , परमेश्वर न वन चुंगी लेन वालो की प्रार्थना ला आयकिस अखिन ओला साजरों आदमी घोषित करिस | पर वन ओला साजरों अगुवा की प्रार्थना ला पसंद नहीं करिस | परमेश्वर हर एक घमंडी को डोसकी ला खालत्या करे , पर ऊ हर वन जन ला आदर देए जो खुद ला नम्र कर से | ”

*मत्ती अध्याय 13:31-33, 44-46; मरकुस 4:30-32; लूका 13:18-21; 18:9-14 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_34_32kbps.mp3

## 35. दयालु बाप की कहानी

https://openbiblestories.org/l/pwr/story-35/

![](https://cdn.door43.org/obs/jpg/360px/obs-en-35-01.jpg)

एक दिवस , यीशु वन बहुत सारा लोखहीन ला शिक्षा देत होतो जो ओला आयकन लाईक जमा भया होता | ये लोख चुंगी लेन वाला अखिन संगच दूसरा लोख भी होता जीन मूसा को व्यवस्था ला पालन करन की कोसिस नहीं करि होतीन |

![](https://cdn.door43.org/obs/jpg/360px/obs-en-35-02.jpg)

काई धार्मिक अगुवाहिन न देखिन की यीशु एन लोखहीन सीन एक संगी को जसो बात करसे | एको लाईक ऊन एक दूसरों सीन यव कव्हनो सुरू कर देईन की ऊ गलत करत होतो | यीशु न ऊनला बात करता आयकिस , एकोलाईक वन ऊनला या कहानी सांगिस |

![](https://cdn.door43.org/obs/jpg/360px/obs-en-35-03.jpg)

“ एक आदमी होतो जोका दुई टूरा होता | लाहान टूरा न आपरो बाप सीन कहीस , ‘ अ बाबूजी , मोला आता मोरो हिस्सा देयदे ! ’ अना बाप न आपरो दूई टूराहिन को बीच मा आपरो सम्पत्ति को बंटवारा कर देईस | ”

![](https://cdn.door43.org/obs/jpg/360px/obs-en-35-04.jpg)

“ जलदीच लाहान टूरा आपरो पुरो काई जमा करसारी दूर को देश मा चली गएव अखिन पापी जीवन जीवन मा आपरो पुरो धन ला बर्बाद कर देईस | ”

![](https://cdn.door43.org/obs/jpg/360px/obs-en-35-05.jpg)

“ एको बाद मा , जहाँ लाहान टूरा होतो वन देश मा एक भयंकर धूसकाड पड़ेव , अखिन ओको जवर भोजन लेन लाईक पैसा नोव्हता | एकोलाईक ओला जो काम मिलेव ऊ सूअरहिन ला चारावन को होतो | ऊ एतरों दु:खी अखिन भूकों होतो की ऊ सूअरहिन को खानों खान ला देखत होतो | ”

![](https://cdn.door43.org/obs/jpg/360px/obs-en-35-06.jpg)

“ आखरीमा , वन लाहान टूरा न खुद लक कहिस , मी का करुसू ? मोरो बाप को पुरो नवकरहिन को जवर खान ला बहुतसारो से , तरी मी यहाँ भूको मर रहीसेव | मी आपरो बाप जवर वापिस जाऊ अखिन आपरो बाप को एक नवकर बनन लाईक ओको सीन विनती करू | ”

![](https://cdn.door43.org/obs/jpg/360px/obs-en-35-07.jpg)

“ अना वन लाहान टूरा न वापिस आपरो बाप को घर कर जानो सुरू करिस | जबकि ऊ आब दुरच होतो , ओको बाप न ओला देखीस अखिन ओको पर तरस खाईस | ऊ दौड़ सारी आपरो टूरा जवर गएव अखिन ओला गरो लक लगासारी चूमा लेईस | ”

![](https://cdn.door43.org/obs/jpg/360px/obs-en-35-08.jpg)

“ वन टूरा न कहीस , ‘ अ बाबूजी , मीन परमेश्वर को अखिन तोरो विरद्द पाप करिसेव | मी तोरो टूरा कव्हान को लाएक भी नाहाव | ”

![](https://cdn.door43.org/obs/jpg/360px/obs-en-35-09.jpg)

“ पर बाप न आपरो एक नवकर सीन कहीस , ‘ जल्दीच जायसारि सबलक अच्छों कपड़ा धर सारी आओ अखिन मोरो टूरा ला पेहरावों | मांग सबलक साजरों बछड़ा ला मारो ताकि आमी खबीन अखिन आनन्द मनावबिन , काहेकी मोरो टूरा मर गएव होतो , पर आता ऊ जिंदो से ! ऊ घूम गएव होतो , पर आता आमी न ओला डुंड लेया सेजन ! ”

![](https://cdn.door43.org/obs/jpg/360px/obs-en-35-10.jpg)

“ एकोलाईक लोखहीन न आनन्द मनावनों सुरू करिन | काई समय जान को बाद मा , मोठों टूरा खेत लक काम कर सारी घर वापिस आएव | वन गीत अखिन नाचन की आवाज ला आयकिस अखिन अचम्भित भएव की यव का होए रहीसे | ”

![](https://cdn.door43.org/obs/jpg/360px/obs-en-35-11.jpg)

“ जब मोठों टूरा ला मालूम भएव की वय एकोलाईक आनन्द करत होता काहेकी ओको भाई घर आय गएव होतो , त ऊ बहुत गुशा भएव अखिन घर मा नहीं गएव | ओको बाप न बाहेर आयसारि ओला ऊनको संग आनन्द करन लाईक निवेदन करिस , पर वन मना कर देईस | ”

![](https://cdn.door43.org/obs/jpg/360px/obs-en-35-12.jpg)

“ वन मोठों टूरा न आपरो बाप सीन कहीस , ‘ एन पुरो साल मा मीन तोरो लाईक निष्ठापूर्वक काम करिसेव ! कदीच मीन तोरो बात ला नहीं टारेव , पर तुन कबी मोला लाहान सेरी भी नहीं देएस की मी आपरो सांगिन को संग दावत करू | पर तोरो एन टूरा न तोरो धन ला पापी कामहिन मा बर्बाद कर देइसेस | अखिन आब जब ऊ आई से त ओको लाईक आनन्द करन लाईक तुन सबलक साजरों बछड़ा ला मर देएस ! ”’

![](https://cdn.door43.org/obs/jpg/360px/obs-en-35-13.jpg)

“ बाप न जवाब देईस , अ मोरो टूरा , तू हमेशा मोरो संग से , अखिन जो मोरो से ऊ सब तोरो से | पर आमरो लाईक आनन्द कारणो सही से काहेकी तोरो भाई मर गएव होतो , पर आता ऊ जिंदो से | ऊ घूम गएव होतो , पर आता आमी न ओला डुंड लेया सेजन ! ”’

*लूका अध्याय 15:11-32 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_35_32kbps.mp3

## 36. परिवर्तन

https://openbiblestories.org/l/pwr/story-36/

![](https://cdn.door43.org/obs/jpg/360px/obs-en-36-01.jpg)

एक दिवस , यीशु न आपरा तीन चेलाहीन ला , पतरस , याक़ूब , अखिन यूहन्ना ला आपरो संग लेए लेईस | ( यव यूहन्ना नाव को चेला ऊच आदमी नोव्ह जोन यीशु ला बपतिस्मा देईहोतीस | ) वय प्रार्थना करण लाईक एक ऊंचो पहाड़ पर गया |

![](https://cdn.door43.org/obs/jpg/360px/obs-en-36-02.jpg)

जब यीशु प्रार्थना करत होतो त ओको चेहरा सूर्य को जसो चमकन लगेव | ओका कपड़ा उजाड़ो को जसो पाँडरा भय गया, जसो जागा पर कोई करसिकसे ओको लक भी जादा पांडरों |

![](https://cdn.door43.org/obs/jpg/360px/obs-en-36-03.jpg)

तब मूसा अखिन एलिय्याह भविष्यद्वक्ता प्रकट भएव | यव आदमी एन जागा पर एन बेरा लक सैकड़ों साल पहीले रव्हत होता | ऊन यीशु सिन ओको मरण को बारे मा बात करिन , काहेकी ऊ जल्दीच यरूशलेम मा मर जाए |

![](https://cdn.door43.org/obs/jpg/360px/obs-en-36-04.jpg)

जब मूसा अखिन एलिय्याह यीशु सीन बात करत होता तब पतरस न यीशु सीन कहीस , “ आमरो लाईक यहाँ होनों साजरों से | आमी तीन माड़ो ला बनावबिन, एक तोरो लाईक , एक मूसा लाईक , अखिन एक एलिय्याह लाईक | ” पर पतरस नहीं जानत होतो की ऊ का कह रईसे |

![](https://cdn.door43.org/obs/jpg/360px/obs-en-36-05.jpg)

जब पतरस बात करत होतो , त एक उजाड़ो वालो बादर खालत्या आय सारी ऊनको पर छाय गएव | तमंग ऊन बादर मा लक एक आवाज ला आवतों आएकिन | वन कहीस , “ यव मोरो टूरा आए जेकों सीन मी प्रेम करुसू | मी ओको सीन खुश सेव | ओकी आयकों | ” वय तीननई डर गया अखिन जागा पर सोय गया |

![](https://cdn.door43.org/obs/jpg/360px/obs-en-36-06.jpg)

तब यीशु न ऊनला छुईस अखिन कहीस , “ डरो नोको | उठ जाओ | ” जब ऊन चारई आंग मा देखिन , त जो एक जन आब भी वहाँ होतो ऊ यीशु होतो |

![](https://cdn.door43.org/obs/jpg/360px/obs-en-36-07.jpg)

यीशु अखिन वय तीननई चेला वन पहाड़ लक वापिस खालत्या आया | तब यीशु न उनको सीन कहीस , “ आब जो यहानी भएव ओकी बात कोणी संग नोकोकरो | मी जलधीच मर जाऊ अखिन डबल लक जिनदों होए जाऊ | ओको बाद मा , तुमि लोखहीन ला सांग सिकसेव | ”

*मत्ती अध्याय 17:1-9; मरकुस 9:2-8; लूका 9:28-36 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_36_32kbps.mp3

## 37. यीशु को द्वारा लाजार ला मरेव मालक जिवित करणों

https://openbiblestories.org/l/pwr/story-37/

![](https://cdn.door43.org/obs/jpg/360px/obs-en-37-01.jpg)

लाजर नाव को एक आदमी होतो | ओको दुई बहिनी होतीन उनको नाव मरियम अखिन मार्था होता | वय सब जन यीशु का खास संगी होता | एक दिवस , कोई न यीशु ला सांगिन की लाजर बहुत बीमार से | जब यीशु न यव आयकिस त वन कहीस , “ या बीमारी लाजर को मरण को संग खत्म नहीं होए | एको अलावा , येन लोखहीन ला परमेश्वर को आदर करन लाईक ऊत्साहित करे | ”

![](https://cdn.door43.org/obs/jpg/360px/obs-en-37-02.jpg)

यीशु आपरो संगीहिन सीन प्रेम करत होतो , पर जहां ऊ होतो वहाँ वन दुई दिवस वरी बाट देखीस | वन दुई दिवस को बाद मा , वन आपरो चेलाहीन सीन कहीस , “ आओ , वापिस यहूदिया ला जाबिन | ” चेलाहीन न जवाब देईन , पर अ गुरुजी , आब काईच बेरा को पहले वहाँ को लोख तोला मारन लाईक देखत होता ! ” यीशु न कहीस , “ आमरो संगी सोए रही से , अखिन मोला ओला जगावनों से | ”

![](https://cdn.door43.org/obs/jpg/360px/obs-en-37-03.jpg)

यीशु को चेलाहीन न जवाब देईन , “ अ प्रभु , अगर लाजर सोए रही से, त ऊ साजरों होए जाए | ” तब यीशु न उनको सीन साप तरीका लक बोल देईस , “ लाजर मर गयव | मोला ख़ुशी भई की मी वहाँ नोव्हतों , ताकि तुमि मोरो पर विश्वास कर सिको | ”

![](https://cdn.door43.org/obs/jpg/360px/obs-en-37-04.jpg)

जब यीशु लाजर को गाँव मा पव्चेव त लाजर ला मराया पहीले लकाच चार दिवस भए गया होता | मार्था यीशु सीन मिलन लाईक बाहेर आई अखिन कहीस , “ अ प्रभु , अगर तू रव्तोस त मोरो भाई नहीं मरतों | पर मी विश्वास करुसु की जो काईच तू परमेश्वर सीन मागजों ऊ तोला देहे | ”

![](https://cdn.door43.org/obs/jpg/360px/obs-en-37-05.jpg)

यीशु न जवाब देईस , “ पुनरुत्थान अखिन जीवन मी सेव | जो कोई मोरो पर विश्वास करसे अगर ऊ मर भी जाए तभी जिये | जो कोई मोरो पर विश्वास करसे ऊ कभी नहीं मर | का तू एको पर विश्वास करसेस ? ” मार्था न जवाब देईस , “ अ प्रभु , मी विश्वास करूसु की तू परमेश्वर को टूरा मसीह आस | ”

![](https://cdn.door43.org/obs/jpg/360px/obs-en-37-06.jpg)

तब मरियम आई | वन यीशु को पाय खालत्या आय सारी कईस , ‘ अ प्रभु , अगर तू यहाँ रव्तोस त मोरो भाई नहीं मरतों | ” यीशु न ओको सीन खबर लेईस, “ तुमि न लाजर ला कहाँ ठेया सेव ? ” ऊन ओला सागीन की , “ कब्र मा | आव देखलेव | ” तब यीशु रोवन लगेव |

![](https://cdn.door43.org/obs/jpg/360px/obs-en-37-07.jpg)

ऊ कब्र एक भुयारो होतो जेकों दरवाजो पर एक गोटा ला राखेव गएव होतो | जब यीशु कब्र पर आएव त वन ऊनको सीन कहीस , “ गोटा ला सरकाय देव | ” पर मार्था न कहीस , “ ओला मरे चार दिवस भय गया सेती | ओको मालक त बास आवत रहे | ”

![](https://cdn.door43.org/obs/jpg/360px/obs-en-37-08.jpg)

यीशु न जवाब देईस , “ का मीन तोरो सीन नहीं कहेव होतो अगर तुमि मोरो पर विश्वास करो त परमेश्वर को शक्ति ला देखो ? ” एकोलाईक ऊन गोटा ला सरकाय देईन |

![](https://cdn.door43.org/obs/jpg/360px/obs-en-37-09.jpg)

तब यीशु न ऊपर स्वर्ग कर देख सारी कहीस , “ अ बाबूजी , मोरी आयकन लाईक मी तोरो धन्यवाद करूसु | मी जानुसु की तू हमेशा मोरी आयकसेस , पर मीन यव यहाँ पर ऊभा एन सपाई लोखहिन की मदत करन लाईक कहेव ताकि ये विश्वास करेत की तुन मोला धाड़िसेस | ” तब यीशु न आवाज लगाईस , “ अ लाजर , बाहेर आव ! ”

![](https://cdn.door43.org/obs/jpg/360px/obs-en-37-10.jpg)

अधिक लाजर बाहेर आएव ! ऊ आब भी कफन मा लपटेव होतो | यीशु न ओको सीन कहीस , “ एन कफन ला निकालन मा ओकी मदत करो अखिन ओला मुक्त करो | ” एन चमत्कार को वजह लक बहुत सारा यहूदीहिन न यीशु पर विश्वास करिन |

![](https://cdn.door43.org/obs/jpg/360px/obs-en-37-11.jpg)

पर यहूदीहिन को धार्मिक गुरु यीशु सीन जरन लगया , एकोलाईक वय योजना बनावन लाईक एक साथ जमा भया की कसो यीशु अखिन लाजर ला मारेव जाए |

*यूहन्ना 11:1-46 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_37_32kbps.mp3

## 38. यीशु को संग विश्वासघात

https://openbiblestories.org/l/pwr/story-38/

![](https://cdn.door43.org/obs/jpg/360px/obs-en-38-01.jpg)

हर साल , यहूदी लोख फसह को त्यौहार मनावत होता | ऊ एन बारे मा एक आनन्द होतो की कई सालहिन को पहेले परमेश्वर न उनको खानदान ला मिस्र को गुलामी मालक निकालिस होतीस | लगभग तीन साल को बाद मा यीशु न सार्वजनिक रूप मा प्रचार करनो अखिन शिक्षा देनों सुरुकरिस | यीशु न आपरो चेलाहिन ला सांगिस कि ऊ उनको संग यरुशलेम मा फसह को त्यौहार मनावन ला चाव्हसे त , अखिन यव भी कि ऊ वहाँ मार डाकेव जाए |

![](https://cdn.door43.org/obs/jpg/360px/obs-en-38-02.jpg)

यीशु को चेलाहीन मा एक यहूदा नाव को आदमी होतो | यहूदा प्रेरितहिन को पैसा को झोरा राखन वालो प्रभारी होतो , पर खास कर ऊ वन झोरा मालक पैसा निकाल लेत होतो | यीशु अखिन चेलाहीन को यरुशलेम मा जान को बाद मा यहुदी गुरुहीन को जवर गया | वन पैसा को बदला मा यीशु ला ऊनको हाथ लक धरन को प्रस्ताव राखीस | ऊ जानत होतो कि वय ओला मारन ला चाव्हत होता |

![](https://cdn.door43.org/obs/jpg/360px/obs-en-38-03.jpg)

महायाजक को बोलनों पर यहूदी गुरुहीन न यीशु ला ऊनको हाथहिन मा धरावन लाईक यहूदा ला तीस चाँदी का सिक्का देईन | यव वन तरीका लक भएव जसो की भविष्यद्वक्ता न कहिहोंतीस की होए | यहूदा मान गएव अखिन पैसा धर सारी चली गएव | वय यीशु ला गिरफ्तार करणो मा उनकी मदत करण लाईक कई समय की बाट देखन लगेव |

![](https://cdn.door43.org/obs/jpg/360px/obs-en-38-04.jpg)

यरुशलेम मा , यीशु न आपरो चेलाहीन को संग फसह को त्यौहार मनाईस | फसह को खानो को समय मा , यीशु न रोटी धर सारी तोड़िस | वन कहीस , “ एला धरो अखिन खाओ | यव मोरो देह आय जेव मी तुम्हारों लाईक देसु | एला मोरो याद मा रखो | ” एन तरीका लक , यीशु न कहीस की ऊ उनको लाईक मर जाए , जोकि ऊ उनको लाईक ऊ आपरो देह ला बली कर देहे |

![](https://cdn.door43.org/obs/jpg/360px/obs-en-38-05.jpg)

तमंग यीशु न एक दाखरस को गिलास ला धरिस अखिन कहीस , येला पिलेव | यव नवीन वाचा को मोरो खून आय जो की मी बाहाऊ सु ताकि परमेश्वर तुमरो पापहिन ला माप कर देए | हर बार येला पिवन को समय मा मोरी याद मा येला करो जो मी आब करुसु | ”

![](https://cdn.door43.org/obs/jpg/360px/obs-en-38-06.jpg)

तब यीशु न आपरो चेलाहीन सीन कहीस , “ तुमारों मालक एक जन मोला धराए | ” चेला चमक गया , अखिन पूछन लगया की कौन असो काम ला करे | यीशु न कहीस , “ मोला धरने वालों आदमी ऊ आए जेला मी यव रोटी को टुकड़ा देए रहीसेव | ” तब वन वा रोटी यहूदा ला देईस |

![](https://cdn.door43.org/obs/jpg/360px/obs-en-38-07.jpg)

वन रोटी को लेन को बाद मा , यहुदा मा शैतान सिर गएव | यहूदा निकल सारी यीशु ला गिरफ़्तार करण लाईक यहूदी गुरुहीन की मदत करण लाईक चली गएव | यव रात को समय होतो |

![](https://cdn.door43.org/obs/jpg/360px/obs-en-38-08.jpg)

खानो को बाद मा , यीशु अखिन ओका चेला जैतून पाहाड़ पर चली गया | यीशु न कहीस , “ तुमि सब जन अज रात्रि मा मोला सोड देओ | यव लिखेव से , ‘ मी चरवाह ला मारू अखिन पूरी भेड़ इतन - उतन होए जाएती | ”

![](https://cdn.door43.org/obs/jpg/360px/obs-en-38-09.jpg)

पतरस न जवाब देईस , “ भलेच बाकी का तोला सब जन छोड़ देयेती , मी नहीं छोडु !” तब यीशु न पतरस सीन कहीस , “ शैतान तुमला सबजन ला धरन ला देखसे , पर अ पतरस , मीन तोरो लाईक प्रार्थना करिसेव की तू विश्वास लक मुकर नोको जाजो | तमंग भी , अज की रात , कोमड़ा को आरावन को पहेले तू तीन बार नकारजो की तू मोला पैचानस तके नहीं | ”

![](https://cdn.door43.org/obs/jpg/360px/obs-en-38-10.jpg)

पतरस न तब यीशु सीन कहीस , “ भलेच मी मर जाऊँ , मी कभी तोला नकारु नहीं ! ” दूसरा सब चेलाहीन न असोच कहिन |

![](https://cdn.door43.org/obs/jpg/360px/obs-en-38-11.jpg)

तब यीशु आपरो चेलाहीन को संग गतसमानी नाव कि जागा पर गया | यीशु न आपरो चेलाहीन सीन प्रार्थना करण लाईक कहीस ताकि शैतान ऊनकी परीक्षा नोको ले | तब यीशु खुद प्रार्थना करण लाईक चली गएव |

![](https://cdn.door43.org/obs/jpg/360px/obs-en-38-12.jpg)

यीशु न तीन बार प्रार्थना करिस , “ अ मोरो बाप , अगर सरल से त कृपा कर सारी दु:ख को कटोरा पिवन लाईक मोला नोको देव | पर अगर लोखाहिन को पाप क्षमा करण लाईक कोई अखिन मार्ग नाहाय का , त तोरिच इच्छा पूर्ण होए | ” यीशु बहुत उदास होतो अखिन ओको पसीना खून को बूंदहिन को जसो होतो | ओला ताकत देन लाईक परमेश्वर न एक स्वर्गदूत ला धाड़िस |

![](https://cdn.door43.org/obs/jpg/360px/obs-en-38-13.jpg)

हर बार प्रार्थना को बाद मा , यीशु आपरो चेलाहीन को जवर वापिस आएव , पर वय सोए गया होता | जब यीशु तीसरों बार वापिस आएव त यीशु न कहीस , “ उठो जाओ ! मोरा धरने वालो यहाँ सेत | ”

![](https://cdn.door43.org/obs/jpg/360px/obs-en-38-14.jpg)

यहूदी गुरु , सैनिक , अखिन एक मोठी भीड़ को संग यहूदा आएव | ऊन्न तलवार अखिन लकड़ी धरिन होतीन | यहूदा न यीशु को जवर आय सारी ओको सीन कहीस , “ अ गुरुजी , नमस्ते , ” अखिन ओला चूम लेईस | वन गिरफ्तार करण वालो आदमी ला यहूदी गुरुहीन पर प्रकट करण लाईक असोच करिहोतीस | तब यीशु न कहीस , “ अ यहूदा , का तू एक चुम्बन लक मोला धराय रईसेस ? ”

![](https://cdn.door43.org/obs/jpg/360px/obs-en-38-15.jpg)

जब वय सैनिक यीशु ला धरत होता , त पतरस न आपरो तलवार ला निकालिस अखिन महायाजक को एक सेवक को कान ला काट देईस | यीशु न कहीस , “ तलवार ला दूर डेव ! मी आपरो बाप सीन मोरो बचाव करण लाईक स्वर्गदूतहिन को एक सेना लाईक विनती कर रहीसेव | पर मोला मोरो बाप की बात ला मानोसे | ” तब यीशु न वन आदमी को कान ला साजरों कर देईस | तब पूरा चेला पराय गया |

*मत्ती 26:14-56; मरकुस 14:10-50; लूका 22:1-53; यूहन्ना 12:6; 18:1-11 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_38_32kbps.mp3

## 39. यीशु पर मुकद्दमा चलावसे

https://openbiblestories.org/l/pwr/story-39/

![](https://cdn.door43.org/obs/jpg/360px/obs-en-39-01.jpg)

आता यव अर्धों रात को समय होतो | वय सैनिक यीशु ला महायाजक को घर आनीन , काहेकी ऊ यीशु सीन सवाल करने वालो होतो | पतरस दूर लक उनको धावा करत होतो | जब सैनिक यीशु ला घर मा लिजाहिन , त पतरस बाहेर ऊभो रयसारी खुद ला इस्तों लक गर्म करण लगेव |

![](https://cdn.door43.org/obs/jpg/360px/obs-en-39-02.jpg)

घर को अंदर , यहूदी गुरुहीन न यीशु पर मुक़द्दमा चलाहिन | वय ओको विरुद गलत बातहिन ला बोलन लाईक बहुत सारा गलत गवाहहिन ला धर सारी आया | हालाँकि , ऊनकी बात एक दूसरों लक मिलात नोव्हती , येकोलाईक यहूदी अगुवा वय साबित नहीं कर सीकिन की ऊ कोई बात को दोषी होतो | यीशु न काहि नहीं कहीस |

![](https://cdn.door43.org/obs/jpg/360px/obs-en-39-03.jpg)

आखरी मा , महायाजक न सीधों यीशु कर देख सारी कहीस , “ आमला सांग की का तुच जीवित परमेश्वर को टुरा मसीह आस ? ”

![](https://cdn.door43.org/obs/jpg/360px/obs-en-39-04.jpg)

यीशु न कहीस , मीच आव , अखिन तुमि मोला परमेश्वर को संग बसेव अखिन स्वर्ग लक आवता भी देखो | ” महायाजक न आपरो कमीज ला फाड़ लेईस काहेकी जेव यीशु न कहीस ऊ वन बात पर बहुत गुसा होतो | ऊ दूसरों गुरुहीन पर चिल्लाएव , “ आमला यव सांगन लाईक कोई अखिन गवाहहिन की जरूरत नहाय की येन आदमी न का करीसेस ! तुमिन खुदच ओला यव बोलता आयक्या सेव की ऊ परमेश्वर को टुरा आय | ओको बारे मा तुमरो का राय से ? ”

![](https://cdn.door43.org/obs/jpg/360px/obs-en-39-05.jpg)

सब यहूदी गुरुहीन न महायाजक ला जवाब देईन , “ ऊ मरण को कगार मा से ! ” त ऊन्न यीशु को डोराहिन पर पट्टी बांधीन , ओको पर थूकिन , ओला मारिन , अखिन ओको मज़ाक उड़ाहिन |

![](https://cdn.door43.org/obs/jpg/360px/obs-en-39-06.jpg)

अखिन पतरस , जब ऊ घर को बाहेर बाट देखत होतो | तब एक दासी टुरी न ओला देखीस | वन ओको सीन कहीस , “ तू भी त यीशु को संग होतोस | ” पतरस न नकार देईस | बाद मा , कोई दूसरो टुरी न येनच बात ला कहीस , अखिन पतरस न डबल लक नकार देईस | आखरी मा , काई लोखहिन न कहिन , “ आमी जानसेजन की तू भी त यीशु को संग होतोस काहेकी तुमि दुई गलील लक सेव | ”

![](https://cdn.door43.org/obs/jpg/360px/obs-en-39-07.jpg)

तब पतरस न कहीस , “ अगर मी येन आदमी ला पहचानु सु त परमेश्वर मोला श्राप देए ! ” वंधावरच पतरस को येन तरीका लक कसम खान को बाद मा , एक कोमड़ा न आराईस | यीशु न मंग मूड सारी पतरस ला देखीस |

![](https://cdn.door43.org/obs/jpg/360px/obs-en-39-08.jpg)

पतरस वहाँ लक चली गएव अखिन जोर - जोर सारी रोएव | वन समय मा , यीशु ला धरने वाला यहूदा गिन न देखिन की यहूदी गुरुहीन न यीशु ला मृत्युदंड देईसेन | यहूदा बहुत दु:खी भएगेव अखिन जायसारि खुद ला मार डाकिस |

![](https://cdn.door43.org/obs/jpg/360px/obs-en-39-09.jpg)

आता वन देश को राज्यपाल पिलातुस होतो | ऊ रोम लाईक काम करत होतो | यहूदी गुरु यीशु ला ओको जवर धर सारी आया | वय चाव्हत होता की पिलातुस ओला मृत्युदंड देए अखिन ओला मार डाके | तब पिलातुस न यीशु सीन खबर लेईस , “ का तू यहूदीहिन को राजा आस ? ”

![](https://cdn.door43.org/obs/jpg/360px/obs-en-39-10.jpg)

यीशु न जवाब देईस , “ तुन सहीच कहीसेस | पर मोरो राज्य यहाँ पृथ्वी को नाहाय | अगर होतो त मोरा दास मोरो लाईक लड़ाई करता | मी पृथ्वी पर परमेश्वर को बारे मा सही सांगन लाईक आईसेव | हर एक जन जो सही मा प्रेम करसे ऊ मोरी आयकसे | ” पिलातुस न कहीस , “ त सही का से ? ”

![](https://cdn.door43.org/obs/jpg/360px/obs-en-39-11.jpg)

यीशु को संग बात करण को बाद मा , पिलातुस न बाहेर भीड़ को जवर जाय सारी कहीस , “ मी असो कोई कारण नहीं देखू की यव आदमी मार डाकन को योग्य से | ” पर यहूदी गुरु अखिन भीड़ न चील्लाय सारी कहीस , “ ओला क्रूस पर टांग देव ! ” पिलातुस न जवाब देईस , “ ऊ काईच गलत करण को दोषी नाहाय | ” पर वय अखिन मोठों आवाज लक चिल्लावन लगया | तब पिलातुस न तीसरों बार कहीस , “ ऊ दोषी नाहाय | ”

![](https://cdn.door43.org/obs/jpg/360px/obs-en-39-12.jpg)

पिलातुस डराय गएव की वा भीड़ दंगा सुरू कर देए , येकोलाईक ऊ आपरो सैनिकहिन को द्वारा यीशु ला क्रूस पर टगावन लाईक मान गएव | रोमी सैनिकहिन न यीशु ला कोडा मारिन , अखिन ओला राजा को कमीज पेहराईन , अखिन ओको डोसकी पर काँटा लक बनाएव मुकुट ला राखिन | तब वय यव बोल सारी ओको मजाक ऊडावन लगया , “ देखो , यहूदीहिन को राजा ! ”

*मत्ती 26:57-27:26; मरकुस 14:53-15:15; लूका 22:54-23:25; यूहन्ना 18:12-19:16 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_39_32kbps.mp3

## 40. यीशु ला सूली पर चडायेव जासे

https://openbiblestories.org/l/pwr/story-40/

![](https://cdn.door43.org/obs/jpg/360px/obs-en-40-01.jpg)

यीशु को मजाक करण को बाद मा , सैनिक ओला सूली पर चडावन लाईक लिजाहिन | ऊन वन सूली ला ओको सीनच उठवाहीन जेकों पर ऊ मरने वालो से |

![](https://cdn.door43.org/obs/jpg/360px/obs-en-40-02.jpg)

वय सैनिक यीशु ला वन जागा पर धर सारी आया जेला “ खोपड़ी ” कसेत अखिन ओको हाथहिन ला अखिन पायहिन ला सूली पर ठोक देईन | पर यीशु न कहीस , “ अ बाबूजी , इनला माफ करजो , काहेकी ये नहीं जानत की ये का कर रया सेती | ” ऊन्न एक पाटी ला ओको डोसकी को ओरत्या हिलगाय देहिन | ओको पर लिखेव होतो , “ यहूदीहिन का राजा | ” पिलातुस न ऊनको सीन यवच लिखन लाईक कहिहोतीस |

![](https://cdn.door43.org/obs/jpg/360px/obs-en-40-03.jpg)

तब सैनिकहिन न यीशु को कपडाहिन लाईक चिट्ठी डाकिन | ऊन असो करीन त ऊन वन भविष्यदवाणी ला पुरो करिस जा बोलत होती , “ ऊन्न मोरो कपड़ाहिन ला आपरो मा बाँट लेईन , अखिन मोरो कपडाहिन लाईक चिट्ठी डाकिन | ”

![](https://cdn.door43.org/obs/jpg/360px/obs-en-40-04.jpg)

वहाँनी दुई डाकू भी होता , जीनला सैनिकहिन न वनच बेरा मा सूली पर चडाहिन होतीन | ऊन्न ऊनला यीशु को दुई बाजू ला राखिन होतीन | उनको मालक एक डाकु न यीशु को मजाक ऊड़ाईस , पर दूसरों न कहीस , “ का तू नहीं डरस की परमेश्वर तोला दंड देए ? आमी बहुत सारा गलत कामहिन को वजह लक दोषी सेजन , पर यव आदमी निर्दोष से | ” तमंग वन यीशु सीन कहीस , “ जब तू आपरो राज्य मा आवजों त कृपा कर सारी मोला याद राखजो | ” यीशु न जवाब देईस , “ अजच तू मोरो संग स्वर्गलोख मा होजो | ”

![](https://cdn.door43.org/obs/jpg/360px/obs-en-40-05.jpg)

यहूदी गुरुहीन अखिन भीड़ का दूसरा लोखहिन न यीशु को मजाक उड़ाईन | ऊन्न उनको सिन कहिन , " अगर तू परमेश्वर को टुरा आस , त सूली पर लक खालत्या उतर सारी आव अखिन खुद ला बचाए ले ! तब आमी तोरो पर विश्वास करबीन | ”

![](https://cdn.door43.org/obs/jpg/360px/obs-en-40-06.jpg)

तब वन पुरो देश की बादर पुरो तरीका लक कारी भए गयी , भले ऊ दिवस को बीच को समय होतो | यव दुपार को समय मा कारो भएव होतो अखिन तीन घंटा वरी असोच रहेव |

![](https://cdn.door43.org/obs/jpg/360px/obs-en-40-07.jpg)

तब यीशु न भुलाए सारी कहीस , “ पुरो भएव ! अ बाबूजी , मी आपरि आत्मा तोरो हाथहिन मा देशु | ” तब वन आपरो डोसकी ला झुकाईस अखिन आपरो प्राण ला छोड देईस | जब ऊ मरेव त एक भूकम्प आएव | ऊ मोठो पर्दा जो परमेश्वर को उपस्थिती लक लोखहिन ला अलग करत होतो ओरत्या लक खालत्या वरी फाट सारी दुई भाग भए गया |

![](https://cdn.door43.org/obs/jpg/360px/obs-en-40-08.jpg)

आपरो मृत्यु को द्वारा , यीशू न लोखहिन को लाईक परमेश्वर को जवर आवन को मार्ग खोल देईस | जब यीशु को जागवाली करने वाला एक सैनिक न जो काई भएव होतो यव पुरो देखीस त वन कहीस , “ निश्चित रूप लक , यव आदमी निर्दोस होतो | यव परमेश्वर को टुरा आय | ”

![](https://cdn.door43.org/obs/jpg/360px/obs-en-40-09.jpg)

तब युसुफ अखिन नीकुदेमुस नाव का दुई यहूदी गुरु आया | वय विश्वास करत होता की यीशुच मसीह होतो | ऊन्न पिलातुस लक यीशु को देह ला मांगिन | ऊन्न ओको देह ला कपडाहिन मा लपटीन | तब वय ओला एक चट्टान मालक काट सारी बनाई गई कब्र मा लिजाहिन अखिन ओको अंदर राख देईन | तब ऊन्न वन कब्र को दरवाजो ला बंद करण लाईक एक मोठों गोटा ला गड़लाए देईन |

*मत्ती 27:27-61; मरकुस 15:16-47; लूका 23:26-56; यूहन्ना 19:17-42 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_40_32kbps.mp3

## 41. परमेश्वर यीशु ला मरेव मालक जिनदों करसे

https://openbiblestories.org/l/pwr/story-41/

![](https://cdn.door43.org/obs/jpg/360px/obs-en-41-01.jpg)

सैनिकहिन को द्वारा यीशु ला क्रूस पर चढ़ा वन को बाद मा , यहूदी गुरुहीन न पिलातुस सीन कहीस , “ वन झूठो यीशु न कही होतीस की ऊ तीन दिवस को बाद मा मरेव मालक जिनदों होऊ | कोई ला यव सही करण लाईक कब्र की देखरेख करणो पड़े की ओका चेला ओको देह ला चोर सारी नोको लिजाय लेत | अगर वय असो करसेती त वय कहेती की ऊ मरेव मालक जिनदों भईसे | ”

![](https://cdn.door43.org/obs/jpg/360px/obs-en-41-02.jpg)

पिलातुस न कहीस , “ काई सैनिकहिन ला लिजावों , अखिन जसो तुमि कर सिकसेव तसो कब्र की देखरेख करो | ” येकोलाईक ऊन्न वन कब्र मा जान को दरवाजो को गोटा पर एक सील लगाय देईन | ऊन्न यव मालूम करण लाईक वहाँ सैनिकहिन ला बसाय देईन की कोईच ओको देह ला चोर नोको सीकेत |

![](https://cdn.door43.org/obs/jpg/360px/obs-en-41-03.jpg)

यीशु को मरनों को बाद को दिवस सब्त को दिवस होतो | कोईच सब्त को दिवस काम नहीं कर सिकत होतो , येकोंलाईक यीशु का कोईच संगी कब्र पर नहीं आया होता | पर सब्त को बाद को दिवस , सकारिच बहुत भूमसार , कई बायका यीशु को कब्र पर जान लाईक तैयार भईन | वय ओको देह पर अखिन मसाल लगावन ला चाव्हत होतीन |

![](https://cdn.door43.org/obs/jpg/360px/obs-en-41-04.jpg)

वन बायकाहिन को आवन को पहले , कब्र पर एक मोठों भूकम्प भएव | स्वर्ग लक एक स्वर्गदूत न आयसारि वन गोटा ला हटाय देईस जो कब्र को जान को दरवाजो पर झाकेव होतो अखिन ओको पर बस गएव | ऊ स्वर्गदूत उजाड़ो को जसो चमकत होतो | कब्र पर जो सैनिक होता ऊन ओला देखिन | वय येतरा डर गया होता की मरेव वाणी जमीन पर पड़ गया |

![](https://cdn.door43.org/obs/jpg/360px/obs-en-41-05.jpg)

जब वय बायका कब्र पर आईन त वन स्वर्गदूत न उनको सीन कहीस , “ कंदराव नोको | यीशु यहाँ नाहाय | ऊ मरेव मालक जिनदों भय गईसे , जसो की वन कही होतीस की ऊ जिनदों होए ! कब्र मा ढूड़ों अखिन देखो | ” वन बायकाहिन न कब्र को अंदर अखिन जहाँ यीशु को देह ला राखीन होतीन वहाँ ढूडीन अखिन देखिन की ओको देह वहाँ नोव्हतों !

![](https://cdn.door43.org/obs/jpg/360px/obs-en-41-06.jpg)

तब वन स्वर्गदूत न वन बायकाहिन सिन्न कहीस , “ जायसारि ओको चेलाहिन ला सांगो , ‘ यीशु मरेव मालक जिनदों भईसे अखिन ऊ तुम्हारों सामुर - सामुर गलील ला जाय रहिसे | ’’’

![](https://cdn.door43.org/obs/jpg/360px/obs-en-41-07.jpg)

वय बायका अचम्भित भई अखिन बहुत आनन्दित भई | वय चेलाहिन ला यव अछी खबर सांगन लाईक पराईन |

![](https://cdn.door43.org/obs/jpg/360px/obs-en-41-08.jpg)

जब वय बायका चेलाहिन ला यव अछी खबर सांगन लाईक रस्ता माच होतीन , त यीशु उनको पर प्रकट भएव | वय ओको पाईन पर पडी | तब यीशु न कहीस , “ नोको कंदराव | जायसारि मोरो चेलाहिन ला गलील जान लाईक कहो | वय वहाँ मोला देखेती | ”

*मत्ती 27:62-28:15; मरकुस 16:1-11; लूका 24:1-12; यूहन्ना 20:1-18 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_41_32kbps.mp3

## 42. यीशु स्वर्ग ला वापिस जासे

https://openbiblestories.org/l/pwr/story-42/

![](https://cdn.door43.org/obs/jpg/360px/obs-en-42-01.jpg)

जोन दिवस मा परमेश्वर न यीशु ला मरेव मालक जीतो करिहोतीस , ओका दुई चेला जवर को गाँव मा जात होता | चलता वय यीशु को संग जो भएव होतो | ओको बारे मा बात करत होता , ऊनला आशा होती की ऊ मसीह होतो , पर तब बी ओला मार डाकिन | आता वय बायका कसेत की वय मंग अदिक जीतो होए | वय नहीं जानत होता की कोनसों बात पर विश्वास करनोसे |

![](https://cdn.door43.org/obs/jpg/360px/obs-en-42-02.jpg)

यीशु न उनको जवर आय सारी उनको संग चलनों सुरू करिस , पर वय ओला पहचान नहीं सीकिन | वन खबर लेईस की वय कायको बारे मा बात करत होता | ऊन ओला उन दिवस मा यीशु को संग भई पुरो घटना को बारे मा सागीस | ऊन सोच विचार करीन की वय कोण परदेशी सीन बात करत होता जेला नहीं जानत होता की यरुशलेम मा का भएव होतो |

![](https://cdn.door43.org/obs/jpg/360px/obs-en-42-03.jpg)

तब यीशु न ऊनला समझाईस की परमेश्वर को वचन मसीह को बारे मा का कसे | बहुत पहेले , भविष्यद्वक्ताहिन न कहिन होतीन की खराब लोख मसीह ला दुखित करेती अखिन मार डाकेती | पर भविष्यद्वक्ताहिन न यव भी कई होतीन की ऊ तीसरों दिवस जीतो होए |

![](https://cdn.door43.org/obs/jpg/360px/obs-en-42-04.jpg)

जब वय वन नगर मा आया जहां वय दुई जन रुकन ला देखत होता , तब वरी लगभग दिवस बुड़ गएव होतो | ऊन यीशु ला उनको संग रुकन लाईक बूलाईन होतिन , अधिक ऊ उनको संग एक घर मा गयव | आपरो दिवस बुड़ता को खानो खान लाईक वय बस गया | यीशु न एक रोटी ला धर सारी ओको लाईक परमेश्वर ला धन्यवाद देईस , अखिन मंग ओला तोड़िस | एकदम लक , ऊन जान लेईन की ऊ यीशु आए | पर वन समय मा , ऊ उनको डोरा को सामने अल्प भय गएव |

![](https://cdn.door43.org/obs/jpg/360px/obs-en-42-05.jpg)

वन दुई जनहिन न एक दूसरों सीन कहिन , “ ऊ यीशु होतो ! येकोलाईक जब ऊन आमला परमेश्वर को वचन लक समझाई होतीस त आमी बहुत मजा मा होता ! ” वंधावरच , वय निकल सारी वापिस यरुशलेम ला गया | जब वय आया त ऊन चेलाहिन ला सांगिन , “ यीशु जीतो से ! आमी वोला देखा सेजन ! ”

![](https://cdn.door43.org/obs/jpg/360px/obs-en-42-06.jpg)

जब चेला गीन बात करतहोता , यीशु एकदम लक वन कमरा मा उनको संग प्रकट भएव | वन कहीस , “ तुमला शान्ति मिले ! ” चेलाहिन न सोचिन की ऊ कोई भूत होए , पर यीशु न कहीस , “ तुमि कायला डरासेव ? तुमि कायला यव नहीं सोचो की यव सही मा मी , यीशु आव ? मोरो हाथहिन ला अखिन पाहेहिन ला देखो | भूतहिन को जवर असो देह नहीं रव जसो मोरो जवर से | ” यव देखावन लाईक की ऊ कोई भूत नोव्हतों , वन खान लाईक काई मागीस | ऊन्न ओला मसरी को एक टुटका देईन , अखिन वन ओला खाय लेईस |

![](https://cdn.door43.org/obs/jpg/360px/obs-en-42-07.jpg)

यीशु न कहीस , “ मोरो बारे मा परमेश्वर को वचन जो काई भी कसे ऊ सही होए | मीन तोला सांग देए होतो की येकों होनों अनिवार्य से | ” तब यीशु न उनला परमेश्वर को वचन ला साजरों लक समझाईस | वन कहीस , “ बहुत पहेले भविष्यद्वक्ताहिन न लिखिहोतीन की मोला , मसीह ला दु:ख जेलनों पड़े , मरनों पड़े अखिन मंगअदिक तीसरों दिवस मृतकहिन मालक जीतो होनोपड़े | ”

![](https://cdn.door43.org/obs/jpg/360px/obs-en-42-08.jpg)

“ वन भविष्यद्वक्ताहिन न यव भी लिखिन होतीन की मोरा चेला परमेश्वर को वचन ला संगेती | वय हर एक ला माफी मांग लाईक सांगेती | अगर वय असो करसेती त परमेश्वर ऊनको पापईन ला माफ करे | मोरो चेला येन सन्देश को प्रचार करणो यरुशलेम लक सुरू करेती | तब वय पुरो जातीहिन मा जायेती | तुमि लोख मोरी हर एक बात अखिन काम का गवाह सेव जो मीन कहेव अखिन करेव होतो , अखिन वन पुरो को भी जो मोरो संग भएव होतो | ”

![](https://cdn.door43.org/obs/jpg/360px/obs-en-42-09.jpg)

दूसरा चालीस दिवस को अंतराल मा , यीशु आपरो चेलाहीन पर कई बार प्रकट भएव | एक बार त ऊ एकच समय मा 500 लक जादा लोखहिन पर प्रकट भयव ! वन आपरो चेलाहिन पर कई तरीका लक साबित करिस की ऊ जीतो होतो , अखिन वन ऊनला परमेश्वर को राज्य को बारे मा शिक्षा देईस |

![](https://cdn.door43.org/obs/jpg/360px/obs-en-42-10.jpg)

यीशु न आपरो चेलाहिन सीन कहीस , “ परमेश्वर न मोला स्वर्ग अखिन पृथ्वी का हर एक जन पर राज्य करण को अधिकार देइसेस | येकोंलाईक आता मी तुमरो लक कसु: जाय सारी पुरो जाती का लोखहिन ला चेला बनाओ | असो करण लाईक , तुमला उनला बाप , टूरा , अखिन पवित्र आत्मा को नाव लक बपतिस्मा देनो से | जो काई भी मीन तुमला कहिसेव वन पुरो बातहिन ला मानन ला तुमला उनला सिखावनों से | याद राखो , मी सदा तुम्हारों संग रहु | ”

![](https://cdn.door43.org/obs/jpg/360px/obs-en-42-11.jpg)

यीशु को मरेव मालक जीतो होन को चालीस दिवस को बाद मा , वन आपरो चेलाहिन सीन कहीस , “ जब वरी की मोरो बाप तुमला सामर्थ नहीं दे तब वरी यरुशलेम मा रुकया रहो | ऊ तुमरो पर पवित्र आत्मा धाडन को द्वारा असो करे | ” तब यीशु स्वर्ग मा चली गएव , अखिन एक बादर न ओला उनको नजर मा अल्प भएगएव | स्वर्ग मा यीशु पुरो चीजहिन पर राज्य करण लाईक परमेश्वर को उजो आंग बस गएव |

*मत्ती 28:16-20; मरकुस 16:12-20; लूका 24:13-53; यूहन्ना 20:19-23; Acts 1:1-11 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_42_32kbps.mp3

## 43. कलिसियाहिन की सुरुवात

https://openbiblestories.org/l/pwr/story-43/

![](https://cdn.door43.org/obs/jpg/360px/obs-en-43-01.jpg)

यीशु को स्वर्ग वापिस जान को बाद मा , चेला यरुशलेम माच रयगया जसो की यीशु न उनला करण को आदेश देई होतीस | वहाँ का विश्वासी लोख लगातार एक संग प्रार्थना करण लाईक जमा होत होता |

![](https://cdn.door43.org/obs/jpg/360px/obs-en-43-02.jpg)

हर साल , फसह को त्यौहार को 50 दिवस को बाद मा , यहूदी लोख पीन्तेकुस्त नाव को एक खास दिवस ला मनावत होता | पीन्तेकुस्त ऊ समय होतो जब यूहदी लोख गंहू ला काटन को समय मा मनावत होता | पुरो संसार लक यहूदी लोख पीन्तेकुस्त को दिवस ला एक संग मनावन लाईक यरुशलेम मा आया होता | येन साल , पीन्तेकुस्त मनावन को समय यीशु को स्वर्ग ला जान को लगभग एक हप्ता को बाद आएव होतो |

![](https://cdn.door43.org/obs/jpg/360px/obs-en-43-03.jpg)

जेन समय मा पूरा विश्वासी लोख एक संग जमा भया होता , त वन घर मा वय होता अचानक लक ऊ तेज हवा को आवाज लक भर गएव | तब इस्तों को धाग जसो दिखन वालो काई सब विश्वासीहिन को डोसकी को वोरत्या प्रकट भएव | वय सब पवित्र आत्मा लक भर गया अखिन ऊन दूसरी बोलीहिन मा परमेश्वर की स्तुति करिन | ये वय बोली होती जेला बोलन लाईक उनला पवित्र आत्मा न मदत करी होतीस |

![](https://cdn.door43.org/obs/jpg/360px/obs-en-43-04.jpg)

जब यरुशलेम मा रवने वाला लोखहिन न वन हला ला आयकीन , त वय भीड़ को रूप मा यव देखन लाईक एक संग आया की का होए रही से | ऊन विश्वासीहिन ला परमेश्वर को द्वारा कराया गया मोठा - मोठा कामहिन की घोषणा करत आयकीन | वय आयेक सारी चकित भएगया काहेकी वय वन कामहिन ला आपरोच भाषाहिन मा आयकत रव्हत |

![](https://cdn.door43.org/obs/jpg/360px/obs-en-43-05.jpg)

येकों मालक काई लोखहिन न कहिन की वय चेला नशा मा सेत | पर पतरस ऊबो भएव अखिन उनको सीन बोलेव , “ मोरो बातहिन ला आयकों ! ये लोख नशा मा नहात ! एको अलावा , जे तुमि देखसेव ऊ ऊच आए जो योएल भविष्यद्वक्ता न कही होतीस की होए : परमेश्वर न कहीस , ‘ आखरी को दिवस मा , मी आपरो आत्मा उंडेलु देऊ | ”’

![](https://cdn.door43.org/obs/jpg/360px/obs-en-43-06.jpg)

“ अ इस्राएली लोगो , यीशु एक असो अदामी होतो जेन यव देखन लाईक की ऊ कोन होतो बहुत सारा अनोखा काम करिहोतीस | वन परमेश्वर को सामर्थ लक बहुत सा अद्भुत कामहिन ला करिहोतीस | तूमी येला जानसेव , काहेकि तुमीन येन कामहिन ला देखया सेव | पर तुमी न ओला क्रूस पर चढ़ाए देएत ! ”

![](https://cdn.door43.org/obs/jpg/360px/obs-en-43-07.jpg)

“ यीशु मर गएव पर परमेश्वर न ओला मरेव मालक जीतो कर देईस | येन वन बात ला पुरो करदेईस जेला एक भविष्यद्वक्ता न लिखिहोतीस : ‘ तू आपरो पवित्र जन ला कब्र मा सड़न नहीं देए | ’ आमी गवाह सेजन की परमेश्वर न यीशु ला मंग अदिक जीतो कर देईस | ”

![](https://cdn.door43.org/obs/jpg/360px/obs-en-43-08.jpg)

“ परमेश्वर बाप न आता यीशु ला आपरो ऊजो आंग बसाय सारी ओला आदर देईस | अखिन यीशु न आमरो लाईक पवित्र आत्मा धाडीसेस जसो की वन वादा करि होतीस की ऊ धाड़े | पवित्र आत्माच वन कामहिन ला होन देय रहीसे जेला तुमि देख रया सेव अखिन आयेक रया सेव | ”

![](https://cdn.door43.org/obs/jpg/360px/obs-en-43-09.jpg)

“ तुमि न वन आदमी , यीशु ला क्रूस पर चगाय देयात | पर निश्चित रूप लक जान लेव की परमेश्वर न यीशु ला सब चीजहिन पर प्रभु अखिन मसीह दुईहिन ला ठहराईसे | ”

![](https://cdn.door43.org/obs/jpg/360px/obs-en-43-10.jpg)

पतरस कि आयकने वाला लोख ओको द्वारा बोलेव बातहिन लक अंदर वरी हल गया होता | येकोलाईक ऊन पतरस अखिन चेलाहिन लक पूछिन , “ अ भाऊ , आमला का करणों पड़े ? ”

![](https://cdn.door43.org/obs/jpg/360px/obs-en-43-11.jpg)

पतरस न ऊनला जवाब देईस , “ तुमरो मालक हर एक आपरो पापहिन को लाईक पश्चाताप करेती ताकि परमेश्वर तुमरो पापहिन ला क्षमा करे , अखिन यीशु मसीह को नाव लक बपतिस्मा लेव | तब ऊ तुमला वरदान स्वरूप पवित्र आत्मा भी देए | ”

![](https://cdn.door43.org/obs/jpg/360px/obs-en-43-12.jpg)

पतरस न जो कहीस ओको पर लगभग 3,000 लोखहिन न विश्वास करिन अखिन यीशु का चेला बन गया | ऊन बपतिस्मा लेईन अखिन यरुशलेम की कलिसिया को हिस्सा बन गएव |

![](https://cdn.door43.org/obs/jpg/360px/obs-en-43-13.jpg)

जब प्रेरितहिन न ऊनला शिक्षा देईन त विश्वासीहिन न लगातार आयकीन | वय अक्सर मिलत होता अखिन एक संग भोजन करत होता , अखिन ऊन अक्सर एक दूसरों को लाईक प्रार्थना करिन | ऊन मिल सारी परमेश्वर की स्तुति करिन अखिन जो काई भी उनको जवर होतो ऊन एक दूसरों को संग साझा करिन | नगर का हर एक आदमी उनको लाईक साजरो विचार राखत होता | हरदिवस , जादा लक जादा लोख विश्वासी बनत गया |

*प्रेरितों के काम 2 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_43_32kbps.mp3

## 44. पतरस अखिन यूहन्ना न एक भिखारी ला साजरों करिन

https://openbiblestories.org/l/pwr/story-44/

![](https://cdn.door43.org/obs/jpg/360px/obs-en-44-01.jpg)

एक दिवस , पतरस अखिन युहन्ना मंदिर मा गया | एक लंगड़ा आदमी भीख मागन लाईक फाटक पर बसेव होतो |

![](https://cdn.door43.org/obs/jpg/360px/obs-en-44-02.jpg)

पतरस न वन लंगड़ा आदमी कर देखीस अखिन कहीस , “ मोरो जवर तोला देन लाईक पैसा त नाहात | पर जोव मोरो जवर से ऊ मी तोला देसु | यीशु को नाव लक , उठ अखिन चल – फिर | ”

![](https://cdn.door43.org/obs/jpg/360px/obs-en-44-03.jpg)

वंधावरच , परमेश्वर न वन लंगडा आदमी ला साजरों कर देईस | वन इतन - उतन चलनों अखिन कुदनो , अखिन परमेश्वर को स्तुति करणो सुरू कर देईस | मंदिर को आँगन मा जमा लोख अचम्भित होता |

![](https://cdn.door43.org/obs/jpg/360px/obs-en-44-04.jpg)

लवकरच लोखहिन की एक भीड़ वन आदमी ला देखन लाईक आई जो साजरों भए गएव होतो | पतरस न ओको सीन कहीस , “ यव आदमी साजरों से , पर येन बात पर अचम्भित नोको होओ | आमी न येला आपरो ताकत लक साजरों नहीं करया सेजन , अन येकोलाईक नहीं की आमी परमेश्वर को आदर करसेजन | बल्कि , ऊ यीशु आए जेन येन आदमी ला आपरो ताकत लक साजरों करीसेस , काहेकी आमी यीशु पर भरोसा करसेजन | ”

![](https://cdn.door43.org/obs/jpg/360px/obs-en-44-05.jpg)

“ ऊ तुमिच आव जेन वन रोमी राज्यपाल सीन यीशु ला मार डाकन लाईक कहया होतात | तुमि न ओला मार डाकायत जो सबजन ला जीवन देसे | पर परमेश्वर न ओला मरेव मालक जीतो करिस | तुमि नहीं समझो की तुमि का कर रया सेव , पर जब तुमी वन कामहिन ला करत होतात , त जो भविष्यद्वक्ताहिन न कही होतीन ऊ पुरो भएव | ऊन कहि होतीन की मसीह दु:ख उठाए अखिन मर जाए | परमेश्वर न येला एन तरीका लक होन देईस | येकोलाईक आब , पश्चाताप करो अखिन परमेश्वर कर घुमों , ताकि ऊ तुम्हारों पापहिन ला धोए सारी साफ कर देहे | ”

![](https://cdn.door43.org/obs/jpg/360px/obs-en-44-06.jpg)

जब मंदिर का गुरुहिन न पतरस अखिन यूहन्ना ला आयकीन , त वय बहुत घबराय गया | येकोलाईक ऊन्न उनला गिरफ्तार कर सारी जेलखानों मा डाक देईन | पर जो पतरस न कहिहोतीस ओको पर बहुत सारा लोखहिन न विश्वास करिन | यीशु पर विश्वास करने वालो की गिनती बढ़ सारी लगभग 5,000 भए गई |

![](https://cdn.door43.org/obs/jpg/360px/obs-en-44-07.jpg)

दूसरों दिवस , वय यहूदी गुरु पतरस अखिन यूहन्ना ला महायाजक अखिन दूसरा धार्मिक गुरुहीन को सामने धरसारी आया | वय वन आदमी ला भी धर सारी आया जो लंगड़ा होतो | ऊन्न पतरस अखिन यूहन्ना सीन खबर लेईन , “ कोनसों अधिकार लक तुमि न वन लंगड़ा आदमी ला साजरों कराया सेव ? ”

![](https://cdn.door43.org/obs/jpg/360px/obs-en-44-08.jpg)

पतरस न जवाब देईस , “ ऊ आदमी जो तुमरो सामने ऊबो से ऊ यीशु मसीह को ताकत लक साजरों भईसे | तुमि न यीशु ला क्रूस पर चढ़ाए देया सेव , पर परमेश्वर न ओला डबल लक जीतो कर देईसेस ! तुमि न ओला नकार देयात , पर यीशु को ताकत को माध्यम को अलावा उद्धार पावन लाईक कोनतोच दूसरों मार्ग नाहाय ! ”

![](https://cdn.door43.org/obs/jpg/360px/obs-en-44-09.jpg)

वय गुरु हैरान होता की पतरस अखिन यूहन्ना न बहुत हिमत लक बात करिन | ऊन्न देखिन की या त साधारण आदमी होता जो की अनपढ़ होता | पर मंग ऊनला याद आएव की ये आदमी यीशु को संग रव्हत होता | येकोलाईक ऊन उनको सीन कहिन , “ आमी तुमला बहुत जादा दंड देबीन अगर तुमि येन आदमी यीशु को बारे मा लोखहिन ला कोई अखिन संदेश ला देसेव त | ” असो बहुत सारी बातहिन ला करण को बाद मा , ऊन पतरस अखिन यूहन्ना ला जान देईन |

*प्रेरितों के काम 3:1-4:22 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_44_32kbps.mp3

## 45. स्तिफनुस अखिन  फिलिप्पुस

https://openbiblestories.org/l/pwr/story-45/

![](https://cdn.door43.org/obs/jpg/360px/obs-en-45-01.jpg)

पहीलों मसीह गुरुहीन को बीचमा स्तिफनुस नाव को एक आदमी होतो | सब लोख ओको आदर करत होता | पवित्र आत्मा न ओला बहुत ताकत अखिन ज्ञान प्रदान करी होतीस | स्तिफनुस न बहुत सारा चमत्कार करी होतीस | जब वन यीशु पर भरोसा करण को बारे मा उनला शिक्षा देईस त बहुत सा लोखहिन न ओको पर विश्वास करिन |

![](https://cdn.door43.org/obs/jpg/360px/obs-en-45-02.jpg)

एक दिवस , स्तिफनुस यीशु को बारे मा शिक्षा देत होतो , अखिन काई असा यहूदी आया जेन यीशु पर विश्वास नहीं करी होतीस अखिन ओको संग वाद - विवाद करणों सुरू कर देईन | वय बहुत गुसा भय गया , येकोंलाईक वय धार्मिक गुरुहीन को जवर गया अखिन ओको बारे मा झूठ बोलिन | ऊन कहिन , “ आमी न स्तिफनुस ला मूसा अखिन परमेश्वर को बारे मा गलत बात करता आयकाय सेजन ! ” येकोंलाईक धार्मिक गुरुहीन न स्तिफनुस ला जेलखानों मा डाक देईन अखिन ओला महायाजक अखिन यहूदीहिन का दूसरा गुरुहीन को सामने धर सारी आया | अखिन गलत गवाही देने वाला भी आया अखिन ऊन स्तिफनुस को बारे मा गलत बोलिन |

![](https://cdn.door43.org/obs/jpg/360px/obs-en-45-03.jpg)

महायाजक न स्तिफनुस सीन खबर लेईस , “ का ये लोख तोरो बारे मा सही बोल रया सेती का ? ” स्तिफनुस न महायाजक ला जवाब देन लाईक बहुत सारी बातहिन ला बोलनों सुरू करिस | वन कहीस की अब्राहम को बेरा पासून त यीशु को समय वरी परमेश्वर न इस्राएल को लोखहिन लाईक बहुत सारा साजरा काम करिसे | पर लोखहीन न हमेशा परमेश्वर की मानहानि करीसेन | स्तिफनुस न कहीस , “ तुमि लोख परमेश्वर को विरुद मुंडी अखिन बलवा करण वाला सेव | तुमिन हमेशा पवित्र आत्मा ला नकारया सेव , जसो की आमरो दादा - परदादाहिन न हमेशा पवित्र आत्मा ला नकारिन होतीन अखिन हमेशा उनको भविष्यद्वक्ताहिन ला मार डाकिन होतीन | पर जो ऊन करिहोतीन ओको तुलना मा तुमि न अखिन बेकार कराय सेव ! तुमी न मसीह ला मार देयात | ”

![](https://cdn.door43.org/obs/jpg/360px/obs-en-45-04.jpg)

जब वन धार्मिक गुरुहीन न यव आयकीन , त वय येतरा गुसा भया गया की ऊन आपरो कानहिन ला बंद कर लेईन अखिन ज़ोर को आवाज मा चिल्लाया | वय स्तिफनुस ला झिकन सारी गाँव मालक बाहेर लिजाहिन अखिन ओला मारन लाईक ओला गोटा मारिन |

![](https://cdn.door43.org/obs/jpg/360px/obs-en-45-05.jpg)

जब स्तिफनुस मरत होतो त , ऊ चिल्लाए उठेव , अ यीशु , मोरो हंश ला लेए ले ! ” तब ऊ आपरो टोघराहिन पर पडेव अखिन मंग अदिक चिल्लाए उठेव , अ प्रभु, यव पाप उनको पर नोको लगावजों | ” तब ऊ मर गएव |

![](https://cdn.door43.org/obs/jpg/360px/obs-en-45-06.jpg)

वन दिवस , यरुशलेम मा रव्हान वाला बहुत सारा लोखहीन न यीशु ला मानन वालाहिन ला सतावनों सुरू कर देईन , येकोलाईक विश्वासी लोख दूसरों जागा मा पराय गया | पर येकों बादमा भी , जहाँ भी वय गया ऊन यीशु को बारे मा प्रचार करिन |

![](https://cdn.door43.org/obs/jpg/360px/obs-en-45-07.jpg)

फिलिप्पुस नाव को यीशु को एक विश्वासी होतो | जसो की दूसरा बहुत सा विश्वासीहिन न करिहोतीन वय तरी यरुशलेम लक पराय गया | ऊ सामरिया को सरहेद मा चली गएव | वहाँ वन लोखहीन मा यीशु को बारे मा प्रचार करिस | बहुत सारा लोखहीन न ओको पर विश्वास करिन अखिन उद्धार ला प्राप्त करिन | एक दिवस , फिलिप्पुस को जवर परमेश्वर करलक एक स्वर्गदूत आएव अखिन ओला जंगल मा जान लाईक , अखिन एक रोड पर चलन लाईक कहीस | फिलिप्पुस वहाँ चलिगएव | जब ऊ वन रोड पर चलत होतो , त वन एक आदमी ला आपरो रथ मा जाता देखीस | ऊ आदमी कुश देश को एक खास अधिकारी होतो | पवित्र आत्मा न फिलिप्पुस सीन कहीस की जायसारि वन आदमी को संग - संग चल |

![](https://cdn.door43.org/obs/jpg/360px/obs-en-45-08.jpg)

येकोलाईक फिलिप्पुस रथ को जवर गएव | वन आयकिस की ऊ कुशी परमेश्वर को वचन ला पढ़त होतो | जो यशायाह भविष्यद्वक्ता न लिखी होतीस ऊ ओला पढ़त होतो | ऊ पढ़त होतो , “ वय ओला मरण लाईक लिजाने वालो भेड़ को जसो लिजाईन , अखिन जसो एक मेमना चुपचाप रवसे , वन तरी एक शब्द नहीं कहीस | ऊन ओको संग गलत व्यवहार करिन अखिन ओको आदर नहीं करिन | ऊन को प्राण ला लेए लेईन | ”

![](https://cdn.door43.org/obs/jpg/360px/obs-en-45-09.jpg)

फिलिप्पुस न वन कुशी सीन खबर लेईस , “ जेव तू पढ़ रही से का तू ओला समझ भी से ? ” वन कुशी न जवाब देईस , “ नहीं | जब वरी कोई येला मोला नहीं समझायेत , तब वरी मी येला नही समझ सकु | कृपा कर सारी मोरो जवर आयसारि बस | यशायाह यव आपरो बारे मा लिखत होतो या कोई दूसरों को ? ”

![](https://cdn.door43.org/obs/jpg/360px/obs-en-45-10.jpg)

फिलिप्पुस रथ पर चंग सारी बस गएव | तब वन ओला कुशी आदमी ला ऊ सांगिस की जो यशायाह न यीशु को बारे मा लिखिसे | फिलिप्पुस न परमेश्वर को वचन को बहुत सा दूसरो भागहिन की भी चर्चा करिस | येन तरीका लक , वन वन आदमी ला यीशु को बारे मा शुभ संदेश ला संगीस |

![](https://cdn.door43.org/obs/jpg/360px/obs-en-45-11.jpg)

फिलिप्पुस अखिन ऊ कुशी चलता चलता पानी को जवर आया | वन कुशी न कहीस , “ देखो ! यहाँ पानी से ! का मी बपतिस्मा लेए सिकुसु ? ” अखिन वन रथ चलावन वालो सीन कहीस की रथ रोक |

![](https://cdn.door43.org/obs/jpg/360px/obs-en-45-12.jpg)

अधिक वय पानी मा चली गया , अखिन फिलिप्पुस न वन कुशी ला बपतिस्मा देईस | जब वय पानी मालक बाहेर आया , त पवित्र आत्मा येकदाम लक फिलिप्पुस ला उठाय सारी दूसरों जागा मा लिजाईस | वहाँ फिलिप्पुस न लोखहीन ला यीशु को बारे मा सागनों सुरू राखीस |

![](https://cdn.door43.org/obs/jpg/360px/obs-en-45-13.jpg)

ऊ कुशी आपरो घर कर जान लाईक सामने गएव | ऊ खुश होतो की ऊ आता यीशु ला जानत होतो |

*प्रेरितों के काम 6:8-8:5; 8:26-40 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_45_32kbps.mp3

## 46. पौलुस मसीह विश्वासी बन जासे

https://openbiblestories.org/l/pwr/story-46/

![](https://cdn.door43.org/obs/jpg/360px/obs-en-46-01.jpg)

शाऊल नाव को एक आदमी होतो जेन यीशु पर विश्वास नहीं करी होतीस | जब ऊ जवान होतो , तब वन स्तिफनुस ला मारने वाला लोखहीन को कपड़ा ला देख-रेख करत होतो | बाद मा , वन विश्वासीहिन ला सताईस | वन यरुशलेम मा घर - घर जायसारि आदमी अखिन बायकाहिन ला दुई ला गिरफ्तार कर सारी जेलखानों मा डाकत होतो | तब महायाजक न शाऊल ला दमिश्क गाँव मा जान की परवानगी देईस | वन वहाँ का मसिहिहिन ला गिरफ्तार करण ला अखिन उनला वापिस यरुशलेम धरकर आवन लाईक शाऊल सीन कहिस |

![](https://cdn.door43.org/obs/jpg/360px/obs-en-46-02.jpg)

अधिक शाऊल न दमिश्क जान की यात्रा ला सुरवात करिस | वन नगर मा जानको थोड़ों पयलेच , ओको आसपास बादर मालक एक उजाड़ो भएव , अखिन ऊ जागा पर पड़ गएव | शाऊल न कोई ला बोलता आयकिस , “ अ शाऊल ! अ शाऊल ! तू मोला कायला सताय रही से ? ” शाऊल न खबर लेईस , “ अ प्रभु तू कौन आस ? ”

![](https://cdn.door43.org/obs/jpg/360px/obs-en-46-03.jpg)

जब शाऊल उठे त ऊ देख नहीं सिकत होतो | ओका संगी ओला दमिश्क मा धरसारी गया होता | शाऊल न तीन दिवस वरी काई खाईस नाहि ना काई पीईस नहि |

![](https://cdn.door43.org/obs/jpg/360px/obs-en-46-04.jpg)

दमिश्क मा हनन्याह नाव को एक चेला होतो | परमेश्वर न ओको सीइन कहीस , “ वन घर मा जाय जहाँ शाऊल रुकेव से | आपरो हाथहिन ला ओको पर राख ताकि ऊ मंग डबल लक देख सीके | ” पर हनन्याह न कहीस , “ अ प्रभु , मीन आयकी सेव की येन आदमी न विश्वासीहिन ला कसो सताईस | ” परमेश्वर न ओला जवाब देईस , “ जाय ! मीन ओला यहूदीहिन मा अखिन दूसरों जातीहिन को लोखहीन मा मोरो नाव को बारे मा सांगन लाईक पसंद करलेइसेव | ऊ मोरो नाव लाईक बहुत दुःख ला झेले | ”

![](https://cdn.door43.org/obs/jpg/360px/obs-en-46-05.jpg)

अधिक हनन्याह शाऊल को जवर गएव , आपरो हाथहिन ला ओको पर राखीस , अखिन कहीस , “ यीशु न , जो यहाँ आवन को तोरो मार्ग मा तोरो पर प्रकट भएव होतो , मोला तोरो जवर धाड़िसेस ताकि तू अदिक डबल लक देखन लगजों , अखिन पवित्र आत्मा तोला भर देए | ” वंधारच शाऊल मंग अदिक डबल लक देखन लगेव, अखिन हनन्याह न ओला बपतिस्मा देईस | तब शाऊल न खानो खाईस अखिन मंग अदिक डबल लक बलवंत भए गएव |

![](https://cdn.door43.org/obs/jpg/360px/obs-en-46-06.jpg)

तब पासून , शाऊल न दमिश्क मा रव्हन वाला यहूदीहिन मा प्रचार करणो चालू कर देईस | वन कहीस , “ यीशुच परमेश्वर को टुरा आय ! ” यहूदी लोख अचम्भित होता , काहेकी शाऊल न त विश्वासीहिन ला मारन की कोसिस करी होतीस , पर आता ऊ यीशु पर विश्वास करसे | शाऊल न यहूदीहिन को संग वाद - विवाद करिस | वन देखाईस की यीशुच मसीह होतो |

![](https://cdn.door43.org/obs/jpg/360px/obs-en-46-07.jpg)

बहुत दिवस को बाद मा , यहूदीहिन न शाऊल ला मार डाकन की योजना ला बनाईन | उन्न ओला मार डाकन लाईक गाँव को फाटक पर लोखहीन ला धाड़िस | की ओकी देखरेख करेती पर शाऊल न वन योजना को बारे मा आएक लेईस , अखिन ओको संगीहिन न बच सारी निकलन मा ओकी मदत करिन | एक रात मा ऊन ओला टोपली मा बसाए सारी गाँव को दीवाल लक ओला खालत्या उतार देईन | दमिश्क लक बच सारी निकलन को बाद मा शाऊल न यीशु को बारे मा प्रचार करणों सुरू राखीस |

![](https://cdn.door43.org/obs/jpg/360px/obs-en-46-08.jpg)

शाऊल चेलाहीन सीन मिलन लाईक यरुशलेम गएव , पर वय ओको सीन डरत होता | तब बरनबास नाव को एक विश्वासी शाऊल ला चेलाहीन को जवर धरसारी लिजाईस | वन ऊनला सागीस की शाऊल न कसो निडर होयसारि दमिश्क मा प्रचार करिस होतीस | ओको बाद मा , चेलाहीन न शाऊल ला आमंत्रित कर लेईन |

![](https://cdn.door43.org/obs/jpg/360px/obs-en-46-09.jpg)

काई विश्वासी जो यरुशलेम को सताव लक पराय गया होता वय दूर अंताकिया नगर मा चली गया होता अखिन यीशु को बारे मा प्रचार करत होता | अंताकिया मा रव्हने वाला लोख जादातर यहूदी नोव्हता , पर पहेली बार , उनको मालक बहुत सा लोख विश्वासी बन गया होता | बरनबास अखिन शाऊल येन नवीन विश्वासीहिन ला यीशु को बारे मा जादा सिखावन लाईक वहाँ गया अखिन कलिसिया ला मजबूत करिस | यीशु पर विश्वास करन वाला पहेली बार अंताकिया माच “ मसीही ” कव्हनो मा आया |

![](https://cdn.door43.org/obs/jpg/360px/obs-en-46-10.jpg)

एक दिवस , अंताकिया का मसीही लोख उपास को संग प्रार्थना करत होता | पवित्र आत्मा न ओको सीन कहीस , “ मोरो लाईक बरनबास अखिन शाऊल ला वन काम ला करण लाईक अलग कर देव जोला करण लाईक मीन ओला बुलाईसेव | ” काहेकी अंताकिया की कलिसिया न बरनबास अखिन शाऊल को लाईक प्रार्थना करया अखिन ऊन को पर हाथहिन ला राखिन | तब ऊन्न उनला दूसरा बहुत सा जागाहिन पर यीशु को बारे मा शुभ शंदेस को प्रचार करण लाईक धाड देईन | बरनबास अखिन शाऊल न अलग-अलग जातीहिन को लोखहीन ला शिक्षा देईस , अखिन बहुत सा लोखहीन न यीशु मा विश्वास करिन |

*प्रेरितों के काम 8:3; 9:1-31; 11:19-26; 13:1-3 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_46_32kbps.mp3

## 47. फिलिप्पी मा पौलुस अखिन सीलास

https://openbiblestories.org/l/pwr/story-47/

![](https://cdn.door43.org/obs/jpg/360px/obs-en-47-01.jpg)

जब शाऊल न पुरो रोमी साम्राज्य मा यात्रा करिस त वन आपरो रोमी नाव “ पौलुस ” को उपयोग करणों सुरू कर देईस | एक दिवस , पौलुस अखिन ओको संगी सीलास फिलिप्पी नगर मा यीशु को बारे मा शुभ संदेश सांगन लाईक गया | वय गाँव को बाहेर नदी को किनारो पर एक जागा पर गया जहाँ लोख प्रार्थना करण लाईक जमा होता | वहाँ वय लुदिया नाव को एक बायको सीन मिलया जो एक व्यापारी करत होती | वा परमेश्वर सीन प्रेम करत होती अखिन ओकी आराधना करत होती |

![](https://cdn.door43.org/obs/jpg/360px/obs-en-47-02.jpg)

परमेश्वर न लुदिया ला यीशु को बारे मा संदेश पर विश्वास करन लाईक तैयार करिस | पौलुस अखिन सीलास न ओला अखिन ओको परिवार ला बपतिस्मा देईस | वन पौलुस अखिन सीलास ला आपरो घर रुकन लाईक बुलाईस , येकोलाईक वय वहाँ रुक गया |

![](https://cdn.door43.org/obs/jpg/360px/obs-en-47-03.jpg)

पौलुस अखिन सीलास लोखहीन सीन अक्सर वन जागा पर भेटत होता जहाँ यहूदी लोख अक्सर प्रार्थना करत होता | हर दिवस जब वय वहाँ जात होता त एक दासी टुरी जाय दुष्टात्मा लक जकड़ी होती उनको मंग मंग जात होती | येन दुष्टात्मा को लक वा लोखहीन को भविष्य सागत होती , येकोलाईक वा भविष्य सागन वाली को जसो आपरो स्वामी ला बहुत पैसा कमाके देत होती |

![](https://cdn.door43.org/obs/jpg/360px/obs-en-47-04.jpg)

ऊनको जान को समय मा वा दासी टुरी चिल्लावत होती , “ ये आदमी परम प्रधान परमेश्वर का सेवक सेत | ये तुमला उद्धार को मार्ग साग राया सेती ! ” वा हर दिवस असो करत होती जोकोलक पौलुस नाराज भए गएव |

![](https://cdn.door43.org/obs/jpg/360px/obs-en-47-05.jpg)

आखरी मा , एक दिवस जब वन दासी टुरी न चिल्लावनों सुरू करिस , त पौलुस न ओको कर घूम सारी ओको अंदर मा को दुष्टात्मा सीन कहीस , “ यीशु को नाव लक येकों मालक निकल जाए | ” वंधावरच वन दुष्टात्मा न ओला छोड़ देईस |

![](https://cdn.door43.org/obs/jpg/360px/obs-en-47-06.jpg)

वन दासी टुरी का स्वामी बहुत गुस्सा भय गया | ऊनला मालूम भए गएव की बगेर वन दुष्टात्मा को वा दासी टुरी लोखहीन ला भविष्य नहीं सांग सिकत होती | येकों अर्थ होतो की लोख आता ओको स्वामीहिन ला पैसा नहीं देयेती की ऊ उनला भविष्य सांगे की उनको संग का होए |

![](https://cdn.door43.org/obs/jpg/360px/obs-en-47-07.jpg)

येकोलाईक वन दासी टुरी को स्वामी पौलुस अखिन सीलास ला रोमी अधिकारीहिन को जवर लिजाईन | उन्न पौलुस अखिन सीलास ला पिटिन , अखिन मंग अदिक ऊनला जेलखानों मा डाक देईन |

![](https://cdn.door43.org/obs/jpg/360px/obs-en-47-08.jpg)

ऊन पौलुस अखिन सीलास ला जेलखानों को असो भाग मा राखिन जहाँ पर सब लक जादा सिपाही होता | यहाँ वरी की ऊन उनको पायहिन ला लकड़ी को मोठों टुकड़ा मा जोड़ देईन | पर पौलुस अखिन सीलास अरधो रात को समय मा , परमेश्वर की स्तुति का गीत गावत होता |

![](https://cdn.door43.org/obs/jpg/360px/obs-en-47-09.jpg)

एकदम लक , एक भयानक भूकम्प भएव ! जेलखानों का पूरा दरवाजा खुल गया , अखिन पुरो कैदीहिन की हथ्कडी खुल सारी खालत्या पढ़ गई |

![](https://cdn.door43.org/obs/jpg/360px/obs-en-47-10.jpg)

तब दरोगा उठ गएव | वन देखीस की जेलखानों का दरवाजा खुला होता | वन सोचिस की सपाई कैदी बच सारी पराय गया होता | ऊ घबराय गएव की ऊनको पराय जान को वजह लक रोमी अधिकारी ओला मार डाकेती , येकोलाईक ऊ खुद ला मार डाकन लाईक तैयार भए गएव ! पर पौलुस ओला देख सारी चिल्लाएव , “ रुक जाय ! खुद ला नुकसान नोको करूस | आमी सबजन यहा सेजन | ”

![](https://cdn.door43.org/obs/jpg/360px/obs-en-47-11.jpg)

वन दरोगा न काँप सारी पौलुस अखिन सीलास को जवर आय सारी खबर लेईस , “ उद्धार ला प्राप्त करन लाईक मी का करू ? ” पौलूस न जवाब देईस, “प्रभु यीशु पर विश्वास कर , त तू अखिन तोरो परिवार को उद्धार होए जाए | ” तब ऊ दरोगा पौलुस अखिन सीलास ला आपरो घर लिजाईस अखिन उनको घावहिन ला धोईस | पौलुस न ओको घर का पुरो लोखहीन ला यीशु को बारे मा शुभ संदेश ला सुनाईस |

![](https://cdn.door43.org/obs/jpg/360px/obs-en-47-12.jpg)

दरोगा अखिन ओको पुरो परिवार न यीशु पर विश्वास करिस , येकोलाईक पौलुस अखिन सीलास न ऊनला बपतिस्मा देईन | तब दरोगा न पौलुस अखिन सीलास ला जेवन ला देईस , अखिन वय एक संग आनन्दित भया |

![](https://cdn.door43.org/obs/jpg/360px/obs-en-47-13.jpg)

दूसरों दिवस नगर का गुरुहीन न पौलुस अखिन सीलास ला जेलखानों मालक आजाद कर देईन अखिन फिलिप्पी लक चली जान लाईक कहिन | पौलुस अखिन सीलास लुदिया अखिन काई दूसरा संगीहिन सीन मिल्या अखिन ओको बाद मा गाँव लक निकल गया | यीशु को बारे मा शुभ संदेश बगरत गएव , अखिन कलिसिया बढत गई |

![](https://cdn.door43.org/obs/jpg/360px/obs-en-47-14.jpg)

पौलुस अखिन दूसरा मसीही गुरुहीन न बहुत सारा गाँवहिन की यात्रा करिन | ऊन लोखहीन ला यीशु को बारे मा शुभ संदेश सूनाईन | ऊन कलिसियाहिन का विश्वासीहिन ला उत्साहित करन लाईक अखिन शिक्षा देन लाईक कई पत्रहिन ला लिखिन | येकों मालक काई पत्र बाइबल की पुस्तक बन गई |

*प्रेरितों के काम 16:11-40 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_47_32kbps.mp3

## 48. यीशुच वादा करेव वालो मसीह आए

https://openbiblestories.org/l/pwr/story-48/

![](https://cdn.door43.org/obs/jpg/360px/obs-en-48-01.jpg)

जब परमेश्वर न संसार ला बनाईस त सब काई साजरों होतो | कोणतोच पाप नोव्हतों | आदम अखिन हव्वा एक दूसरों सीन प्रेम करत होता , अखिन वय परमेश्वर सीन प्रेम करत होता | कोईच बीमारी या मृत्यु नोव्हती | परमेश्वर असोच संसार ला पसन्द करत होतो |

![](https://cdn.door43.org/obs/jpg/360px/obs-en-48-02.jpg)

शैतान न सरप को माध्यम लक बगीचा मा हव्वा सीन बात करिस , काहेकी ऊ ओला धोखा देनला चाव्हत होतो | तब हव्वा अखिन आदम न परमेश्वर को विरुद्ध पाप करिन | काहेकी ऊन्न पाप करिन होतीन येकोलाईक जागा मा रव्हन वाला पूरा जन मरसेती |

![](https://cdn.door43.org/obs/jpg/360px/obs-en-48-03.jpg)

काहेकी आदम अखिन हव्वा न पाप करिन होतीन , येकोलाईक काई अखिन बुरों भएव | वय परमेश्वर का दुशमन बन गया | जोकों परिणाम – स्वरूप , तब पासून हर एक जन न पाप करी से | हर एक जन पैदाईसीच परमेश्वर को दुशमन से | परमेश्वर अखिन लोखहीन को बीच मा शान्ति नोव्हती | पर परमेश्वर शान्ति स्थापित करन ला चाव्हत होतो |

![](https://cdn.door43.org/obs/jpg/360px/obs-en-48-04.jpg)

परमेश्वर न वादा करिस की हव्वा को एक खानदान शैतान को डोसकी ला कुचले | वन यव भी कही होतीस की शैतान ओको एडी ला चाबे | दूसरों शब्द मा , शैतान मसीह ला मार डाके , पर परमेश्वर ओला मंग अदिक फिर लक जीतो कर देहे | येकों बाद मा , मसीह शैतान को ताकत ला हमेशा को लाईक खत्म कर देहे | कई साल को बाद मा , परमेश्वर न प्रकट करिस की ऊ मसीह यीशु आए |

![](https://cdn.door43.org/obs/jpg/360px/obs-en-48-05.jpg)

परमेश्वर न वन पुर लक आपरो परिवार ला बचाईस जेला ऊ आनेवालों होतो | नूह सीन एक डोगा बनावन लाईक कहिस की ऊ येन तरीका लक परमेश्वर न वन लोखहिन ला बचाईस जो ओको पर विश्वास करत होता | येन तरीका लक , वय सब का सब परमेश्वर को लक मार डाकन को योग्य होता काहेकी ऊन पाप करिन होतीन | पर परमेश्वर न वन सब जन ला बचावन लाईक यीशु ला धाड़िस जो ओको पर विश्वास करसेत |

![](https://cdn.door43.org/obs/jpg/360px/obs-en-48-06.jpg)

कईयो साल वरी , याजक परमेश्वर को लाईक बलिदान चढ़ाव्त रया | यव दर्शाव से की लोखहिन न पाप करिन , अखिन यव की वय परमेश्वर सीन ऊनला दंडित करन को योग्य सेत | पर वय बलिदान उनको पापईन ला माप्फ़ नहीं कर सिक्या | यीशु सब लक मोठो महायाजक से | वन ऊ करिस जे कोई याजक नहीं कर सकत होतो | वन ऊ एकमात्र बलिदान होन लाईक खुद ला देईस जो हर कोई को पापहिन ला मिटाय सिकत होतो | वन स्वीकार करिस की परमेश्वर वन सब जन को पापहिन को लाईक ओला दंडित करे | येन तरीका लक , यीशु सिद्ध महायाजक होतो|

![](https://cdn.door43.org/obs/jpg/360px/obs-en-48-07.jpg)

परमेश्वर न अब्राहम सीन कहीस , “ मी तोरो लक संसार का पुरो कुलहिन ला आशीष देऊ | ” यीशु येनच अब्राहम को खानदान मालक होतो | परमेश्वर अब्राहम को वजह लक पुरो कुलहिन ला आशीष देसे , काहेकी जो यीशु पर विश्वास करसेती परमेश्वर वन सब जन ला पाप मा लक बचावसे | जब ये लोख यीशु पर विश्वास करसेती , त परमेश्वर ऊनला अब्राहम को खानदान मानसे |

![](https://cdn.door43.org/obs/jpg/360px/obs-en-48-08.jpg)

परमेश्वर न अब्राहम सीन कहीस की ऊ आपरो खुद को बेटा ला , ओको लाईक बलिदान करदेए | पर मंग अदिक डबल लक परमेश्वर न इसहाक को बदला मा बाली करन लाईक एक मेमना ला देईस | आमी सब जन आपरो पापहिन लाईक मर जान को लाएक होता ! पर परमेश्वर न आमरो जागा पर मरण लाईक यीशु ला बलिदान को रूप मा देईस | येनच वजह लक आमी यीशु ला परमेश्वर को मेमना कसेजन |

![](https://cdn.door43.org/obs/jpg/360px/obs-en-48-09.jpg)

जब परमेश्वर न मिस्र पर आखरी माहामारी ला धाड़िस त वन हर एक इस्राएली परिवार सीन कहीस की वय एक मेमना की बलि करेती | वन मेमना मा काई दोष नहीं रहे पायचे | तब आपरो दरवाजो को चौखट को ओरत्या अखिन आजू - बाजू मा ओको खून ला लगावनों होतो | जब परमेश्वर न वन खून ला देखीस त ऊ उनको घर लक सामने चली गएव अखिन उनको पहेलो टुरा ला नहीं मारिस | जब यव भएव त परमेश्वर न येला फसह को पर्व कहीस |

![](https://cdn.door43.org/obs/jpg/360px/obs-en-48-10.jpg)

यीशु फसह को पर्व को एक मेमना को जसो से | वन कभी पाप नहीं करिस , येकोलाईक ओको मा काई गलत नोव्हतों | ऊ फसह को पर्व को समय मा मरेव | जब कोई यीशु पर विश्वास करसे , तब यीशु को खून वन आदमी को पापहिन की कीमत चुकावत होतो | यव असो से जसो की परमेश्वर वन आदमी को जवर लक सामुर चली गएव , काहेकी ऊ ओला दण्ड नहीं देत होतो |

![](https://cdn.door43.org/obs/jpg/360px/obs-en-48-11.jpg)

परमेश्वर न इस्राएली लोखहिन को संग एक वायदा करिस , काहेकी वय असा लोख होता जोला परमेश्वर न आपरो हों लाईक पसन्द करी होतीस | पर आता परमेश्वर न एक असो वादा करीसेस जो की सबजन लाईक से | अगर कोईच जात को भी जन येन वायदा ला स्वीकार कर सिकसे, त ऊ परमेश्वर को लोखहिन मा मिल जासे | ऊ असो येकोलाईक करसे काहेकी ऊ यीशु पर विश्वास करसेत |

![](https://cdn.door43.org/obs/jpg/360px/obs-en-48-12.jpg)

मूसा एक असो भविष्यद्वक्ता होतो जेन परमेश्वर को वचन ला मोठों सामर्थ लक प्रचार करी होतीस | पर यीशु पुरो भविष्यद्वक्ताहिन मालक सबसिन मोठों से | ऊ परमेश्वर से , येकोलाईक जो काईच वन करिस अखिन कहीस ऊ परमेश्वर को कार्य अखिन वचन होतो | येकोलाईक पवित्र - शास्त्र यीशु ला परमेश्वर को वचन कसे |

![](https://cdn.door43.org/obs/jpg/360px/obs-en-48-13.jpg)

परमेश्वर न राजा दाऊद सीन वादा करी होतीस की राजा को रूप मा ओको एक वंशज परमेश्वर को लोखहिन पर हमेशा को लाईक राज्य करे | यीशु परमेश्वर को टुरा अखिन मसीह आय , येकोलाईक ऊ राजा दाऊद को वंशज से जो हमेशा को लाईक राज्य कर सिकसे |

![](https://cdn.door43.org/obs/jpg/360px/obs-en-48-14.jpg)

दाऊद त इस्राएल को राजा होतो , पर यीशु पुरो संसार को राजा होतो ! ऊ मंग अदिक डबल लक आए अखिन हमेशा को लाईक न्याय अखिन शान्ति लक आपरो राज्य पर अधिक करे |

*उत्पत्ति 1-3, 6, 14, 22; निर्गमन 12, 20; 2 शमूएल 7; इब्रानियों 3:1-6, 4:14-5:10, 7:1-8:13, 9:11-10:18; प्रकाशितवाक्य 21 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_48_32kbps.mp3

## 49. परमेश्वर को नवीन वादा

https://openbiblestories.org/l/pwr/story-49/

![](https://cdn.door43.org/obs/jpg/360px/obs-en-49-01.jpg)

एक स्वर्गदूत न एक जवान बायको मरियम सीन कहीस की वा परमेश्वर को टुरा ला जन्म देहे | वा आब भी कूवारी होती , पर पवित्र आत्मा ओको जवर आएव अखिन वा पेट लक रई | वन एक टुरा ला जन्म देईस जेकों नाव वन यीशु राखीस | येकोलाईक , यीशु अखिन आदमी दुई से |

![](https://cdn.door43.org/obs/jpg/360px/obs-en-49-02.jpg)

यीशु न बहुत सारा चमत्कार करिस की ऊ परमेश्वर से | ऊ पानी पर चलेव अखिन धुदाड ला शान्त करिस | वन बहुत सारा बीमार लोकहिन ला साजरों करिस अखिन बहुत सा लोखहिन मालक दुष्टात्माहिन ला निकालिस | वन मरेव लोखहीन ला जीतो कर देईस , अखिन वन पाँच रोटी अखिन दुई मसरीहिन लक 5,000 लोखहीन ला खवावन लाईक खानो कर देईस |

![](https://cdn.door43.org/obs/jpg/360px/obs-en-49-03.jpg)

यीशु एक माहान गुरु भी होतो | जो काई वन सिखाईस , ऊ वन सिद्धान्त को संग सिखाईस | जो ऊ लोखहीन सीन करन लाईक कव्हत होतो ऊ उनला करे पायजे काहेकी ऊ परमेश्वर को टुरा आए | उदाहरण लाईक , वन सिकाईस की तुमला दूसरो लोखहीन सीन तसोच प्रेम करन की जरूरत से जसो तुमि खुद लक प्रेम कर सेव |

![](https://cdn.door43.org/obs/jpg/360px/obs-en-49-04.jpg)

वन यव भी सिखाहिस की तुमला सब चीजहिन सीन भी जादा अखिन आपरो धन संपत्ति लक भी जादा परमेश्वर सीन प्रेम करनो से |

![](https://cdn.door43.org/obs/jpg/360px/obs-en-49-05.jpg)

यीशु न कहीस की संसार मा कोनतोच काही चीज ला प्राप्त करेव लक अखिन जादा सजरों लगसे परमेश्वर को राज्य मा रव्हनों | ओको राज्य मा तुमारों प्रवेश करन लाईक आवश्यक से की परमेश्वर तुमला तुमारों पापहिन लक बचाए |

![](https://cdn.door43.org/obs/jpg/360px/obs-en-49-06.jpg)

यीशु न कहीस की काई लोख ओला ग्रहण करेती | परमेश्वर वन लोखहिन न ला बचाए| पर दूसरा लोख ओला ग्रहण नहीं करेती | वन यव भी कहीस की काई लोख सजरों जागा को जसो से , काहेकी वय यीशु को बारे मा शुभ संदेश ला मान लेसेती , अखिन परमेश्वर उनला बचाव से | पर काई लोख मार्ग को कठोर जागा को जसा सेती | परमेश्वर को वचन बीज को जसो मार्ग पर पढ़ से , पर वहाँ काई भी नही वाप | ये लोख यीशु को बारे मा संदेश ला नकार देसेती | वय ओको राज्य मा प्रेवेश करन सीन नकार देसेती |

![](https://cdn.door43.org/obs/jpg/360px/obs-en-49-07.jpg)

यीशु न सिखाहिस की परमेश्वर पापीहिन सीन बहुत प्रेम करसे | ऊ उनला माफ करन ला चाव्हसे अखीन उनला आपरि संतान बनावन ला चाव्हसे |

![](https://cdn.door43.org/obs/jpg/360px/obs-en-49-08.jpg)

यीशु न यव भी सांगीस की परमेश्वर पाप सीन नफरत करसे | काहेकी आदम अखिन हव्वा न पाप करिस , येकोलाईक ओको पुरो वंशजहहीन पाप करिन | येन संसार मा रव्हने वाला हर एक जन पाप करसेती अखिन परमेश्वर सीन दूर सेत | हर एक जन परमेश्वर को दुशमन से |

![](https://cdn.door43.org/obs/jpg/360px/obs-en-49-09.jpg)

पर परमेश्वर न येन संसार मा रव्हने वाला हर एक जन लक येन तरीका लक प्रेम करिस : की वन आपरो एकलौतो टुरा ला देए देईस ताकि परमेश्वर उनला दण्ड नोको देए जो ओको पर विश्वास करसेती | येकों अलावा , वय ओको संग हमेशा को लाईक रहेती |

![](https://cdn.door43.org/obs/jpg/360px/obs-en-49-10.jpg)

तुमि मरन को कगार मा सेव , काहेकी तुमीन पाप कराय सेव | तुमरो सीन परमेश्वर ला गुस्सा मा आवनों पढ़ेव , येकों अलावा , ऊ यीशु पर गुस्सा भएव | वन यीशु ला क्रूस को मृत्यु देए सारी दण्ड देईस |

![](https://cdn.door43.org/obs/jpg/360px/obs-en-49-11.jpg)

यीशु न कभीच पाप नहीं करिस , पर वन परमेश्वर ला ओला दण्ड देन देईस | वन मर जान लाईक कबूल करिस | येन तरीका लक , तुमरो पापहिन ला अखिन येन संसार मा रव्हने वाला हर एक जन को पापहिन ला उठा वन लाईक एक सिद्ध बलिदान होतो | यीशु न खुद ला परमेश्वर को लाईक बलिदान कर देईस , येकोलाईक परमेश्वर कोईच पाप ला , यहाँ वरी की भयंकर पापहिन ला तरी माफ करसे |

![](https://cdn.door43.org/obs/jpg/360px/obs-en-49-12.jpg)

बलकि तुमि बहुत सा साजरा कामहिन ला करसेव , त येकों लका परमेश्वर तुमला नहीं बचाए | ओको संगी बनन लाईक असो काहीच नाहाय जो तुमि कर सिकसेव | येकों अलावा , तुमला विश्वास करणो से की यीशु परमेश्वर को टुरा आए , अखिन ऊ तुमरो जागा पर खुद क्रूस पर मर गएव , अखिन यव की परमेश्वर न ओला मंग अदिक डबल लक जीतो कर देईस | अगर तुमि येकों पर विश्वास करो , त परमेश्वर तुमारों पापहिन ला माफ कर देहे |

![](https://cdn.door43.org/obs/jpg/360px/obs-en-49-13.jpg)

परमेश्वर वन हर एक जन ला बचाए जो यीशु पर विश्वास करसे | अखिन ओला आपरो प्रभु मान लेसे | पर ऊ उनला नहीं बचाए जो ओको पर विश्वास नहीं कर | यव काई मायना नाहाय राख़ की तुमि धनी सेव या गरीब सेव , आदमी सेव या बाई सेव , बुडगा सेव या जवान सेव , या तुमि कहाँ रव्हसेव | परमेश्वर तुमरो सीन प्रेम करसे अखिन चाव्हसे की तुमि यीशु पर विश्वास करो की ऊ तुमरो संगी बन जाए |

![](https://cdn.door43.org/obs/jpg/360px/obs-en-49-14.jpg)

यीशु तुमला बुलाए रहीसे की ओको पर विश्वास करो अखिन बपतिस्मा लेव | का तुमि विश्वास करसेव की परमेश्वर को एकलौतो टुरा , यीशुच मसीह आए ? का तुमि विश्वास करसेव की तुमि एक पापी सेव अखिन यव की तुमि परमेश्वर लक तुमला दंडित करन को योग्य सेव ? का तुमि विश्वास करसेव की तुमरो पापहिन ला मिटावन लाईक यीशु क्रूस पर मरेव ?

![](https://cdn.door43.org/obs/jpg/360px/obs-en-49-15.jpg)

अगर तुमि यीशु पर अखिन जेव काई वन तुमरो लाईक करिसे ओको पर विश्वास करसेव , त तुमि एक मसीही सेव ! शैतान आपरो अंधारों राज्य मा आता तुमरो पर राज्य नहीं करसिक | आता परमेश्वर आपरो तेज को राज्य मा तुमरो पर अधिकार करसे | वन तुमला पाप करन सीन रोख देई सेस , जेला तुमि करत होतात | वन तुमला एक नवो , अछो जीवन देइसे |

![](https://cdn.door43.org/obs/jpg/360px/obs-en-49-16.jpg)

अगर तुमि एक मसीही सेव त जो यीशु न करीसेस ओको वजह लक परमेश्वर न तुमरो पापहिन ला माफ कर देई सेस | आता , परमेश्वर एक दुशमन सीन भी जादा तुमला एक खास दोस्त बनावसे |

![](https://cdn.door43.org/obs/jpg/360px/obs-en-49-17.jpg)

अगर तुमि परमेश्वर का संगी सेव अखिन प्रभु यीशु का सेवक सेव त तुमि वन बातहिन ला मानन की इच्छा रखो जो यीशु न तुमला सिकावसे | भले तुमि एक मसीही आव , शैतान आब भी पाप करन लाईक तुमरी परीक्षा लेहे | पर परमेश्वर हमेशा ऊ कसे की जो ऊ कसे की ऊ करे | ऊ कसे की अगर तुमि आपरो पापहिन ला मान लेओ , त ऊ तुमला माफ कर देहे | ऊ तुमला पाप को विरुद्ध लड़न लाईक ताकत देहे |

![](https://cdn.door43.org/obs/jpg/360px/obs-en-49-18.jpg)

परमेश्वर तुमला प्रार्थना करन अखिन ओको वचन ला पढ़न लाईक कसे | ऊ तुमला दूसरों विश्वासीहिन को संग मिल सारी ओकी आराधना करन लाईक भी बोलसे | तुमला दूसरों लोखहीन ला भी संगनों से की वन तुमरो लाईक का करिसे | अगर तुमि येन पुरो बातहिन ला करो , त तुमि ओका एक पक्का संगी बन जाओ |

*रोमियों 3:21-26, 5:1-11; यूहन्ना 3:16; मरकुस 16:16; कुलुस्सियों 1:13-14; 2 कुरिन्थियों 5:17-21; 1 यूहन्ना 1:5-10 से एक बाइबल की कहानी*

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_49_32kbps.mp3

## 50. यीशु वापसी आवने वालो से ।

https://openbiblestories.org/l/pwr/story-50/

![](https://cdn.door43.org/obs/jpg/360px/obs-en-50-01.jpg)

यीशु वापसी आवने वालो से । लगभग 2,000 साल लक भी अधिक, संसार मा पुरो जागा मा जादा ल जादा लोख मसीह यीशु को बारे मा शुभ संदेश ला आएक रया सेती | कालीसिया कि बड़ोतत्री होए रई से | यीशु न वादा करिसेस की ऊ संसार को आखरी मा वापिस आहे | आब वरी ऊ वापसी नहीं आईसे , तरी ऊ आपरो वादा ला पुरो करे|

![](https://cdn.door43.org/obs/jpg/360px/obs-en-50-02.jpg)

जब की आमी यीशु को वापसी आवन की राहा देख रया सेजन, परमेश्वर आमरो सीन येन तरीका लक जीवन जीवन की इच्छा राखसे जो पवित्र से अखिन जो ओको आदर करसे| जब यीशु येन जागा मा रव्हत होतो तब वन कहीस, "मोरा चेला संसार भर मा पुरो जागा को लोखहिन ला परमेश्वर को राज्य को बारे मा शुभ संदेश प्रचार करेती, अखिन तब अंत आए जाए|"

![](https://cdn.door43.org/obs/jpg/360px/obs-en-50-03.jpg)

बहुत सारी जातीहिन न आब वरी यीशु को बारे मा नहीं आएकी सेन| स्वर्ग मा जान को पहीले , यीशु न मसीहि लोखहिन ला शुभ संदेश सागन लाईक कहीस जेन येला आब वरी नहीं आयकि सेस| वन कहीस, "जाओ अखिन पुरो जातीहिन को लोखहिन ला चेला बनाओ ! " अखिन " कटाई करन लाईक खेत पक गया सेत ! "

![](https://cdn.door43.org/obs/jpg/360px/obs-en-50-04.jpg)

यीशु न यव भी कहीस, "कोई आदमी को नवकर आपरो स्वामी सीन मोठों नहीं होए| येन संसार का खास लोखहिन न मोरोसिन नफरत करिन , अखिन मोरो वजह लक तुमला भी सताएती अखिन मार डाकेती | येन संसार मा तुमि पीड़ित होओ , पर मजबूत बनो , काहेकी मीन शैतान ला हराय देईसेव जो येन दुनिया पर राज्य करसे | अगर तुमि आखरी वरी मोरो विश्वासयोग्य रहो , त परमेश्वर तुमला बचाए!"

![](https://cdn.door43.org/obs/jpg/360px/obs-en-50-05.jpg)

यीशु न आपरो चेलाहिन ला यव समझावन लाईक एक कहानी ला सागीस की जब संसार को अंत होए त लोखहिन को संग का होए| वन कहीस, "कोई आदमी न आपरो खेत मा साजरो बीज ला पेरिस| जब ऊ सोवत होतो त ओको दुशमन न आयसारि गहूँ को बीजईन मा जंगली झाड़हिन को बिज ला पेर देईन, अखिन मंग अदिक ऊ चली गएव|"

![](https://cdn.door43.org/obs/jpg/360px/obs-en-50-06.jpg)

"जब झाड अंकुरित भया त नवकरहिन न वन आदमी सीन कहीस , ' अ स्वामी , तुन त आपरो खेत मा साजरो बीज ला पेरेव होतोस | त मंग येकों मा जंगली झाड काहा का आए गया ? ' वन आदमी अन जवाब देईस , ' सिरप मोरा दुशमनच ओला पेरन ला देखेती | यव काम त मोरो कोई दुशमन को आए जेन असो करीसेस |"

![](https://cdn.door43.org/obs/jpg/360px/obs-en-50-07.jpg)

" वन नवकर न आपरो स्वामी ला जवाब देईस , ' का आमला जंगली झाड़हिन ला खंद लेए पयाजे?' वन स्वामी न कहीस , ' नहीं | अगर तुमि असो करो त तुमि कई गहूँ ला भी खंद लेओ | काटन को समय वरी बाट देखो| तब जंगली झाड़हिन ला गट्टा मा जमा कर लेओ की तुमि ओला जराए सिको| पर गहूँ ला मोरो खर्यान मा आनो|"'

![](https://cdn.door43.org/obs/jpg/360px/obs-en-50-08.jpg)

चेलाईन न येन कहानी को मतलब ला नहीं समझिन , येकोलाईक ऊन यीशु सीन ऊनला समझावन लाईक विनती करिन| यीशु न कहीस , " साजरों बीज ला पेरण वालो आदमी मसीह को नेतृत्व करसे | खेत दुनिया को नेतृत्व करसे | साजरों बीज परमेश्वर को राज्य का लोखहिन को नेतृत्व करसे|"

![](https://cdn.door43.org/obs/jpg/360px/obs-en-50-09.jpg)

" जंगली झाड़ वन दुष्ट आदमी , शैतान को लोखहिन को नेतृत्व करसे | वन आदमी को दुशमन शैतान को नेतृत्व करसे, जेन जंगली झाड़हिन ला पेर देई होतीस | कटाई येन संसार को अंत को नेतृत्व करसे, अखिन कटाई करण वाला परमेश्वर को स्वर्गदूतहिन को नेतृत्व करसे|"

![](https://cdn.door43.org/obs/jpg/360px/obs-en-50-10.jpg)

" जब दुनिया को अंत होए तब स्वर्गदूत वन पुरो लोखहिन ला एक साथ जमा करेती जो शैतान का सेत| वय स्वर्गदूत ऊनला एक बहुत जादा जारतो इस्तों मा फेक देएती| वहाँ वय लोख भयंकर विरोद मा रोएती अखिन आपरा दाँतईन ला रगड़ेती | पर जे लोख धर्मी सेत , जेन यीशु को अनुसरण करीसेस , वय ओको परमेश्वर बाप को राज्य मा सूर्य वाणी चमकेती |"

![](https://cdn.door43.org/obs/jpg/360px/obs-en-50-11.jpg)

यीशु न यव भी कहिसेस की वन संसार को अंत होन को पहले येन जमिन पर वापिस लौटे| ऊ वन तरीका लक वापिस आए जसो ऊ गएव होतो | यानेकी , ओको जवर सहिमा को देह रहे, अखिन ऊ आकाश मा बादर पर सवार होएसारी आए| जब यीशु वापिस आए , त जो हर एक मसीह मर गया सेती वय मरेव मालक जिन्दा होय जायेती अखिन ओकोसीन आकाश मा मिलेती|

![](https://cdn.door43.org/obs/jpg/360px/obs-en-50-12.jpg)

तब जो मसीही आब भी जिन्दा सेत वय आकाश मा ऊठाए लेएव जायेती अखिन वन दूसरों मसीहीहिन को संग मिल जायेती जो मरेव मालक जिन्दा होएती| वय सब जन वहाँ यीशु को संग रहेती| ओको बाद मा , यीशु आपरो लोखहिन को संग रहे | जब वय एक साथ रहेती त ऊनको जवर हमेशा को लाईक पूरी शान्ति रहे |

![](https://cdn.door43.org/obs/jpg/360px/obs-en-50-13.jpg)

यीशु न ओको पर विश्वास करण वाला हर एक जन ला एक मुकुट देन को वायदा करीसेस| वय हमेशा को लाईक परमेश्वर को संग हर एक चीज पर राज्य करेती | ऊनको जवर सही की शान्ति रहे|

![](https://cdn.door43.org/obs/jpg/360px/obs-en-50-14.jpg)

पर परमेश्वर ऊन सब को न्याय करे जे यीशु पर विश्वास नहीं करत | ऊ ऊनला नरक मा डाके| वहाँ वय रोएती अखिन आपरा दाँतहिन ला रगड़ेत , अखिन वय हमेशा लाईक दू:खी रहेती| कभी नहीं बीझान वालो इस्तो ऊनला जरावतो रहे , अखिन कीड़ा ऊनला खान लाईक कभी नहीं रकन का|

![](https://cdn.door43.org/obs/jpg/360px/obs-en-50-15.jpg)

जब यीशु वापस आए , त ऊ पुरो तरीका लक शैतान को अखिन ओको राज्य ला नाश कर देए | ऊ शैतान ला नरक मा डाक देए | वहाँ शैतान हमेशा को लाईक नरक मा जरत रहे , ऊनको संग जेन परमेश्वर को बात ला मानन को सिवाय शैतान को मंग चलन को चुनाव करिन होतिन |

![](https://cdn.door43.org/obs/jpg/360px/obs-en-50-16.jpg)

काहेकी आदम अखिन हव्वा न परमेश्वर को आज्ञा ला नहीं मानिन होतीन अखिन पाप ला येन संसार मा धर सारी आया होता , परमेश्वर न ओला श्राप देईस अखिन ओला नाश करण की सोचीस| पर कोई दिवस परमेश्वर एक नवो स्वर्ग अखिन एक नवो जागा की रचना करे जो सहिमा रहे| यीशु अखिन ओका लोख वन नवो जागा मा रहेती , अखिन ऊ हमेशा को लाईक पुरो चीजहिन पर राज्य करे | ऊ लोखहिन को डोराहि कि हर एक आँसू ला पोंछ देहे| आता कोई पीड़ित या दु:खी नहीं रव्हन का | वय रोवन का नहीं| वय बीमार नहीं होनका अना नहीं मरन का | अखिन वहाँ काई बुरोई नहीं रव्हन की | यीशु आपरो राज्य पर न्यायपूर्वक , अखिन शान्ति लक राज्य करे | ऊ हमेशा लाईक आपरो लोखहिन को संग रहे| मत्ती 24:14; 28:18; यूहन्ना 15:20; 16:33; प्रकाशितवाक्य 2:10; मत्ती 13:24-30; 36-42; 1 थिस्सलुनिकियों 4:13-5:11; याकुब 1:12; मत्ती 22:13; प्रकाशितवाक्य 20:10, 21:1-21 लक या एक बाइबल मा की कहानी........

Audio: https://git.door43.org/translationCore-Create-BCS/pwr_obs/releases/download/v1/pwr_obs_v1_50_32kbps.mp3